Puis q՚ du lai ai coumēcie
Ian'iert ꝑnul tͣuail leſſie
les auantures q՚ ie ſai
Tous ꝑrime les cont՚ai
Empenſe ai et entalent
Q՚ d'yonet uous cont auāt
Icil qui gendꝛa yonet
Il ot a non nuſdumaret
Dont il fu nez et deſonpere
Ꝯ il uint pͥmes aſamere
Em/bꝛetaigne auoit iadis
Vns riches hons uielz et antis
De /ca cruet fu auoez
⁊ du pais ſires clamez
La cité ſi eſt ſoꝛ /ditalas
Iadis iot deuez treſpas
Mout fu treſpaſſez en aage
P˞ ce qu'il ot bon heritage
Fame pͥſt pour enfās auoir
Qⁱ ap՚s lui fuſſent li hoir
De haute gent fu la pucele
Sage et coꝛtoiſe et foꝛm̄t bele
Q՚ a riche hōme fu donne
P˞ ſabiauté fu ml՚t amee
Pour qu'en feroie autre ꝑole
Ne n'ot ſ'en ꝑdeſc'a /nicole
Ne/tres qn̄ /yllande de la
Gñt pechié fiſt qui li dona
Pource q՚le ert et bele et gēte
Enli gard՚ toꝛna ſ'entente
De dens ſa rot l'a enſerree
En une gñt chambꝛe pauee
Elle ot une ſoe ſeroꝛ
Vieille ert ⁊ vueue sāz ſeign˞
Enſemble oladame l'amiſe
P˞ lui tenir plus en iuſtice
Autres fames iot cecroy
En une autre chambꝛe ꝑſoy
Mes ia la dame ne ꝑlaſt
Se ſa uieille nel cōmandaſt
Ainſi latint plus deſet anz
Onq՚s entre eulz n'oꝛent enfāz
Ne foꝛs de celle toꝛ n'iſſi
Ne poꝛparent ne poꝛ ami
Qñt il uoloit aler couch՚
N'iot chamb՚lenc ne uiſſier
Qⁱ enlachambꝛe oſaſt entrer
Nedeuant lui cierge alum՚
Mout ert ladame ēgñt triſtoꝛs
A lermes aſoſpirs et aploꝛs
Sabiauté ꝑt entel meſure
Ce eſt cele qui n'en p՚nt cure
Deſoi meiſme melz uouſiſt
Q՚ moꝛs haſtiue la pꝛeiſt
Cefu elmois d'auril entrāt
Qñt cil oiſel lieuēt loꝛ chant
Liſires fu matin leuez
D'aler embois ſ'eſt ap՚ſtez
Lauieille a fete leuer ſus
Et ap՚s lui fermer les us
Cele aſon coum̄dement
En une autre chambꝛe ſ'enuet
Enſamain poꝛtoit vn ſautier
Ou le uoloit u՚ſeillier
La dame ploꝛe en eſueil
Choiſi laclarté du ſouleil
Delauielle eſt aꝑceue
Qⁱ de la chambꝛe eſtoit iſſue
Ml՚t ſe plaignoit et ſouſpiroit
⁊ emploꝛant ſedem̄toit
Laſſe fet elle mar fui nee
Mout eſt dure ma deſtinee
Enceſte toꝛ ſui empꝛiſon
Ia n'en iſtrai ſe moꝛte non
Ciſt uielz ialous dequoy ſecͥent
Qⁱ enſi gñt pꝛiſon metient
Mout ꝑ eſt folz et eſbahiz
Il crient eſtre toz ioꝛs trahiz
Gene puis aumouſtier uenir
Ne le ſeſeruiſe dieu oyr
Se ie poiſſe agent parler
⁊ endeduit olui aler
Geli mouſtraſſe biau sēblant
Ia ne n'euſſe ie talent
M'alooit ſoient mi parant
⁊ li autre cōmunement
Qⁱ aceſt ialox me don՚ent
Ne deſon coꝛs me marierent
A foꝛt coꝛde trai et tir
Il ne poꝛrai iamés moꝛir
Qñt il dut eſtre baptiſiez
Sifu el flun d'enfer plungiez
Durs ſont li nerf dures les uainez.
Qⁱ deuif ſanc ſont toutes plainez
Mout ai oÿ ſouuent conter
Q՚ on ſouloit iadis trouuer
D'auantures enceſt pais
Qⁱ rachoient les penſis
Chr՚ trouuoient puceles
A loꝛ talant gentes et beles
E dames trouoient amans
Biax courtois pꝛeus et uaillās
Si q՚ blaſmees n'en eſtoient
N'es nus foꝛs elles n'es ueoient
Se ce puet eſtre ne ce fu
Onq՚s a nul eſt auenu
Diex de tout a pooſte
Il enface ma uolante
Qñt elle ot fait ſaplainte iſſi
L'ombꝛe d'un gñt oiſel choiſi
Ꝑmi une eſtroite feneſtre
Ele ne ſet que ce puet eſtre
Enlachambꝛe uolant entra
Giez ot espiez oſtoir ſembla
Decine mues fu ou deſis
Il ſ'eſt deuant la dame aſſis
Quant il iot vn poy eſté
⁊ ele l'ot bien eſgarde
Chr՚s biaus et gens deuient
La dame am՚ueille letient
Li ſans li remus et fremi
Grant pooꝛ ſon chief couri
Mout fu coꝛtois li chr՚s
Il la areſonna p՚miers
Dame fet il n'aiez pooꝛ
Gentilz oiſel a en oſtoꝛ
Seli degre uous ſont oſcur
Gardes que ſoiez aſſeur
Si faites demoy ur՚e ami
Pource ſuige uenus ici
Seuos ai longuem̄t amee
Enmon cuer ml՚t deſirree
Onq՚s foꝛs uous fame n'amai
Neiamés autre ne ferai
Mes ne pooie auous uenir
Ne foꝛs demon pais iſſir
Seuous nem'euſſiez requis
Pr puis bn̄ eſtre ur՚e amis
⁊ la dame ſe raſeura
Son chief decouri ſi ꝑla
Le chr՚ a reſpondu
⁊ dit qu'elle enfera ſon dꝛu
S'en dieu creüſt et ainſi fuſt
Q՚ loꝛ amoꝛ eſtre peüſt
Car mout ꝑ a degñt biauté
Onques vn iour enſon ae
Si biau chr՚ n'es garda
Ne ſi bel iamés neuerra
Dame fet il uous dites bn̄
Neuoudꝛoie pour nule rien
Q՚ demoy iait a cheſon
Meſcreance neſouſpecon
Ge croy tres bn̄ le criatour
Qui nous geta dela triſtour
Ou /adans nous miſt nr՚e pere
Ꝑ le moꝛs de la pome amere
Il eſt et fu et ert touz ioꝛs
Vie et lumiiere as pecheoꝛs
Seuous dece ne me creez
Voſtre chapelain demandez
Dites q՚ mals uous aſouſpͥſſe
Si uolez auoir leſeruiſe
Q՚ diex elmont eſtabli
Dont li pecheoꝛ ſont gari
La ſemblance deuous pñdꝛai
Lecoꝛs dame dieu receurai
Ma creance uous dirai toute
Ia ne ſerez de ce en dote
Elle reſpond q՚ bn̄ adit
De lez li ſ'eſt couchiez el lit
Mes il ne vouſt a lui touch՚
Ne d'acoler ne de beſier
A tant lauielle eſt reperiee
La dame trouua eſueilliee
Diſt li q՚ tans eſt deleuer
Ses dꝛas li uoloit apoꝛter
La dame diſt qu'elle eſt malade
Du chapelain ſepꝛaigne garde
Car grant pooꝛ a demourir
Lauielle diſt oꝛ ſoufferrez
Mes ſires eſt el bois alez
Nus neuendꝛa caiens foꝛs moy
Ml՚t eſt la dame engñt effroy
Semblant fiſt q՚le ſepaſma
Cele lauit mout ſ'eſmaia
L'uis delachambꝛe a defferme
Si a le pꝛeſtre demande
⁊ cil iuint plus toſt qⁱl pot
Coꝛpus domini apoꝛter
Li chr՚s l'a receü
Leuin decalice abeu
Li chapelains ſ'en eſt alez
⁊ lauielles a les huis fermez
La dame giſt lez ſon ami
Ains ſibiau couple neui
Quant on aſſez ris et ioe
⁊ deleur pͥuete conte
Li chr՚s congié a pꝛis
Raler ſ'enuet enſon pais
Elle le pͥe doucement
Q՚ il la reuoie ſouent
Dame fet il qñt uous plera
Ia heure ne treſpaſſera
Mes tel meſure ēeſgardez
Q՚ nus denous ſoit encōbꝛiez
Ceſt uielle nous traira
⁊ nuit et iour nous guetera
Elle aꝑceura ur՚e amoꝛ
S'il contera aſon ſeignoꝛ
S'i ſi auient cō ie uous di
⁊ nous ſoumes iſſi trai
Nem'en puis mie deꝑtir
Q՚ moy n'eneſtuetce moꝛir
Li chr՚ atant ſ'enuet
Engrant ioir ſacuir let
El demain lieue toute ſaine
Mout fu hetie la ſemaine
Son coꝛs tenoit engrant ch՚te
Toute recoure ſabiauté
Oꝛ li pleſt plus aſeioꝛner
Qn̄ nul autre deduit aler
Son ami puet ſouent uëoir
Et ſa ioie de lui auoir
Deſque ſes ſires ſ'en deꝑt
⁊ nuit et ioꝛ et toſt et tart
Elle l'atout aſon pleſir
Oꝛ l'ē doinſt diex longues ioir
Pour la grant ioie ou elle fu
Q՚ ſouent puet uoir ſon dꝛu
Eſtoit touz ſez ſemblans chāgiez
Ses ſires fu mout ueſiez
En ſon courage ſ'aꝑcoit
C'autrement ert qu'il ne ſoloit
Meſcreance au՚s ſa ſeroꝛ
Si la miſt a reſon vn ioꝛ
Diſt li q՚ ml՚t a gñt m՚ueille
Que la dame ſi ſ'a ꝑeille
Demanda lui que ce deuoit
Sauielle diſt q՚l ne ſauoit
Car nus ne puet ꝑler ali
N'ele neuoit dꝛu ne ami
Foꝛs tant q՚ ſole remanoit
Plus uolent՚s qu'el ne ſoloit
De ce ſ'eſtoit aꝑceue
Dont l'a liſires ſreſpondue
Ꝑ foy fet il cecroy ge bien
Oꝛ uous eſtuet fere une rien
Aumatin qñt giere leuez
⁊ uous aurez les us fermez
Fetes ſemblant dehoꝛs iſſir
Si la leſſiez ſole geſir
En vn ſecré leu uous eſtez
Et ſi uoies et eſgardez
Ce q՚ puet eſtre ⁊ dont ce uient
Qui enſi grant ioie latient
De ce conſeil ſunt deꝑti
A las com ierent mal bailli
De ce que on lesuet guetier
Pour eulz trair et engregier
Tiers ioꝛ apꝛés ce conter
Fet liſires ſemblant d'eſrer
A ſa fame diſt et conte
Q՚ li roys l'a ꝑbꝛief mande
Mes haſtiuement reuendꝛa
Delachambꝛe iſt l'uis referma
Dont eſtoit lauielle leuee
Derr՚s une coꝛtine eſt alee
Bien poꝛra oir et uëoir
Ce qu'elle couoite ſauoir
La dame ne iut pas ne doꝛmi
Car mout deſirre ſon ami
Venus ieſt pas ne demoure
Ne treſpaſſe t՚me ne hoꝛe
Enſemble font ioie ml՚t gñt
⁊ ꝑ ꝑole et ꝑ ſemblant
Deſi que tans fu deleuer
Ca dont l'en eſouoit aler
Ele leuit et eſgarda
Coum̄t il uait et il ala
Mes de ce ot ele pooꝛ
C'ōme meuit et puis oſtoꝛ
Quant liſires fu reperiez
Qⁱ n'eſtoit gueres eſloigniez
Lauielle lia tout mouſtre
Du chr՚ lauerité
Mout en eſt dolens et pēſis
Del'enging fu haſtis
A ocirre le chr՚
Quatre bꝛoche afet foꝛgier
D'acier mout agues deuāt
Soz ciel n'ot raſoir plus tñchāt
Quant il les ot appareilliees
⁊ eſchies deuant eſtochiers
Soꝛ la feneſtre les a miſes
Bn̄ ſerrees et ien aſſiſes
Ꝑ ou li chr՚s paſſoit
Qñt aladame reperoit
Hé; diex qu'il neleſet ouuoit
⁊ latraiſon n'a ꝑcoit
El demain alamatinee
Liſires lieue alaioꝛnee
⁊ diſt qu'il veut aler chacier
Lauielle leuet conuoier
Pꝰ ſerecouche pour doꝛmir
Car ne pooit leiour choiſir
Ladame uielle ſiatent
Celui q՚lle aīme loyaum̄t
⁊ dit c'oꝛ poꝛroit bn̄ uenir
Et eſtre olui tout aleſir
Si toſt com el l'ot demande
N'ia plus gueres demoure
Enla feneſtre uint uolant
Mes les bꝛoches furēt deuāt
L'une lefiert ꝑmi lecoꝛs
Li ſans u՚malz en ſailli foꝛs
Qñt il ſeſeüſt a moꝛt n'aurez
D'eſtre ſoꝛ eulz eſt entrez
Deuant la dame el lit deſcēt
Q՚ tout lidꝛap enſont ſenglēt
Ele uoit leſanc et la plaie
Ml՚t angoiſſem̄t ſ'e ſanaie
Il li adit ma douce amie
Pour uous ꝑt ge (ie )lauie
Bn̄ leuous di qu'il auēdꝛoit
Vr՚e ſemblans uous occirroit
Quant elle l'oÿ dont elle chiet pas
Tote fu moꝛte une linee
Il la confoꝛte doucement
⁊ dit que d'eulz n'iuaut neent
Q՚ deluiie eſt groſſe d'enfant
Vn filz auſſi p՚us et uaillant
Icil la reconfoꝛtera
I uonet noumer le fera
Cil uengera et lui et li
Il ocira ſon anemi
Il n'i poit demoꝛer mes
Car la plaie ſainnoit adés
A grant douloꝛ ſ'en eſt ꝑtis
Ele leſeüſt a ml՚t haus cris
Ꝑmie feneſtre ſ'en iſt
C'eſt am՚ueille qu'il ne ſ'ociſt
Car bn̄ auoit uint piez dehaut
D'ilec ou il a pꝛis ſon ſaut
Ele eſtoit nue enſachemiſe
Ou latrace du ſanc ſ'eſt miſe
Qui du chr՚ degotot
Soꝛ lechemin ou il uolet
Icel ſentier erra et tint
Desi c'a une hoge uint
Encele hoge ot une entrer
De ce ſanc fu toute aroſer
Ne pot auant nient uëoir
Dont cuidoit elle bn̄ ſauoir
Que ſes amis entrez iſſoit
De dens ſemet agrant eſploit
El n'i trouua nule clarté
Tant a le dꝛoit chemin erre
Q՚ foꝛs de lahoge eſt iſſue
⁊ en vn ml՚t biau pꝛe uenue
Duſanc trouua l'erbe moilliee
Dont ſ'eſt ele ml՚t eſmaiee
La trace enfu ꝑmi lepꝛe
Aſſez pꝛés uit une cité
Demur fu cloſe tout entoꝛ
N'iot meſon ſal ne toꝛ
Qⁱ n'aparuſt toute d'argent
Mout ſont riche li mandem̄t
Duers leboꝛc ſont li marois
⁊ la foꝛeſt et li deſtrois
Del'autre ꝑt uers ledoion
Coꝛt (uei) une eue tout enuirō
Iluec arriuoient les nes
Plus iauoit detrois cens tres
La poꝛte aual fu deffermee
La dame eſt enlauile entree
Touz iours ap՚s leſanc nouel
Ꝑmi leboꝛc duſc'auchaſtel
Onq՚s nulz alui ne ꝑla
N'ome ne fame n'i troua
El pales uint lepuiement
Deſanc letrouua tout ſanglāt
En une baſe chambꝛe entra
Vn chr՚ doꝛmant trouua
Nel conut pas ſi ua auant
En une autre chambꝛe plus gñt
Vn lit itroue nient plus
Ou vns chr՚s geſoit ſus
Elle ſ'en eſt outre paſſee
En la tierce chābꝛe eſt entree
Le lit ſon ami atroué
Li pecol ſunt d'oꝛ eſmere
Neſai mie lesdꝛas pꝛiſier
Les cierges et lichandelier
Qⁱ nuit et ioꝛ ſunt alume
Valent tout l'oꝛ d'une cité
Si toſt com ele eſt la uenuee
Li chr՚s l'aconeue
Auant ala toute effree
Ꝑ deſſoz lui calpaſmee
Cil la moꝛt qⁱ foꝛmēt l'aīme
Maleure foꝛm̄t ſ'eſclaſme
Quāt du paſmer fu reſpaſſee
Il l'a doucement confoꝛtee
Bele amie pour dieu m՚ci
Alez uous en tolez deci
Semp՚s moꝛrai enmi leioꝛ
Caiens aura ſigrant doloꝛ
Seuous ieſties trouuee
Toute en ſeriez toꝛmentee
Bn̄ ert entre mes gens ſeu
Qⁱl m'ont poꝛ ur՚e amoꝛ ꝑdu
Poꝛ uous ſui dolens ⁊ penſis
La dame li adit amis
Miex vueil enſemble ouoꝰ moꝛir
Qº mon ſeignoꝛ mainne ſouffrir
S'alui reuois il m'ocirra
Li chr՚s leſauuera
Vn anelet li a baillie
Si li a dit et enſaignie
Y atant com el le regardera
A ſon ſeignoꝛ n'ē memberra
De nule rien qui fere ſoit
Ne ne l'entendꝛa ende ſtroit
S'eſpee li coumande et rent
Puis la ꝯiure et lideffent
Q՚ iamés hons n'ē ſoit ſeſiz
Mes bn̄ lagart aes ſon fiz
Quant il ſera creuz et gñz
⁊ chr՚s pꝛeus et uaillanz
A une feſte ou elle ira
Son ſeignoꝛ et lui iuerra
En une abaie uendꝛont
Lamoꝛt renouueler oꝛront
Ꝑ la tombe d'un marbꝛe bis
Et que il fo a toꝛt occis
Iluec libaillera l'eſpee
L'auenture li ſoit contee
Qñt tout li a dit et conte
Vn chier bliaut li a done
Si li coumanda aueſtir
Puis l'a fete delui ꝑtir
Ele ſ'enua l'anel empoꝛte
⁊ l'eſpee qui la confoꝛte
A l'iſſue de lacité
N'ot pas demie leue alé
Quant ele oÿ les ſains ſon՚
Et le duel el chaſtel leuer
P˞ leur ſeignoꝛ qui demoit
Elle ſet bien q՚ moꝛs eſtoit
De (de) la douloꝛ que el en a
Quatre fiees ſe paſma
Quant dela paſmoisō reuint
Vers la hoge ſauoie tint
De dens entra outre eſt paſſee
Si ſ'enreua enſa contree
Enſemblem̄t oſon ſeignoꝛ
Demoꝛa mains dis ⁊ maīt ioꝛ
Que de ce fet ne la ieta
Ne ne deſtruit ne naira
Ses fiz fu nez et bn̄ noꝛris
Et bien gardes et bien iois
Ionet lefirent noumer
El regne ne pot homs trouu՚
Si bel ſi pꝛeus ne ſi uaillant
Si large ne ſi deſpendant
Qñt il fu uenus en ae
A chr՚ l'ont adobe
Enl'an meiſmes que ce fu
Miex com il eſt auenu
A la feſte /ſaint a aron
Com cele bꝛoit a/carlion
⁊ en pluſeurs autres raignes
Li ſires auoit eſté mandes
Qⁱli alaſt oſes amis
A la coſtum du pais
Sa fame et ſon filz menaſt
Et richement ſ'aꝑeillaſt
Iſſi auint aieſſont
Mes il ne ſeuent ou il uont
Mes enſemble oeus vint .i. meſchī
Qⁱl amenoit adꝛoit chemin
Tant q՚ uindꝛent a vn chaſtel
Entout leſiecle n'ot plu bel
Vne abeie auoit dedens
Deml՚t religioſes gens
Li uarles les iherberia
Qui ala feſte lemena
Enlachambꝛe qui fu l'abé
Bn̄ ſunt ſerui et enuoia
Eldemain uont lameſſe oir
Puis ſ'enuoloient deꝑtir
L'abes ala eulz parler
Mout les pꝛia deſeioꝛner
Si loꝛ moꝛſt՚ra doꝛtoir
Senchapitre ſen refectoꝛ
⁊ com il ſunt bn̄ h՚bergie
Li ſires leur a otrie
Leioꝛ quant il oꝛent diſne
Es officines ſunt alé
El chapitre entrent auant
Vne tombe itrouu՚ent gñt
Couu՚te d'un paile roe
D'un chier oꝛ ffroy ꝑmi bēde
Auchief aspiez et as coſtez
Auoit uint cierges alumez
D'oꝛfin oꝛent lichandelier
Dame triſtes li entenſier
Dont il entenſeront leioꝛ
Cele tombe ꝑ grant ennoꝛ
Il ont demande et ēquis
A ceus qui erent du pais
De la tombe qui elle eſtoit
⁊ q՚lz hons fu qui igeſoit
Cil coum̄cerent aplourer
Et emploꝛant areconter
Q՚ c'ert li miendꝛes chr՚s
⁊ li plus foꝛs et li plus fiers
Li plus biaus et li plus ames
Qui iamés ſoit elſiecle nes
Deceſte terre ot eſté roys
Onques ne fu nus ſi coꝛtois
A /dacarnen fu entrepꝛis
Pour l'amoꝛ d'une dame ocis
Onq՚s puis n'euſmes ſeignoꝛ
Ainz auons atendu mains ioꝛ
Vn filz qn̄ la dame engendꝛa
Si com il dit et coumanda
Quant la dame oÿ la nouele
A haute uois ſon filz apele
Biaus fiz fet elle auez oÿ
Q՚ diex uous a amenez ci
C'eſt ur՚es peres qui ci giſt
Q՚ ciſt uiellars atoꝛt occiſt
Oꝛ uos coum̄t et rent m'eſpee
Q՚ i'e aſſez lonc tans gardee
Oiant tous li conneü
Qⁱl l'engendꝛa et ſes fiz fu
Com il ſouloit uenir alui
Et ſes ſires letrai
Lau՚ite li a contee
Soꝛ la tombe cheï paſmee
Enla paſmoiſon deuia
Ainc puis ahōme n'i ꝑla
Quant ſes fiz uit q՚ moꝛe fu
Son parraſtre a le chief tolu
Del'eſpee qui fu ſon pere
Auoit uengie lui et ſamere
Puis c'ainſi eſtoit auenu
Et par la cité fu ſeu
A gñt ennoꝛ la dame ont pͥſe
⁊ elſarqueu poſee et miſe
Delez lecoꝛs deſon ami
Diex leur face bonne m՚ci
Leur ſeingneur firent d'yonec
Ains que il deꝑtiſt d'ilec
Ciſt qui ceſte auanture oꝛrent
Lonc tans ap՚s vn lai en firent
De la plainte et de la douloꝛ
Q՚ ciſt ſouffrirent poꝛ amoꝛ