POurce q՚ plaisāt ſentement
Font enclineꝛ l'antendemēt
De iugieꝛ ſelōc ce qⁱl sētent
Fait il q՚ li vouloir ſ'a ſentēt
A mouſtreꝛ ꝑ dit ⁊ ꝑ euure
Ce que ſentement ē cueꝛ euure
⁊ pourche chaſcūs cueꝛs ſ'a sēt
A ꝑleꝛ ſelonc ce qⁱl ſent
Car la parole fait ſentir
Ou le cueꝛ ſe veut aſentir
Meſmemēt cilz qⁱ ioie eſmuet
Car parole voulētieꝛs muet
De cueꝛ ou ioie a demoure
P˞ ce du miex ē namoure
Eſpꝛins de ioie plaiſanmēt
Ou dous ſeꝛuice loiaumēt
D'amours ou leeſce eſt ē cloſe
Eſt dꝛois qⁱl iſſi acune choſe
Cueꝛ d'amourenſemēt eſpꝛis
P˞ mouſtreꝛ cōmēt il eſt pꝛis
Es douz las. dont am˞s ſcet pñdꝛe
Ꝑ celle qui en li compñdꝛe
Puet tout qñques toz bō cueꝛs pⁱſe
Et pource l'amoureuſe pꝛiſſe
Aura ꝑ dꝛoit ces dis anon
Car q՚ doye valoir ou non
En l'onneur de la belle ꝑfaite
Ꝑ cui fu ceſte pꝛiſſe faite
Seꝛa ces dis rimes ⁊ fais
Car ces gens coꝛs eſt tout ꝑ fais
Si biax qu'ap՚s lin'ieꝛt mais telx
A mon petit ſans ſouffraitex
Dōne auis vouloir ⁊ matire
Et ſi parole par miſtieꝛe
N'en ſoit veꝛs moy meue dire
Q˜r c'eſt p˞ plus plaiſſāmēt dire
EN auril en la ſaiſſon gaye
V temps q՚ toute rien ſ'eſgaye
Et touz cueꝛs aliece ſ'ueure
Dont amis en valeur ſ'eſfoꝛce
Q՚ nature mouſtre ſafoꝛce
Q՚ ces eſpees renouelle
Par chaude moiſteur ⁊ nouuelle
En bois ē iardins ⁊ en chans
Oiſſel ſe de duiſant ⁊ ē chaus
⁊ font v՚s amours leur deuoir
De qñqu'il li puent deuoir
N'ia nul qui arrieꝛe ē voiſſe
Li dous roſſignoz ſe rēuoiſſe
Amoureuſſemēt ē chantāt
⁊ bn̄ ia raiſon qñt tant
De ioie eſt adont ꝑ le monde
Qñt li elemēt pur ⁊ monde
Donēt lieu d'ameꝛ ⁊ matieꝛe
Tant eſt adont cointe latieꝛe
Qⁱl ſemble qu'au ciel ait ē vie
El temps ſoutieu el tēps de uie
Ou toute choſe eſt en valeur
Qñt dont ꝑ atrempee chaleur
A tant nature la boure
Q՚ le domage areſtoꝛe
Qu'en yueꝛ auoit receü
⁊ par le temps dōt qu'il a eu
Amis ces choſes par couuēt
En eſtat du p՚mieꝛ iouuēt
Dont elle eſt iolie ⁊ a point
Tout dꝛoit en cel tēps ⁊ el point
Q՚ nature a ce recouuré
Auoit elle ſur moy ouuré
Tant ꝑ lui noble pourueance
Q՚ des teniebꝛes d'ignoꝛance
Ou pour eſfance auoie eſté
M'auoit ia enpartie oſte
Et cōmancie a enſeīgnieꝛ
Ioie ⁊ de duit abarguegnieꝛ
Non pas q՚ fuſſe ſi parfais
Q՚ raiſon veiſſe en mes fais
Q՚ ne m'ot fait en ſonnieꝛ
Mais pour moi miex eſbanieꝛ
Selonc le point de ma foyblece
M'auoit mis v bois deioneſce
Ou amours ſe va de duiſſāt
Et pour la matieꝛe en ſuiant
Ay ge vouloir ⁊ ay petit
Q՚ ſa facon die vn petit
LI bois nōme iōnece eſtoit
trop biaus q՚ point i'arreſtoit
⁊ a delitieꝛ trop plaiſſās
⁊ pour plaire ſemble aiſſans
A ceus qui ce vōt ens eſbatre
Et qui apoint ſ'i veut embatre
S'il le treuue bas. en vn pais plaī
Moiſte. ſouef. de douceur plain
Couu՚t de fueille nouuellete
Tout temps v՚t iolie ⁊ iōnete
Selonc les arbꝛes ēdꝛoit poīt
Cilz plaisās bos la ē tel poīt
De toute plaiſance couueꝛs
A .iiij. chemins ouueꝛs
LI p՚mieꝛs qⁱ adeſtre adꝛece
A non en ſon dꝛoit nō liece
C'eſt li plus voulentieꝛs h antez
Et cilz plaisās chemīs plātez
Eſt ſi biaus qu'au lui sās ſeiour
Y chantēt oiſſel nuit ⁊ iour
Q՚ tant vout le lieu auiſant
Q՚ tuit li temos iſont plaiſant
Q˜r pleur n'i pleut. ſoupirs n'i rēte
Goie ⁊ de duis isōt ē vente
Dont eſt tant plaiſſās li sētieꝛs
Q՚ nuls ne ſ'en iſt voulentieꝛs
Tant eſt cilz chemīs gracieꝰ
Q՚ nus autres tant enuieus
N'eſt q՚ ſe ceſti ſ'aſemble
Errant de douceur le reſemble
LI ſecōs anon ꝯpaīgnie
Ou mainte oiſeuſe eſt ēſeignie
Cilz chemīs eſt ml՚t batus
Mais gart qⁱ cieſt ēbatus
Car ſ'il ne va ladꝛoite voie
Trop legieꝛemēt ſe foꝛuoie
Q˜r tant de chemī foꝛuoiāt
Vont ꝑmi ceſtui toꝛnoiāt
⁊ a tant de chemīs ſ'a ſemble
Dont li vns l'autre ne resēble
Q˜ paines ſi puet on tenir
Sans lui folemēt maītenir
Ne pour qñt eſt il ſi plaisās
Qu'en touz temps ſemble aiſant
Et tant ifait bel a aleꝛ
Q՚ nulz ne ſ'enpuet ſaouleꝛ
La eſt lideus bois pꝛiſſies
Car ila n'eſt ſes ne de bꝛiſſies
Mais veꝛs ⁊ lons et dꝛois
Et de duiſant ē touz ē dꝛois
La repaire amours voulētieꝛs
Car ſe ne fuſt li dous ſentieꝛs
Amours mainte beſte ya pⁱſe
Sur qui n'eüſt iacoꝛne pꝛiſe
Apꝛés ceus ieꝛt li tieꝛs chemīs
Plus ōni q՚ parchemins
Cointiſe an on li plꝰ iolis
Q՚ de tous eſt li plus iolis
Car la ſont toutes fleurs trouuees
Douces flairans ⁊ eſpꝛouuees
(La ſont toutes couleurs trouuees)
(Douces flairans ⁊ eſpꝛouuees)
La ſont toutes couleurs amoꝛſes
Sans mantir a la teꝛre aheꝛſes
Sans les douces h՚bes menues
Q՚ tant iſont bn̄ maītenues
Qⁱl yſamble touz iours eſtez
Cilz chemins eſt plains d'ōneſtez
Si qu'il ſemble q՚ courtoiſſie
Leur dōnaſt ē deſpit d'enuie
C'eſt cil qui plus bel ſemaītiēt
⁊ miex aionneſce aꝑtient
Car cointe viellece eſt iolye
Et matieꝛe de moqueꝛie
Cilz chemins ē ml՚t delieus ceſſe
Q˜r qñt maladie il ap՚ſſe
Li touſt ces flours ⁊ ſes raīſnes
⁊ ymet roinces ⁊ eſpines
En poureté ⁊ en courrous
Semble li chemins tous deꝛous
Et y peꝛt noble ⁊ veꝛdure
Et non pour qñt tant cōme il dure
Eſt il plaiſſās aregardeꝛ
Qⁱ y ſet meſure gargeꝛ
A ſeneſtre hoꝛs dela plainge
Sur le pendant d'une montaigne
Eſt liquars chemīs de ionneſce
Et ſachiez que nulz ne ſ'i arreſte
Qⁱ p՚mieꝛemēt ne foꝛuoie
Car celle peꝛilleuſſe voie
Fait touz les dꝛois chemīs voidieꝛ
Pource l'appelon fol cuidieꝛ
Cilz ch emins de ionneſce muet
Qⁱ tant le tourmente ⁊ eſmuet
Q˜ paīne puet frutefieꝛ
Ne croitre ne mouteplieꝛ
Ꝑ tout tant q՚ cilz chemīs dure
Pa ꝑt ionnece ſa veꝛdure
Qñt liarbꝛe doiuēt floꝛir
Souuēt les iconuiēt mourir
Nulz n'i puet ſans peꝛil aleꝛ
Se il ne veut ius aleꝛ
⁊ non pour qñt aon oÿ
Q՚ maint ē cel chemin ioy
Ont de leurs deſirs ſouuēt
⁊ eſt d'amoureus couuēt
Selonc ce qu'amours les auoie
Enſement eſt ꝑ toute voie
Li bos de ionnece paſſes
Et qⁱ puet ſans eſtre laiſſiez
Ꝑ les chemins nōmes ꝑ deuāt
Ꝑ le dous bos aleꝛ auant
Touz iours le treuue plꝰ creü
Tant q՚ moiē aage a eu
A ⁊ paſſe ſans deuoieꝛ
Loꝛs voit le bos afebloieꝛ
⁊ mueꝛ manieꝛe ⁊ couleur
Car viellece par ſa douleur
Leur tout fueille ⁊ foꝛce
Entour aus hoche ⁊ pont l'es coꝛce
Moiſteur ne le puet plus tenſeꝛ
Soulaus ieſt ſur l'eſconſeꝛ
Froidure eſt li bos aſſailli
La ſont tuit li chemin failli
Du bos de ionnece ꝑlaſſe
Plus. ⁊ des chemins deuiſaſſe
Mais qui tout vourroit afineꝛ
Ce ſeꝛoit pꝛoeſce ſans fineꝛ
Encoꝛ m'en afait tant dire
Ce que ne m'en puis eſcondire
P˞ la matieꝛe ap՚s venant
En quoi il eſtoit auenant
Nulli es bos deuant nōme
Q՚ pluſeur ōt tāt renōme
El temps q՚ toute moꝛtel choſe
Semble ou p՚mieꝛ iouēt ē cloſe
Et nature ra ſon dōmage
Eſtoie entrez pour oir d'aage
⁊ me deuiſoie en iōneſce
Ou plaiiſant chemin deleeſce
Plain de ioie ⁊ de ſouſfrance
Voulentieꝛs de queꝛre eſbanoy
Es lieus de courrous et d'auoy
Sire de moi entous aſſaus
Qu'ancoꝛe par nul demes aſſaus
⁊ i'en auoie ou conuoitie
Choſe qui m'eüſt dehaitie
Ancois m'eſtoient ſi ami
Qⁱl obeiſſoient ami
Q˜r par le regart de baut volage
N'auoie encoꝛe eu dōmage
Ne ne m'ot fait en beſoignieꝛ
Ne par oir q՚ ſeur lemenſongieꝛ
Nouuelle retenu n'auoie
Qⁱ me meiſt d'ameꝛ enuoie
Touchieꝛs auſſi le cremeteus
N'ot onq՚s eſté diſce ceus
En coꝛe pas ne cōnoiſſoie
Le de duit de touchieꝛ ē ioie
Ꝑ gouteꝛ ⁊ par odoureꝛ
Ne m'ot fait en riens laboureꝛ
Deſirs. ne tout qñqⁱl contient
Foꝛs tant q̃ iōneſce aꝑtiēt
Ainz viuoie ſi doucement
Qu'en liece ēfaintiuemēt
M'auoie sāz nul contre dit
V temps v point de ſus dit
Amours qui ē ionece chace
Empⁱs auoit adōt lachace
Dont v bos de iōnece eſtoit
Entres. quar trop plꝰ ꝯq՚ſtoit
Es beſtes du bos de ioneſce
Qñ plus haut bos ne q̃n viellece
Et ſ'aucune ſur ce demandoit
Qⁱ cefaire li cōmandoit
Ie li diroie que nature
Mais ſi diueꝛſe eſt l'auenture
Q՚ ſ'amours vne beſte pꝛent
Si foꝛt lameſtrie ⁊ apꝛent
Qⁱl conuiēt par eſtouuoir
Sur nature maiſtrie auoir
⁊ conuiēt que nature ſeꝛue
Tant q՚ le gré amours deſeꝛue
Et ſueſfre en amāt ces eſtours
Pꝰ qu'amours li apꝛēt ces tours
Ne n'a pouoir de declineꝛ
Neis ſ'il li conuenoit fineꝛ
De ceſt. chaſcuns touz fiz
Mais ſans faille c'eſt ces ˞pffis
Quar qñt nature eſt gouu՚nee
D'amour miex ē eſt oꝛ denee
Q˜r des meurs naturex sās faille
N'ia chelui qⁱ miex n'ē vaille
Car li mauués ſont obeiſſant
Et li bourdeur ſont ē croiſſant
Les veꝛtus en croiſſēt ⁊ viuēt
Et vices veꝛtus de uienent
Dont nature en noblece abōde
Q˜r pour vëoir en eſt diu՚s mōde
Vraie amours ſelōc l'eſcripture
Et ꝑ fections en nature
Ainſi en bōne deſtinee
Ꝑ ionnece vne matinee
Ou dous bois oul'eꝛbe eſt menue
Eſtoit pour chacieꝛ i venue
Lagent amour le ueneur ſage
Et parmi le ioli bocage
P՚noit des beſtes largemēt
Endiueꝛs lieus diueꝛſemēt
Aucunes p՚noit ſans deſfance
Ou ꝑ dons ou ꝑ ignoꝛance
Autres p՚noit en gñt eſtour
⁊ ml՚t en yot qu'au deſtour
Li eſchapoient ⁊ fuioient
Et eschemīs ſe repōnoiēt
Si qu'il y auoit fieꝛe chace
Q˜r cilz fuiēt ⁊ amours chace
Tant eſt la p՚ſſe plus ſeue
⁊ ie qui auoie veue
Souuēt celle chace eꝛe ēbuchiez
Ou buiſſon d'enfance ⁊ muciez
Si plaiſſāment q՚ ſans mueꝛ
Amours p˞ coꝛneꝛ me p˞ hueꝛ
Ne m'en ot onq՚s eſmeü
Q˜r ne l'auoie conneü
Foꝛs tant q՚ qñt les beſtes pⁱnſes
Veoie en toute hōneur apꝛiſe
⁊ ie demandoie alagent
Qⁱ de leur maītien bel ⁊ gent
Yeꝛt cauſe ⁊ ou l'oꝛ ent apⁱs
Et on diſſoit amours qͥ pꝛis
Les en ſeigne ⁊ auoye
C'eſtoit tout qñque i'ē ſauoie
Ou buiſſon oui'eꝛe aſſeur
Mais amours qⁱ pour bon heur
M'anueoit geteꝛ pour apñdꝛe
Entendoit foꝛmēt amoy pñdꝛe
⁊ apareilloit ces arrois
Chiens autres. ⁊ gens aroys
Et ml՚t d'autres chiēs trouueurs
Baillie en gr̃de aus veneurs
Bons ⁊ bn̄ oꝛdenez pour voir
Pour toutes beſtes eſmouuoir
De ceus q՚ ie vi me ſouuint
Ie croi qu'il ieꝛēt plus de vint
Biaute. bonté. ſans. ⁊ ſimplece
Maintiē. coꝛtoiſſie ⁊ largeſce
Douceurs. gentillece. manieꝛe
Faiticete. honeſtes. aainance
Franchiſſe. atraiēt. contenāce
Et ml՚t d'autres chiēs trouueurs
Y ot auec les veneurs
Et ce voir dire conuenoit
Ces chiens qu'a mours oſoy menoit
N'ieꝛent pas ſiens mes aſagēt
Et pour ce qu'il ſont bel ⁊ gent
Amours les auoit ēpꝛuntes
Car iamais cueꝛs d'ōme doubtes
Ne fuſt n'a ameꝛ nep՚iſt
S'amours ces chiēs ne p՚iſt
Et ſi eſt gñt m՚ueille apꝛendꝛe
Car ſi chien ne puēt ſoupndꝛe
Nulli tant enſoit entrepꝛis
S'il meiſmes neſerent pꝛis
De cueꝛ franc amoureus ⁊ gay
Car iamés ꝑ leur dous abay
Con autre chien beſtes ne mueuēt
Car les beſtes p՚mieꝛs les treuēt
Qⁱ tant les ainmēt ⁊ cōioiēt
Q՚ cil fui oiēt elles fuiroiēt
Car loꝛs q՚ les chiēs aꝑcoiuēt
Telle plaiſſance ē eulz recoiuēt
Q˜ eulz qñque puēt ſe tienēt
Tant q̃mours ⁊ vouloirs iuienēt
Qⁱ les mainēt aleur vouloir
Tant q՚ de tireꝛ les conuiēt
Se ne sōt aucunes qⁱ fuiēt
Ou ꝑ veꝛtu ou ꝑ doutance
Sique ie fis qui ē m'anfāce
Sui com oir pourres
Qñt toute la matieꝛe oꝛrés
Si faitement com ie deuis
M'ot amours ꝑ ſon noble auis
Les chiens trouueurs amenez
⁊ pour les chemins oꝛdenez
Auoit bꝛaches ⁊ chiens courans
En compaignie demourās
Ot acouple renon et los
Cilz dui chien ſe bn̄ dire l'os
Ot douz abat al'eſcouteꝛ
Mais on doit ml՚t doubteꝛ
Ce que li chien ꝑ leur haut bꝛaire
Sont aceleꝛ foꝛmēt contraire
Meneꝛ auecques coꝛtoiſſie
Auoit en cointiſſe en buſie
En cuidieꝛ ot couples aſſemble
Samblāt ⁊ eſpoir ce me ſemble
Et ſachiez bn̄ qui la ſ'embat
Sauuoit enſauie ⁊ embat
Defoꝛt eſchape ſ'il n'eſt pꝛis
Car touz les chemins entre pꝛis
De roys ⁊ de deſirreꝛ eſtoit
⁊ pource nulz hōs n'areſtoit
A ſamblāt n'a eſpooir ſachiez
Qⁱ tantoſt ne fuſt ē laciez
C'eſt la rois qⁱ toute gēt lace
C'eſt ce qui lagēt aſourbit
⁊ le miex veaut aſourbit
C'eſt deſirs quitout ſcet embleꝛ
Qⁱ fait honte hōneur reſembleꝛ
Qⁱ change vil choſe pour ch՚e
Et noble pour vil met arrieꝛe
C'eſt ce qui met aschoſes pꝛis
C'eſt la roys q՚ ceus q՚l apꝛis
Fait ſembleꝛ am՚tume douce
Qⁱ ci deſtraint tout ce qⁱl atouche
Qⁱl eſt en tous leurs eꝛremās
De bn̄ de maus cōmancemēs
De louanges ⁊ de clameurs
Apꝛés liece ot amours
Embuchiet vouloir ⁊ plaisāce
Et que qui cil v buiſſō d'ēface
Lonc tēps auoie eſté couueꝛs
Auoie adōt mes ſens ouueꝛs
P˞ moy de duire ꝑ ionneſce
Car chaſcū d'aus ꝑmi liece
Aloit q՚rant eſbatement
Loꝛs n'a tendi plus lōguem̄t
Amours qñt l'a la ꝑ ceuāt
Biaute deſcouple ⁊ met deuāt
Mais ſeuremēt au uëoir
Pourroit chaſcū iugieꝛ deuoir
Q՚ cilz chiēs ꝑ nul apareil
N'auoit ē ceſt monde pareil
Q˜r cōmant q̃mours ⁊ ſaroute
Pluſſeurs chiēs maīne qⁱ sāz doute
Aumaīs vꝰ diie bn̄ p˞ dꝛoit
Biautes eſt nōmes ⁊ adꝛoit
Q˜ ceſtui n'ē ot nul sēblable
Nes q՚ ſeꝛoit de voirs afable
A ceſte eꝛt toute autre lōtaine
Car pour voir c'eſtoit la fōtaine
Qⁱ tout autͤ biauté p˞ plaire
Auoit auſſi qñ eſſemplaire
LOꝛs qⁱ regart ot ꝑ ceue
Biaute lichāga ſa veue
⁊ ſ'areſta touz eſbahis
Car ainz de lui eſt fouis
Couleur mua ⁊ contenāce
Car tant en regardeꝛ ſ'auāce
Ne pot que lui vëoir
Dont tout auſi cōmirooir
Li tigres enſoi regardāt
S'oublie ⁊ ne ſe va gardant
Des veneurs tant qͥl eſt pꝛis
Ainſi fu regars entrepꝛis
Loꝛs q՚ biauté pⁱmes choiſi
⁊ ſ'areſta ⁊ tint coi ſi
Qñt mirant biauté neſe muet
Loꝛs toꝛne amours
Penſee eſmuet
Amours huoit Vouloirs aſfuit
Se regars ne treuue refuit
Il pourra bn̄ eſtre ſoupꝛis
Mais ſi doucemēt eſt eſpꝛis
De biauté qⁱ aſoy le traioit
Qⁱ de ce point ne ſ'eſmaioit
Ainz ſembloie aſa cōtenāce
Qñ ſoi a coꝛdant aplaiſſance
Deſiſt ouloꝛs penſaſt defait
Ha; diex qu'aige outēps paſſe fait
Ou eſtoit tiex biauté repuſe
En gñt folie ſon temps vſe
Qⁱ ci ne ſe veut remireꝛ
Car c'eſt ce qui puet ratirieꝛ
Cueꝛ qui ē ionnece foloie
Ceꝛtes c'eſt li treſoꝛs de ioie
C'eſt de tout bn̄ cauſe ⁊ matieꝛe
Q˜r tout li bn̄ qui ſont en t՚re
A ceſte biauté compare
Seꝛoient poure ⁊ eſgare
Car ie cuide pour loiauté
Tout bn̄ māinēt ētieꝛemēt
P˞ quoi ie ſai ceꝛtainemēt
Q՚ ne me puis miex ēploieꝛ
Q˜ li moy rendꝛe ⁊ aloieꝛ
Ce me ſeꝛa ſanté ⁊ vie
D'autre riē nulle n'ai enuie
ainſi fu regars arreſtez
A biauté aqui ot p՚ſtez
Ses iex ⁊ donne plaisāmēt
⁊ tant que pꝛis fueꝛrāmēt
Sus plꝰ coꝛneꝛ ne aſſaillir
Sene fuſt doubte de faillir
⁊ ains q՚ cel point foꝛmēt
Et .i. pour ablaſmeꝛ lepⁱrent
En diſſāt regars q՚ fais tu
Tu ne vauroies .i. feſtu
Se ne pꝛens ton tēps a vſeꝛ
Car ſe veus a biauté muſeꝛ
⁊ plaiſſance te puet ſouſpñdꝛe
Tu aras aſſés a en tendꝛe
A chacieꝛ toute iour le uent
Tu ne ſes cōplaiſſance vent
Sa douceur aceulz q՚lle pñt
Car qⁱ pour amour l'entrepꝛēt
Pꝰ qu'a lui ſe ueut aſentir
Ꝑfont li fait ſes dens ſentir
Car c'eſt .i. chien trop m՚ueilleus
Ces abay eſt trop peꝛilleus
Mais adꝛoit qⁱ eſt dela moꝛs
Il eſt auſſi qu'an doꝛmās moꝛs
Q˜r il ſemble aceus qui ont chieꝛ
Qⁱl ne ſache riens foꝛs le chieꝛ
Sile conioiēt ē atandant
⁊ de ce garde ne ſe pñdent
Q˜r le plaiſſāt ē eulz lechant
Loꝛs va le ſanc du coꝛs ſachāt
Q˜ par ſa lecheure mole
Enſechant le leche ⁊ afole
Et maint auſſi cō ē doꝛmis
Pꝰ qu'il c'eſt ē amours mis
C'eſt l'amoureuſe litargie
C'eſt la ionnece maladie
Qⁱ tant contēt ala moꝛt maine
Ceus q̃mours tiēt ē sō demaīne
Ne pour qñt ne fait sāz mētir
Plaiſance amoy nul mal sētir
Tant q՚ delui nul mal nefait
Mais tant de chens la ſuiēt de fait
Q՚ puis q՚ plaiſance aucū pꝛent
Chaſcū des autres l'entre pꝛent
Ia tant ne ſeꝛa deſfendu
Qñt regars oꝛ ce en tendu
Vn petit arrieꝛe ſetrait
Et en retraiāt ſeretrait
⁊ ſ'en refuit eſpeures
Encelieu ou aſeures
Menoit mes cueꝛs deuāt l'eſtour
⁊ en՚rant aucun deſtour
Pour lui couurir ꝑ cōtenance
Mais amours ſifoꝛmēt ſ'auance
Qñ courant reſcrie biauté
Loꝛs li ſaut deliz d'ū coſté
Plaiſans acourt. voloirs afuit
Am˞s ſemōt ⁊ regars fuit
En ſoi courāt ⁊ entoꝛnant
Mais touiours court ⁊ retournēt
Pour vëoir ſe biauté venoit
Qⁱ plus q՚ rien li auenoit
Mais lichien qñt il ſeretoꝛne
Le poingnēt ⁊ il treſtoꝛne
Et fait vne voide couueꝛte
D'une ꝑt cloſe ⁊ l'autre ouu՚te
Entre getee couueꝛtemēt
Ainſi a fui celeement
Pour la douce voie iolie
Qⁱl et entres ē compaignie
Ou de biauté ꝑt la veue
Loꝛs amours biauté a tenue
Tant q՚ de cueꝛ ꝑ dꝛoit aſaut
Soit repeus ap՚s beꝛſaut
Si n'eſtoit pas regars aaiſſe
Q˜r riens n'auoit qⁱ tāt li plaiſe
Q՚ biautes ſe ainſi eſtre deüſt
Q՚ touz iours vëoir le peüſt
Q˜r com plus eſt delui lotains
Tant eſt plus ē ꝑfōt atains
⁊ plꝰ ſe ſaut ⁊ deult de dens
De moꝛſures qⁱl ot de dens
Des chians qⁱ plaisāmēt l'ōt poīt
⁊ pour ce ſans deſfandꝛe point
Encōpaignie demoures
Diſſoit ainſi aus amoures
Fins cues dous gente gen tieus
eſſemplaires de biau te
gent coꝛps. Amoureus ſoutiex
vo maintien noble oꝛdene.
Vo freſche couleur ſanguine
vo dit auiſi
m'ont mon cueꝛ ſur ma poitrine
en amoure.
par uos doꝰ amoureus ieus
m'a bōne amour cōmande
que ie vous ſeꝛue ētentieus
et ie par faite en bonté
l'ay entre pꝛis en loiauté.
Quar en pꝛometant ſaiſſine
du don de ſirree
ont et c՚.
Ainſi eſtoit regars muciez
En ꝯpaignie ⁊ ē buciez
Doutiex eſbahis ⁊ eſmeüs
Ꝑ les dous chiens qͥl ot veus
Ne ſauoit ailleurs oufouir
Loꝛs troua iouſte li ouir
C'eſtoit li ſecours demes ſens
⁊ qui plus eſtoit es aſſens
De lui ioueꝛ ē cōpaignie
Mais ſi iouemēt ēſaignie
V bos d'enfance auoit eſté
Qⁱ ꝑ yueꝛ ne par eſté
P˞ choſe qu'il eüſt oÿ
N'ot granmēt dolu n'eſioy
Ainz metoit tout anōchaloir
Fuſt ou pour ꝑdꝛe ou p˞ auoir
Sicōme ſols ⁊ oublieus
Mais le ueneur gracieus
Amours qui de pꝛés meſuioit
Ainſi cōme regars fuioit
Entre ē cōpaignie ē cel point
⁊ pour metre mō cueꝛ a point
P˞ ce q՚ de ueniſſe amis
.ij. chiens courās qⁱl ot lamis
Deſcouple toſt renō ⁊ los
Mes ie pour voir ie bn̄ dire l'os
Pꝰ qu'amours les mesot hues
Chaſcun d'eulz c'eſt ēteꝛiues
D'abaieꝛ a vois haute ⁊ viue
Mais tāt eſt plaisāt ⁊ ioliue
De leur abais lamelodie
Qⁱl n'eſt nul ſ'il l'ot qⁱ ne die
Q՚ fuir cōtre eulz eſt folie
Pꝰ que toutes hōneurs ⁊ valours
Eſt en celui pour qui abaient
Neis les eſmaiez abaient
Ꝑ leur abay de licieus
Car (i)re non aſens gracieus
Qñt i'o ces abays retintes
Diſſoit ceꝛtes c'eſt veꝛites
Celle en valeur ⁊ ē bonté
A tout lemonde ſeurmonte
Autres biautes v՚s li maudie
Honnurs biauté qu'oÿ ꝯmādie
Prēnēt ē li leur eſſemplaire.
Simplece ⁊ manieꝛe p˞ plaire
⁊ douceur iot pꝛis manoir
Vice ne puet en eulz manoir
Quar c'eſt des v՚tus lafontaine
C'eſt treſoꝛs deioie hautaine
Briemē ē ſa noble faiture
Eſt lifin s du pouoir nature
⁊ tant que receuoir puet vie
De bn̄s ⁊ d'onneurs aſſouuie
Renons madame ainſi looit
Mais los en abay qu'ill'ooit
M'aloit doucemēt acoꝛdant
Sans deſcoꝛdant ē recoꝛdant
Cōmēt raiſon eſt acoꝛdee
En nature ē li acoꝛdee
Siqu'autre ⁊ le gent coꝛs
Demouroit veꝛtuex acoꝛs
⁊ diſſoit non pas abas ton
Ha; diex pour quoi ne ſe haſtō
D'aqueꝛre l'amour de celui
Qⁱ par ſa biauté embeli
A le monde et ē lumine
Q˜r auſſi au (au )l'air afine
L'eſtolle qui luiſt neſte ⁊ cleꝛe
Ennobliſt treſtout l'air ⁊ peꝛe
Semble il deceſti ēſement
Q՚ ce ſoit de l'a iournemēt
L'eſtoille que qñt pieꝛt plenieꝛe
Les autres ꝑdent leur lumieꝛe
Ainſſi toutes biautes cōmunes
Semblēt en v՚s ceſte bꝛunes
P˞ quoi ne ſe laiſſe cueꝛs pñdꝛe
A celi qui en li ꝯpꝛandꝛe
Puet tout qñ qu'a bonté conuiēt
P˞ iour en ſe eur l'en vient
De dame de ſi gñt valeur
Ne doit pas reſoignieꝛ doleur
S'un poy l'en conuiēt ēdureꝛ
Ainz doit metre al'auentureꝛ
Coꝛps. ſens. tēps. pensee. ⁊ avoir
Car ſ'il puet tel amour avoir
Il aroit plus i'en ſui touz fis
Q՚ touz autres mōdains pꝛofis
Bn̄ doit eſtre riches clames
Qⁱ de belle ⁊ bōne eſt ames
Qñt ces dous abais ētendi
Oirs eꝛrans loꝛs atendi
⁊ ſ'areſta pour eſcouteꝛ
Ne li ſemble q՚ point doubteꝛ
Se doie ainz laiſſe le foir
Q˜r tant li plaiſt l'a bay oir
Q՚ ſ'il pouoit regars meneꝛ
Ml՚t ſe vou ſiſt foꝛmēt peneꝛ
Ꝑ oir de pꝛés ſ'il pouoit
Celui q՚ renons tant l'ouoit
⁊ q՚ loꝛs aloit recoꝛdant
Sans des coꝛdance ē a coꝛdant
Diſſant ie ne ſai que die
Mes out ſi douce melodie
Nefu. ne ſi dous ſons eus
Ceꝛtes /dauid ne /oꝛpheus
S'a touz leur inſtrumens ci eſtre
Pouoiēt. dont furēt gñt meſtre
Seꝛoit tout leur acoꝛt des coꝛt
Et ſe enſemēt. l'acoꝛt des coꝛps
Qⁱ furēt meſtre demuſique
Eſt dont nule acoꝛs biax ſe ſi q՚
Ou biautes ou bontes ſ'acoꝛdēt
⁊ raiſon ⁊ ionneſce ē ſemble
Ou ſimplece a valeur ſ'asēble
Hōneurs sās oꝛgueil eſt trouee
Science en iōneſce eſpꝛouuee
Feꝛmetes ē petit eage
Largeſce en femenin coꝛage
Ses dous acoꝛs arecoꝛdeꝛ
Bn̄ ſe doit on ci acoꝛdeꝛ
Ha. tant de bn̄ y oꝛroit
Q՚ oir de p՚s le pourroit
C'eſt dꝛoite eſtoile ⁊ dotrine
C'eſt de ſapience racine
La pourroit on touz bn̄s apñdꝛe
Ꝑ foy il es bon dous atēdꝛe
C'eſt douce vie q՚ d'ameꝛ
On ne te deuroit pas blaſmeꝛ
Se mes trufes en nō chaloir
P˞ oir ce qui puet valoir
Tu ne te pues iamés miex rēdꝛe
LOꝛs cōmance oirs a ētēdꝛe
Am˞s ⁊ ces hiēs ēſemēt
⁊ ſans y afuit autremēt
Fuſt pꝛis ꝑ ceſte de mouſtrāce
Se ne fuſt li filz ignoꝛance
Oublis c'un poi ē treſſoit
Qñques de ces abais iſſoit
⁊ ꝑ ſa ētr'oubliement
Fuioit. tout ſeüſt celēcemēt
Car li chien qñt il abaient
Le poignoiēt ⁊ apꝛenoiēt
Si qu'il finoit ⁊ arreſtoit
Siqñ doude ⁊ ē ioie eſtoit
⁊ qñt plus li chiēs eſloignoit
Et plus ſ'angoiſſe lepoignoit
Tant regars ⁊ oirs diſſoiēt
Qñt .i. poy loing deschiēs eſtoiēt
Dous cueꝛs ie nepꝰ sās vous
Dureꝛ ſe diex me doint ioie
Ainz enſui ſi au ſeſous
Q˜ grāt paine vois la voie
Du de ſir q՚ vꝰ renuoie
Touz dis qñt ie ſui ēſus
Tāt vꝰ ainz q՚ iene pꝰ plus
Vez maītien amoureꝰ dous
Madame ꝯmade q՚ ie doie
A vie eſtre vr՚e touz
⁊ ie ſui ſimples ⁊ coys
Et weil mes onq՚ ieſoie
Eſtre avꝰ ſeꝛuir tenus
Tant et .c՚.
Gent coꝛs amoureꝰ plaisāt
Bn̄ ſay viure ne pourroie
Se l'otroi douz ſauoureus
Vos cueꝛs ꝑ grace n'auoie
⁊ pour voir ſe vꝰ failloie
A toꝛt ſeꝛoie peꝛdus
Tant et .c՚
Ainſi cōme ie dit deuāt
Vins amours ſachace eſleuāt
⁊ ot de ces chiēs eſſeies
Douz regars ſe fuſt eſmaies
⁊ oirs doutes d'eſtre pꝛis
Quar n'oꝛēt pas tel gēt apⁱs
Ne ne ſauoiēt q՚ c'eſtoit
Ne ſeuulz riens ycōqueſtoit
Ne pourquoi qⁱ aquoi neꝯm̄t
Car n'eurēt pas veü grāmēt
V buiſſoncel couu՚t d'enfāce
P˞ ce fuioiēt ē doutance
Au buiſſon p˞ garāt auoir
⁊ pour faire amō cueꝛ ſauoir
Se qu'il leur eſtoit auenu
Neis fu auis qⁱl fuſſent venu
Et bꝛiemēt amō cueꝛ cōteꝛēt
Tout ce qu'il virēt ⁊ trouueꝛēt
Dont mes cueꝛs .i. po ſ'eſmaia
Mes onq՚s pource ne laya
A ioueꝛ ⁊ eſbannoieꝛ
Car il cuidoit tout oublieꝛ
⁊ pñdꝛe empais ⁊ en délit
Ou ceſt (fa) ſans le repos du lit
Tant q՚ cilz fais fuſt toꝰ paſſes
Mes amours qⁱ n'eſt pas laſſes
Tant q՚ ſoie pꝛis ⁊ tenus
Eſtoit ia cō ioiemēt venus
⁊ ot ſans abay fait venir
Aulit pensee ⁊ ſouuenir
Si que toſt c'om fui couchies
Souuenirs qⁱ eſtoit mucies
A mon cheuet ſaut ⁊ m'eſueille
⁊ me met deuant lam՚ueille
Debiauté dont bn̄ me remēbꝛe
⁊ la deuiſe mēbꝛe amembꝛe
Et pⁱmes les dous iex traitis
Biaus fendus ſes ⁊ traitis
Lonchant de bonaire atraiēt
Plain de douceur bꝛū fremiāt
Si qu'il ſemble qⁱl les cōpaſſe
En margueꝛite vne toupaſſe
Large enpꝛometre p˞ atraire
A point ſachāt traire ⁊ retraire
P˞ faire ſaboubance changieꝛ
Euurant ⁊ cloant a dangieꝛ
Si plaiſſāmēt qu'a l'en doꝛmir
Font cueꝛ en ſemble iex ouurir
Sous la paupieꝛe bꝛune nette
Cheant de la douce bouchete
Petite entre les ſourciex
Qⁱ en archant ſur les iex
Sont d'un bas poil fais acōpas
Si ſa chiez bn̄ qñ front n'eſt pas
L'eſpaſſe petite ou eſtroite
Mais. plaine. onie. blāche ⁊ tendꝛe
⁊ ſemble qⁱ eſt pꝛés de li
Qⁱl ſoit d'un blāc marbꝛe poli
De cheueleure touſete
Sans art naturelmēt blōdete
Qñt le ſoleil fait ſus reoir
Les rais q՚ le pourroit vëoir
Il diroit elle a reſtoꝛe
P˞ cheueus .i. ceꝛcle doꝛe
Des blans illieꝛs ſus les oꝛeilles
Qⁱ ſont bn̄ faites am՚ueille
Petites nectes bn̄ aſſiſſes
Pꝰ eſt lifrons fais adeuiſſes
Dehaut ⁊ de longuet apoint
Aſſis ꝑ meſure adꝛoit point
Si que li viſages entour
Prent bn̄ en ron deſce ſon tour
D'entre bꝛune couleur ⁊ blāche
⁊ auec toute plaiſſance
De v՚meil ſi ſoutiuemēt
Q՚ dous viaires pꝛopꝛemēt
Qⁱ tant eſt plaiſſans ⁊ eſlis
Semble q՚ la roſe ait aulis
Sarougeur ꝑcie ⁊ m՚lle(e)
⁊ que le lis entre meꝛle
Reüſt ſablancheur ala roſe
Dont tant eſt l'une ē l'autre ēcloſe
Q՚ nulz regars p˞ bn̄ viſſeꝛ
Ne purroit ē tr'eus deuiſſeꝛ
Ainſi eſt blanche ⁊ ſanguine
⁊ ml՚t doucemēt l'en lumine
La plaiſant blanchete riens
De quoi lis leuretes frions
Longues cloans ē mi groſſetes
Faiſſant deꝛrieꝛe .ij. foſſete
Semblās ˞pmetans lebaiſſieꝛ
Dont pour cueꝛ ē foꝛme aaiſſieꝛ
Iſt la douce ſouef alaine
Sa de atraiens nourrisās ſaine
Qⁱ par ſa ſauoureuſe coulour
Enchaceꝛoit toute doulour
Qⁱ en gouteꝛoit ē baiſant
La ſont li deduit menu plaisāt
Blanc. net ioignāt bn̄ arengiet
Qⁱ ne sōt pas de ueꝛs mengiet
Ains ſont de biauté acouple
Pꝰ deſous le mentō double
Fourchie defigure iolie
Eſt la belle goꝛge polie
Sus les eſpaules des cendans
Blanche plaine ⁊ ſi eſtendans
Q՚ foſſe ne ſur os n'i peꝛt
Mais cuir cleꝛ net ⁊ appeꝛt
Eſt toute oniement p՚nant
Ꝑ deſous ſont li bꝛas deuant
Taillies. ſi meſmemēt
Q՚ la foꝛce d'entendemēt
Ne les pourroit miex deuiſſeꝛ
Tant y ſeüſt bn̄ auiſſieꝛ
Par deuant oume lapoitrine
Sont q՚ par actine
Les mameletes eſbahies
Dures poignans ētre loīgnies
C'eſt li treſoꝛs aus urays amis
Ou amours ē ſagarde y amis
⁊ ſont pour tenir en valour
Gardes ꝑ moiſte chaleur
Qⁱ les maintient ſans amatir
Tieꝛce ne les fait pas bleſmir
Ne midis qu'an coꝛ d'aſſés
N'eſtoit venus netreſpaſſes
Ainz eſtoit enpⁱme d'eage
⁊ pꝰ par le iolis coꝛſaige
Gent ⁊ dꝛoit taillie ꝑ meſure
Tout en aual ſous la ceīture
Q՚ vn pou l'eſtraignoit deuāt
Dont la boutine ſouz leuāt
Et les mameles ē .i. point
Com p՚noit ē hauteur apoīt
Pꝰ eſtoiēt li coſté tout dꝛoit
Tailliez en alaut adꝛoit
Sur les rains le charnu ⁊ plaī
Duremenāt me dais a plaī
⁊ puis la iambe ⁊ piez petis
.I. pou charnus dōt appetis
S'eſfoꝛcoit qui la regardoit
Ap՚s ſouuenirs recoꝛdoit
Cōmēt toute iour aioꝛnee
Eſtoit ſa biauté aournee
De maītien bel ⁊ gracieus
Dont li gēs coꝛs delicieus
Eſt gardes plꝰ ſeuremēt
Ap՚s a coꝛde pꝛop՚mēt
Quanq՚s renōs ⁊ los diſoiēt
Qñt ſa gñt biauté tāt pⁱſoiēt
QVant touchieꝛs
ot ce entendu
⁊ gouteꝛs
plus n'ot atendu
Ainz ſont friāt ⁊ eſueilliet
Et pensēt qu'il ſont traueilliet
Lonc tēps pour niēt ē vanité
Mais ſ'il treuuēt humilité
En baiſſant gouteꝛ gouteꝛa
Ce que touchieꝛs enſeīgneꝛa
Iamais le cueꝛ ē fait deſfance
Ne les paſſeꝛa d'ignoꝛence
Qⁱl queꝛront de duit ē lachace
N'eſt mais dꝛois q՚ licueꝛs de bate
Qⁱl fuiēt ſe lonc leur en tente
Ainz doit viure ē la douce atente
De de duit qⁱ eſt non pareux
⁊ de quoi cilz ſens tout ꝑ eux
Sieureuſemēt ſeꝛoient
Raempli q՚ miex ne q՚rroient
Qñt pities madame mouura
Tant q̃moi ſagrace es mourra
Q՚ me venra meꝛci donneꝛ
P˞ plaisēment gueꝛredōneꝛ
Le ſeꝛuice de urai ami
Mi. ſens quar chaſcū p˞ ſonplaire
Deſirroit ſon office a faire
Ou plus cuidoit de duit auoir
Ainſi neſauoie ia uoir
Q՚ faire ainz eſtoie eſbahis
I'eſtoie par mes ſens trais
Qⁱ me deuſſent gouu՚neꝛ
Mais amours quipas ſeiourneꝛ
Ne veut tāt q՚ m'ait mis apoint
Serembat ſur moy ē cel point
⁊ pour recōmancieꝛ l'aſaut
Hue bas ⁊ pensee ſaut
Sime pꝛent ⁊ m'a griem̄t moꝛs
Car touz mes sās ſ'en eſt fuis
⁊ ſui auſſi qu'eſuanuis
Loꝛs que ie fui pꝛis depensee
Dont ne puis plꝰ eſtre tanſſee
Maionnece au buiſſon plaiſant
Ou tant m'ieꝛe aleꝛ aaiſſant
Q˜r ie ſai bn̄ qu'amours penſe
Qⁱl eſt iſſues hoꝛs d'īgnocence
Bn̄ voi que voidieꝛ me conuiēt
Loꝛs ſail hoꝛs q՚ qñt me ſouuiēt
Selonc ce q՚ penſe auoie
De la belle pleſſāt ⁊ gaye
En qui ꝑ faitemēt compꝛis
Eſt tout qñ qu'il afieꝛt apꝛis
Il m'eſtuet changieꝛ cōtenāce
Et ce me met ē gñt doutance
Q՚ bn̄ voi sōme laiſſe pñdꝛe
Qⁱl me conuendꝛa trop apñdꝛe
D'angoiſſe ainz q՚ puiſſe mōteꝛ
Sihaut q՚lle weille aconteꝛ
A moy. ⁊ ce me fait peur
Car ie vis del'eſtat ſeur
Qⁱ m'ieꝛt de tout anui tenſſāt
Dont ſe cōplaīt mes cueꝛs penſſāt
Belle ⁊ bonne entieꝛement.
Treſoꝛ de ioie ⁊ d'onneur.
Oꝛ ne puis ie longuement
fuir contre vr՚e amour
Li tēps eſt uenus.
ſi me rens pꝛis et tenus vaincus.
Oꝛdenez ent.
Vr՚es gent coꝛps m'eſpꝛent.
Et ſi pꝛans en vos valour
vouloir d'ameꝛ loy alment.
Eſpoit pꝛens ē uo douceur
d'eſtre retenus.
Oꝛ ſoit pitiez mes es cus
ſe raiſon le uous deſfant.
puis qu'a vous me ſui rendus.
Oꝛdenez ent.
Oꝛ m'oes piteuſement.
Dous cueꝛs a qui nul anui tour.
Ne puis viure bn̄ le ſent.
Se ie n'ai bꝛiemēt retour
d'eſtre ſecourus.
ſ'il vous plais ie ſui peꝛdus
ouurites ioieu ſement
pource pitié audeſſus.
Oꝛ denez ent.
EN ſecres dis ha; belle ⁊ gente
Sage plaiſſās oꝛ eſt l'entēte
Du tout a vr՚e dous vouloir
Q՚ sāz pareil ē biauté pure
Eſtes de toute creature
Flours floꝛiſſās ⁊ c'eſt dumaīs
Car nus ētendemēs humaīs
Ne vaut. puiſt penſeꝛ n'ātendꝛe
A la bonté de vꝰ en tendꝛe
Bn̄ voi q՚ vr՚e dous deng՚
Feꝛa amours mō tēps chang՚
Ie ne pourrai veꝛs vꝰ fuir
Se moꝛs me deuoit anuir
Couuēra q̃mours me pꝛaigne
Ꝑ vous ⁊ eſtat q՚ i'ataigne
Vr՚e vouloir qñt pⁱs m'arés
Ie ne ſai ſe ia iour ſares
Cōment amours me demēra
Mais tant q՚ par vous venra
Moꝛt ou ma ſente ouioie
Vueil pꝛendꝛe engré ouq՚ ieſoie
Mais ce m'eſmaie trop sāz faille
Q՚ paour ay que ne vꝰ chaille
De ce que i'ay aen dureꝛ
Dont me laiſſiez ainſi dureꝛ
Ne vꝰ chaura cōmēt ce ſoit
Ne pour qñt ſ'il ne vꝰ plaiſoit
Le mien ſeꝛuice areceuoir
Ne pꝰ uiure ie le ſai deuoir
Ne puis eſt՚ demoꝛt reſcous
⁊ ſeꝛont li bon ames tous
Q˜mours m'a ia mis audeuāt
Quat ſ'il vont vo cueꝛ eſleuāt
Q՚ les metres ēcontre mi
Riens eſt de ma uie ⁊ demi
Fins cueꝛs ſin'i p՚nez pas gr̃de
Mais ſe pitié v՚s moi regarde
Tāt q՚ vouſſiſſiez ameꝛ
On me deuroit bn̄ blaſmeꝛ
Se iamés contre vꝰ fuioie
Mais ne ſai ē moi trouueꝛ voie
Ꝯme ie puiſſe auenir
De ce que .i. ſeul ſououuenir
De moi receuoir vꝰ veniſt
Q˜r ie ſai bn̄ qñcoꝛe uit
De vꝰ riēs qⁱ ꝑ amours veigne
N'il n'eſt dꝛois qⁱl vꝰ ē ſoueigne
Car n'eſtez d'amoureus couuēt
Encoꝛe ainz vp՚mieꝛ iouuēt
Vꝰ tient nature qui a mis
En vꝰ bn̄s plus c'onq՚s ˞pmis
N'auoit amatieꝛe oꝛdeneꝛ
Car tant ſe vout de vꝰ peneꝛ
Q՚ a vꝰ fourmeꝛ ſi noblemēt
Miſt ſon pooir entieꝛemēt
⁊ tout ſon ſans ⁊ ſe ſauoit
Faire ainſi belle ⁊ ſe elle auoit
Matieꝛe diſpoſee apoint
Iamais n'ē vēroit ē cel point
Car tout aſouhait ē vꝰ vint
⁊ de age entre .xvj. ans ⁊ vint
V point que chaleur en ſouuint
Fait biauté croiſtre ⁊ eſpanir
⁊ dōne apetit ⁊ plaiſſance
N'onq՚s n'eüſtez cōnoiſſāce
Q՚ c'eſt ne d'ami ne d'ameꝛ
Dōt te tendꝛoie a en cemueꝛ
Vouloir p՚mieꝛs bn̄ pour voie
Tant atendꝛoie q՚ ie moꝛroie
Sieſt gñt peꝛis del'enpñdꝛe
Car bn̄ voi ſe me leſſe pñdꝛe
I'entre pꝛendꝛai trop grief fais
Ha; amours eſt ce de ces fais
Sestu de tiex reuiaus iueꝛ
Qñt pour moi ſe ione cueꝛ
Me veut pꝛendꝛe ceſt outre raisō
S'il y eüſt iuſte achoiſſon
Onte peüſt bn̄ excuſſeꝛ
Mais ta uie veus faire muſeꝛ
Si haut que ie ſui ia aſſés
Du conſideꝛeꝛ 7 laſſes
Tu me veus bn̄ faire au vēt tēdꝛe
Qñt riche. ſage. ionne. ⁊ tendꝛe
A moy qui ſui vns ē fan cons
Veus faire ameꝛ ceſte lecons
Ne me ſeꝛa ia repetee
Ains m'en fuirai ceſte leuee
N'ai cure d'eſtre pꝛis ſ'ay dꝛoit
On dit que tu dōnes adꝛoit
Pareil (ſe) achaſcū ſelonc li
Mais c'eſt faus car ē v՚s celui
Ne fui ne qu'eſtains ēcontre oꝛ
S tu m'auoies en reſtoꝛ
Li pꝛiſſe ſe ſauoit raiſons
Ainſſi di quar onq՚s mais hōs
Ne fu ſi griemēt aſaillis
I'eꝛe du buiſſons ſaillis
Penſee m'en auoit chacie
⁊ amours qⁱ m'ot dechacie
Tāt qñ i'eꝛe traueillies
Doutiex penſis des conſeillies
Voiz en contre les chiēs fuiāt
Ꝑ ſon dous amoureus debat
Le chemin cointiſſe m'en bat
Ml՚t me plut au cōmancemēt
Cointiſſe. ſi qñtieꝛement
Selonc mon pouoir m'i tenoie
⁊ pour veꝛité ie ypꝛenoie
Plaiſſance ē tant qñtre lagēt
Me faiſſoit contenir plus gent
Car courtoiſſie auec franchiſſe
Maīnēt auec uraie coītiſſe
⁊ pource eſt ſi plaiſſāt la uoie
Et aroy plus c'onq՚s n'auoie
Auāt q̃mours m'eüſt meu
Ce ioli chemin cōneu
N'onq՚s auant eſté n'auoie
Foꝛs tant ſanz plꝰ qñt ie veoie
Ceus q̃mours iauoit menez
Iolis. ioians. gays oꝛdenez
⁊ q՚ ueoie que leur fait
Erent ē toute honneſte fait
On diſſoit bn̄ ce que ce faiſſoit
Amours qui les y cōduiſſoit
Dont ml՚t me plot agñt m՚ueille
L'oꝛdenance qⁱ me cōſeille
A moy maītenir coītemēt
Mais amours qⁱ ml՚t aigremēt
Me chacoit rioit ap՚s moy
Loꝛs ſaillēt chiē sāz nul abay
Plaiſance a cueurt ⁊ vouloirs ſaut
Souuenirs vient penſeꝛs m'a ſaut
Renons ſ'eſcrie ⁊ amours coꝛne
Loꝛs ſe tienēt penſis ⁊ moꝛne
Miſens regars eſt arreſtez
Oirs d'eſcouteꝛ ap՚ſtez
Gouſteꝛ eſtoit tout ē trepꝛis
Touchieꝛs vouroit ia eſtre pꝛis
⁊ flairieꝛs. dont plꝰ n'ia mais
A fuir ie les ay peꝛdus
Loꝛs ſ'en fuit mes cueꝛs esꝑdus
Qñt qu'il puet ſe va d'eulz gaitant
Mais amours qⁱ leua coitant
Ꝑ ſa foꝛce me ramenoit
Ou biauté coie ſe tenoit
⁊ loꝛs q՚ regars l'ot veue
Lia ſa ſoif ſi foꝛt creue
Qu'au lieu amoureꝰ regardeꝛ
Ne ſe puet ne me veut gr̃deꝛ
Tant plaiſſēmēt eſt de tenus
Q՚ ydꝛopiques eſt deuenus
⁊ bn̄ aſon cōtenir peꝛt
Q˜r nient plus q՚ ydꝛopiques ꝑt
La ſoif qui l'engoiſſe ē buuāt
Ainſi qñt biauté eſt deuant
Regars n'eſt de ſa ſoif deliures
Ainz a plus ſoif ꝯ plꝰ eſt yures
En ſu cant plaiſſāce buuoit
⁊ qñt plus le voit plꝰ le ſeche
C'eſt yurece qⁱ touz iours leiche
Enſoy moꝛdant ſeua lechāt
⁊ en beuant ſeua lechant
C'eſt ydꝛopiſie amoureuſe
Et yureſce la deſirreuſe
Qⁱ fait eſioir ⁊ doloir
Qⁱ en ſuſcant delant le voloir
D'ami le plaiſt de conuoitiſſe
S'ilz boire la chaleur atiſſe
Qⁱ fait le cueꝛ frire ⁊ lardeꝛ
Qñt ſ'entr'oublie aregardeꝛ
C'eſt amoureuſſe ydꝛopiſie
Ceſte de duiſſāt melodie
Eſtoit ce qⁱ ſi me doloit
Regars qui fuir me vouloit
Ainz menoit a q՚l q՚ paine
Vs biauté qⁱ ieꝛt la fontaine
Ou il buuoit sāz ſaouleꝛ
Onq՚s n'i leſſai aaleꝛ
P˞ les chiēs. Aincois ꝑmi eulz
Au douz gent coꝛs deliciex
Aꝑcoi loꝛs p˞ miex choiſſir
Sa noble biauté aloiſſir
⁊ p˞ vëoir ꝯ plꝰ le veoie
Plꝰ me plaiſſoit ⁊ me p՚noie
Ꝯ papillons ala chandelle
⁊ n'eſtoit ce pas m՚ueille
Q˜r en la phiſoſonomie
Plaiſſāt ˞pmetāt amie
⁊ eſpoit deuie ⁊ ſuſtance
Et ſi gracieuſe ſemblāce
Qñ voit la couleur du viaire
La bouche riant de bōnaire
Eſpeꝛeꝛ grace me faiſſoit
⁊ trop doucemēt m'a paiſſoit
Li regars dous ⁊ amoureus
D'uns iex bꝛuns. ſes gay. ⁊ riēs
Si ꝑ caus pour ſouef ouurir
Coꝛps pour cueꝛ traire ⁊ deſcouurir
Qⁱl plais a tous urais amis dōt
Liez ⁊ ioiaus diſſoie adont
Fins cueꝛs dous qñt paieꝛōt
Vr՚e oeil ce que il m'ont pꝛo mis.
Se faus entendꝛe mefont.
Moꝛs ſui ie n'ai plus d'amis.
Et ce par eulz ſui trais
ꝑ pꝛomeſſe en atraient
ie ſay bn̄ ouamēt.
ſe rende pꝛis.
Car ſi plaisāt douceur ont
en leur dous regars compꝛis
Qñt ſentir mon cueꝛ refont.
Mes coꝛs eſt en vigueur mis
⁊ ie ſui ſi es bahis
de ioie en eulx regardāt
Que tuit mi ſens mi laiſſent
ſerendent pꝛis.
Ainſi mi debteur
ie les ai empleige pꝛis.
Dont ſe vos cueꝛs ne reſpont
pour eulx ie ſui deſconfis.
ſi weilliez gent coꝛps faitis
a moi pou euls faire tant
que vo vouloir en auent
ſe rendent pꝛis.
Ainſi gayemēt ētrepꝛis
En vëoir ma dame de pꝛis
M'a ſeuroie ⁊ deuiſſoie
⁊ en boy penſoie ⁊ diſſoie
Qu'au coꝛs ſi gent ⁊ ſi ꝑ fait
Ne pouoit auoir riēs ꝑ fait
Foꝛs douceurs ⁊ humelite
Si mia ſeurai pour pitié
Q՚ ie pen ſai qu trouueꝛoie
Et en lafin qñt ie pⁱs ſeꝛoie
⁊ que la ſeꝛoit mes retours
Adont laiſſai del tout le coꝛs
Ne ſot mais c'un poi treſtourneꝛ
Loꝛs ꝯmāce amours acoꝛneꝛ
Si chien ſaillēt amours ſemont
⁊ me queurēt ſus en .i. mōt
Ie reculai cōme eſpeꝛdus
Car ie auoie mes ſens ꝑdus
Regars fu a cel aſſaut pꝛis
Car plaiſſace qui l'ot ſeur pꝛis
Le tient ſi par ydꝛopiſie
Qu'an la maladie pꝛiſe
Ne ſe pot aidieꝛ ne mouuoir
⁊ oirs eꝛt tenus pour voir
Renons ⁊ los l'ōt abatu
S'auoit il aſſés de batu
Tāt que nul ne l'en doit blaſmeꝛ
Prins eſt amours lefait ameꝛ
Miautre ſens ſi eſbahi
Erent cō ſ'il fuſſēt tray
Si que ne ſe ſoꝛent deffendꝛe
Ainz sōt pꝛis de iex amoureus rēdꝛe
Ꝑ vn tēps ſouſfrāt ceſt eſtour
A pꝛis mes cueꝛs fuite ⁊ deſtour
Cōme eſpaoures ⁊ douteux
Mais li dous veneꝛres ſoutiex
Amours qⁱ tant pñt ⁊ ē triſtre
.ij. leurieꝛs qui eꝛent au titre
De manieꝛe touz reſemblās
Eſtoit eſpoirs ⁊ dous ſemblāt
Deſcouple ⁊ amoy les en voie
Dont m'areſtai en mi la voie
Sans moy niēt p˞ eulz eſmaieꝛ
Q˜r qñt les oÿ abaieꝛ
Si cō ſemblās eſpoir amaine
P˞ melodie ſouueꝛaine
Les eſcoute ē tentiuemēt
Car eſpoirs ſi ioieuſſemēt
Plus q՚ nulz autres chiēs abaye
Qⁱl n'eſt nus cueꝛs qⁱ ne ſ'a paie
En lui eſcouteꝛ ⁊ ouir
Dont moncueꝛ faiſſoit eſioir
Ses abays qñt il glatiſſoit
Q՚ auſſi qu'au pꝛemetāt diſſoit
Ha; qui temuet acontreſteꝛ
Aus bn̄s q̃mours te veut p՚ſteꝛ
celi en qui aſſeures
Pourras tant d'ōneur receuoir
Q՚ ſe tu fais bn̄ ton deuoir
Tu iouiras en l'otroi degrace
De l'a mour celui tqui tout paſſe
Le monde quar qñt qⁱl ꝯpñt
A ſi douce amour neſe pꝛent
Adont auras ē ton de duit
Qñt que raiſon de bn̄ ꝯduit
Auec le pouoir de nature
Ha qui n'auroit de ſa figure
Q՚ penſſeꝛ ⁊ le ſouhaidie
N'eſt ce aſſez pour lui aidieꝛ
A lui ou uouloir eſioir
Plus d'aſſés q՚ d'autre ioir
Regarde l'a moureus viaire
Criens tu q՚ ſi bel ſaītu aire
Ne ſoit toute douceur ē cloſe
Couars eſt qⁱ enpꝛendꝛe n'oſe
P˞ li vn petit atenir
Ce dont gñt bn̄ lipuet venir
⁊ ſ'un poy eſt aupꝛemieꝛ dure
Sueffre tiente amoy ⁊ ē dure
Amours t'aideꝛa ⁊ pities
⁊ ſi li di ſ'eꝛt veꝛites
S'en vr՚e douce figure.
Dame eſt eſcondis muciez.
C'eſt deceuās couueꝛture.
C'eſt marchiez de ſous pꝛeſure.
ou amis eſt engignies.
S'en v՚re .⁊ c՚.
vos dous ſemblans as ſeure
⁊ ſe plus le dechaciez
n'eſt ce raiſon obſcure.
S'en vr՚e .⁊ c՚.
A ce dous abay areſtez
⁊ touz de la tendꝛe ap՚ſtez
Touz cois ou chemī me tenoie
Q˜r tant de ſeurte p՚noie
Espꝛomeſſes qu'eſpoir faiſſoit
Q՚ mes cueꝛs auq՚ ſ'a paſſoit
N'eſtoie mes eſpeures
Aincois diſſoie aſſeures
⁊ ꝑ moy de voulenté ſaine
Ha; belle de tout bn̄ fontaine
Vrais eſſemplaire de biauté
Ꝑfaite ē ſens ⁊ en bonté
Cueꝛ dous tāt m'eſt bn̄ avenu
Qñt amours p˞ vous m'a tenu
En chace p˞ moy p˞ vꝰ pñdꝛe
Q˜r loꝛs qu'il vꝰ plairoit ētēdꝛe
Moy tout imparfait ꝑ faire
Plꝰ de bn̄s ne me pourroit faire
Raiſons foꝛtune ne nature
Ha; flour de toute creature
Tant aroit plus qu'aſouhaidieꝛ
Cilz a qui vꝰ uoudꝛiez aid՚
Car il aroit i'en ſui touz filz
Ioie honneurs de duire ⁊ ˞pfis
N'ia dont foꝛs debn̄ ſeꝛuir
P˞ noble amour deseꝛuir
⁊ de loial cueꝛ en bꝛacieꝛ
Aſſes me pues dechacieꝛ
Dame cōnoiſtre ētieꝛemēt
Car ſe chaſcūs naturelmēt
Biaute quieꝛt ⁊ ſans ⁊ bōte
⁊ vous auez tant ſeur mōte
Ie ne doy dont eſtre repⁱs
Se plꝰ foꝛt ſui d'ū autre eſpⁱs
P˞ ce me rent bn̄ me doy rendꝛe
Ie ne mequieꝛ iamais deſfēdꝛe
Ou point qm̃ cel point eſtoie
⁊ en pensee dont m'areſtoie
Ou ſemblans ⁊ eſpoirs me maīnēt
⁊ a leur plaiſſir me demaīnēt
Cōme pꝛis ſans autre debat
Doutance ſurmoy ſerembat
⁊ entre mesp՚ſſours de boute
Et de piece l'en tente toute
⁊ bn̄s qu'amours m'ot p՚ſtez
Endiſſant estu arreſtez
A croire eſpoir le deceuant
Sur ce que il te met deuāt
Les pꝛomeſſes de courtoiſſie
Saches qui en eſpoir ſefie
Souuēt ſetreuue deceus
Se tu as les dous iex veus
Ta dame ⁊ ſon vis de bōnaire
Le cuidez tu pource atraire
A ce q՚ elle te weille ameꝛ
On la deuroit bn̄ blaſmeꝛ
S'elle metoit ſ'amour ē toi
Se tuas par regars ſenti
La gñt biauté dōt elle es plaine
Ie te liueꝛrai aſſez paine
plꝰ que tu ne poꝛras poꝛteꝛ
Souuēt fait fol reconfoꝛteꝛ
Sans dōneꝛ lapꝛomeſſe ē vaī
Il a aſſez plus de le uain
En ſa douceur q՚ tu ne crois
Se li maītiēs eſt dous ⁊ cois
Licueꝛs eſt ciguillieꝛs ⁊ gñt
Bn̄ eſt de toi ocirre en grant
Qⁱ pour .i. ſeul eſpoir ē pndꝛe
Veus tes fais ꝯ toy faire pñdꝛe
Arrieꝛe m'a dōt tire
⁊ en tirant ai ſoupire
Car eſpoir d'une ꝑt m'ognoit
⁊ doubte d'autre me poignoir
Ainſſi amoy contrebatoie
Et en ce grant debat metoie
Sur ma dame tout le deſcoꝛt
⁊ pour trouueꝛ plus dou s a coꝛt
Eſt ce que ſus lui le voult pñdꝛe
En moy diſſoie sāz meſpñdꝛe
Mon cueꝛ qu'a douce combat
p˞ vos dous ſeꝛuiſce em pñdꝛe
aidiez cueꝛ dous adeſfendꝛe
pour a paiſſieꝛ le debat.
weilliez ē vo m՚ci pñdꝛe
mon cueꝛ .⁊ c՚.
Car ou dous es poir l'embat.
Doute ne le laiſſe entēdꝛe
ainſſi ne ſay aqui rendꝛe.
Mon cueꝛ .et. c՚.
Toutes fois doute defaillir
Me faiſſoit plaindꝛe ⁊ treſaillir
Couleur mueꝛ ⁊ cō tenance
Car qñt vienēt ē remembꝛāce
Ie treſail ⁊ tremble ⁊ fremis
⁊ eſpoirs y vienent audeuant
Loꝛs me va licueꝛs ſouleuāt
Si chante ⁊ ris ⁊ bale ⁊ dance
Ainſi en diueꝛſe manieꝛe
Me conuiēt eſtre celle heure
Vne fois chante l'autre fois pleure
C'eſt l'eſtat aus nouuiaus amis
Q˜mours ē ceſte chace amis
C'eſt le langueꝛeus aus amoureꝰ
⁊ qui le veult nomeꝛ p˞ elils
Ꝑ dꝛoit eſt li mos des guiſſes
Q՚ nulz tant ſoit bn̄ auiſſez
Ne ſet les pꝛopꝛietes dire
Neles contenances des crire
Oꝛ veult oꝛ ne veult oꝛ le grieue
Oꝛ li pleſt oꝛ ſe ſiet oꝛ ſe lieue
Oꝛ pꝛomet loiauté eſtable
Sur voulenté feꝛme ⁊ muable
Ainſi cōme en ce point eſtoie
Ne fuioie ne arreſtoie
Ne ne ſauoie q՚ fin pndꝛe
Amours qui me fait ēpñdꝛe
L'ameꝛ ⁊ alaiſſieꝛ lecours
Vint en mannieꝛe de ſecours
Et touz ces chiens a amenez
Loꝛs coꝛne alui p՚nez pꝛenez
Pꝰ ſ'es crie hars il eſt pꝛis
Adont fui foꝛmēt entrepꝛis
Car chaſcū d'eulz me moꝛt ⁊ pꝛent
Pl aiſſance eſmuet vouloirs eſpñt
Renons encoꝛe les conſeille
Penſeꝛs moꝛt. ſouuenirs reueille
Samblant atrait eſpoirs ˞pmet
⁊ amoꝛs foꝛmēt ſ'en tremet
De moi pñdꝛe ſans plus blecieꝛ
refieꝛt auec sāz menacieꝛ
Des graces de ma douce dame
Dont n'es meꝛueille ſe ma dame
Le qui eꝛt car ſoutilmēt y trait
Les roſes qui cueillent atrait
⁊ cis atrais en atraiant
En a loit doubte atraiant
Car com plus croiſſoit vouloir
Tant fait doutance maīt douloir
Cueꝛ qui ſemblēt ⁊ eſpoir tienēt
Qⁱ les nourriſſēt ⁊ maītienēt
Si tres plaiſſēmēt q՚ touz dis
P˞ doutance d'eſtre eſcondis
N'en trelaiſſe a eſtre a moureus
P˞ ce cilz atrais ſauoureus
Q˜mours me metoit au deu āt
Aloit mon cueꝛ eſmouuāt
Qñ tre les chiens ſ'abandonoit
Ne pour les cops q̃mours dōnoit
Ne ſ'aloit deriens eſmaiēt
Ainz l'aloit eſpois ſupaient
Si doucemēt q՚ hoꝛs boutes
Eſtoit doutance nient doutee
⁊ tant la fiſt de moi voidieꝛ
Qⁱl (n'eı) m'enbat ꝑ foꝛce ē cuidieꝛ
Qⁱ eꝛt oubos la quarte voie
Dont ie ꝑle auant auoie
Pris ſui la chace eſt afinee
Amours pardōne deſtinee
M'a vaincu ⁊ c'eſt mes ˞pfis
Car oꝛ ſui ge de cetout fis
Q՚ miex en vail ⁊ doi valoir
⁊ loꝛs qñt aſon douz vouloir
M'ot pꝛis ⁊ ſaiſſi plainemēt
Si m'a faite ml՚t noblemēt
Onques d'iluec ne ſeꝑti
Sicōme ap՚s chace aꝑtiēt
Mon coꝛps ſans plꝰ aſaꝑt tiēt
⁊ vout q՚ ces oeuures teniſt
Et ces fais touz iours ſouſteniſt
Qⁱl conuiēt q՚ li coꝛs ſou ſtiēne
Les fais d'amours quoi qñ aveigne
Et les peꝛilz ⁊ les de duis
Selonc ce qu'il eſt conduis
P˞ ce li coꝛps li demourra
Si me ſemble qⁱl me hōnoꝛra
Ap՚s ſi cōme achace auient
Q՚ repaiſtre les chiēs conuiēt
Amours l'os (k)ot ⁊ les iſſues
Qⁱ aus en trailles sōt tiſſues
Dōne aus chiēs ⁊ mō sāc aboiure
Dont ne fuſt nul qⁱ peüſt croire
Cōmēt ie eſtoie demenez
Qñt chaſcū des chiēs amenez
Eu pour leur char demoi mēgieꝛ
Ne ie ne me peu reuengieꝛ
Ainz ſueſfre cōme vrai mr̃tire
Qⁱ voit aus chiēs departir
Mon coꝛps de dens ⁊ degaſteꝛ
Et plaiſance mōcueꝛ taſteꝛ
⁊ tracieꝛ mon ſanc ⁊ ſuſcieꝛ
Et vouloit loꝛs sāz menacieꝛ
Tireꝛ encōtre lui aus dens
Ilne demeure riēs de dens
Mon coꝛps dōt n'aiēt loꝛ aſſés
Penſeꝛs ſans point eſtre laſſes
M'a ia pꝛis q՚ tout mō ſanc trait
S'eſpoirs ne m'i meſiſt ētrait
Mal me fuſt ais tāt l'eie ch՚
Qⁱl ne me fait foꝛs delechieꝛ
Qñt li chien furēt abuure
A mours a mon cur deſſeuré
Et ma voulenté ē ſemēt
⁊ le dōna entieꝛemēt
A la douce gente ꝑfaite
Ꝑ cui chiens la pꝛiſe fu faite
Et vouſt q՚ de ma voulenté
⁊ de mon cueꝛ qu'il m'a oſte
Fuſt dame ſi tres ligemēt
Q՚ nulz foꝛs elle ſeulemēt
N'i peüſt hauſaige meneꝛ
Et qñ li ſeꝛuir ⁊ ameꝛ
En ſ'onneur gr̃deꝛ me meiſſe
Loyalmēt tant q՚ ie veſquiſſe
Ꝑ quoi monteꝛ peuſſe empꝛis
⁊ ie dame cō loyaus pꝛis
Rendus a vous sās riēs meſpndꝛe
Weil vo noble ſeꝛuice ꝯpñdꝛe
Com cilz qui ſur li n'a pouoir
Dame ⁊ ſe vꝰ pouez vëoir
Q˜ mon pouoir mō deuoir face
P˞ dieu que vo cueꝛ ne de bate
A moy pour vr՚e re tenir
⁊ ſe ia ace pꝰ a venir
A tel ſans que ꝑ mō defaut
S'il n'eſt il pas hōs qⁱ ne faut
Meſpꝛaigne en aucune manieꝛe
Madame deſirree ⁊ chieꝛe
Plaiſſe le vꝰ acoꝛrigieꝛ
⁊ ſe ia nepuis eſligieꝛ
Tant de bn̄s ē moy q՚ ie doie
Vr՚e eſtre aumaīs ſe iepouoie
P˞ nulle paine a ce venir
Biau leuauroie ſouſtenir
Si p՚nez coulente pour fait
Car ꝑ vr՚e gent coꝛs ꝑ fait
Fins cueꝛs dous ſui acemenez
Vr՚es ſui oꝛ en oꝛdenez
Ꝑ pitié non pas ꝑ raiſon
Pris ſui ionnes ⁊ de ſaiſon
P˞ plus en vꝰ ſeꝛuāt dureꝛ
⁊ ce ſe viēt al'endureꝛ
Tant ſouſfeꝛai q̃(a)dire voir
Bn̄ vꝰ pourrez aꝑ ceuoir
Qm̃ ſemēt de cueꝛ voulentieu
⁊ ſe me veés ē tentieu
Fins cueꝛs aēpndꝛe ces fais
P˞ dieu dame q՚ mes bn̄s fais
Ne ſoit peꝛdus ꝑ cruauté
Car ſe par vr՚e gñt biauté
Sui pꝛins ⁊ en amour mēdie
Penſez q՚ de ma maladie
Eſtez cauſſe dōt ēſement
Soiez cauſe d'alegemēt
S'arés vr՚e amis amonte
Car en l'eſpooir de vo bonté
Cueꝛ dous me ſui rendus ⁊ pⁱs
⁊ pource dont ſe i'ai ēpꝛis
Sih aute amour ade ſeꝛuir
⁊ ie ne puiſſe tant ſeꝛuir
Q՚ i'en deſeꝛue poi ne grant
Ꝑ pitié aiez en cueꝛ en gñt
D'aidieꝛ vr՚e ſeꝛf a valoir
Car ſemis ſui anonchaloir
Qñ pitié ne me regardez
De moꝛt ne puis eſtre gardez
Foꝛce nature ne iōnece
Liece de duis ⁊ richece
Ne me pourroiēt reſpitieꝛ
Oꝛ weillez mon cueꝛ viſiteꝛ
Fins cueꝛs dous ꝯmēt il vꝰ plaira
Vez ci moy qui atendꝛa
Moꝛt ou vie ou vr՚e oꝛdenane.
⁊ qñt vꝰ arez cōgnoiſance
Ꝯmēt ꝑ vꝰ ay eſté pꝛis
Et cō durement ētrepꝛis
Ay ꝑ vꝰ en la chace eſté
fins cueꝛs dous ꝑ vr՚e honeſte
Baiſſiez iuſques amoy vos iex
Iene quieꝛ ia demandeꝛ miex
Ma dame que vo voulenté
N'aurai ami pou gñt plenté
Se de bon cueꝛ le me dōnez
⁊ pour dieu oꝛ me ꝑdonez
Se ie veꝛs vꝰ fui apñdꝛe
Car ie me cremoie ameſpñdꝛe
D'empꝛandꝛe ſihaut aameꝛ
Et ſi ne m'endeuez blaſmeꝛ
Car ap՚s tout l'a faitemēt
Bōne ⁊ belle ꝑ faitemēt
Par vꝰ q՚ tout le monde pꝛiſe
Amours ſur moy acoꝛne pⁱſe.