Mula-Malurung

nama śivaya svasti śakavarṣātīta, Iṁ śaka, 1177, mārggaśiramāsa, tithi pañcadaśi śuklapakṣa, ma, U, bu, vara, juluṁ, grahacāra, nairitistha, Adrānakṣatra, śūlabhr̥tdevata, baruṇamaṇḍala, Indrayoga, kuverapārvveśa, karkkaṭarāśi, visvabasumuhūrtta, vavakaraṇa,

Irika divaśāny ājñā pāduka śrī mahārāja, sakvaiḥnira kr̥tapratiṣṭa dainira narāryya sminiṁ rāt, riṁ sanagarasanagara, makamukhya śrī mahārāja, śrīlokavijayapuruṣottamavīrāṣṭabasudevādhipānivāryyavīryyaninditaparakrama mūrdvajanamottuṅgadeva, kr̥tānagarābhiṣekanāmalañchana, makapurassārānugrahanira bhaṭāra parameśvara , śrīsakalayavadvīpanaranāthādiguru, sira saṁ pinakaguru dainiṁ samaptagrāma, samastakṣatriya, makādi sa kvaiḥnira prabhū ṅke riṁ nūṣa java, mvaṁ makottuṅgānugrahanira narāryya sminiṁ rāt, śrīyavadvīpasamastarājādiviśeṣāninditasaṅgrāmaparakramadigvijayānivāryyavīryyasnahanāmottuṅgadeva, prakaśitasminiṁrāt·nāmalañchana, tinaḍaḥ dainira samakstakṣatriya, makādi rakryan mahāmantrī hino, rakryan mahāmantrī sirikan·, rakryan mahāmantrī halu, Umiṅsor i para taṇḍa rakryan· riṁ pakirākiran makādi saṁ pamgat i tirvan·, puspapāta ḍaṅ ācāryya jayaṅga, saṁ pamgat iṅ kaṇḍamuhi, puspapāta ḍaṅ ācāryya marmmananda, saṁ pamgat i maṅhuri, puspapāta ḍaṅ ācāryyagraja, tlas karuhun saṁ rāmapati, mapañji siṅharṣa, An· Aki begos·, makasirkasi raṅgaḥ vahas·, mapañji buliṇḍaḥ, Apasəṅgahan saṁ prāṇarāja, padamlakna saṁ hyaṁ rājapraśasti, Umuṅgveṅ upala, tāmbra, ripta kunaṁ, sa2mbhanda, gati saṁ prāṇarāja, An kadi hulun kalilin parṇnaḥ saṁ prāṇarāja, śaivake sira narāryya sminiṁ rāt·, tiṅkaḥ saṁ prāṇarāja, śaivaka ri sira kakinira narāryya sminiṁ rāt·, sira saṁ līna riṁ ḍāmpa mās·, sira saṁ pinratiṣṭanira narāryya sminiṁ rāt·, makasvarūpaṁ viṣṇvarccha, na ṅkāne saṁ hyaṁ dharmme kagnəṅan·, makasaṅaṁjñā narasiṅhanagara, saṁ prāṇarāja, pinakahastapāda dai narāryya sminiṁ rāt·, ri kālaniṁ kāryya pratiṣṭa mahābhāra, muvaḥ ri paṁḍirinira rāmanira narāryya, gumantyani paṁḍirinira kakinira, śaivaka saṁ prāṇarāja, ri sira rāmanira sira pāduka saṅ ahulun saṅaṁjñānira, sira saṁ tlas pinratiṣṭa makasvarūpaṁ viṣṇvarccha denira narāryya sminiṁ rāt·, ṅkāne saṁ hyaṁ dharmma ri kiḍal·, makanāmadheya narasiṅhāsana, saṁ prāṇarāja lot sāri pinakataṅansukunira, ri kālaniṁ kāryya pratiṣṭa bhūmi śoddhanādi, mvaṁ ri kālani kapratiṣṭanira pamanirātəhər pinakarāmātuhanira, sira saṁ lineṁ kubvan agə̄ṁ, rāmanira narāryya vaniṁ hyūn·, kakinira rānakira, sira śrī kr̥tānagara, sira makasvarūpaṁ viṣṇvarccha, ṅkāne saṁ hyaṁ dharmme pikatan·, saṁ prāṇarāja muvaḥ pinakahastapāda dai narāryya sminiṁ rāt·, ri kālani bhūmiśoddhanādi, muvaḥ ri kālani kapratiṣṭanira yuyutira, ṅkāne saṁ hyaṁ dharmma ri kalaṁ bret·, saṁ prāṇarāja pinakapurassārani paṁhuvusakən samahābhārani kāryya, muvaḥ ri kālanira narāryya sminiṁ rāt· Anusuk· dharmma ṅkāne pagə:r·, makanāmadheya narasiṅharājya, saṁ prāṇarāja lot hati pinakaparabvatnira, valuyana taṅ ujar· , Anantara saṅke līnanira pamanira pva, Aṇḍiri ta sira pamanira, sira narāryya guṅ iṁ bhaya, śaivaka saṁ prāṇarā 3ja ri narāryya guṅ iṁ bhaya, svarggastha pva narāryya guṅ iṁ bhaya, gumanti ta narāryya toḥ jaya, pramaṇa riṁ jagat· kaka sira dai narāryya guṅ iṁ bhaya, paman muvaḥ dai narāryya sminiṁ rāt·, śaivaka muvaḥ saṁ prāṇarāja ri narāryya toḥ jaya, lina pva narāryya toḥ jaya, narāryya sminiṁ rāt ta pinasaṅakən· prajāpatya, dai para śaivaka makādi saṁ pamgat iṁ raṇu kabayān saṅ apañji patipati, makaḍapur ikaṁ nagara tumapəl·, makasiṅhanira pāduka mpuṅkv iṁ kapuluṅan· sirānavasthā, sthāpaka riṁ kabhairavan·, sira tānusuk saṁ hyaṁ dharmma panaivaśikān riṁ tahən· manis·, dinadyakənira kakolikān·, makāṅśa sadr̥vya hajinikaṁ tahən· manis·, tinūtnyan piṇḍah vatək vuga, makanimitta R̥ṇanira narāryya sminiṁ rāt·, An digvijayān makasthāpake sira, muvaḥ hana ta sira brāhmaṇa paramartgveṅdajñā, sira rāghavadeva ṅaranira, Apasəṅgahan· brahmārājaguru, sira ta vineh anusuka dharmma sīma svatantra kakolikan·, riṁ bhūmi jaṅgala, Ika maṅaran i hasəm pañjaṁ, lāvan paranakanikaṁ pañjiṁ dharmma ri hujuṁ maṅaran· ryy ayoddhya, mvaṁ hana ta sira maḍhaka ṅaranira, paramayajurvvedajñā, Agamajñā, paramatatvavit· sira ta pinakapurohitanira rānakira, sira śrī kr̥tānagara, pinarivr̥tta ta sira deniṅ anyabrāhmaṇa vedapāraga, lvirnira, R̥gvedajñā yūyajurvvedajñā sāmavedajñā, sinevita ta sira deniṅ anekabhaṭamantrīmukya, makādi saṁ pamgat iṁ raṇu kabayān mapañji patipati, saṁ vineh anusuka dharmma sīma svatantra, ṅkāneṁ bhūmi jaṅgala, makanāmāṁ kr̥ṣṇapura, saṁ rāmapati, mapañji siṅharṣa, Apatih i sira śrī śāstrajaya, saṁ sinuṅ anusuka dharmma sīma sva4tantra, ṅkāneṁ bhūmi kaḍiri, makanāma mitrapuri, saṅ apañji nirākāra, dmuṁ riṁ jaṅgala, sumivī śrī harṣavijaya, saṁ vineh anusuka dharmma sīma svatantra, ṅkāne bhūmi jaṅgala, makasaṅaṁjñā surāsana, saṅ apañji dūtarāga, prahajyan·, saṁ vineh anusuka dharmma sīma svatantra, ṅkāneṁ bhūmi vetaniṁ kavi, makasaṁjñā kr̥tāsana, saṅ apañji samaka, Apatihira narapati kr̥tānagara, saṁ Inanugrahan anusuka sīma svatantra, ṅkāneṁ bhūmi jaṅgala, makanāmaṁ harijaya, saṅ apañji siṅanambat·, Apatih i vuravan·, Amaṅku kaprabhūniraji jayakatyə:ṁ, saṁ vineh anusuka dharmma sīma svatantra, ṅkāneṁ bhūmi kaḍiri, Ataganikaṁ vahuta rāma triṇi taṇḍa, makasaṁjñā kr̥ṣṇāsana, tlas karuhun saṁ prāṇarāja, saṁ nityadhirotsaāhāṅaālocitta nayopāya riṅ ahorātra, dumadyakən· svāsthāniṁ rāt· ṅūniṅ[ū]ni kadigvijayanira narāryya sminiṁ rāt·, samaṅkāna pinakādiniṁ śaivaka ri sira narāryya sminiṁ rāt·, kapva talvilvihan kabhaktin·, Aṅulahakən· dharmmaniṁ śaivaka saptati, dvāra saṁ prāṇarāja tan· kevəhan amaṁhyaṅakən sakaptini rovaṅira śaivaka, ri sira narāryya sminiṁ rāt·, paṅavruhana yan maṅkana, paḍa kr̥tānugraha sakveh iṁ pinakādiniṁ śaivaka samaṅkā lvirnira, hatur saṁ prāṇarāja nimittanikā, tuhun saṁ prāṇarāja juga tapvan kr̥tānugraha ri kasusukaniṁ sīma, denira saṁ prabhu saṁ tlas kapratiṣṭa dai narāryya sminiṁ rāt·, Ikan maṅkana, sukha saṁ prāṇarāja, maṅkin dhirotsaha, Ankaəkāni ta bahunāyaka, śaivaka ri rovaṁniṅ aśaivaka, mvaṁ śaivaka ri sakveḥnira prabhu ṅke riṁ nūṣa java, mvaṅ i madhura, ṅūniṅūni kasuṣṭubhaktin· saṁ prāṇarāja ri sira narā 5ryya sminiṁ rāt·, Āpan tan hana deva makādiṁ brahmā viṣṇu maheśvara, An· lena saṅke sira narāryya sminiṁ rāt·, vnaṅ aṅanugrahakna sakāptiniṁ śaivaka mahābhāra ri sira, mvaṁ vnaṅ aṁrākṣa yogya rākṣan·, An· ḍaṇḍa yogya ḍaṇḍan·, rumākṣaṁ sarvvadharmma, mūnarjīvakən sahananiṁ dharmma parikṣiṇa, tan paveḥ ryy abhicarukaniṁ lmaḥ bala, lāvan sahananiṁ sīma parasīma, kalaṁ, kalagyan·, kamūlan·, kakurugan·, kuṭi vihāra, śāla, parhyaṅan·, karṣyan·, Umaluyakən· pūrvvasthitinya juga sira, kumatuturakən sakramanya ṅūni riṁ muhun malapa, makanimitta vdiniran kacāmpurana pamaṅunira dharmma, Apituvi praśāsti kadānaśūranira, Asaṅkyeya saṁ brahmāṇa kr̥tadānapratigraha saṅke sira, lumrā ta kirttyanurāganira riṁ rāt·, śaratkālapūrṇnacandrajyotsnănibha, An kadi ta dilaḥniṁ pūrṇnaśaśāṅka ri kālaniṁ lahru, prakāśa ta kaśūradhīrasiṅhanira, Anivāryyavīryyanira, Aninditaparakramanira riṁ raṇāṅga, maddhyăhnādityakarasutaikṣṇyapratima, An kadi ta sătiśayani panas i tejaniṅ ăditya ri kālaniṁ tṅaḥṅ vai, saṁsiptanya, śūra śakti vāni sira riṁ raṇāṅga maṅkāna hiḍəp saṁ prāṇarāja riṁ svahr̥daya, dumeḥ saṁ prāṇarāja maṅkāna, yāvat hana sira puruṣa vnaṅ aṅanugrahakna sakahyuniṁ śaivaka ri sira, sira paśarīraniṁ sarvvadeva makādiṁ trideva, sira mātā, sira pitā, sira guru, Ikā ta dvāra saṁ prāṇarāja, Ekacitta gumavayakən· gurusuśruṣān·śuśrūṣā, An· śaivaka ri sira narāryya sminiṁ rāt·, muvaḥ tan hana mātāpitā, guru, An lena saṅkeṁ kadi tiṅkahira sinevaka paḍa lāvan sira na6rāryya sminiṁ rāt·, paṅavruhana yan maṅkana, katon daini kaniṣṭamaddhyamottama, saṁ prāṇarāja nityasaṁsargga mvaṁ saṁ rāmapati, Anaṅkil· ri sira narāryya sminiṁ rāt·, Aṅăālocitta nayopāya, mvaṁṅ aṁlampahakən· balakośavāhana, dumadyakən· sthīratarani paluṅguḥnira saṁ prabhu riṁ maṇikanakasiṅhāsana, mvaṁ dumadyakən· vr̥ddhiniṁ yaśānurāganira narāryya sminiṁ rāt·, prakāśita riṁ nūṣa paranūṣa, tinūt i parāmadigvijayanira narāryya sminiṁ rāt·, Anmahakən savalələ̄niṁ sayavadvīpamaṇḍala, Anūluyani nūṣāntara, nāṁ madhura, makavyakti sira śrī harṣavijaya, parṇnaḥ pahulunan· dainira narāryya sminiṁ rāt·, Inandəlakən· muṅgveṁ ratnakanakasiṅhāsana, ṅkāneṁ bhūmi jaṅgala, putranira saṅ apañjy adimūrtti, rakryan· kulup kuda, Ipe denira narāryya sminiṁ rāt·, Inadgakən· prahajyan· ṅkāneṁ nagara madhura, ri kāla saṅ apañjy ādimūrtti mare tumapəl·, sira narāryya kiraṇa, săkṣăt ātmajanira narāryya sminiṁ rāt·, pinratiṣṭa juru lamajaṁ, pinasaṅakən· jagatpālaka, ṅkāneṁ nagara lamajaṁ, sira narāryya mūrddhaja, Ătmajanira muvaḥ, sira śrī kr̥tānagara nāmaniran inabhiśṣeka, pinasaṅakən· ṅkāneṁ maṇikanakasiṅhāsana, riṁ nagara daha, sinevitaniṁ bhūmi kaḍiri, sira turuk bali, putrīnira narāryya sminiṁ rāt·, pinakaparameśvarīnira śrī jayakatyəṁ, săkṣăt kapvanakanira narāryya sminiṁ rāt· sira pinratiṣṭa ṅkāneṁ maṇikanakasiṅhāsana, makanagare glaṁglaṁ, sinevita dainikaṁ sakalabhūmi vuravān·, sira śrī ratnarāja, parṇnah ari vvaṁ sānak amisan de narāryya sminiṁ rāt·, pinratiṣṭa ṅkāneṁ maṇikanakasiṅhā7sana, riṁ rājya i moroṇo, sira śrī narajaya, parṇnah aryy amisan dai narāryya sminiṁ rāt·, sirenandəlakən· riṁ maṇikanakasiṅhāsana, ṅkāneṁ nagara ri hriṁ, sira śrī sabhājaya, parṇnah aryy amisan dai narāryya sminiṁ rāt·, sira pinratiṣṭa ṅkāneṁ maṇikanakasiṅhāsana, ri nagara lva, sira saṁ prabhu samaṅkana lvirnira, kapva ta sira tlas kr̥tābhiṣeka dainira narāryya sminiṁ rāt·, ṅkāne nagaranira sovaṁsovaṁ, saṁ prāṇarāja lot sāri linampahakənira narāryya sminiṁ rāt·, tūtniṁ senavr̥nda śaivaka, yadyan· brāhmaṇa, R̥ṣi, śaiva, sogata, Atəhər amrayogakən sādhana, sādhananiṁ kāryya mahābhāra, rājābhiṣekādi, Āpan tan hana śaivaka kadi saṁ prāṇarāja, śaivaka ri sira narāryya sminiṁ rāt·, tan vruh anəṅgaḥ maṅgalya, tan· vruh anəṅgah alapā, tan vruh anəṅgaḥ dūrggama, yāvat inutusniṁ kadi sira śinevaka, lumampaḥ juga tan asuna, nimitta saṁ prāṇarājān maṅkana, Āpan niyatāmaṅguhakən abhyudāya riṅ ihātra parātra, Ikaṁ vvaṁ nityaṅūlahakən· dharmmaniṁ śaivaka saptati, An maṅkana lkas i saṁ prāṇarāja śaivaka, sārisaryy aṅlampahakən sapaṅutusira narāryya sminiṁ rāt·, Apituvy ankani ṣeṣṭasādhyani manaḥnira narāryya sminiṁ rāt·, riṁ vāhyădhyātmika, Ikān maṅkana, tapvan saṁ prāṇarāja Inanugrahan· ri kasusukaniṁ sīma, Ika ta dvāra sama śaivaka labdheṣṭaprayojana, huvus· kr̥tānugraha, makādi saṁ rāmapati, mahəm mālapkna, musapa reṇu caraṇadvayanira narāryya sminiṁ rāt·, Aṁhyaṅa turunani varasanmatanira narāryya sminiṁ rāt·, Aṅanugrahakna thāni sāvakanya, dadyakna sīma ma8pakna I saṁ prāṇarāja, riṁ tadanantara, maR̥k ta sakveḥ saṁ labdhānugraha, makapaṅhulu saṁ rāmapati, riṁ śūnyadeśa, panambah i manə̄manə̄hi lmah i talapakaniṁ kadi bhāvanira devamūrtti lobhāṁhyaṁ tulusani varaprāsāda lmah i talapakan· ra saṅhulun i manə:manə:hiṁ kadi bhāvanira, ndya ta tulusani siḥsanmatanire manə:manə:hira, hilaṅakna duḥkhamanastāpani manə:manə:hira, makadvāra tan samani varaprasāda lmah i talapakanira, Aṅanugrahakən sukhāsamasama, makādi kasusukaniṁ sīma, ri manə:manə:hira makabehan·, tuhun manə:manə:hira pun prāṇarāja, tapvan inanugrahan sīma de lmah i talapakanira, punikā tāṅde cittaskākhalitāṅdadyakən· duḥkhamanastāpa, riṁ svahr̥dayani manə:manə:hira sovaṁsovaṁ, An kadi ta manə:manə:hira kr̥tāghna, kadi tan· vruh iṅ aguṇa, kādi tan guṇagrahirāhī, kādi svărtha kevala, samaṅkānādinikaṁ doṣa tumama ri manə:manə:hira, mvaṁ kadi paṅtibhediktibhedī lmah i talapakan· ra saṅhulun·, yatan pānulus asiḥsanmata lmah i talapakanire manə:manə:hira, saṁsiptani panəmbah i manə:manə:hira makaśirassnāna rarab i lmah i caraṇadvayaniṁ kadi sira devamūrtti, Aṁhyaṁ turunani varānugraha lmah i talapakanira, Iri pun· prāṇarāja, makanimitta yogyanipun anugrahana thāni, sathāni rvaṁ thāni dadyakna sīma svatantra, gañjarananipun nitya gumavayakən dharmmaniṁ śaivaka saptatī, makatəmbeyan i sira kakinira, namas te sira bhaṭāra namaś śivāya, sira saṁ līna riṁ ḍampa kanaka, makāvasāna paṁḍiri lmah i talapakan ra saṅhulun·, An pi9nakaikacchātraniṁ bhūvaṇa sayavadvīpamaṇḍala, Anuluyani nūṣāntara, An maṅkana panambaḥ saṁ rāmapati, tan· vavaṁ sirāsaṅgup·, sḍaṅ ekacitta rumasani paramayogyani panambaḥ saṁ rāmapati, Āpan svabhāvaniṁ kadi sira devamūrtti viṣṇvavatāra, tan· vavaṅ asaṅgup·, mvaṁ tan dadi tan paṁR̥ṅə: haturniṁ śaivakāṅdadyakən hitāvasāna, tan dadi tan pāṅanugrahani śaivakāṁlampahakən kaśaivakan uttama ri sira, riṅ avasāna, tan adavā sahaurira, sampun kasaṁsipta yuktini rasani sirat i madhuravacana saṁ rāmapati, Atyantā paramasantuṣṭini manahiṅ hulun makanimitta patut i buddhiniṅ hulun·, lāvan sakināptyakən· ra saṅhulun makabehan·, ndan hana bhedannya matra, Alāmaṅ hulun ahyun asūṅa deśa lor iṁ nagara, makanāmaṁ mūla, mvaṅ i maluruṁ, dadyakna sīmādəg· riṅgita, gañjarakna I saṁ prāṇarāja, sahakāryyana kavnavnaṅaniṁ kadaṅ haji jaṅgala kaḍiri, mvaṁ vr̥tti savr̥ttiniṁ kadaṁ haji jaṅgala kaḍiri, makādiṅ akarmma, vālyavālya, ri hanani saṁ prabhu mahābhāra, tūtən i sasantānapratisantāna saṁ prāṇarāja, kadaṅ haji ri dlāhaniṁ dlāha, saṁsiptanya, sahakāryyayananugrahaniṁ kakadaṅhajyan dainiṅ hulun· maṅanugrahaṇa sīma ri saṁ prāṇarāja, tuhun avdi taṅ hulun liṅgacchāya ri sira samaprabhu makabehan·, sakvehnira tlas· pinratiṣṭa ṅkāneṁ maṇikanakasiṅhāsana, makalarapana kasāmarthyan· ra saṅhulun makabehan ta yan maṅkana, tulusakna pamahārsarṣuka ra saṅhulun·, ri yogya ra saṅhulun makabehan muvaḥ, Aṁdulurāṅusapa lbuni pādukanira śrī mahārāja makabehan· 10 makādi sira śrī kr̥tānagara, Amə̄ṅakna pasamagrinira maṅke ri kālani kapūjānira bhaṭāra parameśvara, An maṅkana rasani sirati maṇikira narāryya sminiṁ rāt·, laris ta sama labdheṣṭaprayojana, makapaṅhulu saṁ rāmapati, humaṇḍəm anambah umusap· lbūni pādukanira śrī mahārāja makabehan·, makapurassāra sira śrī kr̥tānagara, kathañcana masamagrī sira samaprabhu manaṅkil i sira śrī kr̥tānagara, sanyasānaṅkila ri sira pāduka bhaṭāra, labdhamanoratha saṁ rāmapati, maṅgihakn īṣṭasādhya, ri kapaṅgihira para prabhu masamagrī kāṅkən aṁhaturakna pūjā ri sira pāduka bhaṭāra, makādi sira śrī kr̥tānagara, humatur saṁ rāmapati ri sanmukanira samaprabhu, makanāryyama sira śrī kr̥tānagara, panambaḥ patik haji ri pāduka śrī mahārāja samudāya, makapramakaiukhe pāduka śrī kr̥tānagara, Amuṅahakna kinaptyaknira rāma pāduka śrī mahārāja, ri hanani jijñāsanira rāma pāduka śrī jagannātha, Aṁdadyakna sīmādəg riṅgita, Ikaṁ deśa lor iṁ nagara makanāma mūla, mvaṅ i maluruṁ, donanya, gañjarakna ri patik haji pan prāṇarāja, sahakāryyana tānugrahaniṁ kakadaṁhajyan·, kakadaṁhajyan iṅ kadaṁ haji jaṅgala kaḍiri, tūtnīən i santāna prātisantāna patik· haji pun prāṇarājāvaṅka kadaṁ haji, ri dlāhaniṁ dlāha, ndan avaL̥ra varaprāsāda śrī naranātha, kadulura daini varaprāsādanira para prabhu samudāya, vdinira rāma śrī mahārāja liṅgacchāya riṅ kadi bhava pāduka śrī mahārāja jagannātha, Apan pāduka śrī narādhipa sākṣāt makadravyekaṁ pr̥11thivimaṇḍala, liṅira rāma pāduka śrī jagannātha, mvaṁ pāduka śrī mahārāja vnaṁ vigrahānugraha, An maṅkana parisamāptini hatur saṁ rāmapati, kapva ta sira tumuly asaṅgup·, sama rasany ājñanira, niyatānkani sakināptyaknira narāryya sminiṁ rāt·, kunaṁ sira śrī kr̥tānagara juga tan· vavaṅ asaṅgup·, paṅdani kadevamūrttyanira, mvaṁ paṅdainy anugrahani devaviśeṣa ri sira, An sirenahākən sakalajagatpālaka, naranātharāja, Atəhər alona lampaḥ turunyājñānira, tan bheda rasanya lāvan· rasanyājñānira samaprabhu, Uva saṁ rāmapati sampun kasaṁsipta rasani psat·psat i madhuravacana ra saṅhulun uva, makāra sābuka ri hanani jijñāsanira ra bapa, Aṁdadyakna sīma svatantrādəg· riṅgita, Irikaṁ deśa lor iṁ nagara, makanāma riṁ mūla, mvaṅ i maluruṁ mapakna gañjarakne saṁ prāṇarāja, masahakaryya kānugrahaniṁ kakadaṁhajyan·, larapanyan· vaṅśa kadaṁ haji sasantānapratisantāna ra Uva saṁ prāṇarāja, ri dlāhaniṁ dlāha, mvaṁ tūtn iṁ kavnaṁvnaṅaniṁ kadaṁ haji, kavnaṅaknani santānapratisantāna ra Uva saṁ prāṇarāja, ri dlāhaniṁ dlāha, yadyan umuṅgve sīma, Umuṅgveṅ anyadeśa makādi nagara, Atəhər akarmma, valyavalya ri hanani kāryyanira saṁ prabhu mahābhāra, makendhikā pahyaṁ ri sukanira sama prabhu, Anugrahakna sakinaptyaknira ra bapānugrahakne ra Uva saṁ prāṇarāja, Ikā ta kahyunira ra bapa maṅkana, Alhaləpa ri ḍəpiṅhiḍəpniṅ hulun·, Apituvi, Aṅdadyakən· kastutyanira samaprabhu, mvaṁ haL̥p iṁ kadi sira prabhu, yadyan· mahābhāra tovi kahar̥pira ra bapa, ri sira samaprabhu makabehan·, ndan· yan mapakne ra Uva saṁ prāṇarāja, Ahamsaraṅ hulun uva saṁ rāmapati, ri katkani kāptinira ra bapa dainira samaprabhu, Āpan kaR̥ṇan hinaturan sukhāsamasama sira makabehan· dainira ra bapa, makasahāye ra Uva saṁ prāṇarāja, mvaṁ kasāmārthyan· ra saṅhulun kabeḥ, Āpan tan hana kadaṁ vargga pahutaṅaniṁ kādi sira prabhu, lena saṅkeṅ amrasiddhakən kaprabhunira, mvaṁ dumadyakən karayastveni keśvaryyanira, sira samaprabhu, paḍāntukira ra bapāmratiṣṭa, ṅkāneṁ maṇikanakamayasiṅhāsana, riṁ nagara sanagara, makasahaye ra Uva saṁ prāṇarāja, ṅuniṅūni kaprabhuniṅ hulun·, nora śevake sira ra bapa, paḍa lāvan· ra Uva saṁ prāṇarāja, lot sari pinakarovaṅira ra bapāṅalocittā guṇa buddhi riṅ ahoratra, katiṅhalan dainiṅ hulun·, An maṅkana, paran ta tan sukha

śūlabhr̥tdevata śulabhr̥tdevata kuverapārvveśa kuvera, parvveśa, sanagarasanagara Cf. 12v5 nagara sanagara. °vīryya° °viryya° mūrdvaja The spelling mūrddhaja is found in 7r3. Emend mūrdhaja° or °ūrdhvaja? We find the reading ūrddhaja in Rameswarapura 1v3. kr̥tānagarābhiṣekanāmalañchana kr̥tānagarābhiṣeka nāmalañcana On kr̥tānagarābhiseka, HS notes: “Contrary to other known inscriptions from 13th century Java, the charter of Mūla-Malurung consistently spells the name of the king Kr̥tanagara with a long ā. samaptagrāma Emend samastagrāma or samastāśrama? See Griffiths 2013: 59–60, nn. 41–44. My translation of the present passage there was wrongly presented as a qualification of Kr̥tanagara. Copie B breaks off at samapta//grāma. °kvaiḥ° °kveḥ° °snaha° I expect here snapana, snāpana or snāna. samakstakṣatriya sama kṣatriya samakṣatriya: emend samastakṣatriya. Cf. 1v7. Or read sama kṣatriya? Cf. sama śaivaka in 8r5. saṁ pamgat samgat puspapāta puspāta marmmananda marmmanantha marmmananda: the reading on Lama is a bit unclear, but Baru clearly has °nda, not °ntha. The reading °nda also yields a proper Sanskrit word. maṅhuri maṅhūri puspapāta puspāta makasirkasi raṅgaḥ makasir kasir aṅgaḥ makasirkasir aṅgaḥ °kasi raṅgaḥ vahas: understand °kasir raṅgaḥ vahas. The word vahas is not otherwise attested; could we be dealing with an error for rājasa? See file HS ‘Note on the village of Damalang’, for possible connection with Singasari stone. kunaṁ, sa° The punctuation is misplaced. I expect kunaṁ sambhandha, although even this would be a unique formulation. The term sambandha is not normally preceded by kunaṁ. The closest parallel I can find is kunəṅ pva sambandhanikaṅ ... in Waringin Pitu 7r4. tāmbra tambra kalilin Emend kaliliran? tiṅkaḥ tiṅkah viṣṇvarccha, na ṅkāne viṣṇvarccha, naṅkāne viṣṇvarccha, ṅkāne: cf. 3r2. makasaṅaṁjñā makasaṅajñā makasaṅajñā: understand makasaṁjñā. Cf. Brahmāṇḍapurāṇa 168 ndatan piṇḍa rūpa saṅajñā dharmanya. And the synonym makanāmadheya below (3r6). pratiṣṭa mahābhāra pratiṣṭa, mahābhāra saṅaṁjñānira saṅajñānira ṅkāne ṅkane agə̄ṁ agəṁ kālani kapratiṣṭanira The words could also be split kālanika pratiṣṭanira, but comparison with 5r5 suggest we may have here a form with prefix ka-, cf. 3r4. vaniṁ hyūn· vaniṁhyun· dai narāryya de narāryya pinakapurassārani paṁhuvusakən pinaka purassāra niṅ aṁhuvusakən pagə:r· pagər· guṅ iṁ bhaya guniṁ bhaya guṅ iṁ bhaya guniṁ bhaya guṅ iṁ bhaya guniṁ bhaya ta On the photo, it rather seems as though the engraver has written ka, but we require ta and the fifference between the two akṣaras can be minimal. guṅ iṁ bhaya guniṁ bhaya lina līna tumapəl·, tumapəl· sirānavasthā I assume that anavasthā is simply a name. Or might we assume irregular aN- derivation from svasthā instead of anvasthā (cf. forms like makasaṅajñā with epenthetic a to avoid complicated clusters)? Or can we split sirān avasthā? tinūtnyan tinūttyan vuga Perhaps emend juga? The word vuga is attested a few times as place name in Central Javanese inscriptions (Kamalagi, face A, l. 5; Kiriṅan, l. 2; Lintakan II.2). brāhmaṇa brāhmana paramartgveṅdajñā paramartveṅajñā lāvan paranakanikaṁ lāvanya ranaka nikaṁ ryy ayoddhya ryy yayoddhya maḍhaka madaka paramayajurvvedajñā parama yajurvvedajña Agamajñā Agamajña pinarivr̥tta pinarivrtta anyabrāhmaṇa anyabrāhmana R̥gvedajñā pragvedajñā yūyajurvvedajñā yūrvvedajñā °bhaṭa° °bhada° makanāmāṁ kr̥ṣṇapura makanā, māṁkr̥ṣṇapura Note HS: “Despite the variant readings, there seems little doubt that the passage refers to the dharma named kr̥ṣṇapura, mentioned exactly half a century later in the 1305 inscription of Sukhāmṛta (plate IXa: 6 - IXb: 1, transcr. Boechari 1985/6: 164-168). The passage runs: rāma sang apanji patipati, sira nguni manusuk dharma ring kr̥ṣṇapura.” Cf. same name mentioned in Frankfurt V. apañji nirākāra apañji, nirākāra makasaṅaṁjñā maka saṅajñā anusuka sīma svatantra Has the word dharmma been omitted here? ṅkāneṁ ṅkaneṁ °saāhāṅaālocitta °sahāṅalocitta samaṅkāna samaṅkana saptati Could this be an error or the short form for saptopapatti? But cf. 8r3 below, and Gandhakuṭi charter 1r3 śevakasaptati. kevəhan Or split kevəh an? sakaptini Cf. OJED sakāpti. See also 5v2 below. samaṅkā samaṅkanā sīma sima Ikan i tan I tan The collocation ikan maṅkana is found in the ms. LOr 10.454 of the Uttarakāṇḍa. The first passage (yadyapin uvusa ta rahadyan saṅulun aṅinum amṛta, ikan maṅkana, yayan tan paśara ni urip rahadyan saṅulun təkapniṅ tuhan i ṅulun) is not found in the ed. by Zoetmulder; for the second (kālavan tata molah ri patapaniṅ pañcavati tumutakən kasyasih rakarapva ikan maṅkana kuməla taṅ ulun ri panas tis), Zoetmulder reads ṅūni vi bapa kālanta tamolah ri patapaniṅ Pañcavatī tumūtakən kāsy-asih rāka rapva kami, ikā n maṅkana kumə̄l ata ṅhulun ri panas tīs. The collocation ika n maṅkana is found in several more texts (i.a. Brahmāṇḍapurāṇa). So we must understand ikan as ika-an. Cf. also ikān maṅkana in 8r3. Ankaəkāni ankani aṁrākṣa aṁrakṣa parikṣiṇa parikṣirṇa malapa malama riṁ muhun malapa: emend riṁ puhun malama? (But riṁ muhun malama occurs also in Sima Anglayang!) The final ma looks could possibly be read as pa, but the mu can certainly not be read as pu. kacāmpurana kacampurana pūrṇnaśaśāṅka pūrṇna śaśāṅka vāni ta ni raṇāṅga ranāṅga gurusuśruṣān·śuśrūṣā guru suśrusān· kadi tiṅkahira It seems these words are somewhat are to fit into the sentence. daini kaniṣṭamaddhyamottama dai nikaṁ niṣṭamaddhyamottama My division of words is supported by the inscriptions Paraḍah II (OJO XLVIII), back, l. 41; Liṅgasuntan, face d, l. 8–9; Ālasantan, IV l. 12; Kuṭi, XIab. Aṅăālocitta Aṅalocitta mvaṁṅ aṁlampahakən· mvaṁ ṅalampahakən prakāśita prakaśita apañjy adimūrtti apañji dimūrttī ṅkāneṁ ṅkaneṁ inabhiśṣeka inabhiśeka maṇikanakasiṅhāsana inabhiśeka tūtniṁ tūttiṁ anəṅgaḥ anəngah dūrggama durggama tan asuna Emend tan asuve? Or passive irrealis somehow derived from asə̄? nityaṅūlahakən nityaṅulahakən nitya ṅūlahakən dharmmaniṁ dharmma ni ankani ṣeṣṭasādhyani an kanisestasādhya ni an:kaniseṣṭasādhyani Boechari and Titi Surti Nastiti have not recognized the verb form ankani (= anəkāni). The problematic consonant sign has two vertical bars while being open at the top, which means we have to choose between p, ph, m, ṣ and s. Titi Surti Nastiti’s se is hard to accept, for what is visible of the consonant is not identical to the one in sā. I admit that I am not able to much better. I tentatively read ṣeṣṭasādhyani and can explain this as standing for sa-iṣṭasādhyani or ceṣṭasādhyani. On iṣṭasādhya and ceṣṭasādhya: cf. 10v5 maṅgihakn īṣṭasādhya; Bhīṣmaparva kəteniṣṭisādhya saṅhulun; OJED s.v. sama śaivaka labdheṣṭaprayojana Cf. 10v2. mālapkna malapkna reṇu caraṇadvayanira Cf. Uttarakāṇḍa 52 (ed. Zoetmulder, p. 112) parəṅ ta yanəmbah maṅusap reṇucaraṇa. But the same text more often has caraṇareṇu or pādareṇu, suggesting that we should interpret reṇu caraṇa as Javanese possessive construction, despite absence of -ni(ṅ). panambahi manə:manə:hi Emend panambahniṁ manə:manə:hniṁ? talapakaniṁ talapakani °hyaṁ °hyan saṅhulun saṅhulum °skākhalitāṅdadyakən °skālitāṅdadyakən guṇagrahirāhī guṇa grahi paṅtibhediktibhedī paṅtibhedi namas te sira bhaṭāra namaś śivāya This sequence seems to comport two parenthetic exclamations of the type discussed by Gonda (‘On Old-Javanese Sentence Structure’, p. [134]), who cites a directly comparable case from Koravāśrama 84:35–86:2 lamon devatā, sakeh paraśiṣya de bhaṭṭāra namaś śivāya makādi maheśvara, yayi rudra, yayi śaṅkara, nanak śambhu ‘as to the gods. they are all pupils of the Lord — reverence to Śiva! —: to begin with Maheśvara, ...’. bhūvaṇa sayavadvīpamaṇḍala bhūvana sayavadvīpamaṇḍala bhūvaṇa sayavadvīpa maṇḍala viṣṇvavatāra viṣṇvatāra aurira saharira sampun kasaṁsipta Cf. the same construction in 11v6. sirat i madhuravacana Cf. 9v2 an maṅkana rasani sirat i maṇikira. lāvan sakināptyakən· lavan sakinaptyakən bhedannya Emend bhedanya? sahakāryyayananugrahaniṁ saha kāryyānugrahaniṁ saha kāryyanugraha niṁ sahakāryananugrahaniṁ : understand sahakāryana-anugrahaniṁ? sakveḥnira sakven nira makalarapana Or read maṁkalarapana and emend maṁkana larapana? makabehan ta yan maṅkana It seems that this must be considered a separate parenthetic sentence pamahārsarṣuka pamahārsuka makapramakaiukhe makapramakai makapramakai: Boechari (1985/86: 191 n. 2) identifies this as a scribal error. The word should read pramukhai according to Boechari. Amuṅahakna Emend amaṅguhakna? Or ambuṅahakna? kinaptyaknira kinapatyaknira pan tūnīən i tūtniṁ Both Boechari and Titi Surti Nastiti have not only misread but also misunderstood the text; understand tūtən i as in 10r3. °rājāvaṅka °rājāvaṅka °rājavaṅka emend °rājāmaṅku ndan Must this perhaps be emended ndatan? makadravyekaṁ maka dravyekaṁ maka dr̥vyekaṁ na This syllable is read without any indication of doubt by Boechari, but it seems invisible on the photos I am using. However, there is sufficient space for it, and it may be that the plate is abraded here. turunyājñānira turunyājña nira rasanyājñānira rasanyājña nira kasaṁsipta ta saṁsipta See the same construction in 9v5 kānugrahaniṁ kānugraha ni larapanyan Understand larapan-nya-n or larapan yan? kavnaṅakna kavvaṅa kna kavnaṅa kna makendhikā pahyaṁ makendhikā, pahyaṁ Emend paṁhyaṁ? Alhaləpa Alpa ri ḍəpiṅhiḍəpniṅ ri ḍəpin hinaturan Or split hinatur an? sukhāsamasama sukāsama sama karayastveni or read karayaskveni? The word is obscure. nagara sanagara Cf. Ib4 sanagara sanagara ṅuniṅūni ṅūni ṅūni bapāṅalocittā guṇa bapāṅalocittāguna bapāṅalocittāguṇa sukha suka

TRANSLATION

Firs edited by Boechari (182-191E.90); followed by Titi Surti Nastiti (D421-436); re-edited here by Arlo Griffiths from photos kindly shared by Titi Surti Nastiti.

1-24 B30-38