NE ſai aquoi gentis homs penſe
Qui vilain charge ſa deſpenſe
Vilains de cuer de mal poꝛpens
Ycis ne puet vëoir deſpens.
Ainz ſamble ꝯ l'amaine pēdꝛe
Qñt il voit ſon ſeignoꝛ deſpēdꝛe
P˞ faire honn˞ ſon mal penſer
N'en puet couurir audeſpenſer
Car chiere enfait triſte ⁊ pēſiue
Sin'eſt nus qⁱ le deſpens ſiue
Ne l'en hace tant va pensāt
D'oꝛdure eſt deſpers deſpēsāt
Car fuſt il es maīs du pēdeur
Qⁱ ne puet vëoir deſpendeur
Bn̄ het en honn˞ deſpendus
Vilains deſpenſiers ſoit pēdꝰ
Car ia honno˞ ne penſera
En tout ce qu'il deſpenſera
Tnat avilaine lapensee
En oꝛdure faire apensee
Qⁱ ꝑ ſon mal apenſem̄t
Fait ſi vilains deſpenſem̄t
Qⁱl n'entra en ſa deſpenſe ier
Ne hui nus qⁱ le deſpenſier
Ne hace ⁊ dit ſ'on le pendoit
Ce ſeroit pꝛex ſ'il deſpendoit
Le ſien maīt mal ſeroit pēsāz
Qñt il l'autrui eſt deſpēſanz
Qⁱ recreaument le deſpent
A sō cuer toute oꝛdure apent
Qⁱ ainſi le va deſpendant
Il va tout adez le pendant
Pendus ſoit sāz deſpendem̄t
Qⁱ fait vilain deſpendem̄t
Dont on le ſoulzaide pendu
Vilainem̄t a deſpendu
Les bn̄s dont il eſt deſpenſins
Car auilonie eſt penſins
Ꝯ vilains demal apenſez
A autrui deſpenz deſpenſez