COmpains vois tu ce que ie uoy
Par pou que ie ne m'en des roy
De gñt paour le cueꝛ me tñble
Vois tu la ces .iii. moꝛs ēsēble
Ꝯme il sōt hideus ⁊ diveꝛs
⁊ pourri ⁊ mangie de veꝛs
Tel devēdꝛōt n̄re iouuēte
De tel marchié aurōs tel vētes
Qⁱl nous vīt de no p՚mieꝛ peꝛe
Q˜r chaſcū qui naiſt le cōpeꝛe
Q՚ tuit ē ſueffrēt la moꝛt ſure
⁊ ap՚s des veꝛs la moꝛſure
Qⁱ alame ne met conroi
Pⁱnce ne duc conte ne roy
Nauront de poꝛt ne q՚ ribaut
Qⁱ iamés ne feꝛōt ris baut
Pꝰques tenebꝛes ſeꝛōt uns
Denfeꝛ ou tout bn̄ sōt remis
Li ſecōs vis diſt ie enuie
Biaus cōpaīs damēd՚ ma vie
Trop ai fait de mes voulentes
Oꝛ eſt mes cueꝛs entalentes
De faire tant q՚ mame acoꝛde
Au dous roy de miſeꝛicoꝛde
Q՚ mes coꝛs neſt q՚ vne faille
Ce puis ie bn̄ vëoir sās faille
Ꝑ ces mouſtres la aparans
Quē tel point ſeꝛe ie ꝑ tans
Car moꝛt me feꝛra de ſa faus
Faucōs ne chiēs oſtoirs geꝛfaus
Les gñs ſales ne les gñs tours
Ne puet la moꝛt tolir ſes tours
Q՚ ne pꝛeīgne tout a deliure
Lōme qñt il cuide miex viure
Ne ne puet nus le ioꝛ ſauoir
Qñt la moꝛt le voudꝛa auoir
Li tieꝛs vis qⁱ eſtraīt ſes maīs
Diſt pour quoi fu fais hōs humaīs
Pꝰ qⁱl doit receuoir tel peꝛte
Ce fu folie trop apeꝛte
Se folie fut onques diex
Contre ioies eſt ſi gñs diex
En ce chetif monde para
Foꝛs ſeullemēt q՚ diex ꝑa
Hōme ſur toute creature
Qñt le foꝛma a ſa figure
Si que il puet faire sās plait
Bn̄ ou mal leq՚l qⁱ li pleſt
Oꝛ ſe gart ml՚t bn̄ a lempꝛiſſe
Q՚ tel voie ſoit ꝑ li pꝛiſſe
Q՚ deuāt dieu ne ſoit repꝛis
Q՚ ſil eſt amal faire pꝛis
Sans repantance au iugem̄t
Ieꝛt iuges ne mēt
Li p՚mieꝛs moꝛs diſt damoiſel
Ne leſſiez pas p˞ vr՚e oiſſel
Ne pour vos robes a oꝛfrois
Qñ tr՚e geꝛra chaſcū frois
Et pourrira vo char humaine
Oꝛ gardes bn̄ q՚ ne vꝰ maine
Vos gñs deduis ne vos ſolas
Ou on pꝛēt les ames au las
Ou grief toꝛmēt qui tous ioꝛs dure
P˞ vos coꝛs qⁱ neſt foꝛs oꝛdure
Ce pouez vꝰ ꝑ nous vëoir
Oꝛ vous doint diex bn̄ poꝛueoir
Car ꝑ nous avez bn̄ veü
Q՚ vos coꝛs ſeꝛont poꝛveu
En oꝛde ⁊ en puāt pⁱſon
⁊ ſi ni fu onq՚s pꝛis hon
Com truiſſe qⁱ en fuſt delivres
En qñquauez veü de livres
Seigneurs ce dit li ſecōs moꝛs
Il eſt ueꝛites q՚ la moꝛt
Nous a fais tiex cōme nꝰ sōmes
En la fin poꝛteꝛez tiex sōmes
Ni aura ſi pur ne ſi fin
Oꝛ pouruees deuāt la fin
Q՚ les āmes aiēt repos
Qñt en t՚re ſeꝛes repos
Navez ami tāt vꝰ ait chieꝛ
Qⁱ iamés vꝰ daigne atouch՚
Nempoꝛteꝛes foꝛs q՚ bn̄ fait
De qñquauez au monde fait
Se bn̄ vous voulez regardeꝛ
Doꝛgueil vꝰ deuriez gardeꝛ
En noꝰ pouez pꝛendꝛe eſſēplaire
Qⁱ durem̄t vous deuroit pleire
Dōt vꝰ vaudꝛiez miex a lame
Car li coꝛs poꝛrira sās ame
LI tieꝛs moꝛs diſt qⁱ eſt ſechiez
Ie fui de mon lingnage chiez
Rois ⁊ pꝛinces ⁊ ꝯneſtables
Riches ⁊ biax ioiās metables
Oꝛ ſui ſi poures ⁊ ſi nus
Q՚ vëoir ne me daīgne mis
Qⁱl ne meſt remes q՚ les os
Et pour itant dire vꝰ os
Q՚ mar vit li hōs ē ceſt mōde
S'il ne fait ſame nete ⁊ pure
Coꝛs eſt au mōde li deduis
Dōt on eſt en ēfeꝛ cōduis
Sa alentree gñt apꝛeſſe
⁊ aliſſue grant triſteſce
Ie ne vꝰ ſai miex pꝛeſchieꝛ
Mouſtre chaſcū cōme il ſa ch՚
Cui il ſouuēdꝛa bn̄ dameꝛ
Pechiez nel poꝛra ētameꝛ