OR eſcoutes ſeingnoꝛ Qui dame diex uoꝯ ames
Qui les poines d'enfeꝛ Et les toꝛmens doutes
Ieuous feꝛai oir S'entendꝛe me voules
Coum̄t pechieꝛres hons Eſt en enfeꝛ penes
Des grans paines d'enfeꝛ Vous conteꝛai partie
Ꝑ garant d'eſcriture Si n'en mentirai mie
Coume pechieꝛes homs Le deſeꝛt enſauie
Q՚ diex ne veut ameꝛ Ains maint ēfelonie
Seingnour (a). de ſous cel air a .i. ciel ce ſaués
Deſoleil et delune Et d'eſtoilles liſtes
Ꝑ qui tous li mons eſt Tres bien enlumines
Deſour cel a .i. autre Qui eſt ciel apeles
Apꝛés eſt litieꝛs cies ou eſt lamaiſtes
Ou /li fix diex ꝑmaint Qui de /uirge fu nés
Qui pour lenos pechies Fu en lacrois penes
Quant diable nos ot Tretous deſeꝛites
Puis nefu hons moꝛtex Qui ces .iij. ciex neiſt
Foꝛs /l'a poſtre ſaint pol Qui lamoꝛ diex conquiſt
Qui quiſqͣ tieꝛs cel uit La ioie /iheſu criſt
Ꝑ /ſaint michiel l'arcangle Que il alui tramiſt
Icelle grant hauteſce Qui la ioie eſt apelee
Laou /ſainte marie Eſt roine clamee
Par cueꝛ decreſtieꝛ Ne puet eſteꝛ pensee
Ꝑ bouche de bon cleꝛc Ne puet eſtre eſcoutee
Icelle grant hauteſce Vit /ſaint pol reſplandir
Ne la puet nus hons dire Pour nul tres grant loiſir
Foꝛs lifis dame diex Qui poꝛ nos vot moꝛir
Neli mons n'eſt pas dignes Qu'il la puiſſe ſouffrir
Seingnoꝛ oꝛ uous dirai ce que uous ai pꝛemis
Com grant ſunt li toꝛm̄t El doleꝛeus pais
La ou li pecheoꝛ Seꝛont en flanbe mis
Qui ne veulent ameꝛ Ne diex ne ſes amis
/Sain pol fu en enfeꝛ Aincois que il trauſiſt
Ou/ſaint michiel l'archāgle Lemena et condiſt
Diex vot qu'il conneüſt Les painnes et ueïſt
Tant enpoons ſauoir Ꝯ /ſaint pol nous endiſt
Oꝛ oies dont parleꝛ Del'infeꝛnal dolour
A garant en a trai /Saint pol nr՚e doctoꝛ
Coument ſunt toꝛm̄te Li mauais pecheoꝛ
Qui pour la roine gloire Ꝑdent leur creatoꝛ
A l'entree d'enfeꝛ A .i. arbꝛe plante
Dont les blanches deſeure Sont charbons enbꝛaſe
Et deboutons defeꝛ Eſtre tous boutones
Deboutons plus ardans Que nus feus embꝛaſes
Ilueques uit /ſaint pol Pecheoꝛs cruciez
Ꝑ les bꝛanches deſeure Eſt chaſcun clofichiez
Li vns peut ꝑ les iambes Liantres par les pies
Li autres ꝑles bꝛas Chaſcuns pour ſes pechies
/Saint pol a regardé delaſeneſtre part
⁊ uit une foꝛnaiſe defeu Qui touſiours art
Laflambe ꝑ .vij. luis Se deuiſe et depart
Oꝛ pꝛions dame diex Que il tous nos engart
Seingnoꝛ en la foꝛnoiſe a bien .c. et .vij. tros
Et .vij. flambes en iſſent Dediueꝛſes couloꝛs
Set diaubles latiſent Que ce eſt loꝛ laboꝛs
De cheſcune des .vij. En iſſent .vij. chaloꝛs
Enuiron la foꝛnaiſe A .vij. crueus toꝛmens
As pecheoꝛs reuient Moꝛtex cruciemens
vij. diaubles legardent O crueus feꝛemens
QUant ont l'ame ſaiſie Si la plūgent laiens
Set plaies les apelles Les apele ladeuine eſcriture
La pꝛemieꝛe denoif Deſtraingnent froidure
Laſeconde de glace De deſtraingnent nature
Et la tieꝛce de feu Dem̄ueilleuſe ardure
Et la quinte ſet plainte C'eſt infeꝛniaus ſeꝛpens
Et laſiſte deffoudꝛe Degrans engraignemens
Laſeſine depuours Et d'enpuiſeuemens
Dame diex ſi nous gart De deſheꝛbeꝛgemens
Quant ces .iij. diaubles Ont une ame ſaiſie
Ꝑmi ces .vij. toꝛmens Chaſcuns par ſoy leguie
L'un al'autre lalance Quant il l'ont garde gueꝛpie
Quel ꝑt que ele court Diauble laſaiſie
Quant il l'ont fait paſſeꝛ Ꝑmi ces .vij. toꝛmens
Loꝛs uient ala chaitiue I. grant encombꝛement
As autres cil la lancent Qⁱ mout enſunt ioians
El fons delafournoiſe Ou elle eſt plus ardans
R cil .vij. lagraillent El fons dela fournaiſe
O fourches et obꝛanches Enheꝛbeꝛge puneſe
L'ame qui la ira Mout aia demeſaiſe
Gardes que ne facies choſe Qu'a diex deſplaiſe
Seingnoꝛ ieueil auous ꝑleꝛ ſi ꝑfondement
/Saint. pol ſem̄ueilla Del'āgoiſſe toꝛment
A .s՚. michiel demande Qⁱ ſunt oꝛ celle gent
/Saint michel li adit Sans nul delaiement
Sire cil que uees Qui entenebꝛes ſunt
Ceſunt li pecheoꝛ Qui dame diex meffont
Confeſſion requieꝛent Que /iheſu peur ꝑdont
⁊ quant il ſunt confes Penitantce ne font
Seingneur necuides pas Quant pechies et nōmes
Que par tant ſeulement Puiſt eſtre ꝑdonnes
Tres que li coꝛs enſoit Trauaillies et penes
Et que ꝑ penitance ſoit Vaineus et mates
Sachies q՚ grans doloꝛs Eſt aciaus otroie
Qui ꝑleur pꝛeeſche Penitance laiſie
Donnes de laricheſce Dont diex uous aſaiſie
Deſour tous autres biens Eſt aumonne eſſancie
Il ne oÿ /ſaint pol Tant doleꝛeus crieꝛ
Li .i. bꝛaient d'angoiſſe Et liautre ploureꝛ
⁊ tant oꝛriblement A ſauois eſcrieꝛ
Souuent regretent moꝛt Nela peuent trouueꝛ
Pour ce ſunt li toꝛment Sicruel et ſifieꝛ
Chaſcun deſadeſeꝛte Receure ſon loieꝛ
Ia la vr՚e richeſce Ne vous ara meſtieꝛ
Toſt uous poꝛra toꝛneꝛ A mout grant encombꝛieꝛ
Seingneur car pourchacies contre ce gariſon
Que uous ne ſoies mis En icelle maiſon
L'eſcriture coumāde Que nous leuous diſon
Que les paines d'enfeꝛ N'aront ia raencon
Neuous anuit il pas Ma parole a oir
Au'il nia nul deuous Qu'il n'eſcue ce moꝛir
Et eſpaules et bꝛas Et lalangue pourir
Hauteſce ne auoir Ne uous poꝛra garir
Dieu aués uous veü moꝛir Vous anciloꝛs
Qui laiſie nous ont Ceꝛtes ce m'eſt uis ⁊ honoꝛs
N'en ueiſtes puis nul N nus n'en eſt reſours
Diex gart et nous ⁊ eus des infeꝛnaus doloꝛs
Nous iront apꝛés eus N'eſteꝛa deſtourne
Mout ſe ꝑ puet liex faire Qui maint encharite
Car charites eſt diex Dont maint entamelde
Et diex maint encelui Qui maint charité
OR pꝛions dame diex Qui en la crois fu mis
P՚mieꝛement pour nous ⁊ puis pour amis
Qu'il ait m՚ci des moꝛs De pechié gart les uis
Que enenfeꝛ ne ſoient Vilainnement aſſis
/Oaint michiel et /.s՚. pol Sunt enenfeꝛ entre
Et ont deuant eus I. toꝛment encontre
De la paoꝛ qu'il ot Reclama d'ame de
M՚ci biaus ſire peꝛes Bons roys demaiſte
Meꝛci biaus ſire peꝛes Bons roys demaieſté
Targes m'ame ⁊ mō coꝛs Que ne ſoie dane
/Saint michiel l'eſgarda S'el uit eſpoente
De dame diex leſaigne Si l'a aſſeure
Letoꝛment dont /.s՚. pol Ot la paoꝛ ſigrant
Couu՚t une grant roe Denoir feu tout ardant
M. toyſes a de le ⁊ de lonc autretant
La roe eſt de noir feu Legieꝛement toꝛnant
Eſtencelles enuont Menuement ſaillant
Indes rouges et noires Mout eſpés et quiſant
Delamenoꝛ poꝛoit ardoir I. aimant
Nel tenes a mencoigne Cou eſt voirs vraiement
C'eſt la plus dure pieꝛe Qⁱ puiſt eſtre trouuee
Que pieꝛe daimant Iſi eſt apelee
S'ele eꝛt el feu d'enfeꝛ Ia ni aroit duree
Arma qui laira mout Ieꝛt mal euree
Mil cheuilles Ia rengies et agues
En .iiij. pans copans Plus qu'eſpee moulue
Qui enla roe ſunt Fichies et couſues
Pour tourment՚ les armes Qui la ſeꝛont uenues
Ilueques a .i. diauble Del feu denfeꝛ fournie
Enſamblance fu fais D'un angle enpene
N'a ſi hardi elmonde Si l'auoit ſ'ilauoit eſgarde
Qu'il n'enꝑdiſt leſens Et tretout ſon penſe
Les la roe ſeſiet Neſe puet remueꝛ
Car coueſt ſon meſtre A la roe toꝛneꝛ
.M. foys lafieꝛt leioꝛ Pour mieux eſtenceleꝛ
A chaſcun des. mil foys Lefait. mil toꝛs toꝛneꝛ
Mil. diaubles les li De lagent paignoꝛ
Chaſcun tient enſamain L'arme d'un pecheoꝛ
Chaſcun enſa cheuille Lefieꝛt agrant (ag) doloꝛ
Quant toutes ſunt fichichies La roe pꝛent ſon tour
Cil diables la fieꝛt A donques ſi foꝛt uient
Plus toſt lefait aleꝛ Que foudꝛe ne deſcent
Ains que ele ait toꝛne A il dit aſa gent
Oꝛ toſt apoꝛtes autres Toſt et iſnellement
Oies com grant doloꝛ Et grant deſtruſion
Quant la roe atoꝛne Mil. foys en une randon
Et il i ſunt noirci A guiſe decharbon
Le diauble les fait Hurteꝛ a .i. peꝛon
Quant el fieꝛt apeꝛon A coup q՚uelle pꝛent
Loꝛs croiſt et eſtencelle Si angoiſſeuſſement
Que tout enfait enfeꝛ Troilleꝛ ꝑ fondement
Com te ſe fuſt tonoirres Ou foudꝛes qui deſcent
Li pecheoꝛ qui ſunt Enla roe fichie
Tout cheent ca et la Quant il ſunt detrenchie
Deauble les recueillent Qui ſunt appareillie
Chaſcuns enſa cheuille L'eꝛa mout toſt fichie
Mil foys en ont leioꝛ La roe ſi charchie
/Saint pol uit chaſcune Flamblant et embꝛaidie
Chaſcune trait lalangue Qu'eſt defeu enlumee
Et tuit crient enſamble Coume gent toꝛmentee
Hai; las chaitiue Ou eſt lamoꝛt alee
Ici eſt lamoꝛt alee Que doit que ne repeire
Ia fu ele tant douce Et fu tant debonnaire
Bn̄ deüſt retoꝛn՚ poꝛ nous Foꝛs d'ici traire
Trop ſoums endeſtrece Neſauon mes que faire
/Saint pol uit letoꝛment Et foꝛment ſ'eſmaia
/Saint michiel fu les li /Saint pol li demanda
Qui eſt cele chaitiue Qui ce deſeꝛui a
/Saint. michel lireſpont Ceuous dirai ie ia
Ceſunt li oꝛgueilleus Qui ont l'oꝛ et l'argent
Qui tiennent endeſpit Et gabent poure gent
Quant voient leur beſoing Pitie ne leur enpꝛent
Pource ſunt toꝛmente Enſi aſpꝛe toꝛment
Seingnoꝛ ieuous chaſti Ne uous oꝛgueillies
Car oꝛguex eſt lipire De tous autres pechies
Mais bonne humilité Dedens vos cueꝛs aies
Deſires penitance Charites et pities
Seingnour oyes apꝛés Neuous anuit il mie
Tant com vous poes eſtre Enceſte moꝛtel vie
Donnes deuoſtre auoir Neuous atargies mie
Car quant vous ſeꝛes moꝛt Deriens nares baillie
Sueꝛpiſſies conuoitiſe Dont tout eſtes carchie
De dame diex ſeꝛuir Soies appareillie
Q՚ vous nepuiſſies eſtre Enenfeꝛ trebuchie
Dame diex nos engart Par la ſoie pitié
/Saint pol. et /.s՚. michiel Sunt enenfeꝛ entre
Apꝛés ice toꝛment Ont .i. autre encontre
.I. flueue mout oꝛrible Et peꝛeilleus et le
Et leue eneſt plus noire Q՚ nus charbons trible
/Le lac tartarion L'apele l'eſcripture
Dieu entrai agarant Qui dementir n'acure
M. fiees le ioꝛ change Enl'iaue nature
Defroidure enchaloꝛ Dechaloꝛ enfroidure
Quant lature change Leflueue muit et bꝛait
Car vns vens les ꝯmuet Qui toꝛmenteꝛ le fait
Qⁱ del puis d'enfeꝛ vient Et par conduit ſ'envait
Quant l'une paine I faut l'autre a ſoy leretreit
La pꝛemieꝛe des paines Eſt de ſi grant douloꝛ
.I veꝛe glas et gielee Ce eſt ml՚t grant froidoꝛ
Deles cele froidure Reſembleꝛoit chalour
L'arme qui .laira (mout) Mout ara dedouloꝛ
Quant lafroidure change Enchalour eſt mue
Qui tant ꝑ eſt cuiſant Et tant deſmeſuree
La flamble et lachaloꝛ Eſt enſemble meſlee
L'ame qui laira Seꝛa mal hoſtelee
Les autres paines ſont Tant crueus ⁊ tant fieꝛes
Puans et eſpꝛenans Dediueꝛſes manieꝛes
Seingnoꝛ oꝛ faiſons toſt Pour les ames pꝛoieꝛes
Que doume diex les gart A ſon oes les ait chieꝛes
Sus cele eue a .i. pont Qui ꝑmi la de part
L'eue eſt treſtoute Deueꝛs ſeneſtre part
Rouge deueꝛs la deſtre Coume flamble qui art
Ia n'aura lecueꝛ lie Pecheoꝛ qui les gart
Lepont eſt tout d'acieꝛ D'infeꝛnal tempꝛement
M. toiſes a delonc Se l'eſtoirement
Par engien dediauble Fu foꝛgie ſoutilment
Plus trenche que raſoir Eſmolu tenuement
El flun a noirs diaubes Qui ſambles beſtes mues
Ꝑ l'iaue vont tumbant Oꝛibles et hidouſes
Degrans flotiaus defeu Sunt treſtoutes ueſtues
Grans d'eus ont ēleur guelles Et ſi ſunt bien agues
Cedit /ſaint pol qui vit D'autre part dece pont
Poiſons hideus et lais Qui ꝑmi l'iaue vont
Chaſcuns d'eulz a .ij. teſtes Qui a redouteꝛ font
Plus oꝛibles neuit onques Nus hons du mont
Seingnour ꝑ iceſt pont Nous eſté eura paſſeꝛ
Qui tant ꝑ eſt eſtrois Com vous m'oes conteꝛ
Et les bons et les maus Reſcouura paſſeꝛ
Ni ara ſi hardi Qu'il n'eſtuet trambleꝛ
Oꝛ de pꝛions le roy Qui tout a agardeꝛ
Qui gouueꝛne leciel Et la teꝛre et lameꝛ
Et ala fine foꝛme Nous daigna enfoꝛmeꝛ
Qui depainnes d'enfeꝛ Nous daigna deliureꝛ
Seingnoꝛ tes eſt li pons Com ie uous ai retret
Chaſcun pechieꝛe imonte Ou quan que il a fet
Son pechié poꝛte O ſoy qui chenceleꝛ lefet
Li vns paſſe .x. coiſes Li autres .v. ou .vii.
Tant va ſeurement Cō il a de bn̄ fet
SEignoꝛ qñt chiet del pōt Sachiez tout en treſet
Les poiſons ⁊ les beſtes Loꝛ ſt՚ tout ē aguet
Enſem̄t ꝯ le leu Chaſcū aſoi le tret
⁊ la tire ⁊ de voꝛe ⁊ deſrage ⁊ de traet
E Qñt icil deauble Lonc auec aus ſaiſi
Cōme leu le douoꝛent Ia n'ē aront m՚ci
Ml՚t eꝛt mal eure ne Qⁱ l'aura deſeꝛui
Gardez voꝰ de pechié Q՚ voꝰ n'alez enſi
QN˜t /ſaint pol vīt aupōt Outre ala ſanz doutāce
Qr̃ il auoit endiex S'amoꝛ ⁊ ſa creance
/Saint michiel leꝯnut En qͥ ila fiance
Ceus vit iluec geſir En aſpꝛe penitance
/SAint michiel diſt /.S՚. pol Qⁱ ſt՚ cil pecheoꝛ
Q՚ ie voi demen՚ Si tres aſpꝛe doloꝛ
Ce ſt՚ diſt /.S՚. Michiel Larrō ⁊ rauiſoꝛ
Qⁱ ala poure gent Tollirent loꝛ laboꝛ
EN ce flueue aſeneſt՚ En ce moꝛtel ꝑil
A tant pecheo mis En ꝑdurable eſſil
Li vns iuſq̃ ienous L'autre iuſq̃ nōbꝛil
Li autͤs iuſq̃ aſiex L'autre iuſq̃ ſoꝛcil
CIl qui iuſq̃ ie nous Sont ēleue adoloꝛ
Sont cil qⁱ en ceſt ſiecle Ont eſté tricheoꝛ
Qⁱ p˞ auoir ꝯq՚rre Ꝑuirent loꝛ ſeignoꝛ
De vendͤ ⁊ d'achateꝛ Furent engigneoꝛ
CIl qⁱ iuſq̃ nōbꝛil Sont en l'eue boute
Ce eſt pour homicide Qⁱl ont fet ⁊ mene
Par foꝛnication Faite aleur ꝑenté
Ces .ii. ſt՚ en loꝛ cox P˞ ce ſt՚ toꝛmente
CIl qui iuſq՚s as iex Eſtuet l'eue ſoffrir
Ce ſt՚ cil qⁱ eſtriuent Qñt il doiuent oir
Les ꝯmandemenz dex S'auoir ⁊ retenir
Sont cil qⁱ ē l'igliſe Nont de ꝑl՚ loiſir
CIl qui duſq̃ ſoꝛcis Sont en l'eue adoloꝛ
Vos dige vraiement Ce ſt՚ li robeoꝛ
Qⁱ demoſtrēt as homes Gñt ſemblance d'amoꝛ
Puis les vendent as aurͤs O /Iudas loꝛ ſeignoꝛ
Gñt maſſe auez oï Q՚l li lieu d'enf՚ ſt՚
Les paines les toꝛ m̄tes Qui ia ne fuieꝛont
⁊ coment les deſeꝛt Pecheoꝛ en ceſt mont
Cil qui s՚uent lediable Tel louieꝛ en aueꝛont
SEign˞ ml՚t deuez eſtre Treſtoz en gñt eſfroy
D'ameꝛ le roy du ciel De maītenir ſa loy
Car il neſt mes el monde Ne cheꝛice ne foy
Dame dex ne demande A chaſcun ne mais ſoy
BIen ſauez que ceſt ſiecle Ne dure longuement
Qr̃ damedex lediſt En ſon enſeignement
Charites ſi refroide Ce veez voꝰ ſouuent
Charites ſi refroide Contre le finement
SEygn˞ oꝛ eſcoutez Q՚ ie voꝰ dirai voir
/.S՚. pol iuit apꝛés .I. doloꝛeus manoir
Tant obſcur laidement ⁊ ſi oꝛrible ⁊ noir
Nus qⁱ abite iluec N'i puet coute vëoir
/SAint pol a regardé En cele gñt doloꝛ
Ne pot goute vëoir Poꝛ cele tenebꝛoꝛ
/.S՚. Michiel diſt /.S՚. pol Poꝛ deu le creatoꝛ
En lumine mes iex De ta gñt reſplendoꝛ
Q՚ ie puiſſe vëoir De dens cele oſcuroꝛ
EN cele tenebꝛour A /.S՚. pol eſgarde
Ne puet eſtre ꝑ hōe Veu ne deuiſe
Se li ſoulaus ieꝛt Ni donroit il clarté
Icele tenebꝛour A /.S՚. pol regarde
LI anges vit /.S՚. pol. Qⁱ foꝛmēt fu penſis
La croiz au ſaueoꝛ Li fiſt enmi le vis
Del ſaint eſp peꝛit ia En lumine ⁊ mis
Pꝰ vit la tenebꝛour ⁊ de denz les chetis
Et d'omes ⁊ de fames Eſtoit toz plaīs cil lous
Qui ſi eꝛent couueꝛt De toꝛment engoiſous
De flambe rouge ⁊ noire Plꝰ ardenz q՚ n'eſt fous
Plus eſpés qͥl ne puet Chiet ſus les pecheoꝛs
ENtre ces pecheoꝛs Qⁱ en tenebꝛe ſont
A fames amalaiſe Qⁱ noirs veſtemenz ont
Li feus loꝛ chieꝛ es bouches Si ꝯ il vient d'amont
Tres ꝑmi les oꝛeilles Ꝑmi les iex del front
ICil veſtem̄t ſont Tant grief ⁊ eſpꝛenant
De pois qui toz ioꝛz art ⁊ de ſoufre puant
Liſtes ia ꝑ lieux Du feu d'enf՚ ardant
Qⁱ la pois ⁊ leſoufre Dont toz ioꝛz eſp՚nāt
DE laiſardes puanz De crapaus venimos
Sont icil veſtem̄t Tout couu՚t ꝑ de ſoꝛs
Venim gitent ſouuēt Puant ⁊ engoiſeus
A celles qⁱ la ſont N'a meſt՚ ris ne gous
ELe ont en coꝛ loꝛ coz Coulueures ⁊ ſeꝛpenz
Touz ioꝛz traient loꝛ lāgues Plus noires q̃remenz
Enz vcoꝛs loꝛ embatent Gñt en puiſonemenz
Qⁱl loꝛ metent es bouches Les palais de denz
TOut environ ice aꝰ Qⁱ les dꝛas ont veſtus
Errent .iiij. diables Oꝛribles ⁊ hidous
Toz ioꝛz vont cͥant fames Sachiez dex eſt venꝰ
Conoiſes /ih՚ucriſt ⁊ les ſieues veꝛtus
CHeſcune a haute voiz Qñq՚ puet crie ⁊ bꝛait
/.S՚. pol en ot pooꝛ Veꝛs /.S՚. Michiel ſe trait
De la paoꝛ qⁱl ot Le ſanc li eſt foioit
⁊ toz les .iiij. diables Loꝛs ſt՚ toz en agait
SIre icelles fames Qⁱ ſi bꝛaient ⁊ crient
Ce ſt՚ icelles fames Qⁱ dame dex oublient
O Loꝛ peꝛe ſe couchent ⁊ carnement li lient
Poꝛ luxure meneꝛ La loi dex en oublient
EN ces paines meiſmes En cel toꝛm̄t ſi foꝛt
Ou nꝰ ne puet auoir Ne ioie ne ꝯ foꝛt
Si vont icelles fames Qⁱ tant ont de depoꝛt
Qui p˞ honte du ſiecle Metent loꝛ fruit amoꝛt
OR pͥons dame dex Qⁱ ne faut ne ne ment
Q՚ p˞ celle pitié Qⁱlivint en p՚ſent
Qñt il fu en la croiz Poꝛ nr՚e ſauuem̄t
Sa meꝛe regarda Qⁱ ploꝛoit tendꝛem̄t
Q˜ /.S՚. Iehan bailla A gardeꝛ vraiem̄t
ENſi ꝯme ceſt voirs Seign˞ q՚ ie voꝰ di
Q՚ telle pietie ot Qñt il la de grepi
La pꝛoia il p˞ nos ⁊ pꝰ p˞ nos amis
Q՚ ſon ꝑe des cieux De nos toz ait m՚cis
EN cele tenebꝛour A vne roche aſiſe
.M. toiſes a de haut ⁊ roide de gñt guiſe
De cheſcune des paines Qⁱ eſt en enf՚ miſe
En viron cele roche Sont fichie ꝑ deuiſe
MIl. de grez a entoꝛ Chaſcū a ſon toꝛment
Le p՚meꝛain deſeure Eſt de ſi rouge vent
Qⁱ de de ſoꝛ la roche Tient ſon toꝛnoiem̄t
Riens ni pue demoꝛeꝛ Tant ꝑ ſoufle foꝛm̄t
LI autre de gre ſont De plꝰ gñt cruauté
De dur ac՚ tempꝛe ⁊ de plꝰ dur aſſez
Oe feu treſtot ardent Ce ſachiez sāz fauſeꝛ
.M. en a ꝯtre val Iuſq̃ pié ꝯpaſſe
TOut environ la roche A .i. foſſe ꝑfont
Qⁱ eſt plaīs deſeꝛpenz Qⁱ tempeſte font
Qⁱ ia n'auront viande Se ne loꝛ vient d'amont
⁊ qñt ele loꝛ vient Gñt denourage enfont
MIl. dyables ia Ꝯme anges enpanes
Les pecheoꝛs deuoꝛent Chaitis maleures
Gñs ongles ōt defeꝛ Bn̄ agus ⁊ quarres
Chaſcū poꝛte le ſien Contre mōt les degres
Añt ſt՚ de ſoꝛ la roche Ses ꝯmandent au vent
Tout ꝯtreual l'ē paignēt Toſt ⁊ iſnellement
Ius les font trebuchieꝛ Detoꝛ ment entoꝛment
Iuſq̃ fous de laroche Toſt ⁊ iſnelement
SErpenz ont les chauis Treſtot envirō eus
Chaſcūs moꝛt en ſa part V dos ou es coſtes
Poignēt ſuchēt et rūgent Les las maleures
Qⁱ en ce ꝑil eſt Si eꝛt de ſiri tes
As pecheoꝛs qui ſont Entre ices ſeꝛpens
Eſt encoꝛe dones Ml՚t plꝰ aſpꝛes toꝛ mens
Il meiſmes ſe font Moꝛtex cruciemens
Aſpꝛes ⁊ engoiſous Trop doloꝛeuſemens
/SAint Michiel diſt /.S՚. pol Meꝛci poꝛ l'amoꝛ de
Qⁱ ſont cil pecheoꝛ El fons de ceſt foſſe
Qⁱ māuieng loꝛ langues Puis qⁱl ſt՚ toꝛmente
Soꝛ toz autres chaitis Sūt cil maleure
CE ſt՚ li vſeꝛieꝛ Qⁱ p˞ loꝛ gñt auoir
Tollent as poures gens Ce qⁱl peuent auoir
Ne teꝛre ne meſon Ne loꝛ puet remanoir
Qñt il crient meꝛci Riens ne loꝛ puet valoir
OIez ꝯ la meſon Aciaus eſt vile ⁊ oꝛde
Gardez qⁱl n'i ait nus Ca vſeꝛieꝛ ſa coꝛde
Q՚ da me dex le diſt Cele eſt miſeꝛicoꝛde
Qⁱ m՚ci a d'autrui A dame dex ſ'acoꝛde
SEign˞ ia le diſt on Pieca en repꝛouieꝛ
Q՚ la maille eſt bone Qⁱ ſauue le denieꝛ
Dones p˞ l'amoꝛ dex Si auras bō loieꝛ
.C. foiz le voꝰ pꝛomet Dex amoute ploieꝛ
ICe que noꝰ trouons En l'euangille eſcrit
Q՚n bon eure ſt՚ nez Liproure /ih՚ucͥſt
Bn̄ le deuries croire Car dame dex le diſt
Q՚ chaſcūs ſeꝛa ſans Sans nes .i. ꝯtrediſt
TAnt doit hair l'auoir Hons qⁱ ſi eſt manant
Qⁱ l'en ꝑt ꝑadis ⁊ la ioie ſi gñt
⁊ ſi entre en enfeꝛ En la puour puant
Ou auoir ne doneꝛ Ne puet auoir garant
EN icelle maiſon A /ſaint pol regarde
Chaitis vit iuſq̃ coux En glace ſeele
L'une moitié d'icex Sont iſi afame
Q՚ li vns ſi moꝛt l'autre Anſi ꝯ fuſt de ve
PAr engoiſe de fain Sont iſſi toꝛmente
Fruit de pluſeurs man՚es Loꝛ eſt deuant poſe
Mais il n'ōt mie itant Treſtout de poeſte
Q՚ ꝑ aus puiſſe eſtre Ne pꝛis ne adeſe
L'Autre moitié de ceaux Suefrent ſi gñt froid˞e
Qⁱl rechinent les denz Par la gñt deſmeſure
.iij. diables iſt՚ De ml՚t laide figure
Gueꝛreglas ⁊ gielees A froidoꝛ aſpꝛe ⁊ d˞e
Loꝛ ruent ſoꝛ les teſtes D'aut՚ laboꝛ nōt cure
CIl qui mueꝛent de fain En la gielee nu
Sont cil qⁱ ē ceſt ciecle Ont eſté meſcreu
Qⁱ geune deſpiſent ⁊ mout pas tendu
Poꝛce ſt՚ en enfeꝛ De fain tout ꝯfondu
CIl qⁱ en la froidure Sont toꝛmente griem̄t
Sont cil qⁱ oꝛfelins ⁊ venes enſem̄t
Iugent ⁊ deſheꝛitent Par loꝛ faus iugem̄t
Qⁱ ꝑdent ame ⁊ coꝛs Poꝛ oꝛ ⁊ poꝛ argent
/SAint Michiel agarde Deuant ſeneſtͤ apart
A tres ames iuit ⁊ en traus .i. viellart
Chaſcū tint enſamaī .I. crochet ⁊ .i. dart
I cel chaitif deuoꝛent Chaſcūs tire a ſa part
E Celui bꝛait ⁊ crie ⁊ vlle ꝯme los
/.S՚. Michiel diſt /.S՚. pol Qⁱ eſt cil doloꝛeus
Ce fu diſt /.S՚. Michiel .I. Eueſque oꝛgueillous
Tant ꝯ veſqⁱ amonde Si fu luxurious
Qñt /.S՚. pol ot oï Qⁱl ot veſques eſté
Eueſq՚s ⁊ cleꝛgie Auoit ml՚t a ame
Du cueꝛ en ſoſpira Des iex en a ploꝛe
/Li ange le regarde Si li a demande
POꝛ quoi pleures /.S՚. pol Donc vient ceſte tͥſtoꝛs
Des gñz paines d'enfeꝛ As veü des gregnoꝛs
Qñt tu ſeꝛas au mond Sel di as pecheoꝛs
Q՚l li lieꝯ d'enf՚ ſont ⁊ quelles les doloꝛs
SEygn˞ ml՚t deuez eſtre Treſtoz en gñt penſe
Qⁱ le ioꝛ ⁊ la nuit Faites iniquite
Les eues meiſmes Qⁱ ſt՚ a/dieu ſacre
Par engin dediable Sont vaincu ⁊ mate
QVi voient en eſcript Q՚ la loy loꝛ deſfent
⁊ qu'il doiuent tenir ⁊ il n'ē font noient
Si les decoit diaubles Pa ſon enchantem̄t
Qⁱ loꝛ done l'auoir Par engin les ſoupñt
SEygn˞ ne couoities Aſembl՚ gñt auoir
Ml՚t toſt eſt treſpaſſes Ce poez voꝰ ſauoir
Mais toute vr՚e entente ⁊ treſtout vo ſauoir
Metez en dame dex Ce voꝰ poꝛra valoir
ML՚t toſt eſt treſpaſſes Vr՚e auoir teꝛrient
Qñt venra ala moꝛt Vos n'ē arez nient
Mes en dex voꝰ fiez Qⁱ ſire eſt de toz bn̄s
Qn̄ la ioie celeſtre Ne uoꝰ faudꝛa ia riens
ICelle douce ioie Voꝰ dige sāz mantir
A icelle gñt ioie Qⁱ durra sāz faillir
Q՚ riens qⁱ ſoit el monde Sine la puet tolir
Se bn̄ au amone Ne nos fait ꝑ uenir
OR pͥons /ih՚ucriſt Qⁱ pas ne veut m̄tir
Q՚ a nos n̄ faitours Doiſt auoir bō loiſir
De ſes bn̄s fais el monde EN ꝑadis venir
Dame dex en ſa gloeꝛe Nos face paruenir
/.S՚. Michiel va auant Poꝛ vn toꝛment moſtreꝛ
/.S՚. pol ala ap՚s Qⁱ le cuide eſgardeꝛ
/.S՚. Michiel diſt /.S՚. pol Ci t'eſtuet arreſteꝛ
Tu ne poꝛroies mie Le toꝛment eſgardez
Cou eſt le pui d'enfeꝛ Q՚ tu pues la oir
Ci teſtuet demoꝛeꝛ Ne pues auant venir
Tu ne poꝛroies mie La gñt puoꝛ ſoffrir
Qⁱ del pui d'enfeꝛ iſt Ia t'eſtouuroit moꝛir
/SAint Michiel alachartͤ D'enfeꝛ des ſcelee
Lapuoꝛ en iſſi Gñt ⁊ deſmeſuree
Onq՚s nꝰ hōs de char Ne ſenti tel puee
Ꝯ il iſt de cel puis C'eſt veꝛitez pꝛouee
PAr touz les lieus d'enf՚ Sention la puoꝛ
Chaſcū eſtue paſmeꝛ D'engoiſe ⁊ de doloꝛ
Foꝛs /.S՚. Michiel l'arcange Qⁱ tint le coueꝛ toꝛ
⁊ /l'a poſtre .S՚. pol Qⁱ endex a ſ'amoꝛ
/SAint Michiel diſt /.S՚. pol Poꝛ l'a moꝛ dex m՚ci
Cieſt le pui d'enfeꝛ Biē auant ſi me di
Qⁱ ſont icil chaitis Qⁱ ſi ont deſeꝛui
Qui iluec ſeꝛont mis Donc la puoꝛ iſſi
/SAint Michiel diſt /.S՚. pol Entent ama raiſon
Cil qui iſeꝛont mis N'aront ia raencon
Ce ſt՚ cil qⁱ ne croient La loi q՚ noꝰ tenon
Le coꝛs dex /ih՚uſcͥſt Ne l'incarnacion
CE ſt՚ li omicide Li esꝯmenie
Qⁱ mueꝛent desꝯfeꝛ N'eſt՚ aꝯmichie
Pource ſt՚ en enfeꝛ En la puoꝛ lancie
⁊ toz ioꝛz iſeꝛont Pene ⁊ trauaillie
/SAint pol a regardé V՚s le ciel ꝯtremont
.Vij. diables iuit Qⁱ gñt tempeſte font
Ou il tienent vne ame Qⁱl apoꝛtent d'amont
Entr'els vont deuiſant Ou la toꝛmenteꝛont
MIl. diaubles loꝛ vienēt Deuant alenꝯtreꝛ
Qñt il oirent l'ame Q՚ il ont a poꝛte
Li maiſtres va deuāt Sa l'arme demande
Li autre vont deuant Dient p˞ l'eſgardeꝛ
O M՚ueilleus tulmude Logñt diaublie
I ſont tantoſt venuz Si ont l'arme ſaiſie
Vne chartͤ li baillent ⁊ dient q՚ loꝛ die
Treſtoz ices pechies Ō le afait en ſa vie
EN la chartͤ q՚le a Sont eſcrit ſi foꝛ fet
Ele meiſme iliſt ⁊ diſt q՚nq՚le afait
Qñt a tout aꝯte Cil li ſt՚ en agait
⁊ pꝰ ſi la boutent El feu sāz autre plet
OIez ꝯ la chetiue Ses pechiez ꝯte a
Ele meiſme lut ⁊ pꝰ ſi les iuga
Chaſcūs ce qⁱl deſeꝛt Iluecq՚s trouuara
Ml՚t eꝛt mal enreus Qⁱ ne remenbꝛeꝛa
CErtes qui ne feꝛa Ce q՚ noꝰ li diſon
Dedenz enfeꝛ aura Ml՚t crueus gueꝛredon
Deuant toz les diables Prendꝛa ꝯfeſſion
Puis ſeꝛa mis en paine ⁊ en dempnacion
OR pͥons dame dex Qⁱ tot ot ⁊ tot voit
Qⁱ ꝯuoiſt nos pechiez ⁊ goueꝛneꝛ noꝰ doit
De pech՚ nos deſfenſe Liſiens plaiſirs ſoit
Q՚ diauble ne ſache En nos clam՚ nl՚ dꝛoit
QÑr /.S՚. Michiel atout A /.S՚. pol de moſtre
En .i. petitet d'eure L'en a en ciel poꝛte
Paradis li mouſt˜ Le regne dame de
Ou la gñt ioie eſt ⁊ la gñt noblete
SEign˞ deꝑadis Ne voꝰ ai nēs ꝯte
Car tant eſt gñt laioie Ce (ſac) ſachiez ꝑ vͥte
Par nl՚ home del ſiecle Ne puet eſt panſe
Ne ꝑ bouche de cleꝛc Ne puet eſtre conte
/SAint Michiel ſe regarde Deu՚s deſtre ꝑtie
⁊ vit vne bone arme Q՚ li ange ont ſaiſie
⁊ lapoꝛtent amont Coꝛonee ⁊ ſaignie
⁊ les anges qⁱ ſont En la dez ꝯpaignie
Oꝛ duz chanz vōt enꝯtre ⁊ ogñt melodie
Vne chart՚ li baillent ⁊ loꝛ ꝯmande lire
Ou dame dex ot fait Treſtouz ſes bn̄s eſcͥre
Toute lachart՚lut Ainz ui leſa q՚ lire
Et qñt ſa bone vie ot tote racontee
Liange A /.S՚. mich՚. Ont l'ame ꝯmandee
Il l'a en ꝑadis Aſiſe ⁊ honoꝛee
Q՚ iamais a nl՚ ioꝛ N'en ſeꝛa remuee
OIes ꝯ ꝑ eſt gñt La ioie auſaueoꝛ
Cil qui amone fait Ia dex a ſ'amoꝛ
Ara ſi gñt clarté ⁊ ſi gñt reſplendoꝛ
Mil. foiz ſourmont՚a Leſoleil ⁊ le ioꝛ
OR pͥons dame dex P˞ icelle pitié
Q՚ il ot de /marie Qñt li chai a pié
⁊ qⁱl ꝑdona Son oꝛrible pechié
Qⁱl noꝰ ꝑdoīt les noz Dōt toz ſomes chargiez
⁊ nos doīſt ꝑ venir Ou li bōs ſeꝛont lie