CE fu ou moy pleſant de may
Que li ſoulaus Eſpant ſon ray
Et que cleꝛe eſt (Eſt )la matinee
Et li rieu courēt par la pꝛee
Et ꝑ le bois ⁊ par les plains
Tant q՚ maint kaues ē eſt plaīs
De ces ruis venās des fontaines
Li oiſſel deloꝛ vois hautaines
Font tentir riuieꝛes ⁊ bois
Tout dꝛoit le p՚mieꝛ ioꝛ du mois
De may q՚ ie ai ſus nōme
En lan dela natiuite
Noſtre ſeingneur mil trois cens
⁊ trentehuit .i. pou penſans
Tout ſeul ſus mō cheual aloie
Le ſantir d'une eſtroite uoie
Qⁱ a .i. bois memena dꝛoit
Ne faiſſoit trop chaut ne tºp froit
Ainz eꝛt cleꝛs ⁊ ſoues liours
⁊ mes cheuaus ala ētours
Le bois ⁊ de dēs bn̄ parfont
Regardai aual et amont
⁊ ne ui riens foꝛs ſeul oiſſiaus
Qⁱ chantent ſus les arbꝛeſiaus
A vois claretes ⁊ plaiſſans
Et tant de bn̄ mefiſt loꝛ chans
Q՚ dꝛoit illecques remanoir
Me conuint ſifis mō manoir
Dū arbꝛe haut gn̄t ⁊ foillu
Si biaus nauoie mes veü
Le bois regart ⁊ le tēps cleꝛ
Soy le chant dont pⁱs apenſeꝛ
A cel aqui i'ai tout donne
Mon cueꝛ de bonne voulenté
P˞ ſa biauté pour ſa valour
Ie croi qĩns diex ne fiſt meilloꝛ
Bn̄ ⁊ ſauoirs ꝑfaitemēt
Eſt en li. honneur me fiſt gñt
Amours qñt poꝛ moi leſtabli
⁊ plus grãt bn̄ mefet auſi
Ce q՚ veꝛs moi eſt tres loiaus
Mes dous repos ⁊ mes ſoulaus
Silain decueꝛ ſus toute rien
Pour le ſoulas ⁊ poꝛ le bien
Q՚ i'ai delui ſans vilonnie
Ceſt mon cueꝛ mō sās ⁊ ma uie
Meſpeꝛāce mō bn̄ monnour
Pansāt alui ē tel doucour
Vi venir par le bois le pas
A pié planté de gent non las
Mes viſtes ⁊ eſcourciez haut
Oꝛent leur dꝛas cōme bidaut
Eſpiez poꝛtēt lances ⁊ dars
Hardis ſemblent ꝯme liepars
Enſemble furēt plꝰ de vint
Maint chaceeur ap˞s eus vint
Qⁱ maīnēt les chiēs a couples
Damoiſſelles uint aſſez
⁊ dames ſus apeꝛs courſieꝛs
Qⁱ enlaiſſe maīnēt leurieꝛs
Alans eſpaīgne ⁊ chiēs meſtis
Coꝛs diuoire auoiēt faitis
Li plus delles pēdans as cous
Ie ne fis pas adont q՚ fols
Car ie uing eꝛrāmēt v՚s lour
Entre la gent vi mō ſeignour
Gaſton de lille ſans cheual
Tantos me diſt remō uidal
Deſcent apie pꝛen vne lance
Se diex vous gart demeſchéāce
Sire fic ie dites moy dont
Quel gent ſont ce qͥ par ci vont
⁊ il me reſpont voulentieꝛs
Le vous dirai mes amis ch՚s
Remon ceſt li contes de fois
Mes couſins ⁊ tu nel cōnois
Mes fr՚es meſire beꝛtrans
⁊ dautres compains neſai qñs
A o eilz ſi ont leur afaire
Apareillie pour chace faire
Oꝛ me dites des damoiſſelles
Et des dames qͥ tāt sōt belles
Qui elles ſont ne ſe chacieꝛ
Veullēt o uous oil de ieꝛ
Sont parties poꝛ chace faire
Qⁱ doit atreſtous les bōs plaire
Car chacieꝛ veulēt meſdiſſās
Qⁱ ſont ci aus amās nuiſans
⁊ la en pues vëoir tel paire
Dont chaſcune a plesāt viaire
Ia ala chace cōmancie
La belle blonde les chenie
Qⁱ tient eꝛminac ⁊ rodais
Des meſdiſans veult faire pais
O lui ma dame margueꝛite
Entre bōnes poꝛ bonne eſlire
S'il en ua nule ē ceſtui mont
Seſt viconteſſe de biaumont
⁊ cil ⁊ celles qui ci ſont
Et vꝰ meiſmes chaceꝛois
O ces .ij. que vous ai nōmes
Qⁱ de bn̄ ſont toutes comblees
Ie reſpondi liez ⁊ ioiaus
Sui de chacieꝛ faus meſdisās
Mes ou les pourrō nous troueꝛ
Dont me diſt il a vn ſangleꝛ
Qⁱ demeure dedens ceſt bois
Grans ⁊ hydeus coꝛſus ⁊ noirs
Eſt demoure y a lonc temps
Si a bn̄ .i. conte de dent
Oꝛ poꝛrez oir gñt meꝛueille
Ainz mes noiſtes ſapareille
Cilz poꝛs dōt ie vꝰ vois ꝑlāt
Fu iadis homs gñt ⁊ puiſſāt
De coꝛs ⁊ damis ⁊ davoir
⁊ de teꝛre ⁊ moult ot pouoir
Mes faus ⁊ meſdisāt eſtoit
Sique plus eſtre nel pouoit
De tous meſdiſoit a relay
Des hōmes fuſſent cleꝛ ou lay
De dames ⁊ de damoiſſelles
⁊ mariees ⁊ pucelles
Nul ne pouoit alui dureꝛ
Tant eſtoit plains demeſparleꝛ
Pres de lui eſtoit vns chaſtiaus
Ou demouroit .i. damoiſſaus
Qⁱ biaus eſtoit adés meſure
En lui foꝛmeꝛ ot mis nature
Toute ſentante ⁊ ſon pouoir
Si biaus eſtoit a dire voir
Q՚ nus ne le pourroit deſcrire
Ne cueꝛ penſeꝛ ne bouche dire
S'il ieꝛt biaus plus ot bonté
Sans ⁊ valeur ⁊ honneſte
Neſtoit pas filz de vauaſſour
Mes filz de dame ⁊ de ſeignour
Vint ⁊ .ij. ans pouoit auoir
⁊ nëant plus a dire voir
Pres d'eus manoit vne pucelle
Se cilz ieꝛt biaus elle eꝛt plus belle
Et de bien ⁊ donneur
Si plaīne
Quelle en ieꝛt
la dꝛoite fontainne
Tant auoit enlui debonté
Q՚ detous bn̄s auoit paſſe
Celles quains furēt ⁊ sōt oꝛés
Et qui eꝛent au tēps deloꝛes
Ainſi com renōmee poꝛte
Sus tretoute lonneur ēpoꝛte
Ml՚t eſtoit daage auenant
Acomplis n'auoit pas .xx. ans
De haut lignage eſtoit iſſue
⁊ de gent de ml՚t gñt value
Amdui loiaument sētrameꝛēt
⁊ foi ⁊ honneur ſe poꝛteꝛēt
En ce bn̄ veſquirēt lōc tēps
Elle amie ⁊ li urais amans
Ml՚t viuoient acheꝛe lie
Nus deulz ſi n'ot dautrui ēuie
Et pour l'amour dela pucelle
Fiſt cil mainte pꝛoeſce belle
Li felons traitres puans
Ciſt le chieꝛres ciſt meſdiſans
Qⁱ pꝛés de ces .ij. demouroit
Ꝑ pou li cueꝛs ne li creuoit
Qñt apeꝛcut leur bonne vie
Dont cuida bn̄ mourir denuie
Diſt q՚ petit ſe pⁱſſeꝛoit
Sem bꝛief dolens ne les feſſoit
Dont cōmanca deus ameſdire
Je ne vous pourroie ie tout dire
Mes tant furent ſi ꝑleꝛ fieꝛ
Qⁱ conuint ces .ij. eſlonnieꝛ
Car par meſdit a ſi troublee
Leur belle ⁊ bonne renōmee
Q˜ pou dutout ne lōt ꝑdue
Ꝑ ſa mauueſſe langue ague
Cil dui urai amāt qͥ ſage eꝛēt
Qñt connurēt ⁊ auiſeꝛēt
Q՚ len enſement deulz ꝑloit
Ml՚t furēt leur cueꝛs a deſtroit
Par a coꝛt ne ſe ueꝛrōt mes
Ce dient il ſi ſeꝛa mais
Iuing iuingnet ⁊ aouſt paſſez
Bn̄ le tindꝛent mes maus aſſez
En ſouſfri puis li damoiſſiaus
Qⁱ tant eſtoit ⁊ bons ⁊ biaus
Q˜r qñt il vit q՚ conſirrieꝛs
Le conuint par foꝛce daleꝛ
Veꝛs ſa dame q՚ tant ot chieꝛ
Il peꝛt le boire et le meng˞
Pales des couloures deuint
Du mal qui au cueꝛ foꝛt li tiēt
Ne ſot que dire ne elle faire
Poꝛ le mal qͥ li conuint traire
Leſtut du tout ali lit venir
Entel point qu'il cuidoit moꝛir
Autreſi fiſt
la damoiſſelle
Qui tant eſtoit
⁊ bonne ⁊ belle
Car leur deſtreſce ⁊ leur doulour
Leur acroiſſoit de ioꝛ ē iour
Li danziaus qͥ touz taīs eſtoit
Fu .i. ioꝛ du mal ſi atains
Quan cuidoit qͥ deüſt ꝑtir
Du ſiecle ⁊ illeques fenir
Gñt piece ſouffri cel toꝛment
Qⁱl n'ot ne ne voit ne nentant
A chief ſepiece eſt reuenus
Ꝑla dit dame venus
La deeſſe des amoureus
⁊ vꝰ urais diex d'am˞s qͥ tiens
Eſtes que vꝰ touz cōnoiſſiez
Les penſeꝛs vꝰ pꝛi quadꝛeciez
Soit vos pouoirs ⁊ vos veniāce
Sus celui par qͥ tel greuance
Meſt hui toꝛnee ſus le coꝛs
Siuraiemēt conq՚s ēcoꝛs
Iour ē ueꝛs vꝰ ne meſſeꝛui
Ne ueꝛs celle q՚ i'ai ſeꝛui
⁊ ſeꝛuirai toute mauie
Sanz penſeꝛ rain de vilōnie
LI urais diex damours
touz puiſſans
Li gouueꝛneꝛres
Des amans
Sa pꝛieꝛe recut engre
Et eꝛranmēt il a ouuré
Car ce mal meſdisāt felon
Qⁱ onq՚s ne fiſt ſe mal non
Deuant treſtoute ſameſnie
Qⁱ ſeꝛui lot toute ſauie
Droit ou milieu de ſon palais
Ou eſtre cuidoit plus em pais
En vn poꝛc ſanglieꝛ le mua
Toute la gent ſen meꝛueilla
Qñt deles eulz virēt tel beſte
Il ne ſeuent q՚ ce puet eſtre
Ꝑ le dieu damours voulenté
Saillirēt ſus en talente
De lui ocirre ⁊ detrenchieꝛ
Loꝛs ſaut ē ce bois vīt tout dꝛoit
Il a bn̄ .C. ans oꝛendꝛoit
⁊ a tant teꝛmes li fu mis
Dōt dieu qͥ nieꝛt pas ces amis
Ce teꝛme paſſeꝛ ne pouoit
Mes dꝛoit ace point moꝛt ſeꝛoit
Par les plꝰ amoureuſſes gens
Qⁱ ſeꝛoient aicel temps
Bn̄ croi ces teꝛmes eſt venus
Poꝛ ce sōmes nous eſmeüs
Ꝑ tans le ueꝛrez eſleueꝛ
Adont cōmanca a coꝛneꝛ
Ses freꝛes meſire beꝛtrans
⁊ chaſcune vait des tachans
Les chiens qui bn̄ ſeuēt tracieꝛ
P՚mieꝛs ꝯmanca deſtachieꝛ
Margueꝛite dechauegni
Deus chiens dont
l'un ot non ainſi
Belacueil qui bien
Vait cheꝛchant
Lautre leeſſe eſt puiſſant
Pour meſdiſſant meneꝛ amoꝛt
Elle eſcrie pour confoꝛt
Belacueil alez bn̄ ceꝛchant
Belacueil vous ſauez bn̄ tant
Q՚ faites meſdiſſant creueꝛ
Pres de vꝰ ne puet demoureꝛ
Belacueil nul mauués felon
Leeſce ꝑ bōne reſon
Le deuez vous ceꝛchieꝛ tout tās
Leeſce confont meſdiſans
Qⁱ ont dire tout le cueꝛ pꝛis
Il ne veulent ne ieu ne ris
Pource leeſce les confont
Ceꝛchiez aual ceꝛchiez amont
Le ſanglieꝛ qui tāt eſt mauuez
Blanche de foys
Sen vint apꝛés
A tout .ij. chiens
q՚ maine apart
Biau maintien auec doꝰ regart
Q՚ laiſſe aleꝛ criāt plus haut
Biau mantin crieꝛ ne vꝰ chaut
Vꝰ chaciez vilains ꝑ vſage
Dous regart vꝰ faitez dōmage
Aus felons ꝑ leur faus cuidieꝛ
Biau maītien alez les ceꝛchieꝛ
Ce meſdiſant trop vꝰ gueꝛroie
Dous regart courez alapꝛoie
Pource le deuez vꝰ honnie
Dous regart vꝰ faites mourir
Les meſdiſans ſeul poꝛ vëoir
Apꝛés vint
pour lui decheoir
Sebilla a
grant volenté
De chaſtiau nuef sō chiē bōte
⁊ grace māine poꝛ chacieꝛ
Hautemēt cōmance acrieꝛ
Bonté bonté alez alez
Le meſdiſant toſt me p՚nez
Bonté il es vos anemis
Mes pource vꝰ (vo) valez pis
Foꝛs detant q՚ par sō mentir
Vous fet auos voiſins hair
⁊ fet croire poꝛ ueꝛité
Ce qui eſt pure fauſſeté
Mes vꝰ pource ne vꝰ changiez
Dont li ſangleꝛs eſt courouciez
Faites lecreueꝛ ſans demour
Grace ceꝛchiez bn̄ la entour
Grace qñt meſdisāt vꝰ ſent
De duel mourir cuide ſouuēt
Vꝰ li faites ſon dur cueꝛ fendꝛe
Grace chaciez alez le pñdꝛe
Car il vꝰ het ſus toute rien
Puis vint genſac
de muſyden
Cheuauchant
la grant ambleure
O ſon bon chien quot nō dꝛoiture
Laut˞ valour qͥ tres bn̄ chace
Il leſſe aleꝛ ꝑmi la place
Les chiēs criāt agñt baudour
Ceꝛchiez dꝛoiture ⁊ valour
Le meſdiſſant faus plaī doꝛdure
Vꝰ le deuez ceꝛchieꝛ dꝛoiture
Car toꝛt maītient ⁊ ceꝛch՚ maus
⁊ vꝰ honneur ꝯ vil ⁊ faus
Le de chaciez a vꝰ en eſt
Car anul meſdiſant ne pleſt
Honneur pour riē bn̄ leſauez
Autre polie
vint apꝛés
Galharde cointe
Et enuoiſſie
De chaſtel nuef sō chiē deſlie
Iouneſce l'un laut՚ fñchiſe
Elle crie cō bn̄ apꝛiſſe
Ionneſce ceꝛchiez ꝑ dela
Le meſdiſſāt la ou il va
Car il vous poꝛte grāt hayne
Franchiſſe traciez qͥ ne fine
De vꝰ meſdire touz les iours
Gardez nait reſpit ne ſecours
De duel le faites toſt mourir
Apꝛés vint amoult
gñt pleſſir
De byron lapꝛeus
margueꝛite
Pour tueꝛ ⁊ rendꝛe meꝛite
Au ſenglieꝛ meſdiſant felon
Car nul temps ne fiſt ſemal nō
Elle maine .ij. chiens legieꝛs
Cointiſe apelle lipꝛemieꝛs
Lautre bon eſpoir qͥ tāt vaut
Elle les eſcrie ml՚t haut
Auant cōitiſſe bn̄ ceꝛchiez
Bon eſpoit tantoſt letrouuez
Le faus felon qui deſcōfoꝛte
Cointiſe gñt anuie poꝛte
Le meſdiſant qñt il vous voit
Bon eſpoir ia foꝛſenne dꝛoit
Li cuiueꝛs qñt il vous ſet vif
Tues dont le ſangleꝛ chetif
Alez ceꝛchant toſt sās targieꝛ
Apꝛés vint ſus
ſon grant deſtrieꝛ
Madame aude
de noble fueꝛ
Debel pug qͥ chace de cueꝛ
Le ſangleꝛ ⁊ ne la ſeure
De sō bon chiē quot nō meſure
⁊ l'autre bōne volenté
Sileur eſcrie de bon gré
Auant meſure ceꝛchiez bn̄
Le meſdisāt qui ne vaut rien
Bōne volenté coures foꝛt
A ce felon qui vꝰ ha toꝛt
Car il vous het ⁊ vꝰ maudiſt
Volenté ſelonc que il diſt
Il vꝰ poꝛte ml՚t gñt hayne
Autre vint( g)
de gñt valour fine
Lapꝛeus de talariāt
algaya
.ij. chiens maine q՚tant eſt gaye
Ꝑº leur nons pꝛiué ⁊ doutance
De tueꝛ meſdisāt ſauance
Si dui chien ſeuēt bn̄ chacieꝛ
En criant leur veult aidieꝛ
Sileur diſt doutāce ⁊ pꝛiué
Ceꝛchiez le bois ceꝛchiez le pꝛe
Le meſdiſant ou plus ꝑfont
Doutance vꝰ ſauez qͥ ſont
Cil pour qͥ conuient a douteꝛ
Priue vꝰ deuez bn̄ aleꝛ
⁊ le ceꝛchieꝛ aqͥ quē poys
Apꝛés uint aml՚t
grant effrois
Girarde du foſſe
la large
.ij. chiens maīne dōt nulz ne targe
Poꝛ donneꝛ auſenglieꝛ triſteſce
Li vns deulz eſt nōmez largeſce
Lautre biau ꝑleꝛ qui eſt bons
Et les eſcrie ꝑ leur nons
Largeſce alez ⁊ bieu parleꝛ
Anemis eſtez du ſanglieꝛ
Qⁱ tant eſt vilz bn̄ leſauez
UNe autre uint
Plus toſt aſſez
acoꝛs faitis
poly et biau
La ſimple madame yſabiau
De ſaiſſac acueꝛ adure
Qⁱ ſon bon chien humilité
Maine poꝛ chacieꝛ ⁊ ſouffrāce
Eſcriant foꝛt ſi les auance
⁊ diſt humilité touz dis
Et li ſanglieꝛs vos anemis
⁊ ſouſfrāce le vaīt touz iours
Alez donnez li mal ſeiours
Car ꝑ vous ieꝛs li felons moꝛs
Apꝛés vint amoult
grans effoꝛs
katheꝛine la bn̄
ſenee
De talayrant qͥ ml՚t ſagree
Dechacieꝛ meſdisāt honnis
O ſon chien qͥ anō biau ris
Douce pensee auecq՚s lui
Elle ſeſcrie alui alui
Biauris alez faites languir
Ce meſdiſant ou toſt mourir
Douce pensee ceꝛchez tant
Q՚ muire ce faus meſdisāt
Car raiſon eſt q՚ ꝑ vꝰ meure
UN autre l'enſuit
Sans demeure
Ce eſt girarde
De maſas
Ceſte n'ot onq՚s lecueꝛ las
Touzioꝛs veult chac˞ loīg ⁊ p՚s
Elle ot ces .ij. chiēs acouples
Li p՚mieꝛs eſt acointemēt
Lautre delis plꝰ toſt q՚ vent
Le vont ceꝛchant tout sāz arreſt
⁊ elle crie par ici eſt
Acointemēt ⁊ vous delis
Ꝑ vꝰ doit bn̄ eſtre honnis
Faites le mourir adoulour
Lautre qui viēt
agrant baudour
Ce eſt marie de chaumont
Biaureſpons maine (⁊) qͥ confōt
Le ſanglieꝛ ⁊ aſeure
Ces .ij. chiens ot el amene
Enhardir les fait ē crīāt
Alez biau reſpons tout auant
Ie croi q՚ par vous hōnis ſoit
Aſeure li cuiueꝛt doit
Mourir ꝑ vꝰ q՚ bn̄ le ſai
Une autre vient
tout ſans delay
Qⁱ de chacieꝛ tous
iours ne fine
Qⁱ de la roche anon daufine
L'un de ces chiens anō deſir
⁊ l'autre pꝛis qui veut honir
Les meſdiſans ꝑ grāt anui
Haut leur crie pꝛenez celui
Pris et deſir par vos nature
Chaciez leſanglieꝛ plaī doꝛdure
⁊ de meſdis qui eſt toꝰ plains
Ceꝛchiez ꝑ tombes ⁊ par plaīs
Gardes que plus ne die mot
Sus ſon courſieꝛ
vint le grant trot
kateꝛine a
grant valour
De paīne qͥ ſon chien baudour
Maīne pourchac˞ et confoꝛt
Si a criant amoꝛt amoꝛt
Baudour confoꝛt ceꝛchies apeꝛt
Le meſdiſant ce vil cuiueꝛt
De mal eſt plain ⁊ de venin
Ceꝛchiez toſt ⁊ menez afin
Confoꝛt p՚nez le vif ou moꝛt
COurant vint le courſieꝛ
trop foꝛt
De cardelhac quot
non conteſſe
Elle maīne .ij. chiens ē leſſe
Ceſt honneur ⁊ ha bandonne
Si leur crie haut en tonne
Auant habandonne honnour
Faites mourir agñt doulour
Le faus meſdisāt plaī denuie
Ie croi qͥl doit ꝑdꝛe la vie
⁊ mourir ē ceſte iournee
LE gñt tropt
vint parmi lapꝛee
La pꝛeus bn̄ apꝛiſſe
aſſalhie
De bedos cointe ⁊ polie
Ses .ij. bons chiēs q՚lle menoit
Qñt furēt eſlargi tout dꝛoit
Vont au ſanglieꝛ poꝛ li ocirre
Eſcriant leur cōmance adire
Raiſon ⁊ ſauoir bn̄ alez
Ceꝛchiez par tout ſi le tuez
Alés dꝛoit a lui ne vous chaut
Delui honnir q՚ petit vaus
Car il eſt ſans toute bonté
Aucoꝛs faitis belatoꝛne
MA dame phelippe
la ſage
De lautrie vint
a grant courage
Meꝛci ot nō sō petit chien
Lautre cōnoiſſance qui bien
Seuent les meſdisās trouueꝛ
Elle cōmance a eſcrieꝛ
Auant alez touz iours m՚cis
Il eſt bon ſe tout eſt petis
Et pꝛens le ſanglieꝛ sās faillir
Connoiſſance vait laſſaillir
⁊ le tue ſeul pour ſentir
Alés dōt faites le mourir
Alés meꝛci oꝛ y parra
Puis vint tout ſeul
De par dela
vns chiens faitis
blans cōme nois
Se chien auoit nō bōne foy
Si n'auoit ne dame ne meſtre
Mes miex chaca ſelonc sō eſtre
Q՚ chien qui en la chaſe ſoit
Nulz de lui ne sētremetoit
Ne dame ni a qui leſcrie
Non pourqñt il toudꝛa lauie
Ie croi le felon meſdiſant
Il vet tout dꝛoit aꝑtemēt
La oui eꝛt sās plꝰ atendꝛe
Car le poꝛc cuide il bn̄ pñdꝛe
Oꝛ ſont li chiē eſlargie
Ꝑmi le bois ⁊ cil da pié
Errant uont la ⁊ ca cheꝛchāt
Et tuit li chiē vont glatiſſāt
Courant ꝑmi lapꝛaieꝛie
Et qui plus puet as chiēs eſcrie
Belacueil leeſce alez
Biau maītiē dous regart courez
Bonne grace valeur dꝛoiture
Ioneſce metez igñt cure
⁊ franchiſe ꝑ ici va
Cointiſe bon eſpoir de la
Meſure bōne voulenté
Ceꝛchiez doutance ⁊ pꝛiué
Largeſce biau ꝑleꝛ ali
Humilite ſouffrāce auſi
Alez biau ris douce pēſee
Acoītemēt deliz magree
Biaus reſpons ⁊ aſeure
Deſir ⁊ pꝛis ſans fauſſeté
Confoꝛt alez y ⁊ baudour
Habandonne ⁊ vꝰ hōneur
Raiſon ⁊ ſauoir ⁊ m՚ci
Connoiſſance ceꝛchiez auſi
⁊ bōne foi ou plus ꝑfont
Clip clop clap clop ou chemī ſt՚
Criez de la criez bn̄ haut
Frapez feꝛez criez oꝛ vaut
Bn̄ ꝑfōt cheꝛchieꝛ les buiſſōs
Avāt chiēs q՚ tantoſt l'auros
Eſtabli fu
aus .iiij. coꝛs
Du bois qui
gardaſſēt dehoꝛs
.iiij. dames achaſcū vne
La conteſſe d'arminac vne
Qⁱ tient .ij. leurieꝛs bn̄ courās
Li vns auoit nō hardemēs
⁊ li autre fu loyauté
Li vns qͥ gardoit v՚s lepꝛe
A .ij. leurieꝛs qͥl amoit ml՚t
Lauiconteſſe de biaumōt
Li vns leurieꝛs fu coꝛtoiſie
Lautre biauté chieꝛe hardie
Qⁱ trop ot le poꝛc ē haine
De malhoꝛques la pꝛeꝰ roine
Tiēt biau ſemblāt aueq՚s ioie
Qⁱ contre meſdiſans gueꝛroie
Lautre fu lapꝛeꝰ uicōteſſe
De benauges qui o leeſce
Tenoit pitié ⁊ bn̄ celeꝛ
Chaſcune doit tresbn̄ gard՚
Pour le ſanglieꝛ qͥ doit venir
Pour li tueꝛ pour li hōnir
OR eſt li ſanglieꝛs
hoꝛs iſſus
A foꝛce de chiens
eſt venus
Dehoꝛs le bois ſenfuit coꝛāt
Ilecques meſire beꝛtrant
Tient .i. eſpie a .i. feꝛ large
Dun arbꝛe couueꝛt cōme targe
Atandant tous dis lesāglieꝛ
A lui ſenuint cōme aueꝛſieꝛ
Machant eſcumant dꝛoit ali
Meſire beꝛtram lefeꝛi
Du feꝛ de leſpie ſus la teſte
Ilec auāt poīt neſareſte
Le cuida feꝛir de la dent
Adont ſaut meſire beꝛtrant
En .i. teꝛtre qͥ moult eſt haut
Ha; ſire fis ie ne vous chaut
Dautre fois vꝰ afait feꝛir
Tu dis bn̄ voir ꝑ faus mētir
Arrieꝛe plus d'une ioꝛnee
Le ſanglieꝛ fuit ꝑmi lapꝛee
⁊ ap՚s li les .viij. leurieꝛs
Et les chiēs glatiſſās darrieꝛs
⁊ les dames ſus les cheuaus
Courāt ꝑ tombes ⁊ ꝑ vaus
Criant ml՚t haut oꝛ iparra
Aus leurieꝛs qui le tueꝛa
Le ſanglieꝛ eſt tāt dechaciez
Q˜ foꝛce de chiens eſt laſſez
Il eſt tāt las q՚ plus nē puet
A vn arbꝛe guench՚ leſtueꝛ
Contre chiens la teſte gita
Feꝛant de la dent ca ⁊ la
Si qñ a nauré plus detrois
Meſire de fois vint deſfrois
Courāt apie gita ſon dart
Sus leſpaule fieꝛt d'une ꝑt
⁊ le ſanglieꝛ vint dꝛoit ali
Li contes atraueꝛs ſailli
⁊ ſi limet leſpie deuant
Et li ſanglieꝛs ſen paſſe auāt
Ha; fis ie meſire defois
Com ie croi bn̄ qͥ vous cōnois
Dautre fois vꝰ afait anui
Tu dis voir ſi feꝛai ie lui
Gñt talent ai de li tueꝛ
Loꝛs ſenuait bꝛuiāt le sāglieꝛ
Tous naurez ſemiſt ē .i. lac
Loꝛs vint madame d'armignac
Sus sō cheual foꝛmēt criant
Alés mes leurieꝛs hardemēt
A lui rendez le moi tue
⁊ vꝰ bō leurieꝛ loyauté
Sus tous vous le devez bn̄ pñdꝛe
Loyaute alez le tout fendꝛe
Car voſtre pooir le confont
Auſi ma dame de biaumōt
Confoꝛtant ces leurieꝛs eſcrie
A li bon leurieꝛ coꝛtoiſſie
Q՚ tous dis vꝰ melle courrous
Biaute ie croi bn̄ ſauez vous
Cōmēt ſetuēt meſdiſant
La royne vient haut criant
De malhoꝛq՚s aſon leurieꝛ
Biau ſemblāt ales le chacieꝛ
⁊ vꝰ ioie ſans nule faute
La uiconteſſe a vois haute
De benauges crie de gré
Auant bn̄ celeꝛ ⁊ pitié
Tues le meſdisāt vaincus
Il (il) eſt naures il eſt feꝛus
Tantoſt ſeꝛa moꝛs bn̄ le voi
Loꝛs vint le chiēnet bōne foy
Le voil ſanglieꝛ pñt ꝑ loꝛeille
Maintenāt ꝑ trop grāt m՚ueille
Liſanglieꝛs cōmāce aparleꝛ
Hé; las ie nepuis plus dureꝛ
Il me conuiēt mourir ꝑ foꝛt
Hui deſtinee eſt mamoꝛt
⁊ mes t՚mes eſt hui venus
Ie fu naures ⁊ recreus
Riens ne me vaut crieꝛ m՚ci
Ne courtoiſie auecq՚s lui
Ne franchiſſe ne bōne foy
Il ſont treſtuit ē contre moy
Et touz les bn̄ qͥ damours sōt
Ꝑ quoi irai ou plus ꝑfōt
Denfeꝛ q՚ ie fui meſdiſant
Des mō iouuēt tout ē auāt
Touſiours ai eſté des loyaus
POurce mourres
traites faus
Diſtrent tuit( c)
Car bn̄ eſt reſon
Loꝛs le feꝛi pꝛemi՚ gaſcon
Delille deleſpie dacieꝛ
Sire fis ie itel louieꝛ
Auoit lōc temps adeſeꝛui
⁊ meſire iohan feꝛi
De gaillart .i. cop deſeſpee
Feꝛes ſire ſil vous agree
Q՚ moult nous afait gñt domage
G՚ñt coup lefieꝛt ſu le viſage
Meſire oliuieꝛ de boꝛt
Vꝰ ſauez bn̄ qu'il vous atoꝛt
Ne qñs deſtourbieꝛs vꝰ a fais
⁊ meſire le fieꝛs apꝛés
De mō feꝛrāt ꝑ le coſté
Feꝛes q՚ trop vꝰ acouſte
Le felon plꝰ qu'il ne vaut
Gaſtōnet fieꝛt qͥ pas ne faut
Deſpee tranchāt ꝑ leſchine
Sire fis ie la grāt hayne
Q՚ il vous poꝛte li rendez
Meſire guirant vint ap՚s
De chaſtiau nuef ſi fieꝛt gñt cop
Sire fis ie ne pouez top
Feꝛir car tant vꝰ pot hair
Pieꝛre d'oꝛneſen vint feꝛir
Le meſdiſant de cop delance
Pieꝛre ce dis ie ē gñt doutāce
Vꝰ a fait eſtre maīte fois
Tui dis voir ⁊ moy tenir cois
Li ſires de iumet vint
.I. grant glaiue ē ſamaī tint
Courāt au felō le gita
Ꝑ le flanc contre li paſſa
Raymō heꝛnaut ſi gñt cop fieꝛt
De pꝛeſſac q՚ mire ni quieꝛt
Iohan de biron fieꝛt d'ū dart
Si qu'il paſſe delautre part
Bn̄ ifieꝛt guirart de temines
Si gñt cop q՚ ꝑ les eſchines
En .ij. moitiez dꝛoit le parti
Meſire beꝛtram bn̄ feꝛi
De lille qui miex fu manieꝛs
Defeꝛir ſus hiaume dacieꝛ
Conneu lauoit autre fois
⁊ meſire i fieꝛt de fois
Tant qu'il latout de cartele
Et ie ſi lai de hoꝛs gite
Du lac ou il eſtoit tuez
Dis meſire beꝛtrās coures
La moꝛt du meſdisāt felon
Il coꝛne ⁊ puis diſt gaſcon
Voulez tuit ſoit amō pleſir
De ceſtui ſanglieꝛ de ꝑtir
Oil crient tuit hautement
IEl feꝛai dont
par tel conuent
Que ma dame
d'eꝛmignac pꝛeigne
Le pꝛemieꝛ
Cartieꝛ celle daīgne
⁊ pource q՚ miex ſoit veus
En armignac ſeꝛa pendus
Ens ou meilleur lieu qͥ i ſoit
Ap՚s ie weil tout oꝛendꝛoit
Q՚ l'autre quartieꝛ ꝑ deuant
Soit acelle qͥ le veult tant
Lauiconteſſe de biaumont
⁊ pource qͥl la heoit ml՚t
En eniou le pende ml՚t lait
Madame de mailhoꝛq՚s ait
Du ſanglieꝛ ledeſtre cartieꝛ
De ꝑ deꝛrieꝛe tout en tieꝛ
Et qñ face itel iuſtice
La uiconteſſe en autel guiſe
De bn̄ auge en ait ſapart
Ꝑ deꝛrieꝛ le ſeneſtre quart
⁊ ſi le pande sās delois
La teſte en ait li quēs de fois
Sans la langue ⁊ bn̄ ſe gart
Qñ haut ſoit pendꝰ aſaꝑt
En liu ouſoit tres bn̄ veue
⁊ la langue fauſe ⁊ ague
Mes fr՚es meſire beꝛtrans
Poꝛt auec ſoi car eſt nuiſas
Soit ꝑtuiſſiee afeꝛs agus
Le cueꝛ ne donrai ie anus
Samoi meiſmes nō ie le weil
Il fu faus cueꝛ ⁊ plaī doꝛgueil
Diniquite ⁊ de meſdis
Pour ce le poꝛteꝛai tout dis
En vn feu ardent ſans cremeꝛ
Ceſqueſt ou uentre du ſengleꝛ
Tantoſt ſoit ici tout bꝛuis
Car il eſt tous plaīs devenins
Soꝛ t՚re ne doit remanoir
Oꝛ eſt moꝛs cō pouez vëoir
Auſi fuſſēt tuit cil qͥ ſont
⁊ vꝰ madame debiaumōt
Et d'armignac qͥ ce voulez
A touz vos pooirs les tues
Mes dous repos le veult auſi
Qⁱ de cueꝛ les het ⁊ pour li
Les harrai ie ſus toute rien