Digital Diplomatic Edition of Gebang Manuscript from Serpong (MSA) author of digital edition Ilham Nurwansah DHARMA Jakarta DHARMA_DiplEdGebangSerpongMSA.xml

This work is licenced under the Creative Commons Attribution 4.0 Unported Licence. To view a copy of the licence, visit https://creativecommons.org/licenses/by/4.0/ or send a letter to Creative Commons, 444 Castro Street, Suite 900, Mountain View, California, 94041, USA.

 2026-2026 Serpong Private collection of Kabuyutan Serpong Gebang MSA Untittled

Gebang palm-leaf manuscript written in black ink with Western Old Javanese Quadratic script and Old Sundanese language.

main hand of the manuscript, black ink, Western Old Javanese Quadratic script

Encoded in TEI according to the Conventions of ERC-Project DHARMA.

Creation of the xml diplomatic edition

_ _ ⦿ Avignamas·ta Ø nihan· kami ñarekәn· masana prativi salabaṙ, Apah salabaṙ, teja salabaṙ, bayu salabaṙ, rota salabaṙ, sunya salabaṙ, niskala salabaṙ, brama salabaṙ, vis·nu salabaṙ, Isora salabaṙ, mahadeva salabaṙ, sivaḥ sala baṙ ⦿ sakitu nu dipiAvaku bata guru pun·, mana sya diṅa ran· batara suksәma, miku ta saṁ hya rahi sada dadi tu vadon· di (ṅa)ranan· batari pasigiḥhan· iya ta, dәṅәn· batara ṅәsiAniṁ bvana, salaḥ kama batara ka baga bәtariṁ prativi saṁ kama L̥y· n· saṁ _ _ _ su, di na bvana pun·, saṁ prabu rama R̥si maṅuni saṁ pan·dita, pun· kami anaḳ baṁkaniṁ Ulaḥ kami dipajaṙ kәn· hamo nutuṙkәn· saṁ hyaṁ trisamaya, samaya bata ra guru, Apan· kami katuduḥ dipikalaṁkaṁ, ku saṁ prabu rama R̥ si, mvaṁ saṁ pandita, pun· ku haraḥ supagi laUn· bәnaṁ na kaja yaAn· ku sәbava saṁ Udubasu pun· kenana tu Aḳ baṁka pu n· jarot· mo ma dititaḥ ku saṁ prabu rama R̥si pun· ⭘ , nu dipajaṙkәn· kabuyutan· batara guru ta ma pun·, Iya kajayaAn· saṁ prabu rama R̥si mvaṁ saṁ pandita, ⭘ , nu diṅaran· saṁ hyaṁ kәn·tri maniḳ ta ma pun· guru kaki maja pun· nu dipajaṙkәn· saṁ hyaṁ rat· kamadalu ta ma pun·, saṁ guru di catiḥ pun·, nu dipajaṙkә n· saṁ hyaṁ bolen·naṁ cenaṁ ta ma pun·, saṁ hyaṁ pasagi pun·, nu dipa jaṙkәn· lavaḳ si salaka desa ta ma pun· saṁ prabu pun·, ⭘ , saṁ pa dita ma suka saṁ R̥si, saṁ R̥si ma suka saṁ prabu pun·, saṁ tarahan· ma suka saṁ rama, saṁ rama suka saṁ prabu pun·, saṁ Iyamadipati ma suka A naḳ baṁka, Anaḳ baṁka, ma suka saṁ In· paL̥dra R̥dra ma suka saṁ _ _ su saṁ prabu ma suka batara guru pun·, ⭘ , batara guru ma suka saṁ prabu pun· Iya mana dipajaṙkәn· maniḳ sakuruṁṅan· dipajaṙ teja paṁpumi pun· ⦿ tiṁkaḥ ta saṁ baṁka varaḥ ka haR̥pәn· saṁ nugraha , supaya ta Anaḳ baṁka varaḥ pun·, saṁ nugraha kumaha kami ṅala can· savәR̥gan· saṁ Udubasu pun·, ja kami hegan· sora ṅan·, ⭘ , kaR̥ṅәkә Ucapan· saṁ baṁka varaḥ, ku saṁ nugraha, Aḥ hәqә, tәtәI sabaraha taṁṅana, ja soraṅan· laca nәnana ta reA, saratus· /li\ma puluḥ tujuḥ, savәrәgan· saṁ ratu Udubasu pun·, kaliṅanya pu savateḳ sala di bumi pun· Iya ta lacanәn· saṁ ratu baṁka varaḥ pun·, ⭘ , sumahuṙ ta saṁ nugraha, A naku saṁ baṁkavaraḥ, maṁke ka AIṁ mere syi padәṅәnәn·, ma riṁ AIṁ, Agәs· matiṁtim· dәṁ bumi, sumahuṙ ta saṁ nugraha, pu n· satul saṁ R̥si guru batara devata, batara sәnu deva, batara In·dra, Ø, saṁ kusika, saṁ gaṙga, saṁ mistri, saṁ purusa, saṁ patajala, saṁ deva sunya, pun· kumaha pibava rasaqәn· U raṁ pun·, uraṁ tu pun· dipetaAn· pidәṅәnәn·, ku saṁ baṁka va varaḥ pun· pakәn· ṅalacan· saṁ Udubasu pun·, sumahur ta pan·ca devata kabeḥ, pun· saṁ nugraha, muku Eleḥ savәR̥gan· saṁ Udu basu, māmaku vatәḳ paṅavaḳ bumi pun·, kana na tu pun·, savәR̥gan· saṁ Udubasu, ṅahanan· di bumi pun, ⦿ , Anaku pañca de vata, kunaha raḥmana na Eleḥ saṁ vәR̥gan· saṁ Udubasu, suma huṙ ta pañcadevata pun· saṁ nugraha, laUn· deḳ Iya Eleḥ bijilkәn· kasedaAn· saṁ nugraha, pidәṅәnәn; saṁ baṁka varaḥ, anaḳ, pabvā devata, na naha raḥ nu dipajaṙkәn· ka seda Abaṁ ta ma, ⦿ , sumahuṙ ta pañca devata pun·, saṁ nugraha , nu dipajarkәn· kasedaAn· saṁ nugraha, ta pun· prativi, Apaḥ teja, bayu, Akasa, sunya, saṁ maha buta, macan·, buhaya, Ula, saṁ durugi, sәsәR̥dan· saṁ mahasunya pun· sakitu kaja Ana _, kasaḳtyan·, kasәbavaAn· saṁ nugraha, pidәṅәnәn· saṁ baṁka varaḥ, pakәn· ṅeleḥkәn· kajayaAn· saṁ Udubasu, Ø, suma huṙ ta saṁ nugraha, Anaku pañca devata, kumaha mana na saṁ Uduba su, kalihasan· ku kasedaAn· AIṁ sumahuṙ ta pañca deva ta, pun· saṁ nugraha, maka byaḳta ma jal·ma, pun· pakәn· saṁ Udubasu kalihasan·, pun· byaḳta sote ma jan·ma, la Un· hamo pagәḥ ṅәyәkan· talataḥ, saṁ nugraha, hamo pun· dikatakutan· ku saṁ Udubasu pun· laUn· pagәḥ ma sabaṁ va raḥ ṅәyәkan· talataḥ saṁ nugraha, takut· saṁ Udubasu, pun· , ⭘ , mijil ta kasedaAn· saṁ nugraha, s/da\ṁ muvaḥ ma pidәṅәnәn· saṁ baṁkavaraḥ, ṅeleḥkәn· saṁ Udubasu, saṁ mariva, ⭘ , s/da\ṁ muvaḥ kasedaAn· saṁ nugraha, maṁjan·ma, ri maṙdyapada, dititaḥ ṅeleḥ kәn· vvaṁ jurujana, di na bvana, ⭘ , sira qәmpu disi haṁsara javahana, pasa buṁ saṁ R̥siguru, kabuyutan· sya pun· ta kali mahā sabda, sajata sya ca kra si jalakuna, Adәlan sya saṁ hyaṁ bayu besavaṙna devakaṙna, huri p· sya di saṁ hyaṁ Akasa, namanya Udisәkaṙra, ⭘ , saṁ rama di lavu kubuṁ, saṁ R̥ si di hujuṁ kәbaṁ, saṁ prabu di panum·pal·, bava sya kәbaṁ jabu suda rasa, pu cuḳniṁ halalaṁ A drigayu, Ajinya pun, Ø, sira mpu si havahana, pa ñabuṁ batara guru, Adәlan· sya saṁ hyaṁ bayu byana, kasatya sya cakra sa birana, sajata sya saṁ hyaṁ gada lohika vani, deva tri § muru ti huri p· sya di saṁ hyaṁ bayu, namanya padava, ⭘ , saṁ rama di lahaṁ, saṁ R̥si di ci tәbaṁ, sa prabu di mәkәr· niUp· saṁka, I dragayusa, Ajinya puna, Ø sira qәmpu teja vahana, pasabuṁ saṁ hyaṁ Idra, Adәlan· sya saṁ hyaṁ bayu samana, sajata sya saṁ hyaṁ ravayaṁ Agadeva punavalu, kasaḳ tyan· saṁ hyaṁ cakra ta raṁgabahu, hurip· sya di batara cadadita , namanya saṁ rajuna, Ø, saṁ rama di roban·, saṁ R̥si di valayut·, sa prabu di tirisa, mava beA sәba vaṙna, U drigayu Ajinya puna, ⭘ , si ra qәmpu dugalaṅit· mena vahana, pasabuṁ batara sәnu deva, Adә lan· sya saṁ hyaṁ bayu Apana, saja/ta\ sya Abәt· lavan· dadap· ka saḳtyan· sya saṁ hyaṁ cakra jala paḳṣa, hurip· sya di saṁ hyaṁ tәlәṁ, saṁ hyaṁ mahā didi, namanya sakula, ⭘ , sira madisya moya, saṁ R̥si di suji luhuṙ, saṁ prabu di kalaṁṅan· mava saṁ hyaṁ rahup· R̥ dragayu Ajinya pu n·, ⭘ , sira qәpu vahana, pasabuṁ batara devata, Adәlan· sya saṁ hyaṁ batu pramana, sajata sya saṁ hyaṁ krәtala, kasaḳtyan· sya saṁ hyaṁ cakra si tarupaḥ namanya sadeva,hurip· sya saṁ hyaṁ saṁgap· dipa Ø saṁ rama di liṅa L̥maḥ saṁ R̥si di Etānan·, saṁ prabu di padadan·, naṁgәy· _ ros/ma\. L̥ dragayu Ajinya pun·, ⭘ , sira qәmpu mastadeva si havana, pasabuṁ saṁ pandita, Adәlan· sya saṁ hyaṁ bayu pramana visesa, tan· paAji tan· pamatra pat·niṁ bujaga, hurip· sya saṁ hyaṁ nis· ñana, mava saṁ hyaṁ pudaḳ namanya saṁ mas·ta deva, vәkas·nya saṁ hya kapujaAn· bojāṁ kareñceṁ, pun, ⭘ , sira qәmpu Adәkavan·, pasabuṁ sa kusika, Adәlan· sya saṁ hyaṁ bayu sakri ta sajata sya dәntā miAdәlan· saṁ kusika, ⭘ , namanya saṁ hyaṁ kapujaAn· pagәṙ vәsi, mava kәbaṁ jabu suda rasana, pucakniṁ halalaṁ, E dragayu Ajinya pun· qәmpu movahana, Adәlan· sya saṁ hyaṁ bayu viviṙ, sajata sya Akus·, Adәlan sya saṁ gaṙga, namanya saṁ hyaṁ kapujaAn· tabәlaṁ, niUp· saṁka, Oṁ dragayu Ajinya pun·, , ⭘ , sira mpu saṁ buḥhaya vahana Adәlan· sya saṁ hyaṁ bayu laṁgәṁ, saja ta sya gubaḳ, Adәlan·§ sya saṁ mistri, namanya saṁ hya kapujaAn· L̥bu huyu naṁgәy· bye sәba vaṙna, A drikayu ajinya pu, ⭘ , sira pu pamuda§na vahana, Adәlan saṁ hyaṁ bayu taṁgaṙ, sajata sya curi ga, Adәlan· sya saṁ hyaṁ purusan, namanya saṁ hyaṁ kapujaAn· balarada labuṙ gәnәp·, gәnәp· jajaṙ, cukaṁ gәnәp· pajaṁna gәnә p· gәnәp· dәpa R̥bina sabulәd· Avaḳna lunajuṙran· ja lan· gәde gәnәp· ratus· laUḳna kәbo bini A R̥ga gәnәp· rivu, vahye janma vahye dosa, diṁdana, Uṁ l/ka\ dva ratus· lima puluḥ, cukaṁ dva, labuṙ dva, taduṙranәnana, dva ratus· lima puluḥ laUḳna Iti gәnәp·, ⭘ hana ta Apu y· kapәdәm· Anaḳ ṣaṁ rajaE ditapa, hana ta maniḳ ka pәdәm· Anaḳ ṣaṁ viku dipikavula, hana ta pirakapu kasaqә sada valuḥ ṅarana, hana ta vvaṁ bogoḥ ñimvat· ka dini ka deto majaṙ maneḥ di/ta\taḥ, mava careḳ Iya karaḥ ha tә dititaḥ, sihuṁ saṁ hyaṁ kala ṅarana, katәka Anaḳ baṁ ka, dәdәdana satahil· sapaha, hana ta vvaṁ menaḳ majaṙ maneḥ rama, rama majaṙ maneḥ menaḳ, Aku gajaḥ Aku siha ṅa rana, satahil· sapaha dәṁdana, ⭘ , Ini sasana Anaḳ baṁka di na kaL̥pa purana, hana ta vvaṁ jurujana, Utama dosa jan· ma, dәṁda/na\ suka Alas· suka desa, mukal· gәnәp· ratus· · ka saṁ prabu, hana ta gәsana jan·ma, ṅarana ṅavakan· saṁ hya daṙma R̥si, di catiḥ, di daḳsina, di rava, di hujuṁ kulan· di gunuṁ, di galuṁguṁ, di na vatәḳ kaL̥pa puṙrana , mana na hamo di hәryinan· ku Anaḳ baṁka, hana ta vvaṁ diju Al· ti suda ka Alas· pәtas· dsataṁ dәI maka suda, tuluy· ditapa ka daḳsina, hayva divikaraAn· kena na neneḥ, ditapa saṁ prabu, hana ta vvaṁ dijuAl· ka pәta s· balas· na jurujana, dataṁ dәI ka suda mәdiṁ jurujana, dipupu ran· Anaḳ saṁ R̥si dipikavula, hana ta sumuṙ kadәdәtan· Anaḳ saṁ rama dipikavula, hana ta Omas· bәR̥m· katanәma · Anaḳ saṁ teja dipikavula, hana ta gaL̥ḥ kapәdәm· A naḳ saṁ disi dipikavula, hana ta talaga kahudanan· Anaḳ saṁ tarahan· dipikavula, katәka ku Anaḳ baṁka, § dipu pu ku Anaḳ baṁka, dibuAt·kәn· ka saṁ prabu, hana ta A naḳ gurya ditapa baraṁ gәsana, sira ra Umarab·Arab · ṅarana, katәka ta ku Anaḳ baṁka, dipupu dibvat·kәna _ _ day· ditajuḳ ṣisir·, ṅarana durugi nabay bisaca, hana ta na vvaṁ L̥paṁ poEḳ poEḳ hantә kudaṁ damaṙ, ñalimuṙ bisaca ṅarana, katәka ku Anaḳ baṁka diAla, ku saṁ bisaca satahil· sapaha didәṁda mana na diL̥baṙkәn· dәI, hana ta na gurya hegan· lumәpaṁ lәpaṁ hatә puguḥ batuṙ palay·, U taṁ humalita ṅarana, katәka ku Anaḳ baṁka, diAla pidәṁ ṅәnәnana, hana ta na gurya ditapa hatә paṁguruAnana, ham ā bisa maca Apus· kumәdәṁ ṅarana, tutuc· sapudahut· payuṁ hәdәp /ji\vuluṁ ṅarana, hana ta na gurya ṅadaEkәn· bo caḥ pәpәcәtan· bitan· di nagara, sunya piṁgal· garana, hana ta na gurya bogoḥ ñum·pit· sunya vәnaṁ ṅara na, hana ta na gurya bogoḥ tatabәhan· maṁmaṁ mimaṁ ṅara na, hana ta na vvaṁ mava kayu dәṁ Akaṙna dәṁ dahana, dipacәga n· ku kujaṁ, ku patiḳ, na bay· bisaca ṅarana, hana ta na vvaṁ ṅisikan· ka caI ditupaṁ lavu, ṅarana hurip katu pakan· bisaca, hana ta na vvaṁ dataṁ ti caI diAṅiṙ ṅaru _ leṙ tahan· bәnaṁ ṅagalagaran·, kidaṁ mәtas· ṅarana, hana ta na guryaṁ pahәm·pas· kaviḥ dәṁ tiAgi, L̥bu Agados· ṅaranama, hana ta na guryaṁ ṅa ṅadәkәt·kәn· tiAgi, taviṁvidig· ṅarana hana ta na guryaṁ ṅagamaḥ tyagi, jajamahan· ṅarana, hana ta na gu ryaṁ ditotopoṁ Agis· dirukukәn· dәI ka luhuṙ Agә s· ditipuluṁ ṅarana gogodoṁṅan· ṅarana, hana ta na gurya _ _ tu make busana, dataṁ ma ka batuṙna, dipicin· busana bre sacavәt· halaṁ niṁ bapaṁ ṅarana, hana ta na guryaṁ make dastaṙ man· gagaḳ, hana ta na guurya dibvatan· bpnaṁ maliṁ, kutu l· manaḳ gagaḳ, ⭘ , hana ta na gurya papahare ṅaridiṁ dәna ti Agi, huvus madaṁdәṁ ṅarana, hana ta gurya bogoḥ ṅa roc· sunya vivaha ṅarana, hana ta na gurya bogoḥ ṅusәpa · sunya ṅacin· ṅarana, hana ta na gurya bogoḥ ñatu la Uḳ L̥bu Aṁgasin· ṅarana, hana ta na gurya bogoḥ dirupu s· celeṁ matunaḥ tunaḥ ṅarana, hana ta na gurya bogo ḥ di burat· magaru garu ṅarana, hana ta na gurya bogoḥ ṅa y· Omas· sugan· vaya nu muriAn· Omas· dijiqәn· bubudәl· pacet ṣәbәḥ, galuṁ kbaṁ Os· Iya tu pun·, nu dipajaṙ kәn· Akat· sabumi pun· sabvana, ṅarana pun· Agәs· Aḳ kagәlisan· na kaL̥pa purana pun·, saṁ viku biḳsuḥ ṅukusa n· madәpun·, saṁ R̥si karana, puja kәbaṁ samadi pun·, saṁ viku prativi piṁ ṅaliga mataḥ samadi pun·, saṁ viku teja ñaveṙ ku _ kus· siba vaṙna , samadi pun· saṁ viku bayu niUp· saṅa, siva ku Apaḥ ñaIAn· na paku baAn· sad /mi\seda yuga, guruloka mana saravunan· najәṙkәn· liga pinәḥ, saṁ ta/ra\han· ṅagatiA n· paku baAn· ñaIAn· taman· saṁ R̥si ma ṅagәlisan· rumaḥ _ _ Imaḥ maḥ manәḥ, saṁ teja ma puraḥ ñәqәkәn· nu digu na, saṁ disi ma puraḥ magahan· piguna/saAtaṙ\qәnana, saṁ Udaḥ Agi ṅaga _ _ cataṁ pәgas· labuṙ rutuḥ saṁ paday· gla sugan· vaya nu mu riA na seEṁ, diturukәn· dijiqәn· sugonā, dijiqәn· _ kәbaṁ, saṁ paday· bәsi, sugan· vaya, nu muriAn· sajata kararas· dijiqәn· pakaraṁ di man·dala dәṁ kәbaṁ bәsi, saṁ pada pata, tu kita pun· saṁ prabu rama R̥si, mana na dipeta kenana Aya gunana pun·, Anaku Anaḳ baṁka, pihaqәn· _ kagunana dipeta ku kita, pun· ketana Aya pigu naqәnana pun· Anaku Anaḳ baṁka, na naha raḥ pigunaqәn·nana, _ · manana dә baAn· na U Uraṁ sabvana pun· kena ta pun· na gә lisanәn· kajayaAn· saṁ prabu rama R̥si, taṁkal· saṁ hyaṁ A _ ma pun· ⭘ saṁ viku ma ṅagәlisan· paṅukusan· saṁ rama ma ṅagәlisan· balay· Urug· ñaAṁṅan· tajuṙ rum·put· saṁ hyaṁ rama R̥si mvaṁ saṁ pandita, daEḳ AIṁ ṅagilis· na bvana, laUn· bikәn· peta AIṁ pun· Anaku Anaḳ baṁka na _ ha peta sya, pun· peta kami di sa/piṁ\rira, paday· glaṁ paday· bisi, paday· Omas· paṅudahagiAn· ti saṁ vi ku ti saṁ R̥si, ti saṁ rama, ti saṁ tarahan· , ti na para me naḳ kaliḥ laUn· Eta dibikәn· ma pun· ku saṁ prabu, ta ka mi L̥paṁ pun· laUn· hamp dibikәn· kami hamo L̥ paṁ pun· Anaku Anaḳ baṁka, pihaqәn· Eta gunana manana di e- sumahuṙ saṁ prabu rama R̥si, Anaḳku Anaḳ baṁka, ⭘ paṁ kita saraAna bvana Apan· kita katuduḥ dipikalaṁkaṁ ku AIṁ, dipilajiṙ dipipujiṙ, dipigatuṁṅaniṁ Akasa, /dipa\disaṙ niṁ prativi, dipipanoniṁ bvana, dipiL̥kәṙ lacaṁ niṁ bvana, dipi buyut· dipimaUṁ, dipidodo L̥biḥ dipisaraṁ payuṁ, sya ṅaloṙ sya ṅidul· sya ṅulon· sya ṅetan·, sya ṅәsyin · varga sakakala, ṅavakan· saṁ hyaṁ bayu sabda hidәp·, dipi tәras· saṁ hyaṁ Agama, Ø, sumahuṙ ta Anaḳ baṁka, pun· saṁ prabu ku Anaḳ baṁka, ka pasukan· bisaca ṅarana, hana ta vvaṁ di juAl· ka pәtas· hatә dosana dataṁ dәI ka suda, ṅahusiṙ nu kolot· hayva divikara, ṅarana budaḳ ṅahusiṙ A yunan·nana, laUna baraṁ gәs·sana maṁkuḳ ma, Apuṁ kasaṁsaṁ ṅa rana, katәka ku Anaḳ baṁka, diAla dibvat·kәn· ka saṁ prabu, ⭘ , Anaḳ ṣaṁ raja puE ñәqәn· catiḥ pasagi, kasi raja, kasi haji ku bati gajajaṙ ṅarana, dicaram· ku A naḳ baṁka, laU kәdә dipәpәs·kәn· ku Anaḳ baṁka, Ø siA R̥si vatәḳ nu dipikahanan· ku devata, batara ja gat· pramana, rahyaṁta ri mәdaṁ rahyaṁta li /mә\niṙ, bәṙ ta rahyaṁ kaki , salumahiṁ jabri, sira pu garudug·, sira pu garisiṁ sira pu braḥ gidig·, sira pu baṁṅәt·, sira pu kilat·, sira pu cadana, si ra pu kәdap·, ⭘ , hana gurya bogoḥ balayaṙ, kutul· su miL̥m· riṁ tasiḳ, hana gurya disәvә daṙma qәvaḥ qәvaḥ capәdi baruḳ ṣaR̥ṅi, ṅaliAṙkәn· paḳṣa kana qәvaḥ qәvaḥ, hana gurya ditipuluṁ ti paca ti bumi hantә, ṅarana kutul· ñiL̥ṁL̥ , Adi maneḥ, kena sira qәpu baṁka, miAvaḳsaṁ prabu ra ma R̥si, nu ṅavakan· sap·ta vara kabeḥ, nu madәmakan· masaḳ mataḥ, Anaku Iya nu disamayakәn· ku ṅaiṁ ya vaya, ⊖ , pinaka vatәḳ ṣaca devata kabeḥ laUn· Aya nu ṅahatә hatә Iya, Iya hatә, Iha nu ṅavayakәn· Iya vaya, ⭘ Anaku prasaḳṣi AIṁ ma prativi, Apaḥ teja, bayu Akasa, sunya braḥma, mahabuta, nis·kala, sakitu nu hamo kajәqәṁ di nu hamo karasa, dәṁ nu karasa, ⭘ , Ini prasaḳ mava jata tәka riṁ anaḳ baṁka, milu heEs· dәṁ anaḳ baṁ ka, diAla ku Anaḳ baṁka, maṁka vaṙraḥ ṅarana pun·, hana vvaṁ noṁtoḳ di pan·to ṅaruday· bvat· kala mari ṅadәlә ta Anaḳ baṁka, qәsi suduy· tavuṙ ṅarana, diAla ku Anaḳ baṁka pun·, ⭘ Inin prasaḳṣi, saṁ hyaṁ jagat· pramana pun·, ma sa batara guru mere dәbya pisanakan·, ka saṁ salaḥ rupa, I _ _ midәmakan· masaḳ mataḥ, Anaku prabu rama R̥si, mu R̥ṅәkәn· saṁ hyaṁ tri samaya, mulaḥ mo pahi ṅavakan· bemas· dәṁdana pun· koyo ma didәṁda bvaAt·kәn· ku saṁ disi ka saṁ prabu sakagәI saṁ prabu pun· kalatiṁ Apuy· ṅara na pun· hana ta karya hayu katәka ku Anaḳ baṁka diAla ku saṁ disi ditәbus· ku kebo sahas·ta pajaṁ paṁgaleḳna, cana va dibikәn· ka pasu bisaca ṅarana pun·, hana vvaṁ nәnun· ta boleṙ, ṅaruday· tәka ta Anaḳ baka, dipiraṁkәpan· la mun· vaya nasali maha ditahap· sakatinәṁna pun· vәlaṁ kalaṁ saṁka nijaṁ limaṙpas· Anaḳ baṁka ṅarana pun·, hana ta guru § ṅarana pun· karosa paha dәṁ dana koyo ma pәgat· di bvat·kәn· ka saṁ prabu saka hidәp· saṁ prabu pun·, hana Anaḳṣaṁ viku lumaku guna, kalapetoṁ ṅarana, didәṁda ku saṁ di si ka2sapaha, hana gurya mava jata, haṅәṙ deḳ masaḥkәn· maneḥ ti na paṁguruAn· hatә Acan· Agәs· saṁ hya daṙma, diAla ku saṁ disi, pidәṅәnqәnana, saṁ salaḥ ṅarana pun·, Anaḳ saṁ rama lumaku bo toḥ didәṁda ku saṁ disi ka2 sapaha, kapilacәḳ kapidahva n· kapimitoha maṁṅadi U/ru\t· guru doha ṅarana pun·, kapat· si pun· dahut· payu sada valuḥ ku sasalaḥ ṅarana pun· Apa n· kami Avaḳ saṁ salaḥ pun·, naha bagәda kabeḥ hamo Iṅәt· diguna di maneḥ, kalapetoṁ ṅarana pun· dәṁdana ka2 sapa ha, hana vvaṁ ti nagara, gәR̥kan saṁ prabu rama R̥si, ñusup· riṁ banana · tara, pagәḥ ṅәyәkan· saṁ hyaṁ Añana, hayva di naga sesa, ṅa rana hava vahavan· gunuṁ, civara tuṁgal· ṅarana pun·, laUn· A ya nu ṅagәdagәdag· Iya didәṁ/da\ ku saṁ disi, duA rivu, kala petoṁ ṅarana pun· Ø miEve dәṁṅәn· samitra, mitra doha dilupi, rabut· tumapaṁ kapaṁ, pajaṁ buUḳ han·tә paṁgu A nana, sihal· sinigi daluAṁ, na gurya ditipuluṁ lolopaṁ bitana · baluḳ sajata kararas· na gurya ñoren· kәris· diga jaṙ, tugul· masahut· na gurya disabuḳ tiṁkaḥ java, dalu ruma bat· dinataṙ, gurya bobotoḥ, vәraḥ kasavuṙ, na gurya ma Uṙ maneḥ dәṁ valaka, vakәy· kaIbunan·, na gurya baraṁ gәsana he Es· ṅarana hәlaṙran· hi§ diguna dimaneḥ, kәna graha ku saṁ di si, hi2n·roniṁ puti, paUmo paUm· sya tu guru kami menaḳ di van·da kara Apan· ṅaran· sya saṁ palivara desa, kena sya malivarakәn· hidәp· saṁ prabu rama R̥si, mana saṁ nanda kara dibere dәbya pisanakan· ku saṁ prabu sama R̥si, pala sya ṅa giliṙ ṅaraḳṣa na bvana, Iya ka nu midәmakan· masaḳ mataḥ Ø Ini Upakara saṁ disi di na kaL̥pa purana, hidu baṁ, guryaṅa gabiṙ du huṁ, guryaṁ di davuṁ, sugu tahis·, gurya di tajuḳṣisiṙ, suka paṁgi l·, gurya di cucuduḳ, adaluAṁkup·Akup·, gurya tatahәnan· , gudala nitisa kidaṁ, gurya make gavitra caliḳ _ ja tasiḳ ṅogan· devata valaUt· devata na dәbyә, saṁ prabu ma lagәṁniṁ tutuṙ kenana hurip· na vvaṁ, ⭘ , tәka ta saṁ baṁka varaḥ na _ tara guru, Anaku baṁka varaḥ kita Agәs· hәtiqәn· dәbyi pisa nakan· sumahuṙ ta saṁ salaḥ punana haraḥ piduUm·Anәna bu pun· Anaku _ ka vaṙraḥ kumaha ja kita Agәs· hәtiqәn·, nis·kala ka saṁ pa n·dita, huripniṁ Akasa ka saṁ R̥si, huripniṁ prativi ka saṁ rama _ vaḳ saṁ nan·dakara, saṁ palivara desa palipuṙna, satәpi kili, saṁ mala jatniḥ saṁ sopakarana, saṁ sagap· dipa, saṁ kataṁgiṁ ṅana vasalaḥ rupa, Anaku nan·dakara sakitu namanira vane, _ A naku nan·dakara sira manuḥ raja, kәmitan· saṁ prabu rama R̥si mvaṁ saṁ pan·dita, anaku nan·dakara, Apan· sya katuduḥ dipikalaṁ kaṁ ku saṁ prabu rama R̥si, pidaḥ ka cakra si sabirana, laṙ jә pujiṙ, sahya (vi)sesa L̥kәṙ lacaṁ saṁ hyam bvana, gatuṁṅaniṁ Akasa, kadayan· sabvana sya ṅәsiAn· na loṙ kidul· kulon· vetan· maṁṅuni puṙbadaḳsina, Anaku daṅe batara guru, qәkәṙ ṅaduUm· na dәbya pisanakan· sa kavatәḳpacadevata kabeḥ pun·, diman saR̥siR̥sisasana, du san· sara, madaṙmasasana, duman· saṁ prabu rajasasana, du man· saṁ tarahan· daṙma kamucaya, duman saṁ viku devasasa na, lagәṁna lis· raya, ṅukus· tan· paluman· saṁ R̥si ma hayu kau batu caI puja kab/e\ḥ, ṅukus· tan· paluman· _ tataṙ, saṁ rama mahayu caI ṅaL̥maḥ batu kayu sapa tutuṙ ṅukus· tan· paluman· puja tibaṁ, saṁ tarahan· _ , gәṁnya nu masuka baga batari jadi devata tiga prabu rama R̥si, Iya nu diduman· diman· saṁ R̥si R̥si sasana, duman· saṁ _ madaṙmasasana, duman· sa prabu rajasasana, dodo t· rajamulya, Iya dimun· saṁ prabu Ø salaḥ visaya batara ti _ ka prativi saṁ kaba L̥y·gәṁnya tәka ka saṁ pan·dita, diṅaan· saṁ katagiṅan· saṁ sagap· dipa, saṁ svapakarana, saṁ tә _ kili, saṁ mala jadi, bijil· ti da bum·miṁ sapatala di ṅaran· saṁ ratu baṁka varaḥ, lupat· kana gunuṁ kahyaṁṅan· ṅa _ has·ta, hurip· sya di saṁ hyaṁ si lupa desa, kajayaAn· Adәlan· hurip· saṁ hyaṁ prativi pun· caliḳṣya ti kidul· pun· _ , tikaḥ bujaṁga sogataḥ ṅavakan· saṁ hyaṁ Ajñana niṙmala Ajñana, ñәbaḥ sya ka saṁ hyaṁ sivaḥ Ajñana, sajata sya ravayaṁ si pu _ tajamaniṁ taṁ hurip· sya di saṁ hyaṁ Idra, kajayaAn· A dәlan· saṁ hyaṁ cadadita, calikṣya ti barat· pun· ⊖ , tikaḥ _ gada ṅavakan· saṁ hyaṁ niṙmala visesa, sajata sya rava yaṁ Agadeva puṙravәlu, hurip· sya di saṁhyaṁ sri maṁgala, kaja _ An· Adәlan· saṁ hyaṁ bayu, caliḳṣyi ti Utara, ⭘ , tikaḥ bujaṁga berava ṅavakan· saṁ hyaṁ nis·rasa hosaya vi sesa, ñәbaḥ sya ka saṁ hyaṁ tiga rahaseA, sa/ja\ta sya rava yaṁ si pacopacә, si cadara has·ta, hurip· syi di saṁ hyaṁ larap· ña _va, kajayaAn· Adәlan· saṁ hyaṁ Apaḥ ⭘ , Iya mana diṅa ran· Akat· sabumi Akat· sabvana, ⭘ , Iya mana dipajaṙ saja _ka bvana pun·, kenana laUn· gunuṁ katәpuḥ gunuṁ rutuḥ, muṁkal· pәray· caI saAt· kayu rutuḥ sato pati jan· pat/ba\ṁṅan· mahulukәn· na paratuha, ñәbaḥ ka saṁ hya kaL̥pa purana, na parama saṁ pahi ṅahaR̥p·kәn· saṁkvan· muṙbakәn· paṅa _ niṁ bvana, guru kaki seda yuga pu dayәḥ pak/ba\ṅan·, syi ṅo gan· hurip·niṁ bvana pun· di saṁ hyaṁ kaL̥pa purana pun·, pun· tiṁkaḥna para bujaṁga pun· sya ñamadikәn· hurip· saṁ hya prama na visesa pun· tikaḥ bujaṁga bikṣuḥ sya ṅavakan· saṁ hyaṁ niṙma la jati, sajata sya ravayaṁ si sudaḥmala, ñәbaḥ sya ka saṁ hyaṁ maniḳṣudarma liṁlaṁ, hurip· sya di saṁ hyaṁ vidu pәpәt· sya Adә lan· kajayaAn· hurip·niṁ bvana, pun· sya ñәkәn·tuḥ hu rip·niṁ devata kabeḥ Apa sya Adәlan· saṁ R̥si, caliḳ sya ti timuṙ pun, ⭘ , tikaḥ bu/jaṁ\ga R̥si karana, ṅavakan· saṁ hyaṁ ni s·kala jati, sajata sya, ravayaṁ si datarakada, ñәbaḥ sya ka saṁ hyaṁ sasalu diraja, hurip· sya saṁ hya ja/ga\t· pramana, sya Adә lan· kajayaAn· hurip·niṁ Akasa pun· caliḳṣya ti timuṙ pun·, ⭘ , siṁkaḥ bujaga seda ṅa/va\ka sya saṁ hyaṁ nis·kala vi sesa ñәbaḥ sya ka saṁ hyaṁ nata Ajanan· sajata sya ravayaṁ si ci mapati, Asa buṁbaṁ prativi totos, ⭘ , kaliṅanya seda saṁ hya Agama, seda saṁ hya patiṁtiman· seda ta seda sa hyaṁ visesa, pun· kaliṅanya satinәṁ saṁ prabu rama R̥si, la Un·na satinәṁ rama sam prabu rama R̥si, tan· Alaḥ Anaḳ baṁka ku na vvaṁ sabvana pun·, laUna hamo satinәṁ ma saṁ prabu rama R̥si Ala Anaḳ baṁka, ku savәR̥gan· saṁ ratu Udubasu pun· kena Aya lalcan· Anaḳ baṁka, saṁ Udubasu manabuṙkәn· na bvana pun· Anaḳ baṁka ma ṅrәtakәn· na bvana pun·, ⭘ , sumahuṙ _ _ ḳ baṁka pun·, saṁ prabu rama R̥si pun· maṁka ṅuni saṁ padita pu n· ,⭘ , laUn· saṁ pan·dita deḳ tulus· maṅavakana devasa _ na, saṁ R̥si deḳ tulus· ṅavakan· saṁ hyaṁ R̥si sasana, saṁ rama deḳ tulus· ma ṅavakan· saṁ hyaṁ daṙmasasana, saṁ prabu sya ṅa _ ka kulus· ma ṅavakan saṁ hyaṁ rajasasana, pun· gunakәn· Anaḳ baṁka pun·, maka ṅagәliṙ na bvana, maka ṅagәlisana ka L̥papurana pun· laUn· deḳ Iya krәta na bvana pun· laU n· mumul Iya krәta na bvana, Ikәn· maka galaḳṣәbaḥ ha