LEſſier meſtuet le rimoieꝛ
Car ie me doi ml՚t eſmaieꝛ
Qn̄t tenu lai ſi longuement
Bn̄ me doit le cueꝛ leꝛmoieꝛ
Conq՚s ne me ſoi amoieꝛ
A dieu ſeꝛuir ꝑfaitement
Ainz aimis mō ētendemēt
En geu ⁊ en eſbatement
Quaīs na daīgnai ſi nos ſaumoieꝛ
Se poꝛ moi neſt auiugemēt
Celle ou diex pꝛiſt aombꝛem՚t
Mau marchié pͥs apaiemēt
Cart ſeꝛe mes aurepentir
Las moi ꝯques ne ſot ſentir
Mes ſes cueꝛs. quex eſt repētāce
Na bn̄ faire lui a ſentir
Cōmēt oſeꝛe ie tentir
Qñt neis li iuſte arōt doutāce
Ie touz iours ēgreſſie ma pēce
Dautrui chatel dautrui ſuſtāce
Cia bon cleꝛc aumiēs mētir
Se ie di ceſt ꝑ ignoꝛance
Q՚ ie ne ſe queſt penitance
Ce ne puet pas garentir
Garentir las en q՚l manieꝛe
Ne me fiſt diex bōte ētieꝛe
Q՚ me donna ſans ⁊ ſauoir
⁊ me fiſt en ſa foꝛme chieꝛe
Encoꝛ me fiſt bōte plꝰ chieꝛe
Q՚ poꝛ moi volt moꝛt receuoir
Sens me dōna de deceuoir
Lanemi qui me velt auoir
⁊ metre en la chartre p՚mieꝛe
La dont nus ne ſe puet rauoir
Pour pꝛieꝛe ne poꝛ auoir
Ne voi nul qͥ reuaīgne arrieꝛe
LE fet au coꝛs ſa voulenté
Ie fet rimes ⁊ ſai chante
Sus les vns poꝛ as autre pleꝛe
Dont aucūs ma enchante
⁊ mame miſe ē oꝛ fente
Poꝛ meneꝛ au felon repaire
Se celle enqͥ touz bn̄s recleꝛe
Ne pꝛent en cure mō afaire
De male tente ma tente
Mes cueꝛs outant truis de ꝯtrͤe
Fiſicien napoticaire
Ne mē puēt dōneꝛ ſente
Leſai vne fiſicienne
Q՚ a lion ni auianne
Nen tant ꝯ tout li ſiecle dure
Na tant bōne ceꝛurgienne
Na plaie tant ſoit encianne
Q՚ le ne neſtoit ⁊ eſcure
Pꝰ quelle uueille metre cure
Elle eſpuria deuie oſcure
La benoite egipcienne
A dieu la rendi nete ⁊ pure
Sicom ceſt voirs p՚nez encure
Malaſſe dame creſtienne
¶Pꝰ que mourir voi foible ⁊ foꝛt
Coment penre ē moi cōfoꝛt
Q՚ de moꝛt me puiſſe deſfandꝛe
Ne voi nul tant ait gñt eſfoꝛt
Q՚ des piez noſt le contrefoꝛt
Si fet le coꝛs a tr՚e eſtandꝛe
Q՚ puis ie foꝛs lamoꝛt atendꝛe
Lamoꝛt ne let ne dur netēdꝛe
Poꝛ auoir q՚ len li apoꝛt
Et qñt li coꝛs eſt mis ē cendꝛe
Si conuiēt adieu resō rendꝛe
De qñque onfiſt iuſq̃ lamoꝛt
OR aitant fait coꝛ ne pꝰ mais
Si me conuiēt tenir empais
Diex doint q՚ ne ſoit tpͦ atart
Touziours ai acreu mō fais
⁊ ioi dire ⁊ cleꝛs ⁊ lais
Com plꝰ couue lefeu plꝰ art
Ie cuidai engingneꝛ renart
Q˜r ſeur eſt en ſon palais
Poꝛ ceſt ſiecle qͥ ſe de part
Me conuiēt partir dautre ꝑt
Qⁱ que lenuie ie le lais