Tuit cil ſoient benei De dieu ⁊ de /ſamere
Qui ſe trairōt enſa ⁊ oꝛront ma matere
Et leur doint le pardon Qⁱu'i donna a/ſaint pere
Quant il reſut pour nous En crois lamoꝛt ameꝛe
Ie vous weil vne eſſemple A menteuoir et dire
De bon eſſemple dire Ne puet nus eſtre pire
Se ce ra d'un enfant Qⁱ ot paīne et martire
Pour deseꝛuir l'amour /Ih՚ucriſt noſtre ſire
Le pere de l'enfant Eſtoit .i. riches hom
Denieꝛs ⁊ heritages Auoit agrant foiſſon
Voulentieꝛs ot requis /Saint iaſque le baron
Vne voie ideuoit Encoꝛe le pꝛeudom
LI pꝛeudom en vieilli Et fu en maladie
.I. ſien filz apela oudurem՚t cefie
Biau filz dit le pꝛeudom N'eſt pas dꝛois q՚ i'oublie
Le baron de /.s՚. iaſques Tant com ie ſoie en uie
En coꝛ ne me ſui mie Du voiage aquitié
Ne du voiage faire Ne ſerai aquitié
S'ūs hōs ne m'ē aquite Qui ſoit de m'amitié
Mes en coꝛ ies trop iones De quoi i'ai grant pitié
LE voiages eſt trop grās Ne le pourroies faire
Li enfez reſpondi Qui fu de bon afaire
Se ie le fas pour vꝰ Ne me doit pas deſplaire
Car diex ⁊ li bons ſains M'aideront apar faire
Quant li peres entant Que li adit ſon filz
Et li afait ſafeſte Belle fu a deuis
Quant a l'andemain L'enfant ſ'eneſt ꝑtis
DE l'oꝛ ⁊ de largent En poꝛta grant foiſon
Son pere le conuoie Se fu dꝛois et raiſon
Sa mere chiet paumee A la de partoiſſe
Si ami l'en ramāniēt Arriere en ſa meſon
MOn enfant dit liperes Qui fu en grant eſmai
Gardez bn̄ ces .iij. pōmes Que ie te baillerai
Par ces .iij. pōmes ci Tel ſans t'apꝛendꝛai
Qui t'aura grant meſtieꝛ Entant que ie dirai
Quant ſeras achemin Moult de gent troueraz
Bien ſai qu'auec aucuns Tu t'a compaīgneꝛas
Ainz que t'i acompainez Tu li demanderas
Se a /ſaint iaſque ua Qⁱl ne te celles pas
C'il te dit qu'ili ua Si li tien compaignie
Se tu uois que il ſoit Preudom de bōne uie
Quant ſerois achemin Ce de ſuef ſe gramie
Vne pōme lidonnes ⁊ ne le laiſſes mie
SE la pōme mengue( toute) Et il point ne t'en doint
Ie te fais aſauoir Que il ne t'amera point
C'il veoit q՚ tu fuſſes Du coꝛs enmauués point
Il te larroit touz quois Car ainſi lefont maint
DE celui te de pars Bel ⁊ courtoiſſement
Et li di que tu es Malades durement
Du ſecont ⁊ du tieꝛs Feras tu autre tant
Biaufis oꝛ retiens bien Ceſtui cōmandemēt
Et ſe livns t'en donne Seurement t'i fies
Faitant que de celui Aiez lafoi pleuie
Car il te gardera oua Moꝛt oua uie
Et ſe nul ne t'en donne Va t'an ſans cōpaignie
Mon enfant dit li peres Qui eſtoit enſcien
Ne pꝛens pas autre hoſtel Ouchemin que le mien
Pere non feré ie Vous me conſeilliez bien
Alez vous ent adieu Et a /.ſaint iulien
Atant ſe de parti Lienfes de ſon pere
Peres alez a dieu Saluez moi ma mere
Biau filz ſi ferai ie Dieu qui eſt vrai ſauuieꝛre
Te puiſſe ramener Amon hoſtel arriere
Li enfes ſ'en entra Toulz en ſon chemin
/Cil ſire le conduie Qui fiſt de l'iaue vin
Tant erra tout ꝑ lui Qu'il trueue .i. pelerin
Bellement l'areſonne Et li a fet en clin
LI enfes demanda Qui fu pꝛeus ⁊ ſenez
Pelerin dites moi Quel part vous en alez
Le pelerin reſpont Ie dirai veritez
Droit au /baron .s՚. iaſkes Eſt mon chemin toꝛnez
Sire ce dit l'enfant Auſſi ieſt ma uoie
Compaignie vꝰ tendꝛai Mes qu'il ne vꝰ annoie
Li pelerin reſpont Celi coꝛs dieu meuoie
Voulentieꝛs m'ia coꝛs Et ſi en ay grant ioie
Li ˞pdon ⁊ l'enfāt ſesōt aꝯpaigniez
Mais n'oꝛēt pas alé demi lieue d'aſſez
Q՚ liꝯpaīs al'enfāt c'eſt de ſuef gramētez
P˞ la ſuef qͥ l'argue eſt malemēt laſſez
Qñt l'enfāt l'entēdi vne pōme aparee
⁊ aſon ꝯpaignō la maītenāt liuree
Et liadit ꝯpaīs mēgiez ſ'il vꝰ agree
Ꝑ ceſte pōme ci eſt vo ſuef eſtachiee
La pōme pͥſt tātoſt ⁊ lamēgue toute
Bn̄ s'aꝑcut l'enfāt qͥl nel'ameroit goute
Loꝛs dit qͥl de ꝑtiroit delui ⁊ deſa route
Car le ꝯmādemēt de sō ꝑe aīme ⁊ doute
CE ioꝛ ⁊ celle nuit firēt aſemblemēt
Mes liēfez dit al'ēdemaī bꝛiemēt
Ꝯpaīs alez adieu aqͥ ie vꝰ ꝯment
Ie ne m'ē pꝰ aleꝛ maladez ſui foꝛm՚t
A ce mot ſes ꝯpaīs c'eſt delui deꝑtiz
Adieu le ꝯmanda qͥonq՚s ne mēti
Lienfez aſez toſt ſe veſti ⁊ chauca⁊ chauca ſe veſti
.I. aut՚ aꝯpaigna dōt pꝰ ſe repēti
Car ainſi le ſeꝛui ꝯme ot fet li p՚mieꝛs
Qñt l'enfāt l'aꝑſut ſi ſ'en retrait arrieꝛs
Le plꝰ toſt q՚ il pot raꝯpaīgna letieꝛs
Cil li fu vrais ꝯpaīs ⁊ loiax ⁊ ētieꝛs
Minſi ꝯ uous oꝛrez qͥ voudꝛa eſcouteꝛ
Le pꝛeudō ⁊ l'enfāt ꝯmācēt a errer
En .i. deſeꝛt ētrerēt q՚ ie neſai nōmeꝛ
Le pꝛeudōme ot tel ſuef ne auāt aleꝛ
Qñt lienfez entāt q՚ deſuef ſe gramie
La tieꝛce pōme pꝛiſt tātoſt lia baillie
Cil atrait sō coutel ſi l'a ꝑmi ꝑtie
De la pōme bailla al'ēfāt lamoitié
LOꝛs ſouuint al'enfāt q՚ li ot dit sō ꝑe
Le pꝛeudō apela ſilia dit biau fr՚e
Ꝯpaignie vꝰ tēdꝛai mais qͥl vꝰ weille plaire
Volētieꝛs m'i acoꝛt foy q՚ ie doi /.s՚. ꝑe
Oꝛ me bailliez vo foi mes qͥl ne vꝰ anoie
Q՚ vꝰ me garderois volētieꝛs ē lauoie
⁊ ie vꝰ enſemēt ce li coꝛs dieu me uoie
Li pꝛeudō reſpōdi volētieꝛs m'i otroie
Enfez dit li pꝛeudō demafoi tepleuis
Au /baron te mērai cetāt pꝰ eſtre uis
Sire ce dit li enfez adieu ſoit les m՚cis
Pꝰ ce ioꝛ ē auāt ſerois vꝰ mes amis
Oꝛ voit bn̄ l'enfāt cōpaignie atrouee
Q՚ ꝑ le sās ſon ꝑe l'a ml՚t bn̄ eſpꝛouee
Le pꝛeudō ⁊ l'enfāt ſe ſt՚ matin leué
Ione fu li enfāt de ce fu ml՚t greué
Le pꝛeudō ⁊ l'enfant ē vne ville ētrerēt
Tant fu de h՚berg՚ bō hoſtel demāderēt
Tant ceꝛchierent lauille q՚n l'oſtel ariuerēt
Du ꝑe auualetō leās ſe h՚bergierēt
LE pꝛeudō uoit la fame qͥ ione dame iere
⁊ liſires viex hōs al'enfāt va tout dꝛoit
⁊ dit qñ cel (l')oſtel mes hui ne remaīroit
Car du/sās ſalemō ml՚t bn̄ li ſouuenoit
Li enfez li adit ce deci me ꝑtoie
Ꝯtre la volenté de mō ꝑe feroie
Demourez auec moi ſe dame dieu vꝰ uoie
Sinoꝰ metrōs demaī bn̄ matī alauoie
Amis dit li pꝛeudō de folie ꝑlés
Q՚ ie n'i demourroie p˞ qñ quevꝰ auez
Tant q՚ vꝰ hucherai gardez ne vꝰ mouuez
Sire nō ferai ie a/ih՚ucriſt alez
LI ˞pdom ſ'en de part adieu leꝯmāda
Quant fu hoꝛs deleans Autre hoſtel trouua
En li en mouſtra .i. Voulentieꝛs ſ'(i )acoꝛda
Deremanoir en nuit Quant la dame eſgarda
Oꝛ dirai del'enfāt qͥ fu del'aut՚ ꝑt
Dolent fu du pꝛeudomme Qui delui ſe depart
Son oſte ē apella qͥ eſtoit .i. veillart
Ses denieꝛs li bailla Et dit qu'il les li gart
L'oſte apela ſa fame ⁊ lia ꝯmādé
Que les denieꝛs l'enfant Soient tres bien gardé
Sire ſiſerōt il ꝑ le coꝛs /.s՚. mādé
La mauueſſe ē lauile aſō ami mādé
Et cil ieſt venus qͥ ꝯnut le meſage
Car bien auoit apꝛis De la dame l'uſage
En l'oſtel eſt entrés Plain demauués courage
Amaīte dame auoit tolu sō mariage
Amis dit lamauueſſe Bien puiſſiez vous venir
Ꝯme l'ōme du monde Que miex ains ⁊ deſir
.I. enfant eſt ceans Qu'il vous conuiēt murtrir
Dame dit li murtrier Ie ferai vo plaiſſir
Li ēfez fu murtri aduel ⁊ adolour
Dupꝛeudōme dirai Qui fu engrant errour
De sō lit ſeleua ſitoſt ꝯuit le ioꝛ
A sō ꝯpaignō va nefiſt paſ loc ſeioꝛ
L'enfansō apela ml՚t debōnairem̄t
⁊ ō lireſpōdi ml՚t felōneſſemēt
Voz ꝯpaīs ſe deꝑt deceās errām̄t
Il dit q՚ le ſuiuez toſt ⁊ iſnellem̄t
Oꝛ entendez amoi ſi oꝛrez gnt pité
Acés auez oï ce q՚ i'ai recité
Le pꝛeudō erra tāt qͥl ſot la v՚ité
Que nus hōmes N'eſtoit iſſus de la cité
Le Iuge demāda ne ſ'ieſt alētis
Car de ſon compaīgnon Trouueꝛ fu talentis
Veꝛs lui ne volt pas eſtre Pariures foi mentis
A loiauté men՚ fu tozioꝛs ē tētis
Sire dit il au iuge p˞ dieu de ꝑadis
Ie ſui .i. peleꝛin entēdez ameſdis
Mes ꝯpaīs a eſté ē cel oſtel murtris
Preudom dis le pꝛevost Gardez bn̄ que tu dis
Amis dit li pꝛeuos Gardes que tu diras
Car ſe tu ne dis voir Entel eſtat ſeras
Cōme celui doit eſtre Qui fait le mauués cas
Sire dit li pꝛeudō ie ne vꝰ deſdi pas
Li iuge ⁊ li pꝛeudom Se ſont acheminez
A l'oſtel ſont venu Ou cil fu herbergiés
Errāmēt fu l'oſtel De toutes pars cerchiez
Ceus delaiens ont pꝛis Ne ce ſont atargiez
Tant ceꝛchierent loſtel Le Iuge et le pꝛeudom
Q˜ gñt paīne trouerēt l'eſchr̃pe ⁊ leboꝛdō
Qñt le pꝛeudō le voit ſicria ahautō
Iamés n'eſchaperoiz p˞ denieꝛ nep˞ dō
LE ſeigneur et la dame Furent errāmēt pꝛins
En maīt lieu deleās fu le valetō qͥs
Vne cit՚ne treuēt oul'ēfāt eſtoit mis
Le pelerin le voit ſic'eſcrie ahaut cris
Chaſcun puet bien ſauoir Quel fu le iugement
Du pꝛeudom vous dirai Qui fiſt grant merremēt
Mes dieu ꝑ .i. ſiē āgre lifiſt ꝯmādem̄t
Qu'il aquitaſt ſa foy Veꝛs l'enfant loyaument
Qñt le pꝛeudō entāt lauoiz qͥaꝑlé
Toſt ⁊ iſnellemēt al'enfāt a toꝛné
Si a .i. charpētieꝛ ē lauille mādé
.I. trauetieꝛ fiſt faire L'enfant aſus poꝛté
Quant le pꝛeudō vouloit Ne boire ne mengieꝛ
P˞ l'enfāt ⁊ p˞ lui feſſoit apareill՚
⁊ puis donnoit la part De l'anfant ſans targieꝛ
A .I. poure pꝛeudō qͥ ē auoit meſt՚
Plꝰ faiſoit le pꝛeudō q՚ ie ne vꝰ aidit
L'anfant couchoit ꝑ nuit Auec lui en ſon lit
Pource qu'il eſtoit moꝛs Nel'auoit en deſpit
Bn̄ aqͥta ſafoi ē v՚s l'ēfāt petit
Tant poꝛta l'enfancon Qu'il ot fait ſon voiage
Loiaum̄t l'aqͥta de sō pelerinage
Quant al'egiſſe fu ſ'ala deuāt l'image
P˞ l'enfāt ⁊ p˞ lui oſfri de bō courage
BOnne gent oꝛ oiez Pour /ſaint pere de /rōme
S'il vous vient aplaiſſir Et les ueꝛtus vous nōme
Que dieus et li bon ſaint Fiſt pour le pꝛeudōme
Li enfez ē l'egliſſe ſuxita c'eſt laſōme
Li bōs ˞pdō li a maītenāt racōté
Ꝯmēt ſe h՚beꝛga ꝯtre ſa volenté
⁊ comment (il )fu murtris Cōment l'auoit poꝛté
Sire ce dit l'ēfāt adieu ſoit labōté
Compaīs cedit l'ēfāt ꝑ am˞s ievꝰ pͥe
Pꝰ q՚ vꝰ m'auez fait ſi bōne ꝯpaignie
Venez en mon pais Sine vous ennuit mie
Li pꝛeudō reſpōdi volētiers m'iotrie
Tant errerent tous deus Qu'au pais ſeuont traire
Li bōs hōs acōpté asō ꝑe l'afaire
L'ofeure manda pꝰ fiſt .ij. hanas faire
Toꝰ .ij. d'une facō qͥl n'iot q՚ refaire
Son compaīgnon donna Vn hannap lieement
Ꝯpaīs alez adieu aqͥ ievꝰ ꝯmāt
Par ce hannap ici ſachiez le vraiem̄t
Ferai vr՚e plaiſſir ⁊ vo ꝯmandem̄t
Seingneurs oꝛeſcoutez Que dieus uous ſoit amis
Le ˞pdō retōrna arrieꝛ ē sō pais
Mes ē petit detēps fu meſiax ſi poꝛris
Car il fu deſpitez de gñs ⁊ de petis
Quant ſafame leuoit Erranment liadit
Moult felonneſſement Et par moult gñt deſpit
Vidiez iſnellemēt mameſon ⁊ mō lit
Car vꝰ eſtez ſiladꝛes nꝰ plꝰ pourri nevit
LI ladꝛes reſpondi tantos la viderai
Ie veü adieu le pere iamés ne retoꝛrai
Deuant que mon cōpaīgnon Sedieu plaiſt trouuerai
Senelepꝰ trouu՚ bn̄ ſai q՚ ie moꝛrai
Li ladꝛes ſ'en ꝑt qͥ ot lecueꝛ deſtroit
Son bon hanap en poꝛte Que durement amoit
Li lardꝛes erra tant Et par chaut ⁊ par froit
Qñ lauille arriua ou ſesꝯpaīs eſtoit
Le Ioꝛ qͥl arriua ſescōpaīs tenoit feſte
De ces pꝛochains amis Fu belle et honneſte
Liladꝛes oꝛendꝛoit deuāt l'oſtel ſ'areſte
L'aumoſne demanda Pour dieu le roy ſeleſtre
LI ladꝛes cria tāt q՚ chaſcū l'ētendi
On li poꝛta du vin cil sō (bō )hanap tēdi
.I. varlet liadit qͥ fu mal av՚ti
Ce hannap n'eſt pas votre [...]
Si eſt ce dit li ladꝛes ꝑ dieu le creatoꝛ
Ꝑ foi dit li varles aīcois eſt mō ſeign˞
Li varles retoꝛna qͥ fu ēgñt errour
A sō ſeign˞ cōta du bon henap letour
Qñt liſires oï du bō henap ꝑleꝛ
Liladꝛes ⁊ le henap fiſt deuāt li mādeꝛ
Bn̄ connut le henap loꝛs ꝯmāce aploꝛer
Deuāt toꝰ ces amis va le ladꝛe acoleꝛ
Li riches hōs recut le ladꝛe ē ſamesō
Contrelui l'a ſeoit c'eſtoit dꝛois ⁊ raisō
Mes ſa fame li dit qͥl feꝛoit meſpͥsō
Car il eſtoit toꝰ plaīs d'oꝛdure ⁊ depͥsō
Tant taria la dame Nuit et iour ſon ſeingneur
Que ladꝛes fu mis Tout ſeul en vn deſtour
Ou nus ne le veoit Ne ſentoit ſa doulour
Se n'eſtoit le ſeingneur Qui l'amoit par amour
Une nuit c'eſt li ladꝛes Moult foꝛment dementez
Vne voiz liadit toſt ſeꝛoiez sānez
Se de tō ꝯpaignō eſtoiez tāt amez
Que tu fuſſes du ſanc A ces enfans sānez
LI ſires viſita leladꝛe l'ādemaī
Doucement l'apela ⁊ lepͥſt ꝑlamaī
Dous amis dites moy Par le coꝛs /ſaint germain
S'il eſt riens en ceſt monde Qui vous puiſt faire ſain
Qñt li ladꝛes l'entant Des iex pleure et ſopirre
Ꝑ foy ſire dit il (ie )nel'oſſeꝛoie dire
Oꝛ le me dirés vꝰ foi q՚ ie /.s՚. gille
Q՚ ia ne me verroiz merrir esꝯdire
LI ladꝛes liadit courouciez ⁊ dolēt
Se i'eſtoie lauez du ſanc A vos enfans
Auſſi ſain deuendꝛoie Cōme poiſſon noans
Par autre medecine Ne puis eſtre aleians
Quant liſires l'entant Des iex pleure ⁊ leꝛmie
Cōſeilliez moy dit il /dame Sainte marie
Comment oſterai ie A mes enfans lauie
Car ſe iele refuſſe mafoi aré mētie
Liſires re toꝛna ē sō oſtel arrier
A la dame cōmāde q՚l voit aumouſt՚
A l'eſtrange meſniee Fiſt la meſon voidieꝛ
Au .ij. filz qu'il auoit Va les goꝛges trenchieꝛ
LE ſanc en recueilli Bel ⁊ courtoiſſement
Les en fans recouuri En leur lit gentement
A sō ꝯpaignō vatoſt ⁊ iſnellem̄t
Et le laua du ſanc Moult de bonnairement
DOnt fu celui plus ſain Qu'il n'ot onques eſté
De bon cueꝛ reclama Le roy de maiſté
Qu'a ſon compaignon Rende l'onneur ⁊ la bōté
Que bien a en veꝛs lui Gardé ſaloiauté
Toſt ⁊ iſnellement Sont alé aumouſtieꝛ
Deuant /lamere dieu Se vont agenouillieꝛ
Ih՚ucriſt ⁊ /ſaint iaſque Conmancēt apꝛieꝛ
Que acelle iournee Leur weille aidieꝛ
La bourioiſſe ſi fu Du mouſtieꝛ reuenue
L'abeeſce apella elle eſt acourue
Va ueſtir les enfans Pour /la vieꝛge aſolue
Pource que neles voi Tout le ſanc me remue
Oꝛ oiez les veꝛtus Que dieus idemoutra
Et /le baron ſaint iaſque Q՚ chaſcun reclama
Si toſt com la pucelle En la chambꝛe entra
Touz ſains ⁊ touz haitiez Les .ij. enfans trouua
Se iour deuoit liſires Feſtoieꝛ ces amis
Le diſneꝛ fu tout pꝛeſt Pour mengier ſont aſſis
Quant le ſeingneur N voient ml՚t furent eſbahis
Il eſtoit aumouſtieꝛ Deuant le crucefis
Celui qui l'aloit querre .I. des enfans poꝛtoit
Pource que l'enfancon Son ſeingneur demandoit
Son ſeīgneur apella Qui agenous eſtoit
Le ſeigneur ſe reſtoꝛne Son enfant apercoit
Lui ⁊ ſon compaignon Sont al'oſtel venus
A leur amis cōterent L'onneur et les veꝛtus
Que diex afait pour eulz Li ſires delaſſus
Se la ioie double Ne ſe meꝛueille nus
Par eſſēple vꝰ ai ē cedit raꝯté
Ꝯm̄t nꝰ devōs tꝰ gard՚ noloiauté
Prions tous leſeingneur Dont nous vient la clarté
Que en la fin nous otroit Sa graſce ⁊ ſa bonté