Jesar plates of Śīlāditya III, [Valabhī] year 347, Vaiśākha ba. 15 EpiDoc Encoding Annette Schmiedchen intellectual authorship of edition Annette Schmiedchen DHARMA Berlin DHARMA_INSMaitraka00086

This work is licensed under the Creative Commons Attribution 4.0 Unported Licence. To view a copy of the licence, visit https://creativecommons.org/licenses/by/4.0/ or send a letter to Creative Commons, 444 Castro Street, Suite 900, Mountain View, California, 94041, USA.

Copyright (c) 2019-2025 by Annette Schmiedchen

 2019-2025 DHARMAbase Grant of land (125 pādāvarta, including a cistern) in favour of a Yajurvedin.

This project DHARMA has received funding from the European Research Council (ERC) under the European Union's Horizon 2020 research and innovation programme (grant agreement no 809994).

Public URIs with the prefix bib to point to a Zotero Group Library named ERC-DHARMA whose data are open to the public.

Internal URIs using the part prefix to point to person elements in the DHARMA_IdListMembers_v01.xml file.

 Initial encoding of the file>

svasti vijayaskandhāvārāt pundhikaṇakavāsakāt prasabhapraṇatāmitrāṇāṁ maitrakāṇāṁm atulabalasaṁpannamaṇḍalābhogasaṁsaktaprahāraśatalabdhapratāpāt pratāpopanatadānamānārjjavopārjjitānurāgād anuraktamaulabhṛtaśreṇībalāvāptarājyaśriyaḫ paramamāheśvaraśrībhaṭārkād avyavacchinnarājavaṅśān mātāpitṛcaraṇāravindapraṇatipravidhautāśeṣakalmaṣaḥ śaiśavāt prabhṛti khaḍgadvitīyabāhur eva samadaparagajaghaṭāsphoṭanaprakāśitasatvanikaṣas tatprabhāvapraṇatārāticūḍāratnaprabhāsaṁsaktapādanakharaśmisaṁhatiḥ sakalasmṛtipraṇītamārggasamyakparipālanaprajāhṛdayarañjanānvarttharājaśabdo rūpakāntisthairyyyagāmbhīryyabuddhisaṁpadbhiḥ smaraśaśāṅkādrirājodadhitridaśagurudhaneśān atiśayānaḥ śaraṇāgatābhayapradānaparatayātṛṇavadapāstāśeṣasvakāryyaphalaḥ prārtthanādhikārtthapradānānanditavidvatsuhṛpraṇayihṛdayaḥ pādacārīva sakalabhuvanamaṇḍalābhogapramodaḥ paramamāheśvaraḥ śrīguhasenas tasyasutas tatpādanakhamayūkhasantānavisṛtajāhnavījalaughaprakṣālitāśeṣakalmaṣaḥ praṇayiśatasahasropajīvyamānasaṁpad rūpalobhād ivāśritaḥ sarabhasam ābhigāmikair gguṇaissahajaśaktiśikṣāviśeṣavismāpitākhiladhanurddharaḥ prathamanarapatisamatisṛṣṭānām anupālayitā dharmmadāyānām apākarttā prajopaghātakāriṇām upaplavānāṁ darśayitā śrīsarasvatyor ekādhivāsasya saṁhatārātipakṣalakṣmīparibhogadakṣavikramo vikramopasaṁprāptavimalapārtthivaśrīḥ paramamāheśvaraḥ śrīdharasenas tasya sutas tatpādānuddhyātaḥ sakalajagadānandanātyadbhutaguṇasamudayasthagitasamagradiṅmaṇḍalaḥ samaraśatavijayaśobhāsanāthamaṇḍalāgradyutibhāsuratarāṅsapīṭhodūḍhagurumanorathamahābhāraḥ sarvvavidyāparāparavibhāgādhigamavimalamatir api sarvvatas subhāṣitalavenāpi sukhopapādanīyaparitoṣaḥ samagralokāgādhagāmbhīryyahṛdayo pi sucaritātiśayasuvyaktaparamakalyāṇasvabhāvaḥ khilībhūtakṛtayuganṛpatipathaviśodhanādhigatodagrakīrttiḥ dharmmānuparodhojjvalatarīkṛtārtthasukhasaṁpadupasevānirūḍhadharmmādityadvitīyanāmā paramamāheśvaraḥ śrīśīlādityas tasyānujas tatpādānuddhyātaḥ svayam upendraguruṇeva guruṇātyādaravatā samabhilaṣaṇīyām apirājalakṣmīṁ skandhāsaktāṁ paramabhadra Iva dhuryyas tadājñāsaṁpādanaikapararasatayaivodvahaN khedasukharatibhyām anāyāsitasatvasaṁpattiḥ >prabhāvasaṁpadvaśīkṛtanṛpatiśataśiroratnacchāyopagūḍhapādapīṭho pi parāvajñābhimānarasānāliṅgitamanovṛttiḥ praṇatim ekāṁ parityajya prakhyātapauruṣābhimānair apy arātibhir anāsāditapratikriyopāyaḥ kṛtanikhilabhuvanāmodavimalaguṇasaṁhatiḥ prasabhavighaṭitasakalakalivilasitagatiḥ nīcajanādhirohibhir aśeṣair ddoṣair anāmṛṣṭātyunnatahṛdayaḥ prakhyātapauruṣāstrakauśalātiśayagaṇatithavipakṣakṣitipatilakṣmīsvayaṁgrāahaprakāśitapravīrapuruṣaḥprathamasaṁkhyādhigamaḥ paramamāheśvaraḥ śrīkharagrahas tasyatanayas tatpādānuddhyātaḥ sakalavidyādhigamavihitanikhilavidvajjanamanaḫparitoṣātiśayaḥ satvasaṁpadā tyāgaudāryyeṇa ca vigatānusandhānāsadhśamāhitārātipakṣamanorathākṣabhaṅgaḥsamyagupalakṣitānekaśāstrakalālokacaritagahvaravibhāgo pi paramabhadraprakṛtir akṛtrimapraśrayavinayaśobhāvibhūṣaṇas samaraśatajayapatākāharaṇapratyalodagrabāhudaṇḍavidhvansitanikhilapratipakṣadarppodayaḥ svadhanuḫprabhāvaparibhūtāstrakauśalābhimānaḥ sakalanṛpatimaṇḍalānbhinanditaśāsanaḥ paramamāheśvaraḥ śrīdharasenas tasyānujas tatpādānuddhyātaḥ saccaritātiśayitasakalapūrvvanarapatir atidussādhānām api prasādhayitā viṣayāṇāṁ mūrttimān iva puruṣakāraḥ parivṛddhaguṇānurāganirbbharacittavṛttibhir mmanur iva svayam abhyupapannaḥ prakṛtibhir adhigatakalākalāpaẖ kāntimān nirvṛtihetur akalaṅkaẖ kumudanāthaḥ praājyapratāpasthagitadigantarālapradhvaṅsitadhvāntarāśiḥ satatoditaḥ savitā prakṛtibhyaḥ paraṁpratyāayam artthavantam atibahutithaprayojanānubandham āgamaparipūrṇṇaṁ vidadhānaḥ sandhivigrahasamāsaniścayanipuṇaḥ sthāne nurūpam ādeśan dadad guṇavṛddhividhānajanitasaṁskāraḥ sādhūnāṁ rājyasālaāturīyastantrayor ubhayor api niṣṇātaḥ prakṛṣṭavikramo pti karuṇāmṛduhṛdayaḥ śrutāavān apy agarvvitaẖ kānto pi praśamī sthirasauhṛdayyo pi nirasitā doṣavatām udayasamayasamupajanitajanatānurāgaparipihitabhuvanasamartthitaprathitabālādityadvitīyanāmā paramamāheśvaraḥ śrīdhruvasenas tasya sutas tatpādakamalapraṇāmadharaṇikaṣaṇajanitakiṇalāñchanalalāṭacandraśakalaḥ śiśubhāva Evaśravaṇanihitamauktikālaṅkāravibhramāmalaśrutaviśaeṣaḥ pradānasalilakṣālitāgrahastāravindaẖ kanyāyā Iva mṛdukaragrahaṇād amandīkṛtānandavidhir vvasundharāyāẖ kārmmuke dhanurvveda Iva saṁbhāvitāśeṣalakṣyakāalāpaḥ praṇatasāmantamaṇḍalottamāṅgadhṛtacūḍāratnāyamānaśāsanaḥ paramamāheśvaraḥ paramabhaṭṭārakamahārājādhirājaparameśvaracakravarttiśrīdharasenas tatpitāmahabhrātriṛśrīśīlādityasya śārṅgapāṇer ivāṅgajanmano bhaktibandhurāvayavakalpitapraṇater atidhavalayā dūraṁ tatpādāravindapravṛttayā nakhamaṇirucā mandākinyeva nityam amalitottamāṅgadeśasyāgastyasyeaiva rājarṣer ddākṣiṇyam ātanvānasya prabaladhavalimnā yaśasāṁ valayena maṇḍitakakubhā nabhasi yāminīpater vviḍambitā khaṇḍapariveṣamaṇḍalasya payodaśyāmaśikharacūcukarucirasahyavindhyastanayugāyāgāḥ kṣiteḫ patyuḥ śrīḍerabhaṭasyāṅgajaḥ kṣitipasaṁhater anurāgiṇyāḥ śuciyaśoṅśukabhṛtaḥ svayaṁvaramālām iva rājyaśriyam arppayantyāẖ kṛtaparigrahaḥ śauryyam apratihatavyāpāram ānamitapracaṇḍaripumaṇḍalaṁ maṇḍalāgram ivāvalambamānaḥ śaradi prasabham ākṛṣṭaśilīmukhabāṇāsanāpāditaprasādhanānāṁ parabhuvāṁ vidhivad ācaritakaragrahaṇaḥ pūrvvam eva vividhavarṇṇojjvalena śrautātiśayenodbhāsitaśravaṇaḥ punaḫ punar ukteneva ratnālaṅkāreṇālaṅkṛtaśrotraḥparisphuratkaṭakavaikaṭakīṭapakṣaratnakiraṇam avicchinnapradānasalilanivahāvasekavilasannavaśaivalāṅkuram ivāgrapāṇim udvahaN dhṛtaviśālaratnavalayajaladhivelātaṭāyamānabhujapariṣvaktaviśvaṁbharaḥ paramamāheśvaraḥ śrīdhruvasenas tasyāgrajaḥ paramahīpatisparśadoṣanāśanadhiyeva lakṣmyā svayam atispaṣṭaceṣṭam āśliṣṭāṅgayaṣṭir atirucirataracaritagarimaparikalitasakalanarapatir atiprakṛṣṭānurāgarasarabhasavaśīkṛtapraṇatasamastasāmantacakracūḍāmaṇimayūkhakhacitacaraṇakamalayugalaḥ proddāmodāradorddaṇḍadalitadviṣadvargadarppaḫ> prasarppatpaṭīyaḫ pratāpaploṣitāśeṣaśatruvaṅśaḥpraṇayipakṣakṣnikṣiptalakṣmīkaḥ preritagadotkṣiptasudarśanacakraḥ parihṛtabālakrīḍo nadhaẖkṛtadvijātir ekavikramaprasādhitadharitrītalo naṅgīkṛtajalaśayyopūrvvapuruṣottamaḥ saākṣād dharmma Iva samyagvyaupasthāpitavarṇṇāśramācāraḥ pūrvvair apy ūrvvīpatibhis tṛṣṇālavalubdhair yyāny apahṛtāni devabrahmadeyāni teṣām apy atisaralamanaḫ prasaram utsaṅkalanānumodanābhyāṁ parimuditatribhuvanābhinanditocchritotkṛṣṭadhavaladharmmadhvajaprakāśitanijavaṅśo devadvijagurūn prati yathārham anavaratapravarttitamahodraṅgādidānavyasanānupajātasantoṣopāttodārakīrttipaṁktiparaṁparādanturitanikhiladikcakrapavālaḥspaṣṭam eva yathārthaṁ dharmmādityāparanāmā paramamāheśvaraḥ śrīkharagrahas tasyāgrajanmanaẖ kumudaṣaṇḍaśrīvikāsainyākalāvataś candrikayeva kīrtyā dhavalitasakaladiṅmaṇḍalasya khaṇḍitāguruvilepanapiṇḍaśyāvimalavindhyaśailavipulapayodharābhogāyāḥ kṣoṇyāḥ poatyuḥ śrīśīlādityasya sūnur nnavaprāleyakiraṇa Iva pratidinasaṁvarddhamānakalācakrapavālaẖ kesarīndraśiśur iva rājalakṣmīm acalavanasthalīm ipvālamkurvāṇaḥ śikhaṇḍiketana Ivarucimāaccūḍāmaṇḍanaḥ pracaṇḍaśaktiprabhāvaś ca śaradāgama Iva pratāpavāṁn ullasatpadmaḥ saṁyuge vidalayann ambhaodharān iva paragajān udaya Eva tapanabālātapa Iva saṁgrāme muṣṇann abhimukhānām āyūṅṣi dviṣatāṁ paramāheśvaraḥ śrīśīlādityaḥ kuśalī sarvvān eva samājñāpayaty astu vas saṁviditaṁyathā mayā mātāpitroḫ puṇyāpyāyanāya puṣyaśāmbapuravinirggatataccāturvvidyasāmānyaśrīvalabhīvāstavyakauśikasagotra-Adhvaryyusabrahmacāribrāhmaṇasāmbadattaputrabrāhmaṇasaggaḷaprakāśadvināmadīkṣitāya surāṣṭreṣu kalāpakapathake kukkapdragrāme bhūpādāvarttaśataparimāṇaṁtrikhaṇḍāvasthitaṁ kṣetraṁ yatra prathamakhaṇḍaṁ Aparasīmni trisaptatibhūpādāvarttaparimāṇaṁ yasyāghāṭanāni pūrvvataḥ Upādhyāyabrahmadeyakṣetraṁ dakṣiṇataḥrājakīyavāpītrayapraccīhā Aparataḥ bhāśiyakakṣetraṁ Uttarataḥ vaṅśaṭikā nadī tathā dvitīyakhaṇḍaṁ Aparadakṣiṇasīmni bappulasaṁjñitaṁ dvādaśabhūpādāvarttaparimāṇaṃyasya pūrvvataḥ brāhmaṇaghañcakasatkakṣetraṁ dakṣiṇataḥ brāhmaṇatattakṣetraṁ Aparataḥ brāhmaṇacaṭṭasatkakṣettram uttarataḥ sāriṇī tathā pūrvvasīmnitriṛtīyakhaṇḍaṁ lūsaṇikāsaṁjñitaṁ pañcadaśabhūpādāvarttaparimāṇaṁ yasya pūrvvataḥ kaṇṇasomakagrāmasīmā dakṣiṇataḥ sirādaṇḍakasaṁjñitavāpīnāpraccīhāAparataḥ dhorikasaṁjñitavāpīpraccīhā Uttarataḥ vaṅśaṭikā nadī tathā Etadsīmny eva dhorikasaṁjñitā paṁcāviṅśatibhūpādāvarttaparisarā vāpīyasyāḥ pūrvvataḥ lūsaṇikāsaṁjñitakṣetrakhaṇḍaṁ dakṣiṇataḥ sirādaṇḍakasaṁjñitavāpīnāpraccīhā Aparataḥ pippalavāpīpraccīhā Uttarataḥgrāmaśikhara Evam idam āghāṭanaviśuddhaṁ vāpīkṣetraṁ sodraṅgaṁ soparikaraṁ sabhūtavātapratyāyaṁ sadhānyahiraṇyādeyaṁ sadaśāparādhaṁ sotpadyamānaviṣṭikaṁ sarvvarājakīyānām ahastaprakṣeyaṇīyaṁ pūrvvaprattadevabrahmadeyarahitaṁ bhūmicchidranyāyenācandrārkkārṇṇavakṣitisaritparvvatasamakālīnaṁ putrapautrānvayabhogyam udakātisarggeṇa dharmmadāyo nisṛṣṭaḥ yato syocitayā brahmadeyasthityā bhuñjataḥ kṛṣataḥ karṣayataḥ pratidiśato vā na kaiścid vyāsedhevarttitavyam āgāmibhadranṛpatibhir apy asmadvaṅśajair anyair vvā Anityāny aiśvaryyāṇy asthiraṁ mānuṣyaṁ sā¬mānyañ ca bhūmidānaphalam avagacchadbhir ayam asmaddāyo numantavyaḫ paripālayitavyaś cety uktañ ca bahubhir vvasudhā bhuktā rājabhis sagarādibhiḥ yasya yasya yadā bhūmis tasya tasya tadā phalaṁ . yānīha dāridryabhayān narendrair dhanāni dharmmāyatanīkṛtāni nirbbhuktamālyapratimāni tāni ko nāma sādhuḫ punar ādadīta . ṣaṣṭiṁ varṣasahasrāṇi svargge tiṣṭhati bhūmidaḥ Ācchettā cānumantā ca tāny eva narake vasseT dūtako tra rājaputradhruvasenaḥ .likhitaṁ idaṁ sandhivigrahādhikṛtadivirapatiśrīskandabhaṭaputradivirapatiśrīmadanahileneti . saṁ 300 40 7 vaiśākha ba 10 5 svahasto mama .