Candrakiraṇa Manuscript Perpusnas L298: Digital Diplomatic Edition

Completed transliteration of the manuscript Started revision in XML Conversion from Latex to XML

Om̐ Avighnamastu kīraṇaḥ viyaktiḥ candraghniḥ, dvijodaḥ koviḥ marutaraḥ, nahan· bhyakta pinakaśarira bhaṭāra, milv aja:nma gave bhuvaṇa sira ta:ṣvatanu ṅaranira, sīra ta:ṣvadeśomidəṙ pinakavəṅku, sira t ahuripnikaṁ rat·, sira dumadyakən· vr̥ ddhiniṁ janma kabeḥ, praṇapraṇī saṙvva hurip· Ikanaṅ u:rip· lavan avak·, śarira pamisanya riṁ sadharadeya, magumavay ikaṁ saṙvvadadī, sira: sinaṅguḥ purvvaniṁ janma Umijil taṅ a:ṣṭatanu rat·, nara mr̥gha paśu janmasvavara, pakṣī śarīśr̥pa miṇa, prabhavaniṅ adharadeya prabhu ra:ma R̥ṣī tiga sira, prammana riṁ rat·, pakəniṁ bhuvaṇa, tuvi sīra tan duḥkha piśikī guruniṁ janma: kabeḥ, līnraranikiṁ candanira ṅkaṇa, sira tika sidaguru, sīra haṣṭa:gaṇa gumavay ikaṁ vaṙva:sək lumraḥ Ikaṅ a:kṣaropamavak·, Ika ta guru ṅaranya, yekī tuvin a:stu hurip·, ya sinaṅguḥ guru laghu ya panakamula canda, Avakniṁka guru la:ghu, lavann urip masaṁyoga, Umijil tikaṁ trigaṇa Adəghnikaṁ guru la:ghu, haniga-nigeṁ sagaṇa, yeka:ṣṭagaṇa ṅaranya, sama ha:byapare vatva:ṙ mvaṁ laku śloka nihan len·, sakveḥ saṁ sujana:dihaṙṣa hirikaṁ canda: nihan kavruhī, yan ma 1 hyun· vruha rupaniṁ laghu lavan tika: sinaṅguḥ guru, bhaiddha:niṁ guru la:ghu yeṅtakna: mvaṁ huṅgvaniṁ hakṣara, sakveḥniṁ guru yeriṅə:n hila-hileka: yan· salaḥ ka:svanan· bhyakta:niṁ guru saṙvva diṙgha taruṅ a:saṁyogapa:ranṅən·, lavan· vakaṙṇna visaṙjja ka:niśurahan· śvara: vatə k· vyañjana, E Ai, nahan anuṁ kayatnakna len· hoho vkasniṁ guru, vus meṅə:t pva kiterikha: niyata yan· śotan ta dadya vacan· lviṙniṁ hakṣara gantuṅən mapakne vakta mvaṅ aṅgantuṅa, saṁyoga:para śūkṣma lakṣmaṇa śivaghnī kleṣa lakṣmi khunaṁ, nda:n· gla:na stula ṇaghna vighna maməvə: niṙ vighna ma:ra stitī, svapna sneha rikaṁ dvitiya khahaḍaṁ riṁ dla:ha yan paphala ṅahniṁ tikṣṇa murub· riṅ agni ya khaton· rasminya sateja ya, masna:na pva kiteṁ nadī masīh ikaṁ saslesma tumla:ṅa:kən·, riṁ sma:ruṅgva sahiṣnu nora pinaṅan· maṅliḥ maṅaṅgantuṅa, yapvan· bheddha sakoja rojarakna maṅke ṅaliknya vacan·, gəlaṇa saṁ lagənan· para riṁ səma, vighəna tiksaṇa yogi riṁ tulya ya, divadaśeka tahunya saniṙ~~ypa~~ghəna, masupəna pva vadu suməneha ya vagəmi yan saḍəmiṅ ahəmi haḍi, tuvi kəleṣa vinaṁśa ṣalakṣəmi, səpinikaṁ brata maṙgganikan· kəL̥m·, kramaniṅ akṣara yan· jinaja:r ika lvīṙniṁ saṁyogaparekī, kakyan-kakyan kakvan-kakvan·, kakran hanṅən aṅgantuṁ, kayatnakən· tmən·-tmən· Antaḥpada guru yati, kalavan· śvara kamadya, diṙ=gha:-diṙ=gha: vattavatī, tavat· guru praśiddha ya diṙ=gha:turuṅ asurahan·, visaṙ=ja: lavann ajuṁjuṁ, kalavan· guru saṁyoga, nahan taṁ sinaṅguḥ guru nihan taṁ śvara kamadya, A A I Ī U Ū E O, tan dadi muṅguḥ riṁ tṅaḥ, vvittan juga paknanya sampun ikaṁ pratekanikanaṁ guru dinliṅakən·, nya t ajaR̥n muvaḥ padulu riṁ guru laghu vuvusən·, kveḥnya savargga muṅguh ikanaṁ vacan aniga-niga, yeka sinaṅguhan gaṇa ṅaranya sipatiṅ akavi puṙvva nihan maka:ra ṅaraniṁ guru tiga sagaṇa, la:ghu kunaṁ panəṇḍasani luṅguhi yakaragaṇa, yapvan ikaṁ raka:ragaṇa la:ghu maḍuḍuk i tṅaḥ, hetunikaṁ śaka:raga ṇa matyəṅ aguru vkasan· vru pva kita: taka:ra ṅaraniṁ laghu tpi kavurī, ja:tinikaṁ jaka:ragaṇa maṅkana guru riṁ tṅaḥ, bhakti jugaṁ bhaka:ragaṇa riṁ guru sira rumuhun·, na:karaga:ṇa tlva maduluṙ tika ya laghu paḍa nya laghu karva saṁ guru pasaṅgahanīka śi la lo, śeṣaniṅa: ga 2 ṇeki vkasīṁ guru laghu vinuvus·, riṁ haji canda teki yan avas· śiva haji piturun·, saṁ R̥ṣi bhaṅśapatramanitaḥ sira tiki manatha nihan gaṇani hayya yeṅtakna, jakara: kalavan· bhakara: śakara, catuṙ laghu guru rva yeka ta lima, lviḥnya guru la:ghu ka:nəm ikahən· lavan hana ta matra yeṅtakna, vilaṅnya rikanaṁ sapada matətəg·, Ikaṁ padha kapuṙvva ka:tlu kunaṁ, gnəp· rvavlas aṅgəpanya tuturan· kapiṁ rvanikihən pva ya vvaluvlas·, tumut limaṁvlas· padhanya vkasan·, tan eva tiya tapat aṙlya vinuvus·, samaṅkana vilaṁni matra nikhihən· mvaṅ uṅgvanikanaṁ naṁ jakara: matətəg·, kapirva maṅnəm· dvitiya kaśulam·, padha rva ya ta hīṅaniṅ vaṅ amilaṁ, kayatnakna saṁ vatək kavivara trigaṇa guṇa gaṇita ya guṇitan·, prakaraṇa vaṇa karuṇa, Aruṇa daruṇa bharuṇa śaraṇa, Avaraṇa bharaṇa hapaṇa ṇa gəṁ guṇa kuṇi kuṇa kaṇvi kaṇi khaṇikha len·, ghraṇa hagaṇa ghrahaṇa samiraṇa, praṇava vaṇiya vaṇiya paṇi taṇitan·, sahaṇa huruta pa:ṇa ṇa giṅa yatika paṇḍita paṇḍava paṇḍura paṇḍu, piṇḍa ṅ apiṇḍa mapaṇḍa mapiṇḍa, laṇḍap alaṇḍəp alaṇḍup aleṇḍo, gaṇḍi giṇaṇḍī ḍiṇəṇḍa ṇa ma gəṁ dharaṇa va:raṇa tahaṇa bhaṇa, veśraṇa vaṙṇna vaṇi ṣaṇa kaṙṇna, Aṙṇnava vaṙṇna supaṙṇna yaveṙṇna, veṙṇnata puṙṇnama ghuṙṇnita ṇa gəṁ khagantuṅa deniṁ ṇa gəṁ, ṭā ṭa ḍa ḍa: ṇa riṁ ṇa guṁ, ta tha da dha na riṁ na lit·, vaṙṇna doḥ ya sa savaṙgga liṁ saṁ, ka:vi, voteṁ, maṙgga Uṅgvanikaṁ na litt apaknekī, nda: savaneḥnya rikaṁ paknanta, saṁ natha maṅkana teka na ḍmit·, kapva masakhya nihan savaneḥnya muni muna nanasa manuṣya, Anumana hana namī namī, dina dhana nadi nadha na:na, hani hina tan ana hi:nītuṁ ḥ pranatha natha pratapatini tananya, tanah atunaḥ pina, tatva ta natanya, nitha vanitha: nini ninī tanu tanī, manana vana:malinī nalih ikahən· ḥ vaneḥ paknaniṁ na lit·, na:ga punaga na gunuṁ, na:ga nagendra nagendrī, na:gari naga nagini mvahni haghni haghneya, gagana: dhinina: dhana dina, gana va:ṙhana va:hivi va:na, nitinitya yanuṁ na lit i ka ḥ dahana: jvalana pana, kaminīḥ vahinī ninī, puno vinavani vana, vinavani na lit ika ḥ saṁkṣepanya yan· vuvusən·, yavat· rakva R̥bha puṙvva, pa bha ma di kunaṁ puṙvva, dadi na lit· dadi ṇa gəṁ na bhyaktanyan huvas kojar·, kekadeśanya kottaya, kocapa teki śa ṣa sa, 3 bhyaktanya matra vaṙṇnanən·, śambu śaṅkara śaraḥ śaraṇa śaśī, deśa deśī kaśaśaḥ śavala kaśaḥ, śva: śuci śuna śuraḥ śiva ca śaṇa, śanti śoka paśa śastra śuna śiśuḥ ḥ śamuṙdḍanya, teka: śa kuR̥b umuni vunbunikahən·, śaśaṅkaḥ śaṅkaḥ śaṅkhara kuśakuśaḥ keśi kuśika, kuśana śreka kro śaḥ kraniki kata śabdeṁ śīriṇī, śikiṁ keśīkeśa: pr̥śa kuśika keśi kuśakuśa śane śunya śreni gr̥ṇa piśunane śrīhaśa niśa, vinanaśa: mva ma:śa daśadiśi śarat· śura raśika, śiva: śambuḥ śula triśula śuśali śrī vava śiva, śavaḥ vaṅśa: veśaḥ śavari śivira:kaśa śacaya ḥ kṣaṇa kṣi ṇika pakṣa lakṣmi ṣaṇaya: hahəmmu: nidi, kagantuṁṅ agumantuṅeṁ ḍa ḍa kanaṁ ṣa pr̥titala, prahr̥ṣṭī parituṣṭa roṣa koṣa kr̥ṣṇa vr̥ṣṭa ṣa lumaḥ ṣa pr̥ttitika mahaṙṣi mahoṣadha meheṣa meṣa nuṣa, R̥ṣaḥ muṣikha puśya poṣyakha puṣaḥ praṣaṣṭa:maṣa, ṣadhaṅguli ṣadhaṅga bhuṣaṇa ṣubha: ṣaduṙ bha:ṣita, Aṣa: paṣadha yoṣadhipu viṣam· dvipadha:ṣaṇa bhaviṣyati hiriṣya hiṙṣa:ṇa puṣaḥ huṣaḥ ṣaddha len·, viṣa viṣaya yomiśeṣa: dadi ma:nuṣa ka:ṣaya, nyataṁ kaluṣa kīlviṣaṅ aluṣa kaṣmala: ka:maṣa, nyataṁ mamiṣayoṅgvaniṁ ṣa maR̥ naḥ naṅinta:ta ya ḥ śa:ka:śa mvaṁ ṣapr̥tvi sadulur ika r̥ṅən· yekahən·, vaṙṇnanən ta, śuśruśa: śiṣya śikṣya śviśita vtunikaṁ haśvaṣa: śeṣa: śeṣa:n·, śuśvat· śiṣinya śośvi śvaṣinaka ṣaśi de ka: vaśiṣṭa śaviṣṭī, maṅka teka:ṁ śaṭavoṙ ṣa ta yat iṅt-iṅət· yeki śakṣat· vtunya ma:sa:nikaṁ sa ta nihan· vuvusən padhanya, sa:dhu sada: sata sabha: sisi ta:sita:sī, sita: susatya rasa satrīya sa:ri saṁ hyaṁ, ⌈svera: sabha: sari-sari sati sa:rasari mva: sava: ṅasumatī basusena sunu, mvaṁṅ ekava:sa hupava:sa vinīsavasa, duṙ=bha:si duṙyyasana duṙṅyasa na prasasta, byasa: sasa:du sasivin sapujinsapuja: sasvaṅga saṅga sigi seṅgita saṙgga sajja, sə:gə: sgaṁ siga sugiḥ sigirin saga sor·, sasvaṙgga sa:gara sa:gorava sa:dhaka syaṁ, rat· kosvaniṁ sata sarat· paknanya s·kṣat· ḥ sura sapta saraḥ surasa sira sada, samasiḥ mapasə n· savara suta saha, savinaṁ savanən· sakala sakavasa, praja: nanmi sa dantya niti kamivara Itiḥ paruṅguniṅ ha:kṣara nyan sutrasandī vuvusən·, parakr̥tia lviṙnika pratiṅkaḥnya, Atambayan·, havkasan·, na:han ta ya sinaṅguḥhan· vaṙṇna tiniṅkaḥ pina 4 rva vkasan·, Ikaṁ namaḥ yekhihən· śvara ṅaranya, yapvan kapuṙvyahanta, sinaṅguhan· vyañjana na:ma L̥, y anta hadi samana, tumut sinami, I, puṙvyaka, vkasan· ghoṣa, sahle sat rī svi sabatək·, Ā Ī Ū R̥̄ L̥̄, lviṙnya kavruhana diṙ=gha: ṅaranya manhər·, A I U R̥ L̥, limaṁ vijī, sahaya, sandya:kṣara muvah aṅgəpan·, E Ai, O O, nahan· lviṙnya ḥ ka kha: ca kha: ta tha: pa pha:, sakatlu nahan sahayaniṅ aghoṣa, ga gha ṭa di ya ra la va ha, si loṣan· rakva na:manika vaṙgga ṅaranya limalikur·, ka pinakapuṙvyanika ma, ma vkasan pinakavkasnya, ka ga khalimanya ya śuddhan·, ra śa ṣa: saha yanyavuvudhaḥ Anunasika ṁṅa ña na na: ma, Antasta ṅaranikaṁ ya ra la va tuta, Usmana śa ṣa sa: ha si midaḥ, patiṅkaḥniṁ sutrasandike sampun pratyekanikanaṁṅ akṣari riṁ vyañjana lavan· śyara, t ucapa ta sañjatanikahən·, prakarani ṅaranya kavruhana ṅaraniṅ ulu savaneḥ, makuṭa ruku h aśra mastaka kapaphala, tijakula śekara maśira, nahan ta parina:maniṁ śr̥ṅga dīṙ=gha: hulu mapalenan·, Utək lavan· tambara kuñcīr·, majaṭa, hagumbak· jambul aṅurai, syana:mani diṙ=gha: yan· riṁ hulu vindu lavan madana khunaṁ, kunaṁ-kunaṁ len tara lavan· vintaṁ, tilaka titik khaṇi suraha n·, nahan ta parina:maniṁ nandha nyan taṁ cakra jantra guluṅa:n·, sudaṙṣaṇayuddha kr̥ṣṇa len sakaṭa, daśana:ma yeki huniṅa:n·, mvaṅ añakra hulu yuktī kavruhana yapyan ikaṁ taliṅa nihan·, kuṇḍala capiṁ sumpiṁ le kaṙṇna, śrota suvəṁ myaṅ iṅtiṅə:t·, phalaga suna:maniṁ taliṅa diṙ=gha: ṅa: ranya, tulalai, Iku taṅan· vastra len· galah adava:, kirivilī kuñca ya savaneḥ, Asiṅa: dava: diṙ=gha: rakveka Araśukh agoduvva keśamavaju, kaṙ=ti kuna śaṅka len kuruṅa:n·, Ikaṁ kalambī lavan hana manuṅgaṁ, mathapatapu hana mapayuṁ, daśana:maniṁ taruṅ a:ranya nahan· yapya n hatik magaṇitrī lavan gudduha, vaja saharuha, masuratibha:hu, bhamana jnu vaneḥ, visaṙjjaniyeki nahan sabatək· ma:tī pjaḥ śunya turu kunaṁ, paratrakna bhajra līna guliṅan·, hana marukuḥ len asoṁsoṁ, nahan katṅən ika: ya tiṅa:kən saṅ añjñaṇanya, matkhən· gadha śukuśuku, phalupha lu dana saha gadha, vəntis ya laris ya kakuritan·, Asiṅ a:dava: jəṁnya yeki knakən· vatək aluṅid· mvaṁ paṇḍī, curiga: gaḍiṁ candraha:ṣa suṅu tinyun·, sihuṅ u:miṅis·, curik nahan yuktī kakyakyan· śiva:patra ya ta tinamphil·, masidkuṅ a:tyəṅ a:namluk siṅəl·, muṅgv iṁ pataraṇa, 5 n ban·tal karaṅ ulu yaya ta kvakvan·, hana ta hiṙ vḍihan aḍeṁ, kr̥tala bhujaga na:gap·śa pinutəṙnya, kadi vaṅkava: ya lummaṅkuṁ, laras· vinəṇṭaṁnya kakrakran· Aṅkus· galaḥnya bhuṇala, kuku manol sagayuṙ jəṅa:sivur·, pahat· ya tiṙnavanya, nahan pasidkuṁṅ amluk tur·, kukunya tuma kul kadī krukru hana kaṅ iṇḍit· kuṙ lavak·, hana n pamava gadha: nakakonta, tuhuk limpuṁ kr̥tala paṇḍi curik·, salviṙnikaṁ hiṅuṇḍa, yayanyan· ra jinuñjuṁ hika, saṁ hyaṁ jagatrīpuruṣa, nama sivaya ta ṅhulun·, Amvit umastava kita, Amaṙṇnana vaṙva vtun· guruniṁ jagat kita ya, mulakṣa: ra gu:ru laghu, matra haṙyya taṅ gaṇa, nahan· ṅaran taneṁ candha kīta maṅkarupa canda, gave titī mvaṁ sloka, ya ta vaṙṇnanīn kyavtun·, ya pinakaṣuluh i rat· lviṙniṁ canda ta ṅaranya, kveḥniṁ vilaṁniṅ akṣara, rikanaṁ pada sayatī, padha ṅaranya sakaṇḍaḥ pataṁ pada saśloka mulanya keṅtakna, Akṣara tuṅgal iṁ yati, yeka sinaṅguḥh antyanta, rvaṅ akṣara puyakhīḥta tryakṣara madyama nama, pratiṣṭa pataṅ akṣara, śiṣapratiṣṭa yan lima, nmaṅ akṣara jagatrī Uṣṇik ri pituṅ akṣara, vyalu pya ya padanuṣṭup·, vruh ati saṅa:ṅ akṣara, sapuluḥ pya si pakṣatī sasambaha pya savlas·, ryavlas pya ya jagati, Atijagat tigavlas·, sakaṙyyaḥ pad·blas ika sakori ya limavlas·, Aṣṭīḥ nəm·blas ikahən·, tyaṣṭīḥ nahan pituvlas·, nadruti ya vyaluvlas· si vruddhiḥ ya ta salapan·, rvaṁpuluḥ pya yana kr̥ti prakr̥ti ya ta salikur·, rvalikur ikaṅ akr̥tīḥ tlulikur iṁ vakr̥tīḥ , pad·likuṙ suna:makr̥tīḥ, bhakr̥tīḥ ya limalikur·, han utkr̥tiḥ ya nəmlikur· nahan pratiṅkaḥnya, sampun ika, samaṅkana vilaṁniṁ vrutiniṁ canda, yapyan· vliḥ sakeṁ nəmlikur·, ḍaṇḍa rakya ṅaranya, lviḥ saṅkerika, kalalu ṅaranya, ḍaṇḍaka hi ruhunya paduluṙnikaṁ vr̥tti gnəp·, java-javaniṁ canda sampun enak atut·, dinlīṅakən· vinlavla, bhyaktanya ya vaṙṇnanən sumili ṅa:raniṁ laku nihan· naddha, bhadra, bhadrotiḥ, vaṇamr̥gī, vijayantī, tanumaddhya, kusumitagandha, madhukaralalīta, vatapatya, paddhanuṣṭup·, sapantika, kakridhita, vidyutmala, bha:vacakra, bhramaraviL̥mbita, vikridita, kumaraviL̥mbīta, bhujaṅgasukr̥ta, Ayamuka, turidagatī, Ambək suda, vahi rat·, śadanaśrī, Anuntun·, jayendrabhajra, Upastita, doḥduḥka, śalisir·, vima:la, bhramaravilaśita, śvagata, ratodaka, maduvulamr̥ta, 6 bhikṣuka, drutaviL̥mbita, bhaṅśapatra, vīralalīta, raṣanetra, śrī pucaśa, giriśa, kuśumavicita, citralitī, parajīta, bhujaṅgaprayatna, bhramitakṣa, śatyadevī, navamaliṇī, kuśumapaddhanta, prahasīṇī, śasadana, matha:mayura, sambada, paraṇaśara, praharaṇakalīka, guṇanikara, malī ṇī, bhaṣantatilakata, mr̥dhukaralalīta, meriṁ, kusumayuddha, jagatpramodhīta, bhujaṅgavilaśīta, gajavilaśīta, mandrakantha, Avitana, śikariṇī, Ariṇīpluta, sapr̥ttitala, kuśumītalata, malaśikikṣaṇa, saṙ=dulavikridhīta, śr̥ddhara, śuvadana, mr̥gaṅśarajanī, mandharadrī, mandraka hniṁ, Aśvalalīta, məttakriddhī, kendran·, śighragatī, turaṅgagatī, padhaviśala, śakroñca, vavahiṁ rat·, bhujaṅgavijr̥mbita, jayavikrama, sameṇī, samabhīṣama, candrakanta, śiṅha:śarī, vijayadrī, viṣalata, talakusuma, klikliṅan·, ḍayakḍayakan·, jayakusuma, lalu, ḍaṇḍa, ḍaṇḍaka, laku pisan·, matra, Aṙyya nda: samaṅkana ṅarani laku, Iccanira ṅkana, mveṁ hameta laku len asaṅkerika nihan· vaṙtyanya Om̐, na, nda:, stu, sambaḥ, kva:gəṁ, riṁ hyaṁ, bhadra taṇḍasku, jña:ṇaṅku, bhakty agəṁ, bhadrotiḥ skar asəp·, paḍaniki, vacava can·, vaṇamr̥ghī saṁ hyaṁṅ akaśa, bhuḥ kiraṇondaḥ, Agnī marut vai, O:m̐ vijayanti sakveḥ ta vatək hyaṁ, muṅgv iṁ vaṇadeśa, tonton pranathaṅku, muṅgv iṁ tanumaddhya liṇḍu mara saṁ hyaṁ, O:gaḥ kṣithi molaḥ, keṅgək· vavataṁnya, kaṇya: tanumaddhya sahananikiṁ rat·, nara taru śatya, paḍa ta vinujeṁ, kuśumitaganda matha mulat ahnīṁ, damar upamanika, vuvus amanis arum·, madukaralalita sakveḥnya vakukambhaṁ, yeky anuṁ pamuja:ṁṅku, kleśa:loṅa phalanya, naṣṭa:niṁ madaleka tlas ta ṅulun amuja:, niroga huna vighna, phala ṅky akanu kuśala, kuma:ralalita hatoṁ nahan sambaḥkya riṁ deva, karuhun riṁ munivara, Amīt tumaṙṇnana:ñjña:ṇa, vata:patya thəṙ vtun· sakveḥniṁ padha: yan patya, kalapha laghuṅ akṣara, padha kapirva kapiṁpat·, padhanuṣṭup· lviṙniṁ laku Apan· ya tika lvīḥ, jña: ṇa hayu lavan ulaḥ, puja: śakala pa tan alum·, sapantika lagi-lagin· lviṙnikanaṁ hayu lagin·, yeka dlənla· tuladhana, soṅ avnaṁ saparaṇa, divya khadī pya vitana yapyan uluḥ lagi tivas·, Ayya ginī byat hantukan·, dośanika priḥ kaśulam·, ma: 7 navakakriddhita ya Ayya ṅvaṁ tan pamriḥ yatna, Akveḥ lviṙniṁ maṅde duḥka, yavat kevat sabdanteṁ len·, tavat· mr̥tyu vidyutma:la Apan ika saṁ vihikan·, tan alupa riṁ pitutur·, naga ta taman gigir̥n·, bhramaraviL̥mbita ya saphalakna huripniṅvaṁ, magava: ya hayu sambega, yat aṅusir anura:geṁ rat·, bhujagasiśukr̥ta:gurva ṙ Ayva vakparuṣa caphala, yekaṅ abhyaṣa kaviratin·, bhyakta moha puharanika, dopara nyana ṅayamukha ṙ yatikana vastuniṅ avəR̥, Ikaṅ a:vama:ṇa puja jīva, gəR̥mə təbəṁ manmu śuka, turidhagatīnya vaR̥g upīt· sakveḥniṁ śukaduḥka tan madoḥ, petən keriṅ avak lavan manaḥ, nahan hetuni saṁ maha:munī, Ambək suddha pinet i saṁ mahan· ṙ deyanika: saṁ sajña:ṇa bhudhi, saṅśara mahyan· riṁ śuka vahya, mamrih amuja: sadhaka riṁ hyaṁ, rukmavatī sadyanta śadaśrī ṙ Apan saṁ śuka tumīmu priḥnya, vvaṁ vidhagda ya raśika: ṅunī, bhaktī hyaṁ kr̥ta yaśa tan seṁ vvaṁ, gəṁniṁ punyaṇya pavaṇa yanuntun·, ṙ lviṙniṁ dadī vvit tikana ja:tinya, maṅgəḥ gavenya paripuṙṇna janma, hetunya mamriḥ magave paraṙtha, rapyan· tmuṁ viṙyya jayendrabhajra ṙ Ikaṁ kaviṙyyan kala Harus dicek antara 1r-7v tentang tanda hubung "-" pada kata2 bereduplikasi van suka gəṁ, kapaṇḍitan dibya lvīḥ rikiṁ rat·, Asiṁ sakojaṙnira tan khapa:pa, Upendrabhajrotipama: sala:bha svajatiniṁ rat mahaR̥p kaviṙyyan·, paḍa:ṅajap· bhyadaya len suka gəṁ, manaḥ juga hyun tama tan paratra, Upasvika:doḥ ri sadhaṙmma saṁ hyaṁ ṙ ja:tinikaṁ vvaṅ agəṁ mada⌈ moha, kevala bhuddhī taman· vruh i sonya, tan sakaya:siga caṅkak-acaṅkak·, doddhaka duḥka magəṁ tinmunya ṙ na: lviṙniṁ vvaṁ hinayoni haneṁ rat·, bheddha mvaṁ saṁ puṇya mvaṁ devayenī, vīṙyyama:san· rupavan ya paneṣṭin·, siṁ śolaḥnyan saliśiṙ tan pavaṙṇna ṙ dura pvekaṁ mada moha ṅəpə:pa, maṅkin humvat kaśujanmaniravan·, kendran kaddhiḥ kalivat ya kabhukti, śvecca: riṁ rat sira tovi vimala yogya ṅvaṁ mabhyaṣa śuka viratin·, Atyantevəḥ ri vnaṁṅa kuśala, śabdanta:rum· kusuma paḍanika, deva R̥ṅyə bhramaravilaśita mas maṇik· juga viśeṣa rikiṁ rat·, nda lvīḥ tmən ikaṁ kaśuṣila, bhuddhi paṇḍita lavan hupaśanta, śva:gateṁ para taṅan matalaṅkup· saṁ narendra sira miṅkiṁ jagat·, taṙ vnaṅ mapakari hi saṁ viku, bhyaktaniṁ kaviratin mahaṙddhika, ya:mr̥ta:suṅa vnaṁ ratodaka kiraṇa pinaka śuluh iṁ loka, vulan amuhara śukaniṁ ccitta, 8 , śakala kiraṇa hati saṁ prajña:, vuvusira madu ya vula:mr̥tta yeka maṙgganiṅ anəmvannakənn ayu, saṁ vnaṁ makaduluṙ hajəṁnira, nitti na:ga ta sireṁ tame gīta, sva:ni cihnani manaḥ kabhikṣukan· paṅan inum si turu sukaniṁ dadī, vaśaya ra:ga tumut ya lavan tuha, si tuha ye ka tinutnikanaṁ patī, drutaviL̥mbita janma puṇaḥ-puṇaḥ