COus ceulz qui volentiers Oient de dieu ꝑler
Et de /ſa douce mere Qui tant ale cuer ber
A ceulz qⁱ le reclaīmēt Set paier loier tieu
Qⁱ nen ſe pueēt plaīdꝛe Au deꝑtir du lieu
Poꝛ ce q՚ /nr՚e dame Scet paier largem̄t
/Virge metez m'ētēte A mouſtrer plainem̄t
Les miracles qⁱl fait. A tous cōmunemēt.
Qⁱ la veulent ſeruir De cuer ꝑfaitem̄t
Le chl՚r fu ia Qⁱ ot gñt h՚itage
Tout l'auoit deſpendu Gaſté ⁊ mis en gage
En folem̄t deſpēdꝛe Metoit tout sō uſage
Mais ſa fame eſpouſee Etoit tout d'autre vſage
Sage fu et coꝛtoiſe Et de bele maniere
De ſeruir /nr՚e dame N'eſtoit onq՚s laniere
Poure gens ſaluoit Et faiſoit bele chiere
De faire des aumoſnes Eſtoit biē couſtumiere
Le chl՚r faiſoit Du tout ceſtui ꝯtraire
Tant haoit ſaīte ygliſe Qⁱl ne ſ'i voloit traire
Ains alaſt au boꝛdel Vne folie faire
Ne feïſt vne choſe Qⁱ a dieu peüſt plaire
Qñt ot tout deſpendu poures fu ⁊ chetis
Il fu de ſes amis A m՚ueilles hays
De ſon pays ſe ꝑt Dolans ⁊ eſbahis
A l'ēcōtre deli Reuint li ēnemis
En guiſe d'ū bel hōme Etmoult tres biē veſtu
Le chl՚r apele Biaꝰ amis q՚ qͥers tu
Biē pert a tō sāblāt Q՚ tu es iraſcu
Ie croi q՚ tu es poures Le tiē as deſpēdu
Certes voꝰ dites voir Ie ne ſai q՚ ie face
Ie n'ai ſi bō ami Qⁱ foꝛm̄t ne me chaſſe
A noier ou a pēdꝛe Chaſcūs d'eulz me menace
Tant ſui poures ⁊ las Ne puis leuer la face
Reſpōt li ēnemis S'afier me voloies
De ce ioꝛ en auant Q՚ tu m'ameneroies
Ta fame eſpouſſe Iſſi en ces .ij. voies
Plus q՚ n'as deſpēdu En petit tēps aroies
Reſpont le chl՚r ēt ie le voꝰ crëant
Car ie l'i amērai Treſtout certainem̄t
Oꝛ vas a ton hoſtel Ne t'eſmaie noient
Aſſez ytrouuerras Et rouge et blanc argent
Le chl՚r ſ'ētoꝛne( q՚l) Que plus n'i demoꝛa.
De venir a l'oſtel Durem̄t ſe haſta
Den՚s cheuaus ⁊ robes A gñt plēté trouua.
Qñt l'auoir aꝑcoit Foꝛm̄t li agrea.
Des deſpens qu'il mena (L )Fu gñt la renōmee
Chaſcuns ſ'en merueilla Ꝑ toute la contree
L'autrier eſtoit ſi poures C'eſt verité pꝛouee
Ne li creus de pain .I. boulēgier denree
Une nuit fu alez le chl՚r couchier
Du t՚me li ſouuint Qⁱl veoit a pꝛochier
Loꝛs ſe pꝛiſt en sō cuer Foꝛm̄t a eſmaier
Hé las dolant diſt il Cō poꝛrai eſploitier
La dame l'ētēdi Qⁱ ne ſe doꝛmoit mie
Son ſeignoꝛ apella Qⁱ menoit malle vie
Sire poꝛ quoi ploꝛez Toute nuit anuitie
Auez voꝰ ſe bien nō Ne le me celez mie.
DEmain aura .i. an Biē voꝰ en puet mē bꝛer
SI cō ie m'ē cuidoie De ceſt pais aler
A l'en contre demoy Se miſt .i. bacheler
Ceſt auoir me dōne Nele voꝰ qⁱer celer
Par yceſte maniere Li ai ma foy pleuie
Q՚ ie voꝰ y mērai Sās plꝰ de ꝯpaignie
Ce fu li ēnemis Ne le meſcreez mie
Qⁱ voꝰ cuide deſtruire Et traire a ſa ꝑtie
OR ne voꝰ eſtuet plus De ceſt fait eſmaier
Car g'irai auec vous Poꝛ vo foy aquitier
Ie pꝛi /la mere dieu Q՚le voꝰ veille aidier
Encōtre l'ēnemi Qⁱ voꝰ cuide engīgnier
Le chl՚r ſe lieue L'endemaī ꝑ matin
Entrelui et ſa fame Se metent au chemin
/Cilz ſires le ꝯ duie Qⁱ de l'yaue fiſt uin
Car ſ'el ne les deffent Trouué ont mal voiſin
Si cōme il cheuauchoient ambe deus ſeulemant
La dame regarda Deuant li .i. pendant
Et vit vne chapelle Coꝛtoiſe ⁊ auenant
Ou le pꝛeſtre chantoit La meſſe hautemant
Quant la dame l'oÿ Foꝛment li a grea
Le reſne du cheual Cele ꝑt treſtourna
Sō ſeignoꝛ li demāde Dame ou alez voꝰ la
Ie vois au ſacremens Aſſez toſt fait ſera.
OR venez auec moy. Si voꝰ deffendꝛez miex
Encōtre l'ēnemi Qⁱ tant eſt enuiex
Reſpōt le chl՚r Le couuenent fu tiex
N'ēterroie en mouſtier Ne baiſeroie autiex
Dame alez y toſt Et ne demoꝛez mie
Priez /la mere dieu Q՚l vous ſoit en aye
S'ele ne voꝰ deffent La choſe eſt ſi baillie
De nous .ij. defaudꝛa En ce ioꝛ ꝯpaignie
A ce mot deſcendi La dame de la cele
Toſt et iſnelement Entra en la chapelle
Dieu pꝛia de bō cuer Et /la virge pucele
Q՚ cōtre l'ēnemi Li garde ſa q՚ rele
Si cō la bone dame Eſtoit en oꝛoiſon.
/Nr՚e dame deſcent Tout dancele facon.
Ꝯme la dame eſtoit Ne la ꝯnut nulz hon
Au chl՚r a dit ( [...]) Faites toſt ſi montō
Dame ml՚t volētiers Mais i'ai ml՚t gñt doutāce
Q՚ de nous .ii. ne ſoit Ꝑ tēps la deſſeurāce
Voꝰ n'eſtes pas biē ſage Sauez fole creance
Diex noꝰ y aidera G'y ai ml՚t gñt fiāce
Le chl՚r cheuauche Deuāt li /nr՚e dame
Il ne la ꝯnut mie Cuidaſt q՚ fuſt ſa fame
Gñt piece cheuauchierēt N'ē contrerēt nule ame
En treſtout leur chemin C'un home ⁊ vne fame
Tant cheuauche՚t ensāble Qu'il vindꝛent aſſez pꝛez
Du lieu ⁊ de la place Ou eſtoit li mauués
Qⁱ de greu՚ la dame Eſtoit foꝛm̄t engrez
Mais il ne l'aura mie Couroucié ert de pꝛez
Car /nr՚e dame vient Mais il ne le ſcet mie
Nō fait le chl՚r Qⁱ li tient cōpaignie
En la place deſcendent Ou la foy fu baillie
Qñt li mauuais les voit A haute vois ſ'eſcrie
Au chl՚r a dit A ml՚t gñt alenee
Hoſtes moi ceſte fame Q՚ tu m'as amenee
Car ce n'eſt pas la dame Q՚ tu as eſpouſee
Seur toute riens la hé Tu m'as ta foy fauſſee
Mais ſoies tous certains Tu t'ē repētiras
Et biē pꝛochainem̄t Si q՚ tule verras
De la place ſ'en tourne Q՚ n'i demoꝛa pas
Ꝑ sō manoir ſ'en toꝛne Si le gete en .i. tas
Le chl՚r ſ'entoꝛne Durem̄t ſ'eſbahi
Dame qui eſtes voꝰ De moꝛt m'auez gueri
N'eſtes voꝰ pas la dame Qu'eſpouſai ⁊ pleui
Nēnil faus chl՚r Poꝛ ſ'amoꝛ vins iſſy
Mu eſt dōques la dame Pour dieu rēdez lamoy
Ie voꝰ iur et crëant Iamais mal ne feroy
Dont me puiſſe garder Tant cōme ie viurai
Et re ſpont /nr՚e dame Et ie la te rendꝛai
De la place ſ'en toꝛne N'i fait plus demoꝛee
En la chapelle vindꝛent Ou la dame ont trouuee
Qⁱ ꝑ deuant l'ymage Eſtoit agenoilliee
De l'yaue de ſon cuer Ot ſa face moilliee
/Noſtre dame les leſſe es ciex ſ'en remōta
La dame retoꝛne Son ſeignoꝛ regarda
Qñt les lui ſ'aꝑcut Tantoſt li demanda
Sire demeure ie Poꝛ voꝰ aquiter la
Certes dame nēnil Moult biē m'a aqͥtee
/La douce mere dieu Poꝛ la vr՚e amiſté
El meeſme sō coꝛps A auec moi eſté
Dont le maluais m'a dit Q՚ i'ai fait fauſſeté
Si me veille elle aidier Ie nel ſauoie mie
Q՚ le fuſt auec moy N'en ma cōpaignie
Mais puis q՚le m'a fait Si tres gñt coꝛtoiſie
Ie la vouldꝛai ſeruir Tous les ioꝛs de ma vie
Sire voꝰ auez dꝛoit Et ſi eſt biē raiſon
Car qͥ la ſert de cuer Il a bō guerredon
Mais qui ſert l'ēnemi Qⁱ ne fait ne mal non.
Il en a en la fin Le hōni du baſton.
Certes voꝰ dites voir Biē m'ē ſui aperceu
Car poꝛ la vr՚e amoꝛ M'a gñt meſtier heü
Encontre l'ēnemi Qⁱ m'auoit deceü
Se ne fuſt le ſeruice Q՚l a de vous heü
Ainſi fu garanti Le poure chl՚r
Qⁱ de folie faire Eſtoit biē couſtum՚s
Q՚ l'ēnemi cuida Deceuoir ꝑ den՚s
Mais /la dame n'ot cure Tout li rēdi arriers.
OR pꝛions de bō cuer A/la virge marie
Qⁱ au chl՚r fiſt. Bonté et coꝛtoiſie
Q՚ chaſcuns et ch aſcune L'ait ſi a gré ſeruie
Que nous aions des ciex La ſainte cōpaignie