Par la grace de dieu Noſtre ſouuerain ꝑere
Vel ꝑler .i. petit De /ſa tres douce mere
D'une de ſes vertus Voꝰ dirai la matere
Dont la matere fu Hoꝛriblement amere
Bon fait ſeruir tel dame Con /la virge marie
C'eſt /cele qⁱ poꝛta /Le tres doulz fruit de vie
Ou cel en t՚re en mer Doit biē eſtre ſeruie
Cuers qui a lui ſe pꝛent Richem̄t ſe marie.
UN de ſes miracles vous voudꝛai racōter
Q՚ toutes bones gens Doiuent biē eſcouter
Cil qui biē loiaument La veult de cuer amer
Doit volent՚s tous ioꝛs De li oir ꝑler
De .ii. freres germaīs vous veil ramēteuoir
Li vns ot vne fille Riches hons fu d'auoir
Mais la moꝛt qⁱ le pꝛiſt L'a fait le cuer doloir
Tātost manda ſon frere Il vint ſans remanoir
Biau dous freres diſt il Il me conuient moꝛir
Ie vous leſſe du tout Ma fille maītenir
Cil diſt ſ'ele ſe veult A mō voloir tenir
Nient plus qu'amō enfant Ne li vouldꝛai faillir
Qvant li pꝛeudōs fu moꝛs Sa fille ſ'en ala
En la maiſon ſon oncle .ij. ans y demoꝛa.
Poꝛ l'amoꝛ de sō pere Moult d'aumoſnes dōna
En /la virge marie Treſtout sō cuer mis a
EN /nr՚e dame amer Miſt treſtout sō coꝛage
Nuit ⁊ ioꝛ voloit eſtre Deuant sō doꝰ ymage
En lire ſon pſaltier Miſt treſtout ſon vſage
Mais li malués li fiſt De ſtourbier ⁊ domage
Ainſi cō voꝰ oꝛrez Aſſez ˞pchainem̄t
Oez ꝯ li mauuez La decut laidem̄t
Tant pourchaca dëables Ꝑ ſon enchantement
Qu'ele fu ſe don oncle Enceīte vraiem̄t
Nvlui de ſa groſſeſſe Garde ne ſe dona
Poꝛ ce q՚le ot gñt robes Dont elle ſe para
Qñt ſe dut deliurer En .i. ſolier ala
Ꝑ l'engīg l'ēnemi Sō enfant eſtrāgla
Adonq՚s le geta Dedens vne pͥuee
Liez fu li ēnemis Qñt ainſi l'a tēptee
Loꝛs fu la pecherreſſe Foꝛm̄t de ſcō foꝛtee
/La douce m՚e dieu A de cuer re clamee
Leuant sō doꝰ ymage Se va a genoillier
A lui ſe plaint foꝛm̄t Du felon aduerſier
Q՚ en deus les pechiez Li face trebuchier
Et le maint a bō poꝛt /Son fil q՚tant a chier
De felon ſathenas Ne ſe tīt mus a tant
Aſſez ˞pchainem̄t Refu groſſe d'enfāt
De ſon oncle mes nulz Ne ſ'ē va ꝑceuāt.
Qñt elle fu deliure Si l'eſtrangla errant
Trois en ot de ſon oncle Et toꝰ les eſtrāgla
Ne ſon oncle ne autre Garde ne ſ'en dōna
Dedēs vne pꝛiuee Les .iij. enfans geta
Ain ſi li ēnemis Ꝑ .iij. foys la tēpta
Encoꝛ li fiſt il pis Si cō m'oꝛrez ꝯter
En .i. ſolier la fiſt Toute ſeule enfermer
D'une tēptation Li va ſon coꝛps tēpter
Poꝛ les .iii. enfacons Qⁱl li fiſt eſtrāgler
Laſſe dit la chetiue Cōm̄t me cheuirai
S'ē treuue mes enfās En feu arſe ſerai
Li ēnemis li diſt Pens toi ie t'aiderai
Cele li reſpōdi Ta volenté ferai
Cele pꝛiſt vne coꝛde Sus .i. tref l'a getee
.I. las courant y fiſt A sō col l'a fermee
Maīs aīs qu'el ſe pēdiſt Li vint vne pēſee
De ſaluer /la virge Ot ml՚t gñt deſirree
UN aue /maria Recoꝛda maītenant
Enl'ōnoꝛ des .v. ioies Q՚le ot de ſon enfant
L'ēnemi la ſemont Et la va ſi haſtant
Q՚le ſe lait aler Ꝑ le col bꝛandelant
Onq՚s ne pot moꝛir qñt elle fu pēdue
Car la coꝛde rōpi S'eſt a terre cheue
Tant li dit l'ēnemi Et tant foꝛm̄t l'argue
.iij. fois ſe pent toꝰ ioꝛs Eſt la coꝛde rōpue
Qvant li ēnemis vit Q՚l ne poꝛroit moꝛir
Vne ml՚t gñt yraigne Fiſt deuant li venir
Cele tātoſt la pꝛent Sil ala trāſglotir
Loꝛs fu de venin plaine Cō ſ'ele dut ꝑtir
A ſi gñt me ſchief fu Qu'a po q՚l ne ꝑtoit
Mais /la virge marie En vie la tenoit
Q՚le ſauoit ml՚t biē S'en ce poīt treſpaſſoit
Q՚ l'ame de ſon coꝛps En enfer ſ'en iroit
Loꝛs diſt la pech՚reſſe Laſſe moi que ferai
Ꝯm̄t n'en q՚l maniere Occirre me poꝛrai
Li ēnemis reſpont Et ie le te dirai
Boute dedēs tō vētre .I. coutel sās de lay
Loꝛs a pꝛis .i. coutel En ſon coꝛps la bouta
Toute ſe pourfendi Mais point treſpaſſa
Qñt el ne pot moꝛir Adont ſe pourpenſa
Que /la virge marie De cuer reclamera
Cele que le mauuais Auoit ainſi tēptee
Eſtoit bone clergeſſe Et de grant ſens letree
Vne oꝛoisō cōmēce De /la virge honoꝛee
De gñt deuotion L'a dite ⁊ recoꝛdee
/Douce virge marie /Tēples plaī de v՚tus
/Veiſſaus enluminee En qui /li rois ih՚us
S'eſconſſa virgem̄t Poꝛ traire de palus
Ses amis qⁱ eſtoiēt Dāpnez ⁊ ꝯ fondus
/Uirge tres gloꝛieuſe /Flour de virginité
Ou il n'ot onques tache De nule peſanté
/Precieuſe eſcharboucle Qⁱ de ta grant clarté
Enlumine les cuers Qⁱ ſont en obſcurté
/Dame ꝑ ta pitié veilles moi regarder
Enu՚s ton doulz en fant Qⁱl me veille tenſer
Qu'ēnemis ne me puiſt En enfer toꝛ mēter
Qⁱ m'as fait mes enfans A mes maīs eſtrāgler
La laſſe pecherreſſe Se demētoit auſi
En pꝛiant /nr՚e dame Errāment ſ'en doꝛmi
/La douce mere dieu Deuant lui deſcendi.
Ꝑ la grace de dieu Enchaca l'ēnemi
Delez la pecherreſſe Delez lui ſ'arreſta
De ſa bele main de ſtre Le coꝛs li pourtaſta
Tous les pechiez de li Et le venin oſta
Et de la moꝛtel plaie Tout le coꝛps li ſana
/La douce mere dieu L'a ſi tres bien curee
Du venin ⁊ de plaie L'a ſi tres biē uuidee
Onques puis de pechié Ne fu entalentee
De /la dame ainſi fu Guerie et confoꝛtee
Qvant /la mere dieu l'ot curee netement
Elle ſ'eſt eſueilliee S'a veü en pꝛeſent
/La dame qui li diſt Moult de bōnairem̄t
Amie amēde toy Vien a repentem̄t
Sers moi d'oꝛe en auāt Et amende ta vie
De quanq՚ tu as fait Te ꝑdoīs la folie
A ce mot /noſtre dame S'eſt du lieu deꝑtie
Cele qui demoꝛa Durem̄t l'en m՚cie
En ſa chambꝛe eſt entree En .i. lit ſe coucha.
Ses oncles vint de hoꝛs Couchiee le trouua
Ml՚t debōnairem̄t Tantoſt li demāda
Cōment il li eſtoit Car moult foꝛment l'ama
Elle reſpont biaꝰoncles Oez que ie dirai.
A dieu ⁊ a /ſa mere De cuer en couuent ay
Qu'a vous ne a nul autre Pechié iene ferai
Ie veil eſtre nōnain Plus toſt q՚ ie poꝛrai
Loꝛs a ꝯ té sō oncle Toute ſa deſtinee
Cōment ſes .iij. enfans Geta en la pꝛiuee
Et cōment /nr՚e dame L'auoit reconfoꝛtee
Iamais de lui ſeruir N'oſteroit ſa pēſee
Qvant ſon oncle l'oÿ Si ploꝛa tendꝛem̄t
Ses enfanz enfouy Ꝑ nuit pꝛiueem̄t
Sa niece fu rēdue Aſſez ˞pchainem̄t
La ſerui /nr՚e dame De cuer entierem̄t
Pour la gñt repētāce /Nr՚e dame l'ama
Et entoꝛ les nōnaīs Tel grace li dōna
Puis fu elle a beeſſe Sain te viemena.
Onq՚s puis l'enemi V՚s li ne cōuerſa.
Ce biau miracle cy A tous vous ſenefie
Que chaſcūs ē dꝛoit ſoy Doit amender ſa vie
Et guerpir l'ēnemi Qⁱ tous ioꝛs a ēuie
Ꝑ quoy il noꝰ atrible A ſa gñt ꝯ paignie
Prions a /cele dame Qui tant eſt de hault pꝛis
Qu'e le ſoit nr՚e eſcu Entre nos ēnemis
Et noꝰ doīſt ſi ouurer Et en fais ⁊ en dis
Q՚ noꝰ puiſſons ꝯq՚rre Nos lieus en ꝑadis.