Kakavin Rāmavijaya Rāma's Conquest Tan iṅ Rāt author of digital edition Arlo Griffiths DHARMA Paris DHARMA_CritEdKakavinRamavijayaTaningrat.xml

This work is licenced under the Creative Commons Attribution 4.0 Unported Licence. To view a copy of the licence, visit https://creativecommons.org/licenses/by/4.0/ or send a letter to Creative Commons, 444 Castro Street, Suite 900, Mountain View, California, 94041, USA.

 2019-2025 L Leiden Leiden University Libraries (UB) Special Collections Or. 4697

Balinese script, handwritten on paper. 42 pages.

Collection van der Tuuk, acquired in 1896. Cat. Juynboll I, p. 180; cat. Brandes IV, no. 1461; cat. Pigeaud II, p. 242; cat. Witkam V, 136. BCB 23 and 164 contain romanized copies by Soegiarto.

 JK Canberra Australian National University??? Hooykaas Ketut Sangka Collection 4/3

Typed transcription on carbon paper.

Transcribed in 1973 by Ida Bagus Gede Geria from a lontar held in griya Jero Kaningan, Sidemen, Karangasem, Bali.

Encoded in TEI according to the Conventions of Project DHARMA

The roman transcript makes no distinction between long/short vowel, between sibilants, between ə and e, between ny and ñ, between retroflex/dental consonants, between vowel- and h-initial syllables. By contrast, it frequently maintains the doubling of consonants after r that is typical of the Balinese writing tradition. All orthography is normalized taking metrical considerations and OJED spellings into account.

The asterisk * is used to flag lemmata or forms of lemmata not recorded in the Old Javanese-English Dictionary.

Renumbering cantos Converting uppercase into lower case, ng into ṅ, w into v and e into é. Adding a structure with div for canto. started applying further structure, correcting transcription errors, and filling in the teiHeader Converting docx into xml

avighnam astu.
śrī kāmeśvara niṣkalātmaka manr̥ṣṭi turida səḍəṅiṅ karasikan, sək taṅ rāga piniṇḍa muṅgvimuṅgviṁ hatiniṅ saharas i daləmiṅ pasaṅgaman, svīkānstika:nstikan rakṣa rəṅihniṅ adyah anahən lara pinuputan antyaniṅ gati, līla sthūla śarīra sākasakaRead saṅka? śāka? pada śūnya muvah i huvusiṅ madan tapih.Stanza numbered 1 in . sāmaṅkāna sireki tapva makamūrtti kakavin araras linaṅvakən, muṅgv iṅ ketaka sampratiṣṭha ginəlar sakala pinakamuṣṭiniṅ hiḍəp, pujan riṅ sari layvaniṅ gəluṅ acarva təṅah inuparəṅganiṅ tapih, hyun kvānugraha siddhakavy asiviniṅ karas arəja parantiniṅ taṅis.Stanza numbered 2 in . nāhan kāraṇaniṅ pralāpita giṇeṅ rinacana ri karəṅvaniṅ kathā, hyun-hyun deni kalaṅvaniṅ nagara ramya ri kaḍiri viśeṣaniṅ purī, təkvan saṅ sinivi pravīra kavi śakti taruṇa subhageṅ purāntara, śrī garbheśvara rāja pāduka bhaṭāra jayanagara katvaṅiṅ jagat.Stanza numbered 3 in . ndan duran katəkan apan kavi turuṅ mahas-ahas i kalaṅvaniṅ kapat, santoṣa ləṅəṅiaṅ paturvan apasir vukir i ajəṅiṅ adyah iṅ tilam, nantən teki kasaṅ vuluṅnya tapih arja lukar i səḍəṅiṅ kinolakən, tan sah riṅ karas osi sambat hinamərnya pamahuga tanahnya riṅ kapa.Stanza numbered 4 in . lavan karananiṅ hulun mikota bhasita kakavin araras palambaṅa, ṅunyāṅhyaṅ ṅvaṅ anugrahé krépati rajasa sira ari mūrti tan vaneh, siṅganyeki nimittaniṅ kr̥ta varé-aji samaya rahasyaniṅ maṅa, marsāṅkva mrih amarṇanāṅracana parva ya haturakənāṅkvi jə̄ṅ aji.Stanza numbered 5 in . tambeniṅ cariteki tapva vuvusən magəhakəna manah saṅ aṅrəṅa, ndah vantən prabhu siṅha dhairya sakaleśvara tuhu-tuhu bhūmipālaka, khyāti śrī kr̥tavīrya nāmanira tan hana siriṅanire parākrama, sak riṅ svarga huvus karəṅvan ativīrya subhaga magave jagaddhita. o.Stanza numbered 6 in .
sréka makaputra saṅ prabhu anéry anupapura minuṣṭiniṅ jagat, vidagdha kavi vāni śakti maguṇa nvam arəja lituhavy anindita, saṅ arjuna sahasrabāhu kəta nāma rasiki karəṅa prakasita, yan iṅ sakalavandhu bhayākulaṅggəhira nati suśīlajanmavan.Stanza numbered 7 in . ya hetunikanaṅ sabhuminira tan hana manasar i sila saṅ prabhu, asiṅ sapaṅutus narārya ginavenya masira-sira rama riṅ sabhā, vulatnyan amulat baréndra paḍa harṣa paḍa kadi tumiṅhaliṅ tulis, narép ri ka-jana nuraganira karananika paḍa bhakti tan salah.Stanza numbered 8 in . para prabhu kabeh samāṅjuru marək ri aira paḍa tumuṅkul adhara, asiṅ sahananiṅ kadhatvan ira vinvatakən ira ri jə̄ṅ nara-svara, apéni sani ratna kvstubha suvarṇa rajata ananira maṇḍala, gaja-sva ratha garddhabhv-stra saha bhūṣaṇanika maka sémba-sémbahén.Stanza numbered 9 in . ya karananikaṅ kadhatvan ati bhisama viśeṣa kadohuta, kuṭanya ri yava kinandha tinata ruhur asumu paméru parvata, ann pinarivréta riṅ lvah adaləm kumuliliṅi samipaniṅ purī, avarṇa kadi sapta sāgara bayunya səmu kuniṅ anéka varṇa ya.Stanza numbered 10 in . ri héṅaya ya binapra kancana subhaddha rinacana ginopura ruhur, catur muka kinoryan arpat ahaləp kagiri-giri dilahnya bhāsvara, sateja kadi parvata gni dumilah kahiḍəpanika denikaṅ mulat, dudug téka riṅ anta-riksa kadi kéndran aṅaliha sakeṅ surya laya.Stanza numbered 11 in . vetan dvaranya śuddha sphaṭika vatu cinandhya ruhur sopa cara, salvirniṅ svata saṅkəp marakata ginave hira bajranya kumram, tis-tisniṅ candra kanté-nukir-ukir i harəp dvara phala ṅgakara, lvirayan sākṣāt sakeṅ īśvara pada manurun deni géṅniṅ kaśaktin.Stanza numbered 12 in . ndah ṅkāneṅ dakṣiṇa dvara mirah ira duma bhra sinaṅ séṅaya muncar, muṅgvi gambérnya śuddha paval inasabakən mékalaṅ padma raga, kadya ṅémbéh cavinténya mapanasa təkapnyan kasénvan hyaṅ arka, pintən ganyeki pavati musuh ira manuṅkul sakiṅ bhahma loka.Stanza numbered 13 in . kilyan dvaranya malva haləp ararəm arés vvaṅvaṅ mihat deni séṅnya, mantén konténya saṅkəp pinahat inadu kanciṅnya sampun pinarnah, kakéntha-srya haləp muṅgvi pucak ika sumarnya ruhur syama varṇa, saṅkeṅ hyaṅ rudra mavat ri sira marahakən yan huvus labda yogya.Stanza numbered 14 in . dvarāgə̄ṅ hbisanéṅ uttara muka kahanan panca dharma pucak mas, mndah sarvva-staka bapra lumarap akuniṅ mas téké antaranya, abhra séṅnya ulap yan kapanasan akila śuddha sampun sinaṅliṅ, sākṣāt svarga nadāṅko ari pada hiḍəpiṅ vvaṅvaṅ mihat tyanta puhan.Stanza numbered 15 in . bvat antan pūrṇa sasri ri harəp ika minérvah ruhur sampun harpat, śobha muṅgviṅ natarniṅ vataṅan aṅililan hinyasan sari-sari, himpər megha biréṅ lvirni héduk ika ginambar vuvuṅnya tulis mas, sék deniṅ vvaṅvaṅ manaṅkil maṅadəg alal aṅanti vijil śrī narendra.Stanza numbered 16 in . ri vitniṅ vandhirāgə̄ṅ aya gaja hinapus ranté asvāṅga bhina, lagya dədəṅ manéṅka ləbuh aya dudu taṅ astya-né vantéyanya, ghantanya sraṅ maṅuṅkuṅ svaninika magéga vvaṅvaṅ rusuṅviṅ svaranya, paṅhriknya ganti-ganti bagun anapa ya riṅ vag malintaṅ salakvan.Stanza numbered 17 in . śobha gimbar patiṅkahnikanaṅ alun-alun syuh pénuh riṅ paṅastryan, dé saṅ samanta rajāṅjuru hbékén anaṅkil paḍa riṅkah akram, uréṅ tapva ṅucap tan hana vinuvus ira léna saṅkeṅ kabhaktin, rəp kumvaṅ śabda tis-tis paḍa kadi siniram yan vijil śrī narendra. o.Stanza numbered 18 in .
ṅkāneṅ jro pamulañcaran gr̥ha subaddha vaṅunan ulihiṅ huvus tama, dantarjeki sakanya sampun hinukir miḍər ajajar atuṅgalan katha, tvasniṅ pādapa kr̥ṣṇa kumran i taripnya tinulis hinamər linaṅvakən, gītāləṅkara parva ramya maturun carita cinaritanya tūt iriṅ.Stanza numbered 19 in . raṅkaṅ mas ri daləm kahadyan akiris sphatika ri patiganya tumpyatak, kasraṅ deni sénanikaṅ parama tarja lumarap i pakénya kesisan, nvaṅ vastra-rjja surat-surat jamanikanya kumélah i sirirnikaṅ aṅin, riṅ sambyan hana campaka glar alunyut səkariṅ asana layvaniṅ gəluṅ.Stanza numbered 20 in . tīrtha drəs kumuncir kahulvan alaṅa rinacana ginave pinañcuran, tvas-tvasniṅ mani(ma) jahi réṅga makaranya sahaja pinahat rinumpata, aṅde harṣa kucūrṇikaṅ dhanu avaṅkava kapapas i téganiṅ ravi, tus-tusnyeki tinundha-tundha pinaharjaa pinarigi təpinya tut sisi.Stanza numbered 21 in . piṅgirnya-njrah asoka padapa rumémbo araras aṅilo véyiṅ ranu, sinvasnya dhyah umiṅgək-iṅgék atapat jaja kumélab i pélahiṅ bañu, lvirnya ṅémbéh apan arép lavadén iṅ gərəh ahati kucupnya tan məkar, kadya marna laranya tan hana mamuktya muṅarana səkarnya sumpiṅa.Stanza numbered 22 in . paḍan vvaṅvaṅ ri təpinya kalih adulur para-paraniṅ anuksma-kén ṭikā, paṅliṅganya səkar ləvas tinulisan kakavin ulihiṅ aṅdadak-dadak, lumra glar i pasir-pasirnya luluriṅ vəḍak akuniṅ avor lavan burat, pintən ganya parantiṅniṅ kaka-kaka dyus aṅisis amédhar-médhar tapih.Stanza numbered 23 in . taman ramya binapra ləṅləṅ alaṅa linaraṅan apiṅit haneṅ daləm, tanjuṅ shé ri natarnya naga kusuma sana surabhi gaḍuṅnya kasturi, ér tambaṅnya pinañcuran majala tundha kuncur amaṅan-maṅun hima, praya ṅhiṅ pinara-paran aji mahas-mahas adulur i tambvaṅiṅ sasi.Stanza numbered 24 in . sore masa surup hyaṅ arka kalaṅə̄nya vau-vau sirém kasaṅhuban, kambaṅniṅ satapatra riṅ talṅa miṅkus amupuli lavénya kaṅinan, paksya livran amet paturvan aṅépér dadali pati sulambér iṅ tavaṅ, nraknya navaṅ aganti muṅgvi lalayaṅa makirig anisik-nisik élar. o.Stanza numbered 25 in .
ri vijilnikanaṅ vulan aluru mava anyar aṅdhadhari, suməkar kuduniṅ kumuda kadi tinaṅhi haneṅ talaga, akəcap titisiṅ bañu amarəṅi maṅhvabi kanya ləṅəṅ, kadi caṅvli limutnya maniru-niru kén lukar iṅ śayana.Stanza numbered 26 in . lalu masa təṅah kuləm asəpi ruru səkariṅ kamuniṅ, hana mandra cucūrṇya muni manaṅis asraṅ aganti ləyəp, kalavan taḍah harṣa magahuran minta kasih karəṅa, yadiya tilémaṅ vulan amalaku liṅnya tumuta pəjah.Stanza numbered 27 in . kalaṅə̄nya riṅ eñjiṅ avuṅu səminiṅ tréna deniṅ əbun, paṅuvuhni kuvoṅnya muni masahuran ri daləm nagara, akakab pakatonaviṅ tahən ika matra katubniṅ aṅin, magəlar siraranya kadi paṅisi rurva sakeṅ gəluṅan.Stanza numbered 28 in . asinaṅ ri vijilniṅ aruṇa səminiṅ kayu vahva séni, dumilah gupuranya kanaka ri daləm kadi candra lumə̄ṅ, ri samipanika-rjja graha kabini ajyan amarpat agə̄ṅ, lumarap ri pucaknya mani maya sahantiga géṅnya murub. o.Stanza numbered 29 in .
kilyan bvat smara raṅkaṅ arja ginave rinacana kinəñəp rinūpaka, tvasniṅ rāga sinr̥ṣṭi sampun apagəh mapatiga lara kuṅ dinadyakən, paṅniṅ śoka ginātra kori vaṅunanya turida mavilah karāsikan, mosuk harṣa lulut rinaṅtihana kiṅ-kiṅ inadu pat éduk raras hati.Stanza numbered 30 in . ṅkana śrī parameśvari pinarékiṅ vvaṅvaṅ ahayu pinakesiniṅ purī, tus-tus vaṅsa kadaṅ-kadaṅ aji anéka kula-kula marək mapavahan, mvaṅ strī vr̥ddha karaṇḍan ahyaṅ ahaləp midər ajajar atuṅgalan caka, dénya bhava kadiṅ tulis kahiḍəpanya padha-padha madum-duman raras.Stanza numbered 31 in . apan yan vuvusən ajəṅnika savaṅ jaladhi madhu manisnya yan lihat, aṅde rés makaraṅ-karaṅ alis alandhép ariṅi-riṅi kesisan pupur, maryak malun ahaṅsa-haṅsa gəluṅanya méhirəṅ akusut tibéṅ pipi, pantəs tapva rarasnya manjahata rāga təṅah ika kahambéniṅ susu.Stanza numbered 32 in . vantən lvir gərəhiṅ kapat pavulatanya huvusiṅ asuji hyasan dadak, byakta sinvama raganiṅ vvaṅvaṅ umulat-umlata ri təṅahnya kesisan, rém kiṅ-kiṅ matəmah riris turidaniṅ vvaṅvaṅ amédhari tapihnya riṅ jinəm, luṅniṅ harṣa maluṅga-luṅgah avilət-vilət apuhara maṅgagap tavaṅ. o.Stanza numbered 33 in .
sakvehniṅ marək arja tan hana kuraṅ rumnya gənəp riṅ raras, ndan isthanya yayan kagéman i ajəṅ saṅ mas manikniṅ purī, éndah tapva rarasniran vinulatan tapvan ləsəh riṅ manis, sākṣāt rāga piniṇḍa rūpanira siṅgih saṅgama ṅinḍarat.Stanza numbered 34 in . éñjiṅ rakva huvusniṅ ahyas asalin siñjaṅniraṅ asturi, luhya liṅgih arajasan dadak amet lisyan tikəlniṅ alis, tan sulihniṅ aṅanti sanmataniran bvat lvir vulatniṅ tulis, nahan hetunikaṅ marək-marək arés somyāṅucap tan umuṅ.Stanza numbered 35 in . sāsiṅ solah ira gavé tarida kiṅkiṅniṅ mulat kasrépan, pantəs yan paṅadəg lumimba yararas lvir polahiṅ padapa, yapuan éva maha ṅiriṅ liriṅ ira ṅgat-gat maség-séṅ smita, cumbva méndah arajasa misani yan pojar téka mlad prana.Stanza numbered 36 in . tis-tis masa ri liṅairiṅ ravi maṅa luhya ṅadəg riṅ natar, tan śobha maṅuré gəluṅ misisakən susva-rjja deniṅ uyaṅ, marma ṅémbani putra-putran iran eñjuh édan patutan aji, tan ryamban kiaudaṅ-kudaṅnira pinak-pak cét tuhan liṅ nira.Stanza numbered 37 in . yan sore humusiṅ ḍavuh pitu mareṅ taman mahas lalana, bhrānta niṅhali cataka naṅis i rém-rémniṅ hima rantayan, aṅhiṅ lét dinala-déla tiniṅhalan ləṅləṅ mihat riṅ tavaṅ, lvir muksaṅ kətəriṅ patar sumilib améṅ-péṅ kəḍapniṅ vulat, o.Stanza numbered 38 in .
sinevakanEmend sinevakən? i ramyaniṅ taman ateki hayuniran apéndahan liriṅ, ləmas-ləmas i luṅgahiṅ gaḍuṅ aket mara-marak i təṅahnirāṅlurus, pucaṅ-pucaṅaniṅ pucaṅ gaḍiṅ aséva miriṅ i gəmuhiṅ payodhara, sasañjata puḍaknya teki makəmit ri sétisira parantiniṅ kalé.Stanza numbered 39 in . syapéka tan avédya maṅpaṅa ajəṅ-ajəṅira ratuniṅ karasikan, raras hati huvus manuṅkul anukula turida lara rāga kuṅ lulut, lavan rudhita soka harṣa makiris rəṅih umatur i kiṅkiṅiṅ hati, ya téka maharəp-harəp ri səḍəṅiṅ smara bhaya ri daləm pasaṅgaman.Stanza numbered 40 in . aras vvaṅvaṅ umulat ajəṅniran abhūṣaṇa kadi-kadi muksa riṅ riṅ səkar, adandan aṅivis təṅah linuputan tapih aṅelih ikalaniṅ uyaṅ, baṅun mupéta rakva luncipi alisnira tahér agəlaṅ-gəlaṅ susu, savaṅ madhu piniṇḍa manisa manis-manisira tuhu mūrtiniṅ sari.Stanza numbered 41 in . laluṅ masa piraṅ kuləm vahu mayat məkara ṅasana muṅgu riṅ taman, gərəh jarumana kapat ḍatəṅa maṅaturakəna ri panjrahiṅ səkar, kapiṅrva tumiba riris ana kilatnya kuməḍap i samipaniṅ révéṅ, baṅun majara harṣaniṅ patər anivya ri sira kaharəpnya sémbahén.Stanza numbered 42 in . ikaṅ kaka-kaka-daləm puri manahnya paḍa vijah atuṅgalan raras, badu anaka mopa vasa kadi hira vajanika mahémbanan laṭi, anan dadak amahva-mavvani sipatnya karahurana sésa tan ləbur, makanya masaput-saput pupur avarṇa śaśadhara tinampvaniṅ riris.Stanza numbered 43 in . anan kadi tulis ajəṅnyan akéda-kéda aṅadəg avarṇa suṅkava, gəluṅnya rumarab mareṅ mukanika miu-miru təpiniṅ tapih lukar, lumampah aṅelih-élih kadi tan intara sukunika kabvatan susu, sapolah ika tan vruh aṅrva kaharəp-kaharəp ika tinuṅku-taṅkulan.Stanza numbered 44 in . apan yan ucapən ayunya kadi muksa vulatana ri kalaniṅ rəməṅ, alisnya kadi cataka ṅlayaṅ avarṇa kilat i pamitanya yan lihat, gərəh ləṅəṅ aganti mandra paṅəsah-paṅəsah ira ri pamrihiṅ sipat, siris padhani luhnya sarbas i matanya vahu mətu kapəñcəriṅ kakus.Stanza numbered 45 in . ikaṅ vvaṅvaṅ ri daləm kabeh paḍa huvus vinarah i kaharəp vareśvari, méné kuləm ataṅya-taṅya sira rakva maréṅana ri pūrṇaniṅ sasi, lavan sahana saṅ mamarvani karasikan iki vinarah ginopitan, parəṅ ḍatəṅa ratri kala marək ahyas adulara matuṅga-tuṅgala.Stanza numbered 46 in . iaṅ saji huvus sumaṅgraha tiniṅkah arəja ri daləm pasaṅgaman, sugandha ana dhupa kasturi səkar jənu ana tigasan aṅutkatha, anan muliha riṅ svara laya hiḍəpniṅ umulat i laṅənya kasrépan, garantuṅ alaṅa haneṅ yava maganti ṅaraṅin araras rinəṅvakən.Stanza numbered 47 in . samantara ri liṅsiriṅ ravi tumuṅgaṅ acala kadi harṣamatuka, anan lumaku-lakvan olih asavaṅ héla-héla miyatiṅ vaṅiṅ purī, avas pətəṅa pambəkanya kaka havya hiḍəp ira monén katiṅgala, nimittanira ṅanti sakṣaṇa ləpas kadi lakuniṅ arés kaciryana.Stanza numbered 48 in . gumanti rumahab limutnya saulésaiṅ akalihan anurun-kén lulut, mélés kadi gəluṅ kukar nirada méléh ahirəṅ amarantya-kén riris, suméṅ-séṅ i vijilnikaṅ śaśadhara vénés alura kəmul-kəmul hima, savaṅ mukanin adyah cruk avədin kaharékana kinubda riṅ saṅu. o.Stanza numbered 49 in .
sampun yajña manobhaveki ginəlar śrī nātha riṅ lakṣaṇa, səṅniṅ rāga sumar haneṅ hati maha ṅgat-gat harəp saṅgama, nāhan marmaniran lumampah anilib mañjiṅ mareṅ jro purī, tan sah kasihira vaṅ aṅhinya ṅiriṅ mvaṅ paṅavin pavahan.Stanza numbered 50 in . ndan rakveki titar kadaṅ aji kulanya nvan vidagdhéṅ naya, katiṅ rat kéta rāga hetuka ṅaranyan pavakiṅ rasika, vruh-vruh ry ambəkaniṅ sinévaka bisa ṅriṅ-riṅ manahniṅ tuhan, sojarnyeki varahniṅ agama tétés siṅgih juga vvaṅvaṅ kavi.Stanza numbered 51 in . ambək śrī naranātha denya taka harṣa kuṅ lulut kasrépan, marma ṅgégvani tan sah aṅrahati sojarnya manah saṅ prabhu, kambaṅniṅ satapatra lagi pamavan kuṅ rumnya muṅgviṅ taṅan, tan ryamban hinaras-haras tiniliṅan tiṅhal sumambya ṅucap.Stanza numbered 52 in . nāhan liṅnira rāga hetuka vuvusniṅ vvaṅvaṅ rəṅən teki-hén, ndin gayan vənaṅaṅ madhubrata vasāṅadoh o rarasniṅ səkar, ndo harṣa taḍah harṣa haran ri səkarniṅ lek mijil riṅ vəṅi, ndak tén bhrānta kata kalaṅkyaṅ aharəp riṅ megha kabvan riris.Stanza numbered 53 in . nantən teki hatur paṭik aji səkarniṅ cémpaka nvaṅ mənur, nir ndon teki rarasnya sampun anəḍəṅ yan tuna ṅantiṅ gəluṅ, lavan padapa tan anaéki pakénanya doha saṅkeṅ pipi, maṅka rāga ṅaranya yaṅ hrétana kiṅkiṅnya tévas tanpa don.Stanza numbered 54 in . nāhan teki saharnya rāga karaṇāṅrəñcəm kasekan smara, sampun prāpta sireṅ daləm tucapa tiṅkahniṅ vvaṅvaṅ iṅ jro purī, kañcit śrī parameśvarī huvus aliṅgih ramya muṅgv iṅ natar, sakvehniṅ paricārikākrama marək himpor səkarniṅ gəluṅ. o.Stanza numbered 55 in .
prāpta liṅgih (nr̥pati) sumaṇḍiṅ nr̥pati vasa-vasa nyambana ṅél amakpak, ambətniṅ ken kasiṅkab kadi maṅarahakən rāga kiṅkiṅniṅ onəṅ, suṅsut-suṅsut sudevī lagi kinəda-kəda muṅgah iṅ jro paturvan, marma nuntun tan imbā narapati madulur muṅgahiṅ jro jinəm mrik.Stanza numbered 56 in . ndatan saṅke tan aṅga vuyuṅ ira ta kunəṅ tan sakeṅ lot mapaṅgil, aṅhiṅ duké sé héṅniṅ turida kahavaran rumnira murna maṅras, marvāṅéo rés tikəlniṅ alis arəṅu ané socaniṅ luh kuməmbəṅ, tapvan mantén pinak-pak inari-hari təkap saṅ kéda lot rinəṅvan. o.Stanza numbered 57 in .
maskv induṅ mapa hetuniṅ miṅo asuṅsut arəṅu-rəṅu éva suṅkava, ndak ton tapva manis-manisni pamatanta lumihat ibu tan kadiṅ lagi, siṅ solahkv iki saṅharas pipi anan siniku-siku maṅolakən təṅah, ndatan kani laraṅku ménva yadiyan ragəta tapaki tuṅtuṅiṅ kuku.Stanza numbered 58 in . ah vantən-ku tan élika salaga riṅ patər akətər anantya-kén riris, miṅé padapaniṅ jriṅ aṅlih inavosan i paṅalayaniṅ vəlas harəp, paṅgil-paṅgilaniṅliraṅ kinayuh iṅ gaḍuṅ aṅelih aṅolakən tavaṅ, maṅke tki tuhan vuyuṅta sahaja puputa guyu panarkaniṅ hulun.Stanza numbered 59 in . ndah laṅgə̄ṅa muyuṅta rakryan i manéhta pah lalun i pamvitiṅ hulun, aṅhiṅ teki tuhanku matya kaharəp-ku malabuhana jéṅta riṅ jinəm, déṅan śīrṇa kahandhém éṅ susu yadinya kacucuka ri landhépiṅ alis, pinta kénta huvun luhar ya rurubaṅ-kva bibi pénjaha riṅ pasaṅgaman.Stanza numbered 60 in . akara pva gənəp tigaṅ vulan ateki katuturana tāku riṅ tilam, caṇḍinta kvi raras-rarasta maviluṅ-luṅ lara turidanta riṅ halun, ndan yan pūrṇama kala carvana təṅahta saha kusuma layvaniṅ gəluṅ, kəmbəṅ-kəmbəṅ luhta majar i lulutta salahasa tiniṅgaliṅ hulun.Stanza numbered 61 in . sampun masa ḍavuh rva yan gumuliṅa pva kita təhər anurva-kén taṅis, ndan riṅ svapna katéna tāku maṅisapva ṅulu-nyuluha maṅharas pipi, cumbva véha səpah sakeṅ vaja masa nuculana ri tapihta tan lukar, ṅka tākun sari-sarya méṅ-péṅ ahajəṅta manékanana kaptiniṅ hulun.Stanza numbered 62 in . nahan liṅnira naṅlipur-lipurakən turida saṅ akiro katasikan, maṅéh kakvan ikaṅ lulut kadi səkarniṅ asana vahu maṅrəṅa gərəh, lavan cataka mét riris riṅ apa yan gila-gila ri karəṅvaniṅ patər, byakta sinvam arén akəmbaṅa asoka haṅu-haṅun i sampuniṅ hudan.Stanza numbered 63 in . akveh buddhi narendra maṅracana kiṅ-kiṅ araras ṅayu priyambada, ləṅləṅ yan paṅiduṅ maha ṅudaṅ-udaṅ susu garégétan aṅaras pipi, siṅ-siṅ rakva vuvus naraṅ-hulu taṅan saha marəka ri jə̄ṅ nareśvarī, cab-ṅér vasnira saṅ minaṅkana manisniṅ ujar aṅani padmaniṅ hati.Stanza numbered 64 in . ambək śrī parameśvari kadi tinaṅhi turidanira tan vavaṅ ləbur, vahva ṅluṅ-luṅi rāga tan vuruṅ anut tinari-hari lumé pinaṅkvakən, vantən aṅganya viraṅ niran vavaṅ asiñjaṅ ira lukara yan kinélakən, nahan marma niran lumiṅair akiput-kiputa tiki linuṅsuran tapih.Stanza numbered 65 in . sampun mayu saraga riṅ jinəm aṅantyani turida viniddhyaniṅ smara, rəp mampəh pavisik-visih mari karəṅvan ujar-ujar aganti tan umuṅ, aṅhiṅ teki rəṅih-rəṅihnira lavan paṅəsah ira rinuṅva-ruṅvakən, nhiṅ ah vus kaka liṅnira mrih anéhak jaja mahénék apan katiṇḍihan. o.Stanza numbered 66 in .
tadanantareki tumibaṅ ghaṭita təlu ri sampuniṅ gati, irika ndatan vavaṅ aturva maharəja gəluṅ huvus lukar, karəṅa ana babaniṅ aṅharéki pipi sumambya-suṅ səpah, avarah ri sihnira silih suval ujar araras rinuṅvakən.Stanza numbered 67 in . avuvus narendra təhər aṅharih-arih aṅucap nareśvarī, aharəp sirāṅləṅəṅ alalana mahas-ahas edran iṅ taman, təhər aṅrarah kusuma maṅlipura mara haripnikuṅ mata, sakatambey eṅjiṅ irikan laris adulur ahimyan-himyanan.Stanza numbered 68 in . ri huvusnira ṅucap aganti paḍa pituruniṅ karasikan, aturu ndatan avədi kāla sira huvus amukti saṅgama, kisikiṅ huləs mari karəṅva ṅésésan aṅésah silih gupi, hana ken lukar kavadal asriṅ aluluman aṅanti riṅ dagan. o.Stanza numbered 69 in .
sakvehniṅ paricārikā glar amajaṅ vulan atiki gumanti varṇanən, akveh bhāvanika anan paṅiduṅ asraṅ amaca-maca maṅgəlar nita, len tekaṅ magaməl anan panalukat ləṅgəṅ araras aliṅgih iṅ natar, dudva bhava kalen na visik asuṅ-suṅan ujar amirəṅva-rəṅvakən.Stanza numbered 70 in . strī-strī vr̥ddha mateki saṅ kili karaṇḍan anuha-nuha riṅ paguṇḍikan, aśrī bhāvaniran hanāṅulih-ulih kaka-kaka marək asraṅ aṅrubuṅ, mar tvasnyan kəna raga-ragan aṅucap saha guyu-guyu lagi tan umuṅ, hetunyan paməkul ri rovaṅ ika marək-arəkana aṅukur-aṅukr-ṅukur gəluṅ.Stanza numbered 71 in . ndah vanton rara kanyaka réja savaṅ vulan aluru ri paṅlvaṅiṅ kapat, ndan rakveki hələm gatinya tarima-kéna mayugala rāga hetuka, nahan hetuniṅ asmu suṅsut aviraṅ-viraṅa tiki yadin kinavruhan, marmanya masaṅ ambak abvat avuyuṅ pinaca-pacəhan nambya-kén taṅis.Stanza numbered 72 in . luṅhāṅdoh amisanta ri vitiṅ asoka gumuliṅ arurub-rurub səkar, tan tévon lukariṅ tapih susus-susupnya kasarakat alum katindhidan, tan samvas rarabiṅ raréb-raréb anis rəsəp analasi gatraniṅ huləs, ndatan vruh mata yan tinaṅhi təkapiṅ kamula marək akon amuṅgaha.Stanza numbered 73 in . len tekaṅ madulur-dulur kalih atuntunan araras arumpukan mənur, sə̄ṅ-séṅ rāga vuvusnya nojar akalib tinuna-tuna tinuṅtuṅan guyu, lila liṅgih ararya-raryan akéda-kéda kaguliṅan iṅ sila tala, ləs mrém teki paḍa harip sumaputaṅ mata sahaja katurvan iṅ natar.Stanza numbered 74 in . eñjiṅ māsa huvus ḍavuh valu paréṅ nr̥pati vahu mijil sakeṅ jinəm, prāptaṅ kumba padamvandhamvanira sampun arəja sumonaha riṅ batur, len tekaṅ kaka sampun arpat akiré marək i sira manampa pahyasan, riṅ ambyan sira yan maliṅgih ajajar mapédhé-pəḍək akalihan uləs.Stanza numbered 75 in . byatitan ri huvusnira hyas umaréṅ taman adulur atun-tunan taṅan, guṇḍik ramya paḍa dulur kaka-kaka nvam arəja kadi panjrahiṅ səkar, tan tva-mbaknya maha ṅlipur-lipurakən haripi matanika majaṅ sasi, luṅhāṅadéh aṅalap səkar saka harəpnya vija-vijah arumpukan gaḍuṅ. o.Stanza numbered 76 in .
ri piṅgir-piṅgirniṅ ve akaraṅ apañjaṅ maṅililan, maṅaləṅləṅ luhya nr̥pati lumiyat kalih adulur, ləṅəṅnyāhimpər sāgara mapasir iṅ groṅnya mahurus, mapaṇḍan rambat tūt sisi kadi təṅah sampun aṅisis.Stanza numbered 77 in . ri tuṅha-tuṅhaniṅ pasisi pidaṇḍanya njrah asəkar, anan miṅgək rupanya hinupuk-upukniṅ ryak alaṅa, ru vahnya ṅantiṅ karaṅ aluṅid arja riṅi-riṅi, vias-vas tan péndah kadi susu kanin śīrṇa kakuku.Stanza numbered 78 in . ri duṅhusnya grət-grət pasi-pasir ika taṇḍəs aratha, tinampvan-tampvan deniṅ alun agəṅ adyūs amalapar, kasiṅkab-siṅkab venya maṅəmuki paṇḍanya ririṅ təpi, lumimbak ryak-ryaknyānikəl asəmu siñjaṅ linuputan. o.Stanza numbered 79 in .
prāsāda ləṅəṅ i təṅahiṅ taman sphaṭika kumram inukir aruhur, śuddhākiris aṅulap-ulap kasə̄ṅan i kəñarniṅ aruṇan umijil, aṅhiṅ para-parani limutnya niñjaṅ avəlun-vəlunan alimunan, hyaṅ candra mabaṅun aviraṅ tumona ri pucaknya dumilah asinaṅ.Stanza numbered 80 in . ṅkanan nr̥pati parəṅ umuṅgah asraṅ aruhun-ruhunana ta sira, ṅhiṅ tan sah ira téka rāga hetuka mapavahani sira marək, léng-léng lumiyati haləpiṅ lurah sinaput iṅ limut amaya-maya, megha hirəṅ aménuhi kéṅkulan hudan ikaṅ traṅa aniraṅ anisih. o.Stanza numbered 81 in .
ṅkāne sornya kadava gurvan asənət muṅgviṅ luvukniṅ gəgər, aṅlistiṅ gupuranya maṅharəpakən lvah gə̄ṅ təlas vinvatan, aṅde harṣa tiniṅhalan həduk i raṅkaṅnyāṅjəlag kesisan, tan vaspada patumpa-tumpanikanaṅ merv aruhur koṅkulan.Stanza numbered 82 in . deśa pveki kunəṅ kasimpar arénés tis-tis hənunya samun, rantun-rantunaniṅ hima dulu-dulur sampun madadyan riris, kuntalnya sraṅ anambayaṅ ləyəp adoh muksa nusup riṅ rəməṅ, aṅhiṅ mraknya jənək manavaṅ alaṅa vvaṅvaṅ matra tan vaspada.Stanza numbered 83 in . lor vetanya ləbak-ləbak pasavahan ramya tata tut lurah, himpər sāgara maṅlurak-lurak arés tvasniṅ miyat kasrépan, ləṅləṅ yan dinéla baṅun tan arata piṇḍanya diniṅ limut, muksa misra lavan laṅit pətəṅ adoh yāṅkən pətəṅniṅ ravi.Stanza numbered 84 in . ramya thani ḍusun-ḍusun kuṭi ləvas caṇḍinya tan kambarah, vuṅva-njrah ri aatarnya sampun anəḍəṅ śīrṇa gumantén ləvas, pantəs teki parantyaniṅ vvaṅvaṅ ahañaṅ kalih kakuṅnya dulur, luṅāṅdoha mamét hurip masənə̄tan hetunya muṅsir kadaṅ. o.Stanza numbered 85 in .
makin alaṅā naranātha miyati ləṅəṅiṅ vanadeśa ləyəp, gunuṅ aruhur giri vindhya kaparək i samīpasampipa-nikiṅ nagara, para-paraniṅ mahas aṅləṅəṅ asaṅu tanah ləpihan vinava, masənətan ahyun améta kaləṅəṅiṅ anantva kiduṅ kakavin.Stanza numbered 86 in . lvah ika saké ruhur agra tuməḍun aṅəné paraṅan gumuruh, gumulakan iṅ éra madras amalhar i tusnya katon abiru, asana vuṅu jriṅ asoka kahili saha padapa kumram avon, hana kadi layvaniṅ adya sari ruhur amet ayu tīrtha gama.Stanza numbered 87 in . paraṅan arés i mukanya tumayuṅ i rəṅatnya baṅun rébaha, savaṅ hinukir ta rupanika kadi macavintén agatra muṅup, hana kadi caṇḍi sila tuvan inavitiṅ cdvad akét avilət, vé ika mélés humis adaravéyan aputih tinuduh-tuduhan.Stanza numbered 88 in . rari liyatiṅ pataptan kadi siluman iṅ agra katon aṅisis, hana kuməḍap mavalantaga baṅun aṅavésa makon umara, makin ahaləp maka gopura véléki limutnya suméṅ aruhur, ləyəp anamar ari loka pavulatanika kinédhap-kəḍapan.Stanza numbered 89 in . hələm ibu yadyapi ta ṅvaṅ atuha ləvaséṅ viṣaya pva huvus, arəsəh akétya karaja vibhavan avaneh maṅiva karatun, luməkasa tāku lavan kita mahasa atiṅgala rājasabhā, umusira pad bhaṭāra kəta manusupeṅ giriśr̥ṅga mavan.Stanza numbered 90 in . kaka tan ika kaharəp-ku mahas-ahas adoha sakeṅ nagara, masalaha vīrya manambuta kasaṅ i harəp-ku lumakva kavi, lévu mara ramyaniṅ anjajaha pasir ataṇḍaha deśa lényap, suka yadiyan pojah oṅ karaṅ akalihana təpiniṅ jaladhi.Stanza numbered 91 in . nahan ika nojar ira srépati masahuran maṅucap kaharop, hana ri hiriṅnira stuka umatur aséṅ gayu-guyva kalib, paṭik aji maṅavinakəna karas tanah arja siṅi, palarən anirsa kavi svara tumuta pəjah dadahéṅ pasisi.Stanza numbered 92 in . vau uménéṅ paṅucap nr̥pati ana ta teja katon asinaṅ, kadi-kadi candra sava kalaṅan ajéja bhāsvara konaṅ-unaṅ, iniṅət-hiṅətnira kalih umulat ahulap mataviṅ luṅayan, hana r̥ṣi nāradanaradha muṅvi təṅah atiti vaspada yan kaparək.Stanza numbered 93 in . ḍatəṅ aṅadəg ri harəp yaya sira maṅabhivada ri saṅ nrpati, tumuluy asanti mupakṣama aira paḍa harṣa mulat magiraṅ, padi madulur tumameṅ pura sira sukha yar sinégé-sigéhan, hana kéta padya sumaṅgraha saha saréh arja madhupa marum. o.Stanza numbered 94 in .
nāhan vuvus nr̥pati bhāgya ta saṅ maharṣi, maṅkén ḍatəṅ ry anupa deśa taman təmuṅ don, tis-tis ndatan hana bhinakti kuraṅ kalaṅvan, siṅgih mateki puraniṅ prabhu hīnaśakti.Stanza numbered 95 in . nan liṅ narendra sumahur vara paṇḍita kya, é vruh ṅhulun ri kita yan prabhu siṅha dhairya, aṅhiṅ mateki pinujiṅ rans cakraniṅ rat, saṅ laṅgə̄ṅa sivinén iṅ bhuvanandha don-taStanza numbered 96 in . sakvahni saṅ prabhu samapta kabeh paḍa tvaṅ, ndatan aneki vanya laṅghyana siṅ pakon-ta, bhaktya nukula ya umandhém i pādukan-ta, masnana sityasa lébuni pada dvayan-ta.Stanza numbered 97 in . śaktinta hetunika yan mapagəh rikiṅ rat, saṅ sādhu teki pari dhalana de narārya, vaṅ duṣṭa tan hana rinaksa dhinandha sikaya, sojarniṅ agama tinut pinako-pa pati.Stanza numbered 98 in . samanta riṅ bhuvana tékya pavé praharṣa, dhananta yeka magave sukha tanpa hiṅgan, bhéddhanta yeka mégavé vara niścayéṅ tvas, daṇḍanta yeka magave vədiniṅ tumiṅhal.Stanza numbered 99 in . vantən mateki pavəkas-vəkas-ṅkva natha, avay rəsəh palé-paléh magave karakṣan, rakséka nojarira saṅ prabhu śakty atiga, rapvan rinaksa vidhi nātha təkap nikiṅ rat.Stanza numbered 100 in . kéliknikaṅ bhuvana havya giṇeṅ hinambah, kahyunta yeka gavéyénta maraṅ sukaṅ rat, sampun pva yan kakavasé-ka təkap narendra, byskta mavéh sukha lavan pagəhiṅ kaśaktin.Stanza numbered 101 in . lavan muvah pari varanta pilih təkapta, siṅ yogya maṅavina rajya vnéka niti, sadhunya sampun apagəh riṅ ulah tan himba, ambəknya sampun apagəh magave kabhaktyan.Stanza numbered 102 in . silanya yeka magave sukaniṅ tumiṅhal, sankép ya riṅ guna ané riya tan anāṅsal, sastrājña dharma ginavenya jagaddhitéṅ rat, 27 ndatan vavaṅ maṅaka buddhi maṅaṅkas-aṅkas.Stanza numbered 103 in . maṅko svabhavanikanaṅ pilihən narendra, siṅ karya yogya sara bhara-kénanta rirya, svastaṅ jagad niyata yan kavasé-ka dénya, byakta karakṣa kita tan hana dur-asan-ta.Stanza numbered 104 in . yapvan ana ṅaku kasadhun iké ryavoknya, bhaṅga bhimana juga tan tuha sādhu buddhi, lésyana yan harəpa vīrya kuraṅ gunanya, nicca svabhavanika yogya tibana daṇḍa.Stanza numbered 105 in . yadyan priyanta kétika yadi vandu varga, ndah yan kinélikan ulahnya təkapnikaṅ rat, ayvé-ka trésna kita duhkha təmahnya tésén, yan hat-hatén ṅuni-ṅunin vənaṅ opa patya.Stanza numbered 106 in . aṅhiṅ jagat ya juga mitra kadaṅ narendra, mataṅya yogya gavéyéṅa sukanya dan-ta, yadyan matoha ri huripta magə̄ṅ yasan-ta, yapvan rumakṣa jana sādhu rumakṣa dharma.Stanza numbered 107 in . ndan yatna-yatna ta kita naku riṅ sva karya, mvaṅ sevaké kita déla yateka takap-ta, solahnya yeka pilihanta lavan haturnya, akveh ulahnya kavuvunnya paḍa padudvan.Stanza numbered 108 in . ndah vantən hartha ginəlarnya pasevakannya, mvaṅ śabda siṅ rata maadva sadénya mojar, len kama yékana giṇeṅaya haturnya tam-tam, ta ton mara ika lamun katəkana vīrya.Stanza numbered 109 in . yoko musuhta bapa ayva kita pramada, saṅsāra duhkha paparihnya paro-pa vada, vavaṅ ika ta juga rovaṅaniṅ magosti, rapvan tan éṅguṅ apagəh mara ka-prabhun-ta.Stanza numbered 110 in . saṅsipta teki péṅucap-ku rəṅən narendra, saṅka-ryasih-ku bapa tan sakari kanintan, vétniṅ géma-géména tāku ri pémbakan-ta, riṅ svarga déva paḍa harṣa manadhukara.Stanza numbered 111 in . na hetuniṅ hulun ateki ḍataṅ kamantyan, saṅké rikaṅ bharatha varṣa matāku ṅuni, lila ləṅəṅ mahas-ahas téka riṅ samudra, vélanya dakṣiṇa paraṅ-ku sipiṅ kalaṅvan.Stanza numbered 112 in . akveh karaṅ-karaṅ aṅgul adanta-danta, maluntuh adrəs amagut mukaniṅ karaṅ-groṅ, lumra gəlar-gəlara tan kya sirat-siratnya, ṅkana ṅhulun mahas anuddha uyaṅniṅ ambək.Stanza numbered 113 in . paksāṅku matuka mateki ana dbhuta bhra, ṅké-ṅké kato ryarah-arahnikanaṅ kadhatvan, énda hdilahni gupuranya dudug lumandéṅ, lumréṅ bhuvah pada sénonya lumə̄ṅ sateja.Stanza numbered 114 in . marmāṅku yan ḍatəṅa padgata kala maṅké, mahyun vruhé sabha narāry anupa ti śobha, maṅke pva niścaya ri kādbhutaṅiṅ kadhatvan, svarga hulap mulat apiṇḍa kavés kagéman.Stanza numbered 115 in . āścarya buddhi mami harṣa mulat kapuhan, siṅgih prabhūttama viśeṣa sudhiraśakti, saṅ tan kapaṅ-paṅa kulanta lavan gunan-ta, dirgghya-yu rastu jaya śatru jagad pramana.Stanza numbered 116 in . vdan srya-rjuno-ki maṅupa-ksama-rya pasaṅgup. antyanta bharani vijilni vuvuv maharṣi, ayveki tan tulus asih vara paṇḍité-ṅrat, varan mréteki pituturta haneṅ hati-ṅaku.Stanza numbered 117 in . aṅhiṅ yaśeki kaharəp mami dadya vr̥ddhi, maṅrakṣa sādhu hitaniṅ jagat taṅ kinārya, ndan yan hana mapaga vīrya lavan kaśaktin, maṅgəh ṅulun pəjaha riṅ raṇa tan dadi jrih. o.Stanza numbered 118 in .
nāhan teki vuvus narādhipati tan liṅgar pagəhniṅ hati, tan sah śrī parameśvarī hana ri saṇḍiṅ śry arjunāṅrəṅvakən, harṣāmbək r̥ṣi nāradānaradhaṅulih-ulih maṅkilane saṅ prabhu, akveh parva kathātiramya sahaneṅ svargenucapsvarga nucap tan kara.Stanza numbered 119 in . tatkāle paṅucapnireki hana haṅsa sraṅ maśabdeṅ ruhur, mér ṅkāneṅ gaganāṅlayaṅ bhramita ya mét bhoga luṅha dulur, rimpar megha riniṅhalan malulunan ṅkāneṅ ruhurniṅ purī, tan péndah kadi śabdaniṅ gélap aghāṣa ṅrik karuṅviṅ laṅit. Stanza numbered 120 in . āścaryeki manah narendra lumihat tan vruh riṅ upadgata, apan riṅ danu tan aneki karəṅa kaliṅ niré-jro hati, nahan out niran patakvan ri saṅkan avaṅ ri paranyeki hén, lavan donya ḍataṅ mapeka ta knaṅ mojar maha paṇḍita.Stanza numbered 121 in . e nāthaṅku nihan rəṅən vara-varahniṅvaṅ ri saṅ bhūpati, vantén tīrtha ri vindhusara kéta śobhātyanta riṅ nirmala, kédran denikanaṅ gunuṅ makaṅaran konja ruhur bhīṣaṇa, prayāṅkén paraniṅ hulun mahas atīrtha mrih madévāśraya.Stanza numbered 122 in . ndah ṅkāneki sabha-sabhanya jənək akveh bhoga tan pantara, njrah taṅ paṅkaja len sugandhika sugandhra srak hrəbuknya vaṅi, kumbaṅ lot makaraṅ-karaṅ kumuda modran matta deniṅ sari, hréṅnya ganti manoharan masahuran mvaṅ aṅsa muṅgviṅ bañu.Stanza numbered 123 in . lavan tan kavənaṅ lumaṅghyanana vérnya aṅsa vétniṅ ruhur, himpər parvata méru puncak ikahaṅ konja haləp durgama, tovin tan hana teki mérgga avananya luṅa maṅlalana, hetunyan bhravita péga kuliliṅan tut lambuṅiṅ parvata.Stanza numbered 124 in . maṅke pvan ana askti padndhita dhanur sastrājña visnva-tmaka, khyātiṅ rat kota rama bhārgava panéṅgahniṅ jagat kétiama, ləṅkap ṅhiṅ pinaka-gra sénanira tan sah paṅhilaṅniṅ musuh, trus tekaṅ giri konja deni tapakiṅ hru śakti tan popama.Stanza numbered 125 in . malva lyani guhanya kādbhuta maṅaṅ himpər tutukniṅ gunuṅ, paravanyeki sayat sayéjana lébanya tyanta riṅ bhīṣaṇa, durgé-véh (bhīṣaṇa)ri daləm yatekana tinutnya aṅsa ramya dulur, hetunyan katəka ḍatəṅ ry anupa madran riṅ tavaṅ tut rəməṅ.Stanza numbered 126 in . saṅksepanya bapāṅku śaktinikanaṅ rama pagəh niścaya, sék riṅ svarga huvus prakasa karəṅa riṅ vriya lavan guna, yadyastun bhuvaneki dadya kaharəpnya tan vənaṅ laṅghyana, apan ṅhiṅ sinahaya saṅ prabhu ri katanyan marép mapraṅa.Stanza numbered 127 in . nāhan de r̥ṣi nāradānaradhamuji kaśaktin rama nissaṅśaya, yāṅde salyani buddhi saṅ nr̥pati himpər bahni muṅgviṅ hati, apan tan kavənaṅ rumuṅvi-ka aśaktya-nani yaṅ savaneh, hetunya ṅabhimana tuṣṭa maṅadəg taṅ bajra muṅgviṅ muka.Stanza numbered 128 in . é saṅ nāradanaradha nyva saṅśaya kita śaktinya tan popama, yadyan rama sahasra tan dadi matakut védhya denyeṅ raṇa, mvaṅ yan sāgara tulya śaktinika himpər méru riṅ bhīṣaṇa, dik tan sy arjuna tāku yanya yadiyan tan matya deṅkv iṅ raṇa.Stanza numbered 129 in . saṅksepanya halém-halém ṅhulun amet oṅgvanya réṅva-kéna, donén siṅ kahananya deṅkva pususén hopénya héntya-kéna, yadyan muṅsira riṅ siva-ndha ṅunivéh brahma-ndha maṅhét taya, tutén tan hana teki-hén paritahan soṅgvanya nastha-kéna.Stanza numbered 130 in . van liṅ srya-rjuna mojar aaru kumatuṅ taṅ krédha tan pantara, harṣāmbək r̥ṣi nāradanaradha ciha-ciha mvit mantuk én saṅ prabhu, luṅha tékya avan tavaṅ huvus adéh ṅkan śīghra muksé ruhur, prāpteṅ svarga tumuntén nvara-varah vratta ana praṅ hələm.Stanza numbered 131 in . ndan saṅ śrī nara narha mogha katəkan duhkha niké jro hati, aṅhiṅ rama jugeki rakva magave hrakṣalya saṅ bhūpati, tan kva-mbéknira teki tan kadiṅ husana bvat vavaṅ suṅkava, aṅhiṅ teki viveka yé-niṅət-hiṅət riṅ tvas minuṣṭiṅ hiḍəp. o.Stanza numbered 132 in .
buddhi śrī parameśvarī sinaput iṅ turida təkapi gə̄ṅnikuṅ lara, vruh-vruh rakva (manah) sire manah nr̥pati tan katahənan i dilahnikiṅ hati, lāvan deni varah maharṣi ri kaśaktinira paraśurāma kādbhuta, yāṅde duhkha kinubda tan kəna linālana mavətu taṅin tinurvakən.Stanza numbered 133 in . onék buddhinireki tan hana hiḍəp aira manémana sésthiniṅ manah, aṅhiṅ lot viniveka yeka ṅén-aṅan sakarana aji marya duhkita, antuk riṅ vəkasan mateki ana rakva kira-kira niéṅ dalam hati, ndan rakveki mané ḍatəṅ nr̥pati riṅ śayana sira manambya taṅgéha.Stanza numbered 134 in . nahan hetuniṅ éhyas amrih asénaha sa-maṅinaki riṅ nareśvara, siñjaṅ caṅvli huvus kinasturi sugandha kadi hima kasénvaniṅ sasi, mvaṅ raṅkaṅ paḍa hinyasan jamanika-nu kinuliliṅakən təkeṅ dagan, siṅ solahnira māṅlada gavéya marna aji matatur éṅ smara tura.Stanza numbered 135 in . sotan kalanireki muṅgah i paturvanira kadi maha gavé lutut, kiṅ-kiṅ rāga manis-manisnira luṅidiṅ mata vaja umadhaṅ sinajyakən, len tekaṅ lurusiṅ təṅah saha payodhara təmunén i saṅ maraṅ jinəm, ndah sampun suménaha taṅ pupur umuṅgvi pipi pinék amaṅya-maṅyani.Stanza numbered 136 in . tég kumvaṅ gatīta rva vahu tumiba marvṅi kətəri nalaniṅ hati, nyér kvi tvas kumaras-raras kadi katona nr̥pati ḍatəṅ aṅ pasaṅgaman, marma ṅolakəna ṅisapva néhér aṅarékana pipi sambya suṅ səpah, ṅkana śrī parameśvarī majar i kiṅ-kiṅ ira tohér anamba-nambaha.Stanza numbered 137 in . maṅke pvan lalu masa tan taka narendra yatiki vinavéta riṅ hati, suṅsut-suṅsut iran təmah luh aṅsapta ri pipi vélés aniram pupur, tan ryamban gumuliṅ sumuṅkém akaraṅ hulu ləṅən asaput-saput sabuk, amrém karva karasnira ṅisék-isék néhér aṅucap arantanan taṅis. o.Stanza numbered 138 in .
rakryan ndi karika paṅucapta ṅūni ri səḍəṅku vahu kakavaśa, marmāṅari-ari mavarah ri sihta sahaja mətu-mətu kalaṅə̄n, mojar saha śapatha sinākṣyaniṅ ratih i kālaniṅ akarasikan, vantənku kaka aja kita ndatan vənaṅa teku luhika riṅ ujar.Stanza numbered 139 in . maṅke pva vəkasani lutut ta ṅūni kadi tan papuput atilara, vruh-ku pva gisi-gisiniṅ harəṅ-harəṅ i sihta kadi kaluputan, marya-kéni paṅəsahaniṅ kinévala kiteku tan avih iṅ asih, ambəkta kaka kadi gaḍuṅ məkar paḍa tatan panébasi kalaran.Stanza numbered 140 in . mvaṅ donku harəp i ḍatəṅanta riṅ śayana tan hana kinira-kira, siṅgih mata ana kaharəp-ku majara taṅis-ku yata kaṅ ucapən, mvat-vata kayali-yalin-ku vatni vana-sih tiki tan alaṅ-alaṅ, tapvan marəsəhi paṅamérta tan varəg anam-tami vəkasiṅ ulah.Stanza numbered 141 in . nahan péṅuap ira mavéh raras hati təhər tuna-tuna séségén, ndan śrī narapati ana riṅ taman sira lumalana-kénāṅən-aṅən, ri vitniṅ asana gumuliṅ sira mrém sharp tarika kavalésan, ṅhiṅ tan sah i sira rāga hetuka marək-marək aṅisapu jéṅ. o.Stanza numbered 142 in .
atīta rahineki vāhu suməna hyaṅ aruṇa nijil aṅrarah limut, narendra tumuluy mareṅ pura ḍatəṅ ta sira ri kahanan nareśvarī, hañar təka sakeṅ padhamvan hiniriṅniṅ uva kaka anéka māṅdulur, aliṅgih i harəp narendra majar-jajar asəmu paliṅgih iṅ tulis.Stanza numbered 143 in . vavaṅ nr̥pati mojar induṅ apa hetuniṅ avénés anambva-kén raras, baṅun hana laranta masku masépég-sépéṅ i jaja təkeṅ payédhara, vuvusnira təhər vasa ṅusap-suap muka saṅ ahayu kémbéhan manis, kataṅgama masuṅ səpah sira sumbya ṅucap analimur puték hati.Stanza numbered 144 in . anambəki kakanta masku laris aṅləṅəṅ amahas-ahas lavan kita, para prabhu kabeh ya māṅdulura ramya saha bala samuha véhana, asiṅ sakaharəpta masku parananta kuṭi-kuṭi sudharma paryaṅan, yadin ləpasa tan hiṅana ḍatəṅ éṅ pasir alaléh umuṅgah éṅ vukir.Stanza numbered 145 in . ikaṅ vvaṅvaṅ i daləm paḍa ṅiṅət-hiṅət ry ulahanika daləm numaṅkata, anan dadak amadhya-madhyani dukula vija-vijah amet karajasan, dudu taṅ ahurup dhardharnya kahurup sakaharəp ika lésyaniṅ hiḍəp, hana misiki révaṅanya madulur makalihana manuṅgaṅ éṅ ratha.Stanza numbered 146 in . riṅ eñjiṅ hinataṅ tikaṅ bala samuha maṅiriṅiṅ anaṅkil éṅ ləbuh, apañjir akatap-katap anasasañjatanika umandhaṅ paḍa pupul. lavan sahananiṅ pra vīra kavi bhadtha nipuṇa ri kalaṅvaniṅ vukir, paḍa lala sénaha sénjata kasaṅ karas arəja tanahnya dag siṅi.Stanza numbered 147 in . mijil nr̥pati sampun arpat atihaṅ ratha mani maya ratna bhāsvara, umuṅgah adulur-dulur nr̥pati maṅgaməl iri luṅayan nareśvarī, praśasta kavi rāga hetuka ané hiriṅan ira mamaṅku pavahan, ikaṅ kuda padati śakti śara sarathinira tuhu céstya nindita.Stanza numbered 148 in . lumampah adədəṅ matut ləbuh agə̄ṅ vija-vijah asusun taruṅ pəgat, ikaṅ vvaṅvaṅ aṅiriṅ parək ri sira teki lituhayu paḍa nvam iṅ vayah, titik ry anupa kavvaṅanyakavaṅanya vəka sevaka tumuluy asevake haji. ya kāraṇanika vruhiṅ naya vidagdha maṅinaki ri jə̄ṅ nareśvarī. o.Stanza numbered 149 in .
lāvan sakvehnikaṅ strī ry anupa haṅu-haṅun yan rumuṅgviṅ narendra, hetunyāṅaṅkas-aṅkas lumaku-laku vijil kapva tan vriṅ manahnya, lampahnyāgyaṅ-nya gya vədin sepa lumihati narendrādulur mvaṅ sudevī, ndātan kéva lukarniṅ gəluṅ amiru-miru kenya sampun kaluṅsur.Stanza numbered 150 in . ndah vantən teki sākṣāt pinuhutaṅan ira rasiko jro paturvan, sampun kékét vuvusayéṅ karas arəja pinatra-kén ojar palambaṅ, maṅke prāpta ṅadəg riṅ lavaṅa anaviṅakən vaṅnya maṅgviṅ harəpnya, ambəknya-raṅ vədinyan tagihan i manisiṅ tiṅhal aṅde prapañca.Stanza numbered 151 in . len takaṅ vahva gat-gat lara turindanika binvatan kuṅniṅ onəṅ, lagya syaṅ rovaṅanyan mijil apakadhaṅan-nyéṅ raras tan vənaṅ sah, prāpta gya-gyan moninjo ri sira masahuran mojar aṅds raras tvas, buddhnya bvat paḍa bvat sahaja maru-marun yan tumiṅhal sadévi.Stanza numbered 152 in . lavan sakvehnya muṅgu ṅ paṅuṅaṅan ararəm vvaṅvaṅ makadyan vihiṅ rum, təkvan buddhinya tan karkasa bhisa makakés rāga tapvan kavastvan, lagya-mém basa muṅgviṅ hati kéta-kétégén sébnya muṅgviṅ jaja agras, haṅko mamba manisyéṅ mata pata matasak hyuṅnya métvéṅ halisnya.Stanza numbered 153 in . akveh pélahnya tan tuṅgal araras agave harṣaniṅ vvaṅvaṅ tumiṅhal, miṅgək-miṅgək alisnya rəṅu-rəṅu kadi tan harṣa tiṅhalnya sva, sampur-sampurnya keṅis dumadak inuvahan tan lukar mogha keṅkab, kadya mintonakən hritni susunika kuniṅ len təṅahnyaṅgaluṅgaṅ. o.Stanza numbered 154 in .
dudū taṅ adulur-dulur pili-pilih vvaṅvaṅ arəja ta kunaṅ tuhan-tuhan, karaṇḍan aṅiriṅ yathākrama paḍātuhan ana ri harəp mapavvahanmapavahan, vagəd rasiki saṅ hinəmbanakən iṅ kaka-kaka kadi tambaṅiṅ vulan, ḍataṅ pva ri harəp narendra sahajaṅ gumuyu-guyu tinagva-tagvakən.Stanza numbered 155 in . atuṅgalan ulahnikaṅ vvaṅvaṅ umulat ri sira paḍa kəna priya ṅalam, ya kāraṇani luhanya marbas i matanya bavu-bavu manis nareśvara, anan dadak alisya-lisya ri haripnya-ripi matanika majaṅ sasi, təka sih apəpət-pəpət muka rarasnyan api kalilipən sadék hrəbuk. Stanza numbered 156 in . anéki maṅənés kalih kavula tan duga-duga yan aliṇḍuṅan taviṅ, asiṅ sakaharəpnya yenucapakənya matanya-tanya liṅgi tan umuṅ, ndi toṅgvaniki rāga hetuka vulat-vulati mara vuvusnika kalib, vaya pva si tuhanku tan sah i hiriṅ nr̥pati marək amaṅku pavahan.Stanza numbered 157 in . kunaṅ gatinika turuṅ katəkana ṅraga-kéni rarasiṅ pralapita, anyar vahu silih-silih kirim ujarnya katəka suménaha riṅ ṭikā, méné kuləm ateki rakva samayanya ḍatəṅa ri vijilnikaṅ sasi, ya outnika yan suméṅ-séṅ avuyuṅ-vuyuṅan néséli mithyaniṅ smara.Stanza numbered 158 in . samaṅkana tikaṅ vuṅ iṅ ləbuh atambak aṅadəg atata silih javil, tékéṅ nijaja moṇḍuh-oṇḍuh-onfhuh apupul-pupul ararəm i piṅgiriṅ hənu, ḍataṅ pva sira rép maliṅgih akatap-katapi paḍa tan anāṅucap, vijah-vijah anémba-nəmbah umulat ri sira majari tr̥ptiṅ hiḍəp.Stanza numbered 159 in . taṅhéh yan ucapən pratiṅkah ikanaṅ vvaṅvaṅ atiki caritan nareśvarī, təlas kahalivat sire ləbuh agə̄ṅ tutug i vəkasi kanthəniṅ purī, təgal arah-arah arata adukuti hébun ika turuṅ tibéṅ limah, baṅun sinipatan təkapni tapakiṅ ratha kadi cinarit dinudvakən.Stanza numbered 160 in . anantara ləpas laku nr̥pati ləṅləṅ umulat i kalanvaniṅ hənu, gagany malaria-laris panəpiniṅ lvéh aṅisisi mukanya konkulan, siriṅnya ya gunuṅ-gunuṅ kélimutan kadi susu masaput-saput sabuk, nanuknya késédhap-kəḍap samar alivran asəmu-səmu vuryaniṅ kuku.Stanza numbered 161 in . pradeśa kasənət kapaṅgih alaṅa kuṭi-kuṭi riṅ husana kalasan, rəṅat-rəṅati gopuranya kari ruksa maṅililan arés tuasiṅ mulat, tahənya ana dharma buddhi maṅilaṅ-gilag alaléh i piṅgiriṅ hənu, bukur pathani simbaran tulis ika-rjja katuruhan avor lamuk-kamuk.Stanza numbered 162 in . təgalnya magiraṅ-giraṅ vinulatan səmini tahən ika suhun səkar, paḍa ṅlih aṅuṅan vəlas harəp ika ṅave-ave amalar-malar javuh, valik adép ika malik ayap i sor kuməḍap amarəki prihiṅ gəgər, kuvoṅ muni laki strya vada karəṅa masili-silih ujarnya tan tuhu. o.Stanza numbered 163 in .
lalu lampahira nr̥pati alivatiṅ vanadeśa ləṅəṅ, vəlaran hiriṅiṅ rava-rava kadi sāgara konaṅ-unaṅ, makaraṅ liman adyus inisuh-isuh təkapiṅ ryak agə̄ṅ, baṅun aṅgala ghūrṇita hana tuban adrəs i roṅnya sumoṅ.Stanza numbered 164 in . ri təpinya rənək-rənək adadu pakisnya mavor asinaṅ, kumicir hana tīrtha raca-racahi valka ikaṅ paraṅan, kasarah-sarah iṅ vata hana kari gaṅgeṅ adhimpat akét, suməlap harəmisnya manusu-nusup arja haneṅ gəluṅan.Stanza numbered 165 in . turahiṅ manas aṅləṅəṅ adulura teki anyar katəmu, hana ramvananika kalakah ika srét muṅgvi təpi, makaraṅ-karaṅan kumuda avaniṅ adyusa teki kunaṅ, anəṅah musiré karaṅ aharəp anabraṅ aməntas adoh.Stanza numbered 166 in . hana nusa kadiṅ tulis arəja baṅun minaha ṅililan, ndi kunaṅ avaniṅ ḍatəṅ iriya pa-tan ana mārga tinut, panəḍəṅni səkarnya maṅiṅin-hiṅin iṅ vau-vau ḍataṅ, paṅuvuhni kuvoṅnya maṅalik-alik asriṅ aganti ləyəp.Stanza numbered 167 in . yaśa śūnya mahantən anəpi-nəpi rincuṅ atīta ləvas, umiriṅ pakatonanika kadi katumpəka deniṅ aṅin, naranātha kalih sira madulur aliṅgih araryan aṅel, miyat iṅ kakavin ri vilah ika anyar cinarik-carikan.Stanza numbered 168 in . tucapeki karaṇḍanira kaka-kaka-yva paḍaməṅ-aməṅ, mapatih-patihan mahas-ahas akalih-kalihan madulur, anusup-nusup i pakis aréséb amupva susuh kinéré, avavan ri taṅanya ana kula lata-rijja sinumpiṅakən.Stanza numbered 169 in . ri trəbis-trəbisiṅ paras arupit arés ri avanya situ, tirisan gaḍiṅ anjəlag i sélévaṅiṅ paraṅan tumuvuh, vah ika kuniṅ arja paja-paja salah manahi lumiyat, kinayuh-kayuhiṅ kaka-kaka tinulis-tulisan kakavin.Stanza numbered 170 in . ri hiriṅnya gaga para-paranika ramya katon adalur, katirahnya lumuṅ-luṅ amituturi rāga təkapniṅ akuṅ, lumalé suluriṅ gaḍuṅ aharəp aṅola pupus maputih, masila vulakanya kadi harəp amaṅkava puḍak maṅisia.Stanza numbered 171 in . sadavan ikanaṅ avan asiluk hinambah adoh pinaran, paḍa harṣa narendra lumiyati laṅanya mavéh turida, hana thani ḍusun-ḍusun atiki kapaṅgih asiapar alit, paḍa ta hinalintaṅan ira jinajah sinépa-sépéran.Stanza numbered 172 in . rasa tan ləpas éki lakunira pijér jənək iṅ kalaṅə̄n, séka-véṅnya nira-ki juga pinakapaṅrərəban dinadak, təpiniṅ lvah agə̄ṅ pinarvasa təgalnya kinuvan atap, katitih təkapiṅ bala gaja ratha mévi-vu laksa tumut.Stanza numbered 173 in . amuraṅ-muraṅ iṅ gəgər aməgat təgal palapat-palapat, agənət sayabiṅ ratha madulur adədəṅ amuṅgvi sinaṅ, tumurun aṅusir havan alavas ahət marupit-rupitan, hana boddhi tinandur ajajar i təpinya rumambey atə̄b. 0.Stanza numbered 174 in .
deśāgə̄ṅ ramya matiki katəmu, śobha tiṅkahnya thani janapada, kubvan alva pəkən agə̄ṅ arənəb, buddhyāgə̄ṅ kayvanika pinariṅi.Stanza numbered 175 in . katyāgān maṅarəpakən ahaləp, bvat-bvat hanténya marək amarépét, merv atumpaṅ pitu ləyəp aruhur, akveh raṅkaṅnya ya paḍa hinəduk.Stanza numbered 176 in . vaṅnya kveh ri ləbuh aṅadəg-adəg, ramyānonton ri laku narapati, harṣātiṅhal ri sira paḍa sukha, śabdanya ṅhiṅ juga vijan aṅalém.Stanza numbered 177 in . kagyat deniṅ gaja adulu-dulur, péka yodha krama parəṅ apupul, len taṅ muṅgvi kuda vijah asusun, krura mundhuṅ paḍa tau riṅ ayun.Stanza numbered 178 in . harṣeka mbak nr̥patin umulat, béniṅ kvehnin bala tumut aṅiriṅ, lagya néṅka avan agə̄ṅ agənət, len tṅ lunha narabhasa malalar.Stanza numbered 179 in . ramy-lon lampah ira tan asarag, tuṅhaniṅ deśa ya kahalivatan, kubvanya-rnéb ana pudhaṅ ajajar, nyuh vahnya-téb ana ta pinahatan.Stanza numbered 180 in . karyan-kalyan katəmu təkap ira, sumbérnya həniṅ gumulak amulakan, tusnya-drés sampun hinuruṅ-uruṅan, śobha kéndhél paḍa ta hinasaban.Stanza numbered 181 in . saṇḍiṅ-saṇḍiṅnya ya ana pathani, sajya-génnya saracana malavas, vénya ṅémbaṅ hurusanika padhét, asrét hisniṅ makara katutupa.Stanza numbered 182 in . ṅkana lor maṇḍala kniaṅlalisan, runtuh śīrṇa gupura katuvuhan, aṅhiṅ karya payasan aṅililan, gandhyāgə̄ṅ ndan ulu kuda maruhur.Stanza numbered 183 in . ramya srép taṅ panataran aradin, kambaṅniṅ jambu sumavur agəlar, tanjuṅ len campaka surabhi ruru, kumbaṅnya ṅréṅ kadi manaṅisakən.Stanza numbered 184 in . lalya-la śrī nr̥pati ləpas adoh, tovin séb-séb panas asəpi maméṅ, lvah-lvah géṅ-géṅ katəmu tara-tara, kayvanya ṅhiṅ rvi kadiravadara. o.Stanza numbered 185 in .
mārgāgə̄ṅ ya tinutnirāmənər agaryaṅ asəpi kadi tan hana vaṅa, vanvādoh pitovin təgal-təgal ayun taruṅ atiki panuṅga-nuṅgalan, raṅra kayvanikāsinaṅ səḍəṅ akəmbaṅ ajahala vayāvahiṅ hənu, (?) lvāgə̄ṅ puṅgul aket kapuh saraṅ aghāṣa ana karameyanya simbarən.Stanza numbered 186 in . ṅake sornya buyut-buyut vatu tinumpuk apa katika ṅūni riṅ daṅu, tuṅkub-tuṅkub ika haləp vinavaran saha tuvu-tuvuhan turuṅ ləvas, aryanya gəlar iṅ natar kadalakar saha səma-səmatan haneṅ ləmah, pintən ganya pasaṅya-saṅyan iki maṇḍi hana vatu gumantuṅ iṅ vilah.Stanza numbered 167 in . kṣetrāgə̄ṅ kiduliṅ vatəs rumakət ahyaṅ ararəm aparək juraṅ-juraṅ, śobhātiṅkah ikaṅ pahoman aruhur agupura kadi meruparvata, tambaknyeki kapala saṅgya matitip midər ahaləp i héṅnya kādbhuta, ṅkāneṅ jro bharali pratiṣṭha pasabhan rasiki paramasādhakottama.Stanza numbered 168 in . nyagrodha ruhuriṅ natar mapatiga-sthi kavayaka apurva bhīṣaṇa, muṅgviṅ dakṣiṇa taṅ śamī druma siluṅluṅ atiki riṅ husana tan vaneh, parnah lor hana vr̥kṣa siṅ ksapa rumambe avilətan ikaṅ latā salit, muṅgviṅ sornya nilih vvaṅvaṅ aṅanyut anaknya makasa-kasaran taruṅ pəjah.Stanza numbered in . vetanyeki təgal-təgal pagəlaran ghada r̥ṣika samipaniṅ avan, aglar taṅ sirara ləvas pagalaṅan kalasa sébit avér védhiṅ-védhiṅ, len tekaṅ tavulan anyar karakahan ana turuṅ apacaṇḍi taṅ vətis, rambutnya lulunan kapala kahariṅ humis adaravéyan sakeṅ mata.Stanza numbered 170 in . saṇḍiṅnyeki dukut-dukut paḍa pajéh kapanasan akuniṅ vaneh avuk, dupa snaha pahiṅ gigal ana payuṅ daluvaṅ ika kasaṅsaṅiṅ sukət, aṅréṅ śabdanikaṅ arégala marébut pupu katəka patihnya tan ləbur, kagyat maṅalulu ana mrih anéhér-néhérakəna malayva-kén vitis.Stanza numbered 171 in . ṅkāne sornya ləbak-ləbaknya hana vaṅke apupul akanin rujit-rujit, strī-strī mati anyar kalih jalu-jalunya siniluk ahaméṅ ruruṅ ləvas, amvas rahnya maṅəmbəṅ adaravayan hana maképél i saṇḍiṅiṅ avan, hetu śrī parameśvari maṅutus adrəs alayata ri lampahiṅ ratha. o.Stanza numbered 172 in .
huvus kahalivat sirerika tan aglis alaléh amuraṅ-muraṅ avan, gagā pasavahan daminya paḍa bhasma vahu mətu dukutnika ijo, binañvan aracéh-racéh vinulatan hana turahi harəṅnya tan ləbur, anan kadi sipat lutur ya təkapiṅ luh amalapar arantunan pipi.Stanza numbered 173 in . kidulnya hana deśa muṅgvi təṅahiṅ savah aḍusun anambvakən laṅa, sapinya madulur-dulur paḍa makanjuṅ asahuran aganti riṅ gəgər, hana vvaṅvaṅ akéthéṅ-kéthéṅ rva paḍa maṅhani-hani macapiṅ-capiṅ janur, dudū taṅ aṅuvuh sakeṅ gubug aməñcar aṅagəmi mamavva-mavvakən.Stanza numbered 174 in . pitovi lalu masa lampahira teki vau-vau sirém séṅiṅ ravi, ḍatəṅ sahananiṅ vvaṅvaṅ aṅiriṅ anut vuri manututi lampahiṅ ratha animpaṅ aṅusir damārga kadi tan ləpasa təkapi lon ikaṅ laku, miyat ri rusitiṅ avan ana suməṅka tumurun apasiṅga-siṅgahan.Stanza numbered 175 in . i sornya valahar trəbis-trəbis arəs lumu-lumutən i réṅnya koṅkulan, rəṅat-rəṅat ika təmah rubuh hinambah arupék apəḍək-pəḍək avan, mələs umis atut paras titisiṅ ertali manəḍuni tiṅhasiṅ karaṅ, siratnya kadi hira cūrṇa sumarambahan anələs ananar-namar javuh.Stanza numbered 176 in . lumampah aməgat gəgər sira matut siku-siku hiriṅiṅ gunuṅ-guṅuṅ, katon arah-rahnikaṅ parana teki vau-vau dinuṅkapiṅ vula, tahənya kadi parvata rarəm avandhira tuhu-tuhu an paḍa ruhur, pətəṅ kinasutiṅ limut ana javuhnya tuməḍun anisih samar-samar. o.Stanza numbered 177 in .
makin aparək sayabiṅ ratha gamya, təpiniṅ ayun ri vatəsnya kalalvan, hana kuṭi dharma kaśevan atīndu, mahada-hada gupuranya sateja.Stanza numbered 178 in . masəmu bahitra rumuṅkəb aṅuṅgul, vuvuṅani raṅkaṅ ika réréh aśrī, hana kadi megha kuniṅ mapucak mas, irika haneśvararūpa vinimba.Stanza numbered 179 in . kidul aparək kadi hemakuṭādri, didhiti lumə̄ṅ ri pucaknya maṇīndra, i kavari cetya tathāgatabajra kadi śatasūrya mijil ya sakeṅ doh.Stanza numbered 180 in . kapadu ri héṅnya paṅambvan apantha, miḍər i hiriṅ-hiriṅi dvija sédha, ahaləp apūrva binapra kuməṇḍəṅ, aputih alepana bhadra ginātra.Stanza numbered 181 in . ləṅəṅ alaṅa naranātha tumiṅhal, avan ika ramya gunuṅ-gunuṅ arnéb, hara-haranam pagagan ri hiriṅnya, savah ika tut lépitiṅ juraṅ ajro.Stanza numbered 182 in . kaka-kaka ləñjəp ateki tumiṅhal, sahana-hane pagaṅan paḍa tan vruh, java tumuvuh dinalih jaguṅ akveh, jahli sinəṅgah ika vah amutnya.Stanza numbered 183 in . katirah aket lumuṅ iṅ pagər akveh, vihikana teki kadaṅni laṭinya, gaḍuṅ avilət lumalay-lalay aśrī, vruh apan aghāṣa ləməsni təṅahnya.Stanza numbered 184 in . sakahənu ramya siriṅni gaganya, lvah alaṅa gə̄ṅ atés laraṅan ravunya, madrəs tusnya manampikakən jə̄ṅ, ikaṅ aṅéb iṅ ahaṅét sukət akveh.Stanza numbered 185 in . təgal arata raro aṅvan adhém-dhém, paka buréṅaṅ sapi hiṅvan akumpul, védi miyatiṅ gaja réṅga manédéṅ, vijah alayu maṅusi təgal alam.Stanza numbered 186 in . satəkaniran təpiniṅ kuṭa vetan, hana kəta maṅgala saṅka ya tinyup, baṅun avarah ri ḍatəṅnira maṅke, karaṇanikaṅ vvaṅvaṅ atun-tun anonton. o.Stanza numbered 187 in .
sampun prata narendra tapva mandulur sira vahu tumurun sakeṅ ratha, ṅkāneṅ bvat alu kilyan arpat ahaləp kahananira lavan nareśvarī, sampun teki ginandhapattra kinənan jinəm arəja siniṅsətiṅ jənu, mvaṅ sakvehnikanaṅ karaṇḍan ararəm kaka-kaka marək asraṅ aṅaḍəp.Stanza numbered 188 in . mantri satya vicakṣaṇa ṅiṅət-hiṅət ry ulahanira rumakṣa saṅ prabhu, sakvehniṅ bala yodha kapva tinitahnya sana-sini yathākrama haləp, himpər bapra patapni sañjatanika kr̥tala curiga tomara luṅid, matéṅga-sva ratha ruhar pinakagopura sahaja tinumpa-tumpa ya.Stanza numbered 189 in . mvaṅ sakvehnikanaṅ vvaṅvaṅ uttama manaṅkil apupul atata salaṅsaṅan, lavan saṅ prabhu sevake nr̥pati teki sira huvus atiṅkah akrama, len tekaṅ makəmit haneṅ yava tiniṅkah atiki paḍa tan hanāṅucap, ndah rājyiry anupa ṅalih kahiḍəpanya təkapiṅ umulat paḍa ṅaləm.Stanza numbered 190 in . alva teki natarnika pəkən atip ḍəḍət apaligaran təkeṅ ləbuh, deniṅ kvehnikanaṅ balāṅiriṅakən kathamapi paḍa tan hana jaruh, hə̄bniṅ vandhira tan hanāṅinak-hinak patiganika paḍeki kavaṅan, aṅhiṅ teki narendra muṅgvi təṅah arja sira kadi haneṅ daləm purī.Stanza numbered 191 in . sore prāpta ikaṅ taḍah saha garantuṅ aṅaraṅin i héṅ paḍa ṅayap, aṅhiṅ teki garit narendra viniveka rasanika rinəṅva-rəṅvakən, lāvan saṅ kavi rāga hetuka hane kananira sumahur silih sahur, apan ṅhiṅ marək aṅarəp-harəpakən manaḍah i sira teki tar vaneh.Stanza numbered 192 in . sampun teki sirānaḍah sahananiṅ carikan umətu vinvat adulur, vantən prāpta muvah sakeṅ asuhuran paṅiriṅ atha təlas sumaṅgraha, sakveh-kvehnika saṅ manaṅkil anumas parəṅ a……. …………… hinan ipun mula sapuniki .o.Stanza numbered 193 in .
səḍəṅ asəpəta tekiṅ bhandharya kutak-atikan, vijah adadah adum-dum bhakta pāna paḍa sukha, bala sahananikākveh norāṅsal vijah aṅaləm, ikaṅ akuda jugāṅhiṅ matāṅhruk jəmur ajaruh.Stanza numbered 194 in . tucapa ta para taṇḍa dhém tapva maṅan aṅinum, aṅacap i kavaninya praṅ sahya sahuran avu, tuvi hana tiki mājar vantən satra lurugana, hələm atiki madonən petəṅ siṅ kahananika.Stanza numbered 195 in . paḍa macakép ahosan avanya ṅrégut aṅhéṅ, paḍa pəjaha mamuk amrih liṅnyaṅ raṇa dadaha, paḍa masamaya tan svaṅ mundur liṅnya yan alaga, təvasa aji maṅiṅva véh vīrya puhaka hurip.Stanza numbered 196 in . tan ucapən ika sampunya muktja rasa saphala, para juru paḍa mamvit mantuk riṅ gr̥ha madulur, huvus atiki ya mavat cantén brasnya paḍa médan, sahana-hanani deśanya kveh tvaknya paḍa pinik.Stanza numbered 197 in . lalu divasa paḍa mrém tekaṅ vvaṅvaṅ təlas aṅinum, apituvi rapuh aṅlih deniṅ mārga tan arata, tabé-tabéhan umampəh marya araṅ matalu-talu, saragi muni tan agya kadya ṅriṅ-riṅ aṅaraṅin. o.Stanza numbered 198 in .
hvāṅduduti taṅan ireki tapva ta….. ndan śrī narapati təlas aṅlilir kadi tinaṅhi sira varurutén, va….. hinan ipun mula sapuniki, kalih pada néntén bacik….Stanza numbered 199 in . ndatan vavaṅ anəkani buddhiniṅ maharəp aṅdadak aparihara, hanan i paṅucap-ucapiṅ maminta sih aṅola təlas inubhayan, harṣa səmu-səmu guyu yan pamak-pak aṅagəm susu hinənəṅakən, ṅhiṅ śabda nr̥pati karəṅa hanan sinahuran paṅəsah aṅəsəsan.Stanza numbered 200 in . ndah sampuniṅ ulah amiveka ramyaniṅ asaṅgama rəsəp i hati, sāsiṅ paraniṅ ujar anutakən sakaharəp-harəp ira maṅucap, cumbva tanya lavasiṅ atiṅgalaṅ nagara maṅhinép i para-paran, lagya ṅiṅət-hiṅəti galar taṅan sinélaṅan guyu mavada-vadan. o.Stanza numbered 201 in .
byatitan tis-tis masa paḍa vahu mamrəm sira kalih, lumiṅsir-liṅsir taṅ śaśadhara lumə̄ṅ vahu luməyəp, tinūtiṅ mogha-raṅ anan asuma vintaṅnya kuməḍap, vinas-vas luṅhāṅdoh baṅun aləpəha karana hurip.Stanza numbered 202 in . laluṅ māsa srép méh rahina tumibā hisnikaṅ əbun, patər mandra gréh ika gupyan avisik ….. limutnya …… ṅililan kadrəsan aṅin, riris mampəh lvir luhniṅ anaṅis arés sampuniṅ ulah.Stanza numbered 203 in . ḍavuh vantən séb-béb paḍa karahinan taṅ vvaṅvaṅ aturu, garantaṅ munya-sraṅ baṅun amuṅu riṅ śrī narapati, lavan sakvehniṅ vvaṅvaṅ kaka-kaka paḍa tiṅkah atata, huvus kapva dan riṅ rahina sahana maṅkil apupul. o.Stanza numbered 204 in .
mijil nr̥pati sampun ahyas adulur sira lumaku lavan nareśvarī, karaṇḍan aṅiriṅ lavan sahananiṅ vvaṅvaṅ arəja pinakesiniṅ purī, parəṅ tumama muṅgah iṅ gupura ramya paḍa vahu huvus təkeṅ natar, miyat ri haləpiṅ sudharma racananya kahiḍəp anamar surālaya.Stanza numbered 205 in . mahantənya rəjāhaləp ri harəpanya lagi hana parantiniṅ tulis, aśoka hana nāga puṣpa hana campaka surabhi tinandur iṅ natar, səkarnya kadi payvan anjrah anodhéṅ masaji-saji vaṅinya tan ləvas, madhubratanikāṅréṅ adran amagantakən asana marāṅjajah sari.Stanza numbered 206 in . paḍa ṅalap ahur-huran səkar ika kaka-kaka paḍa meñjuhiṅ laṅa, anəmpal asana mépét-népéti padapa ri mukanika pupur hrəbuk, anāṅdadak amék puḍak tinulisan kakavin hinuparəṅga riṅ ṭikā, ri hémbanan asusva-susvan hinamər lagi timuru-turunya riṅ kiduṅ.Stanza numbered 207 in . ikaṅ kaka-kaka nvam adyus asibu paḍa vijah atukup-tukup taṅan, lumut-lumut ikaṅ payodhara tumus kavaséhan asila haneṅ bañu, sipatnya ana sandéṅ-andéṅ i matanya karahupan anambva-kén mirah, ikaṅ bhramara medran iṅ kumuda malihi mukanika maṅrəṅ-aṅrubuṅ.Stanza numbered 208 in . hana ṅadəg i salvaṅiṅ talaga sampun amabar akəmul-kəmul putih, maha ṅureyakən gəluṅ sinuruyanya kulu mélés arantunan pipi, tumus amariṅət haneṅ jajanika avas amuri-muri gatraniṅ susu, anan karakət iṅ dukula turahiṅ vəḍak avaṅi kapəñcəriṅ burat.Stanza numbered 209 in . vaneh tiki mara dyus iṅ makara bojya racana kumucur pinañcuran, tumuṅkul aṅure gəluṅ aika kinumbah amadha hirəṅiṅ lumut-lumut, tapihnika banantən eñjuh anipis tinélési karakət haneṅ vətis, katon buṅah ikaṅ təṅah kadi pupus putih asəmu parantiniṅ limut. o.Stanza numbered 210 in .
caṇḍy aruhur i təṅahniṅ talaga ləṅəṅ rumyani racananya, piṅgirnyamidər adédhéṅ minakaran akveh paḍa ya lumanda, maryak-ryak anikəl asriṅ maṅipék-ipék lvir viru-aviruniṅ kén, kambiṅniṅ asana lumrā gəlar alabuh kumbaṅ anaṅis aṅhréṅ.Stanza numbered 211 in . paṇḍan vvaṅvaṅ asidéha muṅgvi təpinika liṅgih aṅisis arja, śobha ṅisapu puḍaknya putih asila lvir vətis aṅudéda, lumraṅ hrəbuk amupur tat sisi sumavur muṅgvi pasi-pasirnya, kombak ana kasarah riṅ karaṅ aluṅid lvirnya alis alaṅhép.Stanza numbered 212 in . ṅkāna nr̥pati muja sira magave dyana sakala śuddha, ndan śrī krama ginəlar saṅ prabhu təlas enak təpat ikaṅ ambək, mvaṅ nyasa paḍa husus tarpaṇa vinaṅun cakra umiḍəp ahəniṅ. nisvasa kakavaśaṅ prana vimala hiṅanya sakala śūnya.Stanza numbered 213 in . énak pva kavasaniṅ jñāna gumaveyāṅrakṣana saha japya, svasta pagəhanikeṅ rat ahilaṅaniṅ śatru paraniṅ ambək, riṅkah prabhu tan avarsih satata rumakséṅ bhuvana tan himba, taan svaṅ balé-paléhiṅ dharma gumaveyaṅ yukti hitanikaṅ rat.Stanza numbered 214 in . munya paḍahi ri héṅ lvir gərəh alaṅa riṅ masa kapat aṅras, ghaṇṭa sraṅ asahuran saṅka kumisik aṅrik kana kala rinyup, len taṅ dhvaja majajar kuməlab arəja kady aṅave-ave asriṅ, dhūpa srik avaṅi gandhanya kumutug aṅdhūma hana lum anəḍəṅ.Stanza numbered 215 in . mantry aṅayap ahaləp riṅ natar atata tiṅkah ararəm atvaṅ, sampun praṇata manəmbah ri sira sadaṇḍa krama paḍa bhakti, ndātan ana kakuraṅ śrī narapati riṅ vīrya paḍa kavastvan, siṅgih prabhu lituhavy anvam aguṇa sureṅ raṇa kavi śakti. o.Stanza numbered 216 in .
sampun taṅ yajñakārya lilaṅ ahəniṅ ikaṅ jñāna himpər śaśāṅka, ṅkāneṅ prāsāda hambalnya sira maṅadəg aṅhér i lampah sudevī, lagya gagvan taṅan śrī narapati tumurun tan kara ṅantun-antun, śīghra prāpteṅ natar teki hana payuṅira svata śuddha pucak mas.Stanza numbered 217 in . tan varṇa teki tiṅkahnira manaḍah asiṅ patya tekaṅ bhinukti, sakvehniṅ sevake jə̄ṅ nr̥pati paḍa marək sura samanta raja, sampun kapvānunas tan hana kakuraṅika lyab təkeṅ peka yodha, ndan saṅ śrī nātha kalih mahas aṅahasi laṅla laṅə̄niṅ kalaṅvan.Stanza numbered 218 in . parnah lor larya-laryan paṅuṅaṅan aruhur ləṅləṅ aṅde kalaṅvan, kandhaṅ-kandhaṅ phlémbvan siriṅ ika maparək saṇḍiṅiṅ brahma sala, vannya liṅgih manon-ton ri sira paḍa kapuhan mulat sopa cara, prāptaṅ gophaa mavvat minyak asira-siran len péhan vahva-vahvan. o.Stanza numbered 219 in .
asiṅ ramya ndah yeka pinaraniran ləṅləṅ alaṅa, lavan sakvehniṅ vvaṅvaṅ ri daləm aṅiriṅ tan sah adulur, gagā garyaṅ-garyaṅ ana tapak kasumbanya linarik, ikaṅ vvaṅvaṅ ləñjəp-ləñjəp apupur i pipya sahu-sahur.Stanza numbered 220 in . aneki lvah géṅ-géṅ linaraṅan ikannya ṅacar-acar, pinatyan-patyan véṅa sinilukakən riṅ pasavahan, tinambak-tambak riṅ vatu ana tisampyak pinarigi, ri rumpvanya-kveh yeka tinava-tava vénya ya sinat.Stanza numbered 221 in . makin harṣeka mbék nr̥pati lumihat kalih apupul, pinupvan-pupvan lagya-pi pati uraṅnya ṅicir-icir, rumambat-rambat riṅ vatu susuh ikatumpaṅ atitp, hana ṅala muṅgviṅ lumut-lumut ikanya ṅumik-umik.Stanza numbered 222 in . karaṇḍan mvaṅ guṇḍik para kaka-kaka nvam vija-vijah, vətisnya kém-kém riṅ bañu rəsəp atis kumram aputih, mélés kén-kényāṅraṅdi kécécép apan tan hinuniṅa, pijér ləṅləṅ denya pupu-pupuki rah ya lumu-lumut.Stanza numbered 223 in . huvus kédran sakvehni kaéṅéṅaniṅ dharma jinajah, také katyagan maṇḍala kuṭi huvus teki pinaran, kuləm saṅ hyaṅ mantuk ri végilanira tiṅkah ararəm, riṅ eñjaṅ rakvan maṅkata lumaris aṅuṅsira pasir. o.Stanza numbered 224 in .
tadanantara krama lumampah anəbu-nəbu tut hiriṅ-hiriṅ, larini ratha dulur asantun asaləsək i piṅgiriṅ hənu, təkapiṅ bala ṅiriṅ i vuntat(ira) i harəp asusun silih pəḍək, rumuhun vaneh lumaku-lakv aməṅ-aməṅ i anāṅrərəb-rərəb.Stanza numbered 225 in . alaṅa katuṅkulan i sor pasavahanika tut juraṅ-juraṅ, valahar sakeṅ gəgər adurga tuməḍun aməgat-məgat havan, hana vinvatan pətuṅ agantuṅ alaléh hinahambah aṅguṅan, adulur-dulur vvaṅvaṅ ika yan lumaku-laku matun-tunan taṅan.Stanza numbered 226 in . asamun hənunya pamuraṅ-muraṅan atuha śūnya durgama, titir aṅhaḍaṅ-haḍaṅ ikaṅ pathani ləvas avuk pararyanan, sirara gəlar hañar ararva asana sumahur haneṅ natar, katirahnika səmi gaḍuṅ ṅabét aṅivat i saṇḍiṅiṅ havan.Stanza numbered 227 in . alivat narendra viyatiṅ aras-aras sukuniṅ gunuṅ-gunuṅ, amijah dukut mrak ataraṅ gigi adal-adal iṅ gəgər-gəgər, kulurak rumambat akataṅ-kataṅ agəlar atut hiriṅ-hiriṅ, hana limva-limvan apupul pulutan i təpiniṅ təgal-təgal. o.Stanza numbered 228 in .
marya tut hiriṅiṅ ……… koṅaṅ matra hana tulap-tulap akaryak asurak amaṅun-maṅun hima, lumraṅ varṣa kuvuṅ-kuvuṅnya sumarambah asinaṅ anaruh traṅiṅ ravi, ghor gér śabdanikaṅ gərəh masahuran tuna-tuna kadi muksa riṅ rəməṅ.Stanza numbered 229 in . gnyaṅ nusa ləyəp samar-samar i dohnya namu-namu kinusaniṅ riris, muksa miṇḍa lavan laṅit vinulatan pətəṅ asəmu parantiniṅ vəṅi, tapvan vaspada sə̄k katon ri kəñariṅ ravi kadi minaha lamad-lamad, pintən ganya parantiniṅ kavi mahas layat alarasan aṅhañut laṅa.Stanza numbered 230 in . ləṅləṅ ramya tiniṅhalan ri tələṅiṅ jaladhi ləyəp avor lavan tavaṅ, saṅhubnya-raṅ arantéyan məlek aṅanti patər akətər aṅdadak riris, ləs muksan didəla-dəla matəmahan rəməṅ ahirəṅ akandəlakandhel iṅ laṅit, aṅhiṅ sodha maṇīndra capa kuməḍap-kəḍap i vəlasi hiṅhaṅiṅ mulat.Stanza numbered 231 in . duṅhus-duṅhus ika kahundul aməgat bañu maṅacar-acar tiniṅhalan, karvanya jajar aṅjəlaṅ kadi vaya tinudu-tuduhaṅiṅ hañar ḍatəṅ, maṅkin mukas samar-samar sinaputiṅ limut aməgat arantunan tahən, nimpér anusa karaṅ ləṅəṅ pavulatanya tuṅa-tuṅa katon sakeṅ adoh.Stanza numbered 232 in . tis-tis masa huvus tibaṅ javuh aṅantya ri ləṅəṅi kalaṅvani pasir, hetu śrī naranātha kalih adulur-dulur aḍarat i duṅhusiṅ karaṅ, sakveh strī aji saṅ haneṅ ratha huvus paḍa tumurun akabvatan raras, mvaṅ guṇḍik paricārikā kaka karaṇḍan hinya puyaṅ uva sraṅ aṅhulur.Stanza numbered 233 in . luṅha tut sisi maṅrarah sahananiṅ sarasah ana gəlar vijah-vijah, namya sraṅ makaraṅ-karaṅ harama len haraṅ inagəm ika vavan taṅan, solahnya gigu tapva tan tau macaṅkrama mahas asabha-sabha pasir, pantəs yanpantəs-pantəs ayun yan tarim-kénéṅ kavi kayogyanika varahan aṅjajah laṅa.Stanza numbered 234 in . len taṅ luṅa mahas-mahas dhara-dharan lumiyat i pasurakniṅ hampuhan, lagya … lavan harus i palajəṅnya kaṅelihan araryan iṅ karaṅ, lagya maṅku sukunya késisi tapihnya duga-duga sumundhé aṅliga, akrap aṅganya vətisnya dani tapakiṅ bañu asin aputih savaṅ hrəbuk.Stanza numbered 235 in . akveh bhavanikaṅ haneṅ karaṅ aliṅgih umulat i kalaṅvaniṅ pasir, ləṅləṅ yan paṅuré gəluṅ susu-susupnika maratih haneṅ salaṅ-salaṅ, vahva gatra samar-samar pavulatanya sinaputan i saṅhubiṅ bañu, muksa piṇḍa lavan limut kahiḍəpanya sahaja ḍatəṅ ahavan riris.Stanza numbered 236 in . vantən ləṅləṅ anuṅga-nuṅgal iṅ upala sumayana mamaṅkvakən ṭikā, ndan parnahniki lagi rakva paririm aji katəka sinūkṣma tan umuṅ, mvaṅ siñjaṅnya hañar kinasturi sugandha saha kusuma layvaniṅ kapa, hetunya kékés ambək eñjuh i vədinya kavihikana de nareśvarī.Stanza numbered 237 in . siṅ solahnyan i panamun turida tan hana kavətu kinubdaniṅ hiḍəp, aṅhiṅ teki pinivruhan pakadaṅan rasiki rəsəp akalihan lulut, kiṅ-kiṅ rāga hinémnya tan sah akivéka riva-rivani lésyaniṅ hati, rovaṅnyan paṅapus vilapa suvalanya rinupati méné pajaṅ sasi.Stanza numbered 238 in . ambək śrī naranātha denya tuhu rañca sinaputan i śaktiniṅ smara, ndan riṅ masa kuləm siran ḍatəṅa rakva sumuliba tatan hana vruha, vantən teki vəkas-vəkasnira haneṅ puḍak arəja ginātra riṅ kuku, marmanya səmu rāga karana vulatnya suméṅ i mata tan hané tutuk. o.Stanza numbered 239 in .
nr̥pati haneṅ karaṅ lumihatiṅ pasir pasi lavan narendra mahiṣī, hana kuməḍap-kəḍap manuk ika navat-navat anambayaṅ ləpas adoh, patər akətər haneṅ rəməṅ aganti mandra lumarap kilatnya tan avas, masəmu rəṅihniṅ adyah hinamər yva cancala tikəl alisnya-ti nira.Stanza numbered 240 in . ri təpi-təpinya paṇḍan akusa guliṅ-guliṅan iṅ karaṅ saha ṭikā, hana kakavin palambaṅ i lavénya majar i taṅisnya tan tinurida, ləṅəṅ asaput hima raras añaṅvəli paglari səkarnya tan hinuṅiṅa, asəpi dinohaniṅ kavi ajəṅnya lāgi masamun tinambuṅ alavas.Stanza numbered 241 in . ri pasi-pasirnya cindhaga parantiniṅ mahas-ahas ləṅəṅ masusupan, mavəlas hrép nyar-anyar apatutan kakavin arja maṅdadi ṭikā, anan avéndhak-vəḍak hrəbuk anuṅka-nuṅkali səkarnya vahu maṅisis, tinaṅisaniṅ riris gérah asamba-sambat apépé kilatnya kuməḍap.Stanza numbered 242 in . tucapa samāṅdulur-dulur atiṅkah akrama padhāṅrərəb sira kabeh, asana vuṅu kataṅga vinaṅun mahantən arəja atép jriṅ asinaṅ, sahana prara prabhūttama sirāṅləṅəṅ mahas amet səkar siṅ avaṅi, masira-siran kalaṅvan avədin kasérana paḍa hyun aṅrahatana.Stanza numbered 243 in . ləṅəṅ akatap-katap ri təpiniṅ samudra kadi puṣpa parvata tinon, katirah avor gaḍuṅ jamanikanya kumram i téténya maṅkin alaṅa, satəkani gandhaniṅ kusuma sumrak arja sinirirnikaṅ aṅin alon, bhramara mariṅ mara ṅréṅ amaganta-kén səkar harum jənək tan avéliṅ.Stanza numbered 244 in . vau luməyəp pa …. katélihén i ramyaniṅ jalanidhi, hana sumaput limutnya satəpihniṅ adyah akiput vədin kaharasa, gərəh adédé patərnya sarəṅih-rəṅihsiṅ anahén lara smu séségén, vulan avénés mijil samukaniṅ kinévala kavés …..Stanza numbered 245 in . makin alaṅa narendra miyatiṅ kalaṅvan i vijilnikaṅ śaśadhara, saṅ araras arja ləṅləṅ aniliṅ-niliṅ vulat iréṅ ravaṅ ləyəp adoh, réṅa-réṅaniṅ satha muni rinəṅva-réṅva-kén iran séma tuna téka, sahaja paḍa nuduh-nuduhi vintaṅ olém asuma kucém vahu mijil.Stanza numbered 246 in . apuhara rāga polah ira tapva sisa… libiṅ manah ya tinékan, anan amibik-mibik tapih asuṅ səpah sira təhər sumambya ṅaréki, ragət ikanaṅ payodhara ginātraniṅ kuku anyar yva tauan aləsəh, nr̥pati sira mépér sinaharan alis tikəl acumbu maṅkin araras.Stanza numbered 247 in . patəmu niran silih sih i daləm kalaṅvan aṅajəṅ karasikan apém, gaḍuṅ vilət liraṅ paḍa nira-ki yan sama-sama raras silih asih, vəlas harəp iṅ tahən puriṅ akét lulut-lulut ireki tapva mamati, aséna lavan riris haras irekihénpadha turuṅ mavarsih iṅ ulah.Stanza numbered 248 in . lalu sampuniṅ gati siré-ka vahu gumuliṅ nda tapvan aturu, maṅucap-ucap silih suval i ramyaniṅ ujar gatra mandra karəṅa, sari-sari rāga ntuka maké-siniṅ vuvus i géṅni sih narapati, ri harəp ira-ki yan pasuṅa karma ya-nulih-ulih lavan saṅ araras.Stanza numbered 249 in . ibu ana teki-hén kaharəpiṅ hulun ri kita masku havya tan asih, pihanana sih-ku ratna kusmāṅga yrki palakun-ku tan hana vaneh, pakénanikan tumaṇḍiṅa ri rāga hetuka kita grahé riya hələm, sama-sama pan paḍa vvaṅvaṅ aéaéas vicakṣaṇa paké-siniṅ vvaṅvaṅ i daləm.Stanza numbered 250 in . yadi ana sanmatanta tumuta-ryadih-kvi riya teki yan pitulusa, hələm i kapiṅrvaniṅ vulan i taṅgaliṅ katiga yan kasapta karika, larisanikan patémva pilihənta siṅ sakaharəpta masa rahayu, sahana pasajya-sajyani kakanta sajya-kéna rapva tanpa dadakan.Stanza numbered 251 in . kaka aji tan salah vacana rakryan aṅras agave larāṅku ri hati, riṅ apa ta naku yan vənaṅa drévya buddhi vihaṅé manah narapati, sakaharəpanya teki tumut aku pan-ya pagəhāṅkvé denta huluna, ya karika mulya yadyapi harip-ku tan asaktāku kasrah i kita.Stanza numbered 252 in . apituvi taki tan hana hiḍəpku len ya parananya téka-ti-hati, sahananikaṅ karaṇḍan i daləm paḍa vruh iriyan matəmu ri hələm, kunəṅ iki karanāṅku kaka tan vavaṅ marahakən harəp-ku ri aji, miyati vayahnya ṅūni səḍəṅ anvam matiki turuṅ vənaṅ karabhasa.Stanza numbered 253 in . tuhun iki deyani ṅvaṅ iriyan ndatan vavaṅ avéha tāṅvaṅ i kita, ndah avaraṅeki tapva kaharəp-ku tiṅkaha lavan kita matutana, ndvasi kaka tumbasanya sakaréṅ yata srahakənanta teki tumuhun, sasaji-sajinta lan laris amantva maṅlamara sambya suvala gara.Stanza numbered 254 in . yayi mapa dayani-ṅva apa tan hana srahakənanta masku ri kita, ṅhiṅ iki karasikana ya patukva-tukva tarimanta hantusakəna, vacananira prahasana maha ṅgaməl susu bisa mrayé saṅ araras, dalian irāṅdudut talih apan huvus kasah i pundhutan tinitihan. o.Stanza numbered 255 in .
paḍamu maharip ri sampuniṅ ulah tucapa sahan saṅ mamarvani lulut, prapañca humarəp-harəp ri ḍatəṅa nr̥pati lumavadé raras-rarasira, ya kāraṇaniran paḍa hyas amaharja gəluṅ asalin dukula pinilih, atuṅgalan unéṅnira-lah asénaha turida kinékés hane kati pinə̄m.Stanza numbered 256 in . hana guliṅan iṅ karaṅ liman anurvakən i pamanisiṅ smara marəpəhi, lana ṅiṅət-iṅət ri buddhya aji yeka tinaha-taha lot vinarṇa ri hati, vavaṅ réṅa-rəṅən rumuṅvi pasurak-siraki panikəliṅ yak adran i təpi, ya kāraṇanira ṅlilir mujar i kasihira kaka marək vasa ṅisapu jə̄ṅ.Stanza numbered 257 in . kakāṅku mapa deyaniṅvaṅ i manah nr̥pati tan avəlas riṅ onəṅ alulut, ndatan tulus ujarnya ṅūni ri səḍəṅku turuṅ anuti polahiṅ silih asih, ri kālanika ṅūni duk vau sumomah aku bapa aji ndatan vavaṅ asuṅ, ujarnya pinasatyakənya yadi tan tulasa si pujin vənaṅ ya luhika.Stanza numbered 258 in . sahurnya saṅ inojaran masəmu rāga karana tuməṅgəp éndah araras, tuhanku riṅ apaṅ madhubrata madoha riṅ asana sugandha sampun anəḍəṅ, apan bhramita riṅ səkar kumudakumudha jaṅga kanigara mavuṅv aśoka surabhi, ndi yan paḍa lavan manahnya miyatiṅ sumanasa palarənta masku muvaha.Stanza numbered 259 in . ujarnya rəsəp aṅlipur-lipur i buddhinira təhər alésyan aṅarih-arih, titir vinava riṅ kalaṅvanika denya maṅucap agave raras hatinira, anan sinélaṅan kiduṅnya tau rakva maṅusira pi yan tikəl alisira, vidagdha bisa maṅdadak-dadak amarṇana kakavin anindha-nindha turida.Stanza numbered 260 in . laluṅ masa pilih ḍavuh ném aturu sahana-hananika ndatan hana ṅumik, śaśāṅka gumavaṅ mava kalaṅan arja mamuṅu-muṅu rāga tan duga-duga, gərek muni haneṅ dukilyan alaṅa sinahuran i payérnya mandra kumətər, anan kadi visik-visikniṅ amaṅun sara mamalihi rāga kuṅ tuna téka. o.Stanza numbered 261 in .
mvaṅ sakvehnira saṅ prabhūttama paḍa ṅgéṅ rāga rambaṅ laṅa, āpan deni lavas nireki mapasah mvaṅ saṅ minuṣṭiṅ hiḍəp, yāṅde rañca vinarṇaneṅ puḍak hinaptya pan giṇeṅ lambaṅa. yan pamrəm sakəjəp hanan kadi sumaṇḍiṅ vetniṅ gə̄ṅniṅ lulut.Stanza numbered 262 in . akveh bhāvaniran prapañca təkapiṅ kiṅ-kiṅ paḍa pet raras, amrəm karva ṭikā sinuṅkəmanirenasparśa marmé-namér, bhrānta pan hiniḍəpnira ṅəsah amiṅkus-iṅkus aṅlad hati, tan ryamban hinaris-harisnira pinak-pak lagya karvan huləs. o.Stanza numbered 263 in .
len tekaṅ mahas aṅlipur-lipurakən huyaṅi manahiran kinūṣaniṅ unəṅ, ndan rakveki turuṅ smara tura tuhun hana riva-riva saṅ cinitta ri hati, kiṅ-kiṅ rāga silih kirim-kirim ujar ya pirəsəpakəneṅ ṭikānak-anakan, nāhan hetunirāṅapus kakavin arja vinaca masuluh śaśāṅkakiraṇa. o.Stanza numbered 264 in .
dyah saṅ lvir kətəriṅ patər mara rarasta hinavara ri tikananiṅ ravi, tvaskva riṅ-raṅ akuṅ ri dohni kahananta riniṅa-riṅakənku riṅ tavaṅ, aṅhiṅ teki tuhan svaranta karəṅa mamisiki titir aṅlare hati, himpər cataka tāku ləṅləṅ amalar ḍavuhakən i rirista riṅ hulun.Stanza numbered 265 in . nantən masku suvalkv i raśminiṅ ujar vaca-vacaneni maskva riṅ tilam, sampun kekət amiṇḍa riṅ karas amūrti kakavin araras linaṅvakən. tan pāṅdeya rəṅunta maṅlaraṅa cihnaniṅ aharəp aminta sanmatan, aṅhiṅ teki tuhan təḍaṅkv i kita tan vuruṅa hələm akalihan huləs. o.Stanza numbered 266 in .
nāhan denira maṅlipur-lipurakən lara turida nira-pa tan patahənan, ndan riṅ sakṣaṇa śīghra yar təka tikaṅ rahina hana limutnya kumram asinaṅ, ləs luṅhaṅluṅaṅ əbun avri vahva sinirirniṅ anila kadi ken huvus linukaran, candra lek mavənəs baṅun təkapi tejaniṅ aruṇa suməṅ hanan vahu mijil.Stanza numbered 267 in . ndan saṅ śrī naranātha sampun arahap sira padulu-dulur maliṅgih ajajar, kāṅən rakva haləpnikaṅ nagara ramya təkapi lavasiṅ haneṅ para-paran, nāhan hetunira harəp muliha sarvi mahavana ḍusun-ḍusun kuluvutan, śīghra dandan ikaṅ gajāśva ratha maṅkata para ratu sampun arpat atihaṅ.Stanza numbered 268 in . maṅkat śrī naranātha ləṅləṅ alaṅa matut i ujuṅ ikaṅ pasir ləyəp adoh, lalya-lén lariniṅ ratha ṅusir i himbaṅiṅ acala hiriṅ-hiriṅnya təpi lor, koṅaṅ matra lurah-lurahnikaṅ aṅarya lamu-lamuk aṅəṇḍəp-əṇḍəp alaṅa, akveh deśa huvus kalalvan apa tan caritakəna ləpas narendra tumuluy.Stanza numbered 269 in . ṅkāneṅ ləmbah ika rənəb raca-racah lumu-lumuti vatunya kambah aléyé, caṅkriṅ kayunika paruṅ-puṅ i təpinya kamumu makajar-kajar pacar alas, sumbér-sumbér ika jajar kalamukan pakis i təpinika ṅurambat aséva, paṅ-puṅ paṅgaga len kuvur-kuvur atip kata-katakan apuntya-las maka médhur.Stanza numbered 270 in . saṇḍiṅ-saṇḍiṅ ika daləm rava-ravan malun-alun anamar-namar tasik anak, jrah sogandhika puṣpa maṅibəki lagi pinara-paraniṅ matīrtha gamana, tuñjuṅ baṅ hana nīla paṅkaja sumaṅgraha kadi minahā tinandur ahaləp, piṅgirnya kamarək-rəkən kayu pu gaṅgəṅ alalé alumut-lumut sumarasah.Stanza numbered 271 in . muṅgviṅ madhyanikaṅ uyambaṅ alaṅa manuk umibər apantha-panthan adalur, ləs luṅhāluṅa-nusup iṅ vé yahniṅ anucuk sulur amilihi bhoga tan hana vaneh, mvaṅ haṅsa jajar iṅ karaṅ tumurun adyus anəṅah asisik-sisik paḍa sukha, len tekaṅ manusup-nusup ri səkariṅ sara sija karəṅa svaranya tan avas. o.Stanza numbered 272 in .
buddhi śrī naranātha denya masəkəl yan ton riyātyadbhuta, kāṅən deni varah mpu nāradanaradha yatāṅde duhkha tan pāntara, mādəg krodhanirāpa tanpa tahənan muntab dilahnyaṅ hati, ṅhiṅ saṅ rāma jugeki patyana maran maṇḍəg kutugniṅ rajah.Stanza numbered 273 in . nāhan hetunira ṅucap gəlisakən lampahku koṅ sārathisarathai, ndah havya gigu riṅ avan juraṅ alas durgama yeka vələg, agyaṅ rampasa matyanaṅkva kétikaṅ mleccha ṅaran bhārgava, sambi teki huripnya ya prasakəneṅkv i tuṅtuṅiṅ sayaka.Stanza numbered 274 in . sampun teki ləpas narendra alivat riṅ deśa tan varṇanən, mvaṅ tiṅkah ira maṅhisép tan ucapən lvaniṅ təgal koratan, konjaṅ teki lurahnikaṅ ry anupa deśātyanta riṅ kādbhuta, rimpér parvata pavaka gupura deni dityan sumunviṅ laṅit.Stanza numbered 275 in . vr̥ttta śrī naranātha teki rumahun sampun karəṅvan ḍataṅ, mantri mvaṅ para taṇḍa rakryan ikanaṅ karya kəmit riṅ purī, yeka rampak énuṅsuṅ iṅ avan agə̄ṅ dədəṅ pəgat tut hənu, rəp yékan paḍa bhaktya luṅguh ararəm yapvan alintaṅ aji.Stanza numbered 276 in . ndah yékan alivat siro ləbuh agə̄ṅ sampun ḍataṅ riṅ purī, tvasniṅ strī ry anupa giraṅ raga-ragan maṅkén ḍatəṅ saṅ prabhu, apan ṅūni rikén laput pasamayanya-gya sinuksméṅ karas, maṅke rakva hiḍəpnya maṅratakəné hyuṅa lavan kéṅgatan.Stanza numbered 277 in . lavan saṅ prabhu māṅhulur sira kabeh samanta sampun téka, akveh bhavanira vara-varah i saṅ kalih nira=ṅras hati, maṅgəh rakva siran pasatya tinanyan yan tan salah riṅ varah, mavat cihnanireki konəṅ alavas gya-gya mareṅ pamréman. o.Stanza numbered 278 in .
vvaṅvaṅ ri jro pura sakaraṇḍan atuha nvam arəja sira teki varananén, akveh kāri mamitra-mitran ika tan tumut aṅiriṅi jə̄ṅ nareśvarī, ndan yeka kinirim-kirimnira ri santuk ira téka sakeṅ paran-paran, tan samvas ya linava-lava kinéreki pahali-hali rékva liṅ nira.Stanza numbered 279 in . len tekaṅ kaka majar onəṅ i təvəknyan alasah alavas ndatan vulat, maṅke rakva ḍatəṅ taṅ anyaya silih pəkuli gulu makalihan huləs, mojar liṅnya tayāntuk-antuki kakanta rari pahalavan tikuṅ manah, heman masku kiteki tan tumut asəpy aku bibi taya rovaṅiṅ hulun.Stanza numbered 280 in . nahan denya amet prahasana ri rovaṅ ika vijah akəmbulan lulut, tan tuṅgal rva mateki solahan ikaṅ vvaṅvaṅ arəja-rəja tan ya varṇanən, ləs luṅheṅ rahina paganti vəṅi vahva pətəṅ iki pilih ḍavuh pisan, sə̄ṅniṅ candra mijil mava kalaṅan arja kadi harəp anuṅsu-nuṅsuṅa.Stanza numbered 281 in . ṅkāne morniṅ aśoka padapa narendra paḍa maliṅgih iṅ natar, sampun teki sirānaḍah sahananiṅ kaka-kaka manunas paḍa rarəm, mamba kasturi riṅ paturvan araras mamituturi kaśaktiniṅ smara, sə̄ṅniṅ rāga hane alis kuməḍal asriṅ anamayani muṅgah iṅ jinəm.Stanza numbered 282 in . maṅke muṅgah apə̄m ndatan hana vikalpa ruməgəp isiniṅ karasikan, tiṅkahniṅ smara tantra yeki ginəlarnira sari-sari tan kəneṅ vaneh, mudrāliṅgana cumbanādi saha japya kakavaśa mateki tan salah, nityābhyāsa samādhi saṅgama minuṣṭi ri taruṇa bhaṭāra manmatha.Stanza numbered 283 in . nda sampun kavaśeki yoganira tapva humiḍəp i katuṅgaliṅ hiḍəp, tan rvekaṅ rva mateki tan tiga maraṅ tiga sakaya sinimpən iṅ hati, mūrchāniṅ viṣayāṅrahasyani rahasyanira tuməmu sandhiniṅ smr̥ti, mokṣa rāga mamiṇḍa niṣkala ri sampuniṅ aṅavaki mūrtiniṅ smara. o.Stanza numbered 284 in .
anantara ri sampuniṅ gati mateki sira tan ucapən paḍāturu, muvah sahana saṅ sumevaka ri raganira tiki gumanti varṇanən, huvus paḍa huvus sinūkṣma kinirimnira turida tiniṅgaliṅ lulut, yan iṅ masa silib-silib vvaṅvaṅ irika nr̥pati mahas adum karasikan.Stanza numbered 285 in . aneki gumuliṅ-guliṅ sira riṅ ambyanira kadi mahaṅlipur lulut, maṅa lumiyat iṅ vulan kalamukan baṅun aviraṅ i vimbaniṅ mukha, ndatan kahuniṅa lukar-lukar ikaṅ gəluṅ akusut anambvakən raras, ḍatəṅ nr̥pati maṅgyat asəmu pacəh sahaja sukha jinaṅgi-jaṅgitan.Stanza numbered 286 in . umuṅgah adulur-dulur sira mareṅ jinəm anəkani senakiṅ manah, anan sinəlaṅan priyambada rəṅih-rəṅihiran anukər pinaṅkvakən, suməṅ-səṅ avuyuṅ-vuyuṅ pinari kala mapari ala tan təke hati, nimittani vuvusnira kətər apiṇḍa riris alit anənvakən hiḍəp.Stanza numbered 287 in . kakaṅku vinaliṅku teki tulus asiha kita ri tuvuhku kasihan, ujarta kita ṅūni kési ri hatiṅku kadi madhu huvus vinəṅyakən, yateka mabalik laré-tvasi arinta sinalahasa denta tan tuhu, bətahta riṅ hiraṅ pujin prabhu vənaṅ luhika ri samyanta riṅ hulun.Stanza numbered 288 in . tuhanku mapa ṅojarāṅkva ri sahutva ri kita bibi tan anenaka, katuhvan iki māṅsa deśa mapa deniṅ aṅasa ri vuyuṅta riṅ hulun, yadin pva kita naku daṇḍa rari mon tilana təṅahi masku lampunən, tathāpi marək aku nityasa matuṅgva kidhépa i daganta tan saha.Stanza numbered 289 in . nahan vuvusnira ṅiris hati mapeka tan adhédhésa saṅ kinolakən, huvus katəmu muṣṭiniṅ tapih i madhyanira vas lukar tiniṇḍihan, chinidra kiniré-yva kamrén i manis-manisiṅ ujar améṅakən lulut, nimittaniki hənti sihnira tan olya pakaparani kiṅkiṅiṅ hati.Stanza numbered 290 in . taṅéh yan ucapén raras-raras ireki saharas i daləm pasaṅgaman, atīta rahina buṅah ri vijiliṅ ravikiraṇa sudīptasudhipta riṅ laṅit, paḍa hyas aradin-radin sahana saṅ vvaṅvaṅ i dalam apupul paḍa raras, maraməṅ-aməṅ iṅ taman mahas-ahas ri huvusira mamukti saṅgama.Stanza numbered 291 in . katuhvan ika vah kalaṅvan ikanaṅ racana ləyəp amiṇḍa riṅ tulis, mapaṇḍan akaraṅ liman ləṅəṅ apañcuran aranu bukurnya tut sisi, paranti pinaran-paran saṅ adulur-dulur araras arumpukan gaḍuṅ, ya kāraṇanireñjaṅ-eñjaṅ alaṅa hənəṅakəna narendra varṇanən. o.Stanza numbered 292 in .
ambək śrī naranātha mepu apəga maṅaṅən-aṅən i dagdhaniṅ hati, ndan saṅ rāma jugeki tan hana vaneh kinira-kira pakesiniṅ hiḍəp, nāhan hetunirāharəp mijil ahə̄makəna sahana saṅ vatək ratu, mvaṅ mantrī para taṇḍa yudha marək apupula ya sakatambayeñjiṅa.Stanza numbered 293 in . sampuh rakva ghinoṣitan sahananiṅ bala marəka kabeh manaṅkila, mvaṅ raṅkaṅ hana bhakti marpat ahaləp rinacana sinugandha lepana,After this line, has: (malya-baṅ pinako-pa sobba mideriṅ taretepan ivaṅ), the brackets clearly being meant to cancel the words in question, which are identical to 48.3c. The scribe realized he had skipped ahead. śobha listiṅ i madhyaniṅ vataṅan énjah arəja tinulis bhinūṣaṇan, mvaṅ luṅsir kanaka dravāraṅ i hiriṅnya kumuliliṅ arambatan tətə̄.Stanza numbered 294 in . gambar mas vuvuṅanya kumram akuvuṅ-kavuṅ asəmu sinaṅliṅiṅ ravi, abhrāṅəṇḍəp atiṇḍu-tiṇḍu palisirnya maparada suvarṇa komala, malyābaṅ pinakopaśobha midəriṅ tarətəpan arəcəp rinūpaka, ṅkāne duryani kontal-ontal ika camara minirah atuṅgalan padu.Stanza numbered 295 in . ndah sampun sumənəha taṅ śayana kr̥ṣṇa guməlar i harəp mapadapa, mvaṅ ratna sina siṅha rūpa sapatarana valunika ratna kambala, rva taṅ catra haneṅ harəpnya suməkar maṅadəg-adəg adaṇḍa mas tatur, kīrṇa kəmbaṅ ura sugandha ri natarnya təlas iki siniṅsətiṅ jənu.Stanza numbered 296 in . sampun prāpta para prabhūttama manaṅkil apapul araran paḍa haləp, mvaṅ mantrī karuhun purohita vidagdha sira pinakamaṅgaleṅ sabhā, sakvehniṅ paməgət ri kirva niti paṅhulu nipuṇa ri tiṅkahiṅ naya, kapva liṅgih atiṅkah akrama paḍa ṅiṅət-iṅət i sinādhya saṅ prabhu.Stanza numbered 297 in . munya saṅka mr̥ḍaṅga munda ri vijil nr̥pati sira huvus mabhūṣaṇa, somya dandan aliṅgih iṅ kanakasiṅha maṇimaya suteja bhāsvara, śīghra pan tumuluy purohita maśānti təhər aṅabhivāda śāsvata, len mantrī paḍa bhakty anəmbah i narendra matiki karuhun para prabhu.Stanza numbered 298 in . tan sah saṅ kavi rāga hetuka mamaṅku pasərəhan aliṅgih iṅ batur, mvaṅ sakvehnya anaṅ vahin larasa teki ana marək amaṅku taṅkulak, rəp ndatan ana śabda matra karəṅa ri harəp i vuri tan hanāṅucap, mojar śrī naranātha riṅ bala samūha sama-sama manaṅkil iṅ sabhā. o.Stanza numbered 299 in .
he sakvehniṅ para prabhūttama sama ṅgéṅ sevaka riṅ hulun, mvaṅ mantrī pata bāhudaṇḍa pinatih riṅ rājaśāstrādhika, saṅ hyaṅ pinakādiniṅ kuśala riṅ dharmāpagəhniṅ naya, yatnāyatna rahadyarahadyan saṅhulun atakya rəṅvajarniṅ hulun.Stanza numbered 300 in . sampun vruh ṅvaṅ ikeki bhaktini bapāṅkun tonku yan riṅ jagat, sāsiṅ śatru huvus viśīrṇa paḍa bhakti ṅke ri jə̄ṅniṅ hulun, ndātan len kita hasta pāda kəta saraṅrakṣake tan vaneh, śaktinteki ya kāraṇanya mapagəh riṅ vvaṅvaṅ sinaṅgah prabhu.Stanza numbered 501 in . maṅke pvan hana bhāra donku laki havyaṅde ragətniṅ hati, mvaṅ tan duryaśa səṅgahə̄n mimul-imul ry asihta deniṅ vuvus, vruh ṅvaṅ yan riṅ apeki névéha kitery āptiṅku tan laṅghyana, yadyan teki huripta kahyuna huvus saṅka ry asihteṅ hulun.Stanza numbered 302 in . prastāvanya nihan haneki kasusuk ri tvasku maṅde səkəl, nojar saṅ r̥ṣi nāradānaradha-vara-varah ṅunin ḍataṅ riṅ purī, vantən paṇḍita śakti saṅ paraśurāma khyāti siṅ rat kabeh, donyābhyāsa dhanurdhara mapasa vīryāṅkvi jagat kottama.Stanza numbered 303 in . saṅkṣepanya vuvusku yeka amukən donən təkap saṅhulun, denyan matya riṅ āśramanya rəvəkén hayvenapés hop gəlis, tovin saṅ katuduh marāṅjəjəpa tiṅkahnyeki samun ḍatəṅ, nda yeka sakatambeyeñjiṅ irikan kun lampah opadgata.Stanza numbered 304 in . maṅke pveki viveka yekana dələ̄nta siṅ samāṅyogyana, prih-prih denta pakojariṅ kira-kira pəh-pəh vijilniṅ hati, mvaṅ sastreki gamana vadhi ginəlar petən pagantākəna, siṅ solihta maṅadvakən vinaya yeka dlāha yata dələ̄n. o.Stanza numbered 305 in .
nāhan liṅ śrī narendran mujar i sahananiṅ vīra yodha prihiṅ praṅ, rəp kapvānəmbah iṅ śrī narapati tumaḍah ry ājña saṅ nātha tan len, sampun śīghra paliṅgih krama dadi sumahur saṅ mahāyodha mantrī, khyātiṅ rat saṅ makon iṅ kira-kira mapatih vīrasiṅheṅgitajña.Stanza numbered 306 in . sojar śrī nātha sampun hana ri hati minuṣṭy ājña saṅ śrī narendra, ndātan saṅke manah vr̥ddhi karaṇanikaturniṅ apiṅgiṅ təkasvitekap-svi, tiṅkahniṅ sevake pan rasa-rasana hatur pva ṅhulun mo pituhvan, jati muparpasa svaṅ katugətakəna sojarnya ta hop karəṅva.Stanza numbered 307 in . ndah sampun ṅvaṅ ruməṅva ya bhimatanika saṅ pakṣa donən tékana, tan saṅke vīrya tan saṅka riṅ aharəp hinak madéhaṅ rājamānya, yan vantən mana duṣṭa ṅapak aṅapa karih dhyāna lavan samādhi, ndah yakan śaktiniṅ laṅkap himadu pinéniṅ paṅhilaṅ vāhya śatru.Stanza numbered 308 in . maṅke donən mapāṅdon aṅusirən aharəp kīrti tan dady avr̥ddhi, apan kadéh təkapniṅ maṅavata ya səḍəṅ saṅ maṅelala dharma, saṅkṣepanyeki rakṣan aji kuməmita saṅ sādhu tan lamba-lamba, sama mvaṅ dhana yar vehākəna maləsa riṅ jana su-ddharpa śakti.Stanza numbered 309 in . yadyastun śuddha karya mənaṅa mara ajəṅ yuddha yāṅde prapañca, āpan byaktekanaṅbyatekanaṅ ya tumuvuh aseva riṅ vəltikiṅ mana karma, lavan yan sora maṅkin rahayu makaphalaṅ vadhaniṅ rat kapaṅgih, rug taṅ dharma pagəh kadi hiṅaraman i vadniṅ kaduryaśa magə̄ṅ.Stanza numbered 310 in . nāhan doniṅ mahém buddhi milihana kaṅ opaya yagya petən, yapvan sampun taya doṣa yatika hamésan lakva saṅ niti manta, ndah yan tapvan tayāṅdon maya tika vulikén met-metən tan tahən tvas, hayvenaṅgəh vavan adah rasana ya ləvədən havya tan yatna-yatna. o.Stanza numbered 311 in .
nda kantənanya aji havya bharaṅ lumampah, yapvan turuṅ katəmu sendikaniṅ ginoṣṭhi, tan vruh yatevəh ana tevəh ikan kinārya, prajñā ṅaraṅyaṅ avikeka təbəṅ lumakva.Stanza numbered 312 in . maṅke pva yuddha gəlarən aji havyva mana, tuṅtuṅniṅ evəh ati tiṅgitaniṅ nayeka, ton tiṅkahiṅ musuh apet iṅ upāya sandhi, kośanya vāhana balanya déla təkapta.Stanza numbered 312 in . sampunya maṅkana ataṇḍiṅ akasniṅ ambək, yan sor titihnya ciri vədya kunəṅ kuraṅ tvas, kośanya tan hana balanya kuraṅ viveka, sép glis rəvək təkani havya vineh adhana.Stanza numbered 313 in . ndan yan paḍeki hana śakti hanan vivaka, taṇḍiṅ masalyan apa tan hana soriṅ ambək, kālanya deśanika hér juga havya magya, prih taṅ upāya karananya maran virodha.Stanza numbered 314 in . sampun pvaya-mbala virodha kəneṅ upāya, durbala paṅrəṅə̄-rəṅə̄n ika vākparuṣya, siṅ śakti yeka hiniḍəpnya sadhara mojar, dr̥ṣṭa vasananika mati hələm təkapta.Stanza numbered 315 in . yapvan musuh ləvih anəki balanya makveh, kośanya sāgara paḍanya hanan atamba, hayva rəsəh gumaveya kuṭa durga mevəh, mvaṅ paṇḍitāśraya sira bvat haneṅ svakārya.Stanza numbered 316 in . sāsiṅ prayoga gaveyən ya saendikanya, vidveṣa lan taṅ abhicāruka japya siddhi, sampun pva yeka kavaśe ta samaṅka donən, dravyanya sadhana ajin malape huripnya.Stanza numbered 317 in . saṅsipta yan musuh ateki hanaṅ viveka, maṅke pva rāma juga saṅ rəvəkən təkana, antyanta sādhu tuvi paṇḍita mr̥ddhuSpelling metri causa. rūpa, tan vruh paṭik haji ri deyaniṅ aṅlagana.Stanza numbered 318 in . nojarniraṅ mapatih akṣama yar pataṅguh, vetniṅ kabhaktin ati satya viśeṣa mantrī, ḍaṅ hyaṅ purohita sirojar aṅakṣama rum, yogyan rase haturi saṅ mapatih sumantrī.Stanza numbered 319 in . ndah yan viveka haji riṅ guṇadoṣa petən, kyopadeya pilihən kakaniścayanya, mvaṅ sādhananya tan abhasa lava alanya, yan vruh narendra juga siṅ gaveyənta siddha.Stanza numbered 320 in . mevəh kətaṅ vruha i doṣanike harəpnya, mevəh kətaṅ vvaṅvaṅ ahiḍəp vinarah sayogya mevəh kətaṅ vvaṅvaṅ avarah-varah eṅ sudharma, mevəh jugaṅ vruha ri miniṅas iry avaknya.Stanza numbered 321 in . hetunya maṅkana anakiṅ acintya sūkṣma, kāmādi nityasa hane hati lot matuṅgu, yeka miruddha magave pətəṅiṅ svacitta, manna bhimana ginavenya lavan katr̥ṣṇān.Stanza numbered 322 in . ṣaḍvarga sampun apagah kavaśeka denya, śuddhaṅ manah taya tamomayatmomaya māri śoka, prajñā kasāttvikan ateki ya śānta buddhi, ṅkan vruh taye hala lavan hayu vr̥ddhi jāti.Stanza numbered 323 in . maṅka hiḍəpku lahi tiṅkaha saṅ narendra, prih-prih mateki bala yatna kitan lumakva, mvaṅ duryaśeki lagi siṅgahananta riṅ rat, si dveki vada təmahanya hinambah-ambah.Stanza numbered 324 in . āpan hurip kṣaṇika teki ananya tar hop, nindāstutinya juga nitya ananya riṅ rat, saṅsipta dharma juga mukhya phalanya makveh, saṅkeṅ adharma ginave magave kanindan.Stanza numbered 325 in . yar bvat kṣinatriya ṅaranya sudhīra buddhi, suma dhireka kavanin juga paṅhadanya, ndi tan lamun-lamun ateki mataṅnya siddha, yan sadhananira mateki rumakṣa sādhu.Stanza numbered 326 in . maṅke pva kahyuni bapāṅku vəkasniṅ evəh, yan dona saṅ paraśurāma təkap narendra, byaktaṅ jagat maṅapavada hilaṅ yasanta, pan tan sadoṣanira kevala paṇḍitātma.Stanza numbered 327 in . lāvan muvah riṅ apa yan kavaśeka donən, āpan vidagdha tuvi paṇḍita viṣṇumūrti, śiṣya hyaṅ īśvara dhanurdharaśāstra vijhya, laṅkap yateki paṅanugraha divya śakti.Stanza numbered 328 in . mvaṅ donireki hana riṅ bhuvanāndha tan len, lumrakənaṅ aji dhanurdhara liṅ bhaṭārashathara, mvaṅ kṣatriyeki ya maṅajya varāstra divya, papvan rumakṣa ri sasr̥ṣṭi bhaṭāra riṅ rat.Stanza numbered 329 in . saṅsipta teki vususiṅ hulun ar pataṅguh, ndi tan salah rasa-rasanya təkapniṅ ojar, don brāhmaṇa nr̥pati ya marəkeki tan len, jāti varah-varaha riṅ kita yogya petən.Stanza numbered 330 in . nojar dvijāti saha santi saopapati, ndan śrī narendra juga mogha téka bhimana, mojar sira sru maṅusap ləṅən arddha kémpén, ambək sudhīra sumaput vijiliṅ kasiṅhan.Stanza numbered 331 in . é vruh ṅhulun bapa ri doni vuvusta yukti, ndan dara ta ṅhulun anutakəne harəpta, menak juga pəjaha riṅ raṇamadhya mamrih, yan kṣatriya-ksa supadhin kapaḍana vīrya.Stanza numbered 332 in . yan viṣṇumūrti kétika maṅaran si rāma, ndātan mavədy aku rikana mapatra yuddha, mon matya mon pəjahaneriya siṅ katəmva, svargāku matya magulaṅ-gulaṅ eṅ raṇāṅga.Stanza numbered 335 in . saṅsipta teki laris aku hələm riṅ eñjiṅ, prih taṅ gajāśvagajah sva-ratha daṇḍani havya mokér, siṅ bhakti tayéki tumuté-rya-ku vīra yodha, yan tan ana-ku juga maṅkata śīghra-śīghra.Stanza numbered 334 in . he he para prabhu mapeku manahta maṅko, yar bhakti pajarana bhakti sapolahanta, ndah lah pilih-piliha satya kunəṅ hinur-ta, mén hapti matya masiluṅluṅa pādukāṅku. o.Stanza numbered 335 in .
na vuvusiraṅ narendra sumahur magadhendra rəsəp, prabhu riṅ apeki rakva vihaṅe paṅutus nr̥pati, sakaharəpanta yadyapi huripku ya tan təṅətan, pakənanikiṅ masevaka suməmbah i pādukadi.Stanza numbered 336 in . iki mara bhāra donani paṭik haji de nr̥pati, si maṅiriṅe narendra mayase praṅa toha hurip, vnaṅ apa ṅaranya tan maharəpeṅ daśa vīrya ləvih, tinuduhakən ananya musireṅ hyaṅ ananta śiva.Stanza numbered 337 in . athava yadin mareṅ niraya loka ya tar vihaṅa, itipan ikiṅ kavah rumuhune sukhaduhkha haji, niyata paṭik narendra musireṅ hariloka hələm, yan agaməlan kabhaktin atisatya ri ājña haji.Stanza numbered 338 in . nr̥pati ri aṅga rājya sira mārdava yar umatur, riṅ apa paṭik haji vənaṅ alaṅghyana tan tumuta, tuhun iki hīna śakti masa tambəha tapya guṇa, sada ta jugāṅrivəg-rivəgane suku saṅ nr̥pati.Stanza numbered 339 in . niyama tivas matékya pan apiṅgiṅ apəs riṅ ulah, aji juga hantusa muruk atiṅkahaniṅ malaga, mapakəna paṅhavin-havina cāpa təkap nr̥pati, pravala girahyasén mihata riṅ ripu vahu ḍatəṅ.Stanza numbered 340 in . narapati siṅhalojar aganas kadi siṅha murub, aji rasaneki səmbahi paṭik haji mon pituhun, sahana para prabhūttama kabeh yata donakəna, narapati kārya riṅ nagara hayva vavaṅ lumurug.Stanza numbered 341 in . kapan iki yan katona mara bhaktinikeri haji, si madadahéṅ huripnya sarabhārakəneṅ palagan, yadi hana laṅghyane nr̥pati yeki musuhta hələm, papasakəneṅ təvəkta sigidhirya huripnya huvus. o.Stanza numbered 342 in .
mojar śry avantinātha ṅgréguta bapa kunəṅ buddhi saṅ śrī narendra, an saṅ rameku donən paja kétaṅ aṅucap yan huvus dhīra riṅ praṅ, ton-ton de saṅhulun mapraṅa hələm i harəp śrī mahābhūminātha, téh ndyanuṅ taṅ kavədya gada-gadana kunaṅ mon silih daṇḍa-daṇḍan.Stanza numbered 343 in . apan tahv ika saṅ bhūpati miyati paṭik nātha riṅ yuddha ṅuni, tapvan kondur təkapniṅ ripukula rinəbut riṅ musuh bhīṣaṇākveh, madya-dyas thana lagyesuh-isuh i luṅidiṅ kandha kéntaṅ pulaṅ rah, dhvastekaṅ cāpa cakra kr̥tala ya pinusus kasya himpərnya cūrṇa.Stanza numbered 344 in . maṅke pvan jamadhagni vinuvus ika kaśaktinya tasyaṅ kavədya, yadyan gandharva vidyādharavidhyadhara mapuliha ya ṅké ri saṅ rama tosén, vilniṅ vil yakṣaniṅ yakṣa tan ika katakutniṅ hulun dadyavr̥ddhi, aṅhiṅ dharma pagəh mon pəjaha kadi rajan cūrṇaniṅ bhindhi vala.Stanza numbered 345 in . dhīrāmbək śrī kaliṅgādhipa dadi sumahur yukti liṅ śrī narendra, toh ndya-nuṅ teki maṅgəh ṅhulun iki sapasaṅ saṅhulun hayva mundur, kralniṅ dhīra napan mārga maṅusira yaśa ṅir-akén dharmakārya, ndan saṅ śrī nātha muṅgvi vuri umabéta sarathya riṅ dharmayuddha.Stanza numbered 346 in . taṅhéh ki kāryasiddheki yaṅ inucap-ucap tan kavastvan vəkasnya, yadyan siṅ kārya mevəh ləkasana ta huvus hayva maṅgén vikalpa, kevəhniṅ dharma mevəh juga luməkasa ta bvat vuvus tan viveka, apan doniṅ hurip meman iki kava təkeṅ kr̥ṣṇa makveh tinolih.Stanza numbered 347 in . lavan sakveh vatək bhayakula madhakép kapva magyanékana, matus taṅ raja samanta paḍa vija-jivah ténya tuṅgal ginoṣṭhi, maṅke kupvan dadak védhya paran ika kavédhyāṅkva liṅnyeṅ sabha ṅras, ṅuni yuddheki tapvan ana manaha-naha naṅsayé śatruśakti.Stanza numbered 348 in . yeko śatrunta vanya mapagakəna pamuk taṅ mahāyuddhamadhya, apan tuṅgal yaniṅ śakti sama-sama yadin mr̥tyu matvaṅ tumuṅkul, yadyan brahmādi tar vanya ya lumiyat apan deni géṅniṅ prabhāva, vīryanteka haləpniṅ raṇa bhavana sumusvi jagat sūryaniṅ rat.Stanza numbered 349 in . ṅuni ta ravana-lah taya maṅadu ri géṅniṅ kaśaktin prabhita, marmanya aruk anəmbah ri aji makapanuṅkulnya rajyanya ləṅka, raṅkaṅ mas mulya saṅke hyaṅ amarapati ṅunin səḍəṅ digjayeṅ praṅ, strīratnādinya len taṅ rajata kanaka vastrārja pavatnya mulya.Stanza numbered 350 in . harṣāmbək śry arjunāṅrəṅvakən i pamuji saṅ rāja samanta mahya, hetunya bajra muṅgviṅ muka kadi sinaṅa hrét kutuṅiṅ kadhīran, himpər siṅhāṅréṅa géntér avurahan avu kapva tan vriṅ manahnya, mojar saṅ hyaṅ kas-aṅkas nr̥pati ménéb-énéb dagdhaniṅ tvas tumaṅgəh.Stanza numbered 351 in . ayéy sakvehta vīrottama hana kariké śatru tan bhraṣṭa denta, sakvehniṅ rājadhāni ndi kari taya duruṅ dagdha tapvan maṅuṅkél, kīrtinté-kya pagəh riṅ tribhuvana vəki sék deni géṅniṅ kaśaktin, tuṅgal tapvan kavastvan pati juga ta vəkas misyanaṅ kṣatriyāṅśa. o.Stanza numbered 352 in .
nojar śrī naranātha teki sumahur ta rakryan apatih, bisniṅ lah səkəliṅ tvas arddha pinégéṅnira srét i gulu, mojar mandra pəgat-pəgat vuvus ira taréh tan asarag, bhakttya mrih-mrih anémba-nəmbah umusap ri jéṅ(nua) narapati.Stanza numbered 353 in . é nathāṅka aihan rəṅən hatar ikiṅ kapapa kalusa, tan saṅkeṅ avalépa dénani paṭik narsandra umatur, géṅ trésna ati sihniṅ aprabhu ya hetuni ṅvaṅ amuvus, yadyan siṅ sarasanya de nr̥pati mon mareṅ salah ika.Stanza numbered 354 in . tiṅkah sevaka tar vənaṅ palé-paléh rumakṣa ri aji, apan papa jugeki rakva numulat yadin uménéṅa, nda yan tan amatur hita-rtha i siraṅ sinévaka nira, bhaktyaṅ duryaśaniṅ jagat ṅani-ṅunin kadi ṅhulun iké.Stanza numbered 353 in . nahan don mami sarjaseki amatur tatan dva ri aji, msaṅ mantri kaya parnahiṅ hulun apeki tar paṅucapa, marmāṅkva mrih ataṅgé-éṅgéh i harəpta tan pati tumut, apan byakta mateki yar kita mamaṅguhaṅ lara hələm.Stanza numbered 356 in . maṅke pvan savuyuṅ narendra taḍahan paṭik narapati, yadyastun pajaheki paṅraha təvək saréndra karika, mvaṅ téṅgék mami tiṅhasénta ya manarjanéṅ ripu kala, tan satyeki ṅaran paṭik aji humintareki sakilan.Stanza numbered 357 in . lavan yan tinsheki tan tumut asiṅ saduhkha nr̥pati, yāṅde salya ané tvas atiki jémah narendra mulata, yan tan matya riko-harəpta masiluṅ-luṅa pada aji, yapvan yaddha hələm syapeki mulaté daləm pabharatan.Stanza numbered 358 in . dira-mboknira sojar asru tvi tan aneki tinaha, luṅhaṅ buddhi kasatvika sumaputaṅ kasiṅhan i sira, édran tiṅhal iréṅ sabha sahana saṅ tiniṅhalan arés, apan tan hana vanya maṅpaṅa mulat juga-muka nira.Stanza numbered 359 in . nojar saṅ mapatih ndatan ana mumik para prabhu kabeh, bhyam sakveh para taṇḍa yodha ṅuniveh balapratihata, deniṅ buddhi kasādhun atvaṅ apagəh kasatyan i sira, tovin tanpa paruṅvaniṅ naya sabha sudhīra nipuṇa. o.Stanza numbered 360 in .
sampun mayu ṅalapkəneki tadanantara mari maṅucap nayodhara, śīghra prāpta tikaṅ taḍah paḍahi maṅdulur i vuri yathākrama haləp, sakveh-kveh para taṇḍa riki maṅiriṅ saha vəḑihan anambah iṅ sabhā, ramya sraṅ saṅ aniṅkāṅiṅkah itisiṅ sapaṅaləpaṅ iniṣṭiniṅ hati.Stanza numbered 361 in . nda yeka ri huvus narendra manaḍah sahana-hananikaṅ rasādhika, sakvehniṅ carikan yateka ḍinavuh-ḍavuhakən i siraṅ para prabhu, mvaṅ mantri para taṇḍa tan hana kuraṅ paḍa vəki-vəki sə̄k təke vuri, norāṅsalnya huvus tikaṅ akuda sārathi paḍa ya makambulan cacar.Stanza numbered 362 in . atyadbhūta haləpnikaṅ taḍah aneka surasa hana māṅsa matayaka, saṅkəp sahaneṅ pasir vukir ateki paḍa hana bhinuktya véh sukha, vah milya tvak avarṇa sāgara səḍəṅ pasaṅ atiki sakeṅ daləm purī, somya liṅgih acum tikaṅ vvaṅvaṅ alarih-larih ajajar atuṅgalan sajəṅ.Stanza numbered 363 in . sakveh saṅ anunas paḍa sraṅ aṅinum sahana saṅ larih paḍa larih, brəm tampvānadutampavan adu lobha riṅ rasa-rasanya ya rinasa-rasanya patya ya, tambul-tambul akendah-endah adulur-dulur ahulur alivran aṅhaləp, makraṅ makrama maṅhañaṅ-hañaṅ aminta hara mataritip lavan tirəm.Stanza numbered 364 in . varsih saṅ maṅinum kabeh paḍa huvus varəg atiki samaṅhañut cacar, prāpta candana cūrṇa kapura dinum-dumakən iki huvus kinasturi, sumrak gandhanika haneṅ jaja haneṅ muka saha səkar arja riṅ kapa, kapva gīta hana nr̥teki vinidhi nr̥pati vijah adumpi-dumpilan.Stanza numbered 365 in . ndah yeka paḍa garjjiteki para yodha maṅucap asélur sadha cakép, agyāṅrampak smatyanaṅ ripa kula-ki vuvus ika manambyayaṅ hurip, krodhāmbəknya ana ṅrégut micépi lambé yika kadi véra-véra dava, aṅga kara musus tananya saha bhavaka kadi ana maṅgaməl curik. o.Stanza numbered 366 in .
huvus maluvaran katéki saṅ ahém sahana-anani taṇḍa rakryan umulih, narendra tumuluy mareṅ paṅuṅaṅan prasana-sama para prabhūttama marək, kathañcana gubar ḍinəṇḍa saha goṅnya kumətug aparəṅvan iṅ kṣititala, ratag sahananiṅ balādhika sudhīra mijila ya maśabda réṅ ləbuh agə̄ṅ.Stanza numbered 367 in . ḍataṅ sahananiṅ pravīra saha bhūṣaṇanika pinasaṅnya kumram asinaṅ, piraṅ ivu pireki lakṣaṇika tar kavənaṅ iki tiṅhalan vinulatan, tumandaṅ i harəp narendra paḍa pantəs arəja tuhu vīrasiṅha nipuṇa, vidagdha ṅakarah masiṅhəl akalan paḍa lituhayu anvam uttamakula.Stanza numbered 368 in . praya nr̥pati saṅ tumandaṅ araṅin saha karah i jajarja vīrataruṇa, vatək madanarūpa saṅ van aṅiriṅ mapati-patihan ujvala vinulatan, ravisni palaganya kumram iki camara putih hinaṅit rinūpaka tinap, curiknya kadi mr̥tyu danta lumarap maṅayam-ayam i jīvaniṅ ripukula.Stanza numbered 369 in . haneki madulur tumandaṅtumandhaṅ asinaṅ kadi kusuma sumamburat vija-vijah, vaṅ uttama pakəmba-kəmbaṅan ateki makarah asusun vidagdha riṅ ayun, ulihnya paḍa vīra riṅ raṇa sabhūṣaṇanika paḍa lurva pitana kuniṅ, titir kalilipiṅ musuh praṅ ika tan hana maṅucap amundur eṅ pabharatan.Stanza numbered 370 in . anugraha narendra teki tumurun bala sahananika pravīra pinilih, inundaṅ i harəp manəmbah umarək nr̥pati paḍa bhaktya liṅgih ararəm, masiṅhəl akitir-kitir hana karah kaluṅ arəja sabhūṣaṇanya rinasuk, samāpta paḍa mamvit arpat asikəp vataṅ apagaga len maṅuṇḍa suligi. o.Stanza numbered 371 in .
avicaritan laluṅ masa narendra vāhu tumurun sakeṅ paṅuṅaṅan, sahananikaṅ makañjar umulih kasovaṅaniran huvus maluvaran, narapati mañjiṅ iṅ pura sire daləm ri kahanan narendra mahiṣī, vahu sumurup hyaṅ arka tumibaṅ ḍavuh valu təkaṅ śaśāṅka sumilih.Stanza numbered 372 in . jaladajaladha haneṅ laṅit kadi sinaṅliṅ iṅ śaśadhara sinaṅ makalaṅan, vahu suməkar haneṅ talaga kəmbaṅiṅ kumuda gandha mari kumudu, rumarab ikaṅ rərəb-rərəb umampva amvas aniram kucup kagərəhan, paḍa matihaṅ mayat məkar akəmbaṅiṅ mənur hinimbu muṅgvi gəluṅan.Stanza numbered 373 in . nr̥pati haneṅ natar sira maliṅgih iṅ śayana sampun ahyas adulur, sahananikaṅ karaṇḍan ahaləp lavan kaka-kakarja sampun arəpat, irika narendra manvit avarah sire saṅ araras ri yaṅkatanira, vacananirāṅharis-haris asuṅ səpah ri vaja cumbu tan hinuniṅa. o.Stanza numbered 374 in .
ibu pamvitani ṅvaṅ i kita bibi maṅkata tāku tuhan, sakatambayeñjiṅ-tambeyeñjiṅ irika larisaṅkv iki maṅluruga, kalavan bala saṅghya maṅiriṅa huvus kinudur-kuduran, para taṇḍa para prabhu panəpi kabeh paḍa vāhu ḍatəṅ.Stanza numbered 375 in . hana teki si rāma ṅaran ika musuhku yathā amukən, rarahən patapanya pəjahana ri madhyanikaṅ palagan, yadiyan hariloka parananiki muṅsira pāda hari, valaténkv i tikan vitakəna ri bhaṭāra huripnya huvus.Stanza numbered 376 in . pavəkas-vəkasaṅkva ri kita bibi karya ta riṅ nagari, kəkəsənta ajəṅ kakahatakəna teki rarasta tuhan, sakalaṅvaniṅ adri pasisi tuduhənkv iki karya muvah, pakənanya rumakṣa lumipa-lipura-ki manahta nakuṅ.Stanza numbered 377 in . panikəl-nikəliṅ ryak apata-patahan mələs arja siṅi, mamaharja gəluṅta makusut hinure katitih-titihan, səminiṅ kayu teja makiris akila kariris-ririsan, sari-sarya tika mitaturana laṭinta yadin kasaraṅ.Stanza numbered 378 in . jaladhāraṅ añavəli vijili kukusiṅ bañu kumram alit, kadi kenta lukar suruhananika masku ya tan huniṅa, pupusiṅ liraṅ arja pumati aṅisis vahu-vahu məkar, ya matuṅgva təṅahta nahayaṅ aṅelih pinépét-pəpətan.Stanza numbered 379 in . katəriṅ patər aṅusa suhunan aṅanti ririsnya sumar, ləṅəṅ aṅarih arya mupih-upiha teki rəṅihta nakuṅ, panəḍəṅni səkarniṅ asana karuhun kagərəh-gərəhan, mapavana suyaṅta pakənanika matya sinəmpal alum.Stanza numbered 380 in . na vuvus naranātha maméṅé-méṅén ojar asuṅ turida, gərəhiṅ katiga raras asəmu riris pinakāmbəkira, riṅ apeki ya tan rəṅə-rəṅən asəmu lata vəlas harəp, niyatanya aluṅ asəmi turida rāga masarya lulut. o .Stanza numbered 381 in .
kaka haji vihikan ṅvaṅ ry ambəkta larisa hələm, kunəṅ amuhara kiṅ-kiṅ riṅ tvasku mətu-mətu luh, sipi ali-alini-ṅvaṅ yan rakryan laris anuku, hana kavədi mataṅyan rəñcəm tvasku kadi linud.Stanza numbered 382 in . rəṅən atəki pataṅguh-taṅguhiṅ hulun i haji, maṅimur-imur apet sih saṅke sihkv i kita kaka, sahana-hanani vadvanta siṅ śakti lumarisa, kita kavəkasa riṅke rajyevəhnya pari tahan.Stanza numbered 383 in . sarasa pəjaha tāṅvaṅ yadyan kantuna lumurug, sinaputan i gəṅiṅ sih deniṅ tan vənaṅ apasah, taha karika katolih ṅvaṅ denta kari pəjaha, ndi kari manisiṅ ojar tan kesyan śapatha haji.Stanza numbered 384 in . yadi larisa riṅ eñjiṅ rakryan havya ali-alin, niyata tumuta ta ṅvaṅ sakvan selvan adulura, yadi pəjaha sukha ṅvaṅ yadyan sora kita hələm, kadi vahu-vahu kāṅvaṅ kuṇḍaṅ-kuṇḍaṅa riṅ ayun.Stanza numbered 385 in . nahan ujarira marma mlas harṣa ṅətəri hati, saha luh i mata milya drəs hisnya avan i pipi, nr̥pati sira mamak-pak mojar lvir madhu tinakis, vacananira kadi pyah tamba-tambaniṅ ataləh. o.Stanza numbered 386 in .
ariṅkv induṅ vruh ṅvaṅ ri ali-aliniṅte ṅhulun ibu, tuhun marmaṅkva taṅgəhi kita yadin milva lumurug, ivə̄hiṅ praṅ yadyan ṅvaṅ arivega tar top ṅvaṅ agigu, rusithiṅ mārga séṅkan ajuraṅ alas durga paraṅan.Stanza numbered 387 in . kunəṅ yan rakryan monəṅa lavasa takviṅ para-paran, vacan sambat-sambatku kavəkas umuṅgviṅ karas alit, paraṅkv iṅ lambaṅ yeka rasa-rasananteki yan akuṅ, tan olya ṅvaṅ yadyan puri-purik haneṅ jro pakasutan.Stanza numbered 388 in . lavan pintaṅkva iṅ bibi saṅu təṅah sampun aṅisis, səpah saṅke caṅkəm paséré-séréhankv ikin anuku, dhadarkva siñjaṅ sah ri panəpi sumar yeki palakun, rəṅihtatma rakṣāṅkv aṅən-aṅənaniṅ tvaskun alaga.Stanza numbered 389 in . tuhun pavat-vatniṅ hulun i kita maskv iki tariman, vruhante gə̄ṅ riṅ sih pakiri-kiriyaṅkv i kita tuhan, laṅəniṅ kiṅ-kiṅ cumbana vəkasi rumniṅ karasikan, puputniṅ rāga misyani samaya śr̥ṅgāra racana. o.Stanza numbered 390 in .
huvus nr̥pati muṅgahiṅ jinəm aṅalihi turida miniddhyaniṅ smara, rarasniṅ ujar asrah aṅrahati sojar ira kadi juruh lavan madhu, baṅun salaga maṅrəṅa gərəh ateki turida niran aṅdadak məkar, savaṅ bhramara matta muṅgvi səkariṅ kumuda turuṅ avarsih iṅ gati.Stanza numbered 391 in . sapolah ira teki yén paḍa vicakṣaṇa manəkani senakiṅ hati, anan kavatək aṅgaməl-gaməl anan pamalaku vhiliṅ tapih suji, ané gulu silih vilət-vilət ateki luṅayanira tan salah dunuṅ, kirinciṅ ikanaṅ kalé susu numuṅgvi vətis ira baṅun kinaṅsyakən.Stanza numbered 392 in . anantara tiba tikaṅ ghaṭita piṅ lima huvusiṅ amukti saṅgama, paḍa mrém iki séṅ haneṅ jinəm aṅgarvani huləs apupul silih pédhak, ndatan ana vikalpa solahiṅ aṅéka tana paḍa madum-duman lulut, təṅahnira turuṅ kasah ri luṅayan nr̥pati tuhu makəmbulan hurip.Stanza numbered 393 in . gumanti tucapən para prabhu kabeh balasah apəga tan kəneṅ turu, paḍa ṅaṅən-aṅən ri tiṅkahaniṅ aṅlagana mapaga śaktiniṅ musuh, lavan takisaniṅ silih praṅa silih tutuga musala bajra tomara, hana ṅiṅət-hiṅət dhanur dhara samaṅ-haləpa yadin umuṅgva riṅ limén. o.Stanza numbered 394 in .
sakvehniṅ bala yodha garjjita paḍa gya-dan harəp maṅkata, sranta-mbéknika yan paṅanti paṅarah hetunya maṇḍəg muvah, radga mvaṅ palaganya sampun atihaṅ vahvas curik saṅkəpan, eñjiṅ rakva pilih vaṅundhahina ginya-kén maṅantyaṅ sabhā.Stanza numbered 395 in . tinyap taṅ kula saṅka ghūrṇita umuṅ goṅ kéndhaṅ mtya-dbhuta, hetunya bala samprayukta padhadhan ṅanti vijil saṅ prabhu, névi vvaṅvaṅ gaja réṅga vaji marasuk saṅkəp kabeh sayudha, sar sə̄k taṅ vataṅan təkeṅ ləbuh agə̄ṅ tan pantara-tip ḍəḍət.Stanza numbered 396 in . umvaṅ tanpa paruṅvan atri gumuruh taṅ śabda tan paṅkuré, nvaṅ pahyaniṅ asiṅha nada kumətər himpər sarakniṅ tasik, paṅhrikniṅ gaja matta ghurna maparəṅvan iṅ laṅit katara, lyab taṅ rat kadi koncaṅ andha bhuvanan kandhég baṅun kabvatan.Stanza numbered 397 in . samanta prabhu vīra sampun arəpat lavan bala hya umuṅ, saṅkəp taṅ géja sévu riṅ sajuru ya-dhém tan kavoran dudu, téṅranyo –jvala kumlab olah aṅalimpva-néka varṇa dyoti, apan ca-prabhu-sa-prabhūttama madudvan vīra cihnéṅ raṇa.Stanza numbered 398 in . samanta prabhu uhaya pupul anaṅkil muṅgu riṅ samaja, nvaṅ vadvanira rotta-rotta matihaṅ kadganya has saṅkəpan, nuṅgvi asva sahasra len kaṅ aḍarat movi-vu laksa pupul, kapva-dhém ya makandha-kandha savatəknya tuṅgalan témara.Stanza numbered 399 in . saṅ śrī nātha mijil sakeṅ pura sira-dan maṅkat apadgata, sampun mahyas abhūṣaṇa-rjja suména ratnanya muṅgviṅ jaja, śīghra-dan maṅadəg siréṅ gupura harṣan tén vatək éhaya, lavon saṅ prabhu sevaké-aji padhāṅgéṅ bhékti tan laṅghyana.Stanza numbered 400 in . nakryan saṅ mapatih vidagdha ta sira mvat ryājña saṅ bhūpati, kapva dan-dan aniṅka-niṅkaha ri lampah saṅ vatək yuddhaga, apan ṅhiṅ vinuvun vicakṣaṇa yan iṅ byuha pagəh kottama, təkvan yatna riṅ hiṅgita vruh i rusitniṅ praṅ huvun vadaka. o.Stanza numbered 401 in .
ndan śrī magadha pati pancadhasiṅ laku sabhūṣaṇanira pinasaṅ, muṅgu iṅ gaja abhinasa sukla varṇa kadi parvata hima sumaput, svéta-mbhara védhihanireki śuddha tinulisniṅ aruṇa didhiti, mvaṅ cakra ri vurinira hira culanika dipta salaga suména.Stanza numbered 402 in . vadvanira ana gaja sévu matta ya tinampil ika kavigaran, siksanya paḍa kavasa paṇḍitéṅ tarali saṅku kaya gaja pati, saṅkyaṅ ruhu-ruhunan aṅimbaṅiṅ sira kr̥ta-rtha mayasa riṅ ayun, védurya pinahat shaləp karahnya marasuk ana matapu-tapu.Stanza numbered 403 in . péka yudha piraṅ ivu laksa bhīṣaṇa pénuh pracalita gumuruh, téṅranya kadi jaladha cancalo-jvala tinubniṅ anila sumahab, radganya nisita kuməḍap kilatnya guru vindanika ya dumilah, śabdanya ana kadi gélap sahasra ya manambora acala sikara.Stanza numbered 404 in . harṣāmbək ira nagadha raja sahya miyatiṅa aruha-ruhan, krura ṅgétém maṅadəg i réṅganiṅ darirada matta palagan agalak, daṇḍa yudha pinutér ira-kivan ri téṅénan ana sili-silihan, lagya lagi-lagi takisiṅ silih palu ya kādbhuta tinakisakən.Stanza numbered 405 in . ṅkāne vuri narapati yaṅga rajya ana riṅ ratha kanaka maya, vé kram ta makuṭa nira/rakta kadi pavaka səḍəṅ umurub, /dipta vastra-rjja védhihanira gandha késara subaddha mapamulu tatur, abhra dhanuh i taṅanireki taṅkalak umuṅgvi ta kuraṅa nira.Stanza numbered 406 in . sakvehni balanira haneṅ pinati paḍa vīra nipuṇa riṅ ayun, malyala curiga ana bajra konta ana tosara palaga tuvuk, sarvva bharana carama vīra cihna savənaṅ-vənaṅ ika rinasuk, cipta kara i jaja mapadma rāga pinatik mata-mata lumarap.Stanza numbered 407 in . vadvanira rata hampak-hampak avijah raga-ragan avéra, sar sə̄k sésék asélur atindih hopék apəḍək-pəḍəka silih hidhék, raktaṅ dvaja paḍa kumélab ravisni palaganya kumutug avilət, rupanya namadha badhava gni maṅgéséṅana tribhuvana bhavana.Stanza numbered 408 in . mvaṅ vīra taruṇa mapupul pinik paḍa gunanya pamaja sinélir, saṅkəp sikəp ika mavataṅ papan paḍa vidagdha vinani mapupuh, siṅhəlnya mapati-patihan karahnya salivah paḍa taya linévih, dévaṅga cari-carikan ojvala-bhra kavacanya ya makara-kara.Stanza numbered 409 in . goṅ (géndhiṅ) kéndhaṅ i harap ira ghūrṇita tara-tara dvaninika karəṅa, yeka ṅgugah i manah ira kasiṅhan ati dhira sumaput i hati, yatna ṅgénéṅi laras irekivan paha vélun təhər hinayatakən, mvaṅ hrunya ana maka hiṅan ri karna patitisnya tiṅət-iṅətakən.Stanza numbered 410 in . ryaṅkatnira narapati sṅhalo-gra kadi siṅha variṅut agalak, muṅgviṅ ratha mani maya mantén éndah ati bhīṣaṇa tara suména, syama réja pamulunika sinaṅliṅ i kəḍapniṅ abharana lumə̄ṅ, nabhraṅ kavaca mukuṭa vidrumo-ttara su-bhaskara sama dumilah.Stanza numbered 411 in . rakta dhika ya pinakabau daṇḍanira mambaṅi ri vuri nira, lakyaṅ kuda makuda-kudan vidagdha mamutér palu-palu ginéga, kruraṅ kavaca vési capiṅ-capiṅnya nava ratna salaga kuményar, kila pracala séna su-jvali jaja karahnya sahaja tinatur.Stanza numbered 412 in . séna ḍarat i harəp i vuntat atri manabéh padhai vija-vijah, sambartaka mavilət akét dvajanya mahirəṅ paḍa kagiri-giri, matta ṅamah-amah aṅunus kr̥tala mala kétu lumarap i taṅan, himpərnya gana-gana bhaṭāra bhérava tékāṅrimaha ripu kula.Stanza numbered 413 in . dhira-mbék ira lumiyat iṅ bala dhika mahém hilaṅi musuh ira, dagdha ṅgéséṅi tamah ikaṅ vréko hati niré-jvala tara kumutug, hetunya aténiṅ alilaṅ kasiṅhanira tan hana pati-patihan, muṅgviṅ gadanira huripiṅ musuh kahiḍəpanyan iṅiliṅ-iliṅan. o.Stanza numbered 414 in .
maṅkat śryavantinātha haləp asinaṅ ikaṅ bhūṣaṇa bhra prabhanya, muṅgviṅ asthya ruhur pat gaḍiṅ ika lumarap ratna réṅganya muncar, rvekaṅ catra kuniṅ lvir kanigara suməkar kusya raganya kumram, sə̄ṅniṅ cakra-taṅan lvir śaśadhara mavélu dipta sampun sinaṅliṅ.Stanza numbered 415 in . vadva néka praviro-ttama ri vurinira tuṅgalan taksa madrəs, kadga jyo-jvala mr̥tyu-njaya sama pinéniṅ santalanyé gra béjra, len tekaṅ paṇḍitaṅ daṇḍa musala ginéga sula len bindhi sala, vah riṅ mas bhūṣaṇanya réja paḍa tinatur lvir gunuṅ kancana bhra.Stanza numbered 416 in . sakvehniṅ peka yodha ḍarata sukha matambéh paḍa siṅha nada, śabdanya hya umuṅ ghūrṇita kadi sinaṅéṅ svarga kagyat vatək hyaṅ, kumlab taṅ taṇḍa dumra kréti maṅalad-alad lvir hélarniṅ kagé-ndra, ginval taṅ bhéri hunyaṅ murava saha kala saṅka masraṅ maganti.Stanza numbered 417 in . dudvaṅ sampun dinanan ana ri hiriṅ iran vvaṅvaṅ pinik kavaṅanya, sélvirniṅ ratna mulya bharananika tinémbaṅ gunanyéṅ raṇāṅga, katvaṅiṅ kala daṅstra-dbhuta curiganika lyus anaṅ asta lila, lantaṅ-lantaṅ vara-stra-rjja tuluka kuməḍap bhavananya tulis mas.Stanza numbered 418 in . maṅkin harṣekana-mbéknira miyati rəgəpniṅ maha séna śakti, umvab taṅ krédha muṅgviṅ hati mapanas ikaṅ dhira maṅde kasiṅhan, midər taṅ cakra himpər képér i taṅan ira ṅkériṅiṅ bhaskarāṅsu, lvīryan kadya harəp jiva manaḍaha baṅun harṣa méṅis vajanya.Stanza numbered 419 in . ṅkan lampah śrī kaliṅga dhipa ri vuri huvus maṅrasuk ratna cihna, mornaṅ mvaṅ bau rakṣa-rjja mukuṭa suména séṅniṅ cuda maninya, śuddha lyus raja siṅha-mbara védhihanira mrik huvus gandha lépa, sahya nuṅgaṅ siré-réṅga mani maya hinéniṅ maha taksya turna.Stanza numbered 420 in . mottaṅ rodra prihiṅ praṅ marək i sira paḍa tuṅgalan kadga tikéna, yatna nampil gaja nindya maṅuliṅ inakusnya ṅrék asiṅha nada, sambya ṅulvala kandha-dbhuta pinutérakən lvi tathit saṅghya masraṅ, intén kévala lumréṅ jaja karah atatur mvaṅ lajur séṅka-séṅlan.Stanza numbered 421 in . len taṅ vadva ḍarat bhīṣaṇa paḍa kalalah mahyun skirtya riṅ praṅ, kapva hya sumba-sumbarnya tau pinakajiva-ntaniṅ śatruśakti, patrém vahvan curik mvaṅ karatala ri taṅannya-rddha sampun minuṣṭi, tuṅgalnyé-lah baṅun megha marək iṅ aruṇa vyaṅnyan anéka varṇa.Stanza numbered 422 in . ndan vantən siṅha viréṅ raṇa pamaja nira-dhém haneṅ kéri tan sah, dhira-nvan tus-tusniṅ rottama gana kula-kulanya dhikéṅ dharma yuddha, malyala kadga pinrih kanaka tapu-tapunyéṅ hulu mvaṅ karah mas, simpiṅ-simpiṅ kurugnya réja pati-patihan kambala bhra rinaṅki.Stanza numbered 423 in . dhira-mbék śrī kaliṅga dhipa kadi vinarah saṅ təkapniṅ kaśaktin, jvalani tvas lumiriṅ sukha maṅiṅah-iṅah tan aneki tinaṅgél, mundhodho-kaṅ lipuṅ bhīṣaṇa kadi muburaṅ sapta patala yar ton, nitya rumbah dagiṅniṅ musuh aṅira-hira praṅ muké-sri narendra.Stanza numbered 424 in . maṅkat srya-rjuna kadga taṅ paḍahi bhéri murava kala saṅka maṅgala, muṅgviṅ syandhana ratna saṅghya saha bhūṣaṇanira mani ratna bhāsvara, nirmo-kaṅsuka karni kara suci vastranira kinédhapiṅ siva jyuti, malyulaṅ kr̥ta parmata-rjja kinaluṅ-kaluṅakəna haləp haneṅ gulu.Stanza numbered 425 in . rvekaṅ catra huvus məkar mabuk-akundhur adhanuh anamar nisakara, daṇḍanyeki su-varṇa saṅhyata sinaṅliṅiṅ aruṇa su-parna bhāsvara, diptaṅ capa ané kivanira minuṣṭi təlas inabhi-mantra sasvata, naracanya siyuṅniṅ antaka mara nagihakəna ri jivaniṅ jagat.Stanza numbered 426 in . rakryan saṅ mapatih siré-harəp aṅimbaṅi ri laku natréndra tan madoh, mataṅga-njana matta vahana nira-dbhuta maruhur apūrva bhīṣaṇa, rundha karmani punja tiksna lumarap bhramita pinutér ujvalo-ttaṅan, kasraṅ deni sénanikaṅ savit umuṅgvi jajanira maṇīndra kostubha.Stanza numbered 427 in . vadva-néka diniṅ nanarpat aṅiriṅ saha turaga huvun bhinūṣaṇan, kandhandanya sivit tatur paḍa vidag-dha tau sinara bhara riṅ musuh, mvaṅ momo madha tanpa mulyani huripnya yasa jugaṅ hiniṣṭi-kéṅ hati, mimpér parvata dhuma kétu panéṅérnya dasādisi mava tiniṅhalan,.Stanza numbered 428 in . mvaṅ sakveh prabhu éhaya ṅiriṅ aṅimbaṅi ri suri ané hiriṅ nira, mévi-vāṅgaja réṅga ratna ratha vahana sira kadi éma parvata, saṅkəp sampun amusthi sañjata sama ṅinaki sikəp ika ndatan salah, dudvaṅ tomara bhindhi vala sara cakra musala vara bajra hémani.Stanza numbered 429 in . sasri varṇa para prabhūttama sabhūṣaṇanira kumadhap nira-ntara, nimpér devata saṅhhya rupanira nahyaṅ arəja paḍa śaktya nindita, mrém tāditya su-baṅsu tapva miyatiṅ mukuṭakiraṇa hira sandhala, andhekiṅ bhuvana-ndha yan taya sabhūṣaṇanira paka suryaniṅ jagat.Stanza numbered 430 in . buddhi śrī naranātha harṣa miyatiṅ para ratu paḍa vīra nu-srama, yadyan svarga vuvus nira-ki rarahén-ku kakavaśa manuṅkulo ryaku, maṅke pvan ari rama cūrṇa niyatanya paṅucap ira dhira tan salah, lavan saṅ kavi rāga rtuka ané vurinira marək aṅavin laras. o.Stanza numbered 431 in .
taṇḍa dhika madulur i vuntat atri gumuruh gagana tala pəpət, kothya balanireki bala ginégénya musala nisita, (?) muntab dilahi layu-layunya kadrəsén aṅin gumivaṅ avalikan, liṇḍuṅ bhuvana kapéləṅən təkapi kétuṅiṅ gubar amaji kapa.Stanza numbered 432 in . lampahni balanira samuha tan pagat apantha maruhu-ruhunan, lvir guntur aṅaraman alas juraṅ gunuṅ hinambah alubut hinidék, gémpuṅ kayu-kayu kadi vagrah adbhuta sila tala kadi ginugah, tég ghér svarani pakétébiṅ gaja sva ratha vinlég alég apəḍək.Stanza numbered 433 in . lvirniṅ kahala atisayaṅ maha-dbhuta juraṅ lvah adaləm agənət, tut lambuṅiṅ acala ri vindya parvata hiriṅnya təpi-təpi kidul, rug bhraṣṭa sikaranika kogah arddha gumivaṅ kṣititala kumətug, vuṅkal rémék apadu təṅahnya dulu məlek kandha gagana vəki sék.Stanza numbered 434 in . saṅhara kahiḍəpan i lampahiṅ bala samuha gumuruh asélur, lvirnya gni guméséṅana panca bhuta téṅéranya dumilah umurub, kadganya nisita kadi mr̥tyu dhaṅstra lumarap kakiricik akilat, nvaṅ lvir para ratu sata rudra rodra sakala-dbhuta kagiri-giri.Stanza numbered 435 in . byatīta lakunira ləpas aneki palagan katəmu təkap ira, vaṅkrahnya palagan avathaṅ papan kajulanah katəmu ləvas avuk, mvaṅ syandana tikəl apasandhi cakranika kéri kalilih apasah, lénya-stika vavayah atap kapala kamukan trana vahu tumuvuh.Stanza numbered 436 in . deśa-dbhuta ri təpi-təpinya dharma riṅ husana masamun amukah, śīrṇa gupura kahabalaṅ anyar katuvuhan kayu-kayu rumahab, bapranya lumajur aruhur sila tala binajra maputih aṅisis, kayvanya ana kari mavandhira-rjja jari paṅaya ya paḍa (maruhur) masulur.Stanza numbered 437 in . ṅkano kidukita ana poh mahanya kari ruksa ya huvus atunu, kamvagan asəkar i natarnya maṅhébéki len patula maṅalasa, vaṅkenya mahaṅir aṅisut ləvas pinaraniṅ səmut adulu-dulur, lumpaṅnya ya ana magilaṅ-gilaṅ palésaṅanya ana alut adin.Stanza numbered 438 in . maṅkin lakunira lumurug ndatan ana vikalpa gumuruh abaruṅ, sakvah para ratu paḍa garjjita ṅamah-amah saha bala masurak, agya ṅamuk aṅalapa jivaniṅ musuh amékana hulu riṅ ayun, mvaṅ deśa sika paravasan yateka rarahén géséṅana rabhasan.Stanza numbered 439 in . sakveh saṅ atapa ri pamiṅgiriṅ gunuṅ arés mavédi giri-girin, kapva lulunan akətəran kabeh paḍa musir sikara masusupan, sāsiṅ kahənu təkap ira-ki bhasmi ana deśa juraṅ alas ṅéṅ, lvir sāgara balanira mombakan gaja rathanya ya maṅalun-alun.o.Stanza numbered 440 in .
bhavisyati ləpas narendra anan aṅhinép sumélaṅ iṅ avan saha bala, ḍatəṅ sira rikaṅ təgal pabharatan samipanikaṅ asramāṅgəgər i sor, banaspati tahənya kādbhuta képuh saraṅ ana kukap ragas katuléjég, édumbar adavat kagunturan ikaṅ sila tala matis dukut lamur akét.Stanza numbered 441 in . patémvan ikanaṅ nadhi suci banynnya madrəs iki sapta tīrtha mapupul, gəgər tutugéniṅ maha giri kidulnya sapta kula parvata-dbhuta magə̄ṅ, lébanya ana sévu yéjana dudug téké tapinikaṅ catur jalasidhi, narendra mabhavah siré-rika para prabhūttama paḍa mrih akuvu-kuvu.Stanza numbered 442 in . bala sraṅ arépét padhati ya tiniṅkah akrama huvus dinaan apagəh, ikaṅ gaja paḍa ṅhrik asraṅa sasiṅha nada kuda śuddha sampun arasuk, umuṅ təkapi śabdaniṅ murava bhéri sunda kala saṅka ghūrṇita nulup, svaranya kadi śabdaniṅ gélap aghāṣa sévu ya manambar adri kumupak.Stanza numbered 443 in . paḍa vri malayu kénasnya sahaneṅ sukət kabarasat paḍa mrih anusup, lavas vrésabha riṅ təgal-təgal apantha-pantha ana sévu kagyat slayu, nusir gunuṅ alas anan masaoaran mareṅ lvah adaləm təgal-təgal adhas, aneki kari tuṅgal adbhuta masiṅha nada təhər aṅdapur tar atakut.Stanza numbered 444 in . narendra numulat kapuhan ati bhīṣaṇanya kadi ciṅha rodra magalak, siraṅ paraśurāma rakva maka drévya ctunika śakti dhira matéhén, ya ctu naranātha umvub ikanaṅ panas hatinireki maṅkin abutéṅ, ratag sahauniṅ bala ṅapusa śīghra yar téka vaseki sampun apagəh.Stanza numbered 445 in . ikaṅ tapa-tapa-hvan avri malayu musir patapan arddha śīghra tumuluy, téka vara-varah satorasi manəmbah adhara ri jamadha gni samuyug, ujarnya ana teki śatru téka manjarah vrécabha dasta ya ṅapa karih, nuvus hibék ikaṅ təgal pabharatan təkeṅ juraṅ alas gunuṅ vəki pénuh.Stanza numbered 446 in . yateki vilasanya rakva suburekiṅ asrama ya cūrṇitan təkap ika, maṅadva kaparākraman malavané bhaṭāra guru havya teki uménéṅ, apan bhisama bénti mati kula gotra saṅhulun apéki dhana ta husus, mapa kira-kireki lampaha bhaṭāra aysa juga tan prayatna riṅ ulah. o.Stanza numbered 447 in .
yatna dandan siraṅ rama parasu ana riṅ syandhana lva bhīṣaṇa, anpukiṅ yoga śīghrar téka hinaṅən kalaniṅ dharma yuddha, laṅkap sampun dinanan kavaca saha capiṅ hru təkeṅ taṅkulaknya, kruraṅ aṅga avāgə̄ṅ jatha mukuṭa baṅun kala rodrāṅga kara.Stanza numbered 448 in . maṅkin sahya rasuk bhūṣaṇa mani sapaninskaraniṅ déva saṅghya, ndah rakva nugraha hyaṅ parama siva lavan sendikanaṅ kaśaktin, lon tekaṅ kundala bhra apaṭikā kadi vulan séṅnya riṅ bau lumraṅ, acédya-tya-dbhuta grahya sira ri ananiṅ sarvva santyo-pa kara.Stanza numbered 449 in . rəp śuddha jñāna sarvva radhana kinénakən saṅhétiṅ mantra siddhi, prāptaṅ gandharva vidhyadhara saha bala kosa dulur vahananya, sar-sék lumréṅ bhuvah loka ṅamara bala kapvāṅrégap sañjatanya, yaksa mvaṅ rakṣasa-dhém piśāca gana-gana bhuta détyāṅga saṅghya.Stanza numbered 450 in . ryāṅkatniṅ déva saṅghya nduluri laku niran rama sampun sénaddha, saṅkəp muṅgviṅ gaja syandana turaga mavastra-rjja dévāṅsuka bhra, salvirniṅ mulya riṅ svarga ṅabharana niké-ndah taya-martya loka, mimpér vintaṅ sumunviṅ gagana kapuratak saṅśaya kveh matambéh. o.Stanza numbered 451 in .
ṅkāneṅ harəp ira citraṅgadha mahavan sakatha sakadga, réṅganya kanaka sandhyanya kuməḍap avyaṅ gagana kasénvan, vidyadhara maṅiriṅ pik-pikan ika suréṅ raṇa paḍa śakti, dhira nvam akula késiṅ sara pada téṅranya patavala bhra.Stanza numbered 452 in . rotta dhika pamaja rvaṅ niki umapit muṅgviṅ hiriṅ ira-rpat, ndan vanya musala konta kavaca tatur hira dhara capiṅnya, matta jənu masəkar campaka tinajug muṅgvi gəlaṅan aśrī, sampun pinaha-sukaṅ bhoga surasa yéko-ttama madhu parka.Stanza numbered 453 in . muṅgvi vuri sara gandharva pati siraṅ citraratha nimba, sarvva bharana muṅgviṅ sakatha hiniriṅ haya cada kaddhas, vadvanira maṅiriṅ lvir latu-latu sabhra kanaka sinandhaṅ, cakrar yudha pinatih bajra cakala kodaṇḍa sama sabhaṅsa.Stanza numbered 454 in . gandharva pinuji suréṅ raṇa kalilipniṅ sura ripu śakti, tan sah ri sira rumakséṅ raṇa bhaya taṅ saṅ ndani vara yuddha, téṅgranya jaladha kr̥ṣṇa-nda kinédhapiṅ sodhamani təpinya, lvir sāgara pasaṅ astya-dbhuta pamépékmiṅ bala paḍa mahya.Stanza numbered 455 in . vidyadhara taruṇa nvan rikita haneṅ kunjara saha konta, ratnāṅga dhi lita avay-dhika vékaniṅ rotta sura su-rakṣa, matambalan ikakar-svaṅ padha-padha tus-tusniṅ smara sura, déva-mbara védhihanyo pati-patihan bhūṣaṇa mani ratna. o.Stanza numbered 456 in .
ṅkāneṅ déksina ratna séna pinatih sahya ṅadəg riṅ liman, muṅgviṅ bama surat rajanya sépasaṅ riṅ dhira vīra nulus, vadvanya-dbhuta sévu taṅ mapalaga patrém curik saṅkopan, téṅranyāṅsuka éma śuddha tinalisniṅ sandya kala kilat.Stanza numbered 457 in . ndan saṅ śrī vara citra séna pinakatuṅga graniṅ sañjata, lavan devata saṅghya sésinikanaṅ svarga ṅiriṅ bhīṣaṇa, laksa-laksa pireki tapva vilaṅiṅ vadvanika kveh dahat, sarsék taṅ padhabur bhuvah svah shiṅan taryanta limpad ḍəḍət.Stanza numbered 458 in . sakvehiṅ gana bhuta rakṣasa lavan daitya ṅuhuh ghūrṇita, saṅ nandādinikaṅ haneṅ gagana dik pūrva papal bhīṣaṇa, tikana lva badamanya yo-nutitakən muṅgviṅ taṅan tan kara, śabdanya kupik ahyun anapaha téndhaniṅ musuh tar vaneh.Stanza numbered 459 in . muṅgviṅ dakṣiṇa deśa bhuta gana yan riṅ śakti tan pépama, khyātiṅ rat vara mata arta jinurun anéka vadva dhika, avyaṅ bhavana tulya varṇanika maṅda katakutniṅ mulat, kadganyeki padha-ti tikana təlas aṅhrét téṅgékiṅ dur-jana.Stanza numbered 460 in . ṅkāneṅ paséima sirsa bhuta pinatih sahya-ti rodra-dbhuta, lampahnya sru paḍa ḍarat vija-vijah śabdanya muṅgviṅ laṅit, lindhu taṅ bhuvané-lah arddha gumivaṅ guntur tikaṅ parvata, katrag-katrag hinambah ogah arémuk vuṅkal madadya héni.Stanza numbered 461 in . parnah lor mahavan tasik jaladhara rampak paḍa bharava, vattaryādinikaṅ maha bala baṅun kala-ntaka ṅinḍarat, mékél romanika-ksi mulyar avélu kala gni sākṣāt murub, dhaṅstranya adu kundhalinya lumarap himpər jahitniṅ laṅit.Stanza numbered 462 in . ndan saṅ śrī vara bhuta raja ri təṅah mundhéndha-kén tomara, séndhuṅ bhīṣaṇa bayu bajra cara śīghra nindya tan popama, saṅkəp bhūṣaṇa manja lépa masavit madhya səkar lélika, mornaṅ locana len səkar taji niran susthé-naṅit sobhita. o.Stanza numbered 463 in .
śīghra praté-kanaṅ taksaka maṅalad-alad sapta jihvanya rodra, sarsék saṅke rikaṅ patéla mavilət akét lvija loka-dbhuta-dhém, sémbur-sémburnya lumra misani visanika lyus maha tiksma danta, ṅak ṅak ṅak ṅak svaranya baṅun atanya-tanya ryuṅgvaniṅ śatruśakti.Stanza numbered 464 in . sampun prāpteṅ təgal nandaka bhavana vatək vīra yodhan padandan, sakvehniṅ yodha paḍa ṅibéki paya pa-tan kavruhan yojananya, saṅkəp vidyadhara gandharva piśāca gana bhuta yaksāṅga daitya, ndatan svaṅ apraṅa pan səḍəṅ amahudéṅan lvir təḍuhniṅ samudra.Stanza numbered 465 in . ndan saṅ śrī rama medran rathanira miyatiṅ śatru sampun sénaddha, yekan śīghran kacundhuk nr̥pati huvun adan mvaṅ vatək rhaya dhép, āścarya-mbak niraṅ rama parasu lumiyat saṅśaya tvas tumaṅgah, yatna nantvé-vuvus santika mumépér atakvan siréṅ bhumi natha.Stanza numbered 466 in . é saṅ yuddha dhara mvaṅ paran iku kita mataṅnya limpad haləp-ta, rajanya-néka raja dbhuta kita ta kunəṅ toh varah ṅvaṅ təkapta, lavan yan déva riṅ svarga tumurun harəp madva géṅniṅ kaśaktin, marma tan visvasé ṅvaṅ gana-gana maṅalap drévyaniṅ bhiksu jati.Stanza numbered 467 in . ndatan maṅko-lahanta bhuvana pati sada ṅrakṣaké-ayvaniṅ rat, ndan havya sampé-yiṅ sādhu kétika kita tékya-mbékiṅ tuca jati, yapvan saṅke harəpta praṅa maṅusira kirtya harəp dharma yuddha, ndi rama-ntén mavédhyaṅ raṇa bhavana yadin devata tan kavédhya. o.Stanza numbered 468 in .
néjar siraṅ paraśurāma maṅaṅkas-aṅkas, ndan srya-rjuneki sumahur saha dagdhaniṅ tvas, é rama tiṅhali mukāṅku təkap-mu mojar, avay haṅan raga-ragan-mu tatan vruhiṅ tvaṅ.Stanza numbered 469 in . sojar-ku sarjava yateki réṅan təkapta, hyaṅ hyaṅnikaṅ rya-nusa nagara tāku tan lan, rajādi raja kula khayavan-ku śakti, aṅhiṅ panambhahanikaṅ bhuvana-ndha raja.Stanza numbered 470 in . mvaṅ donku yan ḍataṅ iko kahanan-mu maṅké, aptya praṅ aku maka balya riko céṅél-mu, apan huvus kakavaseki hurip-mu deṅku, yan tan mupa-ksama sumambah i pādukāṅku.Stanza numbered 471 in . ndan yan lumaṅghyananika mvi-vuvus-ku yakti, téṅgék-mu yan prasakənaṅ isu tarjanāṅku, ndah yeka suṅgu ri taṅan-ku paran liyat-ko, tan yeki mārgani hurip-mu mareṅ yama-ndha.Stanza numbered 472 in . é tuca éhaya kula prabhu hina śakti, lva-mbék vəkas-mu liyati ravi candra visnu, sambat kadaṅ-mu hara dur-jana tuca jati, laṅkap-ku yeki umaristha-kéné hurip-mu.Stanza numbered 473 in . sakveh niké tuha-tuhanyu maha viśeṣa, saṅ śrī narārya kr̥ta vīrya maha prabhava, ṅhiṅ sya-rjuneki ya manyampuri papa karma, hetu-ṅku matyana ri ko yu mapa-mbéka-mva.Stanza numbered 474 in . bhoh praṅ satāku hara bharghava havya mundur, śakti-ṅku yeki rumimah-rimah éṅ hurip-mu, nahan sahur nr̥pati méjar (adava-davan) avada-vadan, méṅgép tikaṅ dvaja makon bala yodha maṅgava.Stanza numbered 475 in . śīghraṅ bala ruha-ruhan masikəp tumandaṅ, krépniṅ musuh ya tinujunya vinuk tinaṅgul, tog-tog kétug patakisiṅ palagan asuṅgat, len taṅ silih suduk aṅənta ana-nduk amraṅ.Stanza numbered 476 in . taṅkép tikaṅ praṅ asélur paḍa sura dhira, vidyadhara lvaṅ ika sévu matiṇḍih opép, len taṅ vatək ry anupa ginrék atambah alvaṅ, bhutāṅga rakṣasa kubandha ya kéndhit alvaṅ.Stanza numbered 477 in . ghor ghér umuṅ pasurakiṅ bala déva saṅghya, muṅgviṅ gaja sva ratha parəṅ tumandaṅ, yatna ṅayat laras anéka huvus minantran, bananya varṣa sama tan hana tan tumaṅgél.Stanza numbered 478 in . maṅsa haneṅ dvirada éhaya séna śakti, maṅgul paḍa gada-gadan tinujunya kaṅgék, gandharva kinara bala sura-sura śakti, kédék tinaṅkis hinirup sinuruṅ rinampak.Stanza numbered 479 in . maṅkin katambah ikanaṅ lvaṅ anéka varṇa, lvir parvata kunapa kétu valahakanya, milyaṅ rah adbhuta ya sāgara tulya madrəs, asvāṅga kunjara rathāṅga rémék karaṅnya.o.Stanza numbered 480 in . uṅ-niṅ vīra masiṅha nada kumətər lvir béntaraṅ patala, kumlab taṅ dvaja rakta sampun aṅadəg muṅgviṅ sabha maṇḍala, tiṅkahniṅ raṇa yajña sastra ginəlar saṅ vīra siṅhéṅ raṇa, hetunyan paḍa tan hana hat-i hurip yan matyana-matyana.Stanza numbered 481 in . gandharva dhika daitya rakṣasa masa parəṅ rəgəp sañjata, kantar mvaṅ badamanya capa vinaték mévi-vu silih mukha, taṇḍaṅnya mraṅ ikaṅ makandha tinakis riṅ bhindhi vala pagut, paṅga təṇḍas ikaṅ vaneh kəna sinapvan pan tasép taṅ vulat.Stanza numbered 482 in . krodhaṅ rakṣasa timbul alvat aṅusi gadanya gaṅsal dhépa, sép téṅgéknya pəgat cinakra vinalés taṇḍasnya sampun tiba, mimpér dhatu saka gulunya rudhirāṅlandhéṅ savaṅ pañcuran, kaṅgék riṅ vatu hira bajra katiba lvir uṅka pata-dbhuta.Stanza numbered 483 in . len tekaṅ ana riṅ ratho ratha-rathan mvaṅ vīra vidyadhara, midər kadga niké-taṅanya pinutér lagya salah sayaka, mantri éhaya vīra dhira maméniṅ kénta-ti tikana luṅid, ṅduk tekaṅ sura rotta pantəs agaliṅ maṅduk ya riṅ tomara.Stanza numbered 484 in . yatna vīra sumiṅgah amrih aṅunus patrém végéd tan kara, suraṅ sarathi dhira yāṅrurokakən dadya parək taṅ kuda, lumpatnya kalihan rathan silih usi lagya hurup sarathi, krurāṅdagdha silih tujah paḍa vidagdha lvat ndatan pokihan.Stanza numbered 485 in . sor tekaṅ sura rotta asta kasikəp jə̄ṅ karva sampun avis, jambakén taya riṅ ratha bhra sumirat ratnanya muṅgviṅ ulu, rəñcəm tanpa bisa tiba kahabalaṅ saṅke ruhur syandana, mumbul rahnyasaké jajanya linud iṅ kénta pəjah kesisan.Stanza numbered 486 in . avrég taṅ bala kothi laksa piyuta lvaṅ tan hana naṅgéli, bhrastaṅ rakṣasa kinara vri malayu kveh mati tapvan kanin, sandhaṅ-sandhaṅan arja siṅhəl akaluṅ len taṅ karah tiṅgalan, gandhi mvaṅ palaga vataṅ kajulinah patrém curik saṅkəpan.Stanza numbered 487 in . maṅkin śīrṇa vinuk tinut sinusunan de saṅ vatək éhaya, hru śaktyé-nupas aṅ-huvus ləpas hinadyutéṅ sva mantra dhika, len tekaṅ tinuhuk dhinandha sinuduk dudvaṅ kénéṅ mārgana, akveh taṅ mati kédékan kapipitan révaṅ savétniṅ sésék.Stanza numbered 488 in . bhraṣṭa siṅ mapulih ndatan ana polih gandharva viro-ttama, hetunya mrih avak paḍa hat-i huripnya vīra vidyadhara, méṅgah-méṅgah aṅəntak-éntak alayu lagyan pəjah gə̄ṅ takut, deniṅ trésna magə̄ṅ mataṅyan alupéṅ dharmanya vīra brata.Stanza numbered 489 in . saṅ ratnāṅgadha vīra dhira sira harṣan ton sahabniṅ musuh, mavlan iṅ bala hénti mati pinusus deniṅ musuh śaktiman, molah taṅ dvaja éma gatra maṅutus vadva muk aṅrampaka, taṇḍaṅnya rurék asmu guntur apagut lavan vatək éhaya.Stanza numbered 490 in . tandva praṅ kadi riṅ tulis kahiḍəpanyan vuntu nora ṅucap, goṅ kéndhaṅ dvani ghurni mari karəṅa de saṅ maha yuddha-ga, caṅ ciné céṅ kricikiṅ sara-san asilih taṅkis ana niṅgati, ghak ghék ghér kétugiṅ paḍa gada-gadan gém taṅ pəjah kératan.Stanza numbered 491 in . duk-duk cakra padho kabét suligi tan kéva jémur kéméṅan, bala mvaṅ ala punja santali tuhun pandék sikəpnya rukét, kénta tomara bindhi vala téka paṅduknya silih duk marək, krurāṅdagdha silih gutuk céṅil olhnya-mék sirahniṅ musuh.Stanza numbered 492 in . maṅsa saṅ sura rotta vīra tarana nuṅgviṅ gaja ṅadvakən, naṅkin krédha tikaṅ bala praṅ apéluk malvaṅ anan māṅlvaṅi, kondur taṅ bala éhaya lvaṅ hinidék sinlék minchan sinuk, mantri taṇḍa haneṅ gaja sva ratha kveh taṅ pəjah kambulan.Stanza numbered 493 in . ndah ratnāṅgadha śīghra yar vlég ikanaṅ astya galak yé-nakus, yeka tandaṅ ira mutér gada-gada mépér juyukniṅ musuh, syuh bhrasta kaparək rémuk pinalu təṇḍasny-eki tambis pəjah, duduṅ mati sinandhuṅ iṅ dvirada matta ṅhruk səḍəṅ garvvita.Stanza numbered 494 in . abyuran bala éhaya vrég alayu laksaṅ pəjah katrésan, mota taṅya polih rébah katalayah ayuh taṅ padhéman rusak, maṅkin dur-bala ginréh iṅ sara vara-stra ṅlud tibanya ṅéné, lvaṅnya tiṇḍih atap matambək i hiliniṅ rah baṅun jihmaga.Stanza numbered 495 in . tandaṅniṅ sura séna maṅkin aparək tiṇḍihnya norāṅgalaṅ, saṅ ratnāṅgadha dhira mémbéh i harəp yar ton sahabniṅ musuh, lyus ṅgvan śrī kagadhé-ndra pinrih hinusirniṅ séna sénya layu, hetunya lulunan baṅun gana dhinéniṅ banjan adrəs munus. o.Stanza numbered 496 in .
ndan saṅ śrī magadha miyat siréṅ bala vrég, yatna-dan maṅadəg i réṅganiṅ dvipāṅga, saṅ ratnāṅgadha paraniṅ vulat pinandhéṅ, tandva tandaṅ ika kaduk sinép tinaṅkis.Stanza numbered 497 in . ryāṅsa śrī magadha lavan bala mrih apraṅ, kagyat taṅ sura bala tan vruhan tinampék, aglis siṅ gulu-gulu binvatan hinaṅgul, kédran saṅkanika huvus kabeh kavéṅka.Stanza numbered 498 in . hetunyaṅ sura bala hénti tan hana vyat, malvaṅ rakṣasa bala gana daitya saṅghya, pinraṅ sinrég hinivuṅ iṅ makadga kandha, dudvé-kaṅ pəjah hiniras anan pinatrém.Stanza numbered 499 in . saṅ ratnāṅgadha sinésér təkap narendra, tan vruh yan sira ri vurinya méh kaduṅkap, sə̄ṅérnyan miyati narendra yatna mundur, sondurnyan pinalu niréṅ gadha-dbhutāgə̄ṅ.Stanza numbered 500 in . rémpu réṅganika lavan dvirada kaṅgék, paksa niṅ-rvana nara ratha sép lumumpat, vruh ratnāṅgadha mésat iṅ nabasthala hya, ləs luṅha nayat ira riṅ gaganar tuméṅha.Stanza numbered 501 in . śīghra nambut i gaja vahananya masa, paksanya puliha balanya sévu śīrṇa, bhraṣṭaṅ bhuta gana-ganan pəjah rinchan, hetunya bala rinuruk tinut rinampak.Stanza numbered 502 in . tatkālanyan kahala sura-psara dhika lvaṅ, rəp moghaṅ vəṅi sumaput surup hyaṅ arka, śīghra praṅ masapih apan kuləm kamantyan, sakveh saṅ malaga paḍa ṅusir pakuvan.Stanza numbered 503 in . gandharva dhipati murud lava-lavan hya, mvaṅ vidyadhara saha kinara sura kveh, muṅsir raṅrərəban ika haləp subaddha, tambiṅniṅ lvah alas agə̄ṅ gunuṅ sumaṇḍiṅ.Stanza numbered 504 in . saṅ śrī rama parasu riṅ təṅah rinaksa, deniṅ rakṣasa vara bhuta daitya raja, sabniṅ vandira vata vr̥kṣa shé atimbun, kṣetra gə̄ṅ ya pinarékan vatəs kulumpaṅ.Stanza numbered 505 in . lavan saṅ prabhu sahaneki kapva mundur, sakvehnya bala makukud kabeh hinajnyan, sampun prāpta sira haneṅ daləm pakuvan, saṅkəp vahana gaja réṅga vus pralabda.Stanza numbered 506 in . tiṅkah saṅ makuvu vidagdha riṅ kalaṅvan, tanjuṅ lan asana vuṅu rinék rinaṅki, abhra lvirnya kusuma parvatan saké doh, asraṅ mvaṅ karah akaluṅ susun pinanjér.Stanza numbered 507 in . graṅ-graṅ mrat dukut i natarnya kédék aṅlih, miṅgək lvirnya kadi avan anyar kahambél, prāpta pvaṅ riris adulur gərəh tan aglis, lvir luhnya naṅis avédiṅ ulah tinaṅgél.Stanza numbered 508 in . samapta prabhu ya rinaksa éṅ pakuvan, ndan sakvehni balanira pupul ndatan sah, len tekaṅ gaja ratha tuṅgaṅan sinandhiṅ, yatna-dan manaha-nahé-kulén cinindra.Stanza numbered 509 in . ndan saṅ srya-rjuna ri təṅah təlas haneṅ jro, lvir kéndran mara haləpiṅ pakuva-kuvan, muntab séṅni layu-layunya kādbhuta bhra, géndhiṅ doṅ gubar abaruṅ dhinandha masraṅ. o.Stanza numbered 510 in .
sahana para prabhūttama paḍa mrih anaṅkil adhém, mucap i kaśaktiniṅ musuh ri deyani maṅlagana, mavətu vivéké siṅ rahata tiṅkahaniṅ malaga, siṅ ahayu kapva yogya gəlarən pinilih rinasan.Stanza numbered 511 in . kunaṅ iki deniṅ aṅlagana teki musuhta hələm, miyat i répatnya tindak ika havya vavaṅ lumurug, yadin aharəp marāṅragasa yatna kita sikəpa, laru-larun iṅ danar yata paḍanya yan aṅrabhasa.Stanza numbered 512 in . kunaṅ iki de paṭik aji madan-dana vīra bala, pakékés haneṅ gəgər juga padhé-syana séna pati, niyata lurugnya yeki ciri védya kitat alaga, alap i vurinya yar pəgati havya vinéh adana.Stanza numbered 513 in . géséṅi pakuva-kuvanika ayva hinopa-déhén, niyata ya kagyat apraṅ i harəp yadiyar liyata, saləsəka teki tambéh i harəp juga vuk sélévég, usak-asik iṅ panah vatək ataksya téka ṅavita.Stanza numbered 514 in . nara pari yāṅga rajya sumilih sira majar-ajar. tan ulahaniṅ ksinatriya kétaṅ para cidra adé, yadiyana riṅ musuh tan ika sadhaniṅ maménaṅ, si madadaho kasatyan iṅ ayuddha matoha hurip.Stanza numbered 515 in . midhépi paṭik narendra kéta deniṅ ayuddha hələm, sa-kaharəpiṅ musuh ya juga taṅképa tulya bala, yadi pəjaha pva tāṅvaṅ aṅusir siva pada hələm, ṅuni-ṅuni yan musuhta pəjah arddha yasanta magə̄ṅ.Stanza numbered 516 in . nr̥pati adé vuvus aji kuraṅ naya tar pa-bisa, yadin iki śatru hina bala ayva kété-man-iman, musuh apa teki saṅ paraśurāma vidagdha tuvi, mataṅ ika yogya tar vinaya yeki délén sakaréṅ.Stanza numbered 517 in . huvus i katəmvaniṅ naya viśeṣa lalakva-kéna, apagəha riṅ kasatyan ati dhira ya tar suruda, pəjaha ri madhayiṅ rané sabhāgya kétéka huvus, niyata tayaṅ vivada juga tar sinésél cinalan.o.Stanza numbered 518 in . néjar nira-hém prabhu vīra yodha, sampun mateki luvaran kamantyan, apan laluṅ masa pilih ḍavuh rva, śīghra mulih kapva madudvan uṅgvan.Stanza numbered 519 in . saṅ hyaṅ vulan sampun ava sateja, śobhan sumunviṅ raṇa bhumi madhya, kadya vəlas tiṅkah iréṅ paratra, prāptaṅ hébun lagya naṅis tan ampét.Stanza numbered 520 in . mandra kilat lvir kəḍapiṅ katiksnan, len taṅ gərəh ləṅləṅ asamba-sambat, marma nirén hisni ririsnikaṅ luh, lagya nibé saṅ pəjah iṅ palugvan.Stanza numbered 521 in . hisnya péṅdé huripiṅ kaoṅan, vantən sisip ṅgaya kaninya makveh, dudvāṅga mor iṅ mati tan vri ratnya, maṅke kuləm hetunika mrih adan.Stanza numbered 522 in . lampahnika ṅin-kin aṅuṅgut-uṅgut, ṅkāne pupu trus tani rahnya lumra, lén taṅ rumaṅkaṅ matékén curiknya, dudva maṅaṅsar maṅusir pakuvan.Stanza numbered 523 in . ndah vantən aṅrəṅan alap kəna mrat, saṅsāra tapvan mati tan vruh olah, asrét karuṅviṅ jaja denya mojar, amlas sih aminta linudan anəmbah.Stanza numbered 524 in . kavəlas harəp(taṅ)taṅ kəna méh paratra, mavrih asémbat ri anak rabinya, téṅgéknika-sat paṅucapnika jro, dudva kaséran anan anjaluk vé.Stanza numbered 525 in . len taṅ pilih taṇḍa anéki gusti, cihneki jajanya karah kaluṅnya, marma umémban ri taṅanya kéri, manék rumuṅku matékén galahnya.Stanza numbered 526 in . saṅsāra tekaṅ manusup kəna trus, saṅké harəpnya hurip éki tan len, tan vruhnya ri sastra raṇāṅga yajña, hetunya trésna-huripiṅ dadi vaṅ. o.Stanza numbered 527 in .
tis-tis masa pilih ḍavuh pitu tikaṅ tan anāṅucap-ucap rinəṅvakən, rəp mampəh pasuraknikaṅ bala samuha gumuruh aparəṅvan iṅ laṅit, géndhiṅ reñjiṅ ateki mari karəṅa svaṅ atalu-talu pimna lor kidul, paṅhrikniṅ gaja matta ghurna mayatiṅ layu-layu hiniḍəp musuh ḍataṅ.Stanza numbered 528 in . ambəkniṅ bala vīra dhira səḍəṅ amrih aharəp i jayanya riṅ musuh, ndatan mrém sakéjap lana ṅaṅən-aṅən ryulahanika hələm yan apsaṅa, len taṅ luṅha mahas ma-déva saranāṅrasuk i karah ika sikəp vataṅ, dhira hyaṅ-hyaṅ i maddhyaniṅ raṇa suméva ri taruṇa bhaṭāra rudraka.Stanza numbered 529 in . akveh bhavanikan ana mupulakən kunapa təlas atap tinindhihan, jnyané-ka tva hiḍəpnya rudra sakala-tmaka riya masarira sadhaka, névédyanya sirah sabhūṣaṇanika hrédaya kamala nétra dhipana, matta-narpana sonita drava mapatra kara tala masuddhi lélupa.Stanza numbered 530 in . ri vitniiṅ kula vr̥kṣa yé-napusakənya maṅadəg akaluṅ karah tutur, maṅka kara mateki yan rinasukanya raṅin ika lavan curik siṅi, minyaṅnya hiniḍəp lavanyan arəpat sinahasanika tan hana ṅavér, pinaṅranyeki ḍinəṇḍa dhira sinasébnya ana kadi manarjanéṅ musuh.Stanza numbered 531 in . dhira vīra marambaṅan ri tələṅiṅ jaladhi rudhira bhīṣaṇa daləm, namvanyeki raṅin vélahnya tévəkiṅ béjah aṅamuk i maddhyaniṅ raṇa, kombak ri drəs iké harusnya manikəl-nikəl aṅipak-ipak səḍəṅ pasaṅ, kasrék riṅ gaja réṅga durgama karaṅnya mariṅi-riṅi kadga tomara.Stanza numbered 532 in . len taṅ vīra suméṅka riṅ kunapa parvata aruhur atīta bhīṣaṇa, ṅhiṅ yan teki tinut ginégvanika muṅsir inikaranikaṅ maha giri, rəp yékan sumaput limutnya kutugiṅ dvaja manavəṅi tejaniṅ sasi, guntur rya-granikaṅ sava-dri gugah ogah i sikaranika prakampita.Stanza numbered 533 in . antyanteki haləpnikaṅ raṇa sabha-dbhuta tuhu-tuhu durga maṇḍala, sék taṅ bhuta piśāca maglar aṅinum rah aṅigél avéra-véra dava, matta ṅundha céṅél manémpal amukaṅ-mukaṅ anucup usus mabhīṣaṇa, dudvaṅ marja kinampi-kampilaka len maṅagas-agas amansana pupu.Stanza numbered 534 in . tatkāla para vīra maṅhyaṅ irikaṅ raṇa bhavana sudhīra nis-cala, lumra kambaṅ ura sakeṅ gagana dhupa mavaṅi saha gandha lepana, uṅ uṅ-kara umuṅ maṅastava anan ulu-ulu juga suṅsaṅ iṅ laṅit, sakvehniṅ pəjahiṅ raṇāṅgana vinursitanira mulihéṅ siva laya.Stanza numbered 535 in . byatīta gati saṅ vatak ry anupa teki hanéṅakəna tan ya varṇanən, eñjiṅ masa pahso iraṅ paraśurāma saha bala samuha tan kuraṅ, mvaṅ citrāṅgadha citra séna saha kinnara gana-gana bhata rakṣasa, gadharvsa dhipa vīra citra ratna taksaka ana vara daitya danava.Stanza numbered 536 in . saṅ ratnāṅgadha ratna séna mavuvus sucapakən i kaśaktiniṅ musuh, ayéy havya rahadyan sanhulun ateki tuna-tuna ri tiṅkahiṅ naya, antyanteki maha prabhavani musuhta sakala kadi mr̥tyu yar hiḍəp, tambis matya mara ṅhulun təkapi-kaṅ magadha pati maha prasira ya.Stanza numbered 537 in . saṅksepanya mateki yatna juga saṅhulun apagəha riṅ maya dhika, lavan byubasi maṅlavan-lavan adé riya mapa karika nuṅ énaka, nda yaka gavéyénta havya makabét rasa-rasana marapvan andana, sugyan teki ya mapraṅ aṅrép-harəpan amarépakana yaki gə̄ṅ tahan.Stanza numbered 538 in . nojar saṅ sura rotta teki sumahur ta sira paraśurāma garjjita, antyanteki vuvusta yogya bapa denta tumaha-taha śaktiniṅ musuh, padma byuha ṅaranya yogya gəlarənta saha bala yateka ayuvana, yadyan déva musuhta śīrṇa miyatanya təkap ika yan aṅlagé kita.Stanza numbered 539 in . saṅ citrāṅadha citra séna kita teku bapa sinara bharaniṅ hulan, tiṅkah saṅ sura séna rakṣasa piśāca bhujaṅa ana daitya danava, len taṅ vahana gaja réṅga kuda gaddhabha rasukana yadha saṅkapan, rapvan tanpa patuṅyaniṅ raṇa sabha maka pagada-gada parākrama.Stanza numbered 540 in . ginval taṅ kala bhéri ghūrṇita ratag sahana-ananikaṅ bala sura, śīghra ndandan atiṅkah arpat ikanaṅ sara gana saha bhūṣaṇa haləp, sampun byuhanireki durga tara padma vikasita ṅaranya dig-jatya, salvaniṅ raṇa bhumi vuntu hibék asta dalanika padhé-vi kavaṅan. o.Stanza numbered 541 in .
luṅhaṅ kala bhavisya vahu suména hyaṅ surya tan kavaran, sakveh saṅ prabhu éhaya-rpat atihaṅ vahva sikəp tuṅgaṅan. maṅkin mava katon haləpni pajégiṅ(satru)ti durga kréti, / satrva éta śrī naranātha mojar i siraṅ mantrya dhikoṅ hiṅgita.Stanza numbered 542 in . é. rakryan mapatih lihat mara kété géniṅ musuh kādbhuta, salvaniṅ raṇa bhumi tapva hibékan sarsék ndatan pakihan, lavan ndi ṅgvan ikaṅ pravīra sura gandharva-psara nindita, syuhanyeki huvas tiniṅkah hibékaṅ durga paran tolihén.Stanza numbered 543 in . sojar śrī naranātha siṅgih ikin ojarta maha durgana, padma byuha ṅaranya yeki vəkasiṅ durga-hya mevəh téman, hoayé-kaṅ kadi méru parvata rəməṅ klabniṅ dvajāṅkén hima, koṅgva saṅ sura citra séna dala pūrva kveh balanya pupul.Stanza numbered 544 in . muṅgviṅ dakṣiṇa ratna séna savatəknya-dhém təlas saṅgraha, himpər sāgara mombakan gaja rathanya lumba-lumba dulur, umréṅ uṅnya masiṅha nada gumuruh ryak tulya sampun pasaṅ, diptaṅ tomara kadganiṅ bala miṅis lvir praṅ-praṅ atyadbhuta.Stanza numbered 545 in . saṅ citrāṅgadha kilyan arpat asikəp lvir siṅha muṅgviṅ alas, durga-péki rənəb sukət mara təkapniṅ krép nikéṅ sañjata, bhrastaṅ śatru katéki denya dinémaknya pan səḍəṅnya lapa, lvir burvanya maraṅ susuh raga-ragan yan tan prayatnéṅ ulah.Stanza numbered 546 in . honyé-aṅ dhadét andhakara təpi lor lvir varṣa saṅkeṅ adoh, goṅ kéndhaṅnya baṅun gərəh masahuran ghor gég karuṅgiṅ laṅit, kadganyeki kilat paḍanya lumarap tan pa-ntara ṅdé takut, bananya-dbhuta bajra tulya taka ya nambér céṅélniṅ musuh.Stanza numbered 547 in . tapvan ləṅkép atiṅkah akrama dinum-dum deśa tapvan vihaṅ, hérsanyādi surakṣa rakṣasa lavan daitya duduṅ danava, yaksa avaṅ ana bhuta naga tinitah daṇḍanya dhirgga kréti, kapva-dhém sajarunya moṇḍuh apupal mattāṅhruk agya praṅa.Stanza numbered 548 in . ṅkāneṅ kasara rama bharggava sré-ka-granya muṅgviṅ təṅah, honyé-kaṅ kadi méru parvata sinaṅliṅ dipta mabhra sinaṅ, deniṅ bhūṣaṇa ratna bhavana lasan séṅniṅ dhadhap ta ulap, koṅgvan saṅ sura raja citra ratha rapvan sah mara ṅimbaṅi.Stanza numbered 549 in . saṅksepanya matéka yatna juga saṅ śrī bhumi nātha praṅa, lavan byuha mapeki tapva gəlarən ayva kabét hop gəlis, udah yan catra yan arddha candra pilihanta siṅ samāṅyogyana, rapvan śīghra matiṅka-tiṅkah vatak rajanya séna dhika. o.Stanza numbered 550 in .
nojar śrī batha lagya nahuri haturi saṅ nītiman vura mantrī, bakryan ṅhiṅ sadhya nir-bhana yatika gəlarən byahaniṅ maṅlaana, sakvehniṅ séna-sénya-dbguta yat vaṅanén sthula rupāṅgakara, ndan yan sampūrṇa shya-taṅan asuku milih siṅ vənaṅ yo-ttamāṅga.Stanza numbered 551 in . lavan samanta raja-dbhuta tuduhana toṅgvanya siṅ sara pétan, yāṅkén dvara pagəh kādbhuta tutupana riṅ peka yodha harəpnya, rapvan tuṅgal pagəhniṅ hati huvus atasak tikénaniṅ dhira maṅgəh, an ṅvaṅ muṅgvé-taṅahniṅ hrédaya kavala yāṅkén maha prabha saddha.Stanza numbered 552 in . nojar śrī bhumi nātha krama saṅ hinujaran vruh maha prajñā ri-ṅdé, śīghra dan-dan tiniṅkah sahana-ananikan graja samantha mantrī, saṅkəp sampun təkeṅ syandana turaga dinanan paḍa tiṅkah arpat, goṅ kéndhaṅ bhéri ginval murava saha kalāṅkéni śabdanya usvaṅ.Stanza numbered 553 in . sampun taṅ byuha sampūrṇa sahana umadhaṅ kapva dum deśa mahya, lagya néṅga təgal nandaka shavana dhédhép lvir téduhniṅ samudra, vijyut prajvalité-ṅambara tala kumédhép dhuma yoninya kégu, ghér kumvaṅ śabda ghurnaṅ amah-amah (arasuk asurak lvir patərniṅ bahitra.Stanza numbered 554 in . sampun kapvāṅrəgəp sañjata sananikaṅ peka yodhāṅkas-aṅkas, tandva tindhak tumandaṅtumandhaṅ mapəgakən i pamukaniṅ maha sura séna, śīghra taṅkép mara praṅ séhéṅ apagut atambéh silih raṅki mapraṅ, gut-gutén tar ana vyat vijah anuju anāṅduk tayéṅ bhindhi vala.Stanza numbered 555 in . vira praṅ vīra maṅduk ana mati sinuduk riṅ tuhuk taṅ kəna trus, kéndhit kaṅék sinundhuṅ kahala pinulihan kédékan tau vriṅ ratnya, kontal kontit kabuṅcaṅ uara mati tinékék rakṣasa lvaṅ paḍa lvaṅ, puṅgél paṅgél céṅélnya ana kəna sinavat riṅ maha kandha tiksna.Stanza numbered 556 in . len tekaṅ gara suréṅ ratha maratha masa sarathinya-ti sara, krura ménthaṅ laras maṅhudani sara varāṅde layakniṅ bala vrég, dhiraṅ gandharva vidyadhara bala mapulih kothi laksa-dbhuta-dhém, himpər guntur sakeṅ adri sikara gusuruh vahananya ṅgaluntaṅ. o.Stanza numbered 557 in .
ramya prank aparək arukék silih grék amulih-mulihi pinuliha, muṅgviṅ ratha maratha-rathan vatək makuda saṅghya ta makuda-kudan, vidyadhara maliman aṅundha tomara paḍa dhika bala mapagut, kvehnyaṅ pəjah atisaya kothi laksa gaja réṅga turaga marémék.Stanza numbered 558 in . lvir sapta bhuvana sadhéṅ agni dagdha sakala praṅ atugar asélur, kombak jaladhi masalikan prakampa kumətər kṣititala gumivaṅ, dhyam taṅ bhuvana kapiliṅén takapni papupuhnikaṅ amara bala, sarsék makin asusun matambah aṅlvaṅi ana ṅuluyi gaja pati.Stanza numbered 559 in . samantara bala kala sévu laksa oéjah atri gumuruh alayu, ginrék sinélék inidukiṅ gaja sva ratha kothi sagala sumahab, vuntviṅ gagana takapi sayakanya lumépas kakiricik akilat, len taṅ musala vésika bajra cakra kadi varṣa makicihan atip.Stanza numbered 560 in . san śrī magadha pati ané rikaṅ dvirada matta saha bala sasa, brahma-stra ya pinasaṅ iré gada-dbhuta saha radhana saha vidhi, tambar surub aṅarab-arab ané taṅan ireki pinutér aṅépér, tandvaṅ géséṅi musuh asiṅ masa kahala bap magaja ratha géséṅ.Stanza numbered 561 in . vidyadhara gagana kagéman svri malayu mavédi giri-girih, abyaran alulunan anéka rasasa piśāca bhujaga mahunu, maṅkin balanira suméhab ana-nduk anuduk ana vijah anuhuk, len taṅ sara vara nisité-nyatnya lumépas parəṅ arunyu-runyu.Stanza numbered 562 in . hetunya ṅamara bala puh luyuk pəjah anéka ana kəna sisip, len taṅ kudanika kataran vatək makuda cis curi raṇa malayu, nora pulih arés i kéśaktiniṅ musuh asiṅ ya mapulih anasa, luṅha mrih anusup anikəl galahnya kari len palaga ana curik.Stanza numbered 563 in . ranāṅgadha sala bala kothi laksa saha vahananira mapulih, dhira tara mapaṅ i pamuk niraṅ magadha raja kdi pasu pati, sambartaka pamadhén iré-rikaṅ sakala pavaka səḍəṅ umurub, bar rép səḍəṅ apahidéṅan sireki paḍa dhira musala gnéga.Stanza numbered 564 in . ratnāṅgadha pinalu vicitra nénda tuhu dhira marurék aparək, é saṅ magadha pati lihat mateki ri taṅan-ku musala nisita, yeka muburakəna hurip-nu yeki tariman hara ya paha-lavén, vah ghraṅ mahaduk inakisiṅ gada-dbhuta tikəl ri təṅah apatélu.Stanza numbered 565 in . saṅ śrī magadha pati tumindhi maṅkin aparək vési gada pinutér, ratnāṅgadha kapari-bhavan lumiṅsir aṅunus kr̥tala pinatitis, sə̄ṅérnya sinavat i hiriṅ gada-dbhuta luput sinapu sinahasa, yekan kahala gajah ikan pəgat tulaléyanya kahava kahabét.Stanza numbered 566 in . tadaṅnya maṅamuk aṅusir manémbur anuruṅ rudhira ya sumirat, ratnāṅgadha maṅadəg i réṅganiṅ dvirada saha kratala ri taṅan, krodha ṅivud irika narendra yar kaputuṅan kasaləsək aparək, tandva nujah i jaja narendra śīghra rudhira drəs i jaja mélébék.Stanza numbered 567 in . yatna nadəg irika narendra mamrih atahən kadi liman avéra, vidyadhara pinalu rémak siréhnya mukuṭanya sumirat arémuk, saṅ śrī magadha katanéhan sireki sna riṅ dvirada paḍa pəjah, hvaṅ vahananira ya pəjah silih tujah anéki paḍa mapulihan. o.Stanza numbered 568 in .
sampun pəjah nérpati kalih anéka tāṅlvaṅ, maṅkin tikaṅ bala paḍa mrih araṅkit apraṅ, yar ton pəjah tuha nikéṅ raṇa bhumi madhya, hetuaya tan hana védiṅ pati tan tinaha.Stanza numbered 569 in . saṅ ratna séna lumiyat ri kakanya cūrṇa, krédha ṅatag bala sakothi parəṅ tumandaṅ, mundhondha témara masa ana riṅ dvipāṅga, lvir andhakara sumaput kutugiṅ dvaja krép.Stanza numbered 570 in . tandva musuh yata vinuknya rébah bubak sél, lvir vah gunuṅ lumuruk adbhuta maṅkin adrəs, vankénya tuṅgaṅan anéka rathanya śīrṇa, vaṅkenikaṅ pəjah atémbéh atip ya kasrék.Stanza numbered 571 in . len taṅ kuda ndémakamandhém avanti-vanti, kandha rva tiksna ginégénya vidagdha mapraṅ, vadva vatək ratu bibak gumivaṅ katandhuṅ, gémpuṅ sayojana kagimpuṅ iké təpinya.Stanza numbered 572 in . krépniṅ liman ya tinujunya bubar minéhan, saṅ ratna séna kumucup maparək tumindhi, lavan balanya ri harəp yata paṅhadhanya, srya-nagga nātha kadunuṅ paraniṅ tumampil.Stanza numbered 573 in . maṅsa haneṅ ratha narendra lavan balanya, yatna ṅayat laras irar matisaya kasnya, mévi-vu taṅ hru lumépas ya sahéndikanya, sampartavarsa ya dulurnya parəṅ tumampuh.Stanza numbered 574 in . pro-dbhuta taṅ gélap anambar aṅéka deśa, megha taghora sumaput mətu saṅkariṅ hru, nvaṅ cakra punja masusun vinaliṅnya śakti, bhraṣṭa musuh pəjah anéka vatak aura lvaṅ.Stanza numbered 575 in . daityādi rakṣasa pəjah vulaṅun kagéman, tan vruh patuṅgalani rovaṅ ika-dbhuta praṅ, bhch mah musuh ta kariko liṅ ika téka mraṅ, vétniṅ pətəṅ ḍəḍət i madhyanikaṅ raṇāṅga.Stanza numbered 576 in . kavran sudhīra matakis sura ratna séna, sayva-ti ghora hinasésa niréṅ samādhi, tap ghér nijil taṅ anila-débhuta sa-prahara, bar rép nda śīghra malilaṅ raṇa bhumi madhya.Stanza numbered 577 in . yekan paḍa tisaya śakti maha prabhava, sampun prayatna aji vinlég ikaṅ ratha drés, vidyadhara ṅédog aṅundha ri témaranya, paksa nduka nr̥pati yar pinégat niréṅ hru.Stanza numbered 578 in . krodha ṅalap lipuṅ ika mlégi vahananya, tandaṅnya māṅduk i narendra luput linésan, dhira su-sarathi marək umabét kudanya, ndah śīghra sakṣaṇa sumiṅgah apan sidagdha.Stanza numbered 579 in . nankin sarosa sura rotta malap gadanya, asthinya yé-muliṅakənya marək tumandaṅ, gundhuk narendra punupuhnya luput binajra, tamdva ṅayat laras ira matitis gulunya.Stanza numbered 580 in . é. ratna séna liyat iki panah-ku dibya, vidyadhara-ataka ṅaranya maha prabhava, yatna kamuṅ sura liyat ya ri mārganāṅku ndak ton pajah-mu hara koṅ sura denikaṅ hru.Stanza numbered 581 in . śīghran ləpasnya kumucup kadi mr̥tyu jihva, téṅgéknikaṅ sura pəgat katuluy gadanya, ndatan pas-sara pajah avri tikaṅ bala vrég, mvaṅ vahananya ya linudnira riṅ vara-stra.Stanza numbered 582 in . tandaṅ nirāṅləpasi capala sura malvaṅ, mévi-su kinmara pəjah bala daitya saṅghya, sampun larut layu-layunya rébah katiṅgal, nora pulih saṅ inusir malayu padhaaṅlih. o.Stanza numbered 583 in .
saṅ citrāṅgadha dhira air-bhaya masa yatna ṅgéga sañjata, muṅgviṅ réṅganikaṅ dvipāṅga maruhur mabhra ṅrasuk bhūṣaṇa, kothyaṅ-kothi balanyan atri gumuruh maitra ṅuvuh katara, guntur taṅ himavan prakampa kumətər lyab vé aikaṅ sāgara.Stanza numbered 584 in . śīghra praṅ marurék masuṅgut i harəp maṇḍəg tikaṅ praṅ layu, saṅ citrāṅgadha yo mayat laras ira sampunya pūrṇa vélu, sék balanya riṅ antarala kumisik cap céb tibanya néṅé, hetunya vrég ikaṅ musuh katalayah kaṅgék vatək éhaya.Stanza numbered 585 in . srya-vaṅga dhipa tar vru yan sinusunan karya-njəlag kesisan, maṅkin sinrég hinambulan kinucupan dhira ṅadəg riṅ ratha, vruh (saṅ) citrāṅgadha bana śakti ginégénya mrih maménthaṅ laras, matya-céb pyah iraṅ narādhipati tan liṅgar tujunya ṅéné.Stanza numbered 586 in . ṅkāneṅ syandana ratna saṅghya katibāṅléndha naraéndra pəjah, vastra mlés təkapiṅ rah adbhuta hilinya mvas təkeṅ bhūṣaṇa, śīrṇaṅ ratna kaluṅ-kaluṅnira təkapniṅ hru umuṅgviṅ jaja, satya sarathi hantu len kuda lavan vadva dhika kveh pəjah. o.Stanza numbered 587 in .
tandaṅ srya-vani nātha mapagakən i pamuk citrāṅgadha sira, lavan vadva dulur sahya makarah akaluṅ dudvaṅ sipi-sipiṅ, makus taṅ vīra muṅgviṅ kuda yaṅ kinuduran kapvaṅ ana védi, len taṅ muṅgviṅ gaja syandana musala gada kodaṇḍa pinéniṅ.Stanza numbered 588 in . yaksa mvaṅ kinnara lvaṅ kahala tinəḍunan kagyat silih hidék, len taṅ gandharva muṅgviṅ sakatha sama-sama ménthaṅ dhanuh adan, hrunya taptar giṇeṅ tvas vinuk hinubat-habit riṅ daṇḍa sinuruṅ, abyuran kéndhit alvaṅ ana mati tinujabniṅ kunjara masa.Stanza numbered 589 in . vinlég taṅ kunjara glis narapati lumurug lvir guntur aṅalah, ṅgvan saṅ citrāṅgadha-pan kadi gəgər hinusirniṅ peka malayu, yatna ménhaṅ larasnya ṅucupi sara vara-stra néka lumépas, tampuhnya drəs umuṅ riṅ gagana malad-alad naga kréti sara.Stanza numbered 590 in . pro-dbhutaṅ taksya dibya-stra ya mətu ri taṅan srya-vanti luvépas, rəp bhraṣṭaṅ bala dhaṅstra ana pəgat anana rampuṅ mapatiga, krodha citrāṅgadha ṅimbhi sara nisita krép lvir laru-larun, kabvaṅ nda gagané-ka myati tinakis iréṅ sinrugra sinavat.Stanza numbered 591 in . midər taṅ cakra himpər śaśadhara ri taṅan srya-vanti pinutér, mdatan vyartan ləpasnyan pinati pinatitis citraṅgadha sinép, tandva rampuṅ dhanuhnyan luluyi gulu pəgat rah rédra kumucur, lavan dantinya sampun pəjah hinapa karih riṅ bajra tumaném.Stanza numbered 592 in . tandva-lah taṅ vatək rama parasu kapugut lvir héntya kahili, tandaṅ saṅ cétra séna pulih amava laras muṅgviṅ ratha mani, mandég len vīra séna-dbhuta makikiricik dhanvanya maluṅgid, tan péndah paravvata-van səḍəṅ atunu murub mabhra layu-layu.Stanza numbered 593 in . śīghra ménthaṅ dhanuh srya-psara pati lumépas taṅ mārgana sésék, maṅgəh srya-vanti nātha kinurucuk hinirup deniṅ sura bala, tan pantyaṅ bajra saṅke taṅan ira madulur cakra nda lumapas, rampal rampuṅ céṅélnyaṅ sura bala tinétah madhég mamulihi.Stanza numbered 594 in . təkvan saṅ ratna séna ṅabéti kuda niran gumrit ratha nira, hetunyaṅ mr̥tyu dhaṅstra-dbhuta pamanah iré-saṅ śrī narapati, ndatan vyarta ṅéné prana nr̥pati katiba riṅ réṅga gumiliṅ, matta ṅhruk taṅ gaja nindita ana pinanah kumbanya tinujah. o.Stanza numbered 595 in .
anantara pəjah narendra tumibaṅ riris kadi diné patərnya makətər, bhaṭāra savita kucém kalamukan baṅun mavəlasé-pəjah kasih harəp, umuṅ r̥ṣi généṅ ruhur maṅabhivada saṅ pəjah i madhyaniṅ pabharatan, səkara jənu samamburat mavaṅi dhupa kasturi miṅgiṅ pamusita nira.Stanza numbered 596 in . samantara tikaṅ praṅ adbhuta layu vatak ry anupa kéndhit alvaṅ anana, karah kaluṅ ané katiṅgaln ika vataṅ papan atip tatan khuniṅa, masa nr̥pati siṅhala-dbhuta maṅuṇḍa kosta kadi siṅha rédra magalak, lavan bala sakothi laksa parəṅ aṅ-démak musuh asiṅ tumandaṅ hinidék.Stanza numbered 597 in . ratna tisaya madrəs aṅ-kuda mano-java-dbhuta lakunya bayu sakala, yateka mamusuh bala sura pəjah kacakra taya riṅ drésiṅ ratha masa, anan sinéséb iṅ gaja jinahitakən éṅ musala bindhi vala suligi, nara-psara luyuk davut pravara citra séa juga tan tumut kapalayu.Stanza numbered 598 in . sudhīra maṅadəg siréṅ ratha ri pavrégiṅ bala dhanuh niré-nayatakən, pracaṇḍa vara banjana ṅaranya ṅastra lumépas saké taṅan ira, mijil taṅ anila-gni riṅ gagana taṅ géséṅi śatru bhasma matunu, su-dhipta badhava gni talya səḍəṅ iṅ maha pralayabhīṣaṇa ṅabar-abar.Stanza numbered 599 in . prayatna aji siṅhala mutérakən gada tisaya śakti madrəs i taṅan, jala radhana yoga saṅhita varastra yeka pinasaṅ nira-dbhuta dahat, nda śīghra umili taṅ adbhuta di sāgara ṅavaṅ-svaṅ saké taṅan ira, nda sakṣaṇa padhém taṅ agni malilaṅ tikaṅ pabharatan mava praṅ apagut.Stanza numbered 600 in . tumandaṅ aṅunus kr̥tala sura citra séna sahasé-narendra manujah, namiṅ-rva ana piṅ tiga linuputan vidagdha aji tan vavaṅ sira malés, kacidra ya dhinéṅdha riṅ gada lumumpat iṅ gagana kagyat amrih alayu, rathanya mani cūrṇa dhuli təmahana sarathi pəjah lavan kuda rémuk.Stanza numbered 601 in . masa pravara citra séna ana riṅ nabhastala téka mrih anduk aṅusi , miyat nr̥pati méndha manduk irikaṅ gada-dbhuta ṅéné daṇḍanya katiba, suémṅka rudhiranya madrəs anélés pata-bhra sumirét mareṅ muka sabaṅ, savanya magilaṅ-gilaṅ ri təṅahiṅ raṇāṅgana sabhūṣaṇanya dumilah.Stanza numbered 602 in . ndataṅva sura raja citra ratha sahya riṅ sakatha ratna madrəs umasa, pravīra satha kothi laksa vara daitya danava bhujaga bhuta maṅiriṅ, sur-rakṣasa su-rakṣa sura-sura rotta saṅghyat akarah-karahnya kumisik, dvajanya umabét baṅun jalandha ghér gərəhnya gubar andhikara sumaput.Stanza numbered 603 in . tumandaṅ apagut bala nr̥pati siṅhala lvaṅ apa tar surud rinabhasa, nara dhipa makin tumindhih amupuh siréṅ gada-gada-ti ghora maṅivuṅ, bala sura bibék katundhuṅ alayu musi ri kahanan sura-psara pati, anan kadi sila-dri maṅgəh inusinikaṅ gana matimbun iṅ drésiṅ aṅin. o.Stanza numbered 604 in .
gandharva pati siraṅ citra ratha maméntaṅ dhanuh ati śakti, sarvva yudha kumucup sayakanira divya-stra nisita turna, saṅ śrī narapati kévran tinuju siréṅ mr̥tyu sakala tiksna, trus pyah nr̥pati kénéṅ mārgana katiba riṅ sakatha luméndhéṅ.Stanza numbered 605 in . tandaṅ nr̥pati kaliṅga dhipa lumurug tan hana ya tinaṅgél, mundhondha musala muṅgviṅ ratha kanaka bhra mepuhi kasiṅhan, len taṅ vatək akuda dhém bala ana muṅgviṅ gaja pati maṅsa, sahyua ruhu-ruhunan moliha musuh aṅhiṅ punagi nikéṅ tvas.Stanza numbered 606 in . bhrésthaṅ musuh hinavurnyé-nirup i təṅahniṅ raṇa bhavana hya, konta musala tuhuk bajra ya pinaniniṅ bala sédhaṅ apraṅ, krodha ṅamuk anuja hriṅ karatala manduk ana ya mapatém, len taṅ pəjah hinidékniṅ gaja atumaṅ taṅ bala paḍa malvaṅ.Stanza numbered 607 in . gandharva pati manambut gada vési muṣṭinya kanaka tipta, saṅ śrī nr̥pati kaliṅga dhipa dinunuṅnyaṅ raṇa paḍa maṅsa, tandva magut amupuh lvir galap ataruṅ riṅ gagana guméntér, ghraṅ thar ana panakisniṅ gada mətu bahnya latu-latu lumra.Stanza numbered 608 in . tapvan ana kasilib saṅ rva səḍəṅ avu mapraṅ apalu tar lvaṅ, kapva mrih arébutaṅ svarga silih usi dhira paḍa vidagdha, déva-rsi gana umuṅ riṅ gagana siraṅ nāradanaradha maka mukya, mahya umun asurak ghurna paḍa maṅadva/kupik atri. / késaStanza numbered 609 in . kapva réja paḍa midər sakathanira drəs ana kadi putéran, manduk narapati riṅ kosta capala kabvaṅ tinakis hinaṅgul, yakan kahala dhinéndhéṅ gada vinalés sigréṅ hinivud aṅlih, bhraṣṭaṅ ratha kataluy śrī nr̥pati pəjah mvaṅ bala paḍa kaprém. o.Stanza numbered 610 in .
mankin dur-bala tékanaṅ bala kavés kabvaṅ vatək éhaya, yar ton durgamaniṅ təgal pabharatan schniṅ kadga yomaya. mvaṅ lvaniṅ rudhira-rnava drəs ahurus mvaṅ préta séla ruhur, abyuran lumébu manabraṅi amirṅkal gunuṅ kénapaStanza numbered 611 in . gandharva dhipa dhira maṅkin aṅamuk yar ton luyukniṅ musuh, yaksa mvaṅ bala déva saṅghya sumahab kapvāṅrəgəp sañjata, ryu-ṅgvan śrī nrépa karta vīrya dinunuṅ gandharva séna dhika, maṅkin madrəs iké lakunya kumucup bananya tanpa-ntara.Stanza numbered 612 in . dhira srya-rjuna garjjitan lumiyat iṅ śatru dhika mah gunuṅ, molah taṅ dvaja rukma kumlab aṅutus rajanya viro-ttama, rakryan saṅ napatih siré-harəp adan muṅgviṅ haja mindita, tiṅkahniṅ raṇa yajña sastra ginəlar sampūrṇa śīghra masa.Stanza numbered 613 in . grit grit grit dvaniniṅ ratha drəs umasa samanta yodha prabhu, len tekaṅ ana riṅ dvipé-narak-araniṅ pék mahya surak, bhéri svaṅ gubar aprati-dvani dhinédha sraṅ svaranya tugur, agrak taṅ bhuvana-ndha kondha kumətər guntur tikaṅ parvata.Stanza numbered 614 in . maṇḍəg taṅ bala yodha maṅga apagut māṅsa tikaṅ praṅ layu, tandaṅ saṅ mapatih cumundhuk i siraṅ géndharvua séna dhika, krépniṅ syandana len gaja sva ya vinuk sarsék dhinandhéṅ gada, gandharva dhipa len bala dhika pəjah mavréṅ vatək bharggava.Stanza numbered 615 in . samanta prabhu vīra maṅkn asusun sarsék tamindhih marək, hrunya-tap kadi megha saṅghya lumépas brahma-ndha kandhét pəpət, mambək taṅ rudhira-rnava ṅébék apan kvehniṅ pəjah kératan, hetunyaṅ bala yodha ramya cacaban riṅ rah maṅuṅsir hurip. o.Stanza numbered 616 in .
grit kumvaṅ syandana sriya-rjuna lumurug inadyata madrəs lakunya, sakvehniṅ raja samamta kumucup i harəp lagya méntaṅ larasnya, śīghra sundhuk sira rama parasu parniṅ sarvva divya-stra tiksna, himpər krépniṅ hudan sayakanika tumiba tan hana vyat kabuncaṅ.Stanza numbered 617 in . dhiré-ka-mbék niraṅ bharggava mihti sayabniṅ musuh raja saṅghya, maṅkin ahya jəlag lvir tuhina giri tinubniṅ ghana kandhél akrép, sak tekaṅ byuha padma-sta dalanika kuvus bhraṣṭa daṇḍanya rampuṅ, ndan aṅhin késaranya aṅgəgər asəmu pucakniṅ guniṅ kancana bhra.Stanza numbered 618 in . lavan sakveh vatak éhaya kula umarəp raja samanta mantrī, hispér déva-rsi saṅghya jaya-jaya maṅsir vada bhaktya-pa kara, bhananya krép tumampuh ri sira kadi səkara mrak huvus gandha lépa, uṅ uṅnya siṅha nada-dbhuta kaharan aṅucarana mantra mala.Stanza numbered 619 in . krodhé-ka-mbék niraṅ rama parasu maṅayat laṅkap styanta bhinna, naracanyeki saṅhara tumihaṅ hinadi-stana jiva-nta riṅ rat, nda yékan śīghra sampun kr̥ta vara lumépas mr̥tyu tulyanya madrəs, matus taṅ raja samanta ya pəjah anana dvas tikaṅ vahananya.Stanza numbered 620 in . lāvan rakryan sumantri sira pəjah i harəp śrī maha bhumi natha, mādəg taṅ krédha muṅgviṅ hatinira kumutug jvalitekiṅ kaḍiran, tan péndah sapta suryé-ṅudaya giri sira hyun sumaṅhara kaṅ rat, dīptekaṅ bhūṣaṇa bhra mukuṭakiraṇa saṅnyaṅ bhuvah pada lumra.Stanza numbered 621 in . yekan tandaṅ narārya-rjuna mucap i siraṅ rama hé yatna-yatna, ndah mah sarvva-stra saṅkīrṇa ṅaran iki liyat bharggavé-mārganāṅku, tandva tampuhnya sə̄k taṅ gagana pinapag iṅ bayu saṅhara madrəs, kédér kabvaṅ mareṅ sāgara anan anibéṅ mina lémbvara cūrṇa.Stanza numbered 622 in . umvab taṅ sagarāṅde bhramita sahananiṅ sindu saṅhara mopék, kabvaṅ kombul karanya-dbhuta ana kadavut kaknya len baṅkahénya, lindhu taṅ bhumi katrag kahava ri səḍəṅiṅ yuddha madvan kaśaktin, usna svarga péga rvirnya mahas alulunan saṅ vatək déva saṅghya.Stanza numbered 623 in . tapsan mampəh tikaṅ bana lumépas adhulur bajra konta-ti sara, car car ca car sdatan pamyati juga ri siraṅ rama sakvehnya bhasma, nimpér timpuhnikaṅ varṣa riṅ upala giri-ndra drəs avah guméntér, bhrasthekiṅ bajra saṅkīrṇa sahana tumiba ryāṅga saṅ jémadha gni.Stanza numbered 624 in . rug bhraṣṭaṅ déva saṅghyan kahava təkap ikaṅ bana makrép tumampuh, yaksa mvaṅ rakṣasa-dhém paḍa pəjah ananaṅ bhuta tan lvir avaknya, len téṅ gandharva vidyadhara kadi tinumaṅ taṅ pəjah shé matiṇḍih, len taṅ muṅgviṅ gajanya ratha rémuk atəmah duli sanucūrṇa bhasma.Stanza numbered 625 in . kvéb taṅ luṅha ṅuṅsi svarga makukud alayu katrésan tan vriṅ ratnya, kagrət ginlis tinutan panah hinusak-ssik ayuh tikaṅ svarga cūrṇa, vuntuṅ akasa kīrṇaṅ sava maka télébuk lvir hudan vaṅke agréh, yekan kévran siraṅ rama parasu lumihat śakti saṅ karta vīrya. o.Stanza numbered 626 in .
hetunyan timira-adhakara pamalés śrī pama nir saṅśaya, len tékan hala punja saṅhita ṅaranya-néka sampun lapas, rəp śīghraṅ pətəṅ anjana calasa maṅde vibhramekiṅ jagat, lavan tampuh ikaṅ vara-stra tumiba drəs lvir hudan sayaka.Stanza numbered 627 in . yatna srya-rjuna yoga sandhi kinéna-kén riṅ dhanuhnyé-nayat, hrunyaṅ dva dasa surya saṅghya madulur mvaṅ bayu bajra-dbhuta, ghér bhar bhér malilaṅ tikaṅ bhuvana rug bhraṣṭaṅ témpo parvata, dvasta-kaṅ halabajra śīrṇa təkapiṅ drésniṅ maha banjana.Stanza numbered 628 in . maṅkin krédha sira tri vikrama maha mūrtyāṅjəlag sobhita, himpər parvata néru śr̥ṅga dumilah taṅ bhava nalāṅkr̥ta, parpatniṅ bhuvana-ndha pūrṇa kumaluṅ taṅ megha raktéṅ jaja, sévyāṅasta maha prabhava ya lumuṅ kapvāṅrəgəp sañjata.Stanza numbered 629 in . balla mvaṅ musala trisula bhara coli bajra cakra yudha, sumyuknya-rddha parəṅ tumampuh irika krak srya-rjuna ṅadvakən, ayéy bharggava dustha mah lihat iké śakti-ṅku tan pépama, bhraṣṭa syuh niyatanya cūrṇita təkapniṅ sarvva dhanva-dbhuta.Stanza numbered 630 in . yékāṅdagdha manah niraṅ prasu rama tyanta riṅ adbhuta, rəp rudra radhanaṅ samādhi rinəgəp kémpén minuṣṭiṅ hiḍəp, pér rat rok sumapaut bhaṭāra maka rūpa sthula ghora kréti, vunvaṅ andha huvus mamindha ri sirekiṅ sarvva tato-dhréta.Stanza numbered 631 in . vr̥ddhaṅ déha maha-ti ghora hibékan taṅ dik vidik maṇḍala, nivréttyādi huvus kakusa mahiṅan santyanta vvtniṅ ruhar, panca-sya-dbhuta piṅga késa dumilah taṅ tyaksa saryo-pana, pro-dbhutaṅ dasa astha yeka yéka huméga kondaṇḍa-daṇḍa kréti.Stanza numbered 632 in . dhira srya-rjuna maṅkin ujvala sira-nton śakti saṅ bharggava, brahmo-tpati ṅaraṅaṅ astra lumépas bhor bhar sumunviṅ laṅit, tampuhnya-dbhuta riṅ sva deśahanira himpər kostubhalaṅ kr̥ta, maṅkin sobhita jamadha gni təkapiṅ brahma-stra téjo maya.Stanza numbered 633 in . saṅhara dhvani siṅha nadanira ghurna sapta bhumya maya, é koṅ kasmala karta vīrya lihat ikiṅ bharggava nindita, ndak ton teki pəjah rika yuh bhara ko rajanya raja dhika, ləṅkap-kvi-ki ya mārga mun muliha riṅ yama-ndha yékin vulat.Stanza numbered 634 in . sampurneki dhanuhnira paha vélu bananya tiksno-ttama, tatvanyeki siyuṅ bhaṭāra parama nandan səḍəṅ garvvia, ykan siddhi sara təmah parasu tiksna granya méṅis miṅié, yeka mugraha saṅ hyaṅ īśvara dulurniṅ kundhala mvaṅ kurug.Stanza numbered 635 in . ndatandvé-k ləpasnya śīghra kumucup lvir mr̥tyu sākṣāt murub, tampuhanyeki ri saṅ varéndra tumaném taṅ hru tumuṅgviṅ jaja, ndatan vyartha pəjah sireki gumuliṅ riṅ réṅga ratno-jvala, rəp śīghran sumaput sva rupanira himpər kama murittya-tmaka.Stanza numbered 636 in . mabhraṅ ratna kaluṅ-kaluṅnira təkapniṅ rah baṅun rantaga, mlés taṅ véstra kasiṅsətan rudhira śīrṇaṅ éma gatra drava, len taṅ nopura bau rakṣaka kaluṅ susauh lavan pataka, avnés taṅ muka gatra dipta ta sumunviṅurna muṅgviṅ rai. o.Stanza numbered 637 in .
ri pəjah iraṅ narendra ana teja katon asinaṅ, saha səkar arja riṅ gagana mér aṅépés sumahur, maréṅgi tétégnikaṅ bhuvana teki baṅun kalaran, lumiyat i saṅ pəjah yva magulaṅ-gulaṅ iṅ palagan.Stanza numbered 638 in . sahaja sirém hyaṅ arka kadi mavlas i saṅ nr̥pati, jaladha sasiṅjaṅ arja ya sacavéli tékāṅrurubi, tinaṅisan iṅ gərəh jarumaniṅ rərəb aṅluh atis, hiriti pasamba-sambati patərnya baṅun séségén.Stanza numbered 639 in . avicaritan mateki gati saṅ pəjah iṅ palagan, tucapa tikaṅ vatək ry anupa mévi-vu laksa pəjah, hana mara sésaniṅ mati maṅusir alas manusup, parəṅ alayu paḍa mrih i hurupnya lali matuhan.Stanza numbered 640 in . hana manikəl vataṅnya palaganya tiniṅgalakən, hana manukup karah kaluṅ ahambuluṅan masusun, ravisi raṅinya yeka iinarutnya sinumpétakən, sakari vədinya tutén ika hetunika susupan.Stanza numbered 641 in . hana lutusiṅ gəgər tutuganiṅ giri durga mavan, avan ikanaṅ bala mrih alayu maṅusir nagara, ḍatəṅ avarah-varah ri kahilaṅnira saṅ lumurug, ri pəjah iraṅ para prabhu təlas karuhun nr̥pati.Stanza numbered 642 in . kadi siniram tikaṅ ry anupa rajya kagéman arés, makin avuvuh tikaṅ vvaṅvaṅ avarah ri hilaṅ nr̥pati, katəka-téka daləm puri katundha-tundha taṅ ujar, sahaja ginopita-ki pinahavasakən pinépér. o.Stanza numbered 643 in .
ndan saṅ śrī parameśvari manému suṅkava manahén i sokaniṅ hati, ṅuni rakva təvək narendra laris aṅlurug irika ya tambéyiṅ rimaṅ, taṅ tuṅgal rva nimittaniṅ turida saṅśaya manuluyi tiksnaniṅ hati, sih lavan kətəriṅ tvas andhuni téli-talin ira ri narendra tan vaneh.Stanza numbered 644 in . marāṅrés hatiniṅ marək-marək arés yva ri sira kadi kanya suṅsuta, sāsiṅ kasih ireki tapva kasalah mari pinakaalilyaniṅ hati, lavan padapa sumpiṅ arja rinujit-rujit ira pamavan panas hati, vyartha puṣpa ané kisapvanira mogha kahava téka saṅkaniṅ purik.Stanza numbered 645 in . lavan hyasnira teki tan hinuniṅa kusuti gəluṅ iran mareṅ mukha, nir don taṅ vaṅinin pupur tinidha pucsa ri pipinira tan sinanmata, sə̄ṅ-séṅniṅ laṭi matra śīrṇa binibik-bibikan ira ri landhépiṅ kuku, mantén teki hirəṅ sipatnira dinéh-skén i luh ira śaktiniṅ taṅis.Stanza numbered 646 in . himpər kartika rum niran vinulatan ləṅəṅi raras ira maṅun laṅa, rém-rémniṅ turida naput-naputi tiksnani manah ira saṅkaniṅ taṅis, amvas matra tibaṅ luh adrəs siniram pupur i pipi kékéṅ salaṅ-salaṅ, vahva sinvan aluṅ raras hatinira səmi turida marambahn lulut.Stanza numbered 647 in . sokāṅlih gumuliṅ anan pavuṅu tan vriṅ ulaha maṅésah vimurcitta, suṅsut-suṅsut iran amogha téka tampa karana tikəliṅ halis siṅi, tég nyér tvasnira teki majar i géṅiṅ lara ḍatəṅ adulur puték hati, tandva vratta ya vaspada jar itəlasnya pati pəjah i madhyaniṅ raṇa.Stanza numbered 648 in . pakrakniṅ sakadhatvan atri katamaṅyat asəmu gərəhiṅ labuh kapat, lagya nambatakən laranya atépak jaja ana matétél-tétél hati, nurcca śrī paramé svari kapati vétai laranira nékél téké hati, maṅkin teki marambahan panaṅisiṅ kaka-kaka sahaneṅ daləm purī.Stanza numbered 649 in . ndatan vruh sira teki yan tinaṅisan gupté aṅelih alurva madapa, tan kava lukariṅ gəluṅ murarak arja kadi jalandha tapvaniṅ riris, sakvahniṅ paricārikā naṅis asambat hinya kaka paḍa sraṅ aṅrubuṅ, luhniṅ strī sakadhatvan adrəs atəmah vah amalapar i himbaṅiṅ pipi.Stanza numbered 650 in . nda vahsa tutur aṅlilir sira ana panaṅis apəga tan ané-naka, aṅhiṅ matya jugeki rakva tumuté aji pəjah atiniṣṭiniṅ hati, nahan hetunira vrih aṅdadak adan tumutura ri narendra riṅ raṇa, mvaṅ smvéhnika saṅ mamarvani karasikanira tumuté-nareśvarī.Stanza numbered 651 in . sampun muṅgah atuṅgalan ratha təlas pinaharəja pinik bhinūṣaṇan, lavan strī sadaləm puri-ki maṅiriṅ ri sira puyaṅ hinya sraṅ andulur, tuṅgal tan sah apavahan varék anémbaṅ i sira pinakesiniṅ purī, aṅhiṅ kasih ira ki ratna kusumāṅsa raras ika paparvaniṅ ratih.Stanza numbered 652 in . strīṅiṅ sevaka teki tapva paḍa bhakti ri sira maṅiriṅ yathākrama, vdan rakveki huvus ruməṅva kahilaṅsi panuluyanika mriṅhiṅ raṇa, vétniṅ bhakti su-satya matya kaharəpnya ri pəjahi sénéṅnya tan vaneh, patrém teki huvus kinundhaṅ ika sopananika pajahéṅ raṇāṅgana.Stanza numbered 653 in . sampun śīghra bhavisya lampah ira teki dinuluriṅ raras r̥ṣiṅ hati, tan varṇan sira riṅ avan baṅun acaṅkrama madulur atun-tun iṅ hənu, kéṅaṅ taṅ raṇa bhumi dipta kuményar təkapiṅ aruṅ mabhra kamukan, śīrṇa sédga mani-andra capa kuméndhap yva masəmu ləṅəṅiṅ pasir vukir.Stanza numbered 654 in . ṅkāne piṅgir ikaṅ karaṅ liman atun-tuna asəmu pinarantyaiṅ limut, deniṅ téṅran anéka varṇa məlek i drésiṅ anila ya mombak-ombakan, himpər padpa kumlab arja ravisiṅ raṅin amirah aṅambva-kén laṅa, siṅhəl mvaṅ karah arja mabhra sasəkarniṅ asana məkar anjrah iṅ kapat.Stanza numbered 655 in . ləṅləṅ tapva tiniṅhalan ratha sabhūṣaṇi təṅah alaṅa samar-samar, duṅhus-duṅhus ika-sva durga makaranya curiga vara bajra tomara, simpiṅ-simpiṅ anéka manjrah i pasirnya palaga mapasuṅ curik siṅi, len taṅ pandhi vataṅ papanya ya sapaṇḍan asidéha ri tiṅhasiṅ karaṅ.Stanza numbered 656 in . samanta prambhu kaprém iṅ/rathanira saha bhūṣaṇa haləp, /rana ané tan péndah kavi ləṅləṅ amrih aṅituṅ kaéṅéṅan aṅapus palémbaṅa, dudva bhava masamparan taṅan anaṅga véhaṅ ira sumundhaṅ aṅliga, lalya liṅgih anéka pantəs aṅisapva karas aṅikiraṅ tanah siṅi. o.Stanza numbered 657 in .
maṅke prāpta téka nareśvarīṅ palugvan, sakveh saṅ prabhu kahalintaṅan kalalvan, ryuṅgvan śrī nr̥pati juga turuṅ kapaṅguh, marmāṅde taṅis asəkəl anan pasambat.Stanza numbered 658 in . méh prapté-kahana niraṅ narendra kaprém, maṅkin taṅ lvaṅ atip atiṇḍih apramana, mantri taṇḍa pəjah anéka satya bhakti, yékāṅlud tényuhi manah niran tumiṅhal.Stanza numbered 659 in . len tekaṅ pajah i hiriṅ narendra makvah, ghroṅ-ghroṅ matta turida pik-pik rinaṅki, cihnanyeki ana karah kaluṅnya sékép, mvaṅ siṅhəl kiti-kitiranya kadbhvta-bhra.Stanza numbered 660 in . vantən teki karahatan təlas paratra, sura nvan lituhayu padma raja rupa, ndan rakveki paṅalasan kasih gatinya, mabhraṅ ratna kanaka saravva bhūṣaṇanya.Stanza numbered 661 in . ndan saṅ śrī nr̥pati anoṅ rathāṅga ratna, kadya-arém juga sira yan pajah luméndha, tan sah kasih ira mateki rāga étu, ndah yékan pəjah i dagan varéndra tan sah.Stanza numbered 662 in . kumlab taṅ layu-layu éma gatra mabhra, nadyāṅgya-kén i laris saṅ mareṅ palugvan, nda kadya-varah-sarahé-yunéṅ narendra, vétniṅ tan vənaṅ apasah yadin paratra.Stanza numbered 663 in . yeka-nyuh tvas ira nareśvarīn tumiṅhal, ndan riṅ sakṣaṇa tumarun sakeṅ ratha-gya, sakniṅ kén gəluṅ amuré lukar hinaṅgul, résniṅ tvas mavətu taṅis lana giṇeṅ tvas.Stanza numbered 664 in . nda yékan ḍatəṅ amékul airé-narendra, ahénék tan vənaṅ aṅucap lana-péga-tvas, aṅhiṅ luhnira juga aityanadrəs amvas, amlés ryāṅga aji sinuṅkəman sudevī.Stanza numbered 665 in . lagya masvasi muka saṅ səḍəṅ paratra, marma mrih umusap-usap anan liniṅ-liṅ, méṅis traṅ vaja kadi harṣa yan panuṅsuṅ, kadya véha səpah amista sésiniṅ kén.Stanza numbered 666 in . ndan kadya ṅucapa siré-ḍatəṅ saṅ antén, induṅ tiṅhalana kakanta toh təkapta, tiṅhal hérén i ḍatəṅanta taku tan len, rum rakryan juga suməlap ané hatiṅku.Stanza numbered 667 in . maṅke pvan téka kita toh mapé-lahāṅkva, géṅ trésné-rarasi ajəṅta lot matuṅgu, ndon kiṅ-kiṅ turida lavan təṅahta mambət, susva hrit vaṅini pipinta kénéṅi-ṅvaṅ.Stanza numbered 668 in . nda tapvan varəg i ajəṅta riṅ paturvan, ndak ton-ton tikəli alista riṅ kacapvan, pantén yan cala-cala éva tan tékég tvas, sér méraṅ təhər akiput linuṅsuran kén.Stanza numbered 669 in . maṅke pva-ku bibi miyat riké ajəṅ-ta, sə̄ṅsiṅ rāga ri hati tan vənaṅ vinastvan, énak ṅvaṅ pəjah amisan riké-harəpta, pamvit-kvi-ki paha-lavén tuhanku taṅhér.Stanza numbered 670 in . lvir maṅko-jra aji tapva yanvinarṇa, yékāṅda taṅis asəkəl təhər masambat, hetunyaṅ sava ginugah-gugah tinaṅhi, kadyāṅruṅva sumahuré hiḍəp sudevī. o.Stanza numbered 671 in .
é nathāṅku manéhta lihatana, prāpta manbah i jéṅta saha taṅis, suṅ-suṅ teki lulut-kvi-kita kaka, pak-pak teki taṅis-ku arih-arih.Stanza numbered 672 in . ah rakryan mapah hetuniṅ aviṅit, tanpāṅruṅvi-taṅis-ku kasih harəp, maṅko pva-mbékaniṅ pəjaha sagar, tan trésné rya-ku sihta puji-pujin.Stanza numbered 673 in . maṅke pvan ri hilaṅta mapa kunəṅ, aṅhiṅ matya juga-naka ri hati, ton-tonta vəlas asih-ku tak kavəlas, marma-aṅkun laris aṅlugasa hurip.Stanza numbered 674 in . sih-sih-kvi-kita tan kəna pinégat, siṅ sélahta yata nuluyi hati, pantəs yan téka cumbu kédi diné, sruh-vruh riṅ gitani hinarih-arih.Stanza numbered 675 in . maṅke kupva kitan téka uménéṅ, dosāṅkvi-ki kakāṅku paran ika, ṅuni ṅgvanya sédhé-ṅku kakavaśa, tanpa ṅliṅ anukər védhi riṅ ulah.Stanza numbered 676 in . antuk-ta-mi amarṇana turida, marmāṅdani tapih-ku vahu cucul, syuh sirneki jajanta kari ragət, bosan-ta-ki kakāṅku tan aharié. o.Stanza numbered 677 in .
ri sampuniṅ ulah matāṅku gupé aṅlih alupa luru tan ané-naka, ri paṅkvani bapāṅku tan sah anamar hinari-hari təhər sisuṅkéman, sabukta ana randi yeki panalinta ri mélasi tapih-ku kasrépan, ujarta rinéṅén-ku yeka karanāṅkva-dan atutur i sandhiniṅ tapih.Stanza numbered 678 in . ri piṅrvaniṅ ulah kapiṅ tiga təlas vasa ri sarasaniṅ karasikan, dudu savəṅi sih-ku saṅśaya matémbéh i kita kadi tambvaniṅ sasi, ridhép-ku kaka sih tatan luvara késyana rasani vuvusta riṅ hulun, si tan saha sakeṅ kisapvan amisésana səpah i vajanta tan kalen.Stanza numbered 679 in . ujarta yatika kinubda ri hatiṅku ya kinémit i raganiṅ hulun, lalu pvan hinahalta mithya ri pəjahta manalahasa sih-ku kasihan, mataṅya kaka hér matāku tumuta yva pəjaha ri daganta tan sha, yadin layat amuksa-muksana sukha ṅvaṅ adulura mareṅ smara laya.Stanza numbered 680 in . savétni géṅi trésnaniṅ ṅvaṅ i kita silih asih i daləm pasaṅgaman, pipi-ṅku juga tan vənaṅ sah i rarasta maṅaréki sumbya-suṅ səpah, susu-ṅkva rupit arja ménéṅi taṅanta sahaja namarantya-kén kuku, təṅah-ku lupa riṅ tapih gupé aṅanti vəkasana ri yantyaniṅ gati.Stanza numbered 681 in . lavan syapa tika purik-purik-anaṅkva mupih-upiha duhkhaniṅ hulun, syapé-ka paka jampya rāga ri səḍəṅku sinaputan i śaktiniṅ smara, kakaṅ-ku sira tan/vəlas aṅarya-kéna nalahasé-səḍəṅ rimaṅ, / vruhiṅ pujin pva siti téka naṅhég lané-musiniṅ asarané nahén lulut. o.Stanza numbered 682 in .
kaka aji riṅ apāṅganya ṅvaṅ yan silih asiha, muvaha kadi polah-kvi jroniṅ jinəm araras, manisi mata vajan-tat pojar yan-déṅa ri hati, amahayu lukariṅ kén yan sampun vəkasiṅ ulah.Stanza numbered 683 in . yata mapuhara kiṅ-kiṅ kuṅ-kva manbéhi turida, maṅaṅən-aṅən i sihtéki ṅvaṅ mogha sinapihan, pira karika lavasniṅ tan tiṅhal kadi savulan, tvééki panaṅisi-ṅvaṅ tan sara ṅka nahén unéṅ.Stanza numbered 684 in . makin aṅvaki ləṅləṅ-kun baryan vəṅi sumaput, jalada kasarakat lvir siṅjaṅ-kun van kacava, vulan avénés alurva lek tan sémva samu suma, riris alit aniran himpər luh tan kəna pinégéṅ.Stanza numbered 685 in . kaka pavəkasani-ṅvaṅ riṅ janma-ntara ta kunəṅ, yadi satəmahanan-téki-ṅvaṅ sélvana sadulur, gaḍuṅ amarəki tandan luṅ-luṅta ṅlih aṅalayan, liraṅ ika təmahāṅkva nvam mahva pupus aputih.Stanza numbered 686 in . nahan ujar ira marma sambat-sambati nr̥pati, hinusap ira vinas-vas saṅ sampun pəjah hinamər, taṅan ira ya sinambut de saṅ lvir tulis araras, tinukupakən i santén tambaniṅ jaja mahénék. o.Stanza numbered 687 in .
samantara dan matutur sudevī, géṅni laré-tvas pinégatniṅ ambək, təlas maraṅ citta sudhīra bhakti, maṅke juga ṅhiṅ pəjah éki tan lén.Stanza numbered 688 in . gəluṅ lukar kolot i bau lumraṅ, marmé-najum riṅ kuku sampun épén, tapihnira nindya sabuk narendra, marmanya tan sah ri təṅah nirāṅlih.Stanza numbered 689 in . təlas manəmbah ri narendra mamvit, ginya-kén iṅ rāga təkapniṅ onəṅ, yateka himpər jaruman naéndra, lvir majaré géṅni lulutnira gya.Stanza numbered 690 in . huvus nira-dan maṅadəg tan himba, patrém pabélan ya təlas minuṣṭi, yaté-nunus dipta miṅis malandhép, céb ṅér kéné prana tékas tumaṅgə̄ṅ.Stanza numbered 691 in . mélés maraṅ rah mamirah tikaṅ kén, madrəs hilinyeki təhər tan ampét, sugandha mamba jənu kasturi arik, siṅgih rahiṅ satya viśeṣa putri.Stanza numbered 692 in . sémék maré-tvasnira saṅśaya hénék, asrét maraṅ śabda haneṅ jaja hrit, pəgat-pəgat mandra lana pégé-tvas, lvir tan karuṅveki vuvusnira srét. o.Stanza numbered 693 in .
antén-ku ratna kusumāṅsa mapo-lahan-ta, ta-ntak mareṅ magara ayva vihaṅ manah-ta, hat-hat ajəṅta bibi méman apan kita-nvam, tapvan vruh iṅ turida rāga kinuncaṅiṅ hyun.Stanza numbered 694 in . nahan mateki pavəkas-ku raṅən təkapta, vantən karas-ku kavəkas ri daləm paturvan, sésinya bhasa saha gita gurit narendra, maṅke pəjah tuturakənta siluṅ-laṅāṅkva.Stanza numbered 695 in . solah-ku yeki guritan kakavin palambaṅ, muṅgviṅ ṭikā-rjja pakirim-kirim éṅ paḍa hyun, mo yan paka-vaka taṅisniṅ anuksma-kén kuṅ, bhāgyan gurit-guritaniṅ kavi su-srama nvam.Stanza numbered 696 in . nahan vəkas-vəkas ireki təhər paratra, ṅkāne hiriṅ nr̥pati tapva siran sumaṇḍiṅ, marma sahur taṅis ika saṅ inojaran syuh, ahrit svaranya kadi métva riris taṅisnya.Stanza numbered 697 in . sémbah patik aji réṅés yva təkap sudevī, ṅunin pasatya ri daganta matāku tan len, ndan yan paratra sili dhirya hurip-ku dén-ta, riṅ janma soṅ huluna tāku muvah təkapta.Stanza numbered 698 in . lavan muvah syapa tika srayaniṅ kadi ṅvaṅ, pun rāga hetuka mateki təlas paratra, honyé-dagan nr̥pati bhakti su-satya tan sah, yāṅde laré-tvasi manéhta miyat katiksnan.Stanza numbered 699 in . saṅsipta teki pəjahāṅkvi-daganta tosén, patrémta sopanani jivitaniṅ hulun dyah, nargganta yeki avanāṅkva tumuta tan sah, vétniṅ kabhaktin ati satya ri jéṅta tan lén.Stanza numbered 700 in . é rāga hetuka lihat ri manéhta masku, bhaktyāṅku tan sah ikiteki tuhanku tāṅhér, suṅ-suṅ mara-ku ta dulur saparan matun-tun, sugyan-ku tāṅlihaa riṅ hənu durga mevəh.Stanza numbered 701 in . aṅhiṅ kiteki paranāṅkva vuvus narendra, paksāṅa yan srahakən é kita rékva ṅuni, maṅke pəjah kaka ta sis mapa to-lahāṅkva, aṅhiṅ paratra juga ṅenaka rakva tan sah.Stanza numbered 702 in . nahan vuvusnya tékas amvit apatrém aṅga, ləs śīghra sakṣaṇa pəjah gumuliṅ luméndha, marman sumuṅkém i sénéṅnya təhər sumaṇḍiṅ, himpər anyar kavava muṅgvi daləm paturvan.Stanza numbered 703 in . kén-kénya uavli mirir arja kaluṅsur amlés, deniṅ rah adrəs amirah sumarambah smvas, murcca vnés aṅlh alumé lukariṅ gəluṅ mrik, kadyāṅrəṅih-rəṅih ataṅhya mahāṅdudut kén. o.Stanza numbered 704 in .
sakveh saṅ maka punya rāga aji riṅ śayana sira mateki varṇanən, sampun teki matuṅgaan taṅis ira-jar i kalaran iran hinaryakən, nahan étu nirāṅlugés turida tan hana tinaha-tahé-délém hati, aṅhiṅ matya jugeki rakva tumuté-aji saparanya ramya tan saha.Stanza numbered 705 in . śīghra dan-dan anəmbah amvit i narendra saha taṅis irāṅhiris hati, layvan puṣpa sakeṅ gəluṅnira pamursitanira saha luh(nir) tibéṅ pipi, patrém tiksna ané-nagém ri taṅan arja paməgata hurip hinandhéman, marbas taṅ rudhiré-jaja mvas amirah gupé aluru siran huvus pəjah.Stanza numbered 706 in . maṅkin tanpa paruṅvan strī taṅisiṅ kaka-kaka ri pəjah nareśvarī, kadya mindha sékéṅ tavaṅ taṅis ika sélur asəmu hudan anyar ḍatəṅ, sambat-sambat ika raras pituruniṅpatər akətər i kalaniṅ kapét, luhnya ṅəmbəṅi soca matra tumibéṅ susu masəmu panindhaniṅ riris.Stanza numbered 707 in . samanta prabhu gharini tucapa teki sira paḍa huvus haneṅ abha, ton kasyasihi saṅ pəjah ri təṅahiṅ raṇa kasihan ira gilaṅ-gilaṅ, marma nyarvani luh vasāṅrurubi cavli saha kusuma layvaniṅ gəluṅ, lagya nambatakən ri sihnira maṅol i sava aji təhər sinuṅkəman.Stanza numbered 708 in . a hah saṅ pəjah iṅ palugvan apa teki kaka təmahaniṅ hulun pəjah, yadyastun sadadinta masku tumut aku ri kita kaka havya saṅśaya, yan paṅ-janma kitéṅ karas hulun adadya kakavin araras palambaṅa, vétniṅ tan saha taku toh lihati matya-ku kaka ta dulur-dulur pəjah.Stanza numbered 709 in . nahan sambat rian paratra sumavat ri sava saṅ amaṅun laré hati, stniṅ taṇḍa muvah paratra ri paratrani sénéṅ iki riṅ raṇāṅgana, len taṅ medran amet ri uṅgvan ira saṅ priya masaṅu taṅisnya tan pəgat, sambya ṅémban i putra-putra niki katak asaha kavula ṅavin séréh.Stanza numbered 710 in . ndan rakveki anyar-anyar təlas apaṅgih ulihiṅ akirim-kirim ṭikā, luṅha-ndoh ahañaṅ-anyaṅ gati nikén turuṅ hinubhayaniṅ yayah bibi, vantən rakva vuvusnya ṅūni pinastya-kén ika ya pasatya riṅ karas, hetunya pəjah éki rakva kaharəpnya maṅavakana pjariṅ ṭikā. o.Stanza numbered 711 in .
taṅéh yan ucapən mateki gati saṅ tumut riṅ priya, muvah sahana kinnara sura pəjah yata varṇanən, udani təkapiṅ vara mréta kaśakti saṅ bharggava, tékéṅ gaja ratha sva taṅgaṅan ika huvus saṅkəpan.Stanza numbered 712 in . masa praṇata bhaktya nambah umusap ri jə̄ṅ saṅ yati, lumampah aṅiriṅ makéri ri siraṅ mareṅ asrama, anan kadiṅ husana rupanika pūrṇa śobha haləp, təkapni kəñariṅ sva bhūṣaṇanika-rjja ratnāṅsuka.Stanza numbered 713 in . nda śīghra tinamuy-tamuy riṅ upa bhoga tapvan kuraṅ, mijil sakariṅ yoga saṅ paraśurāma sampun avis, səkar jənu su-gadha kasturi miṅgiṅ samaṅde sukha, mamukti phalaniṅ jayeṅ raṇa su-satya vīra brata.Stanza numbered 714 in . təlasnya paḍa mamvit adhara ri jamadha gnya-ksama, mésat gagana mārga śīghra tumuluy təkeṅ kahyaṅan, katancana vara-psari ḍatəṅ anuṅsuṅ saha taṅis, raras hatinikan ana jara riyan sénéṅnyan pəjah.Stanza numbered 715 in . sapolah ika tan tiṅana tinékan samaṅde sukha, unéṅnyan alavas yateka pinunagya-kényéṅ hati, macarva lurusiṅ təṅah yva maka aryasaṅ kén lukar, masarya vavéliṅ gəluṅ lukar agantuṅan riṅ pipi. o.Stanza numbered 716 in .
atīta gatiniṅ sura-psara haneṅ sura pada mari teki varṇanən, ikaṅ ry anupa rajya teki caritan valu-valu ri pəjah nareśvarī, lavan sahananiṅ karaṇḍan hinya len kaka-kaka maṅiriṅ mareṅ raṇa, huvus téka haneṅ daləm saha taṅisnya pamavanika riṅraṅiṅ hati.Stanza numbered 717 in . ya hetunikanaṅ kadhatvan i yavé-daləm asəpi téké panaṅkilan, ikaṅ vataṅan arja tan kadiṅ husana masamun i natarnya nis prabha, dilahni gupuranya mandra təkapiṅ him ləṅəṅ asaput-saput mukha, baṅun mavarahé laranya maka luh ririsan ira anirami kalaṅiṅ rəməṅ.Stanza numbered 718 in . gr̥ha-rjja ri daləm puri kahiḍəpanya kadi-kadi kadhatvaniṅ tulis, anan paṅadəg iṅ natar vvaṅvaṅ ika tan hana maṅucap apiṇḍa suṅkava, gəluṅnika lukar ndatan kahuniṅanya murarak akusut mareṅ mukha, vulatnya kamatéṅgéṅén kadi katona nr̥pati kalavan nareśvarī.Stanza numbered 719 in . yan iṅ masa surup hyaṅ arka lumaya luru səminiṅ asoka riṅ natar, mayat məkar i kəmbaṅiṅ manur aṅémbi atutur i masanya sumpaṅa, ikaṅ bhramara mantén aṅhréṅ anaṅis paḍa ləṅəṅ arurab-rurab səkar, umaṅgah umiṅél gaḍuṅnya mavəlas harəp aluṅ amara srayéṅ tahən.Stanza numbered 720 in . ləṅəṅ ri vijiliṅ śaśāṅka sumanāṅdhadhari ri huvusiṅ ḍavuh pisan, ….. tan aṅu-aṅu améndhar-médhar sari, baṅun salahasé-rarasnya juga tan hana lumihat apiṇḍa koméṅan, marāṅluh akécap titisni bañuniṅ makara tumus avarṇa kasrépan.Stanza numbered 721 in . ikaṅ vvaṅvaṅ i daləm kadhatvan hinya len kaka-kaka paḍa soka duhkita, miyat ri ləyəpiṅ vulan kadi maha mituturana taṅisnya tapva ya, vilasa aji rakva yan maṅadəg iṅ natar araras akalihan ulas, anan kadi katona rakva sira muṅgah adulura mareṅ pasaṅgaman.Stanza numbered 722 in . ya karananikan lumampah adulur-dulur aṅənés i tambvaṅiṅ sasi, maha ṅlipurakən taṅisnya mahasiṅ taman araras anisakən uyaṅ, prapañca miyatiṅ səkar jéṅér aṅimbuhi pamanisi tiksnaniṅ hati, viraṅ-rva turidanya tan hana juga-naka paṅimuara riṅ-raṅiṅ hati.Stanza numbered 723 in . hana galiṅah iṅ mahantən aṅuré gəluṅ amuni taṅisnya tan umuṅ, gurit nr̥pati ṅūni rakva kavəkas pitéṅanika tinénya riṅ téta, kataṅgama ktāṅlilir vinulatanya riniṅa-riṅa-kénya vaspada, yateka vinacanya yan sinuluhanya tiṅət-hiṅət ika-rjja riṅ kapa. o.Stanza numbered 724 in .
ah rakryan mapa kolahanta bibi yan panékana samayāṅku riṅ karas, yadyan ta ṅvaṅ anyidra mañjiṅa mareṅ jinəm anakanakaptiniṅ hulun, résniṅ tvas yadiyan kaciryana sapolahiṅ anilib akalihan huləs, byakta matya kakanta masku kakajin kakahavas inuvarga riṅ ṭikā.Stanza numbered 725 in . mdi ṅganyan muvah aku vanva ri kité-bu satata paka ratna riṅ purī, nojarté-ləpihan yateka hiniḍəp-ku panucap-ucapanta riṅ hulan, layvan-teki lavan tapihta ya sinūkṣmaniṅ hutusan amétva-kén taṅis, riṅ paṅkvan-kvi-naras-haras-ku vinédar yva kadi ana katéna vaspada.Stanza numbered 726 in . ndan yan tan katəkan asambati manéhta saharasa makantéṅan hurip, apan deni rusitniṅ amrih aṅiriṅ liriṅ anəkani sésthiniṅ hati, énak ṅvaṅ pəjah éṅ pasir ləṅəṅ amarna laraniṅ apatamaṅan lulut, riṅ jama-ntara rémyaniṅ salahasa ṅratakəna rasaniṅ pralapita.Stanza numbered 727 in . yak mati-bu madadya siñjaṅ aku tan sah aguliṅana ta ṅvaṅ iṅ tulam, yadyan ṅkanya huvus lukar viru-virun-ku ta védhar anamar-namar karas, sarmāṅdani taṅista maṅəni gurit-ku pagavasani sihta iṅ halun, svargāṅkun ləsəh éṅ təṅahta tinular-tularan i vaṅiniṅ sédhak haṅétStanza numbered 728 in . maṅkin saṅśaya śūnya mémbéhi huvusnya mamaca ri gurit nareśvara, ndan rakveki huvus sinūkṣma kinirim-kirim i vəkas ikaṅ karasikan, ṅuni ratri silib-silib vvaṅvaṅ amaliṅ-maliṅ anahali sisiniṅ tapih, santén vuryani sihnya tan ləbur avarṇa kadi sipat i sampuniṅ taṅis.Stanza numbered 729 in . yékāṅlud rumémék hatinya səḍəṅiṅ smara maṅirim-hirim raras hati, kaṅən rakva manis-manisni paṅucap aji sahaja marantunan pipi, pantəsan pamibik tapih suji bisa ṅlipu-lipuri panas prihiṅ hati, marmāṅdani taṅisnya tambéh amaṅun lara turida kéncéṅ smara nala.Stanza numbered 730 in . nahan hetunikan prapañca kəna rāga sinarik i kaśaktiniṅ smara, ləṅləṅ luhnya lalitya méṅéni narendra ana kadi katon sumaṇḍiṅa, ləs śīghran gumuliṅ manurva-kén i luhnya tuna-tuna taṅisnya tan umuṅ, riṅ svapneki hiḍəpnya rakva sira yan ḍatəṅa musépi luhnya riṅ sabuk.Stanza numbered 731 in . taṅhéh yan caritan taṅisnya ana riṅ taman aṅimur-himur puték hati, rém-rém taṅ sasi raśmi mandra kətəriṅ patər akətər aṅambva-kén riris, lvir kadya slasa riṅ səkar turuṅ aṅantya ri gəluṅ araras anyar məkar, muṅva ṅambəki rāga matra vaṅiniṅ kusuma surabhi jaṅga kaṅinan. o.Stanza numbered 732 in .
sakalaṅvan ikiṅ taman amuhara ləṅləṅ asuṅ turida, ri karaṅnya mapaṇḍan apuḍak aṅudhédha katon aṅisis, mapupur hrəbuk arja baṅun asaji rumnya ya karékana, kadi harṣa vəkas-vəkasana kakavin mapatuta ṭikā.Stanza numbered 733 in . hana tīrtha mijil ri alévaṅi parasnya sumoṅ arahur, ri tusanya pinañcuran ajajar anir-jara konəṅ-unəṅ, tumibéṅ tahas arja mani maya sateja katon aputih, kadi candrama pūrṇa sirat ika sumamburat asəmu riris.Stanza numbered 734 in . ri pasir-pasiriṅ lvah amalahar agə̄ṅ mahəniṅ mabiru, vatu antiga ramya mamatiga təpinya tinumpaṅ atap, véréhiṅ bañu tut sisi kasarah avor kusuma nirara, kadi rurva sakeṅ gəluṅ alum apulaṅ pupar arja miṅiṅ.Stanza numbered 735 in . lalu masa ktaṅ rahina ri vijiliṅ ravi manda lumə̄ṅ, sumékas maraṅ utphala vahu linavad-lavadiṅ bhramara, ataṅis-taṅisan jənək amisiki sari tan intar umél, paka luhnya titisnikaṅ ébuni lavénya tumus umili.Stanza numbered 736 in . asinaṅ panəḍəṅniṅ asana tan himumbarah arja ruru, umuré səkariaṅ gaḍuṅ avilət anolét avor katirah, mənur arja baṅun susu-susup inarak katitih-titihan, taru raśmi səminya sa-laṭi kasaraṅ binibit-bibitan.Stanza numbered 737 in . ri siriṅnya gunuṅ-gunuṅ aṅililan arja katon aruhar, majuraṅ ya mapajara-jaraṅ i hiriṅnya ləṅəṅ pinaran, sinaput-saput iṅ limut asəmu banantən anyavli marar, kadi kén lukar arja kahariṅətan asmu ririsnya sumar.Stanza numbered 738 in . alaṅa ri samipanika rinacanéṅ səkara anjrah harum, asinaṅ tumibéṅ natar arésik amarsa ruru sumahur, anagisbhramaranya kasih harəp atīta tiniṅgal-akrn, anmar dyah akuṅ sinalah-asa turuṅ kavavéṅ sayana.Stanza numbered 739 in . paḍa suṅkava sinvami tahən ika ruksa katon akusut, aṅésah siraranya maksusak-asikan sinirirniṅ aṅin, vəlas asihnya baṅun kapilaṅa pəjah aluṅ asəmu lumé, abalut mataniṅ vuluh anamar harum pinuyur-puyuran.Stanza numbered 740 in . hana pañcuran asnét analaga tusnya kinəmbəṅ atis, ri təṅahnika nusa ləyəp i racananya baṅun siluman, pinaran-paraniṅ sivuhén asəmu soka kaciryan akuṅ, tuhu rantunaniṅ masa kapat alaṅa panamun turida.Stanza numbered 741 in . sakaton ri tiliṅniṅ aruṇa tuhu tis-tis asépya asmun, uménéṅ paḍa vismaya kakalaṅə̄n ikan tiniliṅ-tiliṅan, tinilar-tilari riris aluru səkarnya paran ta katon, kadi kiṅkiṅiṅ anya malavas aləsəh pinatambaṅakən.Stanza numbered 752 in . tadanantara méh sirépa kəñariṅ arka lumə̄ṅ anisih, luməyəp anilib sumurupa katavéṅ-tavéṅan jalada, asinaṅ aa riṅ gagana kadi ranandhi sateja katon, panavat-navatiṅ dadali sa-halis arja kumiṅcuṅ avas.Stanza numbered 743 in . vau séb-séb ikaṅ vəṅi sumaput agatra sasi suména, rumavas-ravasiṅ pətəṅ alilaṅ ikaṅ dasa deśa katon, maluya kalaṅə̄nya kahidépan ikan linihat-lihatan, araras baṅun adyah hinamər i kakuṅnya silih sih apém.Stanza numbered 744 in . adavan caritan saka-ləṅəṅani ramya nikiṅ nagara, ri pasirnya təkeṅ vukir alas ika yeki baṅunkalaran, pira rakva karas tanahaniṅ aṅapus kakavin ta kunəṅ,/i pilu rañca maraṅ kavi vahu kavi tandaṅ amet kalaṅə̄n. o.Stanza numbered 745 in .
nāhan hiṅhan ikaṅ katha carita parva rinacana giṇeṅ pralapita, ndan rakveki ṅaranya rāmavijayāstu kasubhaga təkeṅ jagattraya, antukniṅ kavi lalana nvam alaṅa ləṅəṅ aṅulahakən manah licin, ṅhiṅ rakvaṅ aparab taniṅrat i daləm karas arəja vinimba riṅ ṭikā.Stanza numbered 746 in . ṅuni kala bhaṭāra mokṣa mulihiṅ siva pada saha yoga samréti, rug bhrastaṅ yava bhumi kai kadi tan muvah atutur i jatiniṅ kr̥ta, śīrṇaṅ sastra su-dharma sasana yateka tinaya-taya mogha tan tinut, siṅgih rakva ya kali kala sumaput yata maṅavaki murka dur-jana.Stanza numbered 747 in . maṅke pvan ana mūrti saṅ siniviniṅ nagara séphala śakti nītiman, vira nvam kavi darsaniya maguna raja vinuvus harum priyambada, himpar surya mijil sakeṅ udaya paravata sira paka dipaniṅ sarat, khyāti śrī kr̥ta rajasa-dbhuta panéṅgah i sira tuhu rajaséṅ jagat.Stanza numbered 748 in . mantuk taṅ bhuvana pagəh kadiṅ husana muvah atutur iṅ rasa gama, saksa sasana saṅ narendra ya tinutnya satata paḍa bhakti tan salah, vaṅ-vaṅ savuka ṅaksa tan hana maliṅ avéh aṅvéhi rajya saṅ prabhu, prāpteṅ vana pasir vukir paḍa rinaksa katéṅéṅan ika maṅun laṅa.Stanza numbered 749 in . yāṅde rañca ri buddhiniṅ hulun amarna kaləṅəṅan umuṅgva riṅ karas, tan saṅke vihikan matékya médhara kativasan amarantya-kén vuvus, vruh ṅvaṅ yan cacadén mateki palalun-kvi-ki paka pamavan puték hati, buṅha tandaṅ i ləṅləṅiṅ pasir amet kaləṅəṅn i katəmvaniṅ hiḍəp.Stanza numbered 750 in . ṅuni ṅvaṅ satata marək-marək i jə̄ṅ nr̥pati huvus akarya sevaka, tan lot ṅanya sirāṅhulun ṅhulun apuṅguṅ akikuk agave panas hati, yāṅde duhkha narendra tanpa tahənan huna mavédi katona de aji, luṅha ṅvaṅ maṅalap kasaṅ saha karas tana umusi ri duṅhusiṅ pasir.Stanza numbered 751 in . ry antukniṅhulun aṅləṅəṅ mahas aṅiṅdhaṅi pasisi marək ri jə̄ṅ aji, mavat bhasa palambaṅ arja ana riṅ karas hinapi sinūkṣma tan umuṅ, nantən teki hiḍəpku rakva lipareki vuyuṅ ira tan aṅliṅ iṅ hulun, maṅkin duhkha karas pamandhém ira riṅ hulun avédi lana sahur taṅis.Stanza numbered 752 in . yekāṅde pətəṅiṅ tvas ardha kapəgan maṅaṅən-aṅən i tan sihiṅ vidhi, aṅhiṅ matya jugeki ṅenaka mara ṅanyuta hurip i salvaṅiṅ pasir, marmāṅkva mrih amarṇanaṅ vaca-vacan jaya-jaya ri narendra riṅ prajā, rapvan randha rikaṅ sarat mapagəha prabhu sinisvin ikag jagattraya. o.Stanza numbered 753 in .
aṅhiṅ soddaga cakra yeka paṅalah śrī nātha riṅ papraṅan, bhraṣṭa siṅ kahava ta denya sinacah malvaṅ pisan sayuta, anyat mevivu laksa tan kəna tuha vrég tan valuy yan laga, siṅhəl mvaṅ vaju luṅha mavri malayu vrin-vrin matiṅgal raṅin. o.Stanza numbered 754 in .
siṅgih saptama sūryavaṅśa paṅadəg haji ri huvusiran jayeṅ raṇa, təṇḍasniṅ ratu śakti nastha pəjahiṅ ratha tiga vəlas agilaṅ-gilaṅ, rvekaṅ śakti mataṅgal amrih aṅusī pakasulayah i madhyaniṅ raṇa, rumpukniṅ sasa parvato-lur-uluran-tra paṅavasaniréṅ parāṅmukha.Stanza numbered 755 in . hetunyaṅ yava bhumi śuddha rasana dvaya saṅ hinabhivadha iṅ jagat, kvehniṅ sevaka sapta tiki téka piṅ rva mara marək anambah iṅ sabhā, tanpa lvaṅ sukha homa paṅhilaṅ iréṅ ripu kula pajahiṅ raṇāṅgana, lavan saṅ sura saṅghya maṅjaya-jaya-aji hula-hula suṅsaṅiṅ laṅit. o.Stanza numbered 756 in .
nāhan doniṅ hulun yan hilu kavi kumavi mrākr̥ta vatas kāvya, antukniṅ dhairya maṅhyaṅ-hyaṅ i giripati bhakty amrih aṅgə̄ṅ palambaṅ, kāya mvaṅ śabda len citta yatika ginəlar parva pañcopacāra, sampun sampūrṇa śīghran kr̥ta vara kadi riṅ svapna yan non bhaṭāra. o.Stanza numbered 757 in .
ndah yeki pva ṅaranya rāmavijayāstu kavuvusan ikaṅ jagattraya, sampun pūrṇa sinurvan iṅ piḍaḍa kilyaniṅ acala śarīra devata, khyātiṅ rat raya riṅ siṅarsa ya ri uttara riṅ anima sobhita laṅa, ndah maṅke pva dhiné bhaṭāra karananya masəpi tuhu tan kadiṅ lagi.Stanza numbered 758 in . yeki pva karaṇanya ramya riṅ husana sira saṅ i harəpku nītiman, khyātiṅ rat sira kavi paṇḍita jatéṅ sarasaniṅ agama-ti durjaya, marmanyan sada vah laṅə̄nya karika pinuji-puji patīrthaniṅ sarat, rat bhaktya mararəm paḍa muhun i jə̄ṅira maharəp aṅuṅnya śūnyatā.Stanza numbered 759 in . maṅka saṅ makadharmaniṅhulun apan tuhu-tuhu paramādiniṅ laṅa, maṅke ṅvaṅ ati hina duryaśa vimūḍha kasih arép amuktya saṅsāra, yāṅde kiṅ-kiṅ ikaṅ manah karirisan lara maravasika ndatan bésur, nél-ṅélén ṅvaṅ i panaputnya dadi luh drava ri mata mataṅnya nis-préha.Stanza numbered 760 in . ləṅləṅ-kan riṅ amanda bhāgyani tuvuh-ku hiniraṅ-hiraṅiṅ parampara, byékta-byékta pakarya riṅ kuna yataka katəmu muvakéṅ kaduryaśan, ndi pvé-ka avanāṅkva yan madéhanaṅ lara ri hati sumar marémbéhan, tan péndah kadi puṣpaniṅ uphala tanpa sara riṅ apa yan hurip muvah.Stanza numbered 761 in . duran yan sama ri nilo-tphala larāṅkva ana avan ansmva-kn ayuh, byakta tan mahurip muvah linavad iṅ gərəh aṅirim-hiris lavan riris, lila maluy apuṣpa maṅ-jrah anəḍəṅ bhramara téka kadi mahas maṅa, tan vvaṅvaṅ matra lar-ṅkva yan(sakaén iṅ) sama-kén iṅ kumuda təkapi mudha-niṅ hulun.Stanza numbered 762 in . byakta-byakta yaté kaṅən-ku kadi tan hiliran ira maha jayeṅ laṅa, yekāṅde kadi tan ləvas géṅi larāṅku dinularan i tan sihiṅ vidhi, sayakta yeki phalanya tan dadi linaṅghana katəmu daridra vah dana, dagdha sina géséṅ hatiṅku ri pamahnya kadi gaduṅ aṅoloṅ ambara.Stanza numbered 763 in . maṅke ṅvaṅ katiban viraṅ-rvaṅ aṅésah prihati riṅ apa yan vənaṅ pasah, apan madbhuta kadi sāgara mamarvvata maharus ahombakan unaṅ, ahah bhukti kadun-kr̥tan-mu ya mapaṅ masəmi masəkara anjrah éṅ hati, yékoṅ aṅga manavaṅ iṅ kasih harəp-mu riṅ apa ya matiṅgal ujvala.Stanza numbered 764 in . maṅka bvatnikanaṅ larāmbək i hatiṅku umənəb ika tan vənaṅ pinəm, jag ḍatəṅ pva vidhi narendra saha pustaka manuruna rāmavijaya, kagyat-gyat manahiṅ hulun dadi maṅa rumasa-rama ri tan sidéṅ gati, tan saṅkaṅ pamihaṅkv astuniṅ asuṅkava təkapi kahinasiṅ hulan. o.Stanza numbered 765 in .
santoṣa tekini manehta apan vimūḍha, vetnyan virūpanikaṅ akṣara tan sphuṭa ya, kveh māti tan hana pənədnya kuraṅ viveka, kevalya bhaktiyani manehta gégén narendra.Stanza numbered 766 in .
iti kakavin rāmavijaya, samāpta. təlas sinurat riṅ gəria piḍaḍa, duk taṅgal 30 april 1973. varsaniṅ loka.-