// ḥ ḥ // svasti śakavarṣātīta, 1218, kaārttikamāsa, tīthi, dvitīya śuklapakṣa, tuṁ, ka, ca, vāra, kuniṅan·, dakṣiṇasthagrahacāra, Adrānakṣatra, mitrādevatā, baruṇamaṇḍala, Atigaṇḍayoga, vairājyamuhūrtta, kuveraparvveśa, valavakāraṇa, mr̥cchikarāśi,

Irikā divaśanyājñā śrī mahārāja, śrī yava-bhuvana-parameśvara, Aninditānubhāva-paraākrama kalpa-druma-paārijāta-nāma-samānādhikaraṇa, kṣatra-vaṅśa-kula-vyapagata-ghaṇa-gagaṇa-tārā-gaṇa-saṁkīrṇa-pūrṇa-śaśāṅka-nirbhinna, saṅgrāma-śūra-śūratara-śūra, jagat-kāla-kūṭāri-rāja-dhvaṅsa-kāra, sāśaśāsanāntaka-nara-vara-śiracchedakāraṇa, vivarṇṇa-pariśūnya-samasta-ripu-hetuka, sakala-sujana-hr̥daya-kamala-vika-sat-sūryya-sadr̥śa, yava-bhuvaneaikaāgra-citta-nipunṇa-prārthi-sthity-ekātapatra, rakryān· mantrī saṅgrāmavija§ya śrī kr̥tarājasa jayavārddhana nāmarājābhiṣeka, sacaturbhrātr̥patnīka, sacchāya ta sira lāvan sira śrī rantən· hajinira catusaānak·, samasta-kr̥tanagara-duhitā, paḍa ta sira putrī de bhaṭāra śrī kr̥tanagara, sira saṁ līna ri śivabuddhālaya, makaādi śrī parameśvarī, dyaḥ devī tribhuvaneśvarī, śrī mahādevī, dyaḥ devī narendraduhitā, śrī jayendrade 2 vī, dyaḥ devī prājñāparāpāramitā, śrī rājendradevī, dyaḥ devī gaāyatriī, kumārarājasatputraparigata,

Iniriṁ ta sira denira rānakira saṁkvke śrī parameśvarī, sira ta prabhu sukumārasulaksaṇa, śrī kr̥tanagara-satpotra-kumārarāja, jaya śrī viṣṇuvārddhana sat-prapotra-ku§mārarāja, Udita-nava-sahasra-kiraṇopamānāninditānubhāva-paraākrama daha-nagara-pratiṣṭṣṭhita śrī jayanagara nāma rājābhiṣeka kumārarāja,

tinaḍaḥ de rakryān· mahāmantrī katrīṇi rakryān· mantrī hino, dyaḥ pamasi, yauddhāti-śūra-rāja-darśana-hetu-śūra, rakryān· mantri sirikan·, dyaḥ palisir·, yuddhāti-dhīradakṣa-rāja-darśana-hetu-dakṣa, rakryān· mantrī halu, dyaḥ siṅlar·, yuddhāti-dhiīra-rāja-darśana-hetu-dhīra,

Umiṅsor i para taṇḍa rakryān· riṁ pakira-kiran makabehan·, rakryān apatiḥ, pu tāmbi, kr̥ṣṇa-rāja-pāṇy-uddhata-bhramanṇa-su-cakra-sadr̥śa-raṇāti-śūra, ra§kryān apatiḥ riṁ daha, pu sora, ravi-kīiraṇāvāaraṇa-jalada-visarjjana-pracaṇḍānila-samāna-raṇāti-śūra, rakryān· dmuṁ, pu renteṁ, tvarita-pravāha-mahā-nadī-samaāna-raṇāti-śūra, rakryān· dmuṅ iṁ daha, pu rakat·, mahā-krūra-siṅha-varābheda-raṇāti-śūra, rakryān· kanuruhan·, 3 pu Elām·, pramatta-gajendra-nirbhinna-raṇāti-śūra, rakryān· kanuruhan iṁ daha, pu Ivar·, ga§dă-dhara-bhīma-tulya-raṇāti-śūra, rakryān· raṅga, pu śaśiī, vividha-sśalabha-gharṣita-pradiīpopamāna-raṇāti-śūra, rakryān· raṅga riṁ daha, pu diīpo, Anekormi-yoga-mahopalānūna-raṇāti-śūra, rakryān tuməṅguṁ, pu vāhana, vr̥kṣāgra-su-gandha-kusuma-darśaka-bhramara-sannibha-raṇāti-śūra, rakryān tuməṅguṅ iṁ daha, pu pamor·, śusṣkendhana-vana-prajvalitāa-dalābha-raṇāti-śūra, makapramuka saṁ mantrī vāgmīmaya mapasəṅgahan·, saṁ nayapati, pu luṅgaḥ, para-nayanyāyănyāya-vodhādhi-nayănaya-guṇa, saṁ prāṇarāja, pu sina, rājaraja-raja-kāryya-kriyāśrănta, saṁ satyaguṇa, pu baṅo, para-hita-da-jñāna-hpara-dūtātmakāneka-guṇa-sampanna, mvaṁ saṁ mantrī keśadhariī, mapusṣpapāta ḍaṅ ācāryyāgraja, mapañji nirătmaka, bhajorddhvatā-sarvvopāya-kuśala-samasta-dharmma-saṁrakṣaṇa-devatā-viśeṣānusmaraṇa-tatpara-sādhana-paripālana, rakryān· juru kr̥tarājasajayavarddhana, mapuṣpapāta ḍaṅ ācāryyāstrarāja, rājorddhvatā-sarvva-nīti-dakṣopadeśa-nipunṇa-samasta-jana-karuṇika-sādhana-paripālana, tan kavuntat· saṁ prāgvivăka vyavahăra 4 -nyāyānyāya-vicchedaka, saṁ pamgət i tirvan·, ḍaṁ ācāryya kusumăyudharipu, mapañji păragata dvinayana, săṁkya-vyākāaraṇa-parisamāpta, saṁ pamgət i maṅhuri, ḍaṅ ācāryyāṅgarakṣa, săṁkya-śāstra-parisamāpta, saṁ pamgət i jamba, ḍaṅ ācāryya rudra, dvinayana, nyāya-vyākāaraṇa-parisamāpta, saṁ pamgət i pamvatan·, ḍaṅ ācāryya rāgavijaya, dvinayana nyāya-vyākāaraṇa-parisamāpta, saṁ pamgət i pamvatan iṁ daha, ḍaṅ ācāryya manmatha, nyāya-śāstra-parisamāpta, saṁ pamgət i tigāṁ rat, ḍaṅ ācāryya mahānātha, nyāya-śāstra-paripālana,

I piṅsorny ājñā śrī mahārāja, kumonakənn irikāṁ vanva riṁ sukhāmr̥ta, thāni vatək· paṅkaḥ, Ataganiṁ vahuta jana-tyə̄san·, padamlakna saṁ hyaṅ ājñā haji praśāsti, tinaṇḍa kr̥tarājasajayavārddhanalañcaṇa, makarasa ri rehanikāṁ sukāmr̥ta, An mantuka sīma, sīmāni saṅ apañji patipati, pu kapat·, katmva kalilirakna deni santāna pratisantāna saṅ apañji patipati, mne hləm· tka ri dlāhaniṁ dlāha,

sambandha, gati saṅ apañji patipati An tumut saduḥkhamanastapa śrī mahārāja, ṅuni ri līna bhaṭāra śrī kr̥tanagara, kari ta sira vālaputra makakamantryan· saṅgrāmavijaya, hana pva saṅ apañji patipati, sākṣāt vuruk de bhaṭāra śrī 5 kr̥tanagara, satata saṅkan· rarai tan saḥ ri pāda-piīṭhanira, mapariṇāmāṅgintiri, makāvaśsānma dmuṁ, ri līna bhaṭāra śrī kr̥tanagara pva, samaṅkana ta saṅ apañji patipati, Ann umiriṁ salaku śrī mahārāja, lumiṁsiri durjana, mamet jīvasaṁrakṣaṇa, mvaṁ ryy āavaśsānanirān kari vālaputra de bhaṭāra śrī kr̥tanagara, vanāntara-praveśa-giri-śikhara-laṅghaniya-sarit-samudra-prataraṇānālaṣsa, tan suṁkan ta sirerika kabbaiḥ, duḥkkhoṣadha-parimārggaṇa-hetu, makanimitta kapetani tambaniṁ duḥkkha, tan kantun ta saṅ apañji patipati, mvaṁ lumakvani sapaṅutuś śrī mahārāja, mahāvarṣā-chātri-kāndhakārolka-hasta, Udan apayuṁ, ptəṅ asuluḥ saṅ apañji patipati An umulahākən· kāryya śrī mahārāja, śrī mahārāja pva sira kṣatriya devăṅśa, su-lakṣaṇa-nara-rūpa-svarggāvatĭrṇa, Āpan sira devatā viśeṣa tumurun sakeṁ svargga makarūpa rājaputra sulakṣaṇa, paṅatibyaktana, dhīra-satya-śānta-su-śīla-kuśala-jana-priya-raṇāti-śūra-bala -koṭy-asaṁkula-kanakādi-dhana-sampanna-svabhāvaṁ, makasvabhāva ta sirerika kabaiḥ ya tika paṅliṅgan i sirān devamūrtti, Athavā, mahānr̥paty-anugraha-svasty-ayana, ndān makātmarakṣa ta sira varānugraha bhaṭāra śrī kr̥tanagara, Ikāṁ saṅgrāmavijayasaṁjñā, ya tikenāṁkənnākən· msaniruktyān niya 6 tanirān jayaśatru riṁ saṅgrāma de bhaṭāra śrī kr̥tanagara, Āpan tan dadi mitthyānugrahaniṁ kadi sira prabhu mahāviśeṣa, yavāyava-dvīpa-rājāanya-maheśvara, Āpan sira ṅuni ratuniṁ ratu riṁ yavabhuvana tumulyani ratuniṁ nūṣāntara, ri tadanāantara, dumon ta sira mara ri deśanikāṁ duṣṭadurjana ri bhaṭāra śrī kr̥tanagara, tan kantun ta saṅ apañji patipati, tka pva sirerika, mtu teki kadevātmakanira, kavus ṅəs-ṅəsən· tekāṁ śatru tan pasara, Ekalomnmānipāta, tan· rumurvakən· vulu salambā gatinya kevala paravaśa, hantu vadvanya, katavan· ratunya, hinir ānak·rabinya, Inalap rājadr̥vyanya, siśīrṇna-bhasmībhūta-niravaśeṣa, tlas· hilaṁ pvaṁ śatru denira, kaṅsa-rājāntaka-vāla-kr̥ṣṇa-nirbhinna, tan pabheda ta sira (2) lāvan saṁ kr̥ṣṇān vālaputra, Umilaṅakən saṁ prabhu kaṅsa, riṁ kapva rājaputravāla jaya riṁ raṇa, siddhasā- (3) dhya pva sira, rājābhiṣekanyăsita-rājābhāraṇa-maṇḍita-ratna-kanaka-siṅhāsanā-rūpa, riṁ samaṅkana ta sira- (4) n paṅadəg· prabhu, Anyaśaktinirăśraya, tan pamarăśraya ta sira ri śaktiniṅ anya, svaśaktyăśraya, ke- (5) vala makasahāya śaktinira, svayaṁ*prabhūdeśasamārtha, sira tekĭnajarākən svayaṁ*prabhu deniṁ sakalal- (6) oka, ca muvaḥ, durjanaduḥkitasamastajana-sāgara-mandārācala-manthāna-mahāmr̥ta-maya, sākṣā-