/ROys des /frans Haez les deſroys
Regardez com /Li roys des roys
/Ih՚ucriſt qui les ſiēs auoie
Cō de loins vꝰ a mis a uoie
De lui bn̄ cōnoiſtre ⁊ ameꝛ
Entr՚e vou a fait clameꝛ
/Roy des /francois la noble gēt
Ceꝛtes cia bon bel ⁊ gent
En grant dignete ꝑ creü
Bn̄ vꝰ a de loing pour veü
Ml՚t li deuez bn̄ obeir
En coꝛ vꝰ puet il eſchair
De li plus grant reaume aſſez
C'eſt paradis qui apaſſez
Touz les rotaumes de ceſt mōde
Roys vo vie doit eſtre monde
⁊ nete de vilains pechiez
Et vos coꝛs ſi bn̄ entechiez
C'om pꝛaigne avous bōne eſſēplaire
Si pourres miex a toꝰ ceꝰ plaire
De qui vꝰ eſtez roys clamez
Bn̄ doit de vꝰ diex eſtre amez
Et bn̄ ꝑt q՚ il vꝰ achieꝛ
Qñt de ſi loins vꝰ volt huchieꝛ
P˞ /les francois metre en vo garde
Gentilz roys dont oꝛp՚nez garde
A quelle heure a vꝰ les liura
Ce fu au iour qu'il de liura
Les ſiens de la paine d'enfeꝛ
Le cueꝛ aurés plus dur q՚ feꝛ
Se vous ace iour ne penſez
Et la gloſſe n'en diſpenſez
Si com bons roys qⁱ doit pēſeꝛ
De ſa vie adꝛoit diſpenſeꝛ
Roys au iour du bō venredi
Si voir cōme ie le vꝰ di
Vꝰ fiſt dieus roys detoꝰ /les frans
Oꝛ ſoiez dont courtois ⁊ frans
Iuſtez piex ⁊ miſeꝛicoꝛs
Si cō diex fiſt qui tout sō coꝛs
Volt as /felons iuis liureꝛ
P˞ les ſient d'enfeꝛ de liureꝛ
A cel iour furēt deliurez
Qⁱl vous fiſt roy dōques liurez
Vo cueꝛ a oir ⁊ en tendꝛe
A q՚l fin la gloſſe vent tendꝛe
Du vendꝛedi ap՚s comple
Qⁱ comsōmee ⁊ acomplie
Fu de dieu toute lapꝛomeſſe
Cilz iours vꝰ doit tenir ē pꝛeſſe
Le cueꝛ que il ne ſe des uoie
A oeuure ou mal ſon tēps ēploie
Penſſez de vr՚e regne acroiſtre
Vꝰ deuez miex les bōs cōnoiſtre
Aſſez c'uns nouuiaus apꝛentis
/Roys ſoiez donq՚s enētilz
Au pueple dieu le ſouueꝛain ꝑe
Gouueꝛneꝛ ſi q՚ illi peꝛe
⁊ des toꝛmens les rachetez
Ou tant de coꝛs ⁊ de chatez
Sont de longue maī ēbatus
Car ſur paine d'eſtre batus
Les adiex en vos gr̃de mis
Deſfendez les des annemis
Vꝰ eſtez chiés ⁊ garde d'iaus
Roys cil anemi sōt bediaus
Et p՚uos ſeꝛiās ⁊ baillis
Dont vo pueples eſt mal baillis
Tel gent ſont du monde eſcilleur
Aduocat ⁊ faus conſeilleur
Chaſcuns igrape ⁊ arapine
⁊ ſi agent d'autre couuine
Qⁱ les ont naurez laidemēt
Faite ꝑ vos gouueꝛnemēt
Gentilz roys qu'il ſoiēt ſauez
Et hoꝛs du meſchief les planez
Metez y .i. petit de paine
Dieu vꝰ en fiſt don ⁊ eſtraine
De ſon roy aume a ce .s՚. iour
P˞ ce qⁱl veult q՚ ſans ſeiour
Ses poures gens li deliures
Dumeſchief ouil sōt liures
Si cō acel iour de liura
Les bons qñt amoꝛt ſeliura
Faites qu'il en ſoiēt deliures
Ni eſpargniez ne mars ne liures
⁊ les gardez d'eſtre eſſilliez
/Gentilz roys ⁊ ſi eſueilliez
Loyaute dꝛoiture ⁊ raiſon
Faites les en vr՚e maiſon
Demoureꝛ auec charité
⁊ ſi p՚nez aueꝛité
Conſeil de vos bōnes paroles
Si q՚ bn̄ ſoit li ſaīs empoles
Emploies dōt vꝰ eſtez onis
/Gentilz roys oꝛ vꝰ ſoit cilz poīs
En vo cueꝛ eſcrips ⁊ poꝛtrais
Car vꝰ eſtez nez ⁊ eſtrais
Touz de roys de .iiij. coſtez
S'an doit de vꝰ miex eſtre oſtez
Oꝛgueil qⁱ ainz vons ne vot eſtre
/Gentilz roys ⁊ qñt de tel eſtre
Vꝰ a dieus pour ſoy eſleu
De ſi loing c'om n'a pas veü
Q՚ ſe ſoit euure naturee
Aiez vr՚e court eſcuree
Des mauués ſe nul ē ya
Car qñt diex a vous octroya
La courōne de /ces francois
Bn̄ vꝰ auoir mouſtre ancois
Qⁱl eſt puiſſāt d'un autre metre
Qñt il ſ'en voudꝛa entre metre
Se iuſtement nes gouu՚nez
⁊ a ce garde ne p՚nez
Q՚ vr՚e vie adꝛoit lignie
Soit ſe lonc la noble lignie
Dont eſtrais eſtez ⁊ venus
⁊ qñt des gñs ⁊ des menus
Vꝰ a diex fait en tr՚e chief
Se vꝰ voulez venir a chief
Du royaume adꝛoit maītenir
Le conſeil vꝰ conuiēt tenir
Qⁱ bons eſt ⁊ biaus ⁊ loyaus
Des .iiij. v՚tus pꝛincipaus
Seur toutes de plus gñt arroy
Qu'/ariſtotes eſcrit au/roy
Alixand՚ qu'il fuſt veſtus
⁊ aournez deces v՚tus
Qⁱ ſur toutes ont gñt renō
La p՚mieꝛe ſageſce anon
Qⁱ par le vrai ētendemēt
Gouueꝛne l'ōme ſagemēt
Siq՚ dꝛoiture ē ſoi maītiēt
Liautre ſe bn̄ m'ēſouuiēt
Eſt apelee adꝛoit iuſtice
Qⁱ ſoi maiſmes ⁊ aut՚ iuſtiſce
⁊ fait achaſcū iuſtemēt
Raiſon iuſte oꝛ oꝛrez ꝯmēt
La tieꝛce eſt apellee apꝛés
Qⁱ bonne eſt ⁊ de loing ⁊ de pꝛés
⁊ toſt ⁊ tart et main ⁊ tempꝛe
C'eſt la veꝛtus qui miex atempꝛe
Fol hardemēt ⁊ couardiſſe
Entre ces .ij. raiſon l'a miſſe
P˞ hōme gardeꝛ de dōmage
S'a non foꝛce de grant courage
Ml՚t eſt ceſte veꝛtus puiſſans
⁊ bonne car elle eſt croiſſans
A haute honneur deplus ē plus
A point oeuure ⁊ niēt aſeurplus
Bn̄ ſet contre vice eſtriueꝛ
⁊ faire enpꝛandꝛe ⁊ acheueꝛ
Sans paour tout ſeuremēt
Qñ c'om puet ꝑ vrai hardemēt
⁊ aiuſte cauſe entrepꝛendꝛe
Et fait fol hardement repꝛendꝛe
⁊ ameſure rameneꝛ
Bon fait atel point aſſeneꝛ
A haute hōneur ⁊ abn̄ faire
Ceſte veꝛtus doit tres bn̄ plaire
A touz les pꝛinces de haut pꝛis
Q՚ il ſoient duit ⁊ apꝛis
De couardiſſe des daīgnieꝛ
Elle ſet les poins enſeignieꝛ
C'ō ne doit douteꝛ nulle ēpꝛiſſe
Qⁱ par raiſon doit eſtre empꝛiſſe
Ceſte veꝛtus doit atous plaire
Et la quarte eſt detel afaire
De tel nature ⁊ de tel fait
Q՚ riens encontre dieu nefait
C'eſt atempꝛance laſenee
Qⁱ n'eſt pas en lieu aſſenee
Qⁱ entechiez ſoit de lait viſce
Ceulz fait ameꝛ le dieu ſeꝛuice
Qⁱ l'aīmēt de cueꝛ ⁊ hōneurent
Et olui main ⁊ ſoir demeurēt
Et ceꝛtes abōne heure vit
Soy regneꝛ qui demeure ⁊ vit
En atempꝛance qui meſure
Toute riens aiuſte meſure
Et fait nature en hōme viure
/ROys ces .iiij. veꝛtus vꝰ liure
Pou gouueꝛneꝛ vꝰ ⁊ les v՚res
Si com dieu fiſt de /.iiij. apoſtres
/.iiij. benois euangeliſtres
Soueꝛains teſmoins ⁊ meniſtres
De n՚re voy amaintenir
Fait ces .iiij. veꝛtus tenir
Sur toutes aplus ſouueꝛaīne
⁊ les meilleurs ⁊ les plꝰ hautaīgnes
P˞ bn̄ gouueꝛneꝛ ē tous tans
Bonnes vꝰ ſont ⁊ pꝛoufitans
⁊ ont atouz autres eſté
Oꝛ vous en ay amōneſte
Pource q՚ miex vous en ſouueīgne
⁊ q՚ tous iours al'ueil vꝰ veīgne
Q՚ vous tant ne qñt n'eſtriuez
A atempꝛance mais viues
Ꝑ ſon conſeil ⁊ ꝑ ſon los
Seur toute rien ie le vꝰ los
Et me batez ſ'il vꝰ em poiſe
Car elle tout cōpaſſe ⁊ poiſſe
Qñ qu'il faut par nature au coꝛs
Se vꝰ eſtez deces acoꝛs
⁊ vous weillies ſon cōſeil croire
Le mangieꝛ a point ⁊ le boire
Vꝰ apꝛendꝛa bn̄ a vſſeꝛ
⁊ touz outrages refuſſeꝛ
Vꝰ feꝛa decharniex delis
Atempñce eſt la fleur deliz
Et roſe de toute veꝛtus
Gentilz rois ſoiez ent veſtus
Et de lui ſi apꝛis ⁊ duis
Q՚ de tous vos autres deduis
Prenez ꝑ atempꝛance apoint
Ne ne metez vr՚e cueꝛ point
Outre raiſon ap՚s ces chates
N'aces riuieꝛes. car les traces
Peꝛent aceus trop malemēt
Qⁱ enpꝛanēt l'eſbatemēt
Sans atempꝛance outre meſure
⁊ maīs li coꝛs du pꝛince ēdure
Qñt il en vſe du ſeur fait
⁊ vꝰ ſauez qu'il ne sōt fait
Au monde pour autre achoisō
Q՚ pour larecoꝛeacion
Du coꝛs qñt il en eſt meſtieꝛs
P˞ el n'eſt fais cilz biax meſtieꝛs
C'om ēpꝛaigne ꝑ atempñce
Et apoint ⁊ i'ai eſpeꝛance
Qⁱ ainſi vſeꝛ en voudꝛoit
L'un ⁊ autrui miex ē pourroit
Gouueꝛneꝛ bn̄ ⁊ apoint
Gentilz rois dōt pꝛenez lapoint
En atempñce vous tenez
Iuſtice ⁊ foꝛce maītenez
De courage ⁊ ſageſce adꝛoit
Il vous eſt meſtieꝛ oꝛendꝛoit
D'eſtre bons trop plꝰ c'onq՚s mais
Vr՚e royaume eſt .j. dꝛoit mais
⁊ auris ſus touz ceulz du mōde
Et cilz ou plus d'ōneur h abōde
⁊ que diex miex aīme ⁊ hōneure
Et ceꝛtes ſ'en vꝰ nedemeure
Sur touz roys miex vꝰ aīmeꝛa
Ne nulz foꝛs lui ne clameꝛa
Seur vꝰ poeſte ne hauſage
/Gentilz roys dont faites q՚ ſage
Metez paine d'eſtre aournez
De ces veꝛtus ⁊ vꝰ tenez
Nuit ⁊ iour ſi adieu ſeꝛuir
Q՚ le don puiſſiez deseꝛuir
En ceſt royaume teꝛien
D'eſtre roy ou celeſtien
Auec ces ſains en paradis
/Gentilz rois pour vꝰ eſt diz
Et remires cilz ēſeignemēs
Dieus doint q՚ voz cōmacemēs
Vous atraie ala bōne fin
Ditez ent amen de cueꝛ fin.