EN la douce louange de la uierge pucelle
Roine gloꝛieuſe marie dieu ancelle
Qⁱ le dous ih՚ucriſt Nourri de mamelle
Weil recoꝛdeꝛ vn dit Dont la matieꝛe eſt belle
A mon cōmancemēt Depꝛi la treſoꝛiere
De grace qui poꝛta La tres haute lumieꝛe
Que ueꝛs ſon dous enfāt weille faire pꝛoieꝛe
Que tous ceus qⁱ m'oꝛrōt Aient ioie plenieꝛe
DE la uierge loiaus Qui eſt la ſouueꝛaine
Qui tous les deſuoiez A leur dꝛoit poꝛt ramaine
Vous dirai cōmēt voult Garentir .I. chanoinne
Cil qui ſeꝛt noſtre dame Il ne peꝛt pas ſa painne
LE chanoinne leſſa a faire vne folie
En l'onneur de la dame Qui eſt nete et polie
Mes la uierge pucelle Si ne l'oublia mie
Car autieꝛs iour apꝛés Elle li ſauua la uie
Si cōme ceus oꝛent Qui voudꝛont eſcouteꝛ
.I. petit du chanoīne Vous leꝛon aparleꝛ
Aſſes pꝛochainement I voudꝛon retoꝛneꝛ
D'un chevalieꝛ gentil Vous voudꝛé recoꝛdeꝛ
DE noꝛmendie eſtoit Ce eſt (bn̄) verité fine
Il avoit vne dame Loialle et enterine
Il en ot une fille De ſi bonne doctrine
Que de ſon cueꝛ ſeꝛuoit La tres haute roine
Mes la uierge roine L'en rendi bon louieꝛ
De ce que fiſt ſon peꝛe Qui eſtoit chevalieꝛ
Tant ſui les tournois Par ſon gñt en combꝛieꝛ
Qu'il ne li demoura Palefroi ne deſtrieꝛ
Tant fiſt par ſa folie Qu'il ot tout deſpendu
En toute noꝛmendie N'ot vaillant .i. feſtu
Nul n'ot mes de li cure Quant il ot tout perdu
Sachiez qui n'a argent Il eſt trop vil tenu
La dame aſon ſeingneur S'en vint ⁊ li diſt ſire
Vuidon ceſte contree Tout le cueꝛ me font d'ire
Le cheualier reſpont Foi que ie doi ſaint ſire
Nul n'a cure de nous Plus ne vous ſai que dire
Nous paſſeron la meꝛ S'iron en engleterre
Ie ſerai ſoudoieꝛ Il li ara grant guerre
Faites toſt diſt la dame Treſtout le cueꝛ me ſerre
Loꝛs paſſerent la mer Vindꝛent aſeque tr՚e
A rippon le chaſtel le cheualieꝛ entra
Li ſa fame ⁊ ſa fille Que de ſon cuer ama
El milieu de la uille Le chanoinne trouua
Doucement le ſalue Et puis li demanda
Moult belle compaīgnie Ouecques lui auoit
Frere au conte /nicole Li chanoinnes eſtoit
Le cheualieꝛ du ſien P˞ dieu li de mandoit
Aucune courtoiſe Quar meſtieꝛ en auoit
Quant le chanoinne ētāt Qu'il li a demandé
Il li donna du ſien Si en ot grant pitié
Sa fille regarda Qui ot tant de biauté
En ſon cueꝛ la conuoite Mes il n'a mot ſonné
Le chanoinne repaire arrieꝛe en ſa meſon
Mes lanemi li met El coꝛps temptacion
D'avoir la damoiſſelle S'apella vn garcon
Le cheualieꝛ manda Si le miſt araiſon
Sire dont eſtes vous Ie ſui denoꝛmendie
I'é le mien tout perdu Et tout par ma folie
Oꝛ pes diſt le chanoinne Ne vous eſmaiez mie
Se vous me voulez croire Vous en aurés partie
Diſtes qui eſt la dame Que ie ui auec vous
Et celle pucelete Qui le viaire a dous
Ceſt ma fame ⁊ ma fille Par dieu le createur
Oꝛ entrés en ma chābꝛe Ie weil parler auous
LE channoine qui fu Ml՚t tres foꝛmēt tēptés
Au cheualieꝛ a dit Qu'il vit en pouuretés
Prenez de mon argent Tout a vo voulenté
Mes que i'aie vo fille A faire touz mes grés
LE cheualieꝛ reſpont Qui eſtoit mandiāt
Donnez moi .ijc. livres D'argent tout maītenāt
Ie la vous iré queꝛre S'en faites vo talent
Alés diſt le chanoinne Toſt ⁊ apeꝛtement
LEs denieꝛs ſont tous pꝛés Mes que la m'amenés
Le cheualieꝛ retoꝛne A l'oſtel eſt alés
A ſa fame diſt dame Enueꝛs moy entendés
Ceꝛtes nous ſeꝛons Riches ſe croire me voulés
Ie vien d'un gentil hōme Qui a amoi parlé
Il veult auoir vo fille Tout a ſa voulenté
Il mena .ijc. liures D'argent ſec pꝛeſanté
Il faut que ie li maine Car ie l'ai creanté
LOꝛs reſpondi la dame Es ce par mariage
Nenil c'eſt un chanoine De moult riche linage
Quant la dame l'entant Si ot au cueꝛ grant rage
De l'iaue de ſon cueꝛ Arouſa ſon viſage
Sa fille vint ali Et li diſt douce mere
Dame pour pleurés Vous a ferue mon pere
Nenil voir douce fille La choſe eſt plus amere
Car vous eſtes vendue Dont ie fais mate chieꝛe
Voir diſt la pucelle I'é voué chaaſté
Au tres dous ih՚ucriſt Le roy de maeſté
Ie pꝛi ſa douce meꝛe Ou tant a de bonté
Car elle gart mō coꝛs D'oꝛdure et de vilté
Tres douce mere dieu Qui eſtes ſouueraine
Qui voſtre chaaſté gardaſtes C'eſt bn̄ choſe ceꝛtaine
Et ſi eſtes des vieꝛges Dame et ſouueraine
De grace ⁊ de veꝛtus Le puis et la fontaine
Dame deſfandés moy De l'oꝛdure mondaine
Parquoi m'ame ne ſoit En la pꝛiſon parfonde
Et mon pere ⁊ mamere Gardez de moꝛt ſeconde
Le cheualieꝛ li diſt oꝛ ca Dieus vous comfonde
Venez en auec moy Et ſi ne leſſiez mie
Sire dit la pucelle Ie ne vous deſdi mie
Hautement c'eſcria Douce vieꝛge marie
Ie vous requier meꝛci Que ne m'oubliez mie
LE cheualieꝛ ſa file Au chanoinne mena
.ijc.liures recut Moult ioiant retoꝛna
Pleurant la damoiſſelle Illecques demoura
Le chanoinne tantoſt Doucement l'apella
Belle pourquoi pleurés Ne par quelle raiſon
Sire diſt la pucelle I'ai au cueꝛ mariſſon
D'eſtre ainſi uiolee Oꝛ ſauez la raiſon
Teſſiez vous belle ſueꝛ Nous vous marieron
Il couchierent ēſemble Loꝛs ſouflent la chādelle
A moult tres foꝛt pleurer Se pꝛiſt la damoiſſelle
Dites moi fait il belle Cōment on vous apelle
Sire i'ai non marie Se reſpont la pucelle
Quant le chanoīne ētāt Le dous non de marie
Tanptacion ſe fu Tantoſt de li partie
Pour l'amour n՚re dame Qui eſt nete ⁊ polie
Ia mon coꝛs ſe dieu pleſt Ne vous fera vilonnie
En l'onneur n՚re dame Qui le coꝛs dieu poꝛta
Mon coꝛs vilainement A vous n'atouchera
Il ſaut ſus ⁊ reueſt Vn ſeꝛgant apella
Au cheualieꝛ ſa fille Doucement enuoia
La pucelle ſaut ſus Doucement l'en mercie
Et ſ'en rendi graces A la vieꝛge marie
A toꝛches l'en menerent Et ſi lont comuoie
Quant ſa mere l'entant Elle fu reſioie
LEs ſeꝛgens retoꝛnerēt La pucelle comta
A ſon pere la cauſe Pour quoi la reſpita
De faire villonie Chaſcun dieu meꝛcia
Il dient noſtre dame Moult tres bien li rendꝛa
Si fiſt elle pour voir Quar le tieꝛs iour ap՚s
S'en aloit le chanoinne Ioeꝛ parmi les pꝛés
Ses ſeꝛgans auec lui Sus bons cheuaus mōtez
Deſſus vne riuieꝛe La ſe ſont areſtés
Pour tant qu'ānes Sauuages iauoit afoiſon
Le chanoine leſſa Voleꝛ vn ſien faucon
Vn oiſſel abati De ſi tres grant randon
Touz .ij. chient en l'iaue Sans point d'areſtoiſon
APrés diſt le channoine Qui boꝛcha le cheual
L'iaue fu trop parfond Si eſt alés aual
Les ſerians regardeꝛēt Leur bon ſeigneur loial
Aidier ne li pouoient Dont leur fiſt le cueꝛ mal
Quant vint deſus l'iaue A li aute uois ſ'eſcria
Tres douce vieꝛge pure Car me ſauuez la uie
Adont eſt reſfondꝛés Le diable l'eſpie
Sauoir ſ'il le pourroit Atrere a ſa partie
LEs eſcuieꝛs en pleurent Et maīnent marrement
Et dient l'un al'autre Seingneurs alons nous en
Si pꝛenon des denieꝛs Aſſez ⁊ largement
Nous ne poon ici Demourez longuemēt
DEmandé nous ſeꝛa Ceſt bn̄ choſe ſeue
Arriere retoꝛneꝛent Mes /la douce roine
Mere de pitié fu la Pour le chanoīne
Elle le voult gardeꝛ Cel iour demoꝛt vilaine
D'angres gñt compaignie Auecques lui auoit
Le chanoine poꝛterent En ſa chambꝛe tout dꝛoit
En ſon lit le couchierent Ou grant luour auoit
De grace ⁊ de veꝛtus Ne ſauoit ou eſtoit
Il ſ'en doꝛmi la dame Es ſains ciex remonta
La bonté qu'ala pucelle fiſt Moult bn̄ rendu li a
L'un des ſeꝛians errant L'uis de la chābꝛe deſfeꝛma
Le chanōine ſ'eſueille Mes nul mot ne ſonna
Il pꝛiſtrent les eſcrins De martiaus afrapeꝛ
Qu'eſce diſt le chanoīne Me voulez vous robeꝛ
A la fuite ſont mis Sans plus del'areſteꝛ
Il cuident ſoient diables Qui les weille enpoꝛteꝛ
Qui pour eus deceuoir Se ſoient laiens mis
Leur ſeingneur les apelle Et leur a dit amis
Seingneurs ie ſui vos ſire Par dieu de paradis
Et quant il lentendirēt Au retour ſe ſont mis
Quant il ont entendu Qu'il a de dieu parlé
Arriere retoꝛnerent Sili ont demandé
Ha; ſire quelle gent Vous ont ci amené
Seingneurs diſt le chanoīne La meꝛe au roi de maeſté
Alés en celle ville Queꝛés le cheualier
Qui me uendi ſa fille Par amour vous requieꝛ
Et il li ſont alés Sans point dedelaier
Le chanoinne li donne D'auoir vn grant sōmieꝛ
DE quoi lui ⁊ ſa fāme Moult bn̄ ſe gouueꝛna
Et puis le bon chanoīne La choſe leur conta
Cōment la douce vierge De moꝛt le reſpita
Le cheuallieꝛ ſa uie Par cel point amanda
Il ueſquirent au ſiecle Treſtous trois ſaintemēt
Ceſt eſſemple nous mouſtre A tous generaument
Que qui ſeꝛt noſtre dame Qui ne faut ne ne ment
Et en a en la fin .C. doubles paiement
Si pꝛions a la vieꝛge Qui eſt ⁊ fille et mere
Qu'elle pꝛiſt ſon dous filz Cōme tres digne mere
Que il nous gart d'enfer Celle pꝛiſon amere
Et nous otroit la ioie Qui eſt et belle ⁊ cleꝛe