Pūrvādhigama Digital Diplomatic Edition of L 881 Pūrvādhigama author of digital edition Marine Schoettel Arlo Griffiths DHARMA Paris DHARMA_DiplEdPurvadhigamaL881.xml

This work is licenced under the Creative Commons Attribution 4.0 Unported Licence. To view a copy of the licence, visit https://creativecommons.org/licenses/by/4.0/ or send a letter to Creative Commons, 444 Castro Street, Suite 900, Mountain View, California, 94041, USA.

 2019-2025 Manuscripts kept in Leiden University Library Leiden Leiden University Libraries (UB) Lontar L. 881 Anonymous Pūrvādhigama

Palm-leaf manuscript. 17 leaves in Balinese script. Date unknown

Encoded in TEI according to the Conventions of Project DHARMA

Updating the template Encoding of the edition (subsequent folia) Initial encoding of the edition (first folia)

1 // // Avighnam astu // // nihan· pūrvva:dhigamaśaṣaṇa śa:straśarodhr̥ta, pūrvva:rambha saṁ tlas·, vr̥ddha:ca:ryya rajjapurohita sarvva:guna:jña, bha:nuraśmiśadr̥śa sarvvajana:, hr̥dayatamiśraharaṇa:, saka:lagracudhamani, śirasi pratiṣṭita ta tkap· sahana pa raca:ryya śiva kabeḥ kaniṣṭamaddhyamottama, ndan sira parama:ddhiguru maha:bhagavan ta:ṅgəḥnira, sira paṅudharan· bhaṣma: ṅaranira, saka§ri vnaṁnira panadhaha bha:ṣma:, tkap·niṁ santana: pratisantana: saṁ bha:ṣmaṅkura, sira Ataḥ mramana:kən pagəḥniṁ kara:kṣaniṁ śaṣaṇa:digama śastrasarodhr̥tta, ri pa ra puṅku makabehan sahana saṁ guməgə śiva:gamma, kimuta sahana saṁ bhūjaṅga śiva pinaka:sthavira riṁ nagara, mvaṁ saṁ sa:mpun kr̥tta, ṅūniveḥ saṁ maṅaR̥p· riṁ nagara la:van· riṁ pradeśa, tlas karuhun saṁ vatək· pragiva:ka vya:vahara viceddhaka, saṁ vnaṁ mgata:kən vivaddha:niṁ sarvvaja:na riṁ śabhamadhya mvaṁ riṁ pra deśa, na: ta lvirnira, yayan saṁ hyaṅ a:digama śāstrasa:rodhr̥ta juga pamakə:niṁ śaṣaṇā kramanira tika kabeḥ // nihan pratye§ka saṁ bhūja:ṅga śiva:nmina:kaṣṭavira riṁ nagara, saṅ kuməmit· mama:ṅku saṁ hyaṅ a:ddhigam aśa:strasarodhr̥ta, lvirnira, saṁ minakapabhr̥ti, saṅ aryya dha:rmmadhya:§ kṣa, lyan sakeṁ sira, vvalu kveḥnya, ndya:tha, saṅ aryya tirvan·, saṅ a:ryya kaṇḍamuhi, saṅ a:ryya pamvatan·, saṅ a:ryya pañjyaṁ jīva, saṅ āryya maṅuri, saṅ a:ryya ja:mbi, saṅ āryya lekan·, saṅ a:ryya taṅa:r·, ndaḥ samaṅkana: lvirniṁ liṅgiḥnira, ka:pva bhūjaṅga ha:jī sira kabeḥ, yeka maṅaR̥p liṅgiḥ riṁ nagara ṅaranira // nihan· lvir saṁ kr̥tta, yapvan hana sira saṁ bhūja:ṅga vr̥dhaca:ryya, sa:mpūrṇna riṁ valavidhya lava:n maha:vidhya, tlas· pva vruḥnira ri kopadeśan saṁ hyaṅ homaviddhi mvaṁ homasaṁska:ra, taśak· ri saṁ hyaṁ sarvva:dva, sa:mpun· vnaṁ maṅdaməl maśiṣya: bhūja:ṅga, maṅaR̥p pahoman mamaṅku kuṇḍa:, tuha gana:ṅgəlara:kən kapuja:n· bhaṭa:ra śiva:gni satata, saka:la pinakapatirtthaniṁ vvaṁ sanagara, mvaṁ sahananiṁ pa:ra jana padhanta, saṁ bhūja:ṅga samaṅkana: kramanira, ya ta kr̥ttadikṣita ṅaranira, yadyan savakanira saṁ para ḍaṅ a:ścaryya , yapvan· tlas maṅka:na,, ya ta saṁ kr̥tta ṅaranira, nda tan a:piliḥ pakoṅgvananira, mon riṁ na:gara, mon riṁ pradeśa, mon riṁ kadha:rmmahajya:n·, Ityevamadi ka:ṣṭityanira, yayan saṁ kr̥ttadikṣita ṅaranira // nihan· lvir saṁ pragiva:ka, yan a:na sira ḍaṅ a:ścaryya, sa:mpūrṇna vruḥnira ri sarvvaśa:stra, makaddhi dharmmasa:stra, kuṭa:ramanava:di, 2 , saramūccayacanakakya:kamaṇḍaka:di, tan kevran sira ri rusitniṁ kavalik·, blaha:niṁ pavadhattha:nikaṁ haṣṭa:daśavya:vahara, mvaṁ lokika prayoganya:, sahomadheyanya tkeṁ hudhaharaṇa:, ma:vas· vruḥnirerika: kabeḥ, sakarika sarvva:jñatvanira rikaṁ sarvvasa:stra, samaṅka na: kramanira, pragiva:ka ṅaranira, sira vya:va:haravicedaka:, ri deniran· vnaṁ mgataknaṁ sarvvabyavaṣṭa:niṁ loka, mvaṁ vadaniṁ vvaṁ §riṁ sarvvarajya:, naha:n hetuniran sinaṅguḥ tan pragiva:ka, ndatan a:piliḥ ka:ṣtitya:n saṁ pragiva:ka, mvaṁ tar apiliḥ ka:vakanira saṁ sina:ṅguhan pra giva:ka, mon saṁ para bhūja:ṅga hajī, mon saṁ krt̥ta, mon saṁ maṅaR̥p· dharmmadya:kṣa ṅaR̥p· dharmopapa:ti, riṁ pradeśa mvaṁ riṁ kadharmma hajya:n·, mon saṁ śubhaka:la, ṅuniveḥ saṁ mamgatan· byava:ha:ra riṁ sarvva pradeśa, deśa pamañcan·, kadipa:tya:n·, hulu kuvu, sa:me , vaṅśa:, kalagyan·, kalutravaṅśan·, sahana saṁ mamgatan· byavahara ṅka:na, yayan pragiva:ka, rasika ṅaranira kabeḥ,, kunaṁ sahana saṁ bhūja:ṅga hajī, sahana saṁ kr̥ttaddhikṣita, kapva vnaṁ mgata:kən· byava:ṣṭaniṁ loka gatinira, Irika: sira yan eka sajña:, saṁ pragi va:kakr̥tta ṅaranira, saṁ kr̥ttapragiva:ka ṅaranira, saṁkṣepanya saṁ kr̥tta katuduhanira vkasan·, ri deny antaranya:t prakr̥tti sira § ka:liḥ, ndaḥ sa:mpun· tlas hinajara:kən kapratyekan saṁ sinaṅguhan pragiva:ka lavan kr̥tta, tlas karuhun· cinaritakən·, yapvan sira kabeḥ maka§ kmitan saṁ hyaṅ a:dhigammasastrasarodr̥ta, panugraha saṁ tlas a:tītapra:bhū, mvaṁ śrī rajja:purohita:gracudama:ṇi, parama:guru bhagava:nta§nindhya:nubhava:tmaka gisphaṭisadr̥śa, sira hataḥ saka:la mratiśubaddhakən kapagəha:niṁ śaṣaṇa: para ḍaṅ aścaryya: sahana saṁ gumgə: śīva:gamma kaniṣṭama§ dhya:mottama,, ndan i ḍavuh iṅ anugraha: śrī narendra ṅūni saṁ vr̥ddhara:jjatītapra:bhu, makatilaka va:kya: siddhi śrī vr̥ddhaca:ryya ra:jjapurodaśa parama:guru bhagavanta:, yatika sa:mpun· tlas kempən kapaṅku tka:p· sahana paraca:ryya: hajī, kapva suma:mbahakən· gəṁniṁ kabhaktinira riṁ śrī parama:guru bha§gava:nta:, vetnya:n atimuditanirena:nugraha:n· cuttama:tya:mr̥tatmaka saka:la ta pakahilaṅan·, na:han hetunira tar a:laṅ-alaṁ kuməmit· raṣaniṅ anugraha, mvaṁ taman paL̥-paL̥ḥ pratisa:ra ri kara:kṣan saṁ hyaṁ śaṣaṇa:dhigamma // nihan saraṣa saṁ hyaṁ śaṣaṇa:digama: 3 śastrasarodr̥ta, pitkət saṁ kr̥tta ṅūni ṅūni, yatna ta kita para:ca:ryya kabeḥ , katuturana maṅke mne hləm·, hadyapi katkeṁ dla§:ha, makadon pagəhaniṁ vinayanira , vruḥvruha yan apadudvan śa:sananira mvaṁ ra:jaśa:sana , muvaḥ meṅətanira ri gəgvanira sovaṁ sovaṁ, tan salaḥ koṁgvana:, mapiṅita denira ruma:kṣa śīla mvaṅ aca:ranira , tan kasla:tana vastv apakrama , vruha ri səṅkərniṁ śa:saṇanira, tan maro ka:lavan· ra:janīti ra:javidhi , tovi tan siliḥ gəgvan· svaka:rmmanira la:van kara:jatvan· , kevala menakamagilik gilika, , maṅeka pravr̥ttya:taḥ svatantra saṁ hyaṁ śa:sanadhigama , maṅkana deya saṁ kr̥ta kuməmit saṁ hyaṁ śa:sana , mapan lukan halanya § yadin masiliḥ-siliha svaka:rmma, Aparan halanya , ndatar pakavuruṅan taṁ paramopadrava ḍavuḥ ri saṁ prabhu la:van saṁ kr̥ta , yapvan sira tan maha:pra§yatna ruma: kṣa: kramanira sovaṁ sovaṁ, ṅūni ṅūni yan salaḥ siki sira va:nya mūraṁ-mūraṅ arūmurahaṁ śa:sanadhigama, tan vandyaṁ maha:duḥka sa§bvatniṁ brahma:ṇḍa pinaṅguḥnira, At=hər tumampuḥ riṁ paramadurggati hləm· yan pəpədniṁ praṇantika:, saṁkṣepanya yatna yatna juga saṁ prabhu mvaṁ saṁ kr̥ta, marapvan nirvighna siran pamaṅguḥ tikaṁ śubhaprakr̥ti // 3 lan taman·, vnaṁ pinurug· deniṁ vadva:nira, lvirniṁ kəkəran·, Inuṅgva:kən riṁ nitisavvara:, hadigama,, pūrvvadr̥ṣṭa:, deśadr̥ṣṭa:, sastradr̥ṣṭa: ,, nitisavvara:, ṅa, niti hulihniṁ ha:ṅara:mba maṅke, tlass ina:rppita:kən· riṁ śabha:,, hadigama, ṅa, niti muṅgv iṁ prasa:ṣṭi,, pūrvvadr̥ṣṭa:, ṅa, hadigama: sita-sita niṁ deśa, huliḥniṅ haka:ryya pūrvva maṅke, hinuṅgva:kən· riṁ pa:pan·,, deśadr̥ṣṭa:, ṅa, niti sita-sitaniṁ deśa katama: katmu, hantukiṁ saṁ mapūrvvaka ṅūni daṅu,, sastradr̥ṣṭa:, ṅa, niti sita-sitaniṁ deśa, ma:nūta:kən· ra:janiti ra:jaśaṣaṇa: , Ika ta kabeḥ ra:jani§ti, ṅa, tan dadi tumibeṁ saṁ vatəkr̥tta tikaṁ samaṅkana: // nihan taṁ ra:jaḍaṇḍa, ṅa, kojaraniṁ ḍaṇḍa, dośa ma:nūt· raṣaniṁ hagama: kuṭa:ramanava:di, pratyekaniṁ ḍaṇḍakrama, hana: pratamasaha:sa, madhya:masahasa, Utamasahasa, dvigunotama sa:hasa,, pratamasahasa, ṅa, 5000,,