Royne du mont chiez Ainſi eſt apelee
/Saint ꝑe itiēt ſa clef /Saint pol itient ſ'eſpee
Mais ꝑ enchātem̄t Eſt de ca trāſlatee
Ou l'ē ret ⁊ rooīgne Et robe a rādōnee
Le pape de /rōme eſt Souuerain de l'egliſe
A qui creſtienté Eſt ſubgete et ſouſmiſe
Vicaires eſt de dieu Mais en /frāce ſ'i deuiſe
Diſmes de /guelphes Qⁱ ont mais n'i fu pꝛiſe
D'une ꝑt il aſſault Et d'autre eſcōmenie
P˞ ce q՚ de sō dꝛoit Il lye ⁊ ſi deſlie
Et pape ⁊ ēꝑere Si veult q՚ l'ē le die
De /loys de /bauiere Ne ſ'i acoꝛde mie
Dv pape croit qu'il ſoit Saint et iuſte ꝑsōne
Car le pooir de lui Ꝑ toute t՚re ſone
Il fait tout biē ⁊ dꝛoit Ou ſ'il pꝛent ou ſ'i dōne
Mais /guilelme geut A ce pas ne ſe dōne
Prouuēdes done il Digͥtez benefices
Aus riches ⁊ a ceulz Qⁱ ml՚t ont de delices
Mais des clers ſouffiſans Met on biē hoꝛs des lices
Qñt des fox ſages fait Et des ſages fait nices
C'eſt tout dꝛoit quāque fet Ce ſeroit ſymonie
Car tout ꝑtout eſt ſien Mais la poure clergié
Des benefices dit Q՚ dꝛoit n'eſt pas ꝑtie
Faire ⁊ defaire puet Ꝑ .j. petit d'eſcroe
Auec ſes cardinaus Qⁱ font entoꝛ ſa roe
(Ꝑ .i. petit d'eſcroe Auec ſes cardinaus)
(Qⁱ ſont en tour ſa roe [...])
Mais d'aiſe n'eſt pas Cōme poiſſon qui noe
Car il n'oſe ſaillir N'iſtre de ſa cadot
Li frere cardinal Avirōnēt le pape
Et le gardent de pꝛez Siqⁱl ne leur eſchape
Mais chaſcuns d'eulz en pꝛēt Ou tout ce qͥ atrap
Car qui ne puet humer Meſtier li eſt qu'il lape
Cardonaꝰ ſi ſont dit Cardinaus cō cardōns
Car ꝑ eulz tolt ⁊ oeure Li papes ſes ꝑdons
Mais chardōs chardōnaus Interpetrent chardōs
Car il eſchardent gēs Et pꝛēnēt aus lardōs
Li pꝛelat ſont ſacre Et poꝛ ce font le ſacre
Doien et chancelier Chātre ⁊ archedyacre
Diſmes et rentes ont Et de terre maīte acre
Mais de leurs bochis font Souuent diuers macacre
Pour leurs egliſes ont Li p՚lat maīte paīne
A tours ⁊ a palais L'en les maīne ⁊ p˞maine
Mais de leurs diſmes ont
Et les ſeigneurs ſouuēt Sans entamer les ſainne
Li p՚lat iurent tuit garder entierem̄t
Leurs dꝛois de leurs egliſes En leur ꝯmēcem̄t
Mais p՚las obeiſſent Treſtout naturelm̄t
Plus au roy a garder A dꝛoit leur ſerem̄t
Li pꝛelat ſont paſtour poꝛ ce noꝰ conuiēt pꝛeſtre
Loꝛ ſubgiez ⁊ en ce faiſant Le font congnoiſtre
Leurs paſtours mais pluſoꝛs Font meſſonn՚s eſtre
Veulent poꝛ leurs bꝛebis Moꝛdꝛe a deſtre a ſeneſtre
Intre ces p՚las pꝛent Primas et partiarchs
Qⁱ de l'autrui ſont riches Et me tient en leurs arches
Mais au re ſtituer Se de rendꝛe les charges
Il oent biē ſans fait Q՚lq՚ ꝑt q՚ tu marches
Li clere qui ſont rente Li ſeculier chanoine
Li regulier auſſi Blanc ⁊ gris ⁊ noir moine
D'aumoſnes viuēt il Et du dieu patremoine
Mais dire leur ſouffiſt Au mouſtier vne antoine
Les benefices ont le gros Auec la greſſe
Et de leur dꝛoit auec Nulz d'entr'eulz ne ſ'euneſſe
Mais au mouſtier ne font Ne gñt chant ne gñt p՚ſſe
Ne des poures auſſint Ne leur chaut qⁱ les peſſe
Cure ꝑochial puis qⁱl a cure d'ame
Qñt il eſt a ſon pꝛoſne Il ne toult a nul ame
Mais maīs aīme le clerc Qⁱl ne fait le bigame
Plus des moꝛs q՚ de vis Chante a la haute game
Qvant clerc eſt courōne Il pꝛent de ſa ꝑtie
Dieu ⁊ a lui ſe tient Homage li a ffie
Mais cilz renōce a ce Qⁱ apꝛez ſe marie
⁊ a marchié ſe ioint En deleſſant /marie
A /paris viegnent clerc Et poꝛ eſtudier
Dont a leurs parens font Les bourſes deſlier
Mais pluiſeur leur loez Miex aīment oublier
Et bouchlers ot motez Et les gens plaidier
Sans liure vont ſouuēt Itel clerc a l'eſcole
Et ceulz qⁱ pꝛeſtre ſont Et qui poꝛtent eſtole
Mais pis leur cōcubine Tiēnent il en geole
Et les dez la tauerne Souuent qui maīs afole
Cil de religion Qⁱ terres ont ⁊ rētes
A dieu ſeruir leur coꝛps Mettent ⁊ leurs entētes
Mais pluiſeurs marchiez fōt Dont ſans los il ont ventes
Mais de fames ſouuent Eſtrāges font parētes
En leurs maisōs les voi Des mains ſignifians
Et dedens leur mouſtiers Leurs chiez humelians
Mais hoꝛs ypocriſie Ont et enuie ens
Dont maīs groucēt de cuers Qⁱ des dens ſont rians
Li poure mendiant Quierent leur pain Sans faille
Et ſi vont pꝛeechant Mais nō pas poꝛ la paille
Car plus a aiſe ſont Sans denier ⁊ ſans maille
Q՚ ceulz qui ont treſoꝛs Et terres ⁊ aumaille
Iadis de poure habit Eſtre veſtu ſoloient
Et pꝛeechant a pié Ꝑ les pais a loient
Mais ſus les gras cheuaus Vont hui ⁊ ſe graſſoient
Ce ne pueent nier Car toutes gens les voient
Ainſi la pouerte vont pꝛeechant de bouche
Mais ce qu'il vont diſant Iuſq՚s au cuer leur touche
Il ſceuent biē veoiur En l'autrui air la mouche
Et le leur mal celer Plus q՚ l'autrui repꝛouche
Iil pꝛeechent ꝑtout A tous la foy diuine
Mais plus des teſtamens Sceuent il le couuine
Et herbergent le plus Chiez roy ⁊ chiez royne
Ou la ouil verront Plus fumier la cuiſine
Il ſeruent a l'autel Et poꝛ ce dꝛoit cōma de
Q՚ de l'aute il aient Leur viure ⁊ leur amēde
Mais il fault q՚ bons vins En leur mēgier seſpāde
C'eſt rigle general Tuit aīment ceſte offrāde
Ces riches gens ſouuēt Font de diſners gñs feſtes
Ou char ont et poiſſon Et leurs viades p՚ſtres
Mais ſe bon vin n'i vient Qⁱ fait leuer les teſtes
Ia chancōs n'ē ſeront Dites ne bones g˜ces
Rendues et nōnaīs Filles dieu et beguines
Font maīs diu՚s en clins En ploiant leurs eſchines
Mais il pꝛēnent ſouuent Priuees diſciplines
Qⁱ leur valent au coꝛps Miex qu'autres medecines
Religieuſes ſont Se tu biē les regardes
Ꝑ dehoꝛs cō coulons Mais ꝑ de dēs renardes
Et ſous leu sīple habit Gietent maītes rafardes
Se tu rapꝛoches d'e les Gardes que tu ne tardes
Car le feu /.s՚. antoine Et le feu /.s՚. ſauuain
Embꝛaſe tous leurs cuers Qⁱ ne ſont pas po vain
Entre leurs cuiſſes eſt Tel chaleur ſoir ⁊ main
Il fault q՚ l'en yꝑde Ou teſte ou pié ou main
Li roy li duc li ꝯte Et li pꝛīce de terre.
Doiuent leur garder Et de grief ⁊ de guerre
Mais chaſcun ſi ſ'encloſt Oꝛendꝛoit ⁊ enſerre
Qu'ē ne les puet trouu՚ Qñt l'en les veult req՚rre
Dv pueple furent fait Li roy pꝛemierem̄t
Poꝛ eulz dꝛoit gouu՚ner Et mener bonem̄t
Mais l'en voit oꝛendꝛoit Faire tout autrem̄t
Et ꝑ diſme et ꝑtaille Et ꝑ e ſtoꝛchem̄t
Les pꝛinces ont ꝯſeulz Des lais et du clergié
Et du gouu՚nement Ont du tout le meſtrie
Mais leurs mauuais eſtas Reueler n'oſent mie
Car il veulent ſeruir Aus gñs de flat՚ies
Il eſtrillent /fauviau Mais encoꝛ le piē tiēnent
Aus pꝛīces qⁱl eſcoꝛchent Ꝑtout la ou il viēnent
Il ſont ꝑ tout pꝛenant Lons bꝛas ont Hault auiēgnent
Et cil qui ſont entour Taiſans leur bꝛas ſouſtiēnēt
Espiteulz conſeulz Ont cui dies leurs vices
Et poꝛ eulz font ſouuent V՚s dieu leurs ſacrefices
Mais de leurs maulz il n'oſent Mouſtrer ne leurs malices
Poꝛ ce qⁱl ont paour De ꝑdꝛe leurs offices
/Alixādꝛes des roys Ot plus de renōmee
Q՚ du monde ꝯquiſt Gñt ꝑtie al'eſpee
Mais il ot .i. ſeuros Car il voult de teſtee
Q՚ ꝑsōne enu՚s li Nule ne fuſt pꝛiſee
/Alixandꝛes ſi crut Le cōſeil /ariſtote
Le gñt /charle naymō Qⁱ n'ot pēſee ſote
Mais nos roys croient hui Conſeulz d'une autre note
Pour ce dit on de ceulz Des biens ala main moꝛte
Li roy cheuauchant furēt Iadis ꝑ les cō trees
Les pays cōq՚rans A banieres leuees.
Mais contr'eulz hui le fait En armes cheuauchees
Et en leurs chābꝛes ſont Auſſi cōme acouchees
Qui batus eſt l'amende C'eſt le dꝛoit de la poꝛte
Baudoier qu'oꝛēdꝛoit Couſtume noꝰ apoꝛte
Batus ⁊ rabatus Somes nr՚e gent moꝛte
Mais encoꝛ l'amēdons Se mais noꝰ deſcōfoꝛte
Des roynes cōnoiſtre De nōmer ne voꝰ chaille
Qⁱ pꝛēnent de l'autrui Mais tout metēt ē taille
El ſont de tres hault ſanc De quel q՚ ꝑt qu'ē aille
Mais leur lignage pou Leur faitioie qͥ vaille
Elles ont gñs cōſeulz Chl՚rs clers ⁊ lays
Ꝑtout ou elles vont Entours ⁊ en palais
Elles ne croient pas Tous canons toutes lays
Q՚ leur cōſeil leur diſe Ains en font gñs relais
Religieuſe gent Ont en leur ꝯ paignie
Qⁱ leur mouſtrent le bien Ꝑ leur pꝛeecherie
Mais de ce qu'ē loꝛ dit De la greignour ꝑtie
Oꝛeilles ont d'oyr Mais de fait n'ont il mie
Elles vont chaſcun ioꝛ Au mouſtier oir meſſe
Mais c'eſt pꝛés de midi Poꝛ ce qu'il n'aient p՚ſſe
Car el ſe couchent tart Poꝛ ce fault qu'ē les leſſe
Doꝛmir gñs matinees Poꝛ noꝛrir en leurs greſſes
Noblem̄t ſe maītient hui la cheualerie
De ſes fais ne veult pas Q՚ l'ē la cōtralie
Mais d'aler oultre mer N'a pas cote hardie
Se ce n'eſt apꝛez boire Ou qñt dite eſt cōplie
Noble de noble atour Poꝛ ce q՚ l'ē les voie
Et ꝑlant hautem̄t Poꝛ ce q՚ l'en les oie
Mais pluiſeur d'ētour eulz Sōt oiſiaus muans pꝛoie
Et paient de biaus mos Et nō pas de mōnoie
Iadis poꝛ los aq՚rre Et pꝛis et vaſſelage
Aloient ꝑ pays Et ꝑ t՚re ⁊ ꝑ uage
Mais hui vōt en riuiere Et chacier en boſcage
Les dames viſitant Ꝑtout en tapinage
/Hectoꝛ fu li plus pꝛeus de la gñt paiēnie
/Iudas li machabeus De la juiuerie
/Rollas des creſtiēs Mais q՚l q՚ l'en endie
Chaſcuns q՚ plus q՚ maīs Ot conuoitiſe amie
Hoſpitalier ſont gent De gñt auctoꝛite
Et de grnt herbeg՚ Sont duit d'antiquite
Mais oꝛendꝛoit il font Po d'oſpitalite
Et poꝛ ce hoſpitalier Sont a toꝛt verité
Cil qui au ꝑlem̄t Sont ꝑdeu՚s les ꝯtes
Font dꝛoit au finem̄t Mais atart c'eſt li ꝯtes
Aus enq՚ſtes auſſint Fait on ml՚ de racōtes
Aus req՚ſtes autel Hōneur n'eſt ce mais hōtes
La court du ꝑlem̄t Fait dꝛoit q՚l qⁱl demeure
Mal eſt q՚ cōtre ce Q՚le fait nul(a )hons oeure
Mais le roy ſoy ſa court Enſamble deſhoneure
Qñt il de ſfait ce qu'eſt Fait a ſi gñt demeure
Ivſticier cil qui ont Iuſtice a maī tenir
Le dꝛoit garder tous ioꝛs Leur deuroit ſouuenir
Mais l'en voit de pluiſeurs Q՚ pour les dons tenir
Font cauſes eſloignier Et a tart defenir
Baillif puoſt viſcōte Official vicaire
Ont ml՚t a eſcouter Et a faindꝛe et ataire
Mais ſi ſ'en ſceuent bel Et de leg՚ retraire
Qñt il voient les dōs Saillir en leur aumaire
Noſtre iuſtice laye Et l'ecleſiaſtique
Neceſſaire noꝰ ſont Chaſcune eſt autentiq՚
Mais l'en y boute ⁊ fiert Et ypoīt on ⁊ pique
Plus ne nominatif Q՚ l'en ne fait l'oblique
Diu՚ſes cauſes font En teulz coꝛs eſmeues
Dont ſentences ſe font Aucunes retondues
Droit ſi fait mais clochāt Souuēt poꝛ les moꝛues
Dont abſolutiōs S'ē sōt plꝰ ch՚ vendues.
Ce touche les pꝛeuos Et les officiaus
Li notaire y reſont Qⁱ font memoꝛiaus
Mais ſe ſeruis ne sōt De dōs eſpeciaus
Des fauuiaus ferōt gris Et des ferrans moꝛiaus
Li aduocas reſont Poꝛ ſes cauſes deffendꝛe
Le dꝛoit doiuēt garder Et au gñt ⁊ au mēdꝛe
Mais loꝛ lāgues ſi chier Veulent loer ſans vēdꝛe
Que a paine a leur gré Leur puet on loier rēdꝛe
Puis ſont ˞pcurateur Et cil q⁄ lettres poꝛtent
Souuent font de .ij. pars Mais les gens il en oꝛtent
Oꝛ a pais oꝛe a plait Oꝛ vont dꝛoit oꝛ ſe toꝛdēt
Et pour plus traire argēt Souuent ſ'entredepoꝛtent
Sergent de chaſtel ⁊ des coꝛs ia nōmees
Il viēnent ⁊ reuont Ꝑ pays ꝑ contrees
Mais il ne ſont pas tous De bone renōmee
Car maīt en ſont houlier Viuans de rē cō trees
Ualles huiſſiers de coꝛs Pluiſeurs sōt a la poꝛte
Mais a tart oeures l'uis S'on ne leur dōne ou poꝛte
Geoliers de pꝛiſon Si reſont de leur ſoꝛte
Li pluiſeur vont clochant Et vont la voie toꝛte
Sires phiſiciens Gariſſent les malades
Aucūs mais nō pas tous Mais leurs pōmes grenades
Et leur buurage trop Vendent amers ⁊ fa des
Dont oꝛ ont ⁊ argent Et les viādes ſafes
D'autre ꝑt reuoit on Ces gens apoticaires
Diuerſes medecines Font ⁊ diu՚s cliſtaires
Mais ſe l'ē muert ou vit Foꝛce n'i font il guaires
Mais qu'il ſoient ācois Paiez de leurs ſalaires
Cuillir les h՚bes font Eſpices font molues
Mais poꝛ bones ſouuent Baillent les coꝛrūpues
Phiſiciēne gent( e) En ſont bien deceues
Dont les vies en ſont Plus toſt q՚ dꝛoit tolues
Li marchéant qⁱ font Q՚l q՚ marcheādiſe
Souuēt le d՚. dieu Baillent ou diex n'eſt mie
Et ꝑ t՚re et ꝑ mer Grant paine ont poꝛ loꝛ vie
Mais leur puri oiſe font .x. fois valoir demie
Cil qui oeures de pois De nōbꝛe ⁊ de me ſure
Neceſſaires noꝰ ſont Mais chaſcuns pis meſure
A sō voiſin qu'a ſoy Poꝛ ce cōtre dꝛoiture
Vſent de double pois De diu՚ſe aleure
Bon ſont cil de meſtier Et neceſſaire au mōde
Mais conuoitiſe en tous Et en chaſcun habō de
En tre maīs general Eſt elle qu'il n'afonde
Mais ꝑ deſſus tout vait Afin q՚ tout confonde
Il n'eſt ſi bon cheual Si bone dꝛaperie
Ou n'ait quel que ſeur os Et traīme mal baſtie
Si bons blez ou il n'ait Ou chardons ou oꝛtie
Ce mait chaſcun meſtier Enoꝛdis ⁊ ꝯchie
Li meneſtrel y ſont Qui font meneſtrandie
Li vns ſcet d'ētrepiet Lautre fait d'eſtrampie
Mais quant li vns ſ'ē bat Sus l'autre il ont enuie
Et vouldꝛoit qu'il feüſt Es plains de /lombardie
Li coꝛratier reſont Au mode neceſſaire
Ꝑ leurs marchiez qͥ font Mais plus de leur ſalaire
Penſſent q՚ de ce qu'ont Poꝛ marchéans a faire
Poꝛ ce liſent a coꝛs Nō pas aoꝛdinaire
Marcheandiſe eſt bone Iuſtem̄t maītenue
Et neceſſaire a tous C'eſt choſe cōgneue
Mais mōnoie le fait Souuent deſconuenue
Qñt de ſon loial pꝛis Si ſouuent ſe remue
Li tau՚nier ſ'en vont Ꝑ maīte grant ˞puīce
Poꝛ acheter les vins Dont li roy et li pꝛīce
Et tuit ſon abuure Mais pas dieu ne reynce
Chaſcun a ſa meſure A dꝛoit mais la repince
Li vallet qui le vin Traiēt vōt ⁊ reuiēnēt
Et de mal faire entr'eulz Souuent ſ'entreconuienēt
Du vin pour autre traient Ou du pꝛis il retiēnent
Etmeſtraient dont puis Maītes noiſes eſmueuent
LAboureur ſont gens Aſſez beneurez
Meiſmem̄t ꝑ cui Terres ſont la bourees
Mais il font biē ſouuēt De maluaiſes ioꝛnees
Et tart viēnent a oeure Et toſt trueuent veſpꝛees
Et pour ce vont q՚rant Ꝑtout leur ſouſtēnace
Mais enuie ont entr'eulz D'auoir plus meſchéāce
Poꝛ plus d'aumoſne auoir Dont pour leur emouuāce
L'en leur leſſe abiē faire Et aumoſne et pitāce
Mariage eſt de ſous Li p՚m՚s ſacrem̄s
En ꝑadis fu fait De dieu meiſmem̄t
Mais gardez n'eſt de toꝰ Ne biē ne dꝛoitem̄t
Dont plait hōte ⁊ domage En ſourc cōmunem̄t
Et puis qu'ē tous eſtas Treuue l'en aredire
Q՚ fera dōt /gieffroy Qⁱ des mauuez eſt pire
Ce mōde pas n'amende Aincois vait en l'ēpire
Mais ſe mais plꝰ noꝰ uiēt De fourme q՚ matire
Es pꝛinces a oꝛgueil Es iuges fraude h՚ite
Li p՚lat ſont ſi maulz Li roidu ypocrite
De ꝑiurer ne ſont Li marchéant biē riche qͥte
Pou meſure ont ou pois Qu'ēn'i trueue redite
ES cloiſtriers a enuie Es vſuriers rapine
Ne eſt entre les gros Car l'un l'autre n'ēcline
Mais conuoitiſe a tous Dame eſtnō pas meſchine
Luxure qⁱ maīt regne A hōte ſe decline
Ainſi en tous eſtas il a ou pou ou maīs
Car ſe l'en dit du biē L'autre dit c'eſt voir mais
Oſtons dont d'entour noꝰ Tex mes ⁊ entremais
Se deſeruir volons le ciel A tous ioꝛ mais