CE fu ou moys pleſant de may
Q՚ le ſoulaus eſpant ſon ray
Et que cleꝛe eſt la matinee
Et li rieu queurēt ꝑ la pꝛee
⁊ ꝑ le bois ⁊ ꝑ les plains
Tant q՚ maīt kaues ē eſt plaīs
De ces ruis venās des fontaines
Li oiſel de leur vois hautaines
Fōtitanir riuieꝛes ⁊ bois
Tout dꝛoit le p՚mieꝛ ioꝛ dumois
De may q՚ ie ai ſus nōme
Enlan dela natiuite
Noſtre ſignour mil.trois cēs
⁊ trēte huit .i. pou penſans
Tout ſeul ſus mon cheual aloie
Le ſentieꝛ d'une eſtroite voie
Qⁱ a .i. bois mena dꝛoit
Ne faiſſoit trop chaut netºp froit
Ainz ieꝛt cleꝛs ⁊ ſoues luours
⁊ mes cheuaus ala ētours
Le bois ⁊ de dens bn̄ ꝑfont
Regardai aual ⁊ amont
⁊ ne ui riens foꝛs ſeul oiſſiaus
Qⁱ chantēt ſus les arbꝛiſſiaus
A uois claretes ⁊ plaiſſās
⁊ tant debn̄ me fiſt leur chās
Q՚ dꝛoit illeq՚s remanoir
Me conuint. ſifis mō manoir
Dū arbꝛe haut gñt ⁊ foillu
Si biau nauoie mes veü
Le bois regart ⁊ letēps cleꝛ
Soy. le chant dōt pⁱs apēſeꝛ
A celle aqui i'ai tout dōne
Mon cueꝛ debōne voulenté
P˞ ſa biauté pour ſa valour
Ie croi qĩns dieus nefiſt meillour
Bn̄ ⁊ ſauoirs par faitemēt
Eſt enli hōneur me fiſt gñt
Amours qñt p˞ moꝛ leſtabli
⁊ plꝰ grãt bn̄ mefait auſſi
Ce q՚ veꝛs moi eſt tres loiaus
Mes dous repos ⁊ mes ſoulaus
Silain decueꝛ ſus toute rien
P˞ le ſoulas ⁊ p˞ le bn̄
Q՚ i'ai delui ſans vilōnie
Ceſt mon cueꝛ mō sēs ⁊ mauie
Meſpeꝛance mō bn̄ monnour
Panſant alui ē tel doucour
Vi venir ꝑ le bois le pas
A pié plante de gent nōlas
Mes viſtes ⁊ eſcourciez haut
Oꝛent leur dꝛas cōme bidaut
Eſpiez poꝛtant lances ⁊ dars
Hardis ſemblēt cōme liepars
Enſemble furent plus de vint
Maint chaceeur ap՚s eulz vint
Qⁱ maīnēt les chiens ē couples
Damoiſſelles i vint aſſés
⁊ dames ſus apeꝛs courſieꝛs
Qⁱ en laiſſe mainēt leurieꝛs
Alans d'eſpaīgne ⁊ chiēs meſtis
Coꝛps diuoire auoiēt fetis
Li plus delles pendens au couls
Ie ne fis pas adont q՚ fols
Car ie uing eꝛrāmēt v՚s lour
Entre la gent vi mō ſeignour
Gaſton de lille ſans cheual
Tantoſt me diſt remon vidal
Deſcent apie pñt vne lance
Se dieus vous gart demeſchéāce
Sire fis ie dites moi dōt
Q՚l gēt ſont ce qͥ par ci vont
⁊ il me reſpont voulētieꝛs
Le vꝰ dirai mes amis chieꝛs
Remon. ceſt le conte defois
Mes couſins ⁊ tu nel cōnois
Mes freꝛes meſire beꝛtrans
⁊ dautres cōpaīgs n eſai qñs
A o eulz ſi ont leur afaire
Apareillie pour chace faire
Oꝛ me dites des damoiſelles
⁊ des dames qͥ tant ſont belle
Qⁱ elles ſont ne ſe chacieꝛ
Veullēt o uous ouil deꝛieꝛ
Sont ꝑties p˞ choſe faire
Qⁱ doit atreſtous les bōs plaire
Car chacieꝛ veulēt meſdisāt
Qⁱ ſont aus amās nuiſſās
⁊. la en pues vëoir tel paire
Dont chaſcune a plaisāt viaire
Ia ala chace cōmancie
La belle blonde leſchenie
Qⁱ tient armygnac ⁊ rodais
Des meſdiſſans veult faire pais
O lui ma dame margueꝛite
Entre bōnes p˞ bōne eſlite
S'il en a nule enceſtui mont
Ceſt viconteſce de biaumont
Et cil ⁊ celles qui ci vois
⁊ vous meiſmes chaceꝛois
O ces .ij. q՚ vous ai nōmes
Qⁱ de bn̄ ſont toutes comblees
Ie reſpondi liez ⁊ ioiaus
Sui de chacieꝛ faus meſdiſans
Mes ou le pourrons noꝰ troueꝛ
Dont me dit il a .i. ſengleꝛ
Qⁱ demeure dedens ceſt bois
Grans ⁊ hydeus coꝛſus ⁊ noirs
Eſt demoure y a lonc tans
Si a bn̄ .i. cōnte dedens
Oꝛ pourrez oir gñt m՚ueille
Ainz mes noiſtes ſa pareille
Cilz poꝛs dont ie vous vois ꝑlēt
Fu iadis homs gñt ⁊ puiſſāt
De coꝛs ⁊ damis ⁊ dauoir
⁊ de t՚re ⁊ m՚lt ot pooir
Mes faus ⁊ meſdiſſāt eſtoit
Sique plꝰ eſtre nel pooit
De touz meſdiſſoit arelay
Des hōmes fuſſēt cleꝛc oulay
De dames ⁊ de damoiſſelles
⁊ mariees ⁊ pucelles
Nul ne pouoit ali dureꝛ
Tant eſtoit plaī demesꝑleꝛ
Pres de lui eſtoit .i. chaſtiaus
Ou demouroit .i. damoiſſiaus
Qⁱ biaus eſtoit adés meſure.
Enlui foꝛmeꝛ ot mis nature
Toute ſentente ⁊ ſon pouoir
Si biaus eſtoit adire voir
Q՚ nuls ne le pourroit deſcrire
Ne cueꝛ penſeꝛ ne bouche dire
S'il ieꝛt biaus trop plꝰ ot bōte
Sens ⁊ honneſte ⁊ valeur
Neſtoit pas filz de vauſſour
Mes filz de dame ⁊ deſeignoꝛ
Vint ⁊ .ij. ans pouoit auoir
⁊ nëant plꝰ adire voir
Pres deus manoit vne pucelle
Se cilz ieꝛt biaus elle eꝛt plꝰ belle
Et de bn̄ ⁊ doneur ſi plaine
Q՚lle en ieꝛt la dꝛoite fōtaine
Tant auoit ē li de bonté
Q՚ de touz bn̄s auoit paſſe
Celles qͥ ains furēt ⁊ sōt oꝛés
Et qͥ eꝛent autēps deloꝛes
Ainſi com renōmee poꝛte
Sus tretoutes lōneur ēpoꝛte
Ml՚t eſtoit daage auenāt
Acomplis n'auoit pas .xx. ās
De haut lingnage eſtoit iſſue
⁊ de gent de ml՚t gñt value
Andui loiaumēt sentrameꝛēt
Et foi ⁊ hōneur ſe poꝛteꝛēt
En ce bn̄ veſquirēt lōc tēps
Elle amie ⁊ li urays amans
Ml՚t viuoiēt achieꝛe liee
Nulz deulz ſi n'ot dautrui ēuie
⁊ pour l'amour dela pucelle
Fiſt cil maīte pꝛoeſce belle
Li felons traitres puans
Ciſt lechieꝛre ceſt meſdiſſans
Qⁱ pꝛés de ces .ij. demouroit
Ꝑ pou li cueꝛs ne li creuoit
Qñt apeꝛcut leur bōne vie
Dont cuida bn̄ mourir d'ēuie
Dit q՚ petit ſepꝛiſſeꝛoit
Sen bꝛief. dolens ne leſfaiſſoit
Dont cōmāca deus ameſdire
Je ne vꝰ pourroie tout dire
Mes tant furētt ſi ꝑleꝛ fieꝛ
Qⁱl conuint ces .ij. eſloignieꝛ
Car meſdit a ſi troublee
Leur belle ⁊ bōne renōmee
Q˜ pou dutout ne lont ꝑdue
Ꝑ ſa mauueſſe langue ague
Cil dui urai amāt qͥ ſage eꝛēt
Qñt cōnurēt ⁊ auiſſeꝛent
Q՚ len enſemēt deulz ꝑloit
Ml՚t furēt leur cueꝛ adeſtroit
Par acoꝛt ne ſe ueꝛrōt mais
Se dient il ſiſeꝛa mais
Iuing Iuingnet ⁊ aouſt paſſez
Bn̄ le tindꝛēt mes maus aſſez
En ſouſfri puis li damoiſſiaus
Qⁱ tant eſtoit ⁊ bons ⁊ biaus
Car qñt il vit q՚ conſirrieꝛs
Le conuint ꝑ foꝛce daleꝛ
Veꝛs ſa dame q՚ tāt ot chieꝛ
Il peꝛt le boiure et le meng˞
Palez des coulourez deuiēt
Du mal qͥ au cueꝛ foꝛt li tient
Ne ſot que dire ne q՚ faire
P˞ le mal qͥl li conuiēt traire
Leſtut dutout aulit venir
Entel point qͥl cuidoit mourir
Autreſi fiſt la damoiſſelle
Qⁱ tant eſtoit ⁊ bōne ⁊ belle
Car leur deſtreſce ⁊ leur dolour
Leur a croiſſoit de iour ēiour
Li danziaus qͥ touz eſtoit taīs
Fu .i. iour du mal ſi ataīs
Q՚ on cuidoit qͥl deüſt ꝑtir
Du ſiecle ⁊ illecq՚s fenir
Gñt piece ſouffri cel toꝛmēt
Qⁱl n'ot ne ne voit ne nētant
A chief de piece eſt reuenus
Parla a dit dame venus
La deeſſe des amoureus
⁊ vꝰ urais diex d'am˞s qͥ tiens
Eſtez q՚ vꝰ touz cōnoiſſiez
Les penſeꝛs vꝰ pꝛi quadꝛeciez
Soit vos pouoir ⁊ vo uaniāce
Sus celui ꝑ qͥ tel greuance
M'eſt hui toꝛnee ſus le coꝛs
Siuraiemēt conq՚s ēcoꝛs
Iour ē v՚s vꝰ ne mes ſeꝛui
Ne v՚s celle q՚ i'ai ſeꝛui
⁊ ſeꝛuirai toute mauie
Sāz penſeꝛ rain de vilōnie
Li urais diex d'am˞s tout puiſſās
Ligouu՚neꝛres des amans
Sa pꝛieꝛe recut en gré
⁊ eꝛranmēt il a ouuré
Car ce mal meſdiſſant felon
Qⁱ onq՚s nefiſt ſe mal non
Deuāt treſtoute ſameſnie
Qⁱ ſeꝛui lot toute ſauie
Droit ēmi lieu de ſon palais
Ou eſtre cuidoit plus ēpais
En .i. poꝛc ſanglieꝛ le mua
Toute la gent ſen m՚ueilla
Qñt delez eulz virēt tel beſte
Il ne ſeuēt q՚ cepuet eſtre
Ꝑ le dieu d'am˞s voulenté
Saillēt ſus ē talente
Delui ocirre ⁊ detrench՚
⁊ qñt il ſe vit dechacieꝛ
Hoꝛs ſaut ē cebois vint tout dꝛoit
Il a bn̄ .C. ans oꝛendꝛoit
⁊ atant teꝛmes li fu mis
Dont dieu qͥ nieꝛt pas ces amis
Ce teꝛme paſſeꝛ ne pouoit
Mes dꝛoit ace poīt moꝛt ſeꝛoit
Ꝑ les plus amoureuſſes gens
Qⁱ ſeꝛoiēt aicel tēps
Bn̄ croi ces teꝛmes eſt venus
P˞ ce sōmes nous eſmeüs
Ꝑ tans le veꝛres eſleueꝛ
Adont ꝯanca a coꝛneꝛ
Ses freꝛes meſire beꝛtrās
⁊ chaſcune vait des tachans
Les chiens qui bn̄ ſeuent tracieꝛ
P՚mieꝛs ꝯmanca deſtachieꝛ
Margueꝛite dechauuigni
Deus chiens dont l'un ot non ainſi
Belacueil qͥ bn̄ vait cheꝛchāt
Lautre leeſſe eſt puiſſant
P˞ meſdiſſāt meneꝛ amoꝛt
Elles eſcrie pour confoꝛt
Belacueil alez bn̄ cheꝛchāt
Belacueil vꝰ ſauez bn̄ tant
Q՚ faites meſdisāt creueꝛ
P՚s de vꝰ ne puet demoureꝛ
Belacueil nul mauués felon
Leeſce ꝑ bone raiſon
Ledeuez vꝰ cech՚ tout tans
Leeſſe confōt meſdiſſans
Qⁱ ont dire tout le cueꝛ pꝛis
Il ne veulent ne ieu neꝛis
P˞ ce leeſce les confont
Ceꝛchiez aual ceꝛchiez amōt
Leſenglieꝛ qͥ tāt eſt mauuez
Blanche defois ſen vint ap՚s
A tout .ij. chiens q՚ maine aꝑt
Biau maītien auec dous regart
Q՚ laiſſe aleꝛ criāt plus haut
Biau maītien crieꝛ ne vꝰ chaut
Vꝰ chaciez vilains ꝑ vſage
Dous regart vꝰ faitez dōmage
Aus felons ꝑ leur faus cuidieꝛ
Biau maītien alez les ceꝛch՚
Ces meſdiſſās trop vꝰ gueꝛroie
Dous regart courez ala pꝛoie
P˞ ce le deuez vꝰ honnir
Dous regart vꝰ faites mourir
Les meſdiſans ſeul p˞ vëoir
Apꝛés vint p˞ li decheoir
Sebilla a gñt voulenté
De chaſtiau nuef sō chiē bonté
⁊ grace maine pour chacieꝛ
Hautemēt ꝯmance acrieꝛ
Bonté bonté alez alez
Le meſdiſſāt toſt me p՚nez
Bonté il eſt vos anemis
Mes pource vꝰ nē valez pis
Foꝛs detant q՚ ꝑ ſon mētir
Vꝰ fet a vos voiſins hair
⁊ fet croire p˞ veꝛité
Ce qͥ eſt pure fauſſeté
Mes vous pource ne vꝰ changiez
Dont li ſangleꝛs eſt courouciez
Faites le creueꝛ sās demour
Grace ceꝛchiez bn̄ la entour
Grace qñt meſdiſſāt vꝰ ſent
De duel mourir cuide ſouuēt
Vꝰ li faites ſon dur cueꝛ fendꝛe
Grace chaciez alez le pñdꝛe
Car il vꝰ het ſus toute rien
Puis vint genſac de muſyden
Cheuauchāt la groſſe ēbleure
O ſon bon chien quot nō dꝛoiture
Lautre valour qui tres bn̄ chace
Il leſſe aleꝛ ꝑmi la place
Les chiens criant agñt baudour
Ceꝛchiez dꝛoiture ⁊ valour
Le meſdiſſant fax plaī doꝛdure
Vꝰ le deuez ceꝛchieꝛ dꝛoiture
Car toꝛt maītient ⁊ ceꝛch՚ maus
Et vꝰ hōneur ꝯ vil ⁊ faus
Le dechaciez auous en eſt
Car anul meſdiſſāt ne pleſt
Hōneur pour riēs bn̄ leſauez
Autre polie vint apꝛés
Galharde cointe ⁊ ēuoiſſie
De chaſtel nuef sō chiē deſlie
Iouneſce l'un l'autre fñchiſſe
Elle crie cō bn̄ apꝛiſſe
Ionneſce ceꝛchiez ꝑ dela
Le le meſdiſſant la ouil va
Car il vꝰ poꝛte gñt hayne
Fñchiſſe traciez qͥl ne fine
De vꝰ meſdire touz les iours
Gardez nait reſpit ne ſe cours
De duel le faites toſt mourir
Ap՚s vint aml՚t gñt pleſſir
De bꝛion lapꝛeus margueꝛite
P˞ tueꝛ ⁊ rendꝛe meꝛite
Auſenglieꝛ meſdiſſāt felon
Car nul temps nefiſt ſemal non
Elle maine .ij. chiens legieꝛs
Cointiſe apelle lip՚mieꝛs
Lautre bon eſpoir qui tāt vaut
Elle les eſcrie ml՚t haut
Auant cointiſſe bn̄ ceꝛchiez
Bon eſpoit tantoſt le trouuez
Le faus felon qui deſconfoꝛte
Cointiſſe gñt enuie poꝛte
Le meſdiſſant qñt il vꝰ voit
Bon eſpoir ia foꝛſenne dꝛoit
Li cuiueꝛs qñt il vꝰ ſet vif
Tuez dont le ſangleꝛ cheſtif
Alés ceꝛchant toſt sās targieꝛ
Ap՚s vint ſus ſon gñt courſieꝛ
Madame aude de noble fueꝛ
Debel pug qͥ chace de cueꝛ
Le ſangleꝛ ⁊ ne la ſeure
De ſon bon chien q̃ non meſure
⁊ l'autre bōne voulenté
Sileur eſcrie de bon gré
Auant meſure ceꝛchiez bn̄
Le meſdiſſāt qui ne vaut rien
Bonté voulenté courez foꝛt
A ce felon qui vꝰ ha toꝛt
Car il vꝰ het vous maudit
Voulente celonc que il dit
Il vous poꝛte ml՚t gñt hayne
Autre vint degñt valour fine
Lapꝛeus de talayrant al gaya
.ij. chiens maine q՚tant eſt gaye
Ꝑ leur nons pꝛiué ⁊ doutance
De tueꝛ meſdiſſāt ſauence
Si dui chien ſeuent bn̄ chacieꝛ
Encrient leur veult bn̄ aidieꝛ
Sileur dit doutance ⁊ pꝛiué
Ceꝛchiez le boys ceꝛchiez le pꝛe
Le meſdiſſant ouplus ꝑfont
Doutance vous ſauez qui ſont
Cil pour qui conuiēt adouteꝛ
Priue vous deuez bn̄ aleꝛ
⁊ le ceꝛchiez aqui qñ poys
Ap՚s uint aml՚t gñt eſfrois
Girarde du foſſe la large
.ij. chiens maine dōt nulz ne targe
P˞ donneꝛ auſenglieꝛ triteſce
Li vns deus eſt nōmes largeſce
Lautre biau ꝑleꝛ qui eſt bons
Et les eſcrie ꝑ leur nons
Largeſce alez ⁊ bieu ꝑleꝛ
Anemis eſtez du ſangleꝛ
Qⁱ tant eſt vilz bn̄ le ſauez
Une autre uint plus toſt aſſez
a coꝛs faitis polis ⁊ biau
La ſimple madame yſabiau
De ſaiſſac acueꝛ adure
Qⁱ ſon bon chien humilité
Maīne p˞ chacieꝛ ⁊ ſouffrāce
Eſcriant foꝛt ſi les auance
⁊ dit humilité tout dis
Eſt li ſanglieꝛs vos anemis
Et ſouſfrance le vaint touz iours
Alez donnez li mal ſeiours
Car par vous ieꝛt li felons moꝛs
Ap՚s vint aml՚t gñt eſfoꝛs
katheꝛine la bn̄ ſenee
De talairant qͥ ml՚t ſagree
Dechacieꝛ meſdiſant hōnis
O ſon chien qui ot non biau ris
Douce pensee auecques lui
Elle ceſcrie alui alui
Biaus ris alez faites languir
Ce meſdiſſant ou toſt mourir
Doutance pensee ceꝛchiez tant
Q՚ muire ce faus meſdiſant
Car raiſon eſt q՚ par vꝰ meure
Une autre len ſuit sāz demeure
Ce eſt girarde de maſas
Ceſte n'ot onq՚s le cueꝛ las
Touz ioꝛs veut chacieꝛ loī ⁊ p՚s
Elle ot ces .ij. chiēs acouples
Li p՚mieꝛs eſt acoīntement
Lautre deliz plus toſt q՚ vent
Le vont ceꝛchāt toſt sāz arreſt
Et elle crie par ici eſt
Acointement ⁊ vous deliz
Ꝑ vous doit bn̄ eſtre hōnis
Faites le mourir adolour
Lautre qui viēt agñt baudour
Ce eſt marie de chaumōt
Biau reſpons maīne qͥ ꝯfōt
Le ſanglieꝛ ⁊ a ſeure
Ces .ij. chiēs ot el amene
Enhardir les fait ē criēt
Alez biau reſpons tout auāt
Ie croi q՚ par vꝰ hōnis ſoit
Aſeure li cuiueꝛs doit
Mourir par vꝰ q՚ bn̄ le ſai
Une autre vint tout sāz delai
Qⁱ de chacieꝛ touz iours ne fine
Qⁱ de laroche anō daufine
L'un de ces chiens anō deſir
⁊ l'autre pꝛis qui veut hōnir
Les meſdiſſans ꝑ gñt anui
Haut leur crie pꝛenez celui
Pris ⁊ deſir par vo nature
Chaciez le ſanglieꝛ plaī doꝛdure
⁊ de meſdis quieſt tout plains
Ceꝛchiez ꝑ tombes ⁊ ꝑ plains
Gardez que plus ne die mot
Sus ſon courſieꝛ vint le grant trot
kateꝛine agñt valour
De paīne qui ſon chiē baudour
Maīne pour chacieꝛ ⁊ confoꝛt
Si ua criant amoꝛt amoꝛt
Baudour confoꝛt ceꝛchiez apeꝛt
Le meſdiſſant ſevil cuiueꝛt
De mal eſt plain ⁊ de venin
Ceꝛchiez toſt ⁊ menez afin
Confoꝛt p՚nez le vif ou moꝛt
COurant vint le courſieꝛ tpͦ foꝛt
De cardillac quot non cōteſſe
Elle maīne .ij. chiens ē leſſe
Ceſt honneur ⁊ habandōne
Si leur crie haut entonne
Auant ha bandonne honnour
Faites mourir agñt dolour
Le faus meſdiſſāt plaī denuie
Ie croi qu'il doit peꝛdꝛe la vie
⁊ mourir ē ceſte ioꝛnee
LE gñt tropt vint ꝑmi lapꝛee
La pꝛeus bn̄ apꝛiſſe aſſalhie
De bedos cointe ⁊ polie
Ses .ij. bons chiens q՚lle menoit
Qñt furēt eſlargi tout dꝛoit
Vont auſanglieꝛ poꝛ li ocirre
Eſcriant leur cōmance adire
Raiſon ⁊ ſauoir bn̄ alez
Ceꝛchiez partout ſi le tuez
Alés dꝛoit alui ne vꝰ chaut
De lui honnir q՚ petit vaut
Car il eſt ſanz toute bonté
Aucoꝛs faitis bel atoꝛne
Ma dame phelippe la ſage
De lautrie vint a gñt coꝛage
Meꝛci ot non ſon petit chien
Lautre cōnoiſſance qͥ bien
Seuent les meſdiſſans trouueꝛ
Elle cōmance aeſcrieꝛ
Auant alez touz iours m՚cis
Il eſt bon ſe tout eſt petit
Et pꝛens le ſanglieꝛ sāz faillir
Connoiſſance vait laſſaillir
⁊ le tue ſeul pour ſentir
Alez dont faites lemourir
Alés meꝛci oꝛ iparra
Puis vint tout ſeul de ꝑ dela
vns chiens faitis blans ꝯme nois
Se chien auoit non bōne foy
Si n'auoit ne dame ne maiſtre
Mes miex chaca ſelonc ſon eſtre
Q՚ chiens qui en la chaſe ſoit
Nuls de lui neſentremetoit
Ne dame ni a qui leſcrie
Non pourqñt il toudꝛa la vie
Ie croi le felon meſdiſſant
Il voit tout dꝛoit apeꝛtemēt
La ou il ieꝛt ſanz plus atendꝛe
Car le poꝛc cuide il bn̄ pꝛendꝛe
Oꝛeſont li chien eſlargie
Parmi le bois ⁊ cil dapie
Criant uont la ⁊ ca ceꝛchant
Et tuit li chiē vont glatiſſāt
Courent ꝑmi le pꝛaieꝛie
⁊ qui plus puet aus chiēs eſcrie
Bel acueil leeſce ales
Biau maītien dous regars coures
Bōne grace valeur dꝛoiture
Ioneſce metez igñt cure
⁊ fñchiſe ꝑ ici ua
Cointiſſe bon eſpoir dela
Meſure bōne voulenté
Ceꝛchiez doutance ⁊ pꝛiué
Largece biau parleꝛ ali
Humilite ſouffrance auſſi
Alés biau ris douce pensee
Acointement deliz magree
Biaureſpons ⁊ aſſeure
Deſir ⁊ pꝛis ſans fauſſeté
Confoꝛt alez i ⁊ baudour
Habandonne ⁊ vꝰ honnour
Raiſon ⁊ ſauoir ⁊ meꝛci
Connoiſſance ceꝛchiez auſſi
⁊ bōne foi ou plus parfon
Clip clop clap clop ouchemin ſont
Criez dela criez bn̄ haut
Frapes feꝛes criez oꝛ vaut
Bn̄ ꝑfont ceꝛchiez les buiſſons
Auant chiēs q՚ tantoſt laurons
Eſtabli fu aus .iiij. coꝛs
Du bois qui gardaſſēt dehoꝛs
.iiij. dames achaſcun vne
La conteſſe d'armignac lune
Qⁱ tient .ij. leurieꝛs bn̄ courans
Li vns auoit non hardemens
⁊ li autres fu loiauté
Lautre qui gardoit v՚s lepꝛe
A .ij. leurieꝛs quel amoit ml՚t
La uiconteſſe debiaumont
Li vns leurieꝛs fu coꝛtoiſſie
Lautre biauté chieꝛe hardie
Qⁱ trop ot lepoꝛc en hayne
De malhoꝛques lapꝛeus royne
Tient biau ſemblāt aueq՚s ioie
Qⁱ contre meſdiſſans gueꝛroie
Lautre fu lapꝛeus viſconteſſe
Debenauges qui oleeſſe
Tenoit pitié ⁊ bn̄ celeꝛ
Chaſcune doit tresbn̄ gardeꝛ
P˞ le ſanglieꝛ qͥ doit venir
Pour li tueꝛ pour li hōnir
Oꝛ eſt li ſanglieꝛs hoꝛs iſſus
A foꝛce de chiens eſt venus
De hoꝛs lebois ſenfuit courant
Illecques meſire beꝛtrant
Tient .i. eſpie a .i. feꝛ large
Dun arbꝛe couueꝛt ꝯme targe
Atandans tous dis leſengleꝛ
A lui ſen uint cōme aueꝛſieꝛ
Machant eſcumāt dꝛoit alui
Meſire beꝛtram le feꝛi
Du feꝛ de leſpie ſus lateſte
Ilec auant point ne ſarreſte
Le cuida feꝛir de la dent
Adont ſaut meſire beꝛtrant
En .i. teꝛtre qui ml՚t ieꝛt haut
Ha; ſire fis ie ne vous chaut
Dautre fois vꝰ afait feꝛir
Tu dis bn̄ voir ꝑ faus mentir
Arrieꝛe plus d'une ioꝛnee
Le ſanglieꝛ fuit ꝑmi la pꝛee
⁊ apꝛés li les .viij. leurieꝛs
Et les chiens glatiſſās deꝛrieꝛs
⁊ les dames ſus les cheuaus
Courant ꝑ tombes ⁊ ꝑ vaus
Criant ml՚t haut oꝛ iparra
Aus leurieꝛs qui le tueꝛa
Le ſanglieꝛ eſt tant dechaciez
Q˜ foꝛce de chiens eſt laſſez
Il eſt tant las q՚ plus nēpuet
A vn arbꝛe guenchir leſtuet
Contre chiens la teſte gita
Feꝛant de la dent ca ⁊ la
Si qñ a nauré. plus detrois
Meſire de foys uint deffrois
Courant apie gita ſon dart
Sus leſpaule fieꝛt d'une ꝑt
⁊ le ſanglieꝛ vint dꝛoit ali
Li contes atraueꝛs ſailli
⁊ cil li met leſpie deuant
Et li ſanglieꝛs ſen paſſe auāt
Ha; fis ie meſire defois
Com ie croi bn̄ qͥl vous cōnois
Dautre fois vꝰ a fait anui
Tu dis voir ſi feꝛai ie lui
Grant talent ai delui tueꝛ
Loꝛs ſenuait bꝛuiāt le ſangleꝛ
Touz naurez ſemiſt en .i. lac
Loꝛs vint madame d'armignac
Sus ſon cheual foꝛment criāt
Alez mes leurieꝛs hardemēt
A lui rendez le moi tue
⁊ vous bon leurieꝛ loiauté
Sus touz vꝰ le devez bn̄ pñdꝛe
Loiaute alez le tout fandꝛe
Car vr՚e pooir le confont
Auſſi ma dame debiaumōt
Confoꝛtant ces leurieꝛs eſcrie
A li bon leurieꝛ coꝛtoiſſie
Q՚ tous dis vouſe melle courrous
Biaute ie croi bn̄ ſauez vous
Comēt ſetuent meſdiſant
La royne vient haut criant
De malhoꝛq՚s aſon leurieꝛ
Biau ſemblant alez le chacieꝛ
Et vꝰ ioie ſans nulle faute
La uiconteſſe a voiz haute
De benauges crie de gré
Auant bn̄ celeꝛ ⁊ pité
Tues le meſdiſſāt vaīcus
Il eſt naures il eſt feꝛus
Tantoſt ſeꝛa moꝛs bn̄ le voi
Loꝛs vint le chienet bōne foy
Le vil ſanglieꝛ pñt ꝑ loꝛeille
Maintenāt par trop gñt m՚ueille
Li ſanglieꝛs ꝯmāce aparleꝛ
Hé; las ie ne pꝰ plus dureꝛ
Il me conuient mourir ꝑ foꝛt
Hui deſtinee eſt ma moꝛt
Et mes teꝛmes eſt hui venus
Ie ſui naures ⁊ recreus
Riens ne me vaut crieꝛ m՚ci
Ne courtoiſſie auecq՚s li
Ne franchiſſe ne bōne foy
Il ſont treſtuit ē contre moy
Et touz les bn̄s qͥ damours ſont
Par coi irai ouplus ꝑ fōt
Denfeꝛ que ie fui meſdiſſant
Des mon iouuāt tout en auāt
Touz iours ai eſté des loyaus
POurce mourrez traite faus
Diſtrent tuit car bn̄ eſt raiſon
Loꝛs le feꝛi p՚mieꝛs gaſton
Delille deleſpie dacieꝛ
Sire fis ie itel louieꝛ
Auoit lonc tans ia deſeꝛui
Et meſire iohan feꝛi
De gaillart .i. cop de ſeſpee
Feꝛes ſire ſil vous agree
Q՚ ml՚t nous afait gñt dōmage
Gñt cop lefieꝛt ſus le viſage
Meſire oliuieꝛ de boꝛt
Vꝰ ſauez bn̄ qu'il vꝰ a toꝛt
Ne quans deſtoꝛbieꝛs vꝰ afais
⁊ meſire le fieꝛt apꝛés
Demon feꝛrant ꝑ le coſté
Feꝛes car trop vꝰ a couſte
Le felon plus que il ne vaut
Gantonet fieꝛt qͥ pas nefaut
Deſpee tranchant ꝑ leſchine
Sire fis ie la grant hayne
Q՚ il vous poꝛte li rendez
Meſire guirart vint delez
De chaſtiau nuef ſi fieꝛt gñt cop
Sire fis ie ne pouez trop
Feꝛir car tant vꝰ pot hayr
Pieꝛre d'oꝛneſen uint feꝛir
Le meſdiſſant de cop delance
Pieꝛre ce dis ie en gñt doutance
Vꝰ afait eſtre maīte foys
Tui dis voir ⁊ moy tenir cois
Li ſires de iumet uint
.I. grant glaiue en ſamain(i)tint
Courant aufelon le gita
Ꝑ les flans contre li paſſa
Raymon heꝛnaut ſigñt cop fieꝛt
De pꝛeſſac q՚ mire niquieꝛt
Iohan debiron fieꝛt d'ū dart
Siquil paſſe delautre part
Bn̄ ifieꝛt guieꝛart detemines
Sigñt cop que par les eſchines
En .ij. moitiez dꝛoit le parti
Meſire beꝛtram bn̄ feꝛi
De lille qui miex eſt manieꝛ
Defeꝛir ſus hiaumes dacieꝛ
Conneu lauoit autre fois
Et meſire ifieꝛt de foys
Tant qu'il atout de cartelle
⁊ ie ſilai de hoꝛs gite
Du lac ou il eſtoit tuez
Dis meſire beꝛtrans coꝛnez
Lamoꝛt du meſdiſſant felon
Il coꝛne ⁊ puis diſt gaſton
Voulez tuit ſoit amon pleſſir
De ceſtui ſanglieꝛ de partir
Ouil crient tuit hautemēt
Iel feꝛai dont par tel conuent
Q՚ ma dame d'eꝛmignac pꝛeigne
Le pꝛemieꝛ cartieꝛ celle daigne
Et pource que miex ſoit veus
En armignac ſeꝛa pendus
Ens ou meilleur lieu qui iſſoit
Ap՚s ie weill tout oꝛendꝛoit
Q՚ l'autre cartieꝛ ꝑ deuant
Soit acelle qui le veult tant
La uiconteſſe de biaumont
⁊ pource qu'il la heoit mout
En en iou le pende ml՚t lait
Madame de malhoꝛques ait
Du ſanglieꝛ le deſtre cartieꝛ
De par deꝛrieꝛe tout entieꝛ
⁊ quan face itel iuſtiſſe
La uiconteſſe en autel guiſſe
De benauges enait ſapart
Ꝑ deꝛrieꝛ leſeneſtre quart
⁊ ſi le pende ſans delois
La teſte en ait liquens defois
Sans la langue ⁊ bn̄ ſegart
Quē haut ſoit pendus aſaꝑt
En lieu ouſoit tres bn̄ veue
Et la langue fauſſe ⁊ ague
Mes fr՚es meſire beꝛtrans
Poꝛt auec ſoi car eſt nuiſſās
Soit peꝛtuiſſiee a feꝛs agus
Le cueꝛ ne donrai ie anus
Samoi meiſmes non ie le weil
Il fu faus cueꝛ ⁊ plaī doꝛgueil
Diniquite ⁊ de meſdis
Ꝑ ce le poꝛteꝛai tout dis
En vn feu ardant sāz cremeꝛ
Ce queſt ou ventre du ſengleꝛ
Tantoſt ſoit ici touz bꝛouis
Car il eſt touz plains de venīs
Soꝛ t՚re ne doit remanoir
Oꝛ eſt moꝛs cō pouez vëoir
Auſi fuſſent tuit cil qui ſont
Et vꝰ madame debiaumont
⁊ d'armignac qui ce voulez
A touz vos pouoirs les tuez
Mes dous repos le ueut auſſi
Qⁱ de cueꝛ les het ⁊ pour li
Les heꝛrai ie ſus toute rien