Av temps que cil Oiſiau ſauuage
Chantēt doucemēt Maīt langage
Aloie ſeulz par .I. boſcage
.i. ceꝛf chacant
Lichien aloiēt glatiſant
Sieſcoutai ⁊ ou hautement
Les vn deſtour
Pucelle vi de noble atour
Bien atournee
Ne ceſtoit pas v՚s moi toꝛnee
Mais ſa teſte adeſtournee
De ſa couronne
Son chief blōt doꝛe deſgalōne
Tout le bꝛueil et le gaut Reſonne
de ſon cleꝛ ton
Maint dous veꝛbelet ⁊ maīt sō
Faiſoit adont en ſa chancon
Bien lentendi
Elle chanta le gaut tanti
Et ie coꝛnai le bois bondi
Et elle ſetoꝛne
Mais n'ot pas vis pēſie moꝛne
Car on li ſoulaus quant Aiourne.
v temps deſte
Ne fu ſi cleꝛs en ſa clarté
Cōme elle eſt en ſa clarté
Dont memeꝛueille
Chief ot blōt ⁊ petite oꝛeille
Yeus atraiēs bouche v՚meille
Goꝛge ot plꝰ blanche
Q՚ neſt la noif deſus la bñche
Le bꝛas eſtoit deſous lamāche
Gras ⁊ roont
Ne doi pas oublieꝛ lefront
Qⁱ eſtoit le plus biau du mont
⁊ ſon cleꝛ vis
eſtoit plus biaus Que fleur delys
Nuez polis
poꝛ eſtre miex Lauoit nature
Dun v՚meil roſe adꝛoiture
Auſi cō d'une poꝛtraiture
Deſſus ſa face
Li cour eſtoit plꝰ blās q՚ glace
Ne croi que dieus iamés Tel face.
q՚ sōt les mains
Li coꝛs eſt lons ⁊ gros ⁊ plaīs
Les mameletes
ſt՚ petites Et rondetes
Vn pou plꝰ groſſes q՚ pōmetes
Sous la cotelle
peꝛoit lepis Et la foꝛcelle
Ie croi q՚ de mille ſi belle
Na mis memoire
Sa cote eſtoit dū ſamis noire
Trop bn̄ liſiſt ce poez croire
A grant deuize
La char eſtoit ſous lachemiſe
Douce tandꝛe ⁊ aliſſe
Sadꝛoit la los
Graſſe eſtoit ſus deliez os
Se diex me doīt pes ⁊ repos
Elle chantoit
.I. lay ſi bn̄ qui i conuenoit
Et ſi doucement le notoit
Q՚ oiſſillon
venoient oir La chancon
Elle ot haute vois ⁊ cleꝛ ton
Si eſt apellee
la blonde De lande doꝛee
Deuāt moi eſtoit deſtrecee
Les treſces blondes
Si vōt ſur les talōs a ondes
Creſpeletes ceſt toꝰ limondes
Ce meſt auis
Q՚lle auoit gēt coꝛs ⁊ cl՚ vis
Les iex riās le nes traitis
Et la bouche( groſſe) Petite veꝛmeillete
Onc ne vi ſi ſauoꝛouſete
Se dieus me ſaut
Ie mareſtai en mi le gaut
Le cueꝛ me fremit ⁊ treſaut
De ſa biauté
Li bois eſtoit v՚t fueillote
Li oiſſiau poꝛ le tēps deſte
Ses ioiſſoient
Et ſur les arbꝛeſiaus chātoiēt
Sous ⁊ lais et notes Diſſoient
trop doucement
Sen vōt ca ⁊ la flagolent
Amours loant ⁊ relāt
En leur latin
Encoꝛe eſtoit aſſez matin
La belle eſtoit deſous .i. pin
Si eſcoutoit
Les oyſſiaꝰ pꝰ recōmācoit
Le lai q՚ ci tres bn̄ diſoit
Quē ce teꝛme
retentiſſoit Gaut et gaudine
Bois et pꝛés de ſa uois Seꝛine
fet retentir
Ie qua li regardeꝛ tentir
Metint tous quoir sās mot tentir
Et el m'auize
Mes neſt pas pour moy ētrep՚ſe
Leua ſoi quelle eſtoit aſſiſſe
Moult doucement
Ma dit poinſonnet bn̄ veinant
Liceꝛs ſen ua ꝑ ci courāt
Droit veꝛs le bos
Mais vos cheuaus Vient moult repos
Car moult eſt aus eſpeꝛos los
Si conme ie croi
Faites que ſage crees moi
Demoines vꝰ auecq՚s moi
Si me dirés
Des nouuelles q՚ vꝰ ſauez
Et ie ſe oir ē volez vꝰ
ē diray
Auſi de celles q՚ ie ſai
Ie deſcens ſaus faire delai
Sila ſalue
Celle qui neſt pas esꝑdue
Mefiſt ſeoir ſus leꝛbe dꝛue
Loꝛs me demande
Sire fiſt elle ie ē grande
Ml՚t eſté de ceſte demande
Que ceſt amours
Ha; belle ceſt plesās doulours
Leeſce plaine de triſtours
Dont mis ne veult
gueꝛir Des maus dōt il ſe deut
Mes en ioie ⁊ ē gré requeut
Tout le vouloir
De celle qui le fait doloir
Amͦs ſia ml՚t gñt pouoir
Conme eſpeꝛites
Les vns fait liez les aut՚s triſtres
Et ne rent pas touz ioꝛs meꝛitez
Se lonc de ſeꝛtes
Quamours ſe rent Aus uns apeꝛtes
Aus autres cellee couueꝛte
Pour ſa maiſtrie
Am˞s eſt en paour hardie
Q՚ lou elle eſt plus aſaillie
Plus entrepꝛent
Amours ſengendꝛe En regardant
Oꝛ me dites raiſon ꝯmēt
Ie uous empꝛi
Ma damoiſſelle vés le ci
Tout auſi ſoſt cō ie vꝰ vi
Ie uous amai
P˞ la biauté q՚ ieſgardai
⁊ p˞ le bn̄ qu'ā vous trouuai
Car par nature
Ainme on la belle creature
Qñt on voit ſa douce faiture
Et par raiſon
Doit ō ameꝛ sō maītiē bon
Ces .ij. choſes ē vꝰ trouuō
Qui vous eſgarde
Diſt celle qͥ neſt pas muſarde
Dieus fiſt elle ꝯme il me Larde.
de biau parleꝛ
Mais oꝛ leſſōs ſe ci eſteꝛ
Mes pꝰ quam˞s poꝛ eſgard՚
Eſt engendꝛee
Conmēt eſt elle v cueꝛ gardee
Ou neſt pas toꝰ ioꝛs ala bee;
En regardant
⁊ donq՚s naīmēt li amāt
Foꝛstātq՚ la dame eſt deuāt
Ou damoiſſelle
Oꝛ eſcoutez tres douce belle
Souuenir ou coꝛs renouuele
Le mau qui tient
Quar quant ō enpart Il ſouuient
Du gñt bn̄ q՚ celle maītiēt
Qu on deſire
Miex qñ ꝑchemin ni encire
Le fait de dens le cueꝛ eſcrire
Celle ſemblance
Ceſt li miroueꝛs deſplesāce
Qⁱ le cueꝛ garde ē remēbꝛāce
Et loins et pꝛés
Biau ſire oꝛmedites ap՚s
Ie ſeꝛoie enuieuſe adés
Damour damie
Ꝯmēt elle eſt v cueꝛ nourrie
Qⁱl conmēnt q՚ choſe qͥ aīme
Ait nourrement
Ma damoiſſelle ē eſpeꝛāt
Lamour riſſēt li fin amāt
Q˜r eſpeꝛāce
la nourrit Du let de ſouſfrance
Qⁱ le cueꝛ garde en atēdance
Quan coꝛ aura
meꝛci Qñt bien ſeꝛui aura
Ainſi dame ne doutez ia
Li fin ami
quōt esꝑāce de m՚ci
Si ſt՚ aꝑt lie ⁊ ioli.
net ⁊ loial
Sire; ci ne voi ie nul mal
De quoi ſe plaīgnēt ci vaſſal
Si durement
Quaucūs ſe plaīgnēt ēchātāt
Q˜m˞s leur fait ml՚t detoꝛmēt
Et de martire
A ce que ie vous oï retraire
Amours me ſemble Debonnaire
a ſez ſougis
Belle li tres loiaus amis
A trop de mal ce meſt auis
Et de dolour
Deſirreꝛs lo ciſt ⁊ poour
Et mauꝑlāt qͥ nuit ⁊ iour
Li font damage
Deſir li met v cueꝛ la rage
Dont il qͥeꝛt ſouuēt sō dōmage
Sauez cōment
Car li feus alume ēſouflāt
Si fait l'amour ēregardāt
Il fait ainſi
⁊ deſir fair aleꝛ lami
Veoir la belle au cueꝛ ioli
Vaille que vaille
Et ē loſtel aura meꝛdaille
Qⁱ tos dirōt cilz ſetrauaille
Que vient il queꝛre
Viēt il poꝛ madame req՚rre
Par ſaint geꝛmain
Iel dirai anuit ou demain
Nous sōmes du vin ⁊ dupaī
A monſeigneur
⁊ cil li reqͥeꝛt des hōnour
Nous ſeriēs ſi traitour
Ceꝛtainemēt
Ie pꝛi a dieu qͥl les ament
Car trop fōt de mal al'a māt
Et alamie
Ci la reſueillent ialouſie
Qⁱ dirai ē chieꝛe marrie
aufin ami
Vaſſaus mō hoſtel vꝰ deſdi
⁊ ſi venez ie vꝰ deſfi.
car ie nai cure
Dōme aſi cointe veſture
Loꝛs aura cil duel ⁊ rācurie
Painne et paour
Poour de ꝑdꝛe le retour
Poour de faillir alamour
Que tant deſirre
Belle onq՚s dieus ne fiſt mr̃tire
Qui onq՚s eüſt toꝛmēt pire
Dun fin ami
Qñt il ne puet trouueꝛ m՚ci
Neis meſdisāt lōt aſailli
Qui dieus doint honte
BElle oꝛauez oui mō conte
Et elle me reſpōt viconte
Bon gré vous ſai
De ce quoy dire vous ai
Car ie croi ml՚t bn̄ q̃ leſſai.
auez eſté
Dame ſe fin mon .i. eſté
Mais diex ma icelui oſte
Que tant amoie
Nonq՚s mes riēs ame nauoie
Et ceꝛtes entalēt auoie
Que ia namaſſe
Mais vo gent coꝛs vo douce face
Le cueꝛ me lie ⁊ me lace
Tant doucemēt
Car a vous me donne ⁊ meꝛent
De cueꝛ de coꝛs entieꝛemēt
⁊ ſi vꝰ pꝛi
q՚ vꝰ mep՚nez a ami
Q՚ ſe nauez de moi meꝛci
Sachieꝛ de voir
Nulle autre nelenpuet avoir
Car i'ai tout mis ſans (⁊ ſauoir) ⁊ pooir
cueꝛ ⁊ deſir
A vꝰ ameꝛ ſans repantir
Ie vꝰ pꝛi q՚ par vo plaiſir
Soie en vo grace
Gente de coꝛs belle de face
A vꝰ me doīs ē ceſte place
Sans ia mouuoir
Voſtre ſui ne mē dois doloir
Oꝛ en faites vr՚e vouloir
tout a deliure
Car ꝑ vꝰ pꝰ moꝛir ou viure
Elle reſpont eſtes vꝰ iure
quēſi ꝑles
Conq՚s mes veue ne mauez
Et dites q՚ ſi foꝛt mames
Conmēt puet ceſtre
Dame p˞ /dieu le roy celeſtre
Qⁱ me fiſt viure ⁊ mefiſt neſtre
Ie vous creāt
q՚ onq՚s mes Name riens tant
Ne de cueꝛ ſi par faitement
Par cel ſeignour
Que len apelle creatour
Sire ceſt foꝛ choſe damour
Ce meſt auis
Ie ne notroi ne ſe neſcondis
Aincois retien auoir auis
Sur no pꝛieꝛe
Mes p˞ce qñ maīte manieꝛe
Mauez am˞s fait vil ⁊ chieꝛe
Et male ⁊ bonne
⁊ ſachiez q՚ pas ne me dōne
Mais de bō cueꝛ vꝰ abādōne
.I. tel otroy
Auq՚l ne weil ſoiēt q՚ troi
C'Eſt le marquis Et vous ⁊ moi
Ali ires
ouſe non Ienuoieꝛe
Et vꝰ pꝛie q՚ lie demandez
q̃ plꝰ trouué
Q˜ lōc tēp amour eſpꝛouue
De poour ou de ſeurte
Biens ou doulours
Ou dameꝛte ou de doucours
Ou de plaiſſirs ou de poours
Que il vous die
⁊ ſil trueue plꝰ gn̄t ꝑtie
De ioie ⁊ de douce vie
ē bn̄ ameꝛ
Q՚ de maus ie weil acoꝛdeꝛ
A ce q՚ i vous oï roeꝛ
⁊ vꝰ ameꝛai sās faus˞
ꝑfaitem̄t
Mais sō plus de mal iatent
Q՚ de bn̄ ſachiez nullemēt
Ne mi metroie
P˞ ce vous cōmāt ⁊ vꝰ pꝛoie
Dui en .i. an dꝛoit vr՚e voie
Deſous ce pin.
tenez ſi ſoiez bn̄ matī
Adonq՚s ſi oꝛrés la fin
De vo requeſte
.I. chapiau me miſt ſoꝛ ma teſte
Adont alai ap՚s ma beſte