AE fui l'autrieꝛ a vne feſte
Au partir. me dolut la teſte
Pource q՚ ie bus vins diueꝛs
En mō chief mōteꝛēt li v՚s
Qⁱ me firēt ce diſt diſteꝛ
Q՚ vꝰ moꝛrez ci recoꝛdeꝛ
Li diex damours ſafeſte fiſt
Mes noiſſe ⁊ cōtēs la deſfiſt
Des vins qͥ ce plet ētameꝛēt
⁊ puis ēſemble ſe m՚leꝛēt
De bouche entreꝰ ſe deſmētirēt
⁊ a bn̄ pou ſe des mentirēt
P˞ ce que chaſcū vouloit eſtre
De plꝰ honnoꝛe ⁊ le meſtre
Biaune clameci ⁊ auceꝛre
Miſtrēt leſpee hoꝛs du fueꝛre
⁊ cuidieꝛēt faire v՚goingne
A s՚. iejan ⁊ a gacoingne
⁊ dautre part a la rochelle
Ains cōmanca la q՚relle
Car chaſcū ſemiſt adeſfāce
Loꝛs fiſt diex damour deſfāce
Q՚ plus ne sen tremenaſcaſſēt.
Aincois leur reſpōs. ꝑpoſaſſēt.
Sicōme a chaſcū p˞tendꝛoit
⁊ ſur ce dꝛoit il leur rendꝛoit
Selonc le miex q՚ il ſaroit
⁊ ꝑ le conſeil qu'il aroit
Des vins qͥ venus ieſtoient
⁊ de la pes sentremetroiēt
A celle ioꝛnee aſſenee
Biaune iuint la lance leuee
Vin d'aucueꝛre ⁊ de clameci
Chaſcū d'eulz a dis vés meci
Nous nous p՚ſantōs sās delai
Tous ceꝰ furēt d'une ꝑtie
.S՚. iehan ne ſoublia mie
⁊ gaſcoīgne qui li eſt pꝛés
Eſt venue tantoſt apꝛés
⁊ auec ce dꝛeciͤ leur voille
I vindꝛēt anio ⁊ rochelle
Ces .iiij. en ſemble bn̄ ſetindꝛēt
Ꝑ deuāt le dieu d'am˞s vindꝛēt
Qⁱ ſeoit entre .iiij. vins
Qⁱ eſtoiēt meſtres des vins
Ceſt vin grec ⁊ vī de gr̃nache
Chaſcū ot foꝛree gñache
Vin muſcadet. ⁊ vin de chipꝛe
Veſtus decouu՚tures dyppꝛe
Ces .iiij. a court furēt venu
Cil ſont au conſeil retenu
Le dieu d'am˞s cil coſtoiēt
Et ꝯme aſeſſour ſe ſeoient
Adont fu fet ꝯmandemēt
Ꝑmi la court cōmunemēt
Q՚ nā nifieꝛe ne boute
⁊ q՚ leur reſons eneſcoute
Et ꝑ dela ⁊ ꝑ deca
Adont aucueꝛre ce dꝛeca
Cōme pꝛocureur fonde
Et des compaignōs ot n [...]de
Si par la contre .s՚. iouan
Qⁱ pꝛocureur des ou an
De ces compaignōs eſtoit fet
Aucueꝛre pꝛopoſa sō fet
Sire ie ſuis .i. ancueꝛrois
Q՚ ſus tous vins doi eſtre rois
Q˜r plus ſui foꝛs ⁊ ēteſtans
⁊ les antrailles eſchaufās
Ꝑ ma foꝛce fas chiez doloir
De robin ⁊ de marion
Chant՚ ꝑ mainte region
Ie faiz gent tripeꝛ ⁊ ſaillir
⁊ gueꝛroieꝛ ⁊ aſſaillir
Ie les fais ē ſemble cōbatre
⁊ pꝰ les abas .iiij. ⁊ .iiij.
Ceus qͥ i'ai la bouche lauee
Ne doutent eſſai ne eſpee
Il ne leur faut nule armeure
Ie les fais hardis ꝑ nature
De ma foꝛce ⁊ de ma vigour
Jeuure touz ioꝛs ſelōc vigoꝛ
.S՚. iehan il neſt chief ē hōme
Q՚ tout a teꝛre ie neſtonne
Chaſcū le ſet chaſcū le voit
⁊ pꝰ que faire rois lendoit
Des plus foꝛs. ⁊ gent aacoꝛt
Sont q՚ ienteſte le plꝰ foꝛt
Eſtre doi li rois ſouueꝛains
⁊ ſus tous li rois p՚meꝛaīs
DE biaune ſe on bn̄ de voir
⁊ bn̄ ꝑtout fes ſon deuoir
Elle eſt biaune ⁊ eſt alaitant
P˞ ce le pappe lama tant
Q՚ beneiſon li donna
Et ſamour li abandōna
Elle neſt trop rouge ne tpͦ taīte
Biaune sōnō. biauté apoꝛte
Biaune abn̄ nees a poꝛte
Biaune beneoit a lenon
P˞ ce ſus tous vins arenon
P˞ ce en bonté tout celia
Le pappe en li ſumilia
⁊ qñt lō hōneure tel ſeīgneur
Tous li doinēt poꝛteꝛ honeur
Clameci eſt de ſon lignage
Mes alui pas ne ſaparage
Combn̄ qu'il ſoit vins gracieus
Bons foꝛs ⁊ ſuſtancieus
Eſpeciaumēt cil de Goe
.S՚. iejan tu durs ſus la ioe
Ie clainme ci biaume neu՚s
Vꝰ metrons treſtoꝰ arouueꝛs
Vꝰ naures ia cōtre noꝯ foꝛce
Pas ne vꝰ pꝛiſon vne eſcoꝛce
S՚. iouan q՚ pues tu dire
Entoi na cū pou de matire
Mes de foꝛce ne de biauté
En v՚s moy nauras ylgalte
(⁊ tu gaſcoingne ſanc de buef)
Car bel nes negracieuſe
Groſſe ⁊ aſpꝛe dure ⁊ crueuſe
El na q՚ rougeur ſeulemēt
A ſa couleur ſabonté ment
Elle poꝛte couleur ſafiſtre
Sinaura ia croce ne miſtre
Mes Biaune ſeꝛa courōnee
P˞ ce q՚lle eſt du pappe ame
⁊ q՚ diſtu de la rochelle
Qⁱ neſt gracieuſe ne belle
P˞ dieu ſire q՚ l'en la mouſtre
Cil lombart ē fōt leur cōpoſte
Fiſicien en ont afaire
P˞ ſcirop ⁊ buurage faire
Ceſt choſe ē miellee ⁊nō pure
De choſe compoſte nai cure
Mes vins qͥ ſimples eſt de ſoi
⁊ foꝛs puet eſtanch՚ la ſoii
Cōme moi qui ſui roi ⁊ pͥnce
Car touz les boiax ie retenice
Ꝑ mō gouſt ⁊ mon arouſeꝛ
Fas gens doꝛmir ⁊ repoſeꝛ
Rochelle fait faire tōneꝛre
Mes ieſuicleꝛ ſaillāt ē voire
Fins fres froit ſade fremiant
Saſfres ſauoureus ⁊ friant
Q՚ me puet on plꝰ demandeꝛ
Se ſui rois ſi pꝰ comandeꝛ
En voire ou ē veſſel dargent
Me puēt boire toute gent
⁊ auſi en hanap doꝛe
Sui ie pꝛiſſie ⁊ honnoꝛe
⁊ biaune auſi y eſt beue
Et agñt ioie receue
Mes iaue ſeꝛa ē veſſel
Rochelle tant ſoit bō ne bel
Q՚l ne ſoit laide ⁊ obſcurcie
(Le vin d'auis)
P˞mes compaignōs ⁊ poꝛ moi
Qⁱ ſont venus auecq՚s moi
Tout ce vous aige recite
⁊ ſi le Juge en veꝛité
P˞ ce queqñ doie a venir
Nous weilliez ē bō dꝛoit tenir
Car ſe raiſon ne noꝰ eſt faite
Maīte foꝛt lie en ſeꝛa toꝛte
Ie le vꝰ di ⁊ bien loes
Procureur ſui auoues
LOꝛs vin de .S՚. iouā parolle
Cequil ot apͥs aleſcolle
Vin d'aucueꝛre auō entendu
Qⁱ ml՚t haut aſon art tendu
Et ſe vente de ſa folie
Qⁱ fait ⁊ de ſamuſardie
Q˜r ceus qui de lui vōt buuāt
Si cōme il dit va deceuant
Et les ē teſte ⁊ les asōme
Ce neſt mie fet de pꝛeudōme
Ne non ne le doit pas pͥſieꝛ
De ce qͥl fet la gent noiſſieꝛ
Qñt au chief ⁊ au coꝛs meſfait
Il ne doit mie ꝑ tel plet
Honnoꝛeꝛ eſtre ne pꝛiſſiez
Mes en doit eſtre deſpꝛiſſiez
Qñt pꝛopoſſe ſa des hōneur
Receuoir ne doit par hōneur
Neſtre nen doit oiz acourt
Ce vꝰ dis ie abꝛief mot ⁊ court
Ie ſui de bōne atrēpeure
Tieus eſt leſtat demanature
A nuli ne fais maiſemēt
Qⁱ me pꝛēt reſonablemēt
Des vins blās net ō pas meille˞
I'ai foꝛce bonté ⁊ coulour
Ma couleur tieing toute ma vie
Vin d'auceꝛre uītoſt rouſſie
Len me puet totes ꝑ men՚
⁊ ſans honte demeneꝛ
Megarde len .ix. ans ou .x.
Lan ma bn̄ eſpꝛouue iadis
Mes vin d'auceꝛre toſt de chiet
De ſa bonté ainſi li chiet
Si di ce pour moi ⁊ largue
Q՚ li vins qui ne ſeꝛemue
Eſt meilleur ⁊ plus couenable
Q՚ celui qͥ neſt pas eſtable
Vin de gaſcoigne ſa couleur
Neſt pas de petite valour
Les autres vins fet hōnoꝛeꝛ
Qñt de ſoi les veult couloureꝛ
Foꝛce donne aide ⁊ cōfoꝛt
⁊ dū vin foible fet .i. foꝛt
Il a de vin plaine ſuſtance
Il nourriſt ſans faire greuāce
Aus teſtes eſt bōs ⁊ au flanc
⁊ du rouge ya ⁊ du blanc
Chaſcū bōne nature ē gendꝛe
Si doit on pour eulz le dꝛoit rēdꝛe
En nul temps ni en nule ſesō
Il neſt mille cōparoiſon
De clameci contre gaſcoīgne
⁊ ne veꝛs neſt cūne fuſſee
Gaſcoigne eſt vne gñt ꝯtree
Qⁱ mains lieus hōneure ſouuēt
Clameci neſt cū pou de vant
Gaſcoigne eſt ꝑ t՚re ⁊ ꝑ meꝛ
Largemēt la doit on ameꝛ
Lan la bn̄ ꝑ tout eſpꝛouue
Gaſcoingne alen ꝑ tout trouee
Auecques atoꝛt arepꝛis
Rochelle quitātadepꝛis
Q՚ len la ua de ꝑ tout queꝛre
Chaſcū ſi len clot ⁊ len ſeꝛre
Car il neſt pas agarcōneꝛ
Nen ne la doit q̃us bōs dōneꝛ
Elle cure coꝛs ⁊ netie
Siquil ni demeure pontie
Mauués vent mauueſe fumee
Bn̄ a ſa bonté eſpꝛouuee
Elle tiēt le coꝛs ſannemēt
Preſant ē ſon fet hautemēt
P˞ les gñs ſeign˞s len ſalache
Elle eſt du lignage garnache
Qⁱ eſt vn des gñs vins du mōde
Il neſt qui contre li reſponde
⁊ celle eſt ſauoureuſe ⁊ ſade
Dōt elle gart le coꝛs malade
Enfait elle pource a blaſmeꝛ
Nānil miex lendoit ō ameꝛ
Cras vins aſp՚s rudes ⁊ gros
Doiuent il auoir pꝛis ne los
Nanil mes ceus qui doucemēt
Entrent ⁊ pꝛofitablement
Euurēt doiēt le ioꝛ auoir
Deuāt toute ges de ſauoir
Nanil ſages hōs de valeur
Ne doit iugieꝛ ſelonc couleur
En la couleur con a veü
Eſt on bn̄ ſouuēt deceu
Des iex ne boit en mes debouche
Oꝛ te tourne auceꝛre oꝛte couche
Qⁱ fat doloir ⁊ coꝛs ⁊ teſtes
⁊ les courrous ⁊ les tempeſtes
De toi ne doit ō faire conte
Tu fes les gēs aleꝛ ahonte
Ꝑ ton mal ꝑ ta mauueſtie
Fes tu mainte gent dehetie
Mes qui veult bn̄ ſentance rēdꝛe
Il doit a la veꝛité ē tendꝛe
Poꝛce requeꝛōs oꝛendꝛoit
Sus ce que len nous face dꝛoit
⁊ q՚ par dꝛoit len iregarde
Q˜r il nous pleſt ⁊ ſi nꝰ tarde
Q՚ la ſentance ē ſoit donnee
⁊ la cauſe ici teꝛmine
EN dementres q՚ ˞ppoſſoient
⁊ que ſantance req՚roiēt
Vin de ſaint poꝛcain eſt ſailli
⁊ duremēt les aſailli
Et atoutes les .ij. ꝑties
A comancie gñs enuaies
⁊ dit foi q՚ doit ſaint antoine
Ples fetes de la chape au moīne
Na vꝰ nauons ne neſt lonneur
Mes amoi qͥ ſui le greigneur
Des vins ⁊ li plus reclames
⁊ des greigneurs ſeigneurs ames
A la court de pp՚. ⁊ de france
Sus tous vins aige laudience
Selon a dōne la courōne
Foꝛce ai ſutancieuſe ⁊ bōne
Dont ie fas les gēs leſſieꝛ
En ioie ⁊ en feſte dꝛecieꝛ
Cr ie ſui nez de bonne b˞nche
Qⁱ neſt trop rouge ne trop blanche
I'ai la bouche i'ai la couleur
Nus hōs ne puet troueꝛ meilleur
Oeil de peꝛdꝛis ceſt mō viaire
A meilleur couleur ne pꝰ traire
Q՚ me puet ē plus demandeꝛ
Toutes tables fis amēdeꝛ
Ie ſui bel bon ⁊ gracieus
Ie fas rire ⁊ cueꝛ ⁊ euls
De ce ne me pue nus deſdire
⁊ auroyaume ⁊ alempire
Sui ie des greīgneurs cōneu
Chaſcū le ſet qui ma beu
Q՚ touz iours ainſi ai eſté
Q՚ i'ai la ſouueꝛaīnete
Se nul mē vouloir deſmentir
Mon pouoir li feꝛai ſentir
I'ai vouſins amis ⁊ parens
Qⁱ de ce me ſeꝛont garens
Dieus d'am˞s vꝰ ledeuez croire
Q˜r la choſe eſt ꝑ tout notaire
Et dautre q՚ de vꝰ leſauez
Qⁱ ſouuēt demoi but auez
P˞ ce nōmes ſui ſaint poꝛcain
Car ie ſui .s՚. bon .cl՚. ⁊ ſain
Qñt vin francois ace oï
Ne ſen eſt pas ml՚t eſioi
En place ſaut ⁊ recōmance
A demeneꝛ gñt noiſe ⁊ tence
Trop ce diſt il ſui eſbahis
Quentre vꝰ vins ē mō pais
Deuāt moi ⁊ ē ma p՚ances
Lonneur voulez auoir ē fñce
Mes ſoit ou ne ſoit vr՚e pois
Vo reſon ne valēt .ij. pois
P˞ home tenir foꝛt ⁊ feꝛme
⁊ dꝛoir ⁊ raiſon noꝰ afeꝛme
Q՚ toutes choſes ſont criees
De dieu faitez ⁊ oꝛdenees
Ceſte raiſon ai amene
Car ie ſui trop miex oꝛdene
⁊ la foꝛce ai miex atrempee
Reſonnable ⁊ ameſuree
De li cieus gouſt ⁊ ſauoir
Plꝰ que qui veult auoir hōneur
Chaſcū me deſirre atenir
Q˜r ie pꝰ trop miex maītenir
Coꝛs en ſente d'ōme ⁊ defame
Q˜r ie fas cepoꝛ quoi ſui fet
Sans (faite) anului aut՚ meſfait
Chaſcū veut ſanté pes ⁊ ioie
⁊ ie ces .iij. choſes en voie
Sencte pes ⁊ ioie atoꝰ tēps
Fais ⁊ li autre fōt contens
Si ne doiuēt eſt՚ hōnoꝛe
Mes detous doi eſtre ennoꝛe
Qñt leur foles iniqͥtes
Amende moi ladignete
Aꝑtient loneur ē demande
Q˜r leur maus ꝑ mō sēs amēde
Sus oꝛs resōs doit pñdꝛe
Bn̄ le maideꝛōt a deſfendꝛe
Tuit cil vin qui sōt un voiſin
Freꝛes oncles parant voiſin
Quant liaue a entendu le plet
Sire diex d'am˞s ſil vꝰ pleſt
Oiez moi ⁊ faites raiſon
Gñt noiſſe a ē ceſte meſſon
De ces vins ⁊ de ceſte deſcoꝛde
Il ont bn̄ gaaīgnie la coꝛde
Ꝑ leur mauueſtie de gñt tēps
Il font ⁊ noiſſes ⁊ contens
Omecides ⁊ robeꝛies
⁊ aſſés de ribaudeꝛies
Aſſez font neſtre de difames
Prendꝛe les filles ⁊ les dames
A bōne gens ⁊ apꝛedōmes
⁊ deſpendꝛe d'argēt gñt sōme
Et riches poures deuenir
Et ſouuent en honte venir
A mourir demauueſſe moꝛt
Maint pꝛeudōm ꝑ vin sōt moꝛt
⁊ en ſont de venus a honte
Et en coꝛ de moi ne fōt conte
Ne ne me gaignēt recōnoiſtre
⁊ ſi ne puēt ſans moi neſtre
Ne venir afrutefiance
⁊ me laiſſēt ꝑ leur bobence
Et ꝑ eulz ſui ge des pꝛiſee
Ia par moi ni eꝛe ꝯmenciee
Ne ſeꝛa noiſſe ne mellee
Hōme occis ne fame crauētee
Ne riches poures ne ſeꝛa
Ia par moi mal ne ſefeꝛa
Les coꝛs et les dꝛas ie netie
Et ꝑ moi le blé feutefie
Les arbꝛes ⁊ les pꝛés arouſe
Qñ qui de teꝛre iſt me goulouſe
Ie fas moulins meudꝛe a pooir
Ie fas poiſſons cuire ⁊ laueꝛ
Tel office ai et tel meſtieꝛ
Q՚ chaſcū a demoi meſtieꝛ
Ie poꝛte nes dꝛomōs ⁊ barges
Qⁱ ſont belles gñdes ⁊ larges
En pñt on maint bon moꝛſiax
Harens poiſſons ⁊ cras oiſſiaus
De moi ſont li potage cuit
Qⁱ na du vī ſi com ie cuit
Puet bn̄ de moi boire aſon aiſſe
Il neſt riens qui nait gñt malaiſe
Se ie li fail aſon beſoing
Ꝑ tout le monde p՚s ⁊ loing
Et gēs ⁊ beſtes moꝛs ſeꝛoiēt
Se de moi ſecouru neſtoiēt
Et pour ce garde vꝰ p՚nez
Q՚ leur folies ne pꝛenez
Et leur oꝛgueil weillies abatre
Deuant vous ſe veullēt eſbatre
Neſt ce bn̄ gñt poſſeſcion
Qñt de moy ne fōt mille mēcion
Sans moi nus hōs ne poꝛroit viure
Cil font fol ⁊ mauués ⁊ yure
Qⁱl les crien nē doutes pas
Il en vendꝛōt du trot au pas
Si deues leur oꝛgueil refraīdꝛe
Le mal ont nē ne les doit plaidꝛe
Car qui le mal fet ⁊ p՚ſante
De tel los doit auoir tel vente
⁊ de ſi haut ſi vas venir
Les teꝛres doit ō maītenir
Len doit les hūbles eſleueꝛ
⁊ loꝛguilleus mauués greueꝛ
Sus ces reſons q՚ ie ˞ppoſe
Rendez moi dꝛoiturieꝛe choſe
Et ma gñt ſouueꝛaīnete
Ainſi com toꝰ iours ai eſté
Moy teīgniez ē iuſte ſeſine
Q˜r reſon ⁊ dꝛoiture ſi ēcline
Qñt li diex d'am˞s ((ot)) la nouelle
Oÿ: ſon cōſeil apelle
Vin grec ⁊ le vin degr̃nache
De leur conſeil poīt neſe chace
Vin de chipꝛe ⁊ vin muſcade
Y vindꝛēt qñt furēt mande
⁊ vins rinois qui la ſur vint
Au conſeil eſtre li conuint
P˞ ce que touz ſeul ne fu nie
Soupecon auſi de partie
Ne ꝑ deca ne par de la
Le dieu damoꝛs les apella
Toute la cauſe adōt leur mouſtre
Sur ce plet gñt choſe monte
Ceans a gñt foiſon de vins
Ce poiſſe moi qñt ie iuins
S'il ſe fuſſēt entre tuez
Ien fuſſe moquiez ⁊ huez
De chaſcū qui ſiet ſus sō ſueil
Se ie de vꝰ nai bon conſeil
Trop mal ſen yra mō afaire
Ie ne cuide auoir afeꝛe
Q˜ .ij. parties ſeulemēt
Oꝛ faut feꝛe a toꝰ iugemēt
A feꝛe a .s՚. poꝛcain auons
Dont la bouche ſouuēt lauōs
Q˜r il es ml՚t mesch՚s amis
⁊ ie ne meſtieꝛ danemis
Se ie weil faire ſon vouloir
Liaut՚ me feꝛōt doloir
⁊ dū autre ceꝛtainemēt
Vins fñcois ꝑ le ſagemēt
Et ſi eſt en ſa ſeignoꝛie
Dont il aura plꝰ foꝛt ꝑtie
Et miex ē ſeꝛa depoꝛtez
Biaus ſeign˞s ſe me cōfoꝛtez
⁊ conſeilliez en veꝛité
En ce cas de peſiblete
Car ie vous di ⁊ vꝰ creante
Ceſt ce qͥ plꝰ mē eſpouente
Ne meꝛueillies neſt ce me sēble
Sapelle vꝰ ai touz ē ſemble
Dōnes moi conſeil auenāt
Gñt meſtieꝛ en ai maītenāt
⁊ de li aue que ie dirai
Ne ꝯmēt iaue ꝑtirai
TOut ainſiq՚s ceſt cōſeilliez
Le conſeil fu loꝛs eſueilliez
Qⁱ bōnemet le cōfoꝛta
Et tel conſeil li rapoꝛta
Cōme poꝛ veü bn̄ ⁊ gent
Sire ces vins sōt gñt gent
Ml՚t de manieꝛes de vins sōt
Qñ de ꝑtir ml՚t ſe ꝯbatront
Et la gueꝛre trop greueꝛa
Qⁱ toſt ne les a coꝛdeꝛa
Et pour ceſte gueꝛre acheueꝛ
Veil leur entr'eus pes oꝛdeneꝛ
Car ſ'entr'eus ne faites acoꝛt
Vꝰ naures vin foible ne foꝛt
Mes atouz iours ſeꝛōt ſechiez
Et ſe ſeꝛoit ml՚t gñt meſchiez
Ceſeꝛoit aupais lamoꝛt
Bon compaīgnon ſeꝛoiēt moꝛt
Qñt vins ne poꝛroiēt venir
Et pour vous eneſtat tenir
Deuez liaue auoir aamie
Viure ſans lui ne poez mie
Ꝑ li vous viēt toute richeſce
Honneur valeur pͥs ⁊ nobleſce
Tout auoir toute manētiſe
P˞ ce la tenez afranchiſſe
Q˜r ſus tous a foꝛce ⁊ poisāce
Auoir deuez en li fiance
Q˜r il neſt riēs ou cil ſenbate
Q՚ ne mete ius ⁊ a bate
Il neſt vin tant ſoit foꝛt vmōde
Sel ſi met q՚l nel cōfonde
P˞ ce ligñt ⁊ li meneur
La doutēt ⁊ poꝛtēt honeur
Et dautre ꝑt ſe vin ꝑnage
Ne venoit ce ſeꝛoit la rage
Trop en auōs defaut eü
Dont le pais eſt deceu
Pꝰ que meſtieꝛ auez deceus
Metes pes ⁊ acoꝛt ētreus
Tout ainſi le conſeil li diſt
Li diex damoꝛs li a loꝛs diſt
Venez auecq՚s moi tantoſt
Laſſus v pales ci fiſt toſt
EN la ſale ē eſt retoꝛnez
Ou noblemēt fu atoꝛnez
En haut ſa ſiſt en ſa chaieꝛe
Son conſeil fiſt pꝛés de li treꝛe
Si les apelle enceſte guiſſe
Seigneurs avꝰ toꝰ redeuiſe
Q՚ tous pains sōt bōs ⁊ tous vins
Vꝰ eſtez parens ⁊ voiſſins
Si ne deuries anul temps
Auoir ne courroꝰ ne cōtens
Ie di ⁊ ſieſt maraiſon
Chaſcūs eſt bōs la ſeſon
⁊ ſi vous di en loiauté
Q՚ chaſcune ſeſpeciaute
A de bonté quautre na nie
Sinen deuez auoir ēuie
En bō vin ſouent ml՚t (bn̄) bn̄ faut
Sedont .i. autre nadefaut
(Dont) les cōplecions
⁊ des gent ⁊ de ioe ⁊ de regiōs
Des vint chaſcū eſt bō sāz doute
Qⁱ entēps ⁊ ꝑ dꝛoit ē goute
Chaſcun aſon eſpecial
Mes liaue a .i. dꝛoit ꝯmunal
Ꝑ tout s'eſpāt ꝑ tout ſe met
Detoutes choſe s'entremēt
Chaſcū en a neſeſiti
P˞ ce eſt il dꝛoit equite
Qñ ces ſoit bn̄ gardee
⁊ de touz eſtas hōnoꝛee
Oꝛ ſoiez enſemble aliez
Et em pez recōſiliez
Q˜r qñt a v՚ité retaire
Tous eſtes bōs neſceſaire
Chaſcū de vꝰ enſa ſeſon
Entramez vꝰ ſeingn˞s baron
Tous empes cōme amis ſeꝛez
⁊ en ioie enſemble buurez
Li vin qͥ ceſt acoꝛt oirēt
Pes ⁊ amour ēſemble firēt
⁊ pꝰ ōt ſanz iaue beu
Ainſi fu leur ꝯtens cheu
Plꝰ sentrameꝛēt q՚ deuant
De pou de pluie chiet gñt vant