951 śaka pañcami roca kārtika vr̥haspativāra nakṣatra nu mratāña khloña śri kr̥tajña ta māna sruka draveṅa cāṁ caṁnāṁ saṅkrānta ta kamrateṅa jagata khdaka raṅko liḥ prāma khñuṁ taṁtāma tai kaṁvraḥ tai kanthā neḥ khñuṁ ta vyara Āyatva ta loña pvāsa nu kule neḥ phoṅa . tai kaṁvrāṁ tai kansāna neḥ cāp· vṅya rṇnoca khneta Āya- tva ta kule Aña Āya draveṅa . tai cinta pasa gandha Āyatva ta bhāga kule loña nāka . taiya kanaO Āyatva ta loña qyaka nu kule loña qyaka phoṅa neḥ cāṁ caṁnāṁ loña qyaka vvaṁ Āc ti māna Apavāda .

viṅa jeṅa sruka bhr̥ttipūra ti n pr̥taya chloṅa chaka dāsa Ā khñuṁ caṁnāṁ noḥ phoṅ· nu sthalā ta vraḥ qyata kule Aña ta Āca Apavāda krapi mvāya vraḥ go canmata dnyaṁ vyara khñuṁ caṁnāṁ ta Apāla neḥ velā cuḥ Aṁvi paṁmre ta kaṁmrateṅ· jagata Āya ta pradhāna gi dai ra vvaṁ Āc ti Āyata ta loña qnaka nā vraḥ . nau ruva vraḥ paṁnvasa ta Arcana ka- mrateṅa jagata khdaka gi nak ta svaṅa pi stap· dharmma noḥ nau noḥ qnak ta Ahha paṁpata dharmma neḥ leṅa syaṅ ta dāra rājabhayasahasra kaṁneta svayapāppa leṅa roḥ ta cā gamana ta

Preliminarily edited by Julia Estève, Dominique Soutif, Gerdi Gerschheimer and Kunthea Chhom from the estampage EFEO n. 1369.