// // svasti śrī śakavarṣātīta, 1245, mārggaśiramāsa, tithi pañcadaśi śuklapakṣa, tuṁ, U, Aṁ, vāra, krulvut·, pūrvvastha grahacāra, Adrānakṣatra, rudradevatā, bāruṇamaṇḍala, brahmayoga, vījayamuhūrtta, yamaparvveśa, vavakaraṇa, mitunamithunarāśi,

Irikā divaśanyājñā pāduka śrī mahārāja, rājādhirāja parameśvara, śrī vīrākaṇḍagopāla, Abhaṅgarāhuttarāya, parī§ natāneka-rājanya-mukuṭa-koṭi-puñja-piñjara-pādāravinda, Aśamitaraṇanipuñarātirāja-śiraś-cheda-bhayānaka, vijitaripu kuladayitājalanicayapuramaṇḍalārṇnava, sakalasujananikarahr̥dayakumudavikāśaniśākara, Akilapratipakṣapa§ kṣaniśāndhakārakṣayadivākara, viprakṣatrobhayakulaviśuddha, śrī sundarapāṇḍyadevādhīśvara nāma rājābhiṣeka, vi 1 kramottuṅgadeva,

tinaḍaḥ de saṁ mantrī katriṇi, rakryan mantrī hino dyaḥ śrī raṅganātha, Arātibhayaṅkara, rakryan mantrī sirikan·, dyaḥ kāmeśvara, Aninditalakṣaṇa, rakryan mantrī halu, dyaḥ viśvanātha, avaryyanujabhīma, makapurassara § rake tuhan mapatiḥ riṁ daha, dyaḥ puruṣeśvara, raṇārikampanākāraṇabhujaparākrama, sākṣāt· praṇālāmratisu baddhakən· sthiratarani paliṅgiḥ śrī mahārāja sinivi riṁ kanakamaṇimayatoraṇakalpavr̥kṣa, sameriṁ mvaṁ rake tu han mapatiḥ riṁ majhapahit·, dyaḥ halāyudha, Agaṇitaguṇāninditalakṣaṇa, Umiṅsor i para taṇḍa rakryan riṁ pakirakira n makabehan·, rakryan· dmuṁ, pu samaya, raṇāṅgābhīrāma, rakryan kanuruhan·, pv anəkakan·, samarārisenāntaka, rakryan· raṅga, pu jalu, raṇānindyabala, rakryan mapatiḥ riṁ kapuluṅan·, pu ḍeḍes·, vīrānivāryya, rakryan mapatiḥ riṁ matahun· , pu tanu, raṇāturasahāya, muAṁ saṁ mantrī vr̥ddheṅgitajña, saṅ āryya patipati, pu kapat·, paramāninditasatya, saṅ āryya vaṅśaprāṇa, pu mənur·, raṇaraṅgābharaṇa, saṅ āryya rājaparākrama, mapañji Elām·, nayavinayānindita, saṅ āryya ja§ yapati, pu pamor·, Atisatyānukūla, saṅ āryya sundarādhirājadāsa, pu kapasaḥ, sakalagrāmānurāgaguṇa, saṅ āryya rā jādhikāra, pu taḍa, satatanayātisūkṣmacintanātandrita, sākṣāt· pinakabāhuḍaṇḍa śrī mahārāja, An satata Umaloci ta ri karakṣaniṁ sayavadvīpamaṇḍala, tan kavuntat· saṁ dharmmādhikaraṇa nyāyānyāyavyavahāravicchedaka, saṁ pamgət i tirvan·, ḍa 2ṅ ācāryya rāgavijaya, mapañji sāhasa, nyāya-vyākaraṇa-parisamāpta, saṁ pamgət i kaṇḍamuhi, ḍaṅ ācāryya viśvanātha, mapa ñji paragata, săṅkhya-śāstra-parisamāpta, saṁ pamgət i maṅhuri, ḍaṅ ācāryya mahānātha, nyāya-vyākaraṇa-parisamāpta, saṁ pa mgət i pamvatan·, ḍaṅ ācāryya dharmmarāja, nyāyaśāstraparisamāpta, saṁ pamgət i jāmbi, ḍaṅ ācāryya śivanātha, nyāyavyākara§ ṇaparisamāpta, dharmmādhyakṣa riṁ kaśaivan·, saṁ pamgət i raṇu kabayan·, ḍaṅ ācāryya smaranātha, nyāyavyākaraṇapari§ samāpta, dharmmādhyakṣa riṁ kasogatan·, puṅkv i padəL̥gan·, ḍaṅ ācāryya kanakamuni, boddhatarkkavyākaraṇaparisamā pta,

I piṅsorny ājñā śrī mahārāja, kumonakən irikaṁ vanveṁ tuhañaru, muAṅ i kusambyan·, padamlakna saṁ hyaṅ ājñā ha§ji praśăsti tinaṇḍa mīnadvayalañchanalañchana, thāni vatək atagan jana-tosan·, cihnanikaṁ tuhañaru muAṁ kusambyan·, An sinuk sī ma svatantrādəg riṅgit·, sambandha, gati dyaḥ makaradhvaja, maṁhyaṁ varānugraha śrī mahārāja, ri dadyanikaṁ tuhañaru muAṁ ku sambyan· susukən sīma svatantrādəg riṅgit·, makaphala kasvatantrani savka dyaḥ makaradhvaja, muAṁ məntasaknaṁ kulavargga riṁ tu§ hañaru muAṁ kusambyan·, maryya kaparatantra, kadi tiṅkaḥnya riṁ puhun malama, kevala sīma svatantrādəg riṅgit·, maṅkana @ rasani paṁhyaṁ dyaḥ makaradhvaja I pāduka śrī mahārāja, phala-phalaniṁ dr̥ḍabhakti ri śrī mahārāja Abhimata dyaḥ makaradhvaja, muAṁ ri vruhanikaṁ sakalaloka ri kadharmmaparāyan· dyaḥ makaradhvaja, muAṁ ri tan alaṅ-alaṁ pamriḥ dyaḥ makaradhvaja, makadada§ 3 ha svajīvīta kuminkīn· sthiratarani paliṅgiḥ śrī mahārāja siniviniṁ sayavadvīpamaṇḍala, Umisi lakṣaṇaniṁ suputra, Ikaṁ dr̥ḍabhakti satata Umalocita ri tan panasara saṅkeṁ māryyadayukti, kevala tumirva kaparārthan· śrī mahārā ja, sumaphalākna siḥ śrī mahārāja satatāmara-maraḥ riṁ heyopadeya, Ikā gati dyaḥ makaradhvaja maṅkana, ma taṅ yan· turun· varānugraha śrī mahārāja, Apītuvīn enak· vruḥ śrī mahārāja An tuhu-tuhu kuladipaka Aṅgəḥ dyaḥ makaradhvaja putra de śrī mahārāja, mataṅyan īnayubhāgya rasa paṁhyaṁ dyaḥ makaradhvaja de śrī mahārāja, maka phala vruhanikaṁ sakalajana rī kadharmmeṣṭan· śrī mahārāja, Ikaṁ tan· vnaṁ tan masiḥ riṅ uvus mulahakən· dharmmaniṁ seva⌈§kottama, muAṁ tan· pgatniṁ kaparahitan inulahakən· śrī mahārāja, An tuhu-tuhu viṣṇvatāra Inadhiṣṭāna saṁ para masujana, pinratiṣṭa Irikaṁ rājya I majhapahit· kāṅkən prasāda, makapraṇāla rake tuhan mapatiḥ dyaḥ puruṣeśvara, ma kapunpunan ikaṁ sayavadvīpamaṇḍala, makāṅśa Ikaṁ nūṣa madhuratañjuṁpurādi, yatāmijilakən· Ayabyayaniṁ saka lajanan satatabhakti maṅarcchana ri păduka śrī mahārāja, muAṁ poḍa pavvatnikaṁ nūṣā-panūṣa kāṅkən· paṁrāga skar ga§ tinyan tan kalūgan· prāptāṅkən prativarṣa, mataṅ yan enak ta paṅarcchananikaṁ sevakottama mulahakən kaparahita n· muAṁ rumakṣa tguhan iṁ svadharmma kāṅkən kriyājapasamādhiniṁ maṁhyaṁ turun i varānugraha śrī mahārāja, An prasi§ 4ddha viṣṇuprativimba, makavyakti vnaṁ śrī mahārāja vigrahānugraha riṁ sakalajana, dyaḥ makaradhvaja pva yogya turunana va rānugraha, mataṅ yan dinadyakən ta saṁ hyaṅ ājñā haji praśāsti tinaṇḍa mīnadvayalăñchana, kmitanan i sama sānak iṁ tu hañaru muAṁ kusambyan sinusuk sīmādəg riṅgit· tan kaparābyāpāra kadi tiṅkaḥnya riṁ puhun malama, Aṅhiṁ sama§ sānak iṁ tuhañaru muAṁ sama sānak iṁ kusambyan· Ataḥ pramāṇa ri saL̥bak· vukirnya, tkeṁ gaga R̥ṇəknya, kunəṁ pa rimāṇani lmaḥnikaṁ tuhañaru, muAṁ kusambyan·, riṁ pūrvva, Asīḍaktan· muAṅ ika pamuluṁ, maṅidul məntas iṁ lvaḥ, dudug i ṅ ăgneya, Anuju tugu kulumpaṁ, sapakliran·, muAṁ pamuluṁ, muAṁ kavaL̥dan·, muAṅ ikaṁ vadu tṅaḥ, maṅulvan· mluk aṅidul aṅulvan·, tkeṁ dakṣiṇa, sapakliran· muAṁ vanu tṅaḥ, muvah aṅulvan· mluk aṅidul aṅulvan·, muvah aṅulvan amnər· § tke piṅgir iṁ lvaḥ, sapakliran· muAṁ vanuA tṅaḥ, maṅidul atut piṅgir iṁ lvaḥ, maṅulvan atut piṅgir iṁ lvaḥ, dudug iṁ nairiti, sapakliran· muAṁ vanuA tṅaḥ, muAṁ paḍaḍa, məntas aṅalor· sapakliran· muAṁ paḍaḍa, maṅalor muvaḥ tkeṁ paśchima, sapa kliran· muAṁ paḍaḍa, maṅetan· mluk aṅalor aniku lalava, maṅalor amnər dudug iṁ bāyabya, sapakliran· muAṁ bana, muAṁ paṅeran·, maṅetan anutug iṅ uttara, sapakliran· muAṁ paṅeran·, muvaḥ maṅetan· dudug iṅ aiśānya, sapakli ran· muAṁ paṅeran· muAṁ pamuluṁ, mluk aṅidul aṅulvan mātra, muvah aṅidul amnər tkeṁ pūrvva, sapakliran· muAṁ pamuluṁ, samaṅkana5hīṅani lmaḥnikaṁ tuhañaru, muAṅ iṁ kusambyan·, hana ta savaḥ phalaśrama paṁR̥ṇanikaṁ sama sānak iṁ tuhañaru I dyaḥ makaradhvaja, savaḥ, təmpaḥ, 1, blaḥ, muvaḥ Ikaṁ sama sānak iṁ kusambyan asuṁ paṁR̥ṇa I dyaḥ makaradhvaja, savaḥ, təmpaḥ, 1, Ika ta katəmva kalilirakna tke dlāhaniṁ dlāha, kabhuktya deni sasantāna pratisantāna dyaḥ makaradhva ja, tan kavuṅkil·-vuṅkila de sama sānak iṁ tuhañaru, muAṁ sama sānak iṁ kusambyan·, Apan uvus parṇnaḥ phalaśrama dyaḥ makaradhvaja, maṅkana kramanikaṁ sīma I tuhañaru, muAṁ kusambyan·, kunəṁ tiṅkaḥnika kāliḥ, kevala sīma § svatantrādəg riṅgit·, tan kolah-ulaha de saṁ prabhu mantry anāgata, tke dlāhaniṁ dlāha, muAṁ tan kaparabyāpāra deniṁ nāyaka parttaya, tan· kneṁ turu-turun sagəm· sarakut·, bvat hajyan agəṅ aḍmit·, lakva-lakvan adoh apaR̥, muAṁ ta n katamana deni vinava saṁ mana katriṇi, lvirnya, paṅkur·, tirip·, muAṁ piṅhe vahuta rāma, lavan· sakveḥniṁ maṅi§ lala dr̥vya haji, vulu-vulu para vulv agəṅ aḍmit·, makādiṁ miśra para miśra, paṁhuraṁ, kriṁ, paḍəm·, manimpiki, parana kan·, limus galuḥ, maṁriñci, maṁhuri, paraṁ, suṅka, dhūra, paṅaruhan·, suṅgiṁ, paṅunəṅan·, taji, vatu tajəm·, suku n· luvarak·, rakasaṁ, ramaṇaṁ, piniṅle, kataṅgaran·, tapa haji, Air haji, malandaṁ, lca, lablab·, kukap·, paku vaṅi, kutat·, taṅkil·, tr̥pan·, vatu valaṁ, salyut·, maṇiga, pamanikan·, sikpan·, rumban·, vilaṁ vanva, vi§ 6ji kavaḥ, paṅgare, tiṅkis·, mavi, manambaṅi, taṅhiran·, tuha dagaṁ, tuha nambi, tuha juḍi, juru gosali, maṁru mbe, maṁguñje, juru huñjəman·, juru jalir·, pabisir·, pavuruk·, pajuṁkuṁ, pavuṁ kunuṁ, pakalaṁkaṁ, pakiliṁkiṁ, li ṅgaṁ, sr̥pan·, kaR̥R̥ṅan·, puluṁ paḍi, pavlaṁvlaṁ, pakuda, pahaliman·, Urutan·, ḍampulan·, tpuṁ kavuṁ, suṁsuṁ paṅuraṁ, vli tāmbā, vli hapū, vlī pañjut·, vlī vaduṁ, miśra hino, miśrăṅinaṅin·, pabr̥si, pakatimaṁ, palamak·, si nagiha, sahulun haji vatək i jro, Ityevamādi kabeḥ, tan tamātaḥ Irikaṁ sīma I tuhañaru, muAṅ iṁ kusambyan· maṅkana tekaṁ sukaduḥka, kadyaṅganiṁ mayaṁ tan pavvaḥ, valu rumambat iṁ natar·, vipati vaṅke kabunan·, rāḥ kasavur iṁ §natar·, vākchapala, hastacapala, duhilatən·, hidukasirat·, Amijilakən· vuryyan iṁ kikir·, Amuk·, Amuṁpaṁ, lūdan·, tūtan·, Aṅśa pratyaṅśa, ḍaṇḍa kuḍaṇḍa, maṇḍihalādi, kevala sama sānak ataḥ pramāṇa Ika ka beḥ tkeṁ miśrāñəmbul·, Amahaṁ, Aṁlaka, Aṅgumaraṁ, Añarub·, Anulaṁ vuṁkuḍu, Añaṁvriṁ, Aṅubar·, Aṅapus·, A§ mdəl·, Aṅgula, Aṁdyun·, Amubut·, Agave suri, Agave kisi, vusu-vusu, payuṁ vlu, mopiḥ, Anipaḥ, ruṅki , Aṅanamanām·, Añjariṁ, Anəpis·, Anavaṁ, Amisaṇḍuṁ manuk·, Anaṅkəb·, Akala-kala, Aṁrajut·, yāvat umu ṅgv irikaṁ tuhañaru, muAṁ kusambyan·, kevala sama sānak· Ataḥ pramāṇeriya, muAṁ sadr̥vya hajinya, muvaḥ madr̥ 7 vya ta sama sānak padagaṁ, lvirnya, Atitiḥ saprāṇa, Abhaṣaṇa, saḍasar·, Aṅavari, saḍasar·, Aṅujal·, satuhan·, Adagaṁ bakulan·, saIsiniṁ gagā, saIsiniṁ savaḥ, saIsiniṁ rava, saIsiniṁ sāgara, saIsiniṁ rvaṁ, A liḥ prāṇa hīṅanya, Aṅulaṁ kbo, 20, kbonya, Aṅulaṁ sapi, 40, sapiAnya, Aṅulaṁ vḍus·, 80, vḍusanya, § Aṅulaṁ celeṁ, savurugan· celeṅanya, Aṅulaṅ itik·, savantayan·, Aguluṅan·, saraṅkaṁ, Aṅaraḥ, rvaṁ lu§ mpaṁ, paṇḍe vsi, paṇḍe daṁ, paṇḍe mas·, paṇḍe gaṅsa, paṇḍe ḍaḍap·, Amaraṅgi, kapva rvaṁ gusali, Alukis·, rvaṁ pājaran·, Uṇḍahagi, satuhan·, Acadar·, rvaṁ pacadaran·, Atviḥ, rvaṁ viḍay·, Amalantən·, rvaṁ pamalvan·, Ikata hīṅan i sambyavaranikaṁ tuhañaru muAṁ kusambyan·, kinalihanya, kunəṁ yan· lviḥ saṅkeṁ pahiṅan iriya, kaknana, ya § de saṁ maṅilala dr̥vya haji sapaniskaranya, tuhunikaṁ kinavnaṅakən· sama sānak iṁ tuhañaru muAṁ kusambyan·, ri § kaevəhaniṁ rare sūtakādi, curiṁ kinaṁsyan·, Amaguta pajəṁ tigavarṇna, Agilaṁ-gilaṅ ampyal gaḍiṁ, Askar kataṁ-kataṁ, makavaca, gəluṁ grət·, Asəṇḍi vuluṁ, tinuntun iṅ alaṅ-alaṁ, Apaṁhaṛp gəṇḍiṁ, Anukana kavə̄, kuku vaka, luvə-luvər·, vr̥tti vali, kalā, Aṅkuśa, Anaṇḍaṁ, salvirniṁ ratna makādi maṇik agəṁ, Apavaraṇa banantən·, Amanaḥ kukulan·, anuntun celeṁ, Atkə n·, valira, śucyan·, Uṅaṅan·, tulis· vtəṁ, Andəlan susu, dinulaṅ iṁ madhuparkka, santi, pasiliḥ tāmpiṁ, pasiliḥ galuḥ, pa 8 siliḥ kambuṅan·, pasilihəniṁ kḍi, prās vataṁ, prās bundər·, prās cira, prās grisaḍi, prās siddhayuga, prās tuvuḥ-tuvuhan· , Aglaṁ mās riṁ taṅan iṁ suku, Anaṇḍaṁ tinulis iṅ əmās·, paluṅan pinikul inuL̥san· banantən, Anuṅgi rare yāṅgə ṇḍiṁ-gəṇḍiṁ, Apaṅañjur təvək·, vnaṅ aṅudasapyakluhanapahaṅan·, Anuntuna talyasabuk·, cavət·, vnaṅ amuktyakna§ rājamaṅsa, praṁ gḍaṁ yan· poliḥ, maliṁ vnaṅ usiR̥n iṁ kavula miṅgatmiṅat·, ndatan uliḥnyāṅiṅgatakən·, vnaṅ usiR̥n iṁ maliṁ tḷ s·, tahiR̥n· yan pahutaṁ, vnaṅ añjamaha rare kavula, maṅkana kinavnaṅakən sama sānak iṁ tuhañaru muAṁ kusambyan·, § ri tlasnyan· paripūrṇna pagəḥ Anugraha śrī mahārāja, maṅhaturakən ta sama sānak i tuhañaru muAṁ sama sānak iṁ ku sambyan·, pamuṣpa I śrī mahārāja, sayathāśakti, muvaḥ para taṇḍa riṁ pakira-kiran makabehan·, InasəAn· pasək pagəi ḥ yathāsambhava kadiṁ lagi sovaṁ sovaṁ, muvaḥ para sāmya sapinakavadananikaṁ thani sakapaR̥, InasəAn· pasək pagəḥ saparikrama riṁ lāgi, ri tlasniṅ adum pasək pagəḥ, tiniṅkaḥ ta sajiniṅ avaju, raveḥ, vadihati, Akudur·, saha pirak· , ma, 1, vḍihan· sahle sovaṁ, maṁḍiri tekaṁ vadihati riṁ sabhāmaddhya, I sorniṁ turumbukan·, tlas· mottarasaṅga, mamukhavandhana, makalambi saṁke haR̥p·, mandəlan pāda, saha vidhividhānaniṅ anusuk sīma riṁ lāgi, hinaR̥pakniṅ anavaju hanak· thani, lumkas tekaṅ akudur manətək guluniṅ ayām·, Amantiṅakən hantiga, humaR̥p iṁ krodhadeśa, mamaṁmaṁ manapathe, sumāvakcaṁ 9 minaṁmaṁ riṁ lāgi, liṁnya,

Om̐ Indaḥ ta kita kamu hyaṁ haricandana, Agasti maharṣi, pūrvvadaksiṇapaścimottara Ūrddhvam adhaḥ maddhya, ravi śaśi pr̥thivy āpas tejo bāyv ākāśa, dharmmăhorātra, sandhyātraya, yakṣa rākṣasa piśāca pretāsura gandharvva kinnara mahoraga, yama baruṇa kuvera bāsava, putra devatā, pañchakuśika nandǐśvara mahākāla ṣadvināyaka nā garăja durggadevī caturaśrama, Anaktanta hyaṁ kālamṛtyu, sakveḥ ta bhūtagaṇa, kita prasiddha rumakṣaṁ yavadvīpamaṇḍala, kita sakala sākṣī tumon adoh apaR̥, riṁ rahineṁ kuləm·, kita Umasuk iṁ sarvvabhūta, dṛṅə tekiṁ sāpatha samaya pamaṁmaṁ mami ri kita kamu hyaṁ kabeḥ,

yāvat ikaṁ vvaṅ agəṅ aḍmit· sāvakanya, yadyan· caturvvarṇna, brāhmaṇa, kṣatriya, vai§ śya, śudra, Atha ca, caturāśramī, brahmacārī, gr̥hastha, vanaprastha, bhikṣuka, mvaṁ piṅhay avaju hakurug anak thānia, makādi § saṁ prabhu mantry anāgata, yāvat umulah-ulaḥ ri kasvatantranikaṁ sīma I tuhañaru, muAṁ kusambyan·, muAṁ ṅaruddha muṅkil-mu ṅkila, mari kṣǐrṇnakna, mne hləm· tkaniṁ dlāhaniṁ dlāha, ṅūniṅūni yan paṁdahuta saṁ hyaṅ upala sīma, Aṅalihakna riṁ ta§ n· yogya Uṅgvananya, salviraniṁ maṅhilaṅakna kasvatantranikaṁ sīma I tuhañaru, muAṁ kusambyan·, jaḥ tasmāt bvat karmmaknanya , patyananta ya kamu hyaṁ, dayantat· patyani ya, yan apara-paran·, humalivat ata ya riṁ tgal sahutən iṅ ula mandi, riṅ a§ las maṁlaṅkahana miṁmaṁ, dmakən deniṁ vyăghra, riṁ vvai saṅhapən iṁ vuhaya, riṁ sāgara, saṅhapən deniṁ mīna rodra, praṁ-praṁ, timiṅgila ma 10 hāgila, Ulā lampe, yan turun kapagute luñchip iṁ paras·, kaguluṅeṁ juraṁ paraṅan·, kasəm-səmaR̥k r̥mpva yan huma livat ri sḍəṅ iṅ hudan·, sambəR̥n deniṁ glap·, yan anher iṅ umaḥ katibānana bājrāgni, tan panoliha riṁ vuntat·, taruṁ riṁ pa ṅadəgan·, tampyal· riṁ kiva, Uvah iri tṅənan·, R̥məka pālanya, bubak ḍaḍanya, blaḥ vtəṁnya, vətvakən daL̥manya, cucu p utəknya, Inum· raḥnya, paṅan dagiṁnya, pəpədakən· vkas i prāṇāntika, vava riṁ mahārorava, veha muktya saṁsāra , phalanyan aṅulahaknănyāyapravr̥tti, kavulatan de saṁ hyaṁ trayodaśa-sākṣī, Astu, 3, siddhir astu // 0 //

săṅkhya- saṅkya- -lañchana -lañcana makādiṁ makadiṁ kataṅgaran· This could perhaps also be considered as a substandard spelling, given other instances of omission of akṣara ga after velar. vlī pañjut vli pañjut vlī vaduṁ vli vaduṁ vākchapala vākcapala Probably Boechari's silent emendation. Aṁlaka Aṁlata Amisaṇḍuṁ Amisaṇḍun kaevəhaniṁ kavəhaniṁ Correction proposed in sūtaka.

TRANSLATION

Firs edited by Brandes; re-edited here by Marine Schoettel and Arlo Griffiths from estampages provided by the Museum Nasional Indonesia.

74-75A.180 81A.180