Sarwadharma (1191 Śaka)

1 // svasti śrī śaka-varṣātīta, I śaka, 1191, kărttika-māsa tithi, pañcamĭ śūkla-pakṣa, vā, ka, vr̥, vāra, laṅkir·, Uttarāṣāḍhana-kṣatra, viśva-devatā, gaṇḍa-yoga, vairadyaājya-muhūrtta, baruṇa-parvveśa, valava-karaṇa, vr̥cchikarāśi,

Irika divaśany ājñā śrī sakala-jagat-nătheśa, nārasiṅhamūrtty-anindita-parākrama, Aśeṣa-rājānya-cūḍāmaṇiṇārpita-caraṇāravinda, śoka-santapita-sujana-hr̥dayāmbujāvavodhana-svabhāva śrī kr̥tanagara nāmăbhiṣeka, tinaḍaḥ de rakryan mahāmantri katriṇi, rakryan mantri hino, rakryan mantri sirikan·, rakryan mantri halu, Umiṁsor i para taṇḍa rakryan· ri pakirakiran makabehan· rakryan apatiḥ makasikasir kbo AR̥maṁ, rakryan· dmuṁ van· ḍaṅ ācāryya śivanātha, mapañji tanutama, I piṅsorny ăjñā śrīmahārāja, ku-§mapañji vipakṣa, rakryan· kanuruhan· mapañjy anurida, makādi saṁ mantrī vāgmima§ya, paramanĭtijña, nūṣāntaramadhuranāthānukŭlakāraṇa, mapasəṅgahan· saṁ rāmapati, tan kavuntat· saṁ pamgət i tirvan· ḍaṅ ācāryya dharmmadeva, saṁ pamgat iṁ kaṇḍamuhi, ḍaṅ ācāryya smaradahana, saṁ pamgət i maṅhuri ḍaṅ ācāryya smaradeva, saṁ pamgət iṁ jamba ḍaṅ ācāryya śivanātha, saṁ pamgət iṁ pañjaṁ jĭva ḍaṅ ācāryyăgraja, mpuṅku dharmmădhyakṣa riṁ kaśevan· ḍaṅ ācāryya śivanātha, mapañji tanutama, I piṅsorny ăjñā śrīmahārāja, ku§2 monakən saṁ hyaṁ dharmma riṁ bhagañjiṁ, riṁ kapuluṅan·, riṁ laukeśvara, tkeṁ viṣaya punpunan· saṁ hyaṁ dharmma, paryyaṅan·, kalaṁ, kalagyan·, dharmma jumput·, Ityevamādi, padamla§kna saṁ hyaṁ rājapraśāsti macihna kr̥tanagara, kapaṅkva deni viṣaya punpunan· saṁ hyaṁ sa§rvvadharmma, magəhakna paṁrakṣa śrīmahārāja, ri kasvatantran· saṁ hyaṁ sarvvadharmma, sambandha, mpuṅku dharmmădhyakṣan mapañji tanutama, dinulur deni viṣaya punpunan· saṁ hyaṁ sarvvadharmma, sapi§nasukniṁ bhūmi jaṅgala pañjalu, pinakasopănanyan· maR̥k i saṁ rāmapati, mintonakən· bvat· deniṁ thāni bala, pinratisāra tumūtaknaṁ byət· ḍaṅhaniṁ thāni bala sovaṁ-⌈sovaṁ, byət· hajyan· lakvalakvan adoh apaR̥k Amijilakən padadar·, pamḍihan·, pagagaR̥m·, mareṁ juru, buyut·, kabayan·, Aveḥ patumbak tamvi, paṅhulu bañu, pacəL̥bu, ṅūni-§ṅūni pamūjāṁkən tahun·, paḍacaṅan·, ya tikānmahakən trāsanya, An tinitiḥ byət·§deniṁ thāni bala, pinisakitan· tan kinavruhan hĭnanya, nimittanyan apuluṁ rahy api§ ṇḍiīdbhūta sakavat bhūmi jaṅgala paṁjalu, maR̥k ri saṁ rāmapati, mvaṁ ri rakryan apatiḥ, makasopăna mpuṅku dharmmădhyakṣa mapañji tanutama, saṁ rāmapati pva satatadharmmacintana, tan luptan· kuminkin i karakṣāniṁ sarvvadharmma, pitovi pvan hana turunyānugraha bhaṭāra jaya śrī viṣṇuva3rddhana Irikaṁ sarvvadharmman sapiha sakeṁ thāni bala, ṅūnikāla saṅ apañji patipati dharmmādhikāraṇa, nimittanyan enakka ta kaniścayan ikiu pinintonakən saṅ apañji tanutama ri saṁ rāmapati, kăraṇa saṁ rāmapati, dinulur de rakryan apatiḥ, sacchāya mvaṁ saṅ apañji ta§nutama, maR̥k ri śrīmahārāja, riṁ viṣaya punpunan saṁ hyaṁ sarvvadharmma, mratisubadakna panapiḥ bha§ṭāra jaya śrī viṣṇuvarddhana, riṁ viṣaya punpunan saṁ hyaṁ sarvvadharmma sakeṁ thāni bala, makadona kasvatantran saṁ hyaṁ sarvvadharmma, maṁdadyakna sthiratarani paliṅgiḥ śrīmahārāja riṁ ratnasiṅhā§sana, pinakekacchātraniṁ sayavadvĭpa, pinakottuṅgadeva saṁ samantaprabhu riṁ bhūmi§ jaṅgala paṁjalu, maṅkana rasani hatur· saṁ rāmapati, vinurivuri deni haturakryan apatiḥ, piniR̥səpakən· deni saṅ apañji tanutama, śrīmahārāja pva prabhu devāṅśa, dharmmamūrttyavatāra, Inahakən· bhaṭāra paramakāraṇa, sumapvana kaləṅkaniṁ bhūvana, munarjīvakna sarvvadharmma, maluyaknaṁ jagaddhita, makavyakti gati saṁ prabhu, An· smR̥tyādivihitaśīlānucāra, pitovi pvan kakavaśa deni haturniṁ paḍa vāgmimaya, sarisaryy aṅhaturakən heyopadeya, kāraṇa śrīmahārāja, An vavaṁ maṅanumoda ri hatur· saṁ rāmapati, dinulur· de rakryan apatiḥ, sacchāya mvaṁ saṅ apañji tanutama, Ann ikaṁ viṣaya punpunan saṁ hyaṁ sa4 rvvadharmmā, sapiha sakeṁ thāni bala, maryy anūtakna byət· ḍaṅhaniṁ thāni bala, byət hajyan agə̄ṅ aḍmit·, lakvalakvan adoh apaR̥ turun·turun sagəm· sarakut· sakeṁ thāni§ bala, maryy amijilakna padadar·, pamḍihan·, pagagaR̥m·, mareṁ juru, buyut·, kabayan·, maryy aveha papiṇḍa paṁti, patikl aṅgas·, paṅhulu bañu, mareṁ thāni balanya sovaṁsovaṁ, kunəṁ yan panuku bañu Ikaṁ thāni bala paṅaśrayanya, tumūtātukva saṅ anutsāra§ni savaḥnya Ikaṁ kalagyan·, tan pamijilakna panulis·, kunəṁṅ ikaṁ tan· pgata vijilaknanya mareṁ thāni bala, pamŭjā juga, vyaktyanyan tan· pgata pamaraśrayanya riṁ thāni bala§ yapvan hana kahaR̥p· saṁ prabhu rikaṁ viṣaya punpunan saṁ hyaṁ sarvvadharmma, byət hajyanan·, lakvalakvan·, pinta palaku salviranya kevala katəmva ri mpuṅku dharmmădhyakṣa juga, tan kahava§ta sakeṁ thāni bala, kunəṁ kolahulaha saṁ hyaṁ rājapraśāsti, An pinūjā denikaṁ viṣaya punpunan saṁ hyaṁ sarvvadharmma, Amaguta pajə̄ṁ kuniṁ, Acuriṁṅa rahinavṅi, ndan hayva tekaṁ viṣaya punpunan saṁ hyaṁ sarvvadharmmāṅhiras vatək·, Aṅivva rare, Abañvabañva, Apupaka, Avaraṁvaraṅa, ri kălani kapūjān saṁ hyaṁ rājapraśāsti, muvaḥ kavnaṅa knanikaṁ viṣaya punpunan saṁ hyaṁ sarvvadharmma, kalaṁ kalagyan·, paryyaṅan·, mvaṁ dharmma jumput·, ri kālanyan pamūjā ri saṁ hyaṁ prasāda kabhaktyanya 5 sovaṁ-sovaṁ, vnaṅajnva halaṁ, Asumpi[ṁ] tuñjuṁ sinivak·, muvaḥ Anugraha śrīmahārāja, Amaluyakən kasvatantran saṁ hyaṁ sarvvadharmma, tan kaknana tekaṁ viṣaya punpunan saṁ hyaṁ sarvvadharmma, riṁ pamḍaṁ, taṅhiran·, pakudur paṅhuraṁ, pakris·, pasraḥ, Aṅaṅgva valī, tuvuḥ vatu, hurip anak·, kəmbaṁṅ i pə̄ṁ, tutuñjuṁ, kəpəl saṁ ratu, tuṅgakniṁ varyyaṁ, navagraha, nagapuspa, vnaṅanusuna saL̥̄, Aguntiṅe ruhur bale, vnaṅañjamaha kavula, Amupuha kavulenakvakən·, Amupuhaṅrahana, Iṅ irus·, Iṅ irir·, Iṁ parud·, Amaṅana salvirniṁ rājamaṅśa, kadyaṅgāniṁ baḍavaṁ, vḍus guntiṁ, karuṁ puliḥ, pjaḥ Anirara, Asu tugəl·, Ananəma kamale rumbambat i- ṅ umaḥ, Ananəma kəmbaṁ kunəṁ ri haR̥pan·, ananəma galuguḥ, Adr̥vyapatətəṅaha·n·, Aṅaṅgva gaḍiṁ, Ikaṁ juru kula,

maṅkana rasany anugraha śrī kr̥tanagara, ri viṣaya punpunan saṁ hyaṁ sarvvadharmma sakavat bhūmi jaṅgala paṁjalu, ri vruhanikaṁ sakalajana ryy atiśayani kadharmmaparāyaṇan· śrī mahārāja, An pinakekacchātraniṁ sayavadvīpa, maluyakən· paṅekĭ§kr̥tā bhūmi jaṅgala paṁjalu, mataṅyan dadi ta saṁ hyaṁ rājapraśāsti, malavə̄lavə̄ kr̥tanagara, magəhakən kasvatantran saṁ hyaṁ sarvvadharmma, sampun· Umuṅgviṁ ripta, hinləpan· pĭtavastra, pinaṅkvakən irikaṁ viṣaya dharmmasamudāya, ri sanmukha para taṇḍa rakryan· makabehan·, maṅhaturiakna§6 kaṁ viṣaya dharmma, sādhana, kā, 1, sū, 5, ri śrīmahārāja, pamuspanyan sampun· kr̥tānu§graha,

kunəṁ ri sḍəṅanyan· hanaṅruddhāmuṅkil·muṅkila ri rasa saṁ hyaṁ rājapraśāsti, salviranya§ yadyan· caturvarṇna, brăhmaṇa, kṣatrīya, vaiśya, śudra, Atha ca, caturăśrami, brahmācāri,§ gr̥hastha, vanaprastha, bhikṣuka, makādi saṁ prabhu mantry anăgata, mvaṁ piṅhay ākurug anak thāni, yāvat umulahulahi rasa saṁ hyaṁ rājapraśāsti, tan atguḥ karakṣan i kasvatantran· saṁ hyaṁ sarvvadharmma§ tasmāt· kabyət karmmaknanya, sakulagotranyāmuktya phalaniṁ pātaka, mahāpātaka, Atipātaka, phalanyan maṅulahakən hanyăyapravr̥tti, kavulatan de saṁ hyaṁ trayodaśasākṣī

A§7ditya-candrāv ānilau nalaś cā, dyoḥ bhūmir apau hr̥dayaṁ* yamāś ca, Ahaś ca rātriś ca tathāś ca sandhyā, dharmmaś ca janāti narasya vr̥ttaṁ* ||

maṅkana pva ||

yo rājānugrahaṁ hatvā, ⌈mauhăt mŭrkho naro hi saḥ, parāparakulais sarvvaiḥ, roravaṁ yantu sarvvadā || yăvat bhūtanikaḥ sr̥ṣṭvā, tāvad janmī punar yyadī, kṣudra-jantu-śariraṇi, prāpnuyāc ca naro dhama || yadi syān mānuṣibhūtaḥ, klivaḥ kuṣṭaś ca bāmaṇaḥ, Andho matto hy apasmāro, kubjāḥ paṅguḥ kunis tathā ||

nahan ta tmahanyan dadi vvaṁ ri huvusnyan· tuməmpuḥ riṁ mahārorava ||

Āstu, Astu, Astu Om̐ namaśivāya

Uttarāṣāḍhanakṣatra Uttarāṣāḍhā nakṣatra vairadyaājyamuhūrtta vairādyamuhūrtta vr̥cchikarāśi mr̥cchīka rāśi aśeṣarājānyacūḍāmaṇiṇārpitacaraṇāravinda aśeṣarājānyacuḍāmaṇinārpitabharaṇāravinda Cf. the title in the Pakis Wetan inscription, misread by its editor, Krom, and Damais (samastākṣakriyacūḍāmaṇipatitacaraṇāravinda), for samastăkṣatriyacūḍāmaṇipatitacaraṇāravinda. Pigeaud’s notes (II, p. 134: “tārpita seems a better reading than nārpita”) can be ignored. taṇḍa The akṣara ṇḍa has a clearly different shape here from the one in 2r4 kaṇḍamuhi. AR̥maṁ Arəma paramanĭtijña paranitijña pamgat pāmgət śivanātha Error for harideva? Cf. Patitihan 2v4. jĭva jīva saṁ hyaṁ dharmma riṁ bhagañjiṁ, riṁ kapuluṅan·, riṁ laukeśvara [blank] riṁ kabuyutan ri lokeśvara saṁ hyaṁ dharmma, paryyaṅan·, kalaṁ, kalagyan·, dharmma jumput·, Ityevamādi saṁ hyaṁ sarvvadharmma, parhyaṅan·, [blank] Ityevamādi kapaṅkva deni kapaṅkvani dharmmădhyakṣan mapañji dharmmadhyakṣa mapañji One should perhaps emend dharmmădhyakṣa riṁ kaśevan mapañji, after 2r6–7. sapi§nasukniṁ [blank] iṁ pañjalu paṁjalu maR̥k i saṁ rāmapati, mintonakən· [blank] kən bvat· deniṁ thāni bala, pinratisāra tumūtaknaṁ byət· ḍaṅhaniṁ thāni bala This entire segment is left blank in Brandes’ edition. sovaṁ-⌈sovaṁ The e-vocalization of the ensuing sovaṁ follows after sovaṁ, so that 3r1 should have started with sāvaṁ. The scribe however resume with a repetition of the entire vocalization. adoh apaR̥k adohapaR̥ The scribe seems to have started placing a subscript part under the akṣara pa which, if completed, would have turned it into an R̥, but realised he needed to place it below the following akṣara, and thereupon not to have deepened the subscript sign. We might see here a reflection of a two-step engraving process. Alternatively, we may be dealing with an attempt to erase an element after it had been engraved. See note under 5v7. The text must here be corrected to apaR̥k, as is shown by many parallels for this combination with adoh. pagagarəm pagarəm See 4b3 and OJED under padadar and pagarəm. The latter lemma should be replaced by pagagarəm. pacəL̥bu, This segment is left blank by Brandes. pamūjāṁkən pamūjākən The emendation to obtain aṅkən was proposed by Pigeaud II, p. 134. byət· bcik kinavruhan hinanya kinavruhinanya api§ṇḍiīdbhūta aṅiṇḍidbhūta bhūmi bhūmiṁ satatadharmmacintana sakatadharmma cintana Pigeaud’s emendation (III, p. 134) sakaladharmma- is rendered obsolete by the better reading satatadharmma-. tan luptan tan hup tan kuminkin i karakṣāniṁ sarvvadharmma kuminkiniṁ karakṣāniṁ sarvvadarmma BhP saṅ Korava Pāṇḍava, yatna ri karakṣān iṅ pr̥thivīmaṇḍala; Deśavarṇana 75.1 nitya kuminkin i svasthā parārtha saṅ śrī narendrā. Or should one understand hana-aturunyānu-? ṅūnikāla ṅūnīkāla enakka ta kaniścayan ikiu enak kakaniścayaniki C.f. Pigeaud (II, p. 134). riṁ viṣaya punpunan saṁ hyaṁ sarvvadharmma, Aee the note of Pigeaud, who considers (in the light of the occurrence of the same words in l. 5) that this sentence is “reiterated by mistake, or the words have taken the place of a short sentence mentioning the reverential address (hatur) to the king”. mratisubadakna mratisubaddhakna pinakekacchātraniṁ pinakekacātraniṁ But a trace of subscript ch seems to be preserved, and below we find the same word with cchā in 6r. mahārāja pva prabhu mahārāja prabhu devāṅśa devāṅśa The hook above va seems to be intended as an inserted tarung; cf. 7r4 prāpnuyāc. Pigeaud’s proposal (II, p. 134) to read devavaṅśa can be ignored. Inahakən· Inahakən· Pigeaud proposes to read Inənahakən. The present form is however attested at PKMN p. 150 6v1. maluyaknaṁ malvyaknaṁ smr̥tyādi° satyādi° An nikaṁ An tikaṁ -dharmmā -dharmma ḍaṅhaniṁ ḍaṅhani papiṇḍa paṁti papiṇḍa pa[ṁ]ti The brackets indicate that Brandes felt forced to understand pati. Pigeaud proposes papiṇḍaḥ panti (II, p. 134.) tumūtātukva saṅ anutsāra§ tumatātukvasapanut sa Pigeaud’s proposal (II, p. 134) tumūtātukva sapanut sahanani is now obsolete. pgata vijilaknanya Pigeaud proposes pgat kavijilananya (II, p. 134). pamŭjā pamūjā rājapraśāsti, An pinūjā rājapraśāsti An pinūjā Acuriṁṅa Acuriṅa Apupaka Apugata Pigeaud proposes Apuṅguta (?) (II, p. 134). Avaraṁvaraṅa, Avaravaraṅa kalani khalani knanikaṁ knikaṁ kalaṁ khalaṁ kabhaktyanya kabhaktyan tekaṁ de saṁ riṁ pamḍaṁ, taṅhiran· ri pamḍaṁ taṅhiran i pə̄ṁ, tutuñjuṁ, kəpəl ipə̄ṁ tutuñjuṁ, təpəl Perhaps one may actually read təpəl (such is in any case the intended reading), but the akṣara in question prima facie is kə. On my division of ipə̄ṁ into two words, see my note to Sanga 2v1. varyyaṁ garyyaṁ Iṅ irus Iṅirup kadyaṅgāniṁ kadyaṅganiṁ Anirara Aniṁ rara Our new reading is exactly that conjectured by Pigeaud (II, p. 134), but not used in his translation (III, p. 148). rumbambat i- rumambati kəmbaṁ kunəṁ ri haR̥pan· kəmbaṁ kunərihaR̥pan Pigeaud (II, p. 134) had already proposed to read kuniṁ (= kunəṁ). Aṅaṅgva Ajaṅgva paṅekĭ§kr̥tā paṅekĭ§kr̥tā sanmukha sanmata Pigeaud was close to the correct reading, when he conjectured sanmuka (II, p. 134). rakryan rākryan maṅhaturiakna§6 kaṁ maṅhaturakni6 kaṁ Correct maṅhaturakən ikaṁ? dharmma Perhaps restore sarvvadharmma. sādhana sā( )na sū, 5 sū, 3 sḍəṅanyan· sḍəṅanya kṣatrīya, vaiśya kṣatriya, veśya Atha ca Athava caturaśrami caturaśrama yāvat yavat There is a stroke above the consonant at the end of l. 4, that seems to have been intended to make long ā, as in (7r4) prāpnuyāc. tasmāt tasmat kavulatan kavulakan Pigeaud conjectured kavulikan (II, p. 134) sākṣī A sākṣī, Ā- °candrāv ānilau °candrāpānilo ahaś ca rātri āhaśca rātra sandhyā sanmyā Pigeaud already conjectured sandhya (II, p. 134). janāti naraya jānākinarāya The first syllable certainly does not bear an ā-vocalization. Pigeaud already conjectured jānāti (II, p. 134). sr̥ṣṭvā Pigeaud conjectured dr̥ṣṭvā (II, p. 134). janmī janmi yyadī yyadi prāpnuyāc ca prāpnuyarcca The tarung, misread as layar by Brandes, has been added secondarily; cf. 4r2 devāṅśa. Andho matto hy apasmāro An( )omattohyapasmaro Pigeaud had already conjectured andho (II, p. 134) kubjāḥ kubjaḥ kunis Pigeaud conjecture kudhī must be ignored. ta tmahanyan katmahanyan