. namo vuddhāya nirmmāṇa -dharmma-sāmbhoga-mūrttaye bhāvābhāva-dvayātīto dvayātmā yo nirātmakaḥ . bhaiṣajyaguru-vaidūryya prabharāja-jinan name kṣemārogyāṇi janyante yena nāmāpi śr̥ṇvatām· . śrīsūryyavairocanacandarociḥ śrīcandravairocanarohiṇīśaḥ rujāndhakārāpaharau prajānāṁ munīndra-meror jayatām upānte . Āsīn nr̥paś śrīdharaṇīndravarmma devātmajaś śrījayavarmmadevaḥ jāto jayāditya-pureśvarāyāṁ vedāmvaraikendubhir āptarājyaḥ . niśśeṣarājanya-śirovataṁsa -pādāmvujas saṁyati saṁhr̥tāriḥ paryyagrahīt sad-guṇa-ratna-bhūṣāṁ yat-kīrtti-hārāṁ vasudhāṅganāṁ yaḥ . sadāmudā varddhita-dāna-vāris sadāna-varddhi-priya-saṁpadāḍhyaḥ Iṣṭyāhavaiḥ kliṣṭa-surārikānto yaḥ kr̥ṣṇa-kalpo 'py avadātavarṇaḥ . yaṁ vīkṣya kāntyā vijitañ ca kāmam· vuddhveva dhāmnā vijite 'pi nāme śucan tyajantyo nijanāma sārthaṁ vandhīkr̥tāripramadāḥ pracakruḥ . puṇyāyuṣaḥ kṣīṇatayā yuge 'ntye kṣayaṅ gatāyāṁ kṣayavat prajāyām· prajāpatiḥ prāgyugavad vitene yo 'bhyutthitiṁ pūrṇavr̥ṣāṁ samr̥ddhām· . R̥ddhyā svarggīkr̥tāṁ pr̥thvīṁ matvā maraṇadūṣitām· martyānām amaratvāya yo 'diśad bheṣajāmr̥tam· .puṣyaṅ kr̥tī kr̥tīkr̥tya pūrṇāṅgaṁ yo 'karod vr̥ṣam· rāja-vaidyā-cikitsyāṅghri bhaṅgan tri-yuga-doṣataḥ . jitvānya-go-pativr̥ṣaṁ svairan tri-bhuvanāṅgane jr̥mbhate ninadan dhīraṁ vr̥ṣo yat-puṣkalīkr̥taḥ .dehinān deha-rogo yan mano-rogo rujattarām· rāṣṭraduḥkhaṁ hi bhartr̥̄ṇān duḥkhan duḥkhan tu nātmanaḥ . Āyurvvedāstra-vedeṣu vaidya-vīrair vviśāradaiḥ yo 'ghātayad rāṣṭra-rujo rujārīn bheṣajāyudhaiḥ .sarvveṣām aparādhān yas sarvvataḥ pariśodhayan· yugāparādhe na rujām aparādhān vyaśodhayat· .sārogyaśālaṁ parito bhaiṣajya-sugataṁ vyadhāt· sārddhañ jinaurasābhyāṁ yas sadā-śāntyai prajā-rujām· . sa vyadhād idam ārogya śālaṁ sa-sugatālayam· bhaiṣajya-sugatañ ceha dehāmvara-hr̥d-indunā . so 'tiṣṭhipad imau cātra rogiṇāṁ roga-ghātinau śrīmantau sūryya-candrādi -vairocana-jinātmajau . cikitsyā Atra catvāro varṇā dvau rāja-vaidyakau narāṣ ṣoddaśa nāryyo dvā -daśāpy auṣadha-dāyinaḥ> . vāri-tāpauṣadhotpeṣa -pāka-lepakaraḥ punaḥ Ekaśaḥ parisaṁkhyātās strī-puṁsā-viṁśatir janāḥ . Idan nr̥pa-nidher grāhyan tri-velaṁ prati-vatsaram· praty-ekañ caitra-pūrṇamyāṁ śrāddhe cāpy uttarāyaṇe . gobhikṣāḥ kalpitās tisro 'py ekaśo 'rddha-tri-vimvikāḥ māṣas tv ekormmikā rakta -pārśva-citrāmvara-dvayam· . dhautāmvaraṁ pañca-yugaṁ takkan daśapalair mmitam· sikthan tu ṣoddaśa palañ candanan tu catuṣpalam· . ṣaṭ-prasthā madhunaḥ proktāṣ ṣaṭ-prasthāni tilāni ca ghr̥tan dvi-prasthakan triṁśat palā kr̥ṣṇāpy athauṣadham· . yavānī-pippalīreṇu -punnāgā Ekaśaḥ pam· Ekamāṣan tu karpūraṁ ṣaṭ tu jātiphalāny api . kottha-jīrṇa-kṣāra-hiṅgu -praty-ekan tac-catuṣṭayam· dvi-pādaṁ śarkkarāyas tu proktaṁ pala-catuṣṭayam· . jala-sattvā dandaṅsākhyā daśākhyātā Athaikaśaḥ śrīvāsañ candanan dhānyaṁ śata-puṣpaṁ pala-dvayam· . Elānāgara-karkola -maricaṁ prastha Ekaśaḥ dvi-prasthau tv ekaśaḥ proktau dvau pracīvalasarṣapau . tvak trimuṣṭiraśītis tu pathyā-darvvī-catuś-chidā kandāṅ harlāyjansyaṅ dāru -cchavyan tri-palam ekaśaḥ . Arddha-tri-palako mittra -devaṣ ṣaṭ-kuduvaṁ madhu tāvān guddo 'tha sauvīram arddha-tri-prasthakaṁ smr̥tam· . Idan tu deva-pūjāṅśaṁ praty-avdaṁ parikalpitam· Arddha-tri-vimvaṁ pratyekaṁ gobhikṣe dve prakalpitam· . Ekan triṁśat palan tāmra -bhājanan trapu-bhājanam· Ekam arddha-tri-kaṭṭīkaṁ śveta-citrāṁśukaṁ dvayam· . dvā-viṅśatis tu yugalā ny aṣṭa-hastaka-vāsasām· dvā-triṁśat kaṭṭikaṁ sakthan dvi-pādañ ca dvi-māṣakam· . vattir dvikaṭṭī dvi-palā tri-pādā ca tri-māṣikā Eka-pādaika-māṣonaṁ takkan tv arddhāṣṭa-kaṭṭikam· . sapta-kaṭṭī sapta-palā kr̥ṣṇā-pādas samāṣakaḥ Aṣṭā-triṁśat śataṁ khāryyas sapta prasthāś ca tandṇḍulāḥ . dhānā-priyaṅgū-mudgā dvā -daśa-prasthā dvi-kauduvāḥ praty-ekaṁ vrīhayo droṇa dvaya-yuktaika-khārikāḥ . sapta-prasthās trikuduvā lājā madhu-guddau punaḥ ṣaddghaṭāv ekaśo 'nyūno tri-gandūṣa-dvi-kauduvaiḥ . ghr̥tasya dvā-daśa ghaṭās tathā prasthās trayodaśa kuduvau dvau ca gandūṣā dvā-daśāpi prakalpitāḥ . taroḥ phalānaṁ gaṇitāḥ khārikāḥ pañca-viṁśatiḥ kuṣmandāni daśa dvau tu varāhau parikalpitau . ṣaṭ-sahasrī punaḥ pūga -phalānāṁ sa-catuś-śatī catur-vviṅśati-saṁkhyātā mukha-vāsāḥ prakalpitāḥ . catuś-śatās tathaikā ca laghu-pattrasya muṣṭayaḥ Ekaśaḥ pattra-śatakañ catvāriṁśat tu śeṣitāḥ . Aṣṭā-ṣaṣṭi-śatī rambhā pattrāṇāṁ viṁśatī Api vana-pattrāṇi ṣaṭtriṁśat sahasrāṇi tu saṁkhyayā . syuṣ ṣaṭ-triṁśac-chatā vaṁśa -śalākāḥ pañca-kaṭṭikam· vāṇa-pattraṁ pañcadaśa -palañ cāpi dvi-pādakam· . Edhās sapta-sahasrāś ca vahner navaśatā Api viṁśatiś cāgnirakṣaidhās tri-śatāṣ ṣaṣṭir eva ca . Eka-viṁśati-bhāras tu proktā nava-tulā Api pākaidhāḥ pari-saṁkhyātās tathā dvā-daśa kaṭṭikāḥ . pañcātra vāsi-gaṇaka -pramukhā dharmma-dhāriṇaḥ niyojanīyāś śrīrāja -vihārā-dhyāpakena te . tatredaṁ vāsigaṇake varṣe varṣe prakalpitam· saptaviṁśati gobhikṣā Ekaśo 'rddhatrivimvikā . vr̥hadvr̥hatikās tisro yugalāni tu vāsasām· pañcāśad daśahastānaṁ sārddhāni parisaṁkhyayā . praty-ekan dvā-daśa-pale takka-kr̥ṣṇe prakalpite catasraḥ kaṭṭikāḥ pātra -trayasya trāpuṣasya tu . Eka-viṁśati-khāryyas tu tandulāḥ parikalpitāḥ praty-avdaṁ vāsiṣu catu -rṣv idan dātavyam ekaśaḥ . vāsasān daśahastānaṁ yugmāni daśapañca ca tisro vr̥hatyas tripale takkakr̥ṣṇe tathaikaśaḥ . Arddha-dvi-kaṭṭikaṁ pātra -trittayan trāpuṣaṁ smr̥tam· Atha dvā-daśa khārīkās tandṇḍulāḥ parikalpitāḥ . vadanya-vr̥ṇdāgrasaro 'pi rājā prajārtha-cintā-janitārthi-bhāvaḥ bhūyo 'py asau yācata Ity ajasraṁ praditsataḥ kamvuja-rājasiṁhān· . kr̥taṁ mayaitat sukr̥taṁ bhavadbhis saṁrakṣaṇīyaṁ bhavadīyam etat· puṇyasya kartuḥ phala-bhāk prakr̥ṣṭaṁ saṁrakṣitety uktam idaṁ hi vr̥ddhaiḥ . yo rājadhānyān nihitaḥ prabhutve mantrī sa Evātra niyojanīyaḥ na preṣitavyā Iha karmma-kārāḥ karādi-dāneṣu na cānya-kāryye . praty-agradoṣā Api dehinas te na daṇdanīyā Iha ye praviṣṭāḥ te daṇdanīyās tu na marṣaṇīyā ye prāṇi-hiṅsāniratā Ihasthāḥ . jagad-dhitātyartha-tr̥ṣas sa rājā punar vabhāṣe praṇidhānam etat· bhavāvdhi-magnāñ janatāṁ samastām uttārayeyaṁ sukr̥tena tena . ye kamvujendrāḥ kuśalānuraktā Imāṁ pratiṣṭhāṁ mama rakṣitāraḥ te sānvayāntaḥ-pura-mantri-mittrā nirāmayaṁ mokṣa-puraṁ labheran· . nānā-divyāṅganābhir viracita-ratibhir bhūri-divyopabhogair dīvyeyur divyadehā divi ditidanujāṁs tejasā tejayantaḥ dārḍhyan nītvā samantād acalitam aniśaṁ rakṣayā svaḥprayāṇe ye niśrenīkariṣyanty akuśaladalanaṁ puṇyam etan madīyam· .

All the restitutions are based on the edition of K. 537.

Edited preliminarily by Kunthea Chhom from the estampages EFEO n. 1237-B, EFEO n. 1237-C and EFEO n. 1237-D. The estampage EFEO n. 1237-A is not available.