Hayde sleelet YASOU3 el-MASI7 2eben Daoud 2eben Ibrahim: Ibrahim walad Is7ak. W-Is7ak walad Ya3koub. W-Ya3koub walad Yahouza w-ekhewto. W-Yahouza walad Faris w-Zara7 min Thamar. W-Faris walad 7asroun. W-7asroun walad Aram. W-Aram walad 3amminadab. 3amminadab walad Na7shoun. W-Na7shoun walad Salamoun. W-Salamoun walad Bou3az min Ra7ãb. W-Bou3az walad 3oubid min Ra3outh. W-3oubid walad Yassa. W-Yassa walad Daoud el-malik. W-Daoud walad Sulayman min zawjet Ouriya. W-Sulayman walad Ra7ba3am. W Ra7ba3am walad Abiya. W-Abiya walad Ãsa. W-Ãsa walad Youshafat. W-Youshafat walad Youram. W-Youram walad 3ouzziya. W-3ouzziya walad Youtham. W-Youtham walad A7az. W-A7az walad 7azkiya. W-7azkiya walad Manassa. W-Manassa walad Ãmoun. W-Ãmoun walad Youshiya. W-Youshiya walad Yakouniya w-ekhewto bi zaman el-sabi la-Babel. Min ba3d el-sabi la-Babel Yakouniya walad Sha2alta2il. W-Sha2alta2il walad Zaroubabel. W-Zaroubabel walad Abihoud. W-Abihoud walad Aliyakim. W-Aliyakim walad 3azour. W-3azour walad Sadouk. W-Sadouk walad Akhim. W-Akhim walad Aliyoud. W-Aliyoud walad Ali3azar. W-Ali3azar walad Mattan. W-Mattan walad Ya3koub. W-Ya3koub walad Youssef zawj Maryam yalle waladet YASOU3 w-esmo al MASI7. W-majmou3 el-ajyel min Ibrahim la-Daoud arba3-ta3shar jeel. W-min Daoud la-Sabi Babel arba3-ta3shar jeel. W-min Sabi Babel lal-MASI7 arba3-ta3shar jeel. Hayde 2ossit miled YASOU3 el-MASI7: kenit emmo Maryam makhtoube la-Youssef, tbayyan abl ma teskon ma3o enna 7eble min el-ROU7 el-2ODOS. W-ken Youssef rejjel sale7 w-ma ken baddo yekshouf 2amra, fa-arrar enno yetreka bel-serr. W-houe w-3am bifakker bi-hal-shi, zaharlo malèk el-RAB bel-7elm w-2allo: "ya Youssef 2eben Daoud, ma tkhaf enno tekhod Maryam zawje elak. Hiye 7eble min el-ROU7 el-2ODOS, w-ra7 twallid 2eben w-tsammih YASOU3, li2anno bikhallis sha3bo min khatayahon. Hayda kello sar 7atta ysir yalle 2alo el-RAB bi-wastet el-nabe: "Ra7 te7bal el-3azra2, w-twaled 2eben w-esmo ra7 ykoun "3AMMANOU2IL", ye3ne ALLAH ma3na. W-lamma 2am Youssef min el-nawm, 3eml bi-yalle 2amaro yeh malèk el-RAB. Jeb marto 3ala beyto, w-ma 3erefa 7atta waladit 2ebna w-sammeh YASOU3. Lamma welid YASOU3 bi-Beyt-La7m el-Yahoudiye, 3ala 3ahd el-malik Hirodos, ejo 3ala-Ourashalim majous min el-shar2 w-2alo: "wayno el-mawloud, malik el-Yahoud? Shefna nejemto bel-shar2, w-jeena 7atta nesjedlo." W-sem3 el-malik Hirodos, w-edtarab houe w-kell Ourashalim. Jama3 kell rou2asa el-kahane w-mou3allimi el-sha3b w-sa2aloun: "wayn ra7 youlad el-MASI7?" Jewabouh: "bi-Beyt-La7m el-Yahoudiye, li2anno hek katab el-nabe: "Ya Beyt-La7m, ard Yahouza, ente mannik el-azghar bi-moudon Yahouza, li2anno minnik ra7 yetla3 ra2is byer3a sha3be Isra2il." Da3a Hirodos el-majous bel-serr w-t7a'2a2 minnon aymata zaharet el-nejme, min ba3da ba3aton 3ala Beyt La7m w-2allon: "rou7o w-fattsho mni7 3an el-tofl. W-lamma bitle2ouh khabroune 7atta rou7 ana kamen w-esjedlo." Lamma sem3o kalem el-malik fallo. W-lamma keno 3al-tari2 toli3 el-najm yalle shefouh bel-shar2, w-meshe eddemon 7atta wossil 3ala el-matra7 yalle fi el-tofl w-we2f faw2o. W-lamma shefo el-nejme fer7o fara7 3azeem, w-feto 3al-beyt w-le2o el-tofl ma3 emmo Maryam. Raka3o w-sajadoulo, w-min ba3da fata7o kyeson w-2addamoulo dahab w-bakhour w-morr. W-anzaron ALLAH bel-7elm enno ma yerja3o la-3and Hirodos, w-akhado tari2 tene ta-yousalo 3ala bledon. Min ba3d ma ra7o el-majous, zahar malèk el-RAB la-Youssef bel-7elm w-2allo: "2oum, 7mol el tofl w-emmo 3ala Masr w-skon honik, 7atta 2ellak aymata bterja3, li2anno Hirodos ra7 yfattish 3an el-tofl ta-ye2etlo." 2am Youssef w-akhad el-tofl w-emmo bel-leyl w-ra7 3ala Masr. W-sakan fiya 7atta met Hirodos, ta-ysir yalle 2alo el-RAB bi-wastet el-nabe: "min Masr d3it 2ebne." Lamma shef Hirodos enno el-Majous stahza2o fih, ghodib ktir w-2amar bi-2atl kell tofl bi-Beyt-La7m w-dawa7iya, min 2eben senteyn w-ella, 7asab el-wa2et yalle t7a'2a2o minno el-majous, w-sar yalle 2alo el-nabe Ermiya: "Sourakh nsama3 bel-Rama, beke w-na7ib ktir, Ra7eel 3am tebke 3ala wleda w-ma badda enno tet3azza, li2annon khtafo min el-woujoud." W-lamma met Hirodos zahar malèk el-RAB la-Youssef bel-7elm, w-houe bi-Masr w-2allo: "2oum, 7mol el-tofl w-emmo w-rja3o 3ala ard Isra2il, li2anno yalle 2arraro ye2tlouh meto." 2am w-akhad el-tofl w-emmo w-reje3 3ala ard Isra2il. Bass lamma sem3 enno Arkhilawos sar malik 3ala el-Yahoudiye matra7 Hirodos bayyo, khaf enno yrou7 3leya. W-anzaro ALLAH bel-7elm, w-ra7 3al-Jaleel. W-eja 3ala madine esma el-Nassira w-sakan fiya, la-ytemm yalle 2alouh el-anbiya: "ra7 ysammouh Nasireh." W-bi-haydik el-iyem eja You7anna el-ma3maden ta-ybashir bi-barriyet el-Yahoudiye w-sar y2oul: "toubou, li2anno malakout el-sama 2arrab!" W-You7anna houe yalle 2asado el-nabe Ashe3ya lamma 2al: "sawt 3am yesrokh bel-barriye: 7addro tari2 el-RAB w-khallo tor2ato jelse." W-ken You7anna yelbos tyeb min wabr el-jamal, w-3ala khasro zennar min jeled, w-byekol jarad w-3asal barri. W-keno el-nes yetla3o la-3ando min Ourashalim w-kell el-Yahoudiye w-kell el-manta2a el-mou7ita bel-Ordon. Ta-y3ammedon bi-nahr el-Ordon, me3terfin bi-khatayahon. W-shef You7anna enno ktar min el-ferrisiyyin wel-saddoukiyyin 3am yejo la-3ando ta-yet3ammado, fa-2allon: "ya wled el-afa3e, meen 3allamkon enno teherbo min el-ghadab el-jeye? 3tou thamar ybarhen 3ala tawbetkon, w-ma t2oulo la-7alkoun: bayyna houe Ibrahim. Ana b2elkoun: ALLAH edir ya3mil min hal-7jara abne2 la-Ibrahim. Layko el-fa2s 3ala jouzou3 el-shajar, kell shajra ma bta3te thamar tayyib bten2ata3 w-btenrama bel-nar. Ana b3ammedkon bel-may lal-tawbe, bass yalle jeye min ba3de houe a2wa minne, w-ma best7e2, 7atta, e7mol sandalo. Houe bi3ammedkon bel-ROU7 el-2ODOS wel-nar, w-byekhod el-medraye bi-2ido w-bina2e baydaro, byejma3 el-2am7 bi-makhzano w-bye7ro2 el-tebn bi-nar ma btontofe. W-eja YASOU3 min el-Jaleel lal-Ordon la-yet3ammad 3ala 2id You7anna. Mana3o You7anna w-2allo: "Ana bi-7aje et3ammad 3ala 2idak enta, keef jeye enta la-3ande ta-ana 3ammdak? Jewabo YASOU3: "khalle hal-shi ysir halla2, li2anno min khilelo mintammem mashi2it ALLAH." Se3eta wefa2 You7anna. W-t3ammad YASOU3 w-toli3 deghre min el-may. W-nfata7etlo el-sama, w-shef ROU7 ALLAH 3am yenzal ka2anno 7amemeh w-nezl 3le. W-nsama3 sawt min el-sama 3am bi2oul: "hayda houe 2ebne el-7abib yalle rdeet 3anno." W-akhad el-ROU7 el-2ODOS YASOU3 3ala el-barriye ta-yjarbo eblees sam arb3een yawm w-arb3een leyle la-7add ma je3. 2arrab minno el-moujarreb w-2allo: "eza kent 2eben ALLAH, 2oul la-hal-7jara enno tsir khebz. Jewabo: "bi2oul el-kteb: ma bi3eesh el-2ensen bass min el-khebz, bi3eesh min kell kelme btosdor min temm ALLAH." W-akhado eblees 3ala el-madine el-m2addase, w-we2fo 3ala sherfit el-haykal w-2allo: "eza kent 2eben ALLAH kebb 7alak la-ta7t, li2anno el-kteb bi2oul: biwasse maleyekto fik w-bye7emlouk 3ala 2ideyon 7atta ma-tedrob ejrak bi-7ajar. Jewabo YASOU3: "bi2oul el-kteb kamen: ma tjarrib el-RAB Ilehak." W-akhado eblees 3ala jabal 3ale ktir, w-farjeh kell mamelek el-dene w-majda w-2allo: "ba3tik hayda kello, eza sajadtelle w-3abadetne." Jewabo YASOU3: "b3od 3anne ya shaytan! li2anno el-kteb bi2oul: lal-RAB Ilehak btesjod, w-bte3bado elo wa7do." Min ba3da tarako eblees, w-ejo maleyke ta-yekhdmouh. W-sem3 YASOU3 bi-e3ti2al Youhanna, fa-reje3 3al-Jaleel. Min ba3da tarak el-Nassira w-sakan bi-Kfarna7oum 3ala shatt ba7r el-Jaleel bi-bled Zabouloun w-Naftali, 7atta ysir yalle 2alo el-nabe Ashe3ya: "Ya ard Zabouloun w-ard Naftali, 3ala tari2 el-ba7r, bel-meyle el-tenye min el-Ordon, ya Jaleel el-oumam! El-sha3b el-mawjoud bel-3atm shef nour 3azeem, wel-mawjoudin bi-dene el-mawt w-3atmto toli3 3leyon el-nour." W-ballash YASOU3 min haydak el-wa2et ybasher w-y2oul: "toubou, li2anno malakout el-sama 2arrab." W-ken YASOU3 3am yemshe 3ala shatt ba7r el-Jaleel, shef khayyen henne Sem3an yalle mla2bino Boutros w-khayyo Endrawos 3am yzetto el-shabake bel-ba7r, li2annon keno siyyade. 2allon: "l7a2oune, la-a3mil minkon siyyadin bashar" tarako shbekoun deghre w-le72ouh. W-fall min honik w-shef khayyen ghayron, henne Ya3koub 2eben Zabada w-khayyo You7anna, ma3 bayyon Zabada bi-shakhtoura 3am bisall7o shbekon, nedehon. Tarako el-shakhtoura w-bayyon bi-se3et el-se3a w-le72ouh. Ken YASOU3 3am yebrom bi-kell el-Jaleel, w-y3allim bel-majeme3 w-ye3lon injil el-malakout w-yeshfe el-nes min kell marad. Sar ma3rouf bi-kell Souriya, w-saro yjeebo la-3ando kell yalle 3endon awje3 w-amrad mekhtelfe: masalan el-monsabeen bel-sar3 wel-mkarsa7een w-yalle fiyon shyateen, fa-shafehon. W-le72o nes ktir min el-Jaleel wel-moudon el-3ashra w-Ourashalim wel-Yahoudiye w-min wara el-Ordon. Lamma shef YASOU3 hal-jamaheer, toli3 3al-jabal w-2a3ad. W-2arrabo minno tlemizo, w-sar y3allemon w-2al: "niyyel el-fou2ara bel-Rou7, li2anno malakout el-sama houe elon. "Niyyel el-ma7zouneen, li2annon byet3azzo. "Niyyel yalle 3endon wade3a, li2annon byourato el-ard. "Niyyel el-jou3aneen wel-3etshaneen lal-7a2i2a, li2annon byeshba3o. "Niyyel yalle byer7amo, li2annon byenra7amo. "Niyyel yalle 2loubon na2iye, li2annon bishoufo ALLAH. "Niyyel yalle byezra3o el-salem, li2anno henne abne2 ALLAH. "Niyyel el-moudtahadeen kermel el-7a2i2a, li2anno malakout el-sama houe elon. "Niyyelkon eza sabboulkon w-edtahadoukon w-ftaro 3leykon kermele kell kelme ghalat. Fra7o ktir, li2anno moukefa2etkon bel-sama 3azeeme. Hek edtahado el-anbiya min ablkon. "Ento mel7 el-ard, eza el-mel7 ma ba2a ymalle7, shou yalle bireddelo ta3mto? Ma bi3oud yenfa3 la-shi, ella enno yenkabb w-yed3as 3le el-nes. Ento nour el-3alam. Ma btetkhabba madine 3ala jabal, w-ma byetdawwa srej w-byen7att ta7t el-mekyel, bel-3aks byen7att bi-matra7 3ale 7atta ydawwe la-kell yalle bel-beyt. Khalle nourkon ydawwe hek lal-nes 7atta tbayyen a3melkon el-mni7a w-hek bimajjdo bayykon yalle bel-sama. "Ma tfakkro enne jeet la-elghe el-shari3a w-ta3lim el-anbiya: ma jeet la-elghe, jeet la-kammel. B2elkon el-7a2i2a: abl ma tenma7a el-sama wel-ard ma ra7 yenma7a 7arf wa7ad aw no2ta we7de min el-shari3a la-7add ma ykoun kell shi t7a'2a2. Yalle bikhalef wassiye min asghar hal-wassaya w-bi3allim el-nes ya3mlo metlo, byen3add zghir bi-malakout el-sama. W-yalle bya3mil fiya w-bi3allema, byen3add 3azeem bi-malakout el-sama. B7ebb 2elkon: eza ma kenit taharetkon akbar min taharet mou3allimi el-shari3a wel-ferrisiyyin, ma ra7 tfouto 3a-malakout el-sama. "Sme3to enno n2al la-bayyetkon: ma te2tol, li2anno yalle bye2tol lezim yen7akam 3le. Bass ana b2elkon: yalle byeghdab 3ala khayyo lezim ye7kom 3le el-2ade, w-yalle bi2oul la-khayyo ya jehil lezim ye7kom 3le el-majless, w-yalle bi2ello ya-ahbal byest7e2 nar jhannam. W-eza kent 3am bit2addem 2erbenak 3al-mazba7 w-tzakkaret honik enno khayyak elo ma3ak shi, trok 2erbenak 3al-mazba7, w-rou7 awwal shi sale7 khayyak, w-ba3den ta3a w-2addem 2erbenak. W-eza khtalafet ma3 7ada, ma tet2akhar 7atta tordih enta w-ma3o bel-tari2, 7atta ma ysallmak lal-2ade, wel-2ade lal-shorte, w-bten7at bel-7abs. Ra7 2ellak el-7a2: ma ra7 totla3 men honik abl ma touwfe ekher 2ersh. "Sme3to enno n2al:" ma tezne." Bass ana b2elkon: yalle byettalla3 bi-mara bi-shahwe, zana bi-2albo. W-eza 3aynak el-yameen kenit sabab ta-tokhte, 2la3a w-sheela, li2anno ba3do a7sanlak ennak tef2od 3odow min a3da2ak min enno yenkabb jesmak kello bi-jhannam. W-eza 2idak el-yameen kenit sabab ta-tokhte, 2ta3a w-sheela, li2anno ba3do a7sanlak enno tef2od 3odow min a3da2ak min enno yrou7 jesmak kello 3a-jhannam." "W-n2al kamen: yalle bitalle2 zawjto, khallih yektebla kteb el-tala2. Bass ana b2elkon: yalle bitalle2 zawjto mish bi-7alet el-zena bi3arreda lal-zena, w-yalle byetzawwaj mtall2a bikoun zene. "Sme3to enno n2al la-bayyetkon: ma te7lof bel-batel, w-koun bi-7elfenak wafe lal-Rab. Bass ana b2elkon: ma te7elfo abadan, la-bel-sama li2anna 3arsh ALLAH, wala bel-ard li2anna m7att ejrey, wala bi-Ourashalim li2anna madinit el-malik el-3azeem. Wala te7lof bi-rasak, li2anno ma bte2dar tkhalle sha3ra we7de minno tsir bayda aw sawda. Khalle ykoun kalemkon: eh eza eh, w-la2 eza la2, w-kell yalle bizeed 3an hek bikoun min el-sherreer. "Sme3to enno n2al: 3ayn bi-3ayn w-senn bi-senn. Bass ana b2elkon: ma t2awmo el-sherreer. Yalle byedorbak 3ala khaddak el-yameen, derlo khaddak el-tene kamen. W-yalle byekhedlak 2amissak, treklo mashla7ak kamen. W-yalle bisakhrak 7atta temshe ma3o meel, mshi ma3o meelen. W-yalle byetlob minnak shi 3tih yeh, w-yalle byest3eer minnak shi ma tebromlo wejjak. "Sme3to enno n2al: 7ebb 2aribak w-bghod 3adouwwak. Bass ana b2elkon: 7ebbo a3de2kon, w-sallo kermel yalle byedtehdoukon, hek bitkouno wled bayykon yalle bel-sama. Li2anno houe bikhalle shamso totla3 3ala el-3atleen wel-mne7, w-bishatte 3al-abrar wel-keffar. Eza 7abbeyto yalle bi7ebboukon, ayya moukefa2a ra7 tekhdo? Mish hek bya3mlo yalle bilemmo el-darayib? W-eza kento bitsallmo bass 3ala ekhwetkon, shou hal-3amal el-3azeem yalle bitkouno 3am ta3mlouh? Mish hek kamen bya3mlo el-wathaniye? Ento kouno kemleen, metl ma bayykon el-samewe houe kemil. "Ou3a ta3mlo 3amal kheyr eddem el-nes 7atta tfarjouhon shou 3melto, wa-ella ma elkon moukefa2a 3end bayykon yalle bel-sama. Eza 3melt 3amal kheyr la-7ada, ma ta3mil dajje metl ma bya3mlo el-mnef2een bel-majeme3 wel-shawere3 7atta yza2foulon el-nes. B2elkon el-7a2i2a: hal-ashkhas akhado moukefa2eton. Bass enta, lamma ta3mil 3amal kheyr ma tkhalle 2idak el-shmel ta3rif shou 3emlit 2idak el-yameen, 7atta 3amalak ydall bel-serr, w-bayyak yalle bishoufak bel-serr houe ra7 ykefeek. "W-lamma badkoun tsallo ma tkouno metl el-mnef2een, yalle bi7ebbo enno ysallo 3al-we2if bel-majeme3 w-3a-maferi2 el-tor2at ta-yshoufouwon el-nes. B2elkon el-7a2i2a: hal-ashkhas akhado moukefa2eton. Bass enta, lamma baddak tsalle fout 3ala ghereftak el-jouwweniye w-sakker el-beb w-salle la-bayyak yalle bel-serr, w-bayyak yalle bishoufak bel-serr houe ra7 ykefeek. Lamma tsallo ma ettametmo bi-shfefkon metl el-wathaniye, yalle bifakkro enno bel-tamtame ALLAH ra7 yestajeblon. Ma ta3mlo metlon, li2anno bayykon bya3rif shou yalle ento bi-7aje elo abl ma tetolbouh. W-bass tsallo 2oulo: ya-Bayyna yalle bel-sama, khalle esmak yet2addas khalle malakoutak 7ader ma3na w-khalle iradtak tkoun 3al-ard metl ma hiye bel-sama. 3tina khebzetna kel-yawm bi-yawmo, w-seme7na 3ala aghlatna metl ma ne7na kamen minseme7 yalle gholto bi-7a2na, w-ma tkhallina nou2a3 bel-tajribe, w-khallesna min el-sherreer. Eza ento sema7to el-nes 3ala aghlaton, bayykon el-samewe kamen ra7 yseme7kon 3ala aghlatkon. W-eza ma ento ma sema7to el-nes 3ala aghlaton, bayykon el-samewe kamen ma ra7 yseme7kon 3ala aghlatkon. Bass tsoumo, ma te3ebso wejjkon metl el-mnef2een, bikashro ta-ybayyno lal-nes ennon saymin. B2elkon el-7a2i2a: hal-ashkhas akhado moukefa2eton. Bass enta lamma tsoum, ghassil wejjak w-7ott 3otor 3ala rasak, 7atta ma tbayyen ennak sayem. Bass bayyak yalle bel-serr bishoufak, w-bayyak yalle bishoufak bel-serr houe ra7 ykefeek. "Ma tejma3o knouz 3ala el-ard, matra7 ma fi sous byenkhoron, w-7aramiye byeser2ouwon. Jamm3o knouzkon bel-sama, matra7 yalle ma fi la sous yenkhoron wala 7aramiye yeser2ouwon. Matra7 ma bikoun kanzak, honik bikoun 2albak kamen. "El-3ayn srej el-jesm. Eza kenit 3aynak bi-7ale mni7a, bikoun jesmak kello mnawwir. W-eza 3aynak kenit mareeda, jesmek bikoun kello m3attem. W-eza ken el-nour yalle fik 3atm, addeysh ra7 ykoun hal-3atm m3attem! "Ma 7ada bye2dar ykoun khadim la-sayyiden, aw baddo yebghod wa7ad w-y7ebb el-tene, aw baddo yet3alla2 bi-wa7ad w-ye7te2ir el-tene. Ma bte2daro tekhedmo ALLAH wel-mel sawa. Kermel hek b2elkon: ma te3talo hamm shou badkon teklo ta-t3eesho, wala te3talo hamm el-tyeb. El-7ayet mish ahamm min el-2akl? Wel-jesm mish ahamm min el-tyeb? Etalla3o mni7 3ala 3safeer el-sama yalle ma byezra3o wala byo7osdo wala byetmawwano, w-bayykon el-samewe bita3miyon. Mish ento aghla min hal-3safeer bi-ktir? W-meen minkon bye2dar, eza 7att kell 2ouwwto, enno yzeed 3ala toulo shebr? W-leysh 3etlaneen hamm el-tyeb? T2ammalo zanba2 el-7a2l keef byekbar bidoun ma yet3ab wala yeghzol. B7ebb 2elkon enno Sulayman bi-3ezzo ma lebs metl wala zanba2a minnon. Eza el-7ashish, yalle hala2 hon w-boukra ra7 yenkabb bel-nar, bi-labbso ALLAH bi-hal-tari2a, keef lamma el-mawdou3 byet3alla2 fikon ento, ya alileen el-imen? Kermel hek ma ba2a tenhammo w-t2oulo: shou badna nekol? Aw shou badna neshrab? Aw shou badna nelbos? Hal-shi kello byetolbo el-wathaniye. Bayykon el-samewe bya3rif ennkon bi-7aje la-kell hal-eshya. Tlebo bel-awwal malakout ALLAH w-enno tet7a'2a2 mashi2to, w-hawdik kellon byejoukon zyede. Ma ba2a tenhammo bi-boukra, li2anno boukra byehtamm bi-7alo. W-kell yawm hammo 3a 2addo." "Ma tdeeno 7atta ma tendeno. Li2annkon ra7 tendeno bi-nafs el-tari2a yalle 3am tdeeno fiya, w-bel-kayl nafso yalle 3am tkayylo fih ra7 ykayyloukon. Leysh btettalla3 3ala el-2ashe yalle bi-3ayn khayyak, wel-khashbe yalle bi-3aynak ma bitshoufa? Aw keef bit2oul la-khayyak: khalline shillak el-2ashe min 3aynak, w-enta fi bi-3aynak khashbe? Ya mnefe2, sheel el-khashbe min 3aynak enta bel-awwal, se3eta bisir fik tshouf keef baddak tsheel el-2ashe min 3ayn khayyak. Ma ta3to el-shi el-m2addas lal-kleb, w-ma tkebbo moujawharatkon eddem el-khnezir, 7atta ma yed3asouwon bi-ejreyon w-yehjmo 3leykon ta-ye2zoukon. "Tlobo w-ra7 ya3toukon, fattsho w-ra7 bitle2o, de'2o el-beb w-ra7 yefta7oulkon. Li2anno kell meen byetlob byekhod, w-yalle bifattesh bile2e, w-yalle bide2 3al-beb byefta7oulo. Meen minkon eza 2ebno talab minno khebz bya3tih 7ajar, aw eza talab minno samke bya3tih 7ayye? Eza kento ento el-3atleen bta3rfo ta3to wledkon el-eshya el-mni7a, addeysh ma bayykon el-samewe ra7 ya3te el-eshya el-mni7a la-yalle byetlbouwon minno? 3èmlo el-nes metl ma bit7ebbo enno y3emloukon. Hayde hiye el-shari3a w-ta3alim el-anbiya. "Fouto min el-beb el-dayyi2. El-beb wesi3 wel-tari2 yalle bitwadde lal-halek kamen wes3a, w-ktar yalle byemsho 3leya. W-shou dayyi2 el-beb w-shou sa3be el-tari2 yalle bitwadde lal-7ayet, w-2lel yalle bile2ouwa. "Ntebho min el-anbiya el-kezzebeen, yalle byejo la-3andkon bi-tyeb el-7emlen w-henne min jouwwa dyeb mifterse. Min tasarroufeton bta3rfouwon. Fina no2tof min el-shawk 3enab, aw min el-3ellay2 teen? W-hek kamen kell shajra mni7a bta3te thamar tayyib, w-kell shajra 3atle bta3te thamar 3atel. El-shajra el-mni7a mish moumkin ta3te thamar 3atel, wala el-shajra el-3atle bta3te thamar tayyib. Kell shajra ma bte7mol thamar tayyib bten2ass w-btenkabb bel-nar. Min tasarroufeton ra7 bta3rfouwon. "Mish kell wa7ad bi2elle: ya RAB, ya RAB! Bifout 3a-malakout el-sama, malakout el-sama la-yalle bya3mil metl ma baddo bayye yalle bel-sama. Ktar yawmeta ra7 y2ouloule: ya RAB, ya RAB, mish bi-esmak ne7na tnabbayna? W-bi-esmak taradna shyateen? W-bi-esmak 3melna 3ajeyeb ktire? Se3eta ra7 2ellon: ana ma ba3rfkon abadan. B3edo 3anne ya ashrar! "Yalle byesma3 el-kalem yalle 2elto w-bitabb2o, bikoun metl el-rejjel el-7akeem, yalle 3ammar beyto 3al-sakhr. W-shattet el-dene w-tafet el-anhar w-habbit el-3awasef 3ala hal-beyt w-ma tehabbat, li2anno m2assas 3al-sakhr. W-yalle byesma3 kaleme w-ma bitabb2o, bikoun metl el-rejjel el-jehil, yalle 3ammar beyto 3al-raml. W-shattet el-dene w-tafet el-anhar w-habbit el-3awasef 3ala hal-beyt, wel-beyt tehabbat, w-ken houbouto 3azeem." W-lamma 2al YASOU3 hal-kalem w-khallas, nbaharo el-nes min ta3limo, li2anno ken 3am bi3allimon bi-nabrt yalle elo soultan, mish metl mou3allimi el-shari3a." Lamma nezl YASOU3 min el-jabal, nes ktir le72ouh. Eja la-3ando rejjel 2abras, raka3 eddemo w-2allo: "ya RAB, enta edir enno teshfine eza baddak." Madd YASOU3 2ido w-7atta 3le w-2al: "eh, ana badde ennak teshfa, shfa!" w-deghre nshafa el-rejjel. W-2allo YASOU3: "ou3a tkhabbir 7ada. Bass rou7 farje 7alak lal-kehen, w-2addem el-2erben yalle farado Moussa, ta-ykoun shahede elon." Lamma wossil YASOU3 3ala Kfarna7oum, eja la-3ando dabit roumane trajjeh w-2allo:. "Ya RAB, khedme matrou7 bel-farshe w-mawjou3 ktir ma 3am ye2dar yet7arrak" 2allo YASOU3: "ana jeye ta eshfih." Jewabo el-dabit: "Ana ma beste7e2, ya RAB, ennak tfout ta7t sa2f beyte. Bass 2oul kelme we7de w-khadme biso7. Li2anno ana kamen khadi3 la-soulta, w-fi ta7t 2ide 3askar, b2oul la-hayda mshih, byemshe, w-la-haydak: ta3a, byeje, w-la-khadme: 3mol hek, bya3mil." T3ajjab YASOU3 min kalemo w-2al la-yalle le72ino: "B2elkon el-7a2i2a: ana ba3d ma sheft 3end 7ada bi-Isra2il metl hal-imen, w-b7ebb 2elkon: ktar ra7 yejo min el-shar2 wel-gharb ye2e3do 3al-meyde ma3 Ibrahim w-Is7ak w-Ya3koub bi-malakout el-sama, w-yalle ken elon el-malakout, ra7 yen7atto barra bel-3atm, w-honik ra7 ykoun el-beke wel-ta2ta2et el-snen." W-reje3 2al YASOU3 lal-dabit: "rou7, ra7 yet7a'2a2 yalle 2ãmanet fih." W-nshafa el-khadim min se3it el-se3a. W-eja YASOU3 3a-beyt Boutros, w-shef 7amet Boutros matrou7a bel-farshe w-ma7moume. Akhadla 2ida, w-deghre 7allet 3anna el-7emme. W-2amet saret tekhdmo. W-lamma sar 3ashiye, jeboulo nes ktir fiyon shyateen, bi-kelme sha7at el-arwe7, w-shafa kell el-marda. Ta-ysir yalle 2alo el-nabe Ashe3ya: "houe yalle akhad dou3fna w-7eml amradna." Lamma shef YASOU3 kell hal-nes 7awlo, 2amar tlemizo ennon ye2ta3o 3al-shatt el-tene. 2arrab minno wa7ad min mou3allimi el-shari3a w-2allo: "ya mou3allim, ana badde el7a2ak matra7 ma-bitrou7." Jewabo YASOU3: "el-wewiyye 3endon byout, w-3safeer el-sama 3shoush, bass 2eben el-2ensen, ma 3endo matra7 yesnod raso." W-2allo wa7ad min tlemizo: "ya RAB, sma7le bel-awwal rou7 edfon bayye." 2allo YASOU3: "L7a2ne w-khalle el-mawta yedfno mawtehon!" Rekb YASOU3 bel-shakhtoura, w-le72ouh tlemizo. Faj2a habbit 3asfe 2awiye bel-ba7r, w-sar el-mawj a3la min el-shakhtoura. W-YASOU3 ken neyim. 2arrabo minno ta-ywa3ouh w-2aloulo: "ya RAB, khallesna, ra7 nmout!" Jewabon YASOU3: "leysh khayfin, ya alileen el-imen?" 2am, haddad el-ree7 wel-ba7r, w-hedyit el-3asfe. T3ajjabo el-nes w-2alo: "meen bikoun hayda ta-el-ba7r wel-ree7 bitee3ouh?" Lamma 2ata3 YASOU3 3al-shatt el-tene, w-wossil 3a-manta2it el-Jidariyeen, le2ouh tnen fiyon shyateen, jeyin min el-ma2aber. W-2add ma keno sherseen, ma 3ad 7ada ye2dar yemro2 min honik. W-saro ysarrkho w-y2oulo: "shou elak 3leyna, ya 2eben ALLAH? Leysh jeye la-hon? asdak t3azzebna abl el-wa2et?" W-ken fi atee3 khnezir 3am yer3a min el-meyle el-tenye, Saro el-shyateen yetrajjouh la-YASOU3 w-y2oulo: "eza baddak tesh7atna, b3atna 3a-atee3 el-khnezir." 2allon: "rou7o!." Tel3o w-feto bel-khnezir, w-hajam el-atee3 kello 3al-ba7r w-gheri2 bel-may. Se3eta harabo el-re3yen 3al-madine w-khabbaro kell yalle sar w-2ossit yalle ken fiyon shyateen. W-kell ahl el-madine ejo la-3and YASOU3. W-lamma shefouh trajjouh ta-yfell min el-madine. Rekb YASOU3 el-shakhtoura w-2ata3 bel-may ta-yrou7 3a-madinto. Jeboulo mkarsa7 ma7tout 3a-ma7mal. Lamma shef YASOU3 imenon, 2al lal-mkarsa7: "wsa2 ya 2ebne, khatayak nghafaro." Kamm wa7ad min mou3allimi el-shari3a 2alo bi-fekron: "hayda 3am bijaddef!" 3eref YASOU3 afkaron, w-2al: "leysh afkar 2albkon 3atle? Shou el-ahouan? N2oul khatayak nghafaro, aw n2oul: "2oum w-mshi? 3rafo enno 2eben el-2ensen elo soultan 3al-ard ta-yeghfor el-khataya." Se3eta 2al lal-mkarsa7: "2oum w-7mol ma7malak w-rja3 3a-beytak." 2am w-ra7 3a-beyto. W-lamma shefo el-nes yalle sar, khafo w-majjado ALLAH yalle 3ata el-bashar metl hal-soultan. W-ra7 YASOU3 min honik, shef rejjel 2e3id bi-beyt el-darayib esmo Matta. 2allo: "L7a2ne." 2am w-le72o. W-lamma ken YASOU3 3am yekol bi-beyt Matta, ktar min lammimet el-darayib wel-khatyeen ejo w-2a3ado ma3 YASOU3 w-tlemizo. El-ferrisiyyin shefo hal-shi, w-saro y2oulo la-tlemizo: "leysh m3allimkon 3am yekol ma3 lammimet el-darayib wel-khatyeen?" Sem3 YASOU3 w-jewabon: "yalle so7oton mni7a mish bi-7aje la-7akeem, el-7akeem houe lal-marda. Rou7o t3allamo shou ye3ne: "ana badde ra7me mish zabi7a. Ma jeet kermel el-abrar, ana jeet kermel el-khatyeen." Ejo tlemiz You7anna el-ma3maden la-3and YASOU3 w-2aloulo: "leysh ne7na wel-ferrisiyyin minsoum ktir, w-tlemizak ma bisoumo? Jewabon YASOU3: "Bye2daro ahl el-3arees ye7zano, wel-3arees ma3on? Bass ra7 yeje yawm bikoun el-3arees n2akhad min baynetkon, se3eta bisoumo. Ma 7ada bira2e3 tawb 3ati2 bi-sha2fet 2mesh jdide, li2anno el-sha2fe ra7 tenkamash 3al-tawb wel-kheze2 yousa3. W-ma 7ada bi7ott nbeed jdid bi-wa3a min jeld 3ati2, wa-ella ra7 yenkhez2o, se3eta el-nbeed byou2a3 3al-ard wel-wa3a bisir lal-kabb. El-nbeed el-jdid bi7ottouh bi-wa3a jdid, w-hek tneynon byen7efzo. Houe w-3am ye7ke ma3on, byeje la-3ando wa7ad min el-rou2asa, byerka3 eddemo w-bi2ello: "bente metit min shwey, ta3a 7ott 2idak 3leya, bterja3 bit3eesh." 2am YASOU3 le72o houe w-tlemizo. W-ken fi honik mara sarla tna3shar sene 3enda nazeef damm, ejet min khalfo w-lamaset taraf tawbo. Hiye w-3am t2oul bi-2alba: "byekfe enno elmos tawbo ta-enshafa." Ltafat YASOU3, shèfa w-2al: "wsa2e ya bente, imenik khallasik." W-min se3eta el-mara nshafit. Lamma wossil YASOU3 3ala-beyt el-rayyes shef nes 3am tendob wel-kell ma3jou2, 2al: "B3edo, el-sabiye ma metit, bitkoun neyme." Saro yed7ako 3le. Min ba3d ma fallo el-nes, fet w-akhad el-benet bi-2ida fa 2amit. W-ntasharit el-2ossa bi-kell el-manta2a. W-min ba3da ra7 YASOU3 min honik, w-le72ouh tnen 3emyen 3am ysarrkho w-y2oulo: "r7amna, ya 2eben Daoud!" W-bass wossil 3al-beyt, ejo el-3emyen el-tnen la-3ando. Sa2alon YASOU3: "Ento bit2ãmno enno be2dar a3mil hal-shi?" Jewabouh: "na3am, ya RAB." Se3eta YASOU3 lamaslon 3younon w-2al: "ra7 tekhdo 3ala 2add imenkon." W-nfata7et 3younon, se3eta nabbahon YASOU3: "ou3a tkhabbro 7ada!" Bass henne, fallo w-saro ykhabbro 3anno bi-kell el-manta2a. W-bass fallo min 3endo, eja nes jeybinlo rejjel akhras, sèkno shaytan. Lamman YASOU3 sha7at el-shaytan, w-sar el-akhras ye7ke, ndahasho el-nes w-saro y2oulo: "wala marra shefna metl hal-shi bi-Isra2il!" Bass el-ferrisiyyin 2alo: "3am yesh7at el-shyateen bi-2ouwwet rayyes el-shyateen!" W-ra7 YASOU3 yebrom bi-kell el-moudon wel-diya3, y3allim bel-majeme3 w-ye3lon bisharet el-malakout w-yeshfe el-nes min kell marad w-3elle. W-lamma shef hal-nes shef2 2albo 3leyon, li2annon keno ye2saneen w-day3een metl el-ghanam yalle bala ra3i. Se3eta 2al la-tlemizo: "fi zar3 ktir baddo 2atf, bass el-3emmel 2lel. Sallo la-RAB el-zar3 ta-yeb3at 3emmel yo7osdoulo." Da3a YASOU3 tlemizo el-tna3sh w-3atahon soultan yesh7ato arwe7 el-sharr w-yeshfo el-nes min kell marad w-3elle. W-hawde aseme el-tna3shar rasoul: awwalon Sem3an el-moula2ab Boutros w-Endrawos khayyo, Ya3koub 2eben Zabada w-You7anna khayyo, Filippos, w-Bartelmawos, w-Touma, w-Matta lammim el-darayib, w-Ya3koub 2eben 7alfa w-Teddawos, w-Sem3an el-ghayour, w-Yahouza el-Eskharyoute yalle sallam YASOU3. Hal-tna3sh hawde, ba3aton YASOU3 w-wassahon: "la-3and el-wathaniye ma trou7o w-ma tfouto 3ala madine semiriye, bitrou7o sawb el-khwerif el-day3a min wled Isra2il, w-3a-tari2kon bashro enno malakout el-sama 2arrab. Shfou el-marda, w-2awwmo el-mawta, w-tahro el-bors min barason, w-sh7ato el-shyateen. Akhadto min doun shrout, 3tou ento kamen min doun shrout. Ma te2no dahab wala fodda wala n7as, wala kees lal-tari2 wala tawben wala sandalen wala 3asa, li2anno el-shaghil elo ha2 yekol. Ayya madine aw day3a bitrou7oula, s2alo 3an yalle byest7e2kon, w-dallo 3endo ta-yeje wa2et tfello. W-bass tfouto 3ala shi beyt, sallmo 3le. Eza hal-beyt byest7e2 salemkon, salemkon bi7ell 3le, w-eza la2, salemkon byerja3lkon. W-eza ma 2ebloukon wala sem3o kalemkon, fello w-nfedo ghabret ejreykon. B2elkon el-7a2i2a: Sadoum w-3amoura ra7 tkoun ekhreton bi-yawm el-deynoune ar7am min ekhret hal-madine. "Ana be3etkon metl el-khwerif bayn el-dyeb. Kouno mentebhin metl el-7ayyet, w-haneya metl el-7amem. W-ntebho min el-nes, ra7 ysalmoukoun lal-ma7akem, w-yejldoukon bel-majeme3, w-ra7 yekhdoukon lal-7ekkem wel-moulouk kermele ana, w-hek bitkouno shahede elon w-lal-wathaniye. Bass ysallmoukon ma tehtammo keef aw shou ra7 tjewbo, li2anno ra7 yen3atalkoun bi-se3eta shou t2oulo. Ma ra7 tkouno ento yalle 3am te7ko, ROU7 bayykoun houe yalle ra7 ye7ke fikon. El-khayy ra7 ysallem khayyo lal-mawt, wel-bayy 2ebno, wel-wled y2oumo 3ala ahlon w-ye2etlouwon, El-kell ra7 yebghedkon kermel esme. W-yalle byethbat lal-ekher, houe yalle ra7 yetkhallas. W-bass yedtehdoukon bi-hal-madine, hrebo 3ala madine tenye. B2elkon el-7a2i2a: abl ma tebermo kell moudon Isra2il bikoun eja 2eben el-2ensen. Ma fi telmiz afdal min m3allmo, wala el-khadim afdal min sayyido. Byekfih lal-telmiz enno ykoun metl m3allmo wel-khadim metl sayyido. Eza rabb el-beyt w-la'2abouh bi-ba3lzaboul, fa-shou ra7 ykoun massir ahl beyto? "Ma tkhafo minnon. Ma fi shi mkhabba ella w-ra7 yenkashaf, w-ma fi shi mekhfe ella w-ra7 yen3araf. Yalle 3am 2elkon yeh bel-3atm, 2oulouh ento bel-daw. W-yalle 3am tesma3ouh washwashe, nedo fih 3al-stou7. Ma tkhafo min yalle bye2etlo el-jesm w-ma bye2daro ye2etlo el-rou7, khafo min yalle bye2dar ymawwet el-jesm wel-nafs tneynon sawa bi-jhannam. Bi-addeysh byenbe3 3asfoureyn, bi-2ersh? W-ma3 hayda w-kello, ma byou2a3 wa7ad minnon 3al-ard bidoun 2ezn bayykon. Bass ento, 7atta sha3r raskon kellon ma3doudin. Ma tkhafo, ento aghla min kell el-3safeer. "Yalle bye3terif fiyye eddem el-nes, ana kamen ra7 e3terif fih eddem bayye yalle bel-sama. Bass yalle byenkerne eddem el-nes, ana kamen ra7 enkro eddem bayye yalle bel-sama. "Ma tfakkroune jeet ta-7ott el-salem 3al-ard, ma jeet ta-7ott el-salem, ana ma3e seyf. Jeye farre2 bayn el-2eben w-bayyo, wel-benet w-emma, wel-kenne w-7ameta. Ra7 ysir el-2ensen ahl beyto min a3de2o. Yalle bi7ebb bayyo aw emmo aktar minne, bikoun ma byest7e2ne. W-yalle bi7ebb 2ebno aw bento aktar minne, ma byest7e2ne. W-yalle ma bye7mol salibo w-byel7a2ne, ma byest7e2ne. W-yalle hammo ye7faz 7ayeto, ra7 yekhsara, w-yalle byekhsar 7ayeto kermele ana, byerba7a. "Yalle bye2balkon bye2balne, w-yalle bye2balne bye2bal yalle ba3atne. Yalle bye2bal nabe li2anno nabe, byekhod moukefa2et nabe. W-yalle bye2bal rejjel sale7 li2anno sale7, byekhod moukefa2et el-sale7. Yalle byes2e walaw kebbeyet may berde la-7ada min hal-zghar li2anno telmize, b2elkon el-7a2i2a, enno moukafe2to ma bitrou7 di3an." Min ba3d ma YASOU3 wassa tlemizo el-tna3sh, fall min honik w-ra7 y3allim w-ybashir bi-moudon tenye. W-sem3 You7anna, houe w-bel-7abs, bi-a3mel YASOU3, fa-ba3atlo kamm wa7ad min tlemizo ta-yes2alouh: "enta yalle baddo yeje, aw mnentor wa7ad tene?" Jewabon YASOU3: "rou7o khabbro You7anna shou 3am tesma3o w-tshoufo: El-3emyen rej3o ye2sha3o, el-3erj 3am yemsho, el-bors ettaharo min barason, el-torsh rej3o yesma3o, el-mawta 3am bi2oumo, wel-fou2ara 3am yetbasharo. W-niyyel yalle bidall m2eman fiyye." W-bass fallo tlemiz you7anna, sar YASOU3 ye7ke lal-nes 3an You7anna: "shou ro7to tshoufo bel-sa7ra? 2asabe 3am t'hezza el-ree7? Aw shou ro7to tshoufo? Rejjel lebis tyeb ne3me? Bass yalle byelbso tyeb ne3me 2e3deen bel-2sour! Shou ro7to tshoufo? Nabe? W-ana b2elkon enno You7anna aktar min nabe. Houe yalle nkatab 3anno: ra7 eb3at rasoule eddemak, ta-y7adderlak el-tari2 eddemak. B2elkon el-7a2i2a: bayn kell el-nes ba3d ma toli3 a3zam min You7anna el-ma3maden, bass azghar wa7ad bi-malakout el-sama a3zam minno. Min iyem You7anna el-ma3maden la-liom, wel-nes byekhdo malakout el-sama bel-jehed, w-yalle bijehdo bye7salo 3le. Dallo el-anbiya wel-shari3a yetnabbo, la-yawm yalle eja You7anna. Eza badkon tsad2o, 3rafo enno You7anna houe Eliyya yalle natrino. W-yalle 3endo dinen, khallih yesma3. Bi-meen badde shabbeh hal-jeel? Byeshbah wled 2e3deen bel-se7at 3am bi3ayyto la-ba3don w-y2oulo: zammarnelkon w-ma ra2asto, nadabnelkon w-ma bkito. Eja You7anna ma byekol wala byeshrab, 2alo 3anno: hayda sèkno shaytan. W-eja 2eben el-2ensen byekol w-byeshrab 2alo 3anno: hayda rejjel akkeel w-sakkeer w-sadee2 yalle bilemmo darayib wel-khatyeen. Bass el-7ekme btesh'hadla a3mela." W-min ba3da, sar YASOU3 y3atib el-moudon yalle 3eml fiya aktar 3ajeybo w-ahla ma tebo, 2al: "Kourazin, Beyt-Sayda, ya weylkon! Law el-3ajeyeb yalle saro 3endkon, ysiro bi Sour w-Sayda, keno ahla tebo min zamen w-lebso el-mes7 w-2a3ado 3al-rmed. W-ana b2elkon: Sour w-Sayda ra7 ykoun massiron ar7am minkon. W-ente ya Kfarna7oum, baddik tousale bel-2ouwwe 3al-sama? Ra7 tou2a3e 3a-jhannam. Li2anno law el-3ajeyeb yalle saro 3endik, ysiro bi Sadoum, kenit be2yet la-liom. W-b2elkon kamen: ard Sadoum yawm el-deynoune, ra7 ykoun massira ar7am." Se3eta 2al YASOU3: "beshkrak ya bayye, Rab el-sama wel-ard, li2annak kashafet hal-shi lal-zghar w-khabbeyto 3an yalle byefhamo, wel-azkya. Na3am, ya bayye, hayde iradtak. Bayye sallamne kell shi, ma 7ada bya3rif el-2eben ella el-Ãb, w-ma 7ada bya3rif el-Ãb ella el-2eben, w-ella yalle el-2eben baddo enno yeksheflo yeh. Ta3o kellkon la-3ande ento el-te3benin min hal-7eml el-t2il w-ana braye7kon. 7melo neere ana, w-t3allamo minne, w-ra7 terte7o, ana hane w-2albe metwadi3, li2anno neere ana ma bita3eb, w-7emle khafif." Bi-yawm sabt, mara2 YASOU3 bayn el-7ou2oul, w-tlemizo je3o, saro ye2otfo sanebel w-yeklo. Shefouwon el-ferrisiyyin w-2alo la-YASOU3: "shouf tlemizak, 3am ya3mlo yalle mish masmou7 yawm el-sabt." Jewabon YASOU3: "ma 2rito shou 3eml Daoud lamma je3, houe w-yalle keno ma3o? Keef fet 3ala beyt Allah, w-keef akalo khebz el-ta2dime, yalle houe bass lal-kahane w-2aklo mish masmou7 la elon? W-ma 2rito bi-shari3et Moussa enno el-kahane yawm el-sabt henne w-bel-haykal, bidannso el-sabt bidoun ma yenlemo? W-ana b2elkon: enno hon fi 7ada a3zam min el-haykal. Law kento fhemto shou ye3ne: ana badde ra7me mish zabi7a, ma kento 7akamto 3a-yalle ma 3leyon khatiyye. Li2anno 2eben el-2ensen houe Rab el-sabt." W-ba3den fall YASOU3 min honik w-ra7 3al-majma3, Shef rejjel 2ido yebse, fa-sa2alouh el-ferrisiyyin ta ywa2'3ouh: "masmou7 neshfe el-marda yawm el-sabt?" Jewabon YASOU3: "eza hada minkon 3endo kharouf wa7ad w-hal-kharouf wa2a3 bel joura yawm el-sabt, ma birou7 bisheelo? Keef bel-a7ra el-2ensen yalle houe afdal min el-kharouf? Mbala, masmou7 na3mil mni7 yawm el-sabt." W-se3eta 2al lal-rejjel: "medd 2idak!" Madda, w-rej3et tabi3iye metl el-2id el-tenye. W-min ba3da ra7o el-ferrisiyyin w-tshewaro ta-yshoufo keef baddon ye2tlouh. Lamma 3eref YASOU3 bi-hal-shi, fall min honik. Le7'2ouh nes ktir, w-shafehon kellon, w-wassahon ma ykhabbro 3anno, ta-ysir yalle 2alo el-nabe Ashe3ya: "Hayda khadme yalle ana na2'ayto, 7abibe yalle fre7et fih. Ra7 khalle Rou7e tenzal 3le, ta-ykhabber el-3alam 3an iradte. Ma bi3ade 7ada wala byesrokh, wala byensama3 sawto bel-tor2at. Ma byeksor el-2asbe el-d3ife, wala byetfe el-fteele yalle 3am tdakhen, 7atta ykhalle iradte tontosir, w-ysir raja lal-3alam." Min ba3da jeboulo rejjel fih shaytan, a3ma w-akhras. Shafeh, w-sar el-akhras ye7ke w-ye2sha3. Se3eta kell el-nes ndahasho w-saro y2oulo: "mish hayda 2eben Daoud?" Lamma sem3o el-ferrisiyyin hal-shi 2alo: "3am yesh7at el-shyateen bi-2ouwwet Ba3lzaboul rayyes el-shyateen." 3eref YASOU3 afkaron, 2allon: "kell mamlake bten2esem 3a-7ala btekhrab, w-kell madine aw beyt byen2esem 3a-7alo ma byesmod. Eza el-shaytan byesh7at el-shaytan, bikoun n2asam 3a-7alo. Se3eta keef mamlakto badda tesmod? Eza ana 3am esh7at el-shyateen bi-2ouwwet Ba3lzaboul, wledkon bi-2ouwwet meen 3am yesh7atouh? Wledkon henne yalle ra7 ye7kmo 3leykon. Bass eza ana 3am esh7at el-shyateen bi-2ouwwet ROU7 ALLAH, bikoun malakout ALLAH sar baynetkon. Keef bye2dar el-wa7ad yfout 3ala beyt rejjel 2awe w-yesre2lo ghrado, eza bel-awwal ma birabbit el-rejjel el-2awe, w-ba3den byesre2lo beyto? Yalle ma bikoun ma3e houe dodde, w-yalle ma byejma3 ma3e bikoun 3am bifarri2. Kermel hek ana b2elkon: kell khatiyye w-kell tejdeef ra7 yenghafar, bass el-tejdeef 3ala el-ROU7 el-2ODOS ma byenghafar. Yalle bi2oul kelme dodd 2eben el-2ensen byenghafarlo, bas yalle bi2oul kelme dodd el-ROU7 el-2ODOS, ma byenghafarlo, la bi-hal dene wala bel-ekhra." "El-shajra el-mni7a bte7mol thamar mni7. El-shajra el-3atle bte7mol thamar 3atel. El-shajra bten3araf min thimara. Ya wled el-7ayyet, keef ra7 fikon t2oulo eshya mni7a w-ento ashrar? El-temm bi2oul shou fi bel-2alb. El-2ensen el-sale7 min kanzo el-sale7 bisheel eshya sal7a, wel-2ensen el-3atel min kanzo el-3atel bisheel eshya 3atle. W-ana b2elkon, enno kell kelme tefha bi2oulouwa el-nes, ra7 yet7asabo 3leya bi-yawm el-deynoune. Li2anno bi-kalemak ra7 tetbarrar w-bi-kalemak ra7 yen7akam 3lek." Se3eta kamm wa7ad min mou3allimi el-shari3a wel-ferrisiyyin 2aloulo: "ya mou3allim, badna nshouf minnak shi 3ajibe." Jewabon: "Jeel sherreer w-3atel, 3am bitaleb bi-3ajibe, w-ma ra7 yen3atalo ella 3alemet Younen. Metl ma Younen be2e tlet tiyem w-tlet layele bi-batn el-7out, hek ra7 yeb2a 2eben el-2ensen tlet tiyem w-tlet layele bi-2alb el-ard. Ahl Ninawa, yawm el-deynoune, ra7 y2oumo ma3 hal-jeel w-ye7kmo 3le, li2annon tebo lamma anzaronYounen, w-hon fi a3zam min Younen. Maliket el-jnoub ra7 t2oum yawm el-deynoune ma3 hal-jeel w-te7kom 3le, li2anna ejet min ekher el-dene ta-tesma3 7ekmet Sulayman, w-hon fi a3zam min Sulayman." "Eza el-rou7 el-nejes dahar min 2ensen, bisir yebrom bel-sa7ra ta-yfattesh 3an el-ra7a w-ma bile2iya, bi2oul: ra7 erja3 3ala beyte yalle falleyt minno. W-byerja3 bile2ih fade w-mkannas w-mrattab. Se3eta birou7 yjeeb sab3 arwe7 al3an minno, bifouto bi-hal-2ensen, w-bitkoun 7alto aswa2 min el-awwal. Hek ra7 ykoun massir hal-jeel el-3atel." Houe w-YASOU3 3am ye7ke ma3 el-nes, ejet emmo w-ekhewto, we2fo barra, w-talabo enno ye7ko ma3o. 7ada min el-mawjoudin honik 2allo: "emmak w-ekhewtak we2fin barra baddoun ye7kouk." Jewabo YASOU3: "meen emme, w-meen ekhewte?" W-dall bi-2ido 3ala tlemizo w-2al: "hawde henne emme w-ekhewte. Li2anno kell yalle bya3mil iradet bayye yalle bel-sama houe khayye w-ekhte w-emme." Yawmeta fall YASOU3 min el-beyt w-ra7 a3ad 3a-shatt el-ba7r. W-tjamma3 7awlo ktir nes, w-toli3 3al-shakhtoura, 2a3ad fiya, wel-nes ba3da 3al-shatt. Sar ye7kyon bel-amtel 3an eshya ktire, 2al: "ra7 el-mzeri3 ta-yezra3. Houe w-3am yezra3, fi kamm 7abbe wa2a3o 3ala 7affit el-tari2, fa-ejo el-3safeer w-akalouwon. W-ghayron wa2a3o 3ala ard 7ajar, ma-fiya ktir trab, farrakho bi-ser3a, li2anno terbeton mish ghami2a. W-lamma tol3it el-shams deblo, w-li2anno ba3don bala shloush yebso. W-wa2a3 ghayron bel-shawk, toli3 el-shawk w-khana2on. W-ghayron wa2a3 bi-ard taybe, w-athmaro, fi thamara 7emlit miyye, w-thamara sitteen, w-thamara tleteen. W-yalle 3endo dineyn, khallih yesma3!." 2arrabo minno tlemizo w-2aloulo: "leysh 3am te7kyon bel-amtel?" Jewabon: "ento n3atalkon ta3rfo asrar malakout el-sama, bass henne ma n3atalon. Li2anno yalle ma3o shi, byen3atalo ta-yzeed, w-yalle ma ma3o shi, byekhdoulo 7atta yalle houe elo. 3am e7kyon bel-amtel, li2annon byettalla3o w-ma bishoufo, byesma3o bidoun ma yesma3o, wala yefhamo. Fiyon t7a'2a2et noubouwet Ashe3ya yalle bit2oul: "btesma3o w-ma btefhamo, btettalla3o w-ma bitshoufo. Li2anno hal-sha3b sar 2albo 2ase, w-sama3o t2eel, ghammad 3youno, 7atta ma yshouf bi-3youno wala yesma3 bi-diney, wala yefham bi-2albo wala ytoub ta-eshfih." Bass ento niyyelkon li2anno 3younkon bishoufo w-dinaykon byesma3o. B2elkon el-7a2i2a: "enno ktar min el-anbiya wel-2eddissin tmanno yshoufo yalle ento 3am tshoufouh w-ma shefouh, w-yesma3o yalle ento 3am tesma3ouh w-ma sem3o. "Sma3o tefsir matal el-mzeri3: Yalle byesma3 kelmet el-malakout w-ma byefhama, houe metl yalle nzara3 3a-7affit el-tari2, byeje el-sherreer w-byesro2 yalle nzara3 bi-2albo. W-yalle nzara3 bi-ard 7ajar, metl yalle byesma3 el-kelme, w-bye2bala bi-se3et el-se3a w-byefra7 fiya, w-li2anno nafso mish mrassakha w-houe 2eben se3to, bass ysir fi di2a aw edtihad bi-sabab el-kelme, deghre byen2elib 3a-zeto. W-yalle nzara3 bel-shawk, metl yalle byesma3 el-kelme, bass hmoum el-dene w-moughrayet el-ghena, byekhen2o el-kelme w-ma bya3te wala thamar. W-yalle nzara3 bel-ard el-taybe, metl yalle byesma3 el-kelme w-byefhama, w-bye7mol shi miyye, shi sitteen, w-minnon bye7mlo tleteen." Reje3 3atahon matal tene, 2al: "malakout el-sama byetshabbah la-rejjel zara3 bi-7a2lo zar3 mni7. W-wa2et keno el-nes neymin, eja 3adouwo w-zara3 zou2an bayn el-2am7 w-ra7. W-lamma farrakh el-zar3 2am7, bayyan el-zou2an kamen. Ejo kheddem sa7ib el-7a2l w-2aloulo: "ya Rab enta zara3et bi-7a2lak zar3 mni7, min wayn eja el-zou2an?" Jewabon: "baddo ykoun fi wa7ad 3adouw 3eml hal-shi." 2aloulo: "baddak nrou7 nejma3 el-zou2an?" 2allon: "la2, bkhaf ento w-3am tejma3o el-zou2an, te2la3o el-2am7 ma3o. Khallouwon yekbaro sawa la-yawm el-2atf, w-bass yeje wa2et el-2atf b2oul lal-7assadeen: jma3o el-zou2an bel-awwal w-rbotouh ta-ne7er2o, wel-2am7 jibouh la-3ande 3a-beyt el-moune." Reje3 3atahon matal ghayro, 2al: "malakout el-sama byetshabbah la-7abbit khardal zara3a rejjel bi-7a2lo. Ma3 enna azghar bezre bayn el-7boub, lamma tfarrikh btekbar aktar min ghayra w-bitsir shajra, w-bisiro 3safeer el-sama ya3mlo 3shoush bayn aghsana." Reje3 3atahon matal ghayro kamen: "malakout el-sama byetshabbah la-khameere akhadeta mara w-7atteta bi-tlet kaylet t7in, w-khammar el-3ajeen kello." Kell hal-eshya 7ekehon hiye YASOU3 bel-amtel. W-ma ken ye7kiyon ella bel-amtel. Ta ysir metl ma 2al el-nabe: "befta7 temme ta-e7ke bel-amtel, w-e3lon yalle ken makhfe min bideyet el-3alam." W-min ba3da tarak YASOU3 el-nes w-eja 3al-beyt, 2arrabo la-7addo tlemizo w-2aloulo: "fasserelna matal zou2an el-7a2l." Jewabon: "yalle zara3 zar3 mni7 houe 2eben el-2ensen, el-7a2l houe el-3alam, el-zar3 el-mni7 henne wled el-malakout, el-zou2an henne wled el-sherreer. El-3adouw yalle zara3 el-zou2an houe el-shaytan, 2atf el-zar3 niheyet el-3alam, wel-7assadeen henne el-maleyke. W-metl ma mnejma3 el-zou2an ta-ne7er2o bel-nar, hek ra7 ysir bi-niheyet el-3alam: 2eben el-2ensen ra7 yeb3at maleykto yejma3o kell yalle keno sabab shakk, wel-ashrar w-bikebbouwon bi-atoun el-nar, w-honik bikoun el-beke wel-ta2ta2et el-snen. Wel-abrar, byesher2o metl el-shams bi-malakout bayyon. W-yalle 3endo dineyn, khallih yesma3! "Malakout el-sama byetshabbah la-kanz madfoun bi-7a2l, ktashafo rejjel w-khabbah, w-min fare7to ra7 be3 kell shi 3endo w-shtara hal-7a2l. W-malakout el-sama byetshabbah la-tejir ken 3am bifattesh 3ala a7la 7abbit loulou, w-lamma le2a we7de ghalye, ra7 be3 kell shi 3endo w-shtareha. W-malakout el-sama byetshabbah kamen la-shabake zattouwa bel-ba7r, jama3et samak min kell el-anwe3. W-lamma ntalet talla3ouwa 3al-shatt, w-jama3o el-samak el-mni7 bi-slel w-yalle manno mni7 kabbouh. W-hek ra7 ysir bi-niheyet el-3alam: ra7 yejo el-maleyke, w-yfarr2o el-ashrar min el-abrar, w-yzettouwon bi-atoun el-nar. W-honik bikoun el-beke wel-ta2ta2et el-snen." W-sa2al YASOU3 tlemizo: "fhemto kell hal-shi?" Jewabouh: "na3am" 2allon: "kermel hek, kell wa7ad min mou3allimi el-shari3a bisir telmiz bi-malakout el-sama, byetshabbah la-rab beyt bitalle3 min kanzo eshya jdide w-3ati2a." Lamma khallas YASOU3 el-7ake bel-amtel, ra7 min honik w-reje3 3a-balado, w-sar y3allim bel-majma3, fa-ndahasho w-sa2alo ba3don: "min wayn jeyib hal-7ekme w-hal-3ajeyeb? Hayda mish 2eben el-najjar? Emmo mish esma Maryam, w-ekhewto esmon Ya3koub w-Youssef w-Sem3an w-Yahouza? Mish kell ekhewto min 3enna? Min wayn jeyib kell hal-shi? W-rafadouh. Se3eta 2allon YASOU3: "ma fi nabe mkarram bi-balado w-bi-beyto." W-li2annon ma 2ãmano fih ma 3eml ktir 3ajeyeb honik. Bi-wa2ta sem3 el-malik Hirodos bi-akhbar YASOU3, w-2al lal-7ashye taba3o: "hayda You7anna el-ma3maden 2am min el-mawt, kermel hek 3am bisiro hal-3ajeyeb 3a-2ido." W-ken Hirodos kamash You7anna w-7abaso kermel Hirodiyya mart khayyo Filippos, li2anno You7anna ken y2ello: "ma bi7e2ellak tetzawwaja." W-ken baddo ye2tlo, bass khaf min el-nes li2annon keno ye3tebrouh nabe. W-bi-zekra 3id miled Hirodos, ra2aset benet Hirodiyya bel-7afle, w-3ajabeto la-Hirodos, w-7alafla enno ra7 ya3tiya shou ma badda. 2aletla emma ta-t2ello: "2addemle 3a-taba2 ras You7anna el-Ma3maden." Ze3l el-malik, bass bi-ma enno 7alaf eddem el-kell, 2amar ya3touha yeh. Ba3at jende, 2ata3 ras You7anna bel-7abs, w-jebo 3a-taba2. W-3atah lal-benet, wel-benet 3ateto la-emma. W-ejo tlemiz You7anna, w-7emlo el-jette w-dafanouh, w-ra7o ykhabbro YASOU3. Lamma 3eref YASOU3 bel-khabar, rekb bel-shakhtoura w-ra7 3a-matra7 ye2dar fih ykoun wa7do. Bass el-nes 3erfo wayno, w-le72ouh min el-moudon mashe. W-lamma nezl min el-shakhtoura w-shef kell hal-nes, shef2 3leyon w-shafa el-marda baynetoun. W-3ashiye, 2arrabo minno tlemizo w-2aloulo: "t2akhar el-wa2et, w-ne7na b3ad 3an el-day3a, 2oul lal-nes yrou7o yeshtero la-elon 2akl." Jewabon YASOU3: "ma fi lzoum yrou7o, 3touwon ento shi yeklouh." 2aloulo: "ma 3enna hon ella khams tereghfe w-samakten." 2allon YASOU3: "heto yalle ma3kon." 2amar el-nes ye2e3do 3al-7ashish, akhad el-khams tereghfe wel-samakten, w-rafa3 3youno sawb el-sama w-berak w-kasar el-khebz w-3ata tlemizo, wel-tlemiz 3ato el-nes. Akalo kellon 7atta sheb3o, w-jama3o tna3shar sallé melyene min el-khebz yalle faddal. W-ken yalle akalo shi khams-talef rejjel, ma 3ada el-neswen wel-wled. Ba3den 2amar YASOU3 tlemizo yerkabo el-shakhtoura w-yesba2ouh 3al-shatt el-tene ta-keno fallo el-nes. Lamma fallo toli3 3al-jabal ta-ysalle la-wa7do. W-be2e wa7do la-3ashiye. W-kenit ba3adet el-shakhtoura ktir 3an el-shatt wel-mawj 2ewe, li2anno el-hawa ken bi-3aksa. W-abl tlou3 el-daw, eja YASOU3 la-3and tlemizo meshe 3al-may. Lamma shefouh meshe 3al-may nra3abo w-2alo: "hayda shaba7!" w-min khawfon sarakho. Bi-se3eta 2allon YASOU3: "wsa2o, ana houe, ma tkhafo!" 2allo Boutros: "eza hayda enta, ya RAB, 2merne enne eje la-3andak 3al-may." Jewabo YASOU3: "ta3a." Nezl Boutros min el-shakhtoura w-meshe 3al-may sawb YASOU3. Bass khaf wa2et yalle shef el-3asfe 2awiye w-ballash yeghra2, w-sarrakh: "khallesne, ya RAB!" Deghre madd YASOU3 2ido w-masako w-2allo: "ya alil el-imen leysh shakkeyt." W-lamma tel3o 3al-shakhtoura hedyet el-3asfe. W-yalle keno bel-shakhtoura raka3o eddemo w-2alo: "mazbout ennak 2eben Allah!" Wossil YASOU3 w-tlemizo 3ala Jennisarat. 3erfouh ahl el-day3a, w-nasharo el-khabar bel-manta2a kella, w-jebo kell el-marda. W-talabo minno yesma7lon yelmso 3al-alile taraf tawbo, w-kell yalle lamasouh nshafo. Ejo la-3and YASOU3 el-ferrisiyyin w-mou3allimi el-shari3a min Ourashalim, w-sa2alouh: "Leysh tlemizak 3am bikhelfo ta2leed el-2edama, w-ma bighasslo 2ideyon abl el-2akl?" Jewabon YASOU3: "leysh ento 3am bitkhelfo wassiyet el-RAB kermel ta2aleedkon? 2al el-RAB: "karrem bayyak w-emmak, w-yalle byel3an bayyo aw emmo bimout. W-ento bit2oulo: "yalle bi2oul la-bayyo aw emmo: el-mouse3ade yalle natrina minne ana 2addamta la-ALLAH, ma bi3oud meltezim enno ykarrem bayyo aw emmo. W-hek bitkouno lghito kalem ALLAH kermel ta2aleedkon. Ya mnef2een, Ashe3ya ken ma3o ha2 lamma tnabba 3ankon w-2al: "Hal-sha3b bikarremne bi-shfefo, bass 2albo b3id 3anne. 3ibedto ele batle w-ta3alimo min el-bashar." Min ba3da neda YASOU3 el-joumou3 w-2allon: "sma3o w-fhamo: Yalle bifout bel-temm ma-binajjes el-2ensen, yalle byedhar min el-temm houe yalle binajjso." 2arrabo tlemizo w-2aloulo: "bta3rif enno el-ferrisiyyin nsadamo lamma sem3o kalemak? Jewabon: "kell shatle mish zere3a bayye el-samewe bten2ala3. Trekouwon! Henne 3emyen 3am bi2oudo 3emyen. W-eza ken el-a3ma bi2oud el-a3ma, ra7 you2a3o tnayneton bel-joura." 2allo Boutros: "fasserelna hal-matal." Jewab YASOU3: "ba3dkon la-halla2 ma fhemto? Ma bta3erfo enno yalle bifout bel-temm, byenzal 3al-batn, w-ba3den byedhar min el-jesm? Bass yalle byetla3 min el-temm, byeje min el-2alb, w-houe yalle binajjis el-2ensen. Li2anno min el-2alb btotla3 el-afkar el-3atle: el-2atl wel-zena wel-fe7sh wel-ser2a w-shahedet el-zour wel-namime. W-hawde henne yalle binajjso el-2ensen. Bass el-akl bi-2iden mish mghassalin, ma binajjis el-2ensen." Fall YASOU3 min honik w-ra7 3ala manta2et Sour w-Sayda. 2arrabit sawbo mara ken3aniye min haydik el-manta2a w-sarakhet, 2aletlo: "r7amne ya Rab, ya 2eben Daoud! Bente fiya shaytan, 3am bi3azzeba ktir." Ma jewaba YASOU3 bi-wala kelme. 2arrabo minno tlemizo w-trajjouh, 2aloulo: "shouf shou badda, 7aj le7'2etna bi-sarikha!." Jewabon YASOU3: "ma ba3atne ALLAH ella lal-khwerif el-day3in min beyt Isra2il." Bass el-mara ejet la-3ando w-raka3etlo w-2alet: "se3edne, ya Rab!" 2alla YASOU3: "ma bijouz nekhod khebz el-wled w-nzetto lal-kleb." 2aletlo el-mara: "sa7i7, ya Rab! bass el-kleb byeklo min el-ftafit yalle btou2a3 3an tawlet asyedon." 2alla YASOU3: "ma a3zam imenik! Ra7 yet7a'2a2 yalle baddik yeh." W-deghre nshafet benta. Fall YASOU3 min honik w-eja 3a-shatt ba7r el-Jaleel, w-toli3 3al-jabal w-2a3ad. Eja la-3ando nes ktir jeybin ma3on 3erj w-3emyen w-mashlouleen w-khers w-ghayron ktar, w-7attouwon eddemo ta-yeshfiyon. Ndahasho el-nes lamma shefo el-khers 3am ye7ko, wel-3erej wel-mashlouleen 3am yemsho, wel-3emyen 3am ye2sha3o. W-majjado Ileh Isra2il. Neda YASOU3 tlemizo w-2allon: "ana shef2an 3ala hal-nes, li2anno sarlon tlet tiyyem ma3e, w-ma 3endon shi yeklouh. W-ma badde eb3aton min hon saymin, ta-ma yet3abo 3al-tari2." 2aloulo el-tlemiz: "min wayn badna njeeb khebz yta3me kell hal-nes, w-ne7na bi-matra7 b3id?" 2allon YASOU3: "kam rghif ma3kon?" jewabouh: "sab3 tereghfe w-kamm samke zghar." Wassa YASOU3 el-nes enno ye2e3do 3al-ard, akhad el-sab3 tereghfe wel-samket, shakar w-sha2af el-khebz w-3ata tlemizo, wel-tlemiz 3ato el-nes. Akalo kellon ta-sheb3o, w-jama3o tna3shar sallé melyene min el-khebz yalle faddal. W-ken yalle akalo shi arba3-talef rejjel, ma 3ada el-neswen wel-wled. W-ba3at YASOU3 el-nes 3a-byouta w-rekb el-shakhtoura w-ra7 sawb manta2it Majdal. Eja la-3and YASOU3 el-ferrisiyyin wel-saddoukiyyin ta-ye7erjouh, w-talabo minno yfarjiyon 3ajibe min el-sama. Jewabon: "3a ghroub el-shams bit2oulo: fi sa7ou, li2anno el-sama 7amra metl el-nar. Wel-sob7 bit2oulo: liom fi shete, li2anno el-sama sawda. Bta3rfo tmayyzo wejj el-sama, bass 3alemet el-azmineh ma bta3rfo tmayyzouwon. Jeel 3atel w-sherreer 3am yetlob 3ajibe, w-ma ra7 yen3atalo ella 3alemet Younen." Min ba3da tarakon w-ra7. Lamma 2ata3o el-tlemiz 3al-shatt el-tene, nesyo yekhdo ma3on khebz, 2allon YASOU3: "ntebho min-khameeret el-ferrisiyyin wel-saddoukiyyin." Saro y2oulo bi-2albon: "3am bi2oul hal-shi li2anno nsina njeeb ma3na khebz." 3eref YASOU3 yalle bi-2albon w-2allon: "ya alileen el-imen, keef bit2oulo la-7alkon: ma fi ma3na khebz? Ba3dkon la-halla2 ma fhemto? Nsito el-khams tereghfe lal-khams-talef shakhs w-kamm sallé be2e? Wel-sab3 tereghfe lal-arba3-talef shakhs w-kamm sallé be2e? Keef ma fhemto enno ma 3am e7ke 3an el-khebz? Eltelkon ntebho min-khameeret el-ferrisiyyin wel-saddoukiyyin!" Se3eta fehmo el-tlemiz enno 2allon lezim yentebho min ta3alim el-ferrisiyyin wel-saddoukiyyin mish min khameeret el-khebz. Lamma wossil YASOU3 3ala dawa7e kaysariyyet Filippos sa2al tlemizo: "meen bikoun 2eben el-2ensen bennesbe lal-nes?" Jewabouh: "fi nes bi2oulo: You7anna el-ma3maden, w-fi minnon bi2oulo: Eliyya, w-ghayron bi2oul: Ermiya aw-wa7ad min el-anbiya." 2allon: "w-meen ana bi-ra2eykon ento?" Jewab Sem3an Boutros: "enta el-MASI7 2eben ALLAH el-7ayy." 2allo YASOU3: "niyyelak ya Sem3an 2eben Youna! Li2anno mish el-la7m wel-damm kashafoulak hal-shi, hayda bayye yalle bel-sama. W-ana b2ellak: enta sakhr, w-3ala hal-sakhr ra7 3ammir kniste, w-bweb el-ja7eem ma ra7 ye2daro 3leya. Ra7 a3tik mfati7 malakout el-sama. Yalle bterebto 3al-ard bikoun marbout bel-sama, w-yalle bit7ello 3al-ard bikoun ma7loul bel-sama." W-wassa YASOU3 tlemizo enno ma ykhabro 7ada enno houe el-MASI7. Min haydak el-wa2et ballash YASOU3 y2oul la-tlemizo enno lezim yrou7 3ala Ourashalim w-yet2allam ktir 3a-2id el-shyoukh w-rou2asa el-kahane w-mou3allimi el-shari3a, w-ra7 ye2tlouh, w-telit yawm ra7 y2oum. Akhado Boutros 3a-janab w-sar y3atbo w-y2oul: "la sama7 ALLAH, ya RAB! Mish ra7 ysir fik hek!" Fa-ettala3 YASOU3 bi-Boutros w-2al: "fell min wejje ya shaytan! Enta we2if bi-tari2e, li2anno afkarak hiye afkar el-bashar mish afkar ALLAH." w-2al YASOU3 la-tlemizo: "yalle baddo yel7a2ne, baddo yenkor nafso w-ye7mol salibo w-yel7a2ne, li2anno yalle baddo ykhallis nafso ra7 yekhsara, w-yalle ra7 yekhsar 7ayeto kermele ana, ra7 yle2iya. Shou byestafeed el-2ensen eza reb7 el-3alam kello w-khesr nafso? Aw shou ra7 ya3te el-2ensen badal 3an nafso? Ra7 yeje 2eben el-2ensen bi-majd bayyo ma3 maleyekto, w-yawmeta ra7 y7aseb kell wa7ad 7asab a3melo. B2elkon el-7a2i2a: bayn el-mawjoudin hon fi ashkhas ma ra7 ydou2o el-mawt 7atta yshoufo 2eben el-2ensen jeye bi-malakouto." Min ba3d sitt tiyem akhad YASOU3 Boutros w-Ya3koub w-You7anna khayyo, w-toli3 fiyon la-wa7don 3a-jabal 3ale, w-tjalla eddemon, w-sar wejjo msha3sha3 metl el-shams w-saro tyebo beed metl el-nour. Faj2a shefo Moussa w-Eliyya 3am ye7ko ma3 YASOU3. 2al Boutros la-YASOU3: "ya RAB, shou 7elo nkoun hon: eza baddak, ba3mil hon tlet khiyam: we7de elak w-we7de la-Moussa w-we7de la-Eliyya." W-houe w-3am ye7ke, bteje ghayme msha3sh3a w-bitghattiyon, w-byesma3o sawt min el-ghayme 3am bi2oul: "hayda houe 2ebne el-7abib yalle rdeet 3anno, sma3oulo!" W-lamma sem3o el-tlemiz el-sawt wa2a3o 3ala wejjon bel-ard w-khafo ktir. 2arrab minnon YASOU3, 7att 2ido 3leyon w-2allon: "2oumo, ma-tkhafo." Rafa3o 3younon, w-ma shefo ella YASOU3 wa7do. W-henne w-nezleen min el-jabal, wassahon YASOU3 w-2al: "ma tkhabro 7ada 3an yalle sheftouh ta-ken 2am 2eben el-2ensen min el-mawt" Sa2alouh el-tlemiz: "leysh bi2oulo mou3allimi el-shari3a: lezim yeje Eliyya bel-awwal?" Jewabon: "mbala, lezim Eliyya yeje w-ysalle7 kell shi. Bass ana b2elkon: eja Eliyya w-ma 3erfouh, w-3emlo fih metl ma baddoun. W-nafs el-shi 2eben el-2ensen ra7 yet2allam 3ala 2ideyon." Se3eta fehmo el-tlemiz enno ken 3am ye7kiyon 3an You7anna el-ma3maden. Lamma rej3o la-3and el-nes, 2arrab sawbo rejjel w-raka3 eddemo w-2allo: "r7am 2ebne ya Rab, li2anno byou2a3 bel-no2ta w-byet3azzab ktir. W-aw2at ktir byou2a3 bel-nar aw bel-may. W-jebto la-3and tlemizak, w-ma edro yeshfouh." Jewab YASOU3: "ya hal-jeel el-3atel yalle ma bi2ãmen! La-aymata ra7 eb2a ma3kon? W-la-aymata ra7 et7ammalkon? Jibo el-sabe la-hon!" W-haddad YASOU3 el-shaytan, w-dahar min el-sabe, fa-nshafa deghre. Se3eta akhadouh el-tlemiz 3a-janab w-sa2alouh: "leysh ne7na ma ederna ndahhro?" Jewabon: "min 2ellit imenkon! B2elkon el-7a2i2a: law ken 3endkon imen 2add 7abbit el-khardal, kento 2elto la-hal-jabal: zee7 min hon la-honik, bizee7, w-ma bikoun fi shi mousta7il bennesbe elkon. [Bass hal-naw3 min el-shyateen ma byedhar ella bel-sala wel-sawm]." Keno el-tlemiz mejtem3in bel-Jaleel, 2allon YASOU3: "ra7 yetsallam 2eben el-2ensen la-2iden el-nes, w-ra7 ye2tlouh, w-telit yawm ra7 y2oum min el-mawt. Ze3lo el-tlemiz ktir. W-lamma reje3 YASOU3 w-tlemizo 3ala Kfarna7oum, ejo yalle bilemmo daribet el-haykal la-3and Boutros w-sa2alouh: "m3allemkon ma byedfa3 daribet el-haykal?" Jewab: "mbala." W-lamma fet Boutros 3al-beyt, sa2alo YASOU3: "Shou ra2yak, ya Sem3an? Min meen byekhdo moulouk el-ard el-daribe aw el-jezye? Min wledon aw min el-ghouraba?" 2allo Boutros: "min el-ghouraba." 2allo YASOU3: "fa-ezan, el-wled ma3fiyyin. Bass ne7na ma badna ne7roj 7ada, kermel hek rou7 3al-ba7r w-zett el-sennara, w-msok awwal samke bte3la2 w-fta7la temma, ra7 tle2e fi arba3 darahem, khedon w-dfa3lon yehon 3anne w-3annak." Bi-haydak el-wa2et 2arrabo el-tlemiz la-3and YASOU3 w-sa2alouh: "meen houe el-a3zam bi-malakout el-sama?" Jeb YASOU3 tofl la-3ando w-wa'2afo bayneton w-2al: "b2elkon el-7a2i2a, eza ma ra7 tetghayyaro w-tsiro metl hal-atfal, ma ra7 tfouto 3a-malakout el-sama. Yalle byetwada3 w-bisir metl hal-tofl, bikoun houe el-a3zam bi-malakout el-sama. W-yalle bye2bal bi-esme tofl metlo, bikoun 2ebelne ana. Yalle bishakkek 7ada min hal-zghar, yalle bi2ãmno fiyye, a7sanlo enno y3al2oulo bi-ra2ebto 7ajar el-ta7oun w-yzettouh bel-ba7r. Ya weyl el-3alam yalle bishakkeko el-nes! La-bodd enno yetshakkako, bass ya weyl yalle bikoun houe el-sabab. Eza 2idak aw ejrak kenit sabab lal-khatiyye, 2ta3a w-sheela 3annak, li2anno ba3do a7sanlak enno tfout 3al-7ayet el-abadiyye bi-2id we7de aw bi-ejer we7de, min enno ykoun 3endak 2idten w-ejerten w-tenkab bel-nar el-abadiyye. W-eza 3aynak kenit sabab lal-khatiyye, 2la3a w-sheela, li2anno ba3do a7sanlak enno tfout 3al-7ayet el-abadiyye w-3endak 3eyn we7de, min enno ykoun 3endak 3eynten w-tenkab bi-nar jhannam. 2ou3a te7te2ro 7ada min hal-zghar. B7ebb 2elkon: enno maleyketon bel-sama 3am bishoufo kell el-wa2et wejj bayye yalle bel-sama. [Fa-2eben el-2ensen eja ta-ykhallis yalle ray7in 3al-halek]. "W-shou awlkon? Eza ken rejjel 3endo miyyet kharouf w-da3 wa7ad minnon, ma byetrok el-tes3a w-tes3een bel-7rash, w-birou7 yfattesh 3an el-kharouf el-daye3? W-eza le2eh, ma byefra7 fih? B2elkon el-7a2i2a: enno byefra7 fih aktar min fara7o bel-tes3a-w-tes3een yalle ma da3o. W-hek bayykon yalle bel-sama ma baddo enno 7ada min hal-zghar ymout. "Eza khote khayyak, rou7 la-3ando w-3atbo minnak elo, w-eza seme3lak bitkoun rbe7et khayyak. W-eza rafad yesma3lak, khod ma3ak wa7ad aw tnen, 7atta tsabbit kell shi bi-shahedit tnen aw tlete. W-eza rafad yesma3lon, 2oul lal-knise, w-eza kamen rafad yesma3 lal-knise, 3tebro wathane aw bilemm darayib. B2elkon el-7a2i2a: kell yalle bterebtouh 3al-ard bikoun marbout bel-sama, w-yalle bit7ellouh 3al-ard bikoun ma7loul bel-sama. B2elkon el-7a2i2a: eza ettafa2o tnen minkon 3al-ard enno yetolbo shi min bayye yalle bel-sama, ra7 ya3tyon yeh. Li2anno matra7 ma byejtem3o tnen aw tlete bi-esme, bkoun ana bayneton. Se3eta 2arrab Boutros w-2al la-YASOU3: "ya RAB, kamm marra badde oghfor la-khayye lamma byokhte bi-7a'2e? Sab3 marrat?" Jewabo YASOU3: "mish sab3 marrat, ghferlo sab3een marra sab3 marrat. Malakout el-sama byetshabbah la-malik baddo y7aseb 3abeedo. W-lamma ballash y7asebon, jeboulo wa7ad minnon elo 3le 3ashr-talef derham min el-fodda. W-ken ma ma3o yedfa3, fa-2amar el-malik enno yenbe3 houe w-marto w-wledo w-kell shi ma3o, 7atta youwfe dayno. Raka3 hal-3abd eddemo w-2allo: 3tine wa2et w-boufik kell shi 3leyye. Shef2 3le el-malik w-falato w-3afeh min el-dayn. W-lamma dahar el-rejjel lta2a bi-wa7ad min ref2ato el-3abeed yalle ken elo 3le miyyet dinar, kamasho bi-khweni2o w-2allo: reddele yalle ele 3lek! Raka3 rfi2o w-sar yetrajjeh w-y2oul: 3tine wa2et, w-ra7 reddelak kell shi. Bass ma 2ebel ma3o, akhado, 7atto bel-7abs 7atta youwfe dayno. W-shefo ref2ato el-3abeed yalle sar, ze3lo ktir w-ra7o khabbaro el-malik bi-kell shi sar. Se3eta ba3at el-malik wara el-3abd w-2allo: ya hal-3abd el-sherreer! Ana 3afaytak min kell daynak, li2annak trajjaytne. Ma ken lezim enta kamen ter7am rfi2ak metl ma ana ra7amtak? Ghodib el-malik ktir, w-sallamo lal-jelledeen 7atta youwfe kell dayno. W-hek bya3mil bayye el-samewe fikon eza mish kell wa7ad minkon ghafar la-khayyo min kell 2albo." Lamma 2al YASOU3 hal-kalem w-khallas, tarak el-Jaleel w-eja 3ala dawa7e el-Yahoudiyye min wara el-Ordon. W-le7'2ouh nes ktir, w-shafehon honik. Eja la-3ando kamm wa7ad min el-ferrisiyyin wel-saddoukiyyin ta-ye7erjouh, 2aloulo: "masmou7 lal-rejjel enno ytalle2 marto la-ayya sabab?" Jewabon YASOU3: "ma 2rito enno el-khale2 min el-bideye khala2on mara w-rejjel w-2al: kermel hek byetrok el-rejjel bayyo w-emmo w-byette7ed bi-marto, w-bisiro el-tnen jesm wa7ad? Ma bi3oudo tnen, bisiro jesm wa7ad. W-yalle byejma3o ALLAH ma bifarr2o 2ensen." Sa2alouh el-ferrisiyyin: "leysh Moussa wassa enno ya3te el-rejjel marto kteb el-tala2 w-se3eta bitalle2a? Jewabon YASOU3: "bi-sabab 2asewet 2loubkon sama7elkon Moussa enno ettal2o neswenkon. W-ma kenit el-eshya hek min abl. W-ana b2elkon: yalle bitalle2 marto ella bi-7alet el-zena w-byetzawwaj ghayra byezne." 2aloulo tlemizo: "eza ken hek 7alet el-rejjel ma3 el-mara, a7sanlo enno ma yetzawwaj." Jewabon YASOU3: "ma bye2bal hal-kalem ella yalle n3atalon ennon yefhamouh. Fi nes khallafeton emmeton 3ejzeen 3an el-zawej, w-fi minnon el-nes khallouhon ysiro hek, w-fi nes ghayron ma byetzawwajo kermel malakout el-sama. Yefham yalle bye2dar yefham." W-jeboulo atfal 7atta y7ott 2idey 3leyon w-ysalle, bass el-tlemiz ba3adouwon. Se3eta 2al YASOU3: "khallo el-atfal yejo la-3ande w-ma temna3ouwon, li2anno malakout el-sama la-yalle metlon." W-7att 2idey 3leyon w-fall min honik. Eja la-3ando shabb w-2allo: "ya hal-mou3allim el-sale7, shou lezim a3mil shi sale7 ta-le2e el-7ayet el-abadiyye?" Jewabo YASOU3: "leysh 3am tes2alne 3an shou houe sale7? Ma fi sale7 ella wa7ad. Eza baddak tle2e el-7ayet mshi 3al-wassaya." 2allo: "ayya wassaya?" 2allo YASOU3: "ma te2tol, ma tezne, ma tesro2, ma tesh'had bel-zour, karrem bayyak w-emmak, 7ebb 2aribak metl ma bit7ebb nafsak." 2allo el-shabb: "hawde kellon meshe 3leyon, shou ba3d na2esne?" Jewabo YASOU3: "eza baddak tkoun kemil, rou7 bi3 kell shi btemelko w-3tyon lal-fou2ara, bisir 3endak kanz bel-sama, w-ta3a l7a2ne!" Lamma sem3 el-shabb hal-kalem, fall 7azeen li2anno ken 3endo amlek ktire. Se3eta 2al YASOU3 la-tlemizo: "b2elkon el-7a2i2a, sa3be ktir 3al-ghane enno yfout 3a-malakout el-sama. W-b2elkon kamen ahwan 3al-jamal enno yfout bi-kherm el-2ebre min enno yfout el-ghane 3a-malakout el-sama." T3ajjabo el-tlemiz ktir min hal-kalem w-2alo: "eza hek, meen bye2dar yle2e el-khalãs?" Ettalla3 fiyon YASOU3 w-2allon: "hayda mousta7il 3end el-nes, bass kell shi moumkin 3end ALLAH." Se3eta 2allo Boutros: "ne7na tarakna kell shi w-l7e2nek, shou ra7 ykoun massirna?" Jewab YASOU3: "b2elkon el-7a2i2a: boukra lamma bye2'3od 2eben el-2ensen 3ala 3arsh majdo ta-yjadded kell shi, ra7 te2e3do ento kamen 3ala tna3shar 3arsh ta-etdeeno 2abeyel Isra2il el-tna3sh, li2anno l7e2toune. Kell meen byetrok byout, aw ekhwe aw khayyet, aw bayy, aw emm, aw wled, aw 72oul, kermel esme, ra7 yekhod 2addon miyyet marra w-yourat el-7ayet el-abadiyye. Ktar min el-ouwal ra7 ysiro awekher, w-yalle henne awekher ra7 ysiro ouwal. "Malakout el-sama byetshabbah la-sa7ib karm ra7 el-sob7 bakkir ta-yjeeb 3emmel la-karmo. Ettafa2 ma3 el-3emmel 3ala dinar bel-yawm w-ba3aton 3a-karmo. W-min ba3da ra7 el-se3a tes3a, w-shef 3emmel ghayron 2e3deen bel-se7a bala sheghl. 2allon: rou7o ento kamen 3a-karme, ba3tikon 2add ma-bi7e2elkon, w-ra7o. W-reje3 ra7 kamen el-dohr, sawb el-se3a tlete, w-3eml nafs el-shi. W-ekher shi ra7 sawb el-se3a khamse el-masa, w-le2a 3emmel ghayron 2e3deen honik, 2allon: shou bekon 2e3deen hon kell el-nhar bala sheghl? 2aloulo: ma 7ada shaghalna. 2allon: rou7o ento kamen 3ala karme. W-lamma sar 3ashiye, 2al sa7ib el-karm la-wakeelo: b3at wara el-3emmel kellon w-dfa3lon 2ejreton, ballesh yalle ejo bel-ekher ta-tousal la-yalle ejo bel-awwal. Ejo yalle shtaghalo min el-se3a khamse el-masa w-akhad kell wa7ad minnon dinar. W-lamma ejo el-ouwal, fakkaro enno ra7 yekhdo aktar, bass akhado henne kamen kell wa7ad dinar. Henne w-3am ye2bado saro ysher3o sa7ib el-karm, w-saro y2oulo: yalle ejo ekher shi shtaghalo se3a we7de, w-enta sewayton fina ne7na yalle t3ebna kell el-nhar bel-shawb. Radd w-2al la-wa7ad minnon: ya sadee2e, ana ma ettafa2et ma3ak 3ala dinar? Khod 7a2ak w-rou7. Badde a3te yalle eja bel-ekher metlak, ma bi7e2elle etsarraf bi-mesriyyete metl ma badde? Aw enta 7asoud li2anno ana karim?" W-2al YASOU3: "w-hek bisiro el-awekher ouwal wel-ouwal awekher." W-ken YASOU3 tali3 3ala Ourashalim, jtama3 bi-tlemizo el-tna3sh la-wa7don, w-bel-tari2 2allon: "Ne7na halla2 tal3in 3ala Ourashalim, w-2eben el-2ensen ra7 yetsallam la-rou2asa el-kahane w-mou3allimi el-shari3a, w-ra7 ye7ekmo 3le bel-mawt w-ra7 ysalmouh lal-ghouraba, ta-yetmaskharo 3le w-yejeldouh w-yoselbouh, w-telit yawm ra7 y2oum." Ejet la-3ando emm Ya3koub w-You7anna wled Zabada w-ma3a wleda el-tnen, w-n7anet eddemo ta-tetlob minno shi. 2alla: "shou baddik?" 2alet: "2mor enno ye2e3do wlede el-tnen, wa7ad 3ala yameenak w-wa7ad 3ala shmelak bi-mamlaktak." Jewab YASOU3: "ento ma bta3erfo shou 3am tetolbo. Bte2daro teshrabo el-kes yalle ra7 eshrabo?" 2aloulo: "mne2dar!" 2allon: "kese ra7 teshrabouh, bass ennkon te2e3do 3ala yameene aw 3ala shmele, hal-shi mish ana yalle ba3tih, li2anno hal-matra7 houe la-yalle m7addaro elon bayye." W-lamma sem3o el-tlemiz el-3ashra hal-shi, ghodbo 3al-khayyen. Se3eta jama3on YASOU3 w-2allon: "bta3erfo enno el-rou2asa 7ekmeen el-oumam, w-enno el-3ouzama metsalltin 3leyon, bass ento ma tkhallo hal-shi ykoun baynetkon. Yalle baddo ykoun kbir, ykoun khadimkon. W-yalle baddo ysir el-awwal fikon, ykoun 3abd 3endkon: Hek 2eben el-2ensen ma eja 7atta yenkhadam, eja ta-yekhdom w-yefde bi-7ayeto nes ktar." Henne w-tal3in min Ari7a, nes ktir le7'2o YASOU3. W-sem3o tnen 3emyen 2e3deen 3ala 7affit el-tari2 enno YASOU3 meri2 min honik, saro ysarkho: "r7amna ya Rab, ya 2eben Daoud!" Saro el-nes ysakktouwon. Bass saro ysarrkho aktar: "r7amna, ya Rab, ya 2eben Daoud!" We2f YASOU3 w-nedehon, 2allon: "shou badkon a3mellkon?" Jewabouh: "fta7elna 3younna, ya Rab!" Fa-shef2 YASOU3 3leyon w-lamas 3younon, w-deghre saro ye2sha3o w-le72ouh. Lamma 2arrabo min Ourashalim w-woslo 3a-beyt Faji bi-jabal el-zeytoun, ba3at YASOU3 tnen min tlemizo, w-2allon: "rou7o 3al-day3a yalle bi-wejjkon, bitle2o 7mara marbouta w-ma3a el-ja7sh, fekkouwon w-jiboule yehon. W-eza 7ada 2alkon shi, 2ouloulo: "el-RAB 3ayezon, w-ra7 yreddon bi-ser3a." W-hal-shi ken ta-ysir yalle 2alo el-nabe: "2oulo la-benet Sehyoun: hayda malikik jeye la-3andik metwadi3 rekib 3ala 7mara w-ja7sh 2eben 7mara." Ra7o el-telmizen w-3emlo metl ma 2amaron YASOU3 jebo el-7mara wel-ja7sh, 7atto 3a-dahron mashale7on, w-toli3 YASOU3 2a3ad 3leyon. W-farasho nes ktar tyebon 3al-tari2, w-minnon 2ata3o ghsoun el-shajar w-farasho fiya el-ard. W-kenit el-nes el-meshye eddemo w-yalle le7'2ouh 3am bihayyso w-y2oulo: "el-majd la-2eben Daoud! Yetberak el-jeye bi-esm el-RAB! El-majd bel-a3ali!" W-lamma fet YASOU3 3a-Ourashalim dajjet el-madine kella w-sa2alet: "meen hayda?" Wel-nes tjewib: "hayda el-nabe YASOU3 min el-Nassira bel-Jaleel." Fet YASOU3 3al-haykal w-sha7at kell yalle 3am bibee3o w-yeshtero bel-haykal, w-2alab tawlet el-serrafeh w-karase biyye3in el-7amem, w-2allon: "maktoub, beyte beyt sala, w-ento 3meltouh mgharet lsous!" W-ejo la-3ando el-3erj wel-3emyen 3al-haykal w-shafehon. Bass rou2asa el-kahane w-mou3allimi el-shari3a wa2et shefo el-3ajeyeb yalle 3emla, wel-wled bel-haykal 3am bi-hayyso: "el-majd la-2eben Daoud!" akhad 3a-khateron. W-2aloulo: "3am tesma3 shou 3am bi2oulo?" Jewabon: "eh, ma 2rito shou maktoub, min temm el-zghar wel-atfal 3melt nashid?" Min ba3da tarakon w-fall min el-madine 3a-Beyt-3anya w-nem honik. Wel-sob7 houe w-reji3 3al-madine, je3. Shef shajret teen 3a-janb el-tari2, ma le2a fiya gher el-wara2. 2alla: "ma ra7 ta3te teen lal-abad!" W-yebset el-teene deghre. Shefo el-tlemiz yalle sar, t3ajjabo w-2alo: "keef yebset el-teene deghre?" Jewabon YASOU3: "b2elkon el-7a2i2a, law ken 3endkon imen w-ma bitshekko, kento 3melto bi-hal-teene metl ma ana 3melt, mish bas hek, kento 2elto la-hal-jabal: 2oum w-zett 7alak bel-ba7r, w-ken hal-shi sar. Kell shi btetolbouh bi-imen, ra7 tekhdouh." Fet YASOU3 3al-haykal w-houe w-3am bi3allim, ejo la-3ando rou2asa el-haykal w-shyoukh el-sha3b w-2aloulo: "bi-ayya soultan 3am ta3mil hal-eshya? W-meen 3atak hal-soultan?" Jewabon YASOU3: "w-ana bes2alkon sou2al wa7ad, eza jewabtoune 3le, b2elkon bi-ayya soultan ba3mil hal-shi: min wayn jeye soultet ma3moudiyyet You7anna? Min el-sama aw min el-nes?" 2alo bi-2albon: "eza 2elna min ALLAH, ra7 yjewebna: leysh ma 2ãmanto fih? W-eza 2elna min el-nes, menkhaf min el-sha3b, li2anno kellon bye3tebro You7anna nabe." Fa-jewabo YASOU3: "ma mna3rif." 2allon: "w-ana ma-ra7 2elkon bi-ayya soultan ba3mil hal-a3mel." 2al YASOU3: "shou ra2eykon? Ken la-rejjel waladen. Eja la-3and el-awwal w-2allo: ya 2ebne, rou7 liom w-shteghel bi-karme. Jewabo: ma badde. Bass ba3den nedm w-ra7 3al-karm. W-eja el-2eben el-tene w-talab minno bayyo zet el-shi, fa-jewabo: ana raye7, ya Rab! Bass ma reje3 ra7. Fa-ayya wa7ad minnon 3eml metl ma baddo bayyo?" 2alo: "el-awwal." 2allon YASOU3: "B7ebb 2elkon, yalle bilemmo el-darayib w-yalle byezno byesba2oukon 3ala malakout ALLAH. Eja la-3andkon You7anna meshe bi-tari2 el-7a2i2a w-ma sadda2touh w-sadda2ouh yalle bilemmo el-darayib w-yalle byezno. W-ento 7atta min ba3d ma shefto hal-shi, la ndemto wala sadda2touh." "Sma3o matal tene: zara3 rejjel karm, w-sayyajo w-7afar fih ma3sara w-3ammar berj w-sallamo la-kerramin w-sefar. W-lamma eja yawm el-2atf, ba3at kheddemo la-3andon ta-yekhdo el-ghallé. Ejo el-kerramin w-kamasho el-kheddem w-darabo wa7ad minnon, w-2atalo wa7ad, w-rajamo wa7ad ghayron bel-7jara. Ba3at kheddem ghayron 3adadon aktar min yalle ba3aton bel-awwal, w-sar fiyon metl ma sar bel-hawdik. W-ekher shi ba3atlon 2ebno w-2al: ra7 ykhafo min 2ebne. W-lamma shefo el-kerramin el-2eben 2alo bayn ba3don: hayda houe yalle ra7 yourat! Ta3o ne2etlo w-nekhod el-werte! Masakouh w-zattouh barrat el-karm w-2atalouh. Shou bya3mil rabb el-karm bi-hal-kerramin bass yerja3?" 2aloulo: "bye2tol el-ashrar w-bisallem el-karm la-kerramin ghayron bya3touh el-ghallé bi-wa2ta." Fa-2allon YASOU3: "ma 2rito bel-ketob el-m2addase: el-7ajar yalle rafadouh el-me3marjiyye sar ras el-zewye? Hayda yalle 3emlo el-RAB, shi 3ajib! Kermel hek b2elkon: ra7 yettekhad malakout ALLAH minkon w-yen3ata la-sha3b tene bikhallih yethmor. W-yalle byou2a3 3al-7ajar byetkassar. W-yalle byou2a3 el-7ajar 3le byeherso. W-lamma sem3o rou2asa el-kahane wel-ferrisiyyin hal-matalen min YASOU3, fehmo enno 2asadon bi-kalemo. Ken baddon yel2atouh, bass khafo min el-nes li2anno keno ye3tebrouh nabe. Reje3 YASOU3 ye7ke el-nes bel-amtel, w-2al: "byeshbah malakout el-sama malik 3eml 3azeeme la-3ers 2ebno. Ba3at kheddemo y2oulo lal-ma3zoumin yejo 3al-3ers, rafado ennon yejo. Ba3at kheddem ghayron la-y2oulo lal-mad3ouwwin: 7addaret walime daba7et el-ba2ar w-3joule el-nas7een w-kell shi sar jehiz, ta3o 3al-3ers! Bass el-ma3zoumin ma ktaraso, minnon meen toli3 3ala 7a2lo, w-minnon meen ra7 3ala tijarto, wel-be2yin mesko kheddemo sabbouwon w-2atalouwon. Ghodib el-malik w-ba3at jeysho, w-mawwat hal-mejrmeen w-7ara2 madineton. W-min ba3da 2al la-kheddemo: el-walime jehze bass el-ma3zoumin ma-byest7e2o, tla3o 3al-tor2at w-3zemo lal-walime kell meen btetle2o fih. Ra7o el-kheddem bel-tor2at w-jama3o kell yalle lta2o fiyon min 3atleen w-mne7, w-ntala el-3ers bel-ma3zoumin. W-lamma fet el-malik la-yshouf el-ma3zoumin, le2a rejjel mish lebis tyeb el-3ers. 2allo: Keef fetet la hon, ya sadee2e, w-enta mish lebis tyeb el-3ers? Sakat el-rejjel. Se3eta 2al el-malik lal-kheddem: "rbetoulo 2idey w-ejrey w-7ottouh barra bel-3atme, li2anno honik bikoun el-beke wel-ta2ta2et el-snen. Li2anno el-ma3zoumeen ktar, bass el-moukhtarin 2lel." Ra7o el-ferrisiyyin w-tshewaro keef baddon yel2ato YASOU3 3ala shi kelme. Fa-ba3ato la-3ando kamm wa7ad min tlemizon wel-hirodosiyyin ta-y2oulo: "ya mou3allim, mna3rif ennak sade2, bit3allim tari2 ALLAH bel-7a2, w-ma 7ada bi2asser 3lek, li2anno ma bihemmak mazaher el-nes. 2elna: shou ra2yak? Bi7e2elna nedfa3 el-jezye la-2aysar aw la2?" 3eref YASOU3 khabsaneton, w-2allon: "ya mnef2een! Leysh 3am bitjarrboune? Farjoune 3emlit el-jezye!" 3atouh dinar. 2allon: "la-meen hal-soura w-hal-esm?" 2alo: "la-2aysar!" 2allon: "dfa3o, fa-ezan, la-2aysar yalle houe la-2aysar, w-la-ALLAH yalle houe la-ALLAH!" Fa-t3ajjabo min yalle sem3ouh, w-tarakouh w-fallo. Bi-haydak el-yawm eja la-3and YASOU3 kamm wa7ad min el-saddou2iyyin, w-henne yalle ma bi2ãmno bel-2iyeme, w-sa2alouh: "Ya mou3allim, 2al Moussa: eza met rejjel ma 3endo walad, khayyo byetzawwajlo marto 7atta yjeeb minna wled 3a esm khayyo. Ken fi sab3 ekhwe, tzawwaj el-awwal w-met bidoun ma yjeeb wled, w-tarak marto la-khayyo. W-metlo el-tene wel-telit lal-sebi3. Min ba3d ma meto kellon, metit el-mara. La-ayya wa7ad minnon bitkoun hal-zawje bel-2iyeme? Li2anna kenit la-elon kellon." Jewabon YASOU3: "ento gheltanin, li2annkon ma bta3erfo el-ketob el-m2addase w-2ouwwet ALLAH. Li2anno bel-2iyeme el-nes ma byetzawajo, bikouno metl maleyke bel-sama. W-bennesbe la-2iyemet el-mawta, ma 2rito shou 2allkon ALLAH: ana Ileh Ibrahim, Is7ak, w-Ya3koub? W-ma ken ALLAH Ileh el-mawta, houe Ileh el-3ayshin." W-sem3o el-nes hal-haki, w-t3ajjabo min ta3limo. W-3erfo el-ferrisiyyin enno YASOU3 balkam el-saddou2iyyin, fa-jtama3o sawa. Wa7ad minnon sa2alo, w-houe min 3oulama el-shari3a, ta-yjarrbo: "Ya mou3allim, shou hiye a3zam wasiyye bel-shari3a?" Jewabo YASOU3: "7ebb el-RAB Ilehak min kell 2albak, w-min kell nafsak, w-min kell 3a2lak. Hayde awwal wassiye w-ahamma we7de. Wel-wassiye el-tenye bteshbaha: 7ebb 2aribak metl ma bit7eb 7alak. Hal-wassiyten henne ases el-shari3a kella w-ta3alim el-anbiya." W-fi yawm keno el-ferrisiyyin mejtem3in, sa2alon YASOU3: "Shou ra2ykon bel-MASI7? 2eben meen houe?" 2alo: "2eben Daoud!" 2allon: "fa-ezan, keef bisammih Daoud Rabbo, lamma bi2oul bi-wa7e min el-ROU7 EL-2ODOS: 2al el-RAB la-Rabbe: 23od 3an yameene 7atta khalle a3de2ak ta7t ejrek? Eza ken Daoud bisamme el-MASI7 RAB, fa-keef bikoun el-MASI7 2ebno?" Ma edr 7adan yjewbo bi-kelme, min haydak el-yawm ma 3ad 7ada tjarra2 yes2alo shi. W-7eke YASOU3 el-nes w-tlemizo, 2allon: "mou3allimi el-shari3a wel-ferrisiyyin 2e3deen 3ala 3arsh Moussa, 3melo kell shi bi2ouloulkon yeh. Bass ma ta3emlo metlon, li2annon yalle bi2oulouh ma bya3emlouh: byerebto 7moule t2ile w-bi7ettouwon 3ala ktef el-nes, bass ma bi7arrko 2esba3on ta-yse3do el-nes. Henne ma bya3emlo shi ella lal-mazaher: biwass3o el-7ijeb 3ala jbinon, w-bitawwlo shrarib tyebon, bi7ebbo karase el-sharaf bel-waleyem w-enno ye2e3do eddem bel-majeme3 wel-salemet bel-se7at, w-bi7ebbo ysammouwon el-nes mou3allimin. Bass ento ma tkhallo 7ada ysammikon mou3allim, li2annkon kellkon ekhwe w-3endkon mou3allim wa7ad. W-ma t2oulo la-7adan 3al-ard ya bayyna, li2anno elkon bayy wa7ad houe yalle bel-sama. W-ma tkhallo 7ada y2elkon: ya Rab, li2anno elkon sayyid wa7ad w-houe el-MASI7. Khalle ykoun akbar wa7ad fikon khadim elkon. Li2anno yalle bi3alle 7alo byetwatta, w-yalle biwatte 7alo byet3alla. Ya weylkon ya mou3allimi el-shari3a wel-ferrisiyyin el-mnef2een! 3am tsakkro malakout el-sama bi-wejj el-nes, la ento ra7 tfouto, wala ra7 tkhallo ghayrkon yfout. [Ya weylkon ya mou3allimi el-shari3a wel-ferrisiyyin el-mnef2een! 3am tiser2o byout el-araml w-ento 3am ta3emlo 7alkon 3am tsallo, ra7 tkoun deynounetkon 2assye]. Ya weylkon ya mou3allimi el-shari3a wel-ferrisiyyin el-mnef2een! Bitsefro bel-ba7r wel-barr ta-terba7o shakhs wa7ad w-ysir Yahoude metlkon, w-eza zabatit ma3kon, bitkhallouh ysir 2eben jhannam, 2addkon 3a-marteyn! Ya weylkon ento ya hal-kouwwed el-3emyen! Bit2oulo: yalle bye7lof bel-haykal ma byeltezim bi-shi, bass yalle bye7lof bi-dahab el-haykal sar moulzam bi-7elfeno. Shou yalle a3zam, ya 3emyen 3an el-7a2i2a? El-dahab aw el-haykal yalle bi2addes el-dahab? Bit2oulo: yalle bye7lof bel-mazba7 ma byeltezim bi-shi, bass yalle bye7lof bel-2erben yalle 3al-mazba7 sar moulzam bi-7elfeno. Shou yalle a3zam, ya 3emyen? El-2erben aw el-mazba7 yalle bi2addes el-2erben? Mish sheyfin enno yalle bye7lof bel-mazba7 bye7lof fih w-bi-kell shi 3le, w-yalle bye7lof bel-haykal bye7lof fih w-bi-ALLAH el-seken fih, w-yalle bye7lof bel-sama bye7lof bi-3arsh ALLAH w-bel-2e3id 3al-3arsh? Ya weylkon ya mou3allimi el-shari3a wel-ferrisiyyin el-moura2in! Btedfa3o daribet el-na3na3 wel-za3tar wel-kammoun, w-btehemlo ahamma shi bel-shari3a: el-3adl wel-ra7me wel-amene, w-ken lezim ta3emlo hayde bidoun ma tehemlo haydik. Ya hal-kouwwed el-3emyen! Bitsaffo el-may min el-7asharat, w-btebla3o el-jamal. Ya weylkon ya mou3allimi el-shari3a wel-ferrisiyyin el-mnef2een! Bitnaddfo el-kes wel-sa7n min barra, w-henne min jouwwa melyenin nahb w-tama3. Ya hal-ferrise el-a3ma! Naddef awwal shi el-kes min jouwwa, se3eta byendaf min barra kamen. Ya weylkon ya mou3allimi el-shari3a wel-ferrisiyyin el-mnef2een! ento metl el-2bour el-mkallase, min barra 7elwe w-min jouwwa melyene 3dam mawta w-fased. W-ento kamen, bitbayyno lal-nes ennkon mne7 w-jouwwetkon kello kezb w-sharr. Ya weylkon ya mou3allimi el-shari3a wel-ferrisiyyin el-mnef2een! Bit3ammro 2bour el-anbiya w-bitzayno madefen el-abrar, w-bit2oulo: law 3eshna bi-wa2et bayyetna, ma kenna sheraknehon bi-damm el-anbiya. W-hek bitkouno 3am tesh'hado 3ala 7alkon ennkon wled yalle 2atalo el-anbiya. Kammlo ento yalle ballasho fih bayyetkon ta-yetfa7 el-kayl. Ya 7ayyet! keef ra7 teherbo min deynounet jhannam? Kermel hek ra7 eb3atelkon anbiya w-rjel 7ekme w-mou3allimin, ra7 te2etlouwon w-teselbouwon, w-tejeldouwon bi-majeme3kon w-ra7 tel7a2ouwon min madine la madine, 7atta you2a3 3leykon kell damm bari2 nhadar 3al-ard, min damm Habeel el-bari2 la-damm Zakariyya 2eben Barakhiyya yalle 2ataltouh bayn el-mazba7 w-beyt ALLAH. B7ebb 2elkon: hayda kello ra7 you2a3 3ala hayda el-jeel! "Ourashalim, Ourashalim! Ente yalle bte2etle el-anbiya w-bterjme el-moursalin la-3andik. Kamm marra 7abbet ejma3 wledik, metl ma btejma3 el-djeje wleda ta7t jne7a, w-ma 2belte. Hayda houe beytkon matrouk elkon metl el-kherbe. B7ebb 2elkon: mish ra7 tshoufoune ella yawm yalle bit2oulo: yetberak yalle jeye bi-esm el-RAB." W-fall YASOU3 min el-haykal. W-houe w-3am yeb3od, 2arrabo sawbo tlemizo w-lafatoulo nazaro 3ala 3amar el-haykal. 2allon YASOU3: "sheyfin hayda kello? B2elkon el-7a2i2a: mish ra7 yentarak 7ajar 3ala 7ajar, kello ra7 yet'haddam." W-houe w-2a3ed bi-jabal el-Zeytoun, sa2alouh tlemizo minnon elo: "khabberna aymata ra7 ysir hal-shi, w-shou hiye 3alemet maji2ak w-niheyet el-3alam?" Jewabon YASOU3: "ou3a 7ada yekhda3kon. Ra7 yejo ktar min el-nes ta7t esme, w-ra7 y2oulo: ana houe el-masi7! W-ra7 yekhda3o ktar min el-nes. Ra7 tesma3o bel-7roub w-bi-akhbar el-7roub, ou3a tkhafo. Hal-shi la-bodd min enno ysir, bass mish hayde hiye el-niheye. Ra7 t2oum oumme 3ala oumme, w-mamlake 3ala mamlake, w-ra7 ysir fi maje3a w-zalezil bi-matare7 ktire. W-hayda kello bikoun awwal el-makhãd. W-bi-haydak el-wa2et ra7 ysalmoukon lal-3azèb w-ye2etloukon. W-btebghedkon kell el-oumam kermel esme. W-ktar min el-nes ra7 yerja3o lal-imen, w-ra7 ysir fi khyene w-yekraho el-nes ba3don. W-yeje ktar min el-anbiya el-kezzebin w-yekhda3o ktar min el-nes. Wel-sharr ra7 yektar, w-tebrod bi-2loubon el-ma7abbe. W-yalle byethbat lal-akhir bile2e el-khalãs. W-bteje el-niheye min ba3d ma yetbashar bi-malakout ALLAH bel-3alam kello, w-yesh'hado ele bel-oumam kella. "Eza shefto bashe3it el-moukharreb, yalle 7eke 3anno el-nabe Daniel, 2e3id bel-matra7 el-m2addas [w-yalle 3am yo2ra khallih yefham], yalle bikouno bel-Yahoudiye khallyon yeherbo 3al-jbel. W-yalle 3al-sat7, ma yenzal 3al-beyt ta-yekhod ghrado w-yalle bel-7a2l, ma yerja3 ta-yekhod tyebo. W-ya weylkon hal-7abela w-yalle 3am biradd3o bi-haydik el-iyem. Sallo ta-ma ykoun wa2ta fi shete aw nhar sabt. Bi-haydak el-wa2et ra7 tenzal msibe ma sar metla min bideyet el-3alam la-liom, w-ma ra7 ysir metla. Law ma ALLAH khalla haydik el-iyem 2asira, ma ken tkhallas 7ada. Bass kermel yalle na'2ehon khalla hal-iyem 2asira. Fa-eza 2alkon 7ada: el-MASI7 houe hon, aw honik! Ma tsad2ouh, ra7 yeje mousa7a w-anbiya kezzebin, bya3emlo 3ajeyeb 3azeeme la-yekhda3o, eza edro, 7atta yalle ALLAH na'2ehon. Ana 3am 7azzerkon. Eza 2aloulkon: leyk wayno bel-sa7ra! Ma trou7o la-honik aw leyk wayno bel-byout! Ma tsad2o, li2anno maji2 2eben el-2ensen bikoun metl el-bar2 yalle byelma3 min el-shar2 w-bidawwe bel-gharb. W-matra7 ma bitkoun el-jette btetjamma3 el-nsoura. "W-min ba3d msayeb hadik el-iyem, deghre ra7 t3attem el-shams w-ybattel el-2amar ydawwe. W-ra7 tou2a3 el-njoum min el-sama, w-ra7 tetza3za3 kawekib el-sama. W-deghre ra7 tbayyen bel-sama 3alemet 2eben el-2ensen, w-kell shou3oub el-ard ra7 ykhabbto 3a-sadron, w-ra7 yshoufo el-nes 2eben el-2ensen jeye 3ala ghyoum el-sama bel-majd wel-edra. W-ra7 yeb3at maleyekto yenefkho bel-bou2 7atta yejma3o yalle na'2ehon, min matra7 ma bithebb el-ree7 bi-arba3 zaweya, min ekher el-sama la-ekhera. Khedo 3ebra min el-teene: eza lenit aghsana w-3etyet wra2, 3rafo enno el-sayf 2arib. W-kamen eza shefto kell hal-shi, 3rafo enno el-maji2 2arib, w-sar 3al-bweb. B2elkon el-7a2i2a: ma-ra7 yekhlas hal-jeel 7atta ykoun sar hayda kello. El-sama wel-ard bitzoul w-kaleme ma bizoul. "Hayda el-nhar w-hayde el-se3a ma 7ada ra7 ya3rif aymata ra7 ysiro, la maleyket el-sama wala el-2eben, wa7do el-Ãb bya3rif. W-yalle sar 3a-iyem Nou7 ra7 ysir metlo wa2et yalle byeje 2eben el-2ensen. Bel-iyem yalle abl el-toufan keno el-nes yeklo w-yeshrabo w-yetzawwajo, la-yawm yalle fet Nou7 3al-safine. W-ma keno natrin shi, 7atta eja el-toufan w-gher2o kellon. W-hek ra7 ysir wa2et yalle byeje 2eben el-2ensen: ra7 ykouno rejjelen bel-7a2l, byettekhad wa7ad minnon w-byentarak el-tene. W-bikouno tnen neswen 3ala 7ajar el-ta7n, btettekhad mara w-btentarak el-tenye. S'haro, li2annkon ma bta3erfo ayya yawm byeje el-RAB. W-3rafo enno rabb el-beyt law 3eref bi-ayya se3a min el-leyl byeje el-7arame, ken sohir w-ma tarak beyto yensara2. Kouno ento kamen 7adreen, li2anno 2eben el-2ensen byeje bi-se3a ma bitkouno mitwa2'3ina. "Min houe el-khadim el-ameen el-3a2el yalle wakkalo m3allmo enno ya3te kheddemo 2akl 3al-wa2et? Niyyel hal-khadim yalle wa2et byerja3 m3allmo, bishoufo 3am yeshteghil. B2elkon el-7a2i2a: ra7 ywakklo 3ala kell amwelo. Bass eza ken hal-khadim 3atel w-2al bi-2albo: ra7 yet2akhar mou3allime, w-sar yedrob ref2ato w-yekol w-yeshrab w-yeskar ma3 yalle byeskaro, ra7 yeje m3allmo la-hal-khadim, bi-yawm mish khater 3a-belo, w-bi-se3a mish mitwa2a3a, w-ra7 yesh7ato w-ykhalle nasibo ma3 el-mnef2een. W-honik bikoun el-beke wel-ta2ta2et el-snen. W-2al YASOU3: "Byeshbah malakout el-sama 3ashr 3azara 7emlo 2nadilon w-ra7o ta-yle2o el-3arees. Khamse minnon taysheen w-khamse 3a2leen. El-taysheen 7emlo 2nadilon, w-ma akhado ma3on zeyt. El-3a2leen akhado zeyt bi-wa3a. W-t2akhar el-3arees, w-nemo kellon. W-bi-noss el-leyl tol3it el-say7a: eja el 3arees, ta3o le2ouh! 2amit el-3ashr 3azara w-7addaro 2nadilon. W-2alo el-taysheen lal-3a2leen: 3touna min zeytkon, li2anno 2nadila ntafet. Jewabo el-3a2leen: yemken ma ykaffe el-zeyt la-elna w-la elkon, rou7o 3al-sou2 w-shtero. Henne w-ray7in la-yeshtero, wossil el-3arees. W-feto ma3o yalle keno 7adreen lal-3ers w-tsakkar el-beb. W-ba3d shwey rej3o el-3azara el-be2yin w-saro y2oulo: ya Rab, ya Rab, fta7elna! Jewabon el-3arees: b2elkon el-7a2i2a, ana ma ba3rifkon. Kermel hek s'haro, li2annkon ma bta3erfo la el-yawm wala el-se3a. "Byeshbah malakout el-sama rejjel ken baddo ysefir, w-ba3at wara kheddemo w-sallamon amwelo. Kell wa7ad minnon 7asab ederto. 3ata el-awwal khams waznet fodda, wel-tene wazenten, wel-telit wazne we7de w-sefar. Yalle akhad el-khams waznet ra7 tejar fiyon, w-rebe7 khams waznet. W-kamen yalle akhad el-wazenten, rebe7 wazenten tenyin. Bass yalle akhad wazne we7de, ra7 w-7afar bel-ard w-dafan el-wazne. Ba3d wa2et tawil, reje3 sayyid hal-kheddem w-7esabon. Eja yalle akhad el-khams waznet, w-2addam khams waznet tenyin w-2al: ya Rab, 3ataytne khams waznet, hayde khams waznet faw2a. 2allo sayyido: 3afek, enta sale7 w-ameen! Kent ameen 3al-alil, ra7 7ottak ameen 3al-ktir: fout 3a-fara7 sayyidak. W-eja yalle akhad el-wazenten w-2al: ya sayyide, 3ataytne wazenten, hawde wazenten rbe7ton zyede. 2allo sayyido: 3afek, enta sale7 w-ameen! Kent ameen 3al-alil, ra7 7ottak ameen 3ala el-ktir: fout 3a-fara7 sayyidak. W-eja yalle akhad el-wazne el-we7de, w-2al: ya sayyid, 3reftak rejjel 2ase, bte7sod min matra7 yalle ma-btezra3, w-btejma3 min matra7 yalle mish mwazzi3, khefet. Ro7t w-dafanet wazentak bel-ard, w-hayda houe yalle elak. Jewabo sayyido: enta khadim 3atel w-keslen! 3refetne be7sod min matra7 yalle ma-btezra3 w-bejma3 min matra7 yalle mish mwazzi3, ken lezim t7ott amwele 3end el-serrafin, w-wa2et berja3 bekhedon ma3 el-feyde. W-2al la-kheddemo: khedo minno el-wazne w-3touha la-yalle ma3o 3ashr waznet, li2anno yalle 3endo shi, byenzed w-bifeed. W-yalle ma ma3o, byettekhad minno 7atta yalle ma3o. W-hayda el khadim yalle ma ken 2elo naf3, zettouh barra bel-3atme. W-honik el-beke wel-ta2ta2et el-snen. 2al YASOU3: "lamma byeje 2eben el-2ensen bi-majdo, w-ma3o maleykto bye2'3od 3a-3arsh majdo, w-byetjamma3o eddemo kell el-shou3oub, w-bisir yefsolon 3an ba3don, metl ma byefsol el-ra3i el-khwerif 3an el-me3ze, w-bi7ott el-khwerif 3an yameeno wel-me3ze 3an shmelo. W-bi2oul el-malik la-yalle 3an yameeno: ta3o, ento yalle berakon bayye, wrato el-malakout yalle 7addarlkon yeh min bideyet el-3alam, li2anno je3t w-ta3maytoune, w-3tesht w-sa2aytoune, w-kent gharib w-sta2baltoune, 3eryen w-labbastoune, w-mareed w-zertoune, w-ma7bous w-jeeto la-3ande. W-bijewbouh el-mne7: ya RAB aymata shefnek jou3an w-ta3maynek? Aw-3atshan w-sa2aynek? W-aymata shefnek gharib w-sta2balnek? Aw 3eryen w-labbasnek? W-aymata shefnek mareed aw ma7bous w-zernek? Bijewebon el-malik: b2elkon el-7a2i2a, kell marra 3melto hal-shi la-7ada min hal-zghar, bitkouno 3meltouh ele! Ba3den bi2oul la-yalle 3an shmelo: ba3do 3anne, ya mla3in, 3al-nar el-abadiyye el-m7addara la-eblees w-as7abo: li2anno je3t w-ma ta3maytoune, w-3tesht w-ma sa2aytoune, w-kent gharib w-ma sta2baltoune, w-3eryen w-ma labbastoune, w-mareed w-ma7bous w-ma zertoune. Bijewbouh: ya RAB, aymata shefnek jou3an aw 3atshan, gharib aw 3eryen, mareed aw ma7bous, w-ma se3adnek? Bijewebon el-malik: b2elkon el-7a2i2a, kell marra ma bta3emlo hal-shi la-7ada min ekhewte el-zghar, bitkouno ele ana ma 3meltouh! W-birou7o hal-ashkhas lal-3azèb el-abade, wel-mne7 lal-7ayet el-abadiyye." Lamma khallas YASOU3 kalemo, 2al la-tlemizo: "Bta3erfo enno ba3d yawmen 3id el-fos7, w-2eben el-2ensen ra7 yetsallam ta-yensalab." W-jtama3 bi-haydak el-wa2et rou2asa el-kahane w-shyoukh el-sha3b bi-dar Kayafa ra2is el-kahane, w-tshewaro la-yel2ato YASOU3 bi-shi w-ye2etlouh. Bass 2alo: "ma ra7 na3mil hal-shi bel-3id, ta-ma ysir fi balbale bayn el-sha3b." W-lamma ken YASOU3 bi-Beyt-3anya 3end Sem3an el-abras, 2arrabit minno mara 7emle 2anninet 3otr ghale ktir, w-sakabito 3a-raso houe w-3am yekol. W-lamma shefo el-tlemiz shou 3emlit, akhad 3a-khateron w-2alo: "shou hal-ba3za2a? Ken fina nbi3o ghale, w-yetwazza3 7a'2o 3al-fou2ara!" 3eref YASOU3 w-2allon: "Leysh 3am teze3jo hal-mara? Hiye 3emlit shi mni7. El-fou2ara 3endkon kell el-wa2et, bass ana ma ra7 koun kell el-wa2et ma3kon. W-eza kenit sakabit hal-3otr 3a-jesme, ma sakabeto ella 7atta t7addro lal-dafn. B2elkon el-7a2i2a: wayn ma ra7 yetbashar bel-injil bel-3alam kello, ra7 yen7aka bi-yalle 3emleto, w-yetzakkarouha." Bi-haydak el-wa2et ra7 wa7ad min el-tlemiz el-tna3sh, w-houe Yahouza el-eskharyoute, la-3and rou2asa el-kahane w-2allon: "Shou bta3toune eza sallamtkon YASOU3?" Wa3adouh bi-tleteen 2at3it fodda. Min haydik el-se3a sar Yahouza nater el-fersa la-ysallem fiya YASOU3. Bi-awwal yawm min 3id el-fateer, ejo el-tlemiz la-3and YASOU3 w-2aloulo: "wayn baddak n7adderlak 3asha el-fos7?" Jewabon: "rou7o la-3and flen bel-madine w-2ouloulo: bi2oul el mou3allim: eja el-wa2et, w-ra7 et3asha el-fos7 bi-beytak ma3 tlemize." 3emlo el-tlemiz yalle 2amaron yeh YASOU3 w-7addaro 3asha el-fos7. 3ashiye, 2a3ad YASOU3 3al-2akl ma3 tlemizo el-tna3sh. W-henne w-3am yeklo, 2al YASOU3: "b2elkon el-7a2i2a: wa7ad minkon ra7 ysallemne." Ze3lo el-tlemiz ktir, sar wa7ad wara el-tene yes2alo: "awlak ana, ya RAB?" Jewabon: "yalle bighott le2emto bel-sa7n ma3e houe yalle ra7 ysallemne. Li2anno 2eben el-2ensen ra7 ymout metl ma n7aka 3anno bel-kteb, ya weylo yalle baddo ysallim 2eben el-2ensen! Ken a7sanlo enno ma yekhla2." Sa2alo Yahouza yalle ken newe ysalmo: "awlak ana, ya RAB?" Jewabo YASOU3: "enta 2elt." Henne w-3am yeklo, akhad YASOU3 khebz w-shakar Allah w-sha2af el-khebz w-newal tlemizo w-2al: "khedo w-kelo, hayda jesme ana." W-akhad kes w-shakar w-newalon, 2al: "shrabo kellkon. Hayda damme ana, damm el-3ahd el-jdid yalle ra7 yet2addam kermel nes ktar. La-ghofran el-khataya. B7ebb 2elkon: ma ra7 eshrab min ba3d liom min 3asir el-karme, ta-yeje yawm w-eshrabo ma3kon min jdid bi-malakout bayye." Min ba3da rattalo w-tol3o 3a-jabal el-Zeytoun. W-2allon YASOU3: "bi-hal-leyle ra7 teterkoune kellkon, li2anno maktoub: ra7 edrob el-ra3i, w-btetshattat khwerif el-atee3. Bass min ba3d 2iyemte min el-mawt ra7 esba2kon 3al-Jaleel." 2allo Boutros: "law tarakouk kellon, ana ma ra7 eterkak." 2allo YASOU3: "b2ellak el-7a2i2a: bi-hal-leyle, abl ma ysi7 el-deek, ra7 tenkerne tlet marrat." Jewabo Boutros: "ma benkrak 7atta law njabaret mout ma3ak." W-hek 2alo kamen el-tlemiz kellon. Min ba3da eja YASOU3 ma3 tlemizo 3ala matra7 esmo Jetsemani, w-2allon: "23ado hon, 7atta rou7 salle honik." W-akhad ma3o Boutros w-wled Zabada, w-ballash y7ess bel-7ezn w-yenhamm. 2allon: "nafse 7azine la-7add el-mawt. Ntero hon w-s'haro ma3e." W-ba3ad 3annon shwey w-tabb 3a-wejjo w-salla, 2al: "eza moumkin ya bayye, tba3ed 3anne hal-kes. Bass mish metl ma ana badde, metl ma enta baddak." W-reje3 la-3and el-tlemiz w-le2ehon neymin, fa-2al la-Boutros: "hek ma bte2edro tes'haro ma3e se3a we7de? S'haro w-sallo ta-ma tou2a3o bel-tajribe. El-rou7 mist3edde, bass el-jesm d3if." W-ba3ad marra tenye w-salla, 2al: "ya bayye, eza hal-kes ma btemro2 bidoun ma eshraba, khalle ysir metl ma enta baddak." Min ba3da reje3 w-le2ehon neymin, li2anno te2lo 3younon min el-na3as. Tarakon w-reje3 lal-sala marra telte, w-reje3 2al nafs el-kalem. Min ba3da reje3 la-3and el-tlemiz w-2allon: "ba3dkon neymin w-merte7in? Ejet el-se3a yalle fiya byetsallam 2eben el-2ensen la-2iden el-khatyeen. 2oumo nfell! Yalle baddo ysallimne wossil." Houe w-YASOU3 3am ye7ke wossil Yahouza, yalle houe wa7ad min tlemizo el-tna3sh, 3a-ras 3isabe kbire bte7mol el-syouf wel-3ese, ba3atouha rou2asa el-kahane w-shyoukh el-sha3b. W-ken yalle baddo ysallmo 3atiyon 3aleme, 2allon: "yalle badde bouso bikoun hayda houe, kmeshouh!" W-deghre 2arrab Yahouza min YASOU3 w-2allo: "Salem, ya mou3allim!" W-beso. Fa-2allo YASOU3: "3mol yalle jeet kermelo, ya sadee2e!" 2arrabo, w-kamashouh. W-madd wa7ad min rfe2 YASOU3 2ido 3ala seyfo w-sa7abo w-darab khadim ra2is el-kahane, w-2ata3lo daynto. 2allo YASOU3: "redd seyfak 3a-matra7o. Kell yalle byes7abo el-seyf, bimouto bel-seyf. Fekrak enno ma be2dar etlob min bayye yeb3atle halla2 aktar min tna3shar jeysh min el-maleyke? Bass keef ma badda tet7a'2a2 el-ketob el-m2addase yalle bit2oul enno hayda lezim ysir?" W-2al YASOU3 lal-nes: "tekhmin jeyin tekemshoulkon shi 7arame ta-hejmeen bel-syouf w-bel-3ese? Kent kell yawm e2'3od ma3kon bel-haykal w-3allim, w-ma kamashtoune. Bass kell hal-shi sar ta-tet7a'2a2 ketob el-anbiya." W-tarakouh kell el-tlemiz w-harabo. El-ashkhas yalle kamasho YASOU3 akhadouh la-3and Kayafa ra2is el-kahane, w-keno mou3allimi el-shari3a wel-shyoukh mejtem3in 3endo. W-le7'2o Boutros min b3id 3ala dar ra2is el-kahane. W-fet 2a3ad ma3 el-7aras ta-yshouf shou baddo ysir. W-keno rou2asa el-kahane w-kell el-majles 3am bifattsho 3an shahedet zour dodd YASOU3 ta-ye2etlouh, w-ma le2o, ma3 enno ktar min shouhoud el-zour 3etyo shahedeton. Min ba3da eja shehden. W-2alo: "Hal-rejjel 2al: be2dar haddem haykal ALLAH w-3ammro bi-tlet tiyem." 2am ra2is el-kahane w-2al la-YASOU3: "ma baddak tjeweb bi-shi? Shou hayda yalle 3am bi2oulouh 3annak?" W-dall YASOU3 sekit. 2allo ra2is el-kahane: "B7allfak bi-ALLAH el-7ayy enno t2elna: enta el-MASSI7 2eben ALLAH?" Jewab YASOU3: "enta 2elt. W-ana b2elkon: ra7 tshoufo min ba3d liom 2eben el-2ensen 2e3id 3an yameen ALLAH el-2adeer w-jeye 3ala ghyoum el-sama!" Se3eta khazza2 ra2is el-kahane tyebo w-2al: "hayda tejdeef! Me7tejin ba3d la-shouhoud? Sme3to tejdeefo. Shou ra2eykon?" Jewabouh: "byest7e2 el-mawt!" W-baza2o bi-wejj YASOU3 w-naka3ouh, w-darabouh kfouf w-2alo: "7zar, ya MASSI7, meen darabak!" W-ken Boutros 2e3id bi-se7it el-dar, 2arrabit minno khãdme w-2alet: "enta kamen kent ma3 YASOU3 el-Jaleele!" Nakar Boutros eddem kell el-mawjoudin honik, 2al: "mish 3am befham shou 3am bit2oule." W-toli3 3ala madkhal el-se7a, w-shefeto khãdme tenye. W-2alet la-yalle ken honik: "hayda el-rejjel ken ma3 YASOU3 el-Nassire!" Nakar Boutros marra tenye w-7alaf, 2al: "ma ba3rif hal-rejjel!" Ba3d shwey ejo el-mawjoudin honik w-2alo la-Boutros: "bidoun shakk enta kamen wa7ad minnon, lahjtak bitdell 3lek!" W-sar yel3an w-ye7lof: "ana ma ba3rif hal-rejjel." Se3eta sa7 el-deek, w-tzakkar Boutros shou 2al YASOU3: "abl ma ysi7 el-deek ra7 tenkerne tlet marrat." W-toli3 w-beke dmou3 morra. W-lamma toli3 el-daw, tshewaro kell rou2asa el-kahane w-shyoukh el-sha3b 3ala YASOU3 la-ye2etlouh. Min ba3da kalbajouh w-akhadouh w-sallamouh lal-7akem Bilatos. Lamma shef Yahouza, yalle sallam YASOU3, ennon 7akamo 3le, nedm w-radd el-fodda la-rou2asa el-kahane wel-shyoukh, w-2allon: "ghlotit li2anno sallamet damm bari2." 2aloulo: "ma khasna? Dabbir 7alak bi-7alak." Se3eta zatt Yahouza el-fodda bel-haykal w-fall, w-ba3den ra7 w-shana2 7alo. Akhado rou2asa el-kahane el-fodda w-2alo: "hayda taman damm, ma-bi7e2elna n7otta bi-sandou2 el-haykal." W-etafa2o ennon yeshtero fiya 7a2l el-fekhar ta-ysir ma2bara lal-ghouraba. Kermel hek bisammouh el-nes la-7add el-yawm 7a2l el-damm. W-sar yalle 2alo el-nabe Ermiya: "akhado el-tleteen fodda, taman yalle etafa2o 3le wled Isra2il. W-dafa3ouha taman la-7a2l el-fekhar. Metl ma 2amarne el-RAB." We2f YASOU3 eddem el-7akem w-sa2alo el-7akem: "enta malik el-Yahoud?" jewabo YASOU3: "enta 2elt." W-ken rou2asa el-kahane wel-shyoukh 3am yettehmouh, w-YASOU3 ma 3am bijeweb. 2allo Bilatos: "3am tesma3 yalle 3am bi2oulouh 3annak?" Ma jewabo YASOU3 bi-shi, w-t3ajjab el-7akem ktir. W-ken min 3adet el-7akem bi-kell 3id enno ye3fe 3an ma7bous wa7ad, bina'2ih el-sha3b. W-ken 3endon bi-haydak el-wa2et ma7bous mash'hour esmo Yashou3 Barabas. W-lamma tjamma3o el-nes sa2alon Bilatos: "meen badkon e3fe 3anno: Yashou3 Barabas aw YASOU3 yalle bi2oulo 3anno el-MASI7?" W-ken Bilatos 3erif enno min 7asadon sallamo YASOU3. W-lamma ken Bilatos ba3do 2e3id 3a-kerse el-7ekm, ba3atit marto 7ada y2ello: "Ou3a t3alli2 7alak bi-hal-rejjel el-bari2, li2anno el-leyle t3azzabit ktir bi-maneme kermelo." Bass rou2asa el-kahane wel-shyoukh tabba2o el-nes 3ala enno yetolbo Barabas w-ye2etlo YASOU3. W-lamma sa2alon el-7akem: "ayya wa7ad badkon enno ne3fe 3anno?" Jewabouh: "Barabas, Barabas!." 2allon Bilatos: "w-shou ba3mil bi-YASOU3 yalle bi2oulo 3anno el-MASI7?" Jewabouh kellon "slebo, slebo!" 2allon: "w-shou 3eml?" Saro ysarrkho bel-3ale: "slebo, slebo!" W-lamma shef Bilatos enno ma fi feyde, w-enno el-balbale zedit, akhad may w-ghassal 2idey eddem el-nes w-2al: "ana bari2 min damm hal-rejjel! Halla2 sar sheghlkon ento." Jewabo el-kell: "dammo 3leyna w-3a-wledna!" W-3afelon 3an Barabas, w-jalado YASOU3 w-sallamouh la-yensalab. Akhado 3askar el-7akem YASOU3 3ala 2asr el-7akem w-jama3o el-katibe kella. W-shalla7ouh tyebo w-labbasouh tawb a7mar, w-gharaso eklil min shawk 3a-raso, w-7ammalouh bi-2ido el-yameen 2asbe, w-raka3o eddemo w-tmaskharo 3le w-2alo: "Salem, ya malik el-Yahoud!" W-akhado el-2asbe w-saro yederbouh fiya 3a-raso w-henne 3am ybaz2o 3le. W-min ba3d ma tmaskharo 3le, shalla7ouh el-tawb el-a7mar, w-labbasouh tyebo w-akhadouh ta-yensalab. W-henne w-fellin min el-madine lta2o bi-rejjel min Kayrin esmo Sem3an, sakharouh ta-ye7mol salib YASOU3. W-lamma woslo lal-matra7 yalle esmo el-Jouljoutha, ye3ne "el-joumjoume" 3atouh nbeed makhlout bel-morr, w-lamma de2a rafad enno yeshraba. W-salabouh w-t2asamo tyebo bel-2or3a. W-2a3ado honik ta-ye7ersouh. W-3alla2o fo2 raso 2meshe maktoub 3leya sabab el-7ekm: "hayda YASOU3, malik el-Yahoud." W-salabo ma3o lossen, wa7ad 3an yameeno w-wa7ad 3an shmelo. W-keno yalle mer2in min honik 3am bihezzo bi-rason w-ysebbouh w-y2oulo: "Ya hal-hedim el-haykal w-m3ammro bi-tlet tiyyem, eza kent 2eben ALLAH, khallis 7alak w-nzal 3an el-salib." W-keno rou2asa el-kahane w-mou3allimi el-shari3a wel-shyoukh 3am yetmaskharo 3le, w-y2oulo: "Khallas ghayro, w-ma bye2dar ykhallis 7alo! Eza houe malik Isra2il, khallih yenzal 3an el-salib ta-n2ãmin fih! Ettakal 3ala ALLAH w-2al: ana 2eben ALLAH, khalle ALLAH ykhallso halla2, eza ken rade 3le." W-kamen 3ayyarouh el-lossen el-masloubin ma3o, w-2alo nafs el-shi. Wel-dohr 3attamit el-dene kella lal-se3a tlete. W-3al-se3a tlete sarakh YASOU3 bi-sawt 3ale: "ELI, ELI, lima shabaqtani?" ye3ne "ILAHI, ILAHI, leysh taraketne?" W-sem3ouh yalle keno honik, w-2alo: "haye2to 3am yendah Eliyya!" W-rakad wa7ad minnon w-akhad sfenje, ghattasa bel-khall w-7atta 3a-taraf 2asbe w-rafa3lo yeha ta-yeshrab. Wel-be2yin 2aloulo: "tanshouf eza ra7 yeje Eliyya ta-ykhallso!" W-sarakh YASOU3 marra tenye sarkha 2awiye w-sallam rou7o. W-bnafs el-la7za, nkhaza2 7ijeb el-haykal sha2ften min fo2 la-ta7t. W-sar fi zelzel w-tsha2a2et el-skhour. Wel-2bour nfata7o, w-ajsem ktar min el-2eddissin el-neymin 2amo. W-ba3d 2iyemet YASOU3, tel3o min el-2bour w-feto 3al-madine el-m2addase w-zaharo 3a-nes ktar. W-lamma shef ra2is el-7aras wel-3askar yalle 3am ye7erso YASOU3 el-zelzel w-kell shi sar, khafo w-2alo: "Mbala, hal-rejjel ken 7a2i2atan 2eben ALLAH!" W-ken fi honik ktar min el-neswen 3am bira2bo min b3id, w-henne yalle le7'2o YASOU3 min el-Jaleel ta-yekhedmouh, min bayneton Maryam el-Majdaliyye, w-Maryam emm Ya3koub w-Youssef, w-emm wled Zabada. 3ashiye eja rejjel ghane min el-Rama esmo Youssef, w-ken min tlemiz YASOU3. Fet la-3and Bilatos w-talab minno jesm YASOU3. Fa-2amar Bilatos ennon ysalmouh yeh. Akhad Youssef jesm YASOU3 w-laffo bi-kafan ndif, w-7atto bi-2abr jdid w-houe yalle ken 7afaro la-elo bel-sakhr, w-da7raj 7ajar kbir 3ala beb el-2abr w-ra7. W-kenit Maryam el-Majdaliyye, w-Maryam el-tenye, 2e3deen m2abil el-2abr. W-tene yawm, ye3ne min ba3d yawm el-te7dir lal-sabt, ra7o rou2asa el-kahane wel-ferrisiyyin la-3and Bilatos w-2aloulo: "tzakkarna, ya sayyid, enno hayda el-rejjel 2al, wa2et ken 3ayish, ra7 2oum min ba3d tlet tiyem. 2mor bi-7irasit el-2abr lal-yawm el-telit, a7san ma yejo tlemizo w-yeser2ouh w-y2oulo lal-nes: 2am min el-mawt, w-bitkoun ekher tedjile al3an min el-awle." 2allon Bilatos: "3endkon 7aras, rou7o w-7reso metl ma badkon." Ra7o sakkaro el-2abr mni7, w-khatamo el-7ajar w-7atto 3le 7aras. W-lamma kholis el-sabt w-toli3 el-daw el-a7ad, ra7o Maryam el-Majdaliyye w-Maryam el-tenye ta yestafe2do el-2abr. W-faj2a sar fi zelzel kbir, w-nezl malèk el-RAB min el-sama w-da7raj el-7ajar 3an beb el-2abr w-2a3ad 3le. W-ken manzaro metl el-bar2 w-tawbo abyad metl el-talj. W-nra3abo el-7aras lamma shefouh w-saro metl el-mawta. 2al el-malèk lal-neswen el-tnen: "ma tkhafo. Ana ba3rif enno badkon YASOU3 el-masloub. Manno hon, li2anno 2am metl ma 2al. 2arrbo w-shoufo matra7 ma ken ma7tout. W-rou7o deghre la-3and el-tlemiz w-2oulouloun: 2am min el-mawt, w-ra7 yesba2kon 3al-Jaleel, w-honik ra7 tshoufouh. Hayda yalle badde 2elkon yeh." Fallo el-neswen el-tnen min el-2abr bi-ser3a w-henne khayfin w-mabsoutin ktir, w-ra7o 7amleen el-khabar lal-tlemiz. Le2ehon YASOU3 w-2al: "mar7aba." 2arrabo w-ghamaro ejrey w-sajadoulo. 2allon YASOU3: "ma tkhafo! Rou7o w-2oulo la-ekhewte yrou7o 3al-Jaleel, w-honik ra7 yshoufoune." W-henne w-3al-tari2 eja kamm wa7ad min el-7aras 3al-madine w-khabbaro rou2asa el-kahane bi-kell shi sar. W-jtama3o rou2asa el-kahane wel-shyoukh, tshewaro w-3ato el-3askar masare ktir, w-2aloulon: "rou7o khabbro enno tlemiz YASOU3 ejo bel-leyl w-sara2ouh ne7na w-neymin. W-eza sem3 el-7akem bi-hal-khabar, ne7na mentayyeblo khatro, ento bi-amen." Akhado el-7aras el-masare w-3emlo metl ma-2aloulon. W-ntasharet hal-khabriye bayn el-Yahoud la-liom. W-ra7o el-tlemiz el-7da3sh 3al-Jaleel, 3al-jabal, metl ma 2amaron YASOU3. W-lamma shefouh sajadoulo, bass fi minnon ken 3endon shakk. 2arrab minnon YASOU3 w-2allon: "n3atale kell soultan bel-sama wel-ard. Rou7o bi-kell el-oumam w-3melouhon rousl, w-3amdouwon bi-esem el-ÃB wel-2EBEN wel-ROU7 el-2ODOS, w-3almouwon ya3emlo bi-kell shi wassaytkon fih, w-ana be2e ma3kon toul el-iyem, la-niheyet el-3alam." Bideyet injil YASOU3 el-MASI7 2eben ALLAH, metl ma katab el-nabe Ashe3ya: "ra7 eb3at rasoule eddemak ta-y7addir el-tari2 sawt 3am binede bel-barriye: 7addro tari2 el-RAB, w-khallo tor2ato jelse." W-zahar Youhanna el-Ma3maden bel-barriye 3am binede la-ma3moudiyyet el-tawbe la-ghofran el-khataya. W-keno yejo la-3ando min kell manate2 el-Yahoudiye w-Ourashalim w-y3ammedon bi-nahr el-Ordon, w-ye3terfo bi-khatayahon. W-ken You7anna yelbos tyeb min wabr el-jamal, w-3ala khasro zennar min jeled, w-byekol jarad w-3asal barri. W-ken ybasher w-y2oul: "ra7 yeje min ba3de 7ada a2wa minne. Ma bets7e2 en7ene w-fekk shrit sandalo. Ana 3ammadetkon bel-may, bass houe bi3ammedkon bel-ROU7 el-2ODOS." Bi-haydik el-iyem eja YASOU3 min el-Nassira lal-Jaleel, w-t3ammad 3a-2id You7anna bi-nahr el-Ordon. W-lamma toli3 YASOU3 min el-may shef el-sama maftou7a w-ROU7 el-2ODOS 3am yenzal 3le bi-shakl 7amemeh. W-2al sawt min el-sama: "enta 2ebne el-7abib, yalle rdeet 3anno." W-akhado el ROU7 el-2ODOS 3al-barriye, w-be2e fiya arb3een yawm 3am bijarrbo el-shaytan. W-ken honik ma3 el-7ayawenet el-barriye. W-kenit el-maleyke 3am tekhedmo. Min ba3d ma n7abas You7anna, eja YASOU3 3al-Jaleel ta-ybasher bi-ALLAH, w-y2oul: "el-wa2et eja w-2arrab malakout ALLAH. Toubo w-2ãmno bel-injil." W-houe w-meshe 3ala shatt ba7r el-Jaleel, shef sayyadin, henne Sem3an w-khayyo Endrawos 3am bizetto el-shabake bel-ba7r, 2allon YASOU3: "l7a2oune ra7 a3mil minkon siyyadin bashar." Tarako shbekon deghre w-le7'2ouh. W-meshe shwey, w-shef Ya3koub 2eben Zabada w-khayyo You7anna, w-keno bel-shakhtoura 3am bi-sall7o shabaketon. W-shi enno 2allon ta3o, tarako bayyon Zabada bel-shakhtoura ma3 yalle 3am bise3douh w-le7'2ouh. W-ejo 3a-Kfarna7oum, w-fet YASOU3 3al-majma3 nhar el-sabt w-sar y3allim. W-t3ajjabo min ta3limo, li2anno ken y3allimon metl yalle 3endo soultan, mish metl be2e mou3allimi el-shari3a. W-ken fi bel-majma3 rejjel fiyo rou7 sharr, sar ysarrekh: "Shou elak 3leyna, ya YASOU3 el-Nassire? Jeet la-tmawwetna? Ana ba3rif enta meen: enta 2ouddous ALLAH!" Haddado YASOU3, w-2al: "khras w-dhar min hal-rejjel!" Sar el-rou7 el-sharr ykhalle el-rejjel yerjof, w-sarakh sarkha 2awiye w-dahar minno. W-t3ajjabo el-nes kellon w-sa2alo 7alon: "shou hayda? El-hay2a fi ta3lim jdid 3am yen3ata bi-soultan? 7atta arwe7 el-sharr bye2mera w-bitee3ouh!." W-shtahar esm YASOU3 bi-kell manate2 el-Jaleel. W-lamma fall min el-majma3, eja YASOU3 ma3 Ya3koub w-You7anna 3a-beyt Sem3an w-Endrawos. W-kenit 7amet Sem3an neyme bel-farshe ma7moume, w-khabbarouh 3anna. 2arrab minna YASOU3 w-masakla 2ida w-khalleha t2oum. Se3eta 7allet 3anna el-7emme w-saret tekhdemon. W-lamma sar 3ashiye, min ba3d ghroub el-shams, jeboulo kell el-marda w-yalle fiyon shyateen. W-jtama3o ahl el-madine kellon 3al-beb, w-shafa ktar min nes ktir mensabe bi-3eddit amrad, w-sha7at ktar min el-shyaten, w-mana3 el-shyateen enno ye7ko 3anno li2annon 3erfo meen houe. W-2am YASOU3 abl tlou3 el-daw, w-ra7 3a-matra7 ye2dar fih ykoun wa7do, w-sar ysalle honik. Fattasho 3le Sem3an w-rfe2o, w-lamma le2ouh 2aloulo: "kell el-nes 3am tfattish 3lek!" 2allon: "ta3o nrou7 3al-diya3 el-2aribe 7atta kamen basher fiya, li2anno kermel hal-shi jeet." W-baram bi-kell manate2 el-Jaleel, ybasher bel-majeme3 w-yesh7at el-shyateen. W-eja la-3ando abras raka3lo w-sar yetrajje w-y2ello: "eza baddak fik teshfine." Shef2 3le YASOU3 w-madd 2ido w-lamaso w-2allo: "Ana badde, shfa!" W-deghre nshafa el-abras. 7azzaro YASOU3 w-fallalo, min ba3d ma 2allo: "ou3a tkhabbir 7ada bi-shi. Bass rou7 3end el-kehen w-farjih 7alak, w-2addem el-shi yalle farado Moussa, ta-ykoun shahede elon." Bass el-rejjel ra7 w-sar ynede w-yenshor el-khabar. La-daraje enno ma ba2a edr YASOU3 yfout 3ala ayy madine. W-2a3ad bel-matare7 el-mahjoura. W-keno el-nes yejo la-3ando min wayn ma ken. W-reje3 YASOU3 ba3d kamm yawm 3ala Kfarna7oum, w-sem3o el-nes enno mawjoud bel-beyt. W-ntala el-beyt min el-nes w-ma be2e matra7 7atta eddem el-beb, w-basharon bi-kelmet ALLAH. W-ejo la-3ando arba3 rjel 7amleen mkarsa7. Bass ma edro yousalo la-3ando kermel el-3aj2a, se3eta nabasho el-sa2f w-kashafouh fo2 YASOU3 w-dandalo el-ma7mal el-mal2ou7 3le el-mkarsa7. W-lamma shef YASOU3 imenon 2al lal-mkarsa7: "ya 2ebne, khatayak nghafaro!" W-ken fi min bayn el-mawjoudin kamm wa7ad min mou3allimi el-shari3a, 2alo bi-2albon: "keef 3am ye7ke hal-rejjel hek 7ake? 3am bijaddef! Meen bye2dar yeghfor el-khataya ghayr ALLAH wa7do?" W-3eref YASOU3 bi-2albo afkaron, w-2allon: "shou hal-afkar yalle bi-2loubkon? Shou el-ahouan? N2oul khatayak nghafaro, aw n2oul: "2oum, 7mol ma7malak w-mshi? Ra7 farjikon enno 2eben el-2ensen 3endo soultan 3al-ard ta-yeghfor el-khataya." W-2al lal-mkarsa7: "B7ebb 2ellak: 2oum w-7mol ma7malak w-rou7 3a-beytak!" 2am el-rejjel w-dehgre 7eml ma7malo w-fall eddem kell el-mawjoudin. W-t3ajjabo kellon w-majjado ALLAH w-2alo: "ma shefna metl hal-shi bi-kell 7ayetna!" W-reje3 YASOU3 3ala shatt ba7r el-Jaleel, w-eja la-3ando nes, sar y3allimon. W-houe w-meshe shef 2eben 7alfa 2e3id bi-beyt el-darayib. 2allo YASOU3: "l7a2ne!" 2am w-le72o. W-ken YASOU3 3am yekol bi-beyt Lawi, w-ktar min yalle bilemmo el-darayib wel-khatyeen 2a3ado ma3o w-ma3 tlemizo. W-lamma shefo mou3allimi el-shari3a min el-ferrisiyyin enno 3am yekol ma3 yalle bilemmo el-darayib wel-khatyeen, 2alo la-tlemizo: "Shou 2ossto 3am yekol w-yeshrab ma3 yalle bilemmo el-darayib wel-khatyeen!" W-sem3 YASOU3 kalemon, 2allon: "yalle so7oton mni7a mish bi-7aje la-7akeem, el-7akeem houe lal marda. Ma jeet kermel el-abrar, ana jeet kermel el-khatyeen." Keno tlemiz You7anna wel-ferrisiyyin saymin, w-ejo nes la-3and YASOU3 w-2aloulo: "leysh tlemiz You7anna w-tlemiz el-ferrisiyyin bisoumo w-tlemizak ma bisoumo?" 2allon: "ma32oul ahl el-3arees ysoumo wel-3arees ma3on? Kell shi wel-3arees ma3on, ma bye2daro ysoumo. Bass byeje wa2et birou7 fih el-3arees min bayneton w-se3eta bisoumo. Ma fi 7ada bira2e3 tawb 3ati2 bi-sha2fet 2mesh jdide, 7atta ma tenkamash 3al-tawb wel-khez2 yousa3. W-ma fi 7ada bi7ott nbeed jdid bi-wa3a min jeld 3ati2, wa-ella ra7 yenkhez2o, wel-nbeed wel-wa3a bisiro lal-kabb tneyneton. Bass el-nbeed el-jdid elo wa3a jdid!" W-mara2 YASOU3 nhar el-sabt bel-7a2l, w-saro tlezimo ye2otfo sanebel henne w-meshyin. 2aloulo el-ferrisiyyin: "shouf tlemizak, leysh 3am ya3mlo yalle mish masmou7 yawm el-sabt?" 2allon YASOU3: "ma 2rito shou 3eml Daoud lamma je3, houe w-yalle keno ma3o? Keef fet 3ala beyt Allah bi-iyem Abiatar ra2is el-kahane, w-akal khebz el-ta2dime w-3ata minno la-yalle ma3o, w-akalo yalle ma bi7e2 ella lal-kahane." W-2al YASOU3: "ALLAH khala2 el-sabt lal-2ensen, w-ma khala2 el-2ensen lal-sabt. W-2eben el-2ensen houe kamen sayyid el-sabt." Reje3 YASOU3 3al-majma3, w-shef fi rejjel 2ido yebse. W-ken fi honik jame3a 3am bitra2bo ta-tshouf eza ra7 yeshfe nhar el-sabt, ta-yettehmouh. 2al lal-rejjel yalle 2ido yebse: "2oum w2af bel-noss!" W-2al lal-mawjoudin: "masmou7 3amal el-kheyr nhar el-sabt aw 3amal el-sharr? Masmou7 enno nkhallis nafs aw nmawweta?" Sakato. Ettalla3 fiyon YASOU3 ghodben w-7azeen la-2asewet 2loubon, w-2al lal-rejjel: "medd 2idak!" Madda, w-rej3et tabi3iye metl el-2id el-tenye. Se3eta ra7o el-ferrisiyyin w-tshewaro ma3 el-hirodosiyyin 7atta ye2etlouh. W-ra7 YASOU3 ma3 tlemizo 3a-ba7r el-Jaleel, w-le7'2ouh nes ktir min el-Jaleel wel-Yahoudiye, w-min Ourashalim w-Adoum min wara el-Ordon w-manate2 Sour w-Sayda. W-kellon sem3o bi-a3melo w-ejo la-3ando. W-2amar YASOU3 tlemizo enno y7adroulo shakhtoura 7atta ma ye3j2o el-nes 3le, li2anno shafa ktar min el-nes, 7atta sar kell mareed yeje la-3ando 7atta yelemso. W-keno yalle fiyon arwe7 sharr yesejdoulo lamma yshoufouh w-yserkho: "enta 2eben Allah!" W-ken y7azzeron bi-2ouwwe ennon ma y2oulo meen houe. Toli3 YASOU3 3al-jabal w-ba3at wara yalle baddo henne fa-ejo la-3ando. 3ayyan minnon tna3sh, sammehon rousl, 7atta yref2ouh w-yeb3aton ybashro, w-3atahon soultan ta-yesh7ato el-shyateen. W-hal-tna3sh henne: Sem3an w-sammeh YASOU3 Boutros, w-Ya3koub w-You7anna wled Zabada w-sammehon Bouwanarjes, ye3ne wled el-ra3d, w-Endrawos w-Filippos w-Bartelmawos, w-Matta w-Touma, w-Ya3koub 2eben 7alfa w-Teddawos w-Sem3an el-watane el-ghayour, w-Yahouza el-Eskharyoute yalle sallam YASOU3. Eja YASOU3 3al-beyt, w-rej3it te3jo2 3le, la-daraje enno ma 3ed YASOU3 w-tlemizo edrin yeklo. W-sem3o 2raybino bi-hal-shi, w-ejo la-yekhdouh li2anno fi nes 2alo 3anno: "fa2ad tawezno." W-mou3allimi el-shari3a yalle nezlo min Ourashalim, 2alo: "hal-shakhs fih ba3lzaboul, w-3am yesh7at el-shyateen bi-2ouwwet ra2is el-shyateen." W-nadehon YASOU3 w-7ekehon bel-amtel, 2al: "keef bye2dar el-shaytan enno yesh7at el-shaytan? Eza n2asamet mamlake ma btethbat, aw eza n2asam beyt 3a-7alo ma byethbat. W-eza tmarrad el-shaytan 3ala 7alo w-n2asam ma byethbat, w-bizoul. Ma-bye2dar 7ada yfout 3a-beyt rejjel 2awe w-yesro2 ghrado ella eza rabbat hal-rejjel el-2awe awwal shi, w-ba3den byesro2 beyto. B2elkon el-7a2i2a: ALLAH byeghfor lal-nes kell khatiyye aw tejdeef. Bass el-tejdeef 3al-ROU7 el-2ODOS, ma byenghafaro abadan, bidall khate lel-abad." Hek radd 3ala yalle 2alo: "fiyo rou7 sharr!." Ejet emmo w-ekhewto, w-we2fo barrat el-beyt w-talabo yshoufouh. W-ken YASOU3 2e3id w-7awlo nes ktir, 2aloulo: "emmak w-ekhewtak w-ekhwetak barra 3am yetolbo ye7kouk." Jewabon: "meen emme w-meen ekhewte?" W-ettalla3 bel-2e3deen 7awlo w-2al: "hawde henne emme w-ekhewte! Li2anno yalle bya3mil iradet ALLAH houe khayye w-ekhte w-emme." Reje3 YASOU3 y3allim 7add el-ba7r, w-tjamma3o 7awlo nes ktir, la-daraje enno toli3 3al-shakhtoura bel-ba7r w-2a3ad fiya, wel-nes kella 3al-shatt. Sar ye7kyon bel-amtel 3an eshya ktire. W-2allon: "Sma3o! Ra7 el-mzeri3 ta-yezra3. Houe w-3am yezra3, fi kamm 7abbe wa2a3o 3ala 7affit el-tari2, w-ejo el-3safeer w-akalouwon. W-ghayron wa2a3o 3ala ard 7ajar, ma-fiya ktir trab, farrakho bi-ser3a, li2anno terbeton mish ghami2a. W-lamma tol3it el-shams deblo, w-li2anno ba3don bala shloush, yebso. W-wa2a3 ghayron bel-shawk, toli3 el-shawk w-khana2on w-ma 3ato thamar. W-ghayron wa2a3 bi-ard taybe, w-athmaro, fi thamara 7emlit tleteen, w-thamara sitteen, w-thamara miyye." W-2al YASOU3: "yalle 3endo dineyn, khallih yesma3!." Lamma sar YASOU3 wa7do ma3 yalle bidallo 7addo w-ma3 tlemizo el-tna3sh, sa2alouh 3an ma3na el-amtel, 2allon: "ento n3atalkon serr malakout ALLAH. Bass yalle ba3don barra byesma3o kell shi bel-amtel, li2annon: byettalla3o w-ma bishoufo, byesma3o w-ma byefhamo, 7atta ma ysir baddon ytoubo, w-khatayahon yenghafaro." Min ba3da 2al la-tlemizo: "ma fhemto hal-matal? Keef, fa-ezan, 3am tefhamo amtel tenye? El-mzeri3 byezra3 kalem ALLAH, w-fi nes metl hal-zar3 yalle nzara3 3a-7affit el-tari2, byesma3o kalem ALLAH, byeje el-shaytan w-byesro2 yalle nzara3 fiyon. W-fi nes metl el-zar3 yalle nzara3 bi-ard 7ajar, bass yesma3o kalem ALLAH bye2balouh bi-se3et el-se3a w-byefra7o, bass li2anno nfouson mish mrassakha, ma byethbato 3ala ra2y. W-eza mara2o bi-di2a aw edtihad bi-sabab kelmet ALLAH, byenkro imenon. W-fi nes metl el-zar3 yalle nzara3 bel-shawk, byesma3o kelmet ALLAH, bass hmoum el-dene w-moughrayet el-ghena wel-shahawet el-be2ye bitfout 3al-2loubon w-btekhno2 kelmet ALLAH w-ma btethmor. W-fi nes metl el zar3 yalle nzara3 bel-ard el-taybe, byesma3o kelmet ALLAH w-bye2balouwa fa-bye7mlo shi tleteen, shi sitteen, w-minnon bye7mlo miyye." 2allon YASOU3: "fi 7ada bijeeb el-srej w-bi7otto ta7t el-mekyel aw ta7t el-takht? Amma bi7otto bi-matra7 3ale? Ma fi shi mekhfe ella ma ra7 ybayyin, w-ma fi shi serr ella ra7 yen3araf. Yalle 3endo dineyn, khallih yesma3!" W-2allon: "ntebho shou 3am tesma3o! Bel-kayl yalle bitkayylo fih ra7 ykayyloulkon w-zyede, li2anno yalle ma3o shi bya3touh aktar. W-yalle ma ma3o shi, byettekhad minno 7atta yalle ma3o." 2al YASOU3: "byeshbah malakout ALLAH rejjel byezra3 bi-7a2lo. Bel-leyl w-bel-nhar, eza ken neyim aw we3e, el-zar3 bifarrikh w-byekbar, w-houe ma bya3rif keef sar hal-shi. El-ard bta3te minna la-7ala el-3eshbe awwal shi, w-ba3den el-senble, w-ba3den el-2am7 yalle bimalle el-senble. W-lamma yendaj el-2am7, w-yeje wa2et el-2atf, byekhod el-mzeri3 el-manjal w-byo7sod." W-2al YASOU3: "bi-shou badna nshabbih malakout ALLAH? W-bi-ayya matal menmattlo? Houe metl 7abbit khardal, wa2et mnezra3a bel-ard bitkoun azghar min kell el-7boub bel-ard, bass lamma tfarrikh, bte3la w-bitsir akbar min kell el-mazrou3at, w-ghsouna bimeddo ktir, la-daraje enno tyour el-sama bteje w-bta3mil 3shoush bi-fayyeta." W-ken YASOU3 ye7ke ktir min hal-amtel ta-ywassellon kelmet ALLAH 3ala 2add ma bye2daro yefhamo. W-ma 7ekehon ella bel-amtel, bass wa2et yalle bye23od ma3 tlemizo la-7alon ken yfasserlon kell shi. Haydak el-yawm, 3ashiye, 2allon: "ta3o ne2ta3 3al-shatt el-tene." Tarako el-nes w-ra7o bel-shakhtoura, w-ken fi ma3on shkhatir tenye. W-habbet 3asfe 2awiye w-sar el-mawj a3la min el-shakhtoura la-daraje kenit ra7 tentele may. W-ken YASOU3 neyim bi-ekher el-shakhtoura, w-teke raso 3al-mkhadde. Wa3ouh w-2aloulo: "ya mou3allim, mish sheyif enno ra7 neghra2 w-nmout?" Se3eta 2am w-sakkat el-ree7 w-2al lal-ba7r: "skot! hda!" W-hedyit el-3asfe w-sar fi houdou2 3al-ekher. W-2al YASOU3 la-tlemizo: "shou bekon khayfin? Ba3d ma 2ãmanto?." Saytar 3leyon el-khawf, w-2alo la-ba3don: "meen hayda? Ta-el-ree7 wel-ba7r bitee3ouh!." Woslo 3al-shatt el-tene min ba7r el-Jaleel, min meylit el-Jarasiyyin. W-lamma nezl min el-shakhtoura sta2balo rejjel tali3 min el-ma2abir, w-sekno rou7 sharr. W-ken 2e3id honik, w-ma 7ada bye2dar enno yedbato 7atta bel-jnazeer. Aktar min marra jarrabo yerebtouh bel-jnazeer, bass ken ykasseron, w-ma 7ada ye2dar yedbato. W-ken ydall 3a-toul, leyl nhar, bel-ma2aber wel-jbel, ysarrikh w-yjarri7 jesmo bel-7jar. W-lamma shef YASOU3 min b3id, rakad sawbo w-raka3lo w-sarakh bi-sawt 3ale: "shou elak 3leyye, ya YASOU3 2eben ALLAH yalle bel-sama el-3aliye? B7allfak bi-ALLAH, ma t3azzebne!" Li2anno YASOU3 ken 2allo: "ya rou7 el-sharr tla3 min hal-rejjel!" Sa2alo YASOU3: "shou esmak?" Jewab: "esme jeysh, li2anna ktar." W-trajja YASOU3 enno ma yeb3at arwe7 el-sharr la-barrat el-manta2a. W-ken honik atee3 kbir min el-khnezir 3am yer3a 7add el-jabal. Saret arwe7 el-sharr tetrajja YASOU3 w-t2ello: "b3atna 3al-khnezir ta-neskon fiya." Sama7lon. Tol3o w-sakano bel-khnezir. W-hajam el-atee3 kello 3al-ba7r, w-keno te2riban alfen, w-gher2o bel-ba7r. W-harabo el-re3yen w-nasharo el-khabar bel-madine wel-diya3, w-ejo el-nes 7atta yshoufo shou sar. Lamma woslo la-3and YASOU3, shefo el-rejjel yalle ken fih jeysh min el-shyateen 2e3id honik lebis tyebo w-3a2lo bi-wa3e kemil. Khafo ktir. W-khabbarouwon el-shouhoud bi-yalle sar lal-rejjel yalle kenit fih el-shyateen w-shou sar bel-khnezir. Se3eta talabo min YASOU3 enno yebte3id min byouton. W-houe w-3am yerkab el-shakhtoura, talab minno yalle ken fih el-shyateen enno yekhdo ma3o. Ma sama7lo bi-hal shi, bass 2allo: "rja3 3a-beytak w-la-3and ahlak w-khabberon bi-yalle 3emlo el-RAB ma3ak w-keef ra7amak." Ra7 el-rejjel w-sar ykhabbir bel-moudon el-3ashra bi-yalle 3emello yeh YASOU3, w-keno kell el-nes 3am yet3ajjabo. W-2ata3 YASOU3 bel-shakhtoura 3al-shatt el-tene, tjamma3o 7awlo 3al-shatt nes ktir. W-eja rejjel min rou2asa el-majma3 esmo Yayros. W-lamma shef YASOU3 raka3 3a-ejrey, w-sar yetrajjeh w-y2ello: "bente el-zghire ra7 tmout! Ta3a w-7ot 2idak 3leya, btenshafa w-bit3eesh!" Ra7 ma3o w-le7'2ouh nes ktir w-saro yeltaffo 7awlo. W-ken fi honik mara 3enda nazeef damm min tna3shar sene, shefit 7ekama ktar, w-sarafit kell shi btemelko, w-mish bass ma stafedet bi-shi, saret 7aleta aswa2. W-lamma sem3t bi-akhbar YASOU3, ejet bayn el-nes min khalfo w-lamaset tawbo, li2anno 2alet bi-2alba: "byekfe enno elmos tawbo ta-enshafa." W-deghre n2ata3 nazeef el-damm, w-7assit bi-jesma enna nshafit min marada. W-7ass YASOU3 deghre bi-2ouwwe tol3it minno. Ltafat sawb el-nes w-2al: "meen lamas tyebe?" 2aloulo tlemizo: "sheyif el-nes m7awtinak w-3am tes2al: meen lamasne?" Sar yettalla3 7awlo ta-yshouf meen 3eml hal-shi. W-khafet el-mara w-rta3abit li2anna 3arfe shou sar ma3a, ejet w-raka3et eddemo w-khabbareto bel-7a2i2a kella. 2alla: "ya bente imenik shafeke. Rou7e bi-salem, w-shfi min maradik." Houe w-3am ye7ke, woslo rjel min beyt ra2is el-majma3 w-2aloulo: "metit bentak, ma fi de3e t3azzib el-mou3allim." Tjehal YASOU3 kalemon, w-2al la-ra2is el-majma3: "ma tkhaf, byekfe ennak t2ãmen." Ma 2ebl YASOU3 enno 7ada yref2o ella Boutros w-Ya3koub w-You7anna khayyo la-Ya3koub. Lamma woslo 3a-beyt ra2is el-majma3, shef YASOU3 el-dajje w-beke el-nes w-sarikhon. Fet 3al-beyt w-2allon: "leysh 3am tebko? Ma metit el-sabiye, bitkoun neyme!" De7ko 3le. Talla3on kellon, w-khalla bayy el-sabiye w-emma w-yalle keno ma3o yfouto matra7 ma kenit el-sabiye. Masakla 2ida w-2alla: "talitha koum!" ye3ne "ya sabiye b2ellik: 2oume!" 2amit el-benet deghre w-saret temshe, w-ken 3omra tna3shar sene, w-t3ajjabo el-nes ktir. W-wassahon YASOU3 bi-2ouwwe enno ma ykhabro 7ada bi-yalle sar, w-2allon ya3touha ta-tekol. W-toli3 YASOU3 min honik w-eja 3a-balado w-le7'2ouh tlemizo. W-lamma eja yawm el-sabt sar y3allim bel-majma3. W-t3ajjabou el-nes lamma sem3ouh w-2alo: "shou hal-7ekme yalle n3atetlo w-hal-3ajeyeb yalle 3am ten3amal 3ala 2idey? Mish hayda 2eben el-najjar 2eben Maryam, khayyo la-Ya3koub w-Yousi w-Yahouza w-Sem3an? Mish ekhweto 3enna hon?" 2alo hek w-rafadouh. 2allon YASOU3: "ma fi nabe bidoun karame ella bi-watano w-bayn 2raybino w-ahl beyto." W-ma edr enno ya3mil 3ajeyeb honik, bass 7att 2idey 3ala kamm mareed w-shafehon. W-staghrab 3adam imenon. Min ba3da meshe bel-diya3 el-2aribe w-sar y3allim fiya. W-ba3at wara el tlemiz el-tna3sh w-sar ywaddiyon tnen tnen ta-ybashro, w-3atahon soultan 3a-arwe7 el-sharr. W-wassahon: "ma tekhdo ma3kon shi bel-tari2 ella 3asa: ma tekhdo la-khebz, wala kees, wala masare bi-jyoubkon, bass lbeso sandal, w-ma telebso tawben." W-2allon: "wa2et yalle bitfouto 3ala beyt, khallikon fih la-wa2et ma badkon tfello. W-eza re7to 3a-matra7 w-ma 2ebloukon ahl hal-beyt w-ma sem3o la-kalemkon, fello w-nfedo el-ghabra 3an ejreykon shahede 3leyon!" Ra7o el-tlemiz w-ballasho ynedo bel-tawbe, w-sha7ato shyateen ktire, w-dahano bel-zeyt ktar min el-marda w-shafouhon. W-sem3 el-malik Hirodos bi-akhbar YASOU3, li2anno esmo sar mash'hour. W-ken fi nes 3am bi2oulo: "2am You7anna el-ma3maden min el-mawt, kermel hek 3am bitsir hal-3ajeyeb 3ala 2ido." W-ghayron 2alo: "Houe Eliyya", w-ghayron 2alo: "Houe nabe metl kell el-anbiya." W-lamma sem3 Hirodos 2al: "Hayda You7anna yalle 2ata3tello ana raso, 2am min el-mawt!" W-ken Hirodos kamash You7anna w-7atto bel-7abs, bi-sabab Hirodiyya yalle tzawwaja w-hiye mart khayyo Filippos. W-ken You7anna 3am bi2ello: "ma bi7e2ellak tekhod mart khayyak." W-kenit Hirodiyya ne2me 3le badda te2etlo w-ma 3am te2dar, li2anno Hirodos ken ye7termo w-ye7mih li2anno ken 3erif enno rejjel sale7 w-2eddis. W-ken y7ebb yesma3lo, ma3 enno ken me7tar bi-2amro ktir. W-eja el-yawm el-mounesib la-Hirodiyya lamma 3eml Hirodos bi-zekra 3id miledo walime lal-noubala taba3o wel-debbat w-woujaha el-Jaleel. W-fetit benet Hirodiyya w-ra2aset, w-3ajabeto la-Hirodos w-lal-ma3zoumin. 2al el-malik lal-benet: "tlobe yalle baddik yeh w-ba3tike." W-7alafla yameen w-2al: "ba3tike kell shi btetolbih, w-law ken noss mamlakte!" Tol3it el-benet w-sa2alet emma: "shou betlob?" Jewabeta: "ras You7anna el-ma3maden!" Rakadet la-3and el-malik w-2aletlo: "badde halla2 ta3tine 3a-taba2 ras You7anna el-ma3maden!" Ze3l el-malik ktir, bass kermel el-7elfen yalle 7alafo eddem el-ma3zoumin, ma ken baddo yerfodla talaba. Ba3at jende w-2amaro yjeeb ras You7anna. Ra7 w-2ata3 raso bel-7abs, w-jebo 3a-taba2 w-sallamo lal-benet w-7emleto la-emma. W-wossil el-khabar la-3and tlemiz You7anna, ejo w-akhado jesmo w-7attouh bi-2abr. Jtama3o el-rousl ma3 YASOU3, w-khabbarouh kell yalle 3emlouh w-3allamouh. W-ken fi ktir nes 3am yejo la-3andon, w-ma keno yeterkoulon el-wa2et ta-yeklo, 2allon YASOU3: "ta3o ento bass, 3a-matra7 b3id ta-terte7o shwey." Ra7o bel-shakhtoura wa7don 3a-matra7 b3id 3an el-3alam. Shefouwon el-nes ray7in, w-3erfo ktar minnon la-wayn ray7in, w-rakado min kell el-medon mashe 3ala ejreyon w-saba2ouwon la-honik. W-lamma nezl YASOU3 min el-shakhtoura shef nes ktir, shef2 3leyon, li2annon keno metl el-ghanam yalle bala ra3i, w-sar y3allemon eshya ktire. W-mara2 el-wa2et, w-2arrabo minno tlemizo w-2aloulo: "t2akhar el-wa2et, w-ne7na b3ad 3an el-day3a, 2oul lal-nes yrou7o yeshtero la-elon 2akl." Jewabon YASOU3: "3touwon ento shi yeklouh." 2aloulo: "baddak minna nrou7 w-neshtere khebz bi-miteyn dinar w-nta3tiyon ta-yeklo?" 2allon YASOU3: "kam rghif 3endkon? Rou7o shoufo." Lamma 3erfo addesyh 3endon, 2aloulouh: "khams tereghfe w-samakten." 2amaron enno y2a3do el-nes fwej fwej 3al-7ashish el-akhdar. 2a3ado bi-shakl majmou3at, majmou3a miyye w-majmou3a khamseen. W-akhad YASOU3 el-khams tereghfe w-samakten w-rafa3 3youno sawb el-sama w-berak w-kasar el-khebz w-3ata tlemizo, wel-tlemiz 3ato el-nes, w-2asam el-samakten 3leyon kellon. Akalo kellon 7atta sheb3o. W-jama3o tna3shar sallé melyene min el-khebz wel-samak yalle faddal. W-keno yalle akalo shi khams-talef rejjel. W-2amar YASOU3 tlemizo enno yetla3o 3al-shakhtoura w-yesba2ouh 3ala Beyt-Sayda, 3al-shatt el-tene, 7atta yfallel el-nes. W-lamma fallo ra7 3al-jabal la-ysalle. W-lamma sar 3ashiye, kenit el-shakhtoura bi-noss el-ba7r, w-YASOU3 wa7do 3al-barr. W-shef YASOU3 enno tlemizo 3am yet3azzabo bel-te2deef, li2anno el-ree7 kenit bi-3akson. Eja la-3andon abl ma yetla3 el-daw meshe 3al-ba7r, w-ken ra7 yousal la-3andon. W-lamma shefouh meshe 3al-ba7r fakkarouh shaba7 fa-sarakho, li2annon khafo ktir. 7ekehon deghre, w-2al: "wsa2o. Ana houe, ma tkhafo." W-toli3 la-3andon 3al-shakhtoura, w-hedyet el-3asfe. W-t3ajjabo ktir, li2anno ma fehmo shi min 3ajibet el-khams tereghfe, kenit 2loubon msakkara. W-woslo 3a-ard Jennisarat w-rabato el-shakhtoura honik 3al-shatt. W-shi enno nezlo, 3erfouh el-nes la-YASOU3. W-meshyo bi-haydik el-manta2a kella w-saro ye7emlo el-marda 3ala farsheton la-matra7 ma bya3erfo enno YASOU3 mawjoud. W-ken wayn ma fet, bel-diya3 aw bel-moudon aw bel-mazeri3, y7otto el-marda bel-se7at w-yetolbo minno enno yelmso walaw taraf tawbo. W-kell yalle yelmsouh yenshafo. W-jtama3o el-ferrisiyyin w-mou3allimi el-shari3a el-jeyeen min Ourashalim. W-shefo kamm wa7ad min tlemizo 3am yeklo bidoun ma yghasslo 2ideyon, fa-3tarado. Li2anno el-ferrisiyyin wel-Yahoud 3adatan metmasskeen bi-ta2aleed el-2edama, w-ma byeklo ella min ba3d ma yghasslo 2idayon mni7. W-eza rej3o min el-sou2 ma byeklo shi ella eza ghassalo. W-fi eshya ktir wertouwa w-bya3emlo fiya, metl ghassil el-keset wel-jrar w-aweyil el-n7as. Sa2alo el-ferrisiyyin w-mou3allimi el-shari3a YASOU3: "leysh tlemizak 3am bikhelfo ta2leed el-2edama, w-ma bighasslo 2ideyon abl el-2akl?" Jewabon: "ya mnef2een! Ashe3ya ken ma3o 7a2 lamma tnabba 3ankon w-2al: hal-sha3b bikarremne bi-shfefo, bass 2albo b3id 3anne. 3ibedeton ele batle, li2anno ta3alimon sheghl el-bashar. Ento btehemlo wassiyet ALLAH w-btetmassako bi-ta2aleed el-nes." W-2allon: "ma ashtarkon bi-moukhelafet wassaya ALLAH kermel t7afzo 3ala ta2aleedkon! 2al Moussa: karrem bayyak w-emmak, w-yalle la3an bayyo aw emmo bimout. Bass ento bit2oulo: eza ken 7ada baddo ya3te ahlo w-yse3edon, w-ra7 2allon: el-mouse3ade yalle natrina minne ana 2addamta la-ALLAH, byen3afa min mouse3adet bayyo aw emmo. Ento 3am telgho kalem ALLAH bi-ta2aleed min 3endkon btouratouwa w-ba3d fi eshya ktir tenye metl hayde 3am ta3mlouwa." Jama3 YASOU3 el-nes w-2allon: "sma3oule kellkon w-fhamo: Ma fi shi byekhdo el-2ensen min barra moumkin ynajjso. Bass yalle byetla3 min el-2ensen houe yalle binajjis el-2ensen. [Yalle 3endo dinen byesma3o, khallih yesma3!"]. Lamma tarak el-nes w-reje3 3al-beyt, sa2alouh tlemizo 3an el-matal, 2allon: "hek ento kamen ma 3am tefhamo? Ma bta3erfo enno yalle byekhdo el-2ensen min barra ma binajjso, li2anno ma bifout 3ala 2albo, 3al-batn, w-ba3den byedhar min el-jesm" w-bi-hal-7ake hayda YASOU3 bye3lon enno kell el-2akl na2e. W-2allon: "yalle byedhar min el-2ensen houe yalle binajjso, li2anno min jouwwa, min 2loub el-nes, btotla3 el-afkar el-sherreera: el-fe7sh wel-ser2a wel-2atl wel-zena wel-tama3 wel-khebth wel-ghish wel-foujour wel-7asad wel-namime wel-kebriya wel-jahl. Hal-eshya el-3atle kella btotla3 min jouwwet el-2ensen w-bitnajjso." W-fall YASOU3 min honik w-ra7 3a-dawa7e Sour. W-fet 3ala honik beyt, w-ken ma baddo 7ada ya3rif fih, bass ma edr enno yekhfe 7alo. W-shi enno sem3it fih mara ken bi-benta fi rou7 sharr, 7atta rakadet la-3ando w-kabbit 7ala 3end ejrey, w-talabet minno ytalle3 el-shaytan min benta. W-kenit el-mara mish Yahoudiye, w-min 2asl Soure Fini2e. Jewaba YASOU3: "khalle el-wled yeshba3o awwal shi, li2anno ma bijouz nekhod khebz el-wled w-nzetto lal-kleb." 2alet el-mara: "ya Rab, bass el-kleb byeklo ta7t el-meyde min ftafit el-wled!" 2alla: "rou7e, kermel yalle 2eltih halla2 dahar el-shaytan min bentik." Rej3it el-mara 3ala beyta, w-le2et benta bel-farshe, wel-shaytan dahar minna. W-tarak YASOU3 dawa7e Sour, w-eja sawb ba7r el-Jaleel 3an tari2 Sayda, w-mara2 bi-ard el-moudon el-3ashra. W-jeboulo atrash lseno ma3'2oud w-trajjouh enno y7ot 2ido 3le. Akhado YASOU3 b3id 3an el-nes, w-7att asabi3o bi-dinen el-rejjel w-baza2 w-lamas lseno. W-rafa3 3youno sawb el-sama w-tnahhad w-2al lal-rejjel: "effata, ye3ne nfeti7!" W-deghre nfata7it dinen el-rejjel w-n7allit 3e2dit lseno, w-sar ye7ke tabi3e. W-wassahon YASOU3 enno ma ykhabro 7ada. W-ken kell ma wassahon kell ma ykhabro 3anno aktar. W-keno y2oulo met3ajjbin: "ma arwa3 yalle 3am ya3mlo! Khalla el-tersh yesma3o wel-khers ye7ko." Bi-haydik el-iyem tjamma3 nes ktir, w-ma ken ma3on shi ta-yeklouh. Ba3at YASOU3 wara tlemizo w-2allon: "Beshfa2 3ala hal-nes li2anno sarlon tlet tiyem ma3e, w-ma ma3on 2akl. W-eza ba3atton saymin 3ala byouton, ma ra7 ykoun 3endon 2ouwwe ta-ykaffo el-tari2, w-fi minnon jeyin min b3id." Jewabouh tlemizo: "keef badna nta3me kell hal-nes khebz hon bel-barriye?" Sa2alon: "kam rghif 3endkon?" 2alo: "sab3a." 2amar YASOU3 el-nes enno ye2e3do 3al-ard, w-akhad el-sab3 tereghfe, shakar w-sha2af el-khebz w-3ata tlemizo, wel-tlemiz 3ato el-nes. W-ken fi ma3 el-tlemiz kamm samke zghar, beraka YASOU3 w-talab min tlemizo enno kamen ywazz3ouha. Akalo el-nes 7atta sheb3o, w-jama3o sab3 slel melyene min el-khebz yalle faddal. W-keno el-nes shi arba3-talef. W-ba3at YASOU3 el-nes 3a-byouta. W-rekb el-shakhtoura ma3 tlemizo w-eja 3ala dawa7e Dalmanoutha. 2arrabo la-3ando kamm wa7ad min el-ferrisiyyin w-saro ysher3ouh w-yetolbo minno shi 3ajibe min el-sama, ta-yjarbouh, tnahhad YASOU3 min samim 2albo w-2al: "shou 2ossit hal-jeel 3am yetlob 3aleme? B2elkon el-7a2i2a: ma ra7 yen3atalo 3aleme!" W-tarakon w-reje3 bel-shakhtoura 3al-shatt el-tene. W-nesyo el-tlemiz enno yjeebo ma3on khebz, w-ma ken ma3on bel-shakhtoura ella rghif wa7ad. Wassahon YASOU3 w-2al: "ntebho min khameeret el-ferrisiyyin w-khameeret Hirodos!" Sa2alo 7alon: "awlkon 3am bi2oul hek li2anno ma ma3na khebz?." 3eref YASOU3 w-2allon: "leysh 3am bitfakro enno 2eltelkon hal-shi li2anno ma ma3kon khebz? Ba3d ma fhemto? La-hal-daraje n3amit 2loubkon? Aw 3endkon 3youn w-ma 3am te2sha3o, dinen w-ma 3am tesma3o? Ma btetzakkaro lamma sha2afit el-khams tereghfe lal-khams-talef shakhs, kam sallé melyene min el-kasr jama3to? 2alo: "tna3shar 2effe!" 2al: "wa2et yalle kasaret el-sab3 tereghfe lal-arba3 talef shakhs, kam sallé melyene be2e? 2alo: "sab3 slel!" 2allon: "ba3d ma fhemto?" W-woslo 3ala Beyt-Sayda, w-jebo la-3ando a3ma w-trajjouh enno yelemso. Akhad bi-2id el-a3ma w-talla3o la-barrat el-day3a, w-honik baza2 bi-3youno, w-7att 2idey 3le w-sa2alo: "3am te2sha3 shi?" Etalla3 w-2al: "2eshi3 el-nes w-sheyefon ka2annon ashjar 3am temshe." 7att YASOU3 2idey marra tenye 3ala 3youn el-rejjel, fa-2eshi3 mni7 w-nshafa w-sar ye2sha3 kell shi wade7. Ba3ato 3a-beyto w-2allo: "ma tfout 3al-day3a." W-meshe YASOU3 w-tlemizo 3ala diya3 kaysariyyet Filippos, w-bel-tari2 sa2al tlemizo: "meen ana bennesbe lal-nes?" Jewabouh: "You7anna el-ma3maden, w-fi nes bi2oulo: Eliyya, w-minnon bi2oulo: wa7ad min el-anbiya." Sa2alon: "w-meen ana bennesbe elkon ento?" Jewab Boutros: "enta el-MASI7!" W-2amaron enno ma ykhabro 7ada. W-ballash YASOU3 y3allemon enno 2eben el-ensen lezim yet2allam ktir, w-ra7 yerefdouh el-shyoukh w-rou2asa el-kahane w-mou3allimi el-shari3a, w-ye2tlouh, w-telit yawm ra7 y2oum. W-ken y2oul hal-kalem eddem el-kell. Se3eta akhado Boutros 3a-janab w-sar y3atbo. Ltafat w-shef tlemizo, w-sakkat Boutros w-2allo: "fell min wejje ya shaytan, li2anno afkarak hiye afkar el-bashar, mish afkar ALLAH." W-ba3at YASOU3 wara el-nes w-tlemizo w-2allon: "yalle baddo yel7a2ne, baddo yenkor nafso w-ye7mol salibo w-yel7a2ne. Li2anno yalle baddo ykhallis nafso ra7 yekhsara, w-yalle ra7 yekhsar 7ayeto kermele ana w-kermel el-injil, ra7 ykhallisa. Shou byestafeed el-2ensen eza reb7 el-3alam kello w-khesr nafso? Aw shou ra7 ya3te el-2ensen badal 3an nafso? Li2anno yalle byeste7e fiye w-bi-kaleme bi-hayda el-jeel el-kheyin el-sherreer, byeste7e fih 2eben el-2ensen lamma ra7 yeje bi-majd bayyo ma3 el-maleyke el-2eddissin." W-2allon: "b2elkon el-7a2i2a: bayn el-mawjoudin hon fi meen ma ra7 ydou2 el-mawt, 7atta yshouf malakout ALLAH jeye bi-majdo el-3azeem." Ba3d sett tiyyem akhad YASOU3 Boutros w-Ya3koub w-You7anna, w-toli3 fiyon la-wa7don 3a-jabal 3ale, w-tjalla eddemon. W-saret tyebo telma3 bi-bayad ma bye2dar 7ada 3al-ard ya3mil metla. W-zaharlon Eliyya w-Moussa, w-keno 3am ye7ko ma3 YASOU3. 2al Boutros la-YASOU3: "ya mou3allim, shou 7elo nkoun hon. Khallina na3mil hon tlet khiyam: we7de elak, w-we7de la-Moussa, w-we7de la-Eliyya." W-ken mish 3arif shou 3am ye7ke min ketrit el-khawf yalle saytar 3le houe w-ref2ato. W-ejet ghayme w-ghatteton, w-2al sawt min el-ghayme: "hayda houe 2ebne el-7abib, sma3oulo!" W-ettala3o faj2a 7awlon, w-ma shefo ma3on ella YASOU3 wa7do. W-henne w-nezlin min el-jabal, wassahon YASOU3 enno ma ykhabro 7ada bi-yalle shefouh, ella lamma bi2oum 2eben el-2ensen min el-mawt. 7efzo el-wassiye, bass saro yes2alo 7alon: "shou ye3ne el-2iyeme min el-mawt?" Min ba3da sa2alouh: "leysh bi2oulo mou3allimi el-shari3a: lezim yeje Eliyya awwal shi?" Jewabon: "mazbout, byeje Eliyya awwal shi w-bisalle7 kell shi. Wa-ella keef bi2oul el-kteb enno 2eben el-2ensen ra7 yet2allam ktir w-yerfdouh el-nes? Bass b7ebb 2elkon: Eliyya eja, w-3emlo fih yalle baddon yeh, metl ma nzakar 3anno bel-kteb." W-lamma rej3o la-3and el-tlemiz, shefo nes ktir 7awlon w-kamm wa7ad min mou3allimi el-shari3a 3am bisher3ouwon. Lamma shefouh el-nes tfeja2o w-rakado sawbo ta-ysallmo 3le. Sa2alon: "3ala shou 3am tetshera3o?" Jewabo rejjel min el-nes: "ya mou3allim, jebtellak 2ebne, li2anno fiyo rou7 sharr bikhallih ysir akhras, byetla'2at fih w-bisir ykebbo 3al-ard, w-bisir yerghe w-ykezz 3a-sneno w-yetyabbas. W-jebto la-3and tlemizak, w-ma edro yeshfouh." Jewabon: "ya hal-jeel yalle ma bi2ãmen, la-aymata ra7 eb2a ma3kon? W-la-aymata ra7 et7ammalkon? Jeebo el-sabe la-hon!" Jebouh. Lamma shefo rou7 el-sharr, kabb el-sabe 3al-ard w-sar yetmarmagh w-yerghe. Sa2al YASOU3 bayy el-sabe: "aymata ballash ysir ma3o hal-shi?" 2al: "min houe w-zghir. W-ktir aw2at ken yermih rou7 el-sharr bel-nar aw bel-may ta-ye2etlo. Eza kent edir ta3mil shi shfa2 3leyna w-se3edna." 2allo YASOU3: "eza kent enta bit2ãmen, li2anno kell shi moumkin la-yalle bi2ãmen." Sarakh el-bayy deghre: "bi2ãmen! Se3edne 7atta yzeed imene." W-shef YASOU3 enno el-nes 3am yetjamma3o, haddad rou7 el-sharr w-2allo: "ya hal-rou7 el-atrash wel-akhras! Ana be2emrak, dhar min hal-sabe w-ma ba2a terja3!" Sarakh el-rou7 w-hazzo lal-sabe hazze 2awiye w-toli3 minno. W-sar el-sabe metl el-mayyit, 7atta 2alo ktar min el-nes enno met. Masako YASOU3 bi-2ido w-wa2afo w-2am el-sabe. W-lamma fet 3al-beyt, sa2alouh el-tlemiz baynon w-bayno: "leysh ma 2derna ne7na nesh7at rou7 el-sharr?" Jewabon: "hayda el-naw3 ma byensha7at ella bel-sala." Tol3o min honik w-mara2o bel-Jaleel. W-ken YASOU3 ma baddo ya3rif fih 7adan, li2anno ken y3allim tlemizo, w-y2ellon: "ra7 yetsallam 2eben el-2ensen la-2iden el-nes, ra7 ye2etlouh w-min ba3d ma ymout, telit yawm ra7 y2oum." W-ma fehmo hal-kalem, w-khafo ennon yes2alouh. Woslo 3ala Kfarna7oum. W-lamma feto 3al-beyt sa2alon: "shou kento 3am tetjedalo 3al-tari2?" Sakato, li2annon keno 3am yetjedalo 3al-tari2 meen houe el-a3zam bayneton. 2a3ad w-akhad el-tlemiz el-tna3sh w-2allon: "yalle baddo ykoun awwal el-nes, khallih ykoun ekheron kellon w-khadim elon kamen." W-akhad tofl, w-7atto bel-noss w-ghamaro w-2allon: "Yalle bye2bal wa7ad min hal-atfal bi-esme bikoun 2ebelne, w-yalle bye2balne ma bikoun 2ebelne ana, bikoun 2ebl yalle ba3atne." 2allo You7anna: "ya mou3allim, shefna rejjel 3am yesh7at el-shyateen bi-esmak fa-mana3neh, li2anno ma byenteme elna." 2allo YASOU3: "ma temna3ouh! Ma fi 7ada bya3mil mou3jize bi-esme w-byerja3 bye7ke 3anne bel-3atel. Yalle ma bikoun doddna bikoun ma3na. Yalle bya3tikon kebbeyet may bi-esme li2annkon lal-MASI7, b2elkon el-7a2i2a, moukafe2to ma bitrou7 di3an." W-2al YASOU3: "yalle biwa2e3 wa7ad min hal-zghar, yalle 2ãmano fiye, bel-khatiyye, a7sanlo enno y3al2oulo bi-ra2ebto 7ajar el-ta7oun w-yzettouh bel-ba7r. W-eza wa2a3etak 2idak bel-khatiyye 2ta3a, li2anno a7sanlak enno tfout 3al-7ayet el-abadiyye bi-2id we7de min enno ykoun 3endak 2idten w-ejerten w-trou7 3a-jhannam, 3al-nar yalle ma btontofe, [ma7al ma el-doud ma-bimout wel-nar ma btontofe]. W-eza wa2a3etak ejrak bel-khatiyye 2ta3a, li2anno a7sanlak enno tfout 3al-7ayet el-abadiyye bi-ejer we7de min enno ykoun 3endak ejerten w-trou7 3a-jhannam, [ma7al ma el-doud ma-bimout wel-nar ma btontofe]. W-eza wa2a3etak 3aynak bel-khatiyye 2la3a, li2anno a7sanlak enno tfout 3a-malakout ALLAH bi-3ayn we7de min enno ykoun 3endak 3aynten w-trou7 3a-jhannam, ma7al ma el-doud ma-bimout wel-nar ma btontefe. Li2anno kell wa7ad ra7 yetmalla7 bel-nar. El-mel7 shi tayyib bass eza sar bala ta3me, shou yalle ba3d bimall7o? Khalle ykoun fikon mel7. W-ykoun fih baynetkon salem." 2am YASOU3 min honik w-eja 3al-Yahoudiye 7add el-Ordon, w-ejo la-3ando el-nes w-sar y3allimon metl el-3ade. 2arrabo minno kamm wa7ad min el-ferrisiyyin w-sa2alouh la-ye7erjouh: "masmou7 lal-rejjel enno ytalle2 marto?" Jewabon: "shou wassakon Moussa?" 2alo: "sama7 Moussa lal-rejjel enno ya3te marto kteb el-tala2 w-se3eta bitalle2a." 2allon YASOU3: "bi-sabab 2asewet 2loubkon katabelkon Moussa hal-wassiye. Li2anno min bideyet el-khali2a ALLAH 3emelon mara w-rejjel. Kermel hek byetrok el-rejjel bayyo w-emmo w-byette7id bi-marto, w-bisiro el-tnen jesm wa7ad. W-ma bi3oudo tnen, bisiro jesm wa7ad. Yalle byejma3o ALLAH ma bifar2o 2ensen." W-lamma feto 3al-beyt, sa2alouh el-tlemiz 3an hal-shi, 2allon: "yalle bitalle2 marto w-byetzawwaj ghayra byezne, w-eza talla2et mara zawja w-tzawwajet ghayro bitkoun zenyet." Jeboulo atfal 7atta y7ott 2idey 3leyon, bass el-tlemiz ba3adouwon. W-shef YASOU3 hal-shi fa-ghodib w-2allon: "khallo el-atfal yejo la-3ande w-ma temna3ouwon, li2anno la-yalle metlon malakout ALLAH. B2elkon el-7a2i2a: yalle ma bye2bal malakout ALLAH metl el-tofl, ma ra7 yfout 3le." W-ghamaron w-7att 2idey 3leyon w-berakon. W-toli3 YASOU3 3al-tari2, rakad sawbo rejjel w-raka3 eddemo w-sa2alo: "ya hal-mou3allim el-sale7, shou ba3mil ta-le2e el-7ayet el-abadiyye?" 2allo YASOU3: "leysh 3am tsammine sale7? Ma 7ada sale7 ella ALLAH wa7do. Enta bta3rif el-wassaya: ma te2tol, ma tezne, ma tesro2, ma tesh'had bel-zour, ma tezlom, karrem bayyak w-emmak." Jewabo el-rejjel: "ya mou3allim, min ana w-zghir 3am a3mil bi-hal-wassaya kella." Ettalla3 fih YASOU3 bi-ma7abbe w-2allo: "enta bi-7aje la-shaghle we7de: rou7 bi3 kell shi btemelko w-3tyon lal-fou2ara, bisir 3endak kanz bel-sama, w-ta3a l7a2ne." Ze3l el-rejjel la-hal-kalem w-fall 7azeen li2anno ken 3endo amlek ktire. Ettalla3 YASOU3 7awlo w-2al la-tlemizo: "shou sa3be fawtit el-aghniya 3a-malakout ALLAH!." Staghrabo el-tlemiz min kalemo, w-reje3 2allon lal-marra el-tenye: "ya wlede, shou sa3be el-fawte 3a-malakout ALLAH. Ahwan 3al-jamal enno yfout bi-kherm el-2ebre min enno yfout el-ghane 3a-malakout el-sama." W-zed esteghrabon w-sa2alo 7alon: "eza hek, min bye2dar yle2e el-khalãs?" Ettalla3 YASOU3 fiyon w-2al: "hal-shi mish moumkin 3end el-nes, bas 3end ALLAH kell shi moumkin." 2allo Boutros: "ne7na tarakna kell shi w-l7e2nek." Jewabo YASOU3: "b2elkon el-7a2i2a: Kell meen byetrok byout, aw ekhwe aw khayyet, aw bayy, aw emm, aw wled, aw 72oul, kermele w-kermel el-injil, ra7 yekhod 2addon miyyet marra, bi-hal dene, byout w-ekhwe w-khayyet w-emmet w-wled w-72oul, ma3 el-edtihadet, w-ra7 yourat el-7ayet el-abadiyye. Ktar min el-ouwal ra7 ysiro awekher, w-yalle henne awekher ra7 ysiro ouwal." w-keno 3al-tari2 tal3in 3ala Ourashalim w-YASOU3 eddemon. W-keno el-tlemiz me7tarin, w-yalle le7'2ino keno khayfin. W-jtama3 bi-tlemizo el-tna3sh la-wa7don w-sar ye7kihon bi-yalle ra7 yisir ma3o, w-2al: "halla2 ne7na tal3in 3ala Ourashalim, w-ra7 yetsallam 2eben el-2ensen la-rou2asa el-kahane w-mou3allimi el-shari3a, w-ra7 ye7ekmo 3le bel-mawt w-ra7 ysalmouh la-7ekkem ghouraba, w-yetmaskharo 3le, w-yebez2o bi-wejjo w-yejeldouh w-ye2etlouh, w-telit yawm ra7 y2oum." 2arrab sawbo Ya3koub w-You7anna, wled Zabada, w-2aloulo: "ya mou3allim, badna tlabbilna talabna." 2allon: "shou badkon a3mellkon?" Jewabouh: "3tina enno ne2'3od, wa7ad 3an yameenak w-wa7ad 3an shmelak bi-majdak." 2allon YASOU3: "ento ma bta3erfo shou 3am tetolbo: bte2daro teshrabo el-kes yalle ra7 eshrabo, aw tet3ammado el-ma3moudiyye yalle ra7 et3ammada?" Jewabou: "mne2dar." 2allon: "mazbout, el-kes yalle ra7 eshraba ra7 teshrabouha, wel-ma3moudiyye yalle ra7 et3ammada ento kamen ra7 tet3ammadouha. Bass ennkon te2e3do 3ala yameene aw 3ala shmele, hal-shi mish ana yalle ba3tih, li2anno hal-matra7 houe la-yalle m7addaro elon bayye." W-sem3o el-tlemiz el-3ashra hal-kalem, w-ghodbo 3ala Ya3koub w-You7anna. Se3eta jama3on YASOU3 w-2allon: "bta3erfo enno el-rou2asa 7ekmeen el-oumam, w-enno el-3ouzama metsalltin 3leyon. Bass ento ma tkhallo hal-shi ykoun baynetkon. Yalle baddo ykoun 3azeem, ykoun khadimkon. W-yalle baddo ysir el-awwal fikon, ykoun 3abd 3endkon. Li2anno 2eben el-2ensen ma eja 7atta yenkhadam, eja ta-yekhdom w-yefde bi-7ayeto nes ktar." Woslo 3ala Ari7a. W-houe w-felil min Ari7a, w-ma3o tlemizo w-nes ktir, ken Bartimawos, ye3ne 2eben Timawos, w-houe she7ad a3ma, 2e3id 3ala 7affit el-tari2. W-lamma sem3 bi-enno yalle meri2 min honik houe YASOU3 el-Nassire, sar yesrokh: "ya YASOU3 2eben Daoud, r7amne!" Saro el-nes ysakktouh, bass houe sar y3alle sawto aktar: "ya 2eben Daoud, r7amne!" We2f YASOU3 w-2al: "nedouh!" nedo el-a3ma w-2aloulo: "tshajja3 w-2oum! 3am binedik!" Shel 3anno 3abeyto w-2am w-eja la-3and YASOU3. 2allo YASOU3: "shou baddak a3mellak?" 2al: "ya mou3allim, badde e2sha3!" 2allo YASOU3: "Rou7! Imenak shafek." W-eshi3 deghre w-le7i2 YASOU3 bel-tari2. Lamma 2arrabo min Ourashalim woslo 3ala beyt Faji w-Beyt-3anya, 3end jabal el-zeytoun, ba3at YASOU3 tnen min tlemizo w-2allon: "rou7o 3al-day3a yalle bi-wejjkon, bitle2o ja7sh marbout ba3d ma rekb 3le 7ada, fekkouh w-jiboule yeh. W-eza sa2alkon 7ada: leysh 3am ta3emlo hek, 2oulo: el-mou3allim 3ayzo, w-ra7 yreddo bi-ser3a." Ra7o el-telmizen w-le2o ja7sh marbout eddem el-beb 3al-tari2, fakkouh. Sa2alouwon el-ba3d min yalle keno honik: "Leysh 3am bitfekko el-ja7sh?" 2aloulon metl ma wassahon YASOU3, fa-tarakouwon. Jebo el-telmizen el-ja7sh la-3and YASOU3, 7atto 3a-dahro mashale7on, w-toli3 YASOU3 2a3ad 3le. W-farasho nes ktar tyebon 3al-tari2, w-minnon 2ata3o ghsoun el-shajar. W-kenit el-nes el-meshye eddemo w-yalle le7'2ouh 3am bihayyso w-y2oulo: "el-majd la-ALLAH! Yetberak el-jeye bi-esm el-RAB! Tetberak el-mamlake el-jeye, mamlaket bayyna Daoud. El-majd bel-a3ali!" W-fet YASOU3 3a-Ourashalim w-3al-haykal, w-re2ab kell shi jouwwa. W-ken mara2 el-wa2et, fa-toli3 3ala Beyt-3anya ma3 el-tlemiz el-tna3sh. W-lamma fallo tene yawm min Beyt-3anya 7ass YASOU3 bel-jou3. Shef min b3id shajret teen mwarr2a, 2asada barke bile2e fiya shi. W-lamma wossil, ma le2a 3leya gher el-wara2, li2anno mawsam el-teen ma ken eja ba3d. 2alla: "ma 7ada ra7 yekol minnek teen lal-abad." W-sem3o tlemizo yalle 2alo. W-ejo 3ala Ourashalim, w-fet 3al-haykal w-sar yesh7at el-biyye3in w-yalle 3am yeshtero fih. W-2alab tawlet el-serrafeh w-karase biyye3in el-7amem. W-mana3 kell wa7ad bye7mol bda3a enno yemro2 bel-haykal. W-sar y3allimon w-y2oul: "mish maktoub bel-kteb: enno beyte beyt sala la-kell el-nes, w-ento khallaytouh ysir mgharet lsous?" W-sem3o rou2asa el-kahane w-mou3allimi el-shari3a hal-kalem, w-tshewaro keef baddon ye2etlouh, w-keno khayfin minno li2anno el-sha3b kello ken mou3jab bi-ta3alimo. W-lamma sar 3ashiye tel3o min el-madine. Wel-sob7 henne w-rej3in, shefo shajret el-teen yebse min jouzoura. W-tzakkar Boutros kalem YASOU3 w-2allo: "ettalla3, ya mou3allim! El-teene yalle la3anta yebsit." 2allon YASOU3: "2ãmno bi-ALLAH. B2elkon el-7a2i2a: yalle bi2oul la-hal-jabal, 2oum w-zett 7alak bel-ba7r, w-houe ma 3endo shakk bi-2albo, w-eza ken 3endo imen enno yalle bi2oulo ra7 ysir, hal-shi bisir. Kermel hek b2elkon: Kell shi btetolbouh bi-imen, ra7 tekhdouh. W-eza 2emto la-tsallo w-ken elkon shi 3ala 7ada, ghferoulo, 7atta yeghfor elkon bayykon yalle bel-sama. [W-eza kento ma 3am teghefro lal-nes, ma byeghfor elkon bayykon yalle bel-sama"]. W-rej3o 3ala Ourashalim. W-houe w-3am yetmasha bel-haykal, ejo la-3ando rou2asa el-kahane w-mou3allimi el-shari3a w-shyoukh el-sha3b. W-2aloulo: "bi-ayya soultan 3am ta3mil hal-eshya? W-meen 3atak hal-soultan?" Jewabon YASOU3: "w-ana bes2alkon sou2al wa7ad, eza jewabtoune 3le, b2elkon bi-ayya soultan ba3mil hal-shi: min wayn jeye soultet ma3moudiyyet You7anna? Min el-sama aw min el-nes?" 2alo bi-2albon: "eza 2elna min ALLAH, ra7 yjewebna: leysh ma 2ãmanto fih? W-eza 2elna min el-nes, menkhaf min el-sha3b, li2anno kellon bye3tebro You7anna nabe." Se3eta jewabo YASOU3: "ma mna3rif!" 2allon YASOU3: "w-ana ma-ra7 2elkon bi-ayya soultan ba3mil hal-a3mel." W-sar ye7kiyon bel-amtel, 2al: "zara3 rejjel karm, w-sayyajo w-7afar fih ma3sara w-3ammar berj w-sallamo la-kerramin w-sefar. W-lamma eja yawm el-2atf, ba3at kheddemo la-3andon ta-yekhod el-ghallé. Fa-kamashouh w-darabouh w-rajja3ouh bi-2iden fadyin. W-ba3at khadim tene, w-kamen rajamouh el-kerramin w-darabouh 3ala raso w-henouh w-rajja3ouh. W-ba3at ghayro, 2atalouh. W-min ba3da ba3at ghayron ktir, minnon darabouhon, w-minnon 2atalouhon. W-ma be2e 3end el-rejjel ella 2ebno el-7abib, ba3ato la-3andon ekher shi w-2al: ra7 ykhafo min 2ebne. Bass el-kerramin 2alo bayn ba3don: hayda houe yalle ra7 yourat! Ta3o ne2etlo w-nekhod el-werte! kamshouh w-2atalouh w-zattouh barrat el-karm. Shou bya3mil rabb el-karm? Byeje w-bye2tol el-kerramin w-bisallim el-karm la-ghayron. Ma 2rito hal-ãye: el-7ajar yalle rafadouh el-me3marjiyye sar ras el-zewye. Hayda yalle 3emlo el-RAB, shi 3ajeeb!" Ken baddon yekemshouh, li2annon fehmo enno 2asadon bi-kalemo. Bass khafo min el-nes, se3eta tarakouh w-fallo. W-ba3atoulo jame3a min el-ferrisiyyin wel-hirodosiyyin la-yel2atouh 3ala shi kelme: ejo w-2aloulo: "ya mou3allim, mna3rif ennak sade2, bit3allim tari2 ALLAH bel-7a2, w-ma 7ada bi2asser 3lek, li2anno ma bihemmak mazaher el-nes. Bi7e'2elna nedfa3 el-jezye la-2aysar aw la2? 3eref YASOU3 khabsaneton, 2allon: "leysh 3am bitjarrboune? 3toune dinar ta-shoufo." 3atouh dinar, w-2al: la-meen hal-soura w-hal-esm?" 2alo: "la-2aysar!" 2allon: "dfa3o la-2aysar yalle houe la-2aysar, w-la-ALLAH yalle houe la-ALLAH." Fa-t3ajjabo min yalle sem3ouh. Eja la-3ando kamm wa7ad min el-saddou2iyyin, w-henne yalle ma bi2ãmno bel-2iyeme, w-sa2alouh: "ya mou3allim, katabelna Moussa: eza met rejjel w-ma ken 3endo walad min marto, lezim khayyo yetzawwaja 7atta yjeeb minna wled 3a esm khayyo. Ken fi sab3 ekhwe: tzawwaj el-awwal mara, w-met bidoun wled. Tzawwaja el-tene, w-met kamen bidoun wled. W-nafs el-shi ma3 el-telit wel-be2yin, w-ma 7ada min el-sab3a jeb wled. Min ba3da metit el-mara. Zawjet meen bitkoun hal-mara bel-2iyeme? Li2anna kenit zawjet el-sab3a." Jewabon YASOU3: "ento gholtanin, li2annkon ma bta3erfo el-ketob el-m2addase w-2ouwwet ALLAH. Bel-2iyeme el-nes ma byetzawajo, bikouno metl maleyke bel-sama. W-bennesbe la-2iyemet el-mawta, ma 2rito shou katab Moussa lamma khabbar 3an el-3ellay2a, keef 7ekeh ALLAH w-2allo: ana Ileh Ibrahim, Is7ak, w-Ya3koub? W-ma ken ALLAH Ileh el-mawta, houe Ileh el-3ayshin. Ento gholtanin ktir!" W-ken wa7ad min mou3allimi el-shari3a honik. Seme3on 3am yetjedalo. W-shef enno YASOU3 3eref yredd 3ala el-saddou2iyyin, 2arrab minno w-sa2alo: "shou hiye ahamma wassiye?" Jewab YASOU3: "awwal wassiye hiye: sma3 ya Isra2il, el-RAB Ilehna houe el-RAB el-wa7eed. 7ebb el-RAB Ilehak min kell 2albak, w-min kell nafsak, w-min kell 3a2lak w-min kell 2ouwwtak. El-wassiye el-tenye: 7ebb 2aribak metl ma bit7ebb 7alak. W-ma fi wassiye a3zam min hal-wassiyten." 2allo mou3allim el-shari3a: "ma3ak ha2, ya mou3allim! ALLAH wa7eed w-ma fi 7ada ghayro, w-lezim n7ebbo min kell 2albna w-min kell 3a2lna w-min kell 2ouwwetna, w-n7ebb 2aribna metl ma mn7ebb 7alna, hawde afdal min kell shi fi zabeye7 w-2arabin." W-shef YASOU3 enno el-rejjel jewab bi-7ekme, 2allo: "enta mish b3id 3an malakout ALLAH." W-min ba3da ma starja 7ada yes2alo shi. W-houe w-3am bi3allim bel-haykal 2al: "keef bi2oulo mou3allimi el-shari3a enno el-MASI7 houe 2eben Daoud? W-Daoud nafso 2al bi-wa7e min el-ROU7 EL-2ODOS: 2al el-RAB la-Rabbe: 23od 3an yameene 7atta khalle a3de2ak ta7t ejrek? Eza ken Daoud bisamme el-MASI7 RAB, fa-keef bikoun el-MASI7 2ebno?" W-kenit el-nes kella 3am tesma3lo w-mabsouta. W-2allon bi-ta3limo: "ntebho min mou3allimi el-shari3a, bi7ebbo el-mashe bel-tyeb el-tawile wel-salemet bel-se7at w-enno ye2e3do eddem bel-majemi3 w-bi7ebbo karase el-sharaf bel-waleyem. Byeklo bi-byout el-araml, w-bya3mlo 7alon 3am bisallo ktir. Hal-ashkas ra7 yendeno el-deynoune el-2a2sa." Ken YASOU3 2e3id bel-haykal, eddem sandou2 el-tabarrou3at, ken 3am bishouf el-nes keef 3am bi7otto masare. W-7atto ktar min el-aghniya masare ktir. W-ejet mara armale fa2ira, 7attit bel-sandou2 felsen. Se3eta ba3at wara tlemizo w-2allon: "b2elkon el-7a2i2a: hal-armale el-fa2ira 7attit bel-sandou2 aktar min ma 7atto el-be2yin. Henne 7atto min yalle byefdal 3annon. Bass hiye, 7attit kell shi ma3a." W-lamma fall min el-haykal, 2allo wa7ad min tlemizo: "ya mou3allim, ettalla3 shou raw3a hal-7jara w-hal-3amar!" Jewabo YASOU3: "sheyfin hal-3amarat el-3azeeme? mish ra7 yentarak 7ajar 3ala 7ajar, kello ra7 yet'haddam." W-lamma ken bi-jabal el-zeytoun, eddem el-haykal, sa2alo Boutros w-Ya3koub w-You7anna w-Endrawos minnon elo: "khabberna aymata ra7 ysir hal-shi, w-shou hiye el-3aleme yalle bitdell enno hal-shi 2arrab ysir?" Jewabon YASOU3: "ou3a 7ada yekhda3kon. Ra7 yejo ktar min el-nes ta7t esme, w-ra7 y2oulo: ana houe el-masi7! W-ra7 yekhda3o ktar min el-nes. Ra7 tesma3o bel-7roub w-bi-akhbar el-7roub, ou3a tkhafo, Hal-shi la-bodd min enno ysir, bass mish hayde hiye el-niheye. Ra7 t2oum oumme 3ala oumme, w-mamlake 3ala mamlake, w-ra7 ysir fi maje3a w-zalezil bi-matare7 ktire, W-hayda kello bikoun awwal el-makhãd. Bass ento, ntebho. Ra7 ysalmoukon lal-ma7akem, w-yederboukon bel-majeme3, w-ra7 yekhdoukon lal-7ekkem wel-moulouk kermel tesh'hado 3endon, li2anno lezim abl hek ykoun tbashar bel-injil 3end kell el-shou3oub. W-lamma yekhdoukon w-ysallmoukon, ma tehtammo abl el-wa2et shou badkon te7ko, 2oulo shou byeje 3a-belkon bi wa2ta, li2anno el-ROU7 el-2ODOS houe ra7 ye7ke fikon mish ento. Ra7 ysallim el-khay khayyo lal-mawt, wel-bayy 2ebno, wel-wled ra7 y2oumo 3a-ahlon ye2etlouwon, w-ra7 yeboghdoukon kell el-nes kermel esme. W-yalle byethbat lal-akhir bile2e el-khalãs. "Eza shefto bashe3it el-kharab mawjoude matra7 yalle mish lezim tkoun, [w-yalle 3am yo2ra khallih yefham], yalle bikouno bel-Yahoudiye khallyon yeherbo 3al-jbel. W-yalle 3al-sat7, ma yenzal 3al-beyt ta-yekhod ghrado. W-yalle bel-7a2l, ma yerja3 ta-yekhod tyebo. W-ya weylkon hal-7abela w-yalle 3am biradd3o bi-haydik el-iyem. Sallo ta-ma ykoun wa2ta fi shete, bi-haydak el-wa2et ra7 tenzal msibe ma sar metla min bideyet el-3alam la-liom, w-ma ra7 ysir metla. Law ma ALLAH khalla haydik el-iyem 2asira, ma ken tkhallas 7ada. Bass kermel yalle na'2ehon khalla hal-iyem 2asira. W-eza 2alkon 7ada: el-MASI7 houe hon, aw honik! Ma tsad2ouh. Ra7 yeje mousa7a w-anbiya kezzebin, bya3emlo 3ajeyeb 3azeeme la-yekhda3o, eza edro, yalle ALLAH na'2ehon. Fa-ntebho ktir. Li2anno 3am khabberkon bi-kell shi abl ma ysir. "W-min ba3d msayeb hadik el-iyem, deghre ra7 t3attem el-shams w-ybattel el-2amar ydawwe. W-ra7 tou2a3 el-njoum min el-sama, w-ra7 tetza3za3 kawekib el-sama. W-ra7 yshoufo el-nes 2eben el-2ensen jeye 3ala ghyoum el-sama bel-majd wel-edra. W-ra7 yeb3at maleyekto, min matra7 ma bit'hebb el-ree7 bi-arba3 zaweya, 7atta yejma3o yalle na'2ehon, min ekher el-ard la-ekher el-sama. Khedo 3ebra min el-teene: eza lenit aghsana w-3etyet wra2, 3rafo enno el-sayf 2arib. W-kamen eza shefto kell hal-shi, 3rafo enno el-maji2 2arib, w-sar 3al-bweb. B2elkon el-7a2i2a: ma-ra7 yekhlas hal-jeel 7atta ykoun sar hayda kello. El-sama wel-ard bitzoul w-kaleme ma bizoul. "Hayda el-nhar w-hayde el-se3a ma 7ada ra7 ya3rif aymata ra7 ysiro, la maleyket el-sama wala el-2eben, wa7do el-Ãb bya3rif. Ntebho w-s'haro, li2annkon ma bta3erfo aymata byeje el-wa2et. W-hal-shi metl rejjel sefar w-tarak beyto w-sallamo la-kheddemo, kell wa7ad 3atah sheghlo, w-wassa el-bouwweb ydall sohran. S'haro, li2annkon ma bta3erfo ayya yawm byeje el-RAB, 3ashiye aw bi-noss el-leyl aw lamma ysi7 el-deek aw el-sob7, 7atta ma yeje faj2a w-yle2ikon neymin. W-yalle 2elto elkon b2oulo la-kell el-nes: s'haro!" W-abl el-fos7 w-3id el-fateer bi-yawmen, keno rou2asa el-kahane w-mou3allimi el-shari3a 3am bifakkro keef baddon yel2ato YASOU3 bi-shi ta-ye2etlouh. Bass 2alo: "ma ra7 na3mil hal-shi bel-3id, ta-ma ysir fi balbale bayn el-sha3b." W-lamma ken YASOU3 bi-Beyt-3anya, 3end Sem3an el-abras, 3am yekol, 2arrabit minno mara 7emle 2anninet 3otr ghale ktir, min el-nardin el-m2attar, kasaret el-2annine w-sakabit el-3otr 3a-raso. El-mawjoudin akhad 3a-khateron w-2alo bayn ba3don: "shou hal-ba3za2a? Ken fina nbi3o bi-aktar min tlet-miyyet dinar w-yetwazza3 7a'2o 3al-fou2ara!" W-saro yloumo el-mara. 2al YASOU3: "trekouwa, leysh 3am teze3jouwa? Hiye 3emlit shi mni7. El-fou2ara 3endkon kell el-wa2et, wa2et yalle badkon bte2daro tse3douwon. Bass ana ma ra7 koun kell el-wa2et ma3kon. W-hal-mara 3emlt yalle fiya ta3mlo, w-sakabit hal-3otr 3a-jesme, 7atta t7addro lal-dafn. B2elkon el-7a2i2a: wayn ma ra7 yetbashar bel-injil bel-3alam kello, ra7 yen7aka bi-yalle 3emleto, w-yetzakkarouha." Ra7 Yahouza el-eskharyoute, wa7ad min el-tlemiz el-tna3sh, la-3and rou2asa el-kahane la-ysallemon YASOU3. Fer7o la-kalemo, w-wa3adouh enno ya3touh masare. W-sar nater el-fersa la-ysallmo. Bi-awwal yawm min 3id el-fateer, wa2et yalle btendaba7 el-khwerif la-3asha el-fos7, sa2alouh el-tlemiz: "wayn baddak n7adderlak 3asha el-fos7?" Ba3at tnen min tlemizo w-2allon: "rou7o 3al-madine, ra7 tshoufo rejjel 7amel jarret may, l7a2ouh. W-lamma bifout 3al-beyt 2oulo la-sa7ib el-beyt: bi2oul el-mou3allim: wayn gherefte yalle ra7 ekol fiya 3asha el-fos7 ma3 tlemize? Ra7 yfarjikon bi-a3la el-beyt gherfe wes3a mafroushe mjahhaze, 7addro el-3asha honik." Ra7o el-telmizen w-feto 3al-madine, le2o metl ma-2allon w-7addaro 3asha el-fos7. Lamma sar 3ashiye, eja ma3 tlemizo el-tna3sh. W-henne w-2e3deen 3am yeklo, 2al YASOU3: "b2elkon el-7a2i2a: wa7ad minkon ra7 ysallimne, w-houe 3am yekol ma3e. Ze3lo el-tlemiz w-saro yes2alouh, wa7ad wara el-tene: "awlak ana?" 2allon: "houe wa7ad min el-tna3sh, w-houe yalle bighott le2emto bel-sa7n ma3e. W-2eben el-2ensen ra7 ymout metl ma nkatab 3anno bel-ketob el-m2addase, bass ya weylo yalle baddo ysallim 2eben el-2ensen! Ken a7sanlo enno ma yekhla2." Henne w-3am yeklo, akhad khebz w-shakar Allah w-sha2af el-khebz w-newalon w-2al: "khedo, hayda jesme ana." W-akhad kes w-shakar w-newalon, w-sherbo minna kellon, w-2allon: "Hayda damme ana, damm el-3ahd el-jdid yalle ra7 yet2addam kermel nes ktar. B2elkon el-7a2i2a: ma ra7 eshrab min ba3d liom min 3asir el-karme, 7atta yeje yawm w-eshrab nbeed jdid bi-malakout ALLAH." Min ba3da rattalo w-tol3o 3a-jabal el-Zeytoun. 2allon YASOU3: "ra7 teterkoune kellkon, li2anno el-kteb bi2oul: ra7 edrob el-ra3i, w-btetshattat el-khwerif. Bass min ba3d 2iyemte ra7 esba2kon 3al-Jaleel." 2allo Boutros: "law tarakouk kellon, ana ma ra7 eterkak." Jewabo YASOU3: "b2ellak el-7a2i2a, ya Boutros: liom, bi-hal-leyle, abl ma ysi7 el-deek marteyn, ra7 tenkerne tlet marrat." Asarr Boutros 3ala 2awlo: "ma benkrak 7atta law njabaret mout ma3ak!" w-hek 2alo kamen el-tlemiz kellon. Ejo 3ala matra7 esmo Jetsemani, w-2al YASOU3 la-tlemizo: "23ado hon, 7atta ana salle." Akhad ma3o Boutros w-Ya3koub w-You7anna, w-ballash y7ess bel-7ezn w-yenhamm. 2allon: "nafse 7azine la-7add el-mawt. Ntero hon w-s'haro ma3e." W-ba3ad 3annon shwey w-raka3 3al-ard w-sar ysalle 7atta teb3od 3anno hal-se3a, eza ken hal-shi moumkin. 2al: "bayye, ya bayye! Enta edir 3ala kell shi, b3od 3anne hal-kes. Bass mish metl ma ana badde, metl ma baddak enta." W-reje3 w-le2ehon neymin, 2al la-Boutros: "enta neyim ya Boutros? Ma edrt ennak tes'har ma3e walaw se3a we7de? S'haro w-sallo, 7atta ma tou2a3o bel-tajribe. El-rou7 mist3edde, bass el-jesm d3if." W-ba3ad marra tenye w-salla, w-raddad el-kalem zeto. W-reje3 kamen la-3andon w-le2ehon neymin, li2anno te2lo 3younon min el-na3as w-7taro shou baddon yjewbouh. W-reje3 lal-marra el-telte w-2allon: "ento ba3dkon neymin w-merte7in? Bikaffe! Ejet el-se3a enno yetsallam 2eben el-2ensen la-2iden el-khatyeen. 2oumo nfell! Yalle baddo ysallimne wossil." Houe w-YASOU3 3am ye7ke wossil Yahouza, yalle houe wa7ad min tlemizo el-tna3sh, 3a-ras 3isabe kbire bte7mol el-syouf wel-3ese, ba3atouha rou2asa el-kahane w-mou3allimi el-shari3a wel-shyoukh. W-ken yalle baddo ysallmo 3atiyon 3aleme, 2allon: "yalle badde bouso bikoun hayda houe, kmeshouh w-khedouh bi-7irase 2awiye." W-lamma wossil Yahouza, 2arrab deghre sawb YASOU3 w-2allo: "ya mou3allim!" W-beso. W-hajamo 3le w-kamashouh. W-sa7ab wa7ad min el-mawjoudin seyfo, w-darab khadim ra2is el-kahane w-2ata3lo daynto. 2allon YASOU3: "tekhmin jeyin tekemshoulkon shi 7arame ta-hejmeen 3leyye bel-syouf w-bel-3ese? Kent kell yawm e23od ma3kon bel-haykal w-3allim, w-ma kamashtoune, bass kell hal-shi sar ta-tet7a'2a2 el-ketob el-m2addase." W-tarakouh kellon w-harabo. W-le7'2o shabb mish lebis ghayr 3abeye 3ala jesmo, w-kamashouh kamen. Fa-tarak 3abeyto w-harab bel-zolt. Akhado YASOU3 la-3and ra2is el-kahane, w-jtama3o rou2asa el-kahane wel-shyoukh w-mou3allimi el-shari3a kellon. W-le72o Boutros min b3id 3ala dar ra2is el-kahane, fet w-2a3ad ma3 el-7aras 3am yetdaffa 7add el-nar. W-keno rou2asa el-kahane w-kell a3da2 el-majles 3am yetolbo shahede 3ala YASOU3 la-ye2etlouh w-ma 3am bile2o, li2anno nes ktar shehdo 3le bel-zour w-tna2adit shahedeton. 2amo nes ghayron w-shehdo 3le bel-zour, w-2alo: "Ne7na sme3neh 3am bi2oul: ra7 habbit hayda el-haykal el-ma3moul min 2iden el-nes, w-ra7 3ammir bi-tlet tiyem haykal ghayro mish ma3moul min 2iden el-nes." W-bi-hal-shi tna2adit shahedeton. 2am ra2is el-kahane bi-noss el-majles w-sa2al YASOU3: "ma baddak tjewib bi-shi? Shou hayda li-3am bi2oulouh 3annak?" W-dall YASOU3 sekit, ma 3am bi2oul kelme. W-sa2alo ra2is el-kahane marra tenye: "2elna, enta el-MASI7 2eben ALLAH el-moubarak?" Jewabo YASOU3: "ana houe. W-ra7 tshoufo min ba3d liom 2eben el-2ensen 2e3id 3an yameen ALLAH el-2adeer w-jeye 3ala ghyoum el-sama." S3eta khazza2 ra2is el-kahane tyebo w-2al: "ma 3edna bi-7aje la-shouhoud? Sme3to tejdeefo, shou ra2eykon?" 7akamo 3le kellon enno byest7e2 el-mawt. W-fi minnon baza2o bi-wejjo, w-saro yghattoulo wejjo w-yederbouh w-y2ouloulo: "7zar." W-saro el-7erras yederbouh. Ken Boutros, ta7t, bi-se7it el-dar, ejet khãdme min kheddem ra2is el-kahane. Lamma shefit Boutros 3am yetdaffa, ettalla3et fih w-2aletlo: "enta kamen kent ma3 YASOU3 el-Nassire!" Nakar Boutros w-2al: "ma ba3rif w-ma 3am befham shou 3am bit2oule!" w-toli3 3ala el-dahliz, shwey sa7 el-deek. Shefeto el-khãdme, w-saret t2oul lal-mawjoudin: "hayda wa7ad minnon!" W-kamen nakar Boutros. W-ba3d shwey, 2alo el-mawjoudin la-Boutros: "akid enta wa7ad minnon, li2annak min el-Jaleel." Sar yel3an w-ye7lof: "ana ma ba3rif hal-rejjel yalle 3am te7ko 3anno." W-deghre sa7 el-deek marra tenye, w-tzakkar Boutros lamma 2al YASOU3: "abl ma ysi7 el-deek marteyn, ra7 tenkerne tlet marrat." W-sar yebke. W-lamma toli3 el-daw, tshewaro rou2asa el-kahane wel-shyoukh w-mou3allimi el-shari3a w-kell a3da2 el-majles, min ba3da kalbajo YASOU3 w-akhadouh w-sallamouh la-Bilatos. Sa2alo Bilatos: "enta malik el-Yahoud?" jewabo: "enta 2elt." W-ettahamouh rou2asa el-kahane ettihemet ktire. W-sa2alo Bilatos marra tenye: "ma ra7 tjeweb bi-shi? Sma3 addeysh 3am biwajhoulak teham!." Ma jewab YASOU3 bi-shi, w-t3ajjab Bilatos. W-ken Bilatos bi-kell 3id ye3fe 3an ma7bous, bina'2ih el-sha3b. W-ken fi rejjel esmo Barabas ma7bous ma3 jame3a min el-msheghbeen rtakabo jarimet 2atl bi-wa2et el-fetne. Tjamma3o el-nes w-saro ytalbo Bilatos bi-yalle wa3adon fih, 2allon: "badkon e3filkon 3an malik el-Yahoud?" Li2anno ken 3arif enno rou2asa el-kahane min 7asadon sallamo YASOU3. Bass rou2asa el-kahane tabba2o el-nes 3ala enno yetolbo enno Barabas yen3afa. 2allon Bilatos marra tenye: "w-shou ba3mil bi-yalle 3am bitsammouh malik el-Yahoud?" W-rej3o saro ysarrkho: "slebo!" 2allon: "shou 3eml shi mish mni7?" Saro ysarrkho aktar: "slebo!" W-ken Bilatos baddo yorde el-nes, kermel hek 3efelon 3an Barabas. W-min ba3d ma jalad YASOU3 sallamo ta-yensalab. Akhado el-3askar YASOU3 la-jouwwet el-dar yalle hiye 2asr el-7akem w-jama3o el-katibe kella. W-labbasouh a7mar, w-7addaro eklil min shawk w-7attouh 3a-raso, w-saro ysallmo 3le w-y2oulo: "Salem, ya malik el-Yahoud!" W-yederbouh bi-2asbe 3ala raso w-ybaz2o 3le, w-yesejdoulo 3a-rekbeton. W-min ba3d ma tmaskharo 3le, shelo 3anno el-tawb el-a7mar w-labbasouh tyebo w-talla3ouh la-yesolbouh. W-sakharo Sem3an el-Kayrine, bayy Eskandar w-Roufos, la-ye7mol salib YASOU3, w-ken 3al-tari2 reji3 min el-7a2l. W-jebo YASOU3 lal-matra7 yalle esmo el-Jouljoutha, ye3ne "el-joumjoume", w-3atouh nbeed makhlout bel-morr, rafad enno yeshraba. Min ba3da salabouh w-2assamo tyebo bayneton bel-2or3a. W-kenit el-se3a tes3a el-sob7 wa2et salabouh. W-3anwano el-7ekm 3le ketbin: "malik el-Yahoud." W-salabo ma3o lossen, wa7ad 3an yameeno w-wa7ad 3an shmelo. [W tamm yalle n2al bel-kteb: "n3add ma3 el-mejrmeen"]. W-keno el-mer2in min honik 3am bihezzo bi-rason w-ysebbouh w-y2oulo: "Ya hal-hedim el-haykal w-m3ammro bi-tlet tiyyem, khallis 7alak w-nzal 3an el-salib." W-keno rou2asa el-kahane w-mou3allimi el-shari3a 3am yetmaskharo kamen, w-saro y2oulo la-ba3don: "Khallas ghayro, w-ma bye2dar ykhallis 7alo! Khallih yenzal halla2 el-MASI7 malik Isra2il 3an el-salib, 7atta nshouf w-n2ãmin fih!" w-keno el-lossen el-masloubin ma3o 3am yetmaskharo 3le kamen. W-3al-dohr 3attamit el-dene kella lal-se3a tlete. Sarakh YASOU3 bi-sawt 3ale: "Ilou2i, Ilou2i, lima shabaqtani?" Ye3ne "ILAHI, ILAHI, leysh taraketne?" W-sem3ouh yalle keno honik, 2alo: "haye2to 3am yendah Eliyya!" W-rakad wa7ad w-akhad sfenje w-ghattasa bel-khall w-7atta 3a-taraf 2asbe w-rafa3lo yeha ta-yeshrab, houe w-3am bi2oul: "tanshouf eza ra7 yeje Eliyya ta-ykhallso!" W-sarakh YASOU3 sarkha 2awiye w-sallam rou7o. W-nkhaza2 7ijeb el-haykal sha2ften min fo2 la-ta7t. W-ken ra2is el-7aras we2if eddem el-salib, w-lamma shef keef sallam rou7o, 2al: "Mbala, hal-rejjel ken 7a2i2atan 2eben ALLAH!" W-ken fi honik neswen 3am yettalla3o min b3id, bayneton Maryam el-Majdaliyye w-Maryam emm Ya3koub el-zghir w-Youssi, w-Saloma, w-henne yalle le72o YASOU3 w-khadamouh wa2et ken bel-Jaleel, w-ghayron ktar tel3o ma3o 3ala Ourashalim. W-eja 3achiye, w-ken wa2et el-te7dir lal-sabt. W-eja Youssef el-Rami, w-ken min majles el-Yahoud el-mhemmin, w-min yalle natrin malakout ALLAH, tshajja3 w-fet la-3and Bilatos w-talab jesm YASOU3. T3ajjab Bilatos enno ykoun met. Ba3at ra2is el-7aras w-sa2alo: "min zamen met?" W-lamma sem3 el-khabar min ra2is el-7aras, sama7 la-Youssef yekhod jesm YASOU3. Shtara kafan, w-min ba3da nazzal el-jesm 3an el-salib w-kaffano w-7atto bi-2abr ma7four bel-sakhr, w-da7raj 7ajar 3ala beb el-2abr. W-shefit Maryam el-Majdaliyye w-Maryam emm Youssi wayn 7attouh. W-lamma kholis el-sabt, shtaret Maryam el-Majdaliyye, w-Maryam emm Ya3koub, w-Saloma, 7nout la-yejo y7annto jesm YASOU3. Yawm el-a7ad, el-sob7, 3a tlou3 el-daw, ejo 3al-2abr. W-keno 3am bi2oulo la-ba3don: "min ra7 yda7rejelna el-7ajar 3an beb el-2abr?" W-lamma ettalla3o le2o el-7ajar mda7raj, w-ken ktir kbir. Feto 3al-2abr, w-shefo shabb 2e3id 3al-yameen, lebis tawb abyad, fa-khafo. 2allon: "ma tkhafo! Ento badkon YASOU3 el-Nassire el-masloub. Manno hon, li2anno 2am. W-hayda matra7 ma 7attouh. Rou7o w-2oulo la-tlemizo w-la-Boutros: Ra7 yesba2kon 3al-Jaleel, w-honik bitshoufouh metl ma 2allkon." Tel3o min el-2abr herbenin min ketrit el-7ire wel-khawf. W-ma khabbaro 7ada shi li2annon keno khayfin. [Min ba3d ma 2am YASOU3 el-a7ad el-sob7, zahar awwal shi 3ala Maryam el-Majdaliyye yalle sha7at minna sab3 shyateen. Ra7et w-khabbarit tlemizo, yalle keno 3am yebko, wa2et yalle sem3o enno 3ayish w-enna shefeto ma sadda2ouwa. W-min ba3da zahar YASOU3 bi-shakl tene la-tnen min tlemizo henne w-3al-tari2 ray7in sawb el-reef. Rej3o khabbaro el-be2yin, w-ma sadda2ouwon. W-zahar ekher marra la-tlemizo el-7da3sh, henne w-3am yeklo, se3eta lemon 3ala 2ellit imenon w-2asewet 2loubon, li2annon ma sadda2o el-ashkhas yalle shefouh min ba3d ma 2am. W-2allon: "rou7o 3al-3alam, w-bashro bel-injil la-kell el-nes. Yalle bi2ãmen w-byet3ammad ra7 yle2e el-khalãs, w-yalle ma bi2ãmen bitrou7 3le. W-yalle bi2ãmno ra7 ykoun 3endon 3alemet: byesh7ato el-shyateen bi-esme, w-bye7ko bi-loughat jdide, w-byel2ato bi-2ideyon el-7ayyet. W-eza sherbo el-samm ma bimouto, w-bi7otto 2ideyon 3al-marda w-byeshfouwon." W-min ba3d ma 7eke el-RAB YASOU3 tlemizo, toli3 3al-sama w-2a3ad 3an yameen ALLAH. Wel-tlemiz, ra7o ta-ybashro wayn ma ken, wel-RAB ken 3am bise3edon w-ythabbet kalemon bel-3ajeyeb]. Li2anno ktar min el-nes saro yeketbo 2ossit el-a7des yalle saret 3enna, metl ma na2alna yeha yalle keno min el-bideye shouhoud 3ayen w-kheddem lal-kelme, sheft ana kamen, min ba3d ma le7a2et kell shi min awwalo w-da2a2et fih, enno ekteblak henne wara ba3d, ya sa7ib el-sharaf Tawfilos, 7atta tet2akkad min 7a2i2et el-ta3lim yalle sme3to. Ken 3ala iyem Hirodos malik el-Yahoudiye kehen min fer2et Abiyya esmo Zakariyya, 3endo zawje min sleelet Haroun esma Elisabat. W-keno Zakariyya w-Elisabat sal7in eddem ALLAH, 3ayshin 7asab a7kemo w-wassayah, bidoun lawm. W-ma ken 3endon walad, li2anno Elisabat kenit ma tjeeb wled, w-kenit hiye w-Zakariyya kbar bel-3omr. W-lamma Zakariyya ken 3am bimeres khedmto el-kahnoutiye eddem ALLAH, wel-dawr dawr fere2to, wa2a3et el-2or3a 3le, 7asab el-3ade bel-kahnout, enno yfout 3a-2ods a2des haykal el-RAB w-ye7ro2 el-bakhour. W-ken el-sha3b 3am bisalle barra lamma ken 3am ye7ro2 el-bakhour. Zaharlo malèk el-RAB w-we2f 3ala yameen mazba7 el-bakhour. W-lamma shefo Zakariyya edtarab w-khaf. 2allo el-malèk: "ma tkhaf ya Zakariyya, li2anno ALLAH sem3 salatak w-ra7 twallid martak Elisabat 2eben w-bitsammih You7anna. W-ra7 tefra7 fih w-t'hallel, w-byefra7 bi-miledo ktar min el-nes, li2anno bikoun 3azeem 3end el-RAB, ma ra7 yeshrab nbeed wala mashroub bisakker, byentele min el-ROU7 el-2ODOS houe w-bi-batn emmo, w-ra7 yredd ktar min wled Isra2il lal-RAB Ilehon, w-ra7 yemshe eddem ALLAH bi-rou7 Eliyya w-2ouwwto, la-ysale7 el-bayyet ma3 wledon wel-metmarrdin yreddon la-7ekmet el-abrar, w-y7addir lal-RAB sha3b ykoun mist3edd." 2al Zakariyya lal-malèk: "keef ra7 ysir hal-shi w-ana sheykh kbir w-marte kbire bel-3omr?" Jewabo el-malek: "Ana Gebra2il el-we2if eddem ALLAH, w-houe ba3atne ta-e7kik w-e7mellak hal-boushra" bass li2annak ma 2ãmanet bi-kaleme, ra7 tsir akhras, w-ma ra7 te2dar te7ke la-yawm ma ysir hal-shi, w-kaleme ra7 ysir bi-wa2to." W-ken el-sha3b nater Zakariyya w-met3ajjab leysh t2akhar jouwwa. W-lamma dahar, ma ken 3am ye2dar ye7kiyon, w-fehmo enno shef rou2ya jouwwet el-haykal. W-ken 3am ye7ke bel-ishara, w-be2e akhras. W-lamma kholis min iyem khedemto reje3 3ala beyto. W-min ba3d medde 7eblet marto Elisabat, w-dallet khams tesh'hor mkhabbiyye 7abala. W-kenit t2oul: "Hayda yalle 3atane yeh el-RAB yawm ettalla3 fiyye ta-ysheel 3anne el-3ar min bayn el-nes." Lamma kenit Elisabat bi-shahra el-sedis, ba3at ALLAH el-malèk Gebra2il 3ala balde bel-Jaleel esma el-Nassira, la-3and 3adra esma Maryam, kenit makhtoube la-rejjel min beyt Daoud esmo Youssef. Fet la-3anda el-malèk w-2alla: "el-salem 3leyke, ente yalle an3am ALLAH 3leya. ALLAH ma3ik." Tlabbakit Maryam la-kalem el-malek w-2alet la-7ala: "shou ma3na hal-salem?" 2al el-malèk: "ma tkhafe ya Maryam, li2anno ALLAH an3am 3leyke: ra7 te7bale w-twalde 2eben w-tsammih YASOU3. W-ra7 ykoun 3azeem w-yetsamma 2eben ALLAH, w-ra7 ya3tih el-RAB el-Ileh 3arsh bayyo Daoud, w-byemlok 3ala beyt Ya3koub lal-abad, w-ma bikoun la-melko niheye!" 2alet Maryam lal-malèk: "keef baddo ysir hal-shi w-ana 3adra ma ba3rif rejjel?" Jewaba el-malèk: "el-ROU7 el-2ODOS bi7ell 3leyke, w-edrit ALLAH bteghemrik, kermel hek el-2ouddous yalle ra7 youlad minnik byetsamma 2eben ALLAH. Hayde 2arabtik Elisabat 7eblit 3a-kabar, w-3a7 tjeeb sabe, w-saret bi-shahra el-sedis, w-hiye yalle keno ysammouha el-nes 3aker. Ma fi shi mousta7il 3end ALLAH." 2alet Maryam: "Ana khãdmet el-RAB: nshalla ysirle metl ma 3am bit2oul." W-ra7 min 3enda el-malek. W-bi-haydik el-iyem, 2amet Maryam bi-ser3a w-ra7it 3ala madinet Yahouza bi-jbel el-Yahoudiye. W-fetit 3a-beyt Zakariyya w-sallamet 3ala Elisabat. Lamma sem3it Elisabat salem Maryam, t7arrak el-janin bi-batna, w-ntalet min el-ROU7 el-2ODOS, w-sarakhit bi-a3la sawta: "moubaraka ente bayn el-neswen w-moubarak 2ebnik yalle 7ameltih bi-batnik! Meen ana 7atta teje la-3ande emm RABBE? Shi enne sme3t sawt salemik 7atta t7arrak el-janin min el-fara7 bi-batne. Niyyelik, ente yalle 2ãmante enno yalle 2alo el-malèk min 2ebal el-RAB ra7 yet7a'2a2." 2alet Maryam: "nafse bit3azzim el-RAB w-rou7e btefra7 bi-ALLAH yalle khallasne li2anno ettalla3 fiyye, ana khadmeto el-metwad3a! Kell el-ajyel ra7 ettawwebne li2anno el-2adeer 3eml kermele eshya 3azeeme. W-esmo 2ouddous w-ra7emto min jeel la-jeel la-yalle bikhafouh. Bayyan kell ederto w-shattat el-mitkabreen bi-2loubon. Nazzal el-mitsalltin 3an 3roushon w-3alla el-metwad3in. Shabba3 el-jou3aneen min khayrato w-radd el-aghniya fadyin. Se3ad khadmo Isra2il w-tzakkar ra7emto, tijeh Ibrahim w-sleelto lal-abad, metl ma wa3ad bayyetna." W-be2yit Maryam 3end Elisabat shi tlet tesh'hor, w-ba3den rej3it 3ala beyta. W-eja el-wa2et yalle ra7 twalled fih Elisabat 2ebna. W-sem3o jirana w-2raybina enno ALLAH ghamara bi-ra7emto, fa-fer7o ma3a. W-lamma sar 3omr el-tofl tmen tiyyem, ejo la-yekhetnouh. W-ken baddon ysammouh Zakariyya 3a-esm bayyo, 2alet emmo: "la2, badna nsammih You7anna." 2aloula: "ma 7ada min 2raybinik esmo hek." W-sa2alo bayyo bel-ishara shou baddo ysamme el-tofl, talab law7 w-katab 3le: "esmo You7anna." T3ajjabo kellon. W-deghre nfata7 temmo w-ntala2 lseno w-sar ye7ke w-ymajjed ALLAH. W-khafo kell el-jiran. W-7ekyo el-nes bi-kell hal-eshya bi-jbel el-Yahoudiye kella. W-ken kell meen yesma3 fiya ye7faza bi-2albo w-y2oul: "shou ra7 yetla3 min hal-tofl?" li2anno 2id el-RAB kenit ma3o. W-ntala Zakariyya min el-ROU7 el-2ODOS, tnabba w-2al: yetberak el-RAB, Ileh Isra2il li2anno staf2ad sha3bo w-khallaso, w-3ayyanelna moukhallis 2adeer bi-beyt khadmo Daoud metl ma wa3ad min zamen 3a-lsen anbiye2o el-2eddissin enno ykhallisna min a3de2na, w-min 2iden kell yalle byekrahouna, w-bayyan ra7emto la-bayyetna w-tzakkar 3ahdo el-m2addas wel-7elfen yalle 7alafo la-Ibrahim bayyna bi-enno ykhallisna min a3de2na, 7atta ne3bado bidoun khawf, bi-2adese w-ta2wa kell iyem 7ayetna. W-enta, ya hal-tofl, bisammouk nabe ALLAH, li2annak ra7 temshe eddem wejj el-RAB ta-t7adderlo el-tari2 w-t3allim sha3bo enno el-khalãs houe bi-ghofran khatayahon. Li2anno Ilehna ra7oum 7anoun byestaf2edna houe w-3am yeshro2 3leyna min fo2 la-ydawwe lal-2e3deen bel-3atme w-bimashina 3a-tari2 el-salem." W-ken el-tofl 3am yekbar w-rou7o te2wa. W-sakan bel-barriye la-yawm yalle a3lan 7alo la-Isra2il. W-bi haydik el-iyem 2amar el-2aysar Aughostos bi-i7sa2 kell sekken el-Embratoriyye. W-hal-i7sa2 el-awwal sar lamma ken Kirinyos 7akem bi-Souriya. W-ra7 kell wa7ad 3ala madinto la-yetsajjal fiya. Ra7 Youssef min el-Jaleel min madinet el-Nassira 3al-Yahoudiye 3ala Beyt-La7m madinet Daoud, li2anno ken min beyt Daoud w-sleelto, la-yetsajjal ma3 Maryam khatibto, w-kenit 7eble. Henne w-bi-Beyt-La7m, eja wa2ta ta-twalled, fa-waladet 2ebna el-bekr w-2ammateto w-nayyameto bel-ma3laf, li2anno ma le2yo matra7 ynemo fih. W-ken bi-haydik el-manta2a re3yen neymin bel-barriye, 3am yetnewabo el-sahar bel-leyl 3ala r3iyyeton. Zaharlon malèk el-RAB, w-sha3sha3 majd el-RAB 7awlon w-khafo ktir. 2allon el-malèk: "ma tkhafo! Ana 3am basherkon bi-fara7 3azeem ra7 y3emm el-sha3b kello: woulidelkon liom bi-madinet Daoud moukhallis houe el-MASI7 el-RAB. W-khedo hal-3aleme: betle2o tofl m2ammat neyim bi-ma3laf." W-faj2a ndamm lal-malèk joumhour min 3askar el-sama, 3am bisabb7o ALLAH w-y2oulo: "el-majd la-ALLAH bel-sama, wel-salem 3al-ard, bayn el-nes yalle ALLAH rade 3leyon." W-lamma fallo el-maleyke min 3endon lal-sama, 2alo el-re3yen la-ba3don: "ta3o nrou7 3ala Beyt-La7m ta-nshouf hal-7adath yalle khabbarna 3anno el-RAB." W-ejo bi-ser3a, w-le2o Maryam w-Youssef, wel-tofl neyim bel-ma3laf. W-lamma shefouh khabbaro el-nes shou 2allon el-malèk 3an el-tofl, w-kell yalle sem3o bi-hal-shi ndahasho min yalle 2aloulon yeh el-re3yen. W-kenit Maryam 3am t7ott kell hal-eshya bi-2alba w-tfakker fiyon. W-rej3o el-re3yen w-henne 3am bimajjdo ALLAH w-ysabb7ouh 3ala kell shi sem3ouh w-shefouh metl ma khabbaron el-malèk. Lamma sar el-tofl 3omro tmen tiyem, eja el-waet ta-yenkhatan, sammouh YASOU3, metl ma sammeh el-malèk abl ma te7bal fih Maryam. W-lamma eja yawm tot'hiron bi-7asab shari3et Moussa, tel3o bel-tofl YASOU3 3ala Ourashalim ta-y2admouh la-ALLAH, metl ma maktoub bi-shari3et el-RAB: "kell bekr byefta7 ra7m byendrouh la-ALLAH", bi2addmo el-zabi7a yalle btefroda shari3et el-RAB: jawz yamem aw ferkhen 7amem. W-ken fi bi-Ourashalim rejjel sale7 w-ta2e esmo Sem3an, nater el-khalãs la-Isra2il, w-ken el-ROU7 nezil 3le. W-ken el-ROU7 el-2ODOS alhamo enno ma ra7 ymout abl ma yshouf MASI7 el-RAB. Eja 3al-haykal bi-elhem min el-rou7. W-lamma feto Youssef w-Maryam w-ma3on el-tofl YASOU3 ta-y2addmo yalle bteferdo el-shari3a, 7emlo Sem3an 3ala 2idey w-berak ALLAH w-2al: "ya RAB, halla2 7a'2a2et wa3dak ele, khalle khadmak yrou7 bi-salem. 3youne shefit el-khalãs yalle 7addarto lal-shou3oub kella nour ydawwe 3al-oumam w-majd la-sha3bak Isra2il." T3ajjabo bayyo w-emmo min yalle 2alo Sem3an 3anno. W-berakon Sem3an w-2al la-Maryam emmo: "hayda el-tofl eja ta-ysa'2et w-y3alle ktar min el-nes bi-Isra2il. W-houe 3aleme min ALLAH ra7 yekhtelfo 3leya, ra7 tenkeshif naweya el-2loub. W-7atta ente, ra7 yekhro2 bi-nafsik seyf." W-ken fi honik nabiyye kbire bel-3omr esma 7anne benet Fanou2il, min sobt Ãshir, w-3ashit ma3 zawja sab3 snin, min ba3da be2yet armale 7atta sar 3omra arb3a-w-tmeneen, ma tarakit el-haykal tsoum w-tsalle leyl nhar. Ejet bi-haydik el-se3a w-shakarit ALLAH w-7ekyet 3an el-tofl YASOU3 ma3 kell yalle keno natrin el-khalãs min ALLAH. W-lamma 3emlo Youssef w-Maryam kell yalle bteferdo 3leyon shari3et el-RAB, rej3o 3al-Jaleel, 3ala-madineton el-Nassira. W-ken el-tofl YASOU3 3am yekbar w-yet2awwa w-yentele bel-7ekme, w-kenit ne3met ALLAH 3le. W-keno ahlo la-YASOU3 yrou7o kell sene 3ala Ourashalim bi-3id el-fos7. W-lamma YASOU3 sar 3omro tna3sh, tel3o 3ala Ourashalim metl 3adeton bel-3id. W-min ba3d ma mara2et iyem el-3id akhado tari2 el-raj3a, be2e el-sabe YASOU3 bi-Ourashalim, w-ahlo mish 3arfin, keno mfakrino ma3 el-msefrin. W-min ba3d yawm mashe saro ynabsho 3le 3end el-2rayib wel-ma3aref, bass ma le2ouh. W-rej3o 3ala Ourashalim 7atta yfattsho 3le, w-le2ouh min ba3d tlet tiyem bel-haykal, 2e3id ma3 mou3allimi el-shari3a, 3am yetsamma3 3leyon w-yes2alon. W-keno kell yalle 3am yesma3ouh madhoushin min zakeh w-ajwebto. W-lamma shefouh ahlo t3ajjabo. W-2aletlo emmo: "ya 2ebne, leysh 3melt fina hek? Bayyak w-ana kenna 3am nfattesh 3lek w-net3azzab." Jewabon: "leysh 3am bitfattsho 3leyye? Mish 3arfin enno lezim koun bi-beyt bayye?" W-ma fehmo ma3na kalemo. W-reje3 YASOU3 ma3on 3ala el-Nassira, w-ken moutee3 elon. W-kenit emmo t7ott kell hal-shi bi-2alba. W-ken YASOU3 3am yekbar bel-2ame wel-7ekme wel-ne3me 3end ALLAH wel-nes. W bel-sene el-khams-ta3sh min 7ekm el-2aysar Tibarios, lamma ken Bilatos el-Bounti 7akem bel-Yahoudiye, w-Hirodos wele 3al-Jaleel, w-khayyo Filippos wele 3ala Etorya w-Trakhonitos, w-Lisanios wele 3ala Ebilinya, w-7annan w-kayafa rou2asa lal-kahane, kenit kelmet ALLAH la-You7anna 2eben Zakariyya bel-barriye, eja 3a-kell manate2 el-Ordon, 7atta ynede el-nes bi-ma3moudiyyet el-tawbe la-tenghafar khatayahon, metl ma katab el-nabe Ashe3ya: "sawt 3am yesrokh bel-barriye: 7addro tari2 el-RAB, w-khallo tor2ato jelse. Kell wede ra7 yenradam w-kell jabal w-talle ra7 youto wel-tor2at el-m3aw3aje bitsir jelse wel-wo3ra bitsir sahle w-bishouf kell 2ensen khalãs ALLAH!" W-ken You7anna y2oul lal-nes yalle ejo la-yet3ammado 3ala 2ido: "ya wled el-7ayyet, meen 3allamkon enno teherbo min el-ghadab el-jeye? 3tou thamar ybarhen 3ala tawbetkon, w-ma t2oulo la-7alkon: enno bayna houe Ibrahim! B7ebb 2elkon: enno ALLAH edir ya3mil min hal-7jara wled la-Ibrahim! Layko el-fa2s 3ala jouzou3 el-shajar, kell shajra ma bta3te thamar tayyib bten2ata3 w-btenrama bel-nar." W-sa2alouh el-nes: "shou mna3mil?" Jewabon: "yalle 3endo tawben, ya3te yalle ma 3endo tyeb. W-yalle ma3o 2akl, yet2asamo ma3 el-be2yin." W-eja kamm wa7ad min yalle bilemmo el-darayib, baddon yet3ammado, 2aloulo: "ya mou3allim, shou mna3mil?" 2allon: "ma tejma3o min el-darayib aktar min el-mafroud 3leykon." W-sa2alo kamm wa7ad min el-3askar: "w-ne7na, shou mna3mil?" 2allon: "ma tezolmo 7ada, w-ma teftero 3ala 7ada, w-2na3o bi-ejretkon." W-keno el-nes natrin el-MASI7, w-henne 3am yes2alo 7alon 3an You7anna: "awlkon hayda houe el-MASI7?" 2allon You7anna: "Ana b3ammedkon bel-may, bass yalle jeye halla2 houe a2wa minne, w-ma best7e2 fekk shrit sandalo. Bi3ammedkon bel-ROU7 el-2ODOS wel-nar, w-byekhod el-medraye bi-2ido, w-bina2e baydaro, w-byejma3 el-2am7 bi-makhzano, w-bye7ro2 el-tebn bi-nar ma btontofe." W-ken You7anna 3am you3az el-nes w-ybasheron bi-eshya ktire ghayra. Bass wabbakh el-7akem Hirodos li2anno tzawwaj Hirodiyya mart khayyo w-3eml ktir eshya 3atle, w-zed Hirodos 3ala kell hal-shi enno kamash You7anna w-7atto bel-7abs. W-lamma t3ammad el-sha3b kello, t3ammad YASOU3 kamen. W-lamma ken 3am bisalle nfata7et el-sama, w-nezl el ROU7 el-2ODOS 3le bi-shakl 7amemeh, w-nsama3 sawt min el-sama 3am bi2oul: "enta 2ebne el-7abib yalle rdeet 3anno." W-ken YASOU3 3omro shi tleteen sene lamma ballash riselto. W-keno el-nes ye7esbouh 2eben Youssef, 2eben 3ale, 2eben Mat'thath, 2eben Lawi, 2eben Malki, 2eben Yanna, 2eben Youssef, 2eben Matathia, 2eben 3amous, 2eben Na7oum, 2eben 7asli, 2eben Najjay, 2eben Maãt, 2eben Matathia, 2eben Sham3i, 2eben Youssef, 2eben Yahouza, 2eben You7anna, 2eben Risa, 2eben Zaroubabel, 2eben Sha2alta2il, 2eben Niri, 2eben Malki, 2eben Addi, 2eben Kousam, 2eben el-Moudam, 2eben 3ir, 2eben Yashou3, 2eben Ali3azar, 2eben Yourim, 2eben Mat'thath, 2eben Lawi, 2eben Sham3oun, 2eben Yahouza, 2eben Youssef, 2eben Younen, 2eben Aliyakim, 2eben Malya, 2eben Maynan, 2eben Mattatha, 2eben Nathan, 2eben Daoud, 2eben Yassa, 2eben 3oubid, 2eben Bou3az, 2eben Shale7, 2eben Na7shoun, 2eben 3amminadab, 2eben Admi, 2eben 3arni, 2eben 7asroun, 2eben Faris, 2eben Yahouza, 2eben Ya3koub, 2eben Is7ak, 2eben Ibrahim, 2eben Tare7, 2eben Na7our, 2eben Sarrouj, 2eben Ra3ou, 2eben Falaj, 2eben 3aber, 2eben Shale7, 2eben Kaynan, 2eben Arfakshad, 2eben Sam, 2eben Nou7, 2eben Lamik, 2eben Matoushale7, 2eben Akhnoukh, 2eben Yared, 2eben Mahlal2il, 2eben Kaynan, 2eben Anoush, 2eben Sheet, 2eben Ãdam, 2eben ALLAH. W-reje3 YASOU3 min nahr el-Ordon, w-houe melyen min el-ROU7 el-2ODOS, w-akhado el-ROU7 3al-barriye. Arb3een yawm, w-eblees ken 3am bijarbo, w-ma akal shi toul haydik el-iyem fa-je3. 2allo eblees: "eza kent 2eben ALLAH, 2oul la-hal-7jara enno tsir khebz. Jewabo YASOU3: "bi2oul el-kteb: ma bi3ish el-2ensen bass min el-khebz." W-talla3o eblees 3ala jabal 3ale w-farjeh bi-la7za kell mamelik el-ard, w-2allo: "ba3tik hal-soultan kello w-majd hal-mamelik li2annon ele w-ana ba3tiyon la-yalle badde yeh. Eza bterka3le bikouno kellon elak." Jewabo YASOU3: "bi2oul el-kteb: lal-RAB Ilehak btesjod, w-bte3bado elo wa7do." W-akhado eblees 3ala Ourashalim, w-wa2afo 3ala sherfit el-haykal w-2allo: "eza kent 2eben ALLAH, kebb 7alak min hon la-ta7t, li2anno el-kteb bi2oul: biwasse maleyekto fik la-ye7fazouk. Bye7emlouk 3ala 2ideyon 7atta ma-tedrob ejrak bi-7ajar." Bijewbo YASOU3: "bi2oulo: ma tjarrib el-RAB Ilehak." W-min ba3d ma stanfad eblees kell tajerbo, tarako la-wa2et tene. Reje3 YASOU3 3al-Jaleel, w-houe melyen bi-2ouwwet el-ROU7 el-2ODOS, w-sem3o fih bi-kell el-manta2a. W-ken y3allim bi-majeme3on, wel-kell ymajjdo. W-eja YASOU3 3al-Nassira matra7 ma-trabba, w-fet 3al-majma3 yawm el-sabt metl 3adto, w-2am la-yo2ra. 3atouh kteb el-nabe Ashe3ya, w-lamma fata7 el-kteb shef el-ma2ta3 yalle maktoub fih: "ROU7 el-RAB 3leyye li2anno masa7ne ta-basher el-fou2ara, ba3atne ta-nede bel-7orriyye lal-ma7bousin, w-khalle el-3emyen yerja3o ye2sha3o, ta-7arrer el-mazloumin w-e3lon el-wa2et yalle fih bye2bal el-RAB sha3bo." W-sakkar YASOU3 el-kteb w-rajja3o la-khadim el-majma3 w-2a3ad. W-kenit 3youn el-mawjoudin kella 3le. 2allon: "liom t7a'2a2et hal-kelmet yalle sme3touwon." Shahadoulo kellon, w-t3ajjabo min kalem el-ne3me yalle 3am yetla3o min temmo, w-2alo: "mish hayda 2eben Youssef?" 2allon YASOU3: "ra7 t2ouloule hal-matal: ya tabib shfi 7alak, w-3mol hon bi-watanak yalle sme3na ennak 3melto bi-Kfarna7oum." W-2allon: "b2elkon el-7a2i2a: ma byen2abal nabe bi-watano. W-b2elkon 3an 7a2: ken fi bi-Isra2il araml ktir 3a-iyem Eliyya, lamma twa2af el-shete tlet snin w-sitt tesh'hor, w-sar fi maje3a 2awiye bel-bled kella, w-ma ba3at ALLAH Eliyya la-3and wala we7de minnon, bass ba3ato la-3and armale bi-Serfet Sayda. W-ken fi bi-Isra2il ktir bors 3a-iyem el-nabe Alisha3, w-ma shafa ALLAH wala 7ada minnon ella Ne3man el-Soure." W-lamma sem3o el-mawjoudin bel-majma3 hal-kalem ghodbo ktir. 2amo, w-talla3ouh la-barrat el-madine, w-akhadouh 3ala 7affit el-jabal yalle kenit madineton m3ammara 3le ta-ykebbouh minna. Bass houe sa7ab 7alo min bayneton w-ra7. W-nezl YASOU3 3ala Kfarna7oum, w-hiye madine bel-Jaleel, w-sar y3allim el-nes yawm el-sabt. W-t3ajjabo kellon min ta3limo, li2anno ken 3am ye7ke bi-soultan. W-bel-majma3 ken fi rejjel fiyo rou7 shaytan, sarakh bi-a3la sawto: "shou elak 3leyye, ya-YASOU3 el-Nassire? Jeet ta-tmawwetna? Ana ba3rif enta meen: enta 2ouddous ALLAH!" Haddado YASOU3, w-2al: "khras w-dhar min hal-rejjel!" Kabb el-shaytan el-rejjel bi-noss el-majma3 w-dahar minno, bidoun ma ye2zih. Staghrabo kellon, w-2alo la-ba3don: shou hal-7ake? Bye2mor arwe7 el-sharr bi-soultan w-edra w-byedharo." W-ntashar sito bi-haydik el-manta2a kella. Min ba3da tarak YASOU3 el-majma3 w-fet 3a-beyt Sem3an. W-kenit 7amet Boutros ma7moume ktir, fa-khabbarouh 3anna. 2arrab YASOU3 minna, w-haddad el-7emme fa-taraketa, w-2amet deghre w-saret tekhdemon. W-lamma ghabit el-shams, ejo el-nes w-jeboulo el-marda, min kell el-anwe3, 7att 2idey 3ala kell wa7ad minnon w-shafehon. W-daharet el-shyateen min ktir min el-marda hiye w-3am teshrokh: "enta 2eben ALLAH!" w-ken YASOU3 3am yhaddedon w-yemna3on ye7ko, li2anno 3erfo enno houe el-MASI7. W-toli3 YASOU3 el-sob7, w-ra7 3ala matra7 b3id. W-fattasho 3anno el-nes, w-lamma le2ouh tmassako fih la-7atta ma yfell min 3endon. 2allon: "lezim basher be2e el-moudon bi-malakout ALLAH, li2anno jeet kermel hal-shi." W-ra7 ybasher bi-majeme3 el-Yahoudiye. Ken YASOU3 3ala shatt bou7ayrit Jennisarat, tjmma3o el-nes 7awlo la-yesma3o kelmet ALLAH. W-shef shakhtourten resyin 3al-shatt, tel3o minnon el-siyyade la-yghaslo el-shbek. W-toli3 3ala wa7ad minnon, w-ken la-Sem3an, w-talab minno enno yba3ed shwey 3an el-yebse. W-2a3ad YASOU3 bel-shakhtoura w-sar y3allim el-nes. W-lamma khallas 7ake, 2al la-Sem3an: "rou7o 3al-ghami2 w-kebbo el-shbek lal-sayd." Jewabo Sem3an: "t3ebna kell el-leyl, ya mou3allim, w-ma tsayyadna shi. Bass ra7 kebb el-shbek ma zel enta talabit." W-3emlo hal-shi w-min ketrit el-samak yalle talla3ouh, shbekon kenit ra7 tetkhazza2. Nedo el-shouraka taba3on bel-shakhtoura el-tenye ta-yejo w-yse3douwon. Ejo w-mallo el-shakhtourten w-3a shwey keno ra7 yeghra2o. W-lamma shef Sem3an yalle sar raka3 eddem ejren YASOU3 w-2al: "bay3ed 3anne, ya Rab! Ana rejjel khate." W-ken madhoush houe w-rfe2o kellon la-ketrit el-samak yalle stadouh. W-metlon Ya3koub w-You7anna, wled Zabada w-henne shouraka Sem3an. 2al YASOU3 la-Sem3an: "ma tkhaf! Ra7 tkoun min liom w-rayi7 siyyad bashar." W-lamma rej3o bel-shakhtourten 3al-yebse, tarako kell shi w-le7'2o YASOU3. W-ken bi-madine min el-moudon, eja rejjel kello baras, lamma shef YASOU3 raka3 eddemo, wejjo bel-ard w-trajjeh, 2allo: "ya Rab, enta edir teshfine eza baddak!" Madd YASOU3 2ido w-lamaso w-2allo: "eh, ana badde teshfa, shfa!" w-deghre sa7 min el-baras. Wassah YASOU3 enno ma ykhabbir 7ada, w-2allo: "rou7 la-3and el-kehen w-farjih 7alak, w-rja3 2addem el-2erben yalle farado Moussa, ta-ykoun shahede elon." W-akhbar YASOU3 ntasharit wayn ma ken, w-eja la-3ando nes ktir ta-yesma3ouh w-tenshafa amradon. W-houe ken yense7ib 3al-barriye ta-ysalle. Yawm min el-iyem ken YASOU3 3am bi3allim, w-min bayn el-mawjoudin ken fi min el-ferrisiyyin w-mou3allimi el-shari3a ejo min kell diya3 el-Jaleel wel-Yahoudiye w-min Ourashalim. W-kenet 2ouwwet el-RAB teshfe el-marda 3ala 2ido. W-ejo nes 7amleen mkarsa7 3a-ma7mal, w-jarrabo yfawtouh la-y7ottouh eddemo. W-lamma ma edro yfawtouh la-ketrit el-3aj2a, tol3o fih 3al-sat7 w-nabasho el-sa2f w-dandalo el-ma7mal 3al-noss eddem YASOU3. W-lamma shef YASOU3 imenon, 2al lal-mkarsa7: "ya hal-rejjel, khatayak nghafaro." Saro mou3allimi el-shari3a wel-ferrisiyyin y2oulo bi-2albon: "meen hayda yalle 3am bijaddef? Meen bye2dar yeghfor el-khataya ghayr ALLAH wa7do?" 3eref YASOU3 afkaron, jewabon: "shou hal-afkar yalle bi-2loubkon? Shou el-ahouan? N2oul khatayak nghafaro, aw n2oul: "2oum, 7mol ma7malak w-mshi? Ra7 farjikon enno 2eben el-2ensen 3endo soultan 3al-ard ta-yeghfor el-khataya." W-2al lal-mkarsa7: "b7ebb 2ellak: 2oum w-7mol ma7malak w-rou7 3a-beytak!" 2am el-rejjel w-dehgre 7eml ma7malo w-fall eddem kell el-mawjoudin w-ra7 3ala beyto houe w-3am yeshkor ALLAH. W-t3ajjabo kellon w-majjado ALLAH. W-saytar el-khawf 3leyon, w-2alo: "liom shefna 3ajeyeb!" W-toli3 YASOU3 min ba3da, w-shef wa7ad bilemm darayib esmo Lawi, 2e3id bi-beyt el-darayib, 2allo YASOU3: "l7a2ne!" 2am w-tarak kell shi w-le7'2o. W-3emello Lawi walime kbire bi-beyto, w-ktar min lammimet el-darayib w-nes ghayron keno mawjoudin kamen. 2alo el-ferrisiyyin w-mou3allimi el-shari3a la-tlemizo henne w-3am ysher3o: "leysh 3am teklo w-teshrabo ma3 lammimet el-darayib wel-khatyeen?" Jewab YASOU3: "yalle so7oton mni7a mish bi-7aje la-7akeem, el-7akeem houe lal marda. Ma jeet kermel el-abrar, ana jeet kermel el-khatyeen." 2aloulo: "tlemiz You7anna bisoumo w-bisallo ktir, w-kamen tlemiz el-ferrisiyyin, bass tlemizak byeklo w-byeshrabo!" Jewabon YASOU3: "Bye2daro ahl el-3arees ysoumo, wel-3arees ma3on? Bass byeje wa2et birou7 fih el-3arees min bayneton w-se3eta bisoumo." W-2allon hal-matal: "Ma 7ada byekhzo2 tawb 3ati2 w-bira2e3 fiya tawb jdid, 7atta ma yetkhazza2 el-tawb el-jdid wel-re2'3a yalle shela minno tekhod 3al-tawb el-3ati2. Ma 7ada bi7ott nbeed jdid bi-wa3a min jeld 3ati2, wa-ella ra7 yenkhez2o, se3eta el-nbeed byou2a3 3al-ard wel-wa3a bisir lal-kabb. El-nbeed el-jdid bi7ottouh bi-wa3a jdid, w-ma fi 7ada byeshrab nbeed m3atta2 w-min ba3da byetlob nbeed jdid, li2anno ra7 y2oul: "el-nbeed el-m3atta2 tayyib!" Mara2 YASOU3 bel-7ou2oul nhar el-sabt, w-saro tlemizo saro ye2otfo sanebel w-yeklo. 2aloulon el-ferrisiyyin: "leysh 3am ta3mlo yalle mish masmou7 yawm el-sabt?" Jewabon YASOU3: "ma 2rito shou 3eml Daoud lamma je3, houe w-yalle keno ma3o? Keef fet 3ala beyt Allah, w-keef akal, houe w-yalle ma3o, khebz el-ta2dime, ma3 enno 2aklo mish masmou7 ella lal-kahane." W-2allon YASOU3: "2eben el-2ensen houe Rab el-sabt." W-bi-yawm sabt tene, fet YASOU3 3al-majma3 w-sar y3allimon. W-ken fi honik rejjel 2ido el-yameen yebse. Saro mou3allimi el-shari3a wel-ferrisiyyin yra2bo YASOU3 ta-yshoufo eza ra7 yeshfe nhar el-sabt, ta-yettehmouh bi-shi. W-3eref YASOU3 afkaron, w-2al lal-rejjel yalle 2ido yebse: "2oum w2af bel-noss." 2am el-rejjel w-we2f bel-noss. 2allon YASOU3: "badde es2alkon: masmou7 3amal el-kheyr nhar el-sabt aw 3amal el-sharr? Nkhallis nafs aw nmawweta?" W-ettalla3 fiyon kellon w-2al lal-rejjel: "medd 2idak!" Madda, w-rej3et tabi3iye. Se3eta jann jnounon w-tshewaro shou bya3emlo bi-YASOU3. Bi-haydik el-iyem toli3 3al-jabal ta-ysalle, be2e kell el-leyl 3am bisalle la-ALLAH. W-lamma toli3 el-sob7, da3a tlemizo w-na'2a minnon tna3sh sammehon rousl, w-henne: Sem3an yalle sammeh Boutros, w-khayyo Endrawos, Ya3koub w-You7anna, w-Filippos w-Bartelmawos, w-Matta w-Touma, w-Ya3koub 2eben 7alfa w-Sem3an yalle bila2bouh bel-watane el-ghayour, w-Yahouza 2eben Ya3koub w-Yahouza el-Eskharyoute yalle khano. Min ba3da nezl YASOU3 ma3 tlemizo w-we2f bi-matra7 sahl, w-ken fi honik jame3a min tlemizo w-nes ktir min kell el-Yahoudiye w-Ourashalim w-se7il Sour w-Sayda, ejo ta-yesma3ouh w-ta-yeshfiyon min amradon. Wel-m3azzabin bi-sabab el-arwe7 el-sherreera shafehon kamen. W-jarrabo kell el-nes enno yelemsouh, li2anno ken fi 2ouwwe 3am totla3 minno w-teshfiyon kellon. Rafa3 YASOU3 3youno sawb el-tlemiz w-2al: "niyyelkon ya hal-fou2ara bel-Rou7, li2anno malakout el-sama houe elkon! "Niyyelkon ento el-jou3aneen, li2annkon ra7 teshba3o. Niyyelkon ento yalle halla2 3am tebko, li2annkon ra7 tetda7ako. "Niyyelkon eza kerhoukon el-nes w-sha7atoukon w-sabboulkon w-rafadoukon ka2annkon ashrar kermel 2eben el-2ensen. Bi-hayda el-yawm fra7o w-hallelo, li2anno moukefa2etkon bel-sama 3azeeme. Hek 3emlo bayyeton bel-anbiya. Bass ya weylkon ya aghniya, li2annkon akhadto 3aze2kon. Ya weylkon ento yalle halla2 3am teshba3o, li2annkon ra7 tjou3o. Ya weylkon ento yalle 3am tetda7ako, li2annkon ra7 tez3alo w-tebko. Ya weylkon eza mada7oukon kell el-nes, li2anno hek 3emlo bayyeton bel-anbiya el-kezzebin. "Bass ana b2elkon ento ya hal-3am tesma3o: 7ebbo a3de2kon, w-se3do yalle byekrahoukon, w-berko yalle byel3anoukon, w-sallo kermel yalle bye2zoukon. Yalle byedorbak 3ala khaddak, 3tih el-khadd el-tene. W-yalle byekhedlak 2amissak, treklo mashla7ak kamen. Yalle byetlob minnak shi 3tih yeh, w-yalle byekhedlak shi ma tetolbo minno. W-3èmlo el-nes metl ma bit7ebbo enno y3emloukon. W-eza 7abbeyto yalle bi7ebboukon, shou houe fadlkon? Li2anno el-khatyeen kamen bi7ebbo yalle bi7ebbouwon. W-eza se3adto yalle bise3doukon, shou houe fadlkon? Li2anno el-khatyeen kamen bya3emlo hal-shi. W-eza 3erto yalle mit2ammlin enno testawfo minnon, shou bikoun fadlkon? Li2anno el-khatyeen kamen bi3eero el-khatyeen ta-yestawfo minnon bel-metl. Bel-3aks 7ebbo a3de2kon, w-se3do w-3eero bidoun mou2abel, 7atta tkoun moukefa2etkon 3azeeme, w-tkouno wled ALLAH, li2anno bye3tof 3a-nekrin el-jmil wel-ashrar. Kouno rou7ama metl ma ALLAH bayykon ra7eem. "Ma tdeeno 7atta-ma tendeno. Ma te7ekmo 3ala 7ada, ta-ma yen7akam 3leykon. Ghfero, byenghafarelkon. 3tou, byen3atalkon: w-bi7ottoulkon bi-7erjkon kayl melyen, mlabbad, mahzouz w-tafe7, li2anno bel-kayl yalle 3am tkeyylo fih ra7 ykayyloukon." W-2allon YASOU3 hal-matal: "bye2dar a3ma y2oud a3ma? Mish byou2a3o el-tnen sawa bel-joura? Ma fi telmiz a3zam min m3allmo. Kell telmiz kammal 3elmo bikoun metl m3allmo. Leysh 3am bitshouf el-2ashe bi-3ayn khayyak, w-ma bitshouf el-khashbe bi-3aynak? W-keef bte2dar t2oul la-khayyak: "ya khayye, trekne talle3 el-2ashe min 3aynak, wel-khashbe yalle bi-3aynak enta mish sheyefa? Ya mnefi2, talle3 el-khashbe min 3aynak bel-awwal, 7atta te2dar te2sha3 mni7 w-hek bte2dar tsheel el-2ashe min 3ayn khayyak! "El-shajra el-mni7a ma-bte7mol thamar 3atel, wel-shajra el-3atle ma bte7mol thamar mni7. Kell shajra bidell 3leya thamara. Enta ma bto2tof min el-shawk teen, w-ma bto2tof min el-3ellay2 3enab. El-2ensen el-sale7 min el-kanz el-sale7 bi-2albo byetla3 yalle houe sale7, wel-2ensen el-sherreer min el-kanz el-sherreer bi-2albo byetla3 kell shi sherreer, li2anno min fayd el-2alb bye7ke el-temm. "Keef bit2ouloule: ya RAB, ya RAB, w-ma bta3emlo yalle 3am 2oulo? Kell meen byeje la-3ande w-byesma3 kaleme w-bya3mil fih bshabbho bi-rejjel 3ammar beyt, w-7afar w-ghamma2 w-7att el-ases 3al-sakhr. W-lamma taf el-nahr 3al-beyt, ma edr yza3ez3o li2anno aseso mateen. Bass yalle byesma3 kaleme w-ma bya3mil fih, byeshbah rejjel 3ammar beyto 3al-trab bidoun ases, w-lamma taf 3le el-nahr, tehabbat el-beyt deghre, w-kenit wa2'3et hal-beyt 3azeeme." W-min ba3d ma 2al YASOU3 hal-kalem eddem el-nes, fet 3a-Kfarna7oum. W-ken fi dabit 3endo khadim mareed ktir w-ra7 ymout, w-ken el-dabit y7ebbo ktir. Lamma sem3 bi-YASOU3, ba3atlo kamm wa7ad min shyoukh el-Yahoud ta-yetolbo minno yeje yeshfe khadmo. Ejo la-3and YASOU3, w-saro yetrajjouh: "hal-rejjel byest7e2 enno tse3do, li2anno bi7ebb sha3bna, w-houe yalle 3ammarelna el-majma3." Ra7 YASOU3 ma3on. W-lamma 2arrab min el-beyt ba3atlo el-dabit 7ada min as7abo ta-y2ouloulo: "ya Rab, ma tez3oj 7alak. Ana ma best7e2, ennak tfout ta7t sa2f beyte, w-ma be3tebir nafse enno best7e2 eje la-3andak, bass 2oul kelme we7de w-khadme biso7. Ana khadi3 la-solta, w-fi ta7t 2ide 3askar, b2oul la-hayda mshi, byemshe, w-la-haydak: ta3a, byeje, w-la-khadme: 3mol hek, bya3mil." Lamma sem3 YASOU3 hal-kalem, t3ajjab minno w-ltafat sawb yalle le7'2ino w-2allon: "b7ebb 2elkon: ana ba3d ma sheft metl hal-imen 7atta bi-Isra2il!" W-rej3o el-mab3outin min 2ebal el-dabit 3al-beyt, w-le2o el-khadim nshafa. W-tene yawm ra7 YASOU3 3ala madine esma Nayeen, w-ma3o tlemizo w-nes ktir. Lamma wossil 3ala beb el-madine, le2a mayyit ma7moul, houe el-2eben el-wa7eed la-emmo w-hiye armale. W-ken mrefa2a nes ktir min ahl el-madine. W-lamma shefa el-RAB shef2 3leya w-2alla: "ma tebke!" W-2arrab min el-tabout w-lamaso, we2fo yalle 7amleeno. 2al: "ya shab, ana 3am 2ellak, 2oum!" 2am 2a3ad el-mayyit w-sar ye7ke, w-sallamouh la emmo. Saytar el-khawf 3al-kell, w-2alo henne w-3am bimajjdo ALLAH: "zahar nabe 3azeem baynetna, ALLAH staf2ad sha3bo!" Ntashar el-khabar 3an YASOU3 bel-Yahoudiye kella w-bi-kell el-manate2 el-2aribe minna. W-3eref You7anna min tlemizo kell hal-akhbar, fa-ba3at tnen minnon la-3and el-RAB la-yes2alouh: "enta yalle baddo yeje, aw mnentor wa7ad tene?" Ejo el-rejjelen la-3and YASOU3 w-2aloulo: "ba3atna You7anna el-ma3maden ta-nes2alak: eza enta yalle baddo yeje, aw mnentor wa7ad tene?" Bi-haydik el-se3a shafa YASOU3 ktar min el-marda w-yalle fiyon arwe7 sherreera, w-ktar min el-3emyen khallehon ye2sha3o, w-min ba3da 2al lal-telmizen: "rja3o w-khabbro You7anna bi-yalle sheftouh w-sme3touh: El-3emyen rej3o ye2sha3o, wel-3erj 3am yemsho, wel-bors ettaharo min barason, wel-torsh rej3o yesma3o, wel-mawta 3am bi2oumo, wel-fou2ara 3am yetbasharo. W-niyyel yalle bidall m2ãman fiyye." Lamma fallo tlemiz You7anna, 7eke YASOU3 lal-nes 3an You7anna, w-2al: "shou ro7to tshoufo bel-sa7ra? 2asabe 3am t'hezza el-ree7? Aw shou ro7to tshoufo? Rejjel lebis tyeb ne3me? Bass yalle byelbso tyeb ne3me 2e3deen bel-2sour! 2ouloule: shou ro7to tshoufo? Nabe? Ana b2elkon enno You7anna aktar min nabe. Houe yalle bi2oul 3anno el-kteb: ra7 eb3at rasoule eddemak, ta-y7adder el-tari2 eddemak. B7ebb 2elkon: bayn yalle khallafouwon el-neswen, ma fi a3zam min You7anna, bass azghar wa7ad bi-malakout ALLAH a3zam minno. W-kell yalle sem3o You7anna, 7atta yalle bilemmo el-darayib, 3tarafo bi-sod2 ALLAH, w-2eblo ma3moudiyyet You7anna. Bass el-ferrisiyyin w-3oulama el-shari3a, rafado iradet ALLAH 3leyon, w-ma t3ammado 3ala 2ido." W-2al el-RAB YASOU3: "bi-meen bshabbeh wled hal-jeel? Shou byeshbaho? Byeshbaho wled 2e3deen bel-se7at 3am bi3ayyto la-ba3don w-y2oulo: zammarnelkon w-ma ra2asto, nadabnelkon w-ma bkito. Eja You7anna ma byekol khebz wala byeshrab nbeed, 2elto 3anno: hayda sèkno shaytan! W-eja 2eben el-2ensen byekol w-byeshrab, 2elto 3anno: hayda rejjel akkeel w-sakkeer w-sadee2 yalle bilemmo darayib wel-khatyeen. Bass el-7ekme tbarrarit bi-kell wleda." Wa7ad min el-ferrisiyyin 3azam YASOU3 3al-2akl, eja YASOU3 3a-beyt el-ferrise w-2a3ad 3al-meyde. W-ken fi bel-madine mara khatye, w-3erfit enno YASOU3 3am yekol bi-beyt el-ferrise, ejet w-ma3a 2anninet 3otr, w-we2fit khalfo 7add ejrey w-hiye 3am tebke, w-saret tballil ejrey bi-dmou3a, w-temsa7on bi-sha3ra, w-tbawesson, w-tedhanon bel-3otr. W-lamma shef el-ferrise, yalle ken 3ezim, shou sar, 2al bi-2albo: "law ken hal-rejjel nabe, ken 3erf meen hiye hal-mara yalle 3am telemso w-shou 2ossita. Hayde mara khatye!" 2allo YASOU3: "ya Sem3an, badde ellak shi." 2allo Sem3an: "2oul, ya mou3allim." 2allo YASOU3: "ken fi rejjel mdayyen rejjelen: wa7ad 3atah khams miyyet dinar. Wel-tene khamseen dinar. W-ma edro el-rejjelen youwfo dyounon, fa-3afehon minnon. Ayya wa7ad minnon ra7 y7ebbo aktar?" Jewabo Sem3an: "be3te2id yalle 3afeh min el-aktar." 2allo YASOU3: "mazbout." Ltafat sawb el-mara w-2al la-Sem3an: "sheyif hal-mara? Ana jeet 3ala beytak, w-ma sakabet may 3ala ejreyye bass hiye ghassaleton bi-dmou3a w-masa7eton bi-sha3ra. Enta ma besetne, bass hiye, min wa2et ma fetit, w-hiye tbawwes ejreyye. Enta ma dahanet rase bi-zeyt, bass hiye dahanet ejreyye bel-3otr. Kermel hek b2ellak: nghafaret khatayaha el-ktire, li2anno 7abbit ktir. Bass yalle byenghafarlo alil, bikoun bi7ebb alil." Min ba3da 2al lal-mara: "khatayake maghfoura!" Saro yalle 2e3deen 3al-meyde yes2alo 7alon: "meen hayda 7atta yeghfor el-khataya?" 2al YASOU3 lal-mara: "imenik khallasik, rou7e bi-salem!" Min ba3da meshe YASOU3 bel-moudon w-bel-diya3, w-sar you3az w-ybasher bi-malakout ALLAH. W-ken 3am biref2ouh el-tlemiz el-tna3sh Wel-neswen yalle shafehon min el-arwe7 el-sherreera wel-amrad, w-henne Maryam el-ma3roufe bel-Majdaliyye, w-ken dahar minna sab3 shyateen, w-7anne mart Khouzi wakeel Hirodos, w-Sousanna, w-ktar ghayron keno yse3do YASOU3 min mesriyyeton. W-2asadouh el-nes min kell madine, w-lamma tjamma3o nes ktir, 7ekehon bi-matal, w-2al: "Ra7 el-mzeri3 ta-yezra3. Houe w-3am yezra3, fi kamm 7abbe wa2a3o 3ala 7affit el-tari2, da3aso 3leyon el-nes w-ejo el-3safeer w-akalouwon. W-ghayron wa2a3o 3ala ard 7ajar, w-lamma farrakho yebso li2anno na2eson rtoube. W-wa2a3 ghayron bel-shawk, toli3 el-shawk ma3on w-khana2on. W-ghayron wa2a3 bi-ard taybe, farrakho w-athmaro, miyye bel-miyye." W-2al YASOU3 bi-sawt 3ale: "yalle 3endo dinen, khallih yesma3!" W-sa2alouh tlemizo shou bye3ne hal-matal, jewabon: "ento n3atalkon ta3erfo asrar malakout ALLAH. Bass el-be2yin, be7kyon bel-amtel: 7atta eza ettalla3o ma yshoufo, w-eza sem3o ma yefhamo. "Hayda houe maghza el-matal: el-zar3 houe kalem ALLAH: yalle wa2a3 3a-7affit el-tari2 henne yalle byesma3o kalem ALLAH, byeje el-sherreer w-byesro2 yalle nzara3 bi-2albon 7atta ma ykhalliyon y2ãmno w-yle2o el-khalãs. Yalle wa2a3 bi-ard 7ajar henne yalle byesma3o kalem ALLAH w-bye2balouh fer7anin, bass li2anno ma elon 2asl, bi2ãmno la-wa2et 2asir, w-wa2et el-tajribe byertaddo. Yalle wa2a3 bayn el-shawk henne yalle byesma3o kalem ALLAH, bass hmoum el-dene w-khayrata w-malazzeta byekhen2o kalem ALLAH fiyon, w-ma bye7emlo thamar nadej. W-yalle wa2a3 bel-ard el-taybe, henne yalle byesma3o kalem ALLAH w-bye7fazouh bi-2alb tayyib sale7, w-byethemro bi-thabeton. Ma-fi 7ada bidawwe srej w-bighattih bi-wa3a aw bi7otto ta7t el-takht, bel-3aks bi7otto bi-matra7 3ale ta-yalle feytin ydawwe 3leyon. Ma fi shi makhfe ella ma ra7 ybayyin, w-ma fi shi serr ella ra7 yen3araf. Ntebho keef btesma3o kalem ALLAH, li2anno yalle ma3o shi, byen3atalo ta-yzeed, w-yalle ma ma3o shi, byekhdoulo 7atta yalle mfakkar enno houe elo." W-eja la-3and YASOU3 emmo w-ekhewto, bass ma edro yousalo li2anno ken fi ktir nes. 2aloulo el-nes: "emmak w-ekhewtak we2fin barra baddoun yshoufouk." Jewabon: "emme w-ekhewte henne yalle byesma3o kalem ALLAH w-bya3emlo fih." Bi-yawm min el-iyem rekb YASOU3 shakhtoura houe w-tlemizo, w-2allon: "ta3o no2ta3 3al-shatt el-tene lal-bou7ayra." 3emlo metl ma 2allon. Henne w-meshyin nem YASOU3. Habbet 3asfe 3al-bou7ayra, la-daraje kenit el-may ra7 tmalle el-shakhtoura, w-saro bi-khatar. 2arrabo el-tlemiz min YASOU3 w-wa3ouh w-2aloulo: "ya mou3allim, ya mou3allim! Ra7 nmout!" 2am w-haddad el-ree7 wel-mawj, w-hedyit el-3asfe w-sar fi houdou2. 2allon YASOU3: "wayn imenkon?" khafo w-t3ajjabo, w-2alo la-ba3don: "meen bikoun hayda ta-el-ree7 wel-mawj bitee3ouh." W-woslo sawb el-Jarasiyyin, m2abeel shatt el-Jaleel. W-lamma nezl YASOU3 3al-yebse sta2balo rejjel min el-madine fiyo shyateen, w-ken sarlo zamen mish lebis tyeb, w-ma byeskon bi-beyt, ken 3ayish bel-ma2aber. W-lamma shef YASOU3, sarakh w-kabb 7alo 3a-ejrey w-sarakh bi-sawt 3ale: "shou elak 3leyye, ya YASOU3 2eben ALLAH! Dakhilak ma t3azzebne." 2al hek li2anno YASOU3 2amar rou7 el-sharr enno tedhar min el-rejjel. W-ken bi-ktir min el-aw2at tsayter rou7 el-sharr 3le, w-keno el-nes yjarrabo yerebtouh bel-jnazeer. Bass ken ykasseron, w-yekhdo el-shaytan 3al-barriye. Sa2alo YASOU3: "shou esmak?" jewab: "jeysh", li2anno el-shyateen yalle fih keno ktar. Se3eta trajjouh la-YASOU3 enno ma ye2meron yrou7o 3al-houwwe. W-ken fi honik atee3 kbir min el-khnezir 3am yer3a 3al-jabal, talabo minno enno yesma7lon yeskno bel-khnezir, fa-sama7lon. Daharo el-shyateen min el-rejjel w-feto bel-khnezir, w-hajam el-atee3 kello 3al-bou7ayra w-gheri2 bel-may. W-lamma shefo el-re3yen yalle sar, harabo w-nasharo el-khabar bel-madine wel-diya3. W-tel3o el-nes ta-yshoufo yalle sar. Ejo la-3and YASOU3, w-le2o el-rejjel yalle daharo minno el-shyateen 2e3id 3a-ejren YASOU3, lebis tyebo, w-3a2lo tabi3e, fa-khafo ktir. W-khabbarouwon el-shouhoud keef shafeh YASOU3, fa-talabo minno kell ahele el-Jarasiyyin enno yba3ed 3annon, li2anno keno khayfin ktir. W-rekb el-shakhtoura w-fall min honik. Bass el-rejjel yalle daharo minno el-shyateen, trajja YASOU3 yekhdo ma3o. Bass YASOU3 ba3ato, w-2allo: "Rja3 3ala beytak w-khabbir bi-yalle 3emlo ALLAH elak." Ra7 el-rejjel w-sar ynede bel-madine kella bi-yalle 3emello yeh YASOU3. W-lamma reje3 YASOU3 ra7abo fih el-nes li2anno keno kellon natrino. W-eja la-3ando rejjel esmo Yayros, w-houe ra2is el-majma3, w-kabb 7alo 3end ejren YASOU3 w-trajjeh yfout 3a-beyto, li2anno 3endo benet wa7eede 3omra te2riban tna3sh, kenit ra7 tmout. Houe w-raye7, ltaffo el-nes 7awlo. W-ken fi honik mara sarla tna3shar sene 3enda nazeef damm. Sarafit kell shi btemelko 3al-7ekama, w-ma edr 7ada enno yeshfiya. 2arrabit min khalf YASOU3 w-lamaset taraf tawbo, w-deghre n2ata3 nazeef el-damm. 2al YASOU3: "meen lamasne?" nakaro kellon, w-2al Boutros: "ya mou3allim, el-nes kella m7awtinak w-3am yezerkouk w-3am tes2al meen lamasak?" 2al YASOU3: "fi 7ada lamasne, li2anno 7asseyt bi-2ouwwe tol3it minne." W-lamma shefit el-mara enna nkashafit 3ala YASOU3, ejet hiye w-3am terjof w-raka3et 3ala ejrey w-khabbareto eddem kell el-nes leysh lamaseto w-keef nshafet deghre. 2alla: "ya bente, imenik khallasik, rou7e bi-salem." Bi-hal-wa2et, houe w-3am ye7ke, eja 7ada min 3end ra2is el-majma3 w-2al: "metit bentak, ma fi de3e t3azzib el-mou3allim." Sem3 YASOU3, w-2al la-Yayros: "ma tkhaf! Byekfe ennak t2ãmen, ta-teshfa bentak." W-lamma wossil 3al-beyt, mana3 el-nes yfouto, ma 3ada Boutros w-You7anna w-Ya3koub w-bayy el-sabiye w-emma. W-keno el-nes 3am yebko w-yenedbo el-sabiye. 2allon: "ma tebko, ma metit, bitkoun neyme." De7ko 3le, li2anno keno 3arfin enna metit. Bass akhad 2id el-sabiye w-2alla bi-sawt 3ale. "ya sabiye, 2oume!" W-rej3etla rou7a w-2amet deghre, w-2amar YASOU3 ennon ya3touwa ta-tekol. T3ajjabo ahla, w-wassahon enno ma ykhabro 7ada bi-yalle sar. W-da3a YASOU3 tlemizo el-tna3sh w-3atahon soultan 3ala kell el-shyateen w-edra 3ala shife2 el-amrad, min ba3da ba3aton la-ybashro bi-malakout ALLAH w-yeshfo el-marda. W-2allon: "ma tekhdo ma3kon shi bel-tari2: la-3asa, wala kis, wala khebz, wala masare, ma ykoun la-7ada minkon tawben. Wa2et yalle bitfouto 3ala beyt, khallikon fih la-wa2et ma badkon tfello. W-kell madine ma bye2balkon ahla, tla3o minna w-nfedo el-ghabra 3an ejreykon shahede 3leyon." Ra7o el-tlemiz w-meshyo bel-diya3, w-saro ybashro w-yeshfo el-marda bi-kell el-matare7. W-sem3 el-wele Hirodos bi-kell shi ken 3am bisir, w-t7ayyar li2anno fi nes keno 3am bi2oulo: "You7anna 2am min el-mawt", w-fi nes 2alo: "Eliyya zahar!" w-ghayron 2alo: "nabe min el-anbiya el-2dem 2am." Bass Hirodos 2al: "You7anna ana 2ata3tello raso. Meen hayda yalle besma3 3anno metl hal-akhbar?" W-ken 3am yetlob enno yshoufo. W-lamma rej3o el-rousl khabbaro YASOU3 bi-kell shi 3emlouh, w-akhadon w-ra7 fiyon la-wa7don 3a-madine esma Beyt Sayda. W-3erfo el-nes fa-le7'2ouh, sta2balon w-7ekehon 3an malakout ALLAH, w-shafa yalle keno bi-7aje yeshfiyon. W-ken ballash yekhlas el-nhar, 2arrabo tlemizo el-tna3sh minno w-2aloulo: "b3at hal-nes min hon la-yrou7o 3ala el-diya3 wel-mazeri3 el-2aribe, 7atta ynemo fiya w-yle2o la-elon 2akl, li2anna ne7na bi-matra7 b3id." 2allon YASOU3: "3touwon ento shi yeklouh." 2alo: "ma 3enna hon ella khams tereghfe w-samakten, ella eza re7na w-shtarayna 2akl la-kell hal-nes." W-keno shi khams-talef rejjel. 2al la-tlemizo: "2a3douwon fwej fwej, kell khamseen ma3 ba3d." 2a3adouwon kellon metl ma 2allon. Akhad el-khams tereghfe wel-samakten w-rafa3 3youno sawb el-sama w-berak w-kasar el-khebz w-3ata tlemizo, wel-tlemiz 3ato el-nes. W-akalo kellon 7atta sheb3o, w-jama3o el-tlemiz tna3shar salle min el-khebz yalle faddal. W-ken YASOU3 marra 3am bisalle wa7do wel-tlemiz ma3o, sa2alon. "meen ana bennesbe lal-nes?" Jewabouh: "You7anna el-ma3maden." W-fi nes bi2oulo: "Eliyya." W-ghayron: "nabe min el-anbiya el-2dem 2am." 2allon YASOU3: "w-meen ana, bi-ra2eykon ento?" Jewabo Boutros: "enta el-MASI7 el-Ileh!" W-2amaron bi-nabra 2assye enno ma y2oulo hal-shi la-7ada. 2al YASOU3 la-tlemizo: "lezim 2eben el-2ensen yet2allam ktir, w-yerefdouh el-shyoukh w-rou2asa el-kahane w-mou3allimi el-shari3a, w-yen2atal w-telit yawm ra7 y2oum min el-mawt." W-2al lal-nes kellon: "yalle baddo yel7a2ne, baddo yenkor nafso w-ye7mol salibo kell yawm w-yel7a2ne. W-yalle baddo ykhallis nafso ra7 yekhsara, w-yalle ra7 yekhsar 7ayeto kermele, ra7 ykhallisa. Shou byestafeed el-2ensen eza reb7 el-3alam kello w-khesr nafso? W-yalle byeste7e fiye w-bi-kaleme, byeste7e fih 2eben el-2ensen lamma ra7 yeje bi-majdo w-majd el-Ãb wel-maleyke el-2eddissin. B2elkon el-7a2i2a: min bayn el-mawjoudin hon fi askhas ma ra7 ydou2o el-mawt 7atta yshoufo malakout ALLAH." W-min ba3d hal-kalem bi-shi tmen tiyyem, akhad YASOU3 Boutros w-You7anna w-Ya3koub w-toli3 3al-jabal ta-ysalle. Houe w-3am bisalle, tghayyar wejjo w-saret tyebo bayda 3am bitlamme3. W-byejo rejjelen w-bye7ko YASOU3, w-henne Moussa w-Eliyya, w-zaharo bi-majd samewe w-saro ye7ko 3an mawto yalle ken lezim ysir bi-Ourashalim. Boutros w-rfe2o el-tnen, ma3 enno te2lo 3younon min el-na3as dallo sohranin w-shefo majdo wel-rejjelen el-we2fin ma3o. Bass ejo el-rejjelen baddon yfello, 2allo Boutros: "ya mou3allim, shou 7elo nkoun hon: khallina na3mil hon tlet khiyam: we7de elak w-we7de la-Moussa w-we7de la-Eliyya." W-keno mish 3arfin shou 3am bi2oulo. Bi-hal wa2et, w-ken Boutros ba3do 3am ye7ke, ejet ghayme w-ghatteton, w-khafo el-tlemiz lamma saro bi-2alb el-ghayme. W-nsama3 sawt min el-ghayme: "hayda houe 2ebne yalle na'2eyto, sma3oulo!" Min ba3d ma sem3o el-sawt, shefo YASOU3 wa7do. Sakato w-ma khabbaro 7ada bi-shi min yalle shefouh. Tene nhar nezlo min el-Jabal, w-sta2balouh nes kbir. W-sarakh rejjel min bayn el-nes: "ya mou3allim, dakhilak ettalla3 bi-2ebne, hayda 2ebne el-wa7eed, fiyo rou7 sharr byeje 3le, w-faj2a byesrokh w-bidall y3azzbo ta ysir yerghe, w-ma byeterko ella min ba3d ma yraderdo. Talabit min tlemizak enno yse3doune, ma edro." Jewab YASOU3: "ya hal-jeel el-kefir yalle ma bi2ãmen! La-aymata ra7 eb2a ma3kon? W-et7ammalkon?" Ba3den 2al lal-rejjel: "2arreb 2ebnak la-hon!" W-lamma ken el-sabe 3am bi2arreb min YASOU3, kabbo el-shaytan 3al-ard w-sar y3azzbo. Haddad YASOU3 rou7 el-sharr, w-shafa el-sabe w-sallamo la-bayyo. W-t3ajjabo el-mawjoudin kellon min edrit ALLAH el-3azeeme. W-lamma keno kellon met3ajbin min yalle 3emlo YASOU3, 2al la-tlemizo: "Sma3o mni7 yalle 3am 2elkon yeh. Ra7 yetsallam 2eben el-2ensen la-2iden el-nes." Ma fehmo el-tlemiz hal-kalem w-ken ma7joub 3annon enno yefhamo, w-khafo enno yes2alouh. Saro yetjedalo meen houe el-a3zam bayneton. W-3eref YASOU3 shou fi bi-2loubon, akhad bi-2id tofl w-7atto 7addo, w-2allon: "yalle bye2bal hal-tofl bi-esme bikoun 2ebelne. W-yalle 2ebelne bye2bal yalle ba3atne, li2anno azghar wa7ad fikon houe a3zamkon." 2al You7anna: "ya mou3allim, shefna rejjel 3am yesh7at el-shyateen bi-esmak w-mana3neh, li2anno manno min jame3tak." 2allo YASOU3: "ma temna3ouh, li2anno yalle ma bikoun doddkon houe ma3kon." W-lamma eja el-wa2et yalle byenrafa3 fih YASOU3 3al-sama, 2arrar yrou7 3ala Ourashalim. W-ba3at rousl eddemo, ra7o w-feto 3ala day3a semiriye la-y7adroulo beyt. Rafado ahele el-day3a enno ye2balouh li2anno ken rayi7 3ala Ourashalim. W-lamma shefo tlemizo Ya3koub w-You7anna hal-shi 2aloulo: "ya Rab, baddak ne2mor el-nar tenzal min el-sama w-tekelon?" Ettalla3 fiyon YASOU3 w-wabbakhon, fa-meshyo 3ala day3a tenye. W-baynama henne meshyin, 2allo rejjel 3al-tari2: "ya Rab, ana badde el7a2ak matra7 ma-bitrou7." Jewabo YASOU3: "el-wewiyye 3endon byout, w-3safeer el-sama 3shoush, bass 2eben el-2ensen, ma 3endo matra7 yesnod raso." W-2al YASOU3 la-rejjel tene: "l7a2ne!" Jewabo el-rejjel: "ya Rab trekne rou7 edfon bayye bel-awwal." 2allo YASOU3: "trok el-mawta yedfno mawtehon. Bass enta, rou7 w-basher bi-malakout ALLAH." W-2allo wa7ad tene: "bel7a2ak ya Rab, bass khalline bel-awwal waddi3 ahle." 2allo YASOU3: "kell wa7ad bi7ott 2ido 3a-sekkit el-fle7a w-byeltefit la-wara, ma byeslo7 ykoun la-malakout ALLAH." Min ba3da 3ayyan el-RAB YASOU3 tneyna-w-sab3een telmiz ghayr hawdik, w-ba3aton tnen tnen ta-yesba2ouh 3a-kell madine aw day3a 2arrar enno yrou7 3leya. W-2allon: "fi zar3 ktir baddo 2atf, bass el-3emmel 2lel. Sallo la-RAB el-zar3 ta-yeb3at 3emmel yo7osdoulo. Rou7o, ana be3etkon metl el-khwerif bayn el-dyeb. Ma te7emlo kees, wala zouwwede, wala sobbat, wala tsallmo 3ala 7ada bel-tari2. El-beyt yalle bitfouto 3le, 2oulo awwal shi: el-salem 3a-hal-beyt. W-eza ken fi honik 2eben salem, salemkon bi7ell fih, wa-ella byerja3 el-salem elkon. 23edo bi-hal-beyt, kelo w-shrabo min yalle 3endon yeh, li2anno el-fe3il byest7e2 ejerto, w-ma tene2lo min beyt la-beyt. El-madine yalle bitfouto 3leya w-ahla bye2baloukon, kelo min yalle bi2admoulkon yeh. Shfou mardahon w-2oulo: malakout ALLAH 2arrab. Wel-madine yalle bitfouto 3leya w-ahla ma bye2baloukon, tla3o 3ala tor2ata w-2oulo: 7atta el-ghabra yalle 3el2a bi-ejreyna min madinetkon mnenfeda. Bass 3rafo enno malakout ALLAH 2arrab. B7ebb 2elkon: Sour w-Sayda ra7 ykoun massiron bi-yawm el-deynoune ar7am min massir hal-madine. 2al YASOU3: "ya weylik ya Kourazin! Ya weylik ya Beyt-Sayda! Law el-3ajeyeb yalle saro 3endkon, ysiro bi Sour w-Sayda, keno ahla tebo min zamen w-lebso el-mes7 w-2a3ado 3al-rmed. Bass Sour w-Sayda ra7 ykoun massiron bi-yawm el-deynoune ar7am minkon. W-ente ya Kfarna7oum, baddik tousale bel-2ouwwe 3al-sama? Ra7 tou2a3e 3a-jhannam." W-2al YASOU3 la-tlemizo: "yalle byesma3elkon byesma3le. W-yalle rafadkon rafadne, w-yalle rafadne rafad yalle ba3atne." W-rej3o el-tneyna-w-sab3een rasoul mabsoutin w-2alo la-YASOU3: "ya RAB, 7atta el-shyateen khada3oulna bi-esmak." 2allon: "ana kent sheyif el-shaytan we2i3 min el-sama metl el-bar2. 3titkon soultan ted3aso el-7ayyet wel-3a2areb w-kell 2ouwwe lal-3adouw, bidoun ma yserelkon shi. Bass ma tefra7o bi-enno el-arwe7 3am yokhda3oulkon, bel-3aks, fra7o bi-enno asamikon maktoube bel-sama." W-bi-haydik el-se3a feri7 YASOU3 bel-ROU7 el-2ODOS, w-2al: "bishekrak ya Bayye, ya RAB el-sama wel-ard, li2annak khfit hal-eshya 3an ahl el-7ekme wel-azkiya, w-bayyanta lal-zghar. Eh, ya bayye, enta hek baddak. Bayye sallamne kell shi. Ma 7ada bya3rif meen bikoun el-2eben ella el-ãb, wala meen bikoun el-ãb ella el-2eben w-yalle baddo el-2eben enno yenkashaf la-elo." W-ltafat sawb tlemizo, w-2allon minnon elo: "niyyel yalle bi-shouf yalle ento 3am bitshoufouh! B7ebb 2elkon: ktar min el-anbiya wel-moulouk tmanno yshoufo yalle ento 3am bitshoufouh w-ma shefouh, w-enno yesma3o yalle ento 3am tesma3ouh w-ma sem3ouh." W-2am wa7ad min 3oulama el-shari3a, w-2al la-YASOU3 ta-ye7erjo: "ya mou3allim, shou badde a3mil ta-ourat el-7ayet el-abadiyye?" Jewabo YASOU3: "shou bit2oul el-shari3a? W-keef btefhama?" 2al el-rejjel: "7ebb el-RAB Ilehak min kell 2albak, w-min kell nafsak, w-min kell 2ouwwtak, w-min kell fekrak, w-7ebb 2aribak metl ma bit7ebb 7alak." 2allo YASOU3: "jawebak mazbout. 3mol hal-shi bitle2e el-7ayet." Bass mou3allim el-shari3a sar baddo ybarrir 7alo, 2al la-YASOU3: "w-meen houe 2aribe?" Jewabo YASOU3: "ken fi rejjel nezil min Ourashalim la-Ari7a, wa2a3 bayn 2iden lsous, shalla7ouh tyebo w-darabouh, w-min ba3da tarakouh bayn mayyit w-3ayish. W-se2abet enno meri2 kehen nezil min haydik el-tari2, lamma shefo bay3ad 3anno w-kaffa tari2o. W-nafs el-shi sar ma3 wa7ad lawi, eja w-shef el-rejjel bay3ad 3anno w-meshe bi-tari2o. Bass ken fi Semiri msefar mara2 min honik, w-lamma shefo shef2 3le. 2arrab minno w-sakab zeyt w-nbeed 3ala jrou7ato, w-7emlo 3ala 7maro w-jebo 3ala hotel w-htamm fih. W-tene nhar talla3 el-Semiri dinaren, w-dafa3on la-sa7ib el-hotel w-2allo: htamm fih, w-shou ma sarafet zyede breddellak yehon wa2et berja3. Ayya wa7ad min hal-tlete ken bi-ra2yak 2arib yalle wa2a3 bi-2iden el-lsous?" Jewabo mou3allim el-shari3a: "yalle ra7amo." 2allo YASOU3: "rou7 w-3mol enta metlo." W-henne w-meshyin, fet YASOU3 day3a, w-sta2baleto bi-beyta mara esma Marta. W-ken 3enda ekht esma Maryam, 2a3adet 3end ejren el-RAB YASOU3 ta-tesma3 kalemo. W-kenit Marta mashghoule bel-khedme wel-diyafe, ejet w-2alet la-YASOU3: "ya RAB, mish sheyif enno ekhte terketne ekhdom wa7de? 2ella tse3edne!" Jewaba el-RAB: "Marta, Marta, ente 3am tehtamme w-te3ej2e 7alik bi-eshya ktire, ma3 enno el-matloub shaghle we7de. Maryam na'2et el-shi el-afdal, w-ma 7ada ra7 yekhdo minna." W-ken YASOU3 3am bisalle bi-matra7 min el-matare7, w-lamma khallas el-sala 2allo wa7ad min tlemizo: "ya RAB, 3allemna nsalle, metl ma 3allam You7anna tlemizo." 2allon YASOU3: "wa2et yalle bitsallo 2oulo: ya Bayyna, khalle esmak yet2addas w-malakoutak yeje 3tina khebzna el-yawme w-seme7na 3an khatayana, metl ma ne7na mnsemi7 la-kell yalle byeghlato ma3na. W-ma tkhallina nou2a3 bel-tajribe", min ba3da 2allon YASOU3: "meen minkon 3endo sadee2 w-birou7 la-3ando bi-noss el-leyl, w-bi2ello: ya sadee2e, 3irne tlet tereghfe, li2anno 3ende sadee2 eja min el-safar w-ma 3ende khebz ta-2addemlo, bijewbo sadee2o min jouwwa: ma tez3ejne! El-beb msakkar, wlede ma3e bel-farshe, ma be2dar 2oum ta-a3tik. B7ebb 2elkon: eza ma 2am w-3atah li2anno sadee2o, lezim y2oum ya3tih kell shi 3ayzo ta-y7ell 3anno. Kermel hek b2elkon: tlobo w-ra7 ya3toukon, fattsho w-ra7 bitle2o, de'2o el-beb w-ra7 yefta7oulkon. Yalle byetlob bya3touh, w-yalle bifattesh bile2e, w-yalle bide2 el-beb byefta7oulo. Aya bayy eza talab minno 2ebno samke bya3tih 7ayye? Aw talab minno bayda bya3tih 3a2rab? Eza kento ento el-ashrar bta3erfo keef tse3do wledkon, keef bel-a7ra bayykon el-samewe yalle bya3te el-ROU7 el-2ODOS la-yalle byetolbouh?" W-ken 3am yesh7at shaytan akhras. W-lamma dahar el-shaytan 7eke el-rejjel, w-t3ajjabo el-nes. Bass fi minnon 2alo: "3am yesh7at el-shyateen bi-2ouwwet Ba3lzaboul rayyes el-shyateen." W-fi ghayron talabo 3ajibe min el-sama ta-yjarbouh. 3eref YASOU3 afkaron, w-2allon: "kell mamlake bten2osem 3a-7ala btekhrab w-bisiro byouta yehbto 3a-ba3don. W-eza n2asam el-shaytan, keef btesmod mamlakto? 3am bit2oulo enno bi-Ba3lzaboul 3am besh7at el-shyateen, eza kent bi-2ouwwet Ba3lzaboul besh7at el-shyateen, wledkon bi-2ouwwet meen 3am yesh7atouh? Kermel hek wledkon ra7 ye7kmo 3leykon. Bass eza ana 3am esh7at el-shyateen bi-esba3 ALLAH, bikoun malakout ALLAH sar baynetkon. Lamma bye7ros el-rejjel el-2awe el-msalla7 beyto bitkoun amwelo bi-amen. Bass eza hejam 3le rejjel a2wa minno w-ghalabo, ra7 yekhod minno sle7o yalle ken mettekil 3le w-ywazzi3 el-ghaneyem. Yalle ma bikoun ma3e houe dodde, w-yalle ma byejma3 ma3e bikoun 3am bifarri2. 2al YASOU3: "Eza dahar rou7 el-sharr min 2ensen, birou7 yfattesh 3al-ra7a. Wa2et yalle ma bile2iya bi2oul: ra7 erja3 3ala beyte yalle daharet minno. Byerja3 w-bile2ih mkannas w-mrattab. Birou7 w-bijeeb ma3o sab3 arwe7 al3an minno, bifouto bi-hal-2ensen, w-bitkoun 7alto aswa2 min el-awwal." Houe w-3am ye7ke, sarakhet mara min bayn el-nes w-2aletlo: "niyyel el-mara yalle walladetak w-radda3etak." 2al YASOU3: "niyyel yalle byesma3 kalem ALLAH w-bya3mil fih." W-tjamma3o el-nes 7awl YASOU3, sar y2ellon: "hayda el-jeel jeel 3atel 3am bitaleb bi-3ajibe, w-ma ra7 yen3atalo ella 3alemet Younen el-nabe. W-metl ma ken Younen 3aleme la-ahl Ninawa, hek kamen ra7 ykoun 2eben el-2ensen 3aleme la-hal-jeel. Maliket el-jnoub ra7 t2oum yawm el-deynoune ma3 hal-jeel w-te7kom 3le, li2anna ejet min ekher el-dene ta-tesma3 7ekmet Sulayman, w-hon fi a3zam min Sulayman. W-ahl Ninawa, yawm el-deynoune, ra7 y2oumo ma3 hal-jeel w-ye7kmo 3le, li2annon tebo lamma anzaron Younen, w-hon fi a3zam min Younen! "Ma byetdawwa srej w-byen7att ta7t el-mekyel aw bi-matra7 mkhabba, bel-3aks byen7att bi-matra7 3ale 7atta yalle feytin yshoufo el-daw. El-3ayn srej el-jesm. Eza kenit 3aynak bi-7ale mni7a, bikoun jesmak kello mnawwir. W-eza 3aynak kenit mareeda, jesmek bikoun kello m3attim. Ntebeh, ma ysir el-nour yalle fik 3atme. Eza ken jesmak kello mnawwir, w-ma fiyo abadan 3atme, bikoun kello sawa mnawwir, metl wa2et bikoun el-srej mnawwir 3lek." Houe w-3am ye7ke, 3azamo wa7ad min el-ferrisiyyin 3al-ghada la-3ando. Fet 3a-beyto w-2a3ad 3al-2akl. T3ajjab el-ferrise lamma shef YASOU3 3am ye2'3od bidoun ma yghassel 2idey abl el-ghada. 2allo el-RAB YASOU3: "ento ya ferrisiyyin bitnaddfo el-kes wel-sa7n min barra, w-ento min jouwwa melyenin tama3 w-khabsane. Ya aghbiya, hayda yalle 3eml el-zaher, mish houe yalle 3eml el-dekhil kamen? 3tou el-fou2ara min yalle bi-kesetkon w-s7ounkon, bisir kell shi elkon ndeef. Bass ya weylkon, ya ferrisiyyin! Btedfa3o daribet el-na3na3 wel-za3tar w-be2e el-mazrou3at, w-btehemlo el-3adl w-ma7abbet ALLAH. W-ken lezim ta3emlo hayde bidoun ma tehemlo haydik. Ya weylkon, ya ferrisiyyin! Bit7ebbo te2e3do eddem bel-majeme3 wel-salemet bel-se7at. Ya weylkon, ento metl el-2bour el-mkhabbeye, byemsho el-nes 3leya w-henne mish 3arfin." 2allo wa7ad min 3oulama el-shari3a: "ya mou3allim, hal-7ake yalle 3am bit2oulo bibahdelna ne7na kamen!" Jewabo YASOU3: "ya weylkon ento kamen ya 3oulama el-shari3a, bit7ammlo el-nes a7mel t2ile w-ma bitmeddo esba3 wa7ad la-tse3douwon ta-ye7emlouwa. Ya weylkon, bit3ammro 2bour el-anbiya, w-bayyetkon henne yalle 2atalouwon. W-hek bitkouno 3am tesh'hado 3ala bayyetkon w-twef2o 3ala a3melon: henne 2atalo el-anbiya, w-ento 3ammartoulon el-2bour. Kermel hek bit2oul 7ekmet ALLAH: ra7 eb3atlon el-anbiya wel-rousl, shi bye2etlouwon w-shi byedtehdouwon w-ra7 taleb hal-jeel bi-damm kell el-anbiya el-mahdour min yawm te2sis el-3alam, min damm Habeel la-damm Zakariyya yalle n2atal bayn el-mazba7 w-beyt ALLAH. B7ebb 2elkon: hal-jeel ra7 ytalbouh bi-hayda el-damm! Ya weylkon, ya 3oulama el-shari3a! Akahdto mefte7 el-ma3rife, la ento fetto, wala tarakto 7ada yfout." W-lamma fall min honik, w-keno 3oulama el-shari3a wel-ferrisiyyin ne2meen 3le, saro yestaderjouh ta-ye7ke 3an mwadi3 ktire, w-yjarrbo yenosboulo fkhoukh ta-yel2atouh bi-shi kelme. Tjamma3 3asharat el-oulouf min el-nes, la-daraje saro yda3wso 3a-ejren ba3don, 2al YASOU3 la-tlemizo bel-awwal: "ntebho min-khameeret el-ferrisiyyin, ye3ne el-khabsane. Ma fi shi mkhabba ella w-ra7 yenkashaf, w-ma fi shi mekhfe ella w-ra7 yen3araf. Yalle 2eltouh bel-3atm, ra7 yensama3 bel-daw, w-yalle 2eltouh washwashe bel-2ouwad jouwwa, ra7 ynedo fih 3al-stou7. B7ebb 2elkon, ya as7abe: ma tkhafo min yalle bye2etlo el-jesm w-min ba3da ma bye2daro ennon ya3emlo shi. Ra7 2elkon min meen lezim tkhafo: khafo min yalle eza 2atal, edir enno yzett bi-jhannam. B2elkon: min hayda khafo. Ma byenbe3o khams 3safeer bi-2ershen? Ma3 hayda w-kello ALLAH ma byensa wala wa7ad minnon. W-aktar min hek, sha3r raskon kello ma3doud. Ma tkhafo. Ento aghla min kell el-3safeer!" W-b2elkon: yalle bye3terif fiyye eddem el-nes, bye3terif fih 2eben el-2ensen eddem maleyket ALLAH. W-yalle byenkerne eddem el-nes, byenekro 2eben el-2ensen eddem maleyket ALLAH. W-yalle bi2oul kelme 3ala 2eben el-2ensen byenghafarlo, bass yalle bijaddef 3al-ROU7 el-2ODOS, ma ra7 yenghafarlo. Lamma byekhdoukon 3al-majeme3 wel-7ekkem w-as7ab el-soulta, ma tehtammo keef bitdef3o 3an 7alkon aw-shou ra7 tjewbo, li2anno el-ROU7 el-2ODOS byelhemkon bi-haydik el-se3a yalle lezim t2oulouh." 2allo rejjel min el-joumou3 la-YASOU3: "ya mou3allim, 2oul la-khayye y2asemne el-werte." Jewabo: "ya rejjel, meen 7attne 2ãde 3leykon aw mou2assim 7osas?" W-2al lal-nes: "ntebho min el-tama3, li2anno 7ayet el-2ensen ma btejih min amwelo." W-2allon hal-matal: "rejjel ghane ardo ghallit 3le ktir, Sa2al 7alo: ma fi 3ende matra7 khazzen fih ghallte, shou ba3mil? Min ba3da 2al, ra7 a3mil hek: bohdom makhazne w-b3ammir akbar minna, w-b7ott fiya kell 2am7e w-khayrate. W-b2oul la-nafse: ya nafse, elik khayrat ktire w-moune la-snin ktire, rte7e w-kele w-shrabe w-tna3ame! 2allo ALLAH: ya ghabe, bi-hal-leyle nafsak btentalab minnak. W-hayda yalle 7addarto la-meen bikoun? Hek bikoun massir yalle byejma3 la-nafso w-ma byeghtene bi-ALLAH W-2al la-tlemizo: "kermel hek b2elkon: ma te3talo hamm shou badkon teklo, wala te3talo hamm el-tyeb. Li2anno el-7ayet ahamm min el-2akl, wel-jesm ahamm min el-tyeb. T2amallo el-gherben. Ma byezra3o wala byo7osdo, w-ma bikhazzno wala byetmawwano, w-ALLAH bita3miyon! Ento aghla min hal-3safeer bi-ktir. Meen minkon bye2dar, eza 7att kell 2ouwwto, enno yzeed 3ala toulo shebr? Eza azghar el-eshya mish edrin ta3mlouwa, leysh 3am tehtammo bel-be2e? T2amallo bi-zanba2 el-7a2l keef byekbar: ma byeghzol w-ma bi7ayyek. B7ebb 2elkon: Sulayman bi-3ezzo ma lebs metl wala we7de minnon. Eza el-7ashish yalle hala2 hon w-boukra ra7 yenkabb bel-tannour, bi-labbso ALLAH bi-hal-tari2a, keef lamma el-mawdou3 byet3alla2 fikon ento, ya alileen el-imen? Kermel hek ma ba2a te3talo hamm shou bteklo aw shou bteshrabo, hayda kello byetolbouh wled hal-3alam, w-bayykon el-samewe bya3rif ennkon bi-7aje la-kell hal-eshya. Tlebo malakout ALLAH, w-hawdik kellon byejoukon zyede. Ma tkhaf, ya hal-atee3 el-zghir! Bayykon el-samewe baddo ya3tikon el-malakout. Bi3o yalle btemelkouh w-se3do fih el-fou2ara, w-3abbo kyes ma btebla, w-kanz bel-sama ma byekhlas, matra7 yalle ma fi-loss bi2arrib, wala el-sous byenkhro. Matra7 ma bikoun kanzkon, honik bikoun 2albkon. "Kouno mest3eddin, znanirkon mashdoude 3a-khasrkon w-2nadilkon mdawwaye, metl el-rjel el-natrin yerja3 sayyidon min el-3ers, 7atta eza eja w-da2 3al-beb byefta7oulo deghre. Niyyel hal-kheddem yalle wa2et byerja3 sayyidon bile2iyon sohranin. B2elkon el-7a2i2a: enno bishammir 3an 2idey w-bi2a3edon 3al-2akl w-bisir yekhdemon. Bass niyyelon eza eja abl aw ba3d noss el-leyl w-la2ehon hek 3amlin. W-3rafo enno rab el-beyt law 3eref bi-ayya se3a byeje el-loss ma ken tarak beyto yensara2. Kermel hek kouno mest3eddin, li2anno 2eben el-2ensen byeje bi-se3a mish natrina." 2allo Boutros: "ya RAB, la-elna 3am t2oul hal-matal aw la-kell el-nes?" Jewabo el-RAB YASOU3: "meen houe el-wakeel el-ameen el-we3e yalle biwakklo sayyido enno ya3te kheddemo 2akl 3al-wa2et? Niyyel hal-khadim yalle wa2et byerja3 sayyido bile2ih 3am ya3mil sheghlo. B2elkon el-7a2i2a: enno biwakklo 3ala kell amwelo. Bass eza 2al hal-khadim bi-2albo: ra7 yet2akhar sayyide ta yerja3, w-sar yedrob el-kheddem, rjel w-neswen, w-yekol w-yeshrab w-yeskar, byerja3 sayyido bi-yawm mish natro w-bi-se3a ma bya3refa, w-byesh7ato w-bijezih jaza el-kefrin. Hal khadim yalle bya3rif yalle baddo yeh sayyido w-ma bikoun jehiz enno ya3mil yalle baddo yeh sayyido, byendarab ktir. W-yalle ma bya3rif shou baddo sayyido w-bya3mil shi byest7e2 el-darb, byendarab shwey. W-yalle n3atalo ktir byentalab minno el-ktir, w-yalle byet2amman 3al-ktir byentalab minno aktar. "Jeet ta-khalle el-nar toula3 bel-ard, w-shou bitmanna enno tkoun wel3it! W-lezim e2bal ma3moudiyyet el-ãlem, w-shou bitmanna enna tet7a'2a2. Fekrkon jeet ta-y7ell el-salem 3al-ard? B7ebb 2elkon: la2, jeet ta-a3mil in2isam. W-min liom w-raye7 bel-beyt yalle bikoun fih khams ashkhas, byekhtelfo tlete minnon ma3 tnen, w-tnen ma3 tlete. Byekhtelif el-bayy ma3 2ebno wel-2eben ma3 bayyo, wel-emm ma3 benta wel-benet ma3 emma, wel-7ama ma3 el-kenne wel-kenne ma3 7ameta." W-2al kamen lal-nes: "eza shefto ghayme tal3a min el-gharb, bit2oulo deghre: fi shete, w-fe3lan bitshatte. W-eza habbet ree7 el-jnoub bit2oulo: ra7 koun shawb, w-bikoun mazbout. Ya-mnef2een! Btefhamo manzar el-ard wel-sama, keef ma btefhamo 3alemet hal-zaman? Leysh ma bte7ekmo bel-7a2 minkon la-7alkon? Eza ro7t ma3 khasmak 3end el-7akem, shouf keef baddak tetsala7 ma3o enta w-ma3o bel-tari2, 7atta ma yekhdak 3end el-2ãde, w-ysallmak el-2ãde lal-shorte, w-ten7at bel-7abs. B7ebb 2ellak: ma ra7 totla3 min honik abl ma touwfe ekher 2ersh." W-bi-haydak el-wa2et ejo nes w-khabbaro YASOU3 3an el-Jaleeliyyin yalle 2atalon Bilatos bel-haykal w-khalat dammon bi-damm zabeyi7on, jewabon YASOU3: "ento mfakkrin enno khatiyyet hal-Jaleeliyyin akbar min khatiyyet el-be2yin 7atta sar fiyon hek? B7ebb 2elkon: la2, eza ma ra7 ettoubo, ra7 tmouto kellkon metlon. W-hawdik el-tmen-ta3sh yalle wa2a3 el-berj 3leyon bi-Silwem w-2atalon, ento mfakkrin enno ghalteton akbar min ghaltet ahl Ourashalim? B7ebb 2elkon: la2, w-eza ma ra7 ettoubo, ra7 tmouto kellkon metlon. 2al YASOU3 hal-matal: "ken la-rejjel shajret teen mazrou3a bi-karmo, eja ta-yfattesh 3ala thamar, w-ma le2a. 2al lal-kerrram: 2ele tlet snin beje 3ala hal-teene la-ekhod thamar, w-ma 3am le2e, 2ta3a! Leysh ta-netreka t3attil el-ard? Jewabo el-kerram: treka, ya Rab, ba3d sene, 7atta enkosh 7awla w-7ottella sawed. W-hek barke bte7mol el-sene el-jeye wa-ella bte2ta3a." W-ken YASOU3 3am bi3allim bi-majma3 nhar el-sabt, w-honik ken fi mara sèkena rou7 khalleha temrad tmen-ta3shar sene, w-3emella 7erdabbe ma fiya abadan tjallis. Lamma shefa YASOU3 nadeha w-2alla: "nshafayte min maradik!" W-7att 2ido 3leya, w-jallasit deghre dahra w-majjadit ALLAH. Ghodib ra2is el-majma3, li2anno YASOU3 shafa el-mara nhar el-sabt, w-2al lal-mawjoudin: "3endkon sitt tiyyem masmou7 teshteghlo fiyon, teb2o ta3o bi-hal-iyem ta-teshfo, mish nhar el-sabt!" Jewabo el-RAB YASOU3: "ya mnef2een! Mish kell wa7ad minkon bifekk rbat tawro aw 7maro min el-ma3laf nhar el-sabt w-byekhdo ta-yes2ih? W-hal-mara min wled Ibrahim rabata el-shaytan min tmen-ta3shar sene, mish ken lezim enna tenfakk min rbata yawm el-sabt?" W-lamma 2al hal-kalem, sta7o min 7alon kell yalle ejo doddo, w-kell el-nes fer7o bel-a3mel el-majide yalle ken 3am ya3mela. W-2al YASOU3: "shou byeshbah malakout ALLAH? Bi-shou bshabbho? Houe metl 7abbit khardal zara3a rejjel bi-7a2lo, w-kebrit w-saret shajra, w-saro 3safeer el-sama ya3mlo 3shoush bayn aghsana." W-2al kamen: "bi-shou bshabbih malakout ALLAH? Houe metl khameere akhadeta mara w-7atteta bi-tlet kaylet t7in, w-hek el-3ajeen khammar kello." W-meshe YASOU3 bel-moudon wel-diya3, 3am bi3allim w-houe bi-tari2o 3ala Ourashalim. 2allo rejjel: "ya Rab, awlak ra7 ykouno 2lel yalle bile2o el-khalãs?" Jewab YASOU3: "3melo jehdkon enno tfouto min el-beb el-dayyi2. B7ebb 2elkon: ktar min el-nes ra7 yjarrbo yfouto w-ma ra7 ye2daro. W-eza 2am rab el-beyt w-sakkar el-beb, w-w2efto ento barra w-serto etde'2o 3al-beb w-t2oulo: ya rab! Fta7elna, ra7 yjewebkon: ma ba3refkon! W-bit2oulo: akalna w-shrebna ma3ak, w-3allamit bi-tor2atna! Bi2elkon: ma ba3rif min wayn ento. B3edo 3anne kellkon ya ashrar! W-bikoun el-beke wel-ta2ta2et el-snen, wa2et yalle bitshoufo Ibrahim w-Is7ak w-Ya3koub wel-anbiya kellon bi-malakout ALLAH, w-ento barra mash7outin! W-ra7 yejo el-nes min el-shar2 wel-gharb, w-min el-shmel wel-jnoub, w-bye2e3do 3al-meyde bi-malakout ALLAH. El-ouwal ra7 ysiro awekher, w-yalle henne awekher ra7 ysiro ouwal." W-bi-haydik el-se3a 2arrabo kamm wa7ad min el-ferrisiyyin min YASOU3 w-2aloulo: "b3od min hon, li2anno Hirodos baddo ye2etlak!" 2allon: "rou7o 2oulo la-hal-ta3lab: ana 3am besh7at el-shyateen w-3am beshfe el-marda liom w-boukra, w-bel-yawm el-telit bkhallis kell shi. Bass lezim kammil tari2e liom w-boukra w-ba3d boukra, li2anno ma bijouz enno ymout nabe barrat Ourashalim. Ourashalim, Ourashalim! Ya 2attilet el-anbiya w-rajjimet el-moursalin yalle nba3ato la-3andik! Kamm marra ken badde ejma3 wledik, metl ma btejma3 el-djeje wleda ta7t jwene7a, w-ma 2belto. Hayda beytkon matrouk elkon. B7ebb 2elkon: ma ra7 tshoufoune 7atta yeje yawm bit2oulo fih: yetberak el-jeye bi-esm el-RAB!" Fet YASOU3 yawm el-sabt 3a-beyt wa7ad min el-ferrisiyyin la-yekol 3endo, w-keno 3am bi-ra2bouh. W-ken fi eddemo rejjel ma3o marad el-este2sa, 2al YASOU3 la-mou3allimi el-shari3a wel-ferrisiyyin: "masmou7 el-shife2 nhar el-sabt aw la2" Sakato. W-masak YASOU3 el-rejjel bi-2ido w-shafeh w-ba3ato. Min ba3da 2allon: "meen minkon byou2a3 2ebno aw tawro bi-beer nhar el-sabt w-ma bisheelo deghre?" W-ma edro yjewbouh. W-la7az enno bayn el-ma3zoumin fi nes 3am bina'2o el-ma2e3ed el-eddem, se3eta 2al hal-matal: "Eza 3azamak 7ada 3ala walimet 3ers, ma te2'3od bel-ma2'3ad el-awwal. Li2anno yemken ykoun fi bayn el-ma3zoumin 7ada ahamm minnak, W-byeje yalle 3azamkon w-bi2ellak: 3tina matra7ak! Ra7 teste7e, w-t2oum ta-te2'3od wara. Bass eza n3azamit 23od wara, 7atta eza eja yalle 3azmak 2allak: ta3a la-eddem, ya sadee2e. Btekbar 2imtak bi-nazar kell el-ma3zoumin, Li2anno yalle bi3alle 7alo byetwatta, w-yalle biwatte 7alo byet3alla." W-2al YASOU3 la-yalle 3azem: "eza 3melt walimet ghada aw 3asha, ma te3zom asdika2ak wala ekhwetak wala 2raybinak wala jiranak el-aghniya, ta-ma yerja3o ye3zmouk bi-dawron, w-bitkoun akhadet moukafe2tak. Bel-3aks, eza 3melt walime, 3zom el-fou2ara wel-moushawwahin wel-3erj wel-3emyen. W-niyyelak eza 3melt hek li2anno ma bye2dar 7ada ykefik, fa-ra7 tetkefa2 yawm 2iyemet el-abrar." W-lamma sem3 wa7ad min el-ma3zoumin hal-kalem 2al la-YASOU3: "niyyel yalle bye2'3od 3ala meydet malakout ALLAH!" Jewabo YASOU3: "3eml rejjel walime kbire, w-3azam ktar min el-nes. W-lamma sar wa2et el-3asha ba3at khadmo la-y2oul lal-ma3zoumin: ta3o, kell shi m7addar! E3tazaro kellon. 2allo el-awwal: eshtareyt 7a2l w-lezim rou7 shoufo, bitrajjak te3zerne. W-2allo wa7ad tene: eshtareyt khams fdadeen, w-ana halla2 rayi7 la-jarrebon, bitrajjek te3zerne. W-2allo wa7ad ghayro: etzawwajet mara, ma be2dar eje. Reje3 el-khadim la-3and sayyido w-khabbaro bi-yalle sar, ghodib rabb el-beyt w-2al la-khadmo: tla3 bi-ser3a 3ala el-tor2at bel-madine w-3zom el-fou2ara wel-moushawwahin wel-3erj wel-3emyen. 2allo el-khadim: 3melt metl ma 2eltelle ya Rab, w-ba3d fi matare7 fadye. Jewabo el-sayyid: "tla3 3ala el-tor2at w-jbor el-nes tfout 7atta yentele el-beyt. B7ebb 2elkon: ma 7ada min hal-ma3zoumin ra7 ydou2 min el-3asha taba3e!" Keno nes ktir le7'2in YASOU3, eltafat YASOU3 w-2allon: "Yalle byeje la-3ande w-ma bi7ebbne aktar min bayyo w-emmo w-marto w-wledo w-ekhewto w-khayyeto, w-aktar min 7alo, ma bye2dar enno ykoun telmize. W-yalle ma bye7mol salibo w-byel7a2ne ma bye2dar enno ykoun telmize. Meen minkon, eza baddo y3ammir berj, ma bye2'3od awwal shi w-bye7sob addeysh bikallfo ta-yshouf eza bye2dar enno ykammlo, 7atta ma y7ott el-ases w-min ba3da ma ye2dar ykammel, w-yetmaskharo 3le yalle 3am yettalla3o. Ra7 y2oulo: hal-rejjel ballash y3ammir w-ma edr ykammil. W-ayya malik byetla3 ta-y7areb malik tene, w-ma bikoun min abl 2a3ad w-fakkar la-7alo eza bye2dar bi-3ashr-talef shakhs ywejih yalle ze7if 3le bi-3eshreen-alf? Wa-ella byeb3at wafd la-hal-malik, ma zel ba3do b3id 3anno, w-byetlob minno el-sol7a. W-hek ma 7ada minkon bye2dar ykoun telmize, ella eza tkhalla 3an kell shi elo. "El-mel7 mni7, bass eza ma ba2a ymalle7, shou yalle bireddelo ta3mto? Ma bi3oud yenfa3 la lal-terbe wala lal-sawed, byenkabb barra. Yalle 3endo dinen, khallih yesma3." Keno yalle bilemmo el-darayib wel-khatyeen 3am bi2arbo min YASOU3 ta-yesma3ouh. 2alo el-ferrisiyyin w-mou3allimi el-shari3a henne w-3am bisher3o: "hal-rejjel 3am yesta2bil el-khatyeen w-3am yekol ma3on!" Se3eta bye7kiyon YASOU3 bi-hal-matal: "Meen minkon eza ken 3endo miyyet kharouf, w-dayya3 wa7ad minnon, ma byetrok el-tes3a w-tes3een bel-barriye la-yfattish 3an el-kharouf el-daye3 7atta yle2ih? W-eza le2eh bye7emlo 3ala ktefo houe w-fer7an, w-byerja3 3al-beyt w-bye3zom asdika2o w-jirano w-bi2ellon: fra7o ma3e, li2anno l2it kharoufe el-daye3! B7ebb 2elkon: hek bikoun el-fara7 bel-sama bi-khate wa7ad bitoub aktar min el-fara7 bel-tes3a w-tes3een min el-abrar yalle mish bi-7aje lal-tawbe. W-2al YASOU3: "ayya mara eza ken ma3a 3ashr 2roush, w-dayya3et 2ersh wa7ad, ma bitdawwe sreja w-bitkannes el-beyt w-bitfattesh 3an hal-2ersh mni7 7atta tle2ih? W-eza le2eto, bte3zom sadi2ata w-jarata w-bit2ellon: fra7o ma3e li2anno l2it el-2ersh yalle dayya3to. B7ebb 2elkon: hek byefra7o maleyket ALLAH bi-khate wa7ad bitoub." W-2al YASOU3: "ken fi rejjel 3endo 2ebnen, 2allo el-azghar: "ya bayye 3tine 7osste min el-amlek. Fa-2asamlon amleko. W-min ba3d kamm yawm, jama3 el-2eben el-azghar kell shi byemlok, w-sefar 3ala bled b3ide, w-honik saraf mesriyyeto bidoun 7seb. W-lamma saraf kell shi, sar fi bi-haydik el-bled maje3a kbire, w-ballash y7ess bel-2elle. Ra7 la-3and rejjel min ahl haydik el-bled, w-ba3ato el-rejjel 3ala 72oulo ta-yer3a el-khnezir. W-ken byeshtehe enno yeshba3 min el-khournoub yalle kenit el-khnezir tekol minno, w-ma ya3tih 7ada. Reje3 la-zeto w-2al: kamm fi shaghil 3end bayye byefdal 3anno el-khebz, w-ana hon 3am mout min el-jou3. Ra7 2oum w-erja3 la-3and bayye w-2ello: ya bayye, khtit eddem el-sama w-eddemak, ma best7e2 ba3d enno koun 2ebnak, 3amelne metl shi khadim 3endak. 2am w-reje3 la-3and bayyo. Shefo bayyo jeye min b3id, shefe2 3le w-rakad sawbo sar yeghemro w-ybouso. 2allo el-2eben: ya bayye, ana khtit eddem el-sama w-eddemak, w ma best7e2 ba3d enno koun 2ebnak. 2al el-bayy la-kheddemo: bser3a! Jeebo a7san tyeb w-labbsouh henne, w-7otto khatim bi-esba3o w-sandal bi ejrey. W-jeebo el-3ejl el-nase7 w-dba7ouh, 7atta-nekol w-nefra7, li2anno 2ebne hayda ken mayyit w-3ash, w-ken daye3 w-l2ineh. W-fer7o ktir. W-ken el-2eben el-kbir bel-7a2l, w-lamma reje3 w-2arrab min el-beyt, sem3 sawt el-aghane wel-ra2s. Neda wa7ad min el-kheddem w-sa2alo: shou fi? Jewabo: reje3 khayyak bi-kheyr, w-daba7 bayyak el-3ejl el-nase7. Ghodib w-rafad enno yfout. Toli3 la-3ando bayyo w-sar yetrajjeh yfout, 2al la-bayyo: khadamtak kell hal-snin w-ma khelafet 2amrak, w-ma 3titne jadi wa7ad 7atta efra7 fih ana w-as7abe. Bass lamma reje3 2ebnak hayda, ba3d ma saraf melak ma3 banet el-zena, daba7et el-3ejl el-nase7!" Jewabo bayyo: ya 2ebne, enta ma3e bi-kell el-aw2at, w-kell shi ele houe elak. Bass ken lezim nefra7, li2anno khayyak hayda ken mayyit w-3ash, w-ken daye3 w-l2ineh." 2al YASOU3 la-tlemizo: "ken fi rejjel ghane w-ken 3endo wakeel, ejo ykhabrouh enno 3am biba3ze2 mesriyyeto, ba3at warah w-2allo: shou hayda yalle 3am besma3o 3annak? 3tine 7seb wikeltak, enta ma btest7e2 ba3d liom ennak tkoun wakeel ele. 2al el-wakeel bi-2albo: ra7 yekhod sayyide el-wikele minne, shou ba3mil? Ma fiyye efla7, w-ma ele 3ayn rou7 esh7ad. Ba3den 2al: 3reft shou badde a3mil, 7atta eza 3azalne sayyide 3an el-wikele, bye2baloune el-nes bi-byouton. Neda kell yalle 3leyon dayn la-sayyido, w-2al la-wa7ad minnon: addeysh 3lek la-sayyide? Jewabo: miyyet kayl min el-zeyt. 2allo el-wakeel: khod wra2ak w-23od deghre w-ktob khamseen! W-2al lal-tene: w-enta, addeysh 3lek la-sayyide? Jewabo: miyyet kayl min el-2am7. 2allo el-wakeel: khod wra2ak w-ktob tmeneen! W-mada7 el-sayyid wakeelo el-khayen 3ala 7ekmto, li2anno ahl hal-3alam, bass yet3amalo ma3 ba3don, azka min ahl el-nour. W-ana b2elkon: 3melo la-elkon asdika2 bi-mel el-ghesh, 7atta eza kholis, 2ebloukon bel-matare7 el-abadiyye. Yalle bikoun ameen 3al-alil, bikoun ameen 3al-ktir. W-yalle ma bikoun ameen 3al-alil, ma bikoun ameen 3al-ktir. W-eza kento mish oumana bi-mel el-ghesh, fa-meen ra7 ye2temenkon 3a-mel el-7a2? W-eza kento mish oumana bi-yalle houe la-ghayrkon, meen ra7 ya3tikon yalle houe elkon? Ma 7ada bye2dar ykoun khadim la-sayyiden, li2anno aw baddo yebghod wa7ad w-y7ebb el-tene, aw baddo yet3alla2 bi-wa7ad w-ye7te2ir el-tene. Ma bte2daro tekhedmo ALLAH wel-mel sawa." Keno el-ferrisiyyin, w-henne aslan bi7ebbo el-masare, 3am yesma3o kell hal-shi w-yestkheffo bi-YASOU3. 2allon YASOU3: "Ento 3am bitbarrero 7alkon eddem el-nes, bass ALLAH bya3rif shou fi bi-2loubkon. W-yalle el-nes bye3tebrouh elo 2ime bikoun sharr bi-3ayn ALLAH. Be2yet el-shari3a w-ta3alim el-anbiya 7atta eja You7anna, min ba3da ballash el-tebshir bi-malakout ALLAH, sar kell 2ensen yjarreb yfout bel-2ouwwe. Bass zawel el-sama wel-ard as'hal min enno tenma7a no2ta we7de min el-shari3a. Yalle bitalle2 marto w-byetzawwaj ghayra bikoun zene, w-yalle byetzawwaj mara talla2a zawja bikoun zene." 2al YASOU3: "ken fi rejjel ghane byelbos el-ourjouwen wel-tyeb el-fekhra w-bya3mil waleyem kell yawm. W-ken fi rejjel fa2ir esmo Li3azar, bi-jesmo fi jrou7. W-ken ynem eddem beb el-rejjel el-ghane, w-yeshtehe enno yeshba3 min fadalet 2aklo, w-kenit el-kleb teje w-tel7as jrou7o. W-met el-fa2ir w-7emleto el-maleyke la-3and Ibrahim. W-met el-ghane w-ndafan. W-rafa3 el-ghane 3youno w-houe bi-jhannam 3am yet3azzab, w-bishouf Ibrahim min b3id w-Li3azar 7addo. Binedih: r7amne, ya bayye Ibrahim, w-b3at Li3azar ta-ybell taraf esba3o bel-may w-ybarred lsene, li2anno 3am bit3azzab ktir bel-nar. 2allo Ibrahim: tzakkar, ya 2ebne, ennak akhadet nasibak min el-kheyrat bi-7ayetak, w-akhad Li3azar nasibo min el-msayeb. W-halla2 houe 3am yet3azza hon, w-enta 3am tet3azzab honik. W-aktar min hek, baynna w-baynkon fi houwwe ghami2a ma bye2dar 7ada enno ye2ta3 min 3enna la-3andkon wala min 3endak la-3enna. 2al el-ghane: bitrajjek, ya bayye Ibrahim, b3at Li3azar 3ala beyt bayye, ta-ynabbeh ekhwete el-khamse honik ta-ma ysiro henne kamen bi-matra7 el-3azèb hayda. 2allo Ibrahim: 3endon Moussa wel-anbiya, khalliyon yesma3oulon. Jewabo el-ghane: la2, ya bayye Ibrahim! Eza 2am wa7ad min el-mawt w-ra7 la-3andon bitoubo. 2allo Ibrahim: eza ma sem3o la-Moussa wel-anbiya, ma ra7 ye2ten3o 7atta law 2am wa7ad min el-mawt." 2al YASOU3 la-tlemizo: "la-bodd min enno ykoun fi asbeb lal-shoukouk, bass ya weylo yalle ra7 ykoun houe el-sabab. A7sanlo enno y3al2oulo bi-ra2ebto 7ajar el-ta7oun w-yzettouh bel-ba7r min enno ywa2e3 wa7ad min hal-zghar bel-khatiyye. Ntebho. Eza khote khayyak wabbkho, w-eza teb ghferlo. Eza khote sab3 marrat bel-yawm, w-reje3 la-3andak bi-kell marra w-2al: "ana teyib, ghferlo." W-2alo el-rousl lal-RAB: "zeed imenna", jewabo el-RAB: "law ken 3endkon imen add 7abbit el-khardal w-2elto la-hal-jemmayze: n2el3e w-nzer3e bel-ba7r, kenit bittee3kon. "Meen minkon 3endo khadim byefla7 el-ard w-byer3a el-ghanam, w-eza reje3 min el-7a2l, bi2ello: 3ajjil w-23od kol. Ma bi2ello: 7adderle el-3asha, w-shammir 3an 2idek w-khdemne 7atta ekol w-eshrab, w-min ba3da btekol w-bteshrab? Awlkon hal-khadim elo fadl eza sem3 kelmet sayyido? Ma bi3te2ed. W-hek ento, eza 3melto kell shi 2amartkon yeh 2oulo, ne7na kheddem bousata, w-ma 3melna ella yalle ken lezim na3emlo." Ken YASOU3 tali3 3ala Ourashalim, w-mara2 bel-Samira wel-Jaleel. W-lamma fet 3ala day3a min el-diya3 sta2balouh 3ashr bors, w-we2fo b3ad 3anno w-saro ysarkho: "ya YASOU3, ya mou3allim, r7amna!" Ettalla3 w-2allon: "rou7o la-3and el-kahane w-farjouwon 7alkon!" w-henne w-ray7in nshafo. W-lamma shef wa7ad minnon 7alo enno nshafa, reje3 houe w-3am bimajjed ALLAH bi-sawt 3ale, w-kabb 7alo 3end ejren YASOU3 w-wejjo 3al-ard w-sar yeshekro, w-ken Semiri. 2allo YASOU3: "mish yalle nshafo henne 3ashra, wayn el-tes3a el-be2yin? Ma lta2a bayneton meen yerja3 w-ymajjed ALLAH ella hal-gharib?" Min ba3da 2allo: "2oum w-rou7, imenak khallasak." Lamma sa2alouh el-ferrisiyyin: "aymata ra7 yeje malakout ALLAH?" Jewabon: "ma byeje malakout ALLAH bi-tari2a este3radiyye. Wala ra7 yen2al: hayda houe hon, aw hayda houe honik, li2anno malakout ALLAH houe fikon." W-2al la-tlemizo: "byeje wa2et btetmanno fih enno tshoufo yawm wa7ad min iyem 2eben el-2ensen w-ma ra7 tshoufouh. W-ra7 y2ouloulkon: hayda houe hon, aw honik! Ma trou7o w-tel7a2o 7ada, li2anno el-yawm yalle byeje fih 2eben el-2ensen bikoun metl el-bar2 yalle byelma3 bel-sama min meyl la-meyl. Bass lezim abl kell shi enno yet2allam ktir, w-yerefdo hal-jeel. W-metl ma sar 3ala iyem Nou7, kamen ra7 ysir bi-iyem 2eben el-2ensen: Keno el-nes yeklo w-yeshrabo w-yetzawwajo, lal-yawm yalle fet fih Nou7 3al-safine, w-eja el-toufan w-meto kellon. Aw metl bi-iyyem Lout: keno el-nes yeklo w-yeshrabo, w-ybi3o w-yeshtero, w-yezra3o w-y3ammro, bass yawm yalle toli3 Lout min Sadoum nazzal ALLAH nar w-kabrit min el-sama w-meto kellon. W-hek ra7 ysir yawm yalle byezhar 2eben el-2ensen. W-yalle bi-haydak el-yawm bikoun 3al-sat7, ma yenzal 3al-beyt ta-yekhod ghrado. W-yalle bikoun bel-7a2l ma yerja3 la-wara. Tzakkaro marto la-Lout! Yalle hammo ye7faz 7ayeto, ra7 yekhsara, w-yalle byekhsar 7ayeto, byerba7a. B7ebb 2elkon: ra7 ykoun bi-haydik el-leyle tnen 3ala takht wa7ad, byettekhad wa7ad w-byentarak el-tene. Bikouno tnen neswen 3ala 7ajar el-ta7n sawa, btettekhad mara w-btentarak el-tenye. W-bikouno rejjelen bel-7a2l, byettekhad wa7ad minnon w-byentarak el-tene." Sa2alouh el-tlemiz: "la-wayn, ya RAB?" Jewabon: "matra7 ma bitkoun el-jette btetjamma3 el-gherben." 7ekehon YASOU3 bi-matal 3an darouret ydallo ysallo bidoun ma yedjaro, 2al: "ken fi bi-madine el-moudon 2ãde ma bikhaf ALLAH w-ma bi7ebb el-nes. W-ken fi bi-haydik el-madine armale bteje deyman la-3ando w-bit2ello: khedle 7a2e min khasme! W-ken yerfod talaba, bass min ba3d medde tawile 2al bi-2albo: ma3 enno ma bkhaf ALLAH w-ma b7ebb el-nes, ra7 a3te hal-armale 7a2a li2anna 3am tez3ejne, wa-ella ra7 tdall teje w-tez3ejne." W-2al el-RAB YASOU3: "sma3o mni7 yalle 2alo hal-2ãde el-zalem, fa-keef ma bya3te ALLAH moukhtarino yalle 3am yesorkhoulo leyl w-nhar? Awlkon ra7 yet2akhar 3leyon? B7ebb 2elkon: enno ra7 yesra3 w-ya3tiyon shou baddon. Bass awlkon ra7 yle2e 2eben el-2ensen imen 3al-ard lamma ra7 yeje?" W-2al hal-matal la-nes keno mfakkrin 7alon mne7, w-3am ye7te2ro ghayron: "Tel3o rejjelen 3al-haykal ta-ysallo, wa7ad ferrise wel-tene bilemm el-darayib. We2f el-ferrise 3am bisalle bi-2albo w-y2oul: beshkrak ya ALLAH, ana mish metl be2e el-nes el-tammi3in el-zalmin el-zounet, wala metl hayda yalle bilemm darayib! Ana bsoum bel-jem3a marteyn, w-b2addim el-3eshr 3an kell madakhile. Bass yalle bilemm darayib we2f b3id mish mestarje yerfa3 3youno sawb el-sama, w-ken 3am bide2 3ala sadro w-y2oul: r7amne ya ALLAH, ana el-khate! B7ebb 2elkon: hayda yalle bilemm darayib, w-mish el-ferrise, houe yalle nezl 3ala beyto ma2boul 3end ALLAH. Yalle bi3alle 7alo byetwatta, w-yalle biwatte 7alo byet3alla." W-eja la-3ando nes ma3on atfal la-y7ott 2idey 3leyon. W-lamma shefouwon el-tlemiz bay3adouwon. Bass YASOU3 neda el-atfal la-3ando w-2al: "khallo el-atfal yejo la-3ande w-ma temna3ouwon, li2anno la-yalle metlon malakout ALLAH. B2elkon el-7a2i2a: yalle ma bye2bal malakout ALLAH metl el-tofl, ma ra7 yfout 3le." W-sa2alo wa7ad min el-rou2asa: "ya hal-mou3allim el-sale7, shou ba3mil ta-ourat el-7ayet el-abadiyye?" Jewabo YASOU3: "leysh 3am tsammine sale7? Ma fi sale7 ella wa7ad w-houe ALLAH. Enta bta3rif el-wassaya: ma tezne, ma te2tol, ma tesro2, ma tesh'had bel-zour, karrem bayyak w-emmak." 2allo el-rejjel: "min ana w-zghir w-ana 3am ba3mil bi-hal-wassaya kella." W-lamma sem3 YASOU3 kalemo hayda, 2allo: "ba3d na2sak shaghle we7de, rou7 bi3 kell shi btemelko w-3tiyon lal-fou2ara, bisir 3endak kanz bel-sama, w-ta3a l7a2ne." Ze3l el-rejjel lamma sem3 hal-kalem, li2anno ken ghane ktir. W-shef YASOU3 enno el-rejjel ze3l, 2al: "sa3be ktir 3al-aghniya enno yfouto 3a-malakout ALLAH! Ahwan 3al-jamal enno yfout bi-kherm el-2ebre min enno yfout el-ghane 3a-malakout ALLAH." 2alo yalle sem3o: "eza hek, meen bye2dar yle2e el-khalãs?" Jewab YASOU3: "yalle mousta7il 3end el-nes, moumkin 3end ALLAH." 2allo Boutros: "ne7na tarakna kell shi w-l7e2nek!" Jewabo YASOU3: "b2elkon el-7a2i2a: ma fi 7ada byetrok beyt aw mara aw ekhwe aw bayy aw emm aw wled kermel malakout ALLAH, ella w-ra7 yekhod 2addon miyyet marra w-yourath el-7ayet el-abadiyye." W-jtama3 YASOU3 bel-tlemiz el-tna3sh la-wa7don w-2allon: "ne7na halla2 tal3in 3ala Ourashalim, w-ra7 ysir kell yalle katabouh el-anbiya 3an 2eben el-2ensen, ra7 yetsallam 2eben el-2ensen lal-wathaniye, w-ra7 yetmaskharo 3le w-ysebboulo w-yebez2o 3le, min ba3da byejeldouh w-bye2etlouh, w-telit yawm ra7 y2oum." Ma fehmo el-tlemiz shi min yalle 2alo, w-ken hal-kalem ma7joub 3annon, w-ma fehmouh. 2arrab YASOU3 min Ari7a, w-ken fi rejjel a3ma 2e3id 3ala 7affit el-tari2 3am yesh7ad. Lamma 7ass enno el-nes 3am temro2 min 7addo sa2al: "shou hayda?" Khabbarouh enno YASOU3 el-Nassire meri2 min honik. Sarakh: "ya YASOU3 2eben Daoud, r7amne!" Saro el-nes el-meshyin eddem ysakktouh. Bass houe sar y3alle sawto aktar: "ya 2eben Daoud, r7amne!" We2f YASOU3 w-2amar enno yjeebo la-3ando. Lamma 2arrab sa2alo: Shou baddak a3mellak?" Jewabo: "enno e2sha3, ya Rab!" 2allo YASOU3: "2sha3, imenak shafek!" Bi-se3et el-se3a reje3 ye2sha3 w-le7e2 YASOU3 houe w-3am yeshkor ALLAH. W-lamma shef el-sha3b yalle sar, kellon majjado ALLAH. Fet YASOU3 3a-Ari7a w-sar yebrom fiya. W-ken fi rejjel ghane min lammimet el-darayib esmo Zakka, eja la-yshouf meen houe YASOU3. Bass ken 2asir, w-ma edr enno yshoufo la-ketrit el-3aj2a. Rakad sawb jemmayze w-toli3 3leya ta-yshoufo, w-ken YASOU3 ra7 yemro2 min hal-tari2. W-lamma wossil YASOU3 la-honik, ettalla3 fih w-2allo: "nzal bi-se3ra ya Zakka, li2anno ra7 zour liom beytak." Nezl bi-ser3a w-sta2balo bi-fara7. W-lamma shefo el-nes yalle sar, 2alo: "fet 3a-beyt rejjel khate la-ye2'3od 3endo." We2f Zakka w-2al lal-RAB YASOU3: "ya, RAB, ra7 a3te el-fou2ara noss amwele, w-eza kent zalamet 7ada bi-shi, breddello yeh arba3 marrat." 2allo YASOU3: "liom 7all el-khalãs bi-hal-beyt, li2anno hal-rejjel houe kamen min wled Ibrahim. W-2eben el-2ensen eja ta-yfattesh 3an el-khatyeen w-ykhallison." W-2arrab YASOU3 min Ourashalim, w-keno yalle 3am yesma3o hal-kalem mfakkrin enno malakout ALLAH ra7 yeje deghre, 2am 3atahon hal-matal, 2al: "sefar wa7ad min el-oumara 3ala balad b3id ta-yestelim el-melk w-min ba3da byerja3. Ba3at wara 3ashr kheddem elo w-3ata kell wa7ad minnon dinar dahabe w-2allon: tèjro bi-hal-masare la-wa2et ma erja3. Keno ahl balado yekrahouh, ba3ato wafd wara minno ta-y2oulo: ma badna hal-rejjel malik 3leyna. W-lamma reje3 el-amir, min ba3d ma stalam el-melk, 2amar yeb3ato wara el-kheddem yalle 3atahon el-masare, ta-yshouf addeysh reb7 kell wa7ad minnon. 2arrab el-awwal w-2al: ya Rab, reb7 dinarak 3ashra ghayron. 2allo: 3afek ya hal-khadim el-sale7! Kent ameen 3al-alil, fa-ra7 tkoun wele 3ala 3ashr moudon. W-eja el-tene w-2al: ya Rab, reb7 dinarak khamse ghayron. 2allo: w-enta koun wele 3ala khams moudon. W-eja el-telit w-2al: ya Rab, hayda houe dinarak: khabbayto, li2anno kheft minnak. Enta rejjel 2ase btekhod yalle mish enta jem3o. 2allo: bi-kalemak ra7 deenak, ya hal-khadim el-sherreer. 3reft enno ana rejjel 2ase bekhod yalle mish ana jem3o, w-bo7sod yalle mish zer3o, leysh ma 7atteyt mesriyyete 3end el-serrafin? W-kent lamma rje3t bekhedon ma3 el-feyde. W-2al lal-mawjoudin: khedo el-dinar minno w-dfa3ouh la-sa7ib el-waznet el-3ashra. 2aloulo: ya Rab, 3endo 3ashra ghayron! Jewabon: B7ebb 2elkon: yalle ma3o shi, byen3atalo ta-yzeed. W-yalle ma ma3o shi, byekhdoulo 7atta yalle houe elo. W-a3de2e yalle ma baddon emlok 3leyon, jeebouwon la-hon w-2telouwon eddeme." 2al hal-kalem w-toli3 3ala Ourashalim. W-lamma 2arrab min Beyt-Faji w-Beyt-3anya, 3end el-jabal yalle bisammouh jabal el-Zeytoun, ba3at tnen min tlemizo, w-2allon: "rou7o 3ala el-day3a yalle bi-wejjkon, lamma bitfouto bitle2o ja7sh marbout, ma rekb 3le 7ada min abl, fekko rbato w-jeebouh. W-eza sa2alkon 7ada: leysh 3am bitfekko rbato? 2oulo: el-Rab bi-7aje elo." Ra7o el-telmizen w-le2o metl ma 2allon YASOU3. W-henne 3am bifekko rbat el-ja7sh, 2aloulon as7abo: "leysh 3am bitfekko rbato?" Jewabo: "el-Rab bi-7aje elo." Jebo el-ja7sh la-3and YASOU3, w-7atto 3le mashale7on, w-toli3 YASOU3 2a3ad 3le. Meshe wel-nes 3am tefrosh tyeba 3al-tari2. W-lamma 2arrab min nazlit jabal el-Zeytoun, saro el-tlemiz yhallelo w-ysabb7o ALLAH bi-sawt 3ale 3an kell el-3ajeyeb yalle shefouha. W-keno 3am bi2oulo: "yetberak el-malik el-jeye bi-esm el-RAB. El-salem bel-sama, wel-majd bel-a3ali!" 2aloulo el-ferrisiyyin yalle keno bayn el-nes: "ya mou3allim, 2oul la-tlemizak ennon yesekto!" Jewabon YASOU3: "b7ebb 2elkon: eza henne sakato, el-7jara ra7 te7ke!" W-lamma 2arrab min Ourashalim ettalla3 3al-madine w-beke 3leya, w-2al: "ya raytik 3refte liom tari2 el-salem! Bass halla2 houe ma7joub 3an 3younik. Ra7 yeje wa2et bisayjouke a3de2ik bel-mteris, w-bi7asrouke, w-bisakkro 3leyke min kell el-meylet, w-ra7 ydammrouke 3ala wledik, w-ma ra7 yeterko fike 7ajar 3ala 7ajar, li2annik ma 3refte zaman ALLAH lamma eja ykhallsik." Min ba3da fet 3al-haykal w-sar yesh7at el-biyye3in w-y2ellon: "maktoub: beyte beyt sala, w-ento 7awwaltouh mgharet lsous!" W-sar y3allim kell yawm bel-haykal, w-keno rou2asa el-kahane w-mou3allimi el-shari3a w-zou3ama el-sha3b baddon ye2etlouh, w-ma 3am bile2o tari2a, li2anno el-sha3b kello ken 3am yetsamma3lo w-3am yet3alla2 fih. Ken YASOU3 yawm min el-iyem 3am bi3allim el-sha3b bel-haykal w-ybashro, eja la-3ando rou2asa el-kahane w-mou3allimi el-shari3a w-shyoukh el-sha3b w-2aloulo: "2elna, bi-ayya soultan 3am ta3mil hal-eshya? W-meen 3atak hal-soultan?" Jewabon YASOU3: "w-ana bes2alkon sou2al wa7ad, 2ouloule: min wayn jeye soultet ma3moudiyyet You7anna? Min el-sama aw min el-nes?" 2alo bi-2albon: "eza 2elna min el-sama, ra7 yjewebna: leysh ma 2ãmanto fih? W-eza 2elna min el-nes, el-sha3b kello ra7 yerjemna, li2anno me3tebrin You7anna nabe." Jewabouh enno ma bya3erfo min wayn hiye. 2allon YASOU3: "w-ana ma-ra7 2elkon bi-ayya soultan ba3mil hal-a3mel." W-sar y2oul lal-sha3b hal-matal: "zara3 rejjel karm, w-sallamo la-kerramin w-sefar medde tawile. W-lamma eja yawm el-2atf, ba3at kheddemo la-3andon ta-yekhdo el-ghallé, fa-darabouh w-rajja3ouh 2idey fadyin. Ba3at khadim tene, w-kamen hayda darabouh, sabboulo w-reje3 2idey fadyin. Ba3at khadim telit, w-kamen rajja3ouh w-kabbouh barrat el-karm. 2al sa7ib el-karm: shou mna3mil? Ra7 eb3atlon 2ebne el-7abib barke bikhafo minno eza shefouh. Bass lamma shefouh, 2alo bayn ba3don: hayda houe yalle ra7 yourat! Ta3o ne2etlo w-nekhod el-werte! Kabbouh barrat el-karm w-2atalouh. Shou bya3mil fiyon sa7ib el-karm? Ra7 yeje w-ye2tol hal-kerramin w-ysallim el-karm la-ghayron." 2aloulo yalle 3am yesma3o: "la sama7 ALLAH!" Ettalla3 fiyon w-2al: "fa-ezan, shou ela ma3na hal-ãye: el-7ajar yalle rafadouh el-me3marjiyye sar ras el-zewye? Yalle byou2a3 3al-7ajar byetkassar, W-yalle byou2a3 el-7ajar 3le byeherso!" W-ken mou3allimi el-shari3a w-rou2asa el-kahane baddon yekemshouh bi-haydik el-se3a, li2annon 3erfo enno 2al hal-matal 3annon, bass khafo min el-sha3b. Ra2abo el-ferrisiyyin w-mou3allimi el-shari3a YASOU3 w-ba3ato jwasis 3amlin 7alon abrar 7atta yel2atouh 3ala shi kelme. W-ysalmouh lal-7akem wel-ma7kame. Sa2alouh: "ya mou3allim, ne7na mna3rif ennak sade2 bi-kalemak w-bi-ta3limak, ma bitseyer 7ada, w-bit3allim tari2 ALLAH bel-7a2. Shou ra2yak? Bi7e'2elna nedfa3 el-jezye la-2aysar aw la2?" 3eref YASOU3 khabsaneton, fa-2allon: "Leysh 3am bitjarrboune? Farjoune 3emlit el-jezye! La-meen hal-soura w-hal-esm?" 2aloulo: "la-2aysar." 2allon YASOU3: "dfa3o la-2aysar yalle houe la-2aysar, w-la-ALLAH yalle houe la-ALLAH!" W-ma edro ennon yel2atouh 3ala shi kelme eddem el-sha3b, w-t3ajjabo min jawebo w-sakato. Ejo kamm wa7ad min el-saddou2iyyin la-3and YASOU3, w-henne yalle ma bi2ãmno bel-2iyeme, w-sa2alouh: "Ya mou3allim, 2al Moussa: eza met rejjel 3endo mara bass ma 3endo wled, khayyo byetzawwajlo marto 7atta yjeeb minna wled 3a esm khayyo. Ken fi sab3 ekhwe, tzawwaj el-awwal w-met bidoun ma yjeeb wled. Wel-tene. Wel-telit lal-sebi3 3emlo nafs el-shi, meto kellon w-ma jebo wled. Ba3den metit el-mara. La-ayya wa7ad minnon bitkoun hal-zawje bel-2iyeme, li2anno el-sab3a tzawwajouwa?" Jewabon YASOU3: "wled hal-dene byetzawwajo. Bass yalle byest7e'2o ykoun elon nassib bel-7ayet el-abadiyye wel-2iyeme min bayn el-mawta, ma byetzawwajo. Bikouno metl maleyke, ma bimouto, w-henne wled ALLAH, li2annon wled el-2iyeme. W-Moussa nafso 2al hal-kalem 3al-3ellay2a enno el-mawta bi2oumo, lamma samma el-RAB Ileh Ibrahim w-Ileh Is7ak w-Ileh Ya3koub. W-ma ken ALLAH Ileh el-mawta, houe Ileh el-3ayshin, w-kellon 3ayshin 3endo." 2al kamm wa7ad min mou3allimi el-shari3a: "sa7i7, ya mou3allim!" W-min ba3da ma 7ada starja yes2alo 3an shi. W-2allon YASOU3: "keef bi2oulo enno el-MASI7 2eben Daoud, w-Daoud nafso bi2oul bi-kteb el-Mazamir: "2al el-RAB la-Rabbe: 23od 3an yameene 7atta khalle a3de2ak ta7t ejrek." Eza Daoud bisamme el-MASI7 RAB, fa-keef bikoun el-MASI7 2ebno?" W-2al YASOU3 la-tlemizo eddem kell el-sha3b yalle 3am yesma3o: "ntebho min mou3allimi el-shari3a, bi7ebbo el-mashe bel-tyeb el-tawile wel-salemet bel-se7at w-enno ye2e3do eddem bel-majemi3 w-bi7ebbo karase el-sharaf bel-waleyem. Byeklo bi-byout el-araml, w-bya3mlo 7alon 3am bisallo ktir. Hal-ashkas ra7 yendeno el-deynoune el-2a2sa." Ettalla3 YASOU3 w-shef el-aghniya 3am bi7otto tabarrou3aton bi-sandou2 el-haykal. W-shef kamen mara armale fa2ira 3am bit7ott felsen, 2al: "b2elkon el-7a2i2a: hal-armale el-fa2ira 7attit bel-sandou2 aktar min ma 7atto el-be2yin. Henne 7atto min yalle byefdal 3annon. Bass hiye, 7attit kell shi ma3a." W-ken fi nes 3am ye7ko bayn ba3don keef el-haykal mzayyan bel-7jara el-ra2i3a w-ti7af el-ndourat, fa-2al YASOU3: "Ra7 teje iyem mish ra7 yentarak 7ajar 3ala 7ajar min yalle 3am tshoufouh, kello ra7 yet'haddam" Sa2alouh: "khabberna aymata ra7 ysir hal-shi, ya mou3allim? W-shou hiye el-3aleme enno ra7 ysir hal-shi 3an 2arib?" Jewabon: "ou3a 7ada yekhda3kon. Ra7 yejo ktar min el-nes ta7t esme, w-ra7 y2oulo: ana houe! W-sar el-wa2et! Ma tel7a2ouwon. W-eza sme3to bi-akhbar el-7roub wel-thawrat ma tkhafo, li2anno hal-shi la-bodd enno ysir bel-awwal bass ma bitkoun el-niheye." W-2al YASOU3: ra7 t2oum oumme 3ala oumme, w-mamlake 3ala mamlake, w-ra7 ysir fi maje3a w-zalezil bi-matare7 ktire w-bisir fi a7deth bitkhawwif, w-btezhar 3alemet 3azeeme bel-sama. W-abl kell shi, ra7 yekemshoukon el-nes w-yedtehdoukon w-ysalmoukon lal-majeme3 wel-7abs w-byekhdoukon la-3and el-moulouk wel-7ekkem kermel esme. W-bitkoun hayde fersa elkon, la-tesh'hado fiya lal-injil. W-ma tehtammo keef ra7 etdef3o 3an 7alkon, li2anno ra7 a3tikon kalem w-7ekme ykhallo a3de2kon 3ejzin enno yreddo 3leyon aw yna2douwon. W-ra7 ysallmoukon bayyetkon w-ekhwetkon w-2raybinkon w-asdika2kon la-3and el-7ekkem w-ra7 ye2etlo kamm wa7ad minkon, w-yebghedkon kell el-nes kermel esme. Bass sha3ra we7de min raskon ma ra7 tou2a3. W-bi-thabetkon bitkhallso 7alkon. "Eza shefto Ourashalim m7asara bel-jyoush, 3rafo enno kharaba 2arib. W-yalle bikoun bel-Yahoudiye khallih yehrob 3al-jbel, w-yalle bikoun bel-madine khallih yetla3 minna, w-yalle bel-72oul ma yfout 3al-madine, li2anno hayde iyem na2me byet7a'2a2 fiya kell shi n2al bel-ketob el-m2addase. W-ya weylkon hal-7abela w-yalle 3am biradd3o bi-haydik el-iyem! Ra7 tenzal msibe 3ala hal-balad w-ghadab ALLAH 3ala hal-sha3b, w-ra7 yese2to bi-7add el-seyf, ra7 yettekhado asra bi-kell el-oumam, w-ra7 yed3aso el-wathaniye 3a-Ourashalim ta ken eja wa2ton. W-ra7 tezhar 3alemet bel-shams wel-2amar wel-njoum, w-ra7 yensabo el-oumam bel-ard bi-2ala2 kbir w-ro3b min hadir el-ba7r w-hayajen el-mawj. W-ra7 yghott 3a-2alb ktar min el-nes min el-khawf w-min tawa2ou3aton 3an yalle ra7 ysir bel-3alam, li2anno 2ouwwet el-sama ra7 tetza3za3. W-bi-haydak el-wa2et ra7 yshoufo el-nes 2eben el-2ensen jeye 3al-ghaym bel-majd wel-edra. W-lamma tsir hal-eshya, w2afo w-3allo raskon li2anno khalãskon sar 2arib. W-2al YASOU3 hal-matal: "ettalla3o bi-shajret el-teen w-be2e el-ashjar. Eza sar fiya wara2, bit2oulo el-sayf 2arib. W-nafs el-shi eza shefto hal-eshya saret, 3rafo enno malakout ALLAH 2arib. B2elkon el-7a2i2a: ma-ra7 yekhlas hal-jeel 7atta ykoun sar hayda kello. El-sama wel-ard bitzoul w-kaleme ma bizoul. "Ntebho ma tensheghil 2loubkon bel-khamr wel-sekr w-hmoum el-dene, w-yfeje2kon haydak el-yawm, li2anno ra7 yetbo2 metl el-fakh 3ala kell sekken el-ard. S'haro w-sallo bi-kell wa2et, 7atta te2daro tetkhatto kell shi ra7 ysir, w-tou2afo eddem 2eben el-2ensen." W-ken YASOU3 bel-nhar wel-leyl 3am bi3allim bel-haykal, w-lamma ysir 3ashiye yetla3 ta-ynem bi-jabal el-Zeytoun. W-ken el-sha3b kello ybakkir la-3ando 3al-haykal la-yesma3 kalemo. Ken 3id el-Fateer ye3ne 3id el-fos7 2arrab. Keno rou2asa el-kahane w-mou3allimi el-shari3a 3am bifattsho 3an tari2a ta-ye2etlo fiya YASOU3, li2annon keno khayfin min el-sha3b. W-fet el-shaytan bi-Yahouza el-moula2ab bel-Eskharyoute, w-houe min el-tlemiz el-tna3sh, ra7 w-fãwad rou2asa el-kahane w-2ouwwet 7aras el-haykal keef bisallimon yeh. Fer7o w-ettafa2o enno ya3touh masare. 2ebl w-sar yetra2ab el-fersa la-ysallimon yeh bi-matra7 b3id 3an el-sha3b. Eja yawm el-Fateer, yalle btendaba7 fih el-khwerif la-3asha el-fos7. Ba3at YASOU3 Boutros w-You7anna w-2allon: "rou7o 7addroulna 3asha el-fos7 ta-neklo." 2aloulo: "wayn baddak n7adderlak yeh?" Jewabon: "lamma tfouto 3al-madine ra7 tshoufo rejjel 7amel jarret may, l7a2ouh 3al-beyt yalle bifout 3le, w-2oulo la-RAB el-beyt: "bi2ellak el-mou3allim: wayn gherefte yalle ra7 ekol fiya 3asha el-fos7 ma3 tlemize? Ra7 yfarjikon bi-a3la el-beyt gherfe wes3a mafroushe, 7adro el-3asha honik." Ra7o w-le2o metl ma-2allon, w-ballasho y7adro 3asha el-fos7. W-lamma eja el-wa2et, 2a3ad YASOU3 ma3 el-rousl 3al-2akl. 2allon: "addeysh shtahet enno ekol 3asha el-fos7 ma3kon abl ma et2allam. B7ebb 2elkon: ma ra7 eklo ba3d liom 7atta yet7a'2a2 bi-malakout ALLAH." W-akhad YASOU3 kes w-shakar w-2al: "khedo hal-kes w-t2asamouwa baynetkon. B7ebb 2elkon: ma ra7 eshrab ba3d liom min 3asir el-karme 7atta yeje malakout ALLAH." W-akhad khebz w-shakar Allah w-sha2af el-khebz w-newalon w-2al: "hayda jesme ana, 3am yet2addam kermelkon. 3melo hek w-zkouroune." W-akhad el-kes min ba3d el-3asha, w-2al: "hayda el-kes houe el-3ahd el-jdid bi-damme ana, yalle ra7 yet2addam kermelkon. Bass yalle ra7 ysallimne, 2ido 3al-meyde ma3e. 2eben el-2ensen ra7 ymout metl ma nkatab, bass ya weylo yalle bisallmo!" W-saro el-tlemiz yes2alo 7alon meen min bayneton ra7 ya3mil hal-shi. W-saro yetjedalo meen bikoun el-akbar fiyon, 2allon YASOU3: "el-moulouk 7ekmeen el-oumam w-as7ab el-soulta bisammo 7alon mou7sinin. Bass ento, ma tkhallo hal-shi ykoun baynetkon, yalle baddo ykoun el-akbar fikon ykoun el-azghar, wel-rayyes khadim. Meen el-akbar: yalle 2e3id 3al-2akl aw yalle 3am yekhdom? Mish yalle 2e3id 3al-2akl? W-ana baynetkon metl yalle 3am yekhdom. W-ento yalle b2ito ma3e bi-wa2et me7ente, ana ba3tikon el-malakout metl ma 3atane yeh bayye, bteklo w-bteshrabo 3ala meyedte bi-malakoute, w-bte2e3do 3ala el-3roush ta-etdeeno 2abeyel Isra2il el-tna3sh." 2al el-RAB YASOU3: "Sem3an, Sem3an! Hayda el-shaytan 3am yetlob ygharbelkon metl ma bigharbel el-mzeri3 el-2am7. Bass ana salleytellak ta-ma tef2od imenak. W-enta lamma btestarje3 7alak, thabbet ekhwetak." Jewabo Sem3an: "ya RAB, ana mist3ed enno rou7 ma3ak 3al-7abs wel-mawt." 2allo YASOU3: "b7ebb 2ellak ya Boutros: abl ma ysi7 el-deek liom, ra7 tenkerne tlet marrat." Min ba3da 2al la-tlemizo: "lamma ba3atetkon bidoun masare wala kees wala sandal, 3ezto shi?" 2alo: "la2." 2allon: "bass halla2, yalle ma3o masare yekhedon, aw kees, ye7emlo. W-yalle ma 3endo seyf, ybi3 tawbo w-yeshtere seyf. B7ebb 2elkon: lezim tet7a'2a2 fiyye hal-ãye: w-3addouh ma3 el-mejrmeen. W-yalle nkatab 3anne lezim ysir." 2alo: "ya RAB! Ma3na hon seyfen." Jewabon: "bikaffe!" Min ba3da toli3 metl 3adto 3ala jabal el-zeytoun w-le7'2ouh tlemizo. W-lamma wossil la-honik 2allon: "sallo ta-ma tou2a3o bel-tajribe." W-bay3ad 3annon kamm fashkha w-raka3 w-salla, 2al: "ya bayye, eza moumkin tba3ed 3anne hal-kes! Bass mish metl ma ana badde, metl ma enta baddak." W-zaharlo malèk min el-sama w-sar y2awwih. W-ballash yet2allam, w-sar ysalle w-ysalle, w-ken 3ara2o metl no2at damm 3am tou2a3 3al-ard. W-2am 3an el-sala w-reje3 la-3and tlemizo, w-le2ehon neymin min el-za3al. 2allon: "shou bekon neymin? 2oumo sallo ma3e ta-ma tou2a3o bel-tajribe." Houe w-3am ye7ke, wosslit 3isabe meshe eddema Yahouza, wa7ad min el-tlemiz el-tna3sh, w-2arrab min YASOU3 w-beso. 2allo YASOU3: "bi-bawse, ya Yahouza, 3am bitsallim 2eben el-2ensen?" W-lamma shefo el-tlemiz shou 3am bisir 2alo: "baddak nedrob bel-seyf, ya RAB?" W-darab wa7ad minnon khadim ra2is el-kahane w-2ata3lo dayneto el-yameen. Jewab YASOU3: "bikaffé!" W-lamas daynet el-rejjel w-shafeha. W-2al YASOU3 la-yalle jeyin 3le min rou2asa el-kahane w-2ouwwed 7aras el-haykal wel-shyoukh: "tekhmin hejmeen 3ala shi harame bel-syouf wel-3ese? Kent kell yawm baynetkon bel-haykal, w-ma maddayto 2idkon 3leyye. Bass halla2 hayde se3etkon, w-hayda soultan el-3atme." Kamashouh w-akhadouh w-fawwatouh 3ala dar ra2is el-kahane. W-ken Boutros le7'2o min b3id. Walla3o el-7aras nar bi-se7it el-dar w-2a3ado 7awla, w-2a3ad Boutros bayneton. Shefeto khãdme 7add el-nar, ettalla3et fih mni7 w-2alet: "hayda el-rejjel ken ma3 YASOU3!" Nakar w-2al: "ana ma ba3erfo, ya mara!" W-ba3d shwey shefo rejjel w-2al: "enta minnon!" Jewabo Boutros: "la2, ya 2ensen!" W-mara2 shi se3a, w-2allon wa7ad w-houe m2akkad: "hayda 3anjad ken ma3on, li2anno min el-Jaleel!" Jewabo Boutros: "ya 2ensen, ma 3am befham shou 3am bit2oul!" w-houe w-3am ye7ke sa7 el-deek. Ltafat el-RAB w-ettalla3 bi-Boutros, tzakkar Boutros shou 2allo el-RAB: "abl ma ysi7 el-deek liom, btenkerne tlet marrat." Toli3 w-beke dmou3 morra. W-saro yalle 3am ye7erso YASOU3 yetmaskharo 3le w-yedorbouh w-yghatto wejjo w-yes2alouh: "meen darabak? 7zar!" W-fo2 hayda kello saro ysebbouh. W-lamma toli3 el-sob7 jtama3o majles shyoukh el-sha3b henne w-rou2asa el-kahane w-mou3allimi el-shari3a, w-ba3ato wara YASOU3 3al-majles w-2aloulo: "2elna eza kent enta el-MASI7" Jewabon: "eza 2eltelkon ma ra7 tsad2oune, w-eza sa2altkon ma ra7 tjewbo. Bass 2eben el-2ensen ra7 ye2'3od min ba3d liom 3an yameen ALLAH el-2adeer." 2alo kellon: "ye3ne enta 2eben ALLAH!" Jewabon "ento 2elto, ana houe." 2alo: "me7tejin ba3d la-shouhoud? Sme3neha min temmo." W-2amo jame3et el-majles kellon w-jebouh la-3and Bilatos, w-saro yettehmouh w-y2oulo: "l2ina hal-rejjel 3am yezra3 el-fetne bayn sha3bna, w-3am yemna3o yedfa3 el-daribe la-2aysar, w-3am bi2oul enno houe el-MASI7 el-malik." Sa2alo Bilatos: "enta malik el-Yahoud?" Jewabo: "enta 2elt." 2al Bilatos la-rou2asa el-kahane wel-nes: "ma 3am le2e jerm 3ala hal-rejjel!" Bass henne dallo y2oulo: "3am yezra3 el-fetne bayn el-sha3b bi-ta3limo bel-Yahoudiye kella, min el-Jaleel la-hon." Lamma sem3 Bilatos hal-kalem sa2alon: "hal-rejjel min el-Jaleel?" W-lamma 3eref enno min wileyet Hirodos ba3ato la-3ando, w-houe bi-haydak el-wa2et ken bi-Ourashalim. W-lamma shef Hirodos YASOU3 fer7 ktir, li2anno ken 7abeb min zamen yshoufo la-ketrit ma sem3 3anno, w-ken byetmanna enno yshouf shi 3ajibe 3am bitsir 3ala 2ido. Sa2alo aktar min sou2al, bass YASOU3 ma jewabo 3an shi. W-saro rou2asa el-kahane w-mou3allimi el-shari3a yettehmouh w-yzeedo el-teham. Hirodos w-3askaro 7ta2arouh. W-tmaskharo 3le, w-labbasouh tawb byelma3 w-raddouh la-3and Bilatos. W-bi-haydak el-yawm tsala7o Hirodos w-Bilatos, li2anno keno abl a3de2. Ba3at Bilatos wara rou2asa el-kahane wel-zou3ama wel-sha3b w-2allon: "jebtoule hal-rejjel w-2elto enno 3am yekhda3 el-sha3b. Fa7asto eddemkon, ma l2it enno rtakab shi min yalle 3am tettehmouh fih, wala 7atta Hirodos le2a shi, li2anno raddo la-3ande. Ma fi shi 3emlo hal-rejjel byest7e2 el-mawt. Ra7 ejeldo w-efelto." W-ken Bilatos bi-kell 3id ye3fe 3an ma7bous wa7ad. Sarakho kellon sawa: "2tol hal-rejjel w-3fih 3an Barabas!" W-ken Barabas bel-7abs li2anno shtarak bi-fetne bel-madine, w-rtakab jarimet 2atl. W-7ekehon Bilatos marra tenye li2anno ken baddo yeflot YASOU3, saro ysarrkho: "slebo! slebo!" W-2allon lal-marra el-telte: "shou 3eml? Ma 3am le2e 3le shi bikhallih yest7e2 el-mawt. Ra7 ejeldo w-efelto!." Dallo ysarrkho bel-3ale w-y2ouloulo slebo, w-kermelon yzeedo sarikh, se3eta 7akam Bilatos enno yet7a'2a2 talabon, w-falat el-rejjel yalle talabouh, w-ken bel-7abs kermel jarimet 2atl, w-3eml fetne, w-sallam YASOU3 lal-sha3b. Henne w-ekhdino, tla'2at el-3askar bi-Sem3an, w-houe Kayrine ken reji3 min el-7a2l, 7ammalouh el-salib w-mashshouh wara YASOU3. W-le7'2ouh nes ktir min el-sha3b, w-neswen keno 3am bide'2o 3ala sdouron w-yenedbouh. Ltafat YASOU3 sawbon w-2al: "ma tebko 3leyye ya banet Ourashalim, bkou 3ala 7alkon w-3ala wledkon. Ra7 teje iyem byen2al fiya: niyyel yalle ma 7eblo wala wallado wala radda3o. W-byen2al lal-jbel w2a3e 3leyna, w-lal-tlel ghattina. W-eza keno 3emlo hek bel-ghosn el-akhdar, fa-shou ra7 ysir bel-ghosn el-yebis?" W-jarro ma3o tnen min el-mejrmeen. W-lamma wosslo lal-matra7 yalle esmo el-Joumjoume, salabouh honik ma3 el-mejrmeen, wa7ad 3an yameeno wel-tene 3an shmelo. 2al YASOU3: "ghferlon ya bayye, li2annon ma 3am ya3erfo shou 3am ya3emlo." W-t2asamo tyebo bel-2or3a. W-we2f el-sha3b honik 3am yettalla3, wel-rou2asa 3am yetmaskharo 3le w-y2oulo: "khallas ghayro, ykhallis 7alo, eza ken el-MASI7 el-mekhtar!" W-tmaskharo 3le el-3askar kamen, saro y2arbo minno w-ya3touh khall w-y2oulo: "khallis 7alak, eza kent malik el-Yahoud!" W-ken fo2 raso law7a maktoub 3leya: "hayda malik el-Yahoud!" W-sar wa7ad min el-mejrmen el-m3alla2in 3al-salib yjaddef 3le w-y2ello: "mish enta el-MASI7? Khallis 7alak w-khallisna!" Bass el-tene sakkato w-2al: "ma bitkhaf ALLAH w-enta 3am tet7ammal nafs el-2asãs? Ne7na 2asãsna 3adel, hayda jaza a3melna, bas houe, ma 3eml shi 3atel." W-2al: "zkerne ya YASOU3, bass teje bi-malakoutak." Jewabo YASOU3: "B2ellak el-7a2i2a: ra7 tkoun liom ma3e bel-ferdaws." Wel-dohr 3attamit el-dene kella lal-se3a tlete. W-nkasafit el-shams, w-nkhaza2 7ijeb el-haykal bel-noss. W-sarakh YASOU3 sarkha 2awiye: "ya bayye, bayn 2idek bsallim rou7e." 2al hal-shi w-sallam rou7o. W-lamma shef ra2is el-7aras yalle sar, majjad ALLAH w-2al: "mbala, hal-rejjel ken 7a2i2atan sale7." Wel-nes yalle 7edro hal-mash'had, w-shefo yalle sar, rej3o henne w-3am bide'2o 3ala sdouron. W-keno kell asdika2 YASOU3, wel-neswen yalle le7'2ino min el-Jaleel, 3am bishoufo hal-eshya min b3id. Eja wa7ad min majles el-Yahoud esmo Youssef, w-houe rejjel ta2e sale7, Ken dodd el-majles w-keef tsarrafo, w-ken min el-Rama w-hiye madine Yahoudiye, w-ken natir malakout ALLAH, eja la-3and Bilatos w-talab jesm YASOU3. W-min ba3da nazzalo 3an el-salib w-laffo bi-kafan min ketten, w-7atto bi-2abr ma7four bel-sakhr, ma ndafan fih 7ada min abl. W-ken hal-nhar houe yawm el-te7dir lal-sabt, w-ken ra7 yeje yawm el-sabt. W-keno el-neswen yalle ejo ma3 YASOU3 min el-Jaleel le7'2in Youssef, shefo el-2abr w-keef 7atto fih jesm YASOU3. Min ba3da rej3o 7addaro 3otr w-7nout, w-rte7o nhar el-sabt metl ma bit2oul el-shari3a. Ejo el-neswen el-a7ad abl el-daw 7amleen el-3otr yalle 7addarouh. Le2o el-7ajar mda7raj 3an el-2abr. Lamma feto, ma shefo jesm el-RAB YASOU3. Bi-hal-wa2et, w-keno mish 3erfin shou baddon ya3emlo, zaharoulon rejjelen lebsin tyeb btelma3, fa-khafo ktir w-7atto wejjon bel-ard, 2aloulon el-rejjelen: "leysh 3am tfattsho 3an el-7ayy bayn el-mawta? Manno hon, 2am. Tzakkaro shou 2alkon lamma ken bel-Jaleel, "lezim enno yetsallam 2eben el-2ensen 3a-2iden el-khatyeen w-yensalab, w-telit yawm ra7 y2oum." Se3eta tzakkaro el-neswen kalemo. W-rej3o min el-2abr w-khabbaro el-tlemiz el-7da3sh wel-be2yin bi-yalle sar, w-henne Maryam el-Majdaliyye w-7anne w-Maryam emm Ya3koub, w-kamen be2e el-neswen yalle refa2ouh. W-fakkaro el-rousl ennon 3am yetwahhamo, w-ma sadda2ouwon. Bass Boutros 2am w-rakad 3al-2abr, w-lamma n7ana shef el-akfen wa7da. Reje3 mazhoul min yalle sar. W-bel-yawm zeto, keno tnen min el-tlemiz bi-tari2on 3ala day3a esma 3emwas, b3ide 3an Ourashalim shi sab3 amyel (ye3ne shi se3teyn mashe). W-keno 3am yetshera3o bi-hal-eshya kella. Henne w-3am yetshera3o w-yetjedalo, 2arrab minnon YASOU3 bi-zeto w-meshe ma3on, bass 3younon ma 3erfeto. 2allon: "bi-shou 3am tetshera3o ento w-meshyin?" We2fo ze3lenin. Jewabo wa7ad minnon, w-esmo Kalyopas: "enta wa7dak gharib 3an Ourashalim ma bta3rif shou sar bi-hal-iyem!" 2al YASOU3: "shou sar?" 2aloulo: "shou sar bi-YASOU3 el-Nassire, w-ken nabe 2adeer bel-2awl w-bel-fe3l 3end ALLAH wel-sha3b, keef sallamouh rou2asa kahanetna w-zou3ame2na lal-mawt, w-keef salabouh. W-kenna mnet2ammal enno ykoun houe yalle bikhallis Isra2il. W-ma3 hayda w-kello, liom houe el-yawm el-telit la-hal-a7deth yalle saret. Bass fi neswen min jame3etna 7ayyarouna, li2annon zaro el-2abr abl el-daw, w-ma le2o jesmo, rej3o w-2alo ennon shefo maleyke zaharoulon w-khabbarouwon enno 3ayish. Ra7o kamm wa7ad min yalle ma3na 3al-2abr, w-le2o metl ma 2alo el-neswen. Bass houe, ma shefouh." 2allon YASOU3: "ya alileen el-fehm w-bati2in el-imen bi-kell shi 2alouh el-anbiya! Mish ken lezim el-MASI7 yet2allam, 7atta yetmajjad?" W-shara7lon shou nkatab 3anno bi-kell el-ketob el-m2addase, min Moussa 7atta be2e el-anbiya. W-lamma 2arrabo min el-day3a el-ray7in 3leya, 3eml 7alo raye7 3ala matra7 b3id. Tmassako fih w-2aloulo: "khallik ma3na, li2anno sar 3ashiye wel-nhar kholis!" Fet w-be2e ma3on. W-lamma 2a3ado 3al-2akl, akhad YASOU3 khebz w-berak w-sha2afo w-newalon. Se3eta nfata7et 3younon w-3erfouh, bass houe khtafa. 2al el-awwal lal-tene: "ma 7asseyt 2albna 3am ye7tere2 bi-sadrna, wa2et yalle 7ekena 3al-tari2 w-shara7elna el-ketob el-m2addase?" W-2amo deghre w-rej3o 3ala Ourashalim, w-le2o el-rousl el-7da3sh w-yalle ma3on mejtem3in, w-keno 3am bi2oulo: "2am el-RAB 7a2i2atan w-zahar la-Sem3an!" W-khabbarouwon bi-yalle sar 3al-tari2, w-keef 3erfo el-RAB wa2et yalle sha2af el-khebz. Bi-hal-wa2et, w-keno ba3don el-telmizen 3am ye7ko, zahar YASOU3 bi-zeto bayneton w-2allon: "el-salem ma3kon!" Khafo w-nra3abo, w-fakkaro 7alon 3am bishoufo shaba7. 2allon: "shou bekon khayfin, w-leysh fet el-shakk 3a-2loubkon? Ettalla3o 3ala 2ideyye w-ejreyye, ana houe. Lmesoune w-t2akkado. El-shaba7 ma bikoun 3endo la7m w-3adm metl yalle sheyfino 3ende." 2al hal-shi w-farjehon 2idey w-ejrey. Bass dallo mish msad2in min ketrit el-fara7 wel-dahshe. 2allon: "3endkon 2akl hon?" Newalouh samak meshwe, akhad w-akal eddem 3younon. Min ba3da 2allon: "lamma kent ba3dne ma3kon 2eltelkon: la-bodd enno ysir ma3e kell yalle nkatab bi-shari3et Moussa w-ketob el-anbiya wel-mazamir." Min ba3da fata7lon 3a2lon ta-yefhamo el-ketob el-m2addase, w-2allon: "maktoub enno el-MASI7 ra7 yet2allam w-y2oum min el-mawt bel-yawm el-telit, w-bten3alan bi-esmo el-tawbe w-ghofran el-khataya la-kell el-shou3oub, w-bitkoun el-bideye min Ourashalim. W-ento shouhoud 3ala hal-shi. W-ra7 eb3atlkon yalle bayye wa3ad fih. Khallikon bi-madinet Ourashalim 7atta tenzal 3leykon el-2ouwwe min fo2." W-min ba3da talla3on 3ala Beyt-3anya, w-3alla 2idey w-berakon. W-houe w-3am biberekon, nfasal 3annon w-toli3 3al-sama, fa-sajadoulo, w-rej3o 3ala Ourashalim fer7anin. W-keno kell el-wa2et bel-haykal 3am biberko ALLAH. Bel-bideye ken el-kelme, wel-kelme ken 3end ALLAH, wel-kelme houe ALLAH. Houe bel-bideye ken 3end ALLAH. Bi-wasteto sar kell shi, bidouno ma ken sar shi min yalle sar. Minno ejet el-7ayet, w-7ayeto nour lal-nes. Wel-nour dawwa bel-3atme, wel-3atme ma edrit 3le. Zahar rasoul min ALLAH esmo You7anna. Eja yesh'had lal-nour 7atta y2ãmno el-nes 3ala 2ido. Ma ken houe el-nour, bass eja ta-yesh'had lal-nour. El-kelme houe el-nour el-7a2i2e, eja 3al-3alam la-ynawwir kell 2ensen. W-ken bel-3alam, w-bi-wasteto sar el-3alam, bass el-3alam ma 3erfo. Eja 3ala beyto, w-ma 2eblouh ahl beyto. Bass yalle 2eblouh, ye3ne el-mou2minin bi-esmo, 3atahon soultan enno ysiro wled ALLAH, w-henne yalle khel2o mish min la7m w-damm wala min shahwet el-jesm wala min iradet 2ensen, khel2o min ALLAH. Wel-kelme sar bashar w-sakan baynetna, w-shefna majdo majd melyen ne3me w-7a2, akhado el-2eben el-wa7eed min el-Ãb. Shehedlo You7anna w-neda: "hayda houe yalle 2elt 3anno: byeje min ba3de w-houe a3zam minne, li2anno ken abl ma enwejid." Min fayd ne3amo akhadna kellna ne3me fo2 ne3me, li2anno ALLAH bi-Moussa 3atana el-shari3a, bass bi-YASOU3 el-MASI7 3atana el-ne3me wel-7a2. Ma 7ada shef ALLAH. El-Ileh el-wa7eed yalle bi-7odn el-Ãb houe yalle khabbar 3anno. Hayde shahedet You7anna, lamma ba3atoulo el-Yahoud min Ourashalim kahane w-lawiyyin ta-yes2alouh: "meen enta?" 3taraf w-ma nakar, 2al: "ana mish el-MASI7." 2alo: "meen enta, fa-ezan? Enta Eliyya?" 2al: "ana mish Eliyya." 2alo: "enta el-nabe?" Jewab "la2." 2aloulo: "meen enta, 7atta nekhod el-jaweb la-yalle ba3atouna. Shou bit2oul 3an 7alak?" 2al: "ana, metl ma 2al el-nabe Ashe3ya: "sawt 3am yesrokh bel-barriye: jallso tari2 el-RAB." W-ken bayneton ferrisiyyin, 2alo la-You7anna: "keef 3am bit3ammed w-enta mish el-MASI7 wala Eliyya wala el-nabe?" Jewabon: "Ana b3ammed bel-may, bass fi baynetkon wa7ad ma bta3erfouh. Houe yalle byeje min ba3de, bikoun a3zam minne, w-ana ma best7e2 fekk shrit sandalo." Sar kell hal-shi bi-Beyt-3anya, wara Nahr el-Ordon, matra7 ma ken You7anna 3am bi3ammed. W-tene nhar shef You7anna YASOU3 jeye sawbo, 2al: "hayda houe 7amal ALLAH yalle bisheel khatiyyet el-3alam. Hayda houe yalle 2elt 3anno: byeje min ba3de rejjel a3zam minne, li2anno ken able. W-ma kent ba3erfo, jeet 3ammed bel-may 7atta yezhar la-Isra2il." W-shehed You7anna, 2al: "sheft el-rou7 nezil min el-sama bi-shakl 7ameme w-hede 3le. W-ma kent ba3erfo, bass yalle ba3atne la-3ammed bel-may 2alle: "yalle bitshouf el-rou7 byenzal w-byehda 3le houe yalle ra7 y3ammed bel-ROU7 el-2ODOS. W-ana sheft w-sh'hedet enno houe 2eben ALLAH." W-bel-yawm el-tene ken You7anna we2if honik, w-ma3o tnen min tlemizo. Ettalla3 3a-YASOU3 yalle ken meri2 w-2al: "hayda houe 7amal ALLAH." Sem3ouh el-telmizen, w-le7'2o YASOU3. Ltafat YASOU3 w-shefon le7'2ino, 2allon: "shou badkon?" 2alo: "Rabbi (ye3ne ya mou3allim) wayn sèkin?" 2al: "ta3o shoufo." Ra7o w-shefo wayn sèkin, w-be2yo ma3o bi-haydak el-yawm, w-kenit el-se3a shi arb3a ba3d el-dohr. W-ken Endrawos khayy Sem3an Boutros wa7ad min el-telmizen yalle sem3o kalem You7anna w-le7'2o YASOU3. W-lta2a Endrawos bi-khayyo Sem3an, w-2allo: "l2ina el-Messiya", ye3ne el-MASI7. W-jebo la-3and YASOU3, ettalla3 fih YASOU3 w-2al: "enta Sem3an 2eben You7anna, w-ra7 sammik "Kifa" (ye3ne sakhr)." W-tene nhar ken YASOU3 baddo yrou7 3al-Jaleel. Lta2a bi-Filippos, w-2allo: "l7a2ne." W-ken Filippos min Beyt-Sayda, madinet Endrawos w-Boutros. W-lta2a Filippos bi-Nathana2il, 2allo: "l2ina yalle zakaro Moussa bel-shari3a, wel-anbiya bel-ketob, w-houe YASOU3 2eben Youssef min el-Nassira." 2allo Nathana2il: "leysh el-Nassira byetla3 minna shi mni7?" Jewabo Filippos: "ta3a w-shouf." W-shef YASOU3 Nathana2il jeye sawbo, 2al: "hayda Isra2ile 7a2i2e ma fiyo ghesh!" 2allo Nathana2il: "keef 3refetne?" Jewabo YASOU3: "sheftak ta7t el-teene abl ma ynedik Filippos." 2al Nathana2il: "enta ya mou3allim 2eben ALLAH. Enta malik Isra2il!" Jewabo YASOU3: "2ãmanet li2anno 2eltellak: sheftak ta7t el-teene? Ra7 tshouf a3zam min hek." W-2allo: "b2elkon el-7a2i2a, ra7 tshoufo el-sama maftou7a w-maleyket ALLAH tal3in w-nezleen fo2 2eben el-2ensen." Bel-yawm el-telit ken fi bi-Kana el-Jaleel 3ers, w-kenit emm YASOU3 honik. W-n3azam YASOU3 w-tlemizo 3al-3ers. W-kholis el-nbeed, 2aletlo emmo: "ma ba2a 3endon nbeed." Jewaba: "3mele sheghlik w-ana ba3mil sheghle, ba3d ma eja el-wa2et." 2alet emmo lal-kheddem: "3melo metl ma bi2ellkon." W-ken honik fi sitt jran min 7ajar byesta3mlouwon el-Yahoud lal-tot'hir, bise3 kell wa7ad minnon kaylen aw tlete (ye3ne min tmeneen la-miyye w-3eshreen litre). 2al YASOU3 lal-kheddem: "mallo el-jran may." Mallouwa lal-sheffe. 2allon: "s2ou el-nes halla2 w-3touh ra2is el-walime." Fa-newalouh. W-lamma de2 el-may yalle sar nbeed, ken ma bya3rif min wayn eja, bass el-kheddem yalle 2addamouh keno bya3erfo, neda el-3arees w-2allo: "kell el-nes bi2addmo el-nbeed el-tayyib bel-awwal, w-bass yeskaro el-dyouf, bi2addmo yalle a2all tibe. Bass enta khalleyt el-nbeed el-tayyib la-halla2!" Hayde awwal 3ajibe 3emela YASOU3, bi-Kana el-Jaleel. W-azhar majdo, w-2ãmano fih tlemizo. W-nezl YASOU3 min ba3da 3ala Kfarna7oum w-ma3o emmo w-ekhweto w-tlemizo, w-sakano honik kamm yawm. 2arrab 3id el-fos7 3end el-Yahoud, w-toli3 YASOU3 3ala Ourashalim. W-shef bel-haykal biyye3in el-ba2ar wel-ghanam wel-7amem, wel-serrafin 2e3deen 3ala tawleton, jeb 7abl w-3emlo kerbej w-sha7aton kellon min el-haykal ma3 el-ghanam wel-ba2ar, w-zatt amwel el-serrafin w-2alab tawleton, w-2al la-biyye3in el-7amem: "sheelo hal-shi min hon, w-ma ta3emlo min beyt bayye beyt lal-tijara. W-tzakkaro tlemizo enno maktoub: "el-ghire 3ala beytak, ya ALLAH, ra7 tekelne." 2aloulo el-Yahoud: "farjina shi 3ajibe bitsabbet enno ma3ak 7a2 ta3mil hal-shi?" Jewabon YASOU3: "hdemo hal-haykal, w-ana b3ammro bi-tlet tiyem." 2alo el-Yahoud: "t3ammar hal-haykal bi sitta-w-arb3een sene, keef enta baddak t3ammro bi-tlet tiyem?" W-ken YASOU3 bye2sod haykal jesmo. W-lamma 2am min el-mawt, tzakkaro tlemizo hal-kalem, w-2ãmano bel-kteb wel-kalem yalle 2alo YASOU3. W-lamma ken bi-Ourashalim bi-fatrit 3id el-fos7, 2ãmano fih ktar min el-nes lamma shefo el-3ajeyeb yalle 3emela. Bass YASOU3 ma ken y2ammenlon, li2anno ken bya3refon kellon, w-mish bi-7aje la-meen ykhabro 3annon, li2anno ken bya3rif shou fi bi-2alb el-2ensen. W-ken fi rejjel ferrise min rou2asa el-Yahoud esmo Nikodimos. Eja la-3and YASOU3 bel-leyl w-2allo: "ya mou3allim, ne7na mna3rif enno ALLAH ba3atak mou3allim, w-ma 7ada bye2dar ya3mil yalle 3am ta3mlo ella eza ken ALLAH ma3o." Jewabo YASOU3: "b2ellak el-7a2i2a el-7a2i2a: ma fi 7ada bye2dar yshouf malakout ALLAH ella eza welid min jdid." 2allo Nikodimos: "keef byoulad el-2ensen w-houe kbir bel-3omr? Ba3d bye2dar yfout 3a-batn emmo marra tenye w-yerja3 youlad?" Jewabo YASOU3: "b2ellak el-7a2i2a el-7a2i2a: ma fi 7ada bye2dar yfout 3a-malakout ALLAH ella eza welid min el-may wel-rou7, li2anno mawloud el-jesm bikoun jesm w-mawloud el-rou7 bikoun rou7. Ma tet3ajjab min kaleme hayda: lezim toulado min jdid. El-ree7 bit'heb matra7 ma badda, btesma3 sawta w-ma bta3rif min wayn jeye wala la-wayn ray7a: hek kell wa7ad byoulad min el-rou7." 2allo Nikodimos: "keef bikoun hal-shi?" Jewabo YASOU3: "Enta mou3allim bi-Isra2il w-ma bta3rif? B2ellak el-7a2i2a el-7a2i2a: ne7na 3am ne7ke bi-yalle mna3erfo, w-mnesh'had bi-yalle shefneh bass ento ma bte2balo shahedetna. Eza kento ma bitsad2o yalle 3am khabberkon yeh 3an oumour el-dene, keef bitsad2o eza khabbaretkon 3an oumour el-sama? Ma fi 7ada toli3 3al-sama ella 2eben el-2ensen yalle nezl min el-sama. W-metl ma rafa3 Moussa el-7ayye bel-barriye, hek lezim yenrafa3 2eben el-2ensen. 7atta ya3te el-7ayet el-abadiyye la-kell yalle bi2ãmno fih. Hek 7abb ALLAH el-3alam 7atta enno 2addamelna 2ebno el-wa7eed, la-ma yehlako kell yalle bi2ãmno fih, w-tkoun elon el-7ayet el-abadiyye. W-ALLAH ba3at 2ebno lal-3alam mish la-ydeen el-3alam, ba3ato la-ykhallis el-3alam. Yalle bi2ãmen bel-2eben ma byenden. W-yalle ma bi2ãmen fih byenden, li2anno ma bi2ãmen bi-2eben ALLAH el-wa7eed. W-hal-deynoune hiye enno el-nour eja 3al-3alam, wel-nes faddalo el-3atme ma7al el-nour li2annon bya3emlo el-sharr. W-yalle bya3mil el-sharr byekrah el-nour, w-ma byeje la-3ando ta-ma tenfada7 a3melo. Bass yalle meshe 3al-7a2, bye2bal bel-nour, 7atta yshoufo el-nes enno a3melo kenit bi-7asab iradet ALLAH." Min ba3da eja YASOU3 w-tlemizo 3ala bled el-Yahoudiye, w-2a3ado fiya w-sar y3ammed. W-ken You7anna y3ammed kamen bi-3ayn Noun, 7add Salim, la-ketrit el-may yalle fiya. W-keno el-nes yejo w-yet3ammado, w-hal-shi abl ma n7abas You7anna. W-sar fi jidel bayn tlemiz You7anna w-wa7ad min el-Yahoud bennesbe lal-tahara. Ejo la-3and You7anna w-2aloulo: "ya mou3allim, hayda houe el-rejjel yalle ken ma3ak 3al-meyle el-tenye min el-Ordon w-shahadet elo, 3am bi3ammed hon, w-kell el-nes 3am teje la-3ando." Jewabon You7anna: "ma fi shi byettekhad ella eza el-sama 3ateto yeh. Ento bi-zetkon btesh'hado enno 2elt: ana mish el-MASI7, ana rasoul eddemo. Yalle el-3arous elo, houe el-3arees. W-sadee2 el-3arees, byou2af 7addo yetsamma3 3le w-byefra7 enno yesma3 sawt el-3arees. W-hal-fara7 houe fara7e ana, w-fara7e halla2 ktamal. Houe elo enno yzeed, w-ana enne en2as. Yalle eja min fo2, houe fo2 kell el-nes. W-yalle ken min el-ard, houe ardé w-bi-kalem ahl el-ard bye7ke. W-yalle eja min el-sama, houe fo2 kell el-nes, byesh'had bi-yalle shefo w-sem3o w-ma 7ada bye2bal shahedto. Yalle 2ebl shahedto shehed enno ALLAH sade2. Yalle ba3ato ALLAH bye7ke kalem ALLAH, li2anno ALLAH bya3te el-ROU7 bidoun 7seb. El-Ãb bi7ebb el-2eben w-7att kell shi bi-2ido. Yalle bi2ãmen bel-2eben, elo el-7ayet el-abadiyye. W-yalle ma bi2ãmen bel-2eben, ma bishouf el-7ayet, bel-3aks byenzal 3le ghadab ALLAH." W-3eref el-RAB YASOU3 enno el-ferrisiyyin sem3o enno talmaz w-3ammad aktar min ma talmaz You7anna w-3ammad, ma3 enno YASOU3 nafso ma ken y3ammed, tlemizo henne yalle keno y3ammdo, fa-tarak el-Yahoudiye w-reje3 3al-Jaleel. W-ken lezim yemro2 bel-Samira, wossil 3ala madine semiriye esma Soukhar, 2aribe min el-ard yalle 3ataha Ya3koub la-2ebno Youssef, w-fiya beer Ya3koub. W-ken YASOU3 te3ben min el-safar, 2a3ad 3ala 7affit el-beer. W-ken el-wa2et 2arib lal-dohr. Ejet mara Semiriye la-t3abbe min may el-beer, 2alla YASOU3: "3tine ta-eshrab." W-keno tlemizo bel-madine 3am yeshtero 2akl. Jewabet el-mara: "enta Yahoude w-ana Semiriye, keef btetlob minne enno sharrbak?" 2alet hal-shi li2anno el-Yahoud ma bye7ko ma3 el-Semiriyyin. 2alla YASOU3: "law kente bta3erfe 3atiyyet ALLAH, w-meen houe yalle 3am bi2ellik 3tine ta-eshrab, kente talabte ente minno ya3tike may el-7ayet." 2aletlo el-mara: "ma ma3ak satl, ya Rab, wel-beer ghami2a, min wayn 3endak may el-7ayet? Bayyna Ya3koub 3atana hal-beer, w-sherb minna houe w-wledo w-atee3o, tekhmin enta a3zam min Ya3koub?" Jewaba YASOU3: "yalle byeshrab min hal-may bye3tash marra tenye, bass yalle byeshrab min el-may yalle ana ba3tiya, ma ra7 ye3tash abadan. El-may yalle ba3tiya bitsir nab3 byetfajjar 7ayet abadiyye." 2aletlo el-mara: "3tine min hal-may ya Rab, ta-ma e3tash w-ma eje la-hon la-eshrab." 2alla: "rou7e jeebe zawjik, w-rja3e la-hon." Jewabet el-mara: "ma 3ende zawj." 2alla YASOU3: "mazbout, ma 3endik zawj, li2anno ken 3endik khamse, w-yalle ma3ik halla2 manno zawjik. W-bi-hal-shi ma kazzabte." 2alet el-mara: "haye2tak nabe, ya Rab! Bayyetna 3abado ALLAH 3ala hayda el-jabal, w-ento el-Yahoud bit2oulo enno Ourashalim hiye el-matra7 yalle lezim enno ne3bad fih ALLAH." 2alla YASOU3: "sad2ine, byeje wa2et bye3bado fih el-nes el-Ãb, la bi-hal-jabal wala bi-Ourashalim. W-ento el-Semiriyyin bte3bado yalle ma bta3erfouh, w-ne7na el-Yahoud mne3bad yalle mna3erfo, li2anno el-khalãs byeje min el-Yahoud. Bass ra7 teje se3a, w-ejet halla2, bye3bad fiya el-mou2minin el-sad2in el-Ãb bel-rou7 wel-7a2. Hawde henne el-mou2minin yalle baddo henne el-Ãb. ALLAH rou7, w-lezim el-mou2minin ye3badouh bel-rou7 wel-7a2." 2aletlo el-mara: "ba3rif enno el-Messiya, (ye3ne el-MASI7) ra7 yeje. W-lamma yeje bikhabberna bi-kell shi." 2alla YASOU3: "Ana houe, yalle 3am ye7kike." Bi-hal-wa2et keno rej3o tlemizo. W-t3ajjabo wa2ta shefouh 3am ye7ke ma3 mara. Bass ma 7ada minnon 2al: "shou baddak minna?" Aw "leysh 3am te7kiya?" W-taraket el-mara jarreta w-rej3et 3al-madine. W-2alet lal-nes honik: "Ta3o shoufo rejjel 2alle kell shi 3melto. Awlkon hayda el-MASI7?" Se3eta kellon tarako el-madine w-ejo la-3and YASOU3. W-keno el-tlemiz bi-hal-wa2et 3am bi2oulo la-YASOU3: "kol, ya mou3allim" 2allon: "3ende 2akl beklo ento ma bta3erfouh." W-saro el-tlemiz yes2alo 7alon: "7ada jablo shi la-yeklo?" 2allon YASOU3: "2akle ana houe enno a3mil iradet yalle ba3atne w-kammil 3amalo. Mish bit2oulo: min ba3d arba3 tesh'hor byeje wa2et 2atf el-zar3? W-ana b2elkon: ettalla3o shoufo el-72oul keef byaddit w-nodjit lal-2atf. W-yalle bye7sod byekhod 2ejerto, w-byejma3 ghallé lal-7ayet el-abadiyye. W-hek byefra7 el-mzeri3 ma3 yalle bye7sod, w-byesdo2 el-matal yalle bi2oul: wa7ad byezra3 wel-tene bye7sod. W-ana ba3attkon la-te7osdo 7a2l ma t3ebto fih. Ghayrkon te3b w-ento btekhdo ghallet at3abo." W-2ãmano fih ktar min el-semiriyyin bi-haydik el-madine, li2anno el-mara shahadet w-2alet: "zakarle kell shi 3melto." W-lamma ejo la-3ando el-semiriyyin trajjouh enno yeb2a 3endon, fa-2a3ad yawmen. W-zed ktir 3adad yalle 2ãmano fih wa2et yalle sem3o kalemo, w-2alo lal-mara: "ne7na halla2 min2ãmin, mish la-kalemik, bass li2anno ne7na sme3na w-3refna enno 7a2i2atan houe moukhallis el-3alam." Min ba3d yawmen ra7 YASOU3 3al-Jaleel, ma3 enno houe bi-zeto ken 2al: "ma fi nabe tkarram bi-watano." W-lamma wossil 3al-Jaleel, ra7abo fih ahlo, li2annon keno bi-Ourashalim bi-3id el-fos7, w-shefo kell shi 3emlo bel-3id. W-eja kamen 3ala Kana el-Jaleel, matra7 ma 7awwal el-may la-nbeed. W-ken fi bi-Kfarna7oum rejjel min 7eshiyet el-malik, 3endo 2eben mareed. W-lamma sem3 enno YASOU3 wossil min el-Yahoudiye 3al-Jaleel, eja la-3ando yetrajjeh enno yenzal 3ala Kfarna7oum ta-yeshfilo 2ebno yalle ra7 ymout. 2allo YASOU3: "ento ma bit2ãmno ella eza shefto el-3ajeyeb." 2allo el-rejjel: "nzal ya Rab, abl ma ymout 2ebne." 2allo YASOU3: "rou7! 2ebnak ba3do tayyib." W-2ãman el-rejjel bi-kalem YASOU3 w-ra7 3ala Kfarna7oum. W-houe w-raye7 bel-tari2, le2ouh kheddemo w-khabbarouh enno 2ebno ma met. Sa2alon: "aymata nshafa?" Jewabouh: "mbere7, el-se3a we7de ba3d el-dohr, 7allit 3anno el-7emma." W-tzakkar el-bayy enno bi-hayde el-se3a 2allo YASOU3: "2ebnak ba3do tayyib." W-2ãman houe w-kell ahl beyto. Hayde tene 3ajibe 3emela YASOU3, min ba3d ma eja min el-Yahoudiye 3al-Jaleel. W-ken fi 3id lal-Yahoud, fa-toli3 YASOU3 3ala Ourashalim. W-bi-Ourashalim, 7add beb el-ghanam, fi berke ela khams se7at, bisammouwa bel-3ebrane Beyt-Zata. W-ken fi honik ktir marda, minnon 3emyen w-3erj w-mafloujin, [natrin la-tet7arrak el-may, li2anno malèk el-RAB ken yenzal min wa2et lal-tene bel-berke w-y7arrek el-may. W-ken yalle byenzal awwal wa7ad bel-berke min ba3d ma tet7arrak el-may byenshafa min marado]. W-ken fi honik rejjel mareed min tmena w-tleteen sene. Lamma shefo YASOU3 mal2ou7, 3eref enno sarlo zamen hek, 2allo: "baddak teshfa?" Jewabo el-mareed: "ma 3ende 7ada, ya Rab, la-ynazzelne bel-berke lamma btet7arrak el-may. W-kell ma jarreb enzal byesba2ne 7ada tene." 2allo YASOU3: "2oum, 7mol ma7malak w-mshi." Nshafa el-rejjel bi-se3et el-se3a, w-7eml ma7malo w-meshe. W-ken yawmeta nhar sabt. 2alo el-Yahoud la-yalle nshafa: "liom el-sabt, mish masmou7 te7mol ma7malak." Jewabon: "yalle shafene 2alle: 7mol ma7malak w-mshi." Sa2alouh: "meen yalle 2allak 7mol ma7malak w-mshi?" W-ken el-rejjel ma bya3rif meen houe, li2anno YASOU3 ba3ad 3an 3aj2et el-nes honik. W-lta2a fih YASOU3 min ba3da bel-haykal, 2allo: "enta halla2 nshafet, ma terja3 lal-khatiyye, ta-ma tou2a3 bi-msibe akbar." W-ra7 el-rejjel la-3and el-Yahoud w-khabbaron enno YASOU3 houe yalle shafeh. W-saro el-Yahoud yedtehdo YASOU3, li2anno ken 3am ya3mil hal-shi yawm el-sabt. Fa-2allon YASOU3: "bayye byeshteghel bi-kell el-aw2at, w-ana beshteghel metlo." W-ma 3ado el-Yahoud yfakkro ella keef baddon ye2etlouh, mish bass li2anno khelaf el-shari3a nhar el-sabt, kamen li2anno 2al enno ALLAH bayyo, w-7att 7alo bi-mestawa ALLAH. 2allon YASOU3: "b2elkon el-7a2i2a el-7a2i2a: ma bye2dar el-2eben ya3mil shi min 3endo, bass bya3mil yalle shef el-Ãb 3am ya3emlo. Yalle bya3emlo el-Ãb bya3mil metlo el-2eben. El-Ãb bi7ebb el-2eben w-bifarjih kell shi 3am ya3emlo, w-ra7 yfarjih a3zam min hek, w-ra7 tet3ajjabo metl ma bi2awwem el-Ãb el-mawta w-bya3tiyon el-7ayet min jdid, hek el-2eben bya3te el-7ayet la-yalle baddo yeh. Wel-Ãb ma bideen 7ada, li2anno sallam el-deynoune kella lal-2eben, 7atta kell el-nes ymajjdo el-2eben, metl ma bimajjdo el-Ãb. W-yalle ma bimajjed el-2eben, ma bimajjed el-Ãb yalle ba3ato. B2elkon el-7a2i2a el-7a2i2a: yalle byesma3le w-bi2ãmen bi-yalle ba3atne elo el-7ayet el-abadiyye, w-ma byenden bel-yawm el-akhir, li2anno bikoun nta2al min el-mawt lal-7ayet. B2elkon el-7a2i2a el-7a2i2a: ra7 teje se3a, w-ejet halla2, byesma3o fiya el-mawta sawt 2eben ALLAH, w-kell yalle byesma3oulo byen3atalon el-7ayet. Metl ma el-Ãb houe bi-zeto masdar el-7ayet, hek 3ata el-2eben enno ykoun bi-zeto masdar el-7ayet w-3atah enno ydeen kamen li2anno houe 2eben el-2ensen. Ma tet3ajjabo min hal-shi. Ra7 teje se3a byesma3 sawto kell yalle bel-2bour, w-byetla3o minna kell yalle 3emlo a3mel mni7a w-bi2oumo lal-7ayet, w-yalle 3emlo a3mel 3atle bi2oumo lal-deynoune. Ana ma be2dar a3mil shi min 3ende. Metl ma besma3 min el-Ãb be7kom, w-7ekme 3adel li2anno ma badde ysir metl ana badde, badde tet7a'2a2 iradet yalle ba3atne. Law kent 3am besh'had la-7ale, kenit shahedte batle. Bass ghayre byesh'hadle, w-ana ba3rif enno shahedto mazbouta. Ba3atto rousl la-You7anna, w-shehed You7anna lal-7a2i2a. Mish mettekel 3ala shahedet 2ensen, bass 3am 2oul hal-shi kermel khalãskon. Ken You7anna srej mnawwar msha3sha3, w-ento 7abbeyto testamt3o bi-nouro se3a. 3ende shahede a3zam min shahedet You7anna: 3ende a3mele yalle 3atane el-Ãb enne a3mela, w-hal-a3mel yalle ba3mela hiye btesh'hadle bi-enno el-Ãb ba3atne. Wel-Ãb yalle ba3atne houe byesh'hadle. Ma sme3to sawto min abl, wala shefto wejjo, w-kalemo ma bye3la2 fikon, li2annkon ma bit2ãmno bi-yalle ba3ato. Bte2ro el-ketob el-m2addase, mfakkrin enno ra7 tle2o fiya el-7ayet el-abadiyye, hiye btesh'hadle, bass ma badkon tejo la-3ande la-tkoun elkon el-7ayet. Ana ma betlob majd min 3end el-nes, li2anne 3refetkon w-3refet enno ma7abbet ALLAH ma ela matra7 bi-2loubkon. Jeet bi-esm bayye, w-ma 2beltoune. W-law eja wa7ad ghayre bi-esmo kento 2beltouh. W-keef bit2ãmno ma zelkon 3am tetolbo el-majd min 7alkon, wel-majd yalle houe min ALLAH wa7do ma 3am tetolbouh? Ma tfakro enno 3am bshakkikon lal-Ãb, li2anno 3endkon meen yshakkikon: Moussa yalle 7attayto fih kell rajekon. W-law kento 3am bitsadd2o Moussa kento sadda2toune, li2anno katab w-khabbar 3anne. W-eza ma kento bitsadd2o yalle katabo Moussa, fa-keef badkon tsadd2o kaleme?" Min ba3da 2ata3 YASOU3 ba7r el-Jaleel ye3ne bou7ayrit Tabarayya, w-le7'2o nes ktir, li2anno shefo el-3ajeyeb yalle 3emela lamma shafa el-marda. Toli3 YASOU3 3al-jabal w-2a3ad ma3 tlemizo. W-ken 2arrab 3id el-fos7 3end el-Yahoud. Rafa3 YASOU3 3youno w-shef el-nes jeye sawbo, 2al la-Filippos: "min wayn mneshtere el-khebz la-nta3miyon?" 2al hal-shi la-yemte7en Filippos, li2anno ken 3arif shou baddo ya3mil. Jewabo Filippos: "law shtarayna khebz bi-miteyn dinar, ma bikaffé ta-na3te la-kell wa7ad minnon sha2fet khebz zghire." W-2allo wa7ad min tlemizo, w-houe Endrawos khayyo la-Sem3an Boutros: "Hon fi sabe ma3o khams tereghfe min sh3ir w-samakten, bass shou bya3mlo la-kell hal-nes?" 2al YASOU3: "2a3do el-nes." W-ken fi honik 7ashish ktir fa-2a3ado. W-keno shi khams-talef rejjel. Akhad YASOU3 el-khams tereghfe w-shakar ALLAH, min ba3da wazza3 3ala el-mawjoudin 2add ma baddon. W-3eml nafs el-shi bel-samakten. W-lamma sheb3o, 2al la-tlemizo: "jma3o yalle faddal min el-khebz ta-ma yrou7o di3an." Jama3o tna3shar sallé melyene min el-khebz yalle faddal min el-khams tereghfe sh3ir. W-lamma shefo el-nes hal-3ajibe yalle 3emela YASOU3 2alo: "7a2i2atan, hayda houe el-nabe el-jeye 3al-3alam!" W-3eref YASOU3 enno ra7 yejo yekhtfouh w-ya3mlouh malik, kermel hek bay3ad 3annon w-reje3 la-wa7do 3al-jabal. Lamma sar 3ashiye, nezlo tlemizo 3ala ba7r el-Jaleel. Rekbo shakhtoura w-ra7o fiya 3ala Kfarna7oum. W-eja el-leyl abl ma yel7a2on YASOU3. W-habbet 3asfe 2awiye, w-hej el-ba7r. Min ba3d ma 2ata3o tlet amyel aw arb3a (ye3ne arb3a aw khamse kilometre), shefo YASOU3 3am bi2arrib min el-shakhtoura meshe 3al-ba7r w-khafo. 2allon: "Ana houe, ma tkhafo!" W-ken baddon ytal3ouh 3al-shakhtoura, bass el-shakhtoura kenit wosslit 3a-matra7 ma keno ray7in. W-tene yawm, shefo el-nes yalle be2yo 3al-shatt el-tene enno ma fi honik ella shakhtoura we7de, w-enno YASOU3 ma toli3 3leya ma3 tlemizo, w-enno el-tlemiz ra7o la-wa7don. Bi-hal-wa2et ejet kamm shakhtoura min Tabarayya w-resyo 3al-shatt el-2arib min matra7 ma akalo el-khebz, min ba3d ma shakar el-RAB. W-lamma shefo el-nes enno YASOU3 ma ken honik wala tlemizo, rekbo bel-shakhtoura w-ra7o 3ala Kfarna7oum ta-yfattsho 3le. Lamma le2ouh 3al-shatt el-tene 2aloulo: "aymata wsolt la-hon, ya mou3allim?" Jewabon YASOU3: "b2elkon el-7a2i2a el-7a2i2a: ento 3am tetolboune mish li2anno shefto el-3ajeyeb, bass li2anno akalto el-khebz w-shbe3to. Ma teshteghlo kermel el-2akl yalle byefna, shteghlo lal-2akl el-be2e lal-7ayet el-abadiyye. Hal-2akl bya3tikon yeh 2eben el-2ensen, li2anno ALLAH el-Ãb 7att khatmo 3le." 2aloulo: "keef fina na3mil yalle baddo yeh ALLAH?" Jewabon: "enno t2ãmno bel-shakhs yalle ba3ato: hayda baddo yeh ALLAH." 2aloulo: "farjina 3ajibe 7atta n2ãmen fik! Shou bte2dar ta3mil? Bayyetna akalo el-mann bel-barriye, metl ma maktoub bel-kteb: "3atahon khebz min el-sama 7atta yeklo." Jewabon YASOU3: "b2elkon el-7a2i2a el-7a2i2a: ma 3atakon Moussa el-khebz min el-sama. Bayye wa7do bya3tikon el-khebz el-7a2i2e min el-sama. Li2anno khebz ALLAH houe yalle byenzal min el-sama w-bya3te el-3alam el-7ayet." 2aloulo: "ya Rab, 3tina deyman min hal-khebz." 2allon YASOU3: "ana houe khebz el-7ayet. Yalle byeje la-3ande ma bijou3, w-yalle bi2ãmen fiyye ma bye3tash abadan. Bass ana 2eltelkon: sheftoune w-ma 2ãmanto. Kell yalle bya3tine henne el-Ãb byejo la-3ande, w-yalle byeje la-3ande ma beb3edo 3anne. Ana ma nzelt min el-sama ta-a3mil yalle ana badde yeh, nzelt ta-a3mil iradet yalle ba3atne. W-iradet yalle ba3atne hiye enno ma ekhsar 7ada min yalle 3atane yehon, bel-3aks 2awwemon kellon bel-yawm el-akhir. W-bayye baddo hal-shi: enno kell meen shef el-2eben w-2ãman fih yekhod el-7ayet el-abadiyye, w-ana b2awwmo bel-yawm el-akhir." Saro el-Yahoud ybarebro 3ala YASOU3 li2anno 2al: "ana el-khebz yalle nezil min el-sama", w-2alo: "mish hayda YASOU3 2eben Youssef? Ne7na mna3rif bayyo w-emmo, keef 3am bi2oul enno nezl min el-sama?" Jewabon YASOU3: "ma tbarebro bayn ba3dkon. Ma 7ada byeje la-3ande ella eza jazabo el-Ãb yalle ba3atne, w-ana b2awwmo bel-yawm el-akhir. W-bikouno kellon tlemiz ALLAH, metl ma katabo el-anbiya. Yalle byesma3 el-Ãb w-byet3allam minno byeje la-3ande, ma 7ada shef el-Ãb ella yalle eja min 3end ALLAH: houe yalle shef el-Ãb. B2elkon el-7a2i2a el-7a2i2a: yalle bi2ãmen fiyye, elo el-7ayet el-abadiyye. Ana khebz el-7ayet. Bayyetkon akalo el-mann bel-barriye w-meto, bass yalle byekol min hal-khebz el-nezil min el-sama ma bimout. Ana el khebz el-7ayy yalle nezil min el-sama. Yalle byekol min hal-khebz bi3ish lal-abad. Wel-khebz yalle ba3tih houe jesme, b2addmo kermel 7ayet el-3alam." Se3eta sar fi jidel 3aneef bayn el-Yahoud w-sa2alo ba3don: "keef bye2dar hal-rejjel ya3tina jesmo ta-neklo?" 2allon YASOU3: "b2elkon el-7a2i2a el-7a2i2a: eza ma ra7 teklo jesm 2eben el-2ensen w-ma ra7 teshrabo dammo, ma ra7 tkoun fikon el-7ayet. Bass yalle byekol jesme w-byeshrab damme elo el-7ayet el-abadiyye, w-ana b2awwmo bel-yawm el-akhir. Jesme houe el-2akl el-7a2i2e, w-damme houe el-sharab el-7a2i2e. Yalle byekol jesme w-byeshrab damme byethbat fiyye, w-ana bethbat fih. W-metl ma ana bekhod el-7ayet min el-Ãb el-7ayy yalle ba3atne, kamen yalle byeklo jesme byekhdo el-7ayet minne. Hayda houe el khebz el-nezil min el-sama, mish el-mann yalle akalouh bayyetkon w-min ba3da meto. Yalle byekol hal-khebz bi3ish lal-abad." 2al YASOU3 hal-kalem lamma ken bi-majma3 Kfarna7oum. W-2alo ktar min tlemizo lamma sem3ouh: "hal-kalem sa3b, meen bye2dar yesma3o?" W-3eref YASOU3 enno tlemizo 3tarado, 2allon: "kaleme khallekon tshekko? Keef law shefto 2eben el-2ensen tali3 la-matra7 ma ken abl? El-rou7 houe yalle bya3te el-7ayet, el-jesm ma elo naf3. Wel-kalem yalle eltelkon yeh houe rou7 w-7ayet. Bass fi baynetkon nes ma bi2ãmno." 2al YASOU3 hal-shi li2anno ken 3arif min el-awwal meen henne yalle ma bi2ãmno fih w-meen yalle ra7 ysallmo. Min ba3da 2al: "kermel hek 2eltelkon: ma 7ada byeje la-3ande ella bi-ne3me min el-Ãb." W-tkhalla 3anno min haydik el-se3a ktar min tlemizo w-battalo as7ab ma3o. 2al YASOU3 la-tlemizo el-tna3sh: "w-ento, ma badkon teterkoune metlon?" Jewabo Sem3an Boutros: "la wayn badna nrou7 ya Rab, w-kalem el-7ayet el-abadiyye 3endak? Ne7na 2ãmanna fik w-3refna ennak enta 2ouddous ALLAH." 2allon YASOU3: "mish ana yalle na'2eytkon, ento el-tna3sh? Bass wa7ad minkon shaytan!" W-2asad bi-hal-shi Yahouza 2eben Sem3an Eskharyout, w-houe yalle ra7 ysallmo, ma3 enno houe wa7ad min el-tna3sh. Min ba3da meshe YASOU3 bel-Jaleel, w-ma 2ebl yemshe bel-Yahoudiye, li2anno el-Yahoud keno baddon ye2etlouh. W-lamma 2arrab 3id el-khyem 3end el-Yahoud, 2aloulo ekhweto: "trok hal-matra7 w-rou7 3al-Yahoudiye 7atta yshoufo el-tlemiz a3melak, ma 7ada byeshteghil bel-mekhfe eza baddo enno el-nes ya3erfouh. W-ma zelak 3am ta3mil hal-a3mel, kshof 7alak lal-3alam." W-keno ekhweto nafson ma bi2ãmno fih. 2allon YASOU3: "ma eja wa2te ba3d. Baynama ento, el-wa2et 3atoul houe wa2etkon. Ento ma byobghedkon el-3alam, bass byobghedne ele li2anno 3am besh'had 3ala fased a3melo. Tla3o ento, w-ana ma ra7 etla3 3al-3id, li2anno wa2te ma eja ba3d." 2allon hal-shi w-be2e bel-Jaleel. W-lamma tel3o ekhweto 3al-3id, toli3 min ba3don bel-mekhfe bidoun ma yshoufouh. W-keno el-Yahoud 3am bifattsho 3le bel-3id w-3am yes2alo: "wayno?" W-sar jidel ktir 7awlo, nes y2oulo: "hayda rejjel sale7." W-ghayron y2oulo: "la2, hayda 3am yekhda3 el-sha3b." W-ma 7ada 7eke 3anno bi-sawt 3ale li2anno khafo min rou2asa el-Yahoud. W-ken el-3id sar bi-nosso, toli3 YASOU3 3al-haykal w-sar y3allim. T3ajjabo el-Yahoud w-2alo: "keef bya3rif el-ketob el-m2addase, w-ma t3allam?" Jewabon YASOU3: "ta3lime mish min 3ende, ta3lime min 3end yalle ba3atne. Yalle bya3mil iradet ALLAH, byar3if eza hal-ta3lim min 3end ALLAH w-enno ma 3am be7ke min 3ende. Yalle bye7ke min zeto byetlob el-majd la-7alo, bass yalle byetlob el-majd la-yalle ba3ato, houe sade2 w-ma fiyo ayya ghesh. Mish Moussa houe yalle 3atakon el-shari3a? W-ma 7ada minkon 3eml fiya. Leysh badkon te2etloune?" Jewabo el-nes: "enta fik shaytan, meen baddo ye2etlak?" 2al YASOU3: "ma 3melt ella 3amal wa7ad, w-t3ajjabto kellkon. 2amarkon Moussa bel-khatn, w-ma ken el-khatn min Moussa, ken min el-bayyet, fa-serto tekhetno el-2ensen yawm el-sabt. Eza kento btekhetno el-2ensen yawm el-sabt ta-ma tkhelfo shari3et Moussa, keef bteghdabo 3leyye li2anno shafet 2ensen kello sawa yawm el-sabt? Ma te7ekmo 3al-mazaher, 7kemo bel-3adl." 2alo nes min ahl Ourashalim: "mish hayda houe yalle baddon ye2etlouh? Shoufo keef 3am ye7ke bi-sawt 3ale eddem kell el-nes w-ma 3am bi2ouloulo shi. Awlkon 2tana3o el-rou2asa enno houe el-MASI7? Bas ne7na mna3rif min wayn eja hal-rejjel. Baynama el-MASI7, ma 7ada bya3rif lamma byeje min wayn jeye." 2al YASOU3 bi-sawt 3ale houe w-3am bi3allim bel-haykal: "ento bta3erfoune w-bta3erfo min wayn ana, bass ana ma jeet min 3ende. Yalle ba3atne houe 7a2i2a, w-ento ma bta3erfouh. Bass ana ba3erfo, li2anno min 3endo jeet, w-houe yalle ba3atne." W-ken baddon yekemshouh, bass ma madd 7ada 2ido 3le, li2anno se3to kenit ma ejet ba3d. Bass ktar min el-nes 2ãmano fih w-2alo: "awlkon ra7 ya3mil el-MASI7, lamma yeje, 3ajeyeb aktar min ma 3eml hal-rejjel?" W-sem3o el-ferrisiyyin enno el-nes 3am ye7ko 3al-wate bi-hal-eshya 3an YASOU3, fa-ba3ato henne w-rou2asa el-kahane 7aras ta-yekemshouh. 2al YASOU3: "ra7 eb2a ma3kon wa2et alil, w-min ba3da ra7 rou7 la-3and yalle ba3atne. Ra7 tetolboune w-ma ra7 tle2oune, w-matra7 ma bkoun ana ma bte2daro ento tejo." 2alo el-Yahoud bayn ba3don: "la-wayn raye7 hayda, w-ma mne2dar enno nle2ih? Awlkon baddo yrou7 la-3and el-Yahoud el-mshattatin bayn el-Youneniyyin la-y3allim el-Youneniyyin? Shou 2asdo lamma 2al: ra7 tetolboune w-ma ra7 tle2oune, w-matra7 ma bkoun ana ma bte2daro ento enno tejo?" We2f YASOU3 bi-ekher yawm min el-3id w-houe ahamma yawm, w-2al bi-sawt 3ale: "eza 7ada 3otsh, yeje la-3ande ta-yeshrab. W-yalle bi2ãmen fiyye, metl ma 2al el-kteb, byetfajjar min sadro anhar may 7ayy." W-2asad bi-kalemo el-rou7 yalle ra7 yekhdo el-mou2minin fih, li2anno el-rou7 ma ken n3ata la-7ada ba3d, li2anno YASOU3 ma ken ba3d tmajjad. W-2alo ktar min yalle sem3o kalem YASOU3: "7a2i2atan hayda houe el-nabe." W-fi ghayron 2alo: "hayda houe el-MASI7!" w-2alo ghayron: "awlkon min el-Jaleel ra7 yeje el-MASI7? Mish el-kteb 2al enno el-MASI7 byeje min sleelet Daoud, w-min Beyt-La7m madinet Daoud?" W-n2asam ra2y el-nes fih. W-ken fi nes baddon yekemshouh, bass ma 7ada madd 2ido 3le. W-rej3o el-7aras la-3and rou2asa el-kahane wel-ferrisiyyin, yalle 2aloulon: "leysh ma jebtouh la-hon?" Jewabo el-7aras: "wala 2ensen min abl 7eke metl hal-rejjel!" 2aloulon el-ferrisiyyin: "khada3kon kamen elkon? Shefto shi wa7ad min el-rou2asa aw el-ferrisiyyin 2ãman fih? W-kell el-be2yin yalle ma bya3erfo el-shari3a, el-la3ne 3leyon." 2al Nikodimos, w-ken min el-ferrisiyyin, w-houe yalle eja min abl la-3and YASOU3: "shari3etna bte7kom 3ala 7ada abl ma tesma3o w-ta3rif shou yalle 3emlo?" Jewabouh: "ma tkoun enta kamen min el-Jaleel? Fattesh bitle2e enno ma fi nabe byetla3 min el-Jaleel." [Min ba3da fallo kellon 3ala byouton]. W-toli3 YASOU3 3ala jabal el-Zeytoun. W-3a tlou3 el-daw reje3 3al-haykal, w-eja la-3ando el-sha3b kello. 2a3ad w-sar y3allimon. Jeboulo mou3allimi el-shari3a wel-ferrisiyyin mara nkamshet 3am tezne, wa'2afouwa bel-noss, w-2aloulo: "ya mou3allim, hal-mara nkamashet 3am tezne. W-Moussa wassa bi-shari3to bi-rajm yalle metla, enta shou bit2oul?" W-keno bi-hal-shi 3am bi7awlo ye7erjouh ta-yettehmouh. N7ana YASOU3 3al-ard w-sar yektob bi-esba3o. W-lamma ala7o 3le bel-sou2al, rafa3 raso w-2allon: "yalle minkon bidoun khatiyye, khalli ykeb 3leya awwal 7ajar." W-n7ana marra tenye w-sar yektob 3al-ard. Lamma sem3o hal-kalem, sar dameeron y2annebon, w-nsa7abo wa7ad wara el-tene, min kbiron la-zghiron, w-be2e YASOU3 wa7do, wel-mara ba3da matra7a. 2a3ad YASOU3 w-2alla: "waynon? Ma 7ada minnon 7akam 3leyke?" Jewabet: "la2, ya Rab!" 2alla YASOU3: "w-ana ma be7kom 3leyke. Rou7e w-ma ba2a tokhte ba3d liom." Reje3 YASOU3 ye7ke el-nes, 2allon: "ana nour el-3alam. Yalle byel7a2ne ma byemshe bel-3atme, bel-3aks bikoun elo nour el-7ayet." 2aloulo el-ferrisiyyin: "enta btesh'had la-nafsak, w-shahedtak batle." Jewabon YASOU3: "mazbout, ana besh'had la-nafse, bass shahedte mazbouta, li2anno ba3rif min wayn jeet w-la-wayn raye7. Bass ento, ma bta3erfo min wayn jeet wala la-wayn raye7. Ento bte7ekmo metl el-bashar, w-ana ma be7kom 3ala 7ada. W-eza 7akamet, 7ekme mazbout li2anne mish wa7de be7kom, ana wel-Ãb yalle ba3atne. Bi-shari3etkon bitso7 shahedet tnen: Ana besh'had la-nafse, wel-Ãb yalle ba3atne byesh'had ele. 2aloulo: "wayn bayyak?" Jewabon: "ento ma bta3erfoune wala bta3erfo bayye. W-law bta3erfoune kento 3refto bayye." 2al YASOU3 hal-kalem 3end sandou2 el-tabarrou3at w-houe 3am bi3allim bel-haykal, w-ma kamasho 7ada li2anno se3to kenit ba3d ma ejet. Min ba3da 2allon YASOU3: "Ana raye7 w-ra7 tetolboune, w-bi-khatiyyetkon ra7 tmouto. W-matra7 ma ana raye7 ma bte2daro ento tejo." 2alo el-Yahoud: "yemken ra7 ye2tol 7alo, li2anno 2al: matra7 ma ana raye7 ma bte2daro ento tejo." W-2allon: "ento ta7t, w-ana jeye min fo2. Ento min hal-3alam, w-ana mish min hal-3alam. Kermel hek 2eltelkon: ra7 tmouto bi-khatiyyetkon. Na3am, ra7 tmouto bi-khatayakon, eza ma bit2ãmno enno ana houe." 2aloulo: "meen enta?" 2al YASOU3: min el-awwal khabbaretkon. 3ende eshya ktire 2oula 3ankon, w-eshya ktire e7kom fiya 3leykon. Bass yalle ba3atne sade2, w-yalle sme3to minno b2oulo lal-3alam." Ma fehmo enno 3am ye7kiyon 3an el-Ãb, 2allon: "wa2et yalle bterfa3o 2eben el-2ensen ra7 ta3erfo enno ana houe, w-enno ma ba3mil shi min 3ende w-ma b2oul ella yalle 3allamne yeh el-Ãb. Wel-Ãb yalle ba3atne houe ma3e w-ma tarakne la-wa7de, li2anno ana bi-kell wa2et 3am ba3mil yalle byordih." W-lamma 2al hal-kalem, 2ãmano fih ktar min el-nes. 2al YASOU3 lal-Yahoud yalle bi2ãmno fih: "eza btethbato bi-kaleme, bitsiro 7a2i2atan tlemize: bta3erfo el-7a2i2a, wel-7a2i2a bit7arrerkon." 2aloulo: "ne7na min sleelet Ibrahim, w-ma kenna 3abeed la-7ada! Keef bit2elna: ra7 tsiro a7rar?" Jewabon YASOU3: "b2elkon el-7a2i2a el-7a2i2a: yalle byokhte bikoun 3abd lal-khatiyye, wel-3abd ma byeskon bel-beyt 3atoul, bass el-2eben byeskon fih 3atoul. Eza 7arrarkon el-2eben, sorto 7a2i2atan a7rar. Ana ba3rif ennkon min sleelet Ibrahim. Bass badkon tet2etloune, li2anno kaleme ma elo matra7 bi-2albkon. Ana 3am be7ke 3an yalle shefto 3end bayye, w-ento bta3emlo bi-yalle sme3touh min bayykon." 2aloulo: "bayyna houe Ibrahim." Jewabon YASOU3: "law kento wled Ibrahim, kento 3melto a3mel Ibrahim. Bass halla2 badkon tet2etloune, ana yalle eltelkon el-7a2i2a metl ma sme3ta min ALLAH, w-hal 3amal ma 3emlo Ibrahim. Ento bta3emlo a3mel bayykon." 2aloulo: "ne7na mish wled zena, w-3enna bayy wa7ad houe ALLAH!" 2allon YASOU3: "law ken ALLAH bayykon kento 7abbaytoune. Li2anno jeet min 3end ALLAH, w-ma jeet minne la-7ale, houe yalle ba3atne. Leysh ma btefhamo yalle 3am 2elkon yeh? Li2annkon ma badkon tesma3o la-kaleme. Ento wled bayykon eblees, w-badkon tel7a2o shahawet bayykon, hayda yalle ken min el-bideye ye2tol. W-ma thabat 3al-7a2, li2anno ma fiyo 7a2. W-houe bikazzib, wel-kezb bi-tab3o, li2anno kezzeb w-abou el-kezb. W-ana, ma 3am bitsad2oune li2anno b2oul el-7a2i2a. Meen bye2dar fikon enno ythabbet khatiyye 3leyye? W-eza kent 3am 2oul el-7a2i2a, leysh ma-3am bitsadd2oune? Yalle bikoun min ALLAH byesma3 kalem ALLAH. W-ento mish min ALLAH, kermel hek ma btesma3ouh." 2alo el-Yahoud: "ma ma3na 7a2 eza 2elna ennak semire w-fik shaytan?" Jewabon YASOU3: "ma fiyye shaytan, bass ana bmajjed bayye, w-ento 3am bit'hinoune. Ana ma betlob majd ele. Fi meen byetloble w-bye7kom. B2elkon el-7a2i2a el-7a2i2a: yalle bya3mil bi-kaleme ma bishouf el-mawt abadan." 2aloulo el-Yahoud: "halla2 t2akkadna enno fik shaytan. Ibrahim met wel-anbiya meto, bass enta 3am bit2oul: yalle bya3mil bi-kaleme ma bimout abadan. Tekhmin enta a3zam min bayyna Ibrahim yalle met? Wel-anbiya kamen meto, enta, meen mfakkar 7alak?" Jewabon YASOU3: "law majjadet 7ale, ken majde batel. Bayye houe yalle bimajjedne. W-houe yalle bit2oulo 3anno enno Ilehna. Ento ma bta3erfouh, bass ana ba3erfo. Eza 2elt enno ma ba3erfo, kent metlkon kezzeb. Bass ana ba3erfo w-ba3mil bi-kalemo. W-addeysh tshawwa2 bayykon Ibrahim enno yshouf yawme, shefo w-hallal." 2aloulo el-Yahoud: "keef sheft Ibrahim w-ba3d ma sar 3omrak khamseen?" Jewabon YASOU3: "b2elkon el-7a2i2a el-7a2i2a: abl ma ykoun Ibrahim ana kent." Se3eta akhado 7jara ta-yerejmouh, w-khtafa 3annon w-toli3 min el-haykal. Houe w-bel-tari2, shef rejjel khel2 a3ma. Sa2alouh tlemizo: "ya mou3allim, meen yalle khote? Hal-rejjel aw ahlo, 7atta khel2 a3ma?" Jewab YASOU3: "la-houe khote wala ahlo. Bass khel2 a3ma 7atta tezhar fih edrit w-a3mel ALLAH. Lezim, ma zel el-wa2et nhar, enno na3mil a3mel yalle ba3atne. Wa2et byeje el-leyl ma bye2dar 7ada enno yeshteghil. Ana nour el-3alam, ma zel ana bel-3alam." 2al hal-shi w-baza2 bel-trab, w-jabal trab bi-ri2o w-dahan fiyon 3youn el-a3ma w-2allo: "rou7 ghassil bi-berket Selwem" (ye3ne el-rasoul). Ra7 w-ghassal, w-sar ye2sha3. Sa2alo el-jiran w-yalle keno yshoufouh min abl byesh7ad: "mish houe yalle ken ye2'3od yesh7ad?" W-nes ghayron 2alo: "hayda houe." W-ghayron 2alo: "la2, hayda wa7ad byeshbaho." W-ken houe bi-zeto 3am bi2oul: "ana houe!" 2aloulo: "w-keef nfata7o 3younak?" Jewab: "hayda yalle esmo YASOU3 jabal trab w-7atton 3ala 3youne w-2alle: rou7 ghassil bi-berket Selwem. Ro7t w-ghassalet, w-sert e2sha3." 2aloulo: "wayno?" 2al: "ma ba3rif." Akhado el-rejjel yalle ken a3ma la-3and el-ferrisiyyin, w-ken el-yawm yalle jabal fih YASOU3 el-trab w-fata7 3youn el-a3ma yawm sabt. Sa2alo el-ferrisiyyin el-rejjel keef sar ye2sha3, jewabon: "7att haydak el-rejjel trab 3ala 3youne, w-lamma ghassalton sert e2sha3." 2alo el-ferrisiyyin: "hal-rejjel mish min ALLAH, li2anno ma bye7terim el-sabt." W-fi ghayron 2alo: "keef bye2dar rejjel khate enno ya3mil metl hal-3ajeyeb?" W-sar fi khilef bayneton. W-2alo kamen lal-a3ma: "enta bit2oul enno fata7 3younak, shou ra2yak fih?" Jewab: "houe nabe!" Ma sadda2o el-Yahoud enno el-rejjel ken a3ma w-sar ye2sha3, kermel hek nedo ahlo w-sa2alouwon: "hayda houe 2ebenkon yalle khel2 a3ma metl ma 3am bit2oulo? Keef 3am ye2sha3 halla2?" Jewabo ahlo: "ne7na mna3rif enno hayda 2ebenna, w-enno khel2 a3ma. Bass keef sar ye2sha3, ma mna3rif, w-ma mna3rif meen fata7lo 3youno. S2alouh w-houe bijewebkon 3an 7alo, houe reshed." 2alo ahlo hal-shi li2annon keno khayfin min el-Yahoud, li2annon keno mettef2in ennon yesh7ato min el-majma3 kell wa7ad bye3terif enno YASOU3 houe el-MASI7. Kermel hek 2alo ahlo: "s2alouh, houe reshed." W-rej3o el-ferrisiyyin w-nedo el-rejjel yalle ken a3ma w-2aloulo: "majjed ALLAH! Ne7na mna3rif enno hal-rejjel khate." Jewab: "Ana ma ba3rif eza ken hal-rejjel khate, bass yalle ba3erfo enno kent a3ma w-halla2 3am e2sha3." 2aloulo: "shou 3emellak? W-keef fata7 3younak?" Jewabon: "2eltelkon w-ma sme3toune, leysh badkon tesma3o marra tenye? Badkon ento kamen tsiro min tlemizo?" Saro ysebbouh w-2aloulo: "enta telmizo, ne7na tlemiz Moussa. Ne7na mna3rif enno ALLAH 7eke Moussa, bass hayda ma mna3rif min wayn jeye." Jewabon el-rejjel: "shi bi7ayyer keef byefta7le 3youne w-ma bta3erfo meen houe! Ne7na mna3rif enno ALLAH ma byesma3 lal-khatyeen, bass byesma3 la-yalle meshe bi-7asab iradto. W-ma 7ada sem3 bi-7ayeto enno 2ensen fata7 3youn wa7ad khel2 a3ma. W-law ma ken hal-rejjel min ALLAH, ma ken bye2dar ya3mil shi." 2aloulo: "3am bit3allimna w-enta kellak khel2an bel-khatiyye?" w-sha7atouh min el-majma3. Sem3 YASOU3 enno sha7atouh, 2allo lamma lta2a fih: "bit2ãmen bi-2eben el-2ensen?" Jewab: "w-meen houe, ya Rab, ta-2ãmen fih!" 2allo YASOU3: "enta shefto, w-houe yalle 3am ye7kik!" 2al: "2ãmanet, ya Rab!" W-sajadlo. 2allo YASOU3: "jeet 3ala hal-3alam lal-deynoune, 7atta ye2sha3o yalle ma bye2sha3o, w-yen3emo yalle bye2sha3o." Sem3ouh el-mawjoudin min el-ferrisiyyin, w-2aloulo: "asdak ne7na kamen 3emyen?" Jewabon YASOU3: "law kento 3emyen, ma ken 3leykon khatiyye, bass li2annkon 3am bit2oulo ennkon 3am te2sha3o, khatiyyetkon sebte." "B2elkon el-7a2i2a el-7a2i2a: yalle ma bifout 3a-zribet el-khwerif min el-beb, w-bi3arbesh 3leya min matra7 tene, houe serre2 w-loss. Bass yalle bifout min el-beb houe ra3i el-khwerif. El-bouwweb byefta7lo, wel-khwerif btesma3lo sawto. Binede kell wa7ad min khwerifo bi-esmon w-bitall3o. Lamma bitalli3 el-khwerif byemshe eddema, w-hiye btel7a2o li2anno bta3rif sawto. Bass btehrob min el-gharib w-ma btel7a2o, li2anno ma bta3rif sawt el-ghouraba." 2al YASOU3 hal-matal, w-ma fehmo ma3na kalemo, 2allon: "b2elkon el-7a2i2a el-7a2i2a: ana beb el-khwerif. Kell yalle ejo min able serre2in w-lsous, ma sem3oulon el-khwerif. Ana el-beb, yalle byemro2 minne bile2e el-khalãs: bisir ye2dar yfout w-yedhar w-yle2e shi yeklo. Ma byeje el-serre2 ella ta-yesro2 w-ye2tol w-ykharrib. Bass ana jeet ta-tkoun elon el-7ayet, kell el-7ayet. Ana el-ra3i el-sale7, wel-ra3i el-sale7 bida77e bi-7ayeto kermel el-khwerif. Wel-2ajir mish metl el-ra3i, li2anno el-khwerif mish elo. Eza shef el-deeb jeye, byetrok el-khwerif w-byehrob, w-byekhtof el-deeb el-khwerif w-bifar3eton. W-houe byehrob li2anno 2ajir ma bit'hemmo el-khwerif. Ana el-ra3i el-sale7, ba3rif khwerife w-khwerife bta3refne, metl ma bya3refne el-Ãb w-ba3rif ana el-Ãb, w-bda77e bi-7ayete kermel khwerife. W-3ende ghayr khwerif min ghayr zribe, w-lezim 2oudon henne kamen. Ra7 yesma3o sawte, w-ysir fi r3iyye we7de la-ra3i wa7ad. Wel-Ãb bi7ebbne li2anne bda77e bi-7ayete 7atta estarje3a. Ma 7ada byekhod 7ayete minne, ana ba3tiya minne la-7ale. Be2dar a3tiya, w-be2dar estarje3a. W-hal-wassiye ejetne min bayye." W-sar fi khilef tene bayn el-Yahoud 3ala hal-kalem, w-2alo ktar minnon: "hal-rejjel fiyo shaytan, 3am ye7ke shou ma ken. Leysh 3am tesma3oulo?" W-fi ghayron 2alo: "hayda el-kalem mish min 7ada fiyo shaytan. Leysh el-shaytan bye2dar yefta7 3youn el-3emyen?" W-eja 3id el-tejdid bi-Ourashalim, wel-dene 3am bitshatte. W-ken YASOU3 3am yetmasha bel-haykal bi-se7et Sulayman, w-tjamma3o el-Yahoud 7awlo w-2aloulo: "la-aymata baddak tkhallina me7tarin? 2elna bi-sara7a: enta el-MASI7?" Jewabon YASOU3: "2eltelkon, bass ma 3am bitsadd2o. El-a3mel yalle 3melta bi-esm bayye btesh'hadle. W-keef bitsadd2o w-ento mish min khwerife. Khwerife btesma3 sawte, w-ana ba3refa, w-hiye btel7a2ne. Ba3tiya el-7ayet el-abadiyye, w-ma bitmout abadan w-ma byekhtofa 7ada minne. El-Ãb yalle 3atane yeha houe a3zam min kell el-woujoud, w-ma fi 7ada bye2dar yekhtof min 2id el-Ãb shi, ana wel-Ãb wa7ad." Jebo el-Yahoud 7jara 7atta yerejmouh. 2allon YASOU3: "farjaytkon ktir a3mel sal7a min 3end el-Ãb, la-ayya 3amal minna badkon terejmoune?" Jewabouh el-Yahoud: "ma mnerejmak wala la-aya 3amal sale7 3melto, mnerejmak li2annak 3am bitjaddef. Enta 2ensen, w-3melt 7alak ileh." 2allon YASOU3: "mish maktoub bi-shari3etkon enno ALLAH 2al: ento aliha? Eza kenit el-shari3a bitsamme, yalle nezlit 3leyon kelmet ALLAH, aliha, wel-shari3a mish moumkin tebtol, keef bit2ouloule, ana yalle 2addaso el-Ãb w-ba3ato lal-3alam: enta 3am bitjaddef, li2anno 2elt ana 2eben ALLAH? Eza kent ma 3am a3mil a3mel bayye, ma tsadd2oune. W-eza kent 3am ba3mila, sadd2o hal-a3mel eza kento ma bitsadd2oune ele, 7atta ta3erfo w-t2ãmno enno el-Ãb fiyye w-ana bel-Ãb." W-jarrabo yekemshouh, bass falat min 2ideyon. W-reje3 3al-meyle el-tenye min nahr el-Ordon matra7 ma ken You7anna y3ammed min abl, w-be2e honik. W-ejo la-3ando ktar min el-nes w-2alo: "ma 3eml You7anna 3ajibe we7de, bass yalle 2alo 3an hal-rejjel ken kello mazbout." W-2ãmano bi-YASOU3 ktar min el-nes honik. Ken fi rejjel mareed esmo Li3azar min Beyt 3anya, min da3yet Maryam w-ekhta Marta. W-Maryam hiye yalle sakabet el-3otr 3ala ejren YASOU3 w-masa7eton bi-sha3ra. W-Li3azar el-mareed ken khayya. El-ekhten ba3ato y2oulo la-YASOU3: "ya Rab, yalle bit7ebbo mareed." Lamma sem3 YASOU3 2al: "hal-marad ma bimawwet, houe la-majd ALLAH. Ra7 yetmajjad fih 2eben ALLAH." W-ken YASOU3 bi7ebb Marta w-ekhta w-Li3azar, bass be2e matra7o yawmen, min ba3d ma 3eref enno Li3azar mareed. Min ba3da 2al lal-tlemiz: "ta3o nerja3 3al-Yahoudiye." Jewabouh el-tlemiz: "ya mou3allim, ra7 terja3 la-honik, w-mish min zamen keno el-Yahoud baddon yerejmouk?" 2al YASOU3: "mish el-nhar tna3shar se3a? Yalle byemshe bel-nhar ma byetfarkash, li2anno bishouf nour el-3alam. W-yalle byemshe bel-leyl byetfarkash, li2anno ma fiyo nour." Min ba3da 2allon: "7abibna Li3azar neyim, w-ana raye7 wa33ih." 2aloulo el-tlemiz: "eza ken neyim ya Rab, ra7 yso7." W-ken YASOU3 3am ye7ke 3an mawto, w-fakkaro enno 3am ye7ke 3an el-nawm. 2allon YASOU3 bi-kell sara7a: "Li3azar met. W-ana befra7 enno ma kent honik, kermelkon ento 7atta t2ãmno. 2oumo nrou7 la-3ando!" 2al Touma el-moula2ab bel-tawm la-be2e el-tlemiz: "ta3o nrou7 ne7na kamen nmout ma3o!" Lamma wossil YASOU3 le2a Li3azar bel-2abr min arba3 tiyem. W-Beyt-3anya b3ide 3an Ourashalim shi mileyn (ye3ne shi tlete kilometre). Keno ktar min el-Yahoud ejo la-3and Marta w-Maryam 7atta y3azzouwon bi-khayyon. Lamma sem3it Marta enno YASOU3 jeye tol3it la-testa2eblo, w-be2yet Maryam bel-beyt. 2alet Marta la-YASOU3: "law kent hon, ya Rab, ma ken met khayye! Bass kellne thi2a enno ALLAH bya3tik kell yalle btetolbo minno." 2alla YASOU3: "ra7 y2oum khayyik." Jewabet: "ba3rif enno ra7 y2oum bel-2iyeme, bel-yawm el-akhir." 2alla YASOU3: "ana houe el-2iyeme wel-7ayet. Yalle bi2ãmen fiyye bi3ish 7atta law met. W-kell meen bi3ish w-houe m2ãmen fiyye ma bimout abadan. Bit2ãmne bi-hal shi?" Jewabet: "na3am, ya Rab. Ana b2ãmen kell el-imen bi-ennak enta el-MASI7 2eben ALLAH el-jeye 3al-3alam." W-rej3et Marta, min ba3d ma 2alet hal-kalem, la-3and ekhta Maryam 7atta tnedya, washwasheta w-2aletla: "el-mou3allim hon, w-houe 3am yetolbik." 2amet Maryam lamma sem3it hal-khabar w-rakadet la-3and YASOU3. W-ma ken YASOU3 wossil 3al-day3a, ken ba3do matra7 ma sta2baleto Marta. W-lamma shefo el-Yahoud yalle keno bel-beyt ma3 Maryam 3am bi3azzouwa enna 2amet w-tol3it bi-ser3a, le7'2ouwa w-henne mfakkrina enno ray7a 3al-2abr la-tebke. W-wosslit Maryam la-3and YASOU3, w-shi enna shefeto, raka3et 3end ejrey w-2aletlo: "law kent hon, ya Rab, ma ken met khayye!" Lamma shefa YASOU3 3am tebke w-3am yebko ma3a el-Yahoud yalle mref2ina, wej3o 2albo w-t2assar ktir, w-2al: "wayn dafantouh?" 2alo: "ta3a, ya Rab, w-shouf." W-beke YASOU3, 2alo el-Yahoud: "ettalla3o, addeysh ken y7ebbo!" Bass fi minnon 2alo: "hayda yalle fata7 3youn el-a3ma, ma ken bye2dar yredd el-mawt 3an Li3azar?" W-YASOU3 wej3o 2albo marra tenye w-eja 3al-2abr. W-ken el-2abr mghara w-fi 7ajar 3al-madkhal, 2al YASOU3: "zee7o el-7ajar!" jewabet Marta, ekhet el-mayyit: "tol3it ree7to ya Rab, sarlo bel-2abr arba3 tiyem." 2alla YASOU3: "ma 2eltellik eza 2ãmante ra7 tshoufe majd ALLAH?" Ze7o el-7ajar, w-rafa3 YASOU3 3youno w-2al: "beshekrak ya bayye, li2annak sme3telle. W-ana ba3rif ennak btesma3le bi-kell wa2et. Bass 3am 2oul hal-shi kermel hal-nes 7awle, 7atta y2ãmno ennak enta ba3attne." W-sarakh bi-sawt 3ale: "Li3azar, tla3!" Toli3 el-mayyit 2idey w-ejrey mashdoudin bel-kafan, w-wejjo malfouf bi-mandil. 2allon YASOU3: "fekkouh w-khallouh yrou7." W-lamma shefo el-Yahoud yalle ejo la-3and Maryam yalle 3emlo YASOU3, 2ãmano fih ktar minnon. Bass fi jame3a minnon ra7o la-3and el-ferrisiyyin w-khabbarouwon bi-yalle 3emlo. W-jtama3o rou2asa el-kahane wel-ferrisiyyin w-2alo: "shou mna3mil? Hayda el-rejjel 3am ya3mil ktir 3ajeyeb. Eza tarakneh 2ãmano fih kell el-nes, w-byejo el-Rouman w-bikharbo haykalna w-sha3bna." 2al wa7ad minnon, w-houe Kayafa yalle ken ra2is el-kahane bi-haydik el-sene: "ento ma bta3erfo shi, w-ma btefhamo enno mawt rejjel wa7ad kermel el-sha3b a7sanelkon min enno ymout el-sha3b kello?" W-ma 2al Kayafa hal-kalem min 3endo, 2alo li2anno ken ra2is el-kahane bi-haydik el-sene, w-hek tnabba enno YASOU3 ra7 ymout kermel el-sha3b. Mish bass kermel el-sha3b, bimout ta-yejma3 wled ALLAH. W-2arraro min haydak el-yawm ye2etlo YASOU3. W-ma ba2a bayyan YASOU3 bayn el-Yahoud, ra7 min honik 3a-matra7 2arib min el-sa7ra, la-madine esma Efrayem, w-be2e fiya ma3 tlemizo. W-2arrab 3id el-fos7 3end el-Yahoud, w-tel3o ktar min ahl el-diya3 3ala Ourashalim 7atta yettaharo abl el-fos7. W-keno 3am bifattsho 3an YASOU3 w-yes2alo ba3don bel-haykal: "shou awlkon? Ra7 yeje 3al-3id aw la2?" W-keno rou2asa el-kahane wel-ferrisiyyin 2amaro enno kell meen bya3rif wayno enno ykhabbir 3anno ta-yekemshouh. Abl el-fos7 bi-sitt tiyem, eja YASOU3 3ala Beyt-3anya w-nezl 3end Li3azar yalle 2awwamo min el-mawt. W-7addarlo 3asha, w-saret Marta tekhdom, w-ken Li3azar wa7ad min el-2e3deen ma3o 3al-2akl. W-akhadet Maryam 2anninet 3otr ghale ktir min el-nardin el-m2attar, w-sakabeto 3ala ejren YASOU3 w-masa7eton bi-sha3ra. W-ntala el-beyt min ree7et el-3otr, 2al Yahouza el-Eskharyoute, wa7ad min tlemizo, w-houe yalle ra7 ysallmo: "Ma ken a7san law nbe3 hal-3otr bi-tlet miyyet dinar ta-yetwazza3 3al-fou2ara?" 2al hal-shi mish li2anno bi7ebb el-fou2ara, 2al hek li2anno ken loss w-ken ameen el-sandou2, 3am yesro2 kell shi byen7att fih. 2al YASOU3: "troukouwa! Hal-3otr 7afazeto la-yawm dafne. El-fou2ara 3endkon bi-kell wa2et, bass ana ma bkoun 3endkon bi-kell wa2et." 3erfo nes ktir min el-Yahoud enno YASOU3 bi-Beyt-3anya fa-ejo, mish kermelo wa7do bass, bass ejo ta-yshoufo Li3azar yalle 2awwamo min el-mawt. W-tshewaro rou2asa el-kahane ta-ye2etlo Li3azar kamen, li2anno, bi-sababo, ktar min el-Yahoud saro yeterkouwon w-y2ãmno bi-YASOU3. W-tene yawm, sem3o el-nes yalle ejo 3al-3id enno YASOU3 jeye 3ala Ourashalim. 7emlo aghsan el-nakhl w-tel3o ta-yesta2blouh w-henne 3am bihayyso: "el-majd la-ALLAH! Yetberak el-jeye bi-esm el-RAB! Yetberak malik Isra2il!" W-le2a YASOU3 ja7sh, rekb 3le, metl ma nkatab bel-kteb: "Ma tkhafe ya benet Sehyoun: hayda malikik jeye la-3andik, rekib 3ala ja7sh 2eben 7mar." W-ma fehmo el-tlemiz bi-haydak el-wa2et shou ma3na hayda kello. Bass tzakkaro, min ba3d ma tmajjad YASOU3, enno nkatab 3anno hal-shi, w-enno el-nes 3emlo hal-eshya kermelo. W-keno el-nes yalle refa2o YASOU3 lamma talla3 Li3azar min el-2abr w-2awwamo min el-mawt, 3am yesh'hadoulo bi-hal-shi. W-tol3o el-nes yesta2eblouh li2anno sem3o enno 3eml haydik el-3ajibe. W-2alo el-ferrisiyyin bayn ba3don: "shefto keef ento ma btenfa3o la-shi. El-3alam kello 3am yel7a2o!" W-ken fi, bayn el-nes yalle tel3o 3ala Ourashalim lal-3ibede bi-iyem el-3id, kamm Younene. Ejo la-3and Filippos, yalle ken min Beyt-Sayda bel-Jaleel. W-2aloulo: "ya Rab, badna nshouf YASOU3." Ra7 Filippos w-khabbar Endrawos, w-ra7o Filippos w-Endrawos w-khabbaro YASOU3. Jewabon YASOU3: "ejet el-se3a yalle byetmajjad fiya 2eben el-2ensen. B2elkon el-7a2i2a el-7a2i2a: eza am wa2a3it 7abbit el-2am7 bel-ard w-metit, bteb2a wa7eede. W-eza metit talla3et 7boub ktir. Yalle bi7ebb nafso byekhsara, w-yalle byenkor nafso bi-hal-3alam bye7faza lal-7ayet el-abadiyye. Yalle baddo yekhdemne, yel7a2ne, w-matra7 ma bkoun ana bikoun khadime. W-yalle byekhdemne bikarrmo el-Ãb. Halla2 nafse medterbe, shou badde 2oul? Ya bayye, najjine min hal-se3a? Bass ana kermel hayde hal-se3a jeet. Ya bayye, majjid esmak!" 2al sawt min el-sama: "majjadto w-ra7 majjdo!" W-sem3ouh el-mawjoudin, w-2alo: "hayda ra3d!" W-fi ghayron 2alo: "7ekeh malèk!" 2al YASOU3: "ma ken hal-sawt kermele, ken kermelkon. Liom deynounet hayda el-3alam. W-liom byensha7at sayyid hayda el-3alam. W-ana lamma ra7 enrefe3 3an hal-ard, ra7 ejzob ele el-nes kellon." 2al hal-shi ta-ydell 3ala el-mawte yalle ra7 ymouta. Jewabo el-nes: "3allametna el-shari3a enno el-MASI7 bidall lal-abad. Fa-keef 3am t2oul: la-bodd min enno 2eben el-2ensen yenrafa3? Meen houe 2eben el-2ensen hayda?" 2allon YASOU3: "el-nour be2e ma3kon wa2et alil, mshou ma zel el-nour 3am bidawwilkon, 7atta ma tfeje2kon el-3atme. W-yalle byemshe bel-3atme ma bya3rif la-wayn raye7. 2ãmno bel-nour, ma zel el-nour ma3kon, w-bitkouno wled el-nour." Min ba3d ma 2allon YASOU3 hal-kalem, ma 3edo shefouh. W-ma3 enno 3emellon kell hal-3ajeyeb, ma 2ãmano fih, w-hek bikoun t7a'2a2 yalle 2alo el-nabe Ashe3ya: "ya RAB, meen yalle ãman bi-kalemna? W-la meen zaharet 2id el-RAB?" W-ma edro y2ãmno fih, li2anno Ashe3ya 2al kamen: "3amelon ALLAH 3younon w-2asselon 2loubon, 7atta ma yshoufo bi-3younon w-yefhamo bi-2loubon w-ytoubo ta-yeshfiyon." 2al Ashe3ya hal-kalem li2anno shef majdo w-3anno houe ken 3am ye7ke. Bass ktar min rou2asa el-Yahoud 2ãmano bi-YASOU3, bidoun ma ye3elno imenon bi-sabab el-ferrisiyyin, 7atta ma yentsha7ato min el-majma3. Faddalo rida el-nes 3ala rida ALLAH. W-3alla YASOU3 sawto, w-2al: "yalle bi2ãmen fiyye ma bi2ãmen fiyye ana, bi2ãmen bi-yalle ba3atne. W-yalle shefne shef yalle ba3atne. Jeet ta-koun nour lal-3alam, yalle bi2ãmen fiyye ma bikoun bel-3atme, w-yalle byesma3 kaleme w-ma bi2ãmen fih ma bdeeno, li2anno ma jeet ta-deen el-3alam, jeet ta-khallis el-3alam. Yalle byerfodne w-ma bye2bal kaleme, elo meen bideeno. El-kalem yalle 2elto bideeno bel-yawm el-akhir, li2anno ma 7kit bi-shi min 3ende, bass el-Ãb yalle ba3atne wassane shou 2oul w-shou e7ke. Ana ba3rif enno wassiyto 7ayet abadiyye. El-kalem yalle 3am 2oulo, b2oulo metl ma 2alle yeh el-Ãb." Ken YASOU3 bya3rif, abl 3id el-fos7, enno se3to ejet ta-yente2el min hal-3alam lal-Ãb, w-houe yalle 7abb jame3to yalle bel-3alam, 7abbon el-7obb kello. W-2a3ad 3al-3asha ma3 tlemizo. W-ken eblees 7att el-weswes bi-Yahouza 2eben Sem3an el-Eskharyoute enno ysallim YASOU3. W-ken YASOU3 bya3rif enno el-Ãb 7att kell shi bayn 2idey, w-enno eja min 3end ALLAH w-la-3and ALLAH ra7 yerja3. 2am 3an el-3asha w-shel mashla7o w-akhad manshafe w-7atta 3a-khasro, min ba3da sabb may bel-tosht w-ballash yghassil ejren el-tlemiz w-yemsa7on bel-manshafe yalle 7atta 3a-khasro. W-lamma 2arrab min Sem3an Boutros, 2allo Sem3an: "ya Rab, enta 3am bitghasselle ejreyye?" Jewabo YASOU3: "enta halla2 ma 3am tefham yalle 3am ba3emlo, bass ra7 tefham ba3den." 2allo Boutros: "mish ra7 tghasselle ejrayye abadan." Jewabo YASOU3: "eza kent ma ra7 ghassellak ejrek, ma ra7 ykoun elak nasib ma3e." 2allo Sem3an Boutros: "fa-ezan ya Rab, mish bass ejreyye, ghasselle 2ideyye w-rase." 2allo YASOU3: "yalle t7ammam bikoun kello ndeef, ma bi3ouz yghassil ella ejrey. Ento ndaf, bass mish kellkon." 2al YASOU3: "mish kellkon ndaf", li2anno ken bya3rif meen ra7 ysallmo. W-lamma ghassal ejreyon w-lebs mashla7o w-reje3 3al-meyde 2allon: "fhemto shou 3meltelkon? Ento bitsammoune mou3allim w-sayyid, w-hayda shi mazbout li2anno ana hek. W-eza kent ana el-sayyid wel-mou3allim ghassalit ejreykon, ento kamen ghasslo ejren ba3dkon. W-ana 3titkon matal ta-ta3mlo metl ma ana 3melt. B2elkon el-7a2i2a el-7a2i2a: ma fi khadim a3zam min sayyido, wala rasoul a3zam min yalle ba3ato. W-halla2 3refto hal-7a2i2a, niyyelkon eza 3melto fiya. Ma 3am 2oul hal-shi 3annkon kellkon, Ana ba3rif yalle na'2ayton. Bass yalle nkatab bel-ketob el-m2addase lezim ysir, w-houe: enno yalle akal min khebzete tmarrad 3leyye. 3am khabberkon bi-hal-shi halla2 abl ma ysir, 7atta lamma ysir t2ãmno enno ana houe. B2elkon el-7a2i2a el-7a2i2a: yalle bye2bal yalle beb3aton bye2balne. W-yalle bye2balne bye2bal yalle ba3atne." Lamma 2al hal-kalem, edtarabet nafs YASOU3 w-2al bi-woudou7 lal-kell: "b2elkon el-7a2i2a el-7a2i2a: wa7ad minkon ra7 ysallimne!" W-ettalla3o el-tlemiz bi-ba3don met7ayyrin mish 3arfin meen 3am ye2sod bi-kalemo. W-ken wa7ad min el-tlemiz, w-houe yalle bi7ebbo YASOU3, 2e3id 7addo. Wemelo Sem3an Boutros w-2allo: "s2alo meen bye3ne bi-kalemo." Mel el-telmiz 3ala sadr YASOU3 w-sa2alo: "meen houe ya Rab?" Jewabo YASOU3: "houe yalle ra7 newlo el-le2me yalle ra7 eghmesa bel-jat!" W-ghamas YASOU3 le2me w-rafa3a w-newal Yahouza 2eben Sem3an el-Eskharyoute. W-lamma tnewala fet el-shaytan fih. W-2allo YASOU3: "3mol yalle enta jeye ta3emlo w-ma tet2akhar." W-ma fehem 7ada min el-2e3deen 3al-meyde leysh 2al hal-kalem. W-ken Yahouza ameen el-sandou2, w-fakkaro enno YASOU3 wassah enno yeshtere shi 3ayzino lal-3id, aw wassah enno ya3te el-fou2ara shi. W-tnewal Yahouza el-le2me w-dahar deghre. W-ken leyl. W-lamma dahar Yahouza 2al YASOU3: "halla2 tmajjad 2eben el-2ensen w-tmajjad ALLAH fih. W-eza ken ALLAH tmajjad fih, ALLAH ra7 ymajjdo bi-zeto, w-ba3d shwey ra7 ymajjdo. Ya wlede, ra7 eb2a ma3kon wa2et alil. Ra7 tetolboune, bass yalle 2elto lal-Yahoud b2oulo halla2 elkon: matra7 ma ana raye7 ma bte2daro ento tejo. Ba3tikon wassiye jdide: 7ebbo ba3dkon. W-metl ma ana 7abbaytkon 7ebbo ento ba3dkon. Eza 7abbayto ba3dkon, bya3erfo kell el-nes ennkon tlemize." 2allo Sem3an Boutros: "la-wayn raye7 ya Rab?" Jewabo YASOU3: "matra7 ma ana raye7 ma bte2dar halla2 ennak tel7a2ne, bass ra7 tel7a2ne bi-yawm min el-iyem." 2allo Boutros: "leysh ma be2dar el7a2ak halla2, ya Rab? Ana mist3ed enno mout kermelak!" Jewabo YASOU3: "enta mist3ed enno tmout kermele? B2elkon el-7a2i2a el-7a2i2a: abl ma ysi7 el-deek bitkoun nakaretne tlet marrat." Ma tkhallo 2loubkon te2la2. Ento bit2ãmno bi-ALLAH, 2ãmno fiyye kamen. Bi-beyt bayye matare7 ktire, wa-ella ma kent 2eltelkon: ana raye7 ta-7adderelkon matra7. W-lamma ra7 rou7 w-7adderelkon matra7, berja3 w-bekhedkon la-3ande ta-tkouno matra7 ma bkoun. Ento bta3erfo el-tari2 la-wayn ana raye7." 2allo Touma: "ya Rab, ne7na ma mna3rif la-wayn raye7, keef badna na3rif el-tari2?" Jewabo YASOU3: "ana houe el-tari2 wel-7a2 wel-7ayet, ma byeje 7ada lal-Ãb ella min khilele. Law kento 3reftoune kento 3refto bayye kamen. W-min halla2 ento bta3erfouh, w-sheftouh." 2allo Filippos: "ya Rab, farjina el-Ãb w-byekfina." 2allo YASOU3: "ana ma3kon kell hal-wa2et, w-ba3d ma 3refetne ya Filippos? Yalle shefne shef el-Ãb, keef bit2oul: farjina el-Ãb? Ma bit2ãmen enno ana bel-Ãb w-enno el-Ãb fiyye? El-kalem yalle 3am 2oulo ma 3am 2oulo min 3ende, wel-a3mel yalle ba3mela bya3mela el-Ãb yalle houe fiyye. Sadd2oune eza 2elt: ana bel-Ãb wel-Ãb fiyye, aw-sadd2oune kermel a3mele. B2elkon el-7a2i2a el-7a2i2a: yalle bi2ãmen fiyye bya3mil el-a3mel yalle ba3mela, w-bya3mil a3zam minna, li2anno ana raye7 la-3and el-Ãb, kell shi btetolbouh bi-esme ba3emlo, 7atta yetmajjad el-Ãb bel-2eben. Eza talabto minne shi bi-esme ba3emlo. Eza kento bit7ebboune bta3emlo metl ma wassaytkon. W-ra7 etlob min el-Ãb enno ya3tikon mou3azze tene byeb2a ma3kon lal-abad. W-houe ROU7 el-7a2 yalle ma bye2dar el-3alam enno ye2balo, li2anno ma bishoufo w-ma bya3erfo. Bass ento bta3erfouh, li2anno houe ma3kon w-fikon. Ma ra7 etrekkon yatema, ra7 erja3 la-3andkon. Ba3d shwey ma ra7 yshoufne el-3alam, bass ento ra7 tshoufoune. W-li2anno ana 7ayy, ento kamen ra7 t3isho. W-bi-haydak el-yawm bta3erfo enno ana bi-bayye, w-ennkon ento fiyye metl ma ana fikon. Yalle bye2bal el-wassaya taba3e w-bya3mil fiya bi7ebbne. W-yalle bi7ebbne bi7ebbo bayye, w-ana b7ebbo w-beksheflo 3an 7ale." 2allo Yahouza, mish Yahouza el-Eskharyoute: "ya Rab, keef btekshof 3an 7alak elna w-ma btekshof lal-3alam?" Jewabo YASOU3: "yalle bi7ebbne byesma3 kaleme w-bi7ebbo bayye, w-mneje la-3ando w-mneskon 3endo. W-yalle ma bi7ebbne ma byesma3 kaleme. W-kaleme mish min 3ende, kaleme min 3end el-Ãb yalle ba3atne. 2eltelkon hayda kello w-ana ma3kon. Bass el-mou3azze, w-houe el-ROU7 el-2ODOS yalle byeb3ato el-Ãb bi-esme, ra7 y3allimkon kell shi w-bikhallikon tetzakkaro kell shi 2eltelkon yeh. Betrekelkon el-salem, w-ba3tikon saleme, mish metl ma bya3tih el-3alam ba3tikon yeh ana. Ma tkhallo 2loubkon te2la2 w-ma tkhafo. 2eltelkon: Ana raye7 w-ra7 erja3 la-3andkon, eza kento bit7ebboune fre7to bi-enno raye7 la-3and el-Ãb, li2anno el-Ãb a3zam minne. Khabbaretkon bi-hayda kello abl ma ysir, 7atta wa2et ysir t2ãmno. Ma ra7 e7kikon ba3d ktir, li2anno sayyid hal-3alam ra7 yeje. W-ma elo soultan 3leyye, bass lezim ya3rif el-3alam enno ana b7ebb el-Ãb w-enno ba3mil bi-yalle wassane yeh el-Ãb. 2oumo nfell min hon. "Ana el-karme el-7a2i2iyye w-bayye el-kerram. Kell ghosn ma bye7mol thamar bye2ta3o, wel-ghosn yalle bye7mol thamar bina'2ih ta-ye7mol ba3d aktar. Ento halla2 an2iya bi-fadl el-kalem yalle 2eltelkon yeh. Thbato fiyye w-ana fikon. W-metl ma el-ghosn ma bye7mol thamar minno la-7alo ella eza thabat bel-karme, hek ento kamen: ma ra7 te7emlo thamar ella eza thabatto fiyye. Ana el-karme w-ento el-aghsan: yalle byethbat fiyye w-ana fih bye7mol thamar ktir. Bass bidoune ma bte2daro 3ala shi. Yalle ma byethbat fiyye byenkabb metl el-ghosn w-byibas. Wel-aghsan el-yebse btenjama3 w-btenkabb bel-nar ta-te7tere2. Eza thabatto fiyye w-thabat kaleme fikon, btetolbo yalle badkon yeh w-btekhdouh. Hek bayye byetmajjad: lamm te7emlo thamar ktir w-tkouno tlemize. Ana b7ebkon metl ma 7abbne el-Ãb, thbato bi-ma7abbte. Eza 3melto bel-wassaya taba3e btethbato bi-ma7abbte, metl ma ana 3melt bi-wassaya bayye w-thabatet bi-ma7abbto. 2eltelkon hayda ta-yddall fara7e fikon, w-ykoun fara7kon kemil. Hayde hiye wassiyte: 7ebbo ba3dkon metl ma ana 7abbeytkon. Ma fi 7obb a3zam min hayda: enno yda77e el-2ensen bi-nafso kermel yalle bi7ebbon. W-ana b7ebbkon eza 3melto bi-yalle bwassikon fih. Ana ma bsammikon 3abeed min ba3d liom, li2anno el-3abd ma bya3rif shou bya3mil sayyido, bsammikon a7ebbe2e, li2anno khabbaretkon bi-kell shi sme3to min bayye. Ento ma na'2aytoune, ana na'2aytkon w-3ayyantkon ta-trou7o w-te7emlo thamar w-ydall thamarkon, fa-bya3tikon el-Ãb kell yalle btetolbouh bi-esme. W-hayda yalle bwassikon fih: enkon t7ebbo ba3dkon. Eza baghadkon el-3alam, tzakkaro enno baghadne ele abl ma yobghedkon. Law kento min hal-3alam, ken el-3alam 7abkon metl ahlo. W-li2anno na'2aytkon min hal-3alam w-ento mish minno, kermel hek baghadkon el-3alam. Tzakkaro yalle 2eltelkon yeh: ma fi khadim a3zam min sayyido. Eza edtahadoune ra7 yedtehdoukon, w-eza sem3o kaleme byesma3o kalemkon. Henne bya3emlo fikon kell hal-shi kermel esme, li2anno ma bya3erfo yalle ba3atne. Law ma jeet w-7kitkon, ken ma fi 3leyon khatiyye. Bass halla2, ma ba2a 3endon 3ezr 3an khatiyyeton. Yalle byobghedne byobghod bayye. Law ma 3melt bayneton hal-a3mel yalle ma 3eml metla 7ada, ma ken 3leyon khatiyye. Bass henne halla2 shefo, w-ma3 hayda w-kello baghadoune w-baghado bayye. W-hal-shi sar la-yet7a'2a2 yalle nkatab bi-shari3eton: baghadoune bidoun sabab. W-lamma ra7 yeje el-mou3azze yalle ra7 eb3atelkon yeh min el-Ãb, ROU7 el-7a2 el-jeye min el-Ãb, houe ra7 yesh'hadle. W-ento kamen ra7 tesh'hado, li2annkon min el-awwal ma3e. "2eltelkon hal-kalem 7atta ma yetza3za3 imenkon. Ra7 yesh7atoukon min el-majeme3, w-ra7 teje se3a bifakkir fiya yalle bye2telkon enno 3am ye3bad ALLAH. W-ra7 3am ya3emlo hek li2anno ma bya3erfo bayye w-ma bya3erfoune. B2elkon hal-shi, 7atta eza ejet el-se3a btetzakkaro enno 2eltelkon yeh. Ma 2eltelkon hek min el-awwal li2anno kent ma3kon. Bass halla2 ana raye7 la-3and yalle ba3atne, w-ma 7ada minkon ra7 yes2alne: la-wayn raye7? W-lamma 2eltelkon hal-shi, el-7ezn malla 2loubkon. Sadd2oune, a7sanlkon enno rou7, eza kent ma ra7 rou7 ma ra7 yeje el-mou3azze. Bass eza ro7t beb3atelkon yeh. W-lamma ra7 yeje ra7 ykhajjil el-3alam 3al-khatiyye wel-berr wel-deynoune: 3al-khatiyye li2annon ma 2ãmano fiyye, 3al-berr li2anno raye7 la-3and el-Ãb w-ma ra7 tshoufoune, w-3al-deynoune li2anno sayyid hal-3alam t7ekam w-n7akam 3le. 3ende 7ake ktir ba3d badde 2elkon yeh, bass ma bte2daro halla2 enno tet7ammalouh. W-lamma ra7 yeje ROU7 el-7a2 ra7 yershedkon 3al-7a2 kello, li2anno ma bye7ke bi-shi min 3endo, bye7ke bi-yalle byesma3o, bikhabberkon bi-yalle 3am bisir. Ra7 ymajjedne li2anno byekhod kaleme w-bi2elkon yeh. Kell shi 3endo yeh el-Ãb houe ele kamen, kermel hek 2eltelkon: byekhod kaleme w-bi2elkon yeh. Ba3d shwey ma ra7 tshoufoune, w-min ba3da ra7 tshoufoune." 2alo el-tlemiz la-ba3don: "shou hayda yalle 3am bi2elna yeh: ba3d shwey ma ra7 tshoufoune, w-min ba3da ra7 tshoufoune. Ana raye7 la-3and el-Ãb?" Sa2alo ba3don: "shou ye3ne ba3d shwey? Ma 3am nefham shou 3am bi2oul." W-3eref YASOU3 ennon baddon yes2alouh, 2allon: "3am tes2alo 7alkon 3an ma3na kaleme: ba3d shwey ma bitshoufoune, w-min ba3da ra7 tshoufoune. B2elkon el-7a2i2a el-7a2i2a: ra7 tebko w-tenedbo, bass el-3alam ra7 yefra7. Ra7 te7zano, bass 7ezenkon ra7 yet7awwal fara7. El-mara bte7zan hiye w-3am bitwallid, li2anno se3eta ejet. Bass lamma twallid btensa awje3a, li2anno btefra7 bi-wiledit 2ensen bel-3alam. Kermel hek ento halla2 ra7 te7zano, bass ra7 erja3 shoufkon, w-se3eta btefra7 2loubkon fara7 ma 7ada byekhdo minkon. W-bi-haydak el-yawm ma ra7 tetolbo minne shi. B2elkon el-7a2i2a el-7a2i2a: kell shi btetolbouh min el-Ãb bi-esme ra7 ya3tikon yeh. W-ma talabto shi bi-esme la-7add halla2. Tlobo byen3atalkon, w-byektemil fara7kon. "2eltelkon hayda kello bel-amtel. W-bteje se3a ma be7kikon fiya bel-amtel, be7kikon 3an el-Ãb bi-kalem wade7. W-bi-haydak el-yawm ento btetolbo min el-Ãb bi-esme, w-ma b2elkon enno ana betlob min el-Ãb 3annkon. El-Ãb bi-nafso bi7ebbkon, li2annkon 7abbeytoune w-2ãmanto bi-enno tlo3t min 3end ALLAH. Tlo3t min 3end el-Ãb w-jeet 3al-3alam w-ra7 erja3 la-3and el-Ãb." 2aloulo tlemizo: "enta halla2 3am te7kina kalem wade7, mish bel-amtel. W-3am nshouf halla2 ennak bta3rif kell shi, w-ennak mish bi-7aje enno yes2alak 7ada 3an shi. Kermel hek min2ãmin bi-ennak jeet min 3end ALLAH." Jewabon YASOU3: "halla2 ento 3am bit2ãmno. Bteje se3a, w-ejet halla2, btetfarra2o fiya, birou7 kell wa7ad bi-tari2o w-bteterkoune wa7de. Bass ma bkoun wa7de, li2anno el-Ãb ma3e. 2eltelkon hayda kello ta-fiyye ana tle2o el-salem. Ra7 t3ano ktir bi-hal-3alam, bass tshajja3o. Ana ghalabt el-3alam." Min ba3d hal-kalem, rafa3 YASOU3 3youno lal-sama w-2al: "ya bayye ejet el-se3a: majjid 2ebnak ta-ymajjdak 2ebnak bel-soultan yalle 3tito yeh 3ala kell el-bashar 7atta ya3te el-7ayet el-abadiyye la-kell yalle 3tito henne. Wel-7ayet el-abadiyye hiye ennon ya3erfouk enta el-Ileh el-7a2 wa7dak w-ya3erfo YASOU3 el-MASI7 yalle ba3atto. Ana majjadtak 3al-ard lamma 3melt el-3amal yalle kallaftne fih w-khallasto. Majjedne enta 3endak halla2 ya bayye bel-majd yalle ken ele 3endak abl ma ykoun el-3alam. Ana bayyanet esmak la-yalle 3titne henne min el-3alam. Keno elak, w-3titne henne w-3emlo bi-kalemak. Halla2 henne bya3erfo enno kell shi 3titne yeh houe minnak. Wassaltellon el-kalem yalle 2eltelle yeh, w-2eblouh w-3erfo mazbout enno ana jeet min 3endak w-2ãmano enno enta ba3attne. W-ana bsalle kermelon, ma bsalle kermel el-3alam, bsalle kermel yalle 3titne henne li2annon elak. Kell shi ele houe elak, w-kell shi elak houe ele, w-ana bitmajjad fiyon. Ma ra7 eb2a bel-3alam bass henne be2yin bel-3alam, w-ana raye7 la-3andak. Ya bayye el-2ouddous, 7fazon bi-esmak yalle 3titne yeh, 7atta ykouno wa7ad metl ma enta w-ana wa7ad. Lamma kent ana ma3on 7afazton bi-esmak yalle 3titne yeh. 7araston, w-ma khseret minnon wa7ad ella 2eben el-halek ta-yet7a'2a2 el-maktoub bel-kteb. W-halla2 ana raye7 la-3andak. 3am 2oul hal-kalem w-ana bel-3alam ta-ykoun kell fara7e fiyon. Wassaltellon kalemak fa-abghadon el-3alam li2anno henne mish min el-3alam metl ma ana mish min el-3alam. Ma betlob minnak ennak tsheelon min el-3alam, bass betlob enno te7fazon min el-sherreer. Henne mish min el-3alam. W-ana mish min el-3alam. 2addeson bel-7a2 li2anno kalemak 7a2. Ana ba3atton 3al-3alam metl ma ba3attne enta 3al-3alam. Kermelon b2addis nafse 7atta yet2addaso henne kamen bel-7a2. Ma bsalle kermelon wa7don, bsalle kamen kermel yalle 2eblo kalemon w-2ãmano fiyye. Khalliyon ykouno kellon wa7ad ta-ykouno wa7ad fina, ya bayye, metl ma enta fiyye w-ana fik, 7atta y2ãmen el-3alam ennak enta ba3attne. W-ana 3titon el-majd yalle 3titne yeh ta-ykouno wa7ad metl ma enta w-ana wa7ad: ana fiyon w-enta fiyye ta-tkoun wi7deton kemle w-ya3rif el-3alam ennak ba3attne w-ennak bit7ebbon metl ma bit7ebbne. Enta 3titne henne, ya bayye, w-badde enno ykouno ma3e matra7 ma bkoun ta-yshoufo shou 3titne min el-majd li2annak 7abbeytne abl ma ykoun el-3alam. Ma 3erfak el-3alam, ya bayye el-sale7, bass ana 3reftak w-3erfo hal-ashkhas enno enta ba3attne. Bayyantellon esmak, w-ra7 bayyenlon yeh ta-tkoun fiyon el-ma7abbe yalle 7abbeytne hiye w-koun ana fiyon." 2al YASOU3 hal-kalem w-toli3 ma3 tlemizo, 2ata3 wede Kadroun w-ken fi honik besten, fet 3le houe w-tlemizo. W-ken Yahouza yalle sallamo bya3rif hal-matra7, li2anno YASOU3 ken yejtemi3 fi ktir ma3 tlemizo. Eja Yahouza la-honik ma3 3askar w-7aras mab3outin min rou2asa el-kahane wel-ferrisiyyin, w-keno 7amleen el-2nadil wel-mashe3el wel-sle7. 2arrab YASOU3 sawbon w-ken 3arif shou ra7 ysir ma3o w-2allon: "meen badkon?" Jewabouh: "YASOU3 el-Nassire." 2allon: "ana houe." W-ken Yahouza yalle sallamo we2if ma3on. W-lamma 2allon YASOU3: "ana houe", rej3o la-wara w-wa2a3o 3al-ard. Sa2alon YASOU3 marra tenye: "meen badkon?" Jewabouh: "YASOU3 el-Nassire." 2allon YASOU3: "2eltelkon: ana houe. Eza yalle badkon yeh houe ana, khallo hal-ashkhas yfello." W-hek t7a'2a2 yalle 2alo YASOU3: "ma khsert 7ada min yalle 3titne henne." W-ken Sem3an Boutros 7amel seyf, akhado w-darab khadim ra2is el-kahane w-2ata3lo daynto el-yameen, w-ken esm el-khadim Malkhas. 2al YASOU3 la-Boutros: "redd seyfak 3a-matra7o! Ma baddak eshrab el-kes yalle 3atane hiye el-Ãb?" Kamasho el-3askar wel-ka2ed w-7aras el-haykal YASOU3 w-rabbatouh w-akhadouh awwal shi la-3and 7annan, w-houe 3ammo la-Kayafa ra2is el-kahane bi-haydik el-sene. W-Kayafa houe yalle nasa7 el-Yahoud w-2al: "enno ymout rejjel wa7ad kermel el-sha3b a7sanelkon." W-ken Sem3an Boutros w-telmiz tene le7'2in YASOU3. W-ken ra2is el-kahane bya3rif hal-telmiz, fa-fet 3a-dar ra2is el-kahane ma3 YASOU3. Bass Boutros we2f barra 3al-beb. W-reje3 el-telmiz el-tene yalle bya3erfo ra2is el-kahane la-barra w-7eke ma3 el-benet yalle 3am te7ros el-beb w-fawwat Boutros. 2alet el-benet la-Boutros: "mish enta kamen min tlemiz hal-rejjel?" Jewaba Boutros: "ana mish minnon." W-ken fi ktir bard, fa-walla3o el-kheddem wel-7aras nar w-saro yetdaffo, w-we2f Boutros yetdaffa ma3on. W-sa2al ra2is el-kahane YASOU3 3an tlemizo w-ta3limo, jewabo YASOU3: "ana 7kit eddem kell el-nes, w-3allamit deyman bel-majeme3 w-bel-haykal matra7 ma byejtem3o kell el-Yahoud, w-ma 2elt shi bel-serr. Leysh 3am tes2alne? S2al yalle sem3oune 3an yalle 7kiton 3anno, henne bya3erfo shou 2elt." Lamma 2al YASOU3 hal-kalem, darabo wa7ad min el-7aras ken 7addo kaff w-2allo: "hek 3am bitjewib ra2is el-kahane?" Jewabo YASOU3: "eza kent ghlotit bel-7ake, 2elle wayn el-ghalat? W-eza kent 7kit mazbout, leysh 3am tedrobne?" W-ba3ato 7annan mrabbat la-3and Kayafa ra2is el-kahane. W-lamma ken Sem3an Boutros we2if honik 3am yetdaffa 2aloulo: "mish enta min tlemizo?" nakar w-2al: "ana mish minnon!" W-2allo wa7ad min kheddem ra2is el-kahane, w-ken min 2raybin el-rejjel yalle 2ata3 Boutros daynto: "mish ana sheftak ma3o bel-besten?" W-nakar kamen w-deghre sa7 el-deek. Akhado YASOU3 min 3end Kayafa 3ala 2asr el-7akem. W-ken sob7. Bass el-Yahoud ma feto 3al-2asr 7atta ma yetnajjaso, li2anno ma bi3oud fiyon yeklo 3asha el-fos7. W-toli3 la-3andon Bilatos w-sa2alon: "bi-shou btettehmo hal-rejjel?" Jewabouh: "law mish mejrem, ma kenna sallamnek yeh." 2allon Bilatos: "khedouh ento w-7ekmouh bi-7asab shari3etkon." Jewabouh: "mish masmou7 3enna ne7kom 3ala 7ada bel-2atl." W-t7a'2a2 yalle 2alo YASOU3 lamma 7eke 3al-mawte yalle ra7 ymouta. W-reje3 Bilatos 3ala 2asr el-7akem w-neda YASOU3 w-2allo: "enta malik el-Yahoud?" Jewabo YASOU3: "3am bit2oul hal-shi min 3endak, aw 2aloulak yeh el-be2yin?" 2al Bilatos: "shou ana Yahoude? Sha3bak w-rou2asa el-kahane sallamouk ele. Shou 3melt?" Jewabo YASOU3: "mamlakte mish min hal-3alam. Law kenit mamlekte min hal-3alam, ken defa3 3anne 7errase 7atta ma etsallam lal-Yahoud. La2! mamlakte mish min hon." 2allo Bilatos: "fa-ezan, enta malik?" Jewabo YASOU3: "enta bit2oul enne malik. Ana wledet w-jeet 3ala hal-3alam 7atta esh'had lal-7a2. Yalle ken min wled el-7a2 byesma3 sawte." 2allo Bilatos: "shou houe el-7a2?" 2al hal-shi w-toli3 marra tenye la-3and el-Yahoud w-2allon: "ma 3am le2e sabab lal-7ekm 3le. Bass el-3ade 3endkon bit2oul enno e3fe 3an ma7bous bi-3id el-fos7. Badkon e3fe 3an malik el-Yahoud?" Sarakho: "ma te3fe 3an hayda, 3fih 3an Barabas." W-ken Barabas loss. Akhad Bilatos YASOU3 w-2amar bi-jaldo. W-gharaso el-3askar eklil min shawk 3a-raso, w-labbasouh tawb a7mar, w-ltaffo 7awlo w-saro yedorbouh w-y2oulo: "Salem, ya malik el-Yahoud!" W-reje3 Bilatos la-3and el-joumou3 w-2allon: "ana ra7 jeebo la-barra w-7otto eddemkon ta-ta3erfo enno ma l2it sabab lal-7ekm 3le." W-toli3 YASOU3 w-eklil el-shawk 3a-raso w-lebis el-tawb el-a7mar, fa-2allon Bilatos: "hayda houe el-rejjel!" W-lamma shefouh rou2asa el-kahane wel-7aras sarakho: "slebo! slebo!" 2allon Bilatos: "khedouh ento w-slebouh, ana ma 3am le2e sabab lal-7ekm 3le." Jewabo el-Yahoud: "3enna shari3a, w-hal-shari3a bte7kom 3le bel-mawt li2anno 2al enno houe 2eben ALLAH." W-lamma sem3 Bilatos kalemon hayda zed khawfo. Fet 3al-2asr w-2al la-YASOU3: "min wayn enta?" Ma jewabo YASOU3 bi-shi. 2allo Bilatos: "ma ra7 tjewebne? Ma bta3rif enno 3ende soulta enno efeltak, w-soulta enno esolbak?" Jewabo YASOU3: "ma fi elak soulta 3leyye, law ma akhadta min ALLAH. Bass yalle sallamne elak, khatiyyto a3zam min khatiyytak." Jarrab Bilatos min ba3da enno yefelto, bass el-Yahoud saro ysarrkho: "eza falatto, ma bitkoun min asdika2 el-2aysar, li2anno yalle bi2oul enno houe malik bikoun 3adouw lal-2aysar!" W-lamma sem3 Bilatos hal-kalem talla3 YASOU3 w-2a3ad 3ala kerse el-7ekm bi-matra7 esmo "el-balat", bel-3ebrane, Jabbatha. W-ken hal-shi yawm el-jem3a, yawm el-to7dir lal-fos7, w-ken el-dohr. Fa-2al lal-Yahoud: "hayda houe malikkon!" Sarakho: "2telo! 2telo! slebo!" 2allon Bilatos: "badkon eslob malikkon?" Jewabouh rou2asa el-kahane: "ma fi malik 3leyna ella el-2aysar!" W-sallamo elon ta-yesolbouh. W-akhado YASOU3 toli3 houe w-7amel salibo 3ala-matra7 esmo el-Joumjouma, bel-3ebrane Jouljoutha. W-salabouh honik w-salabo ma3o rejjelen, kell wa7ad min meyle, w-bayneton YASOU3. W-3alla2 Bilatos 3al-salib law7a maktoub 3leya: "YASOU3 el-Nassire malik el-Yahoud." W-2eryo ktar min el-Yahoud hal-law7a, li2anno el-matra7 yalle salabo fih YASOU3 ken 2arib min el-madine. W-kenit maktoube bel-3ebrane wel-Latine wel-Younene. 2alo rou2asa kahanet el-Yahoud la-Bilatos: "ma tektob: malik el-Yahoud, ktob: hal-rejjal 2al: ana malik el-Yahoud!" Jewabon Bilatos: "yalle nkatab nkatab." W-lamma salabo el-3askar YASOU3 akhado tyebo w-2asamouwa arba3 7osas, la-kell 3askare 7ossa. W-akhado 2amiso kamen w-ken sha2fe we7de w-mish mkhayyat khyata, maghzoul kello min fo2 la-ta7t. Fa-2alo la-ba3don: "ma ra7 nkhazzi2 el-2amis, mna3mil 3le 2or3a, w-minshouf la-meen bikoun." W-t7a'2a2 el-maktoub bel-kteb: "t2asamo tyebe, w-3ala 2amise 3emlo 2or3a." W-hayda yalle 3emlouh el-3askar. W-honik, 3a-salib YASOU3, we2fit emmo, w-ekhet emmo Maryam zawjet Kaloppa, w-Maryam el-Majdaliyye. W-shef YASOU3 emmo w-7adda el-telmiz yalle YASOU3 bi7ebbo, 2al la-emmo: "ya hal-mara, hayda 2ebnik." W-2al lal-telmiz: "hayde emmak." W-akhada el-telmiz 3ala beyto min haydik el-se3a. W-shef YASOU3 enno kell shi t7a'2a2, w-2al: "ana 3etshan", 7atta ysir metl ma nkatab bel-kteb. W-ken honik fi wa3a melyen khall, ghamaso fih sfenje w-7attouwa 3ala 2adib zoufa w-rafa3ouwa 3ala temmo. W-lamma de2 YASOU3 el-khall 2al: "tamm kell shi." W-7ene raso w-sallam rou7o. W-ken hal-shi yawm el-to7dir lal-sabt, talabo el-Yahoud min Bilatos enno ye2mor bi-kasr ejren el-masloubin w-enno ynazzil jesmon 3an el-salib 7atta ma yeb2o la-yawm el-sabt, w-khsouse enno hal-sabet houe yawm 3azeem. Ejo el-3askar w-kasaro ejren el-masloubin ma3 YASOU3. W-lamma weslo la-3and YASOU3 le2ouh mayyit, fa-ma kasaro ejrey. Bass wa7ad min el-3askar ta3ano bi-7arbe bi-janbo, w-toli3 minno damm w-may. W-yalle shef hal-shi byesh'had w-shahedto sa7i7a, w-bya3rif enno 3am bi2oul el-7a2 7atta t2ãmno metlo. W-sar hayda ta-yet7a'2a2 shou 2al el-kteb: "ma ra7 yenkeser elo 3adm." W-maktoub kamen: "ra7 yettalla3o 3ala yalle ta3anouh." Min ba3d hal-shi eja Youssef el-Rami, w-ken telmiz YASOU3 bel-serr li2anno ken ykhaf min el-Yahoud, w-talab min Bilatos enno yekhod jesm YASOU3, w-sama7lo. Eja w-akhad jesm YASOU3. W-eja Nikodimos, w-houe yalle ra7 la-3and YASOU3 bel-leyl min abl, w-ken jeyib ma3o khalta min el-morr wel-3oud. Akhado jesm YASOU3 w-dahano 3le el-3otr w-laffouh bi-kafan, 7asab 3adet el-Yahoud bi-dafn mawtehon. W-ken matra7 ma salabo YASOU3 fi besten, w-bel-besten 2abr jdid ma ndafan fih 7ada. W-7atto YASOU3 fih li2anno el-2abr ken 2arib w-nhareta ken yawm el-to7dir 3end el-Yahoud. W-yawm el-a7ad ejet Maryam el-Majdaliyye 3al-2abr bakkir, w-ken ba3do 3atme, shefit el-7ajar marfou3 3an el-2abr. W-rakadet bi-ser3a la-3and Sem3an Boutros wel-telmiz el-tene yalle 7abbo YASOU3, w-2aletlon: "akhado el-RAB min el-2abr, w-ma mna3rif wayn 7attouh." Toli3 Boutros wel-telmiz el-tene 3al-2abr, w-meshyo bi-ser3a sawa. Bass el-telmiz el-tene saba2 Boutros, w-wossil ablo 3al-2abr. W-n7ana bidoun ma yfout, w-shef el-kafan 3al-ard. Le7'2o Sem3an Boutros, w-fet 3al-2abr. W-shef el-kafan 3al-ard, wel-mandil yalle ken 3ala ras YASOU3 malfouf bi-matra7 3ala janab, mish ma7tout ma3 el-kafan. W-fet el-telmiz el-tene yalle saba2 Boutros 3al-2abr, shef w-2ãman, li2anno keno ba3d ma 3am yefhamo shou n2al bel-kteb w-houe enno YASOU3 lezim y2oum min el-mawt. Min ba3da rej3o el-telmizen 3ala beyton. Bass Maryam el-Majdaliyye, we2fit 3al-2abr 3am tebke. W-n7anet sawb el-2abr w-hiye 3am tebke. W-shefit malèken bi-tyeb bayda 2e3deen matra7 ma ken jesm YASOU3, wa7ad minnon 3al-ras wel-tene 3al-ejren. 2aloula el-malèken: "leysh 3am tebke?" Jewabet: "akhado rabbe w-ma ba3rif wayn 7attouh!" 2alet hal-shi w-ltafatet waraha w-shefet YASOU3 we2if, w-ma 3erfit enno YASOU3. 2alla YASOU3: "leysh 3am tebke? W-meen baddik?" Fakkarit enno hayda el-jneynete, 2aletlo: "eza kent enta akhadto ya Rab, 2elle wayn 7attayto 7atta ekhdo." 2alla YASOU3: "ya Maryam." 3erfeto w-2aletlo bel-3ebrane: "rabbouni!" (ye3ne "ya mou3allim"). 2alla YASOU3: "ma ted2arine, li2anno ma tlo3it ba3d la-3and el-Ãb, rou7e la-3and ekhewte w-2oulilon: ana tali3 la-3and bayye w-bayykon, Ilehe w-Ilehkon." Rej3it Maryam el-Majdaliyye w-khabbarit el-tlemiz enno shefit el-RAB w-enno 2alla hal-kalem. El-a7ad 3ashiye, keno el-tlemiz mejtem3in wel-bweb msakkara khayfin min el-Yahoud. Eja YASOU3 w-we2f bayneton w-2al: "ALLAH ma3kon." W-farjehon 2idey w-janbo, w-fer7o el-tlemiz lamma shefo el-RAB. 2allon YASOU3 marra tenye: "ALLAH ma3kon! Metl ma ba3atne el-Ãb beb3atkon ana." 2al hal-shi w-nafakh bi-wejjon w-2allon: "khedo el-ROU7 el-2ODOS. Yalle bteghefroulon khatayahon btenghafarlon, w-yalle btemna3o 3annon el-ghoufran byenmana3 3annon." W-ken Touma, wa7ad min el-tlemiz el-tna3sh el-moula2ab bel-tawm, ghayib lamma eja YASOU3. 2aloulo el-tlemiz: "shefna el-RAB!" Jewabon: "ma bsaddi2 ella eza sheft athar el-msemir bi 2idey, w-7atteyt esba3e matra7 el-msemir w-2ideyye bi-janbo." W-min ba3d tmen tiyem jtama3o el-tlemiz bel-beyt marra tenye, w-Touma ma3on, eja YASOU3 wel-bweb msakkara, we2f bayneton w-2al: "ALLAH ma3kon." Min ba3da 2al la-Touma: "het esba3ak la-hon w-ettalla3 3ala 2ideyye, w-het 2idak w-7otta bi-janbe. W-ma tshekk min ba3d liom, bel-3aks 2ãmen!" Jewabo Touma: "Rabbi w-Ilehe!" 2allo YASOU3: "2ãmanet ya Touma, li2annak shefetne. Niyyel yalle bi2ãmen bidoun ma yshouf." W-3eml YASOU3 eddem tlemizo 3ajeyeb tenye mish mazkoura bi-hal-kteb. Basss el-3ajeyeb el-mazkoura hon, hiye kermel t2ãmno bi-enno YASOU3 houe el-MASI7 2eben ALLAH. W-la-7atta eza 2ãmanto tekhdo bi-esmo el-7ayet. W-zahar YASOU3 la-tlemizo marra tenye 3ala shatt bou7ayrit Tabarayya. W-ken hal-shi wa2et yalle jtama3 Sem3an Boutros, w-Touma el-moula2ab bel-tawm, w-Nathana2il yalle houe min Kana el-Jaleel, w-wled Zabadi, w-telmizen ghayron min tlemiz YASOU3. 2allon Sem3an Boutros: "ana raye7 3al-sayd." 2aloulo: "w-ne7na ray7in ma3ak." Tel3o w-rekbo el-shakhtoura, bass bi-haydik el-leyle ma stado wala samke. Wel-sob7 we2f YASOU3 3al-shatt, w-ma 3erfo el-tlemiz enno houe YASOU3. 2allon: "ya shabeb, ma3kon shi byettekal?" Jewabouh: "la2." 2allon: "kebbo el-shabake 3ala yameen el-shakhtoura w-betle2o samak." Kabbo el-shabake w-ma edro enno ytall3ouwa, la-ketrit el-samak yalle fiya. 2al el-telmiz yalle ken y7ebbo YASOU3 la-Boutros: "hayda el-RAB!" W-lamma sem3 Sem3an Boutros enno hayda el-RAB, lebs tawbo yalle ken shel7o, w-kabb 7alo bel-may. W-ejo el-tlemiz el-be2yin bel-shakhtoura, 3am bijerro el-shabake wel-samak yalle fiya, w-keno b3ad 3an el-barr shi miteyn dre3 (ye3ne shi miyyet mitr). W-lamma nezlo 3al-barr shefo jamr 3le samak, w-khebz. 2allon YASOU3: "heto min el-samak yalle tsayyadtouwon halla2." Toli3 Sem3an Boutros 3al-shakhtoura w-jazab el-shabake 3al-barr w-kenit ntalet bi-miyye w-tleta-w-khamseen samke kbire, bidoun ma tetkhazza2 ma3 hal-3adad el-kbir. 2allon YASOU3: "ta3o kelo!" w-ma 7ada min el-tlemiz starja yes2alo meen enta, li2annon 3erfo enno el-RAB. W-2arrab YASOU3, w-akhad el-khebz w-newalon, w-kamen newalon min el-samak. Hayde marra telte zahar fiya YASOU3 la-tlemizo min ba3d 2iyemto min el-mawt. W-min ba3d ma akalo, 2al YASOU3 la-Sem3an Boutros: "ya Sem3an 2eben Youna, bit7ebbne aktar min ma bi7ebboune el-kell?" Jewabo: "na3am, ya RAB. Enta bta3rif enno b7ebbak." 2allo: "r3a khwerife." W-sa2alo marra tenye: "ya Sem3an 2eben Youna, bit7ebbne?" Jewabo: "na3am, ya RAB. Enta bta3rif enno b7ebbak." 2allo: "r3a khwerife." W-sa2alo marra telte: "ya Sem3an 2eben Youna, bit7ebbne?" Ze3l Boutros li2anno YASOU3 sa2alo marra telte: bit7ebbne? 2allo: "ya RAB, enta bta3rif kell shi, w-bta3rif enno b7ebbak." 2allo YASOU3: "r3a khwerife." B2elkon el-7a2i2a el-7a2i2a: kent, enta w-shabb, bitshedd zennarak bi-2idak w-trou7 matra7 ma baddak. Bass lamma betkhatyer ra7 tmedd 2idak w-ghayrak ysheddellak zennarak w-yekhdak matra7 yalle ma badak trou7." Bi-hal-kalem lamma7 YASOU3 3al-mawte yalle ra7 ymouta Boutros, w-keef ra7 yetmajjad fiya ALLAH. Min ba3da 2allo: "l7a2ne." W-ltafat Boutros, w-shef el-telmiz yalle ken y7ebbo YASOU3 meshe warahon, w-houe yalle mel 3ala sadr YASOU3 wa2et el-3asha w-2allo: "ya Rab, meen yalle ra7 ysallmak?" W-lamma shefo Boutros 2al la-YASOU3: "ya RAB, w-hayda shou massiro?" Jewabo YASOU3: "law ken badde enno ydall ta-kent rje3t, shou bye3nik? Enta l7a2ne!" W-ntashar bayn el-ekhwe enno hal-telmiz ma ra7 ymout, ma3 enno YASOU3 ma 2al la-Boutros enno ma ra7 ymout, 2allo: "law ken badde enno ydall ta-kent rje3t, shou bye3nik?" W-hayda el-telmiz houe yalle 3am shehed bi-hal-eshya w-kataba, w-ne7na mna3rif enno shahedto sa7i7a. W-fi kamen eshya ktire 3emela YASOU3, law kataba 7ada bel-tofsil, be3te2id enno ma ken se3 el-3alam kello el-ketob yalle ra7 yenkatabo 3annon. Katabet bi-ktebe el-awwal, ya Tawfilos, kell shi 3emlo YASOU3 w-3allamo min bideyet riselto lal-yawm yalle toli3 fih 3al-sama, min ba3d ma 3ata bel-ROU7 el-2ODOS wassaya la-yalle khtaron rousl. W-farjehon enno houe 7ayy bi-esbetet ktire, w-zaharlon 3ala mada arb3een yawm min ba3d ãlemo, w-7ekehon 3an malakout ALLAH. W-lamma ken 3am yekol ma3on 2al: "ma tfello min Ourashalim, khallikon fiya natrin yalle wa3ad fih el-Ãb w-sme3touh minne: You7anna 3ammad bel-may, bass ento ra7 tet3ammado bel-ROU7 el-2ODOS ba3d kamm yawm." Sa2alo el-rousl YASOU3 lamma keno mejtem3in ma3o: "ya RAB, bi-hayda el-wa2et ra7 tredd el-melk la-Isra2il?" Jewabon: "ma elkon ta3erfo el-aw2at wel-azmine yalle 7addada el-Ãb bi-soultano. Bass el-ROU7 el-2ODOS byenzal 3leykon w-bya3tikon el-2ouwwe, w-bitkouno shouhoud ele bi-Ourashalim wel-Yahoudiye kella wel-Samira, w-kell el-ard." W-lamma 2al YASOU3 hal-kalem toli3 3al-sama henne w-3am bishoufouh, w-ba3den ejet ghayme ghatteto w-ma ba2a edro yshoufouh. Henne w-3am yettalla3o 3al-sama bayn ma ken 3am ybay3ed 3annon, zaharoulon rejjelen bi-tyeb bayda w-2aloulon: "ya hal-Jaleeliyyin, shou bekon we2fin 3am tettalla3o 3al-sama? YASOU3 hayda yalle toli3 3al-sama ra7 yerja3 metl ma sheftouh raye7 3al-sama." Rej3o el-rousl 3ala Ourashalim min el-jabal yalle esmo jabal el-Zeytoun, w-houe 2arib min Ourashalim, b3id kamm da2i2a mashe. W-lamma feto 3al-madine tel3o 3ala gherfe fo2 el-beyt keno seknin fiya, w-henne Boutros w-You7anna, w-Ya3koub w-Endrawos, w-Filippos w-Touma, w-Bartelmawos w-Matta, w-Ya3koub 2eben 7alfa, w-Sem3an el-watane el-ghayour, w-Yahouza 2eben Ya3koub. W-keno ydewmo kellon 3al-sala bi-2alb wa7ad, ma3 ba3d el-neswen w-Maryam emm YASOU3 w-ekhweto. Bi-haydik el-iyem we2f Boutros bayn el-ekhwe, w-ken 3adad el-mawjoudin shi miyye w-3eshreen, w-2al: "ya ekhwete, ken la-bodd enno ysir yalle tnabba 3anno el-ROU7 el-2ODOS bel-kteb men abl 3a-temm Daoud, enno Yahouza khalla 7alo ykoun dalil la-yalle kamasho YASOU3. Ken wa7ad minna w-ken elo nasib ma3na bi-hal-khedme, w-min ba3da shtara bi-taman el-jarime 7a2l, w-wa2a3 3ala raso w-nsha2 bel-noss, w-tol3it msarino kella la-barra. W-3erfo bi-hal-shi sekken Ourashalim kellon, w-tsamma hal-7a2l bi-lougheton "7a2l Dama" ye3ne "7a2l el-damm." Kteb el-Mazamir bi2oul: "khalle beyto ysir kharab, w-ma 7ada yeskon fih." W-bi2oul kamen: "w-khalle wazifto yekheda wa7ad tene." "W-ne7na fi baynetna rjel refa2ouna kell el-medde yalle be2e fiya el-RAB YASOU3 ma3na, min wa2et ma 3ammado You7anna lal-yawm yalle toli3 3al-sama, kermel hek lezim enna'2e wa7ad minnon ta-ykoun shehid ma3na 3ala 2iyemet YASOU3." 2addam el-ekhwe tnen minnon henne Youssef yalle bi2ouloulo Barsaba el-moula2ab Biyostos, w-Mattiyas. Min ba3da sallo w-2alo: "ya RAB, enta bta3rif shou fi bel-2loub, kshefelna meen na'2eyt min bayn hal-rejjelen la-y2oum bel-khedme wel-risele matra7 Yahouza yalle tarakon w-ra7 ta-yle2e massiro." Min ba3da 3emlo 2or3a w-ejet el-2or3a 3ala Mattiyas, w-ndamm lal-rousl el-7da3sh. W-lamma mara2 khamseen yawm, keno mejtem3in kellon bi-matra7 wa7ad, w-toli3 min el-sama faj2a sawt metl ka2anna ree7 la-3asfe, w-malla el-beyt yalle keno fih. W-zaharetlon lsenet ka2anna min nar, w-n2asamet 3an ba3da w-we2f 3ala kell wa7ad minnon lsen. W-ntalo kellon min el-ROU7 el-2ODOS, w-saro ye7ko bi-loughat ghayr lougheton, 3ala 2add ma 3atahon el-ROU7 el-2ODOS ennon ye7ko. W-ken fi bi-Ourashalim nes ta2eya min el-Yahoud ejo min kell belden el-ard. W-lamma sar hayda el-sawt, jtama3o el-nes w-henne me7tarin, li2anno kell wa7ad minnon ken 3am yesma3on 3am ye7ko bi-loughto. 7taro w-t3ajjabo w-2alo: "mish hawde yalle 3am ye7ko henne kellon min el-Jaleel? Keef 3am yesma3on kell wa7ad minna bi-loughet balado? Ne7na min Barthiya w-Madiya w-3ilam w-Ma-Bayn-el-Nahren wel-Yahoudiye w-Kabadokya w-Bentos w-Ãsia w-Farijiyya w-Bamfiliyya w-Masr w-nawe7e Libya yalle 7add Kayrin, w-Roumaniyyin seknin hon w-Kretiyyin w-3arab, Yahoud w-ghayr Yahoud, w-ma3 hayda w-kello 3am nesma3on 3am ye7ko bi-loughetna 3an a3mel ALLAH el-3azeeme!" W-keno kellon me7tarin madhoushin 3am bi2oulo la-ba3don: "shou ma3na hal-shi?" Bass ghayron keno 3am yetmaskharo w-y2oulo: "sekro min el-nbeed." We2f Boutros ma3 el-tlemiz el-7da3sh, w-3alla sawto w-2allon: "ya hal-Yahoud, w-ya kell el-seknin bi-Ourashalim, sma3o kaleme w-3rafo hal-shi: hal-ashkhas mish sekranin metl ma ento mfakkrin, ba3da el-se3a tes3a el-sob7. W-hal-shi manno ella yalle zakaro el-nabe You2il: 2al ALLAH: "bi-ekher el-iyem bfeed min ROU7E 3ala kell el-bashar, w-byetnabbo wledkon w-banetkon w-bishoufo shabebkon rou2a w-bye7lamo shyoukhkon a7lem. W-3ala kheddeme, rjel w-newsen, bfeed min ROU7E bi-haydik el-iyem w-byetnabbo kellon. W-ba3mil 3ajeyeb fo2 bel-sama w-ta7t 3al-ard: bitshoufo damm w-nar w-dekhan ktir, w-bit3attim el-shams wel-2amar bisir damm abl ma yeje el-yawm el-7elo el-3azeem, yawm el-RAB. W-yalle byed3e bi-esm el-RAB bile2e el-khalãs." Ya wled Isra2il sma3o hal-kalem: ken YASOU3 el-Nassire rejjel zawwado ALLAH baynetkon bel-3ajeyeb yalle saret 3ala 2ido metl ma ento bta3erfo. W-lamma tsallam elkon bi-iradet ALLAH w-bi-3elmo, salabtouh w-2ataltouh 3ala 2iden el-kefrin. Bass ALLAH 2awwamo w-kassar jnazeer el-mawt, li2anno el-mawt mish moumkin ydall kèmsho, w-bi2oul 3anno Daoud: "sheft el-RAB ma3e bi-kell wa2et w-houe 3an yameene ta-ma khaf, kermel hek fer7 2albe w-hallal lsene, w-jesme ra7 ynem 3ala raja, li2annak ma btetrekne bi-3alam el-mawta w-ma btetrok 2ouddousak yshouf el-fased. Masheytne 3ala tari2 el-7ayet, w-ra7 tmalline fara7 lamma shouf wejjak." Ya ekhwe: khalloune 2elkon bi-sawt 3ale: met bayyna Daoud w-ndafan, w-2abro hon 3enna la-7add liom. W-ken nabe, w-3eref enno ALLAH 7alaflo yameen enno bye2'3od 3ala 3arsho wa7ad min sleelto. W-shef Daoud 2iyemet el-MASI7 min abl w-7eke 3anna w-2al: ma tarako ALLAH bi-3alam el-mawta, w-ma sar jesmo fesid. YASOU3 hayda 2awwamo ALLAH, w-ne7na kellna shouhoud 3ala hal-shi. W-lamma talla3o ALLAH bi-edrto 3al-sama, n3atalo min el-Ãb el-ROU7 el-2ODOS yalle wa3ad ALLAH fih w-afado 3leyna, w-hayda houe yalle 3am bitshoufouh w-tesma3ouh. Daoud ma toli3 3al-sama, w-houe nafso bi2oul: "2al el-RAB la-Rabbe: 23od 3an yameene 7atta khalle a3de2ak ta7t ejrek." W-khalliyon ya3erfo wled Isra2il kellon w-yet2akkado enno ALLAH 3eml min YASOU3 hayda, yalle ento salabtouh, RAB w-MASI7." W-lamma sem3o el-mawjoudin hal-kalem, 7asso ka2anno tsha'2afit 2loubon, w-2alo la-Boutros w-be2e el-rousl: "shou lezim na3mil, ya ekhwe?" 2allon Boutros: "toubo w-khalle kell wa7ad minkon yet3ammad bi-esm YASOU3 el-MASI7, btenghafar khatayakon w-byen3atalkon el-ROU7 el-2ODOS, li2anno el-wa3d houe elkon w-la-wledkon w-kell el-b3ad, 3a-2add ma byed3iyon el-RAB Ilehna." W-ken Boutros ye7kiyon w-you3azon bi-kalem tene w-y2oul: "tkhallaso min hal-jeel el-fesid!" W-yalle 2eblo kalemo t3ammado, w-zed 3adad el-rousl bi-haydak el-yawm shi tlet-talef. W-keno deyman yesma3o ta3lim el-rousl w-ysherko ba3don bi-kell shi w-ye7teflo bi-3asha el-RAB w-ysallo sawa. Wel-rousl 3emlo 3ajeyeb ktire, khallet kell el-nes ykhafo. W-keno el-mou2minin kellon mitte7din, kell shi 3endon yeh yesherko fih bayn ba3d, ybi3o kell shi 3endon w-kheyraton w-yet2asamo tamana 7asab 7ajet kell wa7ad minnon. W-keno yejtem3o kell yawm bel-haykal bi-2alb wa7ad, w-ye7teflo bi-3asha el-RAB bel-byout, w-yeklo sawa bi-fara7 w-basata, w-ysabb7o ALLAH, wel-nes kellon fer7anin fiyon. W-ken el-RAB kell yawm yzeed 3adad el-nes yalle 3am yle2o el-khalãs. Tel3o Boutros w-You7anna 3al-haykal ta-ysallo el-se3a tlete ba3d el-dohr, w-ejo nes 7amleen rejjel khel2 mkarsa7. W-keno y7ottouh kell yawm 3ala beb el-haykal el-ma3rouf bel-beb el-Jamil ta-yesh7ad min el-feytin. W-lamma shef Boutros w-You7anna feytin 3al-haykal talab minnon masare. Ettalla3o fih mni7, w-ba3den 2allo Boutros: "ettalla3 fina!" Ettalla3 fiyon w-ken nater enno yetla3lo shi. 2allo Boutros: "ma ma3e la-fodda wala dahab, bass ra7 a3tik shou ma3e, bi-esm YASOU3 el-MASI7 el-Nassire 2oum w-mshi." W-masak bi-2ido el-yameen w-2awwamo, w-faj2a ejrey w-ka3b ejrey saro 2weya, natt w-2am w-sar yemshe. W-fet 3al-haykal ma3on, houe w-3am binott w-yemshe w-ymajjed ALLAH. W-shefouh el-nes kellon 3am yemshe w-ymajjed ALLAH, 3erfo enno houe el-she77ad yalle ken ye2'3od 3al-"beb el-Jamil", t7ayyaro ktir w-ndahasho min yalle sar ma3o. W-lamma ken el-rejjel mrefa2 Boutros w-You7anna saro kell el-nes yerekdo madhoushin sawb el-se7a yalle esma se7it Sulayman. Wa2et shefon Boutros keef 3amlin 2allon: "ya wled Isra2il, leysh met3ajbin min yalle sar? W-leysh 3am tettalla3o 3leyna ka2anno bi-edritna aw ta2wena khallayna hal-rejjel yemshe? Ileh Ibrahim w-Is7ak w-Ya3koub, Ileh bayyetna, houe yalle majjad 2ebno YASOU3 yalle ento sallamtouh la-a3de2o w-nakartouh eddem Bilatos, ma3 enno Bilatos ken m2arrar yefelto. Eh, nakarto el-2ouddous el-barr w-talabto enno ye3fe 3an el-mejrem. 2atalto nab3 el-7ayet, bass ALLAH 2awwamo min el-mawt, w-ne7na shouhoud 3ala hal-shi. W-bi-fadl el-imen bi-esmo rej3et el-2ouwwe la-hal-rejjel yalle sheyfino w-bta3erfouh. El-imen bi-YASOU3 houe yalle khalleh ykoun salim eddemkon kellkon. Ana ba3rif, ya ekhwe, enno yalle 3meltouh ento w-rou2ase2kon bi-YASOU3 ken 3an jahl. W-ALLAH 7a'2a2 yalle aw7eh la-kell anbiye2o, w-houe enno MASI7O ra7 yet2allam. Kermel hek toubo w-rja3oulo btenghafar khatayakon. El-RAB ra7 y3azzikon, lamma ra7 yeb3atelkon el-MASI7 yalle saba2 w-ba3atelkon yeh, ye3ne YASOU3 yalle lezim enno yeb2a bel-sama la-7add ma yeje wa2et tejdid kell shi, metl ma a3lan ALLAH min zamen 3a-lsen anbiye2o el-at'har. Li2anno Moussa 2al: ra7 yeb3at el-RAB Ilehkon min bayn ekhwetkon nabe metle, sma3oulo bi-kell shi 3am bi2elkon yeh, w-yalle ma byesma3 la-hal-nabe, byenshel min bayn el-sha3b. Wel-anbiya kellon, min Samou2il la-yalle ejo min ba3do 7ekyo w-tnabbo henne kamen enno hal-iyem ra7 teje. Ento wled el-anbiya w-wled el-3ahd yalle 3emlo ALLAH ma3 bayyetkon, lamma 2al la-Ibrahim: bi-wastet sleeltak ra7 berik kell shou3oub el-ard. La-elkon awwal shi 2awwam ALLAH 2ebno w-ba3ato ka-barake la-elkon ta-yredd kell wa7ad minkon 3an sharro." W-lamma keno Boutros w-You7anna 3am ye7ko el-sha3b, ejo la-3andon el-kahane w-ra2is 7aras el-haykal wel-Saddoukiyyin, w-ken ekhid 3a-khateron li2annon keno 3am y3allmo el-sha3b w-ye3elno 2iyemet el-mawta bi-2iyemet YASOU3. W-kamashouwon w-7abasouwon la-tene yawm, li2anno ken sar 3ashiye. W-2ãmano ktar min yalle sem3o el-kelme, w-wossil 3adad el-mou2minin el-rjel shi khams-talef. W-tene yawm jtama3o bi-Ourasahalim rou2asa el-Yahoud wel-shyoukh w-mou3allimi el-shari3a w-7annan ra2is el-kahane w-Kayafa w-You7anna w-Eskandar w-wled rou2asa el-kahane kellon. Min ba3da nedo Boutros w-You7anna w-sa2alouwon: "bi-ayya soulta aw bi-esm meen 3melto hal-shi?" Jewabon Boutros w-houe melyen min el-ROU7 el-2ODOS: "ya rou2asa el-sha3b, w-ya shyoukh, eza kento 3am tes2alouna liom 3an el-mni7 yalle 3melneh la-mareed w-badkon ta3erfo keef nshafa, 3rafo kellkon, w-khalle sha3b Isra2il kello ya3rif, enno hal-rejjel we2if hon eddemkon salim w-m3afa bi-esm YASOU3 el-MASI7 el-Nassire yalle ento salabtouh w-2awwamo ALLAH min el-mawt. Hayda houe "el-7ajar yalle rafadtouh ya me3marjiyye, w-sar ras el-zewye." Ma fi khalãs ella bi-YASOU3, w-ma fi esm tene ta7t el-sama 3atah ALLAH lal-nes mne2dar bi-wasteto nle2e el-khalãs." W-lamma shef el-majles jer2et Boutros w-You7anna, t3ajjabo li2annon bya3erfo ennon mish m3allamin w-min taba2a bassita. Bass 3erfo ennon keno abl ma3 YASOU3. W-bi-ma enno keno 2esh3in el-rejjel yalle nshafa we2if 7addon, w-ma ken 3endon shi ta-yjedlo fih. 2amarouwon ennon yfello min el-majles, w-min ba3da tshewaro w-2alo: "shou mna3mil bi-hal-rejjelen?" Kell sekken Ourashalim bya3erfo enno hal-3ajibe el-mbayyne henne 3emlouwa, w-ma mne2dar nenkera. Bass ta-ma yenteshir hal-khabar ba3d aktar bayn el-sha3b, khallina n7azzeron ma y3oudo ba2a yezekro esm YASOU3 eddem 7ada." Min ba3da nedouwon w-2amarouwon ma yezekro aw y3allmo bi-esm YASOU3. 2allon Boutros w-You7anna: "ento 7kemo bi-zetkon: hayda 3adl eddem ALLAH enno ntee3kon aw ntee3 ALLAH? Bass ne7na ma mne2dar ella enno ne7ke bi-yalle shefneh w-sme3neh." 7azzarouwon marra tenye, w-7taro keef baddon y2asesouwon, w-rej3o fallatouwon li2anno khafo min el-sha3b. Wel-nes kellon keno 3am bimajjdo ALLAH 3ala yalle sar, li2anno el-rejjel yalle nshafa bi-tari2a 3ajibe sar 3omro aktar min arb3een. W-lamma fallat el-majles Boutros w-You7anna, rej3o la-3and rfe2on w-khabbarouwon bi-kell shi 2aloulon yeh rou2asa el-kahane wel-shyoukh. Lamma sem3o hal-shi, sallo la-ALLAH bi-2alb wa7ad, w-2alo: "ya RAB, ya khale2 el-sama wel-ard wel-ba7r w-kell shi fiya, enta 2elet 3a-lsen bayyna Daoud khadmak bi-wa7e min el-ROU7 el-2ODOS: leysh hejet el-oumam w-t2ãmaret el-shou3oub 3al-fade? 2amo moulouk el-ard w-t7alafo el-rou2asa kellon 3ala el-RAB w-MASI7O. Eh, t7alafo bi-hal-madine Hirodos, w-Bountyos Bilatos w-wled Isra2il wel-ghouraba 3ala 2ebnak el-2ouddous YASOU3 yalle 3melto MASI7, w-3emlo yalle saba2 w-2arrarit enno ykoun. Ettalla3 halla2, ya RAB 3ala tehdideton w-3tina ne7na 3abeedak enno ne3lon kelmtak bi-kell jer2a. Medd 2idak yalle bteshfe w-bta3mil 3ajeyeb bi-esm 2ebnak el-2ouddous YASOU3." Henne w-3am bisallo sar fi hazze matra7 ma keno mejtem3in. W-ntalo kellon min el-ROU7 el-2ODOS, w-saro ye3elno kelmet ALLAH bi-jer2a. W-keno jame3et el-mou2minin 2alb wa7ad w-rou7 we7de, ma byedde3e wala wa7ad minnon enno byemlok shi elo, bel-3aks keno yetsherako bi-kell shi elon. W-keno el-rousl 3am yesh'hado bi-2iyemet el-RAB YASOU3, w-edrit ALLAH el-3azeeme ma3on. W-kenit el-ne3me ma3on kellon w-ma ken 7ada minnon bi-7aje la-shi, li2anno yalle ken 3endon 72oul aw byout keno ybi3ouwa w-yjeebo el-masare, w-y7ottouwa eddem ejren el-rousl ta-ywazz3ouwa 7asab 7ajet kell wa7ad min el-jame3a. W-hek 3eml Youssef, w-houe Lawi 2aslo 2oberse la'2abouh el-rousl bi-Barnaba, ye3ne 2eben el-ta3ziye, be3 7a2l byemelko w-jeb el-masare w-7atton eddem ejren el-rousl. Bass fi rejjel esmo 7ananiyya be3 melk elo bi-mouwefa2et marto Safira, w-7tafaz bi-2osm min el-masare w-hiye kenit 3arfe, w-jeb el-2osm el-tene min el-masare w-7atto eddem ejren el-rousl. 2allo Boutros: "ya 7ananiyya, leysh sara2 el-shaytan 2albak ta-kazzabet 3ala el-ROU7 el-2ODOS w-7tafazet bi-2osm min masare el-7a2l? Mish kell el-7a2l ken be2ilak law khallayto? W-lamma be3to, mish ken lezim te7tefiz bel-masare? Keef 2arraret bi-2albak ta3mil hek? Enta kazzabet 3a-ALLAH, mish 3al-nes." W-lamma sem3 7ananiyya hal-kalem wa2a3 w-met, w-khafo ktir kell yalle sem3o bi-hal-shi. W-2am kamm wa7ad min el-shabeb, w-kaffanouh w-akhadouh la-barra w-dafanouh. W-ba3d shi tlet se3at, ejet marto w-hiye mish 3arfe shou sar. Sa2ala Boutros: "2oulile: bi-hal-2add be3to el-7a2l?" Jewabet: "mazbout, bi-hal-2add!" 2alla Boutros: "leysh ettafa2to enno tjarrbo ROU7 el-RAB? Shoufe ejren yalle dafano zawjik 3al-beb. W-ra7 ye7emlouke ente kamen!" Wa2a3et deghre eddem ejren Boutros w-metit. Feto el-shabeb w-shefouwa mayte, akhadouwa w-dafanouwa 7add zawja. W-khafet el-knise kella ktir w-kell yalle 3erfo hal-akhbar. Sar fi ktir 3ajeyeb bayn el-sha3b w-3ala 2iden el-rousl, w-keno yejtem3o bi-2alb wa7ad bi-se7it Sulayman. W-ma 7ada min el-tenyin starja yendamm elon, bass el-sha3b ken 3am yemda7on. W-ketir 3adad el-mou2minin bel-RAB min el-rjel wel-neswen, w-keno ye7emlo mardahon bel-tour2at w-y7ottouwon 3al-ma7emil wel-fersh, 7atta eza mara2 Boutros yeje walaw khyelo 3ala wa7ad minnon. W-keno el-nes yejo min el-moudon yalle 7add Ourashalim 7amleen el-marda w-yalle fiyon arwe7 sherreera, w-yenshafo kellon. W-zedit na2met ra2is el-kahane w-atbe3o yalle henne min el-Saddoukiyyin, kamasho el-rousl w-7attouwon bel-7abs. Bass malèk el-RAB fata7 bweb el-7abs bel-leyl w-talla3 el-rousl w-2allon: "Rou7o 3al-haykal w-bashro el-sha3b bi-ta3alim el-7ayet el-jdide." Sem3oulo w-feto 3al-haykal abl el-daw w-saro y3allmo. Eja ra2is el-kahane w-atbe3o w-jama3o el-majles w-shyoukh el-sha3b w-2amaro enno yjeeboulon el-rousl min el-7abs. Ra7o el-7aras 3al-7abs w-ma le2ouwon honik, rej3o 3al-majles w-2alo: "l2ina el-7abs msakkar mni7 wel-7aras we2fin 3al-bweb w-lamma fata7neh ma l2ina fiyo 7ada." 7tar ra2is 7aras el-haykal w-rou2asa el-kahane lamma sem3o hal-7ake w-saro yes2alo ba3don: keef sar hal-shi? Fet la-3andon rejjel w-2allon: "Layko el-rjel yalle 7attaytouwon bel-7abs keef 3am bi3allmo el-sha3b bel-haykal!" Ra7 ra2is el-7aras houe w-rjelo w-jebo el-rousl bidoun 3enf, li2annon khafo enno el-sha3b yerjemon. W-lamma feto el-rousl 3al-majles, 2allon ra2is el-kahane: "2amarnekon bi-2ouwwe enno ma t3allmo bi-hal-esm, w-ento mallayto Ourashalim bi-ta3alimkon, w-badkon t7otto el-mas2ouliyye 3leyna bi-damm hal-rejjel." Jewabouwon Boutros wel-rousl: "lezim ntee3 ALLAH mish el-nes. Ileh bayyetna 2awwam YASOU3 yalle 3alla2touh 3ala khashbe w-2ataltouh. Houe yalle talla3o ALLAH bi-edrto w-3emlo ra2is w-moukhallis ta-ytoub sha3b Isra2il w-tenghafar khatayah, w-ne7na shouhoud 3a-kell hal-shi. W-hek byesh'had el-ROU7 el-2ODOS yalle 3atah ALLAH la-yalle bitee3ouh." W-lamma sem3 el-majles hal-7ake, ghodbo ktir w-2arraro ye2etlouwon. Bass fi wa7ad minnon esmo Gamla2il, w-houe ferrise min mou3allimi el-shari3a, bye7termo el-sha3b kello, 2amar yedharo el-nes shwey la-barra, w-2al lal-majles: "ya wled Isra2il, ou3a ta3emlo shou m2arrerin ta3emlouh bi-hal-rjel. 2am Thoudas abl hal-iyem, w-2al 3an 7alo enno houe rejjel 3azeem, w-le7'2o shi arba3-miyyet rejjel. Bass ba3den n2atal w-tfarra2o kell yalle keno le7'2ino w-ma be2e elon athar. W-min ba3do eja Yahouza el-Jaleele bi-wa2et el-e7sa2, w-jarr warah jame3a min el-nes, w-kamen met w-tshattato kell yalle bitee3ouh. W-halla2 b2elkon: treko hal-rjel bi-7alon w-ma tehtammo fiyon, li2anno yalle 3am bibashro fih w-ya3elmouh birou7 eza ken min el-bashar. Bass eza ken min ALLAH, ma bte2daro telghouh ta-ma tsiro a3de2 ALLAH." 2ebl kell el-majles bi-ra2yo w-tarako el-rousl, w-jaladouwon w-2amarouwon ma ye7ko bi-esm YASOU3, w-rej3o fallatouwon. Tol3o el-rousl min el-majles fer7anin, li2anno ALLAH shefon byest7e'2o enno ye2balo el-ihene kermel esm YASOU3. W-keno y3allmo kell yawm bel-haykal w-bel-byout w-ybashro bi-enno YASOU3 houe el-MASI7. W-bi-haydik el-iyem ketr 3adad el-tlemiz, w-saro el-Yahoud el-Youneniyyin el-meghterbin ybarebro 3al-Yahoud el-3ebraniyyin yalle bi-Ourashalim, li2anno aramelon ma 3am yekhdo nasibon min el-mouse3adet el-yawmiyye. Se3eta el-rousl el-tna3sh nedo jame3et el-tlemiz w-2aloulon: "ma bili2 fina enno nehmol kalem ALLAH ta-nehtamm bi-oumour el-mouse3adet. Kermel hek, na'2o, ya ekhwe, sab3 rjel minkon seeton 7elo w-melyenin min el-ROU7 el-2ODOS w-min el-7ekme 7atta nkallefon bi-hal-3amal, w-ne7na mindewim 3al-sala wel-tebshir bi-kalem ALLAH." 7abbet el-jame3a kella ra2y el-rousl, w-na'2o Estefanos, w-houe rejjel melyen min el-imen wel-ROU7 el-2ODOS, w-Filippos w-Baroukhouros w-Nikanoros w-Timon w-Barminas w-Nikolawos w-ken Entake w-sar Yahoude. Min ba3da jebouwon eddem el-rousl, sallo w-7atto 2ideyon 3leyon. W-ken kalem ALLAH 3am yenteshir, w-3adad el-tlemiz 3am yzeed ktir bi-Ourashalim. W-ktar min el-kahane keno 3am yesma3o el-tebshir w-y2ãmno. W-ken Estefanos melyen min el-ne3me wel-edra, w-sar ya3mil el-3ajeyeb el-3azeeme bayn el-sha3b. Eja kamm wa7ad min el-majma3 el-ma3rouf bi-majma3 el-3abeed el-Mou7arrarin, w-Yahoud min Kayrin wel-Eskandariyya, w-ghayron min Kilikya w-Ãsia, w-saro yjedlo Estefanos, bass el-ROU7 3ata Estefanos 7ekme khalleto enno ma ye2daroulo, w-dafa3o lal-nes masare kermel y2oulo: "sme3na hayda el-rejjel 3am bijaddef 3ala Moussa w-3ala ALLAH!" 2awwamo 3le el-sha3b wel-shyoukh w-mou3allimi el-shari3a. Min ba3da feja2ouh w-khatafouh w-jebouh 3al-majles. W-jebo shouhoud zour y2oulo: "hayda el-rejjel kell el-wa2et bisebb el-haykal el-m2addas wel-shari3a. W-ne7na sme3neh 3am bi2oul: ra7 yehdom YASOU3 el-Nassire hal-matra7 w-yghayyir el-ta2aleed yalle wretneha 3an Moussa!" Ettalla3o fih kell el-mawjoudin bel-majles, w-shefo wejjo ka2anno wejj malèk. 2al ra2is el-kahane la-Estefanos: "mazbout hal-shi?" Jewabo: "sma3o, ya hal-ekhwe wel-bayyet: "zahar Ileh el-majd la-bayyna Ibrahim lamma ken bi-bled Ma-Bayn-el-Nahren, abl ma yeskon bi-7arran, w-2allo: trok ardak w-2abiltak w-rou7 3al-ard yalle ra7 farjik yeha. Tarak bled el-Keldeniyyin w-sakan bi-7arran. Min ba3d ma met bayyo, na2alo ALLAH min honik la-hal-ard yalle ento seknin fiya halla2, bidoun ma ywarrto hiye aw ya3tih mitr wa7ad minna. Bass ALLAH wa3ado enno tsir melk elo w-la-sleelto min ba3do, ma3 enno ma kan 3endo wled. W-2al ALLAH: ra7 teskon sleeltak bi-bled gharibe, w-ra7 ykouno 3abeed w-yenzallo meddit arba3-miyyet sene." W-2al ALLAH: "bass ra7 deen el-sha3b yalle byesta3bedkon, ba3den byetla3o min haydik el-bled w-bye3badoune hon bi-hal-matra7." W-3ata ALLAH Ibrahim 3ahd el-khatn, w-walad Ibrahim 2ebno Is7ak w-khatano bel-yawm el-temin. W-khatan Is7ak Ya3koub, w-Ya3koub khatan el-bayyet el-tna3sh. W-n7asado el-bayyet el-ouwal min Youssef w-be3ouh, w-sar bi-Masr. W-ken ALLAH ma3o, w-khallaso min kell msaybo, w-3atah ne3me w-7ekme eddem Fer3on malik Masr, w-Fer3on 7atto 7akem 3ala Masr w-3ala 2asro. W-sar fi bi-Masr kella w-ard Ken3an maje3a w-di2a kbire, w-saro bayyetna bi-7aje yeklo. W-sem3 Ya3koub enno bi-Maser fi 2am7, ba3at bayyetna la-honik awwal marra, w-bel marra el-tenye t3arraf Youssef 3ala ekhweto, w-se3eta Fer3on 3eref 2aslo la Youssef, w-ba3at Youssef wara bayyo Ya3koub w-kell 2abilto, w-keno khamsa-w-sab3een shakhs. Nezl Ya3koub 3ala Masr w-met honik houe w-bayyetna. W-na2alouwon 3ala Shakim w-dafanouwon bel-2abr yalle shtareh Ibrahim min wled 7amour bi-Shakim w-dafa3 7a'2o masare. W-lamma ken wa3d ALLAH la-Ibrahim 2arrab enno yet7a'2a2, ken sha3bna 3am yektar w-yzeed bi-Masr, la-7add ma eja malik tene bi-Masr ma bya3rif Youssef, 7tel 3a-sha3bna w-zall bayyetna, w-khallehon yetkhallo 3an atfalon w-khallehon ysallmo atfalon lal-mawt. W bi-haydik el-iyem khel2 Moussa. W-ken 7elo ktir. W-trabba tlet tesh'hor bi-beyt bayyo. W-lamma tarakouh ahlo tbanneto benet Fer3on w-rabbeto, w-t3allam 7ekmet el-Masriyyin kella, w-ken 2awe bi-7akiyo w-bi-3amalo. W-lamma sar 3omro arb3een, toli3 3a-belo yerja3 yshouf ekhweto wled Isra2il. Shef Masre 3am yet3adda 3ala wa7ad minnon, defa3 3an el-mazloum w-2atal el-Masre ta-yente2im minno. W-Moussa ken mfakkir enno ekhweto ra7 yefhamo enno ALLAH bikhallison bi-wasteto, bass ma fehmo. W-shef tene yawm tnen minnon 3am yet2atalo, talab minnon yetsala7o. W-2al: "ya rjel, ento ekhwe, leysh 3am te2zo ba3dkon?" Eja el-shakhs yalle t3adda 3al-tene w-dafash Moussa w-2al: "meen 3emlak rayyes w-2ãde 3leyna? Tekhmin baddak te2telne metl ma 2atalt el-Masre mberi7?" W-lamma sem3 Moussa hal-7ake harab w-2a3ad bi-ard Medyan. W-honik jeb waladen. Min ba3d arb3een sene, zaharlo malèk bi-barriyet jabal Sina, bi-3ellay2a bteshte3il fiya el-nar. Ndahash Moussa lamma shef hal-rou2ya, w-2arrab ta-yshouf 3an 2arib, se3eta nedeh sawt el-RAB: "ana Ileh bayyetak, Ileh Ibrahim w-Is7ak w-Ya3koub." Khaf Moussa w-ma starja y3alle raso. 2allo el-RAB: "shla7 min ejrek, li2anno el-matra7 yalle enta we2if fih ard m2addase. Ana ettalla3et 3ala zell sha3be bi-Masr w-sme3t waja3o, w-nzelt ta-khallso. Ta3a, ra7 eb3atak 3ala Masr." W-kaffa Estefanos y2oul: "Moussa yalle nakaro sha3bo w-2aloulo: meen 3emlak rayyes w-2ãde 3leyna, houe yalle ba3ato ALLAH ra2is w-moukhallis bi-mouse3adet el-malèk yalle zaharlo bel-3ellay2a, dahhar sha3bo min Masr w-3eml kell shi fi 3ajeyeb bi-ard Masr w bel-ba7r el-a7mar w-bel-barriye meddit arb3een sene, w-houe nafso yalle 2al la-wled Isra2il: "ra7 yeb3at ALLAH elkon min bayn sha3bkon nabe metle." W-Moussa houe yalle ken ma3 jame3et wled Isra2il bel-barriye wãsta bayn bayyetna w-bayn el-malèk yalle 7ekeh 3ala jabal Sina, w-sem3 kelmet el-7ayet w-na2ala elna. Bass bayyetna rafado ennon ytee3ouh, bay3adouh 3annon w-7ann 2albon 3ala Masr, w-2alo la-Haroun: "3melelna Ãliha temshe eddemna, li2anno ma mna3rif shou sarlo Moussa hayda yalle talla3na min Masr." W-3emlo bi-haydak el-wa2et sanam bi-souret 3ejl, w-2addamoulo el-zabeye7, w-fer7o bi-yalle 3emlouh bi-2ideyon. W-bay3ad ALLAH 3annon w-tarakon ye3bado el-njoum, metl ma eja bi-ketob el-anbiya: "ya wled Isra2il! Tekhmin 2addamtoule el-zabeye7 wel-2arabin khilel arb3een sene bel-barriye? La2, bel-3aks, faddalto khaymet Mouloukh w-nejmet Ilehkon Ramfan: asnam 3meltouwa ta-te3badouwa. Ra7 enfikon la-ab3ad min Babel." W-keno bayyetna bel-barriyye fi 3endon khaymet el-lika2 yalle 3emela Moussa, metl ma 2amaro ALLAH, w-metl ma farjeh keef ya3mela. Tsallamouwa bayyetna w-akhadouwa ma3on lamma stawlo 3a-bled el-oumam yalle ze7a ALLAH min eddemon bi-2iyedit Yashou3. W-be2yet honik la-iyem Daoud. W-rode ALLAH 3an Daoud, w-talab minno y3ammir beyt la-Ileh Ya3koub, bass Sulayman houe yalle 3ammaro. Bass ALLAH el-2adeer ma byeskon byout 3emleta 2iden 2ensen, metl ma 2al el-nabe: "bi2oul el-RAB: el-sama 3arshe, wel-ard ta7t ejreyye. Ayya beyt badkon t3ammroule? Wayn ana berte7? Mish 2ideyye 3emlet kell hal-shi?" Ya hal-2loub el-2assye w-ya hal-dineykon msakkarin! Ento metl bayyetkon, ba3dkon 3am bit2awmo el-ROU7 el-2ODOS. Mish edtahado kell nabe, w-2atalo yalle tnabbo bi-majyet el-barr yalle sallamtouh w-2ataltouh? Ento tsallamto shari3et ALLAH min 2iden el-maleyke w-ma tabba2touwa." W-lamma sem3 el-majles kalem Estefanos malla el-ghadab 2loubon w-kashsharo 3an snenon. Ettalla3 Estefanos 3al-sama, houe w-melyen min el-ROU7 el-2ODOS, w-shef majd ALLAH w-YASOU3 we2if 3an yameen ALLAH. 2al: "sheyif el-sama maftou7a w-2eben el-2ensen we2if 3an yameen ALLAH!" Sarakho bi-sawt 3ale, w-saddo dineyon, w-hajamo 3le kellon fard marra, w-talla3ouh min el-madine ta-yerejmouh. W-shala7o el-shouhoud tyebon w-7attouwa amene 3end ejren shabb esmo Shawol. W-saro yerejmo Estefanos w-houe 3am ysalle, w-y2oul: "ya RAB YASOU3, 2bal rou7e!" W-raka3 w-sarakh bi-sawt 3ale: "ya RAB, ma t7asebon 3a-hal-khatiyye!" 2al hal-shi w-met. W-ken Shawol mwefa2 3ala 2atl Estefanos. W-ballashet kniset Ourashalim t3ene edtihad kbir, w-tshattato el-mou2minin kellon, ma 3ada el-rousl, bi-nawe7e el-Yahoudiye wel-Samira. W-dafano kamm wa7ad el-mou2minin Estefanos w-bekyo 3le ktir. W-ken Shawol 3am yjarrib ykharrib el-knise, w-ken yrou7 min beyt la-beyt w-ytalli3 minno el-rjel wel-neswen w-y7otton bel-7abs. W-saro el-mou2minin yalle tshattato yente2lo min matra7 la-matra7 henne w-3am bibashro bi-kalem ALLAH. Nezl Filippos 3ala madine bel-Samira w-ballash ybashir fiya bel-MASI7. W-keno el-nes 3am yesma3o bi-2alb wa7ad la-kalemo, li2anna sem3o bi-3ajeybo w-shefouwa. W-kenit el-arwe7 el-sherreera tedhar min nes ktar hiye w-3am tesrokh bi-sawt 3ale. W-ktar min el-mafloujin wel-3erj nshafo, w-sar fi bel-madine fara7 kbir. W-ken fi bel-madine se7ir esmo Sem3an, adhash el-Samiriyyin min abl bi-a3mel el-se7r w-2al 3an 7alo enno houe rejjel mhemm. W-keno kellon yel7a2ouh, min zghiron la-kbiron, w-y2oulo: "hal-rejjal houe edrit ALLAH yalle min2oul 3anna: 3azeeme." W-keno yel7a2ouh li2anno sa7aron bi-se7ro min zamen. W-lamma basharon Filippos bi-malakout ALLAH w-esm YASOU3 el-MASI7, 2ãmano w-t3ammado rjelon w-neswenon. W-2ãman Sem3an kamen, w-t3ammad w-dall 7add Filippos, yshouf shou 3am ya3emlo 3ajeyeb 3azeeme, w-ken madhoush. W-sem3o el-rousl bi-Ourashalim enno el-Samiriyyin 2eblo kalem ALLAH, fa-ba3atoulon Boutros w-You7anna. W-lamma woslo 3ala el-Samira salloulon 7atta yekhdo el-ROU7 el-2ODOS, li2anno ma ken el-ROU7 nezl ba3d 3ala 7ada minnon, bass yalle 3emlouh houe enno t3ammado bi-esm el-RAB YASOU3. 7atto 2ideyon 3leyon, w-nezl 3leyon el-ROU7 el-2ODOS. W-lamma shef Sem3an enno ALLAH 3atahon el-ROU7 el-2ODOS lamma 7atto Boutros w-You7anna 2ideyon 3leyon, 3arad 3leyon masare, w-2allon: "3toune ana kamen hal-soulta 7atta yenzal el-ROU7 el-2ODOS 3a-kell meen b7ott 2ideyye 3le!" 2allo Boutros: "3ala jhannam enta w-mesriyyetak, li2annak mfakkar enno bel-masare bte7sal 3ala maweheb ALLAH. Ma fi elak 7ossa bi-3amalna wala nasib, li2anno 2albak eddem ALLAH mish na2e. Toub 3an sharrak, w-salle w-tlob min el-RAB barke byeghferlak yalle khatar 3ala belak. Li2anno sheyfak morr metl el-3al2am w-3el2an bi-shbek el-khatiyye." Jewab Sem3an: "tlob min el-RAB kermele 7atta ma ysirle shi min yalle zakarto." W-min ba3d ma shehdo w-a3lano kalem el-RAB, rej3o Boutros w-You7anna 3ala Ourashalim w-henne 3am bibashro diya3 ktire bel-Samira. W-malèk el-RAB 7eke ma3 Filippos w-2allo: "2oum rou7 3al-jnoub, 3al-tari2 yalle btenzal fiya min Ourashalim 3a-Ghazza, hayde tari2 me2fiyye." 2am Filippos w-ra7. W-bel-tari2 lta2a bi-rejjel min el-7abashe, wazir min bayn kheddem Kendaka maliket el-7abash, w-wakeel kell amwela. Ken raye7 3a-Ourashalim ta-ye3bad ALLAH, w-ken reji3 w-2e3id bi-markabto 3am yo2ra el-nabe Ashe3ya. 2al el-ROU7 la-Filippos: 2arrib w-l7a2 hayde el-markabe." Rakad sawba Filippos w-sem3 el-rejjel 3am yo2ra el-nabe Ashe3ya, 2allo: "3am tefham shou 3am to2ra?" Jewab: "keef badde efham w-ma 7ada byeshra7le?" W-trajja Filippos enno yetla3 w-ye2'3od ma3o. W-ken el-ma2ta3 yalle 3am yo2rih min el-kteb bi2oul: "metl el-na3je akhadouh lal-zab7, metl 7amal sekit bayn 2iden yalle 3am yedba7ouh hek ma 3am yefta7 temmo. Zallouh w-akhadoulo 7a'2o. 7ayeto khtafit 3an el-ard, meen bye2dar ykhabbir 3an sleelto?" 2al el-rejjel la-Filippos: "khabberne meen bye3ne el-nabe bi-hal-kalem? Bye2sod 7alo aw shakhs tene?" W-ballash Filippos min hal-ma2ta3 bel-kteb ybashro bi-YASOU3. W-lamma ken ba3don 3al-tari2 woslo 3ala matra7 fiyo may, w-2al el-rejjel la-Filippos: "hon fi may, shou byemna3 enno et3ammad?" Jewabo Filippos: "bte2dar tet3ammad eza kent bit2ãmen min kell 2albak." 2al el-rejjel: "b2ãmen bi-enno YASOU3 el-MASI7 houe 2eben ALLAH." Min ba3da 2amar bi-enno tou2af el-markabe, w-nezl houe w-Filippos 3al-may, w-3ammado Filippos. W-lamma tol3o min el-may khataf ROU7 el-RAB Filippos, w-ghab 3an nazar el-rejjel, w-ra7 bi-tari2o fer7an. W-Filippos le2a 7alo sar bi-Ashdoud, w-min ba3da meshe houe w-3am bibasher bel-moudon kella 7atta wossil 3ala Kaysariyya. Bi-khsous Shawol, 2albo ken melyen bel-tehdid wel-te2til la-tlemiz el-RAB. Ra7 la-3and ra2is el-kahane W-talab minno raseyel la-majeme3 el-Shem, la-yekmosh el-rjel wel-neswen yalle bile2iyon honik teb3in lal-RAB w-bijeebon 3ala Ourashalim. W-lamma ken 3am bi2arreb min el-Shem, toli3 faj2a 7awlo nour 2awe min el-sama, wa2a3 Shawol 3al-ard, w-sem3 sawt 3am bi2ello: "Shawol, Shawol, leysh 3am tettehedne?" 2allo Shawol: "enta meen, ya RAB?" Jewabo el-sawt: "ana YASOU3 yalle enta 3am tettehdo. [Sa3b 3lek enno t2ewemne." 2al houe w-mayyit ra3be w-khayif: "ya RAB, shou baddak a3mil?" 2allo el-RAB:] "2oum w-fout 3al-madine, w-honik byen2allak shou lezim ta3mil." W-bennesbe la-rfe2 Shawol, we2fo me7tarin 3am yesma3o el-sawt w-ma 3am bishoufo 7ada. We2f Shawol 3al-ard w-fata7 3youno w-ma ken 3am ye2sha3 shi. Akhadouh bi-2ido 3al-Shem. W-be2e tlet tiyem a3ma ma byekol wala byeshrab. W-ken fi bel-Shem telmiz esmo 7ananiyya. Nedeh el-RAB bi-rou2ya: "ya 7ananiyya!" Jewabo: "na3am, ya RAB!" 2allo el-RAB: "2oum w-rou7 3al-sheri3 el-ma3rouf bel-Mousta2im, w-s2al bi-beyt Yahouza 3an rejjel min Tarsous esmo Shawol. W-houe halla2 3am bisalle, ra7 yshouf bel-rou2ya rejjel esmo 7ananiyya feyit w-3am bi7ott 2idey 3le w-se3eta bisir ye2sha3 min jdid." Jewabo 7ananiyya: "ya RAB, khabbaroune nes ktar addeysh 2eze hal-rejjel 2eddisik bi-Ourashalim. W-houe hon halla2 w-3endo soulta min rou2asa el-kahane enno yekmosh kell meen byed3e bi-esmak." 2allo el-RAB: "rou7, li2anno ana na'2ayto rasoul ele bye7mol esme lal-oumam wel-moulouk w-wled Isra2il. W-ra7 farjih addeysh lezim yet7ammal ãlem kermel esme." Ra7 7ananiyya w-fet 3al-beyt w-7att 2idey 3ala Shawol w-2al: "ya khayye Shawol, ba3atne la-3andak el-RAB YASOU3 yalle zaharlak enta w-3al-tari2 yalle jeet minna, 7atta terja3 te2sha3 w-tentele min el-ROU7 el-2ODOS." Se3eta nezl min 3youno shi byeshbah el-2eshre, w-reje3 ye2sha3, 2am w-t3ammad. W-min ba3da akal, w-rej3etlo el-2ouwwe. W-be2e Shawol kamm yawm ma3 el-tlemiz bel-Shem, min ba3da ballash bi-ser3a ybasher bel-majame3 bi-enno YASOU3 houe 2eben ALLAH. W-keno yalle 3am yesma3ouh 3am yet3ajjabo w-y2oulo: "mish hal-rejjel ken bi-Ourashalim w-3am yedtehed kell meen byed3e bi-hal-esm? W-houe ma eja la-hon ella la-7atta yekmeshon w-yrajje3on la-rou2asa el-kahane?" Bass Shawol kenit 3am tzeed 2ouwwto bel-tebshir, 7atta 7ayyar 32oul el-Yahoud yalle keno bel-Shem bi-7ejajo el-2awiye 3ala enno YASOU3 houe el-MASI7. Ba3d fatra 7atto el-Yahoud khotta ta-ye2etlouh, wossil khabara la-3ando. W-keno 3am bira2bo bweb el-madine leyl nhar ta-ye2etlouh, w-akhadouh el-tlemiz bel-leyl w-dandalouh min el-sour bi-salle. W-lamma wossil Shawol 3ala Ourashalim jarrab yendamm lal-tlemiz. W-keno kellon khayfin minno w-mish msadd2in enno houe telmiz. W-jebo Barnaba la-3and el-rousl w-khabbaron keef shef Shawol el-RAB bel-tari2 w-7ekeh el-RAB, w-keef bashar bi-jer2a bi-esm YASOU3 bel-Shem. W-sar yrou7 w-yeje ma3 el-tlemiz bi-Ourashalim, ybasher bi-jer2a bi-esm el-RAB. W-ken ye7ke el-Yahoud yalle bye7ko Younene w-yjedelon, fa-jarrabo ye2etlouh. W-lamma 3erfo el-ekhwe bi-hal-shi, nazzalouh 3a-Kaysariyya w-ba3atouh min honik 3a-Tarsous. W-ballash ysir fi salem bel-knise bi-kell el-Yahoudiye wel-Jaleel wel-Samira. W-kenit 3am tenma w-temshe bi-khawf el-RAB, w-tetketar bi-2ouwwet el-ROU7 el-2ODOS. W-ken Boutros yzour kell el-matare7, w-eja la-3and el-ekhwe el-2eddisin el-2e3din bi-Loudda, w-lta2a honik bi-rejjel esmo Inyas, w-ken mkarsa7 neyim bel-farshe min tmen snin. 2allo Boutros: "ya Inyas, shafek YASOU3 el-MASI7, 2oum w-ratteb fareshtak bi-2idak." 2am deghre. W-shefo kell sekken Loudda w-Sharon, w-rej3o kellon lal-RAB. W-ken fi bi-Yafa telmize esma Tabitha, bel-Youneniyye Dourkas, ye3ne ghazele, t2adde kell wa2eta bel-a3mel el-sal7a w-mouse3adet el-me7tejin. Merdet bi-haydak el-wa2et w-metit. Ghassalouwa w-7attouwa bel-gherfe el-fo2. W-li2anno Loudda 2aribe min Yafa, 3erfo el-tlemiz enno Boutros fiya, fa-ba3ato la-3ando rejjelen ta-y2ouloulo: "ta3a la-3anna w-ma tet2akhar." 2am Boutros bi-ser3a w-reje3 ma3on 3ala Yafa. W-lamma wossil talla3ouh 3ala el-gherfe el-fo2, w-sta2balouh el-araml henne w-3am yebko w-saro yfarjouh el-2omsan wel-tyeb yalle khayyateta Dourkas lamma kenit ba3da 3ayshe ma3on. Talla3 Boutros el-nes kellon, w-raka3 w-salla, w-min ba3da eltafat lal-mayyte w-2al: "Tabitha, 2oume!" Fata7et 3youna, w-lamma shefit Boutros 2a3adet. Madd 2ido la-ela w-2awwama, w-ba3den neda el-ekhwe el-2eddisin wel-araml w-jeba la-3andon 3ayshe. Ntashar el-khabar bi-Yafa kella, w-2ãman bel-RAB 3adad kbir min el-nes. W-be2e Boutros kaza yawm bi-Yafa 3end debbegh esmo Sem3an. W-ken fi bi-Kaysariyya rejjel esmo Kornilyos, dabet min el-fer2a el-Italiyye bel-jeysh. Ken ta2e bikhaf ALLAH houe w-kell ahl beyto, w-bise3id el-sha3b bi-karam, w-bidewem 3al-sala la-ALLAH. W-shef sawb el-se3a el-tlete bi-rou2ya wad7a malèk ALLAH feyit la-3ando 3am binedih: "ya Kornilyos!" Ettalla3 3le bi-khawf w-2al: "na3am, ya Rab?" 2allo el-malèk: "tol3it salawetak w-a3melak el-kheyriyye la-3and ALLAH, w-tzakkarak. B3at halla2 rjel 3ala Yafa w-jeeb Sem3an yalle byen2al 3anno Boutros. Houe nezil 3end debbegh esmo Sem3an w-beyto 3ala shatt el-ba7r." W-lamma fall el-malèk yalle ken 3am ye7kih, ba3at wara tnen min kheddemo w-wara jende ta2e min yalle 3endo, W-khabbaron bi-kell shi sar, w-ba3aton 3a-Yafa. Meshyo tene yawm. W-lamma 2arrabo min Yafa, toli3 Boutros 3al-sat7 3al-dohr ta-ysalle, w-je3 w-ken baddo yekol. W-lamma ballasho y7addroulo el-2akl fet bi-ghayboube, w-shef el-sama maftou7a, w-shi byeshbah sha2fet 2mesh kbire ma3'2oude bi-trafa el-arb3a 3am tenzal 3al-ard. W-ken fi 3leya kell shi fi 7ayawenet btemshe w-zawe7if w-3safeer. W-eja sawt y2ello: "ya Boutros, 2oum dba7 w-kol." 2al Boutros: "la2 ya RAB! Ma akalet bi-7ayete 2akl nejs aw mamnou3." 2allo el-sawt marra tenye: "yalle tahharo ALLAH ma te3tebro enta nejs!" W-sar hal-shi tlet marrat, min ba3da toli3 hal-shi deghre 3al-sama. W-lamma ken Boutros me7tar 3am yes2al 7alo shou bte3ne hal-rou2ya yalle shefa, keno el-rjel yalle ba3aton Kornilyos 3am yes2alo 3an beyt Sem3an w-we2fo 3al-beb W-sa2alo: "hon 2e3id Sem3an yalle bisammouh Boutros?" Ken Boutros ba3do 3am bifakker bel-rou2ya, 2allo el-ROU7: "hon fi tlet rjel 3am yetolbouk, 2oum w-nzal la-3andon w-rou7 ma3on w-ma tkhaf, li2anno ana ba3atton." Nezl Boutros w-2allon: "Ana houe yalle 3am tetolbouh. Leysh jeeto?" Jewabouh: "ba3atna el-dabet Kornilyos, w-houe rejjel sale7 bikhaf ALLAH w-byesh'had 3ala fadlo kell el-Yahoud, li2anno malèk taher talab minno enno yjeebak 3ala beyto ta-yesma3 shou 3endak t2ello." 3azamon Boutros la-3ando. W-tene yawm, 2am w-ra7 ma3on w-refa2o ba3d el-ekhwe min Yafa, wossil 3a-Kaysariyya bel-yawm el-tene. W-ken Kornilyos nateron ma3 yalle 3azamon min 2raybino w-asdika2o el-2rab. W-lamma fet Boutros, sta2balo Kornilyos w-wa2a3 3al-ard w-raka3 eddemo. 2awwamo Boutros w-2allo: "2oum, ana bashar metlak!" W-fet houe w-3am ye7kiyon, w-le2a ktir nes mjamma3in, 2allon: "bta3erfo enno el-Yahoude ma bi7e2ello ye2'3od ma3 ajnabe, aw yfout beyto. Bass ALLAH farjene enno ma lezim e7sob 7ada min el-nes nejs aw ghayr taher. W-lamma 3azamtoune jeet bidoun ma e3terid. W-bes2alkon: leysh 3azamtoune?" 2al Kornilyos: "kent min arba3 tiyem 3am salle bi-beyte 3al-se3a tlete ba3d el-dohr, sheft rejjel lebis tyeb bitlamme3 we2if eddeme w-2alle: "ya Kornilyos! Sem3 ALLAH salawetak w-zakar a3melak el-kheyriyye, b3at 3a-Yafa, w-nede Sem3an yalle bisammouh Boutros, w-houe nezil bi-beyt Sem3an el-debbegh 3ala shatt el-ba7r." Ba3atto deghre, w-enta 3emlt mni7 ennak jeet. Ne7na halla2 kellna eddem ALLAH natrin nesma3 kell shi 2amarak yeh el-RAB." 2al Boutros: "bshouf enno ALLAH bel-7a2i2a ma bifaddel 7ada 3ala 7ada, yalle bikhaf ALLAH, shou ma ken 2aslo, w-bya3mil el-kheyr bikoun ma2boul 3endo. Ba3at kelmto la-wled Isra2il ta-ye3lon injil el-salem bi-YASOU3 el-MASI7 yalle houe RAB el-3alam kello. W-ento bta3erfo shou sar bel-Yahoudiye kella, eza ballashna min el-Jaleel min ba3d el-ma3moudiyye yalle neda fiya You7anna, W-keef masa7 ALLAH YASOU3 el-Nassire bel-ROU7 el-2ODOS wel-edra, w-meshe bi-kell el-matare7 3am ya3mil el-kheyr w-yeshfe kell yalle stawla 3leyon eblees, li2anno ALLAH ken ma3o. W-ne7na shouhoud 3ala kell shi 3emlo min el-kheyr bi-bled el-Yahoud w-bi-Ourashalim. W-houe yalle salabouh w-2atalouh. Bass ALLAH 2awwamo bel-yawm el-telit w-khalleh yezhar, mish la-kell el-sha3b, bass lal-shouhoud yalle khtaron ALLAH min abl, ye3ne elna ne7na yalle akalna w-shrebna ma3o min ba3d 2iyemto min el-mawt. W-wassana enno nbasher el-sha3b w-nesh'had enno ALLAH khalleh ydeen el-3ayshin wel-mawta. W-la-elo byesh'hado kell el-anbiya bi-enno kell meen bi2ãmen fih, bi-esmo, btenghafar khatayah." W-lamma ken Boutros 3am ye7ke, nezl el-ROU7 el-2ODOS 3ala kell yalle 3am yesma3o kalemo. T3ajjabo ahl el-khatn, yalle keno mref2in Boutros, lamma shefo enno ALLAH 3ata maweheb el-ROU7 el-2ODOS lal-nes el-mish Yahoud kamen, li2anno sem3ouwon 3am ye7ko bi-loughat ghayr lougheton w-ysabb7o ALLAH. 2al Boutros: "Haydol el-nes n3atalon el-ROU7 el-2ODOS metlna ne7na, meen bye2dar yemna3 3annon may el-ma3moudiyye?" W-2amaron enno yet3ammado bi-esm YASOU3 el-MASI7. W-3azamouh ydall 3endon kamm yawm. W-sem3o el-rousl wel-ekhwe bel-Yahoudiye enno el-mish Yahoud kamen 2eblo kalem ALLAH. W-lamma toli3 Boutros 3ala Ourashalim, ze3lo minno ahl el-khatn w-2aloulo: "Ro7t 3end nes mish makhtounin w-akalt ma3on!" Khabbaron Boutros bi-kell shi sar ma3o, w-2al: ana w-3am salle bi-Yafa, sheft ana w-bi-ghayboube rou2ya, w-ken shi metl sha2fet 2mesh kbire ma3'2oude bi-trafa el-arb3a nezlit min el-sama 7atta wosslit la-3ande. W-ettalla3it fiya mni7, w-sheft 3leya 7ayawenet btemshe w-zawe7if w-3safeer, w-sme3t sawt 3am bi2elle: ya Boutros, 2oum dba7 w-kol! 2elet: la2, ya RAB! Ma akalet bi-7ayete 2akl nejs aw mamnou3! Jewabne el-sawt marra tenye min el-sama: yalle tahharo ALLAH ma te3tebro enta nejs. W-sar hal-shi tlet marrat, w-min ba3da toli3 hal-shi deghre 3al-sama. W-bi haydik el-se3a we2fo tlet rjel eddem beb el-beyt yalle kent fih, w-ken ba3aton la-3ande 7ada min Kaysariyya. 2amarne el-ROU7 enno rou7 ma3on bidoun ma etraddad. Refa2oune hal-ekhwe el-sitte 3ala Kaysariyya, w-fetna 3a-beyt Kornilyos, w-khabbarna keef shef el-malèk we2if bi-beyto w-2allo: b3at nes 3ala Yafa, w-jeeb Sem3an yalle bisammouh Boutros, houe bi2ellak 7ake bto7sal min khilelo 3al-khalãs enta w-kell ahl beytak. W-lamma ballashet e7ke, nezl el-ROU7 el-2ODOS 3leyon metl ma nezl 3leyna ne7na bel-awwal. W-tzakkaret yalle 2alo el-RAB: 3ammad You7anna bel-may, bass ento btet3ammado bel-ROU7 el-2ODOS. Eza 3ata ALLAH hal-ashkhas yalle 3atana yeh la-elna ne7na lamma 2ãmanna bel-RAB YASOU3 el-MASI7, meen bkoun ana ta-2ou2af bi-wejj ALLAH?" W-lamma sem3o el-mawjoudin hal-7ake, re2o w-majjado ALLAH w-2alo: "an3am ALLAH, fa-ezan, 3al-mish Yahoud kamen bel-tawbe ta-yo7salo 3al-7ayet!" Bass el-mou2minin yalle tshattato lamma edtahadouwon min ba3d mawt Estefanos, nta2alo la-Finikya w-2obros w-Antakya, w-keno ma 3am bibashro 7ada bi-injil ALLAH ella el-Yahoud. Bass kamm wa7ad min hal-mou2minin yalle min 2obros w-Kayrin ejo 3ala Antakya w-saro ye7ko kamen ma3 yalle bye7ko Younene w-ybashrouwon bel-RAB YASOU3. W-kenit 2id el-RAB ma3on, w-2ãmano ktar minnon w-rej3o lal-RAB. Wossil el-khabar la-kniset Ourashalim, w-ba3ato Barnaba la-Antakya. W-lamma eja w-shef ne3met ALLAH fer7 w-shajja3on kellon 3al-thabet bel-RAB min kell 2albon. W-ken Barnaba rejjel sale7, melyen min el-ROU7 el-2ODOS wel-imen, w-ndamm lal-RAB nes ktir. W-ra7 Barnaba 3a-Tarsous ta-yfattish 3an Shawol, w-lamma le2eh jebo 3ala Antakya. W-be2yo sene kemle 3am yejtem3o ma3 jame3et el-knise, w-3allamo nes ktir. Bi-Antakya, tsammo el-tlemiz awwal marra bel-masi7iyyin. Bi-haydik el-iyem, nezlo kamm wa7ad min el-anbiya min Ourashalim 3ala Antakya. Eja wa7ad minnon w-esmo Agapos w-tnabba bi-wa7e min el-ROU7 enno maje3a 3azeeme ra7 t3emm el-ard kella, w-hiye yalle saret 3ala iyem el-2aysar Klodyos. Se3eta 2arraro el-tlemiz enno yeb3ato, kell wa7ad bi-7asab edrto, mouse3ade lal-ekhwe yalle bel-Yahoudiye. W-3emlo hal-shi, w-ba3ato mouse3adeton la-shyoukh el-knise ma3 Barnaba w-Shawol. Bi-haydak el-wa2et sar el-malik Hirodos yedtehed rjel el-knise. W-2atal bi-7add el-seyf Ya3koub khayy You7anna. W-lamma shef enno hal-shi byorde el-Yahoud, kamash Boutros, w-ken hal-shi bi-iyem el-Fateer. Min ba3d ma kamasho 7atto bel-7abs w-sallamo la-arba3 fera2 la-ye7ersouh, kell fer2a arba3 jnoud. W-ken newe y7ãkmo eddem el-sha3b min ba3d 3id el-fos7, kermel hek khalleh bel-7abs. W-kenit el-knise 3am bitsalle la-ALLAH kell el-wa2et kermelo. W-ken Boutros, bel-leyle yalle m2arrar fiya Hirodos enno tene yawm y7ãkmo eddem el-sha3b, neyim bayn 7arasen. W-ken mrabbat bi-jnazeer, w-3al-beb fi jnoud 3am ye7erso el-7abs. W-zahar malèk el-RAB faj2a, w-shara2 nour jouwwet el-7abs. W-darab el-malèk Boutros 3ala janbo, w-wa3eh w-2allo: "2oum 3al sari3!" W-nfakko el-jnazeer 3an 2idey. W-2allo el-malèk: "shedd zennarak w-rbot sandalak" W-hek 3eml. Min ba3da 2allo: "Lbos tyebak w-l7a2ne." Dahar w-le7'2o, w-houe mish 3erif enno yalle 3am ya3emlo el-malèk ken shi 7a2i2e, ken mfakkaro rou2ya. 2ata3o 3al-7aras el-awwal wel-tene, w-woslo 3al-beb el-7adid yalle bi-wejj el-madine, w-nfata7 la-wa7do. W-daharo w-2ata3o tari2 wa7ad, w-tarako el-malèk bi-se3eta. We3e Boutros 3a-7alo w-2al: "halla2 t2akkadit enno el-RAB ba3at malèko, w-khallasne min 2id Hirodos w-min kell yalle keno el-Yahoud natrin ennon ya3emlouh fiyye." Min ba3da fakkar shwey w-ra7 3ala beyt Maryam emm You7anna yalle esmo Mercos. W-ken fi honik jame3a kbire 3am bitsalle. Da2 Boutros 3al-beb min barra, ejet khadme esma Rawda ta-tesma3 w-ta3rif meen fi wara el-beb. W-lamma 3erft sawt Boutros rakadet la-jouwwa bidoun ma tefta7 el-beb 2add ma kenit fer7ane, w-khabbareton enno Boutros 3al-beb. 2aloula: "3am t'halewse!" Asarret 3ala kalema, 2aloula: "hayda malèko!" W-sar Boutros yde2 3al-beb ta-fata7oulo, w-lamma shefouh ndahasho. Sakkaton bi-ishara min 2ido w-khabbaron keef talla3o el-RAB min el-7abs. W-2allon: "khabbro Ya3koub wel-ekhwe bi-yalle sar." Min ba3da dahar w-ra7 3ala matra7 tene. Wel-sob7 khafo el-7aras ktir w-sa2alo 7alon: "shou sar bi-Boutros?" W-lamma talabo Hirodos w-ma le2eh, sa2al el-7aras w-2amar yen2atalo. Min ba3da nezl min el-Yahoudiye 3a-Kaysariyya w-be2e fiya. W-ken Hirodos ghodben 3ala ahl Sour w-Sayda. Fa-ettafa2o bayn ba3don w-ejo la-3ando, min ba3d ma jebo Blastos, wakeel el-malik, la-meyleton, w-talabo el-salem li2anno bledon btettekil meddiyyan 3ala mamlekto. W-bel-yawm el-mou7addad lal-lika2 lebs Hirodos tyebo ka-malik w-2a3ad 3al-3arsh w-sar ye7ke ma3 el-sha3b. Sar el-sha3b yesrokh: "hayda sawt Ileh mish sawt 2ensen!" Fa-darabo malèk el-RAB deghre li2anno ma majjad ALLAH. W-akalo el-doud w-met. W-ken kalem ALLAH 3am yenteshir w-yethmor. W-reje3 Barnaba w-Shawol min Ourashalim min ba3d ma kammalo khedmeton, ma3 You7anna yalle esmo Mercos. W-ken fi bi-kniset Antakya anbiya w-mou3allimin henne: Barnaba w-Sham3oun yalle esmo Nijar, w-Loukyos el-Kayrini, w-Manayen, w-houe sadee2 el-malik Hirodos min henne w-zghar, w-Shawol. W-lamma keno 3am yekhedmo el-RAB w-ysoumo 2allon el-ROU7 el-2ODOS: "khassesoule Barnaba w-Shawol la-3amal d3iton elo." Samo w-sallo, min ba3da 7atto 2ideyon 3leyon w-fallalouwon. Ba3aton el-ROU7 el-2ODOS, fa-nezlo 3ala Saloukya w-min honik sefaro bel-ba7r 3ala 2obros. Lamma woslo 3ala Salamis basharo bi-kalem ALLAH bi-majeme3 el-Yahoud, w-ken 3am bise3edon You7anna. 2ata3o el-jazire kella la-7add madinet Bafos. W-le2o fiya se7ir Yahoude byedde3e el-noubouwe bel-kezb w-esmo Baryashou3, Min 7ashyet Sarjyos Boulos 7akem el-jazire. W-ken hayda rejjel 3endo 7ekme, ba3at wara Barnaba w-Shawol w-talab minnon enno yesma3 kalem ALLAH. Bass "3alim" el-se7ir, w-hayda ma3na esmo, 3ãradon w-3eml kell shi kermel ma y2ãmen el-7akem. Ntala Shawol, w-esmo kamen Boulos, ntala min el-ROU7 el-2ODOS, w-ettalla3 3al-se7ir w-2allo: "ya 2eben eblees, ya 3adouw kell kheyr, enta el-melyen bi-kell khabsane w-ghesh! Ma ra7 twa'2if te3wij tor2at el-RAB el-jelse? Ra7 tedorbak 2id el-RAB, w-ra7 tsir a3ma ma fik tshouf nour el-shams la-wa2et." W-ejet 3a-3youno deghre ghashewe sawda, w-sar ydour 7awl 7alo 3am yetrajja 7ada y2oudo bi-2ido. W-2ãman el-7akem lamma shef shou sar, w-ndahash min ta3lim el-RAB. Min ba3da ab7ar Boulos w-rfe2o min Bafos 3ala Barja bi-Bamfilya, w-tarakon You7anna w-reje3 3ala Ourashalim. Bass henne ra7o min Barja 3a-Antakya bi-Bisidya. W-feto 3al-majma3 yawm el-sabt w-2a3ado. Min ba3d ma n2ara fasl min shari3et Moussa w-ketob el-anbiya, ba3atoulon rou2asa el-majma3 y2ouloulon: "ya ekhwe, eza ken 3endkon shi badkon tou3azo fih el-sha3b, 7kou." 2am Boulos w-3eml ishara bi-2ido w-2al: "ya wled Isra2il, ento yalle bte3bado ALLAH, sma3o: Ileh hal-sha3b, sha3b Isra2il, khtar bayyetna w-3alla min 2imet hal-sha3b lamma ken gharib bi-ard Masr. Min ba3da dahharon min Masr bi-2ouwwto. W-t7ammal kell shi minnon la-meddit arb3een sene bel-barriye. W-dammar sab3 oumam bi-ard Ken3an w-warraton arda, w-be2e hal-shi arba3 miyye w-khamseen sene. Min ba3da jeb 2oudat la-7add 3ahd el-nabe Samou2il. Min ba3da talabo min ALLAH malik, 3atahon Shawol 2eben Kays, min 3ashiret Benyamin, meddit arb3een sene. Ba3den 3azalo w-7att Daoud malik 3leyon w-shehedlo, 2al: l2it Daoud 2eben Yassa rejjel byorde 2albe, w-ra7 ya3mil kell shi badde yeh. W-ba3at ALLAH min sleelet Daoud 7asab el-wa3d YASOU3 moukhallis la-sha3b Isra2il. W-abl ma yeje YASOU3, neda You7anna kell sha3b Isra2il bi-ma3moudiyyet el-tawbe. W-2al houe w-3am ykhallis 3amalo: mfakkrin enno ana houe? La2! Houe byeje ba3d minne, w-ana ma best7e2 7atta enno erbotlo sandalo. W-kaffa 7ake, 2al: ya ekhewte, ya wled Ibrahim, wel-mawjoudin ma3kon min yalle bye3bado ALLAH, la-elna ba3at ALLAH kelmet el-khalãs. La-ahl Ourashalim w-rou2ase2on 3erfo el-MASI7, w-la henne fehmo kalem el-anbiya bi-kell yawm sabt, fa-7a'2a2o hal-kalem lamma 7akamo 3le. W-ma3 ennon ma le2o jerm byest7e2 enno ymout bi-sababo, talabo min Bilatos enno ye2etlo. W-min ba3d ma 7a'2a2o kell shi katabo el-anbiya 3anno, nazzalouh 3an el-salib w-7attouh bel-2abr. Bass ALLAH 2awwamo min el-mawt, w-zahar 3eddit marrat la-yalle tel3o ma3o min el-Jaleel 3a-Ourashalim. W-henne halla2 shouhoud elo eddem el-sha3b. W-ne7na minbasherkon bi-enno yalle wa3ad ALLAH fih bayyetna t7a'2a2 kermelna, ne7na wledon, lamma 2awwam YASOU3 min el-mawt, metl ma eja bel-mazmour el-tene: enta 2ebne, w-ana liom waladtak. W-enno ykoun ALLAH 2awwamo min el-mawt w-ma ye2dar 3le el-fased, hal-shi maktoub lamma 2al: ra7 a3tikon el-baraket el-m2addase el-akide yalle wa3adet fiya Daoud. Kermel hek 2al bi-mazmour tene: ma ra7 tetrok 2ouddousak yshouf el-fased. Bass Daoud, min ba3d ma 3eml 7asab iradet ALLAH bi-iyemo, met w-ndafan 7add bayyeto, w-shef el-fased. Bass yalle 2awwamo ALLAH, ma shef el-fased. 3rafo, ya ekhewte, enno ne7na bi-YASOU3 minbasherkon bi-ghefran el-khataya, w-yalle bi2ãmen fih byetbarrar min kell shi ma edrit shari3et Moussa enno tbarrero minno. Ntebho ta-ma ysir fikon yalle nktab bi-ketob el-anbiya: "Ettalla3o, ento yalle 3am tetmaskharo! T3ajjabo w-hlako. Ana ba3mil bi-iyemkon 3amal, eza khabbarkon 7ada 3anno ma ra7 tsadd2ouh." W-lamma keno Boulos w-Barnaba dahrin min el-majma3, talabo minnon enno ykhabrouwon bi-hal-eshya nhar el-sabt el-jeye. W-ba3d el-ejtime3 le7'2ouwon ktir min el-Yahoud w-yalle saro Yahoud w-yalle bye3bado ALLAH, 7ekyouwon w-shajja3ouwon 3ala el-thabet bi-ne3met ALLAH. W-nhar el-sabt yalle min ba3do, tjamma3o ahl el-madine ta-yesma3o kalem el-RAB. W-lamma shefo el-Yahoud el-nes mjamma3in, ntalo ghire w-saro yreddo 3a-kalem Boulos bel-msabbet. Se3eta Boulos w-Barnaba 2aloulon bi-jer2a: "ken lezim nbasherkon ento awwal shi bi-kelmet ALLAH, bass rafadtouwa, w-7akamto 3a-7alkon ennkon ma btest7e'2o el-7ayet el-abadiyye. Kermel hek 3am netwajjah halla2 lal-mish Yahoud. Wel-RAB wassana, 2al: "3melt minnak nour lal-oumam, ta-te7mol el-khalãs la-ekher el-dene." W-lamma sem3o el-mish Yahoud shou 2al Boulos fer7o w-majjado kalem el RAB. W-2ãmano kell yalle khtaron ALLAH lal-7ayet el-abadiyye. W-ntashar kalem el RAB bi-haydik el-bled kella. Bass el-Yahoud 7arrado woujaha el-madine wel-neswen el-shourafa yalle keno ye3bado ALLAH, w-edtahado Boulos w-Barnaba w-sha7atouwon min honik. Se3eta nafado 3annon ghabret erjreyon w-nta2alo la-Aykounya. Wel-tlemiz keno melyenin min el-fara7 w-min el-ROU7 el-2ODOS. W-feto Boulos w-Barnaba metl el-3ade 3a-majma3 el-Yahoud bi-Aykounya w-7ekyo 7ake khalla ktar min el-Yahoud wel-Youneniyyin y2ãmno. Bass el-Yahoud yalle rafado enno y2ãmno 7arrado el-mish Yahoud 3al-ekhwe w-naza3o 2loubon. Bass Boulos w-Barnaba be2yo honik medde tawile 3am ye7ko bi-jer2a 3an el-RAB. W-ken el-RAB 3am ysabbit kalemon 3an ne3emto bi-3ajeyeb keno 3am ya3mlouwa. W-n2asamo ahl el-madine, nosson ken ma3 el-Yahoud wel-be2yin ma3 el-rasouleyn. W-lamma 2arraro el-Yahoud wel-mish Yahoud, w-ma3on rou2ase2on, enno yhino el-rasouleyn w-yerejmouwon, 7asso bi-hal-shi w-harabo 3ala Listra w-Darba wel-moudon el-2aribe bi-wileyet Likounya, w-saro ybashro honik. W-ken bi-Listra fi rejjel d3if khel2 mkarsa7, ma meshe wala marra bi-7ayeto. W-lamma ken 3am yesma3 la-kalem Boulos, ettalla3 fih Boulos w-shef fih imen bikhawwlo yenshafa, 2allo bi-sawt 3ale: "2oum, w2af 3a-ejreyk!" 2am yemshe. W-lamma shefo el-nes shou 3eml Boulos, sarakho bi-lougheton el-Likouniyye: "saro el-ãliha metl el-bashar w-nezlo 3leyna!" W-sammo Barnaba Zayos, w-Boulos Harmes li2anno houe yalle ken 3am ye7ke. W-Kehen Zayos, yalle ken ma3bado 3end madkhal el-madine, jeb thiran w-akalil min zhour 7atton 3al-bweb, li2anno ken baddo y2addim zabi7a ma3 el-nes. W-lamma sem3o Barnaba w-Boulos bi-hal-shi khazza2o tyebon w-rakado y2oulo lal-nes: "Shou 3am ta3emlo, ya nes? ne7na bashar d3af metlkon, jeena nbasherkon bi-enno teterko hal-ãliha w-terja3o la-ALLAH el-7ayy yalle khala2 el-sama wel-ard wel-ba7r w-kell shi fiya. Sama7 la-kell el-oumam bel-3ousour el-madye temshe bi-tari2a, bass ken 3am bibarhen enno houe masdar kell kheyr: nazzal el-shete min el-sama w-3ata thimar bi-mawsama, w-3atakon 2akl w-malla 2loubkon fara7." W-min ba3d el-7ake yalle 7ekyouh, ma edro el-rasouleyn enno yemna3o el-nes y2addmo zabi7a elon ella min ba3d jehd ktir. W-eja kamm wa7ad min el-Yahoud min Antakya w-Aykounya w-jarrabo yekhdo el-nes la-meyleton, w-rajamo Boulos w-jarrouh la-barrat el-madine w-fakkarouh met. W-lamma tjamma3o el-tlemiz 7awlo, 2am w-fet 3al-madine. W-tene yawm toli3 ma3 Barnaba 3a-Darba. Boulos w Barnaba basharo bi-Darba w-Kaspa w-reb7o tlemiz ktir. W-min ba3da rej3o 3ala Listra, w-ba3den 3a-Aykounya w-Antakya, ta-yshajj3o el-tlemiz 3al-thabet bi-imenon, w-y2ouloulon: "la-bodd min enno net7ammal masa3eb ktire ta-nfout 3a-malakout ALLAH." W-khtaro shyoukh mas2oulin bi-kell knise, w-keno ysallo w-ysoumo w-ysallmouwon lal-RAB yalle 2ãmano fih. W-2ata3o el-rasouleyn Basidya 7atta weslo 3a-Bamfilya. W-basharo bi-kalem ALLAH bi-Barja. Min ba3da nezlo 3a-Attaliya, w-min honik sefaro bel-ba7r 3ala Antakya yalle fallo minna, w-ne3met ALLAH mref2eton bi-sabab el-3amal yalle 3emlouh. W-lamma woslo 3ala Antakya jama3o el knise, w-khabbaro bi-kell shi 3emlo ALLAH 3ala 2ideyon, w-keef fata7 beb el-imen lal-mish Yahoud. W-be2yo shwey honik ma3 el-tlemiz. Nezlo jame3a min el-Yahoudiye w-saro y3allmo el-ekhwe, w-y2oulo: "ma fi elkon khalãs ella eza nkhatanto 3ala shari3et Moussa." W-sar fi baynon w-bayn Boulos w-Barnaba khilef w-jidel 2awe. W-ettafa2o enno yotla3o Boulos w-Barnaba w-ghayron min el-mou2minin 3ala Ourashalim ta-yraj3o el-rousl wel-shyoukh bi-hal-shaghle. Min ba3d ma wadda3eton el-knise 2ata3o Finikya wel-Samira henne w-3am bikhabbro keef rej3o el-mish Yahoud la-ALLAH, w-keno el-ekhwe mabsoutin ktir bi-hal-akhbar. W-lamma woslo 3ala Ourashalim sta2baleton el-knise wel-rousl wel-shyoukh bi-7arara, w-khabbarouwon bi-kell shi 3emlo ALLAH 3ala 2ideyon. Fa-2amo kamm wa7ad min el-mou2minin yalle keno abl ferrisiyyin w-2alo: "lezim enno el-mish Yahoud yenkhatano w-yemsho 7asab shari3et Moussa." W-jtama3o el-rousl wel-shyoukh ta-yetshewaro bi-hal-shaghle. Min ba3d jidel tawil 2am Boutros w-2allon: "ya ekhwe, bta3erfo enno ALLAH khtarne min baynetkon min zamen 7atta yesma3o el-mish Yahoud kalem el-injil min temme w-y2ãmno. W-ALLAH yalle bya3rif shou fi bel-2loub, barhan enno rade 3annon, w-3atahon el-ROU7 el-2ODOS metl ma 3atana yeh elna, w-ma farra2 baynetna w-bayneton bi-shi. Houe tahhar 2loubon bel-imen. Leysh 3am bitjarrbo ALLAH halla2 bi-ennkon 3am t7otto 3ala ra2bet el-tlemiz neer ma edro bayyetna w-ne7na ma edrna ne7emlo? Khassatan enno ne7na min2ãmen enno khalãsna bi-ne3met el-RAB YASOU3 metl ma henne kamen ra7 yle2o el-khalãs." Sakato el-mejtem3in kellon w-tsamma3o la-Barnaba w-Boulos lamma khabbarouwon 3an el-3ajeyeb yalle 3emela ALLAH 3ala 2ideyon eddem el-mish Yahoud. Min ba3d ma khallaso kalemon, 2al Ya3koub: "sma3oule, ya ekhwe: khabbarkon Sem3an keef htamm ALLAH bel-awwal enno yekhod min bayn el-oumam sha3b 3a-esmo. W-hayda biwefi2 kalem el-anbiya bel-ketob el-m2addase: "ra7 erja3 ba3den, w-3ammir khaymet Daoud el-mhaddame: salli7 shou be2e minna w-2awwema ta-yfattsho be2e el-nes 3an el-RAB w-yfattsho 3anno kamen kell el-shou3oub yalle bye7emlo esme. Hayda yalle bi2oulo el-RAB yalle 3eml kell hal-shi, w-khalleh ma3rouf min zamen." Kermel hek bshouf enno ma nta'2el 3ala yalle rej3o la-ALLAH w-henne mish Yahoud, w-nekteblon enno ma ya3emlo zabeye7 el-asnam el-nejse w-ma yezno w-ma yeklo 7ayawenet makhnou2a wala-dammon. Li2anno shari3et Moussa min zamen btet3allam bi-kell madine w-bye2rouwa kell sabt bel-majeme3." W-ettafa2o el-rousl wel-shyoukh wel-knise kella 3ala ikhtiyar rejjelen minnon ta-yeb3atouwon 3a-Antakya ma3 Barnaba w-Boulos. Khtaro Yahouza yalle esmo Barsaba, w-Sila, w-ken elon 2imeton bayn el-ekhwe, w-sallamouwon hal-risele: "min ekhwetkon el-rousl wel-shyoukh lal-ekhwe yalle keno mish Yahoud w-rej3o la-ALLAH bi-Antakya w-Souriya w-Kilikya, ALLAH ma3kon: sme3na enno fi nes ejo la-3andkon bidoun ma netlob minnon, za3ajoukon w-za3za3o afkarkon. Kermel hek ettafa2na nekhtar rejjelen neb3atelkon yehon ma3 el-7abiben Barnaba w-Boulos, rejjelen karraso 7ayeton la-khedmet RABNA YASOU3 el-MASI7. Ba3atnehon w-henne Yahouza w-Sila ta-y2ouloulkon wejj-la-wejj yalle 3am nektebelkon yeh. Wel-ROU7 el-2ODOS w-ne7na 2arrarna enno ma n7ammelkon 7eml t2il ella yalle la-bodd minno, w-houe enno ma ta3emlo zabeye7 el-asnam el-nejse w-ma tezno w-ma teklo 7ayawenet makhnou2a wala-dammon. W-eza ntabahto w-7arasto 7alkon min hal-shi, bitkouno 3am ta3emlo mni7. W-ALLAH bikoun ma3kon." Fallo w-nezlo 3ala Antakya, w-ba3ato wara jame3et el-mou2minin w-sallamouwon el-risele. W-lamma 2eryouwa fer7o ktir bi-yalle eja fiya min teshji3. W-Yahouza w-Sila, yalle keno henne kamen anbiya, 2alo wa3za tawile shajja3o fiya el-ekhwe. Min ba3d ma be2yo wa2et bi-Antakya, tarakouwon el-ekhwe bi-salem w-tarakouwon yrou7o la-3and yalle ba3atouwon. Bass Sila shef enno lezim yeb2a honik, fa-reje3 Yahouza wa7do. W-2a3ado Boulos w-Barnaba bi-Antakya, y3allmo w-ybashro bi-kalem el-RAB w-ma3on ktar ghayron. Min ba3d kamm yawm, 2al Boulos la-Barnaba: "ta3a nerja3 ta-netfa2ad el-ekhwe bi-kell madine basharna fiya bi-kalem el-RAB, w-nettamman 3annon." W-Barnaba ken 7abeb enno yrefe2on You7anna el-moula2ab bi-Mercos, bass Boulos ma ken baddo yref2ouh el-ashkhas yalle tarakouwon bi-Bamfilya w-ma sherakouwon bel-khedme. Se3eta khtalafo w-ba3den ftara2o. Akhad Barnaba Mercos w-sefaro bel-ba7r 3ala 2obros. W-Boulos, na'2a Sila ta-ykoun ma3o w-toli3 min Antakya, min ba3d ma sallamouh el-ekhwe la-ne3met el-RAB. 2ata3 Souriya w-Kilikya houe w-3am bi2awwe imen el-kaneyes. W-wossil Boulos 3ala Darba w-Listra. W-ken fi bi-Listra telmiz esmo Timothawos, emmo Yahoudiye mou2mine w-bayyo Younene. W-keno el-ekhwe bi-Listra w-Aykounya m2addrino ktir. W-arad Boulos enno yekhdo ma3o, fa-khatano li2anno kell el-Yahoud honik keno ya3erfo enno bayyo Younene. W-lamma keno yemer2o bel-moudon, keno ywasslo lal-mou2minin honik wassaya el-rousl wel-shyoukh bi-Ourashalim w-ywassouwon enno ytabb2ouwa w-kenit el-kaneyes 3am tenma bel-imen w-3am yzeed 3adada yawm ba3d yawm. 2ata3o manate2 Firijiyya w-Ghalatya, li2anno el-ROU7 el-2ODOS mana3on min el-tebshir bi-kalem ALLAH bi-Ãsia. Lamma 2arrabo min Misiyya jarrabo yfouto 3a-Bithiniyya, bass ROU7 YASOU3 ma sama7lon. Kermel hek 2ata3o Misiyya w-nezlo 3ala Tarwas. W-bel-leyl shef Boulos rou2ya, rejjel Makdoune we2if 3am yetrajjeh w-y2ello: "ta3a la-3anna 3a-Makdouniyye w-se3edna!" W-lamma shef Boulos hal-rou2ya, 2arrarna nsefir deghre 3a-Makdouniyye, li2anno kenna m2akkadin enno ALLAH baddo yena nbashir honik. Rkebna el-safine min Tarwas ray7in sawb Samoutrakya, w-tene yawm re7na 3a-Neyapolis w-min honik 3a-Filippi w-hiye akbar madine bi-wileyet Makdouniyye, w-mosta3mara Roumaniyye, w-b2ina kamm yawm fiya. W-nhar el-sabt tlo3na min el-madine 3ala 7affit el-nahr, metwa2'3in enno nle2e honik matra7 Yahoude ta-nsalle. 2a3adna ne7ke ma3 el-neswen el-mejtem3in honik. W-ken fi bayneton mara 3am tesma3elna esma Lidya min madinet Thiyatira, bitbee3 el-ourjouwen w-bte3bad ALLAH. W-fata7 ALLAH 2alba la-tesma3 la-kalem Boulos. W-lamma t3ammadet hiye w-ahl beyta, 2aletelna hiye w-3am tetrajjena: "ta3o 3a-beyte, w-b2ou fih eza kento bte3tebroune mou2mine bel-RAB." Se3eta jabaretna ne2bal 3azeemeta. W-fi marra kenna ray7in 3al-sala, lta2eyna bi-khadme fiya rou7 3arafe, w-kenit 3am terba7 min hal-shi ktir masare w-ta3tiyon la-asyeda. W-le7'2et Boulos w-le7'2etna, hiye w-3am tesrokh: "hal-rjel kheddem ALLAH, 3am bibashroukon bi-tari2 el-khalãs!" W-tkarrar hal-shi 3eddit iyem la-7add ma 3assab Boulos, w-ltafat sawba w-2al lal-rou7: "be2emrak bi-esm YASOU3 el-MASI7 enno tedhar minna." W-dahar minna bi-se3et el-se3a. W-lamma shefo rou2ase2a enno da3 2amalon min kasb el-masare, kamasho Boulos w-Sila w-jarrouwon 3ala se7it el-madine 3end el-2oudat, w-2addamouwon lal-7ekkem w-2alo: "hal-rejjelen 3am yezra3o el-fawda bi-madinetna, w-henne Yahoud 3am bibashro bi-ta3alim ma mne2dar ne2bala aw nemshe fiya li2anno ne7na Roumaniyyin." W-hejo el-nes 3leyon, w-khazza2o el-7ekkem tyeb Boulos w-Sila w-2amaro enno yenjalado. Jaladouwon ktir w-7attouwon bel-7abs, w-wasso el-sejjen bi-enno yshaddid el-7irase 3leyon. W-lamma wosslit hal-wassiye lal-sejjen, 7atton bel-7abs jouwwa jouwwa, w-7att ejreyon bi-2alib min khashab ta-ma yeherbo. W-bi-noss el-leyl keno Boulos w-Sila 3am bisallo w-ysabb7o ALLAH, wel-m7abees 3am yesma3o, sar fi faj2a zelzel kbir hazz kell el-7abs, w-nfata7et el-bweb kella, w-nfakket jnazeer el-m7abees kellon. We3e el-sejjen min nawmo, w-shef bweb el-7abs maftou7a, fakkar enno el-m7abees harabo. Akhad seyfo ta-ye2tol 7alo, nedeh Boulos bi-sawt 3ale, 2allo: "ou3a te2ze 7alak. Ne7na hon kellna!" W-talab el-sejjen daw w-fet la-jouwwet el-7abs w-raka3 3ala ejren Boulos w-Sila houe w-3am yerjof. Min ba3da talla3on w-2al: "ya sayyide, shou lezim a3mil ta-le2e el-khalãs?" 2aloulo: "2ãmen bel-RAB YASOU3 bitle2e el-khalãs enta w-ahl beytak." W-basharouh houe w-kell ahl beyto bi-kalem el-RAB. W-akhadon bi-haydik el-se3a min el-leyl w-ghassal jrou7on w-t3ammad houe w-kell ahl beyto. Min ba3da 3azamon 3ala beyto w-ta3mehon. W-fer7 houe w-ahl beyto, li2anno 2ãman bi-ALLAH. W-lamma toli3 el-daw ba3ato el-7ekkem 7aras ta-y2oulo lal-sejjen: "flot el-rejjelen!" W-na2al el-sejjen hal-kalem la-Boulos, 2al: "2amaro el-7ekkem bi-enno yefeltoukon, dharo w-rou7o bi-salem!" 2al Boulos lal-7aras: "jaladouna eddem el-kell bidoun mou7ekame, w-ne7na Roumaniyyin, w-7attouna bel-7abs, w-henne halla2 baddon ydahhrouna bel-serr. La2, badde yejo el-7ekkem bi-zeton w-ydahhrouna." Na2alo el-7aras hal-kalem lal-7ekkem. W-lamma 3erfo enno Boulos w-Sila Roumaniyyin khafo. W-ejo la-3andon ta-ye3tezro, min ba3da talla3ouwon w-talabo minnon yfello min el-madine. W-lamma daharo min el-7abs ra7o 3ala beyt Lidya, w-shefo el-ekhwe w-shajja3ouwon, w-min ba3da fallo. Mara2o 3ala Amfipolis w-Apolonya w-woslo 3ala Tasalouniki, w-ken fiya majma3 lal-Yahoud. Fet Boulos 3al-majma3 metl el-3ade, w-jedalon tlet sboute, 3a-ases el-ketob el-m2addase, sar yeshra7a w-ybayyenlon keef ken lezim el-MASI7 yet2allam w-y2oum min el-mawt, 2al: "YASOU3 yalle 3am basherkon fih houe el-MASI7." 2tana3 kamm wa7ad minnon w-saro ma3 Boulos w-Sila, w-ma3on ktar min el-Youneniyyin yalle bye3bado ALLAH, w-3adad kbir min el-sayyidet el-fadilet. Mele el-7asad 2loub el-Yahoud, w-jama3o rjel ashrar w-d3af 7ammaso el-nes w-zara3o el-fawda bel-madine. Min ba3da ejo 3ala beyt Yasoun ta-yetolbo Boulos w-Sila ta-ysalmouwon lal-sha3b el-mjamma3. Ma le2ouwon. Akhado Yasoun w-ba3d el-ekhwe la-7ekkem el-madine henne w-3am yeserkho: "Hal-ashkhas yalle 3emlo fetne wayn ma ken henne halla2 hon bi-diyafet Yasoun, w-kellon 3am ykhelfo 2awemer el-2aysar, w-3am y2oulo: "fi malik tene esmo YASOU3." Stafazzo bi-hal-kalem kell el-sha3b wel-7ekkem. W-talabo min Yasoun wel-be2yin daribe, dafa3ouha w-min ba3da falatouwon. W-bel-leyl el-ekhwe ba3ato bi-ser3a Boulos w-Sila 3ala Birya, w-lamma woslo la-3andon, feto 3a-majma3 el-Yahoud. W-keno hal-ashkhas metsem7in aktar min yalle bi-Tasalouniki, sem3o la-kalem ALLAH bi-raghbe 2awiye, w-saro yef7aso el-ketob el-m2addase kell yawm ta-yshoufo eza ta3alim Boulos w-Sila sa7i7a. W-2ãman ktar minnon, w-2ãman min el-Youneniyyin neswen sharifet w-3adad kbir min el rjel. W-lamma 3erfo el-Yahoud bi-Tasalouniki enno Boulos 3am ybasher bi-kalem ALLAH bi-Birya, ejo la-honik w-saro y7arrdo el-nes w-yestafezzouwon. Se3eta talabo el-ekhwe deghre min Boulos yrou7 bi-ittijeh el-ba7r, w-be2yo Sila w-Timothawos wa2et tawil bi-Birya. W-bennesbe la-yalle refa2o Boulos, wassalouh 3a-Atina, w-henne rej3o li2anno Boulos wassa Sila w-Timothawos enno yel7a2ouh bi-asra3 wa2et moumkin. W-lamma ken Boulos bi-Atina natir Sila w-Timothawos, 3assab lamma shef el-madine melyene bel-asnam. W-sar yne2ish el-Yahoud wel-met3abdin la-ALLAH bel-majma3, w-yalle byelta2a fiyon kell yawm bi-se7it el-madine. W-keno el-falesfe el-Abikoriyyin wel-Riwakiyyin 3am yjedlouh, w-2alo: "shou baddo hal-therthar y2ellna?" W-fi minnon 2alo: "3am bibasher bi-2ãliha gharibe", li2anno Boulos ken 3am bibasher bi-YASOU3 wel-2iyeme. W-akhado Boulos 3ala majles el-madine bi-Aryoupagos w-2aloulo: "badna na3rif 3an hal-mazhab el-jdid yalle 3am bitbasher fih, li2anno ta3alimo gharibe, awwal marra mnesma3a, w-min7ebb na3ref shou bte3ne." W-keno kell el-Atiniyyin wel-ajeneb el-3ayshin bayneton y7ebbo bi-aw2at faraghon ye7ko aw yesma3o el-akhbar el-jdide. W-we2f Boulos bi-noss el-majles w-2al: "ya ahl Atina! Ana sheyif enno ento aktar nes bikhafo w-bye3bado el-ãliha. Li2anno ana w-3am bebrom bi-madinetkon w-3am bittalla3 3ala ma3ebedkon l2it mazba7 maktoub 3le: lal-ileh el-majhoul. Hayda yalle 3am te3badouh w-ma bta3erfouh houe yalle 3am basherkon fih. Houe ALLAH khale2 el-kawn w-kell shi fi, w-houe RAB el-sama wel-ard ma byeskon bi-ma3ebed 3ammareta 2iden el-bashar, W-ma btekhedmo 2iden bashariyye, metl shi wa7ad me7tej la-shi, li2anno houe yalle bya3te kell el-bashar el-7ayet w-nasmet el-7ayet w-kell shi. Khala2 kell el-bashar min 2asl wa7ad, w-khallehon yesekno 3ala wejj el-ard kella, w-7addadlon el-wa2et wel-maken yalle lezim yesekno fih, 7atta yfattsho 3anno barke bi7esso bi-woujoudo w-bile2ouh, w-houe 2aslan mish b3id 3an kell wa7ad minna. Ne7na bi-wasteto min3ish w-mnet7arrak w-mnenwejid. W-ne7na kamen wledo, metl ma 2al she3ir min shou3ara2kon. W-ma zel ne7na wled ALLAH, ma lezim nfakkir enno ALLAH houe shakl 3emlo el-2ensen min dahab aw fodda aw 7ajar bi-fanno w-shatarto. W-eza ken ALLAH ghadd nazaro 3an jahlna bel-made, houe halla2 3am yed3e el-nes kellon wayn ma keno lal-tawbe, li2anno 7addad el-nhar yalle 3a7 ydeen fih el-3alam kello bel-3adl bi-wastet rejjel khtaro, w-barhan la-kell el-nes enno houe khtaro lamma 2awwamo min el-mawt!" W-lamma sem3ouh 3am yezkor 2iyemet el-mawta etda77ako 3le, w-2aloulo: "mneb2a mnesma3 minnak 3an hal-shi marra tenye." Se3eta fall Boulos min bayneton, bass fi minnon saro ma3o w-2ãmano, w-minnon Diyonisyos el-Aryopagi, wa7ad min majles el-madine, w-mara esma Damaris w-ghayron. Min ba3da tarak Boulos Atina w-eja 3ala Korentos. Le2a Yahoude min ahl el-Bount esmo Akila eja mish min zamen min Italya houe w-marto Preskilla, li2anno el-2aysar Klodyos 2amar kell el-Yahoud yfello min Roma. Fa-eja Boulos la-3andon, w-sar yeshteghil 3endon, li2anno ken yeshteghil shaghleton, w-hiye sina3et el-khiyam. W-ken bi-kell sabt yjedel el-Yahoud wel-Youneniyyin bel-majma3 ta-yjarrib ye2na3on. W-lamma woslo Sila w-Timothawos min Makdouniyye, sar kell hamm Boulos el-tebshir bi-kelmet ALLAH, w-ken 3am yesh'had eddem el-Yahoud bi-enno YASOU3 houe el-MASI7. Bass keno y3ardouh w-ysebbouh. Fa-nafad tyebo w-2allon: "dammkon 3ala raskon, ana bari2 minkon. Ra7 rou7 min liom w-raye7 la-3and ghayrkon min el-shou3oub." W-nta2al min honik 3a-beyt 7add el-majma3 seken fih rejjel mish Yahoude bye3bad ALLAH esmo Tityos Yostos. W-2ãman Krisbos ra2is el-majma3 bel-RAB, houe w-kell ahl beyto. W-keno ktar min ahl Korentos 3am yesma3o kalem Boulos, w-y2ãmno w-yet3ammado. W-2al el-RAB la-Boulos bel-leyl bi-rou2ya: "ma tkhaf! 7ki w-ma teskot, ana ma3ak, w-ma 7ada bye2zik. 3ende sha3b kbir bi-hal-madine." Be2e honik sene w-sitt tesh'hor y3allim el-nes kalem ALLAH. W-lamma sar Galyon 7akem 3ala Akha2ya, tjamma3o el-Yahoud kellon w-hajamo 3ala Boulos w-akhadouh 3al-ma7kame, w-2alo: "hal-rejjel 3am bijarrib ye2na3 el-nes enno ye3bado ALLAH 3ibede bitkhelif el-shari3a." W-ken Boulos baddo ye7ke, bass Galyon 2al lal-Yahoud: "ya Yahoud: law ken el-mawdou3 fiyo jarime aw jineye, kent sme3t shakwekon metl ma el-7a2 bi2oul. Bass bi-ma enno el-mawdou3 houe jidel bel-alfaz wel-aseme w-bi-shari3etkon, dabbro ento hal-shi, li2anno ma badde koun 2ãde 3an hal-shaghle." W-sha7aton min el-ma7kame. Se3eta kamasho kellon Sostanis ra2is el-majma3 w-darabouh eddem el-ma7kame, w-Galyon ma htamm. W-be2e Boulos fatra bi-Korentos, w-ba3den wadda3 el-ekhwe w-sefar bel-ba7r 3ala Souriya, w-ma3o Preskilla w-Akilla, w-7ala2 raso bi-Kankhariyya li2anno ken 3endo nedr. W-lamma woslo 3a-Afasos, ftara2 3annon w-fet 3al-majma3 ta-yjedel el-Yahoud. W-talabo minno enno ydall ma3on aktar bass 3tazar, w-2allon lamma wadda3on: "ra7 erja3 la-3andkon eza ALLAH rad." W-sefar bel-ba7r min Afasos, w-nezl bi-Kaysariyya, w-minna toli3 3ala Ourashalim w-sallam 3al-knise, w-ba3den nezl 3a-Antakya. Min ba3d ma 2a3ad fiya shwey, toli3 w-meshe bi-Ghalatya w-Firijiyya houe w-3am yshajji3 el-tlemiz. W-eja 3a-Afasos Yahoude esmo Apolos, min ahl el-Eskandariyya, msa'2af, bya3rif yeshra7 el-ketob el-m2addase. T3allam ta3alim el-RAB, fa-t7ammas w-sar ye7ke bi-7ames w-y3allim ta3lim mazbout bi-khsous YASOU3. Ma3 enno ma ken ya3rif ella ma3moudiyyet You7anna. W-lamma ballash ye7ke bi-jer2a bel-majma3, sem3ouh Preskilla w-Akilla, akhadouh 3ala beyton w-shara7oulo ta3lim ALLAH shar7 da2i2. Min ba3da 2arrar ysefir 3a-Akha2ya, w-shajja3ouh el-ekhwe w-katabo risele lal-tlemiz honik 7atta yesta2eblouh mni7. W-lamma wossil 3a-Akha2ya se3ad bi-ne3met ALLAH el-mou2minin ktir, li2anno ken bi-2ouwwet 7ejajo 3am bisakkit el-Yahoud eddem el-kell w-ybarhenlon min el-ketob el-m2addase enno YASOU3 houe el-MASI7. W-lamma ken Apolos bi-Korentos, wossil Boulos 3a-Afasos, min ba3d ma 2ata3 noss el-bled, w-le2a fiya shweyit tlemiz. Sa2alon: "akhadto el-ROU7 el-2ODOS lamma 2ãmanto?" 2alo: "la2, w-ma sme3na 7atta bi-woujoud el-ROU7 el-2ODOS." 2al Boulos: "ayya ma3moudiyye t3ammadto?" 2alo: "ma3moudiyyet You7anna." 2allon Boulos: "3ammad You7anna ma3moudiyyet el-tawbe, da3a el-nes lal-imen bi-yalle byeje min ba3do, ye3ne YASOU3." W-lamma sem3o hal-kalem, t3ammado bi-esm el-RAB YASOU3. 7att Boulos 2idey 3leyon, w-nezl 3leyon el-ROU7 el-2ODOS w-saro ye7ko bi-loughat ghayr lougheton w-yetnabbo. W-keno shi tna3shar rejjel. W-fet Boulos 3al-majma3 w-sar ye7ke bi-jer2a 3an malakout ALLAH meddit tlet tesh'hor, yjedil el-mawjoudin w-yjarrib ye2na3on fi minnon ma 2tana3o w-rafado enno y2ãmno 7atta enno saro ye7ko bel-3atel 3an ta3lim el-RAB 3end el-jame3a kella. W-tarakon Boulos w-akhad el-tlemiz 3a-janab w-sar ye7ke ma3on kell yawm bi-madraset Tirannos. W-be2e hek meddit senteyn, 7atta sem3o kell sekken Ãsia min Yahoud w-Youneniyyin kalem el-RAB. W-ken ALLAH 3am ya3mil 3ala 2id Boulos 3ajeyeb 3azeeme, 7atta saro el-nes yekhdo la-mardahon kell shi lamas jesmo metl ma7arim aw mrawil, w-keno yenshafo, w-tedhar minnon el-arwe7 el-sherreera. W-jarrab kamm wa7ad min el-Yahoud el-metna'2lin yalle 3am yesh7ato el-arwe7 el-sherreera ennon yestakhedmo esm el-RAB YASOU3, w-keno y2oulo lal-arwe7 el-sherreera: "be2emrik bi-esm YASOU3 yalle 3am bibasher fih Boulos." W-ken fi la-wa7ad min rou2asa kahanet el-Yahoud, w-esmo Sakawa, sab3 wled bya3emlo hal-shaghle. Jewabon el-rou7 el-sherreer: "Ana ba3rif YASOU3, w-ba3rif Boulos. Bass ento meen bitkouno?" W-hajam 3leyon el-rejjel yalle fiyo el-ROU7 el-sherreera w-edr 3leyon kellon w-ghalabon, fa-harabo min el-beyt 3eryenin mjarra7in. W-sem3o ahl Afasos kellon, min Yahoud w-Youneniyyin, bi-yalle sar, w-khafo ktir. W-t3azzam esm el-RAB YASOU3. W-ejo ktar min el-mou2minin ta-ye3terfo w-y2erro bi-yalle 3am ya3emlouh min a3mel el-se7r. W-jama3 ktir min el-mousha3wizin ketebon w-7ara2ouwa eddem 3youn el-nes kellon. W-7asabo taman hal-ketob, w-toli3 khamseen alf 2ot3a min el-fodda. W-hek ken kalem el-RAB 3am yenteshir w-ye2wa bel-nfous. Min ba3d hal-a7deth 2arrar Boulos enno yemro2 bi-Makdouniyye w-Akha2ya, houe w-bi-tari2o 3a-Ourashalim, w-2al: "min ba3d ma e2'3od hon, lezim rou7 3a-Roma kamen." W-ba3at 3a-Makdouniyye tnen min yalle bise3douh w-henne Timothawos w-Arestos. Bass houe, t2akhkhar medde bi-Ãsia. W-sar bi-haydak el-wa2et fetne kbire hadafa ta3lim el-RAB, li2anno sayegh esmo Dimetriyos ken 3am ya3mil hayekel min fodda bitmathel haykal el-ãliha Artamis, w-keno yalle 3am ya3emlouwon 3am yerba7o min hal-shi masare ktir. Jama3on kellon w-2allon: "bta3erfo, ya ekhwe, hal-sina3a khalletna nkoun ghaneya w-n3ish ktir mni7. W-ento shefto w-sme3to kif anna3 hayda el-esmo Boulos w-sa7ar ktir min el-nes hon bi-Afasos w-bi-ktir min manate2 Ãsia w-2allon enno el-ãliha yalle bta3mela el-2iden hiye mish ãliha. W-hayda khatar bikhalliyon yestakheffo bi-sina3etna, w-kamen bikhalliyon ye7te2ro hal-ãliha el-3azeeme Artamis w-bihadded 3azameta enno tenhãr, w-hiye yalle bye3bada kell el-nes bi-Ãsia w-bel-3alam kello!" W-lamma sem3o el-mawjoudin hal-7ake ghodbo ktir w-saro yeserkho: "el-3azame la-Artamis, Ilehet Afasos!" W-sar fi fawda bel-madine kella. W-hajamo fard marra 3ala Gayos w-Arestarkhos, w-henne Makdouniyyin biref2o Boulos bi-safaro, w-jarrouwon 3ala mal3ab el-madine. W-arad Boulos enno ywejih el-nes, bass mana3ouh el-tlemiz. W-rou2asa Ãsia, w-keno asdika2o, ba3atoulo nes yetrajjouh enno ma yet3arrad la-khatar el-raw7a 3al-mal3ab. W-sar fi ktir fawda, w-keno fi nes 3am ynedo bi-shi, w-nes ghayron 3am binedo bi-shi tene, w-aktaron mish 3arfin leysh jtama3o. Wel-Yahoud talabo min Eskandar yetdakhkhal, fa-3eml ishara bi-2ido enno baddo ye7ke el-sha3b. W-lamma 3erfouh enno Yahoude saro ysarrkho bi-sawt wa7ad shi se3ten: "el-3azame la-Artamis, Ilehet Afasos!" Min ba3da edr moustashar 7akem el-madine yrawwe2 el-nes lamma 2allon: "Ya ahl Afasos! Ma 7ada byejhal enno madinet Afasos bte7ros haykal Artamis el-3azeeme wel-sanam yalle habat min el-sama. Ma fi khilef bi-hal-shi, kermel hek lezim trou2o w-ma tetsarra3o. Jebto hal-rejjelen, w-ma 7ada minnon ntahak 7ermit Artamis Ilehetna aw jaddaf 3leya. W-eza ken la-Dimetriyos w-ahl sina3to shakwa 3ala 7ada, fi 2oudat w-7ekkem khalliyon yrou7o la-3andon. W-eza ken elkon da3wa tenye, fa-el-7ekm fiya bikoun bi-jalse 2anouniyye, ta-ma yettehmouna enno 3am na3mil fetne min yalle sar liom. Kermel hek ma 3anna 3ezr eza tjamma3na hon." W-min ba3d ma 2al hal-7ake fallal el-nes. W-lamma re2o el-nes bi-Afasos ba3at Boulos wara el-tlemiz, w-wadda3on bi-kelmet teshji3 w-sefar 3ala Makdouniyye. W-meshe bi-haydik el-manta2a houe w-3am yshajji3 bi-kalemo ktar min jame3et el-mou2minin. Min ba3da eja 3al-Younen. W-be2e honik tlet tesh'hor. W-lamma ken 3am bi7addir 7alo ta-ysefir bel-ba7r 3ala Souriya, t2ãmaro el-Yahoud la-2atlo, fa-2arrar enno yerja3 min-tari2 Makdouniyye. W-refa2ouh Soubattaros 2eben Berros min ahl Birya w-Arastarkhos w-Sakondos min ahl Tasalouniki, w-Gayos min ahl Darba, w-Timothawos w-Tikhikos w-Torofimos. W-saba2ouna 3a-Tarwas w-natarouna honik. Bass ne7na sefarna bel-ba7r min Filippi ba3d 3id el-Fateer, w-l7e2nehon min ba3d khams tiyem 3ala Tarwas, w-b2ina fiya sab3 tiyem. W-yawm el-a7ad jtama3na ta-ne7tefil bi-3asha el-RAB, w-sar Boulos you3az el-mawjoudin. W-tawwal bel-7ake la-noss el-leyl, li2anno ken baddo ysefir tene yawm. W-ken fi bel-gherfe el-fo2 yalle jtama3na fiya 2nadil ktire. W-ken fi sabe esmo Aftikhos 2e3id 3al-shebbek. Ne3s, w-ken Boulos 3am yestarsel bel-7ake, w-ghefe Aftikhos, fa-wa2a3 min el-tabe2 el-telit la-ta7t w-7emlouh mayyit. Nezl Boulos w-2arrab minno w-ghamaro, w-2al: "ma tkhafo, ba3do 3ayish." W-toli3 3al-gherfe el-fo2 w-sha2af el-khebz w-akal. W-7ekehon ktir lal-sobo7 w-fall. W-jebo el-sabe w-ken 3ayish, w-t3azzo ktir fih. W-ne7na ro7na 3al-safine, w-tlo3na 3a-Assous ta-nekhod Boulos ma3na min honik metl ma talab minna, li2anno ken baddo ysefir la-honik bel-barr. W-lamma le7e2na 3ala Assous, talla3neh 3al-safine w-jebneh 3a-Mitilina. W-min honik sefarna bel-ba7r bel-yawm el-tene, w-wsolna eddem Khiyos. W-mshina bel-yawm el-telit 7add Samous, min ba3da wsolna bel-yawm el-rabe3 3a-Militos li2anno Boulos 2arrar ne2ta3 Afasos bel-ba7r ta-ma yet2akhkhar bi-Ãsia bi-ma enno ken mesta3jil yousal 3a-Ourashalim bel-yawm el-khamseen. W-ba3at Boulos min Militos wara shyoukh kniset Afasos. Lamma ejo la-3ando, 2allon: "bta3erfo keef 3esht ma3kon kell hal-medde yalle b2it fiya baynetkon, min awwal yawm jeet fih 3ala Ãsia. Kent ekhdom el-RAB bi-kell tawado3 w-bi-ktir min el-dmou3, t7ammalet kell el-mashekil yalle sabbabouha ele 7yal el-Yahoud. W-ma hamalet shi bifeedkon, kent ou3az, w-3allemkon bel-matare7 el-3amme w-bel-byout. W-talabet min el-Yahoud wel-Youneniyyin enno yerja3o la-ALLAH w-y2ãmno bi-RABNA YASOU3. W-ana liom raye7 3a-Ourashalim li2anno el-ROU7 el-2ODOS baddo hek, w-ma ba3rif shou ra7 ysir ma3e honik. Bass el-ROU7 el-2ODOS ken 3am bi7azzerne bi-kell madine enno el-jnazeer wel-3azebet natretne. Bass ana ma be7sob enno 7ayete ela 2ime 3ende, ma zelne 3am ba3mel sheghle w-3am kammil el-3amal yalle tsallamto min el-RAB YASOU3, w-3am nede bi-injil ne3met ALLAH. W-ana ba3rif ennkon ma ra7 tshoufo wejje min ba3d liom, ento yalle mshit baynetkon kellkon 3am bashir bi-malakout ALLAH. Kermel hek besh'had liom eddemkon enno ana bari2 min dammkon kellkon, li2anno ma hamalet wejbe enno khabberkon iradet ALLAH kella. S'haro 3ala 7alkon w-3al-r3iyye yalle 7attkon el-ROU7 el-2ODOS fiya matarne ta-ter3o kniset ALLAH yalle rebe7a bi-dammo. W-ana ba3rif enno el-dyeb el-khatfe ra7 tfout baynetkon min ba3d ma rou7 w-ma teshfa2 3al-r3iyye, W-ra7 yeje baynetkon nes bikazzbo ta-ydayy3o el-tlemiz w-ta-yel7a2ouwon. Ntebho w-tzakkaro enno ana bi-dmou3e nasa7et kell wa7ad minkon, leyl w-nhar, meddit tlet snin. W-halla2 bsallemkon la-ALLAH w-la-kelmet ne3emto, houe el-edir y2awwikon w-ya3tikon el-werte ma3 kell el-2eddisin. Ma shtahet wala yawm foddet 7ada aw dahabo aw tyebo, ento bta3erfo enno bi-2ideyye shtaghalet w-akhadet yalle mne7tajlo ana w-rfe2e. W-farjeytkon bi-kell shi keef lezim nse3id el-d3af bel-ta3ab wel-3amal, ne7na w-metzakrin kalem el-RAB YASOU3: "el-3ata2 byetberak aktar min el-akhd." W-lamma khatam Boulos kalemo, raka3 ma3on kellon w-salla. W-bekyo ktir w-ghamarouh w-bawwasouh. W-aktar shaghle za33aleton lamma 2allon: "ma ra7 tshoufo wejje min ba3d liom." Min ba3da wadda3ouh w-refa2ouh 3al-safine. Min ba3d ma wadda3nehon, ro7na bel-ba7r sawb Kous, w-bel-yawm el-tene wsolna 3a-Roudos, w-min honik 3a-Batara. W-l2ina honik safine msefra 3a-Finikya, rkebneha w-mshina, w-lamma bayyanet 2obros 3leyna tarakneha 3al-shmel, w-re7na sawb Souriya. Nzelna 3a-Sour, 7atta tfadde el-safine 7mouleta. W-l2ina el-tlemiz honik, w-b2ina 3endon sab3 tiyem. W-keno 3am bi2oulo la-Boulos, bi-wa7e min el-ROU7, enno ma yotla3 3a-Ourashalim. W-lamma kholis el-wa2et yalle b2ina fih ma3on, falleyna w-mshina bel-tari2, w-meshyo ma3na kellon, neswen w-wled, la-barrat el-madine, ta-ywadd3ouna, w-raka3na 3al-shatt w-sallayna. Ba3den wadda3na ba3dna, w-tlo3na 3al-safine, w-rej3o henne 3ala byouton. W-min Sour wsolna bi-ekher el-safra 3ala Batoulamayis, sallamna 3al-ekhwe honik w-b2ina 3endon yawm wa7ad. W-ro7na tene yawm 3a-Kaysariyya. W-fetna 3a-beyt Filippos el-moubashir w-houe wa7ad min el-sab3a w-nzelna 3endo, w-ken 3endo arba3 banet 3azara byetnabbo. Min ba3d 3eddit iyem b2ina fiyon, wossil min el-Yahoudiye nabe esmo Agapos. Eja la-3anna w-akhad zennar Boulos w-rabat fih ejrey w-2idey w-2al: "bi2oul el-ROU7 el-2ODOS: sa7ib hal-zennar ra7 yrabbtouh el-Yahoud hek bi-Ourashalim w-ysallmouh la-2iden el-wathaniye." W-lamma sme3na hal-7ake, serna ne7na w-kell el-mawjoudin netrajja Boulos enno ma yotla3 3a-Ourashalim. Jewabna Boulos: "leysh 3am tebko w-twajj3oule 2albe? Ana mist3edd mish bass lal-jnazeer, mist3edd mout bi-Ourashalim kermel el-RAB YASOU3." W-lamma ma edrna ne2na3o, sakatna w-2elna: "metl ma baddo el-RAB." Min ba3d hal-shi bi-iyem 7addarna 7alna lal-safar w-tlo3na 3a-Ourashalim. W-refa2na kamm wa7ad min el-tlemiz min Kaysariyya, w-nazzalouna bi-beyt Manasoun el-2obrose, w-houe telmiz 2adeem. W-lamma wsolna 3a-Ourashalim sta2balouna el-ekhwe bi-fara7. W-fet ma3na Boulos tene yawm la-3and Ya3koub, w-keno el-shyoukh kellon mawjoudin. Sallam 3leyon Boulos w-khabbaron bel-tefsil kell shi 3emlo ALLAH 3ala 2idey bayn be2e el-shou3oub. W-lamma sem3ouh, majjado ALLAH w-2alo la-Boulos: "enta sheyif, ya khayyna, keef oulouf min el-Yahoud 2ãmano w-kellon ba3don met3asbin la-shari3et Moussa. W-henne sem3o ennak 3am bit3allim el-Yahoud el-3ayshin bayn be2e el-shou3oub enno yeterko shari3et Moussa, w-3am twassiyon enno ma yekhetno wledon w-ma yel7a2o ta2aleedna. Shou lezim na3mil? Li2annon halla2 akid ra7 ya3erfo ennak jeet. 3mol yalle ra7 n2ellak yeh: 3enna arba3 rjel 3endon nedr. Khedon w-rou7 3al-haykal w-enta sherik ma3on bel-tot'hir w-dfa3 3leyon ta-ye7el2o rason, hek bifakker kell el-sha3b enno yalle sem3ouh 3annak mish sa7i7, w-ennak meshe metlon 7asab shari3et Moussa. W-bennesbe la-yalle bi2ãmno w-henne mish Yahoud, katabnelon shou ra2eyna, enno ma ya3emlo zabeye7 el-asnam el-nejse w-ma yezno w-ma yeklo 7ayawenet makhnou2a wala-dammon. Akhad Boulos el-rjel el-arb3a tene yawm, w-ettahhar ma3on w-fet 3al-haykal w-3ayyan el-maw3ad yalle btokhlas fih iyem el-touhour 7atta y2addim fih el-2erben 3an kell wa7ad minnon. W-lamma kenit ra7 tokhlas iyem el-touhour el-sab3a, shefo el-Yahoud el-Ãsiawiyyin Boulos bel-haykal. Fa-7arrado el-sha3b 3le, w-kamashouh, W-sarakho: "se3douna, ya wled Isra2il! Hayda houe el-rejjel yalle 3am bi3allim el-nes wayn ma ken ta3lim dodd sha3bna w-dodd shari3etna w-dodd hal-haykal, 7atta enno jeb kamm Younene 3al-haykal, w-dannas hal-matra7 el-m2addas!" 2alo hal-shi li2annon shefo Torofimos el-Afasose ma3 Boulos bel-madine, w-fakkaro enno Boulos jebo 3al-haykal! W-hejet el-madine kella, w-tjamma3o el-nes 3ala Boulos w-kamashouh w-jarrouh la-barrat el-haykal, w-sakkaro el-bweb deghre. W-lamma keno 3am bijarrbo ye2etlouh, sem3 ka2ed el-7amiye el-Roumaniyye enno fi fawda bi-kell Ourashalim, Jeb bi-ser3a jnoud w-debbat w-eja deghre la-3andon. W-lamma shefo el-ka2ed w-jnoudo wa'2afo enno yedorbo Boulos. 2arrab minno el-ka2ed w-kamasho w-2amar bi-enno yenrabat bi-janzeeren. Min ba3da sa2al 3anno ta-ya3rif meen houe w-shou 3eml, saro minnon y2oulo shi, w-minnon y2oulo shi tene. W-lamma ma edr ma3 kell hal-dajje enno yefham shou sar, 2amar jnoudo bi-ennon yekhdo Boulos 3al-2al3a. W-lamma woslo 3al-daraj, 7emlouh el-jnoud ta-ma ye2etlo el-sha3b. Li2annon keno le7'2ino w-3am bisarrkho: "e2telo!" W-lamma ken Boulos jouwwet el-2al3a, 2al la-ka2ed el-7amiye: "btesma7le 2ellak shi?" 2allo el-ka2ed: "enta bta3rif el-lougha el-Youneniyye? Fa-ezan enta el-Masre yalle 3eml fetne min medde w-talla3 ma3o arba3-talef rejjel y2etlo bel-sa7ra?" 2allo Boulos: "ana Yahoude w-mouwaten Roumane min Tarsous bi-Kilikya, madine ma3roufe ktir. Bitmanna minnak tesma7le e7ke el-sha3b." Sama7lo, w-we2f Boulos 3al-daraj w-3eml ishara bi-2ido lal-sha3b. W-lamma sakato, 7ekehon Boulos bel-3ebrane, 2al: "Ya ekhewte w-bayyete, sma3o yalle ra7 2oulo halla2 ta-defi3 3an 7ale!" W-lamma sem3ouh 3am ye7ke ma3on bel-3ebrane, re2o, w-2allon Boulos: "ana rejjel Yahoude khle2et bi-Tarsous bi-Kilikya, bass 3esht hon bi-hal-madine w-t3allamit bi-madraset Gamla2il shari3et bayyetna 3al-2ousoul, w-kent ghar 3ala khedmet ALLAH metl ma ento kellkon bitgharo 3leya bi-hal-iyem. W-edtahadet ta3lim YASOU3 lal-mawt, w-kamasht el-rjel wel-neswen w-zattayton bel-7abs. W-3an-hayda el-shi byesh'hadle ra2is el-kahane w-shyoukh el-sha3b kellon. Akhadet minnon raseyel la-ekhwetna el-Yahoud bel-Shem, w-ro7et la-honik ta-ekmosh kell yalle bi-2ãmno bi-hayda el-mazhab, w-ekhedon 3a-Ourashalim ta-7esebon. W-marra ana w-raye7 3al-Shem, shara2 faj2a 3leyye 3al-dohr nour 2awe min el-sama, wa2a3et 3al-ard, w-sme3t sawt bi2elle: Shawol, Shawol, leysh 3am tedtehedne? Jewabto: enta meen ya RAB? 2al: ana YASOU3 el-Nassire yalle 3am tedtehdo. W-keno yalle ma3e 3am bishoufo el-nour w-ma 3am yesma3o sawt el-shakhs yalle 3am ye7kine. 2elt: shou ba3mil, ya RAB? 2alle el-RAB: 2oum w-rou7 3al-Shem, w-honik bi2ouloulak shou lezim ta3mil. W-kent fa2adet basare min 2ouwwet el-nour, w-akhadoune rfe2e 3al-Shem. W-ken fi honik rejjel ta2e metmassik bel-shari3a esmo 7ananiyya, w-keno kell el-Yahoud m2addrino ktir bel-Shem. Eja la-3ande w-2alle: ya khayye Shawol, badde yek terja3 te2sha3. W-sert e2sha3 w-shefto elo bi-se3et el-se3a. 2alle: Ileh bayyetna khtarak ta-ta3rif iradto w-tshouf 2ebno el-barr w-tesma3o 3am ye7kik. W-enta ra7 tesh'had eddem kell el-nes bi-yalle shefto w-sme3to. W-halla2, shou ba3dak natir? 2oum w-t3ammad w-ettahhar min khatayak w-d3i bi-esmo. Min ba3da rje3t 3a-Ourashalim. W-lamma kent 3am salle bel-haykal, wa2a3et bi-ghayboube, w-sheft el-RAB 3am bi2elle: 3ajjil fell min Ourashalim, li2anno el-sha3b hon ma ra7 ye2balo shahedtak ele. 2eltello: henne bya3erfo mni7 ya RAB, enno kent fout 3al-majeme3 w-ekmosh yalle bi2ãmno fik w-ejledon, w-enno kent mawjoud lamma 2atal el-sha3b Estefanos shahidak w-kent ana rade bi-2atlo, w-khalleyt tyeb yalle 2atalouh ma3e. 2alle el-RAB: ra7 eb3atak 3a-matra7 b3id, la-3and el-shou3oub el-mish Yahoud." W-keno 3am yetsamma3o la-Boulos la-7add ma 2al hal-kalimet, w-sarakho bi-a3la sawton: "m7ou hal-rejjel 3an wejj el-ard! Ma byeste7e2 el-7ayet." W-saro ysarrkho, w-ykebbo tyebon, w-ytayyro el-trab bel-hawa. Se3eta 2amar ka2ed el-7aras rjelo enno yekhdo Boulos 3al-2al3a w-yes2alouh ta7t el-darb, leysh 3am bisarkho el-Yahoud 3le kell hal-sarikh. W-lamma maddadouh w-rabatouh ta-yejeldouh, 2al lal-dabet el-we2if 7addo: "bi7e'2elkon tejeldo mouwaten Roumane bidoun ma t7akmouh?" W-lamma sem3 el-dabet hal-7ake, rakad la-3and el-ka2ed w-2allo: "shou 3am ta3mil? Hayda el-rejjel Roumane!" W-eja el-ka2ed la-3and Boulos w-2allo: "2elle: enta Roumane?" 2allo: "na3am." 2al el-ka2ed: "ana dafa3et masare ktir ta-edert 7solt 3a-hal-jensiyye." 2al Boulos: "bass ana khle2et Roumane." W-se3eta traja3o 3anno kell yalle keno baddon yestajewbouh. W-khaf el-ka2ed lamma 3eref enno Roumane w-enno rabbatouh bel-jnazeer. W-arad el-ka2ed tene yawm enno ya3rif 7a2i2et el-2ossa yalle tahamo fiya el-Yahoud Boulos, fakkallo el-jnazeer, w-2amar rou2asa el-kahane w-kell majles el-Yahoud enno yejtem3o, min ba3da nazzal Boulos w-jebo 3al-majles. Ltafat Boulos 3al-majles w-2al: "ya ekhwe, khadamet ALLAH w-dameere ktir merte7 la-7add liom." Fa-2amar 7ananiyya, ra2is el-kahane, mse3dino yedorbo Boulos 3ala temmo. 2allo Boulos: "ALLAH ra7 yedorbak, ya hal-7ayt el-mbayyad! Enta jeye t7akemne bi-7asab el-shari3a, w-3am te2mor endarab w-hek enta 3am tkhalif el-shari3a?" 2alo el-mawjoudin la-Boulos: "enta 3am tsebb ra2is kahanet ALLAH!" 2al Boulos: "ma kent 3erif, ya ekhewte, enno houe ra2is el-kahane. El-ketob el-m2addase bit2oul: "ma tel3an ra2is sha3bak." W-ken Boulos bya3rif enno fi bayneton Saddoukiyyin w-fi ghayron Ferrisiyyin, se3eta 2al 3a-sawt 3ale lal-majles: "ya ekhewte, ana Ferrise 2eben Ferrise. W-ana halla2 3am bit7akam li2anno b2ãmen bi-2iyemet el-mawta." W-lamma 2al hal-shi, sar fi khilef bayn el-Ferrisiyyin wel-Saddoukiyyin w-n2asam el-majles, li2anno el-Saddoukiyyin ma bi2ãmno bi-2iyemet el-mawta w-bi-woujoud el-maleyke wel-arwe7, baynama el-Ferrisiyyin bi2ãmno bi-hayda kello. W-3elyet el-aswat, w-2amo kamm wa7ad min mou3allimi el-shari3a w-henne Ferrisiyyin w-saro ye7tajjo bi-2ouwwe w-2alo: "ma 3am nle2e jerm 3a-hal-rejjel. Yemken 7ekeh rou7 aw malek." W-kebir el-khilef la-daraje khaf el-ka2ed enno ykhazz2o Boulos tekhzi2, fa-2amar jnoudo bi-ennon yenzalo la-3ando w-yjeebouh min bayneton, w-yekhdouh 3al-2al3a. W-bel-leyle el-tenye zahar el-RAB la-Boulos w-2allo: tshajja3! Metl ma shahadtelle bi-Ourashalim, hek lezim tesh'hadle bi-Roma." W-lamma toli3 el-sobo7 t2ãmaro el-Yahoud, w-7alafo ennon ma yeklo wala yeshrabo la-7add ma ye2etlo Boulos. W-keno el-met2ãmrin aktar min arb3een. Ejo la-3and rou2asa el-kahane wel-shyoukh w-2alo: "7alafna ma ndou2 shi la-7add ma ne2tol Boulos. Tlebo ento wel-majles min ka2ed el-7aras enno yeb3at Boulos la-3andkon, bi-7ejjit enno badkon t3eedo el-nazar bi-2adiyyto, w-ne7na mist3eddin ne2etlo houe w-jeye la-3andkon." W-sem3 2eben ekht Boulos bel-7ile, ra7 3al-2al3a w-eja la-3and Boulos w-khabbaro kell shi. Se3eta ba3at Boulos wara wa7ad min el-debbat w-2allo: "khod hal-shabb la-3and el-ka2ed, li2anno 3endo shi baddo y2ello yeh." Akhado el-dabet la-3and el-ka2ed w-2al: "da3ene el-ma7bous Boulos w-talab enno jeeb hal-shabb la-3andak, li2anno 3endo shi baddo y2ellak yeh." Masak el-ka2ed bi-2ido w-akhado 3a-janab w-sa2alo: "shou 3endak? Khabberne." 2allo: "ettafa2o el-Yahoud 3ala ennon yetolbo minnak enno tnazzil Boulos boukra 3al-majles bi-7ejjet ennon baddon y3eedo el-nazar bi-2adiyyto. Ma tsadde2on, li2anno aktar min arb3een rejjel Yahoude t2ãmaro sawa 3le, w-7alafo ennon ma yeklo wala yeshrabo la-7add ma ye2etlouh. W-henne halla2 mist3eddin w-jehzin, natrin ennak testajeblon." 2al el-ka2ed lal-shabb: "ma t2oul la-7ada ennak khabbartne bi-hal-shi." W-fallalo min 3endo. Min ba3da ba3at el-ka2ed wara tnen min debbato w-2allon: "7addro miteyn jende ta-yrou7o el-se3a tes3a bel-leyl 3a-Kaysariyya, w-ma3on sab3een feris w-miteyn msalla7 bel-rme7. W-7addro la-Boulos 7san ye7emlo la-3and el-7ekem Felix bidoun ma ysorlo shi." W-katab lal-7akem risele bi2oul fiya: "min Klodyos Lisyas la-sa7ib el-3ezze Felix, beb3atlak saleme: kamasho el-Yahoud hal-rejjel w-keno ra7 ye2etlouh. W-lamma 3reft enno houe Roumane, rakadet la-3ando ma3 jnoude w-khallasto. W-7abbeyt a3ref bi-shou 3am yettehmouh, jebto 3ala majleson, W-tbayyanle ennon 3am yettehmouh bi-khsous shari3eton, w-enno ma fi shi min yalle 3am yettehmouh fih byestawjeb el-mawt aw el-7abs. Min ba3da sme3t ennon 3emlo khotta ta-ye2etlouh, w-ba3atto la-3andkon deghre, w-elt la-a3de2o enno yerfa3oulak el-da3wa bi-2adiyyto." W-naffazo el-jnoud 2awemir el-ka2ed, w-akhado Boulos bel-leyl 3a-Antipatris. W-tene yawm rej3o el-jnoud 3al-2al3a w-tarako el-fersen ykaffo tari2on ma3 Boulos. W-lamma woslo el-fersen 3a-Kaysariyya, akhado Boulos la-3and el-7akem w-sallamouh el-risele. 2ereha w-sa2al Boulos 3an el-wileye yalle byenteme ela. W-lamma 3eref enno houe min Kilikya, 2allo: "ra7 esma3lak lamma byousalo a3de2ak." W-2amar jnoudo bi-ennon ye7erso Boulos bi-2asr Hirodos. Min ba3d khams tiyem, nezl ra2is el-kahane 7ananiyya 3a-Kaysariyya w-ma3o kamm sheykh w-mou7ame esmo Tartoullos, w-tshakko 3a-Boulos lal-7akem. W-lamma ba3at el-7akem warah, sar Tartoullos yettehmo, w-y2oul: "ya sa7ib el-3ezze Felix: byerja3 el-fadl la-7esn tedbirak bel-salem yalle 3enna, wel-isla7 yalle n3amal la-kheyr bledna. W-ne7na mneshkrak bi-kell wa2et w-kell matra7. Ma badde tawwil 3lek el-7ake, bass bitmanna tekhedna bi-7elmak w-tesma3elna shwey: sehfna enno hal-rejjel bishakkel khatar 3leyna, 3am ya3mil fetne bayn el-Yahoud bel-3alam kello, w-3amil 7alo za3eem 3al-Nassara. W-jarrab ydannis el-haykal, kermel hek kamashneh. W-lamma ken badna n7akmo 7asab shari3etna, eja el-ka2ed Lisyas w-shelo bel-2ouwwe min 2ideyna, w-2amar a3de2o bi-enno yerfa3o shakwehon elak, w-enta eza sa2alto 3an kell hal-eshya, ra7 ta3ref kell el-ma3rife bi-yalle 3am nettehmo fih." Wefa2o el-Yahoud 3a-yalle 2alo Tartoullos w-2alo enna mazbouta. Min ba3da 3ata el-7akem ishara la-Boulos w-2allo ye7ke, 2al: "ba3rif ennak 3am te7kom hal-bled min 3eddit snin, kermel hek 3am defi3 3an 7ale w-ana mtamman. Enta edir tet2akkad enno ana tlo3t 3a-Ourashalim lal-3ibede min 2a2all min tna3shar yawm. W-ma shefoune el-Yahoud bel-haykal wala bel-majeme3 wala bel-madine 3am jedil 7ada, aw 7arrid jame3a, W-ma bye2daro ythabtoulak enno yalle 3am yettehmoune fih halla2 mazbout. Bass be3terif enno ana be3bad Ileh bayyetna 3al-mazhab yalle bi2oulo enno houe bed3a, w-be3terif enno b2ãmen bi-kell shi eja bel-shari3a w-ketob el-anbiya, w-natir min ALLAH nafs el-shi yalle henne natrino, ye3ne 2iyemet el-abrar wel-ashrar. Ye3ne ana metlon ba3mil kell jehde ta-tkoun deyman niyyte tayybe eddem ALLAH wel-nes. W-jeet min ba3d 3eddit snin, 3am be7mol el-tabarrou3at la-sha3be, w-2addim el-2arabin w-shefoune bel-haykal jame3a min Yahoud Ãsia, w-kent ettahharet, w-ma ken ma3e jame3a wala 3melt fetne. W-ken lezim yejo la-3andak w-yettehmoune, eza ken 3endon shi yeshkoune fih. Khalle el-mawjoudin hon y2ouloulak ayya jerm shefouh 3leyye, lamma w2eft bel-majles, ella hal-kelme yalle nadeyt fiya w-ana bayneton: ento 3am bit7akmoune liom li2anno b2ãmen bi-2iyemet el-mawta." W-ken Felix semi3 ktir mni7 3an mazhab el-RAB, fa-rafa3 el-jalse w-2al: "lamma yousal el-ka2ed Lisyas la-hon, bishouf shou lezim ya3mil bi-da3wetkon" W-2amar wa7ad min el-debbat enno ye7ros Boulos, w-enno ykoun 3endo shweyit 7orriyye, w-ma yemna3 7ada min as7abo enno yekhedmouh aw yzourouh. W-ba3d kamm yawm eja Felix w-ma3o marto Dorosilla w-kenit Yahoudiye, fa-ba3at wara Boulos w-seme3lo kalemo 3an el-imen bi-YASOU3 el-MASI7. W-lamma 7eke Boulos 3an el-sala7 wel-3effe w-yawm el-deynoune, nra3ab Felix w-2allo: "rou7 halla2 w-wa2et ysorle beb3at warak marra tenye." W-ken Felix natir enno ya3tih Boulos masare, kermel hek ken 3am yeb3at warah kaza marra w-ye7ke ma3o. Min ba3d senteyn eja min ba3do Borkyos Fastos 7akem. W-ken Felix baddo yorde el-Yahoud, fa-tarak Boulos bel-7abs. W-lamma wossil Fastos min ba3d tlet tiyem 3al-wileye, toli3 min Kaysariyya 3a-Ourashalim. W-3aradoulo rou2asa el-kahane w-zou3ama el-Yahoud da3wehon 3ala Boulos, w-talabo minno enno yen2ol Boulos 3a-Ourashalim. W-7addaroulo khotta bel-tari2 ta-ye2etlouh. Jewabon Fastos enno Boulos ra7 yeb2a ma7bous bi-Kaysariyya, w-enno houe ra7 yerja3 3a-Kaysariyya 2ariban. W-2al: "khalle zou3ame2kon yenzalo ma3e 3a-Kaysariyya w-eza ken hal-rejjel gholtan, khalliyon yettehmouh. W-be2e Fastos 3endon mish aktar min tmene aw 3ashr tiyem, min ba3da nezl 3a-Kaysariyya. W-tene yawm 2a3ad bel-ma7kame, w-2amar yjeeboulo Boulos, w-lamma eja tjamma3o el-Yahoud el-jeyin min Ourashalim 7awlo w-ettahamouh bi-jarayem ktire bass ma edro ysabbtouwa. W-defa3 Boulos 3an 7alo w-2al: "ma ghlotit bi-shi la eddem shari3et el-Yahoud wala eddem el-haykal wala eddem el-2aysar." W-ken Fastos baddo yorde el-Yahoud, 2al la-Boulos: "bte2bal totla3 3a-Ourashalim, w-tet7akam honik 3ende 3ala hal-eshya?" Jewab Boulos: "Ana bi-ma7kamet el-2aysar, w-bi-ma7kamet el-2aysar lezim et7akam. Enta bta3rif ktir mni7 enno ma 2zit el-Yahoud bi-shi. W-eza thabat enno ghlotit, aw rtakabit yalle byestawjeb el-mawt, ana ma ra7 et'harrab min el-mawt. Bass eza ken yalle 3am yettehmoune fih kezb, ma 7ada bye2dar ysallemne elon. W-lal-2aysar berfa3 da3weye." Tshewar Fastos w-mse3dino w-rej3 jewab: "rafa3et da3wek lal-2aysar, ye3ne la-3and el-2aysar ra7 trou7." W-ba3d 3eddet iyem, eja el-malik Agripas w-Barnika 3a-Kaysariyya ta-ysallmo 3ala Fastos. W-lamma ken sar elon medde honik, 3arad Fastos 3al-malik 2adiyyet Boulos 2al: "hon fi rejjel tarako Felix bel-7abs. Lamma kent bi-Ourashalim tshakko 3ende rou2asa el-kahane w-shyoukh el-Yahoud w-talabo e7kom 3le. Fa-2eltellon: min 3adet el-Rouman enno ma ysallmo 7ada lal-mawt, abl ma ywejih mettehmino w-yensama7lo yredd 3ala da3wehon. W-lamma ejo la-hon, tene yawm 2a3adet bel-ma7kame bidoun ma dayyi3 wa2et, w-2amaret yjeeboule el-rejjel. W-3arado yalle mettehmino da3wehon, w-ma zakaro wala jarime min el-naw3 yalle kent metwa2a3a, bass ken fi baynon w-bayno jidel bi-eshya btet3alla2 bi-diyeneton, w-bi-rejjel met esmo YASOU3, w-Boulos bi2oul enno hal-rejjel ba3do 3ayish. T7ayyaret shou badde a3mil, w-sa2alet Boulos eza baddo yotla3 3a-Ourashalim ta-yet7akam fiya. Bass Boulos rafa3 da3weh la-jalelit el-2aysar, w-tarako houe y2arrir. W-2amaret enno yeb2a ma7bous 7atta eb3ato lal-2aysar." Fa-2al Agripas la-Fastos: "ya reyt be2dar esma3 hal-rejjel." Jewabo Fastos: "boukra btesma3o." W-tene yawm, ejo Agripas w-Barnika bi-fakhame 3azeeme w-feto 3a-ka3et el-mestem3in w-tjamma3o 7awlon el-rou2asa w-woujaha el-madine. 2amar Fastos yjeebo Boulos, w-eja. Fa-2al Fastos: "ya hal-malik Agripas, w-ya kell el-mawjoudin ma3na, hal-rejjel yalle sheyfino tshakka 3le el-sha3b el-Yahoude kello eddeme bi-Ourashalim w-hon, w-keno 3am yesarrkho: lezim ma yentarak 3ayish. Bass ana, ma l2ito 3eml shi byestawjeb el-mawt, w-houe rafa3 da3wah la-jalelit el-2aysar, w-2arraret enno eb3ato la-3ando, w-ana ma 3ende ethbet akid eketbo la-jalelto. Fa-jebto la-3andkon, w-la-3endak khsouse ya hal-malik Agripas, 7atta eza sa2altouh 3an 2adiyyto ysir 3ende shi eketbo. Li2anno min el-ghabewe bi-nazare enno eb3at ma7bous bidoun ma waddi7 el-teham yalle 3le." Se3eta 2al Agripas la-Boulos: "mnesma7lak etdefi3 3an 7alak." 3eml Boulos ishara bi-2ido w-2al ta-ydefi3 3an 7alo: "ya hal-malik Agripas! Ana mabsout enno defi3 3an 7ale liom eddemak, w-redd 3ala kell shi byettehmoune fih el-Yahoud, khsouse ennak semi3 ktir mni7 3an ta2aleed el-Yahoud w-moujedaleton. W-bitmanna enno tefta7 2albak la-kaleme. Bya3erfo kell el-Yahoud keef kenit 7ayete min ana w-zghir, w-keef etrabbeyt w-3esht bayn sha3be bi-Ourashalim. Henne bya3erfo min zamen, w-eza baddon fiyon ykouno shouhoud enno ana l7e2et el-mazeheb el-aktar shi mshaddade bi-diyenetna, w-3esht ferrise. W-ana halla2 3am bit7akam li2anno natir yalle wa3ado ALLAH la-bayyetna, w-yalle 2abeyel wled Isra2il el-tna3sh natrin enno yet7a'2a2, henne w-3am ye3bado ALLAH leyl nhar. Bi-sabab hayda el-raja, ya hal-malik, 3am yettehmoune el-Yahoud. Leysh ma bitsadd2o enno ALLAH bi2awwem el-mawta? W-ana, kent mfakkar enno lezim 2ewem esm YASOU3 el-Nassire bi-kell jehde. W-hayda yalle 3melto bi-Ourashalim, w-7abaset bi-tafwid min rou2asa el-kahane 3adad kbir min el-2eddisin, w-lamma keno yen2etlo kent mwefa2 3ala 2atlon. W-ktir aw2at kent 3am 3azzebon bi-kell majma3 ta-ejberon yenekro imenon. W-zedit na2emte 3leyon 7atta sert eje 3leyon bel-moudon yalle barrat el-Yahoudiye. Sefart 3al-Shem w-bi-2ide fi soultet tefwid min rou2asa el-kahane. W-bel-tari2 3al-dohr, sheft, ya hal-malik, nour min el-sama a2wa min shou3a3 el-shams 3am yeshro2 min 7awle w-7awl el-msefrin ma3e. W-wa2a3na kellna 3al-ard, w-sme3t sawt 3am bi2elle bel-3ebrane: Shawol! Shawol! Leysh 3am tedtehedne? Sa3be 3lek enno t2ewemne. 2eltello: enta meen ya RAB? 2al el-RAB: ana YASOU3 yalle enta 3am tedtehdo. 2oum w-w2af 3a-ejreyk li2anno zahartellak ta-a3mil minnak khadim ele w-shehid 3ala hal-rou2ya yalle shefetne fiya, w-3ala ghayra min el-rou2a yalle ra7 ezharlak fiya. Ra7 khallsak min sha3b Isra2il w-min be2e el-shou3oub yalle beb3atak la-3andon ta-tfatte7 3younon w-yerja3o min el-3atme lal-nour, w-min soultan el-shaytan la-ALLAH, w-yo7salo bi-imenon fiyye 3a-ghofran el-khataya w-yourato ma3 el-2eddisin. W-min haydik el-se3a, ya hal-malik Agripas, ma 2ewamet el-rou2ya el-samawiyye, w-basharet ahl el-Shem awwal shi, w-min ba3da ahl Ourashalim w-bled el-Yahoudiye kella, w-min ba3da be2e el-oumam, nadeyt bel-tawbe wel-roujou3 la-ALLAH, w-enno ya3emlo a3mel bitdell 3al-tawbe. Kermel hek kamashoune el-Yahoud w-ana bel-haykal, w-jarrabo ye2etloune, bass ALLAH se3adne la-7add liom, ta-esh'hadlo eddem el-zghir wel-kbir, w-ma 2oul ella yalle tnabba fih Moussa wel-anbiya, enno el-MASI7 ken lezim yet2allam w-ykoun awwal meen bi2oum min el-mawt w-ybasher el-Yahoud w-be2e el-shou3oub bi-nour el-khalãs." W-lamma ken Boulos 3am bidefi3 3an 7alo bi-hal-kalem, sarakh Fastos bi-sawt 3ale: "enta majnoun, ya Boulos! 2add ma ntalet min el-3elm fa2adit 3a2letak!" Jewabo Boulos: "keef bkoun majnoun, ya sa7ib el-3ezze Fastos, w-ana 3am e7ke el-7a2i2a wel-mazbout? El-malik yalle 3am e7kih halla2 bi-kell sara7a bya3rif kell hal-eshya, w-be3te2id enno ma byekhfa 3le shi, li2anno hal-eshya ma saret bel-mekhfe. Bit2ãmen bel-anbiya, ya hal-malik Agripas? Ana ba3rif ennak bit2ãmen fiyon." 2al Agripas la-Boulos: "hal-2add bi-ser3a baddak ta3melne Masi7e?" Jewabo Boulos: "bi-ser3a aw mish bi-ser3a, bitrajja min ALLAH elak w-la-kell yalle 3am yesma3oune liom ennon ysiro metle, bas bidoun hal-jnazeer." 2am el-malik wel-7akem w-Barnika wel-2a3din ma3on, w-2alo la-ba3don henne w-fellin: "ma 3eml hal-rejjel shi byestawjeb el-mawt aw el-7abs." W-2al Agripas la-Fastos: "ken fina neflot hal-rejjel law ma rafa3 da3weh lal-2aysar." W-lamma ettafa2na w-2arrarna enno nsefir bel-ba7r 3a-Italya, sallamo Boulos wel-ma7bousin la-dabet min el-katibe el-Embratoriyye esmo Youlyos. Rkebna safine min Adramit w-re7na sawb shawate2 Ãsia, w-sefarna bel-ba7r ma3 Arestarkhos w-houe Makdoune min Tasalouniki, w-wsolna bel-yawm el-tene 3a-Sayda. W-bayyan Youlyos addeysh bi7ebbo la-Boulos, fa-sama7lo enno yrou7 la-3and asdika2o ta-yse3douh. Min ba3da sefarna min honik bi-mouwazet 2obros li2anno el-ree7 kenit bi-3aksna. Min ba3d ma 2ata3na el-ba7r bi-Kilikya w-Bamfilya nzelna bi-mina Mira bi-Likya. W-le2a el-ka2ed Youlyos safine min el-Eskandariyya msefra 3a-Italya, tlo3na 3leya. W-meshyet fina el-safine 3a-mahla 3eddit iyem, la-7add ma 2arrabna min ba3d jehd kbir min madinet Kanidos. W-mana3etna el-ree7 enno nenzal fiya, w-kaffeyna safarna w-serna 7add jaziret Krit 3end ras Salmouna. W-wsolna min ba3d ma 2ata3neh bi-sou3oube la-matra7 esmo "el-Mawene2 el-Sal7a" 7add madinet Lisa2iya. W-hek mara2 3leyna wa2et tawil la-daraje enno 2ata3et fatrit sawm el-Yahoud bel-khareef w-ne7na ba3dna bel-ba7r w-sar el-safar bel-ba7r khotir. Sar Boulos ynabbehon 2al: "ya rfe2e, bshouf enno el-safar min hon fiyo khatar w-khsara kbire mish bass 3al-safine w-7mouleta, fi khatar kamen 3ala arwe7na." Bass el-dabet 2tana3 bi-kalem el-koubtan w-sa7ib el-safine aktar min ma 2tana3 bi-kalem Boulos. W-ken el-mina ma byoslo7 enno n2adde fasl el-shete fih, fa-2arraret el-aktariyye enno lezim yfello minno, 3ala 2amal enno yousalo 3a-Fenix, w-houe mina bi-jaziret Krit bi-wejj el-jnoub el-gharbe wel-shmel el-gharbe, w-hek bi2addo fasl el-shete fih. W-lamma nassamet ree7 jnoubiyye khafife, fakkaro enno talabon t7a'2a2, w-rafa3o el-merseye w-meshyo bi-mouwazet shatt Krit. Bass min ba3d wa2et ejet ree7 3asfe shar2iyye shmeliyye esma Orokliyon min meylet el-jazire w-darabet el-safine. W-lamma el-safine ma edrit t2ewema, saret el-safine bi-wejj el-ree7. W-7tamayna min el-ree7 lamma mara2na bi-mouwazet jazire zghire esma Kawda, w-ederna bi-sou3oube enno nkhallis el-shakhtoura yalle bitnajjina. W-lamma rafa3o el-shakhtoura 3al-safine akhado 7azaron, w-shaddouwa bel-7bel. W-khafo tfout el-safine bi-raml met7arrek bi-se7il Libya, fa-nazzalo el-marasi yalle bit3awwim el-safine w-tarako el-mawj ymashshe el-safine. W-2ewyet el-3asfe bel-yawm el-tene, w-saro ykebbo el-7moule bel-ba7r. W-bel-yawm el-telit akhado aweyil el-safine w-kabbouwon bel-ba7r. W-mara2 iyem ktire ma shefna fiya el-shams wala el-njoum, w-be2yet el-ree7 3am te3sof 7atta 2ata3na kell 2amal enno ennajje. W-keno rjel el-safine sarlon zamen ma akalo, we2f Boulos bayneton w-2allon: "ya rfe2e, ken lezim tesma3oule, w-ma tsefro min Krit, kento se3eta khallasto 7alkon min hal-akhtar wel-khsarat. W-halla2 betlob minkon tetshajja3o, li2anno ma 7ada minkon ra7 yekhsar 7ayeto, bass el-safine wa7da ra7 tetkassar. Bi-hal-leyle ejene malèk min Ilehe yalle be3bado w-2alle: "ma tkhaf, ya Boulos! La-bodd ennak trou7 la-3and el-2aysar. W-ALLAH 3atak 7ayet la-kell el-msefrin ma3ak." Kermel hek tshajja3o ya rfe2 li2anno boutha2 bi-ALLAH, w-ra7 ysir metl ma 2alle el-malèk. W-la-bodd enno yekhedna el-mawj 3a-shi jazire." W-bel-leyle el-arba3-ta3sh lamma kenna day3in bi-ba7r Adriya, fakkaro el-ba7ara bi-noss el-leyl ennon 3am bi2arrbo min el-yebse. W-lamma 2aso ghem2 el-ba7r, le2ouh khamsa-w-tleteen mitr, w-rej3o 2asouh ba3d masefe 2asire, le2ouh shi khamsa-w-3eshreen mitr, Fa-khafo enno tfout el-safine bel-skhour, se3eta kabbo min wara el-safine arba3 marasi w-nataro tlou3 el-daw bi-feregh el-sabr. W-jarrabo el-ba7ara ennon yeherbo min el-safine, w-nazzalo el-shakhtoura 3al-ba7r 3amlin 7alon enno baddon ykebbo el-marasi min el-safine min eddem. Se3eta 2al Boulos lal-dabet w-jnoudo: "eza hal-ba7ara ma ra7 yeb2o bel-safine, ma bitnajjo." Fa-2ata3o el-jnoud 7bel el-shakhtoura w-tarakouha tou2a3 bel-may. W-2arrab tlou3 el-daw, fa-talab minnon Boulos ennon yeklo shi, w-2al: "mara2 halla2 arba3-ta3shar yawm w-ento natrin saymin ma 3am teklo shi. Betlob minkon teklo ta-tnajjo, w-ma ra7 tou2a3 sha3ra we7de min raskon." W-lamma 2al hal-shi, akhad khebz w-shakar ALLAH eddem 3younon kellon, min ba3da sha2afo w-ballash yekol. Se3eta tshajja3o kellon w-akalo. W-ken 3adadna bel-safine miteyn w-sitta-w-sab3een nafs. Min ba3d ma sheb3o, saro ykebbo el-2am7 bel-ba7r ta-ykhaffefo 3an el-safine. W-lamma toli3 el-daw ma edro el-ba7ara ya3erfo 3ala ayya ard woslo. Bass shefo el-shatt khaleej zghir, w-2arraro enno yedefsho el-safine 3al-shatt eza edrin. Rafa3o el-marasi w-tarakouwa tou2a3 bel-ba7r, w-fakko bi-nafs el-wa2et el-7bel yalle bterbot daffit el-safine, min ba3da rafa3o el-shre3 el-zghir w-ra7o sawb el-shatt. Bass el-safine fetit bi-talle min el-raml bayn el-may, w-3el2it fiya el-safine min eddem, w-ma ba2a edrit tet7arrak. W-tkassaret el-safine min wara min ketrit el-mawj. W-2arraro el-jnoud enno ye2etlo el-ma7bousin ta-ma yeherbo sbe7a 3al-shatt. Bass el-dabet arad enno ykhallis Boulos, w-mana3on min hal-shi, w-2amar yalle bya3erfo sbe7a enno ye2ta3o abl ghayron 3al-yebse, w-enno yel7a2ouwon el-be2yin, 3al-lwe7 aw 3ala 7outam el-safine. W-hek woslo kellon 3al-yebse selmin. W-lamma najjeyna, 3refna enno el-jazire esma Malta. W-farjouna ahla el-Barbar 3atfe nedra, w-ra7abo fina w-walla3o el-nar li2anno ken fi shete w-bard. W-lamam ken Boulos 3am yejma3 7atab w-ykebba bel-nar, tol3it 3a-ketr el-shawb 7ayye w-3el2it bi-2ido. W-lamma shefo el-ahele el-7ayye 3el2a bi-2id Boulos, 2alo la-ba3don: "akid hal-rejjel mejrem, li2anno el-3adl ma ra7 yeterko y3ish 7atta walaw najja min el-ba7r." Bass Boulos nafad el-7ayye bel-nar bidoun ma yserlo shi. W-fakkaro enno ra7 ywarrim aw you2a3 mayyit deghre, w-lamma nataro ktir w-shefo enno ma sarlo shi, tghayyar ra2yon fih w-2alo: "hayda Ileh!" W-ken fi 7add hal-matra7 mazra3a la-Popliyos 7akem el-jazire, fa-karramna w-ra7ab fina meddit tlet tiyem. W-ken bayy Popliyos ma7moum w-ma3o es'hel w-neyim bel-takht, fet Boulos 3ala gherefto w-salla w-7att 2idey 3le w-shafeh. W-lamma sar hal-shi, ejo la-3ando be2e el-marda bel-jazire w-shafehon. W-karramouna ktir, w-3atouna abl ma nfell kell shi 3eyzino. Min ba3d tlet tesh'hor, rkebna safine min el-Eskandariyya, 3leya rasmit "el-Ilehayn el-Tawm", w-kenit hal-safine bi-fasl el-shete bel-jazire. Nzelna 3ala madinet Sarakousa w-b2ina fiya tlet tiyem. Min ba3da mshina min honik bi-mouwazet el-shatt w-wsolna 3a-madinet Righyon. W-habbet 3leyna bel-yawm el-tene ree7 jnoubiyye, w-wsolna bel-yawm el-telit 3ala madinet Botyolli, l2ina ba3d el-ekhwe honik, talabo minna neb2a 3endon sab3 tiyem. W-hek wsolna 3a-Roma. W-sem3o el-ekhwe bi-Roma enno wsolna, fa-tel3o yle2ouna 3ala se7it madinet Apiyyos. W-lamma shefon Boulos shakar ALLAH w-tshajja3. W-lamma wsolna 3a-Roma, 3atet el-soultat el-2ezn la-Boulos enno yeskon wa7do ma3 el-jende yalle bye7erso. Min ba3d tlet tiyem ba3at Boulos wara rou2asa el-Yahoud la-3ando, w-lamma jtama3o 2allon: "ya ekhwe, ana ma ghlotit bi-shi ma3 sha3bna w-ta2aleed bayyetna, roughm hal-shi 7abasoune el-Yahoud bi-Ourashalim w-sallamoune la-2ideyn el-Roumaniyyin. Daraso 2adiyyte, w-ken baddon yefeltoune li2anno ma fi jerm 3leyye byestawjeb el-mawt. Bass el-Yahoud 3tarado, w-dtarreyt enno erfa3 da3weye lal-2aysar, mish li2anno badde ettehim sha3be bi-shi. Kermel hek talabet enno shoufkon w-e7kikon, w-ana be7mol hal-jnazeer kermel raja Isra2il." 2aloulo: "ma wossellna kteb bikhessak min el-Yahoudiye, w-ma ejena 7ada min el-ekhwe min honik, ta-ykhabbrouna shi 3annak w-ma 7ada 7eke 3annak bel-3atel. Bass min7ebb nesma3 ra2yak, li2anno mna3rif enno el-nes wayn ma ken 3am tenkor hal-mazhab." W-twe3ado 3ala yawm yejo fih 3ala beyt Boulos w-ykoun 3adadon aktar. W-sar Boulos ye7kiyon min el-sob7 lal-leyl, houe w-3am yesh'had la-malakout ALLAH, w-yjarreb ye2na3on bi-riselet YASOU3 3ala ases shari3et Moussa w-ketob el-anbiya. Fi minnon 2tana3o bi-kalemo w-fi minnon rafadouh. W-abl ma yfello min 3endo w-ma keno mettef2in, 2allon Boulos hal-kelme: "sade2 el-ROU7 el-2ODOS lamma 2al la-bayyetkon 3a-lsen el-nabe Ashe3ya: Rou7 la-3and hal-sha3b w-2ello: shou ma sme3to ma ra7 tefhamo. W-mahma ettalla3to ma ra7 tshoufo. T7ajjar 2alb hal-sha3b w-saddo dineyon w-ghammado 3younon ta-ma yesma3o bi-dineyon w-yshoufo bi-3younon w-yefhamo bi-2loubon w-ytoubo, w-eshfiyon. 3rafo enno ALLAH ba3at khalãso hayda lal-shou3oub el-tenye el-mish Yahoud w-henne ra7 yesma3oulo." W-lamma 2al hal-kalem, tel3o el-Yahoud min 3endo w-henne bi-jidel kbir. W-be2e Boulos senteyn kemleen bel-beyt yalle sta2jaro, w-yesta2bel kell yalle yzourouh, w-ybasher bi-malakout ALLAH houe w-3am ye3lon bi-kell jer2a w-7orriyye ta3limo bel-RAB YASOU3 el-MASI7. Min Boulos khadim el-MASI7 YASOU3, yalle ejeto da3we min ALLAH ta-ykoun rasoul, w-tna'2a lal-tebshir bi-injil ALLAH, yalle ken wa3ad fih bi-wastet anbiye2o bel-ketob el-m2addase, yalle 7eke fih 3an 2ebno yalle welid min sleelet Daoud 7asab el-tabi3a el-bashariyye, w-bel-ROU7 el-2ODOS tbayyan enno 2eben ALLAH bi-2ouwwet 2iyemto min el-mawt, w-houe RABNA YASOU3 el-MASI7, yalle bi-wasteto 7solt 3al-ne3me wel-risele, la-majd esmo, ta-ehde el-oumam lal-imen wel-ta3a, w-ento kamen min bayneton, da3ekon ALLAH ta-tkouno la-YASOU3 el-MASI7, la-kell yalle bi7ebbon ALLAH bi-Roma, el-mad3ouwwin la-ykouno 2eddisin: elkon el-ne3me wel-salem min ALLAH bayyna w-min RABNA YASOU3 el-MASI7. Abl kell shi beshkor Ilehe YASOU3 el-MASI7 kermelkon kellkon, li2anno imenkon ntashar khabaro bel-3alam kello. W-ALLAH yalle be3bado bi-rou7e 7asab injil 2ebno byesh'hadle enno 3am bezkerkon bi-kell wa2et. W-bes2al ALLAH bi-salawate enno ysorle, eza ALLAH rad, enno eje la-3andkon. W-ana meshte2 enno shoufkon ta-sherekkon bi-mawhabe rou7iyye t2awwikon, w-kamen ta-nshajji3 ba3dna, ana w-3endkon, bel-imen el-moushtarak bayne w-baynkon. W-ma bekhfe 3leykon, ya ekhewte, enno 2arraret marrat ktire enno eje la-3andkon ta-yethmor 3amale 3endkon metl ma athmar 3end be2e el-oumam, bass la-7add halla2 ken fi shi 3am yemna3ne. 3leyye dayn la-kell el-nes, min Youneniyye w-ghayr Youneniyyin, w-min el-m3allamin wel-jehhel. Kermel hek berghab enno basherkon kamen, ento yalle bi-Roma. W-ana ma beste7e bi-injil el-MASI7, houe 2ouwwet ALLAH la-khalãs kell meen 2ãman, lal-Yahoude awwal shi w-min ba3da lal-Younene, li2anno bi-hal-injil a3lan ALLAH keef byetbarrar el-2ensen: min imen la-imen, metl ma 2al el-kteb: "el-barr bel-imen bi3ish." Fa-ghadab ALLAH mou3lan min el-sama 3al-kefr wel-sharr yalle bya3mlouh el-nes, w-bi7otto el-7a2 ta7t ra7met el-zolm, li2anno yalle ma bye2daro el-bashar ennon ya3erfouh 3an ALLAH khalleh ALLAH ktir wade7 la-elon. Fa-min bideyet el-3alam, yalle ma byenshef min sifat ALLAH, ye3ne 2ederto al-azaliyye w-oulouhto, el-3ou2oul 3am bishoufouh min khilel makhlou2ato, w-la-hal-sabab ma ba2a 3endon 3ezr, 3erfo ALLAH, w-ma majjadouh wala shakarouh ka-Ileh, bel-3aks da3o bi-afkaron el-batle wel-ghabewe 3emyetlon 2albon. Fakkaro 7alon ennon 7oukama, saro jehhel, W-stabdalo majd ALLAH el-abade bi-soura bitmassel el-2ensen el-fene wel-3safeer w-yalle byemsho 3al-arb3a w-yalle byez7afo. Kermel hek sallamon ALLAH bi-shahawet 2loubon lal-najase ta-y7a'2ro jesmon bi-jesmon. W-baddalo 7a2i2et ALLAH bel-batel w-3abado el-makhlou2 w-khadamouh badal el-khale2, yetberak lal-abad, ãmin. Kermel hek sallamon ALLAH lal-shahawet yalle bitkhajjil, neswenon badal ma yesta3mlo jesmon bi-tari2a tabi3iyye, saro yesta3mlouh bi-tari2a mkhalfe lal-tabi3a, W-kamen el-rjel tarako el-3ale2a ma3 el-mara w-sar 3endon shahwe 3ala ba3d. El-rejjel tfe7ash ma3 el-rejjel 7atta st7a'2o ennon yet2ãsaso bi-shakhson el-2asãs el-3adel la-in7irafon. W-li2annon rafado ennon ye7tefzo bi-ma3rifet ALLAH, sallamon ALLAH la-fased 3ou2oulon, w-ra7o ya3emlo el-eshya el-3atle. W-ntalo bi-kell anwe3 el-khatiyye wel-sharr wel-tama3 wel-fased, w-fadet nfouson 7asad w-2atl w-khisam w-kezb w-fased. Henne thertharin w-nemmemin, a3de2 ALLAH, shettemin metkabrin met3ajerfin byekhla2o el-sharr w-byenkro ahlon. Bidoun fehm wala wafa wala 7anen wala ra7me, w-ma3 ennon bya3erfo enno ALLAH 7akam bel-mawt 3a-yalle bya3mil metl hal-a3mel, ma mtana3o enno ya3emlouwa, bel-3aks byordo kamen 3an yalle bya3mil hal-a3mel. Kermel hek ma 3endak 3ezr meen ma kent, enta yalle bitdeen el-ãkharin w-bta3mil a3melon, li2annak lamma bitdeenon bitdeen 7alak. W-ne7na mna3rif enno ALLAH bideen bel-3adl yalle bya3mil metl hal-a3mel. W-enta, yalle bideen yalle bya3emlouwa w-bta3mil metlon, mfakkar ennak ra7 teflat min deynounet ALLAH? Aw ennak 3am te7te2ir ra7mto w-tibto, w-toul belo, w-enta mish 3arif enno ALLAH baddo bi-ra7mto y2oudak lal-tawbe? Bass bi-2asewet 2albak w-3nedak bitjamme3 la-nafsak ghadab la-yawm el-ghadab, wa2et yalle btenkeshef deynounet ALLAH el-3adle, w-bi7aseb kell wa7ad 7asab a3melo, w-bitkoun el-7ayet el-abadiyye la-yalle biwãzbo 3al-3amal el-sale7 w-byes3o lal-majd wel-karame wel-khouloud, aw bikoun el-ghadab wel-sakht lal-metmarrdin yalle byerefdo el-7a2 w-byel7a2o el-batel. Wel-weyl wel-3azèb la-kell 2ensen bya3mil el-sharr min el-Yahoud awwal shi w-min ba3da el-Youneniyyin, wel-majd wel-karame wel-salem la-kell meen bya3mil el-kheyr min el-Yahoud awwal shi w-min ba3da el-Youneniyyin, li2anno ALLAH ma biseyer 7ada. W-yalle khetyo w-ma 3endon shari3a, bidoun shari3a bile2o el-halek. W-yalle khetyo w-3endon shari3et Moussa, bi-shari3et Moussa byendeno. Mish yalle byesma3o kalem el-shari3a henne el-abrar 3end ALLAH, yalle byemsho 3al-shari3a henne yalle byetbarraro. Ye3ne el-mish Yahoud, yalle ma 3endon shari3a, eza 3emlo bel-tabi3a yalle bte2mor fih el-shari3a, keno shari3a la-7alon, ma3 enno ma 3endon shari3a. W-bikouno barhano enno yalle bte2mor fih el-shari3a maktoub bi-2loubon w-btesh'hadlon damayeron w-afkaron, w-hiye marra btettehemon w-marra bitdefe3 3annon. W-ra7 yezhar hayda kello, metl ma 3am basherkon fih, yawm yalle bideen ALLAH bel-MASI7 YASOU3 khafeya el-2loub. W-enta, yalle bitsamme 7alak Yahoude, w-btettekil 3al-shari3a, w-bteftekhir bi-ALLAH w-bta3rif iradto, w-bitmayyiz shou houe el-afdal bi-yalle t3allamto min el-shari3a, w-bte3te2id ennak ka2ed lal-3emyen w-nour la-yalle bel-3atme w-mou2addeb lal-aghbiya w-mou3allim lal-bousata, li2anno elak bel-shari3a kell el-ma3rife wel-7a2i2a. Enta, yalle bit3allim ghayrak, ma bit3allim 7alak? Bitnede: ma tesro2, w-enta btesro2? Bit2oul: ma tezne, w-btezne? Bte7te2ir el-asnam w-btesro2 hayekelon? Bteftekhir bel-shari3a w-bit'hin ALLAH bi-moukhaliftak la-shari3to? El-kteb bi2oul: "bi-sababkon byestahino el-nes bi-esm ALLAH bayn el-oumam." Eza btemshe 3al-shari3a ken khatnak byenfa3, bass eza khelafet el-shari3a sert metl yalle mish makhtounin. W-eza keno yalle mish makhtounin byemsho 3al-shari3a, ma bye3teberon ALLAH makhtounin? W-yalle byemshe 3al-shari3a, w-houe mish makhtoun bel-jesm, ma bye7kom 3lek enta el-Yahoude yalle bitkhelef el-shari3a w-3endak a7kem el-shari3a wel-khatn? El-Yahoude mish yalle bikoun Yahoude bel-zaher, wala el-khatn houe yalle byezhar bel-jesm, el-Yahoude houe el-Yahoude min jouwwa, wel-khatn houe khatn el-2alb bel-Rou7 mish bi-7rouf el-shari3a. Hayda houe el-2ensen yalle byenmada7 min ALLAH mish min el-bashar. Fa-ezan shou elo fadl el-Yahoude? W-shou el-feyde min el-khatn? El-feyde kbire min kell el-jehhat. Wel-ahamm enno kalem ALLAH n7att amene bayn 2ideyon. Shou ra7 ysir eza el-ba3d minnon ma 2ãmano? 3adam imenon ra7 y3attil amenet ALLAH? Akid la2! W-ra7 ykoun ALLAH sade2 wel-2ensen kezzeb. Wel-kteb bi2oul: "betbayyen sade2 eza 7kit, w-bitkoun mountaser eza 7ekamouk." W-eza zolmna baddo ythabbit sala7 ALLAH, shou min2oul? Enno ALLAH zalamna eza nazzal ghadabo 3leyna? W-ana hon 3am be7ke ka-2ensen. Akid la2! Wa-ella keef bideen ALLAH el-3alam? W-eza kezbe ana bizeed zouhour sod2 ALLAH kermel majdo, leysh bye7kom 3leyye ALLAH metl ma bye7kom 3al-khate? W-leysh ma mna3mil el-sharr ta-yeje minno el-kheyr, metl ma el-ba3d byeftero 3leyna, w-bi2awwlouna hal-shi? Hal-ashkhas 2asãson 3adel. Fa-ezan, shou? Ne7na el-Yahoud afdal 3end ALLAH min el-Youneniyyin? La2, li2anno el-Yahoud wel-Youneniyyin, metl ma 2elt abl, khad3in kellon la-soultan el-khatiyye. Wel-kteb bi2oul: "ma fi 7ada barr, ma 7ada ma fi 7ada byefham, ma fi 7ada byetlob ALLAH. Dã3o kellon w-ntaza3o sawa. Ma fi 7ada bya3mil el-kheyr, ma 7ada. Zla3imon 2bour maftou7a, w-lseneton adawet lal-7ile. Samm el-7ayyet 3a-shfefon w-temmon melyen la3ne w-mroura. Ejreyon bterkod la-safk el-damm, 3a-tor2aton el-kharab wel-damãr. Tari2 el-salem ma bya3erfouh, wala makhafet ALLAH eddem 3younon." W-ne7na mna3rif enno kell shi bit2oulo el-shari3a bit2oulo la-yalle henne ta7t 7ekm el-shari3a, ta-yeskot kell 2ensen w-ysir el-3alam kello ta7t 7ekm ALLAH. W-ma 7ada ra7 yetbarrar eddem ALLAH li2anno ken meshe 3al-shari3a, li2anno el-shari3a n3amalit ta-tdell 3al-khatiyye. Bass halla2 tbayyan keef bibarrer ALLAH el-bashar bidoun el-shari3a, metl ma btesh'hadlo el-shari3a wel-anbiya. Houe bibarreron bel-imen bi-YASOU3 el-MASI7: w-ma fi far2 bayn el-bashar. Henne kellon khotyo w-na2eson majd ALLAH. Bass ALLAH 3atahon el-tebrir bi-ne3mto bel-MASI7 YASOU3 yalle fadehon w-yalle ALLAH 2addamo ta-ykaffir bi-dammo 3an kell yalle bi2ãmno fih. W-ALLAH 3eml hal-shi ta-ybayyen berro. W-eza ken ghadd el-nazar bi-sabro 3an el-khataya el-madye, houe bel-zaman el-7ader bibayyen berro ta-ykoun barr w-moubarrer la-yalle bi2ãmno bi-YASOU3 el-MASI7. W-ma zel hek, ba3d fina neftekhir? La2, ma fi majel lal-fakhr. W-bi-shou badna neftekhir? Bel-a3mel? La2, mneftekhir bel-imen. Ne7na mne3te2id enno el-2ensen byetbarrar bel-imen, mish bi-totbi2 el-shari3a? Tekhmin ALLAH Ileh el-Yahoud wa7don? Mish houe Ileh be2e el-oumam kamen? Mbala, houe Ileh be2e el-oumam. Li2anno ALLAH wa7ad, bibarrer el-Yahoud bel-imen, metl ma bibarrer ghayr el-Yahoud bel-imen. Ye3ne 3am nelghe el-shari3a bel-imen? Akid la2, 3am nthabbet el-shari3a. W-shou min2oul 3an Ibrahim bayyna bel-sleele w-3an yalle sar ma3o? Law enno ALLAH barraro la-a3melo ken bi7e2ello enno yeftekhir, bass mish eddem ALLAH. Wel-kteb bi2oul: "2ãman Ibrahim bi-kalem ALLAH, w-barraro la-imeno." Yalle byeshteghil, ma bitkoun ejerto men7a, li2anno byest7e2 ejerto. Bass yalle ma byeshteghil, bi2ãmen bi-ALLAH yalle bibarrer el-khate, w-ALLAH bibarrero la-imeno. W-hek bihallel Daoud houe w-3am yemda7 sa3adet el-2ensen yalle barraro ALLAH mish 3ala ases a3melo: "Niyyel yalle enghafaret znoubon w-tkhabbet khatayahon! Niyyel yalle khatayah ma bi7esebon 3leya el-RAB!" Hal-touba hayde, kenit lal-makhtounin wa7don, aw lal-mish makhtounin kamen? Ne7na min2oul: enno ALLAH barrar Ibrahim la-imeno. Bass aymata sar hal-shi? Abl el-khatn aw ba3do? Abl el-khatn w-mish ba3do. Min ba3da nkhatan ka-3aleme w-borhan 3ala enno ALLAH barraro la-imeno abl khatno, w-sar Ibrahim bayy la-kell yalle barraron ALLAH la-imenon yalle henne mish makhtounin, w-bayy lal-makhtounin yalle ma byektefo bel-khatn, byetmassalo bi-bayyna Ibrahim bi-imeno abl ma yenkhatan. Wel-wa3d yalle wa3ado ALLAH la-Ibrahim w-la-sleelto bi-enno yourat el-3alam ma ken 3ala ases el-shari3a, ken 3ala ases imeno yalle barraro. W-law kenit el-werte bass la-ahl el-shari3a, ken el-imen ma elo lzoum wel-wa3d batel, li2anno el-shari3a bitsabbeb ghadab ALLAH, w-matra7 yalle ma fi el-shari3a ma fi ta3adde 3al-shari3a. Wel-werte asesa el-imen 7atta tkoun men7a min ALLAH w-yeb2a el-wa3d meshe 3ala sleelet Ibrahim kella, mish 3ala ahl el-shari3a wa7don, 3a-yalle bi2ãmno imen Ibrahim kamen. W-houe bayy la-elna kelna, metl ma bi2oul el-kteb: "khalleytak tkoun bayy la-oumam ktire." W-houe bayy la-elna 3end yalle 2ãman fih Ibrahim, ye3ne 3end ALLAH yalle bi2awwem el-mawta w-yalle binede el-mish mawjoud lal-woujoud. W-2ãman Ibrahim bi-raja matra7 yalle ma ken fi raja, w-sar bayy la-oumam ktire metl ma 2al el-kteb: "hek bitkoun sleeltak." W-ken Ibrahim 3omro shi miyyet sene, w-ma do3if imeno wa2et yalle shef enno jesmo mawwit w-enno ra7m marto Sara met kamen. W-ma shakk bi-wa3d ALLAH, bel-3aks 2awwa imeno w-majjad ALLAH w-2ãman bi-enno ALLAH edir enno youfe bi-wa3do. W-bi-sabab hal-imen barraro ALLAH. Wel-kteb ma 2al: "barraro ALLAH" kermelo houe la-7alo, barraro kermelna ne7na kamen, ne7na yalle mnetbarrar bi-imenna bi-ALLAH yalle 2awwam RABNA YASOU3 min el-mawt, w-ken aslamo lal-mawt lal-tekfir 3an khatayana w-2awwamo ta-ybarrerna. W-lamma barrarna ALLAH bel-imen serna bi-salem ma3o bi-RABNA YASOU3 el-MASI7, w-bi-wasteto kamen, w-3ala ases el-imen wsolna la-hal-ne3me yalle ne7na sebtin fiya w-3am neftekhir 3ala raja el-mousherake bi-majd ALLAH, w-mish bass hek, ne7na mneftekhir bel-shedde li2anno mna3rif enno el-shedde bitwallid el-sabr, wel-sabr emti7an elna, wel-emti7an biwallid el-raja, w-rajena ma bikhib, li2anno ALLAH sakab ma7abbto bi-2loubna bel-ROU7 el-2ODOS yalle 3atana yeh. W-lamma kenna d3af, met el-MASI7 kermel el-khatyeen bel-wa2et yalle 7addado ALLAH. W-alil ta-ymout 7ada kermel 2ensen barr, bimout kermel 2ensen sale7, w-yemken fi 7ada byestarje enno ymout kermel el-sale7. Bass ALLAH barhan 3an ma7abbto elna bi-enno el-MASI7 met kermelna w-ne7na kenna ba3dna khatyeen. W-addeysh ma halla2, min ba3d ma tbarrarna bi-dammo, ra7 nle2e bi-wasteto el-khalãs min ghadab ALLAH. W-eza ken ALLAH sala7na bi-mawt 2ebno w-ne7na kenna a3de2o, addeysh ra7 nle2e el-khalãs bi-7ayeto w-ne7na metsal7in ma3o. Bass ne7na mneftekhir bi-ALLAH wel-fadl la-RABNA YASOU3 el-MASI7 yalle bi-wasteto tsala7na halla2 ma3o. Wel-khatiyye ejet 3al-3alam min khilel 2ensen wa7ad, w-bel-khatiyye eja el-mawt. W-eja el-mawt 3ala kell el-bashar li2annon kellon khetyo. Wel-khatiyye kenit bel-3alam abl shari3et Moussa, bass matra7 yalle ma fi shari3a, ma bten7asab el-khatiyye khatiyye. Bass el-mawt tsallat 3al-bashar min iyem Ãdam la-iyem Moussa, 7atta 3a-yalle ma khetyo metl khatiyyet Ãdam. W-ken Ãdam soura la-yalle ra7 yejo min ba3do. Bass mawhabet ALLAH ghayr khatiyyet Ãdam. W-eza ken el-mawt tsallat 3al-bashar bi-khatiyyet 2ensen wa7ad, addeysh ma ra7 tensakab 3leyon ne3met ALLAH w-mawhabto, bi-ne3met 2ensen wa7ad houe YASOU3 el-MASI7. W-fi far2 bel-natije bayn mawhabet ALLAH w-bayn khatiyyet 2ensen wa7ad. Fa-khatiyyet 2ensen wa7ad khallet el-bashar ymouto, bass mawhabet ALLAH min ba3d ktir min el-khataya, barraret el-bashar. W-eza ken el-mawt tsallat 3al-bashar bi-khatiyyet 2ensen wa7ad, addeysh ma ra7 tetsallat el-7ayet bi-wa7ad w-houe YASOU3 el-MASI7 3a-yalle byen3atalon fayd el-ne3me w-maweheb el-berr. Metl ma enno khatiyyet 2ensen wa7ad khallet el-bashar kellon ymouto, kamen berr 2ensen wa7ad bibarrer el-bashar kellon w-bten3atalon el-7ayet. W-metl ma bi-3esyen 2ensen wa7ad saro el-bashar khatyeen, kamen bi-ta3et 2ensen wa7ad bisiro el-bashar abrar. W-lamma ejet el-shari3a ketrit el-khatiyye, bass matra7 ma ketrit el-khatiyye fadet ne3met ALLAH, 7atta enno metl ma tsallatet el-khatiyye bel-mawt, hek kamen ra7 tetsallat el-ne3me yalle bitbarrerna bi-RABNA YASOU3 el-MASI7 lal-7ayet el-abadiyye. Shou min2oul? Mneb2a bel-khatiyye 7atta tektar ne3met ALLAH? Akid la2! Ne7na yalle metna 3an el-khatiyye keef mneb2a ba3d fiya? Ma bta3erfo enno ne7na lamma t3ammadna ta-nette7id bi-YASOU3 el-MASI7 t3ammadna ta-nmout ma3o, w-ndafanna ma3o bel-ma3moudiyye w-sherakneh bi-mawto, 7atta metl ma 2awwamo el-Ãb bi-edrto el-majide min el-mawt, nemshe ne7na kamen bi-7ayet jdide? W-eza kenna etta7adna fih bi-mawt byeshbah mawto, kamen ra7 nette7id fih bi-2iyemto. W-ne7na mna3rif enno el-2ensen el-3ati2 yalle fina nsalab ma3 el-MASI7 7atta yenma7a soultan el-khatiyye min ajsemna, w-ma min3oud 3abeed lal-khatiyye, li2anno yalle met t7arrar min el-khatiyye. W-eza kenna metna ma3 el-MASI7, ne7na min2ãmen bi-enno ra7 n3ish ma3o. W-mna3rif enno el-MASI7 min ba3d ma 2awwamo ALLAH min el-mawt, ma ra7 ymout marra tenye w-ma ra7 ykoun lal-mawt soultan 3le, li2anno bi-mawto met 3an el-khatiyye marra we7de, w-bi-7ayeto bi3ish la-ALLAH. W-7sebo ento kamen ennkon mawta 3an el-khatiyye, w-a7ye2 la-ALLAH bel-MASI7 YASOU3 RABNA. W-ma tkhallo el-khatiyye tetsallat 3a-jesmkon el-fene w-tkhallikon ettee3o shahaweto, w-ma ta3mlo min jesmkon sle7 lal-sharr kermel el-khatiyye, bel-3aks kouno la-ALLAH a7ye2 2amo min el-mawt, w-khallo jesmkon ykoun sle7 lal-kheyr kermel ALLAH, w-ma bikoun lal-khatiyye soultan 3leykon min ba3d halla2. Ento mish bi-7ekm el-shari3a, ento bi-7ekm ne3met ALLAH. Ye3ne shou? Mnokhte li2anno ne7na bi-7ekm el-ne3me mish bi-7ekm el-shari3a? Akid la2! Ma bta3erfo ennkon eza khalleyto 7alkon tkouno 3abeed bitee3o la-7ada, serto 3abeed la-yalle 3am bittee3ouwon: aw bitkouno 3abeed lal-khatiyye yalle bitwadde lal-mawt, aw 3abeed lal-ta3a yalle bitwadde lal-berr. Bass neshkor ALLAH! Ma3 ennkon kento 3abeed lal-khatiyye, ata3to bi-kell 2loubkon el-ta3alim yalle tsallamtouwa, w-t7arrarto min el-khatiyye w-serto 3abeed lal-berr. W-ana hon 3am e7ke ka-2ensen, kermel do3fkon el-bashare. W-metl ma khalleyto ajsemkon ykouno 3abeed lal-da3ara wel-sharr bi-khedmet el-sharr, kamen khallo halla2 ajsemkon 3abeed lal-berr bi-khedmet el-2adese. W-lamma kento 3abeed lal-khatiyye, kento a7rar mish meltezmin bel-berr. W-ayya thamar 7melto bi-haydak el-wa2et min el-a3mel yalle btekhjalo minna halla2, w-niheyeton el-mawt? Bass halla2, min ba3d ma t7arrarto min el-khatiyye w-serto 3abeed la-ALLAH, serto bte7mlo thamar el-2adese, w-niheyto el-7ayet el-abadiyye, li2anno ejret el-khatiyye hiye el-mawt, bass mawhabet ALLAH, hiye el-7ayet el-abadiyye bel-MASI7 YASOU3 RABNA. Ento bta3erfo ya ekhewte, w-ana 3am e7ke jame3a bta3rif el-shari3a, enno ma fi soulta lal-shari3a 3al-2ensen ella houe w-3ayish. Wel-mara el-metzawje bterbeta el-shari3a bel-rejjel ma zel 3ayish, w-eza met zawja t7arrarit min el-shari3a. W-eza saret la-rejjel tene w-zawja 3ayish, bitkoun zenye. Bass eza met zawja t7arrarit min el-shari3a, w-ma bitkoun zenye eza saret la-rejjel tene. W-hek ento ya ekhewte, metto 3an el-shari3a bi-jesm el-MASI7 ta-tsiro la-7ada tene, la-yalle 2am min el-mawt, w-te7mlo thamar la-ALLAH. W-lamma kenna 3ayshin 7asab tabi3etna el-bashariyye, kenit el-mouyoul el-sherreera 3am tef3al bi-jesmna min khilel el-shari3a ta-tethmor lal-mawt. Bass halla2 t7arrarna min el-shari3a, li2anno metna 3an yalle ken ykabbelna, 7atta ne3bad ALLAH bi-nizam el-rou7 el-jdid, mish bi-nizam el-7arf el-3ati2. W-shou min2oul? Enno el-shari3a khatiyye? Akid la2! Bass ana ma 3reft el-khatiyye ella min wara el-shari3a. W-law ma 2aletle: "ma teshtehe!", ma kent 3reft el-shahwe. Bass el-khatiyye staghallit hal-wassiye ta-twa33e fiyye kell shi esmo shahwe, li2anno el-khatiyye bidoun shari3a mayyte. Kent 3ayish min abl bidoun shari3a, w-lamma ejet el-wassiye, 3eshit el-khatiyye w-mett ana. Ye3ne el-wassiye yalle hadafa el-7ayet, wassaletne lal-mawt, li2anno el-khatiyye 3emlit min el-wassiye 7ejje, ta-tekhda3ne w-2ataletne. El-shari3a zeta, fa-ezan, m2addase, wel-wassiye, m2addase w-3adle w-sal7a. Tekhmin yalle houe sale7 sar sabab la-mawte? Akid la2! Bass el-khatiyye 7atta tbayyen enna khatiyye, sta3malit yalle houe sale7 7atta tjeble el-mawt, w-hek bitkoun el-khatiyye bi-wastet el-wassiye woslit la-ekher 7doud el-khatiyye. W-ne7na mna3rif enno el-shari3a rou7iyye, bass ana 2ensen nbe3 3abd lal-khatiyye: ma befham shou 3am ba3mil, li2anno yalle badde yeh ma ba3mlo, w-yalle bekraho ba3mlo. Lamma ba3mil yalle ma badde a3mlo, bkoun mwefe2 enno el-shari3a mni7a. W-ma bkoun ana yalle 3am ba3mil yalle ma badde a3mlo, hayde el-khatiyye yalle sèkne fiyye, li2anno ba3rif enno el-kheyr ma byeskon fiyye, ye3ne bi-jesme. W-iradet el-kheyr 7adra fiyye, bass 3amal el-kheyr la2. Wel-kheyr yalle badde yeh ma ba3mlo, wel-sharr yalle ma badde yeh ba3mlo. W-eza kent 3am ba3mil yalle ma badde yeh, mish ana yalle ba3mlo, hayde el-khatiyye yalle sèkne fiyye. W-hek ble2e enno ana khadi3 hal-shari3a, badde a3mil el-kheyr bass el-sharr yalle sèken fiyye byesba2ne. W-ana bi-a3me2 kayene befra7 bi-shari3et ALLAH, bass b7ess bi-shari3a tenye bi-jesme bit2ewem shari3et 3a2le w-betkhalline a3mil 7asab shari3et el-khatiyye yalle hiye bi-jesme. Ya weyle shou ana ta3ees! Meen bikhallesne min jesme el-mawwit hayda? El-shokr la-ALLAH bi-RABNA YASOU3 el-MASI7. Fa-ana bel-3a2l khadi3 la-shari3et ALLAH, w-bel-jesm la-shari3et el-khatiyye. Ye3ne ma fi-7ekm min ba3d halla2 3a-yalle henne bel-MASI7 YASOU3, li2anno shari3et el-ROU7 yalle bta3tina el-7ayet bel-MASI7 YASOU3 7arraretak min shari3et el-khatiyye wel-mawt. W-yalle ma edrit el-shari3a ta3mlo, li2anno el-jesm da33afa, 7a'2a2o ALLAH lamma ba3at 2ebno bi-jesm byeshbah jesmna el-khate, ta-ykaffir 3an el-khatiyye, w-7akam 3al-khatiyye yalle bel-jesm ta-ytemm fina yalle btes3alo el-shari3a, ne7na el-3ayshin metl ma baddo el-rou7 mish metl ma baddo el-jesm. W-yalle 3ayshin metl ma baddo el-jesm, byehtammo bi-oumour el-jesm, w-yalle 3ayshin metl ma baddo el-rou7, byehtammo bi-oumour el-rou7. El-ehtimem bel-jesm mawt, wel-ehtimem bel-rou7 houe 7ayet w-salem, li2anno el-ehtimem bel-jesm houe tamarrod 3ala ALLAH, w-houe mish khadi3 la-shari3et ALLAH wala bye2dar enno yokhda3la. W-yalle 3ayshin metl ma baddo el-jesm ma bye2daro ennon yordo ALLAH. Bass ento mish 3ayshin metl ma baddo el-jesm, 3ayshin metl ma baddo el-rou7, li2anno ROU7 ALLAH byeskon fikon. W-yalle ma bikoun fih ROU7 el-MASI7, houe mish min el-MASI7. W-eza ken el-MASI7 fikon, w-ajsemkon ra7 tmout bi-sabab el-khatiyye, bikoun el-rou7 7ayet elkon li2anno ALLAH barrarkon. W-eza ken ROU7 ALLAH yalle 2awwam YASOU3 min el-mawt byeskon fikon, bikoun yalle 2awwam YASOU3 el-MASI7 min el-mawt bya3te 7ayet la-ajsemkon el-fenye bi-ROU7OU yalle byeskon fikon. Ye3ne, ya ekhewte, el-jesm ma elo fadl 3leyna ta-n3ish metl ma baddo el-jesm. W-eza 3eshto 7ayet el-jesm bitmouto, w-eza mawatto bel-rou7 a3mel el-jesm, bit3isho. W-yalle bi2oudon ROU7 ALLAH henne kellon wled ALLAH, li2anno el-rou7 yalle akhadtouh ma byesta3bedkon w-bireddkon lal-khawf, bel-3aks bya3melkon wled ALLAH w-bi-hayda el-rou7 mnesrokh la-ALLAH: "Abba, ya bayyna." W-hayda el-rou7 byesh'had ma3 arwe7na enno ne7na wled ALLAH. W-eza ne7na wled ALLAH, ye3ne mnourat kamen: mnourat ALLAH w-minsherik el-MASI7 bel-werte, minsherko bi-ãlemo ta-nsherko kamen bi-majdo. W-bshouf enno ãlemna bi-hal-dene ma bten2ãs bel-majd yalle ra7 yezhar fina. Wel-khali2a natra bi-feregh el-sabr zouhour wled ALLAH. W-ma ken khoudou3a lal-batel bi-iradeta, ken bi-iradet yalle khadda3a. W-ma3 hal-shi be2ila el-raja bi-enna hiye zeta ra7 tet7arrar min 3ouboudiyyet el-fased ta-tsherek wled ALLAH bi-7orriyyeton w-majdon. W-ne7na mna3rif enno el-khali2a kella 3am bit3enn w-tetmakhad la-liom, metl el-mara yalle 3am bitwallid. Mish bass hiye, ne7na kamen yalle ma3na bakouret el-Rou7 3am n3enn bi-2albna natrin min ALLAH el-tabanne w-eftide2 ajsemna. Li2anno khalãsna 7solna 3le bel-raja. Bass el-raja yalle minshoufo eddem 3younna ma bikoun raja, w-keef byetrajja el-2ensen el-shi yalle bishoufo? W-eza kenna mnetrajja yalle ma minshoufo, fa-bel-sabr mnentro. W-byeje el-ROU7 kamen yesh2ol do3fna. W-ne7na ma mna3rif keef nsalle metl ma lezim, bass el-ROU7 byetshaffa3elna eddem ALLAH w-bi3enn 3annet fo2 el-wasf. W-ALLAH yalle bishouf shou fi bel-2loub bya3rif shou baddo el-rou7, w-keef enno byeshfa3 lal-2eddisin 7asab iradto. W-ne7na mna3rif enno kell el-eshya bitsir la-kheyr yalle bi7ebbo ALLAH, yalle henne mad3ouwwin 7asab 2asdo. W-yalle saba2 w-na'2ehon, saba2 w-3ayyanon ta-ykouno 3ala souret 2ebno 7atta ykoun el-2eben bekr la-ekhwe ktar. Wel-ashkhas yalle saba2 w-3ayyanon, da3ehon kamen, w-yalle da3ehon barraron kamen, w-yalle barraron majjadon kamen. W-min ba3d hayda kello, shou min2oul? Eza ken ALLAH ma3na, meen bikoun doddna? ALLAH yalle ma tbekhal 3leyna bi-2ebno, w-sallamo lal-mawt kermelna kellna, keef ma baddo ya3tina ma3o kell shi? Meen yalle byettehem yalle na'2ehon ALLAH, w-ALLAH houe yalle barraron? W-meen bye2dar enno ye7kom 3leyon? Wel-MASI7 YASOU3 houe yalle met, w-2am, w-houe 3an yameen ALLAH byetshaffa3elna. W-meen byofsolna 3an ma7abbet el-MASI7? El-shedde aw el-di2a aw el-edtihad aw el-jou3 aw el-3oure aw el-khatar aw el-seyf? El-kteb bi2oul: "kermelak ne7na min3ãne el-mawt kell el-nhar, w-bi3amlouna metl el-ghanam yalle ekhdinon 3al-dab7." Bass ba3d kell hal-msayeb ra7 nontosir bi-yalle 7abbna. W-ana m2akkad enno la el-mawt wala el-7ayet, wala el-maleyke wala rou2asa el-maleyke, wala el-7ader wala el-mousta2bal, Wala 2ouwwet el-ard wala 2ouwwet el-sama, wala shi bel-khali2a kella bye2dar enno yofsolna 3an ma7abbet ALLAH bel-MASI7 YASOU3 RABNA. 3am 2oul el-7a2i2a bel-MASI7 w-ma 3am kazzeb. Dameere byesh'hadle bel-ROU7 el-2ODOS enno ana 7azin ktir w-bi-2albe alam deyim, w-enno bitmanna law kent ana bi-zete ma7roum w-monfosil 3an el-MASI7 kermel ekhewte yalle bel-sleele. Henne wled Isra2il yalle 3eml minnon ALLAH wledo, w-elon el-majd wel-3ouhoud wel-shari3a wel-3ibede wel-wou3oud, w-minnon keno el-bayyet w-eja el-MASI7 ka-2ensen, w-houe fo2 el-kell, Ileh moubarak lal-abad. Ãmin. W-ma b2oul enno wa3d ALLAH kheb, mish kell wled Isra2il henne Isra2il, wala kell yalle min sleelet Ibrahim henne wled Ibrahim. 2al ALLAH la-Ibrahim: "bi-Is7ak bikoun elak sleele." W-mish wled el-sleele henne wled ALLAH, wled el-wa3d henne yalle bye7sebon ALLAH sleelet Ibrahim. W-kalem el-wa3d houe hayda: "ra7 erja3 bi-metl hal-wa2et, w-bikoun la-Sara 2eben." W-hayda mish kell shi, kamen Raf2a 7eblit min rejjel wa7ad, min bayyna Is7ak, w-abl ma youlado el-sabyen w-ya3mlo kheyr aw sharr, w-la-7atta ydall tedbir ALLAH 2ayem 3a-ases enno houe na'2a mish 3a-ases el-a3mel, 2al ALLAH la-Raf2a: "el-sabe el-akbar ra7 yekhdom el-azghar", metl ma n2al bel-kteb: "7abbeyt Ya3koub w-krehet 3eeso." W-shou min2oul? Ma32oul ykoun ALLAH zalem? Akid la2! 2al ALLAH la-Moussa: "ber7am yalle ber7amo, w-beshfa2 3ala yalle badde eshfa2 3le." W-hal-shi ma byerja3 la-iradet el-2ensen wala la-jehdo, bass la-ra7met ALLAH wa7da. W-bel-kteb 2al ALLAH la-Fer3on: "rafa3tak ta-bayyen edrte fik w-ta-el-nes ye7ko bi-esme bi-kell el-ard." W-ALLAH byer7am yalle baddo yeh w-bi2asse 2alb yalle baddo yeh. W-bi2elle 7ada minkon: "leysh biloumna ALLAH? Meen bye2dar enno y2ewem iradto?" Bjeweb: meen enta ya hal-2ensen 7atta te3torid 3ala ALLAH? Ma3'2oul t2oul el-jable la-yalle jabala: leysh hek 3meltne? Tekhmin el-khezzef ma elo soulta 3al-fekhkhar, ta-ya3mil min jablet el-fekhkhar nafsa wa3a elo 2ime, w-wa3a tene rkhees? W-nafs el-shi ALLAH, lamma arad enno ybayyen ghadabo w-ye3lon ederto, t7ammal bi-sabr kbir yalle byest7e'2o ghadabo, w-ma 3ed na2eson ella el-mawt metl ma arad enno ye3lon fayd majdo bi-yalle baddo yer7amon w-yalle kenn m7addaron lal-majd, ye3ne ne7na yalle da3ehon mish min bayn el-Yahoud wa7don, min bayn be2e el-shou3oub kamen. W-ALLAH 2al bi-kteb Housha3: "yalle ma ken sha3be ra7 sammih sha3be, w-yalle ma kenit 7abibte ra7 sammiha 7abibte, w-matra7 ma n2allon: ento mish sha3be, ra7 sammihon wled ALLAH el-7ayy." W-byektob Ashe3ya bi-kalemo 3an Isra2il: "W-eza keno wled Isra2il 2add raml el-ba7r, fa-yalle byeb2o minnon ra7 yle2o el-khalãs, li2anno el-RAB baddo y7a'2i2 kelmto 3al-3alam, te7'2i2 kemil, w-bi-wa2et sari3. W-bi-hayda tnabba Ashe3ya, 2al: law ma enno RAB el-jounoud khallelna sleele, kenna serna metl Sadoum w-tshabbahna bi-3amoura." W-shou min2oul? Min2oul enno el-oumam, yalle ma se3yo ta-ye7salo 3al-tebrir, tbarraro bass 3ala ases el-imen, w-wled Isra2il yalle se3yo la-shari3a gheyeta el-tebrir ma edro woslo la-gheyet el-shari3a. W-leysh? Li2annon se3yo la-hal-tebrir 3a-ases el-a3mel yalle btefroda el-shari3a mish 3a-ases el-imen, w-nsadamo bi-7ajar el-3athra, metl ma bi2oul el-kteb: "badde 7ott bi-Sehyoun 7ajar 3athra bi-tari2 el-sha3b w-sakhra tfarkish, w-yalle bi2ãmen fih ma bikhib 2amalo." W-addeysh bitmanna min kell 2albe ya ekhewte enno wled Isra2il yle2o el-khalãs, w-addeysh bsalle la-ALLAH kermelon. W-ana besh'hadlon enno 3endon ghiret ALLAH, bass bidoun ma3rife sa7i7a, li2annon ma 3erfo keef bibarrer ALLAH el-bashar w-se3yo lal-tebrir 3ala tari2eton, ma keno khad3in la-tari2et ALLAH bel-tebrir, w-hiye enno gheyet el-shari3a houe el-MASI7 yalle fih byetbarrar kell meen bi2ãmen. W-katab Moussa keef byetbarrar el-2ensen bel-shari3a w-2al: "yalle bitabbi2 el-shari3a bi3ish fiya." W-3an el-tebrir yalle houe min el-imen 2al: "ma t2oul bi-2albak: meen byetla3 3al-sama? (ye3ne ta-ykhalle el-MASI7 yenzal la-3anna). Aw meen byenzal 3al-hewwe? (ye3ne ta-khalle el-MASI7 yetla3 min bayn el-mawta)." W-yalle n2al houe hal-shi: "el-kelme 2aribe minnak, 3a-temmak w-bi-2albak", ye3ne kelmet el-imen yalle minbasher fiya. W-eza shahadet bi-temmak enno YASOU3 RAB, w-2ãmanet bi-2albak enno ALLAH 2awwamo min el-mawt, akhadet el-khalãs. Fa-el-imen bel-2alb biwassil lal-berr, wel-shahede bel-temm bitwassil lal-khalãs. Wel-kteb bi2oul: "yalle bi2ãmen fih ma bikhib 2amalo." W-ma fi far2 bayn el-Yahoude wel-mish Yahoude, li2anno ALLAH RABBON kellon, bimalle min kheyrato kell wa7ad byetloba minno. Wel-kteb bi2oul: "kell meen byed3e bi-esm el-RAB bile2e el-khalãs." Bass keef byed3o w-ma 2ãmano fih? W-keef bi2ãmno w-ma sem3o fih? W-keef byesma3o fih w-ma basharon 7ada? W-keef bibashrouwon w-ma ba3aton ALLAH? Wel-kteb bi2oul: "ma ajmal ejren el-moubashirin bel-kheyr." Bass mish kellon 2eblo el-injil. Mish Ashe3ya 2al: "ya RAB, meen 2ãman bi-yalle sem3ouh minna?" Fa-ezan el-imen byeje min el-sama3, wel-sama3 houe min el-tebshir bel-MASI7. Bass ana b2oul: ma sem3o? Mbala, sem3o, wel-kteb bi2oul: "lal-ard kella wossil sawton, w-la-ekher el-3alam wossil kalemon." Bass b2oul kamen: wled Isra2il ma fehmo? 2al Moussa min abl: "bitgharo min sha3b ma bikoun sha3be, w-bkhallikon tgharo min sha3b houe mish sha3b." W-Ashe3ya bi2oul bi-jer2a: "le2youne yalle ma keno 3am bifattsho 3leyye, w-kashafet 7ale la-yalle ma keno 3am yetolboune." Bass bi2oul 3an wled Isra2il: "maddeyt 2ideyye kell el-nhar la-sha3b metmarrid 3aneed." Bass b2oul: awlkon ALLAH rafad sha3bo? Akid la2! Ana kamen Isra2ile, min sleelet Ibrahim w-2abilet Benyamin. Ma rafad ALLAH sha3bo yalle na'2eh min abl. W-ento bta3erfo shou 2al el-kteb 3an Eliyya lamma tshakka 3a-wled Isra2il la-ALLAH, w-2al: "ya RAB, 2atalo anbiye2ak w-hadamo kell mazeb7ak w-b2it ana wa7de, w-henne baddon ye2etloune." W-shou 2allo sawt ALLAH? 2allo: "ana khalleyt la-ele sab3-talef rejjel ma ta3ajo rekbeton eddem el-Ba3l." W-bel-wa2et el-7ader kamen ba2iyye min el-nes khtaron ALLAH bel-ne3me. W-eza ken el-ekhtiyar bel-ne3me, fa-ezan houe mish bel-a3mel, wa-ella ma kenit be2yet el-ne3me ne3me. W-shou ba3d? Yalle keno 3am yetolbouh wled Isra2il w-ma 3am yekhdouh, akhadouh yalle na'2ehon ALLAH. Wel-be2yin 2esyet 2loubon, metl ma eja bel-kteb: "3atahon ALLAH 3a2l balid w-3youn ma bte2sha3 w-dinen ma btesma3 la-7add liom." W-2al Daoud: "teb2a maweyedon fakh elon w-shabake w-7ajar 3athra w-2asãs. 3younon tghabbish w-ma ye2sha3o, w-yeb2a dahron men7ene kell el-wa2et." W-ana b2oul: tekhmin el-Yahoud da3aso da3se khalleton yese2to lal-abad? La2! Bass bi-sa2teton sar el-khalãs lal-mish Yahoud 7atta ygharo wled Isra2il. W-eza kenit sa2teton ghena lal-3alam w-nou2sanon ghena la-be2e el-shou3oub, fa-keef bikoun el-ghena ghena bass yektemlo? W-halla2 b2oul lal-mish Yahoud minkon: ma zelne rasoul la-ghayr el-Yahoud, ana fakhour bi-riselte barke bkhalle yalle henne min la7me ygharo, w-bkhallis el-ba3d minnon. W-eza ken rafdon wassal la-mousala7et el-3alam ma3 ALLAH, fa-ma bikoun 2ouboulon ella 7ayet ba3d mawt? W-eza kenit el-khameere m2addase, el-3ajeen kello m2addas. W-eza ken el-2asl m2addas, el-ghsoun m2addase kamen. W-eza n2ata3it ba3d el-ghsoun, w-kent enta zeytoune barriye w-ta33amouk ta-tsherik el-ghsoun el-be2ye bi-2asl el-shajra w-thamara, ma tshouf 7alak 3al-ghsoun yalle n2ata3it. W-keef bitshouf 7alak w-enta ma bte7mol el-2asl, bel-3aks el-2asl houe yalle bye7emlak? Bass bit2oul: "n2ata3it haydik el-ghsoun 7atta etta33am ana!" Tayyib! Hiye n2ata3it li2anno ma bit2ãmen, w-enta be2e li2annak bit2ãmen, fa-badal ma tetkabbar, khaf Rabbak. W-eza ALLAH ma khalla el-ghsoun el-tabi3iyye mfakkar enno ra7 ykahllik elak kamen? W-hayda houe lotf ALLAH w-2asewto 3a-yalle sa2ato, wel-lotf elak eza barhanet ennak ahl la-hal-lotf, wa-ella bten2eti3 enta kamen. Bass henne, eza saro y2ãmno ra7 yta33emon ALLAH, li2anno ALLAH edir yta33emon marra tenye. W-eza ken ALLAH 2ata3ak min zeytoune barriye btenteme ela bi-tabi3tak, w-ta33amak 3ala 3aks tabi3tak bi-zeytoune mni7a, fa-keef yalle henne ghsoun asliyye ma ra7 yta33emon ALLAH bel-zeytoune? W-ana ma badde, ya ekhewte, enno tejhalo hal-serr ta-ma tfakkro 7alkon 3endkon 7ekme, wel-serr houe enno jez2 min wled Isra2il n3ama 2albon la-7add ma ykouno el-mish Yahoud 2ãmano. W-hek bile2e kell wled Isra2il el-khalãs, metl ma nkatab bel-kteb: "min Sehyoun byeje el-moukhallis w-bisheel el-koufr 3an wled Ya3koub. W-bikoun hayda 3ahde elon wa2et bem7ilon khatayahon." Wel-Yahoud, bennesbe lal-bishara henne a3de2 ALLAH, w-hal-shi la-masla7etkon. W-bennesbe la-ekhtiyar ALLAH, henne a7ebbe2o kermel el-bayyet. W-ALLAH ma byetraja3 3an mawehbo w-da3wto. W-metl ma ento 3sito ALLAH min abl w-ra7amkon halla2 bi-sabab 3esyenon, Hek henne 3aso ALLAH halla2 ta-yer7amon metl ma ra7amkon, li2anno ALLAH 7abas el-bashar kellon bel-3esyen 7atta yer7amon kellon. Ma-fi a3ma2 min ghena ALLAH w-7ekemto w-3elmo! W-ma as3ab enno na3rif a7kemo w-nefham tourou2o? Wel-kteb bi2oul: "Meen yalle 3eref fekr el-RAB, aw meen yalle ken moustasharo? W-meen yalle 3atah shi bel-awwal 7atta yreddelo yeh?" Fa-kell shi minno w-bi-wasteto w-elo. Elo el-majd lal-abad. Ãmin. Kermel hek bitrajjekon, ya ekhewte, bi-7anen ALLAH enno t2addmo 7alkon zabi7a, kella 7ayet, m2addase, ma2boule min ALLAH. W-hayde hiye 3ibedetkon el-rou7iyye. W-ma tetshabbaho bi-yalle mawjoud bi-hal-dene, tghayyaro bi-tejdid 3ou2oulkon ta-ta3erfo iradet ALLAH: shou houe el-sale7, w-shou houe el-ma2boul, w-shou houe el-kemil. W-bwasse kell wa7ad minkon bi-fadl el-ne3me yalle n3atetle enno ma ye3tebir 7alo aktar min ma byeswa. W-ykoun mawzoun tijeh nafso, kell wa7ad 7asab ma ALLAH 3atah imen. W-metl ma 3enna a2sãm ktire bi-jesm wa7ad, w-la-kell 3odow 3amalo el-khas fih, hek ne7na bi-ketritna jesm wa7ad bel-MASI7, w-kell wa7ad houe 3odow lal-tene, w-3enna maweheb btekhtelif 7asab el-ne3me yalle n3atetelna: yalle 3endo mawhabet el-noubouwe khallih yetnabba 7asab el-imen, w-yalle 3endo mawhabet el-khedme khallih yekhdom, w-yalle 3endo mawhabet el-ta3lim khallih y3allim, w-yalle 3endo mawhabet el-wa3z khallih you3az, w-yalle bya3te khallih ya3te bi-karam, w-yalle houe ra2is khallih ykoun ra2is mni7, w-yalle byer7am khallih yer7am bi-fara7. W-khalle el-ma7abbe tkoun bidoun khabsane. Tjannabo el-sharr w-tmassako bel-kheyr. W-7ebbo ba3dkon ka-ekhwe, kell wa7ad yshouf el-be2yin afdal minno, shteghlo kermel el-RAB bi-hemme ma btebrod w-bi-rou7 meltehbe. Fra7o bel-raja, w-wa2et el-di2 tawwlo belkon, w-khallikon mdewmin 3al-sala. Se3do el-ekhwe el-2eddisin 3end 7ajeton, w-dewmo 3ala diyafet el-ghouraba. Berko yalle byedtehdoukon, berko w-ma tel3ano. Fra7o ma3 el-fer7anin w-bkou ma3 yalle 3am yebko. Kouno mettef2in, ma tetkabbaro, bel-3aks twada3o. Ma tfakkro 7alkon 3endkon 7ekme. Ma treddo 3al-sharr bel-sharr, w-htammo bi-3amal el-kheyr eddem kell el-nes. Tselamo ma3 kell el-nes eza moumkin, 2add ma fikon. Ma tente2mo la-nafskon ya a7ebba, treko hal-shi la-ghadab ALLAH. El-kteb bi2oul: "ana yalle bente2im, bi2oul el-RAB, w-ana yalle b2ãses." Bass: "eza je3 3adouwwak ta3mih, w-eza 3otsh s2ih, li2annak bi-3amalak hayda btejma3 3ala raso jamr nar." Ma tkhalle el-sharr yeghelbak, enta ghlob el-sharr bel-kheyr. Khallo kell ensen yokhda3 la-as7ab el-soulta, ma fi soulta ella min 3end ALLAH, wel-soulta el-mawjoude hiye min tedbiro. W-yalle bi3ared el-soulta bi3ared tedbir ALLAH, w-byest7e2 yet2ãsas. Wel-7ekkem ma bikhafo min yalle bya3emlo el-kheyr, bikhafo min yalle bya3mil el-sharr. Enta baddak enno ma tkhaf min el-soulta? 3mol el-kheyr byordo 3annak. Wel-soulta bi-khedmet ALLAH la-kheyrak. Bass khaf eza 3melt el-sharr, li2anno el-soulta ma bte7mol el-seyf kermel ma shi. W-eza 2ãsasetak, bikoun li2anna bi-khedmet ALLAH ta-tnazzil ghadabo 3a-yalle bya3emlo el-sharr. Kermel hek la-bodd min el-khoudou3 lal-soulta, mish bass li2anno minkhaf min ghadab ALLAH, kermel el-dameer kamen. W-kermel hek ento btedfa3o el-darayib. W-as7ab el-soulta byekhedmo ALLAH lamma bidewmo 3al-khedme. Fa-3tou kell wa7ad 7a'2o: el-daribe la-meen elo el-daribe, wel-jezye la-meen elo el-jezye, wel-i7tiram wel-tekrim la-yalle byest7e2 el-tekrim. Ma ykoun la-7ada minkon 3ala 7ada dayn ella ma7abbet ba3dkon la-ba3d, w-yalle bi7ebb ghayro bitabbi2 el-shari3a. Wel-wassaya yalle bit2oul: "ma tezne, ma te2tol, ma tesro2, ma teshtehe" w-ghayra min el-wassaya, btetlakhas bi-hal-wassiye: "7ebb 2aribak metl ma bit7ebb 7alak." W-yalle bi7ebb 2aribo ma bye2ze 7ada, fa-el-ma7abbe hiye el-shari3a bi-akmal 7aleta. W-ento bta3erfo bi-ayya wa2et ne7na: ejet el-se3a ta-t2oumo min el-nawm, fa-el-khalãs halla2 a2rab elna min ma ken yawm 2ãmanna. Kholis el-leyl w-eja el-nhar. Khallina neshla7 a3mel el-zalam w-ne7mol sle7 el-nour. Ta-neslok el-soulouk yalle bili2 bel-nhar: la-3arbade wala sekr, wala fjour wala fe7sh, wala khilef wala 7asad. Tsalla7o bel-RAB YASOU3 el-MASI7, w-ma tensheghlo bel-jesm ta-tshabb3o shahaweto. 2balo baynetkon yalle d3if bi-imeno w-ma te7ekmo 3ala 2arã2o. Fi nes bifakkro enno fiyon yeklo min kell shi, w-fi nes d3af bel-imen, ma byeklo ella khodra. W-yalle byekol min kell shi ma ye7te2ir yalle ma byekol metlo, w-yalle ma byekol min kell shi ma ydeen yalle byekol min kell shi, li2anno hayda kamen ma2boul 3end ALLAH. W-meen enta 7atta tdeen khadim ghayrak? Houe bi-3ayn sayyido byes2ot aw byethbat bi-khedmto. W-ra7 yethbat li2anno el-RAB edir ythabto. W-fi nes bifaddlo yawm 3ala yawm, w-fi nes el-iyem kella metl ba3da bennesbe elon. W-mish mashkal enno yethbat kell wa7ad 3ala ra2yo. Li2anno yalle bira3e yawm bidoun be2e el-iyem bira3ih kermel ALLAH, w-yalle byekol min kell shi byekol kermel ALLAH li2anno byeshkor ALLAH, w-yalle ma byekol min kell shi ma byekol kermel ALLAH w-byeshkor ALLAH. Ma fi 7ada bi3ish kermel 7alo, w-ma fi 7ada bimout kermel 7alo. Eza 3eshna min3ish lal-RAB, w-eza metna minmout lal-RAB. Ye3ne eza metna aw 3eshna, ne7na lal-RAB. Wel-MASI7 met w-reje3 lal-7ayet ta-ykoun RAB el-mayytin wel-tayybin. Fa-keef enta bitdeen khayyak? W-keef bte7te2ir khayyak? Ne7na kellna ra7 nou2af eddem ma7kamet ALLAH, wel-kteb bi2oul: "ana el-7ayet, bi2oul el-RAB, la-ele bterka3 kell rekbe, w-kell lsen bisabbe7 ALLAH." Fa-ezan, kell wa7ad minna ra7 y2addim la-ALLAH 7seb 3an 7alo. Ma ba2a ne7kom 3ala ba3dna, w-a7sanelkon enno te7ekmo bi-enno ma ykoun 7ada 7ajar 3athra la-khayyo aw ykhallih yshekk, w-ana 3arif w-me2teni3 bel-RAB YASOU3 enno ma fi shi nejs bi-7add zeto, bass bikoun nejs la-yalle bye3tebro nejs. W-eza 3am tza33el khayyak kermel 2akle bit7ebba, ma bitkoun 3ayish 3ishet el-ma7abbe. Ma tkhalle 2aklak ykoun sabab halek la-yalle met el-MASI7 kermelo, w-ma t7awwil el-kheyr la-kalem 3atel. Malakout ALLAH mish 2akl w-sherb, houe 3adl w-salem w-fara7 bel-ROU7 el-2ODOS. W-yalle khadam el-MASI7 metl hal-khedme byorde ALLAH w-byen2abal min el-nes. Khallina nes3a la-kell shi fiyo el-salem w-la-kell shi bikhallina nebne ba3dna. Ma tehdom 3amal ALLAH kermel el-2akl. Kell shi taher, bass el-sharr ennak tkoun bi-yalle 3am teklo 7ajar 3athra la-khayyak, a7sanlak ma tekol la7m w-ma teshrab nbeed w-ma tekol shi bikhalle khayyak yshekk. W-7tefez bi-yalle bit2ãmen fih baynak w-bayn ALLAH. Niyyel yalle ma bye7kom 3ala 7alo bel-shi yalle bishoufo mni7. Bass yalle bishakkek bi-yalle 3am yeklo, bikoun ma7koum 3le li2anno ma 3am ya3mil hal-shi 3an imen. W-kell shi ma bikoun 3an imen houe khatiyye. W-ne7na el-2weya bel-imen lezim net7ammal do3f el-d3af, w-ma netlob yalle byorde nafsna, khalle kell wa7ad minna ya3mil yalle byorde khayyo kermel el-kheyr wel-benyen. Wel-MASI7 ma talab yalle byorde nafso, bel-3aks metl ma nkatab bel-kteb: "yalle ahenouk, ihenèton wa2a3it 3leyye." W-kell shi eja min abl bel-ketob el-m2addase, eja la-y3allemna keef minle2e el-raja bi-kell shi fiyo sabr w-ta3ziye bi-hal-ketob. Ileh el-sabr wel-ta3ziye bya3tikon tkouno 3a-ra2y wa7ad bayn ba3dkon metl ma 3allamna el-MASI7 YASOU3, ta-tmajjdo ALLAH bayy RABNA YASOU3 el-MASI7 bi-2alb wa7ad w-lsen wa7ad. 2balo ba3dkon la-majd ALLAH metl ma 2ebelkon el-MASI7. W-ana b2elkon enno el-MASI7 sar khadim el-Yahoud ta-ybayyen enno ALLAH sade2 w-byouwfe bi-yalle wa3ad fih el-bayyet. Wel-mish Yahoud bimajjdo ALLAH 3ala ra7emto, metl ma nkatab bel-kteb: "kermel hek badde emda7 fik bayn el-oumam, w-rattel la-esmak." W-maktoub kamen: "fra7e ya oumam ma3 sha3b ALLAH!" W-kamen: "sabb7e el-RAB ya kell el-oumam! Majjde ya kell el-shou3oub!" W-2al Ashe3ya: "ra7 yetla3 wa7ad min sleelet Yassa, w-y2oum yetra'2as el-oumam wel-shou3oub y7otto thi2aton fih." Ileh el-raja yeghmerkon bel-fara7 wel-salem bel-imen, 7atta yektar rajekon bi-edrit el-ROU7 el-2ODOS! W-ana 3ala thi2a, ya ekhewte, bi-ennkon melyenin kheyr w-ma3rife, edrin tensa7o ba3dkon. Bass katabtelkon bi-ba3d el-eshya bi-jer2a kbire ta-nabbehkon 3leya, w-hal-shi kermel el-ne3me yalle 3atane yeha ALLAH 7atta koun khadim el-MASI7 YASOU3 3end el-mish Yahoud, w-kehen injil ALLAH, w-ysiro el-mish Yahoud 2erben ma2boul 3end ALLAH m2addas bel-ROU7 el-2ODOS. W-bi7e'2elle, kermel hek, enno eftekhir bel-MASI7 YASOU3 bi-khedmte la-ALLAH, li2anno ma bestarje e7ke ella bi-yalle 3emlo el-MASI7 3ala 2ideyye ta-khalle el-mish Yahoud ytee3o ALLAH, bel-2awl wel-fe3l w-bi-2ouwwet el-3ajeyeb w-bi-edrit ROU7 ALLAH. Kammalet el-tebshir bel-MASI7 min Ourashalim w-yalle 7awla ta-wsolit la-Lirikoun. W-kent 7arees enno ma basher matra7 ma sem3o el-nes bi-esm el-MASI7, ta-ma ebne 3ala ases ghayre, w-3melt bi-yalle nkatab bel-kteb: "yalle ma basharon 7ada fih ra7 yshoufo, w-yalle ma sem3o fih ra7 yefhamo." W-hayda yalle mana3ne aktar min marra enno eje la-3andkon. Bass halla2 ma ba2a 3ende shi ykhalline eb2a bi-hal-manate2, w-ana min kamm sene meshte2 eje la-3andkon, fa-ana bitmanna emro2 shoufkon ana w-raye7 3a-Espanya w-ra7 tse3doune ta-kammil safare la-honik, min ba3d ma etmatta3 walaw shwey bi-shawfetkon. Bass halla2 ana raye7 3ala Ourashalim ta-ekhdom el-ekhwe el-2eddisin, li2anno kaneyes Makdouniyye w-Akha2ya 7abbo ysherko bi-mouse3adet el-fou2ara el-2eddisin yalle bi-Ourashalim. Henne hek 7abbo w-hayda dayn 3leyon, li2anno el-mish Yahoud sherakouwon bi-kheyraton el-rou7iyye, w-lezim henne yekhedmouwon bi-kheyraton el-mediyye. W-min ba3d ma ekhlas min hal-shaghle w-sallemon el-mouse3ada, ra7 emro2 la-3andkon ana w-raye7 3a-Espanya. W-ba3rif enno eza jeet la-3andkon beje bi-kell baraket el-MASI7. Kermel hek betlob minkon, ya ekhewte, bi-esm RABNA YASOU3 el-MASI7 w-bi-ma7abbet el-ROU7, enno tkef7o w-tsallo la-ALLAH kermele, ta-ykhallesne min hal-koffar yalle bel-Yahoudiye w-tkoun khedmte bi-Ourashalim ma2boule 3end el-ekhwe el-2eddisin, w-eje la-3andkon mabsout eza ALLAH rad, w-erte7 3endkon. Ileh el-salem ykoun ma3kon kellkon. Ãmin. Bwassikon bi-ekhetna Fibya, khãdmit kniset Kankhariyya. T2abbalouwa bel-RAB 2ouboul bili2 bel-ekhwe el-2eddisin, w-se3douwa bi-kell shi bit3ouzo minkon, li2anna se3adit ktar min el-ekhwe w-se3adetne ana kamen. Sallmo 3ala Briskilla w-Akila, yalle bise3doune bi-khedmet el-MASI7 YASOU3, yalle 3arrado 7ayeton lal-mawt kermele, w-mish ana wa7de yalle beshkoron, kell kaneyes el-mou2minin min el-oumam byeshkrouwon kamen. Sallmo kamen 3al-knise yalle btejteme3 bi-beyton. Sallmo 3al-7abib Apinitos, awwal meen htada bi-Asia lal-MASI7. Sallmo 3ala Maryam yalle te3bit ktir bi-khedmetkon. Sallmo 3ala Andronikos w-Youniyas, 2raybine w-yalle keno ma3e bel-7abs, w-henne mash'hourin bayn el-rousl, w-henne 2ãmano bel-MASI7 abl minne. Sallmo 3ala Ampliyatos 7abibe bel-RAB, w-3ala Orpanos rfi2na bi-khedmet el-MASI7, w-3al-7abib Estakhis. Sallmo 3ala Apolos yalle barhan 3an thabeto bel-MASI7. Sallmo 3ala ahl beyt Aristopolos sallmo 3ala Hirodyoun 2arabte. Sallmo 3a-yalle bi2ãmno bel-RAB min ahl beyt Narkissos. Sallmo 3ala Trivinia w-Trivosa yalle te3bo bi-khedmet el-RAB. Sallmo 3ala Barsis el-ma7boube yalle te3bit ktir bi-khedmet el-RAB. Sallmo 3ala Rofos el-moukhtar bel-RAB, w-3a-emmo yalle hiye metl emme. Sallmo 3ala Asinikritos w-Faligon w-Armis w-Petropas w-Armas w-3ala el-ekhwe yalle ma3on. Sallmo 3ala Filologos w-Julya w-Niryos w-ekhto, w-3ala Olimpas w-kell el-ekhwe el-2eddisin yalle ma3on. Sallmo 3ala ba3dkon bi-bawse m2addase. Kaneyes el-MASI7 kella bitsallem 3leykon. W-bwassikon w-bitrajjekon, ya ekhewte, enno tentebho min yalle bya3mlo in2isamet, w-byorfdo el-ta3alim yalle akhadtouwa. Khallikon b3ad 3annon, li2anno yalle metlon ma byekhedmo el-MASI7 RABNA, bass byekhedmo btounon, w-byekhda3o yalle 2albon tayyib bi-7ake ma3soul. Kell el-nes sem3o bi-ta3etkon, w-kermel hek ana befra7 fikon. Bass badde ykoun 3endkon 7ekme bi-yalle houe kheyr, w-tkouno abriya min kell sharr. W-Ileh el-salem ra7 yed3as eblees, 3an-2arib, ta7t ejreykon. Ne3met RABNA YASOU3 tkoun ma3kon. Bisallem 3leykon Timothawos yalle 3am bise3edne w-2raybine Loukyos w-Yasoun w-Sousipatros. W-ana Tartyos, ketib hal-risele, bsallem 3leykon bel-RAB. W-bisallem 3leykon Gayos yalle sta2balne w-st2abal el-knise kella. Bisallem 3leykon Arastos, ameen sandou2 el-madine, w-khayyna Koratos. Ne3met RABNA YASOU3 el-MASI7 ma3kon kellkon. Ãmin. El-majd la-ALLAH el-edir ythabbetkon bel-enjil yalle 3am basher fih w-nede bi-YASOU3 el-MASI7 bi-7asab e3len el-serr yalle be2e maktoum lal-abad w-zahar halla2 bi-yalle katabouh el-anbiya w-3erfeto kell el-shou3oub, metl ma 2amar ALLAH el-azale, 7atta ytee3o w-y2ãmno. El-majd la-ALLAH el-7akeem wa7do, bi-YASOU3 el-MASI7 lal-abad. Ãmin. Min Boulos yalle ALLAH arad enno yed3ih la-ykoun rasoul el-MASI7 YASOU3, w-min el-akh Sostanis, lal-Knise bi-Korentos, la-yalle 2addason ALLAH bel-MASI7 YASOU3 w-da3ahon ta-ykouno 2eddisin ma3 kell yalle binedo wayn ma-ken bi-esm RABNA YASOU3 el-MASI7, Rabbon w-Rabbna. Elkon el-ne3me wel-salem min ALLAH bayyna w-min el-RAB YASOU3 el-MASI7. Beshkor Ilehe kermelkon 3ala toul 3al-ne3me yalle 3atakon yeha bel-MASI7 YASOU3, fa-serto bi-wasteto aghniya bi-kell shi, bi-fann el-kalem w-anwe3 el-ma3rife. 3ala 2add ma trassakhet fikon shahedet el-MASI7, 7atta serto mish bi-7aje la-wala mawhabe, ento w-natrin zouhour RABNA YASOU3 el-MASI7, w-houe yalle bye7fazkon thebtin 7atta el-niheye 7atta ma ykoun 3leykon lawm bi-yawm RABNA YASOU3 el-MASI7. ALLAH yalle da3ekon tsherko 2ebno YASOU3 el-MASI7 RABNA, houe ameen. Bitrajjekon ya ekhewte, bi-esm RABNA YASOU3 el-MASI7, enno tkouno kellkon mettef2in bel-ra2y w-enno ma ykoun baynkon khilef, bel-3aks kouno mettef2in, w-3endkon rou7 wa7ad w-fekr wa7ad. W-ahl beyt Khoulwa khabbaroune ya ekhewte enno fi baynetkon khilef, ye3ne kell wa7ad minkon bi2oul "ana ma3 Boulos" w-"ana ma3 Apolos" w-"ana ma3 Boutros" w-"ana ma3 el-MASI7." Tekhmin el-MASI7 n2asam? Tekhmin Boulos houe yalle nsalab kermelkon? Aw bi-esm Boulos t3ammadto? Beshkor ALLAH enno ma 3ammadet 7ada minkon ghayr Krisbos w-Gayos, w-ma bye2dar 7ada y2oul ennkon bi-esme t3ammadto. Mbala, 3ammadet kamen 3eylet Estefanas. W-ma 3ada hal-ashkhas, ma bezkor enno 3ammadet 7ada. Wel-MASI7 ma ba3atne ta-3ammed, ba3atne la-e3lon el-injil bidoun ma ettekel 3ala 7ekmet el-kalem ta-ma yef2od mawt el-MASI7 3al-salib 2ouwwto. El-tebshir bel-salib "fiya shi min el-jnoun" bi-nazar yalle ray7in 3al-halek. Bass bi-nazarna ne7na wled el-khalãs, hiye edrit ALLAH. El-kteb bi2oul: "ra7 em7e 7ekmet ahl el-7ekme, w-ra7 dammir fehm yalle byefhamo." Wayn 2ebn el-7ekme? W-wayn 3alem el-shari3a? W-wayn el-moujedil bi-hal-3asr? Mish ALLAH khalla 7ekmet el-3alam tkoun jahele? Lamma kenit 7ekmet ALLAH enno ma ya3erfouh 3an tari2 el-7ekme, arad ALLAH enno ykhallis el-mou2minin fih "bi-jnoun" el-injil. W-eza keno el-Yahoud 3am yetolbo el-3ajeyeb, wel-Youneniyyin 3am bifattsho 3an el-7ekme, ne7na minnede bel-MASI7 masloub, w-hal-shi shakk lal-Yahoud w-jnoun bi-nazar el-wathaniye. Bass la-yalle da3ehon ALLAH min el-Yahoud wel-Youneniyyin, el-MASI7 houe edrit w-7ekmet ALLAH. W-yalle bibayyen enno jnoun min ALLAH houe aktar 7ekme min 7ekmet el-nes, w-yalle bibayyen do3f min ALLAH houe a2wa min 2ouwwet el-nes. Tzakkaro ya ekhewte keef kento lamma da3ekon ALLAH, w-ma ken fikon ktir min ahl el-7ekme, wala min el-2weya aw el-noubala. Bass ALLAH khtar yalle bye3tebro el-3alam jnoun ta-ykhajjel ahl el-7ekme, w-yalle bye3tebro el-3alam do3f ta-ykhajjel el-2weya. W-khtar ALLAH yalle bye7te2ro el-3alam w-bye3tebrouh ma shi, ta-yem7e el-mawjoud, 7atta ma 7ada yshouf 7alo eddem ALLAH. Bass ento, bi-fadl ALLAH sar elkon bel-MASI7 YASOU3 7ekme w-tebrir w-2adese w-khalãs, metl ma 2al el-kteb: "yalle baddo yeftekhir, khallih yeftekhir bel-RAB." W-ana, lamma jeet la-3andkon ya ekhewte, ma jeet bi-fann el-kalem aw el-7ekme ta-basherkon bi-serr ALLAH, w-2arraret ma a3ref shi, w-ana baynetkon, ella YASOU3 el-MASI7, w-a3erfo masloub. W-kent jeye la-3andkon d3if w-khayef, w-ta-e7ke ma3kon w-basher, ma sta3malit el-7ekme yalle bte2na3, 3abbaret min khilel ROU7 ALLAH w-2ouwwto, 7atta yet2assas imenkon 3ala edrit ALLAH, mish 3ala 7ekmet el-bashar. Bass ne7na 3enna 7ekmetna, 3am ne7ke fiya bayn el-nadjin, w-hal-7ekme manna min hal-3alam, wala hiye 7ekmet rou2asa hal-3alam, yalle massiron el-zawel, Ne7na 3am ne7ke bi-7ekmet ALLAH el-serriyye el-maktoume yalle 7addara ALLAH abl el-zaman kermel majdna, w-ma 3erefa 7ada min rou2asa hal-3alam, w-law 3erfouwa ma keno salabo RAB el-majd. Bass metl ma bi2oul el-kteb: "hayda yalle ma fi wala 3ayn shefeto wala dayne sem3et fih wala khatar 3a-bel 7ada min el-bashar, ALLAH 7addaro la-yalle bi7ebbouh." W-kashafelna yeh bel-ROU7, li2anno el-ROU7 byef7as kell shi 7atta a3me2 ALLAH. W-meen bya3rif shou fi bel-2ensen ghayr el-rou7 yalle bel-2ensen? W-nafs el-shi ma fi 7ada bya3rif shou fi bi-ALLAH ghayr ROU7 ALLAH. W-ne7na ma akhadna rou7 hal-3alam, akhadna el-ROU7 yalle ba3ato ALLAH ta-na3rif addeysh ALLAH 3atana maweheb. Wel-maweheb hayde, mish 3am ne7ke 3annon bi-kalem min el-7ekme el-bashariyye, 3am ne7ke bi-kalem ma2khoud min el-ROU7 el-2ODOS, w-mneshra7 el-oumour el-rou7aniyye bi-kalem rou7ane. 2ensen el-ard ma bye2bal yalle houe min ROU7 ALLAH li2anno bye3tebro jnoun, w-ma bye2dar yefhamo li2anno el-7ekm 3a-hal-shi baddo 7ess rou7ane. Wel-2ensen el-rou7ane, bye7kom bi-kell shi w-ma 7ada bye7kom 3le. Wel-kteb bi2oul: "meen yalle 3eref fekr el-RAB, w-meen bye2dar y3allmo?" Bass ne7na, 3enna fekr el-MASI7. Ana min jehhte, ya ekhewte, ma edert e7kikon ka-nes rou7aniyyin, 7kitkon ka-bashar w-ka-atfal bel-MASI7. Ta3meytkon 7aleeb mish 2akl 2ase, li2anno ma kento edrin wala halla2 ento edrin. Lamma bikoun fi baynetkon 7asad w-khilef, mish bitkouno ba3dkon min la7m w-damm w-3am bit3isho ka-bashar? Lamma wa7ad minkon bi2oul: "ana ma3 Boulos", w-ghayro "ana ma3 Apolos", ma bitkouno ba3dkon 3am bit3isho ka-bashar? Meen houe Apolos? W-meen houe Boulos? Henne khadmeyn min khilelon 2ãmanto 3a-2add ma a3tahon el-RAB. Ana zara3t w-Apolos sa2a, bass ALLAH houe yalle ken 3am binamme. Yalle zara3 ma houe shi, wala yalle sa2a, el-2ime la-ALLAH yalle binamme. Yalle zara3 w-yalle sa2a metl ba3don, bass kell wa7ad minnon byekhod ejrto 3a-2add ma shtaghal. W-ne7na kellna 3am neshteghil ma3 ALLAH, w-ento 7a2l ALLAH w-benyen ALLAH. W-ana, bel-ne3me yalle 3atane hiye ALLAH, ka-me3marje shater bi-shaghlto, 7atteyt el-ases w-ghayre bi3ammer 3le. Khalle kell wa7ad yshouf keef baddo y3ammer 3le, ma 7ada bye2dar y7ott ases ghayr el-ases yalle 7atto ALLAH, ye3ne YASOU3 el-MASI7. W-eza 7ada 3ammar hal-ases bi-dahab aw bi-fodda aw bi-7jara karime aw bi-khashab aw bi-2ash aw bi-tebn, ra7 ybayyen sheghlo yawm el-RAB, li2anno el-nar bi-haydak el-yawm ra7 tekeshfo w-temte7in 2imet sheghl kell wa7ad. Fa-yalle 3ammar w-dall sheghlo, ra7 yekhod ejerto, w-yalle 7tara2 sheghlo byekhsar ejerto. Houe ra7 yle2e el-khalãs, bass bikoun metl yalle mara2 bel-nar w-khallas 7alo. Ma bta3erfo ennkon haykal ALLAH, w-enno ROU7 ALLAH byeskon fikon? W-yalle hadam haykal ALLAH hadamo ALLAH, li2anno haykal ALLAH m2addas, w-houe ento. Kermel hek, ma 7ada yekhda3 nafso. Eza 7ada minkon mfakkar 7alo min ahl el-7ekme bi-hal-3alam, baddo ykoun jehil ta-ykoun min ahl el-7ekme, li2anno 7ekmet hal-3alam jahl bi-nazar ALLAH. Wel-kteb bi2oul: "ALLAH byekmosh ahl el-7ekme bi-khabsaneton." W-bi2oul kamen: "bya3rif el-RAB afkar ahl el-7ekme, w-bya3rif enna batle." Fa-ma yeftekhir 7ada bel-nes, li2anno kell shi houe elkon, eza ken Boulos aw Apolos aw Boutros aw el-3alam aw el-7ayet aw el-mawt aw el-7ader aw el-mousta2bal: kell shi elkon, w-ento lal-MASI7, wel-MASI7 la-ALLAH. Khalle el-nes te3teberna kheddem lal-MASI7 w-woukala 3a-asrar ALLAH. Wel-matloub min el-woukala enno ykoun kell wa7ad minnon ameen. W-ana ma bihemne ktir enno tdeenoune ento aw ayya ma7kame bashariyye, ana ma bdeen 7ale, w-dameere ma bi2annebne bi-shi, bass hal-shi ma bibarrerne, li2anno el-RAB houe yalle bideen. Ma te7ekmo 3ala 7ada abl el-wa2et, 7atta yeje el-RAB ynawwir yalle khtafa bel-3atme w-yekshof naweya el-2loub, w-byekhod kell wa7ad 7a'2o bel-madee7 min ALLAH. W-ana kermelkon, ya ekhewte, sert ana w-Apolos matal ta-tet3allamo minna "enno t7afzo 3al-2ousoul", bi-7asab el-maktoub. 7atta ma 7ada minkon yentefikh bel-kebriya w-yet7azzab ma3 wa7ad dodd el-tene. Li2anno meen yalle bimayyzak 3an ghayrak? W-shou yalle elak w-ma akhadto min ALLAH? W-eza kent akhadto, leysh bteftekhir ka2annak ma akhadto? W-halla2 ento shbe3to w-ghtanayto! Serto moulouk bidounna! W-ya reytkon kento bel-fe3l moulouk 7atta nsherekkon bel-moulk! W-ana bshouf enno, ne7na el-rousl, ALLAH 7attna ekher el-nes metl el-ma7koum 3leyon bel-mawt, li2anno serna ferje lal-3alam, w-lal-maleyke wel-bashar. Ne7na mjaneen kermel el-MASI7 w-ento 7ekama bel-MASI7. Ne7na d3af w-ento 2weya. Ento moukarramin w-ne7na mou7ta2arin. W-ba3dna la-halla2 3am njou3 w-no3tash w-3am bishall7ouna tyebna w-yedorbouna w-ysharrdouna, w-3am neshteghil bi-2ideyna w-net3ab ta-n3ish. Bisebbouna w-minberekon, byedtehdouna w-mnet7ammal, bye7ko 3anna bel-3atel w-minredd bel-mni7. Serna metl zbelit el-3alam. Mish 3am ektob hal-shi ta-khajjelkon, bass ta-ensa7kon ka2annkon wlede yalle b7ebbon. W-law ken 3endkon bel-MASI7 3ashr-talef mourshed, ma 3endkon bayyet ktar, li2anno ana waladtkon bel-MASI7 YASOU3 bel-injil yalle 7melto la-elkon. W-betlob minkon tetmetalo fiyye. Kermel hek ba3attelkon Timothawos, 2ebne el-7abib el-ameen bel-RAB, w-houe bizakkerkon bel-mabedi2 yalle ana meshe 3leyon bi-7ayete ma3 el-MASI7 YASOU3, metl ma 3am 3allemon wayn ma ken, bi-kell el-kaneyes. Fakkar kamm wa7ad minkon enno ma ra7 eje halla2 la-3andkon w-ntafakho min el-kebriya, Bass ra7 eje 2ariban eza ALLAH rad, w-se3eta ba3rif mish bass shou 2alo hal-metkabbrin, ra7 a3rif kamen shou 3am ya3emlo. W-malakout ALLAH ma bikoun bel-7ake, bikoun bel-fe3l. Shou bitfaddlo? Enno eje la-3andkon bel-3asa aw bel-ma7abbe w-rou7 el-wade3a? Ntashar wayn ma ken khabar enno 3endkon zena, w-enno ma fi metlo 7atta 3end el-wathaniye: enno fi wa7ad minkon 3am bi3asher zawjet bayyo. W-ento manfoukhin min el-kebriya! Badel ma tebko 3a-7alkon la-7add ma tsheelo min baynetkon yalle 3eml hal-shi. Bass ana, ghayib 3ankon bel-jesm w-7ader bel-rou7, w-7akamet 3ala yalle 3eml hal-shi ka2anne 7ader. W-lamma btejtem3o, w-ana ma3kon bel-rou7, bi-esm RABNA YASOU3 w-edrto, sallmo hal-rejjel lal-shaytan, 7atta jesmo yrou7 3al-halek, w-rou7o tle2e el-khalãs bi-yawm el-RAB. Ma bisir ennkon teftekhro! Ma bta3erfo enno shweyyit khameere bitkhammer el-3ajeen kello? Kermel hek naddfo 7alkon min el-khameere el-3ati2a ta-tsiro 3ajeen jdid li2annkon fateer ma fiyo khameer, w-hayda 7amal fos7na ndaba7, w-houe el-MASI7. Ta3o n3ayyed, mish bel-khameeree el-3ati2a wala bi-khameeret el-sharr wel-fased, n3ayyed bi-fateer el-na2awe wel-7a2. Kent katabtelkon bi-riselte enno ma tet3ãto ma3 yalle byezno. W-ma bo2sod yalle byezno bi-hal-3alam aw el-fejreen aw el-serra2in aw yalle bye3bado el-awthen, wa-ella bitsiro majbourin tedharo min el-3alam! Bass halla2 b2elkon ma tet3ãto ma3 yalle byedde3e enno houe khayy w-houe byezne aw bye3bad awthen aw bisebb aw byeskar aw byesro2. Ma te2e3do ma3o aw ma3 yalle metlo 3al-2akl. Ma3'2oul deen yalle barrat el-knise? Mish lezim ento tdeeno yalle jouwwa? Li2anno yalle barra bideenon ALLAH. Wel-kteb bi2oul: "sheelo el-fesid min baynetkon." Eza ken la-7ada minkon da3wa 3ala 7ada min el-ekhwe, keef byestarje enno y7akmo 3end el-zalmeen, mish 3end el-ekhwe el-2eddisin? Ma bta3erfo enno el-ekhwe el-2eddisin henne yalle ra7 ydeeno el-3alam? W-eza kento ra7 tdeeno el-3alam, mish lezim tkouno edrin te7ekmo bel-2adaya el-basita? Ma bta3erfo enno ne7na ra7 ndeen el-maleyke? Kermel hek lezim na3rif ne7kom bi-2adaya hal-dene. W-eza sar fi khilef baynetkon 3ala hal-2adaya, ma3'2oul t7otto a2all el-nes bel-knise enno ye7ekmo 3leyon? 3am 2oul hal-shi ta-tekhjalo. Tekhmin ma fi baynetkon 7ada 3endo 7ekme bye2dar enno ye7kom bayn khayy w-khayyo, fa-ma byeshke khayyo la-yalle ma bi2ãmno? Ento bte7ekmo 3a-ba3d, w-hayda 3ayb! Mish a7sanelkon tet7ammalo el-zolm? Mish a7sanelkon tet7ammalo enno ye7ermoukon min yalle elkon? Badl ma tozelmo w-te7ermo, 7atta ekhwetkon! Ma bta3erfo enno el-zalmeen ma byourato malakout ALLAH? Ma tekhda3o 7alkon, li2anno la yalle byezno wala yalle bye3bado el-awthen wala yalle 3endon shouzouz jense wala el-serre2in wala el-tammi3in wala yalle byeskaro aw bisebbo wala el-nehbin byourato malakout ALLAH. El-ba3d minkon ken hek, bass tghassalto, w-t2addasto, w-tbarrarto bi-esm el-RAB YASOU3 el-MASI7 w-bi-ROU7 Ilehna. Fi meen bi2oul: "kell shi masme7le", bass mish kell shi byenfa3. "Kell shi masme7le", bass ma be2bal bi-enno yesta3bedne ayya shi. El-2akl lal-batn, wel-batn lal-2akl, w-ALLAH ra7 ydammir el-tnen sawa. Bass jesm el-2ensen houe mish lal-zena, houe lal-RAB wel-RAB lal-jesm. W-ALLAH yalle 2awwam el-RAB min el-mawt ra7 y2awwemna ne7na kamen bi-edrto. Ma bta3erfo enno ajsemkon hiye min domn el-MASI7? Ma32oul ekhod jesm el-MASI7 w-a3mil minno jez2 min jesm mara zenye? Akid la2! Ma bta3erfo enno yalle byette7id bi-mara zenye bisir houe w-yeha jesm wa7ad? El-kteb bi2oul: "bisiro el-tnen jesm wa7ad." Bass yalle byette7id bel-RAB bisir rou7 wa7ad houe w-yeh. Hrebo min el-zena, fa-kell khatiyye bya3mela el-2ensen bitdall barrat jesmo. Bass yalle byezne byokhte dodd jesmo. Ma bta3erfo enno ajsemkon hiye haykal el-ROU7 el-2ODOS yalle fikon w-yalle akhadtouh min ALLAH? Fa-ento ma temelko zetkon, ento la-ALLAH. Houe shtarakon w-dafa3 el-taman. Kermel hek majjdo ALLAH bi-ajsemkon. Bi-khsous yalle katabtoule 3anno b2oul, a7sanlo lal-rejjel enno ma y2arrib min mara. Bass, 7atta netjannab el-zena, khalle ykoun la-kell rejjel marto w-la-kell mara zawja, wel-zawj ya3te marto 7a'2a, wel-mara ta3te zawja 7a'2o. Ma fi soulta lal-mara 3ala jesma, el-soulta la-zawja. W-nafs el-shi el-zawj ma elo soulta 3ala jesmo, el-soulta la-marto. Ma 7ada minkon ye7rom el-tene minno ella eza ettafa2to ma3 ba3d w-la-wa2et m3ayyan, 7atta tetfaddo lal-sala. Min ba3da rja3o lal-7ayet el-zawjiyye el-3adiyye ta-ma t3ouzo dabt el-nafs, w-tou2a3o bi-tajribet eblees. B2elkon hal-shi w-ma asde e2morkon, asde ensa7kon, W-ana bitmanna law keno kell el-nes metle. Bass la-kell 2ensen mawhabe khãssa min ALLAH, fi nes 3endon mawhabe m3ayyane w-ghayr nes 3endon mawhabe tenye. W-b2oul la-yalle mish metzawjin wel-araml enno a7sanlon yeb2o metle. Bass eza keno mish edrin yedbato nafson, khalliyon yetzawwajo. Fa-el-zawej afdal min el-ta7arro2 bel-shahwe. W-bwasse el-metzawjin, w-hal-wassiye min el-RAB mish minne, enno ma tetrok el-mara zawja, W-eza taraketo, khalliya teb2a bidoun zawj aw khalliya tsale7 zawja, wel-zawj ma ytalle2 marto. Bass el-be2yin, b2ellon ana w-mish el-RAB: eza ken la-khayy mou2min mara mish mou2mine badda t3ish ma3o, ma ytalle2a. W-eza ken la-mara mou2mine zawj mish mou2min baddo y3ish ma3a, ma ettal2o. El-zawj yalle mish mou2min byet2addas bi-marto el-mou2mine, wel-mara yalle mish mou2mine btet2addas bi-zawja el-mou2min, wa-ella keno wledkon ashrar, ma3 ennon m2addasin. W-eza el-mish mou2min aw el-mish mou2mine baddon yeterko ba3d khalliyon yefter2o, fa-bi-metl hal-7ale ma bikoun el-mou2min aw el-mou2mine marboutin bel-zawej, li2anno ALLAH baddo yekon t3isho bi-salem. W-shou 3arrafik ente ya hal-mara el-mou2mine ennik ra7 te2dare tkhalse zawjik? W-keef bta3rif ya hal-rejjel el-mou2min ennak ra7 te2dar tkhallis zawjtak? Khalle kell wa7ad minkon y3ish bi-7ayeto 2add ma ALLAH 3atah w-metl ma ken lamma ALLAH da3eh, w-hayde wassiyte lal-kaneyes kella. Yalle da3eh ALLAH w-houe makhtoun, ma yjarreb ykhabbe khatno, w-yalle da3eh el-RAB w-houe mish makhtoun, ma yekhton 7alo. El-khatn mish shi w-3adam el-khatn mish shi, el-shi enno ne7faz wassaya ALLAH. Kermel hek khalle kell wa7ad yeb2a metl ma ken lamma ALLAH da3eh. W-eza kent 3abd lamma ALLAH da3ek, ma tehtamm. Bass eza kent bte2dar tsir 7orr, lezim testaghnem el-forsa. W-yalle el-RAB da3eh w-houe 3abd, bikoun lal-RAB 7orr, w-nafs el-shi yalle el-MASI7 da3eh w-houe 7orr, bikoun lal-MASI7 3abd. W-ALLAH shtarakon w-dafa3 el-taman, fa-ma tsiro 3abeed lal-nes. Khalle kell wa7ad minkon yeb2a, ya ekhewte, eddem ALLAH metl ma ken lamma da3eh. El-mish metzawjin ma 3ende elon wassiye min el-RAB, bass ba3te ra2ye metl rejjel ra7met el-RAB khallet el-nes toutha2 fih, bi-sabab el-di2 el-mawjoud 7aliyyan, khalle el-2ensen yeb2a metl ma houe. Eza enta metzawwej bi-mara? Ma tetlob el-infisal 3anna. Eza enta mish metzawwej bi-mara? Ma tetlob el-zawej bi-mara, w-eza tzawwajet, ma bitkoun 3melt shi ghalat, bass yalle byetzawwajo byesh2o ktir bi-7ayeton, w-ana badde jannebon el-3azèb. B2elkon, ya ekhewte, enno el-wa2et 3am yo2sar. Khalle yalle 3endon neswen ykouno ka2anno ma 3endon, w-yalle byebko ka2annon ma 3am yebko, w-yalle byefra7o ka2annon ma 3am yefra7o, w-yalle byeshtero ka2annon ma byemelko, w-yalle byet3ato oumour hal-3alam ka2annon ma 3am yet3ato, li2anno hal-3alam raye7 3al-zawel. Badde yekon tkouno bidoun hamm. El-mish metzawwej yehtamm bi-oumour el-RAB w-keef baddo yorde el-RAB, Wel-metzawwej yehtamm bi-oumour el-3alam w-keef baddo yorde marto, w-houe ma2soum. W-nafs el-shi el-3adra wel-mara yalle ma ela zawj yehtammo bi-oumour el-RAB w-keef baddon yet2addaso jasadan w-rou7an, wel-metzawwje tehtam bi-oumour el-3alam w-keef badda torde zawja. 3am 2oul hal-shi la-masla7etkon, mish ta-7ammelkon kouyoud, bass ta-ta3erfo shou el-mni7 w-tekhedmo el-RAB bidoun taraddod. Eza 7ada shef enno mish edir ysoun khatibto w-enno la-bodd min el-zawej khallih yetzawwaja eza baddo w-ma bikoun 3am yeghlat. Bass yalle me2teni3 bi-2albo, w-ken mish medtar, w-ken 7orr bi-ekhtiyaro, w-2arrar bi-2albo enno ysoun khatibto, bikoun 3am ya3mil mni7. Fa-ezan, yalle byetzawwaj khatibto bya3mil mni7, w-yalle ma byetzawwaja bikoun a7san. Btertebet el-mara bi-shari3et el-zawej kell shi w-zawja tayyib, w-eza met, rej3et 7orra fiya tetzawwaj yalle badda yeh, 3a-shart ykoun zawej bel-RAB. Bass bi-ra2ye bitkoun mabsouta aktar eza be2yit bala zawej, w-be3te2id enno ana kamen fiyye ROU7 ALLAH. Bennesbe la-zabeye7 el-awthen, sa7i7 enno kellna 3enna el-ma3rife bass el-ma3rife btenfokh el-shakhs, wel-ma7abbe btebne. W-yalle mfakkar 7alo bya3rif shi, houe ma bya3rif ba3d keef lezim ya3rif. Bass yalle bi7ebb ALLAH, ALLAH bya3erfo. W-bi-khsous el-2akl min zabeye7 el-asnam, ne7na mna3rif enno ma fi asnam, w-enno ma fi Ileh ella ALLAH el-wa7ad. W-7atta law keno el-nes bi2oulo enno bel-sama aw 3al-ard fi Ãliha, w-fi ktir Ãliha w-arbeb, ne7na 3enna Ileh wa7ad w-houe el-Ãb yalle kell shi minno w-la-elo mnerja3, w-RAB wa7ad houe YASOU3 el-MASI7 yalle kell shi bi-wasteto w-ne7na kamen mawjoudin bi-wasteto. Bass mish el-kell bya3rif hal-7a2i2a, fi nes t3awwado 3al-awthen la-liom, w-byeklo el-zabeye7 ka2anna mazbout zabeye7 lal-awthen, w-dameeron byetlawwath li2anno d3if, bass el-2akl ma bi2arrebna min ALLAH, w-eza ma akalna ma mnekhsar shi, w-eza akalna ma mnerba7 shi. Bass lezim tentebho ta-ma tkoun 7orriyetkon hayde 7ajar 3athra lal-d3af. W-eza shefak 7ada, enta yalle 3endak el-ma3rife, 3am tekol bi-haykal el-awthen, ma bitshoufo ra7 yetshajja3, eza ken dameero d3if, w-yekol min zabeye7 el-awthen? W-bitkoun ma3reftak enta sabab la-halek hal-d3if, w-houe khayy elak met el-MASI7 kermelo. W-hek bitkouno khtito tijeh el-MASI7 lamma btokhto la-ekhwetkon w-btejra7o dameeron el-d3if. W-eza ken el-2akl sabab la-sou2out khayye, ma ra7 ekol el-la7m abadan ta-ma koun sabab la-sou2out khayye. Mish ana 7orr? Mish ana rasoul? Mish ana sheft YASOU3 RABNA? Mish ento thamaret 3amale bel-RAB? W-eza ma kent rasoul la-ghayrkon, ana rasoul elkon li2annkon ento khatm riselte bel-RAB? W-hayda jawebe la-yalle byettehmoune: ma elna 7a2 nekol w-neshrab? Ma elna 7a2 metl be2e el-rousl w-ekhwet el-RAB w-Boutros enno nemshe ma3 zawje mou2mine? Aw ana w-Barnaba wa7edna ma bi7e'2elna ella enno neshteghil? Meen bi7areb 3a-nafe2to el-khãssa? Meen byezra3 karm w-ma byekol min thamaro? Meen byer3a atee3 w-ma byekol min labano? Awlkon ana 3am e7ke li2anne bashar? Mish el-shari3a bit2oul hek kamen? Eja bi-shari3et Moussa: "ma tsakker temm el-tawr 3al-baydar houe w-3am yedros el-7boub." Awlkon ALLAH byehtamm bel-thiran? Ma 2al hal-shi bel-fe3l kermelna? Mbala, kermelna katab hal-shi w-bye3ne: yalle byefla7o el-ard w-yalle byet7ano el-7ouboub 3endon 2amal enno yekhdo 7osseton min el-ghallé. W-eza kenna zara3na fikon el-kheyrat el-rou7iyye, ktir 3leyna enno no7sod min kheyratkon el-meddiyye? W-eza ken la-ghayrna 7a2 3leykon, mish ne7na a7a2? Bass ne7na ma sta3malna hal-7a2, bel-3aks t7ammalna kell shi ta-ma n7ott ayya meni3 eddem el-tebshir bel-MASI7. Ma bta3erfo enno yalle byekhdom el-haykal byekol min ta2dimet el-haykal, w-enno yalle byekhdom el-mazba7 byekhod 7ossa min el-zabeye7? W-hek 2amar el-RAB la-yalle bye3elno el-injil bi-enno y3isho min el-injil. Bass ana, ma sta3malet ayya 7a2 min hal-7ou2ou2, wala 3am bektob hal-shi halla2 ta-etlob shi. W-ana bfaddil enno mout 3ala enno ye7remne 7ada min hal-fakhr. W-eza basharet, ma ele fakhr, li2anno el-tebshir daroura nfaradet 3leyye, w-ya weyle eza ma basharet. W-eza kent 3am basher bi-iradte, ken ele el-7a2 bel-ejra. Bass eza kent ma 3am basher bi-iradte, w-ana 3am naffez wassiye ntalabet minne, Shou hiyye ejerte? Ejerte hiye enno basher min doun shrout w-etnezal 3an 7a'2e yalle byeje min khedmet el-injil. Ana rejjel 7orr 3end el-nes, bass khalleyt 7ale koun 3abd la-kell el-nes 7atta erba7 el-aktariyye. W-sert lal-Yahoud Yahoude la-erba7 el-Yahoud, w-sert la-ahl el-shari3a min ahl el-shari3a - w-law kent mish khãdi3 lal-shari3a - ta-erba7 ahl el-shari3a, w-sert la-yalle bidoun shari3a metl yalle bidoun shari3a ta-erba7 yalle henne bidoun shari3a, ma3 enno 3ende shari3a min ALLAH bi-khoudou3e la-shari3et el-MASI7, w-seret lal-d3af d3if ta-erba7 el-d3af, w-sert lal-nes kellon kell shi ta-khallis el-ba3d minnon bi-7ayalla tari2a. 3am ba3mil hal-shi kello kermel el-injil 7atta sir sharik bi-kheyrata. Ma bta3erfo enno yalle byetseba2o bel-rakd byeshterko kellon bel-saba2, w-bass wa7ad minnon byerba7? Kermel hek rkedo ento metlo 7atta terba7o. W-yalle byetseba2 byedbat nafso bi-kell shi kermel eklil bizoul, bass ne7na, eklilna ma bizoul. W-ana ma berkod metl yalle ma bya3rif el-hadaf, wala bedrob box metl yalle 3am yedrob el-hawa, bel-3aks be2sa 3ala jesme w-besta3ebdo 7atta ma koun khesran, min ba3d ma basharet ghayre. Ma badde tejhalo, ya ekhewte, enno bayyetna keno kellon ta7t ra7met el-ghaym, w-kellon 2ata3o el-ba7r, w-kellon t3ammado bel-ghaym w-bel-ba7r, ta ysiro la-Moussa, w-kellon akalo 2akl wa7ad elo ramz rou7e, w-kellon keno 3am yeshrabo sharab wa7ad elo ramz rou7e min sakhra rou7iyye bitrefe2on, w-hal-sakhra hiye el-MASI7. W-ma3 hal-shi, aktariyyeton ma ken ALLAH rade 3annon, w-wa2a3o mawta bel-sa7ra. Sar hal-shi kello ta-ykoun elna matal, fa-ma neshtehe el-sharr metl ma shtahouh henne, w-ma te3bado el-awthen metl ma 3abadouwa el-ba3d minnon, li2anno el-kteb bi2oul: "2a3ad el-sha3b yekol w-yeshrab, min ba3da 2amo yel3abo." W-ma nestaslem lal-zena metl ma staslam el-ba3d minnon, w-met minnon tleta-w-3eshreen alf bi-yawm wa7ad, w-ma njarreb el-MASI7 metl ma jarrabouh el-ba3d minnon, w-3a2asouwon el-7ayyet. W-ma tsher3o ento metl ma shera3 el-ba3d minnon, w-dammaron malèk el-mawt. W-sar ma3on hal-shi kello 7atta ykoun tenbih, w-houe maktoub ta-ykoun matal elna ne7na li2anno 3am n3ish bi-zaman sar 3a-ekher. Yalle mfakkar 7alo samid khallih yentebeh min enno you2a3. Ma fi tajribe fo2 edrit el-2ensen, li2anno ALLAH sade2, ma byesma7 enno tetjarrabo aktar min edretkon, bel-3aks bya3tikon ma3 el-tajribe waseele lal-khalãs minna wel-edra enno tet7ammalouwa. Kermel hek hrebo, ya a7ebbe2e, min 3ibedet el-awthen. 3am be7kikon metl ma be7ke nes elon waznon, fa-7kemo ento bi-yalle 3am 2oulo: Kes el-barake yalle 3am minbereka, mish hiye mousherake bi-damm el-MASI7? Wel-khebz yalle mneshe2fo, mish houe mousherake bi-jesm el-MASI7? W-ne7na, el-ktar, jesm wa7ad li2anno fi khebz wa7ad, w-ne7na kelna mneshterek bi-hal-khebz el-wa7ad. Ettalla3o 3ala wled Isra2il: mish yalle 3am yeklo el-zabeye7 henne shouraka el-mazba7? W-shou be2sod bi-kaleme hayda? Enno el-wathan houe shi bi-7add zeto, w-la-zabi7et el-wathan 2ime? La2, li2anno zabeye7 el-wathaniye henne zabeye7 lal-shyateen mish la-ALLAH. W-ana ma badde tkouno shouraka el-shyateen. Ma bte2daro teshrabo kes el-RAB w-kes el-shyateen, aw teshterko bi-meydet el-RAB w-meydet el-shyateen. Tekhmin 3am njarreb el-RAB ta nkhallih yghar? Shou ne7na a2wa minno? "Kell shi masmou7", bass mish kell shi bifeed. "Kell shi masmou7", bass mish kell shi byebne. Ma 7ada yetlob yalle bihemmo elo wa7do, yetlob yalle bihemm ghayro kamen. Kelo min el-la7m yalle byenbè3 bel-sou2 w-ma tes2alo 3an shi bass ta-treyy7o dameerkon. El-kteb bi2oul: "el-ard w-kell shi 3leya lal-RAB." Eza 3azamkon wathane w-2belto 3azeemto, kelo yalle bi2addmo elkon w-ma tes2alo 3an shi ta-treyy7o dameerkon. Bass eza 2alkon 7ada: "hayda el-2akl min zabeye7 el-awthen", ma teklo minno, kermel yalle khabbarkon w-kermel el-dameer. W-ma be3ne dameerkon ento, be3ne dameer ghayrkon. W-leysh dameer ghayre baddo ykabbil 7orriyte? W-eza akalet 2akl w-shakaret ALLAH 3le, leysh badde enlèm bi-yalle 3am beshkor ALLAH 3le? W-eza akalto aw shrebto, aw shou ma 3melto, 3melo kell shi la-majd ALLAH. Ma tkouno 7ajar 3athra lal-Yahoud aw ghayr el-Yahoud wala la-kniset ALLAH, kouno metle, ana bjarreb orde kell el-nes bi-kell shi 3am ba3emlo, w-ma bfattish 3a-masla7te el-khãssa, hamme enno ktar min el-nes yle2o el-khalãs. Tmetalo fiyye metl ma ana betmetal bel-MASI7. Bhannikon li2annkon 3am tezekroune deyman w-3am bit7afzo 3ala el-ta2aleed metl ma sallamtkon yeha. Bass badde ta3erfo enno el-MASI7 ras kell rejjel, wel-rejjel ras el-mara, w-ALLAH ras el-MASI7. W-kell rejjel bisalle aw byetnabba, houe w-lebis 3a-raso shi, biheen raso, ye3ne el-MASI7, W-kell mara bitsalle aw btetnabba hiye w-mish lebse 3a-rasa bit'heen rasa, ye3ne el-rejjel, ka2anna 7el2a sha3rat rasa. W-eza kenit el-mara manna mghattiye rasa, a7sanla t2oss sha3ra, bass eza ken 3ayb 3al-mara t2oss sha3ra aw te7el2o, khalliha tghatte rasa. Mish lezim el-rejjel yghatte raso li2anno houe souret ALLAH w-bye3kos majdo, wel-mara bte3kos majd el-rejjel. Wel-rejjel mish min el-mara, el-mara min el-rejjel, w-ALLAH ma khala2 el-rejjel kermel el-mara, khala2 el-mara kermel el-rejjel. Kermel hek lezim el-mara tghatte rasa ka-3alemet el-khoudou3, kermel el-maleyke. W-ma3 el-RAB, ma bitkoun el-mara bidoun el-rejjel, wala el-rejjel bidoun el-mara. Sa7i7 enno el-mara n2akhadit min el-rejjel, bass el-rejjel bitwalldo el-mara, w-kell shi min ALLAH. Kermel hek 7kemo ento: byeswa el-mara tsalle la-ALLAH hiye w-rasa mkashaf? Ma bit3allemkon el-tabi3a nafsa enno 3ayb el-rejjel ytawwil sha3ro, bass mish fakhr el-mara enno ettawwil sha3ra? Li2anno ALLAH 3ataha el-sha3r ta-tetghatta fih. W-eza 7ada baddo y3ared, hal-shi mish min 3adetna wala min 3adet kaneyes ALLAH. Bi-khsous el-wassaya el-be2yin, ana ma bhannikon, li2anno ejtima3etkon 3am ydorro aktar ma 3am yenfa3o. Awwal shi, wosselle enno lamma 3am tejtemi3 knisetkon 3am tekhtelfo bayn ba3d. W-ana bsadde2 hal-shi shwey, li2anno la-bodd min ennkon tekhtelfo ta-na3rif meen yalle baynetkon ba3do 3a-imeno. W-ento ma 3am teklo 3asha el-RAB lamma btejtem3o, kell wa7ad minkon 3am yekol la-wa7do, w-bisir wa7ad 3am bijou3 wel-tene 3am yeskar. Ma 3endkon byout ta-teklo fiya w-teshrabo? Aw ennkon 3am testkheffo bi-kniset ALLAH w-bit'heeno el-fou2ara? Fa-shou badde 2elkon? Bhannikon? La2, ana ma bhannikon bi-hal-shi. Ana min el-RAB tsallamet yalle sallamto elkon, w-houe enno el-RAB YASOU3, bel-leyle yalle sallam fiya 7alo, akhad khebz w-shakar w-sha2af el-khebz w-2al: "hayda jesme, houe kermelkon. Teb2o 3melo hal-shi w-tzakkaroune." W-kamen akhad el-kes min ba3d el-3asha w-2al: "hal-kes hiye el-3ahd el-jdid bi-damme. Kell ma shrebto min hal-kes, 3melo hal-shi w-tzakkaroune." W-ento kell ma akalto hal-khebz w-shrebto hal-kes bitkhabbro bi-mawt el-RAB 7atta yeje. W-yalle byekol khebz el-RAB aw-byeshrab keso bidoun este7'2a2 bikoun mezneb eddem jesm el-RAB w-dammo. Kell wa7ad yef7as dameero, w-ba3den byekol min hal-khebz w-byeshrab min hal-kes, li2anno yalle byekol w-byeshrab bidoun ma yshouf fiyon jesm el-RAB, byekol w-byeshrab el-7ekm 3ala nafso. Kermel hek ketro baynetkon el-marda wel-d3af w-met el-ba3d minkon. W-law kenna 3am n7akem 7alna min abl, ma ken n7akam 3leyna. Bass el-RAB bye7kom 3leyna w-bi2addebna ta-ma ydeenna ma3 be2e el-3alam. W-lamma btejtem3o ya ekhewte ta-teklo el-3asha, ntero ba3dkon. W-eza ken 7ada minkon jou3an khallih yekol bi-beyto, ta-ma ykoun ejtime3kon sabab lal-7ekm 3leykon. W-bennesbe lal-eshya el-tenye, amma beje la-3andkon be7ke fiya. W-bi-khsous el-maweheb el-rou7iyye, ya ekhewte, ma badde tejhalo 7a2i2eta. Bta3erfo ennkon, lamma kento wathaniye, kento tenjarro la-3and el-awthen el-khers bi-tahawwour. Bass halla2 3rafo enno ma fi 7ada eza alhamo ROU7 ALLAH bi2oul enno YASOU3 mal3oun min ALLAH, wala 7ada bye2dar y2oul enno YASOU3 RAB ella bi-elhem min el-ROU7 el-2ODOS. Fa-el-maweheb el-rou7iyye 3ala anwe3, bass el-ROU7 yalle bya3tya wa7ad. Wel-khedme 3ala anwe3, bass el-RAB wa7ad. Wel-a3mel 3ala anwe3, bass ALLAH, yalle bya3mil kell shi bel-kell, wa7ad. Kell wa7ad byen3ata mawhabe bitkhalle el-ROU7 ybayyen fiya kermel el-kheyr el-3am. Wa7ad byen3ata min el-ROU7 kalem el-7ekme, w-ghayro kalem el-ma3rife. Wel-ROU7 el-wa7ad nafso bya3te nes el-imen, w-bya3te ghayron mawhabet el-shife2, w-ghayron el-edra enno ya3emlo 3ajeyeb, w-ghayron enno yetnabbo, w-ghayron temyiz el-arwe7, w-ghayron enno ye7ko bi-3eddit loughat, w-ghayron enno ytarjmouwa. W-hayda kello bya3emlo el-ROU7 el-wa7ad nafso w-biwazzi3 mawehbo 3ala kell wa7ad metl ma baddo. W-metl ma el-jesm wa7ad w-elo a2sãm ktire hiye 3ala ketrita jesm wa7ad, hek el-MASI7. Fa-ne7na kellna, eza kenna Yahoud aw ghayr Yahoud, 3abeed aw a7rar, t3ammadna bi-ROU7 wa7ad ta-nkoun jesm wa7ad, w-shrebna min ROU7 wa7ad. Wel-jesm mish 2osm wa7ad, houe a2sãm ktire. W-law 2alet el-ejr: "ana mish 2id, fa-ezan ana mish min el-jesm? W-law 2alet el-dayne: "ana mish 3ayn, fa-ezan ana mish min el-jesm", awlkon bitbattel tkoun 2osm min el-jesm? W-law ken el-jesm kello 3ayn, wayn el-sama3? W-law ken el-jesm kello dayne, wayn el-shamm? Bass ALLAH 3eml kell 2osm bel-jesm metl ma baddo. W-law keno kellon 2osm wa7ad, wayn el-jesm? Bass el-a2sãm el-ktire wel-jesm wa7ad. W-ma bte2dar el-3ayn t2oul lal-2id: "ana mish bi-7aje elik." Wala el-ras lal-ejren: "ana mish bi-7aje elkon!" W-yalle mne7esbo ad3af a2sãm el-jesm houe aktar shi elo 3aze, w-yalle mne7esbo a2alla karame houe yalle minkarrmo aktar, w-yalle mneste7e fih houe yalle mne7termo aktar. Li2anno el-a2sãm el-mhemme, mish bi-7aje lal-i7tiram. Bass ALLAH 3eml el-jesm bi-tari2a bta3te karame lal-a2sãm yalle ma ela karame, 7atta el-jesm ma yen2osem 3a-zeto, w-nkhalle el-a2sãm kellon yehtammo bi-ba3don. W-eza t2allam 2osm t2allamit ma3o kell el-a2sãm, w-eza tkarram 2osm fer7et ma3o be2e el-a2sãm. W-ento jesm el-MASI7, w-kell wa7ad minkon 3odow minno. W-ALLAH 3eml bel-knise el-rousl awwal shi wel-anbiya tene shi wel-mou3allimin telit shi, min ba3da 3ata el-be2yin el-edra enno ya3emlo 3ajeyeb w-maweheb el-shife2 w-enno yse3do ghayron wel-tedbir wel-7ake bi-3eddit loughat. Tekhmin kellon rousl aw kellon anbiya aw kellon mou3allimin aw kellon bya3emlo 3ajeyeb. W-kellon 3endon mawhabet el-shife2 aw kellon bye7ko bi-3eddit loughat aw kellon bitarejmo? Kermel hek tma7o bel-maweheb el-3azeeme, w-ana ra7 ersemelkon tari2a afdal bi-ktir. Law 7kit bi-loughat el-nes wel-maleyke, w-ma ken 3ende ma7abbe, ana mish ella n7as bitonn aw sanj birenn. W-law 3atane ALLAH etnabba w-kent 3arif kell serr w-kell 3elm, w-ken 3ende el-imen el-kemil ta-en2ol fih el-jbel, w-ma ken 3ende ma7abbe, ana ma shi. W-law 3tit kell mesriyyete w-sallamet jesme ta-ye7er2oune, w-ma 3ende ma7abbe, mish ra7 yetla3le shi. El-ma7abbe btesbor w-2alba tayyib, el-ma7abbe ma bta3rif el-7asad wala bitshouf 7ala wala btetkabbar. El-ma7abbe ma tetsarraf ghalat, w-ma btetlob shi ela, w-ma btoghdab w-ma bitzonn bi-7ada. El-ma7abbe ma btefra7 bel-zolm, btefra7 bel-7a2. El-ma7abbe betsemi7 kell shi, w-bitsaddi2 kell shi, w-btetrajja kell shi, w-btesbor 3ala kell shi. El-ma7abbe ma btes2ot abadan. Bass el-noubouwet bibattlo wel-loughat bimouto. Wel-ma3rife kamen bitbattil, li2anno ma3rifetna na2sa w-noubouwetna na2sa. W-lamma byeje el-kemil bizoul el-na2is. Lamma kent tofl, kent e7ke metl el-tofl w-metl el-tofl kent efham, w-metl el-tofl kent fakkir, w-lamma sert rejjel, taraket yalle houe lal-tofl. W-yalle 3am nshoufo liom houe soura mghabbshe bi-mreye, bass bi-haydak el-yawm ra7 nshouf wejj bi-wejj. Wel-yawm ba3rif shwey, bass bi-haydak el-yawm ra7 a3rif kell shi metl ma ALLAH bya3refne. W-halla2 byeb2a el-imen wel-raja wel-ma7abbe, w-a3zam hal-tlete hiye el-ma7abbe. Tlebo awwal shi el-ma7abbe, w-tma7o lal-maweheb el-rou7iyye, w-aktar shi mawhabet el-noubouwe. W-yalle bye7ke bi-3eddit loughat ma bye7ke el-nes, bye7ke ALLAH, li2anno ma fi 7ada byefham kalemo, w-houe bi2oul bel-ROU7 eshya ghãmda. Bass yalle byetnabba, bye7ke el-nes 7ake byebne w-bishajji3 w-bi3azze. Yalle bye7ke bi-3eddit loughat byebne 7alo, bass yalle byetnabba byebne el-knise. Badde yekon te7ko kellkon bi-3eddit loughat, bass bfaddel tetnabbo, li2anno yalle byetnabba a3zam min yalle bye7ke 3eddit loughat, ella eza ken 3am bitarjem yalle 3am bi2oulo 7atta tefhamo el-knise, w-yebnya. W-eza jeet la-3andkon, ya ekhewte, w-7kitkon bi-3eddit loughat, keef bfeedkon eza ma 7kitkon bi-wa7e aw ma3rife aw noubouwe aw ta3lim. Hek kamen 2ãlet el-3azf el-yebse metl el-nay wel-3oud, eza ma tayla3o naghmet moumayyaze, keef mna3rif sawt el-nay min sawt el-3oud? W-eza talla3 el-bou2 sawt mshawwash, meen bi7addir 7alo lal-7arb? W-nafs el-shi ento, eza nata2 lsenkon bi-kalem mish mafhoum, keef 7ada ra7 ya3rif yalle 3am bit2oulouh? Ma birou7 kalemkon bel-hawa? Fi bel-3alam loughat ktire wala we7de minna bidoun ma3na, w-eza ma ba3rif ma3na el-kelmet, bkoun metl el-ajnabe bi-nazar yalle 3am be7kih, w-bikoun yalle 3am ye7kine metl el-ajnabe bi-nazare. Bass ento yalle kamen btetma7o lal-maweheb el-rou7iyye, tlobo ya3tikon hiye ALLAH ta-tebno el-knise. Kermel hek yalle bye7ke bi-3eddit loughat yetlob min ALLAH mawhabet enno yfassera, li2anno eza salleyt bi-loughat, rou7e bitsalle w-3a2le ma byestafeed bi-shi. W-shou ba3mil? Bsalle bi-rou7e w-bsalle bi-3a2le kamen. W-brannem bi-rou7e w-brannem bi-3a2le kamen. W-eza kent ma 3am teshkor ALLAH ella bel-rou7, keef baddak yalle 3am yesma3 w-ma 3endo khebra enno yjewib "ãmin" 3lek, w-houe ma bya3rif shou 3am bit2oul? Enta bta3rif teshkor mni7, bass ghayrak ma stafed shi ta-yebne 7alo. Beshkor ALLAH enno 3am be7ke bi-loughat ktire aktar minkon kellkon, bass bel-knise bfaddel enno 2oul khams kelmet mafhoume b3allim fiya el-nes 3ala enno 2oul 3ashr-talef kelme bi-3eddit loughat. Ma tkouno ya ekhewte atfal bi-tefkirkon, kouno atfal bel-sharr w-reshdin bel-tefkir. 2alet el-shari3a: "2al el-RAB: ra7 e7ke hal-sha3b bi-alsine gharibe w-bi-shfef gharibe, w-ma3 hayda w-kello ma byesma3oule." Wel-loughat mish 3ajibe lal-mou2minin, el-loughat 3ajibe lal-mish mou2minin. Bass mawhabet el-noubouwe hiye lal-mou2minin, mish lal-ma bi2ãmno. W-law jtama3et el-knise kella w-7eke kell wa7ad fiya bi-loughat, w-feto moustami3in ma 3endon khebra aw mish mou2minin, ma bi2oulo ennkon mjaneen? Bass law tnabbo kellon, w-fet la-3andon 7ada ma 3endo khebra ta-yesma3 aw gher mou2min, kellon ra7 ysher3ouh w-ye7ekmo 3le, w-bass tenkeshef khafeya 2albo, ra7 yesjod w-ye3bad ALLAH w-y2oul: ALLAH 7a2i2atan baynetkon. W-shou ba3d, ya ekhewte? Lamma btejtem3o w-kell wa7ad minkon jeyib ma3o mazmour aw ta3lim aw wa7e aw risele bi-3eddit loughat aw tarjame la-hal-loughat, khallo ykoun kell shi lal-benyen. W-eza 7kito bi-3eddit loughat, khallo tnen aw tlete bel-ktir ye7ko, kell wa7ad bi-dawro, w-khallo ykoun baynetkon meen ytarjem. W-eza ken ma fi mtarjem, khallo yalle 3am ye7ke yeskot w-ye7ke ma3 7alo w-ma3 ALLAH. W-yalle byetnabbo, khallo tnen aw tlete minnon ye7ko, wel-bey2in ye7ekmo. W-eza 7ada ghayron min el-mawjoudin ejeh wa7e min ALLAH, khallo yalle 3am ye7ke yeskot, li2anno kellkon fikon tetnabbo, wa7ad wara el-tene, ta-yet3allamo kell el-mawjoudin w-yetshajja3o. W-arwe7 el-anbiya khãd3a la-yalle byetnabbo, w-ALLAH mish Ileh fawda, houe Ileh el-salem. W-metl ma byesekto el-neswen bi-kell kaneyes el-ekhwe el-2eddisin, khallo neswenkon yesekto bel-kaneyes, li2anno mish masmou7 enno ye7ko. Masmou7 yekhda3o metl ma bit2oul el-shari3a. Bass eza 7abbo yet3allamo shi, khalliyon yes2alo azwejon bel-beyt, li2anno ma byeswa enno el-mara te7ke bel-knise. Tekhmin min 3endkon ntala2et kelmet ALLAH, aw wosslit la-elkon wa7edkon? Eza fi 7ada mfakkar 7alo nabe aw sa7ib mawhabe rou7iyye, khallih ya3rif enno yalle 3am beketbo elkon houe wassiyet el-RAB, w-eza tjehal hal-shi, tjehalouh. Tma7o fa-ezan, ya ekhewte, bi-mawhebet el-noubouwe w-ma temna3o 7ada enno ye7ke bi-3eddit loughat. W-khallo kell shi ysir bi-laye2a w-nizam. Bzakkerkon, ya ekhewte, bel-injil yalle 7melto elkon w-2beltouh w-ba3dkon thebtin 3le, w-bi-wasteto ra7 tle2o el-khalãs eza 7feztouh metl ma bashartkon fih, wa-ella bitkouno 2ãmanto batel. Sallametkon abl kell shi yalle stalamto ana, w-houe enno el-MASI7 met kermel khatayana metl ma maktoub bel-ketob, w-enno ndafan w-2am bel-yawm el-telit metl ma nkatab bel-ketob, w-enno zahar la-Boutros w-min ba3da lal-rousl el-tna3sh, min ba3da zahar la-aktar min khams-miyyet shakhs sawa, aghlabon ba3don tayybin wel-ba3d minnon meto, min ba3da zahar la-Ya3koub, w-min ba3da la-kell el-rousl, 7atta zaharle ekher shi ana kamen ka2anne tofl jahadeto emmo. Ana a2alla wa7ad bayn el-rousl, w-ma best7e2 enno etsamma rasoul li2anno edtahadet kniset ALLAH, w-bass bi-ne3met ALLAH rje3et sert yalle serto, w-ne3emto 3leyye ma ra7et di3an, t3ebt aktar minnon kellon, w-mish ana yalle t3ebt, hayde ne3met ALLAH yalle ma3e. 3a kell 7al, eza kent ana aw keno henne, hayda yalle minbasher fih w-hayda yalle 2ãmanto fih. W-bi-ma enno 3am minbasher bi-enno el-MASI7 2am min el-mawt, keef ba3d fi baynetkon nes bi2oulo enno el-mawta ma bi2oumo? Eza keno el-mawta ma bi2oumo, el-MASI7 ma 2am kamen. W-eza ken el-MASI7 ma 2am, tebshirna batel w-imenkon batel, W-minkoun shouhoud el-zour 3ala ALLAH, li2anno sh'hedna 3ala ALLAH enno 2awwam el-MASI7 w-houe ma 2awwamo, eza keno el-mawta ma bi2oumo. W-eza keno ma bi2oumo, el-MASI7 ma 2am kamen. W-eza ken el-MASI7 ma 2am, imenkon batel w-ento ba3dkon bi-khatayakon. W-nafs el-shi bikouno yalle meto bel-MASI7 ra7o 3al-halek. W-eza ken rajena bel-MASI7 ma7sour bi-hal-7ayet, ne7na ash2a el-nes kella. Bass el-7a2i2a hiye enno el-MASI7 2am min el-mawt w-houe awwal el-2aymin min nawmit el-mawt. Wel-mawt ken 3ala 2id 2ensen, w-3ala 2id 2ensen bitkoun 2iyemet el-mawta. W-metl ma bimouto kell el-nes bi-Ãdam, hek bel-MASI7 ra7 y3isho, bass kell wa7ad 7asab retebto. Wel-MASI7 awwal shi li2anno el-bekr, min ba3da yalle henne lal-MASI7 lamma yeje. W-bitkoun el-niheye lamma bisallem el-MASI7 el-moulk la-ALLAH el-Ãb min ba3d ma ydammir kell ri2ase w-kell soulta w-2ouwwe. W-la-bodd enno yemlok 7atta 7yott kell a3de2o ta7t ejrey. Wel-mawt ekher 3adouw bidammro. Wel-kteb bi2oul enno ALLAH "akhda3 kell shi ta7t ejrey." Lamma bi2oul: "akhda3 kell shi", akid ALLAH el-Ãb stathna yalle khalla kell shi yokhda3 lal-MASI7. W-lamma kell shi byokhda3 lal-2eben, byokhda3 houe nafso la-ALLAH yalle khalla kell shi yokhda3 elo, w-bikoun ALLAH el-kell bel-kell. W-eza keno el-mawta ma bi2oumo, shou ra7 ya3emlo yalle 3am yet3ammado kermel el-mawta? Leysh 3am yet3ammado kermelon? W-leysh 3am net3arrad ne7na lal-khatar bi-kell wa2et? W-ana 3am mout kell yawm. B2oul hal-shi, ya ekhewte, li2anno bshouf 7ale fikon bel-MASI7 YASOU3 RABNA. W-eza kent 7erabet el-w7oush bi-Afasos la-gheye bashariyye, shou bestafeed? W-eza keno el-mawta ma bi2oumo, khallina n2oul ma3 yalle bi2oulo: "ta3o nekol w-neshrab, li2anno boukra ra7 nmout." Ma tkhallo 7ada yekhda3kon: "el-3eshre el-3atle btenza3 el-akhle2 el-mni7a." Rja3o la-wa3eykon w-ma tokhto, li2anno fi baynetkon meen byejhal ALLAH ktir. B2oul hal-shi ta-khajjelkon. W-byes2al 7ada minkon: "keef bi2oumo el-mawta, w-bi-ayya jesm byerja3o?" Ya jehil! Yalle btezra3ouh ma bi3ish ella eza met. W-yalle btezra3ouh houe moujarrad 7abbit 2am7 mathalan, aw ghayra min el-7boub, mish jesm el-nabte metl ma ra7 ykoun, w-ALLAH bya3tya el-jesm yalle birido, w-la-kell 7abbe jesm khas fiya. Wel-ajsem mish kella metl ba3d, w-lal-2ensen jesm w-lal-7ayawen jesm tene, w lal-3asfour jesm w-lal-samak jesm tene. W-fi-ajsem samawiyye w-ajsem ardiyye. El-ajsem el-samawiyye ela wahja, wel-ajsem el-ardiyye ela wahj tene. El-shams ela wahj wel-2amar elo wahj tene, w-lal-noujoum wahja, w-kell nejme btekhtelif bi-wahja 3an el-tenye. W-zet el-shi bennesbe la-2iyemet el-mawta: byendafan el-jesm mayyit w-bi2oum bala fased. Byendafan bidoun karame w-bi2oum bi-majd. Byendafan bi-do3f w-bi2oum bi-2ouwwe. Byendafan jesm bashare w-bi2oum jesm rou7ane. W-eza ken fi jesm bashare, fi kamen jesm rou7ane. El-kteb bi2oul "ken Ãdam el-2ensen el-awwal nafs fiya 7ayet", w-ken Ãdam el-akhir rou7 bta3te 7ayet. Bass yalle zahar awwal shi houe el-bashare, wel-rou7ane eja min ba3do. El-2ensen el-awwal min el-trab w-min el-ard, wel-ensen el-tene min el-sama. Ahl el-ard byeshbaho el-arde, w-ahl el-sama byeshbaho el-samewe. W-metl ma lbesna souret el-arde, hek ra7 nelbos souret el-samewe. B2elkon, ya ekhewte, enno el-la7m wel-damm ma bye2daro enno yourato malakout ALLAH, wala bye2dar el-mawt enno yourat 3adam el-fased. W-sma3o hal-serr: ma minmout kellna, bass mnetghayyar kellna, bi-la7za w-lam7et 3ayn, 3a-sawt el-bou2 el-akhir, li2anno sawt el-bou2 ra7 ye3la, bi2oumo el-mawta lebsin 3adam el-fased w-ne7na ra7 netghayyar. Fa-la-bodd enno hayda el-mayyit yelbos yalle ma bimout, w-hayda el-mawwit enno yelbos yalle ma bizoul. W-lamma yelbos hayda el-mayyit yalle ma bimout, w-yelbos hayda el-mawwit yalle ma bizoul, se3eta byet7'a2a2 2awl el-kteb: "el-intisar bala3 el-mawt." Fa-wayn intisarak ya mawt? W-wayna ya mawt shawektak? W-shawket el-mawt hiye el-khatiyye, w-2ouwwet el-khatiyye hiye el-shari3a. Kermel hek, el-shokr la-ALLAH yalle 3atana el-intisar bi-RABNA YASOU3 el-MASI7. Kouno, ya ekhewte el-a7ebba, thebtin reskhin, mejtehdin bi-3amal el-RAB bi-kell wa2et, 3erfin enno jehedkon bel-RAB ma birou7 di3an. W-bi-khsous jam3 el-tabarrou3at lal-ekhwe el-2eddisin, 3rafo ento kamen bi-yalle wasseyt fih el-kaneyes bi-Ghalatya. W-houe enno ye7tefez kell wa7ad minkon, bi-awwal yawm min el-ousbou3, bi-yalle bye2dar ywaffro min el-masare, 7atta jam3 el-tabarrou3at ma ysir yawm yalle ra7 eje la-3andkon. W-lamam beje, ra7 eb3at yalle ento bitna'2ouwon ta-yekhdo yalle 2addamtouh 3a-Ourashalim w-ra7 a3tiyon raseyel minne. W-eza la-bodd enno rou7 ana kamen, birou7o ma3e. Ra7 eje la-3andkon min ba3d ma emro2 bi-Makdouniyye, li2anno ra7 emro2 fiya. W-yemken ra7 eb2a w-shatte 3endkon 7atta tse3doune kammil safare. Hal-marra ma badde shoufkon mar2it tari2, 7abeb e2'3od 3endkon wa2et tawil bi-2ezn ALLAH. W-ra7 eb2a hon bi-Afasos lal-yawm el-khamseen, li2anno ALLAH fata7le beb wesi3 lal-tebshir, ma3 enno el-khousoum ktar. W-eza ejekon Timothawos, khallo belo mettammin, li2anno 3am yeshteghil metle lal-RAB. W-ma 7ada yestalshi2 fih, w-sahloulo tari2 el-raj3a la-3ande bi-salem, li2anno ana wel-ekhwe natrino. W-bi-khsous khayyna Apolos, talabet minno 3eddit marrat enno yrou7 la-3andkon ma3 el-ekhwe, bass rafad enno yeje la-3andkon bel-wa2et el-7ader, w-ra7 yrou7 lamma btesma7lo el-fersa. Kouno we3yin, thbato bel-imen, jehdo jihed el-rjel, kouno 2weya, 3melo kell shi bi-ma7abbe. Ento bta3erfo enno 3aylet Estefanas henne awwal meen 2ãmano bel-MASI7 bi-Akha2ya, w-enno karraso 7alon la-khedmet el-ekhwe el-2eddisin. Kermel hek betlob minkon, ya ekhewte, ennou tesma3oulon w-tesma3o la-kell yalle byeshteghlo w-byet3abo ma3on. Farra7ne maji2 Estefanas w-Fartonatos w-Akha2ikos, li2annon 3abbo el-faragh bi-ghiyebkon, w-rayya7oule 2albe w-2albkon. W-3rafo keef tkarrmo yalle metlon. Bisallmo 3leykon kaneyes Ãsia, w-bisallmo 3leykon ktir bel-RAB Akila w-Briskilla wel-knise yalle btejtemi3 bi-beyton. W-bisallmo 3leykon el-ekhwe kellon. Sallmo 3ala ba3dkon bi-bawse m2addase. Hayda el-salem bi-khatt 2ide ana Boulos. Yalle ma bi7ebb el-RAB houe ta7t la3nit ALLAH! "Maranata": ta3a ya RAB. Ne3met el-RAB YASOU3 tkoun ma3kon. W-ma7abbte elkon kellkon bel-MASI7 YASOU3. Min Boulos rasoul el-MASI7 YASOU3 bi-iradet ALLAH, w-min el-akh Timothawos, la-kniset ALLAH bi-Korentos, la-kell el-ekhwe el-2eddisin bi-Akha2ya kella. Elkon el-ne3me wel-salem min ALLAH bayyna w-min el-RAB YASOU3 el-MASI7. Yetberak ALLAH bayy RABNA YASOU3 el-MASI7, el-Ãb el-ra7eem w-ILEH kell ta3ziye, Houe yalle bi3azzina bi-kell msibe ta-ne2dar ne7na bel-ta3ziye yalle akhadneha min ALLAH enno n3azze ghayrna bi-kell msibe. W-metl ma elna nasib kbir min ãlem el-MASI7, kamen elna bel-MASI7 nasib kbir min el-ta3ziye. W-eza kenna bi-di2a, hal-shi bikoun kermel ta3ziyetkon w-khalãskon, w-eza t3azzayna bikoun kermel ta3ziyetkon yalle bta3tina el-edra enno net7ammal el-ãlem yalle 3am net7ammala. W-rajena fikon thebit li2anno mna3rif ennkon 3am bitsherkouna bel-ta3ziye metl ma bitsherkouna bel-ãlem. Ma badna, ya ekhewte, enno ma ta3erfo bel-msayeb yalle nezlit 3leyna bi-Ãsia, w-kenit t2ile ktir w-fo2 edretna enno net7ammala la-daraje enno y2esna min el-7ayet, w-7asseyna enno ma7koum 3leyna bel-mawt, ta-ma nettekil 3ala 7alna, ta-nettekil 3ala ALLAH yalle bi-2awwem el-mawta. W-houe yalle khallasna min hal-mawt w-ra7 ykhallesna minno. Mbala, 3enna raja enno ra7 ykhallisna kamen. Ra7 tse3douna ento bi-salawatkon, w-eza ALLAH berakna kermel salawet ktir min el-nes, fa-ktir min el-nes ra7 yeshekro ALLAH kermelna. W-yalle mneftekhir fih houe shahedet dameerna. W-houe byesh'hadelna bi-enno souloukna bi-hal-3alam, w-khsouse baynetkon, houe soulouk basata w-ta2wa, w-hal-shi bi-ne3met ALLAH mish bi-7ekmet el-bashar. W-ne7na ma mnektebelkon ella yalle bte2rouh w-btefhamouh, w-raje2e enno tefhamo mni7 yalle 3am tefhamouh halla2 shwey, w-houe enno bi-yawm RABNA YASOU3 ra7 teftekhro fina metl ma ne7na ra7 neftekhir fikon. Kent 3ala thi2a bi-hal-shi kello lamma 2arraret sefir la-3andkon awwal shi 7atta testafeedo aktar, w-ra7 emro2 la-3andkon bi-tari2e 3a-Makdouniyye, min ba3da berja3 min Makdouniyye la-3andkon, w-hek bitse3doune sefir 3al-Yahoudiye. Awlkon lamma 2arraret hal-shi kent 3am estkheff bi-hal-mashrou3? Aw hal-2arar ken 2arar bashare, ta-ykoun fiyye eh w-la2 bi-nafs el-wa2et? ALLAH byesh'had enno kalemna elkon ma ken eh w-la2, li2anno YASOU3 el-MASI7 2eben ALLAH yalle basharna fih baynetkon, ana w-Selwanos w-Timothawos, ma ken eh w-la2, ken kello eh. Houe "el-eh" la-kell wou3oud ALLAH. Kermel hek min2oul "ãmin" bel-MASI7 YASOU3 ekraman la-majd ALLAH. Bass ALLAH houe yalle bithabbetna ne7na w-ento bel-MASI7, w-houe yalle na'2ena w-khatamna bi-khatmo w-3atana Rou7o ra3boun bi-2loubna. W-ALLAH byesh'had 3leyye enno ma jeet 3a-Korentos li2anno shfe2t 3leykon, li2anno ne7na ma badna netsallat 3ala imenkon, ne7na mneshteghel ma3kon kermel fara7kon, li2annkon thebtin 3al-imen. Kermel hek 2arraret enno ma erja3 la-3andkon, ta-ma sabbebelkon el-7ezn marra tenye. Li2anno eza 7azzanetkon, meen bifarre7ne ghayr yalle 7azzanton? W-3am ektebelkon hal-risele 7atta bass 2ousal ma yejine el-7ezn min yalle ken lezim efra7 fiyon. W-ana 3ala thi2a fikon kelkon, enno fara7e houe fara7kon kellkon. Katabtelkon w-2albe melyen ka2ãbe w-hamm w-3youne kellon dmou3, mish ta-te7zano, bel-3aks ta-ta3erfo addeysh ana b7ebbkon. W-yalle ken sabab lal-7ezn ma khallene e7zan ana wa7de, 7azzankon kellkon, 3al-alile shwey, ta-ma koun 3am zeeda. W-hal-rejjel byekfih enno aktariyetkon wabbakhouh. W-halla2 a7sanelkon enno tsem7ouh w-tshaj3ouh, ta-ma yeghra2 bel-7ezn. W-bwassikon enno t7ebbouh ba3d aktar. W-katabtelkon ta-ekhteberkon w-shouf eza bittee3oune bi-kell shi. Yalle ento bitsem7ouh, bsem7o ana kamen, li2anno eza ana kamen sema7to bkoun sema7to kermelkon eddem el-MASI7, ta-ma yetghallab 3leyna el-shaytan, w-ne7na ma mna3reflo naweyeh mni7. Wsolt 3ala Terwas ta-basher bel-MASI7, wel-RAB fata7le beb lal-khedme. Bass 2le2et ktir li2anno ma sheft Titos khayye, se3eta wadda3et el-ekhwe w-sefaret 3ala Makdouniyye. El-shokr la-ALLAH yalle byekhedna bi-mawkeb el-MASI7 el-mountaser el-deyem, w-byenshor fina wayn ma ken 3otr ma3refto. Ne7na ree7et el-MASI7 el-tayybe, el-tal3a la-3and ALLAH, bayn yalle ray7in 3a-tari2 el-khalãs, w-yalle ray7in 3a-tari2 el-halek. Hal-ree7a, la-yalle ray7in 3al-halek, ree7et mawt bitmawwet, w-la-yalle ray7in 3a-tari2 el-khalãs ree7et 7ayet bta3te 7ayet. W-meen awlkon edir ya3mil hal-shi? Ne7na ma mintejir, metl ktar min el-nes, bi-kalem ALLAH, ne7na mne7ke bel-MASI7 bi-kell sod2, kalem rousl ALLAH eddem ALLAH. Awlkon rje3na nemda7 7alna aw ne7na bi-7aje, metl ba3d el-nes, la-raseyel tawsiye minkon aw elkon? Ento bi-zetkon riseletna, maktoube bi-2loubna, bya3erfouwa w-bye2rouwa kell el-nes. Mbala, tbayyan ennkon riselet el-MASI7 yalle ejet bi-wastetna, w-ma katabneha bi-7ebr, katabneha bi-ROU7 ALLAH el-7ayy, mish 3a-lwe7 min 7ajar, katabneha 3a-lwe7 min la7m w-damm, ye3ne bi-2loubkon. Hayde thi2atna bel-MASI7 3end ALLAH, mish li2anna edrin nedde3e shi ka2anno minna, edritna min ALLAH. Houe yalle 3atana nsir kheddem el-3ahd el-jdid, 3ahd el-ROU7 mish 3ahd el-7arf, li2anno el-7arf bimawwet wel-ROU7 bya3te 7ayet. Eza kenit khedmet el-mawt el-ma7foura 7roufa bi-lwe7 min 7ajar n3atet bel-majd, 7atta enno wled Isra2il ma edro yettalla3o 3ala wejj Moussa bi-sabab el-majd yalle ken bi-wejjo, ma3 enno hal-majd zeyil, keef khedmet el-ROU7 ma badda tekhod majda! W-eza khedmet el-shi yalle wassal el-nes 3al-deynoune akhadet majda, keef khedmet el-shi yalle biwasselon 3al-tebrir? Li2anno el-shi yalle ken bel-mãde ekhid majd, zel eddem el-majd yalle fo2 el-wasf. W-eza yalle ra7 yzoul akhad majd, addeysh bikoun majd yalle ra7 yeb2a 3a-toul? W-li2anno 3enna hal-raja, ne7na mnetsarraf bi-jer2a. Ne7na mish metl Moussa yalle ken 3am bi7ott ghata 3ala wejjo 7atta wled Isra2il ma yshoufo niheyet el-majd yalle ra7 yzoul. Bass 3emyet 2loubon. W-ba3do hayda el-ghata la-liom ma7tout lamma ye2ro el-3ahd el-2adeem, w-ma bisheelo ella el-MASI7. Mbala, la-liom ba3do el-ghata 3a-2loubon lamma ye2ro shari3et Moussa, w-ma byenshel ella bass yerja3o lal-RAB. Li2anno el-RAB houe el-ROU7, w-matra7 ma bikoun ROU7 el-RAB, bitkoun el-7orriyye. W-ne7na kellna mne3kos souret majd el-RAB bi-wjouh makshoufe, w-mnet7awwal la-haydik el-soura zeta, w-hiye bitzeed majd fo2 majd, bi-fadl el-RAB yalle houe el-ROU7. W-ma zel ALLAH bi-ra7emto 3atana hal-khedme, ma nkhalle hemmetna tebrod, w-khallina nerfod el-asalib el-mekhfiyye w-yalle bitkhajjil, w-ma netsarraf metl el-me7telin w-ma nzawwer kalem ALLAH, bel-3aks nbayyen el-7a2i2a w-hek mnen2abal min dameer kell 2ensen eddem ALLAH. W-eza ken injilna ma7joub, bikoun ma7joub 3an el-ray7in 3al-halek, 3an el-mish mou2minin yalle Ileh hal-3alam a3ma 2loubon 7atta ma yshoufo el-nour yalle bidawwilon, nour el-tebshir bi-majd el-MASI7 yalle houe souret ALLAH. Ne7na ma minbasher bi-7alna, minbasher bi-YASOU3 el-MASI7 RAB, w-ne7na kheddem elkon kermel el-MASI7. W-ALLAH yalle 2al: "khalle el-nour yeshro2 min el-3atme" houe yalle dawwa nouro bi-2loubna ta-teshro2 ma3rifet majd ALLAH, el-majd yalle 3ala wejj YASOU3 el-MASI7. W-ne7na wa3a min fekhkhar bte7mol hal-kanz, ta-yezhar enno el-edra el-fo2 el-tabi3a hiye min ALLAH mish minna. Bidey2ouna ktir min kell el-meylet w-ma mnenhãr, mne7tar bi-2amerna bass ma mni2as, byedtehdouna bass ma byetkhalla 3anna ALLAH, mnou2a3 bel-mashekil w-ma minmout, mne7mol bi-ajsemna bi-kell wa2et ãlem mawt YASOU3 ta-tezhar 7ayeto kamen bi-ajsemna. W-kell shi ne7na tayybin, mnetsallam lal-mawt kermel YASOU3 ta-tezhar bi-ajsemna el-mawwite 7ayet YASOU3 kamen. Fa-el-mawt byeshteghil fina wel-7ayet bteshteghil fikon. W-maktoub bel-kteb: "7kit li2anno 2ãmanet." W-ne7na kamen bi-rou7 hal-imen yalle 3enna yeh mne7ke li2anno min2ãmen, 3erfin enno ALLAH yalle 2awwam el-RAB YASOU3 min el-mawt ra7 y2awwemna ne7na kamen ma3 YASOU3 w-ykhallina ne7na w-ento bayn 2idey, w-hayda kello kermelkon. Fa-kell ma ketrit el-ne3me, byektar majd ALLAH. Kermel hek ma btebrod hemmetna. Ma3 enno el-2ensen el-mbayyen fina byen7all, bass el-2ensen el-dèkhile byetjaddad yawm ba3d yawm. W-hal shweyyit 3azèb el-mwa'2at yalle mnet3azzabon halla2 bi7adderelna majd abade ma elo 7doud, li2anno ma mnettalla3 3al-eshya yalle minshoufa, mnettala3 3al-eshya yalle ma minshoufa. W-yalle minshoufo houe mwa'2at, bass yalle ma minshoufo houe lal-abad. W-ne7na mna3rif enno eza nhadam beytna 3al-ard, 3enna bel-sama beyt abade m3ammaro ALLAH mish min 2iden bashar. W-addeysh mneshte2 nelbos fo2 beytna el-arde, beytna el-samewe, li2anno lamma mnelebso ma minkoun bala tyeb. W-ma zelna bi-hal-khayme el-ardiyye, ra7 ndall n3enn metl yalle 7amel shi t2il, mish li2anno badna neshla7 ajsemna el-ardiyye, bass li2anno badna nelbos faw2a ajsemna el-samawiyye 7atta tebla3 el-7ayet kell shi zeyil fina. W-ALLAH houe yalle 7addarna la-hal-massir w-3atana ra3boun el-ROU7. Kermel hek ne7na deyman 3a-thi2a, w-mna3rif enno ma zelna sèknin bi-hal-jesm, ne7na mhajjarin 3an el-RAB, li2anno meshyin bi-imenna mish bi-yalle minshoufo. W-ne7na weth2in, w-minfaddel enno nehjor hal-jesm la-neskon ma3 el-RAB. W-eza kenna sèknin aw mhajjarin, mnetma7 norde el-RAB, Li2anno la-bodd enno nezhar kellna eddem ma7kamet el-MASI7 ta-yekhod kell wa7ad 7asab yalle 3emlo lamma ken bi-hal-jesm, enn ken kheyr aw sharr. W-ne7na mne2na3 el-nes li2anno mna3rif nkhaf el-RAB. W-ALLAH bya3refna ktir mni7, w-bitmanna enno ta3erfouna ento kamen bi-damayerkon kamen mni7. W-ne7na ma badna nkabbir bi-7alna eddemkon, badna na3tikon sabab ta-tshoufo 7alkon fina, tijeh yalle bishoufo 7alon bel-mazaher mish bi-naweya el-2loub. W-eza kenna mjaneen minkoun mjaneen kermel ALLAH, w-eza kenna mawzounin, hal-shi bikoun kermelkon. W-ma7abbet el-MASI7 bitsayter 3leyna, li2anno fhemna enno wa7ad met kermel kell el-nes, fa-kell el-nes sherakouh bi-mawto. W-houe met kermelon kellon 7atta el-3ayshin ma ba2a y3isho kermel 7alon, y3isho kermel yalle met w-2am kermelon. Kermel hek ne7na ma mna3rif 7adan min ba3d liom ma3rife bashariyye. W-eza kenna shi yawm 3refna el-MASI7 ma3rife bashariyye, halla2 ma ba2a na3erfo hek. W-eza ken 7ada mette7id bel-MASI7, bisir khali2a jdide: ra7 el-3ati2 w-sar kell shi jdid. W-hayda kello min ALLAH yalle sala7na bel-MASI7 w-sallamna khedmet el-mousala7a, ye3ne ALLAH sala7 el-3alam ma3 7alo bel-MASI7 w-ma 7esabon 3ala khatayahon, w-3atana ne3lon hal-mousala7a. W-ne7na soufara el-MASI7, w-ka2anno ALLAH nafso byou3az min khilelna. W-ne7na mnetrajjekon bi-esm el-MASI7 enno tetsala7o ma3 ALLAH, li2anno yalle ma 3eref el-khatiyye 7ammalo ALLAH el-khatiyye kermelna ta-nsir bi-wasteto abrar 3end ALLAH. Fa-ezan, bi-3amalna sawa ma3 ALLAH mnetlob enno ne3met ALLAH yalle 2beltouwa ma trou7 di3an. Li2anno bi2oul: "bi-wa2et el-rida stajabtellak, w-bi-yawm el-khalãs se3adtak." W-hayda houe halla2 wa2et rida ALLAH, w-hayda houe halla2 yawm el-khalãs. Ma badna nkoun 7ajar 3athra la-7ada ta-ma tkoun khedmetna fiya 3youb, bel-3aks badna yshoufouna kheddem ALLAH bi-saberna bel-di2a wel-2elle wel-sha2a wel-jald wel-7abs wel-edtirab wel-ta3ab wel-sahar wel-sawm, bel-tahara wel-ma3rife w-toul el-bel wel-lotf w-rou7 el-2adese wel-ma7abbe el-sãd2a, bel-kalem el-sãde2 w-edrit ALLAH w-sle7 el-7a2 bel-houjoum w-bel-dife3, bel-karame wel-i7ti2ar, bel-seet el-3atel wel-seet el-mni7. Bye7esbouna el-nes kezzebin w-ne7na sad2in, majhoulin w-ne7na ma3roufin, mayytin w-ne7na 3ayshin, ma7koum 3leyna w-mish 3am ye2tlouna, ma7zounin w-ne7na deyman fer7anin, fou2ara w-mneghne ktar min el-nes, ma 3anna shi w-ne7na mnemlok kell shi. Kallamnekon bi-sara7a, ya ahl Korentos, w-fata7nelkon 2loubna. Sa7i7 ennkon mdeya2in, bass mish bi-sababna, el-di2a bi-2loubkon. Be7kikon metl ka2annkon wlede. 3emlouna metl ma 3am min3emelkon, w-fta7o ento kamen 2loubkon elna. Ma tetteslo ma3 el-mish mou2minin bi-neer wa7ad. Shou yalle byejma3 bayn el-kheyr wel-sharr? W-shou fi 3ale2a bayn el-nour wel-3atme? W-wayn fi ta7alof bayn el-MASI7 w-eblees? W-ayya mousherake fi bayn el-mou2min wel-mish mou2min? W-ayya ettife2 bayn haykal ALLAH wel-awthen? Ne7na haykal ALLAH el-7ayy. Hek 2al ALLAH: "ra7 eskon bayneton w-emshe ma3on, w-bkoun Ilehon w-bikouno sha3be. Kermel hek tla3o min bayneton w-trekouwon, bi2oul el-RAB. Ma telemso yalle houe nejs, w-ana bi2balkon w-bkoun elkon bayy w-bitkouno ele wlede, bi2oul el-RAB el-2adeer." Hayde el-wou3oud 3atana hiye ALLAH, ya ekhewte, khallina ntahher 7alna min kell shi bidannes el-jesm wel-rou7, ne7na w-3am nes3a lal-2adese el-kemle bi-khawf ALLAH. Treko la-elna matra7 bi-2loubkon, ne7na ma 2zina 7ada wala khada3na 7ada. Ma b2oul hal-shi 7atta deenkon, li2anno 2eltelkon min abl ennkon bi-2loubna 3al-7ayet wel-mawt. W-ana thi2ate kbire fikon w-fakhour ktir fikon. W-roughm kell el-mashekil, 2albe melyen ta3ziye w-fara7. W-lamma wselna 3ala Makdouniyye ma rta7na, kenit el-mashekil 3am teje min kell meyle: sira3 min barra w-khawf min jouwwa. Bass ALLAH yalle bi3azze el-metwad3in 3azzena lamma eja Titos, mish bass li2anno eja, bass kamen li2anno ento 3azzaytouh. W-zed fara7e lamma khabbarna 3an shaw2kon w-7eznkon w-ghiretkon 3leyye. W-eza kent 7azzanetkon bi-riselte, ana mish nedmen enno katabta. W-eza kent ndemet, lamma sheft enna 7azzanetkon la7za, ana halla2 fer7an, mish li2anno 7azzanetkon, bass li2anno 7eznkon khallekon ettoubo. W-houe 7ezn min ALLAH, w-hek ma ejekon minna ne7na wala ayya khsara. Li2anno el-7ezn yalle min ALLAH biwadde la-tawbe fiya khalãs w-ma fi nadam 3leya, baynama el-7ezn yalle byeje min el-dene biwadde lal-mawt. Ettalla3o keef wadda hal-7ezn yalle min ALLAH la-ehtimemkon fina, w-la-e3tizarkon w-estenkarkon w-khawfkon w-shaw2kon w-ghiretkon w-2asãskon! W-barhanto bi-kell shi ennkon abrar min kell shi sar. Ana ma katabtelkon bi-sabab el-zalem wala bi-sabab el-mazloum, bass katabtelkon ta-tshoufo addeysh ento btehtammo fina eddem ALLAH, w-hek kenit ta3ziyetkon ta3ziye elna. W-ziyede 3an hayda kello fre7na ktir bi-fara7 Titos, li2anno akhad rou7 fikon kellkon. W-eza kent bayyantello addeysh bshouf 7ale fikon, ma beste7e enno bayyen hal-shi. Li2anno metl ma kenna sad2in ma3kon bi-kell shi, hek kenna sad2in lamma shefna 7alna fikon eddem Titos. W-bizeed 2albo ma7abbe elkon, kell ma byetzakkar ta3etkon kellkon w-keef 2beltouh bi-khawf w-i7tiram. W-ana befra7 enno ykoun 3ende thi2a fikon bi-kell shi. Badna nkhabberkon, ya ekhewte, bi-yalle 3emleto ne3met ALLAH bi-kaneyes Makdouniyye. Ma3 enno mara2 3leyon mashekil ktir, fer7o fara7 3azeem w-t7awwal fe2ron la-ghina w-karam. W-besh'had ennon tbarra3o 2add ma fiyon, w-aktar bi-ktir kamen, w-minnon la-7alon, w-talabo minna w-asarro enno nkhalliyon yeshterko bi-mouse3adet el-ekhwe el-2eddisin. W-3emlo aktar min ma kenna mnetmanna, karraso 7alon lal-RAB awwal shi, w-min ba3da la-elna bi-iradet ALLAH. W-talabna min Titos enno ytammem 3endkon hal-3amal el-moubarak metl ma ballash fih. W-metl ma ennkon btetmayyazo bi-kell shi: bel-imen wel-fasa7a wel-ma3rife wel-7amès wel-ma7abbe elna, w-ya reyt btetmayyazo kamen bi-hal-3amal el-moubarak. W-ma b2oul hal-shi ka2anno 3am e2merkon, b2oulo ta-ekhtebir bi-ghiret ghayrkon sod2 ma7abbetkon. W-ento bta3erfo ne3met RABNA YASOU3 el-MASI7: keef fta2ar kermelkon, w-houe el-ghane, ta-teghteno ento bi-fa2ro. Hayda ra2ye bi-hal-mawdou3, li2anno hal-shi kheyr elkon, w-ento yalle kento el-sene el-madye mish bass awwal meen ballash bi-hal-3amal, kento awwal meen 2arrar ya3emlo. Kammlo halla2 3amal el-kheyr ta-tkouno kammaltouh 3ala 2add ma 7abbeyto ta3mlouh. Li2anno lamma byezhar el-7amès lal-mouse3ade, bye2bal ALLAH min el-2ensen el-ta2dime 3a-2add el-shi yalle bikoun 3endo, mish 3a-2add el-shi yalle ma bikoun 3endo. Ma 2asde enno tkouno bi-di2a w-ykoun ghayrkon merte7, bass 2asde ykoun fi baynetkon mousewet, hek yalle bifaddel 3annkon liom bi3awwed 3an yalle na2is 3end ghayrkon, w-yalle bifaddel 3annon kamen y3awwed 3an yalle na2eskon, w-bisir fi mousewet. El-kteb bi2oul: "yalle akhad ktir ma fedl 3anno shi, w-yalle akhad alil ma ne2so shi." El-shokr la-ALLAH yalle khalla Titos yehtamm hal-2add fikon, mish bass 3eml yalle talabneh minno, kamen eja la-3andkon minno la-7alo min ketrit ma bighar 3leykon. W-ba3atelna ma3o el-akh yalle btemda7o el-kaneyes kella la-sheghlo bi-khedmet el-injil. W-hayda mish kell shi, el-kaneyes khtareto rfi2 elna bel-safar kermel hal-3amal el-moubarak yalle 3am na3emlo la-majd el-RAB bi-7asab raghbetna. W-ma badna 7ada yente2edna 3al-tari2a yalle 3am nehtamm fiya bi-khsous hal-mouse3ade el-kbire min el-masare, li2anno hadafna nkoun nazihin, mish bass bi-nazar el-RAB, bi-nazar el-nes kamen. W-ba3atna ma3on khayyna yalle khtabarneh w-l2ina 3endo ghire bi-ktir min el-eshya, w-halla2 ghirto zedit la-thi2ato el-kbire fikon. W-bennesbe la-Titos houe rfi2e w-mouse3de 3endkon, wel-khayyen yalle mref2ino, henne rousl el-kaneyes w-bi-wasteton byetmajjad el-MASI7. Barehnoulon eddem el-Kaneyes 3an ma7abbetkon w-enno ma3na 7a2 nshouf 7alna fikon. Bi-khsous mouse3adet el-ekhwe el-2eddisin, mish daroure ektebelkon 3anna, li2anno ba3rif raghbetkon w-beftekhir fiya 3end el-Makdouniyyin w-b2ellon enno ekhwetna bi-Akha2ya keno mist3eddin la-hal-khedme min el-sene el-madye. W-ghiretkon 7ammaset nes ktir, bass ba3atelkon el-ekhwe 7atta shawfit 7alna fikon bi-hal-shi ma tkoun batle, w-ta-tkouno mist3eddin metl ma 2elt. Bkhaf yeje ma3e kamm wa7ad min el-Makdouniyyin w-yle2oukon mish mist3eddin, se3eta ne7na, 7atta ma 2oul ento, ra7 nekhjal bi-thi2atna fikon. Kermel hek sheft daroure enno etlob min el-ekhwe yesba2oune la-3andkon ta-ynazzmo yalle wa3adto fih min mouse3ade, ta-ykoun m7addar bi-karam mish 3an bekhl. W-tzakkaro enno yalle byezra3 alil byo7sod alil, w-yalle byezra3 ktir byo7sod ktir. Khalle kell wa7ad ya3te yalle metl ma 2albo bi2ello, bidoun 2asaf wala ghasb 3anno, li2anno ALLAH bi7ebb yalle bya3te bi-fara7. W-ALLAH edir ya3tikon kell ne3me, ta-ykoun elkon deyman bi-kell shi yalle byekfe 7ajetkon w-btezdedo bi-kell 3amal sale7, metl ma n2al bel-kteb: "wazza3 bi-ketra 3al-fou2ara, karamo deyim lal-abad." W-ALLAH yalle byerzo2 el-mzeri3 zar3 w-khebz ta-yekol ra7 yerze2kon zar3 w-ykattir, 7atta karamkon yzeed. W-bteghteno bi-kell shi, ta-yekmal karamkon, w-ysir bi-wastetna shokr la-ALLAH. Li2anno ento w-3am ta3emlo hal-khedme el-m2addase mish bass 3am bitse3do el-ekhwe el-2eddisin, 3am tkhallouwon yeshkro ALLAH w-ykattro kamen. W-hal-khedme borhan 3ala imenkon, ra7 ymajjdo ALLAH 3ala ta3etkon w-i3tirafkon bi-injil el-MASI7 w-3ala karamkon bi-mouse3adeton w-mouse3adet el-kell. W-bisalloulkon w-bi3abbro 3an 3atfeton tijehkon, kermel ne3met ALLAH yalle ejet 3leykon bi-ketra. Neshkor ALLAH 3a-yalle 3atana yeh, w-houe fo2 el-wasf. Ana Boulos betlob minkon bi-7anen el-MASI7 w-tibto, ana el-metwadi3 bass koun baynetkon wel-jari2 3leykon bass koun b3id, bitrajjekon, ma tejbroune, w-ana 3endkon, esta3mil el-jer2a yalle 3am fakkir esta3mela ma3 yalle mfakkrin enno souloukna soulouk bashare w-bass. Sa7i7, ne7na min3ish 7ayet bashariyye, bass ma minkefi7 kife7 bashare. Sle7 kife7na mish bashare, Ilehe edir yehdoum el-7ousoun: mnehdom el-nazariyyet el-ghalat w-kell 7ajiz byou2af bi-wejj ma3rifet ALLAH, w-mneljom kell fekr w-minkhallih yokhda3 la-ta3et el-MASI7. W-ne7na mist3eddin n2ãses kell 3osyan lamma tsir ta3etkon kemle. Wèjho el-7a2i2a. Eza 7ada bye3te2id enno byenteme lal-MASI7, khallih yetzakkar enno metl ma houe byenteme lal-MASI7, ne7na kamen lal-MASI7. W-ma bekhjal enno sheft 7ale aktar min el-lzoum bel-soulta yalle 3atana hiye el-RAB kermel benyenkon mish kermel hademkon. Ana ma badde bayyen ka2anne 3am khawwefkon bi-raseyle. Fi kamm 7ada minkon 3am bi2oulo: "raseyel Boulos 2asye w-3aneefe, bass lamma byeje, bikoun d3if w-kalemo sakhif." Yalle 3am ye7ke hal-7ake khallih ya3rif enno yalle mneketbo bi-raseyelna w-ne7na ghaybin mna3emlo ne7na w-hon. Ne7na ma mnestarje nsewe 7alna aw netshabbah bi-nes bi3azzmo 7alon, hol bala fehm! Bi2iso 7alon 3ala 7alon, w-bishabbho 7alon bi-7alon. Bass ne7na, ma minshouf 7alna fo2 el-lzoum, minshouf 7alna 3a-2add el-7doud yalle rasamelna hiye ALLAH ka-2ã3de, khalletna nousal la-3andkon. Ma mnetkhatta 7doudna, ka2anno ma wsolna la-3andkon, li2anno ne7na fe3lan wsolna la-3andkon w-ma3na injil el-MASI7. W-ma mnetkhatta hal-7oudoud w-minshouf 7alna bi-a3mel ghayrna, bass mnetmanna yzeed imenkon w-hek bisir fi majel aktar la-3amalkon bel-7oudoud yalle elna, 7atta ne7mol el-injil la-ab3ad min bledkon, w-ma nshouf 7alna bi-yalle 3emlo ghayrna bi-7oudoud 3amalo. Wel-kteb bi2oul: "yalle baddo yshouf 7alo, khallih yshouf 7alo bel-RAB", Li2anno el-ma2boul 3end el-RAB, mish yalle byemda7 7alo, houe yalle byemda7o el-RAB. Ya reytkon btet7ammaloune, w-law 7kit metl el-ghabe. Eh, t7ammaloune! Ana bghar 3leykon ghiret ALLAH li2anno khattabetkon la-rejjel wa7ad w-houe el-MASI7, ta-2addimkon elo 3adra tãhra. Bass bkhaf tzough afkarkon 3an el-sod2 wel-amene lal-MASI7, metl 7awwa yalle aghweta el-7ayye bi-7ileta. Law ejekon 7ada ta-ybasherkon bi-YASOU3 tene ghayr yalle basharnekon fih, aw ye3rod 3leykon rou7 ghayr yalle akhadtouh, w-injil ghayr yalle akhadtouh, kento t7ammalto hal-shi ktir mni7. W-ma be3te2id enno ana a2all min hawdik "el-rousl el-kbar!" Eza el-fasa7a na2setne, mish na2setne el-ma3rife. W-hayda yalle bayyantelkon yeh bi-kell shi. Awlkon ana ghlotit lamma basharetkon bidoun ma ekhod minkon shi w-tnezalet ta-ento te3lo? Fi kaneyes ghayrkon zalamton w-akhadet minnon taman khedmetkon. W-ma ta'2alet 3ala 7ada minkon lamma kent bi-7aje w-ana baynetkon, fa-el-ekhwe yalle ejo min Makdouniyye se3adoune. W-hek hamme enno ma ta'2el 3leykon bi-shi w-hayda ra7 ydall hamme. Bi-7a2 el-MASI7 yalle fiyye, ma ra7 7ada yekhod minne hal-fakhr bi-bled Akha2ya. W-leysh? li2anno ma b7ebbkon? ALLAH bya3rif addeysh b7ebbkon. W-yalle 3am ba3emlo halla2 ra7 a3emlo 7atta e2ta3 el-tari2 3a-yalle 3am bijarrbo yshoufo 7alon enno 3am ya3emlo metl ma ne7na 3am na3mil. Henne rousl kezzebin w-3am yekhda3oukon, lebsin tyeb rousl el-MASI7. Ma testagherbo, el-shaytan nafso byetnakkar bi-tyeb malek el-nour, w-mish alil enno ybayyno kheddemo bi-tyeb el-kheddem el-sal7in. Hal-ashkhas 2asãson 3ala 2add a3melon. Berja3 b2oul: ma 7ada yfakkerne jehil, wa-ella 2baloune ka-jehil ta-ykoun ele shi shouf 7ale fih. Yalle 3am 2oulo hon houe mish min 3end el-RAB, 3am 2oulo ka-jehil 3endo el-jer2a enno yshouf 7alo. Bass ma zel ktar minkon 3am yeftekhro iftikhar bashare, ana kamen badde eftekhir. W-ento ahl el-7ekme btet7ammalo el-jehhel bi-fara7. Mbala, btet7ammalo yalle byesta3bedkon w-byenhabkon w-byeslebkon w-byetkabbar 3leykon w-byedrobkon. Shou hal-khajal! Shou kenna d3af bi-hal-shi. Yalle byetbeho fih - w-kaleme kalem jehil - bitbeha fih ana kamen. Eza keno 3ebraniyyin, ana kamen 3ebrane, aw Isra2iliyyin, ana kamen Isra2ile, aw min sleelet Ibrahim, ana min sleelet Ibrahim. W-eza keno kheddem el-MASI7 - b2oul hal-shi metl el-ghabe - ana aktar minnon: bel-ta3ab aktar minnon, bel-7bouse aktar, bel-jald t7ammalt aktar minnon bi-ktir w-t3arradet lal-mawt 3eddit marrat, jaladoune el-Yahoud khams marrat tes3a w-tleteen jalde. W-daraboune el-Roumaniyyin bel-3ese tlet marrat, w-rajamoune el-nes marra we7de, w-nkasaret fiyye el-safine tlet marrat, w-2addeyt nhar w-leyle bi-noss el-ba7r. Sefaret ktir w-t3arradet la-khatar el-anhar wel-lsous, w-la-khatar el-Yahoud w-ghayr el-Yahoud, w-khatar el-moudon, w-khatar el-sa7ra, w-khatar el-ba7r, w-khatar el-ekhwe el-kezzebin. 3aneyt el-kadd, wel-ta3ab, wel-sahar el-deyim, wel-jou3, wel-3atash, wel-sawm el-ktir, wel-bard, wel-te3reye. W-hayda kello ma 3ada yalle bit7ammalo kell yawm min ehtimeme bi-kell el-kaneyes. Meen byed3af w-ana ma bed3af ma3o, w-meen byou2a3 bel-khatiyye w-ana ma be7tere2 min el-7ezn 3le. W-eza ken la-bodd min enno eftekhir, ana beftekhir bi-do3fe. W-ALLAH bayy RABNA YASOU3 el-MASI7 - wel-majd elo lal-abad - bya3rif enno ma 3am kazzeb, w-enno wele el-malik el-7aris bel-Shem 2amar bi-7iraset el-madine ta-yekmeshne. Bass el-ekhwe 7attoune bi-sallé w-dandaloune min ta2a maftou7a bel-sour, w-hek, falatet min 2idey. W-eza ken la-bodd enno eftekhir, ma3 enno ma fi feyde min hal-shi, ra7 e7kikon 3an el-rou2a yalle ejoune min el-RAB. Ba3rif rejjel mou2min bel-MASI7 nkhataf min arba3-ta3shar sene lal-sama el-telte. Nkhataf bi-jesmo? Ma ba3rif. Aw bidoun jesmo? Ma ba3rif. ALLAH bya3rif. Bass yalle ba3erfo enno hal-rejjel nkhataf 3al-ferdaws: bi-jesmo aw mish bi-jesmo? Ma ba3rif. ALLAH bya3rif. Ba3rif enno nkhataf 3al-ferdaws w-honik sem3 kalem ma bye2dar 2ensen enno y2oulo w-ma bi7e'2ello y2oulo. Bass hal-rejjel beftekhir fih, bass ana ma beftekhir ella bi-do3fe. W-law badde eftekhir mish ra7 koun jehil, li2anno b2oul el-7a2. Bass ma ra7 eftekhir ta-ma yfakker 7ada enno ana aktar min ma houe sheyefne aw sèm3o minne. W-ta-ma entefekh bel-kebriya min 3azamet el-wa7e, n7att bi-jesme shawke w-ka2anna mab3oute min el-shaytan ta-yedrobne 7atta-ma etkabbar. W-salleyt tlet marrat la-ALLAH 7atta yekheda 3anne, 2alle: "btekfik ne3emte. Bel-do3f edrte btektemil." Kermel hek ana beftekhir rade w-fer7an bi-do3fe 7atta toghmorne 2ouwwet el-MASI7. W-kermel hek ana borda bi-yalle bit7ammalo min el-do3f wel-ihene wel-di2a wel-edtihad wel-sha2a kermel el-MASI7, li2anno lamma koun d3if bkoun 2awe. Ka2anno sert majnoun, w-ento jabartoune enno koun hek. W-ken min 7a'2e 3leykon enno tkarmoune, w-ana mish a2all min "el-rousl el-kbar", 7atta law kent ma shi. El-3alemet 3ala enne rasoul bayyanta bi-kell sabr baynetkon: min 3ajeyeb w-a3mel kher2a. Bi-shou kento ghayr 3an be2e el-kaneyes ella bi-enno ma ta'2alet 3leykon bi-shi? Sem7oune 3a-hal-ghalta! Ana mist3edd eje la-3andkon lal-marra el-telte, w-ma ra7 ta'2el 3leykon li2anno ana badde yekon ento, ma badde shou btemelko. Mish el-wled yalle lezim ysammdo masare la-ahlon, el-ahl henne yalle bisammdo masare la-wledon. W-ana bda77e bi-kell shi 3ende bi-kell tibet khater, w-bda77e bi-7ayete kermelkon. Ra7 t7ebboune a2all lamma ana b7ebbkon ktir? Mazbout, ana ma ta'2alet 3leykon bi-shi, bass ma kent me7tel aw 7talet 3leykon? Awlkon tolo3le shi minkon bi-wastet 7ada min yalle ba3atton la-3andkon? Lamma talabet min Titos yrou7 la-3andkon w-ba3atet ma3o haydak el-akh, tekhmin Titos akhad minkon shi? Mish shtaghalna bel-rou7 nafso? Mish mshina el-tari2 nafso? Yemken mfakkrin enno 3am mintawwel bel-dife3 3an 7alna eddemkon. Ne7na mne7ke eddem ALLAH bel-MASI7, w-hayda kello ya a7ebba la-benyenkon. W-ana bkhaf, eza jeet la-3andkon, enno shoufkon serto ghayr ma b7ebb enno tkounouh, w-enno tshoufoune sert ghayr ma bit7ebbo enno koun. Bkhaf enno ykoun baynetkon khilef w-7asad w-ghadab w-mashekil w-tejri7 w-namime w-kebriya w-balbale. Bkhaf, eza jeet la-3andkon marra tenye, enno yzellne Ilehe eddemkon, se3eta bebke 3ala ktar min yalle khetyo min abl w-ma nedmo 3ala yalle 3emlouh min da3ara w-zena w-foujour. W-halla2 ana jeye la-3andkon marra telte. Wel-kteb bi2oul: "ma fi 7ekm bi-2adiyye ella bi-shahedet shehden aw tlete." Lamma jeet tene marra 2elt la-yalle khetyo min abl w-lal-be2yin, w-halla2 b2oul nafs el-shi ana w-ghayib: eza rje3t la-3andkon ma ra7 eshfa2 3ala 7ada, ma zelkon 3am tetolbo borhan 3ala enno el-MASI7 bye7ke fiyye. El-MASI7 mish d3if tijehkon, bel-3aks houe 2awe baynetkon. W-ma3 enno nsalab bi-do3fo, houe halla2 7ayy bi-edrit ALLAH. W-ne7na kamen d3af fih, bass tijehkon ra7 nkoun bi-edrit ALLAH 3ayshin ma3o. Khtebro w-7ãsbo 7alkon ta-tshoufo eza ento metmasskin bi-imenkon. Ma bta3erfo 7alkon enno YASOU3 el-MASI7 fikon? Ella eza tbayyan ennkon feshlin. Bass ne7na mnetmanna ta3erfo enno ne7na mish feshlin. Minsalle la-ALLAH enno ma ta3emlo sharr, mish ta-yezhar enno ne7na nej7in, bass ta-ta3erfo ento shou el-kheyr 7atta law bayyanna ne7na ka2anno feshlin. W-ne7na ma mne2dar 3ala mou2ewamet el-7a2, ne7na mnekhdom el-7a2. W-addeysh mnefra7 lamma minkoun ne7na d3af w-ento 2weya, w-yalle 3am minsalle kermelo houe enno tkouno kemleen. Bektebelkon w-ana ghayib ta-ma 3emelkon bi-2asewe w-ana 7ader, 7asab el-soulta yalle 3atane hiye el-RAB kermel el-benyen mish el-hadm. W-halla2 ya ekhewte, fra7o w-s3ouh lal-kamèl, w-tshajja3o w-kouno 3ala ra2y wa7ad w-3isho bi-salem, w-ILEH el-ma7abbe wel-salem ykoun ma3kon. Sallmo 3ala ba3d bi-bawse m2addase. Bisallmo 3leykon kell el-ekhwe el-2eddisin. Ne3met RABNA YASOU3 el-MASI7 w-ma7abbet ALLAH w-shariket el-ROU7 el-2ODOS tkoun ma3kon kellkon. Minne ana Boulos, yalle houe rasoul mish min 2ebal el-nes wala bi-iradet 2ensen, rasoul bi-da3we min YASOU3 el-MASI7 w-ALLAH el-Ãb yalle 2awwamo min el-mawt, w-min kell el-ekhwe yalle ma3e, la-kaneyes Ghalatya. Elkon el-ne3me wel-salem min ALLAH bayyna w-min el-RAB YASOU3 el-MASI7, yalle da77a bi-7alo kermel khatayana ta-ykhallisna min hal-3alam el-sherreer, 7asab iradet Ilehna w-bayyna, elo el-majd lal-abad. Ãmin. Bestaghreb keef bi-hal-ser3a tarakto yalle da3ekon bi-ne3met el-MASI7 w-l7e2to injil tene? W-ma fi "injil tene", fi jame3a bta3mil balbale baynetkon w-bitjarreb tghayyir injil el-MASI7. W-law basharnekon ne7na aw basharkon malèk min el-sama bi-injil ghayr yalle basharnekon fih, khallih ykoun mal3oun. 2elnelkon abl w-berja3 b2oul halla2: eza basharkon 7ada bi-injil ghayr yalle 2beltouh minna, bikoun mal3oun. Awlkon ana 3am esta3tef el-nes? La2, 3am esta3tef ALLAH. Tekhmin 3am betlob rida el-nes? Law kent la-liom 3am betlob rida el-nes, ma kent khadim lal-MASI7. 3rafo, ya ekhewte, enno el-injil yalle basharetkon fih mish jeye min el-nes. Ana ma akhadto min 2ensen, akhadto 3an wa7e min YASOU3 el-MASI7. Sme3to bi-2osste el-madye lamma kent Yahoude w-keef kent edtehed kniset ALLAH bidoun ra7me w-kent 3am jarrib dammera w-keef kent metfawwe2 bel-dyene el-Yahoudiye 3a-ktar min el-Yahoud yalle henne min jeele w-kent ghayyour aktar minnon 3a-ta2aleed bayyetna. Bass ALLAH bi-ne3emto khtarne w-ana bi-batn emme w-da3ane la-khedemto. W-lamma arad ALLAH enno ye3lon 2ebno fiyye ana, w-rou7 basher fih bayn el-mish Yahoud, ma stasharet ashkhas min la7m w-damm wala tlo3t 3ala Ourashalim ta-shouf yalle keno rousl able, ro7t deghre 3ala bled el-3arab w-min ba3da rje3t 3al-Shem. W-ba3d tlet snin tlo3t 3ala Ourashalim ta-shouf Boutros, w-b2it 3endo khams-ta3shar nhar, w-ma sheft ghayro min el-rousl ella Ya3koub khayye bel-RAB. W-byesh'had ALLAH enno ma 3am kazzeb bi-hal-shi yalle 3am beketbo elkon. Min ba3da sefaret 3ala bled Souriya w-Kilikya, w-ma ken wejje ma3rouf 3end kaneyes el-MASI7 bel-Yahoudiye, w-sem3o enno "yalle ken yedtehedna houe halla2 3am ybasher bel-imen yalle ken baddo ydammro", Kermel hek, majjado ALLAH kermele. W-min ba3d arba3-ta3shar sene, tlo3t marra tenye 3ala Ourashalim ma3 Barnaba w-akhadet ma3e Titos, w-kenit tal3te bi-wa7e. W-3aradet 3al-mou2minin el-kbar w-mish 3ala ghayron, el-injil yalle 3am be3elno lal-mish Yahoud, ta-ma koun basharet bel-mãde aw 3am basher halla2 3al-fade. Fa-ma jabaro mraf2e Titos, w-houe Younene, enno yenkhetin, ma3 enno fi ekhwe kezzebin feto baynetna ta-yetjassaso 3ala 7orriyyetna yalle 3enna yeha bel-MASI7 YASOU3, barke hek byesta3ebdouna. W-ma staslamna elon aw kenna khad3in walaw la7za, 7atta n7afiz 3ala 7a2i2et el-injil metl ma 3reftouh. Bass yalle keno ye3tebro 7alon min akbar el-mou2minin - w-ma fi far2 shou ma ykouno li2anno ALLAH ma bifaddel 7ada 3ala 7ada - ma zedo shi, bel-3aks shefo enno ALLAH na'2ene ta-basher el-mish makhtounin metl ma na'2a Boutros ta-ybasher el-makhtounin, li2anno yalle 3eml Boutros rasoul lal-Yahoud, 3emelne rasoul la-ghayr el-Yahoud, w-lamma Ya3koub w-Boutros w-You7anna, yalle bye3tebrouwon 3oumada el-knise, 3erfo bel-ne3me yalle 3atane hiye ALLAH, maddoule 2idon el-yameen ele w-la-Barnaba ka-3aleme 3al-ettife2 w-ro7na ne7na 3end el-mish Yahoud w-henne 3end el-Yahoud. W-kell shi talabouh minna enno netzakkar el-fou2ara, w-hayda yalle s3it kermelo min kell jehde. W-lamma eja Boutros 3ala Antakya, 2ewamto wejj la-wejj li2anno ken byest7e2 el-lawm. W-abl ma yeje ashkhas min 3end Ya3koub, ken Boutros 3am yekol ma3 el-mish Yahoud. W-lamma weslo tjannabon w-nfasal 3anon li2anno ken khayef min ahl el-khatn. W-meshyo ma3o be2e el-Yahoud bel-mnefa2a, 7atta enno Barnaba nafso njarr ma3on. W-lamma sheft ennon mish 3am yemsho jelis ma3 7a2i2et el-injil, 2elt la-Boutros eddemon kellon: "eza kent enta el-Yahoude 3am bit3ish metl el-ghayr Yahoud mish metl el-Yahoud, keef btelzom el-mish Yahoud enno y3isho metl el-Yahoud?" Ne7na Yahoud bel-wilede mish oumamiyyin khatyeen metl ma bi2oulo 3annon. Bass ne7na mna3rif enno ALLAH ma bibarrer el-2ensen li2anno bi3ish 7asab el-shari3a, bibarrero li2anno bi2ãmen bi-YASOU3 el-MASI7. Kermel hek 2ãmanna bel-MASI7 YASOU3 ta-ybarrerna el-imen bel-MASI7, mish el-3amal 7asab el-shari3a. Wel-2ensen ma byetbarrar li2anno byemshe 7asab el-shari3a. Bass eza kenna ne7na w-3am nes3a lal-tebrir bel-MASI7 l2ina 7alna kamen min el-khatyeen, hal-shi bye3ne enno el-MASI7 khadim lal-khatiyye? Akid la2. Bass eza rje3t 3ammir yalle hadamto, sert mkhalif lal-shari3a, li2anno bel-shari3a mett 3an el-shari3a ta-3ish la-ALLAH. Ma3 el-MASI7 nsalabet, w-mish ana el-3ayish, hayda el-MASI7 3ayish fiyye. W-eza kent 3am 3ish halla2 bel-jesm. 7ayete hiyye bel-imen bi-2eben ALLAH yalle 7abbne w-da77a bi-7alo kermele. W-keef ma3'2oul 3attl ne3met ALLAH? W-law ken el-2ensen byetbarrar bel-shari3a, ken mawt el-MASI7 ra7 di3an? Ya ahl Ghalatya el-aghbiya! Meen yalle sa7ar 32oulkon, ento yalle nrasam el-MASI7 eddem 3younkon masloub? Bes2alkon sou2al wa7ad: tekhmin n3atalkon ROU7 ALLAH li2annkon meshyin 3al-shari3a, aw li2annkon bit2ãmno bel-injil? Hal-2add ento aghbiya? Min ba3d ma ballashto bel-rou7 3am bitkammlo bel-jesm? Ye3ne tajerebkon ra7o di3an? W-keef bikouno di3an? Tekhmin yalle bya3tikon el-ROU7 el-2ODOS w-bya3mil el-3ajeyeb baynetkon, 3am ya3mil hal-shi li2annkon meshyin 3al-shari3a, aw li2annkon bit2ãmno bel-injil? Hek "2ãman Ibrahim bi-ALLAH, w-barraro ALLAH la-imeno." Fa-ezan, ahl el-imen henne wled Ibrahim el-7a2i2iyyin. W-shef el-kteb min abl enno ALLAH ra7 ybarrir el-mish Yahoud bel-imen, fa-bashar Ibrahim w-2allo: "fik biberek ALLAH kell el-oumam." Kermel hek ahl el-imen moubarakin ma3 Ibrahim el-mou2min. Bass yalle meshyin 3a-mabda2 el-shari3a, henne mal3ounin kellon. El-kteb bi2oul: "mal3oun yalle ma bidewim 3al-3amal bi-kell yalle nkatab bi-kteb el-shari3a!" W-wade7 enno ma 7ada byetbarrar 3end ALLAH bel-shari3a, li2anno "el-mbarrar bel-imen bi3ish", bass mabda2 el-shari3a ma byeje min el-imen, li2anno "yalle meshe 3al wassaya bi3ish bel-wassaya." Wel-MASI7 7arrarna min la3net el-shari3a bi-enno sar la3ne kermelna, wel-kteb bi2oul: "mal3oun kell meen met m3alla2 3ala khashabe." W-hayda yalle 3emlo el-MASI7 ta-tousal baraket Ibrahim lal-mish Yahoud, ta-bel-imen no7sal 3al-ROU7 yalle nwa3adna fih. Khedo, ya ekhewte, matal bashare: ma bye2dar 7ada enno yelghe 3ahd 2ensen aw yzeed 3le eza ken msabbat w-sa7i7, w-keef bi-wa3d ALLAH la-Ibrahim w-sleelto? Houe ma bi2oul: "la-sleylo" bel-jam3, bi2oul "la-sleelto" bel-moufrad, ye3ne el-MASI7. W-yalle badde 2oulo houe enno el-shari3a yalle ejet min ba3d arba3-miyye w-tleteen sene ma bte2dar telghe wa3d ALLAH. Law kenit wertit ALLAH mertekze 3al-shari3a, shou elo fadl el-wa3d, bass ALLAH 3ata el-werte la-Ibrahim 3a-ases enno fi wa3d. Eza hek, leysh fi shari3a? Nzedit bi-sabab el-3esyan 7atta teje el-sleele yalle kermela ALLAH 3eml wa3d. Hal-shari3a a3lanouwa el-maleyke 3ala 2id waseet, el-waseet bye3ne aktar min shakhs. W-ALLAH wa7ad. Ye3ne el-shari3a dodd w3oud ALLAH? Akid la2! W-law 3ata ALLAH shari3a edra ta3te 7ayet, ken el-tebrir 7a2i2atan bisir 3a-mabda2 el-shari3a. Bass el-kteb 7abas kell shi ta7t soultan el-khatiyye, 7atta yekhdo el-mou2minin el-wa3d bi-sabab imenon bi-YASOU3 el-MASI7. Abl ma yeje el-imen, kenna ma7bousin ta7t ra7met el-shari3a 7atta yen3alan el-imen yalle kenna natrino. Wel-shari3a kenit mou3allim elna la-wa2et eja el-MASI7 7atta netbarrar bel-imen. W-lamma eja el-imen, t7arrarna min soultet hal-mou3allim. W-ento kellkon wled ALLAH bel-imen bel-MASI7 YASOU3, Li2annkon t3ammadto kellkon bel-MASI7 w-lbesto el-MASI7, w-ma-fi far2 halla2 bayn Yahoude w-mish Yahoude, bayn 3abd w-7orr, bayn rejjel w-mara, ento kellkon wa7ad bel-MASI7 YASOU3. W-eza kento lal-MASI7 ye3ne ento min sleelet Ibrahim w-elkon el-werte bi-7asab el-wa3d. W-b2oul kamen enno ma fi far2 bayn yalle byourat w-bayn el-3abd eza ken ba3do 2aser, ma3 enno houe el-sayyid 3a-kell shi. Bass byeb2a ta7t wisayet el-awsiya wel-woukala lal-wa2et yalle 7addado bayyo. W-hek ne7na kamen: wa2et kenna 2asrin, kenna 3abeed la-mabade2 el-3alam. W-lamma tamm el-zaman, ba3at ALLAH 2ebno mawloud min mara, w-3ash khadi3 lal-shari3a, ta-yefde el-khad3in lal-shari3a, 7atta nsir ne7na wled ALLAH. Wel-dalil 3ala ennkon wledo houe enno ba3at ROU7 2ebno la-2loubna ynede: "Bayye, ya Bayye." Ye3ne min halla2 w-raye7 enta mish 3abd, enta 2eben, w-eza kent 2eben, enta warith bi-ne3met ALLAH. Lamma kento ma bta3erfo ALLAH, kento 3abeed la-ãliha, w-hiye bel-7a2i2a mish ãliha. Bass halla2, min ba3d ma 3refto ALLAH, aw bel-a7ra ALLAH 3erefkon, keef bterja3o la-3ibedet mabade2 el-3alam el-d3ife wel-7a2ira, ka2anno 3a-belkon te3badouwa min jdid? 3am te7fazo el-iyem wel-shouhour wel-fsoul wel-snin! Bkhaf enno ykoun ta3abe ra7 di3an kermelkon. Betrajjekon ya ekhewte tsiro metle, li2anno sert metlkon. Ento ma zalamtoune bi-shi, bass bta3erfo enno kent mareed lamma basharetkon awwal marra, wel-marad yalle bi-jesme ken metl tajribe elkon, bass ento ma 7ta2artoune wala krehtoune, bel-3aks, 2beltoune ka2anne malèk ALLAH, aw ka2anne el-MASI7 YASOU3. Wayn haydak el-fara7? Ana besh'had enno, law kento bte2daro, kento shelto 3younkon w-3titoune hiye. Tekhmin halla2 sert 3adouw elkon li2anno 2eltelkon el-7a2i2a? W-eza keno el-be2yin bigharo 3leykon, ghireton ma fiya sod2. Henne baddon ybay3doukon 3anne ta-tsiro tgharo 3leyon. Shou mni7a hal-ghire eza kenit 3an 7esn niyye. W-hal-shi biso77 deyman, mish bass lamma koun 7ader baynetkon. Ya wlede yalle 3am bitwajja3 fiyon marra tenye metl waja3 el-wilede 7atta tekhla2 fikon souret el-MASI7, addeysh bitmanna law kent 3endkon halla2 ta-ghayyir lahejte, li2anno ana me7tar fikon. 2ouloule, ento yalle bit7ebbo tkouno ta7t soultet el-shari3a: ma 3am tesma3o shou bit2oul el-shari3a? Bi2oul el-kteb: ken la-Ibrahim waladen, wa7ad min el-khãdme wel-tene min el-mara el-7orra. Bass yalle ken min el-khãdme welid 7asab el-jesm el-bashare, w-yalle min el-7orra welid bi-2ouwwet wa3d ALLAH. W-bi-hal-shi fi ramz, li2anno hal-neswen el-tnen byeremzo la-3ahden. We7de minnon Hajar min jabal Sina bitjeeb wled lal-3ouboudiyye, w-jabal Sina bi-bled el-3arab, w-Hajar bte3ne Ourashalim el-7aliyye yalle hiye w-wleda bel-3ouboudiyye. W-Ourashalim el-samawiyye hiye 7orra w-hiye emmna, wel-kteb bi2oul: "fra7e ya hal-mara yalle ma bitjeeb wled. Hallele w-zaleghte ente yalle ma 3refte ãlem el-wilede! Wled el-mahjoura aktar min wled yalle 3enda zawj." W-ento, ya ekhewte, wled el-wa3d metl Is7ak. W-metl ma ken el-mawloud 7asab el-jesm el-bashare 3am yedtehed el-mawloud 7asab el-rou7, liom kamen hek. Bass shou bi2oul el-kteb? Bi2oul: "Sh7at el-khãdme w-2ebna, li2anno 2eben el-khãdme ma ra7 yourat ma3 2eben el-7orra." W-ne7na, ya ekhewte, mish wled el-khãdme, ne7na wled el-7orra. El-MASI7 7arrarna ta-nkoun a7rar. Ye3ne khallikon thebtin, w-ma terja3o tokhda3o la-neer el-3ouboudiyye. W-ana Boulos b2elkon: eza nkhatanto, el-MASI7 ma bi3oud yfeedkon bi-shi. W-besh'had marra tenye la-kell meen nkhatan bi-enno majbour ytabbi2 el-shari3a kella. W-yalle baddon yetbarraro bel-shari3a, 3am ybay3do 3an el-MASI7 w-yen7ermo min el-ne3me. Bass ne7na, mnentor bi-raja enno ybarrerna ALLAH bel-imen bi-2ouwwet el-ROU7. Li2anno bennesbe lal-MASI7 YASOU3 la el-khatn wala 3adam el-khatn byenfa3 bi-shi, bass el-mouhemm houe el-imen yalle byeshteghil 3an ma7abbe. Kento bel-awwal meshyin mni7, meen khallekon ma ettee3o el-7a2? Hal-fekra ma kenit min ALLAH yalle da3ekon. Shweyyit khameer bikhammer el-3ajeen kello. W-3ende thi2a bel-RAB ennkon ma ra7 te2balo ra2y tene. W-yalle bi7ott el-balbale baynetkon ra7 yet7esab, meen ma ken. W-ana, ya ekhewte law kent bnede bel-khatn, leysh fa-ezan ba3dne 3am 3ene el-edtihad la-liom, mish ken el-salib ma bi3oud yshakkek 7ada? Ya reyt yalle 3am bi7otto el-balbale baynetkon bye2ta3o jesmon! Ento, ya ekhewte, da3ekon ALLAH ta-tkouno a7rar, bass ma tkhallo hal-7orriyye tkoun 7ejje btorde shahawet el-jesm, bel-3aks khdemo ba3dkon bel-ma7abbe. El-shari3a kella btektemil bi-wassiye we7de: "7ebb 2aribak metl ma bit7ebb 7alak." Bass eza kento 3am tefterso w-teklo ba3dkon, ntebho enno ma yefne wa7ad minkon el-tene. W-b2elkon: mshou tari2 el-rou7 w-ma tshabb3o shahawet el-jesm. Yalle byeshtehih el-jesm 3aks yalle byeshtehih el-rou7, w-yalle byeshtehih el-rou7 3aks el-jesm. Kell wa7ad minnon bi2awem el-tene 7atta ma ta3emlo yalle badkon yeh. Eza kento meshyin 7asab el-rou7, ento mish ta7t soultet el-shari3a. W-a3mel el-jesm ma3roufe: el-zena, wel-da3ara, wel-foujour w-3ibedet el-awthen, wel-se7r, wel-3adewe, wel-enshi2a2, wel-ghire, wel-ghadab, wel-tama3, wel-khilef, wel-ta3assob Wel-7asad, wel-sekr, wel-3arbade, w-kell shi byeshbahon. W-bnabbehkon halla2, metl ma nabbahetkon min abl, enno yalle bya3emlo hal-a3mel ma byourato malakout ALLAH. Bass thamar el-ROU7 houe el-ma7abbe wel-fara7 wel-salam wel-sabr wel-lotf wel-sala7 wel-amene wel-wade3a wel-3effe. W-ma fi shari3a btemna3 metl hal-eshya. W-yalle saro ma3 el-MASI7 YASOU3 salabo jesmon bi-kell shi fi min mouyoul w-shahawet. Eza kenna min3ish 7asab el-rou7, khallina kamen nemshe tari2 el-rou7, w-ma netkabbar wala net7adda wala ne7sod ba3dna. Ya ekhewte, eza 7ada minkon gholit, se3douh ento el-rou7iyyin bi-rou7 el-wade3a. W-ntebeh la-7alak ta-ma tet3arrad enta kamen lal-tajribe. Se3do ba3dkon bel 7eml el-t2il, w-hek btemsho 7asab shari3et el-MASI7. W-yalle mfakkar 7alo shi mhemm, w-houe bel-7a2i2a ma shi, 3am yekhda3 7alo. Khalle kell wa7ad y7esib 7alo 3ala 3amalo, ta-yshouf 7alo bi-yalle 3emlo houe mish bi-yalle ghayro 3emlo, li2anno kell wa7ad lezim ye7mol 7emlo. W-yalle t3allam kalem ALLAH, khallih ysherik yalle 3allamo bi-kell kheyrato. Ou3a tenkhed3o: ALLAH ma byenda7ak 3le, w-yalle byezra3o el-2ensen ra7 yo7sdo: yalle byezra3 kermel jesmo ra7 yo7sod min el-jesm fased, w-yalle byezra3 kermel el-rou7 byo7sod min el-rou7 el-7ayet el-abadiyye. W-ma nmell min 3amal el-kheyr, eza ma staslamna eja 2atf el-zar3 bi-wa2to. W-ma zel 3enna wa2et, khallina na3mil mni7 ma3 kell el-nes, w-khsouse ma3 ekhwetna bel-imen. Shoufo el-7rouf yalle 3am bekteba bi-2ide shou kbire. Hal-ashkhas yalle baddon yshoufo 7alon bi-jesmon henne yalle byeferdo 3leykon el-khatn, w-hadafon yeherbo min el-edtihad kermel salib el-MASI7, li2anno yalle makhtounin henne bi-zeton ma byemsho 7asab el-shari3a, bass baddon enkon tenkhetno ta-yshoufo 7alon bi-jesmkon. Bass ana ma beftekhir ella bi-salib RABNA YASOU3 el-MASI7. Bi-shakhso sar el-3alam masloub bennesbe ele, w-sert ana masloub bennesbe lal-3alam. La el-khatn wala 3adam el-khatn byenfa3 el-2ensen, yalle byenfa3o houe enno ykoun khali2a jdide. Wel-salem wel-ra7me la-yalle byemsho bi-hayda el-tari2, w-la-Isra2il ALLAH. Ma 7ada ynaghesle 7ayete min ba3d halla2, li2anno be7mol bi-jesme 3alemet YASOU3. Ne3met RABNA YASOU3 el-MASI7, tkoun ma3 rou7kon, ya ekhewte. Ãmin. Min Boulos, rasoul el-MASI7 YASOU3 bi-iradet ALLAH, lal-ekhwe el-2eddisin yalle bi-Afasos, el-mou2minin bel-MASI7 YASOU3. Elkon el-ne3me wel-salem min ALLAH bayyna w-min el-RAB YASOU3 el-MASI7. Yetberak ALLAH bayy RABNA YASOU3 el-MASI7, berakna bel-MASI7 kell barake rou7iyye w-samawiyye, w-na'2ena abl te2sis el-3alam ta-nkoun 3endo 2eddisin ma fina 3ayb bel-ma7abbe, w-ken min zamen 2arrar enno yetbannena bi-YASOU3 el-MASI7 min ba3d ma shef enno hal-shi mni7, ta-neshkor ne3emto yalle 3atana hiye bi-2ebno el-7abib. W-bi-dammo fadena, ye3ne khatayana nghafaro, min ketr ghena ne3emto yalle dafa2a 3leyna bi-kell shi fiya min 7ekme w-ma3rife, w-kashafelna 3an iradto yalle 2arrar bi-nafso enno y7a'2e2a, lamma btektemil el-azmine, se3eta byejma3 bel-MASI7 kell shi, enn ken bel-sama aw 3al-ard. W-ALLAH yalle bya3mil kell shi 7asab iradto, khtarna, 7asab tedbiro, bel-MASI7 ta-nmajjdo, ne7na yalle 7attayna rajena min zamen bel-MASI7. W-ento kamen, lamma sme3to kalem el-7a2, ye3ne injil khalaskon, w-2ãmanto, nkhatamto bel-ROU7 el-2ODOS el-maw3oudin fih, hal-ROU7 yalle houe ra3boun wertetna, lal-wa2et yalle fih ALLAH byefdina ta-nsabb7o w-nmajjdo. Kermel hek, lamma sme3t bi-imenkon bel-RAB YASOU3 w-bi-ma7abbetkon la-kell el-ekhwe el-2eddisin, sert eshkor ALLAH kermelkon w-bezkerkon bi-salate w-betlob min Ileh RABNA YASOU3 el-MASI7, el-Ãb bayy el-majd, enno ya3tikon rou7 7ekme wel-wa7e ta-tsiro ta3erfouh kell el-ma3rife, w-enno ynawwir 2loubkon ta-ta3erfo 3ala ayya raja 3am yed3ikon w-ayya majd ra7 tourato ma3 el-2eddisin w-ayya 2ouwwe 3azeeme fo2 el-tabi3a 3am teshteghil kermelna ne7na el-mou2minin w-hiye edrit ALLAH w-jabarouto yalle azhara bel-MASI7 lamma 2awwamo min el-mawt w-7atto 3a-yameeno bel-sama, fo2 kell ri2ase w-soultan w-2ouwwe w-siyede, fo2 kell esm byetsamma, mish bass bi-hal-3alam, 7atta bel-3alam el-jeye kamen, w-khalla kell shi ta7t ejrey w-7atto fo2 kell shi, ras lal-knise yalle hiye jesmo w-kmelto, w-houe yalle bimalle el-kell bel-kell. Bel-mãde kento mawta bi-znoubkon w-khatayakon yalle kento 3am ta3mlouwa bi-7asab touro2 hal-3alam, khad3in la-ra2is el-2ouwwet el-sherreera bel-fada, ye3ne el-rou7 yalle byet7akkam halla2 bel-metmarrdin 3ala ALLAH. W-kenna ne7na kellna min hal-ashkhas 3eyshin bi-shahawet jesmna le7'2in raghabeto w-mouyoulo, kermel hek kenna bi-tabi3etna wled el-ghadab metl be2e el-nes. Bass ALLAH min ketrit ra7emto w-ma7abbto elna 3atana el-7ayet ma3 el-MASI7 min ba3d ma kenna mawta bi-znoubna. W-ne3met ALLAH 3atetkon el-khalãs, w-2awwamna ma3 el-MASI7 YASOU3 w-3atana matra7 bel-sama, ta-ybayyen lal-ajyel el-jeye ghena ne3emto el-fo2 el-tabi3a bi-7aneno 3leyna min khilel el-MASI7 YASOU3. Ye3ne bi-ne3met ALLAH akhadto el-khalãs bi-wastet el-imen. W-hal-shi mish minkon, houe mawhabe min ALLAH, wel-a3mel ma ela fadl ta-ma 7ada yeftekhir. Ne7na khali2et ALLAH, nkhala2na bel-MASI7 YASOU3 lal-a3mel el-sal7a yalle 7addara ALLAH elna min abl ta-nmereson. Tzakkaro ento yalle ken aslkon mish Yahoude, enno el-Yahoud, yalle bye3tebro 7alon makhtounin bi-jesmon, bisammoukon el-mish makhtounin. W-tzakkaro ennkon kento yawmeta bidoun el-MASI7, b3ad 3an ra3iyyet Isra2il, ghouraba 3an 3ouhoud ALLAH w-wa3do, ma 3endkon raja wala Ileh bi-hal-3alam. Bass halla2, bel-MASI7 YASOU3 serto 2rab bi-damm el-MASI7 min ba3d ma kento b3ad. El-MASI7 houe salemna, 3eml min el-Yahoud wel-mish Yahoud sha3b wa7ad w-haddam el-7ajez yalle byefsol baynon, ye3ne el-3adewe, w-leghe shari3et Moussa w-a7kema w-wassayaha ta-yekhlo2 bi-shakhso min hal-jame3ten, min ba3d ma 7att el-salem bayneton, 2ensen wa7ad jdid w-ta-ysale7on ma3 ALLAH bi-salibo, 2atal el-3adewe w-3emelon jesm wa7ad. Eja w-basharkon bel-salem ento yalle kento b3ad, metl ma bashar bel-salem yalle keno 2rab, li2anno bi-wasteto, sar fina nousal la-3and el-Ãb bel-rou7 el-wa7ad. W-hek min liom ento mish ghouraba aw dyouf, ento ma3 el-2eddisin r3iyye we7de w-min ahl beyt ALLAH, nbanayto 3a-ases el-rousl wel-anbiya, w-7ajar el-zewye houe el-MASI7 YASOU3 nafso, li2anno 3le houe mashdoud el-bena kello ta-ye3la w-ykoun haykal m2addas bel-RAB, w-bi-wasteto ento kamen mabniyyin sawa ta-tsiro beyt ALLAH bel-rou7. Kermel hek ana Boulos sajin el-MASI7 YASOU3 kermelkon, ento ya hal-mish Yahoud. Akid sme3to bel-ne3me yalle 3atane hiye ALLAH kermelkon, Keef kashafle serr tedbiro bi-wastet el-wa7e metl ma katabtelkon bi-ikhtisar min abl. W-fikon eza 2rito hal-shi ta3erfo keef befham serr el-MASI7, hal-serr yalle ma kashafo ALLAH la-7ada min el-bashar bel-ajyel el-madye w-kashafo halla2 bel-rou7 la-rouslo w-anbiye2o el-2eddisin, w-houe enno el-mish Yahoud ra7 ysherko el-Yahoud bel-werte wel-jesm wel-wa3d yalle wa3ado ALLAH bi-wastet el-injil w-ana sert khadim ALLAH 7asab ne3emto yalle 3atane hiye bi-fe3l edrto. Ele ana azghar el-mou2minin kellon 3atane ALLAH hal-ne3me ta-basher el-mish Yahoud bi-ghena el-MASI7 yalle ma elo 7doud, w-ta-bayyen la-kell el-nes tedbir hal-serr yalle dall maktoum toul el-wa2et bi-ALLAH yalle khala2 kell shi. 7atta bi-wastet el-knise tet3arraf el-ri2aset wel-soultat bel-sama 3ala 7ekmet ALLAH el-metnaww3a. W-ken hal-shi 7asab el-tedbir el-azale yalle 7a'2a2o ALLAH bi-RABNA el-MASI7 YASOU3. W-eza 2ãmanna fih minsir nestarje n2arrib min ALLAH w-kellna thi2a. Kermel hek betlob minkon enno ma tkhallo hemmetkon tebrod bi-sabab el-di2a yalle 3am 3eniya kermelkon, hiye majd elkon. Kermel hek ana berka3 eddem el-Ãb, yalle minno kell Oubouwwe bel-sama wel-ard, w-betlob minno ya3tikon, 7asab ghena majdo, enno tet2awwo bi-ROU7O, ta-ye2wa fikon el-2ensen el-dèkhile, w-enno yeskon el-MASI7 bi-2loubkon bel-imen, 7atta eza t2assalto w-trassakhto bel-ma7abbe, ysir fikon tefhamo ma3 kell el-2eddisin shou houe el-3ard wel-toul wel-3louw wel-ghem2, w-ta3erfo ma7abbet el-MASI7 yalle hiye fo2 kell ma3rife, 7atta tentelo bi-kell mel2 ALLAH. ALLAH el-edir bi-2ouwwto yalle bteshteghil fina enno ya3mil aktar bi-ktir min yalle mnetolbo aw mnetsawwaro, elo el-majd bel-knise w-bel-MASI7 YASOU3 3ala mada kell el-ajyel wel-douhour. Ãmin. Betlob minkon, ana el-sajin bel-RAB, enno t3isho 3ishe bitli2 bel-da3we yalle da3akon ALLAH ela, w-enno tkouno metwad3in w-loutafa w-sabourin. T7ammalo ba3dkon bi-ma7abbe, w-7ãfzo 3ala we7det el-rou7 bel-salem yalle byerbetkon bi-ba3d. Ento jesm wa7ad w-rou7 wa7ad, metl ma da3akon ALLAH la-raja wa7ad. W-elkon RAB wa7ad w-imen wa7ad w-ma3moudiyye we7de w-Ileh wa7ad, bayy el-kell w-fo2 el-kell, byeshteghil fiyon kellon w-houe sèkin fiyon kellon. La-kell wa7ad minna nasibo min el-ne3me 7asab ma 3atah el-MASI7, el-kteb bi2oul: "lamma toli3 la-fo2 akhad ma3o m7abis ktir w-farra2 3ataya 3al-nes." Wel-ma2soud bi-kelmet "toli3" enno nezl awwal shi la-ka3b el-ard. W-yalle nezl houe nafso yalle toli3 la-fo2 el-sama ta-ymalle kell shi, w-houe yalle 3ata el-ba3d enno ykouno rousl wel-ba3d anbiya wel-ba3d ybashro wel-ba3d kahane w-mou3allimin. Ta-y7addir el-ekhwe el-2eddisin lal-khedme kermel benyen jesm el-MASI7, 7atta nousal kellna la-we7det el-imen w-ma3rifet 2eben ALLAH, lal-2ensen el-kemil, la-kamèl el-MASI7, ta-ma ndall atfal 3am ye2defon el-mawj w-tetmeyal fiyon el-ree7 fa-byekhda3ouwon el-nes w-byekhdouwon 3al-halek, bel-3aks mne3lon el-7a2 3an ma7abbe w-mnenma bi-kell shi sawb el-MASI7 yalle houe el-ras: yalle minno houe, el-jesm kello byekhod el-tamesok wel-we7de, bi-fadl kell el-mafasel yalle 3am yet3ewano, 7atta eza kell jez2 3eml sheghlo el-khãs fih, kebr el-jesm kello w-tkammal benyeno bel-ma7abbe. B2elkon w-betlob minkon bi-esm el-RAB enno ma t3isho min liom w-raye7 3ishet el-wathaniye yalle bifakkro afkar batle, w-henne bi-3atmet tefkiron w-jahlon w-2asewet 2loubon ghouraba 3an 7ayet ALLAH. Lamma fa2ado kell 7ess staslamo lal-foujour, w-nghamaso bi-kell najese bi-faj3ane ma bteshba3. Bass ento mish hek t3allamto shou houe el-MASI7, eza kento sme3to fih w-sme3to ta3lim moutabi2 lal-7a2i2a yalle bi-YASOU3. Shla7o el-2ensen el-3ati2 yalle naza3eto el-shahawet el-khed3a, w-tjaddado bel-rou7 wel-3a2l, w-lbeso el-2ensen el-jdid yalle khala2o ALLAH 3ala sourto bel-berr w-2adeset el-7a2. Kermel hek ma tkazzbo, w-khalle kell wa7ad minkon ye7ke kalem el-sod2 ma3 2aribo li2anno kellna jesm wa7ad, kell wa7ad lal-tene. W-eza ghdebto ma tekhto w-ma teghrob el-shams 3ala ghadabkon. Ma ta3to la-eblees matra7. Yalle ken 3am yesro2 ywa'2if el-ser2a, w-yrou7 yet3ab w-ya3mil el-kheyr bi-2idey ta-ykoun edir yse3id el-me7tejin. Ma tetla3 kelmet sharr min temmkon, bel-3aks kell kelme sal7a lal-benyen 3end el-7aje w-bitfeed yalle 3am yesma3o. Ma tza33lo ROU7 ALLAH el-2ouddous yalle nkhatamto fih la-yawm el-khalãs. Tkhallaso min kell 7e2d w-na2me w-ghadab w-sarikh w-msabbet w-kell el-shourour, w-3èmlo ba3dkon bi-lotf w-bi-ra7me w-ghfero la-ba3dkon metl ma ghafar ALLAH elkon bel-MASI7. Tmetalo bi-ALLAH metl el-wled el-a7ebba, w-3isho bel-ma7abbe metl el-MASI7 yalle 7abbna w-da77a bi-7alo kermelna 2erben w-zabi7a la-ALLAH ri7eta tayybe. W-bennesbe lal-zena wel-foujour bi-kell anwe3on, ma bili2 bel-2eddisin 7atta yenzakar esmon. Ou3a el-tafeha aw el-sakhafe aw el-tmeskhor, hal-shi ma bili2 fikon, bel-3aks sabb7o w-shkero ALLAH. Ento bta3erfo enno yalle byezne aw el-fejir, aw 3abbid el-awthen, ma byourat malakout el-MASI7 w-ALLAH. Ma yekhda3kon 7ada bel-kalem el-batel, li2anno hal-shi bisabbeb ghadab ALLAH 3ala wled el-3esyan. Ye3ne ma tetshterko ma3on bi-shi. Mberi7 kento bel-3atme, w-liom ento nour bel-RAB. 3isho 3ishet wled el-nour, el-nour bijeeb el sala7 wel-ta2wa wel-7a2. W-hek t3allamo yalle byorde el-RAB, w-ma teshterko bi-a3mel el-3atme el-batle, wel-a7san enno tekeshfouwa. Li2anno yalle bya3emlouh bel-mekhfe mnekhjal 7atta nezekro. Bass kell yalle nkashaf zahar bel-nour, w-kell yalle zahar houe nour. W-kermel hek n2al: "w3a ya hal-neyim w-2oum min el-mawt, bidawwe 3lek el-MASI7" Ntebho ktir keef badkon t3isho, 3ishet ahl el-7ekme mish 3ishet el-jouhala, w-stafeedo min el-wa2et el-7ader, li2anno hal-iyem kella sharr. Ma tkouno aghbiya, fhamo shou hiye iradet el-RAB. Ma teskaro bel-nbeed, li2anno ketrit el-nbeed niheyto el-taysh, mallo 7alkon min el-ROU7 w-t7edatho 3an el-mazamir wel-anashid wel-tretil el-rou7iyye. Rattlo w-sabb7o el-RAB min kell 2albkon shkero ALLAH el-Ãb shokr deyim 3ala kell shi, bi-esm RABNA YASOU3 el-MASI7. Khda3o la-ba3dkon metl ma btokhda3o lal-MASI7. Ya neswen, khda3o la-azwejkon metl ma btokhda3o lal-RAB, Li2anno el-rejjel ras el-mara metl ma el-MASI7 houe ras el-knise, w-houe moukhallis el-knise w-hiye jesmo. W-metl ma btokhda3 el-knise lal-MASI7, khalle el-neswen yokhda3o la-azwejon bi-kell shi. Ya rjel, 7ebbo neswenkon metl ma 7abb el-MASI7 el-knise w-da77a bi-7alo kermela, ta-y2addesa w-ytahhera bel-may yalle bitnaddif w-bel-kelme, w-2addama la-nafso knise majide ma fiya 3ayb wala taja3eed aw shi min hayda, m2addase ma fiya 3ayb. W-kermel hek lezim el-rjel y7ebbo neswenon metl ma bi7ebbo ajsemon. Yalle bi7ebb marto bi7ebb 7alo. Ma fi 7ada byebghod jesmo, bel-3aks bighazzih w-byehtamm fih metl ma el-MASI7 byehtamm bel-knise. W-ne7na min domn jesm el-MASI7. "W-kermel hek byetrok el-rejjel bayyo w-emmo w-byette7id bi-marto w-bisiro el-tnen jesm wa7ad." Hal-serr 3azeem, bo2sod serr el-MASI7 wel-knise. Khalle kell wa7ad minkon y7ebb marto metl ma bi7ebb 7alo, w-khalle el-mara te7terim zawja. Ento el-wled, tee3o ahlkon eddem el-RAB, hal-shi ktir mni7. "Karrem bayyak w-emmak", hayde awwal wassiye, fi ba3d minna wa3d bi2oul: "ta-to7sal 3al-kheyr w-ta-ettoul iyemak 3al-ard." W-ento ya bayyet, ma tkhallo wledkon yotla3 khel2on, rabbouwon 7asab wassaya el-RAB w-tehzibo. Ya 3abeed, tee3o asyedkon bi-hal-dene bi-khawf w-rahbe w-2alb na2e metl ma bittee3o el-MASI7, Mish bass lamma bikouno 3am bira2boukon, metl yalle baddo yorde el-nes, tee3ouwon min kell 2loubkon ka-kheddem lal-MASI7 bya3emlo 7asab iradet ALLAH. W-khalle tkoun khedmetkon elon sad2a ka2annkon 3am tekhedmo el-RAB mish el-nes, 3erfin enno el-RAB bikefi2 kell 2ensen, eza ken 3abd aw 7orr, 3ala a3melo el-sal7a. W-ento ya asyed, 3emlo 3abeedkon el-mou3emale nafsa w-tjannabo el-tehdid, 3erfin enno sayyidon houe sayyidkon bel-sama w-enno ma biseyer 7ada. W-bel-ekher b2oul t2awwo bel-RAB w-bi-edrto el-3azeeme. Tsalla7o bi-sle7 ALLAH el-kemil ta-te2daro t2ewmo 7iyal eblees. Ne7na ma min7areb a3de2 min la7m w-damm, min7areb as7ab el-ri2ase wel-soultan wel-siyede bi-hal-3alam, 3alam el-3atme wel-arwe7 el-sherreera yalle bel-fada. Kermel hek 7melo sle7 ALLAH el-kemil ta-te2daro t2ewmo bi-yawm el-sharr w-tethbato min ba3d ma tentesro 3a-kell shi. La-hal-sabab thbato metmaskin bel-7a2, lebsin der3 el-esti2ame, lbeso bi-ejreykon el-7amès bi-e3len injil el-salem. W-7melo el-imen ters bi-kell wa2et, li2anno bi-wasteto bte2daro tetfo kell s'houmit el-sherreer el-wel3ane. W-lbeso khouzet el-khalãs w-7melo seyf el-ROU7 yalle houe kalem ALLAH. Sallo bi-kell wa2et bel-rou7 w-tlebo min ALLAH w-ntebho la-hal-shi, dewmo 3al-sala la-kell el-ekhwe el-2eddisin w-ele ana kamen, 7atta eza fata7et temme ta-e7ke, yelhemne ALLAH shou badde 2oul, ta-e3lon bi-jer2a serr el-injil yalle ana safir elo mrabbat bel-jnazeer. W-tleboule koun jari2 enno e3lon 3anno metl ma lezim. Yeb2a ykhabberkon 3anne Tikhikos khayye el-7abib w-mouse3ide el-ameen bi-khedmet el-RAB. Ba3attelkon yeh khsouse ta-ykhabberkon 3anna w-y3azze 2loubkon. Wel-salem wel-ma7abbe ma3 el-imen lal-ekhwe min ALLAH el-Ãb w-min el-RAB YASOU3 el-MASI7. El-ne3me tkoun ma3 kell yalle bi7ebbo RABNA YASOU3 el-MASI7 7obb ma bizoul. Min Boulos w-Timothawos, kheddem el-MASI7 YASOU3, la-kell el-ekhwe el-2eddisin bi-Filippi, yalle bel-MASI7 YASOU3, ma3 mtarinon w-shmemseton. Elkon el-ne3me wel-salem min ALLAH bayyna w-min RABNA YASOU3 el-MASI7. Beshkor Ilehe kell ma zakartkon w-d3itelkon kellkon bi-fara7 bi-kell salawete li2anno sheraktoune bi-khedmet el-injil min awwal yawm la-halla2. Ana 3a-thi2a enno yalle ballash fikon 3amal sale7 ra7 ykammlo la-yawm el-MASI7 YASOU3. W-min 7a'2e o3tof 3leykon kellkon, li2anno ento deyman bi-2albe, w-kellkon shourake2e bi-ne3met ALLAH, enn ken bel-7abs aw bel-dife3 3an el-injil. W-ALLAH byesh'had addeysh b7ennelkon kellkon 7anen el-MASI7 YASOU3. W-salate kermelkon hiye: enno tzeed ma7abbetkon ghem2 bel-ma3rife wel-fahm, ta-tna'2o el-afdal w-tsiro at'har ma fi 3leykon lawm bi-yawm el-MASI7, melyenin min thamar el-berr bi-YASOU3 el-MASI7, la-majd ALLAH w-shokro. W-badde yekon, ya ekhewte, ta3erfo enno yalle sar ma3e se3ad 3ala entishar el-injil 7atta enno khabar woujoude bel-7abs kermel el-MASI7 ntashar bi-dar el-7akem w-kell el-matare7 el-tenye, w-ktar min el-ekhwe tshajja3o bel-RAB min wara el-jnazeer, w-zedit jer2eton 3al-tebshir bi-kelmet ALLAH bidoun khawf. Ma fi shakk enno fi minnon 3am bibashro bel-MASI7 3an 7asad w-mounefase, w-minnon bibashro 3an niyye tayybe. Hol btedfa3on el-ma7abbe, 3erfin enno ALLAH khallene defi3 3an el-injil. W-hawdik byedfa3on el-ta7azzob fa-ma bibashro bel-MASI7 3an sod2, mfakkrin enno bi-hal-shi ra7 yzeedo min ta3abe ana w-bel-7abs. Bass ma bihemne, ma zel el-tebshir bel-MASI7 3am bisir bi-kell el-a7wel, eza ken 3an ekhlas aw 3an ghayr ekhlas. Bel-3aks hal-shi bi-farre7ne, w-khsouse li2anno ba3rif enno hal-shi la-khalãse bi-fadl salawetkon w-mouse3adet ROU7 YASOU3 el-MASI7. W-kell yalle bitmanneh w-betrajjeh enno ma ekhjal abadan, w-koun halla2 w-bi-kell wa2et jari2 bel-3amal bi-kell kayene la-majd el-MASI7, enn 3esht aw mett. El-7ayet bennesbe ele hiye el-MASI7, wel-mawt reb7. Bass eza kent bi-7ayete ba3mil 3amal mouthmer, ma ba3rif shou badde na'2e w-ana me7tar bayn shaghlten: b7ebb etrok hal-7ayet ta-koun ma3 el-MASI7, w-hal-shi houe el-afdal, bass eza b2it baynetkon hayda shi daroure ktir elkon. W-3ende thi2a enno ra7 eb2a baynetkon kellkon kermel el-ta2addom taba3kon w-fara7kon bel-imen, w-7oudoure baynetkon marra tenye bikhallikon teftekhro aktar bel-MASI7 YASOU3. El-mouhem halla2 houe enno tkoun 7ayetkon bitli2 bi-injil el-MASI7, 7atta shouf eza jeet la-3andkon, aw esma3 eza kent ghayib, ennkon thebtin bi-rou7 wa7ad w-bitjehdo bi-2alb wa7ad kermel el-imen bel-injil. Ma tkhafo min a3de2kon bi-shi. Hal-shi borhan 3ala halekon w-3ala khalãskon w-hayda bi-fadl ALLAH, li2anno 3atakon ne3met enno tet2allamo kermel el-MASI7, w-ma tektefo bel-imen fih, mjehdin el-jihed nafso yalle sheftoune 3am jehdo, w-halla2 3am tesma3o enno ba3dne 3am jehdo. Eza ken 3endkon ta3ziye bel-MASI7, wel-ma7abbe 3am t2awwikon, w-eza ken fi mousherake bel-rou7, w-7anen w-ra7me baynetkon, khallo fara7e yektemil bi-enno tkouno 3ala ra2y wa7ad w-ma7abbe we7de w-2alb wa7ad w-fekr wa7ad, ma ta3emlo shi 3an mounefase aw tashewof, bel-3aks, twada3o, w-kell wa7ad yshouf ghayro afdal minno, w-yehtamm bi-masla7et ghayro, mish bi-masla7to el-khãssa. Kouno 3ala fekr el-MASI7 YASOU3: yalle, ma3 enno tabi3to ilehiyye, ma 3tabar mousaweto la-ALLAH ghanime, bel-3aks tjarrad min zeto w-akhad shakl el-3abd, 7atta sar metl el-bashar, w-zahar bi-shakl 2ensen w-twada3, w-atã3 7atta el-mawt, el-mawt 3al-salib. Kermel hek ALLAH 3alleh ktir w-3atah esm fo2 kell esm 7atta la-esm YASOU3 terka3 kell rekbe bel-sama wel-ard w-ta7t el-ard w-yesh'had kell 2ensen enno YASOU3 el-MASI7 houe el-RAB ta-yetmajjad ALLAH el-Ãb. Kermel hek, metl ma kento ettee3o deyman, ya a7ebbe2e, tee3oune halla2 bi-ghyebe aktar min wa2et kent 7ader ma3kon, w-shteghlo la-khalãskon bi-khawf w-i7tiram, li2anno ALLAH houe yalle bi7ott fikon el-raghbe enno ta3emlo metl ma houe baddo. W-3melo kell shi bidoun t2ef2of wala khilefet, 7atta tkouno at'har ma fi 3leykon lawm w-wled ALLAH bidoun 3ayb bi-jeel fesid, bitdawwo fih metl el-njoum bel-sama, 7amleen kelmet el-7ayet, w-hek beftekhir bi-yawm el-MASI7 enno ma shtaghalit w-ma t3ebet 3al-fade. 7atta law badde 2addim damme 2erben 3ala zabi7et imenkon w-khedemto, ra7 efra7 w-hallel ma3kon kelkon, w-ento kamen fra7o w-hallelo ma3e. Bit2ammal bel-RAB YASOU3 enno eb3atelkon Timothawos 2ariban 7atta a3rif 3annkon w-ettamman 3leykon. Ma 3ende 7ada metlo yehtamm bi-sod2 fikon, li2anno kellon rekdin wara masale7on el-khãssa w-mish wara YASOU3 el-MASI7. W-ento bta3erfo enno 3endo khebra w-bta3erfo keef khadam el-injil ma3e, metl el-2eben ma3 bayyo. Bitmanna eb3atelkon yeh lamma a3rif 7ale wayn ra7 sir. W-3ende thi2a bel-RAB enno eje la-3andkon ana kamen 3an 2arib. W-sheft enno lezim eb3atelkon Abfroditos, khayye w-mouse3de w-rfi2e bel-jihed, hayda yalle ba3ttouh ento la-3ande ta-yse3edne, w-houe meshta2elkon kellkon w-3etl hamm li2annkon sme3to bi-marado. Ken mareed ktir w-ken ra7 ymout, bass ALLAH shef2 3le w-3leyye ana kamen, ta-ma yzeed 7ezne aktar. Hayda yalle khallene 3ajjel w-eb3ato la-3andkon, 7atta eza sheftouh, terja3o tefra7o w-ana y2ell 7ezne 2balouh ka-khayy bel-RAB bi-kell fara7 w-karrmo amtelo, li2anno ken ra7 ymout kermel el-MASI7 w-khãtar bi-7ayeto ta-ykammel yalle ento ma ederto ta3emlouh. W-halla2, ya ekhewte, fra7o bel-RAB. Ma byez3ejne ektebelkon bel-eshya nafsa, hal-shi mni7 elkon. Ntebho min el-kleb, min yalle byeshteghlo sheghl 3atel, ntebho min yalle bishawwho el-jesm, ne7na ahl el-khatn el-7a2i2e li2anno mne3bad ALLAH bel-rou7 w-mneftekhir bel-MASI7 YASOU3 w-ma mnettekil 3a-yalle houe bashare, ma3 enno min 7a'2e enno ettekil ana kamen 3a-yalle houe bashare. W-eza 7ada fakkar enno min 7a'2o yettekil 3a-yalle houe bashare, ana a7a2 minno li2anno ana khatanoune lamma ken 3omre tmen tiyem, w-ana min sleelet Isra2il, min 2abilet Benyamin, 3ebrane min el-3ebraniyyin. W-bennesbe lal-shari3a ana ferrise, w-bennesbe lal-ghire ana edtahadet el-knise, w-bennesbe lal-ta2wa 7asab el-shari3a ana bidoun lawm. Bass kell hal-eshya yalle kent shoufon reb7, liom sert e3teberon khsara kermel el-MASI7, 7atta enno kell shi bshoufo khsara kermel el-reb7 el-a3zam, w-houe ma3rifet el-MASI7 YASOU3 Rabbe. Kermelo khseret kell shi w-be3tebir kell shi zbele ta-erba7 el-MASI7 w-ette7id fih, w-hek ma bitbarrar bel-shari3a, bitbarrar bel-imen bel-MASI7, w-hayda el-tebrir yalle bya3tih ALLAH 3ala ases el-imen. W-hek bsir a3rif el-MASI7 w-ba3rif el-2ouwwe yalle tjallet bi-2iyemto w-bsherko bi-ãlemo w-bitshabbah fih bi-mawto, 3ala raja enno ana kamen 2oum min el-mawt. W-ma bedde3e enno 7solt 3a-kell shi aw wsolt lal-kamèl, bass bes3a la-hal-shi barke bousallo li2anno el-MASI7 YASOU3 woselle. Ya ekhewte, ma be3teber enno wsolt, bass bihemmne shi wa7ad w-houe enno ensa yalle waraye w-emshe sawb yalle eddeme. Ta-el7a2 el-hadaf, w-ekhod el-jeyze yalle ALLAH 3am yed3ina ela bel-MASI7 YASOU3 ta-nekheda bel-sama. W-ne7na kellna, yalle meshyin sawb el-kamèl, 3leyna enno nkoun min hal-ra2y. W-eza ken elkon ra2y tene, ALLAH kamen ra7 yekshefelkon yeh. Bass halla2, khallina netmassak bi-sod2 bi-yalle 7solna 3le. Tmattalo fiyye, ya ekhewte, w-ettalla3o 3ala yalle 3am yemsho metlna. 2eltelkon 3eddit marrat, w-berja3 b2oul halla2 wel-dmou3 bi-3youne, enno fi nes ktir 3am bi3isho ka2annon a3de2 la-salib el-MASI7. Hal-ashkhas niheyeton el-halek, w-ilehon bi-batnon, w-majdon bi-3aron, w-ma fi bi-rason ella hmoum el-dene. Bass ne7na, watanna bel-sama w-min el-sama mnentor bi-shaw2 moukhallisna el-RAB YASOU3 el-MASI7. Houe yalle ra7 yghayyir jesmna el-ta3ees, w-ya3emlo metl jesmo yalle kello majd, 7asab 2ouwwto yalle bitkhallih ykhaddi3 kell shi elo. Fa-ezan, ya ekhewte yalle b7ebbon w-beshta2lon w-henne fara7e w-eklile, thbato 3ala kell hal-shi bel-RAB, ya a7ebbe2e. Betlob min Afoudiyya w-Santikha enno ykouno 3ala fekr wa7ad bel-RAB. W-enta, ya rfi2e el-ameen, badde yek tse3edon li2annon jehado ma3e bi-khedmet el-injil, henne w-Eklimandos w-be2e yalle se3adoune w-asamiyon maktoube bi-kteb el-7ayet. Fra7o deyman bel-RAB, w-b2elkon kamen: fra7o. Khalle sabrkon ysir ma3rouf 3end kell el-nes. El-RAB ra7 yeje 2ariban. Ma te3talo hamm shi, tlebo shou ma 3ezto min ALLAH bel-sala wel-trejje wel-shokr, w-salem ALLAH, yalle el-3a2l ma bye2dar yousallo, ye7faz 2loubkon w-afkarkon bel-MASI7 YASOU3. W-bel-ekher, ya ekhewte, htammo bi-kell shi houe 7a2 w-shareef w-3adil w-taher, w-byen7abb, w-sem3to tayybe, w-bi-kell shi fiyo fadile w-byest7e2 el-mad7, w-mshouh 3ala kell yalle t3allamtouh w-sme3touh minne w-akhadtouh 3anne w-sheftouh fiyye, w-Ileh el-salem ykoun ma3kon. Fre7t ktir bel-RAB lamma sheft ennkon rje3to akhiran tbayyno ehtimemkon fiyye. Sa7i7 enno hal-shi ken fikon, bass ma ejetkon el-fersa min abl enno t3abbro 3anno. W-ma b2oul hal-shi li2anno ana bi-7aje, t3allamet enno ektefe bi-yalle 3ende. Ana ba3rif 3ish bel-di2a, metl ma ba3rif 3ish merte7, w-bi-kell el-zrouf, khtabaret el-shaba3 wel-jou3, wel-faraj wel-di2a, w-ana edir et7ammal kell shi bi-yalle bi2awwine. W-ma3 hayda w-kello 3melto mni7 enno tsherkoune bi-me7ente. W-ento bta3erfo, ya ahl Filippi, enno, lamma ballashet bel-tebshir, wel-bideye kenit bi-Makdouniyye, wala knise sheraketne bi-7seb el-akhd wel-3ata ella ento wa7dkon. 7atta lamma kent bi-Tasalouniki ba3attoule marra w-marteyn yalle 7tajtello. B2oul hal-shi mish li2anno berghab bel-hadeya, bass li2anno badde shouf el-reb7 3am yzeed bi-7sebkon. 3ende halla2 kell shi ana bi-7aje elo, w-ziyede. Sert mba7ba7 min ba3d yalle ba3attoule yeh ma3 Apafroditos, hol metl 3otr ree7to tayybe, w-zabi7a bye2bala ALLAH w-byefra7 fiya. W-ALLAH byouwfe 7ajetkon kella 7asab gheneh el-3azeem bel-MASI7 YASOU3. El-majd la-ALLAH bayyna la-abad el-douhour. Ãmin. Sallmo 3ala kell el-ekhwe el-2eddisin bel-MASI7 YASOU3. Bisallmo 3leykon el-ekhwe yalle ma3e. Bisallmo 3leykon kell el-ekhwe el-2eddisin hon, w-khsousan yalle henne min 7eshyet el-2aysar. W-ne3met el-RAB YASOU3 el-MASI7 tkoun ma3 rou7kon. Min Boulos Rasoul el-MASI7 YASOU3 bi-iradet ALLAH w-min khayyna Timothawos lal-2eddisin yalle bi-Colossi, el-ekhwe el-mou2minin bel-MASI7. Elkon el-ne3me wel-salem min ALLAH bayyna. Mneshkor ALLAH bayy RABNA YASOU3 el-MASI7, kell ma sallayna kermelkon, 3ala yalle wossilna 3an imenkon bel-MASI7 YASOU3 w-ma7abbetkon la-kell el-ekhwe el-2eddisin kermel el-raja yalle 7addaro ALLAH elkon bel-sama, el-raja yalle sme3to fih min abl, bi-kelmet el-7a2, ye3ne bel-injil yalle wossilkon metl ma wossil lal-3alam kello, w-sar yethmor w-yenteshir fih metl ma 3am yethmor w-yenteshir baynetkon min wa2et ma sme3to bi-ne3met ALLAH w-3reftouwa kell el-ma3rife. W-hal shi t3allamtouh min Abafras, rfi2na el-7abib bel-khedme la-ALLAH wel-khadim el-ameen lal-MASI7 3endkon. W-houe yalle khabbarna addeysh el-ROU7 el-2ODOS 7atit fikon ma7abbe. Kermel hek minsalle bi-kell wa2et kermelkon, min wa2et ma sme3na hal-shi 3annkon, w-mnes2al ALLAH enno ymallikon bi-ma3rifet iradto, w-bel-7ekme wel-fehm el-rou7e, 7atta t3isho bi-7ayetkon metl ma bili2 lal-RAB w-byordih kell el-rida w-btethemro kell 3amal sale7 w-btekbaro bi-ma3rifet ALLAH, w-edrto yalle kella majd, ta3tikon kell shi fi 2ouwwe, ta-tet7ammalo bi-fara7 kell shi bi-kell thabet w-sabr, w-teshekro el-Ãb li2anno 3atakon el-7a2 ennkon tourato bi-malakout el-nour ma3 el-2eddisin. Houe yalle khallasna min soultet el-zalam w-na2alna la-malakout 2ebno el-7abib, yalle fadena, ye3ne ghafarelna el-khataya. Houe souret ALLAH yalle ma byenshef bel-3ayn, el-mawloud abl kell el-khali2a. Bi-wasteto khala2 ALLAH kell shi bel-sama w-3al-ard, yalle byenshef w-yalle ma byenshef: enn keno as7ab 3arsh aw siyede aw ri2ase aw soulta. Bi-wasteto w-kermelo khala2 ALLAH kell shi. Ken abl kell shi w-bi-wasteto byetkawwan kell shi. Houe ras el-jesm, ye3ne ras el-knise, w-houe el-bideye w-awwal el-2eymin min bayn el-mawta, ta-ykoun el-awwal bi-kell shi, li2anno ALLAH arad enno ykoun 7ader bi-kell oulouhto bi-2ebno. W-enno ysale7 bi-wasteto kell shi 3al-ard w-bel-sama, w-bi-dammo 3ala el-salib t7a'2a2 el-salem. Min abl kento ghouraba 3an ALLAH w-a3de2 elo bi-afkarkon w-a3melkon el-3atle, bass halla2 sala7kon bi-jesm el-MASI7 el-bashare, lamma sallamo lal-mawt ta-tou2afo eddemo 2eddisin bidoun zanb wala lawm, 7atta tethbato bel-imen reskhin mish mza3za3in wala btet7awwalo 3an raja el-injil yalle sme3to fih w-wossil la-kell khali2a ta7t el-sama, w-sert ana Boulos khadim elo. W-ana halla2 befra7 bel-ãlem yalle b3aniya kermelkon, ta-kammil bi-jesme yalle ba3do na2is min ãlam el-MASI7 kermel jesmo yalle houe el-knise yalle sert khadim ela bi-tedbir min ALLAH kermelkon, w-bkhalle kelmet ALLAH ma3roufe kell el-ma3rife, w-hiye el-serr yalle katamo ALLAH toul el-douhour wel-ajyel w-kashafo halla2 la-2eddisino yalle arad ALLAH elon enno ya3erfo addeysh ken hal-serr ghane w-kello majd 3end el-mish Yahoud, ye3ne enno el-MASI7 fikon w-houe raja el-majd. Hal-serr yalle 3am minbasher fih kell el-nes w-min3allemon bi-kell 7ekme ta-nkhalle kell 2ensen kemil bel-MASI7. W-kermel hek bet3ab w-bjehid bi-fadl edrto yalle bteshteghil fiyye bi-2ouwwe. W-b7ebb ennkon ta3erfo addeysh ena bjehid kermelkon w-kermel yalle henne bi-Lawdikiyya w-kermel el-be2yin yalle ma shefo wejje, ta-tet2awwa 2loubon w-tekbar el-ma7abbe bayneton, w-hek byousalo la-a3la daraje min el-fahm el-kemil bi-kell shi fi ghena, w-bikhalliyon ya3erfo serr ALLAH, ye3ne el-MASI7, yalle mkhazzane fih kell knouz el-7ekme wel-ma3rife. B2oul hal-shi ta-ma yekhda3kon 7ada bel-kalem el-ma3soul. Ma3 enno ana ghayib 3annkon bi-jesme, ana ma3kon bel-rou7, befra7 bi-yalle 3am shoufo fikon min nizam w-thabet bel-imen bel-MASI7. Kammlo tari2kon ma3 el-RAB YASOU3 el-MASI7 metl ma ballashto, m2assalin reskhin fih, thebtin bel-imen yalle t3allamtouh, w-3am teshekro ALLAH min kell 2albkon. Ou3a 7ada y2assir 3leykon bel-falsafe wel-ghourour el-batel, el-2eyim 3ala ta2aleed el-bashar w-mabede2 el-3alam, mish 3ala el-MASI7. Li2anno bel-MASI7, ka-bashar, bit7ell el-oulouha bi-kell oulouhiyyeta, w-fih btousalo lal-kamèl. Houe ras kell ri2ase rou7aniyye w-soulta. W-bel-MASI7 ken khatnkon khatn, mish bi-2iden bashariyye, ken khatn shel jesm el-khataya el-bashare, w-hayda houe khatn el-MASI7. Ento lamma t3ammadto bel-MASI7 ndafanto ma3o w-2emto ma3o kamen, li2annkon 2ãmanto bi-edrit ALLAH yalle 2awwamo min el-mawt. Kento mawta bi-khatayakon w-bi-kawnkon mish makhtounin bel-jesm, w-3atakon ALLAH el-7ayet ma3 el-MASI7 w-ghafar kell khatayana. W-ma7a el-sakk yalle a7kemo doddna w-shelo 3anna w-masmaro 3al-salib, w-shel as7ab el-ri2ase wel-soulta w-fada7on eddem el-kell, w-jarron warah bi-mawkab salibo el-mountaser. Ma 7ada ye7kom 3leykon bi-khsous el-2akl wel-sherb aw bi-khsous el-a3yed wel-sboute, hayda kello manno ella khyel yalle ra7 ysir, baynama el-7a2i2a hiye bel-MASI7. W-ma tkhallo 7ada ye7remkon min el-intisar bi-sabab nes 3endon lezzit el-tawado3 wel-ta3abbod lal-maleyke w-rou2a bishoufouha, w-mentefkhin bel-kebriya w-tefkir bashare batel, mish metmasskin bel-ras, w-houe yalle minno byet2awwa el-jesm kello w-byetmesak bel-awsal wel-mafasel ta-yenma metl ma birid ALLAH. W-ma zelkon metto ma3 el-MASI7 w-tkhallasto min mabede2 el-3alam, leysh ba3dkon ka2annkon 3ayshin bel-3alam? Leysh 3am tokhda3o la-metl hal-a7kem: "ma telmos, ma tdou2, ma tekhod", w-hiye kella eshya bitzoul ne7na w-3am nesta3melon? Hayde a7kem w-ta3alim bashariyye, ela zawaher el-7ekme bi-ma enno fiya 3ibedet el-zet w-khoushou3 w-2ahr lal-jesm, bass ma ela 2ime bi-dabt shahawet el-jesm. W-eza kento 2emto ma3 el-MASI7, tlobo el-eshya yalle bel-sama matra7 ma el-MASI7 2e3id 3an yameen ALLAH. Htammo bel-eshya yalle bel-sama, mish bel-eshya yalle 3al-ard, li2annkon metto w-7ayetkon mkhabbeye ma3 el-MASI7 bi-ALLAH. Lamma yezhar el-MASI7 yalle houe 7ayetkon, btezharo ento kamen ma3o bi-majdo. Mawwto, fa-ezan, yalle houe ardawe fikon metl el-zena, wel-najese, wel-mouyoul, wel-shahwe el-khabise, wel-foujour, w-3ibedet el-awthen, w-hayde eshya bitjeeb ghadab ALLAH 3ala wled el-3esyan. Hek kento abl lamma kento 3eyshin fiya. Bass halla2 tkhallaso min kell shi fiyo ghadab w-na2me w-khabsane w-tejdeef. Ma t2oulo kalem 3atel, w-ma tkazzbo 3ala ba3dkon, li2annkon shala7to el-2ensen el-3ati2 w-kell a3melo, w-lbesto el-2ensen el-jdid yalle byetjaddad bel-ma3rife 3ala souret yalle khala2o. Se3eta ma bi3oud fi Yahoude aw mish Yahoude, wala makhtoun aw mish makhtoun, wala 3ajame aw barbare, wala 3abd aw 7orr, bisir fi el-MASI7 yalle houe el-kell bel-kell. Ento yalle khtaron ALLAH w-2addason w-7abbon, lbeso 3awatef el-7anen wel-ra7me wel-tawado3 wel-wade3a wel-sabr. T7ammalo ba3dkon, w-sem7o ba3dkon eza ken 7ada mshakka el-tene. Li2anno metl ma el-RAB sema7kon, sem7o ento kamen. W-lbeso fo2 hayda kello el-ma7abbe, hiye bitsheddkon 3al-kamèl. W-khalle yemlok 3ala 2loubkon salem el-MASI7, hal-salem yalle da3ekon ALLAH elo ta-tsiro jesm wa7ad. W-shkero ALLAH. Khalle kelmet el-MASI7 tenzal 3a-2loubkon bi-kell gheneha ta-t3allmo w-tnabbho ba3dkon bi-kell 7ekme. Rattlo el-mazamir wel-tasebi7 wel-aneshid el-rou7iyye w-shkero ALLAH min kell 2albkon. W-shou ma elto aw 3melto, khallih ykoun bi-esm el-RAB YASOU3, w-shkero bi-wasteto ALLAH el-Ãb. Ya neswen, khda3o la-azwejkon metl ma bili2 bel-RAB. Ya rjel, 7ebbo neswenkon w-ma tkouno 2esyin 3leyon. Ya wled, tee3o ahlkon bi-kell shi li2anno hayda byorde el-RAB. Ya bayyet, ma tza33lo wledkon ta-ma yi2aso. Ya 3abeed, tee3o bi-kell shi asyedkon bi-hal-dene, mish bass lamma bikouno 3am bira2boukon metl yalle 3am yorde el-nes, tee3o bi-na2awet el-2alb w-khawf el-RAB. W-shou ma 3melto 3melouh min kell 2loubkon ka2anno lal-RAB mish lal-nes, 3erfin enno el-RAB ra7 ykefikon w-ywarretkon malakouto, li2annkon 3am tekhedmo el-RAB el-MASI7. Bass yalle bya3mil el-sharr ra7 yet7asab 3a-3amalo, bidoun mouseyara. Ya asyed, 3èmlo 3abeedkon bel-3adl wel-mousawat 3erfin enno ento kamen 3endkon sayyid bel-sama. Dewmo 3al-sala w-s'haro ento w-3am bitsallo w-shkero ALLAH. W-sallo kermelna kamen ta-yefta7elna ALLAH beb lal-kalem 7atta nbasher bi-serr el-MASI7. W-kermelo ana bel-7abs, 7atta e3elno metl ma lezim e7ke 3anno. Tsarrafo bi-7ekme eddem yalle henne barrat el-knise, w-stafeedo min el-wa2et yalle ma3kon. Khalle ykoun kalemkon deyman latif, ta-ta3erfo keef lezim tjewbo kell wa7ad bi-wa7do. Ra7 ykhabberkon 3anne Tikhikos, khayye el-7abib w-mouse3ide el-ameen w-rfi2e bi-khedmet el-RAB. Ba3attelkon yeh khsouse ta-ykhabberkon 3anna w-y3azze 2loubkon, w-ba3atet ma3o Onisimos, khayyna el-ameen el-7abib, w-houe wa7ad minkon. W-henne bikhabroukon bi-kell yalle 3am bisir 3enna. Bisallem 3leykon Aristarkhos rfi2e bel-7abs, w-Mercos 2eben 3amm Barnaba, w-houe yalle talabet minkon testa2eblouh eza eja la-3andkon, w-Yashou3 yalle bisammouh Yostos, w-henne wa7don min el-Yahoud yalle shtaghalo ma3e kermel malakout ALLAH, w-se3adoune. Bisallem 3leykon Abafras, w-houe kamen wa7ad minkon w-khadim lal-MASI7 YASOU3, ba3do 3am bikefi7 bel-sala kermelkon, ta-tethbato bel-kamèl w-ta3emlo kell shi baddo yeh ALLAH. W-ana besh'hadlo bi-enno 3am yet3ab ktir bel-sheghl kermelkon w-kermel yalle bi-Lawdikiyya w-Hirapolis. W-bisallem 3leykon Lou2a el-Tabib el-7abib w-Dimas. Sallmo 3al-ekhwe yalle bi-Lawdikiyya w-3ala Nimfa wel-knise yalle 3am tejtemi3 bi-beyta. W-min ba3d ma te2ro hal-risele, b3atouwa la-kniset Lawdikiyya ta-te2raha, w-jeebo riselte yalle bi-Lawdikiyya w-2rouha ento kamen. 2oulo la-Arkhippos: "deer belak 3al-khedme yalle 2belta min el-RAB w-khdom mni7." Hal-salem bi-khatt 2ide ana Boulos. Ma tenso enne mrabbat bel-jnazeer. W-ne3met ALLAH tkoun ma3kon. Min Boulos w-Silwanos w-Timothawos la-kniset Tasalouniki yalle henne la-ALLAH el-Ãb wel-RAB YASOU3 el-MASI7. Elkon el-ne3me wel-salem. Mneshkor ALLAH kell wa2et kermelkon kellkon w-mnezkerkon deyman bi-salawetna, Mnezkor eddem Ilehna w-bayyna nashat imenkon w-ta3ab ma7abbetkon w-thabetkon 3al-raja, bi-RABNA YASOU3 el-MASI7. Mna3rif, ya ekhewte, a7ebbe2 ALLAH, enno ALLAH khtarkon, li2anno el-injil 7melneh elkon, mish bass bel-kalem, 7melneh bi-2ouwwet ALLAH, wel-ROU7 el-2ODOS, wel-i3ti2ad el-kemil. W-ento bta3erfo keef kenna baynetkon kermel kheyrkon, keef tmattalto fina w-bel-RAB w-t3azzabto ktir, w-ma3 hayda w-kello 2belto kalem ALLAH bi-fara7 min el-ROU7 el-2ODOS, w-serto matal la-kell el-mou2minin bi-Makdouniyye w-Akha2ya, li2anno kelmet el-RAB ntala2it min 3endkon, mish la-Makdouniyye w-bled Akha2ya wa7don, w-ntashar khabar imenkon bi-ALLAH bi-kell matra7 w-ma ba2a fi lzoum ne7ke 3anno. Henne bikhabbro keef 2beltouna lamma jeena la-3andkon, w-keef rje3to la-ALLAH w-tarakto el-awthen ta-te3bado ALLAH el-7ayy el-7a2i2e, w-tentro ta-yeje 2ebno min el-sama, w-houe yalle 2awwamo ALLAH min el-mawt, YASOU3, yalle binajjina min ghadab ALLAH el-jeye. W-bta3erfo, ya ekhewte, enno majyetna la-3andkon ma kenit batle, roughm enno t3azzabna w-sabbouna bi-Filippi, metl ma bta3erfo, ken 3enna el-jer2a wel-thi2a min Ilehna enno ne7kikon bi-injil ALLAH w-nkefi7 bi-wejj el-mou3arada el-2awiye. W-ne7na ma mnou3az 3an dalal wala 3an najese wala 3an i7tiyel, ne7na mne7ke kalem ka-ashkhas khtabaron ALLAH w-2ammanon 3al-injil, mish ta-norde el-nes, ta-norde ALLAH yalle byekhtebir 2loubna. Ma bayyanna wala marra enno kalemna ma3soul, metl ma bta3erfo, wala azharna tama3, ALLAH byesh'had, wala talabna el-majd min el-nes, mish minkon wala min ghayrkon, ma3 enno ken elna 7a2 nefrod 7alna 3leykon li2anno ne7na rousl el-MASI7. Bass ne7na 7anneyna 3leykon 7anen el-emm 3ala wleda, la-daraje enno tmannayna law mensherekkon bi-7ayetna, mish bi-injil ALLAH wa7do, li2annkon serto a7ebbe2na. W-ento btezekro, ya ekhewte, jehdna w-ta3abna, lamma kenna nbasherkon bi-injil ALLAH w-ne7na 3am neshteghil bel-leyl wel-nhar ta-ma nta'2el 3ala 7ada minkon. W-ento shouhoud w-ALLAH shehid kamen keef 3emalnekon, ento el-mou2minin, mou3amale sharife 3adle ma fiya lawm. Kenna elkon metl bayy la-wledo metl ma bta3erfo, wa3aznekon w-shajja3nekon w-talabna minkon kelkon enno t3isho 3ishe bitli2 bi-ALLAH yalle byed3ikon la-malakouto w-majdo. Kermel hek ne7na mneshkor ALLAH deyman li2annkon, lamma 2belto kelmet ALLAH yalle sme3touha minna, 2beltouha mish ka2anna kelme min el-bashar, 2beltouha ka2anna fe3lan kelmet ALLAH yalle 3am tef3al fikon ento el-mou2minin. W-serto, ya ekhewte, tetmetalo bi-kaneyes ALLAH bel-MASI7 YASOU3, el-kaneyes yalle bel-Yahoudiye, li2anno t7ammalto min yalle henne minkon w-fikon, zet yalle t7ammalouh henne min el-Yahoud yalle 2atalo el-RAB YASOU3 wel-anbiya w-edtahadouna, w-yalle ma baddon yordo ALLAH w-bi3ado kell el-nes, w-byemna3ouna min tebshir be2e el-nes el-mish Yahoud ta-yle2o el-khalãs. W-khatayahon bi-kell marra bitzeed 3an el-7doud, kermel hek byenzal 3leyon bel-niheye ghadab ALLAH. Bass min meyle tenye, ne7na, ya ekhewte, li2anno b3edna 3annkon wa2et tawil, bel-wejj mish bel-2alb, serna meshte2in aktar enno nshouf wejjkon. Kermel hek 7abbeyna neje la-3andkon, w-khsousan ana Boulos, marra w-marteyn bass el-shaytan mana3na. Meen ra7 ykoun rajena w-fara7na w-eklil fakherna eddem RABNA YASOU3 el-MASI7 lamma yeje? Mish ento? Mbala, ento majdna w-fara7na. W-lamma ma ba2a 3enna sabr, faddalna neb2a wa7edna bi-Atina, w-ba3atna Timothawos khayyna, yalle 3am yekhdom ALLAH bi-injil el-MASI7, ta-yshajje3kon w-y2awwe imenkon, ta-ma yetza3za3 7ada minkon bi-sabab hal-me7an, w-ento bta3erfo enno el-me7an nasibna. W-lamma kenna 3endkon, 2elnelkon enno 3enna me7an ktir ra7 n3ene minna, w-hayda yalle sar metl ma bta3erfo. W-kermel hek lamma ma 3ad fine ontor, ba3atet ettaman 3an imenkon, li2anno kheft enno ykoun el-mjarrib jarrabkon se3eta birou7 ta3abna di3an. W-halla2 reje3elna Timothawos min 3endkon w-basharna bi-imenkon w-ma7abbetkon w-2allna ennkon btezekrouna bel-kheyr deyman w-bteshte2o tshoufouna metl ma ne7na mneshte2 nshoufkon, w-hek imenkon khallena ne2wa 3al-me7an yalle 3am n3ishon, ya ekhewte, w-halla2, bass shefnekon thebtin bel-RAB, serna n7ebb el-7ayet. Fa-addeysh badna neshkor ALLAH kermelkon 3ala kell hal-fara7 yalle 3am nefra7o fikon eddem Ilehna? W-addeysh mnetlob min ALLAH leyl nhar enno nshouf wejjkon w-nkammil yalle ba3do na2is bi-imenkon. Mnetmanna ysahhel ALLAH bayyna w-RABNA YASOU3 tari2na ta-neje la-3andkon, w-enno yzeed el-RAB ma7abbetkon la-ba3dkon w-la-kell el-nes 3ala 2add ma7abbetna elkon, w-enno y2awwe 2loubkon ta-tkouno bi-2adese ma fiya lawm, eddem Ilehna w-bayyna, lamma yeje RABNA YASOU3 ma3 kell 2eddisino. Ãmin. W-halla2, mnetlob minkon, ya ekhewte, w-mnetrajjekon bel-RAB YASOU3 enno tenmo bi-masiretkon ma3 el-RAB metl ma t3allamto minna t3isho ta-tordo ALLAH. Ento bta3erfo el-wassaya yalle wassaynekon fiya min el-RAB YASOU3. W-shou hiye iradet ALLAH ghayr enno tkouno 2eddisin, w-temna3o 7alkon 3an el-zena, w-bya3rif kell wa7ad minkon keef ye7ros jesmo bel-2adese wel-karame, w-ma te2wa 3le el-shahwe metl el-wathaniye yalle ma bya3erfo ALLAH, w-ma 7ada yet3adda 3ala khayyo aw yestghello bi-shi. Li2anno el-RAB houe yalle byente2im bi-hal-eshya kella, metl ma 2elnelkon min abl w-anzarnekon, ALLAH da3ena mish lal-najese, da3ena lal-2adese. W-yalle byerfod hal-ta3lim ma byerfod 2ensen, byerfod ALLAH yalle bya3tikon ROU7O el-2OUDDOUS. W-ma fi lzoum enno nektebelkon 3an el-ma7abbe el-akhawiyye, li2annkon t3allamto min ALLAH enno t7ebbo ba3dkon. Bi-hal-tari2a ento 3am bit3emlo kell el-ekhwe bi-Makdouniyye kella. Bass mnetlob minkon, ya ekhewte, enno hal-shi yzeed fikon aktar w-aktar, w-enno tshoufo keef badkon tdallo rey2in w-tehtammo bi-yalle bye3nikon w-t3isho min 3ara2 jbeenkon metl ma wassaynekon. Se3eta bikoun seetkon mni7 tijeh yalle henne barrat el-knise w-ma bitkouno bi-7aje la-7ada. W-ma badna, ya ekhewte, enno tejhalo massir el-mawta ta-ma te7zano metl yalle ma 3endon raja. Eza kenna min2ãmen enno YASOU3 met w-min ba3da 2am, kamen min2ãmen enno yalle meto bi-YASOU3, ra7 yen2elon ALLAH la-3ando ma3 YASOU3. W-min2elkon yalle 2alo el-RAB, w-houe enno ne7na el-ba3dna 3ayshin, el-be2yin la-maji2 el-RAB, mish ra7 nesba2 yalle meto ablna, li2anno el-RAB nafso ra7 yenzal min el-sama lamma ye2mor w-lamma ra2is el-maleyke yenfokh bi-bou2 ALLAH, bi2oumo awwal shi yalle meto bel-MASI7, w-min ba3da mnenkhotif ma3on 3al-ghaym, ne7na yalle minkoun ba3dna tayybin, ta-nle2e el-RAB bel-jaw, w-hek minkoun ma3 el-RAB lal-abad. Shajj3o ba3dkon bi-hal-kalem. W-bennesbe lal-azmine wel-aw2at, ma fi lzoum, ya ekhewte, enno nektebelkon 3anna, li2ankon bta3erfo mni7 enno yawm el-RAB byeje metl el-loss bel-leyl. Lamma bi2oulo el-nes: fi salem w-amen, bifeje2on el-halek faj2a metl ma alam el-wilede bifeje2 el-7eble, se3eta ma bye2daro yeflto minno. Bass ento, ya ekhewte, mish 3ayshin bel-3atme 7atta yfeje2kon haydak el-yawm metl el-loss, li2annkon kellkon wled el-nour w-wled el-nhar. W-ne7na mish min el-leyl wala min el-3atme. Ma minnem metl be2e el-nes, mnes'har w-mindall we3yin. El-neymin, bel-leyl binemo, wel-sekranin, bel-leyl byeskaro. Bass ne7na wled el-nhar khallina nkoun we3yin, lebsin der3 el-imen wel-ma7abbe w-khouzet raja el-khalãs, li2anno ALLAH ma baddo ynazzil 3leyna ghadabo, baddo ya3tina el-khalãs bi-RABNA YASOU3 el-MASI7. Yalle met kermelna ta-n3ish kellna ma3o, enn kenna sohranin bel-7ayet aw neymin bel-mawt. Kermel hek se3do w-shajj3o ba3dkon metl ma 3am ta3emlo halla2. W-mnetlob minkon, ya ekhewte, enno tkarrmo yalle 3am yet3abo baynetkon w-3am yehtammo fikon bel-RAB w-3am yereshdoukon, w-te7termouwon kell el-i7tiram wel-ma7abbe kermel yalle 3am ya3emlouh. 3isho bi-salem bayn ba3dkon. W-mnetlob minkon, ya ekhewte, enno tensa7o el-keslenin w-tshajj3o el-khayfin w-tse3do el-d3af w-ettawlo belkon 3ala kell el-nes. W-ma 7ada yredd el-sharr bel-sharr, bel-3aks 3melo deyman el-kheyr, la-ba3dkon w-la-kell el-nes. Fra7o deyman, Dewmo 3al-sala, shkero ALLAH 3ala kell shi, hayde iradet ALLAH elkon bel-MASI7 YASOU3. Ma twa'2fo 3amal el-ROU7, ma testalesh2o bel-noubouwet, khtebro kell shi w-tmassako bel-mni7, w-tjannabo kell sharr. W-Ileh el-salem nafso y2addeskon bi-kell shi w-ye7fazkon mnazzahin bidoun lawm, selmin bel-rou7 wel-nafs wel-jesm, lamma byeje RABNA YASOU3 el-MASI7. W-yalle da3akon ameen byouwfe bi-wa3do. Sallo kermelna, ya ekhewte. Sallmo 3ala kell el-ekhwe bi-bawse m2addase. Betlob minkon bi-esm el-RAB enno ten2ara hal-risele 3ala kell el-ekhwe. Ne3met RABNA YASOU3 el-MASI7 tkoun ma3kon. Min Boulos w-Silwanos w-Timothawos la-kniset Tasalouniki yalle hiye kniset ALLAH bayyna wel-RAB YASOU3 el-MASI7. Elkon el-ne3me wel-salem min ALLAH bayyna w-min el-RAB YASOU3 el-MASI7. Lezim neshkor ALLAH bi-kell wa2et kermelkon, ya ekhewte. W-hayda 7a2 li2anno imenkon 3am yenma ktir w-ma7abbetkon la-ba3dkon el-ba3d 3am tzeed baynetkon kelkon, 7atta serna neftekhir fikon bi-kaneyes ALLAH 3ala saberkon w-imenkon roughm kell yalle 3am tet7ammalouh min el-edtihad wel-di2a. W-hal-shi bidell 3ala 7ekm ALLAH el-3adel, wel-hadaf minno enno tsiro test7e'2o malakout ALLAH, yalle kermelo 3am tet3azzabo. W-ALLAH 3adel li2anno 3am yjeze bel-di2a yalle 3am bidey2oukon, w-3am ykefikon, 3a-yalle 3am tet7ammalouh halla2, bel-ra7a, metl ma ra7 ykefina elna, lamma yezhar el-RAB YASOU3 min el-sama ma3 maleyket jabarouto. Bi-nar wel3ane ta-yente2im min yalle ma bya3erfo ALLAH w-min yalle ma bitee3o injil RABNA YASOU3. W-ra7 ykoun asãson el-3azèb el-abade, b3ad 3an wejj el-RAB w-edrto yalle kella majd, lamma byeje bi-haydak el-yawm ta-yetmajjad bi-2eddisino w-yendehsho eddemo kell el-mou2minin, w-ento kamen, li2annkon sadda2to shahedetna. Kermel hek minsalle bi-kell wa2et kermelkon, w-mnetlob min Ilehna ykhallikon test7e'2o enno yed3ikon w-bi-edrto t7a'2e2o kell el-mni7 yalle bit7ebbo ta3emlouh, w-ydall imenkon 3a-wahjo. Ta-yetmajjad fikon esm RABNA YASOU3 w-tetmajjado ento fih bi-fadl ne3met Ilehna wel-RAB YASOU3 el-MASI7. W-bi-khsous maji2 RABNA YASOU3 el-MASI7 w-keef ra7 netjamma3 kellna 7awlo, mnetlob minkon ya ekhewte enno ma tetza3za3o bi-ser3a bi-afkarkon w-ma tkhafo min noubouwe aw 2awl aw risele mzawwara bi-esmna bit2oul enno yawm el-RAB eja. Ma tkahllo 7ada yekhda3kon bi-shakl min el-ashkel, yawm el-RAB ma byeje ella min ba3d ma yenteshir el-kefr w-yezhar el-2ensen el-metmarrid, 2eben el-halek, wel-3adouw yalle ra7 yet7adda kell meen esmo ileh aw ma3boud, w-ye2'3od bi-haykal ALLAH w-ya3mil 7alo ALLAH. Ma btetzakkaro enno lamma kent ba3dne 3endkon 2eltelkon hal-shi 3eddit marrat? W-ento halla2 bta3erfo shou yalle mish mkhallih yezhar bi-wa2to. Wel-tamarrod halla2 3am yeshteghil bel-mekhfe, ka2anno serr, w-byekfe enno yekhtefe yalle men3o ybayyen 7atta yenfada7 el-metmarrid w-ydammro el-RAB YASOU3 bi-nafkha min temmo w-yem7ih bi-wahj maji2o. W-bikoun maji2 el-metmarrid 3ala 2add edrit el-shaytan enno ya3mil 3ajeyeb mzayyafe, w-enno yekhda3 bi-7iyal el-sharr el-ashkhas yalle ray7in 3al-halek, li2annon rafado ma7abbet el-7a2 yalle bya3tiyon el-khalãs. Kermel hek byeb3atlon ALLAH 2ouwwet tekhda3on 7atta ysadd2o el-kezb, w-se3eta bideen kell yalle rafado y2ãmno bel-7a2 w-le7'2o el-batel. Bass ne7na lezim neshkor ALLAH bi-kell wa2et kermelkon, ya ekhewte, ya a7ebbe2 el-RAB, li2anno ALLAH khtarkon min el-bideye ta-ykhalleskon bel-2adese yalle bya3tiya el-ROU7 w-bel-imen bel-7a2. La-hal-shi da3ekon ALLAH bel-injil yalle 7melneh elkon ta-te7salo 3a-majd RABNA YASOU3 el-MASI7. Kermel hek thbato, ya ekhewte, w-7afzo 3al-ta3alim yalle akhadtouwa 3anna, bel-7ake aw bel-mouresale. W-RABNA YASOU3 el-MASI7 nafso w-ALLAH el-Ãb yalle 7abbna w-3atana bi-ne3mto ra7a abadiyye w-raja deyim, y2awwe 2loubkon w-ythabbeta bi-kell kheyr 3am ta3emlouh aw t2oulouh. W-bel-ekher, ya ekhewte, sallo kermelna 7atta yenteshir kalem el-RAB bi-ser3a w-yetmajjad metl ma byetmajjad 3endkon. W-sallo kamen 7atta ynajjina ALLAH min el-nes el-3atlin el-ashrar, li2anno mish kell el-nes bi2ãmno. Bass el-RAB ameen, w-houe ra7 y2awwikon w-ye7fazkon min el-sherreer. W-3enna kell el-thi2a bel-RAB ennkon 3am ta3emlo yalle wassaynekon fih w-ra7 tdallkon ta3emlo. Wel-RAB yehde 2loubkon 3a-ma7abbet ALLAH w-3al-thabet yalle bya3tikon yeh el-MASI7. W-minwassikon, ya ekhewte, bi-esm el-RAB YASOU3 el-MASI7 enno tetjannabo kell khayy 3ayish 3ishet el-fawda, w-mish meshe 3al-ta3alim yalle akhadtouwa minna. Ento bta3erfo keef lezim tetmattalo fina. Ne7na ma kenna fawdawiyye lamma kenna baynetkon, wala akhadna el-khebz min 7ada, bel-3aks shtaghalna leyl nhar w-t3ebna 7atta ma nta'2el 3ala 7ada minkon, mish li2anno ma elna 7a2 bi-hal-shi, bass ta-nkoun elkon matal tetmattalo fih. W-lamma kenna 3endkon 3ataynekon hal-wassiye: "yalle ma baddo yeshteghil, ma bi7e'2ello yekol." 3am n2oul hek li2anno sme3na enno baynetkon fi nes 3ayshin keef ma ken, ma 3endon sheghel, 3am yelteho bi-eshya ma btenfa3. Hal-ashkhas minwassiyon w-mnetrajjehon bel-RAB YASOU3 enno yeshteghlo 3a-mahlon w-yeklo min khebzon. W-ento, ya ekhewte, ma tkhallo hemmetkon tebrod bi-3amal el-kheyr. W-eza ken fi baynetkon 7ada ma bitee3 kalemna bi-hal-risele, ntebhoulo w-tjannabouh barke byekhjal. W-ma t3ãmlouh metl 3adouw, bel-3aks nsa7ouh ka2anno khayy. W-RAB el-salem nafso ya3tikon el-salem bi-kell wa2et w-bi-kell el-a7wel. El-RAB ykoun ma3kon kellkon. Hal-salem katabto bi-khatt 2ide ana Boulos. Hayde 3alemte bi-kell raseyle, enno ana bektob hek. Ne3met RABNA YASOU3 el-MASI7 tkoun ma3kon kellkon. Min Boulos rasoul el-MASI7 YASOU3 bi-2amr min ALLAH moukhallisna wel-MASI7 YASOU3 rajena, la-Timothawos 2ebne bel-imen. El-ne3me wel-ra7me wel-salem min ALLAH el-Ãb w-min el-MASI7 YASOU3 RABNA. Talabt minnak, ana w-raye7 3ala Makdouniyya, enno teb2a bi-Afasos ta-twasse el-nes enno ma y3allmo ta3alim bitkhelif ta3alimna, w-ma yesma3o lal-khourafet wel-sleelet yalle ma ela niheye, li2anno hal-shi bijeeb el-khilefet w-ma byekhdom tedbir ALLAH el-mabne 3al-imen. W-hadaf hal-wassiye houe el-ma7abbe el-sadra 3an 2alb taher w-dameer na2e w-imen sade2, w-hayde fadayel bay3ado el-nes 3anna w-saro ye7ko 7ake batel, w-ya3emlo 7alon mou3allimi el-shari3a w-henne ma byefhamo yalle 3am bi2oulouh w-yalle 3am bi2akkdouh. W-ne7na mna3rif enno el-shari3a mni7a la-yalle bitabbi2a ka-shari3a, li2anno mna3rif enno el-shari3a manna lal-abrar, hiye lal-3asyeen wel-metmarrdin, lal-foujjar wel-khatyeen, lal-ashrar wel-nejsin, la-yalle 2atalo bayyeton w-emmeton, w-2atalo el-nes, la-yalle byezno w-yalle 3endon shouzouz jense, la-tejjar el-3abeed wel-kezzebin w-yalle bye7elfo bel-kezb, w-la-kell yalle bikhelfo el-ta3lim el-mazbout yalle byettaba2 ma3 injil ALLAH el-moubarak, elo el-majd, hal-injil yalle n7att amene bayn 2ideyye. Beshkor el-MASI7 YASOU3 RABNA yalle 2awwene w-3tabarne ameen, w-da3ane la-khedemto, ana yalle jaddafet 3le w-edtahadto w-shatamto min abl, bass ALLAH ra7amne li2anno kent 3am a3mil hal-shi 3an jahl w-ma kent ba3d mou2min, bass ne3met RABNA wel-imen wel-ma7abbe yalle bel-MASI7 YASOU3 fado 3leyye. Hal-kelme sad2a w-btest7e2 enno el-kell ye2balouwa 2ouboul kemil, lamma bit2oul enno el-MASI7 YASOU3 eja 3al-3alam ta-ykhallis el-khatyeen, w-ana awwalon. Bass el-MASI7 YASOU3 ra7amne ta-ybayyen toulet belo fiyye ana bel-awwal w-ya3mil minne matal la-yalle ra7 y2ãmno fih kermel el-7ayet el-abadiyye. W-lal-Malik el-azale, el-Ileh el-Wa7ad yalle ma byenshef wala byefna, kell ekram w-majd la-abad el-abidin. Ãmin. Bsallmak, ya Timothawos 2ebne, hal-wassiye 7asab el-noubouwet yalle n2alo 3annak min abl, ta-teb2a testalhemon enta w-3am tkefi7 kife7ak el-rou7e bel-imen wel-dameer el-na2e yalle ba3d el-nes rafadouwon, w-nkasaret fiyon safinet el-imen. Min bayn hal-ashkhas Himinayos wel-Eskandar yalle sallamton lal-shaytan ta-yet3allamo enno ma yjaddfo. Abl kell shi betlob minkon enno tsallo w-tetolbo w-tetrajjo w-teshkro ALLAH kermel kell el-nes, w-kermel el-moulouk w-as7ab el-soulta, ta-n3ish el-7ayet 3a-rawa2 bi-kell ta2wa w-karame, w-belna merte7. Kawn hal-shi mni7 w-ma2boul 3end ALLAH moukhallisna yalle baddo ykhallis kell el-nes ta-yousalo la-ma3rifet el-7a2, li2anno ALLAH wa7ad, wel-waseet bayn ALLAH wel-nes wa7ad houe el-MASI7 YASOU3 el-2ensen yalle 2addam nafso fedye la-kell el-nes. Wel-shahede 3ala hal-shi tammet bi-wa2ta, w-la-ela 3emelne ALLAH moubasher w-rasoul w-mou3allim lal-mish Yahoud bel-imen wel-7a2, 3am 2oul el-7a2 w-ma 3am kazzeb. W-badde enno el-rjel ysallo wayn ma ken, w-y3allo 2ideyon na2iyye sawb el-sama bidoun ghadab wala khilef. W-badde enno telbos el-mara tyeb fiya 7eshme w-enno tetzayyan bel-7aya wel-razene, mish bel-sha3r el-majdoul wel dahab aw el-loulou aw el-tyeb el-fekhra, khalliya tetzayyan bel-a3mel el-sal7a yalle bitli2 bi-neswen 2arraro y3isho bi-ta2wa ALLAH, w-khalle el-mara tesma3 el-ta3lim bi-samt w-khoudou3, w-ma besma7 lal-mara enno t3allim aw tetsallat 3al-rejjel, matloub minna tdall sekte, li2anno Ãdam khala2o ALLAH awwal shi w-ba3den khala2 7awwa. W-7awwa hiye yalle nkhada3et min el-sherreer, mish Ãdam yalle nkhada3, w-7awwa hiye yalle t3addet 3al-wassiye. Bass el-khalãs ra7 yejiya min el-oumoume, eza thabatet 3al-imen wel-ma7abbe wel-2adese wel-rasane. Sad2a el-kelme yalle bit2oul enno yalle bi7ebb ya3mil motran bikoun meshtehe ya3mil shi mni7. El-motran lezim ykoun bidoun 3ayb, mzawwaj mara we7de, 2anou3 rasin me7teshim medyaf, w-edir y3allim, ma ykoun sakarje wala mashkalje, bel-3aks baddo ykoun latif, ma byekhtelif ma3 7ada w-ma bi7ebb el-masare, bya3rif ydeer beyto, w-wledo bitee3ouh w-bye7termouh bi-kell shi. W-yalle ma bya3rif ydeer beyto, keef baddo yehtamm bi-kniset ALLAH? W-lezim ma ykoun el-motran mebtede2 bel-imen ta-ma ysayter 3le el-kebriya w-yentehe ma7koum 3le metl eblees. W-lezim kamen enno yalle henne barrat el-knise yesh'hadoulo shahede mni7a, 7atta ma you2a3 bi-fakh eblees aw 7ada ye7ke 3anno bel-3atel. W-lezim ykouno el-shamemse kamen rasinin, mish bi-lseneyn, wala moudminin 3a-sherb el-nbeed, wala le7'2in el-reb7 el-rkhis. W-y7afzo 3ala serr el-imen bi-dameer na2e. W-lezim nekhteberon bel-awwal, w-eza keno bidoun 3ayb se3eta biballsho khedmeton ka-shamemse. Wel-neswen kamen lezim ykounou razinin, mish nemmemin, mentebhin 3endon amene bi-kell shi. Wel-shamemse lezim ykoun kell wa7ad minnon mzawwaj mara we7de, w-3am birabbo wledon w-ydeero byouton mni7 w-hek yalle byekhedmo mni7 byousalo 3a-markaz 3ale w-bisir 3endon thi2a kbire bel-imen bel-MASI7 YASOU3. 3am ekteblak hal-risele 3a-2amal enno eje la-3andak bi-a2rab wa2et. W-eza t2akharet, lezim ta3ref keef tetsarraf bi-beyt ALLAH, ye3ne kniset ALLAH el-7ayy, 3amoud el-7a2 w-aseso. W-ma fi khilef enno serr el-ta2wa 3azeem: "yalle zahar bel-jesm w-tbarrar bel-rou7, w-shefouh el-maleyke, w-tbashar fih bel-oumam, w-tãman fih bel-3alam w-rafa3o ALLAH bel-majd." Bi2oul el-rou7 bi-sara7a enno fi nes bi-ekher hal-iyem ra7 yekefro bel-imen, w-yel7a2o arwe7 btekhda3 w-ta3alim shaytaniyye w-yettekhado bi-khabsanet nes kezzebin n7arafet damayeron w-metit, 3am binedo bel-imtine3 3an el-zawej w-3an anwe3 min el-2akl khala2a ALLAH ta-yalle 2ãmano w-3erfo el-7a2 yeklouwon w-yeshekrouh ALLAH 3leya. Kell shi khala2o ALLAH mni7, ma fi shi lezim nerofdo, bel-3aks lezim ne2bal kell shi minno w-neshkro, li2anno kalem ALLAH wel-sala bi2addso kell shi. W-enta eza 3tit hal-wassaya lal-ekhwe bitkoun khadim sale7 lal-MASI7 YASOU3, mghazza bi-kalem el-imen w-bel-ta3lim el-sa7i7 yalle meshe 3le. Tjannab el-khourafet el-sakhife w-7keyet el-kbar bel-3omr w-marrin nafsak 3al-ta2wa, W-eza kenit el-riyada el-jasadiyye btenfa3 bi-shi, fa-el-ta2wa btenfa3 bi-kell shi li2anno fiya el-wa3d bel-7ayet el-7adra wel-7ayet el-jeye. W-hayde kelme sad2a btest7e2 ten2abal w-tetsadda2. W-ne7na 3am nkefi7 w-net3ab, li2anno 7attayna rajena bi-ALLAH el-7ayy yalle houe moukhallis el-nes kella, w-aktar shi moukhallis yalle 2ãmano. Hayda el-shi yalle baddak twasse fih w-t3allmo. Ma tkhalle 7ada yestakhef bi-zoghr 3omrak, w-koun matal la-yalle 2ãmano, matal bel-tasarrof wel-ma7abbe wel-imen wel-3effe. Dewim 3al-2raye wel-wa3z wel-ta3lim ta-kent ana jeet. Ma tehmol el-mawhabe yalle fik, hayde n3atetlak bel-noubouwe lamma 7atto jame3a min el-shyoukh 2ideyon 3lek. Fakker bi-hal-eshya w-karris nafsak ela 7atta yezhar naje7ak la-kell el-nes. Ntebeh la-7alak w-la-ta3limak w-dewim 3ala hal-shi, w-eza 3melt hek bitkhallis nafsak w-noufous yalle 3am yesma3oulak. Ma twabbekh el-kbir bel-3omr, baddak tou3azo bi-lotf ka2anno bayyak, w-3amil el-shabeb ka2annon ekhwe elak, wel-neswen el-kbar bel-3omr ka2annon emmèt, wel-sabaya 3èmelon bi-kell 3effe ka2annon khayyet. Karrem el-araml yalle henne araml 3an sa7i7. W-eza ken shi armale 3enda wled aw a7fed, khalliyon yet3allamo awwal shi enno y3amlo ahl beyton bi-ta2wa w-enno youwfo yalle 3leyon la-ahlon, w-hal-shi byorde ALLAH. El-armale 3an sa7i7, hiye yalle bitkoun 3ayshe wa7da, rajeha bi-ALLAH, bitsalle w-btetrajja leyl nhar. Wel-armale yalle staslamet lal-malazzet hiye mayyte 7atta law kenit 3ayshe. Wassiyon bi-hal-shi 7atta ma yenlemo. W-yalle ma byehtamm bi-2raybino, w-khsousan ahl beyto, bikoun nakar el-imen w-hayda el-shi aswa2 min yalle ma bi2ãmno. Ma tsajjel mara bi-sejjel el-araml ella eza sar 3omra sitteen sene w-eza kenit mzawwaje rejjel wa7ad, w-mash'hedla bel-a3mel el-sal7a, w-bi-enno rabbet wleda tarbiye mni7a, w-sta2balet el-ghouraba, w-ghassalet ejren el-ekhwe el-2eddisin, w-se3adet el-mankoubin, w-3emlt kell 3amal sale7. W-bennesbe lal-araml el-zghar bel-3omr ma tsajjelon bi-sejjel el-araml, li2annon eza 7abbo yetzawwajo yemken yestaghno 3an el-MASI7. Se3eta ra7 yekesro wa3don el-awwal, w-yest7e'2o el-2asãs. 3ada enno ra7 yet3awwado 3a-2ellit el-sheghl wel-tana2ol min beyt la-beyt, w-yet3allamo el-latlate kamen w-yshaghlo 7alon bi-yalle ma bye3niyon w-ye7ko shi tali3 shi nezil. Kermel hek b7ebb enno el-araml el-zghar bel-3omr yetzawwajo w-yjeebo wled w-yehtammo bi-byouton w-hek ma byeb2a lal-khasm ayya ma2khaz 3leyna, w-khsousan enno fi minnon dã3o w-le7'2o el-shaytan. W-eza shi mara min yalle 2ãmano 3enda araml bayn 2raybina, khalliya tse3edon w-ma tetrekon 3al-knise 7atta te2dar el-knise enno tse3ed yalle henne araml 3an sa7i7. Wel-shyoukh yalle 3am bideero el-knise mni7, byest7e'2o nkarremon marteyn, w-khsouse yalle byet3abo bel-tebshir wel-ta3lim. Wel-kteb bi2oul: "ma tsakker temm el-tawr 3al-baydar houe w-3am yedros el-7boub." W-bi2oul kamen: "el-shaghghil byest7e2 yekhod 2ejerto." Ma te2bal el-shakwa dodd sheykh ella bi-shahedet shehden aw tlete. W-yalle bya3emlo khatiyye wabbekhon eddem el-kell 7atta ykhafo el-be2yin. W-betlob minnak eddem ALLAH wel-MASI7 YASOU3 wel-maleyke el-moukhtarin enno t7afez 3ala hal-wassaya bidoun ta7ayyoz w-bidoun ma tfaddel nes 3a-nes. Ma testarra3 bi-7att 2idak 3ala 7ada w-ma tkoun shrik bi-khataya ghayrak, w-khalle nafsak na2e. W-min liom w-raye7 ma ba2a teshrab may 3al-7ell, shrab shweyit nbeed kermel me3edtak w-amradak. Fi nes bitbayyen khatayahon abl el-mou7akame, w-minnon bitbayyen min ba3d el-mou7akame. W-hek el-a3mel el-sal7a bitbayyen minna la-7ala eza sal7a, w-yalle mish wad7a mish moumkin enno tdall mekhfiyye. Kell yalle henne ta7t neer el-3ouboudiyye lezim ye3tebro asyedon byest7e'2o kell el-i7tiram, 7atta ma yjaddef 7ada 3a-esm ALLAH w-3al-ta3alim. Wel-3abeed yalle asyedon bi2ãmno, ma yestkheffo fiyon, li2annon ekhweton, lezim yekhedmouwon zyede li2anno yalle 3am yestafeedo min khedmeton henne min yalle 2ãmano w-ALLAH bi7ebbon. 3allim hal-shi w-w3az 3anno, w-eza ken fi 7ada 3am bi3allim ghayr hek w-ykhelif el-kalem el-sa7i7, kalem RABNA YASOU3 el-MASI7, wel-ta3lim el-mouwefe2 lal-ta2wa, bikoun 2ensen 2albo me3me bel-kebriya w-ma byefham shi, mahwous bel-mshera3a yalle bitjeeb el-7asad wel-khilef wel-tejdeef wel-naweya el-3atle wel-mshera3a bayn nes fasadet 3ou2oulon w-dayya3o el-7a2 w-7asabo el-ta2wa waseele lal-reb7. Mazbout, el-ta2wa fiya reb7 3azeem eza ken fiya 2ane3a, ne7na ma jeena 3al-3alam w-ma3na shi, w-ma mne2dar nfell minno w-ma3na shi. Byekfina el-2akl wel-lebs. W-yalle byetolbo el-ghena byou2a3o bel-tajribe wel-fakh w-bi-ktir min el-shahawet el-3amya el-mouderra yalle bitgharre2 el-nes bel-damãr wel-halek. Li2anno 7obb el-masare 2asl kell sharr, wel-nes yalle staslamo lal-masare zegho 3an el-imen w-ta3ano 7alon bi-awje3 ktire. W-enta ya rejjel ALLAH, tjannab hayda kello. W-tlob el-tebrir wel-ta2wa wel-imen wel-ma7abbe wel-sabr wel-wade3a. W-kefi7 mni7 bi-ma3raket el-imen ta-tousal lal-7ayet el-abadiyye yalle ALLAH 3am yed3ik ela w-enta shahadtella a7san shahede eddem shouhoud ktar. W-bwassik eddem ALLAH yalle bya3te el-7ayet la-kell shi w-eddem el-MASI7 YASOU3 yalle shehed a7san shahede bi-3ahd Bilatos el-Bounti, ennak te7faz el-wassiye enta w-mnazzah 3an el-3ayb wel-lawm la-yawm zouhour RABNA YASOU3 el-MASI7. Ra7 yezhar bi-wa2to. "Houe el-Sayyid el-moubarak wa7do, Malik el-Moulouk w-RAB el-Arbeb, wa7do yalle ma bimout, el-sèkin bel-nour yalle ma fina n2arrib minno, houe yalle ma 7ada min el-nes shefo, wala ra7 ye2dar yshoufo, elo el-ekram wel-edra el-abadiyye. Ãmin." Wasse el-aghniya bi-hal-dene bi-enno ma yetkabbaro w-ma yetteklo 3al-ghena yalle bizoul, yetteklo 3ala ALLAH yalle tkeram 3leyna bi-kell yalle mnetmatta3 fih, w-enno ya3emlo el-kheyr w-ykouno aghniya bel-a3mel el-sal7a, w-ennon ya3to w-ykouno kerama w-ysherko ghayron bi-kheyraton. W-hek biwaffro la-nafson rismel sebit lal-mousta2bal, ta-yle2o el-7ayet el-7a2i2iyye. Ya Timothawos, 7afiz 3al-amene w-tjannab el-7ake el-bala ta3me wel-jadal el-batel yalle byeje 3an ma3rife kèzbe, hal-ma3rife yalle el-ba3d byedde3o enno byemelkouwa, 7atta zegho 3an el-imen. Wel-ne3me tkoun ma3kon. Min Boulos rasoul el-MASI7 YASOU3 bi-iradet ALLAH, kermel el-wa3d bel-7ayet yalle hiye bel-MASI7 YASOU3, la-2ebne el-7abib Timothawos: elak el-ne3me wel-ra7me wel-salem min ALLAH el-Ãb w-min el-MASI7 YASOU3 RABNA. Beshkor ALLAH yalle be3bado bi-dameer na2e metl ma 3abadouh ajdede, w-ana bezekrak leyl nhar bi-salawate. Bitzakkar dmou3ak w-bizeed shaw2e ta-shoufak 7atta entele min el-fara7. W-bitzakkar imenak el-sade2 yalle ken mawjoud bi-2alb sittak Lou2is w-2alb emmak Afnika, w-ana wethi2 enno mawjoud bi-2albak kamen. Kermel hek bnabbhak enno el-mawhabe yalle 3atak hiye ALLAH, 3a-2ideyye ana, tkhalliya 3a-wahja. ALLAH ma 3atana rou7 el-khawf, 3atana rou7 el-2ouwwe wel-ma7abbe wel-7ekme. Ou3a tetste7e ennak tesh'had la-RABNA wala teste7e fiyye ana el-ma7bous kermelo, bel-3aks, sherekne el-3azèb kermel el-injil, w-2awwe 7alak bi-ALLAH yalle khallasna w-da3ena da3we m2addase, mish bi-fadl a3melna, bi-fadl tedbiro w-ne3emto yalle 3atana hiye bel-MASI7 YASOU3 min el-azal, w-halla2 kashafelna 3anna bi-zouhour moukhallisna el-MASI7 YASOU3 yalle 7att niheye la-soultan el-mawt w-khalla el-7ayet w-3adam el-fased yesher2o min el-injil yalle kermelo ana t3ayyanet moubasher w-rasoul w-mou3allim, w-kermelo kamen 3am et7ammal el-3azèb, yalle ma beste7e fih, li2anno ba3rif 3ala meen ettakalet w-boutha2 bi-enno edir enno y7afezle 3al-amene yalle n7attet bayn 2ideyye la-yawm el-deynoune. Khalle el-kalem yalle sme3to minne ykoun metl mabda2 elak, w-thbot bel-imen wel-ma7abbe yalle bel-MASI7 YASOU3. 7afiz 3al-amene el-sal7a bi-2ouwwet el-ROU7 el-2ODOS yalle byeskon fina. Enta bta3rif enno kell yalle bi-Ãsia tkhallo 3anne, w-minnon Fijollos w-Harmogines. Ra7met ALLAH t7ell 3a-beyt Onisiforos li2anno shajja3ne ktir w-ma sta7a min jnazeere, w-sar yfattish 3anne lamma wossil 3a-Roma la-7add ma le2ene. Nshalla el-RAB yen3am 3le bi-enno yle2e ra7me min el-RAB bi-yawm maji2o! W-enta bta3rif mni7 addeysh khadamne lamma kent bi-Aphasos. W-enta ya 2ebne, koun 2awe bel-ne3me yalle bel-MASI7 YASOU3, w-yalle sme3to minne eddem shouhoud ktar, sallmo amene la-nes oumana ykouno byest7e'2o y3allmo ghayron. Sherekne w-t7ammal ma3e el-3azèb metl jende sale7 lal-MASI7 YASOU3. El-jende ma bye3tal hamm keef baddo y3ish eza baddo yorde yalle jannado. Wel-msare3je ma byekhod eklil el-nasr ella eza sara3 7asab el-2ousoul. Wel-felle7 yalle byet3ab lezim ykoun awwal meen byekhod 7ossto min el-ghallé. Fakker bi-yalle 3am 2oulo, wel-RAB ykhallik tefham kell shi. W-zkor YASOU3 el-MASI7 yalle 2am min el-mawt w-ken min sleelet Daoud, metl ma ana 3am basher bi-injile yalle kermelo t7ammalet el-3azèb 7atta t7ammalet etrabbat bel-jnazeer metl mejrem. Bass kelmet ALLAH mish mrabbata. La-hal-sabab bit7ammal kell shi kermel yalle na'2ehon ALLAH, 7atta ye7salo henne kamen 3al-khalãs yalle bel-MASI7 YASOU3 ma3 el-majd el-abade. Sad2a el-kelme yalle bit2oul enno: "eza metna ma3o, ra7 n3ish ma3o w-eza t7ammalna el-3azèb, ra7 nemlok ma3o, w-eza nakarneh, nakarna houe kamen w-eza kenna kheynin be2e houe ameen li2anno mish moumkin yenkor zeto." Zakkeron bi-hal-shi w-tlob minnon eddem ALLAH enno ma yetjannabo el-mshera3a yalle ma btenfa3, li2anno bitdammir yalle 3am yesma3ouwa. W-t3ab jehdak enno tkoun rejjel ma2boul 3end ALLAH w-tkoun shakhs ma byekhjal bi-sheghlo, bi3allim kelmet el-7a2 bidoun mseyara. W-tjannab el-jadal el-sakhif el-ma elo ta3me, li2anno yalle byetwarrato fih bizeedo kefr, w-kalemon byenteshir metl el-7ayawenet yalle btor3a. W-min hal-ashkhas Himinayos w-Philitos, yalle zegho 3an el-7a2 lamma ra7o ynedo enno el-2iyeme tammet, w-hadamo imen ba3d el-nes. Bass el-ases el-mateen yalle 7atto ALLAH byeb2a thebit w-3le khatm: "enno el-RAB bya3rif yalle henne elo" w-"yalle byezkor esm el-RAB khallih yeb3od 3an el-sharr." W-bel-beyt el-kbir bitkoun el-awene min dahab w-fodda, fi awene min khashab w-fekhkhar kamen, minnon byesta3mlouwon bel-mounesabet el-kbire w-minnon bel-iyem el-3adiyye. W-eza tahhar 7ada nafso min kell hal-shourour, sar wa3a elo 2imto, m2addas, bifeed rabb el-beyt, w-jehiz la-kell shi mni7. Tjannab shahwet el-shabeb w-tlob el-tebrir wel-imen wel-ma7abbe wel-salem ma3 yalle byetolbo el-RAB bi-2alb na2e. W-b3od 3an el-mshera3a el-sakhife, li2anna bitwallid khne2a metl ma bta3rif. Khadim el-RAB mish lezim ykheni2, lezim ykoun latif ma3 el-kell, w-edir y3allim w-ytawwil belo, w-yrabbe el-mkhelfin bi-wade3a, barke ALLAH bya3tiyon el-tawbe w-ma3rifet el-7a2, w-byerja3o la-wa3yon min ba3d ma yefelto min fakh eblees yalle tabba2 3leyon w-7atton ta7t ra7met iradto. W-3raf enno bel-iyem el-akhira jeye zaman sa3b, ra7 ykouno el-nes aneniyyin tammi3in met3ajerfin metkabrin shettemin, ma bitee3o ahlon, nekrin el-jmil fejrin, ma 3endon ra7me, bala wafa, nemmemin met'hawrin sharisin a3de2 el-kheyr, kheynin we2'7in, el-kebriya 3emiyon, bifaddlo el-malazzet 3ala ALLAH, metmaskin bi-mazhar el-ta2wa w-byenekroula 2ouwweta. Nes metl hawde b3od 3annon. W-fi bayneton nes bifouto 3al-byout bel-serr w-byet7eyalo 3al-neswen el-d3af yalle kellon khataya, w-byenjarro la-kell shi esmo shahwe, sa7i7 enno byesma3o deyman ta3alim, bass ma bye2daro yousalo abadan la-ma3rifet el-7a2. W-metl ma Yannis w-Yambaris we2fo bi-wejj Moussa, kamen hal-ashkhas 3am you2afo bi-wejj el-7a2. Henne nes 3ou2oulon fesde ma bitse3 lal-imen, bass ma bye2daro yetmedo aktar min hek li2anno sakhafeton ra7 tenkeshef la-kell el-nes metl ma nkashafet sakhefet Yannis w-Yambaris. Bass enta kent mtebe3ne mni7 bi-ta3lime w-3eeshte w-2asde w-imene w-sabre w-ma7abbte w-thabete w-i7timele el-edtihad wel-3azèb w-kell yalle t7ammalto bi-Antakya w-Aykounya w-Lestra. W-addeysh t7ammalet edtihadet wel-RAB khallasne minna kella. W-kell yalle baddon y3isho 7ayet el-ta2wa bel-MASI7 YASOU3 henne moudtahadeen. W-bennesbe lal-ashrar wel-dejjelin, hawde 3am yetmedo bel-sharr w-henne makhdou3in w-3am yekhda3o ghayron. Bass enta khallik thebit 3a-yalle t3allamto, w-sert akid minno, kawnak 3arif 3a-2id meen t3allamto. Min enta w-zghir bta3rif el-ketob el-m2addase el-edra enno tzeedak min el-7ekme yalle bitwassil lal-khalãs bel-imen bel-MASI7 YASOU3. Kell yalle nkatab houe min wa7e ALLAH, bifeed bel-ta3lim wel-tefnid wel-te2wim wel-tes2if bi-ittijeh kell shi mni7, 7atta 2ensen ALLAH ykoun kemil mist3edd la-kell 3amal sale7. Betlob minnak eddem ALLAH wel-MASI7 YASOU3 yalle ra7 ydeen el-3ayshin wel-mawta, lamma yeje houe w-yeje malakouto enno tbasher bi-kalem ALLAH w-etdewim 3le bi-wa2to w-bi-ghayr wa2to, w-twabbekh w-tnabbeh w-tou3az w-ettawwil belak enta w-3am t3allim. Ra7 yeje wa2et ma bi3oudo el-nes yet7ammalo el-ta3lim el-sa7i7, ra7 yel7a2o shahweton w-yjamm3o 7awlon mou3allimin ye7koulon 7ake byordihon, ra7 ysakkro dineyon 3an el-7a2 w-yesma3o el-khourafet. Ntebeh bi-kell el-a7wal, w-shterek bel-3azèb w-3ish ka-moubasher w-kammil khedemtak 3al-ekher. W-ana min jihte sert zabi7a damma 3am yseel, w-se3te 2arrabet. Kefa7et a7san kife7 w-sert bi-ekher shawt w-7afazet 3al-imen, w-halla2 naterne eklil el-berr yalle ra7 ykefine fih el-RAB el-diyyen el-3adel yawm el-deynoune, bass mish ele wa7de, la-kell yalle shte2o enno yeje. Ta3a la-3ande bser3a, li2anno Dimas tarakne 3a-ketr ma houe m3alla2 bi-hal-dene w-sefar 3ala Tasalouniki, w-sefar Kriskis 3ala Ghalatya w-Titos 3ala Delmatiyya, w-be2e Lou2a wa7do ma3e. Khod Mercos w-ta3a ma3o li2anno bifeedne ktir bi-khedmet el-RAB. W-bennesbe la-Tikhikos ba3atto 3a-Afasos. Jeeb ma3ak enta w-jeye el-mashla7 yalle tarakto bi-Terwas 3end Karpos, w-jeeb el-ketob kamen, w-khsousan makhtoutat el-jeld. Eskandar el-na77as 2azene ktir, wel-RAB ra7 yjezih 3ala a3melo. Ntebeh minno enta kamen li2anno 3ãrad kalemna mou3arada 2awiye. Ma eja 7ada ydefi3 3anne lamma defa3et 3an 7ale la-awwal marra, tarakoune kellon. ALLAH yseme7on! Bass el-RAB we2f ma3e w-2awwene ta-basher w-kell el-oumam yesma3oune, w-khallasne min nyeb el-asad, w-ra7 ykallesne el-RAB min kell sharr w-ye7fazne la-malakouto el-samewe. Elo el-majd la-abad el-douhour. Ãmin. Sallem 3ala Breskila w-Akila w-3ala ahl Onisiforos. Arastos be2e bi-Korentos, bass Trofimos tarakto mareed bi-Militos. Ta3a 3al-sari3 abl el-shete. Bisallem 3lek Opolos w-Bodis w-Linos w-Klodya wel-ekhwe kellon. El-RAB ykoun ma3 rou7ak w-tkoun el-ne3me ma3kon. Min Boulos khadim ALLAH w-rasoul YASOU3 el-MASI7 kermel yehde yalle khtaron ALLAH lal-imen w-la-ma3rifet el-7a2 yalle byetwefa2 ma3 el-ta2wa 3a-raja el-7ayet el-abadiyye yalle wa3ad ALLAH el-sade2 fiya min el-azal, w-2al kelmto bel-wa2et el-m7addad bel-tebshir yalle houe amene bayn 2ideyye bi-2amr min ALLAH moukhallisna, la-Titos 2ebne bel-imen el-moushtarak. Elak el-ne3me wel-salem min ALLAH el-Ãb wel-MASI7 YASOU3 moukhallisna. Taraktak bi-Krit 7atta tkammil tonzim el-eshya el-be2ye w-tersom shyoukh bi-kell madine metl ma wassaytak, w-tersom yalle bikoun mnazzah 3an el-lawm, w-mzawwaj mara we7de, w-wledo bi2ãmno, ma byettehemon 7ada bel-taysh wala metmarrdin. Li2anno el-motran, bi-sifato wakeel ALLAH, lezim ykoun mnazzah 3an el-lawm, mish mitkabber wala ghadoub wala sekkir wala 3aneef wala tem3an bel-reb7 el-rkhis, lezim ykoun medyaf bi7ebb el-kheyr, razin, 3adel, ta2e, byedbat nafso byetmassak bel-kalem el-sade2 el-mouwefe2 la-ta3alimna, ta-ykoun edir enno you3az bel-ta3lim el-sa7i7 w-yredd 3al-m3ardin. Sar fi ktir nes metmarrdin, letletin, dejjelin w-khsouse bayn el-Yahoud, nes metl hawde lezim tsakkerlon temmon li2anno 3am bikharbo byout bi-kemila lamma 3am bi3allmo yalle mish lezim y3allmouh kermel el-reb7 el-rkhis. Wa7ad minnon 2al, w-houe el-nabe taba3on: "ahl Krit deyman kezzebin, w-w7oush khabithe, fej3anin w-keslenin." W-hayde shahede sad2a, kermel hek lezim twabbekhon ktir 7atta ykoun imenon sa7i7, w-ma yetmassako bi-khourafet Yahoudiye w-wassaya sha3b byerefdo el-7a2. El-an2iya, kell shi 3endon na2e, bass el-nejsin wel-keffar, ma 3endon shi na2e, 7atta 3ou2oulon w-damayeron nejse. Byedde3o enno bya3erfo ALLAH, bass henne byenekrouh bi-a3melon. W-henne ashrar metmarrdin mish edrin ya3emlo shi mni7. Bass enta 7ki bi-yalle byetwefa2 ma3 el-ta3lim el-sa7i7. 3allim el-kbar enno ykouno 2anou3in, 3endon rasane w-razene, byetmatta3o bel-imen wel-ma7abbe wel-sabr. W-3allim el-neswen el-kbar bel-3omr kamen enno yetsarrafo metl ma bili2 bi-neswen byemsho tari2 el-2adese, mish nemmemin wala moudminin 3al-nbeed, bidello 3al-kheyr, bi3allmo el-sabaya ma7abbet azwejon w-wledon, w-bikouno razinin, byetmatta3o bel-3effe bya3erfo ydeero byouton, bitee3o azwejon, 7atta ma 7ada yjaddef 3a-kalem ALLAH. W-kamen w3az el-shabeb ta-ykouno razinin. W-koun enta matal elon bel-3amal el-sale7, razin w-mnazzah bi-ta3limak. W-khalle kalemak ykoun sa7i7 ma fiyo lawm, se3eta byekhjal khasmak w-ma bile2e shi 3atel y2oulo 3anna. W-3allim el-3abeed enno ytee3o asyedon w-yetolbo ridahon bi-kell shi, w-ma y3andouwon w-ma yeser2o minnon shi, bel-3aks ybarehno deyman 3an ameneton, 7atta ykarrmo bi-kell shi ta3alim ALLAH moukhallisna. W-ne3met ALLAH, nab3 el-khalãs la-kell el-bashar, zaharet ta-t3allimna enno ne2ta3 3ale2etna bel-iba7iyye w-shahawet hal-dene ta-n3ish bi-razene w-sala7 w-ta2wa bi-3asrna hayda, w-nentor el-yawm el-moubarak yalle mnetrajjeh, yawm zouhour majd Ilehna el-3azeem w-moukhallisna YASOU3 el-MASI7 yalle da77a bi-7alo kermelna 7atta yeftedina min kell sharr w-ytahherna w-ya3mil minna sha3b bikhesso bighar 3al-3amal el-sale7. Hek 7ki w-w3az w-wabbekh bi-kell soultan 3endak yeh. W-ma tkhalle 7ada yestalshi2 fik. Zakkir el-mou2minin enno yokhda3o lal-7ekkem w-as7ab el-soulta w-ytee3ouwon w-ykouno mist3eddin la-kell 3amal sale7, w-ma ysebbo 7ada w-ma ykouno meshkaljiyye, bel-3aks, ykouno loutafa y3emlo kell el-nes bi-kell wade3a. Ne7na kamen kenna min zamen jehhel, metmarrdin, day3in, 3abeed lal-shahawet w-la-kell anwe3 el-malazzet, 3ayshin 3al-khabsane wel-7asad, makrouhin w-mnekrah ba3dna. Bass lamma zahar 7anen ALLAH moukhallisna w-ma7abbto lal-bashar, khallasna, mish kermel ayya 3amal sale7 3melneh, bass li2anno arad bi-ra7emto enno ykhallesna w-yghasselna ghasslet el-miled el-tene la-7ayet jdide bel-ROU7 el-2ODOS yalle afado ALLAH 3leyna bi-ketra bi-YASOU3 el-MASI7 moukhallisna, 7atta netbarrar bi-ne3met el-MASI7 w-nourat el-7ayet el-abadiyye yalle natrina. Sad2a hal-kelme, w-badde yek tkoun 7azem bi-hal-eshya ta-yalle 2ãmano bi-ALLAH yehtammo bel-a3mel el-sal7a, li2anno hal-shi mni7 w-moufid lal-nes. W-bennesbe lal-moujedale el-sakhife wel-eshya el-m3alla2a bel-sleele wel-khilefet wel-moune2ashe 7awl el-shari3a, tjannabon li2anno ma byenfa3o la shi. W-sa7ib el-harta2a bay3ed 3anno, min ba3d ma t2anezro marra aw marteyn, W-3raf enno rejjel metl hayda bikoun daye3 w-khãte w-7akem 3ala nafso. W-lamma eb3at la-3andak Artimas w-Tikhikos 3ajjil w-ta3a la-3ande 3a-Nicopolis li2anno 2arraret eb2a kell el-shete honik. Se3id 2add ma fik Zinas mou3allim el-shari3a w-Apolos 7atta ysefro w-ma yen2ason shi. W-3allim jame3etna enno ymerso a3mel sal7a ta-y2ammno el-7ajet el-darouriyye, 7atta ma tkoun 7ayeton bala feyde. Bisallmo 3lek kell yalle ma3e. Sallem 3ala a7ebbe2na bel-imen. Wel-ne3me tkoun ma3kon kellkon. Min Boulos el-ma7bous kermel el-MASI7 YASOU3 w-min khayyna Timothawos la-Filimon, yalle min7ebbo w-rfi2na bel-3amal, w-lal-knise yalle 3am tejteme3 bi-beytak, w-la-ekhetna Apifiyya w-la-rfi2na bel-kife7 Arkhipos. Elkon el-ne3me wel-salem min ALLAH bayyna w-min el-RAB YASOU3 el-MASI7. Kell ma zakartak bi-salawete shakaret Ilehe 3a-yalle sme3to 3an imenak w-ma7abbtak lal-RAB YASOU3 w-la-kell el-ekhwe el-2eddisin, 3a-2amal enno mousheraktak bel-imen tef3al fe3la, se3eta bta3rif mni7 mada el-kheyr yalle fik ta3emlo kermel el-MASI7. W-mada el-fara7 wel-ta3ziye yalle 7asseyton bi-fadl ma7abbtak, ya khayye, li2anno 2loub el-ekhwe el-2eddisin akhado fik rou7. Kermel hek, w-ma3 enno 3ende kell el-jer2a bel-MASI7 enno e2emrak shou lezim ta3mil, faddalet enno etrajjek bi-esm el-ma7abbe, ana Boulos el-sheykh el-kbir wel-ma7bous halla2 kermel el-MASI7 YASOU3, bi-khsous Onisimos yalle sar 2ebne bel-imen, ana w-bel-7abs, w-houe bel-made ma ken yenfa3ak la-shi, bass liom sar yenfa3ak w-yenfa3ne. Badde reddellak yeh, 2balo ka2anno sha2fe min 2albe, w-kent 7abeb khallih hon ma3e ta-yekhdemne badelak enta, ana w-ma7bous kermel el-injil, bass ma 7abbeyt a3mil shi bidoun mwefa2tak, 7atta el-mni7 yalle baddak ta3emlo ykoun 3an tibet khater mish ghasb 3annak. W-yemken hal-medde min el-wa2et yalle 3asha Onisimos b3id 3annak, ma kenit ella ta-testarej3o lal-abad, bass min liom w-raye7 mish ra7 ykoun 3abd, ra7 ykoun afdal min 3abd, ra7 ykoun ka-khayy 7abib bel-MASI7, bi3ezz 3leyye, w-addeysh bel-a7ra ra7 y3ezz 3leyk, enken ka-khayy bel-jesm aw ka-khayy bel-RAB. W-eza kent bte3teberne shrikak bel-imen, 2balo ka2annak 3am te2balne ele. W-eza ken gholit bi-7a'2ak aw madyoun elak bi-shi, 7sebon 3leyye. W-ana Boulos bouwfe bi-kaleme, w-hal-shi katabto bi-khatt 2ide w-ma b2ellak enno enta madyoun ele 7atta bi-nafsak. Eh, ya khayye, 3mol ma3e hal-kheyr kermel el-RAB w-farre7le 2albe kermel el-MASI7. W-3ende thi2a, ana w-3am bekteblak, enno ra7 tlabbe talabe, w-m2akkad ennak ra7 ta3mil aktar min yalle 3am betolbo minnak. W-bi-zet el-wa2et 7adderle beyt, li2anno bitmanna enno salatkon yesma3a ALLAH w-erja3 la-3andkon. Bisallem 3leykon Abafras el-ma7bous ma3e kermel el-MASI7 YASOU3, w-Mercos w-Aristarkhos w-Dimas w-Lou2a rife2e bel-tebshir. Ne3met el-RAB YASOU3 el-MASI7 tkoun ma3 rou7kon. ALLAH min zamen 7eke ma3 bayyetna bi-wastet el-anbiya marrat ktire w-bi-aktar min tari2a, w-bi-ekher hal-iyem 7ekena bi-wastet 2ebno yalle 3eml minno warith la-kell shi w-bi-wasteto khala2 el-3alam. Houe shou3a3 majd ALLAH w-soura 3an jawharo, 3am ye7faz el-kell bi-2ouwwet kelmto. W-houe min ba3d ma tahharna min khatayana 2a3ad 3an yameen Ileh el-majd bel-sama el-3aliye, w-sar a3zam min el-maleyke bi-2adar ma el-esm yalle werto a3zam min asame el-maleyke kellon. La-meen min el-maleyke 2al ALLAH bi-yawm min el-iyem: "enta 2ebne w-ana liom jebtak" w-2al kamen: "ra7 koun bayyo w-bikoun houe 2ebne." W-lamma ba3at 2ebno el-bekr 3al-3alam 2al kamen: "khalle kell maleyket ALLAH yerka3o eddemo." W-3an el-maleyke 2al ALLAH: "3eml min maleykto ree7 w-min kheddemo lahib nar." W-2al 3an el-2eben: "3arshak ya ALLAH be2e min abad la-abad, w-sawlajen 7ekmak 3adel. 7abbeyt el-7a2 w-baghadet el-batel, kermel hek masa7ak ALLAH Ilehak bi-zeyt el-fara7 aktar min rfe2ak." W-2al kamen: "enta ya RAB bel-bideye assaset el-ard, wel-sama sheghl 2ideyk, hiye bitzoul w-enta bteb2a, w-ra7 tebla kella metl ma byeblo el-tyeb. Metl el-mashla7 btetwiya w-btetghayyar metl el-tyeb, w-enta enta ma btentehe iyemak." W-la-meen min el-maleyke 2al ALLAH bi-yawm min el-iyem: "23od 3an yameene 7atta khalle a3de2ak ta7t ejrek?" Henne kellon arwe7 bi-khedmet ALLAH ba3aton ta-yekhedmo yalle byourato el-khalãs. Kermel hek lezim nehtamm ktir bel-ta3lim yalle sme3neh ta-ma nen7erif 3anno abadan. El-kelme yalle 2ala ALLAH 3a-lsen el-maleyke thabat sod2a, w-kell meen khelafa aw t3adda 3leya t2ãsas el-2asãs el-3adel. W-keef ra7 neflot ne7na eza hamalna metl hal-khalãs el-3azeem? Yalle a3lano el-RAB bi-zeto bel-awwal, w-rej3o sabbatoulna yeh yalle sem3ouh, w-ALLAH ayyad shahedeton bi-3ajeyeb w-a3mel el-edra, w-bel-maweheb yalle wazza3on el-ROU7 el-2ODOS metl ma houe baddo. El-3alam el-jeye yalle 3am ne7ke 3anno, ALLAH ma khadda3o lal-maleyke, fi wa7ad shahad bi-ma2ta3 min el-ketob el-m2addase, 2al: "shou houe el-2ensen ya ALLAH 7atta tezekro? W-shou houe 2eben Ãdam 7atta t7ott 3aynak 3le? Na'2asto shwey 3an el-maleyke, w-rje3t kallalto bel-majd wel-karame, W-khalleyt kell shi yokhda3 ta7t ejrey." W-ma zel ALLAH khalla kell shi yokhda3lo, bikoun ma khalla shi mish khado3lo. Ma3 enno halla2 mish sheyfin enno kell shi khado3lo. Bass hayda yalle tna'2as shwey 3an el-maleyke, houe YASOU3, yalle 3am nshoufo mkallal bel-majd wel-karame li2anno t7ammal ãlem el-mawt, w-hek, bi-ne3met ALLAH de2 el-mawt 3an kell 2ensen. ALLAH, yalle kermelo ken kell shi w-bi-wasteto kell shi sar, lamma arad enno y7adder nes ktir lal-majd, ken shi mni7 enno ykhalle el-shakhs yalle 3am y2oudon lal-khalãs kemil 3an tari2 el-ãlem, li2anno el-MASI7 yalle bi2addis wel-ashkhas yalle 3am yet2addaso, tnayneton min 2asl wa7ad, kermel hek ma byeste7e el-MASI7 enno ysammiyon ekhwe, w-bi2oul: "badde e3lon esmak la-ekhewte w-majjdak bel-jame3a." Bi2oul kamen: "3ala ALLAH badde ettekil", w-kamen: "ana ma3 el-wled yalle 3atane henne ALLAH." W-lamma keno el-wled shouraka bel-la7m wel-damm, sherakon YASOU3 kamen bi-tabi3eton hayde la-ydammir bi-mawto yalle bi-2ido soultan el-mawt, ye3ne eblees, w-y7arrer yalle keno kell 7ayeton bel-3ouboudiyye khayfin min el-mawt. Ma eja ta-yse3ed el-maleyke, eja ta-yse3ed sleelet Ibrahim. Kermel hek ken lezim yetshabbah bi-ekhewto bi-kell shi, 7atta ykoun ra2is kahane, ra7oum ameen eddem ALLAH, 7atta ykaffir 3an khataya el-sha3b, li2anno houe nafso tjarrab bel-ãlem, w-sar edir enno ykhallis el-mjarrabin. Ya ekhewte el-2eddisin el-meshterkin bi-da3wet ALLAH, t2ammalo YASOU3 rasoul imenna w-ra2is kahanetna, w-houe ameen la-yalle khtaro, metl ma ken Moussa ameen 3a-beyt ALLAH kello. Bass YASOU3 byest7e2 majd a3zam min majd Moussa metl ma yalle 3ammar el-beyt, 2imto akbar min el-beyt yalle 3ammaro. Akid, kell beyt elo meen y3ammro, w-ALLAH houe yalle 3ammar kell shi. W-ken Moussa ameen 3a-beyt ALLAH kello, kawno khadim, ta-yesh'had 3a-yalle ra7 ye3elno ALLAH. Bass el-MASI7, houe ameen 3a-beyt ALLAH, kawno 2eben ALLAH, w-ne7na beyto, eza b2ina 3al-thi2a wel-raja yalle mneftekhir fih. Kermel hek, metl ma bi2oul el-ROU7 el-2ODOS: "liom, eza sme3to sawt ALLAH, ma t2asso 2loubkon metl ma 3melto yawm el-3esyen, yawm el-tajribe bel-sa7ra, matra7 ma jarraboune bayyetkon w-khtabaroune w-shefo a3mele meddit arb3een sene. Kermel hek ghdobet 3ala haydak el-jeel w-2elt: 2loubon be2yet 3amya w-ma fehmo tari2te abadan, w-bel-ekher 7alafet ana w-ghodban w-2elt enno hawde ma bifouto 3a-malakout rã7te ana." Ntebho, ya ekhewte, enno ma ykoun fi baynetkon 7ada 2albo khabees w-2ellit imeno tkhallih yekfor bi-ALLAH el-7ayy, shajj3o ba3dkon kell yawm, ma zel ba3dna 3am n2oul "liom" yalle bye7ke 3anno el-kteb, ta-ma tekhda3 el-khatiyye 7ada minkon w-ye2sa 2albo. Ne7na kellna shouraka el-MASI7 eza tmassakna lal-niheye bel-thi2a yalle kenit 3enna bel-bideye. Wel-kteb bi2oul: "liom, eza sme3to sawt ALLAH ma t2asso 2loubkon metl ma 3melto bi-yawm el-3esyen." Meen henne yalle tmarrado 3le min ba3d ma sem3o sawto? Mish henne kell yalle talla3on Moussa min Masr? W-3ala meen ghodib ALLAH meddit arb3een sene? Mish 3a-yalle khetyo w-meto bel-sa7ra? W-la-meen 7alaf ALLAH "enno ma yfouto 3a-malakout ra7to?" Mish yalle metmarrdin 3le? W-minshouf enno ma edro yfouto min 2ellit imenon. Ma zel ba3do elna wa3d el-fawte 3al-rã7a el-Ilehiyye, badna nentebih barke 7ada minkon t2khar ta-fet. Ne7na sme3na el-tebshir metl ma sem3ouh henne, bass el-kalem yalle sem3ouh ma nafa3on li2anno ma ken 3endon imen. Bass ne7na el-mou2minin ra7 nfout 3al-rã7a el-Ilehiyye. W-houe yalle 2al: "7alafet ana w-ghodben enno ma yfouto 3a-malakout ra7te ana", ma3 enno a3mel ALLAH n3amalet min wa2et te2sis el-3alam. W-2al lamma 7eke 3an el-yawm el-sebi3: "rte7 ALLAH bel-yawm el-sebi3 min kell a3melo." W-2al kamen: "ma ra7 yfouto 3a-malakout rã7te." W-eza keno yalle sem3o el-tebshir awwal shi ma feto 3al-rã7a el-Ilehiyye li2anno khetyo, el-be2yin ra7 yfouto. Kermel hek reje3 ALLAH 7addad yawm houe "liom" lamma 2al 3a-lsen Daoud, min ba3d ma mara2 zaman tawil 3a-yalle ken 2alo min zamen: "liom, eza sme3to sawt ALLAH ma t2asso 2loubkon." W-law ken Yashou3 fawwaton 3a-rã7et ALLAH, ma ken ALLAH reje3 7eke 3an yawm tene. W-be2e la-sha3b ALLAH rã7a metl rã7et ALLAH bel-yawm el-sebi3, li2anno yalle bifout 3a-rã7et ALLAH byerte7 min a3melo metl ma rte7 ALLAH min a3melo. Khallina na3mil kell jehdna kermel nfout 3a-hal-rã7a ta-ma you2a3 7ada bi-metl hal-3esyen. W-kelmet ALLAH kella 7ayet w-hiye fe3l, bit2oss aktar min seyf elo 7addeyn, btekhro2 ghem2 el-nafs wel-rou7 wel-mafasel w-nkha3 el-3dam, w-èdra tmayyiz bayn shou bifakker el-2alb w-shou byenwe. Ma 7ada bye2dar yetkhabba 3an ALLAH, w-kell shi makshouf eddem 3youno w-elo houe badna n2addim el-7seb. Khallina netmassak bi-imenna, li2anno 3enna bi-YASOU3 2eben ALLAH ra2is kahane 3azeem 2ata3 bi-kell el-sama. Li2anno ma 3enna ra2is kahane mish edir yeshfa2 3ala do3fna, w-houe yalle khada3 metlna la-kell tajribe ma 3ada el-khatiyye. Khallina n2arrib bi-thi2a 3a-3arsh el-ne3me ta-nekhod el-ra7me w-nle2e el-ne3me yalle bitse3edna wa2et el-7aje. Kell ra2is kahane ken yetna'2a min bayn el-nes w-yet3ayyan kermel el-nes la-khedmet ALLAH, ta-y2addim el-2arabin wel-zabeye7 takfiran 3an el-khataya. W-ykoun edir yo3tof 3al-jehhel wel-men7erfin li2anno houe nafso lebis el-do3f el-bashare, w-ken lezim kamen ykaffir 3an khatayah houe metl ma bikaffir 3an khataya el-sha3b. W-ma 7ada bye2dar y7ott 7alo bi-martabet ra2is kahane, ella eza ALLAH byed3ih metl ma da3a Haroun. W-kamen el-MASI7 ma 7att 7alo bi-hal-martabe, bass ALLAH 2allo: "enta 2ebne w-min halla2 w-raye7 ana bayyak." W-2allo bi-matra7 tene: "enta kehen lal-abad 3ala darajet Malkisade2." W-houe yalle bi-iyem 7ayeto el-bashariyye 3al-ard, salla w-trajja w-sarakh bi-2ouwwe w-beke dmou3 la-ALLAH el-edir enno ykhallso min el-mawt, w-ALLAH sem3 minno li2anno ken ta2e. W-kawno houe el-2eben, t3allam el-ta3a, min el-3azèb yalle t3azzabo. W-lamma wossil 3al-kamèl sar masdar khalãs abade la-kell yalle ra7 ytee3ouh, li2anno ALLAH sammeh ra2is kahane 3a-tari2et Malkisade2. W-bi-khsous hal-mawdou3 3ende 7ake ktir, bass tefsiro sa3b li2anno serto ettawwlo ta-tefhamo, ken 3endkon el-wa2et el-kefe ta-tsiro mou3allimin, bass ba3dkon bi-7aje la-meen y3allemkon el-mabede2 el-asesiyye la-kalem ALLAH. Ba3dkon bi-7aje la-laban, li2annkon mish edrin teklo 2akl 2awe. W-yalle byekol laban bikoun tofl ma 3endo khebra bi-khsous el-tebrir. El-2akl el-2awe houe lal-nadjin yalle rawwado 7aweson bel-moumerase el-sa7i7a 3al-temyiz bayn el-kheyr wel-sharr. Ta3o ta-netrok el-mabede2 el-awwaliyye bel-kalem 3an el-MASI7, w-n3alle sawb yalle houe akmal, bidoun ma nerja3 lal-mabede2 el-awwaliyye, metl el-tawbe 3an el-a3mel el-mayyte, wel-imen bi-ALLAH, w-tou2ous el-ma3moudiyye, w-7att el-2iden, w-2iyemet el-mawta, wel-deynoune el-abadiyye. W-hayda el-shi yalle 3am na3emlo eza ALLAH rad. Yalle tnawwaro honik marra w-de2o el-mawhabe el-samawiyye w-saro min shouraka el-ROU7 el-2ODOS, w-de2o kelmet ALLAH el-tayybe w-2ouwwet el-3alam bel-zaman el-jeye, w-ma3 hayda w-kello sa2ato, mousta7il yetjaddado tene marra w-yerja3o ytoubo li2anno ra7 yosolbo 2eben ALLAH marra tenye w-y3arrdouh lal-3ar. El-ard yalle sherbet min el-shete el-nezil 3leya 3eddit marrat, w-farrakhet zar3 stafedo minno yalle fala7ouwa, ra7 tekhod el-barake min ALLAH. Bass eza farrakhet shawk w-3ellay2, bitkoun ma bteswa, badda la3ne w-niheyeta el-7ari2. Bass bennesbe elkon, ento el-7abeyeb, 7atta law 7kina ma3kon hek, ne7na 3a-thi2a enno ento bi-7ale afdal w-adman lal-khalãs. Li2anno ALLAH mish zalem 7atta yensa yalle 3meltouh w-yalle azhartouh min el-ma7abbe kermel esmo lamma khadamto el-ekhwe el-2eddisin w-ba3dkon 3am tekhedmouwon. Bass ne7na min7ebb law kell wa7ad minkon ybayyen enno 3endo hal-ghire lal-ekher 7atta yet7a'2a2 rajekon. Ye3ne ma tetkesalo, bel-3aks, tmetalo bi-yalle bi2ãmno w-byesobro, li2anno ra7 yourato yalle wa3ad fih ALLAH. Lamma wa3ad ALLAH Ibrahim 7alaf bi-esmo, li2anno ma 3endo shi a3zam 7atta ye7lof fih, 2al: "ra7 berkak w-ra7 a3tik sleele kbire ktir." W-hek natar Ibrahim w-tawwal belo 7atta akhad yalle nwa3ad fih. Wel-nes bye7elfo bi-yalle houe a3zam minnon, wel-7elfen bisabbetlon kalemon w-bi7ott 7add la-kell khilef. W-kamen ALLAH, lamma arad enno y2akkid la-yalle ra7 yourato el-wa3d enno 2araro ma ra7 yetghayyar, sabbat kalemo bel-7elfen. W-hek wa3adna w-7alaf, w-henne shaghlteyn sebtin, w-mousta7il enno ykazzeb ALLAH fiyon, w-shajja3na ktir enno netmassak bel-raja yalle t7addarelna, ne7na yalle ltaja2na elo. W-hal-raja houe bennesbe elna merseye ameene thebte btekhro2 el-sitar. Matra7 ma YASOU3 saba2na w-fet kermelna, w-sar ra2is kahane lal-abad 3ala tari2et Malkisade2. W-Malkisade2 yalle zakarneh ken malik 3a-madinet Sãlim w-kehen ALLAH yalle fo2 el-kell, ra7 ta-yle2e Ibrahim el-reji3 mountaser 3al-moulouk w-berako, w-Ibrahim 3ata el-3eshr min kell shi. W-tefsir esmo, min jehha bye3ne malik el-3adl, w-min jehha tenye malik Sãlim, ye3ne malik el-salem. Ma 3endo bayy wala emm wala sleele, wala 7ada bye7ke 3an bideyet iyemo wala 3an niheyet 7ayeto. Bass, metl 2eben ALLAH, byeb2a kehen lal-abad. Shoufo ma-a3zamo! Ibrahim nafso, w-houe bayy el-bayyet, 3atah el-3eshr min khiret el-ghaneyem. W-ne7na mna3rif enno shari3et Moussa bitwasse yalle bisiro kahane min sleelet Lawi, ennon yekhdo el-3eshr min el-sha3b, ye3ne min ekhweton, yalle henne min sleelet Ibrahim. Bass Malkisade2 yalle mish min sleelet Lawi, akhad el-3eshr min Ibrahim w-berak yalle ALLAH 3atah el-wou3oud. W-ma fi khilef bi-enno el-akbar houe yalle biberek el-azghar. 3ada enno yalle 3am yekhdo el-3eshr hon, henne bashar bimouto, bass honik, houe 2ensen mash'hedlo enno 7ayy. W-fina n2oul enno Lawi bi-zeto, yalle byekhod el-3eshr, 3ata el-3eshr la-Malkisade2 min khilel Ibrahim, li2anno ken mawjoud bi-shakl min el-ashkel, min abl ma yekhla2, bi-bayyo Ibrahim lamma eja Malkisade2 ta-yle2ih. W-law ken el-kamèl t7a'2a2 bel-kahnout el-Lawi, w-houe ases el-shari3a yalle tsallama el-sha3b, ma ken ba3d fi lzoum enno yet3ayyan kehen tene 3ala tari2et Malkisade2. Wel-kteb ma 2al 3ala tari2et Haroun. Li2anno bass yetghayyar el-kahnout, la-bodd min teghyir el-shari3a kamen. W-yalle byen2al 3anno hal-shi, ye3ne el-MASI7, eja min 2abile tenye, ma 7ada min hal-2abile ken min kheddem el-mazba7. Wade7 enno RABNA 2aslo el-bashare eja min Yahouza, w-ma zakar Moussa hal-2abile bi-kalemo 3an el-kahane. W-yalle biwadde7 hal-shi aktar, houe enno el-kehen el-tene yalle byeshbah Malkisade2 ma t3ayyan, 3ala ases intime2o la-sleele bashariyye, t3ayyan 3a-ases el-2ouwwe yalle btenba3 min 7ayet ma ela niheye. Wel-kteb yalle shehedlo 2al: "enta kehen lal-abad 3ala tari2et Malkisade2." W-hek betlet wassiyet el-kahnout el-seb2a bi-sabab do3fa w-2ellit feydeta, li2anno shari3et Moussa ma 7a'2a2et el-kamèl bi-shi, w-kermel hek, ALLAH 7att ases jdid bi2arrebna minno, w-2addamelna raja afdal. W-hal-shi ma sar bidoun 7elfen min ALLAH. Li2anno el-Lawiyyin saro kahane bidoun 7elfen, bass YASOU3 sar kehen bi-7elfen min ALLAH yalle 2allo: "7alaf el-RAB, w-ma ra7 yendam, enno enta kehen lal-abad." W-hek sar YASOU3 kafeel la-3ahd afdal min el-3ahd el-awwal. Wel-kahane hawdik ken fi minnon ktir, li2anno el-mawt ken yemna3on enno yeb2o 3a-toul. Bass YASOU3 yalle byeb2a lal-abad, kahnouto ma bizoul. W-houe edir ykhallis yalle byet2arrabo bi-wasteto min ALLAH khalãs kemil, li2anno 7ayy be2e ta-yeshfa3lon. Ye3ne YASOU3 houe ra2is el-kahane yalle binesebna, houe 2ouddous bari2 ma fiyo 3ayb w-ma byeshbah el-khatyeen, t3alla la-fo2 el-sama. W-houe 3aks rou2asa el-kahane, mish bi-7aje y2addim el-zabeye7 kell yawm ta-ykaffir 3an khatayah bel-awwal, w-ba3den 3an khataya el-sha3b, li2anno 3eml hal-shi marra we7de, lamma 2addam 7alo. W-shari3et Moussa bit3ayyen min el-bashar el-d3af rou2asa kahane, bass min ba3d el-shari3a, el-7elfen bya3mil min el-2eben ra2is kahane kemil lal-abad. Kell yalle badde 2oulo bi-hal-mawdou3 houe enno sar 3enna ra2is kahane 3azeem, 2e3id 3an yameen 3arsh ALLAH bel-sama, w-sar khadim la-2ods el-a2des wel-khayme el-7a2i2iyye yalle 3emela el-RAB mish el-2ensen. W-kell ra2is kahane ken yet3ayyan ta-y2addim el-2arabin wel-zabeye7, fa-la-bodd enno ra2is kahanetna, houe kamen, ykoun 3endo shi y2addmo. W-law ken YASOU3 3a-hal-ard, ma ken t3ayyan kehen, li2anno fi meen y2addim el-2arabin 7asab el-shari3a. Bass hawde byekhedmo el-soura wel-ramz la-yalle bel-sama. W-lamma eja Moussa baddo ya3mil el-khayme, aw7alo ALLAH, 2allo: "ntebeh, baddak ta3mil kell shi 3al-shakl yalle farjaytak yeh 3al-jabal." Bass el-MASI7 7osil 3a-khedme afdal min yalle ablo bi-2adar ma houe el-waseet la-3ahd jdid afdal min el-3ahd el-awwal, li2anno 2ayem 3ala ases wou3oud afdal. W-law ken el-3ahd el-awwal ma fiyo 3ayb, ma ken fi lzoum la-3ahd tene. W-ALLAH biloum sha3bo lamma bi2oul: "bi2oul el-RAB: ra7 teje iyem ba3mil ma3 wled Isra2il w-wled Yahouza 3ahd jdid, mish metl el-3ahd yalle 3melto ma3 bayyeton lamma akhadton bi-2ideyon ta-talle3on min ard Masr, w-ma be2yo 3ala 3ahde, kermel hek hamalton ana el-RAB. W-hayda houe el-3ahd yalle ba3emlo ma3 Isra2il bel-iyem el-jeye, bi2oul el-RAB: ra7 khalle shari3te bi-3ou2oulon w-ekteba bi-2loubon, w-bkoun Ilehon w-bikouno sha3be. W-ma 7ada ra7 y3allim 2eben watano wala 7ada ra7 y3allim khayyo w-y2ello: 3raf el-RAB, li2anno ra7 ya3erfoune kellon min zghiron la-kbiron, ra7 eghferlon znoubon w-ma ra7 ezkor khatayahon min ba3d liom." W-ALLAH bi-kalemo 3an "3ahd jdid" khalla el-3ahd el-awwal ysir 2adeem, w-kell shi bass ye3ta2 w-yekbar bisir 2arib min el-zawel. El-3ahd el-awwal ken fiyo tou2ous la-3ibedet ALLAH w-lal-2ods el-ardé. W-ken fi bel-khayme 2ouda, hiye awwal 2ouda esma el-2ods, w-ken fiya el-manara wel-meyde w-khebz el-2erben. W-ken fi wara el-sitar el-tene 2ouda esma 2ods el-a2des, w-fiya el-mabkhara el-mdahhabe w-tabout el-3ahd el-madhoun kello bel-dahab, w-fi jarret dahab fiya el-mann w-3asa Haroun yalle farrakhet w-law7teyn wassaya el-3ahd. W-ken fo2 el-tabout tnen karoubin el-majd bighatto ghata el-keffara. Bass halla2 mish wa2et enno ne7ke 3an hal-eshya bel-tefsil. W-bi-ma enno kell shi ken mrattab bi-hayda el-shakl, keno el-kahane yfouto 3a-awwal 2ouda bi-kell wa2et w-ymerso tou2ous el-3ibede. Bass ra2is el-kahane el-wa7eed yalle bfout 3al-2ouda el-tenye marra bel-sene, w-ma bifout ella ma ykoun ma3o el-damm yalle bi2addmo ka-tekfir 3an khatayah w-3an khataya el-sha3b w-jahlo. W-bi-hal-shi hayda, el-ROU7 el-2ODOS bidell enno el-tari2 la-2ods el-a2des kenit ba3da mish maftou7a, ma zel awwal khayme 2ayme. W-hal-tertib hayda houe ramz lal-zaman el-7ader, wa2et keno ba3don 3am bi2addmo 2arabin w-zabaye7 ma bye2daro ykhallo el-kehen kemil min jehhit el-dameer. W-hiye tou2ous bashariyye 2ayme 3al-2akl wel-sherb w-asalib el-ghassil, w-kenit mafrouda lal-wa2et yalle bisalle7 ALLAH fih kell shi. Bass el-MASI7 eja ra2is kahane lal-kheyrat el-mousta2baliyye w-min khilel khayme a3zam w-akmal min haydik el-khayme el-awle, mish ma3moule bi-2iden el-bashar, ye3ne ma btenteme la-hal-khali2a, w-fet 3a-2ods el-a2des marra we7de, 7amel dammo houe mish damm el-tyous wel-3joul, w-jabelna el-khalãs el-abade. W-eza ken rash damm el-tyous wel-thiran w-rmed el-3joul bi2addes el-mnajjasin w-bitahher jesmon, keef damm el-MASI7 yalle 2addam 7alo la-ALLAH bel-ROU7 el-azale 2erben ma fiyo 3ayb, addeysh ma ra7 ytahher dameerna min el-a3mel el-mayyte ta-ne3bad ALLAH el-7ayy. Kermel hek houe el-waseet la-3ahd jdid, 7atta bi-wasteto el-mad3ouwwin yourato el-werte el-abadiyye el-maw3oudin fiya, li2anno met w-kaffar 3an el-moukhelafet yalle 3emela el-sha3b bel-3ahd el-awwal. Fa-matra7 yalle bikoun fi wassiye lezim nsabbet mawt el-mwasse, li2anno el-wassiye marhoune bi-mawt el-mwasse, ma ela 2ime eza el-mwasse ba3do 3ayish. Kermel hek tkarras el-3ahd el-awwal kamen bel-damm. W-Moussa, min ba3d ma 2ere eddem el-sha3b kell wassaya el-shari3a, akhad damm el-3joul wel-tyous, w-ma3o may w-souf a7mar w-zoufa, w-rasho 3ala kteb el-shari3a w-3ala el-sha3b kello w-2al: "hayda houe damm el-3ahd yalle ALLAH wassakon te7fazouh." W-kamen rash el-damm 3al-khayme w-3a-kell adawet el-3ibede. Li2anno el-shari3a bitwasse enno lezim ntahher kell shi bel-damm, w-ma fi ghofran bidoun bazl damm. Eza yalle houe ramz lal-eshya el-samawiyye lezim yettahhar bel-zabeye7, la-bodd min tot'hir el-eshya el-samewiyye nafsa bi-zabeye7 afdal min haydik el-zabeye7, li2anno el-MASI7 ma fet 3a-2ods 3emlouh 2iden el-bashar, houe ramz lal-2ods el-7a2i2e, fet 3al-sama bi-zeta ta-you2af halla2 eddem wejj ALLAH kermelna, mish li2anno ra7 y2addim 7alo 3eddit marrat metl ma bifout ra2is el-kahane 3a-2ods el-a2des kell sene bi-damm mish dammo, wa-ella ken lezim yet2allam marrat ktire min wa2et te2sis el-3alam. Bass zahar halla2 marra we7de lamma ktamal el-zaman ta-yem7e el-khatiyye w-y2addim 7alo zabi7a la-ALLAH. W-metl ma el-bashar massiron enno ymouto marra we7de, w-min ba3da fi el-deynoune, kamen el-MASI7 2addam 7alo marra we7de ta-yem7e khataya nes ktar. W-ra7 yezhar marra tenye, mish kermel el-khatiyye, bass kermel ykhallis yalle natrino. W-bi-ma enno el-shari3a fi bi-2alba el-fekra el-mzaghara 3an el-kheyrat el-mousta2baliyye, mish 3an el-7a2i2a metl ma hiye, ma bte2dar abadan enna bel-zabeye7 yalle 3am yet2addamo henne zeton min sene la-sene, tkhalle yalle bi-wasteta 3am bi2arrbo sawb ALLAH ennon ysiro kemleen. Wa-ella ma ken ba3d fi lzoum enno ndall n2addimon. Li2anno yalle 3am bimerso hal-3ibede, law ysiro an2iya marra we7de, ma be2e bi-dameeron ayya shou3our bel-khatiyye, bel-mou2abel, el-zabeye7 3am bizakkro el-nes bi-khatayahon min sene la-sene, li2anno damm el-thiran wel-tyous ma bye2daro enno yem7o el-khataya. Kermel hek 2al el-MASI7 la-ALLAH lamma eja 3al-3alam: "ma ken baddak zabi7a wala 2erben, bass 3titne jesm bashare, wel-7ayawenet yalle keno yendaba7o w-yen7ara2o eddemak ka-tekfir 3an el-khataya, ma 2belt fiyon, se3eta 2eltellak: ana jeye ya ALLAH 7atta a3mil metl ma baddak, w-metl ma maktoub 3anne bel-kteb." W-houe 2al bel-awwal: "zabeye7 w-2arabin w-7ayawenet ma7rou2in ka-tekfir 3an el-khataya ma 2belt fiyon wala fre7t fiyon", ma3 enno keno yet2addamo 7asab el-shari3a. Min ba3da 2al: "ana jeye ta-a3mil metl ma baddak", w-hek bikoun leghe ta2s el-3ibede el-awwal ta-ysabbet el-tene. W-ne7na bi-iradet ALLAH t2addasna bi-jesm YASOU3 el-MASI7 yalle 2addamo 2erben marra we7de. Min zamen ken el-kehen el-Yahoude you2af kell yawm eddem el-mazba7 w-ymeris tou2ous el-3ibede w-y2addim el-zabeye7 nafsa marrat ktire, ma3 enna ma bte2dar enno tem7e el-khataya. Bass el-MASI7, 2addam lal-abad zabi7a we7de 3an el-khataya, w-min ba3da 2a3ad 3an yameen ALLAH, w-houe halla2 natir enno y7ott ALLAH a3de2o ta7t ejrey, li2anno bi-2erben wa7ad khalla yalle 2addason ysiro kemleen lal-abad. Wel-ROU7 el-2ODOS bi-zeto byesh'hadelna bi-hal-7a2i2a. 2al: "hayda houe el-3ahd yalle ra7 a3emlo ma3on bel-iyem el-jeye, bi2oul el-RAB: badde 7ott shari3te jouwwet 2loubon w-ekteba bi-3ou2oulon w-ma ra7 ezkor khatayahon wala moukhelafeton min ba3d liom." Matra7 ma byenghafaro el-khataya wel-moukhelafet, ma byeb2a fi 7aje n2addim 2erben kermel el-khatiyye. W-ne7na 3a-thi2a, ya ekhewte, bi-enno sar fina nfout 3a-2ods el-a2des bi-damm YASOU3, yalle fata7elna tari2 jdide kella 7ayet min khilel el-sitar, yalle houe jesmo, w-ma zel 3enna kehen 3azeem 3ala beyt ALLAH, khallina n2arrib bi-2alb sade2 w-imen kemil, w-2loubna mtahhara min sou2 el-niyye w-ajsemna mghassale bi-may na2iyye, w-ndall 3al-raja yalle min2ãmen fih imen ma byetza3za3, li2anno ALLAH yalle wa3adna houe ameen, w-ndeer belna 3a-ba3d, w-n7ammis ba3dna 3al-ma7abbe wel-a3mel el-sal7a. W-ma ten2et3o 3an el-ejtime3 metl ma t3awwad el-ba3d minkon ennon ya3emlo, bel-3aks shajj3o ba3dkon, bi-2adar ma bitshoufo enno yawm el-RAB sar 2arib. W-eza khtina 3an 2asd, min ba3d ma sarelna enno na3rif el-7a2, mish ra7 yeb2a fi zabi7a tkaffir 3an el-khataya, w-ma byeb2alna ella el-natra el-rahibe la-yawm el-deynoune w-lahib nar yeshwe el-metmarrdin. Yalle bikhelif shari3et Moussa bimout bidoun shafa2a bi-shahedet shehdeyn aw tlete, awlkon addeysh lezim yet3e2ab yalle byed3as 3a-2eben ALLAH w-bye3tebir enno el-3ahd yalle t2addas bi-wasteto houe nejs w-bihin rou7 el-ne3me? Ne7na mna3rif yalle 2al: "el-inti2am ele w-ana yalle b2ãses." W-2al kamen: "el-RAB ra7 ydeen sha3bo." Rahibe el-wa2'3a bayn 2iden ALLAH el-7ayy. Tzakkaro el-iyem el-madye w-addeysh kefa7to w-t7ammalto 3azèb min ba3d ma dawwa 3leykon nour el-imen, w-keef min jiha saro yhinoukon w-ydey2oukon, w-min jiha tenye serto shouraka la-yalle 3emalouwon zet el-mou3amale. W-keef sherakto el-ma7bousin bi-3azèbon w-t7ammalto w-fre7to lamma nahabo amwelkon, kawnkon 3erfin enno 3endkon tharwe afdal w-ma bitzoul. Ma tetkhallo 3an thi2atkon, li2anno moukefa2et hal-thi2a ra7 tkoun 3azeeme. Ento bi-7aje lal-sabr 7atta ta3emlo metl ma ALLAH baddo w-te7salo 3ala wa3do. "3an 2arib, 3an 2arib ktir, yalle jeye byousal w-ma ra7 yet2akhar. Yalle byetbarrar bel-imen bi3ish bel-imen, bass eza traja3 ma ra7 koun rade 3le." Ne7na mish ahl el-tarajo3 wel-halek, ne7na ahl el-imen wel-khalãs. El-imen houe el-thi2a bi-enno yalle 3am netrajjeh, ra7 yet7a'2a2, wel-i2tine3 bi-enno yalle ma minshoufo akid mawjoud, w-bi-fadl hal-imen ALLAH shehed lal-2oudama. Bel-imen mna3rif enno ALLAH khala2 el-kawn bi-kelme minno, w-enno yalle byenshef tkawwan min yalle ma byenshef. Bel-imen 2addam Habeel la-ALLAH zabi7a afdal min zabi7et Kayeen, w-bel-imen shahadlo ALLAH enno houe min el-abrar lamma 2ebl el-2erben yalle 2addamo, w-bel-imen be2e Habeel ye7ke min ba3d mawto. Bel-imen na2al ALLAH Akhnoukh la-3ando bidoun ma yshouf el-mawt, w-ma 3ed 7ada shefo li2anno ALLAH akhado la-3ando. Wel-kteb shehedlo abl ma yente2el bi-enno ALLAH ken rade 3le, w-bidoun el-imen mousta7il norde ALLAH, li2anno yalle baddo yet2arrab min ALLAH lezim y2ãmen bi-enno ALLAH mawjoud w-enno ra7 ykefe2 yalle byet2arrabo minno. Bel-imen Nou7 shef eshya ktire ma kenit minshefe, khaf ALLAH, w-3eml safine ta-ykhallis beyto, w-hek, 7akam 3al-3alam, w-bel-imen werit el-tebrir min el-imen. Bel-imen labba Ibrahim da3wet ALLAH w-tarak watano w-ra7 3a-ard tenye wa3ado ALLAH enno yourata, ra7 w-mish 3arif 7alo wayn raye7. W-bel-imen nezl bel-ard el-maw3oud fiya ka2anno nezl 3a-ard gharibe, w-2a3ad bel-khiyam ma3 Is7ak w-Ya3koub yalle keno shouraka bel-wa3d zeto, li2anno ken natir el-madine yalle asesa thebit w-yalle ALLAH mhandasa w-m3ammara. Bel-imen Sara n3atala enno tjeeb wled ma3 enna kenit 2ata3et 3omr el-7abal, li2anno 3tabaret enno yalle wa3ad ameen, w-hek jebit min Ibrahim, yalle jesmo ken sar 3a-ekher, sleele ma bten3add, 2add njoum el-sama w-2add el-raml yalle 3a-shatt el-ba7r. Bel-imen meto kell hal-ashkhas bidoun ma yshoufo wa3ad ALLAH elon t7a'2a2, bass shefouh w-sallamo 3le min b3id. W-3tarafo bi-ennon ghouraba 3a-hal-ard w-mer2in fiya mar2a, w-yalle bi2oulo hek 7ake bibarehno ennon 3am yfattsho 3an watan. W-law ba3don 3am bifakkro bel-watan yalle tarakouh, ken 3endon el-wa2et ennon yerja3oulo. Bass keno meshte2in la-watan afdal minno, ye3ne lal-watan el-samewe. Kermel hek ma byeste7e ALLAH enno ykoun Ilehon, li2anno 7addarlon madine. Bel-imen 2addam Ibrahim 2ebno el-wa7eed Is7ak zabi7a lamma mta7ano ALLAH, 2addamo w-houe yalle 3atah ALLAH el-wa3d w-2allo: "bi-wastet Is7ak ra7 ykoun 3endak sleele." W-2ãman Ibrahim enno ALLAH edir enno y2awwem el-mawta. Kermel hek reje3lo 2ebno Is7ak 7atta ykoun ramz. Bel-imen Is7ak berak Ya3koub w-3eeso la-kheyrat el-mousta2bal. W-bel-imen Ya3koub berak, abl ma ymout, wled Youssef w-sajad la-ALLAH houe w-metteke 3al-3asa. W-bel-imen Youssef ettakal 3a-wa3d ALLAH bi-enno wled Isra2il ra7 yedharo min Masr w-wassahon wayn yedefno 3damo. W-bel-imen emmo w-bayyo la-Moussa khabbouh tlet tesh'hor min ba3d ma khel2, li2annon shefouh tofl 7elo w-ma khafo min 2amr el-malik. Bel-imen rafad Moussa, min ba3d ma kebr, enno ykoun 2eben bent Fer3on, w-faddal enno ysherek sha3b ALLAH 3azèbo min el-tamatto3 el-mwa'2at bi-lezzit el-khatiyye, w-3tabar enno 3ar el-MASI7 aghna min knouz Masr, li2anno ken 3am yetma7 bel-moukefa2a. Bel-imen tarak Moussa Masr bidoun ma ykhaf min ghadab el-malik, w-dall 3a-2araro ka2anno sheyif 7addo yalle ma bishoufo 7ada. Bel-imen 3eml el-fos7 w-rash el-damm, 7atta malèk el-mawt ma yde2 bi-ayy sabe bekr min wled Isra2il. Bel-imen wled Isra2il 2ata3o el-ba7r el-a7mar ka2anno ard yebse, w-lamma ejo el-Masriyyin baddon ye2ta3ouh gher2o. Bel-imen wa2a3o aswar Ari7a min ba3d ma wled Isra2il baramo 7awla sab3 tiyem. Bel-imen Ra7ãb el-mara el-zenye ma n2atalet ma3 el-metmarrdin, li2anno sta2balet el-jasousen. W-shou badde 2oul ba3d? El-wa2et ma byesma7le khabber 3an Jed3on w-Barak w-Shamshoun w-Yafta7 w-Daoud w-Samou2il wel-anbiya. Yalle bel-imen ntasaro 3al-mamelek w-7akamo 7ekm 3adel w-akhado yalle wa3ad fih ALLAH w-sakkaro tmem el-2soude w-taffo lahib el-nar el-meltehbe w-tkhallaso min el-2atl bel-seyf w-tghallabo 3al-do3f w-saro abtal bel-7arb w-hazamo jouyoush el-ghouraba, w-ba3d el-neswen shefo mawtehon 2amo min el-mawt w-rej3oulon. W-ktar t7ammalo el-te3zib w-rafado el-khalãs 3a-2amal enno ra7 y2oumo 3a-7ayet afdal, w-ktar t7ammalo el-tmeskhor wel-jald, wel-terbit bel-jnazeer wel-7abs. W-nrajamo bel-7jar w-ennasharo bel-minshar w-meto 2atl bel-seyf w-tsharrado lebsin jloud el-ghanam wel-me3ze ma7roumin ma2hourin mazloumin, li2anno el-3alam ma byest7e2on, ettaysharo bel-barare wel-jbel wel-maghewer w-kouhouf el-ard. W-hawde kellon ma 7oslo 3al-wa3d ma3 ennon n3arafo bi-imenon, li2anno ALLAH 7addarelna massir afdal min massiron w-arad enno ma ysiro kemleen bidounna. Bass ne7na el-m7awatin bi-3adad kbir min el-shouhoud, ta3o ta-nsheel kell te2l w-kell khatiyye m7asretna, w-nerkod bi-kell 2ouwwetna bi-hal-saba2 el-ma3roud 3leyna, ne7na w-3am nettalla3 3a-ra2ed imenna w-mkammlo, YASOU3 yalle t7ammal el-salib w-ma htamm bi-hal-mawte el-mouhine li2anno fakkar bel-fara7 yalle natro, w-2a3ad 3an yameen 3arsh ALLAH. T2ammalo fih mni7 w-shoufo addeysh t7ammal hal-mou3emale el-2assye min el-khatyeen 7atta ma tiy2aso w-nfouskon ted3af. Ento bi-sira3kon dodd el-khatiyye, ba3d ma kefa7to 7atta el-mawt. Tekhmin nsito el-kalem yalle n2allkon ka2annkon wledo: "ma testkheff, ya 2ebne, min enno el-RAB yhazzbak wala tiy2as eza wabbakhak, li2anno el-RAB bihazzeb yalle bi7ebbo w-byejlod kell wa7ad bisir 2ebno." T7ammalo tehzib el-RAB, yalle 3am bi3amelkon metl wledo, w-ayya 2eben bayyo ma bihazzbo? W-eza ma t'hazzabto, metl kell el-wled yalle t'hazzabo, bitkouno thamaret el-zena mish wled shar3iyyin. Bayyetna 3al-ard keno yhazzbouna w-kenna nkhaf minnon, keef bel-a7ra lamma mnokhda3 la-bayyna bel-rou7 ta-n3ish el-7ayet el-afdal? Henne keno yhazzbouna la-wa2et 2asir w-metl ma henne baddon, bass ALLAH bihazzebna kermelna 7atta nsherko bi-2adesto. Akid kell tehzib bisir bi-wa2to, bijeeb el-7ezn, mish el-fara7. Bass ba3den bijeeb la-yalle trawwado 3le, el-tebrir wel-salem. Sheddo 2ideykon el-mertkhiyye w-rkebkon el-d3ife, w-sahhlo eddem ejreykon tor2at jelse tkhalle el-a3raj yenshafa mish yetfarkash. Fattsho 3an el-salem ma3 kell el-nes w-3isho 7ayet el-2adese li2anno bidoun el-2adese ma 7ada bye2dar yshouf el-RAB. Ntebho min enno 7ada minkon yen7aram min ne3met ALLAH, 7atta ma yfarrekh fikon 3er2 morr yjeeb el-2ala2 w-yefsod el-jame3a, w-7atta ma ykoun 7ada minkon fejir aw mestahter metl 3eeso yalle be3 boukouriyyto bi-2akle we7de. W-bta3erfo mni7 enno lamma arad min ba3d hal-shi enno yestarje3 el-barake, nrafad w-ma le2a tari2a tkhalle bayyo yghayyir ra2yo, ma3 enno talab el-barake houe w-3am yebke. W-ento ma kento 2rab min jabal fikon telemsouh, min nar wel3ane w-3atme w-dabab w-3asfe, w-sawt bou2 w-sawt 7ake khalla el-sem3ino enno ma ba2a yzeed wala kelme, li2anno ma edro yet7ammalo hal-enzar: "7atta el-wa7sh law da2 bel-jabal lezim terejmouh." Ken el-manzar rahib 7atta enno Moussa 2al: "ana mar3oub 3am berjof min el-khawf." Bass halla2 ento 2rab min jabal Sehyoun, min madinet ALLAH el-7ayy, min Ourashalim el-samewiyye wel-oulouf min el-maleyke yalle bi-7aflet 3id, min jame3et el-abkar yalle asamiyon maktoube bel-sama, min ALLAH yalle ra7 ydeen el-kell, min arwe7 el-abrar yalle saro kemleen, min YASOU3 waseet el-3ahd el-jdid, min dammo el-marshoush yalle bye7ke 7ake afdal min damm Habeel. Ou3a ma tesma3o yalle 3am ye7kikon. Eza yalle rafado yesma3o yalle 3am ye7kihon 3a-hal-ard ma falato min el-2asãs, keef ne7na mneflot eza rafadna yalle 3am ye7kina min el-sama? Lamma 7eke min zamen, sawto zalzal el-ard, bass halla2 wa3adna w-2al: "ra7 zalzel el-sama, mish el-ard wa7da, marra tenye." Lamma 2al "marra tenye", hayda dalil 3ala zawel el-eshya el-mza3za3a li2anna makhlou2a 7atta ma yeb2a ghayr el-eshya yalle ma btetza3za3. W-ma zel sar 3enna malakout ma byetza3za3, ta3o ta-ne3bad ALLAH w-nekhedmo w-neshkro bi-tari2a btordih, fiya ta2wa w-khoushou3, li2anno Ilehna nar ãkle. 7afzo 3al-ma7abbe el-akhawiyye, w-ma tenso tmerso el-diyafe, li2anno fi nes henne w-3am ymersouwa stadafo el-maleyke bidoun ma ya3erfo. Htammo bel-ma7bousin ka2annkon ma7bousin ma3on, w-t3atafo ma3 el-m3azzabin ka2annkon ento kamen m3azzabin bi-jesmkon. 7ãfzo kellkon 3a-karamet el-zawej, wel-mzawwajin ykhallo frashon ndeef min el-danas, li2anno ALLAH ra7 ydeen el-fejrin w-yalle byezno. Ma tkhallo 7obb el-masare ydeerkon w-2na3o bi-yalle 3endkon. 2al ALLAH: "mish ra7 eterkak wala etkhalla 3annak abadan." Ye3na sar fina n2oul bi-kell thi2a w-jer2a: "ma zel el-RAB 3am yse3edne ma ra7 khaf, w-shou bye2dar el-2ensen ya3mil fiyye?" Dallo zkero el-rou2asa taba3kon yalle 3allamoukon kalem ALLAH, w-tmattalo bi-7ayeton w-mawton w-bi-imenon. YASOU3 houe houe, mberi7 w-liom w-lal-abad. Ou3a tenkhed3o w-tel7a2o el-ta3alim el-gharibe, a7sanelkon tesendo 2loubkon bel-ne3me, mish bel-2akl yalle ma byenfa3 7atta yalle 3am yeklouh. Ne7na 3enna mazba7 ma bi7e2 lal-kahane yalle 3am yekhedmo bi-khaymet el-3ahd enno yeklo minno, li2anno el-7ayawenet yalle ra2is el-kahane ken ye7mol dammon w-yfout fiyon 3a-2ods el-a2des ta-ykaffir 3an el-khatiyye, keno yedba7ouwon barrat el-matra7 yalle 2e3id fih el-sha3b, kermel hek met YASOU3 barrat el-madine ta-y2addis el-sha3b bi-dammo. Khallina netla3 barrat el-madine w-nrou7 la-3ando w-ne7mol el-3ar ma3o. Li2anno ma 3enna hon 3al-ard madine bteb2a, ne7na 3younna 3a-madinet el-mousta2bal. Khallina n2addim bi-kell wa2et la-ALLAH bi-wastet el-MASI7 2erben el-shokr, yalle byetla3 min shfef yalle 3am ye3terfo bi-esmo. Ma tenso 3amal el-kheyr wel-mousherake bi-kell shi, li2anno ALLAH bi7ebb yet2addamlo metl hal-2erben. Tee3o el-rou2asa taba3kon, li2anno 3am yes'haro 3ala nfouskon sahar yalle ra7 y2addim 7seb 3an hal-shi, se3eta bya3emlo 3amalon bi-fara7, bidoun 7asra, li2anna el-7asra ma bitfeedkon bi-shi. Sallo kermelna, ne7na weth2in enno dameerna na2e, w-min7ebb enno netsarraf mni7 bi-kell shi. Betlob minkon hal-shi bi-el7a7, 7atta ALLAH yrajje3ne la-3andkon bi-asra3 wa2et. W-betlob min Ileh el-salem yalle 2awwam RABNA YASOU3, ra3i el-khwerif el-3azeem, min el-mawt bi-damm el-3ahd el-abade, enno y7adderkon mni7, ta-tsiro ta3emlo metl ma houe baddo, w-enno ya3mil fina kellna yalle byordih 7asab YASOU3 el-MASI7 elo el-majd lal-abad, ãmin. W-betlob minkon, ya ekhewte, enno tet7ammalo riselte hayde, li2anno katabta bi-ikhtisar. B7ebb ta3erfo enno khayyna Timothawos dahar min el-7abs. Eza eja la-3ande 3an 2arib, ra7 eje la-3andkon ma3o ta-shoufkon. Sallmo 3ala kell rou2asa taba3kon w-3ala kell el-ekhwe el-2eddisin. Bisallmo 3leykon el-ekhwe yalle bi-Italya. El-ne3me tkoun ma3kon kellkon. Min Ya3koub khadim ALLAH wel-RAB YASOU3 el-MASI7 lal-mou2minin el-mshattatin min 2abeyel wled Isra2il el-tna3sh. Salem. Fra7o ktir, ya ekhewte, lamma btou2a3o bi-moukhtalaf anwe3 el-me7an. Ento bta3erfo enno lamma hal-me7an tekhtebir imenkon byoulad el-sabr. Khalle el-sabr yshajje3kon 3a-3amal el-kheyr 7atta tsiro kemleen min kell el-nawe7e, bidoun ayy lawm. W-eza ken 7ada minkon na2seto el-7ekme, khallih yetloba min ALLAH, se3eta byekheda, li2anno ALLAH bya3te bi-karam w-ma biloum. W-khalle yetloba bi-imen ma fiyo shakk, li2anno yalle bishekk byeshbah mawj el-ba7r eza akhadeto el-ree7 w-jebeto bitfawwro. W-ma yeftekir metl hal-shakhs enno ra7 yo7sal 3a-shi min el-RAB, li2anno houe 2ensen ra2yo ma2soum mraddad bi-kell shi bya3emlo. Khalle el-khayy el-meskin yeftekhir lamma byet3alla, wel-ghane lamma byetnazzal, li2anno el-ghane metl zahr el-3eshb bizoul: bteshro2 el-shams bi-7arareta w-byeebas el-3eshb, w-biherr zahro w-birou7 jamelo. Nafs el-shi byedbal el-ghane lamma ykoun mettekhad bi-a3melo. Niyyel yalle byesbor 3al-me7ne, li2anno eza mtou7in byekhod eklil el-7ayet yalle el-RAB wa3ad fih yalle bi7ebbouh. W-eza wa2a3 7ada bi-me7ne, ma y2oul: "hayde me7ne min ALLAH!" Li2anno ALLAH ma byemte7no el-sharr w-ma byemte7en 7ada bel-sharr, bass el-shahwe btemte7en el-2ensen lamma bteghrih. Wel-shahwe eza 7eblet waladit el-khatiyye, wel-khatiyye eza nodjit waladet el-mawt. Ma tenkhed3o, ya ekhewte el-a7ebba, kell 3atiyye sal7a w-kell mawhabe kemle btenzal min fo2, min 3end bayy el-nour. W-houe yalle ma byetghayyar wala byebrom wala bikebb 3atmet khyelo arad enno youladna bi-kelmet el-7a2 ta-nkoun bakoura la-khaley2o. 3rafo hal-shi, ya ekhewte el-a7ebba, khalle kell wa7ad minkon ykoun jehiz enno yesma3 mish deghre ye7ke, mish deghre yeghdab, li2anno ghadab el-2ensen ma bya3mil el-sa7 3end ALLAH. Rfedo kell danas w-kell shi be2e min el-sharr, w-t2abbalo bi-wade3a el-kalem yalle ALLAH 3am yezra3o fikon, el-edir enno ykhallis nfouskon. Bass ma tektefo bi-same3 kalem ALLAH bidoun el-3amal fih se3eta btekhda3o nfouskon. Yalle byesma3 el-kalem w-ma bya3mil fih bikoun metl yalle 3am yettalla3 bel-mreye 3ala souret wejjo, byettalla3 3ala 7alo w-byemshe, w-ba3den byensa deghre keef ken. Bass yalle byettalla3 bel-shari3a el-kemle, shari3et el-7orriyye, w-bidewim 3leya, mish byesma3 w-byensa, w-bya3mil fiya, niyyelo bi-yalle 3am ya3emlo. W-yalle mfakkar 7alo metdayyen w-houe ma bisoun lseno, khada3 nafso w-ken deeno batel. El-deen el-taher el-na2e 3end ALLAH bayyna houre enno yehtamm el-2ensen bel-yatema wel-araml bi-di2eton, w-enno ysoun nafso min danas el-3alam. W-ma zelkon, ya ekhewte, mou2minin bi-RABNA YASOU3 el-MASI7 elo el-majd, ma tseyro 7ada. Eza fet 3a-majma3kon ghane fi bi-esba3o khatim min dahab w-tyebo t2ile, w-min ba3da fet fa2ir tyebo 3ati2a, w-ltafatto la-sa7ib el-tyeb el-t2ile w-2eltoulo: "23od enta hon bel-noss", w-2elto lal-fa2ir: "w2af enta honik", aw "23od hon 3a-ejreyna", ma bitkouno mayyazto 7ada 3an el-tene w-7akamto 3leyon w-kenit afkarkon 3atle? Sma3o, ya ekhewte el-a7ebba: mish ALLAH khtar fou2ara hal-3alam ta-ykouno aghniya bel-imen w-yourato el-malakout yalle wa3ad fih yalle bi7ebbouh? W-ento bte7te2ro el-fou2ara! W-meen yalle byezlemkon w-byekhedkon 3al-ma7ekem, mish el-aghniya? Mish henne yalle 3am bijaddfo 3ala el-esm el-mni7 yalle tsammayto 3le? Eza tsarrafto 7asab shari3et el-shara2e3 yalle nkatabet bel-kteb, w-hiye: "7ebb 2aribak metl ma bit7ebb nafsak", bitkouno 3melto mni7. Bass eza seyarto 7ada bta3emlo khatiyye w-bte7kom el-shari3a 3leykon 7ekma 3ala yalle bikhelfouwa. W-yalle bi3ish 7asab el-shari3a kella w-byehmol wassiye we7de minna bikoun khelaf el-shari3a kella, li2anno yalle 2al: "ma tezne", 2al kamen: "ma te2tol." W-eza 2atalet w-ma znit, kent moukhelif lal-shari3a. Kermel hek 7kou w-3melo metl yalle ra7 ydeenon ALLAH bi-shari3et el-7orriyye, li2anno el-deynoune ma bter7am yalle ma byer7am, wel-ra7me btentosir 3al-deynoune. Shou byenfa3 el-2ensen, ya ekhewte, enno yedde3e el-imen bidoun a3mel? Hal-imen ma3'2oul ye2dar ykhallso? Eza ken fi baynetkon khayy 3eryen aw ekht 3eryene ma 3endon 2akl, shou byenfa3 t2ouloulon: "rou7o bi-salem! etdaffo w-shba3o", eza kento ma 3am ta3touwon shi min yalle bye7tej elo el-jesm? Nafs el-shi el-imen, bidoun a3mel bikoun bi-7add zeto mayyit. W-yemken 7ada minkon 2al: "enta 3endak imen w-ana 3ende a3mel", fa-b2ello: "farjine keef bikoun imenak bidoun a3mel, w-ana bfarjik keef bikoun imene bi-a3mele." Enta bit2ãmen enno ALLAH wa7ad? 3am ta3mil mni7. Kamen el-shyateen bi2ãmno fih w-byenre3bo. Ya jehel, baddak ta3rif keef bikoun el-imen bala feyde bidoun a3mel? Ettalla3 3ala bayyna Ibrahim, mish ALLAH barraro bel-a3mel lamma 2addam 2ebno Is7ak 3al-mazba7? Enta bitshouf enno imeno refa2 a3melo, w-sar imeno kemil bel-a3mel, W-hek t7a'2a2 kalem el-kteb: "2ãman Ibrahim bi-ALLAH w-barraro ALLAH la-imeno w-sammeh sadee2 ALLAH." Sheyfin, fa-ezan, enno el-2ensen byetbarrar bel-a3mel mish bass bi-imeno. W-hek Ra7ãb el-zenye: mish ALLAH barrara kermel a3mela lamma sta2balet el-rasouleyn w-fallaleton min tari2 tenye? Metl ma el-jesm bidoun rou7 mayyit, kamen el-imen bidoun a3mel mayyit. Ya ekhewte, lezim enno ma yektaro baynetkon el-mou3allimin. Ento bta3erfo ayya deynoune ra7 nekhod ne7na el-mou3allimin. W-addeysh ktar el-khataya yalle mna3mela kellna. Eza ken 7ada ma byokhte bi-lseno, bikoun kemil edir yedbat jesmo kello. Shoufo el-kheyl mathalan, lamma nsakkerlon temmon ta-ytee3ouna, mnedbat kell jesmon. Wel-sefon 3ala dakhameta w-2ouwwet el-ree7 yalle btekheda, bitmashshiya daffe zghire matra7 ma baddo el-koubtan. W-hek kamen el-lsen, sa7i7 enno zghir bass byeftekhir bi-a3mel kbire. Shoufo addeysh zghire el-nar yalle bte7ro2 ghãbe kbire! Wel-lsen nar, w-houe min bayn a2sam el-jesm 3alam min el-shourour binajjis el-jesm bi-kemlo w-bye7ro2 majra el-tabi3a kella bi-nar hiye min nar jhannam. W-bye2dar el-2ensen enno ysayter 3al-w7oush wel-3safeer wel-samak wel-7ayawenet yalle byez7afo, bass el-lsen ma bye2dar el-2ensen enno ysayter 3le. Houe sharr ma byendabat, melyen samm bimawwit, bel-lsen minberik RABNA w-bayyna w-bel-lsen mnel3an el-nes el-makhlou2in 3ala souret ALLAH. Min temm wa7ad btetla3 el-barake wel-la3ne, w-ma lezim hek ysir, ya ekhewte. Ma3'2oul yfajjir el-nab3 may 7elwe w-mel7a min nafs el-matra7? Ma3'2oul ta3te el-teene, ya ekhewte, zeytoun aw el-karme teen? W-nafs el-shi el-nab3 el-meli7 ma bitalle3 may 7elwe. Yalle mfakkar enno 3endo 7ekme w-zaka, khallih ybarhen 3an 7ekmto w-wade3to bi-a3melo el-mni7a. Bass eza ken bi-2loubkon mararet el-7asad wel-khne2a, ma tetkabbaro w-ma tkazzbo 3al-7a2i2a. Metl hek 7ekme ma btenzal min fo2, hayde 7ekme dounyawiyye bashariyye shaytaniyye. Li2anno matra7 ma bikoun el-7asad wel-kne2a, honik bikoun el-2ala2 w-kell anwe3 el-sharr. Bass el-7ekme el-nezle min fo2 hiye tahra abl kell shi, w-mouselme metsem7a wadi3a kella ra7me w-a3mel sal7a, ma fiya mouseyara wala kezb. Wel-tebrir houe thamaret yalle byezra3o el-salem bi-salem. Min wayn jeye el-kne2a wel-khilef baynetkon? Mish min shahwetkon yalle 3am bit7areb jesmkon? Bteshteho w-ma bto7salo 3a-yalle shtaheytouh w-se3eta bte2etlo. Bte7esdo w-ma bte2daro tekhdo w-se3eta btekhtelfo w-btet2etalo. Ento ma7roumin li2annkon ma 3am tetolbo, w-eza talabto ma btekhdo li2annkon ma 3am ta3erfo tetolbo bi-ma enno badkon tshabb3o shahwetkon. Ya kheynin, ma bta3erfo enno ma7abbet el-3alam 3adewe la-ALLAH? Yalle baddo y7ebb el-3alam bikoun 3adouw ALLAH. Mfakkrin enno yalle 2alo el-kteb batel, w-houe enno el-rou7 yalle afado ALLAH 3leyna kello ghire? Bass byen3om 3leyna bi-a3zam ne3me. Fa-el-kteb bi2oul: "biredd ALLAH el-metkabrin w-byen3om 3al-metwad3in." Kouno khad3in la-ALLAH w-2ewmo eblees ta-yehrob minkon. 2arrbo min ALLAH ta-y2arreb minkon. Ghasslo 2ideykon, ya khatyeen, w-tahher 2albak ya meen ra2yo ma2soum. 7zano 3ala fa2rkon w-bkou. 7atta yen2elib de7ekkon beke w-fara7kon ghamm. Twada3o eddem el-RAB byerfa3kon el-RAB. Ma te7ko 3an ba3dkon bel-3atel, ya ekhewte, li2anno yalle bye7ke bel-3atel 3ala khayyo aw bideen khayyo bikoun 3am ye7ke bel-3atel 3al-shari3a - 3am bideen el-shari3a. Eza kent 3am bitdeen el-shari3a, enta ma 3am temshe 7asab el-shari3a, enta 3am bitdeena. Shakhs wa7ad houe yalle bye7kom w-bideen, w-houe yalle bye2dar ykhallis w-ma ykhallina nmout. Fa-meen enta ta-tdeen 2aribak? W-ento yalle bit2oulo: "ra7 nrou7 liom aw boukra 3ala hal-madine aw haydik, w-mneb2a sene mintejir w-mnerba7", ento ma bta3erfo shi 3an boukra. Shou hiye 7ayetkon? Ento boukhar byezhar shwey w-min ba3da byekhtefe. Kermel hek lezim t2oulo: "eza ALLAH rad, min3ish w-mna3mil hek aw hek!" Bass halla2 ento 3am tetkabbaro w-tshoufo 7alkon, w-hayda sharr. Yalle bya3rif ya3mil el-kheyr w-ma bya3emlo byokhte. Ya aghniya, bkou w-ndebo 3al-msayeb yalle ra7 tenzal 3leykon. Amwelkon fesdet w-tyebkon akala el-3ett. Dahabkon w-foddetkon msaddeye wel-sede byesh'had 3leykon w-byekol ajsemkon metl el-nar. 3am bitkhazzno lal-iyem el-akhira, w-ma3ashèt el-3emmel yalle shtaghalo bi-7ou2oulkon w-yalle sara2touwa minnon sawta 3am ye3la, w-sarikh el-3emmel wossil la-RAB el-jnoud. 3eshto 3al-ard bel-bazkh wel-taraf w-shabba3to 2loubkon metl 3ejl msamman la-yawm el-zab7. 7akamto 3al-baree2 w-2ataltouh w-houe ma 3am bi2awemkon. Fa-sbero, ya ekhewte, la-7add ma yeje el-RAB. Ettalla3o keef byesbor el-felle7 houe w-natir thamar el-ard el-ghale, w-bidall natir 7atta tenzal awwal shatwe w-yenzal el-shete el-m2akhar. Sbero ento kamen w-2awwo 2loubkon, li2anno maji2 el-RAB 2arib. Ma tbarebro 3ala ba3dkon, ya ekhewte, ta-ma ydeenkon ALLAH. El-dayyen we2if 3al-beb. Tmattalo, ya ekhewte, bel-anbiya yalle basharo bi-esm el-RAB w-t3azzabo w-sabaro. Niyyel yalle byesebro. Sme3to bi-sabr Ayyoub w-shefto keef kefa2o el-RAB. W-houe kello ra7me. W-abl kell shi, ya ekhewte, ma te7elfo bel-sama wala bel-ard wala bi-ayy shi tene. Khalle tkoun el-eh taba3kon eh wel-la2 la2, ta-ma tet2ãsaso. Fi 7ada baynetkon ze3len? Khallih ysalle! Fi 7ada mabsout? Khallih ysabbe7 ALLAH! Fi 7ada mareed? Khallih yjeeb shyoukh el-knise ta-ysallo 3le w-yedhanouh bel-zeyt bi-esm el-RAB. El-sala ma3 el-imen bitkhallis el-mareed, wel-RAB byeshfih. W-eza ken 3eml khatiyye byeghferlo yeha. 3terfo la-ba3dkon bi-khatayakon, w-sallo kermel ba3dkon 7atta teshfo. Salat el-abrar 3enda 2ouwwe 3azeeme. Ken Eliyya 2ensen metlna metlo bi-kell shi w-salla bi-7arara 7atta ma yenzal el-shete, w-ma nezl el-shete 3al-ard meddit tlet snin w-sitt tesh'hor. Min ba3da reje3 ysalle, w-shattet el-sama w-talla3et el-ard kheyr. Ya ekhewte, eza zegh 7ada minkon 3an el-7a2 w-7ada raddo, khallih ya3rif enno yalle biredd khãte 3an daya3o bikhallis nafs min el-mawt w-bikhabbe khataya ktire. Min Boutros, rasoul YASOU3 el-MASI7, lal-mekhtarin el-metgharbin el-mshattatin bi-Bentos w-Ghalatya w-Kapadokya w-Ãsia w-Bithinya, la-yalle khtaron ALLAH el-Ãb bi-sebe2 3elmo w-2addason bel-ROU7 ta-ytee3o YASOU3 el-MASI7 w-yettahharo bi-rash dammo. Elkon el-ne3me wel-salem. Yetberak ALLAH bayy RABNA YASOU3 el-MASI7 li2anno ra7mto 3leyna kenit 3azeeme, waladna bi-2iyemet YASOU3 el-MASI7 min el-mawt wilede tenye la-raja 7ayy w-la-werte ma btefsod w-ma btetdannas w-ma bitzoul, ma7fouza elkon bel-sama, ento yalle bel-imen bte7reskon edrit ALLAH la-khalãs ra7 yenkeshif bel-yawm el-akhir, btefra7o fih, ma3 enno la-bodd enno te7zano shwey bi-yalle 3am bisir ma3kon halla2 min anwe3 el-me7an yalle btemte7en iminkon metl ma btemte7en el-nar el-dahab, w-houe athman min el-dahab yalle bizoul, se3eta byest7e2 el-madi7 wel-majd wel-ekram yawm zouhour YASOU3 el-MASI7. Ento bet7ebbouh w-ma sheftouh, w-bit2ãmno fih w-ma 3am bitshoufouh halla2, fa-btefra7o fara7 kbir ma byenwasaf, weth2in enno ra7 tousalo la-hadaf imenkon w-houe khalãs nfouskon. 3an hal-khalãs fattasho el-anbiya w-nabbasho, w-tnabbo 3an el-ne3me yalle akhadtouwa. W-jarrabo ya3erfo aymata w-keef bteje hal-ne3me 3leyon w-yalle 7eke 3anna ROU7 el-MASI7, lamma shahad min abl bi-ãlem el-MASI7 w-bel-majd yalle byeje min ba3da. W-nkashaflon enno kermelkon, mish kermelon, keno kheddem lal-eshya yalle a3lanouwa halla2 el-ashkhas yalle basharoukon fiya, bi-2ouwwet el-ROU7 el-2ODOS el-nezil min el-sama, w-hal-eshya el-maleyke byetmanno enno yshoufouwa. Kermel hek 7addro 3ou2oulkon w-ntebho w-khallo kell rajekon bel-ne3me yalle btejikon 3end zouhour YASOU3 el-MASI7. W-ka-wled moutee3in, ma tetba3o shahawetkon yalle tbe3touwa lamma kento bel-jahl, bass kouno 2eddisin bi-kell shi 3am ta3emlouh, li2anno ALLAH yalle da3ekon houe 2ouddous. Wel-kteb bi2oul: "kouno 2eddisin li2anno ana 2ouddous." W-eza kento bitsammo ALLAH bayy, w-houe yalle bideen kell wa7ad 7asab a3melo, bidoun mouseyara, fa-3isho bi-makhefto, kell shi w-ento bel-gherbe 3ala hal-ard, w-3rafo enno shtarakon bi-souloukkon el-batel yalle wrethtouh 3an bayyetkon, mish bel-fodda aw el-dahab yalle bizoul, shtarakon bi-damm karim, damm el-7amal yalle ma fiyo 3ayb wala danas, damm el-MASI7. W-ken ALLAH khtaro abl te2sis el-3alam, min ba3da zahar kermelkon bel-azmine el-akhira, w-houe yalle khallekon t2ãmno bi-ALLAH yalle 2awwamo min el-mawt w-3atah el-majd, w-sar ALLAH hadaf imenkon w-rajekon. W-halla2, min ba3d ma tahharto nfouskon bel-tã3a lal-7a2 w-serto t7ebbo ekhwetkon 7obb sade2, 7ebbo ba3dkon 7obb na2e min kell 2albkon. Ento wledto wilede tenye, mish min zar3 bizoul, min zar3 ma bizoul, w-houe kelmet ALLAH el-kella 7ayet wel-be2ye. Wel-kteb bi2oul: "kell 2ensen metl 3eshb w-kell majdo metl zahr el-3eshb. El-3eshb byeybas w-zahro byou2a3, w-kalem ALLAH byeb2a lal-abad." W-hayda houe el-kalem yalle basharnekon fih. Bay3do 3ankon kell khabsane w-i7tiyel w-kezb w-7asad w-namime, w-metl el-atfal el-khel2anin jdid rghabo bel-laban el-rou7e el-sãfé, 7atta tekbaro fih sawb el-khalãs. Eza de2to addeysh el-RAB tayyib, metl ma bi2oul el-kteb. 2arrbo min el-RAB, houe el-7ajar el-7ayy el-marfoud 3end el-nes, el-moukhtar, el-ghale 3end ALLAH. W-ento kamen 7jara 7ayye bi-bine2 la-beyt rou7e, fa-kouno kahane w-2addmo zabeye7 rou7iyye bye2bala ALLAH bi-YASOU3 el-MASI7. El-kteb bi2oul: "ra7 7ott bi-Sehyoun 7ajar zewye ghale moukhtar, w-yalle bi2ãmen fih ma bikheeb." Houe ghale elkon ento el-mou2minin. Bass lal-mish mou2minin, houe "el-7ajar yalle rafado el-me3marjiyye w-sar ras el-zewye", w-houe "7ajar 3athra w-sakhra bitwa'2e3." W-henne byetfarkasho li2annon ma bi2ãmno bi-kelmet ALLAH: hayda houe massiron! Bass ento sleele moukhtara w-kahnout moulouke w-oumme m2addase w-sha3b akhado ALLAH ta-ye3lon fadaylo, w-houe yalle da3ekon min el-3atme la-nouro el-3ajib. W-ento ma kento sha3b min abl, bass liom serto sha3b ALLAH. Kento bidoun ra7met ALLAH, w-halla2 7solto 3leya. Betlob minkon, ya a7ebbe2e, w-ento dyouf ghouraba bi-hal-3alam, mten3o 3an shahawet el-jesm, yalle bit7areb el-nafs. W-khalle souloukkon bayn el-oumam ykoun mni7 7atta eza ettahamoukon bi ennkon ashrar, ettalla3o 3ala a3melkon el-sal7a w-majjado ALLAH lamma byetfa2adon. Khda3o, ekraman lal-RAB, la-kell soulta bashariyye: lal-malik li2anno houe el-7akem el-a3la, w-lal-7ekkem li2annon henne moufawwadin minno la-2asãs el-ashrar w-moukefa2et el-mne7, li2anno iradet ALLAH hiye enno tsakkto bi-a3melkon el-sal7a jahl el-aghbiya. Kouno a7rar, bass ma tkouno metl yalle bya3emlo min el-7orriyye ghata lal-sharr, bel-3aks kouno 3abeed la-ALLAH. Karrmo kell el-nes, 7ebbo el-ekhwe, ette2o ALLAH, karrmo el-malik. Ya hal-kheddem, khda3o la-asyedkon bi-kell rahbe, eza keno sal7in loutafa aw 2assyeen. Ne3me ennkon ta3erfo iradet ALLAH se3eta btet7ammalo el-3azèb wel-zolm. Ayya fadl elkon eza khtito w-sabarto 3al-2asãs yalle btest7e2ouh, bass eza 3melto el-kheyr w-sabarto 3al-3azèb, btekhdo el-ne3me min ALLAH. W-la-metl hal-shi da3ekon ALLAH, wel-MASI7 t2allam kermelkon w-3eml min nafso matal ta-temsho 3ala khoutah. Houe ma rtakab khatiyye w-ma 3eref temmo el-i7tiyel. Ma radd 3al-msabbet bi-msabbet. T2allam w-ma haddad 7ada, bel-3aks sallam 7alo lal-dayyen el-3adel, w-houe yalle 7eml khatayana bi-jesmo 3al-khashabe 7atta nmout 3an el-khatiyye w-n3ish lal-7a2. W-houe yalle bi-jrou7o nshafayto. Kento khwerif dãy3a w-rje3to halla2 la-ra3i nfouskon w-7aresa. W-hek ento ya neswen, khda3o la-azwejkon, 7atta eza ken fi bayneton meen byerfod el-imen bi-kalem ALLAH, yenjezbo la-souloukkon bidoun el-7aje lal-kalem, lamma yshoufo bi-souloukkon 3effe w-ta2wa. Ma tkoun zinetkon kherijiyye bel-sha3r we-dahab wel-anãka bel-lebs, khalliya tkoun dekhliyye bi-yalle mawjoud jouwwet el-2alb metl zinet nafs wadi3a moutma2enne ma bitzoul, w-tamana 3end ALLAH 3azeem. Hek keno el-neswen el-2eddissin el-metteklin 3ala ALLAH yetzayyano min 2adeem bi-enno yokhda3o la-azwejon, metl Sara yalle kenit ettee3 Ibrahim w-tsammih sayyida. W-ento halla2 baneta eza tsarrafto mni7 bidoun ma tkhafo min shi. W-ento ya hal-rjel, 3isho ma3 neswenkon 3erfin enno el-mara ad3af min el-rejjel, w-karrmouwon li2annon shouraka ma3kon bi-wertet ne3met el-7ayet, fa-ma fi shi byou2af bi-wejj salawatkon. W-halla2, kouno mwa77adin bel-ra2y w-ykoun 3endkon 3atf w-7obb w-ra7me w-tawado3. Ma treddo 3al-sharr bel-sharr w-3al msabbet bel-msabbet, bel-3aks bèrko ta-tourato el-barake, li2annkon la-hal-shi nda3ayto. El-kteb bi2oul: "yalle baddo y7ebb el-7ayet w-yshouf iyem 7elwe, khallih yedbat lseno 3an el-sharr w-temmo 3an el-i7tiyel bel-7ake, w-khallih yebte3ed 3an el-sharr w-ya3mil el-kheyr w-yetlob el-salem w-yes3a elo, li2anno 3ayn el-RAB 3al-abrar w-daynto btesma3 salaton. Bass wejjo byebermo 3an yalle bya3emlo el-sharr." Meen bye2dar ye2zikon eza kento mehtammin bi-3amal el-kheyr? W-law t2allamto kermel el-7a2, niyyelkon! Ma tkhafo min 7ada w-ma tedterbo, bel-3aks, 3bado el-MASI7 bi-2loubkon w-karrmouh ka-RAB, w-kouno bi-kell wa2et mist3eddin lal-radd 3ala kell meen byetlob minkon dalil 3al-raja yalle fikon. W-khalle ykoun hal-shi bi-wade3a w-i7tiram, w-7ãfzo 3ala salemet dameerkon, 7atta eza 3emaloukon mish mni7, byekhjalo el-ashkhas yalle 3am yente2do souloukkon bel-MASI7. Fa-afdal enno tet2allamo w-ento 3am ta3emlo el-kheyr, eza ken hal-shi iradet ALLAH, min enno tet2allamo w-ento 3am ta3emlo el-sharr. Wel-MASI7 nafso met marra we7de kermel el-khataya. Met w-houe el-barr bi-sabab el-ashrar ta-y2arrebkon la-ALLAH. Met bel-jesm, bass ALLAH 3atah el-7ayet bel-ROU7, w-ntala2 bi-hal-ROU7 ybasher el-arwe7 el-ma7bouse yalle tmarradet min zamen, lamma ALLAH tawwal belo bi-iyem Nou7, yalle 3eml el-safine, w-najja bel-may 3adad alil, ye3ne tmen ashkhas, w-ken hayda ramz lal-ma3moudiyye yalle bitnajjikon halla2, mish bi-izelet wasakh el-jesm, bitnajjikon bi-3ahd sade2 el-niyye ma3 ALLAH bi-2iyemet YASOU3 el-MASI7 yalle toli3 3al-sama w-houe 3an yameen ALLAH btokhda3lo el-maleyke wel-2ouwwèt w-as7ab el-soultan. W-eza ken el-MASI7 t2allam bel-jesm, khallo hal-3ebra tkoun sle7kon, w-hiye enno yalle byet2allam bel-jesm ma byertekib khatiyye w-bi3ish be2e 3omro 7asab iradet ALLAH, mish bel-shahawet el-bashariyye. Bikaffe el-wa2et yalle 2addaytouh bi-mouseyaret el-oumam, 3ayshin bel-da3ara wel-shahwe wel-sekr wel-khale3a wel-3arbade w-3ibedet el-awthen el-mamnou3a. W-henne halla2 mestagherbin minkon keef ma btenjarro ma3on bi-majra el-khale3a zeta fa-bihinoukon, bass ra7 yet7esabo 3end ALLAH el-mist3edd enno ydeen el-3ayshin wel-mawta. Kermel hek basharna bel-injil el-mawta kamen, 7atta yendeno metl bashar 3asho bel-jesm w-hek bi3isho 3end ALLAH bel-rou7. W-halla2 2arrabet niheyet kell shi kermel hek t3a'2alo w-s'haro w-sallo. W-khalle el-ma7abbe tkoun 2awiye baynetkon abl kell shi, li2anno el-ma7abbe bitkhabbe khataya ktire. Stadeefo ba3dkon mni7 bidoun t2ef2of, w-khalle y7ott kell wa7ad minkon mawhabto bi-khedmet el-ãkharin, ka-woukala sal7in 3ala maweheb ALLAH el-metnaw3a. Eza 7ada minkon 7eke, khallih ye7ke kalem ALLAH, w-eza khadam khallih yekhdom bi-yalle byouhabo ALLAH min edra, 7atta yetmajjad ALLAH bi-kell shi bi-YASOU3 el-MASI7, elo el-majd wel-3ezze la-abad el-douhour. Ãmin. Ya a7ebbe2e, ma tet3ajjabo, lamma ysir ma3kon me7ne bittahherkon bi-nara la-emti7ankon, ka2anno shi gharib sar ma3kon, bel-3aks fra7o li2anno 3am bitsherko el-MASI7 bi-ãlemo, 7atta eza tjalla majdo fre7to w-hallalto. Niyyelkon eza sabboulkon kermel esm el-MASI7, li2anno ROU7 el-majd, ROU7 ALLAH, byenzal 3leykon. Ma 7ada minkon yet2allam ka2anno mejrem aw loss aw sherreer aw moutataffel, bass eza t2allam li2anno masi7e, ma yekhjal w-ymajjed ALLAH bi-hal-esm. Sar el-wa2et yalle fih bitballish el-deynoune bi-ahl beyt ALLAH. W-eza ballashit fina, keef ra7 tkoun niheyet yalle byerefdo injil ALLAH? El-kteb bi2oul: "eza keno el-abrar bile2o el-khalãs ba3d jehd, fa-shou houe massir el-kefir el-khãte?" W-yalle byet2allamo metl ma arad elon ALLAH, khalliyon ya3emlo el-kheyr w-ysallmo nfouson lal-khale2 el-ameen. W-bennesbe lal-shyoukh yalle baynetkon betlob minnon, ana el-sheykh metlon wel-shehid la-ãlem el-MASI7 w-shrik el-majd yalle ra7 yezhar 2ariban, enno yer3o r3iyyet ALLAH yalle bi-3ineyeton w-ye7ersouwa 3an tibet khater mish ka2annon majbourin, metl ma ALLAH baddo, bi-7amese, mish ta-yerba7o shi rkhis. W-ma tetsallato 3ala yalle henne bi-3ineyetkon, bel-3aks kouno matal lal-r3iyye. Lamma byezhar ra3i el-re3yen btekhdo eklil min el-majd ma byedbal. Kermel hek ento el-shabeb, khda3o lal-shyoukh w-lbeso kellkon tawb el-tawado3 bi-mou3amalet ba3dkon la-ba3d, li2anno ALLAH byou2af dodd el-metkabbrin w-byen3am 3al-metwad3in. Twada3o ta7t 2id ALLAH el-èdra, ta-yerfa3kon lamma yeje el-wa2et. W-kebbo kell hammkon 3le w-houe byehtamm fikon. Kouno mentebhin w-s'haro, li2anno 3adouwwkon eblees 3am yebrom metl el-asad yalle 3am bisee7 w-yalle 3am bifattesh 3an farise elo. Thbato bi-imenkon w-2ewmo, 3erfin enno ekhwetkon el-mou2minin bel-3alam kello 3am yet7ammalo el-ãlem zeta. W-Ileh kell ne3me, el-Ileh yalle da3ekon la-majdo el-abade bel-MASI7 YASOU3, houe yalle bya3melkon kemleen, min ba3d ma t2allamto shwey, bithabbetkon w-bi2awwikon w-bikhallikon mrassakhin. Elo el-majd lal-abad. Ãmin. 3am bektebelkon hal-risele el-moukhtasara bi-khatt 2id Silwanos, houe bennesbe ele khayy ameen, 7atta shajje3kon fiya w-esh'had enno hayde hiye ne3met ALLAH el-7a2i2iyye, fa-thbato fiya. Kniset Babel, w-hiye metlkon moukhtara min ALLAH, bitsallem 3leykon. W-bisallem 3leykon Mercos 2ebne. Sallmo, ba3dkon 3ala ba3d, bi-bawset el-ma7abbe. El-salem elkon kellkon, ento yalle bel-MASI7. Min Sem3an Boutros, khadim YASOU3 el-MASI7 w-rasoulo, la-yalle 7oslo bi-fadl Ilehna w-moukhallisna YASOU3 el-MASI7 3ala-imen ghale metl imenna: elkon el-ne3me wel-salem min khilel ma3rifetkon ALLAH w-RABNA YASOU3. 3atetna edrto el-Ilehiyye kell yalle houe lal-7ayet wel-ta2wa bi-fadl ma3rifet yalle da3ena bi-majdo w-3ezzto, w-3atana el-wou3oud el-ghaliye wel-3azeeme, 7atta tebte3do bi-hal-dene 3an fased el-shahwe w-tsiro shouraka el-tabi3a el-Ilehiyye. W-la-hal-shi 3melo jehedkon ta-tzeedo el-fadile la-imenkon, wel-ma3rife la-fadiletkon, wel-3effe la-ma3rifetkon, wel-sabr la-3effetkon, wel-ta2wa la-sabrkon, wel-oukhouwwe la-ta2wekon, wel-ma7abbe la-oukhouwwetkon. W-eza kenit fikon hal-fadayel w-kenit bi-ketra, khalletkon tkouno nef3in mouthmirin bi-ma3rifet RABNA YASOU3 el-MASI7. W-yalle ma 3endo hal-fadayel bikoun a3ma ma bye2sha3 mni7, w-bikoun nese enno ettahhar min khatayah el-madye. 3melo kell jehedkon, ya ekhewte, enno tsabbto da3wet ALLAH w-ikhtiyaro elkon. Eza 3melto hek ma btou2a3o abadan. Hek byenfata7elkon beb el-doukhoul wesi3 lal-malakout el-abade, malakout RABNA w-moukhallisna YASOU3 el-MASI7. Kermel hek ra7 zakkerkon bi-hal-eshya bi-kell wa2et, 7atta law kento bta3erfouwa w-thebtin bel-7a2i2a yalle 3endkon. W-bshouf enno min el-3adl, ma zelne bi-hal-beyt el-jasade, enno thir 7amesetkon bi-hal-tezkir, w-ana ba3rif enno ra7 etrok hal-beyt 3an 2arib, metl ma azharle RABNA YASOU3 el-MASI7. Fa-ra7 a3mil jehde enno tetzakkaro hal-eshya bi-kell wa2et min ba3d ma ana fell. W-ne7na ma ettaba3na khourafet moulaffa2a lamma khabbarnekon 3an 2ouwwet RABNA YASOU3 el-MASI7 w-3an maji2o, li2anna bi-3younna shefna 3azamto. Houe akhad min ALLAH el-Ãb ekram w-majd lamma eja min ALLAH sawt y2oul: "hayda houe 2ebne el-7abib yalle rdeet 3anno", sme3na ne7na hal-sawt jeye min el-sama, w-kenna ma3o 3al-jabal el-m2addas. W-t2akkadna min kalem el-anbiya, w-ento bta3erfo mni7 eza sme3to hal-kalem ka2anno srej bidawwe bi-matra7 3atme, ta-yetla3 el-nhar w-teshro2 nejmet el-sob7 bi-2loubkon. W-3rafo abl kell shi enno ma 7ada bye2dar enno yfassir min 3endo noubouwe bel-ketob el-m2addase, li2anno ma fi abadan noubouwe ejet bi-iradet 2ensen, bass el-ROU7 el-2ODOS dafa3 ba3d el-nes enno ye7ko bi-kalem min 3end ALLAH. W-metl ma zahar bel-sha3b min zamen anbiya kezzebin, ra7 yezhar baynetkon mou3allimin kezzebin byekhter3o el-mazeheb el-mouhlike w-byenekro el-RAB yalle ftadehon, w-bikhallo nfouson trou7 3al-halek el-sari3. W-ktar min el-nes ra7 yel7a2o foujouron w-bikouno sabab la-tejdeef el-nes 3ala mazhab el-7a2i2a. W-henne bi-tama3on bizayyfo el-kalem w-bitejro fikon. Bass el-7ekm 3leyon min 2adeem el-zamen ma byebtol w-halekon ma bitghammedlo 3ayn. ALLAH ma shafa2 3al-maleyke yalle khotyo, bel-3aks 7atton bel-ja7eem ma7al ma henne mrabbatin bel-3atme la-yawm el-deynoune, w-ma shafa2 3al-3alam el-2adeem, bel-3aks jeb el-toufan 3ala 3alam el-ashrar ma 3ada tmen ashkhas min baynon Nou7 yalle neda bel-sala7. W-dammar ALLAH el-madinten Sadoum w-3amoura w-saret kharab w-7awwalon la rmed ka-3ebra la-meen ra7 yeje min ba3don min el-ashrar, w-khallas Lout el-barr yalle ghodib min el-fejjar el-meshyin bi-tari2 el-da3ara, w-ken hal-rejjel el-barr 3ayish bayneton byesma3 w-bishouf sharron yawm ba3d yawm, w-btet2allam nafso el-sal7a. Wel-RAB bya3rif keef ykhallis el-at2iya min me7neton w-ykhalle el-ashrar yet2ãsaso yawm el-deynoune, w-khassatan yalle byetba3o shahawet el-jesm el-danise w-byestahino bi-siyedet ALLAH. Addeyshon we2'7in w-mkabbarin! Ma bikhafo yheeno el-makhlou2at el-samawiyye el-majide, ma3 enno el-maleyke, w-henne a3zam minnon bel-2ouwwe wel-edra ma bideenouwon bi-kelme mouhine 3end el-RAB. W-hawdik henne metl el-7ayawenet yalle ma 3endon 3a2l el-ma3moulin bi-tabi3eton ta-yestãdouwa w-ta-yrou7o 3al-halek, biheeno yalle byejhalouh. Ra7 yrou7o 3al-halek metlon w-ra7 yetãsaso li2annon zalmin. Mfakkrin el-lezze hiye enno yestaselmo lal-foujour bi-3ezz el-nhar. Mnekhjal fiyon eza 2a3ado ma3kon 3al-waleyem w-henne mabsoutin enno yekhda3oukon. Hal-ashkhas elon 3youn melyene bel-foujour, ma bteshba3 min el-khatiyye, byekhda3o el-nfous el-d3ife, w-2loubon m3awwade 3al-tama3. Henne wled el-la3ne. Tarako el-tari2 el-jelis w-faddalo yemsho bi-tari2 Bal3am 2eben Ba3our yalle njazab la-moukefa2et el-ashrar, w-le2a el-tewbikh la-3esyano, lamma 7eke 7mar bi-sawt bashare w-wa'2af hal-nabe 3an ghabewto. Hal-nes yanabi3 bidoun may w-ghyoum bitmashiya ree7 el-3asfe, w-la-elon 7addar ALLAH a3me2 el-3atme. Bye7ko 7ake mdakhkham sakhif, w-byekhda3o bi-shahawet el-jesm wel-da3ara el-ashkhas yalle tkhallaso min yalle bi3isho bel-khatiyye. Byouw3douwon bel-7orriyye w-henne 3abeed lal-fased, li2anno yalle byeghlob el-2ensen byesta3bdo. W-yalle najjo min fased el-3alam, min ba3d ma 3erfo RABNA w-moukhallisna YASOU3 el-MASI7, min ba3da rej3o wa2a3o bi-fakh el-fased w-nghalabo, saret 7aleton aswa2 min abl, w-ken a7sanlon enno ma ya3erfo tari2 el-sala7 min enno ya3erfouh w-ba3den yerja3o 3an el-wassiye el-m2addase yalle tsallamouwa. W-byesdo2 fiyon el-matal yalle bi2oul: "reje3 el-kalb yestafregh", "wel-khanzire yalle tnaddafet rej3et tetmarragh bel-wa7l." Hayde risele tenye bektebelkon hiye, ya a7ebbe2e, 7atta zakkerkon bi-hal-eshya, w-7atta thir el-afkar el-na2iyye bi-3ou2oulkon. Tzakkaro el-7ake yalle eja 3ala lsen el-anbiya el-2eddisin w-shou wassaloulkon el-rousl min wassaya RABNA w-moukhallisna. W-abl kell shi lezim ta3erfo enno ra7 yeje bi ekher el-iyem nes moustahz2in, bitmashiyon shahaweton w-bi2oulo: "wayn el-wa3ad bel-maji2? Wledna meto w-be2e kell shi min awwal el-khali2a 3ala 7alo!" Henne byetjehalo 3an 2asd enno ALLAH bi-kelme minno khala2 el-sama, wel-ard tkawwanet min el-may w-bel-may, w-fiya ghere2 el-3alam el-2adeem bel-may w-ra7 3al-halek. Bass el-sama wel-ard bi-iyemna hayde, be2yet lal-nar bi-kelmet ALLAH zeta la-yawm el-deynoune w-halek el-ashrar. Ba3d fi shi ma lezim tejhalouh ya a7ebbe2e, w-houe enno yawm wa7ad 3end el-RAB metl alf sene, w-enno alf sene metl yawm wa7ad. Wel-RAB ma byet2akhar bi-te72i2 wa3do, metl ma byettehmouh el-ba3d minnon, bass bitawwel belo 3leykon li2anno ma baddo 7ada yrou7 3al-halek, baddo kellon ytoubo. Bass yawm el-RAB ra7 yeje metl ma byeje el-loss, w-bitzoul el-sama bi-haydak el-yawm bi-sawt 2awe w-bitdoub el-3anaser bel-nar w-btet7ekam el-ard wel-a3mel yalle fiya. W-eza kenit hal-eshya kella ra7 tekhlas, fa-keef lezim ento tkouno? Mish lezim temsho bi-tari2 el-2adese wel-ta2wa, w-tentro w-testa3jlo maji2 yawm ALLAH? Lamma btelteheb el-sama w-bitzoul w-bitdoub el-3anaser bel-nar. Bass ne7na ra7 nentor, metl ma wa3ad ALLAH, sama jdide w-ard jdide byeskon fiya el-3adl. 3melo jehedkon ya a7ebbe2e, ento w-natrin hayda el-yawm, enno yle2ikon ALLAH bi-salem, bidoun 3ayb fikon wala lawm 3leykon. W-3tebro sabr RABNA fersa la-khalãskon, metl ma katabelkon bi-hal-shi khayyna el-7abib Boulos, 3ala 2add ma 3atah ALLAH 7ekme, metl bi-kell raseylo yalle 7eke fiya 3an hal-eshya, w-waradet fiya eshya ghamda bi7arrefa el-jehhel w-d3af el-nfous, metl ma bya3emlo bi-be2e el-ketob el-m2addase, kermel halek nfouson. Bass ento, ya a7ebbe2e, khabbarnekon bi-hal-shi, kermel hek ntebho ta-ma tekhda3kon akhta2 el-mertaddin w-tekhsaro thabetkon. W-kbaro bel-ne3me w-bi-ma3rifet RABNA w-moukhallisna YASOU3 el-MASI7, elo el-majd halla2 w-lal-abad. Ãmin. Yalle ken min el-bideye, yalle sme3neh w-shefneh bi-3younna, yalle t2ammalneh w-lamaseto 2ideyna min kelmet el-7ayet, wel-7ayet zaharet w-shefneha w-halla2 mnesh'hadla w-minbasherkon bel-7ayet el-abadiyye yalle kenit 3end el-Ãb w-nkashafet elna, yalle shefneh w-sme3neh minbasherkon fih ta-tkouno ento kamen shourake2na, metl ma ne7na shouraka el-Ãb w-2ebno YASOU3 el-MASI7. Mnektebelkon bi-hal-shi ta-ykoun fara7na kemil. W-hal-boushra yalle sme3neha minno mne7melkon yeha w-hiye enno ALLAH nour ma fiyo 3atme. W-eza 2elna enno ne7na bi-sharake ma3o, w-ne7na meshyin bel-3atme, minkoun kezzebin w-ma mna3mil el-mazbout. Bass eza mshina bel-nour, metl ma houe bel-nour, minkoun bi-sharake ma3 ba3dna, w-damm 3ebno YASOU3 bitahherna min kell khatiyye. Eza 2elna enno ne7na bidoun khatiyye khada3na 7alna w-ma ken el-7a2 fina. Bass eza 3tarafna bi-khatayana, houe ameen w-3adel, byeghferelna khatayana w-bitahherna min kell sharr. Eza 2elna enno ma khtina, 3melneh kezzeb w-ma bitkoun kelmto fina. Ya wlede, 3am ektebelkon bi-hal-eshya ta-ma tokhto. Eza khote 7ada minna, 3enna YASOU3 el-MASI7 el-barr shafi3 3end el-Ãb. Houe bikaffir 3an khatayana, mish bass 3an khatayana, 3an khataya el-3alam kello. Eza 3melna bi-wassayah minkoun m2akkadin enno mna3erfo. W-yalle bi2oul: "ana ba3erfo" w-ma meshe 7asab wasayah bikoun kezzeb wel-7a2i2a manna fih. W-yalle byemshe 7asab kalemo btektemil fih ma7abbet ALLAH 7a2i2atan. Bi-hal-shi minkoun m2akkadin enno ne7na bi-ALLAH. W-yalle bi2oul enno houe thebit bi-ALLAH, lezim y3ish metl el-MASI7. Ma bektebelkon, ya a7ebbe2e, 3an wassiye jdide, bektebelkon 3an wassiye 2adeeme kenit elkon min el-bideye. W-hal-wassiye el-2adeeme hiyye el-kalem yalle sme3touh. W-roughm hal-shi bektebelkon wassiye jdide bibayyen sod2a bel-MASI7, li2anno el-3atme fallet wel-nour el-7a2 3am yeshro2. Yalle bi2oul enno houe bel-nour w-houe byekrah khayyo, bikoun la-halla2 bel-3atme. W-yalle bi7ebb khayyo bikoun thebet bel-nour, w-ma byetfarkash bel-nour. Bass yalle byekrah khayyo bikoun bel-3atme, w-bel-3atme byemshe w-ma bya3rif tari2o, li2anno el-3atme a3met 3youno. 3am ektebelkon ya wlede el-zghar, li2anno ALLAH ghafar khatayakon bi-fadl esm el-MASI7. 3am ektebelkon ya bayyet, li2annkon bta3erfo yalle ken min el-bideye. 3am ektebelkon ya shabeb, li2annkon ghalabto el-sherreer. 3am ektebelkon ya wlede el-zghar, li2annkon bta3erfo el-Ãb. Katabtelkon ya bayyet, li2annkon bta3erfo yalle ken min el-bideye. Katabtelkon ya shabeb li2annkon 2weya, li2anno kelmet ALLAH thebte fikon, w-li2annkon ghalabto el-sherreer. Ma t7ebbo el-3alam w-yalle bel-3alam. Yalle bi7ebb el-3alam ma bitkoun ma7abbet el-Ãb fih. Li2anno kell el-mawjoud bel-3alam, min shahawet el-jesm w-shahawet el-3ayn w-majd el-7ayet ma bikouno min el-Ãb, bikouno min el-3alam. El-3alam bizoul w-ma3o bitzoul shahaweto, bass yalle byemshe 7asab iradet ALLAH, byethbat lal-abad. Ya wlede el-zghar, ejet el-se3a el-akhira. Sme3to enno masi7 dejjel ra7 yeje, w-fi hon halla2 ktar mousa7a dejjelin. W-min hal-shi mna3rif enno el-se3a el-akhira ejet. Tel3o min baynetna w-ma keno minna, w-law keno minna keno be2yo ma3na. Bass tel3o minna ta-ybayyen ennon ma keno kellon minna. Bass ento, akhadto mas7a min el-2ouddous, wel-kell 3endo el-ma3rife. W-ana 3am ektebelkon mish li2annkon btejhalo el-7a2i2a, bass li2annkon bta3erfouwa w-bta3erfo enno ma fi kezbe btetla3 3an el-7a2i2a. Meen houe el-kezzeb ella yalle byenkor enno YASOU3 houe el-MASI7. Hayda houe el-masi7 el-dejjel yalle byenkor el-Ãb wel-2eben sawa. Yalle byenkor el-2eben ma bikoun elo el-Ãb, w-yalle bye3terif bel-2eben bikoun elo el-Ãb. Bass ento, khalle yethbat fikon el-kalem yalle sme3touh min el-bideye. W-eza thabat fikon yalle sme3touh min el-bideye, thabatto bel-2eben wel-Ãb. W-hayda yalle nwa3adna fih, ye3ne el-7ayet el-abadiyye 3am ektebelkon 3an hal-shi w-be2sod el-ashkhas yalle 3am bijarrbo ydayy3oukon. Bass ento, el-mas7a yalle akhadtouwa minno thebte fikon, w-mish bi-7aje la-meen y3allemkon, li2anno mase7to bit3allemkon kell shi, w-hiye 7a2 mish batel. Thbato bel-MASI7, metl ma 3allametkon. Mbala ya wlede, thbato fih 7atta eza zahar el-MASI7 kenna 3ala thi2a w-ma ra7 nekhjal min bo3dna 3anno lamma yeje. W-eza kento bta3erfo enno el-MASI7 barr, 3rafo enno yalle byemshe bel-7a2 bikoun mawloud min ALLAH. Ettalla3o addeysh 7abbna el-Ãb 7atta tsammeyna wled ALLAH, w-ne7na fe3lan wledo. Eza ken el-3alam ma bya3rifna, bikoun li2anno ma bya3rif ALLAH. Ya a7ebbe2e, ne7na halla2 wled ALLAH. W-ma nkashafelna ba3d shou ra7 nkoun. Ne7na mna3rif enno el-MASI7 lamma ra7 yezhar ra7 nkoun metlo li2anna ra7 nshoufo metl ma houe. W-yalle 3endo hal-raja bel-MASI7 bikoun tahhar nafso metl ma el-MASI7 taher. Yalle byokhte bya3mil sharr, li2anno el-khatiyye sharr. Bta3erfo enno el-MASI7 zahar ta-yem7e el-khataya w-houe yalle ma 3endo khatiyye. Yalle byethbat fih ma byokhte, w-yalle byokhte ma bikoun la shefo wala 3erfo. Ya wlede ma ydayye3kon 7ada: yalle bya3mil el-kheyr bikoun sale7 metl ma el-MASI7 sale7. W-yalle bya3mil el-khatiyye bikoun min eblees, li2anno eblees khãte min el-bideye. Bass 2eben ALLAH zahar ta-ydammir a3mel eblees. Kell mawloud min ALLAH ma bya3mil el-khatiyye li2anno zar3 ALLAH thebit fih: ma bye2dar enno ya3mil el-khatiyye w-houe min ALLAH. Bi-hal-shi mna3rif wled ALLAH min wled eblees. W-yalle ma bya3mil el-kheyr ma bikoun min ALLAH, w-yalle ma bi7ebb khayyo ma bikoun min ALLAH. El-wassiye yalle sme3touwa min el-bideye hiye enno n7ebb ba3dna, mish nkoun metl Kayeen yalle ken min el-sherreer w-2atal khayyo. W-leysh 2atalo? Li2anno a3melo kenit sherreera w-a3mel khayyo kenit sal7a. Ma tet3ajjabo, ya ekhewte, eza baghadkon el-3alam. Ne7na mna3rif enna nta2alna min el-mawt lal-7ayet li2anno min7ebb ekhwetna. Yalle ma bi7ebb byeb2a bel-mawt. Yalle byebghod khayyo bikoun 2etil w-ento bta3erfo enno el-2etil ma btethbat el-7ayet el-abadiyye fih. W-ne7na 3refna el-ma7abbe lamma da77a el-MASI7 bi-nafso kermelna, w-lezim ne7na nda77e bi-nfousna kermel ekhwetna. Yalle 3endo kheyrat el-3alam w-bishouf khayyo me7tej w-bisakker 2albo bi-wejjo, keef badda tethbat ma7abbet ALLAH fih. Ya wlede, ma tkoun ma7abbetna bel-kalem aw bel-lsen, tkoun bel-3amal wel-7a2. Min hal-shi mna3rif enno ne7na min el-7a2 w-btettamman 2loubna eddem ALLAH eza wabbakhetna 2loubna, li2anno ALLAH a3zam min 2loubna w-houe bya3rif kell shi. Eza kenit 2loubna ma 3am bitwabbekhna ya a7ebbe2e, ykoun 3enna thi2a bi-ALLAH enno nekhod minno kell yalle mnetolbo li2anno 3am ne7faz wassayah w-3am na3mil yalle byordih. W-wassiyto hiye enno n2ãmen bi-esm 2ebno YASOU3 el-MASI7, w-enno n7ebb ba3dna metl ma wassana. W-yalle byemshe bi-wassaya ALLAH byethbat bi-ALLAH w-byethbat ALLAH fih. W-mna3ref enno ALLAH thebit fina min el-ROU7 yalle 3atana yeh. Ya a7ebbe2e, ma tsad2o kell rou7, bass mte7no el-arwe7 ta-tshoufo eza hiye min ALLAH, li2anno ktar min el-anbiya el-kezzebin ejo 3al-3alam. W-ento bta3erfo ROU7 ALLAH min hal-shi: kell rou7 bye3terif bi-YASOU3 el-MASI7 enno eja bel-jesm bikoun min ALLAH, w-kell rou7 ma bye3terif bi-YASOU3 ma bikoun min ALLAH, bikoun houe rou7 el-masi7 el-dejjel yalle sme3to enno ra7 yeje, w-houe halla2 bel-3alam. Ya wlede, ento min ALLAH w-ghalabto el-anbiya el-kezzebin, li2anno ALLAH yalle fikon a2wa min eblees yalle bel-3alam. Henne bye7ko bi-kalem el-3alam, w-byesma3lon el-3alam li2annon min el-3alam. Ne7na min ALLAH, w-yalle bya3rif ALLAH byesma3elna, w-yalle ma bikoun min ALLAH ma byesma3elna. Min hal-shi mna3rif rou7 el-7a2 min rou7 el-kezb. Khallina n7ebb ba3dna, ya a7ebbe2e, li2anno el-ma7abbe min ALLAH w-kell wa7ad bi7ebb houe mawloud min ALLAH w-bya3rif ALLAH w-yalle ma bi7ebb ma bya3rif ALLAH, li2anno ALLAH ma7abbe. W-ALLAH azhar ma7abbto elna bi-enno ba3at 2ebno el-wa7eed lal-3alam ta-nekhod minno el-7ayet. Hayde hiye el-ma7abbe. Ne7na ma 7abbeyna ALLAH, houe yalle 7abbna w-ba3at 2ebno ta-ykaffir 3an khatayana. W-eza ken ALLAH, ya a7ebbe2e, 7abbna hal-7obb, lezim ne7na kamen n7ebb ba3dna. Ma 7ada shef ALLAH. Eza 7abbeyna ba3dna byethbat ALLAH fina w-btekmal ma7abbto fina. W-ne7na mna3rif enna mnethbat bi-ALLAH w-enno ALLAH byethbat fina min enno 3atana ROU7O. W-ne7na shefna w-mnesh'had enno el-Ãb ba3at 2ebno moukhallis lal-3alam. Yalle bye3terif bi-enno YASOU3 houe 2eben ALLAH byethbat ALLAH fih w-byethbat houe bi-ALLAH. Ne7na mna3rif ma7abbet ALLAH elna w-min2ãmen fiya. ALLAH ma7abbe. Yalle byethbat bel-ma7abbe byethbat bi-ALLAH w-byethbat ALLAH fih. Wel-ma7abbe btektemil fina lamma ykoun 3enna thi2a bi-yawm el-deynoune, w-ne7na bi-hal-3alam metl ma el-MASI7 bel-3alam. Bel-ma7abbe ma fi khawf, el-ma7abbe el-kemle btenfe kell khawf, li2anno el-khawf houe min el-2asãs, w-yalle bikoun kemil bel-ma7abbe ma bikhaf. Lezim n7ebb li2anno ALLAH 7abbna bel-awwal. Eza 7ada bi2oul: "ana b7ebb ALLAH" w-houe byekrah khayyo bikoun kezzeb li2anno yalle ma bi7ebb khayyo w-houe sheyfo, ma bye2dar y7ebb ALLAH w-houe mish sheyfo. Wassiyet el-MASI7 elna hiye: yalle bi7ebb ALLAH bi7ebb khayyo kamen. Yalle bi2ãmen enno YASOU3 houe el-MASI7, houe mawloud min ALLAH, w-yalle bi7ebb el-bayy bi7ebb el-mawloud minno. W-ne7na mna3rif enna min7ebb wled ALLAH eza kenna min7ebb ALLAH w-mna3mil bi-wassayah, li2anno ma7abbet ALLAH hiye bi-enno na3mil bi-wassayah. W-wassayah mish t2ile. Yalle byoulad min ALLAH byeghlob el-3alam. W-imenna houe intisarna 3al-3alam. Meen yalle ra7 yeghlob el-3alam ella yalle 2ãman bi-enno YASOU3 houe 2eben ALLAH? Hayda yalle eja houe YASOU3 el-MASI7, eja bi-may w-damm, ma eja bass bel-may, eja bel-may wel-damm. Wel-ROU7 houe yalle byesh'had, li2anno el-ROU7 houe el-7a2. W-yalle byesh'hado henne tlete. El-ROU7 wel-may wel-damm, w-hal-tlete henne wa7ad. Eza kenna mne2bal shahedet el-nes, fa-shahedet ALLAH a3zam. W-hayde hiye shahedet ALLAH yalle sheheda la-2ebno: yalle bi2ãmen bi-2eben ALLAH, elo hal-shahede. W-yalle ma bisadde2 ALLAH 3eml min ALLAH kezzeb, li2anno ma bi2ãmen bel-shahede yalle sheheda la-2ebno. W-hal-shahede hiye enno ALLAH 3atana el-7ayet el-abadiyye, w-enno hal-7ayet hiye bi-2ebno w-yalle bikoun elo el-2eben, elo el-7ayet. W-yalle ma bikoun elo 2eben ALLAH, ma bitkoun elo el-7ayet. 3am ektebelkon 3an hal-shi ta-ta3erfo enno el-7ayet el-abadiyye elkon, ento yalle bit2ãmno bi-esm 2eben ALLAH. Wel-thi2a yalle 3enna yeha bi-ALLAH hiye enno eza talabna shi mwefi2 la-iradto byestajeeb la-elna. W-eza kenna mna3rif enno byestajeeb elna bi-kell yalle mnetolbo minno, fa-ne7na mna3rif enno ra7 nekhod kell yalle mnetolbo minno. W-eza 7ada shef khayyo 3am yertekeb khatiyye ma bitwadde lal-mawt, lezim ysalle la-ALLAH w-hek bya3te khayyo el-7ayet. Hal-shi byezbat 3ala yalle khatayahon ma bitwadde lal-mawt. Bass fi khataya bitwadde lal-mawt, w-ma betlob el-sala kermela. Kell 3esyan khatiyye, bass fi khataya ma bitwadde lal-mawt. Mna3rif enno yalle byoulad min ALLAH ma byokhte, li2anno el-mawloud min ALLAH bye7mih ALLAH w-ma bye2zih el-sherreer. Mna3rif enno ne7na min ALLAH, w-enno el-3alam kello ta7t soultan el-sherreer. Mna3rif enno 2eben ALLAH eja w-enno 3atana fehm na3ref fih el-7a2. W-ne7na bel-7a2, bi-2ebno YASOU3 el-MASI7. Hayda houe el-Ileh el-7a2 wel-7ayet el-abadiyye. Fa-ya wlede, tjannabo el-asnam! Minne, ana el-sheykh, lal-sayyide el-moukhtara min ALLAH la-wleda yalle b7ebbon bel-7a2, mish ana wa7de, kell yalle bya3erfo el-7a2, li2anno el-7a2 thebit fina w-byeb2a ma3na lal-abad. Elna el-ne3me wel-ra7me wel-salem min ALLAH el-Ãb w-min YASOU3 el-MASI7 2ebn el-Ãb bel-7a2 w-bel-ma7abbe. Addeysh farra7ne enno shouf kamm wa7ad min wledik meshyin bel-7a2 metl ma wassana el-Ãb. Betlob minnik halla2, ya hal-sayyide, enno n7ebb ba3dna el-ba3d. W-hayde mish wassiye jdide bekteba elik, hayde wassiye kenit elna min el-bideye. Wel-ma7abbe manna ella enno nemshe 3ala tari2 wassayah, w-hal-wassiye metl ma sme3touwa min el-bideye hiye enno temsho bel-ma7abbe. W-bel-3alam fi ktir moudallilin, w-fi bayneton nes ma bye3terfo bi-maji2 YASOU3 el-MASI7 bel-jesm. Hayda houe el-moudallel wel-masi7 el-dejjel. Ntebho, ta-ma tekhsaro thamaret a3melna, 7atta tekhdo moukefa2a kemle. Yalle byetmeda w-ma byethbat 3ala ta3lim el-MASI7, ma bikoun ALLAH ma3o. W-yalle byethbat 3ala ta3lim el-MASI7, el-Ãb wel-2eben sawa bikouno ma3o. Eza ejekon 7ada bi-ghayr hal-ta3lim ma te2balouh 3endkon w-ma t2ouloulo: el-salem ma3ak. W-yalle bisallem 3le bikoun sherak bi-a3melo el-3atle. 3ende ktir eshya ektebelkon 3anna, bass ma b7ebb enno ykoun bi-7ebr 3ala wara2, li2anno bitmanna enno eje la-3andkon w-e7kikon bi-hal-eshya wejj bi-wejj ta-ykoun fara7na kemil. Bisallmo 3leyke wled ekhtik el-ma7boube min ALLAH. Minne ana el-sheykh la-Gayos el-7abib yalle b7ebbo bel-7a2. Ya hal-7abib, bitmanna ennak tkoun bi-kheyr bi-kell shi, bi-so77it el-jesm metl ma enta bi-so77it el-rou7. Addeysh farra7ne enno ejo ba3d el-ekhwe w-shehdoulak ennak metmassek bel-7a2 w-3am temshe bel-7a2. W-ma fi shi bifarre7ne aktar min enno esma3 enno wlede meshyin bel-7a2. Ya hal-7abib, enta ameen bi-kell yalle 3am ta3emlo kermel el-ekhwe, 7atta law keno ghouraba, w-henne shehdoulak eddem el-knise bel-ma7abbe. W-ktir mni7 enno tse3edon 3ala mouteba3et safaron metl ma bili2 bel-RAB. Li2annon sefaro kermel esm el-MASI7 w-ma 2eblo shi min el-mish mou2minin. W-lezim ne7na nesta2bel metl hal-ashkhas 7atta nkoun shourake2on bel-3amal lal-7a2. Katabet kelme lal-knise, bass Dyotriphos yalle bi7ebb enno ykoun ra2is fiyon, ma 2ebelna. W-lamam ra7 eje ra7 khabberkon shou 3am ya3mil w-keef 3am bye7ke 3anna kalem 3atel w-ykattir 7ake. W-houe ma byektefe bi-hal-shi, kamen byerfod enno ye2bal el-ekhwe w-byemna3 yalle baddon ye2balouwon w-3am yesh7aton min el-knise. Ya hal-7abib, ma tetba3 el-sharr. Tba3 el-kheyr. Yalle bya3mil el-kheyr houe min ALLAH, w-yalle bya3mil el-sharr, ma shef ALLAH. W-bennesbe la-Dimitriyos, kell wa7ad byesh'hadlo, w-byesh'hadlo el-7a2 nafso. W-ne7na kamen mnesh'hadlo, w-enta bta3rif enno shahedetna sad2a. 3ende ktir eshya badde ekteblak yeha, bass ma badde ykoun bi-2alam w-7ebr, w-bitmanna enno shoufak 3an 2arib w-ne7ke wejj bi-wejj. El-salem ma3ak. Bisallmo 3lek a7ebbe2ak. Sallem enta 3ala kell wa7ad min el-a7ebba bi-esmo. Min Yahouza khadim YASOU3 el-MASI7 w-khayye Ya3koub la-yalle da3ehon ALLAH el-Ãb w-7abbon w-7afazon la-YASOU3 el-MASI7. Elkon el-ra7me wel-salem wel-ma7abbe. 3ende shaw2 kbir, ya a7ebbe2e, enno ektebelkon bi-khsous khalãsna el-moushtarak, min ba3d ma 7asseyt bi-darouret teshji3kon 3ala el-jihed kermel el-imen yalle tsallamouh el-2eddisin bel-kemil, li2anno fi nes ejo la-3anna, w-henne ashrar 3am bi7awwlo ne3met Ilehna la-foujour w-3am yenekro Sayyidna w-RABNA el-wa7ad YASOU3 el-MASI7, w-2asãson maktoub min zamen. W-ma3 ennkon bta3erfo hal-shi ktir mni7, badde enno tetzakkaro keef el-RAB, min ba3d ma khallas sha3bo min ard Masr, ahlak el-mish mou2minin bayneton, w-keef enno, lamma tkhallo kamm wa7ad min el-maleyke 3an matra7on w-tarako matra7on, khallehon la-yawm el-deynoune el-3azeem bi-2ouyoud abadiyye bi-a3me2 el-3atme. W-nafs el-shi Sadoum w-3amoura wel-moudon el-7adda t7ammalo 3azèb el-nar el-abadiyye lamma staslamo lal-da3ara wel-shahawet el-jasadiyye yalle bitkhelif el-tabi3a, w-keno 3ebra la-ghayron. W-zet el-shi, hal-ashkhas, bi-halwaseton, bidannso el-jesm, w-bye7te2ro siyedet ALLAH, w-bihino el-makhlou2at el-samewiyye el-majide, ma3 enno Mikha2il ra2is el-maleyke, lamma t2ãtal ma3 eblees w-jedalo bi-mas2alet jesm Moussa el-mayyit, ma tjarra2 enno ydeen eblees bi-kelme mouhine, 2allo: "khalle ALLAH y7esbak!" W-hawdik el-ashkhas bihino yalle byejhalouh, wel-shi yalle bya3erfouh bel-gharize houe metl ma3rifet el-7ayawenet yalle ma 3enda 3a2l w-bi-sababo ray7in 3al-halek. Ya weylon! Meshyo metl Kayeen w-staslamo lal-daya3 metl Bal3am tama3an bel-reb7 w-meto bi-tamarredon metl ma met Koura7. Mnekhjal fiyon bi-waleyem el-ekhwe, byetlazzazo kellon bidoun ma yeste7o, w-bishabb3o faja3on. Henne metl ghyoum ma fiya may bitmashiya el-ree7. Henne metl ashjar khareef ma fiya thamar, metit marteyn w-nshelit min jouzoura. Henne metl mawj el-ba7r el-heyje, btekshof 3an 3aron. Metl njoum day3a, massira el-abade a3me2 el-3atme. W-tnabba 3annon Akhnoukh el-bayy el-sebi3 min ba3d Ãdam lamma 2al: "ettalla3o! Eja el-RAB ma3 oulouf 2eddisih ta-y7esib kell el-bashar w-ydeen el-ashrar kellon 3ala kell sharr 3emlouh w-kell kelme 3atle 2alouwa 3le hal-ashkhas el-khatyeen el-fejjar." Henne bibarebro w-byeshteko w-byetba3o shahaweton w-bye7ko kalem ma elo ma3na w-biseyro el-nes 3an masla7a. Tzakkaro, ya a7ebbe2e, yalle tnabba 3anno rousl RABNA YASOU3 el-MASI7, lamma 2alo: "ra7 yeje bi-ekher el-zamen moustahzi2in byetba3o shahaweton el-sherreera." Henne yalle bisabbebo el-in2isam, byel7a2o gharizeton w-ma fiyon rou7. Bass ento ya a7ebbe2e, bnou 7alkon 3ala imenkon el-m2addas, w-sallo bel-ROU7 el-2ODOS w-7mou 7alkon bi-ma7abbet ALLAH w-ntero ra7met RABNA YASOU3 el-MASI7 kermel el-7ayet el-abadiyye. R7amo el-mraddadin, w-khallso el-be2yin w-najjouwon min el-nar, w-r7amo el-be2yin ento w-3am bikhafo ALLAH, bass bghodo 7atta el-tawb yalle jesmon dannaso. Lal-edir enno ye7mikon min enno tou2a3o w-ywa2efkon eddem majdo fer7anin, ma fi lawm 3leykon, lal-Ileh el-wa7ad moukhallisna bi-YASOU3 el-MASI7 RABNA, el-majd wel-jalel wel-2ouwwe wel-soultan, abl kell zamen w-halla2 w-lal-abad. Ãmin. Hayda yalle a3lano YASOU3 el-MASI7 bi-mawhabe min ALLAH w-kashaf la-yalle bye3badouh shou baddo ysir 3an 2arib, kermel hek ba3at malèko ta-ykhabber khadmo You7anna, w-shehed 3ala kelmet ALLAH w-3ala shahedet YASOU3 el-MASI7 bi-kell yalle shefo. Niyyel yalle bye2ra w-niyyel yalle byesma3o hal-kalem el-nabawe, w-niyyel yalle bitabb2ouha, li2anno eja el-wa2et. Min You7anna lal-kaneyes el-sab3a bi-Ãsia. Elkon el-ne3me wel-salem min yalle houe halla2 w-yalle ken w-yalle ra7 yeje, w-min el-arwe7 el-sab3a yalle eddem 3arsho, w-min YASOU3 el-MASI7 el-shehid el-ameen w-awwal meen 2am min el-mawt w-malik moulouk el-ard: houe yalle 7abbna w-7arrarna bi-dammo min khatayana, w-3eml minna malakout w-kahane la-ALLAH bayyo, elo el-majd wel-edra la-abad el-douhour. Ãmin. Layko keef jeye bel-ghayme! Ra7 yshoufo el-kell, 7atta yalle ta3anouh, w-ra7 tebke 3le kell 2abeyel el-ard. Eh, ãmin. Bi2oul el-RAB el-ILEH: "ana houe el-alèf wel-ye2." Houe el-mawjoud halla2 w-yalle ken w-yalle ra7 yeje el-edir 3a-kell shi. Ana You7anna, khayykon w-shrikkon bel-me7ne wel-malakout wel-thabet bi-YASOU3, kent bi-jaziret Batmos 3am ekhdom kelmet ALLAH w-esh'had la-YASOU3, khtatafne el-ROU7 bi-yawm el-RAB, w-sme3t waraye sawt 2awe metl sawt el-bou2 3am bi2oul: "ktob yalle 3am bitshoufo bel-kteb w-b3ato lal-kaneyes el-sab3a bi-Afasos w-Smirna w-Barghamos w-Tyatira w-Sardis w-Filadelfia w-Lawdikiyya." W-ltafatet ta-shouf el-sawt yalle 3am ye7kine, sheft sab3 sham3adenet min dahab m7ãwta yalle byeshbah 2eben 2ensen, w-houe lebis tawb tawil la-7add el-ejren, w-7awl sadro zennar min dahab, w-ken sha3r raso abyad metl el-souf el-abyad aw metl el-talj, w-3youno metl she3let el-nar, ejrey metl n7as mlamma3 mna'2a bi-atoun el-nar, w-sawto metl sawt may ghazira. W-ken fi bi-2ido el-yameen sab3 kawekeb, w-bi-temmo seyf 7ãdd msannan min el-meylten, w-wejjo metl el-shams lamma bteshro2 bi-2ouwwe. W-lamma shefto wa2a3et 3a-ejrey metl el-mayyit, la2atne bi-2ido el-yameen w-2al: "ma tkhaf, ana el-awwal wel-akhir, ana el-7ayy! Kent mayyit, w-halla2 ana 7ayy la-abad el-douhour. Ma3e mfati7 el-mawt w-3alam el-mawta. Ktob yalle shefto, w-yalle ra7 ykoun halla2, w-yalle ra7 ykoun ba3den. W-bennesbe la-serr el-kawekeb el-sab3a yalle sheyefa 3ala yameene w-sham3adenet el-dahab el-sab3a, el-kawekeb el-sab3a henne maleyket el-kaneyes el-sab3a, wel-sham3adenet el-sab3a henne el-kaneyes el-sab3a." Ktob la-malèk kniset Afasos: "hek bi2oul yalle ma3o bi-yameeno el-kawekeb el-sab3a w-byemshe bayn sham3adenet el-dahab el-sab3a: ana ba3rif a3melak w-jehdak w-toul belak, w-ba3rif ennak ma bit7ebb el-ashrar, w-ennak khtabaret yalle 3amlin 7alon rousl w-henne mish rousl, w-l2iton kezzebin. Enta tawil el-bel, kefa7et kermel esme w-ma t3ebet. Bass be3tab 3lek li2annak taraket ma7abbtak el-awle. Tzakkar min wayn wa2a3t w-toub w-rja3 la-a3melak el-madye, w-eza ma ra7 ettoub ra7 eje la-3andak w-ekhod sham3adenak min matra7o. Bass yalle byeshfa3 fik ennak btekrah a3mel el-Nokolawiyyin 2add ma ana bekraha." W-yalle 3endo dinen, khallih yesma3 yalle bi2oulo el-ROU7 lal-kaneyes: "ra7 khalle el-mountaser yekol min shajret el-7ayet bi-ferdaws ALLAH." Ktob la-malèk kniset Smirna: "hek bi2oul el-awwal wel-akhir, yalle met w-reje3 lal-7ayet: ana ba3rif el-di2a wel-fa2r yalle enta fiyon, ma3 ennak ghane. W-ba3rif shou 3am yeftero 3lek el-ashkhas yalle 3amlin 7alon Yahoud w-henne mish Yahoud, henne teb3in lal-shaytan. Ma tkhaf min el-3azèb yalle natrak, eblees ra7 yzett el-ba3d minkon bel-7abs ta-yemte7enkon, w-btet7ammalo el-di2a 3ashr tiyem. Koun ameen la-7add el-mawt, w-ana ba3tik eklil el-7ayet." Yalle 3endo dinen, khallih yesma3 shou bi2oul el-ROU7 lal-kaneyes: "el-mawt el-tene ma ra7 ye2ze el-mountaser." Ktob la-malèk kniset Barghamos: "hek bi2oul sa7ib el-seyf el-msannan min el-meylten: ana ba3rif ennak sèkin matra7 ma fi 3arsh el-shaytan. Btetmassak bi-esme w-ma nakaret imenak fiyye 7atta bi-iyem Antipas shehde el-ameen yalle met 2atl 3endkon matra7 ma byeskon el-shaytan. Bass be3tab 3lek li2anno fi ma3ak ashkhas byetmassako bi-ta3alim Bal3am yalle 3allam Balak keef ywa2e3 wled Isra2il bi-fakh el-khatiyye, w-enno yeklo min zabeye7 el-asnam w-yezno, w-fi ma3ak nes byetba3o ta3alim el-Nokolawiyyin yalle bekraho. Ghayyir souloukak wa-ella ra7 eje la-3andak 3al-sari3 w-7arib doddon bi-seyf kelmte." Yalle 3endo dinen, khallih yesma3 shou bi2oul el-ROU7 lal-kaneyes: "ra7 a3te el-mountaser el-mann el-mekhfe w-7ajra zghire bayda man2oush 3leya esm jdid ma bya3erfo ella yalle byekhdo." Ktob la-malèk kniset Tyatira: "hek bi2oul 2eben ALLAH yalle 3youno metl she3let el-nar w-ejrey metl el-n7as el-mlamma3: Ana ba3rif a3melak w-addeysh 3endak ma7abbe w-imen w-khedme w-sabr, w-ba3rif enno a3melak el-akhira aktar min a3melak el-awle. Bass be3tab 3lek li2annak 3am tet7ammal el-mara Izabel yalle 3amle 7ala nabiyye w-3am tekhda3 yalle bye3badoune, w-t3allemon ennon yezno w-yeklo min zabeye7 el-asnam. 3tita wa2et ta-ettoub bass rafadet enno ettoub 3an zeneha. Kermel hek ra7 kebba bi-frash el-ãlem, w-yalle 3am yezno ma3a ra7 7otton bi-di2a kbire, eza ma ze7o 3an el-a3mel yalle 3allameton henne. W-ra7 e2tol wleda 2atl, w-hek bya3erfo el-kaneyes kellon enno ana bef7as el-afkar wel-naweya w-ba3te kell wa7ad minkon 7asab a3melo. W-ento yalle bi-Tyatira, yalle ma btetba3o hal-ta3lim wala bta3erfo yalle bisammouh el-ba3d asrar el-shaytan, b2elkon: ana ma b7ott 3leykon 7eml t2il tene. Bass 7tefzo bi-yalle 3endkon 7atta eje. W-yalle byentosir w-bidewim 3ala khedemte lal-niheye, ba3tih soultan 3al-oumam, metl ma ana akhadet hal-soultan min bayye, bye7kemon bi-3asa min 7adid, metl wa3a el-fekhkhar byetkassaro. W-ba3tih kamen nejmet el-sob7." Yalle 3endo dinen, khallih yesma3 shou bi2oul el-ROU7 lal-kaneyes. Ktob la-malèk kniset Sardis: "hek bi2oul sa7ib arwe7 ALLAH el-sab3a wel-kawekeb el-sab3a: ana ba3rif a3melak. Bitbayyen ennak 3ayish bass enta mayyit. S'har w-rajji3 el-7ayet la-yalle be2e abl ma ymout. Ana ma sheft a3melak kemle bi-3youn Ilehe. Tzakkar yalle t3allamto w-keef 2belto, w-3mol fih w-ghayyir souloukak. W-eza ma kent sohran ra7 eje la-3andak metl el-loss, ma bta3rif bi-ayya se3a bfej2ak. Bass fi nes ma3ak bi-Sardis ma wassakho tyebon, byest7e'2o enno yemsho ma3e bi-tyeb bayda. El-mountaser ra7 yelbos tawb abyad, w-ma yenma7a esmo min kteb el-7ayet, w-ra7 ykoun ma3rouf eddem bayye w-maleykto." Yalle 3endo dinen, khallih yesma3 shou bi2oul el-ROU7 lal-kaneyes. Ktob la-malèk kniset Filadelfia: "hek bi2oul el-2ouddous el-7a2i2e yalle ma3o mefte7 Daoud, eza fata7 ma 7ada bisakker, w-eza sakkar ma 7ada byefta7: ana ba3rif a3melak. Fata7tellak beb ma bye2dar 7ada ysakkro, li2anno roughm do3f 2ouwwtak 7fozt kelmte w-ma nakaret esme. W-yalle henne min 3alam el-shaytan, w-3amlin 7alon Yahoud w-3am bikazzbo, ra7 khalliyon yejo w-yerka3o 3a-ejreyk w-ya3erfo enno 7abbeytak. W-li2annak sabart metl ma wassaytak, ra7 e7mik bi-se3et el-me7ne yalle ra7 tsib el-3alam kello ta-temte7en sekken el-ard. Ra7 eje 3a-bakkir, 7tofiz bi-yalle 3endak yeh ta-ma yekhod 7ada eklilak minnak. Ra7 khalle el-mountaser 3amoud bi-haykal Ilehe, ma byedhar minno abadan. W-ektob 3le esm Ilehe w-esm madinet Ilehe Ourashalim el-jdide yalle btenzal min el-sama min 3end Ilehe, w-bektob esme el-jdid." W-yalle 3endo dinen, khallih yesma3 shou bi2oul el-ROU7 lal-kaneyes. Ktob la-malèk kniset Lawdikiyya: "hek bi2oul el-Ãmin, el-shehid el-ameen el-sade2, ras khali2et ALLAH: ana ba3rif a3melak, w-ba3rif ennak mish berid wala sokhn, w-ya reytak kent berid aw sokhn! Ra7 estaferghak min temme li2annak fetir, mish sokhn wala berid. Bit2oul: "ana ghane, sert ghane w-manne bi-7aje la-shi." Bass enta ma bta3rif addeyshak m3attar fa2ir, 3eryen w-a3ma. Bensa7ak teshtere minne dahab msaffa bel-nar ta-tsir ghane, w-tyeb bayda btelbesa ta-tkhabbe 3oryak el-mou3ib, w-ke7l ta-tka77el fih 3younak w-te2sha3. Ana bwabbikh w-bhazzib yalle b7ebbon, kermel hek koun sokhn w-ghayyir souloukak. Ana we2if 3al-beb 3am de2, eza sem3 7ada sawte w-fata7 el-beb fetet la-3ando w-t3asheyt ma3o w-t3asha houe ma3e. El-mountaser ba3tih enno ye2'3od ma3e 3ala 3arshe, metl ma ntasaret ana w-2a3adet ma3 bayye 3ala 3arsho." Yalle 3endo dinen, khallih yesma3 shou bi2oul el-ROU7 lal-kaneyes. Min ba3da sheft beb maftou7 bel-sama, w-sme3t el-sawt el-awwal yalle 7ekene min abl ka2anno bou2, 3am bi2oul: "tla3 la-hon 7atta farjik yalle la-bodd enno ysir." W-deghre khatafne el-ROU7, w-sheft 3arsh bel-sama, w-3al-3arsh wa7ad wahjo metl wahj el-7jara el-karime, w-7awl el-3arsh 2aws 2oza7 metl lawn el-zmerrod. W-7awl el-3arsh arb3a-w-3ershreen 3arsh, w-3al-3roush arb3a-w-3ershreen sheykh lebsin tyeb bayda w-3ala rason akalil min dahab. W-tali3 min el-3arsh bar2 w-aswat w-ra3d, w-wel3ane eddemo sab3 mashe3il hiye arwe7 ALLAH el-sab3a, w-eddem el-3arsh fi shi byeshbah ba7r mlela metl el-ballour, w-bi-noss el-3arsh w-7awlo arba3 makhlou2at 7ayye elon 3youn min eddem w-min wara: El-makhlou2 el-7ayy el-awwal byeshbah el-asad, wel-tene byeshbah el-3ejl, wel-telit elo wejj metl wejj el-2ensen, wel-rabe3 byeshbah el-nesr yalle bitir. W-la-kell wa7ad min hal-makhlou2at el-7ayye el-arb3a sitt jweni7 ela 3youn 7awla w-jouwweta w-bitdalla tsabbi7 leyl nhar: "2ouddous, 2ouddous, 2ouddous el-RAB el-ILEH el-2adeer yalle ken w-halla2 mawjoud w-ra7 yeje." W-kell marra keno el-makhlou2at el-7ayye el-arb3a 3am bisabb7o tasabi7 el-majd wel-ekram wel-7amd lal-2e3id 3al-3arsh wel-7ayy la-abad el-douhour, keno 3am yerka3o el-arb3a-w-3ershreen sheykh eddem el-2e3id 3al-3arsh, w-yesejdo lal-7ayy la-abad el-douhour w-yzetto akalilon eddem el-3arsh henne w-3am bi2oulo: "Ya RABNA w-ILEHNA, elak bili2 el-majd wel-ekram wel-edra li2annak khala2et el-eshya kella, w-bi-iradtak kenit w-nwajadet." W-sheft bel-2id el-yameen lal-2e3id 3al-3arsh kteb maktoub 3le min jouwwa w-min barra, makhtoum bi-sab3 akhtem, w-sheft malèk 2awe 3am yenede bi-a3la sawto: "meen bi7e'2ello yefta7 el-kteb w-yfekk akhtemo?" W-ma edr 7ada bel-sama wala 3al-ard wala ta7t el-ard enno yefta7 el-kteb w-yshouf shou fiyo. Se3eta bkit ktir li2anno ma nwajad meen bi7e'2ello yefta7 el-kteb w-yshouf shou fiyo. 2alle wa7ad min el-shyoukh: "ma tebke. Ntasar el-asad yalle min 2abilet Yahouza w-sleelet Daoud, w-houe yalle ra7 yefta7 el-kteb w-yfekk akhtemo el-sab3a." W-sheft bayn el-3arsh wel-makhlou2at el-7ayye el-arb3a w-bayn el-shyoukh 7amal we2if ka2anno mazbou7, elo sab3 2roun w-sab3 3youn hiye arwe7 ALLAH el-sab3a yalle ba3ata 3al-3alam kello. W-eja el-7amal w-akhad el-kteb min el-2id el-yameen lal-2e3id 3al-3arsh. W-lamma akhad el-kteb, sajado el-makhlou2at el-7ayye el-arb3a wel-shyoukh el-arb3a-w-3ershreen lal-7amal. W-ken ma3 kell wa7ad minnon 3oud w-keset min dahab melyene bakhour, w-hiye salawet el-2eddisin. W-keno 3am birattlo nashid jdid w-y2oulo: "enta btest7e2 tekhod el-kteb w-tfek akhtemo! Li2annak nzaba7et w-shtareyt nes la-ALLAH bi-dammak min kell 2abile w-lsen w-sha3b w-oumme, w-3melt minnon malakout w-kahane la-Ilehna byemelko 3al-ard." W-etalla3et, fa-sme3t aswat ktir min el-maleyke henne 7awela el-3arsh w-7awl el-makhlou2at el-7ayye el-arb3a wel-shyoukh, w-ken 3adadon bi-mlayeen el-oulouf, w-keno 3am biratlo bi-a3la sawton: "el-7amal el-mazbou7 byest7e2 enno yen3ata el-edra wel-ghena wel-7ekme wel-2ouwwe wel-ekram, elo el-majd wel-shokran!" W-sme3t kell khali2a bel-sama wel-ard w-ta7t el-ard w-bel-ba7r wel-kawn kello 3am bit2oul: "lal-2e3id 3al-3arsh w-lal-7amal el-shokran wel-ekram wel-majd wel-2ouwwe la-abad el-douhour." W-2alo el-makhlou2at el-7ayye el-arb3a: "ãmin!" w-raka3o el-shyoukh w-sajado. W-sheft el-7amal 3am biffek awwal el-akhtem el-sab3a, w-sme3t wa7ad min el-makhlou2at el-7ayye el-arb3a 3am bi2oul bi-sawt metl el-ra3d: "ta3a!" Ettalla3et w-sheft 7san abyad, w-yalle rekib 3le 7amel 2aws, w-n3atalo eklil w-dahar mountaser ta-yentesir. W-lamma fakk el-7amal el-khatm el-tene, sme3t el-makhlou2 el-7ayy el-tene 3am bi2oul: "ta3a!" W-dahar 7san a7mar, yalle rekbo akhad el-edra enno yesro2 el-salem min el-ard 7atta yet2atalo el-nes, w-n3atalo seyf kbir. W-lamma fakk el-7amal el-khatm el-telit, sme3t el-makhlou2 el-7ayy el-telit 3am bi2oul: "ta3a!" Ettalla3et w-sheft 7san aswad, w-bi-2id yalle rekib 3le mizen. W-sme3t sawt ka2anno jeye min bayn el-makhlou2at el-7ayye el-arb3a 3am bi2oul: "kaylet 2am7 bi-dinar, w-tlet akyel sh3ir bi-dinar, bass el-zeyt wel-nbeed ma tde2 fiyon." W-lamma fakk el-7amal el-khatm el-rabe3, sme3t el-makhlou2 el-7ayy el-rabe3 3am bi2oul: "ta3a!" W-ettalla3et sheft 7san akhdar lawno behit, w-yalle rekib 3le esmo el-mawt, w-lè7'2o 3alam el-mawta, akhado soultan 3ala reb3 sekken el-ard ta-ye2etlouwon bel-seyf wel-jou3 wel-mawt w-w7oush el-ard. W-lamma fakk el-7amal el-khatm el-khames, sheft ta7t el-mazba7 nfous el-mazbou7in kermel kelmet ALLAH wel-shahede yalle shehdouwa. Sarakho bi-sawt 3ale: "aymata, ya hal-Sayyid el-2ouddous el-7a2i2e, ra7 tdeen sekken el-ard w-tente2im minnon la-dammna?" W-akhad kell wa7ad minnon tawb abyad, w-2aloulon yenetro shwey 7atta yektemil 3adad rfe2on el-kheddem w-ekhweton yalle ra7 yen2atalo metlon. Min ba3da sheft el-7amal 3am biffek el-khatm el-sedis, w-sar fi zelzel 3azeem, wel-shams swaddit metl tawb el-7ded, wel-2amar kello sar metl el-damm, w-kawekeb el-fada nezlo 3al-ard metl ma byenzalo thimar el-teene el-fajje eza hazzeta ree7 3asfe, wel-sama ntawit w-laffet 3a-ba3da, wel-jbel wel-jezor kella ze7it min matra7a, w-moulouk el-ard w-rou2ase2a wel-2weya wel-aghniya wel-zou3ama wel-3abeed wel-a7rar kellon harabo 3al-maghewer w-bayn skhour el-jbel, henne w-3am bi2oulo lal-jbel wel-skhour: "w2a3e 3leyna w-khabbina min wejj el-2e3id 3al-3arsh w-min ghadab el-7amal. Eja yawm ghadabon el-3azeem, fa-min bye2dar yethbat?" Min ba3d hal-shi sheft arba3 maleyke we2fin 3ala zaweya el-ard el-arb3a, meskin riye7 el-ard el-arb3a ta-ma to3sof ree7 3al-ard el-yebse aw 3al-ba7r aw 3al-shajar. Min ba3da sheft malèk tene tali3 min el-shar2 7amel khatm ALLAH el-7ayy. W-neda bi-sawt 3ale el-maleyke el-arb3a yalle akhado el-edra enno ykharrbo el-ard el-yebse wel-ba7r. W-2allon: "ma tkharrbo el-ard el-yebse wel-ba7r wel-shajar abl ma nekhtom yalle bye3bado Ilehna 3ala jbeenon." W-sme3t enno 3adad el-makhtoumin miyye w-arb3a-arb3een alf min kell 2abeyel wled Isra2il: tna3shar alf min 2abilet Yahouza, w-tna3shar alf min 2abilet Ra2oubin, w-tna3shar alf min 2abilet Jad, W-tna3shar alf min 2abilet Ashir, w-tna3shar alf min 2abilet Naftali, w-tna3shar alf min 2abilet Manassa, W-tna3shar alf min 2abilet Sham3oun, w-tna3shar alf min 2abilet Lawi, w-tna3shar alf min 2abilet Yassaker, W-tna3shar alf min 2abilet Zabouloun, w-tna3shar alf min 2abilet Youssef, w-tna3shar alf min 2abilet Benyamin, Min ba3da ettalla3et w-sheft 3adad kbir min el-nes ma byen3add, min kaza balad w-2abile w-sha3b w-lougha, w-keno we2fin eddem el-3arsh w-eddem el-7amal, lebsin tyeb bayda w-7amleen bi-2ideyon aghsan el-nakhl, henne w-3am bi2oulo bi-sawt 3ale: "el-nasr la-Ilehna el-2e3id 3al-3arsh w-lal-7amal!" W-keno kell el-maleyke 7awl el-3arsh w-7awl el-shyoukh wel-makhlou2at el-7ayye el-arb3a, wa2a3o 3ala wejjon eddem el-3arsh sejdin la-ALLAH w-2alo: "ãmin! La-Ilehna el-7amd wel-majd wel-7ekme wel-shokran wel-ekram wel-2ouwwe wel-edra la-abad el-douhour. Ãmin!" W-2alle wa7ad min el-shyoukh: "meen henne hal-ashkhas el-lebsin el-tyeb el-beed w-min wayn jeyin?" Jewabto: "enta bta3rif, ya Sayyide." 2alle: "hal-ashkhas henne yalle tel3o min el-di2a el-kbire, ghassalo tyebon w-saret bayda bi-damm el-7amal. Kermel hek henne eddem 3arsh ALLAH 3am ye3badouh bi-haykalo leyl nhar, wel-2e3id 3al-3arsh 3am ye7miyon bi-khaymto, la-hal-sabab ma bijou3o wala bye3tasho w-ma ra7 tedrobon el-shams wala el-shawb li2anno el-7amal yalle bi-noss el-3arsh byer3ahon w-byekhedon 3a-yanabi3 may el-7ayet, w-ALLAH byemsa7 kell dam3a min 3younon." W-lamma fakk el-7amal el-khatm el-sebi3, sar fi bel-sama houdou2 la-meddit noss se3a. W-sheft el-maleyke el-sab3a el-we2fin eddem ALLAH, w-n3ata la-kell wa7ad minnon bou2. W-eja malèk ghayro 7amel mabkhara min dahab w-we2if 3al-mazba7, w-n3atalo bakhour ktir ta-y2addmo ma3 salawet el-2eddisin 3ala mazba7 el-dahab eddem el-3arsh. W-toli3 min 2id el-malèk dekhan el-bakhour ma3 salawet el-2eddisin eddem ALLAH. Min ba3da masak el-malèk el-mabkhara w-malleha min nar el-mazba7 w-kabba 3al-ard, fa-3emlt aswat w-r3oud w-bourou2 w-zalzale. W-7addaro 7alon el-maleyke el-sab3a el-7amleen el-abwe2 el-sab3a 7atta yenefkho fiya. W-nafakh el-malèk el-awwal bi-bou2o, fa-wa2a3 3al-ard barad w-nar makhloutin bel-damm, w-7tara2 telt el-ard w-telt el-shajar w-kell 3eshb akhdar. W-nafakh el-malèk el-tene bi-bou2o, w-wa2a3 bel-ba7r shi ka2anno jabal kbir wel3an, w-sar telt el-ba7r damm, W-meto telt el-makhlou2at yalle bit3ish bel-ba7r, w-tkassar telt el-sefon. W-nafakh el-malèk el-telit bi-bou2o, w-wa2a3et min el-sama nejme kbire ka2anna she3le min nar w-wa2a3et 3ala telt el-anhar w-3al-yanabi3. Wel-nejme esma 3al2am. W-saret el-may metl el-3al2am, w-meto ktar min yalle sherbo minna li2anna morra. W-nafakh el-malèk el-rabe3 bi-bou2o, w-nsab telt el-shams w-telt el-2amar w-telt el-njoum, 7atta 3attam el-telt w-khesro el-nhar wel-leyl telt dawwon. W-ettalla3et w-sheft w-sme3t nesr tayer bi-noss el-sama 3am bi2oul bi-sawt 3ale: "ya weylon, ya weylon, ya weylon, sekken el-ard lamma ra7 yenfkho el-maleyke el-tlete bel-abwe2 el-be2ye." W-nafakh el-malèk el-khames bi-bou2o, w-sheft nejme wa2a3et min el-sama 3al-ard, n3atalo mefte7 beer el-hewwe. W-fata7et el-nejme beer el-hewwe, w-toli3 minna dekhan ka2anno dekhan atoun kbir, w-3attamet el-shams wel-jaww min dekhan el-beer. W-toli3 min el-dekhan jarad ghatta wejj el-ard, w-n3atalo soultan metl soultan 3a2areb el-ard, w-n2allo enno ma ye2ze 3eshb el-ard wala ayy shi akhdar wala el-shajar, bass ye2ze el-nes yalle ma fi 3ala jbeenon khatm ALLAH. W-n2allo ta-ma ye2telon, bass y3azzebon khams tesh'hor bi-3azèb byeshbah 3azèb las3et el-3a2rab. W-byetolbo el-nes el-mawt bi-haydik el-iyem w-ma bile2ouh, w-ra7 yetmanno enno ymouto wel-mawt byehrob minnon. W-bayyan el-jarad ka2anno kheyl m7addar lal-ma3rake, 3ala rouson fi shi byeshbah akalil min dahab, w-wejjon metl wejj el-bashar, 3endon sha3r metl sha3r el-neswen, w-snenon metl anyeb el-2soude, w-sdouron metl drou3 min 7adid, w-sawt jwene7on metl dajjet markabet kheyl ktire ray7a 3al-ma3rake, w-dnebo fiyon ebar metl dneb el-3a2areb, w-3endon soultan enno ye2zo el-nes meddit khams tesh'hor, el-malik yalle faw2on houe malèk el-hewwe w-esmo bel-3ebrane Abeddoun w-bel-Younene Apolliyon. Mara2et el-msibe el-awle w-jeyin el-msibten el-be2yin. W-nafakh el-malèk el-sedis bel-bou2, w-sme3t sawt toli3 min 2roun mazba7 el-dahab el-arb3a yalle eddem ALLAH. W-2al el-sawt lal-malèk el-sedis yalle bye7mol el-bou2: "7arrir el-maleyke el-arb3a el-mrabbatin 3ala nahr el-Fourat el-kbir!" Nfakket jnazeer el-maleyke el-arb3a el-m7addrin 7alon lal-se3a wel-yawm wel-shahr wel-sene 7atta ye2etlo telt el-bashar. W-sme3t enno 3adad jeysh el-kheyyele miteyn malyoun. W-sheft bel-rou2ya el-kheyl wel-kheyyele lebsin drou3 min nar, w-min ya2out asfar w-min kabrit. W-kenit rous el-kheyl metl rous el-2soude, min temmon byotla3 nar w-dekhan w-kabrit. W-meto telt el-bashar bi-sabab hal-msayeb el-tlete, ye3ne el-nar wel-dekhan wel-kabrit yalle tol3o min tmem el-kheyl. Kenit 2ouwwet el-kheyl jeye min temma w-min dneba, li2anno dneba bteshbah el-7ayyet w-3enda rous bte2ze. Wel-nes yalle najjo min hal-msayeb, ma rej3o 3an yalle 3emlouh 2ideyon w-dallo yesejdo lal-shyateen w-la-asnam min dahab w-fodda w-n7as w-7ajar w-khashab, ma bte2dar la te2sha3 wala tesma3 wala temshe, wala rej3o 3an el-2atl wel-se7r wel-zena wel-ser2a. W-sheft malèk ghayro 2awe nezl min el-sama lebis ghayme, w-3ala raso 2aws 2oza7, w-wejjo metl el-shams w-ejrey metl 3amoudeyn min nar, bi-2ido kteb zghir maftou7. 7att ejro el-yameen 3al-ba7r wel-shmel 3al-ard el-yebse. W-sarakh bi-sawt 3azeem metl el-2soude, w-nsama3et aswat el-r3oud el-sab3a. W-lamma nsama3et 7addaret 7ala ta-tektob w-sme3t sawt min el-sama 3am bi2elle: "ma ten2ol shou 2alet el-r3oud el-sab3a w-ma teketbo!" Wel-malèk yalle shefto we2if 3al-ba7r wel-ard el-yebse 3alla 2ido el-yameen sawb el-sama w-7alaf bi-ALLAH el-7ayy la-abad el-douhour, khale2 el-sama w-kell shi fiya wel-yebse wel-ba7r w-kell shi fiya, enno ma ykoun fi te2khir min ba3d halla2. W-lamma ysir el-wa2et w-yenfokh el-malèk el-sebi3 bi-bou2o, byet7a'2a2 serr ALLAH, metl ma basharo fih keddemo el-anbiya. Wel-sawt yalle sme3to tali3 min el-sama, 7ekene marra tenye w-2al: "rou7, khod el-kteb yalle fèt7o el-malèk el-we2if 3al-ba7r wel-yebse." W-ro7t la-3and el-malèk w-2eltello: "3tine el-kteb el-zghir", 2alle: "khedo w-bla3o w-ra7 tle2ih morr bi-batnak, w-ta3mo 7elo metl el-3asal bi-temmak." W-akhadet el-kteb el-zghir w-bala3to, w-ken ta3mo 7elo metl el-3asal bi-temme, bass min ba3d ma bala3to sar morr bi-batne. W-n2alle: "lezim tetnabba marra tenye 3ala ktir min el-shou3oub wel-oumam wel-loughat wel-moulouk." W-3atane wa7ad minnon 3asa metl el-2adeeb w-2alle: "2oum, 2ees haykal ALLAH wel-mazba7 w-3edd el-sejdin fih. Bass se7it el-haykal el-barra treka ma t2eesa li2anna matrouke lal-oumam, yalle ra7 yed3aso el-madine el-m2addase meddit tnen-w-arb3een shahr. W-ra7 eb3at shehden min 3ende lebsin mes7, ta-yetnabbo meddit alf w-miteyn-w-sitteen yawm." Hal-rejjelen el-shehden henne el-zeytounten wel-sham3adenen el-we2fin eddem RAB el-ard. W-yalle bijarrib ye2ziyon, byetla3 min tmem el-shehden nar btekol a3de2on. Hek lezim enno ymout kell wa7ad bijarrib ye2ziyon. W-3endon soultan enno ysakkro el-sama, ta-ma yenzal el-shete bi-iyem noubouweton, w-3endon soultan enno ykhallo el-may tsir damm w-enno yedorbo el-ard bi-kaza naw3 min el-msayeb wa2et yalle baddon. W-lamma y7a'2e2o el-shehden noubouweton byeje el-wa7sh el-tali3 min el-hewwe w-bi7arebon w-byentosir 3leyon w-bye2telon. W-byeb2a jesmon maztout bi-se7it el-madine el-3azeeme yalle esma, houe ka-ramz, Sadoum aw Masr matra7 ma met Rabbon masloub. Wel-nes el-jeyin min kaza sha3b w-2abile w-lougha w-balad byettalla3o 3ala jesm el-shehden meddit tlet tiyem w-noss, w-ma byesma7o la-7ada enno y7otton bel-2abr. W-byeshmato fiyon sekken el-ard w-byefra7o w-byetbedalo el-hadeya, li2anno hal-nabiyyen 3azzabo sekken el-ard ktir. W-min ba3d ma mara2et el-tlet tiyem wel-noss, fetit fiyon rou7 7ayet min ALLAH w-we2fo 3ala ejreyon. W-khafo ktir el-nes yalle 3am yettalla3o 3leyon, w-sem3o sawt 3azeem 3am yesrakh fiyon min el-sama: "tla3o la-hon!" w-shefouwon a3de2on tal3in 3al-sama bi-ghayme. W-sar bi-haydik el-se3a zelzel 2awe, w-tdammar 3eshr el-madine w-met bel-zelzel sab3-talef shakhs, w-nra3abo el-be2yin, w-saro ymajjdo Ileh el-sama. Mara2et el-msibe el-tenye, w-halla2 el-msibe el-telte jeye 3al-sari3. W-nafakh el-malèk el-sebi3 bi-bou2o, w-tol3it aswat 3alye bel-sama 3am bit2oul: "malak 3al-3alam RABNA w-MASI7O, ra7 yemlok la-abad el-douhour." W-raka3o el-shyoukh el-arb3a-w-3ershreen el-2e3din eddem ALLAH 3ala 3roushon w-wa2a3o 3ala wejjon w-sajado la-ALLAH, w-2alo: "mneshkrak ya hal-RAB el-Ileh el-2adeer el-mawjoud w-yalle ken, li2annak kashafet 3an 2ouwwtak w-malaket. Ghodbet el-oumam, w-ejet se3et ghadabak w-deynounet el-mawta 7atta tkefe2 kheddemak el-anbiya wel-2eddisin w-yalle bikhafo esmak, zghar w-kbar, w-7atta tem7e yalle keno 3am ye2etlo el-ard." W-nfata7 haykal ALLAH bel-sama, w-zahar tabout el-3ahd bel-haykal, w-sar fi bar2 w-aswat w-r3oud w-zalezel, w-nezl barad ktir. W-zaharet 3aleme gharibe bel-sama: mara lebse el-shams, wel-2amar ta7t ejreya, 3ala rasa eklil min tna3shar nejme. 7eble 3am tesrokh min waja3 el-wilede. W-zaharet bel-sama 3aleme tenye: tennin 3azeem a7mar metl el-nar elo sab3 rous w-3ashr 2roun, 3ala kell ras tej, jarr bi-danabo telt njoum el-sama w-kabba 3al-ard. W-we2f el-tennin eddem el-mara hiye w-3am tetwajja3 ta-yebla3 tofla lamma bitwalldo. W-waladet sabe w-houe yalle ra7 ye7kom el-oumam kella bi-3asa min 7adid, bass 2ebna nkhataf la-3and ALLAH w-3arsho, w-harabet el-mara 3al-sa7ra matra7 ma 7addarla ALLAH malja t3ish fih meddit alf w-miteyn-w-sitteen yawm. W-sar fi 7arb bel-sama bayn Mikha2il w-maleykto w-bayn el-tennin, w-2etalon el-tennin bi-maleykto, bass maleyket el-tennin khesro el-ma3rake w-khesro matra7on bel-sama. W-wa2a3 el-tennin el-3azeem 3al-ard, ye3ne el-7ayye el-2adeeme yalle esma eblees aw el-shaytan, yalle byekhda3 el-dene kella, w-wa2a3o ma3o maleykto. Min ba3da sme3t sawt 3azeem bel-sama 3am bi2oul: "liom t7a'2a2 el-nasr wel-3ezze wel-moulk la-Ilehna wel-soultan la-MASI7O, li2anno wa2a3 yalle byettehem ekhwetna 3al-ard, byettehemon leyl w-nhar eddem Ilehna. Ghalabouh bi-damm el-7amal w-bi-shahedeton elo, w-ma faddalo 7ayeton 3al-mawt. Kermel hek fra7e ya sama w-ento yalle seknin fiya. El-weyl lal-ard el-yebse wel-ba7r. Li2anno eblees nezl la-3andkon w-melyen ghadab li2anno 3arif enno iyemo alile." W-lamma shef el-tennin enno wa2a3 3al-ard, sar yedtehed el-mara yalle waladet el-2eben el-sabe, w-n3ata lal-mara jwene7 el-nesr el-3azeem ta-ettir fiyon 3ala matra7a bel-sa7ra, matra7 ma bte7teme meddit zaman w-zamanen w-noss zaman b3id 3an el-7ayye. W-talla3et el-7ayye min temma may metl el-nahr le7e2 wara el-mara ta-ye7mela w-yekheda ma3o. Bass el-ard se3adet el-mara, w-fata7et el-ard temma w-bala3et el-nahr yalle talla3o el-tennin min temmo. W-ghodib el-tennin 3al-mara w-ra7 ta-y7arib sleeleta el-be2ye yalle 3am yemsho 7asab wassaya ALLAH w-ameenin la-shahedet YASOU3, w-we2f 3a-raml el-ba7r. W-sheft wa7sh tali3 min el-ba7r, elo sab3 rous w-3ashr 2roun, w-3ala 2rouno fi 3ashr tijen, w-3ala rouso aseme el-tejdeef. W-hal-wa7sh yalle shefto ken byeshbah el-nemr, w-elo ejren metl ejren el-debb w-temm metl temm el-asad. 3atah el-tennin edrto w-3arsho w-soultan kbir. W-zahar wa7ad min rous el-wa7sh ka2anno majrou7 w-ra7 ymout fa-nshafa min jer7o el-mawwit, w-t3ajjabet el-ard kella w-meshyet wara el-wa7sh. W-sajado el-nes lal-tennin li2anno 3ata el-wa7sh soultano, w-sajado lal-wa7sh w-2alo: "meen metl el-wa7sh? Meen bye2dar y7arbo?" W-n3ata lal-wa7sh temm bye7ke kalem fiyo kebriya w-tejdeef, w-n3atalo soultan enno yeshteghil meddit tneyna-w-arb3een shahr. W-sar yjaddef 3ala ALLAH, w-jaddaf 3ala esmo w-markazo w-3al-seknin bel-sama. W-n3atalo el-edra 3ala enno y7arib el-2eddisin w-yeghlebon, metl ma n3atalo soultan 3ala kell 2abile w-sha3b w-lougha w-balad, w-byesjedlo sekken el-ard kellon, hal-ashkhas yalle asamiyon mish maktoube min bideyet el-3alam bi-kteb el-7ayet, kteb el-7amal el-mazbou7. Yalle 3endo dinen, khallih yesma3! Yalle lezim yrou7 3al-7abs ra7 yrou7 3al-7abs, w-yalle lezim yen2atal bel-seyf, ra7 yen2atal bel-seyf. Hon bibayyen sabr el-2eddisin w-imenon. Min ba3da sheft wa7sh tene tali3 min el-ard, w-elo 2arnen metl 2roun el-kharouf, bass bye7ke metl el-tennin. Sta3mal kell soultet el-wa7sh el-awwal bi-7oudouro, w-jabar el-ard w-sekkena enno yesejdo lal-wa7sh el-awwal yalle nshafa min jer7o el-mawwit, w-3eml 3ajeyeb 3azeeme la-daraje nazzal 3al-ard nar min el-sama eddem kell el-nes, w-khada3 sekken el-ard bi-hal-3ajeyeb yalle n3atalo el-edra enno ya3mila eddem el-wa7sh el-awwal. W-2amar sekken el-ard bi-enno ya3emlo soura lal-wa7sh yalle jara7o el-seyf bass roughm jer7 el-seyf 3ash w-akhad el-edra 3ala enno yenfokh bi-souret el-wa7sh rou7 ta-ye7ke, w-enno ye2tol kell yalle ma 3am yesejdo la-souret el-wa7sh, w-enno ykhalle kell el-nes, zghar w-kbar, aghniya w-fou2ara, 3abeed w-a7rar, y7otto 3aleme 3ala 2idon el-yameen aw jbeenon, hek ma 7ada bye2dar yeshtere aw ybee3 ella eza ken 3endo 3aleme bi-esm el-wa7sh aw bi-3adad esmo. W-hon la-bodd min el-7ekme: yalle 3endo zaka khallih ye7sob 3adad esm el-wa7sh. Houe 3adad esm 2ensen w-3adado sitt miyye w-sitta-w-sitteen. W-ettalla3et sheft 7amal 3ala jabal Sehyoun w-ma3o miyye w-arb3a-w-arb3een shakhs, maktoub 3a-jbeenon esmo w-esm bayyo, w-sme3t sawt min el-sama metl hadir el-may el-ghazira aw metl sawt ra3d 2awe, ka2anna angham bye3zefa la33ibet el-3oud, 3am birannmo ternime jdide eddem el-3arsh w-eddem el-makhlou2at el-7ayye el-arb3a w-eddem el-shyoukh, w-ma 7ada bye2dar yet3allam hal-ternime ella el-miyye w-arb3a-w-arb3een el-moukhallasin bel-ard. Hal-ashkhas ma khetyo ma3 neswen, w-ma tzawwajo. Hal-ashkhas byel7a2o el-7amal wayn ma ra7, w-le2o el-el-khalãs min bayn el-bashar w-henne bakouret ALLAH wel-7amal. Wala marra kazzabo, w-ma fiyon 3ayb. Min ba3da sheft malèk tene 3am bitir bi-noss el-sama, ma3o injil abade 3am bibasher fih sekken el-ard yalle min kaza balad w-2abile w-lougha w-sha3b. W-ken 3am yesrokh bi-sawt 3ale: "khafo ALLAH w-majjdouh! Ejet se3et el-deynoune, sjedo la-yalle khala2 el-sama wel-ard wel-ba7r wel-yanabi3!" w-le7'2o malèk ghayro 3am yesrokh: "wa2a3et, wa2a3et Babel el-3azeeme yalle sharrabet el-oumam kella min fawret sakar zeneha!" W-le7e2 hal-malèken malèk telit 3am yesrokh bi-sawt 3ale: "yalle byesjod lal-wa7sh w-sourto w-maktoub 3ala jbeeno aw 2ido 3alemet el-wa7sh, la-bodd min enno yeshrab nbeed ghadab ALLAH el-sãfé, w-yet7ammal 3azèb el-nar wel-kabrit eddem el-maleyke el-at'har w-eddem el-7amal, w-dekhan 3azèbon byetla3 la-abad el-douhour. Yalle byesejdo lal-wa7sh w-sourto w-yalle ma3on 3aleme bi-esm el-wa7sh ma byerte7o la bel-leyl wala bel-nhar. Hon bibayyen sabr el-2eddisin yalle byetmassako bi-wassaya ALLAH wel-imen bi-YASOU3." Min ba3da sme3t sawt min el-sama 3am bi2oul: "ktob: niyyel el-mawta yalle bimouto min halla2 w-raye7 mette7din bel-RAB!" W-bijeweb el-ROU7: "mazbout, byerte7o min ta3abon, li2anno el-kheyr yalle 3emlouh birafe2on." W-ettalla3et sheft ghayme bayda 2e3id 3leya metl 2eben 2ensen w-3ala raso eklil min dahab w-bi-2ido manjal msannan. Min ba3da dahar min el-haykal malèk ghayro 3am yesrokh bi-sawt 3ale lal-2e3id 3al-ghayme: "khod manjalak w-7sod! Ejet se3et 2atf el-zar3 w-nodij zar3 el-ard!" Kabb el-2e3id 3al-ghayme manjalo 3al-ard w-2ataf zar3 el-ard. W-dahar malèk ghayro min el-haykal yalle bel-sama w-ma3o kamen manjal msannan. Min ba3da dahar min mazba7 el-haykal malèk ghayro 3endo soultan 3al-nar, w-sarakh bel-3ale lal-malèk yalle 7amel el-manjal el-msannan: "khod manjalak el-msannan w-2tof 3ana2id kroum el-ard li2anno el-3enab nodij." W-kabb el-malèk manjalo 3al-ard w-2ataf min kroum el-ard w-faddeha bi-ma3saret ghadab ALLAH el-3azeeme. W-nda3aset el-ma3sara barrat el-madine, w-toli3 minna damm wossil 3ala 3louw temm el-kheyl 3ala bo3d shi tlet miyyet kilometre. Min ba3da sheft bel-sama 3aleme gharibe ra2i3a: sab3 maleyke 7amleen sab3 nakbet, w-hiye el-akhira li2anno fiya byet7a'2a2 ghadab ALLAH. W-sheft shi byeshbah ba7r min el-ballour el-makhlout bel-nar. W-sheft yalle ghalabo el-wa7sh w-sourto w-3adad esmo we2fin 3ala ba7r min el-ballour, ma3on kennaret ALLAH w-3am birattlo nashid Moussa khadim ALLAH w-nashid el-7amal w-3am y2oulo: "3azeeme 3ajibe a3melak ya hal-RAB el-Ileh el-2adeer! Jèlse w-mazbouta tor2atak, ya Malik el-oumam! Meen ma bikhafak, ya RAB? Meen ma bimajjed esmak? Enta wa7dak 2ouddous: kell el-oumam ra7 teje w-tesjod bayn 2ideyk li2anno a7kemak el-3adle zaharet lal-kell." Min ba3da ettalla3et sheft haykal khaymet el-shahede 3am yenfata7 bel-sama, w-daharo min el-haykal el-maleyke el-sab3a yalle ma3on el-nakbet el-sab3a, lebsin ketten na2e 3am bilamme3 w-7awl sdouron znenir min dahab. 3ata wa7ad min el-makhlou2at el-7ayye el-arb3a hal-maleyke el-sab3a sab3 keset min dahab melyenin min ghadab ALLAH el-7ayy la-abad el-douhour. W-ntala el-haykal dekhan min majd ALLAH w-edrto, w-ma 7ada edr yfout 3al-haykal abl ma tsir el-nakbet el-sab3a yalle 7amleena el-maleyke el-sab3a. W-sme3t sawt 3azeem min el-haykal 3am yesrokh lal-maleyke el-sab3a: "rou7o w-skebo 3al-ard keset ghadab ALLAH el-sab3a." Ra7 el-malèk el-awwal w-sakab keso 3al-ard, w-zaharet jrou7 mal3oune bitwajje3 nsabo fiya el-nes yalle 3leyon 3alemet el-wa7sh yalle 3am yesejdo la-sourto. W-sakab el-malèk el-tene keso 3al-ba7r, w-sar el-may metl damm el-mayyit, w-met kell makhlou2 3ayish bel-ba7r. W-sakab el-malèk el-telit keso 3al-anhar wel-yanabi3, w-saret el-may damm. W-sme3t malèk el-may 3am bi2oul: "3adel enta bi-a7kemak, ya-hal-2ouddous el-mawjoud w-yalle ken. Yalle sakabo damm el-2eddisin wel-anbiya, 3titon el-damm ta-yeshrabouh, w-akhado yalle byest7e2ouh!" W-sme3t sawt min el-mazba7 3am bi2oul: "na3am, ya hal-RAB el-Ileh el-2adeer! A7kemak 3adl w-7a2." W-sakab el-malèk el-rabe3 keso 3al-shams w-n3atala te7ro2 el-nes, Fa-7tara2o el-nes min el-7arara el-2awiye w-ma rej3o la-ALLAH ta-ymajjdouh, bel-3aks sabbo esm ALLAH yalle elo soultan 3ala hal-nakbet. W-sakab el-malèk el-khames keso 3ala 3arsh el-wa7sh, 3attamet mamlakto w-saro el-nes y3addo 3a-lsenon min el-waja3, bass ma rej3o la-ALLAH 3an a3melon bel-3aks sabbo Ileh el-sama bi-sabab awje3on w-jrou7on. W-sakab el-malèk el-sedis keso 3ala nahr el-Fourat el-kbir, fa-jaffet mayto 7atta ykoun mamra2 la-moulouk el-shar2. W-sheft tlet arwe7 sherreera bteshbah el-dafadi3 tal3a min temm el-tennin w-min temm el-wa7sh w-min temm el-nabe el-kezzeb, w-hiye arwe7 shaytaniyye 3am ta3mil 3ajeyeb w-trou7 la-3and moulouk el-ard kella ta-tejma3on lal-7arb bel-yawm el-3azeem, yawm ALLAH el-2adeer. Ana jeye metl el-loss! Niyyel yalle byes'har w-bye7ros tyebo ta-ma yemshe 3eryen w-ta-ma yshoufouh el-nes 3eryen. Jama3ton bel-matra7 yalle esmo bel-3ebrane Harmajaddoun. W-sakab el-malèk el-sebi3 keso bel-jaww, w-toli3 sawt 3azeem min el-3arsh bel-haykal w-sar y2oul: "kholis kell shi!" W-sar fi bar2 w-ra3d, w-zelzel 2awe ma shefet el-ard metl 2ouwwto min wa2et ma nwajad el-2ensen 3al-ard. W-n2asamet el-madine el-3azeeme tlet a2sam w-tdammaret moudon el-oumam. W-tzakkar ALLAH Babel el-3azeeme ta-ysharreba kes bteghle bi-nbeed ghadabo. W-harabet el-jouzr kella w-khtafet el-jbel, w-nezl min el-sama 3al-nes barad kbir bi-te2l noss ton, w-sabbo el-nes ALLAH bi-sabab nakbet el-barad hayde li2anna kenit ktir rahibe. W-ejene wa7ad min el-maleyke el-sab3a yalle ma3on el-keset el-sab3a w-2alle: "ta3a ta-farjik 2asãs el-zenye el-3azeeme el-2e3de 7add el-may el-ktire. Zenyo ma3a moulouk el-ard, w-sekro sekken el-ard min kes nbeed zeneha." W-7emelne el-malèk bel-ROU7 3al-sa7ra, sheft mara 2e3de 3ala wa7sh a7mar mghatta bi-aseme el-tejdeef, elo sab3 rous w-3ashr 2roun. W-kenit el-mara lebse lawn nbeede w-a7mar w-7ãtta dahab w-7jara karime w-loulou, w-bi-2ida kes min dahab melyen min danas zeneha w-sharro, w-3ala jbeena esm byermoz la-Babel el-3azeeme, emm el-zena w-danas el-ard. W-sheft el-mara sekrane min damm el-2eddisin w-min damm shouhada YASOU3. W-lamma shefta t3ajjabet ktir. 2alle el-malèk: "leysh t3ajjabet? Ra7 eksheflak serr el-mara wel-wa7sh yalle bye7mela, sa7ib el-sab3 rous wel-3ashr 2roun. Wel-wa7sh yalle shefto ken w-battal mawjoud. Ra7 yetla3 ba3d shwey min el-hewwe w-ymout. W-ra7 yet3ajjabo sekken el-ard yalle asamiyon mish maktoube min bideyet el-3alam bi-kteb el-7ayet lamma ra7 yshoufo el-wa7sh, li2anno ken w-battal mawjoud w-ra7 yezhar marra tenye. W-hon la-bodd min el-7ekme wel-fehm: el-rous el-sab3a hiye el-tlel el-sab3a el-2e3de 3leya el-mara. W-hiye kamen sab3 moulouk, minnon khamse sa2ato, w-wa7ad ba3do 3am yemlok, wel-akhir ma eja ba3d. W-lamma byeje bidall wa2et 2asir. Wel-wa7sh yalle ken w-battal mawjoud, houe malik temin, ma3 enno houe min el-sab3a, w-birou7 3al-mawt." W-hal-2roun el-3ashra yalle sheyefa hiye 3ashr moulouk ma malako ba3d, bass ra7 yemelko se3a we7de ma3 el-wa7sh. Hal-ashkhas ettafa2o 3ala ennon ya3to el-wa7sh 2ouwweton w-soultanon. W-henne ra7 y7arbo el-7amal, wel-7amal ra7 yeghlebon li2anno houe RAB el-Arbeb w-Malik el-Moulouk, w-fi ma3o el-ma3zoumin wel-moukhtarin wel-mou2minin." Min ba3da 2alle el-malèk: "hal-may yalle shefta w-sheft el-zenye 2e3de 3leya hiye shou3oub w-ajnes w-bled w-loughat. Wel-2roun el-3ashra yalle shefta wel-wa7sh ra7 yeboghdo el-zenye w-ye3ezlouwa w-yshall7ouwa tyeba w-yeklo la7ma w-ye7er2ouwa bel-nar, li2anno ALLAH 7att bi-2loubon enno ynaffzo ra2yo w-yettef2o 3ala enno ya3to el-wa7sh soultan moulkon 7atta yet7a'2a2 kalem ALLAH. W-hal-mara yalle shefta hiye el-madine el-3azeeme yalle btetsallat 3ala moulouk el-ard." W-sheft min ba3d hal-shi malèk ghayro nezil min el-sama, 3endo soultan 3azeem, dawwit el-ard min wahjo. W-sarakh bi-sawt 3ale: "sa2atet, sa2atet Babel el-3azeeme! Saret matra7 lal-shyateen w-la-kell el-arwe7 el-sherreera w-kell el-3safeer el-mish tãhra el-besh3a! Li2anno el-oumam kella sherbet min fawret nbeed zeneha, w-moulouk el-ard zenyo ma3a, w-tejjar el-3alam ghtano min ketrit gheneha!" W-sme3t sawt tene min el-sama 3am bi2oul: "dhar min Babel, ya sha3be! Ta-ma tsherek bi-khatayaha w-tedorbak nakbeta. Khatayaha tkaddaset w-wosslit lal-sama w-ALLAH tzakkar sharra. 3èmlouwa metl ma 3èmaletkon w-reddoula marteyn jaza a3mela w-zeedo marteyn bel-kes yalle sherbeta 3azbouwa w-khallo 7ezna 3ala 2add ma tmajjadet w-tna3amet. Bit2oul bi-2alba: ana hon malike! Mish armale w-ma ra7 shouf el-7ezn. Kermel hek ra7 tenzal fiya el-nakbet bi-yawm wa7ad: marad bimawwit w-7ezn w-jou3, w-ra7 te7tere2 bel-nar li2anno yalle bideena houe el-RAB el-Ileh el-2adeer." Ra7 yebke 3leya moulouk el-ard yalle zenyo ma3a w-tna3amo ma3a, w-ra7 yebko lamma ra7 yshoufo dekhan el-nar taba3a el-wel3ane, w-ra7 you2afo 3ala bo3d minna henne w-khayfin min 3azèba w-3am bi2oulo: "Ya weylik! Ya weylik! Ya hal-madine el-3azeeme, ya Babel el-madine el-2awiye, bi-se3a we7de ejet deynountik!" W-ra7 yebko 3leya tejjar el-ard w-yenedbouwa, li2anno bda3eton ma ra7 yetle2a meen yeshtriya. Bda3a min dahab w-fodda w-7jara karime w-loulou w-ketten w-ourjouwen w-7arir w-anwe3 el-3outour w-eshya min el-3aj wel-khashab el-ghale, w-n7as w-7adid w-rkham w-2erfe w-bakhour w-3otr w-morr w-nbeed w-zeyt w-t7in w-2am7 w-7ayawenet w-ghanam w-kheyl w-3arabet kheyl w-ajsem 3abeed w-nfous bashar. Bi2oulo el-tejjar: "el-thamar yalle shtaheton nafsik ra7o minnik w-ra7 el-ghena wel-wahj kello, ma ba2a tshoufiyon!" Hal-tejjar yalle ghtano bi-tijareton min hal-madine ra7 you2afo b3ad minna, khayfin min 3azèba, w-byebko w-byenedbo w-bi2oulo: "Ya weylik! Ya weylik! Ya hal-madine el-3azeeme! Kenit telbos el-ketten wel-ourjouwen wel-a7mar, w-t7ott dahab w-7jar karime w-loulou! Bi-se3a we7de kholis kell hal-ghena." W-rebben el-sefon w-rekkeba w-ba7areta w-kell yalle byeshteghlo bel-ba7r we2fo min b3id w-sarakho, henne w-3am yettalla3o 3ala dekhan el-nar taba3a el-wel3ane: "ayya madine bteshbah hal-madine el-3azeeme!" W-kabbo el-trab 3a-rouson w-saro yebko w-yenedbo w-yeserkho: "Ya weylik! Ya weylik! Ya hal-madine el-3azeeme! Min thimara ghtano kell as7ab el-sefon bel-ba7r! Bi-se3a we7de rã7 kell shi fiya." Fra7e ya hal-samawet la-kharaba! Fra7o ya hal-2eddisin wel-rousl wel-anbiya, li2anno ALLAH 2ãsasa 3ala yalle 3emleto fikon." W-akhad malèk jabbar 7ajar metl 7ajar ta7oun kbir w-kabbo bel-ba7r w-2al: "hek bikebbo Babel el-3azeeme bi-3onf, w-ma ra7 tenwajad min ba3d liom abadan. Ma ra7 yensama3 fike aswat yalle bighanno w-angham el-3oud wel-nay wel-bou2, w-ma ra7 yetle2a fike sane3, shou ma kenit sina3to, w-ma byensama3 3endik sawt el-ta7oun, w-ma ra7 ydawwe fike nour el-srej w-ma ra7 yensama3 3endik sawt 3arees w-3arous, li2anno tejjarik keno 3ouzama el-ard w-se7rik khada3 kell el-oumam. W-bi-hal-madine nshef damm el-anbiya wel-2eddisin w-kell yalle n2atalo 3al-ard." W-sme3t min ba3d hal-shi sawt 3azeem ka2anno sawt majmou3a kbire min el-nes bel-sama 3am bi2oulo: "Halleluyah! La-Ilehna el-khalãs wel-majd wel-2ouwwe. A7kemo 7a2 w-3adl. Den el-zenye el-3azeeme yalle afsadet el-ard bi-da3areta, w-nta2am minna la-damm yalle bye3badouh." W-2alo marra tenye: "Halleluyah! Dekhana 3am yetla3 la-abad el-douhour." W-raka3o el-shyoukh el-arb3a-w-3ershreen wel-makhlou2at el-7ayye el-arb3a w-sajado la-ALLAH el-2e3id 3al-3arsh w-2alo: "ãmin! Halleluyah!" W-toli3 min el-3arsh sawt 2al: "sabb7o Ilehna, ya kell yalle bye3badouh w-yalle bikhafouh min zghar w-kbar." Min ba3da sme3t shi byeshbah sawt majmou3a kbire min el-nes aw hadir may ghazire aw sawt ra3d 2awe 3am bi2oul: "Halleluyah! El-moulk lal-RAB Ilehna el-2adeer!" Khallina nefra7 w-nhallel! W-khallina nmajjdo li2anno 3ers el-7amal eja wa2to, w-3arouso tzayyanet w-n3atala enno telbos el-ketten el-abyad el-lammi3." Wel-ketten houe a3mel el-2eddisin el-sal7a. Min ba3da 2alle el-malèk: "ktob: niyyel el-ma3zoumin 3a-3asha 3ers el-7amal!" W-2al kamen: "hayda kalem ALLAH el-sade2." Fa-nzelt 3end ejrey ta-esjedlo, 2alle: "ma terka3! Ana khadim metlak w-metl ekhewtak el-ameenin la-shahedet YASOU3. Sjod la-ALLAH! Li2anno shahedet YASOU3 hiye rou7 el-noubouwe." W-sheft el-sama maftou7a, w-eja faras abyad w-3le shakhs esmo "el-ameen" wel-"sade2", bye7kom w-bi7areb bel-3adl. 3youno metl she3let nar w-3ala raso tijen ktire w-7amel esm maktoub ma bya3erfo 7ada ghayro. W-lebis tawb mghammas bel-damm, w-esmo kelmet ALLAH. W-le7'2ino 3ala khyoul bayda jnoud el-sama lebsin ketten abyad na2e, w-3am yetla3 min temmo seyf msannan ta-yedrob fih el-oumam, bye7kemon bi-3asa min 7adid, w-byo3sor bel-ma3sara nbeed byermoz la-ghadab ALLAH el-2adeer. W-ken fi esm maktoub 3ala tawbo w-fakhdo: "Malik el-Moulouk w-RAB el-Arbeb." W-sheft malèl we2if bel-shams 3am yesrokh bi-sawt 3ale la-kell el-3safeer yalle bittir bi-noss el-sama: "ta3o jtem3o bi-3asha ALLAH el-3azeem, 7atta teklo l7oum el-moulouk w-l7oum el-rou2asa w-l7oum el-abtal w-l7oum el-kheyl w-fersena w-l7oum kell el-bashar 3abeed w-a7rar, zghar w-kbar!" W-sheft el-wa7sh w-moulouk el-ard w-jyoushon 3am yetjamma3o ta-y2etlo el-khiyyel w-jeysho, W-nkamash el-wa7sh ma3 el-nabe el-kezzeb yalle 3eml el-3ajeyeb bi-7oudour el-wa7sh w-khada3 yalle akhado 3alemet el-wa7sh w-yalle sajado la-sourto. W-kabbo el-wa7sh wel-nabe el-kezzeb henne w-ba3don 3ayshin bi-bou7ayra min nar el-kabrit el-wel3an. W-meto el-be2yin bel-seyf el-tali3 min temm el-khiyyel, w-sheb3et kell el-3safeer min l7oumon. Min ba3da sheft malèk nezil min el-sama 7amel bi-2ido mefte7 el-hewwe w-janzeer 3azeem. Kamash el-tennin, el-7ayye el-2adeeme, ye3ne eblees aw el-shaytan, w-rabbato la-alf sene w-kabbo bel-hewwe w-2affal 3le w-khatama, ta-ma yerja3 yekhda3 el-oumam, min halla2 ta-yemro2 alf sene, w-min ba3d el-alf sene la-bodd enno yefelto la-wa2et 2asir. W-sheft 3roush 2a3ado 3leya yalle n3atalon soultet el-7ekm. W-sheft nfous yalle n2atalo kermel el-shahede la-YASOU3 w-kermel kelmet ALLAH w-yalle ma sajado lal-wa7sh wala la-sourto w-ma 7atto 3a-jbeenon aw 2ideyon 3alemet el-wa7sh, kermel hek 3asho w-malako ma3 el-MASI7 alf sene. Bass be2e el-mawta ma bi3isho abl ma yemro2 alf sene. Hayde hiye el-2iyeme el-awle. Yetberak w-yet2addas yalle ken elo nasib bel-2iyeme el-awle, fa-ma fi soultan lal-mawt el-tene 3leyon, w-bikouno kahanet ALLAH wel-MASI7 w-byemelko ma3o alf sene. W-lamma yemro2 alf sene, byenfalat el-shaytan min 7abso, w-byetla3 la-yekhda3 el-oumam yalle bi-zaweya el-ard el-arb3a, ye3ne Jouj w-Majouj, w-byejma3on lal-ma3rake, w-3adadon 2add 3adad raml el-ba7r. Tel3o 3ala wejj el-ard w-tjamma3o 7awl majmou3et el-2eddisin wel-madine el-ma7boube, w-nezlit nar min el-sama akaleton. W-nkabb eblees yalle khada3on bi-bou7ayret el-nar wel-kabrit, matra7 ma ken el-wa7sh wel-nabe el-kezzeb, ta-yet3azzabo kellon bel-nhar wel-leyl la-abad el-douhour. Min ba3da sheft 3arsh abyad 3azeem, w-sheft el-2e3id 3le, w-houe yalle harabit min eddem wejjo el-ard wel-sama w-ma be2e elon woujoud. W-sheft el-mawta kbar w-zghar we2fin eddem el-3arsh. W-nfata7et el-ketob, min ba3da nfata7 kteb ghayro houe kteb el-7ayet, w-t2ãsaso el-mawta metl ma 2alo el-ketob, kell wa7ad 3ala a3melo. W-kabb el-ba7r el-mawta yalle mawjoudin fih, wel-mawt w-3alam el-mawta kabbo el-mawta yalle mawjoudin fih. W-t2ãsas kell wa7ad 3ala a3melo. W-nkabb el-mawt w-3alam el-mawta bi-bou7ayret el-nar, w-hal-bou7ayra hiye el-mawt el-tene. W-kell meen ken esmo mish mawjoud bi-kteb el-7ayet nkabb bi-bou7ayret el-nar. Min ba3da sheft sama jdide w-ard jdide, li2anno el-sama el-awle wel-ard el-awle khtafo, w-ma be2e lal-ba7r woujoud, w-ana You7anna sheft el-madine el-m2addase, Ourashalim el-jdide, nezle min el-sama min 3end ALLAH, mzayyane metl 3arous jehze tetle2a bi-3areesa. W-sme3t sawt 3azeem min el-3arsh 3am bi2oul: "hon byeskon ALLAH wel-nes: byeskon ma3on w-bikouno shou3oubo. ALLAH nafso ma3on w-bikoun Ilehon, byemsa7 kell dam3a btenzal min 3younon. Ma byeb2a fi mawt wala 7ezn wala sarikh wala waja3, li2anno el-eshya el-2adeeme kholsit." Wel-2e3id 3al-3arsh 2al: "ana ra7 khalle kell shi ysir jdid!" Min ba3da 2alle: "ktob: hal-kelme sad2a w-7a2i2iyye." W-2alle: "tamm kell shi! Ana el-alèf wel-ye2, el-bideye wel-niheye. Ana ba3te el-3etshan min yenbou3 may el-7ayet bidoun mou2abil. El-mountaser byourat kell shi, w-bkoun Ileho w-bikoun 2ebne. Bass el-joubana wel-mish mou2minin wel-w7oush wel-mejrmeen wel-fejjar wel-sa7ara w-3ebbed el-awthen wel-kezzebin kellon, nasibon bel-bou7ayra el-wel3ane bel-nar wel-kabrit. Hayda houe el-mawt el-tene." W-ejene wa7ad min el-maleyke el-sab3a yalle ma3on el-keset el-sab3a el-melyene bel-nakbet el-sab3a el-akhira w-2alle: "ta3a ta-farjik el-3arous zawjet el-7amal." 7emelne bel-ROU7 3ala jabal 3azeem 3ale ktir w-farjene Ourashalim el-madine el-m2addase nezle min el-sama min 3end ALLAH, w-majd ALLAH 3leya. W-kenit 3am tsha3she3 metl 7jara karime nedra w-na2iyye metl el-ballour, w-ela sour 3azeem 3ale elo tna3shar beb w-3al-bweb tna3shar malèk w-aseme maktoube hiye aseme 2abeyel wled Isra2il el-tna3sh: min el-shar2 tlet bweb, w-min el-shmel tlet bweb, w-min el-jnoub tlet bweb, w-min el-gharb tlet bweb. W-ken sour el-madine m3ammar 3ala tna3shar ases, 3ala kell wa7ad minna esm min aseme rousl el-7amal el-tna3sh. Wel-malèk yalle 3am ye7kine ken mesik 2asbe min el-dahab ta-y2ees fiya el-madine w-bweba wel-sour taba3a. Wel-madine mrabba3a, toula 2add 3arda. 2esa bel-2asbe, w-tol3it aktar min alfen kilometre, el-toul wel-3ard wel-3louw 2add ba3d. Min ba3da 2es el-sour toli3 miyye w-arb3a-w-arb3een der3 (ye3ne shi sab3een mitr) 7asab 2iyes el-2ensen yalle sta3malo el-malèk. W-ken el-sour ma3moul min 7jara karime, wel-madine min dahab sãfé metl el-2zez el-na2e. W-kenit aseset sour el-madine mrassa3a bi-kell anwe3 el-moujawharat. El-ases el-awwal yashab, wel-tene ya2out azra2, wel-telit 3a2i2 abyad, wel-rabe3 zmerrod, wel-khames 3a2i2 ghemi2, wel-sedis 3a2i2 a7mar, wel-sebi3 zabarjad, wel-temin jaz3, wel-tesi3 ya2out asfar, wel-3ashir 3a2i2 akhdar, wel-7da3sh feyrouz, wel-tna3sh jamasht. W-kenit el-bweb el-tna3sh tna3shar beb loulou, kell beb minna ma3moul min 7abbet loulou. W-se7it el-madine min dahab sãfé sheffef metl el-2zez. W-ma sheft haykal bel-madine, li2anno el-RAB el-Ileh el-2adeer wel-7amal henne el-haykal taba3a. Wel-madine mish bi-7aje la-nour el-shams wel-2amar, li2anno majd ALLAH mnawwera wel-7amal houe 2andila. Ra7 temshe el-oumam 3ala el-daw taba3a, w-bye7emlo moulouk el-ard majdon la-3anda. Abadan ma bitsakkir bweba, li2anno ma fiya leyl. W-bijeeboula majd el-oumam w-karameta, w-ma bifout 3leya 7ada mish taher, wala yalle bya3emlo a3mel besh3a w-bikazzbo, bifouto 3leya bass yalle asamiyon maktoube bi-kteb el-7ayet, kteb el-7amal. Min ba3da farjene el-malèk nahr el-7ayet sãfé metl el-ballour byenba3 min 3arsh ALLAH wel-7amal w-byemshe bi-noss se7it el-madine w-3al-meylten shajret el-7ayet yalle btethmor tna3shar marra, kell shahr marra, w-bteshfe bi-wra2a el-oumam. Ma fi la3ne min ba3d liom. 3arsh ALLAH wel-7amal byesekno bel-madine, w-byesejdoulo yalle bye3badouh bishoufo wejjo, w-bikoun esmo 3ala jbeenon. Ma fi leyl honik, w-ma bye7tejo la-daw 2andil aw shams, li2anno el-RAB el-Ileh houe bikoun nouron, w-byemelko la-abad el-douhour. W-2alle el-malèk: "hal-kalem sade2 w-7a2i2e wel-RAB el-Ileh yalle byou7e lal-anbiya ba3at malèko ta-yekshof la-yalle bye3badouh shou yalle la-bodd enno ysir 2ariban. Ana jeye 3an 2arib. Niyyel yalle byemshe 7asab kalem el-anbiya bi-hayda el-kteb." W-ana You7anna, sme3t w-sheft hal-eshya. W-lamma sme3ta w-shefta, wa2a3et 3a-ejren el-malèk yalle khallene shoufa ta-esjedlo, 2alle: "ma terka3! Ana khadim metlak w-metl ekhewtak el-anbiya w-kell yalle byemsho 7asab kalem hal-kteb. Sjod la-ALLAH." W-2alle: "ma tektom kalem el-noubouwe yalle bi-hal-kteb, li2anno el-wa2et 2arrab. El-zalim khallih 3a-zolmo, wel-mish taher khallih hek, wel-sale7 khallih yeb2a sale7, wel-2eddis khallih yeb2a 3a-2adesto." Ana jeye 3an 2arib w-ma3e el-moukefa2a yalle bkefe fiya kell wa7ad 7asab a3melo. Ana el-alèf wel-ye2, wel-awwal wel-akhir, wel-bideye wel-niheye." Niyyel yalle byghasslo tyebon ta-ykoun 3endon soultan 3ala shajret el-7ayet, w-ta-yfouto 3al-madine min bweba. Bass yalle barrat el-madine, hal-ashkhas henne el-kleb wel-sa7ara wel-fejjar wel-mejrmeen w-yalle bye3bado el-awthen wel-kezzebin w-yalle bi7ebbo el-kezb. "Ana YASOU3 ba3attelkon malèke ta-yesh'had bi-hal-eshya bel-kaneyes. Ana 2asl Daoud w-sleelto, ana nejmet el-sob7 el-mdawweye." Bi2oul el-ROU7 wel-3arous: "ta3a!" Yalle sem3 khallih y2oul: "ta3a!" W-yalle 3etshan khallih yeje, w-meen ma baddo khallih yekhod may el-7ayet bidoun mou2abil. W-ana b7azzir kell yalle 3am yesma3o kalem el-anbiya yalle bi-hal-kteb enno ma yzeedo 3le 7arf, a7san ma yzeed ALLAH 3le min el-nakbet el-mawsoufe bi-hal-kteb. W-yalle byem7e 7arf min kalem el-anbiya yalle bi-hal-kteb, bye7ermo ALLAH min shajret el-7ayet w-min el-madine el-m2addase, el-mawsoufin bi-hal-kteb. Bi2oul el-shehid 3an hal-eshya: "na3am, ana jeye 2ariban!" Ãmin. Ta3a, ya hal-RAB YASOU3. Ne3met el-RAB YASOU3 tkoun ma3kon kellkon. Ãmin.