Katapur plates of Dharasena II, [Valabhī] year 252, Vaiśākha ba. 15 (?) EpiDoc Encoding Annette Schmiedchen intellectual authorship of edition Annette Schmiedchen DHARMA Berlin DHARMA_INSMaitraka00028

This work is licensed under the Creative Commons Attribution 4.0 Unported Licence. To view a copy of the licence, visit https://creativecommons.org/licenses/by/4.0/ or send a letter to Creative Commons, 444 Castro Street, Suite 900, Mountain View, California, 94041, USA.

Copyright (c) 2019-2025 by Annette Schmiedchen

 2019-2025 DHARMAbase Grant of land (60 pādāvarta) in favour of two Sāmavedins.

The project DHARMA has received funding from the European Research Council (ERC) under the European Union's Horizon 2020 research and innovation programme (grant agreement no 809994).

Public URIs with the prefix bib to point to a Zotero Group Library named ERC-DHARMA whose data are open to the public.

Internal URIs using the part prefix to point to person elements in the DHARMA_IdListMembers_v01.xml file.

 Initial encoding of the file>

svasti vijayaskandhāvārāT bhadrapattanakavāsākāT prasabhapraṇatāmitrāṇāṁ maitrakāṇām atulabalasapatnamaṇḍalābhogasaṁsaktasaṁprahāraśatalabdhapratāpaḥ pratāpopanatadānamānārjjavopārjjitānurāgo nuraktamaulabhṛtamitramitraśreṇībalāvāptarājyaśrīḥparamamāheśvaraḥ śrīsenāpatibhaṭārkkaḥ tasya sutaḥ tatpādarajoruṇāvanatakṛtaśirāḥ śirovanataśatrucūḍāmaṇiprabhāvicchuritapādanakhapaṁktidīdhitir ddīnānāthakṛpaṇajanopajīvyamānavibhavaḥ paramamāheśvaraḥ śrīsenāpatidharasenaḥ tasyānujaḥ tatpādābhipraṇāmapraśastataravimalamaulimaṇir mmanvādipraṇītavidhividhānadharmmā dharmmarāja Iva vihitavinayavyavasthāpaddhatir akhilabhuvanamaṇḍalābhogaikasvāminā paramasvāminā svayam upahitarājyābhiṣeko mahāviśrāṇanāvapūtarājaśrīḥ paramāamāheśvaro mahārājaśrīdroṇasiṁhaḥ siṁhaIva tasyānujaḥ svabhujabalaparākrameṇa paragajaghaṭānīkānām ekavijayī śaraṇaiṣiṇāṁ śaraṇam avaboddhā śāstrārtthatatvānāṁ kalpatarur iva suhṛtpraṇayināṁ yathābhilaṣitakāmaphalopabhogadaḥ paramabhāgavato mahārājaśrīdhruvasenaḥ tasyānujaḥ taccaraṇāravindapraṇatipravidhautāśeṣakalmaṣaḥ suviśuddhasvacaritodakakakṣālitāasakalakalaikalaṁkaḥ prasabhanirjjitārātipakṣaprathitamahimā paramādityabhaktaḥśrīmahārājaddharapaṭṭaḥ tasyātmajaḥ tatpādasaparyyāvāptapuṇyodayaḥ śaiśavāt prabhṛti khaḍgadvitīyabāhur eva samadaparagajaghaṭāsphoṭanaprakāśitasatvanikaṣaḥ tatprabhāvapraṇatārāticūḍāratnaprabhāsaṁsaktasavyapādanakharaśmisaṁhatiḥ sakalasmṛtipraṇītamārggasamyakparipālanaprajāhṛdayaraṁjanād anvarttharājaśabdo rūpakāntisthairyyagāmbhīryyabuddhisaṁpadbhiḥsmaraśaśāṅkādrirājodadhitṛridaśagurudhaneśān atiśayānaḥ śaraṇāgatābhayapradānaparatayā . tṛṇavadapāstāśeṣaḥsvakāryyaphalaḥ prārtthanādhikārtthapradānānanditavidvatsuhṛthṛdayaḥ pādacārīva sakalabhuvanamaṇḍalābhogapramodaḥ paramamāheśvaraḥ śrīmahārājaguhasenaḥ tasya sutaḥ tatpādanakhamayūkhasaṁtānanirvṛttajāhnavījalaughavikṣālitāśeṣakalmapṣaḥ praṇayiśatasahasropajīvyabhaugasaṁpaDrūpalobhād ivāśṛritaḥ sarasam ābhigāmikair gguṇaiḥ sahajaśaktiśikṣāviśeṣavismāpitākhiladhanurddharaḥ prathamanarapatisamatisṛṣṭānām anupālayitā dharmmyadāyānām apākarttā prajopaghātakāriṇām upaplavānāṁ darśayitā śrīsarasvatyor ekādhivāsasya saṁhatārātipakṣalakṣmīparikṣobhadakṣavikramaḥkramopasaṁprāptavimalapārtthivaśrīḥ paramamāheśvaraḥ śrīmahārājadharasenaẖ kuśalī sarvvān evāyuktakiaviniyuktakadrāṅgikamahattaracāṭabhaṭadhruvādhikaraṇikadaṇḍapāśikarājasthaānīyakumārāmātyādīn anyāṁś ca yathāsaṁbadhyamānakāNsamājñāpayaty astu vaḥ saṁviditaṁ yathā mayā mātāpitroḥ puṇyāpyāyanāyātmanaś caihikāmuṣmikayathābhilaṣitaphalāvāptayevahapalikasthalyāṁ ḍāmaripāṭakagrāme pūrvvasīmni kṣetrapādāvarttāḥ ṣaṣṭiḥ sodraṅgāḥ soparikarāḥ savātabhūtadhānyahiraṇyādeyāḥ sotpadyamānaviṣṭīikāḥ samastarājakīyānām ahastaprakṣepanīyā bhūmicchidranyāyena chandogasabrahmacārikaśyapasagotrabrāhmaṇaviśākhabappābhyāṁḥ balicaruvaiśvadevāgnihotrātithipañcamahāyājñikānāṁ kriyāṇāṁsamutsarppaṇārttham ācandrārkkārṇṇavasaritkṣitisthitisamakālīnaṁ putrapautrānvayabhogyā udakasarggeṇa brahmadeyānisṛṣṭā yato syocitayā brahmadeyasthityā bhuṁjatoḥ kṛṣataoḥ karṣāpayator vvā na kaiścit pratiṣedhe varttitavyam āgāmibhadranṛpatibhiś cāsmadvaṁśajair anityāny aiśvaryyāṇy asthiraṁ mānuṣyaṁ sāmānyaṁ ca bhūmidānaphalam avagacchiadbhiḥAyam asmaddāyo numantavyaḥ paripālayitavyaś ca yaś cainam ācchiṁdyād ācchidyamānaṁ vānumodeta sa pañcabhir mahāpātakaiḥ sopapātakaiḥ saṁyuktaḥ syād ityuktaṁ ca bhagavatā vedavyāsena vyāsena ṣaṣṭivarṣasahasrāṇi svargge tiṣṭhati bhūmidaḥ Ācchettā cānumantā catāny eva narake vaseT vindhyāṭavīṣv atoyāsu śuṣkakoṭaravāsinaḥ kṛṣṇāhayo hi jāyante bhūmidāyaṁ haranti raye pūrvvadattāṁ dvijātibhyo yatnād rakṣa yudhiṣṭhira mahīṁ mahīmatāṁ śreṣṭha dānāc chreyo nupālanaṁ bahubhir vvasudhā bhuktā rājabhiḥ sagarādibhiḥ yasya yasyayadā bhūmiḥ tasya tasya tadā phalaṁ . yānīha dāridrabhayān narendrair dhanāni dharmmāyatanīkṛtāni nirmmālyavāntapratimānitāni ko nāma sādhuḥ punar ādadīta iti . likhitaṁ sandhivigrahādhikṛtaskandabhaṭena . saṁ 200 50 2 vaiśākha ba 10 5svahasto mama mahārājaśrīḥdharasenasya . dū cibbiraḥ