LEs biaus contes et les repꝛis
Doit on aus haus hōmes de pꝛis
Souuentez fois dire ⁊ repñdꝛe
P˞ le bn̄ c'om ypuet apñdꝛe
⁊ p˞ mouteplieꝛ l'empꝛiſſe
De ceus qui ont lauoie ēpⁱſſe
D'onneur la louee pꝛiſſiee
Dont pꝛoueſce eſt autoꝛiſſiee
⁊ tout li bon autoꝛiſſiez
Qⁱ font les hardemēs pꝛiſſiez
Car a toz iours los ⁊ pꝛis a.
Qⁱ d'onneur l'enpꝛiſſe pꝛiſe a.
Si com cil qui valeur enpꝛiſt
Tant que le voiage ētrepꝛiſt
D'auenir a haute pꝛoueſce
Oꝛ entendez aq՚lle adꝛeſce
Il ſe miſt. car p՚mieꝛemēt
Deſir d'acointieꝛ hardement
Lia eꝛrant vigours pꝛeſte
Loꝛs ſe miſt qu'il n'a areſte
Ou chemin dꝛoit atrauaillieꝛ
La le conuint lanuit veillieꝛ
⁊ l'andemain rentreꝛ ē paine
Sans ſe iour toute la ſemaīne.
Q՚ pou ou noient ſerepoſſa
Car a vigour sō pꝛopos a.
Tout mis qⁱ l'ēſeigne ⁊ eſtruit
⁊ peꝛeſce enlui li deſtruit
Si que del areſteꝛ n'acure
Tant que ſa ioneſcelidure
⁊ ces nulle heure deiour
Ne chace repos neſe iour
En eſtours tournois ⁊ cēbiaus
Eſt a vëoir ſeur touz ſi biaus
Qⁱl ſemble eſtre angles ē panes
⁊ tant c'eſt nuit ⁊ iour penez
En hōneur chac՚ ⁊ ꝯq՚rre
Qñ trauaillāt vint ē lat՚re
Ou de renōmee ſ'acointe
Vne dame ml՚t noble ⁊ cointe
En hardemēt freſche ⁊ nouuelle
Qⁱ de valour li diſt nouuelle
Et cōme auoir ⁊ recouureꝛ
Lapourra ꝑ ſon bn̄ ouureꝛ
Ml՚t doucemēt lidit biax filz
De ce ſoiez ceꝛtaīz ⁊ filz
Pꝰ que hardis iez ⁊ ſeurs
En pouretez ſeꝛas meus
⁊ ꝑ tout plus q՚ le tōnoirre
Re doubtez ſe bn̄ tiēs tō oire
Ou tues ſans douteꝛ lapaine
Car c'eſt li bn̄s de la fontaine
Dont on ne puet afin venir
Se la trace eſt griés atenir
De ce ne te doit il chaloir
Hons qⁱ veut lui faire valoir
Et de renon sō los acroiſtre
Doit paine endureꝛ p˞ cōnoiſtre
Cō chieꝛe eſt achetee valours
Au pꝛeus pour eſt՚ eſgñs honn˞s
Chaſcū ſelonc q՚ ſaꝑſonne
En honnour reluiſt ⁊ resōne
Donneꝛ leur dois detō auoir
Et ainſi ie te fais ſauoir
Tant cō le dꝛoit chemī tēras
A valour aſſez toſt venras
Dont li renōs atoꝰ iours dure
⁊ cil qui bn̄ lapaine endure
S'entoꝛna d'illecq՚s atant
Son coꝛs de grāt trauail batāt
Ainſi que dieus lesſiēs adꝛece
L'oſtel courtoiſſie ⁊ largece
Trouua dont la poꝛte eꝛt ou՚te
Laiēs ieꝛt dōneꝛs ⁊ deſeꝛte
Auꝯmancem̄t bel ſeꝛuir
P՚ndꝛe pꝛometre ⁊ deseꝛuir
Gñs donc moiēs aut՚s menus
Q՚ tantoſt quela fu venus
Deuāt largeſce ⁊ coꝛtoiſſie
Firēt ioie ſi en uoiſſie
C'ōques mis hōs n'eſfia g՚noꝛ
La le pꝛiſt cō sō ſeignour
Courtoiſſie qⁱ ml՚t l'oneure
Et au meng՚ qñt il fuheure
Lafiſt de ſur lui aſa deſtre
Lageſte qui fu de bō eſtre
Siſt apꝛés par sō dous otroi
⁊ ne firent illuec q՚troi
A celle table ſeulement
LI mes qui vīt p՚mieꝛem̄t
Ce furēt d'oꝛ hanas ⁊ coupes
Et iouiaus ē guiſſe de ſoupes
Apꝛés floꝛins ⁊ gros tournois
Qⁱl donneꝛēt pour les tournois
Maintenir atouz bacheleꝛs
Liautres mes n'ieꝛt pas celez
Dont ml՚t iot ⁊ d'un ⁊ d'el
Drap d'oꝛ furent et de cendel
Pꝰ ameneꝛent les deſtrieꝛs
Enſelles afrains ⁊ eſtrieꝛs
Ne d'autre vin ne ſ'abuureꝛēt
Q՚ des bons dont aſſez ꝑleꝛēt
En ramentenāt leur bons fais
De tiex entremes fu touz fais
De la court large li mēgieꝛs
C'onq՚s veus n'i fu dengieꝛs
Atant miſt largece araisō
Le bacheleꝛ qñt fu ſaiſon
⁊ dit fr՚e ſe dieus t'auoie
Di moy outu tendꝛas tauoie
Q՚ tu ſoiez li bn̄ trouuez
Tu ne pues eſtre mal pouuez
Pꝰ que de courtoiſſie acointez
⁊ de moi; ⁊ cilz amaīs iointez
De ces bn̄s fais le meꝛcia
Pꝰ eꝛrant le voir licōta
De ſon pꝛopos ⁊ du voiage
Qñtre pꝛis a ꝑ bō courage
Tant que l'a cointance atrouuee
De pꝛoueſce ou mauuez nebee
Cōmēt il a valout a quiſſe
Ꝑ trauail d'armes ſanz faītiſſe
LOꝛs courtoiſſie lireſpont
Fr՚e valour eſt ſur ce pont
Peꝛilleus ou tu dois paſſeꝛ
Mais ml՚t t'i conuendꝛa laſſeꝛ
Ainz que paſſe l'aiez d'aſſez
Car la ſont li pꝛeu amaſſez
Ou bꝛuit d'armes ⁊ fouleis
De cheuaus. qu'aīs miex ne veis
La t'eſtenras ſanz eſmaieꝛ
Ton coꝛs pꝛouuieꝛ ⁊ eſſaieꝛ
En hiaume en ſuour ēchalour
Endureꝛ p˞ tendꝛe a va lour
A t՚re en pꝛeſſe de cheuaus
La veꝛra on ce q՚ tu vaus
Et con veus apꝛoeſce ētendꝛe
Ꝑ bn̄ aſaillir ⁊ deſfendꝛe
Laſeꝛont pꝛiſſie aleur dꝛoit
Ti biau coup feꝛu oꝛendꝛoit
La eſt vigour qui ſereueille
En baing de ſanc ⁊ de ceꝛuelle
Ꝑ grans coups dōneꝛ ⁊ ſouſfrir
Late conuient tō coꝛs oſfrir
Ou plus foꝛt t'as ēmi lap՚ſſe
La aqueꝛras tu lapꝛoeſce
Q՚ honneur depart a ces amis
La ſeꝛas tu ou chemin mis
De pꝛoueſce ⁊ endꝛoite ſanté
Latrouueꝛont li bon leur vente
Ou vigour eſt veꝛde ⁊ floꝛie
La eſt hōneurs qui ſe marie
Aus hardis ſeurs bn̄ faiſſans
La n'eſt pas li heꝛaus taiſſās
Ainz crie pꝛis aremenoir
La iras tu dꝛoit au manoir
De pꝛoueſce ⁊ uiēt ꝑ aillours
Se li chemins eſt peꝛillous
Ne le redoute pouce pas
Mais vas ton cours plꝰ q՚ lepas
Eſlaiſſieꝛ aus meilleurs es lis
Qñt de caillous ieꝛt fais tes lis
Et ſeꝛas ateꝛre abatus
Martelez. d'eſpees batus
Ainſi va d'armes licouuines
Car en chambꝛes niencourtines
Negiſt pas pꝛouece atrouu՚
Et chilz qui ſoi veut es˞pueꝛ
Reſpondi dame voulentieꝛs
Seꝛa dꝛoit tenu cilz ſentieꝛs
Ꝑmi ce pont dont vꝰ ꝑles
Atant eſt celle part ales
⁊ ou plus foꝛt tas ſ'enbati
Ha; diex ſi bn̄ acombati
Enhardement dont li ſouuīt
Q՚ le champ deſconfit ⁊ vint
P˞ le pꝛis d'onneur cōqueſteꝛ
A valeur dꝛoit ſans arreſteꝛ
Qⁱ ou champ outredemouroit
Ou plus ſanc ⁊ ſuour couroit
Es deſtreſces ⁊ eschalours
La eſtoit trouuee valours
Qⁱ les pꝛeus d'armes ch՚ vendus
Heꝛbeꝛgoit la eſt deſcendus
Li bacheleꝛs ne taria point
⁊ a valeur vint en cepoint
Q՚ coꝛs ⁊ membꝛe auoit blecie
⁊ ence point ſi deſpecie
Q˜ paines nulz lecōnoiſſoit
Mais de riens neſ'eſbahiſſoit
Ainz paſſa armee lateſte
La poꝛte outre aioie ⁊ afeſte
Fu receus atelle honeur
C'omq՚s n'iot gñt nemeneur
Qⁱ pour li ioie ne feïſt
Ie ne di pas q՚ il ſeiſt
Illuecq՚s mie longuemēt
Ainz dit que ſans detriem̄t
Detraueillieꝛ ne ceſſeꝛoit
Tant qu'il apꝛouece ſeꝛoit
Outout ſon courage auoit mis
Et valour li dit biax amis
Eſploite toi q՚ diex t'imaīt
Vns ch՚rs p՚s de ci maint
Qⁱ hardement eſt apelles
Dont ſeꝛas olui oſteles
Car il eſt depꝛoece peꝛes
Q՚ tu tant chaces ⁊ cōpeꝛes
Cil oulieu dꝛoit te cō duira
Ou pꝛoueſce eſt. ⁊ t'eſtruira
Cōmēt hōs ſe doit maītenir
Qⁱ la voie aus pꝛeus veut tenir
Ap՚s ceſt mot tātoſt ſ'ētoꝛne
Li bacheleꝛs qu'il ne ſeioꝛne
Ꝑ armes ſon coꝛs eſpꝛeuue
Tant qu'il ot hardem̄t troué
Li ch՚rs aufieꝛ viſſage
Qⁱ depꝛoeſce lepaſſage
Et le non auoit agardeꝛ
S'eſtoit plus fieꝛs aeſgr̃deꝛ
Q՚ ſangleꝛs lions ne liepars
Et fu ces coꝛs detoutes ꝑs
D'armes de batuz ⁊ mailliez
⁊ ces viſaiges de tailliez
Recouſus ⁊ tous deſchirez
A foꝛs bꝛas batus ⁊ tirez
Siq՚ mentō frō nez ne bouche
N'auoit d'antieꝛ. atāt l'apꝛouche
Cilz qⁱ voulentieꝛs nō ēuis
L'es garda ēcoꝛs ē enuis
De touz lez ēchief ⁊ ē mēbꝛe
Q՚ ml՚t ot bel a dont limēbꝛe
Veu l'auoit ou foꝛt eſtour
Faire maint cembel ⁊ maīt tour
En la gñt pꝛeſſe ouplus foꝛt tas
Conbatre ⁊ feꝛir amaīt tas
Cōme hōs pꝛeus ⁊ de gñt value
Et li bacheleꝛs le ſalue
Cōme ſage ⁊ ēſeigniez
Hardemens reſpōt bn̄ veigniez
Chieꝛs amis oꝛuenez ſeoir
Qñt ci m'eſtez venu vëoir
Tant en croiſtra mō hōnour
Q՚ tuit li bon grant ⁊ menour
Ꝑleꝛō de vr՚e vaillance
Cilz qui ailleurs n'auoit beāce
Q˜ pꝛouece auoir la coitiſſe
Reſpont ſire a vr՚e deuiſſe
Et ꝑ vo gré me maītenrai
Tu dis bn̄ ⁊ iete menrai
Dit hardemēt oꝛ ne t'auint
Veoir pꝛouece ēcoꝛe anuit
Mafille que on tāt honneure
Qⁱ auec loiauté demeure
Auec ſcience ⁊ uraie amour
Qⁱ dames ſont de tel clamour
Et de tel pꝛis ſi cō moy ſemble
Q˜queꝛre les conuiēt ē ſemble
Si cō leurs renōs ieꝛt eſpars
Q՚rir les dois detoutes pars
Sans l'un del'autre deꝑtir
Qⁱ a haute honneur veut ꝑtir
⁊ cilz qui les de partira
Ia amal part ne partira
Dont ne dois aleꝛ celle part
Se partir ne veus atel ꝑt
Q՚ leur renon ēſemble ꝑtes
Oꝛ mentēs aīz q՚ de ci ꝑtes
Comēt aleur ꝑt partiras
Tout en ſemble ⁊ q՚l ꝑt yras
P˞ entreꝛ de dens leur ꝑties
Ou les hōneurs sōt deꝑties
Au pꝛeus qui celle ꝑt iront
⁊ leur ꝑt ne departiront
Car qui delez .iiij. parties
Seꝛt il n'ieꝛt ia deleurs ꝑties
Ml՚t eſt bōne l'aꝑteure
Qⁱ l'ōme en pꝛouece meure
En uraie amour ⁊ ē ſciēce
⁊ en loyauté qui ſemance
Eſt ⁊ flour qui fait floꝛir
Les oeuures des bōs sās moꝛir
Ne ia fait de pꝛeus ne moꝛra
Qⁱ en loiauté demourra
Dont idois tu bn̄ demoꝛreꝛ
Se le pꝛeu veü aſauoureꝛ
Car qui loiauté n'a ſaueure
Ia n'a meꝛa pꝛouece vne heure
Ainz lifuit honneur de touz sēs
Et doit li hōnoureꝛ deſens
Ꝑ uraie amour en li ſentir
Ces .iiij. conuiēt sāz mentir
Ensēble acointieꝛ ⁊ aq՚rre
Qⁱ pꝛouece a dꝛoit veut cōq՚rre
⁊ ſon hardemēt emploieꝛ
Sire auous mefiſt ē voieꝛ
Diex qui les bons maīne ⁊ āuoie
Dit li bacheleꝛs car auoie
D'eſtre bons ſui bn̄ auoiez
Atant ſ'en part mais conuoiez
Fu de hardement ⁊ menez
Tant qu'il fu al'eſtre aſenez
De pꝛouece ⁊ des .iij. veꝛtuz
Dont hōs doit eſtre reueſtuz
Qⁱ adꝛoit ſefait pꝛeu clameꝛ
La ſe fiſt tant d'elles ameꝛ
Par armes ou bn̄ ſ'eſpꝛouua
Q՚ chaſcū loial letrouua
Entouz beſoins ⁊ en touz fais
D'armes ⁊ d'amours ſi ꝑ fais
Qñ li ot petit apar faire
Pource en doit li ꝑleꝛs plaire
Car pꝛoeſce aquiſt aſon dꝛoit
Mais ci m'entairai oꝛendꝛoit
Car trop ꝑleꝛ n'es pas mes pꝛeus
Ainſi fu li ch՚rs pꝛeus
Ꝑ les .iij. veꝛtus qu'il aquiſt
Auec pꝛoeſce qu'il tant qⁱſt
D'armes acoꝛs ⁊ cōpara
Q՚ de haute honeur ſe para
Et pour ce qu'ainſi fu pares
Preus ch՚r ⁊ compares
Loiaus ſages ⁊ decueꝛ fin
Vrais amans ſi vꝰ feꝛai fin