QVi ce liure vouldꝛa ētēdꝛe
Ml՚t de biē y poꝛra apꝛēdꝛe
Q՚ amaſſer plēté d'auoir
Et qui tendꝛa ces ꝑaboles
Ces exāples ⁊ ces friuoles
A moquerie ne a truffe
Biē ait qⁱ li dōra buffe
Un leu qui fu de male ꝑt
Glout ⁊ enfrū ⁊ de mal art
S'ē oſſa ꝑ meſauēture
De l'os d'une chieure ml՚t dure
Qñt en oſſe fu ſi reqⁱſt
Les beſtes ſauuages ⁊ diſt.
Q՚ qⁱ l'os oſter li poꝛra
Qñt g՚redō li en fera
Les beſtes ꝑlerent ensāble
Ꝑ foy diſt renart il me sāble
Q՚ la grue biē le guerroit
Se ētremetre ſ'en voloit
Le leu le cōmēce a pꝛier
Q՚le ſe haſt de li aidier
Et quā q՚le demandera
Ꝑ ſa foy il li paiera
La grue ſi crut ſa ꝑole
Sa teſte ⁊ sō col cōme fole
En la gueule au leu a lāciee
Hoꝛs en treſt l'os ſi ſ'eſt dꝛeciee
Et dit au leu q՚ il li doit
Gñt loier ⁊ q՚ il le poit
Diſt le leu ml՚t t'ē dois pꝛoiſier
Qñt de la gueule a l'aduerſier
Es iſſue ſans mal auoir
Autre loier n'ē pues auoir
Qvi atel ſert il doit a pꝛendꝛe
Q՚ g՚redon n'ē doit atendꝛe
Mais douter ſe doit de domage
Et garder ſ'en ſe il eſt ſage
Bataille fu d'oiſiaꝰ volans
Encōtre les beſtes courans
Grant et moꝛtelet perilleuſe
Et de chaſcune ꝑt douteuſe
La leur fu plaine de boiſdie
De barat ⁊ de tri cherie
Le chat hua a ſon lait coꝛs
Qⁱ puis en fu a honte hoꝛs
Il ſ'a pēſa q՚ il faīdꝛoit
A chaſcun quides ſiens ſeroit
Et qñt enſamble chaplerōt
De ceulz ſe tendꝛa q՚ vaincrōt
Aus oꝛeilles ⁊ alateſte
Sābloit miex .i. chat qu'aut՚ beſte
Aus eles a oiſel ſambloit
Raiſon eſt car oiſel eſtoit
Sa fauſſeté ſi fu ſceue
Et des .ii. ꝑs aꝑceue
Chaſcūs le het ⁊ le deſfie
Nulz ne fu au las en ſaye.
Le loſeng՚ ſi com me sāble
Qñt il voit ſes voisīs ensāble
Troublez faīt ꝑ loſengie
A chaſcun q՚es de ſa ꝑtie
En l'oꝛeille va l'un blamāt
A l'autre en refait autretāt
La haine fait cōferm՚.
Q՚ il fait ſambler d'afiner
Qñt ſa fauſſeté eſt ſceue
Et des .ij. ꝑs aꝑceue
Chaſcūs le het n'ē doutez mie
Et refuſe ſa cōpaignie
Come l'a leur eſt demenez
Qⁱ d'eſtrages eſt de pꝛiuez
Fu hais ꝑ ſa trich՚ie
Mal ait cil qui vit de tel vie
La mouche a eſté de bataille
.I. toꝛel fier ⁊ oꝛgueilleꝰ
Et dit qu'il nel doute maaille
Et le deffi a a l'eſtreus
Qñt le toꝛel a deceu
Q՚ la moulche l'a en vilté
Dire ⁊ d'oꝛgueil ſ'eſt eſmeü
Et hulle et fait gñt tēpeſte
La mouche dit ne te t˜uaille
Trop auras demain a ſoffrir
Moie eſt l'ōnoꝛ de la bataille
Qñt ce vendꝛa au deꝑtir
Dit le toꝛ ſe ie te teniſſe
Ie te teniſſe a eſcient
Q՚ tel cop du pié te feriſſe
Et moꝛir a tres gñt toꝛm̄t
Diſt la mouche ſire toꝛel
Soiez ycy demain sās faille
Sachiez voꝰ y lairez la pel
Car g'i ſerai ꝯm̄t qⁱl aille
Ie toꝛel ſi n'oblia mie
Ice q՚ la mouche li diſt
Ou chāp vīt plaī de felonie
Vllant et gñt tēpeſte fiſt.
Et qñt la mouche l'a veü
Si vola en l'air ꝑ deſſeur
Et diſt ſire trop es meu
Pres eſtes de coꝛre moi ſeure
Uous en ſerez poꝛ fol tenu
De toꝰ ceulz qui voꝰ ont veü
Noꝰ ne ſomes pas ꝑ ygal.
Tu es .i. gñt toꝛel coꝛnu
Et ie .i. eſcuireul menu
Tu te dois cōbatre au cheual
Chaſcūs ſe moq՚ du toꝛel
Qⁱ virēt men՚ tel reuel
Ꝯme .i. taon qⁱ riēs ne mōte
Avtreſſi du foꝛt damoiſel
Qñt il ſe pꝛent a .i. harel
Honneur n'ē puet auoir mais hote
Li riches hons de gñt pooir
Ne doit pas gñt honoꝛ auoir
D'eſtriuer a .i. nō puiſſant
Dōner li doit de ſon auoir
Ꝑ raiſon et faire aſſauoir
Qⁱl le lait nō pas aytant
Uns hons fu qⁱ .i. aſne auoit
Qⁱ ſa beſoigne li faiſoit
Et ſi eſtoit batus ſouuēt
Ne autre loier n'ē auoit
Foꝛs les chardōs q՚ il mēioie
Dōt il auoit eſcherſem̄t
Un ioꝛ ſe giſoit ē l'eſtable
Et n'ot eſtrain chardō ne paille
Sō meſtre eſgarda qⁱ mēioit
Le pain net ⁊ la char qⁱl taille
Qⁱl tent a sō chien ⁊ li baille
Qñt en l'eſpaule le feroit
Il ſ'a pēſa q՚ il n'auoit
Foꝛs toꝛm̄t de ce qⁱl faiſoit
Et le chiēnert ſi a aiſe
Poꝛ la ioie q՚il menoit
A ſon meſtre ⁊ a ſa meſtreſſe
Il pēſa q՚ auſſi fera
Et q՚ sō meſtre ioura
Sauoir ſe il l'ē ameroit
Des piez ēcōtre li ſaudꝛa
Et en l'oie le ferra.
Auſſi cōme le chien faiſoit
Il viet q՚l n'ōt de riēs tenu
A ſon meſtre eſt errāt venu
Des piez deuant l'a acole
(A po qu'il ne la afole)
Pꝰ l'a en l'oie feru
Du pié deſtre qⁱ ferre fu
A po qu'il ne l'a afole
Aus dēs l'a ꝑl'eſpaule pꝛis
Et eſtraīt ⁊ a t՚re mis
Sus le vētre li eſt mōtez
Et qñt ce virēt ces amis
Ses ſergēs ſa fame ⁊ ſes filz
L'aſne ont batu et tē peſte
Il cuidēt qu'il ſoit foꝛſene
L'oïe l'ont ⁊ enchaine
Si q՚ il ne ſe pot boug՚
Oꝛ eſt l'aſne mal aſſene
Car batus eſt ⁊ mal mene
Et ſi n'a q՚ il puiſt meng՚
Celi eſt fol a eſcient
Qⁱ de ce qⁱ ne li apent
S'entremet ⁊ fait pꝛiſautier
Cōme l'aſne qui folem̄t
Ml՚t ꝑchei en gñt toꝛm̄t
Voult tolir ah chier sō meſt՚
Li leus ſ'ē entre en vne lande
Souffreteꝰ foꝛm̄t de viāde
Si erra tant qⁱl ot veü
Vne vacherie ml՚t grande
Oꝛ ail tot ce qⁱl demande
De coꝛre a eulz fu eſmeü
Les chiēs qⁱ les bꝛebis gardoiēt
Si voiēt q՚ les leus venoient
Mēg՚ ⁊ tuer les bꝛebis
Du gñt maltalēt qu'il auoiēt
Les chiens ꝯtre les leꝰ ē ꝑloiēt
Tāt q՚ les leꝰ ſ'ē ſont foui
Oꝛr oez q՚ les leus feront
Ꝑ traiſon ſe vēg՚ont
Des chiens qu'il ne pueent trouu՚
Et pꝰ les bꝛebis mēgerōt
Si que ia vne n'en lairont
Poꝛ tant qⁱl la puiſſe trouu՚
Dont ont les leus fait aſſauoir
Aus bꝛebis ſ'il veulent auoir
Pais a eulz a toute loꝛ vie
Les chiēs leur ferōt faire auoir
Qⁱ faire ē puiſſēt leur deuoir
Car v՚s eulz ont gñt felōnie
Les bꝛebis ſ'eſiouent ml՚t
De la req՚ſte q՚ il ont
Les chiēs leur ont abādōnez
Pꝰ les mouſtrēt la ou il ſont
Ou ſe doꝛmoiēt en .i. mont
Errāmēt furent deuourez
Oꝛ pueent pꝛendꝛe les bꝛebis
Car ia n'ē ſerōt cōtredis
Moꝛs ſont leurs chiens Et leurs gagnons
Tous ceulz ſont folz ⁊ mal bailli
Qⁱ baillēt a leurs ēnemis
Leurs eſpees ne leur baſtōs
Uous poez biē ceſt exāplaire
Oiant ſages ⁊ fox retraire
Celi eſt folz qⁱ ſa deffenſſe
Abādone a ſon adu՚ſaire
Biē en poꝛroit a mal Chief traire
Qvi meſt՚ en a ſi y pēſe
Une ſoꝛis paſſer voloit
.I. flueue mais el ſe doutoit
Q՚l ne noiaſt ſ'el ſ'i meiſt
Et q՚ iamais ne ſ'ē iſſiſt
Vne raine a aꝑceue
Qⁱ du flueue ſ'en eſt iſſue
Poꝛ dieu li pꝛia hūblem̄t
Qⁱl la ꝯſeillaſt loialm̄t
De paſſer l'yaue a ſauueté
Si fuſt auec sō ꝑēté
Qⁱl deſire moult a vëoir
Ꝯ foꝛm̄t ſont recce d'auoir
Diſt la ſoꝛis ie t'aiderai
Volētiers ⁊ en bone foy
Et qñt de l'autre ꝑt ſeras
Tout eſt tiē quāq՚ tu verras
Poꝛ ce li dit qu'ele pēſoit
Q՚ a l'yaue l'enuoieroit
.I. fil pꝛiſt lueq՚s trouua
L'un bout en sō pié li loia
Et l'autre au pié de la ſoꝛis
Et puis ſe ſont ou flueue mis
La raīne en l'yaue ſ'eſt lanciee
La ſoꝛis a ali lanciee
Tant a ꝑ l'yaue trainee
La ſoꝛis q՚l fu deuiee
Sa volēté a acōplie
Ꝑ barat ⁊ ꝑ tricherie
Ꝑ auēture ainſi auint
C'un eſtouffle ꝑ ilec vīt
La ſoꝛis flotāt ot veue
Si toſt cō l'ot aꝑceue
A la ſoꝛis ſ'eſt arreſtee
La raine au bec a a poꝛtee
Qⁱ ſ'eſtoit au fil atachiee
Ainſi fu la ſoꝛis vēgie
Car la raīne qui l'ot tuee
En toſt du buſard deuoꝛee
QViconq՚s veult q՚ l'ē ſe fie
En li et q՚ le ſ'i afie
Aidier li doit ou il li die
Q՚ il n'eſt pas de ſa ꝑtie
Car qui oeure de traiſon
Auoir en doit mal g՚redō
Un vouſtre viel ⁊ de gñt aage
Emplume et plaī de malage
Veoit qⁱl ne ſe puet aidier
Ne ſa vitaille pourchacier
A vn aigle ꝑ auenture
En tourna ſa meſauēture
Les aigles a mēgiez treſtous
Car il eſtoit trop fameillous
De dens le ni ſ'eſt a croupis
Le miex qu'il puet ſ'eſt atapis
Et qñt l'aigle a poꝛtoit paſtel
Au bel receuoit le moꝛſel
Long tēps l'a l'aigle apaſtelee
Et noꝛrie et ſa oulee
N'onq՚s de riens ne ſ'apcut
Tant cōme le voultre ſe tut
.I. ioꝛ fu qⁱl fiſt gñt tēpeſte
Qⁱ ml՚t mal fiſt a maīte beſte
De pluie ⁊ de vēt ce me sāble
De ſcriſtre ⁊ de tōnoure enſamble
Et qñt le tōnoirre failli
Et le tēps ſe fu embelli
Delez ſon ny l'aigle ſeoit
Qⁱ durem̄t mouilliee eſtoit
Ses elles fiert ⁊ ſi ſes queult
Tout trāblat du froit q՚ il eut
A l'eſgreſſe diſt qⁱl eſtoit
Tout entrepꝛis ⁊ ſi n'auoit
Onq՚s mais ſi mal tēps veü
L'eſtouffle ne ſ'eſt pas teu
Et li diſt ains q՚ fuſſes ne
Fui ie iadis plꝰ mal mene
D'une tēpeſte de gales
Tele ne fu ne n'ert iamés
Quant ce ot dit ſi ſ'aꝑcut
La teſte baiſſa ſi ſe tut
L'aigle ⁊ l'aigleſſe l'ōt oÿ
Qⁱ n'ē furent pas eſioy
Diſt l'aigle tu n'es pas mō filz
Q՚ ainq՚s feüſſes nez vis
Tu noꝰ as nos faons mēgiez
Maītenāt en ſerons vēgiez
Plus toſt qⁱl vindꝛēt ali vīdꝛet
Aus bes ⁊ aus onq՚s les pͥſtrent
Toꝰ les mēbꝛes li deſpecierent
Et hoꝛs du coꝛps li errachierent
Sa traisō po li valut
Car ꝑ ſa traiſon moꝛut
Encoꝛe ſ'il ſe fuſt teu
N'eult il eſté aꝑceu
Mais pechié et ſa( ſa)
Langue enſamble.
L'encōbꝛerent ſi cō moy ſamble
Ul tourne ſouuent acontraire
A ꝑler qñt on ſe doit taire
Car qñt on doit as gēs ꝑler
L'en ſe doit p՚miers auiſer
Q՚ l'ē ne die vilonnie
Ne choſe qui toure a folie
UN lyon de noble figure
S'a cōpaigna ꝑ auēture
A .i. aſne lait et chetif
Qⁱ moꝛt sābloit trop miex q՚ vis
En vne foꝛeſt en entrerent
Les beſtes ſauuages trouu՚ent
Qⁱ poꝛchacoiēt leur paſture
Chaſcune ſelō ſa nature
Sachiez que toutes ſ'ē fouirēt
Si toſt cōme le lyon virēt
Car toute beſte crient lyon.
Ꝑ nature et par raiſon
Qñt le lyon les regarda
Errāt a l'aſne cōmāda
Qⁱl ſe haſtaſt de req՚ner
Poꝛ les peſtes eſpoēter
L'aſne fiſt sō cōmandem̄t
Il recana ſi laidem̄t
Et ſi hault c'ōq՚s tel tēpeſte
Ne fiſt onq՚s mais nule beſte
Car il sābloit aꝑtem̄t
Q՚ rōpu fuſt le firmam̄t
Et q՚ toꝰ deüſt deualer
Et toute riens acrauēter
Les beſtes tel poour en vrent
Q՚ il ne ſoꝛent ou il furent
Ne nule ꝑt n'osēt fouir
Car tout oirēt retētir
El bois entour ⁊ enuiron
L'aſne renfoꝛca ſa raiſon.
Et cria plꝰ hideuſem̄t
Qⁱl ne fiſt au cōmēcem̄t
Le lyon aus beſtes ē vīt
Et celes qⁱl volt
A l'aſne diſt tes toy bernart
Biē en as deſerui ta ꝑt
Dont cuida bernart l'oꝛelu
Le fol le lourt ⁊ le pelu
Poꝛ le bꝛaire qu'il auoit fait
Q՚ ꝑ igal au lyon fait
Sire lyon ce dit b՚nart
Vr՚e copaīs n'eſt pas muſart
Il n'a ou mōde beſte nee
Qⁱ plus de moy ſoit redoutee
Ce diſt le lyon ne ſcaioit
Ton pooir ⁊ qⁱ ne taroit
Onq՚s en ſa vie veü
Il deuroit eſtre eſpoir meu
Qⁱ t'oꝛroit ſi hydeuſem̄t
Recaner et ſi hautem̄t
Ie meiſme paour euſſe
De toy ſe ne te cōneuſe
Mais qⁱ tres biē te ꝯnoiſtoit
Ia tō re caner ne creindꝛoit
Ceulz de qⁱ tu es cōgneu
Et qui ont autre fois veü
Qⁱ ont deſpit tō ꝑēté
Toy ⁊ toute ſa pooſte
Aaucun ſont qⁱ poꝛ hault crier
Et poꝛ glatir et poꝛ jāgler
Cuidēt c'ō leur doie obeir
Et honoꝛer et chier tenir
Qⁱ biē vouldꝛoit tex gēs nōmei
Bernars les deuroit apeler
Car au ꝑler puet on ſauoir
Li q՚l doiuēt honoꝛ auoir
Uns hōs oꝛgueilleus
Cruel ⁊ ēuiſus
Si volt aler chacier
.I. poꝛel eſgarda
A qui il cōmāda
Qⁱl li veniſt aidier
La vache ⁊ la bꝛebis
En a auſſi reqͥs.
Qⁱ volētiers yront
A la voie ſe mētent
Toꝰ .iiij. ⁊ ſ'a ꝑeillēt
Plus lōc ſeioꝛ n'i font
.I. cert ont encōtre.
Tout .iiii. l'ont frape
Tāt q՚ il l'ont occis
.iiij. q̃rtiers en font
Poꝛ ce q՚ .iiii. ſont
Deuāt l'eulz les ōt mis
Seignoꝛ dit le lyon
Oez q՚ noꝰ feron
Ie veil ce cerf ꝑtir
La pꝛ՚miere ꝑtie
Ie l'ai bien deſeruie
Qⁱ ne vauldꝛa mētir
Pour quoi q՚ ie ſui roy
Raiſoneſt ꝑ ma foy
Q՚ i'aie la ſecōde
La tierce le plus foꝛt
Larai ie m'i acoꝛt
Se n'ē ſui i'ē me ꝯte
La uatre qⁱ vouldꝛa
Prēdꝛai ie a qⁱ plaira
Entēdez voꝰ ce ꝯte
Le lyon ꝑ meſtrie
Ot tout en ſa baillie
Entēdez q՚ ce mōte
Qui ert en cōpaignie
D'ū cruel plain d'ēuie
N'ē puet auoir foꝛs hōte
Qñt il a gaaignie
Et il eſt hault ⁊ lie
Si viēt ſon cōpaignō
Qⁱ pꝛēt tout a ſa ꝑt
Et l'apele muſart
Traitre et glouton
Un leu ⁊ .i. agnel
Buuoiēt du ruiſſel
Qⁱ deſcēdoit du mont
Le leu vit l'aignelet
Qⁱ ſambla tendꝛet
Si le deſirra moult
Vne achoiſon q՚rra
De quoi il le metra
A moꝛt ⁊ a toꝛm̄t
Et pꝰ l'eſtrāglera
Ainſi cō il vouldꝛa
Et fera sō talent
Il a dit a l'aignel
Tu me lairas ta pel
Cuiu՚t ⁊ deſlioal
Tu troubles le ruiſſel
Dont ne m'eſt mie bel
Autre fois m'as fait mal
L'aignelet li a dit.
Entendez .i. petit
Raiſon ⁊ bone ⁊ vraie
Voꝰ eſtes ꝑ deſſus
⁊ ie ſui de ca ius
Troubler ne voꝰ poꝛroie
Dit le leu autre fois
Paſſe a ia .ix. mois
M'ē as tu fait deſpit
De l'aignel ne piet eſtre
I'eſtoie encoꝛe a neſtre
Si cō ma moꝛe dit
Tu dis q՚ i'ai mēti
Trop ſui oꝛe amenti
Qñt ſi ꝑles a moy
I'ai eſté trop ſouffrable
Ce ſoit ꝑ le dëable
Qñt plꝰ ie te ſouffri
L'aignelet a mēgie
Ainſi ſ'en eſt vengie
Le leu ꝑ sō outrage
Onq՚s ne li meſfiſt
N'aignelet ne li diſt
Ne foꝛfait ne outrage
Chaſcuns ſe doit garder
De mauuais encontrer
Se dame dieu me voie
Qⁱ n'ē puet eſtriuer
A li ne doit iangler
Mais aler en ſa voie
Un chien fu qⁱ paſſoit
.I. flueue et ſi poꝛtoit
.I. quartier de moutō
En l'yaue ſe miroit
Sō obmre reſambloit
.I. chiē de ſa facon.
La char li volt tolir
Q՚ il voit reſplendir
Si a ſa gueule ouu՚te
La char ſi li chai
Dolut li de ſa ꝑte
Aſſez de char auoit
Et l'autrui conuoitoit
Dōt il ꝑdi ſa pꝛoie
Qu'autreſſi li ſeroit
S'ainſi l'ē auenoit
Chaſcun en auroit ioie
Cil qui veult a la gent
Tolir a eſcient
Le leur ⁊ sās raiſon
A trop bon dꝛoit ꝑdꝛoit
Le ſien q՚ il auroit
Cō le chiē le moutō
Un jay bel ⁊ iolif
Deuint lait ⁊ chetif
Ꝑ sō oultrecuidāce
Car il ſe foꝛioy
Poꝛ ce q՚ il oÿ
Faire de li loāge
Il ot ē gñt deſpit
Tous les iays q՚ il vit
O eulz ne daigne aler
O les paōs ſe (tint) t˜ioit
Poꝛ ce q՚ il cuidoit
Au paon reſambler
Qñt les paōs le virēt
En gñt deſpit le tīdꝛēt
Et le vouldꝛēt tuer
Ses pēnes li arrachēt
Et bequēt et menacent
Si qⁱl ne puet voler
Aus yays eſt retoꝛnez
Plume et malmene
Coꝛroucie et dolant
Il l'ont d'entr'eulz oſte
⁊ bechie et hurte
Si qu'il fu tout sāglāt
QVi ſes parens renee
Pour men՚ gñt poſnee
Et pour hōnoꝛ auoir
Aucun tēps reuēdꝛa
Qⁱl ſ'en repētira.
Ꝑ dꝛoit le pues ſauoir
Un aigle pꝛis auoit
.I. lieure qu'il mēioit
Mais ēcoꝛe ert ē vie
.I. moiſſō le gardoit
Qⁱ au lieue diſoit
Rāpoſnes ⁊ folie
Chetif diſt le moiſſon
Ml՚t fus fol ⁊ bꝛicon
Qñt tu te leſſas pꝛēdꝛe
Riens ne te vault ploꝛer
Ne te pues eſchaper
Moꝛs es sās plꝰ atēdꝛe
Uu eſtoier ſaillans
Et leg՚ ⁊ courans
Auſſi cōme .i. oiſel
Oꝛ eſt cy atrape
Et hōni et mate
Et y lairas la pel
Q՚ t'ont valu tes ſans
Roſtruēges et maulz
Q՚ ſoloies ſauoir
Il n'a ſouz ciel leurier
Ne chien ne lyonnier
Qⁱ te peüſt auoir
Qñt acrhier ne doutoies
Ne reuel ne cremoies
Vaillant .iiij. boutōs
Car trop iē te ſauras
Garder toi de leurs pas
Et bouter es buiſſons
Celui qⁱ te plaindꝛa
Et qⁱ te ploꝛera
Certes aura toꝛt
Qñt garder te ſauoies
Et ſi ne te gardoies
Biē eſt q՚ ſoies moꝛt
Qñt ſ'ot dit le moiſon
Et fine ſa raiſon.
Tantoſt fu deuoure
D'un eſpeurier ramage
Ml՚t fu po de domage
Car trop auoit dure
Se le moiſſon ſceüſt
Qu'auenir li deüſt
Foꝛm̄t ſe fuſt doute
Ia le lieure n'eüſt
Eſcharni qⁱl peüſt
Ne dit adu՚ſité
Pechié eſt ⁊ folie
De dire en vilōnie
A hom deſcōfoꝛte
Tel eſtoꝛ hui ēnuie
Qⁱ demaī n'i ert mie
Ains ꝑdꝛa ſa sāte
Le chiē fiſt adiourn՚
aus plais pour demāder
A la bꝛebis .I. pain
Qⁱl auoit pꝛeſte
Cil diſt en loiauté
Qⁱl ne moꝛoit de fain
Certes diſt la bꝛebis
Ꝑ ma foy vous pleuis
Qⁱl a dit fauſſeté
Onq՚s ioꝛ qu'il veſqⁱſt
Aide ne mefiſt
Ne pꝛeſt n'autre bōte
Trop bōs teſmoīs en oÿ
Diſt le chiez ꝑ ma foy
Qⁱ biē le iurerent
Oꝛ les fai dont venir
Diſt le iuge ⁊ oir
Vouldꝛai q՚ il dirōt
Le leu tout pͥmerain
A mis auāt ſa main
Qⁱ a ſa foy mētie
Et diſt qⁱl yeſtoit
Qñt le chien yauoit
Preſte de pain ꝑtie
L'eſcoufle et le buſart
Eſtoiēt d'autre ꝑt
Qⁱ diſtrent q՚ il virent
Q՚ le chiē li bailla
Le pain ⁊ ſ'en ala
Et nient plꝰ n'ē oyrent
Il conuint qu'el rēdiſt
Vouſiſt ou ne vouſiſt
Le pain q՚le n'ot mie
Treſtoꝰ les faus teſmoīs
Qⁱ ſont et p՚s ⁊ loīs
Enuoit diex d'ure vie
Qⁱ doit aus plais aler
Il ſe doit biē douter
De faꝰ teſmoīs atēdꝛe
Il font le dꝛoit vſer
Et le toꝛt releuer
Poꝛ fiāce de pꝛēdꝛe
Une lime d'acier
Qu'ert chiez .i. ſerrurier
Trouua .i. fol ſerpent
Il la cuida mengier
Si la pꝛiſt a rūgier
Trop angoiſſeuſem̄t
Les dens ſont deſpeciees
Rōpues et bꝛiſiees
Et il furent ſanglant
La lime ſ'eſt moquie
De quoi c'eſt gñt folie
Et li a dit bꝛiem̄t
Fol ſerpent maloſtru
Poꝛ quoi me rūges tu
Dont ne ſui ie d'acier
Ie mēiue le fer
Si ert dur cōme enfer
Et tu me veulz meng՚
Maſche hardiem̄t
Et eſtraī biē la dent
Ia ne m'ē ſentirai
Tu t'ē iras sāglāt
Coꝛroucie ⁊ dolant
Et ie m'ē mo q՚rai
Folie eſt d'eſtriuer
Ne de g՚re mener
A plus puiſſant de li
Qⁱ ſ'en poꝛroit garder
Sens ſeroit d'eſtriuer
La riote ⁊ le plai.
Un larron fame pꝛiſt
Qⁱ ml՚ grs noces fiſt
De toute la valee
Ml՚t firent lieem̄t
Treſtout ꝯmunem̄t
C'un qui fu en la place
Ses voiſins li ont dit
Qu'il entende au deduit
Et face lieem̄t
Ꝑ foy diſt il ſeign˞s
Ie pēſoie oꝛe ailleurs
Et voꝰ dirai ꝯm̄t
I'oÿ iadis conter
Q՚ diex voult marier
Le ſileil a la lune
Ml՚t deſplut ala gent
Chaſcun en fu dolent
Diex leur diſt en cōmune
Ce n'eſt pas a mō veil
Q՚ demenez tel duel
Dites qui ce vous fait
Sire ce mariage
Nous toꝛne a gñt domage
Chaſcuns le ſcet ꝑ tout
Al n'eſt c'un ſeul ſoleil
Si ne ſauons conſeil
Qñt eſt en ſachalour
Si eſchauffe le mōde
Entour a la reonde
Qⁱ tout eſt en doleur
Qñt marié ſera
Soleil engenderra
Plus bel biē le ſauez
Adonq՚s il duira
Treſtoꝰ embꝛaſera
Sire aicōis noꝰ tuez
Il n'a cy c'un larron
Et tant le redouton
Qⁱ ne ſauons q՚ faire
Qñt marié ſera
En fans engendꝛera.
Qⁱ ſeront de putaire
Il noꝰ poꝛra greu՚
Et le n՚re rober
Car il reſamblerōt
Au pere ⁊ ala mere
Raiſon eſt ꝑ /s՚ pere
Ie ia biē ne feront
L'en doit ml՚t redouter
Et fuire et eſchiuer
Multepli de mauués
Et les bons eſſaucier
Et amer et pꝛoiſier
Car trop n'ē ert iamais
Une aronde eſgardoit
.I. vilain qui ſemoit
Sō chāp en ſon coꝛtil
Elle a dit aus oiſiaus
Q՚ chaſcuns ſoit iſniaꝰ
D'oſter ſoy de peril
La ſemence cueillon
Et noꝰ en ſaoulon
Q՚ sēme ce vilain
Noꝰ noꝰ repentirō
Se croiſtre le leſſon.
Ce voꝰ di pour certain
Les vilains en feront
Les rez ſi noꝰ pꝛēdꝛōt
Et metront a toꝛment
Les oiſiaꝰ l'eſcharnirēt
De ce q՚ il oirent
Et n'en firent noient
Qñt la chanure leua
L'arōde retoꝛna
Les oiſiaꝰ ſi leur pꝛie
Alōs tout eſrachier
Ce chanure ⁊ debꝛiſier
Le vilain n'y eſt mie
Au matin yalon
Ne doutōs .i. boutō
Riens qu'il face ne die.
L'arōde ſi fu ſage
Et ne fu pas ſauuage
Mais la gēt douta moult
Qⁱ pꝛēnent les oiſiaus
Tant ſachēt eſtre iſniaꝰ
A leurs rez q՚ il fout
Os maiſons a la gent
Qⁱ la doutent foꝛm̄t
S'eſt alee anichier
Et ſa moꝛt ya vne
Et miſe en leur baillie
Si l'ē tiēnent plꝰ ch՚.
Oꝛ ſont ml՚ repētās
Les oiſiaus ⁊ dolās
Qⁱl ne crurent l'arōde
Car il ſont atrapez
Pris et acouuetez
Aus rez ꝑ tout le mode
Ne ie ne me m՚ueil
Dont qⁱ ne croit cōſeil
Si ſ'ē repent ſouuent
Qñt l'ē li dit raiſon.
Il eſt fol ⁊ bꝛicon.
S'il ſcet ⁊ ne l'entent.
L'en ſe doit cōſeillier
Qñt viēt au cōmēcier
S'eſt man՚e de ſage
Car qui trop atēdꝛoit
A paine eſcheueroit
En la fin le domage.
Un gñt vilain pele
Gras ⁊ biē ſaoule
S'aſſiſt en ſa maiſon
.I. haſterel deuant
L'ala ſouuēt poignāt
En bibet ou taon.
Un cop geta en vain
Le vilain de ſa main
Sus la teſte pelee
Malem̄t le bleca
Sa mouche n'atoucha
Dōt poīt ne li a gree
La mouche ſe trauerſe
Poignant fu ⁊ diu՚ſe
C'eſtoit ꝯtre ſa moꝛt.
Le vilain aticha
Et il ſe coꝛrouca
Et li diſt qu'il a toꝛt
Il la cuida ferir
Mais il ſot biē fouir
Et grunchier en volant
Vne tres gñt paumee
S'eſt le vilain dōnee
Il en geta .i. ris
Et iura /.s՚. denis
Q՚ tant y ruera
Qu'ē aucune maniere
Ou deuant ou derriere
A ferme l'a taīdꝛa
Il l'ataint ſus ſa teſte
Si n'ē fiſt pas gñt feſte
Ains feri en ſeurſant
Toute l'a eſcachiee
Sa teſte en fu ſouilliee
Deſſus le front en hault
Ie tiēg a gñt folie
De faire vilēnie
A plus poiſſant de ſoy
La en pert biē la vie
Sage eſt qⁱ ſe chaſtie
Qⁱl n'ē voiſt a belloy
UN cop eſt toſt rue
Et .i. home tue
Fol eſt qⁱ ne ſe doute
Trop enchacier fait mal
A pié ⁊ a cheual
Bō fait tenir ſa route
Oꝛ oez d'un lyon
Qⁱ ſe poīt ou talon
D'une beſche d'eſpine
Il ne l'a ſot oſter
Ne ne pot endurer
L'angoiſſe qⁱ n'afine
Moult fu foꝛm̄t dolent
Car il ne ſot ꝯm̄t
Il puiſt ſanté auoir
Miex amaſt a moꝛir
Q՚ tant de mal ſentir
Se fuſt a ſon voloir
Il n'a beſte trouuee
En toute la cōtree
Qⁱ le ſache guerir
Du mal dont il enrage
⁊ poīt ne ſ'aſſouage
Prez eſtoit de moꝛir
Moult pꝛez d'ilec auoir
.I. paiſtre qⁱ gardoit
Vne gñt bercherie
Le lyon l'aꝑcut
Qⁱ en tāt come il put
Enu՚s li ſ'abādōne
Le paſteur ſ'eſt doute
Q՚ ne ſoit fauſſeté
De ſon humilité
Derrieres ſes bꝛebis
S'eſt couchiez ⁊ tapis
Mais le lyon ſ'auāce
Son pié li a tēdu
Ml՚t a biē entendu
Le paſteur qui li faut
Le pié pꝛiſt en ſa main
De merde et ſonc plain
Il le tert ⁊ ſ'en faut
Gveris fu li lyon
Ꝑ petit d'achoiſon
Le paſteur en m՚cie
Et li baiſe la main
Le paſtour de sō pain
Li a dōne la mie
Le paſtoꝛ fu iugie
A moꝛt ꝑ sō pechié
Ap՚s ceſte auēture
Liez fu al'eſtache
Le p՚uoſt le menace
De moꝛt cruel ⁊ dure
Le paſtour ſi crioit
Merci quanqⁱl pooit
Mais nulz n'y volt entēdꝛe
Le lyon l'a veü
Qⁱ biē l'a congneu
Sa bōte li voult rendꝛe
Il eſt du bois ſailli
Tout dꝛoit ſ'en vient a li
Bruiant de gñt fierte
Le p՚uoſt ſ'en fouy
Et chaſcun le ſuiui
Foꝛm̄t eſpoente
Nul ne ſauoit eſcrire
La gñt ioie ne dire
Q՚ li fiſt le lyon
De la dolour li poiſe
Plus de .C. fois la boiſe
En la bouche ou menton.
Le pꝛevost et la gent
Retournerent bꝛiem̄t
Qⁱ tous ſont eſbahi
Le paſtour eſgarderent
Q՚ a trouuer cuiderent
Deuoure ⁊ occis.
Paſtour diſt le p՚uoſt
Il n'eſt home qui t'oſt
Faire mal ne hontage
Poꝛ l'amoꝛ du lyon
Treſtout te ꝑdōne
Plus n'y auras domage
Di noꝰ ꝯm̄t ce vet
Q՚ ce lyon te fait
D'amoꝛ tel demouſtrāce
Se nulz te meffaiſoit
Biē ſai qu'il l'occirroit
S'ē pꝛēdꝛoit la vēiāce
Par foy diſt le berchier
Il vint a moy l'autr'ier
Malade en ſon talon
De lo oÿ gñt pitié
Si li gueri ſon pié
N'i ſai autre raiſon
Pour .i. po de ſeruice
Qⁱl fiſt ꝑ ſa frāchiſe
Le paſtour au lyon.
Ot il ſauue ſa vie
De moꝛt qu'ot deſeruie
D'une homicidion
La bōte n'i ert ꝑdue
Qⁱ ne recoit rendue
Sage eſt qⁱ bōte fait
Pour une en auō .C.
Ainſi /iheſu le rent.
Q՚ l'ē aoure ⁊ crient.
UN aſne traueillie
Dolant et traueillie
.I. keu yeſt venu
Si le raui a nu
De ſa gueule baee
Il ot ml՚t gñt pitié
Du las qui traueillie
Eſtoit ⁊ endoꝛmi
En la quele ꝑtie
Sens tu greigneur hachie
Diſt le leu bel ami
La ou tu tiēs ta poe
Me dueil plus qu'ē la ioe
Q՚ i'ai toute rōpue
D'un cop q՚ .i. aſnier
Me dōna deuant hier
D'une groſſe maſcue
L'aſne cuide eſtre pꝛis
Deuoure ⁊ occis
Du leu haſtiuem̄t
Le leu de li auoit
Tel pitié qu'il ploꝛoit
Et l'ē peſoit foꝛm̄t
Se .i. hom deſloial
Se repentoit du mal
Qu'aroit fait en ſa vie
Tout le biē qⁱl feroit.
Des gens tenus ſeroit
Mal et ypocriſie
Chaſcuns ſe doit garnir
En ſon p՚mier venir
De bien faire ⁊ ſauoir
Hōs de maluais renon
Traitre ne larron
Ne poꝛ honour auoir
Un leu eſtoit mucie
Et de pꝛez enchacie
Si ne pooit fouir
En .i. bꝛueil ſ'eſt lācie
Et tapi et mucie
Paour ot de moꝛir
UN home ſe ſeoit
Lez li qui regardoit
Le l'en merci li pꝛie
Poꝛ dieu biaꝰ doꝰ amis
Ie ſui ala moꝛt mis
Neant eſt de ma vie
S'il te pleſt ie viurai
Ou ſe non ie moꝛrai
C'eſt a ta volenté
Le veneur vient cy
Qⁱ ia n'aura m՚ci
De ce las ne pitié
Car il me het de moꝛt
Et ce n'eſt mie toꝛt
Iel'ay biē deſeruie
Mais ſe puis eſchaper
Q՚ ſaufm'ē puiſſe aler
I'amēderai ma vie
I'ay gñt pitié de toy
Dit le bouuier ꝑ foy
Ia ꝑ moy ne moꝛras
Au veneeur dirai
Si toſt cō le verrai
Q՚ ꝑ dela t'en vas
Sire vr՚e merci.
Ie demourai dont cy
Poꝛ dieu de moy pēſez
Li archier ſont venu
De berſer eſmeü
Et les ars enteſez
Ov eſt le leu alé
Qⁱ eſt cy deuale
Fiſt li arbaleſtiers
Il toꝛna ꝑ dela
Si toſt cō deuala
Ce reſpont le bouuier
OT puis leur a gaignie
La ou il ert mucie
Mais pas ne l'ētēdirēt
Oultre ſ'en ſont paſſez
Plus n'i ſont arreſtez
N'ōq՚s pꝰ n'y reuīdꝛent
Sire dit le bouuier
Biē poez de ſbouchier
Vꝰ eſtes eſchape
Se ne fuſt m'aye
Vꝰ fuſſiez hoꝛs de vie
Et pꝛis ⁊ atrape
La lāgue ſoit ſauuee
Et de dieu honoꝛee
Dit le leu biaus amis
Les ex ſoient creuez
Et tous eſbourbelez
Qu'ē la teſte as aſſis
Encuſe me cuidas
Qñt tu guignas en bas
Si feis meſpꝛoiſon
Autre choſe pēſoies
Q՚ tu ne leur diſoies
Si eſtoit traiſon.
Qvi pꝛomet ala gent
Ou bonté ou argent
Q՚ faire ne puet mie
Ap՚s regaīgne ē bas
Q՚ n'ē nel face pas.
Li fait gñt vilēnie
oupillez nouuiaꝰ nez
Furent pꝛis ⁊ poꝛtez
D'un aigle a ſes faons
Pēſa qu'il leur dōroit
Et leur deſpeceroit
Tous ꝑ menus lardōs
Ie gourpill ſi reqⁱſt
L'aigle qu'il li rendiſt
Poꝛ dieu ſes gourpilles
Pꝰ diſt q՚ nō feroit
Et q՚ il en dōroit
La char a ſes aiglos
Le goꝛpil fu dolant
Qñt ne pot autremāt
Gñt feu a alume
Deſſoꝰ le ny a l'aigle
Malem̄t l'aꝑeille
De paour eſt paume
Les aigles baaillierēt
Du gñt chaut qu'il ſenterent
Mais ne poꝛent foir
L'aicle ne ſcet q՚ faire
En hault cōmēce a bꝛaire
Et biē cuide moꝛir
Rendez rendez lairon
Ou ycy voꝰ pēdꝛon
Dit le pere au gourpil
Treſtoꝰ les terendꝛai
Diſt l'aygle ꝑ ma fay
Si m'oſte le ꝑil.
Le goꝛpil ꝑ ſon art
Si fiſt l'aigle couart
St li rendi ſa ꝑte
Onq՚s ſon biau pͥer
N'i pot auoir meſtier
Ne de batre ſa teſte
Par ce poez ſauoir
Q՚ qui ne puet auoi
Le ſien puet depꝛoier
Aucun art doit pēſer
Et faire ⁊ auiſer
Dōt il ſe puiſt aidier
UN cheual ſi ſe vit
En .i. pꝛe ou peſſoit
A li vint .i. lyon
Et li diſt qⁱl eſtoit
Bō mire ⁊ qⁱl ſauoit
De toꝰ mauls gueriſon
Sire dit le cheual
Lonc tēps a q՚ i'ai mal
En .i. des piez derriere
Se me poez guerir
Biē le voꝰ puis merir
En aucune maniere
Frere dit le lyon
Couche toy ſi verron
Le mal aꝑtem̄t
Ie ne me pꝰ couch՚
Ce reſpōt le deſtrier
Si en ſui moult dolent
Souffrez dit le lyon
Quāq՚ noꝰ voꝰ feron
Et ne regibez mie
Le cheual biē ſauoit
Q՚ le lyon pēſoit
A tolir li la vie
Daiſſiez voꝰ ſire miere
Si verrez ꝑ derriere
Dit le cheual le mal
Biē vit q՚ li lyons
Le voult pꝛēdꝛe au talon
Oꝛ oez du cheual
De ſes .ii. piez arriere
A ſi frape le miere.
Q՚ il l'a a frōte
Mire diſt le cheual
I cuit q՚ de ce mal.
N'aurez iamais ſanté
Folz eſtoit le lyon
Qñt volt ꝑ traiſon
Decoiure le cheual
Car ſe il biē vouſſiſt
Tex .xiiii. en vainquiſt.
Et leur rendiſt eſtal.
Qvi veult ꝑ traiſon
Ouurer biē eſt raiſon.
Q՚ il en ait hōtāge
S'il ſe puet autrem̄t
Deliurer de tourm̄t
De mal ⁊ de domage
LI coulon ſi cremirent
L'oiſelierre qu'il virent
Prenāt leur cōpaignōs
Il ꝑlerent enſamble
Ca dit l'un ce me sāble
Cōme oiſeleurs felōs
Deſtruit nr՚e lignage
Et noꝰ fait gñt domage
Treſtoꝰ noꝰ occira.
Se n'auōs .i. garant
Sage pꝛeu et ꝑlant
Qⁱ noꝰ garātira
Il ont de l'eſpeurier
Fait leur gonfanōnier
Leur iuge ⁊ leur ſeigneur
Qⁱ .i. ⁊ .i. le pꝛent
Et le va deuourant
Treſtoꝰ de ioꝛ en ioꝛ.
Trop mauuais iuge auō
En l'eſpeurier felon
Ce dit .i. qⁱ le vit
Ia ne noꝰ deffendꝛa
Mais toꝰ ioꝛs mēgera
Car de nos ſans ſe vit
Il noꝰ eſt plus nuiſant
Q՚ l'oiſeleur deuant
Chaſcuns le puet vëoir
Qñt iuge le feiſmes
Et ſus noꝰ le meiſmes
Ce fu ꝑ nō ſauoir
Il crient plus l'oiſelier
Qⁱ l'aloe eſpeurier
Mal noꝰ en deffendꝛa
Qñt les verra venir
Poꝛ noꝰ pꝛēdꝛe ⁊ murtrir
D'eſpeurier ſ'en fuira
A peril eſchiu՚
Se doit on biē garder
De chëoir en greignour
Cōme les coulons furēt
Qⁱ abandō moꝛurent
Poꝛ leur mauuais ſeigneur
UN fol cheual heoit
.I. cerf qui li auoit
Trop malem̄t meffait
Aſſaudꝛe ne l'oſoit
Car ſes coꝛnes doutoit
Q՚( [...]) poignātes voit
UN veneeur requiſt
Qu'aide li feïſt
Du cerf metre ala moꝛt
Et il le ſeruiroit
Toꝰ les ioꝛs qu'il viuroit
Car moult ſe sētoit foꝛt
Le veneur l'a pꝛis
Qⁱ tantoſt li a mis
Et le frain et la ſele
Biē eſtoit le cengla
Vns esꝑōs chauca
Qⁱ oꝛent gñt roelle
Sus le cheual ſailli
Et le cerf acailli
Qⁱ moult eſtoit courant
Et ꝑ mons ⁊ ꝑ vaus
Et ꝑ plains et ꝑ gaus
L'ala foꝛm̄t chacant
Le cerf riens ne poꝛtoit
Qⁱ ml՚t legier eſtoit
Poꝛ noiant le chacoiēt
Iamais ne le ꝑiſſent
Poꝛ coꝛre qⁱl feiſſēt
Gñt folie faiſoiēt
Le cheyal ſ'ert ſaillāt
Et traueillie foꝛmāt
Ce n'ert mi m՚ueille
Gñs cops le va ferāt
Et derriere ⁊ deuant
Et trop mal l'aꝑeille
Le venerres felons
Si fiert des esꝑons
Si q՚ li ſans en ſault
Mais le cheual auāt
Ne puet ne tāt ne qñt
Car le cuer ſi li fault
Il a l'ōme reqⁱs
Qⁱ ſus lieſt aſſis
Q՚ il ſe ſueffre atāt
Et qⁱl le lait aler
Ꝑ les chāps paſturer
Cōme il faiſoit deuāt
Aler ne te lairai
Diſt li hōs ꝑ ma fay
Car a moy t'ez ſouſmis
Mais tāt ꝯ tu viuras
Toꝰ ioꝛs me ſeruiras.
De gré ou a ēuis
Le cerf ſ'out onq՚s mal
Mais moꝛt fu le cheual
Ꝑ ſi gñt felōnie
Qⁱ tuer le cuidoit
Poꝛ ce q՚ il auoit
Le veneur en aye
Ꝑ qui fu derōpu
A moꝛt ⁊ ꝯ fundu
Si cōm oÿ auez
Ꝑ ſon outrecuidāce
Fu il mis a outrāce
Et a la moꝛt alez
L'en a ſouuēt fiāce
En tel dont gñt nuisāce
Viēt pꝰ bien le ſauez
Poꝛ ce ſe fait trop mal
Qⁱ ſe ſouſmet a mal
Poꝛ faire autrui gⁱetez
Il auient ml՚t ſouuent
Q՚ l'en veult gñt toꝛm̄t
Faire a ſon cōtraire
L'ē ſe met ala moꝛt
Ou en gñt deſcōfoꝛt
Biē l'e oÿ retraire
UN coꝛbel ſi eſtoit
En .j. arbꝛe et mēioit
.I. petit de fromage
Renart l'a auiſé
Qⁱ toſt fu auiſé
De faire li domage
Diſt renart ꝑ ma foy
En tout le mont ne ſoy
Nule ſi bele beſte
Cōme voꝰ dant coꝛbel
Car fuſſent auſſi bel
Et de coꝛps ⁊ de teſte
Il n'eſt oiſel volans
Plꝰ de voꝰ ſoit plaiſant
Qⁱ voꝰ verroit eſtendꝛe
Trop groſſe vois auez
Qñt voꝰ chāter volez
Plꝰ n'y a q՚ repꝛendꝛe.
Le coꝛbel l'a oÿ
Ml՚t ſ'en eſt eſioy
Si ſ'eſt dont effoꝛcie
De cler chant՚ et hault
Car lie eſtoit ⁊ baut
Ꝯtre mont ſ'eſt dꝛecie
Si cō ſon bec ouuri
Poꝛ eſclarcir ſon cri
Li chay le fromage
Renart deſſoꝰ eſtoit
Qⁱ riens plus n'atēdoit
Si le pꝛiſt cōme ſage
Le coꝛbel ſ'eſt moquie
Qu'i lavoit engignie
Si diſt en sō lāgage
Ꝑ foy ſire coꝛbel
Voꝰ chātez oꝛ ml՚t bel
Se n'auez le fromage
Qvi croit quanq՚ il ot
Il eſt muſart ⁊ ſot
Il eſt ſouuēt dolant
Trop eſt de mēcōg՚s
Et de faus loſeng՚s
Poꝛ de coiure la gent
Une chieure pꝛenāt
Vit vne autre geſant
Son lit li a requis
oꝛ dieu qⁱl li p՚ſtaſt
Tāt qu'il les chaaillaſt
Ses chaaillos petis
Cele en ot gñt pitié
Son lit li a leſſie
Et cele y faonna
Et qñt elle reqⁱſt
Q՚ ſon lit li rendiſt
Cele le rāpoſna
Po d'amoꝛ m'auez fet
Encoꝛ nului ne vet
De mes petis faons
Oꝛ m'ē volez chacier
Certes po m'auez ch՚
Le ſeioꝛ n'eſt pas lōs
Qñt ie le voꝰ p՚ſtay
Diſt l'autre ꝑ ma fay
Ce ne fu qu'a vne heure
Oꝛ yauez eſté
iiij. lons ioꝛs d'eſté
N'eſt ce pas gñt domage
Puis q՚ ie n'ē ay grez
Plus n'y demoꝛerez
Ꝑ la foy q՚ voꝰ doy
Oꝛ toſt voidiez mō lit
Vꝰ n'i gerrez ēnuit
Si aiſt diex a moy
Certes ſe fuſſēt gñt
Diſt l'autre mi enfant
Poꝛ toy ne m'ē ꝑtiſſe
Mais oꝛ m'ē ꝑtirai
Et ſi te merirai
Encoꝛ ceſte frāchiſe
Gardez voꝰ de ꝑſter
Et du u՚re liurer
A gent de male foy
Car ia gré n'ē ſaront
Et rendꝛe nel voudꝛōt
Pieca qu'eſpꝛouue l'oÿ
Le criquet ot diſete
En (en )⁊ pou՚te
Au fourmi eſt venu
En ploꝛant li reqⁱſt
Q՚ bonté li feïſt
D'un po de blé menu
Et qu'il moꝛroit de fain
Ia n'ē auroit demain
Se il n'auoit aye
Oez ſire criquet
Se malem̄t voꝰ vet
C'eſt ꝑ vr՚e folie
Qñt ie me pourchacoie
Du blé et garniſſoie
De coi ſeruoies tu
Il reſpont ie chātoie
Et gñt ioie menoie
Mais oꝛ ſui abatu
Sire emp՚s ie chanter
Deuſſiez biē baler
Le fremi li adit
Ia ne voꝰ aiderai
Ne biē ne voꝰ ferai
Certes tāt ſoit petis
Gueres ne m'ameroit
Cil qui me loeroit
Q՚ le miē voꝰ dōnaſſe
Et qñt i'aroie fain
Ou ē nuit ou demain
Au bois q՚rre l'alaſſe
En doit en ſa ionece
Gaaignier la richece
Dont ſon viure ē auāt
Et cil qⁱ ce ne fet
Poure ⁊ chetif ſ'ē vait
Droit eſt ꝑ /.s՚. amant
Il ot en vne lāde
Vne beſt ml՚t gñde
Qⁱ auoit lō la viſte
El mēioit les toꝛiaus
Les cers ⁊ les cheuriaꝰ
Et li dain ⁊ la biche
Tant qͥl n'ot riēs leſſie
Q՚ treſtout n'ot mēgie
C'un treſtout ſeul toꝛel.
Il diſt en sō lāgage
Ce n'eſt pas gñt domage
Se de moy as la pel.
A bon dꝛoit noꝰ as moꝛs
Treſtoꝰ foibles ⁊ foꝛs
Car nulz n'y ot aye
S'au pͥmier d'un acoꝛt
Fuiſſions et d'ū reſſoꝛt
Ne fuſſes oꝛ en vie
Se toutes t'euſſon
Hurtees d'un randon
Tu fuſſes deuouree
L'une a l'autre n'aida
Car chaſcune cuida
Eſtre plꝰ depoꝛtee
L'un doit l'autre garder
Et deffendꝛe ⁊ tēſer
Auſſi cō ſoy meiſme
Qⁱ ainſi le feroit
Ꝑ tout ſeur ſeroit
Mais ycy fault la rime
Dela la mer griffaīgne
Oultre vne gñt mōtaigne
Ot iadis .i. royaume
Dont le roy eſtoit ſinge
Chaſcune choſe ⁊ nice
Si ot de taigne hyaume
Deux bachelers erroient
Qⁱ ꝑ le mont q՚roiēt
Auētures diu՚ſes
En ce royaume entrerēt
Gñt plēté y trouuerēt
Singes et autres beſtes
Deuant loy les māda
Le roy et cōmanda
Qⁱl dient v՚ité
De ce qⁱl req՚rra
Ou moꝛir les fera
A duel ⁊ a vilté
Dit l'un ie voꝰ dirai
Sire ce q՚ ſarai
Oꝛe dont dit le roy
Q՚ te ſamble de moy
Et de mes chl՚rs
Sire il n'a roy en terre
Qⁱ peüſt tenir g՚re
A voꝰ ne a vos gens
Voꝰ eſtes plus puiſſans
Et bel ⁊ auenans
Et plus c'uns autres gens
Voꝰ eſtes plꝰ gñt ſire
Et plꝰ large ꝯ ſans ire
Et plain de coꝛtoiſie
Qu'/alixādꝛes n'eſtoit
Ou tēps q՚ il viuoit
De ce ne dout ie mie
Uoſtre cheualerie
Eſt de biauté garnie
De bonté ⁊ de ſens
Chaſcun a courtoiſie
En sō cuer herbergie
Qⁱ y maīdꝛa toꝰ tēps
Ii roys ſ'en eſioy
Qñt ſi loer l'oÿ
Gñt don li a dōne
Chaſcun de ſa meſnie
Quāqⁱl a en baillie
Li a habādōne
Li roys .i. cōpaignō
L'auoit mis a raiſon
Et requiert qⁱl li die
Qⁱ li eſtoit auis
De li et du pays
⁊ de ſa barōnie
Si pēſa qⁱl aroit
Trop plꝰ ſe voir diſoit
Q՚ n'ot sō ꝯpaignon.
Qⁱ mēcōg՚ eſtoit
De quāqu'il li diſoit
Et ſi ot maīt bel don
Sire roys eſcoutez
Fait il et ſi oꝛrez
Ce qⁱl m'ē eſt auis
Singe lait ⁊ pele
Deuez eſtre apele
Voꝰ ⁊ toꝰ vos amis
Uous n'eſtes mie gens
Mais ſinges oꝛs pullens
Et plain de cruauté
Et tout vr՚e pays
Mauués eſt ce m'eſt vis
Riens n'y a de bōte
Les beſtes l'aſſaillirent
Qñt leſdeng՚ l'oirent
Et tout l'ont deuoure
Fol fu de dire voir
Car biē pooit ſauoir
Qⁱ en aroit mal gré
Mētir pour gré auoir
Vault miex q՚ dire voir
⁊ ꝑdꝛe coꝛps ⁊ vie
Voir dire ſans domage
Deuroit tout home ſage
Car mētir eſt folie
UN biau cheual de pͥs
Poignot v՚s .i. larris
Ꝑ vne eſtroite ſente
Qⁱ y eſtoit entre
De gaus poꝛtoit biē .xxx.
Qñt le cheual le vit
De li ot gñt deſpit
Et foꝛm̄t ſe deſroie
Il li diſt ꝑ ayr
A moy dois obeir
Et leſſier moi la voie
Moult ay heu gñt los
Es tournois ⁊ es os
De maīt vaillāt baron
Et tu chetis puans
N'ez pas obeiſſans
A ma noble facon.
Se iamais t'encōtroie
Certes ie t'occirroie
Se n'obeis a moy
Poꝛ ce q՚ chargiez ez
Et q՚ poꝛtes gñs fez
Ceſte foys ſoufferrai
Sire ml՚t de m՚cis
Biē ſai q՚ i'ai meſpꝛis
Iamais ne m'auēdꝛa.
Qñt venir voꝰ verrai
Ia fai ne me tendꝛa
Ains q՚ paſſe le mois
Fu le cheual redois
Chetif ⁊ mal mene
v fieus poꝛt՚ fu mis
Deſcharne ⁊ chetis
Et poit ne fu ame
L'aſne ſi l'a veü
Qⁱ biē l'a cōgneu
Pris l'a a rāpoſner
Ou ſont oꝛ vos loꝛains
Vos ſeles ⁊ vos frains
Q՚ ſoliez poꝛter
Biē poꝛroie oꝛe aler
Delez voꝰ et paſſer
Venꝰ eſtes au bas.
Pris auez mō meſtier
Dont ie me ſoy aidier
Si deuez dire hé las
Oꝛgueil ne vault nëant
Ce n'eſt c'un po de vant
Qⁱ toſt eſt cheus ius
Le roy de maieſté
Eſſance humilité
Qⁱ tout voit de laſſus
Lez vne gñt fontaine
Sus gravier clere ⁊ ſaīne
S'eſt .j. cerf arreſte
En l'yaue ſe mira
Ses coꝛnes eſgarda
Ou ml՚t ot de biauté
Tant li plurent foꝛm̄t
Qⁱl ne pꝛiſoit noient
Mēbꝛe q՚ il eüſt
Mais domage li firēt
Car ala moꝛt le mirent
Ains q՚ .v. ans eüſt.
Les iambes a veues
Grelles lōgues oſſues
Si les pꝛiſt a blanmer
Mō foꝛps fait il eſt gñt
Et charneus ⁊ peſant
Si n'es poꝛrōt poꝛter
Les veneurs les virēt
Qⁱ foꝛm̄t l'aſſaillirent
Et il pꝛiſt a fouir
Plꝰ toſt c'un olifant
Il n'eſt deſtrier courant
Qⁱ le poiſt cōſuiure
En .i. bois eſt entre
Mal l'en eſt encōtre
Si voꝰ dirai ꝯm̄t
Ses coꝛnes l'arreſterent
Aus bꝛāches ou hurterēt
Si le pꝛiſtrēt la gent
Les iābes deſpꝛiſoit
Et petit les amoit
Dōt biē eüſt ꝯfoꝛt
Ses coꝛnes trop amoit
Et iooit et pꝛiſoit
Poꝛ ce ot il la moꝛt
Une maniere auon
Q՚ loons ⁊ amon
Souuēt nr՚e domage
Et nr՚e pꝛeu heon
De ce gñt toꝛt auon.
Eſpꝛouuō ce langage
Les veneurs chacoient
Aus chiēs q՚ il auoiēt
Les lieures ꝑ les chāps
Les lieures ſi fouirent
Deuāt les chiēs qⁱl virēt
Toꝰ de paoꝛ tramblās
UN flueue ont auiſé
Si ſe ſont auiſé
Q՚ noier ſi yrōt
Si ne les aront mie
Les chiēs faꝰ plaīs d'ēuie
Ne ia n'ē mēgeront
Qñt p՚s du flueue vīdꝛēt
Et les raīnes oyrent
Q ſus la riue eſtoient
En l'yaue ſont ſaillies
Mais ne sōt pas noies
Q՚ biē noer ſauoient.
UN des lieures les vit
A ſes cōpaignōs dit
Ne noꝰ occiōs mie
Cōme ces beſtes cy
Qⁱ mais n'arōt m՚ci
Car ꝑdue ont leur vie
Plus foꝛt de voꝰ cremon
Et c'eſt dꝛois ⁊ raiſon
Auſſi ſomes doutez
De plus foibles de noꝰ
Si ne leur volōs noꝰ
Ne mal n'adu՚ſitez
Oꝛ treſtoꝰ retoꝛnon
Ia .j. ſeul ne verron
De cele gent dernee
Encoꝛ poꝛrō auoir
Ce me dit mō eſpoir
Maīte bone ioꝛnee
Ap՚s le tēps pluie
Et let ⁊ ēnuie
Viēt le bel ce ſauez
Ap՚s les gñs coꝛrous
Et les duelz et les plours
Raurō ioies aſſez
L'en ſe doit cōfoꝛter
Et nient deſcōfoꝛter
Poꝛ choſe qⁱ auiēgne
Chaſcūs ſe doit pener
Du mal entr'oublier
Et q՚ biē ſe maītiegne
Un chaſtel gñt ⁊ bel
Fu fonde de nouuel
En vne gñt valee
Lez vne gñt mōtaīgne
Haute et ml՚t griffaigne
Dont ſouuēt neſt fumee.
Ceulz du chaſtel oyrent
Dont foꝛm̄t ſ'eſbahirēt
La mōtaīgne vller
Et hault crier ⁊ bꝛaire
Auſſi cō fuſt tōnairre
Et treſtoute croller
Ue gñt paour trāblerēt
car l'eure ne garderent
Q՚ le mont tourmētaſt
Sus eulz ⁊ ſus la ville
Ou de gent ot biē mile
Dont ia .i. n'eſchapaſt
Qñt ce tēps fu paſſe
Si ſe ſont a pēſe
Q՚ eulz vëoir yrōt
Qu'a on ē la mōtaigne
De coi choſe ſe ſaigne
Et q՚ tout en chairont
UN moq՚ur ſi vit
Vne ſoꝛis ſi dit
Biē ſai q՚ c'a eſté
La mōtaigne eſtoit pꝛaīs
Si a gete gñs plaīs
Et pꝰ a enfāte.
Une laſſe ſoꝛis
En queurt ꝑ ce larris
Biē la poez vëoir
Poꝛ petit d'achoiſon
A ml՚t gñde tencō
Biē ſe doit a pooir
Chaſcun ꝯmēce a dꝛe
Et affermer ⁊ dire
C'onq՚s mais tel paoꝛ
N'oꝛent ioꝛ qⁱl veſquiſt
Poꝛ choſe qu'il veïſt
Ne ꝑ nuit ne ꝑ ioꝛ.
Tel menace moult foꝛt
De mehaīg ou de moꝛt
Qⁱ petit pueent faire
Qⁱ biē les ꝯnoiſtroit
Leurs moes ne craindꝛont
Vne poꝛrie poire
UN taon ſi ſ'aſſiſt.
Sus .i. Mulet qu'il vit
Aler ꝑmi la voie
Qⁱ moult chargie eſtoit
D'un gñt fais qu'il poꝛtoit
Ou de cyre ou de ſoye
Qñt vit ala veſpꝛer
Si ſe pꝛiſt a pēſer
Le taon ⁊ a dire
Ahy ſire mules
Voꝰ poꝛtez trop gñt fez
Ie ne voꝰ veil plus nuire
l eſt volez arriere
Oꝛ eſtes plus legiere
Fait il ſire mulet
Poꝛte m'as lōguem̄t
Ie t'ai moult malem̄t
Greue et trop meffait
Le mulet li reſpont
Tu ne poiſes pas mont
Gueres ne m'as greue
Mō fais poiſe autretāt
Ꝯ il faiſoit deuant
Q՚ tu fuſſes leue.
Avcun cuident creuer
Plus foꝛt d'eulz ou tuer
Mais mēt ne leur meſfont
Car gens de gñt pooir
Et plains de gñt auoir
De po greuez ne ſont
Mes membꝛes rāpoſnerēt
Le ventre et ſe tēnerent
Q՚ il li ont tant fait
Iamais ne le peſtrōt
Ne bien ne li feront
Ainſi ſe ſont retrait
Pour quoi auōs gⁱem̄t
Paīne et traueillem̄t
Ce li ont dit les mēbꝛes
iij. fois aumaīs le ioꝛ
Te peſſent aſeioꝛ
Biē ē q՚ tu te mēbꝛes
Nous te ſeruōs noꝰ te poꝛtōs
Noꝰ te veōs noꝰ te loons
Et te faiſons baignier
Noꝰ te q՚rōs char ⁊ poiſſon
Cōnins ꝑdꝛis volille oiſon
Et ſieſt tout poꝛ tō meng՚
Tel demaine tourment
Entre la bone gent
Qⁱ puis aura aſſez
Ꝯme ſeigneur ⁊ meſtre
De toi tenir ⁊ peſtre
Noꝰ sōmes moult penez
Tu ne fais riens poꝛ noꝰ
Et noꝰ noꝰ ſomes tous
Poꝛ toy mis ala moꝛt
Oꝛ ai ce q՚ poꝛras
Iamais ne noꝰ n'auras
Ayde ne ꝯfoꝛt
Le vētre leur reſpont
Qⁱl ne ſceuēt qⁱl font
Qⁱ ſi le ꝯtralient
Ne ſui pas vo ſeignoꝛ
Ains voꝰ ſerf nuit ⁊ ioꝛ.
Et pes quelque nulz dient
Le tout ce q՚ menius
Ie vous enuoie le ius
A chaſcun ſa ꝑtie
Dont vous eſtes noꝛris
Et leuez ⁊ furnis
Et ſouſtenous en vie
Les membꝛes ont deſpit
De ce q՚ il leur dit
Et ſont tous d'un acoꝛt
Q՚ iamais a nul ioꝛ
A li n'arons amoꝛ
Et qu'il n'ont mie toꝛt
Grant piece ſe ceſſerent
Qu'ēcoꝛ n'ameniſtrerent
Q՚ il peüſt mengier
Foibles furent foꝛm̄t
Car ſans ſouſtenem̄t
Ne ſe poꝛent aidier.
Aꝑceus ſe ſont
Q՚ gñt folie font
Et de ce me recoꝛt
Des oꝛ mais aideront
Au coꝛps et le peſtront
Et ſeront d'un acoꝛt
Il eſt aſſez de tez
A qui l'ē fait bontez
Et plus et folem̄t
Qⁱ ia gré n'ē ſaront
Ne ſamblant n'ē feront
Iel voꝰ di loiaum̄t
Dont il ont poureté
Et ſouffrete et late
Veu ay l'esāplaire
Qⁱ ſont obeiſſans
Et hūbles ⁊ ſeruans.
De quanqⁱl pueent faire
UN leu vit en ſa voie
Vn gñt chien qu'abaioit
Gras ⁊ roſne ⁊ gros
.I. po a toy ꝑlaſſe
Dit le chien ſei'oſaſſe.
Mais toſt m'aroies moꝛt
La mal ne te feray
Dit le chien ꝑ ma foy
Di ce q՚ tu voudꝛas
Trop volētiers ſceuſſe
Dit le leu ſe peuſe
Ꝯme tu es ſi gras
I'ai aſſez a meng՚
Cōme ie ay meſtier
Ne ie n'ay fain ne ſoy
Et ſi ne fais ne ant
Foꝛs qu'abaie foꝛm̄t
Tous ceꝰ q՚ ꝑ nuit oÿ
Cu as entour tō col
Qⁱ eſt ⁊ gras ⁊ mol
De cuir .i. gñt loyen
Di moy q՚ ſenefie
Eſt ce ꝑ moq՚rie
Ie li vi des antan
L'en me lye ꝑ jour
Et met en .i. deſtour
Dit le chien biaꝰ amis
Q՚ n'aie cōgnoiſſāce
N'ayde n'aliance
A nul de ce pays
Miex vouldꝛoie moꝛir
Q՚ pour mon ventre ēplir
Fuſſe lie ꝑ iour
I'ai petit a mengier
Mais hoꝛs ſui de dangier
De meſtre ⁊ de ſeigneur
Qui ſe iut en ſeruage
Foꝛt ⁊ grief et hōtage
Poꝛ ſon ventre engreſſier
Il n'eſt mie aſſez ſage
Qⁱ ſe tiēt sō aage
En las poꝛ sō mengier
UN lyon ſe giſoit
En .i. bois ⁊ doꝛmoit
Deſſoꝰ .i. abꝛiſſel
Et vne ſoꝛiſſele
Si l'aſſault ⁊ trepelle
Et maīne gñt reuel
Le lyon l'engoula
Mais pas ne l'auala
Ains l'encloſt en ſa gueule
La ſoꝛis li requil
Q՚ il ne l'occeiſt
Ainſi n'ē ſi po d'eure
Ainſiques li fera
En .i. tēps qⁱ vēdꝛa
Et ſeuice ⁊ bonté
Le lyon ſi ſ'en rit
Qⁱ le pꝛiſe petit
Et tient en gñt vilté
Ua la ou tu vaudꝛas
Plus mal ꝑ moy n'aras
Ce reſpont le lyon
Ia ne me greueras
Ne bonté ne feras
Ne te pꝛiſe .i. boutō
Le lyon ſi fu pꝛis
A .i. ſeul las coulis
Ains qu'il paſſaſt le mois
Dont iamais n'eſchapaſt
Car qñt plꝰ foꝛt tiraſt
Et tant fuſt plus deſtrois
Qñt ne ſot plꝰ q՚ faire
En hault ꝯmēce a bꝛaire
Si l'oÿ la ſoꝛis
Tantoſt y eſt venue
Au lacon eſt coꝛue
Si ya ſes dens mis
Aſſez toſt fu cope
Et cil eſt eſchape
Qⁱ eſtoit ala moꝛt
Ꝑ ce poez ſauoir
Q՚ gñt meſtier auoir
Puet biē le foible au foꝛt
UN rouſſignol eſtoit
En .i. arbꝛe chantoit
Melodieuſem̄t
.I. paon l'eſcoutoit
Gñt duel de li auoit
Qⁱl li auenoit tant
Une oc pꝛiſt a dire
Ꝑ coꝛrous ⁊ ꝑ ire
Q՚ gré ſauoir ne doi
A celi qui le fiſt
Car po de cure y miſt
Qñt miex chanter ne ſoy
UN petit oiſelet
Poure chetif ⁊ let
Chāte ſi noblem̄t
Et ie ne ſai chant՚
Tant m'ē puiſſe pener
Foꝛs trop hiſeuſem̄t
Oꝛ entent ma raiſon
Dit /juno au paon
Et ſi te recōfoꝛte
Plꝰ t'a done nature
Qu'a nule creature
Tant ſoit foible ne foꝛte
Tu es ſi oꝛiant
Si bel et ſi plaiſant
Cōme l'en puet pēſer
Il n'a ſoꝰ ciel oiſel
Qⁱ plus de toy ſoit bel
De ce te pues vanter
Qñt nature te fiſt.
Ml՚t gñt entēte ymiſt
Et te dōna biauté
Au rouſſeignol doꝰ chant
De biauté tant ne qñt
N'ai ie d'autre bōte.
Le coc fait le matin
Cōgnoiſtre en ſon latin
Et chante hautem̄t.
Cil aront trop a faire
Qⁱ tout voudꝛoit retraire
De beſtes ⁊ de gent
Nature a oꝛdenees
Ses vertus ⁊ dōnees
Et ſi n'a nulz le tout
Se tu veꝰ tout auoir
Chaſcuns puet biē ſauoir
Q՚ tu es fol ⁊ glout
Celi qⁱ a ēuie
D'autrui fait gñt folie
Et ſi vit a doleur
Tout doit a chaſcū plere
Q՚ /ih՚ucriſt veult faire
Qⁱ eſt vrai createur
Les riches cōteront
Des biēs q՚ il arōt
En ce ſiecle poꝛqⁱs
Coꝛps q՚ petit ara
De petit contera
Au roy de ꝑadis.
Qui vit en pou՚te
Sans poīt d'iniqͥte
Ml՚t ara gñt richece
Es ciex en ꝑadis
O dieu ⁊ ſes amis
Serōt ioiās ⁊ aaiſe
Une chieure ſ'eſtoit
Qⁱ .i. faon auoit
Q՚le amoit trop foꝛm̄t
Aus chāps nel leſſe aler
Giber ne paſturer
Poꝛ le froit qⁱl faiſoit
Ains l'alaite en l'eſtable
Et la peſt ⁊ li baille
Ce dōt il a meſtier
Et ſ'enua peſtre as chāps
Tant q՚le a plaīs ſes flās
Pꝰ ſ'en reuiēt arriere
Moult ſouuēt le chaſtie
Q՚ il ne croie mie
Le leu ſ'il vait a l'uis
Mais li enferme tiegne
Qⁱl ne l'ē meſauiēgne
Regart ꝑ .i. ꝑtuis
Le leu ſi vient a l'us
Oꝛ ſus diſt il oꝛ ſus
Oeure l'uis a ta m՚e
Ie t'apoꝛt a mēgier
Trop miex q՚ ne fis yer
Miex te fai q՚ tō pere
Qñt le cheurel l'oÿ
Durem̄t ſ'eſioy
Poꝛ auoir a meng՚
Car auis li eſtoit
De la fain qⁱl auoit
Qⁱl deüſt erragier
A l'uis ſ'en eſt venu
Ferme l'a ⁊ tenu
Car ſa mere li diſt
Il voit ꝑ .i. ꝑtuis
Le leu qui fu a l'uis
Si ſ'ē moqua ⁊ riſt.
La dehoꝛs voꝰ tenez
Ia ceens n'ēterrez
Foy q՚ ie doi mō ꝑe
Se vous yentriez
Vꝰ me mēgeriez
Si cōme diſt ma m՚e
Et croire ⁊ honoꝛer
Et ſeruir ⁊ amer
Du cuer entierem̄t
Doit chaſcūs ꝑe ⁊ m՚e
A bō dꝛoit le ꝯpere
Qⁱ le fait autrem̄t
Cilz qui ceſt romans fiſt.
Ml՚t de ſa paine ymiſt
De quoy il ſe repent
Car les folz qⁱ l'oꝛront
Cōmunem̄t diront
Q՚ il ne vault nëant
S'uns ſage hōs fait l'eüſt
A chierté tenu fuſt
Et en auctoꝛite
L'ē ſcet biē qui le fiſt
Poꝛ ce l'ont ē deſpit
Les folz ⁊ en vilté
Un clerc de gñt ſciēce
Et de gñt ſapiēce
Le fiſt pꝛemierem̄t
Et iel mis en rōmās
Poꝛ entēdꝛe aus enfans
Et a la laye gent
Diex doīſt beneicō
Au clerc ou au clercō
Qⁱ lira ceſt eſcript
Se il dit poꝛ mō pere
Poꝛ moy ⁊ pour ma m՚e
Requies ſit eis.