IL auint iadis en .i. temps
Bn̄ a paſſé .iiijc. ans
Q՚ il eſtoit .i. riches hom
Ie ne ſe pas nōmeꝛ ſon non
Mes il eſtoit de gñt manieꝛe
De p՚s de bois ⁊ deꝛiueꝛe
⁊ de qñ qua fieꝛt a riche hōme
De ce vous weil dire la sōme
Auoit de ce nefaut pas dire
Liez hōs eſtoit sāz nesū ire
Il auoit .i. manoir ſibel
En bourc nen ville nē chaſtel
Se le voir vꝰ en weil conteꝛ
En tout le mōde n'ot ſon peꝛ
Ne ſi biau ne ſi delitable
Li contes vꝰ enſembleꝛont fable
Qⁱ vꝰ endiroit la facon
Ie ne cuit q՚ ainz face hom
Tel donion ne ſi riche tour
Eſcoutez ſeigneur ꝑ amour
Entour couroit vne riuieꝛe
Belle ⁊ cleꝛe degñt manieꝛe
Qⁱ enclooit tout le poꝛpꝛis
⁊ vn v՚gieꝛ qui fu depꝛis
I auoit darbꝛes diaue ēclos
Cilz qui le fiſt ne fu pas ſols
Ce fu .i. ch՚r gentils
Ap՚s le peꝛe lot li fils
Qⁱ le vendi a vn vilain
Ainſi ala demaī en main
Tous ſauez bn̄ q՚ ꝑ mal hoir
Se dechieent maint bel auoir
⁊ mainte t՚re ⁊ mainte rente
Ꝑ le ſur crois de male vente
Liveꝛgieꝛs fu biaus adeuiſe
Arbꝛes iot demainte guiſſe
Q՚ ie ne ſe mie nōmeꝛ
Mes poꝛ uoir vꝰ puis racōt՚
Qⁱl y auoit roſes ⁊ flours
Qⁱ ietoiēt ml՚t gñs odours
Et eſpices detel manieꝛe
Q՚ dame giſans ē litieꝛe
Qⁱ malade fuſt ⁊ en feꝛme
Sen iroit toute ſaine ⁊ f՚me
P˞ tant q՚ veꝛg՚ geüſt
⁊ c'une nuit eſtre i peüſt
DE ch՚es heꝛbes fu garnis
⁊ li p՚aus fu ſi omnis
Qⁱl ni auoit ne mōt ne val
⁊ li arbꝛe tuit parigal
Eſtoiēt dū gñt contremōt
Plꝰ bel veꝛg՚ n'auoit v mont
Ia tel fruit ni demandiſſiez
Q՚ vous trouueꝛ ni peuſſiez
Ainſi eſtoiēt il toꝰ temps
Cilz qui le fiſt fu ml՚t ſachās
Il fu tous fais ꝑ nigremāce
Leās auoit maīte ꝑuance
Li veꝛg՚s eꝛt ⁊ biaus ⁊ lons
A compas tous fais ⁊ reons
Enmi auoit vne fontaine
Dōt liaue eſtoit ⁊ cle՚ ⁊ ſaine
Et ſourdoit aſi gñt rendon
Com ſel veniſt ꝑ comduiſon
Si eſtoit plꝰ froide q̄ marbꝛe
Ombꝛe li faiſſoit .i. bel arbꝛe
Q՚ la gent apeloient pin
Tous tēps eꝛt v՚t ſoir ⁊ matin
Dōt les bꝛāches loīs seſtēdoiēt
Qⁱ noblemēt duites eſtoiēt
Fueilles iauoit a plenté
Entout le plꝰ bel ioꝛ deſte
Qñt ce viēt ens u mois demay
Ni peuſſiez choiſſir le ray
Du ſolleil tant eſtoit ramus
Ml՚t deuoit eſtre ch՚ tenus
Car il eſtoit de tel nature
Q՚ ſa ueꝛdeur tous tēps li dure
Vent ne tempeſtetātſoit foꝛte
Nen abat fueille nieſcoꝛce
Li pins fu deliteus ⁊ biaus
Chant՚ menoit vns oiſſiax
.ij. fois le iour ⁊ plꝰ noient
⁊ bn̄ ſachiez aeſcient
Qⁱl iuenoit la matinee
Et l'autre fois alaueſpꝛee
Li oiſſiaus fu ⁊ biaus ⁊ gēs
Ml՚t ſeꝛoit gñs detriemēs
Qⁱ vꝰ endiroit la facon
Il eſtoit mendꝛes dū pincō
.I. pou graindꝛes dū linotel
Si chantoit ſi bn̄ ⁊ ſi bel
Roſingnol melle ne mauuis
Ni eſtoꝛnel ce meſt auis
Chant daloe ne dekalendꝛe
Neſt pas ſipleſans aentendꝛe
Com eſt li ſiens bn̄ le ſachiez
Li oiſſiaus fu ſi afaitiez
A dire lays ⁊ nouuiaus ſons
Q՚ rotruanges ne chancons
Guige ne harbe ne viele
El chant a voit vne m՚ueille
Onq՚s noiſtez ſapareille
Car tel veꝛtu auoit le chant
Q՚ia hōs nefuſt ſi dolant
Mes que loiſſel chanteꝛ oiſt
Q՚ maintenāt ne ceſioiſt
Et qͥl noubliaſt ſadoulour
⁊ ſil neüſt penſe damour
Sen fuſt il maītenāt eſpꝛis
⁊ cuidaſt eſtre de tel pꝛis
Com eſt emꝑeꝛes ⁊ roys
Fuſt ou vilain ou bouriois
Et ſil eüſt .C. ans paſſes
Et fuſt du ſiecle treſpaſſes
Pour quoiſt deloiſel le chāt
Sili ſemblaſt il maītenant
Qⁱl fuſt meſchins ⁊ iouuēciaus
Et ſi cuidaſt eſtre auſi biaus
Com fu libiaus ꝑthenopiex
Ou neꝛciſus qui aces ieux
P˞ ſa biauté regada tant
En liaue qͥ eſtoit courant
Qⁱl en mourut ce fu sāz doute
Q՚ la veue li failli toute
P˞ ſa tres gñt biauté mireꝛ
Mourut ſus li aue en regard՚
Auſſi ſeꝛoit vis au viellart
Seil ouoit icel bel art
De cel oiſſel ⁊ ce chant cleꝛ
Qⁱl peüſt a ceus reſembleꝛ
Et qͥl fuſt amez de danzelles
⁊ de dames ⁊ de pucelles
Vne autre gñt m՚ueille iot
Q՚ liueꝛgieꝛs ouure ne pot
Se tant non com li oiſſillons
I uenoit chanteꝛ les dous sōs
Car du chant iſſoit les amours
Qⁱ en ueꝛtu tenoit les flours
⁊ li arbꝛes. ⁊ toꝰ les cymes
Et ſe li ouſſillon meiſmes
Sen fuſt alez netātne qñt
Si veïſſiez v՚tu ml՚t gñt
Maintenāt liarbꝛes ſechaſt
Et la fontaine ſeſtanchaſt
Qⁱ par loiſſel ieꝛt en veꝛtu
Li vilains qͥ li arſtre fu
Venoit chaſcun ꝑ couſtume
P˞ fleꝛieꝛ celle ſouaſtune
A la fontaine ſouz le pin
Vint li vilains .i. bn̄ matin
Son vis laua ala fontaine
Et li oiſſel a haute alaine
Chantoit ſus le pin doucemēt
.I. lay damours ioliuement
Ce lay eſt moult bon a ētendꝛe
Bōne eſſemple ipouroit ō pñdꝛe
Dōt miex enſeꝛoit en la fin
Li oiſſiaus diſt ē ſon latin
En tendez treſtuit amō lay
⁊ ch՚r et cleꝛc ⁊ lay
Qⁱ vous entendez ē amours
Et qͥ en ſouſfirez les doulours
⁊ auous le dige pucelles
Qⁱ eſtez auenans ⁊ belles
Qⁱ le ſiecle voulez auoir
Ie uous di ⁊ crëant pour voir
Q՚ ie vꝰ dire vne note
Qⁱ ne doit pas eſtre friuole
Uous deuez dieu am՚ auant
Tenir la loy ⁊ ſon ꝯmant
Voulentieꝛs aleꝛ aumouſtieꝛ
Souuent oir le dieu meſtieꝛ
Car du ſeꝛuiſe dieu oir
Ne puet nuli meſauenir
Et pour veꝛité vꝰ recoꝛt
Dieu ⁊ am˞ ſont dū acoꝛt
Dieu aīme ſans ⁊ courtoiſie
Bonne amour ne het il mie
Dieux aīme ml՚t belle pꝛieꝛe
Amours ne la met pas arrieꝛe
Dieus conuoite ſus toꝰ largeſce
Il nia nulle male teiche
Diex ainme ⁊ hōneur ⁊ bonté
⁊ amours ainme loiauté
Loyaute eſt dieus ⁊ amours
Loial amour ſeꝛt dieu tozioꝛs
LI aueꝛ ſont li enuieus
Et litenāt li conuoiteus
Et li vilain ſont li mauués
⁊ li felon ſont li punes
Sans courtoiſſie ⁊ sās hōnour
⁊ loiauté maintiēt amour
Et ce vꝰ ace vꝰ tenez
Dieu ⁊ leſiecle auoir pouez
Si vꝰ en rendꝛa lameꝛite
De vos pechiez ſeꝛez tuit quite
Car ſeuiuez entel manieꝛe
Voſtre penance eꝛe legieꝛe
Oꝛ eſcoutez lechant du iay
Ce que il dit en sō dous lay
Au vilain que il vit venir
Qⁱ au veꝛgieꝛ ſaloit ſeir
Ce dit lioiſſiaus ē ſon chant
Ce que auez oï deuant
Et qñt vit le vilain venāt
Si cōmanca plꝰ haut sō chāt
De ſouz le pin fu li vilains
Qⁱ eſtoit demauueſtie plaīs
Ꝑ deſous lepin ſe ſeoit
Fel en uieus cruieus eſtoit
Dont chanta ē autre manieꝛe
Car leſſe ton courre ē riuieꝛe
Donions. peꝛiz. court car de chiez
Fleurs moꝛtiſſiez. h՚bes ſechiez
Arbꝛes car leſſiez lepoꝛteꝛ
Ceus me ſouloient eſcouteꝛ
Gentilz. dames. ⁊ ch՚r
Qⁱ le veꝛgieꝛ auoiēt chieꝛ
Car plꝰ largemēt ē uiuoiēt
⁊ mieus ꝑ am˞ en amoiēt
Et tenoient cheualeꝛie
Oꝛ mot ce vilain plaī denuie
Qⁱ plus goulouſſe lemeng՚
Q՚ il ne fet le doſnoieꝛ
Pꝰ que mō chāt lieſt faillis
Eſt il acouuioitieꝛ ſouſgis
CEulz le ſouloiēt eſcouteꝛ
Pour de duit ⁊ p˞ miex ameꝛ
Pucelle ⁊ hōmes pluſours
Qⁱ eſtoiēt ſurpꝛis damours
Tout pour leur coꝛs miex aaiſſieꝛ
Et cilz voient p˞ plꝰ mengieꝛ
⁊ pour plus en glout՚ viende
Q՚ male paſſion leſtande
⁊ de male moꝛt puiſt mourir
Dyable font ici venir
Vilains enuieus ⁊ rebours
Qⁱ en eus nont ioie d'am˞s
Ne ſoulas ni en uoiſſeure
Mais ice vilaine plaī dardure
Enmeꝛoit miex plaine eſcuelle
Dun blanc frōmage ēfoiſſelle
De feues ou de pois aulart
Qⁱ ne feꝛoit auoir ſapart
De lais damours ne de chancōs
Ne de gentes dames aus cͥs blōs
Ne que veillieꝛ ni acoleꝛ
Mes au boire ⁊ au mengieꝛ
Entendꝛoit il ml՚t voulentieꝛs
Laſeꝛoit pꝛeus ꝯme leurieꝛs
Q՚ male moꝛt le puiſſe pñdꝛe
Qⁱ la gueule li face eſtandꝛe
Qñt ce ot dit ſi ſen vola
⁊ li vilains qͥ remaīt la
Penſe q՚ ſil le pouoit pꝛendꝛe
Aſſez toſt li pourroit ch՚ vendꝛe
Et ſe vendꝛe ne li pouoit
En ſa geolle le metroit
Sili chanteꝛoit tart ⁊ tempꝛe
Son engin a toꝛne ⁊ tempꝛe
En ceꝛche ⁊ giete ⁊ poꝛuoit
Tant q̄ les bꝛanches aꝑcoit
Ouil ſe ſeoit plus ſouuent
Il y fiſt las ſiles eſtant
Ml՚t abn̄ ſaglus atempꝛee
Et qñt ce uint ala ueſpꝛee
Q՚ la ſeſon vint ⁊ le temps
⁊ leure p˞ crieꝛ ces chans
A loiſſelet. ſieſt venus
Mes il ſa ſiſt dꝛoit ſus laglus
Car nulle choſe nē ſauoit
Du lieu qui ſi glue eſtoit
Auis cuidoit qͥl fuſt autel
Cōme il ſouloit eſtre nō el
LI oiſelez fu pꝛis au las
Li maus vilains chetiz ⁊ las
Eſtoiet en aguet v pourpꝛis
Acourant vint ⁊ ſi lapꝛis
Oꝛſa diſt il dans oiſſillons
Oꝛ me dirés vous devos ſons
Maleſgre v՚re nes deuant
Si vꝰ vendꝛe ˞p chainemēt
La vilonie ⁊ le deſpit
Quautre foiz mauez fet ⁊ dit
⁊ ſe ne me voulez chanteꝛ
Ie vꝰ cuit ſi bn̄ atrempeꝛ
Q˜ moi na autre ne dirés
Mal qñt demoy deꝑtires
Biaus dous amis dit lioiſſiaꝰ
De moy pñdꝛe eſt tpͦ
grans maus
Qñ moy apoure reancon
Vꝰ demourrez en ma pꝛiſon
Dit li vilains toute mauie
Ceſte chancō eſt mal ꝑtie
Diſt li oiſſiaus ce poiſſe moy
Vꝰ metenez cepoiſſe moy
Gen ay lapire daſſez pꝛiſe
Ie ſuel auoir ama deuiſe
Champaines. riuieꝛes ⁊ pꝛés
Oꝛ ſir en geolle enfeꝛmes
Iamés n'auré de duit ne ioie
Ie ſouloie viure depꝛoie
Oꝛ me donra on amengieꝛ
Com a .i. poure pꝛiſonnieꝛ
LI oiſelles diſt au uilain
.I. mot qui ne dit pas en vain
Leſſe moy aleꝛ biaus amis
Car bn̄ ſoiez ſeurs ⁊ fis
Ia en pꝛiſon ne chanteꝛay
Ꝑ foy ⁊ ie te mengeꝛay
Dit le vilain pꝰ que te tien
De ſoꝛ en auant ſeꝛas mien
Ia ꝑ autre tour nen irez
Ē moy poure repaſt aurez
Dit lioyſſiaus trop ſui petis
Ia nen eſcroiſtra v՚re pꝛis
Se vous occiez telle rien
Leſſiez maleꝛ ſifeꝛes bn̄
Pechié feꝛes ſe mociez
Dit li vilains oꝛ vꝰ teſſiez
Com ie plus pꝛiez ē ſeꝛoie
Sachiez q՚ trop maīs ē feꝛoie
DIt lioiſſiaus il eſt bn̄ dꝛoiz
Car ainſi lapoꝛte laloyz
Douce raiſon vilaine aire
Ꝑ maītes foiz lai oÿ dire
Mes .I. dit nous mouſtre ⁊ gloſe
Beſoing fait faire maīte choſe
Mafoꝛce ne me puet tenſeꝛ
Mes ſe vꝰ me leſſiez eſteꝛ
De .iij. ſens vꝰ feꝛe ge ſage
Tel ne ſet hōs de vo linage
Si vꝰ pourroiēt ml՚t valoir
Se ſeurte ē puis auoir
Dit le vilain ieteleꝛai
Aleꝛ tel fiance cō iay
Dit li vilains ietecreant
Ten dourege demaintenāt
Et li vilains le leſſe aleꝛ
⁊ cilz vet ſus larbꝛe mōteꝛ
LI oiſſiaus ſus larbꝛe sēuole
Eſchapez fu ꝑ ſa parolle
Touilliez fu ⁊ touz heꝛiciez
Car laidemēt fu maniez
Tenus ot eſté ꝯtrelaine
A ſon bec ſa pluime ramaine
⁊ ralie aumieus qͥl puet
Li vilaīs qͥ ſauoir voulet
Les .iij. ſens le ſemōt qͥl die
Lioiſſiaus fu plains de voidie
Silidit ſetu bn̄ entens
Apꝛendꝛe ipoꝛras .i. bō ſens
Oꝛ oez que dit li oiſſiaus
Qⁱ tant fu auenans ⁊ biaus
Ne pleure pas ce quaīs neus
Li vilains ne fu mie mus
Ainz reſpondi par felōnie
Tu as ta fiance mentie
.iij. ſens me deuoies apñdꝛe
Si cōme tu mefeis ētendꝛe
Quains ne ſot hōs demō līgnage
Mes ien ſe le monde tout ſage
Nus neſt ſi folz nōques ne fu
Qⁱl ploꝛaſt cequaīs n'ot eü
Tu mas ml՚t largemēt mēti
⁊ lioiſſiaus li reſpondi
Veulz tu dont q՚ ie le te die
Si que tu ne loublies mie
Tu entans itāt apledieꝛ
Q՚ poour ai de loublieꝛ
Ie cuit q՚ ia nel retenrez
Ie le ſe miex q՚ vꝰ daſſez
Dit li vilains de gñt pieca
Dehais qui gré vꝰ en ſaura
Dapꝛendꝛe ce dōt il eſt ſage
Ie ne ſuis mie ſi ſauuage
Ꝑ mon chief com vꝰ metenez
P˞ ce ce meſtez eſchapez
Et que ſus vꝰ nai meſpouoir
Si dites demoi vo vouloir
Oꝛ ne malez mie gabant
Ces .ij. ſay ditez laut՚ auāt
DOnt en tans bn̄ dit lioiſſiaꝰ
Liautres eſt bōs ⁊ biaus
Ne creez pas qñquoez dire
Le vilains fronche ne nes dire
⁊ dit iele ſauoie bn̄
Biaus amis dōques les retiē
Gardez q՚ vꝰ ne loubliez
Oꝛſuis ie bn̄ voir aſegiez
Fet li vilains pour sēz apñdꝛe
Muſage me faites en tendꝛe
Qⁱ ce me rouuez retenir
Ie vꝰ voudꝛoie oꝛe tenir
Loiſſel dit couuēt metenez
Et le tieꝛs ſens apñdeꝛez
Dites quiex il eſt ſi loꝛrai
En tens ibn̄ iele dirai
Litieꝛs eſt tiex qͥ le ſauroit
Iamés hons poures neſeꝛoit
⁊ qñt li vilains lentandi
Ml՚t duremēt ſen eſioi
⁊ diſt ceſtui meſtuet ſauoir
Car voulentieꝛs tēs alauoir
Qui honiſt loiſſel coꝛtieꝛ
Il eſt diſt il temps demeng՚
Apñ le moi tout eꝛrāmēt
⁊ qñt li oiſſillons lentent
Si dit ie te chaſtoi vilains
Q՚ ce que tu tiens ē tes mains
Ne iete pas ius ates piez
Li vilains fu ml՚t courouciez
De courrout ne puet mot ſon՚
En ſon aleꝛ pͥſt apoꝛpenſeꝛ
Et qñt ce fu tenu gñt poſe
⁊ neſt ce donq՚s autre choſe
Ce ſont ēſeignemēt d'enfāt
Car ie ſe ce bn̄ a eſcient
Tiex eſt laſches ⁊ ſouſfre toꝰ
Qⁱ auſſi bn̄ le ſet cō vꝰ
Menti ni auez ⁊ engingnie
De quā mauez ēſeīgnie
MEnti mauez dit li vilains
Ie voudꝛoie q՚ en mes maīs
Te teniſce oꝛe maītenāt
De ce q՚ me uas en gingnās
Eſtoie ie ſages deuant
Lioiſſiaus reſpōt maītenāt
Ꝑ foi ſetu ce ſens ſeüſſes
Ia leſſie aleꝛ ne m'eüſſes
Qñt tu me tenis ē tes mains
Voir auez dit fet li vilains
Mes ie ſai bn̄ les autres deus
Lioiſſiaus qui fu ēgigneus
Li diſt cil vault des autres cēt
Li vilains li enqͥeꝛt ꝯmēt
Dit li vilains ētent amoi
Q՚ tu ne ſes nece ne quoi
Car ſe tu m'eüſſes tué
Si com tu leus empenſé
Il ne fuſt iamés ꝑ mes iex
Qⁱl ne tē fuſt durem̄t miex
Li vilains dit q՚ ces tu faire
Li oiſſiaus dit fel de putaire
Il a en mō coꝛs une pieꝛre
Qⁱ tant eſt pꝛecieuſe ⁊ chieꝛe
Bn̄ eſt de .iij. onces peſant
La veꝛtu en ꝑ eſt ſi grant
Qⁱ en ſon demaine laroit
Iamés riens de demādeꝛoit
Q՚ maintenāt ne li fuſt p՚ſte
Qñt li vilains entendi ceſte
Ses cheueus tire ⁊ rōt ces dꝛas
Si ſe clainme chetis ⁊ las
De piece a ces ongles ſaioe
Li oiſſiaus en uolete ⁊ ioe
Qⁱ de ſus larbꝛe ſe nichoit
Il a tant atendu qͥl voit
Q՚ li vilains ceſt de batus
Si vilaīnemēt comtenus
Qⁱ la tous ces dꝛas depeciez
⁊ qu'il ceſt ē maīs lieus bleciez
Oꝛ ouez que li oiſſiaus
Qñt ot atendu .i. petit
Silia dit chetis vilains
Qñt tu me tenis ē tes mains
Gieꝛe plus legieꝛs dū moiſſōs
Dune meſange ou dū pīſon
Qⁱ ne poiſſe pas demi once
Cilz qui de felōnie gronce
Ceſtez vous dites voir
Vilains oꝛpues tu bn̄ ſauoir
Q՚ de la pieꝛre tai menti
Ce ſai ie bn̄ dit il deſi
Mes deuāt ceꝛtes lecuidai
Vilains oꝛendꝛoit ˞pueꝛai(t)
Des .iij. cens q՚ pas ne ſauoies
⁊ de ce que tu me diſſoies
Nus neſt ſifolz nonq՚s ne fu
Qⁱl pleuraſt ce qĩns n'ot eü
Maintenant cemeſt vis ploꝛas
Ce qĩns neus nauraz
Des .iij. ſens eſtez aboſmes
Biaus amis oꝛles map՚nez
Il fet bon apñdꝛe bō mot
Lendit q՚ cil nētāt qͥl n'ot
⁊ celle parolle agñt ſens
Qⁱ en apou de pourpens
Tel ꝑole de courtoiſſie
Qⁱ ne le ſaroit faire mie
Et tel cuite (ci) eſtre bn̄ ſenez
Qⁱ afolie eſt aſſenez
Qñt ce ot dit ſi ſen vola
⁊ entelle heure ſen ala
Q˜inz pꝰ arrieꝛe reuint
Ne nen ne ſet q՚ il deuint
Les fueilles ſecheꝛēt dupin
Ne fu plꝰ veꝛt ſoit ne matin
Li veꝛgieꝛs failli ⁊ ſecha
⁊ la fontaine ceſtancha
Le vilain peꝛdi ſonde duit
⁊ bn̄ ſachent toutes ⁊ tuit
Le ˞pueꝛbe dit ē apeꝛt
Cilz qͥ tout couoite tout ꝑt