Par vn mardi aupoint duiour
Meleuai qu'ains ne fis ſeiour
L'an .xxx. ou moys de juing
Si m'en aloie tout ē juing
Ꝑmi .i. veꝛgieꝛ veꝛdoient
Et le chant d'ū oiſſel ſuiuāt
Qⁱ ml՚t me faiſſoit eſioir
Car gracieus ieꝛt al'ouir
De bꝛanche en bꝛanche voletoit
Et de chanteꝛ ſ'es ioiſſoit
Si foꝛment qu'a sō ioli ſon
M'endoꝛmi deſous .i. buiſſō
C'onq՚s l'oiſſelet n'eſloinguai
Mais en cel doꝛmir mesōgay
Q՚ ie eſtoie a/bec oiſſel
Ou /.kl՚. ⁊ maīt damoiſſel
Ieꝛent alez eſbanoieꝛ
La trouuai deſous .i. ioiſieꝛ
Seant aſſez pꝛés delapoꝛte
Raiſon vne dame qui poꝛte
Toute honneur ē li depoꝛtāt
Qⁱ ml՚t ſ'aloit deſcōfoꝛtant
Car meſdis lapute poꝛtee
De /court roumaī. l'ot hoꝛs poꝛtee
Oꝛ c'eſt chiez le conte ē batue
Triſte dolente ⁊ iracue
P˞ lui garantir aſa court
Mais elle amoi tātoſt acourt
Ambedeus les iex leꝛmoiāt
⁊ ſus leſiege veꝛdoiant
Sous vne ante defruit chargie
S'aſiſt les moy ꝑ ꝯpaignie
Cōme dame de bon afaire
⁊ ie enpꝛis gñt ioie afaire
Car ſa cō paignie oï ml՚t chieꝛe
Ainſi cō ie leuai lachieꝛe
Qñt l'oï recōnue au ꝑleꝛ
Choiſſi deſus moi de valeꝛ
Vne tāt groſſe ⁊ laide yraigne
Q՚ de la hydeur ie me ſaingne
Qⁱ a vne bꝛanche pendoit
Ꝑ .I. fil dont elle aualoit
⁊ rampoit de bas ꝯtremōt
De quoi ie mem՚ueillai ml՚t
Ap՚s ⁊ que ce pouoit eſtre
⁊ qu'elle ieꝛt venue ē ſi bel eſtre
Ainſi que le bas deſcendoit
La mouſtrai raiſon demō doit
Car ml՚t eſtoit laide ⁊ enflee
A la mouche c'eſt refrotee
Ou pꝛis ot ſon pꝛemieꝛ venin
Si eſgardaſmes sō chemin
Oꝛ entendez q՚lle aloit q՚rre
Vn crapout venime ē t՚re
Qⁱ couchiez ieꝛt ala rouſee
Deſus l'eꝛbe pence enueꝛſee
Pour auoir la douceur du vēt
⁊ li yraigne ml՚t foꝛment
De ſa pance ou pis lepiquoit
Sifoꝛt q՚ tout l'enuenimoit
⁊ li crapous tantoſt lecours
Couroit q՚rre auplantaī ſecours
Dont fait auoit ſapourueance
Et y teꝛdoit poitrine ⁊ pence
Tant que tous li venins iſſoit
De ſon coꝛs auſin gariddoit
Tan toſt qu'al'eꝛbe eſtoit frotez
Eſtoit de touz maus neſtoiez
Et qñt il eſtoit bn̄ gueꝛis
Du raleꝛ n'eſtoit pas marris
Veꝛs l'iraigne mais tout courāt
S'en retoꝛnet v՚s li courāt
Ainſſi les vi .iij. fois ou .iiij.
En ſemble piquieꝛ ⁊ combatre
Car li crapous tout dis ſ'ailloit
A l'eꝛre ouil ſe refrotoit
De quoi il eſtoit pour veus
Mais il fu ꝑcus ⁊ veus
De l'iraigne oꝛrés cōmēt
Elle tray laidement
Et cōme elle ot pute pensee
Elle fiſt nouuelle fillee
⁊ veꝛs teꝛre ius de vala
Tant qu'al'eꝛbe jus ſ'a vala
Si la de ſa touaille ē cloſe
En tour ala reonde ⁊ moꝛſſe
De ſon venin partel moꝛſure
Q՚ mourir le fi ſt amoꝛt ſure
Le crapout qu'elle ala remoꝛdꝛe
Car qñt il ſecui da ramoꝛdꝛe
A garant pour gardeꝛ de moꝛt
Aleꝛ le conuint aſa moꝛt
Ainſi fuil trais ⁊ moꝛs
Ꝑ la moꝛſure du mal moꝛs
LOꝛs demandai dame raiſon
Que rendꝛe me vouſiſt raisō
Pour die de ceq՚lle veoit
⁊ aquoi tourneꝛ ſepouoit
Freꝛe dit elle biax amis.
Cilz mouſtres q՚ diex t'a tramis
Mouſtre qu'ainſſi va tout limōdes
Cil qui plus doiuēt eſtre mōdes
Sont de mal plus abandōnez
Dont li plueples eſt v՚gondez
Celle yraigne q՚ voi la pendꝛe
Au filet monteꝛ ⁊ deſcendꝛe
Si delie que peꝛceuoir
Nel puet nulz de loing ne vëoir
Ce ſont li menteur traitour
Qⁱ vont les grans ſeign˞s ētour
De tour entour ſi toꝛnoiant
Qⁱl les font viure en beſtoꝛnant
Le fil qui ſi deſlie tourne
C'eſt le cueꝛ couueꝛt qⁱ beſtoꝛne
L'onnour abiau ſemblāt mouſtreꝛ
Dont il fait maīt bn̄ beſtourneꝛ
Li crapous eſt li menus pueples
Qⁱ met ſon chatel ⁊ ces muebles
En la dieu gr̃de ⁊ ſe refieꝛt
Qñt il voit que on le ſeur quieꝛt
A ſon ſeigneur garēt requieꝛt
Si cō li crapous au plantain
Qⁱ y trouua .iij. foys deplain
Sa ſanté ⁊ ſa gueꝛiſon
Mais tu veis latraiſon
De l'yraigne ⁊ en tel manieꝛe
Le te di par parole entieꝛe
Eſt il de ce pueple menu
Qñt il cuide eſtre ſouſtenu
De ſon ſeingneur ⁊ garentis
Ꝑ bour deurs traiteurs mentis
Le trueue ſi en venime
D'acointemēt faus ē pene
Q˜ moꝛt ſon liures ⁊ rauis
Tel gent ſont pire qu'anemis
Quar en trair les bōs decoiuēt
Q՚ ꝑ les grāz depetis boiuent
Souuēt le ſanc ⁊ la ſuour
⁊ de teniebꝛes font luour
Si que de mal poꝛt՚ ſepeꝛēt
Q՚ li petit entr'eus ꝯpeꝛent
Qñt il ont .i. pꝛeudōme poīt
De leur venin il ne mueꝛt poīt
Ꝑ legarant de ſon ſeigneur
Loꝛs font il traisō greigneur
Le plantain vōt ē venimeꝛ
Qⁱ ſe connoiſt ē mō rimeꝛ
Ꝑ cel plantain poōs ē tendꝛe
Les ſeigneurs qui doiuēt deſfādꝛe
La gent baſſe de moꝛt gr̃deꝛ
S'adꝛoit vouloiēt regr̃deꝛ
Oules trueue ſi en techiez
De venī c'eſt duelz ⁊ meſchiez
Qñt li haut hōme de haut pⁱs
Sont ainſi des maues ſurpⁱs
Ceꝛtes trop ē fōt arepñdꝛe
Si fait bon del ſauoir ēpñdꝛe
La gloſe ⁊ la ſenefiance
Si vous en dirai la sāblāce
Et la veꝛité pour ꝯnoiſtre
Ceſont li vice c'ō voit croiſtre
De plus en plus ⁊ tāt mōteꝛ
Q՚ les v՚tus font ſeurmōteꝛ
Si com li crapous le t'a pñt
Qⁱ ſon venin cōſoit ⁊ pꝛent
Sa douleur ⁊ ſapulentine
A l'iraigne pute voiſine
Qⁱ ſon venin cōſoit ⁊ pint
A la mouche ⁊ en tel point
C'on ci viēt li venīs de poindꝛe
De point en point mais ne ſet poīdꝛe
Ne mouſtreꝛ ne dire les poins
Qu'aſſez pires ne ſoit li poīs
Delangue demeſdiſſās poīte
Q՚ de nꝰ venins ne de pointe
De coutiau. tant ſoit apoītiez
Dont eſt mal haus hōs acoītiez
Quia atel gent acointiſſe
Ne qu'a eulz a en nulle guiſſe
Preuete niacointement
Sifaite gent ceꝛtement
Ne deuſſent eſtre acoītiez
Mais mal venus ⁊ hoꝛs chaciez
P˞ dieu riches hōs nes eſcoutez
Mais lapointure d'eulz redoubtez
Q՚ tu ne ſoiez eſcharniz
Et des pꝛeudōmes te gr̃niz
Dōt pꝛoufit biēt ⁊ mueꝛt dōmages
⁊ ſi en vendꝛa bōs vſages
Car n'eſt treſoꝛs d'oꝛ ne d'argēt
Q˜cointiſſe de bōne gent
Et cilz qui des mauuez ſ'a˞pche
Aquieꝛt ſi vilain repꝛoche
Q՚ touz iours lieſt repꝛochiez
Dōt ti pñ gardez ⁊ n'a˞pchiez
Gent de vilain repꝛochemēt
S'abn̄ veus faire a˞pchemēt
⁊ tout ton lignage honoꝛeꝛ
Plus ne pꝰ otoy demoureꝛ
Mais iete di qui fait raiſon
A i tant del aleꝛ ſ'atoꝛne
Dame raiſons ⁊ ie retoꝛne
Mon chief auſſi ꝯme eſtourdiz
Sim'es ueillai/ cifaut lidiz
De l'iraīgne oꝛ ypꝛaīgne gr̃de
Qⁱ ſe veut metre en bōne gr̃de