MOult fu nez de bone heure Qⁱ bien fait en ſa vie
Choſe qui a dieu plaiſe Et a /ſainte marie.
L'ame en a ſon loier Qñt du coꝛps eſt ꝑtie
En ꝑadis ſ'enua Quant elle eſt eſpanie
Cil qui en ſa ionece A bon cōmencem̄t
Et il a en la fin Mauuais definem̄t
La diuine eſcripture Nous dit qͥ pas ne ment
Que il ſera dāpnez A paine ⁊ a tourment
Mais nr՚e ſire diex Eſt ſi miſericoꝛs
Cō bien q՚ li pechierres Li eſt fait de grans toꝛs
S'il eſt pꝛins en biē fait Qñt l'ame ꝑt du coꝛps
Tantoſt eſt des eſcrips Au dëable mis hoꝛs
Ainſinc cō noꝰ trouuōs En la ſaīte eſcripture
D'un moult riche bourgois Qⁱ de dieu n'auoit cure
Poures gens deſpiſoit Et faiſoit gñt laidure
A /rōme la cité auint Ceſte auenture
Moult auoit ce bouriois Ꝑ tout gñt renōmee
Et plus auoit d'auoir Q՚ nulz de la contree
Mais onq՚s en ſa vie N'ot talent ne pēſee
Q՚ aumoſne poꝛ dieu Feüſt ꝑ lui dōnee
Une ioꝛnee auint Qⁱl ot gñt coꝛt tenue
Maīte poure gent ſont A ſa poꝛte venue
Pour ſ'aumoſne auoir Dedens font atendue
Qñt li bourgois les voit Tout le ſanc li remue
Les poures gens oÿ Qⁱ demandent du pain
Q՚ moult en y auoit Qⁱ auoient grant fain
Li ſires vint a lui .I. baſton en ſa main
Onq՚s n'y leſſa poure Qⁱlne meiſt au plain
Il leur diſt ie l'aing miex A donner a mes chiens
Laidement leur enchace Ne leur a dōné riens
Et l'en demain reuint .I. poures creſtiens
Qⁱ pour l'amoꝛ de dieu Demanda de ſes biens
LI riches hons li diſt Sire coquins truans
Alez voꝰ en de cy n'i ſoiez Arreſtans.
Q՚ voꝰ y poꝛriez eſtre Iusqu'a .xxxij. ans
Qⁱ voꝰ y aiez riens Alez baillier aus champs
Qñt li poures l'oÿ Errāment ſ'en toꝛna
Si cōme il ſ'en aloit .I. ſien cōpains trouua
Dites fait il biau frere Dont venez vous de la
Et cil li reſpondi Ie le vous dirai ia
De chiez ce gñt riche home Qui ne m'a riens dōné
Ains m'a clamé truant Et moult foꝛ vilené
Il n'eſt nulz qⁱ en puiſt Traire ne pain ne blé
Ie metrai dit li autres Se g'y vois i'en auré
Loꝛs ſ'ē toꝛne le poure A l'oſtel au riche home
Qⁱ tant auoit d'auoir Que n'ē ſauoitla sōme
Poꝛ dieu poꝛ /ſa m՚e Poꝛ /.s՚. ꝑe de rōme
A requis au boꝛiois Q՚ de ſon pain li dōne
Li riches hons le pꝛiſt tātoſt a eſcondire
Ꝯ cil qⁱot le cuer Oꝛgueilleux ⁊ plain d'ire
Ml՚t felōneſſement Li cōmenca a dire
Dont tant de poures Q՚ diex les puiſt maudire
Qñt li poures l'oÿ Errāment ſ'en toꝛna
Le clarcelier encōtre Qⁱ du pain apoꝛta
Qñt li poures le voit Arrieres retoꝛna
Ou qⁱl voit le riche home Poꝛ dieu l'en demanda
Qvant li riches hons vit Le poure reuenir
.I. pain en la coꝛbeille A pꝛis ꝑ grant air
Le poure hōme en cuida Ꝑmi le chief ferir
Mais il ne le toucha C'il va le pain cuillir
Qvant le pain fu geté Maītenant ſ'a verti
Qⁱl auoit fait pechié Tantoſt ſ'en re penti
Foꝛm̄t bati ſa coꝛpe Si li cria merci
Au roy de ꝑadis Qⁱ onq՚s ne menti
/Noſtre pere des ciex Qⁱ ſus toꝰ a puiſſāce
Du riche hōme entendi La vraie repētāce
De ſes pechiez li fiſt Ꝑdō ⁊ aleiance
Mais nous ne deuons pas Pechier en tel fiāce
Cōment qu'il otle pain Geté ꝑ felonie
En fu moult liez li poures Le pain neleſſa mie
Et diſt qu'il en donra A ſa poure meſniee
S'en ſeront receü Car moult on poure vie
Li poures hōs ſ'en toꝛne Le pain en a poꝛté
Lui et ſa cōpaignie S'en ſont la nuit ſoupé
Qñt il oꝛent mēgié Dieu en ont aouré
Gracié l'ont de ce Que il leur a pꝛeſté
Enfans diſt li pꝛeudons Oꝛ voꝰ agenoilliez
Et pꝛiez poꝛ ce li Qⁱ ce pain a gaignié
Q՚ li vrais diex li veille Ꝑdōner ſes pechiez
Et treſtous les meffais Dont eſtoit entechiez
Les enfans ſ'agenoillēt Toſt ⁊ iſnelement
/Ih՚ucriſt reclamerent De cuer deuotement
Qⁱ il face au boꝛiois Du ſouꝑ paiement
Car du pain ont eü Aſſez ⁊ largem̄t
Auſſi toſt cōme il oꝛent Loꝛoꝛoiſon finee
Tres deuāt les .s՚. ciex Eſt l'oꝛoiſon alee
L'aumoſne q՚ le riche Ot au poure getee
Deuant la face dieu Fu biē repꝛeſentee
/LI rois de tout le mōde Qⁱ hault ſiet ⁊ hault voit
Qⁱ bien la pꝛiere q՚le Poure faiſoit.
Poꝛ le pain au riche home Dont repeü eſtoit
Qⁱ onq՚s en ſa vie Aumoſne fait n'auoit
Li ēnemis l'auoit Si toꝛné a ſa part
Q՚ tous ioꝛs de mal faire Li coꝛps li frit ⁊ art
Se /ih՚ucriſt ne fuſt /Qⁱ tous les depart
Li riches hons ſ'eſtoit Aꝑceus trop tart.
Car cele nuit meiſme treſpaſſa et fu moꝛs
L'ēnemi qui eſtoit Tous ioꝛs de lez le coꝛs
En enfer l'ēpoꝛta Qⁱ tant eſt vilz ⁊ oꝛs
Ileq՚s letoꝛmētent Et en font leurs depoꝛs
Mais li diex qⁱ tout ſcet Dit et fait ⁊ pēſee
Ne volt mie ſoffrir Q՚ l'ame fuſt dāpnee
.ij. anges qⁱl tramiſt Gñt clarté ont getee
Des maīs a l'ēnemi Ont l'ame deliuree
Mon ſeigneur /.S՚. michiel Le ſaiſi tout ꝑmier
A l'enemi a dit Sathanas auerſier
Tu n'auras mie l'ame Ra poꝛtes la arrier
De ꝑ dieu nr՚e pere La te veil chalengier
Li ennemis reſpont Ce feroit deſraiſon
Car on ques en ſa vie Il ne fiſt ſe mal non
Poꝛ cele veil ie auoir En ma ſub geſtion
A perpetuité Sera en ma pꝛiſon.
LI ēnemis parole A l'ange d'une ꝑt
Poꝛ quoi diex veult auoir En ceſte ame ꝑt
Il m'eſt auis qu'il ſ'eſt Aꝑceus trop tart
Poꝛ les mauls qⁱl a fais Diex n'i a ꝑt ne hart
Uas toſt diſt /.s՚. michiel Ses meffais a poꝛter
Car ie les veil oir Deuant moy recoꝛder
Et ſi vouldꝛai ſon bien Contre ſon pal peſer
Tant q՚ tu reuendꝛas Vouldꝛai l'ame garder
Li ēnemi ſ'ē p arte Li ange demoꝛerent
Entr'eulz .ii. l'ame miſtrent Et moult biē la garderent
Li vns en cō tre l'autre Ml՚t foꝛment eſtriuerent
Pour l'ame conq՚ſter Fierem̄t eſtriuerent
/Saint gabꝛiel parla Et diſt a /.s՚. michiel
Coment poꝛra ceſte ame Laſſus eſtre ou ciel
Toꝰ ioꝛs fu le coꝛps plain De venin ⁊ de fiel
Loꝛs ꝑla /.s՚. michiel Qⁱ eſt plus doꝰ q՚ miel.
Il eſt pꝛīs en aumoſne Q՚ diex a biē rehue
La pꝛiere du poure Li a meſtier eue
Q՚ il la fiſt de cuer Et diex la bien ſceue
Ꝑ ce poīt ſera l'ame De ioie receue
Ainſinc cōme il ꝑloient Li ēnemis reuint
Qⁱ tous les maulz a poꝛte De quoi il li ſouuint
Cōtre l'ame en balance Les miſt q՚ l'ange tint
L'ame ne peſa pas Ne le quart ne le quint
LI ēnemis a dit Elle eſt de ma ꝑtie
Non eſt diſt /.s՚. michiel Encoꝛ ne l'as tu mie
Loꝛs a pꝛiſe l'aumoſne Q՚ diex ot requeillie
Qñt l'ēnemi la voit S'en maīne male vie
LI anges miſt le pain Et l'ame en la balāce
Poꝛ faire al'ēnemi Et duel ⁊ viltance
En l'aumoſne ot plus De biē ⁊ de ſuſtance
Q՚ en treſtous les mauls Q՚ il ot fais d'enfance
/Sante michiel li adit Sathanas tu vois biē
Q՚ nous auerons l'ame Tu n'i as nule rien.
Re vas t'ent en enfer Vers nous plus ne reuien
Q՚ l'ame ne ſera( iamais) Iamais en ton lien.
LI ēnemis ſ'en ꝑt Ml՚t gñt duel demenant
/Saint michiel remiſt l'ame Ens el coꝛps maītenant
Noſtre ſeignour ſerui Puis ce ioꝛ en auant
Onq՚s puis ne hay Poures gens mēdians
Noſtre ſeigneur ſerui Et men a ſainte vie
Sainte ygliſe fu puis De li moult bien ſeruie
De ſon auoir ymiſt Et dōna gñt ꝑtie
De l'auoir de ce mōde N'ot onques puis ēuie
Lonc tēps veſqui au ſiecle Puis l'eſtut treſpaſſer.
La nuit vindꝛent les anges Qⁱ l'en vouldꝛent poꝛter
Te deū laudamvs Cōmencent a chanter
Poꝛ ce ſe fait il bon En ce ſiecle amender
Qvi en ſa plaine vie En biē faire labeure
Ne ſe doit pas douter Q՚ diex ne le ſequerre
Ains doit douter enfer Qⁱ eſt plus noir que meure
Nulz ne ſcet de ſa fin Ne le dꝛoit ioꝛ ne l'eure
OR pꝛions de bon cuer /Le tres dous roy desroys
Et a /ſa douce mere /Qui le poꝛta .ix. mois
Que nous ne ſouffrons ia En enfer les deſtrois
Et nous doinſt ꝑadis Dont nous sōmes ſes hoirs