/LI ſages ſalemōs Nous mouſtre
Ꝑ bon exemple et par urai mouſtre
C'om doit touz ioꝛs sō sāz mouſtreꝛ
Ꝑ biax eſſēples de mouſtreꝛ
Car li sās qui n'eſt demouſtres
Ꝑ biax diz ⁊ ꝑ fais mouſtres
Il n'es anului ˞pphitans
Ne ne vaut riēs plꝰ que litans
Qⁱ eſt peꝛdus ſans recouureꝛ
Dōt doit touz iours ſages ouureꝛ
En fais ē maītien ⁊ en oeuure
Ꝑ quoi le bn̄ mouſtre ⁊ deſcueure
C'on doit noncieꝛ ⁊ deſcouurir
C'eſt pechiez de ſon ſanc couurir
P˞ ce vous ieꝛt ci aouueꝛs
Mes petis ſans ⁊ aouueꝛs
Ꝑ .j. bel eſſemple aſſez court
C'on puet bn̄ dire ē haute court
C'eſt de la nois que ie compeꝛe
Au iōne hōme filz de bō peꝛe
Q՚ bn̄ ſe veut d'onneur pareꝛ
A la noiz ſe doit cōpareꝛ
S'eꝛt adꝛoit ſa vie paree
S'alanois groſſe eſt cōparee
Car biaus eſt li comparemens
Qñt d'aneur vient li paremens
Dont pꝛinces puiſſās eſt pares
Bn̄ eſt a ſon dꝛoit cōpares
Qⁱ ala nois ſe compara
De tres haute hōneur ſepara
Li pꝛemies en eſt apparans
Eſgardes par mois ⁊ ꝑ ans
A chaſcune ſaiſon nouuelle
Q՚ li noieꝛs ſe re nouuelle
Qⁱl eſt veꝛs ⁊ renouuelles
Conueꝛs de fueille ⁊ eſtelles
De flour dont lanois naiſt ⁊ poīt
Tant q՚lle eſt groſſe ⁊ ē ce point
Toute veꝛte l'eſtuet cueillir
P˞ confiture recueillir
Ainſi ſ'en conuiēt ētre metre
Qⁱ lanois veut ē confit metre
Cueillir l'eſtuet ionete ⁊ tendꝛe
Et par ce point poōs entendꝛe
Ce puet on eſpꝛouueꝛ ſouuēt
C'on doit en ſon iōne jouuāt
L'enfant jone apñdꝛe ⁊ eſtruire
Q՚ ou chemin le veut conduire
De valeur d'armes ⁊ d'amours
Comfir le doit en bōnes mours
⁊ apꝛendꝛe d'ōneur l'uſſage
En tant qu'il eſt de ione aage
On le doit par bn̄ doctrineꝛ
Faire obeir ⁊ alineꝛ
A l'eſtat qu'il doit maītenir
P˞ miex dꝛoite voie tenir
A bn̄ faire eſtre couſtumieꝛs
C'eſt li eſſamplaire p՚mieꝛs
Delanois veꝛde ⁊ lamatire
C'on doit ē bōnes meurs cōfire
L'anfant tant qⁱl eſt iones d'ans
P˞ miex eſtre ahōneur tandās
Ou autrement il en meſchiet
La nois le pꝛueue celle chiet
Ou on laqueꝛra apentecouſte
Il n'i a riens foꝛs que la crouſte
Ay gre ⁊ ameꝛe ſans douceur
Oꝛ la faut de bōne liqueur
Qⁱ confire la veut adꝛoit
Et qui la ſaiſſon doꝛendꝛoit
Q՚ ie di lairoit treſpaſſeꝛ
Pour noient ſe pourroit laſſeꝛ
Iamés confite ne ſeꝛoit
Pꝰ que ſa veꝛdeur paſſeꝛoit
⁊ on veꝛroit l'eſcaille dure
Auſſint eſt il de la nature
A l'enfant jone damoiſſel
Si cōme ou afaite .i. oiſſel
Le doit on d'ōneur afaitieꝛ
Lui net tenir ⁊ pꝛés gaitieꝛ
Touz iours l'ueil auoir aſa face
P˞ regardeꝛ qu'il ne meſface
Encontre les bonnes veꝛtus
Et qñt d'enfance eſt des veꝛtus
Si com la nois qui ſe deueſte
Hoꝛs de c'es coꝛce en vie hōneſte
Doit ſauie en sō tēps mueꝛ
Et lui de pechié des nueꝛ
La nois que nature des nue
De c'es coꝛce tant q՚lle eſt nue
Et l'es chaſillons nes ⁊ nus
Nous eſt exemple cōtenus
Pꝰ c'onneſt d'enfance mues
C'on doit nes eſtre ⁊ deſnues
De vilonnie ⁊ d'autre vice
Douteꝛ dieu ameꝛ ſon s՚uice
Tandꝛe ahōneur ⁊ le bn̄ faire
Et qui plus eſt de noble afaire
Miex doit eſtre en hōneur ꝑfais
Miex aſfaitiez ⁊ en touz fais
Doit eſtre d'oꝛgueil des chargiez
De pechiez nes ⁊ eſpurgiez
Son cueꝛ tendꝛe ⁊ ſon coꝛs peneꝛ
Tant qu'a valeur puiſt aſſeneꝛ
Prendꝛe garde al'es chafelote
Qⁱ gñs bn̄s ſenefie ⁊ note
Qⁱ nous eſt cōparee aucoꝛs
Biaus en eſt ⁊ bons lirecoꝛs
Drois le teſmoigne ⁊ ſ'i acoꝛde
Li coꝛs que pechiez ne lemoꝛde
Doit auſſi durs eſtre ⁊ ſeurs
Q՚ li eſchaillons meurs
Qⁱ le nouel nourriſt ⁊ gr̃de
Sans empirieꝛ c'eſt bōne gr̃de
Qⁱ bn̄ uoudꝛoit regardeꝛ
Ainſi doit coꝛs l'ame gardeꝛ
⁊ nuit ⁊ iour eſtre encitez
De fouir toutes vanitez
Qⁱ pueent l'ame adieu tollir
Riens ne doit lecoꝛs amollir
Dont l'ame ſoit apechié mole
Coꝛtois ⁊ de couce parole
De bōnaire ⁊ humbles doit eſtre
Damoiſſiaus eſtrait de bō eſtre
Ne ſe doit en oꝛgueil creſteꝛ
Ne en vilanie arreſteꝛ
Ne doit ſes cueꝛs gentilz ⁊ dous
En richeſce n'ē grans adous
Aus bons ſ'umelie ⁊ adouce
Si con la nois ameꝛe ⁊ douce
Doit auoir cueꝛ dous ⁊ ameꝛ
Ainſi ſefeꝛa il ameꝛ
Durs doit eſtre ameꝛs ⁊ puiſſās
Et fel contre les meſdiſſās
Felons qui ſeꝛuēt dementir
Et li bon le doiuent ſentir
Dous amiable ⁊ fin courtois
Ne doit laiſſieꝛ de ſous ces dois
Felons traitours cōueꝛſeꝛ
En ſus de lui les doit veꝛſeꝛ
Car toute hōneur chiet ⁊ reu՚ſe
En lieu ou traiteur cōueꝛſe
Il eſt fel mauués deſpiteus
Et on doit veꝛs lui eſtre feus
Pꝰ c'om le puet mauuez ˞pueꝛ
Nulle douceur ne doit troueꝛ
Li fel netraitres renois
Mais plus ſurs qu'eſcoꝛce denois
Plus ameꝛs de durte greignoꝛ
Doit trouueꝛ le cueꝛ ſon ſeignoꝛ
Lifel ⁊ l'enuieus meſdis
Et li pꝛeudom pꝛeus ⁊ hardis
Enloyauté feꝛme ⁊ eſtable
Le doit trouueꝛ dous amiable
Humble coꝛtois ⁊ debonaire
Oꝛ vous dirai ie l'eſſemplaire
Du nouel qⁱ eſt douz ⁊ blans
Eſt ml՚ bn̄ al'ame ſemblās
Qñt lanois eſt ē ſamaiſon
Eſchailliee en veꝛde ſaiſon
S'on en veut le nouel meng՚
Voulentieꝛs ploie ⁊ ſanz dang՚
En tant qⁱl eſt veꝛt apellez
Mais iapuis n'ieꝛt aiſſe pellez
Ne la pelace ius pellee
Q՚ la nois ieꝛt viez apelee
Ce puet on eſpꝛouueꝛ auoir
Bon eſſemple ē pouez auoir
A l'ame ſ'elle eſt entechiee
D'aucun pechié vilain tachie
Q՚ diex pꝛaīgne ⁊ ait ē deſpit
Li coꝛs ſans pñdꝛe nul reſpit
S'en bōnes meurs veut abondeꝛ
Ione en doit le pechié mondeꝛ
Car n'eſt riēs tant l'ame v՚gonde
Q՚ viex pechiez dont qⁱ ſ'eſmonde
Ainz que il ſoit viex de venus
De touz pechiez gñs ⁊ menus
S'il ſ'en veut iones eſcureꝛ
Plus legieꝛe eſt aendureꝛ
Lapenitance ⁊ maīs endure
La paine qui iōne l'endure
Ce puis ie pour voir ſouſtenir
CE ſte voie doiuent tenir
Li damoiſſel noble puiſſant
P˞ miex eſtre ē bonté croiſſās
Doiuēt ē tendꝛe abone fin
C'eſt ce c'ō aīme de cueꝛ fin
De fin coꝛage eſt afinez
Qⁱ tient q̃ ualour ſoit finez
Et d'onneur ſauie afinee
Iamais parole n'ieꝛt finee
Du pꝛeudōme qⁱ ainſi fine
Qⁱ vie amenee bōne ⁊ fine
Ses renons ia ne fineꝛa
Mais auſſi bn̄ l'afineꝛa
En honeur cōme lioꝛs fins
Tant (eſt) eſt des bōs bōne lafins
C'om les doit pꝛiſſieꝛ finemēt
Oꝛ vous doi ie dire bꝛiemēt
L'eſſemplaire ⁊ toute lagloſe
Par quoi ou nouel aencloſe
Et eſparce de touz coſtez
Vne eſchaille que vous otez
Qñt on veut le nouel peleꝛ
Ne le ſai cōmant apelleꝛ
Mais il n'ia riens de bonté
Non pour qñt ꝑ le voir comte
Mout gñt eſſemple ſenefie
S'il eſt qui le de claire ⁊ die
Il nous deſcueure le pechié
D'/a dam dont fumes ētechie
Qñt /euain la pōme menga
Celle ml՚t nous adōma ga
Mais gñt pꝛoufiſt fiſt ces dōmages
Se li pechiez fais eſt rama ges
Les ames des bons c'om dampna
Diex tel reſtoꝛ en amena
C'onq՚s tiex ne fu reſtoꝛes
De teꝛre ⁊ ciel fu aoures
Et des angles cilz biax reſtoꝛs
Tous ē fumes d'enfeꝛ reſtoꝛs
Et rachetez de moꝛt ameꝛe
Si toſt com diex ot fait /ſa meꝛe
De /la gloꝛieuſſe pucelle
/Vieꝛge marie qui fu celle
Ꝑ qui diex /ih՚ucris noz peꝛes
A nous deuit՚ en tr՚e freꝛes
Pour la ꝑte /adam reſtoꝛeꝛ
Bn̄ le deuons touz aoureꝛ
Qñt tel reſtoꝛ nous reſtoꝛa
Queue. ciel ⁊ tr՚e aoura
/La douce v՚ge ēqui ſans paine
/Le filz de dieu pⁱſt char humaīne
P˞ nous des paines relaſchieꝛ
Qñt il ſe daigna abaiſſieꝛ
Et auons fr՚es ſe clama
Il parut bn̄ qu'il nous ama
Qñt d'enfeꝛ nous a rachetez
De ſon ſanc ſans autre chatez
Qñt en crois ſouſfri la moꝛt ſure
P˞ l'enuenimee moꝛſure
D'/a dam qñt lefruit moꝛſilla
Diex fu ⁊ hom qu'il eſcilla
A toute ſa gñt deité
De uint de nr՚e humanite
Et encoꝛ fu ice du mains
Et fu anous fr՚es humains
Car il fiſt plus qñt vole offrir
Le ſien coꝛs p˞ nous aſouffrir
En crois moꝛt ameꝛe ⁊ deſtroite
Deuāt /la douce beneoite
/Gloꝛieuſe vieꝛge marie
Qⁱ mainte laſſe ame eſmarie
Ꝑ pꝛieꝛe decueꝛ entieꝛ
A redꝛecie a dꝛoit ſantieꝛ
Ꝑ lui ſont tout li deſcoꝛde
De pechié adieu racoꝛde
Plaine eſt de douceur ⁊ d'acoꝛde
Fontaine de miſeꝛicoꝛde
De pitié poꝛte de ſalu
Ml՚t nous aciſt reſtoꝛ valu
Ce fu .i. p˞cieus iouiaus
P˞ nous. ſi cō li dous noiaus
Croiſt en l'eſcoꝛce a,eꝛe ⁊ ſure
Ainſi vint elle nete ⁊ pure
⁊ croiſſi entre ſalīgnie
Vieꝛge fu nete ⁊ eſpurgie
Depechié; ainz ne volt pechieꝛ
Ne ſon coꝛs de vice ētechieꝛ
Ꝑ lui ſont tuit li bon ſauue
S'en auons ē petre l'aue
Purgez en sōmes ⁊ lauez
Liauez nous a touz ſauuez
⁊ de pechié l'ame lauee
Toute eſt lagent d'aue lauee
⁊ tuit li bon ſe ſeuueꝛont
Qⁱ d'aue ainſi laueꝛont
⁊ cil diex qui par aue leue
Le gñt pechié d'/adam ⁊ d'/eue
Et volt les bons d'enfeꝛ laueꝛ
Nous weille les ames ſauueꝛ
Et nous otroit ſon ſauuemēt
Dites amen aufinemēt
De la nois dont li contes fine
Q՚ dieus nous maīt ē ioie fine