Del recoꝛdeꝛ eſt grans ſolas
De cheaus qui gard՚ēt lepas
Contre le roy ſalehadin
Des douces pͥnces palasī
Qui tant furent degñt renō
En mainte ſale leſpoint on
P˞ miex uëoir leur contenāce
Ml՚t eſt bele la rem̄bꝛance
A regard՚ a maīt pu՚dōme
A cel tempoire fut aronme
Li uaillans papes luſiiens
Qⁱ fiſt croiſieꝛ mains treſtoiēs
Car iheꝛuſalem eꝛt ꝑdue
Enmains deſarraſins ceue
Li roys guis d'acre deſconfis
Ꝑ traiſon uendus et pꝛis
⁊ fuſt piureis ſalehadin
Cis roys pꝛiſt acre ⁊ miſt afin
Tous les creſtiens q̄ il troua
Dont mains paiens lecomꝑa
Des traitoꝛs faus loſengieꝛs
Li qn̄s detribles fu p՚mieꝛs
Et li marcis deponfeꝛan
⁊ d'aſcalone pieꝛes liban
Apꝛés li ſires debaru
Et deſate. qn̄s poꝛu
Cilz cink firent letraiſon
⁊ uendirent le roy guion
A ſalhadin leroy ſoudant
Dequoy il oꝛent maīt beſant
Le ſaint ſepulcre liliurent
Madit ſoient dedieu lepeꝛe
Le roi trairent ꝑenuiē
Laſainte teꝛre en fuſt peꝛie
Quant li papes loiit adire
aucueꝛ en ot doloꝛ et ire
Haſtiement ſi com ie crois
Fiſt il ſeꝛmon՚ de lacrois
Entoute france ⁊ ēbꝛetaigne
En englet՚re en alemaigne
Li bons roys phelippes defrāce
Cis ſecroiſa ſans demoꝛance
⁊ d'englet՚re roys richars
Ensēble lui mains bōs vaſſaus
Dont ſecroiſont iſnele pas
Tuit cil qui gardeꝛent lepas
⁊ auec eus maīt bon pu՚donme
Dont dire neuos ſai la ſo՚me
Princes ⁊ dus et maīs contoꝛs
Se croiſieꝛent poꝛdeu amoꝛs
Lameꝛ paſſent aoſt banie
⁊ ariueꝛent enſurie
Mout lauoit riches conrois
Du roy de france ⁊ deſenglois
Chaſcun pꝛiſt t՚re poꝛ ligieꝛ
Pour repoſeꝛ ⁊ pour aiſieꝛ
La trouu՚ent leroy guion
Qui iſſus eſtoit depꝛiſon
Les roys conioit doucem̄t
⁊ leſcontat ſon eꝛrement
Sire fait il auroy defrance
.v. traitoꝛ ꝑleur hubance
Ont mis agrant deſtruction
/Lateꝛre depꝛomiſſion
Li qn̄s detrible eſt ceue ceans
⁊ ſi uos di bn̄ poꝛ c՚tains
Mafame vot pn̄dꝛe et auoir
Ꝑ tant qu'il voloit eſtre roys
Li patriarcle enfu moiens
Madame onq̄s ꝑnule riens
A ce ne vot ſe acoꝛdeꝛ
Ains ma poꝛtoit gñt loyauté
⁊ vraie amoꝛ ſanz poīt dameꝛe
Quelle moy tint bn̄ amari
Elle fu ſueꝛ roy amari
⁊ ꝑtant q̄ moꝛut ſans oir
Fui ge de iheꝛuſalem roys
Dont li mauais oꝛen ēuie
⁊ me voꝛent tolir lauie
Car uendus fui ſalehadin
Argent emp˞ſent et oꝛ fin
Ꝑ teis furent loꝛ couens fais
Loꝛ t՚res tenroient enpais
Liureꝛ medurent ſoꝛ leschaꝯ
Loꝛ ſeꝛemens pͥſt ieſoudaus
Detout ce ne ſauoi ge rien
Mais li oudans leme fiſt bien
Apꝛés dirai qui enait vint
Bataille avoms aſalhadin
⁊ tantvoint alaſſembleꝛ
Li mauais traitoꝛ pꝛouue
Loꝛ banieꝛes laiſont chair
⁊ ſe toꝛneꝛent afuir
Cel ioꝛ neplot auroy degloꝛe
Q՚ li nr՚e euſſent uictoire
La fui ge pͥs et retenus
Creſtiens moꝛs ⁊ confondus
Salehadins a tous ſaiſi
Iheꝛuſalem et le pais
De tant me fiſt il gñt bonté
Depꝛiſon me laiſaſt aleir
Car ie nauoy oꝛ ne argent
⁊ li me fiſt tous mes deſpens
Oꝛ auons chi՚ aſſiſe ſeur
Car enfuiſent fondi limur
Quant li roys guis ot tout ꝯte
Leꝛoy empͥſt ml՚t gñt pité
Ml՚t doucement leconfoꝛt՚ent
⁊ la roine quallet lieꝛe
Seignoꝛ fait il cil levos meꝛe
A cui marie eſt fille ⁊ meꝛe
Aſſiſe fu ſur agrant ioie
La ueïſt on maint tref deſoie
Doꝛ ⁊ dazur inde et u՚mel
Reluire encontre leſoleil
Ou il ot maint bon chr՚
Qui ml՚t ſauſiuent ap՚s
⁊ tant li roys ſoudans leſout
Il aſſembla tantoſt ſonoſt
Ap՚s manda auroy de france
La bataille ſains demoꝛance
⁊ li bons roys li ramanda
Cant voet ſeuēgne il latēdꝛa
Philippes li roys fu pu՚s ⁊ ſages
Bien fiſt gaitieꝛ tous les paſſages
Con ne poiſt ſagent greueꝛ
Ꝑ deu՚s acre coſté lameꝛ
Droit alentree deſurie
Aufoꝛt paſſage d'armonie
La ot roces et deꝛibans
De la loga li roys ſoudans
Qui ml՚t ama chri՚e
⁊ honnoꝛa toute ſauie
Degueꝛir fu ml՚t pu՚ ⁊ ſages
Ꝑmi la roce eſt li paſſages
Mout ꝑ eſt frois et ꝑilleus
Salehadins li oꝛgueilleus
Iura mahon et apolin
Paſſeꝛ ifeꝛa ſarraſin
Qⁱ aus creſtiens franc deſtoꝛb՚
S'il ne ſeuent bien gaitieꝛ
Mais il alat tout autrem̄t
Auroy defrance aꝑtement
A on treſtot conteut lafaire
Q՚ li ſoudans vet ꝑ latraire
Son gñt oſt conduire ⁊ men՚
Li roys reſpont laiſſies aleꝛ
Li oiſeillons diſt en aꝑt
Tiex quide gaagn՚ qui peꝛt
Li roys phelippes diſt en oiant
Seingnoꝛ francois venez auāt
Pour et ſi me conſeilliez
Jones hons ſui ſi nai meſt՚
Pelleꝛin sōmes gel uos di
Celui qui ſon ſanc reſpandi
Pour nos treſtous arecheteꝛ
Ꝑ lui auoue paſſe lameꝛ
Bn̄ deuon mes encelui croire
Cui iuif fiſent ainſi boire
Ce fu li tres dous iju՚͗ criſt
Cui enla crois pilate miſt
Poꝛ racheteꝛ tous iiſes amis
Las conuīt lefeꝛis longis
Delalance ꝑmi lecoꝛs
Ꝑ nos treſtous ſemiſt amoꝛt
Bn̄ nos endoit tous rem̄bꝛeꝛ
⁊ del ſepulcre ſe fiſt poſeꝛ
Qⁱ eſt ēmains deſarraſins
⁊ ſeueſqui ſalehadin
Qui diſt qua nos ſeuet combatͤ
Oꝛ ſachent tuit et vn autre
Contes et dus et chr՚s
Q՚ ieſui dous aꝑeilles
A feꝛe tout qñ q̄ uos voꝛres
Des iex coum̄cent al՚meir
Li barons tous degñt pitieꝛ
Qñt leroy uirent ſi humilieꝛ
⁊ ſi biaus mos dire ⁊ retraire
Chaſcun ot leroy debonnaire
Embꝛaſes darmes et damoꝛ
Poꝛ ihu՚ criſt nr՚e ſeingnoꝛ
Auroy reſpondent hautem̄t
Nous uos aideꝛons loyaum̄t
Bn̄ deuōs faire vo plaiſir
⁊ auec uos uiure et moꝛir
En pies fuſt hues defloꝛine
Si regarda u՚s la marine
Si achoiſiſt leroy richar
Ensēble lui maint bon uaſſal
Ꝑleꝛ uenoit auroy defrance
⁊ li bons .hulles. ci ſauance
Au roy adit treſtot enhaut
Sire veés ci le roy richart
Ceme plaiſt bn̄ ce diſt li roys
Ceſt bn̄ raiſon qͣ conſeil ſoit
Ci ſachent leroy d'englet՚re
Deſon cheual miſt pié at՚re
Leꝛoy ſalue ⁊ ſon barneit
Li roys defrance autreteit
Li rent ſalus coꝛtoiſement
Sire fait il c՚tainement
Mandes nos a ſalhadin
Ꝑtaille ꝑ vns ſarraſin
ꝑ ce eſt tous cilz tuit ēſemble
P˞ dieu nos moſtres bō example
Pourq̄ ſi bien nos deffendon
Q՚ neſengabent li glouton
Li ſarraſin fel deputaire
Richars cis neſi vot pas taire
Ains reſpondit tres bn̄ magree
Sus les coꝛous gulee baee
Riēs ne nos vaut li lons t՚mines
Ceſt vois diſt hues defloꝛines
Mais ſeuos tuit me volies croire
Ieuos dirai ꝑole voire
Par oil diēt foy li roys hues apella
Sire barrois venez auāt le barrois
A ces gñs roces ladeuant
Diſt li ſoudans qu'il paſſeꝛa
Nos douze gardeꝛōs le pꝛis
De teis quēlire voꝛons
Sedieu plaiſt bn̄ ledeffendꝛōs
Pꝰ que grees lemont li roys
⁊ ielotroie diſt li barons
Seil sūt chr՚ depͥs ꝑ foy dit huos
Oꝛ ēliſſies ſire barōs ainſi lafis
Si mait diex iepꝛen gofroy
Qⁱ eſt ſires delaſegnon
⁊iou gaut՚ dechaſtelon
P˞ quoy feꝛoy lon ˞plonge
⁊ ie pꝛen renart deloigne
Ce diſt li barōs enriant
⁊ hues leduc valeꝛant
Qⁱ (ilai)lēboꝛ(igne) tien ⁊ cͤlle t՚re
Gienlis lebon roy d'englet՚re
Diſt guillaumes ꝑ .s՚. bacon
Hues leconte philippon
Deflandꝛes car bn̄ li agree
⁊ li larons pͥſt longue eſpee
Guillaume qui fu gñs ⁊ foꝛs
Hues pꝛiſt ſimō demonfoꝛs
Ki falis naſtoit ne coiarz
Li barrois pꝛiſt meſſe b՚naiz
ki li reiz eſt de hoꝛſtrinale
Oꝛ arez vous ſire de barre
Choiſit a vr՚e volenté
Oꝛ me couient po bn̄ p˞pēſoir
Ce diſt hues p ſaint urry
Ie pꝛen le piou conte tiry.
Decleues ki neſt pas lanieꝛ
quant eſt mōteis sꝯ sō deſtͥeꝛ
Et il le fieꝛt des eſpeꝛons
Plus joins q̄ vns es m՚ilhons
Seit (vi) il vne lance bꝛis՚
Oꝛ eſt il bn̄ tens de laiſieꝛ
Huimais ceſti enlexion
Treſtout apoint nos .xii. aſton
On ni puet ne metre ne pꝛēdꝛe
Mais veult chaſcū ſes armes pꝛēd՚.
Treſtuit laleꝛent fianchieꝛ.
Dōt il feſoiēt ml՚t apꝛiſieꝛ
Filippes loꝛ fiſt meſſe chanteir
Ap՚s laleꝛēt adobeir
A tant mōteꝛent en cheuaux
Li rois de france les ſengira
A dieu les a tos cōmandeis
Et il cheuarent bn̄ ſeꝛeis
Et ſi ont tant eſpoꝛōneit
Droit a bꝛochieꝛ ſt՚ ariueit
la deſcendirēt des deſtrieꝛs
Ses atachent aus oliuieꝛs
Tot a pié furent (fii) li baron
Fieꝛ et hardit ꝯme li on
Chaſcū aſtoit dire enbꝛaſſeis
Et ſi eſtoit ml՚t bn̄ armes
Tout furent rengiez gñs ⁊ m̄dꝛe
Le pas vaurōt ml՚t bn̄ deffendꝛe
Encontre touz les ſarraſins
Oꝛ dirai de ſalehadin
Treſtot enſi qu'il eſploita
Tantoſt tuit ſon ꝯſeil manda
Les rois et tous les amirans
Biaue ſeignr՚ ce diſt ſoudans
Ie weil q̄ vous me conſeilles
De cha la meir ce eſt tos mieus
E li creſtien tuient de la
Oꝛ ſont francois venuz de cha
Ceſt pour mateꝛre calengieꝛ
Acre cuident bn̄ regaingnieꝛ
Ceſt pour aidieꝛ le roi Guion
q̄ ie ai mis hoꝛs depꝛiſon
Car li roiaumes vint a li
De ꝑ le ſueꝛ roiy a mary
Qui ſa fame eſt bn̄ le ſeton
Niece Godefroit de bulon.
Qⁱ ieꝛl՚m ꝯquiſt
Et tant paiens a la moꝛt miſt
Apꝛés conquiſt dōt il me toche
Seur et trible et antioche
Et bn̄ .cc. caſtias feꝛmeis
Et pꝛiſt .lx. foꝛs chiteis
Ce conquiſt dedens .iij. ans
Loeir me doit deteꝛuagant
Et de mahō mō avoe
Car ie ai tot reꝯq̄ſte
Ce kecis godefrois gangna
Oꝛ s՚t franchoiſe logiet de cha.
Par mahumet ſont fait folie
Li rois reſpondit d'amari
q̄ on appelloit malaquin
Grant toꝛt auez ſalahadin
qui ci noꝰ faite ſoioꝛneꝛ
Alons les franchois reuiſdeir
Aꝑtement ſens atargieꝛ
Faites venir tos vos archieꝛ
A pik a dars agauelos
Dedens ces roches aſtōs enclos
Faite vr՚e oſt outre paſſieꝛ
A cel ꝯſeil s՚t acoꝛdez
Turs et paiens et ſarraſin
Et muit bn̄ plot ſalehadin
LI ſoudans a dit enoiant
Roy malaqin venez auant
Vos ꝯdureis bn̄ leſtandart
Avec le l'un roy eſcoꝛfart
Li paſſages neſt pas tpͦ lon.
Bn̄ paſſeꝛez voꝯ .x. a fron
Alez li faites lauangarde
Ce vachies ⁊ ſinares garde
Volentieꝛs ſire ꝑ mahō
Atant monteꝛent a ſen vont
Achemineis s՚t ꝑ larue
De ſous ac maīte roche ague
Baut ⁊ joiant ſen vont li rois
Et enmoīnentnt en leur conrois
Qⁱ vant .x. mille ſarraſins
El p՚mieꝛ chief fu malaquin
Et eſcoꝛfaus fut a ſon leis
Ains qu'il ſoient oultre paſſeiis
Aueꝛont il ten enꝯmrieꝛ
Qui les feꝛat les cueꝛs jrieꝛ
Car aliſſue dautre part
La troueꝛent .xii. ly epart
CE furent noble cheualieꝛ
le pas loꝛ voꝛront calengieꝛ
Ce oꝛreis dire en petit doure
.ij. ſarraſins plꝰ noirs demoꝛe
Vinrent poingnant hoꝛſaliſſue
Chaſcun deaus depaoꝛ treſſue
Cant il vinrent ſoꝛ les frāchois
Diex bōne eſtrine diſt li barrois
A ceſt mot eſt paſſeis avant
Del fueꝛe traitleban nubꝛant
Le paien fieꝛt de tiel veꝛtut
Le bꝛach litrēce a tot leſcut
Et chis a ſtoit rois malaquis.
qui ꝯduiſoit les ſarraſins
Fuir ſen uot mais il ne pot
Car li barrois lirent tiel cof
Ꝑmi ſon chief debꝛanch moluu
Iuſq̄s es dens lat ꝑfendu
Moꝛt le trenuche do ceual
Ml՚t enpenſa roy eſcoꝛfal
A vois eſcriant a ha ton
Feꝛez auant ſignour glotō
On nos at moꝛt roy malaquin
Qui veïſt turs et ſarraſin
Venir poingnāt hoꝛs aliſſue
Mais cil qui pꝛoece ſalue
Loꝛ ont ſi foꝛt liciet le pas
Ꝑ la ne parfont il pas
quanchois mait māt pā moꝛt
Rois eſcoꝛfans ſoat .I. coꝛ
Poꝛ ſarraſins mies rebādir
Pꝰ trait ſon bꝛ̄ac ſi va feꝛir
Le roy richar ſoꝛ le lme agu
Ne len pita pas .I. fiſtu.
Al roy richar foꝛm̄t enpoiſe
Ꝑ grant air le bꝛāc entoiſe
Le paien fieꝛt de tiel randō
Tot le pourfent juſquēlarchō
Si quala t՚re lat veꝛſe
Glos diſt richars oꝛ en aueis
Qui dont veïſt les cheualieꝛs
Ꝯm̄ceꝛ vn eſtoꝛ planieꝛ
Bn̄ poiſt dire ſans doutance
q̄ pꝰ les. xii. puis de france
qui furent moꝛs enrēceual
Ne trouaiſt on les parigal
Qui furent cil dont ie voꝰ crāte
qui dont veïſt (i) renar le conte
Cil feꝛont ꝯme vaſſaus
Moꝛs letrebuche dos deuans
Anſi faiſoit li pꝛeus huons
Plus aigrement conme lyons
Les coꝛoit ſus ſans miſeꝛicoꝛde
Car del ſepulcre li recoꝛde
Philippes deflandꝛes li uaillās
Jofrois et lidus vialeꝛans
Cis ifeꝛirent des eſpees
⁊ mainte teſte yot copees
Des ſarraſins et des paiens
Liqn̄s decleues. li fiſt bien
⁊ tout loyauté adire voir
Chaſcun ifiſt bn̄ ſon deuoir
On neles ſet dequoy repꝛēdꝛe
Maīt bon eſſēple ipuet on pꝛēdͤ
Qui a bn̄ bee et ahonnoꝛ
Ceꝛent delmonde li meilloꝛ
Et la floꝛ de cheualeꝛie
Qⁱ grant noblece ſenefie
Oꝛ uos dirai du roy ſoudant
Qⁱ foꝛm̄t ſaloit m՚ueillant
Qñt il uit ſon oſt recueillieir
Car bn̄ quidoit outre paſſeir
Licueꝛs lidiſt et li teſmoigne
Q՚ li creſtien li font v՚goigne
⁊ grant domage de ſagent
Il en apelle toꝛneuent
Son eſpie q՚ ml՚t amoit
Les pꝛeus chr՚s connoiſſoit
Ꝑ toute france ⁊ embꝛetaigne
Enenglet՚re en alemaigne
Car iadis iſuet onueꝛſeir
Les eſcus ſeit bn̄ deuiſeir
Car darmes eſt bn̄ conuoiſſās
Toꝛneuent ce diſt li ſoudans
Va toſt mont՚ ſoꝛ ces gñs roces
Pren garde cefrancois delogēt
Ouſil ſont aus paiens melleit
Enſi que laueis coumandeit
Seꝛa il fait diſt toꝛneuent
A itant allaleꝛ ſepꝛent
Tant q̄ vus eſt aurochieꝛ
Aꝑtement va ſuſpuieꝛ
Deſour la roche haute et gñt
Fu lieſpie au roy ſoudant
Qⁱ darmes fuſt apͥs ⁊ ſages
⁊ regarda veꝛs les paſſages
Droit aliſſue del rochieꝛ
La uit il. xij. chr՚s
Qⁱ ml՚t foꝛm̄t ſecombatoiēt
Aus ſarraſins ui la uenoiēt
Qui ꝑfoꝛce quident paſſeꝛ
Tant en ifirent uis u՚ſeꝛ
Q՚ toute plaine en eſt lauoie
Mais tant vos dige tot voie
Ceſt ſens paſſeꝛ aus ſarraſins
Tant furent pꝛeus li palaſins
⁊ voulentieꝛs du pas deffendꝛe
Quancois ſe uoꝛōt ml՚t ch՚ uēdꝛe
Q՚ il ſoient ne pͥs ne moꝛs
Deleſpie uos dirai loꝛs
Qⁱ les barons a regardes
⁊ leur eſcus bn̄ auiſes
Treſtous les cōnut toꝛneuēt
A tant de la roche deſcent
Si ſenreua dꝛoit auſoudant
Je li dirai ſon couuenant
Quant liſoudans iut toꝛneuēt
Si li demande aꝑtement
Quaſtu ueu nemement pas
Sire faite il iſnele pas
Ie ai veü treſtout lemonde
Si com il clot ala reonde
Sans plus en .xii. chr՚s
Ꝑ mahomot il ſunt enlies
Ꝑ les plus pu՚s les plus uaillās
Qⁱ ſoient ens en loſt deſfrans
Et les plus foꝛs les plus hardis
Enſi com roſe ⁊ ⁊ floꝛ de lis
Seur monte de biauté les floꝛs
Habonde ⁊ pꝛoeſce ⁊ hōnoꝛs
Es cheualieꝛs dont ie vꝰ conte
.xij. en y a treſtout par conte
Ꝑ leur armes connuis les ai
Oꝛ eſcoutez ges nōmeꝛai
C'Eſt d'engleterre rois richars
Et de boulongne qn̄s renars
Liqn̄s de flandꝛes phelippons
Et de monfoꝛt meſire ſimōs
Tieꝛris de cleues li vaillans
Delenboꝛc li dus vailleꝛans
Meſire beꝛnars de hoꝛſtemale
Et li pꝛeus guilſe de barre
Meſire gautieꝛs dechaſtillon
Meſire iofrois deloſe gaon
Meſire guillaume longe eſpee
Chaſcun abn̄ lateſte armee
Et meſire hues de floꝛine
Li douſſieſmes ie vꝰ afine
Q՚ tuit ſont pꝛeus hardis auſarmes
Chaſcū tient leſcu as enarmes
Bn̄ ſemblēt angles ēpānet
Ceſt la floꝛ de creſtientet
Et de croire ne mē voulez
Droit aliſſue del rochieꝛ
Les pourriez vëoir sāz faille
Car a vo gēt fōt gñt bataille
Et ml՚t en ōt naures ⁊ moꝛs
A teꝛre en vi geſir maīt coꝛs
Et ſoꝛ loꝛieꝛe del chemin
Vi geſir moꝛt roy malakin
Son compaignō roi eſcoꝛfart
Qⁱ conduiſſoit vr՚e eſtandart
LI ſoudans ot le cueꝛ dolent
De ce quot dire toꝛneuent
Bn̄ leſcoutoit ⁊ tint loꝛeille
Des ch՚rs ml՚t sem՚ueille
Q՚ tout li mondeſloe ⁊ pͥſe
Bn̄ voit qu'il sōt de grāt ēpͥſſe
Ml՚t ſa penſa de gñt bonté
Q՚ ce ſeꝛoit trop gñt pité
De metre telle gent amoꝛt
Cenefeꝛoit il mour nul treſoꝛt
Les pꝛeus darmes ne haoit mie
Touz iours amaſt ch՚rie
Q˜r .i. qñs hues ladoula
Treſtoute loꝛdꝛe li mouſtra
Li ſoudans lauoit enpꝛiſon
Poꝛce li uita ſarencon
Pꝰ ſen rala engalillee
Sires eſtoit de la contree
Apꝛeſlirois ſoudans parla
Le roi de halpe en apela
Le roi d'aufrique ꝑlamaī tint
Auez oÿ ſeingnoꝛ couſin
De leſpie ⁊ cōtes ⁊ dis
De ce vous dirai mō auis
Cil .xij. dont ie los ꝑleꝛ
Pourroiēt plus nos gens greueꝛ
Q՚ tout li oſt des creſtiens
De treſtout ce ceꝛtains ſoiens
Q՚ par ci ni voi point depaſſage
Diſt li ſoudans qͥ ml՚t fu rage
Ꝑ mahōmet en cui ie crois
Ce ſont fñcois de gñt boufois
Li rois d'aufriq̄ li reſpont
Veꝛs damiete nous meton
Car ceſt la clef ⁊ ceſt li ſeꝛre
Et li plus foꝛs lieus delatr՚e
Bn̄ eſt garnie foꝛt sōt limur
Dedens ſeꝛons nous aſeur
Acel conſeil sōt acoꝛdet
A tant eſt leur oſt atoꝛnet
Veꝛs damiete vont tout dꝛoit
Mes d'eſcofart ſont en eſfroit
Et del vaillāt roy malakin
Ci vꝰ leꝛai de ſalhadin
Si vꝰ dirai des haus barons
Qⁱ le paſſage gardent tous
Qñt paiens virēt des logieꝛ
En haut les pꝛiſtrēt ahuchieꝛ
A enalez ſeingneur gloutō
Ves ci letref leꝛoi phelippon
Ouil ratant leꝛoi ſoudant
Liſarrazin ſen vōt fuiant
Nia paien tur nieſcleꝛ
Qⁱ ait talent de retourneꝛ
Car chaſcū reſoignoit lamoꝛt
Des haus pꝛinces vꝰ dirai loꝛs
Qualoſt fñcois sōt retoꝛnes
Maīs pꝛeudōs eſt ēꝯtre ales
Lirois phelippes y ala
L'un apꝛés l'autre ſalua
Et les acole ꝑ doucoꝛ
Aſſez iot leꝛmes ⁊ ploꝛ
De lagñt ioie qu'il auoiēt
Des vaillās pꝛinces qͥl rauoiēt
Dont ml՚t furēt recōfoꝛtes
Et touſt lioſt renlumines
LI rois de frāce fu coꝛtois
Ꝑ lamaī pͥſt richart langlois
En ſon tref maīne les barōs
De tous leur oſte les blaſons
Et les aida adés armeꝛ
Le ſoupeꝛ firēt apareileꝛ
Pꝰ pꝛiſtrent liaue ſeoir vōt
Vin ⁊ viandes afoiſon
Firent venir ⁊ apoꝛteꝛ
Chaſcū mēga agñt plenté
Ilen auoient bon meſtieꝛ
Car ml՚t eſtoiēt traueilliet
Qñt oꝛēt mengie ⁊ beut
Loꝛ mains lauēt grace ōt rēdut
A ih՚ucriſt demaiſte
Qⁱl leur a fait ſi gñt bonté
Q՚ ſain ⁊ ſauf ſont repairies
Dont li barnages fu tous lies
Ml՚t firēt gñt ch՚rie
Qñt auſoudant de paiēnie
Aleꝛēt deſfandꝛe le paſſage
Gñt hōneur firēt leur līgnage
Tous iours en ieꝛt larenōmee
Ou les point en ſale pauee
Ceſt .i. tres nobles mireoꝛs
A ceulz qui tandēt a honnoꝛs
Et maītienēt cheualeꝛie
Prions adie le filz marie
Quē paradis mete aſoulas
Les .xij. qͥ gardont lepas
Et la noble cheualeꝛie
Q՚ li rois guis ot enbaillie
Peleꝛin furent outremeꝛ
Arrieꝛ ne voꝛēt retourneꝛ
Soient pꝛis ſur acre ꝯqͥſſe
Et le roi gui. mis ēbaillie
Dacre fu rois ⁊ du pais
Ainſi ſe court dieus ces amis