DItes vos pate noſtres Pour toute ſaīte egliſe
Car elle eſt acouchiee Et ſi ne ſcet ou giſt
En nul plus poureeſtat Ne poꝛroit eſtre miſe
Tant eſt fait q՚ ſus lui Chace eſt coꝛuee et pꝛiſe
Et pour ce q՚ chaſcuns La de boute et dech ace
Dites vos patenoſtres Q՚ diex ꝑdon li face
Dites vos pate noſtres Sainte egliſe trauaille
L'en la ia mis genir Au fuerre et a la paille
Chaſcun du ſien apꝛis Nul n'i a qͥ li baille
L'en la pert e recope Et retrenche et retaile
De floꝛins a chaiere Et de floꝛins a mace
Dites vos pate Q՚ diex ꝑdō li face
Dites vos pate noſtres Saīte egliſe vault moꝛte
Ce qu'on li a oſte Et pꝛīs de vie toꝛte
Couſin n'a ne parent Qⁱ de riens la confoꝛte.
Car tuit ſont eſmeü Contre lui d'une ſoꝛte
L'un la boute des piez L'autre crache en ſa face
Dites vos parenoſtres Q՚ diex ꝑdon li face
Dites vos patenoſtres Pour/iehan l'apoſtole
Qⁱ fait a gñt mouſtier De petite chapele
Et d'un eueſchie .iij. C'eſt biē choſe nouuele
Onq՚s mais ne ioua Papes de tel merele
Eueſq՚s et abbes ∴ Enſamble ioīt ⁊ lace
Dites vos patenoſtres Q՚ diex ꝑdō li face
DItes vos patenoſtres Pour cardinaꝰ de /rōme
Car il ſont vaillant rien Auec ce qu'il sōt home
De l'autrui cure n'ont Se cen'eſt de gñt sōme
Car pas ne ſont enfans Pour a paier de pōme
Poꝛ ce ne veulent pas Des bꝛas c'ō les ēbꝛace
Dites vos patenoſtres Q՚ diex m՚ci li face
Dites vos patenoſtres Poꝛ pape ⁊ cardinaus
Qⁱ ſont de tous coufouls Mais qⁱl aient dons hauls
Et d'autre ꝑt pꝛieres Seront eſpeciaus
Poꝛ ce meſtre antipape Et ceschardōneriaus
Qⁱ contre ſainte egliſe Courent ala harache
Dites vos patenoſtres Q՚ diex m՚ci li face
Dites poꝛ nos p՚las Qⁱ gouu՚nent le mōde
Qⁱl ſachent traire argent De la ou trop habōde
Meſmem̄t poꝛ toꝰ ceulz Qⁱ mainēt vie monde
Et p՚chent la foy Ne ne doutent v՚goigne
Ne moꝛt qui leur chief nus Ne ſoit a decolace
Dites vos patenoſtres Q՚ diex ꝑdon loꝛ face
Pour ceulzne pꝛie l'en Des p՚las qⁱ ſe paiſſēt
Et les leur riches font Noꝛriſſent ⁊ en craiſſent
Et d'amendes leurs gens Cōtre raiſon exp՚ſſent
Et leurs poures voiſins Terre en famine leſſent
Et leſt treſoꝛs amaſſent De pierres d'eſtopace
Dites vos patenoſtres Q՚ diex m՚ci li face
Dites vos patenoſtres Ainſi vous enſouuiegne
Poꝛ clergié ſi qu'a maīs Pires pas ne deuiēgne
S'il ne veult amender En ceſt eſtat ſe tiēgne
( [...]En ceſt eſtat ſe tiēgne)
Ie li pꝛi qu'il ne face Tant le biē qⁱl enſaigne
Le dire leur ſouffiſt Sans entrer en la trace
Dites vos patenoſtres Q՚ diex merci li face
Pour tous officiaus Pour gens d'auocatie
Poꝛ tous ˞pcurateurs Pour clers de notairrie
Et pour pꝛeſtres curez Qⁱ ne ſe ſaignent mie
De leurs ꝑrochianes Ꝑ ioꝛ ⁊ ꝑ nuitie
Viſiter ſi qu'il aient Ouuerte la creuace
Dites vos pate noſtres Q՚ diex ꝑdon li face
Pour clers eſtudians Poꝛ toꝰ ceulz des enq՚ſtes
Poꝛ les meſtres auſſi Qⁱ ſieent aus req՚ſtes
Poꝛ aduocas ⁊ iuges Qⁱ de batent leurs teſtes
Et toꝰ ioꝛs leurs maīs ōt Poꝛ pꝛēdꝛe l'argēt p՚ſtes
Se en deffaut les gens chieēt Poꝛ eulz en couſtumace
Dites vos patenoſtres Q՚ diex m՚ci leur face
Dites vos patenoſtres Poꝛ la chācelerie
Drois eſt c'ō ne l'oblie
Q՚ v՚s noꝰ ſoit courtois Piteus ſans felōnie.
Poꝛ les phiſiciens Et ceulz de cyrurgie
Que nulz en sō meſtier Vers noꝰ ſe foꝛface
Dites vos patenoſtres Q՚ diex ꝑdon leur face
Dites vos patenoſtres Pour ces religieus
Qⁱ chaſcun anchargie Sont d'abſolutions
Des oꝛ mais pou vaudꝛōt Leurs gñs executions
Poꝛviure loꝛ conuient Vendꝛe poſſeſſions
Poꝛ ce q՚ l'ē leur toſt Leur pain ⁊ leur fouace
Dites vos patenoſtres Q՚ diex ꝑdō leur face
Pour ces religieus Qui ont diſmes ⁊ rētes
Dites vos patenoſtres Doucem̄t endemētres
C'ont leurs coꝛps ē mouſtier Qⁱl n'aient leur entētes
A celes qui ne ſont Couſines ne parētes
Et ſe ꝑ fol de ſir Euure leur font homage
Dites vos patenoſtres Q՚ diex m՚ci loꝛ face
Pour oꝛdꝛes mēdiās Ne faultil pas pꝛier
Car biē ſceuent ꝑ tout Leur pꝛofit eſpier
Il pueent aſſeur Aſſez eſtudier
Et dedens leurs mouſtiers Chanter hault et crier
Lays ont et ſepultures Et uiuent ſans menace
Dites vos patenoſtres Q՚ diex ꝑdon leur face
En ce monde les voi Faire de diu՚s tours
Ces oꝛdꝛes mendiaus Qⁱ ont diu՚s atours
Les gñs chaperōs ont Ꝑ villes et ꝑ bours
Dire ſouuent le bien Aucun font a rebours
Et pour ce auſſi cō fait A terre vne lymace
Dites vos patenoſtres
Dites vos patenoſtres Pour ces /hoſpitaliers
Car l'en leur cloſt leur Granges maisōs ce liers
A leur domage ont il Les biens a ces /tēpliers
Car il en ont le plait Ne ſai q՚ les den՚s
N'encoꝛ n'en a l'en fait Choſe q՚ a dieu place
Dites vos patenoſtres Q՚ dieu ꝑdō li face
Dites vos patenoſtres Pour roy pour duc p˞ cōte
Qu'ē eulz de ioꝛ en ioꝛ Pris et puiſſāce mōte
Et qu'aient tele gent Q՚ riens ne leur meſcōte
Dont puiſſent maītenir Leur bon eſtat sās hōte
Et q՚ le lis ne ſoit Point de male eſpinace
Dites vos patenoſtres Q՚ dieus merci leur face
Dites vos paternoſtres Pour vr՚e barōnie
Q՚ de dieu pooir ait Cōtre mer ſoit baſtie
V՚s paiens trieue gñt Adont ne faudꝛōt mie
A leurs gages auoir Sus nr՚e diſmerie
Car de telle meſſe oient Volētiers la p՚face
Dites vos patenoſtres Q՚ diex ꝑdon loꝛ face
Dites vos patenoſtres Poꝛ cha cheualerie
Q՚ plus q՚l n'a eſté La face diex hardie
Et q՚ tele foꝛce ait ⁊ puiſſance ⁊ aie
Q'outremer faire puiſt Vne tele enuaie
Poꝛ coy les meſcre ans De ſainte terre enchace
Dites vos patenoſtres Q՚ diex ꝑdō leur face
Dites vos patenoſtres Et aual ⁊ amont
Poꝛ la cheualerie Qu'oꝛēdꝛoit l'ē ſemont
Poꝛ aler oultremer En nef ⁊ en dꝛomont
Aueq՚s m'ē irai Qñt l'yaue cōtremōt
Coꝛra ou qñt ſera Toute noire la glace
Dites vos patenoſtres Q՚ diex ꝑdō leur face
Dites vos patenoſtres Auſſi poꝛ ces ducheſſes
Pour cōteſſes auſſinc Et pꝰ poꝛ ces pꝛīceſſes
Qu'au mouſtier el ne ſoiēt Mie caq՚terreſſes
Et qu'entre leurs pͥſons Ne laſchent nules veſſes
Et ſe au cūe veult faire Ou file ou filace
Dites vos patenoſtres Q՚ diex ꝑdon leur face
Dites vos patenoſtres Poꝛ toutes nobles dames
Et pour leurs damoiſeles Qⁱ ont ames de fames
Q՚ diex leur doīſt vſer De celles ſans diffames
Si qu'ē la fin ou ciel Soiēt ſauues les ames
Non obſtant ſe loꝛ coꝛps Au mōde ſe ſolace
Dites vos patenoſtres Q՚ diex ꝑdō loꝛ face
Dites vos patenoſtres Poꝛ beguines celees
Poꝛ filles dieu nōnaīs Veuues ⁊ mariees
Q՚ diex a toutes doīſt Faire leurs deſtinees
Si q՚ leur fait ne ſoiēt Repꝛiſes ne ˞puuees
S'il auiēt de couſtume Qu'aucūe ſe mefface
Dites vos patenoſtres Q՚ diex m՚ci leur face
Dites vos patenoſtres Poꝛ ceulz qͥ vraiement
S'entreſont entrame Et aīment fermem̄t
En foy ⁊ an fiance. Et ſans deceuement
Car auſſi biē ſe treuue Et ſi entierement
Amours ſous camelins Cōme ſous paōnace
Dites vos patenoſtres Q՚ diex merci leur face
Dites vos patenoſtres pour les iones filletes
D'entre .xv. ⁊ .xiiii A poīgnans mameletes
Q՚ au dieu d'am˞s puiſſent Rentre et paier leurs debtes
Sans ce q՚ vilōnies D'eulz en ſoient retraites
Ne dōme meſdiſant Ne de vielle riace
Dites vos patenoſtres Q՚ diex m՚ci leur face
Pour ces coꝛtoiſes dames Qⁱ tant ont de frāchiſe
Qⁱ des coꝛps ⁊ des biens Font ꝑtie ⁊ diuiſe
A ceꝰ qui de cuer aīmēt De ſi ꝑfaite guiſe
Q՚ ſurcot et puis cote Pelocō ⁊ chemiſe
Chaſcune a ſon ami Qñt il li plait rebꝛace
Dites vos pate noſtres Q՚ diex ꝑdō loꝛ face.
Dites vos pate noſtres Poꝛ /flamens a gñs ſaus
Qⁱ font tant aus /francois PLuiſeurs diu՚s aſſaus
Il ſe ſont biē mouſtre Au roy come loiaus
Teulz maīs lettres on ont Ou il n'a nulz ſeauls
Et poꝛ ce les ay mis Dedens ceſte rimace
Dites vos patenoſtres Q՚ diex ꝑdō leur face.
Dites vos pate noſtres Auſſi poꝛ la mōnoie
Qⁱ ca et ſi reuient Oꝛ nerciſt oꝛ blanchoie
Qⁱ le pꝛofit en a Ie ne ſai diex le voie
Ie ne feroie pas .I. chl՚r de croie
Poꝛ tout le gñt ꝯſeil Qⁱ ce noꝰ fait ⁊ bꝛace
Dites vos patenoſtres Q՚ diex ꝑdō li face
Dites vos patenoſtres Pour chaſcun bouleng՚
Poꝛ ce qͥl noꝰ ont fait Pan de bꝛen a meng՚
Encoꝛ de pain loial Faire nous font dang՚
Diex doīſt q՚ au p՚uoſt Qⁱ noꝰ puiſt vengier
Encoꝛes iadis furent Es /halles /.S՚. eüſtace
Dites vos patenoſtres Q՚ diex ꝑdon leur face
Pour les gens de meſtier Au mode neceſſaires
Poꝛ feures mareſchaus Et poꝛ apoſticaires
Qⁱ vendent les cyrops Et les bons laituaires
Et pour toꝰ coꝛratiers Preuos baillis et maires
C'on face leurs offices Ne noꝰ facent fallace
Dites vos patenoſtres Que diex pardon leur face
Priez que diex confonde Tous ces mauls meſdiſans
Et que de celer ſoient Aus amans auiſans
Priez auſſi pour tous Ces vilains paiſans
Et poꝛ leur archep՚ſtre Pri con meſtres liſans
Aus feſtes deſſous l'oꝛme Sermōne ou auocace
Dites vos patenoſtres Q՚ diex ꝑdō leur face
Pour toutes gens qͥ ſont De bone renōmee
Qⁱ boiuent volētiers De iour ⁊ de nuitee
Si que la teſte en deult Souuent la matinee
Afin q՚l ſoit guerie Et toſt recōfoꝛtee
Qⁱl ait de la puree Ou d'yaue de radace
Dites vos patenoſtres Q՚ diex ꝑdō loꝛ face
Dites vos patenoſtres poꝛ gent de maladie
Si qu'ēcoꝛ puiſt mēg՚ Et boiure vin ſus lye
Et chanter ⁊ dancer Et men՚ bone vie
Et doīſt la male moꝛt Meſdiſans plain d'enuie
Et q՚ loial amoꝛ D'amans ne ſe deſlace
Dites vos patenoſtres Q՚ diex ꝑdon li face
Pour ceulz qui ſont enflez Et plain d'ypocriſie
Et poꝛ ceulz qui le mal Sueffrent d'apoplexie
Poꝛ ceulz qͥ la la pierce ont Et mal en leur veſſie
Et poꝛ les trop ſerrez Q՚ ſ'eſmueue ⁊ deſlie
Loꝛ ventre a cele fin Qu'iſſe hoꝛs de loꝛ chaſſe
Dites vos patenoſtres Q՚ diex ꝑdō loꝛ face
Pour treſtous enfermes Qui ſeulent eſmaier
Q՚ diex ſanté loꝛ veille Et ſa g˜ce otroier
Ceulz qui ſont en ꝑil Aident ſans delaier
A ceꝰ auſſi qⁱ doiuent Doinſt foꝛce de paier
Si que ſes crediteurs Vn chaſcun ſatiffaice
Dites vos patenoſtres Q՚ diex ꝑ don leur face
Priez auſſi poꝛ ceulz Qⁱ trop ſe deſcōfoꝛtent
Et pour ceꝰ qⁱ ꝑ tout En biens ſ'entredepoꝛtent
Poꝛ amans qu'ē amant D'aler dꝛoit ne ſe toꝛtent
Aus contrais īpotens Qⁱ dꝛoit loꝛ coꝛps ne poꝛtent
Qu'aient p˞ ſouſtenir Ou baſtō ou eſchace
Dites vos patenoſtres Q՚ diex m՚ci loꝛ face
Dites vos patenoſtres Poꝛ les gens qͥ labourent
Nō pas poꝛ ces gloutons Qⁱ bons moꝛſiaus deuourent
Et qui la ſainte egliſe N'aitent ne honoꝛent
Mais poꝛ les marchéans Qⁱ les pais ſecourent
Et les biens nos apoꝛtent Et les metent en place
Dites vos patenoſtres Q՚ diex ꝑdō leur face
Dites pour marchéans Qⁱ font marchéandiſe
Quelq՚ ꝑt q՚ ce ſoit Ne de quelconque vie
Poꝛ les bons cōpaignōs Qⁱ nus en leurs chemiſes
Couſtumier ſont d'aler Contre le vent de biſe
En yver eſt beſoins Ou qu'ē loꝛ face g˜ce
Dites vos patenoſtres Q՚ diex ꝑdō loꝛ face
Dites vos patenoſtres Poꝛ le fruit de la terre
Q՚ diex noꝰ doīſt bon vin Sās loīg aler le querre
Si q՚ faīn ne ſoit plus Ne noꝰ tiēgnent en ſerre
Et du royaume oſter Le cōtens ⁊ la g՚re
Et q՚ ceulz ſi ſ'amende Qⁱ la noiſe pour chace
Dites vos patenoſtres Q՚ diex ꝑdō li face
Pour ceulz qui ſont coart Qⁱl aient hardiece
Et pour les deſuoiez Q՚ bien diex les adꝛece
Poꝛ la gent qui ſ'eſtent Du lonc q՚l ſe redꝛece
A tous ceulz qui foloient Q՚ diex loꝛ doinſt ſagece
Tele ꝯ /virgile ot /Aritote et /oꝛace
Dites vos patenoſtres Q՚ diex ꝑdon leur face
Pour toutes gens qui ſont d'office ſeruiables
Qⁱl ſoient toꝰ ioꝛs liez En chabꝛes ⁊ en ſales
Et q՚ teulz ſeign˞s aient Coꝛtois ⁊ aimables
Des q՚lz puiſſent auoir Leurs loiers conuenables
D'oꝛ d'argent ⁊ de robes E non pas de foꝛnace
Dites vos patenoſtres Q՚ diex ꝑdon loꝛ face
Pour tous bons pelerins Q՚diex dꝛoit les ꝯuoie
Poꝛ poures qͥ q՚rant Vont loꝛ pain ꝑ la voie
Poꝛ ceulz qui n'ont argent Ne ami qui leur croient
Q՚ diex a leur beſoīg Tel confoꝛt loꝛ enuoie
Qu'ēcoꝛ oꝛ ⁊ argēt Aient en leur beſace
Dites vos patenoſtres Q՚ diex ꝑdon loꝛ face
Pour /iacobins qui vont de nouuel oultre mer
Poꝛ la foy creſtiēne Aus /ſarrazins ſemer
Et poꝛ ceulz qͥ les ſiuēt Doinſt on dieu reclamer
Q՚ les cuers des payens Si puiſſent entamer.
Q՚ ꝑ eulz diex la face Nouuele dedyace
Dites vos patenoſtres Q՚ diex ꝑdon leur face
Dites vos patenoſtres poꝛ pelerins laſſez
Qⁱ ꝑ de la mer ſont Poꝛ dieu pꝛis ⁊ q̃ſſez
Il en ya trop mains Qⁱl ne deüſt aſſez
Et poꝛ toꝰ ceulz qui ſont En la foy (creſtiēne) treſpaſſez
Et pour ceulz qui vis ſont Q՚ biē diex loꝛ ꝑface
Dites vos patenoſtres Q՚ diex ꝑdon loꝛ face
Pour tous ceulz (ceulz )dōt l'ē doit En bien faire pꝛiere
Dites pater nr՚ Tout ce deuant derriere
Apꝛez ces patenoſtres Buuons a lie chiere
Si q՚ de dieu aiōs Ꝑdon et grace entiere
Poꝛ /gieffroy qui ce fiſt Qu'il ne ſoit on eſpace
Dites vos patenoſtres Que diex pardon li face