. svasti śakavarṣātīta 824 poṣa-māsa tithi daśamĭ kr̥ṣṇapakṣa‚ tuṁlai‚ kalivuAn·, soma-vāra‚ daksiṇa-stha‚ jyaiṣṭṭha-nakṣatra, mitra-devatā, sukarmmā-yoga‚

tatkāla rakryān· I vantil· pu pālaka Anak vanuA I vuAtan sugiḥ vatak· vulakan·‚ muAṁṅ anakvinira dyaḥ prasāda‚ muAṅ anaknira katiga pu palaku, pu govinda‚ pu vaṅi tamuy· manusuk ṣīma vanuA I paṅgumulan· vatak· pulu vatu hop· kabinyagakabikuAnya gavai mā 4 savaḥ kanayakān· tampaḥ 7 kaṭik· 1 pati lekniṅ alas· pirak· mā 1 paknānyan· sinusuk· punyānira śīmā bhaṭāra muAṁ bhaṭārī I kinavuhan·, tan katamāna deni saprakāraniṁ maṅilala drabya haji tikasan·, rumvān·‚ manimpiki, paranakan·, kriṁ, paḍamm apuy·, maṅhuri, Air haji, tapa haji‚ tuha dagaṁ‚ vanuA I dalam·‚ kataṅgaran·, pinilai, mapaḍahi, maṅiduṁ, hulun haji Ityevamādi kabaiḥ tan hana deyan· tumamā Iriya‚ bhaṭāra muAṁ bhaṭārī Ataḥ basa-pramāṇā I sovarani sukha-duḥkhanya kabaiḥ,

Anuṁ kinon· humarapa Ikanaṁ susukan· śīma saṁ pamagat· pikatan· ḍapunta kośikī Anak vanuA Iṅ haji kabikuAn· I paməhaṅan, muAṁ saṁ pamagat· manuṅkuli saṁ brahmāśakti, maṅasiəAkan· sira pasək-pasək· sabyavasthaniṁ manusuk ṣīma daṅū‚ I rakryān mapatiḥ I hino pu dakṣa saṁ bāhubajrapratipakṣakṣaya, rake halu pu bvalu saṁ saṁgrāmadurandhara, rakai sirikan· pu variga saṁ samarabikrānta, rakai vka pu kutak·, rake pagar vsi pu vīrabikrama‚ saṁ pamagat· tiruAn· pu Asaṅā saṁ śiva Astra‚ saṁ makavanuA Ikana sinusuk· saṁ pamagat· pulu vatu pu kunir· saṁ vinīta Anak vanuA I cukulan· vatak· tilimpik·‚ kapuA sira InasəAn· pasək-pasək· vḍihan· gañjar pātra sisi yu 1 simsim prasăda voḥ 1 mabrat· mas· su 1 Iṁ sovaṁ-sovaṁ . saṁ pulu vatu Anakbi pu babi Anak vanuA I babahan· I pulu vatu InasiəAn· kain· savlah simsim pasaprasāda voḥ 1 mabrat· mas· mā 8 . rakai halaran· pu basu‚ rake palar hyaṁ pu puñjaṁ‚ dalinan· pu gālatha‚ vlahan· pu dhepu‚ maṅhuri pu cakra‚ paṅkur· pu rañjan·‚ tavān· pu varā, tirip· pu kr̥ṣṇa‚ vadihati pu ḍapit·‚ ma kudur· pu sambr̥da‚ kapuA sira InasəAn· pasək-pasək· vḍihan· raṅga yu 1 simsim prasăda voḥ 1 mabrat· mas· mā 8 Iṁ sovaṁ-sovaṁ . paminaṁ I saṁ hyaṁ kudur· vḍihan· yu 1 mas· mā 4 saṁ tuhānni vadihati 2 saṁ mira-miraḥ si rayuṁ maṁraṅkapi saṁ halaran· si rahula Anak vanua I paṁramuAn· vatak· vadihati, saṁ tuhānni makudur· 2 saṁ Asam mañjapañjaṁ si dharmma muAṁ saṁ taṅkil· sugiḥ‚ si manikṣa Anak vanuA I mantyāsiḥ vatak· makudur·, kapuA vineḥ pasək-pasək· vḍihan· yu 1 mas· mā 4 Iṁ sovaṁ-sovaṁ . I vadihati lumaku manusuk· saṁ vurukuy· si maṅasū Anak vanuA I paṇḍamuAn· vadihati, muAṁ I makudur· saṁ kamalagyan· si lalita Anak vanuA I palikət· vatak· makudur· kapuA vinaiḥ pasək-pasək· vḍihan· yu 2 mas· mā 8 ka hop· pā paṅaṅkat· Iṁ sovaṁ-sovaṁ . samaṅkana saṁ tuhān mamuAt· Ujar kabaiḥ parujarr i hino saṁ kaṇḍamuhi si tuṅgaṁ Anak vanuA I gunuṅan· vatak taṅkil· citralekha saṁ vatu varani, si manəsər· Anak vanuA I tamaliṅgaṁ vatak· sirikan·, parujar ri halu saṁ viṣaga si vīryya Anak vanuA I pakalaṁkyaṅan· vatak· pagar vsi‚ parujar ri sirikan· saṁ hujuṁ galuḥ si Agra Anak vanuA I siṅha vatak· hino‚ citralekhā dharmmasinta si parbvata Anak vanuA I limusā· vatak· pulu vatu‚ parujar· I vka viridiḥ si ḍaṇu vanva I skar tān· vatak· layu vataṁ‚ citralekhā halaṁ manuk· si govinda vanva ri vanuA tṅaḥ vatak· vuru tuṅgal·, parujar· I tiruAn· sumuḍan· si bhāsura Anak vanuA I vuṅkuḍu vatak· kilipan·‚ kapuA vinaiḥ pasək-pasək· vḍihan· yu 1 mas· mā 4 Iṁ sovaṁ-sovaṁ . parujar· I halaran· saṁ vijanta Anak vanuA I tulumpuk· I sumiṅkar· vatak kaṇḍuḥ, tuhāniṁ kanayakān· I pulu vatu si samădhi vanva I paṅaruhan· paṇḍai tamvagā muAṁ tuhāniṁ lampuran· si dhaniti Anak vanuA I vukulan· vatak· tilimpik·, parujar· I maṅhuri si ranuĪ si samodaya Anak vanuA I siṅhapura vatak· halu madāṁ, parujar· I paṅkur· dadalan· si dhyāna Anak vanuA I rilam· vatak· Aluhur·‚ parujar· I tavān· saṁ ḍāluk· si kr̥ṣṇa Anak vanuA I srai vatak· hampuṅan·‚ parujar· I tirip· saṁ paṅadagan· si siṅha Anak vanuA I paraṁ maṁjahij-jahit·, kapuA vineḥ pasək-pasək· vḍihan· yu 1 mas· mā 2 Iṁ sovaṁ-sovaṁ . pituṁtuṁni parujar· saṁ mānak·‚ luA si barubuḥ muAṁ si varu kapuA Anak vanuA I ra luA vatak· vuru tuṅgal·, vuAtan pai si kbəl· Anak vanua I vuAtan pai vatak· vatu humalaṁ vinaiḥ pasək-pasək· vḍihan· yu 1 mā 1 Iṁ sovaṁ-sovaṁ . patiḥ I pulu vatu 3 māmas· si tirisan· ramani yoga muAṁ tajy āṅin· si kaṇḍi ramani lucira, tuṁgū duruṁnya si śaraṇa ramani vavul· kapuA vineḥ pasək-pasək· vḍihan· yu 1 mas· mā 2 Iṁ sovaṁ-sovaṁ . parujarniṁ patiḥ si kañcil· ramani vaṇḍi vineḥ vḍihan· sahle mas· mā 1 . vahuta I pulu vatu 3 Air hijo si dras· ramani variṅin·‚ tuṅgū duruṁnya si baiśākha ramani tuṣṭa‚ vahuta vinkas·-vkas· si katis· vinaiḥ pasək-pasək· vḍihan· yu 1 mas· mā 2 Iṁ sovaṁ-sovaṁ . vahuta lampuran· si bhadra muAṁ pihujuṁnya prāṇa 5 kapuA vinaiḥ pasək-pasək· vḍihan· sahle mas· mā 1 Iṁ sovaṁ-sovaṁ . rāma māgaman· Irikanaṁ vanuA sinusuk· I paṅgumulan· prāṇa 6 kalaṁ maṅuvu si piṅul· ramani Udā‚ gusti sy atag· ramani raṅga‚ vinkas· si vudal· ramani ḍemoḥ, tuha banuA si guṇa ramani ḍayaṁ, rāma matuha si vlaṁ ramani go, magavai vatu śīma si śrū ramani bukaṁ saṁkā I ḍihyaṁ vineḥ pasək-pasək· vḍihan· yu 1 mas· mā 2Iṁ sovaṁ-sovaṁ . muvaḥ māgaman· prāṇa 7 kalaṁ tuṁgū duruṁ si tuḍe ramani baiśākha, hulu vras· ḍapunta biṅuṁ, tuha vəR̥ḥ si brit·, si kdul· ramani mahəAr·, vada huma 2 si plat· ramani dharmma, muAṁ si Uñja ramani gamvoḥ, si ḍoho ramani ramya, si raṅgəl·, ramani tugan·‚ si kaladhara ramani Udāyaṇa, si moṅoḥ ramani tarum· kapuA vinaiḥ pasək-pasək· vḍihan· yu 1 mas· mā 1 Iṁ sovaṅ-sovaṁ . Anak· manuAm· prāṇa 18 si bloṇḍo‚ si karan·‚ si dayaṇa‚ si plat·, si mugā‚ si kuṇḍu‚ si glo, sy aləṁ‚ si bahu‚ si glar·, si limbu‚ si tuṅgū‚ si tiḍu‚ si gvarī‚ si kavəl·‚ si balubu‚ si bṅal·, si dravəṁ, kapuA vinaiḥ pasək-pasək· vḍihan· sahlai mas· ku 1 Iṁ sovaṁ-sovaṁ . raiṇanta saṁ matuha, si turuk· raiṇaṅga si taḍaḥ rai bai‚ si rumpuṁ rai ḍaimoḥ, vinaiḥ pasək-pasək· kain vlaḥ 1 kampit· 1 Iṁ sovaṁ-sovaṁ . muvaḥ raiṇanta saṁ manūti prāṇa 15 si gavī rai kr̥ṣṇa‚ si magyā rai śryan· si kuḍuk· rai rampūAn· si vrut· rai tugan·‚ si kinaṁ rai barubuḥ, si dakī‚ rai mahəAr·‚ si turukan· rai tarum·, si haryya rai ramya, si balyaḥ rai gamvo, si puñjaṁ rai gamvais·, si lamyat· rai banī‚ si ḍayaṁ rai dayana, si dita rai bireḍis·, si kutil· rai go, si tugan· rai vdai piṇḍa prāṇa 15 vinaiḥ pasək-pasək· kain· savlaḥ Iṁ sovaṁ-sovaṁ . Anak manuAm· Anakbi si mahyaṁ, si tagəs·, si rikha‚ si sojara‚ si vidoḥ‚ si rampvas·, si kaḍyā‚ si camme piṇḍa prāṇa 8 vineḥ pasək-pasək· pirak· mā 4 Iṁ sovaṁ-sovaṁ . samaṁkana saṁ I siriṅaniṁ vanuA milu pinakasākṣi, patiḥ I hino patiḥ kulumpaṁ si puñjaṁ ramani śrī‚ patiḥ I tiru rāṇu 2 patiḥ paṇdavutan· si pryaṅka ramani kurutug· muAṁ si parama ramani vulakan· kapuA vineḥ pasək-pasək· vḍihan· yu 1 mas· mā 2 Iṁ sovaṁ-sovaṁ . rāma I siriṅan tumūt· sākṣi, I suru vatak· ho kalaṁnya si pagar· kaki mahū‚ parujarnya si tahil· ramani varis·‚ I tguhan· vatak· liṅgaṁ gusti si suṁlit· ramani ptəṁ‚ parujarnya si haliṁ ramani jaluk·, I purud· vatak· garantuṅan· paṇḍe kalaṁ si taji ramani svāmi‚ parujarnya si junət·‚ I pās· tamvir· kalaṁ si guṇakāra ramani jaluk·‚ parujarnya sy uṁḍa ramani kisik·‚ I kinavuhan· vatak· hino gusti si bandəṁ kaki Ajī‚ parujarnya si tuḍu‚ I vaṅun amvək· vatak· paṅuruhan· paṇḍai rāma matuha si pyul· ramani śuddhi, parujarnya si juluṁ, I muṅgu vuAtan· vatak· laṇḍa tamvir· rāma matuha si vaduĀ ramani Impən· piṇḍa vanuA siriṅan· tumūt· pinakasākṣi 9 hop· saṁ patiḥ, vuAṁnya prāṇa 9 kapuA vinaiḥ pasək-pasək· vḍihan· yu 1 mas· mā 2 Iṁ sovaṁ-sovaṁ . parujarnya piṇḍa prāna 6 vinaiḥ pasək-pasek vḍihan· sahlai mas· mā 1 Iṁ sovaṁ-sovaṁ

. sajiniṁ manusuk ṣīma, vḍihan· saṁ hyaṁ brahmā yu 1 mas· mā 1 vḍihan· saṁ hyaṁ kulumpaṁ yu 4 mas· mā 4 vaduṁ 1 rimvas· 1 patuk· 1 lukai 1 tvək· punukan· 1 liṅgis· 4 laṇḍuk· 1 vaṁkyul· 1 gulumi 1 kurumbhāgi 1 nakhaccheda 1 dom· 1 tahas· 1 bsi 1 padamaran· 1 saragi pagaṅan· 2 kampil· 1 vras· sakadut· 1 vsi Ikat· 1 vḍus· 1 taṇḍas· 1 kumol· 1 skul· dinyūn· 4 pras· 1 pasiliḥ galuḥ 1 Argha 5 vras· Iṁ tamvakur· 1 hayam· 4 hantiga 4 muAṁ pañcopacāra kamvaṁ‚ kavittha‚ dīpa‚ dhupa‚ gandhalepa

. I sampunira kabaiḥ manaḍah mapaṅaliḥ makavittha, makamvaṅ, maluṅguḥ sira riṁ natar· makuliliṅan· humarapakan· saṁ hyaṁ kudur· muAṁ saṁ hyaṁ śīma vatu kulumpaṁ I sor·niṁ bitāna I tṅaḥniṁ natar·, kramaniṁ maluṅguḥ saṁ pamagat· pikatan·, rake vantilal·, samagat· manuṁkuli Umuṅgu lor· humarap· kidul·, saṅ vahuta hyaṁ kudur· muAṁ saṁ tuhan mamuAt· vuvus· kabaiḥ muṅgu kuluAn· humarap· vaitan·‚ saṁ saṁ vahuta patiḥ muAṁ rāmanta muAṁ saṅ anak vanuA kabaiḥ tpi siriṁ muṅgu kidul· humarap· lor·, lumakas· saṁ makudur· mamaṁ-maṁ manumpaḥ, manapatai, manatək· gulūniṁ hayam· linaṇḍasakan· Iṁ susu kulumpaṁ‚ mamatiṅakan· hantlū I saṁ hyaṁ vatu śīma‚ maṅgnaṅi saṁ hyaṁ brahmā riṁ susu‚ kady aṅgānikaṁ hayam· pjaḥ tan· valuy· mahurip·‚ kadi lvīrnikaṁ hantlū rəmuk·‚ śataśīrṇna kadi parṇnaḥ saṁ hyaṁ brahmā tumunuĪ Ikaṁ kayu sakagəgə:ṅan· hilaṁ gsəṁ tan· pahambān· havu kerir·‚ maṅkanā Ikanaṅ UAṁṅ anyāya Asiṁ umulaḥ-ulaḥ Ikiṁ vanuA I paṅgumulan· sinīma rakai vantil· sinūsukniṁ kudur· muAṁ vaduĀ rakryān mapatiḥ, maṅkana sapataśapatha saṁ makudur· Anuṁ kaR̥ṅə: de saṁ vahuta patiḥ muAṁ saṁ rāma Anak vanuA kabaiḥ ṅunivaiḥ saṁ tpi siriṁ kabaih, manamvaḥ ya I saṁ hyaṁ vatu śīma kulumpaṁ sumamvahakan· bhaktinya muAṁ I tan· laṅghanānya,

maṅkananya Umuvaḥ sira kabaiḥ I ronnira manaḍaḥ lvīrniṁ tinaḍaḥ skul· matīman· matumpuk· Asinn-asin· ḍaiṁ kakap· ḍaiṁ kaḍavas· rumahan·, layar-layar· huraṁ‚ hala-hala‚ hantiga‚ samaṅkanaṅ pinakagaṅan· haḍaṅan· prāṇa 2 vḍus· 1 dinadyakan· kla-kla samenaka amvill-amvil·, kasyan·‚ kvəlan·‚ viniṅkā‚ ginaṅanan· hana rumva-rumvaḥ‚ kuluban·‚ ḍuḍutan· tetis·‚ maṅkanaṁ madya Ininuṁ hana tvak· siddhu‚ hana jātirasa, dūḥniṁ nyū, samaṅkanaṁ Inigəllakan· hana mapaḍahi maR̥ggaṁ si catu ramani kriyā‚ maṅr̥kuk· si varā ramani bhoga vinaiḥ vḍihan· sahlai mas· mā 1 Iṁ sovaṁ-sovaṁ . mūla pañjut· 4 si mā ramani kutil·, si maṅol·, si sāgara, si mandon· vinaiḥ mas· mā 1 Iṁ sovaṁ-sovaṁ, mūla vuAi si māri vinaiḥ mas· ku 1 si paracan· mabañol· vinaiḥ pirak· mā 4 mahavān· madval· vras· kahaḍaṁ humalivat· Irikaṁ kāla vuAṁ I tuṅgal aṅin· marā Iṁ pkan· I siṇdiṅan· prāṇa 4 si Antyan·, si rampal·, si surat, sy aranī, tuluṁ tutu I tiru rāṇu vuAṁ I sarupsu prāṇa 3 si biddhi, si kyaiṁ, si goḍa vinaiḥ pirak· ku 1 Iṁ sovaṁ-sovaṁ . mamaṅan· maṅinuṁ saṁ patiḥ vahuta muAṁ rāmanta raiṇanta muAṁṅ anak vanuA kabaiḥ laki-laki vaduAn· matuha rarai milu mahantyan· tan hana kāntun· kapuA mamaṅan maṅinum·, maṅigal· kapuA UmtuAkan· Inakni Amvəknira,

nāhan byaktanyan· sampun· śuddha pariśuddha mapagəḥ Ikaṁ vanuA I paṅgumulan· vatak· pulu vatu sinusuk saṁ vahuta hyaṁ kudur· muAṁ saṁ tuhān mamuAt· Ujar· kabaiḥ śīmā rakryān· I vantil· pu pālaka muAṅ anakvinira dyaḥ prasāda, muAṅ anaknira pu palaku, pu govinda, pu vaṅi tamuy· punyānira I bhaṭāra muAṁ bhaṭārī I kinavahan· paha tguhan· tkā I dlāhaniṁ dlāha, yāpuAn hana vuAṁṅ anyāya Asiṁ Umulaḥ-Umulaḥ Ikiṁ śīma vanuA I paṅgumulan· vatak pulu vatu ṅunivaiḥ yan· puput ta ya kadi lavas· saṁ hyaṁ candrāditya hana riṁṅ ākāśa sumuluḥh iṁ Aṇdḍabhuvaṇa maṅkanā lavasanyan· paṅguhaṁn· pañcamahāpātaka . manurat· praśasti vatu varani, dharmmasinta, halaṁ manuk·

... svasti śakavarṣātīta 825 māsa bhadravāda caturtha kr̥ṣṇa-pakṣa vurukuṁ kalivuAn· soma-vāra

tatkāla rakryān· I vantil· laki bi pu pālaka saṁṅ anakvi dyaḥ prasāda muAṁ Anaknira katlu pu palaku‚ pu govinda‚ dyaḥ vaṅi tamuy·‚ tumbus· lmaḥ rāmanta I paṅgumulan· Ikanaṁ kasaṇḍā kabuAn· maṅaran· I siddhayoga‚ muAṁ savaḥ Iṁ panilman·, tinumvas·, pirak· kā 3 I ḍapunta prabhu muAṁ ḍapunta kaca‚ tumarima Ikanaṁ pirak·‚ saṁ tuha kalaṁ I paṅgumulan· si tuḍai ramani be, saṁ gusti si bloṇḍo‚ vinkas· si vudəl· rāmani ḍaimoḥ rāma maratā pu dharmma‚ pu ramaṇī‚ si Uñju‚ si tiḍu‚ saṁ hulu vras· si ratnī, jātatka si sunī‚ tatra sāksī saṁ marhyaṁ saṁ dakṣiṇa , ḍapunta mūrtti‚ pasiṅir· si glo ramani kucū‚ ḍapunta tivī‚ likhita saṁ karamva, . hyaṁ .

poṣa pauṣa jaiṣṭajyaiṣṭha jaiṣṭa jaiṣṭha ṣīma vanuAṣīma mavanuA gavaigavay· deni deni deniṁ ItyevamādiItyevamadi bhaṭārabhaṭara bhaṭārībhaṭārī I sovaraniIṁ sovarani śīmaśīmā rakryānrakryan 1 mabrat· mas· mā 8I mabrat· mas· mā 8 dalinan·Elinan· sambr̥da sambr̥da sambrada saṁ Asam mañjapañjaṁ Asam mañjaAsammañjaṁ mantyāsiḥmantyasiḥ parujarr ipanujarri viṣagavimaga As noted in T,the -ṣa- is shaped very much like -ma-. parujar ri sirikan·parujar i sirikan· citralekhā dharmma-citralekha dharmma- ḍaṇu vanvadaṇunve skar tān·skar tan· citralekhā halaṁcitralekha halaṁ tṅaḥtṅhaḥ bhāsurakasura Cf. Lintakan 1v17. kapuA vinaiḥkapuA Avinaiḥ tulumpuk·talumpuk· Cf. Kayu Ara Hawang. tuhāni_ṁtuhānituhān ni tamvagātamvaga si ranu_Īsaṁ ranubrasaṁ raṇuĪ halu madāṁhalu maṅhi Cf. Poh (1v19). dadalan·Udalan· saṁ ḍāluk·saṁ ḍaluk· hampuṅan·lampuṅan· siṅhasiṅhā maṁjahij-jahit·The scribe has applied Sanskrit-style sandhi to the first element of the reduplication resulting in jahit > jahij. vuAtan pai si kbəl·vuAtan yai si kbəl· The pasangan pai has a sharp corner that makes it resemble yai. For this toponym, cf. Poh 2r1. vuAtan pai vatak·vuAtan yai vatak· vinaiḥvineḥ tajy āṅin·tajy aṅin· vavul·gavul· The akṣara appears to have a small gap at the bottom, but its overall shape is more similar to va than ga. parujarniṁparujar i si kañcil·I kañcil· vaṇḍicaṇḍi Air hijoAir hajo baiśākhabaiśakha tuṣṭatumva si katis· vinaiḥ pasək-pasik·si katis· vineḥ pasək-pasək· baiśākhabhaiśākha kdul·kpul·kṭul· moṅoḥmāṅoḥ dayaṇaUyaṇa mugāmuga magyāmagya kaḍyākaḍya cammecamma paṇdavutan·paṇḍavutan· si haliṁ ramanisi haliraṁ mani garantuṅanparantuṅan tamvir· rāmatamvir· rama hop·hos· manusuk ṣīmamanusuk ṣimamanusuk śīma kurumbhāgikurumbhagi taṇḍaskaṇḍas dinyūn·dinyun· kulumpaṁ kulumpaṁ lulumpaṁ bitānabitana vantilal· vantilaCf. 3r16 and Damais . Umuṅgu lor·Umaṅgu lor· rāmantaramanta gulūniṁ hayamgulūni hayam· parṇnaḥparṇna tumunuĪtumunu bra gsəṁgəsəṁ anyāyaanyaya Ikiṁ vanuAIki vanva kudur·kuḍur· rakryānrakryan sapataśapatha sapatasavata lvīrniṁlvir na samaṅkanaṁsasamaṅkanaṁ viniṅkāpiniṅkā madya IninuṁThe anusvāra here apparently has phonemic value /m/, cf. OJED s.v. jātirasa. dūḥniṁ nyūdūḥ ninyuṁdūḥni nyūṁ maṅr̥kuk·mabr̥kuk· bhogagoga si mā ramanisi ma ramani vuAivuL̥ si mārisi marī humalivat·kumalivat· tuṅgal aṅin·tuṅgal aṅan· siṇdiṅansiṇḍiṅan rāṇuranu rāmantaramanta kāntun·kantun mapagəḥmapatəḥ tuhāntuhan śīmā rakryān·śīma rakryan· punyānirapunyanira bhaṭārībhaṭāri tkā I dlāhaniṁ dlāhatka Iṁ lahaniṁ laha yāpuAn hanayā suAnyana Umulaḥ-UmulaḥUmulaḥ IkiṁIki puput ta yasusuttaya Aṇdḍabhuvaṇa Aṇdabhuvaṇa Aṇḍabhuvaṇa lavasanyan·lavasnyan· paṅguhaṁn· paṅguhaṁsaṅguhaṁ manurat·Anurat· rakryān·rakryan· maratāmarata jātataka jātata jātaka mūrttimūrtti si glosi go

An alternative designation for this inscription is Kembang Arum.

Distinctive features of the script include: The comma punctuation takes shape of median circle. The tarung is attached in the manner of p and h even to other consonants (as in no, so, etc.) The anusvāra sometimes used for phonemic /m/ in the word inuṁ “drink” (3r20, 3v3), but sometimes we find the usual spelling inum· (3v4). Pasangan ḍ is sometimes not clearly distinguished from pasangan d, resulting in non-standard pairings with ṇ: e.g. Aṇdabhuvaṇa, paṇdavutan

After the end of the inscription on 3v13, there are a number of faint marks that resemble writing, but are not clearly legible.

On the ceremonies involving the sīmastones, see Titi Surti Nastiti 189–191.

41-49 B Reproduced with English translation in H.B.Sarkar The reading was originally published in Tiga Prasasti Dari Masa Balitung . We have taken into account further corrections supplied by Titi Surti Nastiti in June 2020. 13-22 30-35 24-41 LXIV