Aṁnoy· mratāñ· yajamāna ta vraḥ kamratāṅ· Añ· svayambhu dhūli Añ· gui ta pamas· jnau ku kannriṁ ku tpit· tmāñ canlek va kñuṁ ku taEk· kon· ku vā bhān· ku Aṁdnaḥ ku yarān· ku yaroñ· ku martta qnak· kon· ku ku Anis· ku saAp· ku saAp· kto kon· ku ku cvai ku kañcus· vā bhe ku kañcauṅ· ku Anrok· kon· ku vā santos· qme stoy· kon· ku vā stoy· ku gurudaiva neḥ gi roḥ kaṁnett· santāna yeṅṅ· ta gi rājya ta vraḥ pāda stacc· dau parameśvara qji yeṅṅ· piyy· toyy· mātr̥pakṣa loñ lakṣana jā senāpati kantāl vala tmāl qāy vraḥ caṁpak teṁ teṅṅ· qyakk· jā devī kal̥ṣṭa Āyy· bhāvapura teṅṅ· pitt· ti Oyy· ta khloññ·· vala kamrateṅ· Aññ· ta vraḥ qji vraḥ pāda kamrateṅṅ· Aññ· ta stacc· dau IĪśvaraloka ta jmaḥ loññ· haradhārmma ta trvacc· paṁcām· Aṁvi kāla vraḥ pāda stacc· dau parameśvara gi ta nāṁ qji yeṅṅ· mokk· Aṁvi bhavapura paṅkett· kvann· pvann· qna[[k]] si piyy· qnakk· kantaiyy· loñ vāsudeva loññ· loññ· loññ· satyapāla loññ· śrirājaka teṅ· Indrani teṅ· vasudevi teṅ· pavitra teṅṅ· Indrāni teṅṅ· vasudevi ti Oy ta mratāññ· śrīprathivinarendra teṅṅ· pavitra ti Oy ta kamrateṅṅ· Aññ· vraḥ mūl ta kanmvayy· khloññ· vala kamrateṅ· Aññ· ta vraḥ qmā vraḥ pāda kamrateṅ· ta stacc· dau IĪśvaraloka mann· vraḥ pāda stac· dau parameśvara stacc· Āy· r̥dvall· pandval ta mratāññ· śrī prathivinarendra pre thve kālyanasiddhi leṅṅ· vvaṁ Aṁpānn· vraḥ kaṁvujadeśa pi javā cāp· leyy· Oyy· vraḥ dākṣinā bhūmi sratāc· r̥dvall· nu sarvvadravya qval ta mratāñ· śrī prathivinarendra mratāñ· śrīprathivinarendra Oyy· r̥dval ta teṅ· vasudevi Oyy· sratāc· ta teṅ· Indrāni dep· nu loñ· vāsudeva ta khlai paṅgaṁ dep· paṅgaṁ thpvaṅ· nivedana leṅ· kamrateṅ· kaṁtvann· Aññ· viṅ· Oyy· prasāda bhūmi sratāc· r̥dval ta loññ· vāsudeva nu teṅ· vasudevi nu teṅṅ· Indrani kaṁpi kula mratāññ· śrīprathivinarendra yokk· sthaāpanā vraḥ viṣnṇu Āy· r̥dvāll· Oy ta teṅ· vāsudevi man· mratāñ· śrī sātyayuddha nu mratāñ· śrīripumatha kvan· mratāññ· śrīprathivinarendra gi ta Oyy· srukk· neḥ ta vyar· loñ· vāsudeva mūla neḥ gi nu yeṅ· saṁ mūla nu mratāññ· śrīprathivinarendra mann· khloñ· vala kamrateṅ· Aññ· vrahma man ta pi kṣatrāndhara sahajana hoṅ· gi pi yeṅ· dau saṁ mūla nu mratāñ· śrīprathivinarendra ta gi rāja vraḥ pāda stacc· dau viṣnṇuloka loñ· vrāhmanapās ta kvann· teṅ· vasudevi dār· mratāñ· śrīsātyayuddha khloññ· mukha vraḥ tamrya loññ· qyatt· phqvann· mūla loñ· narāy ta kvann· teṅ· Indrāni daśādhikr̥ta paṁcāṁ teṅṅ· hyaṅ· narendra ta kvann· teṅ· pavitra koet ta kamrateṅ· Aññ· vraḥ mūla ti Oyy· parigraha ta vraḥ pāda kamrateṅ· Añ· ta stacc· dā IĪśvaraloka teṅ· ṇau ta phqvann· teṅ· hyaṅ· narendra ti Oyy· vrāhmana rājapurohita ta jmaḥ mratāñ· khloññ· gauri vraḥ pāda kamrateṅ· Añ· ta stacc· dau IĪśvaraloka svaṁ prasāda bhūmi vraḥ teṁmm· cyakk· khvitt· traEḥ vraḥ pi svāyy· kraliṅṅ· vraḥ thnall· sleṅṅ· kanlaḥ thnall· viṣnṇu vraiyā krapāss· kañcaḥ Oyy· parigraha bhūmi ta roḥ neḥ ta teṅ· hyaṅṅ· narendra sratācc· jmaḥ haripura teṁ mann· vraḥ pāda stacc· dau viṣnṇuloka stacc· dau pi tācc· vraḥ tamrya ta jmaḥ vraḥ śrijaiyaśikṣadhārmma pandvall· pre hau sāra tācc· mann· vraḥ pāda stacc· dau viṣṇuloka sthāpanā vraḥ vira jyakk· vraḥ tvātt· Oyy· vraḥ dakṣiṇā bhūmi ta Aṁpāll· neḥ ta mratāññ· śrīśatyāyuda ta qji yeṅṅ· toyy· matrapakṣa bhūmi paroyy· pana homa thgvall· kandann· vraḥ cāss· traṅeyy· trāyy· trāyy· kandann· kralā sandhanipura devi Ūlīta teññ· vraḥ jraiyy· kandann· travāṅṅ· sandha mann· vraḥ pāda stacc· dau viṣṇuloka stacc· dau cāpp· tamrya Āy· vnaṁ vraḥ pāda kamrateṅṅ· Aññ· ta stacc· dau IĪśvaraloka dau Ukka gi pi teṅṅ· hyaṅṅ· narendra dau mann· kamrateṅ· Añ· vraḥ mūla dā teṅ· pavitra ta qme teṅ· hyaṅṅ· narendra Ukk· teṅṅ· ṇau ta phqvann· ti Oyy· ta vrāhmana rājapurohit ta jmaḥ mratāññ· khloññ· gauri mann· lvaḥ ldau kamrateṅ· vraḥ mūla kl̥ṣṭa teṅṅ· pavitra ta qme teṅṅ· hyaṅṅ· narendra ta ti praveṣa vraḥ pāda kamrateṅ· Aññ· ta stacc· IĪśvaraloka dā prasāda bhūmi ldau ta vraḥ pāda stacc· dau viṣnṇuloka cātt· thve semavidhi sāṅṅ· goll· duk ta praśāṣṭa Āyy· sratācc· Oyy· ta qji yeṅṅ· ta jmaḥ teṅ· soṁ ta kvann· teṅṅ· pavitra toyy· mātrapakṣa gi pi yeṅṅ· mānn· srukk· Āyy· ldau teṅṅ· hyaṅ· ta kvann· teṅṅ· vasudevi ta ket ta mratāñ· śriprathivinarendra gi ta dau prapvann· daiyy· mahānasa pramān sandukk· . mann· vraḥ pāda kamrateṅ· Añ· ta stacc· dau IĪśvaraloka sveyy· vraḥ dhārmmarājya Oyy· jmaḥ teṅ· hyaṅ· jā tāñ· kamrateṅ· Añ· kṣitindradevi mratāñ· śrisatyāyuddha viṅ· jā senāpati kantāll· vala loñ· narāy kvann· mratāñ· śriripumatha jā senāpati bhavanāga loññ· sānn· mūla jyakk· sthalā sthāpanā Āyy· sratācc· praṁpi prāsāda yeṅṅ· ta gi ti catt· Issa srukk· neḥ phoṅ· Oyy· ta vraḥ Āyy· sratāc depp· vraḥ pāda kamrateṅ· Añ· ta stacc· dau IĪśvaraloka Oy· prasāda kaññ·yaṅ· vravavva vnur· vraḥ kadyaṅṅ· yogapura drāAṅṅ· saṅṅ· kāsarā vinlo le vnur· taṁrell· kr̥ṣṇa pāta ye dik Oyy· mann· srac· sthāpanā mann· kathā kamrateṅ· Aññ· kṣitindradevi kl̥ṣṭa vraḥ pāda kamrateṅ· Aññ· ta stacc· dau IĪśvaraloka pandval ta mratāññ· śrisatyayuddha nu mratāñ· śriripumatha pre dau sthāpanā ruūpa Āyy· vakk· Ekk· jmaḥha gapatikṣitatindra dukk· caṁnāmm· sappa kṣatra raṅko ta chaInn· pratidina thlvaṅṅ· 10 kalpanā tāññ· kamrateṅṅ· Aññ· kṣitindradevi duk ta vraḥ rikk· mann· naiyy· grā ta Āyy· ta kule yeṅṅ· ta jā svāmi dravis ta dukk· praśaṣṭa neḥ mratāñ· śrisatyayudha nu mratāññ· śriripumatha neḥ syaṅṅ· kvann· mratāñ· śriprathivinarendra ta gi rāja vraḥ pāda stacc· dau IĪśvaraloka 749 śaka gi nu dukk· praśaṣṭa neḥ ta gi rāja vraḥ pāda stac dau paramaśivaloka teṅṅ· qyakk· jā svāmi loññ· haṅsa jā senāpati varākagoma sthāpanā vraḥ śaṅkara r̥dvāll· le vnur·

kannriṁ kandriṁ va m ku taEt· ku taEk· ku Aṁdnaḥ ku Aṁdnā stoy· y· paṁcām· paṁcāṁ sahajana sahaja Indrāni Indrani vraḥ thnall· sleṅṅ· vraḥ sleṅṅ· dakṣiṇā dakṣiṇa Aṁpāll· Apāla thgvall· thhvall· vraḥ cāss· vraḥ pāsa devi Ūlī devi tali ta teññ· ññ· Oññ· caṁnāmm· caṁnāṁ

The translation is given after with modification because of new reading in line 31.

Dons du Mratāñ fondateur à V.K.A. Svayambhu Dhūli Añ : les batteuses de paddy Ku Kandriṁ, Ku Tpit; la tisseuse de vêtement Esclaves : suit une liste d'une douzaine de ku avec leurs enfants.

Voici l'origine de notre lignée. Sous le règne de S. M. le roi qui est allé à Parameśvara, nos trois ancêtres en ligne maternelle furent: Loñ Lakṣaṇa qui était Senāpati du centre de l'armée tmāl à Vraḥ Caṁpak Teṁ ; Teṅ Ayak qui était reine devī et avait été emmenée à Bhavapura; Teṅ Pit qui fut donnée au Khloñ Vala Kamrateṅ Añ, saint ancêtre de S. M. le roi qui est allé à Īśvaraloka, portant le nom de Loñ Haradhārma, et inspecteur des paṁcāṁ.

Depuis l'époque de S. M. le roi qui est allé à Parameśvara, il Loñ Haradhārma amena nos ancêtres de Bhavapura et eut des enfants, quatre garçons et trois filles: Loñ Vāsudeva, Loñ Loñ, Loñ Satyapāla, Loñ Śrīrājaka, Teṅ Indrāṇi, Teṅ Vāsudevi, Teṅ Pavitra. Teṅ Indrāṇi et Teṅ Vāsudevī furent données à Mratāñ Śrī Pr̥thivīnarendra; Teṅ Pavitra fut donnée à K. A. Vraḥ Mūla, neveu de Khloñ Vala Kamrateṅ Añ, et oncle de S. M. le roi qui est allé à Īśvaraloka.

S. M. le roi qui est allé à Parameśvara s'étant rendu à R̥dval chargea Mratāñ Śrī Pr̥thivīnarendra de faire une cérémonie bénéfique kalyānasiddhi destinée à empêcher que le Kambujadeśa ne pût être pris par Javā. Il donna en honoraires les terres de Sratāc et de R̥dvāl, avec tous leurs biens au complet, à Mratāñ Śrī Pr̥thivīnarendra.

Mratāñ Śrī Pr̥thivīnarendra donna R̥dvāl à Teṅ Vāsudevī, et donna Sratāc à Teṅ Indrāṇi. Alors Loñ Vāsudeva, son beau-frère, s'adressa respectueusement au roi pour que S. M. kamrateṅ kaṁtvan daignât donner à nouveau les terres de Sratāc et de R̥dvāl à Loñ Vāsudeva, à Teṅ Vāsudevī et à Teṅ Indrāṇi, et ne permît pas que la famille de Śrī Pr̥thivīnarendra les prît. Il érigea un saint Viṣṇu à R̥dval et le donna à Teṅ Vāsudevī.

Alors Mratāñ Śrī Satyāyudha et Mratāñ Śrī Ripumathana, enfants de Mratāñ Śrī Pr̥thivīnarendra donnèrent ces deux pays. Loñ Vāsudeva, propriétaire en cet endroit, et nous-mêmes réunîmes la propriété avec celle de Mratāñ Śrī Pr̥thivīnarendra.

Alors Khloñ vala Kamrateṅ Añ consentit, en raison de notre condition naturelle de possesseur de kṣetra, à ce que nous allions réunir la propriété avec celle de Mratāñ Śrī Pr̥thivīnarendra.

Sous le règne de S. M. le roi qui est allé au Viṣṇuloka, Loñ Vrāhmaṇapāśa, enfant de Teṅ Vāsudevī, qui avait obtenu le titre de Mratāñ Śrī Satyāyudha, khloñ mukha des éléphants sacrés ; Loñ Ayat, son frère cadet, mūla; Loñ Narāy, enfant de Teṅ Indrāṇi, dizenier des paṁcāṁ; Teṅ Hyaṅ Narendra, enfant de Teṅ Pavitra, née de K. A. Vraḥ Mūla et donnée en propriété à S. M. le roi qui est allé à Īśvaraloka; Teṅ Ṇau, sœur cadette de Teṅ Hyaṅ Narendra donnée au brahmane, chapelain royal, nommé Mratāñ Kloñ Gauri, de S. M. le roi qui est allé à Īśvaraloka, tous ces gens demandèrent de la faveur royale les terres de Vraḥ Teṁ Cyak, Khvit Traeḥ, Vraḥ Pi, Svāy Kraliṅ, Vraḥ Thnal Sleṅ, Kanlah Thnal, Viṣṇu Vrai Krapās Kañcaḥ, pour donner en propriété ? parigraha ces terres à Teṅ Hyaṅ Narendra de Sratāc nommé Haripura Teṁ.

Alors S. M. le roi qui est allé au Viṣṇuloka s'en fut lâcher l'éléphant sacré nommé Śrī Jaiyaśikṣadharma, il ordonna d'appeler cet éléphant vigoureux, et de le lâcher. S. M. le roi qui est allé au Viṣṇuloka érigea Vraḥ Vīra, creusa Vraḥ Tvāt, donna en honoraires ces terres non gardées à Mratāñ Śrī Satyāyudha, notre ancêtre en ligne maternelle : terres de Paroy Panahorna, Thkval Kandan, Vraḥ Pāsa, Traṅey Trāy Trāy, Kandan Kralā, Sandhanipura, Devi, Taliñ Oñ, Vraḥ Jraiy, Kandan , Travāṅ Sandha.

Alors, S. M. le roi qui est allé au Viṣṇuloka s'en fut prendre des éléphants à Vnaṁ. S. M. le roi qui est allé à Īśvaraloka s'en fut aussi, parce que Teṅ Hyaṅ Narendra y allait. K. A. Vraḥ Mūla obtint Teṅ Pavitra, mère de Teṅ Hyaṅ Narendra, aussi. Teṅ Ṇau, sa sœur cadette, fut donnée au brahmane, chapelain du roi, nommé Mratāñ Khloñ Gauri.

Arrivé à Ldau, K. Vraḥ Mūla emmena Teṅ Pavitra, mère de Teṅ Hyaṅ Narendra, entrée au service de S. M. le roi qui est allé à l'Īśvalaloka. Il obtint la terre de Ldau de la faveur de S. M. le roi qui est allé au Viṣṇuloka, fit les cérémonies de la délimitation, planta les bornes, plaça une inscription praśasta à Sratāc et donna la terre à notre ancêtre nommée Teṅ Soṁ, enfant de Teṅ Pavitra, en ligne maternelle, afin que nous ayons le pays à Ldau.

La Teṅ Hyaṅ, fille de Teṅ Vāsudevī, née de Mratāñ Śrī Pr̥thivīnarendra, devint une autre épouse du cuisinier mahānasa du territoire pramān de Sanduk. S. M. le roi qui est allé à l'Īśvaraloka ayant obtenu la sainte royauté, donna à Teṅ Hyaṅ le nom de Tāñ K. A. Kṣitīndradevī, fit de Śrī Satyāyudha un général chef de l'armée du centre, de Loñ Narāy, fils de Mratāñ Śrī Ripumathana, un général Bhavanāga. Loñ Sān, mūla, creusa le sol et fonda huit prāsāt à Sratāc. C'est nous qui avons installé tous ces pays et les avons donnés au dieu à Sratāc.

Ensuite, S. M. le roi qui est allé à l'Īśvaraloka donna par faveur Kañyaṅ Vravauv Vnur Vraḥ Kadyaṅ Yogapura Drāāṅ Saṅkāsara Vinlo Le Vnur Taṁrel Kr̥ṣṇa Pāt Ye Dik. Les fondations terminées, on informa K. A. Kṣitīndradevi en la priant d'inciter S. M. le roi qui est allé à l'Īśvaraloka à donner l'ordre aux Mratāñ Śrī Satyāyudha et Śrī Ripumathana d'aller ériger une image à Vak Ek nommée Gapatikṣitīndra, de fixer la redevance de tout le kṣatra à 1 x thlvaṅ de riz cuit par jour. La fondation de Tāñ K. A. Kṣitīndradevi fut inscrite sur une feuille nos parents kule qui sont maîtres svāmi des biens

Ceux qui conservent cet acte inscrit sont Mratāñ Śrī Satyāyudha et Mratāñ Śrī Ripumathana, enfants de Mratāñ Śrī Pr̥thivīnarendra.

Sous le règne de S. M. qui est allé à l'Īśvaraloka, 749 śaka on a conservé cet acte inscrit. Sous le règne de S. M. le roi qui est allé au Paramaśivaloka, Teṅ Ayak, épouse de Loñ Haṅsa qui est Senāpati Varākagoma, érigea Vraḥ Śaṅkara R̥dvāl sur le tertre.

First edited by George Cœdès (7128-136) with a French translation; re-edited here by Kunthea Chhom based on the estampage EFEO n. 1674 and the photographs of the stone K.956_1 and K.956_2.

7128-136