﻿<?xml version="1.0" encoding="UTF-8"?>
<bible language="Awadhi ERV (पवित्तर बाइबिल)" status="Awadhi Holy Bible: Easy-to-Read Version All rights reserved. © 2005 Bible League International" link="https://www.bible.com/bible/2560/1PE.3.AERV">
	<testament name="Old">
		<book number="1">
			<chapter number="1">
				<verse number="1">सुरु मँ परमेस्सर अकास अउ भुइँया क रचेस।</verse>
				<verse number="2">भुइँया सुनसान रही: अउ भुइयाँ प कछू भी नाहीं रहा। समुद्दर प अँधियारा छावा रहा, अउ परमेस्सर क आतिमा पानी प मँड़रात रहा।</verse>
				<verse number="3">तब परमेस्सर कहेस, “उजियारा होइ” अउ उजियारा होइ गवा।</verse>
				<verse number="4">परमेस्सर उजियारा क लखेस अउ उ जानि गवा कि इ नीक बाटइ। तबहि उ उजियारा का अँधयारा से अलग कई दिहेस।</verse>
				<verse number="5">परमेस्सर उजियारा क नाउँ “दिन” अउ अँधियारा क नाउँ “रात” दिहेस। साँझ भइ अउ भिन्सार भवा। इ पहिला दिन रहा।</verse>
				<verse number="6">तब्बइ परमेस्सर कहेस, “पानी क एक ढेर क दूसर ढेर स अलगावइ बरे वायुमण्डल होइ जाइ।”</verse>
				<verse number="7">ऍह बरे परमेस्सर वायुमण्डल क बनएस अउ पानी क अलग किहेस। कछू पानी वायुमण्डल क ऊपर रहा अउ कछू वायुमण्डल क नीचे।</verse>
				<verse number="8">परमेस्सर वायुमण्डल क “अकास” कहेस। तब साँझ भइ अउ भिन्सार भवा। इ दूसर दिन रहा।</verse>
				<verse number="9">अउर तब परमेस्सर कहेस, “भुइँया क पानी एक ठउरे प बटुर जाइ जेहसे झुरान भुइँया देखाइ देइ” अउ अइसा ही भवा।</verse>
				<verse number="10">परमेस्सर झुरान भुइँया क नाउँ “धरती” धरेस अउ जउन पानी बटुरा रहा, ओका “समुद्दर” क नाउँ दिहेस। परमेस्सर लखेस कि इ नीक अहइ।</verse>
				<verse number="11">तब परमेस्सर कहेस, “भुइँया, घास अउ पौधा जउन अन्न पइदा करत ही अउर फलन क बिरवा उगावइ। फलन क बिरवा जेकरे फलन क भीतर बिया होइ अइसा फल पइदा करइँ अउ हर एक ठु पौधा आपन जाति क बिया बनावइ। इ पौधन क भुइयाँ प निकरइ द्या।” अउ अइसा ही भवा।</verse>
				<verse number="12">भुइयाँ घास अउ पौधा पइदा किहस जउन अनाज पइदा करत ही अउ अइसा बिरवा अउ पौधा उगाएस जेनके फलन क भीतर बिया होत हीं। हर एक ठु पौधा आपन आपन जाति क मुताबिक बिया पइदा किहस अउ परमेस्सर लखेस कि इ नीक अहइ।</verse>
				<verse number="13">तब साँझ भइ अउ भिन्सार भवा। इ तीसर दिन रहा।</verse>
				<verse number="14">तब परमेस्सर कहेस, “अकास मँ जोतियन होइ द्या। इ जोतियन दिन क रात स अलगाइ देइ। इ जोतियन खास त्यौहार क दिनन क अवइ अउर दिन अउ रात होइ ऍकरे बरे मँ एक चीन्हा होब्या।</verse>
				<verse number="15">इ जोतियन भुइयाँ प प्रकास देइ बरे अकासे मँ ठहारि जाइँ।” अउर अइसा ही भवा।</verse>
				<verse number="16">तब परमेस्सर दुइ बड़की जोतियन बनाएस। परमेस्सर ओहमाँ स बड़की जोति क दिन प राज करइ बरे बनाएस अउ छोटकी जोति क राति प राज करइ खातिर बनाएस। परमेस्सर तारा भी बनाएस।</verse>
				<verse number="17">परमेस्सर इ जोतियन क अकासे मँ ऍह बरे धरेस कि पृथ्वी पइ चमकइ।</verse>
				<verse number="18">परमेस्सर इ जोतियन क अकासे मँ ऍह बरे धरेस कि उ दिन अउ राति प राज करइ। इ सबइ जोतियन उजियारा क अँधियारा स अलगाइ दिहन अउ परमेस्सर इ लखेस कि इ नीक बा।</verse>
				<verse number="19">तब साँझ भइ अउ भिन्सार भवा। इ चउथा दिन रहा।</verse>
				<verse number="20">तबही परमेस्सर कहेस, “पानी बहोत सारी जीब जन्तूअन स भरि जाइ अउ पंछी भुइयाँ क उ ऊपर वायु मँ बिचरइँ।”</verse>
				<verse number="21">ऍह बरे परमेस्सर समुद्दर मँ बडंवार बड़वार जलजन्तु बनएस। परमेस्सर ओन सबहिँ परानियन क बनएस जउन समुद्दर मँ बिचरत हीँ। सागर मँ किसिम किसिम क जलजन्तु बाटेन। परमेस्सर इ सबन क रचना किहेस। परमेस्सर हर तरह क पंछी भी बनएस जउन अकासे मँ उड़त ही। परमेस्सर लखेस कि इ नीक अहइ।</verse>
				<verse number="22">परमेस्सर इ जनावरन क आसीर्बाद दिहेस, अउ कहेस, “जा अउ बहोत स बच्चन क पइदा करा अउ सागरे क आपन सन्तानन स भरि द्या।” उ पंछी क भी कहेस कि आपन सन्तानन क कइ गुना बढ़ावा।</verse>
				<verse number="23">तब साँझ भइ अउ भोर भवा। इ पँचवा दिन रहा।</verse>
				<verse number="24">तब परमेस्सर कहेस, “भुइँया हर जाति क जीउ जन्तु पइदा करइ। बहोत स अलग अलग जाति क जनावर होइँ। हर जाति क बड़का जनावर अउ नान्ह नान्ह रेंगइवाला जनावर होइँ अउ इ जनावर आपन जाति क मुताबिक अउर जनावर बनावइँ” अउ इहइ सब भवा।</verse>
				<verse number="25">तउ, परमेस्सर हर जाति क जनावर बनाएस। उ जंगली जनावर, पालतू जनावर, अउ सबहिँ नान्ह नान्ह रेंगइवाला जीउ बनाएस अउर परमेस्सर लखेस कि इ नीक अहइ।</verse>
				<verse number="26">तब परमेस्सर कहेस, “अब मनई क आपन सरुप अउर आपन जइसा बनाएँ मनई हमरी तरह होइ। उ सागर क सब मछरियन प अकासे क पंछियन प राज करी। उ भुइँया क सब बड़वार जनावरन अउ सब नान्ह रेगंइवालन जीउ प राज करी।”</verse>
				<verse number="27">ऍह बरे परमेस्सर मनई क आपन सरुप मँ बनाएस। परमेस्सर मनई क आपन ही सरुप मँ सिरजेस। परमेस्सर ओनकइ नर अउ नारी बनाएस।</verse>
				<verse number="28">परमेस्सर ओनका असीसेस। परमेस्सर ओनसे कहेस, “बहोत सारे संतानन पइदा करा, नसलन क बढ़ावा अउर भुइँया क भरि द्या। भुइँया पइ कब्जा कर ल्या। अउ ओह प राज करा। सागर क मछरियन प अउ अकासे क पंछिन प राज करा। भुइँया क हर जीउ-जन्तु प राज करा।”</verse>
				<verse number="29">परमेस्सर कहेस, “लखा, मइँ तू पचन क सब किसिम क बिआदार बृच्छ पौधा अउ सारा फलदार बृच्छ दिहेउँ ह। इ सबइ अन्न अउ फल तोहार भोजन होइ।</verse>
				<verse number="30">मइँ हर एक ठु हरिअर पेड़ पौधा गोरु बरे देत अहउँ। इ सबइ हरिअर बृच्छ पौधा ओनकइ चारा होइ। भुइँया क हर एक ठु जनावर, अकासे क हर एक पंछी अउ भुइँया प रेंगइवाला सब जीउ जन्तु इ चारा क खइही।” इ सबइ बातन भइँन।</verse>
				<verse number="31">परमेस्सर अपने जरिये हर एक ठु चीज लखेस जेका उ बनाएस रहा। अउ उ निहारेस कि हर चीज बहोतइ नीक बाटइ। साँझ भइ अउ भोर भवा। इ छठवाँ दिन रहा।</verse>
			</chapter>
			<chapter number="2">
				<verse number="1">इ तरह धरती, अकास अउ ओकर हर एक चीज क रचब पूर होइ गवा।</verse>
				<verse number="2">परमेस्सर आपन कीन्ह जात काम क पूरा कइ लिहेस। ऍह बरे सतएँ दिन परमेस्सर अपने काम मँ अराम किहेस।</verse>
				<verse number="3">परमेस्सर सतएँ दिन क असीसेस अउ ओका पवित्र दिन बनइ दिहेस। परमेस्सर उ दिना क पवित्र दिन ऍह बरे बनाएस कि संसार क बनवत समइ जउन उ काम करत रहा उ सबहि कामे स उ दिन उ अराम किहेस।</verse>
				<verse number="4">इ धरती अउ अकास क इतिहास अहइ। इ कथा उ चिजियन क अहइ, जउन परमेस्सर क जरिये धरती अउ अकास बनवत टेम प भइन,</verse>
				<verse number="5">तब धरती प कउनो बृच्छ पौधा नाही रहा। अउ खेतन मँ कछू भी नाही उगत रहा। काहेकि यहोवा तब तलक धरती प बरखा नाही पठए रहा अउ बृच्छ पौधन क देखइ भालइ वाला कउनो मनइँ भी नाही रहा।</verse>
				<verse number="6">मुला कुहिरा भुइँया स उठत रहा अउ पानी समूचइ धरती क सींचत रहा।</verse>
				<verse number="7">तब यहोवा परमेस्सर भुइँया स धूरि उठाएस अउ मनई क बनाएस। यहोवा मनई क नाके मँ जिन्नगी क साँस फूँकेस अउ मनई एक ठु जिअत परानी बन गवा।</verse>
				<verse number="8">फुन यहोवा परमेस्सर पूरब मँ अदन नाउँ क ठउरे मँ एक बाग लगाएस। यहोवा परमेस्सर आपन बनावा भवा मनई क इहइ बगिया मँ राखेस।</verse>
				<verse number="9">यहोवा परमेस्सर हर एक सुन्नर बृच्छ अउ खइया बरे सबहि किसिम क नीक बृच्छ क उ बगिया मँ उगाएस। बगिया क बिचउ बीच यहोवा परमेस्सर जिन्नगी क बृच्छ क धरेस अउ उ बृच्छ क भी राखेस जउन अच्छाई अउ बुराई क जानकारी देत रहा।</verse>
				<verse number="10">अदन स होइके एक ठु नदी बहत रही अउ उ बाग क सींचत रही। उ हुवाँ स अगवा जाइके चार ठु नान्ह नान्ह धारा मँ बदल गइ रही।</verse>
				<verse number="11">पहिली नदी क नाउँ पीसोन रहा। इ नदी हवीला पहटा क चारिहु कइँती बहत रही।</verse>
				<verse number="12">(उ पहटा मँ सोना अहइ अउ उ सोना नीक बाटइ। मोती अउर गोमेदक रतन उ पहटा मँ अहइँ।)</verse>
				<verse number="13">दूसरी नदी क नाउँ गीहोन अहइ जउन इथोपिया देस क चारो तरफ बहत ह।</verse>
				<verse number="14">तीसरी नदी क नाउँ दजला बा। इ नदी अस्सूर क पूरब मँ बहत ह। चउथी नदी फरात अहइ।</verse>
				<verse number="15">यहोवा परमेस्सर मनई क अदन क बाग मँ रखेस। मनई क काम पेड़-पौधा लगाउब अउ बगिया क रखवारी करब रहा।</verse>
				<verse number="16">यहोवा परमेस्सर मनई क हुकुम दिहेस। यहोवा परमेस्सर कहेस, “तू बगिया क कउनो भी बृच्छ स फल खाइ सकत ह।</verse>
				<verse number="17">मुला तू नीक अउ खोट क गियान देइवाला बृच्छ क फल नाही चख सकत ह। अगर तू उ बृच्छ क फल खाइ लेब्या तउ तू मरि जाब्या।”</verse>
				<verse number="18">तब यहोवा परमेस्सर कहेस, “मनई क अकेले रहब नीक नाही। मइँ ओकरे तरह एक मनई ओका मदद बरे बनउब।”</verse>
				<verse number="19">यहोवा परमेस्सर धरती क हर एक जनावर अउ अकासे क हर पंछी क भुइँया क माटी स बनएस। यहोवा परमेस्सर इ सबहि जीउवन क मनई क समन्वा लइ आवा अउ मनई हर एक क नाउँ राखेस।</verse>
				<verse number="20">मनई पालतू गोरु, अकासे क सब पंछिन अउ जंगल क सबहिँ जनावर क नाउँ रखेस। मनई ढेर क जनावर अउ पंछिन क लखेस। मुला मनई कउनो अइसा मदद करइया नाही पाइ सका जउन ओकरे जोग्ग होइ।</verse>
				<verse number="21">ऍह बरे यहोवा परमेस्सर मनई क गहरी नींदे मँ सुवाइ दिहेस अउ जब उ सोवत रहा; यहोवा परमेस्सर मनई क तन स एक पसुली निकारी लिहस। तब यहोवा मनई क चाम क बन्द कइ दिहस जहाँ स उ पसुली निकारे रहा।</verse>
				<verse number="22">यहोवा परमेस्सर मनई क पसुली स मेहरारू क बनाएस। तब यहोवा परमेस्सर मेहरारू क मनई क लगे लिआवा।</verse>
				<verse number="23">अउर मनई कहेस, “आखिर मँ! हमरे तरह एक मनई। ऍकर हाड़ मोरे हाड़ मँ स आवा ऍकर तन मोरे तन स आवा। कोहेकि इ मनई स निकारी गइ, ऐह बरे मइँ ऍका ‘मेहरारू’ कह्ब।”</verse>
				<verse number="24">इहइ कारण स मनई आपन महतारी-बाप क तजिके आपन मेहरारू क संग रही अउ उ दुइनउँ एक तन होइ जइहीं।</verse>
				<verse number="25">मनई अउ ओकर मेहरारू बगिया मँ नंगा रहेन: मुला उ पचे लजात नाहीं रहेन।</verse>
			</chapter>
			<chapter number="3">
				<verse number="1">यहोवा परमेस्सर जउन जंगली जनावरन क बनाएस ओहमाँ स सरप सबन सबन त जिआदा होसियार अउर धोखेबाज रहा। उ मेहरारू क धोखा देइ चाहत रहा। सरप मेहरारु स कहेस, “हे मेहरारु! का फुरइ परमेस्सर तोहसे कहेस ह कि तू बगिया क कउनो फल जिन चख्या?”</verse>
				<verse number="2">मेहरारु सरप स कहेस, “नाही परमेस्सर इ नाहीं कहेस। हम बगिया क पेड़े स फल खाइ सकित ह।</verse>
				<verse number="3">मुला एक ठु बृच्छ बाटइ जेकर फल हम पचे नाहीं खाइ सकित। परमेस्सर हम पचन स कहेस ह, ‘तोहका उ बृच्छ क फल नाही खाइ चाही जउन बगिया क बीच मँ बाटइ। तोहका उ बृच्छ क छुअइ तलक नाही चाहीं नाही तउ मरि जाब्या।’”</verse>
				<verse number="4">मुला सरप मेहरारु स कहेस, “तू मरिब्या नाही।</verse>
				<verse number="5">परमेस्सर जानत ह कि तू पचे उ बृच्छ स फल खाब्या तउ नीक अउ बुरा क बारे मँ जानि लेब्या। अउर तब तू उहइ होब्या जइसे परमेस्सर अहइ।”</verse>
				<verse number="6">फुन मेहरारु निहारेस कि बृच्छ सुन्नर बाटइ। उ लखेस कि फल खाइ बरे नीक बाटइ अउ उ बृच्छ ओका बुद्धिमती बनाइ। तउ बृच्छ स कछू फल तोड़ेस अउ खाएस भी। तब उ अपने भतार क कछू फल खाइ बरे दिहस जउन ओकरे संग रहा।</verse>
				<verse number="7">तब ओनकइ अखियाँ खुलि गएन। दुइनउँ जानेन कि उ पचे नंगा बाटेन। उ दुइनउँ क लज्जा अनुभव भवा। तउ उ पचे अंजीरे क पत्ता लिहेन ओका सिएन अउ आपन नंगापन क ढाँपि लिहेन।</verse>
				<verse number="8">तब मनसेधू अउ मेहरारु साँझ क ठंडी बयार मँ यहोवा परमेस्सर क आवइ क अवाज बगिया मँ अनकेन। उ पचे बगिया मँ बृच्छन क बीच लुकाइ गएन,</verse>
				<verse number="9">यहोवा परमेस्सर गोहराइके मनई स पूछेस, “तू कहा बाट्या?”</verse>
				<verse number="10">मनई जवाब दिहेस, “मइँ तोहरे टहरइ क अवाज बगिया मँ सुनेउँ अउ मइँ डेराइ गएउँ काहेकि मइ नंगा रहेउँ। ऍह बरे मइँ लुकाइ गएउँ।”</verse>
				<verse number="11">यहोवा परमेस्सर मनई स पूछेस, “तोहका कउन बताएस ह कि तू नंग धड़ंग अहा? तू कउने वजह स सरमाइ गया ह? का तू उ बिसेख बृच्छ क फल चख्या ह जेका मइँ तोहका न खाइ बरे हुकुम दिहेउँ ह?”</verse>
				<verse number="12">तब मनई कहेस, “तू जउन मेहरारु मोरे बरे बनया ह उ उहइ बृच्छ स मोका फल दिहस ह, अउर मइँ ओका खाएउँ ह।”</verse>
				<verse number="13">फुन यहोवा परमेस्सर मेहरारु स कहेस, “इ तू का किह्या ह?” मेहरारु कहेस, “सरप मोका बगदाइ दिहस। उ मोका मूरख बनाएस अउर मइँ फल चखि लिहेउँ।”</verse>
				<verse number="14">तब यहोवा परमेस्सर कीरा स कहेस, “तू इ बहोतइ बुरा किहा। ऍह बरे तोहार बुरा ही होइ। दूसर जनावर क बनिस्बत तोहार बहोतइ बुरा होइ। तू आपन पेट क सहारा रेगंइ बरे बेबस होब्या। अउर तू धूरि फाँकइ क बेबस होब्या जिनगी क सब दिन मँ।</verse>
				<verse number="15">मइँ तोहका अउ मेहरारु क एक दूसरे क दुस्मन बनाउब। तोहार गदेलन अउ ऍकर बच्चा आपस मँ दुस्मन होइहीं। तू ऍनकइ गदेलन क गोड़े मँ डसब्या अउ उ तोहार मूँड़ कुचल देइहीँ।”</verse>
				<verse number="16">तब यहोवा परमेस्सर मेहरारु स कहेस, “मइँ तोहका गाभिन होइ क हालत मँ बहोतइ दुखी करब। अउर जब तू लरिका पइदा करिबिउ, तोहका बहोत जियादा पीरा होइ। तू आपन भतार क बहोतइ चहिबिउ, मुला उ तोह प प्रभुताई करी।”</verse>
				<verse number="17">तब यहोवा परमेस्सर मनई स कहेस, “मइँ हुकुम दिहेउँ रहे कि तू विसेख बृच्छ क फल जिन खाया। मुला तू आपन मेहरारु क बात सुन्या अउर उ बृच्छ क फल खाया ह। ऍह बरे मइँ तोहरे कारण इ भुइँया क सराप देत हउँ आपन जिन्नगी क पूरे टेमँ तलक उ भोजन बरे जउन धरती देत ह तोहका कठिन मेहनत करइ क पड़ी।</verse>
				<verse number="18">मुला धरती तोहरे बरे काँटन अउर खर-पतवार पइदा करी। अउर तू ओन पौधन क खाब्या जउन खेत मँ उगत ह।</verse>
				<verse number="19">तू आपन खइया बरे कठोर मेहनत करब्या। तू तब तलक मेहनत करब्या जब तलक माथा प पसिना न आवइ। तू तब तलक कठोर मेहनत करब्या जब तलक तोहार मउत न आइ जाइ। उ टेमँ तू दूसरी दाईं माटी बन जाब्या। जब मइँ तोहका बनाए रह्यों, तबहि तोहका माटी स बनाए रह्यों अउर जब तू मरिब्या तब तू उहइ माटी मँ फुन मिलि जाब्या।”</verse>
				<verse number="20">आदम आपन मेहरारु क नाउँ हव्वा राखेस, काहेकि सब मनइयन क उ आदि महतारी रही।</verse>
				<verse number="21">यहोवा परमेस्सर मनई अउ ओकरे मेहरारु बरे जनावर क चाम स पोसाक बनाएस। तब यहोवा इ सबइ पोसाक ओनका दिहस।</verse>
				<verse number="22">यहोवा परमेस्सर कहेस, “लखा, मनई हमरे जइसा होइ गवा अहइ। मनई अच्छाई अउ बुराई जानत ह अउर अब मनई जिन्नगी क बृच्छ स भी फल लइ सकत ह। अगर मनई उ फले क खाई तउ सदा ही जिअत रही।”</verse>
				<verse number="23">तब यहोवा परमेस्सर मनई क अदन क बगिया तजइ बरे बेबस किहस। जउने माटी स आदम बना रहा उ भुइँया प आदम क कठोर मेहनत करइ क पड़ी।</verse>
				<verse number="24">परमेस्सर आदम क बाग स बाहेर खदेर दिहस। तब परमेस्सर करूब सरगदूतन क बगिया क फाटक क रखवारी बरे राखेस। उ एक आगी क तरवार भी राखेस। इ तरवार जिन्नगी क बृच्छ क राह क रखवारी करत भइ चारिहुँ कइँती चमकत रही।</verse>
			</chapter>
			<chapter number="4">
				<verse number="1">आदम अउ ओकर मेहरारु हव्वा क बीच मँ तने क रिस्ता भवा अउ हव्वा एक ठु बच्चा जन्मेस। बच्चा क नाउँ काबील रखा गवा। हव्वा कहेस, “यहोवा क मदद स मइँ एक मनई पाएउँ ह।”</verse>
				<verse number="2">ऍकरे पाछे हव्वा एक ठु दूसर बच्चा क जन्मेस। इ लरिका काबील क भाई हाबिल रहा। हाबिल गड़रिया बना। काबिल किसान बना।</verse>
				<verse number="3">फसिल क टेमँ काबील एक ठु भेंट यहोवा क लगे लइ आवा। जउन अनाज काबील आपन जमीन मँ उपजावत रहा, ओहमाँ स तनिक अन्न उ लइ आवा। मुला हाबिल आपन जनावरन क झुण्ड मँ स कछू जनावर लावा। हाबिल आपन सबन त नीक भेड़ी क सबन त बढ़िया हीसा लइ आवा। यहोवा हाबिल अउ ओकरी भेंट क अंगीकार किहस।</verse>
				<verse number="4"></verse>
				<verse number="5">मुला यहोवा काबील अउ ओकरे जरिये लाइ गइ भेंट क अंगीकार नाही किहस। ओकर चेहरा उदास होइ गवा।</verse>
				<verse number="6">यहोवा काबील स पूछेस, “तू काहे कोहान अहा? तोहार चेहरा काहे बहोत उदास भवा देखात बाटइ?</verse>
				<verse number="7">अगर तू नीक काम करिब्या तउ तू मोरी निगाह मँ ठीक रहब्या। तब मइँ तोहका अपनाउब। मुला अगर तू उ काम नाही करिब्या जउन कि नीक अहइ तउ पाप तोहार दरवाजे पइ घात मँ रहब्या। इ तोहका तबाह करइ चाहत ह। मुला तोहका ऍका आपन बस मँ रखइ चाही।”</verse>
				<verse number="8">काबील आपन भाई हाबिल स कहेस, “आवा हम मैदान मँ चली।” ऍह बरे काबील अउ हाबिल मैदान मँ गएन। तब काबील आपन भाई प हमला कइ दिहस अउ ओका मारि डाएस।</verse>
				<verse number="9">पाछे यहोवा काबील स पूछेस, “तोहार भाई हाबिल कहा बा?” काबील जवाब दिहेस, “मोका नाही मालुम। का इ मोर काम अहइ कि मइँ आपन भाई क चउकसी अउ देखभाल करउँ?”</verse>
				<verse number="10">तब्बइ यहोवा कहेस, “तू इ का किहा? तोहरे भाई क रकत जमीन स बोलत अहइ कि का होइ ग अहइ? तू आपन भाई क कतल किहा ह, भुइँया तोहरे हाथे स ओकर रकत लेइ बरे खुल गइ अहइ। ऍह बरे तोहका अगिया नाही अहइ कि तू धरती स कउनो लाभ उठावा।</verse>
				<verse number="11"></verse>
				<verse number="12">बीता जमाना मँ तू फसल लगाया अउ उ अच्छी जामी। मुला अब तू बढ़िया फसल बोउब्या अउ जमीन तोहार अच्छी फसल होइ मँ मदद न करी। तोहका भुइँया प घर न मिली। तू जगह-जगह भटकत रहब्या।”</verse>
				<verse number="13">तब काबील कहेस, “इ सजा ऍतनी जियादा अहइ कि मइँ सह नाहीं सकत हउँ।</verse>
				<verse number="14">लखा, तू आज मोका धरती स तजि दिहस मइँ न तउ तोका देख पाउब अउर न ही तोर निकट रह पाउब। मोर घर नाहीं बा। मोका जगह-जगह भटकइ प बेबस कीन्ह जाई। अउर जदि कउनो मनई मोका पाइ तउ उ मोका मारि डाइ।”</verse>
				<verse number="15">तब यहोवा काबील स कहेस, “मइँ इ नाही होइ देब। जदि कउनो तोहका मारी तउ मइँ उ मनई क बहोत कठोर सजा देब।” तब यहोवा काबील प एक चीन्हा बनाएस। इ चीन्हा उ बतावत रहा कि काबील क कउनो न मारइ।</verse>
				<verse number="16">तब कबील यहोवा क तजि क चला गवा। काबील नोद देस मँ रहइ लाग।</verse>
				<verse number="17">काबील आपन मेहरारु क संग तने क रिस्ता किहस। उ गाभिन होइ गइ। उ हनोक नाउँ क बच्चा जन्म दिहस। काबील एक सहर बसाएस, अउर ओकर नाउँ आपन पूत क नाउँ प हनोक ही राखेस।</verse>
				<verse number="18">हनोक स ईराद पइदा भवा, ईराद स महूयाएल पइदा भवा, महूयाएल स मतूसाएल पइदा भवा अउर मतूसाएल स लेमेक पइदा भवा।</verse>
				<verse number="19">लेमेक दुइ मेहरारु स बियाह किहस। एक मेहरारु क नाउँ आदा अउ दूसर क नाउँ सिल्ला रहा।</verse>
				<verse number="20">आदा याबल क जन्मेस। याबाल ओन मनइयन क बाप रहा जउन तम्बू मँ रहत रहेन अउ गोरु क पाल पोस क आपन गुजर बसर करत रहेन।</verse>
				<verse number="21">आदा क दूसर पूत यूबाल भी रहा। यूबाल, याबाल क भाई रहा। यूबाल ओन मनइयन क बाप रहा जउन बीणा अउ बाँसुरी बजावत रहेन।</verse>
				<verse number="22">सिल्ला तूबलकैन क जन्म दिहस। तूबलकैन ओन मनइयन क बाप रहा जउन काँसा अउ लोहा क पेसा करत रहेन। तूबलकैन क बहिन क नाउँ नामा रहा।</verse>
				<verse number="23">लेमेक आपन मेहरारुअन स कहेस: “ऐ आदा अउ सिल्ला मोरउ बात सुना, लेमेक क मेहररुओ! जउन बतियन मइँ कहत हउँ, सुना। एक मनई मोका चोट पहुँचाएस, मइँ ओका मारि डालेउँ। एक जवान मोका चोट पहुचाएस ऍह बरे मइँ ओका मारि डाएउँ।</verse>
				<verse number="24">जदि काबील क कतल करइ क सजा सात गुना अहइ तउ लेमक क कतल क सजा सतहत्तर गुना होब्या!”</verse>
				<verse number="25">आदम अउ हव्वा क संग पुन तने क रिस्ता भवा अउ हव्वा एक ठु अउर बच्चा क जन्म दिहेस। उ पचे इ लरिका क नाउँ सेत राखेन। हव्वा कहेस, “परमेस्सर मोका एक अउर पूत दिहेस ह। काबील हाबिल क मारि डाएस मुला सेत अब मोरे लगे अहइ।”</verse>
				<verse number="26">सेत क भी एक पूत रहा। एकर नाउँ एनोस रहा। उ टेमँ लोगन यहोवा क आराधना करई लागेन।</verse>
			</chapter>
			<chapter number="5">
				<verse number="1">इ अध्याय मँ आदम क परिवार क बंसज क बारे मँ अहइ। परमेस्सर मनई क आपन सरुप मँ बनाएस।।</verse>
				<verse number="2">परमेस्सर ओनका नर अउर मादा बनाएस। जउन दिन ओनका बनाएस उहइ दिन उ ओनका असीसेस अउर ओनका नाउँ “आदम” राखेस।</verse>
				<verse number="3">जब आदम एक सौ तीस बरिस क होइ गवा तब उ एक अउर बचवा क बाप भवा। इ पूत ठीक आदम क तरह देखाइ देत रहा। आदम आपन पूत क नाउँ सेत राखेस।</verse>
				<verse number="4">सेत क जन्म क पाछे आदम आठ सौ बरिस जिअत रहा। इ दिनन मँ आदम क दूसर बेटवन अउ बिटियन भइन।</verse>
				<verse number="5">इ तरह आदम पूरा नौ सौ तीस बरिस जिअत रहा, तब उ मरा।</verse>
				<verse number="6">जब सेत एक सौ पाँच बरिस क होइ गवा तब ओका एनोस नाउँ क पूत पइदा भवा।</verse>
				<verse number="7">एनोस क जन्म क पाछे सेत आठ सौ सात बरिस जिअत रहा। इहइ सेत क दूसर बेटवन अउ बिटियन पइदा भइन।</verse>
				<verse number="8">इ तरह सेत पूरा नौ सौ बारह बरिस जिअत रहा, तब उ मरा।</verse>
				<verse number="9">एनोस जब नब्बे बरिस क भवा, ओका केनान नाउँ क पूत पइदा भवा।</verse>
				<verse number="10">केनान क जन्म क पाछे एनोस आठ सौ पन्द्रह बरिस जिअत रहा। इ दिनन एकर दूसर बेटवन अउ बिटियन पइदा भइन।</verse>
				<verse number="11">इ तरह एनोस पूरा नौ सौ पाँच बरिस जिअत रहा, तब उ मरा।</verse>
				<verse number="12">जब केनान सत्तर बरिस क भवा, ओका महललेल नाउँ क पूत पइदा भवा।</verse>
				<verse number="13">महललेल क जन्म क पाछे केनान आठ सौ चालीस बरिस जिअत रहा। इ दिनन केनान क दूसर बेटवन अउ बिटियन पइदा भइन।</verse>
				<verse number="14">इ तरह केनान पूरा नौ सौ दस बरिस जिअत रहा, तब उ मरा।</verse>
				<verse number="15">जब महललेल पैसंठ बरिस क भवा, ओका येरेद नाउँ क पूत पइदा भवा।</verse>
				<verse number="16">येरेद क जन्म क पाछे महललेल आठ सौ तीस बरिस जिअत रहा। इ दिनन मँ ओका दूसर बेटवन अउ बिटियन पइदा भइन।</verse>
				<verse number="17">इ तरह महललेल पूरा आठ सौ पंचान्नबे बरिस जिअत रहा। तब उ मरा।</verse>
				<verse number="18">जब येरेद एक सौ बासठ बरिस क भवा तउ ओका हनोक नाउँ क पूत पइदा भवा।</verse>
				<verse number="19">हनोक क जनम क पाछे येरेद आठ सौ बरिस जिअत रहा। इ दिनन मँ ओका दूसर बेटवन अउ बिटियन पइदा भइन।</verse>
				<verse number="20">इ तरह येरेद पूरा नौ सौ बासठ बरिस जिअत रहा, तब उ मरा।</verse>
				<verse number="21">जब हनोक पैंसठ बरिस क भवा, ओका मतूसेलह नाउँ क पूत पइदा भवा।</verse>
				<verse number="22">मतूसेलह क जन्म क पाछे हनोक परमेस्सर क संग तीन सौ बरिस रहा। इ दिनन ओकर दूसर बेटवन अउ बिटियन पइदा भइन।</verse>
				<verse number="23">इ तरह हनोक पूरा तीन सौ पैंसठ बरिस जिअत रहा।</verse>
				<verse number="24">एक दिना हनोक परमेस्सर क संग चलत रहा अउ अछन्न होइ गवा काहेकि परमेस्सर उठाइ लिहस।</verse>
				<verse number="25">जब मतूसेलह एक सौ सत्तासी बरिस क भवा, ओका लेमेक नाउँ क पूत पइदा भवा।</verse>
				<verse number="26">लेमेक क जन्म क पाछे मतूसेलह सात सौ बयासी बरिस जिअत रहा। इ दिना ओकरे दूसर बेटवन अउ बिटियन पइदा भइन।</verse>
				<verse number="27">इ तरह मतूसेलह पूरा नौ सौ ओनहत्तर बरिस जिअत रहा, तब उ मरा।</verse>
				<verse number="28">जब लेमेक एक सौ ब्यासी बरिस क भवा, उ एक ठु पूत क बाप बना।</verse>
				<verse number="29">लेमेक आपन पूत क नाउँ नूह धरेस। लेमेक कहेस, “हम किसान लोग कठोर मेहनत करित ह काहेकि परमेस्सर भुइँया क सरापे अहइ। मुला नूह हम पचन क अराम देब।”</verse>
				<verse number="30">नूह क जन्म क पाछे, लेमेक पाँच सौ पंचान्नबे बरिस जिअत रहा। इ दिनन ओकरे दूसर बेटवन अउ बिटियन पइदा भइन।</verse>
				<verse number="31">इ तरह लेमेक पूरा सात सौ सतहत्तर बरिस जिअत रहा, तब उ मरा।</verse>
				<verse number="32">जब नूह पाँच सौ बरिस क भवा, ओकरे सेम, हाम अउर येपत नाउँ क पूत पइदा भएन।</verse>
			</chapter>
			<chapter number="6">
				<verse number="1">भुइँया प मनइयन क गनती बाढ़इ लाग। इ मनइयन क बिटियन पइदा भइन। अब परमेस्सर क पूतन लखेन कि मनई क बिटियन सुन्नर अहइँ। ऍह बरे परमेस्सर क पूतन आपन आपन इच्छा क मुताबिक जेसे चाहेन ओसे बियाह किहेन। तब यहोवा कहेस, “लोग सिरिफ मानव अहइ। मइँ हमेसा आपन आतिमा क इ सबन स दुःखी न होइ देब। मइँ ओनका एक सौ बीस बरिस क जिन्नगी देब।” ओन दिनन अउर ओकर पाछे भी हुआँ नेफिलिम लोग उ धरती मँ रहत रहेन। जब परमेस्सर क पूतन मनइयन क बिटियन सादी किहेन तउ ओन स बच्चे पैदा भएन। उ पचे मसहूर लोग रहेन। उ पचे पुराने जमाने स बहादुर रहेन।</verse>
				<verse number="2"></verse>
				<verse number="3"></verse>
				<verse number="4"></verse>
				<verse number="5">यहोवा लखेस कि भुइँया प मनई बहोत जिआदा पापी अहइँ। यहोवा लखेस कि मनई लगातार बुरी बात ही सोचत ह।</verse>
				<verse number="6">यहोवा क इ बात क दुःख भवा कि मइँ भुइँया प मनई क काहे बनाएउँ? यहोवा इ बात स बहोत दुःखी भवा।</verse>
				<verse number="7">ऍह बरे यहोवा कहेस, “मइँ आपन बनई भइ भुइँया क सब मनइयन क खतम कइ देब। मइँ हर एक मनई, जनावर अउ भुइँया प रेगंइवाला हर एक जिउ जन्तु क नास करब। मइँ अकासे क चिरइयन क भी खतम कइ देब। काहे? काहेकि मइँ इ बात स दुःखी अहउँ कि मइँ इ सबहि चीजन क बनएउँ।”</verse>
				<verse number="8">मुला भुइँया प यहोवा क खुस करइ वाला एक मनई रहा-नूह।</verse>
				<verse number="9">इ नूह क जिन्नगी क कहानी बाटइ। उ आपन समइ मँ एक बहोत ही अच्छा मनइ रहा। अउर उ हमेसा परमेस्सर क अनुसरण किहेस।</verse>
				<verse number="10">नूह क तीन पूत रहेन, सेम, हाम अउ येपेत।</verse>
				<verse number="11">परमेस्सर धरती प निगाह दउड़ाएस अउ उ निहारेस कि भुइँया क मनइयन बर्बाद कइ दिहे अहइँ। हर एक ठउरे प मारकाट फइला रहा। मनई पपियाइ ग रहेन अउ क्रूर होइ ग रहेन, अउर उ पचे धरती प आपन जिन्नगी बर्बाद कइ दिहे रहेन।</verse>
				<verse number="12"></verse>
				<verse number="13">ऍह बरे परमेस्सर नूह स कहेस, “सब मनइयन धरती क किरोध अउ हिसा स पाट दिहे अहइँ। इ खातिर मइँ सबहि जिअत प्राणियन क नास कइ देब। मइँ ओनका भुइँया स हटाइ देब।</verse>
				<verse number="14">गोपेर क काठ बइपरा अउ आपन खातिर एक ठु जहाज बनावा। जहाज मँ कमरन बनावा अउ जहाज क राल स भीतरे अउ बाहेर लीपि द्या।</verse>
				<verse number="15">“जउन जहाज मइँ बनावइ चाहत हउँ ओकर नाप जोख तीन सौ हाथ लम्बा, पचास हाथ चौड़ा, तीस हाथ ऊँच अहइ।</verse>
				<verse number="16">जहाज बरे छत स करीब एक हाथ खाले खिरकी बनावा। जहाज क बगल मँ फातक बनावा। जहाजे मँ तीन मंजिल बनावा। ऊपर क मंजिल, बिचकउ मंजिल अउ तरखाले क मंजिल।</verse>
				<verse number="17">“तू पचन क जउन बतावइ चाहत हउँ ओका धियान स सुना। मइँ धरती प बड़वार भारी पानी क बाढ़ लिआउब। अकासे क नीचे सबहि जीउन क नास करब। धरती क सब जीउ मरि जइहीँ।</verse>
				<verse number="18">मुला मइँ तू सबन क बचाउब। तब मइँ तोहसे एक खास करार करब। तू, तोहार पूतन, तोहार मेहरारु अउ तोहार पतोहुअन सबहि जहाज मँ सवार होइहीँ।</verse>
				<verse number="19">संग मँ तोहका जिअत प्राणी क जोड़ा भी लइ आवइ क होइ। हर एक प्राणी क नर अउ मादा जोड़ा जहाजे मँ लिआवा। आपन संग ओनका जिअत राखा।</verse>
				<verse number="20">धरती क हर किसिम क चिरइयन क जोड़ा भी हेरा। धरती क हर किसिम क जनावरन क जोड़ा हेरा। धरती प रेंगइवाला हर एक जीउ क जोड़ा क भी हेरा। धरती प हर किसिम क जनावरन क नर अउ मादा तोहरे संग होइहीं। जहाजे प ओनका जिअत राखा।</verse>
				<verse number="21">धरती प सब किसिम क भोजन भी लइ जहाजे प लइ आवा। इ भोजन तोहरे बरे अउ जनावरन बरे होइ।”</verse>
				<verse number="22">नूह इ सब कछू किहस। नूह परमेस्सर क सब हुकुम क मान लिहस।</verse>
			</chapter>
			<chapter number="7">
				<verse number="1">तब यहोवा नूह स कहेस, “मइँ लखेउँ ह कि इ समइ क बुरे मनइयन मँ तू ही एक नीक मनई अहा। ऍह बरे तू आपन परिवार क बटोरा अउ तू पचे सबहि जहाजे मँ चला जा।</verse>
				<verse number="2">हर एक सुद्ध जनावर क सात जोड़ा, (सात ठु नर अउ सात ठु मादा) संग मँ लइ ल्या अउ धरती क ऊपर दूसर असुद्ध जनावरन मँ स एक-एक जोड़ा नर अउ मादा लिआवा। इ सबहि जनावरन क आपन संग जहाजे मँ लइ आवा।</verse>
				<verse number="3">हवा मँ उड़इवाला सब पंछिन क सात ठु जोड़ा (सात ठु नर अउ सात ठु मादा) लिआवा। एहसे इ सबइ जनावरन भुइँया प जिअत रइही, जब कि दूसर जनावरन मिटि जइही।</verse>
				<verse number="4">अब स सतएँ दिन मइँ भुइँया प बहोतइ भारी बर्खा पठउब। इ बर्खा चालीस दिन अउ चालीस रात रही। पृथ्वी क सबहि जिअइवाले प्राणी मर बिलाइ जइही। मोर बनई सब चिजियन नस्ट होइ जइही।”</verse>
				<verse number="5">नूह ओन सबहि बतियन क मानेस जउन यहोवा हुकुम दिहे रहा।</verse>
				<verse number="6">बर्खा आवइ क टेँम नूह छ: सौ बरिस क रहा।</verse>
				<verse number="7">नूह अउ ओकर परिवार बाढ़ क पानी स बचइ बरे जहाजे मँ चला गवा। नूह क मेहरारु, ओकर पूतन अउ ओनकइ मेहररुअन ओकरे संग रहिन।</verse>
				<verse number="8">पृथ्वी क सब सुध्द जनावरन अउ असुध्द जनावरन, पंछियन अउ भुइँया प रेगंइवाला सब जीउ। नूह क संग जहाजे मँ चढ़ेन।</verse>
				<verse number="9">इ सबइ जनावरन क नर अउ मादा जोड़ा परमेस्सर क हुकुम स जहाजे मँ चढ़ेन।</verse>
				<verse number="10">सात दिना पाछे बाढ़ सुरु भइ। धरती प बर्खा होइ लाग।</verse>
				<verse number="11">दूसर महीना क सतरहें दिन, जब नूह छ: सौ बरिस क रहा, धरती क नीचे क सब सोता फूट पड़ेन अउ धरती स पानी बहब सुरु होइ गवा। उहइ दिन धरती प भारी बर्खा होइ लाग। अइसा लाग माना कि अकासे क खिड़की खुल गइ होइ। चालीस दिन अउ चालीस रात तलक बर्खा धरती प होत रही। ठीक उहइ दिन नूह, ओकर मेहरारु, ओकर पूत, सेम, हाम, अउ येपेत अउर ओकर मेहररुअन जहाजे प चढ़ेन।</verse>
				<verse number="12"></verse>
				<verse number="13"></verse>
				<verse number="14">उ पचे अउ धरती प हर किसिम किसिम क जनावर जहाजे मँ रहेन। हर तरह क गोरु, धरती प रेगंइवाले हर किसिम क जीउ अउ हर तरह क पंछी जहाजे मँ रहेन।</verse>
				<verse number="15">इ सबइ जनावरन नूह क संग जहाजे मँ रहेन हर जाति क जिअत जनावरन क इ सबइ जोड़ा रहेन।</verse>
				<verse number="16">परमेस्सर क हुकुम क मुताबिक सबहिँ जनावरन जहाजे मँ चढ़ेन। ओकरे भीतर जाए क पाछे यहोवा दरवाजा बन्द कइ दिहस।</verse>
				<verse number="17">चालीस दिना तलक भुइँया प पानी क प्रलय होत रहा। पानी बाढ़ब सुरु भवा अउ उ जहाजे क धरती स ऊपर उठाइ दिहस।</verse>
				<verse number="18">पानी बाढ़त रहा अउ जहाज धरती स बहोतई ऊपर तैरत रहा।</verse>
				<verse number="19">पानी ऍतना ऊँच उठा कि ऊँचा त ऊँचा पहाड़ भी पानी मँ बूड़ गएन।</verse>
				<verse number="20">पानी पहाड़े क ऊपर बहत रहा। पानी सब स ऊँच पहाड़े स पन्द्रह हाथ ऊँच रहा।</verse>
				<verse number="21">धरती क सब जीउ मारा गएन। हर एक मेहरारु अउर मनई मरि गएन। सबहि पंछी अउ सबहि तरह क जनावर मर गएन। सबहिँ तरह क जनावरन अउर रेंगइवालन जनावरन मरि गएन। धरती क हर एक जीउ, सांस लेइवालन परानी मरि गएन।</verse>
				<verse number="22"></verse>
				<verse number="23">इ तरह परमेस्सर धरती क सब जिअत हर एक मनई, हर एक जनावर, हर एक रेगंइवाला जीउ अउ हर एक पंछी क नास कइ दिहस। इ सबइ धरती स खतम होइ गएन। सिरिफ नूह, ओकरे संग जहाजे मँ चढ़े मनइयन अउ जनावरन क जिन्नगी बची रही।</verse>
				<verse number="24">अउर पानी एक सौ पचास दिना तलक भुइँया क बोरे रहा।</verse>
			</chapter>
			<chapter number="8">
				<verse number="1">मुला परमेस्सर नूह क नाही बिसरा। परमेस्सर नूह अउ जहाजे मँ ओकरे संग रहइवालन सब पसुअन अउ जनावरन क सुमिरे रहा। परमेस्सर धरती प हावा चलाएस अउ सारा पानी घटइ होइ लाग।</verse>
				<verse number="2">अकासे स बर्खा थमि गइ अउ धरती क नीचे स पानी बहब रुकि गवा।</verse>
				<verse number="3">धरती क बोरइवाला पानी लगातार घटत चला गवा। एक सौ पचास दिन पाछे पानी ऍतना उतरि गवा कि जहाज फुनि स धरती प उतरा।</verse>
				<verse number="4">जहाज अरारात क पहाड़न मँ स एक प आइके टिक गवा। इ सतएँ महीना क सत्रहवाँ दिन रहा।</verse>
				<verse number="5">पानी उतरत गवा अउ दसवें महीना क पहिला दिन पहाड़न क चोटी पानी क ऊपर देखॅाए देइ लाग।</verse>
				<verse number="6">जहाजे मँ बनी खिड़की क नूह चालीस दिन पाछे खोलेस।</verse>
				<verse number="7">नूह एक कौआ क बाहेर उड़ाएस। कौआ उड़िके तब तलक फिरतइ रहा जब तलक धरती पूरी तरह झुराइ न गइ।</verse>
				<verse number="8">नूह एक ठु फ़ाक्ता भी बाहेर पठएस। उ इ जानइ चाहत रहा कि पानी धरती प घटि गवा या नाही।</verse>
				<verse number="9">फ़ाक्ता क कहूँ बइठइ क ठउर नाही मिला काहेकि अबहु तलक पानी धरती प फइला रहा। ऍह बरे उ नूह क निअरे जहाजे प पुनि लौटि आवा। नूह आपन हाथ फइलाइके फ़ाक्ता क जहाजे प वापस भितरे लइ लिहेस।</verse>
				<verse number="10">सात दिन पाछे नूह फुनि फ़ाक्ता क पठएस।</verse>
				<verse number="11">उ दिन दुपहर क पाछे फ़ाक्ता नूह क लगे आवा। फ़ाक्ता क मुँह मँ एक ठु ताजी जइतून क पाती रही। इ चीन्हा नूह क इ बतावइ बरे रहा कि अब धरती प झुरान भुइँया अहइ।</verse>
				<verse number="12">नूह सात दिन पाछे फुन फ़ाक्ता क पठएस। मुला इ टेम फ़ाक्ता लौटा ही नाहीं।</verse>
				<verse number="13">ओकरे पाछे नूह जहाजे क दरवाजा खोलेस। नूह लखेस अउ पाएस कि भुइँया झुरान बा। इ नूह क छ: सौ एक बरिस क पहिले महीना क पहिला दिन रहा।</verse>
				<verse number="14">दूसर महीना क सत्ताइसवाँ दिन तलक भुइँया पूरी तरह झुराइ गइ।</verse>
				<verse number="15">तब परमेस्सर नूह स कहेस,</verse>
				<verse number="16">“जहाज क तजा। तू तोहार पत्नी तोहार पूत लोग अउ ओनकइ मेहररुअन सब अब बाहेर आवा।</verse>
				<verse number="17">हर एक जिअत प्राणी, सब पंछी जनावरन अउ भुइँया प रेगंवालन सबहि क जहाज स बाहेर लिआवा। इ सबइ जनावरन बहोत स जनावरन पइदा करिही अउ भुइँया क भरि देइही।”</verse>
				<verse number="18">ऍह बरे नूह आपन पूतन, आपन मेहरारु, आपन पूतन क मेहरारुअन क संग जहाज स बाहेर आवा।</verse>
				<verse number="19">सबहि जनावरन, सब रेगंइवाला जीउ अउ सब पंछी जहाज क तजि दिहेन। सब जनावर जहाज स नर अउ मादा क जोड़ा क संग बाहेर आएन।</verse>
				<verse number="20">तब नूह यहोवा बरे एक वेदी बनाएस। उ कछू सुध्द पंछियन अउ कछू सुध्द जनावरन क लिहेस अउ ओनका वेदी प परमेस्सर क भेंट क रुप मँ बारेस।</verse>
				<verse number="21">यहोवा इ सब बलिदानन क सुगन्धि पाइके खुस भवा। यहोवा मन-ही-मन कहेस, “मइँ फिन कबहु मनई क कारण भुइँया क न सरापब। मनई छोटी उम्र स ही बुरी बात सोचइ लागत ह। ऍह बरे जइसा मइँ अबहि किहेउँ ह। इ तरह अब मइँ कबहुँ सब प्राणियन क सजा न देब।</verse>
				<verse number="22">जब तलक इ भुइँया रही तब तलक यह पइ फसल पइदा करइ अउ फसल काटइ क समइ हमेसा रही। भुइँया प गरमी अउ जाड़ा अउ दिन अउ रात हमेसा होत रइही।”</verse>
			</chapter>
			<chapter number="9">
				<verse number="1">परमेस्सर नूह अउ ओकर पूतन क असीसेस अउ ओनसे कहेस, “बहोत स बच्चा पइदा करा अउ आपन लोगन स भुइँया भरि द्या।</verse>
				<verse number="2">भुइँया क सब जनावरन तोहरे डरे स थरथरइहीँ अउ अकासे क हर एक पंछी तोहसे डरिहीँ। भुइँया प रेंगइवाला हर एक जीउ अउ समुद्दर क हर एक मछरी तू मनइयन क अदब करी अउ तू पचन स डेराइ। तू इ सबहि क ऊपर हुकुम चलउब्या।</verse>
				<verse number="3">बीते भए समइ मँ तू पचन क मइँ हर एक ठु पेड़-पौधा खाइ बरे दिहेउँ रहेउँ। अब हर एक जनावर भी तोहार भोजन होइ। मँइ भुइँया क हर चीज तू पचन क देत हउँ-अब इ सबइ तोहार अहइँ।</verse>
				<verse number="4">किन्तु मँइ तू पचन क एक हुकुम देत अहउँ कि तू कउनो जनावरन क तब तलक न खाया जब तलक ओहमा ओनका रकत बाटइ।</verse>
				<verse number="5">मँइ तोहरी जिन्नगी क बदले तोहार रकत माँगब कहइ क अरथ अहइ मँइ उ जानवरे क जिन्नगी माँगब जउन कउनो मनई क मारी। अउर मँइ उ मनई क जिन्ननी माँगब जउन दूसरे मनई क मारी।</verse>
				<verse number="6">“परमेस्सर मनई क आपन सरुप मँ बनाएस ह। ऍह बरे जउन कउनो मनई क खून बहाइ, ओकर खून मनई क जरिये बहावा जाइ।</verse>
				<verse number="7">“नूह तोहका अउ तोहरे पूतन क ढेर लरिका होइ अउ धरती क मनइयन स भाँठि द्या।”</verse>
				<verse number="8">तब परमेस्सर नूह अउ ओकरे पूतन स कहेस,</verse>
				<verse number="9">“अब मइँ तोहका अउ तोहरे सन्ताने क बचन देत हउँ।</verse>
				<verse number="10">मइँ इ बचन तोहरे संग जहाजे स बाहेर आवइवालन सबहि पंछिन, सब गोरुअन सब जनावरन क देत हउँ। मइँ धरती पइ रहइवालन सबहि वस्तुअन क बचन देत हउँ।</verse>
				<verse number="11">मइँ तोहका बचन देत हउँ, ‘पानी क बाढ़ स धरती क सब जिन्नगी बर्बाद होइ गइ मुला अब इ कबहु न होइ। अब बाढ़ फिन कबहुँ धरती क जिन्नगी क बर्बाद न करी।’”</verse>
				<verse number="12">अउर परमेस्सर कहेस, “इ सिद्ध करइ बरे मइँ तोहका इ बचन दिहेउँ ह कि मइँ तोहका कछू देब। इ सबूत बताइ कि मइँ तोहसे अउ भुइँया क सबहि जिअत प्राणियन स एक ठु करार किहेउँ ह। इ करार भविस्स मँ सदा बनी रही जेकर सबूत इ अहइ।</verse>
				<verse number="13">कि मइँ बदरन मँ इन्द्र धनुख बनाएउँ ह। इन्द्र धनुख मोरे अउ भुइँया क बीच करार क सबूत अहइ।</verse>
				<verse number="14">जब मइँ भुइँया क ऊपर बदरे क लिआउब तउ तू बादरन मँ इन्द्र धनुख देखब्या।</verse>
				<verse number="15">जब मइँ इ इन्द्र धनुख क निहारब तबहिं मइँ तोहरे, भुइँया क सबहि जिअत प्राणियन अउ आपन बीच भई करार क सुमिरब। इ करार इ बात क बाटइ कि बाढ़ फुन कबहु भुइँया क प्राणियन क नास न करी।</verse>
				<verse number="16">जब मइँ धियान स बादरन मँ इन्द्र धनुख क निहारब तब मइँ सदा बनी रहइवाली करार क सुमिरब। मइँ आपन अउ भुइँया क सब जिअत प्राणियन क बीच भइ करार क सुमिरब।”</verse>
				<verse number="17">इ तरह यहोवा नूह स कहेस, “उ इन्द्र धनुख मोरे अउ भुइँया क सब जिअत प्राणियन क बीच भइ करार क सबूत बाटइ।”</verse>
				<verse number="18">नूह क पूत लोग ओकरे संग जहाज स बाहेर आएन। ओनकइ नाउं सेम, हाम अउ येपेत रहेन। (हाम तउ कनान क बाप रहा।)</verse>
				<verse number="19">इ तीनउ नूह क पूतन रहेन अउ संसारे क सबहि मनई इ तीनउ स पइदा रहेन।</verse>
				<verse number="20">नूह किसान बना। अंगूर क बगिया लगाएस।</verse>
				<verse number="21">नूह अंगूर क दाखरस बनाएस अउ पिएस। उ दाखरस पीके मस्त होइ गवा अउ तम्बू मँ लोटि गवा। उ कउनो ओढ़ना नाही पहिरे रहा।</verse>
				<verse number="22">कनान क बाप हाम अपने बाप क नंगा देखेस। उ तम्बू स बाहेर आपन भइयन क बताएस।</verse>
				<verse number="23">तबहि सेम अउ येपेत एक ठु ओढ़ना लिहस। उ दुइनउँ ओढ़ना क पीठ प डाइके उलटे मुइँ तम्बू मँ गएन। उ पचे आपन बाप उ नंगापन क ढ़ाँक दिहस जबकि उ समइ ओकर मुहँ क रुख तम्बू क समन्वा रहा। इ तरह उ पचे आपन बाप क नंगापन नाहीं लखेन।</verse>
				<verse number="24">पाछे नूह सोइके उठा। (उ दाखरस क नसा क कारण सोअत रहा।) तब ओका पता लाग कि ओकर सब त नान्ह पूत हाम ओकरे संग का किहे रहा।</verse>
				<verse number="25">ऍह बरे नूह सराप दिहेस, “इ सराप कनान बरे होइ कि उ आपन भइयन क दास होइ।”</verse>
				<verse number="26">नूह इ भी कहेस, “सेम क परमेस्सर यहोवा धन्न होइ! कनान सेम क दास होइ।</verse>
				<verse number="27">परमेस्सर येपेत क जिआदा भुइँया देइ। परमेस्सर सेम क तम्बू मँ रहइ अउर कनान ओकर दास बनइ।”</verse>
				<verse number="28">बाढ़ क पाछे नूह साढ़े तीन सौ बरिस जिअत रहा।</verse>
				<verse number="29">नूह पूरा साढ़े नौ सौ बरिस जिअत रहा, तब उ मरा।</verse>
			</chapter>
			<chapter number="10">
				<verse number="1">नूह क पूत सेम। हाम अउ येपेत रहेन। बाढ़ क पाछे इ तीनउँ बहोत स पूतन क बाप भएन। हिआँ सेम, हाम अउ येपेत स पइदा होइवालन पूतन क सूची दीन्ह जात अहइ:</verse>
				<verse number="2">येपेत क पूत रहेन: गोमेर, मागोग, मादै, यावान, तूबल, मेसेक अउ तीरास।</verse>
				<verse number="3">गोमेर क पूत रहेन: असकनज, रीपत अउ तोगर्मा</verse>
				<verse number="4">यावान क पूत रहेन: एलीसा, तर्सीस, कित्ती अउ दोदानी।</verse>
				<verse number="5">भूमध्य सागर क चारिहुँ कइँती तटे प जउन मनई रहइ लागेन उ पचे येपेत क संतान ही रहेन। हर एक पूत क आपन अलग प्रदेस रहा। सब परिवार बाढ़ेन अउ अलग अलग रास्ट्र बन गएन। हर एक रास्ट्र क आपन आपन भाखा रही।</verse>
				<verse number="6">हाम क पूत रहेन: कूस, मिस्र, फूत अउ कनान,</verse>
				<verse number="7">कूस क पूत रहेन: सबा, हवीला, सबता, रामा, सबूतका। रामा क पूत रहेन: सबा अउ ददान।</verse>
				<verse number="8">कूस क एक पूत निम्रोद नाउं क भी रहा। निम्रोद भुइँया प बहोत बरिआर मनई भवा रहा।</verse>
				<verse number="9">यहोवा क समन्वा निम्रोद, एक बड़का सिकरी रहा। ऍह बरे लोग दूसर मनइयन क बराबरी निम्रोद स करत ही अउर कहत हीं, “इ मनई, यहोवा क समन्वा बड़का सिकारी निम्रोद क तरह अहइ।”</verse>
				<verse number="10">निम्रोद क राज्ज सिनार देस मँ बाबुल, एरेख, कलना अउ अक्कद प्रदेस स सुरु भवा।</verse>
				<verse number="11">निम्रोद अस्सूर मँ भी गवा। हुवाँ उ नीनवे, रहोबोतीर, कालह अउ</verse>
				<verse number="12">रेसेन नाउँ क नगरन क बसाएस। (रेसेन, नीनवे अउ बड़का सहर कालह, क बीच क सहर बाटइ।)</verse>
				<verse number="13">मिस्रप (मिस्र) – लूद, अनाम, लहाब, नप्तूह,</verse>
				<verse number="14">पत्रूस, कसलूह अउ कप्तोर देसन क लोगन क बाप रहा। (पलिस्ती लोग कसलूह लोगन स आए रहेन।)</verse>
				<verse number="15">कनान सीदोन क बाप रहा। सिदोन कनान क पहिला पूत रहा। कनान, हित क भी बाप रहा। हित, हित्ती लोगन क बाप रहा।</verse>
				<verse number="16">अउर कनान, यबूसी, एमोरी, गिर्गासी,</verse>
				<verse number="17">हिव्वी, अर्की, सीनी,</verse>
				<verse number="18">अर्वदी, समारी, हमाती लोगन क भी बाप रहा। कनान क परिवार संसार क अलग अलग हीसा मँ फइला रहेन,</verse>
				<verse number="19">कनान लोगन क भुइँया उत्तर मँ सीदोन स दक्खिन मँ गरार तलक, पच्छिम मँ अज्जा स पूरब मँ सदोम अउ अमोरा तलक, अदमा अउ सबोयीम स लासा तलक रहा।</verse>
				<verse number="20">इ सबइ लोग हाम क संतानन रहेन। उ पचे परिवारन, भाखान, देसन अउर रास्ट्रन क अनुसार व्यवस्थित रहेन।</verse>
				<verse number="21">सेम येपेत क बड़का भाई रहा। सेम क एक संतानन एबेर हिब्रू लोगन क बाप रहा।</verse>
				<verse number="22">सेम्त पूत एलाम, अस्सूर, अर्पखद, लूद अउ अराम रहेन।</verse>
				<verse number="23">अराम क पूत ऊस, हूल, गेतेर अउ मस रहेन।</verse>
				<verse number="24">अर्पखद सेलह क बाप रहा। सेलह एबेर क बाप रहा।</verse>
				<verse number="25">एबेर क दुइ पूत रहेन। एक पूत क नाउँ पेलेग रहा। ओका इ नाउँ ऍह बरे दीन्ह गवा काहेकि जिन्नगी क टेम मँ धरती क बटवारा भवा। दूसर भाई क नाउँ योक्तान रहा।</verse>
				<verse number="26">योक्तान अल्मोदाद, सेलेप, हसर्मावेत, येरह,</verse>
				<verse number="27">यदोरवाम, ऊजाल, दिला,</verse>
				<verse number="28">ओबाल, अबीमाएल, सबा,</verse>
				<verse number="29">ओपीर हवीला अउ योबाब क बाप रहा। इ सबहि लोग योकतान क संतान भएन।</verse>
				<verse number="30">इ सबइ लोग मेसा अउ पुर्बिहा पहाड़ी प्रदेस क बीच क भुइँया मँ रहत रहेन। मेसा सपारा प्रदेस कइँती रहा।</verse>
				<verse number="31">उ लोग सेम क परिवारे स रहेन। उ सबइ परिवार, परिवार क आधार पइ, भाखा क आधार पइ, देस क आधार पइ अउर रास्ट्र क आधार पइ बँटा भवा रहा।</verse>
				<verse number="32">नूह क पूतन स चलइ वाला परिवारन क इ सूची अहइ। उ पचे आपन आपन रास्ट्र मँ बँटा भवा रहत रहेन। बाढ़ क पाछे सारी भुइँया प फइलइवाला लोग भी एनही परिवारे स निकरि आएन।</verse>
			</chapter>
			<chapter number="11">
				<verse number="1">बाढ़ क पाछे संसार एक ही भाखा बोलत रहा। सब लोग एक ही सब्द-भण्डार बइपरत रहेन।</verse>
				<verse number="2">लोग पूरब कइँती स बढ़ेन। ओनका सिनार देस मँ एक मइदान मिला। लोग हुवाँ बसइ गएन।</verse>
				<verse number="3">लोग कहेन, “हम पचन क ईंटा बनउब अउ ओका पजावा मँ तपावइ चाही, ताकि उ सबइ पककी होइ जाइँ।” ऍह बरे मनइयन आपन घर बनावइ बरे पाथरन क जगह ईंटा क बइपरेन। अउ मनइयन चूना क गारा क जगह राल क प्रयोग किहेन।</verse>
				<verse number="4">लोग कहेन, “हम पचे आपन खातिर एक ठु सहर बनाई अउ हम सबइ एक बहोत ऊँच इमारत बनाउब जउन अकासे क छुइ। हम पचे नामी होइ जाब। अगर हम पचे अइसा करब तउ पूरी धरती प बिखरेब नाही। हम पचे एक ही ठउर प एक संग रहब।”</verse>
				<verse number="5">यहोवा सहर अउ बहोत ऊँच इमारत क लखइ बरे तरखाले आवा। यहोवा मनइयन क इ सब बनावत लखेस।</verse>
				<verse number="6">यहोवा कहेस, “इ सबइ लोग एक भाखा बोलत हीँ अउर मइँ निहारत हउँ कि उ पचे इ काम खतम करइ बरे एकउटा अहइँ, इ तउ, इ सबइ जउन कछू कइ सकत हीँ ओकर, सिरिफ सुरुआत अंहइ। हाली ही उ पचे सब कछू करइ जोग्ग होइ जइहीं जउन इ पचे करइ चइही।</verse>
				<verse number="7">ऍह बरे आवा हम तरखाले चली अउ एनकइ भाखा क गड्डमड्ड कइ देइ। तब उ पचे एक दूसर क बात न बूझि पइही।”</verse>
				<verse number="8">यहोवा मनइयन क समूचइ धरती प फइलाइ दिहस। ऍहसे मनइयन सहर क बनाउब पूरा नाही किहन।</verse>
				<verse number="9">इहइ उ ठउर रहा जहाँ यहोवा समूचइ संसार क भाखा क गड्डमड्ड कइ दिहस। ऍह बरे इ ठउर क नाउँ बाबुल धरा गवा। इ तरह यहोवा उ जगहिया स मनइयन क पृथ्वी क सब देसन मँ फइलाएस।</verse>
				<verse number="10">इ सेम क परिवारे क कहानी बाटइ। बाढ़ क दुइ बरिस पाछे जब सेम सौ बरिस क रहा ओकर पूत अर्पखद क जनम भवा।</verse>
				<verse number="11">ओकरे पाछे सेम पाँच सौ बरिस जिअत रहा। ओकरे दूसर पूत अउ बिटियन रही।</verse>
				<verse number="12">जब अर्पखद पैंतीस बरिस क रहा ओकर पूत सेलह क जनम भवा।</verse>
				<verse number="13">सेलह क पइदा होइ क पाछे अर्पखद चार सौ तीन बरिस जिअत रहा। इ दिन ओकर दूसर पूतन अउ बिटियन पइदा भइन।</verse>
				<verse number="14">सेलह क तीस बरिस होइ क पाछे ओकर पूत एबरे क जन्म भवा।</verse>
				<verse number="15">एबेर क जन्म क पाछे सेलह चार सौ तीन बरिस जिअत रहा। इ दिनन मँ ओकरे पूतन अउ बिटियन पइदा भएन।</verse>
				<verse number="16">एबेर क चौंतीस बरिस क होइ क पाछे ओकरे पूत पेलेग क जन्म भवा।</verse>
				<verse number="17">पेलेग क जन्म क पाछे एबेर चार सौ तीस बरिस अउर जिअत रहा। इ दिनन मँ ओकरे दूसर पूतन अउ बिटियन पइदा भइन।</verse>
				<verse number="18">जब पेलेग तीस बरिस क भवा, ओकर पूत “रु” क जन्म भवा।</verse>
				<verse number="19">“रु” क जन्म क पाछे पेलेग दुइ सौ नौ बरिस अउर जिअत रहा। उ दिनन मँ ओकरे दूसर बिटियन अउ बेटवन क जन्म भवा।</verse>
				<verse number="20">जब रु बत्तीस बरिस क भवा, ओकरे पूत सरुग क जन्म भवा।</verse>
				<verse number="21">सरुग क जन्मे क पाछे रु दुइ सौ सात बरिस अउर जिअत रहा। इ दिनन ओकरे दूसर बेटवन अउ बिटियन पइदा भएन।</verse>
				<verse number="22">जब सरुग तीस बरिस क भवा, ओकरे पूत नाहोर क जन्म भवा।</verse>
				<verse number="23">नाहोर क जन्म क पाछे सरुग दुइ सौ बरिस अउर जिअत रहा। इ दिनन मँ ओकरे दूसर पूतन अउ बिटियन क जन्म भवा।</verse>
				<verse number="24">जब नाहोर उनतीस बरिस क भवा, ओकर पूत तेरह क जन्म भवा।</verse>
				<verse number="25">तेरह क जन्म क पाछे नाहोर एक सौ उन्नीस बरिस अउर जिअत रहा। इ दिनन मँ ओकरे दूसर बिटियन अउ बेटवन क जन्म भवा।</verse>
				<verse number="26">तेरह जब सत्तर बरिस क भवा, ओकरे पूत अब्राम, नाहोर अउ हारान क जन्म भवा।</verse>
				<verse number="27">इ तेरह क परिवार क कहानी अहइ। तेरह अब्राम, नाहोर अउ हारान क बाप रहा। हारान लूत क बाप रहा।</verse>
				<verse number="28">हारान आपन जन्मभूमि कसदियन क उर सहर मँ मरा। जब हारान मरा तब ओकर पिता तेरह जिअत रहा।</verse>
				<verse number="29">अब्राम अउ नाहोर दुइनउँ आपन आपन बियाह किहन। अब्राम क मेहरारु सारै रही। नाहोर क मेहरारु मिल्का रही। मिल्का हारान क बिटिया रही। हारान मिल्का अउ यिस्का क बाप रहा।</verse>
				<verse number="30">सारै क कउनो बच्चा नाही रहा काहेकि उ कउनो बच्चा क जन्म देइ जोग्ग नाही रही।</verse>
				<verse number="31">तेरह आपन परिवार क संग लिहेस अउ कसदियन क उर सहर क तजि दिहस। उ पचे कनान क जात्रा करइ क मन मँ ठान लिहन। तेरह आपन पूत अब्राम, आपन पोता लूत (हारान क पूत), आपन पतोहू (अब्राम क मेहरारु) सारै क संग लिहस। उ पचे हारान तलक जात्रा किहन अउ हुआँ ठहराउब तय किहन।</verse>
				<verse number="32">तेरह दुइ सौ पाँच बरिस जिअत रहा। तब उ हारान मँ मरि गवा।</verse>
			</chapter>
			<chapter number="12">
				<verse number="1">यहोवा अब्राम स कहेस, “आपन देस अउ आपन लोगन क तजि द्या। आपन बाप क परिवारे क तजि द्या अउर उस देस जा जेका मइँ तोहका देखाउब।</verse>
				<verse number="2">“मइँ तोहका आसीर्बाद देब। मइँ तू पचन स एक महान रास्ट्र बनाउब। मइँ तू सबन क नाउँ मसहूर करब। लोग तोहरे नाउँ क प्रयोग दूसर लोगन क आसीर्बाद देइ बरे करइही।</verse>
				<verse number="3">मइँ उ पचन क असीसब, जउन तोहका असीसिही। मुला मइँ ओनका सराप देब जउन तोहका सराप दिहेस। मइँ धरती प सब मनइयन क असीसइ क बरे तोहका बइपरब।”</verse>
				<verse number="4">तउ अब्राम यहोवा क हुकुम मानेस। उ हारान क तजि दिहस अउ लूत ओकरे संग गवा। इ समइ अब्राम पचहत्तर बरिस क रहा।</verse>
				<verse number="5">अब्राम जब हारान तजेस तउ उ अकेल्ला नाही रहा। अब्राम आपन मेहरारु सारै, भतीजा लूत अउ हारान मँ ओनकइ संग जउन कछू रहा, सबक संग लइ आवा। अब्राम क जउन सब दास लोग मिला रहेन, उ सबइ भी ओकरे संग गएन। अब्राम अउ ओकर दल छारान क तजि दिहेस अउ कनान देस तलक जात्रा किहेस।</verse>
				<verse number="6">अब्राम कनान देस मँ सकेम क सहर अउ मोरे क बड़का बृच्छ तलक जात्रा किहस। उ समइ कनानी लोग हुआँ रहत रहेन।</verse>
				<verse number="7">यहोवा अब्राम क समन्वा परगट भवा। यहोवा कहेस, “मइँ इ देस तोहरे संतानन क देब।” यहोवा अब्राम क समन्वा जउने जगह प परगट भवा उ जगह प अब्राम एक वेदी यहोवा क आराधना बरे बनाएस।</verse>
				<verse number="8">तब अब्राम उ जगह क तजि दिहेस अउ बेतेल क पूरब पहाड़े प जात्रा किहस। अब्राम हुवाँ आपन तम्बू गाड़ेस। बेतेल सहर पच्छिम मँ रहा। आइ सहर पूरब मँ रहा। उ जगह अब्राम यहोवा बरे दूसर वेदी बनाएस अउ अब्राम हुवाँ यहोवा क उपासना किहेस।</verse>
				<verse number="9">एकरे पाछे अब्राम फुन जात्रा किहस। उ नेगव कइँती जात्रा किहस।</verse>
				<verse number="10">इ दिनन भुइँया बहोतइ झुरान रही अउ कउनो खाइ क चीज नाही जमत रही। ऍह बरे अब्राम जिअत रहइ बरे मिस्र चला गवा।</verse>
				<verse number="11">अब्राम लखेस कि ओकर मेहरारु सारै बहोत सुन्नर रही। ऍह बरे मिस्र मँ आवइ क पहिले अब्राम सारै स कहेस, “मइँ जानत हउँ कि तू बहोतइ सुन्नर अहा।</verse>
				<verse number="12">जब मिस्र क लोग तोहका निहरिहीं तउ उ पचे कहिहीं, ‘इ मेहरारु एकर पत्नी अहइ।’ तब उ सबइ मोका मारि डइहीँ काहेकि तोहका बइठाइ लेइही।</verse>
				<verse number="13">इ खातिर तू मनइयन स कह्या कि तू मोर बहिन अहा। तब उ पचे मोका नाही मरिहीं। उ पचे मोहे प दया करिहीं काहेकि उ पचे बूझि लेइहीँ कि मइँ तोहार भाई अहउँ। इ तरह तू मोर जिन्नगी बचउबिउ।”</verse>
				<verse number="14">इ तरह अब्राम मिस्र मँ पहोंचा। मिस्र क लोग लखेन, सारै बहोत सुन्नर मेहरारु अहइ।</verse>
				<verse number="15">कछू मिस्र क अफसर लोग ओका लखेन। उ पचे फिरौन स कहेन कि उ बहोतइ सुन्नर मेहरारु अहइ। उ सबइ अफसर सारै क फिरौन क घर लइ गएन।</verse>
				<verse number="16">फिरौन अब्राम क ऊपर दया किहेस काहेकि उ पचे बूझ गएन कि उ सारै क भइया बाटइ। फिरौन अब्राम क भेड़ी, गोरु अउ गदहन क दिहस। अब्राम ऊँटन क संग मनसेधु अउ मेहरारु नउकरन पाएस।</verse>
				<verse number="17">फिरौन अब्राम क मेहरारु क रखि लिहस। एहसे यहोवा फिरौन अउ ओकरे घरे क मनइयन मँ खराब बेरामी सँचराइ दिहस।</verse>
				<verse number="18">तउ फिरौन अब्राम क बोलाएस। फिरौन कहेस, “तू मोरे संग बड़ा खोट किहा ह। तू इ नाहीं बताया कि सारै तोहार पत्नी अहइ। काहे?</verse>
				<verse number="19">तू कहा, ‘इ मोर बहिन अहइ’ तू अइसा काहे कहया? मइँ ऍका ऍह बरे राखा कि इ मोर मेहरारु होइ। मुला अब मइँ तोहार मेहरारु क तोहका लउटावत अहउँ। ऍका ल्या अउ जा।”</verse>
				<verse number="20">तब फिरौन आपन मनइयन क हुकुम दिहस कि उ पचे अब्राम क मिस्र क बाहेर पहोंचाइ देंइ। इ तरह अब्राम अउ ओकर मेहरारु उ जगह तजेन अउर उ पचे सब चिजियन क संग लइ गएन जउन ओनकइ रही।</verse>
			</chapter>
			<chapter number="13">
				<verse number="1">अब्राम मिस्र तजि दिहस। अब्राम आपन मेहरारु अउ आपन सबहि सामान क संग नेगव स होइ के जात्रा किहस। लूत भी ओकरे संग रहा।</verse>
				<verse number="2">इ टेम अब्राम बहोतइ धनी रहा। ओकरे संग ढेरिके जनावर, बहोत सी चाँदी अउ ढेर क सोना रहा।</verse>
				<verse number="3">अब्राम चारिहु कइँती जात्रा करत रहा। उ नेगेव क तजेस अउ बेतेल वापस गवा। उ बेतेल अउर आइ क बीच क जगह मँ पहोंचेस। इ उहइ ठउर रहा जहाँ अब्राम अउ ओकर परिवार पहिले तम्बू लगाइके ठहरा रहा।</verse>
				<verse number="4">इ उहइ ठउर रहा जहाँ अब्राम एक वेदी बनाए रहा। ऍह बरे अब्राम इहा यहोवा क आराधना किहस।</verse>
				<verse number="5">इ टेम लूत भी अब्राम क संग जात्रा करत रहा। लूत क लगे ढेरिके जनावर अउ तम्बू रहेन।</verse>
				<verse number="6">अब्राम अउ लूत क लगे ऍतना जिआदा जनावर रहेन कि भुइँया एक लागे ओनका चारा नाही दइ सकत रही।</verse>
				<verse number="7">अब्राम अउ लूत क गड़ेरिया या आपुस मँ तखड़ावइ-बखड़ावइ लागेन। (उ दिनन मँ कनानी लोग अउ परिज्जी लोग भी इहइ पहटा मँ रहत रहेन।)</verse>
				<verse number="8">अब्राम लूत स कहेस, “हमरे अउ तोहरे बीच कउनो तखड़ा बखड़ा न होइ चाही। हमार अउर तोहार गड़ेरियन क बीच मँ झगड़ा नही होइ चाही। हम पचे सबहि भाई अही।</verse>
				<verse number="9">हम पचन क अलग होइ जाइ चाही, तू जउन चाहा ठउर चुन ल्या। अगर तू बाईं कइँती जाब्या तउ मइँ दाहिन कइँती जाब। अगर तू दाहिन कइँती जाब्या तउ मइँ बाईं कइँती जाब।”</verse>
				<verse number="10">लूत द्रिस्टी दउड़ाएस अउ यरदन क घाटी क निहारेस। लूत निहारेस कि हुवाँ बहोत पानी अहइ। (इ बात उ टेम क बाटइ जब यहोवा सदोम अउ अमोरा क नास नाहीं किहे रहा। उ टेम यरदन क घाटी सोअर तलक यहोवा क बगिया क नाईं पूरे राह क संग संग फइली रही। इ भुइँया मिस्र देस क भुइँया क नाईं नीक रही।)</verse>
				<verse number="11">ऍह बरे लूत यरदन क घाटी मँ रहब अंगीकार किहस। इ तरह दुइनउँ मनई अलग अलग होइ गएन अउ लूत पूरब कइँती जात्रा सुरु किहेस।</verse>
				<verse number="12">अब्राम कनान प्रदेस मँ रहा अउ लूत घाटी क सहरन मँ रहा। लूत सदोम क दक्खिन मँ बढ़ा अउ रुकि गवा।</verse>
				<verse number="13">सदोम क मनई बहोत पापी रहेन। उ पचे सदा यहोवा बरे खिलाफ पाप करत रहेन।</verse>
				<verse number="14">जब लूत चला गवा तब यहोवा अब्राम स कहेस, “आपन चारिहु कइँती निहारा, उत्तर, दक्खिन, पूरब अउ पच्छिम कइँती लखा।</verse>
				<verse number="15">इ सारी भुइँया, जेका तू लखत अहा, मइँ तोहका अउ तोहरे पाछे जउन तोहार लोग रइहीं ओनका देत अहउँ। इ प्रदेस सदा तोहार अहइ।</verse>
				<verse number="16">मइँ तोहरे लोगन क धरती क धूल क कण क नाईं अनगिनत बनउब। अगर कउनो धरती क कण क गन सकइ तउ उ तोहरे मनइयन क भी गन सकी।</verse>
				<verse number="17">ऍह बरे आवा। आपन धरती प चला। मइँ एका अब तोहका देत अहउँ,”</verse>
				<verse number="18">इ तरह अब्राम आपन तम्बू हटाएस। उ मम्रे क बड़का बृच्छ क लगे रहइ लाग। इ हेब्रोन सहर क निचके रहा। उ ठउरे प अब्राम एक वेदी यहोवा क आराधना बरे बनाएस।</verse>
			</chapter>
			<chapter number="14">
				<verse number="1">अम्रापेल सिनार क राजा रहा। अर्योक एल्लासार क राजा रहा। कदोर्लाओमेर एलाम क राजा रहा। तिदाल गोयीम क राजा रहा,</verse>
				<verse number="2">इ सबहि राजा लोगन मँ सदोम क राजा बेरा, अमोरा क राजा बिर्सा, अद्मा क राजा सिनाब, सबोयीम क राजा सेमेबेर अउ बेला। (बेला सोअर भी कहा जात रहा।) क राजा क संग एक जुद्ध भवा।</verse>
				<verse number="3">सिद्दीम क घाटी मँ इ सबहिँ राजा आपन आपन फउज स मिलेन। (सिद्दीम क घाटी आजुकल नून क समुद्दर अहइ।)</verse>
				<verse number="4">इ सबइ राजा लोग कदोर्लाओमेर क सेवा बारह बरिस तलक किहन। मुला तेरहवाँ बरिस उ सबइ ओकरे खिलाफ होइ गएन।</verse>
				<verse number="5">ऍह बरे चौदहवें बरिस मँ राजा कदोर्लाओमेर दूसर राजा लोगन क संग ओनसे लड़इ आवा। कदोर्लाओमेर अउ ओकरे संग क राजा लोग रपाई लोगन क असतरोत्कनम मँ हराएन। उ पचे हाम मँ जूजि लोगन क भी हराएन। उ पचे एमि लोगन क उ सबइ एमि लोगन क साबेकिर्यातैम मँ हराएन।</verse>
				<verse number="6">अउर उ पचे होरीत लोगन क सेईर क पहाड़ी पहटा स हराइके एल्पारान कइँती खदेरेन। (एल्पारान मरुभूमि क निचके बाटइ।)</verse>
				<verse number="7">तब राजा कदोर्लाओमेर पाछे कइँती घूमा अउ एन्मिसपात क गवा। (इ कादेस कहा जात ह।) अउर सबहि अमालेकी लोगन क हराएस। उ एमोरी लोगन क भी हराएस। इ पचे हससोन्तामार मँ रहत हीं।</verse>
				<verse number="8">उ समइ सदोम क राजा, अमोरा क राजा, अदमा क राजा, सबोयीम क राजा, अउ बेला क राजा, (बेला सोअर ही अहइ।) सबहि एक संग मिलिके आपन दुस्मनन स लड़इ बरे गएन।</verse>
				<verse number="9">उ पचे एलाम क राजा कदोर्लाओमेर, गोयीम क राजा तिदाल, सिनार क राजा अम्रापेल, अउर एल्लासार क राजा अर्योक स लड़ेन। इ तरह चार राजा पाँच राजा लोगन स लड़त रहेन।</verse>
				<verse number="10">सिद्दीम क घाटी मँ राल स भरा भवा ढेरिके गड्डा रहेन। सदोम अउ अमोरा क राजा अउ ओकर फउजियन पराइ गएन। ओकरे बहुत सारे फउजियन ओन गड्डन मँ गिर गएन। मुला दूसर लोग पहाड़ी मँ पराइ गएन।</verse>
				<verse number="11">सदोम अउ अमोरा क लगे जउन कछू रहा ओका ओनकइ दुस्मनन लइ लिहन। उ पचे ओनकइ सब भोजन-ओढ़ना क लइ लिहन अउ उ पचे चला गएन।</verse>
				<verse number="12">अब्राम क भाई क पूत लूत सदोम मँ रहत रहा, ओका दुस्मन कैद कइ लिहन। उ पचे ओका अउर ओकरे लगे जउन कछू भी रहा लइ लिहेन।</verse>
				<verse number="13">एक ठु मनई जउन धरा नाही जाइ सका उ हिब्रू मनई अब्राम क इ सबइ सारी बातन क बताएस। एमोरी मम्रे क बृच्छन क लगे अब्राम आपन डेरा डाएस। मम्रे एस्कोल अउ आनेर एक समझौता एक दूसरे क मदद करइ बरे किहे रहेन अउर उ पचे अब्राम क मदद खातिर एक समझौता किहे रहेन।</verse>
				<verse number="14">तब अब्राम क पता लाग कि लूत धरा ग अहइ। तउ उ आपन पूरा परिवार क बटोरेस अउ ओनमाँ स तीन सौ अठारह प्रसिच्छित फउजियन क अब्राम दान नगर तलक दुस्मनन क पाछा किहस।</verse>
				<verse number="15">उहइ रात उ अउर ओकर मनइयन ओनका खिलाफ धावा बोलि दिहन। उ पचे दुस्मनन क हराएन अउ दमिस्क क उत्तर मँ होवा तलक ओनकइ पाछा किहन।</verse>
				<verse number="16">तब अब्राम दुस्मनन क जरिये चोरॅाइ गइ सब चिजियन लइ आएन। अब्राम लूत, ओकर मेहरारुअन अउर ओकरे नउकरन अउर ओकरे सबहिँ चिजियन क लइ आवा।</verse>
				<verse number="17">कदोर्लाओमेर अउ ओकरे संग क सब राजा लोगन क हराए क पाछे अब्राम आपन घरे लौटि आवा। जब उ घर आवा तउ सदोम क राजा ओसे भेटंइ सावे क घाटी मँ पहोंचा। (ऍका अब राजा क घाटी कहत हीं।)</verse>
				<verse number="18">सालेम क राजा मेल्कीसेदेक भी अब्राम स भेटंइ गवा। मेल्कीसेदेक, सर्वोच्य परमेस्सर क याजक रहा। मेल्कीसेदेक रोटी अउ अंगूरे क दाखरस लइ आवा।</verse>
				<verse number="19">मेल्कीसेदेक अब्राम क आसीर्बाद दिहस अउ कहेस: “अब्राम, सर्वोच्य परमेस्सर तोहका आसीर्बाद देइ। परमेस्सर भुइँया अउ अकास बनाएस।</verse>
				<verse number="20">अउर हम सर्वोच्य परमेस्सर क उपासना करित ह। परमेस्सर दुस्मनन क हरावइ मँ तोहार मदद किहेस।” तबहि अब्राम लड़ाई मँ मिली हर चीज क दसवाँ हीस्सा मेल्कीसेदेक क दिहस।</verse>
				<verse number="21">तब सदोम क राजा कहेस, “तू इ सब चीजन क अपने लगे रखि सकत ह, मोका सिरिफ ओन मनइयन क दइ द्या जेनका दुस्मन धइ ल गए रहेन।”</verse>
				<verse number="22">मुला अब्राम सदोम क राजा स कहेस, “मइँ सर्वोच्य परमेस्सर यहोवा जउन भुइँया अउ आकास क बनाएस ह: ओकरे समन्वा इ किरिया खावा ह</verse>
				<verse number="23">कि जउन आप क चीज बाटइ ओहमाँ स कछू भी न लेब। हियाँ तलक कि एक ठु धागा अउर पनही क फीता भी न लेब। मइँ इ नाही चाहित कि आप कहइँ, ‘मइँ अब्राम क धनी बनाएउँ।’</verse>
				<verse number="24">मइँ सिरिफ उ भोजन क अपनाउब्या जेका हमार जवान लोग खाएस ह। मुला तू दूसर मनइयन क भी ओकर हीँसा देइँ। हमरी लड़ाई मँ जीती भइ चीजन्क आप लइ लेइँ अउ एहमाँ स कछू आनेर, एस्कोल अउ मम्रे क दइ देइँ। इ मनइयन लड़ाई मँ हमार मदद किहेन रहेन।”</verse>
			</chapter>
			<chapter number="15">
				<verse number="1">इ बातन क होइ जाए क पाछे यहोवा क हुकुम अब्राम क एक ठु दरसन मँ आवा। परमेस्सर कहेस, “अब्राम डेराअ, नाही। मइँ तोहार रच्छा करब अउ मइँ तोहका बड़का पुरस्कार देब।”</verse>
				<verse number="2">मुला अब्राम कहेस, “हे यहोवा अइसा कछू भी नाही अहइ जेका तू मोका देब्या अउर उ मोका खुस करी। काहेकि मोरे पूत नाही अहइँ। ऍह बरे मोर दास दमिस्क क बसइया एलीएजेर मोरे मरइ क पाछे मोर सब कछू पाइ।”</verse>
				<verse number="3">अब्राम कहेस, “तू ही लखा, तू मोका कउनो पूत नाही दिहा ह। ऍह बरे मोरे घरे मँ पइदा भवा एक ठु दास मोर सबहि चिजियन क पाइ।”</verse>
				<verse number="4">तब यहोवा अब्राम स बात किहस। परमेस्सर कहेस, “तोहरी चीजन क तोहार इ दास न पाइ। तोहरे एक ठु बेटवा होइ अउर तोहार पूत ही तोहार चिजियन क पाइ।”</verse>
				<verse number="5">तब परमेस्सर अब्राम क बाहेर लइ गवा। परमेस्सर कहेस, “आकास क लखा। अनगिनत तारन क निहारा। इ सबइ ऍतना अहइँ कि तू गन नाही सक्त्या। भविस्स मँ तोहार परिवार अइसा ही होइ।”</verse>
				<verse number="6">अब्राम यहोवा पइ बिस्सास किहेस अउर उ ओका नीक समझेस।</verse>
				<verse number="7">परमेस्सर अब्राम स कहेस, “मइँ ही उ यहोवा अहउँ जउन तोहका कसदियन क ऊर स बाहेर लइ आएउँ। इ मइँ ऍह बरे किहउँ कि इ पहटा मइँ तोहका दइ सकउँ, तू इ पहटा क आपन कब्जा मँ कइ सका।”</verse>
				<verse number="8">मुला अब्राम कहेस, “हे यहोवा, मोर सुआमी, मइँ कहसे पतियाउँ कि इ पहटा मोका मिली?”</verse>
				<verse number="9">परमेस्सर अब्राम स कहेस, “हम पचे एक करार करब। तू मोका तीन बरिस क एक ठु बछिया, तीन बरिस क एक बोकरी, अउ तीन बरिस क एक भेड़ा लिआवा। एक ठु फ़ाक्ता अउ एक कबूतर क बच्चा भी लिआवा।”</verse>
				<verse number="10">अब्राम इ सबहिँ चिजियन क परमेस्सर क लगे लइ आवा। अब्राम इ जनावरन क मारि डाएस अउ हर एक क दुइ दुकड़ा कइ डाएस। अब्राम एक आधा टूक एक कइँती अउ दूसर आधा टूक दूसर कइँती ओकरे ठीक आमने-सामने धरेस, अब्राम पंछिन क दुइ टूका नाही किहेस।</verse>
				<verse number="11">तनिक देर पाछे मांसाहारी पंछी मरे भए जनावरन क खाइ क बरे खाले आइ गएन मुला अब्राम ओनका खदेरेस।</verse>
				<verse number="12">पाछे सूरज बूड़इ लाग। अब्राम क गहरी नींद आइ गइ। खौफनाक अँधियारा ओका चारिहु कइँती स घेरि लिहस।</verse>
				<verse number="13">तब यहोवा अब्राम स कहेस, “तोहका इ सबइ बातन क जानइ चाही। तोहार संतानन बिदेसी बनिही अउर उ पचे देस मँ जइहीं जउन ओनका न होइ। उ पचे हुआँ दास होइही। चार सौ बरिस तलक ओनके संग बुरा बिउहार होइ।</verse>
				<verse number="14">मइँ उ रास्ट्र क निआव करब अउ ओका सजा देब जउन ओन लोगन क गुलाम बनाएस अउर जब तोहरे सन्तानन उ देसे क तजि देइही तउ आपन संग ढेर नीक चीज लइ जइही।</verse>
				<verse number="15">“तू बहोत लम्बी उमर तलक जिअत रहब्या। तू सान्ति स मरब्या अउ तू आपन पुरखन क लगे दफनावा जाब्या।</verse>
				<verse number="16">चार पीढ़ीयन क पाछे तोहार लोग इहइ पहटा मँ फुन अइही। इ टेम तोहार लोग एमेरियो क हरइहीं। हिआँ क बसइयन एमोरियन क, सजा देइ बरे मइँ तोहरे लोगन क बइपरब। इ बात भविस्स मँ होइ काहेकि एमोरियन सजा पावइ लायक बुरा अबहि नाहीं भवा अहइँ।”</verse>
				<verse number="17">जब सूरज बूड़ि गवा, तउ बहोत आँधियारा छाइ गवा। मरा भवा जनावर अबहि तलक जमीन प ओलरा भए रहेन। हर एक जनावर दुइ हीसा मँ कटा भवा बहावा रहेन। उहइ समइ धुआँ अउ आगी क एख खम्भा जनावरन क टूक क बीच स गवा।</verse>
				<verse number="18">इहइ तरह उ दिन यहोवा अब्राम क बचन दिहस अउ ओनके संग करार किहस। यहोवा कहेस, “मइँ इ पहटा तोहरे संतानन क देब। मइँ मिस्र क नदी अउ बड़की नदी परात क बीच क पहटा ओनका देब।</verse>
				<verse number="19">इ देस केनी, कनिज्जी, कदमोनी,</verse>
				<verse number="20">हित्ती, परीज्जी, रपाई,</verse>
				<verse number="21">एमोरी, कनानी, गिर्गासी अउ यबूसी लोगन क अहइ।”</verse>
			</chapter>
			<chapter number="16">
				<verse number="1">सारै अब्राम क मेहरारु रही। अब्राम अउ ओकरे कउनो लरिका नाही रहा। सारै क लगे एक ठु मिस्र क दासी रही। ओकर नाउँ हाजिरा रहा।</verse>
				<verse number="2">सारै अब्राम स कहेस, “लखा, यहोवा मोका कउनो बच्चा नाही दिहे अहइ। ऍह बरे मोरी दासी क संग सारीरिक संबन्ध करा होइ सकत ह कि ओकर बच्चा मोर अपना बच्चा होइ जाब।” अब्राम आपन मेहरारु क कहब मान लिहस।</verse>
				<verse number="3">कनान मँ अब्राम क दास बरिस रहइ क पाछे इ बात भइ अउ सारै आपन भतार अब्राम बरे हाजिरा क दइ दिहस। हाजिरा मिस्र क दासी रही।</verse>
				<verse number="4">हाजिरा, अब्राम स गाभिन भइ। जब हाजिरा इ देखेस तउ ओका बहोत गरब भवा अउ इ महसूस करइ लाग कि मइँ आपन मालकिन सारै स बढ़िया अहउँ।</verse>
				<verse number="5">मुला सारै अब्राम स कहेस, “मोर दासी अब मोसे घिना करत ह अउ एकरे बर मइँ तोहका दोखी मानन हउँ। मइँ ओका तोहरे बरे दिहेउँ। उ गाभिन भइ अउर तब उ महसूस करइ लाग कि उ मोसे बढ़िया बा। मइँ चाहत हउँ कि यहोवा सही निआव करी।”</verse>
				<verse number="6">मुला आब्राम सारै स कहेस, “तू हाजिरा क मालकिन अहा। तू ओकरे संग जउन चाहा कइ सकत ह।” ऍह बरे सारै आपन दासी पइ अत्याचार किहस अउर ओकर दासी पराइ गइन।</verse>
				<verse number="7">यहोवा क सरगदूत रेगिस्तान मँ पानी क सोता क लगे हाजिरा क पाएस। इ सोता सूर जाइवाला राहे प रहा।</verse>
				<verse number="8">सरगदूत कहेस, “हाजिरा, तू सारै क दासी अहा। तू हिआँ काहे अहा? तू कहाँ जात अहा?” हाजिरा कहेस, “मइँ आपन मालकिन सारै क हिआँ स पराइ जात अहउँ।”</verse>
				<verse number="9">यहोवा क सरगदूत ओसे कहेस, “तू आपन मालकिन क घर जा अउर ओका सोंप द्या।”</verse>
				<verse number="10">यहोवा क सरगदूत ओसे फुन कहेस, “तोहसे बहोत स लोग पइदा होइहीं। इ सबइ लोग ऍतना होइ जइहीं कि गना नाही जाइ सकिही।”</verse>
				<verse number="11">यहोवा क सरगदूत अउर भी कहेस, “अबहि तू गर्भ धरे अहा अउर तोहका एक पूत होइ। तू ओकर नाउँ इस्माएल राख्या। काहेकि यहोवा तोहका देइ भए कस्ट क सुनेस ह।</verse>
				<verse number="12">इस्माएल एक ठु जंगली गदहा क तरह जंगली अउ अजाद होइ उ सब क खिलाफ होइ अउर सबहीं ओकर खिलाफ होइ जाइ। उ आपन भाइयन क लगे आपन डेरा डाइ मुला उ ओनके खिलाफ होइ।”</verse>
				<verse number="13">तब हाजिरा परमेस्सर क जउन ओसे बात करत रहा, एक नवा नाउँ स यहोवा क पुकारेस। उ कहेस, “तू ‘परमेस्सर ह जउन मोका लखत ह।’” उ ओसे उ नाउँ ऍह बरे दिहस काहेकि उ आपन आप स कहेस, “मइँ महसूस करत हउँ कि उ मोरे ऊपर निगाह राखत ह।”</verse>
				<verse number="14">ऍह बरे उ कुआँ क नाउँ लहैरोइ पड़ा। उ कुआँ कादेस अउ बेरेद क बीच मँ बाटइ।</verse>
				<verse number="15">हाजिरा अब्राम क पूत क जन्म दिहस। अब्राम पूत क नाउँ इस्माएल धरेस।</verse>
				<verse number="16">अब्राम उ टेम छियासी बरिस क रहा जब हाजिरा इस्माएल क जन्म दिहस।</verse>
			</chapter>
			<chapter number="17">
				<verse number="1">जब अब्राम निन्यानबे बरिस क भवा, यहोवा ओह पइ परगट भवा। यहोवा कहेस, “मइँ सर्वोच्च परमेस्सर अहउँ। मोरे आगे चला अउर इमानदार रहा।</verse>
				<verse number="2">जदि तू इ करा, तउ मइँ आपन अउ तोहरे बीच एक करार करब। मइँ तोहका बचन देत हउँ कि मइँ तोहका बहोत सारा संतान देबउ।”</verse>
				<verse number="3">अब्राम परमेस्सर क समन्वा आपन मुँह जमीन कइँती निहुराएस। तब परमेस्सर ओहसे बात किहस अउ कहेस,</verse>
				<verse number="4">“हमरे करार क इ हीसा मोर अहइ। मइँ तोहका कइउ रास्ट्र क बाप बनाउब।</verse>
				<verse number="5">मइँ तोहरे नाउँ क बदल देब। तोहार नाउँ अब्राम नाही होइ। तोहार नाउँ इब्राहीम होइ। मइँ तोहका इ नाउँ ऍह बरे देत अहउँ कि तू बहोत स रास्ट्रन क बाप बनब्या।</verse>
				<verse number="6">मइँ तोहका बहोत संतानन देब। तोहसे नवा रास्ट्र अउर राजा लोग पइदा होइहीं।</verse>
				<verse number="7">अउर मइँ आपन अउ तोहरे बीच एक करार करब। इ करार तोहरे सबहिं संतानन बरे होइ। मइँ तोहार अउ तोहरे सबहि संतानन क परमेस्सर रहब। इ करार सदा बनी रही।</verse>
				<verse number="8">अउर मइँ इ प्रदेस तोहका अउ तोहरे सबहिँ संतानन क देब। मइँ उ प्रदेस तोहका देब जेहसे होइके तू जात्रा करत रहब्या। मइँ तोहका कनान प्रदेस देब। मइँ तोहका इ प्रदेस सदा बरे देब अउर मइँ तोहार परमेस्सर रहब।”</verse>
				<verse number="9">परमेस्सर इब्राहीम स कहेस, “अब करार क इ हींसा तोहार हींसा अहइ। मोर इ करार क मानब तू अउ तोहार संतानन करिही।</verse>
				<verse number="10">इ उ करार अहइ कि जेका तू मनब्या। इ करार मोरे अउ तोहरे बीच अहइ। इ तोहरे सबहि संतानन बरे अहइ। हर एक लरिका जउन पइदा होइ ओकर खतना जरूर होइ।</verse>
				<verse number="11">तू बाहरी चाम क एक निसान बरे कटब्या कि तू आपन अउ मोरे बीच क करार क मानत रहब्या।</verse>
				<verse number="12">जब लरिका आठ दिन क होइ जाइ तब तू ओकर खतना कर्‌या। हर एक लरिका जउन तोहरे मनइबन क बीच पइदा होइ या कउनो लरिका जउन विदेसी स खरीदइ भवा तोहार दास स पइदा होइ, ओकर खतना जरूर होइ।</verse>
				<verse number="13">इ तरह तोहरे रास्ट्र क हर एक लरिका क खतना होइ। जउन लरिका तोहरे परिवारे मँ पइदा होइ या दास क रुप मँ बसेहा जाइ ओकर खतना होइ।</verse>
				<verse number="14">इहइ मोर नेम अहइ अउर मोरे अउ तोहरे बीच करार अहइ। जउन कउनो मनई क खतना नाही होइ उ आपन मनइयन स अलगाइ दीन्ह जाइ। काहेकि उ मनई मोरे करार क तोड़ दिहस।”</verse>
				<verse number="15">परमेस्सर इब्राहीम स कहेस, “मइँ सारै क जउन तोहार मेहरारु अहइ, नवा नाम देब। ओकर नाउँ सारा होइ।</verse>
				<verse number="16">मइँ ओका असीस देब। मइँ ओका पूत देब अउ तू बाप होइ। उ बहोत स नए रास्ट्रन क महतारी होब्या। ओहसे रास्ट्रन क राजा लोग पइदा होइहीं।”</verse>
				<verse number="17">इब्राहीम आपन मूँड़ी परमेस्सर क भगति देखावइ बरे जमीन कइँती निहुराएस। मुला उ हसा अउ आपन स बोला, “मइँ सौ बरिस क होइ ग अहउँ। मइँ पूत नाही पइदा कइ सकत हउँ अउ सारा नब्बे बरिस क बुढ़िया बाटइ। उ लरिकन क जन्म नाही दइ सकत।”</verse>
				<verse number="18">तउ इब्राहीम परमेस्सर स कहेस, “मोका उमीद अहइ कि इस्माएल जिइही अउ तोहार सेवा करइहीं?”</verse>
				<verse number="19">परमेस्सर कहेस, “नाही, मइँ कहेउँ कि तोहार मेहरारु सारा पूत क जन्म देइ। तू ओकर नाउँ इसहाक रखब्या। मइँ ओकरे संग करार करब। इ करार अइसा होइ जउन ओकरे सबहि संतानन क संग सदा बनी रही।</verse>
				<verse number="20">“तू इस्माएल क नाउँ लिहस अउर मइँ तोहार बात सुनेउँ। मइँ ओका असीसब। ओकरे बहोत स सन्तानन होइहीं। उ बारह बड़का राजा क बाप होइ। ओकर परिवार एक बहोत बड़ा रास्ट्र बनी।</verse>
				<verse number="21">मुला मइँ आपन करार इसहाक क संग करब। इसहाक ही उ पूत होइ जेका सारा पइदा करी। इ पूत अगला बरिस मँ इहइ टेम मँ, पइदा होइ।”</verse>
				<verse number="22">परमेस्सर जब इब्राहीम स बात करब बन्द किहस, इब्राहीम अकेल्ला रहि गवा। परमेस्सर इब्राहीम क लगे स आकास कइँती उठि गवा।</verse>
				<verse number="23">परमेस्सर कहे रहा कि तू अपने परिवार क सबहि लरिकन अउ मनइयन क खतना कराया। ऍह बरे इब्राहीम इस्माएल अउ आपन घरे मँ पइदा भए सबइ नउकर लोगन क एक संग बोलाएस। इब्राहीम ओन नउकर लोगन क एक संग बोलाएस जउन धने स बेसहा ग रहेन। इब्राहीम क घर क सबहि मनसेधू अउ लरिकन बटुरेन अउ ओन सबहि क खतना उहइ दिन ओनकइ बाहरी चाम काटिके कइ दीन्ह गवा। इब्राहीम ओन लोगन क खतना ठीक उहइ तरह स किहेस जे तरह परमेस्सर कहे रहेन।</verse>
				<verse number="24">जब इब्राहीम क खतना भवा उ निन्यानबे बरिस क रहा।</verse>
				<verse number="25">अउर ओकर पूत इस्माएल आपन खतना होइके टेम तेरह बरिस क रहा।</verse>
				<verse number="26">इब्राहीम अउ ओकरे पूत क खतना उहइ दिन भवा।</verse>
				<verse number="27">उहइ दिन इब्राहीम क सबहिं मनइयन क खतना भवा। इब्राहीम क घरे मँ पइदा भए सबहि मनइयन क अउ बेसहा गए सबहि दासन क खतना उहइ दिन भवा।</verse>
			</chapter>
			<chapter number="18">
				<verse number="1">पाछे यहोवा फुन इब्राहीम क समन्वा परगट भवा। इब्राहीम मम्रे क बलूत क बृच्छन क लगे रहत रहा। एक दिन, इब्राहीम दिन क सब स गर्म पहर मँ तम्बू क दुआरे बइठा रहा।</verse>
				<verse number="2">इब्राहीम आँखि उठाइके लखेस अउ आपन समन्वा तीन मनइयन क खड़ा निहारेस। जबहि इब्राहीम मनइयन क लखेस, उ ओनके लगे गवा अउ ओनका पैलगी किहेस।</verse>
				<verse number="3">इब्राहीम कहेस, “साहेब लोगो! आप आपन इ सेवक क संग तनिक देर रुकि जाइँ।</verse>
				<verse number="4">मइँ आप लोगन बरे गोड़वा पखारइ खातिर पानी लइ आवत अहउँ। आप बृच्छन क खाले सुहताइ लेइँ।</verse>
				<verse number="5">मइँ आप पचन क कछू खइया के लिआवत अहउँ अउ आप लोग जेतना चाहइँ खाइ लेइँ। ऍकरे पाछे आप सबइ आपन जात्रा प जाब सुरु कइ सकत ही।” तीनउँ कहेन, “इ बहोतइ बढ़िया बा। तू जइसा कहत बाट्या, करा।”</verse>
				<verse number="6">इब्राहीम हाली स तम्बू मँ घुसा। इब्राहीम सारा स कहेस, “हाली हाली तीन ठु रोटी बरे आटा साना।”</verse>
				<verse number="7">तब इब्राहीम आपन गोरुअन कइँती भागा। इब्राहीम सबन त नीक एक ठु जवान बछवा लिहस। इब्राहीम बछवा नउकर क दिहस। इब्राहीम नउकर स कहेस कि तू हाली हाली करा, इ बछवा क मारा अउ खइया खातिर तइयार करा।</verse>
				<verse number="8">इब्राहीम तीनहुँ क खाइ बरे गोस दिहस। उ दूध अउ माखन भी दिहस। जब तलक तीनहु मनई खात रहेन तब तलक इब्राहीम बृच्छ क खाले ठाड़ रहा।</verse>
				<verse number="9">उ मनइन इब्राहीम स कहेस, “तोहार मेहरारु सारा कहा बा?” इब्राहीम कहेस, “उ तम्बू मँ बा।”</verse>
				<verse number="10">तब यहोवा कहेस, “मइँ बसन्त मँ फुन आउब। उ टेम तोहार मेहरिया सारा एक ठु पूत क जन्मी।” सारा तम्बू मँ अनकत रही अउर उ इ बातन क सुनेस।</verse>
				<verse number="11">इब्राहीम अउ सारा बहोत बुढ़ाइ ग रहेन। सारा लड़कोर होइ क उमिर क पार कइ चुकी रही।</verse>
				<verse number="12">सारा आपन आप प हँसी। उ आपन स कहेस, “मइँ अउ मोर भतार दुइनउँ बुढ़ान बाटेन। मइँ लरिका जन्मइ बरे ढेर बुढ़ाइ गइ अहउँ।”</verse>
				<verse number="13">तब यहोवा इब्राहीम स कहेस, “इ सोचत भवा सारा काहे हँसेन कि, ‘मइँ ऍतना बूढ़ी हउँ कि लरिका नाही पइदा कइ सकत हउँ?’</verse>
				<verse number="14">का यहोवा बरे कछू भी असंभव बाटइ? नाही, मइँ फुन बसन्त मँ आपन बताए भए टेम प आउब अउ तोहार मेहरारु सारा पूत क जन्म देइ।”</verse>
				<verse number="15">मुला सारा कहेस, “मइँ हसेउँ नाहीं।” (उ अइसा कहेस, काहेकि उ डेरान रही।) मुला यहोवा कहेस, “नाही, मइँ जानत हउँ कि तोहार कहब सही नाही अहइ। तू जरुर हसिउ ह।”</verse>
				<verse number="16">तब उ मनईयन जाइ बरे उठेन। उ पचे सदोम कइँती लखेन अउ उहइ कइँती चल पड़ेन। इब्राहीम ओनका बिदा करइ बरे कछू दूर तलक ओनके संग गवा।</verse>
				<verse number="17">यहोवा मन मँ कहेस, “का मइँ इब्राहीम स कहि देउँ जउन मइँ अबहु करब?</verse>
				<verse number="18">इब्राहीम एक बड़का सकतीवाला रास्ट्र बन जाइ। इ कारण स धरती क सारे मनइयन आसीर्बाद पइही।</verse>
				<verse number="19">मइँ इब्राहीम क संग खास करार किहेउँ ह। मइँ इ ऍह बरे किहेउँ ह कि उ आपन लरिकन अउ आपन संतानन क तरह जिन्नगी बितावइ बरे हुकुम देइ जउने तरह जिन्नगी बिताउब यहोवा चाहत ह। मइँ इ ऍह बरे किहेउँ ह कि उ पचे सच्चाई स रइही अउर इन्साफ पसन्द बनिही। तब मइँ यहोवा प्रण कीन्ह गइ चीजन क देब।”</verse>
				<verse number="20">तब यहोवा कहेस, “सदोम अउर गमोरा का चीख-पुकार बहोत जबरदस्त अहइ। ओनका पाप बहोत गम्भीर अहइ।</verse>
				<verse number="21">एह बरे मइँ हुवा जाब अउर देखब कि जउन कूछ मइँ सुन्या ह, यदि उ सही बा तब मइँ जानब कि उ सही बाटइ या गलत।”</verse>
				<verse number="22">तब उ मनइयन घूमेन अउ सदोम कइँती चल पड़ेन। मुला इब्राहीम यहोवा क समन्वा खड़ा रहा।</verse>
				<verse number="23">तब इब्राहीम यहोवा स कहेस, “हे यहोवा, का तू खोट मनइयन क नास करइ क संग भले मनइयन क नास करइ क बात सोचत अहा?</verse>
				<verse number="24">जदि उ सहर मँ पचास भला मनई होइ तउ का होइ? का तब भी तू सहर क नास कइ देब्या? फुरइ ही तू हुआ क बसइया पचास भले मनइयन बरे उ सहर क बचाइ लेब्या।</verse>
				<verse number="25">फुरइ ही तू उ सहर क नास न करब्या। खोट मनइयन क मारइ बरे तू पचास भले मनइयन क नास न करब्या। अगर अइसा भवा तउ भला अउ खोटा लोग एक ही होइ जइहीं। दुइनउँ क ही सजा मिली। तू समूचइ भुइँया क निआव देइवाला अहा। मइँ जानत अहउँ कि तू निआव करब्या।”</verse>
				<verse number="26">फुन यहोवा कहेस, “जदि मोका सदोम सहर मँ पचास भला लोग मिलइँ तउ मइँ समूचइ सहर क बचाइ लेब।”</verse>
				<verse number="27">तब इब्राहीम कहेस, “हे यहोवा, तोहरे अगवा, मइँ सिरिफ धूर अउ राख अहउँ। मुला तू मोका फुन तनिक कस्ट देइ क मौका द्या अउ मोका इ प्रस्न पूछइ द्या कि:</verse>
				<verse number="28">जदि पाँच नीक लोग कमती होइ तउ का होइ? जदि सहर मँ पैंतालीस ही नीक लोग होइँ तउ का होइ? का तू सिरिफ पाँच लोगन बरे समूचइ सहर क नास करिब्या?” तब यहोवा कहेस, “जदि मोका हुआँ पैंतालीस नीक लोग मिलइँ तउ मइँ सहर क नास न करब।”</verse>
				<verse number="29">इब्राहीम फुन यहोवा स कहेस, “जदि तोहका हुआँ स्रिफ चालीस नीक लोग मिलइँ तउ का तू सहर क नास कइ देब्या?” यहोवा कहेस, “अगर मोका चालीस बढ़िया लोग हुआँ मिलइँ तउ मइँ सहर क बर्बाद न करब।”</verse>
				<verse number="30">तब इब्राहीम कहेस, “हे यहोवा कृपा कइके मोहे प किरोध जिन करा। मोका इ पूछेइ द्या कि अगर सहर मँ सिरिफ तीस नीक लोग होइ तउ का तू सहर क नास कइ देब्या?” यहोवा कहेस, “जदि मोका तीस नीक लोग मिलइँ तउ मइँ सहर क बर्बाद न करब।”</verse>
				<verse number="31">तब इब्राहीम कहेस, “हे यहोवा, का मइँ तोहका फुन कष्ट देउँ अउ पूछ लेउँ कि जदि बीस ही सहर मँ नीक लोग हुआँ होइँ तउ?” यहोवा जवाब दिहस, “अगर मोका बीस बढ़िया लोग मिलइँ तउ भी मइँ सहर क नास न करब।”</verse>
				<verse number="32">तब इब्राहीम कहेस, “हे यहोवा तू मोहे प गुस्सा जिन करा। मोका आखिरी दाईं कस्ट देइ क मौका द्या। जदि तोहका हुआँ दस बढ़िया लोग मिलइँ तउ तू का करिब्या?” यहोवा कहेस, “जदि मोका सहर मँ दस नीक लोग मिलइँ तउ भी मइँ सहर क नास न करब।”</verse>
				<verse number="33">यहोवा इब्राहीम स बोलब बंद कइ दिहस, ऍह बरे यहोवा चला गवा अउ इब्राहीम आपन घर लउटि आवा।</verse>
			</chapter>
			<chapter number="19">
				<verse number="1">ओनमाँ स दुइ सरगदूत संझा क सदोम सहर मँ आएन। लूत सहर क दुआर प बइठा रहा अउ उ सरगदूतन क लखेस। लूत विचारेस कि उ पचे सहर क बीचउ बीच स जात्रा करत अहइँ। लूत उठा अउ सरगदूतन क लगे गवा अउ भुइँया तलक निहुरा। लूत कहेस, “महोदय, कृपा कइके मोरे घर चलइँ अउर मइँ आप लोगन क सेवा करब। हुआँ आप लोग आपन गोड़ धोइ सकत ही अउर रात मँ रुकि सकत ही। तब भियान आप लोग आपन जात्रा सुरु कइ सकत ही।” सरगदूतन जवाब दिहन, “नाहीं, हम पचे सहर क चौराहे मँ रुकब।”</verse>
				<verse number="2"></verse>
				<verse number="3">मुला लूत आपन घर चलइ बरे बार बार कहत रहा। इ तरह सरगदूत लूत क घर जाइ बरे तइयार होइ गएन। जब उ पचे घरे पहोंचेन तउ लूत ओनका कछू पिअइ बरे लइ आवा। लूत ओनके बरे रोटी बनाएस। लूत क बनावा भवा भोजन सरगदूत खाएन।</verse>
				<verse number="4">उ संझा क सोवइ क टेम स पहिले ही उ सबइ मँ स सदोम क जवान अउर बूढ़े दुइनउँ मनइयन लूत क घरे आएन। सदोम क मनइयन लूत क घर घेरि लिहन अउ पूछेन।</verse>
				<verse number="5">उ पचे कहेन, “आज राति क जउन लोग तोहरे लगे आएन, उ सब दुइनउँ मनई कहा बाटेन? उ मनइयन क बाहेर हमका दइ द्या। हम ओनके संग संभोग करइ चाहत ह।”</verse>
				<verse number="6">लूत बाहेर निकरा अउ आपन पाछे स दरवाजा बंद कइ दिहस।</verse>
				<verse number="7">लूत मनइयन स कहेस, “नाही मोर भाई लोगो, मइँ बिनती करत हउँ कि आप इ बुरा कर्म न करइँ।</verse>
				<verse number="8">लखा, मोरे दुइ बिटिया अहइँ, उ सबइ ऍकरे पहिले कउनो मनई क संग नाही सोई अहइँ। मइँ आपन बिटियन क तू मनइयन क दइ देत अहउँ। तू लोग ओनके संग जउन चाहा कइ सकत ह। मुला इ मनइयन क संग कछू न करा। इ सब लोग हमरे घरे आवा अहइँ अउर मइँ ऍनकइ रच्छा जरुर करब।”</verse>
				<verse number="9">घरे क चारिहु कइँती क मनइयन जवाब दिहन, “राहे स हटि जा।” तब मनइयन आपन मने मँ बिचार किहन, “इ मनई लूत हमरे सहर मँ मेहमान क रुप मँ आवा अहइ। अब इ सिखावइ चाहत ह कि हम पचे कैसे जिन्नगी गुजारइ चाही।” तब उ पचे लूत स कहेन, “हम पचे ओनसे भी जियादा बुरा तोरे संग करब।” ऍह बरे उ मनइयन लूत क घेरि क ओकरे निअरे आउब सुरु किहन। उ सबइ दरवाजा क तोड़िके खोलइ चाहत रहेन।</verse>
				<verse number="10">मुला लूत क संग क ठहरे भए मनइयन दरवाजा खोलेन अउ लूत क घरे क भीतर हीच लिहेन। तब उ पचे दरवाजा बंद कइ दिहन।</verse>
				<verse number="11">दुइनउँ मनइयन दरवाजे क बाहरे क मनइयन क आँधर कइ दिहन। इ तरह घरे मँ घुसरइ क जतन करइ वालन जवान अउ बुढ़वा सबइ आँधर होइ गएन अउर दरवाजा न पाइ सकेन।</verse>
				<verse number="12">दुइनउँ मनइयन लूत स कहेन, “का इ सहर मँ अइसा कउनो मनई अहइ जउन तोहरे परिवारे क बाटइ? का तोहार दामाद, तोहार बिटिया या दूसर कउनो तोहरे परिवारे क मनई अहइ? जदि कउनो दूसर इ सहर मँ तोहरे परिवार क बाटइ तउ तू अबहि सहर तजि देइ बरे कहि द्या।</verse>
				<verse number="13">हम पचे इ सहर क बर्बाद करब। यहोवा ओन सबहि बुराइयन क सुनि लिहे अहइ जउन इ सहर मँ अहइ। ऍह बरे यहोवा हम मनइयन क ऍका नास करइ बरे पठए अहइ।”</verse>
				<verse number="14">ऍह बरे लूत बाहेर गवा अउ आपन दूसर बिटियन स बियाह करइ वालन दामादन स बात किहेस। लूत कहेस, “हाली करा अउ इ सहर क तजि द्या। यहोवा ऍका फउरन बर्बाद कइ देइ।” मुला उ मनइयन समझेन कि लूत मजाक करत बाटइ।</verse>
				<verse number="15">दूसर दिन भिन्सारे भोर क टेम ही सरगदूत लूत स हाली करइ क कोसिस किहस। उ पचे कहेन, “लखा इ सहर क सजा मिली। ऍह बरे तू आपन मेहरारु अउ तोहरे संग जउन दुइ बिटियन जउन अबहि तलक अहइँ, ओनका लइके इ जगह तजि द्या। तबहि तू सहर क संग बर्बाद न होब्या।”</verse>
				<verse number="16">मुला लूत देर करइ लगा अउ सहर तजि देइ क उ हाली नाही किहेस। ऍह बरे सरगदूतन लूत, ओकर मेहरारु अउ ओकर दुइनउँ बिटियन क हाथ धइ लिहन, काहेकि ओन पइ यहोवा क द्या रहा। उ दुइनउँ लूत अउ ओकरे परिवार क सहर क बाहेर पहोंचाएन। लूत अउ ओकरे परिवार प यहोवा क कृपा रही।</verse>
				<verse number="17">ऍह बरे दुइनउँ लूत अउ ओकरे परिवार क सहर क बाहेर पहोंचाएइ दिहन। जब उ पचे बाहेर होइ गएन तउ ओनमाँ स एक कहेस, “आपन जिन्नगी बचावइ बरे पराइ जा। सहर कइँती घूमिके जिन लखा। इ घाटी मँ कउनो जगह जिन रूका। तब तलक परात रहा जब तलक पहाड़े मँ न जाइके पहोंचा। अगर तू अइसा नाही करत्या, तउ तू सहर क संग नस्ट होइ जाब्या।”</verse>
				<verse number="18">तब लूत दुइनउँ स कहेस, “श्रीमान लोगो, कृपा कइके ऍतना दूर दौड़इ बरे बेबस जिन करा।</verse>
				<verse number="19">आप लोग मो सेवक प ऍतनी कृपा किहा ह। आप लोग मोका बचावइ क कृपा किहा ह। मुला मइँ पहाड़ी ताईं नाही दौड़ि सकत हउँ। अगर मइँ जरुरत स जियादा धीमे धीमे दौड़उँ तउ कछू बुरा होइ अउ मइँ मारा जाब।</verse>
				<verse number="20">मुला लखइँ हिआँ निअरे एक बहोत छोटा सहर बाटइ। हम पचन क उ सहर तलक दौड़इ द्या। तब हमार जिन्नगी बचि जाइ।”</verse>
				<verse number="21">सरगदूत लूत स कहेस, “ठीक बाटइ, मइँ तोहका अइसा ही करइ देब। मइँ उ सहर क नास नाहीं करब जेहमाँ तू जात अहा।</verse>
				<verse number="22">मुला हुआँ तलक तेज दउड़ा। मइँ तब तलक सदोम क बर्बाद नाही करब जब तलक तू उ सहर मँ सुरच्छित नाही पहोंच जात्या।” (इ सहर क नाउँ सोअर अहइ काहेकी इ छोट अहइ।)</verse>
				<verse number="23">जब लूत सोअर मँ घुसत रहा, भिन्सारे क सूरज चमकइ लाग</verse>
				<verse number="24">अउर यहोवा सदोम अउ अमोरा क बर्बाद करब सुरु कइ दिहस। यहोवा आगी अउ बरत भवा गन्धक क अकासे स खाले बरसाएस।</verse>
				<verse number="25">इ तरह यहोवा उ सहरन क अउर समूची घाटी क बर्बाद कइ दिहस अउ सबहि जिअत मनइयन अउ सबहि पेड़-पौधन क बर्बाद कइ दिहस।</verse>
				<verse number="26">जब उ पचे परात रहेन, तउ लूत क मेहरारु घूमिके सहर क निहारेस। जब उ घूमिके लखेस तब उ एक नोन क भीटा होइ गइ।</verse>
				<verse number="27">उहइ दिना बहोत तड़के इब्राहीम उठा अउ उ ठउरे प गवा जहा उ यहोवा क समन्वा ठाड़ होत रहा।</verse>
				<verse number="28">इब्राहीम सदोम अउ अमोर सहरन कइँती निगाह दौड़ाएस। इब्राहीम उ घाटी क समूची भुइँया कइँती लखेस। इब्राहीम उ पहटा स उठत भए घना धुआँ क लखेस। बड़ी खौफनाक आगी स उठत धुआँ क तरह उ देखाइ पड़ा।</verse>
				<verse number="29">परमेस्सर घाटी क सहरन क नास कइ दिहस। परमेस्सर इब्राहीम क याद किहस अउर लूत क नास नाहीं किहेस। जब उ ओन सहरन क नास किहेस जेहमा लूत रहत रहेन।</verse>
				<verse number="30">लूत सोअर मँ लगातार रहइ स डोरान। ऍह बरे उ अउ ओकर दुइनउँ बिटियन पहाड़न मँ गएन अउर उ हुवँइ रहइ लगेन। उ पचे हुवाँ एक गुफा मँ रहत रहेन।</verse>
				<verse number="31">एक दिना बड़की बिटिया छोटकी बिटिया स कहेस, “भुइँया प चारिहु कइँती मनसेधू अउ मेहरारु बियाह करत हीं। मुला हिआँ आसपास कउनो मनसेधू नाहीं जेहसे हम बियाह करी। हम पचन क पिता बुढ़ाइ ग बाटेन।</verse>
				<verse number="32">ऍह बरे हम पचे आपन पिता का प्रयोग लरिकन क जन्म देइ बरे करी जेसे हम लोगन क बंस चलि सकइ। हम लोग आपन पिता क लगे चलब अउ अंगूरे क दाखरस पिआउब अउ ओका नसा मँ बुत्त कइ देब। तब हम ओकरे संग सोइ सकित ह।”</verse>
				<verse number="33">उहइ राति दुइँनउँ बिटियन आपन पिता क लगे गइन अउ ओका उ पचे दाखरस पिआइके नसा मँ बुत्त कइ दिहन। तब बड़की बिटिया पिता क बिछउना मँ गइ अउ ओकरे संग सोइ गइ। लूत जियादा नसा मँ बुत्त रहा। ऍह बरे इ न जानि सका कि ओकरे संग कउन सोएस।</verse>
				<verse number="34">दूसर दिन बड़की बिटिया छोटकी बिटिया स कहेस, “पिछली राति मइँ आपन पिता क संग सोएउँ। आवा इ रात फुन हम ओका दाखरस पिआइके नसा मँ बुत्त कइ देइ। तब तू ओकरे बिछउना मँ जाइ सकत ह अउर ओकरे संग सोइ सकत ह। इ तरह हम पचन क आपन पिता क प्रयोग लरिकन क जन्म दइके आपन बंस चलावइ बरे करइ चाही”</verse>
				<verse number="35">ऍह बरे उ दुइनउँ बिटियन आपन पिता क दाखरस पिआइके नसा मँ बुत्त कइ दिहन। तब छोटकी बिटिया ओकरे बिछउना मँ ओलरी अउ ओकरे संग सोएस। लूत इ दाईं भी न जानि सका कि ओकर बिटिया ओकरे संग सोएस।</verse>
				<verse number="36">इ तरह लूत क दुइनउँ बिटिया गर्भ धारण किहेन। ओनका पिता ही ओनके लरिकन क पिता रहा।</verse>
				<verse number="37">बड़की बिटिया एक पूत क जन्म दिहस। इ बेटवा क नाउँ मोआब धरेस। मोआब ओन सबहि मोआबी लोगन क पिता रहा, जउन अब तलक रहत अहइँ।</verse>
				<verse number="38">छोटकी बिटिया भी एक पूत जन्मेस। इ आपन पूत क नाउँ बेनम्मी धरेस। बेनम्मी ओन सबहि अम्मोनी लोगन क पिता अहइ जउन अब तलक रहत बाटेन।</verse>
			</chapter>
			<chapter number="20">
				<verse number="1">इब्राहीम उ ठउरे क तजि दिहस और नेगेव क जात्रा किहेस। इब्राहीम कादेस अउ सूर क बीच गरार मँ बस गवा।</verse>
				<verse number="2">गरार मँ इब्राहीम मनइयन स कहेस कि सारा मोर बहिन अहइ। गरार क राजा अबीमेलक इ बात सुनेस। अबीमेलेक क सारा चाहत रहा ऍह बरे उ कछू नउकर ओका लावइ बरे पठएस।</verse>
				<verse number="3">मुला एक रात परमेस्सर अबीमेलेक स सपन मँ बात किहस। परमेस्सर कहेस, “देखा, तू मरि जाब्या जउने मेहरारु क तू लिहा ह उ सोहागिन अहइ।”</verse>
				<verse number="4">मुला अबीमेलेक अबहि सारा क संग नाही सोवा रहा। ऍह बरे अबीमेलेक कहेस, “हे यहोवा, मइँ दोखी नाही अहउँ। का तू बेदोखी मनई क मरब्या?</verse>
				<verse number="5">इब्राहीम मोसे खुद कहेस, ‘इ मेहरारु मोर बहिन अहइ’ अउ मेहरारु भी कहेस, ‘इ मनई मोर भाई अहइ’ मइँ बेदोखी अहउँ। मइँ नाही जानत रहेउँ कि मइँ का करत हउँ?”</verse>
				<verse number="6">तब परमेस्सर अबीमेलेक स सपन मँ कहेस, “हा, मइँ जानत हउँ कि तू निर्दोख अहा अउर मइँ इ भी जानत हउँ कि तू इ नाही जानत रह्या कि तू का करत रह्या? मइँ तोहका बचाएँउ। मइँ तोहका आपन खिलाफ पाप नाही करइ दिहेउँ। इ मइँ ही रहेउँ जउन तोहका ओकरे संग सोवइ नाही दिहेउँ।</verse>
				<verse number="7">ऍह बरे इब्राहीम क ओकर मेहरारु लौटाइ द्या। इब्राहीम एक ठु नबी बाटइ। उ तोहरे बरे पराथना करी अउर तू जिअत रहब्या मुला जदि तू सारा क नाही लौटउब्या तउ मइँ सरापत हउँ कि तू मरि जाब्या। तोहार सारा परिवार तोहरे संग मरि जाइ।”</verse>
				<verse number="8">ऍह बरे दूसर दिन बहोत भिंसारे अबीमेलेक आपन सबइ नउकरन क बोलाएस। अबीमेलेक सपने मँ भइ सारी बातन क ओनका बताएस। नउकर बहोतइ डेराइ गवा।</verse>
				<verse number="9">तब अबीमेलेक इब्राहीम क बोलाएस अउ ओसे कहेस, “तू हम पचन क संग अइसा काहे किहा? मइँ तोहार का बिगाड़ेउँ ह? तू इ झूठ काहे बोल्या कि उ तोहार बहिन अहइ। तू हमरे राज्ज प बहोत बड़ी बिपत्ति लइ आवा ह। इ बात तोहका मोरे संग नाही करइ चाही।</verse>
				<verse number="10">तू कउने बात स डेरात अहा? तू इ सबइ बातन मोरे संग काहे किहा ह?”</verse>
				<verse number="11">तब इब्राहीम कहेस, “मइँ ससान रहेउँ। काहेकि मइँ सोचेउँ कि हिआँ कउनो भी परमेस्सर क आदर नाही करत। मइँ बिचारेउँ कि सारा क पावइ बरे कउनो मोका मारि डाइ।</verse>
				<verse number="12">उ मोर मेहरारु अहइ, मुला उ मोर बहिन भी अहइ। उ मोरे पिता क बिटिया तउ अहइ मुला मोरी महतारी क बिटिया नाहीं अहइ,</verse>
				<verse number="13">परमेस्सर मोका मोरे पिता क घरे स दूर पहोंचाए अहइ। परमेस्सर कइयऊ अलग-अलग पहटा मँ मोका भटकाएस। जब अइसा भवा तउ मइँ सारा स कहेउँ, ‘मोरे बरे कछू करा। जहा कहु भी हम जाइ तू मनइयन स कहा कि तू मोर बहिन अहा।’”</verse>
				<verse number="14">अब अबीमेलेक जान लिहेस कि का होइ चुका बाटइ। ऍह बरे अबीमेलेक इब्राहीम क सारा लौटाइ दिहस। अबीमेलेक इब्राहीम क कछू भेड़िन, जनावर अउ दास भी दिहस।</verse>
				<verse number="15">अबीमेलेक कहेस, “तू चारिहु कइँती लखि ल्या। इ मोर देस अहइ। तू जउने ठउर चाहा, रहि सकत ह।”</verse>
				<verse number="16">अबीमेलेक सारा स कहेस, “लखा, मइँ तोहरे भाई क एख हजार चाँदी क टूक दिहेउँ ह। मइँ इ ऍह बरे किहेउँ ह कि जउन कछू भवा ओहसे मइँ दुःखी अहउँ। मइँ चाहत हउँ कि हर एक मनई इ लखड़ कि मइँ नीक काम किहेउँ ह।”</verse>
				<verse number="17">परमेस्सर अबीमेलेक क ओकर पत्नी क अउर ओकर मेहरारु नउकरन क लरिका जन्मइ क अयोग्ग बनाएस। परमेस्सर उ ऍह बरे किहस कि उ इब्राहीम क मेहरारु सारा क बइठाइ लिहे रहा। मुला इब्राहीम परमेस्सर स पराथना किहस अउ परमेस्सर अबीमेलेक, ओकर मेहररुअन अउ दास-कन्या क चंगा कइ दिहस।</verse>
				<verse number="18"></verse>
			</chapter>
			<chapter number="21">
				<verse number="1">अब यहोवा सारा लगे आएन काहेकि उ कहेस रहा, अउर उ सारा बरे उहइ किहेस जउन उ करइ क वादा किहे रहा।</verse>
				<verse number="2">सारा गरभ धरेस अउर इब्राहीम बरे ओकर बुढ़ापे मँ एक लरिका क जन्मेस। सही टेम प जइसा परमेस्सर वचन दिहे रहा वइसा ही भवा।</verse>
				<verse number="3">सारा पूत जन्मेस अउ इब्राहीम ओकर नाउँ इसहाक राखेस।</verse>
				<verse number="4">परमेस्सर क हुकुम क मुताबिक इब्राहीम आठ दिन होए प इसहाक क खतना किहस।</verse>
				<verse number="5">इब्राहीम सौ बरिस क रहा जब ओकर पूत इसहाक पइदा भवा</verse>
				<verse number="6">अउ सारा कहेस, “परमेस्सर मोका सुखी बनाइ दिहस ह। हर एक मनई जउन इ बारे मँ सुनी उ मोहसे खुस होइ।</verse>
				<verse number="7">कउनो भी इ नाही सोचत कि मइँ सारा इब्राहीम बरे पूत देबउँ। मुला मइँ इब्राहीम क ओकरे बुढ़ापे क उमर मँ एक ठु पूत दिहेउँ ह।”</verse>
				<verse number="8">अब बचवा ऍतना बाढ़ गवा कि महतारी क दूध तजिके ठोस भोजन सुरु करइ। जउने दिन ओकर दूध छोड़वावा गवा उ दिन इब्राहीम एक बहोत बड़का भोज दिहस।</verse>
				<verse number="9">बीते भए टेम मँ मिस्र क दासी एक ठु पूत क जन्मेस। इब्राहीम उ पूत क बाप रहा। सारा लखेस कि हाजिरा क पूत इसहाक क तंग करत ह।</verse>
				<verse number="10">ऍह बरे सारा इब्राहीम स कहेस, “उ दासी मेहरारु अउ ओकरे पूत क हिआँ पठइ द्या। जब हम पचे मरब हम पचन क सबहिं चिजियन इसहाक क मिलिही। मइँ नाहीं चाहत कि ओकर पूत इसहाक क संग ओन चिजियन मँ हीसा लेइ।”</verse>
				<verse number="11">इस्माएल क बरे इ कीन्ह जाना एका सोच इब्राहीम क बहोत ज्यादा दुःखी कइ दिहन।</verse>
				<verse number="12">मुला परमेस्सर इब्राहीम स कहेस, “उ लड़का क बारे मँ दुःखी जिन ह्वा। उ दासी क बारे मँ दुःखी जिन ह्वा। जउन सारा चाहत ह तू उहइ करा। तोहार बंस इसहाक क बंस स चली।</verse>
				<verse number="13">मुला मइँ तोहरे दासन क पूतन क असीसब। उ तोहार पूत अहइ ऍह बरे मइँ ओकरे परिवार क भी एक बड़ा रास्ट्र बनाउब।”</verse>
				<verse number="14">दूसर दिन बहोत भिन्सारे इब्राहीम कछू भोजन अउ पानी लिहस। इब्राहीम इ चीजन हाजिरा क दइ दिहस। हाजिरा उ सबहि चीजन क लिहस अउ बच्चा क संग दूर चली गइ। हाजिरा उ ठउर तजि दिहस अउर उ बेर्सोबा क रेगिस्तान मँ भटकइ लाग।</verse>
				<verse number="15">कछू टेम पाछे हाजिरा क सारा पानी खतम होइ गवा। पिअइ बरे कछू पानी भी नाहीं बचा। ऍह बरे हाजिरा आपन लरिका क एक झाड़ी तरे राखेस।</verse>
				<verse number="16">हाजिरा हुआँ स कछू दूर गइ। तब उ रुकी अउ बइठि गइ। हाजिरा सोचेस कि ओकर पूत मरि जाइ काहेकि हुआँ पानी नाहीं रहा। उ ओका मरता भवा नाहीं देखइ चाहत रही। उ हुआँ बइठि गइ अउ रोवइ लाग।</verse>
				<verse number="17">यहोवा लरिका क रोउब सुनेस। सरग स एक दूत हाजिरा क लगे आवा। उ पूछेस, “हाजिरा, तोहका का तकलीफ अहइ। डेराउ नाही काहेकि परमेस्सर हुवाँ लरिका क रोउब सुन लिहेस।</verse>
				<verse number="18">जा, अउर आपन पूत क सँभारा। ओकर हाथ धइ ल्या अउ ओका संग लइ चला। मइँ ओका बहोत बड़का रास्ट्र क पिता बनाउब।”</verse>
				<verse number="19">परमेस्सर हाजिरा क आँखी इ तरह खोलेस कि उ एक पानी क कुआँ निहारि सकी। ऍह बरे हाजिरा कुआँ प गइ अउ उ थैला क पानी स भरि लिहस, तब उ बच्चा क पानी पिअइ बरे दिहस।</verse>
				<verse number="20">बच्चा जब तक बाढ़ा नाही तब तलक परमेस्सर ओकरे संग रहा। इस्माएल रेगिस्तान मँ रहा अउ एक सिकारी बन गवा। उ बहोत बढ़िया तीर चलाउब सीख लिहस।</verse>
				<verse number="21">ओकर महतारी मिस्र स ओकरे बरे दुल्हन लइ आइ। उ पचे सबइ पारान रेगिस्तान मँ रहइ लागेन।</verse>
				<verse number="22">तब अबीमेलेक अउ पीकोल इब्राहीम स बात किहन। पीकोल अबीमेलेक क फउज क सेनापति रहा। उ पचे इब्राहीम स कहेन, “तू जउन कछू करत अहा, परमेस्सर तोहार साथ देत ह।</verse>
				<verse number="23">ऍह बरे तू परमेस्सर क समन्वा इ बचन द्या कि तू मोरे अउ मोरे बच्चन बरे भला रहब्या। तू इ बचन द्या कि तू मोरे बरे अउ जहा तू रह्या ह उ देस बरे दयालु रहब्या। तू इ भी बचन द्या कि मइँ तोहरे बरे जेतॅना दयालु रहा ओतॅना तू मोहे प दयालु रहब्या।”</verse>
				<verse number="24">इब्राहीम कहेस, “मइँ बचन देत हउँ कि तोहसे मइँ बइसा ही बिउहार करब जइसा तू मोरे संग बिउहार किया ह।”</verse>
				<verse number="25">तब इब्राहीम अबीमेलेक क ओराहना दिहस। इब्राहीम ऍह बरे ओराहना दिहस कि अबीमेलेक क नउकरन पानी क कुआँ प कब्जा कइ लिहन।</verse>
				<verse number="26">अबीमेलेक कहेस, “ऍकरे बारे मँ मइँ इ बहिली बार सुनेउँ ह। मोका पता नाहीं बाटइ, कि इ के किहेस ह अउर तू भी ऍकर चर्चा मोहसे ऍहसे पहिले कबहु नाहीं किह्या।”</verse>
				<verse number="27">ऍह बरे इब्राहीम अउ अबीमेलेक एक समझौता किहन। इब्राहीम समझौता क सबूत क रुप मँ अबीमेलेक क कछू भेड़िन अउ गोरु दिहस।</verse>
				<verse number="28">इब्राहीम सात ठु मादा भेड़ी क बच्चा भी अबीमेलेक क समन्वा लावा।</verse>
				<verse number="29">अबीमेलेक इब्राहीम स पूछेस, “तू इ सबइ सात ठु भेड़ी क मादा बच्चन क काहे अलगाइ कइ दिह्या?”</verse>
				<verse number="30">इब्राहीम कहेस, “जब तू इ सातहु भेड़ी क बच्चन स मोहसे लेब्या तउ इ सबूत रही कि इ नारा मइ खनेउँ ह।”</verse>
				<verse number="31">ऍह बरे ऍकरे पाछे उ नारा बेर्सैबा कहवावा गवा। उ पचे नारा क इ नाउँ दिहन काहेकि इ उ ठउर रहा जहाँ उ पचे एक दूसर क बचन दिहे रहेन।</verse>
				<verse number="32">इ तरह इब्राहीम अउ अबीमेलेक बेर्सेबा मँ एक समझौता किहन। तब अबीमेलेक अउ सेनापति दुइनउँ पलिस्तियन क पहँटा मँ लौटि गएन।</verse>
				<verse number="33">इब्राहीम बेर्सेबा मँ झाऊ क एक बृच्छ लगाएस। उ ठउरे प इब्राहीम परमेस्सर, जउन हमेसा रहत ह स पराथना किहस।</verse>
				<verse number="34">अउर इब्राहीम पलिस्तियन क देस मँ बहोत समइ तलक रहा।</verse>
			</chapter>
			<chapter number="22">
				<verse number="1">इ बातन क पाछे परमेस्सर इब्राहीम क पतियाइ क परीच्छा लेब तय किहस। परमेस्सर ओसे कहेस, “इब्राहीम!” अउ इब्राहीम कहेस, “हाँ!”</verse>
				<verse number="2">परमेस्सर कहेस, “आपन पूत ल्या, आप इकलौता पूत, इसहाक जेका तू पिरेम करत ह मोरिय्याह प जा। तू उ पहाड़े प जा जेका मइँ तोहका देखॅाउब। तू हुआँ आपन पूत क बलिदान देब्या अउ ओका होम बलि क सरुप मँ मोका अर्पण करिब्या।”</verse>
				<verse number="3">भिन्सारे इब्राहीम उठा अउ उ गदहा क तइयार किहस। इब्राहीम इसहाक अउ दुइ नउकरन क संग लिहस। इब्राहीम बलि बरे काठ काटिके तइयार किहस। तब उ पचे उ ठउरे प गएन जहा जाइ बरे परमेस्सर कहेस।</verse>
				<verse number="4">उ पचे तीन दिना तलक जात्रा किहेन। ओकरे पाछे इब्राहीम ऊपर लखेस अउ दूरी प उ ठउरे क निहारेस जहा उ पचे जात रहेन।</verse>
				<verse number="5">तब इब्राहीम आपन नउकरन स कहेस, “हिआँ गदहा क संग ठहरि जा। मइँ आपन पूत क उ ठउरे लइ जाब अउ आराधना करब। तब हम पाछे लौटि आउब।”</verse>
				<verse number="6">इब्राहीम बलि बरे लकड़ी क आपन पूत क काँधे प धरेस। इब्राहीम एक खास छुरी अउ आगी लिहस। तब इब्राहीम अउ ओकर पूत दुइनउँ आराधना बरे उ ठउरे प एक संग गएन।</verse>
				<verse number="7">इसहाक आपन बाप इब्राहीम स कहेस, “पिताजी!” इब्राहीम जवाब दिहस, “हाँ, बेटवा।” इसहाक कहेस, “मइँ ईंधन अउ आगी तउ लखत हउँ, मुला उ भेड़ा कहा बाटइ जेका हम बलि क रुप मँ बारब?”</verse>
				<verse number="8">इब्राहीम जवाब दिहस, “बेटवा, परमेस्सर बलि बरे भेड़ा आपने आप जुटावत बाटइ।” इ तरह इब्राहीम अउ ओकर पूत उ ठउर संग संग गएन।</verse>
				<verse number="9">उ पचे उ ठउरे प पहोंचेन जहाँ परमेस्सर पहोंचइ क कहे रहा। हुआँ इब्राहीम बलि क एक वेदी बनाएस। इब्राहीम वेदी प काठ धरेस। तब इब्राहीम आपन पूत क बाँधेस। इब्राहीम इसहाक क वेदी क काठे प धरेस।</verse>
				<verse number="10">तब इब्राहीम आपन छुरी निकारेस अउ आपन पूत क मारइ क तइयारी किहस।</verse>
				<verse number="11">तब यहोवा क सरगदूत इब्राहीम क रोक दिहस। दूत सरग स गोहराएस अउ कहेस, “इब्राहीम, इब्राहीम।” इब्राहीम जवाब दिहेस, “हाँ।”</verse>
				<verse number="12">सरगदूत कहेस, “तू आपन पूत क जिन मारा या ओका कउनो तरह क चोट जिन पहोंचावा। मइँ अब लखि लिहउँ कि तू परमेस्सर क सम्मान करत ह अउ ओकर हुकुम मानत ह। मइँ लखत हउँ कि तू आपन इकलौता पूत क मोरे यहोवा क बरे मारइ क तइयार बाट्या।”</verse>
				<verse number="13">इब्राहीम ऊपर निगाह किहेस अउ एक भेड़ा क लखेस। भेड़ा क सींगन झाड़ी मँ उरझ गइ रहिन। ऍह बरे इब्राहीम हुआँ गवा अउर भेड़ा क धइ लिहस अउ ओका मारि डाएस। इब्राहीम भेड़ा क आपन पूत क जगह प बलि दिहस।</verse>
				<verse number="14">ऍह बरे इब्राहीम उ जगह क नाउँ “यहोवा यिरे” राखेस। आज भी लोग कहत हीं, “इ पहाड़े क चोटी प यहोवा क लखा जाइ सकत ह।”</verse>
				<verse number="15">यहोवा क सरगदूत सरग स इब्राहीम क दूसरी दाईं गोहराएस।</verse>
				<verse number="16">सरगदूत कहेस, “तू मोरे बरे आपन पूत क मारइ बरे तइयार रह्या। इ तोहार इकलौता पूत रहा। तू मोरे बरे अइसा किहा ह ऍह बरे मइँ, यहोवा तोहका वचन देत अहउँ कि</verse>
				<verse number="17">मइँ तोहका सचमुच ही असीसब। मइँ तोहका ओतना ही संतानन देब जेतना अकासे मँ तारा बाटइँ। इ सबइ ऍतना जियादा लोग होइहीं जेतना समुद्दर क किनारे बालू क कण अउ तोहार लोग आपन सबहि दुस्मनन क हरइहीं।</verse>
				<verse number="18">संसार क सबहि रास्ट्र तोहरे परिवार क जरिये आसीर्बाद पइही। मइँ इ ऍह बरे करब काहेकि तू मोर हुकुम क मान्या ह।”</verse>
				<verse number="19">तब इब्राहीम आपन नउकरन क लगे लउटा। उ पचे बेर्सेबा तलक वापसी जात्रा किहन अउ इब्राहीम हुअँइ रहइ लाग।</verse>
				<verse number="20">एकरे पाछे, इब्राहीम क इ समाचार मिला। समाचार इ रहा, “तोहार भाई नाहोर अउ ओकर मेहरारु मिल्का क अब गदेलन अहइँ।</verse>
				<verse number="21">पहिला पूत ऊस अहइ। दूसर पूत क नाउँ बूज अहइ। तीसर पूत अराम क बाप कमूएल अहइ।</verse>
				<verse number="22">एकरे अलावा, केसेद, हजो, पिल्दास, यिदलाप अउ बतूएल बाटइ।”</verse>
				<verse number="23">बतूएल रिबका क बाप रहा। मिल्का इ सबइ आठहु पूतन क महतारी रही अउ नाहोर पिता रहा। नाहोर इब्राहीम क भाई रहा।</verse>
				<verse number="24">नाहोर क दूसर चारि लरिकन ओकरी मेहरारु नउकर स रहेन। इ सबइ पूत तेबह, गहम, तहस अउर माका रहेन।</verse>
			</chapter>
			<chapter number="23">
				<verse number="1">सारा एक सौ सत्ताईस बरिस जिअत रही।</verse>
				<verse number="2">कनान पहटा क किर्यतर्बा (हेब्रोन) सहर मँ मरी। इब्राहीम बहोत दुःखी भवा अउ ओकरे बरे हुआँ रोएस।</verse>
				<verse number="3">तब इब्राहीम मरी भइ मेहरारु क तजेस अउ हित्ती लोगन स बात करइ गवा। उ कहेस,</verse>
				<verse number="4">“मइँ इ पहटा मँ नाहीं रहत। मइँ हिआँ सिरिफ एक राही अहउँ। ऍह बरे मोरे लगे आपन मेहरारु क गाड़इ क कउनो जगह नाहीं बाटइ। मइँ कछू भुइँया चाहत हउँ जेहमाँ आपन मेहरारु क दफनाइ सकूँ।”</verse>
				<verse number="5">हित्ती लोगन इब्राहीम क जवाब दिहेन,</verse>
				<verse number="6">“साहेब, आप हम पचन क बीच परमेस्सर क सकतीसाली राजकुमार अहइँ। आप आपन मरे भए क दफनावइ बरे सबन त नीक ठउरे प, जउन हम पचन क पास अहइ, लइ सकत हीं। आप हम पचन क कब्रिसतानन मँ स कउनो भी जगह, जउन आप चाहत हीं, लइ सकत हीं। हम लोगन मँ स कउनो भी आपक आपन मेहरारु दफनावइ स नाही रोकी।”</verse>
				<verse number="7">इब्राहीम उठा अउ मनइयन कइँती मूँड़ि निहुराएस।</verse>
				<verse number="8">इब्राहीम ओनसे कहेस, “जदि आप लोग सचमुच मोर मरी भइ मेहरारु क दफनावइ मँ मोर मदद करइ चाहत हीं तउ सोहर क पूत एप्रोन स मोरे बरे बात करइँ।</verse>
				<verse number="9">मइँ मकपेला क गुफा क बसेहब पसन्द करब। एप्रोन एकर मालिक अहइ। इ ओकरे खेत क सिरहने प बाटइ। मइँ एकरे दाम क मुताबिक ओका पूरी कीमत देब। मइँ चाहत अहउँ कि आप लोग इ बात क साच्छी रहइँ कि मइँ इ भुइँया क कब्रिस्तान क रुप मँ खरीदत अहउँ।”</verse>
				<verse number="10">एप्रोन हुअँइ मनइयन बीच बइठा रहा। एप्रोन इब्राहीम क जवाब दिहस,</verse>
				<verse number="11">“नाही, साहेब। मइँ आपन सबइ लोगन क समन्वा इ भुइँया तोहका देब। मइँ आपक उ गुफा देब। मइँ इ आप क एँह बरे देब कि आप एहमाँ आपन मेहरारु क दफनाइ सकइँ।”</verse>
				<verse number="12">तब इब्राहीम हित्ती मनइयन क समन्वा आपन मूँड़ि निहुराएस।</verse>
				<verse number="13">इब्राहीम सबहिं लोगन क समन्वा एप्रोन स कहेस, “मुला मइँ तो खेते क पूरा दाम देइ चाहत अहउँ। मोर धन स्वीकार करइँ। मइँ आपन मरे भए क एहमाँ गाड़ब।”</verse>
				<verse number="14">एप्रोन इब्राहीम क जवाब दिहेस,</verse>
				<verse number="15">“साहेब, मोरहु सुनइँ। चार सौ चाँदी क सेकेल। हमरे अउ आप क बीच मँ इ धन कछू भी नाही। भुइँया ल्या अउ आपन मरी भइ मेहरारु क गाड़ द्या।”</verse>
				<verse number="16">इब्राहीम समझेस कि एप्रोन ओका भुइँया क दाम बतावत अहइ। ऍह बरे हित्ती लोगन क गवाह मानिके, इब्राहीम चाँदी क चार सौ सेकेल एप्रोन बरे तौलेस। इब्राहीम पइसा उ बइपारी क दइ दिहेस जउन इ भुइँया क बेचइ क धन्धा करत रहा।</verse>
				<verse number="17">इ तरह एप्रोन क खेत क मालिक बदल गएन। इ खेत मम्रे क पूरब मकपेला मँ रहा। इब्राहीम उ खेत क, गुफा क अउर उ खेत क बृच्छन क मालिक होइ गवा। सहर क सबहि लोग एप्रोन अउ इब्राहीम क बीच भए समझौता क लखेन।</verse>
				<verse number="18"></verse>
				<verse number="19">ऍकरे पाछे उ आपन मेहरारु सारा क कनान देस क मम्रे क निअरे जउन कि हेब्रोन मँ अहइ मकफेला क निअरे उ खेते क गुफा मँ गाड़ेस।</verse>
				<verse number="20">इब्राहीम खेत अउ ओकरे गुफा क हित्ती लोगन स खरीदेस। इ ओकर संपत्ति होइ गइ, अउ उ ऍकर बइपरब कब्रिस्तान क रुप मँ किहस।</verse>
			</chapter>
			<chapter number="24">
				<verse number="1">इब्राहीम बहोत बूढ़ा होइके भी जिअत रहा। यहोवा इब्राहीम क आसीर्बाद दिहेस अउ ओकरे हर एक काम क सफल होइ दिहेस।</verse>
				<verse number="2">इब्राहीम क एक सबन त पुरान नउकर रहा जउन इब्राहीम क जउन कछू रहा ओकर प्रबंधक रहा। इब्राहीम उ नउकर क बोलाएस अउ कहेस, “आपन हाथ मोरे जाँघे क नीचे धरा।</verse>
				<verse number="3">अब मइँ चाहत हउँ कि तू मोका एक बचन द्या। धरती अउ आकास क परमेस्सर यहोवा क समन्वा तू बचन द्या कि तू कनान क कउनो बिटिया स मोरे पूत क बियाह नाही होइ देब्या। हम पचे उ कनानियन क मध्य मँ रहित ह, मुला कनानी लड़की स ओकर बियाह न करइ द्या।</verse>
				<verse number="4">तू मोरे देस अउ मोरे आपन मनइयन मँ लउटिके जा। हुआँ मोर पूत इसहाक बरे एक दुलहिन हेरा।”</verse>
				<verse number="5">नउकर ओसे कहेस, “इ तउ होइ सकत ह कि उ दुलहिन मोरे संग इ देस मँ लौटब न चाहइ। तब, का मइँ तोहरे पूत क तोहरी जन्म भुमि मँ लइ जाऊँ?”</verse>
				<verse number="6">इब्राहीम ओसे कहेस, “नाही! तू हमरे पूत क उ देस मँ न लइ जा।</verse>
				<verse number="7">यहोवा, सरग क परमेस्सर मोका मोरी जन्म भूमि स हिआँ लिआवा। उ देस मोर बाप अउ परिवार क घर रहा। मुला यहोवा इ बचन दिहस कि इ नवा प्रदेस मोरे परिवार वालन क होइ। यहोवा आपन एक सरगदूत तोहरे समन्वा पठएस जेहसे तू मोरे पूत बरे दुलहिन चुनि सका।</verse>
				<verse number="8">मुला अगर बिटिया तोहरे संग आउब मना करइ तउ तू आपन बचन स छुटकारा पाइ जाब्या। मुला तू मोरे पूत क उ देस मँ वापिस जिन लइ जा।”</verse>
				<verse number="9">इ तरह नउकर आपन मालिक क जाँघे तरे आपन हाथ धइके बचन दिहेस।</verse>
				<verse number="10">नउकर इब्राहीम क दस ठु ऊँट लिहेस अउ उ जगह स उ चला गवा। नउकर कइउ तरह क सुन्नर भेंट आपन संग लइ गवा। उ नाहोर क सहर मेसोपोटामिया गवा।</verse>
				<verse number="11">उ सहर क बाहर क कुआँ प गवा। इ बात साँझ क भइ जब मेहररुअन पानी भरइ बाहेर आवति ही। नउकर हुवँइ ऊँटन क गोड़े क घुटना क बल बइठाएस।</verse>
				<verse number="12">नउकर कहेस, “हे यहोवा, तू मोर सुआमी इब्राहीम क परमेस्सर अहा। आज तू ओकरे पूत बरे मोका एक दुलहिन दिआवा। कृपा कइके मोर मालिक इब्राहीम प दाया करा।</verse>
				<verse number="13">मइँ हिआँ इ पानी क कुआँ क लगे ठाड़ अहउँ अउर पानी भरइ बरे सहर स बिटियन आवति अहइँ।</verse>
				<verse number="14">मइँ एक ठु खास चीन्हा क बाट जोहत अहउँ जेहसे मइँ जान सकउँ कि इसहाक बरे कउन सी बिटिया नीक होइ। इ विसेख चीन्हा अहइ। मइँ बिटिया स कहब कि ‘मेहरबानी कइके आपन गगरी क खाले धरइँ जेहसे मइँ पानी पी सकउँ।’ मइँ तब समझब कि इ नीक लड़की अहइ जब उ कही, ‘पिआ, अउर मइँ तोहरे ऊँटन बरे भी पानी देब।’ जदि अइसा होइ तउ तू साबित कइ देब्या कि इसहाक बरे इ बिटियन नीक बाटइ। मइँ बूझब कि तू मोरे सुआमी प कृपा किह्या ह।”</verse>
				<verse number="15">तब नउकर क पराथना पूरी होइ स पहिले ही रिबका नाउँ क एक लड़की इ नारा प आइ। रिबका बतूएल क बिटिया रही। (बतूएल इब्राहीम क भाई नाहोर अउ मिल्का क पूत रहा।) रिबका आपन काँधे प पानी क गगरी लइके नारा प आइ रही।</verse>
				<verse number="16">लड़की बहोत सुन्नर रही। उ कुआँरी रही। उ कउनो मनई क संग कबहु नाहीं सोइ रही। उ आपन कूँन्डा भरइ बरे नारा प आइ।</verse>
				<verse number="17">तब नउकर ओकरे नगिचे तलक दौड़िके आवा अउ बोला, “मेहरबानी कइके आपन कूँड़ा स पिअइ बरे तनिक पानी द्या।”</verse>
				<verse number="18">रिबका हाली हाली काँधे स कूँड़ा क खाले उतारेस अउ ओका पानी पिआएस। रिबका कहेस, “महासय, इ पिअइँ।”</verse>
				<verse number="19">जइसेन ही उ पिअइ बरे कछु पानी देब खतम किहेस। रिबका कहेस, “मइँ आप क ऊँटयन क भी पानी पिअइ बरे दइ सकत हउँ।”</verse>
				<verse number="20">ऍह बरे रिबका फउरन कूँन्डा क सब पानी ऊँटयन बरे बना भवा हउदा मँ उड़ेरेस। तब उ अउर पानी लइ आवइ बरे इनारा क दौड़ गइ अउ उ सब ऊँटियन क पानी पिआएस।</verse>
				<verse number="21">नउकर ओका चुपचाप धियान स लखेस। उ इ तय करइ चाहत रहा कि यहोवा साइद इ बात क मान लिहेस ह अउ ओकरी जात्रा क सुफल बनाइ दिहस ह।</verse>
				<verse number="22">जब ऊँटियन पानी पी लिहन तब उ रिबका क आधा सेकेल जोखिके एक ठु सोना क मुनरी दिहेस। उ ओका दुइ बाजूबंद भी दिहेस जउन जोखे मँ हर एक दस सेकेल रहेन।</verse>
				<verse number="23">नउकर पूछेस, “तोहार बाप कउन अहइ? का तोहरे बाप क घरे मँ ऍतनी जगह बाटइ कि हम पचन क रहइ अउ सोवइ क सरंजाम होइ सकइ?”</verse>
				<verse number="24">रिबका जवाब दिहेस, “मोर बाप बतूएल अहइँ जउन मिल्का अउ नाहोर क पूत अहइँ।”</verse>
				<verse number="25">तब उ कहेस, “अउर हा हम पचन क लगे तोहरे ऊँट बरे चारा बाटइ अउ तोहरे सोवइ बरे जगह अहइ।”</verse>
				<verse number="26">नउकर मूँड़ि निहुराएस अउ यहोवा क आराधना किहेस।</verse>
				<verse number="27">नउकर कहेस, “मोरे सुआमी इब्राहीम क परमेस्सर यहोवा क धन्न हो। यहोवा हमरे सुआमी प दयालु अहइ। यहोवा मोका आपन सुआमी क पूत बरे सही लड़की दिहे अहइ।”</verse>
				<verse number="28">तब रिबका दौड़ी अउ जउन कछू भवा रहा आपन परिवार क बताएस।</verse>
				<verse number="29">रिबका क एक भाई रहा। ओकर नाउँ लाबान रहा। रिबका ओका उ बातन क बताएस जउन ओसे उ मनई किहे रहा। लाबान ओकर बातन अनकत रहा। जब लाबान मुनरी अउ बहिनी क बाँहे प बाजूबन्द निहारेस तउ उ धाइके नारा प पहोंचा अउर हुआँ उ मनई नारा क लगे, ऊँटियन क बगल मँ ठाड़ रहा।</verse>
				<verse number="30"></verse>
				<verse number="31">लाबान कहेस, “साहेब, आप पधारइँ आप क सुआगत अहइ। आप क हिआँ बाहेर खड़ा नाही रहब बाटइ। मइँ आपक ऊँटियन बरे एक जगह बनइ दीन्ह ह अउ आप सोवइ बरे एक ठु कमरा ठीक कइ दीन्ह ह।”</verse>
				<verse number="32">ऍह बरे इब्राहीम क नउकर लाबन क घर गवा। लाबान ऊँटन पइ स बोझ उतारइ मँ ओकर मदद किहस अउ ऊँटन क खाइ बरे चारा दिहस। तब लाबान पानी दिहस जेहसे उ मनई अउ ओकरे संग आए भएन दूसर नउकरन आपन गोड़ पखारि सकइँ।</verse>
				<verse number="33">तब लाबान ओका खाइ बरे दिहस। मुला नउकर खइया क खइ स मना कइ दिहस। उ कहेस, “मइँ तब तलक भोजन न करब जब तलक मइँ इ नाही बताइ देउँ कि मइँ हिआँ काहे बरे आवा अहउँ।” ऍह बरे लाबान कहेस, “तब हम पचन क बतावा।”</verse>
				<verse number="34">नउकर कहेस, “मइँ इब्राहीम क नउकर अहउँ।</verse>
				<verse number="35">यहोवा हमरे सुआमी प हर एक जगह कृपा किहेस ह। मोर मालिक महान मनई होइ ग अहइँ। यहोवा इब्राहीम क कइउ भेड़िन क झुण्ड अउ गोरुअन क झुण्ड दिहे अहइ। इब्राहीम क लगे ढेरि क सोना, चाँदी अउ नउकर अहइँ। इब्राहीम क लगे बहोत स ऊँट अउ गदहा अहइँ।</verse>
				<verse number="36">सारा, मोर सुआमी क पत्नी अहइ। जब उ बहोतइ बुढ़ाइ गइ उ एक पूत क जन्म दिहेस अउ हमार सुआमी आपन सब कछू उ पूत क दइ दिहस ह।</verse>
				<verse number="37">मोर सुआमी मोका एक बचन देइ बरे बेबस किहस। मोर सुआमी मोसे कहेस, ‘तू मोरे पूत क कनान क लरिकी स कउनो भी तरह बियाह नाहीं करइ देब्या। हम पचे ओनके बीच रहित ह मुला मइँ नाहीं चाहित कि उ कउनो कनानी लरिकी स बियाह करइ।</verse>
				<verse number="38">ऍह बरे तोहका बचन देइ क होइ कि तू मोरे बाप क देस जाब्या। मोरे परिवार मँ जा अउ मोरे पूत बरे एक ठु दुलहिन चुना।’</verse>
				<verse number="39">मइँ आपन सुआमी स कहेउँ, ‘इ होइ सकत ह कि उ दुलहिन मोरे संग इ देस मँ आवइ स इन्कार करेस।’</verse>
				<verse number="40">मुला मोर मालिक कहेस, ‘मइँ यहोवा क सेवा करत हउँ अउ यहोवा तोहरे संग आपन सरगदूत पठई अउ तोहर मदद करी। तोहका हुआँ मोरे आपन लोगन मँ स मोरे पूत बरे एक दुलहिन मिली।</verse>
				<verse number="41">मुला जदि तू मोरे पिता क देस जात ह अउर उ पचे मोरे पूत बरे एक ठु दुलहिन देब मना करत हीं तउ तोहका इ बचन स छुटकारा मिलि जाइ।’</verse>
				<verse number="42">“आजु मइँ इ नारा प आवा हउँ अउर मइँ कहेउँ ह, ‘हे यहोवा मोर सुआमी क परमेस्सर कृपा कइके मोर जात्रा सुफल बनावा।</verse>
				<verse number="43">मइँ हिआँ नारा क लगे रुकब अउ पानी भरइ बरे आवइ वाली नवखिल मेहरारु क जोहब। तब मइँ कहब, “कृपा कइके आप आपन कूँड़ा स पिअइ बरे पानी द्या।”</verse>
				<verse number="44">नीक बिटिया ही खास तरह स जवाब देइ। उ कही, “इ पानी पिआ अउ मइँ तोहरे ऊँटियन बरे पानी लावत अहउँ।” इ तरह मइँ जानब कि इ उहइ मेहरारु अहइ जेका यहोवा मोर सुआमी क पूत बरे चुने अहइ।’</verse>
				<verse number="45">“मोर पराथना पूरी होइ क पहिले ही रिबका नारा प पानी भरइ आइ। पानी क कूँन्डा उ आपन काँधे प लइके धरे रही। उ नारा तलक गइ अउ उ पानी भरेस। मइँ एहसे कहेउँ, ‘कृपा कइके मोका तनिक पानी द्या।’</verse>
				<verse number="46">उ फउरन काँधे स कूँड़ा क निहुराएस अउ मोरे बरे पानी उड़ेरेस अउ कहेस, ‘इ पिअइँ अउ मइँ आप क ऊँटियन बरे पानी लिआउब।’ ऍह बरे मइँ पानी पिएउँ अउ आपन ऊँटन क भी पानी पियाएउँ।</verse>
				<verse number="47">तब मइँ एहसे पूछेउँ, ‘तोहार पिता कउन अहइँ?’ इ जवाब दिहस, ‘मोर पिता बतूएल अहइ। मोरे पिता क महतारी-बाप मिल्का अउ नाहोर अहइँ।’ तब्बइ मइँ ऍका मुनरी अउ बाँहे बरे बाजूबन्द दिहेउँ ह।</verse>
				<verse number="48">उ टेम मइँ आपन मूँड़ी निहुराएउँ अउ यहोवा क धन्न कहेउँ। मइँ आपन सुआमी इब्राहीम क परमेस्सर यहोवा क प्रसंसा किहा। मइँ ओका धन्न कहेउँ काहेकि उ सोझेइ मोरे सुआमी क भाई क नतिनी तलक मोका पहोंचाएस।</verse>
				<verse number="49">अब बतावा कि तू का करब्या? का तू मोरे सुआमी प दयालु अउ स्वामिभकत होब्या अउ आपन बिटिया ओका देब्या? या तू आपन बिटिया देब मना करब्या? मोका बतावा, जेहसे, मइँ इ समुझ सकउँ कि मोका का करइ क बाटइ।”</verse>
				<verse number="50">तब लाबान अउ बतूएल जवाब दिहन, “हम पचे इ लखत अही कि इ यहोवा कइँती स बाटइ। ऍका हम सबइ टारि नाही सकित।</verse>
				<verse number="51">रिबका तोहार अहइ। ओका ल्या अउ जा। आपन सुआमी क पूत स एका बियाह करइ द्या। इहइ अहइ जेका यहोवा चाहत ह।”</verse>
				<verse number="52">इब्राहीम क नउकर सुनेस अउ उ यहोवा क समन्वा भुइँया प निहुरा।</verse>
				<verse number="53">तब उ रिबका क उ सबइ भेंट दिहस जउन उ संग लिआवा रहा। उ रिबका क सोना अउ चाँदी क गहना अउ बहोत स सुन्नर ओढ़ना दिहस। उ, ओकरे भाई अउ महतारी क कीमती भेंट दिहस।</verse>
				<verse number="54">नउकर अउ ओकरे संग क मनई हुआँ ठहरेन अउ खाएन अउर पिएन। उ पचे हुआँ राति भइ ठहरेन। उ पचे दूसर दिन भिन्सारे उठेन अउ बोलेन “अब हम आपन मालिक क लगे जाब।”</verse>
				<verse number="55">रिबका क महतारी अउ भाई कहेन, “रिबका क हम लोगन क लगे कछू दिन अउ ठहरइ द्या। ओका दस दिन तलक हमरे संग ठहरइ द्या। ऍकरे पाछे उ जाइ सकत ह।”</verse>
				<verse number="56">मुला नउकर ओनसे कहेस, “यहोवा मोर जात्रा सफल किहेस ह। अब मोसे जिन जोहावा। मोका आपन मालिक क लगे लौटि जाइ द्या।”</verse>
				<verse number="57">रिबका क भाई अउ महतारी कहेन, “हम पचे रिबका क बोलाउब अ ओसे पूछब कि उ का चाहत ह?”</verse>
				<verse number="58">उ पचे रिबका क बोलाएन अउ ओसे कहेन, “का तू इ मनई क संग अबहि जाइ चाहत अहा?” रिबका कहेस, “हा, मइँ जाब!”</verse>
				<verse number="59">ऍह बरे उ पचे रिबका क इब्राहीम क नउकर अउ ओकरे संगी लोगन क साथे जाइ दिहन। रिबका क धाई भी ओनके संग गइ।</verse>
				<verse number="60">जब उ जाइ लाग अउ उ पचे रिबका स बोलेन, “हमार बहिनी, तू लाखन मनइयन क महतारी बना अउ तोहार संतान आपन दुस्मनन क हरावइँ अउ ओनके सहरन क हड़प लेइँ।”</verse>
				<verse number="61">तब रिबका अउ धाई ऊँट प सवार भइन अउ नउकर अउ ओकरे संगी लोगन क पाछे चलइ लागिन। इ तरह नउकर रिबका क संग लिहस अउ घरे लउटइ बरे जात्रा सुरु किहस।</verse>
				<verse number="62">इ टेम इसहाक बेर लहैरोई क तजि दिहे रहा अउ नेगेव मँ रहइ लगा।</verse>
				<verse number="63">एक संझा क इसहाक मइदान मँ टहरत रहा। इसहाक नजर दउड़ाएस अउ बहोत दूर स ऊँटन क आवत लखेस।</verse>
				<verse number="64">रिबका लखेस अउ इसहाक क निहारेस। तब उ ऊँट स कूदि पड़ी।</verse>
				<verse number="65">उ नउकर स पूछेस, “हम मनइयन स मिलइ बरे खेतन मँ टहरत उ मनई कौन अहइ?” नउकर कहेस, “इ मोरे सुआमी क पूत अहइ।” ऍह बरे रिबका आपन मुँह क पर्दा मँ छिपाइ लिहस।</verse>
				<verse number="66">नउकर इसहाक क उ सबइ बातन क बताएस जउन घटि गइ रहिन।</verse>
				<verse number="67">तब इसहाक बिटिया क आपन महतारी क तम्बू मँ लिआवा। उहइ दिन रिबका इसहाक क मेहरारु होइ गइ। इसहाक ओसे बहोत पिआर करत रहा। ऍह बरे इसहाक क आपन महतारी क मउन क पाछे भी धीरज अउ दिलासा मिली।</verse>
			</chapter>
			<chapter number="25">
				<verse number="1">इब्राहीम फुन बियाह किहस। ओकर नई मेहरारु क नाउँ कतूरा रहा।</verse>
				<verse number="2">कतूरा जिम्रान, योच्छान, मिधान, मिदान यिसबाक अउ सूह क जन्म दिहेस।</verse>
				<verse number="3">योच्छान, सबा अउ ददान क बाप रहा। ददान क संतानन अस्सूर, लुम्मी अउ लतूसी लोग रहेन।</verse>
				<verse number="4">मिद्यान क पूत एपा, एपेर, हनोक, अबीदा अउ एल्दा रहेन। इ सबहि पूत इब्राहीम अउ कतूरा स पइदा भएन।</verse>
				<verse number="5">इब्राहीम मरइ स पहिले आपन मेहरारु नउकरन क पूतन क कछू भेंट दिहस। इब्राहीम पूतन क पूरब पठएस। उ ऍनका इसहाक स दूर पठएस। ऍकरे पाछे इब्राहीम आपन सबहि चीजन इसहाक क दइ दिहस।</verse>
				<verse number="6"></verse>
				<verse number="7">इब्राहीम एक सौ पचहत्तर बरिस क उमर तलक जिअत रहा।</verse>
				<verse number="8">इब्राहीम धीमे धीमे दुबराइ गवा अउ संतुट्ठ जीवन बिताइ क पाछे चल बसा। उ ल्म्बी भरपूर जिन्नगी बिताएस अउर ओका दफना दीन्ह गवा रहा।</verse>
				<verse number="9">ओकर पूत इसहाक अउ इस्माएल ओका मकपेला क गुफा मँ दफनाएन। इ गुफा सोहर क पूतन एप्रोन क खेते मँ अहइ। इ मम्रे क पूरब मँ रही।</verse>
				<verse number="10">इ उहइ गुफा अहइ जेका इब्राहीम हित्ती लोगन स बेसहे रहा। इब्राहीम क ओकर मेहरारु सारा क लाग गाड़ा गवा।</verse>
				<verse number="11">इब्राहीम क मरइ क पाछे परमेस्सर इसहाक प कृपा किहेस अउ इसहाक बेर लहैरोई मँ रहत रहा।</verse>
				<verse number="12">इस्माएल क परिवार क इ सूची अहइ। इस्माएल इब्राहीम अउ हाजिरा क पूत रहा। (हाजिरा सारा क मिस्र देस क दासी रही।)</verse>
				<verse number="13">इस्माएल क पूतन क इ सबइ नाउँ अहइँ पहिला पूत नबायोत रहा, तब केदार पइदा भवा, तब अदबेल, मिबसाम,</verse>
				<verse number="14">मिस्मा, दूमा, मस्सा,</verse>
				<verse number="15">हदद, तेमा, यतूर, नापीस अउ केदमा भएन।</verse>
				<verse number="16">इ सबइ इस्माएल क पूतन क नाउँ रहेन। हर एक पूत क आपन गाँव या सिबिर रहेन। आपन कबील क उपचे बारह राजकुमार रहेन।</verse>
				<verse number="17">इस्माएल एक सौ सैंतीस बरिस जिअत रहा। तबहीं उ मर गवा अउ दफना दीन्ह गवा रहा।</verse>
				<verse number="18">इस्माएल क सन्तानन हवीला स लइके सूर क लगे मिस्र क चौहद्दी अउ ओसे भी आगे अस्सूर क किनारे तलक, बसे रहेन अउ आपन रस्तेदारन पइ हमला करत रहेन।</verse>
				<verse number="19">इ इसहाक क कहानी बाटइ। इब्राहीम क एक पूत इसहाक रहा।</verse>
				<verse number="20">जब इसहाक चालीस बरिस क रहा तब उ रिबका स बियाइ किहस। रिबका पद्दनराम क रहइवाली रही। उ अरामी बतूएल क बिटिया रही अउ लाबान क बहिन रही।</verse>
				<verse number="21">इसहाक क बसही बच्चा नाही पइदा कइ सकी। ऍह बरे इसहाक यहोवा स आपन मेहरारु बरे पराथना किहस। यहोवा इसहाक क बिनती सुनेस अउ यहोवा रिबका क गरभ धारण करइ दिहस।</verse>
				<verse number="22">जब रिबका गरभ धारण किहे रही तब ओकरे गर्भ मँ बच्चे एक दूसर क संग धक्का धक्‌की करत रहेन। रिबका यहोवा स पराथना किहेस, अउ बोली, “मोरे संग अइसा काहे होत अहइ।”</verse>
				<verse number="23">यहोवा कहेस, “तोहरे गर्भ मँ दुइ रास्ट्र अहइँ। दुइ परिवारन क राजा तोहसे पइदा होइहीं अउ उ पचे अलगाइ जइही। एक पूत दूसर स बलवान होइ। बड़का पूत छोटके पूत क सेवा करी।”</verse>
				<verse number="24">अउर जब टेम पूरा भवा तउ रिबका जुड़ौधा लरिकन क जन्मेस।</verse>
				<verse number="25">पहिला लरिका लाल भवा। ओकर खाल रोवाँदार ओढ़ना क नाईं रही। ऍह बरे ओकर नाउँ एसाव पड़ा।</verse>
				<verse number="26">जब दूसर लरिका पइदा भवा, उ एसाव क एँड़ी क मजबूती स धरे रहा। ऍह बरे उ लरिका क नाउँ याकूब पड़ा। इसहाक क उमिर उ टेम साठ बरिस क रही। जब याकूब अउ एसाव पइदा भएन।</verse>
				<verse number="27">लरिकन बड़ा भएन। एसाव एक होसियार सिकारी भवा। उ मइदानन मँ रहब पसन्द करइ लाग। मुला याकूब सान्त रहा। उ आपन तम्बू मँ रहत रहा।</verse>
				<verse number="28">इसहाक एसाव क पिआर करत रहा। उ ओन जनावरन क खाब पसन्द करत रहा जेका एसाव मारि क लइ आवत रहा। मुला रिबका याकूब क पिआर करत रही।</verse>
				<verse number="29">एक दाईं एसाव सिकार स लउटा। उ भूख स थका अउ कमजोर होइ गवा रहा। याकूब कछू दाल पकावत रहा।</verse>
				<verse number="30">इ कारण एसाव याकूब स कहेस, “मइँ भूख स कमजोर होत अहउँ। तू उ लाल दाल मँ स कछू मोका द्या।” (इहइ कारण अहइ कि लोग ओका एदोम कहत हीं।)</verse>
				<verse number="31">मुला याकूब कहेस, “तोहका पहिलौठी होइ क आधिकार मोका आज बेचइ करइ क होइ।”</verse>
				<verse number="32">एसाव कहेस, “मइँ भूख स मरा जात अहउँ। अगर मइँ मरि जात अहउँ तउ मोरे बाप क सब धन मोर मदद नाही कर पाइ। ऍह बरे तोहका मइँ आपन हींसा देब।”</verse>
				<verse number="33">मुला याकूब कहेस, “पहिले बचन द्या कि तू इ मोका देब्या।” ऍह बरे एसाव याकूब क बचन दिहस। एसाव आपन पिता क धन क आपन हीसां याकूब क बेच दिहस।</verse>
				<verse number="34">तब याकूब एसाव क रोटी अउ भोजन दिहस। एसाव खाएस, पिएस अउ तब चला गवा। इ तरह एसाव इ देखॅाएस कि उ पहिलौटा होइ क आपन आधिकार क परवाह नाही किहेस।</verse>
			</chapter>
			<chapter number="26">
				<verse number="1">एक दाँई अकाल पड़ा। इ अकाल वइसा ही रहा जइसा इब्राहीम क टेम मँ पड़ा। ऍह बरे इसहाक गरार सहर मँ पलिस्तियन क राजा अबीमेलेक क लगे गवा।</verse>
				<verse number="2">यहोवा इसहाक स बात किहस। यहोवा इसहाक स इ कहेस, “मिस्र क जिन जा। उहइ देस मँ रहा जेहमाँ रहइ क हुकुम मइँ तोहका दिहेउँ ह।</verse>
				<verse number="3">उहइ देस मँ रहा अउर मइँ तोहरे संग रहब। मइँ तोहका आसीर्बाद देब। मइँ तोहका अउ तोहरे परिवार क उ सब पहटा देब। मइँ उहइ करब जउन मइँ तोहरे बाप इब्राहीम क बचन दिहेउँ ह।</verse>
				<verse number="4">मइँ तोहरे परिवार क आकास क तारा समूह क तरह बहोत स बनाउब अउर मइँ सारा पहटा तोहरे परिवारे क देब। धरती क सब रास्ट्र तोहरे सन्तानन क कारण मोर आसीर्बाद पाइ जइही।</verse>
				<verse number="5">मइँ इ ऍह बरे करब कि तोहार बाप मोर हुकुम क मानेस अउ मइँ जउन कछू कहेउँ, उ किहस। इब्राहीम मोरे हुकुमन, मोर कानूनन अउ मोरे नेमन क पालन किहस।”</verse>
				<verse number="6">इसहाक रुका अउ गरार मँ रहा।</verse>
				<verse number="7">इसहाक क मेहरारु रिबका बहोत सुन्नर रही। उ जगह क मनइयन इसहाक स रिबका क बारे मँ पूछेन। इसहाक कहेस, “इ मोर बहिन अहइ।” इसहाक इ कहइ स डेरान कि रिबका मोर मेहरारु अहइ। इसहाक डेरात रहा कि मनई ओकर मेहरारु क पावइ क ओका मारि डइही।</verse>
				<verse number="8">जब इसहाक हुआँ बहोत टेम तलक रहि चुका, तउ एक दिन अबीमेलेक आपन खिड़की स बाहेर झाँकेस अउ लखेस कि इसहाक, रिबका क संग हँसी अउर खेल करत अहइ।</verse>
				<verse number="9">अबीमेलेक इसहाक क बोलाएस अउ कहेस, “इ मेहरारु तोहार पत्नी अहइ। तू हम पचन स इ काहे कहया कि इ मोर बहिन अहइ।” इसहाक ओसे कहेस, “मइँ डेरात रहेउँ कि तू ओका पावइ बरे मोका मारि डउब्या।”</verse>
				<verse number="10">अबीमेलेक कहेस, “तू हम पचन क बुरा किह्या ह। हम पचन क कउनो भी मनई तोहरे पत्नी क संग सोइ सकत रहा। तब उ बड़के पाप क दोखी होत।”</verse>
				<verse number="11">ऍह बरे अबीमेलेक सबहि मनइयन क चिताउनी दिहस। उ कहेस, “इ मनसेधू अउ इ मेहरारु क कउनो चोट नाही पहोंचाई। अगर कउनो ऍनका चोटपहोंचाइ तउ उ मनई जान स मारि दीन्ह जाइ।”</verse>
				<verse number="12">इसहाक उ भुइँया प खेती किहस अउ उ बरिस ओकरे बहोतइ फसिल भइ। यहोवा ओह प बहोतइ कृपा किहेस।</verse>
				<verse number="13">इसहाक धनी होइ गवा। उ जियादा स जियादा धन तब तलक बटोरत रहा जब तलक बहोत धनी नाही होइ गवा।</verse>
				<verse number="14">ओकरे लगे बहोत स झुण्ड अउ गोरुअन क झुण्ड रहेन। ओकरे लगे ढेर दास भी रहेन। सबहि पलिस्ती ओसे डाह राखत रहेन।</verse>
				<verse number="15">ऍह बरे पलिस्तियन ओन सबहि नारन क बर्बाद कइ दिहन जेनका इसहाक क बाप इब्राहीम अउ ओकर साथी लोगन कइउ साल पहिले खने रहेन। पलिस्तियन ओनका माटी स पाट दिहन</verse>
				<verse number="16">अउर अबीमेलेक इसहाक स कहेस, “हमार देस तजि द्या। तू हम पचन स बहोत जियादा सकतीवाला होइ गवा अहा।”</verse>
				<verse number="17">ऍह बरे इसहाक उ जगह तजि दिहस अउ गरार क छोटी नदी क लगे पड़ाव डालेस। इसहाक हुवइ ठहरा अउ हुवँइ रहा।</verse>
				<verse number="18">एकरे बहोत पहिले इब्राहीम कइउ नारा खने रहा। जब इब्राहीम मरा तउ पलिस्तियन माटी से इनारा पाटि दिहन। ऍह बरे हुवइ इसहाक लौटा अउ ओन इनारान क फुन खनेस। उ नारा क उहइ नाउँ दिहेस जउन नाउँ ओकर पिता दिहे रहा।</verse>
				<verse number="19">इसहाक क नउकरन छोटी नदी क लगे एक नारा खनेन। उ कुआँ स पानी क एक सोता फूट पड़ा।</verse>
				<verse number="20">तब गरार क गड़रिया लोग उ नारा क कारण इसहाक क नउकरन स झगड़इ लागेन। उ पचे कहेन, “इ पानी हमार अहइ।” ऍह बरे इसहाक ओकर नाउँ एसेक राखेस। उ इ नाउँ ऍह बरे दिहस कि उहइ जगह प उ मनइयन ओसे झगड़ा किहे रहेन।</verse>
				<verse number="21">तब इसहाक क नउकरन दूसर नारा खनेन। हुआँ क मनइयन उ नारा बरे भी झगड़ेन। ऍह बरे इसहाक उ नारा क नाउँ सित्ना राखेस।</verse>
				<verse number="22">इसहाक हुआँ स हटा अउ दूसर नारा खनेस। उ इनारा बरे झगड़ा करइ कउनो नाही आवा। ऍह बरे इसहाक उ इनारा क नाउँ रहोबोत राखेस। इसहाक कहेस, “यहोवा हिआँ हमरे बरे जगह दियाएस ह। हम पचे प्रगति करब अउर बढ़ब अउ इहइ भुइँया पइ पूरी तरह सफल होइ जाब।”</verse>
				<verse number="23">उ जगह स इसहाक बेर्सेबा क गवा।</verse>
				<verse number="24">यहोवा उ रात इसहाक स बोला, “मइँ तोहरे पिता इब्राहीम क परमेस्सर अहउँ। जिन डेराअ। मइँ तोहरे संग अहउँ अउ मइँ तोहका आसीर्बाद देब। मइँ तोहरे परिवार क महान बनाउब। मइँ आपन सेवक इब्राहीम क कारण इ करब।”</verse>
				<verse number="25">ऍह बरे इसहाक उ जगह यहोवा क आराधना बरे एक वेदी बनाएस। इसहाक हुआँ पड़ाव डालेस अउ ओकर नउकर लोग एक इनारा खनेन।</verse>
				<verse number="26">अबीमेलेक गरार स इसहाक क लखइ आवा। अबीमेलेक आपन संग सलाहकार अहुज्जत अउ सेनापति पीकोल क लइ आवा।</verse>
				<verse number="27">इसहाक पूछेस, “तू मोका लखइ काहे आया ह? तू एकरे पहिले मोरे संग दोस्ती नाहीं राखत रह्या। तू मोका आपन देस तजि देइ क बेबस किहा।”</verse>
				<verse number="28">उ पचे जवाब दिहन, “अब हम पचे जानित ह कि यहोवा तोहार संग अहइ। इ बरे हम चाहित ह कि हम पचे तोहरे संग एक समझौता करी। हम चाहित ह कि तू हमका एक बचन द्या।</verse>
				<verse number="29">हम पचे तोहका चोट नाहीं पहोंचावा, अब तू पचन क इ बचन देइ चाही कि तू हम लोगन क चोट नाही पहोंचउब्या। हम पचे तोहका पठवा ह। मुला हम पचे तोहका सान्ति स पठवा ह। अब इ बात साफ अहइ कि यहोवा तोहका आसीर्बाद दिहेस ह।”</verse>
				<verse number="30">ऍह बरे इसहाक ओनका दावत दिहस। सबहि खाएन अउ पिएन।</verse>
				<verse number="31">दूसर दिन भिन्सारे हर एक मनई बचन दिहस अउ किरिया खाएस। तब इसहाक ओनका सान्ति स बिदा किहस अउ उ पचे कुसल स ओकरे निचके स चला आएन।</verse>
				<verse number="32">उ दिना इसहाक क नउकर आएन अउ उ पचे आपन खना इनारा क बारे मँ बताएन। नउकरन कहेन, “हम पचे उ इनारा स पानी पिआ ह।”</verse>
				<verse number="33">ऍह बरे इसहाक ओकर नाउँ सिबा रखेस अउ उ सहर अबहि भी बेर्सेबा कहवावत ह।</verse>
				<verse number="34">जब एसाव चालीस बरिस क भवा उ हित्ती मेहररुअन स बियाह किहस। एक बेरी क बिटिया यहूदीत रही। दूसर एलोन क बिटिया बासमत रही।</verse>
				<verse number="35">इ सबइ बियाहे स इसहाक अउ रिबका क मन दुःखी भवा।</verse>
			</chapter>
			<chapter number="27">
				<verse number="1">जब इसहाक बुढ़ाइ वा तउ ओकर अँखियन नीक नाही रहिन। इसहाक साफ-साफ नाही लखि सकत रहा। एक दिन उ आपन बड़का पूत एसाव क बोलाएस। इसहाक कहेस, “बेटवा!” एसाव जवाब दिहस, “हाँ, पिताजी!”</verse>
				<verse number="2">इसहाक कहेस, “लखा, मइँ बुढाइ गवा अहउँ। होइ सकत ह कि मइँ हाली ही मरि जाउँ।</verse>
				<verse number="3">अब तू आपन तीरन अउ धनुख लइके, मोरे खातिर सिकार प जा। मोरे खाइ बरे एक ठु जनावर मारि लिआवा।</verse>
				<verse number="4">मोर मनचाहा खइया क बनावा। ओका मोरे लगे लिआवा, अउर मइँ एका खाब। तब मइँ मरइ स पहिले असीसब।”</verse>
				<verse number="5">ऍह बरे एसाव सिकार करइ गवा। रिबका उ सबइ बात सुनि लिहे रही, जउन इसहाक आपन पूत एसाव स कहेस।</verse>
				<verse number="6">रिबका आपन पूत याकूब स कहेस, “सुना, मइँ तोहरे बाप क, तोहरे भाई स बतियात सुनेउँ ह।</verse>
				<verse number="7">तोहार पिता कहेस, ‘मोरे खाइ बरे एक जनावर मारा। मोरे बरे भोजन बनावा, अउ मइँ ओका खाब। तब मइँ मरइ क पहिले तोहका आसीर्बाद देबा’</verse>
				<verse number="8">ऍह बरे पूत सुना। मइँ जउन कहति अहउँ, करा।</verse>
				<verse number="9">आपन बोकरियान क बीच जा अउ दुइ नई बोकरी लिआवा। मइँ ओनका वइसा बनाउब जइसा तोहरे पिता क सोहाइ।</verse>
				<verse number="10">तबइ तू उ भोजन आपन पिता क लगे लइ जाब्या अउ उ मरइ क पहिले तोहका ही आसीर्बाद देइ।”</verse>
				<verse number="11">मुला याकूब आपन महतारी रिबका स कहेस, “मुला मोर भाई रोंवादार अहइ अउ मइँ ओकरी जगह रोवांदार नाहीं अहउँ।</verse>
				<verse number="12">जदि मोर बाप मोका छुअत ही, तउ जान लेइहीं कि मइँ एसाव नाही अहउँ। तब उ पचे मोका आसीर्बाद नाही देइहीं। उ पचे मोका सरापिही काहेकि मइँ ओनके संग छल-कपट करइ क जतन किहेउँ ह।”</verse>
				<verse number="13">यह पइ रिबका ओसे कहेस, “जदि कउनो परेसानी होइ तउ मइँ आपन दोख मान लेब। जउन मइँ कहति हउँ करा। जा, मोरे बरे बोकरियन लिआवा।”</verse>
				<verse number="14">याहूब ऍह बरे बाहेर गवा अउ उ दुइ बोकरियन क धरेस अउ आपन महतारी क लगे लइ आवा। ओकर महतारी इसहाक क पसंद क अनुसार विसेख तरीका स पकाएस।</verse>
				<verse number="15">तब रिबका उ पोसाक क उठाएस जउन ओकर बड़का पूत एसाव पहिरब पसंद करत रहा। रिबका आपन छोटका पूत याकूब क ओढ़ना पहिराइ दिहस।</verse>
				<verse number="16">रिबका बोकरियन क चाम क लिहस अउ याकूब क हाथे अउर गला प बाँध दिहस।</verse>
				<verse number="17">तब रिबका आपन पकावा भोजन उठाएस अउ ओका याकूब क दिहस।</verse>
				<verse number="18">याकूब पिता क लगे गवा अउ बोला, “पिता जी।” अउर ओकर पिता पूछेस, “हा पूत, तू कउन अहा?”</verse>
				<verse number="19">याकूब आपन पिता स कहेस, “मइँ आप क बड़का बेटवा एसाव अहउँ। आप जउन कहेन ह, मइँ कर दिहेउँ ह। अब आप बइठइँ अउ ओन जनावरन क खाइँ जेनकइ सिकार मइँ आप क बरे किहेउँ ह। तब आप मोका आसीर्बाद दइ सकत ही।”</verse>
				<verse number="20">मुला इसहाक आपन पूत स कहेस, “तू ऍतनी हाली सिकार कइके जनावरन क कइसे मार्‌या ह?” याकूब जवाब दिहस, “काहेकि आप क परमेस्सर यहोवा मोका हाली ही जनावरन क दियाइ दिहस।”</verse>
				<verse number="21">तब इसहाक याकूब स कहेस, “मोर पूत मोरे लगे आवा जेहसे मइँ तोहका छुइ सकउँ। जदि मइँ तोहका छुइ सकउँ तउ मइँ इ जान जाब कि तू असलियत मँ मोर पूत एसाव अहा।”</verse>
				<verse number="22">याकूब आपन बाप इसहाक क लगे गवा। इसहाक ओका छुएस अउ कहेस, “तोहार आवाज याकूब जइसी अहइ। मुला तोहार बाँहन एसाव क रोंवादार बाहन क नाईं अहइँ।”</verse>
				<verse number="23">इसहाक इ नाहीं जान पावा कि इ याकूब अहइ काहेकि ओकर बाँह एसाव क बाँह क नाईं रोंवादार रहिन। ऍह बरे इसहाक याकूब क असीसेस।</verse>
				<verse number="24">इसहाक कहेस, “का सचमुच तू मोर पूत एसाव अहा?” याकूब जवाब दिहस, “हाँ, मइँ अहउँ।”</verse>
				<verse number="25">तब इसहाक कहेस, “भोजन लिआवा। मइँ एका खाब अउ तोहका असीर्बाद देब।” ऍह बरे याकूब ओका भोजन दिहस अउ उ खाएस। याकूब ओका दाखरस दिहस, अउर उ ओका पिएस।</verse>
				<verse number="26">तब इसहाक ओसे कहेस, “पूत मोरे निचके आवा अउ मोका चूमा।”</verse>
				<verse number="27">ऍह बरे याकूब आपन बाप क लगे गवा अउ ओका चूमेस। इसहाक एसाव क ओढ़ना क गन्ध पाएस अउ ओका असीसेस। इसहाक कहेस, “अहा, मोर पूत क सुगन्ध यहोवा स बरदान पाइ गए खेतन क सुगन्धि क नाईं बाटइ।</verse>
				<verse number="28">यहोवा तोहका बहोत बर्ख देइ। जेसे तोहका बहोत फसिल अउ दाखरस मिलइ।</verse>
				<verse number="29">सब लोग तोहार सेवा करइँ। रास्ट्र तोहरे समन्वा निहुरइ। तू आपन भाई लोगन क ऊपर राज्ज करब्या। तोहरी महतारी क पूत तोहरे समन्वा निहुरिही अउ तोहार हुकुम मनिही। हर एक मनई जउन तोहका सरापी, सराप पाइ अउ हर एक मनई जउन तोहका आसीर्बाद देइ, आसीर्बाद पाइ।”</verse>
				<verse number="30">इसहाक याकूब क आसीर्बाद देब पूरा किहेस। तब जइसेन ही याकूब आपन बाप इसहाक क निचके स गवा, बइसेन ही एसाव सिकार कइके भीतर आवा।</verse>
				<verse number="31">एसाव आपन पिता क मनचाहा भोजन बनाएस। एसाव ऍका आपन पिता क निचके लिआवा। उ आपन पिता स कहेस, “पिता जी, उठइँ अउ उ भोजने क खाइँ जउन आपका पूत आप क बरे मारेस ह। तब आप मोका आसीर्बाद दइ सकत ही।”</verse>
				<verse number="32">मुला इसहाक ओसे कहेस, “तू कउन अहा?” उ जवाब दिहस, “मइँ आप क पहिलौठी पूत एसाव अहउँ।”</verse>
				<verse number="33">तब इसहाक बहोतइ परेसान होइ गवा अउ बोला, “तब तोहरे आवइ स पहिले उ कउन रहा? जउन भोजन बनाएस अउ मोरे संग लावा। मइँ उ सब खाएउँ अउ ओका आसीर्बाद दिहेउँ। अब आपन आसीर्बाद क लउटावइ क टेम निकरि गवा अहइ।”</verse>
				<verse number="34">एसाव आपन पिता क बात सुनेस। उ बहोतइ गुस्साइ गवा अउ करुआइ गवा। उ चिचियान। उ आपन बाप स कहेस, “पिताजी, तब मोका भी आसीर्बाद देइँ।”</verse>
				<verse number="35">इसहाक कहेस, “तोहार भाई मोका धोखा दिहेस। उ आवा अउ तोहार आसिर्बाद लइके गवा।”</verse>
				<verse number="36">एसाव कहेस, “ओकर नाउँ ही याकूब अहइ। इ नाउँ ओकरे बरे ठिक ही अहइ। ओकर इ नाउँ बिल्कुल ठीक ही रखा गवा अहइ। उ फुरइ चालबाज अहइ। उ मोका दुइ दाईं धोखा दिहेस। उ पहिलउठी होइ क मोरे आधिकार क लइ ही चुका बाटइ अउर अब उ मोरे हीसा क आसीर्बाद क भी लइ लिहस।” तब एसाव कहेस, “का आप मोरे बरे कउनो आसीर्बाद बचाइके रख्या ह?”</verse>
				<verse number="37">इसहाक जवाब दिहस, “नाही, अब बहोत देर होइ गइ। मइँ याकूब क तोहरे ऊपर राज्ज करइ क आधिकार दइ दिहेउँ ह। मइँ इ भी कहि दिहेउँ ह कि सब भाई ओकर सेवक होइही। मइँ ओका बहोत जियादा अन्न अउ दाखरस क आसीर्बाद दिहेउँ ह। पूत तोहका देइ क कछू नाही बचा अहइ।”</verse>
				<verse number="38">मुला एसाव आपन पिता स माँगत रहा। “पिता जी, का आप क लगे एक भी आसीर्बाद नाही बाटइ? पिताजी, मोका भी असीसा।” अइसेन एसाव रोवइ लाग।</verse>
				<verse number="39">तब इसहाक ओसे कहेस, “तू अच्छी भुइँया प नाही रहब्या। तोहरे लगे बहोत जियादा अन्न नाही होइ।</verse>
				<verse number="40">तोहका जिअइ बरे संघर्स करइ क होइ अउर तू आपन भाई क दास होब्या। मुला तू अजादी बरे लड़ब्या, अउ ओकरे राज्ज स अजाद होइ जाब्या।”</verse>
				<verse number="41">एकरे पाछे इ आसीर्बाद क कारण जउन ओकर पिता दिए रहे एसाव याकूब स घिना करत रहा। एसाव मन ही मन सोचेस, “मोर बाप हाली ही मरि जाइ अउ मइँ ओकर दुःख मनाउब। मुला ओकरे पाछे मइँ याकूब क मारि डाउब।”</verse>
				<verse number="42">जब रिबका याकूब क मारइ बरे एसाव क जोजना क सुनेस। तउ उ याकूब क बोलाएस अउर कहेस, “सुना, तोहार भाई एसाव तोहका मारि डावइ बरे जोजना बनावत ह।</verse>
				<verse number="43">ऍह बरे पुत जउन मइँ कहति हउँ, करा। मोर भाई लाबान हारान मँ रहत ह। ओकरे पास जा अउ लुकान रहा।</verse>
				<verse number="44">ओकरे लगे तनिक टेम तलक रहा जब तलक तोहरे भाई क किरोध नाही उतरत।</verse>
				<verse number="45">तनिक समइ पाछे तोहार भाई भूलि जाइ कि तू ओनके संग का किहा? तब मइँ तोहका लउटावइ बरे एक ठु नउकर क पठउब। एक ही दिन दुइनउँ पूतन क मइँ खोइ देइ नाही चाहित।”</verse>
				<verse number="46">तब रिबका इसहाक स कहेस, “तोहरा पूत एसाव हित्ती मेहरारुअन स बियाह कइ लिहस ह। मइँ इ मेहररुअन स तंग भए गवा अहउँ काहेकि इ सबइ हमरे परिवार क लोगन मँ स नाही अहइँ। अगर याकूब भी इ मेहररुअन मँ स कउनो क संग बियाह करत ह तउ मइँ मरि जाइ चाहबिउँ।”</verse>
			</chapter>
			<chapter number="28">
				<verse number="1">इसहाक याकूब क बोलाएस अउ ओका आसीर्बाद दिहस। तब इसहाक ओका हुकुम दिहस। इसहाक कहेस, “तू कनानी मेहरारु स बियाह नाही कइ सकत्या।</verse>
				<verse number="2">ऍह बरे इ ठउर क तजा अउ पद्दन-अराम क जा। आपन नाना बतूएल क घराना मँ जा। हुआँ तोहार मामा लाबान रहत ह। ओकरी कउनो एक बिटिया स बियाह करा।</verse>
				<verse number="3">मइँ पराथना करत हउँ कि सब स सर्वसक्तीमान परमेस्सर तोहका आसीर्बाद देइ अउ तोहका बहोत स पूत देइ। मइ पराथना करत हउँ कि तू एक बड़का रास्ट्र क पिता बना।</verse>
				<verse number="4">मइँ पराथना करत हउँ कि जउने तरह परमेस्सर इब्राहीम क बरदान दिहे रहा उहइ तरह उ तोहका भी आसीर्बाद देइ। मइँ पराथना करत हउँ कि परमेस्सर तोहका इब्राहीम क आसीर्बाद देइ, मइँ पराथना करत हउँ कि तू जहा भी रहा उ धरती तोहार कब्जा मँ होइ। इ उहइ धरती अहइ जउन परमेस्सर इब्राहीम क दिहे रहा।”</verse>
				<verse number="5">इ तरह इसहाक याकूब क पद्दन-अराम क पहँटा क पठएस। याकूब आपन मामा लाबान क लगे गवा। अरामी बतूएल लाबान अउ रिबका क पिता रहा अउ रिबका याकूब अउ एसाव क महतारी रही।</verse>
				<verse number="6">एसाव क पता चला कि ओकर बाप इसहाक याकूब क आसीर्बाद दिहेस ह अउ याकूब क पद्दन-अराम मँ एक ठु मेहरारु क खोज बरे पठएस ह। एसाव क इ भी पता लाग कि इसहाक याकूब क आदेस दिहेस ह कि उ कनानी मेहरारु स बियाह न करइ।</verse>
				<verse number="7">एसाव इ समझेस कि याकूब आपन महतारी बाप क हुकुम मानेस अउ उ पद्दन-अराम क चला गवा।</verse>
				<verse number="8">एसावा एहसे इ समझेस कि ओकर बाप इ नाही चाहत कि ओकर पूत लोग कनानी मेहररुअन स बियाह करइँ।</verse>
				<verse number="9">एसाव क दुइ मेहररुअन पहिले स ही रहिन। मुला उ इस्माएल क बिटिया महलत स बियाह किहस। इस्माएल इब्राहीम क पूत रहा। महलत नबायोत क बहिन रही।</verse>
				<verse number="10">याकूब बेर्सेबा क तजि दिहस अउ उ हारान क चला गवा।</verse>
				<verse number="11">याकूब क जात्रा करत समइँ मँ सूरज बूड़ गवा रहा। ऍह बरे याकूब रात बितावइ बरे एक जगह ठहर जाइ बरे गवा। याकूब उ जगह एक ठु चट्टान लखेस सोवइ बरे आपन मूँड़ धरेस।</verse>
				<verse number="12">याकूब सपन देखेस। उ लखेस कि एक सिड्ढी भुइँया स सरगे तलक पहोंची अहइ।</verse>
				<verse number="13">याकूब सरगदूत क सिड्ढी प चढ़त उतरत लखेस अउ यहोवा क सिड्ढी क लगे खड़ा निहारेस। यहोवा कहेस, “मइँ तोहरे पितामह इब्राहीम क परमेस्सर यहोवा अहउँ। मइँ इसहाक क परमेस्सर अहउँ। मइँ तोहका उ भुइँया देब जेह प तू अब सोवत अहा। मइँ इ भुइँया तोहका अउ तोहरे संतानन क देब।</verse>
				<verse number="14">तोहार संतानन ओतना ही होइही जेतना भुइँया प माटी क कण बाटेन। उ पचे पूरब, पच्छिम, उत्तर अउ दक्खिन चारिहू कइँती फइलिही। धरती क सबहि परिवार तोहरे संतानन क कारण बरदान पइही।</verse>
				<verse number="15">“मइँ तोहरे संग अहउँ अउर मइँ तोहार रच्छा करब। जहा भी जाब्या अउ मइँ इ भुइँया प तोहका लउटाइ लिआउब। मइँ तोहका तब तलक नाही तजि देब जब तलक मइँ उ नाही कइ लेब जउन मइँ करइ क बचन दिहेउँ ह।”</verse>
				<verse number="16">तब याकूब आपन नीदं स उठा अउ बोला, “मइँ जानत हउँ कि यहोवा इ जगह प अहइ। मुला हिआँ जब तलक मइँ सोएउँ नाही रहे उ मइँ नाही जानत रहेउँ कि उ हिआँ अहइँ।”</verse>
				<verse number="17">याकूब डेरान। उ कहेस, “इ बहोत महिमा क जगह अहइ। इ तउ परमेस्सर क भवन अहइ। इ तउ सरग क दुआर अहइ।”</verse>
				<verse number="18">याकूब दूसर दिन बहोत भिन्सारे उठा। याकूब उ सिला क उठाएस अउ ओका किनारे स ठाड़ कइ दिहस। तब उ यह पइ तेल चढ़ाएस। इ तरह उ ऍका परमेस्सर बरे एक स्मृति पाथर बनाएस।</verse>
				<verse number="19">उ जगह क नाउँ लूज रहा मुला याकूब ओका बेतेल नाम दिहस।</verse>
				<verse number="20">तब याकूब एक बचन दिहस। उ कहेस, “जदि परमेस्सर मोरे संग रही अउ अगर परमेस्सर, जहा भी मइँ जात अहउँ, हुआँ मोर रच्छा करी। अगर परमेस्सर मोका खाइ क भोजन अउ पहिरइ क ओढ़ना देइ।</verse>
				<verse number="21">अगर मइँ आपन पिता क लगे सान्ति स लउटब, जदि परमेस्सर इ सबहि चिजियन करी, तउ यहोवा मोर परमेस्सर होइ।</verse>
				<verse number="22">इ जगह, जहा मइँ इ पाथर स्मृति पाथर क रुप मँ खड़ा किहेउँ ह, परमेस्सर क पवित्र ठउर होइ, अउ परमेस्सर जउन कछू मोका देइ ओकर दसवाँ हीसां मइँ तोहका देब।”</verse>
			</chapter>
			<chapter number="29">
				<verse number="1">तब याकूब आपन जात्रा जारी रखेस। उ पूरब क देस मँ गवा।</verse>
				<verse number="2">याकूब निगाह किहेस, उ मइदान मँ एक नारा लखेस। हुआँ इनारा क नगिचे भेड़ी क तीन झुण्ड पड़ी रहिन। इहइ एक नारा रहा जहा इ सबइ भेड़िन पानी पिअत रहिन। हुआँ एक बड़ी सिला स नारा क मुँइ मूँदा रहा।</verse>
				<verse number="3">जब सबहि भेड़िन हुआँ बदुर जात रहिन तउ गड़रिया चट्टान क नारा क मुँहे प स हटावत रहेन। तब सबहि भेड़िन ओकर चल पी सकत रहिन। जब भेड़िन पी चुकत रहिन तब गड़रिया सिला क फुन अपनी जगह प रख देत रहेन।</verse>
				<verse number="4">याकूब हुआँ गड़रिया स कहेन, “भाईयन, आप लोग कहा क अहइँ?” उ पचे जवाब दिहन, “हम पचे हारान क अही।”</verse>
				<verse number="5">तब याकूब कहेस, “का आप लोग नाहोर क पूत लाबान क जानत ही?” गड़रियन जवाब दिहेन, “हम पचे ओका जानित ह।”</verse>
				<verse number="6">तब याकूब पूछेस, “उ कुसल स तउ अहइ?” उ पचे कहेन, “उ सबइ ठीक अहइँ। सब कछू बहोत नीक अहइ। लखा, उ ओकर बिटिया राहेल आपन भेड़िन क संग आवति अहइ।”</verse>
				<verse number="7">याकूब कहेस, “लखा, अबहि दिन अहइ अउ सूरज बूड़इ मँ अबहि, काफी देर बाटइ। रात बरे जनावरन क बटोरइ क अबहि टेम नाही बा। ऍह बरे ओनका पानी द्या अउ ओनका मइदान मँ लौटि जाइ द्या।”</verse>
				<verse number="8">मुला उ गड़ेरियन कहेन, “हम पचे इ सबइ तब तलक नाही कइ सकित जब तलक सबहि झुण्ड नाही बटुरि जातिन। तब हम पचे सिला क नारा स हटाइब अउ सब भेड़िन पानी पीइही।”</verse>
				<verse number="9">याकूब जब गड़ेरियन लोगन स बात करत रहा तब राहेल आपन बाप क भेड़िन क संग आइ। (राहेल क काम भेड़िन क देख रेख करब रहा।)</verse>
				<verse number="10">राहेल लाबान क बिटिया रही। लाबान, रिबका क भाई रहा, जउन याकूब क महतारी रही। जब याकूब राहेल क लखेस तउ जाइके सिला क हटाएस अउ भेड़िन क पानी पियाएस।</verse>
				<verse number="11">तब याकूब राहेल क चूमेस अउ भोंकारा मारिके रोएस।</verse>
				<verse number="12">याकूब बताएस कि मइँ तोहरे बाप क खानदान स अहउँ। उ राहेल क बताएस कि मइँ रिबका क पूत अहउँ। ऍह बरे राहेल घर क पराइ गइ अउ आपन बाप स कहेस।</verse>
				<verse number="13">लाबान आपन बहिन क पूत याकूब क बारे मँ खबरिया सुनेस। ऍह बरे लाबान ओसे भेटंइ परान। लाबान ओसे गले मिला, ओका चूमेस अउ ओका आपन घरे लइ आवा। याकूब जउन कछू भवा रहा, ओका लाबान क बताएस।</verse>
				<verse number="14">तब लाबान कहेस, “बहोत अच्छी बात अहइ तू हमरे खानदाने स अहा।” ऍह बरे याकूब लाबान क संग एक महीना तलक रहा।</verse>
				<verse number="15">एक दिन लाबान याकूब स कहेस, “इ ठीक नाही अहइ कि तू हमरे हिआँ बे पगारे क काम करतइ रहा। तू नातेदार अहा, नउकर नाही। मइँ तोहका का पगार देउँ?”</verse>
				<verse number="16">लाबान क दुइ बिटिया रहिन। बड़की लिआ रही अउ लहुरी राहेल।</verse>
				<verse number="17">राहेल सुन्नर रही अउ लिआ क आँखियन कमजोर अउ धुँधरी रहिन।</verse>
				<verse number="18">याकूब राहेल स पिरेस करत रहा। याकूब लाबान स कहेस, “जदि तू मोका आपन बिटिया राहेल क संग बियाह करइ द्या तउ मइँ तोहरे हिआँ सात बरिस तलक काम कइ सकत हउँ।”</verse>
				<verse number="19">लाबान कहेस, “इ ओकरे बरे नीक होइ कि कउनो दूसर क बजाय उ तोहसे बियाह करइ। ऍह बरे मोरे संग ठहरा।”</verse>
				<verse number="20">ऍह बरे याकूब ठहरा अउ सात बरिस तलक लाबान बरे काम करत रहा। लेकिन इ समइ ओका बहोत कम लगा काहेकि उ राहेल स पिरेम करत रहा।</verse>
				<verse number="21">सात बरिस क पाछे उ लाबान स कहेस, “मोका राहेल क द्या जेहसे मइँ बियाह करउँ। तोहरे हिआँ मोरे काम करइ क टेम पूर होइ गवा।”</verse>
				<verse number="22">ऍह बरे लाबान उ जगह क सब लोगन क एक भोज दिहस।</verse>
				<verse number="23">उहइ राति लाबान आपन बिटिया लिआ क याकूब क लगे लावा। याकूब अउ लिआ अपुस मँ तन क संबंध जोड़ेन।</verse>
				<verse number="24">(लाबान आपन बिटिया बरे, दासी क रुप मँ आपन नउकरानी जिल्पा क दिहस।)</verse>
				<verse number="25">भिन्सारे याकूब जानेस कि उ लिआ क संग सोवा रहा। याकूब लाबान स कहेस, “तू मोका धोखा दिहा ह। मइँ तोहरे बरे कठिन मेहनत ऍह बरे किहेउँ कि मइँ राहेल स बियाह कइ सकउँ। तू मोका धोखा काहे दिहा ह?”</verse>
				<verse number="26">लाबान कहेस, “हम पचे आपन देस मँ लहुरी बिटिया क जेठ बिटिया स पहिले बियाह नाहीं करइ देइत।</verse>
				<verse number="27">मुला बियाह क रस्म क पूरा हफता तलक मनावत रहा अउ मइँ राहेल क भी तोहका बियाह बरे देब। मुला तोहका सात बरिस तलक मोर सेवा करइ क पड़ी।”</verse>
				<verse number="28">ऍह बरे याकूब इहइ किहस अउ हप्ता क बिताएस। तब लाबान आपन बिटिया राहेल क भी ओका आपन मेहरारु क रुप मँ दिहस।</verse>
				<verse number="29">(लाबान आपन बिटिया राहेल क दासिनी क रुप मँ आपन नउकरानी बिल्हा क दिहस।)</verse>
				<verse number="30">ऍह बरे याकूब राहेल क संग भी तने क सम्बंध किहस अउ याकूब राहेल क लिआ स जियादा पियार किहस। याकूब लाबान बरे अउर सात बरिस तलक काम किहस।</verse>
				<verse number="31">यहोवा लखेस कि याकूब लिआ स जियादा राहेल क पिआर करत ह। ऍह बरे यहोवा लिआ क इ जोग्ग बनाएस कि उ बच्चन क जन्म दइ सकइ। मुला राहेल क कउनो लरिका नाही भवा।</verse>
				<verse number="32">लिआ एक पूत क जन्म दिहस। उ ओकर नाउँ रुबेन राखेस। लिआ ओकर नाउँ ऍह बरे राखेस काहेकि उ कहेस, “यहोवा मोरे कष्टन क लखत ह। मोर पति मोका पिआर नाही करत, ऍह बरे होइ सकत ह कि मोर भतार अब मोसे पिआर करइ।”</verse>
				<verse number="33">लिआ फिन गरभधारण किहस अउ उ दूसर पूत क जन्म दिहस। उ इ पूत क नाउँ सिमोन रखेस। लिआ कहेस, “यहोवा सुनेस कि मोका पिआर नाही मिलत, ऍह बरे उ मोका इ पूत दिहस।”</verse>
				<verse number="34">लिआ फुन गरभधारण किहस अउ एक ठु अउर पूत क जन्मेस। उ पूत क नाउँ लेवी धरेस। लिआ कहेस, “अब फुरइ मोर भतार मोका पिआर करी। मइँ ओका तीन पूत दिएउँ ह।”</verse>
				<verse number="35">तब लिआ एक अउर पूत क जन्मेस। उ इ लरिका क नाउँ यहूदा धरेस। लिआ ओका इ नाउँ दिहस काहेकि उ कहेस, “अब मइँ यहोवा क स्तुति करब”। तब लिआ क बच्चा होब बन्द होइ गवा।</verse>
			</chapter>
			<chapter number="30">
				<verse number="1">राहेल लखेस कि उ याकूब बरे कउनो बच्चा क जन्म नाही देति अहइ। राहेल आपन बहिनी लिआ स जलन करइ लाग। ऍह बरे राहेल याकूब स कहेस, “मोका बच्चा द्या, वरना मइँ मरि जाब।”</verse>
				<verse number="2">याकूब राहेल प किरोध किहस। उ कहेस, “मइँ परमेस्सर नाही अहउँ। उ परमेस्सर ही बाटइ जउन तोहका बच्चन क जन्मइ स रोक दिहस ह।”</verse>
				<verse number="3">तब राहेल कहेस, “तू मोर दासी बिल्हा क लइ सकत ह। ओकरे संग सोआ अउ उ मोरे बरे बच्चा क जन्मी। तब मइँ ओकरे जरिये महतारी बनब।”</verse>
				<verse number="4">इ तरह राहेल आपन भतार याकूब बरे बिल्हा क दिहस। याकूब बिल्हा क संग तने क संबंध किहस।</verse>
				<verse number="5">बिल्हा गरभ धारण किहस अउ याकूब बरे एक पूत क जन्मेस।</verse>
				<verse number="6">राहेल कहेस, “परमेस्सर मोर पराथना सुनि लिहेस ह। उ मोका एक पूत देइ क ठान लिहस ह।” ऍह बरे राहेल इ पूत क नाउँ दान राखेस।</verse>
				<verse number="7">बिल्हा दुसरी दाईं गरभ धारण किहस अउ उ याकूब क दूसर पूत दिहस।</verse>
				<verse number="8">राहेल कहेस, “मइँ आपन बहिनी क संग कठोर संघर्स किहेउँ अउर मइँ जीत गएउँ ह।” ऍह बरे उ इ पूत क नाउँ नप्ताली धरेउँ ह।</verse>
				<verse number="9">लिआ सोचेस कि उ अउर जियादा बच्चन क जन्म नाही दइ सकित। ऍह बरे उ आपन दासी जिल्पा क याकूब बरे दिहस।</verse>
				<verse number="10">तब जिल्पा एक पूत क जन्म दिहस।</verse>
				<verse number="11">लिआ कहेस, “मोर भाग्य बाटइ। अब मेहररुअन मोका भाग्यवती कइही।” ऍह बरे उ पूत क नाउँ गाद राखेस।</verse>
				<verse number="12">जिल्पा दूसर पूत क जन्मेस।</verse>
				<verse number="13">लिआ कहेस, “मइँ बहोतइ खुस अहउँ। मेहरारु मोका ‘खुस’ नाउँ स पुकारब्या।” ऍह बरे उ लरिका क नाउँ आसेर धरेस।</verse>
				<verse number="14">गोहु कटनी क समइ रूबेन खेतन मँ गवा अउ कछू दूदाफल न क लखेस। रूबेन इ दूदाफलन क आपन महतारी लिआ क लगे लिआवा। मुला राहेल लिआ स कहेस, “कृपा कइके आपन पूत क दूदाफलन मँ स कछू मोका दइ द्या।”</verse>
				<verse number="15">लिआ जवाब दिहस, “तू तउ मोरे भतार क पहिले ही लइ लिहे ह। अब तू मोरे पूत क दूदाफलन क भी लइ लेइ चाहत अहा।” मुला राहेल जवाब दिहस, “अगर तू आपन पूत क दूदाफल मोका देब्या तू आज रात याकूब क संग सोइ सकित ह।”</verse>
				<verse number="16">उ रात याकूब खेते स लउटा। लिआ ओका लखेस अउ उ ओसे मिलइ गइ। उ कहेस, “आज राति तू मोरे संग सोउब्या। मइँ आपन पूत क दूदाफलन क तोहरे दाम क रुप मँ दिहेउँ ह।” ऍह बरे याकूब उ रात लिआ क संग सोवा।</verse>
				<verse number="17">तब परमेस्सर लिआ क फुन गरभधारण करइ दिहस। उ पाँचवें पूत क जन्म दिहस।</verse>
				<verse number="18">लिआ कहेस, “परमेस्सर मोका इ बात क ईनाम दिहस ह कि मइँ आपन दासी क आपन भतार क दिहेउँ ह।” ऍह बरे लिआ आपन पूत क नाउँ इस्साकार धरेस।</verse>
				<verse number="19">लिआ फुन गरभधारण किहस अउ उ छठवें पूत क जन्म दिहस।</verse>
				<verse number="20">लिआ कहेस, “परमेस्सर मोका एक ठु सुन्नर भेंट दिहस ह। अब सचमुच ही याकूब मोका अपनाई, काहेकि मइँ ओका छ: लरिका दिहेउँ ह।” ऍह बरे लिआ पूत क नाउँ जबूलून धरेस।</verse>
				<verse number="21">एकरे पाछे लिआ एक बिटिया क जन्म दिहस। उ बिटिया क नाउँ दीना राखेस।</verse>
				<verse number="22">तब परमेस्सर राहेल क पराथना सुनेस। परमेस्सर राहेल बरे बच्चा पइदा करब संभव बनाएस।</verse>
				<verse number="23">राहेल गरभ धारण किहेस अउ एक पूत क जन्म दिहस। राहेल कहेस, “परमेस्सर मोर लाज खतम कइ दिहस ह अउ मोका एक पूत दिहस ह।”</verse>
				<verse number="24">ऍह बरे राहेल आपन पूत क नाउ यूसूफ राखेस। अउर उ कहेस, “परमेस्सर मोका एक अउर पूत देइ।”</verse>
				<verse number="25">यूसुफ क जन्म क पाछे याकूब लाबान स कहेस, “अब मोका आपन घर लौटइ द्या।</verse>
				<verse number="26">मोका मोर मेहररुअन अउ बच्चा द्या। मइँ चौदह बरिस तलक तोहरे बरे काम कइके ओनका कमावा ह। तू जानत ह कि मइँ तोहार नीक सेवा किहेउँ ह।”</verse>
				<verse number="27">लाबान ओसे कहेस, “मोका कछू कहइ द्या। मइँ महसूस करत हउँ कि यहोवा तोहरे कारण मोहे प कृपा किहेस ह।</verse>
				<verse number="28">बतावा कि तोहका मइँ का देउँ अउर मइँ उहइ तोहका देब।”</verse>
				<verse number="29">याकूब जवाब दिहस, “तू जानत अहा कि मइँ तोहरे बरे कठिन मेहनत किहेउँ ह। तोहर भेड़िन क झुण्ड बाढ़िन ह अउर जब तलक मइँ ओनकइ देख भाल किहेउँ ह, ठीक रहिन ह।</verse>
				<verse number="30">जब मइँ आवा रहेउँ, तोहरे लगे तनिक रहिन। अब तोहरे लगे बहोत जियादा अहइँ। हर दाईं जब मइँ तोहरे बरे कछू किहेउँ ह यहोवा तोहे प कृपा किहस ह। अब मोरे बरे समइ आइ ग अहइ कि मइँ आपन बरे काम करउँ, इ मोरे बरे आपन घर बनावइ क टेम अहइ।”</verse>
				<verse number="31">लाबान पूछेस, “तब मइँ तोहका का देउँ?” याकूब जवाब दिहस, “मइँ नाही चाहत कि तू मोका कछू द्या। मइँ सिरिफ चाहत हउँ कि तू जउन मइँ काम किहेउँ ह ओकर दाम चुकाइ द्या। सिरिफ इहइ एक काम करा। मइ लउटाइब अउर तोहरी भेड़िन क देखरेख करब।</verse>
				<verse number="32">मोका आपन सबहिं भेड़िन क झुण्ड क बीच स जाइ द्या अउ दागवाली या धारीदार हर एक भेड़ी क बच्चा अउ करिया बोकरी क बच्चा क मोका लइ लेइ द्या। मोका हर एक दागवाली या धारीवाली मादा बोकरी क लइ लेइ द्या। इहइ मोर पगार होइ।</verse>
				<verse number="33">भविस्स मँ तू असानी स लखि लेब्या कि मइँ ईमानदार अहउँ। तू मोर भेड़ी क झुण्ड लखइ आइ सकत ह। जदि कउनो बोकरी दागदार नाही होइ या कउनो भेड़ी करिया नाही होइ तउ तू जान लेब्या कि मइँ ओका चोराएउँ ह।”</verse>
				<verse number="34">लाबान जवाब दिहस, “मइँ ऍका स्वीकार करत अहउँ। हम तोहका जउन कछू तू मँगब्या देब।”</verse>
				<verse number="35">मुला उ दिन लाबान दागीदार बोकरन क छुपाइ दिहस अउ लाबान सबहि दागीदार या धारीदार बोकरियन क छुपाइ दिहस। लाबान सब करिया भेड़िन क छुपाइ दिहस। लाबान आपन बेटहनन क इ सबइ भेड़िन क देखरेख करइ कहेस।</verse>
				<verse number="36">ऍह बरे पूत लोग सबहि दागीदार जनावरन क लिहन अउ उ पचे दुसरे ठउर प चला गएन। उ पचे तीन दिना तलक जात्रा किहन। याकूब रुक गवा अउ बचे भए जनावरन क देखरेख करइ लगेन। मुला ओहमाँ कउनो जनावर दागदार या करिया नाही रहा।</verse>
				<verse number="37">ऍह बरे याकूब चिनार, बादाम अउ अर्मोन बिरवन क हरियर डारिन क काटेस। उ ओकर छाल इ तरह उतारेस कि सबइ डार उज्जर धारीदार बनि गइन।</verse>
				<verse number="38">याकूब पानी पिआवइ क जगह प डारिन क भेड़िन क झुण्ड क समन्वा धइ दिहस। जब गोरु पानी पिअइ आएन तउ उ जगह प गाभिन होइ बरे मिलेन।</verse>
				<verse number="39">तब बोकरियन जब डारिन क समन्वा गाभिन होइ बरे मिलिन तउ जउन बच्चन पइदा भएन उ सबइ दागीदार, धारीदार या करिया भएन।</verse>
				<verse number="40">याकूब दागीदार अउ करिया गोरुअन क भेड़ी क झुण्ड क गोरुअन स अलगाइ दिहस। तउ इ तरह, याकूब आपन गोरुअन क लाबान क जनावरन स अलग किहस। उ आपन भेड़िन क लाबान क भेड़िन क लगे नाही भटकइ दिहस।</verse>
				<verse number="41">जब कबहु गोरूअन क खरका मँ हिट्ठ पुट्ठ जनावर गाभिन होइ बरे मिलत रहेन तब याकूब ओकरी अँखिन क समन्वा डारिन क रख देर रहा, ओन डारिन क निचके ही इ सबइ जनावरन धनाइ बरे मिलत रहेन।</verse>
				<verse number="42">मुला जब कमजोर जनावर धनाइ बरे मिलत रहेन, तउ याकूब हुआ डार नाही धरत रहा। इ तरह मरटुट जनावरन स पइदा भएन बच्चन लाबान क रहेन। हिट्ट पुट्ठ गोरुअन स पइदा भए बच्चन याकूब क रहेन।</verse>
				<verse number="43">इ तरह याकूब बहोत धनी होइ गवा। ओकरे लगे बहोत रेवड़, बहोत स नउकर लोग, ऊँट अउ गदहन रहेन।</verse>
			</chapter>
			<chapter number="31">
				<verse number="1">एक दिन याकूब लाबान क पूतन क बतियात सुनेस। उ पचे कहेन, “हम पचन क बाप क सब कछू याकूब लइ लिहे अहइ। याकूब धनी होइ गवा अहइ, अउर इ सारा धन उ हमरे पिता स लिहेस ह।”</verse>
				<verse number="2">याकूब इ देखेस कि लाबान पहिले क तरह पिरेम भाव नाही रखत ह।</verse>
				<verse number="3">यहोवा याकूब स कहेस, “तू आपन पुरखन क देस क लउटि जा जहा तू पइदा भए रह्या। मइँ तोहरे संग रहब।”</verse>
				<verse number="4">ऍह बरे याकूब राहेल अउ लिआ स उ मइदान मँ मिलइ बरे कहेस जहाँ उ बोकरियन अउ भेड़िन क खरका रखत रहा।</verse>
				<verse number="5">उ ओन स कहेस, “मइँ लखेउँ ह कि तोहार बाप मोसे गुस्सान अहइँ। ओन क मोरे बरे उ पहिले जइसा पिरेम-भाव अब नाही रहा। मुला मोर बाप क परमेस्सर मोर संग रहब।</verse>
				<verse number="6">तू दुइनउँ जानत ह कि मइँ तू लोगन क पिता बरे ओतनी करी मेहनत किहेउँ, जेतना कइ सकत रहेउँ।</verse>
				<verse number="7">मुला तू लोगन क बाप मोका धोखा दिहस। तोहार बाप मोर पगार दस दाईं बदलि दिहस। मुला इ पूरे टेम मँ परमेस्सर लाबान क सब धोखा स मोका बचाएस ह।</verse>
				<verse number="8">“एक दाईं लाबान कहेस, ‘तू दागवाली सबहि बोकरियन क रख सकत ह। इ तोहार पगार होइ।’ जब स उ इ कहे रहा तब स सबहि जनावरन दागवाली बच्चन क जन्मेन। इ तरह उ सबइ मोर रहेन। मुला लाबान तब कहेस, ‘मइँ दागवाली बोकरियन क राखब। तू सारी दागवाली बोकरियन क लइ सकत ह। इहइ तोहार पगार होइ।’ ओकरे इ तरह कहइ क पाछे सबहि गोरुअन धारीदार जनावरन क जन्म दिहेन।</verse>
				<verse number="9">इ तरह परमेस्सर जनावरन क तू पचन क पिता स लइ लिहस ह अउ मोका दइ दिहस ह।</verse>
				<verse number="10">“जउन समइ जनावर गभिन होइ क बरे मिलत रहेन मइँ एक सपन देखेउँ। मइँ देखेउँ कि सिरिफ नर जनावरन जउन गाभिन करइ बरे मिलत रहेन धारीदार अउ चितकबरा रहेन।</verse>
				<verse number="11">सपन मँ परमेस्सर क सरगदूत मोसे बातन किहस। सरगदूत कहेस, ‘याकूब!’ “मइँ जवाब दिहेउँ ‘हा!’</verse>
				<verse number="12">“सरगदूत कहेस, ‘लखा, सिरिफ दागदार अउ धरिदार बोकरियन भी गाभिन होइ बरे मिलत रहिन। मइँ अइसा करत अहउँ। मइँ उ सब बुरा लखेउँ ह जउन लाबान तोहरे बरे करत ह। मइँ इ ऍह बरे करत हउँ कि बोकरियन क सबहि नई बच्चन तोहार होइ जइहीं।</verse>
				<verse number="13">मइँ उहइ परमेस्सर अहउँ जउन तोहार लगे बेतेल मँ आइ रहा। उ जगह तू एक वेदी बनाए रह्या अउर जइतून क तेल स ओका नहवाए रह्या अउ उ जगह तू मोसे एक प्रण किहे रहा। अब, उठा अउ उ जगहिया तजि द्या अउ वापिस आपन जन्म भूमि क लौटि जा।’”</verse>
				<verse number="14">राहेल अउ लिआ याकूब क जवाब दिहेन, “हम पचन क पिता क लगे मरइ प हम सबन क देइ क कछू नाही अहइ।</verse>
				<verse number="15">उ हम पचन क संग अजनबी जइसा बेउहार किहस ह। उ हम पचन क तोहार लगे बेच दिहस अउ उ सारा धन खरच कइ दिहस जउन हम पचन क होतेन।</verse>
				<verse number="16">परमेस्सर इ सब धन हमरे पिता स लइ लिहस ह अउ इ हमार अउ हमार सनतानन क अहइ। ऍह बरे तू उहइ करा जउन परमेस्सर करइ बरे कहेस ह!”</verse>
				<verse number="17">ऍह बरे याकूब जात्रा क तइयारी किहस। उ आपन मेहररुअन अउ पूतन क ऊँटे प बइठाएस।</verse>
				<verse number="18">तब उ पचे कनान कइँती लउटइ लागेन जहा ओकर बाप रहत रहा। जनावरन क भी सब झुण्ड, जउन याकूब क रहेन, ओनके अगवा चलत रहेन। उ उ सबइ चिजियन क संग लइ जात रहा जउन उ पद्दन-अराम मँ रहत भए पाए रहा।</verse>
				<verse number="19">इ टेम लाबान आपन क भेड़िन क ऊन काटइ गवा रहा। जब उ बाहेर गवा तब राहेल ओकरे घरे मँ घुसी अउ आपन बाप क घरे क देवतन क चोराइ लइ गइ।</verse>
				<verse number="20">याकूब अरामी लाबान क धोखा दिहस। उ लाबान क इ नाही बताएस कि उ हुआँ स जात अहइ।</verse>
				<verse number="21">याकूब आपन परिवार अउ आपन सबहि चीजन क लिहस अउ हाली स चला गवा। उ पचे फरात नदी क पार किहन अउ गिलाद क पहाड़ी देस क ओर जात्रा किहन।</verse>
				<verse number="22">तीन दिना पाछे लाबान क पता लाग कि याकूब पराइ गवा।</verse>
				<verse number="23">ऍह बरे लाबान आपन मनइयन क बटोरेस अउ याकूब क पाछा सुरु किहस। सात दिन पाछे याकूब क गिलाद पहाड़े क लगे पाएस।</verse>
				<verse number="24">उ रात परमेस्सर लाबान क समन्वा सपन मँ परगट भवा। परमेस्सर कहेस, “होसियार रहा कि तू याकूब क कछू भी अच्छा या बुरा जिन कहा।”</verse>
				<verse number="25">दूसर दिन भिन्सारे लाबान याकूब क जाइ धरेस। याकूब आपन तम्बू पहाड़े प लगाए रहा। ऍह बरे लाबान अउ ओकर मनइयन आपन तम्बू गिलाद पहाड़े प लगाएन।</verse>
				<verse number="26">लाबान याकूब स कहेस, “तू मोका धोखा काहे दिहा? तू मोर बिटियन क अइसे काहे लइ जात अहा माना कि उ सबइ जुद्ध मँ धरी गइ होइ?</verse>
				<verse number="27">मोसे बगैर कहे तू काहे परान्या? जदि तू कहे होत्या तउ मइँ तोहका भोज देतेउँ। ओहमाँ बाजा क संग नाचब अउ गाउब होत।</verse>
				<verse number="28">तू मोका आपन नातियन क चूमइ तलक नाही दिहा अउ न ही बिटियन क बिदा कहइ दिहा। तू इ कइके भारी बेवकूफी किहा।</verse>
				<verse number="29">तोहका फुरइ चोट पहोंचावइ क सक्ती मोहमाँ बाटइ। मुला पाछे क राति मँ तोहरे बाप क परमेस्सर मोरे सपन मँ आवा। उ मोका चिताउनी दिहस कि मइँ कउनो तरह तोहका चोट न पहोंचावउँ।</verse>
				<verse number="30">मइ जानत अहउँ कि तू आपन घरे लउटइ चाहत बाट्या। इहइ कारण अहइ कि तू हुआँ स चल पड्या ह। मुला तू मोरे घरे स देवतन क काहे चोरॅाया ह?”</verse>
				<verse number="31">याकूब जवाब दिहस, “मइँ तोहसे बिना कहे भए चल पड़या, काहेकि मइँ ससान रहेउँ। मइँ सोचेउँ कि तू आपन बिटियन क मोसे लइ लेब्या।</verse>
				<verse number="32">मुला मइँ तोहरे देवतन क नाही चोराएउँ। जदि तू हिआँ मोरे लगे कउनो मनई क, जउन तोहरे देवतन क चोरॅाए अहइ, पावा, तउ उ मारि दीन्ह जाइ। तोहरे लोग ही मोर गवाह होइहीं। तू आपन कउनो भी चीज क हेर सकत ह। जउन कछू भी तोहार होइ, लइ ल्या।” (याकूब क इ पता नाही रहा कि राहेल लाबान क घरे क देवतन क चोराएस ह।)</verse>
				<verse number="33">ऍह बरे लाबान याकूब क सिबिर मँ गवा अउ ओहमाँ हेरेस। उ याकूब क तम्बू मँ हेरेस अउ लिआ क तम्बू मँ भी हेरेस। तब उ तम्बू मँ हेरेस जेहमाँ दुइनउँ दासिन ठहरी रहिन। मुला उ ओकरे घरे मँ देवतन क नाही पाएस। तब लाबान राहेल क तम्बू मँ गवा।</verse>
				<verse number="34">राहेल ऊँट क काठी मँ देवतन क छुपाइ राखे रही अउ उ ओनही प बइठी रही। लाबान पूरा तम्बू मँ हेरेस उ देवतन क न हेरि सका।</verse>
				<verse number="35">अउ राहेल आपन पिता स कहेस, “पिता जी, मोह पइ जिन कोहाआ। मइँ आपक समन्वा ठाड़ होइ मँ समर्थ नाही अहउँ। इ टेम मोर मासिक धरम चलत बाटइ।” ऍह बरे लाबान पूरा सिबिर मँ हेरेस, मुला ओका हुआँ स देवतन क नाही पाइ सका।</verse>
				<verse number="36">तब याकूब बहोतइ कोहान। याकूब कहेस, “मइँ का बुरा किहेउँ ह? मइँ कउन सा नेम तोड़ेउँ ह? मोर पाछा करइ अउ मोका रोक देइ क अधिकार तोहका कइसे अहइ?</verse>
				<verse number="37">मोर जउन कछू अहइ ओहमाँ तू हेरि लिहा ह। तू अइसी कउनो चीज पाया जउन तोहार अहइ? जदि तू कउनो चीज पाया ह तउ मोका देखॅावा। ओका हिअँइ धरा जेसे हमार संगी लखि सकइँ। हमरे संगियन क तय करइ द्या कि हम दुइनउँ मँ कउन ठीक अहइ।</verse>
				<verse number="38">मइँ तोहरे बरे बीस बरिस तलक काम किहेउँ ह। इ पूरा समइ मँ बच्चा जनमत समइ कउनो भी नान्ह भेड़ी अउ बोकरी क नाही मरी अउर न ही मइँ कउनो मेमना तोहरे झुण्ड मँ स खाएउँ।</verse>
				<verse number="39">जदि कबहु जंगली जनावरन कउनो भेड़ी क मारेन मइँ फउरन ओकर दाम खुद दइ दिहेउँ। मइँ कबहु मुर्दा जनावर क तोहरे लगे लइके इ नाही कहेउँ कि एहमाँ मोर दोख नाहीं। मुला रात-दिन मोका लूटा गवा।</verse>
				<verse number="40">दिन मँ सूरज मोर सकती छोरत रहा अउ रात क जाड़ा मोरी अँखियन क नीद चोराइ लेत रहा।</verse>
				<verse number="41">मइँ बीस बरिस तलक तोहरे बरे एक दास क तरह काम किहेउँ। पहिले क चौदह बरिस मइँ तोहरी दुइ बिटियन क बियाहइ बरे काम किहेउँ। तउ पाछे क छ: बरिस मइँ तोहरे जनावरन क पावइ बरे काम किहेउँ अउ इ बीच तू मोर पगार दस दाईं बदल्या।</verse>
				<verse number="42">मुला मोरे पुरखन क परमेस्सर इब्राहीम क परमेस्सर अउ इसहाक क भय मोरे संग रहा। जदि परमेस्सर मोरे संग नाही होत तउ तू मोका खाली हाथ पठइ देत्या। मुला परमेस्सर मोर दुःखे क लखेस। परमेस्सर मोरे किए काम क लखेस अउ पिछली रात परमेस्सर प्रमाण दइ दिहस कि मइँ नीक अहउँ।”</verse>
				<verse number="43">लाबान याकूब स कहेस, “इ सबइ लरिकियन मोर बिटिहनियन अहइँ। ओनकइ बच्चन मोर बाटेन। इ सबइ जनावरन मोर अहइँ। जउन कछू भी तू हिआँ लखत अहा, मोर अहइ। मुला मइँ आपन बिटियन अउ ओनके बच्चन क रखइ बरे कछू नाही कइ सकत।</verse>
				<verse number="44">ऍह बरे मइँ तोहसे एक करार करइ चाहत अहउँ। हम पचे पाथर क ढेर लगाउब जउन इ बताइ कि हम पचे सन्धि कइ चुका अहइ।”</verse>
				<verse number="45">ऍह बरे याकूब एक बड़की चट्टान हेरेस अउ ओका इ पता देइ बरे हुआँ राखेस कि उ सन्धि किहेस ह।</verse>
				<verse number="46">उ आपन मनइयन क अउर जियादा चट्टानन क हेरइ अउ चट्टानें क ढेर लगावइ क कहेस। तब उ पचे चट्टानन क लगे भोजन किहन।</verse>
				<verse number="47">लाबान उ जगह क नाउँ यज्र सहादूथ राखेस। मुला याकूब उ जगह क नाउँ जिलियाद धरेस।</verse>
				<verse number="48">लाबान याकूब स कहेस, “इ चट्टानन क ढेर हम दुइनउँ क हमार करार क सुमिरावइ मँ मदद करी।” इ कारण अहइ कि याकूब उ जगह क नाउँ गिलयाद कहेस।</verse>
				<verse number="49">तब लाबान कहेस, “यहोवा हम पचन क एक दूसर स अलग होइ क गवाह रहइ।” एह बरे उ जगह क नाउँ मिजपा भी होई।</verse>
				<verse number="50">तब लाबान कहेस, “अगर तू मोर बिटियन क चोट पहोंचउब्या तउ याद राखा, परमेस्सर तोहका दण्ड देइ। अगर तू दूसर मेहरारु स बियाह करब्या तउ याद राखा, परमेस्सर तोहका लखत बाटइ।</verse>
				<verse number="51">हिआँ इ सबइ चट्टानन अहइँ, जउन हमरे बीच मँ धरी अहइँ अउ इ खास चट्टानन अहइँ, जउन बतइही कि हम सन्धि कीन्ह ह।</verse>
				<verse number="52">चट्टानन क ढेर अउ इ खास चट्टान हमका सन्धि क सुमिरन करावइँ मँ मदद करी तू मोहसे लड़इ बरे इ चट्टानन स आगे मोर कइँती कबहु न अउब्या।</verse>
				<verse number="53">जदि हम पचे इ सन्धि क तोड़ देइ तउ इब्राहीम क परमेस्सर, नाहोर क परमेस्सर अउ ओनके पुरखन क परमेस्सर हम पचन क निआव करी।” याकूब क पिता इसहाक परमेस्सर क “भय” नाउँ स गोहराएस। ऍह बरे याकूब वाचा बरे उ नाउँ क प्रयोग किहस।</verse>
				<verse number="54">तब याकूब एक जनावर क मारेस अउ पहाड़े पइ बलि क रुप मँ ऍका भेंट चढ़ाएस अउ उ आपन मनइयन क भोज मँ सामिल होइ बरे बोलाएस। भोजन करे क पाछे उ पचे पहाड़े प राति काटेन।</verse>
				<verse number="55">दूसर दिन भिन्सारे लाबान आपन नातियन क चूमेस अउ बिटियन क बिदा किहस। उ ओनका असीसेस अउ घर लउटि गवा।</verse>
			</chapter>
			<chapter number="32">
				<verse number="1">याकूब भी उ जगह तजेस। जब उ जात्रा करत रहा। उ परमेस्सर क सरगदूत क लखेस।</verse>
				<verse number="2">जब याकूब ओनका लखेस तउ कहेस, “इ परमेस्सर क पड़ाव अहइ।” ऍह बरे याकूब उ जगह क नाउँ महनैम धरेस।</verse>
				<verse number="3">याकूब क भाई एसाव सेईर नाउँ क पहटा मँ रहत रहा। इ एदोम क पहाड़ी पहटा रहा। याकूब एसाव क लगे दूत पठएस।</verse>
				<verse number="4">याकूब दूत स कहेस, “मोर सुआमी एसाव क इ खबर द्या, तोहार नउकर याकूब कहत ह, ‘मइँ इ सबइ बरिस मँ लाबान क संग रहेउँ ह।</verse>
				<verse number="5">मोरे लगे गोरु, गदहन, झुण्ड अउ बहोत स नउकरन अउ मेहरारु नउकरन अहइँ। मइँ एनका तोहरे लगे पठवत अहउँ अउ चाहत अहउँ कि तू हमका स्वीकार करा।’”</verse>
				<verse number="6">दूत याकूब क लगे लउटा अउ बोला, “हम तोहरे भाई एसाव क लगे गए। उ तोहसे भेंटइ आवत अहइ। ओकरे संग चार सौ अउजार धारी वीर अहइँ।”</verse>
				<verse number="7">उ संदेसा याकूब क डेराइ दिहस। उ आपन सबहि संगियन क दुइ दले मँ अलगाइ दिहस। उ आपन सबहि भेड़िन क खरका, गोरुअन क झुण्ड अउ ऊँटन क दुइ हीसा मँ बाँटेस।</verse>
				<verse number="8">याकूब सोचेस, “अगर एसाव आइके एक हीसा क नास करत ह तउ दूसर हीसा पराइ सकत ह अउ बचि सकत ह।”</verse>
				<verse number="9">याकूब कहेस, “हे मोरे पुरखा इब्राहीम क परमेस्सर। हे मोरे पिता इसहाक क परमेस्सर। यहोवा, तू मोका आपन देस मँ लउटइ अउ आपन परिवारे मँ आवइ बरे कहया। तू कहया कि तू मोर भलाई करिब्या।</verse>
				<verse number="10">तू मोहे प बहोत दयालु रह्या ह। तू मोरे बरे बहोत नीक चीज किह्या ह। पहिली दाईं मइँ जरिदन नदी क लगे जात्रा कीन्ह, मोरे लगे टहरइ क कुबरी क अलावा कछू भी नाही रहा। मुला मोरे लगे अब ऍतनी चीजन बाटिन कि मइँ ओनका पूरा दुइ दलन मँ बाँटि सकउँ।</verse>
				<verse number="11">तोहसे पराथना करत अहउँ कि कृपा कइके मोका मोरे भाई एसाव स बचावा। मइँ ओसे ससान अहउँ। ऍह बरे कि उ आइ अउ सबहि क, हिआँ तलक कि बच्चन क संग महतरियन क भी जान स मारि डाइ।</verse>
				<verse number="12">हे यहोवा, तू मोसे कहया, ‘मइँ तोहार भलाई करब। मइँ तोहरे परिवार क बढ़ाउब अउ तोहरे संताने क समुद्र क बालू क कणन क तरह बाढ़इ देब। उ सबइ ऍतना बेसी होइही कि गना नाहीं जाइ सकिही।’”</verse>
				<verse number="13">याकूब रात क उ जगह ठहरा। याकूब कछू चीजन एसाव क भेंट देइ बरे तइयार किहस।</verse>
				<verse number="14">याकूब दुइ सौ बोकरियन, बीस ठु बोकरन, दुइ सौ भेड़िन अउ बीस भेड़ा लिहस।</verse>
				<verse number="15">याकूब तीस ठु ऊँट अउ ओनकइ बच्चन, चालीस ठु गइयन अउ दस ठु बर्धन, बीस ठु मादा गदहन अउ दस नर गदहन क लिहस।</verse>
				<verse number="16">याकूब जनावरन क हर झुण्ड नउकरन क दिहस। तब याकूब नउकरन स कहेस, “सब जनावरन क हर झुण्ड क अलग कइ ल्या। मोरे अगवा-अगवा चला अउ हर झुण्ड क बीच कछू दूरी राखा।”</verse>
				<verse number="17">याकूब ओनका हुकुम दिहस। जनावरन क पहिले झुण्ड वाला नउकर स याकूब कहेस, “मोर भाई एसाव जब तोहरे लगे आवइ अउ तोहसे पूछइ, ‘इ केकर जनावर अहइँ? तू कहाँ जात अहा? तू केकर नउकर अहा?’</verse>
				<verse number="18">तब तू जवाब दिहा, ‘इ सबइ जनावरन आप क सेवक याकूब क अहइँ। याकूब एनका आपन सुआमी एसाव क भेंट क रुप मँ पठएस ह, अउ याकूब भी हम लोगन क पाछे आवत अहइ।’”</verse>
				<verse number="19">याकूब क दूसर नउकर, तीसरा नउकर, अउर सबहि दूसर नउकरन क इहइ बात क हुकुम दिहस। उ कहेस, “जब तू पचे एसाव स भेटंया तउ इहइ एक बात कहब्या।</verse>
				<verse number="20">तू पचे कहब्या, ‘इ आप क भेंट अहइ, अउर आप क सेवक याकूब भी लोगन क पाछे आवत अहइ।’” याकूब सोचेस, “जदि मइँ भेंट क संग इ मनइयन क आगे पठवत हउँ तउ इ होइ सकत ह कि एसाव मोका छिमा कइ देइ अउ मोका स्वीकार कइ लेइ।”</verse>
				<verse number="21">ऍह बरे याकूब एसाव क भेंट पठएस। मुला याकूब उ रात आपन पड़ाव मँ ही ठहरा।</verse>
				<verse number="22">पाछे उहइ रात याकूब उठा अउ उ जगह क तजि दिहस। याकूब आपन दुइनउँ मेहररुअन, आपन दुइनउँ दासिन अउ आपन ग्यारहु पूतन क साथ लिहस। घाटे प जाइ याकूब यब्बोक नदी क पार किहस।</verse>
				<verse number="23">याकूब आपन परिवार क नदी क उ पार पठएस। तब याकूब आपन सबहि चिजियन क नदी क ओह पार पठइ दिहस।</verse>
				<verse number="24">याकूब नदी क पार करइवाला आखिर मनई रहा। मुला पार करइ स पहिले जब तक उ अकेला ही रहा, एक ठु मनई आवा अउ ओसे कुस्ती लड़इ लाग। उ मनई ओसे तब तलक कुस्ती लड़ेस जब तलक सूरज न निकरा।</verse>
				<verse number="25">मनई लखेस कि उ याकूब क हराइ नाहीं सकत। ऍह बरे उ याकूब क गोड़ क ओकरे कूल्हा क जोड़ प छुएस। उ टेम याकूब क कूल्हा क जोड़ आपन जगह स हट गवा।</verse>
				<verse number="26">तब उ मनई याकूब स कहेस, “मोका छोड़ द्या। सूरज ऊपर चढ़त बाटइ।” मुला याकूब कहेस, “मइँ तोहका न छोड़ब। मोका तोहका असीर्बाद देइ क होइ।”</verse>
				<verse number="27">अउर उ मनई ओसे कहेस, “तोहार का नाउँ अहइ?” अउर याकूब कहेस, “मोर नाउँ याकूब बाटइ।”</verse>
				<verse number="28">तब मनई कहेस, “तोहार नाउँ याकूब नाही रही। अब तोहार नाउँ इस्राएल होइ। मइँ तोहका इ नाउँ ऍह बरे देत हउँ कि तू परमेस्सर क संग अउ मनइयन क संग जुद्ध किहा ह अउ तू हरावा नाहीं जाइ सक्या।”</verse>
				<verse number="29">तब याकूब ओसे पूछेस, “कृपा कइके मोका आपन नाउँ बतावइँ।” मुला उ मनई कहेस, “तू मोर नाउँ काहे पूछत अहा?” उ टेम उ मनई याकूब क असीसेस।</verse>
				<verse number="30">ऍह बरे याकूब उ जगह क नाउँ पनीएल राखेस। याकूब कहेस, “इ जगह मइँ परमेस्सर क साच्छात दरसन किहेउँ ह। किन्तु मोर जिन्नगी बच गइ।”</verse>
				<verse number="31">जइसे ही उ पनीएल स गुजरा, सूरज निकरि आवा। याकूब आपन गोड़े क कारण लँगड़ाइ के चलत रहा।</verse>
				<verse number="32">ऍह बरे आजु भी इस्राएल क लोग पुट्ठा क मंस पेसी क नाही खातेन काहेकि इहइ मांस पेसी प याकूब क चोट लागि रही।</verse>
			</chapter>
			<chapter number="33">
				<verse number="1">याकूब निगाह उठाएस अउ एसाव क आवत लखेस। एसाव आवत रहा अउ ओकरे संग चार सौ मनई रहेन। याकूब आपन परिवार क चार टोली मँ बाटेस। लिआ अउ ओकर बच्चन एक दल मँ रहेन, राहेल अउ यूसुफ एक दले मँ रहेन, दासी अउ ओकर लरिकन दुइ दले मँ रहेन।</verse>
				<verse number="2">याकूब दासियन अउ ओनके बच्चन क अगवा राखेस। ओकरे पाछे ओनके पाछे लिआ अउ ओकरे बच्चन क राखेस अउ याकूब राहेल अउ यूसुफ क सब क आखिर मँ राखेस।</verse>
				<verse number="3">याकूब एसाव की ओर बढ़ा। ऍह बरे उ पहिला मनई रहा जेकरे संग एसाव मिलेस। अपने भाई कइँती बढ़त टेम प याकूब सात दाईं भुइँया प निहुरिके पैलगी किहेस।</verse>
				<verse number="4">जब एसाव याकूब क लखेस, उ ओसे भेटंइ दौड़ गवा। एसाव याकूब क आपन बाँही मँ भरि लिहस अउ छाती स चिपकाएस तब एसाव ओकर गरदन स चिपकाएस अउ ओकर चुम्बन लिहस। अउ दुइनउँ आनन्द स रोइ पड़ेन।</verse>
				<verse number="5">एसाव निगाह उठाएस अउ मेहररुअन अउ बच्चन क लखेस। उ कहेस, “तोहरे संग इ सबइ कउन लोग अहइँ?” याकूब जवाब दिहस, “इ सबइ उ बच्चन अहइँ जेका परमेस्सर मोका दिहे अहइ। परमेस्सर मोहे प दयालु रहा ह।”</verse>
				<verse number="6">तब दुइनउँ दासियन आपन बच्चन क संग एसाव क लगे गएन। उ पचे ओका निहुरिके पैलगी किहन।</verse>
				<verse number="7">तब लिआ आपन बच्चन क संग एसाव क समन्वा गइन अउ उ पैलगी किहस अउर तब राहेल अउ यूसुफ एसाव क समन्वा गएन अउ उ पचे भी पैलगी किहन।</verse>
				<verse number="8">एसाव कहेस, “मइँ जउन सब मनइयन क हिआँ आवत समइ देखेउँ उ सबइ कउन रहेन? अउ उ सबइ गोरुअन काहे बरे रहेन?” याकूब जवाब दिहस, “उ सबइ तोहका मोर भेंट अहइँ जेहसे तू मोका अंगीकार कइ सका।”</verse>
				<verse number="9">मुला एसाव कहेस, “भाई, तोहका मोहे बरे कउनो भेंट नाही देइ चाही काहेकि मोरे लगे सब कछू इफरात बाटइ।”</verse>
				<verse number="10">याकूब कहेस, “नाही! मइँ तोहसे बिनती करत अहउँ। जदि तू फुरे मोका अपनावत ह तउ कृपा कइके जउन भेंट देत अहउँ तू अपनावा। मइँ तोहका दूसरी दाईं लखि के बहोत खुस अहउँ। इ तउ परमेस्सर क लखइ जइसा बाटइ। मइँ इ लखिके बहोत खुस अहउँ कि तू मोका अपनावत ह।</verse>
				<verse number="11">ऍह बरे मइँ बिनती करत हउँ कि जउन भेंट मइँ देत अहउँ ओका भी स्वीकार करा। परमेस्सर मोरे ऊपर बहोतइ कृपालु रहा ह। मोरे लगे आपन जरुरत स बेसी अहइ।” इ तरह याकूब एसाव स भेंट स्वीकार करइ के बिनती किहेस। ऍह बरे एसाव भेंट अपनाइ लिहस।</verse>
				<verse number="12">तब एसाव कहेस, “अब तू आपन जात्रा जारी किहे रहि सकत ह। मइँ तोहरे संग चलब।”</verse>
				<verse number="13">मुला याकूब ओसे कहेस, “तू इ जानत ह कि मोरे बच्चन अबहि दुर्बल बाटेन अउर मोका आपन झुण्ड अउ ओनके बच्चन क खास देख-रेख करइ चाही। अगर मइँ ओनका बहोत दूर एक दिन मँ चलइ बरे मजबूर करत हउँ तउ सबहि गोरु मरि जइही।</verse>
				<verse number="14">ऍह बरे तू आगे चला अउ मइँ रसे रसे तोहरे पाछे आउब। मइँ गोरुअन अउ दूसर जनावरन क रच्छा बरे धीमे बढ़ब अउ मइँ बहोतइ रसे-रसे ऍह बरे चलब कि मोर गदेलन बहोत जियादा थक न जाइँ। मइँ सेइर मँ तोहसे मिलब।”</verse>
				<verse number="15">ऍह बरे एसाव कहेस, “तब मइँ आपन कछू संगियन क तोहरी मदद बरे छोड़ देब।” मुला याकूब कहेस, “इ तोहार बिसेस दाया बाटइ। मुला अइसा करइ क कउनो जरुरत नाही बा।”</verse>
				<verse number="16">ऍह बरे उ दिन एसाव सेईर क वापसी जात्रा प चल पड़ा।</verse>
				<verse number="17">मुला याकूब सुक्कोत क गवा। हुआँ उ आपन बरे एक ठु घर बनाएस अउर आपन गोरुअन बरे एक नान्ह नान्ह गोसालन क बनाएस। इहइ कारण इ जगह क नाउँ सुक्कोत राखेस।</verse>
				<verse number="18">याकूब सुरच्छा क साथ आपना जात्रा पद्दन-अराम स सुरू कई क कनान पहटा मँ सकेम सहर तलक समाप्त किहेस। याकूब सहर क निचके मइदान मँ डेरा डाएस।</verse>
				<verse number="19">याकूब उ भुइँया क सकेम क बाप हमोर क परिवारे स बेसहेस। याकूब चाँदी क एक सौ सिक्का दिहस।</verse>
				<verse number="20">याकूब परिवार क आराधना बरे हुआँ एक ठु वेदी बनाएस। याकूब जगह क नाउँ “एले, इस्राएल क परमेस्सर” राखेस।</verse>
			</chapter>
			<chapter number="34">
				<verse number="1">दीना लिआ अउ याकूब क बिटिया रही। एक दिन दीना उ पहटा क मेहररुअन क लखइ बाहेर गइ।</verse>
				<verse number="2">उ पहटा क राजा हमोर क पूत सकेम दीना क निहारेस। उ ओका धइ लिहस अउ आपन संग तने क सम्बंध राखइ बरेओका बेबस किहस।</verse>
				<verse number="3">तउ सकेम याकूब क बेटी दीना स पिरेम करइ लाग। ऍह बरे उ ओकर दिल जीतइ क कोसिस किहेस।</verse>
				<verse number="4">सकेम आपन बाप स कहेस, “कृपा कइके इ लउँडिया क मोका दिआवा जेहसे मइँ एकरे संग बियाह कइ सकउँ।”</verse>
				<verse number="5">याकूब इ जान लिहेस कि सकेम ओकरी बिटिया दीना क संग बहोत बुरा कर्म किहस ह। मुला याकूब क सबहि पूत आपन गोरुअन क संग मइदान मँ गएन। ऍह बरे उ सबइ जब तलक नाही आएन, याकूब कछू नाही किहस।</verse>
				<verse number="6">उ टेम सकेम क बाप हमोर याकूब क संग बात करइ गवा।</verse>
				<verse number="7">खेतन मँ याकूब क पूतन जउन कछू भवा रहा, ओकर खबर सुनेन। जब उ पचे इ सुनेन तउ उ पचे बहोत कोहाइ गएन। उ पचे पगलाइ स गएन काहेकि सकेम याकूब क बिटिया क बलात्कार कइ के इस्राएल क बदनाम किहस। सकेम बहोतइ घिनौनी बात किहे रहा। ऍह बरे सबहि भाई लोग खेतन स घर लउटेन।</verse>
				<verse number="8">मुला हमोर भाइयन स बात किहेस। उ कहेस, “मोर पूत सकेम दीना स बहोत पिरेम करत ह। मेहरबानी कइके ओका एकरे संग बियाह करइ द्या।</verse>
				<verse number="9">इ बियाह इ बात क प्रमाण होइ कि हम पचे खास सन्धि कीन्ह ह। तब हमार लोग तू पचन क मेहररुअन स अउ तोहर लोग हम पचन क मेहररुअन क संग बियाह कइ सकत हीं।</verse>
				<verse number="10">तू लोग हमरे संग एक पहटा मँ रहि सकित ह। तू भुइँया क सुआमी बन्ब्या अउर हिआँ बइपार करइ बरे अजाद होब्या।”</verse>
				<verse number="11">सकेम याकूब अउ दीना क भाइयन स भी बात किहस। सकेम कहेस, “कृपा कइके मोका स्वीकार करा अउ मइँ जउन किहेउँ ओकरे बरे छिमा करा।</verse>
				<verse number="12">मइँ तोहका जउन कछू उपहार तू चाहत ह देब, अगर तू मोका सिरिफ दीना क संग बियाह करइ द्या। मोका जउन कछू आप लोग करइ क कइही करब, मुला दीना क बियाह मोर संग होइ द्या।”</verse>
				<verse number="13">याकूब क बेटहनन सकेम अउ ओकरे बाप स झूठ बोलइ क ठान लिहन। भाइयन अबहु भी पागल होत रहेन काहेकि सकेम ओनकइ बहिन दीना क संग अइसा घिनौना बेउहार किहे रहेन।</verse>
				<verse number="14">ऍह बरे भाइयन ओसे कहेन, “हम लोग तोहका आपन बहिन क संग बियाह नाहीं करइ देब काहेकि तोहार खतना अबहि नाहीं भवा अहइ। हमरी बहिनी क तोहसे बियाह करब ठीक न होइ।</verse>
				<verse number="15">मुला हम पचे तोहका ओकरे संग बियाह करइ देब अगर तू इहइ एक काम करा कि तोहरे सहर क हर मनई क खतना हम पचन क तरह होइ जाइ।</verse>
				<verse number="16">तब तोहरे मनई हमरी अउरतन स बियाह कइ सकत हीं अउर हमार मनई तोहरी अउरतन स बियाह कइ सकत हीं। तब हम पचे एक ही लोग बन जाब।</verse>
				<verse number="17">जदि तू खतना कराउब नाही कबूल करब्या तउ हम लोग दीना क लइ जाब।”</verse>
				<verse number="18">इ सन्धि हमोर अउ सकेम क बहोत खुस किहस।</verse>
				<verse number="19">दीना क भाइयन जउन कछू कहेन ओका करइ मँ सकेम बहोत खुस भवा। बदला सकेम परिवार क सबसे जियादा मर्जादी मनई रहा।</verse>
				<verse number="20">हमोर अउ सकेम अपने सहर क सभाघर क गएन। उ पचे सहर क लोगन स बातन किहन अउ कहेन,</verse>
				<verse number="21">“इस्राएल क इ सबइ लोग हमार मीत होवा चाहत हीं। हम लोगन क पास हम सबहिं लोगन बरे संतुटूठ भुइँया अहइ। एह बरे उ लोगन क हम लोगन क भुइँया रहइ द्या अउर एहमाँ बइपार करइ क द्या। हम पचे ऍनकी मेहररुअन क संग बियाह करइ क अजाद अही अउ हम लोग आपन मेहरारुअन ओनका बियाहे बरे देइ मँ खुस अही।</verse>
				<verse number="22">मुला एक बात अहइ जेका करइ बरे सबहि क सन्धि करइ क होइ। ताकि उ पचे हम लोगन क बीच रही सका अउर हम पचे एक ही लोगन होइ सकब। हमार सबइ लोग भी उपचन्क क नाईं खतना करावइ बरे राजी हो जाब।</verse>
				<verse number="23">जदि हम अइसा करब तउ ओनके गोरुअन अउ जनावरन स हम धनी होइ जाब। ऍह बरे हम लोग ओनके संग इ सन्धि करी अउर उ पचे हिआँ हम लोगन क संग रइही।”</verse>
				<verse number="24">सभाघरे प जउन लोगन इ बात सुनेन उ पचे हमोर अउ सकेम क संग राजी होइ गएन अउ उ टेम हर एक मनई क खतना कइ दीन्ह गवा।</verse>
				<verse number="25">तीन दिना पाछे, खतना कइ दीन्ह गए मनइयन क अबहि जख्म रहेन। याकूब क दुइ पूत सिमोन अउ लेवी जानत रहेन कि इटेम लोग कमजोर होइहीं, ऍह बरे उ नगर क गएन अउर उ पचे सबहि मनइयन क मारि डाएन।</verse>
				<verse number="26">दीना क भाई सिमोन अउ लेवी हमोर अउ ओकरे पूत सकेम क मारि डाएस। उ पचे दीना क सकेम क घरे स बहियाइ दिहेन अउ उ पचे चला गएन।</verse>
				<verse number="27">याकूब क दूसर पूतन सहर मँ गएन अउ उ पचे हुआँ जउन कछू रहा, लूटि लिहन। सकेम जउन कछू ओनकइ बहिनी क संग किहे रहा, ओसे उ सबइ अब तलक कोहान रहेन।</verse>
				<verse number="28">ऍह बरे भाइयन ओनकइ सबहि जनावरन लइ लिहेन। उ पचे ओनकइ गदहन अउ सहर अउ खेतन मँ दूसर जउन कछू रहा, सब स लइ लिहन।</verse>
				<verse number="29">भाइयन ओन सबन क सब कछू लइ लिहन। भाइयन ओनकइ मेहररुअन अउ बच्चन तलक क लइ लिहन।</verse>
				<verse number="30">मुला याकूब सिमोन अउ लेवी स कहेस, “तू पचे मोर बरे मुसीबत खड़ी कइ दिहा ह। अउ इ प्रदेस क बसइयन क मन मँ घिना पइदा कराया ह। सबहि कनानी अउ परिज्जी लोग हमरे खिलाफ होइ जइहीं। हिआँ हम बहोत तनिक अही। अगर इ पहँटा क लोग हम पचन क खिलाफ लड़इ खातिर बटुरि जइही तउ हम पचन बर्बाद होइ जाब। अउ हमरे संग हमार सबहिं लोग नस्ट होइ जाइहीं। अउर मइँ अउ मोरे घरे क सबहि लोगन बर्बाद होइ जाइहीं।”</verse>
				<verse number="31">मुला भाइयन जवाब दिहन, “क हम पचे ओन मनइयन क आपन बहिनी क संग पतुरिया जइसा बेउहार करइ देइ? नाही हमरी बहिनी क संग वइसा बेउहार करइ वाला लोग बुरा रहेन।”</verse>
			</chapter>
			<chapter number="35">
				<verse number="1">परमेस्सर याकूब स कहेस, “बेतेल सहर क जा, हुआँ बस जा अउ हुवँइ ‘एल’ परमेस्सर बरे जउन तोहरे समन्वा परगट भवा रहा जब तू आपन भाई एसाव स बचि के परात रह्या एक वेदी बनावा।”</verse>
				<verse number="2">ऍह बरे याकूब आपन परिवार अउ आपन सबहि नउकरन स कहेस, “काठ अउ धातु क बना जउन बिदेसी देवतन तू पचन क लगे अहइँ ओनका नस्ट कइ द्या। अपने क पवित्र करा। ओढ़ना साफ पहिरा।</verse>
				<verse number="3">हम पचे इ जगह क तजि देब अउ बेतेल क जाब। उ जगह मँ आपन परमेस्सर बरे एक वेदी बनाउब। इ उहइ परमेस्सर अहइ जउन मोरे कस्ट क समइ मोर मदद किहस अउ जहाँ कहु मइँ गवा उ मोरे संग रहा।”</verse>
				<verse number="4">ऍह बरे मनइयन क लगे जउन बिदेसी देवता रहेन, ओन सबहि क उ पचे याकूब क दइ दिहन। उ पचे आपन काने मँ पहिरी भइ सब बालियन क भी याकूब क दइ दिहन। याकूब सकेम नाउँ क सहर क नगिचे एक बलूत क बृच्छ क तरे इ सबहि चिजियन क गाड़ दिहस।</verse>
				<verse number="5">तउ उ पचे तजि गऐन अउर परमेस्सर ओनका चरीहू कइँती क सभी सहरन पइ भयंकर डर डाल दिएन। ऍह ठू बरे उ पचे याकूब क पूतन पाछा नाही किहस।</verse>
				<verse number="6">ऍह बरे याकूब अउ ओकर लोग लूज पहोंचेन। अब लूज क बेतेल कहत हीं। इ कनान प्रदेस मँ बाटइ।</verse>
				<verse number="7">याकूब हुआँ एक ठु वेदी बनाएस। याकूब उ जगह क नाउँ “एल बेतेल” राखेस। याकूब इ नाउँ क ऍह बरे चुनेस कि जब उ आपन भाई क हिआँ स परात रहत रहा, तब पहिली दाईं परमेस्सर हिअँई परगट भवा।</verse>
				<verse number="8">रिबका क धाई दबोरा हिअँई मरी रही, उ पचे बेतेल मँ सिन्दूर क बृच्छ क खाले ओका गाड़ दिहन। उ पचे उ ठउर क नाउँ अल्लोनबक्कूत रखेन।</verse>
				<verse number="9">जब याकूब पद्दान अराम स लउटा तब परमेस्सर फुन ओकरे समन्वा परगट भवा। परमेस्सर याकूब क असीसेस।</verse>
				<verse number="10">परमेस्सर याकूब स कहेस, “तोहार नाउँ याकूब अहइ। मुला मइँ उ नाउँ क बदलब। अब तू याकूब नाही कहवउब्या। तोहार नवा नाउँ इस्राएल होइ।” ऍह बरे एकरे पाछे याकूब क नाउँ इस्राएल भवा।</verse>
				<verse number="11">परमेस्सर ओसे कहेस, “मइँ सर्वोच्च परमेस्सर अहउँ अउ तोहका मइँ इ आसीर्बाद देत हउँ तोहरे बहोत संतान होइँ अउर तु एक महान रास्ट्र बनी जाब्या। बहोत सारे रास्ट्र तोहसे अइहीं अउर राजा लोग तोहसे आइहीं।</verse>
				<verse number="12">मइँ इब्राहीम अउ इसहाक क इ भुइँया दिहे रहेउँ। अब मइँ इ भुइँया तोहका अउर तोहार सन्तानन क देत अहउँ।”</verse>
				<verse number="13">तब परमेस्सर उ जगह तजि दिहस।</verse>
				<verse number="14">याकूब इ ठउरे प एक स्मृति चट्टान खड़ी किहस, याकूब ओह चट्टान पइ दाखरस अउर तेल क भेंट उड़ेरेस। इ एक खास ठउर रहा काहेकि परमेस्सर हुआँ याकूब स बात किहस अउर याकूब उ ठउर क नाउँ बेतेल राखेस।</verse>
				<verse number="15"></verse>
				<verse number="16">याकूब अउ ओकर दल बेतेल क तजि दिहन। एप्राता आवइ स ठीक पहिले राहेल आपन बच्चन क जन्म देइ लाग।</verse>
				<verse number="17">मुला राहेल क इ जन्म स बहोत तकलीफ होइ लाग। ओका बहोत दर्द होत रहा। राहेल क धाई ओका लखेस अउ कहेस, “राहेल, डेराअ जिन। तू एक अउर पूत क जन्म देति अहा।”</verse>
				<verse number="18">पूत क जन्म देत समइ राहेल मरि गइ। मरइ क पहिले राहेल बच्चा क नाउँ बेनेानी राखेस। मुला याकूब ओकर नाउँ बिन्यामीन राखेस।</verse>
				<verse number="19">एप्राता क आवइवाली सड़क प राहेल क दफनावा गवा। (एप्राता बेतलेहेम अहइ।)</verse>
				<verse number="20">अउर याकूब राहेल क सम्मान मँ ओकरी कब्रे प एक ठु चट्टान धरेस। उ खास चट्टान हुआँ आजु तलक बाटइ।</verse>
				<verse number="21">तब इस्राएल आपन जात्रा जारी राखेस। उ एदेर बुर्ज खम्बा क ठीक दक्खिन मँ आपन सिबिर डाएस।</verse>
				<verse number="22">इस्राएल हुआँ तनिक समइ ठहरा। जब उ हुआँ रहा तब रूबेन इस्राएल क मेहरारु नउकरन बिल्हा क संग सोएस। इस्राएल इ बारे मँ सुनेस अउ बहोत कोहाइ गवा। याकूब क बारह पूत रहेन।</verse>
				<verse number="23">ओकरी मेहरारु लिआ स ओकरे छ: पूत रहेन: रूबेन, सिमोन, लेवी, यहूदा, इस्साकार, जबूलून।</verse>
				<verse number="24">ओकरी मेहरारु राहेल स ओकरे दुइ पूत रहेन: यूसुफ अउ बिन्यामीन।</verse>
				<verse number="25">राहेल क दासी बिल्हा स ओकरे दुइ पूत रहेन: दान अउ नप्ताली।</verse>
				<verse number="26">अउर लिआ क दासी जिल्पा स ओकरे दुइ पूत रहेन: गाद अउ आसेर। इ सबइ क पूत अहइँ जउन पद्दनराम मँ पइदा भए रहेन।</verse>
				<verse number="27">मम्रे क किर्यत-अर्बा अर्थात् हेब्रोन मँ याकूब आपन पिता इसहाक क लगे गवा। इ उहइ जगह अहइ जहाँ इब्राहीम अउ इसहाक रहि चुका रहेन।</verse>
				<verse number="28">इसहाक एक सौ अस्सी बरिस क रहा।</verse>
				<verse number="29">इसहाक बहोत बरिस तलक जिअत रहा। जब उ मरा, उ बहोत बुढ़वा रहा। ओकरे पूत एसाव अउ याकूब ओका हुअँइ दफनाएन जहा ओकरे पिता क दफनावा गवा रहा।</verse>
			</chapter>
			<chapter number="36">
				<verse number="1">एसाव अर्थात् एदोम क इतिहास अहइ।</verse>
				<verse number="2">एसाव कनान देस क मेहररुअन स बियाह किहस। एसाव क मेहररुअन रहिन: आदा, हित्ती एलोन क बिटिया। ओहोलीबामा हिव्वी सिबोन क नतिनी अउ अना क बिटिया।</verse>
				<verse number="3">बासमत इस्माएल क बिटिया अउ नबायोत क बहिन।</verse>
				<verse number="4">आदा एसाव क एक पूत एलीपज दिहस। बासमत क रूएल नाउँ क पूत भवा।</verse>
				<verse number="5">ओहोलीबामा एसाव क तीन पूत दिएस यूस, यालाम अउ कोरह इ सबइ एसाव क पूत रहेन। इ सबइ कनान पहटा मँ पइदा भए रहेन।</verse>
				<verse number="6">याकूब अउ एसाव क परिवार अब बहोत बाढ़ि गएन अउ कनान मँ इ बड़ा परिवार क खाइ-पिअइ क जुटाइ पाउब कठिन होइ गवा। ऍह बरे एसाव कनान तजि दिहस अउ आपन भाइ याकूब स दूर दूसर पहटा मँ चला गवा। एसाव आपन सबहि चीजन क आपन संग लिआवा। कनान मँ रहत भवा उ सबहि इ चीजन क पाए रहा। ऍह बरे एसाव आपन संग आपन मेहररुअन, पूतन बिटियन सबहि नउकरन, गोरु अउ दूसर सबहि जनावरन क लिहस। एसाव अउ याकूब क परिवार ऍतना बाढ़त रहेन कि ओनका एक जगह प रहब कठिन रहा। उ भुइँया दुइनउँ परिवारे क पेट पालइ बरे जियादा नाही रही। ओनके लगे बहोत जियादा गोरु रहेन। एसाव पहाड़ी पहटा सेइर कइँती बढ़ा। (एसाव क नाउँ एदोम भी अहइ।)</verse>
				<verse number="7"></verse>
				<verse number="8"></verse>
				<verse number="9">एसाव एदोम क मनइयन क आदि बाप रहा। सेईर क पहाड़ी पहटा मँ बसइयन एसाव क घराने क इ नाउँ अहइँ।</verse>
				<verse number="10">एसाव क पूत रहेन: एलीपज, आदा अउ एसाव क पूत। रूएल बासमत अउ एसाव क पूत।</verse>
				<verse number="11">एलीपज क पाँच पूत रहेन: तेमान, ओमार, सपो, गाताम अउ कनज।</verse>
				<verse number="12">एलीपज क एक तिम्ना नाउँ क उपपत्नी भी रही। तिम्ना अउ एलीपज अमालेक क जन्म दिहन।</verse>
				<verse number="13">रूएल क चार पूत रहेन: नहत, जेरह, सम्मा, मिज्जा। इ सबइ एसाव क मेहरारु बासपत स ओकरे पोता रहेन।</verse>
				<verse number="14">एसाव क तीसर मेहरारु अना क बिटिया ओहोलीबामा रही। (अना सिबोन क पूत रहा) एसाव अउ ओहोलीबामा क पूत रहेन: यूस, यालाम, कोरह।</verse>
				<verse number="15">एसाव स चलइ वाला बंस इ सबइ ही बाटेन। एसाव क पहिला पूत एलीपज रहा। एलीपज स तेमान, ओमार, सपो, कनज,</verse>
				<verse number="16">कोरह, गाताम, अमालेक भएन। इ सबहि परिवार एसाव क मेहरारु आदा स भएन।</verse>
				<verse number="17">एसाव क पूत रूएल इ परिवारन क आदि पिता रहा: नहत, जेरह, सम्मा, मिज्जा। इ सबहि परिवार एसाव क मेहरारु बासमात स भएन।</verse>
				<verse number="18">अना क बिटिया एसाव क मेहरारु ओहोलीबामा यूस, यालाम अउ कोरह क जन्म दिहन। इ सबइ तीनउँ आपन-आपन घराने क बाप रहेन।</verse>
				<verse number="19">इ सबहि परिवार एसाव स चलेन।</verse>
				<verse number="20">एसाव क पहिले एदोम मँ सईर नाउँ क एक ठु होरी मनई रहत रहा। सेईर क पूत इ सबइ अहइँ: लोतान, सोबाल, सिबोन, अना</verse>
				<verse number="21">दीसोन, एसेर, दिसान। इ सबइ पूतन आपन परिवार क मुखिया रहेन।</verse>
				<verse number="22">लोतान, होरी, हेमाम क बाप रहा। (तिम्ना लोतान क बहिन रही।)</verse>
				<verse number="23">सोबल, अल्वान, मानहत एबल सपो, ओनाम क पिता रहा।</verse>
				<verse number="24">सिबोन क दुइ पूत रहेन: अय्या अउर अना। (अना उ मनई अहइ जउन आपन पिता क गदहन क देखरेख करत समइ रेगिस्तान मँ गरम पानी क झरना हेरेस।)</verse>
				<verse number="25">अना, दीसोन अउ ओहोलीबामा क पिता रहा।</verse>
				<verse number="26">दीसोन क चार पूत रहेन: हेमदान, एस्बान, यित्रान, करान।</verse>
				<verse number="27">एसेर क तीन पूत रहेन: बिल्हान, जावान, अकान।</verse>
				<verse number="28">दीसान क दुइ पूत रहेन: ऊस अउ अरान।</verse>
				<verse number="29">इ होरी परिवारन क मुखियन क नाउँ अहइँ। लोतान, सोबाल, सिबोन, अना,</verse>
				<verse number="30">दिसोन, एसेर, दीसान। इ सबइ मनइयन ओन परिवारन क मुखिया रहेन जउन सेईर पहटा मँ रहत रहेन।</verse>
				<verse number="31">उ टेम एदोम मँ कइउ राजा रहेन। इस्राएल मँ राजा होइ के बहोत पहिले एदोम मँ राजा रहेन।</verse>
				<verse number="32">बोर क पूत बेला एदोम मँ राज्ज करइ वाला राजा रहा। उ दिन्हाबा सहर प राज्ज करत रहा।</verse>
				<verse number="33">जब बेला मरा तउ योबाब राजा भवा। योबाब बोस्रा क जेरह क पूत रहा।</verse>
				<verse number="34">जब योबाब मरा, हूसाम राज्ज किहस। हूसाम तेमानी लोगन क देस क रहा।</verse>
				<verse number="35">जब हूसाम मरा, हदद उ पहटा प राज्ज किहस। हदद बदद क पूत रहा। (हदद उ मनई रहा जउन मिद्यानी लोगन क मोआब देस मँ हराए रहा।) हदद अबीत सहर क रहा।</verse>
				<verse number="36">जब हदद मरा, सम्ला उ प्रदेस प राज्ज किहस। सम्ला मस्रेक क रहा।</verse>
				<verse number="37">जब सम्ला मरा, साऊल उ पहटा प राज्ज किहस। साऊल फरात नदी क किनारे रहोबोत क रहा।</verse>
				<verse number="38">जब साऊल मरि गवा, बाल्हानान उ देस प हूकूमत किहस। बाल्हानान अकबोर क पूत रहा।</verse>
				<verse number="39">जब बाल्हनान मरा, हदर उ प्रदेस प राज्ज किहस। हदर पाऊ सहर क रहा। मत्रेद क बिटिया हदर क मेहरारु क नाउँ महेतबेल रहा। (मत्रेद क बाप मेजाहब रहा।)</verse>
				<verse number="40">एदोमी परिवारन, तिम्ना, अल्बा, यतेत, ओहोलीबामा, एला, पीपोन, कनज, तेमान, मिबसार, मग्दीएल अउ ईराम आदि क बाप एसाव रहा। हर एक परिवार एक ठु अइसे प्रदेस मँ रहत रहा जेकर नाउँ उहइ रहा जउन ओनकइ परिवारे क नाउँ रहा।</verse>
				<verse number="41"></verse>
				<verse number="42"></verse>
				<verse number="43"></verse>
			</chapter>
			<chapter number="37">
				<verse number="1">याकूब ठहरि गवा अउ कनान पहटा मँ रहइ लाग। इ उहइ प्रदेस अहइ जहाँ ओकर बाप आइके बसा रहा।</verse>
				<verse number="2">याकूब क परिवार क इहइ कथा अहइ। यूसुफ एक सत्रह बरिस क जवान रहा। ओकर पेसा भेड़ी बोकरियन क देखरेख करब रहा। यूसुफ इ काम अरथ अहइ कि बिल्हा अउ जिल्पा क पूतन क संग करत रहा। (बिल्हा अउ जिल्पा ओकरे बाप क मेहररुअन रहिन।) यूसुफ आपन बाप क आपन भाइयन क बुरी बातन बतावत रहा।</verse>
				<verse number="3">यूसुफ उ टेम पइदा भवा जब ओकर पिता इस्राएल बहोत बुढ़वा रहा। ऍह बरे इस्राएल, यूसुफ क आपन दूसर पूतन स बेसी पिआर करत रहा। याकूब आपन पूत क एक खास कोट बनवाएस। इ कोट लम्बा अउ बहोत सुन्नर रहा।</verse>
				<verse number="4">यूसुफ क भाइयन लखेन कि ओनकइ बाप ओनसे बेसी यूसुफ क जियादा पिआर करत ह। उ पचे इहइ कारण आपन भाई स घिना करत रहेन। उ पचे यूसुफ स अच्छी तरह बात नाहीं करत रहेन।</verse>
				<verse number="5">एक दाईं यूसुफ एक खास सपन लखेस। पाछे यूसुफ आपन इ सपना क बारे मँ आपन भाइयन क बताएस। एकरे पाछे ओकरे भाई पहिले स भी जियादा ओसे घिना करइ लागेन।</verse>
				<verse number="6">यूसुफ कहेस, “मइँ एक सपना देखेउँ ह।</verse>
				<verse number="7">हम पचे सबहि खेते मँ काम करत रहे। हम पचे गोहू क एक साथ बोझ बाँधत रहेन। मोर बोझा खड़ा होइ गवा अउ तू पचन क बोझ मोरे बोझे क चारिहु कइँती घेरि लिहस। तब तोहार सबहिं बोझ मोरे बोझे क निहुरिके प्रणाम किहस।”</verse>
				<verse number="8">ओकर भाइयन कहेन, “का, तू सोचत ह कि ऍकर अरथ अहइ कि तू राजा बनब्या अउर हम पचन प राज्ज करब्या?” ओकर भाइयन यूसुफ स अब अउर बेसी घिना करब सुरु किहेस काहेकि उ ओकरे बारे मँ सपना देखत रहा।</verse>
				<verse number="9">तब यूसुफ दूसर सपना देखेस। यूसुफ आपन भाइयन स इ सपना क बारे मँ बताएस। यूसुफ कहेस, “मइँ दूसर सपना लखेउँ ह। मँइ सूरज, चन्द्रमा अउ गियारह नछत्रन क आपन क प्रणाम करत लखेउँ।”</verse>
				<verse number="10">यूसुफ आपन बाप क भी इ सपना क बारे मँ बताएस। मुला ओकर पिता ओका डाँटेस। ओकर पिता कहेस, “इ कउने तरह क सपना अहइ? का तोहका बिस्सास अहइ कि तोहार महतारी, तोहार भाई अउ हम पचे तोहका प्रणाम करिबइ?”</verse>
				<verse number="11">यूसुफ क भाई ओहसे बराबर जलन करत रहा। मुला यूसुफ क पिता इ सबहि बातन क बारे मँ बहोत गहराई स बिचार किहस अउ सोचेस कि ओनकइ अरथ का होई?</verse>
				<verse number="12">एक दिन यूसुफ क भाई आपन बाप क भेड़िन क देखरेख बरे सकेम गएन।</verse>
				<verse number="13">याकूब यूसुफ स कहेस, “सकेम जा। तोहार भाई मोर भेड़िन क साथ हुआँ अहइ।” यूसुफ जवाब दिहस, “मइँ जाब।”</verse>
				<verse number="14">यूसुफ क बाप कहेस, “जा अउ लखा कि तोहार भाई सुरच्छित बाटइ। लौटिके आवा अउ बतावा कि का मोर भेड़िन ठीक अहइँ?” इ तरह यूसुफ क पिता ओका हेब्रोन क घाटी स सकेम क पठएस।</verse>
				<verse number="15">सकेम मँ यूसुफ हेराइ गवा। एक मनई ओका खेतन मँ भटकत भवा पाएस। उ मनई कहेस, “तू का हेरत अहा?”</verse>
				<verse number="16">यूसुफ उत्तर दिहस, “मइँ आपन भाइयन क हेरत अहउँ। का तू बताइ सकत ह कि उ सबइ आपन भेड़िन क संग कहा अहइँ?”</verse>
				<verse number="17">मनई जवाब दिहस, “उ पचे पहिले ही चला गवा अहइँ। मइँ ओनका कहत भवा सुनेउँ कि उ पचे दोतान क जात अहइँ।” ऍह बरे यूसुफ आपन भाइयन क पाछे गवा अउ उ ओनका दोतान मँ पाएस।</verse>
				<verse number="18">यूसुफ क भाइयन बहोत दूर स ओका आवत लखेन। उ पचे ओका मारि डावइ क कुचाल बनावइ क ठान लिहन।</verse>
				<verse number="19">भाइयन एक दूसर स कहेन, “इ सपना लखइवाला यूसुफ आवत अहइ।</verse>
				<verse number="20">मौका मिलत ही हम पचे ओका मारि डाइ। हम ओकरे तने क झुरान भए इरनन मँ स कउनो एक मँ लोकाइ सकित ह। हम आपन पिता स कहि सकित ह कि एक ठु जंगली जनावर ओका मारि डाएस। तब हम पचे ओका देखाउब कि ओकर सपना बेकार अहइँ।”</verse>
				<verse number="21">मुला रूबेन यूसुफ क बचावइ चाहत रहा। रूबेन कहेस, “हम पचे ओका मारि नाही।</verse>
				<verse number="22">हम लोग ओका बिना चोट किहे एक ठु नारा मँ नाइ सकित ह।” रूबेन यूसुफ क बचावइ अउर ओकरे बाप क लगे पठवइ क जोजना बनाएस।</verse>
				<verse number="23">यूसुफ आपन भाइयन क लगे आवा। उ पचे ओह प धावा बोल दिहन अउ ओकरे लम्बे अउ सुन्नर कोट क फाड़ डाएन।</verse>
				<verse number="24">तब उ पचे ओका खाली झुरान इनारा मँ बहाइ दिहन।</verse>
				<verse number="25">यूसुफ इनारा मँ ओकर भाइयन क भोजन करइ बरे बइठइ तलक रहा। तब उ पचे नजर उठाएन अउ बइपारियन क एक दल क लखेन। जउन गिलाद स मिस्र क जात्रा प रहेन। ओनकइ ऊँटन कइउ तरह क मसाला अउ धन लइ जात रहेन।</verse>
				<verse number="26">ऍह बरे यहूदा आपन भाइयन स कहेस, “अगर हम लोग आपन भाई क मारि देब अउ ओकरी मउत क छुपाउब तउ ओसे हमला का लाभ मिली?</verse>
				<verse number="27">हम सबन क बेसी फायदा तब होइ जब हम ओका बइपारियन क हाथ बेचि देइ।” दूसर भाई लोग मान गएन।</verse>
				<verse number="28">जब मिद्रयानी बइपारी लोग लगे आएन, भाई लोग यूसुफ क नारा स बाहेर निकारेन। उ पचे बीस ठु चाँदी क टूका मँ ओका बेचि दिहन। बइपारियन ओका मिस्र लइ गएन।</verse>
				<verse number="29">इ पूरा टेम रूबेन भाइयन क संग हुआँ नाहीं रहा। उ नाहीं जानत रहा कि उ पचे यूसुफ क बेचि दिहे रहेन। जब रूबेन नारा प लौटिके आवा तउ उ लखेस कि यूसुफ हुआँ नाहीं अहइ। रूबेन बहोत जियादा दुःखी भवा। उ आपन ओढ़ना क फाड़ेस।</verse>
				<verse number="30">रूबेन भाइयन क लगे गवा अउ उ ओनसे कहेस, “लरिका कुआँ प नाही अहइ। मइँ का करउँ?”</verse>
				<verse number="31">भाइयन एक बोकरी क मारेन अउ ओकरे खून क युसुफ क सुन्नर कोट प डाएस।</verse>
				<verse number="32">तब भाईयन उ कोट क आपन पिता क देखाएन अउ कहेन, “हमका इ कोट मिला बाटइ, का इ यूसुफ क कोट अहइ?”</verse>
				<verse number="33">बाप कोट क लखेस अउ पहिचानेस कि इ यूसुफ क अहइ। पिता कहेस, “हा, इ उहइ क बाटइ। होइ सकत ह कि ओका कउनो जंगली जनावर मारि डाए होइ। मोरे पूत यूसुफ क कउनो जंगली जनावर खाइ गवा।”</verse>
				<verse number="34">याकूब आपन ओढ़ना फाडि डाऐस अउ सोक क ओढ़ना पहिर लिहेस। याकूब लम्बे समइ तलक आपन बेटवा क दुःख अउ सोक मँ पड़ा रहा।</verse>
				<verse number="35">याकूब क सबइ बेटवन, बिटियन ओका धीरे बँधावइ क जतन किहन। मुला याकूब कबहु धीरे न धरि सका। याकूब कहेस, “मइँ मरइ क दिन तलक आपन पूत यूसुफ क दुःख मँ डूबा रहब।” अउर याकूब आपन पूत क दुःख परगट करब जारी रखा।</verse>
				<verse number="36">ओनॅ मिद्यानी बइपारियन जउन यूसुफ क बेसहे रहेन, पाछे ओका मिस्र मँ बेचि दिहन। उ पचे फिरौन क अंकरच्छकन क सेनापति पोतीपर क हाथ ओका बेचेन।</verse>
			</chapter>
			<chapter number="38">
				<verse number="1">ओनही दिनन मँ यहूदा आपन भाइयन क तजि दिहस अउ हीरा नाउँ क मनई क संग रहइ चला गवा। हीरा अदुल्लाम सहर क रहा।</verse>
				<verse number="2">यहूदा एक कनानी मेहरारु स हुआँ मिला अउ ओसे बियाह कइ लिहस। मेहरारु क बाप क नाउँ सूआ रहा।</verse>
				<verse number="3">कनानी मेहरारु एक पूत क जन्म दिहस। उ पचे ओकर नाउँ एर धरेन।</verse>
				<verse number="4">पाछे दूसर पूत क जन्म दिहस। उ पचे लरिका का नाउँ ओनान धरेन।</verse>
				<verse number="5">पाछे ओका दूसर पूत सेला नाउँ क भवा। यहूदा तीसर बच्चा क जन्म क टेम कजीब मँ रहत रहा।</verse>
				<verse number="6">यहूदा आपन पहिले पूत एर बरे बहू क रुप मँ एक ठु मेहरारु क चुनेस। मेहरारु क नाउँ तामार रहा।</verse>
				<verse number="7">मुला एर बहोत सी बुरी बातन क किहेस। यहोवा ओसे खुस नाही रहा। ऍह बरे यहोवा ओका मारि डाएस।</verse>
				<verse number="8">तब यहूदा एर क भाई ओनान स कहेस, “जा अउर मरे भाई क मेहरारु क संग सोआ। तू ओकरे भतार क नाईं बना। अगर लरिका होइहीं तउ उ पचे तोहरे भाई एर क होइहीं।”</verse>
				<verse number="9">ओनान जानत रहा कि जोड़ा स पइदा भए लरिकन ओकर नाही होइहीं। ओनान तामार क संग तने क सम्बंध किहस। मुला उ ओका आपन गरभ धारण करइ नाही दिहस।</verse>
				<verse number="10">एहसे यहोवा कोहाइ गवा। ऍह बरे यहोवा ओनान क भी मारि डाएस।</verse>
				<verse number="11">तब यहूदा आपन पतोहू तामार स कहेस, “आपन बाप क घरे लौटि जा। हुअँइ रहा अउर तब तलक बियाह जिन करा जब तलक मोर लहुरा पूत सेला बाढ़ न जाइ।” यहूदा क डर रहा कि सेला भी आपन भाइयन क तरह मारि डावा जाइ। तामार आपन बाप क घर लौटि गइ।</verse>
				<verse number="12">पाछे सुआ क बिटिया यहूदा क मेहरारु मरि गइ। यहूदा आपन दुःख क टेम क पाछे अदुल्लाम क आपन मीत हीरा क संग तिम्ना गवा। यहूदा आपन भेड़ी क ऊन कतरइ तिम्ना गवा।</verse>
				<verse number="13">तामार क इ मालूम भवा कि ओकर ससुर यहूदा आपन भेडिँन क ऊन कतरइ तिम्ना क जात अहइ।</verse>
				<verse number="14">तामार हमेसा अइसे ओढ़ना पहिरत रही जेहसे मालुम होइ कि इ राँड़ अहइ। ऍह बरे उ कछू दूसर ओढ़ना पहिरेस अउ मुँह क पर्दा मँ ढाँकि लिहस। तब उ तिम्ना सहर क लगे एनैम क जाइवाली सड़क क किनारे बइठि गइ। तामार जानत रही कि यहूदा क लहुरा बेटवा अब बाढ़ि ग अहइ। मुला यहूदा ओसे ओकरे बियाहे क कउनो योजना नाहीं बनावत अहइ।</verse>
				<verse number="15">यहूदा उहइ सड़क स जात्रा किहस। उ ओका लखेस, मुला बिचारेस कि उ पतुरिया अहइ। (ओकरे मुँह पतुरिया क तरह ढका भवा रहा।)</verse>
				<verse number="16">ऍह बरे यहूदा ओकरे लगे गवा अउ बोला, “मोका आपन संग तने क सम्बंध करइ द्या।” (यहूदा नाहीं जानत रहा कि उ ओकर पतोहू तामार अहइ।) तामार बोली, “तू मोका केतना देब्या?”</verse>
				<verse number="17">यहूदा जवाब दिहस, “मइँ आपन भेड़ि क झुण्ड स तोहका एक नई बोकरी पठउब।” उ जवाब दिहस, “मइँ एका अंगीकार करत अहइँ मुला पहिले तू मोका कछू रखइ क द्या जब तलक तू बोकरी नाही पठउत्या।”</verse>
				<verse number="18">यहूदा पूछेस, “मइँ बोकरी पठइब एकरे सबूत बरे मोसे का लेइ चहुबिउ?” तामार जवाब दिहस, “मोका तोहार मोहर अउर धगा द्या अउ मोका आपन टहरइ क कुबरी द्या।” यहूदा इ सबइ चीजन ओका दिहस। तब यहूदा अउ तामार तने क सम्बंध, किहन अउ तामार गोड़े स भारी होइ गइ।</verse>
				<verse number="19">तामार घरे गइ अउ मुँह क ढाँपइ वाला पर्दा क हटाएस। तब उ फुन आपन क राँड़ बतावइ वाला खास ओढ़ना क पहिरेस।</verse>
				<verse number="20">पाछे यहूदा आपन मीत हीरा क पतुरिया क बोकरी देइ एनैम पठएस जेका उ जबान दिहे रहा। यहूदा हीरा स खास मोहर अउ टहरइ क कुबरी भी ओसे लेइ बरे कहेस। मुला हीरा ओका न पाइ सका।</verse>
				<verse number="21">हीरा एनैम सहर क कछू लोगन स पूछेस, “सड़क क किनारे जउन पतुरिया रही, उ कहाँ बाटइ?” मनइयन जवाब दिहन, “हिआँ कबहु कउनो पतुरिया नाही रही।”</verse>
				<verse number="22">तउ यहूदा क मीत यहूदा क लगे लौटि गवा अउ ओसे कहेस, “मइँ उ मेहरारु क पता नाही लगाइ सकेउँ। जउन मनइयन उ जगह बसत अहइँ उ पचे मोका बताएन कि हुआँ कबहु कउनो पतुरिया नाही रही।”</verse>
				<verse number="23">ऍह बरे यहूदा कहेस, “ओका उ सबइ चीजन राखइ द्या। मइँ नाही चाहत कि लोग हम पचन प हसउआ करइँ। मइँ ओका बोकरी देइ चाहेउँ, मुला हम ओकर पता नाहीं लगाइ सके। इहइ बहोत अहइ।”</verse>
				<verse number="24">लगभग तीन महीना पाछे कउनो यहूदा स कहेस, “तोहार पतोहू तामार एक पतुरिया क नाईं पाप किहे अहइ अउ अब उ गरभ धारण किहे अहइ।” तब यहूदा कहेस, “ओका बाहेर निकारा अउ ओका जराइ के मार डावा।”</verse>
				<verse number="25">ओकर आदमी तामार क मारइ गएन। मुला तामार आपन ससुर क लगे सँदेसा पठएस। तामार कहेस, “जउन मनई मोका गरभधारण कराएस ह उहइ क इ सबइ चीजन अहइँ। इ सबइ चीजन क लखा। उ सबइ केकर अहइँ? केकर इ खास मोहर अउ इ धागा अउर इ टहरइ क कुबरी अहइ?”</verse>
				<verse number="26">यहूदा ओन सबहि चीजन क पहिचानेस अउ कहेस, “इ ठीक कहत बाटइ। मइँ गल्ती किहेउँ। मइँ आप क बचन क अनुसार आपन बेटवा सेला क ऍका नाही दिहेउँ” अउ यहूदा ओकरे संग फुन नाही सोवा।</verse>
				<verse number="27">तामार क लरिका जन्मइ क टेम आवा अउ उ पचे लखेन कि उ जुड़ौधा बच्चन क जन्मी।</verse>
				<verse number="28">जउन टेम उ जन्मत रही एक लरिका बाहेर हाथ निकारेस। धाई हाथे प लाल धागा बाँधेस अउ कहेस, “इ बच्चा पहिले पइदा भवा।”</verse>
				<verse number="29">मुला उ बच्चा आपन हाथ वापिस भितरे हीच लिहस। तब दूसर बच्चा पहिले पइदा भवा। तब दाई कहेस, “लखा तू कैसे निकरइ आएस।” ऍह बरे उ पचे ओकर नाउँ पेरेस राखेन।</verse>
				<verse number="30">ऍकरे पाछे दूसर बच्चा पइदा भवा। इ उहइ बच्चा रहा जेकरे हाथे प लाला धागा रहा। उ पचे ओकर नाउँ जेरह राखेन।</verse>
			</chapter>
			<chapter number="39">
				<verse number="1">बइपारी लोग जउन यूसुफ क बेसहे रहेन उ ओका मिस्र लइ गएन। उ पचे फिरौन क अंगरच्छक क नायक पोतीपर क हाथ ओका बेच दिहन।</verse>
				<verse number="2">मुला यहोवा यूसुफ क मदद किहस। यूसुफ एक सफल मनई बन गवा। यूसुफ आपन मिस्र क मालिक पोतीपर क घरे मँ रहा।</verse>
				<verse number="3">पोतीपर लखेस कि यहोवा यूसुफ क संग अहइ। पोतीपर इ भी लखेस कि यहोवा जउन कछू यूसफ करत ह, ओहमा ओका सफल बनवइ मँ सहायक बाटइ।</verse>
				<verse number="4">ऍह बरे पोतीपर यूसुफ क पाइके बहोत खुस रहा। पोतीपर ओका आपन बरे काम करइ अउ घर क सासन मँ मदद करइ बरे राखेस। पोतीपर क आपन हर एक चीज क यूसुफ अफसर रहा।</verse>
				<verse number="5">जब यूसुफ घरे क अफसर बनइ दीन्ह गवा तब यहोवा उ घर अउ पोतीपर क हर एक चीज क असीसेस। यहोवा इ यूसुफ क कारण किहेस अउ यहोवा पोतीपर क खेतन मँ उगइवाली हर चीज क असीसेस।</verse>
				<verse number="6">ऍह बरे पोतीपर घर क हर चीज क जिम्मेदरी यूसुफ क दिहस। पोतीपर कउनो चीज क चिन्ता नाही करत रहा। उ जउन खइया क खात रहा सिरिफ ओकर ओका फिकिर रही। यूसुफ बहोत सुन्नर अउ रुपवान रहा।</verse>
				<verse number="7">कुछ टेम पाछे यूसुफ क मालिक क मेहरारु यूसुफ स पिरेम करइ लाग। एक दिन उ ओसे कहेस, “मोरे संग सोआ।”</verse>
				<verse number="8">मुला यूसुफ मना कइ दिहस। उ कहेस, “मोर मालिक घर क हर चीज बरे मोहे प बिस्सास करत ह। उ हिआँ क हर चीज क जिम्मेदारी मोका दिहेस ह।</verse>
				<verse number="9">मोर मालिक आपन घर मँ मोका लगभग आपन क बराबर सम्मान दिहेस ह। मुला मोका ओकरी मेहरारु क संग नाही सोवइ चाही। इ गलत अहइ। इ परमेस्सर क खिलाफ पाप अहइ।”</verse>
				<verse number="10">उ मेहरारु हर दिन यूसुफ स बात करत रही मुला यूसुफ ओकरे संग सोवइ स मना कइ दिहस।</verse>
				<verse number="11">एक दिन यूसुफ आपन काम करइ घरे मँ गवा। उ टेम उ घरे मँ अकेल्ला मनई रहा।</verse>
				<verse number="12">ओकरे मालिक क मेहरारु ओकर कोट धइ लिहस अउ ओसे कहेस, “आवा अउ मोरे संग सोवा।” मुला यूसुफ घरे स पराइ गवा अउ उ आपन कोट ओकरे हाथे मँ छोड़ दिहस।</verse>
				<verse number="13">मेहरारु लखेस कि यूसुफ आपन कोट ओकरे हाथे मँ छोड़ दिहे अहइ अउ उ जउन कछू भवा ओकरे बारे मँ झूठ बोलइ क ठान लिहस। उ बाहेर दौड़ी।</verse>
				<verse number="14">अउर उ घरे क उ मनइयन क गोहराएस। उ कहेस, “लखा, इ हिब्रू दास हम पचन क मजाक करइ हिआँ आवा रहा। उ भितरे आवा अउ मोरे संग सोवइ क कोसिस किहस। मुला मइँ जोर स नरियाइ पड़ी।</verse>
				<verse number="15">मोर नरियाब ओका ससाइ दिहस अउ उ पराइ गवा। मुला उ आपन कोट मोरे लगे छोड़ गवा।”</verse>
				<verse number="16">ऍह बरे उ यूसुफ क मालिक आपन भतारे क घर लौटइ क समइ तलक ओकरे कोट क आपन लगे राखेस।</verse>
				<verse number="17">अउर उ आपन भतार क कहानी सुनाएस। उ कहेस, “जउन हिब्रू दास क तू हिआँ लिआया उ मोह प हमला करइ क कोसिस किहस।</verse>
				<verse number="18">मुला जब उ मोरे लगे आवा तउ मइँ चिचियाई। उ पराइ गवा, मुला आपन कोट छोड़ गवा।” युसफ कारगार मँ</verse>
				<verse number="19">यूसुफ क मालिक स जउन ओकरी मेहरारु स कहेस, ओक सुनेस अउ उ बहोत रिसियाइ गवा।</verse>
				<verse number="20">हुआँ एक जेल रही जेहमाँ राजा क दुस्मन रखा जात रहेन। ऍह बरे पोतीपर यूसुफ क उहइ जेल मँ धाँध दिहस अउ यूसुफ हुआँ पड़ा रहा।</verse>
				<verse number="21">मुला यहोवा यूसुफ क संग रहा। यहोवा ओह पइ कृपा करत रहा।</verse>
				<verse number="22">कछू टेम पाछे जेल क रच्छक क मुखिया यूसुफ स सोनेह करइ लाग। रच्छकन क मुखिया सबहि कैदियन क अफसर यूसुफ क बनाएस। यूसुफ ओनकइ मुखिया रहा, मुला काम उहइ करत रहा जउन उ पचे करत रहेन।</verse>
				<verse number="23">रच्छकन क मुखिया जेल क सबहि चीजन क बरे यूसुफ प पतियात रहा। इ ऍह बरे भवा कि यहोवा यूसुफ क संग रहा। यहोवा यूसुफ क, उ जउन कछू करत रहा, सुफल होइ मँ मदद करत रहा।</verse>
			</chapter>
			<chapter number="40">
				<verse number="1">पाछे फिरौन क दुइ नउकरन ओकर संग कछू गलत किहेन। इ नउकरन मँ स एक ठु रोटी पोवइया अउ दूसर दाखरस देइ क सेवा करत रहा।</verse>
				<verse number="2">फिरौन आपन रोटी पोवइया अउ सरब देइवाला नउकर पर रिसियाइ गवा।</verse>
				<verse number="3">ऍह बरे फिरौन उहइ जेल मँ ओनका पठएस जेहमाँ यूसुफ रहा। फिरौन क अंगरच्छक लोगन क नायक पोतीपर उ जेल क अफसर रहा।</verse>
				<verse number="4">नायक दुइनउँ कैदियन क यूसुफ क देखरेख मँ राखेस। दुइनउँ कछू टेम तलक जेल मँ रहेन।</verse>
				<verse number="5">एक रात दुइनउँ कैदियन सपना देखेन। दुइनउँ कैदी मिस्र क राजा क रोटी पोवइया अउ दाखरस देइवाला नउकर रहेन। हर एक कैदी क आपन-आपन सपना रहेन अउ हर एक सपना क अलग अलग अरथ रहा।</verse>
				<verse number="6">यूसुफ दूसर भिन्सारे ओनकइ लगे गवा। यूसुफ लखेस कि दुइनउँ मनई परेसान रहेन।</verse>
				<verse number="7">यूसुफ पूछेस, “आजु तू पचे ऍतना परेसान काहे देखाइ पड़त ह?”</verse>
				<verse number="8">दुइनउँ मनई जवाब दिहन, “पिछली रात हम पचे सपना देखा, मुला हम लोग नाहीं बूझित कि सपना क का अऱथ अहइ? कउनो मनई अइसा नाही अहइ कि जउन सपना क अरथ बतावइ या हम पचन क साफ साफ बतावइ।” यूसुफ ओनसे कहेस, “सिरिफ परमेस्सर ही अइसा अहइ जउन सपना क बूझत अउ अरथ बतावत ह। ऍह बरे मइँ निवेदन करत हउँ कि आपन सपना मोका बतावा।”</verse>
				<verse number="9">ऍह बरे दाखरस देइवाला नउकर यूसुफ क आपन सपना बताएस। नउकर कहेस, “मइँ सपना मँ अंगूरे क लता देखेउँ।</verse>
				<verse number="10">उ अंगूरे क लता क तीन ठु डारियन रहिन। मइँ डारियन मँ फूल आवत अउ ओनकइ अंगूर बनत लखेउँ।</verse>
				<verse number="11">मइँ फिरौन क पिआला लिए रहेउँ। ऍह बरे मइँ अगूंरन क लिहेउँ अउ पिआला मँ रस निचोड़ेउँ। तब मइँ पिआला फिरौन क दिहेउँ।”</verse>
				<verse number="12">तब यूसुफ कहेस, “मइँ तोहका सपन क अऱथ बताउब। तीन ठु डारियन क अऱथ तीन दिन अहइ।</verse>
				<verse number="13">तीन दिन बीतइ क पहिले फिरौन तोहका छिमा करी अउ तोहका तोहरे कामे प लौटे प देइ। तू फिरौन क बरे उहइ काम करब्या अउर जउन पहिले करत रह्या।</verse>
				<verse number="14">मुला जब तू अजाद होइ जाब्या तउ मोका सुमिर्‌या। मोर मदद किह्या। फिरौन स मोरे बारे मँ कह्या जेहसे मइँ इ जेल स बाहेर होइ सकउँ।</verse>
				<verse number="15">मोका हिब्रू लोगन क देस स लावा गवा रहा। मइँ हियाँ कउनो अपराध भी नाही किहेउँ ह। ऍह बरे मोका जेल मँ न होइ चाही।”</verse>
				<verse number="16">रोटी बनावइ वाला लखेस कि दूसर नउकर क सपना अच्छा रहा। ऍह बरे रोटी पोवइया यूसुफ स कहेस, “मइँ भी सपना देखेउँ। मइँ देखेउँ कि मोरे मूँड़े प तीन ठु रोटी क टोकरी बाटइ।</verse>
				<verse number="17">सब त ऊपर क टोकरी मँ हर किसिम क पका भवा भोजन रहेन। इ भोजन राजा बरे रहा। मुला खइया क चिरइयन चुगत रहिन।”</verse>
				<verse number="18">यूसुफ जवाब दिहस, “मइँ तोहका बताउब कि सपना क का अरथ अहइ? तीन टोकरी क अरथ तीन दिन बाटइ।</verse>
				<verse number="19">तीन दिन बीतइ स पहिले राजा तोहका इ जेलि स बाहेर निकारी। तब राजा तोहार मूँड़ काटि डाइ। उ तोहरे तने क एक ठु खम्भा स लटकाइ अउ चिरइयन तोहरे तने क खइही।”</verse>
				<verse number="20">तीन दिना पाछे फिरौन क जन्म दिन रहा। फिरौन आपन सबहि नउकरन क दावत दिहस। दावत क टेम फिरौन दाखरस देइवाला अउ रोट पोवइया नउकरन क जेल स निकसइ दिहस।</verse>
				<verse number="21">फिरौन दाखरस देइवाला नउकर क अजाद कइ दिहस। फिरौन ओका नउकरी प लौटाइ दिहस अउ दाखरस देइवाला नउकर फिरौन क हाथे मँ एक ठु पिआला दिहस।</verse>
				<verse number="22">मुला फिरौन रोटी पोवइया क मार डाएस। सब बातन जइसे यूसुफ होइ बरे बताए रहा वइसेन ही भइन।</verse>
				<verse number="23">मुला दाखरस देइवाला नउकर क यूसुफ क मदद करब याद नाही रहा। उ यूसुफ क बारे मँ फिरौन स कछू नाही कहेस। दाखरस देइवाला नउकर यूसुफ क बारे मँ बिसरि गवा।</verse>
			</chapter>
			<chapter number="41">
				<verse number="1">दुइ बरिस बाद फिरौन सपना लखेस। फिरौन सपने मँ लखेस कि उ नील नदी क किनारे खड़ा अहइ।</verse>
				<verse number="2">तब फिरौन सपने मँ नदी स सात गइयन क बाहेर आवत लखेस। गइयन मोटी अउ सुन्नर रहिन। गइयन हुआँ खड़ी रहिन अउ घासे प चरत रहिन।</verse>
				<verse number="3">तब सात दूसर गइयन नदी स बाहेर आइन, अउर नदी क किनारे मोटी गइयन क निचके ठाड़ होइ गइन। मुला इ गइयन दूबर अउ देखन मँ बीमार लगत रहिन।</verse>
				<verse number="4">इ सातउ दूबर अउर बीमार गइयन, सुन्नर मोटी सात गइयन क खाइ गइन। तब फिरौन जाग उठा।</verse>
				<verse number="5">फिरौन फुन सोवा अउ दूसर दाईं सपना लखेस। उ सपने मँ अनाज क सात बाल एक ही पउधा प लखेस। अनाजे क बालन मोटी अउ अच्छी रहिन।</verse>
				<verse number="6">तब उ उहइ अनाज क पाछे सात अनाजे क बालन क जमी लखेस। अनाजे क इ बालन पातर अउ गरम हवा स नस्ट होइ गइ रहिन।</verse>
				<verse number="7">तब्बइ सात पातर बालन सात ठु मोटवार अउ बढ़िया बालन क खइ लिहन। फिरौन पुन जागि उठा अउ उ समझेस कि इ सिरिफ सपना ही बाटइ।</verse>
				<verse number="8">दूसर भिन्सारे फिरौन इ सपनन क बारे मँ परेसान रहा। ऍह बरे उ मिस्र क सबहि जादूगर लोग अउ सबहि गुनी लोगन क बोलाएस। फिरौन ओनका सपना बताएस। मुला ओन लोगन मँ स कउनो भी सपना क साफ या ओकर अरथ न बताइ सका।</verse>
				<verse number="9">तब दाखरस देइवाला नउकर क यूसुफ याद आवा। नउकर फिरौन स कहेस, “मोरे संग जउन कछू भवा रहा उ मोका याद आवत अहइ।</verse>
				<verse number="10">आप मोह प अउ रोटी पोवइया प कोहान रहेन अउ आप हम दुइनउँ क जेलि मँ धाँध दिहे रहेन।</verse>
				<verse number="11">जेल मँ एक ही रात हम दुइनउँ सपना देखेन। हर एक सपना अलग अरथ रखत रहा।</verse>
				<verse number="12">एक ठु हिब्रू नउजवान हम पचन क संग जेल मँ रहा। उ अंगरच्छकन क नायक क नउकर रहा। हम पचन आपन आपन सपना ओका बतावा, अउ उ सपना क अरथ हम लोगन क बुझाएस। उ हर सपना क अऱथ हम पचन क समझाएस।</verse>
				<verse number="13">जउन अरथ उ बताएस उ सबइ ठीक निकरेन। उ बताएस कि मइँ अजाद होब अउ आपन काम मँ वापस लउट आउब। अउर इहइ भवा उ कहेस कि रोटी पोवइया क मार कइ टाँग दीन्हा जाइही। अउ उहइ भवा।”</verse>
				<verse number="14">ऍह बरे फिरौन यूसुफ क जेल स बोलाएस। रच्छक हाली स यूसुफ क जेल स बाहेर लिआएन। यूसुफ हजामत बनावइके अउर कपड़े बदल के फिरौन क समन्वा खड़ा भवा।</verse>
				<verse number="15">तब फिरौन यूसुफ स कहेस, “मइँ एक सपना लखेउँ ह। मुला कउनो अइसा नाहीं अहइ जउन सपना क अऱथ मोका समझाइ सकइ। मइँ सुनेउँ ह कि जब कउनो सपना क बारे मँ तोहसे कहत ह कि तब तू सपन क अरथ अउ ओनका फरियाइ सकत ह।”</verse>
				<verse number="16">यूसुफ जवाब दिहस, “मोर आपन बुद्धि नाही अहइ कि मइँ सपनन क बूझ सकउँ। सिरिफ परमेस्सर ही अहइ जउन अइसी सकती राखत ह अउर फिरौन बरे परमेस्सर ही इ करी।”</verse>
				<verse number="17">तब फिरौन कहेस, “अपने आप क, मइँ नील नदी क किनारे ठाड़ लखेउँ।</verse>
				<verse number="18">मइँ सात गइयन क नदी स बाहर आवत लखेउँ अउ घास चरत देखेउँ। इ गइयन मोटी अउ सुन्नर रहिन।</verse>
				<verse number="19">तब मइँ दूसर सात गइयन क नदी स बाहेर आवत देखेउँ। इ सबइ गइयन पातर अउ भद्दी रहिन। मइँ मिस्र देस मँ जेतनी गइयन देखेउँ ह ओनमाँ स उ सबइ सब स जियादा बुरी रहिन।</verse>
				<verse number="20">अउ ऍन भद्दी अउर पातर गइयन पहिली सुन्नर सात गइयन क खाइ डाएन।</verse>
				<verse number="21">मुला सातउ गइयन क खाए क पाछे भी उ पचे पातर अउ भद्दी रहिन। तू ओनका लखा तउ नाहीं जान सक्‌त्या कि उ पचे दूसर सात गइयन क खाया ह। उ पचे ओतनी ही भद्दी अउ पातर देखाइ पड़त रहिन जेतना सुरु मँ रहिन। तब मइँ जाग गवा।</verse>
				<verse number="22">“तब मइँ आपन दूसर सपना मँ अनाज क सात बालन एक ही पउधा प उगी भइ देखेउँ। इ सबइ अनाज क बालन अच्छी अउ दानन स भरी भइ रहिन।</verse>
				<verse number="23">तब ओनके पाछे सात दूसर बालन उगिन। मुला इ सबइ सात बालन पातर, भद्दी अउ गरम हवा स नस्ट भइ रहिन।</verse>
				<verse number="24">तब सात पातर बालन सात अच्छी बालन क खाइ डाएन। “मइँ इ सपना क आपन जादूगर लोगन क बताएउँ मुला कउनो सपने क अरथ मोका नाही समझाएस। एकर अरथ का अहइ?”</verse>
				<verse number="25">तब यूसुफ फिरौन स कहेस, “इ दुइनउँ सपना एक ही अरथ रखत हीं। परमेस्सर बतावत ह कि उ हाली का करइ क जात अहइ।</verse>
				<verse number="26">सात अच्छी गइयन अउ सात अच्छी अनाजे क बालन सात बरिस अहइँ-दुइनउँ सपना एक ही अहइँ।</verse>
				<verse number="27">सात दूबर अउ भद्दी गइयन अउ सात बुरी अनाजे क बालन देस मँ भुखमरी क सात बरिस अहइँ। इ सबइ सात बरिस, बढ़िया, सात बरिस क पाछे अइही।</verse>
				<verse number="28">पमरेस्सर आप क इ देखाइ दिहस ह कि हाली ही का होइवाला अहइ। इ वइसा ही होइ जइसा मइँ कहेउँ ह।</verse>
				<verse number="29">आप क सात बरिस मिस्र मँ अच्छी पइदावार अउ भोजन इफरात होइही।</verse>
				<verse number="30">मुला इ सात बरिस क पाछे पूरे देस मँ भुखमरी क सात बरिस अइही। जउन समूचइ मिस्र मँ पइदा भ अहइ ओका लोग बिसरि जइही। इ अकाल देस क बर्बाद कइ देइ।</verse>
				<verse number="31">काहेकि अकाल ऍतना भयानक होइ कि लोग प्रयाप्त खइया खाइ का होत ह इ बिसरि जाइही।</verse>
				<verse number="32">“हे फिरौन, आपन एक ही बारे मँ दुइ सपना लखे रहेन। इ इ बात क देखावइ बरे भवा कि परमेस्सर फुरइ ही अइसा होइ देइ अउर इ बताएस ह कि परमेस्सर ऍका हाली ही होइ देइ।</verse>
				<verse number="33">ऍह बरे हे फिरौन आप एक अइसा मनई चुनइँ जउन बहोत चुस्त अउ बुध्दिमान होइ। आप ओका मिस्र देस क निगराँकार बनावइँ।</verse>
				<verse number="34">तब आपन दूसर मनई क जनता स भोजन बटोरइ बरे चुनइँ। लोगन क सात अच्छे बरिस मँ जेतॅना अनाज पइदा करइँ, ओकर पाँचवाँ हीसा ओनका देइ चाही।</verse>
				<verse number="35">ओनका हुकुम देइँ कि जउन अच्छे बरिस आवइँ ओहमाँ भोजन बटोरइँ। उ सहरन मँ भोजन क जमा करइँ। तब उ पचे भोजन क रच्छा उ टेम तलक करिही जब ओनकइ जरुरत होइ।</verse>
				<verse number="36">उ भोजन मिस्र देस मँ आवइवाली भुखमरी क सात बरिस मँ मदद करी। तब मिस्त्र मँ सात बरिस मँ लोग भोजन क कमी स मरिही नाहीं।”</verse>
				<verse number="37">फिरौन क इ नीक बिचार मालुम भवा। एहसे सबहि अफसर राजी रहेन।</verse>
				<verse number="38">फिरौन आपन अफसरन स पूछेस, “का तू लोगन मँ स कउनो इ काम क करइ बरे यूसुफ स अच्छा मनई हेरि सकत ह? परमेस्सर क आतिमा इ मनई क फुरइ बुध्दिमान बनाइ दिहस ह।”</verse>
				<verse number="39">फिरौन यूसुफ स कहेस, “परमेस्सर इ सबहि चीजन क तोहका देखॅाएस ह। ऍह बरे तू ही सबन त जियादा बुध्दिमान अहा।</verse>
				<verse number="40">ऍह बरे मइँ तोहका आपन महल क निगराँ आधिकारी बनउब। जनता तोहरे हुकुम क मानी। सिरिफ मइँ राजा ही तोहसे बड़वार रहब।”</verse>
				<verse number="41">एक खास जलसा अउ नुमाइस रही जेहमाँ फिरौन यूसुफ क नवाब बनाएस। तब फिरौन यूसुफ स कहेस, “मइँ अब तोहका पूरे देस क राजा बनावत अहउँ।”</verse>
				<verse number="42">तब फिरौन आपन सरकारी मोहरवाली अंगूठी यूसुफ क दिहस अउ यूसुफ क एक सुन्नर रेसमी ओढ़ना पहिरइ क दिहस। फिरौन यूसुफ क गले मँ एक ठु सोना क हार डाएस।</verse>
				<verse number="43">फिरौन दूसर रथे प यूसुफ क सवार होइ क कहेस। ओकरे रथे क अगवा खास रच्छक चलत रहेन। उ पचे लोगन स कहत रहेन, “हे मनइयो, यूसुफ क निहुरिके पैलगी करा।” इ तरह यूसुफ पूरे मिस्र क राज्जपाल बना।</verse>
				<verse number="44">फिरौन ओसे कहेस, “मइँ सम्राट फिरौन अहउँ। ऍह बरे मइँ जउन करइ चाहब, करब। मुला मिस्र मँ कउनो दूसर मनई हाथ गोड़ नाही हिलाइ सकत ह जब तलक तू ओसे न कहा।”</verse>
				<verse number="45">फिरौन ओका दूसर नाउँ सपन तपानेह दिहस। फिरौन आसनत नाउँ क मेहरारु जउन ओन क पुजारी पोतीपेर क बिटिया रही, यूसुफ क मेहरारु क रुप मँ दिहस। इ तरह यूसुफ समूचइ मिस्र देस क राज्जपल होइ गवा।</verse>
				<verse number="46">यूसुफ उ टेम तीस बरिस क रहा जब उ मिस्र क सम्राट क सेवा करइ लाग। यूसुफ पूरा मिस्र देस मँ जात्रा किह।</verse>
				<verse number="47">अच्छे सात बरिसन मँ देसे मँ पइदावार बहोतइ ढेर क भइ</verse>
				<verse number="48">अउर यूसुफ मिस्र मँ सात बरिस खइया क चीजन क बचाएस। यूसुफ खइया क सहरन मँ बटोरेस। यूसुफ सहर क चारिहु कइँती क खेतन मँ पइदा भवा अनाजे क हर सहर मँ बटोरेस।</verse>
				<verse number="49">यूसुफ बहोत अनाज बटोरेस। इ समुद्दर क बालू क नाईं रहा। उ ऍतना अनाज बटोरेस कि ओकर वजन क भी न कूत कीन्ह जाइ सकइ।</verse>
				<verse number="50">यूसुफ क मेहरारु आसनत ओन क याजक पोतीपेरा क बिटिया रही। भुखमरी क पहिले बरिस क आवइ पहिले युसूफ अउ आसनत क दुइ पूत भएन।</verse>
				<verse number="51">पहिले पूत क नाउँ मनस्से धरा गवा। यूसुफ ओकर इ नाउँ राखेस काहेकि उ बताएस, “मोका जेतना सारे कस्ट भएन अउ घरे क हर बात परमेस्सर मोसे बिसराइ दिहस।”</verse>
				<verse number="52">यूसुफ दूसर पूत क नाउँ एप्रैम रखेस। यूसुफ ओकर नाउँ इ राखेस काहेकि उ बताएस, “मोका बहोतइ दुःख मिला, मुला परमेस्सर मोका हर एक चीज मँ सफलता दिहस।”</verse>
				<verse number="53">सात बरिस तलक लोगन क लगे खाइ बरे उ सब कछू भोजन रहा जेनकइ ओनका जरुरत रही अउर जउन चिजियन ओनका जरुरी रहिन उ सबइ सबहि जमत रहिन।</verse>
				<verse number="54">मुला सात बरिस बाद भुखमरी क दिन सुरु भएन। इ ठीक वइसा ही भवा जइसा यूसुफ कहे रहा। उ पहाँटा क कउनो भी देस मँ अन्न पइदा न भवा। मनइयन क लगे खाइ क कछू न रहा। मुला मिस्र मँ खाइ बरे इफरात रहा, काहेकि यूसुफ अनाज बटोरे रहा।</verse>
				<verse number="55">भुखमरी क टेम सुरु भवा अउ मनइयन भोजन बरे फिरौन क समन्वा रोवइ लागेन। फिरौन मिस्र क मनइयन स कहेस, “यूसुफ स पूछा। उहइ करा जउन उ कहइ क कहत ह।”</verse>
				<verse number="56">ऍह बरे जब देस मँ सब ठउरे प भुखमरी रही, यूसुफ अनाजे क गोदाम स मनइयन क अन्न बाँटेस। यूसुफ बटोरा भवा अन्न क मिस्र क लोगन क बेचेस। मिस्र मँ बहोत भयंकर अकाल रहा।</verse>
				<verse number="57">मिस्र क चारिहु कइँती क देसन क लोग अनाज बेसहइ मिस्र आएन। उ पचे यूसुफ क लगे आएन काहेकि हुआँ संसार क उ हींसा मँ सब ठउरे प भुखमरी रही।</verse>
			</chapter>
			<chapter number="42">
				<verse number="1">इ समइ याकूब क प्रदेस मँ भुखमरी रही। मुला याकूब क इ पता लाग कि मिस्र मँ अनाज अहइ। ऍह बरे याकूब आपन बेटवन स कहेस, “हम लोग हिआँ हाथ प हाथ धरे काहे बइठा अहइ?</verse>
				<verse number="2">मइँ सुनेउँ ह कि मिस्र मँ खरीदइ क अनाज बाटइ। ऍह बरे हम पचे हुआँ चली अउ हुआँ स आपन खाइ क बरे अनाज बेसही, तब हम लोग जिअत रहब, मरब नाहीं।”</verse>
				<verse number="3">ऍह बरे यूसुफ क भाइयन मँ स दस अन्न खरीदइ बरे मिस्र गएन।</verse>
				<verse number="4">याकूब बिन्यामीन क नाही पठएस। (बिन्यामीन यूसुफ क एक ही सगा भाई रहा।) याकूब एह बरे डरा भवा रहा कि बिन्यामीन पइ कउनो तरह क खतरा आवइ सकत ह।</verse>
				<verse number="5">कनान मँ भुखमरी क समइ बहोत खौफनाक रहा। ऍह बरे कनान क बहोत स लोग अन्न बेसहइ मिस्र गएन। ओनही लोगन क संग मँ इस्राएल क पूतन भी रहेन।</verse>
				<verse number="6">इ टेम यूसुफ मिस्र क राज्जपाल रहा। सिरिफ यूसुफ ही रहा जउन मिस्र आवइ वालन लोगन क अन्न बेचइ क हुकुम देत रहा। यूसुफ क भाई ओकरे लगे आएन अउ उ पचे ओकर निहुरिके पैलगी किहेन।</verse>
				<verse number="7">यूसुफ आपन भाइयन क लखेस अउ उ ओनका पहिचान लिहेस कि उ पचे कौन अहइँ। मुला यूसुफ ओनसे इ तरह बात करत रहा जइसे उ ओनका पहिचानत नाही उ ओनके संग कड़ाई स बात किहस। उ कहेस, “तू लोग कहा स आया ह?” भाइयन जवाब दिहन, “हम कनान देस स आए अहइँ। हम पचे अनाज बेसहइ आवा अही।”</verse>
				<verse number="8">यूसुफ ने पहिचान लिहेस कि उ पचे ओकर भाई अहइँ। मुला उ पचे नाहीं जानत रहेन कि उ कउन अहइ?</verse>
				<verse number="9">यूसुफ ओन सपनन क याद किहेस जेनका उ आपन भाइयन क बारे मँ लखे रहा। यूसुफ आपन भाइयन क जासूस कहत ह। यूसुफ आपन भाइयन स कहेस, “तू पचे अनाज बेसहइ नाहीं आया ह। तू लोग जासूस अहा। तू लोग इ पता लगावइ आया ह कि हम कहा कमजोर अही?”</verse>
				<verse number="10">मुला भाइयन ओसे कहेन, “नाही। महोदय! हम तउ आपक सेवक क रुप मँ आइ अही। हम पचे सिरिफ अनाज बेसहइ आइ अही।</verse>
				<verse number="11">हम सबहि लोग भाई अही, हम पचन क एक ही पिता अहइ। हम लोग ईमानदार अही। हम लोग सिरिफ अनाज बेसहइ आइ अही।”</verse>
				<verse number="12">तब यूसुफ ओनसे कहेस, “नाही! तू लोग इ पता लगावइ आया ह कि हम पचे कहाँ कमजोर अही?”</verse>
				<verse number="13">भाइयन कहेन, “नाही! हम सबहिं भाई भाई अही। हमरे परिवारे मँ बारह भाई अहइँ। हम सब क एक ही पिता अहइ। हम लोगन क सब स लहुरा भाई अबहु भी हमरे पिता क संग घरे प बाटइ अउ दूसर भाई बहोत समइ पहिले मरि गवा। हम लोग आप क समन्वा सेवक क नाईं अही। हम लोग कनान देस क अही।”</verse>
				<verse number="14">मुला यूसुफ कहेस, “नाही! मोका पता अहइ कि मइँ ठीक अहउँ। तू भेदिया अहा।</verse>
				<verse number="15">मुला मइँ तू लोगन क इ साबित करइ क मौका देब कि तू लोग फुरइ कहत बाट्या। तू लोग इ जगह तब तलक नाहीं तजि सकत्या जब तलक तू पचन क लहुरा भाई हिआँ नाही आवत।</verse>
				<verse number="16">ऍह बरे तू लोगन मँ स एक ठु लउटइ अउ आपन लहुरे भाई क हिआँ लइ आवइ। उ समइ तलक दूसर हिआँ कैद मँ रइही। हम देखब कि का तू लोग फुरइ बोलत अहा। मुला मोका बिस्सास अहइ कि तू पचे जासूस अहा।”</verse>
				<verse number="17">तब यूसुफ ओन सब क तीन दिना बरे जेल मँ नाईं दिहस।</verse>
				<verse number="18">तीन दिन बाद यूसुफ ओनसे कहेस, “मइँ परमेस्सर क भय मानत हउँ। ऍह बरे मइँ तू लोगन क इ सिद्ध करइ क एक मौका देब कि तू लोग फुरइ बोलत अहा। तू लोग इ काम करा अउर मइँ तू लोगन क जिअइ देब।</verse>
				<verse number="19">अगर तू लोग ईमानदार मनई अहा तउ आपन भाइयन मँ स एक क जेल मँ रहइ द्या। दूसर भाइयन जाइ सकत ही अउ आपन लोगन बरे अनाज लइ जाइ सकत ही।</verse>
				<verse number="20">तब यदि तू आपन सब स लहुरा भाई क लइके हिआँ मोरे लगे आवा। इ तरह मइँ पतियाब कि तू लोग फुरइ बोलत अहा।” भाइयन इ बात क मान लिहन।</verse>
				<verse number="21">उ पचे आपुस मँ बतियानेन “हम पचन क सजा दीन्ह गइ ह। काहेकि हम पचे आपन सब स लहुरा भाई क संग बुरा किहे अही। हम पचे ओकरे मुसीबत क निहारा जेहमाँ उ रहा। उ आपन रच्छा बरे हम पचन स बिनती किहस। मुला हम सबइ ओकर एकहु न सुना। ऍह बरे हम पचे दुःखन मँ अही।”</verse>
				<verse number="22">तब रूबेन ओनसे कहेस, “मइँ तोहसे कहेउँ रहा कि उ लरिका क कछू भी बुरा जिन करा। मुला तू पचे मोरउ एक न सुन्या। ऍह बरे अब हम ओकरी मउत बरे सजा पावत अही।”</verse>
				<verse number="23">यूसुफ आपन भाइयन स बात करइ एक ठु दु भासिया काम लेत रहा। ऍह बरे भाइयन नही जान पाया कि यूसुफ ओनकइ भाखा जानत बाटइ। मुला उ पचे जउन कछू कहत रहेन ओका यूसुफ सुनत अउ समझत रहा। ओनकइ बातन स यूसुफ बहोत दुःखी भवा। ऍह बरे यूसुफ ओनसे अलग हटि गवा अउ रोइ पड़ा। तनिक देर मँ यूसुफ ओनके लगे लउटा। यूसुफ उ भाइयन मँ स सिमौन क धरेस अउ ओका बाँधेस जब कि दूसर भाई लखत रहेन।</verse>
				<verse number="24"></verse>
				<verse number="25">यूसुफ कछू सेवकन क ओनकइ बोरा मँ अनाज भरइ क कहेस। भाइयन इ अनाजे क दाम यूसुफ क दिहन। मुला यूसुफ उ धने क नाही लेइ क फइसला किहस। उ उ धने क ओनकई अनाज क बोरन मँ धरइ बरे सेवकन क हुकम दिहस। तब यूसुफ ओनका उ सबइ चीजन क दिहस, जेनकइ जरुरन ओनकइ घरे तलक लउटइ वाली जात्रा मँ होइ सकत रही।</verse>
				<verse number="26">ऍह बरे भाइयन अनाजे क आपन गदहन प लादेन अउ हुआँ स निकरि पड़ेन।</verse>
				<verse number="27">उ सबइ सबहि भाइयन राति क ठहरेन अउ भाइयन मँ स एक कछू अनाजे बरे आपन बोरा खोलेस अउ उ आपन धन बोरा मँ पाएस।</verse>
				<verse number="28">उ दूसर भाइयन स कहेस, “लखा, जउन दाम मइँ अनाजे बरे चुकाएउँ ह, उ हिआँ अहइ। कउनो मोरे बोरा मँ इ धन लौटाइ दिहे अहइ!” उ सबइ सबहि भाई बहोत जियादा डेराइ गएन। उ पचे आपुस मँ बतियानेन, “परमेस्सर हम पचन क संग का करत अहइ?”</verse>
				<verse number="29">उ सबइ भाई कनान देस मँ आपन पिता याकूब क लगे गएन। उ पचे जउन कछू भवा आपन पिता क बताएन।</verse>
				<verse number="30">उ पचे कहेन, “उ देस क राज्जपाल हम लोगन स बहोत रुखा होइके बोला। उ सोचेस कि हम पचे जासूस अही।</verse>
				<verse number="31">मुला हम लोग कहेन कि ‘हम पचे ईमानदार अही। अउर हम पचे जासूस नाहीं अही।’</verse>
				<verse number="32">हम पचे ओका बतावा कि हम लोग बारह भाई अही। अउर हम लोगन क सब स लहुरा भाई अब भी कनान देस मँ हमार बाप क संग बाटइ। अउर हमार दूसर भाई मरि गवा ह।”</verse>
				<verse number="33">“तब देस क राज्जपाल हम लोगन स इ कहेस, ‘इहइ सिद्ध करइ बरे कि तू ईमानदार अहा इ रस्ता अहइ: आपन भाइयन मँ स एक क हमरे लगे हिआँ छोड़ि द्या। आपन अनाज लइके आपन आपन परिवारन क लगे लउटि जा।</verse>
				<verse number="34">आपन सब स लहुरा भाइ क हमरे लगे लिआवा। तब मइँ समझब कि तू लोग ईमानदार अहा या तू लोग जासूस अहा। जदि तू पचे फुरइ बोलत अहा तउ मइँ तोहरे भाई क तोहका दइ देब। अउर तू लोग हमार देस स अनाज खरीदइ बरे आजाद होइ जाब्या।’”</verse>
				<verse number="35">तब सब भाई आपन बोरन स अनाज लेइ गएन अउ हर एक भाई आपन धने क थइली आपन अनाजे क बोरा मँ पाएस। भाइयन अउर ओनकइ पिता धन क लखेन, अउर उ सबइ बहोत डरि गएन।</verse>
				<verse number="36">याकूब ओनसे कहेस, “का तू लोग चाहत ह कि मइँ आपन सबहि पूतन स हथवा धोइ बइठउँ। यूसुफ मरि गवा, सिमोन भी चलि गवा अउ तू लोग बिन्यामीन क भी मोसे दूरि लइ जावा चाहत ह!”</verse>
				<verse number="37">तब रूबेन आपन पिता स कहेस, “पिता जी आप मोरे दुइनउँ पूतन क मारि डाया जदि मइँ बिन्यामीन क आप क लगे न लउटावउँ। मोहे प बिस्सास करा। मइँ आप क लगे बिन्यामीन क लउटाइ लिआउब।”</verse>
				<verse number="38">मुला याकूब कहेस, “मइँ बिन्यामीन क तू लोगन क संग नाही जाइ देब। ओकर भाई अउर महतारी मरि गवा अहइँ अउर मोर मेहरारु राहेल क उहइ अकेल्ला पूत बचा बाटइ। मिस्र तक क जात्रा मँ जदि ओकरे संग कछू भवा तउ उ होनी मोका मारि डाइ। तू लोग मोका एक दुःख स भवा अउ बूढ़ा मनई क कब्र मँ पठउब्या।”</verse>
			</chapter>
			<chapter number="43">
				<verse number="1">उ देस मँ अकाल बहोत भयंकर रहा।</verse>
				<verse number="2">मनइयन उ सारा अन्न खाइ गएन जउन उ पचे उ सबइ मिस्र स लिआइ रहेन। जब अनाज खतम होइ गवा, याकूब आपन बेटवन स कहेस, “फुन मिस्र जा। हम लोगन क खाइ बरे कछू अउर अनाज बेसहा।”</verse>
				<verse number="3">मुला यहूदा याकूब स कहेस, “उ देस क राजा हम लोगन क चिताउनी दिहस ह। उ कहेस ह, ‘जदि तू लोग आपन भाई क मोरे लगे वापिस नाही लउब्या तउ मइँ तू लोगन स बात करइ स मना भी कइ देब’</verse>
				<verse number="4">जदि तू हम लोगन क संग बिन्यामीन क पठउब्या तउ हम पचे जाब अउ अनाज खरीदब।</verse>
				<verse number="5">अन्यथा, हम लोग नाहीं जाब। उ मनई चिताउनी दिहस कि हम लोग बिन्यामीन के बिना वापस न आइ।”</verse>
				<verse number="6">इस्राएल कहेस, “तू लोग उ मनई स काहे कहया, कि तोहार दूसर भाई भी अहइ। तू पचे मोरे संग अइसी बुरी बात काहे किह्या?”</verse>
				<verse number="7">भाइयन जवाब दिहन, “उ राज्जपाल हुसियारी स हम पचन स प्रस्न पूछेस। उ हम लोगन अउ हम लोगन क परिवार क बारे मँ जानइ चाहत रहा। उ हम लोगन स पूछेस, ‘का तू पचन क पिता अबहि जिउत अहइ? का तू लोगन क दूसर भाई घरे प बाटइ?’ हम लोग सिरिफ ओकरे प्रस्न क जवाब दीन्ह। हम लोग नाही जानत रहे कि उ हमरे दूसर भाई क आपन लगे लइ आवइ क कही।”</verse>
				<verse number="8">तब यहूदा आपन पिता इस्राएल स कहेस, “बिन्यामीन क मोरे संग पठवा। मइँ ओकर देखभाल करब। हम पचे मिस्र जरुर जाब अउ भोजन लिआउब। अगर हम पचे नाहीं जाई तउ हम सबहिं लोग आपन गदेलन क संग मरि जाबइ।</verse>
				<verse number="9">मइँ बिस्सास दियावत अहउँ कि उ सुरच्छित रही। मइँ एकर जिम्मेदार रहब। जदि मइँ ओका तोहरे लगे लउटाइके न लिआवउँ तउ तू सदा बरे मोका दोखी ठहराइ सकत ह।</verse>
				<verse number="10">जदि तू हमका पहिले जाइ दिहे होत्या तउ भोजन बरे हम लोग दुइ जात्रा अबहि तलक कर चुके होतेन।”</verse>
				<verse number="11">तब ओनके पिता इस्राएल कहेस, “अगर इ फुरइ सही अहइ तउ बिन्यामीन क आपन संग लइ जा। मुला राज्जपाल बरे कछू भेंट लइ जा। ओन चीजन मँ स कछू लइ जा जउन हम पचे आपन देस मँ बटोरि सका अही। ओकरे बरे कछू सहद, पिस्ता, बादाम, गोदं अउ लोहबान लइ जा।</verse>
				<verse number="12">इ टेम, पहिले स दुई गुना धन भी लइ ल्या उ धन क भी लइ ल्या जउन पिछली दाईं दिहे क पाछे लउटाइ दीन्ह गवा रहा। होइ सकत ह कि राज्जपाल स गलती भइ ह।</verse>
				<verse number="13">बिन्यामीन क संग ल्या अउ उ मनई क लगे लइ जा।</verse>
				<verse number="14">मइँ पराथना करत हउँ कि सर्वसक्तिमान परमेस्सर तू पचन क उ टेम मदद करी जब तू उ राज्जपाल क समन्वा ठाड़ होब्या। मइँ इ पराथना भी करत हउँ कि उ बिन्यामीन अउ सिमोन क भी सुरच्छित आवइ देइ। अगर नाही तउ मइँ आपन पूतन स वंचित होइ जाब।”</verse>
				<verse number="15">ऍह बरे भाइयन राजा क देइ बरे भेंट लिहन अउ उ पचे जेतॅना धन पहिले लिहे रहेन ओकर दुइ गुना आपन साथ लिहन। बिन्यामीन भाइयन क संग मिस्र गवा।</verse>
				<verse number="16">मिस्र मँ यूसुफ ओनके संग बिन्यामीन क लखेस। यूसुफ आपन सेवक स कहेस: “ओन मनइयन क मोरे घरे लिआवा। एक ठु जनावर मारा अउ पकावा। उ सबइ मनई क आजु दुपहरिया मोरे संग भोजन करइ द्या।”</verse>
				<verse number="17">नउकर क जइसा कहा गवा रहा वइसा किहस। उ ओन मनइयन क यूसुफ क घर लइ गवा।</verse>
				<verse number="18">भाई लोग ससान रहेन जब उ सबइ यूसुफ क घर गएन। उ पचे कहेन, “हम पचे हिआँ उ धन बरे लिआवा ग अही जउन पिछली दाईं हम लोगन क बोरन मँ रखि दीन्ह ग रहा। उ पचे ऍका हम लोगन क बिरुद्ध प्रयोग करिही। तब उ पचे हम पचन क गदहन क लइ लेइहीं अउ हम लोगन क गुलाम बनइहीं।”</verse>
				<verse number="19">ऍह बरे यूसुफ क घरे क देख रेख करइवाला नउकर क लगे सबहि भाई गएन।</verse>
				<verse number="20">उ पचे कहेन, “महोदय हम सपथ लइके कहत हउँ कि पिछली दाईं हम लोग हिआँ भोजन खरीदइ बरे आए रहेन।</verse>
				<verse number="21">घर लउटत समइ हम पचे आपन बोरन क खाली कीन्ह अउ हर एक बोरा मँ आपन धन पावा। हम पचे नाहीं जानत रहेन कि ओनमाँ धन कइसे पहोंचा। मुला हम उ धन आप क लउटावइ बरे साथ लाए अहइँ अउ इ समइ हम लोग जउन अनाज बेसहइ चाहित ह ओकरे बरे धन लाए अही”</verse>
				<verse number="22"></verse>
				<verse number="23">नउकर जवाब दिहस, “डेराअ जिन, मोहे प पतिआ। तोहरे पिता क परमेस्सर तू लोगन क धन क तोहरे बोरवन मँ भेंट क रुप मँ धरे होइ। मोका सुमिरन अहइ कि तू लोगन पिछली दाईं अनाज क दाम मोका दइ दिहे रह्या।” तब नउकर सिमौन क जेल स बाहेर लिआवा।</verse>
				<verse number="24">नउकर ओन लोगन क यूसुफ क घरे लइ गवा। उ ओनका पानी दिहस अउ उ पचे आपन गोड़ पखारेन। उ ओनके गदहन क खाइ बरे चारा दिहस।</verse>
				<verse number="25">भाइयन सुनेन कि यूसुफ क संग खइया क खइही। ऍह बरे ओकर भाई आपन भेंट तइयार करइ मँ उ पचे दुपहर तलक लगा रहेन।</verse>
				<verse number="26">यूसुफ आपन घर गवा अउ भाइयन ओका भेंट दिहन जउन उ पचे आपन संग लइ आए रहेन। तब उ पचे धरती प निहुरिके पैलगी किहन।</verse>
				<verse number="27">यूसुफ ओनकइ कुसल पूछेस। यूसुफ कहेस, “तू पचन क बुढ़वा पिता जेकरे बारे मँ तू लोगन क बताया, ठीक तउ अहइ? का उ अब तलक जिउत अहइ?”</verse>
				<verse number="28">भाइयन जवाब दिहेन, “हम पचन क बाप नीक अहइँ।” उ सबइ अब तलक जिउत अहइँ अउर उ पचे फुन यूसुफ क समन्वा निहुरेन। यूसफ आपन भाई बिन्यामीन स मिलत ह</verse>
				<verse number="29">तब यूसुफ आपन बिन्यामीन क लखेस। (बिन्यामीन अउ यूसुफ क एक ही महतारी रहिन।) यूसुफ केहस, “का इ तू लोगन क सब स लहुरा भाई अहइ जेकरे बारे मँ तू बताए रह्या” तब यूसुफ बिन्यामीन स कहेस, “परमेस्सर तोह प कृपालु होइ।”</verse>
				<verse number="30">तब यूसुफ कमरा स बाहेर दौड़ि गवा। आपन भाइ बिन्यामीन क सहानुभूति मँ बेकाबू होइ गवा रहेन। ऍह बरे उ रोवइ वास्ते गुप्त ठउर खोजेस। उ आपन कमरा मँ गवा अउर हुवाँ रोवा।</verse>
				<verse number="31">तब यूसुफ आपन मुँह धोएस अउ बाहेर आवा। उ आपन आप पइ काबू रखेस अउर कहेस, “अब खइया क खाइके टेम बाटइ।”</verse>
				<verse number="32">यूसुफ अकेले एक ठु मेज प खइया खाएस। ओकर भाइयन दूसर मेज प एक साथ भोजन किहन। मिस्र क लोगन दूसर मेज प एक संग खाएन। ओनकइ बिस्सास रहा कि ओनके बरे इ ठीक नाही कि उ पचे हिब्रू लोगन क संग खाइँ।</verse>
				<verse number="33">अब उ पचन्क यूसुफ क समन्वा मेज पइ पहलोठा स लइ क सबन त छोटा क तरतीब मँ बइठा गवा रहेन। ऍह बरे सबइ भाइयन अचरज करत भए रहेन।</verse>
				<verse number="34">नउकर लोग यूसुफ क मेज प ओनका भोजन लइ जात रहेन। मुला अउरन स अपेच्छा नउकर लोग बिन्यामीन क पाँच गुना बेसी दिहन। यूसुफ क संग उ सबहि भाई तब तलक खात रहेन अउ दाखरस पिअत रहेन जब तलक उ पचे नसा मँ मस्त नाही होइ गएन।</verse>
			</chapter>
			<chapter number="44">
				<verse number="1">तब यूसुफ आपन नउकरन क जउन कि घर क निगराँकार रहेन। हुकुम दिहेस। यूसुफ कहेस, “ओन मनइयन क बोरियन मँ ऍतना अनाज भरि द्या जेतॅना उ पचे लइ जाइ सकइँ। तउ हर एक मनइयन क पैसा ओकरे बोरा मँ उपर रख द्या।</verse>
				<verse number="2">मुला सब स लहुरा भाई क बोरा मँ उपर ओकरे आनाज क पैसा क संग मोर चाँदी क पियाला भी रख द्या।” नउकर यूसुफ क हुकुम पूरा किहस।</verse>
				<verse number="3">दूसर दिन भिन्सारे सब भाई लोग आपन गदहन क संग अपने देस क वापिस पठइ दीन्ह गएन।</verse>
				<verse number="4">जब उ पचे सहर बाहर कछू ही दूर गए रहेन तउ यूसुफ आपन नउकर क हुकुम दिहेस, “जा अउर ओन लोगन क पाछा करा। ओनका रोका अउ ओनसे कहा, ‘हम लोग आपन लोगन बरे नीक रह्या! मुला आप सबन हम लोगन बरे बुरा काहे रहे?</verse>
				<verse number="5">हमार मालिक यूसुफ इहइ पियाला स पिअत ही। उ पचे राज क बात जानइ बरे इहइ पियाला क प्रयोग करत ह। इ पियाला क चोराइके आप लोगन काहे अपराध किहेन?’”</verse>
				<verse number="6">ऍह बरे नउकर हुकुम क मानेस। उ सवार होइ के भाइयन तलक गवा अउ ओनका रोकेस। नउकर ओनसे उ ही बातन किहेस जउन यूसुफ ओनसे कहइ बरे कहे रहा।</verse>
				<verse number="7">मुला भाइयन नउकर स कहेन, “राज्जपाल अइसी बातन काहे कहत हीं? हम पचे अइसा अपराध कबँहू नाहीं करब!</verse>
				<verse number="8">लखा हम पचे उ पैसा कनान देस लउटाइके लाए रहेन जउन पहिले हम लोगन क आपन बोरन मँ मिला रहा। एह बरे हम लोगन तोहार मालिक क घरे स चाँदी या सोना नाही चोरावइ चाही।</verse>
				<verse number="9">जदि आपन कउनो बोरा मँ चाँदी क उ पियाला पाइ जाइँ तउ उ मनई क मारि दीन्ह जाइ। तू ओका मार सकत ह अउर हम लोग तोहार नउकर होब।”</verse>
				<verse number="10">नउकर कहेस, “जइसा तू कहत ह हम वइसा ही करब, मुला मइँ उ मनई क मारब नाही। जदि मोका चाँदी क पियाला मिली तउ उ मनई मोर नउकर होइ। दूसर भाई लोग जाइ बरे अजाद होइहीं।”</verse>
				<verse number="11">तब सब भाई आपन आपन बोरा क हाली हाली भुइयाँ प खोलेन।</verse>
				<verse number="12">नउकर बोरन मँ लखब सुरु किहेस। उ सब स जेठ भाई स सुरु किहस अउ सब स लहुरा भाई प खतम किहस। उ बिन्यामीन क बोरा मँ पियाला पाएस।</verse>
				<verse number="13">सबइ भाई लोग बहोत दुःखी भएन। ऍह बरे उ पचे आपन ओढ़ना फारि डाएन। तउ आपन आपन गदहन पइ बोरन क लादेन अउर सहर क लउट पड़ेन।</verse>
				<verse number="14">यहूदा अउ ओकर भाई यूसुफ क घर लौटि गएन। यूसुफ तब तलक हुआँ रहा। भाइयन भुइँया तलक निहुरिके प्रणाम किहेन।</verse>
				<verse number="15">यूसुफ ओनसे कहेस, “तू पचे इ काहे किहा? का तू लोगन क पता नाही अहइ कि छिपी बातन क फरियावइ क मोर खास ढंग बाटइ। मोहसे बढ़िके अच्छी तरह कउनो दूसर इ नाही कइ सकत।”</verse>
				<verse number="16">यहूदा कहेस, “महोदय, हम पचन क कहइ बरे कछू नाही अहइ। ऍका फरियावइ क कउनो दूसर तरीका नाही बा। इ देखावइ क कउनो तरीका नाही बा कि हम पचे अपराधी नाहीं अही। हम पचे अउर कछू किहे होइ जेकरे बरे परमेस्सर हमका अपराधी ठहराएस ह। एह बरे, हम सबहिं बिन्यामीन क साथ, आपका दास होब।”</verse>
				<verse number="17">मुला यूसुफ कहेस, “मइँ तू पचन्क सबहि क आपन दास न बनाउब। सिरिफ उहइ मनई जेकर बोरा मँ पियाला पावा गवा रहा, मोर दास होइ। तू दूसर लोग आपन पिता क लगे जाइ बरे अजाद अहइँ।”</verse>
				<verse number="18">तब यहूदा यूसफ क लगे गवा अउ उ कहेस, “महोदय, मेहरबानी कइके मोका खुद आपसे साफ कहि लेइ द्या। कृपा कइके मोसे नाखुस न ह्वा। मइँ जानत अहउँ कि आप खुद फिरौन जइसे अहइँ।</verse>
				<verse number="19">जब हम लोग पहिले हिआँ आए रहे, आप पूछे रहेन कि ‘का तोहार पिता या भाई अहइँ?’</verse>
				<verse number="20">अउर हम आप क जवाब दीन्ह, ‘हमरे एक ठु पिता अहइँ, उ बुढ़ान अहइँ अउ हम लोगन क एक लहुरा भाई अहइ। हमार पिता ओसे बहोत ज्यादा पियार करत हीं काहेकि ओकर जन्म ओकरे बुढ़ापे मँ भवा रहा, अउर लहुरा बेटवा क भाई मरि गवा एह बरे इ सिरिफ अकेला बचा अहइ जउन उ मेहरारु स जनमे रहा। हम पचन क पिता ओका बहोत पियार करत हीं।’</verse>
				<verse number="21">तब आप हमसे कहे रहेन, ‘उ भाई क मोरे लगे लिआवा। मइँ ओका लखइ चाहत हउँ।’</verse>
				<verse number="22">अउ हम लोग कहे रहे, ‘इ नान्ह लरिका नाही आइ सकत। उ आपन बाप क नाही तजि सकत। अगर ओकरे पिता क ओसे हाथ धोवइ पड़इ तउ ओकर पिता ऍतना दुःखी होइ कि उ मरि जाइ।’</verse>
				<verse number="23">मुला आप हमसे कहेन, ‘तू लोग आपन छोटका भइया क जरुर लिआवा, नाही तउ मइँ फुन तू लोगन क हाथे अनाज न बेचब।’</verse>
				<verse number="24">ऍह बरे हम लोग आपन पिता क लगे लउटे अउ आप जउन कछू कहेन, ओनका बतावा।</verse>
				<verse number="25">“पाछे हम पचन क पिता कहेन, ‘फुन जा अउ हम लोगन बरे कछू अउर अन्न खरीदा।’</verse>
				<verse number="26">हम लोग ओसे कहा, ‘हम लोग आपन सब स लहुरा भाई क बिना नाही जाइ सकित। राज्जपाल कहेस ह कि उ तब तलक हम लोगन क अनाज नाहीं बेची जब तलक उ हमरे सबन त लहुरे भइया क नाही लखि लेत।’</verse>
				<verse number="27">तब मोर पिता हम लोगन स कहेस, ‘तू लोग जानत ह कि मोर मेहरारु राहेल मोका दुइ पूत दिहस।</verse>
				<verse number="28">मइँ एक पूत क दूरी जाइ दिहेउँ अउ ओका जंगली जनावर मारि डाएन अउ तब स मइँ ओका नाही लखेउँ ह।</verse>
				<verse number="29">अगर तू पचे मोर पूत क मोसे दूर लइ जाइ चाहत बाट्या अउ ओका कछू होइ जात ह तउ मोका ऍतना दुःख होइ कि मइँ मरि जाब।’</verse>
				<verse number="30">ऍह बरे अब हम लोग आपन छोटका भाई क बिना घरे जाब तब हम पचन क पिता क इ निहारइ क पड़ी। उ छोटका बेटवा हमरे पिता क जिन्नगी मँ सबसे बेसी मानता रखत ह।</verse>
				<verse number="31">जब उ पचे लखिही छोटका बेटवा हम लोगन क संग नाहीं अहइ उ पचे मरि जइही अउर इ हम लोगन क दोख होइ। हम पचे आपन पिता क घोर दुःख अउ मउत क कारण होइ जाब।</verse>
				<verse number="32">“मइँ छोटके बेटवा क जिम्मेदारी लीन्ह ह। मइँ आपन पिता स कहेउँ, ‘जदि मइँ ओका आप क लगे लउटाअइके न लावउँ तउ आप सारी जिन्नगी भइ मोका दोखी ठहराइ सकत हीं।’</verse>
				<verse number="33">ऍह बरे मइँ आप स माँगत अहउँ, अउर आप पराथना करत हउँ कि कृपा कइके छोटके लरिका क आपन भाइयन क संग लौटि जाइ देइँ अउ मइँ हिआँ रुकब अउ आप क दास होब।</verse>
				<verse number="34">मइँ आपन पिता क लगे लौट नाही सकत जदि हमरे संग छोटका भाई नाही रही। मइँ इ बात स बहोत ससान अहउँ कि मोरे बाप क संग का घटी।”</verse>
			</chapter>
			<chapter number="45">
				<verse number="1">यूसुफ आपन क अउर जियादा न संभारि सका। उ हुआँ हाजिर सबहि लोगन क समन्वा रोइ पड़ा। यूसुफ कहेस, “हर एक स कहा कि हिआँ स हट जाइँ।” ऍह बरे सबहिं लोग चला गएन। सिरिफ ओकर भाई ही यूसुफ क संग रहि गएन। तब यूसुफ ओनका बताएस कि उ कउन अहइ।</verse>
				<verse number="2">यूसुफ रोवत रहा, अउर फिरौन क महल क सब मिस्र क मनइयन सुनेन।</verse>
				<verse number="3">यूसुफ आपन भाइयन स कहेस, “मइँ आप लोगन क भाई यूसुफ अहउँ। का मोर पिता अब भी जीवित अहइँ?” मुला भाइयन ओका जवाब नाही दिहेन। उ पचे डेरान अउ उलझन मँ रहेन।</verse>
				<verse number="4">ऍह बरे यूसुफ आपन भाइयन स फुन कहेस, “मोरे लगे आवा।” ऍह बरे यूसुफ भाई क निअरे गएन अउ यूसुफ ओनसे कहेस, “मइँ आप लोगन क भाई यूसुफ अहउँ। मइँ उहइ अहउँ जेका मिस्री लोगन क हाथे आप लोग गुलाम क रुप मँ बेचे रहेन।</verse>
				<verse number="5">अब परेसान न होइ। आप लोग आपन किहे भए पइ गुस्सा न करइँ। उ तउ मोरे बरे परमेस्सर क योजना रही कि मइँ हिआँ आवउँ। मइँ हिआँ तू लोगन क जिन्नगी बचावइ बरे आवा हउँ।</verse>
				<verse number="6">इ खौफनाक भुखमरी क समइ दुइ बरिस ही अबहि बीता अहइ अउर अबहि पाँच बरिस बे पौध लगावइ या उपज क अइही।</verse>
				<verse number="7">ऍह बरे परमेस्सर तू लोगन स पहिले मोका हिआँ पठएस जेहसे मइँ इ देस मँ तू लोगन क बचाइ सकउँ।</verse>
				<verse number="8">इ आप लोगन क दोख नाही रहा कि मइँ हिआँ पठवा गवा। इ परमेस्सर क योजना रही। परमेस्सर मोका फिरौन बरे पिता क समान बनाएस। ताकि मइँ ओकर सारा घर अउ समूचइ मिस्र क राज्जपाल बनि सकउँ।”</verse>
				<verse number="9">यूसुफ कहेस, “ऍह बरे हाली मोरे पिता क लगे जा। मोरे पिता स कहा कि ओकर पूत यूसुफ इ सँदेसा पठएस ह। ‘परमेस्सर मोका समूचइ मिस्र क राज्जपाल बनाएस ह। मोरे लगे आवइँ। इन्तजार न करइँ। अबहि आवइँ।</verse>
				<verse number="10">आप मोरे निचके गोसेन प्रदेस मँ रइही। आप क, आप क बेटवन क, आप क सबहि जनावरन अउ झुण्ड क सुआगत अहइ।</verse>
				<verse number="11">भुखमरी क अगले पाँच बरिस मँ मइँ आप क देखरेख करब। इ तरह आप क अउ आप क परिवारे क जउन चीजन अहइँ ओनसे आप क हाथ धोवइ क न होइ।’”</verse>
				<verse number="12">“अब आप लोग निस्चित रुप स लख सकत अहइँ कि इ फुरइ मइँ ही यूसुफ अहइँ अउर आप लोगन क भाई बिन्यामीन जानत ह कि इ मइँ ही आप लोगन क भाई अहउँ जउन आप लोगन स बात करत हउँ।</verse>
				<verse number="13">ऍह बरे मोरे पिता स मोका मिस्र क जउन सम्मान प्राप्त अहइ क बारे मँ कहइँ। आप लोगन जउन हिआँ लखेन ह उ हर एक चीज क बारे मँ मोरे पिता क बतावइँ। अब हाली करा अउ मोरे पिता क लइके मोरे लगे लौटा।”</verse>
				<verse number="14">तब यूसुफ आपन भाई बिन्यामीन क गले लगाएस अउ रोइ पड़ा अउ बिन्यामीन भी रोइ पड़ा।</verse>
				<verse number="15">तब यूसुफ सबहि भाइयन क चूमेस अउ ओन कइ बरे रोइ पड़ा। ऍकरे पाछे भाई ओकरे संग बतियाइ लागेन।</verse>
				<verse number="16">फिरौन क पता लाग कि यूसुफ क भाई ओकरे पास आवा अहइँ। इ खबर फिरौन क पूरे महल मँ सँचर गइ। फिरौन अउ ओकर नउकर इ बारे मँ बहोत खुस भएन।</verse>
				<verse number="17">ऍह बरे फिरौन यूसुफ स कहेस, “आपन भाइयन स कहा कि ओनका जेतना खइया क चाही, लइ लेइँ अउ कनान देस क लौटि जाइँ।</verse>
				<verse number="18">आपन भाइयन स कहा कि उ पचे आपन पिता अउ आपन परिवार क लइके हिआँ मोरे लगे आवइँ। मइँ तोहका रोजी बरे मिस्र मँ बढ़िया धरती देब अउ तोहार परिवार सब स अच्छा खइया क खाइ जउन हमरे लगे हिआँ अहइ।”</verse>
				<verse number="19">तब फिरौन कहेस, “हमरी सबन त बढ़िया गाडिंयन मँ स कछू आपन भाइयन क द्या। ओनका कनान जाइ अउ गाड़ियन मँ स आपन पिता, मेहररुअन अउ गदेलन क हिआँ आवइ द्या।</verse>
				<verse number="20">ओनकी सबइ चिजियन क हिआँ लावइ बारे मँ चिन्ता जिन करा। हम ओनका मिस्र मँ जउन सबन त बढ़िया अहइ, देब।”</verse>
				<verse number="21">ऍह बरे इस्राएल क पूतन इहइ किहेन। यूसुफ फिरौन क बचन क मुताबिक नीक गाडड़िन क दिहस अउ यूसुफ जात्रा बरे ओनका भरपूर भोजन दिहस।</verse>
				<verse number="22">यूसुफ हर एक भाई क एक एक जोड़ा सुन्नर ओढ़ना दिहस। मुला अउ यूसुफ बिन्यामीन क पाँच जोड़ा सुन्नर ओढ़ना दिहस यूसुफ बिन्यामीन क तीन सौ चाँदी क सिवका भी दिहस।</verse>
				<verse number="23">यूसुफ आपन पिता क भेंट पठएस। उ मिस्र स बहोत स बढ़िया चीजन स भरा बोरन स लदा दस ठु गदहन क पठएस अउ उ आपन पिता बरे अनाज, रोटी अउ दूसर भोजन स लदी भइ दस ठु गदहियन क ओनकी वापसी जात्रा बरे पठएस।</verse>
				<verse number="24">तब यूसुफ आपन भाइयन क जाइ बरे कहेस। जब उ पचे जाइ क रहेन यूसुफ ओनसे कहेस, “सोझइ घरेजा अउ रस्ता मँ जिन लड्या।”</verse>
				<verse number="25">इ तरह भाइयन मिस्र क तजेन अउ कनान देस मँ आपन पिता क लगे गएन,</verse>
				<verse number="26">भाइयन ओनसे कहेन, “पिता जी यूसुफ अबहि जिअत अहइ अउ उ पूरा मिस्र देस क राजा अहइ।” ओनकइ पिता असमंजस मँ पड़ि गवा। उ ओन पइ नाही पतियान।</verse>
				<verse number="27">मुला यूसुफ जउन बातन क कहे रहा, भाइयन हर एक बात आपन पिता स कहेन। तब याकूब ओन गाड़ियन क लखेस जेनका यूसुफ मिस्र क वापसी जात्रा बरे पठए रहा। तब याकूब भाव बिभोर होइ गवा अउ बहो बहोतइ खुस भवा।</verse>
				<verse number="28">इस्राएल कहेस, “अब मोका बिस्सास अहइ कि मोर पूत यूसुफ अबहि जिअत अहइ। मइँ मरइ स पहिले ओका देखइ जात अहउँ।”</verse>
			</chapter>
			<chapter number="46">
				<verse number="1">ऍह बरे इस्राएल मिस्र क आपन जात्रा सुरु किहस। पहिले इस्राएल बेर्सेबा पहोंचा। हुआँ इस्राएल आपन पिता इसहाक क परमेस्सर क आराधना अउर बलि भेंट किहस। उ बलि दिहेस।</verse>
				<verse number="2">राति मँ परमेस्सर इस्राएल स सपना मँ बोला। परमेस्सर कहेस, “याकूब, याकूब” अउ इस्राएल जवाब दिहेस, “मइँ हिआँ अहउँ।”</verse>
				<verse number="3">तब परमेस्सर कहेस, “मइँ यहोवा तोहरे बाप क परमेस्सर अहउँ। मिस्र जाइ स डेराअ जिन। मिस्र मँ मइँ तोहका महान रास्ट्र बनाउब।</verse>
				<verse number="4">मइँ तोहरे संग मिस्र चलब अउ मइँ तोहका फुन मिस्र मँ स बाहेर निकारि लाउब। तू मिस्र मँ मरिब्या। मुला यूसुफ तोहरे संग रही। जब तू मरब्या तउ उ खुद आपन हाथन स तोहार आँखी बन्द करी।”</verse>
				<verse number="5">तब याकूब बेर्सेबा तजेस अउ मिस्र तलक जात्रा किहस। ओकर बेटवन, अर्थात इस्राएल क बेटवन अउ बाप, आपन मेहररुअन अउ आपन सबहि बच्चन क मिस्र लइ गएन। उ पचे फिरौन क जरिये पठई गइन गाड़ियन मँ जात्रा किहेन।</verse>
				<verse number="6">ओनके लगे, ओनकइ गोरु अउ कनान देस मँ ओनका आपन जउन कछू रहा, उ भी संग रहा। इ तरह इस्राएल आपन सबहि लरिकन अउ आपन परिवारे क संग मिस्र गवा।</verse>
				<verse number="7">ओकरे संग ओकर बेटवन अउ बिटियन अउ पोतन अउर पोतिन रहिन। ओकर सारा परिवार ओकरे संग मिस्र गवा।</verse>
				<verse number="8">इ इस्राएल क ओन पूतन अउ परिवारन क नाउँ अहइँ जउन ओकरे संग मिस्र गएन। रूबेन याकूब क पहिला पूत रहा।</verse>
				<verse number="9">रूबेन क पूत रहेन: हनोक, पललू, हेस्रोन अउ कर्म्मी।</verse>
				<verse number="10">सिमोन क पूत: यमूएल, यामीन, ओहद, याकीन अउ सोहर। हुआँ साऊल भी रहा। (साऊल कनानी मेहरारु स पइदा भवा रहा।)</verse>
				<verse number="11">लेवी क बेटवन: गोर्सोन, कहात अउ मरारी</verse>
				<verse number="12">यहूदा क पूतन: एर, ओनान, सेला, पेरेस अउ जेरह। (एर अउ ओनान कनान मँ रहत समइ मर ग रहेन।) पेरेस क पूतन: हेस्रोन अउ हामूल।</verse>
				<verse number="13">इस्साकार क पूतन: तोला, पुब्बा, योब अउ सिम्रोन।</verse>
				<verse number="14">जबूलून क पूतन: सेरेद, एलोन, अउ यहलेल।</verse>
				<verse number="15">रूबेन, सिमोन लेवी, यहूदा, इस्साकार अउ जबूलून जउन याकूब क मेहरारु लिआ क पूतन रहेन। लिआ क उ पूतन पद्दन-अराम मँ रहेन अउर ओकर संग दीना नाउँ क एक ठु बिटिया भी रही। इ परिवारे मँ तैंतीस मनई रहेन।</verse>
				<verse number="16">गाद क पूतन: सिय्योन, हाग्गी, सूनी, एसबोन, एरी, अरोदी, अउर अरेली।</verse>
				<verse number="17">आसेर क पूतन: यिम्ना, यिस्वा, यिस्वी, बरीआ अउ ओनकइ बहिन सेरह अउ बरीआ क पूतन: हेबेर अउ मल्कीएल रहेन।</verse>
				<verse number="18">इ सबइ याकूब क मेहरारु क दासी जिल्पा स ओकरे पूत रहेन। (जिल्पा लाबान क दुआरा ओकरे बिटिया लिआ क दीन्ह गवा रहेन।) इ परिवारे मँ सोलह मनई रहेन।</verse>
				<verse number="19">याकूब क संग ओकर मेहरारु राहेल स पइदा भवा पूत बिन्यामीन भी रहा। (यूसुफ भी राहेल स पइदा रहा, मुला उ पहिले स ही मिस्र मँ रहा।)</verse>
				<verse number="20">मिस्र मँ यूसुफ क दुइ पूतन रहेन, मनस्से अउ एप्रैम। (यूसुफ क मेहरारु ओन क याजक पोतीपेरा क बिटिया आसनत रही।)</verse>
				<verse number="21">बिन्यामीन क पूत: बेला, बेकेर, अस्बेल, गेरा, नामान, एही, रोस, मुप्पीम, हुप्पीम अउ आर्द।</verse>
				<verse number="22">उ पचे याकूब क मेहरारु राहेल स पइदा भए ओकर दुइ पूत रहेन। इ परिवार मँ चौदह मनई रहेन।</verse>
				<verse number="23">दान क पूत: हूसीम।</verse>
				<verse number="24">नप्ताली क पूतन: यहसेल, गूनी, सेसेर, अउर सिल्लेम।</verse>
				<verse number="25">उ पचे याकूब अउ बिल्हा क पूत रहेन। (बिल्हा राहेल क नउकरानी रही। जेका लाबन ओका दिहे रहेन) इ परिवारे मँ सात मनई रहेन।</verse>
				<verse number="26">इ तरह याकूब क सन्तानन मिस्र मँ पहोंचिन। ओनमाँ छाछठ ओकर सोझ संतान रहिन। (इ गनती मँ याकूब क बेटवन क मेहरारुअन सामिल नाही रहिन।)</verse>
				<verse number="27">यूसुफ क भी दुइ पूत रहेन। उ पचे मिस्र मँ पइदा भ रहेन। इ तरह मिस्र मँ याकूब क परिवार मँ सत्तर मनई रहेन।</verse>
				<verse number="28">इस्राएल पहिले यहूदा क यूसुफ क लगे पठएस। यहूदा गोसेन प्रदेस मँ यूसुफ क लगे गवा। जब इस्राएल अउ ओकर लोग उ प्रदेस मँ गएन।</verse>
				<verse number="29">यूसुफ क पता लाग कि ओकर पिता नगिचे आवत अहइ। ऍह बरे यूसुफ आपन रथ तइयार कराएस अउ आपन पिता इस्राएल स गोसेन मँ भेटंइ चला। जब यूसुफ आपन पिता क लखेस तब उ ओकरे गटइया स लपटि गवा अउ देर तलक रोवत रहा।</verse>
				<verse number="30">तब इस्राएल यूसुफ स कहेस, “अब मइँ सान्ति स मरि सकत हउँ। मइँ तोहार मुँह देखि लिहेउँ ह अउर मइँ जानत हउँ कि तू अबहि जिअत अहा।”</verse>
				<verse number="31">यूसुफ आपन भाइयन अउ आपन पिता क परिवार स कहेस, “मइँ जाब अउ फिरौन स कहब कि मोरे पिता हिआँ आइ ग अहइँ। मइँ फिरौन स कहब, ‘मोर भाइयन अउ मोर पिता क परिवार कनान देस तजि दिहे अहइ अउर हिआँ मोरे लगे आइ ग अहइँ।</verse>
				<verse number="32">इ गड़रिया क परिवार अहइ। उ पचे हमेसा गोरु अउ खरका राखे अहइँ। उ पचे आपन सबहि जनावर अउ ओनकइ जउन कछू आपन अहइ ओका आपन संग लइ आए अहइँ।’</verse>
				<verse number="33">जब फिरौन आप लोगन क बोलइही अउ आप लोगन स पूछिही, ‘आप लोग का काम करत ही?’</verse>
				<verse number="34">आप लोग ओनसे कहया, ‘हम पचे गड़रिया अही। हम सबइ पूरी जिन्नगी जनावरन क देखरेख मँ बितावा ह। हम लोगन स पहिले हमार पुरखन भी अइसे रहेन।’ तब फिरौन तू लोगन क गोसेन प्रदेस मँ रहइ क आग्या दइ देइ। मिस्र क लोग गड़रिया क पसन्द नाही करतेन, ऍह बरे बढ़िया उहइ होइ कि आप लोग गोसेन मँ ही ठहरइँ।”</verse>
			</chapter>
			<chapter number="47">
				<verse number="1">यूसुफ फिरौन क लगे गवा अउ उ कहेस, “मोर पिता, मोर भाई अउ ओनके सबहि परिवार हिआँ आइ ग अहइँ। उ सबइ आपन सबइ जनावर तथा कनान मँ ओनकइ आपन जउन कछू रहा, ओकरे संग अहइ। इ टेम उ सबइ गोसेन प्रदेस मँ अहइँ।”</verse>
				<verse number="2">यूसुफ आपन भाइयन मँ स पाँच क फिरौन क समन्वा हाजिर होइ बरे चुनेस।</verse>
				<verse number="3">फिरौन भाइयन स पूछेस, “तू लोग का काम करत अहा?” भाइयन फिरौन स कहेन, “महोदय, हम पचे गड़रिया अही। हम लोगन स पहिले हमार पुरखन भी गड़रिया रहेन।”</verse>
				<verse number="4">उ पचे फिरौन स कहेन, “कनान मँ भुखमरी क इ टेम बहोत बुरा बाटइ। हम लोगन क गोरुअन क घास वाला कउनो खेत बचा नाही रहि गवा बाटइ। ऍह बरे हम लोग इस देस मँ बसइ आवा अही। आप से हम पचे बिनती करत अही कि आप कृपा कइके हम लोगन क गोसेन प्रदेस मँ रहइ देइँ।”</verse>
				<verse number="5">तब फिरौन यूसुफ स कहेस, “तोहरे पिता अउ तोहार भाई तोहरे लगे आवा अहइँ।</verse>
				<verse number="6">तू मिस्र मँ कउनो भी जगह ओनके रहइ बरे चुन सकत ह। आपन पिता अउ आपन भाइयन क सबसे अच्छी भुइँया द्या। ओनका गोसेन पहटा मँ रहइ द्या अउ अगर उ सबइ कुसल गड़रिया अहउँ, तउ उ पचे मोरे जनावरन क भी देख भाल कइ सकत ही।”</verse>
				<verse number="7">तब यूसुफ आपन पिता याकूब क भितरे फ़िरौन क समन्वा बोलाएस। याकूब फिरौन क आसीर्बाद दिहस।</verse>
				<verse number="8">तब फिरौन याकूब स पूछेस, “आप क उमिर का अहइ?”</verse>
				<verse number="9">याकूब फिरौन स कहेस, “बहोत स कस्टन क संग मोर छोटी जिन्नगी रही। मइँ सिरिफ एक सौ तीस बरिस जिन्नगी बिताएउँ ह। मोर पिता अउ ओनके पुरखन मोसे बेसी उमिर तक जिअत रहेन।”</verse>
				<verse number="10">याकूब फिरौन क आसीर्बाद दिहस। तब फिरौन स बिदा लेइके चल दिहस।</verse>
				<verse number="11">यूसुफ फिरौन क हुकुम मानेस। उ आपन पिता अउ भाइयन क मिस्र मँ भुइँया दिहस। इ रामसेस सहर क निअरे मिस्र मँ सबसे बढ़िया भुइँया रही।</verse>
				<verse number="12">यूसुफ आपन पिता भाइयन अउ ओनके आपन लोगन क, जउन भोजन ओनका जरुरी रहा, दिहस।</verse>
				<verse number="13">भुखमरी क समइ अउर भी जियादा बुरा होइ गवा। देस मँ कही भी भोजन न रहा। इ बुरा समइ क कारण मिस्र अउ कनान बहोत गरीब होइ गएन।</verse>
				<verse number="14">देस मँ लोग जियादा स जियादा अनाज बेसहइ लागेन। यूसुफ धन बचाएस अउ ओका फिरौन क महल मँ लिआएस।</verse>
				<verse number="15">कछू समइ पाछे मिस्र अउ कनान मँ लोगन क लगे पइसा नाही रहा। उ पचे आपन सारा धन अनाज बेसहइ मँ खर्च कइ दिहन। ऍह बरे लोग यूसुफ क लगे गएन अउ बोलेन, “कृपा कइके हम पचन क खइया क द्या। हम पचन क धन खतम होइ ग अहइ। अगर हम लोग नाहीं खाब तउ आप क लखत लखत मरि जाब।”</verse>
				<verse number="16">मुला यूसुफ जवाब दिहस, “आपन गोरु मोका द्या अउर मइँ तू लोगन क भोजन देब।”</verse>
				<verse number="17">ऍह बरे लोग आपन गोरु, घोड़ा अउ दूसर सबहि जनावरन क भोजन बेसहइ बरे प्रयोग मँ लावइ लागेन अउ उ बरिस यूसुफ ओनके गोरुअन क लिहस अउ भोजन दिहस।</verse>
				<verse number="18">मुला दूसर बरिस लोगन क लगे जनावर नाही रहि गएन अउ भोजन बेसहइ बरे कछू न रहा। ऍह बरे मनई यूसुफ क लगे गएन अउ बोलेन, “आप जानत ही कि हम लोगन क लगे धन नाही बचा बाटइ अउ हमार सबहिं गोरु आप क होइ गए अहइँ। ऍह बरे हम लोगन क लगे कछू नाही बचा अहइ। उ बचा अहइ सिरिफ, जउन आप लखत ही, हमार तन अउ हमार भुइँया।</verse>
				<verse number="19">आप क लखत भए ही हम फुरइ मरि जाब। मुला जदि आप मोका भोजन देत ही तउ हम फिरौन क आपन भुइँया देब अउ ओकर गुलाम होइ जाब। हमका बिआ द्या जेनका हम बोइ सकी। तब हम लोग जिअत रहब अउ मरब नाहीं अउ भुइँया हम लोगन बरे फुन अनाज उगाई।”</verse>
				<verse number="20">ऍह बरे यूसुफ मिस्र क सारी भुइँया फिरौन बरे बेसहेस। मिस्र क सबहि लोगन आपन खेतन क यूसुफ क हाथ बेंचि दिहन। उ पचे इ ऍह बरे किहन काहे कि उ पचे बहोत भुखान रहेन।</verse>
				<verse number="21">अउर सबइ लोग फिरौन क दास होइ गएन। मिस्र मँ सब जगह लोग फिरौन क दास रेहन।</verse>
				<verse number="22">एक सिरिफ उहइ भुइँया यूसुफ नाही बेसहेस जउन याजकन क कब्जा मँ रही। याजकन क भुइँया बेंचइ क जरुरत नाही रही। काहेकि फिरौन ओनके काम बरे ओनका पगार देत रहा। ऍह बरे उ पचे इ धन क खाइ बरे भोजन बेसहइ मँ खरच किहन।</verse>
				<verse number="23">यूसुफ लोगन स केहस, “अब मइँ तू पचन क अउ तोहरी भुइँया क फिरौन बरे बेसहेउँ ह। ऍह बरे मइँ तू पचन क बिआ देब अउ तू लोग आपन खेतन मँ पौध लगाइ सकत ह।</verse>
				<verse number="24">फसल काटइ क समइ तू लोग फसल क पाँचवाँ हीसा फिरौन क जरुर दिह। तू पचे आपन खातिर पाँच मँ स चार हीसा रखि सकत ह। तू लोग उ बिआ क जेका भोजन अउ बोवइ बरे रखब्या ओका दुसरे बरिस प्रयोग कइ सकब्या। अब तू आपन परिवारन अउ गदेलन क खिआइ सकत ह।”</verse>
				<verse number="25">मनइयन कहेन, “आप हम लोगन क जिन्नगी बचाइ लिहन ह। हम लोग आप क अउ फिरौन क दास होइ मँ खुस अही।”</verse>
				<verse number="26">ऍह बरे यूसुफ उ समइ देस मँ एक नेम बनाएस अउ उ नेम अब तलक चला आवत अहइ। नेम क मुताबिक भुइँया स हर एक उपज क पाँचवाँ हीसा फिरौन क बाटइ। फिरौन सारी भुइँया क सुआमी अहइ। सिरिफ उहइ भुइँया ओकर नाही जउन याजकन क बाटइ।</verse>
				<verse number="27">इस्राएल मिस्र मँ रहेउँ। उ गोसेन पहटा मँ रहा। ओकर परिवार बाढ़ा अउ बहोत बड़वार होइ गवा। उ पचे मिस्र मँ उ भुइँया क पाएन अउ अच्छी जिन्नगी बिताएन।</verse>
				<verse number="28">याकूब मिस्र मँ सत्रह बरिस रहा। इ तरह याकूब एक सौ सैंतालीस बरिस क होइ गवा।</verse>
				<verse number="29">उ समइ आइ गवा जब इस्राएल समझ गवा कि उ हाली ही मरी, ऍह बरे उ आपन पूत यूसुफ क आपन लगे बोलाएस। उ कहेस, “अगर तू मोसे पिरेम करत ह तउ तू आपन हाथ मोरी जाँधे क तरे धइके मोका बचन द्या कि तू जउन मइँ कहब करब्या अउ तू मोरे बरे सच्चा रहब्या। जब मइँ मरब तउ मोका मिस्र मँ जिन दफनाया।</verse>
				<verse number="30">उहइ जगह मोका दफनाया जउने जगह मोरे पुरखन दफनावा गए अहइँ। मोका मिस्र स बाहेर लइ जा अउ मोरे पुरखन जहा दफनाए गवा अहइँ उहइ जगह मोका दफनावा।” यूसुफ जवाब दिहस, “मइँ बचन देत हउँ कि उहइ करब जउन आप कहत हीं।”</verse>
				<verse number="31">तब याकूब कहेस, “मोसे एक प्रण करा” अउर यूसुफ ओसे प्रण किहेस कि उ ऍका पूरा करी। तब इस्राएल आपन मूँड़ी खटिया प पाछे धरेस।</verse>
			</chapter>
			<chapter number="48">
				<verse number="1">कछू टेम पाछे यूसुफ क पता लाग कि ओकर पिता बेराम अहइ। ऍह बरे यूसुफ आपन दुइनउँ बेटहनन मनस्से अउ एप्रैम क संग लिहस अउ आपन पिता क लगे गवा।</verse>
				<verse number="2">जब यूसुफ पहोंचा तउ कउनो इस्राएल स कहेस, “तोहार पूत यूसुफ तोहका लखइ आवा ह।” इस्राएल बहोत दुर्बल रहा, मुला उ बहोत जतन किहेस अउ खटिया प बइठि गवा।</verse>
				<verse number="3">तब इस्राएल यूसुफ स कहेस, “कनान देस मँ लूज क जगह प सर्वसक्तीमान परमेस्सर मोका खुद दर्सन दिहस। परमेस्सर हुआँ मोका आसीर्बाद दिहस।</verse>
				<verse number="4">परमेस्सर मोसे कहेस, ‘मइँ तोहार एक बड़वार परिवार बनाउब। मइँ तोहका बहोत स बच्चन क देब अउर तू एक महान रास्ट्र बनब्या। तोहरे लोगन इ भुइँया प सदा बना रही।</verse>
				<verse number="5">अउर अब तोहार दुइ पूत बाटेन। मोरे आवइ स पहिले मिस्र देस मँ हिआँ इ सबइ पइदा भए रहेन। तोहार दुइनउँ पूत एप्रैम अउ मनस्से मोरे आपन बेटवन क तरह होइहीं। उ पचे वइसेन होइहीं जइसे मोका रूबेन अउ सिमोन अहइँ।</verse>
				<verse number="6">इ तरह इ दुइनउँ मोर पूत होइहीं। उ पचे मोर सबहि चीजन मँ हिस्सेदार होइही। मुला अगर तोहार दूसर पूत होइहीं तउ उ सबइ तोहार बच्चन होइहीं। मुला उ पचे भी एप्रैम अउ मनस्से क बेटवन क नाईं होइहीं। अरथ अहइ भविस्स मँ एप्रैम अउ मनस्से क जउन कछू होइ, ओहमाँ हिस्सेदार होइहीं।</verse>
				<verse number="7">पद्दन-अराम स जात्रा करत समइ मँ राहेल मरि गइ। इ बात मोका बहोतइ दुःखी किहस। उ कनान क भुइँया मँ मरी। हम पचे अबहि एप्राता कइँती जात्रा करत रहे। मइँ ओका एप्राता कइँती जाइवाली सड़क प दफनावा।’” (एप्राता बेतलेहेम अहइ।)</verse>
				<verse number="8">तब इस्राएल यूसुफ क पूतन क लखेस। इस्राएल पूछेस, “इ सबइ लरिकन कउन अहइँ?”</verse>
				<verse number="9">यूसुफ आपन पिता स कहेस, “इ सबइ मोर बेटवन अहइँ। इ सबइ उ पचे लरिकन अही जेनका परमेस्सर मोका दिहस ह।” इस्राएल कहेस, “आपन बेटवन क मोरे लगे लइ आवा। मइँ ओनका असीसब।”</verse>
				<verse number="10">इस्राएल बुढ़वा रहा, अउर ओकर आँखिन ठीक नाही रहिन। ऍह बरे यूसुफ आपन बेटहनन क अपने बाप क निचके लइ गवा। इस्राएल बच्चन क चूमेस अउ गले स चिपकाएस।</verse>
				<verse number="11">तब इस्राएल यूसुफ स कहेस, “मइँ कबहु नाहीं सोचेउँ कि मइँ तोहार मुँह फुन लखब मुला देखा। परमेस्सर तोहका अउर तोहरे गदेलन क मोका निहारइ दिहस।”</verse>
				<verse number="12">तब यूसुफ बच्चन क गोदी स लिहस अउ उ पचे ओकरे पिता क समन्वा पैलगी करइ क निहुरेन।</verse>
				<verse number="13">यूसुफ एप्रैम क आपन दाहिन कइँती किहस अउ मनस्से क आपन बाईं कइँती। (इ तरह एप्रैम इस्राएल क बाईं कइँती रहा अउ मनस्से दाईं कइँती रहा।)</verse>
				<verse number="14">मुला इस्राएल आपन हाथ क पहला बदलिके आपन दाहिन हाथ क लहुरा लरिका एप्रैम क मूँड़े प धरेस अउ तब बाएँ हाथ क इस्राएल जेठ लरिका मनस्से क मूँड़े प राखेस। उ आपन बाएँ हाथ क मनस्से प धरेस, तउ भी मनस्से क जन्म पहिले भवा रहा।</verse>
				<verse number="15">अउर इस्राएल यूसुफ क आसीर्बाद दिहस अउ कहेस, “मोरे पुरखा इब्राहीम अउ इसहाक हमरे परमेस्सर क आराधना किहस अउ उहइ परमेस्सर मोर पूरी जिन्नगी क रास्ता क देखॅवइया रहा बाटइ।</verse>
				<verse number="16">उहइ सरगदूत रहा जउन मोका सबहि कस्टन स बचाएस अउर मोर पराथना अहइ कि इ सबइ लरिकन क उ असीसइ। अब इ सबइ बच्चन मोर नाम पइही। उ पचे हमरे पुरखा इब्राहीम अउ इसहाक क नाउँ पइहीं। मइँ पराथना करत हउँ कि उ पचे धरती प महान परिवार अउ रास्ट्र बनिही।”</verse>
				<verse number="17">यूसुफ लखेस कि ओकर पिता एप्रैम क मूँड़े प दाहिना हाथ रखेस ह। इ यूसुफ क खुस न कइ सका। यूसुफ आपन पिता क हाथे क धरेस। उ ओका एप्रैम क मूँड़े स हटाइके मनस्से क मूँड़ प रखइ चाहत रहा।</verse>
				<verse number="18">यूसुफ आपन पिता स कहेस, “आप आपन दाहिन हाथ गलत लरिका प धरे अहा। मनस्से क जन्म पहिले अहइ।”</verse>
				<verse number="19">मुला ओकर पिता नकारेस, अउ कहेस, “पूत, मइँ जानत हउँ। मनस्से क जन्म पहिले अहइ अउर उ महान होइ। उ बहोत स लोगन क पिता भी होइ। मुला लहुरा भाई जेठ भाई स बड़ा होइ अउ लहुरे भाई क परिवार ओसे बहोत बड़ा होइ।”</verse>
				<verse number="20">इ तरह इस्राएल उ दिन ओनका आसीर्बाद दिहस। उ कहेस, “इस्राएल क लोग तोहरे नाउँ क प्रयोग आसीर्बाद देइ बरे करिही, उ लोगन कहब्या: ‘परमेस्सर तोहका एप्रैम अउ मनस्से क तरह बनावइ।’” इ तरह इस्राएल एप्रैम क मनस्से स बड़वार बनाएस।</verse>
				<verse number="21">तब इस्राएल यूसुफ स कहेस, “लखा मोरी मउत क टेम निचकाइ ग अहइ। मुला परमेस्सर तोहरे साथ अब भी रही। उ तोहका तोहरे पुरखन क देस तलक लउटाइ लइ जाइ।</verse>
				<verse number="22">मइँ तोहका अइसा कछू दिहेउँ ह जउन तोहरे भाइयन क नाही दिहेउँ ह। मइँ तोहका उ पहाड़े क देत अहउँ जेका मइँ एमोरी लोगन स जीतेउँ ह। उ पहाड़ बरे मइँ आपन तरवार अउ आपन धनुख स जुद्ध किहेउँ रहे अउर मोर जीत भइ रही।”</verse>
			</chapter>
			<chapter number="49">
				<verse number="1">तब याकूब आपन सबहि बेटवन क आपन लगे बोलाएस। उ कहेस, “मोर सबइ बेटउनो, हिआँ मोरे लगे आवा। मइँ तोहका बताउब कि भविस्स मँ का होइ।</verse>
				<verse number="2">“याकूब क पूते, एक साथे आवा अउ सुना, आपन पिता इस्राएल क सुना।</verse>
				<verse number="3">“रूबेन, तू मोर पहिलउटी क बेटवा अहा। तू मोर पहिलउटी क बेटवा अउ मोरी सकती क पहिला सबूत अहा। तू मोर सबहि बेटवन स जियादा इज्जतदार अउ बरिआर अहा।</verse>
				<verse number="4">मुला तोहार उमंग बाढ़े का लहर क नाईं बेकाबू रहा। इसलिए तू मोर सबहि पूतन स जियादा सम्मानित पूत अउर नाही रहिसकब्या। तू आपन बाप क बिछाउना पइ चढया अउ ओकर पत्नियन मँ स एक क संग सोया। तू आपन पिता क बिछाउना क लज्जित किहेस ह।</verse>
				<verse number="5">“सिमोन अउ लेवी भाई अहइँ। ओनका आपन तरवारे स लड़ब पियारा अहइ।</verse>
				<verse number="6">उ पचे छुपे रूप बुरी योजना बनाएन, मइँ ओनकइ योजना क कउनो हीसा नाहीं चाहत हउँ मइँ ओनकइ छुपी बइठकन क अनुमोदन नाही करब। उ पचे मनइयन क कतल किहन जब उ सबइ किरोध मँ रहेन अउ उ पचे सिरिफ मजाक बरे जनावरन क चोट पहोंचाएन।</verse>
				<verse number="7">ओनकइ किरोध एक सराप अहइ। इ सबइ बहोत जियादा कठोर अहइ जब उ सबइ पगलात ही। याकूब क देस मँ ओनके परिवारन क आपन भुइँया न होइ। उ पचे पूरा इस्राएल मँ फइलि जइही।</verse>
				<verse number="8">“यहूदा, तोहार भाईयन तोहार प्रसंसा करिहीं। तू आपन दुस्मनन क हरउब्या। तोहरे भाई तोहरे समन्वा निहुरिही।</verse>
				<verse number="9">यहूदा उ सेर क नाईं अहइ जउन कउनो जनावर क मारे होइ। हे मोर पूत, तू उ सेर क तरह अहा जउन आपना सिकार क बाद अराम करई बरे सोइ जात ह। अउर कउनो ऍतना बहादुर नाही कि ओका छेड़ि देइ।</verse>
				<verse number="10">यहूदा क परिवार क मनई राजा होइहीं। ओकरे परिवार क राज-चीन्हा सीलो। क अवाई स पहिले खतम न होइ। तब अनेक लोग ओकर हुकुम मनिहीं।</verse>
				<verse number="11">उ आपन गदहा क अंगूरे क लता स बाँधत ह। उ आपन गदहा क बच्चन क सबसे बढ़िया अंगूरे क लता मँ बाँधत ह। उ आपन ओढ़ना क धोवइ बरे सबसे बढ़िया दाखरस क बइपरत ह।</verse>
				<verse number="12">ओकर आँखिन दाखरस पिए स ललछउँड़ रहत हीं। ओकर दँतवन दूध पिए स उज्जर अहइँ।</verse>
				<verse number="13">“जबूलब समुद्दर क निअरे रही। ऍकर समुद्दर क किनारा जहाजन बरे सुरच्छित रही। ऍकर पहटा सीदोन तलक फइला होइ।</verse>
				<verse number="14">“इस्साकर उ गदहा क तरह अहइ जउन बहोत जियादा कठोर काम किहे अहइ। उ भारी बोझ ढोवइ क कारण पस्त पड़ा अहइ।</verse>
				<verse number="15">उ लखी कि ओकरे आराम क जगह अच्छी अहइ। अउर इ कि ओकर भुइँया आनन्दायक ह। तब उ भारी बोझा ढोवइ क तइयार होइ। उ गुलाम क रुप मँ काम करब अंगीकार करी।</verse>
				<verse number="16">“दान आपन लोगन क निआव वइसे ही करब्या जइसे इस्राएल क दूसर परिवार क संग करत ही।</verse>
				<verse number="17">दान सड़क क किनारे सरप क तरह अहइ। उ रास्ता क लगे ओलरा भवा खौफनाक सरप क तरह अहइ, जउन घोड़न क गोड़न क डसत ह, अउ सवार भुइँया प भहराइ पड़त ह।</verse>
				<verse number="18">“यहोवा, मइँ मुक्ति क जोहत अहउँ।</verse>
				<verse number="19">“डाकुअन क एक ठु गिरोह गाद प हमला करी। मुला गाद ओनका मार भगाई।”</verse>
				<verse number="20">“आसेर क भुइँया बहोत बढ़िया उपज देइ। ओका उहइ खइया क मिली जउन राजा लोगन बरे जोग्ग होइ।</verse>
				<verse number="21">“नप्ताली एक अजाद मादा हिरन क तरह अहइ जेका अजाद कीन्ह गवा ह। उ सुन्नर सब्द कहत ह।</verse>
				<verse number="22">“यूसुफ बहोत सुफल अहइ। यूसुफ फलन स लदी भइ गवा क तरह अहइ। उ झरना क लगे जमी अंगूरे क गवा क तरह बाटइ, बाड़ा क सहारे जमी अंगूरे क गवा क तरह अहइ।</verse>
				<verse number="23">ढेर मिला ओकरे खिलाफ भएन अउ ओसे लड़ेन। धनुर्धारी मनइयन ओकर दुस्मन होइ गवा।</verse>
				<verse number="24">मुला उ आपन सकतीवाला धनुख अउ फुर्ताला बाँहे स जुद्ध जीतेस। उ याकूब क सकतीवाला परमेस्सर गड़रियन, इस्राएल क चट्टान स सकती पावत ह।</verse>
				<verse number="25">अउर आपन पिता क परमेस्सर स सकती पावत ह। परमेस्सर तोहका आसीर्बाद देइ। सर्वसक्तीमान परमेस्सर तोहका आसीर्बाद देइ। उ तोहका ऊपर स आसीर्बाद देइ अउर खाले गहिर समुद्दर स आसीर्बाद देइ। होइ सकत ह उ तोहका छाती अउ गरभ स आसीर्बाद देइ।</verse>
				<verse number="26">मोरे महतारी-बाप क बहोत स बढ़िया चीजन होत रहिन। अउर मइँ तोहार पिता बहोत जियादा आसीर्बाद पावत रहा। अब मइँ आपन आसीर्बाद क यूसुफ पइ जमा करब जउन पहाड़ क समान ऊँचा होइ, हाँ ओकरे सिर पई जेका ओकरे भाईयन स अल्गाइ दीन्ह गवा रहेन।</verse>
				<verse number="27">“बिन्यामीन एक अइया भुखा बड़का कूकुर क समान अहइ। जउन भिन्सारे मारत ह ओका खात ह। संझा क उ बचा खुचा स काम चलावत ह।”</verse>
				<verse number="28">इ सबइ इस्राएल क बारह परिवार अहइँ। अउर उहइ चीजन अहइँ जेनका ओनके पिता ओनसे कहे रहा। उ हर एक पूत क उ आसीर्बाद दिहस जउन ओकरे बरे ठीक रहा।</verse>
				<verse number="29">तब इस्राएल ओनका एक हुकुम दिहस। उ कहेस, “जब मइँ मरउँ तउ मइँ आपन लोगन क बीच रहइ चाहत हउँ। मइँ आपन पुरखन क संग हित्ती एप्रोन क खेतन क गुफा मँ दफनावा जाइ चाहत हउँ।</verse>
				<verse number="30">उ गुफा मम्रे क नगिचे मकपेला क खेते मँ अहइ। इ कनान देस मँ अहइ। इब्राहीम उ खेत क एप्रोन स ऐह बरे बेसहेस जेहसे ओकरे लगे एक ठु कब्रिस्तान होइ सकइ।</verse>
				<verse number="31">इब्राहीम अउ ओकर मेहरारु सारा उहइ गुफा मँ दफनावा गए अहइँ। इसहाक अउ ओकर मेहरारु रिबका उहइ गुफा मँ दफनाए गएन। मइँ आपन मेहरारु लिआ क उहइ गुफा मँ दफनावा।</verse>
				<verse number="32">उ गुफा उ खेत मँ अहइ जेका हित्ती लोगन स बेसहा ग रहा।”</verse>
				<verse number="33">आपन पूतन स बातन खतम करइ क पाछे याकूब ओलर गवा, गोड़वन क आपन बिछउना प धरेस अउ मरि गवा।</verse>
			</chapter>
			<chapter number="50">
				<verse number="1">जब इस्राएल मरा, यूसुफ बहोत दुःखी भवा। उ पिता स लपटि गवा, ओह प रोवा अउ ओका चूमेस।</verse>
				<verse number="2">यूसुफ आपन नउकरन क हुकुम दिहस क उ पचे ओकरे बाप क ल्हासे क तइयार करइँ। (इ सबइ नउकर वैद्य रहेन।) वैद्या लोग याकूब क ल्हास गाड़इ बरे तइयार किहन। उ पचे मिस्र क लोगन क खास तरीका स ल्हासे क तइयार किहन।</verse>
				<verse number="3">जब मिस्र क लोग खास तरह स ल्हास तइयार किहन तब ओका गाड़इ क पहिले चालीस दिन तलक जोहेन। ओकरे पाछे मिस्री लोगन दुःख क खास समइ राखेन। इ समइ सत्तर दिन क रहा।</verse>
				<verse number="4">सत्तर दिन पाछे दुःख क समइ खतम भवा। ऍह बरे यूसुफ फिरौम क अफसरन स कहेस, “कृपा कइके फिरौन स इ कहा,</verse>
				<verse number="5">‘जब मोर पिता मरत रहेन तब मइँ ओनसे एक प्रण किहेइँ रहेउँ। मइँ प्रण किहेउँ रहे कि मइँ ओनका कनान देस क गुफा मँ गाड़ब। इ उ गुफा बाटइ जेका उ अपने खातिर बनाएस ह। ऍह बरे कृपा कइके मोका जाइ देइँ अउर हुआँ पिता क गाड़इ देइँ। तब मइँ आपक लगे वापिस लउटि आउब।’”</verse>
				<verse number="6">फिरौन कहेस, “आपन प्रतिग्या पूरी करा। जा अउर आपन बाप क गाड़ा।”</verse>
				<verse number="7">ऍह बरे यूसुफ आपन पिता क गाड़इ गवा। फिरौन क सबहि अफसरन यूसुफ क संग गएन। फिरौन क बुजुर्गन अउ मिस्र क बड़कवा लोग यूसुफ क संग गएन।</verse>
				<verse number="8">यूसुफ अउ ओकरे भाइयन क परिवार क सबहि मनई ओकरे संग गएन अउ ओकर पिता क परिवार क सबहि लोग भी यूसुफ क संग गएन। सिरिफ बच्चन अउ जनावरन गोसेन पहटा मँ रहि गएन।</verse>
				<verse number="9">यूसुफ क संग जाइ बरे लोग रथन अउ घोड़न प सवार भएन। इ बहोतइ बड़ा मनइयन क झुण्ड रहा।</verse>
				<verse number="10">उ पचे गोरन आताद क गएन। जउन यरदन नदी क पूरब मँ रहा। इ ठउर प इ पचे इस्राएल क अखिरी संस्कार किहन। इ सबइ आखिरी संस्कार सात दिन तलक होत रहा।</verse>
				<verse number="11">कनान क बसइयन गोरन आताद मँ आखिरी संस्कार क लखेन। उ पचे कहेन, “उ पचे मिस्र क लोग फुरइ बहोतइ दुःख भरा संस्कार करत अहइँ।” एह बरे उ जगह क नाउँ यरदन नदी क पार तलक अब आबेलमिस्रैम अहइ।</verse>
				<verse number="12">इ तरह इस्राएल क बेटवन उहइ किहन जउन ओनके पिता हुकुम दिहे रहेन।</verse>
				<verse number="13">उ पचे ओकरे ल्हासे क कनान लइ गएन अउ मकपेला क गुफा मँ ओका गाड़ेन। इ गुफा मम्रे क निचके उ खेते मँ रही जेका इब्राहीम हित्ती एप्रोन स खरीदा हा। इब्राहीम उ गुफा क कबरिस्तान बरे खरीदा रहा।</verse>
				<verse number="14">यूसुफ क आपन पिता क दफनाइ क पाछे उ, ओकरे भाईयन अउर ओकरे संग झुण्ड क हर एक मनई मिस्र क लौट गवा।</verse>
				<verse number="15">याकूब क मरइ क पाछे यूसुफ क भाई चिन्ता मँ पड़ेन। उ पचे आपन स कहेन, “होइ सकत ह जउन कछू हम कीन्ह ह ओकरे बरे यूसुफ अब भी हमसे घिना करत ह अउर जउन बुरा काम हम लोगन ओकर संग किहस ह ओकर बदला लेब।”</verse>
				<verse number="16">ऍह बरे भाइयन इ सँदेसा यूसुफ क पठएन: “तोहार पिता मरइ क पहिले हम लोगन क हुकुम दिहे रहा।</verse>
				<verse number="17">उ कहेस, ‘यूसुफ स कहया कि मइँ निवेदन करत हउँ कि कृपा कइके उ अपराधे क छिमा कइ देइँ जउन उ पचे ओकरे संग किहेन।’ ऍह बरे अब हम तोहसे पराथना करित अही की उ अपराध क छिमा कइ द्या जउ, हम कीन्ह ह। हम लोग सिरिफ तोहरे पिता क परमेस्सर क सेवक अही।” यूसुफ क भाइयन जउन कछू कहेन ओसे ओका बड़ा दुःख भवा अउर उ रोइ पड़ा।</verse>
				<verse number="18">यूसुफ क भाई ओकरे सामने गएन अउ ओकरे समन्वा निहुरि के पैलगी किहन। उ पचे कहेन, “हम लोग तोहार सेवक होब।”</verse>
				<verse number="19">तब यूसुफ ओनसे कहेस, “डेराअ जिन मइँ परमेस्सर नाही अहउँ।</verse>
				<verse number="20">इ फुरइ अहइ कि तू मोका नोस्कान पहुचावइ बरे जोजना बनाए रहा, मुला परमेस्सर फुरइ अच्छी योजना बनवत रहा। परमेस्सर क योजना बहोत स लोगन क जिन्नगी बचावइ बरे मोर प्रयोग करइ क रही अउर आजु भी ओकर इहइ योजना अहइ।</verse>
				<verse number="21">ऍह बरे डेराअ जिन। मइँ तू लोगन अउ तोहरे बच्चन क देखरेख करब।” इ तरह, यूसुफ ओनका समझाइ बुझाइ क बात किहस अउ नम्र होइके बोला।</verse>
				<verse number="22">यूसुफ आपन पिता क परिवार क संग मिस्र मँ रहत रहा। यूसुफ एक सौ दस बरिस होइके मरा।</verse>
				<verse number="23">यूसुफ क जिन्नगी मँ एप्रैम क पूतन अउ पोतन भएन अउ ओकर पूत मनस्से क एक पूत माकीर नाउँ क भवा। यूसुफ माकीर क बच्चा क लखइ बरे जिअत रहा।</verse>
				<verse number="24">जब यूसुफ मरइ क भवा, उ आपन भाइयन स कहेस, “मोरे मरइ क टेम आइ गवा। मुला मइँ जानत हउँ कि परमेस्सर तू लोगन क रच्छा करी। उ इ देस स तू लोगन क बाहेर लइ जाइ। परमेस्सर तू लोगन क उ देस मँ लइ जाइ जेका उ इब्राहीम, इसहाक अउ याकूब क देइ क बचन दिहे रहा।”</verse>
				<verse number="25">तब यूसुफ आपन लोगन क एक प्रण करइ क कहेस। यूसुफ कहेस, “मोसे प्रतिग्या करा कि तब मोर हड्डी आपन संग लइ जाब्या जब परमेस्सर तू लोगन क नवे देस मँ लइ जाइ।”</verse>
				<verse number="26">यूसुफ मिस्र मँ मरा, जब उ एक सौ दस बरिस क रहा। वैद्य लोग ओकरी अर्थी क गाड़इ बरे तइयार भएन अउ मिस्र मँ ओकरी अर्थी क एक ठु ताबूत मँ धरेन।</verse>
			</chapter>
		</book>
		<book number="2">
			<chapter number="1">
				<verse number="1">याकूब आपन बेटवन क संग मिस्र क जात्रा प गवा। अउर हर एक पूत आपन परिवार क संग लिहेस। इस्राएल क बेटवन क नाउँ अहइँ:</verse>
				<verse number="2">रूबेन, सिमोन, लेवी, यहूदा,</verse>
				<verse number="3">इस्साकर, जबूलुन, बिन्यामीन</verse>
				<verse number="4">दान, नप्ताली, गाद, आसेर</verse>
				<verse number="5">याकूब क आपन सन्तानन मँ सत्तर लोग रहेन। ओकरे बारह बेटवन मँ स यूसुफ पहिलेन स मिस्र मँ रहा।</verse>
				<verse number="6">पाछे यूसुफ, ओकर भइयन अउ ओकरे पीढ़ी क सबइ परानी मर बिलाइ गएन।</verse>
				<verse number="7">मुला इस्राएल क मनइयन क ढेर गदेलन रहेन, अउर ओनकइ संख्या बाढ़त गइ। उ पचे बरिआर होइ गएन अउ ओन लोगन स भुइँया भरि गई रही रहेन।</verse>
				<verse number="8">तबइ एक नवा राजा मिस्र प हुकूमत करइ लाग। उ राजा यूसुफ क नाहीं जानत रहा।</verse>
				<verse number="9">इ राजा लोगन स कहेस, “इस्राएल क मनइयन क लखा। एनकइ तादाद जिआदा बा। अउ उ पचे हमसे जिआदा बरिआर अहइँ।</verse>
				<verse number="10">हम पचन क अइसी चाल चलइ क चाही कि इस्राएलियन क बरिआर होइसे रोकइ चाही। जदि जुद्ध होत ह, तउ इस्राएलियन हमरे दुस्मनन क साथ देइहीं। तबहिं उ सबइ हम पचन क हराइ सकित ह अउ हमरे हाथे स निकरि सकित ह।”</verse>
				<verse number="11">मिस्र क लोगन इस्राएलियन क जिन्नगी क दूभर बनवइ निस्चय किहे रहेन। एह बरे उ पचे इस्राएल क काम करइ वालन प दास सुआमी तइनात कइ दिहन। उ सुआमी लोगन फिरौन बरे भण्डार सहरन पितोम अउर रामसेस क बनावइ बरे इस्राएलियन क मजबूर कइ दिहन।</verse>
				<verse number="12">मिस्र क मनइयन इस्राएलियन क कठोर स कठोर काम करइ क मजबूर किहेन। मुला जेतॅना जिआदा इस्राएलियन क काम करइ बरे मजबूर कीन्ह गवा ओनकइ तादाद बाढ़त गइ। अउर मिस्र क मनइयन इस्राएलियन स जिआदा स जिआदा डेराइ लागेन।</verse>
				<verse number="13">ऍह बरे मिस्र क मनइयन इस्राएलियन क अउर भी जिआदा कठोर काम करइ क मजबूर किहेन।</verse>
				<verse number="14">मिस्र क मनइयन इस्राएलियन क जिन्नगी दूभर कइ दिहन। उ पचे इस्राएलियन क ईर्ट अउ गारा बनावइ क बहोत कर्रा काम करइ बरे मजबूर किहेन। उ पचे ओनका खेत मँ बहोत कर्रा काम करवावइ क मजबूर किहेन। उ पचे ओनका गुलाम क नाईं दूसर सबहिं कार्य करइ बरे मजबूर किहेन।</verse>
				<verse number="15">हुवाँ सिप्रा अउ पूआ नाउँ क दुइ हिब्रू दाइयन रहिन। मिस्र क राजा इ दाइयन स बतियान। राजा कहेस,</verse>
				<verse number="16">“जब तू हिब्रू मेहररूअन क लरिका पइदा करइ मँ मदद करा। जदि लरिकी पइदा होइ तउ ओका तू जिअइ दिहा। मुला अगर लरिका पइदा होइ तउ तू पचे ओका मारि डाया।”</verse>
				<verse number="17">मुला दाइयन परमेस्सर स डेरात रहिन। ऍह बरे उ पचे मिस्र के राजा क आदेस क पालन न किहेन। उ पचे सारे लरिका क जीवित रहइ दिहिन।</verse>
				<verse number="18">मिस्र क राजा दइयन क बोलाएस अउ कहेस, “तू पचे अइसा काहे किहा? तू पचे बेटहनन क काहे जिअइ दिहा?”</verse>
				<verse number="19">दइयन फिरौन स कहेन, “हिब्रू मेहररूअन मिस्री मेहररूअन स जिआदा ताकतवर बाटिन। हमरे पहुँचइ स मदद बरे उ पचे पहिलेन बेटहनन क जन्मत हीं।”</verse>
				<verse number="20">परमेस्सर उ दाइयन प कृपालु रहा। काहेकि उ पचे परमेस्सर स डेरात रहिन। ऍह बरे परमेस्सर ओनका नीक रहा अउ ओनका आपन परिवार चलावइ दिहेस। अउर हिब्र लोग जिआदा लरिका पइदा करत रहेन। अउ उ पचे जिआदा ताकतवर होइ गएन।</verse>
				<verse number="21"></verse>
				<verse number="22">ऍह बरे फिरौन आपन सबहिं लोगन क हुकूम दिहेस, “जब कबहुँ लरिका पइदा होइ तब तू सबइ जरूर ओका नील नदी मँ नाइ द्या मुला सबहिं लरिकियन क जिअइ द्या।”</verse>
			</chapter>
			<chapter number="2">
				<verse number="1">लेवी क परिवार क एक मनई हुवाँ रहा। उ लेवी क परिवार क एक ठु अउरत स आपन बियाह किहेस।</verse>
				<verse number="2">उ मेहरारू गोड़े स भारी भइ अउ उ एक बेटवा क जन्म दिहेस। महतारी निहारेस कि बेटवा बहोत सुन्नर बा अउर उ ओका तीन महीना ताई छुपाएस।</verse>
				<verse number="3">मुला तीन महीना क पाछे महतारी डेराइ गइ कि बचवा हेरि लीन्ह जाई तब उ मारि डावा जाई, काहेकि उ बेटवा अहइ। ऍह बरे उ एक ठु डलिया बनाएस अउ ओह प तारकोल लेपि दिहेस जेसे उ तैर पावइ। उ बचवा क डलिया मँ धइ दिहस। तब उ नदी क बीच लंबी घासे मँ धइ दिहस।</verse>
				<verse number="4">बचवा क बहिन हुवाँ रूकी रही अउ ओकर रखवारी करत रही। उ देखइ चाहत रही कि बचवा क संग का घटी।</verse>
				<verse number="5">उहइ समइया फिरौन क बिटिया नदी मँ नहावन बरे गइ। उ ऊँच की घासे मँ एक ठु डलिया लखेस। ओकर नउकरन नदी क किनारे टहरत रहेन। तउ उ मेहरारू नउकरन मँ स एक क ओकर टोकरी लावइ बरे हुकुम दिहेस।</verse>
				<verse number="6">राजा क बिटिया डलिया क खोलेस अउ बेटवा क लखेस। बचवा रोवत रहा अउ ओका ओह प दाया आइ गइ। उ कहेस, “इ हिब्रू बचवन मँ एक अहइ।”</verse>
				<verse number="7">बचवा क बहिन लुकी छिपी रही। तब उ ठाड़ भइ अउ फिरौन क बिटिया स बोली, “का आप चाहत बाटिन कि मइँ बचवा क देख-रेख करइ बरे एक ठू हिब्रू दाइयन क हेरि लिआवउँ?”</verse>
				<verse number="8">फिरौन क बिटिया कहेस, “हाँ, जरूर।” तउ बिटिया गइ अउ बचवा क महतारी क हेरिके लइ आइ।</verse>
				<verse number="9">फिरौन क बिटिया कहेस, “इ बचवा क लइ जा अउ मोरे खातिर एका पाला। इ बचवा क आपन दूध पिआवा। मइँ तोहका पगार देब।” तब उ मेहरारू आपन बचवा क लइ लिहस अउ ओका पालेस पोसेस।</verse>
				<verse number="10">जब बचवा बाढ़ गवा तउ कछू टेम पाछे अउरत राजा क बचवा दइ दिहस। राजा क बिटिया उ बचवा क आपन पूत क रूप मँ स्वीकार किहेस। उ ओकर नाउँ मूसा धरेस काहेकि उ ओका पानी स उबारेस।</verse>
				<verse number="11">मूसा बाढ़ि गवा अउ जवान होइ गवा। उ परखेस कि उ ओकर आपन लोग अहइ हिब्रू मनई ओनका जियादा कठोर काम करइ बरे मजबूर करत हीं। एक दिना मूसा लखेस कि एक मिस्री हिब्रू मनई क पीटत रहा।</verse>
				<verse number="12">मूसा चारिहु कइँती निहारेस अउ देखेस कि कउनो नाहीं ताड़त बा। तबहिं मूसा मिस्री मनई क मारि डाएस अउ ओहका रेत मँ दाब दिहेस।</verse>
				<verse number="13">पाछे क दिन मँ मूसा दुइ हिब्रू मनइयन क लड़त भिड़त लखेस। मूसा निहारेस कि एक मनई क गलती रही। मूसा उ मनई स कहेस, “तू आपन पड़ोसी क काहे मारत बाट्या?”</verse>
				<verse number="14">उ मनई जवाब दिहेस, “का कउनो मनई तोहका हमार हाकिम अउ निआवधीस, नियुक्त किहेस ह? नाहीं! मोका बतावा कि का तू मोका भी उहइ तरह मारि डउब्या जउने तरह तू बीता भवा काल्ह मिस्री क मारि डाया। तब मूसा डेराइ गवा।” मूसा मन मँ बिचारेस, “अब हरेक मनई जानत ह कि मइँ का किहेउँ ह।”</verse>
				<verse number="15">फिरौन सुनेस कि मूसा का किहेस, तउ उ मूसा क मारि डावइ क पक्का बिचार बनाएस। मुला मूसा फिरौन क कुचाल स भाग गवा। फिन मूसा मिदियन देस मँ चला गवा। मूसा मिदियन देस मँ कुआँ क लगे रूकि गवा।</verse>
				<verse number="16">हुवाँ एक ठु याजक मिदियन मँ रहा जेकरे सात बिटिया रहिन। उ पचे आपन बाप क भे़डिन बरे कुआँ स पानी निकालइ बरे गएन। उ पचे पानी स कठौते क भरइ क कोसिस करत रहिन।</verse>
				<verse number="17">मुला कछू गड़रियन उ बिटियन क भगाइ दिहन अउ पानी नाहीं भरइ दिहन। तब मूसा बिटियन क मदद किहेस अउ ओनके जनावर क पानी दिहस।</verse>
				<verse number="18">तब उ पचे आपन बाप रूएल क लगे गइन। ओनकइ बाप ओनसे पूछेस, “आज तू पचे काहे हाली घरे आइ गइउ?”</verse>
				<verse number="19">बिटियन जवाब दिहेन, “हाँ, पिता जी। गड़रिया लोग हमका खदेरइ क कोसिस किहेन, मुला एक मिस्री मनई हमार मदद करेस। उ हमका बरे इनारा स पानी निकारेस अउ हमरे जनावर क पानी दिहेस।”</verse>
				<verse number="20">ऍह बरे रूएल आपन बिटियन स कहेस, “इ मनई कहाँ बाटइ? तू पचे ओका काहे छाँड़ि दिहा? ओका हिआँ बोलावा इ तरह हम पचन क संग खाइ सकत ह।”</verse>
				<verse number="21">मूसा उ मनई क संग टिक जाइ स खुस भवा। याजक रूएल आपन बिटिया सिप्पोरा क मूसा क बिहई क तरह दिहेस।</verse>
				<verse number="22">सिप्पोरा एक बेटवा क जन्मेस। मूसा आपन बेटवा क नाउँ गेसोर्म राखेस। मूसा आपन बेटवा क इ नाउँ इ कहत भए दिहस: “मइँ एक अजनबी देस मँ अजनबी होई गवा।”</verse>
				<verse number="23">बहोत समइ बीते प मिस्र क राजा मरि गवा। काहेकि इस्राएलियन क कठिन काम करइ बरे मजबूर कीन्ह जात रहेन। ऍह बरे उ पचे मदद बरे परमेस्सर क गोहराएन अउर यहोवा ओनका पराथना सुनि लिहेस।</verse>
				<verse number="24">यहोवा ओनकइ पराथना सुनेस अउ उ करार क याद किहेस जउन उ इब्राहीम, इसहाक अउ याकूब क संग किहेस।</verse>
				<verse number="25">यहोवा इस्राएलियन क कस्ट निहारेस अउ उ सोचेस कि उ ओनकइ मदद तुरंतहि करी।</verse>
			</chapter>
			<chapter number="3">
				<verse number="1">मूसा क ससुर क नाउँ यित्रो रहा। यित्रो मिदियन क याजक रहा। मूसा यित्रो क भेड़ क देख-रेख करत रहा। मूसा एक दिना भेड़न क रेगिस्तान क पच्छिम कइँती लइ गवा। मूसा यहोवा क पहाड़ प जउन होरेब अर्थात् सीनै पहाड़ कहलावत ह प गवा।</verse>
				<verse number="2">यहोवा क सरगदूत मूसा क समन्वा बरत भइ झाड़ी मँ उ पहाड़ प परगट भवा। उ इ तरह भवा। मूसा झाड़ी क बे भसम भवा बरत देखेस।</verse>
				<verse number="3">ऍह बरे मूसा झाड़ी क निचके इ चमत्कार क देखइ बरे गवा कि झाड़ी बे भस्म भए कइसे लगातार बरति अहइ।</verse>
				<verse number="4">यहोवा लखेस कि मूसा झाड़ी क लखइ आवत बा। ऍह बरे परमेस्सर झाड़ी स मूसा क पुकारेस अउ कहेस, “मूसा, मूसा।” अउ मूसा कहेस, “मइँ हिआँ हउँ!”</verse>
				<verse number="5">तब्बइ यहोवा कहेस, “अउर निचके जिन आवा। आपन पनही उतारि द्या। तू पवित्तर भुइयाँ प ठाड़ बाट्या।</verse>
				<verse number="6">मइँ तोहरे पुरखन क परमेस्सर हउँ। मइँ इब्राहीम क परमेस्सर, इसहाक क परमेस्सर अउ याकूब क परमेस्सर हउँ।” मूसा आपन मुँहना क ढाँकि लिहेस काहेकि उ परमेस्सर क लखइ स डेरात रहा।</verse>
				<verse number="7">तब यहोवा कहेस, “मइँ उ सबन दुःखन क लखेउँ ह जउन हमार लोगन मिस्र मँ सहेन ह। मइ ओनकइ चीखब सुनेउँ ह जब मिस्र क क्रूर मनइयन ओनका चोट पहुँचाएन ह। मइँ ओनकइ दुःखन क जानत हउँ।</verse>
				<verse number="8">मइँ अब जाब अउ मिस्री मनइयन स आपन लोगन क बचाउब। मइँ ओनका मिस्र स बाहेर निकारब अउ ओनका एक नीक अउ विसाल भुँइया मँ लइ जाब। उ भुँइया जहाँ दूध अउर सहद क नदी बहत रहत ह। हुवाँ कइउ जाति क लोग जइसे कनानी, हित्ती, एमोरी, परिज्जी, हिब्बी, अउ यबूसी रहत ही।</verse>
				<verse number="9">मइँ इस्राएल क मनइयन क गोहार सुनेउँ ह। मइँ मिस्री मनइयन क अत्याचार क लखेउ जउन ओन लोगन प किहेन।</verse>
				<verse number="10">ऍह बरे अब मइँ तोहका फिरौन क लगे पठवत हउँ। जा अउर मोर लोगन, इस्राएलियन क मिस्र स बाहर लइ आवा।”</verse>
				<verse number="11">मुला मूसा परमेस्सर स कहेस, “मइँ कउनो बड़का मनई नाहीं। मइँ कइसे उ मनई होइ सकत हउँ जउन फिरौन क लगे जाउँ अउ इस्राएलियन क मिस्र स बाहेर निकारि के लइ चलउँ।”</verse>
				<verse number="12">परमेस्सर कहेस, “तू कइ सकत ह्या काहेकि मइँ तोहरे संग हउँ। इ सबूत रही कि मइँ तोहका पठवत हउँ। जब तू लोगन क मिस्र स बाहेर निकारि लइ अउब्या, तब तू इ पहाड़े प हमार आराधना करब्या।”</verse>
				<verse number="13">तबहिं मूसा परमेस्सर स कहेस, “किंतु जदि मइँ इस्राएलियन क नगिचे जात हउँ, अउ कहत हउँ, ‘तोहरे पुरखन क यहोवा मोका तोहरे लगे पठएस ह,’ तब मनई पुछिहीं, ‘ओकर नाउँ का अहइ?’ मइँ ओनसे का कहब?”</verse>
				<verse number="14">तब यहोवा मूसा स कहेस, “‘मइँ हउँ जउन मइँ हउँ।’ जबहिं तू इस्राएलियन क लगे जाब्या, तब ओनका बताइ दिहा, ‘मइँ हउँ’, जउन मोका तोहरे लगे पठएस ह।”</verse>
				<verse number="15">परमेस्सर मूसा स इ भी कहेस, “इस्राएली मनइयन स जउन तू कहब्या, उ इ अहइ: ‘यहोवा तोहरे पुरखन क परमेस्सर, इब्राहीम, इसहाक अउर याकूब क परमेस्सर अहइ। होइ सकत ह इहइ नाम मँ अगवा पीढ़ी दर पीढ़ी मोका जनिहीं।’ लोगन क बतावा, ‘यहोवा मोका तोहरे लगे पठएस ह।’”</verse>
				<verse number="16">यहोवा इ भी कहेस, “जा अउ इस्राएल क बुजर्गन क बटोरा अउ ओनसे कहा, यहोवा, तोहरे पुरखन क परमेस्सर मोरे समन्वा परगट भवा रहा। इब्राहीम, इसहाक अउ याकूब क परमेस्सर मोसे बात किहेस। उ कहेस, ‘मइँ तोहरे बारे मँ अउ ओन सब क बाबत मँ जउन तू पचन क संग मिस्र मँ भवा अहइ खियाल रखे अहइ।</verse>
				<verse number="17">मइँ मने मँ ठान लिहे हउँ कि मिस्र मँ जउन दुःख अउ मुसीबत सहत बाट्या ओहसे मइँ तोहका बाहेर निकारि लेबइ। मइँ तू पचन क उ देसे मँ लइ जाब जउन ढेर लोगन जइसे कनानी, हित्ती, एमोरी, परिज्जी, हिब्बी, अउ यबूसी क बाटइ। मइँ तू पचन क एक नीक देसे मँ लइ जाब जहाँ दूध अउर सहद क नदी बहत अहइ।’</verse>
				<verse number="18">“बुजर्गन तोहार बातन्क मनिहीं। अउर तब तू अउर बुजर्गन मिस्र क राजा क लगे जाब्या। तू पचे ओसे कहब्या, ‘यहोवा हिब्रू मनइयन क परमेस्सर हम पचन्क लगे आएन अउ उ पचे हम पचन्स तीन दिना ताई रेगिस्तान मँ जात्रा करइ क कहेन ह। हुवाँ हम पचे आपन परमेस्सर, यहोवा क बलि चढ़ाउब।’</verse>
				<verse number="19">“मुला मइँ जानत हउँ कि मिस्र क राजा तू पचन्क जाइ नाहीं देई। सिरिफ एक ठु बड़वार सक्ती ही तू पचन्क जाइ देइ बरे मजबूर करी।</verse>
				<verse number="20">ऍह बरे मइँ आपन बड़की सक्ती क प्रयोग मिस्र क खिलाफ करबइ। मइँ मिस्र क आपन चमत्कार स तबाह कइ देब। जबहिं मइँ अइसा करिहउँ तउ उ तू पचन्क जाइ देइ।</verse>
				<verse number="21">अउर मइँ मिस्री मनइयन क इस्राएलियन बरे कृपालु बनवाउब। तब उ पचे इस्राएलियन क जब उ सबइ मिस्र छोड़िहीं तब ओन लोगन क बहोत सारा उपहार देइहीं</verse>
				<verse number="22">“हर एक हिब्रू अउरत आपन मिस्री पड़ोसिन स अउर मिस्री अउरत स आपन घरे मँ रहइ बरे अनुरोध किहेस अउर उ पचे ओका उपहार देइहीं। तोहार लोग उपहार मँ चाँदी, सोना अउ सुन्नर ओढ़ना पइहीं। जबहिं तू पचे मिस्र क छाँड़ि देब्या, तू पचे उ उपहार क आपन गदेलन क पहिरउब्या। इ तरह तू पचे मिस्री मनइयन क धन लइ अउब्या।”</verse>
			</chapter>
			<chapter number="4">
				<verse number="1">तब मूसा क जवाब दिहेस, “मुला इस्राएलियन मोहे पइ बिस्सास न करिहीं। उ पचे कइहीं, ‘यहोवा तोह पइ परगट नाहीं भवा।’”</verse>
				<verse number="2">मुला यहोवा मूसा स कहेस, “तू आपन हथवा मँ का धइके राखे बाट्या?” मूसा जवाब दिहेस, “इ मोर टहरइ क लाठी अहइ।”</verse>
				<verse number="3">यहोवा कहेस, “आपन टहरइवाली लाठी जमीन प फेंकि द्या।” तउ मूसा आपन टहरइ क लाठी क जमीन प फेंक दिहेस। अउ लाठी साँप बन गवा। मूसा डेरान अउ ऍसे परान।</verse>
				<verse number="4">मुला यहोवा मूसा स कहेस, “अगवा बढ़ा अउ पूँछ धइके साँप क पकड़ि ल्या।” ऍह बरे मूसा अगवा कइँती बढ़ा अउ साँप क पूँछ धइ लिहस। जइसेन मूसा अइसा किहेस, साँप फुनि लाठी होइ गवा।</verse>
				<verse number="5">तब यहोवा कहेस “आपन छड़ी क इ तरह बइपरा अउ मनई बिस्सास करइँ, कि यहोवा ओकर पुरखन क परमेस्सर, इब्राहीम क परमेस्सर, इसहाक क परमेस्सर अउ याकूब क परमेस्सर तोहार समन्वा परगट भवा रहा।”</verse>
				<verse number="6">तब यहोवा मूसा स कहेस, “मइँ तोहका दूसर परमान देब। आपन हाथ क लबादा क नीचे धरा।” तउ मूसा आपन हाथ क आपन लबादा क भीतर किहेस। तब मूसा आपन हाथ क लबादा स बाहेर निकारेस अउ उ बदरि गवा। ओकर हाथ बफर् क नाई उज्जर दागे स भरि गवा रहा।</verse>
				<verse number="7">तब यहोवा कहेस, “अब तू आपन हाथ लबादा क भीतर धरा।” ऍह बरे आपन हाथ फुन आपन लबादा क भितरे धइ द्या। तब मूसा आपन हाथ बाहेर निकारेस अउ टेँम भी ओकर हाथ बदरि गएन। अब ओकर हाथ पहिले क नाई होइ गवा रहा।</verse>
				<verse number="8">तब यहोवा कहेस, “जदि मनई तोहार बिस्सास छड़ी बइपरे प न करइँ तउ उ पचे तोह प बिस्सास तबहिं करिहिं जबहिं तू इ दूसर चीन्हा क देखउब्या।</verse>
				<verse number="9">जदि तोहरे दुइनउँ चीन्हा देखाएँ क पाछे तोहार बिस्सास न करिहिँ तउ तू नील नदी स कछू पानी लइ लिहा। पानी क जमीन प गिराउब सुरू कइ दिहा अउ जइसे ही इ जमीन क छुई, रकत बनि जाई।”</verse>
				<verse number="10">मुला मूसा यहोवा स कहेस, “हे यहोवा, मइँ फुरे कहत हउँ, मइँ कुसल बोलवइया नाहीं हउँ। मइँ कबहूँ मनइयन स नीक तौर स बतियाइ काबिल नाहीं भएउँ। अउ आपसे बतियाए क पाछे भी नीक बोलवइया नाहीं हउँ। आप जानत हीं कि मइँ धीमे धीमे बोलत हउँ अउ उत्तिम सब्दन क बइपरत नाहीं हउँ।”</verse>
				<verse number="11">तब यहोवा ओसे कहेस, “कउन मनई क मुँहना क बनाएस? अउर कउन मनई क गूँगा या न बोलइ क लाइक बनइ सकत ह? कउन मनई क आँधर बनइ सकत ह? कउन मनई क लखइ क लाइक बनइ सकत ह? मइँ ही हउँ जउन इ सब कइ सकत हउँ, मइँ अहउँ यहोवा।</verse>
				<verse number="12">ऍह बरे अब जा। जबहिं तू बोलब्या, मइँ तोहरे साथे रहब। मइँ बोलइ बरे तोहका सब्दन देब।”</verse>
				<verse number="13">मुला मूसा कहेस, “मोर यहोवा। मइँ तोहसे बिनती करत हउँ कि दुसरे मनई क पठवा, मोका नाहीं।”</verse>
				<verse number="14">तब्बइ यहोवा मूसा प कोहान। यहोवा कहेस, “नीक अहइ। मइँ तोहका अउर कउनो क मदद बरे देब। मइँ तोहरे भइया हारून जउन लेवी परिवार स अहइ, क बइपरब। उ एक कुसल बोलवइया अहइ। हारून तोह स मिलइ बरे तोहरे लगे आवत आहइ। उ तोहका निहारिके खुस होइ।</verse>
				<verse number="15">उ तोहरे संग फिरौन क लगे जाइ। तोहका का कहइ का बा, मइँ बताउब। तब तू हारून क बतउब्या। जउन हारून फिरौन स बात करइ बरे नीक सब्दन बइपरी।</verse>
				<verse number="16">हारून तोहरे बरे मनइयन स बात करी। तू ओकरे बरे एक बड़का राजा क रूप मँ रहब्या अउर उ तोहरे कइँती स बोलवइया होइ।</verse>
				<verse number="17">अब जा। आपन छड़ी साथे लइ जा। आपन छड़ी क चमत्कार अउ दूसर चमत्कार मनइयन क समन्वा प्रदसिर्त कर्या।”</verse>
				<verse number="18">तब मूसा आपन ससुर यित्रो क लगे लौटि आवा। मूसा यित्रो स कहेस, “मेहरबानी कइ क मोका मिस्र जाइ द्या। मइँ मिस्र मँ आपन लोगन क लखइ चाहत हउँ कि मोर लोगन अबहुँ जिअत अहइँ।” यित्रो मूसा स कहेस, “तू सान्ति स जा। इ ठीक अहइ।”</verse>
				<verse number="19">उ समइया जब मूसा मिदियन मँ ही रहा, यहोवा ओसे कहेस, “अब मिस्र वापिस जाइ क तोहारे बरे सुरच्छित टेम अहइ। जउन मनइयन तोहका मारइ चाहत रहेन, उ पचे मरि गएन।”</verse>
				<verse number="20">ऍह बरे मूसा आपन मेहरारू अउ आपन बेटवन क लइके गदहा प बइठाएस। अउ मिस्र क वापसी प लौटि गवा। मूसा उ टहरइवाली छड़ी क संग लिहेस जेहमाँ यहोवा क सक्ती रही।</verse>
				<verse number="21">जउन टेम मूसा मिस्र क लउटत रहा, परमेस्सर ओसे कहेस। “जबहिं तू फिरौन स बतियाबा तउ उ सबहिं चमत्कारे क देखावा जेका देखावइ क सक्ती मइँ तोहका दिहेउँ ह। मुला मइँ फिरौन क बहोत जिद्दी बनाउब। उ लोगन क जाइ न देइ।</verse>
				<verse number="22">तब तू फिरौन स कहया:</verse>
				<verse number="23">‘यहोवा कहत ह, इस्राएल मोर पहिलौटी क बेटवा अहइ। मोरे बेटवा क जाइ द्या अउर मोर आराधना करइ द्या। जदि तू इस्राएल क जाइ स मना करत बाट्या तउ मइँ तोहार पहिलौटी क पूत मारि डाउब।’”</verse>
				<verse number="24">जउन टेम मूसा मिस्र क जात्रा प जात भवा रहा रात काटइ बरे सराय मँ रूका। यहोवा इ जगह प मूसा स भेँटा अउ ओका मारि डावइ क जतन किहेस।</verse>
				<verse number="25">मुला सिप्पोरा चकमक पाथर क तेज छूरी लिहेस अउ आपन बेटवा क खतना किहेस। उ आपन बेटवा क बाहरी चाम लिहेस अउ ओकर गोड़वा छुएस। तब उ मूसा स कहेस, “तू मोरे लहू क भतार अहा।”</verse>
				<verse number="26">सिप्पोरा इ किहेस काहेकि ओका आपन बेटवा क खतना करइ पड़ा रहा। ऍह बरे यहोवा मूसा क माफ़ कइ दिहेस अउ ओका नाहीं मारेस।</verse>
				<verse number="27">यहोवा हारून स कहेस। यहोवा ओनका बताएस, “रेगिस्तान मँ जा अउ मूसा स मिला।” तउ हारून गवा अउ यहोवा क पहाड़े प मूसा स मिला। जब हारून मूसा क लखेस, उ ओका चूमेस।</verse>
				<verse number="28">मूसा हारून क सब कछू बताएस जउन यहोवा कहे रहा। मूसा हारून क यहोवा क जरिए पठवइ क कारण बताएस। मूसा हारून क उ चमत्कारन अउ उ चीन्हा क समझाएस बुझाएस जेका परमान क वास्ते देखँवइ क रहा।</verse>
				<verse number="29">इ तरह मूसा अउ हारून गएन अउ उ पचे इस्राएल क मनइयन मँ स सबहिं बुजुर्गन क बटोरेन।</verse>
				<verse number="30">तबहिं हारून मनइयन स कहेस। उ मनइयन क सारी बातन क बताएस जउन यहोवा मूसा स कहेस। तबहिं मूसा सब मनइयन क देखइ बरे सब परमानन क सामने कइके देखाँएस।</verse>
				<verse number="31">ऍह बरे लोग मूसा पइ बिस्सासेन कि परमेस्सर ओका पठएस ह। इस्राएलियन समझेन कि यहोवा लोगन का मुसिबतन क लखइ क पाछे ओनके मदद बरे आवा रहेन अहइ। तउ उ पचे निहुरि गएन अउ आराधना किहेस।</verse>
			</chapter>
			<chapter number="5">
				<verse number="1">लोगन स बात किहे क पाछे मूसा अउ हारून फिरौन क लगे गएन। उ पचे कहेन, “यहोवा इस्राएल क परमेस्सर कहत हीं, ‘मोरे लोगन क रेगिस्तान मँ जाइ द्या, जेसे उ पचे मोरे सम्मान बरे जलसा करइँ।’”</verse>
				<verse number="2">मुला फिरौन कहेस, “यहोवा कउन अहइ? मइँ ओकर हुकुम काहे मानी? मइँ यहोवा क नाहीं जानित। ऍह बरे मइँ इस्राएल क लोगन क जाइ देइ स मना करत हउँ।”</verse>
				<verse number="3">तब हारून अउ मूसा कहेन, “हिब्रू मनइयन क परमेस्सर हम पचन क दरसन दिहेस ह। ऍह बरे हम आपसे पराथना करत अही कि आप हम पचन्क रेगिस्तान मँ तीन दिना तलक जात्रा करइ देइँ। हुवाँ हम पचे आपन परमेस्सर यहोवा बरे बलि चढ़ाउब। जदि हम अइसा नाहीं करित, उ हमसे कोहाइ जाइ अउ हमका बरबाद कइ देइ। उ हम पचन्क बेमारी स या तरवारि स मारि डाइ।”</verse>
				<verse number="4">मुला मिस्र क राजा ओनसे कहेस, “मूसा अउ हारून, तू पचे लोगन क काम करइ स बगदावद अहा। ओन मजदूरन क आपन काम करइ द्या। जहाँ तलक तू दुइनउँ क बात ब जा अउर आपन काम करा।</verse>
				<verse number="5">हिआँ बहोत स मजदूर अहइँ, तू पचे ओनका काम स रोकत बाट्या।”</verse>
				<verse number="6">ठीक उहइ दिना फिरौन इस्राएलियन क काम करइ क अउर जिआदा कर्रा हुकुम पालन करइ बरे कहेस। फिरौन गुलामन क मालिक अउ हिब्रू सरदारन स कहेस,</verse>
				<verse number="7">“तू मनइयन क हमेसा पुआल दिहा ह जेका उ ईटां बनवइ मँ बइपरत हीं। मुला अब ओनसे कहा कि उ पचे ईर्टा बनवइ खातिर पुआल खुद बटोरइँ।</verse>
				<verse number="8">मुला अब उ पचे ओतनी तदाद मँ ओतनी ईर्ट बनइहीं जेतना उ पचे पहिले बनवत रहेन। उ पचे अहदी होइ ग अहइँ। इहइ कारण अहइ कि उ पचे मोसे बाहेर जाइ बरे कहत बाटेन। ओनके लगे करइ खातिर काम नाहीं बा। ऍह बरे उ पचे मोसे माँगत बाटेन ताकि उ पचे आपन परमेस्सर क बलि अउ चढ़ावा देइ।</verse>
				<verse number="9">ऍह बरे इ दास स जिआदा कर्रा काम करावा। ऍनका कामे मँ लगाइ राखा। तबहिं ओनके लगे ऍतना टेम नाहीं रही कि उ पचे मूसा क झूठी बातन क सुनइँ।”</verse>
				<verse number="10">ऍह बरे मिस्री गुलामन क मालिक अउ हिब्रू काम क इस्राएलियन क लगे गएन अउ उ पचे कहेन, “फिरौन फइसला किहे अहइ कि उ तू पचन्क तोहरे ईर्टा बरे तोहका पुआल न देइ।</verse>
				<verse number="11">तू पचन्क खुद जाइ क होइ अउ आपन बरे पुआल खुद बटोरइ क होइ। ऍह बरे जा अउ पुआल बटोरा। मुला तू ओतना ईर्टा बनवा जेतँना तू पचे पहिले बनवत रह्या।”</verse>
				<verse number="12">तउ इ तरह हर मनई मिस्र मँ पुआल हेरइ बरे चारिहुं कइँती गवा।</verse>
				<verse number="13">गुलामन क मालिक जिआदा कर्रा काम करइ बरे मजबूर करत रहेन। उ पचे मनइयन क ओतँना ही ईर्टा गढ़इ बरे मजबूर करत रहेन जेतना उ पचे पहिले बनावत रहेन।</verse>
				<verse number="14">मिस्र क गुलामन क मालिक हिब्रू काम क मेठ चुनि लिहे रहेन। उ पचे लोगन क कामे क जिम्मेदार रहेन। मिस्री गुलाम क मालिक उन हिब्रू काम क मेठन क पीटत रहेन अउ ओनसे कहत रहेन, “तू पचे ओतॅनी ईर्टन क काहे नाहीं बनउत्या जउन पहिले बनावत रह्या।”</verse>
				<verse number="15">तब हिब्रू काम क मेठ फिरौन क लगे गवा। उ पचे सिकाइत किहेन अउ कहेन, “हम पचे आप क सेवक अही आप हम पचन्क संग अइसा बर्ताव काहे करत अहइँ?</verse>
				<verse number="16">आप हम पचन्क पुआल नाहीं दिहेन। मुला हम पचन्क हुकुम दिहेन कि ओतॅना ही ईर्टा बनावइँ जेतॅना पहिले बनत रहिन। अउर अब हम पचन्क मालिक हमका पीटत हीं। अइसा करइ स आप लोगन क गलती अहइ।”</verse>
				<verse number="17">फिरौन उत्तर दिहेस, “तू पचे अहदी अहा। तू पचे काम नाहीं करइ चहत्या। इहइ कारण अहइ कि तू पचे माँगत बाट्या कि मइँ तू सबन क निकरइ देउँ। अउर इहइ कारण अहइ कि तू पचे इ ठउर क तजि देइ चाहत बाट्या अउर यहोवा क बलि चढ़ावा चाहत अहा।</verse>
				<verse number="18">अब कामे प लउट जा, हम तू पचन क कछू पुआल न देब। मुला तू पचे ओतना ही ईर्टा बनवा जेतना पहिले बनवत रह्या ह।”</verse>
				<verse number="19">हिब्रू काम क मेठ बूझ गएन कि उ पचे मुस्किल मँ पड़ि गएन। तब उ पचे कहेन, “तू पचन्क हर दिना क तय किया भवा ईट स कम ईट नाहीं बनाइ चाही।”</verse>
				<verse number="20">जब उ पचे फिरौन क संग बइठे क पाछे जात रहेन, उ पचे मूसा अउ हारून क लगे स निकरेन। मूसा अउ हारून ओनकइ इंतजार करत रहेन।</verse>
				<verse number="21">ऍह बरे उ सबइ मूसा अउ हारून स कहेन, “तू पचे सचमुच फिरौन स इ आग्रह करइ क कि हम पचन्क जाइ देइ क गलती किहा। यहोवा तोहॅका सजा देइ काहेकि तू पचे फिरौन अउ ओकरे अफसरन मँ हमरे बरे घिन पइदा कर्या ह। तू पचे ओनका एक बहाना हमका मारि डावइ क-दिहा ह।”</verse>
				<verse number="22">तबहिं मूसा यहोवा स पराथना किहेस अउ कहेस, “हे यहोवा! आप आपन लोगन बरे इ भयानक काम काहे किहा ह? आप हमका हिआँ काहे पठया ह?</verse>
				<verse number="23">मइँ फिरौन क लगे गएउँ अउ जउन आप कहइ क बोल्या ह ओका मइँ ओसे कहेउँ ह। मुला उ समइया स उ मनइयन बरे जिआदा अत्यिाचार होइ गवा अहइ। मुला आप ओनके बचावइ बरे काहे कछू नाहीं किहा ह।”</verse>
			</chapter>
			<chapter number="6">
				<verse number="1">तबहिं यहोवा मूसा स कहेस, “अब तू लखब्या कि मइँ फिरौन बरे का करत हउँ। उ ओनका छोड़इ बरे एँतना हलबुली करी कि उ खुद ओनका जाइ बरे मजबूर करी।”</verse>
				<verse number="2">तब परमेस्सर मूसा स कहेस, “मइँ यहोवा हउँ।</verse>
				<verse number="3">मइँ इब्राहीम, इसहाक अउ याकूब क समन्वा परगट भएउँ ह। उ पचे मोका ‘एल-सदद्इ’ (सर्व-सक्तीमान परमेस्सर) कहेन। मइँ ओनका इ नाहीं जाहिर करिउँ कि मोर नाउँ यहोवा अहइ।</verse>
				<verse number="4">मइँ ओनके संग एक करार बनयो हउँ। मइँ उ पचन्क कनान क भुइँया देइ क बचन दिहउँ ह। उ सबइ उ देस मँ रहत रहेन, मुला उ सबइ हुवाँ अजनबी क जेसे रहत रहेन।</verse>
				<verse number="5">अब मइँ इस्राएलियन क चीख-पुकार जउन मिस्री लोगन क अत्याचार अउर कठिन काम करइ बरे मजबूर कीन्ह जाइ क कारण रहेन क सुना। अउर मइँ आपन करार क याद किया।</verse>
				<verse number="6">ऍह बरे इस्राएलियन स कहा कि मइँ ओन लोगन स कहत हउँ, ‘मइँ यहोवा हउँ। मइँ तू पचन्क मिस्र क बधवा मजदूरी स दूर लइ जाउब अउर मइँ तू पचन्क का ओन लोगन क गुलामी से बचाउब। अउर मइँ आपन महान सक्ती क प्रयोग कइ क अउर निअउ क महान काम अंजाम दइ क तू पचन्क अजाद करब।</verse>
				<verse number="7">तू पचे हमार मनई होब्या अउ मइँ तू पचन्क परमेस्सर। तू पचे जान जइब्या कि मइँ परमेस्सर, यहोवा हउँ अउर कि मइँ तू सबन्क मिस्र क गुलामी स अजाद किहउँ ह।</verse>
				<verse number="8">मइँ इब्राहीम, इसहाक अउ याकूब स बड़ा वाचा किहेउँ रहा। मइँ ओनका एक खास पहँटा देइ क वाचा किहेउँ रहा। ऍह बरे मइँ तू सबन क उ पहँटा ताई लइ जाब। मइँ उ पहँटा तू पचन्क देब। इ तू पचन्क होइ। मइँ यहोवा हउँ।’”</verse>
				<verse number="9">ऍह बरे मूसा इ बात इस्राएलियन क बताएस। मुला मनइयन आपन कर्रा मेहनत अउर निरासा क कारण मूसा क बात नाहीं सुनेन।</verse>
				<verse number="10">तब यहोवा मूसा स कहेस,</verse>
				<verse number="11">“जा अउ मिस्र क राजा फिरौन स कहा कि उ इस्राएल क लोगन क इ देसे स जाइ देइ।”</verse>
				<verse number="12">मुला मूसा जवाब दिहेस, “इस्राएल क मनइयन मोर बात सुनइ नाहीं चाहतेन। ऍह बरे सचमुच फिरौन भी सुनइ न चाही। अउर मइँ माहिर बोलिवइया नहीं हउँ।”</verse>
				<verse number="13">मुला यहोवा मूसा अउ हारून स बतियान। यहोवा ओनका जाइ अउ इस्राएलियन स बतियाइके हुकुम दिहेस अउ इ भी हुकुम दिहेस कि उ पचे जाइँ अउर फिरौन स बतियाइँ। यहोवा हुकुम दिहेस कि उ पचे इस्राएलियन क मिस्र क बाहेर लइ जाइँ।</verse>
				<verse number="14">इस्राएल क घराने क नेता क नाउँ अहइँ: इस्राएल क पहिलौटी क बेटवा रूबेन क चार बेटवन रहेन। उ पचे रहेन: हनोक, पल्लू हेस्रोन अउ कम्मीर्।</verse>
				<verse number="15">सिमोन क बेटहनन रहेन: यमूएल, यामीन, ओहद, याकीन, सोहर, अउर साउल। (साउल एक कनानी अउरत क पूत रहा।)</verse>
				<verse number="16">लेवी एक सौ सैतीस बरिस जिन्दा रहा। लेवी क बेटहनन रहेन: गेर्सोन, कहात अउ मरारी।</verse>
				<verse number="17">गेर्सोन क दुइ पूत रहेन-लिबनी अउ सिमी।</verse>
				<verse number="18">कहात एक सौ तैंतीस बरिस जिआ। कहात क बेटहनन रहेन: अम्राम, यिसहार, हेब्रोन अउ उज्जीएल।</verse>
				<verse number="19">मरारी क पूत रहेन: महली अउ मूसी। इ सबहिं परिवार इस्राएल क पूत लेवी क रहेन।</verse>
				<verse number="20">अम्राम एक सौ सैतीस बरिस जिआ। अम्राम आपन बाप क बहिन योकेबेद स बियाह करेस। अम्राम अउ योकेबेद स हारून अउर मूसा पइदा भएन।</verse>
				<verse number="21">यिसहार क बेटवन रहेन: कोरह, नेपग, अउ जिक्री।</verse>
				<verse number="22">उज्जीएल क बेटहनन रहेन: मीसाएल एलसापान, अउ सित्री।</verse>
				<verse number="23">हारून ऐलीसेबा स बियाह किहेस। (ऐलीसेबा बिटिया रही अम्मीनादाब क, अउ नहसोन क बहिन रही।) हारून अउ ऐलीसेबा स नादाब, अबीहू, ऐलाजार अउ ईतामार क जन्मेन।</verse>
				<verse number="24">कोरह क पूत (अर्थात कोरही रहेन): अस्सीर, एलकाना अउ अबीआसाप रहेन।</verse>
				<verse number="25">हारून क बेटवा ऐलाजार पूतीएल क बिटिया स बियाह किहेस। अउ उ पचे पीनहास क जन्मेन। इ सबहिं इस्राएल क बेटवा लेवी स रहेन।</verse>
				<verse number="26">इ तरह हारून अउ मूसा उहइ परिवार समूह स रहेन। अउर उ पचे उहइँ मनइयन रहेन जउन स यहोवा बतियान अउ कहेस, “मोर लोग इस्राएलिन क दल मँ मिस्र स निकारा।”</verse>
				<verse number="27">हारून अउ मूसा-मनई अहइँ जउन मिस्र क राजा फिरौन स बतियानेन। उ पचे फिरौन स कहेन कि उ इस्राएल क मनइयन क मिस्र स निकरइ देइ।</verse>
				<verse number="28">यहोवा मिस्र देस मँ मूसा स कहेस।</verse>
				<verse number="29">उ कहेस, “मइँ यहोवा हउँ। मिस्र क राजा स उ सारी बातन्क कहि द्या जउन मइँ तोहसे कहत अही।”</verse>
				<verse number="30">मुला मूसा जवाब दिहेस, “मइँ नीक बोलवइया नाहीं अहउँ। राजा मोर बतिया सुनी नाहीं।”</verse>
			</chapter>
			<chapter number="7">
				<verse number="1">यहोवा मूसा स कहेस, “मइँ तोहरे संग रहब। फिरौन बरे तू एक बड़वार राजा क तरह रहब्या। अउर हारून तोहार हकदार बोलवइया होइ।</verse>
				<verse number="2">जउन हुकुम मइँ देत हउँ उ सब हारून स कहा। तबहिं उ उ बतियन क जउन मइँ कहत हउँ, फिरौन स कही। अउर फिरौन इस्राएल क मनइयन इ देसे स जाइ देइ।</verse>
				<verse number="3">मुला मइँ फिरौन क जिद्दी बनउब। उ तोहार मांग क न मानी। तबहिं मइँ मिस्र मँ बहोत स चमत्कारन, चिन्ह अउर आस्चर्य जनक काम करिबेउँ।</verse>
				<verse number="4">मुला उ तउ भी तोहार नाहीं सुनी। ऍह बरे मइँ मिस्र क बुरी तरह स सजा देब। अउ मइँ आपन लोगन, इस्राएलियन क मिस्र देस स बाहेर लइ जाब।</verse>
				<verse number="5">तब मिस्र क मनइयन जनिहीं कि मइँ यहोवा अहउँ। जब मइँ ओन पचन्क खिलाफ होब अउर आपन लोग एस्राएलियन क ओनके देस स बाहेर लइ जाब।”</verse>
				<verse number="6">मूसा अउ हारून उन बातन क मान लिहेन जेका यहोवा कहे रहा।</verse>
				<verse number="7">तउ मूसा अस्सी बरिस क रहा अउ हारून तिरासी बरिस क।</verse>
				<verse number="8">यहोवा मूसा अउ हारून स कहेस,</verse>
				<verse number="9">“फिरौन तोहसे तोहार सक्ती क सिद्ध करइ बरे कही। उ तोहसे चमत्कार करइ बरे कही। उ समइया तू हारून स कहया कि भुइँया प टहरइ क छड़ी बहाइ द्या। जउन समइया फिरौन देखत रहत होइ, छड़ी साँप बन जाई।”</verse>
				<verse number="10">तउ मूसा अउ हारून फिरौन क लगे गएन अउ यहोवा क हुकुम क मानेन। हारून आपन छड़ी खाले बहाइ दिहस। फिरौन अउ ओनके अफसरन क लखत-लखत तबहीं छड़ी साँप बनि गइ।</verse>
				<verse number="11">ऍह बरे फिरौन आपन बुद्धिमान अउ जादूगरन क बोलाएस। इ पचे जन्तर मन्तर किहेन अउ हारून की नाई चमत्कार किहेन।</verse>
				<verse number="12">उ पचे आपन टहरइवाली छड़ी क भुइँया प बहाएन अउ उ सबन साँप बनि गइन। मुला तबहिं हारून क छड़ी उ छड़िन क खाइ लिहस।</verse>
				<verse number="13">फिरौन तउ भी इस्राएली दास क जाइ स मना किहस। इ वइसा ही भवा जइसा यहोवा कहेस। फिरौन मूसा अउ हारून क बात सुनइ स मना कइ दिहस।</verse>
				<verse number="14">तब यहोवा मूसा अउ हारून स कहेस, “फिरौन हठ धरे बा। फिरौन मनइयन क जाइ स मना करत ह।</verse>
				<verse number="15">भिन्सारे फिरौन नदी क किनारे जाइ। ओकरे संग भेट करइ बरे नील नदी क किनारे जा। तू अपने साथे उ छड़ी क लइ जाया जउन साँप होइ ग रही।</verse>
				<verse number="16">ओका इ कहया: ‘परमेस्सर, हिब्रू लोगन क यहोवा, मोका तोहरे लगे पठएस ह। यहोवा मोसे इ कहइ क बोलेस ह, “मोरे लोगन क मोर आराधना करइ बरे रेगिस्तान मँ जाइ द्या।” अबहुँ तलक तू यहोवा क कहब नाहीं मान्या।</verse>
				<verse number="17">ऍह बरे यहोवा कहत ह कि उ तोहका लखावइ बरे कछू करी कि उ यहोवा अहइ। मइँ आपन हाथे मँ छड़ी लइके पानी प मारब अउ नील नदी रकत मँ बदल जाइ।</verse>
				<verse number="18">तब नील नदी क मछरियन मरि जइहीं अउ नदी बसाइ लागी। तब मिस्री मनइयन नदी क पानी न पी पइहीं।’”</verse>
				<verse number="19">यहोवा मूसा क इ हुकुम दिहेस, “हारून स कहा कि उ नदियन, नहरन, झीलियन अउ उ सबहिं ठउरन प जहाँ मिस्र क मनइयन पानी भरत हीं-हुवाँ आपन छड़ी क पसारइ। जबहिं उ अइसा करी तउ सारा पानी रकत मँ बदलि जाइ। सारा क सारा पानी हिआँ तलक कि काठे अउ पाथर क बासन मँ धरा पानी रकत मँ बदलि जाई।”</verse>
				<verse number="20">ऍह बरे मूसा अउ हारून वइसा किहेन जइसा यहोवा कहेस। हारून छड़ी क उठाएस अउ नील नदी क पनिया प पटकेस। उ इ फिरौन अउ ओकरे अफसरन क समन्वा किहेस। फिन नदी क सारा पानी रकत मँ बदलि गवा।</verse>
				<verse number="21">मछरियन नील नदी मँ मरि गइन अउ नदी बसाइ लागी। ऍह बरे मिस्री मनइयन नदी क पानी नाहीं पिउ सकत रहेन। मिस्र मँ सब कइँती रकत रहा।</verse>
				<verse number="22">फिरौन क जादूगरन आपन जन्तर मन्तर देखाएन अउ उ पचे वइसा ही किहेन। ऍह बरे फिरौन मूसा अउ हारून क सुनइ स इन्कार कइ दिहेस। इ ठीक वइसे भवा जइसे यहोवा कहे रहा।</verse>
				<verse number="23">जउन मूसा अउ हारून किहे रहेन ओका फिरौन नाहीं मानेस। उ घूमा अउ घरे चला गवा।</verse>
				<verse number="24">मिस्री मनइयन नदी स पानी नाहीं पिउ सकत रहेन। ऍह बरे पानी पिअइ बरे नदी क चारिहुँ कइँती कुअँन क खोदेन।</verse>
				<verse number="25">यहोवा क जरिए नील नदी क पानी क रकत मँ बदलइ क पाछे सात दिन बीति गएन।</verse>
			</chapter>
			<chapter number="8">
				<verse number="1">तब यहोवा मूसा स कहेस, “फिरौन क लगे जा अउ ओसे कहा कि यहोवा इ कहत ह, ‘मोरे मनइयन क मोरी आराधना करइ बरे जाइ द्या।</verse>
				<verse number="2">मुला जदि फिरौन ओनका जाइ स रोकत ह तउ मइँ, यहोवा सारे मिस्र क मेघन स भरि देब।</verse>
				<verse number="3">नील नदी मेघन स भरि जाइ। उ पचे नदी स निकरिहीं अउ तोहरे घरे मँ घुसिहीं। उ सबइ तोहरे सोवइ क खोलि मँ अउ तोहरे बिछउना मँ होइहीं। मेघन तोहरे अफसरन क घरे मँ होइहीं अउ तोहरे तन्दूरे मँ अउ पानी क घइली मँ होइहीं।</verse>
				<verse number="4">मेघन पूरि तरह तोहरे ऊपर, तोहरे मनइयन क ऊपर अउ तोहरे अफसरन क ऊपर होइहीं।’”</verse>
				<verse number="5">तबहिं यहोवा मूसा स कहेस, “हारून स कहा कि उ आपन छड़ी क नहरन, नदियन अउ झीलियन क ऊपर पसारइ। अउर मेघन बाहेर निकरिके सारे मिस्र देस मँ भरि जइहीं।”</verse>
				<verse number="6">तब हारून परमेस्सर क हुकम स मिस्र देस मँ जहाँ कहूँ पानी रहा ओकर ऊपर हथवा उठाएस अउ मेघा पानी स बाहेर आउब सुरू कइ दिहन अउ पूरे मिस्र प छाइ गएन।</verse>
				<verse number="7">जादूगर भी वइसा किहेन। उ पचे भी मिस्र देस मँ मेघा लइ आएन।</verse>
				<verse number="8">फिरौन मूसा अउ हारून क बोलाएस। फिरौन कहेस, “यहोवा स आराधना करइ कि उ हम लोगन क मेघन स आजाद करइ देइ। तबहिं मइँ मनइयन क यहोवा बरे बलि भेंट चढ़ावइ बरे जाइ देइहउँ।”</verse>
				<verse number="9">मूसा फिरौन स कहेस, “मोका इ बतावा कि आप कब चाहत हीं कि मेघन निकरि जाइँ। मइँ आप बरे, आप क मनइयन बरे अउ आप क अफसर बरे पराथना करिहउँ। तबहिं मेघन आप क अउ आप क घरन्क, अउ आप क अफसन्क अउ आप क मनइयन क तजि देइहीं। मेघन सिरिफ नदिया मँ रहि जइहीं। तू कब चाहत बाट्या कि मेघन तोहका तजि देइँ?”</verse>
				<verse number="10">फिरौन कहेस, “भियान।” मूसा कहेस, “जइसा आप कहत हीं वइसा ही होइ। इ तरह आप जानि जइहीं कि यहोवा हमार परमेस्सर क नाई अउर कउनो देवता नाहीं बा।</verse>
				<verse number="11">मेघन आप क, आप क घरे क, आप क अफसरन्क अउ आप क लोगन क तजि देइहीं। मेघन सिरिफ नदी मँ रहि जइहीं।”</verse>
				<verse number="12">मूसा अउ हारून फिरौन स बिदा भएन। मूसा ओन मेघन खातिर यहोवा क पराथना किहेस, जउने मेघन क यहोवा फिरौन क खिलाफ पठए रहा।</verse>
				<verse number="13">अउ यहोवा उहइ किहेस जउन मूसा कहेस। सब मेघा घरन मँ, घरन क अंगने मँ अउ खेतन मँ मरि गएन।</verse>
				<verse number="14">मिस्री मुरदा मेघन क ढेर मँ जमा कहेस तउ समूचा देस मँ भयंकर बदबू होइ लाग।</verse>
				<verse number="15">जब फिरौन निहारेस कि उ पचे मेघन स बरी होइ गएन उ फुन जिद्दियाइ गवा। फिरौन वइसा नाहीं किहेस जइसा मूसा अउ हारून ओसे करइ बरे कहे रहेन। इ ठीक वइसा ही भवा जइसा यहोवा कहेस।</verse>
				<verse number="16">तब यहोवा मूसा स कहेस, “हारून स कहा कि उ आपन छड़ी उठावइ अउ भुइयाँ क धूरि प पटकइ। मिस्र मँ सब कइँती धूरि जुअँन होइ जाइ।”</verse>
				<verse number="17">उ पचे इ किहेन। हारून छड़ी क उठाएस अउ भुइयाँ क धूरि प दइ मारेस। मिस्र मँ सब कइँती धूरि जुअँन मँ बदल गइ। जुअँन जानवरन अउ लोगन प छाइ गइन।</verse>
				<verse number="18">जादूगरन आपन जादू मारेन अउ वइसे करइ चाहेन। मुला जादूगरन धूरि स जुअँन नाहीं बनाइ सकेन। जुअँन जानवरन अउ मनइयन प छाइ गएन।</verse>
				<verse number="19">तउ जादूगरन फिरौन स कहेन, “इ परमेस्सर क सक्ती अहइ?” मुला फिरौन ओनपइ बिसवास करइ स इन्कार कइ दिहेस। उ जिद्दी होइ गवा। इ ठीक अइसा ही भवा जइसा यहोवा कहे रहा।</verse>
				<verse number="20">यहोवा मूसा स कहेस, “भिन्सारे उठा अउ फिरौन क लगे जा। फिरौन नदी क लगे जाइ। ओन से कहा, ‘मोरे लोगन क मोर आराधना बरे जाइ द्या।</verse>
				<verse number="21">जदि तू मोर लोगन क नाहीं जाइ देब्या तउ तोहरे घरन मँ माखी अइहीं। माखी तोहरे अउ तोहरे अफसरन प छाइ जइहीं। मिस्र क घरन माखिन स भरि जइहीं। माखिन पूरी भुइयाँ प छाइ जइहीं।</verse>
				<verse number="22">मुला मइँ इस्राएल क लोगन क संग वइसा बर्ताव न करब जइसा मिस्री लोगन क संग करिब। जहाँ गोसेन मँ मोर लोगन रहत हीं हुवाँ कउनो माखी नाहीं होइ। इ तरह तू जनब्या कि मइँ यहोवा, इ देसे मँ हउँ।</verse>
				<verse number="23">ऍह बरे मइँ काल्ह भियान स तोहरे लोगन क संग आपन लोगन स अलग बर्ताव करिहउँ।’”</verse>
				<verse number="24">ऍह बरे यहोवा उहइ किहेस जउन उ कहेस। माखिन झुण्ड क झुण्ड मँ आइ गइन। माखिन फिरौन क घर अउ ओकर सबहिं अफसरन क घरे मँ भरी रहिन। माखिन पूरे मिस्र देस मँ भरि गइन। माखी देस क नासत रहिन।</verse>
				<verse number="25">ऍह बरे फिरौन मूसा अउ हारून क बोलाएस। फिरौन कहेस, “तू पचे यहोवा तोहार परमेस्सर क इहइ देस मँ बलि भेंट कइ द्या।”</verse>
				<verse number="26">मुला मूसा कहेस, “वइसा करब नीक नाहीं होइ। मिस्री मनइयन सोचत हीं कि परमेस्सर बरे हम लोगन क बलि देब एक खउफनाक बात अहइ। ऍह बरे जदि हम पचे अइसा करित तउ उ पचे हमका देखिहीं अउ हम पइ पाथर बहइहीं अउर हमका मारि डइहीं।</verse>
				<verse number="27">हम पचन्क तीन दिना तलक रेगिस्तान मँ जाइ द्या अउर हमका आपन यहोवा परमेस्सर क ओकर हुकम क अनुसार बलि चढ़ावइ द्या।”</verse>
				<verse number="28">ऍह बरे फिरौन कहेस, “मइँ तोह सबन क मरूभूमि मँ जाइ क देब अउ तोह सबन क यहोवा तोहार परमेस्सर क भेंट चढ़ाई क देब। मुला तोहका बहोत दूर नाहीं जाई क चाही। अब जा अउर मोरे बरे पराथना कर।”</verse>
				<verse number="29">मूसा कहेस, “लखा, मइँ जाब अउ यहोवा स पराथना करब कि काल्ह भियान आप स, आपक लोगन स अउ आपक अफसरन्स माखिन क हड़ाइ देइँ। मुला आप लोगन क यहोवा क बलि चढ़ावइ स जिन रोका।”</verse>
				<verse number="30">ऍह बरे मूसा फिरौन क लगे स गवा अउ यहोवा स पराथना किहेस।</verse>
				<verse number="31">अउर यहोवा इ किहेस जउन बरे मूसा पराथना किहेस। यहोवा माखिन क फिरौन स, ओकरे अफसरन्स ओकरे लोगन स हड़ाइ लिहेस। कउनो माखी नाहीं टिक पाइ।</verse>
				<verse number="32">मुला फिरौन फुन जिद्दी होइ गवा अउर उ लोगन क जाइ नाहीं दिहेस।</verse>
			</chapter>
			<chapter number="9">
				<verse number="1">तब परमेस्सर मूसा स कहेस, फिरौन क लगे जा अउर ओका कहा, “हिब्रू मनइयन क यहोवा परमेस्सर कहत बा, ‘मोरे लोगन क मोरे आराधना बरे जाइ द्या।’</verse>
				<verse number="2">जदि आप ओनकइ लगातार रोकत रहब्या अउ ओनकइ जाइ स लगातार मना करत रहब्या,</verse>
				<verse number="3">तउ यहोवा आपन सक्ती क प्रयोग तोहरे खेतन क गोरूअन क खिलाफ करी। परमेस्सर तोहरे सबहिं घोड़न, गदहन, ऊँट, गइया बोकरी अउ भेड़िन क भयानक बेरामी दइ देइ।</verse>
				<verse number="4">यहोवा इस्राएल क गोरूअन क संग मिस्र क गोरूअन स अलग बर्ताव करी। इस्राएलियन क मनइयन क कउनो गोरू न मरी।</verse>
				<verse number="5">यहोवा एका घटित होइ जाइ क टेम तइ कइ दिहे अहइ। ‘भियान यहोवा इहइ देस मँ घटइ देइ।’”</verse>
				<verse number="6">अगली भियान मिस्र क खेत क सबहीं जनावर मर गएन। मुला इस्राएल क कउनो भी जनावर नाहीं मरा।</verse>
				<verse number="7">फिरौन मनयइन क यह देखे इस्राएल भेजा कि का इस्राएल क कउनो जनावर मरा। अउ इस्राएल क कउनो जनावर नाहीं मरा। फिरौन हठी रहा उ कउनो मनयइन क नाहीं जाई दया।</verse>
				<verse number="8">यहोवा मूसा अउ हारून स कहेस, “मुट्ठी भर भट्ठी क राखी ल्या। मूसा तू फिरौन क समन्वा राखी क हवा मँ उछारा।</verse>
				<verse number="9">इ धूरि होइ जाइ अउ समूचइ मिस्र देस मँ संचरि जाइ। जबहुँ इ धूरि मनई क छुइ या गोरू प गिरी, खाली प फोड़ा (गलका) फुंसी फुटिहीं।”</verse>
				<verse number="10">ऍह बरे मूसा अउ हारून भट्ठी स राखी लिहेस। तबहिं उ पचे गएन अउ फिरौन क समन्वा ठाड़ भएन। मूसा राखी क हवा मँ उछारेन अउर मनइयन अउ गोरूअन क बदन मँ फोड़ा फुंसी होइ लागेन।</verse>
				<verse number="11">जादूगर मूसा क अइसा करइ स थाम नाहीं पाएन, काहे कि जादूगरन क फोड़ा होइ गएन। इ समूचइ मिस्र मँ अइसा ही भवा।</verse>
				<verse number="12">मुला यहोवा फिरौन क जिद्दी बनइ दिहे रहा। ऍह बरे फिरौन मूसा अउ हारून क सुनइ स मना कइ दिहेस। इ वइसा ही भवा जइसा यहोवा कहे रहा।</verse>
				<verse number="13">तब यहोवा मूसा स कहेस, “भिन्सारे उठा अउ फिरौन क समन्वा आपन आप क पेस करा। अउर ओसे कहा कि परमेस्सर, हिब्रू मनइयन क यहोवा तोहसे कहत ह, ‘मोर लोगन क मोर आराधना बरे जाइ द्या।</verse>
				<verse number="14">जदि तू इ नाहीं करब्या तउ मइँ तोहारे अफसरन अउ तोहरे मनइयन क खिलाफ आपन पूरी ताकत क प्रयोग करब। तब तू जनब्या कि मोरे तरह दुनिया मँ दूसर कउनो देवता नाहीं अहइ।</verse>
				<verse number="15">मइँ आपन सक्ती क प्रयोग कइ सकत हउँ अउ अइसी बीमारी फइलाइ सकत हउँ जउन तोहका अउ तोहरे मनइयन क भुइयाँ प नास कइ डाइ।</verse>
				<verse number="16">मुला मइँ तू सबन्क कउनो खास कारण स हिआँ धरे अहउँ। मइँ तू पचन्क हियाँ ऍह बरे धरे अहउँ कि मइँ तू पचन्क आपन सक्ती देखाउब। तब सारी दुनिया क मनइयन मोरे बारे मँ बात करिहीं।</verse>
				<verse number="17">तू पचे अबहुँ मोरे लोगन क खिलाफ अहा। तू ओनका जाइ नाहीं देत अहा।</verse>
				<verse number="18">ऍह बरे भियान मइँ इहइ टेम काफी जोरदार ओला बरसाउब। जब ते मिस्र देस बना ह आजु तक कबहुँ अइसे ओला नाहीं बरसा ह।</verse>
				<verse number="19">तू आपन गोरूअन क सुरच्छित ठउरे मँ राख्या। जउन कछू तोहार खेते मँ होइ ओका ओंटे मँ छिपाइ जरूर लिहा। काहेकी कउनो भी लोग या गोरू जउन खेते मँ होइ उ मरि जाइ। हर एक चीजन अउ हर एक मनइयन प जउन घरे क बाहेर होइ ओन सब प ओला बरसिहीं।’”</verse>
				<verse number="20">फिरौन क कछू अफसरन यहोवा क संदेसे प धियान दिहेस। उ पचे हाली हाली आपन गोरूअन अउ गुलामन क घरे मँ हाँक लिहेन।</verse>
				<verse number="21">मुला दूसर मनइयन यहोवा क सँदेसा प धियान नाहीं दिहेन। ओ पचन्क गुलाम अउ गोरू जउन बाहेर खेतन मँ रहेन सब तबाह हो गएन।</verse>
				<verse number="22">यहोवा मूसा स कहेस, “आपन हाथ हवा मँ उठावा अउ मिस्र प ओला गिरब सुरू होइ जइहीं। इ ओला मिस्र क सबहुँ खेतन प, लोगन प, गोरूअन प अउर बृच्छ अउ पौधा प गिरिहीं।”</verse>
				<verse number="23">ऍह बरे आपन छड़ी क हवा मँ उठाएस अउ यहोवा बिजुरी अउ ओला क भुइँया प गिराएन। ओला समूचइ मिस्र प गिरेन।</verse>
				<verse number="24">ओला पड़त रहेन अउ बिजुरी चमकत रही। जबहिं ते मिस्र एक ठु रास्ट्र बना तबहिं स अब तलक इ सबते जिआदा नोसकान करइवाली ओला बरसत रही।</verse>
				<verse number="25">मिस्र क खेत मँ जउन कछू रहा आँधी ओका नसाइ दिहेस। ओला मिस्र मँ मनइयन, गोरूअन अउ बृच्छ पउधन क नास कइ डाएस। ओला खेतन मँ सबन बृच्छन क ओखाड़ अउ तोड़ि दिहस।</verse>
				<verse number="26">गोसेन पहँटा मँ जहाँ इस्राएल क मनइ रहत रहेन हुवाँ ओला नाहीं गिरेन।</verse>
				<verse number="27">फिरौन मूसा अउ हारून क बोलाएस। फिरौन ओनसे कहेस, “इ समइ मँ मइँ पाप किहउँ ह। यहोवा सही अहइ। अउर मइँ अउ मोर लोग गलत अहइँ।</verse>
				<verse number="28">परमेस्सर क ओर स ओला क आवाज अउ गर्जत अवाज बहोत जिआदा बा। यहोवा स आँधी थामइ क परार्थना करा। मइँ तू सबइ पचन्क जाइ देब। तू सबइ पचन्क हिआँ नाहीं रहइ क पड़ी।”</verse>
				<verse number="29">मूसा फिरौन स कहेस, “जब मइँ सहर क तजि देब, तबहिं मइँ पराथना मँ आपन बाँही क यहोवा क समन्वा पसराउब। गर्जब अउ ओला क गिरब थमि जाइ। तबहिं आप सबन जनिहीं कि इ भुँइया यहोवा क अहइ।</verse>
				<verse number="30">मुला मइँ जानत हउँ कि आप अउ आपक अफसरन अबहुँ नाहीं यहोवा स डेरातेन अउर नाहीं यहोवा क इज्जत देत हीं।”</verse>
				<verse number="31">सनई मँ दाना पड़ि गवा रहा अउ बारली मँ फूल निकरि आवा रहा। मुला इ सब पउधन नसाइ गएन।</verse>
				<verse number="32">गोहूँ अउ कठियान गोहूँ जउन दूसर अनाजे क पाछे पाकत हीं, ऍह बरे एनकइ फसल नसान नाहीं।</verse>
				<verse number="33">मूसा फिरौन क तजि दिहेस अउ सहर क बाहेर आवा। उ यहोवा क समन्वा आपन बाँह पसारेस अउ गर्जब अउ ओला क गिरब पटान। बर्खउ धरती प गिरब पटाइ गइ।</verse>
				<verse number="34">जब फिरौन लखेस, कि बर्खा, ओला अउ गर्जब पटाइ गएन। उ फुन स पाप किहेस। उ अउ ओकर अफसरन फुन जिद धरे रहेन।</verse>
				<verse number="35">फिरौन फुन जिद्दी होइ गएन। उ इस्राएल क मनइयन क अजादी स जाइके मना कइ दिहस। इ ठीक उहइ तरह भवा जइसे यहोवा मूसा स कहे रहा।</verse>
			</chapter>
			<chapter number="10">
				<verse number="1">यहोवा मूसा स कहेस, “फिरौन क हिआँ जा। मइँ ओका अउ ओकरे अफसरन्क जिद्दी बनइ दिहेउँ ह। मइँ यह आपन बरियारे क चमत्कार ओनका अउर ओकर लोगन क समन्वा देखाइ बरे किहेउँ ह।</verse>
				<verse number="2">मइँ ऍका ऍह बरे किहेउँ ह कि तू आपन पूत-बिटिया तथा नाती-नतिनी क ओन अजूबा काम क अउ दूसर चीन्ह क बताइ सका जउन मइँ मिस्री लोगन क खिलाफ मँ किहेउँ ह। तबहिं तू पचे जान लेब्या कि मइँ यहोवा हउँ।”</verse>
				<verse number="3">ऍह बरे मूसा अउ हारून फिरौन क लगे गएन। उ पचे ओसे कहेन, “हिब्रू लोगन क यहोवा परमेस्सर कहत हीं, ‘तू मोरे हुकुम क मानइ स कब ताई इन्कार करब्या? मोरे लोगन क मोर आराधना करइ बरे जाइ द्या।</verse>
				<verse number="4">जदि तू मोर लोगन क जाइ स मना करत ह तउ मइँ भियान तोहरे देस मँ टिड्डियन क लइ आउब।</verse>
				<verse number="5">टिड्डियन पूरी भुइँया क ढाँपि लेइहीं। ओ ऍतना ढेरि क होइहीं कि तू भुइयाँ नाहीं लखइ पउब्या। सबहिं पउधन अउ जउन कछू चीज ओला भरी आँधी स बचि गइ बाटिन ओका टिड्डियन चट कइ जइहीं। टिड्डियन मइदान क सब पातिन्क चट कइ डइहीं।</verse>
				<verse number="6">टिड्डियन सबहिं घरन, तोहरे अफसरन्क सबहुँ घरन अउ मिस्र क सबहुँ घरन मँ भरि जइहीं। जेतॅना टिड्डियन तोहार बाप दादा कबहुँ न देखे होइहीं ओसे भी जिआदा टिड्डियन हिआँ होइहीं। जब ते मनइयन मिस्र मँ रहइ लागेन, तब ते जब कबहुँ टिड्डियन भइ होइहीं ओसे भी जिआदा टिड्डियन होइहीं।’” तबहिं मूसा घूमि गवा अउ फिरौन क तजि दिहस।</verse>
				<verse number="7">फिरौन क अफसरन ओसे पूछेन, “हम पचे कब तलक इ लोगन क जालि मँ फँसा रहब। मनइयन क यहोवा आपन परमेस्सर क आराधना करइ जाइ द्या। जदि आप ओनका नाहीं जाइ देब्या तउ आपक जानइ स पहिले मिस्र बरबाद होइ जाइ।”</verse>
				<verse number="8">ऍह बरे फिरौन आपन अफसरन्स कहेस कि मूसा अउ हारून क ओकरे लगे लिआवा। उ ओनसे कहेस, “जा अउ यहोवा आपन परमेस्सर क आराधना करा। मुला मोका बतावा फुरे कि कउन-कउन जात अहइँ?”</verse>
				<verse number="9">मूसा जवाब दिहेस, “हमार मनई जवान अउ बुढ़वा मनई जइहीं। अउ हम पचे आपन बेटहनन अउ बिटिहनियन, आपन भेड़िन अउ गोरूअन क आपन संग लइ जाब। हम सब एक अउट जाब काहे कि परमेस्सर क भोज हम सबइ बरे अहइ।”</verse>
				<verse number="10">फिरौन ओनसे कहेस, “जदि मइँ कभी तू पचन्क अउ तोहरे बचवन क जाइ देइ तउ परमेस्सर क सचमुच तोहरे साथे होइ चाही। लखा, तू पचे कछू बुरा जोजना करत बाट्या?</verse>
				<verse number="11">सिरिफ मनइयन ही जाइ सकत हीं अउ यहोवा क आराधना कइ सकत हीं। तू पचे इहइ सुरू से ही माँग्या ह। मुला तोहार सारे लोगन क साथें जाइ क आग्या नाहीं बा।” तब फिरौन मूसा अउ हारून क पठएस।</verse>
				<verse number="12">यहोवा मूसा स कहेस, “मिस्र क धरती प बँहिया उठावा अउ टिड्डियन आइ जइहीं। टिड्डियन मिस्र क सारी भुइयाँ प संचर जइहीं। टिड्डियन ओला स बचा भवा पेड़ पउधा क चट कइ जइहीं।”</verse>
				<verse number="13">मूसा आपन छड़ी क मिस्र कइँती उठाएस अउ यहोवा पूरब स जोर क आँधी चलाइ दिहेस। आँधी उ सारे दिन भइ अउ रात मँ चलत रही। जब भिन्सार भवा, आँधी मिस्र देस मँ टिड्डियन क लइ आइ दिहस।</verse>
				<verse number="14">टिड्डियन मिस्र देस स उड़िके आइन अउ भुइयाँ प बैठि गइन। मिस्र मँ एँतनी जिआदा टिड्डियन कबहुँ नाहीं भइन जेतनी इ दाई रहिन।</verse>
				<verse number="15">टिड्डियन पूरी भुइँया क ढाँपि लेइहीं। ऍह बरे पूरे देस मँ जमीन प अँधियारा छाइ गवा। टिड्डन ओन सबहिं पउधन क अउ बृच्छ क हरिअर फल क, जउन ओला गिरे स नसान नाहीं रहेन, चट कइ डाइन। मिस्र मँ कतहुँ कउनो पेड़ या पउधन प कउनो पाती नाहीं रहि पाइ।</verse>
				<verse number="16">फिरौन मूसा अउ हारून क हाली बोलावाएस। फिरौन कहेस, “मइँ तोहरे अउ यहोवा तोहरे परमेस्सर क खिलाफ पाप किहेउँ ह।</verse>
				<verse number="17">इ टेम प मोरे पाप क अब छिमा कइ द्या। यहोवा आपन स पराथना करा कि इ ‘मउत’ (टिड्डियन) क मोसे दूर करा।”</verse>
				<verse number="18">मूसा फिरौन स अलग भवा अउ उ यहोवा स पराथना किहेस।</verse>
				<verse number="19">ऍह बरे यहोवा हवा क बहब बदलि दिहस। यहोवा पच्छिउँ स तेज आँधी उठाएस अउ उ टिड्डियन क लाल सागरे मँ हटाइ दिहस। एक ठु भी टिड्डी मिस्र मँ नाहीं बचि पाएस।</verse>
				<verse number="20">मुला यहोवा फिरौन क जिद्दी बनएस। अउर फिरौन इस्राएल क मनइयन क जाइ नाहीं दिहेस।</verse>
				<verse number="21">तब यहोवा मूसा स कहेस, “आपन बाँही क हवा मँ ऊपर उठावा अउ अँधियारा मिस्र क ओढ़ि लेइ। इ अँधियारा एतना गहिर अउ मोट होइ कि तू ऍका महसूस कइ सकित ह।”</verse>
				<verse number="22">तउ मूसा आपन हथवा हवा मँ उठाएस अउ मिस्र मँ टोवइवाला अँधियर छाइ गवा। इ अँधियारा तीन दिना तलक मिस्र मँ रहा।</verse>
				<verse number="23">मनइयन मँ स कउनो क चोंधरात नाहीं रहा अउ तीन दिन कउनो कतहूँ नाहीं जाइ पावा। मुला हुवाँ उजिआरा उ ठउरन प रहा जहाँ कतहूँ इस्राएल क मनई रहेन।</verse>
				<verse number="24">फिरौन मूसा क फुन बोलाएस। फिरौन कहेस, “जा अउ यहोवा क आराधना करा। तू पचे आपन संग बचवन क लइ जाइ सकत ह। सिरिफ आपन भेड़िन अउ गोरून क हिआँ तजि द्या।”</verse>
				<verse number="25">मूसा कहेस, “न सिरिफ हम पचे आपन भेड़ अउ गोरू क लइ जाब मुला जब हम पचे जाब, आप हम सबन्क भेंट अउ बलि भी देब्या। हम पचे इ सब बलिन क आपन परमेस्सर यहोवा क आराधना बरे बइपरब।</verse>
				<verse number="26">हम पचे आपन पसु क संग संग परमेस्सर क आराधना बरे लइ जाब। हमरे पाछे एक ठु खुर भी न छूटि पाइ। हम पचे ठीक तरह अबहिं नाहीं जानित अही कि परमेस्सर क आराधना बरे हम क का चाही। हम पचे तब ओका जानि पाउब जब हम सबइ उ ठउरे क पहुँचि जाब जहाँ हम पचे जात अही।”</verse>
				<verse number="27">यहोवा फुन फिरौन क जिद्दी बनाएस। ऍह बरे फिरौन ओन सब क जाइ स मना कइ दिहेस।</verse>
				<verse number="28">तब फिरौन मूसा स कहेस, “मोसे दूर होइ जा। मइँ नाहीं चाहित कि तू हिआँ फुन आवा। एकरे पाछे जदि तू हम से भेंटइ अउब्या तउ मारि डावा जाब्या।”</verse>
				<verse number="29">तबहिं मूसा फिरौन स कहेस, “आप जउन कहत हीं, ठीक बा। मइँ फुन आप स भेंटइ कबहुँ न आउब।”</verse>
			</chapter>
			<chapter number="11">
				<verse number="1">तब यहोवा मूसा स कहेस, “मइँ फिरौन अउ मिस्र क खिलाफ एक ठु अउर बिपत लइ आउब। एकरे पाछे उ तू सबन्क मिस्र स पठइ देइ। असिल मँ उ तू पचन्क इ देस तजि देइ क मजबूर करी।</verse>
				<verse number="2">तू इस्राएलियन क इ संदेसा जरूर दिहा: ‘तू आपन पड़ोसियन मनसेधू अउ मेहरारूअन स सोना अउ चाँदी क बनी चीज मांग्या।’”</verse>
				<verse number="3">परमेस्सर मिस्र क मनइयन क तू सबन प कृपालु बनइहीं। मिस्री मनइयन, हिआँ तलक फिरौन क अफसरन भी पहिलेन स मूसा क बड़का मनइ मानत हीं।</verse>
				<verse number="4">मूसा लोगन स कहेस, “यहोवा कहत हीं: ‘आज आधी रात क मइँ मिस्र स होइके जाब,</verse>
				<verse number="5">अउ मिस्र क सबइ पहिलौटी पूतन अउ मिस्र क राजा फिरौन क पहिलौटी बेटवा स लइके जाँत चलावइवाली नौकरानी तलक क पहिलौटी पूत मरि जाइ। पहिलौटी क पइदा भवा नर गोरू भी मरिहीं।</verse>
				<verse number="6">मिस्र क समूचइ धरती पइ रोउब पीटब होइहीं। उ रोउब पीटब मिस्र मँ पुराने जमाने मँ कबहुँ भए रहेन कउनो भी रोउब पीटब स या आवइ वाल समइ मँ कबहुँ होइवाला रोउब पीटब से जियादा बुरा होइहीं।</verse>
				<verse number="7">मुला इस्राएल क कउनो भी मनइ क चोट न पहुँच पाइ। हिआँ तलक कि ओन लोगन प कउनो कुत्ता भी नाहीं भूँकी। न कउनो इस्राएली मनइ क अउ न ही कउनो गोरूअन क चोट लागी।’ इ तरह स तू जनब्या कि मइँ इस्राएल क मिस्र स अलगउज क बियूहार कीन्ह ह।</verse>
				<verse number="8">तबहिं तोहार सब मिस्री अधिकारियन मोर समन्वा निहुरिहीं अउ मोर पूजा करइहीं। उ पचे कइहीं, ‘जा, अउ आपन सबहिं लोगन क आपन संग लइ आवा।’” तबहिं मइँ फिरौन क कोहाइ क देब।</verse>
				<verse number="9">तबहिं यहोवा मूसा स कहेस, “फिरौन तोहार बात सुनेस नाहीं। काहे? ऍह बरे कि मइँ आपन बड़की सक्ती क मिस्र मँ देखाइ सकउँ।”</verse>
				<verse number="10">इहइ कारण रहा कि मूसा अउ हारून फिरौन क समन्वा बड़का बड़का चमत्कार देखाएन। अउर इहइ कारण अहइ कि यहोवा फिरौन क एँतना हट्टी बनाएस कि उ इस्राएल क मनइयन क आपन देस तजइ नाहीं दिहेस।</verse>
			</chapter>
			<chapter number="12">
				<verse number="1">मूसा अउ हारून जब मिस्र मँ रहेन, यहोवा ओनसे कहेस। यहोवा कहेस,</verse>
				<verse number="2">“इ महीना तोहार बरे बरिस क पहिल महीना होइ।</verse>
				<verse number="3">इ हुकुम इस्राएल क पूरी जाति बरे अहइ: इ महीना क दसवाँ दिन हर मनइ आपन परिवारे बरे एक ठु मेनना जरूर राखी।</verse>
				<verse number="4">जदि हुवाँ जिआदा मनइयन अकरे घरे मँ मेमना क खाइ बरे न होइँ, तउ ओका आपन पड़ोसियन क भोज खाइ बरे बोलावइ चाही। हर मनइ क खाइ बरे मेमना क पर्याप्त गोस होइ चाही।</verse>
				<verse number="5">एक बरिस क नर मेमना बे दोखे तगड़ा होइ क चाही। इ पसु या तउ भेड़ क बच्चा या बोकरी क बच्चा होइ सकत ह।</verse>
				<verse number="6">तोहका इ मेमना क महीना क चौदहवीं तारीख ताई रखइ चाही। उ दिन इस्राएल बिरादरी क सबहिं लोग गोधरी क समइ मँ इ मेमनन क जरूर मारिहीं।</verse>
				<verse number="7">इ जानवरन क खून तोहका बटोरइ क चाही। कछू खून घरे क दरवाजे क चौखट क ऊपर सिरा अउ दुइनउँ पाटी प लगावइ चाही, जउन घरन मँ मनइयन खइया क खाइँ।</verse>
				<verse number="8">“इ रात क तू मेमना क भूँजि ल्या अउ ओकर सबइ गोस खाइ ल्या। तू जरूर कड़वान जरी-बूटी अउ बे खमीरे क रोटी भी खाइ लिहा।</verse>
				<verse number="9">तोहका मेमना क बच्चा नाहीं खाइ चाही तोहका मेमना क पानी मँ बोलकावइ नाहीं चाहीं तोहका समूचइ मेमना क आगी प भूँजइ चाही। इ हालत मँ भी मेमना क मूँड़, जोड़ अउ ओकरे भीतर क हींसा ठीक ठाक होइ क चाही।</verse>
				<verse number="10">उहइ राति क तोहका सब गोस खाइ लेइ चाही। जदि तनिक गोस भिन्सारे ताई बचि खुचि जाइ तउ ओका आगी मँ जराइ देइ चाही।</verse>
				<verse number="11">“जब तू खइया क खाया तउ अइसे ओढ़ना क पहिर्या जइसे तू पचे जात्रा प जात ह्वा। तू पचन्क लबादा तोहरे पेटी मँ कसा होइ चाही। तू पचे आपन पनही पहिरे रह्या अउ आपन जात्रा करइ क लाठी आपन हाथे मँ थामे रह्या। तू पचन्क हालि खइया क खाइ लिहा। काहेकि इ यहोवा क फसह अहइ-उ टेम जब यहोवा ओकरे मनइयन क बचाएस अउ मिस्र स ओनका हाली बाहेर किहेस।</verse>
				<verse number="12">“आजु राति मँ मइँ मिस्र स होइक जाब अउ मिस्र मँ सबइ पहिलौटी पूत क मारि डाउब। मइँ सबहिं पहिलौटी का पइदा भवा मनइ क बेटवा, अउ जानवर क बच्चा क मारि डाउब। इ तरह मइ मिस्र क सबहिं देवतन क परखब अउ देखाउब कि मइँ यहोवा हउँ।</verse>
				<verse number="13">मुला तू मनइयन क घरेन प लाग खून क चीन्हा एक खास चीन्हा होइ। जब मइँ खून क चीन्हा क लखब, तउ मइँ तू पचन क घरन क सुरच्छित तजइ भवा चला जाब। मइँ मिस्र क मनइयन क मारब, मुला ओन जानलेवा माहमारी स तू पचन्क कउनो भी नसकान न पहुचाउब।</verse>
				<verse number="14">“तउ तू पचे आजु इ रात क हमेसा याद करब्या। तू पचन बरे एक खास पवित्तर क दिन होइ। तोहार सन्तानन हमेसा इ पवित्तर दिन क मनाइ क जरिया यहोवा क सम्मान देइहीं</verse>
				<verse number="15">इ पवित्तर दिन प तू पचे बेखमीर क आटा क रोटी सात दिन ताई खउब्या। इ पवित्तर दिन क अवाई स पहिले तू पचे आपन घरे स खमीर क निकारिके बाहेर बहाइ द्या। इ पवित्तर दिन क सात दिन ताई तू पचे मँ स कउनो क भी खमीर नाहीं खाइ चाही। जदि तू पचे मँ स कउनो भी मनइ खमीर खाई तउ ओका इस्राएल क दूसर मनइयन स निकारइ दइ जाब्या।</verse>
				<verse number="16">इ पवित्तर दिन क पहिले दिन अउ सातवाँ दिन मँ तोहका पवित्तर बइठक करइ चाही। इ दिनन तोहका कउनो काम नाहीं करइ क होइ। इ दिनन सिरिफ एक काम जेका करइ क अग्गिया अहइ आपन भोज क तइयार करब।</verse>
				<verse number="17">तू लोगन क बेखमीरे क पवित्तर त्यौहार क जरूर याद राखे चाही। काहेकि इहइ दिन ही मइँ तोहरे लोगन क समूहन मँ मिस्र स बाहेर लइ आवा। ऍह बरे तू लोगन क अउर तोहार सबहिं सन्तानन क इ दिन याद राखइ क होइ। इ नेम अहइ अउ इ सदा रही।</verse>
				<verse number="18">ऍह बरे पहिले महीना निसन क चौदहवाँ दिन क साँझ स तू पचे बेखमीरे क रोटी खाब सुरू करब्या। उहइ महीना क इक्कीसवाँ दिन क सांझ तलक तू अइसी रोटी खाब्या।</verse>
				<verse number="19">सात दिना ताई तू सबन्क घरन मँ कउनो खमीर क रोटी नाहीं होइ चाही। कउनो भी मनइ चाहे उ आपन देस मँ पैदा भवा ह या विदेसी होइ जउन इ खमीर क खाई दूसर इस्राएलियन स अलगाइ दीन्ह जाइ।</verse>
				<verse number="20">इ पवित्तर दिन क तू पचन्क खमीर नाहीं खाई चाही। तू जहाँ कतहुँ रहा बेखमीरे क रोटी खाया।”</verse>
				<verse number="21">ऍह बरे मूसा सबहीं बुजुर्गन क एक ठउरे प बोलाएस। मूसा ओन पचन्सा कहेस, “आपन परिवारे बरे मेमनन लइ ल्या। फसह त्यौहारे बरे मेमनन क मारि द्या।</verse>
				<verse number="22">हिसाप क गुच्छा क लइ ल्या। खोरा मँ ओनका डुबावा अउर दुइनउँ चौखटन क दुइनउँ कइँती अउ सिरन प खून क लगावा। तू पचन मँ स कउनो भी भियान तईं आपन घर नाहीं छोरइ चाही।</verse>
				<verse number="23">जब यहोवा पहिलौटी क मारइ बरे मिस्र स होइके जाइ तउ यहोवा उ घरे क रच्छा करिहीं जउने घर क चौखटन क दुइनउँ कइँती अउ सिरन प खून लखिहीं। यहोवा नास करइवालन क तोहरे घरे क भीतर ना भेजहीं। उ तू पचन्क चोट न पहुँचइहीं।</verse>
				<verse number="24">तू पचन क इ हुकुम जरूर याद राखइ चाही। इ नेम तू पचन अउ तू पचन क सन्तानन बरे हमेसा अहइ।</verse>
				<verse number="25">तू सबन्क इ जसन क तबहुँ याद रखइ क होइ जब तू पचे उ देस मँ पहुँचब्या जउन यहोवा तू सबन्क आपन वाचा क अनुसार देइहीं।</verse>
				<verse number="26">जब तोहार गदेलन तोहसे पूछिहीं, ‘इ त्यौहार क का मतलब अहइ?’</verse>
				<verse number="27">तउ तू पचे कहब्या, ‘इ फसह त्यौहार यहोवा क सम्मान बरे अहइ। काहेकि जब हम पचे मिस्र मँ रहेन तब यहोवा इस्राएल क घरवा स होइके गएन। यहोवा मिस्र क मनइयन क मारि डाएन मुला हम सबन्क हमार घरे मँ बचाइ लिहन।’” तबहिं लोग यहोवा क निहुरेन अउ आराधना किहेन।</verse>
				<verse number="28">यहोवा इ हुकुम मूसा अउ हारून क दिहे रहा। ऍह बरे इस्राएल क मनइयन उहइ किहेन जउन यहोवा क हुकुम रहा।</verse>
				<verse number="29">आधी रात क यहोवा मिस्र क सबहिं पइदा भए पूतन, फिरौन क पहिलौटी क पूत जउन मिस्र क राजा रहा-स लइके जेल मँ बइठेन कैदी क पूत तलक सबहिं क मारि डाएन। पहिलौटी क पइदा जानवर भी मरि गएन।</verse>
				<verse number="30">मिस्र मँ उ राति क कउनो न कउनो मरि गवा। फिरौन, ओकर अफसरन अउ मिस्र क सबहिं मनइयन ज़ोर स रोवइ चिचिआइ लागेन।</verse>
				<verse number="31">ऍह बरे उ रात फिरौन मूसा अउ हारून क बोलाएस। फिरौन ओसे कहेस, “तइयार होइ जा अउ हमरे लोगन क तजिके चला जा। तू अउ तोहार लोगन वइसा हीं करि सकत हीं जइसा तू कहया ह। जा अउ आपन यहोवा क आराधना करा।</verse>
				<verse number="32">अउ तू पचे जइसा तू कहया ह कि तू चाहत बाट्या, आपन भेड़िन अउ गोरूअन क आपन संग लइ जाइ सकत ह, जा अउ मोका भी आसीर्बाद द्या।”</verse>
				<verse number="33">मिस्र क मनइयन भी ओनका हालि जाइके कहेन। काहेकि उ पचे कहेन, “जदि तू पचे हालि नाहीं जात बाट्या हम सबहिं मरि जाब।”</verse>
				<verse number="34">इस्राएलियन क लगे ऍतना टेमॅ न रहा कि उ पचे आपन रोटी मँ खमीर नावइँ। उ पचे गूँधा भवा आटा क परातन क कपड़ा मँ लपेटिके अउ ओका आपन काँधे प धइके ढोएन।</verse>
				<verse number="35">तबहिं इस्राएलियन उहइ किहेन जउन मूसा करइ क कहेस। उ पचे आपन मिस्री पड़ोसियन क लगे गएन अउ ओनसे ओढ़ना अउर चाँदी सोना स बनी चीजन्क माँगेस।</verse>
				<verse number="36">यहोवा मिस्री लोगन क इस्राएल क लोगन बरे दयालु बनइ दिहन। ऍह बरे मिस्र क लोग आपन धन दौलत इस्राएलियन क दइ दिहन।</verse>
				<verse number="37">इस्राएल क मनइयन रमसिज स सुक्काथ गएन। उ सबइ छ: लाख मनइ रहेन। ऍहमा गदेलन मिलाइ क नाहीं अहइँ।</verse>
				<verse number="38">ओनके संग ढेर भेड़न, गइयन, बोकरियन अउ दूसर गोरुअन रहा। ओनके संग दूसर मनइ भी जात्रा करत रहेन। जउन इस्राएलियन नाहीं रहेन, मुला उ पचे ओनके संग गएन।</verse>
				<verse number="39">मुला मनइयन क गूँधा भवा आँटा क फुलइ दइ क टेमॅ नाहीं मिला। अउ उ पचे आपन जात्रा बरे कउनो खास खइया के नाहीं बनाएन। ऍह बरे ओनका बेखमीर क रोटी बनवइ क पड़ी।</verse>
				<verse number="40">इस्राएल क लोग मिस्र मँ चार सौ तीस बरिस ताई जिअत रहेन।</verse>
				<verse number="41">चार सौ तीस बारिस पाछे, ठीक उहइ दिन, यहोवा क सबइ मनइयन मिस्र क तजि दिहेन।</verse>
				<verse number="42">उ खास रात अहइ जब लोग याद करत हीं कि यहोवा ओनका मिस्र स बाहेर लइ आएन। इस्राएल क सबहिं मनइयन उ रात क हमेसा याद रखिहीं।</verse>
				<verse number="43">यहोवा मूसा अउ हारून स कहेस, “इ सबइ फसह त्यौहार क नेम अहइँ: कउनो बिदेसी फसह त्यौहार क पवित्तर भोजन नाहीं खाइ।</verse>
				<verse number="44">मुला जदि कउनो मनइ गुलाम क खरीदी अउ जदि ओकर खतना करी तउ उ गुलाम उ प्रसाद क खाइ सकत ह। मुला जदि कउनो मनइ सिरिफ तू पचन्क देस मँ रहत ह या कउनो मनइ तोहरे बरे मजूरी प रखा गवा अहइ तउ उ मनइ क प्रसाद खाइ क न चाही। उ प्रसाद सिरिफ इस्राएल क मनइयन बरे अहइ।</verse>
				<verse number="45"></verse>
				<verse number="46">“हर परिवारे क घरवा क भीतर ही खइया क खाइ चाही। कउनो क भी खइया क घरे क बाहर नाहीं लइ जाइ चाही। भेड़ क बच्चा क कउनो हाड़ जिन तोड़ा।</verse>
				<verse number="47">समूचइ इस्राएलियन जाति इ त्यौहार क जरूर मनावइ।</verse>
				<verse number="48">जदि कउनो प्रवासी जउन तोहरे संग रहत ह अउर उ यहोवा क फसह मँ हिस्सा लेइ चाहत ह, तउ ओकर खतना जरूर होइ चाही। तउ उ इस्राएल क नागरिक क तरह होइ, अउर उ खइया मँ हिस्सा लइ सकी। मुला जदि उ मनइ क खतना नाहीं भवा होइ तउ उ इ पसह क त्यौहार क खइया क नाहीं खाइ सकत।</verse>
				<verse number="49">इ सबहिं नेम हर एक प लागू होइहीं। नेम लागू भए मँ इ बात क कउनो फर्क नाहीं परिहीं चाहे उ आपन देस मँ पइदा भवा रहा या कउनो तोहरे बीच मँ रहइवाला बिदेसी अहइ।”</verse>
				<verse number="50">ऍह बरे इस्राएल क सबहीं मनइयन ओन हुकुमन क तामील किहेन जेनका यहोवा मूसा अउ हारून क दिहेन।</verse>
				<verse number="51">उहइ दिन यहोवा इस्राएल क सबहिं लोगन क मिस्र स बाहेर लइ गएन। लोग झुण्डे मँ गएन।</verse>
			</chapter>
			<chapter number="13">
				<verse number="1">तब यहोवा मूसा स कहेस,</verse>
				<verse number="2">“हर पहिला पइदा भवा इस्राएली लरिका मोका अर्पण कइ दिहा। हर अउरत क पहिला पइदा बचवा मोर ही होइ। तू पचे पहिला पइदा हर एक नर पसु क मोका अर्पण कइ दिहा।”</verse>
				<verse number="3">मूसा मनइयन स कहेस, “इ दिन क याद राखा। तू पचे मिस्र मँ गुलाम रह्या। मुला इ दिन यहोवा आपन बड़की सक्ती क बइपरेस अउ तू पचन्क अजाद कराएस। तू पचे खमीरे क संग जिन खाया।</verse>
				<verse number="4">आजु आबीब क महीना मँ, तू पचे मिस्र स जात रह्या।</verse>
				<verse number="5">यहोवा तू पचन्क पुरखन स खास वाचा किहे रहेन। यहोवा तू पचन्क कनानी, हित्ती, एमोरी, परिज्जी, हिब्बी, अउ यबूसी मनइयन क धरती देइ क वाचा किहेस। जब यहोवा तू पचन्क उ बढ़िया देस मँ ले जाइ जहाँ दूध अउर सहद क नदी बहत रहत ह तब तू इ दिन क जरूर याद राख्या। तू पचे हर बार बरिस क पहिले महीना मँ इ दिन क खास आराधना क दिन क रूप मँ मनावा।</verse>
				<verse number="6">“सात दिन तलक तू पचे उहइ रोटी खाया जेहँमा खमीर न होइ। सातवें दिन एक ठु बड़की दावत होइ। इ दावत यहोवा क मान करइ क निसानी होइ।</verse>
				<verse number="7">ऍह बरे सात दिना ताई खमीर स बनई रोटी नाहीं खाइ चाही। तोहरे पहँटा मँ कउनो जगह खमीर क रोटी नाहीं होइ चाही।</verse>
				<verse number="8">इ दिन तू सबन्क आपन गदेलन स कहइ चाही, ‘हम पचे इ दावत ऍह बरे करत अही कि यहोवा हमका मिस्र स बाहेर निकारेस।’</verse>
				<verse number="9">“इ छुटी क दिन तू पचन्क याद करइ मँ मदद करी यानी इ तू पचन्क कलाई प बाँधा धागा क नाई होइ। इ दिन तोहार आँख क आगवा एक चीन्ह क नाई होइ। इ छुटी क दिन तोहका यहोवा क उपदेस क याद राखइ मँ मदद करी। इ छुटी क दिन तू पचन्क ई याद राखइ मँ मदद करी कि यहोवा तू पचन्क क आपन महान सक्ती क प्रयोग कइके तोहका मिस्र स बाहेर निकारेस ह।</verse>
				<verse number="10">ऍह बरे हर बरिस इ छुटी क दिन क ठीक टेम प मनावइ क याद राखा।</verse>
				<verse number="11">“यहोवा तू मनइयन क उ देस मँ लइ चलिहीं जेका तू पचन्क देइ बरे वाचा किहेस रहा। इ समइया हुवाँ कनानी मनइ रहत हीं। मुला यहोवा तोहार पुरखन स इ वाचा किहे रहा कि इ धरती तू पचन्क दइ देइ। यहोवा इ भुइँया तोहका देइहीं।</verse>
				<verse number="12">ओकरे पाछे तू सबइ आपन हर एक पहिलौटी लरिका क ओका अर्पण करइके याद राखा अउ हर एक पहिला पइदा भवा नर पसु क जरूर यहोवा बरे अर्पण कइ दिहा।</verse>
				<verse number="13">हर एक पहिला पइदा भवा गदहा यहोवा स वापस बेसहि लिहा। तू पचे ओकरे बदले मँ भेड़ क बच्चा क दइ दिहा अउ गदहा क वापस लइ सकत ह। जदि तू यहोवा स गदहा नाहीं बेसहा चहत्या तउ एका मारि डावा। इ एक बलि होइ। तू ओकर गरदन जरूर तोड़ि द्या। हर एक पहिलौटी लरिका यहोवा स फुन जरूर बेसहि लीन्ह जाइ।</verse>
				<verse number="14">“अगवा तोहार गदेलन पूछिहीं तू इ काहे करत ह। उ पचे कइहीं, ‘इ सब का का मतलब अहइ?’ अउर तू जवाब देब्या, ‘यहोवा हम सबन्क मिस्र स बचावइ बरे बड़की सक्ती बइपरेस ह। हम पचे हुवाँ गुलाम रहेन। मुला यहोवा हम पचन्क बाहेर निकारेस अउ उ पचे हिआँ लइ आएन।</verse>
				<verse number="15">मिस्र मँ फिरौन हठी होइ गवा। उ हम पचन क जाइ नाहीं दिहस। ऍह बरे यहोवा उ देस क सबहिं पहिलौटी नर अउलादे क मारि डाएस। (यहोवा पहिलौटी नर पसु अउ पहिलौटी बेटवन क मारि डाएस।) ऍह बरे हम पचे पहिले पइदा भए हर एक नर पसु क यहोवा बरे अर्पण करत अही। अउर इहइ कारण अहइ कि हम पचे पहिलौटी भए बेटवन क यहोवा स बेसहित ह।’</verse>
				<verse number="16">इ तोहरे कलाई प बाँधा भवा धगा क नाई अहइ। अउ इ तोहरे आँखिन क समन्वा बँधा भवा चीन्हा क तरह अइइ। इ एका याद दियावइ मँ मदद करी कि यहोवा आपन बड़की ताकत स हम पचन्क मिस्र स बाहेर लइ आएन।”</verse>
				<verse number="17">फिरौन लोगन क मिस्र तजि देइ क मजबूर किहेस। यहोवा लोगन क उ सड़क प नाहीं जाइ दिहस जउन फिलीस्तीन कइँती जात रही। उ सड़क समुद्र स होइ क सबते छोटी राह रही मुला यहोवा कहेस, “जदि लोगन उ राहे स जात हीं, उ पचन्क जुद्ध करइ क होइ। तउ उ पचे आपन इरादा बदलि सकत हीं अउ मिस्र क लौटि सकत हीं।”</verse>
				<verse number="18">ऍह बरे यहोवा ओनका दूसर राहे स लइ गवा। उ ओन पचेन्क लाल समुद्र क रेगिस्ताने स लइ गवा। इस्राएल क मनइयन जुद्ध क कपड़ा पहिरे रहेन जब उ पचे मिस्र क तजि दिहन।</verse>
				<verse number="19">मूसा यूसुफ क हाड़े क आपन संग लइ गवा। मरइ क पहिले यूसुफ इस्राएल क अउलादे स वाचा किहेस कि उ पचे इ करिहीं। मरइ स पहिले यूसुफ कहेस, “परमेस्सर तू पचन्क बचावइ, तू आपन संग मोर हाड़े क मिस्र स बाहेर लइ जाइ क याद राखा।”</verse>
				<verse number="20">इस्राएल क मनइयन सुक्कोत नगर तजेन अउ एताम मँ डेरा डाएन। एताम रेगिस्ताने क छोरे प रहा।</verse>
				<verse number="21">यहोवा रस्ता देखाँएन। दिन मँ यहोवा एक लम्बा बदरे क प्रयोग मनइयन क लइ जाइ बरे किहस अउ राति मँ यहोवा ओनका रस्ता देखावइ बरे एक लम्बा आगी क खम्भा क बइपरेस। इ आगी ओनका उजिआरा देत रही। इ कारण उ पचे राति मँ जात्रा कइ सकत रहेन।</verse>
				<verse number="22">एक ऊँच खम्भा क रूप मँ बादर हमेसा ओनके संग दिन मँ रहा अउ राति क आगी क खम्भा सदा ओनके संग रहा।</verse>
			</chapter>
			<chapter number="14">
				<verse number="1">यहोवा मूसा स कहेस,</verse>
				<verse number="2">“लोगन स कहा कि पीहाहीरोत क पाछे होइ के जात्रा करइँ। मिगदोल अउ लाल समुद्दर क बीच राति मँ ओनसे ठहरइ बरे कहा। इ बाल सपोन क निगचे बा।</verse>
				<verse number="3">फिरौन सोची कि इस्राएल क मनइयन रेगिस्तान मँ भटक गएन अहँइ अउर उ नाहीं जानत कि कउन दिसा जाइ।</verse>
				<verse number="4">मइँ फिरौन क हिम्मती बनउब जेसे उ तू पचन्क पाछा करइ। मुला मइँ फिरौन अउ ओकर फउज क हराइ देब। एहसे हमार महिमा बाढ़ी। तब मिस्र क मनइयन जनिहीं कि मइँ यहोवा हउँ।” इस्राएल क मनइयन यहोवा क हुकुम मानेन यानी उ पचे उहइ किहेन जउन उ कहे रहा।</verse>
				<verse number="5">जब फिरौन क इ खबर मिली कि इस्राएलियन परात अहइँ तउ उ अउ ओकर अफसरन ओनका हुवाँ स चला जाइ क जउन बचन दिहे रहेन, ओकरे बरे आपन इरादा बदल दिहेन। फिरौन कहेस, “हम इस्राएल क मनइयन क काहे जाइ दीन्ह? हम ओनका काहे पराइ दीन्ह? अब हमार गुलाम हमरे हाथे स निकरि चुका अहइँ।”</verse>
				<verse number="6">ऍह बरे फिरौन आपन जुद्ध क रथे क तइयार किहेस अउ आपन फउज क संग लइ लिहस।</verse>
				<verse number="7">फिरौन आपन मनइयन मँ स छ: सौ सबन ते बढ़िया मनइयन अउ आपन सबहीं रथे क संग लिहस। हर एक रथ मँ एक-एक अधिकारी रहेन।</verse>
				<verse number="8">इस्राएल क मनइयन जीत क खुसी मँ आपन औजारन क ऊपर कइँती उठावत जात रहेन मुला यहोवा मिस्र क राजा फिरौन क हिम्मती बनएस। अउर फिरौन इस्राएल क मनइयन क खदेरइ लाग।</verse>
				<verse number="9">मिस्र क फउजे क लगे घोड़सवार सिपाहीयन अउ रथन रहेन। उ पचे इस्राएल क मनइयन क पीछा किहेस अउ उ टेमॅ प जब उ पचे लाल समुद्दर क निकट बाल सपोन क पूरब पीहाहीरोत मँ डेरा डाए रहेन, ओनका धइ लिहन।</verse>
				<verse number="10">इस्राएल क मनइयन फिरौन अउ ओकरी फउज क अपनी कइँती आवत लखेन तउ उ पचे बुरी तरह डेराइ गएन। उ पचे मदद बरे यहोवा क गोहार लगाएन।</verse>
				<verse number="11">उ पचे मूसा स कहेन, “का मिस्र मँ पर्याप्त कबर नाहीं रहिन? तू हम पचन्क मिस्र स बाहेर काहे लिआया? तू हम पचन्क मरइ बरे इ रेगिस्ताने मँ काहे लिआया?</verse>
				<verse number="12">हम पचे तोहसे कहे रहेन कि अइसा ही होइ। मिस्र मँ हम पचे कहे रहेन, ‘कृपा कइके हम पचन्क कस्ट जिन द्या। हम पचन्क मूसा हियँइ ठहरइ बरे अउ मिस्री मनइयन क सेवा करइ द्या’ हिआँ आइके रेगिस्तान मँ मरइ स नीक इ होत कि हम पचे हुवँइ मिस्री मनइयन क गुलाम बनिके रहित।”</verse>
				<verse number="13">मुला मूसा जवाब दिहेस, “डेराअ जिन। पराअ जिन, अबहिं रूकि जा अउ लखा कि आज तू पचन्क यहोवा कइसे बचावत हीं। आज क पाछे तू पचे इन मिस्री मनइयन क कबहुँ नाहीं निहरब्या।</verse>
				<verse number="14">तू पचन्क सान्त रहइ के अलावा अउर कछू नाहीं करइ क अहइ। यहोवा तोहरे बरे लड़तइ रइहीं।”</verse>
				<verse number="15">तबहिं यहोवा मूसा स कहेस, “तू पचे अब भी मोरे लगे काहे चीखत ह! इस्राएल क मनइयन क अगवा बढ़इ क हुकुम द्या।</verse>
				<verse number="16">आपन छड़ी क लाल सागरे क ऊपर उठावा अउ लाल सागर फाटि जाइ। तब इस्राएली मनइयन झुरान भुइयाँ स समुद्दर क पार कइ सकिहीं।</verse>
				<verse number="17">मइँ मिस्री मनइयन क जिद्दी बनायउँ ह। इ बरे उ सबइ तोहार पीछा करहीं। मुला मइँ देखाउब कि मइँ फिरौन, ओकर सबहिं घोड़ सवार अउ रथन स जिआदा बरिआर हउँ।</verse>
				<verse number="18">तब्बइ मिस्री बूझि जइहीं कि मइँ यहोवा हउँ। जब मइँ फिरौन, ओकर घोड़सवार अउ रथे क हराउब तउ मोर महिमा क परगट कीन्ह जाब्या।”</verse>
				<verse number="19">उहइ समइया यहोवा क सरगदूत इस्राएली मनइयन क पाछे गवा। (यहोवा क सरगदूत अक्सर लोगन क अगवा रहा अउ ओनका अगुआइ करत रहा।) ऍह बरे लम्बा बदरे क खंभा लोगन क अगवा स टरि गवा अउ पाछे आइ गवा।</verse>
				<verse number="20">इ तरह बादर मिस्री मनइयन अउ इस्राएलियन क बीच आइ क खड़ा होइ गवा। इस्राएलियन बरे इ उँजिअर रहा मुला मिस्री मनइयन बरे अँधियार। ऍह बरे मिस्र क मनइयन उ राति मँ इस्राएलियन क नगिचे नाहीं आइ सकेन।</verse>
				<verse number="21">मूसा आपन बाँह लाल सागर प उठाएस। अउ यहोवा पूरब स बहोत तेज हवा चलाइ दिहस। हवा राति भइ चलत रही। समुद्दर फाटि पड़ा अउ हवा समुद्दर क झुरान भुँइया मँ बदल दिहस।</verse>
				<verse number="22">इस्राएल क मनइयन सूखी धरती प चलिके समुद्दर पार किहेन। ओनके दाँई अउ बाई कइँती पानी दिवारे क नाई ठाड़ रहा।</verse>
				<verse number="23">तबहिं फिरौन क सब रथन अउ घोड़सवार समुद्दर मँ ओनका पीछा किहेस।</verse>
				<verse number="24">बहोतइ भिन्सारे यहोवा लम्बा बादर अउ आगी क खम्भा मँ स मिस्र क फउज क लखेस। अउर यहोवा ओन प हमला कइ दिहस अउ ओन पचन्क हराइ दिहस।</verse>
				<verse number="25">रथे क पहिया भुइयाँ मँ घुसुर गएन। रथ क सम्भारब मुस्किल होइ गवा। मिस्री मनइयन चिचियानेन, “हम पचे हिआँ स निकरि चली। यहोवा हम पचन्क खिलाफ जूझत अहइँ। यहोवा इस्राएलियन बरे लड़त बाटेन।”</verse>
				<verse number="26">तबहिं यहोवा मूसा स कहेस, “आपन हाथ क समुद्दर प उठावा। फिन समुद्दर क पानी मिस्री रथन अउ घोड़सवारन प गिरी अउर उ पचन्क बोरि देइ।”</verse>
				<verse number="27">ऍह बरे दिन निकरइ स ठीक पहिले मूसा आपन हाथ समुद्दर प उठाएस अउ पानी आपन ठीक तह प वापिस चला गवा। मिस्री मनइयन पराइ क जतन करत रहेन। मुला यहोवा मिस्री मनइयन क समुद्दर मँ बहाइके बोर दिहस।</verse>
				<verse number="28">पानी आपन ठीक तह ताई लौटि आवा अउ रथन अउ घोड़सवारन क ओढ़ लिहस। फिरौन क समूचइ फउज जउन इस्राएलियन मनइयन क पाछा करत रहिन, बूड़िके नसाय गइन। ओनमाँ स कउनो नाहीं जिअत रहा।</verse>
				<verse number="29">मुला इस्राएल क मनइयन झुरान भुइयाँ प चलिके समुद्दर पार किहेन। ओनके दाहिन अउ बाएँ कइँती पानी दिवारे क नाई ठाड़ रहा।</verse>
				<verse number="30">ऍह बरे उ दिना यहोवा इस्राएल क मनइयन क मिस्री मनइयन स बचाइ लिहस। बाद मँ इस्राएलियन मिस्री मनइयन क ल्हासे क लाल सागर क किनारे निहारेन</verse>
				<verse number="31">इस्राएलियन यहोवा क बड़की सक्ती क लखेन जब उ मिस्री मनइयन क हराइ दिहन। ऍह बरे लोगन यहोवा क मान किहेन। अउर उ पचे यहोवा अउ ओनके सेवक मूसा प पतियानेन।</verse>
			</chapter>
			<chapter number="15">
				<verse number="1">तब मूसा अउ इस्राएल क मनइयन यहोवा बरे इ गीत गावइ लागेन: “मइँ यहोवा बरे गीत गाउब काहेकि उ बड़का कारनामा किहेस ह। उ घोड़ा अउ सवारन क सगरे मँ बहाइ दिहेस ह।</verse>
				<verse number="2">यहोवा ही मोर सक्ती अहइ। उ मोका बचावत ह अउर मइँ गावत हउँ गीत ओनकी बड़कई क। मोर परमेस्सर यहोवा अहइ अउ मइँ ओनकइ बड़कई करत हउँ। यहोवा मोरे पुरखन क परमेस्सर अहइ अउर मइँ ओनकइ मान करत हउँ।</verse>
				<verse number="3">यहोवा बड़का जोधा अहइ ओकर नाउँ यहोवा अहइ।</verse>
				<verse number="4">यहोवा फिरौन क रथ अउ फउजिअन क सगरे मँ बहाइ दिहस। फिरौन क उत्तिम अफसरन लाल सगरे मँ बूड़ि गएन।</verse>
				<verse number="5">गहिर पानी ओनका ढाँकि लिहस। उ पचे चट्टाने क नाई गहिर पानी मँ डूबेन।</verse>
				<verse number="6">“आप क दाहिन बाँह गजब क सक्ती स भरी अहइ। यहोवा आप क दाहिन बाँह दुस्मनन क छिटकाइ बिटकाइ दिहस।</verse>
				<verse number="7">आप आपन सक्ती अउ बड़की परताप म नसाइ दिहा ओन पचेन क जउन खिलाफ खड़ा होइ गएन। आपक किरोध ओनका उ तरह नास कइ दिहस जइसे आगी तिनका क बारि डावत ह।</verse>
				<verse number="8">आप आपन किरोध मँ जउन तेज हवा क चलाया, उ जले क उँचके उछारि दिहेस। उ जोर स बहत पानी पोढ़ दिवार बनि गवा। समुद्दर आपन गहिर स गहिर तले तक ठोस होइ गवा।</verse>
				<verse number="9">“दुस्मन कहेस, ‘मइँ ओनका खदेरब अउ धइ लेब। मइँ ओनकइ धन दौलत लइ लेब। मइँ आपन तरवारि क भांजब अउ ओनकइ हर एक चीज छीन लेब। मइँ आपन खातिर सब कछू लइ लेब।’</verse>
				<verse number="10">मुला आप ओनपइ फूँकि दिहन अउ सगरे स ओन पचन्क ढाँकि दिहा उ पचे गहिर सागर मँ सीसा क नाई बूड़ि गएन।</verse>
				<verse number="11">“का कउनो देवता यहोवा क समान अहइ? नाहीं, आप क बराबरी क कउनो देवता नाहीं, तू आपन पवित्तर होइ मँ अजूबा अहा तोहरे मँ अचरजवाली सक्ती बाटइ आप अजूबा चमत्कार करत हीं।</verse>
				<verse number="12">आप आपन दाहिन हाथ क पसारेस अउर धरती ओनका निगल लिहेस।</verse>
				<verse number="13">आप मेहरबानी कइके लोगन क लइ चलइँ जेका आप बचाइन ह। आप आपन सक्ती स इन लोगन क आपन पवित्तर अउ सुहावना भुइँया मँ लइ जाइँ।</verse>
				<verse number="14">“दूसर देस जब इ कथा क सुनिहीं अउर उ सबइ डेराइ जइहीं। पलिस्तीन क मनई डर स कँपिहीं।</verse>
				<verse number="15">तबहिं एदोम क नेतन डर स कँपिहीं मोआब क नेतन डर स कँपिहीं, कनान क मनई आपन हिम्मत छोड़ि देइहीं।</verse>
				<verse number="16">ओनमाँ डर समाइ जाइ जबहिं उ पचे तोहार सक्ती देखिहीं। इ सबइ चट्टाने क नाई सान्त रइहीं जब तलक यहोवा क लोग निकरि न जाइँ, जब तलक उ लोग निकरि न जाइँ जेका आप बनाइन ह।</verse>
				<verse number="17">यहोवा तू आपन पहाड़े ताई आपन लोगन क लइ जा। ओनका उ जगहिया मँ रहइ द्या जेका तू आपन सिंहासन बरे बनाएस ह, तोहार आपन यहोवा क मन्दिर क बगलमँ, जेका तू आपन हथवा स बनाएस ह।</verse>
				<verse number="18">“यहोवा हमेसा हमेसा राज्ज करत रइहीं।”</verse>
				<verse number="19">हाँ इ फुरे अइसा भवा। फिरौन क घोड़ा, सवार अउ रथ समुद्दर मँ चला गएन। यहोवा ओनके ऊपर समुद्दर क पानी लइ आइ दिहस। मुला इस्राएल क मनइयन झुरान धरती प चलिके समुद्दर पार कइ लिहन।</verse>
				<verse number="20">तब्बइ हारून क बहिन नबिया मिरियम एक ठु ढपली लिहस। मिरियम अउ दूसर मेहररूअन नाचइ गावइ लागीं। मिरियम क गवनिया क बोल रहा:</verse>
				<verse number="21">“यहोवा बरे गावा। काहेकी उ बड़वार काम किहेस ह। उठाइके बहाइ दिहस घोड़ा अउ सवारे क सगरे क बीच मँ”</verse>
				<verse number="22">मूसा इस्राएल क मनइयन क लाल सागर स सूर रेगिस्तान लइ जात रहा। लोग तीन दिना तलक रेगिस्तान मँ जात्रा करत रहेन। उ पचे तनिकउ पानी नाहीं पाइ सकेन।</verse>
				<verse number="23">तीन दिना क पाछे मनइयन मारा आएन। मारा मँ पानी रहा। पानी ऍतना करूआ रहा कि लोग पिउ नाहीं सकत रहेन। (इहइ कारण रहा कि ठउरे क नाउँ मारा पड़ि गवा।)</verse>
				<verse number="24">मनइयन मूसा क ओराहना दिहन। मनइयन कहि बइठेन, “अब हम पचे का पिई?”</verse>
				<verse number="25">मूसा यहोवा क दोहाई दिहस। ऍह बरे यहोवा ओका एक बृच्छ देखाएस। मूसा बृच्छे क पानी मँ नाएस। जब उ अइसा किहस, पानी बढ़िया पिअइ क जोग्ग होइ गवा। उ ठउरे प यहोवा लोगन क परखेन अउ ओनका एक नेमॅ दिहन। यहोवा लोगन क बिस्सास क भी जाँच किहस।</verse>
				<verse number="26">यहोवा कहेस, “तू पचन्क आपन परमेस्सर यहोवा क हुकुम जरूर मानइ चाही। तू सबन्क उहइ करइ चाही जेकॉ उ नीक कहत हीं। जदि तू पचे यहोवा क हुकुम अउ नेमॅ क मनब्या तउ तू पचे मिस्री मनइयन क नाई बेमार जिन होब्या। मइँ तोहार यहोवा तू पचन्क कउनो अइसी बेरामी नाहीं देब जइसे मइँ मिस्री मनइयन क दीन्ह ह। मइँ यहोवा हउँ, मइँ उहइ हउँ जउन तोहका बेमारी स नीक बनवत हउँ।”</verse>
				<verse number="27">तबहिं लोगन एलिम तलक क जात्रा किहेन। एलीम मँ पानी क बारह झरना रहेन अउ हुवाँ सत्तर खजूरे क पेड़ रहेन। ऍह बरे लोगन हुवाँ पानी क नगिचे डेरा डाइ लिहेन।</verse>
			</chapter>
			<chapter number="16">
				<verse number="1">तबहिं लोगन एलीम स चलेन अउ सीनै रेगिस्तान मँ पहुँचि गएन। इ ठउर एलीम अउ सीनै क बीच रहा। उ पचे इ ठउर प दुसरे महीना क पद्रहवाँ दिन मिस्र छोड़ दिहे क पाछे पहुँचेन।</verse>
				<verse number="2">तब इस्राएल क मनइयन फिन ओरहना देब सुरू किहेन। उ सबइ मूसा अउ हारून स रेगिस्तान मँ ओराहना दिहेन।</verse>
				<verse number="3">मनइयन मूसा अउ हारून स कहेन, “इ हमरे बरे नीक होतेन कि यहोवा हम पचन्क मिस्र मँ मारि डाए होत। मिस्र मँ हम पचन्क लगे खइया क बहोत रहा। हम पचन क लगे उ सब खइया क रहा जेकर हमका जरूरत रही। मुला अब तू हम सबन्क रेगिस्तान मँ लइ आया ह। हम सब हिआँ भुखिया स मरि जाब।”</verse>
				<verse number="4">तब यहोवा मूसा स कहेस, “मइँ अकासे स खइया क गिराउब। इ भोजन तोहरे बरे खाइ क होइ। हर एक दिन लोग बाहेर जाइँ अउ उ दिन खाइ क जरूरत बरे भोजन बटोरि लेइँ। मइँ ऍह बरे करब कि मइँ लखिहउँ कि का लोग उहइ करिहीं जउन मइँ करइ क कहब।</verse>
				<verse number="5">हर एक दिन लोग बरे ढेर क खइया क बटोरि लेइँ। मुला सुकुरवार क जब खइया तइयार करइ लागइँ तउ लखइँ कि उ पचे दुइ दिन क भोजन रखि लेइँ।”</verse>
				<verse number="6">ऍह बरे मूसा अउ हारून इस्राएल क मनइयन स कहेन, “आज ही रात तू पचे यहोवा क सक्ती लखब्या। तू पचे जानब्या कि इ उहइ यहोवा अहइ जउन तू पचन्क मिस्र देस स बचाइके बाहेर निकारेस।</verse>
				<verse number="7">भिन्सारे तू पचे यहोवा क महिमा निहरब्या। तू पचे यहोवा स सिकाइत किहा ह। उ तोहार बात सुनेस ह। तू पचे हम सबन्क ओराहना देत अहा। इ होइ सकत ह कि हम पचे अब कछू अराम कइ सकित ह।”</verse>
				<verse number="8">अउर मूसा कहेस, “तू पचे सिकाइत किहा ह अउर यहोवा तू पचन्क सिकाइत सुनि लिहेन ह। ऍह बरे रात क यहोवा तू पचन्क गोस देइहीं। अउ हर भिन्सारे तू पचे उ सारा रोटी पउब्या, जेका तोहका जरूरत बा। तू पचे मोसे अउ हारून स ओराहना करत रहत बाट्या। मुला अब हम पचे तनिक अराम करब। याद राखा तू पचे मोरे अउ हारून क खिलाफ सिकाइत नाहीं करत बाट्या। तू पचे यहोवा क खिलाफ सिकायत करत बाट्या।”</verse>
				<verse number="9">तबहिं मूसा हारून स कहेस, “इसाएल क मनइयन क बोलावा अउ ओनसे कहा, ‘यहोवा क समन्वा जमा होइ जा काहेकि उ तोहार ओराहना सुनेस ह।’”</verse>
				<verse number="10">हारून इस्राएल क सबहीं मनइयन स बात किहेस। उ पचे एक ठउरे प जमा भइ रहेन। जबहिं हारून बतियात रहा तबहिं लोग घूमि गएन अउ रेगिस्ताने कइँती लखेन। अउर उ पचे यहोवा क महिमा क मँ बदरे मँ परगट होत निहारेन।</verse>
				<verse number="11">यहोवा मूसा स कहेस,</verse>
				<verse number="12">“मइँ इस्राएल क मनइयन क ओराहना सुनेउँ ह। ऍह बरे ओनसे मोर बतियन क कहि द्या, ‘आजु गउ धूरि मँ तू पचे गोस खाब्या। अउ भियान भोर होत ही तू पचे पेटवा भरिके रोटी खाब्या। तबहिं तू पचे जनब्या कि मइँ यहोवा तोहार परमेस्सर हउँ।’”</verse>
				<verse number="13">उ रात बटेर चिरइया डेरा क चारिहुँ कइँती आइ गइन। बटेरन डेरा क ठाँक लिहस। भोर मँ डेरा क नगिचे ओस गिरी रही।</verse>
				<verse number="14">सूरज क निकरि आए प ओस टेघॅरत रही। मुला पाला क तहे क नाईं भुइयाँ प कछू रहि जात रहा।</verse>
				<verse number="15">इस्राएल क मनइयन एका लखेन अउ आपुस मँ करइ लागेन, “इ का बा?” उ पचे इ सवाल ऍह बरे पूछेन कि उ पचे इ नाहीं जानत रहेन इ कउन चीजि अहइ। ऍह बरे मूसा ओनसे कहेस, “इ खइया क अहइ जेका यहोवा तोहका खाइके देत अहइँ।</verse>
				<verse number="16">यहोवा कहत अहइँ, ‘हर व्यक्ति ओतॅना बटोरइ जेतना ओका जरूरत होइ। तू लोगन मँ स आपन परिवारे क हर एक सदस्य क खातिर एक ओमेर बटोरि लेइ।’”</verse>
				<verse number="17">तउ इस्राएल क मनइयन अइसा ही किहेन। हर मनई खइया क बटोरेस। कछू मिला दूसर मनइयन स जिआदा बटोरि लिहन।</verse>
				<verse number="18">उ मनइयन आपन-आपन परिवारे क खइया क दिहन। जब खइया क नाप जोख भवा तउ हर मनई बरे हमेसा ढेर क रहा, मुला कबहूँ भी जरूरत स जिआदा नाहीं भवा। हम मनई ठीक अपने खातिर अउ आपन परिवारे बरे ढेर क बटोरेस।</verse>
				<verse number="19">मूसा ओन पचेन स कहेस, “अगवा दिन बरे खइया क जिन बचावा।”</verse>
				<verse number="20">मुला कछू लोग मूसा क बतिया नाहीं मानेन। कछू लोग आपन खइया क बचाइ लिहन जेका उ सबे अगवा दिन खाइ सकेन। मुला जउन खइया क बचाइ लिहन ओहमाँ किरवा पड़ि गएन अउर उ बसाइ होइ गएन। मूसा उ लोगन प कोहाइ गएन जउन इ किहे रहेन।</verse>
				<verse number="21">हर भिन्सारे लोगन खइया क बटोरत रहेन। हर मनई ओतॅना ही बटोरत रहा जेतॅना उ खाइ सकत रहा। किन्तु जब धुपिया तेज होत रही तउ खइया गलि जात रहा।</verse>
				<verse number="22">सुकुरवारे क मनइयन दुगुना खइया क बटेरेन। उ पचे दुई ओमेर हर मनई बरे बटोरेन। ऍह बरे लोगन क मुखिया आएन अउर उ सबइ इ बात मूसा स कहेन।</verse>
				<verse number="23">मूसा ओनसे कहेस, “इ वइसेन भवा जइसा यहोवा कहे रहेन। काहेकि भियान यहोवा क परम अराम क पवित्तर दिन परमेस्सर क मान देइ बरे अहइ। तू पचे आजु बरे जेतॅना खइया क तोहका चाही तू बनइ सकत ह। मुला बाकी खइया क काल्ह भियान बरे भी बचावा।”</verse>
				<verse number="24">ऍह बरे लोगन अगवा दिन बरे बाकी खइया क बचाइ लिहन। अउर कउनो खइया किरवा पड़ि क खराब नाहीं भवा। अउर ओहमाँ स बसाइ भी नाहीं आवत रहा।</verse>
				<verse number="25">सनीचरे क मूसा मनइयन स कहेस, “जउन कछू तू बिते क दिन मँ बटोरा रहेन तोहका उहइ आज खाइ चाही। आज आराम का दिन सबत यहोवा क सम्मान दइ बरे अहइ। आज खेत मँ खइया पाइ नाहीं चाहीं।</verse>
				<verse number="26">तू पचन क हफ्ता क छ: दिना मँ ही खइया बटोर इ चाही। मुला सतवाँ दिन अराम क दिन अहइ ऍह बरे भुइयाँ प कउनो खास खइया नाहीं होइ।”</verse>
				<verse number="27">सनीचरे क कछू मिला तनिक खइया बटोरइ बरे गएन, मुला उ पचे हुवाँ रचिकउ खइया क नाहीं पाइ सकेन।</verse>
				<verse number="28">तबहिं यहोवा मूसा स कहेस, “तोहार लोग मोर आदेसन अउर उपदेसन क मानइ स कबहुँ तलक इनकार करत रहब।</verse>
				<verse number="29">लखा यहोवा सबत क दिन तोहरे अराम खातिर बनएस ह। ऍह बरे सुकुरवार क यहोवा दुइ दिना बरे ढेर क खइया के तोहका देइहीं। ऍह बरे सबत क दिना क हर कउनो क अराम करइ चाही। तू आपन जगह प रूकि रहा कउनो जगह बाहर नाहीं जा।”</verse>
				<verse number="30">ऍह बरे लोग सबत क दिन अराम किहेन।</verse>
				<verse number="31">इस्राएली लोग इ खास खइया क “मन्ना” कहब सुरू दिहेन। मन्ना नान्हक उज्जर धनिया क बिआ क नाई रहा अउ एकर स्वाद सहद स बनवा पपड़े क तरह रहा।</verse>
				<verse number="32">तबहिं मूसा कहेस, “यहोवा हुकुम दिहेस ह: ‘इ खइया क एक ओमेर अपने सन्तानन बरे बचावा। तब्बइ उ पचे खइया क लखि सकिहीं जेका मइँ तू पचन क रेगिस्ताने मँ तबहिं दिहे रहेउँ जबहिं मइँ तू पचन क मिस्र स निकारे रहेउँ।’”</verse>
				<verse number="33">ऍह बरे मूसा हारून स कहेस, “एक घँड़ा लइ आवा अउ एका एक ओमेर मन्ना स भरि द्या। अउ इ मन्ना क भरि के यहोवा क अगवा धइ द्या अउ आपन सन्तानन बरे बचावा।”</verse>
				<verse number="34">(यहोवा क हुकुम क अनुसार हारून मन्ना क काँड़ा क सुरच्छा बरे करार क समन्वा धरेस।)</verse>
				<verse number="35">इस्राएल क लोगन चालीस बरिस तलक मन्ना खाएन। उ पचे मन्ना तब तलक मन्ना खात रहेन जब तलक उ पचे उ भुइँया मँ नाहीं आइ गएन जहाँ ओनका बसइ क रहा। उ पचे ओका तब तलक खात रहेन जब ताईं उ पचे कनान देस क चौहद्दी तक नाहीं पहुँचेन।</verse>
				<verse number="36">(उ पचे मन्ना क नापइ बरे जउन तउल क बइपरत रहेन, उ आँमर रहा जउन लगभग एक ओमेर क बराबर रहा।)</verse>
			</chapter>
			<chapter number="17">
				<verse number="1">इस्राएल क सबहिं मनइयन मिस्र क सीन रेगिस्तान स साथ-साथ जात्रा किहन। उ पचे जइसा यहोवा हुकुम देत रहेन वइसा एक ठउर स दूसर ठउरे ताई जात्रा करत रहेन। मनइयन रपीदीम क जात्रा किहेन अउ हुवँइ डेरा डाएन। हुवाँ ओनका पिअइ बरे पानी न रहा।</verse>
				<verse number="2">ऍह बरे उ पचे मूसा क खिलाफ होइ गएन अउ ओसे तहत्तुक करइ लागेन। उ पचे माँगेन, “हमका पिअइ क पानी द्या।” मुला मूसा ओनसे कहेस, “तू पचे मोरे खिलाफ काहे होत बाट्या? तू पचे यहोवा क परीच्छा काहे लेत बाट्या?”</verse>
				<verse number="3">मुला लोग पिआसा रहेन अउ पानी चाहत रहेन। ऍह बरे उ पचे मूसा स ओराहना बार बार करत रहेन। लोग कहेन, “हम पचन क मिस्र स बाहेर काहे लइ आया? का तू हमका ऍह बरे लइ आया ह कि हम हमार गदेलन अउ गोरूअन बे पानी क मरि जाइँ?”</verse>
				<verse number="4">ऍह बरे मूसा यहोवा क गोहार लगाएस, “मइँ इन लोगन बरे का करउँ? इ पचे मोका मार डावइ क तइयार अहइँ?”</verse>
				<verse number="5">यहोवा मूसा स कहेस, “लोगन क लगे जा। अउ इस्राएल क कछू नेतन क आपन संग मँ लइ ल्या। आपन छड़ी क आपन साथे लइ जा। इ उहइ लाठी अहइ जेका तू तबहिं बइपरे रह्या जबहि नील नदी प एका पटके रह्या।</verse>
				<verse number="6">मइँ तोहरे अगवा होरेब अर्थात् सीनै पर्वत प एक चट्टाने प ठाड़ रहब। लाठी क चट्टाने प पटका अउ एहसे पानी बाहेर आइ जाइ। तबहिं लोग पी सकत हीं।” मूसा उहइ किहेस अउ इस्राएल क नेतेन लखेन।</verse>
				<verse number="7">मूसा इ ठउरे क नाउँ मरीवा अउ मस्सा रखेस काहेकि इ उहइ जगहिया अहइ जहाँ इस्राएल क मनइयन ओनके खिलाफ होइ गएन अउ यहोवा क परीच्छा लिहेन इ कहत भवा, “का यहोवा हम लोगन का संग अहइ या नाहीं?”</verse>
				<verse number="8">अमालेकी लोगन रपीदीम आएन अउ इस्राएल क लोगन क खिलाफ लड़ेन।</verse>
				<verse number="9">ऍह बरे मूसा यहोसू स कहेस, “कछू मनइयन क चुना अउ भियान अमालेकियन स जाइ के लड़ा। मइँ पर्वते क चोटी प ठाड़ होइके तू पचन क निहारब। मइँ परमेस्सर क छड़ी क धरे रहब जउन उ मोका दिहन ह।”</verse>
				<verse number="10">यहोसू मूसा क हुकुम मानेस अउ भियान भए प अमालेकियन स लड़इ गवा। उ टेमॅ प मूसा, हारून अउ हुर पहाड़े क चोटी प गएन।</verse>
				<verse number="11">जब कबहूँ मूसा आपन हथवा क हवा मँ उठावत तउ इस्राएल क मनइयन जुद्ध जीत जातेन। मुला जबहिं मूसा आपन हथवा क नीचे कइँती करेस तउ इस्राएल क मनइयन हारइ लागेन।</verse>
				<verse number="12">कछू समइया क पाछे मूसा क बाँह थक गइन। उ पचे मूसा क जतन क आसान करइ बरे एक ठू रास्ता निकारेन जब उ आपन बाँह ऊपर उठाइके राखे रहा। ऍह बरे उ पचे एक बड़की चट्टाने मूसा क तरखाले बइठइ बरे धरेन। हारून अउ हुर मूसा क बाँही क हवा मँ धरे राखेन। हारून मूसा क एक कइँती रहा अउर हूर दुसरी कइँती। उ पचे ओकरे हथवा क ऊपर सूरज डूबई तलक धरे रहेन।</verse>
				<verse number="13">ऍह बरे यहोसू अउ ओकर फउजी सिपाही अमालेकियन क जुद्ध मँ हराइ दिहन।</verse>
				<verse number="14">तब यहोवा मूसा स कहेस, “इ जुद्ध क बारे मँ लिखा। इ जुद्ध क घटना क एक ठु किताबे मँ लिखा। ताकि लोग याद करइँ कि हिआँ का भवा ह। अउर यहोसू क यकीन दिला कि मइँ अमालेकियन क संसार स समूचइ नास कइ देब।”</verse>
				<verse number="15">तबहिं मूसा एक ठु वेदी बनएस। मूसा वेदी क नाउँ, “यहोवा मोर झण्डा बा” धरेस।</verse>
				<verse number="16">मूसा कहेस, “मइँ यहोवा क सिंहासने कइँती आपन हाथ फइलावा ह। ऍह बरे यहोवा अमालेकि मनइयन स लड़ा ह, जइसा उ हमेसा किहेस ह।”</verse>
			</chapter>
			<chapter number="18">
				<verse number="1">मूसा क ससुर यित्रो मिदियन मँ याजक रहा। यहोवा मूसा अउ इस्राएल क मनइयन क अनेक तरह स जउन मदद किहे रहा ओकरे बारे मँ यित्रो सुनेस। यित्रो इस्राएल क मनइयन क यहोवा क जरिए बाहेर लइ जाइ क बारे मँ सुने रहा।</verse>
				<verse number="2">ऍह बरे यित्रो मूसा क लगे उ समइ गवा, जब उ परमेस्सर क पर्वत क नगिचे डेरा डाए रहा। उ मूसा क पत्नी बसही सिप्पोरा क आपन संग लइ आवा। (सिप्पोरा मूसा क संग नाहीं रही काहेकी मूसा ओका आपन बाप क घरे मँ पठए रहा।)</verse>
				<verse number="3">यित्रो मूसा क दुइनउँ बेटवन क भी आपन संग लइ आवा। पहिलौटी बेटहना क नाउँ गेर्सोन राखे रहा, काहेकि जब उ पइदा भवा, मूसा कहेस, “मइँ बिदेस मँ अजनबी हउँ।”</verse>
				<verse number="4">दुसरे बेटहना क नाउँ एलिएजेर राखेस काहेकि जब उ पइदा भवा तउ मूसा कहेस, “मोरे बाप क परमेस्सर मोर मदद किहेस ह अउ मिस्र क राजा क तरवार स मोका बचाएस ह।”</verse>
				<verse number="5">ऍह बरे यित्रो मूसा क लगे तब गवा जब उ परमेस्सर क पर्वत सीनै पर्वते क निअरे रेगिस्ताने मँ डेरा डाए रहा। मूसा क मेहरारू अउ ओकर दुइ बेटवा यित्रो क लगे रहेन।</verse>
				<verse number="6">यित्रो मूसा क सँदेसा पठएस। यित्रो कहेस, “मइँ तोहार ससुर यित्रो अहउँ। अउर मइँ तोहार मेहरारू अउ ओकरे दुइनउँ बेटवन क तोहरे लगे लइ आवत हउँ।”</verse>
				<verse number="7">ऍह बरे अपने ससुर स मिलइ गवा। मूसा ओकरे समन्वा निहुरा अउ ओका चूमेस। दुइनउँ मनइयन एक दुसरे स हाल चाल पूछेन। तब उ पचे खेमा मँ गएन।</verse>
				<verse number="8">मूसा आपन ससुर यित्रो क हर बात बताएस जउन यहोवा इस्राएल क मनइयन बरे किहे रहा। मूसा ओन सारी चीजन क बारे मँ बताएस जउन यहोवा फिरौन अउर मिस्र क लोगन क खिलाफ किहे रहा। अउर मूसा आपन ससुर क बताइ दिहस कि कउने तरह यहोवा इस्राएलियन क बचाएस जब उ पचे कस्ट मँ रहेन।</verse>
				<verse number="9">यित्रो उ समइया बहोत खुस भवा जब उ यहोवा क जरिए इस्राएल क मनइयन बरे सबहिं नीक बातन क सुनेस। यित्रो ऍह बरे खुस रहा कि यहोवा इस्राएल क मनइयन क मिस्री मनइयन स अजाद कइ दिहेस।</verse>
				<verse number="10">यित्रो कहेस: “यहोवा क गुन गावा! उ तोहका मिस्र क मनइयन क अजाद कराएस। यहोवा तू पचन क फिरौन स बचाएस ह।</verse>
				<verse number="11">अब मइँ जानत हउँ कि यहोवा सबहिं देवतन स बड़वार अहइ। उ पचे बिचारेन उ सबइ नियन्तरण मँ अहइँ मुला निहारा यहोवा का किहेस ह।”</verse>
				<verse number="12">तबहिं यित्रो होम बलि अउर दूसर बलि परमेस्सर क मान दइ बरे भेंट किहस। तबहिं हारून अउ इस्राएल क सबहिं नेतन परमेस्सर क समन्वा मूसा क ससुर यित्रो क संग खइया क खाएस।</verse>
				<verse number="13">दुसरे दिना मूसा लोगन क परखइ बरे बइठा। हुँवा लोगन क गिनती जियादा रही। इ कारण लोगन मूसा क समन्वा दिन भइ ठाड़ रहेन।</verse>
				<verse number="14">यित्रो मूसा क लोगन क परखते भए लखेस। उ पूछेस, “तू इ काहे करत बाट्या? का सिरिफ तू ही एक कानून क निआवधीस अहा? अउर मनइयन सिरिफ तोहरे लगे ही सारे दिन भइ काहे आवत हीं?”</verse>
				<verse number="15">तबहिं मूसा आपन ससुर स कहेस, “मनइयन मोरे लगे आवत हीं अउर आपन समस्या क बारे मँ मोसे यहोवा क निर्णय क बारे मँ पूछत हीं।</verse>
				<verse number="16">जदि ओन पचन मँ कउनो वाद-विवाद होत ह तउ उ पचे मोरे लगे आवत हीं। मइँ निर्णय देत हउँ कि कउन निआव प अहइ। इ तरह मइँ यहोवा क नेमन अउ ओकरे उपदेसन क बारे मँ मनइयन क बतावत हउँ।”</verse>
				<verse number="17">मुला मूसा क ससुर ओसे कहेस, “इ नीक तरीका काम करइ क नाहीं अहइ।</verse>
				<verse number="18">तोहरे अकेल्ले बरे इ काम बहोत जिआदा अहइ। एहसे तू थक जात ह अउर इ सबइ लोग भी थक जात ही। तू इ काम क खुद नाहीं कइ सकत्या।</verse>
				<verse number="19">अब मोरउ सुना। मइँ तोहका कछू सुझाव देत हउँ। मइँ तोहका बताउब कि तोहका का करइ चाही। मोर पराथना बा कि परमेस्सर तोहार साथ देइ हीं। तोहका लोगन क वाद-विवाद सुनब जारी रखइ चाही। तोहका इ तहत्तुकन अउ समस्या क परमेस्सर क समन्वा रखइ चाही।</verse>
				<verse number="20">तोहका परमेस्सर क नेमन अउ विधि का उपदेसन लोगन क देइ चाही। लोगन क चिताउनी द्या कि उ पचे परमेस्सर क नेम न तोड़इँ। लोगन क जानकार बना उ पचन्क कइसे जिअइ चाही। ओनका बतावा कि उ पचे का करइँ।</verse>
				<verse number="21">मुला तोहका लोगन मँ स कछू क जज अउ नेता क चुनइ चाही। “उ नीक मनइयन क चुना जेहँ प तू पतिआत ह। उ मनइयन जउन यहोवा क मान करत हीं। उ मनइयन क चुना जउन धने खातिर आपन फइसला न बदल देइँ। इन चुने मनइयन क लोगन क प्रधान बनवा। एक हजार मनइयन, एक सौ मनइयन, पचास मनइयन, अउर दस मनइयन प भी एक प्रधान होइ क चाही।</verse>
				<verse number="22">इन ही सासक लोगन्क क मनइयन क निआव करइ द्या। अगर जिआदा कउनो गंभीर मामला होइ तउ प्रधान लोग तोहरे लगे आइ सकत हीं। अउ उ पचे दूसर मुकदमा क फैसला खुद कइ सकत हीं। इ तरह उ पचे तोहरे काम मँ मदद करिहीं अउ इ तोहरे बरे जिआदा सहल होइ जाइ।</verse>
				<verse number="23">जदि तू परमेस्सर क इच्छा स अइसा करत ह तबहिं तू आपन काम करइ बरे जोग्ग रहब्या। अउ ऍकरे संग संग सब मनइयन आपन समस्या क पूरी होइ जाए स संसात होइके घरवा जाइ सकिहीं।”</verse>
				<verse number="24">ऍह बरे मूसा उहइ किहेस जइसा यित्रो कहे रहा।</verse>
				<verse number="25">मूसा इस्राएल क मनइयन मँ स नीक मनइयन क चुनेस। मूसा ओन मिला क मनइयन क अगुवा बनएस। हुवाँ एक हजार मनइयन, एक सौ मनइयन, पचास मनइयन, अउर दस मनइयन भी प्रधान रहेन।</verse>
				<verse number="26">इ प्रधान मनइयन क जज रहेन। मनइयन आपन आपन समस्या क एनके लगे हमेसा लइ आवत रहेन। अउर मूसा क सिरिफ गंभीर मामला निपटावइ क पड़त रहा।</verse>
				<verse number="27">तनिक समइया पाछे मूसा आपन ससुर यित्रो क बिदा किहेस अउ यित्रो अपने घरे लौटि गवा।</verse>
			</chapter>
			<chapter number="19">
				<verse number="1">मिस्र स आपन जात्रा करइ क तीसरे महीना मँ इस्राएल क मनइयन सीनै रेगिस्तान मँ पहुँचेन।</verse>
				<verse number="2">उ पचे रपीदीन स चलिके सीनै रेगिस्तान मँ आएन। इस्राएल क मनइयन रेगिस्ताने मँ पर्वत क नगिचे डेरा डाएन।</verse>
				<verse number="3">तबहिं मूसा पहाड़े प परमेस्सर क लगे गवा। यहोवा ओसे पर्वत प कहेस, “इ बातन क इस्राएल क मनइयन यानी याकूब क बड़का परिवार स कहा,</verse>
				<verse number="4">‘तू पचे निहार्या ह कि मइँ आपन दुस्मनन क का कइ सकत हउँ। तू पचे लख्या ह कि मइँ मिस्र क मनइयन क संग का किहेउँ ह अउ इस्राएल क लोगन क संग का किहेउँ ह। तू सबइ देख्या ह कि मइँ तू सबन्क मिस्र स बाहेर एक उकाब क नाई निकारा ह अउर हिआँ आपन निचके लइ आवा ह।</verse>
				<verse number="5">ऍह बरे जदि तू मोरे कथन का माना अउर मोरे आदेसन क पालन करा तउ तू पचे मोरे खास लोग होब्या। समूचइ धरती मोर अहइ। मुला मइँ तोहका आपन खास लोग चुनत अहउँ।</verse>
				<verse number="6">तू पचे मोरे एक खास रास्ट्र-याजक क समराज होब्या।’ मूसा, जउन बतियन क मइँ तोहका बताएउँ ह ओनका इस्राएल क मनइयन क जरूर कहि दिहा।”</verse>
				<verse number="7">ऍह बरे मूसा पहाड़े स तरखाले उतरा अउ लोगन क सासकन क बोलाएस। मूसा लोगन क सासकन स इ कहेस जउन कहइ क यहोवा ओका हुकुम दिहे रहेन।</verse>
				<verse number="8">फुन सबहिं लोग उहइ समइ एक साथ बोलेन, “हम पचे यहोवा क हर आदेसन क मानब जउन यहोवा कहत ह।” तबहिं मूसा यहोवा क लगे पहाड़े प लौटि आवा। मूसा परमेस्सर स कहेस कि मनइयन ओनके हुकुम क पालन करिहीं।</verse>
				<verse number="9">अउर यहोवा मूसा स कहेस, “मइँ घनघोर घटा मँ तोहरे लगे आउब। मइँ तोहसे बात करब। सबइ लोग मोका तोहसे बात करत सुनिहीं। मइँ इ ऍह बरे करब जेहसे लोग ओन बातन मँ सदा पतियइहीं जउन तू ओनसे कहत अहा।” तब मूसा यहोवा क उ सब बातन क बताएस जउन लोगन ओसे कहेन।</verse>
				<verse number="10">यहोवा मूसा स कहेस, “आज अउ भियान तू लोगन क खास सभा बरे जरूर तइयार करा। लोगन क आपन ओढ़ना धोइ लेइ चाही।</verse>
				<verse number="11">अउ तीसरे दिन मोरे बरे तइयार रहइ चाही। तीसरे दिना यहोवा सीनै पहाड़े प आइ, अउर सबहीं लोग यहोवा क निहरिहीं।</verse>
				<verse number="12">मुला लोगन स तू जरूर कहि दिहा कि उ पचे पहाड़े स दूर ठहरइँ। एक ठु रेखा खइँच द्या अउ ओनका उ रेखा क पार न होइ द्या। जदि कउनो मनई या गोरू पहाड़े क छुइ तउ ओका जरूर मारि दीन्ह चाही। ओका पथरे या तीर स जरूर मारि डावा जाइ। मुला कउनो क ओका छुअइ नाहीं दीन्ह जाइ। लोगन क बिगुल स लम्बी आवाज निकलइ तलक जोहइ क पड़ी। उहइ समइया ओनका पहाड़े प जाइ दीन्ह जाइ।”</verse>
				<verse number="13"></verse>
				<verse number="14">तउ मूसा पहाड़े स खाले उतरि आवा। उ लोगन क नगिचे गवा अउर ओनका खास बइठक बरे तइयार किहेस। मनइयन आपन ओढ़ना धोएन।</verse>
				<verse number="15">तब मूसा लोगन स कहेस, “परमेस्सर स मिलइ खातिर तीन दिना मँ तइयार होइ जा। उ टेम तलक कउनो मनई अउरत क संग सोवइ न चाही।”</verse>
				<verse number="16">तीसरे दिना क भिन्सारे घनघोर घटा पर्वत प आइ। बिजुरी क कड़कब अउ बदरे क गरजब भवा। इ समइया बिगुल क बाजब ऊँची अवाज मँ भवा। डेरा क सबहिं लोग ससाइ गएन।</verse>
				<verse number="17">तब मूसा लोगन क डेरा स बाहेर पहाड़े क तलहटी प परमेस्सर स भेंटइ बरे गवा।</verse>
				<verse number="18">सीनै पहाड़ धुआँ स ढँकि गवा। पहाड़े स धुआँ अइसा निकरा जइसे भट्ठी स निकरत होइ। इ ऍह बरे भवा कि यहोवा आगी मँ पहाड़े प उतरेन। अउर साथ ही समूचा पहाड़ थरथर काँपइ लाग।</verse>
				<verse number="19">बिगुल क अवाज जोर स जिआदा जोरदार होत गइ। जबहुँ मूसा परमेस्सर स बात किहेस, परमेस्सर बदरे क गरज क नाईं ऊँची अवाज मँ ओका जवाब दिहस।</verse>
				<verse number="20">इ तरह यहोवा सीनै पहाड़े प उतरा। तबहिं यहोवा मूसा क आपन लगे पहाड़े क चोटी प आवइ बरे कहेस। ऍह बरे मूसा पहाड़े प चढ़ि गवा।</verse>
				<verse number="21">यहोवा मूसा स कहेस, “जा अउर लोगन क चेताउनी दइ द्या कि उ पचे मोका निहारइ बरे मोरे लगे न आवइँ। जदि उ पचे अइसा करिहीं तउ उ पचे मरि जइहीं। अउर इ तरह ढेर लोगन क मउत होइ जाइ।</verse>
				<verse number="22">ओन याजकन स भी कहा जउन मोरे लगे आवा चाहत हीं कि उ पचे इ खास मिलन बरे खुद क तइयार करइँ। जदि उ पचे अइसा नाहीं करतेन तउ मइँ ओनका सजा देब।”</verse>
				<verse number="23">मूसा यहोवा स कहेस, “मुला लोग पर्वते प नाहीं आइ सकत हीं। आप खुद ही हम का एक रेखा खइँचके पहाड़े क पवित्तर समुझइ अउ ओका पार न करइ बरे मोसे कहे रह्या।”</verse>
				<verse number="24">यहोवा ओसे कहेस, “लोगन क लगे जा अउ हारून क लइ आवा। ओका आपन संग वापस लइ आवा। मुला याजकन अउ लोगन क मोरे लगे जिन आवइ द्या। जदि उ पचे भी मोरे जिआदा नगिचे अइहीं तउ मइँ ओनका सजा देब।”</verse>
				<verse number="25">ऍह बरे मूसा लोगन क लगे गवा अउ ओनका इ सब बातन बताएस।</verse>
			</chapter>
			<chapter number="20">
				<verse number="1">तबहिं परमेस्सर कहेस,</verse>
				<verse number="2">“मइँ तोहार परमेस्सर यहोवा हउँ। मइँ तोहका मिस्र देस स बाहेर लइ आएउँ। मइँ तोहका गुलामी स अजाद करावा। ऍह बरे तोहका सचमुच इन आदेसन क मानइ चाही।</verse>
				<verse number="3">“तोहार लगे मोर अलावा अउर कउनो देवतन नाहीं होइ चाही।</verse>
				<verse number="4">“तोहका कउनो भी मूर्ति या कउनो भी चीज क कउनो तस्वीर जिन बनवा जउन ऊपर अकासे मँ या खाले भुइयाँ प या धरती क तरखाले पानी मँ होइ।</verse>
				<verse number="5">कउनो भी तरह क मूर्ति क आराधना जिन करा, अउर न ही ओकर सेवा करा। काहेकी मइँ तोहार यहोवा परमेस्सर हउँ। मइँ ईस्यालु परमेस्सर हउँ। जउन मनई मोरे खिलाफ पाप करत ह तउ उ हमार दुस्मन होइ जात ह। मइँ उ मनइयन क सजा देब। अउर मइँ ओनके गदेलन, ओनके नातिन पोतन अउ ओनके पर-नतिन पोतन क भी सजा देब।</verse>
				<verse number="6">मुला मइँ ओन लोगन प कृपा करब जउन मोसे पिरेम करिहीं अउ मोरे हुकुमन क मनिहीं। मइँ ओनके परिवारे बरे हजारन पीढ़ी तलक कृपा करब।</verse>
				<verse number="7">“तोहरे परमेस्सर यहोवा क नाउँ क बइपरब तोहका गलत ढंग स नाहीं करइ चाही। जदि कउनो मनई यहोवा क नाउँ क प्रयोग गलत ढंग स करत ह तउ उ अपराध करत ह अउ यहोवा ओका बे अपराधे क न मनिहीं।</verse>
				<verse number="8">“तोहका सबित क दिन क एक खास दिन क रूप मँ मनावइ क याद रखइ चाही।</verse>
				<verse number="9">हफ्ता मँ तू छ दिन तलक काम कइ सकत ह।</verse>
				<verse number="10">मुला सातवाँ दिन, सबित क दिन यहोवा तोहरे परमेस्सर क मान देइ बरे अराम क दिन अहइ। ऍह बरे उ दिन कउनो व्यक्ति-तू, तोहार बेटवा अउ बिटिया तोहरे नउकर अउ नउकरानी, गोरू अउर तोहरे सहर मँ रहइवाला बिदेसी क काम न करिहीं चाही।</verse>
				<verse number="11">काहेकी यहोवा छ: दिना तलक काम किहेस अउ अकास, धरती, सागर अउ ओनके बरे हर चीज बनएस। अउ सातवाँ दिन यहोवा अराम किहेस। इ तरह यहोवा सबित क दिन क बरदान दिहेस कि ओका अराम क पवित्तर दिन क रूप मँ मनावा जाइ। यहोवा ओका बहोत ही खास दिन बनएस।</verse>
				<verse number="12">“आपन बाप अउ महतारी क इज्जत करा। इ करा ताकि तू उ धरती प जउन धरती क परमेस्सर तोहका देत अहइ, लम्बी जिन्नगी बिताइ सका।</verse>
				<verse number="13">“तोहका कउनो व्यक्ति क कतल नाहीं करइ चाही।</verse>
				<verse number="14">“तोहका जिनाखोरी क पाप न करइ चाही।</verse>
				<verse number="15">“तोहका चोरी न करइ चाही।</verse>
				<verse number="16">“तोहका आपन पड़ोसी क खिलाफ झूठी गवाही न देइ चाही।</verse>
				<verse number="17">“तोहका पड़ोसी क घर हथियावइ क इच्छा न करइ चाही। तू आपन पड़ोसी क मेहरारू, ओकर नउकर अउ नउकरानी, ओकर गोरू अउ ओकरे गदहा क हथियावइ क इच्छा नाहीं करइ क चाही। तोहका दूसर व्यक्ति क चीजन्क लेइ क इच्छा न करइ चाही।”</verse>
				<verse number="18">घाटी मँ लोग बदरे क गर्जब अउ पहाड़े प बिजुरी क चमकब निहारेन। उ पचे बिगुल क अवाज सुनेन अउ पहाड़े स धुआँ उठब लखेन। मनइयन डेरानेन अउ भय स काँपि गएन। उ पचे पर्वते स दूर ठाड़ रहेन अउ निहारत रहेन।</verse>
				<verse number="19">तब लोगन मूसा स कहेन, “जदि तू हम पचन स कछू कहइ चहब्या तउ हम पचे सुनब। मुला परमेस्सर क हम पचन स बात जिन करइ द्या। जदि इ होइ तउ हम पचे मरि जाब।”</verse>
				<verse number="20">तब मूसा लोगन स कहेस, “जिन डेराअ। यहोवा तोहार परिच्छा लइ बरे आएस ह। उ चाहत ह कि तू पचे ओका मान द्या जेहसे तू पचे पाप जिन कइ सका।”</verse>
				<verse number="21">लोग उ समइ उठिके पर्वते स दूर चला गएन जबहिं मूसा उ घना बदरे मँ गवा जहाँ यहोवा रहेन।</verse>
				<verse number="22">तबहिं यहोवा मूसा स इस्राएलियन क कहइ बरे इ बातन क कहेस: “तू पचे निहार्या ह कि मइँ तोहसे अकास स बात कीन्ह ह।</verse>
				<verse number="23">ऍह बरे तू पचे मोरी बराबरी करइ बरे सोना अउ चाँदी क मूर्ति जिन बनवा। तोहका झूठे देवतन क मूतिर्यन न बनवइ चाही।</verse>
				<verse number="24">“मोरे बरे एक खास वेदी बनवा। इ वेदी बनवइ बरे मिटी बइपरा। इ वेदी प मोका बलि क रूप मँ होम बलि अउ सान्ति भेंट चढ़ाइ द्या। इ काम बरे आपन भेड़ अउ गोरू क इस्तेमाल करा। ऍका उ सबहिं ठउरे प करा जहाँ मइँ आपन क याद करइ बरे कहउँ। तबहिं मइँ आउब अउ तोहका आर्सीबाद देब।</verse>
				<verse number="25">जदि तू लोग वेदि क बनवइ बरे चट्टान क बइपरत ह तउ उ पाथर क न बइपरइँ जउने पाथर क लोह क औजार स काटा गवा ह। जदि तू अइसा करत ह तउ मइँ उ वेदी क अगींकार न करब।</verse>
				<verse number="26">तू पचे वेदी प पहुँचइ बरे सीढ़ी जिन बनया। जदि सीढ़ी होइ तउ लोग ऊपर वेदी क लखिहीं तउ उ पचे तोहरे ओढ़ना क नीचे स तोहका निहरिहीं।”</verse>
			</chapter>
			<chapter number="21">
				<verse number="1">तब परमेस्सर मूसा स कहेस, “इ सबइ नेम अहइँ जेकॉ तू लोगन क देब्या:</verse>
				<verse number="2">“जदि तू एक हिब्रू गुलाम खरीदत ह तउ उ तोहार सेवा सिरिफ छ बरिस करी। छ बरिस बाद उ अजाद होइ अउर ओका आजाद होइ बरे कछू नाहीं देइ क होइ।</verse>
				<verse number="3">जदि उ मनई क बियाह तोहरे गुलामी स पहिले नाहीं भवा अहइ, तब जब उ अजाद होइ क टेमॅ मँ अकेले ही चला जाइ। मुला जदि उ तोहार गुलाम होइ स पहिले बियाहा होइ तउ उ आपन पत्नी क आपन संग लइ जाइ।</verse>
				<verse number="4">जदि गुलाम बियाहा नाहीं होत तउ ओकर मालिक ओका मेहरारू दियाँइ सकत ह। जदि उ पत्नी, बेटवा अउर बिटिया क जन्मी, तउ उ पत्नी अउर ओकर बेटवा अउ बिटिया ओकर मालिक क होइहीं। आपन सेवा क समइ काटे क पाछे उ गुलाम अजाद कीन्ह जाइ।</verse>
				<verse number="5">“मुला इ होइ सकत ह कि गुलाम इ निहचय करइ कि उ आपन मालिक क संग रहइ चाहत ह। तब ओका इ कहइ क पड़ी, ‘मइँ आपन सुआमी स पिरेम करत हउँ। मइँ आपन पत्नी अउर आपन बचवन स पिरेम करत हउँ। मइँ अजाद नाहीं होब। मइँ हिअँइ रहब।’</verse>
				<verse number="6">जदि अइसा होइ तउ गुलाम क सुआमी ओका निआवाधीसन क लगे लिआइ। उ ओका दरवाजा तलक लइ जाइ अउर उ कउनो तेज अउजार स गुलाम क कान छेदी। तब उ दास जिन्नगी भइ मालिक क सेवा करी।</verse>
				<verse number="7">“कउनो भी मनई आपन बिटिया क दासी क तरह बेचइ बरे ठान लेत ह। जदि अइसा होत ह तउ ओका अजाद करइ क कानून उ गुलाम मनई क आजाद करइ क कानून स अलग होइ।।</verse>
				<verse number="8">जदि गुलाम क मालिक उ मेहरारू स संतुट्ठ न होइ तउ उ ओकरे बाप क बेच सकत ह। मुला जदि दासी क मालिक उ मेहरारू स बीहइ क बचन देइ तउ उ दूसर मनई क बेचइ क हक ओका नाहीं।”</verse>
				<verse number="9">जदि दासी क सुआमी उ दासी स आपन बेटवा बीहइ क बचन देइ तउ ओसे दासी जइसा बेवहार नाहीं कीन्ह जाइ। ओकरे साथ बिटिया जइसा बेवहार करइ चाही।</verse>
				<verse number="10">“जदि दासी क सुआमी कउनो दूसर मेहरारू स अपने क बियाहत ह तउ ओका चाही कि उ पहली मेहरारू क कमती खइया के अउ ओढ़ना न देइ अउर न ही ओकर बियाहे क हक मँ कमती करइ। अउर ओका चाही कि उ सब चीजन्क बराबर देत रहइ चाही जेका पावइ क हक ओका बियाहे मँ मिला रहा।</verse>
				<verse number="11">उ मनई क ई तीन ठु चीज ओकरे बरे करइ चाही। जदि उ करत नाहीं तउ उ मेहरारू अजाद कीन्ह जाइ अउ एकरे बरे ओका कछू भी नाहीं देइ क पड़ी। ओका उ मनई बरे कउनो धने क देनदार न होइ क पड़ी।</verse>
				<verse number="12">“अगर कउनो मनई दूसर क मारत ह अउर ओका मारि डावत ह तउ मरवइया भी मारि डावा जाइ।</verse>
				<verse number="13">मुला कउनो संजोग होइ जात ह कि कउनो बे पहिले क जोजना बनाए कउनो क मारि डावत ह, तउ अइसा परमेस्सर क मर्जी स ही भवा होइ। मइँ कछू खास ठउरे क चुनब जहाँ मनई सुरच्छा बरे भागिके जाइ सकत हीं। इ तरह उ हत्तियारा भागिके एहमाँ स कउने भी ठउरे प जाइ सकत ह।</verse>
				<verse number="14">मुला जदि कउनो मनई कउनो मनई बरे किरोध या घिन धरे क कारण ओका जान बूझ क मारि डावइ क चाल चलत ह तउ उ हत्तियारा क जरूर सजा मिलइ चाही। उ मनई क मोरी वेदी स भी दूर लइ जाइ चाही अउर ओका मारि डावा चाही।</verse>
				<verse number="15">“कउनो मनई जउन महतारी बाप क मारइ तउ ओका जरूर मारि डावा जाइ।</verse>
				<verse number="16">“अगर कउनो मनई कउनो क गुलाम क तरह बिक्री करइ या आपन गुलाम बनवइ बरे अपहरण करइ तउ ओका जरूर मारि देइ चाही।</verse>
				<verse number="17">“कउनो मनई जउन अपने बाप या आपन महतारी क सरापत ह ओका जरूर मारि देइ चाही।</verse>
				<verse number="18">“दुइ मनई तहत्तुक करइँ अउ एक दुसरे क पथरे स या मूका स मारि सकत ह। उ मनई क तोहका कइसे सजा देइ चाही। जदि मार खावा मनई मरत नाहीं तउ मरवइया क न मारि डावइ चाही।</verse>
				<verse number="19">मुला जदि मार खावा मनई कछू समइ तलक खटिया प पड़ा रहइ तउ मरवइया क ओका हर्जाना देइ चाही। मरवइया ओकरे टेम क बर्बादी क धन स पूरा करइ। उ मनई तबहिं ताई ओका हर्जाना देइ जब तलक उ पूरी तरह स चंगा न होइ जाइ।</verse>
				<verse number="20">“कबहुँ-कबहुँ मनई आपन दास अउ दासी क पीट देत हीं। जदि पीटे-पाटे क पाछे उ दास मरि जात ह तउ हत्तियारा क जरूर सजा देइ चाही।</verse>
				<verse number="21">मुला दास अगर मरत नाहीं अउ कछू दिनाँ पाछे उ नीक होइ जात ह तउ उ मनई क सजा न दीन्ह जाइ। काहेकि दास क मालिक दास बरे धन दिहे रहा अउ उ दास ओकर अहइ।</verse>
				<verse number="22">“दुइ मनइ आपस मँ लड़इँ-भिड़इ अउ कउनो गर्भवाली अउरत क धक्का दइ देत हीं। जदि उ मेहरारू अपने लरिका क जन्मत ह, अउर महतारी बुरी तरह घायल नाहीं बा तउ धक्का देवइया क जरूर धन देइ चाही। उ मेहरारू क भतार इ तय करी कि उ मनई केतना धन देइ। जज उ मनई क इ तय करइ मँ मदद देइहीं कि उ धन केतना होइ।</verse>
				<verse number="23">जदि अउरत बुरी तरह घायल होइ तउ उ मनई क जउन ओका चोट पहुँचाएस ह जरूर सजा देइ चाही। जदि एक मनइ मारि डावा जात ह तउ हत्तियारा जरूर मारि डावा जाइ। तू एक जिउ क बदले दूसर जिउ लइ चाही।</verse>
				<verse number="24">तू आँखी क सन्ती आँखी, दाँत क सन्ती दाँत, हाथे क सन्ती हाथ, गोड़ क सन्ती गोड़।</verse>
				<verse number="25">जरइ क सन्ती जरावा, खोंचे क सन्ती खोंचा अउ घाउ क सन्ती घाउ होइ।</verse>
				<verse number="26">“अगर कउनो मनई गुलाम क आँखी क खोंचइ अउर अगर गुलाम उ आँखी स आँधर होइ जाइ तउ उ गुलाम अजाद कइ दीन्ह जाइ। ओकर आँखी ओकरी अजादी क कीमत अहइ। इ नेम मरद अउ मादा बरे दुइनउँ गुलाम एक ही तरह अहइ।</verse>
				<verse number="27">अगर दास क मालिक दास क मुँहना प मारइ अउ दास क कउनो दाँत टूटि जाइ तउ दास अजाद कइ दीन्ह जाइ। दाँस क दँतवा ओकरे अजादी क कीमत अहइ। इ दास अउ दासी दुइनउँ बरे एक तरह अहइ।</verse>
				<verse number="28">“अगर कउनो मनई क साँड़ कउनो मेहरारू या मनई क मार देत ह तउ तू पाथर क बइपरा अउ साँड़ क मारि डावा। तू उ साँड़े क खाइ नाहीं चाही। मुला साँड़े क मालिक अपराधी नाहीं बा।</verse>
				<verse number="29">मुला जदि साँड़ पहिले स मरकहा अहइ अउ साँड़े क सुआमी क ओराहना दइ दीन्ह गइ अहइ तउ उ सुआमी दोखी अहइ। काहेकि इ साँड़े क बाँधा या बाड़ा मँ बंद कइके नाहीं रखा गवा। तउ जदि साँड़ अनेरे छोरि दीन्ह ग होइ अउ कउनो क जान स मार देत ह। तउ सुआमी दोखी अहइ। तू पचन्क साँड़े क पाथरे स मारि देइ चाही अउर सुआमी क भी हत्तिया कइ देइ चाही।</verse>
				<verse number="30">मुला अगर मउत पावइवाला परिवार क मनई कसूरवार मनई स छुड़ौती क धन स्वीकार करत हीं, तउ छुड़ौती क धन निआवधीस क तय करइ चाही अउर साँड़े क मालिक क मारइ न चाही।</verse>
				<verse number="31">“इहइ नेम लागू करइ चाही जदि साँड़ कउनो मनई क बेटवा या बिटिया क मारि डावत ह।</verse>
				<verse number="32">मुला साँड़ जदि गुलाम क जान स मार देइ तउ साँड़ क मालिक दास क सुआमी क चाँदी क तीस सिक्का देइ। अउ साँड़ भी पथरे स मारि डावा जाइ। इ नेम दास अउ दासी बरे एक तरह लागू होइ।</verse>
				<verse number="33">“जदि कउनो मनई एक खुला गड़हा या कुइयाँ खनइ अउ ओका मूँदइ नाहीं अउर कउनो मनई क जनावर आवइ अउ ओहमा गिरि पड़इ तउ गड़हा क मालिक दोखी बा।</verse>
				<verse number="34">गड़हा क मालिक जनावर बरे हर्जाना देइ मुला जनावर क हर्जाना दिए जाए प ओका उ जनावर क ल्हास लेइ दीन्ह जाइ।</verse>
				<verse number="35">“जदि कउनो क साँड़ कउनो दूसर मनई क साँड़े क मारि डावइ तउ उ साँड़ क जउन जिअत अहइ ओका बेंचइ दइ चाही। अउ एहसे मिले भए धन क आधा आधा हींसा दुइनउँ मनइयन क मिली। अउ मरे साँड़े का अधियाइ क दुइनउँ क जरूर बाँटि दीन्ह जाइ।</verse>
				<verse number="36">मुला उ मनई क साँड़ पहिले कउनो जनावरे क मारे अहइ तउ साँड़े क मालिक आपन साँड़ बरे जिम्मेदार अहइ। जदि ओकर साँड़ दूसर साँड़ क मारि डावत ह तउ उ अपराधी बा काहेकि उ साँड़े क अजाद छोड़ेस। उ मनई साँड़ क बदले साँड़ देइ। उ मरे भए साँड़ हरजाने मँ आपन साँड़ जरूर देइ।</verse>
			</chapter>
			<chapter number="22">
				<verse number="1">“तू उ मनई क सजा कइसे देब्या जउन एक बर्धा या भेड़ी क चुरावत ह? जदि उ मनई जनावर क मारि डावइ या बेच डावइ तउ उ ओका लउटाइ तउ सकत नाहीं। ऍह बरे उ चोराए बर्धा क बदले मँ पाँच बर्धा देइ। या एक ठु चोराइ भई भेड़ी क बदले चार भेड़ी देइ। ऍह बरे उ आपन चोरी क अपराध बरे हरजाना भी देइ।</verse>
				<verse number="2">जदि उ कंगाल बा, तउ ओका गुलाम क रूप मँ बेचा जाइ। अगर ओकरे लगे चोराइ क भवा जनावर अहइ तू ओका खोजा जात ह तउ उ मालिक क एक ठु जनावर चोरी खातिर दुइ ठु जनावर देइ। एहसे कउनो दरकार नाहीं कि उ जनावर गदहा, बर्धा या भेड़ी रही। “अगर कउनो चोर राति सेंध लगावत धइ जात ह अउ ओका कउनो मनई मारि डाएस तउ जउन ओका मारी डाएस उ मरइ क कउनो दोखी न होइ। मुला अगर इ दिन मँ घटि जात ह तउ जउन हत्तियारा क हत्तिया क दोख लागी।</verse>
				<verse number="3"></verse>
				<verse number="4"></verse>
				<verse number="5">“अगर कउनो मनई आपन खेत या अंगूरे क बगिया मँ आपन जनावरन क धरइ देइ अउर उ जनावर पडोसी क खेत या अंगूरे क बगिया मँ चलि जाइ अउ ओकर अनाज क बरबाद करइ देत ह तउ उ आपन सबत बढ़िया फसिल क आपन पड़ोसी क नोकसान बरे भरइ।</verse>
				<verse number="6">“अगर कउनो मनई आपन खेतवा क कँटहरी झाड़ी मँ आगी लगावइ अउ आगी बढ़त बढ़त पड़ोसी क फसिल या पड़ोसी क खेते क दाना क बारि देइ, तउ मनई जउन आगी बारेस ह ओका ओकरे बरे हर्जाना देइ क होइ जउन बारेस ह।</verse>
				<verse number="7">“कउनो मनई आपन पड़ोसी स ओकर घरे मँ कछू धन या कछू दूसर चीज धरइ बरे कहइ अउर जदि उ धन या उ सबइ चीजन पड़ोसी क घरे स चोरी चली जाइँ तउ तू का करब्या? तोहका चोरे क पता लगावइ क जतन करइ चाही। जदि तू चोरे क धइ लिहा ह तउ उ चीजे क दाम दुइ गुना देइ।</verse>
				<verse number="8">मुला जदि तू चोर क पता न लगाइ सका तब निआवाधीसन तय करिहीं कि उ अपराधी अहइ कि नाहीं। घरे क मलिक क निआवाधीसन क समन्वा जाइ चाही तउ निआवाधीसन तय करइहीं अगर उ आपन पड़ोसी क चिजियन क चुराएस ह।</verse>
				<verse number="9">“जदि दुइ मनई कउनो हेरान बर्धा, गदहा, भेड़ी, ओढ़ना या कउनो दूसर चीज क बारे मँ तकरार करइँ तउ तू का करब्या? एक मनइ कहत ह, ‘इ मोर अहइ।’ अउर दूसर कहत ह, ‘नाहीं इ मोर अहइ।’ दुइनउँ मनई परमेस्सर क लगे जाइँ। परमेस्सर तय करिहीं कि अपराधी कउन अहइ। जउन मनई गलती क दोखी होइ उ उ चीजे क दुइ गुना दाम भरी।</verse>
				<verse number="10">“कउनो आपन पड़ोसी स कछू टेम बरे आपन जनावर क देखइ भालइ क कहइ। उ जनावर एक गदहा, बर्धा या भेड़ी होइ सकत ह। तबहिं तू का करब्या जदि उ जनावर मरि जाइ या चोट खाइ जाइ या कउनो मनई उ जनावरे क चोराइके लइ जाइ जब कउनो मनई ओका लखत न होइ।</verse>
				<verse number="11">उ पड़ोसी सफाई देइ कि उ जनावर क चोराएस नाहीं ह। अगर इ सच होइ तब पड़ोसी यहोवा क किरिया खाइ कि उ ओका नाहीं चोराएस ह। जनावर क मालिक इ किरिया क जरूर मानइ। पड़ोसी क हेरान जनावर क मालिक क हर्जाना नाहीं देइ क होइ।</verse>
				<verse number="12">मुला जदि पड़ोसी क चोराएस ह तउ उ मालिक क जनावर बरे भुगतान जरूर करइ।</verse>
				<verse number="13">जदि जंगली जनावर जनावर क मारि डाए होइ तउ सबूत बरे ओकरे सरीर क पड़ोसी लइ आवइ। पड़ोसी मारा भवा जनावर क मालिक क हर्जाना न देइ।</verse>
				<verse number="14">“अगर कउनो मनई आपन पड़ोसी स कउनो चीजन उधार प लेइ तउ ओकरे बरे उ मनई क जिम्मेदार होइ चाही। जदि उ आपन पड़ोसी स कउनो जानवर उधार प लइ जाइ जदि उ जनावरे क चोट लगि जाइ या उ मरि जाइ तउ पड़ोसी मालिक क हर्जाना देइ। पड़ोसी ऍह बरे जिम्मेदार अहइ काहेकि ओकर मालिक हुवाँ खुद नाहीं रहा।</verse>
				<verse number="15">मुला जदि मालिक जनावर क संग हुवाँ होइ तब पड़ोसी क भुगतान नाहीं करइ क होइ। या जदि पड़ोसी काम लेइ बरे भाड़ा क भुगतान करत होइ तउ जनावर क मरइ या चोट खाइ प ओका कछू भी नाहीं देइ क होइ। जनावर क बइपरइ बरे दीन्ह गवा भाड़ा ही खूब होइ।</verse>
				<verse number="16">“अगर कउनो मनई कउनो बिन बियाही कुवँरी कन्या क गुमराह करत ह अउ ओकर संग सारीरिक सम्बंध बनावत ह तउ ओका ओसे बियाह करइ चाही। ओकरे बाप क पूरा पूरा दहेज देइ।</verse>
				<verse number="17">अगर बाप उ बिटिया क ओसे बीहइ क मना करत ह तउ भी उ मनई क धन देइ क होइ। उ ओका दहेज क भरपूर धन देइ।</verse>
				<verse number="18">“तू कउनो अउरत क जादू टोना जिन करइ द्या। जदि उ अइसा करइ तउ तू ओका जिअइ जिन द्या।</verse>
				<verse number="19">“तू कउनो मनई क कउनो जनावर क संग जिनाखोरी जिन करइ द्या। जदि अइसा होइ तउ उ मनई जरूर मारि डावा जाइ।</verse>
				<verse number="20">“जदि कउनो मनई झूठे देवता क बलि चढ़ावत ह तउ उ मनई जरूर बर्बाद कइ द्या। सिरिफ यहोवा ही अइसा अहइँ जेहका तू पचन्क बलि चढ़ावइ चाही।</verse>
				<verse number="21">“याद राखा पहिले तू पचे मिस्र देस मँ बिदेसी रह्या। ऍह बरे तू पचे उ मनई क जिन ठगा न ओका चोट पहुँचावा जउन तोहरे देस मँ बिदेसी होइ।</verse>
				<verse number="22">“तू पचे अइसी अउरत क कबहुँ नोस्कान नाहीं करइ चाही जेकर भतार मरि गवा होइ या कउनो अनाथ बचवन होइँ।</verse>
				<verse number="23">जदि तू पचे ओन राँड़ या अनाथ बचवन क कछू बुरा करिब्या तउ उ पचे मोरे अगवा रोइहीं अउर मइँ ओनके गोहार क सुनब।</verse>
				<verse number="24">अउर मोका जिआदा किरोध आइ। मइँ तोहका तरवारि स मारि डाउब। तबहिं तोहार पत्नी राँड़ होइहीं। अउर तोहार गदेलन अनाथ होइ जइहीं।</verse>
				<verse number="25">“जदि मोरे लोगन मँ स कउनो गरीब होइ अउर तू ओका कर्ज द्या तउ उ धन पइ तोहका बिआज नाहीं लेइ चाही।</verse>
				<verse number="26">कउनो मनई उधारे पर लीन्ह धन बरे आपन कोट क रेहन धरत ह तउ सूरज बूड़इ स पहिले ओका कोट लउटाइ द्या।</verse>
				<verse number="27">जदि उ आपन कोट नाहीं पावत तउ ओकरे लगे तन ढाकइ क कछू भी नाहीं होइ। जब उ सोइ तउ ओका सर्दी लागी। जदि उ मोका रोइ क पुकारी तउ मइँ ओकर सुनब। मइँ ओकर बात सुनब काहेकि मइँ कृपालु हउँ।</verse>
				<verse number="28">“तू परमेस्सर या आपन लोगन क नेतन क सरापइ नाहीं चाही।</verse>
				<verse number="29">“फसिल काटइ क टेमॅ प तोहका आपन पहिला अनाज अउर पहिला फले क रस मोका देइ क चाही। बरिस क आखिर तलक प्रतिच्छा जिन करा। “आपन पहिलौटी पइदा भवा बेटवन क मोका दइ द्या।</verse>
				<verse number="30">आपन पहिला गोरू अउ भेड़ी क बच्चा मोका द्या। पहिलौटी बच्चा क सात दिना तक जनावरे क महतारी क संग रहइ द्या। आठवें दिन मोका इ सब द्या।</verse>
				<verse number="31">“तू पचे क मोर बरे पवित्तर लोग होइ चाही। ऍह बरे कउनो अइसे जनावरे क गोस जिन खा जेका कउनो जंगली जनावर मारि डाए होइ। उ मरे भए जनावरन क कुकुरन क खाइ द्या।</verse>
			</chapter>
			<chapter number="23">
				<verse number="1">“दूसर मनइयन क खिलाफ लबार जिन बोला। जदि तू अदालत मँ गवाह ह्वा तउ बुरा मनई बरे लबार जिन बोला।</verse>
				<verse number="2">“कुछ अइसा जिन करा सिरिफ एह बरे हर मनई वइसा करत बा। अगर मनई क समूह गलत करत बा तउ ओनकइ साथ जिन द्या। तू ओन मनइयन क अपने क गलत काम बरे बहकावइ जिन द्या। तू उहइ करा जउन ठीक अउ निआव क बात होइ।</verse>
				<verse number="3">“अगर एक ठु गरीब मनई क अदालत मँ जाँच होत भइ, तउ कबहुँ कबहुँ लोग ओकर साथ देत हीं काहेकि उ पचे अफसोस महसूस करत ह। त उ जिन करा। जदि उ निआउ प होइ तउ ओकर साथ द्या।</verse>
				<verse number="4">“जदि तू कउनो हेरान बर्धा या गदहा पावा तउ तोहका ओका मालिक क लौटाए देइ चाही। चाहे उ तोहार दुस्मन काहे न होइ।</verse>
				<verse number="5">“जदि उ लखा कि जनावर ऍह बरे नाहीं चल पावत अहइ कि ओको ऊपर ढेर क बोझ लदा अहइ तउ तोहका ओका रोकइ चाही अउ उ जनावर क मदद करइ चाही। तोहका उ जनावर क मदद तबहुँ भी करइ चाही जब उ जनावर तोहरे दुस्मनन मँ स कउनो क होइ।</verse>
				<verse number="6">“तोहका गरीबन क संग अदालत मँ अनिआव न होइ देइ चाही। ओनके संग दूसर लोगन क तरह निआव होइ चाही।</verse>
				<verse number="7">“बहोत होसियार रहा कि तू कउनो बात बरे कउनो क अपराधी कहा। कउनो बेकसूर मनई क खिलाफ अपराध जिन लगावा। कउनो निदोर्खी मनई क अपराध क सजा क जरिए जान स जिन मारा जाइ द्या काहेकि उ अपराध नाहीं किहेस। अगर कउनो मनई निदोर्खी क हत्तिया करइ तउ उ दुट्ठ अहइ। अउर मइँ उ दुट्ठ मनई क दोख मुक्त न करब।</verse>
				<verse number="8">“अगर कउनो मनई गलत होए प आपन बात अंगीकार करावइ बरे तोहका घूस देइ तउ जिन ल्या। अइसा घूस जज क भी आँधर कइ देइ जेसे उ फुर बात क न लखि सकिहीं। इ तरह क घूस नीक मनइयन क लबार होइ क सिखाइ।</verse>
				<verse number="9">“तू कउनो बिदेसी क संग जउन तोहार भुइँया मँ रहत ह जुलम जिन करा। याद राखा जब तू मिस्र देस मँ बसत रह्या तबहिं तू बिदेसी रह्या।</verse>
				<verse number="10">“छ: बरिस ताई बिआ बोवा। आपन फसिल काटा अउ खेत क तइयार करा।</verse>
				<verse number="11">मुला सातवे बरिस आपन खेत क जिन जोता। सातवाँ बरिस खेते क खास अराम करइ क होइ। आपन खेते मँ कछू जिन बोआ। अगर कउनो फसिल सातवे बरिस मँ आपन आप होइ जात ह तउ ओका गरीबन क खाइ द्या। जउन खइया क दाना बच खुच जाइ ओका बनैला पसु क भकोसइ द्या। इहइ बात तोहका अंगूर अउ जइतून क बृच्छ क बारे मँ करइ चाही।</verse>
				<verse number="12">“छ: दिना तलक काम करा। तब सातवाँ दिन अराम करा। एहसे तोहरे गुलामन, मजूरन अउ विदेसियन क जउन कि तोहार बरे काम करत हीं तनिक समइ बरे अराम अउर सुस्ताइ क टेम मिली। अउर तोहार बर्धा अउ गदहा भी अराम करइ क टेम पइहीं।</verse>
				<verse number="13">“इ नेमन क मनाइ बरे होसयारी बरता। झूठ देवतन क पूजा जिन करा। तू सबन्क ओनकइ नाउँ भी नाहीं लेइ चाही।</verse>
				<verse number="14">“हर बरिस तोहार तीन खास छुट्टी क दिन होइहीं। इ दिना तू पचे मोर आराधना बरे मोर खास जगह प आया।</verse>
				<verse number="15">पहिल छुट्टी क दौरान बेखमीरे क रोटी क दावत होइ। इ वइसा ही होइ, जइसा मइँ हुकुम दिहे हउँ। इ दिन तू अइसी रोटी खाब्या जेहमा खमीर न होइ। इ सात दिना ताई चली। तू पचे ऍका आबीब क महीना मँ करब्या। काहेकि इ उहइ टेम अहइ जब तू पचे मिस्र स आए रह्या। इ दिना कउनो भी मनई मोरे समन्वा खाली हाथ जिन आया।</verse>
				<verse number="16">“दूसर छुट्टी का दिन फसल काट्इ क, तोहार मिहनत क पहिला फल क परब होइ।” “तीसर छुट्टी क दिन फसल जमा करइ क परब होइ। इ पतझड़ मँ तब मनावा जाइ जब तू खेत मँ आपन सारी फसल क काटब्या।</verse>
				<verse number="17">“इ तरह हर बरिस तीन दाई सबहिं मनई यहोवा आपन सुआमी क समन्वा हाजिर होइहीं।</verse>
				<verse number="18">“जब तू कउनो जनावर क मारा अउ एकरे खूने क बलि क रूप मँ जब चढ़ावा तउ अइसी रोटी भेंट मँ जिन चढ़ावा जेहमाँ खमीर होइ। अउर जब तू इ बलि क खा तउ एकहि दिन मँ सब गोस खाइ जा। दूसर दिन बरे गोस जिन बचावा।</verse>
				<verse number="19">“जबहिं तू फसिल काटइ क टेम आपन फसिल बटोरा तबहिं आपन काटइ भइ फसिल क पहिली उपज आपन यहोवा क मन्दिर मँ लावा। “तोहका नान्ह बोकरी क मांस नाहीं खाइ क चाही जउन आपन महतारी क दूधे मँ पका भवा होइ।”</verse>
				<verse number="20">परमेस्स्सर कहेस, “मइँ तोहरे समन्वा तोहार अगुआयी बरे एक ठु सरगदूत पठवत हउँ। इ सरगदूत तोहका उ ठउरे प लइ जाइ जेका मइँ तोहरे बरे तइयार किहेउँ ह। इ सरगदूत तोहार रच्छा करी।</verse>
				<verse number="21">सरगदूत क हुकुम माना अउ ओकरे पाछे चला। ओकरे खिलाफ कउनो बुरा काम जिन करा। उ सरगदूत तोहरे जँर्म क छिमा न करी जउन तू ओकरे बरे करब्या। ओहमाँ मोर सक्ती अहइ।</verse>
				<verse number="22">तोहका उ बात मानइ चाही जउन उ कहत ह। तोहका हर एक काम करइ चाही जउन मइँ तोहका कहत हउँ। जदि तू इ करब्या तउ मइँ तोहरे संग रहब। मइँ तोहरे सबहिं दुस्मनन क खिलाफ होइ जाब। अउर मइँ उ हर लोग क दुस्मन होब जउन तोहरे खिलाफ होइ।”</verse>
				<verse number="23">यहोवा कहेस, “मोर सरगदूत तोहका इ देस स होइके जाइ मँ तोहार अगुवायी करिहीं। उ तोहका कइउ अलग अलग लोगन एमोरी, हित्ती, परिज्जी, कनानी, हिब्बी अउ यबूसी क खिलाफ तोहार अगुवायी करिहीं। मुला मइँ ओन सबहिं क नास कइ देब।</verse>
				<verse number="24">“ओनकइ देवदत क जिन पूजा करा। ओन देवतन क निहुरिके पइलगी जिन करा। तू उ तरीका स जिन रहा जउने तरीका स उ पचे रहत हीं तोहका ओनकइ मूरत क नास कइ देइ चाही। तोहका ओनकइ स्मृति क पाथर क तोड़ देइ चाही जउन ओनकइ देवतन क सुमिरइ मँ उ पचन्क मदद करत ह।</verse>
				<verse number="25">तोहका यहोवा आपन परमेस्सर क सेवा करइ चाही। जदि तू इ करब्या, तउ मइँ तोहका भरपूर रोटी अउ पानी क बरदान देब। मइँ तोहार सारी बेरामी क दूर कइ देब।</verse>
				<verse number="26">तोहार सब पचन्क मेहररूअन बच्चन क जन्मिहीं। जन्म क टेम प ओनकइ कउनो बच्चा नाहीं मरी। अउर मइँ तू पचन्क भरपूर लम्बी जिन्नगी देब।</verse>
				<verse number="27">“जब तू आपन दुस्मनन स लड़ब्या, मइँ आपन प्रबल सक्ती तोहसे पहिले हुवाँ पठइ देब। मइँ तोहरे सबहिं दुस्मनन क हरावइ मँ तोहार मदद करब। उ पचे जउन तोहरे खिलाफ होइहीं, उ पचे जुद्ध मँ घबराइ क पराइ जइहीं।</verse>
				<verse number="28">मइँ तोहरे अगवा अगवा बरे पठउब। उ तोहरे दुस्मनन क भगाइ देइ मँ मजबूर करी। हिब्बी, कनानी अउ हित्ती लोग तोहार देस तजिके पराइ जइहीं।</verse>
				<verse number="29">मुला मइँ ओन लोगन क तोहरे देस स बाहेर हाली हाली जाइके मजबूर न करब। मइँ इ सिरिफ एक बरिस मँ न करब। जदि मइँ लोगन क बहोत हाली जाइके मजबूर करब तउ देस ही निर्जन होइ जाइ। तब सबहिं तरह क जंगली जानवर बढ़िहीं अउर धरती प कब्जा कइ लइहीं। अउ उ पचे तोहरे बरे बहोत कस्ट देइवाला होइहीं।</verse>
				<verse number="30">मइँ ओनका धीमे धीमे तोहरी भुइयाँ स उ टेमॅ तलक बाहेर खदेरत रहब जब तलक तू उ भुइयाँ प न छाइ जा। अउ जहाँ कहूँ तू जाब्या मइँ दूसर लोगन क उ भुइयाँ तजि देइ बरे मजबूर करब।</verse>
				<verse number="31">“मइँ तू पचन्क लाल सागर स फरात नदी तलक सारा भुइँया देब। पच्छिउँ चौहद्दी पलिस्ती सागर (भूमध्य सागर) होइ अउ पूर्बी चौहद्दी अरब क रेगिस्तान होइ। मइँ तू पचन्क हुवाँ बसइ सबहि लोगन क हराइ क देब। अउर तू पचे इ सबहिं मनइयन क हुवाँ स पराइ बरे मजबूर करब्या।</verse>
				<verse number="32">“तू पचे हुवाँ क लोगन मँ स कउनो क संग या ओनकइ देवतन क संग कउनो समझौता जरूर न करइ चाही।</verse>
				<verse number="33">ओन पचन्क आपन देस मँ जिन रहइ द्या। जदि तू ओनका रहइ देब्या तउ ओनकइ चाल-चपेट मँ फँसि जाब्या। उ पचे तोहसे मोरे खिलाफ पाप करवइहीं। अउर तू पचे ओनकइ देवतन क सेवकइ सुरू कइ देब्या।”</verse>
			</chapter>
			<chapter number="24">
				<verse number="1">परमेस्सर मूसा स कहेस, “तू हारून, नादाब, अबीहू अउ इस्राएल क सत्तर पुरनिया नेता पहाड़े प आवा अउ कछू दूर होइ के मोर आराधना करा।</verse>
				<verse number="2">तबहिं तू अकेले ही मोर निअरे आवइँ। दूसर कउनो लोग यहोवा क निचके न आवइँ अउ बाकी बचा भवा लोग पहाड़े क निअरे न आवइँ।”</verse>
				<verse number="3">इ तरह मूसा यहोवा क सबहिं नेम अउ आग्या क लोगन क बताएस। तब सबहिं मनइयन कहेन, “यहोवा जउन सबहिं आग्या क दिहेस ओका हम सब मानब।”</verse>
				<verse number="4">ऍह बरे मूसा यहोवा क सबहिं आग्या क चाम पत्तर प लिखेस। भियान भिन्सारे मूसा उठा अउ पहाड़े क तलहटी क निचके एक वेदी बनाएस। अउर उ बारह पाथर इस्राएल क बारहु परिवार समूह बरे खड़ा किहेस।</verse>
				<verse number="5">तब मूसा इस्राएल क जवानन क बलिदान दइ बरे पठएस। उ पचे यहोवा बरे होमबलि अउ सान्ति क भेंट बरे बर्धा क बलि दिहेन।</verse>
				<verse number="6">मूसा ओन जनावरन क खून बटोरेस। मूसा आधा खून खोरा मँ धरेस। अउर दूसर आधा खून वेदी प उड़ेरेस।</verse>
				<verse number="7">मूसा चाम पत्तर प लिखा भवा करार क पड़ेस। मूसा करार क ऍह बरे पढ़ेस कि सब लोग ओका सुन सकइँ। अउ लोग कहेन, “हम लोग ओन नेम क सुन लिहेन ह जेका यहोवा हम पचन्क दिहेस ह। अउर हम सब मनइयन ओनका मानइ क बचन देत अही।”</verse>
				<verse number="8">तब मूसा खून स भरा खोरा बलि स लिहेस अउ ओका लोगन प छिछकेस। उ कहेस, “इ खून बतावत ह कि यहोवा तोहरे संग अउ ओन सबइ बातन क लगइ क जउन हम पचन्क कहेन।”</verse>
				<verse number="9">तबहिं मूसा, हारून, नदब, अबिहु अउ इस्राएल क सत्तर पुरनियन नेता लोग पहाड़े प चढ़ेन।</verse>
				<verse number="10">इ मनइयन इस्राएल क यहोवा क पहाड़े प ठाड़ भवा लखेन। यहोवा कउनो अइसे अधार प ठाड़ रहेन जउन नीलमणि जइसा देखात रहा। अइसा निर्मल जइसा अकास।</verse>
				<verse number="11">इस्राएल क सबहिं नेता लोग यहोवा क लखेन, मुला यहोवा ओनका बर्बाद नाहीं किहेन। उ पचे साथ खाएन अउ पिएन।</verse>
				<verse number="12">यहोवा मूसा स कहेस, “मोरे लगे पहाड़े प आवा। मइँ आपन उपदेसन अउ आदेसन क दुइ ठु समथर पाथरे क पाटी प लिखे अही। इ आदेसन मनई बरे अहइँ। मइँ इ पाथर क समथर पाटी क तोहका देइहउँ।”</verse>
				<verse number="13">ऍह बरे मूसा अउ ओकर मददगार यहोसू यहोवा क पहाड़े ताई गएन।</verse>
				<verse number="14">मूसा चुने भए नेतन स कहेस, “हम दुइनउँ क हिअँइ जोहा। हम तोहरे लगे लउटब। जब तलक मइँ गैर हाजिर रहब, हारून अउ हूर तोहार सासकन रइहीं। ओनके लगे जा जदि कउनो क समस्या होइ।”</verse>
				<verse number="15">तब मूसा पहाड़े प चढ़ा। अउर बादर पहाड़ क ढाँपि लिहेस।</verse>
				<verse number="16">परमेस्सर क महिमा सीनै पहाड़े प उतरी। बादर छ: दिना तलक पहाड़े क मूँदे रहा। सतएँ दिन यहोवा, बादर मँ, स मूसा स बोला।</verse>
				<verse number="17">इस्राएल क लोग यहोवा क महिमा क लख सकत रहेन। इ पहाड़े क चोटी प भरभराइ क बरत आगी क नाई रहा।</verse>
				<verse number="18">तबहिं मूसा बदरे मँ थोड़ा ऊपर पहाड़े प चढ़ा। मूसा पहाड़े पर चालीस दिन अउ चालीस रात रहा।</verse>
			</chapter>
			<chapter number="25">
				<verse number="1">यहोवा मूसा स कहेस,</verse>
				<verse number="2">“इस्राएल क लोगन स मोरे बरे भेंट लइ आवइ क कहा। हर मनई अपने मनवा मँ इ ठान लेइ चाही जउन उ मोका देइ चाहत ह। इ भेंटन क मोरे बरे मंजूर कइ ल्या।</verse>
				<verse number="3">इ चीजन्क पत्री इ अहइ जेनँका तू मनइयन स अंगीकार करब्या: सोना, चाँदी, काँसा</verse>
				<verse number="4">नीला बैगनी अउ लाल धागा, सुन्नर रेसमी कपड़ा, बोकरी क बार,</verse>
				<verse number="5">भेड़ी क लाल रंगे क खाल, नरम खाल, बबुरे क काठ,</verse>
				<verse number="6">दिया मँ बारइ क तेल: अभिसेक क तेल, धूपे बरे महकउआ मसाला, भीनी सुगन्धे बरे मसाला।</verse>
				<verse number="7">सुलेमानी पाथर अउ दूसर कीमती रतन जउन याजक क एपोद मँ जड़ दीन्ह जाइँ अउ निआव क थइला।”</verse>
				<verse number="8">यहोवा इहउ कहेस, “मनई मोरे बरे एक पवित्तर स्थल बनइहीं। तबहिं मइँ ओनके संग रहि सकब।</verse>
				<verse number="9">मइ तोहका देखाउब कि पवित्तर तम्बू कइसा देखाइ देइ चाही। जइसा मइँ देखाएउँ ह हर एक चीज ठीक वइसा ही होइ चाही।</verse>
				<verse number="10">“बबुरे क काठ बइपरा अउ एक खास संदूख बनावा। इ पवित्तर संदूख क ढाई हाथ लम्बा डेढ़ हाथ चौड़ा अउ डेढ़ हाथ ऊँचा होइ चाही।</verse>
				<verse number="11">संदूखे क भीतर अउ बाहर पत्तर चढ़ावइ बरे सुद्ध सोना लगावा। संदूखे क कोना क सोना स मढ़ा।</verse>
				<verse number="12">संदूखे क उठावइ बरे सोना क चार कड़ा बनवा। सोने क कड़ा क चारिहुँ कोना प लगावा। दुइनउँ कइँती दुइ दुइ कड़ा होइँ।</verse>
				<verse number="13">तब संदूखे क ढोवइ बरे खम्भा बनावा। इ खम्भन बबुरे क काठे क होइ अउ सोना स जरूर जड़ी होइँ चाही।</verse>
				<verse number="14">संदूखे क बगल क कोन प लगा भवा कड़ा मँ इ खम्भन क घुसेड़ द्या। इ खम्भन क बइपरब संदूखे क ढोवइ बरे करा।</verse>
				<verse number="15">इ खम्भा संदूखे क कड़न मँ सदा छुई रहइ चाही। खम्भन क बाहेर जिन खइँचा।”</verse>
				<verse number="16">यहोवा कहेस, “मइँ तोहका करार देत अही।” ऍका करार क संदूखे मँ धरा।</verse>
				<verse number="17">तब एक ढकना बनावा। एका सुद्ध सोने क बनावा। एका ढाइ हाथ लम्बा अउ डेढ़ हाथ चौड़ा बनावा।</verse>
				<verse number="18">तब दुइ करूब सरगदूतन क बनावा अउ ओनका ढकना क दुइनउँ सिरा प लगावा। इ सरगदूत क बनवइ बरे सोना क पत्तर बइपरा।</verse>
				<verse number="19">एक करूब क ढकना क सिरे प लगावा अउ दूसर क दुसरे सिरे प। एक टूकड़ा बनावइ बरे करूब सरगदूत क ढकना क संग जोड़ द्या।</verse>
				<verse number="20">करूब क पाखा ढकना प उपर की ओर पसरा होइ चाही। करूब क मुँहना ढकना कँइती लखत होइ करूब एक दूसरे क आमना सामना होइ चाही।</verse>
				<verse number="21">“मइँ तोहका करार देब। उ करार क संदूखे मँ धरा अउ खास ढकना स संदूखे क बंद करा।</verse>
				<verse number="22">जब मइँ तू पचन स भेंटब तबहिं मइँ करूब सरगदूतन क बीच स बात करब, जउन करार क संदूख खास ढकना प अहइ। मइँ आपन सबहिं आदेसन क इस्राएल क मनइयन क उहइ ठउरे स देब।</verse>
				<verse number="23">“बबुरे क काठे क एक ठु मेज बनावा। मेज दुइ हाथ लम्बा, एक हाथ चौड़ा अउ डेढ़ हाथ ऊँचा होइ चाही।</verse>
				<verse number="24">मेज क निखालिस सोना स मढ़ द्या अउ ओकरे चारिहुँ कइँती सोना क झालर लगावा।</verse>
				<verse number="25">तब चार अँगली चौड़ी सोना क पट्टी मेज क चारिहुँ कइँती ठोंक द्या। अउ पट्टी क चारिहुँ कइँती सोना क झालर लगावा।</verse>
				<verse number="26">तब सोना क चार कड़ा बनावा अउ मेज क चारिहुँ कोने प ओकर पावा प लगावा।</verse>
				<verse number="27">कड़ा पट्टा क लगे होइ चाही। इ कड़न मँ मेज क ढोवइ बरे खम्भन फँसाइ दीन्ह जइहीं।</verse>
				<verse number="28">खम्भन बनवइ बरे बबुरे क काठ बइपरा अउ ओका सोना स मढ़ि द्या। खम्भन मेज क ढोवइ बरे अहइँ।</verse>
				<verse number="29">हर परात, चम्मच, सुराही अउ खोराइ सब चीज निखालिस सोना क बनावा। सुराही अउ खोरा पिअइ क भेंट उड़ेलइ बरे बइपरा जइहीं।</verse>
				<verse number="30">खास रोटी मोरे समन्वा मेज प धरा। इ सदा मोरे समन्वा हुवाँ रहइ चाही।</verse>
				<verse number="31">“तब तोहका एक डीबट बनवावइ चाही। सुद्ध सोना बइपरा। एकर पेदी अउ चपटी नोंक बनावइ बरे निखालिस सोना क पत्तर बइपरा। एकर फूल, कली अउर पंखड़ी निखालिस सोना क बनी होइ चाही। अउ इ सबहिं चीज़ डीबट मँ एक ठुकड़ा मँ होइ चाही।</verse>
				<verse number="32">“डीबट क छ: ठु डार होइ चाही। तीन डार एक कइँती अउ तीन डार दूसर कइँती होइ चाही।</verse>
				<verse number="33">हर डारे प तीन ठु फूल होइ चाही। इ फूलन क बदाम क फूल क नाई कली अउ पंखड़ी जोरिके बनावा।</verse>
				<verse number="34">डीबट बरे चार ठु फूल बनवा। इ फूलन क बदामे क कली अउ पंखुड़ी क नाई बनावइ चाही।</verse>
				<verse number="35">डीबटे प छ: ठु डार होइ चाही-दुइ हींसा मँ दुइनउँ कइँती तीन तीन डार होइ चाही। तीनउँ जगहिया क नीचे जहाँ डार मिलत ह कली अउ पंखुड़ी क संग एक ठू फूल बनवा।</verse>
				<verse number="36">पूल अउ पंखुड़ी क संग समूचा डीबट निखालिस सोना स बनवई चाही। इ सबहिं डार अउ कली एक एकाई मँ निखालिस सोना क होइ चाही।</verse>
				<verse number="37">तबहि 7 दिया डीबट प धरइ बरे बनावा। इ दिया डीबट क समन्वा क ठउरे प रोसनी देइहीं।</verse>
				<verse number="38">दिया क झालर अउ थाली सबहिं निखालिस सोना क होइ चाही।</verse>
				<verse number="39">पचहत्तर पौंड सुद्ध सोना क प्रयोग डीबट अउ एकरे साथे क सब चीज बनवइ मँ करा।</verse>
				<verse number="40">धियान दइ क हर चीज ठीक-ठीक उहइ तरह स बनइ जाइ जइसा मइँ पहाड़े प तोहका देखावा ह।”</verse>
			</chapter>
			<chapter number="26">
				<verse number="1">परमेस्सर मूसा स कहेस, “पवित्तर तम्बू क दस पर्दा स बनावा। इ परदन क बढ़िया सनीवाला अउ नीला, लाल अउर बैगनी कपरा स बनावा। कउनो कुसल कारीगर क चाही कि उ करूब सरगदूत क पखना क संग पर्दन प कढ़ाई करइ।</verse>
				<verse number="2">हर एक पर्दा अट्ठाइस हाथ लम्बा अउ चार हाथ चौड़ा होइ चाही। अउर हर कनात क नाप बराबर होइ चाही।</verse>
				<verse number="3">सब पर्दन क दुइ समूह मँ सिआ। पहिले हींसा मँ पाँच पर्दन क एक संग अउ दूसर हींसा मँ पँच पर्दन क एक संग सी द्या।</verse>
				<verse number="4">आखिरी क पर्दा क सिरे क नीचे फन्दा बनावा। इ फन्दन क बनवइ बरे नीला कपरा लगावा। दुसरे समूह क पर्दन क आखरी पर्दा मँ भी उहइ काम करा।</verse>
				<verse number="5">पहिले अउ दुसरे समूह क पर्दन क आखिरी पर्द मँ पचास फन्दा बनवा। फन्दा एक दुसरे फन्दा क आमने सामने होइ चाही।</verse>
				<verse number="6">तब पचास सोना क हुक पर्दन क एक संग मिलवइ बरे बनावा। इ पर्दन क एक दुसरे क संग हुक स इ तरह जोरिहीं कि पुरा पवित्तर तम्बू एक ही होइ जाइ।</verse>
				<verse number="7">“तब तू दूसर तम्बू बनउब्या जउन पवित्तर तम्बू क ढाकि लेइ। इ तम्बू बरे ग्यारह पर्दन बइपरा। इ परदन क बोकरी क बारे स बनावा।</verse>
				<verse number="8">इ सबहिं पर्दा नाप मँ एक बराबर होइ चाही। उ सबहिं तीस हाथ लंबा चार हाथ चौड़ा होइ चाही।</verse>
				<verse number="9">पाँच ठु पर्दे क एक समूह मँ जुड़वावा अउ फुन दुसर छ: पर्दे क एक दुसर समूह मँ जुड़वावा। छठे पर्दे क आधे हींसा क तम्बू क समन्वा ऊपर मोड़ि द्या।</verse>
				<verse number="10">एक समूह क आखिरी पर्दा क छोर प पचास फन्दा बनवा अइसा ही दूसरे समूह क आखिरी पर्दा क छोरा प भी पचास फन्दा बनावा।</verse>
				<verse number="11">तब काँसे क पचास फन्दा बनवा। इ काँसे क फन्दा क प्रयोग तम्बू क परदन क एक साथे जोरइ बरे करा। इ सबइ तम्बू क एक संग जोरइ क एक एकाई क रूप मँ बनिहीं।</verse>
				<verse number="12">तम्बू क आखरी पर्दे क आधा हींसा तम्बू क पीछे क किनारे लटका रही।</verse>
				<verse number="13">तम्बू क किनारन मँ इ तम्बू क पर्दा पवित्तर तम्बू क पेंदी स एक हाथ नीचे लटकत रही। तउ इ तम्बू पवित्तर तम्बू क पूरी तरह ढाँकि लेइ।</verse>
				<verse number="14">बाहेर क तम्बू क ढाकइ बरे दुइ पर्दा बनवा। एक पर्दा लाल रंग स रंगी भइ भेड़ा क खाल स बनइ चाही अउ दूसर पर्दा उत्तम खाल सुइसों क बनी होइ चाही।</verse>
				<verse number="15">“पवित्तर तम्बू क सहारा देइ बरे बबुरे क काठ क तखता क प्रयोग करा।</verse>
				<verse number="16">तखता दस हाथ ऊँचा अउ डेढ़ हाथ चौ़ड़ा होइ चाही।</verse>
				<verse number="17">हर तखता क तले मँ ओनका जोड़इ बरे एक दूसरे प धरइ बरे दुइ खूँटी होइ चाही। पवित्तर तम्बू क हर एक तखता बरे इहइ करा।</verse>
				<verse number="18">पवित्तर तम्बू क दक्खिन कइँती बीस तखता क प्रयोग करा।</verse>
				<verse number="19">बीस तखता बरे चाँदी क चालीस आधार बनावा। हर एक ढाँचा नीचे चाँदी क दुइ आधार एका दुइ खम्भा बरे होइ चाही।</verse>
				<verse number="20">पवित्तर तम्बू क उत्तरी हींसा बरे बीस तखता अउर ल्या।</verse>
				<verse number="21">इ तखता बरे चालीस कुसिर्यन क बनवावा हर एक तखता क नीच बरे दुइ आधार होई चाही।</verse>
				<verse number="22">तोहका पवित्तर तम्बू क पच्छिउँ छे बरे छ: अउर तखता लइ चाही।</verse>
				<verse number="23">पवित्तर तम्बू क पाछे कोना बरे दुइ तखता ल्या।</verse>
				<verse number="24">कोने क दुइनउँ तखता क नीचे एक साथ जोरि द्या। ऊपरी छल्ला दुइनउँ तखतन क एक कइके जोड़ी। दुइनउ कोन बरे उहइ करा।</verse>
				<verse number="25">इ तरह सब मिलिके आठ ठु तखता पवित्तर तम्बू के पच्छिउँ छोर बरे होइहीं। हर तखता क नीचे दुइ कुर्सी होइस चाँदी क सोलह कुर्सी होइहीं।</verse>
				<verse number="26">“बबुरे क काठ बइपरा अउ पवित्तर तम्बू क तखता बरे बेड़ा बनवा। पवित्तर तम्बू क एक कइँती क हींसा क तखता बरे पाँच बेड़ा बनवा।</verse>
				<verse number="27">अउ पवित्तर तम्बू क दूसर हींसा क तखता बरे पाँच अउर बेड़ा होइहीं। अउर पवित्तर तम्बू क पाछे क तखता बरे पाँच बेड़ा होइहीं</verse>
				<verse number="28">बीच क बेंड़ा फरेम एक सिरा स दूसर सिरा तलक पहोंचइ चाही।</verse>
				<verse number="29">“तखतन क सोने स मढ़ा। अउ तखतन क बेड़न क फँसावइ बरे छल्ला बनवा। इ छल्ला भी सोने क होइ चाही। बेड़े क सोने स मढ़ा।</verse>
				<verse number="30">पवित्तर तम्बू क तू अहइ तरह क बनवा जइसा मइँ तोहका पहाड़े प देखाए रहेउँ।</verse>
				<verse number="31">“बढ़िया सनी क बइपरा अउ पवित्तर तम्बू क भीतर भाग बरे एक खास पर्दा बनावा। इ पर्दा क नीला, बैगनी अउ लाल ओढ़ना स बनवा। करूब सरगदूत क तस्बीर कपरा मँ काढ़ा।</verse>
				<verse number="32">बबुरे क लकड़ी क चार खंभा बनावा। खम्भन क सोने स मढ़ द्या। चारिहुँ खम्भन प सोने स बना हुकन लगावा। खम्भन की नीचे चाँदी क चार आधार लगावा। तउ सोने क हुक मँ पर्दा टाँगा।</verse>
				<verse number="33">पर्दा क सोने क हुक क नीचे टाँगा, अउ करार क संदूखे क पर्दा क पाछे धरा। इ पर्दा पवित्तर ठउर क सब ते जिआदा पवित्तर ठउर क अलगाइ देइ।</verse>
				<verse number="34">सबते जिआदा पवित्तर ठउर मँ करार क संदूखे प ढकना राखा।</verse>
				<verse number="35">“पवित्तर ठउर मँ पर्दा क दुरसे कइँती खास मेज क धरा। मेज पवित्तर तम्बू क उत्तर मँ होइ चाही। तब डीबट क पवित्तर तम्बू क दखिन मँ राखा। डीबट मेज क ठीक समन्वा होइ।</verse>
				<verse number="36">“तब पवित्तर तम्बू क दुआर बरे एक पर्दा बनावा। इ पर्दा क बनवइ बरे नीला, बैगंनी, लाल उत्तिम सन क कपरा क बइपरा। अउर कपरा मँ तस्बीर क बुन द्या।</verse>
				<verse number="37">दुआरे क पर्दा बरे सोना क हुक बनवा। सोना स मढ़ा बबुरे क काठे क पाँच खम्भा बनवा। अउ पाँचउ खम्भा बरे काँसे क पाँचे कुर्सी ढलवाइ ल्या।”</verse>
			</chapter>
			<chapter number="27">
				<verse number="1">यहोवा मूसा स कहेस, “बबुरे क काठ बइपरा अउ एक वेदी बनावा। इ वेदी चउकोर होइ चाही। इ पाँच हाथ लम्बी अउ पाँच हाथ चउड़ी अउर तीन हाथ ऊँच होइ चाही।</verse>
				<verse number="2">वेदी क चारिहुँ कोने प सींग बनावा। हर एक सींग क एकरे कोने स अइसा जोड़ा कि सबहिं कुछू एक होइ जाइँ। तबहिं वेदी क काँसे स मढ़ि द्या।</verse>
				<verse number="3">“वेदी प काम आवइवाला सबहिं औजार अउ डेकची क काँसा स बनावा। काँसे क बासन, फरूही, खोरा, काँटा अउ तसला बनावा। इ मँ स कुछू वेदी स राखी बहावइ मँ बइपरी जइहीं।</verse>
				<verse number="4">वेदी बरे एक झंझरी बनावा। इ काँसा झंझरी जाल क नाईं बनई जाइ। झंझरी क चारिहुँ कोने प काँसे क छल्ला बनावा।</verse>
				<verse number="5">झंझरी क वेदी क तले कांगनी क नीचे धरा। झंझरी नीचे से वेदी क आधा हींसा मँ बीच तलक होइ चाही।</verse>
				<verse number="6">“वेदी बरे बबुरे क काठ क बल्ला बनावा अउ ओनका काँसा स मढ़ा।</verse>
				<verse number="7">वेदी क दुइनउँ ओर लगा भवा छल्ला मँ इ खम्भन क नाइ द्या। इ खम्भन क वेदी ढोवइ बरे बइपरा।</verse>
				<verse number="8">वेदी क भितरे स फोप्फल संदूख क नाई बनवा अउ एकर अगली बगली लकड़ी क पट्टा स बनावा। वेदी वइसइ ही बनावा जइसा मइँ तोहका पहाड़े प देखाएउँ ह।</verse>
				<verse number="9">“पवित्तर तम्बू बरे एक आँगन बनावा। परदन क दक्खिन कइँती एक सौ हाथ लम्बी होइ चाही। इ परदन क उत्तिम सनी क रेसा क होइ चाही।</verse>
				<verse number="10">बीस खम्भा अउ बीस काँसे क कुर्सी क बनावा। खम्भन क हुक अउ पर्दा क छड़ चाँदी क बनइ चाही।</verse>
				<verse number="11">उत्तर कइँती पर्दन क दीवार एक सौ हाथ लम्बी होइ चाही। एहमाँ बीस ठु खम्भा अउर बीस काँसे क आधार होइ चाही। खम्भा क फन्दा अउ पर्दन क छड़ चाँदी क बनवइ चाही।</verse>
				<verse number="12">“आँगन क पच्छिउँ कइँती पर्दन क दीवार होइ चाही जउन पचास हाथ लम्बी होइ चाही। हुवाँ उ दीवारे क दस खम्भा अउ दस आधार चाँदी क बना होइ चाहिए।</verse>
				<verse number="13">आँगन क पूरब कइँती पचास हाथ लम्बाई होइ चाही।</verse>
				<verse number="14">इ पूरब क सिरा अंगने मँ घुसइ क दुआर होइ। प्रवेस दुआर क एक सिरा क पर्दा पन्द्रह हाथ लम्बी होइ चाही। उ कइँती तीन खम्भा अउर तीन ठु आधार होइ चाही।</verse>
				<verse number="15"></verse>
				<verse number="16">“एक पर्दा बीस हाथ लम्बे आंगन क प्रवेस दुआर ढाकइ बरे बनावा। इ पर्दा क सनी क उत्तिम रेस अउ नीला, लाल अउ बैगंनी कपरा स बनावा। इ पर्दे प नकसा क काढ़ि द्या। उ पर्दा बरे चार खम्भा अउ चार आधार होइ चाही।</verse>
				<verse number="17">अंगने क चारिहुँ कइँती क सबहिं खम्भन चाँदी क छड़े स जोरी जाइ चाही। खम्भन क हुक चाँदी क चाँदी स बनवइ चाही अउ खम्भा क आधार काँसा क होइ चाही।</verse>
				<verse number="18">आंगन एक सौ हाथ लम्बा अउ पचास हाथ चौड़ा होइ चाही। अंगने क चारिहुँ कइँती क पर्दन क दीवार पाँच हाथ ऊँच होइ चाही। पर्दा सनी क उत्तिम रेसा क बनवा होइ चाही। सबहिं खम्भन क तले आधार काँसा क होइ चाही।</verse>
				<verse number="19">सबहिं औजार पवित्तर तम्बू क खूँटिन, अउ पवित्तर तम्बू मँ लाग भइ हर एक चीज काँसा क ही बनइ चाही। अउर अंगने क चारिहुँ कांइँती क पर्दा बरे खूँटिन काँसा क ही बनई होइ चाही।</verse>
				<verse number="20">“इस्राएल क मनइयन क सब ते बढ़िया तेल लइ आवइ क हुकुम द्या। इ तेले क बइपरब हर साँझे क जरइवाला दिया बरे करा।</verse>
				<verse number="21">हारून अउ ओकर बेटवा दिया क रोसन करइ क काम संभरिहीं अउर एकर धियान रखिहीं कि इ ठउरे प यहोवा क समन्वा दिया साँझ स भिन्सारे तलक बराबर जरत रइहीं। उ पचे बइठका वाली तम्बू क पहिले कमरा मँ जइहीं। इ कमरा करार क संदूखे बाला कमरा क बाहेर अहइ जउन उ पर्दा क पीछे अहइ जउन दुइनउँ कमरन क अलगावत ह। इस्राएल क मनइयन अउ ओनकइ औलाद इ नेम क हमेसा मानत रइहीं।”</verse>
			</chapter>
			<chapter number="28">
				<verse number="1">यहोवा मूसा स कहेस, “आपन भाई हारून अउ ओकर बेटवन नादाब, अबीहू, एलिआजार अउ ईतामार क इस्राएल क मनइयन मँ स अपने लगे आवइ क कहा। इ मनइयन मोर सेवा याजकन क रूप मँ करिहीं।</verse>
				<verse number="2">“आपन भाई हारून बरे खास वस्त्र बनावा। इ वस्त्र ओका मान अउ सम्मान अउर सान बरे अहइ।</verse>
				<verse number="3">लोगन मँ अइसे कुसल कारीगर अहइँ जउन इ वस्त्र बनइ सकत हीं। मइँ इन मनइयन क खास बुद्धि दीन्ह ह। ओन मनइयन स हारून बरे वस्त्र बनवइ क कहा। इ वस्त्र बतइहीं कि उ मोर सेवा खास रूप स करत अहइँ। उ मोर सेवा याजक क रूप मँ करत अहइ।</verse>
				<verse number="4">इ उहइ वस्त्र अहइँ जेका कारीगरन क बनवइ: ‘निआव क थइला’, एपोद, एक नीला रंग क लबादा एक सफेद बुना भवा चोगा, एक पगड़ी अउ एक कमर बंद कुसल मनइयन क इ खास वस्त्र तोहार भाई हारून अउ ओकरे बेटवन बरे जरूर बनवइ चाही। तबहिं हारून अउ ओकर बेटवा मोर सेवा याजकन क रूप मँ कइ सकत हीं।</verse>
				<verse number="5">मनइयन स कहा कि उ पचे सनी क उत्तिम रेसा अउ नीला, लाल अउ बैगनी कपरा क बइपरइँ।</verse>
				<verse number="6">“एपोद बनवइ बरे सुनहरी धागा, सनी क उत्तिम रेसा अउ नीला, लाल अउ बैगनी कपरा पहिरा। इ खास एपोद क माहिर कारीगर बनइहीं।</verse>
				<verse number="7">एपोद क हर एक काँधे प पट्टी लाग होइ। काँधे क इ पट्टियन एपोद क दुइनउँ कोने प बंधी होइहीं।</verse>
				<verse number="8">“कारीगर बड़ी, हुसियारी स एपोद बरे एक कमरबंद बुनिहीं। इ उहइ रूप स बनवाइ चाही जउन रूप मँ एपोद। सुनहरा, नीला, बैगनी अउ लाल धागा अउर उत्तम सनी बइपरा।</verse>
				<verse number="9">“तोहका दुइ गोमेद लेइ चाही। इन नगन प इस्राएल क बारहु बेटवन क नाउँ खोदा।</verse>
				<verse number="10">छ: नाउँ एक नग प अउ छ: नाउँ दूसर नग प खोदइ चाही। नाउँ क सब ते बड़का अउ सब ते छोटका बेटवा क हिंसाब स लिखा।</verse>
				<verse number="11">इस्राएल क बेटवन क नाउँ इ नगन प खोदवावा। इ उहइ तरह करा जउने तरह उ कुसल दस्तकार मनई जउन मोहर बनावत ह,</verse>
				<verse number="12">तब एपोद क दुइ काँधे क पट्टी प इ दुइ नगन क लगावा। हारून यहोवा क समन्वा जब ठाड़ होइ, उ इ खास एपोद क जउन पइ इस्राएल क बेटवन क नाउँवाला दुइनउँ नग यादगारी क तौर पइ पहिरी।</verse>
				<verse number="13">बढ़िया सोना ही नगन क एपोद प लागइ बरे बइपरा।</verse>
				<verse number="14">गुँथा भवा धागा क तरह निखालिस सोना क जंजीर बटि द्या। सोना क अइसी दुइ जंजीर बनावा अउर सोना क जड़ान क संग एनका बाँधि द्या।</verse>
				<verse number="15">“बड़का याजक बरे निआव क थइला बनावा। कुसल कारीगर इ निआव क थइला क वइसा इ बनावइँ जइसा एपोद बनए रहेन। उ पचे सोने क तार, सनी क उत्तिम रेसा अउ नीला, लाल अउ बैंगनी कपड़ा क बइपरा।</verse>
				<verse number="16">एका चौकोर बनवइ बरे दोहर देइ चाही। निआव क थैला एक बीत्ता लम्बा अउ एक बीत्ता चौड़ा होइ चाही।</verse>
				<verse number="17">निआव क थइला प सुन्नर रतन क चार पाँति जड़ा। रतन क पहली पाँति मँ रूबी, पुखराज अउ मरकत मणि होइ चाही।</verse>
				<verse number="18">दूसर पाँति मँ फीरोज, नीलम अउ हीरा होइ चाही।</verse>
				<verse number="19">तीसर पाँति मँ सूर्यकान्त, अकीक अउ याकूत लगइ चाही।</verse>
				<verse number="20">चउथी पाँति मँ लहसुनिया, गोमेदक अउ कपिस मणि लगावइ चाही। निआव क थैला प एनका लगावइ बरे सोना मँ जड़ द्या।</verse>
				<verse number="21">निआव क थइला प बारह रतन होइहीं। इस्राएल क बारहु बेटवन क नाउँ उ प नुमाइंदी होइ चाही। एक-एक नगे प इस्राएल क बेटवन मँ स एक-एक नाउँ लिखा। हर एक नगे प एनकइ नाउँ उहइ तरह लिखा जइसे माहिर कारीगर एक मुहर बनावत ह।</verse>
				<verse number="22">“निआवा क थइला बरे निखालिस सोना क जंजीर बनावा। इ जंजीरियन बरी भइ लसुरी क नाई होइहीं।</verse>
				<verse number="23">दुइ सोना क छल्ला बनावा अउ एनका निआव क थइला प दुइनउँ कोने प लगावा।</verse>
				<verse number="24">दुइनउँ सोना क जंजीरियन क निआब क थइला मँ दुइनउँ कोने मँ लगावा।</verse>
				<verse number="25">सोने क जंजीर क दुइ सिरा क दुइनउँ खाना मँ जड़वाइ द्या इ एपोद क काँधे क दुइनउँ टुकरन क समन्वा मँ कसा रहइँ।</verse>
				<verse number="26">दुइ ठु अउर सोना क छल्ला बनावा अउ ओनका निआव क थइला क दुइनउँ कोने प लगावा। इ निआव क थइला क भीतर क हींसा एपोद क नगिचे होइ।</verse>
				<verse number="27">दुइ अउर सोना क छल्ला बनावा अउ ओका काँधे क पाटी क तले एपोद क समन्वा लगावा। सोना क छल्ला क एपोद क बुना भवा पाटी क ऊपर लगावा।</verse>
				<verse number="28">निआव क थइला क छल्ला क एपोद क छल्लन स जोड़ा बरे नीला फीता बाँधा। इ तरह निआव क थइला बुना भवा पाटी क लगे लगा होइ अउर एपोद स अलग न होइ।</verse>
				<verse number="29">“हारून जब पवित्तर ठउर मँ घुसरत ह, ओका निआव क थइला पहिरे रहइ चाही। इ तरह इस्राएल क बारहु बेटवन क नाउँ ओकरे हिरदय प रइहीं अउर इ हमेसा यहोवा क ओन लोगन क याद दियाई जात रही।</verse>
				<verse number="30">ऊरीम अउ तुम्मीम क निआव क थइले मँ रखा। जब हारून यहोवा क समन्वा जाइ तब उ सबइ ओका याद होइहीं। ऍह बरे हारून जब यहोवा क समन्वा होइ तउ उ इस्राएल क मनइयन क निआव करइ क साधन हमेसा अपने साथ राखी।</verse>
				<verse number="31">“एपोद क नीचे पहिरइ क एक नीला एपोद बनावा।</verse>
				<verse number="32">मूँड़ डावइ बरे इ चोगा क बीचोबीच एक छेद बनावा। इ छेदे क चारिहुँ कइँती गोटा लगावा। इ गोटा काँलर क नाई होइ अउ फाटइ स रोकी।</verse>
				<verse number="33">नीला, लाल अउ बैगनी कपरा क अनार बनावा। इ अनार क चोगा क नीचे क सिरा क चारिहुँ कइँती लटकावा। अउ अनार क बीचोबीच सोना क घंटी लगवावा।</verse>
				<verse number="34">इ तरह चोगा क नीचे सिरन मँ चारिहुँ कइँती सोना क घंटी अउ अनार होइहीं जउन इहइ तरह होइ कि दुइ अनार क बीचोबीच एक सोना क घंटी होइ।</verse>
				<verse number="35">हारून इ चोगा क पहिरी जब उ याजक क रूप मँ यहोवा क सेवा करी अउ यहोवा क समन्वा पवित्तर ठउर मँ जाइ, तब इ घंटिन बाजै लगिहीं। जब उ पवित्तर ठउर तजि देइ तब इ घंटिन बाजै लगिहीं। इ तरह हारून न मरी।</verse>
				<verse number="36">“निखालिस सोना क धारी बनावा। सोना प उहइ तरह सब्द खोदा जइसे मनइयन मुहर बनावत हीं। इ सब्दन क लिखा, यहोवा बरे पवित्तर।</verse>
				<verse number="37">सोना क इ धारी क नीला फीता स कस द्या। पगड़ी क चारिहुँ कइँती नीला फीता बाँधा। सोना क धारी क पगड़ी क समन्वा होइ चाही।</verse>
				<verse number="38">हारून आपन कपार प इ का बाँधी। हारून जब-जब यहोवा क समन्वा जाइ हमेसा इ पहिरे रही जेहसे यहोवा मनइयन क भेटे क कबूल कइ लेइ। इ तरह स हारून इस्राएल क लोगन क अपराध क सहन करिहीं जदि उ पचे परमेस्सर क गलत रूप मँ भेट दिहे अहइँ या ओकर भेट मँ कउनो खराबी रही अहइ।</verse>
				<verse number="39">“सफेद लबादा बुना बरे उत्तिम सनी क बइपरा अउ पगड़ी बरे उत्तिम सनी क बइपरा। बुना भवा पाटी पइ मँ नकसा काढ़ा भवा होइ चाही।</verse>
				<verse number="40">हारून क बेटवन बरे कोट, कमरबंद अउ पगड़ी बनावा। इ ओनका मान सम्मान देइहीं।</verse>
				<verse number="41">इ पोसाक आपन भाई हारून अउ ओकर बेटवन क पहिरावा। ओकरे पाछे जइतून क तेल ओनके मूँड़े प इ देखाँवइ बरे नावा कि उ पचे याजकन अहइँ। इ ओनका पवित्तर बनई। तबहिं उ पचे मोर सेवा याजकन क रूप मँ करिहीं।</verse>
				<verse number="42">“सनी क उत्तिम रेसा क जाँघिया वगैरह बनवावा। इ नीचे क पहिरइ क कपरा करिहाउँ स जाँघ तलक ढाँकिहीं।</verse>
				<verse number="43">हारून अउ ओकर बेटवन क इ कपरन क पहिरइ चाही जब कबहुँ उ पचे बइठका क तम्बू मँ जाइँ। ओनका इहइ कपरन क पहिरइ चाही जब कबहुँ उ पचे पवित्तर ठउर मँ याजक क तरह सेवा खातिर वेदी क नगिचे आवइँ। उ पचे इ कपरन क जरूर पहिर चाही ताकि उ पचे अपराधी नाहीं होइ अउर नाहीं मरइ। इ अइसा नेम होइ चाही जउन हारून अउ ओकरे पाछे ओकरे बंस क मनइयन बरे हमेसा बना रही।”</verse>
			</chapter>
			<chapter number="29">
				<verse number="1">तब यहोवा मूसा स कहेस, “अब मइँ तोहका बताउब कि इ देखावइ बरे तोहका का करइ चाही कि हारून अउ ओकर बेटवा पवित्तर याजकन क नाई खास तरह स मोर सेवा करत हीं। एक बे दोखे क बछवा अउ दुइ बे दोख क बच्चा भेड़ा लइ आवा।</verse>
				<verse number="2">जेहमाँ खमीर न होइ उ बारीक गोहूँ क आटा ल्या अउ रोटी बनवा। अउर इ तेले से सनी केकन अउ तेले स लगा हुवा छोटा पातर केकन भी बनावा।</verse>
				<verse number="3">इ रोटिन्क अउ केकन क एक डलिया मँ धरा अउ फिन इ डलिया क हारून अउ ओकरे बेटवन क द्या। ओनका बैल अउ दुइनउँ भेड़ा भी द्या।</verse>
				<verse number="4">“तब हारून अउ ओकर बेटवन क बइठकावाला तम्बू क दुआर क समन्वा लइ आवा। तब ओनका पानी स नहवावा।</verse>
				<verse number="5">हारून क खास पोसाक: जैसे कि सफेद चोगा, नीला चोगा जउन कि एपोद क संग पहिरावा जात ह पहिरावा। फिन ओह प निआव क थइला अउ एपोद बाँधा। एपोद क सजा भवा अउ बुना भवा पाटी क संग बाँध दया।</verse>
				<verse number="6">सर प साफा बाँधा अउ साफा क चारिहुँ कइँती मुकुट क धइ द्या।</verse>
				<verse number="7">अउर जइतून क तेल ल्या अउ हारून क मूँड़ प नाइ के अभिसेक करा। इ बताई कि हारून इ काम बरे चुना ग अहइ।</verse>
				<verse number="8">“तब हारून क बेटवा क उ ठउरे प लइ आवा। अउर ओका सफेद बुना भवा लबादा पहिरावा।</verse>
				<verse number="9">तब ओनके करिहाउँ क चारिहुँ कइँती कमरबंद बाँधा। ओनका मूँड़े प धरइ क खास टोपी द्या। उ समइ उ पचे याजकन क रूप मँ बहाल होइहीं। उ पचे उ नेम क माफिक याजक होइहीं जउन हमेसा होइहीं। इहइ ढंग अहइ कि जेहसे तू पचे हारून अउ ओकरे बेटवन क याजक बनउब्या।</verse>
				<verse number="10">“तब बइठकावाली तम्बू क समन्वा ठउरे प बछवा क लावा। हारून अउ ओकरे बेटवन क चाही कि उ पचे बछवा क मूँड़े प हथवा धरइँ।</verse>
				<verse number="11">तब उ बछवा क बइठकावाली तम्बू क दुआरे प यहोवा क समन्वा एका मारि डावा। यहोवा एका लखी।</verse>
				<verse number="12">तब बछवा क कछू खून ल्या अउ वेदी ताई जा। आपन अंगुरी स वेदी क सींगे प कछू खून लगावा। बचा भवा सारा खून नीचे वेदी क पेंदी प डावा।</verse>
				<verse number="13">तब बछवा क करेजा क चर्बी, दुइनउँ गुर्दे क चर्बी अउ ओकरे चारिहुँ कइँती चर्बी निकार ल्या। इ चर्बी क वेदी प जरावा।</verse>
				<verse number="14">तब बछवा क गोस, ओकर खाल अउ ओकर दूसर अंगे क लइके आपन डेरा स बाहेर जा। इ सब चीजन्क डेरा क बाहेर जरावा। इ भेंट अहइ जउन याजकन क पाप दूर करइ बरे चढ़ाई जात ह।</verse>
				<verse number="15">“तब हारून अउ ओकरे बेटवन स भेड़ा क मूँड़ प हाथ धरइ क कहा।</verse>
				<verse number="16">तब उ भेड़ा क मारि डावा अउ ओकर खून ल्या। खूने क वेदी क चारिहुँ कइँती छिरका।</verse>
				<verse number="17">ओकर पाछे भेड़ा क कइउ हींसा मँ काटि डावा। भेड़ा क भितरे क सब अंगे क अउ गोड़ धोवा। इ चीजन्क क दूसर टूका क संग अउ भेड़ा क मूँड़ क संग राखा।</verse>
				<verse number="18">तब वेदी प इ सबन्क बारा। इ यहोवा बरे होम बलि अहइ अउर इ यहोवा बरे सोहाइ गंध, एक भेंट अहइ।</verse>
				<verse number="19">“हारून अउ ओकरे बेटवन क दूसर भेड़ा प हाथ धरइ क कहा।</verse>
				<verse number="20">उ भेड़वा क मारि डावा अउ ओकर खून ल्या। उ खून क हारून अउ ओकरे बेटवन क दाहिन काने क सिरा मँ लगवा। ओनकइ दाहिन हाथे क अगूठा पर भी कछू खून लगावा। अउ कछू खून ओनके दाहिन गोड़वा क बड़का अंगूठा प लगावा। तब वेदी क चारिहुँ कइँती खून बहाइ द्या।</verse>
				<verse number="21">तब वेदी प स कछू खून ल्या। इ खून क अभिसेक क तेले मँ मिलइ द्या अउर हारून अउ ओकरे ओढ़ना प, अउर ओकरे पूतन अउ ओनके ओढ़ना प छिरका्या। इ इ बताई कि हारून अउ ओकर पूत मोर सेवा खास तरह स करइ बरे पवित्तर किए गएन ह। अउर इ भी बताई कि ओनकइ वस्त्र खास समइया प बइपरइ जात बरे पवित्तर कीन्ह गवा ह।</verse>
				<verse number="22">“तब उ भेड़ा स चर्बी ल्या। (इ उहइ भेड़ा बा जेका हारून क महा याजक बनवइ बरे मँ पवित्तर करइ क समारोह मँ होइ।) पूँछे क चारिहुँ कइँती क चर्बी अउर उ चर्बी क ल्या जउन बदन क भीतरी हींसा क ढाँकत ह। करेजा क ढकइवाली चर्बी क ल्या। दुइनउँ गुर्दे अउ ओह पइ क चर्बी अउर दाहिन जाँघ क ल्या।</verse>
				<verse number="23">तब उ रोटी क डलिया ल्या जेहमाँ तू बे खमीरे क बनई रोटी धरे रह्या। इहइ डलिया बा जेका तोहका यहोवा क समन्वा राखइ क अहइ। एक रोटी सादी, एक तेले स बनी केक अउर तेले लगा भवा एक छोटा पातर केक क बाहेर निकारा।।</verse>
				<verse number="24">तब एनका हारून अउ ओकरे बेटवन क द्या: फुन ओनसे कहा कि यहोवा क समन्वा एनका उठावइँ। इ यहोवा क खास भेंट होइ।</verse>
				<verse number="25">“तब इ चीजन क हारून अउ ओकरे बेटवन स ल्या अउ ओनका वेदी प भेड़ा क साथे धरा। तब हर चीजे क वेदि प जरावा। इ होमबलि बा। इ भेंट यहोवा बरे भेंट अहइ। अउर इ यहोवा बरे सोहाइ क गंध अहइ।</verse>
				<verse number="26">“तब भेड़ा स छाती क निकारा। (इहइ भेड़ा अहइ जेका हारून क खास महा याजक बनवइ बरे पवित्तर कर क समारोह मँ बइपरा जाइ।) भेड़ा क छाती क लहराइ क भेंट क रूप मँ यहोवा क समन्वा लहराया। जनावरे क इ हींसा तोहार होइ।</verse>
				<verse number="27">तब भेड़ा क छाती अउ जाँघ ल्या जउन हारून क महा याजक बनवइ बरे काम म आइ रहन। इ हींसा पवित्तर बनावा अउ एका हारून अउर ओकरे बेटवन क द्या। इ भेंट क खास हींसा होइ।</verse>
				<verse number="28">इस्राएल क मनइयन इ अंगन क हारून अउ ओकरे बेटवन क सदा देइहीं। जब कबहुँ इस्राएल क मनइयन यहोवा बरे भेंट चढ़इहीं तउ इ हींसा हमेसा याजक लोगन क होइहीं। ओन लोगन क मेलबलि जउन कि यहोवा बरे अहइ, मँ स इ हींसा याजक लोगन क होई।</verse>
				<verse number="29">“ओन खास वस्त्रन क बचाइके राखा जउन हारून बरे सिया रहेन। इ वस्त्रन ओकरे बेटा, पोता बरे होइहीं। उ पचे उ वस्त्रन क तन पहिरहीं जब याजकन चुना जइहीं।</verse>
				<verse number="30">हारून क बेटवा ओकरे पाछे अगवा महा याजक होइ। उ सात दिनाँ ताई उ वस्त्रन क पहिरे रही जबहिं उ बइठकावाली तम्बू क पवित्तर ठउरे मँ सेवा करइ आइ।</verse>
				<verse number="31">“उ भेड़ा क गोस पकावा जउन हारून क महा याजक बहाल करइ बरे प्रयोग मँ आवा रहा। उ गोस क पवित्तर ठउरे मँ पकावा।</verse>
				<verse number="32">तब हारून अउ ओकर बेटवा बइठकावाली तम्बू क दुआरे प गोस खइहीं। अउर उ पचे डलिया क रोटी भी खइहीं।</verse>
				<verse number="33">इ भेंट प्रायस्चितिकरण बरे तब भवा रहा जब उ पचन्क याजकन क रूप मँ सेवा करइ बरे पवित्रीकरण कइ जात रहेन। इ भेंट क ओनहीं क खाइ चाही। कउनो बिदेसी क इ पवित्तर भेट क नाहीं खाइ चाही।</verse>
				<verse number="34">अगर उ भेड़ा क गोस या रोटी भियान ताई काफी मात्रा मँ बचि जाइ तउ ओका जरइ देइ चाही। तोहका उ बचि भवा रोटी या गोस नाहीं खाइ चाही काहेकि इ पवित्तर अहइ।</verse>
				<verse number="35">“वइसा ही करा जइसा मइँ तोहका हारून अउ ओकरे बेटवन बरे करइ क हुकुम दिहउँ ह। ओनका याजकन बहाल करइ बरे इ त्यौहार सात दिना तलक चली।</verse>
				<verse number="36">सात दिनाँ तलक हर रोज एक साँड़ मारा। इ हारून अउ ओकरे बेटवन बरे पाप भेंट होइ। इ बलिदान क प्रयोग वेदी क सुद्ध करइ बरे किहा। अउर वेदी क पवित्तर बनावइ बरे जइतूने क तेल स एकर अभिसेक करा।</verse>
				<verse number="37">तू सात दिना तलक वेदी क सुद्ध अउर पवित्तर रख्या। उ समइया वेदी सब ते जिआदा पवित्तर होइ। जउन चीज वेदी क छुइ उ पवित्तर होइ जाइ।</verse>
				<verse number="38">“हर रोज वेदी प तोहका एक भेंट चढ़ावइ चाही। तोहका एक-एक बरिस क दुइ भेड़ी क बचवन क भेंट चढ़ावइ चाही।</verse>
				<verse number="39">एक भेड़ी क बच्चा भिंसारे अउ दूसर सांझ क चढ़ावा।</verse>
				<verse number="40">पहिला भेड़ी क साथ हीन क चउथाई दाखरस क पिअइ क भेंट क संग एपा क दसवाँ हींसा गेँहू क महीन आटा जउन कि हीन क चउथाई तेल स मिला भवा अहइ चढ़ावा। अउर गोधरी क समइ मँ दूसर भेड़ी क बिहान क चढ़ावा क नाईं एकर पिअइ क भेंट क संग चढ़ावा। इ यहोवा बरे एक भेंट एक सुहावना सुगंध अहइ।</verse>
				<verse number="41"></verse>
				<verse number="42">“तोहका इ चीजन्क यहोवा क भेंटे मँ रोज जरावइ चाही। इ यहोवा क समन्वा, बइठकावाली तम्बू क दुआरे करा। इ हमेसा करतइ रह्या। जब तू भेंट चढ़उब्या तब मइँ यहोवा, हुवाँ तोहसे मिलब अउ तोहसे बात करब।</verse>
				<verse number="43">मइँ इस्राएल क मनइयन स उ ठउरे प मिलब। उ ठउर मोर महिमा स पवित्तर बन जाइ।</verse>
				<verse number="44">“इ तरह मइँ बइठकावाली तम्बू क पवित्तर बनउव। अउर मइँ वेदी क पवित्तर बनउब। अउर मइँ हारून अउ ओकरे बेटवन क पवित्तर बनउब, जेहसे उ पचे मोर सेवा याजकन क तरह करि सकइँ।</verse>
				<verse number="45">मइँ इस्राएल क मनइयन क संग रहब। मइँ ओनकइ परमेस्सर होब।</verse>
				<verse number="46">मनइयन इ जनिहीं कि मइँ ओनकइ परमेस्सर यहोवा हउँ। उ पचे जनिहीं कि मइँ उहइ परमेस्सर अहउँ जउन ओनका मिस्र स बाहेर लाएउँ ह तउ कि मइँ ओनके संग रहि सकत हउँ। मइँ ओनकइ परमेस्सर, यहोवा अहउँ।”</verse>
			</chapter>
			<chapter number="30">
				<verse number="1">यहोवा मूसा स कहेस, “बबुरे क लकड़ी क एक वेदी बनावा। तू इ वेदी धूप बारइ बरे करब्या।</verse>
				<verse number="2">तोहका वेदी क चौकोर एक हाथ लम्बा अउ एक हाथ चौड़ा बनवइ चाही। एकर ऊँचाइ दुइ हाथ होइ चाही। चारिहुँ कोने प सींग होइ चाही। इ सींगन क वेदी क साथ एक टुकड़ा बनइ देइ चाही।</verse>
				<verse number="3">वेदी क ऊपर क सिरा अउ ओकर सबहिं कइँती निखालिस सोना मढ़ा। वेदी क चारिहुँ कइँती सोना क पाटी लगावा।</verse>
				<verse number="4">इ पाटी क तले सोना क दुइ छल्ला होइ चाही। वेदी क दूसर कइँती सोना क दुइ छल्ला भी होइ चाही। इ छल्ला वेदी क ढोवइ मँ खम्भन फँसावइ खातिर होइहीं। छल्लन क वेदी क विपरीत कइँती लगावा।</verse>
				<verse number="5">खम्भन क भी बबुरे क काठे क बनावा। खम्भन क सोना स मढ़ा।</verse>
				<verse number="6">वेदी क खास पर्दा क समन्वा धरा। करार क संदूख उ पर्दा क दूसर कइँती अहइ। उ संदूखा क ढकइवाला ढकना क समन्वा वेदी होइ। इ उठइ ठउर अहइ जहाँ मइँ तोहसे मिलब।</verse>
				<verse number="7">“हारून हर भिंसारे महकउआ धूप बत्ती वेदी प बारी। इ उ तब करी जब दियन क देखइ भालइ आइ।</verse>
				<verse number="8">ओका संझा क देखइ भालइ आइ तब फुन धूप बत्ती बारइ चाही। जेहसे यहोवा क समन्वा हर रोज भिंसारे अउ साँझ क धूप बत्ती बरत रहइ।</verse>
				<verse number="9">इ वेदी क प्रयोग कउनो दूसर तरह क धूप या जरी भइ बलि बरे जिन किहा। इ वेदी क प्रयोग अन्न भेंट या पेय भेंट बरे जिन किहा।</verse>
				<verse number="10">“बरिस मँ एक दाई हारून यहोवा क खास भेंट चढ़ाइ। हारून पाप भेंट क खून क प्रयोग मनइयन क पापन्क प्रायस्चित करइ बरे करी। हारून इ वेदी क सीगांन प करी। इ दिन प्रायस्चित क दिन कहा जाइ। इ तोहार पीढ़ी दर पीढ़ी लागू होइ। इ यहोवा बरे बहोत ही खास दिन होइ।”</verse>
				<verse number="11">यहोवा मूसा स कहेस,</verse>
				<verse number="12">“इस्राएल क मनइयन क गना करा जेहसे तू जनब्या कि हुवाँ केतवा लोग अहइँ। जब कबहूँ इ कीन्ह जाइ हर एक मनई आपन जिन्नगी बरे यहोवा क धन देइ। जदि हर मनई उ करी तउ मनइयन क संग कउनो भी डराउन घटना न होइ।</verse>
				<verse number="13">हर मनई जेका गना जाए उ आधा सेकेल चाँदी जरूर देइ। (पवित्तर ठउर क सेकेल क अनुसार आधा सेकेल अहइ।) एक सेकेल क वजन बीस गेरा होत ह। इ आधा सेकेल यहोवा बरे भेट होइ।</verse>
				<verse number="14">बीस बरिस या ओसे जिआदा जउन मनई होइ ओका गना जाइ। हर मनई जउन गना जाइ, यहोवा क भेंट देइ।</verse>
				<verse number="15">धनी मनई आधा सेकेल स जिआदा न देइहीं। अउ गरीब मनई आधा सेकेल स कमती नाहीं देइहीं। सबहिं मनइयन यहोवा क बराबर बराबर भेंट देइहीं। इ तोहरे जिन्नगी क कीमत होइ।</verse>
				<verse number="16">इस्राएल क लोगन स इ धन बटोरा। बइठकावाले तम्बू मँ सेवकाइ करइ बरे इ धन क बइपरा। इ यहोवा क समन्वा आपन मनइयन क याद करइ, तोहार रूहन क प्रास्चित करइ बरे एक यादगार होइ।”</verse>
				<verse number="17">यहोवा मूसा स कहेस,</verse>
				<verse number="18">“एक ठु काँसा क सिलफची ल्या अउ एका काँसे क गोड़े प धरा। तू पचे एका धोवइ बरे बइपरा। सिलफची क बइठकावाली तम्बू अउ वेदी क बीच धरा। सिलफची मँ पानी भरा।</verse>
				<verse number="19">हारून अउ ओकर बेटवन इ हउद क पानी स आपन गोड़ हाथ धोवइँ।</verse>
				<verse number="20">हर दाई जब उ पचे बइठकावाले तम्बू मँ आवइँ तउ पानी स गोड़ हाथ जारूर धोवइँ। जब उ पचे वेदी क निअरे वेदी क नगिचे यहोवा क सेवा करइ अउ धूप बारइ आवइँ।</verse>
				<verse number="21">उ पचे आपन गोड़ हाथ जरूर धोवइ ताकि उ पचे मरिहीं नाहीं। इ अइसा कनून होइ जउन हारून अउ ओकरे लोगन बरे हमेसा बना रही। इ कनून हारून अउ ओन सबहिं लोगन बरे बना रही जउन भविस्स मँ होइ।”</verse>
				<verse number="22">तब यहोवा मूसा स कहेस,</verse>
				<verse number="23">“बहोत बढ़िया मसाला लिआवा। बारह पौडं गीला लोहबान लिआवा अउ इ तउल क आधा (छ: पौण्ड) महकउआ दालचीनी अउर बारह पौडं अगर,</verse>
				<verse number="24">अउ बारह पौण्ड तेजपत्ता ल्या। एनका नापइ जोखइ बरे दप्तर क नाप क प्रयोग करा। एक गैलन जइतून क तेल भी लिआवा।</verse>
				<verse number="25">“गमकइवाला अभिसेक क तेल बनवइ बरे इ सबहिँ चीजन्क जरूर मिलावइ चाही।</verse>
				<verse number="26">बइठकावाले तम्बू अउ करार क संदूखे प इ तेल क छिरका।</verse>
				<verse number="27">मेज अउ मेजे प धरी सबहिं तस्तरिन प तेल छिरका। इ तेल क सबहिं दिया अउर सब औजारे प छिरका। इ तेले क धूप वेदी प डारि द्या।</verse>
				<verse number="28">जरि क भेट क वेदी अउ दूसर सबही बरतन प यहोवा बरे तेल नावा। खोरा अउ ओका आधार प तेल नावा अउ वेदी क पावा प तेल नावा।</verse>
				<verse number="29">तू इ सब चीजन्क पवित्तर बनउब्या। उ सबइ चिजियन यहोवा बरे खास होइहीं। कउनो भी चीज जउन एनका छुइ उ भी पवित्तर होइ जइ।</verse>
				<verse number="30">“हारून अउ ओनके पूतन प तेल छिरका। मोर खास तरह स सेवा करइ बरे इ ओनकइ पवित्तर करिहीं। तबहिं इ सबइ मोरे सेवा याजकन क तरह करत हीं।</verse>
				<verse number="31">इस्राएल क मनइयन स कहा कि अभिसेक क तेल मोरे बरे हमेसा बहोत पवित्तर अउ खास होइ। इ हमेसा तोहार सबहीं पीढ़ियन बरे सिरफ मोर सेवा बरे होइ चाही।</verse>
				<verse number="32">मामूली सुगन्धि क तरह कउनो भी मनई इ तेल क न बइपरी। उ तरह कउनो सुगन्धि बनावा जउन तरह इ खास तेल बनाऐस ह। इ खास अभिसेक क तेल पवित्तर अहइ अउर इ तोहरे बरे बहोत खास अउ पवित्तर होइ चाही।</verse>
				<verse number="33">जदि कउनो इ पवित्रर तेल क नाई सुगन्धि बनवइ अउर ओका कउनो विदेसी क देइ जउन कि याजक नाहीं ह तउ उ मनई क आपन लोगन स जरूर अलगाइ देइ चाही।”</verse>
				<verse number="34">तब यहोवा मूसा स कहेस, “इ महकउआ हवन सामग्री क ल्या: रसगंधा, कस्तूरी गंधिका, बिरोजा अउ निखालिस लोहबान। धियान राखा कि तोहरे लगे सामग्री क वजन बराबर होइ।</verse>
				<verse number="35">सामग्री क महकउआ धूप बनावइ बरे आपुस मँ मिलावा। ऍका उहइ तरह करा जइसा सुगन्धि बनवइया करत ह। इ धूप मँ नोन भी मिलावा। इ एका सुद्ध अउ पवित्तर बनइ।</verse>
				<verse number="36">कछू धूप क तब तलक पीसा जब ताई ओकर बुकनी न होइ जाइ। बइठकावाले तम्बू मँ करार क संदूखे क समन्वा इ बुकनी क धरा। इ उहइ ठउर अहइ जहाँ मइँ तोहसे मिलब।</verse>
				<verse number="37">तू पचन्क इ धूपे क चूरन क सिरिफ खास अवसर मँ ही बइपरइ चाही। तू पचन्क इ धूपे क चूरन क बइपरइ बरे सिरिफ खास तरह स यहोवा खातिर जराइ चाही। इ खास तरह स धूप बनावइ बरे दूसर धूपे बरे जिन कर्या।</verse>
				<verse number="38">कउनो मनई आपन खातिर कछू अइसा धूप बनावा चाहत ह जेहसे उ इ सुगन्धि क मजा लइ सकइ। मुला अगर उ अइसा करत ह तउ ओका अपने मनइयन स अलग कइ दीन्ह जाइ।”</verse>
			</chapter>
			<chapter number="31">
				<verse number="1">तबहिं यहोवा मूसा स कहेस,</verse>
				<verse number="2">“मइँ यहूदा क परिवार समूह स ऊर क बेटवा बसलेल क चुनेउँ ह। उरि हुर क बेटवा रहा।</verse>
				<verse number="3">मइँ बसलेल क परमेस्सर क आतिमा स भरि दिहस ह। मइँ ओका हर दस्तकारी क काम मँ माहिर बनावत हउँ अउ गियान देत हउँ।</verse>
				<verse number="4">बसलेल एक बहोत बढ़िया सिल्पकार बा अउ उ सोना, चाँदी अउ काँसा क चीज बनइ सकत ह।</verse>
				<verse number="5">बसलेल सुन्नर रतन क काटि अउर जड़ सकत ह। उ लकड़ी क भी काम कइ सकत ह। बसलेल हर किसिम क काम कइ सकत ह।</verse>
				<verse number="6">मइँ ओहोलीआब क भी ओकरे संग काम करइ क चुनेउँ ह। ओहोलीआब दन कबीले क आहोसामाक क बेटवा अहइ। मइँ दूसर मजूरन क माहिर बनाएउँ ह ताकि उ पचे उ सबहिं चीजन्क बनइ सकिहीं जेका मइँ तोहका करइ क हुकुम दिहेउँ ह।</verse>
				<verse number="7">बइठकावाला तम्बू, करार क संदूख, संदूखे क ढकना।</verse>
				<verse number="8">मेज अउर ओह पइ सारी चीजन निखालिस सोना क डीबट अउर एकर सबहिं बर्तन, धूप बारइ क वेदी।</verse>
				<verse number="9">भेटे क जरावइ बरे वेदी अउ वेदी प बइपरइ क चीज, कटोरा अउ एकर नीचे क चीज।</verse>
				<verse number="10">याजक हारून क खास वस्तर अउ ओकरे बेटवन बरे खास वस्तर, जबहिं उ पचे याजक क नाई सेवा करत पहिरहीं।</verse>
				<verse number="11">अभिसेक क महकउआ तेल, अउर पवित्तर ठउर बरे महकत धूप। इ कारीगरन्क इ सब चीजन्क वइसी बनवइ चाही जइसा मइँ तोहका हुकुम-दिहेउँ ह।”</verse>
				<verse number="12">तबहिं यहोवा मूसा स कहेस,</verse>
				<verse number="13">“इस्राएल क लोगन स इ कहा: ‘तू पचे मोरे खास अरामे क दिन बरे नेम क मानाई चाही। तू पचन्क इ जरूर करइ क चाही, काहेकि इ सब मोरे अउ तोहरे बीच सबहिं पीढ़ी बरे चीन्हा क रूप मँ रइहीं। एहसे तोहका पता लागी कि मइँ, यहोवा तोहका आपन खास मनई बनए अही।</verse>
				<verse number="14">“‘सबित क दिन क खास दिन बनावा। यदि कउनो एका दुसित करत ह तउ उ व्यक्ति क जरूर मार डावइ चाही। अगर कउनो सबित क दिन काम करत ह, तउ उ व्यक्ति क आपन लोगन मँ स जरूर अलग कइ दीन्ह जाइ।</verse>
				<verse number="15">हफ्ता मँ दूसर छ: दिन काम करइ बरे अहइँ। एकर मतलब खास दिन अराम करइ बरे अउर यहोवा क मान देइ बरे अहइ। अगर कउनो सबित क दिन काम करी उ जरूर ही मार दीन्ह जाइ।</verse>
				<verse number="16">इस्राएल क लोगन सबित क दिना क खास दिन क रूप मँ जरूर याद रखिइ चाही। उ एका हमेसा हमेसा मनावत रइहीं। इ मोरे अउ ओनके बीच करार अहइ जउन सदा बना रही।</verse>
				<verse number="17">सबित क दिन मोरे अउ इस्राएल क बीच सदा चीन्हा क रूप मँ बना रही।’” (यहोवा छ: दिन काम किहेस अउ अकास अउ धरती क बनएस अउ सतएँ दिन उ आपन क अराम दिहेस अउ सुस्तान।)</verse>
				<verse number="18">जउने समइ परमेस्सर मूसा स सीनै पहाड़े प बात करब बंद किहस, उ ओका करार लिखित भवा दुइ समथर पाथर दिहस। परमेस्सर आपन अंगुरियन क काम मँ लगाएस अउ पथरे प लिखेस।</verse>
			</chapter>
			<chapter number="32">
				<verse number="1">लोगन निहारेन कि टेमॅ बीति गवा अहइ जब तलक मूसा पहाड़े प नाहीं गवा अउर हुआँ स वापिस नाहीं भवा। ऍह बरे लोगन हारून क चारिहुँ कइँती एक्टठा भएन। उ पचे ओसे कहेन, “लखा। मूसा हम पचन्क मिस्र देस बाहेर निकारेस। मुला हम पचे इ नाहीं जानित कि ओकरे साथ का होइ गवा अहइ। ऍह बरे कछू देवतन क हमरे अगवा चलइ अउ हमका अगवा लइ चलइवाला बनावा।”</verse>
				<verse number="2">हारून मनइयन स कहेस, “आपन-आपन मेहररूअन, बेटवन अउ बिटियन्के सोना क बाली मोरे लगे लइ आवा।”</verse>
				<verse number="3">ऍह बरे सब मनइयन कनवा क बालिन्क बटोरेन अउ उ सबइ ओनका हारून क लगे लइ आएन।</verse>
				<verse number="4">हारून मनइयन स सोना लिहेस अउ बछवा क एक मूरति बनवइ बरे बइपरेस। हारून मूरति क तरासइ बरे एक छोनी क बइपरेस। तबहिं इ मूरति क सोना स ढाँक दिहेस। तब लोगन स कहेस, “इस्राएल, तू पचन्क हिआँ उहइ देवता अहइँ जउन तू सबन्क मिस्र स बाहेर लइ आएन ह।”</verse>
				<verse number="5">हारून इ चीजन्क लखेस। ऍह बरे उ बछवा क समन्वा एक वेदी बनएस। तब हारून एलान किहेस, “भियान यहोवा क मान देइ बरे एक खास भोज होइ।”</verse>
				<verse number="6">भियान भिन्सारे मनइयन हाली उठि गएन। उ पचे पसु क मारि डाएन अउ ओकर होमबलि अउ मेलबलि चढ़ाएन। मनइयन खाइ अउ पिअइ बरे बइठेन। तब उ पचे ठाड़ भएन अउ असभ्य भोज किहेन।</verse>
				<verse number="7">उहइ समइया यहोवा मूसा स कहेस, “इ पहाड़े स पाले उतरा। तोहार लोगन यानी उ पचे, जेका तू मिस्र स लइ आया ह, भयंकर पाप किहे बाटेन।</verse>
				<verse number="8">उ पचे जल्दी ही उ चीजन क करइ स मुकर गएन जेनका करइ क हुकुम मइँ ओनका दिहउँ ह। उ पचे टेघरा भवा सोना स आपन बरे एक बछवा बनएन। उ सबइ उ बछवा क निहुरत अहइँ अउ ओका बलि चढ़ावत अहइँ। लोगन कहेन ह, ‘इस्राएल, इ सबइ तोहार देवता अहइँ, जउन तोहका मिस्र स बाहेर लइ आएन ह।’”</verse>
				<verse number="9">यहोवा मूसा स कहेस, “मइँ इ लोगन क लखेउँ ह, मइँ जानत अहउँ कि इ पचे बहोत हठी अहइँ।</verse>
				<verse number="10">ऍह बरे अब मोका ओन लोगन क बरबाद करइ द्या। तब मइँ तोहरे बरे एक बड़का रास्ट्र बनउब।”</verse>
				<verse number="11">मुला मूसा यहोवा आपन परमेस्सर स पराथना किहेस अउ ओसे भीख मांगेस। मूसा कहेस, “हे यहोवा, तोहका आपन लोग पइ काहे किरोध करइ चाही। आप आपन अपार सक्ती अउ आपन बल स इ पचन्क मिस्र स बाहेर लइ आया ह।</verse>
				<verse number="12">मुला अगर आप आपन लोगन क नस्ट करब्या तब मिस्र क मनइ कहि सकत हीं ‘यहोवा आपन लोगन क संग बुरा करइ क चाल चलेन ह। इहइ कारण अहइ कि एनका मिस्र स बाहेर निकार्या ह। उ ओनका पहाड़े प मारि डावा चाहत रहा। उ आपन लोगन क धरती स मेटाइ देइ चाहत ह।’ ऍह बरे आपन लोगन किरोध करइ बन्द करा। ओन लोगन क बर्बाद करइ क जोजना छोड़ द्या।</verse>
				<verse number="13">आप आपन सेवा करइवालन इब्राहीम, इसहाक अउ याकूब क याद राखा। आप आपन नाउँ क उ पचन्क प्रतिग्या करइ बरे बइपर्या तू कहया, ‘मइँ तोहार लोगन क ओतना अनगिनत बनउब जेतना अकासे मँ तारा अहइँ। मइँ तोहरे लोगन क इ समूची भुइँया देब जेका मइँ ओनका बचन दिहउँ ह। इ भुइँया हमेसा ओनकइ होइ।’”</verse>
				<verse number="14">ऍह बरे यहोवा अफसोस किहेन। यहोवा उ नाहीं किहेन जउन उ कहे रहेन। उ लोगन क बरिबाद नाहीं किहेन।</verse>
				<verse number="15">तब मूसा पहाड़े स खाले उतरा। मूसा क लगे अगवा अउ पाछे लिखा भवा करार वाला दुइ समथर पाथर रहेन।</verse>
				<verse number="16">परमेस्सर खुद ओनँ पाथरन क बनएस। परमेस्सर खुद उ आग्यन क पाथरे प खोदेस ह।</verse>
				<verse number="17">पहाड़े स तरखाले उतरत यहोसू मनइयन क हल्लागुल्ला सुनेस। यहोसू मूसा स कहेस, “खाले पड़ाव मँ लड़ाई क अवाज सुनाइ पड़त अहइ।”</verse>
				<verse number="18">मूसा जवाब दिहेस, “इ फउजे क जीत क सोर न बाटइ अउर न ही हार जाए प चिचिआइ क सोर। मइँ जउन अवाज अनकत अहउँ उ गाने का अवाज अहइ।”</verse>
				<verse number="19">जब मूसा डेरा क निअरे आवा तउ उ सोना क बछवा अउ लोगन क गावत अउ नाचत भवा निहारेस। मूसा बहोत कोहाइ गवा अउ उ समथर पथरन क भुइँया प गिराइ दिहस अउ ओनका तोड़ दिहस। पहाड़े क तलहटी मँ उ ओनका रेजा रेजा कइ दिहस।</verse>
				<verse number="20">तबहिं मूसा लोगन क बनवा भवा बछवा क तोड़ फोड़ डाएस। उ सोना क आगी मँ टेघराएस। उ सोना क ऍतना पीसेस कि उ चूरन होइ गवा। उ सोना क चूरन क पानी मँ बहाइ दिहस। तबहिं उ इस्राएल क मनइयन क पानी पिअइ बरे मजबूर किहस।</verse>
				<verse number="21">मूसा हारून स कहेस, “इ मनइयन तोहरे संग का किहेन? कि तू ओनका अइसे बुरा पाप करइ क लिआया?”</verse>
				<verse number="22">हारून जवाब दिहस, “महासय! जिन कोहाअ। आप जानत बाटेन कि लोगन हमेसा गलत काम करइ क तइयार रहत हीं।</verse>
				<verse number="23">लोग मोसे कहेस, ‘मूसा हम पचन्क मिस्र स बाहेर लइ आया। मुला हम पचे नाहीं जानित कि ओकरे संग का भवा बाटइ। ऍह बरे हम सब मनइयन क राह देखावइ वाला कउनो देवतन क बनावा।’</verse>
				<verse number="24">ऍह बरे मइँ मनइयन स कहेस, ‘जदि तोहरे लगे सोना क अंगूठियन होइ तउ ओनका मोका दइ द्या।’ मनइयन मोका आपन सोना दिहेन ह। मइ इ सोना क आगी मँ झोंका अउ इ बछवा आगी स बाहेर आएस।”</verse>
				<verse number="25">मूसा लखेस कि लोग नियंत्रण स बाहेर होइ गएन, काहेकि हारून ओह पइ नरम होइ गएन ह। मनई मूरख क नाई इ तरह क ब्योहार करत बाटेन। ओनकइ सब दुस्मन लखि सकइँ।</verse>
				<verse number="26">ऍह बरे मूसा डेरा क दरवाजे प ठाड़ भवा। मूसा कहेस, “कउने मनई जउन यहोवा क पाछा करइ चाहत ह मोरे लगे आवइ।” तब लेवी क परिवारे क सबइ मनइयन परात परात मूसा क लगे आएन।</verse>
				<verse number="27">तबहिं मूसा ओनसे कहेस, “इ तरह इस्राएल क परमेस्सर यहोवा क कहात ह: ‘हर मनई आपन तरवार उठाइ लेइ अउ डेरा क एक निकास स दूसर निकास ताई जाइ। तू पचे उ लोगन क जरूर मारइ चाही चाहे उ तोहार आपन भाई, दोस्त अउ पड़ोसी ही क्यों न हो।’”</verse>
				<verse number="28">लेवी क परिवारे क मनई मूसा क हुकुम मानेन। उ दिना इस्राएल क करिब तीन हजार मनई मर गएन।</verse>
				<verse number="29">तब मूसा कहेस, “आज यहोवा क सेवा करइ बरे अपने आपक तइयार कर ल्या। काहेकि यहोवा आज तोहका आसीर्बाद देइहीं! अगर चाहे कि कउनो आदमी आपन पूत या रिस्तेदार क खोइ देत ह।”</verse>
				<verse number="30">दूसर दिन भिंन्सारे मूसा मनइयन स कहेस, “तू पचे खउफनाक पाप किहा ह। मुला अब मइँ यहोवा क लगे ऊपर जाब। सायद कि मइँ तोहार पाप बरे प्रायस्चित कइ सकत हउँ।”</verse>
				<verse number="31">तउ मूसा लौटिके यहोवा क लगे गवा अउ कहेस, “कृपा कइके सुना। इ लोग बहोत बुरा पाप किहेन ह अउ सोना क एक देवता बनएन ह।</verse>
				<verse number="32">अबहिं ओनका पाप खातिर छिमा कइ द्या। जदि आप छिमा न करब्या तउ मोर नाउँ “जिन्नगी क किताबे स मेट द्या जेका आप लिखे अहा।”</verse>
				<verse number="33">मुला यहोवा मूसा स कहेस, “जउन मोरे खिलाफ पाप करत हीं, सिरिफ अइसा ही मनई बाटेन जेकर नाउँ मइँ आपन किताबे स मेटत हउँ।</verse>
				<verse number="34">ऍह बरे जा अउ मनइयन क हुवाँ लइ जा, जहाँ मइँ कहत हउँ। मोर सरगदूत तोहरे अगवा अगवा चली अउ तोहका राह देखाइ। जब उ मनइयन क सजा देइ क टेमॅ आइ, तउ जउन पाप किहे बाटेन तब ओनका सजा दीन्ह जाइ।”</verse>
				<verse number="35">ऍह बरे यहोवा मनइयन मँ एक भयंकर बेरामी पइदा किहेन ह। उ ऍह बरे अइसा किहेन ह कि उ पचे हारून स सोना क बछवा बनवइ क कहे रहेन।</verse>
			</chapter>
			<chapter number="33">
				<verse number="1">तब यहोवा मूसा स कहेस, “तू अउ तोहार उ लोग जेनका तू मिस्र स हिआँ लइ आया ह इ ठउर क जरूर तजि द्या। अउर उ भुइँया मँ जा जेका मइँ इब्राहीम, इसहाक अउ याकूब क देइ क बचन दिहउँ ह। मइँ ओनका बचन दिहउँ ह। मइँ वाचा किहेउँ, मइँ उ भुइँया क तोहरे सन्तानन क देब।</verse>
				<verse number="2">मइँ एक सरगदूत तोहरे अगवा अगवा पठउब। अउर मइँ कनानी, हित्ती, एमोरी, परिज्जी, हिब्बी, अउ यबूसी मनइयन क बाहर हाँक देब। मइँ उ लोगन क तोहार पहँटा तजि देइ क मजबूर करब।</verse>
				<verse number="3">ऍह बरे उ भुँइया पइ जा जउन दूध अउर सहद स भरपूर होइ। मुला मइँ तोहरे संग न जाब। तू पचे बहोत जिद्दी अहा। जदि मइँ तोहरे संग जाब तउ तोहार नास करब।”</verse>
				<verse number="4">मनइयन इ बुरी खबर सुनेन अउ बहोत दुःखी भएन। ऍह बरे लोग आपन गहना उतार लिहेन।</verse>
				<verse number="5">उ काहेकि यहोवा मूसा स कहेन, “इस्राएल क मनइयन स कहा, ‘तू पचे हठी लोग अहा। जदि मइँ तोहरे संग सिरिफ थोड़ी बरे होबउँ, होइ सकत ह मइँ तू पचन्क नास कइ देब। ऍह बरे सबइ आपन गहना उतारि देइँ। तब मइँ इ निहचय करब कि तोहरे संग का करी।’”</verse>
				<verse number="6">ऍह बरे इस्राएल क लोग होरेब अर्थात् सीनै पहाड़े स अगवा आपन गहना उतारे रहेन।</verse>
				<verse number="7">मूसा बइठकावाला तम्बू क डेरा स कछू दूर लइ गवा। हुवाँ उ ओका लगाएस अउ ओकर नाउँ “बइठकावाला तम्बू” राखेस। कउनो व्यक्ति जउन यहोवा स कछू जानइ चाहत रहा, ओका डेरा क बाहेर बइठकावाला तम्बू ताई जाइ क पड़त रहा।</verse>
				<verse number="8">जब कबहुँ मूसा बाहेर बइठकावाला तम्बू मँ जात तउ मनइयन ओका निहारत रहतेन। लोगन आपन तम्बू क दुआरे ठाड़ रहतेन अउ मूसा क तबहिं ताई लखत रहतेन जबहिं ताई मूसा बइठका वाला तम्बू मँ न चला जात।</verse>
				<verse number="9">जब मूसा बइठकावाला तम्बू मँ घुसरत एक लम्बा बादर क खम्भा खाले उतर जात अउ उ बादर बइठकावाला तम्बू क दुआरे ठहरत। इ तरह यहोवा मूसा स बात करत रहत।</verse>
				<verse number="10">जब लोगन बइठकावाला तम्बू क दुआर बादर क लखतेन उ निहुरेस अउ परमेस्सर क आराधना किहेस। हर मनई आपन तम्बू क दुआरे ओकर आराधना करत रहा।</verse>
				<verse number="11">इ तरह यहोवा मूसा स आमने-सामने बात करत रहा। यहोवा मूसा स इ तरह बात करत रहा जइसे कउनो मनई आपन मीत स बतियात होइ। यहोवा स बात करइ क पाछे मूसा हमेसा डेरा मँ वापस लौटत रहा। नून क पूत यहोसू मूसा क सहायक रहा। यहोसू हमेसा तम्बू मँ रहत रहा। जब मूसा ओका छोड़त रहा।</verse>
				<verse number="12">मूसा यहोवा स कहेस, “आप मोका इ पचन्क क अगुवाइ करइ क कहया ह। मुला आप इ नाहीं बताएन कि आप मोरे संग केका पठइहीं। आप मोसे कहेन, ‘मइँ तोहका अच्छी तरह जानत हउँ अउ मइँ तोहसे खुस अहउँ।’</verse>
				<verse number="13">जदि मइँ तोहका फुरे फुरे खुस किहेउँ ह, मोका तोहार निर्णय क बारे मँ जानइ द्या अउर तू मोका आपन तरह सिखावा। तब मइँ आपक लगातार खुस राखि सकत हउँ। याद राखा कि इ आप क लोग अहइँ।”</verse>
				<verse number="14">यहोवा कहेस, “मइँ खुद तोहरे संग चलब। मइँ तोहका राह देखाउब।”</verse>
				<verse number="15">तबहिं मूसा यहोवा स कहेस, “जदि तू हम पचन्क संग न चलब्या तउ तू इ ठउर स हम पचन्क जिन दूर पठवा।</verse>
				<verse number="16">हम पचे इ भी कइसे जान लेब कि तू मोसे अउर इ लोगन स खुस अहा? जदि तू संग चलब्या तउ हम पचे निहचय इ जानब। तोहका हमरे संग होइ क पाछे इ देखाउब कि मइँ अउर तोहार लोगन इ धरती क दूसर लोगन स कइसे अलग होइ जाब।”</verse>
				<verse number="17">तब यहोवा मूसा स कहेस, “मइँ उहइ करब जउन तू कहत बाट्या। मइँ इ करब काहेकि मइँ तोहसे खुस अहउँ। मइँ तोहका अच्छी तरह स जानत हउँ।”</verse>
				<verse number="18">तब मूसा कहेस, “अब किरपा कइके मोका महिमा देखावा।”</verse>
				<verse number="19">परमेस्सर कहेस, “मइँ आपन उचित भलाई क तोहार आगे स गुजारउब। मइँ यहोवा अहउँ अउर मइँ आपन नाउँ क घोषणा करब जेसे तू ओका सुनि सका। मइँ कउनो भी व्यक्ति प कृपा अउ पिरेम देखाउब जेनका मइँ चाहउब।</verse>
				<verse number="20">मुला तू मोर मुँह नाहीं निहार सकत्या। कउनो भी मनई मोका लख नाहीं सकत अउर जदि लखि लेत ह तउ उ जिन्दा नाहीं रहि सकत।”</verse>
				<verse number="21">“मोरे लगे नगिचे एक ठु चट्टान बाटइ। तू उ चट्टाने प ठाड़ होइ सकत ह।</verse>
				<verse number="22">मोर महिमा उ ठउर स होइके जाइ। मइँ तोहका उ चट्टाने क बड़की दरार मँ राखब अउ तोहका आपन हथवा स ढाँकब जे समइ मइँ गुजरब।</verse>
				<verse number="23">तबहिं मइँ आपन हाथ हटाइ लेब अउर तू मोर पीठ भइ देखब्या। मुला तू मोर मुँह नाहीं देख पउब्या।”</verse>
			</chapter>
			<chapter number="34">
				<verse number="1">तब यहोवा मूसा स कहेस, “दुइ अउर समथर पाथरन ठीक वइसे ही बनावा जइसे पहिले दुइ रहीं जेका तू तोग दिहे रहा। मइँ एह प ओनही सब्दन क लिखब जउन पहिले दुइनउँ पाथर क पाटी प लिखा रहेन।</verse>
				<verse number="2">भियान भिन्सारे तइयार रह्या अउ सीनै पहाड़े प आवा। हुवाँ मोरे समन्वा पहाड़े क चोटी प ठाड़ रह्या।</verse>
				<verse number="3">कउनो मनई क तोहरे संग नाहीं आवइ दीन्ह जाइ। हिआँ तलक कि तोहरे गोरू अउ भेड़ी क झुण्ड क भी पहाड़े क उ पार घास नाहीं चरइ चाही।”</verse>
				<verse number="4">ऍह बरे मूसा पहिले पाथर क तरह पाथर क दुइ समथर पाटी बनएस। तब दूसर दिन भिन्सारे उ सीनै पहाड़े प गवा। मूसा उहइ किहेस जइसा यहोवा ओका हुकुम दिहे रहेन। मूसा आपन संग पाथर क दुइ पाटी लइ गवा।</verse>
				<verse number="5">मूसा क पहाड़े प पहोंच जाइ क पाछे यहोवा ओकरे लगे बादर मँ खाले पहाड़े प आवा। यहोवा हुवाँ मूसा क लगे ठाड़ रहा। उ यहोवा क नाउँ लिहेस।</verse>
				<verse number="6">यहोवा मूसा क समन्वा स गवा अउ उ कहेस, “यहोवा, दयालु यहोवा, अउ कृपालु परमेस्सर अहइ। यहोवा कोहाइ मँ धीरे करत ह। यहोवा महान पिरेम स सराबोर बा। यहोवा बिस्सास क जोग्ग बा।</verse>
				<verse number="7">यहोवा हजारन पीढ़िन प कृपा करत ह। यहोवा लोगन क जउन उ पचे पापन्क करत हीं, छिमा करत ह। मुला यहोवा अपराधी क सजा देइ मँ चूकत नाहीं। यहोवा सिरिफ अपराधी क सजा नाहीं देइ मुला ओनके बेटवन, नाती, पंती अउ संती क भी बुरी बात क सजा देइ जउन उ पचे किहे रहेन।”</verse>
				<verse number="8">तब तुरन्तइ मूसा धरती प निहुरा अउ यहोवा क पूजेस। मूसा कहेस,</verse>
				<verse number="9">“सुआमी। जदि आप मोसे खुस अहइँ तउ हमार साथे चलइँ। मइँ जानत हउँ कि उ पचे हठी लोग अहइँ। मुला हम पचन्क ओन पापन्क अउ अपराधन्क छिमा कइ द्या, जउन हम पचे किहेन ह।”</verse>
				<verse number="10">तब यहोवा कहेस, “मइँ तोहरे सबहिं लोगन क संग इ करार करत हउँ। मइँ अइसा अचरज कार्य करब जइसे इ धरती प कउनो भी दूसर रास्ट्र क खातिर पहिले कबहुँ नाहीं कीन्ह गवा रहा। तोहरे संग सबहिं लोगन उ अचभ्बा क निहरिहीं जउन मइँ तोहरे बरे करब।</verse>
				<verse number="11">आज मइँ जउन हुकुम देत हउँ ओका माना। मइँ कनानी, हित्ती, एमोरी, परिज्जी, हिब्बी, अउ यबूसी क बाहेर निकरि जाइ क मजबूर करब।</verse>
				<verse number="12">होसियार रहा। उ लोगन क संग कउनो समझौता जिन करा जउन उ पहँटा मँ रहत अहइँ जहाँ तू जात अहा। जदि तू ओनकइ संग समझौता करब्या तउ तू ओहमाँ फँस जाब्या।</verse>
				<verse number="13">ओनके वेदी क नास कइ डावा उ पाथरन क तोड़ि डावा जेका उ पचे पूजत बाटेन। ओनकइ मूरत क काटिके बहाइ द्या।</verse>
				<verse number="14">कउनो दूसर देवता क आराधना जिन करा। मइँ ‘यहोवा-कना ईर्स्यालु यहोवा’ अहउँ। इ मोर नाउँ अहइ। मइँ ‘एल-कना’ ईर्स्यालु परमेस्सर हउँ।</verse>
				<verse number="15">“जउन लोग उ पहँटा मँ रहत हीं ओनसे कउनो समझौता जिन करा। जदि तू इ करब्या तउ जब उ सबइ आपन देवतन क पूजिहीं तब तू ओनके साथे होइ सकब्या। उ पचे तोहका सामिल होइ बरे न्यौतिहीं अउर तू ओनकइ भेंट क खाब्या।</verse>
				<verse number="16">तू आपन बेटवन क पत्नी बनवइ बरे ओनकइ कछू बिटियन क चुन सकत ह। उ पचे बिटियन झूठ देवतन क पूजा करत रहत हीं। उ पचे तोहरे बेटवन स उहइ करवाइ सकत हीं।</verse>
				<verse number="17">“मूरत जिन बनाया।</verse>
				<verse number="18">“बे खमीरे क रोटी क दावत क त्यौहार मनावा। मोरे हुकुम बरे सात दिना तलक बेखमीरे क रोटी खाया। एका उहइ महीना मँ करा जेका मइ चुनेउँ ह जउन कि अबीब क महीना अहइ। काहेकि उहइ महीना अहइ जब तू मिस्र स बाहेर आए रह्या।</verse>
				<verse number="19">“कउनो भी मेहरारू क पहिलौटी बेटवा मोर बा। पहिला जनावर भी जउन तोहार गाय-बोकरी अउ भेड़ी स पइदा होइ, मोर अहइ।</verse>
				<verse number="20">जदि तू पहिले पइदा भए गदहा क आपन बरे राखइ चाहत बाट्या तउ तू एका भेड़ी क बच्चा स बेसहि सकत ह। मुला अगर तू उ गदहा क भेड़ी क बच्चा स नाहीं वेसहत्या तउ तोहका उ गदधा क गरदन जरूर तोड़ दइ चाही। तोहका आपन पहिलौटी सब पूतन बरे मोसे बेसहइ क होइ। कउनो व्यक्ति बे भेंटे क मोरे समन्वा न आइ।</verse>
				<verse number="21">“तू छ: दिन काम करा। मुला सातँवा दिन अराम करा।। पौध रोपइ अउ फसिल काटइ क समइया भी तोहका सबित क दिन क धियान रखइ चाही।</verse>
				<verse number="22">“हफ्तन क त्यौहार मनावा। फसल कटाइ क त्यौहार क मनावा। आखीर मँ फसल काटइ क दावत करा।</verse>
				<verse number="23">“हर साल तोहार सब मनई तीन दाई आपन सुआमी, यहोवा इस्राएल क परमेस्सर क लगे जइहीं।</verse>
				<verse number="24">“जबहिं तू आपन भुइँया मँ पहुँचब्या मइँ तोहरे दुस्मनन क उ भुइँया स बाहेर जाइके मजबूर करब। मइँ तोहरे चौहद्दी क बढ़ाउब अउर तू जिआदा स जिआदा धरती पउब्या। तोहका आपन परमेस्सर यहोवा क समन्वा बरिस मँ तीन दाई जाइ चाही। अउर तोहसे उ टेमॅ तोहर देस लेइ क कउनो जतन न करी।</verse>
				<verse number="25">“जब तू बलि स खून भेंट करा तउ उहइ समइया खमीर जिन भेंट करा। “अउर फसह त्यौहार क कछू भी गोस दूसर भिन्सारे तलक नाहीं राखइ चाही।</verse>
				<verse number="26">“यहोवा क आपन पहली काटी भइ फसल द्या। उ चीजन्क यहोवा आपन परमेस्सर क घरे लइ आवा। “बोकरी क बच्चा क ओकर महतारी क दूध मँ जिन पकावा।”</verse>
				<verse number="27">तब यहोवा मूसा स कहेस, “जउन बातन क मइँ बतायउँ ह ओनका लिखि ल्या। इ आदेस क अनुसार मइँ तोहार अउर आपन बीच करार किहउँ ह।”</verse>
				<verse number="28">मूसा हुवाँ यहोवा क संग चालीस दिना अउ चालीस रात रहा। उ पूरे टेम तलक न खइया क खाएस अउर न पानी पिएस। अउर मूसा क करार क सब्दन क दस-आग्यन क दुइ समथर पाथरन प लिखेस।</verse>
				<verse number="29">तब मूसा सीनै पहाड़े स तरखाले उतरा। इ यहोवा क दुइनउँ पाथरे क समथर पाटी क संग लइ आवा। मूसा क मुँह चमकत रहा। काहेकि उ यहोवा स बात किहेस। मुला मूसा इ बरे नाहीं जानत रहा।</verse>
				<verse number="30">हारून अउ इस्राएल क सब लोगन लखेन कि मूसा क मुँह चमकत रहा। ऍह बरे उ पचे ओकरे पास जाइ स डेरानेन।</verse>
				<verse number="31">मुला मूसा ओनका बोलाएस। ऍह बरे हारून अउ सबहिं अगुवा लोग मूसा क लगे गएन। मूसा ओनसे बतियान।</verse>
				<verse number="32">ओनके पाछे इस्राएल क सबहिं लोग मूसा क लगे आएन। अउर मूसा ओनका उ आदेस दिहेस जउन यहोवा सीनै पहाड़े प दिहे रहा।</verse>
				<verse number="33">जब मूसा बात करब खतम किहेस तउ उ आपन मुँह क एक ओढ़ना स ढाँकि लिहस।</verse>
				<verse number="34">जब कबहुँ मूसा यहोवा क समन्वा बात करइ जात तउ ओढ़ना क हटाइ लेत। तब मूसा बाहेर आवत अउ इस्राएल क लोगन क इ बतावत जउन यहोवा क हुकुम होत रहा।</verse>
				<verse number="35">इस्राएल क मनइयन देखत रहेन कि मूसा क मुँह तेज स चमकत रहा। ऍह बरे मूसा आपन मुँह फुन ढाँकि लेत। मूसा आपन मुँहना क तब तलक ढाँके रखत रहा जब तलक उ यहोवा क संग बात करइ अगली दाई नाहीं जात रहा।</verse>
			</chapter>
			<chapter number="35">
				<verse number="1">मूसा इस्राएल क सबहिं मनइयन क बटोरेस। मूसा ओनसे कहेस, “मइँ उ सब आदेसन क बताउब जउन यहोवा तू पचन्क करइ क आदेस दिहस ह।</verse>
				<verse number="2">“काम करइ क छ: दिन अहइँ। मुला सातवाँ दिन तू पचन्क अराम क दिन खास दिन होइ। उ खास दिन अराम कइके तू पचे यहोवा क स्रद्धा देब्या। जदि कउनो सातवाँ दिन काम करी तउ ओका जरूर मारि डावा जाइ।</verse>
				<verse number="3">सबित क दिना तू सबन्क कउने ठउर प आगी तलक नाहीं बारइ चाही जहाँ कहूँ तू पचे रहत बाट्या।”</verse>
				<verse number="4">मूसा इस्राएल क सबहिं मनइयन स कहेस, “इहइ बा जउन यहोवा हुकुम दिहे अहइ।</verse>
				<verse number="5">यहोवा बरे खास भेंट बटोरा। तोहका आपन मन मँ ठान लेइ चाही कि तू पचे का भेंट मँ देब्या। अउर तब तू उ भेंट यहोवा क लगे लइ आवा। सोना, चाँदी, काँसा,</verse>
				<verse number="6">नीला बैगनी अउ लाल कपड़ा, उत्तिम सन अउ बोकरी क बार,</verse>
				<verse number="7">भेड़ी क लाल रंगी खाल, उत्तिम चाम, बबुरे क लकड़ी,</verse>
				<verse number="8">दिया बरे जइतूने क तेल, अभिसेक क तेल बरे मसाले सुगन्धि धूप बरे मसाला,</verse>
				<verse number="9">गोमेद रतन अउ दूसर रतन एपोद अउर निआव क थइला प लगावा जइहीं।</verse>
				<verse number="10">“आप सबहिं कुसल कारीगर क चाही कि यहोवा जउन चीजन्क हुकुम दिहे अहइँ ओनका बनावा। इ सबइ उ चीज अहइँ जेनके बरे यहोवा हुकुम दिहे अहइँ।</verse>
				<verse number="11">पवित्तर तम्बू, ऍकरे बाहेर क तम्बू, अउ एकर ढकना, हुक, तखता, पाटी, खम्भा अउ आधार।</verse>
				<verse number="12">पवित्तर संदूख, अउ एकर खम्भन अउ संदूखे क ढकना, अउ दरवाजे क रास्ता क ढाँपइ बरे पर्दा।</verse>
				<verse number="13">मेज अउ एकर खम्भन, मेजे प धरी जाइवाली सब चीज, अउ मेजे प धरी जाइवाली खास रोटी,</verse>
				<verse number="14">रोसनी क बइपरइ बरे डीबट, अउर ऍकर सबइ बासन, ऍकर दिया, अउ रोसनी बरे तेल,</verse>
				<verse number="15">धूप बारइ बरे वेदी अउ ऍकर खम्भन, अभिसेक क तेल अउ महकउआ धूप, बइठकावाला तम्बू क प्रवेस दुआर क ढाकइ वाली कनात,</verse>
				<verse number="16">होमबलि क बारइ बरे वेदी, एकर काँसा क झंझरी, खम्भन अउ वेदी प बइपरइ बरे सबहिं चिजियन, काँसा क खोरा अउ आधार,</verse>
				<verse number="17">आँगन क चारिहुँ कइँती पर्दा, अउर खम्भा अउ एकर आधार, अउर आँगन क प्रवेस दुआर क ढकइवाला कनात,</verse>
				<verse number="18">तम्बू क थामइ बरे बइपरइ खातिर खूँटी अउर आँगन क घेरइवाला पर्दा क दिवार, खूँटी स बाँधइवाली लसुरी।</verse>
				<verse number="19">अउ खास बुना भवा ओढ़ना जेका याजक पवित्तर ठउरे प पहिरहीं। इ खास ओढ़ना हारून अउ ओकरे बेटवन क पहिरइ बरे अहइँ। उ पचे इ ओढ़ना क तब पहिरहीं जब उ पचे याजक क रूप मँ सेवा करिहीं।”</verse>
				<verse number="20">तब इस्राएल क सबहिं मनई मूसा क लगे स चलेन।</verse>
				<verse number="21">सबहिं मनइयन जउन भेंट चढ़ावइ चाहत रहेन आएन अउर यहोवा बरे भेंट लिआएन। इ भेंट बइठकावाला तम्बू क बनावइ, तम्बू क सब चीजन अउ खास ओढ़ना बनावइ क काम मँ लाइ गइन।</verse>
				<verse number="22">सबहिं मेहरारू-मनसेधू, जउन चढ़ावा देइ चाहत रहेन, किसिम किसिम क आपन-आपन सोना क गहना लइ आएन। उ सबइ पिन, कान क बाली, मुंदरी, दूसर गहना लइ आएन। उ पचे आपन सबहिं गहना क चढ़ाएन। इ यहोवा क खास भेंट रही।</verse>
				<verse number="23">हर मनई जेकरे लगे नीला, बैगंनी अउ लाल कपड़ा अउर सन क उत्तिम रेसा रहा, उ इ सबन्क यहोवा क लगे लइ आवा। उ मनई जेकरे लगे बोकरी क बार, लाल रंग क भेड़ी क खाल, उत्तिम चमड़ा रहा, ओका उ यहोवा क लगे लइ आवा।</verse>
				<verse number="24">हर मनई जउन चाँदी, काँसा चढ़ावइ चाहत रहा यहोवा क भेंट क रूप मँ ओका लियाएस। हर मनई जेकरे लगे बबुरे क लकड़ी रही, आवा अउ ओका यहोवा क चढ़ाएस।</verse>
				<verse number="25">हर माहिर मेहरारू सन क उत्तिम रेसावाला नीला, बैगनी अउ लाल ओढ़ना बनाएस।</verse>
				<verse number="26">उ सबहिं मेहरारू जउन माहिर रहीं अउ इ काम बरे ओकर मदद करइ सकत हीं उ पचे बोकरी क बारे स ओढ़ना बनाएन।</verse>
				<verse number="27">नेतन सुलेमानी पाथर तथा दूसर रतन लइ आएन। इ सब नग अउ रतन याजक क एपोद अउ निआउ क थइली मँ लगाए रहेन।</verse>
				<verse number="28">लोग मसाला अउ जइतून क तेल भी लइ आएन। इ चीजन महकउआ धूप, अभिसेक क तेल अउ दिया क तेल बरे बइपरी गइन।</verse>
				<verse number="29">इस्राएल क सबहिं मनइयन जउन मदद करइ चाहत रहेन यहोवा बरे भेंट लइ आएन। मनइयन इ सबहीं भेंट दिल खोलिके जेतन उ पचे चाहेस दिहेन। इ भेंट उ सबइ चीजन्क बनवइ बरे काम मँ आइन जेका यहोवा मूसा अउ लोगन क बनाइ क हुकुम दिहे रहेन।</verse>
				<verse number="30">तब मूसा इस्राएल क मनइयन स कहेस, “लखा यहोवा बसलेल, उरि क बेटवा (उरि हूर क बेटवा रहा) जउन यहूदा क परिवार गोत्र स रहा क चुनेस।</verse>
				<verse number="31">अउर उ बसलेल क परमेस्सर क आतिमा स भरि दिहस। इसलिए उ बुद्धि स परिपूर्ण अहइ अउर उ हर प्रकार क सिल्पकारी कार्य क करइ मँ होसियार अउ माहिर अहइ।</verse>
				<verse number="32">उ सोना, चाँदी अउ काँसा क चीजन्क नमूना बनाइ सकत ह।</verse>
				<verse number="33">उ नग अउर रतन क काट अउ जड़ सकत ह। बसलेल लकड़ी क काम कइ सकत ह अउर सबहिं तरह की चीजन क बनइ सकत ह।</verse>
				<verse number="34">यहोवा बसलेल अउ ओहोलीआब क दूसर लोगन क सिखवइ क जोग्यता दइ दिहस ह। (ओहोलीआब दन क परिवार गोत्र स अहीसामाक क पूत रहा।)</verse>
				<verse number="35">यहोवा इ दुइनउँ मनइयन क सब तरह क काम कइ क कुसलता दइ दिहस। ह। उ पचे बढ़ई अउ लोहार क काम करइ क जोग्यता रखत हीं। उ सबइ नीला, बैगनी अउ लाल ओढ़ना अउ सन क उत्तिम रेसा वाला कपड़ा स तस्बीर क काढ़िके ओनका बुन सकत हीं। अउर उ पचे ऊन स भी चीजन्क बुन सकत हीं। उ सबइ प्रकार क काम करइ सकत ह अउर सबइ प्रकार क कलाकारी बनाइ सकत ह।</verse>
			</chapter>
			<chapter number="36">
				<verse number="1">“ऍह बरे बसलेल, ओहोलीआब अउ सब चतुर मनई उ काम करिहीं जेनका यहोवा हुकुम दिहे अहइ। यहोवा इ मनइयन क ओन सबहिं काम करइ क बुद्धि अउ समझ दइ दिहे अहइ जेकर जरूरत इ पवित्तर ठउर क सेवा करइ बरे अहइ।”</verse>
				<verse number="2">तब मूसा बसलेल, ओहोलीआब अउ सबहिं दूसर मनइयन क बोलाएस जेनका यहोवा खास चतुराई दिहे रहा। अउर इ पचे आएन काहेकि इ काम मँ मदद करइ चाहत रहेन।</verse>
				<verse number="3">मूसा इस्राएल क उ कुसल मनइयन क उ सबहिं चीजन्क दिहेन जेनका इस्राएल क लोग उपहार क रूप मँ लइ आए रहेन। अउर उ पचे पवित्तर ठउर क बनवइ मँ उ चीजन्क बइपरेन। मनइयन रोज भिन्सारे भेंट लइ आवत रहेन।</verse>
				<verse number="4">तब सबहिं कुसल मनइयन पवित्तर ठउर क काम क अनजाम देइ बरे क जगह जमा भएन। अउर उ पचे मूसा स बात करइ गएन। उ पचे कहेन,</verse>
				<verse number="5">“लोग बहोत सारे चिजन लाए अहइँ, अउर हम पचन्क लगे ओसे बहोत जिआदा सामान अहइ जेतना कि उ काम क पूरा करइ बरे चाही जेका करइ क हूकुम यहोवा दिहस ह।”</verse>
				<verse number="6">तबहिं मूसा सिबिर मँ खबर क प्रचार कराएस: “कउनो मनसेधू या मेहरारू क अब कउनो भेंट पवित्तर तम्बू मँ न चढ़ाई चाही।”</verse>
				<verse number="7">इ तरह लोगन जेतना चाही ओसे जियादा देइ क बन्द कइ दिहेन।</verse>
				<verse number="8">तब कुसल कारीगरन तम्बू बनउब सुरू किहेन। उ पचे नीला, बैगनी अउ लाल ओढ़ना अउ सन क उत्तिम रेसा स दस पर्दा बनाएन। अउर उ पचे करूब सरगदूतन क तस्वीरन क पर्दन प काढ़ेन।</verse>
				<verse number="9">हर एक पर्दा बराकर नाप क रही। इ अट्ठाइस हाथ लम्बी अउर चार हाथ चौड़ी रही।</verse>
				<verse number="10">कारीगरन पर्दन क दुइ भाग मँ बाँटि दिहेन। उ पचे पाँच ठु पर्दन क एक हींसा मँ जोड़ के पहिला समूह बनाएन। दूसर समूह क भी उ पचे पाँच ठू पर्दन क एक हींसा मँ जोड़के बनाएन।</verse>
				<verse number="11">पहली समूह क आखरी पर्दा क सिरा क संग फंदा बनइ बरे नीला कपड़ा प्रयोग भवा रहा। उ पचे दूसर समूह क आखरी पर्दा क संग भी उहइ काम करइ रहेन।</verse>
				<verse number="12">पहिले समूह क आखरी पर्दा क सिरा मँ पचास फंदा रहेन अउ दूसरे समूह क आखरी पर्दा क सिरा मँ भी पचास फंदा रहेन। फंदा एक दूसर क आमने सामने रहेन।</verse>
				<verse number="13">तब उ पचे पचास सोने क छल्ला बनाएन। उ पचे इ फलियन क दुइनउँ कनात क जोड़इ बरे लगाएन। इ तरह पवित्तर तम्बू क जोड़के एक हींसा बनाइ गएन।</verse>
				<verse number="14">तब कारीगरन दूसर तम्बू पवित्तर तम्बू क ढाँकइ बरे बनाएन। उ ग्यारह पर्दने बनावइ बरे बोकरी क बारन क प्रयोग किहेन।</verse>
				<verse number="15">सबहिं ग्यारह पर्दन एक ही नाप जोख क रहिन। उ सबइ तीस हाथ लम्बी अउ चार हाथ चैड़ी रहिन।</verse>
				<verse number="16">कारीगरन पाँच पर्दन क एक मँ सिएस अउ छ पर्दनन क दूसर मँ सिएस।</verse>
				<verse number="17">उ पचे पहिली समूह क आखिरी पर्दा क सिरा स जोड़इ बरे पचास फंदा बनाएन। अउ दूसर कनाते क समूह क आखरी कनाते क सिरा मँ भी पचास फली बनाएन।</verse>
				<verse number="18">कारीगरन पर्दन क दुई समूह क जोड़इ बरे पचास काँसा क छल्ला बनाएन अउर एक तम्बू बनाएस।</verse>
				<verse number="19">तबहिं उ पचे पवित्तर तम्बू क दुइ अउर ढकना बनाएन। एक ढकना भेड़ा क लाल रंग क खाल स बनाएन। दूसर ढकना उत्तिम खाले क बनाएन।</verse>
				<verse number="20">तब उ बबूर क लकड़ी क तखता पवित्तर तम्बू क सहारा देइ बरे लिहेस।</verse>
				<verse number="21">हर एक तखता दस हाथ लम्बा अउ डेढ़ हाथ चौड़ा बनाएन।</verse>
				<verse number="22">हर एक तखता क बगल मँ दुइ खूँटी एक दुसर स जुरइ रहिन। पवित्तर तम्बू क सबहिं तखता एक ही तरह क बना रहेन।</verse>
				<verse number="23">बेसलेल पवित्तर तम्बू क दक्खिनी हींसा बरे बीस ढाँचा बनाएस।</verse>
				<verse number="24">तब उ ढाँचा बरे चालीस चाँदी क आधार बनाएस। हर ढाँचा बरे दुइ आधार रहिन। एक आधार एक बगल क खम्भा बरे रहेन।</verse>
				<verse number="25">उ बीस तखता पवित्तर तम्बू क उत्तर कइँती भी बनाएस। उ चालीस चाँदी क आधार बनाएस अउ हर तखतन बरे दुइ ठु बनाएस।</verse>
				<verse number="26">उ हर ढाँचा क तले दुइ लगइवाला चाँदी क चालीस कुर्सी बनाएस।</verse>
				<verse number="27">उ पवित्तर तम्बू क पिछला हींसा (तम्बू क पस्चिमी भाग) कइँती छ: ठु तखता ल्या।</verse>
				<verse number="28">उ पवित्तर तम्बू क पिछला भाग क कोना बरे दुइ तखता ल्या।</verse>
				<verse number="29">इ सबइ तखता तरखाले एक दूसर स जोड़ा गवा रहेन। ऊपर मँ छल्ला तखता क कोना को साथ मँ जोड़त रहेन। दुइनउँ कोना बरे भी अइसा ही कीन्ह ग रहेन।</verse>
				<verse number="30">इ तरह हुवाँ पवित्तर तम्बू क पस्चिम भाग क बरे आठ तखता रहेन। हर एक ढाँचा क बरे दुइ आधार क हिसाब स सोलह चाँदी क आधार रहेन।</verse>
				<verse number="31">तब कारीगरन बबुरे क लकड़ी स ढाँचा क छड़ बनाएन। पवित्तर तम्बू क पहली कइँती बरे पाँच छड़ बनाएन।</verse>
				<verse number="32">अउर पाँच छड़ दूसर कइँती, पाँच छड़ पिछली भाग (पस्चिमी कइँती) बरे बनाएन।</verse>
				<verse number="33">उ पचे ओहमाँ बीच क छड़ अइसी तरह स बनाएन जउन ढाँचा मँ स एक छोर स दूसर छोर तलक गुजरत रहिन।</verse>
				<verse number="34">उ पचे इ तखतन क सोना स मढ़ेन। उ पचे छड़ क धरइ बरे सोना क छल्ला बनएन उ पचे कड़ियन क भी सोना स मढ़ेन।</verse>
				<verse number="35">उ सबइ सब ते जिआदा पवित्तर ठउर क दुआर बरे पर्दा बनाएन। उ पचे सन क उत्तिम रेस अउ नीला लाल अउ बैगनी कपड़ा बइपरेन। उ पर्दा मँ करूब सरगदूत क तस्वीर काढ़ेन।</verse>
				<verse number="36">उ पचे बबुरे क लकड़ी क चार खम्भा बनाएन अउ ओनका सोना स मढेन। उ पचे खम्भा बरे सोना क हुक बनाएन अउर खम्भा बरे चार चाँदी क आधार बनाएन।</verse>
				<verse number="37">तब उ पवित्तर तम्बू क दुआर बरे पर्दा बनाएन। उ पचे नीला, बैगनी अउ लाल कपड़ा अउर सन क उत्तिम रेसा बइपरेन। पर्दा कढ़ाइ क सामग्री स बनाए गए रहेन।</verse>
				<verse number="38">तब उ सबइ इ पर्दा बरे पाँच खम्भा अउ ओकर बरे हुक बनाएन। उ सबइ खम्भन क चोटी अउ पर्दन क छड़न क सोना स मढ़ेन। अउर उ पचे काँसा क पाँच आधार खम्भा बरे बनाएन।</verse>
			</chapter>
			<chapter number="37">
				<verse number="1">बसलेल बबुरे क लकड़ी स पवित्तर सन्दूख बनाएस। सन्द्रख ढाई हाथ लम्बा, डेढ़ हाथ चौड़ा अउ डेढ़ हाथ ऊँचा रहा।</verse>
				<verse number="2">उ सन्दूखे क भितरे अउ बाहेर दिवार क निखालिस सोना स मढ़ि दिहस। तब उ सोना क झालर सन्दूखे क चारिहुँ कइँती लगाएस।</verse>
				<verse number="3">फुन उ सोना क चार छल्ला बनाएस अउ ओनका चारिहुँ कोने प लगाएस। इ छल्लन क संदूख ढोवइ बरे बइपरा जात रहा। दुइनउँ कइँती दुइ दुइ छल्ला रहेन।</verse>
				<verse number="4">तब उ सन्दूखे क ढोवइ बरे लकरी क खम्भन क लगाएस। खम्भा बरे उ बबुरे क लकड़ी लगाएस, अउ खम्भन क सोना स मढ़ि दिहस।</verse>
				<verse number="5">उ संदूखे क हर सिरन प बना भवा छल्लन मँ खम्भन क डाइ दिहस।</verse>
				<verse number="6">तब उ निखालिस सोना स ढकना बनाएस इ ढाई हाथ लम्बा अउ डेढ़ हाथ चौड़ा रहा।</verse>
				<verse number="7">तब बसलेल सोना क पीट पीटके दुइ करूब बनाएस। उ ढकना क दुइनउँ छोर प करूब लगाएस।</verse>
				<verse number="8">उ एक करूब क एक अउ दूसर क दूसर कइँती लगाएस। करूब सरगदूतन क ढकना स एक बनावइ बरे जोड़ दीन्ह गवा।</verse>
				<verse number="9">सरगदूतन क पखना अकासे कइँती ऊपर उठाइ दीन्ह गएन। सरगदूतन आपन पखना स सन्दूखे क ढाँकि लिहन। सरगदूतन एक दूसर क समन्वा ढकना क लखत रहेन।</verse>
				<verse number="10">तब बसलेल बबुर क लकड़ी क मेज बनाएस। मेज दुइ हाथ लम्बी, एक हाथ चौड़ी अउ डेढ़ हाथ ऊँची रही।</verse>
				<verse number="11">उ मेज क निखालिस सोना स मढ़ेस। उ सोना क झालर मेज क चारिहुँ कइँती किहस।</verse>
				<verse number="12">तब उ मेज क चारिहुँ कइँती एक पट्टी बनाएस। इ पट्टी करीब चार अंगुल चौड़ा रहा। उ पट्टी प सोना क झालर बनाएस।</verse>
				<verse number="13">तब उ मेज बरे चार सोना क छल्ला बनाएस। उ मेज क चारिहुँ कोना प सोना क छल्ला लगाएस जहाँ चार ठु पाया रहेन।</verse>
				<verse number="14">छल्ला पट्टी क नगिचे लगा रहेन। छल्ला खम्भा मँ लगा रहेन जउन मेज क लइ जाइ मँ काम करत रहीं।</verse>
				<verse number="15">तब उ मेजे क ढोवइ बरे खम्भा बनाएस। इ खम्भा बबुरे क लकड़ी क रहिन। अउर ओन प निखालिस सोना मेढ़ भवा रहेन।</verse>
				<verse number="16">तब उ ओन चीजन्क बनाएस जउन मेज प काम आवत रहीं। उ थारी, चम्मच, परात, अउ घड़ा बनाएस। इ सब निखालिस सोना स बनवा भवा रहेन। खोरा अउ घड़ा क पेयबलि क देइ बरे बइपरा जात रहेन।</verse>
				<verse number="17">तब उ डीबट बनाएस। एकरे बरे उ सुद्ध सोना बइपरेस उ सोना क पीट पीट के आधार अउ डण्डा बनाएस। तब उ फूल, कली अउ पंखड़ी बनाएस। उ इ सब चीजन्क एक टुकड़ा मँ जोरि दिहस।</verse>
				<verse number="18">डीबट मँ छ: डारन रहिन। एक कइँती तीन डार अउ दूसर कइँती तीन डार रहेन।</verse>
				<verse number="19">हर डारे प तीन फूल रहेन। इ फूल बदाम क फूल क सकल क बना रहेन। अउर ओहमाँ कली अउ पंखुड़ी रहिन।</verse>
				<verse number="20">डीबट क डंडा प चार फूल रहेन। इ सबइ कली अउ पंखुड़ी क संग बदाम पूल क सकल क बनवा रहेन।</verse>
				<verse number="21">हुवाँ छ: डार रहेन-डण्डा क दुइनउँ किनारा स तीन-तीन डार निकलत रहेन। हुआँ एक फूल कली अउ पंखड़ी क संग उ तीनउँ जगह क नीचे जहाँ डार जुड़त रहा, रहेन।</verse>
				<verse number="22">इ सबहिं कली अउ डार अउ डीबट निखालिस सोना क बनी रहिन। इ समूचइ सोना क पटिके एक ही मँ जोड़ दीन्ह ग रहा।</verse>
				<verse number="23">उ इ डीबट क बरे सात दिया बनाएस तब उ तस्तरी अउ चिमटा बनाएस। हर चीजन्क क निखालिस सोना स बनाएस।</verse>
				<verse number="24">उ लगभग पचहत्तर पौण्ड निखालिस सोना डीबट अउ ओकर संग प्रयोग मँ आवइवाली चीजन क बनावइ बरे प्रयोग किहेस।</verse>
				<verse number="25">तब उ धूप क जलाइ बरे वेदी बनाएस। उ एका बबुरे क काठे क बनाएस। इ वेदी चउकोर रही। इ एक हाथ लम्बी, एक हाथ चौड़ी अउर दुइ हाथ ऊँची रही। वेदी प चार सीगं रहेन। हर एक कोना प एक ठु सीगं लगा भवा रहेन। इ सीगंन्क वेदी क संग एक इकाई बनवइ बरे जोड़ दीन्ह ग रहा।</verse>
				<verse number="26">चोटी, सबहिं बगल अउ सींगन्क निखालिस सोना स मढ़ेस। तब उ वेदी क चारिहुँ कइँती सोना क झालर बनाएस।</verse>
				<verse number="27">उ सोना क दुइ छल्ला वेदी बरे बनाएस। उ सोना क छल्लन वेदी क हर कइँती झालर क तरे राखेस। इ छल्लन मँ वेदी ढोवइ बरे डण्डा डाई जात रहीं।</verse>
				<verse number="28">तब उ बबुरे क काठे क खम्भन बनाएस अउ ओनकइ सोना स मढ़ेस।</verse>
				<verse number="29">तब उ अभिसेक क पवित्तर तेल बनाएस। उ निखालिस महकउआ धूप भी बनाएस। इ चीजन्क उहइ तरह बनावा गवा जउने तरह कउनो कुसल महकाउआ बनवइया बनावत ह।</verse>
			</chapter>
			<chapter number="38">
				<verse number="1">तब बसलेल बबुरे क काठ वेदी बनवई बरे बइपरेस। इ वेदी भेंट क बारइ बरे काम मँ आवत रही। इ चउकोर रही। इ पाँच हाथ लम्बी, पाँच हाथ चौड़ी अउ तीन हाथ ऊँच रही।</verse>
				<verse number="2">उ हर एक कोना प एक सींग बनाएस। उ सींगन क वेदी क संग जोड़ दिहस। तब उ हर चीज क काँसा स ढाँकि दिहस।</verse>
				<verse number="3">तब उ वेदी प बइपरइ वाला सबहिं अउजार बनाएस। उ बर्तनन, बेलचन, खोरन, माँस खाइ बरे काँटन अउ कड़ाहियन बनाएस। उ इ चीजन्क क काँसा स बनाएस।</verse>
				<verse number="4">तब उ वेदी बरे एक ठू काँसा क जाली बनएस। इ जाली जाल क तरह रही। इ ओका वेदी क पायदाने क नीचे लगाएस। इ वेदी क पेंदी स वेदी क आधा ऊँचाइ तक रहा।</verse>
				<verse number="5">तब उ काँसे क छल्ला बनाएस अउर ऍका जाली क चारिहुँ कोना मँ लगाइ दिहस। इ छल्ला वेदी क ढोवइ बरे खम्भन क फँसावइ क काम आवत रहेन।</verse>
				<verse number="6">तब उ बबुरे क काठे क खम्भन बनाएस अउ ओनका काँसा स मढ़ेस।</verse>
				<verse number="7">खम्भन वेदी क बगल मँ लाग भवा छल्लन मँ स लगइके वेदी क ढोवइ क काम बरे लगाएस। उ वेदी क किनारा बनावइ बरे तखता बइपरेस। वेदी भीतर स खोखल खाली संदूखे क तरह रही।</verse>
				<verse number="8">जउन मेहररूअन पवित्तर बइठकावाला तम्बू क प्रवेस दुआर प जमा भवा रहिन आपन काँसा क दरपन दइ दिहन। बसलेल इ दरपन क काँसा स हाथ धावइ क पात्र अउ एकर आधार बनाएस।</verse>
				<verse number="9">तब उ आँगन क चारिहुँ कइँती पर्दा क दीवार बनएस। दक्खिन कइँती पर्दा क दीवार एक सौ हाथ लम्बी रही। इ पर्दा सन क उत्तिम रेसा क बना रहा।</verse>
				<verse number="10">दक्खिनी कइँती क पर्दन बीस खम्भन क सहारे प टिका रहेन। इ खम्भन काँसा क बीस आधारन प टिका रहेन। खम्भन अउ पर्दा क छड़ा बरे हुक चाँदी क बनी रहेन।</verse>
				<verse number="11">आँगन क उत्तर कइँती पर्दा क दीवार एक सौ हाथ लम्बी रही। बीस खम्भन अउ काँसा क बीस आधारन भी बनई गइन। खम्भन अउ पर्दा क छड़ा बरे हुक चाँदी क रहिन।</verse>
				<verse number="12">आँगन क पस्चिमी कइँती पर्दा क दीवार पचास हाथ लम्बी रही। हुवाँ दस खम्भन अउ दस आधारन रहिन। खम्भन बरे हुक अउ पर्दा क छड़ा चाँदी क बनावा ग रहेन।</verse>
				<verse number="13">अँगने क पूर्वी किनारा पचास हाथ चौड़ी रही। अँगने क प्रवेस दुआर इहइ तरफ रहा।</verse>
				<verse number="14">प्रवेस दुआर क एक कइँती पर्दा क दीवार पन्द्रह हाथ लम्बी रही। इस तरफ तीन खम्भन अउ तीन आधार रहीं।</verse>
				<verse number="15">प्रवेस दुआर क दूसर कइँती क पर्दा पन्द्रह हाथ लम्बी रहेन। उस तरक भी तीन खम्भन अउ तीन आधारन रहेन।</verse>
				<verse number="16">आँगन क चारिहुँ कइँती क पर्दा सन क उत्तिम रेसा क बनी रहीं।</verse>
				<verse number="17">खम्भन क आधार काँसा क बनी रही। हुक अउ कनात क छड़ा चाँदी क बना रहा। खम्भन क चोटी भी चाँदी स मढ़ा रहा। आँगन क सबहिं खम्भन चाँदी स बना भवा छड़ा क संग रहेन।</verse>
				<verse number="18">आँगन क प्रवेस दुआर क पर्दा सन क उत्तिम रेसा अउ नीला लाल अउ बैगनी कपड़ा क बना रहा। एह प कढ़ाई कीन्ह गइ रही। कनात बीस हाथ लम्बा अउ पाँच हाथ ऊँच रही। इ उहइ उँचाई क रही जउने उँचाई क आँगन क चारिहुँ कइँती क कनात रहीं।</verse>
				<verse number="19">कनात चार खम्भन अउ चार काँसा क आधारन प खड़ी रही। खम्भा क हुक चाँदी क बनी रही। खम्भा क सिरा चाँदी स मढ़ा रहा अउ पर्दा क छड़ भी चाँदी स मढ़ा रहा।</verse>
				<verse number="20">पवित्तर तम्बू अउ आँगन क चारिहुँ कइँती क खूँटी काँसा क बनी रहीं।</verse>
				<verse number="21">मूसा सबहिं लेवी मनइयन क हुकुम दिहेस कि उ पचे पवित्तर तम्बू करार क तम्बू क बनवइ मँ काम आवइ वाली चीजन्क क लिखि ल्या। हारून क पूत ईतामार इ सूची रखइ क अधिकारी रहा।</verse>
				<verse number="22">यहूदा क परिवार समूह स हुर क बेटवा उरी क बेटवा बसलेल सबहिं चीजन्क बनाएस जेनके बरे यहोवा मूसा क हुकुम दिहे रहेन।</verse>
				<verse number="23">दान क परिवार समूह स अहीसामाक क पूत ओहोलीआब भी ओकर सहायता किहेस। ओहोलीआब एक कुसल सिल्पकार अउ डिजाइनर रहेन। उ सन क उत्तिम रेसा अउ नीला, बैगंती अउ लाल कपड़ा बुनइ मँ बहोत कुसल रहा।</verse>
				<verse number="24">दुइ टन स जिआदा सोना पवित्तर ठउर बनवइ बरे यहोवा क भेंट कीन्ह ग रहा। (इ मंदिर क मान्नता स तौला ग रहा।)</verse>
				<verse number="25">कुल मनई जउन गना ग रहेन, पौने चार टन स जिआदा चाँदी दिहन। (इ मन्दिर क मान्नता स तौला ग रहा) सबइ मनइयन जउन बीस बरिस या ओसे जिआदा उमिर क रहेन, उ पचे गना गएन। एनकइ संख्या 6,03,550 रहेन। अउ हर एक मनई क एक बेका चाँदी कर क रूप देइ क भवा। (पवित्तर क अनुसार एक बेका आधा सेकेल क बराबर रहा।)</verse>
				<verse number="26"></verse>
				<verse number="27">उ सबइ पौने चार टन चाँदी क प्रयोग पवित्तर तम्बू क एक सौ आधार बनवइ बरे अउ कनात बनवइ बरे किहन। उ पचे पचहत्तर पौण्ड चाँदी हर एक आधार मँ लगाएन।</verse>
				<verse number="28">दूसर पचास पौण्ड चाँदी क प्रयोग हुक कनाते क छड़ा अउ खम्भन क सिरा क ढाँकइ बनवइ बरे किहेन।</verse>
				<verse number="29">साढ़े छब्बीस टन स जिआदा काँसा यहोवा क भेंट चढ़ावइ बरे भवा।</verse>
				<verse number="30">उ काँसा क प्रयोग बइठकावाला तम्बू क प्रवेस दुआर क आधार बनवइ मँ भवा। उ पचे काँसा क प्रयोग वेदी अउ काँसा क जाली बनवइ मँ भी किहेन। अउर उ काँसा सब अउजार अउ वेदी क बतर्नन क बनवइ क काम मँ आवा।</verse>
				<verse number="31">एकर प्रयोग चारिहुँ कइँती कनाते क आधार अउ आँगन क चारिहुँ कइँती प्रवेस दुआर क आधारन क पर्दन बनवइ बरे भवा। अउर बचा भवा काँसा क प्रयोग पवित्तर तम्बू क खँटियन अउर आँगन क चारिहुँ कइँती क पर्दन क बनवइ बरे भवा।</verse>
			</chapter>
			<chapter number="39">
				<verse number="1">कारीगरन नीला, लाल अउ बैगनी ओढ़ना क खास बस्त्र याजक बरे बनाएन जेनका उ पचे पवित्तर ठउर मँ सेवा क समइ पहिरहीं। उ पचे हारून बरे वइसा ही खास बस्त्र बनाएन जइसा यहोवा मूसा क हुकुम दिहेन।</verse>
				<verse number="2">उ पचे याजक क एपोद सोना क तार, सन क उत्तिम रेसा अउ नीला, लाल अउर बैगनी कपड़ा स बनाएस।</verse>
				<verse number="3">(उ पचे सोना क पातर पत्तर क तरह पीटेन अउर तब उ पचे ओका लम्बा धागा क रूप मँ काटेन। उ पचे सोना क नीला, बैगनी, लाल कपड़ा अउ सन क उत्तिम रेसा मँ बुनेन। इ काम क कुसल कारीगरन क तरह किहेन।)</verse>
				<verse number="4">उ पचे एपोद बरे काँधे क पट्टी बनएन। उ पचे एपोद क काँधे क कपड़ा क दुइनउँ कोना स मिलाइके सिएन।</verse>
				<verse number="5">उ पचे कमर क पेटी बुनेन अउ एकॉ एपोद स जोड़ेन। एकॉ एपोद क बनावट क तरह बनाएन। उ सोनहरा धागा, बढ़िया सन क रेसा अउ नीला, बैगंनी अउर लाल धागा जइसा यहोवा मूसा क हुकुम दिहे रहेन वइसा ही कपड़ा बनाएन।</verse>
				<verse number="6">कारीगरन सोने क पत्तर मँ गोमेद मणि एपोद बरे जोड़ेन। उ पचे इ रत्न प इस्राएल क बेटवन क नाउँ लिखेन।</verse>
				<verse number="7">तब उ पचे रत्नन क एपोद क काँधे प लगाएन। इ रत्न इस्राएल क लोगन बरे यादगारी क रत्न रहेन। इ उहइ कीन्ह ग रहेन जइसा यहोवा मूसा क हुकुम दिहे रहेन।</verse>
				<verse number="8">तब उ पचे निआव क थइला उहइ कुसल कारीगर क दुआर बनावा ग रहा जउन एपोद बनाएस रहा। इ सोना क तार, सन क उत्तिम रेसा अउ नीला, लाल अउ बैगनी कपड़ा क बनावा ग रहा।</verse>
				<verse number="9">निआव क थइला चउकोर दोहराइके तह कीन्ह भवा रहा। एक बित्ता लम्बा अउ एक बित्ता चौड़ा रहा।</verse>
				<verse number="10">कारीगरन एह प सुन्नर रत्नन क चार लाइन जड़ेन। पहली लाइन मँ एक लाल, एक पुखराज अउ एक मकर्तमणि रही।</verse>
				<verse number="11">दूसर लाइन मँ एक फिरोज, एक नीलम अउ एक पन्ना रहा।</verse>
				<verse number="12">तीसरी लाइन मँ एक गोमेद, एक अकीक अउ एक आकूत रहा।</verse>
				<verse number="13">चौथी लाइन मँ एक लहसुनिया, एक सेसमणि अउ एक कपिस मणि रही। इ सबहिं रत्न सोना मँ जड़ा रहेन।</verse>
				<verse number="14">निआव क थइला मँ बारह रत्न रहेन। इ बारह रत्न प इस्राएल क बेटवन क नाउँ उहइ तरह लिखा ग रहेन जइसा एक कारीगर मोहर प खोदत ह। हर एक रत्न प इस्राएल क बारहु बेटवन मँ स एक क नाउँ रहेन।</verse>
				<verse number="15">निआव क थइला बरे निखालिस सोना क जंजीर बनावइ गएन। इ लसुरी क नाई बटी गइ रहिन।</verse>
				<verse number="16">कारीगरन सोना क दुइ छल्ला बनाएस अउ उ पचे दुइनउँ छल्ला क निआउ क थइला क दुइनउँ कोना प लगाएन। उ पचे काँधा क पट्टा बरे दुइ दू सोना क सेट भी बनाएस।</verse>
				<verse number="17">तब उ पचे दुइ सोना क जंजीरन क निआव क थइला क कोना क दुइनउँ छल्लन मँ बाँधेस।</verse>
				<verse number="18">उ पचे सोना क जंजीरन क दूसर सिरन क काँधा क दुइनउँ पट्टियन स बाँधने। तब उ पचे ऍका एपोद क समन्वा जोड़ेस।</verse>
				<verse number="19">तब उ पचे दुइ अउर सोना क छल्ला बनाएन अउर निआउ क थइला क दूसर कोने प ओनका लगाएस। इ एपोद क निअरे निआव क थइला क अन्दरोनी किनारा मँ रहेन।</verse>
				<verse number="20">उ पचे एपोद क समन्वा कइँती काँधे क पट्टी क तले दुइ छल्ला लगाएन। इ छल्लन क जोड़न क नगिचे ठीक कमर पेटी क ऊपर रहेन।</verse>
				<verse number="21">तब उ पचे एक ठु नीली पट्टी बइपरेन अउ निआउ क थाइला स छल्लन क एपोद क छल्लन स बाँधेन। इ तरह निआव क थइला पेटी क नगिचे लाग रहा अउ इ गिर नाहीं सकत। उ पचे इ सब चीजन्क यहोवा क हुकुम क मुताबिक किहेन।</verse>
				<verse number="22">तब उ पचे एपोद बरे नीला कपड़ा स चोगा बनाएन। इ एक कुसल व्यक्ति दुआरा बुना गएन।</verse>
				<verse number="23">चोगा क बीचउ बीच एक छेद रहा। इ छेद क चारिहुँ कइँती कपड़ा क टुकड़ा लाग रही। इ कपड़ा छेद क फाटइ स बचावत रही।</verse>
				<verse number="24">तब उ पचे सन क उत्तिम रेसा, नीला, लाल अउ बैगंनी कपड़ा स अनार बनाएन। उ पचे ओनका क चोगा क खाले कोना प चारिहुँ कइँती लटकाएन।</verse>
				<verse number="25">तब उ पचे निखालिस सोना क घण्टी बनाएन। उ पचे अनारन क बीच मँ चोगा क खाले सिरा क चारिहुँ कइँती घण्टी क बाँधेन।</verse>
				<verse number="26">चोगा क सिरा क चारिहुँ कइँती घण्टी अउ अनार रहेन। हर दुइ अनारे क बीच एक घण्टी रही। याजक उ चोगा क तब पहिरत रहा जब उ यहोवा क सेवा करत रहा, जइसा यहोवा मूसा क हुकुम दिहे रहेन।</verse>
				<verse number="27">कुसल कारीगर हारून अउ ओकरे बेटवन बरे कमीज बनाएन। इ कमीज सन क उत्तिम रेसा स बना रहेन।</verse>
				<verse number="28">कारीगर लोग उत्तिम सन क रेसन स पगड़ी बनएन। उ पचे सिर क पगड़ी अउ भीतर पहिरइवाला कपड़ा भी सन क उत्तिम रेसा स बनाएस।</verse>
				<verse number="29">तब उ पचे कमरबन्द क सन क उत्तिम रेसा, नीला, बैगंनी अउ लाल कपड़ा स बनाएन। कपड़ा मँ कढ़ाई कीन्ह ग रहेन। इ चीजन क वइसे ही बनाइ गइन जइसे यहोवा मूसा क हुकुम दिहे रहेन।</verse>
				<verse number="30">तब उ पचे पवित्तर मुकुट बरे सोना क पत्तर बनाएन। उ पचे सोना प इ सब्द लिखेन: यहोवा बरे पवित्तर।</verse>
				<verse number="31">तब उ पचे पतरा स एक नीली पट्टी बाँधेन अउ पट्टी क पगड़ी चारिहूँ कइँती इ तरह बाँधेन जइसा यहोवा मूसा हुकुम दिहे रहेन।</verse>
				<verse number="32">इ तरह “बइठकावाला पवित्तर तम्बू” क सारा काम पूरा होइ गवा। इस्राएल क मनइयन हर चीज ठीक वइसे ही बनाएन जइसा यहोवा मूसा क हुकुम दिहे रहेन।</verse>
				<verse number="33">तब उ पचे “बइठकावाला तम्बू” मूसा क देखाएन। उ पचे ओका तम्बू अउर ओहमाँ क सब चीजन्क देखाएन। उ पचे ओका तखता, ढाँचन, छड़न, खम्भन अउर आधारन क देखाएन।</verse>
				<verse number="34">उ पचे ओका बइठकावाला तम्बू क ढकना देखाएन जउन लाल रंगी भइ भेड़ा क खाल क बना रहा। अउर उ पचे उ ढकना देखॉएन जउन नरम खाल क बना रहा। अउर उ पचे उ कनात देखॉएन जउन सब स जिआदा पवित्तर ठउर क प्रवेस दुआर क ढकत रही।</verse>
				<verse number="35">उ पचे मूसा क करार क सन्दूख देखाएन। उ पचे सन्दूखे क ढोवइवाली खम्भन अउ सन्दूखे क ढकइवाला ढकना क देखाएन।</verse>
				<verse number="36">उ पचे खास रोटी क अउ मेज प रखइवाली सबहिं चीजन्क देखाएन।</verse>
				<verse number="37">उ सबइ निखालिस सोना क डीबट अउ ओहँ प धरा भवा सब दिया क देखाएन। उ पचे तेल अउ दूसर सब चीजन्क देखाऍन, अउ दूसर सबहिं चीजन्क जउन दिया क संग बइपरी जात रहीं।</verse>
				<verse number="38">उ पचे मूसा क सोना क वेदी, अभिसेक क तेल महकउआ धूप, अउ बइठकावाला तम्बू क प्रेवस दुआर क ढकइवाली कनात क देखाऍन।</verse>
				<verse number="39">उ पचे काँसा क वेदी अउर काँसा क जाली क देखाएन। उ पचे वेदी क ढोवइ बरे बनी भइ खम्भन क मूसा क देखाएन। अउर उ सबइ ओका उ सबहिं चीजन्क देखाएन जउन वेदी प काम मँ आवत रहीं। उ पचे ओका हाथ धोवइवाला पात्र अउ एकर आधार क देखाएन।</verse>
				<verse number="40">उ पचे मूसा क आँगने क चारिहुँ कइँती क कनाते क खम्भा अउर आधार क देखाएन। उ पचे ओका उ कनात क देखाएन जउन आँगन क प्रवेस दुआर क ढाँके रही। उ पचे ओका लसुरी अउ बइठकावाला तम्बू क खूँटी देखाएन। उ पचे पवित्तर तम्बू मँ ओका सबहिं चीजन्क देखाएन।</verse>
				<verse number="41">तबहिं उ पचे मूसा क पवित्तर ठउर मँ सेवा करइवालन याजकन बरे बना ओढ़ना क देखाएन। उ पचे ओका हारून अउ ओकर पूतन बरे बना भवा खास बस्त्र देखाएन। उ पचे उ वस्त्र क तब पहिरत रहेन जब उ पचे याजकन क रूप मँ सेवा करत रहेन।</verse>
				<verse number="42">यहोवा मूसा क जइसा हुकुम दिहेस, इस्राएल क मनइयन ठीक सब काम उहइ तरह किहेन।</verse>
				<verse number="43">मूसा सब कामे क धियान स लेखस। मूसा लखेस कि सब काम ठीक उहइ तरह भवा जइसा यहोवा हुकुम दिहे रहेन। ऍह बरे मूसा ओनका आसीर्बाद दिहेस।</verse>
			</chapter>
			<chapter number="40">
				<verse number="1">तब यहोवा मूसा स कहेस,</verse>
				<verse number="2">“पहिले महीना क पहिला दिन बइठकावाला पवित्तर तम्बू क खड़ा करा।</verse>
				<verse number="3">करार क सन्दूख क पवित्तर तम्बू मँ धरा। सन्दूख क समन्वा पर्दा क रखा</verse>
				<verse number="4">तब खास मेज क भीतर लइ आवा। जउन सामान मेज प होइ चाही ओनकइ ओह प धरा। तब डीबट क बइठकावाला तम्बू मँ धरा। दिया क डीबट मँ रख एका कइ उचित जगहन पइ धरा।</verse>
				<verse number="5">सोना क वेदी क धूप क भेंट बरे बइठकावाला तम्बू मँ धरा। वेदी क करार क सन्दूखे क समन्वा धरा। तब कनात क पवित्तर बइठकावाला तम्बू क प्रवेस दुआर प लगावा।</verse>
				<verse number="6">“बरी भई भेंट क वेदी क पवित्तर तम्बू क प्रवेस दुआर प धरा।</verse>
				<verse number="7">काँसा क हउदा क बइठकावाला तम्बू अउ वेदी क बीच धरा। हउदा क पानी स भरि द्या।</verse>
				<verse number="8">अंगना क चारिहुँ कइँती कनात लगावा। तबहि आंगन क प्रवेस दुआर प कनात लगावा।</verse>
				<verse number="9">“अभिसेक क तेल स पवित्तर तम्बू अउ ऍकर हर एक चीज क अभिसेक करा। जबहिं तू इ चीजन प तेल नउब्या इ पवित्तर होइ जाब।</verse>
				<verse number="10">होमबलि बरे वेदी क अभिसेक करा। वेदी क हर एक चीज क अभिसेक करा। तू वेदी क पवित्तर करब्या। इ सबन त जियादा पवित्तर होइ जाब।</verse>
				<verse number="11">तब खोरा अउ ऍकर आधार क अभिसेक करा। अइसा उ चीजन्क पवित्तर करइ बरे करा।</verse>
				<verse number="12">“हारून अउ ओकरे पूतन क बइठकावाला तम्बू क प्रवेस दुआर प लावा। ओनका पानी स नहवावा।</verse>
				<verse number="13">तब हारून क खास पोसाक पहिरावा। तेल स ओकर अभिसेक करा अउर ओका पवित्तर करा। तबहिं उ याजक क रूप मँ मोर सेवा कइ सकत ह।</verse>
				<verse number="14">तउ ओकर पूतन क पोसाक पहिरावा।</verse>
				<verse number="15">पूतन क अभिसेक वइसा ही करा जइसे ओकरे बाप क अभिसेक किहा ह। तबहिं उ पचे याजकन क रूप मँ मोर सेवा कइ सकत हीं। जब तू ओनका अभिसेक करिब्या, उ पचे याजकन होइ जइहीं। उ परिवार भविस्स मँ हमेसा याजकन रहइ हीं।”</verse>
				<verse number="16">मूसा यहोवा क हुकुम मानेस। उ इ सब किहस जेका यहोवा हुकुम दिहे रहेन।</verse>
				<verse number="17">इ तरह पवित्तर तम्बू दूसर बरिस क पहिले महीना क पहिले दिन बनइ दीन्ह गवा जउन टेमॅ उ पचे मिस्र क तजि दिहे रहेन।</verse>
				<verse number="18">मूसा पवित्तर तम्बू क यहोवा क हुकुम क मुताबिक खड़ा किहेस। पहिले उ आधारन क नीचे धरेस। तउ उ तखता क आधारन प धरेस। उ छड़न क लगएस अउर खम्भन क खड़ा किहेस।</verse>
				<verse number="19">ओकरे पाछे मूसा बाहरी तम्बू क पवित्तर तम्बू क ऊपर फइलाएस। एकरे पाछे उ बाहरी तम्बू प दूसर ढकना धरेस। उ इ यहोवा क हुकुम क मुताबिक किहेस।</verse>
				<verse number="20">मूसा करार लिखा भवा उ दुइ पाथरन क पाटी क लिहेस अउ ओनका सन्दूखे मँ धरेस। मूसा खम्भन क सन्दूखे मँ लगाएस। तबहिं उ सन्दूखे प ढकना धरेस।</verse>
				<verse number="21">तब्बइ मूसा सन्दूखे क पवित्तर तम्बू मँ धरेस। उ पर्दा क नीक ठउरे प आड़ करइ बरे लगाएस। इसी प्रकार यहोवा क हुकुम क मुताबिक उ करार क सन्दूख क पर्दा क पीछे कइके आड़ मँ कइ दिहेस।</verse>
				<verse number="22">तब मूसा खास रोटी क मेज क बइठकावाला तम्बू मँ धरेस। उ ऍका पवित्तर तम्बू क उत्तर कइँती रखेस। उ इ पर्दा क समन्वा रखेस।</verse>
				<verse number="23">तबहिं उ यहोवा क समन्वा रोटी मेज प धरेस। इ उ वइसा ही किहेस जइसा यहोवा हुकुम दिहे रहेन।</verse>
				<verse number="24">तब मूसा डीबट क बइठकावाला तम्बू मँ धरेस। उ डीबट क तम्बू क दक्खिन मँ मेज क पार धरेस।</verse>
				<verse number="25">तब मूसा यहोवा क समन्वा डीबटे प दिया रखेस। उ इ यहोवा क हुकुम क मुताबिक किहेस।</verse>
				<verse number="26">तबहिं मूसा सोना क वेदी क बइठकावाला तम्बू मँ धरेस। उ सोना क वेदी क पर्दा क समन्वा धरेस।</verse>
				<verse number="27">तब उ सोना क वेदी प महकउआ धूप बारेस। उ वइसा ही किहेस जइसा यहोवा ओका हुकुम दिए रहेन।</verse>
				<verse number="28">तब मूसा पवित्तर तम्बू क दुआरे कनात लगाएस।</verse>
				<verse number="29">मूसा बची भइ भेंट क वेदी क पवित्तर तम्बू क प्रवेस दुआर प धरेस। तबहिं मूसा एक होमबलि भेंट उ वेदी प चढ़ाएस। उ अन्नबलि भी यहोवा क चढ़ाएस। उ इ सब चीजन्क यहोवा क हुकुम क मुताबिक किहेस।</verse>
				<verse number="30">तब मूसा बइठकावाला तम्बू अउ वेदी क बीच काँसा क खोरा धरेस। उ खोरा मँ पानी धोबइ बरे धरेस।</verse>
				<verse number="31">मूसा, हारून अउ हारून क बेटवन आपन हाथ पैर धोवइ बरे इ खोरा क बइपरेन।</verse>
				<verse number="32">उ पचे हर दाई जब बइठकावाला तम्बू मँ प्रवेस करतेन तउ आपन हाथ पैर धोवतेन। जब उ पचे वेदी क नगिचे जातेन तब भी हाथ पैर धोवतेन। उ पचे ऍका वइसा ही करतेन जइसा यहोवा मूसा क हुकुम दिहे रहेन।</verse>
				<verse number="33">तब मूसा पवित्तर बइठकावाला तम्बू क आँगन क चारिहुं कइँती कनात खड़ी किहेस। मूसा वेदी क आँगन मँ धरेस। तब उ अँगने क प्रवेस दुआर प कनात लगाएस। इ तरह मूसा उ सबहिं काम क पूरा किहेस जेका करइ क यहोवा हुकुम दिहे रहेन।</verse>
				<verse number="34">तब बादर बइठकावाला तम्बू क ढाँकि लिहस। अउर यहोवा क महिमा पवित्तर तम्बू क भरि द्या।</verse>
				<verse number="35">मूसा बइठकावाला तम्बू मँ ऍह बरे नाहीं घुसि सका काहेकि बादर ऍह पइ उतरि आए रहेन अउ यहोवा क महिमा स पवित्तर तम्बू भरि ग रहेस।</verse>
				<verse number="36">इ उहइ बादर रहा जउन मनइयन क इसारा किहेस कि कब चलइ क अहइ। जब बादर पवित्तर तम्बू स उठत तब इस्राएल क मनइयन चलब सुरू कइ देतेन।</verse>
				<verse number="37">मुला जब बादर पवित्तर तम्बू प ठहर जात तउ मनइयन चलइ क कोसिस नाहीं करत रहेन। लोगन उहइ जगह पइ तब तलक रहतेन जब तलक बादर तम्बू मँ रहतेन।</verse>
				<verse number="38">ऍह बरे दिन भइ बादर पवित्तर तम्बू मँ रहतेन। अउर राति मँ बादर आगी क नाई परगट होतेन। ऍह बरे इस्राएल क सबहिं मनइयन आपन पूरा जात्रा मँ बादर क लखि सकतेन।</verse>
			</chapter>
		</book>
		<book number="3">
			<chapter number="1">
				<verse number="1">यहोवा परमेस्सर मूसा क मिलापवाला तम्बू स बोलाएस अउ ओसे कहेस। यहोवा कहेस,</verse>
				<verse number="2">“इस्राएल क मनइयन क निदेर्स द्या कि जब तू लोगन मँ स कउनो मनई यहोवा बरे भेंट लइ आवइ तउ उ ओकर झुण्ड या खरका स होइ चाही।</verse>
				<verse number="3">“अगर कउनो मनई आपन झुण्ड मँ स कउनो क होमबलि देइ तउ उ नर होइ चाही अउ गोरु मँ कउनो दोख नाहीं होइ चाही। उ मनई क चाही कि गोरु क मिलापवाला तम्बू क दुआरे प लइ जाइ। तब यहोवा भेंट क अंगीकार करी।</verse>
				<verse number="4">इ मनई क आपन हाथ क गोरु क मूँड़ि प धरइ चाही। जब एकॉ बलि दीन्ह जाइ क होइ। यहोवा होमबलि क ओकर पाप बरे प्रायस्चित क खातिर अंगीकार करी।</verse>
				<verse number="5">“मनई क चाही कि बछवा क यहोवा क समन्वा मारइ। तब हारून क याजक बेटवन क बछवा क रकत मिलापवाला तम्बू क दुआरे प वेदी क चारिहुँ कइँती बहावइ चाही।</verse>
				<verse number="6">याजक उ गोरु क चाम हटाइ देइ अउ ओका टूका मँ काटी।</verse>
				<verse number="7">हारून क याजक बेटहनन क वेदी प काठ अउ आगी धरइ चाही।</verse>
				<verse number="8">हारून क याजक बेटहनन क उ सबइ टूकन, (मूँड़ि अउ चबीर्र्) क काठे प धरइ चाही। उ काठ वेदी प आगी क ऊपर होत ह।</verse>
				<verse number="9">याजक क गोरू क भितरे क हींसा अउ गोड़ी क पानी स धोवइ चाही। तब याजक क गोरू क इ सबइ हींसा क वेदी प बारइ चाही। इहइ होमबलि अहइ यानी एक ठु उपहार, यहोवा क खुस करइ बरे एक ठु सुगन्ध।</verse>
				<verse number="10">“अगर कउनो मनई भेड़ी या बोकरी क होमबलि चढ़ावइ तउ उ एक अइसा नर गोरु क भेंट देइ जेहमाँ कउनो दोख न होइ।</verse>
				<verse number="11">उ मनई क वेदी क उत्तर कइँती यहोवा क समन्वा गोरु क मारइ चाही। हारून क याजक बेटवन वेदी क चारिहुँ कइँती रकत छिड़कइ चाही।</verse>
				<verse number="12">तब याजक क चाही कि उ गोरु क टूकन मँ काटइ। गोरु क मूँड़ी अउ चबीर् काठे क ऊपर सिलसिला स धरइ चाही। काठ वेदी प आगी क ऊपर रहत ह।</verse>
				<verse number="13">याजक क गोरु क भीतर क हींसन क अउ ओकरे गोड़े क पानी स धोवइ चाही। तब याजक क चाही कि उ गोरु क इ सबहिं हींसन क वेदी प बारइ। इ होमबलि अहइ यानी एक ठु उपहार यहोवा क खुस करइ बरे एक ठु सुगन्ध।</verse>
				<verse number="14">“अगर कउनो व्यक्ति यहोवा क एक ठु पंछी होमबलि क रूप चढ़ावत ह तउ इ पंछी फाख्ता या नान्ह कबूतर होइ चाही।</verse>
				<verse number="15">याजक भेंट क वेदी प लिआइ। याजक पंछी क मूँड़ि क काट देइ। तब उ पंछी क वेदी प बारी। पंछी क खून वेदी कइँती बहइ चाही।</verse>
				<verse number="16">याजक क पंछी क गटइ क थइली अउ ओकरे पखना क वेदी क पूरब कइँती लोकइ देइ चाही। इ उहइ जगह अहइ जहाँ उ पचे वेदी स निकारिके राखी रखई जात हीं।</verse>
				<verse number="17">तब याजक क पखना क लगे पंछी क जरूर काटइ चाही, मुला पंछी क दुइ हींसा मँ नाहीं बाँटइ चाही। याजक क वेदी क ऊपर आगी प धरी काठे क ऊपर पंछी क जरूर बारइ चाही। इ होमबालि अहइ यानी एक ठु उपहार, यहोवा क खुस करइ बरे एक ठु सुगन्ध।</verse>
			</chapter>
			<chapter number="2">
				<verse number="1">“जब कउनो मनई यहोवा क अन्न बलि चढ़ावइ तउ ओकर भेंट पातर आटा क होइ चाही। उ मनई उ आटे प तेल नावइ अउ ओह प लोहबान धरइ।</verse>
				<verse number="2">तब उ ऍका हारून क याजक बेटवन क लगे जरूर लिआवइ चाही। तब याजक तेल अउ लोहबान स मिला भवा एक मूठी आटा लेइ अउर एकॉ वेदी प स्मृति भेंट क रुप मँ बारइ देइ। इ यहोवा बरे एक भेंट एक सुहावना सुगन्ध होइ।</verse>
				<verse number="3">बची भई अन्नबलि हारून अउ ओकरे पूतन बरे होइ। इ भेटं यहोवा क दीन्ह जाइवाली भेंटन मँ स सब त परमपवित्तर होइ।</verse>
				<verse number="4">“जबहिं तू चूल्हा मँ पकी भइ अन्नबलि क भेंट लिआवा तउ इ बे खमीरे तेल मिला भवा बढ़िया आटा क फुलका या ऊपर स तेल डावा भवा बिना खमीरा क पतला केक होइ चाही।</verse>
				<verse number="5">अगर तू भूँजइ वाली कड़ाही स अन्नबलि लिआवत ह तउ इ तेल स मिला भवा बे खमीरे क गेहूँ क बढ़ियाँ आटा क केक होइ चाही।</verse>
				<verse number="6">तोहका ऍका टूका कइके कइउ हींसा मँ तोड़इ चाही अउ ऍन प तेल चुपरइ चाही। इ अन्नबलि अहइ।</verse>
				<verse number="7">अगर तू अन्नबलि क भूँजइ वाली कड़ाही स लिआवत ह तउ इ तेल स मिला भवा गेहूँ क बढ़ियाँ आटा क होइ चाही।</verse>
				<verse number="8">“तू इ चीजन स बनी अन्नबलि यहोवा खातिर लइ अउब्या। तू इ चीजन क याजक क लगे लइ अउब्या अउ उ ओनका वेदी प धरी।</verse>
				<verse number="9">फिन याजक उ अन्नबलि मँ स ऍकर कछू हींसा लइके ओका स्मृति भेंट क रुप मँ वेदी प बारि देइ। अउर इ एक ठु उपहार, यहोवा क खुस करइ बरे एक ठु सुगन्ध होइ।</verse>
				<verse number="10">बची भइ अन्नबलि हारून अउ ओकरे बेटवन बरे होइ। इ भेंट यहोवा बरे चढ़ाई जाइवाली भेंटन मँ स परमपवित्तर होइ।</verse>
				<verse number="11">“तोहका यहोवा क खमीर स या मधु स बना भवा अन्नबलि क भेंट क रूप मँ नाहीं चढ़ावइ चाही।</verse>
				<verse number="12">तू पहिली फसल क खमीर स बना भवा अन्न भेंट यहोवा बरे भेंट क रूप मँ लाइ सकत ह, मुला एका खुस करइ बरे सुगन्ध क रुप मँ वेदी प बारइ नाहीं चाही।</verse>
				<verse number="13">तोहका आपन लिआइ भइ हर एक अन्नबलि प नोन भी जरूर धरइ चाही। यहोवा स तोहरे करार क मुताबिक नोन क जरूरत क अनुसार अन्नबलि मँ धरइ स तोहका नाहीं रोकइ चाही। तोहका आपन सबहिं भेंटन प नोन धरइ चाही।</verse>
				<verse number="14">“अगर तू पहिली पकी फसल स अन्नबलि लिआवत ह तउ तोहका भूँजी भइ ताजा अनाज लिआवइ चाही। इ अनाजे क दरिके नान्ह नान्ह टूकन मँ तोरा जाइ चाही। इ भेंट तोहार पहिली पकी फसल क जइसा अन्नबलि होइ।</verse>
				<verse number="15">तोहका ऍह प तेल नावइ अउ लोहबान जरूर धरइ चाही। इ अन्नबलि अहइ।</verse>
				<verse number="16">अउर याजक क चाही कि उ स्मृति भेंट क रुप मँ दरा भवा अनाजे क कछू हींसा, तेल अउ ऍह पइ धरा पूरा लोहबान क बारइ। इ यहोवा बरे उपहार होइ।</verse>
			</chapter>
			<chapter number="3">
				<verse number="1">“अगर कउनो मनई आपन झुण्ड मँ स एक ठु नर या मादा जनावर यहोवा क समन्वा मेलबलि क रूप मँ भेंट चढ़ावत ह तउ ओहमाँ कउनो दोख नाहीं होइ चाही।</verse>
				<verse number="2">इ मनई क आपन हाथ गोरु क मूँड़ि प जरूर धरइ चाही। मिलापवाला तम्बू क दुआरे प उ मनई क जरिये उ गोरु क जरूर मारि डावइ चाही। तब हारून क याजक पूतन क वेदी क चारिहुँ कइँती रकत बहावइ चाही।</verse>
				<verse number="3">मेल बलि मँ स यहोवा क उपहार क रूप मँ भीतरी हींसन क ढाँपइ वाली अउ भितरे क हींसा मँ रहइवाली चबीर् क भेंट जरूर चढ़ावइ चाही।</verse>
				<verse number="4">ओका दुइनउँ गुर्दन अउर ओका ढाँकइ वाला चर्बी क अउर पुट्ठा के चर्बी क भी भेंट चढ़ावइ चाही। तउ उ झिल्ली जउन करेजा स चिपका भवा ह ओका भी गुर्दन क संग निकारि लेइ चाही।</verse>
				<verse number="5">तब हारून क बेटवन चबीर् क वेदी प बरिहीं। उ पचे चर्बी क आगी प धरी भइ लकड़ी प राखी। इ एक उपहार अहइ। एकर सुगन्धि यहोवा क खुस रखत ह।</verse>
				<verse number="6">“अगर एक मनई यहोवा बरे आपन झुण्ड मँ स मेलबलि क रुप मँ नर अउर मादा गोरु लिआवत ह तब ओका सिरिफ उ गोरु क भेंट देइ चाही जेहमाँ कउनो दोख न होइ।</verse>
				<verse number="7">अगर उ आपन बलि क रूप मँ एक ठु मेमना लिआवत ह तउ ओका यहोवा क समन्वा बलि देइ चाही।</verse>
				<verse number="8">ओका आपन हाथ गोरु क मूँड़े प धरइ चाही अउ मिलापवाला तम्बू क समन्वा ओका मारइ चाही। तब हारून क बेटवन वेदी प चारिहुँ कइँती गोरु क रकत बहावइ चाही।</verse>
				<verse number="9">इ मनई क चबीर् स भरी पूरी पूँछ गोरु क पिछली हड्डी क आखरी हींसा स कटा भवा चर्बी, अउ उ चर्बी जउन भीतरी हींसा क ढाँपि रहत ह अउ उ सबइ चर्बी जउन भितरे मँ अहइ क यहोवा क उपहार क रूप मँ भेंट चढ़ावइ चाही।</verse>
				<verse number="10">ओका दुइनउँ गुर्दन अउर ओनका ढाँपइ वाला चर्बी क अउर पुट्ठा क चर्बी क भी भेंट चढ़ावइ चाही। उ झिल्ली जउन करेजा स चिपका भवा ह ओका भी निकारि लेइ चाही अउर गुर्दन क संग चढ़ावई चाही।</verse>
				<verse number="11">तब याजक वेदी प ऍका जरूर बारी। इ खइया अहइ, इ यहोवा बरे एक ठु उपहार होइ।</verse>
				<verse number="12">“अगर ओकर बली एक ठु बोकरा अहइ तउ उ ओका यहोवा क समन्वा जरूर भेंट देइ।</verse>
				<verse number="13">उ व्यक्ति क बोकरा क मूँड़ी प हाथ धरइ चाही। ओका मिलापवाला तम्बू क समन्वा एकॉ मारइ चाही। तब्बइ हारून क बेटवन बोकरा क रकत वेदी प चारिहुँ कइँती बहाइहीं।</verse>
				<verse number="14">तब उ व्यक्ति क बोकरा क एक हींसा यहोवा बरे उपहार क रुप मँ चढ़ावइ बरे लिआवइ चाही। इ मनई क भीतरी हींसा क अउ ओकरे चारिहुँ कइँती क चबीर् क भेंट जरूर चढ़ावइ चाही।</verse>
				<verse number="15">ओका दुइनउँ गुर्दन अउर ओनका ढाँपइ वाला चर्बी क अउर पुट्ठा के चर्बी क भी भेंट चढ़ावइ चाही। उ झिल्ली जउन करेजा स चिपका भवा ह ओका भी निकारि लेइ चाही अउर गुर्दन क संग चढ़ावी चाही।</verse>
				<verse number="16">याजक क वेदी प बोकरा क हींसा क जरूर बारइ चाही। इ खइया अहइ, यहोवा बरे एक ठु उपहार। सबहिं चर्बी यहोवा क अहइ।</verse>
				<verse number="17">इ नेमॅ तोहार सबहिं अगुवा पीढ़ियन मँ हमेसा चलत रही। तू जहाँ कहूँ भी रहा, तोहका खून या चबीर् नाहीं जरूर खाइ चाही।”</verse>
			</chapter>
			<chapter number="4">
				<verse number="1">यहोवा मूसा स कहेस,</verse>
				<verse number="2">“इस्राएल क मनइयन स कहा: अगर कउनो व्यक्ति स संजोग क कारण कउनो अइसा पाप होइ जाइ जेका यहोवा न करइ क हुकुम दिहे अहइ तउ उ व्यक्ति क नीचे लिखी भई बात करइ चाही:</verse>
				<verse number="3">“अगर अभिसिक्त याजक स कउनो पाप भवा होइ अउ इ लोगन क बुरा बनावत हीं तउ ओका आपन कीन्ह गए पाप बरे यहोवा क बलि चढ़ावइ चाही। ओका एक बछवा यहोवा क भेंट मँ जरूर देइ चाही जेहमाँ कउनो दोख न होइ। ओका यहोवा क बछवा पापबलि क रुप मँ जरूर चढ़ावइ चाही।</verse>
				<verse number="4">अभिसिक्त याजक क उ बछवा क यहोवा क समन्वा मिलापवाला तम्बू क दुआरे प जरूर लावइ चाही। ओका आपन हाथ उ बछवा क मूँड़े प जरूर धरइ चाही अउ यहोवा क समन्वा ओका मारि देइ चाही।</verse>
				<verse number="5">तब अभिसिक्त याजक क बछवा क कछू रकत जरूर लेइ चाही अउ मिलापवाला तम्बू क अन्दर लइ जाइ चाही।</verse>
				<verse number="6">याजक क आप अँगुरी खून मँ डावइ चाही अउ महा पवित्तर ठउर क पर्दा क समन्वा खून क सात दाई परमेस्सर क समन्वा छिछकारइ चाही।</verse>
				<verse number="7">याजक क कछू खून महकउआ धूप क वेदी क सींगन प जरूर लगावइ चाही। (इ वेदी यहोवा क समन्वा मिलापवाला तम्बू क अन्दर अहइ।) याजक क बछवा क सारा खून होमबलि क वेदी क आधार प जरूर उड़ेरइ चाही। (इ वेदी मिलापवाला तम्बू क दुआर प अहइ।)</verse>
				<verse number="8">अउर ओका पापबलि कीन्ह गइ बछवा क सारी चबीर् जरूर निकारि लेइ चाही। ओका भितरे क हींसा क ढाँपि भइ चर्बी अउ ओकरे चारिहुँ कइँती क चबीर् क निकारि लेइ चाही।</verse>
				<verse number="9">ओका दुइनउँ गुर्दन अउर ओनका ढाँपइ वाला चबीर् अउ पुट्ठा प क चबीर् क भी भेंट चढ़ाई चाही। ओका उ झिल्ली जउन करेजा स चिपका भवा ह ओका भी निकारि लेइ चाही अउर गुर्दन क संग चढ़ावइ चाही।</verse>
				<verse number="10">याजक क इ सबइ चीजन ठीक उहइ तरह लेइ चाही जउने तरह उ इ सबइ चीजन मेलबलि क बछवा स लिहे रहा। याजक क होमबलि क वेदी प गोरु क भितरे क हींसन क जरूर बारि देइ चाही।</verse>
				<verse number="11">मुला याजक क बछवा क चाम, मूँड़, गोड़, भीतर क हींसन अउ तने क बेकार हींसा जरूर निकारि देइ चाही।</verse>
				<verse number="12">याजक क डेरा क बाहेर खास ठउरे इ हींसन जउन बछवा क सरीर क बचा भवा हींसा अहइ क हुँआ लइ जाइ चाही जहाँ राखी डारी जात ह। याजक क हुआँ काठ क आगी पइ जहाँ राखी क डारी दीन्ह गवा ह इन हींसन क जरूर बारइ चाही।</verse>
				<verse number="13">“अइसा होइ सकत ह कि समूचइ इस्राएल रास्ट्र स बे जाने भए कउनो अइसा पाप होइ जाइ जेका न करइ बरे परमेस्सर हुकुम दिहे होइ। मुला अइसा होइ जात ह तउ उ सबइ दोखी होइहीं।</verse>
				<verse number="14">जदि ओनका इ पापे क पता लगि जात ह तउ समूचइ रास्ट्र बरे एक ठु बछवा पापबलि खातिर चढ़ावा जाइ चाही। ओनका बछवा क मिलापवाला तम्बू क समन्वा लइ आवइ चाही।</verse>
				<verse number="15">बुर्जुगन क बछवा क मूँड़े प आपन हाथ धरइ चाही। बछवा क यहोवा क अगवा मारइ चाही।</verse>
				<verse number="16">तबहिं अभिसिक्त याजक क बछवा क तनिक खून मिलापवाला तम्बू मँ लइ आवइ चाही।</verse>
				<verse number="17">याजक क आपन अँगुरियन रकत मँ जरूर बोरइ चाही अउ पर्दा क समन्वा सात दाई रकत क छिछकारइ चाही। इ यहोवा क अहइ।</verse>
				<verse number="18">तब याजक क कछू रकत वेदी क सिंगियन प डावइ चाही। (उ वेदी मिलापवाला तम्बू मँ यहोवा क समन्वा बा।) याजक क सारा रकत होमबलि क वेदी क नींव प डावइ चाही। (उ वेदी मिलापवाला तम्बू क दुआरे प बा।)</verse>
				<verse number="19">तब याजक क गोरु क सारी चबीर् निकारि लेइ चाही अउ ओका वेदी प बारइ चाही।</verse>
				<verse number="20">उ बछवा क संग जरूर वइसा ही करी जइसा उ पापबलि क रूप मँ चढ़ावा भवा बछवा क संग किहे रहा। इ तरह याजक मनइयन क पाप क पछतावा करत ह एहसे लोग छिमा पाइहीं।</verse>
				<verse number="21">याजक डेरा क बाहेर बछवा क लइ जाइ अउर ओका हुआँ बारि देइ। इ पहिले क तरह होइ। इ पूरे समाज बरे पापबलि होइ।</verse>
				<verse number="22">“जब कउनो सासक यहोवा आपन परमेस्सर क हुकुम तोड़इ क पाप अनजाने मँ करत ह, तउ उ दोखी समुझा जाई।</verse>
				<verse number="23">अगर सासक क इ पाप क पता लागत ह तब ओका एक अइसा बोकरा जरूर लावइ चाही जेहमाँ कउनो दोख न होइ। इहइ ओकर भेंट होइ।</verse>
				<verse number="24">सासक क बोकरा क मूँड़ि प हाथ जरूर धरइ चाही अउ ओका उ ठउरे प मारइ चाही जहाँ उ पचे होमबलि क यहोवा क समन्वा मारत हीं। इ एक पापबलि अहइ।</verse>
				<verse number="25">याजक क पापबलि क कछू रकत आपन अँगुरियन प जरूर लेइ चाही। याजक क होमबलि क वेदी क सिंगियन प रकत जरूर छिछकारइ चाही। याजक क बचा भवा रकत होमबलि क वेदी क आधार प जरूर डावइ चाही।</verse>
				<verse number="26">अउ याजक क बोकरा क सारी चबीर् वेदी प जरूर बारइ चाही। ओका एका उहइ तरह बारइ चाही जउने तरह उ मेलबलि क चबीर् बारत ह। इ तरह याजक सासक क पाप क पछतावा करत ह अउ सासक छिमा पाइहीं।</verse>
				<verse number="27">“अइसा होइ सकत ह कि साधारण जनता मँ स कउनो मनई स संजोग स कउनो अइसा पाप होइ जाइ जेका यहोवा न करइ क हुकुम दिहेस ह।</verse>
				<verse number="28">अगर उ व्यक्ति क आपन पाप क पता लगि जाइ तउ उ एक ठु मादा बोकरी जरूर लियावइ जेहमाँ कउनो दोख न होइ। इ उ व्यक्ति क पापबलि होइ। उ इ बोकरी क उ पाप खातिर लियावइ जउन उ किहस ह।</verse>
				<verse number="29">ओका आपन हाथ गोरु क मूँड़ी प धरइ चाही अउ होमबलि क ठउरे प ओका बाँधइ चाही।</verse>
				<verse number="30">याजक क उ बोकरी क कछू रकत आपन अँगुरियन प जरूर लेइ चाही अउ याजक क होमबलि क वेदी क सिंगियन प रकत जरूर छिड़कइ चाही। याजक क बचा भवा रकत होमबलि क आधार प जरूर डावइ चाही।</verse>
				<verse number="31">तब याजक क बोकरी क सारी चबीर् उहइ तरह निकारइ चाही जउने तरह मेलबलि स चर्बी निकारी जात रहा। याजक क ऍका यहोवा बरे सुहावना सुगंध क रूप मँ धूप क वेदी प बारइ चाही। इ तरह याजक उ मनई क पापे क पछतावा कइ देइ अउ व्यक्ति छिमा पाइहीं।</verse>
				<verse number="32">“अगर उ मनई पापबलि क रुप मँ एक ठु भेड़ी क बच्चा लिआवत ह तउ ओका एक मादा भेड़ी क बच्चा लइ आवइ चाही जेहमाँ कउनो दोख न होइ।</verse>
				<verse number="33">मनई क ओकरे मूँड़ी प हाथ धरइ चाही अउ ओका उ ठउरे प पापबलि क रुप मँ मारइ चाही जहाँ उ पचे होमबलि क गोरु क मारत हीं।</verse>
				<verse number="34">याजक क उ बोकरी क कछू रकत आपन अँगुरियन प जरूर लेइ चाही अउ याजक क होमबलि क वेदी क सिंगियन प रकत जरूर छिड़करइ चाही। याजक क बचा भवा रकत होमबलि क आधार प जरूर डावइ चाही।</verse>
				<verse number="35">याजक क मेमना क सारी चबीर् उहइ तरह लेइ चाही जउने तरह मेलबलि क चबीर् लीन्ह जात ह। याजक क मेमना क सारी चर्बी क यहोवा क उपहार क रूप मँ जरूर बारइ चाही। इ तरह याजक उ व्यक्ति क पापे क पछतावा करी अउ उ व्यक्ति छिमा पाइहीं।</verse>
			</chapter>
			<chapter number="5">
				<verse number="1">“जदि कउनो मनई अदालत मँ गवाही देइ बरे बोलावा जात ह अउ जउन कछू उ लखेस ह या अनकेस ह, ओका नाहीं बतावत तउ उ पाप करत ह। ओका ओकरे अपराध बरे जरुर ही सजा भोगइ क होइ।</verse>
				<verse number="2">“जदि कउनो व्यक्ति कउनो असुद्ध चिजियन क जइसे जंगली जनावर या घरेलू जनावर या रेंगइवाला कउनो जनावर क ल्हास क अनजाने मँ छुवत ह तउ उ व्यक्ति, जदि ओका ऍकर पता नाहीं भी लागत तउ भी उ दोखी होइ।</verse>
				<verse number="3">“एक व्यक्ति अलग-अलग चिजियन स असुद्ध होइ सकत ह। अगर कउनो प्रकार क मानव अनजाने मँ किसी असुद्ध मनई क छुअत ह, तउ जे टेम मँ ओका इ पता चली उ दोखी होइ।</verse>
				<verse number="4">“अगर एक व्यक्ति कउनो व्यक्ति स कछू नीक या खोट करइ क बचन करत ह अउ ओका बिसरि जात ह, जब उ आपन बचन क सुमिरइ तब उ दोखी होइ।</verse>
				<verse number="5">एह बरे, अगर उ एनमाँ स कउनो चिजियन क दोखी बाटइ तउ ओका आपन बुराई जेका उ किहेस ह क कबूल लेइ चाही।</verse>
				<verse number="6">ओका आपन झुण्ड मँ स एक ठु मादा मेमना या एक ठु बोकरी पापबलि बरे लावइ चाही। इ उ यहोवा बरे आपन दोख बरे किहेस ह। तब याजक उ व्यक्ति क पापे क पछतावा करी।</verse>
				<verse number="7">“अगर कउनो मनई भेड़ी क बच्चा भेंट करइ मँ समरथ नाहीं अहइ तउ ओका दुइ फाक़्ता या कबूतरे क दुइ बच्चा यहोवा क भेंटे मँ देइ चाही। इ ओकरे पाप बरे दोखबलि होइ। एक ठु पंछी दोखबलि बरे होइ चाही अउ दूसर होमबलि बरे होइ चाही।</verse>
				<verse number="8">उ मनई क चाही कि उ ओन पंछियन क याजक क लगे लइ जाइ। पहिले याजक क दोखबलि क रुप मँ एक पंछी चढ़ावइ चाही। याजक पंछी क गटई क मरोड़ देइ। मुला याजक पंछी क दुइ हींसा मँ न बाँटी।</verse>
				<verse number="9">तब याजक क पापबलि क कछू रकत क वेदी क सिरन कइँती प जरूर डावइ चाही। तब याजक क बचा भवा रकत क वेदी क आधार प जरूर डावइ चाही। इ एक दोखबलि अहइ।</verse>
				<verse number="10">तब याजक क नेम क मुताबिक होमबलि क रुप मँ यहोवा क दूसर पंछी क भेंट चढ़ावइ चाही। इ तरह याजक उ व्यक्ति क पापे क पछतावा करी अउ उ व्यक्ति छिमा पाइहीं।</verse>
				<verse number="11">“अगर कउनो व्यक्ति दुइ फाख़ता या दुइ कबूतर क भेंट चढ़ावइ मँ समरथ न होइ तउ ओका एपा क दसवाँ हींसा महीन आटा जरूर भेंट चाही। इ ओकर पापबलि होइ। उ मनई क आटा प तेल नाहीं डावइ चाही। ओका ऍह प लोहबान नाहीं डावइ चाही काहेकि इ पापबलि बाटइ।</verse>
				<verse number="12">मनई क आटा याजक क लगे जरूर लावइ चाही। याजक एहमाँ स मुट्ठी भइ आटा निकारी। इ स्मृति भेंट होइ। याजक यहोवा क उपहार क रूप मँ वेदी क ऊपर आटा क बारी। इ पापबलि अहइ।</verse>
				<verse number="13">इ तरह याजक उ व्यक्ति क पाप क अपराध बरे पछतावा करी अउ उ छिमा पाइहीं। बची भइ आटा याजक बरे अन्नबलि क जइसा ही होइ।”</verse>
				<verse number="14">यहोवा मूसा स कहेस,</verse>
				<verse number="15">“एक व्यक्ति गलती स यहोवा क पवित्तर चीजन मँ स एक ठु चीज लइ सकत ह। अइसा हालत मँ उ व्यक्ति क एक ठु बिना दोख क भेड़ा लइ आवइ चाही। इ भेड़ा यहोवा बरे ओकर दोखबलि होइ। तोहका उ भेड़ा क कीमत तय करइ बरे पवित्तर स्थान क सेकेल क अनुसार बइपरइ चाही।</verse>
				<verse number="16">उ व्यक्ति क पवित्तर चीजन बरे भुगतान जरुर करइ चाही अउर जउने चीजन क उ लिहस ह। ओका कीमत मँ पाँचवाँ हींसा जोरि देइ चाही अउर ओका इ धन याजक क देइ चाही। इ तरह याजक दोखबलि क भेड़ा क जरिये उ मनई क पाप क पछतावा करी अउ उ व्यक्ति छिमा पाइहीं।</verse>
				<verse number="17">“अगर कउनो व्यक्ति पाप करत ह अउ जउन चीजन क न करइ क हुकुम यहोवा दिहे अहइ, ओनका करत ह तउ इ बात क कउनो महत्व नाहीं कि उ एकॉ नाहीं जानत। उ मनई अपराधी अहइ अउर आपन पाप क जिम्मेदार होइ।</verse>
				<verse number="18">उ व्यक्ति क एक ठु उचित कीमत क निदोर्ख भेड़ा आपन झुण्ड स याजक क लगे लइ आवइ चाही। भेड़ा दोखबलि होइ। इ तरह याजक उ व्यक्ति क उ पाप बरे पछतावा करी जेका उ अनजाने मँ किहेस ह अउ उ छिमा पाइहीं।</verse>
				<verse number="19">मनई अपराधी अहइ चाहे उ इ न जानत होइ कि उ पाप करत बा। एह बरे ओका यहोवा क दोखबलि देइ क होइ।”</verse>
			</chapter>
			<chapter number="6">
				<verse number="1">यहोवा मूसा स कहेस,</verse>
				<verse number="2">“एक मनई यहोवा क समन्वा दोखी समुझा जाइ अगर उ एनमाँ स कउनो कार्य करत ह: उ एक पड़ोसी क उ सामान जउन ओका देखरेख करइ बरे दीन्ह ग अहइ क बरे छल कइ सकत ह, या उ वस्तु क आपन खुद क लइ ले सकत ह, या उ कछू चोराइ सकत ह, या आपन पड़ोसी क ठग सकत ह,</verse>
				<verse number="3">या ओका कउनो क हेरान चीज मिलइ अउर तब उ ओकरे बारे मँ लबार बोल सकत ह या कउनो मनई कछू करइ क झूठा बचन दइ सकत ह या उ कउनो अइसा अपराध कइ सकत ह जउन दूसर लोग करत ह।</verse>
				<verse number="4">अगर कउनो मनई अइसा पाप ओनमाँ स करत ह अउ उ दोखी होत ह, ओका उ जरूर वापिस करइ चाही जउन उ चुराएस ह, या उ लाभ जउन उ ठगी स प्राप्त किहेस ह, या उ सामान जउन देखरेख बरे लिहस ह, या उ खोया भवा सामान जउन उ पाएस ह, क जरूर वापिस करइ चाही।</verse>
				<verse number="5">या जउन कउनो क बारे मँ झूठ बचन दीन्ह ग होइ, उ ओका ओन वस्तुअन क पूरा दाम चुकावइ चाही अउर तब ओका चीज क दाम क पाँचवाँ हींसा अलावा देइ चाही। ओका असली मालिक क धन जरूर देइ चाही। ओका इ उहइ दिन करइ चाही जउने दिन उ दोखबलि लिआवइ।</verse>
				<verse number="6">उ व्यक्ति क दोखबलि याजक क लगे जरूर लिआवइ चाही। इ जरूर झुण्ड स एक भेड़ा होइ चाही। भेड़ा मँ कउनो दोख नाहीं होइ चाही। इ जरूर उहइ दाम क होइ चाही जउन याजक कहइ। इ यहोवा बरे दोखबलि होइ।</verse>
				<verse number="7">तब याजक यहोवा क समन्वा उ मनई क ओन पापन क पछतावा करी अउ उ व्यक्ति सभी चीजन बरे छिमा पाइ जेनका उ किहेस अउ उ दोखी होइ गवा।”</verse>
				<verse number="8">यहोवा मूसा स कहेस,</verse>
				<verse number="9">“हारून अउ ओकरे पूतन क इ हुकुम द्या: होमबलि क वेदी क अगी कुण्ड मँ पूरी रात भिन्सार होइ तलक जरूर राखइ चाही। वेदी क आगी क वेदी प जरूर बरत रहइ चाही।</verse>
				<verse number="10">याजक क सन क उत्तिम रेसा क बना भवा चोगा जरूर पहिरइ चाही। ओका आपन तन स चिपका जाँघिया पहिरइ चाही। तब याजक क होमबलि प पूरी तरह स जरि जाइ क पाछे वेदी स बची भइ राखी क उठावइ चाही। याजक क वेदी क बगल मँ राखी जरूर राखइ चाही।</verse>
				<verse number="11">तब याजक क आप ओढ़ना क उतारइ चाही अउ दूसर ओढ़ना पहिरइ चाही। तब ओका डेरा स बाहेर साफ ठउर प राखी लइ जाइ चाही।</verse>
				<verse number="12">मुला वेदी प आगी क जरूर बरत रहइ चाही। एका बुझइ नाहीं देइ चाही। याजक क रोज भिन्सारे वेदी प काठ जरूर बारइ चाही। ओका वेदी प होमबलि जरूर रखइ चाही। ओका मेलबलि क चबीर् जरूर बारइ चाही।</verse>
				<verse number="13">वेदी प आगी लगातर बरत रहइ चाही। एका बुझइ नाहीं चाही।</verse>
				<verse number="14">“अन्नबलि क इ नेम अहइ कि हारून क पूतन क वेदी क समन्वा यहोवा बरे अन्नबलि जरूर लावइ चाही।</verse>
				<verse number="15">याजक क अन्नबलि मँ स मूठी भइ उत्तिम ऍकर आटा, ऍकर तेल अउ ऍकर लोहबान लेइ चाही अउ ऍका वेदी पइ बारइ चाही। इ यहोवा बरे एक खुसबूदार अउर स्मृति भेंट होइ।</verse>
				<verse number="16">“हारून अउ ओकरे बेटहनन क बची भइ अन्नबलि क खाइ चाही। अन्नबलि एक तरह क अखमीरी रोटी क भेंट अहइ। याजक लोगन क इ रोटी पवित्तर ठउर मँ खाइ चाही। ओनका मिलापवाला तम्बू क आँगन मँ अन्नबलि खाइ चाही।</verse>
				<verse number="17">अन्नबलि खमीर क मिलइके जरूर नाहीं पकावइ चाही। मइँ इ ओनका आपन उपहार मँ स ओकर हींसा दिहेस ह। इ पापबलि अउ दोखबलि क नाईं बहोतइ पवित्तर बाटइ।</verse>
				<verse number="18">हारून क पूतन मँ स हर एक यहोवा क चढ़ाइ भइ भेंट स खाइ सकत ह। इ तोहरी पीढ़ियन बरे सदा नेम बाटइ। जउन कउनो ऍका छुअब उ जरूर पवित्तर होइ चाही।”</verse>
				<verse number="19">यहोवा मूसा स कहेस,</verse>
				<verse number="20">“हारून अउ ओकरे बेटवन क जउन अन्नबलि लइ आवइ चाही उ इ अहइ। ओनका इ उ दिना ही करइ चाही जउने दिन हारून क अभिसेक भवा रहा। ओनका हमेसा एपा क दसवाँ हींसा महीन आटा अन्नबलि बरे जरूर लेइ चाही। ओनका ऍकर आधा भिन्सारे अउ आधा साँझ मँ लइ आवइ चाही।</verse>
				<verse number="21">उत्तिम महीन आटे मँ तेल जरूर डावइ चाही अउ ओका कड़ाही मँ जरूर भँजइ चाही। जब इ भुँज जाइ तब ऍका जरूर भीतर लिआवइ चाही। भेंट पूर्ण रूप स जरूर टूकन मँ तोड़वइ चाही। तू पचन क यहोवा क चूरमा क भेंट जरूर चढ़ावइ चाही ऍकर सुगन्धि यहोवा क खुस करी।</verse>
				<verse number="22">“हारून क सन्तानन मँ स, जउन हारून क जगह पइ अभिसिक्त अहइ, क इ अन्नबलि यहोवा बरे चढ़ावइ चाही। इ नेम हमेसा बरे अहइ। अन्नबलि यहोवा बरे पूर्ण रूप स जरूर जरावइ चाही।</verse>
				<verse number="23">याजक क हर एक अन्नबलि पूरी तरह जरावइ चाही। एका खाई नाहीं चाही।”</verse>
				<verse number="24">यहोवा मूसा स कहेस,</verse>
				<verse number="25">“हारून अउ ओकरे पूतन स कहा: पापबलि बरे इ नेम अहइ कि पापबलि क हुवँइ मारा जाइ चाही जहाँ यहोवा क समन्वा होमबलि क मारा जात ह। इ बहोतइ पवित्तर बाटइ।</verse>
				<verse number="26">उ याजक क ऍका खाइ चाही, जउन पापबलि चढ़ावत ह। ओका पवित्तर ठउरे प मिलापवाला तम्बू क आँगन मँ एका खाइ चाही।</verse>
				<verse number="27">कउनो मनई जउन पापबलि क गोस क छुअत ह ओका पवित्तर होइ चाही। “अगर छिछकारा भवा रकत कउनो मनई क ओढ़ना प पड़त ह तउ ओन ओढ़नन क जरूर धोइ चाही। तू पचन क ओन ओढ़नन क सिरिफ एक पवित्तर ठउरे मँ ही धोवइ चाही।</verse>
				<verse number="28">अगर पापबलि कउनो माटी क बासन मँ उबाली जाइ, तउ उ बासन क जरूर फोड़ देइ चाही। अगर पापबलि क काँसा क बासन मँ उबाला जाइ, तउ बासन क जरूर माँजा जाइ अउ पानी स धोवा जाइ।</verse>
				<verse number="29">“याजक परिवारे क कउनो मनई पापबलि क खाइ सकत ह। इ सबन्त पवित्तर बाटइ।</verse>
				<verse number="30">मुला अगर पापबलि क रकत पवित्तर ठउर प पछतावा करइ बरे मिलापवाला तम्बू मँ लइ जाइ। तउ पापबलि क आगी मँ बारि देइ चाही। याजकन क उ पापबलि जरूर नाहीं खाइ चाही।</verse>
			</chapter>
			<chapter number="7">
				<verse number="1">“दोखबलि खातिर इ नेम बाटइ। इ सबइ स पवित्तर अहइ।</verse>
				<verse number="2">याजक क दोखबलि क उहइ ठउरे पइ मारइ चाही जउने प उ सबइ होमबलि क मारत ह अउ ओका ऍकर रकत क वेदी क चारिहुँ कइँती जरूर डावइ चाही।</verse>
				<verse number="3">“याजक क दोखबलि क सारी चबीर् चढ़ावइ चाही। ओका चबीर् भरी पूँछ, भीतरी भाग क ढकइवाली चबीर्,</verse>
				<verse number="4">दुइनउँ गुर्दन अउ ओकरे ऊपर क चबीर्, पुट्ठन क चबीर् जरूर भेंट करइ चाही। अउ करेजा क संग क झिल्ली जउन ओकर संग चिपकी भइ चबीर् अहइ गुर्दन क संग जरूर हटावइ चाही।</verse>
				<verse number="5">याजक क वेदी प ओन सबहिं चीजन क जरूर बारइ चाही। इ यहोवा बरे उपहार भेंट होइ। इ दोखबलि अहइ।</verse>
				<verse number="6">“याजक परिवार स हर एक मरद दोखबलि खाइ सकत ह। एकॉ बहोतइ पवित्तर ठउर पइ खाइ चाही इ बहोतइ पवित्तर बाट्इ।</verse>
				<verse number="7">दोखबलि क सबइ नेम पापबलि क नेम क जइसा अहइँ। इ भेंट उ याजक क होइ जउन ऐसे ओकर बरे पछतावा करी।</verse>
				<verse number="8">उ याजक, जउन बलि चढ़ावत ह, चमड़ा भी होमबलि स लइ सकत ह।</verse>
				<verse number="9">हर एक अन्नबलि चढ़ावइवाला याजक क होत ह। याजक ओन सबइ अन्नबलि क लइ लेइ जउन चूल्हा मँ पकाई गइ होइँ, या कड़ाही मँ पकाइ गइ होइँ या तावा प पकी होइँ।</verse>
				<verse number="10">अन्नबलि हारून क बेटवन क होइ। ओसे कउनो फकर् नाहीं पड़ी कि उ सबइ झुरान या तेल स सनी भइ अहइँ। हारून क बेटवन याजक क नाई भागीदार होइहीं।</verse>
				<verse number="11">“इ सबइ मेलबलि क नेम अहइँ, जेका कउनो मनई यहोवा क चढ़ावत ह:</verse>
				<verse number="12">कउनो व्यक्ति मेलबलि आपन एहसान परगट करइ बरे लई आइ सकत ह। अगर एक व्यक्ति एहसान परगट करइ बरे बलि लिआवत ह तउ ओका तेल स सना भवा अखमीरी फुलका, अखमीरी केक अउ तेल स सना भवा उत्तिम आटा क फुलका भी लिआवइ चाही।</verse>
				<verse number="13">उ व्यक्ति क आपन मेलबलि बरे खमीरी रोटियन क साथ आपन बलि जरूर लइ आवइ चाही। इ मेलबलि अहइ जेका एक व्यक्ति यहोवा बरे एहसान देखावइ बरे लिआवत ह।</verse>
				<verse number="14">ओन रोटियन मँ स एक ठु उ याजक क दुआरा लइ जाइ जउन मेलबलि क रकत क छिछकारत ह।</verse>
				<verse number="15">इ मेलबलि क गोस उहइ दिन खावा जाइ चाही जउने दिन उ चढ़ावा जाइ। एक व्यक्ति परमेस्सर बरे एहसान परगट करइ बरे इ भेंट चढ़ावत ह। मुला तनिकउ भी गोस दुसर भिन्सारे बरे जरूर नाहीं बचइ चाही।</verse>
				<verse number="16">“एक व्यक्ति मेलबलि यहोवा क उपहार देइ क इरादे स लइ आइ सकत ह या उ वादा क पूरा करइ बरे जेका उ पिहले परमेस्सर स किहस ह। अगर इ सच अहइ तउ बलि उहइ दिन खाई जाइ चाही जउने दिन उ ऍका चढ़ावइ। जदि कछू बच जाइ तउ अगले दिना जरूर खाइ लेइ चाही।</verse>
				<verse number="17">मुला अगर इ बलि क कछू गोस फिन भी तीसरे दिन बरे बचि जाइ तउ ओका आगी मँ बारि देइ चाही।</verse>
				<verse number="18">अगर कउनो मनई मेलबलि क गोस तीसरे दिन भी खात ह, तउ यहोवा उ मनई स खुस नाहीं होइ। यहोवा उ बलि बरे कउनो सम्मान नाहीं देई। इ बलि एक असुद्ध वस्तु बन जाई। अगर कउनो उ बलि क खात ह तउ उ आपन पाप बरे उत्तरदायी होइ।</verse>
				<verse number="19">“लोगन क अइसा गोस भी नाहीं खाइ चाही जेका कउनो असुद्ध वस्तु छुइ लेइ। ओनका इ गोस क आगी मँ बारि देइ चाही। उ पचे सबहिं मनइयन जउन सुद्ध होइँ इ मेलबलि क गोस खाइ सकत हीं।</verse>
				<verse number="20">मुला अगर एक व्यक्ति अपवित्तर अहइ अउ यहोवा क मेलबलि मँ स कछू गोस खाइ लेइ, तउ उ व्यक्ति क ओकरे लोगन स निकाल दीन्ह जाहीं।</verse>
				<verse number="21">“अगर एक व्यक्ति मानव जाति क असुद्ध चीज क या एक असुद्ध जनावरन क या कउनो असुद्ध घृणित वस्तु क छुअत ह अउ अगर उ यहोवा बरे मेलबलि क कछू गोस खाइ लेत ह तउ उ व्यक्ति क ओकरे लोगन मँ स जरूर निकाल कइ दीन्ह जाइ।”</verse>
				<verse number="22">यहोवा मूसा स कहेस,</verse>
				<verse number="23">“इस्राएल क मनइयन क सलाह देइ कि तू लोगन क गाइ, भेड़ी अउ बोकरी क चबीर् नाहीं खाइ चाही।</verse>
				<verse number="24">तू पचे उ पसु क चबीर् क प्रयोग कइ सकत ह जउन खुद ही मरा होइ या दूसर जनावरन क जरिये मार दीन्ह ग होइ। मुला तू उ पसु क चबीज्र्ि कबहुँ नाहीं खाया।</verse>
				<verse number="25">जदि कउनो मनई अइसा पसु क चबीर् खात ह जउन यहोवा क उपहार क रूप चढ़ावा ग होइ, तउ उ लोग क ओकरे मनइयन स निकाल दीन्ह जाइ।</verse>
				<verse number="26">“तू पचे चाहे जहाँ कहुउँ भी रहा, तू पचन क कउनो पंछी या पसु क रकत कबहुँ नाहीं खाइ चाही।</verse>
				<verse number="27">अगर कउनो व्यक्ति कछू रकत खात ह, तउ उ व्यक्ति क ओकर लोगन स निकाल दीन्ह जाइ।”</verse>
				<verse number="28">यहोवा मूसा स कहेस,</verse>
				<verse number="29">“इस्राएल क लोगन स कहा: अगर कउनो व्यक्ति यहोवा बरे मेलबलि लइ आवइ, तउ उ मनई क उ भेंट क एक हींसा यहोवा क जरूर देइ चाही।</verse>
				<verse number="30">ओका उ भेंट क उ हींसा आपन हाथे मँ यहोवा बरे लइके चलइ चाही। ओका पसु क चबीर् अउ छाती याजक बरे लइके चलइ चाही। छाती क यहोवा क समन्वा ऊपर हिलावा जाइ चाही। इ उत्तोलन बलि होइ।</verse>
				<verse number="31">तब याजक क वेदी पइ चबीर् बारइ चाही। मुला पसु क छाती हारून अउ ओकर पूतन क होइ।</verse>
				<verse number="32">मेलबलि स दाहिन जाँघ हारून क पूतन मँ स याजक क जरूर देइ चाही।</verse>
				<verse number="33">मेलबलि मँ स दाहिन जाँघ उ याजक क होइ जउन मेलबलि क चबीर् अउ रकत मेलबलि बरे चढ़ावत ह।</verse>
				<verse number="34">मइँ (यहोवा) उत्तोलन बलि क छाती अउ मेलबलि क दाहिन जाँघ इस्राएल क मनइयन स अंगीकार किहे हउँ अउ मइँ ओन चीजन क हारून अउ ओकरे बेटवन क देत अहउँ। इस्राएल क लोगन क जरिये इ नेम क सदा-सदा पालन कीन्ह जाइ चाही।”</verse>
				<verse number="35">यहोवा बरे दीन्ह गइ उपहार हारून अउ ओकरे पूतन क अहइ, जब कबहुँ हारून अउ ओकरे पूतन यहोवा क याजक क रुप मँ सेवा करत हीं तब उ पचे बलि क उ हींसा पावत हीं।</verse>
				<verse number="36">जउने समइ यहोवा याजकन क अभिसेक किहेस उहइ समइ उ पचे इस्राएल क लोगन क उ सबइ हींसा याजकन क देइ क हुकुम दिहेस। उ सबइ हींसा हमेसा याजकन क ओकर भाग क रूप मँ दीन्ह जाइ क अहइँ।</verse>
				<verse number="37">इ सबइ होमबलि, अन्नबलि, पापबलि, दोखबलि, याजकन क नियुक्ति, अउ मेलबलि क नेम अहइँ।</verse>
				<verse number="38">यहोवा सिनाई पहाड़े पइ इ सबइ नेम मूसा क दिहस। यहोवा इ सबइ नेम ओह दिन दिहस जउने दिन उ इस्राएल क मनइयन क सिनाई रेगिस्तान मँ यहोवा बरे आपन भेंट लिआवइ क हुकुम दिहे रहा।</verse>
			</chapter>
			<chapter number="8">
				<verse number="1">यहोवा मूसा स कहेस,</verse>
				<verse number="2">“हारून अउ ओकर पूतन ओकरे वस्त्रन, अभिसेक क तेल, पापबलि बरे बर्धा, दुइ भेड़ी अउ अखमीरी रोटी क डलिया क संग लइ आवा</verse>
				<verse number="3">अउर सबहिं लोगन क मिलापवाला तम्बू क दुआरे प जमा करा।”</verse>
				<verse number="4">मूसा उहइ किहस जउन यहोवा ओका हुकुम दिहस। मनइयन मिलापवाला तम्बू क दुआरे प एक संग मिलेन।</verse>
				<verse number="5">तब मूसा लोगन स कहेस, “इ उहइ बाटइ जेका करइ क यहोवा हुकुम दिहे अहइ।”</verse>
				<verse number="6">तब मूसा हारून अउ ओकरे पूतन क लइ आवा। उ ओनका पानी स धोएस।</verse>
				<verse number="7">तब मूसा हारून क कमीज पहिराएस। मूसा हारून क चारिहुँ कइँती एक ठु पेटी बाँधेस। तब मूसा हारून क चोगा पहिराएस। तब ओह पइ एपोद पहिराएस। उ ओह पइ सुन्दर बुना भवा पेटी बाँधेस।</verse>
				<verse number="8">तब मूसा हरून क निआव क थइला पहिराएस। तब मूसा निआव क थइला मँ ऊरीम अउ तुम्मीम धरेस।</verse>
				<verse number="9">मूसा हारून क मूँड़े पइ पगड़ी भी बाँधेस। मूसा पगड़ी क अगले भाग पइ सोना क पवित्तर पत्तर क मुकुट बाँधेस। मूसा इ यहोवा क आदेस क मुताबिक किहस।</verse>
				<verse number="10">तब मूसा अभिसेक क तेल लिहस अउ पवित्तर तम्बू अउ एहमाँ क सबहिं चीजन प छिछकारेस। इ तरह मूसा ओनका पवित्तर किहस।</verse>
				<verse number="11">मूसा अभिसेक क कछू तेल वेदी पइ सात दाई छिछकारेस। मूसा वेदी, ओकरे उपकरण अउ तस्तरियन क अभिसेक किहस। मूसा खोरा अउ ओकरे आधार पइ भी तेल छिछकारेस। इ तरह मूसा ओनका पवित्तर किहस।</verse>
				<verse number="12">तब मूसा अभिसेक क कछू तेल क हारून क मूँड़े प डाएस। इ तरह उ हारून क पवित्तर किहस।</verse>
				<verse number="13">तब मूसा हारून क बेटवन क लिआएस अउ ओनका कमीज पहिराएस। उ ओन पइ पेटियन क बाँधेस। तब उ ओनके मूँड़े पइ पगड़ियन क बाँधेस। मूसा इ सबइ सब वइसेन ही किहस जइसे यहोवा हुकुम दिहे रहा।</verse>
				<verse number="14">तब मूसा पापबलि क बर्धा लिआएस। हारून अउ ओकर पूतन आपन हाथे क पापबलि क बर्धा क मूँड़े प धरेन।</verse>
				<verse number="15">तब मूसा बर्धा क मारेस अउ रकत जमा किहेस। मूसा आपन अँगुरियन स तनिक रकत लिहेस अउ वेदी क सबहिं सिंगियन पइ छिछकारेस। इ तरह मूसा वेदी क बलि बरे सुद्ध किहेस। तब मूसा वेदी क आधार पइ रकत क उड़ेरेस। इ तरह मूसा वेदी क सुद्ध किहेस अउ एकॉ पापन क प्रायस्चित करइ बरे तइयार किहस।</verse>
				<verse number="16">मूसा बर्धा क भितरी भाग स सबइ चबीर् लिहस। मूसा दुइनउँ गुर्दा अउ ओनकइ ऊपर क चबीर् क संग करेजा स चिपकइ वाली चबीर् लिहस। तब उ ओनका वेदी प बारेस।</verse>
				<verse number="17">मुला मूसा बर्धा क चाम, ओकर गोस अउ बदन क बेकार भितरी भाग क डेरा क बाहेर लइ गवा। मूसा डेरा क बाहेर आगी मँ ओन चीजन क जराएस। मूसा इ सबइ वइसा ही किहस जइसा यहोवा हुकुम दिहे रहा।</verse>
				<verse number="18">मूसा होमबलि क भेड़ा क लइ आवा। हारून अउ ओकर बेटवन आपन हाथ भेड़ा क मूँड़े प धरेन।</verse>
				<verse number="19">तब मूसा भेड़ा क मारेस। उ वेदी क चारिहुँ कइँती रकत छिछकारेस।</verse>
				<verse number="20">मूसा एकॉ टूका मँ काटेस। तब मूसा ओकर मूँड़, टूका अउ चबीर् क जराएस।</verse>
				<verse number="21">मूसा भितरी भागन अउ गोड़े क पानी स धोएस। तब मूसा समूचइ भेड़ा क वेदी पइ जराएस। इ होमबलि रही। इ यहोवा क बरे एक ठु सुगन्धि उपहार रही। मूसा यहोवा क हुकुम क मुताबिक उ सबइ काम किहस।</verse>
				<verse number="22">तब मूसा दूसर भेड़ा क लइ आवा। इ भेड़ा क उपयोग हारून अउ ओकरे बेटवन क याजक नियुक्त करइ बरे कीन्ह गवा। हारून अउ ओकर बेटवन आपन आपन हाथन क भेड़ा मूँड़े प धरेन।</verse>
				<verse number="23">तब मूसा भेड़ा क मारेस। उ भेंड़ा क तनिक रकत हारून क काने क निचले सिरे, दाहिन हाथे क अंगूठा अउ ओकर दाहिन गोड़े क अंगूठा पइ लगाएस।</verse>
				<verse number="24">तब मूसा हारून क बेटवन क वेदी क निचके लिआवा। मूसा तनिक रकत ओनके दाहिन कान क निचले सिरे, दाहिन हाथ क अंगूठा, अउ ओनके दाहिन गोड़े क बड़का अंगुरि पइ लगाएस। तब मूसा वेदी क चारिहुँ कइँती रकत उड़ेरेस।</verse>
				<verse number="25">मूसा चबीर्, चबीर् भरी पूँछ, भितरी भाग क सारी चबीर्, करेजा स चिपकइवाली चबीर्, दुइनउँ गुर्दन अउ ओनकइ चबीर् अउ दाहिन जाँघ क लिहस।</verse>
				<verse number="26">अखमीरी रोटी क एक ठु टोकरी हर रोज यहोवा क अगवा धरा जात रहेन। मूसा टोकरी मँ स एक ठु तेल स सनी रोटी, अउर एक अखमीरी फुल्का लिहस। मूसा ओन टूकन क चबीर् अउ भेड़ा क दाहिन जाँघे प धरेस।</verse>
				<verse number="27">तब मूसा ओन सबहिं क हारून अउ ओकरे बेटवन क हाथे मँ धरेस। मूसा ओन टूकन क यहोवा क आगे उत्तोलन बलि क रुप मँ हाथन क ऊपर उठवाएस।</verse>
				<verse number="28">तब मूसा ओन चीजन क हारून अउ ओकरे बेटवन क हाथन स लिहस। मूसा ओनका वेदी प होमबलि क ऊपर जराएस। इ तरह उ बलि हारून अउ ओकरे पूतन क याजकन नियुक्त करइ बरे रही। इ यहोवा क खुस करइ बरे एक ठु सुगन्धि उपहार रही।</verse>
				<verse number="29">तब मूसा उ भेड़ा क छाती लिहस अउ यहोवा क समन्वा उत्तोलनबलि बरे हिलाएस। याजकन क नियुक्त करइ बरे भेड़ा मँ स मूसा क हींसा रहा। इ ठीक वइसा ही रहा जइसा यहोवा मूसा क हुकुम दिहे रहा।</verse>
				<verse number="30">मूसा अभिसेक क कछू तेल अउ वेदी पइ क कछू रकत लिहस। मूसा ओहमा स कछू हारून अउ ओकरे ओढ़नन पइ छिछकारेस अउ कछू हारून क ओन पूतन प जउन ओकरे संग रहेन अउ कछू ओनकइ ओढ़नन प छिछकारेस। इ तरह मूसा हारून, ओकरे वस्त्रन, ओकरे पूतन अउ ओनकइ ओढ़नन क पवित्तर बनाएस।</verse>
				<verse number="31">तब मूसा हारून अउ ओकरे बेटवन स कहेस, “का तू पचन क मोर आदेस याद अहइ? मइँ कहे रहेउँ, ‘हारून अउ ओकर पूत इ सबइ चीजन क खइहीं।’ एह बरे याजकन नियुक्ति संस्कार क याजक स रोटी अउ गोस ल्या। मिलापवाला तम्बू क दुआरे पइ उ गोस क पकावा। तू पचे उ गोस अउ उ रोटी क उहइ ठउर प खाब्या।</verse>
				<verse number="32">अगर कछू गोस या रोटी बचि जाइ तउ ओका जराइ द्या।</verse>
				<verse number="33">याजक नियुक्ति संस्कार सात दिना तलक चली। तू पचे मिलापवाला तम्बू स तब तक नाहीं जाब्या जब तक तोहार याजक नियुक्ति संस्कार क समइ पूरा नाहीं होइ जात।</verse>
				<verse number="34">यहोवा ओन काम क करइ क आदेस दिहे रहा जउन आज कीन्ह गए। उ तू पचन क आपन क प्रायस्चित करइ बरे इ आदेस दिहे रहा।</verse>
				<verse number="35">तू पचन क मिलापवाले तम्बू क दुआर प सात दिना तलक लगातार दिन अउ रात जरूर रहइ चाही। अउर तू पचे यहोवा क आदेस क पालन करब्या ऍह बरे तू नाहीं मरिब्या। यहोवा मोका इ आदेस दिहे रहा।”</verse>
				<verse number="36">ऍह बरे हारून अउ ओकरे पूतन उ सब कछू किहन जेका करइ क आदेस यहोवा मूसा क दिहे रहा।</verse>
			</chapter>
			<chapter number="9">
				<verse number="1">अठवे दिन, मूसा हारून अउ ओकरे पूतन क बोलाएस। उ इस्राएल क बुजुर्गन (नेता लोगन) क भी बोलाएस।</verse>
				<verse number="2">मूसा हारून स कहेस, “आपन झुण्ड मँ स एक ठु बछवा अउ एक ठु भेड़ा ल्या। ओन मँ कउनो दोख नाहीं होइ चाही। बछवा पापबलि बरे होइ अउ भेड़ा होमबलि बरे होइ। इ सबइ गोरुअन क यहोवा क समन्वा बलि द्या।</verse>
				<verse number="3">इस्राएल क लोगन स कहा, ‘पापबलि बरे एक ठु बकरा ल्या। एक बछवा अउ एक मेमना होमबलि बरे ल्या दुइनउँ एक बरिस क होइ चाही। इ सबइ जनावरन मँ कउनो दोख नाहीं होइ चाही।</verse>
				<verse number="4">एक साँड अउ एक भेड़ा मेलबलि बरे ल्या। ओन जनावरन क अउर तेल स मिली भइ अन्नबलि ल्या अउ ओनका यहोवा क भेंट चढ़ावा। काहेकि आजु यहोवा क महिमा तोहरे समन्वा परगट होइ।’”</verse>
				<verse number="5">एह बरे सबहिं लोग मिलापवाला तम्बू मँ आएन अउर उ पचे ओन सबहिं चीजन क लियाएन जेनके बरे मूसा आदेस दिहे रहा। सबहिं लोग यहोवा क आगे ठाड़ भएन।</verse>
				<verse number="6">मूसा कहेस, “तू पचे उहइ किह्या ह जेका यहोवा हुकुम दिहस। तू लोग यहोवा क महिमा देखब्या।”</verse>
				<verse number="7">तब मूसा हारून स कहेस, “जा अउर उ करा जेकरे बरे यहोवा हुकुम दिहे रहा। वेदी क निअरे जा अउर पापबलि अउ होमबलि चढ़ावा। इ सबइ आपन अउर लोगन क पापन क प्रायस्चित बरे करा। तू लोगन क लाई भइ बलि ल्या अउर ओका यहोवा क अर्पित करा। इ ओनके पापन बरे प्रायस्चित होइ।”</verse>
				<verse number="8">एह बरे हारून वेदी क लगे गवा। उ बछवा क पापबलि बरे मारेस। इ पापबलि खुद ओकरे अपने बरे रही।</verse>
				<verse number="9">तब हारून क पूतन हारून क लगे रकत लिआएन। हारून आपन अंगुरियन क रकत मँ डाएस अउ वेदी क सींगन पइ ऍका लगाएस। तब हारून वेदी क आधार पइ रकत उड़ेरेस।</verse>
				<verse number="10">हारून पापबलि स चबीर्, गुर्दन अउ करेजा क संग चिपका भवा झिल्ली जमा किहेस। उ ओन सब क वेदी प जराएस। उ उहइ प्रकार किहस जउने तरह यहोवा मूसा क आदेस दिहे रहा।</verse>
				<verse number="11">तब हारून डेरा क बाहर गोस अउ चाम क बारेस।</verse>
				<verse number="12">ऍकरे पाछे, हारून होमबलि बरे जनावरन क मारेस। हारून क पूत रकत क हारून क लगे लिआएन अउ हारून वेदी क चारिहुँ कइँती रकत डाएस।</verse>
				<verse number="13">हारून क बेटवन ओन टूकन अउ होमबलि क मूँड़ हारून क दिहस। तब हारून ओन सबन क वेदी पइ बारेस।</verse>
				<verse number="14">हारून होमबलि क भितरी भागन क अउ गोड़े क धोएस अउ उ ओनका वेदी प बारेस।</verse>
				<verse number="15">तब हारून लोगन क बलि लावा। उ लोगन क बरे पापबलि वाला बोकॅरा क मारेस। उ बोकरा क पहिले क नाई पापबलि बरे चढ़ाएस।</verse>
				<verse number="16">हारून होमबलि लावा अउ उ उ बलि चढ़ाएस। वइसेन ही जइसे यहोवा आदेस दिहेस।</verse>
				<verse number="17">हारून अन्नबलि क वेदी क लगे लिआवा। उ मूठी भइ अनाज लिहस। अउ भिन्सारे क नित्य बलि क संग उ वेदी प धरेस।</verse>
				<verse number="18">हारून लोगन बरे मेलबलि क साँड़ अउ भेड़ा क मारेस। हारून क बेटवन रकत क हारून क लगे लिआएन। हारून इ रकत क वेदी क चारिहुँ कइँती उड़ेरेस।</verse>
				<verse number="19">हारून क बेटवन साँड़ अउ भेड़ा क चबीर् भी लाएन। उ पचे साथ ही साथ चबीर् भरी पूँछ, भितरी भाग क ढकइवाली चबीर्, गुर्दन अउ करेजन स चिपका भवा झिल्ली भी लिआएन।</verse>
				<verse number="20">हारून क बेटवन चबीर् क इ सबइ भागन क साँड़ अउ भेड़ा क छाती प धरेस। हारून चबीर् क भागन क लइके ओका वेदी पइ बारेस।</verse>
				<verse number="21">मूसा क आदेस क मुताबिक हारून छातियन अउ दाई जाँघ क उत्तोलन भेंट बरे यहोवा क समन्वा हाथन मँ ऊपर उठाएस।</verse>
				<verse number="22">तब हारून आपन हाथ लोगन कइँती उठाएस अउ ओनका आसीर्बाद दिहस। हारून पापबलि, होमबलि अउ मेलबलि क चढ़ावइ क पाछे वेदी स तरखाले उतरि आवा।</verse>
				<verse number="23">मूसा अउ हारून मिलापवाला तम्बू मँ गएन। ओकर पाछे हुआँ स बाहेर आइके उ पचे लोगन क आसीर्बाद दिहन। अउर यहोवा क तेज सबहिं लोगन क समन्वा परगट भवा।</verse>
				<verse number="24">यहोवा स आगी परगट भइ अउ उ वेदी पइ होमबलि अउ चबीर् क जराएस। सबहिं लोगन जब इ लखेन तउ उ पचे चिल्लानेन अउ उ पचे धरती पइ भहराइके प्रणाम किहेन।</verse>
			</chapter>
			<chapter number="10">
				<verse number="1">फिन तब हारून क बेटवन नादाब अउ अबीहू धूप जरावइ बरे तस्तरियन क लिहन, ओह मँ आग लगाएन अउ धूप क आगी पइ धरेन। तउ उ पचे एक ठु अनोखी आगी क उपयोग यहोवा क समन्वा किहन जेकरे प्रयोग क हुकुम उ ओनका नाहीं दिहे रहा।</verse>
				<verse number="2">एह बरे यहोवा स ज्वाला परगट भइ अउ उ नादाब अउ अबीहू क बरबाद कइ दिहस।</verse>
				<verse number="3">तब मूसा हारून स कहेस, “यहोवा कहत ह, ‘जउन मोरे लगे आवइ ओनका मोर संग जरूर पवित्तरता क बर्ताव करइ चाही। अउ सबहिं लोगन क मोका सम्मान देइ चाही।’” हारून खामोस रहा।</verse>
				<verse number="4">हारून क चाचा उज्जीएल क दुइ पूत रहेन। उ पचे मीसाएल अउ एलसाफान रहेन। मूसा ओन बेटवन स कहेस, “पवित्तर ठउर क समन्वा जा। आपन चचेरा भाइयन क ल्हासे क उठावा अउ ओनका डेरा क बाहेर लइ जा।”</verse>
				<verse number="5">ऍह बरे मीसाएल अउ एलसाफान मूसा क आदेस मानेन। उ पचे नादाब अउ अबीहू क ल्हासन क बाहेर लइ आएन। नादाब अउ अबीहू तब तलक आपन खास अंगरखा पहिरे रहेन।</verse>
				<verse number="6">तब मूसा हारून अउ ओकरे दूसर पूतन एलीआजार अउ ईतामार स बात किहस। मूसा ओनसे कहेस, “कउनो सोक परगट जिन करा। आपन ओढ़ना जिन फाड़ा या आपन बारन क जिन बिखरावा। तू मरब्या नाहीं अउ यहोवा क गुस्सा तोहार समूचइ धमिर्क सभा क भंग नाहीं करी। इस्राएल क समूचा रास्ट्र तोहार सम्बंधी अहइ। उ पचे यहोवा क जरिये नादाब अउ अबीहू क बारइ क बारे मँ रोइ सकत हीं।</verse>
				<verse number="7">मुला तू लोगन क मिलापवाला तम्बू नाहीं तजइ चाही। अगर तू पचे बाहेर जाब्या तउ मर जाब्या। काहेकि यहोवा क अभिसेक क तेल तू पचन पइ अहइ।” तउ हारून, एलीआज़ार अउ ईतामार मूसा क आग्या मानेन।</verse>
				<verse number="8">तब यहोवा हारून स कहेस,</verse>
				<verse number="9">“तोहका अउ तोहरे पूतन दाखरस या सराब उ समइ नाहीं पिअइ चाही जब तू पचे मिलापवाला तम्बू मँ आवा। अगर तू पचे अइसा करब्या तउ मर जाब्या। इ नेम तोहरी सारी पीढ़ियन मँ हमेसा चलत रही।</verse>
				<verse number="10">तू पचन क, पवित्तर अउ अपवित्तर तथा सुद्ध अउ असुद्ध चिजियन मँ फरक करइ चाही।</verse>
				<verse number="11">यहोवा मूसा क आपन नेम दिहस अउ मूसा ओन नेमन क लोगन बरे दिहस। हारून, तोहका ओन सबहिं नेमन क सिच्छा लोगन क देइ चाही।”</verse>
				<verse number="12">मूसा हारून अउ ओकरे बचा भवा दुई पूतन एलीआज़ार अउर ईतामार स बात किहस। मूसा कहेस, “कछू अन्नबलि यहोवा क उपहार मँ अबहुँ तलक बची भइ अहइ। तू लोग अन्नबलि क उ हींसा खाइ सकत ह। मुला तू लोगन क एकॉ बिना खमीर मिलाए खाइ चाही। एकॉ वेदी क लगे खा। काहेकि उ भेंट बहोतइ पवित्तर बाटइ।</verse>
				<verse number="13">उ उ भेंटन क हींसा अहइ, जउन यहोवा बरे उपहार क रूप मँ भेंट चढ़ाइ ग रहेन। जउन नेम मइँ तोहका बताएउँ ह, उ सिखावत ह कि उ हींसा तू अउर तोहार पूतन क बाटइ। मुला तोहका एकॉ पवित्तर ठउरे प खाइ चाही।</verse>
				<verse number="14">“तू, तोहार बेटवन अउ बिटियन भी उत्तोलन बलि स छाती क अउ मेलबलि स जाँघे क खाइ सकिहीं। इ सबइ क तोहका जरूर पवित्तर ठउरे पइ खाइ चाही। मुला तोहका इ सबइ क सुद्ध जगह पइ खाइ चाही। काहेकि इ सबइ मेलबलि मँ स मिली अहइ। इस्राएल क लोग इ बलि यहोवा क देत हीं। ओन जनावरन क कछू भाग क लोग खात हीं मुला छाती अउ जाँघ तोहार हींसा अहइ।</verse>
				<verse number="15">लोगन क आपन चबीर् क भेंट जरूर लिआवइ चाही। ओनका मेलबलि क जाँघ अउ उत्तोलन बलि क छाती जरूर लिआवइ चाही। ओका यहोवा क समन्वा जरूर उत्तोलन करइ चाही। इ बलि तोहार हींसा होइ। इ तोहार अउ तोहार गदेलन क होइ। यहोवा क आदेस क मुताबिक बलि क उ भाग हमेसा तोहार होइ।”</verse>
				<verse number="16">मूसा पापबलि क बोकरा क बारे मँ पूछेस। मुला ओका पहिले ही बारि दीन्ह गवा रहा। मूसा हारून क बाकी बेटवन अलावा एलीआज़ार अउ ईतामार पइ बहोतइ कोहाइ गवा। मूसा कहेस,</verse>
				<verse number="17">“तू लोगन क इ बोकरा पवित्तर ठउरे पइ खाइ क रहा। इ बहोतइ पवित्तर बाटइ। तू लोगन ऍका यहोवा क समन्वा काहे नाहीं खाया? यहोवा इ तोहका धामिर्क सभा क पापन क छिमा बरे ओकर प्रायस्चित करइ बरे दिहस।</verse>
				<verse number="18">देखा! तू उ बोकरे क रकत पवित्तर जगह क भीतर नाहीं लिआया। तू पचन क इ बोकरा पवित्तर ठउरे प खाइ क रहा जइसा कि मइँ आदेस दिहेउँ ह।”</verse>
				<verse number="19">मुला हारून मूसा स कहेस, “लखा आज उ पचे आपन पापबलि अउ होमबलि यहोवा क समन्वा लाएन। मुला तू जानत अहा कि आजु मोरे संग का भवा ह! का तू इ समझत अहा कि अगर मइँ पापबलि क आज खाब तउ खुस होइ नाहीं”</verse>
				<verse number="20">जब मूसा इ सुनेस तउ सहमत होइ गवा।</verse>
			</chapter>
			<chapter number="11">
				<verse number="1">यहोवा मूसा अउ हारून स कहेस,</verse>
				<verse number="2">“इस्राएल क लोगन स कहा: इ सबइ पसु अहइँ जेनका तू खाइ सकत ह:</verse>
				<verse number="3">अगर पसु क खुर दुइ हिस्सा मँ बँटा होइ अउ उ पसु जुगाली करत होइ तउ तू उ पसु क गोस खाइ सकत ह।</verse>
				<verse number="4">“कछू पसु जुगाली करत हीं, मुला ओनकइ खुर नाहीं फाट होतेन। तउ अइसे पसु क जिन खा। ऊँट, सापान अउ खरहा वइसेन दर्जा क अहइँ। एह बरे उ सबइ तोहरे बरे असुद्ध अहइँ।</verse>
				<verse number="5"></verse>
				<verse number="6"></verse>
				<verse number="7">दुसर पसु दुइ हिस्सा मँ बँटा भवा खुरवाला अहइँ, मुला उ पचे जुगाली नाहीं करतेन। ओन पसुअन क जिन खा। सुअर वाइसेन ही अहइँ, एह बरे उ सबइ असुद्ध अहइँ।</verse>
				<verse number="8">ओन पुसुअन क गोस जिन खा। ओनके ल्हासे क जिन छुआ। उ सबइ तोहरे बरे असुद्ध अहइँ।</verse>
				<verse number="9">“अगर कउनो जनावर समुद्दर या नदी मँ बसत ह अउ ओकरे पखना अउ परत होत हीं तउ तू उ जनावर क खाइ सकत ह।</verse>
				<verse number="10">मुला जदि जनवार समुद्दर या नदी मँ बसत ह अउ ओकरे पखना अउ परत नाहीं होतिन तउ उ जनावर क तोहका नाहीं खाइ चाही। तोहका उ तरह जनावरन क घिनौना समुझइ चाही। उ तरह क पसु क गोस जिन खा। इहाँ तक कि ओकर ल्हासे क जिन छुआ।</verse>
				<verse number="11"></verse>
				<verse number="12">तोहका पानी क हर एक पसु क जेकरे पखना अउ परत नाहीं होतिन असुद्ध जनावर मँ समझइ चाही। तोहका उ तरह क समुद्दर क जनावरन क घिनौना चिजियन मँ स समुझइ चाही।</verse>
				<verse number="13">“तोहका नीचे लिखे भए पंछिन क भी घिनौना पंछी समझइ चाही। इन पंछिन मँ स कउनो क जिन खा: उकाब, गीध, सिकारी पंछी,</verse>
				<verse number="14">चील, सबहिं तरह क बाज नाउँ क पंछी,</verse>
				<verse number="15">सब तरह क काला पंछी,</verse>
				<verse number="16">सुतुर्मुर्ग, सीगंवाला कुचकुचवा, समुद्री जलमुर्गा, सबहिं प्रकार क बाज,</verse>
				<verse number="17">कुचकुचवा, समुद्री कौआ, बड़का कुचकुचवा,</verse>
				<verse number="18">जलमुर्गी, मछरी खाइवाला पेलिकन नाउँ क खेत जल पंछी, समुद्री गीध,</verse>
				<verse number="19">हंस, सब तरह क सारस, कठफोड़वा अउ चमगादड़।</verse>
				<verse number="20">“अउ सबहिं अइसे उड़इवाला कीड़ा पतंग जउन चार गोड़े प चलत इ सबइ तोहार लइ घिनौना अहइ।</verse>
				<verse number="21">मुला अगर उड़इवाला कीड़ा पतंगा क पखना होत हीं अउ चार गोड़े प चलत ह अगर ओकरे गोड़े क ऊपर टांगन मँ अइसे जोड़ अहइँ कि उ जमीन प उछरि सकइ तउ तू ओन पतंगन क खाइ सकत ह।</verse>
				<verse number="22">इ सबइ बाटेन जेनका तू खाइ सकत ह: हर किसिम क टिड्यिन, हर किसिम क उड़इवाला टिड्डियन, हर तरह क झीगुंर, हर तरह क घास चट कइ देइवाला टिड्डन।</verse>
				<verse number="23">“मुला दूसर उ सबहिं उड़इवाला कीड़ा पतंगन जउन चार गोड़े प चलि सकत हीं, तोहरे बरे घिनौना प्राणी अहइ।</verse>
				<verse number="24">उ सबइ कीड़ा पतंगन तोहका सबन क असुद्ध करिहीं। कउनो मनई जउन मरे भए कीड़ा पतंगन क छुई, साँझ तलक असुद्ध रही।</verse>
				<verse number="25">अगर कउनो मनई ओन मरे भए किरवन मँ स कउनो क उठावत ह तउ उ मनई क आपन ओढ़ना धोइ लेइ चाही। उ मनई साँझ तलक असुद्ध रही।</verse>
				<verse number="26">“कछू जनावरन क खुर होत ह मुला उ खुर दुइ भाग मँ फटि नाहीं होतेन। कछू जनावर जुगाली नाहीं करतेन। कछू जनावरन क खुर नाहीं होतेन, उ आपन पंजे पइ चलतहीं। इ सबइ प्रकार क जनावरन असुद्ध अहइँ। अगर एक व्यक्ति ओकर ल्हासे क छुअत ह तउ उ व्यक्ति साँझ तलक असुद्ध रहीं।</verse>
				<verse number="27"></verse>
				<verse number="28">अगर एक व्यक्ति ओकर ल्हासे क उठावत ह तउ उ व्यक्ति क आपन ओढ़ना क जरूर धोवइ चाही। उ व्यक्ति साँझ तलक असुद्ध रहीं। उ सबइ जनावरन तू पचन्क बरे असुद्ध अहइ।</verse>
				<verse number="29">“इ सबइ रेगंइवालन पसु तू पचन बरे असुद्ध अहइँ: छछून्दर, चूहा, सबहिं तरह क गिरगिट,</verse>
				<verse number="30">छिपकली, मगरमच्छ, गिरगिट, रेगिस्तानी गोहेर, अउ रंग बदलत गिरगिट।</verse>
				<verse number="31">इ सबइ रेगंइवाला पसु तोहरे बरे असुद्ध अहइँ। कउनो मनई जउन ओन मरे भएन क छुई साँझ तलक असुद्ध रही।</verse>
				<verse number="32">“अगर कउनो असुद्ध पसुअन मँ स एक मरा भवा पसु कउनो चीज प गिर पड़इ तउ उ चीज असुद्ध होइ जाइ। इ काठ, चाम, कपड़ा, सोक ओढ़ना या कउनो भी औजार होइ सकत ह। जउन कछू भी उ होइ ओका पानी स धोवइ चाही। इ साँझ तलक असुद्ध रही। तबहिं इ फुन सुद्ध होइ जाइ।</verse>
				<verse number="33">अगर कउनो असुद्ध पसुअन मँ स एक मरा भवा माटी क कटोरा मँ गिर जाइ तउ कटोरा क कउनो भी चीज असुद्ध होइ जाइ। तू पचन क कटोरा जरुर तोड़ देइ चाही।</verse>
				<verse number="34">अगर असुद्ध माटी क कटोरा क पानी कउनो खइया या पेय खोरा पइ पड़इ तउ उ असुद्ध होइ जाइ।</verse>
				<verse number="35">अगर कउनो मरे भए घिनौने पसु क कउनो हिस्सा कउनो चीजे पइ आइ पड़इ तउ उ चीज सुद्ध नाहीं रही। एका टूका टूका कइ देइ चाही। चाहे उ चूल्हा होइ या कड़ाही। उ सबइ तू पचन क बरे हमेसा असुद्ध रइहीं।</verse>
				<verse number="36">“कउनो सोता या कुआँ, जेहमाँ पानी रहत ह, सद्ध बना रही। मुला कउनो व्यक्ति जउन कउनो मरे भए असुद्ध जनवार क छुइ उ असुद्ध होइ जाइ।</verse>
				<verse number="37">अगर ओन घिनौने मरे पसुअन क कउनो हिस्खा बोवा जाइवाला बिआ पइ आइ पड़इ तउ भी उ सुद्ध ही रही।</verse>
				<verse number="38">मुला बोवइ बरे तू पचे कउनो बिआ प पानी डावत ह अउ तब अगर मरे असुद्ध पसु क कउनो हिस्सा ओन बिअन पइ आइ पड़इ तउ उ सबइ बिआ तोहरे बरे असुद्ध अहइँ।</verse>
				<verse number="39">“अउर भी, अगर भोजन बरे कउनो पसु जेका तू बइपरत ह अपने आप मरि जाइ तउ जउन मनई उसके मरे सरीर क छुअइ, साँझ तलक असुद्ध रही।</verse>
				<verse number="40">जउन व्यक्ति मरे भए पसु क गोस खाइ, ओका आपन ओढ़ना जरूर धोवइ चाही। उ मनई साँझ तलक असुद्ध रही। जउन व्यक्ति मरे पसु क सरीर उठावइ ओका भी आपन ओढ़ना जरूर धोवइ चाही। इ व्यक्ति साँझ तलक असुद्ध रही।</verse>
				<verse number="41">“हर एक अइसा पसु जउन धरती प रेंगत ह, उ ओन पसुअन मँ स एक बाटइ, जेका यहोवा खाइ क मना किहे अहइ।</verse>
				<verse number="42">तू पचन क अइसे कउनो रेगंइवाले पसुअन क जरूर खाइ नाहीं चाही जउन पेटे क बल रेगंत ह या चारउँ गोड़न प चलत ह, या जेकरे बहोत स गोड़ अहइँ। उ पचे तोहरे बरे असुद्ध पसु अहइँ।</verse>
				<verse number="43">ओन पसुअन स आपन क गन्दा जिन बनावा अउ ओनके बरे आपन क असुद्ध जिन बनावा।</verse>
				<verse number="44">काहेकि मइँ यहोवा तोहार परमेस्सर अहउँ। मइँ पवित्तर अहउँ। एह बरे तू पचन क आपन क पवित्तर राखइ चाही। ओन घिनौने रेगंइवाला पसुअन स आपन क घिनौना जिन बनावा।</verse>
				<verse number="45">मइँ तू लोगन क मिस्र स लइ आवा अहउँ। मइँ इ एह बरे किहेउँ कि तू लोग मोर खास जन बना रहि सका। मइँ इ एह बरे किहेउँ कि मइँ तोहार परमेस्सर बन सकउँ। मइँ पवित्तर अहउँ, एह बरे तोहे सबन क पवित्तर रहब अहइ।”</verse>
				<verse number="46">उ सबइ नेम सबहिं गोरुअन, पंछियन अउ भुइँया क दूसर पसुअन बरे अहइ। उ सबइ नेम समुद्दर मँ रहइवालन सबहिं पसुअन अउ भुइँया पइ रेगंइवालन सब पसुअन बरे अहइँ।</verse>
				<verse number="47">उ सबइ उपदेस एह बरे अहइँ कि लोग सुद्ध अउ असुद्ध पसुअन मँ अन्तर कइ सकइँ। इ तरह लोग जनिहीं कि उ पचे कउन सा पसु खाइ सकत हीं अउर कउन सा नाहीं खाइ सकत हीं।</verse>
			</chapter>
			<chapter number="12">
				<verse number="1">यहोवा मूसा स कहेस,</verse>
				<verse number="2">“इस्राएल क लोगन स इ नेमन क कहा: “अगर कउनो स्त्री एक ठु लरिका क जन्मत ह तउ उ स्त्री सात दिना तलक असुद्ध रही। इ ओकरे मासिक धर्म क समइ असुद्ध होइ क तरह होइ।</verse>
				<verse number="3">अठऍ दिन लरिका क खतना होइ चाही।</verse>
				<verse number="4">उ आपन सुद्धीकरण क टेमॅ क लइके तैंतीस दिना पाछे तलक असुद्ध रहीं। उ स्त्री क उ समइ मँ कछू नाहीं छुअइ चाही जउन पवित्तर अहइ। ओका पवित्तर ठउरे मँ तब तलक नाहीं जाइ चाही जब तलक ओकरे सुद्धीकरण क समइ पूरा न होइ जाइ।</verse>
				<verse number="5">मुला अगर स्त्री लरिकी क जन्मत ह तउ महतारी क मासिक धर्म क समइ क तरह उ दुइ हफ्ता तलक असुद्ध रही। उ आपन सुद्धीकरण क टेम स लइके छहसठ दिना पाछे असुद्ध रही।</verse>
				<verse number="6">“नई महतारी जउन अबहिं बच्चा जनम दिहे अहइ, चाहे उ बच्चा लरिका होय या लरिकी तउ अइसी महतारी क सुद्धीकरण क समइ पूरा होइ क पाछे ओका मिलापवाला तम्बू मँ खास भेंटन लइ आवइ चाही। ओका ओन भेंटन क मिलापवाला तम्बू क दुआर पइ याजक क जरूर देइ चाही। ओका एक बरिस क मेमना होमबलि बरे अउ एक ठु फाख्ता या कबूतर क बच्चा पापबलि बरे लइ आवइ चाही।</verse>
				<verse number="7">अगर स्त्री मेमन देइ मँ असमर्थ होइ तउ उ दुइ फाख्ता या दुइ कबूतरे क बच्चा लिआइ सकत ह। एक ठु पंछी होमबलि बरे अउ एक ठु पापबलि बरे होइ। याजक यहोवा क सामने ओनका भेंट करी। इ तरह उ ओकरे पाप बरे प्रायस्चित करी। तब उ आपन रकत क हानि स सुद्ध होइ। इ सबइ नेम ओन स्त्रियन बरे अहइँ जउन एक ठु लरिका या लरिकी क जन्मत ह।”</verse>
				<verse number="8"></verse>
			</chapter>
			<chapter number="13">
				<verse number="1">यहोवा मूसा अउ हारून स कहेस,</verse>
				<verse number="2">“कउनो व्यक्ति क चाम पइ भयंकर सूजन या खजुरी या सफेद दाग होइ सकत हीं। अगर घाव चर्मरोग क नाई देखाइ पड़इँ तउ उ मनई क याजक हारून या ओकरे कउनो याजक पूतन क लगे लिआवा जाइ चाही।</verse>
				<verse number="3">याजक लोगन क मनई क चर्म क घाव क देखइ चाही। अगर घाव क बार सफेद होइ गवा होइँ अउर घाव मनई क चाम स जियादा गहिर मालूम होइ तउ इ भयंकर चर्मरोग बाटइ। जब याजक मनई क जाँच खतम करइ तउ ओका एलान करइ चाही कि मनई असुद्ध अहइ।</verse>
				<verse number="4">“कबहुँ कबहुँ कउनो मनई क चाम पइ कउनो सफेद दाग होइ जात ह मुला दाग चाम स गहिर नाहीं मालूम होत। अगर उ सच होइ तउ याजक उ मनई क सात दिना बरे दूसर लोगन स अलग करी।</verse>
				<verse number="5">सतएँ दिन याजक क उ मनई क फुन स जरूर जाँच करइ चाही। अगर घाव मँ कउनो बदलाव नाहीं आएस ह। अउर चाम पइ नाहीं फइलेस ह। तउ याजक क दूसर सात दिना बरे उ व्यक्ति क दूसर लोगन स जरूर अलगाइ देइ चाही।</verse>
				<verse number="6">तब याजक क उ व्यक्ति क सात दिना पाछे जरूर जाँच करइ चाही। जदि दाग गहिर होइ गवा ह अउ चाम पइ न फइला होइ तब याजक क जरूर एलान करइ चाही कि उ व्यक्ति सुद्ध अहइ। इ सिरिफ खुरंड अहइ। तब उ व्यक्ति क आपन ओढ़ना धोवइ चाही अउ उ फुन स सुद्ध होइ चाही।</verse>
				<verse number="7">“मुला अगर मनई याजक क फिन अपने आप क सुद्ध बनावइ बरे देखाइ लिहे होइ अउ ओकरे पाछे चर्मरोग चमड़ी पइ फइलइ लागइ तउ उ मनई क फुन याजक क लगे आवइ चाही।</verse>
				<verse number="8">याजक क जाँच कइके देखइ चाही। अगर घाव चाम पइ फइला होइ तउ याजक क एलान करइ चाही कि उ मनई असुद्ध अहइ अर्थातू ओका कउनो भयानक रोग अहइ।</verse>
				<verse number="9">“अगर मनई क भयानक चर्मरोग भवा होइ तउ ओका याजक क लगे लइ आवा जाइ चाही।</verse>
				<verse number="10">याजक क उ मनई क जाँच कइके देखइ चाही। अगर चाम पइ सफेद दाग होइ अउ ओहमाँ सूजन होइ, उ जगह क बार सफेद होइ ग होइँ अउर अगर हुआँ घाव कच्चा होइ।</verse>
				<verse number="11">तउ इ कउनो भयानक चर्मरोग अहइ जउन उ मनई क बहोत समइ स अहइ। ऍह बरे याजक क उ मनई क असुद्ध घोसित कइ देइ चाही। याजक उ मनई क सिरिफ तनिक समइ क बरे ही दूसर मनइयन स न अलगाई। काहेकि उ जानत ह कि उ मनई असुद्ध अहइ।</verse>
				<verse number="12">“अगर कबहुँ चर्मरोग मनई क समूचइ सरीर मँ फइल जाइ, उ चर्मरोग उ मनई क मूँड़े स गोड़े तलक ढक लेइ,</verse>
				<verse number="13">अउर याजक लखइ कि चर्मरोग समूचइ सरीर पइ इ तरह ढके अहइ कि उ मनई क पूरा सरीर ही सफेद होइ ग अहइ तउ याजक क ओका सुद्ध घोसित कइ देइ चाही।</verse>
				<verse number="14">मुला अगर मनई क चर्म घाव जइसा कच्चा होइ तउ उ सुद्ध नाहीं अहइ।</verse>
				<verse number="15">जब याजक कच्चा चाम लखइ, तब ओका घोसित कइ देइ चाही कि मनई असुद्ध अहइ। कच्चा चाम सुद्ध नाहीं अहइ। इ भयानक चर्मरोग अहइ।</verse>
				<verse number="16">“अगर कच्चा चाम फुन सफेद होइ तउ उ मनई क याजक क लगे आवइ चाही।</verse>
				<verse number="17">याजक क उ मनई क जरूर जाँच करइ चाही। अगर व्याधि सफेद होइ गवा अहइ तउ याजक क घोसित करइ चाही कि रोग ग्रस्त व्यक्ति सुद्ध अहइ। तउ उ मनई सुद्ध अहइ।</verse>
				<verse number="18">“होइ सकत ह कि कउनो व्यक्ति क सरीर क चाम पइ कउनो फोड़ा होइ जउन कि ठीक होइ ग रहा।</verse>
				<verse number="19">अउर उ जगह पइ सफेद सूजन, या लाली लिए भए सफेद दाग जाहिर हो जात ह अउ तब एका याजक क जरूर देखावइ चाही।</verse>
				<verse number="20">याजक क ओका निहारइ चाही। अगर सूजन चमड़ी स गहिर बाटइ अउ एह पइ क बार सफेद होइ ग अहइँ तउ याजक क एलान करइ चाही कि उ मनई असुद्ध बाटइ। उ दाग भयानक चर्मरोग अहइ। इ फोड़ा क भितरे स फूट पड़ा बाटइ।</verse>
				<verse number="21">मुला अगर याजक उ जगह क लखत ह अउ ओह पइ सफेद बार नाहीं अहइँ अउर दाग चमड़ी स गहिर नाहीं अहइ, मुला धुँधला बाटइ तउ याजक क उ मनई क सात दिन बरे अलग कइ देइ चाही।</verse>
				<verse number="22">अगर दाग क जियादा हिस्सा चमड़ी पइ फइलत ह तब याजक क एलान करइ चाही कि मनई असुद्ध अहइ। इ छूत रोग अहइ।</verse>
				<verse number="23">मुला अगर सफेद दाग अपनी जगह बना रहत ह, फइलत नाहीं तउ उ पुराना फोड़ा क सिरिफ घान अहइ। याजक क एलान करइ चाही कि मनई सुद्ध अहइ।</verse>
				<verse number="24">“कउनो व्यक्ति क चाम जरि सकत ह। अगर कच्चा चाम सफेद या लाली लिए भए सफेद दाग मँ बदल जाइ, तउ याजक क ऍका जाँच करइ चाही। अगर उ दाग चमड़ी स गहिर मालूम होइ अउ उ जगह क बार सफेद होइ जाइँ तउ इ अत्यधिक व्याधिक चर्मरोग अहइ। जउन जरा भवा मँ स फूट पड़ा अहइ। तउ याजक क उ व्यक्ति क असुद्ध घोसित करइ चाही। इ भयंकर चर्म रोग अहइ।</verse>
				<verse number="25"></verse>
				<verse number="26">मुला याजक इ जगह क लखत ह अउर सफेद दाग मँ सफेद बार नाहीं अहइँ अउ दाग चमड़ी स गहिर नाहीं अहइ, मुला हल्का बा तउ याजक क ओका सात दिना बरे अलग करइ चाही।</verse>
				<verse number="27">सतएँ दिन याजक क उ मनई क फुन देखइ चाही। अगर दाग चमड़ी पइ फइलइ तउ याजक क एलान करइ चाही कि मनई असुद्ध अहइ। इ भयंकर चर्मरोग अहइ।</verse>
				<verse number="28">मुला अलग सफेद दाग चमड़ी पइ न फइलइ, मुला धुँधला होइ तउ इ जरइ स पइदा भइ सूजन अहइ। याजक क उ मनई क सुद्ध घोसित करइ चाही। इ सिरिफ बर जाइ क चीन्हा अहइ।</verse>
				<verse number="29">“कउनो मनई या मेहरारू क मूँड़ि या दाढ़ी क चाम पइ कउनो छूत रोग होइ सकत ह।</verse>
				<verse number="30">याजक क उ छूत क रोग (व्याधि) क जरूर लखइ चाही। अगर छूत क रोग चमड़ी स गहिर मालूम होइ अउ एकरे चारिहुँ कइँती क बार पियार अउर पतला अहा तउ याजक क एलान करइ चाही कि उ व्यक्ति असुद्ध अहइ। इ मूँड़ि या दाढ़ी क बुरा चर्मरोग अहइ।</verse>
				<verse number="31">अगर रोग चमड़ी स गहिर न मालूम होइ, अउर एहमाँ कउनो करिया बार न होइ तउ याजक क ओका सात दिन बरे अलग कइ देइ चाही।</verse>
				<verse number="32">सतएँ दिन याजक क छूत क रोगी क फुन जाँच करइ चाही। अगर रोग फइला नाहीं बाटइ अउर बार पिआर नाहीं होइ अउ जदि रोग चमड़ी स गहिर नाहीं अहइ,</verse>
				<verse number="33">तउ उ मनई क बार जरूर काट देइ चाही। मुला ओका रोगवाले जगह क बार नाहीं कटावइ चाही। याजक क रोग लखइ बरे उ व्यक्ति क अउर सात दिना बरे अलगाइ देइ चाही।</verse>
				<verse number="34">सतएँ दिन याजक क रोगी क निहारइ चाही। अगर रोग चमड़ी मँ फइला नाहीं अहइ अउर इ चमड़ी स गहिर नाहीं मालूम होत ह तउ याजक क एलान करइ चाही कि मनई सुद्ध अहइ। मनई क आपन ओढ़ना धोवइ चाही अउ सुद्ध होइ जाइ चाही।</verse>
				<verse number="35">मुला अगर मनई क सुद्ध होइके जाइके पाछे चमड़ी मँ रोग फइलत ह।</verse>
				<verse number="36">तउ याजक क फिन मनई क लखइ चाही। अगर रोग चमड़ी मँ फइलत ह तउ याजक क पिअर बाल लखइ क जरुरत नाहीं मनई असुद्ध अहइ।</verse>
				<verse number="37">मुला अगर याजक इ समुझत ह कि रोग क बढ़ब रुकि गवा बाटइ अउ एहमाँ करिया बार जमत अहइँ तउ रोग नीक होइ गवा अहइ। मनई सुद्ध अहइ। याजक क एलान करइ चाही कि मनई सुद्ध अहइ।</verse>
				<verse number="38">“जदि कउनो मनई या मेहरारू क चाम पइ सफेद दाग होइँ,</verse>
				<verse number="39">तउ याजक क ओन दागन क लखइ चाही। अगर मनई क चमड़ी क दाग धुँधला होइँ, तउ रोग सिरिफ हानि न पहुँचावइवाली फोड़िया अहइ। उ मनई सुद्ध अहइ।</verse>
				<verse number="40">“कउनो मनई आपन मूँड़े क बार क झरते हुए लख सकत हीं। उ सुद्ध अहइ। इ सिरिफ गंजापन बाटइ।</verse>
				<verse number="41">कउनो मनई क मूँड़े क बार झरि सकत हीं। उ सुद्ध अहइ। इ दूसर तरह क गंजापन अहइ।</verse>
				<verse number="42">मुला ओकरे मूँड़े क चमड़ी पइ लाल सफेद फोड़िया बाटिन तउ इ भयानक चर्मरोग अहइ।</verse>
				<verse number="43">याजक क अइसे व्यक्ति क जाँच करइ चाही। अगर चमड़ी क व्याधि सरीर पइ उ चाम रोग की नाईं ललछौंड़ सफेद अहइ।</verse>
				<verse number="44">तउ उ मनई क मूँड़े क चमड़ी पइ भयानक चर्मरोग अहइ। मनई असुद्ध अहइ, याजक क एलान करइ चाही।</verse>
				<verse number="45">“अगर कउनो मनई क भयानक चर्मरोग होइ तउ उ मनई क दूसर लोगन क होसियार करइ चाही। उ मनई क जोर से ‘असुद्ध! असुद्ध!’ कहइ चाही, उ मनई क ओढ़नन क, सिलाइ स फाड़ देइ चाही। उ मनई क आपन बारन क सँवारइ नाहीं चाही अउ उ मनई क आपन मुँह ढाँकइ चाही।</verse>
				<verse number="46">जउन मनई असुद्ध होइ ओहमाँ छूत क रोग हमेसा रही। उ मनई असुद्ध अहइ। ओका अकेल्ॅले रहइ चाही। ओकरे निवास डेरा स बाहेर होइ चाही।</verse>
				<verse number="47">“कछू ओढ़नन पइ फपूँदी लागि सकत ह। ओढ़ना सन या ऊनी होइ सकत ह। ओढ़ना बुना भवा या कढ़ा भवा होइ सकत ह। फपूँदी कउनो चमड़ा या चमड़ा स बना भवा कउनो चीज पइ होइ सकत ह।</verse>
				<verse number="48"></verse>
				<verse number="49">अगर फपूँदी हरिअर या लाल होइ तउ ओका याजक क देखाँवइ चाही।</verse>
				<verse number="50">याजक क फपूँदी लखइ चाही। ओका उ चीज क सात दिना तलक अलग जगह पइ धरइ चाही।</verse>
				<verse number="51">सतएँ दिन, याजक क फपूँदी लखइ चाही। इ महत्वपूर्ण नाहीं बा कि ओढ़ना क ताना बाना मँ फपूँदी अहइ या नाहीं इ महत्वपूर्ण नाहीं बा कि चमड़ा क प्रयोग काहे बरे कीन्ह गवा रहा। अगर फपूँदी फइलत ह तउ उ कपड़ा या चाम असुद्ध बाटइ। उ फपूँदी असुद्ध अहइ। याजक क उ कपड़ा या चमड़ा क बारि देइ चाही।</verse>
				<verse number="52"></verse>
				<verse number="53">“अगर याजक देखइ कि फपूँदी फइली नाहीं तउ तउ उ कपड़ा या चाम धोवा जाइ चाही। इ महत्वपूर्ण नाहीं कि इ चाम अहइ या कपड़ा या कपड़ा क ताना बाना मँ फपूँदी अहइ या नाहीं। ऍका धोवइ चाही।</verse>
				<verse number="54">याजक क मनइयन क इ हुकुम देइ चाही कि उ पचे चाम या कपड़ा क टूका क धोवइँ, तबहिं याजक ओढ़नन क अउर सात दिना बरे अलग करइ।</verse>
				<verse number="55">उ समइ क पाछे याजक क फुन देखइ चाही। अगर फपँदी ठीक वइसेन ही देखाइ देत ह तउ उ ओढ़ना असुद्ध अहइ। इ महत्वपूर्ण नाहीं अहइ कि छूत फइली नाहीं अहइ। तू पचन क उ कपड़ा या चमड़ा बारि देइ चाही।</verse>
				<verse number="56">“मुला अगर याजक उ चाम या कपड़ा क लखत ह कि फपँदी मुरझान बा तउ याजक क चमड़ा या कपड़ा क फपूँदी स लाग दाग क चमड़ा या कपड़ा स फाड़ि देइ चाही। इ महत्वपूर्ण नाहीं कि कपड़ा क ताना बाना मँ फफूँदी अहइ या नाहीं।</verse>
				<verse number="57">मुला फपूँदी उ चमड़ा या कपड़ा पइ लौटि सकत ह। अगर अइसा होत ह तउ फपूँदी बढ़ति अहइ। उ चमड़ा या कपड़ा क बारि देइ चाही।</verse>
				<verse number="58">मुला अगर धोवइ क पाछे फपूँदी न लउटइ, तउ उ चाम या कपड़ा सुद्ध अहइ। एकर कउनो महत्व नाहीं कि कपड़ा क ताना बाना मँ फपूँदी अहइ या नाहीं। उ कपड़ा फुन धोइव चाही अउर उ सुद्ध होइ।”</verse>
				<verse number="59">चाम या कपड़ा पइ फपूँदी क बारे मँ फइसला करइ बरे इ सबइ नेम अहइ कि उ सुद्ध अहइ या असुद्ध। ऍकर कउनो महत्व नाहीं कि कपड़ा क ताना बाना मँ फपूँदी अहइ या नाहीं।</verse>
			</chapter>
			<chapter number="14">
				<verse number="1">यहोवा मूसा स कहेस,</verse>
				<verse number="2">“इ सबइ ओन लोगन बरे नेम अहइँ जेनका भयानक चर्मरोग रहा अउर जउन नीक होइ गएन। इ सबइ नेम उ मनई क सुद्ध बनावइ बरे अहइँ। “याजक क उ मनई क लखइ चाही जेका भयानक चर्मरोग अहइ।</verse>
				<verse number="3">याजक क उ मनई क लगे डेरा क बाहेर जाइ चाही। याजक क इ लखइ क कोसिस करइ चाही कि उ चर्म रोग नीक होइ ग अहइ।</verse>
				<verse number="4">अगर व्यक्ति स्वस्थ अहइ तउ याजक ओका इ करइ क कही। ओका दुइ जिअत सुद्ध पंछी, एक देवदारु क लकड़ी, लाल कपड़ा क एक ठु टूका अउर एक ठु जूफा क पौधा जरूर लइ आवइ चाही।</verse>
				<verse number="5">याजक क बहत भए पानी क ऊपर माटी क एक ठु खोरा मँ एक ठु पंछी क मारइ क हुकुम देइ चाही।</verse>
				<verse number="6">तब याजक दूसर जिअत पंछी, देवदारु क लकड़ी, लाल कपड़ा क टूकन अउ जूफा क पउधा स्वीकार करी। याजक क जिअत पंछी अउ दूसर चीजन क बहत भए पानी क ऊपर मारा गवा पंछी क रकत मँ बोरइ चाही।</verse>
				<verse number="7">याजक उ व्यक्ति प भयानक चर्मरोग स उपचार करइ बरे सात दाई रकत छिरकी। तब याजक क जरूर घोसित करइ चाही कि उ मनई सुद्ध अहइ। तब याजक क खुला मैदान मँ जाइ चाही अउ जिअत पंछी क अजाद करइ देइ चाही।</verse>
				<verse number="8">“ऍकरे पाछे उ व्यक्ति क आपन ओढ़ना जरूर धोवइ चाही। ओका आपन सब बार क मूंडन करावइ चाही अउ पानी स नहाइ चाही। उ पवित्तर होइ जाइ। तब उ व्यक्ति सिबर मँ जाइ सकी। मुला ओका आपन खेमा क बाहेर सात दिना तलक रहइ चाही।</verse>
				<verse number="9">सतएँ दिन ओका आपन सारा बार काट डावइ चाही। ओका आपन मूँड़, डाढ़ी, भौंहन क सबहिं बार कटवाइ लेइ चाही। तब ओका आपन कपड़ा धोवइ चाही अउ पानी स नहाइ चाही। तब उ मनई सुद्ध होइ।</verse>
				<verse number="10">“अठएँ दिन उ व्यक्ति क दुइ भेड़ी क नर बच्चन लेइ चाही जेहमाँ कउनो दोख न होइ। ओका एक बरिस क एक ठु मादा मेमना भी लेइ चाही जेहमाँ कउनो दोख न होइ। ओका एपा क तीन दसवाँ हींसा तेल मिला भवा उत्तिम आटा लेइ चाही। इ आटा अन्नबलि बरे अहइ। उ व्यक्ति क दुइ तिहाइ पिण्ट जैतून क तेल भी लेइ चाही।</verse>
				<verse number="11">याजक क एलान करइ चाही कि उ मनई सुद्ध अहइ। याजक क उ मनई अउ ओकरी बलि क मिलापवाला तम्बू क दुआरे पइ यहोवा क समन्वा लइ आवइ चाही।</verse>
				<verse number="12">याजक मेमनन मँ स एक क दोखबलि क रुप मँ चढ़ाई। उ मेमना क अउर उ तेल क यहोवा क समन्वा उत्तोलन बलि क रुप मँ चढ़ाई।</verse>
				<verse number="13">तब याजक नर मेमना क उहइ पवित्तर ठउर पइ मारी जहाँ उ पचे पापबलि अउ होमबलि क मारत हीं। दोखबलि, पापबलि क समान अहइ। इ याजक क बाटइ। इ बहोतइ पवित्तर अहइ।</verse>
				<verse number="14">“याजक दोखबलि क कछू रकत सुद्ध कीन्ह जाइवाला व्यक्ति क दाहिने काने क लौ मँ कछू रकत दाहिने हाथ क अंगूठा अउ दाहिन गोड़े क अंगूठा पइ लगाइ।</verse>
				<verse number="15">याजक कछू तेल भी लेइ अउ आपन बाईर् हथेली पइ डाई।</verse>
				<verse number="16">तब याजक आपन दाहिन हाथे क अँगुरियन अपन बाऍ हाथे क हथेली मँ धरे भए तेल मँ बोरी। उ आपन अँगुरी क प्रयोग कछू तेल यहोवा क समन्वा सात दाई छिरकइ बरे करी।</verse>
				<verse number="17">याजक आपन हथेली स कछू तेल सुद्ध कीन्ह जाइवाला मनई क दाहिन काने क लौ पइ लगाई। याजक कछू तेल उ मनई क दाहिन हाथे क अंगूठे अउ दाहिन गोड़ क अंगूठे पइ लगाइ। याजक कछू तेल दोखबलि क रकत पइ लगाई।</verse>
				<verse number="18">याजक आपन हथेली मँ बचा भवा तेल सुद्ध कीन्ह जाइवाला मनई क मूँड़े प लगाइ। इ तरह याजक उ मनई क पाप क यहोवा क समन्वा प्रायस्चित करी।</verse>
				<verse number="19">“ओकरे पाछे याजक पापबलि चढ़ाई अउ मनई क पापन्क प्रायस्चित करी। जेहसे उ सुद्ध होइ जाई। एकरे पाछे याजक होमबलि बरे पसु क मारी।</verse>
				<verse number="20">ऍह बरे याजक होमबलि अउ अन्नबलि क वेदी पइ चढ़ाई। इ तरह याजक उ मनई क पापन्क प्रायस्चित करी अउ उ मनई सुद्ध होइ जाई।</verse>
				<verse number="21">“अगर व्यक्ति गरीब अहइ अउ ओन बलियन क देइ मँ असमर्थ बाटइ तउ ओका एक ठु नर मेमना दोखबलि क रुप मँ लेइ चाही। इ उत्तोलन बलि उ व्यक्ति क पापन क प्रायस्चिय करइ बरे होइ। ओका एपा क दसवाँ हींसा तेल स मिला भवा उत्तिम महीन आटा लेइ चाही। इ आटा अन्नबलि क रुप मँ उपयोग मँ आई। मनई क दुइ तिहाई पिण्ट जैतून क तेल।</verse>
				<verse number="22">अउर दुइ फाख़ता या दुइ ठु कबूतरे क बच्चा लेइ चाही। इ सबइ चिजियन क देइ मँ गरीब लोग समर्थ होइहीं। एक पंछी पापबलि बरे होई अउ दूसर होमबलि बरे होई।</verse>
				<verse number="23">“अठएँ दिन, उ मनई ओन चिजियन क याजक क लगे मिलापवाला तम्बू क दुआर पइ लिआई। उ सबई चिजियन यहोवा क समन्वा बलि चढ़ाई जइहीं जेहसे मनई सुद्ध होइ जाई।</verse>
				<verse number="24">याजक, दोखबलि क मेमना अउर तेल भी लेई अउर ओनका यहोवा क समन्वा उत्तोलन बलि क रुप मँ चढ़ाई।</verse>
				<verse number="25">तब याजक दोखबलि क मेमना मारी। याजक दोखबलि क कछू रकत लेई। याजक एहमाँ स कछू रकत सुद्ध कीन्ह जाइवाला व्यक्ति क दाहिन कान क लौ पइ कछू रकत इ व्यक्ति क दाहिन हाथे क अंगूठा पइ अउर कछू रकत दाएँ गोड़ क अंगूठा पइ लगाई।</verse>
				<verse number="26">याजक इ तेल मँ स कछू आपन बाईर् हथेली मँ भी डाई।</verse>
				<verse number="27">याजक आपन दाहिन हाथे क अंगुरी क उपयोग आपन हथेली क तेल क यहोवा क समन्वा सात दाई छिरकइ बरे करी।</verse>
				<verse number="28">तब याजक आपन हथेली स कछू तेल उहइ जगह पइ लगाइ जहाँ उ पहिले लगाए रहा। उ आपन हथेली स कछू तेल सुद्ध कीन्ह जाइवाला व्यक्ति क दाहिन काने क लौ पइ लगाई। याजक इ तेल मँ स कछू तेल मनई क दाहिन हाथे क अंगूठा अउ ओकरे दाहिन गोड़े क अगूंठा पइ लगाई। याजक दोखबलि क रकत लगा ठउरे पइ एहमाँ स कछू तेल लगाई।</verse>
				<verse number="29">याजक क आपन हथेली क बचा भवा तेल क सुद्ध कीन्ह जाइवाला मनई क मूँड़े पइ डावइ चाही। इ तरह याजक यहोवा क समन्वा उ मनई क पापन क प्रायस्चित करी।</verse>
				<verse number="30">“तब मनई फ़खतन या कबूतरे क बच्चन मँ स एक क बलि चढ़ाई। (ओका उहइ चढ़ाइ चाही जेका गरीब व्यक्ति देइ मँ समर्थ होइ।)</verse>
				<verse number="31">ओका दुइनउँ पंछियन मँ स एक क पापबलि क रुप मँ चढ़ावइ चाही अउ दूसर पंछी क होमबलि क रुप मँ ओका ओनकइ अन्नबलि क संग भेंट चढ़ावइ चाही। इ तरह याजक यहोवा क समन्वा उ मनई क पाप क प्रायस्चित करी। उ मनई सुद्ध होइ जाई।”</verse>
				<verse number="32">इ सबइ भयानक चर्मरोग क नीक होइ क पाछे कउनो एक मनई क सुद्ध करइ क नेम अहइँ। इ सबइ नेम ओन मनइयन बरे अहइँ जउन सुद्ध होइ बरे साधारिन बलियन क खर्चा नाहीं उठाइ सकतेन।</verse>
				<verse number="33">यहोवा मूसा अउ हारून स इ भी कहेस,</verse>
				<verse number="34">“मइँ तोहरे लोगन क कनान देस देत अहउँ। तोहरे लोग इ भुइँया पइ जइहीं। उ समइ मँ होइ सकत ह, कछू लोगन क घरन मँ फपूँदी लगी होइ।</verse>
				<verse number="35">तउ उ घर क मालिक क याजक क लगे आइके कहइ चाही, ‘मइँ आपन घरे मँ फपूँदी जइसी कउनो चीज देखेउँ ह।’</verse>
				<verse number="36">“तब याजक क आदेस जरूर देइ चाही कि घर क खाली कइ दीन्ह जाइ। लोगन क याजक क फपूँदी लखइ जाइके पहिले ही इ जरूर करी। इ तरह घरे क सबहिं चिजियन क याजक क असुद्ध नाहीं कहइ पड़ी। लोगन क घर क खाली कइ दीन्ह जाइ क पाछे याजक घरे क अन्दर जाइ अउर देखइ।</verse>
				<verse number="37">याजक फपूँदी क लखी। अगर फपूँदी घरे क दीवारे पइ हरिअर या लाल रंग क चकत्ता बनाइ दिहे अहइँ अउर इ दीवारन क सतह स गहिरा मालूम पड़त अहइ,</verse>
				<verse number="38">तउ याजक क घरे स बाहेर निकरि आवइ चाही। अउ सात दिना तलक घर जरूर बन्द कइ देइ चाही।</verse>
				<verse number="39">“सतएँ दिन, याजक क हुआँ लौटइ चाही अउर घरे क जाँच करइ चाही। अगर घरे क दीवार पइ फपूँदी फइलि गइ होइ</verse>
				<verse number="40">तउ याजक क लोगन क हुकुम देइ चाही कि उ पचे फपूँदी क सात पाथरन क उखाड़ि देइँ अउर ओनका दूर बहाइ देइँ। ओनका ओन पाथरन क सहर स बाहेर विसेस असुद्ध जगह पइ लोकावइ चाही।</verse>
				<verse number="41">तब याजक क पूरे घर क भितरे से खुरचवावइ चाही। लोगन क उ लेप क जेका उ पचे खुरचेन ह, लोकाइ देइ चाही। ओनका उ लेप सहर क बाहेर खास असुद्ध जगह पइ डावइ चाही।</verse>
				<verse number="42">तबहिं उ मनई क नवा पाथर दीवारे मँ लगावइ चाही अउ ओका ओन दीवारन क नवा लेप स ढाँकि देइ चाही।</verse>
				<verse number="43">“होइ सकत ह कउनो मनई पुरान पाथरन अउ लेप क निकारिके नवा पाथरन अउ लेप क लगावइ अउ होइ सकत ह उ फपूँदी उ घरे मँ फिन परगट होइ।</verse>
				<verse number="44">तब याजक क आइके उ घरे क जाँच जरूर करइ चाही। अगर फपूँदी घरे क अन्दर मँ फइलि गइ अहइ, तउ इ रोग अहइ जउन दूसरी जगहन मँ जल्दी स फइलत ह। एह बरे घर असुद्ध अहइ।</verse>
				<verse number="45">उ मनई क उ घर गिराइ देइ चाही। ओनका सारा पाथर, लेप अउ दूसर लकड़ी क टूकन क सहर स बाहेर असुद्ध जगह पइ लइ जाइ चाही।</verse>
				<verse number="46">कउनो मनई जउन ओहमाँ जात ह, साँझ तलक असुद्ध रही।</verse>
				<verse number="47">अगर कउनो मनई ओहमाँ खाना खात ह या ओहमाँ सोवत ह तउ उ मनई क आपन ओढ़ना धोवइ चाही।</verse>
				<verse number="48">“घरे मँ नवा पाथर अउ लेप लगाए क पाछे याजक क घरे क जाँच करइ चाही। अगर फपूँदी घरे मँ नाहीं फइली अहइ तउ याजक एलान करी कि घर सुद्ध अहइ। काहेकि फपूँदी खतम होइ ग अहइ।</verse>
				<verse number="49">“तब घरे क सुद्ध करइ बरे याजक क दुइ ठु पंछी, एक देवदारू क लकड़ी, एक लाल कपड़ा क टूका अउ जूफा क पउधा लेइ चाही।</verse>
				<verse number="50">याजक बहत भए पानी क ऊपर माटी क एक ठु खोरा मँ एक पंछी मारी।</verse>
				<verse number="51">तब याजक देवदारु क लकड़ी, जूफा क पउधा, लाल कपड़ा क टूका अउ जिअत पंछी क लेई। याजक बहत पानी क ऊपर मारा भए पंछी क रकत मँ ओन चीजन क बोरी। तब याजक उ रकत क उ घरे पइ सात दाई छिरकी।</verse>
				<verse number="52">इ तरह याजक ओन चीजन क उपयोग घर क सुद्ध करइ बरे करी।</verse>
				<verse number="53">याजक खुला मैदान मँ सहर क बाहेर जाई अउर पंछी क उड़ाई देई। इ तरह याजक घरे बरे प्रायस्चित करी। घर सुद्ध होइ जाइ।”</verse>
				<verse number="54">उ सबइ नेम भयानक चर्मरोग क,</verse>
				<verse number="55">घर या कपड़ा क टूकन पइ क फपूँदी क बारे मँ अहइँ।</verse>
				<verse number="56">उ सबइ नेम सूजन, फुंसियन या चर्मरोग पइ सफेद दाग सम्बंध रखत हीं।</verse>
				<verse number="57">उ सबइ नेम सिखावत हीं कि चीजन कब असुद्ध अहइँ अउ कब सुद्ध अहइँ। उ सबइ नेम उ तरह क बेरामी स सम्बंध रखत हीं।</verse>
			</chapter>
			<chapter number="15">
				<verse number="1">यहोवा मूसा अउ हारून स कहेस,</verse>
				<verse number="2">“इस्राएल क लोगन स कहा: जब कउनो मनई क सरीर स धात क स्राव होत ह तब उ व्यक्ति असुद्ध होत ह।</verse>
				<verse number="3">उ धात सरीर स खुला बहत ह या सरीर ओका बहइ स रोक देत ह ऍकर कउनो महत्व नाहीं।</verse>
				<verse number="4">“अगर धात तजइवाला बिछउना पइ सोवत रहत ह तउ उ बिस्तर असुद्ध होइ जाइ। जउने जगह प उ बइठत ह उ असुद्ध होइ जाइ।</verse>
				<verse number="5">अगर कउनो मनई ओकरे बिछउना क छुअत ह तउ ओका आपन ओढ़नन क धोवइ चाही अउ पानी स नहाइ चाही। उ साँझ तलक असुद्ध रही।</verse>
				<verse number="6">अगर कउनो मनई उ चीज प बइठत ह जउने पइ धात तजइवाला मनई बइठा होइ तउ ओका आपन ओढ़ना धोवइ चाही अउर बहत पानी मँ नहाइ चाही। उ साँझ तलक असुद्ध रही।</verse>
				<verse number="7">अगर कउनो मनई उ मनई क छुअत ह जउन धात क तजे बाटइ तउ ओका आपन ओढ़नन क धोवइ चाही अउ बहत पानी मँ नहाइ चाही। उ साँझ तलक असुद्ध रही।</verse>
				<verse number="8">“अगर धात तजइवाला मनई कउनो सुद्ध मनई पइ छूवत ह तउ सुद्ध मनई क आपन ओढ़ना धोवइ चाही अउ नहाइ चाही। उ मनई साँझ तलक असुद्ध रही।</verse>
				<verse number="9">पसु पइ बइठइ क काठी जउने प धात तजइवाला मनई बइठा होइ तउ उ असुद्ध होइ जाइ।</verse>
				<verse number="10">एह बरे कउनो मनई जउन धात तजइवाला मनई क नीचे रहइवाली कउनो चीजे क छुअत ह तउ उ साँझ तलक असुद्ध रही। जउन मनई धात तजइवाला मनई रहइवाली कउनो नीचे क चीजन क लइ जात ह तउ ओका आपन ओढ़नन क धोवइ चाही अउ पानी मँ नहाइ चाही। उ साँझ तलक असुद्ध रही।</verse>
				<verse number="11">“सम्भव अहइ कि धात तजइवाला मनई पानी मँ बिना हाथ धोइके कउनो दूसर मनई क छुअइ। तब दूसर मनई आपन ओढ़नन क धोवइ चाही अउ पानी मँ नहाइ। उ साँझ तलक असुद्ध रही।</verse>
				<verse number="12">“धात तजइवाला मनई अगर माटी क खोरा छुअइ तउ उ खोरा जरूर फोड़ देइ चाही। अगर धात तजइवाला मनई कउनो काठे क खोरा छुअइ तउ उ खोरा क बहत पानी मँ अच्छी तरह धोवइ चाही।</verse>
				<verse number="13">“जब धात तजइवाला कउनो मनई आपन धात तजे स सुद्ध कीन्ह जात ह तउ ओका आपन सुद्धि बरे उ दिना स सात दिन गनइ चाही। तब ओका आपन ओढ़ना धोवइ चाही अउ बहत पानी मँ नहाइ चाही। उ सुद्ध होइ जाइ।</verse>
				<verse number="14">अठएँ दिन उ मनई क दुइ फ़ाखता या दुइ कबूतरे क बच्चा लेइ चाही। ओका मिलापवाला तम्बू क दुआरे पइ यहोवा क समन्वा आवइ चाही। उ मनई दुइ पंछी याजक क देइ।</verse>
				<verse number="15">याजक पंछियन क बलि चढ़ाई। एक क पापबलि बरे अउ दूसर क होमबलि बरे। इ तरह याजक इ मनई क यहोवा क समन्वा ओकरे धात तजइ बरे प्रायस्चित करी।</verse>
				<verse number="16">“अगर मनसेधू क वीर्य निकरि जात ह तउ ओका बहत पानी मँ नहाइ चाही। उ साँझ तलक असुद्ध रही।</verse>
				<verse number="17">अगर वीर्य कउनो ओढ़ना या चाम पइ गिरइ तउ उ ओढ़ना या चाम पानी मँ धोवइ चाही। इ साँझ तलक असुद्ध रही।</verse>
				<verse number="18">अगर कउनो मनसेधू कउनो स्त्री क संग सोवत ह अउ वीर्य निकरत ह तउ स्त्री अउ मनसेधू दुइनउँ क बहत पानी मँ नहाइ चाही। उ पचे साँझ तलक असुद्ध रइहीं।</verse>
				<verse number="19">“अगर कउनो स्त्री मासिक रकत स्राव क समइ मासिक धर्म स बाटइ तउ उ सात दिना तलक असुद्ध रही। अगर कउनो मनई ओका छुअत ह तउ उ मनई साँझ तलक असुद्ध रही।</verse>
				<verse number="20">आपन मासिक धर्म क समइ स्त्री जउन कउनो चीज पइ ओलरी, उ भी असुद्ध रही अउ उ समइ मँ जउने चीजे प उ बइठी, उ भी असुद्ध होइ।</verse>
				<verse number="21">अगर कउनो मनई उ स्त्री क बिछउना क छुअत ह तउ ओका आपन ओढ़नन क बहत पानी मँ धोवइ अउ नहाइ चाही। उ साँझ तलक असुद्ध रही।</verse>
				<verse number="22">अगर कउनो मनई उ चीज क छुअत ह जेह पइ उ स्त्री बइठी होइ तउ उ मनई क आपन ओढ़ना बहत पानी मँ धोवइ चाही अउ नहाइ चाही। उ साँझ तलक असुद्ध रही।</verse>
				<verse number="23">उ मनई स्त्री क बिछउना क छुअत ह या उ चीज क छुअत ह जेह पइ उ बइठी होइ, तउ उ मनई साँझ तलक असुद्ध रही।</verse>
				<verse number="24">“अगर कउनो मनई कउनो स्त्री क संग मासिक धर्म क समइ मँ यौन सम्बंध रखत ह तउ उ मनई सात दिना तलक असुद्ध रही। हर उ बिछउना जउने प उ सोवत ह असुद्ध होइ।</verse>
				<verse number="25">“अगर कउनो स्त्री क कइउ दिना तलक रकत स्राव रहत ह जउन ओकरे मासिक धर्म क समइ नाहीं होत, या निस्चित समइ क पाछे मासिक धर्म होत ह तउ उ उहइ तरह असुद्ध होइ जेह तरह मासिक धर्म क समइ अउ तब तलक असुद्ध रही जब तलक रही।</verse>
				<verse number="26">पूरा रकत स्राव क समइ उ स्त्री जेह बिछउना पइ ओलरी, उ वइसा ही होइ जइसा मासिक धर्म क समइ। जउन कउनो चीजे पइ उ स्त्री बइठी, उ वइसे ही असुद्ध होइ जइसेन उ मासिक धर्म स असुद्ध होत ह।</verse>
				<verse number="27">अगर कउनो मनई ओन चिजियन क छुअत ह तउ उ असुद्ध होइ। इ मनई क बहत पानी स आपन (कपड़ा) धोवइ चाही अउ नहाइ चाही। उ साँझ तलक असुद्ध रही।</verse>
				<verse number="28">ओकरे पाछे जब उ स्त्री मासिक धर्म स असुद्ध होइ जात ह तब स ओका सात दिन जरूर गनइ चाही एकरे पाछे उ सुद्ध होइ।</verse>
				<verse number="29">फिन अठएँ दिन ओका दुइ फाखता अउ दुइ कबूतरे क बच्चा लेइ चाही। ओका ओनका मिलापवाला तम्बू क दुआरे पइ याजक क लगे जरूर लावइ चाही।</verse>
				<verse number="30">तब याजक क एक पंछी पापबलि क रुप मँ अउ दूसर क होमबलि क रुप मँ चढ़ावइ चाही। इ तरह उ याजक ओका यहोवा क समन्वा ओकरे स्राव बरे प्रायस्चित करी।</verse>
				<verse number="31">“एह बरे तू इस्राएल क लोगन क उपदेस द्या कि उ पचन्क अपने आप क अलग करइ चाही जउन उ असुद्ध अहइ। इ तरह उ मोर पवित्तर तम्बू क दूसित नाहीं करब्या जउन ओकर बीच बाटइ। अगर उ पचे ऍका दूसित करत हीं तउ आपन असुद्धी क कारण जरूर मरइ क होइ।”</verse>
				<verse number="32">इ सबइ नेम तजइवाले लोगन क बरे अहइँ। इ सबइ नेम ओन मनइयन बरे अहइँ जउन वीर्य क सरीर स बाहेर निकरइ स असुद्ध होत हीं।</verse>
				<verse number="33">अउर इ सबइ नेम ओन स्त्रियन बरे अहइँ जउन आपन मासिक धर्म क रकत स्राव क समइ असुद्ध होह हीं अउर उ सबइ नेम ओन मनसेधुअन बरे अहइँ जउन असुद्ध स्त्रियन क संग सोवइ स असुद्ध होत हीं।</verse>
			</chapter>
			<chapter number="16">
				<verse number="1">हारून क दुइ पूत यहोवा क सुगन्ध भेंट चढ़ावइ क जतन करइ क समइ मर ग रहेन।</verse>
				<verse number="2">एकर पाछे यहोवा मूसा स कहेस, “आपन भाई हारून स कहा कि उ महा पवित्तर ठउर मँ पर्दा क पाछे कउनो टेम जाइ चाहत ह तउ नाहीं जाइ सकत ह। उ पर्दा क पाछे जउन कमरा बाटइ ओहमाँ पवित्तर सन्दूख रखा भवा अहइ। पवित्तर सन्दूख क ऊपर ओकर बिसेस ढकना लाग अहइ। बिसेस ढकना क ऊपर एक ठु बदरे मँ मइँ परगट होब। अगर हारून उ कमरा मँ जात ह तउ उ मरि जाइ।</verse>
				<verse number="3">“प्रायस्चित क दिन पवित्तर ठउर मँ जाइके पहिले हारून क पापबलि क बरे एक ठु बछवा अउ होमबलि बरे एक ठु भेड़ा क महा पवित्तर ठउर क दुआरे क अगवा जरूर भेंट करइ चाही।</verse>
				<verse number="4">हारून आपन पूरा सरीर क पानी डाइके धोइ। तब हारून इ सबइ ओढ़नन क पहिरी। सन क नीचे क ओढ़ना सरीर स सटा होइहीं। उ सन स बना भवा कमर बन्द बान्ध लेइहीं। तउ हारून सन क पगड़ी बाँधी। इ सबइ पवित्तर ओढ़ना अहइँ।</verse>
				<verse number="5">“हारून क इस्राएल क लोगन स दुइ ठु बोकरा पापबलि क रूप मँ अउ एक ठु भेड़ा होमबलि क रूप मँ जरूर लेइ चाही।</verse>
				<verse number="6">तब हारून बछवा क पापबलि क रूप मँ चढ़ाइ। इ बलि ओकरे अपने बरे अहइ। तब हारून उ अउ ओकर परिवार बरे प्रायस्चित करी।</verse>
				<verse number="7">“एकरे पाछे हारून दुइ बोकरा लेइ अउ मिलापवाला तम्बू क दुआरे पइ यहोवा क समन्वा लिआइ।</verse>
				<verse number="8">हारून दुइनउँ बोकरन बरे चिट्ठी डाइ। एक चिट्ठी यहोवा बरे होइ। दूसरी चिट्ठी अजाजेल बरे होइ।</verse>
				<verse number="9">“तब हारून चिट्ठी डाइके यहोवा खातिर चुना गवा बोकरा क भेंट चढ़ाइ। हारून क इ बोकरा क पापबलि बरे चढ़ावइ चाही।</verse>
				<verse number="10">मुला चिट्ठी डाइके अजाजेल बरे चुना गवा बोकरा यहोवा क समन्वा जरूर जिअत लइ आवा जाइ चाही। याजक ऐसे ओकर पाप बरे प्रायस्चित करी। तब इ बोकरा मरूभूमि मँ अजाजेल क लगे पठवा जाइ।</verse>
				<verse number="11">“तब हारून आपन बरे बछवा क पापबलि रूप मँ चढ़ाइ। हारून अपने अउ आपन परिवार बरे प्रायस्चित करी। हारून बछवा क अपने बरे पापबलि क रूप मँ मारी।</verse>
				<verse number="12">तब ओका वेदी स आगी क एक ठु तसला अंगारा स भरा भवा यहोवा क समन्वा लइ आवइ चाही। हारून दुई मुट्ठी भइ उ महकइवाली सुगन्धित धूप लेइ जउन महीन पीसी गइ अहइ। हारून क पर्दा क पाछे कमरा मँ उ सुगन्धि क लिआवइ चाही।</verse>
				<verse number="13">हारून क यहोवा क समन्वा सुगन्धि क आगी मँ जरूर डावइ चाही। तबहिं सुगन्धि स भरी धूप क धुआँ क बदर साच्छीपत्र क ऊपर क बिसेस ढकना क ढाँकि लेइ। इ तरह हारून नाहीं मरी।</verse>
				<verse number="14">साथ ही साथ हारून क बछवा क कछू रकत अपनी अँगुरियन पइ लइ चाही अउ ओका बिसेस ढकना क पूरब कइँती छिछकारइ चाही। एकरे समन्वा उ सात दाई जरूर अंगुरी स रकत छिछकारी।</verse>
				<verse number="15">“एकरे पाछे हारून क लोगन बरे पापबलि क रुप मँ बोकरा क मारइ चाही। हारून क बोकरा क रकत पर्दा क पाछे कमरा मँ जरूर लावइ चाही। हारून क बोकरा क रकत क प्रयोग वइसा ही करइ चाही जइसा बछवा क रकत क किहस। हारून क उ ढकना पइ अउर ढकना क समन्वा बोकरा क खून जरूर छिछकारइ चाही।</verse>
				<verse number="16">अउर ओका इस्राएल क लोगन क असुद्धता स, अउ ओकर अपराधन अउर पापन स महा पवित्तर ठउर क सुद्ध करइ बरे प्रायस्चित करी चाही। हारून क इ इहइ मिलापवाला तम्बू बरे करइ चाही जउन असुद्ध लोगन क बीच मँ बाटइ।</verse>
				<verse number="17">“जउने समइ हारून महा पवित्तर ठउर सुद्ध करइ, उ समइ कउनो मनई मिलापवाला तम्बू मँ नाहीं होइ चाही। कउनो मनई क ओकरे भीतर तब तलक नाहीं जाइ चाही जब तलक हारून बाहेर न आइ जाइ। इ तरह, हारून आपन क, आपन परिवार क अउर इस्राएल क सबहिं लोगन बरे प्रायस्चित करी।</verse>
				<verse number="18">तब हारून उ वेदी पइ जाइ जउन यहोवा क समन्वा बाटइ। हारून वेदी बरे प्रायस्चित करी। हारून बछवा अउ बोकरा क कछू रकत लइके वेदी क चारिहुँ कइँती अउ कोना पइ लगाइ।</verse>
				<verse number="19">तब हारून कछू रकत आपन अँगुरियन स वेदी पइ सात दाई छिरकी। इ तरह हारून इस्राएल क लोगन क सबहिं पापन स वेदी क सुद्ध अउ पवित्तर करी।</verse>
				<verse number="20">“हारून महा पवित्तर स्थान, मिलापवाला तम्बू अउ वेदी बरे प्रायस्चित करी। इ सबइ काम क पाछे हारून यहोवा क लगे जिअत बोकरा क लिआई।</verse>
				<verse number="21">हारून आपन दुइनउँ हाथन क जिअत बोकरा क मूँड़े पइ धरी। तब हारून बोकरा क ऊपर इस्राएल क लोगन क अपराध अउ पाप क कबूली। इ तरह हारून लोगन क पापन क बोकरा क मूँड़े पइ डाइ। तब उ बोकरा क दूर रेगिस्तान मँ पठइ। एक मनई बगल मँ बोकरा क लइ जाइके बरे खड़ा होइ।</verse>
				<verse number="22">इ तरह बोकरा सबहिं लोगन क पाप अपने ऊपर सूना रेगिस्तान मँ लइ जाइ। जउन मनई बोकरा क लइ जाइ उ रेगिस्तान मँ ओका खुला छोड़ि देइ।</verse>
				<verse number="23">“तब हारून मिलापवाला तम्बू मँ जाई। उ सन क ओन उत्तिम ओढ़नन क पहिरिही जेनका उ महा पवित्तर स्थान मँ जात समइ पहिरे रहा। ओका ओन ओढ़नन क हुअँइ तजइ चाही।</verse>
				<verse number="24">उ आपन पूरा सरीर क एक पवित्तर जगह मँ पानी स धोई। तब उ आपन दूसर खास ओढ़नन क पहिरी। उ बाहेर आइ अउर आपन होमबलि अउर लोगन क होमबलि चढ़ाइ। उ आपन क अउ लोगन क पाप बरे प्रायस्चित करी।</verse>
				<verse number="25">तब उ वेदी पइ पापबलि क चबीर् क चढ़ाइ।</verse>
				<verse number="26">“जउन मनई बोकरा क अजाजेल क लगे लइ जाइ, उ आपन ओढ़ना अउ आपन पूरा सरीर क पानी स धोवइ चाही। ओकरे पाछे उ मनई सिबिर मँ वापिस आइ सकत ह।</verse>
				<verse number="27">“पापबलि क बछवा अउर बोकरा क सिबिर स जरूर बाहेर लइ जाइ चाही। (उ पसुअन क रकत पवित्तर ठउरे मँ पवित्तर चीजन बरे प्रायस्चित करइ बरे लिआवा ग रहा।) याजक ओन पसुअन क चाम, सरीर अउ सरीरे क मल आगी मँ बारी।</verse>
				<verse number="28">तब ओन चीजन क बारइवाला मनई क आपन ओढ़ना अउ पूरा सरीर क पानी डाइके धोवइ चाही। ओकरे पाछे उ मनई डेरा मँ आइ सकत ह।</verse>
				<verse number="29">“इ नेम तोहरे बरे सदा रही। सतएँ महीना क दसवें दिन तू पचन क जरूर उपवास करइ चाही। तू पचन क कउनो काम नाहीं करइ चाही। तोहरे संग रहइवाला नागरिक या विदेसी भी कउनो काम नाहीं कइ सकिहीं।</verse>
				<verse number="30">काहेकि उ दिन याजक तोहका सुद्ध किहेस ह अउ तोहरे पापन्क बरे प्रायस्चित किहेस ह। तब तू पचे यहोवा बरे सुद्ध होब्या।</verse>
				<verse number="31">इ दिन तोहरे बरे आराम करइ क बिसेस दिन अहइ। तोहका सबन क इ दिन उपवास करइ चाही। इ नेम सदा बरे होइ।</verse>
				<verse number="32">“तउ उ मनई जउन महा याजक बनइ बरे अभिसेक किहेस ह इ चीजन सुद्ध करइ बरे प्रायस्चित करी। इ उहइ मनई अहइ जेका ओकरे पिता क मउत क पाछे महा याजक क रुप मँ सेवा बरे तय कीन्ह ग अहइ। उ याजक क सन क पवित्तर ओढ़ना धारण करइ चाही।</verse>
				<verse number="33">ओका पवित्तर स्थान, मिलापवाला तम्बू अउ वेदी क सुद्ध करइ चाही अउ ओका याजक अउ इस्राएल क सबहिं लोगन क सुद्ध करइ चाही।</verse>
				<verse number="34">इस्राएल क लोगन क प्रायस्चित करइ क इ नेम सदा ही रही। तोहका इ सबइ बरिस मँ एक दाईं जरूर करइ चाही।” एह बरे उ पचे उहइ किहेन जउन करइ क यहोवा मूसा क आदेस दिहे रहा।</verse>
			</chapter>
			<chapter number="17">
				<verse number="1">यहोवा मूसा स कहेस,</verse>
				<verse number="2">“हारून, ओकरे पूतन अउ इस्राएल क सबहिं मनइयन स कहा। ओनका कहा कि यहोवा इ हुकुम दिहे अहइ:</verse>
				<verse number="3">कउनो इस्राएली मनई कउनो बर्धा या भेड़ी क बच्चा या बोकरा क डेरा मँ या डेरा क बाहेर मारि सकत ह।</verse>
				<verse number="4">उ व्यक्ति उ जनावरे क मिलापवाले तम्बू क दुआरे पइ लिआइ। ओका उ जनावर क एक हींसा यहोवा क भेंट क रुप मँ देइ चाही। उ व्यक्ति रकत बहाएस ह। उ मारे बाटइ एह बरे ओका यहोवा क पवित्तर तम्बू मँ भेंट लइ जाइ चाही। अगर उ जनावर क हींसा यहोवा क लगे नाहीं लइ जात तउ ओका आपन लोगन स अलग कइ देइ चाही।</verse>
				<verse number="5">इ नेम एह बरे अहइ कि लोग मेलबलि यहोवा क अर्पण करइँ। इस्राएल क लोगन क ओन जनावरन क जरूर लावइ चाही जेनका उ पचे मैदान मँ मारत ह। ओनका ओन जनावरन क मिलापवाला तम्बू क दुआर पइ लावइ चाही। ओनका ओन जनावरन क याजक क लगे लिआवइ चाही।</verse>
				<verse number="6">तब याजक ओन जनावरन क रकत मिलापवाला तम्बू क दुआरे क लगे यहोवा क वेदी तलक फेंकइ। याजक ओन जनावरन क चबीर् क वेदी पइ बारी। इ यहोवा बरे महकउआ सुगन्ध होइ।</verse>
				<verse number="7">ओनका कउनो भेंट ‘बोकरन क मूतिर्यन’ क अगवा नाहीं चढ़ावइ चाही, जउन उ पचन क वेस्यावृति क नाईं बदलत हीं। इ सबइ नेम हमेसा रइहइँ।</verse>
				<verse number="8">“लोगन स कहा: इस्राएल क कउनो नागरिक या कउनो बिदेसी जउन तू पचन क बीच बसत ह मँ स कउनो जउन मेलबलि अउ होमबलि चढ़ावत ह</verse>
				<verse number="9">ओका आपन बलि क मिलापवाला तम्बू क दुआर पइ लइ चाही अउ ओका यहोवा क चढ़ावइ चाही। अगर उ मनई अइसा नाहीं करत तउ ओका आपन लोगन स अलग कइ देइ चाही।</verse>
				<verse number="10">“मइँ हर अइसे मनई क खिलाफ होब जउन रकत खात ह। चाहे उ इस्राएल क नागरिक होइ या उ तोहरे बीच रहइवाला कउनो विदेसी होइ। मइँ ओका ओकरे लोगन स अलग कइ देब।</verse>
				<verse number="11">काहेकि प्राणी क जीवन रकत मँ बाटइ। मइँ तू पचन क उ रकत वेदी पइ डावइ क नेम दिहेउँ ह। इ तोहार आपन प्रायस्चित करइ बरे अहइ। कहेकि रकत मँ जान बाटइ, इ तोहार प्रायस्चित करी।</verse>
				<verse number="12">एह बरे मइँ इस्राएल क लोगन स कहत हउँ: तू पचन मँ स कउनो अउर न ही तू पचन क बीच रहइवाला कउनो बिदेसी रकत खाइ सकत ह।</verse>
				<verse number="13">“अगर कउनो मनई कउनो जंगली जनावर या पंछी क धरत ह जेका खावा जाइ सकइ तउ उ मनई क रकत भुइँया पइ जरूर बहाइ देइ चाही अउ माटी स ओका मूँद देइ चाही। चाहे उ मनई इस्राएल क नागरिक होइ या तू पचन क बीच रहइवाला बिदेसी ओका इ जरूर करइ चाही।</verse>
				<verse number="14">तू पचन क इ काहे करइ चाही? काहेकि अगर रकत गोसे मँ बाटइ तउ उ जनावर क प्राण भी गोसे मँ बाटइ। एह बरे मइँ इस्राएल क लोगन क हुकुम देत अहउँ: उ गोस क जिन खा जेहमाँ रकत होइ। कउनो भी मनई जउन रकत खात ह आपन लोगन स अलगाइ दीन्ह जाइ।</verse>
				<verse number="15">“अगर कउनो मनई खुद स मरा भवा जनावर या कउनो दूसर जनावर क जरिये मारा भवा जनावर क खात ह। उ साँझ तलक असुद्ध रही। तउ उ मनई क आपन ओढ़ना अउ आपन पूरा सरीर पानी स धोवइ चाही। चाहे उ मनई इस्राएल क नागरिक हो या तू पचन क बीच रहइवाल बिदेसी। ओका इ जरूर करइ चाही।</verse>
				<verse number="16">अगर उ मनई आपन ओढ़नन क नाहीं धोवत अउ न ही नहात ह तउ उ पाप करइ क अपराधी होइ।”</verse>
			</chapter>
			<chapter number="18">
				<verse number="1">यहोवा मूसा स कहेस,</verse>
				<verse number="2">“इस्राएल क लोगन स कहा: मइँ यहोवा तू पचन क परमेस्सर अहउँ।</verse>
				<verse number="3">हिआँ आवइ क पहिले तू लोग मिस्र मँ रह्या। तू पचन क उ नाहीं करइ चाही जउन हुआँ होत भवा रहा। मइँ तू लोगन क कनान लइ जात अहउँ। तू लोगन क उ नाहीं करब अहइ जउन उ देस मँ कीन्ह जात ह।</verse>
				<verse number="4">तू पचन क मोरे नेमन क जरूर पालन करइ चाही। इ नेमन क पालन मँ होसियार रहा। काहेकि मइँ यहोवा तू पचन क परमेस्सर अहउँ।</verse>
				<verse number="5">एह बरे तू पचन क मोरे सबइ नेमन अउ कानून क पालन जरूर करइ चाही। अगर कउनो मनई मोर सबइ नेमन अउ हुकुमन क पालन करत ह तउ उ जिअत रही। मइँ यहोवा अहउँ।</verse>
				<verse number="6">“तोहका सबन्क निचके क रिस्तेदारन स कबहुँ यौन सम्बंध नाहीं करइ चाही। मइँ यहोवा अहउँ!</verse>
				<verse number="7">“तू पचन्क आपन पिता क अपमान नाहीं करइ चाही अरथ अहइ तू पचन्क आपन महतारी क संग यौन सम्बंध नाहीं करइ चाही।</verse>
				<verse number="8">तू पचन्क आपन बाप क मेहरारु स भी यौन सम्बंध नाहीं करइ चाही चाहे उ तोहार महतारी भले ही न होइ। पिता क स्त्री स यौन सम्बंध सिरिफ तोहरे पिता बरे अहइ।</verse>
				<verse number="9">“तू पचन्क आपन पिता या महतारी क बिटिया अर्थात आपन बहिन स यौन सम्बंध नाहीं करइ चाही। एहसे फरक नाहीं पड़त कि तोहरी उ बहिन क पालन पोसण तोहरे घरे मँ भवा या कउनो दूसर जगह।</verse>
				<verse number="10">“तोहका सबन्क आपन नाती पोतन स यौन सम्बंध नाहीं करइ चाही। उ पचे तोहार अंग अहइँ।</verse>
				<verse number="11">“अगर तोहरे पिता अउ ओकर पत्नी क कउनो बिटिया अहइ तउ तोहरा बहिन अहइ। तू सबन्क ओनकइ संग यौन सम्बंध नाहीं करइ चाही।</verse>
				<verse number="12">“आपन पिता क बहिन क संग तोहार यौन सम्बंध नाहीं होइ चाही। उ तोहरे पिता क गोत क अहइ।</verse>
				<verse number="13">तू पचन्क आपन महतारी क बहिन क संग यौन सम्बंध नाहीं करइ चाही। उ तोहरे महतारी क गोत क अहइ।</verse>
				<verse number="14">तू पचन्क आपन पिता क भाई क पत्नी क संग यौन सम्बंध नाहीं करइ चाही। तू पचन्क आपन चाचा क पत्नी क निअरे तलक नाहीं जाइ चाही। उ तोहार काकी अहइ।</verse>
				<verse number="15">“तोहका पचन्क आपन पतोहू क संग यौन सम्बंध नाहीं करइ चाही। उ तोहरे बेटवा क पत्नी अहइ। तोहका ओकरे संग यौन सम्बंध नाहीं करइ चाही।</verse>
				<verse number="16">“तू पचन्क आपन भाई क पत्नी क संग यौन सम्बंध नाहीं करइ चाही। इ आपन भाई क संग यौन सम्बंध राखब जइसा होइ। सिरिफ तोहार भाई आपन पत्नी क संग यौन सम्बंध रख सकत ह।</verse>
				<verse number="17">“तोहका सबन्क कउनो महतारी अउ ओकरी बिटिया स यौन सम्बंध नाहीं रखइ चाही अउ तोहका इ स्त्री क नातिन स यौन सम्बंध नाहीं रखइ चाही। एहसे इ फरक नाहीं पड़त कि उ नातिन उ स्त्री क पूत या बिटिया क बिटिया बाटइ। ओकर पोतिन ओकरे नजदिकी गोत क बाटिन। ओनकइ संग यौन सम्बंध करब गलत अहइ।</verse>
				<verse number="18">“जब ताई तोहार स्त्री जिअत बाटइ, तू सबन्क ओकरी बहिन क दूसर स्त्री नाहीं बनावइ चाही। इ बहिनियन क आपसी दुस्मन बनाइ देइ। तोहका सबन्क आपन स्त्री क बहिन स यौन सम्बंध नाहीं करइ चाही।</verse>
				<verse number="19">“तोहका सबन्क कउनो स्त्री क लगे ओकरे मासिक धर्म क समइ यौन सम्बंध बरे नाहीं जाइ चाही। उ इ समइ असुद्ध अहइ।</verse>
				<verse number="20">“तोहे सबन्क आपन पड़ोसी क स्त्री स यौन सम्बंध नाहीं करइ चाही। इ तू सबन्क असुद्ध बनाइ।</verse>
				<verse number="21">“तू सबन्क आपन कउनो गदेला क आगी क जरिये मोलेक क भेंट नाहीं चढ़ावइ चाही। अगर तू पचे अइसा करत अहा तउ तू पचे आपन यहोवा क नाउँ क अपमान किहस ह। मइँ यहोवा अहउँ।</verse>
				<verse number="22">“तू सबन्क कउनो मनसेधू क संग यौन सम्बंध नाहीं करइ चाही जइसा कउनो स्त्री क साथ कीन्ह जात ह। इ भयंकर पाप अहइ।</verse>
				<verse number="23">“कउनो जनावर क संग तोहार यौन सम्बंध नाहीं होइ चाही। इ सिरिफ तोहका घिनौना बनाइ देइ। स्त्री क भी कउनो जनावर क संग यौन सम्बंध नाहीं करइ चाही। इ प्रकृति क खिलाफ अहइ।</verse>
				<verse number="24">“इ सबइ अनुचित कामन स आपन क असुद्ध जिन करा। मइँ ओन रास्ट्रन क ओकर देस स बाहेर करत हउँ अउर मइँ ओनकी धरती तू सबन्क देत अहउँ। काहेकि उ पचे लोग वइसेन भयंकर पाप करत हीं।</verse>
				<verse number="25">एह बरे उ देस असुद्ध होइ ग बाटइ। एह बरे मइँ ओन लोगन स ओनकइ पापन बरे भरपाई कराउब। उ देस आपन निवासियन बाहेर अलगइ देत ह।</verse>
				<verse number="26">“एह बरे तू पचे मोरे सबइ नेमन अउ कानूनन क पालन जरूर करब्या। तू पचन्क ओनमाँ स कउनो भयंकर पाप नाहीं करइ चाही। इ सबइ नेमन इस्राएल क सबहिं नागरिक अउर तोहरे बीच रहइवाला सबहिं बिदेसियन बरे बाटइ।</verse>
				<verse number="27">जउन लोग तू सबन्स पहिले हुआँ रहेन उ पचे उ सबइ भयंकर पापन किहेन। जेहसे उ धरती असुद्ध होइ गवा।</verse>
				<verse number="28">अगर तू पचे भी उहइ काम करब्या तउ तू पचे इ धरती क गन्दा बनउब्या। इ तू लोगन्क वइसेन ही बाहेर निकारि देइ, जइसेन तू पचेन स पहिले बसइवाली जातियन क संग कीन्ह गवा रहा।</verse>
				<verse number="29">अगर कउनो मनई ओन भयंकर पापन मँ कउनो पाप करत ह, तउ उ आपन लोगन स अलग कइ दीन्ह जाइ।</verse>
				<verse number="30">दूसर लोग उ ओन भयंकर पापन क किहेन ह। मुला मोरे नेमन क पालन करइ चाही। तोहका पचन्क ओन भयंकर पापन मँ स कउनो भी नाहीं करइ चाही। ओन भयंकर पापन स आपन क असुद्ध जिन बनावा। मइँ तोहार सबन्क परमेस्सर यहोवा अहउँ।”</verse>
			</chapter>
			<chapter number="19">
				<verse number="1">यहोवा मूसा स कहेस,</verse>
				<verse number="2">“इस्राएल क सबहिं लोगन स कहा: कि मइँ तोहार परमेस्सर अहउँ मइँ पवित्तर हउँ! एह बरे तू सबन्क पवित्तर होइ चाही!</verse>
				<verse number="3">“तू पचन मँ स हर एक मनई क आपन महतारी बाप क सम्मान करइ चाही अउ मोर बिस्राम क खास दिनन क मनावइ चाही। मइँ तोहार पवित्तर परमेस्सर अहउँ!</verse>
				<verse number="4">“मूतिर्यन क उपासना जिन करा। आपन बरे देवतन क मूतिर्यन क धातु गलाइके जिन बनावा। मइँ तू लोगन क परमेस्सर यहोवा अहउँ।</verse>
				<verse number="5">“जबहिं तू यहोवा क मेलबलि चढ़ावा तउ तू पचे ओका अइसे ठीक तरीका स चढ़ावा कि यहोवा तोहार बलि क स्वीकार कइ लेइ।</verse>
				<verse number="6">जउने दिन चढ़उब्या तू ऍका खाइ सकब्या अउ दूसरे दिना भी। मुला अगर बलि क कछू हींसा तीसर दिन भी बचि जाइ तउ ओका तू पचन क आगी मँ बारि देइ चाही।</verse>
				<verse number="7">कउनो भी बलि क तीसर दिन नाहीं खाइ चाही। इ असुद्ध बाटइ। इ अंगीकार नाहीं होइ।</verse>
				<verse number="8">अगर कउनो मनई अइसा कामन करत ह तउ उ दोखी होइ। काहेकि उ यहोवा क पवित्तर चीजन क दूसित किहेस। उ मनई क ओकर लोगन स अलग कइ दीन्ह जाई।</verse>
				<verse number="9">“जबहिं तू कटनी क समइ आपन फसल काट्या तउ तू पचे सब कइँती स खेत क कोनन ताई जिन काट्या अउर अगर अन्न जमीन पइ गिरि जात ह तउ तू पचन्क ओका बटोरइ नाहीं चाही।</verse>
				<verse number="10">आपन अंगूरे क बगिया क सारा अंगूर जिन तोड़्या। जउन अंगूर भुइँया पइ गिरि जाइँ ओनका जिन उठावा। काहेकि तू पचन्क उ सबइ चीजन गरीब लोगन अउर जउन तोहार बीच रहइवाला बिदेसियन बाटइ ओनके बरे छोड़इ चाही। मइँ यहोवा तोहार परमेस्सर अहउँ!</verse>
				<verse number="11">“तू पचन्क चोरी नाहीं करइ चाही। तू पचन्क लोगन्क ठगी नाहीं करइ चाही। तू पचन्क आपुस मँ झूठ नाहीं बोलइ चाही।</verse>
				<verse number="12">तू पचन्क मोरे नाउँ पइ झूठा बचन नाहीं देइ चाही। अगर तू पचे अइसा करत ह्या तउ तू पचे आपन परमेस्सर क नाउँ क अपमान करत ह। मइँ यहोवा तोहार परमेस्सर अहउँ!</verse>
				<verse number="13">“तू पचन्क आपन पड़ोसी क धोखा नाहीं देइ चाही। तू पचन्क ओकर चोरी नाहीं करइ चाही। तू पचन्क मजदूर क मजदूरी पूरी रात, भिन्सारे तलक नाहीं रोकइ चाही।</verse>
				<verse number="14">“तू पचन्क कउनो बहिरे मनई क सरापइ नाहीं चाही। तू पचन्क कउनो आँधर क भहरावइ बरे ओकरे अगवा कउनो चीज नाहीं रखइ चाही। मुला तू पचन्क आपन परमेस्सर यहोवा क सम्मान करइ चाही। मइँ यहोवा अहउँ!</verse>
				<verse number="15">“तू पचन्क क निआव करइ मँ ईमानदार होइ चाही। न तउ तू पचन्क गरीबन क संग खास पच्छपात करइ चाही अउ न ही बड़कन अउ धनी मनइयन बरे कउनो आदर देखावइ चाही। तू पचन्क आपन पड़ोसी क संग निआव करत समइ ईमानदार होइ चाही।</verse>
				<verse number="16">तू पचन्क दूसर लोगन्क खिलाफ चारिहुँ कइँती अफवाह सँचरावत भए नाहीं चलइ चाही। अइसा कछू जिन करा जउन तू पचन्क पड़ोसी क खतरा मँ डाइ देइ। मइँ यहोवा अहउँ!</verse>
				<verse number="17">“तू पचन्क आपन हिरदइ मँ आपन भाइयन स घिना नाहीं करइ चाही। अगर तोहार पड़ोसी कछू बुरा करत ह तउ एकरे बारे मँ ओका समझावा। मुला ओका छिमा करा!</verse>
				<verse number="18">लोग, जउन तोहार बुरा करइँ, ओका बिसरि जा। ओसे बदला लेइ क कोसिस जिन करा। आपन पड़ोसी स वइसेन ही पिरेम करा जइसे अपने आप स करत ह्या। मइँ यहोवा अहउँ!</verse>
				<verse number="19">“तू पचन्क मोरे नेमन क पालन जरूर करा। दुइ जाति क जनावरन क प्रजनन बरे आपुस मँ जिन मिलावा। तू पचन क खेते मँ दुइ तरह क बिआ नाहीं मिलावइ चाही। तू पचन्क दुइ तरह क मिलावट स बना ओढ़ना क नाहीं पहिरइ चाही।</verse>
				<verse number="20">“इ होइ सकत ह कि कउनो दूसर मनई क दासी स कउनो मनई क यौन संबंध होइ। अगर इ दासी न तउ खरीदी गइ अहइ अउर न ही अजाद कराई गइ अहइ तउ ओनका जरूर दण्ड दीन्ह जाइ चाही। मुला उ पचे मउत न पइहीं। काहेकि स्त्री अजाद नाहीं रही।</verse>
				<verse number="21">उ मनई क आपन अपराध बरे मिलापवाला तम्बू क दुआरे पइ यहोवा बरे जरूर दोखबलि चढ़ावइ चाही। मनई क एक ठु भेड़ा दोखबलि क रूप मँ लावइ चाही।</verse>
				<verse number="22">याजक उ मनई बरे जउन पाप किहेस ह क प्रायस्चित करी। याजक यहोवा क दोखबलि क रुप मँ भेड़ा क चढ़ाइ। इ मनई क कीन्ह गए पापन बरे भेंट होइ। तब मनई आपन कीन्ह गए पापन बरे छिमा पाइहीं।</verse>
				<verse number="23">“भविस्स मँ तू पचे आपन प्रदेस मँ प्रवेस करब्या। उ समइ भोजन बरे तू पचे किसिम किसिम क बृच्छ लगउब्या। पौधा लगावइ क पाछे बृच्छ क कउनो फले क प्रयोग करइ बरे तोहका तीन बरिस तलक जोहइ चाही। तू पचन क ओसे पहिले क फल क प्रयोग नाहीं करइ चाही।</verse>
				<verse number="24">चउथे बरिस उ बृच्छ क फले यहोवा क होइहीं। इ यहोवा क स्तुति बरे पवित्तर भेंट होइ।</verse>
				<verse number="25">तब, पँचवें बरिस तू सब उ बृच्छ क फल चखि सकत ह अउ बृच्छ तोहरे बरे जियादा स जियादा फल पइदा करी। मइँ तोहार परमेस्सर यहोवा अहउँ।</verse>
				<verse number="26">“तू सबन्क क कउनो गोस जेहमा रकत बाटइ नाहीं खाइ चाही। “तू पचन्क भविस्सबाणी करइ बरे जादू या कउनो दूसर चीजियन क प्रयोग नाहीं करइ चाही।</verse>
				<verse number="27">“तू पचन्क आपन मूँड़े क बगल क बाढ़ भवा बार कटवावइ नाहीं चाही या तोहका आपन दाढ़ी क छटवावइ नाही चाही।</verse>
				<verse number="28">कउनो मरे मनई क सुमिरन बनए रहइ बरे आपन तन क काटइ नाहीं चाही। तू पचन्क आपन सरीर प गोदना गोदवावइ नाहीं चाही। मइँ यहोवा अहउँ!</verse>
				<verse number="29">“तू पचे आपन बिटिया क बेस्या जिन बनइ द्या। एहसे सिरिफ इ पता लागत ह कि तू ओकर इज्जत नाहीं करत ह्या। तू पचे आपन देस मँ स्त्रियन क बेस्या जिन बनइ द्या। तू पचे आपन देस क इ तरह क पापन स जिन भर जाइ द्या।</verse>
				<verse number="30">“तू पचन्क मोरे बिस्राम क बिसेस दिनन मँ काम नाहीं करइ चाही। तू पचन्क मोरे पवित्तर ठउर क सम्मान जरूर करइ चाही। मइँ यहोवा अहउँ!</verse>
				<verse number="31">“ओझा लोगन अउ भूत सिद्ध लोगन लगे सलाह बरे जिन जा। उ पचे सिरिफ तोहका असुद्ध बनइहीं। मइँ तोहार परमेस्सर यहोवा अहउँ।</verse>
				<verse number="32">“बुढ़वा मनइयन क सम्मान करा। जब उ पचे कमरा मँ आवइँ तउ खड़ा होइ जा। आपन परमेस्सर क सम्मान करा। मइँ यहोवा अहउँ।</verse>
				<verse number="33">“आपन देस मँ बिदेसी लोगन क संग बुरा बेउहार जिन करा!</verse>
				<verse number="34">तू पचन्क बिदेसी लोगन क संग वइसा ही बेउहार ही करइ चाही जइसा तू पचे आपन नागरिकन क संग करत ह्या। तू बिदेसियन स वइसेन पियार करा जइसा आपन स करत ह्या। काहेकि तू पचे भी एक समइ मिस्र मँ बिदेसी रह्या। मइँ तोहार परमेस्सर यहोवा अहउँ!</verse>
				<verse number="35">“तू पचन्क निआव करत समइ लोगन बरे ईमानदार होइ चाही। तू पचन्क चीजन क जोखइ अउ तउलइ मँ ईमानदार होइ चाही।</verse>
				<verse number="36">तोहार झउअन ठीक नाप क होइ चाही। तोहरे नाप करइ क बासन मँ द्रव क ठीक मात्रा आवइ चाही। तोहरे तराजू अउ बटखरा चीजन्क ठीक तउलइवाला होइ चाही। मइँ तोहार परमेस्सर यहोवा अहउँ। मइँ तू पचन्क मिस्र देस स बाहेर लिआएउँ!</verse>
				<verse number="37">“तोहका पचन्क सबहिं नेम अउ निर्णयन क सुमिरिके रखइ चाही अउ तू सबन्क ओनका पालन करइ चाही। मइँ यहोवा अहउँ!”</verse>
			</chapter>
			<chapter number="20">
				<verse number="1">यहोवा मूसा स कहेस,</verse>
				<verse number="2">“तोहका इस्राएल क लोगन स इ भी कहइ चाही: तोहरे देस मँ कउनो मनई आपन गदेलन मँ स कउनो क लबार देवता मोलेक क दइ सकत ह। उ मनई क जरूर मार डावइ चाही। एहसे फरक नाहीं पड़त कि उ इस्राएल क नागरिक अहइ या इस्राएल मँ बसइया कउनो बिदेसी। तू पचन क ओका पाथर लोकाइ लोकाइ के मारि डावइ चाही।</verse>
				<verse number="3">मइँ उ मनई क खिलाफ होब। मइँ ओका ओकरे लोगन स अलग कइ देब। काहेकि उ आपन गदेलन क मोलेक क दिहस। उ मोरे पवित्तर नाउँ क अपमान किहेस। उ मोरे पवित्तर ठउरे क असुद्ध किहस।</verse>
				<verse number="4">होइ सकत ह कि साधारिन लोग उ मनई क उपेच्छा करइ। होइ सकत ह कि उ मनई क न मारइ जउन गदेलन क मोलेक क दिहस ह।</verse>
				<verse number="5">मुला मइँ उ व्यक्ति अउ ओकरे परिवार क खिलाफ होब। मइँ ओका ओकरे लोगन स अलग करब। मइँ कउनो भी अइसे व्यक्ति क ओकरे लोगन स अलग करब, जउन मोलेक क पाछे वेस्या क तरह करत ह।</verse>
				<verse number="6">“मइँ उ मनई क खिलाफ होब जउन कउनो ओझा या भूतसिद्ध क लगे सलाह लेइ बरे जात ह। अइसा करइके उ मोहे स अबिस्सासी होइ जात ह। एह बरे मइँ उ मनई क ओकरे लोगन स अलग करब।</verse>
				<verse number="7">“बिसेस बना। आपन क पवित्तर बनावा। काहेकि मइँ यहोवा तोहार परमेस्सर अहउँ।</verse>
				<verse number="8">मोर सबइ आग्या क पालन करा अउ ओनका सुमिरा। मइँ यहोवा अहउँ अउर मइँ तू लोगन क आपन बिसेस लोग बनाएउँ ह।</verse>
				<verse number="9">“अगर कउनो मनई आपन महतारी-बाप क सराप देत ह तउ उ मनई क मारि डावइ चाही। उ आपन पिता या महतारी क सराप देत ह, एह बरे उ आपन मउत क खुद जिम्मेदार होइ।</verse>
				<verse number="10">“अगर कउनो मनई आपन पड़ोसी क पत्नी क संग यौन सम्बंध रखत ह तउ स्त्री अउ मनसेधू दुइनउँ व्यभिचारी क अपराधी अहइँ। एह बरे दुइनउँ क जरूर मारि डावइ चाही।</verse>
				<verse number="11">अगर कउनो मनई आपन सौतेली महतारी स यौन सम्बंध करत ह तउ उ मनई क मारि डावइ चाही। उ मनई क अउ ओकर सौतेली महतारी दुइनउँ क मार डावइ चाही। उ मनई आपन पिता क खिलाफ खुद पाप किहेस ह।</verse>
				<verse number="12">“अगर कउनो मनई आपन पतोहू क संग यौन सम्बंध करत ह तउ दुइनउँ क मारि डावइ चाही। उ पचे बहोत बुरा यौन पाप किहेन ह। ओनका दण्ड जरुर मिलइ चाही।</verse>
				<verse number="13">“अगर कउनो मनई कउनो मनई क संग मेहरारु जइसा यौन सम्बंध करत ह तउ दुइनउँ क मारि डावइ चाही। उ पचे बहोत बुरा पाप किहन ह। ओनका दण्ड जरुर मिलइ चाही।</verse>
				<verse number="14">“अगर कउनो मनई कउनो मेहरारु अउ ओकरी महतारी क संग यौन सम्बंध करत ह तउ इ यौन पाप अहइ। लोगन्क उ मनई अउ दुइनउँ मेहररुअन क आगी मँ बारि देइ चाही। इ यौन पाप क आपन लोगन मँ जिन होइ द्या।</verse>
				<verse number="15">“अगर कउनो मनई कउनो गोरु स यौन सम्बंध करइ तउ उ मनई क मारि डावइ चाही अउ तोहका उ गोरु क मारि डावइ चाही।</verse>
				<verse number="16">अगर कउनो मेहरारु कउनो गोरु स यौन सम्बंध करत ह तउ तू पचन क उ मेहरारु अउ उ गोरु क मारि डावइ चाही। ओनका जरुर मारि डावइ चाही।</verse>
				<verse number="17">“इ एक भाई अउ ओकरी बहिन या सोतेली बहिन बरे लज्जा क बात अहइ कि उ पचे आपुस मँ यौन सम्बंध करइँ। ओनका समाज कइँती स दण्ड मिलइ चाही। उ पचन क आपन लोगन स अलगाइ देइ चाही। उ मनई जउन आपन बहिन क संग यौन सम्बंध किहस ह, आपन पाप बरे जरूर दण्ड पाइ।</verse>
				<verse number="18">“अगर कउनो मनई कउनो मेहरारु क संग मासिक धर्म क रकत बहइ क समइ यौन सम्बंध करी, तउ दुइनउँ क आपन लोगन स अलगाइ देइ जाई। उ पचे पाप किहन क काहेकि उ पचे रकत क स्रोत क उघारेन ह।</verse>
				<verse number="19">“तू सबन्क आपन महतारी क बहिन या पिता क बहिन क संग यौन सम्बंध नाहीं करइ चाही। इ आपन नगीचे क रिस्तेदार क नंगापन क उघारेन ह। ऍह बरे दुइनउँ क ओनके पाप बरे जरूर दण्ड मिली चाही।</verse>
				<verse number="20">“कउनो मनई क आपन चाचा-मामा क पत्नी क संग नाहीं सोवइ चाही। इ मनई अउ ओकर चाची अउ मामी क ओनके पापन बरे दण्ड मिली। उ पचे बगैर कउनो सन्तान क मरिहीं।</verse>
				<verse number="21">“कउनो मनई क बरे इ बुरा अहइ कि उ आपन भाई क स्त्री क संग यौन सम्बंध करइ। उ मनई आपन भाई क खिलाफ पाप किहे बाटइ। ओकर कउनो सन्तान नाहीं होइ।</verse>
				<verse number="22">“तू पचन क मोर सारे नेम अउ निर्णय क सुमिरइ चाही अउ तोहका ओनकर पालन जरुर करइ चाही। मइँ तू पचन क तोहरे प्रदेस लइ जात अहउँ। तू लोग उ प्रदेस मँ रहब्या। अगर तू लोग मोर नेमन अउ सबइ निर्णय क मानत रहब्या तउ उ प्रदेस तू लोगन क निकारिके बाहेर न करी।</verse>
				<verse number="23">मइँ दूसर लोगन क उ प्रदेस क तजइ क मजबूर करत हउँ। काहेकि ओन लोगन उ सबइ पाप किहेन। मइँ ओन पापन स घिना करत हउँ। एह बरे तू पचन्क ओकरे जीवन-सैली क नकल नाहीं करइ चाही।</verse>
				<verse number="24">मइँ कहेउँ ह कि तू पचे ओनकर प्रदेस पउब्या। मइँ ओनकर प्रदेस तू पचन क देबउँ। उ तोहार प्रदेस होइ। उ प्रदेस दूध अउ सहद क नदियन बहत हीं। मइँ तोहार परमेस्सर यहोवा अहउँ! “मइँ तू पचन्क खास बनाएउँ ह। मइँ तोहरे संग दूसर रास्ट्रन स अलग बेउहार किहेउँ ह।</verse>
				<verse number="25">एह बरे तू पचन क सुद्ध जनावरन क संग असुद्ध जनावरन स जरूर अलग बेउहार करइ चाही। तू पचन क सुद्ध पंछियन क संग असुद्ध पंछियन स जरूर अलग बेउहार करइ चाही। ओनमाँ स कउनो भी असुद्ध पंछी, जनावरन अउ कीड़ा-पतंगा क जिन खा जउन भुइयाँ प रेंगत हीं। मइँ ओन चीजन क असुद्ध बनएउँ ह।</verse>
				<verse number="26">तू पचन क मोरे बरे पवित्तर होइ चाही। काहेकि मइँ यहोवा अहउँ अउ मइँ पवित्तर हउँ। मइँ तोहका दूसर रास्ट्रन स अलग कइ दिहे हउँ तोहका बिसेस लोग बनावई बरे जउन कि मोर अहइ।</verse>
				<verse number="27">“अगर कउनो मनसेधू या मेहरारु ओझा होइ या कउनो जादूगर होइ, ओनका निहचय ही मार दीन्ह जाइ। लोगन क चाही कि उ पचे पाथर मारि मारिके मार देइँ। उ आपन मउत क खुद ही कसूरवार होइ।”</verse>
			</chapter>
			<chapter number="21">
				<verse number="1">यहोवा मूसा स कहेस, “इ सबइ बातन हारून क याजक पूतन स कहा: कउनो मरे भए मनई क छुइके याजक आपन क असुद्ध न करइ।</verse>
				<verse number="2">मुला अगर मरा भवा मनई ओकरे निजके रिस्तेदारन मँ स कउनो अहइ तउ उ मरे भए क ल्हास क छुइ सकत ह। याजक आपन क असुद्ध कइ सकत ह अगर मरा मनई ओकर महतारी, बाप, ओकर पूत, या बिटिया, ओकर भाई,</verse>
				<verse number="3">ओकर बिन बियाही बहिन अहइ। (इ बहन ओकर निचके क रिस्तेदार अहइ काहेकि ओकर भतार नाहीं अहइ।) एह बरे याजक आपन क असुद्ध कइ सकत ह, अगर उ मरत ह।</verse>
				<verse number="4">मुला याजक आपन क असुद्ध नाहीं करइ चाही, अगर मरा भवा व्यक्ति बियाहे क कारण ओकर रिस्तेदार होइ।</verse>
				<verse number="5">“याजकन क आपन मूँड़े क मूडन नाहीं करावइ चाही। याजकन क आपन दाढ़ी क सिरा नाहीं कटवावइ चाही। याजकन क आपन चाम पइ कहूँ भी काटइ नाहीं चाही।</verse>
				<verse number="6">याजकन क आपन परमेस्सर बरे पवित्तर होइ चाही। उ पचे आपन परमेस्सर क नाउँ क दूसित नाहीं करइ चाही। काहेकि उ पचे आपन भोजन अउ भेंट यहोवा क चढ़ावत ह एह बरे ओनका पवित्तर होइ चाही।</verse>
				<verse number="7">“याजक परमेस्सर बरे पवित्तर अहइ। एह बरे याजक क अइसी मेहरारु स बियाह नाहीं करइ चाही जउन कउनो क संग यौन सम्बंध किहे होइ। याजक क कउनो पतुरिया, या तलाक दीन्ह गइ मेहरारु स बियाह नाहीं करइ चाही।</verse>
				<verse number="8">याजक परमेस्सर बरे पवित्तर अहइ। एह बरे तू पचन क ओकरे साथे खास तरह स बेउहार करइ चाही। काहेकि उ पवित्तर चीजन क लइ चलत बाटइ। उ पवित्तर रोटी परमेस्सर क चढ़ावत ह अउर मइँ पवित्तर अहउँ। मइँ यहोवा अहउँ, अउर मइँ तू पचन क पवित्तर बनावत अहँउ।</verse>
				<verse number="9">“अगर याजक क बिटिया पतुरिया बन जात ह तउ उ आपन इज्जत बरबाद करत ह अउ अपने भतारे पइ कलंक लगावत ह। एह बरे ओका बारि देइ चाही।</verse>
				<verse number="10">“महा याजक आपन भाइयन मँ स चुना जात रहा। अभिसेक क तेल ओकरे मूँड़े पइ नावा जात रहा। इ तरह उ महा याजक क बिसेस कर्तव्य बरे तैनात कीन्ह जात रहा। ओका महा याजक क खास ओढ़ना पहिरइ बरे चुना जात रहा। ओका आपन बार जंगली ढंग स नाहीं बिखेरइ चाही। ओका आपन ओढ़ना बढ़ाइ देइ नाहीं चाही।</verse>
				<verse number="11">ओका मुर्दा क छुइके आपन क असुद्ध नाहीं बनावइ चाही। ओका कउनो मुर्दा क लगे नाहीं जाइ चाही। चाहे उ ओकर महतारी-बाप का ही काहे न होइ।</verse>
				<verse number="12">महा याजक क परमेस्सर क पवित्तर ठउर क बाहेर नाहीं जाइ चाही। अगर उ अइसा किहस तउ उ असुद्ध होइ जाइ अउ उ परमेस्सर क पवित्तर ठउर क भी अपमान कइ देइ। अभिसेक क तेल महा याजक क मूँड़े पइ नावइ चाही। मइँ यहोवा अहउँ।</verse>
				<verse number="13">“महा याजक क सिरिफ ओकर संग बियाह करइ चाही जउन कुवाँरी होइ।</verse>
				<verse number="14">महा याजक क अइसी मेहरारु स बियाह नाहीं करइ चाही जउन कउनो दूसर मनई क संग यौन सम्बंध रख चुकी होइ। महा याजक क कउनो रण्डी, तलाक दीन्ह गइ मेहरारु या राँड़ मेहरारु स बियाह नाहीं करइ चाही। महा याजक क आपन लोगन मँ स एक कुवाँरी स बियाह करइ चाही।</verse>
				<verse number="15">ओका आपन गदेलन क अपवित्तर नाहीं करइ चाही। मइँ, यहोवा, याजक क ओकरे खास कामे बरे पवित्तर बनाएउँ ह।”</verse>
				<verse number="16">यहोवा मूसा स कहेस,</verse>
				<verse number="17">“हारून स कहा: अगर तोहरे बंस मँ जन्मइवालन क सन्तानन मँ स कउनो आपन मँ कउनो दोख पावइ तउ ओनका खास रोटी परमेस्सर तलक नाहीं लइ जाइ चाही।</verse>
				<verse number="18">कउनो मनई, जेहमाँ कउनो दोख होइ, याजकन क काम न कइ सकत ह। उ मोरे लगे भेंट नाहीं लिआइ सकत ह। इ सबइ लोग याजक क रुप मँ सेवा नाहीं कइ सकतेन। आँधर मनई, लँगड़ा मनई, भयंकर चेहरा वाला मनई, बहोत जियादा लम्बी बाँह अउर टाँगवाला मनई।</verse>
				<verse number="19">टूटा गोड़ या हाथवाला मनई,</verse>
				<verse number="20">कुबड़ा मनई, बौना, आँखी मँ दोखवाला मनई, खजुरी अउ चरम रोग क मनई, बधिया कीन्ह गवा मनई।</verse>
				<verse number="21">“अगर हारून क कउनो बंसे मँ कछु दोख अहइ। अहइ तउ उ यहोवा क होमबलि नाहीं चढ़ाइ सकत अउर उ खास रोटी परमेस्सर क लगे नाहीं लइ जाइ सकत ह।</verse>
				<verse number="22">बहरहाल उ पवित्तर रोटी खाइ सकत ह। उ सबन त पवित्तर रोटी भी खाइ सकत ह।</verse>
				<verse number="23">मुला उ सबन त जियादा पवित्तर ठउरे मँ पर्दा स होइके नाहीं जाइ सकत अउर न ही उ वेदी क लगे जाइ सकत ह। काहेकि ओहमाँ कछू दोख अहइ। ओका मोरे पवित्तर ठउर क अपवित्तर नाहीं बनावइ चाही। मइँ यहोवा ओन ठउरन क पवित्तर बनवत हउँ।”</verse>
				<verse number="24">एह बरे मूसा इ सबइ बातन हारून स, हारून क पूतन अउ इस्राएल क सबहिं लोगन स कहेस।</verse>
			</chapter>
			<chapter number="22">
				<verse number="1">यहोवा परमेस्सर मूसा स कहेस,</verse>
				<verse number="2">“हारून अउ ओकरे पूतन स कहा: इस्राएल क लोग जउन चिजियन मोका देइहीं, उ सबइ पवित्तर होइ जइहीं। उ सबइ मोर अहइँ। एह बरे तू सबइ याजकन क उ सबइ चीजन नाहीं लेइ चाही। तोहका उ सबइ पवित्तर चिजियन क नाहीं लेइ चाही। ऍह बरे तू मोर नाउँ क अपमान नाहीं करब्या। मइँ यहोवा अहउँ।</verse>
				<verse number="3">अगर तोहरे बंसे मँ जन्मइवालन मँ स कउनो व्यक्ति जउन असुद्ध अहइ। ओन चीजन क छुई। तउ उ व्यक्ति क मोसे अलग कइ दीन्ह जाइ। इस्राएल क लोग उ सबइ चीजन क मोका दिहन। मइँ यहोवा अहउँ!</verse>
				<verse number="4">“अगर हारुन क कउनो बंसे जन्मइ वालन मँ क बुरा चरम रोगन मँ स कउनो रोग होइ या ओका धात स्राव होइ तउ ओका तबहिं तलक कउनो पवित्तर खाना नाहीं खाइ चाही जब तलक उ सुद्ध न होइ जाइ। इ नेम उ सबइ याजक क बरे अहइ जउन असुद्ध होइ। उ याजक कउनो ल्हासे क छुइके या आपन वीर्य क गिरइ स असुद्ध होइ सकत ह।</verse>
				<verse number="5">उ तब असुद्ध होइ सकत ह। जब उ कउनो रेगंइवाला जनावर क छुअइ। उ तब असुद्ध होइ सकत ह जब उ कउनो असुद्ध मनई क छुअइ। एकर कउनो महत्व नाहीं कि उ मनई क कउन चीज असुद्ध किहे अहइ।</verse>
				<verse number="6">अगर कउनो मनई ओन चीजन क छुई तउ उ साँझ तलक असुद्ध रही। उ मनई क पवित्तर भोजन मँ स कछु भी नाहीं खाइ चाही! पानी डाइके बगैर नहाए भए उ पवित्तर भोजन नाहीं कइ सकत ह।</verse>
				<verse number="7">उ सूरज क बूड़इ प इ सुद्ध होइ। तबहुँ उ पवित्तर भोजन कइ सकत ह। काहेकि भोजन ओकर अहइ।</verse>
				<verse number="8">“अगर याजक क कउनो अइसा जनावर मिलत ह जउन खुद मरि गवा होइ या कउनो जनावर क जरिये मारि दीन्ह ग होइ तउ ओका मरे भए जनावर क नाहीं खाइ चाही। अगर उ मनई जनावर क खाइ लेत ह तउ उ असुद्ध होइ। मइँ यहोवा अहउँ!</verse>
				<verse number="9">“याजक लोगन क उ काम करइ बरे सावधान होइ चाही जउन मइँ ओका दिहेस ह। ओनका सावधान रहइ क होइ कि उ पचे पवित्तर चिजियन क अपवित्तर न बनावइ। अगर उ पचे सावधान रइहीं तउ मरिहीं नाहीं। मइँ यहोवा ओनका इ खास काम बरे दूसर लोगन स अलगाएउँ ह।</verse>
				<verse number="10">सिरिफ याजक लोगन क परिवार क मनई ही पवित्तर भोजन खाइ सकत हीं। याजक क संग ठहरइवाला अतिथि या मज़दूर पवित्तर भोजन मँ स कछू भी नाहीं खाइ।</verse>
				<verse number="11">मुला अगर याजक आपन धन स कउनो दास क बेसहत ह तउ उ पवित्तर चीजन मँ स कछू क खाइ सकत ह अउ याजक क घरे मँ पइदा भवा दास भी उ पवित्तर भोजन मँ स कछू खाइ सकत ह।</verse>
				<verse number="12">कउनो याजक क बिटिया अइसे मनई स बियाह कइ सकत ह जउन याजक न होइ। अगर उ अइसा करत ह तउ पवित्तर भेंट मँ स कछू नाहीं खाइ सकत।</verse>
				<verse number="13">कउनो याजक क बिटिया विधवा होइ सकत ह, या ओका तलाक दीन्ह जाइ सकत ह। अगर ओकरे भरण पोसण बरे ओकरे लरिकन नाहीं बाटेन अउर उ आपन पिता क हिआँ लउटत ह, जहाँ उ बचपन मँ रही ह तउ उ पिता क भोज़न मँ स कछू खाइ सकत ह। मुला सिरिफ याजक क परिवार क मनइयन ही इ भोजन क खाइ सकत हीं।</verse>
				<verse number="14">“कउनो मनई भूलिके कछू पवित्तर भोजन खाइ सकत ह। उ मनई क उ पवित्तर भोजन याजक क देइ चाही अउ ओकरे अलावा उ भोजन क दाम क पाँचवाँ हींसा ओका अउर देइ क होइ।</verse>
				<verse number="15">“इस्राएल क लोग यहोवा क भेंट चढ़इहीं। उ सबइ भेंटन पवित्तर होइ जात हीं। एह बरे याजक क ओन पवित्तर चीजन क अपवित्तर नाहीं बनावइ चाही।</verse>
				<verse number="16">अगर याजक ओन चीजन क अपवित्तर समझत हीं तउ उ पचे तबहिं आपन पाप क बढ़इहीं जब पवित्तर भोजन क खइहीं। मइँ, यहोवा, ओनका पवित्तर बनावत हउँ।”</verse>
				<verse number="17">यहोवा परमेस्सर मूसा स कहेस,</verse>
				<verse number="18">“हारून अउ ओकरे पूतन, अउर इस्राएल क सबहिं लोगन स कहा: होइ सकत ह कि इस्राएल क कउनो नागरिक या कउनो बिदेसी कउनो भेंट लावइ चाहइ। होइ सकत ह उ कउनो बिसेस बचन दिहे होइ, अउ इ ओकरे बरे होइ। या होइ सकत ह इ उ बिसेस भेंट होइ जेका उ व्यक्ति अर्पित करइ चाहइ।</verse>
				<verse number="19">इ सबइ अइसी भेंटन अहइँ जेनका लोग एह बरे लिआवत हीं कि उ पचे यहोवा क भेंट चढ़ावइ चाहत हीं। तोहका सबन्क अइसी भेंट नाहीं कबूल करइ चाही जेहमाँ कउनो दोख होइ। मइँ उ भेंट स खुस नाहीं होब। अगर भेंट एक ठु साँड़ अहइ, या एक ठु भेड़ी अहइ, या एक बोकरा अहइ तउ उ नर होइ चाही अउ एहमाँ कउनो दोख नाहीं होइ चाही।</verse>
				<verse number="20"></verse>
				<verse number="21">“कउनो मनई यहोवा क मेलबलि चढ़ाइ सकत ह। उ मेलबलि उ व्यक्ति क जरिये दीन्ह गए बचन बरे होइ सकत ह या इ कउनो खुद प्रेरित भेंट होइ सकत ह। इ बर्धा या भेड़ी होइ सकत ह। मुला ओका तन्दुरुस्त अउ दोख रहित होइ चाही।</verse>
				<verse number="22">तोहका यहोवा क अइसा कउनो गोरु भेंट नाहीं करइ चाही जउन आँधर होइ या जेकर हाड़ टूटा होइ, या जउन लंगड़ा होइ, या जेकर घाव बहत होइ, या चरम रोग वाला होइ। तोहका यहोवा बरे वेदी प कउनो बीमार गोरु क भेंट नाहीं चढ़ावइ चाही।</verse>
				<verse number="23">“कबहुँ कबहुँ कउनो बर्धा या मेमना क गोड़ बहोत जियादा लम्बा होइ सकत हीं या अइसेन गोड़ होइ सकत हीं जेनकर विकास ठीक स न भवा होइ। अगर कउनो मनई अइसे गोरु क यहोवा क खास भेंट क रुप मँ चढ़ावत ह तउ उ स्वीकार कीन्ह जाइ। मुला एका कउनो व्यक्ति क जरिये दीन्ह गए बचन बरे स्वीकार नाहीं कीन्ह जाइ।</verse>
				<verse number="24">“अगर कउनो गोरु क अण्ड कोस जख्मी, घाउवाला, फाड़ा भवा या कटा भवा होइँ तउ तोहका उ गोरु क भेंट यहोवा क नाहीं चढ़ावइ चाही। तोहका अइसा गोरुअन आपन भुइँया पइ बलि नाहीं देइ चाही।</verse>
				<verse number="25">“तोहका बिदेसियन स बलि बरे अइसे गोरुअन क नाहीं लेइ चाही। काहेकि इ सबइ गोरु कउनो तरह चोट खाए अहइँ। ओनमाँ कछू दोख अहइ। इ सबइ स्वीकार नाहीं कीन्ह जइहीं!”</verse>
				<verse number="26">यहोवा मूसा स कहेस,</verse>
				<verse number="27">“जब कउनो बछवा, या भेड़ी, या बोकरी जउन नवा पइदा होइ तउ आपन महतारी क संग ओका सात दिन रहइ देइ चाही। तब अठऍ दिन अउ ओकरे पाछे इ यहोवा क दीन्ह जाइवाली बलि क रुप मँ स्वीकार कीन्ह जइहीं।</verse>
				<verse number="28">मुला तोहका सबन्क उही दिन उ गोरु अउ ओकरी बच्चन क नाहीं मारइ चाही। इहइ नेम गइया अउ भेड़न बरे अहइ।</verse>
				<verse number="29">“अगर तू पचन्क यहोवा बरे कउनो खास कृतग्यता बलि चढ़ावइ क होइ तउ तू पचे उ भेंट क चढ़ावइ मँ अजाद अहा। मुला इ इ तरह करा कि परमेस्सर क खुस करा।</verse>
				<verse number="30">तू पचन्क पूरा गोरु उहइ दिन खाइ लेइ चाही। तू पचन्क अगले भिन्सारे बरे कछू भी गोस नाहीं छोड़इ चाही। मइँ यहोवा अहउँ!</verse>
				<verse number="31">“मोरे आदेसन क याद राखा अउ ओनकइ पालन करा। मइँ यहोवा अहउँ।</verse>
				<verse number="32">मोरे पवित्तर नाउँ क अपमान जिन करा। मोका इस्राएल क लोगन बरे बहोत खास होइ चाही। मइँ, यहोवा तू पचन्क आपन बिसेस लोग बनाएउँ ह।</verse>
				<verse number="33">मइँ तू पचन्क मिस्र स लाएउँ। मइँ तोहार परमेस्सर बनेउँ। मइँ यहोवा अहउँ!”</verse>
			</chapter>
			<chapter number="23">
				<verse number="1">यहोवा मूसा स कहेस,</verse>
				<verse number="2">“इस्राएल क लोगन स कहा: तू पचे यहोवा क निहचित पर्वन क पवित्तर एलान करा। इ सबइ मोर पवित्तर दिन अहइँ:</verse>
				<verse number="3">“छ: दिन काम करा। मुला सतवाँ दिन, आराम क एक खास दिन या पवित्तर मिलन क दिन होइ। उ दिन तू पचन क कउनो काम नाहीं करइ चाही। इ तोहरे सबहिं घरन मँ यहोवा क सबित अहइ।</verse>
				<verse number="4">“इ सबइ यहोवा क चुने भए पवित्तर दिन अहइँ। ओनके बरे निहचित समइ पइ तू पचे पवित्तर सभा क घोसणा करब्या।</verse>
				<verse number="5">यहोवा क फ़सह त्यौहार पहिले महीना क चउदह तारीख क साँझ बेला मँ अहइ।</verse>
				<verse number="6">“उहइ महीना क पन्द्रह तारीख क बे खमीरी मैदा क फुलकन क त्यौहार होइ। तू पचे सात दिना तलक बे खमीरी मैदा क फुलकन खाब्या।</verse>
				<verse number="7">इ त्यौहार क पहिले दिन तू पचे एक पवित्तर सभा करब्या। उ दिन तोहका कउनो काम नाहीं करइ चाही।</verse>
				<verse number="8">सात दिन तलक तू पचे यहोवा बरे भेंट चढ़उब्या। सतएँ दिन एक पवित्तर सभा होइ। उ दिन तू पचन क कउनो काम नाहीं करइ चाही।”</verse>
				<verse number="9">यहोवा मूसा स कहेस,</verse>
				<verse number="10">“इस्राएल क लोगन स कहा: तू पचे उ धरती पइ जाब्या जेका मइँ तोहका देब। तू पचे उ समइ ओकर फसल कटब्या। उ समइ तू पचन क आपन फसल क पहिली पूली याजक क लगे लइ आवइ चाही।</verse>
				<verse number="11">याजक पूली क यहोवा क समन्वा लहराइ। तब उ तोहरे पचन्क बरे स्वीकार कइ लीन्ह जाइ। याजक पूली क रविवार क भिन्सारे लहराइ।</verse>
				<verse number="12">“जउने दिन तू पचे पूली क लहरउब्या, उ दिन तू पचे एक बरिस क एक ठु नर भेड़ी क बच्चा बलि चढ़उब्या। उ भेड़ी क बच्चा मँ कउनो दोख नाहीं होइ चाही। इ भेड़ी क बच्चा यहोवा क होमबलि होइ।</verse>
				<verse number="13">तू पचन क एपा क दुइ दसवाँ हींसा जइतून क तेल स सना आटा क अन्नबलि देइ चाही। तू पचन क हीन क चौथाई हींसा दाखरस भी देइ चाही। इ भेंट यहोवा क खुस करइवाली सुगन्धि होइ।</verse>
				<verse number="14">जब तलक तू पचे आपन परमेस्सर क भेंट नहीं चढ़उत्या, तब तलक तू पचे कउनो नवा अनाज, या फल या नवा अनाज स बनी भइ रोटी नाहीं खाइ चाही। इ नेम तू पचे जहाँ भी रहब्या, तोहरी पीढ़ी दर पीढ़ी चलत रही।</verse>
				<verse number="15">“उ रविवार क भिन्सोर स ही उ दिन जब तू पचे पूली उत्तोलन बलि बरे लिआवत ह, सात हफ्ता गिना।</verse>
				<verse number="16">सतएँ हफ्ता क पाछे रविवार क (अर्थात पचास दिन क पाछे) तू पचे यहोवा बरे नवा अन्नबलि लउब्या।</verse>
				<verse number="17">उ दिन तू पचे आपन निवास स्थान स दुइ-दुइ रोटी लिआवा। इ सबइ उत्तोलन भेंट होइ। खमीर क प्रयोग करा अउ चार क्वार्ट आटा क रोटी बनावा। उ तोहरी पहली फसल स यहोवा क भेंट होइ।</verse>
				<verse number="18">“लोगन स अन्नबलि क साथ मँ एक ठु बछवा, दुइ भेड़ा अउर एक-एक बरिस क सात नर मेमना भेंट कीन्ह जइहीं। इ गोरुअन मँ कउनो दोख नाहीं होइ चाही। इ सबइ भेंट क रूप मँ यहोवा क खुस करइ बरे सुगन्धित होमबलि होइहीं।</verse>
				<verse number="19">तू पचे भी पापबलि क रुप मँ एक ठु नर बोकरा अउ एक बरिस क दुइ भेड़ी क बच्चन मेलबलि क रुप मँ चढ़उब्या।</verse>
				<verse number="20">“याजक यहोवा क समन्वा उत्तोलन बलि क रूप मँ दुइ भेड़ी क बच्चन क पहिली फसल क रोटी क संग लहरउब्या। उ सबइ यहोवा बरे पवित्तर अहइँ। इ सबइ याजक क होइहीं।</verse>
				<verse number="21">उहइ दिन, तू पचे एक ठु पवित्तर सभा बोलउब्या। तू पचे कउनो काम नाहीं करब्या। इ नेम तोहरे सबहिं घरन मँ हमेसा ही चली।</verse>
				<verse number="22">“जब तू पचे आपन खेतन क फसल कटब्या तउ खेतन क कोनन सारी फसल जिन काट्या। जउन अन्न भुइँया पइ गिरइ, ओका जिन उठावा। ओका तू पचे गरीब लोगन क अउ तोहरे सबन्क देस मँ जात्रा करइवाले बिदेसियन बरे छोड़ द्या। मइँ यहोवा तोहार परमेस्सर अहउँ।”</verse>
				<verse number="23">यहोवा मूसा स फिन कहेस,</verse>
				<verse number="24">“इस्राएल क लोगन स कहा: सतएँ महीना क पहिले दिन तोहका पचन्क आराम क खास दिन मानइ चाही। उ दिन एक पवित्तर सभा होइ। इ दिना (यहोवा क) याद रखइ अउर तुरही क बजावइ बरे अहइ।</verse>
				<verse number="25">तोहका कउनो काम नाहीं करइ चाही। तू पचे यहोवा क भेंट चढ़ावइ बरे बलि ले अउब्या।”</verse>
				<verse number="26">यहोवा मूसा स कहेस,</verse>
				<verse number="27">“सतएँ महीना क दसवे दिन प्रायस्चित क दिन होइ। उ दिन क पवित्तर सभा होइ। तू पचे भोजन नाहीं करब्या। अउर तू पचे यहोवा क भेंट चढ़उब्या।</verse>
				<verse number="28">तू पचे ओह दिन कउनो काम नाहीं करब्या। काहेकि इ प्रायस्चित क दिन अहइ। उ दिन याजकन यहोवा क समन्वा जाइ अउ उ तोहार बरे प्रायस्चित करइहीं।</verse>
				<verse number="29">“अगर कउनो मनई उपवास करइ स मना करत ह तउ ओका आपन लोगन स अलगाइ दीन्ह जाइ।</verse>
				<verse number="30">अगर कउनो मनई उ दिन काम करी तउ मइँ ओका ओकरे लोगन मँ स बारबाद करइ देब।</verse>
				<verse number="31">तोहका कउनो भी काम नाहीं करइ चाही। इ नेम तू पचे जहाँ कहूँ भी रहब्या, सदा ही रही।</verse>
				<verse number="32">इ तोहरे सबन्क आराम क खास दिन होइ। तू पचन क भोजन नाहीं करइ चाही। तू पचे आराम क इ खास दिन क महीना क नवाँ दिन साँझ स सुरु करब्या। इ आराम क खास दिन उ साँझ स सुरु कइके अगली साँझ तलक रहत ह।”</verse>
				<verse number="33">यहोवा मूसा स फुन कहेस,</verse>
				<verse number="34">“इस्राएल क लोगन स कहा: सतएँ महीना क पन्द्रहवें दिन कटीर क त्यौहार होइ। यहोवा बरे इ पवित्तर त्यौहार सात दिन तक चली।</verse>
				<verse number="35">पहिले दिन एक धरम सभा होइ। तू पचन्क तब कउनो काम नाहीं करइ चाही।</verse>
				<verse number="36">तू पचे सात दिना तलक यहोवा बरे भेंट चढ़उब्या। अठएँ दिन तू पचे दूसर धरम सभा करब्या। तू पचे यहोवा क भेंट चढ़उब्या। इ एक भेंट सभा होइ। तू पचन्क तब कउनो काम नाहीं करइ चाही।</verse>
				<verse number="37">“इ सबइ यहोवा क खास पवित्तर दिन अहइँ। ओन दिन पवित्तर सभा होइ। तू पचे यहोवा क होम बलि, अन्नबलि, जनावरन क बलि पेयबलि भेंट क रूप मँ चढ़उब्या। तू पचे उ सबइ भेंटन क ठीक समइ पइ लइ अउब्या।</verse>
				<verse number="38">तू पचे यहोवा क सबित दिनन क सुमिरइ क अलावा ओन पवित्तर दिनन क त्यौहार मनउब्या। तू पचे ओन बलियन क यहोवा क आपन अन्नबलि क अलावा देब्या। तू पचे बिसेस दीन्ह गए बचन क पूरा करइ क रुप मँ दीन्ह गइ कउनो भेंट क अलावा ओन चिजियन क देब्या। उ सबइ ओन बिसेस भेंटन क अलावा होइहीं जेनका तू पचे यहोवा क देइ चाहत अहा।</verse>
				<verse number="39">“सतएँ महीना क पन्द्रहवें दिन, जब तू पचे आपन खेतन स फसल लिआइ चुकब्या, सात दिन तलक यहोवा क त्यौहार मनउब्या। पहिले अउ अठएँ दिन भी आराम क खास दिन होइ चाही।</verse>
				<verse number="40">पहिले दिन तू पचे फलदार पेड़न स नीक फल लिअउब्या अउ तू पचे खजूर क बृच्छ क डारी, चीड़ अउ बेंते क बृच्छन स डारि लिअउब्या। तू पचे आपन परमेस्सर यहोवा क समन्वा सात दिना तलक त्यौहार मनउब्या।</verse>
				<verse number="41">तू पचे इ पवित्तर दिन क हर साल यहोवा बरे सात दिना तलक मनउब्या। इ नेम सदा ही रही। तू पचे इ पवित्तर दिन क सतएँ महीना मँ मनउब्या।</verse>
				<verse number="42">तू पचे सात दिना तलक अस्थायी आस्रयन मँ रहब्या। इस्राएल मँ पइदा भए सबहिं लोग ओन आस्रयन मँ रइहीं।</verse>
				<verse number="43">काहे? एहसे तोहरे सब बंसज इ जनिहीं कि मइँ इस्राएल क लोगन क अस्थायी आस्रयन मँ रहइवाला ओह समइ बनाएउँ जउने समइ मइँ ओनका मिस्र स लिआएउँ। मइँ तोहार परमेस्सर यहोवा अहउँ।”</verse>
				<verse number="44">इ तरह मूसा इस्राएल क लोगन क यहोवा क खास पवित्तर दिनन क बारे मँ बताएस।</verse>
			</chapter>
			<chapter number="24">
				<verse number="1">यहोवा मूसा स कहेस,</verse>
				<verse number="2">“इस्राएल क लोगन क कुचला भवा जइतून स जइतून क तेल अपने लगे लिआवइ क आदेस द्या। उ तेल दीपकन बरे अहइँ। इ सबइ दीपक बेबुझे भए लगातार बरत रहइ चाही।</verse>
				<verse number="3">हारून यहोवा क मिलापवाला तम्बू मँ करार क सन्दूख क पर्दा क आगे साँझ बेला स भिन्सारे तलक दीपकन क बारे राखी। इ नेम सदा बरे अहइ।</verse>
				<verse number="4">हारून क सोना क डीबट पइ यहोवा क समन्वा दीपकन क सदा बरत भवा रखइ चाही।</verse>
				<verse number="5">“नीक महीन आटा ल्या अउ ओकर बारह रोटी बनावा। हर एक रोटी बरे एपा क दुइ दसवाँ हींसा आटा क प्रयोग करा।</verse>
				<verse number="6">ओनका दुइ लाइन मँ सुनहरी मेजे पइ यहोवा क समन्वा धरा। हर एक लाइन मँ छ: रोटी होइहीं।</verse>
				<verse number="7">हर एक लाइन पइ सुद्ध लोहबान धरा। इ यहोवा बरे भेंट, भोजन क स्मृति हींसा होइ।</verse>
				<verse number="8">हर एक सबित दिवस क उ रोटियन क यहोवा क समन्वा एक करार क रूप मँ क्रम मँ इस्राएल क लोगन क संग हमेसा बरे राखि।</verse>
				<verse number="9">उ रोटी हारून अउ ओकरे पूतन क होइ। उ पचे रोटियन क पवित्तर ठउर मँ खइहीं। काहेकि उ रोटी यहोवा क चढ़ाई गइ भेंटन मँ स एक अहइ। उ रोटी सदा हारून का हींसा होइ।”</verse>
				<verse number="10">एक इस्राएली स्त्री क पूत रहा। ओकर बाप मिस्री रहा। इस्राएली स्त्री क इ पूत इस्राएली रहा। उ इस्राएली लोगन क बीच मँ घूमत रहा अउ उ डेरा मँ लड़ब सुरु किहस।</verse>
				<verse number="11">इस्राएली मेहरारु क लरिका यहोवा क नाउँ क सरापेस ह। एह बरे लोग उ लरिका क मूसा क समन्वा लिआएन। (लरिका क महतारी क नाउँ सलोमीत रहा जउन दान क परिवार समूह स दिब्री क बिटिया रही।)</verse>
				<verse number="12">लोग लरिका क कैदी क तरह धरे रहेन अउ तब तलक जोहत रहेन, जब तलक यहोवा क हुकुम ओनका साफ़ तरीका स मालूम नाहीं होइ गवा।</verse>
				<verse number="13">तब यहोवा मूसा स कहेस,</verse>
				<verse number="14">“उ मनई क डेरा स बाहेर एक ठउरे पइ लिआवा, जउन सराप दिहस ह। तब ओन सबहिं लोगन क एक संग बोलावा जउन ओका सराप देत सुनेन ह। उ पचे लोग आपन हाथ ओकरे मूँड़े प धरिहीं। अउर तब सब लोग ओह पइ पाथर स मरिहीं अउ ओका मार डइहीं।</verse>
				<verse number="15">तोहका पचन्क इस्राएल क लोगन स कहइ चाही: अगर कउनो मनई आपन परमेस्सर क सरापत ह तउ उ मनई क सजा मिलइ चाही।</verse>
				<verse number="16">कउनो मनई, जउन यहोवा क नाउँ क सरापत ह, जरुर मार दीन्ह जाइ चाही। सब लोगन क ओका पाथर स मारइ चाही। बिदेसी क वइसे भी ही सजा मिलइ चाही जइसे इस्राएल मँ जन्म लेइवाला मनई क मिलत ह। अगर कउनो मनई यहोवा क नाउँ क सरापत ह तउ ओका जरुर मार देइ चाही।</verse>
				<verse number="17">“अउर अगर कउनो मनई कउनो दूसर क मार डावत ह तउ ओका जरुर मार डावइ चाही।</verse>
				<verse number="18">अगर कउनो मनई कउनो मनई क गोरु क मार डावत ह तउ ओकरे बदले मँ ओका दूसर गोरु देइ चाही।</verse>
				<verse number="19">“अगर कउनो मनई अपने पड़ोस मँ कउनो क चोट पहुँचावत ह तउ उ मनई क उहइ तरह क चोट उ मनई क पहुँचावइ चाही।</verse>
				<verse number="20">एक टूटी हड्डी बरे एक टूटी हड्डी, एक आँखी बरे एक ठु आँखी, अउर एक दाँत बरे एक ठु दाँत। उहइ तरह क चोट उ मनई क पहुँचावइ चाही, जइसा उ दूसर क पहुँचाएस ह।</verse>
				<verse number="21">एह बरे जउन मनई कउनो दूसर मनई क गोरु क मारइ तउ एकरे बदले मँ ओका दूसर गोरु देइ चाही। मुला जउन मनई कउनो दूसर मनई क मार डावत ह उ जरुर मार डावा जाइ चाही।</verse>
				<verse number="22">“इहइ नेम तू सबइ लोगन बरे लागू होइ: इ तोहार बीच मँ रहइवालन बिदेसी अउ तोहरे आपन देसबासियन बरे समान होइ। काहेकि मइँ तोहर परमेस्सर अहउँ!”</verse>
				<verse number="23">तब मूसा इस्राएल क लोगन स बात किहस अउर उ पचे उ मनई क डेरा क बाहेर एक ठउर पर लिआएन, जउन सराप दिहे रहा। तब उ पचे ओका पाथर स मार डाएन। इ तरह इस्राएल क लोग उहइ किहन जउन यहोवा मूसा क हुकुम दिहे रहा।</verse>
			</chapter>
			<chapter number="25">
				<verse number="1">यहोवा मूसा स सिनाई पहाड़े प कहेस। यहोवा कहेस,</verse>
				<verse number="2">“इस्राएल क लोगन स कहा: तू लोग उ भुइँया प जाब्या जेका मइँ तू पचन्क देत अहउँ। उ समइ तू पचन्क भुइँया क आराम क समइ जरूर देइ चाही। इ यहोवा क सम्मान देइ बरे भुइँया क आराम क खास समइ होइ।</verse>
				<verse number="3">तू पचे छ: बरिस तलक आपने खेतन मँ बिआ बोउब्या। तू पचे आपन अंगूर क बागन मँ छ: बरिस तलक कटनी करब्या अउ ओकर फल स खूब आनन्द लेउब्या।</verse>
				<verse number="4">मुला सतएँ बरिस तू पचे उ भुइँया क आराम करइ देब्या। इ यहोवा क सम्मान देइ बरे आराम क खास समइ होइ। तोहका पचन्क आपन खेतन मँ बिआ नाहीं बोवइ चाही अउ अंगूर क बागन मँ बेलन क कटनी नाहीं करइ चाही।</verse>
				<verse number="5">तू पचन्क ओन फसलन क कटनी नाहीं करइ चाही जउन फसल कटइ क पाछे अपने आप उगत ह। तू पचन्क आपन ओन अंगूर क बेलन स अंगूर नाहीं उतारइ चाही जेनकइ तू पचे कटनी नाहीं किहे अहा। इ भुइँया क आराम क खास समइ होइ।</verse>
				<verse number="6">“इ (जउन चीज सतएँ बरिस मँ अपने आप उगत ह) तोहरे बरे भोजन होइ। तोहार मनसेधू अउ मेहरारू दास लोगन बरे मजदूरी प रखा गएन तोहरे मजदूर अउ तोहरे देस मँ रहइवाले बिदेसियन बरे प्रयाप्त भोजन होइ। भोजन रही।</verse>
				<verse number="7">तोहरे गोरुअन अउ दूसर जनावरन क खाइ बरे ढेर चारा होइ।</verse>
				<verse number="8">“तू पचे सात बरिस तलक सात समूहन क गनब्या। इ सबइ उन्नचास बरिस होइहीं। इ समइ क भितरे भुइँया बरे सात बरिस आराम क होइहीं।</verse>
				<verse number="9">प्रायस्चित क दिन तू सबन्क भेड़ा क सींग बजावइ चाही। उ सतएँ महीना क दसवाँ दिन होइ। तू सबन्क पूरा देस मँ भेड़ा क सींग बजावइ चाही।</verse>
				<verse number="10">तू पचे पचासवें बरिस क बिसेस त्यौहार मनउब्या। तू पचे आपन देस मँ रहइवाले सबहिं लोगन क स्वतंत्र घोषित करब्या। इ समइ क ‘जुबली’ कहा जाइ। तू पचन मँ स हर एक आपन भुइँया मँ लउटि जाइ। अउर तू पचन मँ स हर एक आपन परिवार मँ लउटि जाइ।</verse>
				<verse number="11">पचासवाँ बरिस तोहरे पचन्क बरे खास उत्सव क बरिस होइ। उ बरिस तू पचे बिआ जिन बोआ। अपने आप उगी भइ फसल क जिन काटा। अंगूरे क ओन बेलन स अंगूर जिन ल्या।</verse>
				<verse number="12">उ जुबली बरिस अहइ। इ तोहरे पचन बरे पवित्तर बरिस होइ। तू पचे उ पैदावार क खाब्या जउन तोहरे खेतन स आवति अहइ।</verse>
				<verse number="13">जुबली बरिस मँ हर एक मनई क ओकर धरती वापस होइ जाइ।</verse>
				<verse number="14">“दूसर मनई क आपन भुइँया बेंचइ या खरीदइ मँ जिन ठगा।</verse>
				<verse number="15">अगर तू पचे कउनो क भुइँया बेसहइ चाह्या तउ पिछले जुबली स काल क गिना करा अउ उ गणना क प्रयोग धरती क ठीक दाम तय करइ बरे करा। अगर तू पचे भुइँया क बेंचत ह, तउ फसलन क कटनी क सबइ बरिस क गना अउ बरिसन क गणना क उपयोग ठीक दाम तय करे बरे करा।</verse>
				<verse number="16">अगर जियादा बरिस अहइँ तउ दाम ऊँच होइ। अगर थोड़ा बरिस अहइँ तउ दाम कमती करा। काहेकि उ मनई तू पचन्क सचमुच कुछ बरिस क फसल बेंचत अहइ। अगली जुबली पइ भुइँया ओकरे परिवार क होइ जाइ।</verse>
				<verse number="17">तू सबन्क एक दूसर क ठगइ नाहीं चाही। तू सबन्क आपन परमेस्सर क सम्मान करइ चाही। मइँ यहोवा तोहार परमेस्सर अहउँ।</verse>
				<verse number="18">“मोरे नेमन अउ निर्णयन क सुमिरा। ओनकइ पालन करा। तबहिं तू पचे अपने देस मँ सुरच्छित रहब्या।</verse>
				<verse number="19">भुइँया तोहरे बरे उत्तिम फसल पइदा करी। तब तोहरे लगे बहोत जियादा भोजन होइ अउर तू पचे आपन देस मँ सुरच्छित रहब्या।</verse>
				<verse number="20">“मुला साइद तू पचे इ कहा, ‘अगर हम बिआ न बोई या आपन फसल न बटोरी तउ सतएँ बरिस हम लोगन बरे कछु खाइ क तनिकउ भी न रही।’</verse>
				<verse number="21">चिन्ता जिन करा। मइँ छठवें बरिस मँ आपन आसीस क तोहरे सबन्क लगे आवइ क हुकुम देब। भुइयाँ तीन बरिस तलक फसल पइदा करत रही।</verse>
				<verse number="22">जब अठऍ बरिस तू पचे बोउब्या तब तलक फसल पइदा करत रही। तू पचे पुरान पैदावार क नवएँ बरिस तलक खात रहब्या जब अठएँ बरिस मँ बोइ भइ फसल घरन मँ आइ जाइ।</verse>
				<verse number="23">“असल मँ भुइँया मोरि अहइ। एह बरे तू पचे ऍका स्थायी रुप मँ नाहीं बेंच सकत्या। तू पचे मोरे संग मोर भुइँया पइ सिरिफ बिदेसी अउ निवासी क रुप मँ रहत बाट्या।</verse>
				<verse number="24">कउनो मनई आपन भुइँया बेंच सकत ह, मुला ओकर परिवार हमेसा ही आपन भुइँया वापस पाइ।</verse>
				<verse number="25">कउनो मनई तोहरे देस मँ बहोत गरीब होइ सकत ह। उ ऍतना गरीब होइ सकता ह कि ओका आपन सम्पत्ति बेचइ क पड़इ। अइसी हालत मँ ओकरे निचके क रिस्तेदारन क आगे आवइ चाही अउ आपन रिस्तेदार बरे उ उ सम्पत्ति वापस बेसहइ चाही।</verse>
				<verse number="26">कउनो मनई क कउनो अइसा नजदीकी रिस्तेदार नाहीं। भी होइ सकत ह जउन ओकरे बरे सम्पत्ति वापस खरीदइ। मुला होइ सकत ह उ खुद भुइँया क वापस बेसहइ बरे ढेर क धन पाइ लेइ।</verse>
				<verse number="27">तउ ओका जब स भुइँया बिकी रही तब स बरिसन क गनइ चाही। ओका उ गणना क उपयोग, भुइँया क दाम निहचित करइ बरे करइ चाही। तब ओका भुइँया क वापस बेसहइ चाही। तब भुइँया फुन ओकर होइ जाइ।</verse>
				<verse number="28">मुला अगर उ मनई आपन बरे भुइँया क वापस बेसहइ बरे ढेर क धन नाहीं जुटाइ पावत तउ जउन कछू उ बेंचेस ह उ उ मनई क हाथे मँ जउन ओका बेसहेस ह, जुबली क त्यौहार क आवइ तलक रही। तब उ खास उत्सव क समइ भुइँया पहिले भू स्वामी क परिवार क होइ जाइ। इ तरह सम्पत्ति फुन मूल आधिकारी परिवार क ही होइ जाइ।</verse>
				<verse number="29">“अगर कउनो मनई नगर परकोटा क भीतर आपन बेंचत ह तउ घरे क बेंचा जाइ क पाछे एक बरिस तलक ओका वापस लेइ क अधिकार होइ। घर क वापस लेइ क ओकर अधिकार एक बरिस तलक रही।</verse>
				<verse number="30">मुला अगर घरे क मालिक एक पूरा बरिस बीत जाइ क पहिले आपन घर वापस नाहीं बेसहत तउ नगर परकोटा क भीतर क घर जउन मनई बेसहत ह ओकर अउ ओकरे बसजन क होइ जात ह। जुबली क समइ पहिल गृह स्वामी क वापस नाहीं होइ।</verse>
				<verse number="31">बगैर परकोटा वाला नगर खुला मैदान माना जइहीं। एह बरे ओन छोटे नगरन मँ बने भए घर जुबली क त्यौहार क समइ पहिले गृह स्वामी क वापस होइहीं।</verse>
				<verse number="32">“मुला लेवियन क नगर क बारे मँ: जउर सहरन लेवियन क आपन अहइँ, ओनमाँ उ सबइ आपन घरन क कउनो भी समइ वापस खरीद सकत हीं।</verse>
				<verse number="33">अगर कउनो मनई लेवी स कउनो घर खरीदइ तउ लेवियन क उ घर फुन जुबली क अवसर मँ लउटइ जाइ। काहेकि उ घर उ लेवियन क अउ ओकरे परिवारे क अहइ जउन इस्राएली लोगन क बीच रहत ह।</verse>
				<verse number="34">लेवी नगरन क चारिहुँ कइँती क खेत अउर चरागाह बेंचा नाहीं जाइ सकतेन। उ सबइ खेत सदा लेवियन क अहइँ।</verse>
				<verse number="35">“साइद तोहरे देस क मनई ऍतना गरीब होइ जाइ कि आपन भरण पोषण न कइ सकइ। तू पचे ओका कउनो दूसर नागरिक या बिदेसी निवासी क तरह तोहारे संग जरूर रहइ देइ चाही।</verse>
				<verse number="36">ओका दीन्ह गए आपन कर्जा पइ कउनो सूद जिन ल्या। आपन परमेस्सर क सम्मान करा अउ आपन भाई क अपने साथे रहइ द्या।</verse>
				<verse number="37">ओका सूद पइ पइसा उधार जिन द्या। जउन भोजन उ करइ, ओह पइ कउनो फायदा लेइ क कोसिस जिन करा।</verse>
				<verse number="38">मइँ तोहार परमेस्सर यहोवा अहउँ। मइँ तू पचन्क मिस्र देस स कनान प्रदेस देइ अउ तोहार परमेस्सर बनइ बरे बाहेर लाएउँ।</verse>
				<verse number="39">“इ होइ सकत ह कि तोहार कउनो भाई ऍतना गरीब होइ जाइ कि उ दास क रुप मँ तू पचन्क अपने क बेंच देइ। तोहका ओसे दास क तरह काम नाहीं लेइ चाही।</verse>
				<verse number="40">उ जुबली बरिस तलक मजदूर अउ एक अतिथि क तरह तोहरे संग रही।</verse>
				<verse number="41">तब उ तू सबन्क छोड़ सकत ह। उ आपन बच्चन क अपने संग लइ जाइ सकत ह अउ आपन परिवार मँ लउट सकत ह। उ आपन पुरखन क सम्पत्ति क लउटाइ सकत ह।</verse>
				<verse number="42">काहेकि उ पचे मोर सेवक अहइँ। मइँ ओनका मिस्र क गुलामी स अजाद किहेउँ ह। ओनका फुन स दास नाहीं होइ चाही।</verse>
				<verse number="43">तोहका सबन्क अइसे लोगन पइ क्रूर होइके सासन नाहीं करइ चाही। तोहका पचन्क अपने परमेस्सर क सम्मान जरूर करइ चाही।</verse>
				<verse number="44">“तोहरे दास दासियन क बारे मँ: तू पचे आपन चारिहुँ कइँती क रास्ट्रन स दास अउ दासियन क लइ सकत ह।</verse>
				<verse number="45">अगर तोहरे देस मँ रहइवाले बिदेसियन क परिवारन क बच्चन तोहरे लगे आवत हीं तउ तू पचे ओनका भी दास रख सकत ह। उ सबइ बच्चन तोहार दास होइहीं।</verse>
				<verse number="46">तू सबइ इ बिदेसी दासन क आपन बच्चन क भी दइ सकत ह जउन तोहरे मरइ क पाछे तोहरे बच्चन क होइहीं। उ पचे सदा तोहार दास रइहीं। तू पचे इ बिदेसियन क गुलाम बनाइ सकत ह। मुला तू पचन्क आपन भाइयन, इस्राएल क लोगन पइ त्रूर होइके सासन नाहीं करइ चाही।</verse>
				<verse number="47">“होइ सकत ह कि कउनो बिदेसी या अस्थाई निवासी तोहरे बीच धनी होइ जाइ। सम्भव अहइ कि तोहरे देस क कउनो मनई ऍतना गरीब होइ जाइ कि उ आपन क तोहरे बीच रहइवाले धनी बिदेसी क हाथ या बिदेसी परिवार क कउनो सदस्य क हाथ दास क रूप मँ बेंचइ।</verse>
				<verse number="48">उ मनई वापस खरीदा जाइ अउ अजाद होइ क अधिकारी होइ। ओकरे भाइयन मँ स कउनो भी ओका वापस बेसहि सकत ह</verse>
				<verse number="49">या ओकर चाचा, मामा व चचेरा, ममेरा भाई ओका वापस बेसहि सकत हीं या ओकरे निचके क रिस्तेदारन मँ स ओका कउनो खरीद सकत ह या अगर मनई ढेर क धन पावत ह तउ खुद धन दइके उ फुन अजाद होइ सकत ह।</verse>
				<verse number="50">“तू पचे ओकर दाम कइसे निहचित करब्या? तू पचे बिदेसी क लगे जब स उ अपने क बेंचेस ह तब स अगली जुबली तलक क बरिसन क गनब्या, उ आपन क जुबली क बरिस तलक बेचेस ह। उ गणना क उपयोग दाम तय करइ मँ प्रयोग करा। काहेकि असल मँ उ मनई कछू बरिसन बरे ओका ‘मजदूरी पइ’ राखेस।</verse>
				<verse number="51">अगर जुबली क बरिस क पहिले कइउ बरिस होइ जाइँ तउ मनई क दाम क बड़का हींसा लउटावइ चाही। इ ओन बरिसन क गनती पइ टिका बाटइ।</verse>
				<verse number="52">अगर जुबली क बरिस तलक कछू ही बरिस बाकी होइँ तउ मनई मूल कीमत क थोड़ा सा हींसा लउटावइ चाही।</verse>
				<verse number="53">मुला उ मनई हर बरिस बिदेसी क हिआँ मजदूर क तरह रही, बिदेसी क उ मनई पइ त्रूर होइके सासन न करइ द्या।</verse>
				<verse number="54">“उ मनई कउनो क जरिये वापस न बेसहा जाइ पइ भी अजाद होइ। जुबली क बरिस उ अउ ओकरे बच्चन अजाद होइ जइहीं।</verse>
				<verse number="55">काहेकि इस्राएल क लोग मोर सेवक अहइँ। उ पचे मोर सेवक अहइँ जउन क मइँ मिस्र क गुलमी स अजाद किहेउँ। मइँ तोहार परमेस्सर यहोवा अहउँ।</verse>
			</chapter>
			<chapter number="26">
				<verse number="1">“अपने बरे मूतिर्यन जिन बनावा। मूतिर्यन या यादगार क पाथर क स्थापना जिन करा। आपन देस मँ उपासना करइ बरे पाथर क मूतिर्यन क स्थापना जिन करा। काहेकि मइँ यहोवा तोहार परमेस्सर अहउँ।</verse>
				<verse number="2">“मोरे आराम क खास दिनन क याद रखा अउ मोरे पवित्तर स्थान क सम्मान करा। मइँ यहोवा अहउँ!</verse>
				<verse number="3">“मोर नेमन अउ आदेसन क याद राखा अउ ओनकर पालन करा।</verse>
				<verse number="4">अगर तू पचे अइसा करब्या तउ मइँ जउने समइ बर्खा आवइ चाही, उहइ समइया मँ बर्खा कराउब। भुइँया फसलन क पइदा करिहीं अउर बृच्छ आपन फल देइहीं।</verse>
				<verse number="5">तोहार अनाज निकारइ क काम तब तलक चली जब तलक अंगूर एकट्ठा करइ क समइ आइ अउ अंगूरे क बटोरब तब तलक चली जब तलक बोवाइ क समइ आइ जाइ। तब तोहरे लगे खाइ क बहोत होइ, अउर तू पचे आपन पहँटा मँ सुरच्छित रहब्या।</verse>
				<verse number="6">मइँ तोहरे देस क सान्ति देब। तू पचे सान्ति स सोइ सकब्या। कउनो मनई डरवावइ नाहीं आइ। मइँ बिनास करइवाले जनावरन क तोहरे देस स बाहेर रखब। अउर फउज भी तोहरे देस स न गुजरिहीं।</verse>
				<verse number="7">“तू पचे आपन दुस्मनन क पाछा कइके भगउब्या अउर ओनका हरउब्या। तू पचे ओनका आपन तरवार स मारि डउब्या।</verse>
				<verse number="8">तोहरे पाँच मनई सौ मनईयन क पाछा कइके भगाइ देइहीं अउर सौ मनई दस हजार मनईयन क पाछा कइके भगाइ देइहीं। तू पचे आपन दुस्मनन क हरउब्या अउ ओनका तरवारे स मार डउब्या।</verse>
				<verse number="9">“तब मइँ तोहरी कइँती मुड़बउँ। मइँ तू पचन्क बहोत स बच्चावाला बनउबउँ। मइँ तोहरे संग आपन वाचा क पालन करबउँ।</verse>
				<verse number="10">तोहरे लगे एक बरिस स जियादा चलइवाली ढेर क पइदावार होइ। तू पचे नई फसल कटब्या। मुला तब तोहका पुरान पइदावार नई पइदावार बरे जगह बनवइ खातिर फेंक देइ क पड़ी।</verse>
				<verse number="11">तू पचन क बीच मँ मइँ आपन पवित्तर तम्बू लगाउब। मइँ तू लोगन क नाहीं तजिबय।</verse>
				<verse number="12">मइँ तोहरे संग चलब अउर तोहार परमेस्सर रहब। तू पचे मोर आपन लोग रहब्या।</verse>
				<verse number="13">मइँ तोहार परमेस्सर यहोवा अहउँ। तू पचे मिस्र मँ दास रह्या। मुला मइँ तू पचन्क बाहेर लिआएउँ। तू लोग दास क रुप मँ भारी बोझा ढोवइ स निहुरा भए रह्या मुला मइँ तोहरे कॉधे क जुए क तोड़ फेंकेउँ। मइँ तू पचन्क फुन गरब स चलइवाला बनाएँउ।</verse>
				<verse number="14">“मुला अगर तू मोर आग्या क पालन नाहीं करब्या अउर मोर इ सबइ आदेस क नाहीं मनब्या तउ इ सबइ बुरी बात होइहीं।</verse>
				<verse number="15">अगर तू मोर नेम अउ आदेसन क रद्द करब्या अउर ओनका पालन करइ मँ फेल होब्या। तउ तू पचे मोर करार क भंग कइ देब।</verse>
				<verse number="16">अगर तू पचे अइसा करत अहा तउ मइँ अइसा करबउँ कि तोहार सबन्क भयंकर अनिस्ट होइ। मइँ तू पचन्क लाइलाज रोग अउ तेज बोखार लगाउब। उ सबइ तोहरी अँखियन क नस्ट करिहीं अउ तोहार जिन्नगी लइ लेइहीं। जब तू पचे आपन बिआ बोउब्या तउ तू पचन्क कामयाबी न मिली। तोहार पइदावार क तोहार दुस्मन लोग खइहीं।</verse>
				<verse number="17">मइँ तोहरे खिलाफ होब, तोहार दुस्मन तोहका हरइहीं। उ सबइ दुस्मन तोहसे घिना करिहीं अउ तोहरे ऊपर सासन करिहीं। तू पचे तब भी पराइ जाब्या, जब तोहार पाछा कउनो न करत रहा होइ।</verse>
				<verse number="18">“अगर ऍकरे पाछे भी तू पचे मोर आग्या क नाहीं मानत अहा तउ मइँ तोहरे पापन बरे सात गुना जियादा सजा देब।</verse>
				<verse number="19">मइँ ओन बड़के सहरन क भी नस्ट करब जउन तोहका घमण्डी बनावत हीं। आकास बर्खा न देइ अउ धरती पइदावार नाहीं उपजाइ।</verse>
				<verse number="20">तू पचे कठिन परिस्रम करब्या, मुला एहसे कछू भी न होइ। तोहरी भुइँया मँ कउनो पइदावार न होइ अउर तोहरे बृच्छन प फल नाहीं अइहीं।</verse>
				<verse number="21">“अगर तब भी तू पचे मोरे खिलाफ जात ह्या अउर मोरी आग्या क मानब स्वीकार नाहीं करत ह्या तउ मइँ सात गुना कठोर होइके मारब। जेतॅना जियादा पाप करब्या ओतना जियादा सजा पउब्या।</verse>
				<verse number="22">मइँ तोहरे सबन्क खिलाफ जंगली जनावर पठउब। उ सबइ तोहरे गदेलन क तोहसे छोर लइ जइहीं। उ पचे तोहरे गोरुअन क नास कइ देइहीं। उ पचे तोहार मनइयन क गनती बहोत कम कइ देइहीं। लोग जात्रा करइ स डेराइ जइहीं, सड़क खाली होइ जइहीं।</verse>
				<verse number="23">“अगर ओन चीजन क होइ प तू पचन्क सिच्छा नाहीं मिलत अउर तू पचे मोरे बिरुद्ध होइ जात ह्या,</verse>
				<verse number="24">तउ मइँ तोहरे विरुद्ध होब। मइँ, हाँ, मइँ (यहोवा) तोहरे पापन बरे सात गुना सजा देब।</verse>
				<verse number="25">तू पचे मोर वाचा तोड़या ह, एह बरे मइँ तू सबन क दण्ड देब। मइँ तोहरे खिलाफ फउज क पठउब। तू पचे सुरच्छा बरे आपन सहरन मँ जाब्या। मुला मइँ अइसा करब कि तू लोगन मँ बेरामी सँचरइँ। तब तोहार दुस्मन तोहका हराइ देइहीं।</verse>
				<verse number="26">मइँ उ सहर मँ छोड़े गए अन्न क एक हींसा तोहका देब। मुला खाइ बरे बहोत कम अनाज रही। दस मेहररुअन आपन सबहिं रोटियन एक चूल्हा मँ सेकां सकिहीं। उ पचे रोटी क हर एक टूका क नपिहीं। तू पचे खाब्या, मुला फुन भी भूखा रहब्या।</verse>
				<verse number="27">“अगर तू पचे खतना पइ भी मोर बातन क सुनब अंगीकार नाहीं करत ह्या, अउर मोरे बिरुद्ध रहत ह,</verse>
				<verse number="28">तउ मइँ असलियत मँ आपन किरोध परगट करब। मइँ, हाँ, मइँ (यहोवा), तू पचन्क तोहरे पापन बरे सात गुना दण्ड देब।</verse>
				<verse number="29">तू पचे आपन पूत, बिटियन क तने क खाब्या।</verse>
				<verse number="30">मइँ तोहरे ऊँचे ठउरन क नस्ट करब। मइँ तोहार सुगन्धि वाली वेदियन क काट डाउब। मइँ तोहरे ल्हासन क तोहरे निजीर्व मूतिर्यन क ल्हासन पइ डाउब। तू पचे मोका बहोत जियादा घिनौना लगब्या।</verse>
				<verse number="31">मइँ तोहरे सहरन क नस्ट करब। मइँ तोहार पवित्तर ठउर क खाली कइ देब। मइँ तोहार महकउआ सुगन्धित भेंटन क अंगीकार नाहीं करब।</verse>
				<verse number="32">मइँ तोहरे देस क एतना खाली कइ देब कि तोहरे दुस्मन तलक जउन एहमाँ रहइ अइहीं, उ पचे ऍह पइ चकित होइ जइहीं।</verse>
				<verse number="33">अउर मइँ तू पचन क अलग-अलग पहँटन मँ बिखराउब। मइँ आपन तरवार हींचब अउ तू सबन्क नास करब। तोहार भुइँया खाली होइ जाइ अउ तोहार नगर उजाड़ होइ जइहीं।</verse>
				<verse number="34">“तू पचे आपन सत्रु क देसन मँ लइ जावा जाब्या। जब तोहार धरती क खाली कइ देइ जाइ उ समइ इ आपन सबित क बिस्राम मनाइ।</verse>
				<verse number="35">जेका तू पचे ओका तब नाहीं दिहे रह्या जब तू पचे ओह पइ रहत रह्या।</verse>
				<verse number="36">उत्तरजीवी आपन दुस्मनन क देस मँ हिम्मत खोइ देइहीं। उ हर चीज स डेरात होइहीं। उ पचे हवा क जरिये हिलइवाला पाती क आवाज़ स भी डेराइ जाइ अउर ओकरे कारण उ सबइ अइसेन परइहीं मान ल्या कउनो तरवार लिए भए ओनकर पाछा करत होइ। बिना केहू क पाछा कइ भए भी उ पचन्क गिरि जाब।</verse>
				<verse number="37">उ पचे एक दूसरे पइ तब भी गिरिहीं, जब कउनो भी ओनकर पाछा नाहीं करत रहा होइ। “तू पचे ऍतना सक्तीसाली नाहीं रहब्या कि आपन दुस्मनन क मुकाबला मँ खड़ा होइ सका।</verse>
				<verse number="38">तू दूसर लोगन मँ बिलाइ जाब्या। तू पचे आपन दुस्मनन क देस मँ लुप्त होइ जाब्या।</verse>
				<verse number="39">इ तरह तोहार सन्तानन तोहरे दुस्मनन क देस मँ आपन पापन मँ सड़िहीं। उ पचे आपन पापन मँ वइसे ही सड़िहीं जइसे ओनके पुरखन सड़ा रहेन।</verse>
				<verse number="40">“इ होइ सकत ह कि लोग आपन पापन्क कबूल लेइँ अउर उ पचे आपन पुरखन क पापन्क स्वीकार करिहीं। होइ सकत ह कि उ पचे कबूलइँ कि उ पचे मोरे खिलाफ भएन ह। इ होइ सकत ह उ पचे इ कबूल लेइँ कि उ पचे मोरे खिलाफ पाप किहे अहइँ।</verse>
				<verse number="41">इ होइ सकत ह कि उ पचे स्वीकार करइँ कि मइँ ओनके खिलाफ भएउँ अउ ओनका ओनके दुस्मनन क देस मँ लाएउँ। अगर उ पचे विनम्र होइ जाइँ अउ आपन पापन बरे सजा क कबूल लेइँ।</verse>
				<verse number="42">तउ मइँ याकूब क संग क आपन वाचा क सुमिरब। इसहाक क संग क आपन वाचा क सुमिरब। इब्राहीम क संग कीन्ह गए वाचा क सुमिरब अउर मइँ उ भुइँया क सुमिरब।</verse>
				<verse number="43">“भुइँया खाली रही। भुइँया आराम क समइ क आनन्द लेइ। तब तोहरे बचे भए लोग आपन पाप बरे सजा क कबूल लेइहीं। उ पचे सिखिहीं कि ओनका एह बरे सजा मिली कि उ पचे मोर व्यवस्था स घिना किहेन अउ नेमन क पालन करब स्वीकार नाहीं किहेन।</verse>
				<verse number="44">उ पचे फुरे पाप किहेन। मुला अगर उ पचे मोरे लगे मदद बरे आवत हीं तउ मइँ ओनसे दूर नाहीं रहब। मइँ ओनकइ बातन तब भी सुनब जब उ पचे आपन दुस्मनन क देस मँ भी होइहीं। मइँ ओनका पूरी तरह नस्ट नाहीं करब। मइँ ओनके संग आपन वाचा क भंग न करब। काहेकि मइँ यहोवा ओनकर परमेस्सर अहउँ।</verse>
				<verse number="45">मइँ ओनके पुरखन क संग कीन्ह गइ वाचा क याद रखब। मइँ ओनके पुरखन क मिस्र स बाहेर लिआएउँ कि मइँ ओनकर परमेस्सर होइ सकउँ। दूसर सबइ रास्ट्रन ओन बातन क लखेन। मइँ यहोवा अहउँ!”</verse>
				<verse number="46">इ सबइ उ सबइ नेमन, कानून अउर उपदेस अहइँ जेनका यहोवा इस्राएल क लोगन क दिहस। उ सबइ कानून इस्राएल क लोगन अउ यहोवा क बीच करार अहइ। यहोवा ओन कानून क सिनाई पहाड़े प दिहे रहा। उ मूसा क नेम दिहस अउ मूसा ओनका लोगन क दिहस।</verse>
			</chapter>
			<chapter number="27">
				<verse number="1">यहोवा मूसा स कहेस,</verse>
				<verse number="2">“इस्राएल क लोगन स कहा: कउनो मनई यहोवा क खास बचन दइ सकत ह। उ मनई यहोवा क कउनो मनई क अर्पित करइ क बचन दइ सकत ह। उ मनई यहोवा क सेवा खास तरीका स करी। याजक उ मनई बरे बिसेस दाम निहचित करी। अगर लोग ओका यहोवा स वापस बेसहइ चाहत हीं तउ उ पचे दाम देइहीं।</verse>
				<verse number="3">बीस स साठ बरिस उमिर तलक क मनसेधू क दाम पचास सेकेल चाँदी होइ। तू पचन क चाँदी क तौलइ बरे पवित्तर ठउर क सेकेल क अनुसार उपयोग करइ चाही।</verse>
				<verse number="4">बीस स साठ बरिस उमिर तलक क मेहरारु क दाम तीस सेकेल होइ।</verse>
				<verse number="5">पाँच स बीस बरिस उमिर तलक क मनसेधू क दाम बीस सेकेल होइ। पाँच स बीस बरिस उमिर तलक क मेहरारु क दाम दस सेकेल होइ।</verse>
				<verse number="6">एक महीना स पाँच बरिस क उमिर तलक क बालक क दाम पाँच सेकेल होइ। एक लरिकी क दाम तीन सेकेल होइ।</verse>
				<verse number="7">साठ या साठ स जियादा अवस्था क मनसेधू क दाम पन्द्रह सेकेल होइ। एक मेहरारु क दाम दस सेकेल होइ।</verse>
				<verse number="8">“अगर मनई ऍतना गरीब अहइ कि दाम देइ मँ समर्थ नाहीं अहइ तउ उ मनई क याजक समन्वा लिआवा। याजक इ निहचित करी कि उ मनई केतॅना दाम भुगतान मँ दइ सकत ह।</verse>
				<verse number="9">“कछू गोरुअन क उपयोग यहोवा क बलि क रुप मँ कीन्ह जाइ सकत ह। अगर कउनो मनई ओन गोरुअन मँ स कउनो क लिआवत ह तउ उ गोरु पवित्तर होइ जाइ।</verse>
				<verse number="10">उ मनई यहोवा क उ गोरु क देइ क बचन देत ह। एह बरे उ मनई क उ गोरु क जगह पइ दूसर गोरु रखइ क कोसिस नाहीं करइ चाही। ओका नीक गोरु क बुरे गोरु स नाहीं बदलइ चाही। ओका बुरे गोरु क नीक गोरु स नाहीं बदलइ चाही। अगर उ मनई दुइनउँ गोरुअन क बदलइ चाहत ह तउ दुइनउँ, उ गोरु अउ बदलइ भइ गोरु पवित्तर होइ जइहीं।</verse>
				<verse number="11">“कछू गोरुअन यहोवा क बलि क रुप मँ नाहीं भेंट कीन्ह जाइ सकतेन। अगर कउनो मनई ओन असुद्ध गोरुअन मँ स कउनो क यहोवा बरे लिआवत ह तउ उ गोरु याजक क समन्वा लिआवा जाइ चाही।</verse>
				<verse number="12">याजक उ गोरु क दाम उ नीक या बुरे अहइ क अनुसार निहचित करी। जउन दाम याजक निहचित करत ह उहइ मकान क दाम अहइ।</verse>
				<verse number="13">अगर मनई गोरु क वापस बेसहइ चाहत ह तउ ओका दाम मँ पाँचवाँ हींसा अउर जोड़इ चाही।</verse>
				<verse number="14">“अगर कउनो मनई आपन मकान क पवित्तर मकान क रुप मँ यहोवा क आपिर्त करत ह, तउ याजक क एकर दाम नीक या बुरा अहइ क अनुसार निहचित करी। जउन दाम याजक निहचित करत ह उहइ मकान क दाम अहइ।</verse>
				<verse number="15">मुला उ मनई जउन मकान अर्पित करत ह अगर ओका वापस खरीदइ चाहत ह तउ ओका दाम मँ पाँचवाँ हींसा जोड़इ चाही। तब घर उ मनई क होइ जाइ।</verse>
				<verse number="16">“अगर कउनो मनई अपने खेते क कउनो हींसा यहोवा क अर्पित करत ह तउ ओन खेतन क दाम ओनका बोवइ बरे जरुरी बिआ पइ टिका होइ। एक होमेर जौ क बिआ क कीमत चाँदी क पचास सेकेल होइ।</verse>
				<verse number="17">अगर मनई जुबली क बरिस खेत क दान करत ह तब दाम उ होइ जउन याजक निहचित करी।</verse>
				<verse number="18">मुला मनई अगर जुबली क पाछे खेत क दान करत ह तउ याजक क असली दाम तय करइ चाही। ओका अगले जुबली बरिस तलक क बरिसन क गनइ चाही। तब उ गणना उपयोग दाम निहचित करइ बरे करी।</verse>
				<verse number="19">अगर खेत क दानी मनई खेत क वापस बेसहा चाहउ तउ ओकरे दाम मँ पाँचवाँ हींसा अउर जोड़ा जाइ।</verse>
				<verse number="20">अगर उ मनई खेत क वापस नाहीं बेसहत ह तउ खेत सदा याजकन क होइ। अगर खेत कउनो दूसर क बेचा जात ह तउ पहिला मनई ओका वापस नाहीं बेसहि सकत।</verse>
				<verse number="21">अगर उ मनई खेत क वापस नाहीं बेसहत ह तउ जुबली क बरिस खेत सिरिफ यहोवा बरे पवित्तर रही। इ सदा ही याजकन क रही। इ उ भूँइ क तरह होइ जउन पूरी तरह यहोवा क दइ दीन्ह गइ होइ।</verse>
				<verse number="22">“अगर कउनो आपन खेते क यहोवा क अर्पित करत ह जउन ओकरी निजी सम्पत्ति क हींसा नाहीं अहइ।</verse>
				<verse number="23">तब याजक क जुबली क बरिस तलक बरिसन क जरूर गनइ चाही। अउ ओका खेत क दाम भी जरूर निहचित करइ चाही। तब उ खेत यहोवा क होइ।</verse>
				<verse number="24">जुबिली क बरिस उ खेत मूल भू सुआमी क पास चला जाइ। उ ओह परिवार क जाइ जउन ओकर सुआमी अहइ।</verse>
				<verse number="25">“तोहका पवित्तर स्थान क सेकेल क अनुसार उपयोग ओन दाम क अदा करइ बरे करइ चाही। पवित्तर ठउर क प्रमाण क सेकेल क तउल बीस गेरा अहइ।</verse>
				<verse number="26">“लोग गोरुअन अउ भेड़न क यहोवा क दान दइ सकत हीं, मुला अगर गोरु पहिला पइदा भवा अहइ तउ उ गोरु जन्म स ही यहोवा क अहइ। एह बरे लोग पहिला पइदा भवा गोरु क दान नाहीं दइ सकतेन।</verse>
				<verse number="27">लोगन क पहिला पइदा भवा गोरु यहोवा क जरूर देइ चाही। मुला अगर पहिला पइदा भवा गोरु असुद्ध अहइ, तउ मनई क उ गोरु क वापस जरूर बेसहइ चाही। याजक उ गोरु क दाम निहचित करी अउर मनई क उ दाम क पँचवाँ हींसा ओहमाँ जोरि देइ। अगर मनई गोरु क वापस नाहीं खरीदत तउ याजक क आपन निहचित कीन्ह गए दाम पइ ओका जरूर बेंच देइ चाही।</verse>
				<verse number="28">“एक ठु बिसेस तरह क भेंट अहइ जेका लोग यहोवा क चढ़ावत हीं। उ भेंट न वापस खरीदी जाइ सकत ह न तउ बेची जाइ सकत ह। उ भेंट यहोवा क अहइ। इ बहोत पवित्तर अहइ। उ तरह क भेंटन अइसे लोग, गोरु अउर खेत अहइँ, जउन परिवारे क सम्पत्ति अहइ।</verse>
				<verse number="29">अगर उ बिसेस प्रकार क यहोवा क भेंट कउनो मनई अहइ तउ ओका वापस बेसहा नाहीं जाइ सकत। ओका जरुर मार दीन्ह जाइ चाही।</verse>
				<verse number="30">“सबहिं पइदावारन क दसवाँ हींसा यहोवा क अहइ। एहमाँ खेतन, फसलन अउ बृच्छन क फल सामिल अहइँ। उ दसवाँ हींसा यहोवा क अहइ।</verse>
				<verse number="31">एह बरे कउनो मनई आपन दसवाँ हींसा वापस लेइ चाहत ह तउ ओकरे दाम क पाँचवाँ हींसा ओहमाँ जोड़इ चाही अउ वापस खरीदइ चाही।</verse>
				<verse number="32">“याजक मनइयन क गोरुअन अउ भेड़िन मँ स हर दसवाँ जनावर लेइ। हर दसवाँ जनावर यहोवा क होइ।</verse>
				<verse number="33">मालिक क इ चिन्ता नाहीं करइ चाही कि उ जनावर नीक अहइ या बुरा। ओका जनावर क दूसर जनावर स नाहीं बदलइ चाही। अगर उ बदलइ क निहचय करत ह तउ दुइनउँ जनावर यहोवा क होइहीं। उ जनावर वापस नाहीं बेसहा जाइ सकत।”</verse>
				<verse number="34">इ सबइ उ आदेसन अहइँ जेनका यहोवा सिनाइ पहाड़ पइ मूसा क दिहस। इ सबइ आदेस इस्राएल क लोगन बरे अहइँ।</verse>
			</chapter>
		</book>
		<book number="4">
			<chapter number="1">
				<verse number="1">यहोवा मूसा क संग मिलापवाला तम्बू मँ बात किहस। इ बात सीनै रेगिस्तान मँ भइ। इस्राएल क मनइयन जब मिस्र तजि दिहन ओकरे पाछे इ बात दूसर बरिस क दूसर महीना क पहिले दिन क रही। यहोवा मूसा स कहेस,</verse>
				<verse number="2">“इस्राएल क सब मनइयन क गना। हर मनई क सूची ओकर परिवार अउ ओकर परिवार-समूह क संग बनावा।</verse>
				<verse number="3">तू अउ हारून इस्राएल क सबहिं मनइयन क गनब्या। ओन मनसेधुअन क गना जउन बीस बरिस या ओसे जिआदा उमर क अहइँ। (इ सबइ उ पचे अहइँ जउन इस्राएल क फउज मँ सेवा करत हीं।) एनकइ सूची ऍनके समूह प बनी तइयार करा।</verse>
				<verse number="4">हर परिवार दल स एक मनई तोहार मदद करी। उ मनई आपन परिवार दल क अगुआ होइ।</verse>
				<verse number="5">तोहरे साथे रहइ अउ तोहार मदद करइ वाला मनइयन क नाउँ इ अहइँ: रूबेन क परिवार समूह मँ स सदेऊर क पूत एलीसूर;</verse>
				<verse number="6">सिमोन परिवार समूह स सूरीसद्दै क पूत सलूमीएल;</verse>
				<verse number="7">यहूदा क परिवार समूह स अम्मीनादाब क पूत नहसोन;</verse>
				<verse number="8">इस्साकार क समूह मँ स सूआर क पूत नतनेल;</verse>
				<verse number="9">जबूलून क परिवार समूह स हेलोन क पूत एलीआब;</verse>
				<verse number="10">यूसुफ क सन्तानन स, एप्रैम क परिवार समूह स अम्मीहूद क पूत एलीसामा अउ मनस्से क परिवार समूह स पदासूर क पूत गमलिएल;</verse>
				<verse number="11">बिन्यामीन क परिवार समूह स गिदोनी क पूत अबीदान;</verse>
				<verse number="12">दान क समूह मँ स अम्मीसद्दै क पूत अहीएजेर;</verse>
				<verse number="13">आसेर क परिवार समूह स आक्रोन क पूत पगीएल;</verse>
				<verse number="14">गाद क परिवार समूह स दूएल क पूत एल्यासाप;</verse>
				<verse number="15">नप्ताली क परिवार समूह स एनाम क पूत अहीरा दल क।”</verse>
				<verse number="16">इ सब मनइयन आपन लोगन क जरिए आपन परिवार समूह क अगुआ चुना गएन। इ पचे आपन मनइयन क जरिए परिवार समूह क नेता चुना गएन। इ सबइ आपन परिवार समूह क नेता अहइँ।</verse>
				<verse number="17">ऐ बरे मूसा अउर हारून उ मनइयन क लिहस जे नाउँ दुआरा चुना गएस अउ एह बरे दूसर महीना क पहिले दिन रहा। मूसा अउ हारून इ मनइयन अउ इस्राएल क लोगन क एक संग बोलाएस। तब मनइयन क सूची ओन कई परिवार अउ परिवार समूह क मुताबिक बनी। बीस बरिस या ओसे जिआदा उमर क सबहिं मनइयन क सूची बनी।</verse>
				<verse number="18"></verse>
				<verse number="19">मूसा ठीक वइसा ही किहेस जइसा यहोवा क हुकुम रहा। मूसा मनइयन क तब गनेस जब उ पचे सीनै क रेगिस्तान मँ रहेन।</verse>
				<verse number="20">रूबेन क परिवार समूह क गना गवा। (रूबेन इस्राएल क पहिलौटी पूत रहा।) ओन सबहिं मनइयन क जउन फउज मँ सेवा करइ क जोग्ग अहइ सूची बनी जेकर उमिर बीस बरिस या ओसे जिआदा रहेन। ओनकइ सूची ओनके परिवार अउ ओनकइ परिवार समूह क संग बनी।</verse>
				<verse number="21">रूबेन क परिवार समूह स गना भए मनसेधुअन क गनती 46,500 रही।</verse>
				<verse number="22">सिमोन क परिवार समूह क गना गवा। बीस बरिस या ओसे जिआदा उमर अउर फउज मँ सेवा करइ क जोग्ग सबहिं मनसेधुअन क सूची बनी। ओनकइ सूची ओनके परिवार अउ ओनकइ परिवार समूहन क संग बनी।</verse>
				<verse number="23">सिमोन क परिवार समूह क गने प सारे मनसेधुअन क गनती 59,300 रही।</verse>
				<verse number="24">उ पचे गाद क परिवार समूह क गनेन। बीस बरिस या ओसे जिआदा उमर क सबइ मनइयन जउन कि फउज मँ सेवा करइ जोग्ग सबहिं मनसेधुअन क नाउँ क सूची बनी। ओनकइ सूची ओनके परिवार समूहन क संग बनी।</verse>
				<verse number="25">गाद क परिवार समूह क गने प मनसेधुअन क सब गिनती 45,650 रही।</verse>
				<verse number="26">यहूदा क परिवार समूह क गना गवा। बीस बरिस या ओसे जिआदा उमर अउ फउज मँ सेवा करइ क जोग्ग मनसेधुअन क नाउँ क सूची बनी। ओनकइ सूची ओनकइ परिवार अउ ओनके परिवार समूहन क संग बनी।</verse>
				<verse number="27">यहूदा क परिवार समूह क गने प सब क गनती 74,600 रही।</verse>
				<verse number="28">इस्साकार क परिवार समूह क गना गवा। बीस बरिस या ओसे जिआदा उमर अउ फउज मँ सेवा करइ क जोग्ग सबहिं मनसेधुअन क नाउँ क सूची बनी। ओनकइ सूची ओनके परिवार अउ ओनकइ परिवार समूहन क संग बनी।</verse>
				<verse number="29">इस्साकार क परिवार समूह क गने प मनसेधुअन क गनती 54,400 रही।</verse>
				<verse number="30">जबूलून क परिवार समूह क गना गवा। बीस बरिस या ओसे जिआदा उमर अउ फउज मँ सेवा करइ जोग्ग सबहिं मनसेधुअन क नाउँ क सूची बनी। ओनकइ सूची ओनके परिवार अउ ओनके परिवार समूहन क संग बनी।</verse>
				<verse number="31">जबूलून क परिवार समूह क गने प मनसेधुअन क सब गनती 57,400 रही।</verse>
				<verse number="32">यूसुफ क पूतन स एप्रैम क परिवार समूह क गना गवा। बीस बरिस या ओसे जिआदा उमर अउ फउज मँ सेवा करइ जोग्ग सबहिं मनसेधुअन क नाउँ क सूची बनी। ओनकइ सूची ओनके परिवार अउर परिवार समूहन क संग बनी।</verse>
				<verse number="33">एप्रैम क परिवार समूह क गने प सब गनती 40,500 रही।</verse>
				<verse number="34">मनस्से क परिवार समूह क गना गवा। बीस बरिस या ओसे जिआदा उमर अउ फउज मँ सेवा करइ जोग्ग सबहिं मनसेधुअन क नाउँ क सूची बनी। ओनकइ सूची ओनके परिवार समूहन क संग बनी।</verse>
				<verse number="35">मनस्से क परिवार समूह क गने प मनसेधुअन क सब गनती 32,200 रही।</verse>
				<verse number="36">बिन्यामीन क परिवार समूह क गना गवा। बीस बरिस या ओसे जिआदा उमर अउ फउज मँ सेवा करइ जोग्ग सबहिं मनसेधुअन क नाउँ क सूची बनी। ओनकी सूची ओनके परिवार अउ ओनके परिवार समूहन क संग बनी।</verse>
				<verse number="37">बिन्यामीन क परिवार समूह क गने प मनसेधुअन क सब गनती 35,400 रही।</verse>
				<verse number="38">दान क परिवार समूह क गना गवा। बीस बरिस या ओसे जिआदा उमर अउ फउज मँ सेवा करइ जोग्ग सबहिं मनसेधुअन क नाउँ क सूची बनी। ओनकी सूची ओनके परिवार अउ परिवार समूहन क संग बनी।</verse>
				<verse number="39">दान क परिवार अउ ओनका परिवार समूहन क गने प सब गनती 62,700 रही।</verse>
				<verse number="40">आसेर क परिवार समूह क गना गवा। बीस बरिस या ओसे जिआदा उमर अउ फउज मँ सेवा करइ जोग्ग सबहिं मनसेधुअन क नाउँ क सूची बनी। ओनकी सूची ओनके परिवार अउ परिवार समूहन क संग बनी।</verse>
				<verse number="41">आसेर क परिवार समूह क गने प मनसेधुअन क सब गनती 41,500 रही।</verse>
				<verse number="42">नप्ताली क परिवार समूह क गना गवा। बीस बरिस या ओसे जिआदा उमर अउ फउज मँ सेवा करइ जोग्ग सबहिं मनसेधुअन क नाउँ क सूची बनी। ओनकी सूची ओनके परिवार अउ ओनके परिवार समूहन क संग बनी।</verse>
				<verse number="43">नप्ताली क परिवार समूह क गने प मनसेधुअन क सब गनती 53,400 रही।</verse>
				<verse number="44">मूसा, हारून अउ इस्राएल क बारह नेता लोग इ सब मनसेधुअन क गनेन। (हर परिवार समूह स एक ठु नेता रहा।)</verse>
				<verse number="45">इस्राएल क हर एक मनसेधू जउन बीस बरिस या ओसे जिआदा उमर अउ फउज मँ सेवा करइ जोग्ग रहा, गना गवा। इ मनसेधुअन क सूची ओनके परिवार क संग बनी।</verse>
				<verse number="46">मनसेधुअन क सब गनती 6,03,550 रही।</verse>
				<verse number="47">लेवी क परिवार समूह स परिवारे क सूची इस्राएल क दूसर मनसेधुअन क संग नाहीं बनी।</verse>
				<verse number="48">यहोवा मूसा स कहे रहा:</verse>
				<verse number="49">“लेवी क परिवार समूह क मनइयन क जिन गना। उ क गन्ती इस्राएल क बचा भवा लोगन क संग जिन करा।</verse>
				<verse number="50">लेवी क मनइयन स कहा कि उ पचे करार क पवित्तर तम्बू क जिम्मेदार अहइँ। उ पचे ओकर अउर ओहमाँ स जउन चीजन अहइँ, ओनका देखा-भाला। उ पचे पवित्तर तम्बू मँ अउ ओकर सबहिं चीजन लइके चलिहीं। उ पचे आपन सिबिर ओकरे चारिहुँ कइँती डइहीं अउ ओकर देख भाल करिहीं।</verse>
				<verse number="51">जब कबहुँ भी पवित्तर तम्बू क जात्रा पइ लइ जावइ जाइ तउ लेवी क मनइयन क ही तम्बू क निचे उतारइ चाही। जब कबहुँ पवित्तर तम्बू कउनो ठउरे प लगाइ जाइ तउ लेवी क मनसेधुअन क ही तम्बू क लगाइ चाही। उ पचे अइसा ही लोगन अहइँ जउन पवित्तर तम्बू क देख-रेख करत हीं। जदि कउनो अइसा दूसर मनई जउन कि लेवी नाहीं अहइ, पवित्तर तम्बू क निअरे ओका देख-रेख करइ बरे आवत ह तउ उ मारि डावा जाइ चाही।</verse>
				<verse number="52">इस्राएल क मनइयन आपन तम्बू आपन समूहन क अनुसार लगइहीं। हर एक मनई क अनुसार आपन सिबिर आपन परिवार समूह क झण्डा क लगे लगावइ चाही।</verse>
				<verse number="53">मुला लेवी क मनइयन क आपन सिबिर पवित्तर तम्बू क चारिहुँ कइँती डावइ चाही। लेवी क मनई करार क पवित्तर तम्बू क रच्छा करिहीं। उ पचे पवित्तर तम्बू क रच्छा करिहीं उ पचे पवित्तर तम्बू क रच्छा करिहीं जेसे इस्राएल क मनइयन क कछू बुरा न होइ।”</verse>
				<verse number="54">एह बरे इस्राएल क मनइयन ओन सबहिं बांतन क किहेन जेकर हुकुम यहोवा मूसा क दिहन</verse>
			</chapter>
			<chapter number="2">
				<verse number="1">यहोवा मूसा अउ हारून स कहेस,</verse>
				<verse number="2">“इस्राएल क मनइयन क मिलापवाला तम्बू क चारिहु कइँती आपन तम्बू लगावइ चाही। हरेक दल क आपन झण्डा होइ अउ हरेक मनई क आपन समूह क झण्डा क लगे आपन तम्बू लगावइ चाही।</verse>
				<verse number="3">“यहूदा क सिबिर झण्डा क पूरब मँ होइ जेहर सूरज निकरत ह। यहूदा क मनई हुवँइ सिबिर लगइहीं। यहूदा क मनइयन क अगुआ अम्मीनादाब क पूत नहसोन अहइ।</verse>
				<verse number="4">इ दल मँ 74,600 मनसेधू रहेन।</verse>
				<verse number="5">“इस्साकार क परिवार समूह यहूदा क मनइयन क ठीक पाछे होइ। इस्साकार क मनइयन क नेता सूआर क पूत नतनेल अहइ।</verse>
				<verse number="6">इ दल मँ 54,400 मनसेधू रहेन।</verse>
				<verse number="7">“जबूलून क परिवार समूह भी यहूदा क परिवार समूह स ठीक आगे आपन सिबिर लगाइ। जबूलून क मनइयन क नेता हेलोन क पूत एलीआब अहइ।</verse>
				<verse number="8">इ दल मँ 57,400 मनसेधू रहेन।</verse>
				<verse number="9">“यहूदा क सिबिर मँ 1,86,400 मनसेधू रहेन। इ सबइ आपन अलग-अलग परिवार समूहन मँ बँटा भवा रहेन। यहूदा पहिला समूह होइ जउन उ टेमॅ अगवा चली। जब लोग एक ठउर स दूसर ठउर क जात्रा करिहीं।</verse>
				<verse number="10">“रूबेन क झण्डा पवित्तर तम्बू क दक्खिन मँ होइ। हरके समूह आपन झण्डा क लगे आपन सिबिर लगाइ। रूबेन क लोगन क प्रधान सदेऊर क पूत एलीसूर बाटइ।</verse>
				<verse number="11">इ दले मँ 46,500 मनसेधू रहेन।</verse>
				<verse number="12">“सिमोन क परिवार समूह क रूबेन क परिवार समूह क ठीक पाछे आपन सिबिर लगाइ। सिमोन क मनइयन क अगुआ सूरीसद्दल क पूत सलूमीएल अहइ।</verse>
				<verse number="13">इ दले मँ 59,300 मनसेधू रहेन।</verse>
				<verse number="14">“गद क परिवार समूह भी रूबेन क मनइयन क ठीक पाछे आपन सिबिर लगाइ। गाद क लोगन क प्रधान रूएल क पूत एल्यासाप अहइ।</verse>
				<verse number="15">इ दले मँ 45,650 लोगन रहेन।</verse>
				<verse number="16">“रूबेन क सिबिर मँ सब दलन क 1,51,450 मनसेधू रहेन। रूबेन क सिबिर दूसर समूह होइ जउन उ समइ चली। जब मनई एक ठउर स दूसर ठउर क जात्रा करिहीं।</verse>
				<verse number="17">“जब मनई जात्रा करिहीं तउ लेवी क सिबिर ठीक ओकरे, पाछे चली। मिलापवाला तम्बू दूसर सिबिरन क बीचउ बीच ओनके संग रही। मनइयन आपन सिबिर उहइ सिलसिला मँ लगइहीं जउने क्रम मँ उ पचे चलिहीं। हरेक मनई आपन परिवार क झण्डा क संग रही।</verse>
				<verse number="18">“एप्रैम क झण्डा पच्छिम कइँती रही। एप्रैम क परिवार-दलन हुवँइ सिबिर लगइहीं। एप्रैम क लोगन क प्रधान अम्मीहूद क पूत एलीसामा अहइ।</verse>
				<verse number="19">इ दल मँ 40,500 लोगन रहेन।</verse>
				<verse number="20">“मनस्से क परिवार समूह एप्रैम क परिवार क ठीक पाछे आपन सिबिर लगाइ। मनस्से क मनइयन क नेता पदासूर क पूत गम्लीएल अहइ।</verse>
				<verse number="21">इ दल मँ 32,200 मनसेधू रहेन।</verse>
				<verse number="22">“बिन्यामीन क परिवार समूह भी एप्रैम क परिवार क ठीक आगे आपन सिबिर लगाइ। बिन्यामीन क लोगन क नेता गिदोनी क पूत अबीदान अहइ।</verse>
				<verse number="23">इ दले मँ 35,400 मनसेधू रहेन।</verse>
				<verse number="24">“एप्रैम क सिबिर मँ 1,08,100 मनसेधू रहेन। इ तीसर परिवार होइ जउन तब चली जब मनईं एक ठउर स दूसर ठउर क जात्रा करिहीं।</verse>
				<verse number="25">“दान क सिबिर क निसान उत्तर कइँती होइ। दान क परिवार दलन हुवँइ सिबिर जमाई। दान क मनइयन क प्रधान अम्मीसद्दै क पूत अहीएजेर अहइ।</verse>
				<verse number="26">इ दले मँ 62,700 मनसेधू रहेन।</verse>
				<verse number="27">“आसेर क परिवार समूह दान क परिवार समूह क ठीक पाछे आपन सिबिर डाइ। आसेर क मनइयन क नेता ओक्रान क पूत पगीएल बाटइ।</verse>
				<verse number="28">इ दले मँ 41,500 मनसेधू रहेन।</verse>
				<verse number="29">“नप्ताली क परिवार समूह दान क परिवार समूह क ठीक पाछे आपन सिबिर लगाइ। नप्ताली क मनइयन क प्रधान एनान क पूत अहीरा अहइ।</verse>
				<verse number="30">इ दले मँ 53,400 मनसेधू रहेन।</verse>
				<verse number="31">“दान क सिबिर मँ 1,57,600 मनसेधू रहेन। जब मनइयन एक ठउर स दूसर ठउर क जात्रा करिहीं तउ इ काफिला आखिरी परिवार समूह होइ। हर एक मनई आपन झण्डा क अनुसार आपन परिवार क संग होइ।”</verse>
				<verse number="32">सबहिं डेरन मँ अलग-अलग दलन क सब परिवारन क मनसेधुअन क समूचइ गिनती रही 6,03,550।</verse>
				<verse number="33">मूसा इस्राएल क दूसर मनइयन मँ लेवी क मनइयन क नाहीं गनेस। इ यहोवा क हुकुम रहा।</verse>
				<verse number="34">यहोवा मूसा क जउन कछू करइ क कहेस उ सब क इस्राएलियन मान लिहेन। इस्सर क कहइ क मुताबिक इस्राएल क मनइयन आपन झण्डा तरे आपन सिबिर लगाएन। यहोवा क कहे क मुताबिक इस्राएल क मनइयन जात्रा किहन। हरेक मनई आपन परिवार अउ आपन परिवार समूह क संग रहा।</verse>
			</chapter>
			<chapter number="3">
				<verse number="1">जउन समइ यहोवा सीनै पहाड़े प मूसा स बात किहस उहइ समइ क हारून अउ मूसा क परिवार क इतिहास इहइ अहइ।</verse>
				<verse number="2">हारून क चार पूत रहेन। नादाब पहिलौटा पूत रहा। ओकरे पाछे अबिहू, एलीआज़ार अउ ईतामार रहेन।</verse>
				<verse number="3">इ सबइ अभिसेक करा भवा याजकन रहेन। एनका याजकन क रूप मँ यहोवा क सेवा क खास काम सउँपा गवा रहा।</verse>
				<verse number="4">मुला नादाब अउ अबीहू यहोवा क सेवा करत टेमॅ प पाप करइ क कारण मर गएन। उ पचे यहोवा क भेंट चढ़ाएन, मुला उ पचे उ आगी क बइपरेन जेकरे बरे यहोवा हुकुम नाहीं दिहे रहेन। इ सीनै क रेगिस्तान मँ भवा। इ तरह नादाब अउ अबिहू हुवाँ मरि गएन। ओनके पूत नाहीं रहेन। एह बरे एलीआज़ार अउ ईतामार याजक बनेन अउर यहोवा क सेवा करइ लागेन। उ पचे उ टेमॅ करत रहेन जब ओनकइ बाप जिअत रहा।</verse>
				<verse number="5">यहोवा मूसा स कहेस,</verse>
				<verse number="6">“लेवी क परिवार समूह क सबहिं मनइयन क याजक हारून क अगवा लिआवा। उ पचे ओनका सेवा करइ हीं।</verse>
				<verse number="7">लेवी बंस क हारून क उ समइ मदद करिहीं जब उ मिलापवाला तम्बू मँ सेवा करी अउर लेवी बंसे क इस्राएल क सब मनइयन क उ टेमॅ मदद करिहीं जउने टेमॅ उ पचे पवित्तर तम्बू मँ आराधना करइ अइहीं।</verse>
				<verse number="8">इस्राएल क मनइयन मिलापवाला पवित्तर तम्बू क हर एक चीज क रच्छा करिहीं, इ ओनकइ कर्तव्य अहइ। मुला इ चीजन क देख-भाल कइके ही लेवी बंस क लोग इस्राएल क मनइयन क सेवा करिहीं। पवित्तर तम्बू मँ आराधना करइ क ओनका इहइ तरीका होइ।</verse>
				<verse number="9">“इस्राएल क सब मनइयन मँ स लेवी बंसे क मनई चुना गएन। इ पचे लेवी बंस क हारून अउ ओकरे पूतन क मदद बरे चुना ग रहेन।</verse>
				<verse number="10">“तू हारून अउ ओकरे पूतन क याजकन तइनात करब्या। उ पचे आपन फरज पूरा करिहीं अउ याजकन क रूप मँ सेवा करिहीं। कउनो दूसर मनई जउन निअरे आवइ क कोसिस करत ह मारि दीन्ह जाइ चाही।”</verse>
				<verse number="11">यहोवा मूसा स इहइ कहेस,</verse>
				<verse number="12">“मइँ तोसे कहेउँ कि इस्राएल क हरेक परिवार आपन पहिलौटी क जन्मा पूत मोका देइ-मुला अब मइँ लेवी बंस क आपन सेवा बरे चुनत हउँ। उ पचे मोर होइहीं। एह बरे इस्राएल क सब मनइयन क दूसर सबहिं लोगन क आपन पहिलौटी क पूत मोका नाहीं देइ क होइ। जब तू मिस्र मँ रह्या, मइँ मिस्र क पहिलौटी क पइदा भवा लरिकन क मार डाए रहा। उ समइ मइँ इस्राएल क सबहिं पहिलौटी क गदेलन क अपने बरे लीन्ह। सबहिं पहिलौटी क पइदा भवा गदेलन अउ सबहिं पहिलौटी क जन्मा गोरु मोर अहइँ। मुला अब मइँ तोहरे पहिलौटी क जन्मा गदेलन क तोहका वापस करत अहउँ अउर लेवी बंसे क आपन बनावत हउँ। मइँ यहोवा अहउँ।”</verse>
				<verse number="13"></verse>
				<verse number="14">यहोवा फुन सीनै क रेगिस्तान मँ मूसा स बात किहेस। यहोवा कहेस,</verse>
				<verse number="15">“लेवी बंस क सबहिं परिवार समूहन अउ परिवार समूह क गना। हरेक मनसेधू या गदेलन जउन एक महीना या ओसे जिआदा क होइँ ओनका गना।”</verse>
				<verse number="16">एह बरे मूसा यहोवा क आग्या मानसे। उ ओन सबहिं क गनेस।</verse>
				<verse number="17">लेवी क तीन पूत रहेन। ओनकइ नाउँ रहेन: गेर्सोन, कहात अउ मरारी।</verse>
				<verse number="18">हरेक पूत परिवार समूहन क प्रधान रहा। गेर्सोन क परिवार समूहन रहेन लिब्नी अउ सिमी।</verse>
				<verse number="19">कहात क परिवार समूहन रहेन: अम्राम, यिसहार, हेब्रोन, उज्जीएल।</verse>
				<verse number="20">मरारी क परिवार समूहन रहेन: महली अउ मूसी। उ सबइ उ कुल परिवार रहेन जउन लेवी क परिवार समूहन स जुड़ा रहेन।</verse>
				<verse number="21">लिब्नी अउ सिमियन क परिवार गेर्सोन क परिवार स जुड़ा रहेन। उ सबइ गेर्सोन बंस क परिवार समूहन क रहेन।</verse>
				<verse number="22">इ दुइनउँ परिवार समूहन मँ स एक महीना स जिआदा उमर क लरिकन या मनसेधू 7,500 रहेन।</verse>
				<verse number="23">गेर्सोन बंस क परिवार समूहन क पच्छिउँ मँ सिबिर डावइ क कहा गवा। उ पचे पवित्तर तम्बू क पाछे आपन सिबिर लगाएन।</verse>
				<verse number="24">गेर्सोन बंस क परिवार समूहन क प्रधान लाएल क पूत एल्यासाप रहा।</verse>
				<verse number="25">मिलापवाला तम्बू मँ गेर्सोन बंस क लोग पवित्तर तम्बू, बाहरी तम्बू अउ पर्दन क देख-रेख क जिम्मेदार रहेन। उ पचे मिलापवाला तम्बू क प्रवेस दुआर क पर्दा क देख-भाल करत रहेन।</verse>
				<verse number="26">उ पचे आँगन क पर्दा क देख-रेख करत रहेन। इ पर्दा जउन पवित्तर तम्बू अउ वेदी क चारिहुँ कइँती फइला रहा। उ पचे रस्सी अउ पर्दा बरे काम मँ बइपरइ वाली हर एक चिजियन क देख-रेख करत रहेन।</verse>
				<verse number="27">अम्रामियन, यिसहारियन, हेब्रोनियन अउ उज्जीएल क परिवार कोहात क परिवार स जुड़ा रहेन। उ पचे कोहात बंसी परिवार समूहन क रहेन।</verse>
				<verse number="28">इ परिवार समूह मँ एक महीना या ओसे जिआदा उमर क गदेलन अउ मनसेधू 8,600 रहेन। कोहात बंस क मनइयन क पवित्तर ठउर क देख-रेख क काम सउँपा गवा।</verse>
				<verse number="29">कोहात बंस क परिवार समूहन क “पवित्तर तम्बू” क दक्खिन पहँटा दीन्ह गवा। इ उ पहँटा रहा जहाँ उ पचे सिबिर लगाएन।</verse>
				<verse number="30">कोहात बंस क परिवार समूहन क प्रधान उज्जीएल क पूत एलीसापान रहा।</verse>
				<verse number="31">ओनकइ काम पवित्तर सन्दूख, मेज, डीबट, वेदी अउ पवित्तर ठउर क कामे मँ आवइवाला सामान क देख-रेख करब रहा। उ पचे पर्दा अउ ओनके संग प्रयोग मँ आवइवाली सबहिं चीजन क देख-रेख करत रहेन।</verse>
				<verse number="32">लेवी बंस क नेता लोगन क मुखिया एलीआज़ार रहा। उ याजक हारून क पूत रहा। एलीआज़ार पवित्तर चीजन क देख-रेख करइवालन सबहिं मनइयन क कोतवाल रहा।</verse>
				<verse number="33">महली अउ मुसी परिवार समूहन मरारी परिवारे स जुड़ा रहा। एक महीना या ओसे जिआदा उमर क लरिकन अउ मनसेधू परिवार समूह मँ 6,200 रहेन।</verse>
				<verse number="34"></verse>
				<verse number="35">मरारी समूह क नेता अबीहैल क पूत सूरीएल रहा। इ परिवार समूह क पवित्तर तम्बू क उत्तर क पहँटा दीन्ह ग रहा। इ उहइ पहँटा अहइ जहाँ उ पचे सिबिर लगाए रहेन।</verse>
				<verse number="36">मरारी लोगन क पवित्तर तम्बू क ढाँचा क देखभाल क काम सौपं दीन्ह गवा। उ पचे सबहिं छड़न, खंभन अउ आधार अउ पवित्तर तम्बू क ढाँचा मँ जउन कछू लगा रहा उ सब कछू क देख-भाल करत रहेन।</verse>
				<verse number="37">पवित्तर तम्बू क चारिहुँ कइँती आंगन क सबहिं खंभन क देखरेख करत रहेन। एहमाँ सबइ आधार, तम्बू क खूँटी अउ रस्सियन जुड़ी रहिन।</verse>
				<verse number="38">मूसा, हारून अउ ओकर लरिकन मिलापवाला तम्बू क समन्वा पवित्तर तम्बू क पूरब कइँती सिबिर लगाएन। उ पचन क पवित्तर ठउर क देख-भाल क काम दीन्ह गवा। उ पचे इस्राएल क सबहिं मनइयन बरे इ किहन। कउनो दूसर मनई जउन पवित्तर ठउर क निचके आवत, मार दीन्ह जाइ क रहा।</verse>
				<verse number="39">यहोवा लेवी परिवार समूह क एक महीना या ओसे जियादा उमर क गदेलन अउ मनसेधुअन क गनइ क हुकुम दिहस। सब गिनती 22,000 रही।</verse>
				<verse number="40">यहोवा मूसा स कहेस, “इस्राएल मँ सब एक महीना या ओसे जियादा उमर क पहिला पइदा भवा लरिकन अउ मनसेधुअन क गना। ओनके नाउँ क एक अनुसार सूची बनावा।</verse>
				<verse number="41">अब मइँ इस्राएल क सबहिं पहिलौटी क पइदा भवा लरिकन अउ मनसेधुअन क नाहीं लेबा अब मइँ यानी यहोवा लेवी बंसियन क ही लेब। इस्राएल क दूसर सबहिं मनइयन क पहिलौटी क पइदा भवा जनावरन क लेइ क ठउर प अब मइँ लेवी बंस क मनइयन क पहिलौटी क जनावरन क ही लेब।”</verse>
				<verse number="42">इ तरह मूसा उ किहस जउन यहोवा हुकुम दिहस। मूसा इस्राएल क पहिलौटी क सतान क गनेस।</verse>
				<verse number="43">मूसा सबहिं पहिलौटी क पइदा भवा एक महीना या ओसे जियादा उमर क लरिकन अउ मनसेधुअन क सूची बनाएस। उ सूची मँ 22,273 नाउँ रहेन।</verse>
				<verse number="44">यहोवा मूसा स इ भी कहेस,</verse>
				<verse number="45">“मइँ यानी यहोवा इ हुकुम देत हउँ: ‘इस्राएल क दूसर परिवारन क पहिलौटी क पइदा भवा मनसेधुअन क जगह प लेवी बंस क मनइयन क ल्या। अउर मइँ दूसर मनइयन क जनावरन क ठउर प लेवी-बंस क जनावरन क लेब। लेवी बंसी मोरउ अहइँ।</verse>
				<verse number="46">लेवी-बंस क मनई 22,000 अहइँ अउर दूसर परिवारन क 22,273 पहिलौटी क पइदा भवा पूत अहइँ। इ तरह सिरिफ 273 पहिलौटी क पइदा पूत लेवी बंस क मनइयन स जियादा बाटेन।</verse>
				<verse number="47">दूइ सौ तेहत्तर पहिलौटी मनइयन मँ स हर एक बरे पाँच सेकेल चाँदी जमा करा। (पवित्तर स्थान क सेकेल क अनुसार एक सेकेल बीस गेरा होत ह)</verse>
				<verse number="48">उ चाँदी हारून अउ ओकरे पूतन क द्या। इ इस्राएल क 273 मनइयन बरे भुगतान अहइ।’”</verse>
				<verse number="49">मूसा 273 जियादा मनइयन बरे रूपिया बटोरेस। इ सबइ उ पचे 273 मनई अहइँ जेनकइ जगह लेवी बंस परिवार समूह नाहीं लइ सका।</verse>
				<verse number="50">मूसा इस्राएल क पहिलौटी क पइदा भवा मनइयन स चाँदी बटोरेस। उ 1,365 सेकेल चाँदी पवित्तर स्थान क सेकेल क अनुसार बटोरेस।</verse>
				<verse number="51">मूसा यहोवा क आग्या मानेस। मूसा यहोवा क आग्या क मुताबिक उ चाँदी हारून अउ ओकरे पूतन क दिहस।</verse>
			</chapter>
			<chapter number="4">
				<verse number="1">यहोवा मूसा अउ हारून स कहेस:</verse>
				<verse number="2">“कोहात परिवार समूह क मनसेधुअन क गना। (कोहात परिवार समूह लेवी परिवार समूह क एक हींसा अहइ।)</verse>
				<verse number="3">तीस स पचास बरिस क उमर वाले मनइयन क गना जउन फउज मँ सेवा करइ सकत ह। इ मनइयन मिलापवाला तम्बू मँ कामकाज करिहीं।</verse>
				<verse number="4">“ओनकइ कामकाज सबन त जियादा पवित्तर ठउर क देखभाल करब अहइ।</verse>
				<verse number="5">“जब सिबिर नवा ठउर क जात्रा करइँ। हारून अउ ओनके पूतन क चाही कि उ पचे मिलापवाला तम्बू मँ जरूर जाइँ अउ पर्दा उतारइँ अउ करार क पवित्तर सन्दूखे क ढाँपइँ।</verse>
				<verse number="6">तब उ पचे इ सबन्क बढ़िया चाम स बना भवा ढकना स ढाँपि देइँ। तब उ पचे पवित्तर सन्दूखे प बिछा भवा खाल प एक ठु नीला ओढ़ना फइलइहीं अउ पवित्तर सन्दूखे प लगा भवा कड़ा मँ डंडा डइहीं।</verse>
				<verse number="7">“तब उ पचे एक ठु नीला ओढ़ना पवित्तर मेजी प फइलइहीं। तब उ सबइ ओह पइ थाली, चम्मच, खोरा अउ पयेबलि बरे गगरी धरिहीं। उ पचे खास रोटी ओकर ऊपर धरइ सकत ह।</verse>
				<verse number="8">तब तू पचे इ सबहिं चीजन प एक ठु लाल ओढ़ना डउब्या। तब हर एक चीज क बढ़िया चाम स ढाँपि द्या। तब मेज क छल्ला मँ डंडा डावा।</verse>
				<verse number="9">“तब डीबट अउ दिया क नीला ओढ़ना स ढकि द्या अउ साथ ही साथ दिया क गुल काटइवाला कैंची, गुल रखइवाला थाली अउर दिया बरे प्रयोग मँ आवइवाला तेल क मेटिया क ढकि द्या।</verse>
				<verse number="10">तब सबहिं चीजन क नीक चाम मँ लपटावा अउ ऍनका ढोवइ बरे प्रयोग मँ आवइवाला डंडन प ऍनका धरा।</verse>
				<verse number="11">“सुनहरी वेदी प एक नीला कपड़ा फइलावा। ओका नीक चाम स ढका। तब वेदी क ढोवइ बरे ओहमाँ लगा भवा छल्लन मँ डंडा डावा।</verse>
				<verse number="12">“पवित्तर ठउर मँ आराधना क प्रयोग मँ आवइवाली खास चीजन क एक साथे बटोरा। ऍनका एक संग बटोरा अउ ऍनका नीला ओढ़ना मँ बटोरा। तब ऍका बढ़िया चाम स ढका। इ चीजन क लइ जाइ बरे ऍनका एक ढाँचा प धरा जिस प इ लइ जाइ।</verse>
				<verse number="13">“काँसावाली वेदी स राख क झार द्या अउ ऍकरे ऊपर एक बैगनी रंग क ओढ़ना फइलावा।</verse>
				<verse number="14">तब वेदी प आराधना बरे प्रयोग मँ आवइवाली आगी क गोस्सी, काँटा, बेल्चा अउ खोरा आदी सब चीजन क बटोरा। इ चीजन्क काँसा क वेदी प धरा। तब वेदी क ऊपर नीक चाम क ओढ़ना फइलावा। वेदी मँ लगा कड़न मँ ऍका लइ जाइवाला डंडा डावा।</verse>
				<verse number="15">“जब हारून अउ ओकर पूत पवित्तर ठउर क सबहिं पवित्तर चीजन्क ढकना पूरा करि लेइँ तब कोहात परिवार क मनई अन्दर आइ सकत हीं अउर उ चीजन्क लइ जाब सुरु कइ सकत हीं। इ तरह उ पचे पवित्तर चीजन्क छुइहीं नाहीं। तउ उ पचे मरिहीं नाहीं।</verse>
				<verse number="16">“याजक हारून क पूत एलीआज़ार पवित्तर तम्बू बरे जिम्मेदार होइ। उ पवित्तर ठउर अउ ऍकर हर चीज बरे जिम्मेदार होइ। उ डीबट क तेल, महकउआ सुगन्धिवाली अगरबत्ती अउ हमेसा दीन्ह जाइवाली भेंट।”</verse>
				<verse number="17">यहोवा मूसा अउ हारून स कहेस,</verse>
				<verse number="18">“होसियार रहा, इ कोहात बंसी मनइयन क लेवी मनसेधुअन क बीच स बरबाद जिन होइ द्या।</verse>
				<verse number="19">तोहका इ एह बरे करइ चाही कि कोहात बंसी महा पवित्तर ठउर ताई जाइँ अउ मरइँ नाहीं। हारून अउ ओकरे पूतन क अन्दर जाइ चाही अउ हरेक कोहात बंसी क बतावइ चाही कि उ का करइ। ओन पचन क हर एक मनई क चीज देइ चाही जउन ओका लइ जाइ क अहइ।</verse>
				<verse number="20">जदि तू अइसा नाहीं करत्या तउ कोहात बंसी अन्दर जाइ सकत हीं अउ पवित्तर चीजन क लखि सकत हीं। जदि उ पचे एक छिन बरे भी ओन पवित्तर चीजन कइँती निहारत हीं तउ ओनका मरइ क होइ।”</verse>
				<verse number="21">यहोवा मूसा स कहेस,</verse>
				<verse number="22">“गेर्सोन परिवार क सबहिं मनइयन क गना। ओनकइ सूची परिवार अउ परिवार समूह क मुताबिक बनावा।</verse>
				<verse number="23">आपन सेवा क कर्तव्य कइ चुकइवालन तीस बरिस स पचास बरिस तक क मनसेधुअन जउन सबइ सेवा करइ बरे जाइ सकत ह क गना। इ सबइ लोग मिलापवाला तम्बू क देख-भाल करिहीं।</verse>
				<verse number="24">“गेर्सोनी परिवार क इहइ करइ चाही अउ इ चीजन क लइ चलइ चाही।</verse>
				<verse number="25">ऍनका पवित्तर तम्बू क पर्दा, मिलापवाला तम्बू, एकर ओढ़ावन अउ नीक चाम स बना ओढ़ावन लइ चलइ चाही। ओनका मिलापवाला तम्बू क दुआर क पर्दा भी लइ चलइ चाही।</verse>
				<verse number="26">ओनका अंगने क ओन पर्दन क भी जउन पवित्तर तम्बू अउ वेदी क चारिहुँ ओर लगा बाटेन, लइ चलइ चाही। ओनका आंगन क प्रवेस दुआर क पर्दा भी लइ चलइ चाही। ओनका सब लसुरी अउ पर्दा क संग प्रयोग मँ आवइवाली सबहिं चीजन क लइ चलइ चाही। गरसान बंस क मनई उ कउनो भी चीज बरे जिम्मेदार होइहीं जउन इ चीजन स कीन्ह जात हीं।</verse>
				<verse number="27">हारून अउ ओकर पूत इ सबहिं कामन क निगरानी करिहीं। गेर्सोनी बंस क मनई जउन कछू लइ जइहीं अउ जउन दूसर काम करिहीं ओकर पइ हारून अउ ओकर पूत नज़र राखिहीं। तोहका ओन लोगन क उ सबइ चीज सोंप देइ चाही जेनका ढोवइ बरे उ पचे जिम्मेदार होइहीं।</verse>
				<verse number="28">इहइ काम अहइ जेका गेर्सोन बंस क परिवार समूह क लोगन क मिलापवाला तम्बू बरे करइ क अहइ। हारून क पूत ईतामार याजक ओनके काम बरे जिम्मेदार होइ।”</verse>
				<verse number="29">“मरारी परिवार समूह क परिवार अउ परिवार समूहन क मनसेधुअन क गना।</verse>
				<verse number="30">तीस स पचास बरिस क सबहिं मनसेधुअन क जउन सेवा करइ बरे जाइ सकत ह क गना। उ पचे मनइयन मिलापवाला तम्बू बरे खास काम करिहीं।</verse>
				<verse number="31">जब तू जात्रा करब्या तब ओनकइ इ काम अहइ कि मिलापवाला तम्बू क फरेम (ढाँचा) लइ चला। ओनका पट्टी, खाभ्भा अउ आधार क लइ चलइ चाही। ओनका ओन तम्बू क खुँटियन क लइ चाही</verse>
				<verse number="32">अउर ओका आँगन क चारिहुँ कइँती क खम्भा, ओका खूँटियन क साथ, आधार अउ रस्सी क लइ चाही। सब नाउँ क सूची बनावा अउ हरेक मनई क बतावा कि ओका का का चीज लइ जाइ क अहइ।</verse>
				<verse number="33">इहइ बात अहइँ जेका मरारी बंस क लोग मिलापवाला तम्बू क कामे मँ सेवा बरे करिहीं। हारून क पूत ईतामार याजक ऍनके बरे जिम्मेदार होइ।”</verse>
				<verse number="34">मूसा, हारून अउ इस्राएल क मनइयन क अगुआ लोग कोहती-बंस क मनइयन क गनेन। उ पचे ऍनका परिवार अउ परिवार समूहन क मुताबिक गनेन।</verse>
				<verse number="35">उ पचे तीस स पचास बरिस क उमर क मनइयन क जउन सेवा करइ बरे जाइ सकत ह गनेन। इ पचन क मिलापवाला तम्बू बरे खास काम करइ बरे दीन्ह गएन।</verse>
				<verse number="36">कहात परिवार समूह मँ जउन इ काम करइ क जोग्गता रखत रहेन, 2,750 मनसेधू रहेन।</verse>
				<verse number="37">इ तरह कोहात परिवार क इ मनइयन क मिलापवाला तम्बू क खास काम करइ बरे जिम्मेदारी दीन्ह गएन। मूसा अउ हारून ऍका वइसा ही किहेन जइसा यहोवा मूसा स करइ क कहे रहा।</verse>
				<verse number="38">गेर्सोनी परिवार समूह क भी ओकर परिवारन अउ ओकर परिवार समूहन क अनुसार गना गवा।</verse>
				<verse number="39">तीस स पचास बरिस क उमर क सबहिं मनइयन क जउन सेवा करइ बरे जाइ सकतेन क गना गएन। इ मनइयन क मिलापवाला तम्बू मँ खास काम करइ क सेवा-काम दीन्ह गवा।</verse>
				<verse number="40">गेर्सोन परिवार समूह क परिवारन मँ जउन जोग्ग रहेन उ पचे 2,630 मनसेधू रहेन।</verse>
				<verse number="41">इ तरह इ मनसेधुअन क जउन गेर्सोन परिवार समूह क रहेन, मिलापवाला तम्बू मँ खास काम करइ क सेवा-काम सौंपा गवा। मूसा अउ हारून ऍका वइसा ही किहेन जइसा यहोवा मूसा क करइ क कहे रहा।</verse>
				<verse number="42">मरारी परिवार क परिवार अउ परिवार समूहन क भी गना गवा।</verse>
				<verse number="43">तीस स पचास बरिस क उमर क सबहिं मनसेधू जउन सेवा करइ बरे जाइ सकतेन क गना गएन। इ मनइयन क मिलापवाला तम्बू बरे खास काम करइ क सेवा-काम दीन्ह गवा।</verse>
				<verse number="44">मरारी परिवार समूह क परिवारन मँ जउन लोग जोग्ग रहेन, उ पचे 3,200 मनई रहेन।</verse>
				<verse number="45">इ तरह मरारी परिवार समूह क इ मनइयन क खास काम दीन्ह गवा। मूसा अउ हारून ऍका वइसा ही किहेन जइसा यहोवा मूसा स करइ क कहे रहा।</verse>
				<verse number="46">मूसा, हारून अउ इस्राएल क मनइयन क नेता लोग लेवी-बंस क सबहिं निअम्बर क गनेन। उ पचे हर एक परिवार अउ हर एक परिवार समूह क गनेन।</verse>
				<verse number="47">सब मनइयन जउन आपन सेवा कर्तव्य क निभाइ चुका रहेन अउर जउन तीस बरिस स पचास बरिस उमर क रहेन, गना गएन। इ मनइयन क मिलापवाला तम्बू बरे खास काम करइ क सेवा-काम दीन्ह गवा। उ पचे मिलापवाला तम्बू क चलइ क काम तब किहेन जब उ पचे जात्रा किहेन।</verse>
				<verse number="48">मनसेधुअन क सारी संख्या 8,580 रही।</verse>
				<verse number="49">यहोवा इ आदेस मूसा क दिहेन। हर एक मनई क आपन काम दीन्ह ग रहा। अउ हरेक मनसेधू स कहा गवा रहा कि ओका का का लइ चलइ चाही। एह बरे यहोवा जउन हुकुम दिहे रहा उ चीजन क पूरा कीन्ह गवा। सबहिं मनइयन क गना गवा।</verse>
			</chapter>
			<chapter number="5">
				<verse number="1">यहोवा मूसा स कहेस,</verse>
				<verse number="2">“इस्राएल क मनइयन क हुकुम द्या कि उ हर एक व्यक्ति क चाहे उ मनसेधु या मेहरारू जउन चाम रोग स पीड़ित ह या जेकर सरीर स पीप बहत ह या जउन कि कउनो ल्हासे क छुअइ क करण असुद्ध होइ गवा अहइ छाउनी स दूर भेज द्या।</verse>
				<verse number="3">उ पचन्क छाउनी स बाहेर भेज दीन्ह जाइ चाही ताकि उ छाउनी क जउन कि मोरे निवास अहइ क उ पचन्क असुद्ध नाहीं कइ देइँ। मइँ तोहरे छाउनी मँ तू लोगन क बीच रहत हउँ।”</verse>
				<verse number="4">एह बरे इस्राएल क मनइयन परमेस्सर क हुकुम मानेन। उ पचे ओन मनइयन क सिबिर क बाहेर पठइ दिहन। उ पचे अइसा एह बरे किहन काहे की यहोवा मूसा क हुकुम दिहस।</verse>
				<verse number="5">यहोवा मूसा स कहेस,</verse>
				<verse number="6">“इस्राएल क लोगन क इ बतावा, अगर कउनो मनई अउ मेहरारू कउनो अइसा पाप करत ह जेका लोग करत, (कउनो पाप जेका दूसर क खिलाफ कीन्ह गवा ह तउ उ असल मँ परमेस्सर क खिलाफ पाप अहइ) तउ उ तरह क मनसेधू या मेहरारू अपराधी अहइ।</verse>
				<verse number="7">एह बरे उ मनई लोगन क खिलाफ आपन कीन्ह पाप क कबूलइ। तब उ मनई ओका जरूर सुधार करइ चाही जेका उ किहस ह उ भुगतान मँ पाँचवाँ हींसा जोरइ अउ ओकर भुगतान ओका करइ जेकर बुरा उ किहस ह।</verse>
				<verse number="8">मुला जउन मनई क उ बुरा किहा ह जदि उ मनई मरि जात ह अउर ओकर कउनो निचके क नातेदार भुगतान लेइ बरे न होइ तउ इ हाल मँ, बुरा करइ वाला मनई यहोवा क भुगतान करी। उ मनई पूरा भुगतान याजक क करी। भुगतान क बरे ओका एक ठू भेंड़ा क बलि अभिसेक क रूप मँ जरूर देइ चाही। याजक ओका बलि ओका अभिसेक करइ बरे देब्या। मुला याजक बचा भुगतान क आपन लगे रख सकत ह।</verse>
				<verse number="9">“जदि इस्राएल क कउनो मनई परमेस्सर क खास भेंट चढ़ावत ह तउ उ याजक जउन ओका अंगीकार कइ सकत ह ओका अपने लगे रख सकत ह। इ ओकर बाटइ।</verse>
				<verse number="10">एक मनइ क पवित्तर चीज ओका अपना अहइ (उ ओका दइ सकत ह या ओका आपन बरे रखइ सकत ह।) मुला जदि उ ओनका देत ह तउ उ याजक क होइ जाइ।”</verse>
				<verse number="11">तब यहोवा मूसा स कहेस,</verse>
				<verse number="12">“इस्राएल क लोगन स इ कहा कउनो मनई क मेहरारु पतिव्रता नाहीं भी होइ सकत।</verse>
				<verse number="13">उ दूसर मनइयन क संग सोइ सकत ह अउ ऍका आपन भतारे स छुपाइ सकत ह। ओकर भतार ओका कबहुँ जान भी नाहीं सकत जउन बुराई उ किहेस ह होइ सकत ह कि कउनो गवाह भी नाहीं अहइ अगर उ आपन हरकत स नाहीं पकड़ा जाइ। अउर उ मेहरारु भी आपन भतार स आपन पाप क बारे मँ नाहीं कही।</verse>
				<verse number="14">मुला भतार संका करब सुरु कइ सकत ह कि ओकर मेहरारु ओकरे विरुद्ध पाप किहेस ह। उ ओकरे बरे जलन रख सकत ह, चाहे उ कउनो बुरा काम नाहीं किहेस ह जेकर कारण उ अविस्वासी होइ जाइ।</verse>
				<verse number="15">जदि अइसा होत ह तउ उ आपन मेहरारु क याजक क लगे लइ जाइ। भतार एक भेंट भी लइ जाइ। इ भेंट एपा क दसवाँ भाग जौ क आटा होइ। ओका जौ क आटे प तेल या सुगन्धि नाहीं डावइ चाही। इ जौ क आटा यहोवा क अन्न भेंट अहइ। इ एह बरे दीन्ह जात कि भतार ईर्ष्यालु अहइ। इ भेंट इ संकेत करी कि ओका बिस्सास अहइ कि ओकर मेहरारु पतिव्रता नाहीं अहइ।</verse>
				<verse number="16">“याजक मेहरारु क यहोवा क समन्वा लइ जाइ अउ मेहरारु यहोवा क समन्वा खड़ी होइ।</verse>
				<verse number="17">तब याजक कछू खास पानी लेइ अउ ओका माटी क काँड़ा मँ डाई। याजक पवित्तर तम्बू क फर्स स कछू माटी पानी मँ नाई।</verse>
				<verse number="18">याजक मेहरारु क यहोवा क समन्वा खड़ी रहइ बरे मजबूर करी। तब उ ओकर बार उघारी अउ ओकरे हाथे मँ अन्नबलि देइ। इ जौ क आटा होइ जउन जेका भतार जलन क कारण ओका दिहे रहा। उहइ टेमॅ याजक उ खास करुआ पानीवाला माटी क काँड़ा धरे रही। इ जल ही अहइ जउन मेहरारु क परेसानी पइदा करत ह (सिरिफ अगर उ पाप किहेस ह।)</verse>
				<verse number="19">“तब याजक मेहरारु क हिदायत देइ कि ओका झूठ नाहीं बोलइ चाही। ओका फुरइ बोलइ क बचन देइ चाही। याजक ओसे कही: ‘जदि तू दूसर मनई क संग नाहीं सोई अहा अउर तू आपन भतार क खिलाफ पाप नाहीं किहे अहा, जबकि तोहार बियाह ओकरे संग हुआ अहइ, तउ इ सराप जल तोहका नोस्कान न पहुँचाइ।</verse>
				<verse number="20">मुला जदि तू आपन भतार क खिलाफ पाप किहा ह, जदि तू कउनो दूसर मनई क संग सोई अहा तउ तू सुद्ध नाहीं अहा। काहे? काहेकि जउन तोहरे संग सोवा इ बरे अहइ तोहार भतार नाहीं अहइ अउर उ तोहका असुद्ध बनाएन ह।</verse>
				<verse number="21">एह बरे जब तू इ खास जल क पिउबू तउ तोहका बहोत परेसानी होइ। तोहार पेट फूलि आइ अउर तू कउनो लरिका पइदा नाहीं कइ सकबिउ। जदि तू गोड़वा स भारी होबिउ तउ तोहार लरिका मरि जाइ। तब तोहार लोग तोहका तजि देइहीं अउर उ पचे तोहरे बारे मँ बुरी बात करिहीं।’ “तब याजक क मेहरारु स यहोवा क विसेस बचन देइ बरे कहइ चाही। मेहरारु क अंगीकार करइ चाही कि इ सबइ बुरी बातन ओका होइहीं, जदि उ झूठ बोली।</verse>
				<verse number="22">याजक क कहइ चाही, ‘तू इ जले क लेबिउ जउन तोहरे तन मँ परेसानी पइदा करी। जदि तू पाप किहा ह तउ तू लरिका क जनम नाहीं दइ सकबिउ अउर जदि तोहार कउनो लरिका गरभ मँ अहइ तउ उ जन्मइ स पहिले मरि जाइ।’ तब मेहरारु क कहइ चाही: ‘मइँ उ अंगीकार करत हउँ जउन आप कहत हीं।’</verse>
				<verse number="23">“याजक क इ चिताउनियन क चाम-पत्र प लिखइ चाही। फुन ओका इ लिखावट क पानी मँ धोवइ चाही।</verse>
				<verse number="24">तब मेहरारु उ पानी क पिई जउन परेसानी पइदा करत ह। उ पानी ओहमा जाइ अउर जदि उ अपराधी अहइ तउ ओका बहोत परेसानी पइदा करी।</verse>
				<verse number="25">“तब याजक उ अन्नबलि जउन जलन बरे भेंट अहइ क ओहसे लेइ। उ ओका यहोवा क समन्वा उठाई अउर ओका वेदी तलक लइ जाइ।</verse>
				<verse number="26">तब याजक आपन अंजुरी मँ अन्न भरी अउ ओका वेदी प धरी। तब उ ओका बारी। ओकरे पाछे उ मेहरारु स पानी पिअइ क कही।</verse>
				<verse number="27">जदि मेहरारु भतार क खिलाफ पाप किहे होई तउ पानी ओका परेसान करी। पानी ओकरे सरीर मँ जाई अउर ओका बहोत कस्ट होइ। अउर कउनो बच्चा जउन ओकरे गरभ मँ होइ, पइदा होइ स पहिले मरि जाई अउर उ कबहुँ बच्चा क जन्म नाहीं दइ सकी। उ आपन लोगन क बीच अभिसाप होइ जाब्या।</verse>
				<verse number="28">मुला जदि मेहरारु पति क खिलाफ पाप नाहीं किहे अहइ तउ उ पवित्तर अहइ। फुन याजक घोसणा करी कि उ अपराधी नाहीं अहइ। अउर लरिकन क जन्म देइ बरे जोग्ग होइ जाई।</verse>
				<verse number="29">“इ तरह इ ईर्सा क बारे मँ कानून अहइ। तोहका इहइ करइ चाही जदि कउनो बीही मेहरारु आपन पति क खिलाफ पाप करत ह।</verse>
				<verse number="30">या जदि कउनो मनई जलन करत ह अउ आपन मेहरारु क बारे मँ संका करत ह कि उ ओकरे खिलाफ पाप किहे अहइ तउ मनई क इहइ करइ चाही। याजक क कहइ चाही कि उ मेहरारु यहोवा क समन्वा खड़ी होइ। तब याजक इ सबहिं काम क करी। इहइ कनून बा।</verse>
				<verse number="31">भतार कउनो बुरा करइ क अपराधी नाहीं होइ। मुला मेहरारु कस्ट उठाइ, जदि उ पाप किहे अहइ।”</verse>
			</chapter>
			<chapter number="6">
				<verse number="1">यहोवा मूसा स कहेस,</verse>
				<verse number="2">“इ बातन इस्राएल क मनइयन स कहा: कउनो मनसेधू या मेहरारु कछू निस्चित समइ बरे आपन आप क परमेस्सर क अपर्ण कइ क कसम खाइ सकत ह। उ मनई नाज़ीरी कहा जाई।</verse>
				<verse number="3">उ टेम मँ मनई क कउनो दाखरस या कउनो जियादा नसीली चीज नाहीं पिअइ चाही। मनई क सिरका जउन दाखरस स बना होइ या कउनो जियादा नसीला पिअनी नाहीं पिअइ चाही। उ मनई क अंगूरे क रस नाहीं पिअइ चाही अउर न ही अंगूर या किसमिस खाइ चाही।</verse>
				<verse number="4">उ पवित्रीकरण क काल मँ उ मनई क अंगूर स बना कउनो चीज नाहीं खाइ चाही। उ मनई क अंगूरे क बिया या बोबला भी नाहीं खाइ चाही।</verse>
				<verse number="5">“पवित्रीकरण क काल मँ उ मनई क आपन बार नाहीं काटइ चाही। उ मनइ क उ टेमॅ तलक सुद्ध रहइ चाही जब तलक पवित्रीकरण क काल खतम न होइ। ओका आपन बार क लम्बा होइ देइ चाही। उ मनई क बार परमेस्सर क दीन्ह गवा पवित्रीकरण क बचन क एक खास हींसा अहइ। उ ओन बारन क परमेस्सर क भेंट क रूप मँ देई। एह बरे उ मनई आपन बारन क तब तलक लम्बा होइ देइ जब तलक अलग होइ क टेमॅ खतम होई।</verse>
				<verse number="6">“इ पवित्रीकरण क काल मँ इ कउनो नाज़ीर क कउनो ल्हासे क लगे नाहीं जाइ चाही। काहेकि उ मनई आपन क पूरी तरह स यहोवा क अर्पित कइ दिहे अहइ।</verse>
				<verse number="7">जदि ओकर आपन बाप, आपन महतारी, आपन भाई या आपन बहिन भी मरि जाइँ तउ भी ओका ओनका छुवइ न चाही। इ ओका अपवित्तर करी। ओका इ देखावइ चाही कि ओका अलग कीन्ह ग अहइ अउर आपन क पूरी तरह परमेस्सर क अर्पित कइ चुका अहइ।</verse>
				<verse number="8">जउन पूरा टेमॅ मँ उ अलग कीन्ह गवा उ पूरी तरह आपने यहोवा क अर्पित किहे रहा अहइ।</verse>
				<verse number="9">इ होइ सकत ह कि नाज़ीर कउनो दूसर मनई क संग होइ अउ दूसर मनई एकाएक मरि जाइ। जदि नाज़ीरी मरे भए मनई क छुई तउ उ अपवित्तर होइ जाइ। जदि अइसा होत ह तउ नाज़ीरी क मूँड़ स बार कटवावइ चाही। इ सबइ बार ओकरे खास दीन्ह गए बचन क हींसा रहेन। ओका आपन बारन क सतऍ दिन काटइ चाही काहे की उ दिन उ पवित्तर कीन्ह जात ह।</verse>
				<verse number="10">तब अठवें दिन ओका दुइ फाखता या कबूतरी क दुइ बच्चा याजक क लगे लइ आवइ चाही। ओका याजक बरे ओनका मिलापवाला तम्बू क दुआरे देइ चाही।</verse>
				<verse number="11">तब याजक एक क कबूतरी पापबलि क रूप मँ भेंट करी। उ दूसरे कबूतरी क होमबलि क रूप मँ भेंट करी। अउर याजक उ मनई क ओकरे पाप बरे प्रायस्चित करब्या। (उ पाप किहेस काहे की उ ल्हास क लगे रहा।) उ समइ उ मनई फुन बचन देइ कि मूँड़े क बारन क यहोवा बरे भेंट करी।</verse>
				<verse number="12">ऍकर इ अरथ भवा कि उ मनई क फुन पवित्रीकरण क काल मँ दूसर समइ बरे आपन आप क यहोवा क अर्पित कइ देइ चाही। उ मनई क एक बरिस क नर मेमना लावइ चाही। उ ऍका दोखबलि क रूप मँ देइ। ओकरे पवित्रीकरण क सब दिन बिसराइ दीन्ह जात अहइँ। उ मनई क नवा अलग होइके टेमॅ सुरु करइ क होइ। इ जरुर कीन्ह जाइ काहे की उ पवित्रीकरण पहिले काल मँ एक ल्हास क छुए रहा।</verse>
				<verse number="13">“जब मनई क अलग होइ क टेमॅ पूरा होइ जाइ तउ ओका इ जरुर करइ चाही। ओका मिलापवाला तम्बू क दुआर प जाइ चाही।</verse>
				<verse number="14">हुवाँ उ आपन भेंट यहोवा क देइ। ओकर भेंट होइ चाही: होमबलि बरे बिन दोखे क एक बरिस क नर मेमनापापबलि क भेंट खातिर बिन दोखे क एक बरिस क मादा मेमना। मेलबलि बरे बिन दोखे क एक नर भेड़ा।</verse>
				<verse number="15">बे खमीरे क बनी भइ रोटिन-नीक आटा मँ साना भवा तेले स बना केक-ऍनके ऊपर लावइ चाही। अउर दूसर अन्नबलि अउ पयेबलि जउन इ भेंटन क एक हींसा अहइ।</verse>
				<verse number="16">“तब याजक इ चीजन क यहोवा क देइ। याजक पापबलि अउ होमबलि चढ़ाई।</verse>
				<verse number="17">याजक बे खमीरे क रोटी क टोकरी यहोवा क देइ। तब उ यहोवा क मेलबलि क रूप मँ भेड़ा क मारी। उ यहोवा क अन्नबलि अउ पयेबलि क संग ऍका देइ।</verse>
				<verse number="18">“नाज़ीर क मिलापवाला तम्बू क दुआर प जाइ चाही। हुवाँ ओका आपन बार कटवावइ चाही जेका उ यहोवा बरे बढ़ाए रहा। ओन बारन क मेलबलि क नीचे आगी क ऊपर रखई चाही।</verse>
				<verse number="19">“जब नाज़ीर आपन बारन क काटि चुकी तउ याजक ओका भेड़ा क एक ठु उसना भवा काँध अउ टोकरी स एक ठु बड़वार अउ एक ठु नान्ह क केक देइ। इ दुइनउँ केक बे खमीरे क बना होइहीं।</verse>
				<verse number="20">तब याजक इ चीजन क यहोवा क अगवा हलाई। इ एक ठु उत्तोलनबलि अहइ। इ चीजन पवित्तर अहइँ अउ याजक क अहइँ। भेड़ा क छाती अउ जाँघ भी यहोवा क समन्वा हलावा जइहीं। इ चीजन भी याजक क बाटिन। ऍकरे पाछे नाज़ीरी दाखरस पी सकत ह।</verse>
				<verse number="21">“जदि कउनो मनई नाज़ीर होइ चाहत ह तउ ओका यहोवा क इ सबहिं भेंट देइ चाही। इ नेमॅ ओन मनइयन बरे अहइँ जउन नाज़ीर होइ क बचन लेत हीं। जदि कउनो मनई जियादा देइ क बचन देत ह तउ ओका आपन बचन क निभावइ बरे नाज़ीर क नेमॅ क मुताबिक करइ चाही।”</verse>
				<verse number="22">यहोवा मूसा स कहेस,</verse>
				<verse number="23">“हारून अउ ओकरे पूतन स कहा। इस्राएल क लोगन क आसीर्बाद देइ क तरीका इहइ अहइ, ओनसे कहा:</verse>
				<verse number="24">‘यहोवा तोहका आसीस देइ अउ तोहार रच्छा करइँ।</verse>
				<verse number="25">यहोवा क कृपा-दृस्टि तोहे प उजागर होइ। उ तोहसे पिरेम करइ।</verse>
				<verse number="26">यहोवा क दृस्टि तोह प होइ। उ तोह पइ दाया करी उ तोहका सान्ति क साथ आसीर्बाद देइ।’</verse>
				<verse number="27">इ तरह हारून अउ ओकर पूत इस्राएल क मनइयन क समन्वा मोर नाउँ लेइहीं अउ मइँ ओनका आसीर्बाद देब।”</verse>
			</chapter>
			<chapter number="7">
				<verse number="1">जउने दिन मूसा पवित्तर तम्बू क लगाउब समापन किहेस, उ ऍका यहोवा क अर्पण किहस। मूसा तम्बू अउ एहमाँ प्रयोग मँ आवइवाली चीजन, अउर वेदी अउ एहमाँ प्रयोग आवइवाली चीजन अउर वेदी अउ एहमाँ प्रयोग आवइवाली चिजियन प खास तेल डाएस इ ओन सबइ चीजन क पवित्तर किहेस।</verse>
				<verse number="2">तब इस्राएल क नेता लोग भेंट चढ़ाएन। इ पचे आपन-आपन परिवारे क मुखिया रहे रहेन जउन आपन परिवार समूहन क नेता रहेन। इ नेता लोग मनइयन क गनेन।</verse>
				<verse number="3">इ सबइ नेता यहोवा बरे भेंट लइ आएन। उ पचे चारिहुँ ओर स ढँकी छ: ठु गाड़ी अउ बारह ठु बर्धा क लइ आएन। (हर एक नेता क जरिये एक ठु बर्धा दीन्ह गइ रही। अउर दुइ नेता क जरिये एक ठू गाड़ी दीन्ह गइ रही) नेता लोग पवित्तर तम्बू मँ यहोवा क इ चीजन क दिहेन।</verse>
				<verse number="4">यहोवा मूसा स कहेस,</verse>
				<verse number="5">“नेता लोग क इ चीजन क अंगीकार करा। इ चीजन क लेवि-बंस क मनइयन क द्या। इ ओनका मिलापवाला तम्बू प काम करइ मँ सहायक होइ।”</verse>
				<verse number="6">एह बरे मूसा चारिहुँ कइँती स ढकी भइ गाड़ियन अउ गइयन क लिहस। उ इ चीजन क लेवी-बंस क लोगन क दिहस।</verse>
				<verse number="7">उ दुइ गाड़ी अउ चार ठु गाइ गेर्सोन बंसी लोगन क दिहेस। ओनका आपन काम बरे ओन गाड़ियन अउ गइयन क जरुरत रही।</verse>
				<verse number="8">तब मूसा चार ठु गाड़ी अउ आठ ठु गइया मरारी बंस क मनइयन क दिहस। ओनका आपन काम बरे गाड़ी अउ गइयन क जरूरत रही। याजक हारून क पूत ईतामार इ सबहिं मनइयन क काम बरे जिम्मेदार रहा।</verse>
				<verse number="9">मूसा कोहात बंसी मनइयन क कउनो गाइ या कउनो गाड़ी नाहीं दिहस। इ मनइयन क पवित्तर चीजन आपन कॉधे प ढोउब रहा इहइ कारज ओनका करइ बरे सौंपा ग रहा।</verse>
				<verse number="10">जउन दिन मूसा वेदी प तेल डाएस, उहइ दिन नेता लोग वेदी क अर्पण बरे आपन भेंट चढ़ावइ बरे लइ आएन। उ पचे आपन भेंट वेदी क समन्वा यहोवा क भेंट किहन।</verse>
				<verse number="11">यहोवा पहिले स ही मूसा स कहे रहा, “हर दिन एक एक नेता वेदी प भेंट चढ़ावइ लइ जाइ।”</verse>
				<verse number="12">बारहु-नेतन मँ स हर एक नेता आपन-आपन भेंट लइ आवा। उ सबइ भेंट इ अहइँ: हर एक नेता चाँदी क एक ठु थाली लइ आवा जेकर वजन एक सौ तीस सेकेल अउर एक चाँदी क खोरा जेकर वजन सत्तर सेकेल रहा। इ दुइनउँ उपहार क पवित्तर स्थान क सेकेल क अनुसार भवा बटखरा स तउला गवा रहा। हर खोरा अउ हर थाली मँ तेल महीन आटा भरा रहा। इ अन्नबलि क रूप मँ प्रयोग मँ लइ जात रहा। हर नेता सोना क एक बड़का कलछुला भी लइ आवा जेकर वजन दस सेकेल रहा। इ कलछुला मँ धूप भरी रही। हर नेता एक ठु बछवा, एक भेड़ा अउ एक बरिस क नर मेमना भी लइ आवा। इ गोरुअन होमबलि बरे रहेन। हर नेता पापबलि क रूप मँ बइपरइ बरे एक बोकरा भी लावा। हर नेता दुइ गाइ, पाँच भेड़ा, पाँच बोकरा अउ एक-एक बरिस क पाँच मेमना लिआवा। इ सबन क एक मलेबलि बरे बलि दीन्ह गइ। पहिले दिन अम्मीनादाब क पूत नहसोन, जउन यहूदा क परिवार समूह स रहा, आपन भेंट लिआवा। दूसर दिन सूआर क बेटवा नतनेल जउन इस्साकार क नेता रहा, आपन भेंट लिआवा। तीसरे दिन हेलोन क बेटवा एलीआब जउन जबूलून क नेता रहा, आपन भेंट लिआवा। चउथे दिन सदेऊर क पूत एलीसूर जउन रूबेनियन क नेता रहा, आपन भेंट लिआवा। पँचए दिन सूरीसद्दै क पूत सलुनीएल जउन सिमोनियन क नेता रहा, आपन भेंट लिआवा। छठऍ दिन दूएल क बेटा एल्यासाप जउन गादियन क नेता रहा, आपन भेंट लिआवा। सतऍ दिन अम्मीहूद क बेटवा एलीसामा जउन एप्रैम क नेता रहा, आपन भेंट लिआवा। अठऍ दिन पदासूर क पूत गम्लीएल जउन मनस्से क मनइयन क नेता रहा, आपन भेंट लिआवा। नवें दिन गिदोनी क पूत अबीदान जउन बिन्यामीन क मनइयन क नेता रहा, आपन भेंट लिआवा। दसऍ दिन अम्मीसद्दै क बेटवा अहीयाजर जउन दान क लोगन क नेता रहा, आपन भेंट लिआवा। ग्यारहवें दिन ओक्रान क बेटवा पजीएल जउन आसेर क लोगन क नेता रहा, आपन भेंट लिआवा। अउर फिन बारहवें दिन एनान क बेटवा अहीरा जउन नप्ताली मनइयन क नेता रहा, आपन भेंट लइके आवा।</verse>
				<verse number="13">इ तरह इ सबहिं चीजन इस्राएली मनइयन क नेता लोगन क भेंट रही। इ चीजन तब लाइ गइन जब मूसा खास तेल वेदी प एका अर्पण बरे डाएस। उ पचे बारह चाँदी क तस्तरी, बारह चाँदी क खोरा अउ बारह सोना क चम्मच लाएन।</verse>
				<verse number="14">चाँदी क हर तस्तरी क वजन लग भग एक सौ सेकेल रहा। अउर हरेक खोरा क चाँदी क वजन लगभग सत्तर सेकेल रहा। चाँदी क तस्तरियन अउ चाँदी क खोरन क कुल माना गवा वजन दुइ हजार चार सौ सेकेल रहा।</verse>
				<verse number="15">धूप स लबालब सोना क चम्मच मँ स हर एक क माना गवा वजन चार औसं रहा। बारह सोने क चम्मचन क कुल वजन करीब करीब उ पौडं रहा।</verse>
				<verse number="16">होमबलि बरे गोरुअन क कुल गनती बारह बर्धा, बारह भेड़ा अउ बारह एक बरिस क भेड़ी क नर बच्चा रहेन। हुवाँ अन्नबलि भी रहा। यहोवा क पापबलि क रूप मँ प्रयोग मँ आवइ वाला कुल बारह बोकरा भी रहेन।</verse>
				<verse number="17">नेता लोग मेलबलि क रूप मँ प्रयोग अउ मारा जाइ बरे गोरुअन क दिहन। इ सबइ गोरुअन क एक साथ गनती चौबीस बर्धा, साठ भेड़ा, साठ बोकरा अउ साठ एक बरिस क भेड़ी क नर बच्चा भी रहेन। इ तरह उ पचे वेदी क इ चीजन अर्पण कई बरे भेंट किहेन। इ मूसा वेदी प खास तेल डाइ क पाछे भवा।</verse>
				<verse number="18">मूसा मिलापवाला तम्बू मँ यहोवा स बात करइ गवा। उ टेमॅ उ आपन स बात करत भइ यहोवा क वाणी सुनेस। उ वाणी करार क सन्दूखे क ऊपर क बिसेख ढकना क दुइनउँ करूब सरगदूतन क बगल स आवत रही। इ तरह परमेस्सर मूसा स बात किहस।</verse>
			</chapter>
			<chapter number="8">
				<verse number="1">यहोवा मूसा स कहेस,</verse>
				<verse number="2">“हारून स बात करा अउ ओसे कहा, ‘उ ठउरन प सात दिया धरा जेका मइँ तोहका देखाँएउँ ह। उ सबइ दियन डीबट क समन्वा क डेबरा क रोसन करिहीं।’”</verse>
				<verse number="3">हारून इ किहेस। हारून ओनॅ दियन क ठीक ठउर प धरेस अउ ओनकइ मुँह अइसा कइ दिहस कि ओसे डीबट क समन्वा क पहँटा उजियर होइ सकइ। उ मूसा क दीन्ह गवा यहोवा क हुकुम क मानेस।</verse>
				<verse number="4">डीबट सोने क पाटी स बना रहा। सोना क उपयोग पावा स लइ क उपर डीबट क सोना क फूल तलक कीन्ह गवा रहा। इ सब उहइ तरह बना रहा जइसा यहोवा मूसा क देखॉए रहा।</verse>
				<verse number="5">यहोवा मूसा स कहेस,</verse>
				<verse number="6">“लेवी बंस क मनइयन क इस्राएल क दूसर मनइयन स अलग लइ जा। ओनॅ लेवी बंसी मनइयन क सुद्ध करा।</verse>
				<verse number="7">इ तोहका सुद्ध बनावइ बरे करइ क होइ। पापबलि स खास पानी ओन प छिरका। इ पानी ओनका सुद्ध करी। तब उ पचे पूरा सरीर स बार उस्तरा स कटवइहीं अउ आपन ओढ़ना क धोइहीं। इ ओनके सरीर क सुद्ध करी।</verse>
				<verse number="8">“तब उ पचे एक नवा बर्धा अउ ओकरे संग प्रयोग मँ आवइवाली अन्नबलि लेइहीं। इ अन्नबलि तेले स साना भवा आटा होइ। तब दूसर बर्धा क पाप बरे भेंट क रूप मँ ल्या।</verse>
				<verse number="9">लेवी बंस क मनइयन क मिलापवाला तम्बू क समन्वा पहँटा मँ लिआवा। तब इस्राएल क सबहिं मनइयन क चारिहुँ कइँती स बटोरा।</verse>
				<verse number="10">तब तोहका लेवी बंस क मनइयन क यहोवा क समन्वा लइ आवा। अउ इस्राएल क लोग आपन हाथ ओन प धरीहीं।</verse>
				<verse number="11">तब हारून लेवी बंस क लोगन क यहोवा क समन्वा लाइ। उ पचे यहोवा बरे उत्तोलनबलि क रूप मँ होइहीं। इ ढंग स लेवी बंस क लोग यहोवा क विसेस काम करइ बरे तइयार होइहीं।</verse>
				<verse number="12">“लेवी बंस क लोगन स कहा कि उ पचे आपन हाथ बर्धा क मूँड़े प धरिहीं। एक बर्धा यहोवा क पापबलि क रूप मँ होइ। दूसर बर्धा यहोवा क होमबलि क रूप मँ काम आइ। इ भेंट लेवी-बंस क मनइयन क पाप बरे प्रायस्चित करी।</verse>
				<verse number="13">लवि बंस क मनइयन स कहा कि उ पचे हारून अउ ओकरे पूतन क अगवा खड़ा होइ। तब यहोवा क समन्वा लेवी बंस क मनइयन क उत्तोनबलि क रूप मँ अर्पण करा।</verse>
				<verse number="14">इ तरीका स लेवी बंस क लोग खास होइहीं। उ पचे इस्राएल क दूसर मनइयन स अलग होइहीं। अउर लेवी बंस क लोग हमार होइहीं।</verse>
				<verse number="15">“एह बरे लेवी बंस क मनइयन क सुद्ध करा। अउर ओनका यहोवा क समन्वा उत्तोलन बलि क रूप मँ हाजिर करा। जब इ पूरा हो जाइ तब उ पचे आइ सकत हीं अउर मिलापवाला तम्बू मँ आपन काम कइ सकत हीं।</verse>
				<verse number="16">इ सबइ लेवी बंसी इस्राएल क लोग अहीं जउन मोका दीन्ह ग अहइँ। मइँ ओनका आपन लोग क रूप मँ अंगीकार किएउँ ह। बीते भए जमाना मँ हर एक इस्राएली परिवार मँ पहिलौटी क पइदा लरिका मोका दीन्ह जात रहा मुला मइँ लेवी बंस क मनइयन क इस्राएल क दूसर परिवारन क पहिलौटी क बेटवन क जगह प अंगीकार किहेउँ ह।</verse>
				<verse number="17">इस्राएल क हर मनई जउन हर एक परिवार मँ पहिले पइदा भवा ह, मोर अहइ। जदि उ मनई या गोरु अहइ तउ भी मोर अहइ। मइँ मिस्र मँ सबहिं पहिला पइदा गदेलन अउ जनावर क मारि डाएउँ रहा। एह बरे मइँ पहिला पइदा पूतन क अलग किहेउँ जेहँसे उ पचे मोर होइ सकइँ।</verse>
				<verse number="18">अब मइँ लेवी बंस क मनइयन क लइ लिहेउँ ह। मइँ इस्राएल क दूसर लोगन क परिवारन मँ पहिला पइदा भएन गदेलन क ठउर प ऍनका अंगीकार किहेउँ ह।</verse>
				<verse number="19">मइँ इस्राएल क सबहिं लोगन स लेवी बंस क मनइयन क चुनेउँ ह। मइँ ओनका हारून अउ ओकरे पूतन क ऍनका उपहार क रूप मँ दिहेउँ ह। मइँ चाहत हउँ कि उ पचे मिलापवाला तम्बू मँ काम करइँ। उ पचे इस्राएल क सबहिं मनइयन बरे सेवा करिहीं। अउर उ पचे ओन बलिदानन क देइ मँ मदद करिहीं जउन इस्राएल क लोगन क पापन क प्रायस्चित करिहीं। तब कउनो बड़ा रोग या कष्ट इस्राएल क लोगन क नाहीं होइ जब उ पचे पवित्तर ठउर क लगे अइहीं।”</verse>
				<verse number="20">एह बरे मूसा, हारून अउ इस्राएल क सबहिं लोगन यहोवा क हुकुम मानेन। उ पचे लेवी बंस क खातिर वइसा ही किहेन, जइसा यहोवा ओनके बरे मूसा क हुकुम दिहे रहा।</verse>
				<verse number="21">लेवी लोग आपन क फर्छा किहेन अउ आपन ओढ़ना क धोएन। तब हारून ओनका यहोवा क समन्वा उत्तोलन बलि क रूप मँ हाजिर किहेस। हारून उ भेंटन क भी चढ़ाएस जेका ओनकर पापन क प्रायस्चित करइ बरे चढ़ावा गवा रहा जउन ओनका पवित्तर कइ दिहे रहा।</verse>
				<verse number="22">ओकरे पाछे लेवी बंस क लोग आपन काम करइ बरे मिलापवाला तम्बू क आएन। हारून अउ ओकर पूतन ओनकइ देखरेख किहेन। उ पचे लेवी बंस क मनइयन क काम बरे जिम्मेदार रहेन। हारून अउ ओकर पूतन ओन आदेसन क मानेन जेका यहोवा मूसा क दिहे रहेन।</verse>
				<verse number="23">यहोवा मूसा स कहेस,</verse>
				<verse number="24">“लेवी बंस क मनइयन बरे इ विसेस आदेस अहइ: हर एक लेवी बंस क मनसेधू क, जउन पचीस बरिस या ओसे जिआदा उमर क अहइ, जरुर आवइ चाही अउ मिलापवाला तम्बू मँ क काम मँ हाथ बटावइ चाही।</verse>
				<verse number="25">जब कउनो मनई पचास साल क होइ जाइ तउ ओका रोजाना क कामे स छुट्टी लेइ चाही। ओका फुन काम करइ क जरुरत नाहीं अहइ।</verse>
				<verse number="26">पचास साल या ओसे जियादा उमर क लोग मिलापवाला तम्बू मँ आपन भाइयन क ओनके काम मँ मदद दइ सकत हीं। मुला उ पचे खुद काम नाहीं करिहीं। तोहका इ सब करइ चाही जब तू लेवि मनइयन क ओनका काम करइ क द्या।”</verse>
			</chapter>
			<chapter number="9">
				<verse number="1">यहोवा मूसा स सीनै रेगिस्तान मँ कहेस। उ टेमॅ दूसर बरिस क पहिला महीना रहा। जब इस्राएल क मनइयन मिस्र स निकरा रहेन। यहोवा मूसा स कहेस,</verse>
				<verse number="2">“लोगन क तय कीन्ह गवा टेमॅ पइ फसह क दावत जरूर मनावइ चाही।</verse>
				<verse number="3">उ तय कीन्ह गवा समइ इ महीना क चउदहवाँ दिन अहइ। ओनका गोधूरि क टेमॅ फसह क भोजन खाइ चाही। ओका इ सबइ कानून अउ नेम क पालन करइ चाही जेका त्यौहार मँ कीन्ह जात ह।”</verse>
				<verse number="4">एह बरे मोसा इस्राएल क लोगन क फसह क त्यौहार मनावई बरे कहेस।</verse>
				<verse number="5">अउर लोग पहिला महीन क चउदहवाँ दिन वइसा ही किहेन। इस्राएल क मनइयन हर एक काम वइसन किहेन जइसा यहोवा मूसा क हुकुम दिहे रहेन।</verse>
				<verse number="6">मुला कछू लोग फसह त्यौहार क भोज उ दिन नाहीं खाइ सकेन। उ पचे एक ल्हास क कारण सुद्ध नाहीं रहेन। एह बरे उ दिन उ पचे मूसा अउ हारून क लगे गएन।</verse>
				<verse number="7">उ पचे मूसा स कहेन, “हम पचे एक ल्हासे क छुअइ क कारण असुद्ध भवा अहेन। याजकन लोग तय कीन्ह ग टेमॅ प हमेका यहोवा क चढ़ावा देइ स रोक दिहस। तउ हम पचे इस्राएल क दूसर मनइयन क संग फसह त्यौहार नाहीं मनाइ सकित। हमका का करइ चाही?”</verse>
				<verse number="8">मूसा ओनसे कहेस, “मइँ यहोवा स पूछब कि उ एकरे बारे मँ का कहत ह।”</verse>
				<verse number="9">तब यहोवा मूसा स कहेस,</verse>
				<verse number="10">“इस्राएल क लोगन स इ बातन कहा: इ विधि तोहार अउर तोहारे सन्तानन बरे होब्या। इ होइ सकत ह कि तू ठीक टेमॅ प फसह त्यौहार न मनाइ सका काहे की तू या तोहरे सन्तानन क कउनो मनई ल्हास क छुइ जाइ क कारण असुद्ध होइ या होइ सकत ह कि उ कउनो लम्बी जात्रा प गवा भवा अहा।”</verse>
				<verse number="11">उ फसह त्यौहार दूसर महीना क चउदहवाँ दिन गोधूरि क समइ मनावइ। उ मेमना, बे खमीरे क रोटी अउ करुआ सागपात खाइ।</verse>
				<verse number="12">दूसर दिन क भिन्सारे तलक ओका ओहमाँ स कउनो भी भोजन नाहीं तजइ चाही। ओका भेड़ी क कउनो हाड़ क भी नाहीं तोड़इ चाही। उ मनई क फसह क नेमॅ क मानइ चाही।</verse>
				<verse number="13">कउनो भी व्यक्ति जउन पवित्तर अहइ अउर लम्बी जात्रा पइ नाहीं अहइ तउ फसह त्यौहार ठीक समइ पइ ही मनावइ चाही। जदि उ मनई फसह त्यौहार ठीक समइ पइ नाहीं मनावत ह तउ ओका आपन मनइयन स अलगइ पठइ दीन्ह जाइ। उ अपराधी बा काहे की उ यहोवा क ठीक टेमॅ प भेंट नाहीं चढ़ाएस। तउ ओका जरुर सजा दीन्ह जाइ चाही।</verse>
				<verse number="14">“तू सबइ क बीच बसइया गेर इस्राएली फसह त्यौहार मँ आवइ चाहइ तउ तोहरे संग हींसा लइ सकत ह। इ कनून मँ अहइ मुला उ मनई क फसह क सब नेमॅ मानइ चाही। उहइ नेमॅ सब बरे अहइँ।”</verse>
				<verse number="15">जउने दिन पवित्तर तम्बू अउ करार क तम्बू लगावा गवा। यहोवा क बादर ऍका घेरि लिहस। रात मँ, उ बादर आगी क नाईं देखाइ देत रहा।</verse>
				<verse number="16">बादर पवित्तर तम्बू प बराबर थमा रहा। अउर राति मँ बादर आगी क तरह देखाँत रहा।</verse>
				<verse number="17">जब बादर पवित्तर तम्बू प आपन ठउर स तम्बू प ठहरत रहा, इस्राएलियन ऍकर पाछा करत रहेन। जब बादर थमि जात रहा तब इस्राएल क लोग हुवँइ सिबिर डावत रहेन।</verse>
				<verse number="18">इहइ ढर्रा रहा कि यहोवा मनइयन क देखाएस कि कब जात्रा करइँ, कब रुकि जाइँ अउ कब सिबिर डावइँ। अउ जबहिं तबहिं बादर पवित्तर तम्बू क ऊपर ठहरि जात, लोग उहइ ठउर प सिबिर दसाए रहतेन।</verse>
				<verse number="19">कबहुँ कबहुँ बादर बहोत दिन तलक पवित्तर तम्बू प जमा रहत। इस्राएलियन यहोवा क हुकुम मनतेन अउ जात्रा नाहीं करत रहेन।</verse>
				<verse number="20">कबहुँ कबहुँ बादर पवित्तर तम्बू प कछू दिन बरे ठहरत रहत रहा यहोवा क हुकुम क अनुसार उ ठहरत अउ यहोवा क हुकुम क अनुसार उ चलत।</verse>
				<verse number="21">कबहुँ कबहुँ बादर रात मँ ठहरि जात अउ दूसर दिन भिन्सारे चलि पड़त। तउ मनइयन आपन चीजन क बटोरतेन अउ एकर पाछा करतेन। या अगर बादर एक दिन अउ एक रात ठहरत अउर तब इ चलि सुरू करत तउ मनइयन ओकर साथ चलि रहत।</verse>
				<verse number="22">जदि बादर तम्बू क ऊपर दुइ दिन, या एक महीना या एक बरिस ठउरत तउ लोग यहोवा क हुकुम मनतेन। उ पचे उहइ सिबिर मँ ठउरतेन अउ तब ताई न चलतेन जब तलक बादर न चलत। जब बादर आपन ठउर स उठत अउ चलत रहत तबहिं लोग चलतेन।</verse>
				<verse number="23">इ तरह लोग यहोवा क हुकुम क मनतेन। उ पचे हुवइँ सिबिर जमउतेन जहाँ यहोवा बतावत। उ पचे तब चलतेन जब यहोवा ओनका अइसा बतावत। लोग धियान स निहरतेन अउ यहोवा क हुकुम मूसा क जरिए मनतेन।</verse>
			</chapter>
			<chapter number="10">
				<verse number="1">यहोवा मूसा स कहेस,</verse>
				<verse number="2">“तुरहियन बनवइ बरे चाँदी क प्रयोग करा। चाँदी क पतरी बनाइके ओसे दुइ तुरहियन बनावा। इ सबइ तुरहियन क उपयोग मनइयन क एक संग बोलावइ अउ इ बतावइ बरे कि सिबिर क लइक कब चलइ चाही।</verse>
				<verse number="3">जब तू इ तुरहियन क बजउब्या, तउ सबहिं मनइयन क मिलापवाला तम्बू क प्रवेस दुआर प बटुर जाइ चाही।</verse>
				<verse number="4">अगर तू एक ही तुरही दर तलक बजउब्या तब सिरिफ नेता लोग अइहीं। (इस्राएल क बारहु परिवारे क मुखिया तोहरे समन्वा बटुर जइहीं।)</verse>
				<verse number="5">“जब तू तुरहियन क चेताउनी क रूप मँ बजाउब इ मनइयन क सिबिर क लेकइ चलइ चाही। जब तू पहिली दाईं तू तुरहियन क चेताउनी क रूप मँ बजउब्या, तउ मिलापवाला तम्बू क पूरब कइँती क परिवार दलन क चलब सुरू करइ चाही।</verse>
				<verse number="6">दूसरी दाई जब तू तुरहियन क चेताउनी क रूप मँ बजउब्या, मिलापवाला तम्बू क ढक्खिन कइँती क परिवार दलन क सिबिर जमाए भए मनइयन क आगे चलब सुरू करइ क होइ।</verse>
				<verse number="7">जब तू कउनो खास सभा बरे मनइयन क बटोरइ चाहा, तउ तुरहियन क दूसरे ढंग स लम्बी थिरान अवाजे मँ बजावा।</verse>
				<verse number="8">सिरिफ हारून क याजक बेटवन ही तुरहियन बजाइ सकत हीं। इ तू सब पचन बरे नेमॅ अहइ जउन हमेसा अगवा क पीढ़ी दर पीढ़ी चलत रही।</verse>
				<verse number="9">“जदि तू आपन देस मँ दुस्मन स लड़त रहा हवा तउ ओनसे लड़इ स पहिले तुरहियन क चेताउनी क रूप म बजावा। तब यहोवा तोहार परमेस्सर तोहार बात सुनी अउ तू सबन क दुस्मनन स बचाइ।</verse>
				<verse number="10">तू सबन क आपन खास बइठक, नवा चन्द्रमा क दिना पइ अउ खुसी क टेमॅ प तुरहियन बजावइ चाही। जब तू पचे होमबलि अउ मेलबलि द्या, तउ तुरहियन बजावा। इ यहोवा तोहार परमेस्सर बरे तोहका याद रखइ बरे खास तरीका होइ।”</verse>
				<verse number="11">जब इस्राएल क मनइयन मिस्र छोड़ी दिहेन ओकरे पाछे दूसर बरिस क दूसर महीना क बीसवाँ दिन करार क तम्बू क ऊपर स बादर उठा।</verse>
				<verse number="12">एह बरे इस्राएल क मनइयन आपन जात्रा सुरु किहेन। उ सबइ सीनै क रेगिस्तान तजि दिहेन अउ तब तलक जात्रा करत रहेन जब ताई बादर पारान क रेगिस्तान मँ नाहीं थमा।</verse>
				<verse number="13">इ पहिली दाईं रही जब मनइयन सिबिर लइ गएन। जइसा यहोवा मूसा क हुकुम दिहेस वइसा सिबिर क चलाएन।</verse>
				<verse number="14">सबसे पहिले यहूदा क सिबिर स तीन दल गएन। उ पचे झण्डा लइके जात्रा किहेन। पहिला समूह यहूदा क परिवार समूह क रहा। अम्मीनादाब क पूत नहसोन उ दल क नेता रहा।</verse>
				<verse number="15">ओकरे पाछे इस्साकार क परिवार समूह आवा। सूआर क पूत नतनेल उ समूह क नेता रहा।</verse>
				<verse number="16">अउर तब जबूलून क परिवार समूह आवा। हेलोन क पूत एलीआब उ समूह क नेता रहा।</verse>
				<verse number="17">तब पवित्तर तम्बू उतारा गवा। गेर्सोन अउ मरारी परिवार क मनइयन पवित्तर तम्बू क लइके चलेन। एह बरे इ परिवारे क लोग कतार मँ ठीक पाछे रहेन।</verse>
				<verse number="18">तब रूबेन क सिबिर स तीन दल आएन। उ पचे आपन निसान लइके जात्र किहेन। पहिला समूह रूबेन परिवार क रहा। सदेऊर क पूत एलीआज़ार इ समूह क नेता रहा।</verse>
				<verse number="19">ओकरे पाछे सिमोन क परिवार समूह आवा। सूरीसद्दै क पूत सलूमीएल उ समूह क नेता रहा।</verse>
				<verse number="20">अउर तब गाद क परिवार समूह आवा। दूएल क पूत एलिअसफ इ समूह क नेता रहा।</verse>
				<verse number="21">तब कोहात परिवार क लोग आएन। उ पचे ओन परित्र चीजन क ढोएन जउन पवित्तर ठउर मँ धरी रहिन। अब पवित्तर तम्बू क इ समूहन क नवा सिबिर मँ पहुँचइ क पहिले लगाइ द्या।</verse>
				<verse number="22">ऍकरे पाछे एप्रैम क सिबिर क तीन समूह आएन। उ पचे आपन झण्डा लइके जात्रा किहेन। पहिला समूह एप्रैम क परिवार समूह रहा। अम्मीहूद क पूत एलीसामा उ समूह क नेता रहा।</verse>
				<verse number="23">ओकरे पाछे मनस्से क परिवार समूह आवा। पदासूर क पूत गम्लीएल उ दले क नेता रहा।</verse>
				<verse number="24">तब बिन्यामीन क परिवार समूह आवा। गिदौनी क पूत अबीदान उ दले क नेता रहा।</verse>
				<verse number="25">कतार मँ आखिरी तीन ठु परिवार समूह दूसर सबहिं परिवार समूह बरे पीछ रच्छक रहेन। इ सब समूह दान क सिबिर स रहेन। उ पचे आपन निसान क संग जात्रा किहन। पहिला समूह दान क परिवार समूह क रहा। अम्मीसद्दै क पूत अहीएजेर उ समूह क नेता रहा।</verse>
				<verse number="26">ओकरे ठीक पाछे आसेर क परिवार समूह आवा। ओक्रान क पूत पजीएल उ समूह क नेता रहा।</verse>
				<verse number="27">तब नप्ताली क परिवार समूह आवा। एनान क पूत अहीरा उ समूहे क नेता रहा।</verse>
				<verse number="28">इहइ तरह इस्राएल एक जगह स दूसर जगह पइ आपन समूहन क साथ, जब कबहुँ भी उ सिबिर लइ जाइ जात्रा करत रहेन।</verse>
				<verse number="29">रुएल क पूत होबाब मिद्यानी रहा। (रुएल मूसा क ससुर रहा।) मूसा होबाब स कहेस, “हम पचे उ देस क जात्रा करत अही जेका यहोवा हम पचन क देइ क बचन दिहे अहइ। एह बरे हम लोगन क संग आवा। हम पचे तोहरे संग नीक बेउहार करब। यहोवा इस्राएल बरे नीक चीज देइ क बचन दिहे अहइ।”</verse>
				<verse number="30">मुला होबाब जवाब दिहेस, “नाही; मइँ तोहरे संग न जाब। मइँ आपन देस अउ मनइयन क लगे जाब।”</verse>
				<verse number="31">तब मूसा कहेस, “मेहरबानी कइके हमका जिन तजा। तू जानत अहा कि रेगिस्तान मँ हम पचन्क कइसा सिबिर लगाइ क होइ। तू हमार राह क देखइया होब्या।</verse>
				<verse number="32">अगर तू हमरे संग आवत ह्या तउ यहोवा जउन कछू नीक चीज देइहीं, हम तोहर संग हींसा बाँटब।”</verse>
				<verse number="33">उ सबइ यहोवा क पहाड़े स जात्रा सुरू किहेन। याजक लोग करार क सन्दूख लिहन अउ मनइयन क अगवा चलेन। उ पचे सिबिर डावइ बरे उचित ठउर क निहारत निहारत तीन दिना तलक लोगन क आगे-आगे सन्दूख लइ चलत रहेन।</verse>
				<verse number="34">यहोवा क बदरा ओनके ऊपर मँड़रात रहा। अउर हर एक भिन्सारे जब उ पचे आपन सिबिर क तजि देत रहेन तउ ओनका राह देखाँवइ बरे बदरा हुवाँ रहत रहा।</verse>
				<verse number="35">जब पवित्तर सन्दूख सिबिर स बाहर कइ जात रहा। मूसा हमेसा कहत रहा: “परमेस्सर, उठा! तोहार दुस्मनन छितराइ जाइँ तोहार दुस्मन तोहरे समन्वा स पराइ जाइँ।”</verse>
				<verse number="36">अउर जब पवित्तर सन्दूख आपन ठउर प धरा जात रहा, तब मूसा सदा कहत रहा, “हे परमेस्सर इस्राएल क दसिहुँ हजार बंस क लगे लउटि आवा।”</verse>
			</chapter>
			<chapter number="11">
				<verse number="1">मनइयन आपन कस्ट क सिकाइत करब सुरु किहेन। यहोवा ओनकइ सिकाइत सुनेस। जब यहोवा इ बातन सुनेस तउ कोहाइ गवा। यहोवा क तरफ स आगी लोगन क बीच लग गइ। आगी सिबिर क कोना क कछू बाहरी भाग क भस्म कइ दिहस।</verse>
				<verse number="2">एह बरे लोग मूसा क मदद बरे पुकारेन। मूसा यहोवा स बिनती किहेस अउ आगी क बरब बन्द होइग।</verse>
				<verse number="3">एह बरे उ ठउर क नाउँ तबेरा पड़ि गवा। मनइयन उ ठउर क इहइ नाम दिहन काहे की यहोवा ओनके बीच आगी बारे रहा।</verse>
				<verse number="4">गरीब लोगन क भीड़ अउर इस्राएलियन क बीच आम जन-समूह दूसर खाइ बरे इच्छा जाहिर किहेन। हाली ही इस्राएल क मनइयन फुन सिकाइत करब सुरु किहेन। मनइयन कहेन, “हम पचे गोस खाइ चाहित ह।</verse>
				<verse number="5">हम पचे मछरी क याद करित ह जउन हम मिस्र मँ खावा ह। उ मछरियन क कउनो दाम नाहीं देइ क पड़त रहा। हम पचन क लगे ढेर क भाजी रहिन जइसे ककरियन, खरबूजा, चीव (एक किसिम क पियाज), पियाज अउ लहसुन।</verse>
				<verse number="6">मुला अब हम ताकत खोइ चुका अही। इ मन्ना क छोड़िके खाइ बरे हम कछू नाहीं लखइ सकत ह।”</verse>
				<verse number="7">(मन्ना धन्ना बिया क नाई रहा अउ पेड़ क गोदं क नाई देखात रहा।</verse>
				<verse number="8">लोग ऍका बटोरत रहेन अउ तब एक पीसिके आटा बनवत रहेन। या उ पचे ऍका खूँदइ बरे चक्की बइपरतेन, ऍका बासन मँ पकउतेन या ऍकर केक बनावत रहेन। “केक” क स्वाद जैतून क तेल स पकी भइ रोटी क तरह रहा।</verse>
				<verse number="9">हर रात क भुइँया ओस स गीली होइ जात तउ मन्ना जमीने प टपकत रहा।)</verse>
				<verse number="10">मूसा हर एक परिवार क मनइयन क आपन-आपन तम्बू क दुआरे प खड़ा भएन सिकाइत करत सुनेस। यहोवा बहोत कोहाइ गवा। ऍहसे मूसा बहोत हलाकान भवा।</verse>
				<verse number="11">मूसा यहोवा स पूछेस, “यहोवा! आप आपन सेवक लोगन प इ मुसीबत काहे डाया ह। मइँ का गलती किहेउँ ह? मइँ तोहका नाखुस करइ का किहे उँ ह? तू मोहे प इ सबहिं मनइयन क जिम्मेदारी काहे ओढ़ाया ह?</verse>
				<verse number="12">तू जानत ह कि मइँ इ सबहिं मनइयन क बाप नाहीं अहउँ। तू जानत ह कि मइँ ऍनका नाहीं पइदा किहेउँ ह। मुला मोका ऍनकइ फिकिर करइ चाही जइसे धाई गदेला क कोरा मँ लइ चलत ह। तू हमका अइसा करइ क काहे मजबूर करत ह? तू मोका काहे जबरियावत ह कि मइँ ऍनका उ देस क लइ चलउँ जेका देइ क बचन ओनके पुरखन क तू दिहा ह।</verse>
				<verse number="13">मोरे लगे इ मनइयन बरे जियादा गोस नाहीं अहइ। मुला उ पचे लगातार मोसे सिकाइत करत अहइँ। उ सबइ कहत हीं, ‘हमका खाइके गोस द्या।’</verse>
				<verse number="14">मइँ अकेल्ला इ सब मनइयन क देख-भाल नाहीं कइ सक्ति। इ मोरे बरे भारी बोझा अहइ।</verse>
				<verse number="15">जदि आप ओनके कस्ट क मोका देइ क काम चलावत रहइ चाहत हीं तउ आप मोका अबहिं मारि डावइँ। जदि आप मोका सेवक मानत हीं तउ अबहिं मोका मरि जाइ देइँ। तब मोर सबहिं कस्ट खतम होइ जइहीं।”</verse>
				<verse number="16">यहोवा मूसा स कहेस, “मोरे लगे इस्राएल क सत्तर बुजुर्गन लइ आवा जउन मनइयन क अफसर अउ पुरनिया होइँ। ऍनका मिलापवाला तम्बू मँ लिआवा। हुवाँ ओनाका आपन संग खड़ा करा।</verse>
				<verse number="17">तब मइँ आउब अउ तोहसे बात करब। अब तोह प आतिमा आइ बा। मुला मइँ ओनका भी उ आतिमा देब। तब उ पचे मनइयन क देख भाल करइ मँ मदद करिहीं। इ तरह तोहका इ मनइयन बरे अकेले बोझा नाहीं उठाइ क होइ।</verse>
				<verse number="18">“मनइयन स कहा, भियान खातिर आपन क तइयार करा। भियान तू पचे गोस खाब्या। यहोवा सुनेस ह जबहिं तू सबइ रोया अउ चीख्या ह। यहोवा तू पचन क बातन सुनेस ह जब तू मनइयन स कहया, ‘हमका खाइ बरे गोस द्या। हम पचन क इ मिस्र मँ नीक रहा।’ तउ यहोवा अब तू पचन क गोस देइ। अउर तू पचे ओका खाब्या।</verse>
				<verse number="19">तू पचे सिरिफ ओका एक दिन नाहीं, दुइ, पाँच, दस या बीस दिन भी खाइ सकब्या।</verse>
				<verse number="20">तू पचे उ माँस महीना भर खाब्या। तू पचे उ गोस तब तलक खाब्या जब तलक ओसे ऊब न जाब्या। इ होइ, काहे की तू पचे यहोवा क खिलाफ सिकाइत किहा ह। यहोवा तू मनइयन मँ घूमत ह अउ तोहार जरुरत क समझत ह। मुला तू पचे ओकरे अगवा रोया, चिचियाया अउ ओराहना दिहा। तू मनइयन स कहा, ‘हम पचे आखिर मिस्र काहे छोड़ि दीन्ह?’”</verse>
				<verse number="21">मूसा कहेस, “यहोवा! हिआँ 6,00,000 मनसेधू साथ चलत अहइँ। अउर तू कहत ह, ‘मइँ ओनका पूरा महीना भइ खाइके गोस देब।’</verse>
				<verse number="22">जदि हमका सबहिं भेड़ी अउ गोरु मारइ क होइ तउ भी ऍतने बड़े तादाद मँ मनइयन क महीना भर खाइके भरपूर न होइ। अउर जदि हम समुद्दर क सारी मछरियन क धइ लेइ तउ भी ओनके बरे पूर्ति न होइ।”</verse>
				<verse number="23">मुला यहोवा मूसा स कहेस, “यहोवा क सकती क जिन समेटा। तू देखब्या कि जदि मइँ कहत हउँ कि मइँ कछू करब तउ मइँ ओका कइ सकत हउँ।”</verse>
				<verse number="24">एह बरे मूसा मनइयन स बैतयाइ बाहेर गवा। मूसा ओनका उहइ बताएस जउन यहोवा कहे रहा। तब मूसा सत्तर बुजुर्ग क बटोरेस। मूसा ओनसे पवित्तर तम्बू क चारिहुँ कइँती खड़ा होइके कहेस।</verse>
				<verse number="25">तब यहोवा एक बादर मँ उतरा अउ उ मूसा स बांत किहेस। आतिमा मूसा प सवार रही। यहोवा उहइ आरौतमा क सत्तर बुजुर्गन लोगन प डाल दिहस। जब ओन सबन मँ आतिमा आइ तउ उ पचे भविस्सबाणी करइ लागेन। मुला ओकर बाद उ पचे अइसा अउर कभी नाहीं किहस।</verse>
				<verse number="26">सत्तर बुजुर्गन मँ स दुइ ठु, एल्दाद अउ मेदाद तम्बू मँ स बाहेर नाहीं गएन। ओनकइ नाउँ बुजुर्गन क सूची मँ रहा मुला उ पचे सिबिर मँ रहेन। मुला परम आतिमा ओन पइ भी आइ अउ उ पचे सिबिर मँ भविस्सबानी करइ लागेन।</verse>
				<verse number="27">एक ठु जवान दउड़ा अउ मूसा क सूचना दिहस। उ मनई कहेस, “एल्दाद अउ मेदाद सिबिर मँ भविस्सबाणी करत अहइँ।”</verse>
				<verse number="28">नून क पूत यहोसू मूसा स कहेस, “मूसा, तोहका ओनका रोकइ चाही।” (यहोसू मूसा क सहायक तब स रहा जब उ किसोर रहा।)</verse>
				<verse number="29">मुला मूसा जवाब दिहस, “का तू मोह बरे जलन करत अहइ? मइँ चाहत हउँ कि यहोवा क सब लोग भविस्सबाणी करइ क जोग्ग होइ जाइँ। मइँ चाहत हउँ कि यहोवा आपन आतिमा ओन सबहिं प पठवइ।”</verse>
				<verse number="30">तब मूसा अउ इस्राएल क नेता सिबिर मँ लउटि गएन।</verse>
				<verse number="31">तबहिं यहोवा समुद्दर कइँती स आँधी चलाएस। आँधी उ पहँटा मँ बटेरन क पठाएस। बटेरन सिबिर क चारिहुँ कइँती उड़इ लागिन। हुआँ ऍतना बटेरन रहिन कि भुइँया ढँकि गइ। भुइँया प बटेरन क तीन फुट गहरी परत जमा होइ गइ। कउनो मनई एक दिन मँ ओतनी दूर जाइ सकत रहा जेतती दूर तलक चारिहुँ कइँती बटेर रहिन।</verse>
				<verse number="32">मनई अहदंकेन अउ बाहेर आएन। उ पचे सारा दिन अउ सारी रात बटेरन क बटोरेन। अउर फिन अगला दिन भी उ सबइ बटेरन क बटोरेन। हर मिला कम स कम साठ बुसल या ओसे जियादा बटेरन बटोरेस। तब मनइयन बटेरन क आपन सिबिर क चारिहुँ कइँती धूप मँ फइलाएन।</verse>
				<verse number="33">मनइयन गोस खाब सुरु किहन, मुला यहोवा कोहाइ गवा। जब गोस ओनके मुँहना मँ रहा अउ ऍकरे पहिले कि मनइयन लील लेइँ यहोवा ओनका बहोत बेराम कइ दिहस। ढेर लोगन हुवँई मरि बिलाइ गएन अउर ओनका माटी दइ दीन्ह गइ।</verse>
				<verse number="34">एह बरे मनइयन उ ठउरे क नाउँ किब्रोथ-हत्तावा राखेन। उ पचे उ ठउर क उहइ नाउँ दिहेन। इ उहइ जगह बाटइ जहाँ उ पचे मनइयन क माटी दिहेन जउ स्वाद क भोजन क गहरी इच्छा धरत रहेन।</verse>
				<verse number="35">मनइयन किब्रोथ-हत्तावा स हंसेरोत क जात्रा किहेनन अउ हुवइँ ठहरि गएन।</verse>
			</chapter>
			<chapter number="12">
				<verse number="1">मरियम अउ हारून मूसा क खिलाफ बकइ लागीं। उ पचे ओकर अंगुस्तनुमाइ किहेन काहे की ओकर मेहरारु इथियोपिया क रही। उ पचे बिचारेन कि मूसा क इ नीक नाहीं कि इथियोपिया क मेहरारु स बियाह करइ।</verse>
				<verse number="2">उ पचे आपुस मँ कहेन, “यहोवा मनइयन स बात करइ मूसा क बीच मँ डाए बा। मुला सिरिफ मूसा ही नाहीं। यहोवा हम पचन क जरिये भी कहेस ह।” यहोवा एका अनकेस।</verse>
				<verse number="3">(मूसा एक बहोतइ विनम्र मनई रहा। उ न तु डींग हाँकत रहा अउर न सेखी बघारत रहा। उ धरती पइ के कउनो मनइयन स जियादा विनम्र रहा।)</verse>
				<verse number="4">एह बरे यहोवा एकाएक आवा अउ मूसा, हारून अउ मिरियम स बोला। यहोवा कहेस, “तू तीनहुँ अब मिलापवाला तम्बू मँ आवा!” एह बरे मूसा, हारून अउ मिरियम तम्बू मँ गएन।</verse>
				<verse number="5">यहोवा तम्बू क दुआर प खड़ा भवा। यहोवा हारून अउ मरियन क आपन लगे आवइ क कहेस। जब दुइनउँ ओनके निअरे आएन तउ</verse>
				<verse number="6">परमेस्सर कहेस, “मोरउ सुना! अगर तोहरे बीच एक नबी अहइ, तउ मइँ, परमेस्सर खुद ओह पइ परगट होब या ओकर संग सपना मँ बात करब्या।</verse>
				<verse number="7">मुला मूसा दूसर तरह क अहइ। मूसा मोर बिस्सासी दास अहइ। ओका मोरे पूरा घराना क जिम्मेदारी सोंपा गवा ह।</verse>
				<verse number="8">जब मइँ ओसे बात करत हउँ तउ मइँ ओकरे अमन्वा समन्वा बतियात हउँ। मइँ छिपा भवा अरथ क कहतूत क ओकरे संग नाहीं बइपरत। मइँ ओका सफ साफ बातन क बतावत हउँ जउन मइँ ओसे जानइ चाहत हउँ। अउ मूसा यहोवा क सरूप क साफ साफ निहारि सकत ह। तउ काहे तू पचे मोर दास मूसा क खिलाफ बोलइ क हिम्मत किहा ह?”</verse>
				<verse number="9">यहोवा ओन पइ कोहाइ गवा। यहोवा ओनका तजि दिहस।</verse>
				<verse number="10">बादर तम्बू स उठा। हारून पाछे घूमा अउ मिरियम क लखेस। ओकर बदन क चाम कोढ़, सफेद बरफ क नाई होइ गइ। ओका भयानक चर्म रोग होइ गवा!</verse>
				<verse number="11">तबहिं हारून मूसा स कहेस, “महोदय! कृपा कइके छिमा करा जउन मूरखपना क पाप हम पचे किहे अही।”</verse>
				<verse number="12">ओकरी चमड़ी क रंग उ तरह न उड़ि जाइ देइँ जइसे मरा भवा लरिका क होत ह। (कबहुँ कबहुँ इ तरह क गदेला अधगला चमड़ी क साथ पइदा होइ जात ह।)</verse>
				<verse number="13">एह बरे मूसा यहोवा स परार्थना किहेस, “परमेस्सर मेहरबानी कइके इ बीमारी स ओका नीक करा।”</verse>
				<verse number="14">यहोवा मूसा क उत्तर दिहेस, “जदि ओकर बाप ओकरे चेहरा प थूक देइ तउ उ सात दिना तलक लजाई रही। एह बरे ओका सात दिना तलक सिबिर स बाहेर राखा। उ टेमॅ क पाछे इ वापस लउट सकत ह।”</verse>
				<verse number="15">एह बरे उ पचे मिरियम क सात दिना तलक बरे बाहेर लइ गएन। तब तलक लोगन हुवाँ स नाहीं चलेन जब तलक उ फुन वापस नाहीं लाइ गइ।</verse>
				<verse number="16">ओकरे पाछे मनइयन हसेरथ क तजेन अउ उ सबइ पारान रेगिस्तान क जात्रा किहन। मनइयन उ रेगिस्तान मँ सिबिर डाएन।</verse>
			</chapter>
			<chapter number="13">
				<verse number="1">यहोवा मूसा स कहेस,</verse>
				<verse number="2">“कछू मनइयन क कनान देस क बारे मँ गहराइ स जानइ बरे पठवा। इ उहइ देस अहइ जेका मइँ इस्राएल क मनइयन क देब। हर एक बारहु परिवार समूहन स एक नेता पठवा।”</verse>
				<verse number="3">एह बरे मूसा यहोवा क हुकुम मानेस। उ पारान क रेगिस्तान स नेता लोगन क पठाएस।</verse>
				<verse number="4">इ सबइ ओनकइ नाउँ अहइँ: जककूर क पूत सम्मू – रूबेन परिवार समूह स।</verse>
				<verse number="5">होरी क पूत सापात – सिमोन क परिवार समूह स।</verse>
				<verse number="6">योपुन्ने क पूत कालेब – यहूदा क परिवार समूह स।</verse>
				<verse number="7">योसेप क पूत यिगास – इस्साकार क परिवार समूह स।</verse>
				<verse number="8">नून क पूत होसे – एप्रैम क परिवार समूह स।</verse>
				<verse number="9">रापू क पूत पलती – बिन्यामीन क परिवार समूह स।</verse>
				<verse number="10">सोदी क पूत गद्दीएल – जबूलून क परिवार समूह स।</verse>
				<verse number="11">सूसी क पूत गद्दी – यूसुफ क (जउन मनस्से स) परिवार समूह स।</verse>
				<verse number="12">गमल्ली क पूत अम्मीएल – दान क परिवार समूह स।</verse>
				<verse number="13">मीकाएल क पूत सतूर – आसेर क परिवार समूह स।</verse>
				<verse number="14">वोप्सी क पूत नहूबी – नप्ताली परिवार समूह स।</verse>
				<verse number="15">माकी क पूत गूएल – गाद क परिवार समूह स।</verse>
				<verse number="16">उ नाउँ ओन मनइयन क अहइँ जेनका मूसा पहँटा क लखइ अउ जाँच करइ बरे पठाएस। (मूसा नून क पूत होसे क दूसर नाउँ स पुकारेस। मूसा ओका यहोसू कहेस।)</verse>
				<verse number="17">मूसा जब ओनका कनान क खोज-बीन बरे पठावत रहा, तब उ कहेस, “नेगेव स होइके जा तब पहाड़ी देस मँ जाब्या</verse>
				<verse number="18">इ लखा कि भूइयाँ कइसा अहइ अउर तब तू उ मनइ क बारे जानकारी ल्या जउन हुमाँ रहत हीं। उ पचे सक्तीवाला अहइँ या कमजोर बाटेन। उ पचे तनिक अहइँ या जियादा तदाद मँ बाटेन?</verse>
				<verse number="19">उ पहँटा क बारे मँ जानकारी ल्या जेहमाँ उ पचे रहत हीं। का उ नीक प्रदेस अहइ या बुरा? कउने तरह क सहर मँ उ पचे रहत हीं? का उ नगरन क चहरदेवार बाटेन? क एन गाँव क देवारन नाहीं अहइ?</verse>
				<verse number="20">प्रदेस क बारे मँ अउर जानकारी ल्या। का भुइयाँ उपज बरे नीक बाटइ या बंजर जमीन अहइ? का धरती प बृच्छ उगा बाटेन? साहसी बना अउ उ धरती स कछू फल लइ आवा।” (इ अंगूर क पहली फसल क टेम होइ।)</verse>
				<verse number="21">तब उ पचे पहँटा क छान-बीन किहेन। उ पचे जिन नाउँ क रेगिस्तान स रहोब अउ लेबो हमात तलक गएन।</verse>
				<verse number="22">उ पचे नेगव स होइके तब तलक जात्रा करत रहेन जब तलक उ पचे हेब्रोन नगर पहोंच गएन। (हेब्रोन मिस्र मँ सोअन नगर क बसइ क सात बरिस पहिले बना रहा।) अहीमन, सेसै अउ तल्मै हुवाँ रहत रहेन। इ सबइ अनाक क सन्तानन रहेन।</verse>
				<verse number="23">तब उ पचे एस्कोल क घाटी मँ गएन। उ सबइ हुवाँ अंगूरे क बेल काटेन। उ साखा मँ अंगूर क गुच्छा रहा। मनइयन मँ स दुइ मनई आपन बीच एक डंडा प धइके ओका लइ आएन। उ पचे कछू अनार अउ अंजीर भी लइ आएन।</verse>
				<verse number="24">उ ठउरे क नाउँ एस्कोल क घाटी रहा। काहेकी इ उहइ ठउर अहइ जहाँ इस्राएल क मनइयन अंगूरे क गुच्छा काटेन।</verse>
				<verse number="25">उ मनइयन उ पहँटा क छानबीन चालीस दिन तलक किहेन। तब उ पचे सिबिर क लउटेन।</verse>
				<verse number="26">उ पचे मूसा, हारून अउ दूसर इस्राएल क लोगन क लगे कादेस मँ लउटि गएन। इ पारान रेगिस्तान मँ रहा। तब उ पचे मूसा, हारून अउ सबहिं मनइयन क, जउन कछू लखेन, सब कछू सुनाएन। अउर उ पचे ओनका उ प्रदेस क फल क देखाएन।</verse>
				<verse number="27">उ पचे मूसा स इ कहेन, “हम पचे उ पहँटा मँ गए जहाँ आप हमका पठएन। उ प्रदेस बहोत नीक बाटइहिआँ दूध अउ मधु क नदी बहत हीं। इ सबइ उ कछू फल अहइँ जेका हम पचे हुआँ पावा ह।</verse>
				<verse number="28">मुला हुवाँ जउन मनइयन रहत हीं उ पचे बहोतइ सक्तीवाला अउ मजबूत बाटेन। ओनकइ सहर क मजबूती स रच्छा कीन्ह ग अहइ। हम पचे हुवाँ अनाक बंसी मनइयन क लखा।</verse>
				<verse number="29">अमालेकी लोग नेगेव मँ रहत हीं। हित्ती, यबूसी अउ एमोरी पहाड़ी प्रदेस मँ रहत हीं। कनानी लोग समुद्दर क किनारे अउ यरदन नदिया क तीरे रहत हीं।”</verse>
				<verse number="30">तब कालेब मूसा क नचिके मनइयन क सान्त होइके कहेस। कालेब कहेस, “हम पचन क हुवाँ जाइ चाही अउ उ प्रदेस क आपन बरे लेइ चाही। हम पचे उ प्रदेस क आसानी स लइ सकित ही।”</verse>
				<verse number="31">मुला जउन मनई ओकरे संग गवा उ बोला, “हम पचे उ मनइयन क खिलाफ नाहीं लड़ि सकित। उ पचे हम लोगन स जियादा सक्तीसाली अहइँ।”</verse>
				<verse number="32">अउर उ मनइयन सबहिं इस्राएली लोगन स कहेन कि उ पहँटा क लोगन क हरावइ बरे उ पचे जियादा ताकतवर नाहीं रहेन। उ पचे कहेन, “जउने पहँटा क हम पचे लखा उ ताकतवर मनइयन स भरा बाटइ। उ पचे ऍतना जियादा सक्तीवाला अहइँ कि जउन कउनो मनई हुवाँ जाइ ओका आसनी स हराइ सकत हीं।</verse>
				<verse number="33">हम सबइ हुवाँ देत्य नेपीलियन लोगन क लखा। (अनाक सन्तानन नपीली लोगन मँ स अहइ।) उ पचे हम पचन क लखेन जइसे हम पचे टिड्डा रहेन। हाँ हम पचे झींगुर क नाईं ओनकइ बरे रहे।”</verse>
			</chapter>
			<chapter number="14">
				<verse number="1">उ रात सिबिर क सब मनइयन जोर स रोउब सुरु किहन।</verse>
				<verse number="2">इस्राएल क सबहिं लोग हारून अउ मूसा क खिलाफ फुन सिकाइत किहन। सब मनइयन एक संग आएन अउ मूसा अउ हारून स कहेन, “हम पचन क मिस्र या रेगिस्तान मँ मरि जाइ चाही रहा। आपन इ नवा देस मँ तरिवारि स मरि जाइ क बजाय इ बहोतइ नीक भवा होत।</verse>
				<verse number="3">का यहोवा हम पनच क इ नवा प्रदेस मँ मरइ बरे लइ आएन? हमरी मेहररुअन अउ हमरे गदेलन क हम पचन स छीन लइ लीन्ह जाइ अउ हम तरिवारे स मारि डावा जाब। इ हम पचन बरे नीक होइ कि हम पचे मिस्र क लउटि जाइ।”</verse>
				<verse number="4">तब मनइयन एक दूसर स कहेन, “हम पचन क दूसर नेता चुनइ चाही अउ मिस्र लउटि चलइ चाही।”</verse>
				<verse number="5">मूसा अउ हारून हुवाँ बटुरा भवा सारे इस्राएली मनइयन क समन्वा भुइयाँ प गिरि गएन।</verse>
				<verse number="6">अउर उ दुइनउँ मनई जउन नवा पहँटा का छानबीन करइ बरे गए रहेन आपन ओढ़ना क सोक परगट करइ बरे फाड़ दिहस। (उ पचे दुइनउँ नून क पूत यहोसू अउ यपुन्ने क पूत कालेब रहेन।)</verse>
				<verse number="7">इ दुइनउँ हुवाँ बटुरा भए इस्राएलियन स कहेन, “जउने पहँटा क हम पचे लखे अही, उ बहोतइ नीक बाटइ।</verse>
				<verse number="8">अउर जदि यहोवा हम पचन स खुस अहइ तउ उ हम पचन क उ पहँटा मँ लइ चली। उ पहँटा नीक अउ उपजाउ अहइ, अइसा बाटइ जइसन हुवाँ दूध अउ मधु क नदी बहत होइँ। अउर यहोवा उ पहँटा क हम पचन क देइ बरे आपन सक्ती क बइपरी।</verse>
				<verse number="9">मुला हम पचन क यहोवा क खिलाफ नाहीं जाइ चाही। हम पचन क उ पहँटा क लोगन स नाहीं सिबिरइ चाही। हम पचे ओनका आसानी स हराइ देब। ओनके लगे कछू सुरच्छा नाहीं अहइ, ओनका सुरच्छित राखइ बरे ओनके लगे कछू नाहीं अहइ। मुला हम पचन क संग यहोवा अहइ। एह बरे इ मनइयन स जिन सिबिरअ।”</verse>
				<verse number="10">तब इस्राएल क सबहिं लोग यहोसू अउ कालेब क पाथर मारि देइ क बात करइ लागेन। मुला यहोवा क तेज मिलापवाला तम्बू प आवा। इस्राएल क सबहिं लोग ऍका लखि सकत रहेन।</verse>
				<verse number="11">यहोवा मूसा स कहेस, “इ पचे इ तरह मोका घिना स लखत रइहीं? उ पचे परगट करत रहेन कि उ पचे मोह पइ बिस्सास नाहीं करतेन। उ सबइ परगट करत हीं कि ओनकइ मोहे प बिस्सास नाहीं अहइ अउर उ पचे देखॉवत हीं कि उ पचे मोरी सक्ती प बिस्सास नाहीं करतेन। उ सबइ मोहे प बिस्सास करइ स तब भी मना कइ देत हीं जबहि मइँ ओनका बहोत स सक्तिसाली संकेत दिहेउँ ह। मइँ ओनके बीच कइ बड़की चीजन किहेउँ ह।</verse>
				<verse number="12">मइँ ओनका नास एक महामारी स करब अउ मइँ ओका बेदखल कइ देब, अउ तोहार प्रयोग दूसर रास्ट्र बनवइ बरे करब। अउर तोहार रास्ट्र इ सब लोग स बड़ा अउ जियादा ताकतवर होइ।”</verse>
				<verse number="13">तब मूसा यहोवा स कहेस, “जदि आप अइसा करत हीं तउ मिस्र मँ लोग इ सुनिहीं कि आपन सबहिं मनइयन क मारि डाएन। आप आपन बड़की सक्ती स प्रयोग ओन मनइयन क मिस्र स बाहेर लइ आवइ मँ किहन।</verse>
				<verse number="14">अउर मिस्र क लोग इ भूइँया (कनान) मँ रहइवालन स तोहार महान सक्ती क बारे मँ कइहीं। हे यहोवा! उ पचे पहिले स सुनि लिहेन कि। तू ऍन लोगन (इस्राएलियन) क परमेस्सर अहइ। उ पचे सबइ जानत ह कि तू प्रत्येच्छ रूप स आपन लोगन क समन्वा परगट भवा। उ पचे तोहरे बादर क बारे मँ जानत ह जउन उ पचन्क ऊपर ठहरत ह। तू उ बादर क प्रयोग दिन मँ ओन लोगन क राह दिखावइ बरे किहा अउर राति मँ उ बादर लोगन क राह दिखावइ बरे आगी मँ बदल जात रहा।</verse>
				<verse number="15">एह बरे आप क अब मनइयन क मारइ नाहीं चाही। जदि आप ओनका मारत हीं तउ सबहिं रास्ट्र, जउन आपक सक्ती क बारे मँ सुनि चुका अहइँ, कइहीं,</verse>
				<verse number="16">‘यहोवा इ मनइयन क उ पहँटा मँ लइ जाइ मँ समर्थ नाहीं रहेन जउने पहँटा क उ पचे ओनका देइ क बचन दिहे रहेन। एह बरे यहोवा ओनका मरु भूमि मँ मारि दिहन।’</verse>
				<verse number="17">“एह बरे सुआमी आपन सामर्थ देखावा! देखावा वइसा ही जइसा देखॉवइ क कहे रह्या!</verse>
				<verse number="18">तू कहे रहा, ‘यहोवा कोहाइ मँ धीरा करत हीं। यहोवा पिरेम स भरपूर अहइँ। यहोवा पाप क छिमा करत हीं अउर ओन मनइयन क छिमा करत हीं जउन ओनके खिलाफ भी होइ जात हीं। मुला यहोवा ओन मनइयन क जरुर सजा देइहीं जउन अपराधी अहइँ। यहोवा पूत, पूतन अउ ओकर पूतहू क भी सजा देत हीं।’</verse>
				<verse number="19">एह बरे इ मनइयन क आपन बड़का पिरेम देखावा। ओनके पाप क छिमा करा। ओनका उहइ तरह छिमा करा जइसा तू मिस्र छोड़इ क टेमॅ स अब तलक छिमा करत आवत ह।”</verse>
				<verse number="20">यहोवा उत्तर दिहस, “मइँ मनइयन क तोहरे कहे क मुताबिक छिमा कइ दीन्ह ह।</verse>
				<verse number="21">मुला मइँ तोहसे फुरइ कहत हउँ काहे की मइँ जब तलक रहबूँ अउ मोर महिमा इ धरती प फइली अहइ। एह बरे मइँ तोहका इ बचन देत हउँ।</verse>
				<verse number="22">उ मनइयन मँ स कउनो भी मनई जेका मइँ मिस्र स बाहेर लइ आएउँ, उ पचे कनान क भूइँया क कबहुँ नाहीं क लखिहीं। उ मनइयन मिस्र मँ मोर तेज अउ मोर संकेत क लखेन ह। अउर उ मनइयन उ महान कारज क निहारेन ह जउन मइँ रेगिस्तान मँ कीन्ह ह। मुला उ पचे मोर आग्या क नाहीं मानेन अउर दसहु बार मोर परीच्छा किहेन ह।</verse>
				<verse number="23">मइँ ओनके पुरखन क बचन दिहेउँ ह। मइँ प्रण किहेउँ रहा कि ओनका एक बड़का देस देब। मुला ओहमा स कउनो मनई जउन मोरे खिलाफ होइ चुका ह उ देस मँ घुस न पाइ।</verse>
				<verse number="24">मुला मोर सेवक कालेब एनॅ स अलग रहा। उ पूरी तरह मोर बात मानत रहा। एह बरे मइँ ओका उ देस मँ लइ जब जेका उ पहिले लखेस ह। अउ ओकर सन्तानन भी उ पहँटा क उत्तराधिकार होइ जाब।</verse>
				<verse number="25">अमालेकियन अउ कनानी लोग घाटी मँ रहत अहइँ। भियान इ जगहिया क तज़ा अउ रेगिस्तान कइँती लउटि जा। लाल सागर स होइके जा।”</verse>
				<verse number="26">यहोवा मूसा अउ हारून स कहेस,</verse>
				<verse number="27">“इ पचे कब तलक मोरे खिलाफ सिकाइत करत रइहीं? मइँ इ मनइयन क ओराहना अउ पीरा क सुन चुकेउँ ह।</verse>
				<verse number="28">एह बरे एनसे कहा, ‘यहोवा कहत ह उ फुरइ ही सबहि काम करी जेकरे बारे मँ तू पचे सिकाइत किहा ह।</verse>
				<verse number="29">तू मनइयन क इ सब होइ। तू मनइयन क देह इ रेगिस्तान मँ मरा भवा गिरिहीं। हर एक मनई जउन बीस बरिस या जियादा उमर क रहा। हमार मनइयन क निअंबर क रूप मँ गना गवा। अउर तू पचन मँ स हर कउनो मोरे यानी परमेस्सर क खिलाफ सिकाइत किहस। एह बरे तू मनइयन मँ स हर एक रेगिस्तान मँ मरी।</verse>
				<verse number="30">तू पचन मँ स कउनो भी कबहुँ उ देस मँ नाहीं घुसी जेका मइँ तोहका देइ क बचन दिहेउँ ह। सिरिफ युपुन्ने क पूत कालेब अउ नून क पूत यहोसू उ देस मँ प्रवेस करिहीं।</verse>
				<verse number="31">तू पचे सिबिरइ गए रह्या अउ तू पचे ओराहना दिहा कि उ नवा देस मँ तोहार दुस्मनन तोहरे गदेलन क तोहसे छिनि लेइहीं। मुला मइँ तोहसे कहत हउँ कि मइँ ओन गदेलन क देस मँ लइ जाब। उ पचे उ चीजन क भोग करिहीं जेनकइ भोग तू अंगीकार नाहीं किहा।</verse>
				<verse number="32">जहाँ तलक तू पचन क बात बा, तू पचे इ रेगिस्ताने मँ मरि बिलाइ जाब्या।</verse>
				<verse number="33">“‘तोहार बेटवन हिआँ रेगिस्तान मँ चालीस बरिस तलक गड़ेरिया क रूप मँ आपन जिन्नगी बिताइ। उ पचे तोहार अबिस्सासी क कारण कस्ट झेलब। उ पचे इ रेगिस्तान मँ तब तलक कस्ट झेलिहीं जब तलक तू सबहिं मरि नाहीं जाब्या।</verse>
				<verse number="34">तू पचे आपन पाप बरे चालीस बरिस तलक कस्ट झेलब्या। (तू पचे इ देस क छानबीन मँ चालीस दिन लगाया। ओकरे हर दिन बरे एक बरिस होइ।) तू पचे जनब्या कि हमार तू पचन क खिलाफ होब केतँना खतरनाक अहइ।’</verse>
				<verse number="35">“‘मइँ यहोवा अहउँ अउर मइँ इ घोसना करत हउँ। अउर मइँ बचन देत हउँ कि मइँ इ सबहिं बुरे मनइयन बरे इ करब। इ पचे मोरे खिलाफ एक संग आएन। एह बरे उ सबइ इ रेगिस्तान मँ मरिहीं।’”</verse>
				<verse number="36">जउन मनइयन क मूसा नवा प्रदेस क छान-बीन करइ पठाएस ह उ पचे अइसा रहेन जउन लउटि आएन अउर सबहिं इस्राएलियन मँ सिकाइत करत भए सँचर गएन। उ मनइयन कहेन कि मनई उ प्रदेस मँ प्रवेस करइ खातिर जियादा बरिआर नाहीं रहेन।</verse>
				<verse number="37">उ मनइयन उ भूइयाँ क बारे मँ बुरी खबर लइहीं। एह बरे यहोवा एक बेरामी पइदा कइके ओन सबहिं क मरि बिलाइ जाइ दिहस।</verse>
				<verse number="38">मुला नून क पूत यहोसू अउ युपुन्ने क पूत कालेब ओन मनइयन मँ रहेन जेनका देस क छानबीन करइ पठवा गवा रहा। अउर यहोवा ओन दुइनउँ मनइयन क बचाएस। ओनका उ बेरामी नाहीं भइ जउन दूसर मनइयन क मारि डाएस।</verse>
				<verse number="39">मूसा इ सबइ बातन इस्राएल क मनइयन स कहेस। लोग बहोत जियादा दुखी भएन।</verse>
				<verse number="40">दूसर दिन बहोतइ तड़के मनइयन ऊँचा पहाड़ी पहँटा कइँती बढ़ब सुरु किहेन। मनइयन कहेन, “हम पचे पाप किहे अहेन। हम पचन क दुःख अहइ कि हम पचे यहोवा प बिस्सास नाहीं किहेन ह। हम पचे उ ठउरे प जाब जेका यहोवा देइ क बचन दिहे अहइ।”</verse>
				<verse number="41">मुला मूसा कहेस, “तू पचे यहोवा क हुकुम क काहे नाहीं मानत अहा? तू पचे कामयाब न होइ सकब्या।</verse>
				<verse number="42">उ देस मँ जिन जा। यहोवा तू पचन क संग नाहीं अहइ। तू पचे आसनी स आपन दुस्मनन स हारि जाब्या।</verse>
				<verse number="43">अमालेकी अउ कनानी लोग हुवाँ तोहरे खिलाफ लड़ीहीं। तू पचे यहोवा स खिलाफत किहा ह। एह बरे उ तोहरे संग न होइ जब तू पचे ओनसे लड़ब्या। अउर तू सबहिं लड़ाइ मँ मारा जाब्या।”</verse>
				<verse number="44">मुला मनइयन मूसा प बिस्सास नाहीं किहेन। उ पचे ऊँची पहाड़ी कइँती गएन। मुला मूसा अउ यहोवा क करार क सन्दूख मनइयन क संग नाहीं गएन।</verse>
				<verse number="45">तब अमालेकी अउ कनानी लोग जउन पहाड़ी देस मँ रहत रहेन, आएन अउ उ पचे इस्राएलियन प हमला बोलि दिहन। अमालेकी अउ कनानी लोग ओनका आसानी स हराइ दिहन अउ होर्मा तलक ओनका खदेरेन।</verse>
			</chapter>
			<chapter number="15">
				<verse number="1">यहोवा मूसा स कहेस,</verse>
				<verse number="2">“इस्राएल क मनइयन स बात करा अउ ओनसे कहा: मइँ तू पचन क इ धरती घर क रूप मँ देत अहउँ। जब तू उ देस मँ घुसब्या,</verse>
				<verse number="3">जब तू परमेस्सर क होमबलि चाहे उ गइयन, भेड़िन अउ बोकरियन होइ क होमबलि क रूप मँ बलि क रूप मँ, मनौती भेंट क रूप मँ, बचनबलि क रूप मँ, मेलबलि क रूप मँ या खास पवित्तर क रूप मँ चढ़ाउब्या तउ इ परमेस्सर बरे एक सुहावना सुगन्धित अहइ।</verse>
				<verse number="4">“अउर उ टेमॅ जउन आपन भेंट लइ आइ ओका यहोवा क अन्नबलि देइ क होइ। इ अन्नबलि एक चौथाई हीन जइतून क तेले मँ सनी भइ एपा क दसवाँ हींसा बढ़िया आटा क होइ।</verse>
				<verse number="5">हर दाई जब तू एक ठु मेमना होमबलि क रूप मँ या बलिदान क रूप मँ द्या तउ तोहका एक चौथाई हीन दाखरस पयेबलि क रूप मँ तइयार करइ चाही।</verse>
				<verse number="6">“हर समइ जब तू भेड़ा क भेंट करइहीं तउ तोहका अन्नबलि क रूप मँ एक तिहाई हीन जइतून क तेले मँ सनी भइ एपा क दुइ दसवाँ हींसा बढ़िया आटा क जरूर भेंट करइ चाही।</verse>
				<verse number="7">अउर तोहका एक तिहाई हीन पेयबलि जरूर चढ़ावइ चाही। एनका परमेस्सर क भेंट करा। इ परमेस्सर बरे सुहावना सुगन्ध अहइ।</verse>
				<verse number="8">“होमबलि, मेलबलि या कउनो मन्नत बरे यहोवा क एक भेंट क रूप मँ एक बछवा तइयार कइ सकत ह।</verse>
				<verse number="9">एह बरे तोहका बर्धा क संग अन्नबलि भी लइ आवइ चाही। अन्नबलि आधा हीन जइतून क तेले स सनी भइ एपा क तीन दसवाँ हींसा बढ़िया आटा क होइ चाही।</verse>
				<verse number="10">आधा हीन दाखरस भी पयेबलि क रूप मँ लइ आवा। आगी मँ बारी गइ इ भेंट परमेस्सर बरे महकउआ सुगन्ध अहइ।</verse>
				<verse number="11">हर एक बछवा या भेड़ा या मेमना या बोकरी क बच्चा, जेका तू यहोवा क भेंट करा, उहइ तरह तइयार करइ चाही।</verse>
				<verse number="12">जनावरन क गनती क अनुसार तू परमेस्सर क भेंट करा, हर एक एकहीं तरीका स तइयार करा।</verse>
				<verse number="13">“एह बरे इ तरीका स हर एक इस्राएली क होमबलि देइ चाही जेकर गंध परमेस्सर क प्रसन्न करी।</verse>
				<verse number="14">तोहरे बीच बिदेसी रहब। अगर उ पचे होमबलि देइ चाहत हीं तउ ओनका वइसे ही देइ चाही जइसे तू करत ह। ताकि इ परमेस्सर बरे सुहावना सुगन्ध होइ।</verse>
				<verse number="15">उहइ नेमॅ हर एक इस्राएली बरे होइ चाही अउ तोहरे बीच बसइया बिदेसी बरे भी होइ। इ नेमॅ हमेसा लागू रही। तू अउ तोहरे बीच बसइया मनइयन यहोवा क समन्वा बराबर होइहीं।</verse>
				<verse number="16">ऍकर अरथ अहइ कि तू सबन क एक ही कनून अउ नेमॅ क मानइ चाही। उ सबइ कनून अउ नेमॅ इस्राएल क परिवार मँ पइदा भए तोहरे अउ जउन तोहरे बीच रहत ही, ओनके बरे अहइ।”</verse>
				<verse number="17">यहोवा मूसा स कहेस,</verse>
				<verse number="18">“इस्राएल क लोगन स इ कहा: मइँ तोहका दूसर देस मँ लइ जात हउँ।</verse>
				<verse number="19">जब तू उ भोजन करब्या जउन उ पहँटा मँ पइदा होइ तउ भोजन क कछू हींसा यहोवा क भेंट क रूप मँ द्या।</verse>
				<verse number="20">तू अनाजे क बटोरब्या अउ ऍका आटा क रूप मँ पिसब्या। तू आटा क रोटी बनवइ बरे गुँधब्या। तू पहिला गुँधा भाव आटा स बना रोटी परमेस्सर क अर्पित करब्या। उ अइसा अन्नबलि होइ जउन खरिहान स आवत ह।</verse>
				<verse number="21">इ नेमॅ सदा बरे बा। एकर अरथ अहइ कि जउन अन्न क तू आटा क रूप मँ गूँधत ह ओकर पहिली रोटी यहोवा क देइ चाही।</verse>
				<verse number="22">“अगर तू यहोवा क जरिये मूसा की दीन्ह गवा आदेस मँ स कउनो क मानव भूलि जा तउ तू का करब्या? मूसा क जरिये दीन्ह गए यहोवा क इ हुकुम अहइँ।</verse>
				<verse number="23">इ आदेस उहइ दिन स सुरु होइ ग रहेन जउने दिन यहोवा ऍनका तोहका दिहेस ह। अउर इ आदेस भविस्स मँ भी लागू रइहीं।</verse>
				<verse number="24">जदि समूदाय अनजाने मँ कि उ पचे पाप करत हीं तउ सब जने मिलिके एक होमबलि बर्धा क परमेस्सर क चढ़ावइँ। इ परमेस्सर बरे सुहावना सुगन्धि अहइ। बर्धा क बलि क संग परमेस्सर क हिदायत क अनुसार अन्नबलि अउर पयेबलि चढ़ा। तोहका एक ठु बोकरा भी पापबलि क रूप मँ देइ चाही।</verse>
				<verse number="25">“याजक क लोगन क पाप स सुद्धि बरे ओकर प्रायस्चित करइ चाही। उ इस्राएल क सब लोगन बरे अइसा करी। लोगन इ नाहीं जाने रहेन कि उ सबइ पाप करत बाटेन। मुला जब उ पचे इ जानेन तब उ पचे होमबलि अउ पापबलि लेइ बरे आएन। इ तरह मनइयन ओकर गलती बरे छिमा पाइ हीं।</verse>
				<verse number="26">इस्राएल क सब मनइयन अउ ओनके बीच रहइवाला सब लोग छिमा कइ दीन्ह जइहीं। उ पचे एह बरे छिमा कइ दीन्ह जइहीं कि उ सबइ नाहीं जानतेन कि उ पचे बुरा करत बाटेन।</verse>
				<verse number="27">“मुला एक ठू मनई बिना इरादे स पाप करत ह तउ ओका एक बरिस एक ठु मादा बोकरी पापबलि क रूप मँ आपन पाप बरे लावइ चाही।</verse>
				<verse number="28">याजक यहोवा क समन्वा पाप बरे जउन उ मनइ गलती स किहेस ह प्रायस्चित करी अउ उ मनई छिमा पाइँ।</verse>
				<verse number="29">इ हर मनई बरे कनून अहइ जउन पाप करत ह, मुला जानत नाहीं कि बुरा किहेस ह। इहइ कनून इस्राएल क परिवार मँ पइदा भए मनइयन बरे अहइ या दूसर मनइयन बरे जउन तोहरे बीच रहत हीं।</verse>
				<verse number="30">“मुला कउनो मनई जउन पाप करत ह अउ जानत ह कि उ बुरा करत ह। उ मनई क आपन लोगन स अलग पठइ देइ चाही। इ इस्राएल क परिवार मँ जन्मा मनई अउ कउनो भी दूसर मनई बरे, जउन तोहरे बीच रहत ह, एक समान बाटइ।</verse>
				<verse number="31">उ मनई यहोवा क हुकुम क खिलाफ गवा अहइ। उ यहोवा क हुकुम क तिस्सकार करइ। उ मनई क तोहरे दले स अलगाइ दीन्ह जाइ चाही। उ मनई अपराधी ही रही अउ सजा भोगी।”</verse>
				<verse number="32">इ टेमॅ इस्राएल क मनई अबहिं रेगिस्तान मँ रहेन। अइसा भवा कि एक मनई क बारइ बरे कछू काठ मिला। एह बरे उ मनई लकड़ी बटोरत रहा मुला उ सबित क दिन रहा। कछू दूसर मनई ओका इ करत लखेन।</verse>
				<verse number="33">जउन मनई ओका लकड़ी बटोरत करत देखेन। उ पचे ओका मूसा अउ हारून क लगे लइ आएन। अउर सबहिं लोग चारिहुँ कइँती बठुर गएन।</verse>
				<verse number="34">उ पचे उ मनई क हुवाँ राखेन काहे की उ पचे नाहीं जानत रहेन कि ओकर संग का करइ चाहीं।</verse>
				<verse number="35">तब यहोवा मूसा स कहेस, “इ मनई क मरि जाइ चाही। पूरा धामिर्क सभा क ओका सिबिर स बाहेर लइ जाइ चाही अउर ओका पाथर स मार डावइ चाही।”</verse>
				<verse number="36">एह बरे सबइ लोगन ओका सिबिर स बाहेर लइ गएन। उ ओका तब तलक पाथर मारेन जब तलक उ मरि नाहीं गवा। उ पचे इ वइसा ही किहेन जइसा मूसा क यहोवा हुकुम दिहे रहा।</verse>
				<verse number="37">यहोवा मूसा स कहेस,</verse>
				<verse number="38">“इस्राएल क लोगन स बतियाअ अउ ओनसे इ कहा, ‘मइँ तू सबन क आपन हुकुम क सुमिरइ क देब। धागा क कइउ खण्ड क एक साथ बाँधा अउ ओनका आपन बस्तर क कोना प धइ द्या। एक ठु नीला रंग क डोरा हर एक अइसे गुच्छा मँ नावा। अब ऍका तू पहिरब्या अउ भविस्स क सबहिं दिनन मँ पहिरब्या।</verse>
				<verse number="39">तू पचे इ गुच्छन क लखत रहब्या अउ यहोवा जउन हुकुम तोहका दिहे अहइ ओका सुमरत रहब्या। तब तू हुकुम क मनब्या। तू पचे हुकुम क न बिसरब्या। अउर आपन आँखिन अउ जरुरत स बस मँ आइके कउनो पाप न करब्या।</verse>
				<verse number="40">तू हमरे सब हुकुम मानइ क सुमिरब्या। अउर तोहका तोहार परमेस्सर क अपर्ण कीन्ह जाइहीं।’</verse>
				<verse number="41">मइँ तोहार परमेस्सर यहोवा अहउँ। उ मइँ अहउँ जउन तोहका मिस्र स बाहेर लइ आएउँ ह। मइँ इ किहेउँ ह। एह बरे मइँ तोहार परमेस्सर रहब। मइँ तोहार परमेस्सर यहोवा अहउँ।”</verse>
			</chapter>
			<chapter number="16">
				<verse number="1">कोरह, दातान, अबीराम अउ ओनॅ मूसा क खिलाफ होइ गएन। (कोरह यिसहार क पूत रहा। यिसहार कहात क पूत रहा। कहात लेवी क पूत रहा। एलीआब क पूत दातान अउ अबीराम भाई रहेन। अउर ओनॅ पेलेत क पूत रहा। दातान, अबीराम अउ ओन रूबेन क सन्तानन रहेन।)</verse>
				<verse number="2">इ चार मनइयन इस्राएल क 250 मनइयन क एक संग बटोरेन अउर इ पचे मूसा क खिलाफ आएन। इ पचे नेता रहेन अउ जउन इस्राएलियन क जरिये चुना ग रहेन। सब मनइयन ओनका जानत रहेन।</verse>
				<verse number="3">उ पचे एक ठु गुट क रूप मँ मूसा अउ हारून क खिलाफ बात करइ बरे आएन। इ मनइयन मूसा अउ हारून स कहेन, “हम लोगन क काबू करइ बन्द करा। इस्राएल क सब मनई पवित्तर अहइँ। यहोवा ओनके संग अहइ। तू सबइ अपने आप क काहे परमेस्सर क (दूसर) मनइयन स जियादा महत्वपूर्ण मानत बाट्या?”</verse>
				<verse number="4">जइसेन मूसा इ बात सुनेस तउ उ मुँहे क बले गिर गवा।</verse>
				<verse number="5">तब मूसा कोरह अउ ओकरे मनवइयन स कहेस, “काल्ह भिन्सारे यहोवा देखॅइहीं कि कउन मनई फुरइ ओकर बाटइ। यहोवा देखइहीं कि कउन मनई फुरइ पवित्तर अहइ। अउर यहोवा ओका आपन निअरे लइ जइहीं। यहोवा उ मनई क चुनी अउ ओका आपन निचके लइ जाइ।</verse>
				<verse number="6">एह बरे कोरह, तोहका अउ तोहरे सबहिं मनवइयन क इ करइ चाही।</verse>
				<verse number="7">भियान कउनो खास अगियारी क गोरसी मँ आगी अउ धूप धरा अउ उ गोरसी क यहोवा क अगवा लिआंवा। यहोवा उहइ मनई क चुनिहीं जउन फुरइ पवित्तर होइ। लेवी क पूतन रूका! तू का करइ क कोसिस करत अहा।”</verse>
				<verse number="8">मूसा कोरह स इ भी कहेस, “लेवी बंसी लोगो! मोरहु सुना।</verse>
				<verse number="9">तू पचन क खुस होइ चाही कि इस्राएल क परमेस्सर तोहका चुनेस ह अउ खास बनएस ह। तू पचे बाकी इस्राएलियन स अलग अहा। यहोवा तोहका आपन लगे बोलाएस ह कि तू यहोवा क आराधना मँ इस्राएल क मनइयन क खास मदद बरे यहोवा क पवित्तर तम्बू मँ खास काम कइ सका। का इ तोहका बरे काफी नाहीं बा?</verse>
				<verse number="10">यहोवा तोहका अउ लेवी बंस क मनइयन क आपन निचके लइ आवा ह। मुला अब तू याजकन बनइ चाहत बाट्या।</verse>
				<verse number="11">तू अउ तोहार मनवइयन एक अउट ग अहा अउ यहोवा क खिलाफ आवा अहा! का हारून कउनो बुरा किहे अहइ? नाही! तउ ओकरे खिलाफ काहे ओराहना देत अहा?”</verse>
				<verse number="12">तब मूसा एलीआब क पूत दातान अउ अबीराम क बोलाएस। मुला दुइनउँ मनइयन कहेन, “हम पचे न आउब।</verse>
				<verse number="13">तू हमका उ देस स निकारि लिआया ह जउन धनवाद रहा। जहाँ दूध अउ सहद क धारा बहत रहिन। तू हम पचन क हिआँ रेगिस्तान मँ मारइ बरे लिआया ह। का अब तू अपने आप क हम पइ राजकुमार बनबू चाहत अहइ?</verse>
				<verse number="14">हम पचे तोहार पाछा काहे करी? तू हम पचन क नवा देस मँ नाहीं लइ आया ह-जउन भरपूर अहइ जहाँ दूध अउ सहद की नदी बहत रहत हीं। तू हम पचन क उ देस नहीं दिए रहा जेका देइ क परमेस्सर बचन दिहे रहा। तू हम पचन क खेत या अंगूर क बगिया नाहीं दिहे रहा। का तू इ लोगन क आँखन क अंधा करब्या? नाहीं, हम पचे तोहार लगे न आउब।”</verse>
				<verse number="15">एह बरे मूसा बहोतइ कोहाइ गवा। उ यहोवा स कहेस, “ऍनकइ भेंट जिन ल्या। मइँ ऍनसे कछू नाहीं लीन्ह-एक गदहा तलक नाहीं। मइँ इ मनइयन मँ स कउनो क बुरा नाहीं कीन्ह।”</verse>
				<verse number="16">तब मूसा कोरह स कहेस, “तोहका अउ तोहरे मनवइयन क भियान यहोवा क समन्वा खड़ा होइ चाही। अउर हारून तोहरे संग यहोवा क समन्वा खड़ा होइ।</verse>
				<verse number="17">तू सबन मँ स हर कउनो क एक ठु आग-दान रखइ चाही अउर ओहमा आगी अउ धूप होइ चाही अउर एका यहोवा क समन्वा चढ़ावइ चाही। इ सारी आगी क गोरसी 250 नेता लोगन क होइ चाही। तोहका अउर हारून क आपन गोरसी क संग हुवाँ रहइ चाही।”</verse>
				<verse number="18">तउ हर एक मनई एक-एक ठु आगी क गोरसी लिहेस अउ ओहमाँ सुलगन धूप धरेस। तब उ पचे मिलापवाला तम्बू क दुआरे खड़ा भएन। मूसा अउ हारून भी हुवाँ खड़ा भएन।</verse>
				<verse number="19">कोरह आपन सबहिं लोगन क एक संग मिलापवाला तम्बू क दुआरे बटोरेस। तब यहोवा मोजूदगी सबइ जमा लोगन क दुआरा लखइ जाइ।</verse>
				<verse number="20">यहोवा मूसा अउ हारून स कहेस,</verse>
				<verse number="21">“इ मनइयन स दूर हटा। मइँ अब ओनकर नास करइ चाहत हउँ।”</verse>
				<verse number="22">मुला मूसा अउ हारून भुइयाँ प निहुरेन अउ चिचियानेन, “परमेस्सर! तू जानत ह कि मनइयन क सोचत हीं। तू सब प्राणी क आतिमा क परमेस्सर। का एक मनई क पाप क कारण सारा किरोध मण्डली प होइ। एक मनई फुरइ पाप किहे अहइ।”</verse>
				<verse number="23">तब यहोवा मूसा स कहेस,</verse>
				<verse number="24">“मनइयन स कहा कि उ पचे कोरह, दातान अउ अबीराम क सिबिर स दूर हटि जाइँ।”</verse>
				<verse number="25">मूसा खड़ा भवा अउ दातान अउर अबीराम क लगे गवा। इस्राएल क सबहिं बुजुर्गन ओकरे पाछे चलेन।</verse>
				<verse number="26">मूसा धामिर्क सभा स कहेस, “इ बुरा लोगन तम्बू स दूरि हटि जा। ऍनकइ चीज क जिन छुआ। जदि तू पचे छूब्या तउ ऍनके पापन क कारण बिलाइ जाब्या।”</verse>
				<verse number="27">एह बरे मनइयन कोरह, दातान अउ अबीराम क तम्बू स दूर परानेन। दातान अउ अबीराम आपन तम्बू क बाहेर आपन मेहरारु, लरिकन अउ गदेलन क संग खड़ा रहेन।</verse>
				<verse number="28">तब मूसा कहेस, “मइँ तोहका परमान देब कि यहोवा मोका ओन चीजन क करइ क पठए बाटइ जउन मइँ तोहका केहउँ ह। मइँ देखाउब कि उ सबइ मोर बिचार नाहीं रहेन।</verse>
				<verse number="29">इ मनइयन हिआँ मरिहीं। मुला इ पचे साधारन रीति स मरत ह जउने तरह आदमी हमेसा मरत ह तउ इ परगट होइ कि यहोवा फुरे मोका नाहीं पठाएस।</verse>
				<verse number="30">मुला जदि यहोवा ऍनका दूसर रीति स मरइ देत ह तउ तू पचे जनब्या कि इ मनइयन सचमुच यहोवा क खिलाफ पाप किहे अहइँ। इहइ प्रमाण बाटइ: भुइयाँ फाटि जाइ अउ इ मनइयन क डकार जाइ। उ सबइ आपन कब्रन मँ जिअत जइहीं। अउर ऍनकइ हर चीज ऍनके संग जाइ।”</verse>
				<verse number="31">तब मूसा इ बातन क कहब खतम किहेस। मनइयन क गोड़े क तरे जमीन फाटि गइ।</verse>
				<verse number="32">इ अइसा रहा कि मान ल्या धरती आपन मुँह बाएस अउ ऍनका खाइ लिहस अउ ओनके सारा परिवार अउ कोरह क सबहिं मनइयन अउ ओनकइ सब चीजन धरती मँ चली गइन।</verse>
				<verse number="33">उ पचे जिअत भ कब्र मँ चला गएन। ओनकइ हर एक चीज ओनके संग गइ। तब धरती ओनके ऊपर बन्द होइ गइ। उ पचे मर बिलाइ गएन अउ उ सबइ सभा स लोप हो गएन।</verse>
				<verse number="34">इस्राएल क मनइयन नास कीन्ह जात मनइयन क रोउब चिचियाब सुनेन। एह बरे उ सबइ चारिहुँ कइँती दौड़ेन अउ कहइ लागेन, “धरती हम लोगन क लील जाइ।”</verse>
				<verse number="35">तब्बइ यहोवा स आगी आइ अउ 250 मनइयन क, जउन धूप भेंट करत रहेन, माटी मँ मिलाइ दिहस।</verse>
				<verse number="36">यहोवा मूसा स कहेस,</verse>
				<verse number="37">“याजक हारून क पूत एलीआज़ार स कहा कि उ आगी क गोरसी क बटोरइ। सिबिर स दूर क पहँटा मँ ओस कोइला अउ राखी क छितरावइ क कहा। इ मनइयन मोरे खिलाफ पाप किहेन ह अउर ओनकइ पाप क दाम जिन्नगी खतम होइ गइ। मुला धूप क गोरसी अबहुँ पवित्तर बाटइ। इ गोरसियन पवित्तर अहइँ काहे की उ पचे यहोवा क दिहन ह। धूप गोरसी क पीटि पीटि के पत्तर मँ बदलि द्या। तब इ धातु क पत्तर क उपयोग वेदी क ढाँपि बरे करा। इ पत्तरन इस्राएल क लोगन बरे चिताउनी क रूप मँ रहइ द्या।”</verse>
				<verse number="38"></verse>
				<verse number="39">तब याजक एलीआज़ार काँसा क उ सबइ तसला बटोरेस जेनका उ पचे लइ आए रहेन। उ सबइ मनई जरि गएन, मुला बासन तब भी हुवाँ रहेन। तब एलीआज़ार कछू मनइयन क बासन क धातु क चपटी पीटइ क कहेस। तब उ धातु क चपटी चादर क वेदी प धरेस।</verse>
				<verse number="40">उ ऍका वइसेन ही किहेस जइसा यहोवा मूसा क जरिये हुकुम दीन्ह ग रहा। इ चीन्हा रहा कि जेकाँ इस्राएल क लोग सुमिर सकइँ कि सिरिफ हारून क परिवार क मनई क यहोवा क समन्वा सुगन्धि देइ क अधिकार बाटइ। जदि कउनो दूसर मनई परमेस्सर क समन्वा सुगन्धि बारत ह तउ उ मनई कोरह अउ ओकर मनवइयन क तरह होइ जाइ।</verse>
				<verse number="41">अगले दिन इस्राएल क मनइयन मूसा अउ हारून क खिलाफ ओराहना दिहेन। उ पचे कहेन, “तू सबइ यहोवा क मनइयन क मारि डाया ह।”</verse>
				<verse number="42">मूसा अउ हारून मिलापवाला तम्बू क दुआर प ठाड़ रहेन। मनई उ ठउर प मूसा अउ हारून क खिलाफ सिकाइत बरे बटुर गएन। मुला जब उ पचे मिलापवाला तम्बू क लखेन कि बदरा ओका ढाँकि लिहेस, अउर यहोवा हुआँ परगट भवा।</verse>
				<verse number="43">तब मूसा अउ हारून मिलापवाला तम्बू क समन्वा गएन।</verse>
				<verse number="44">तब यहोवा मूसा स कहेस,</verse>
				<verse number="45">“उ मनइयन स दूरि हटि जा जेका अब मइँ नास करब।” मूसा अउ हारून भुइँया प भहराइ पड़ेन।</verse>
				<verse number="46">तब मूसा हारून स कहेस, “वेदी क आगी आपन काँसा क बासन मँ ल्या। तब एहमाँ सुगन्धि नावा। लोगन क भीड़ मँ ओनके पापन क प्रायस्चित करइ बरे हाली जा। यहोवा ओन पइ कोहान बा। महामारी ओन लोगन क बीच मँ फैलइ सुरू होइ गवा अहइ।”</verse>
				<verse number="47">तउ हारून वइसे किहस जइसेन मूसा कहे रहा। धूप अउ आगी लइ लिहे क पाछे उ मनइयन क बीच दौड़िके पहोंचा। मुला मनइयन मँ बेरामी पहिले ही सुरु होइ चुकी रही। तब हारून मुर्दा मनइयन क बीच अउ जउन जिअत रहेन खड़ा भवा। हारून लोगन क प्रायस्चित बरे सुगन्धि सुलगाइ दिहस। अउर तब बेरामी रुकि गइ।</verse>
				<verse number="48"></verse>
				<verse number="49">मुला हारून क पापे स प्रायस्चित स पहिले 14,700 लोग उ महामारी स मरि गए रहेन। उ कोरह क कारण मरे भवा लोगन क अतिरिक्त अहइ।</verse>
				<verse number="50">तब हारून मिलापवाला तम्बू क दुआर प मूसा क लगे लउटा। मनइयन मँ भयंकर महामरगी रोक थाम दीन्ह गइ।</verse>
			</chapter>
			<chapter number="17">
				<verse number="1">यहोवा मूसा स कहेस,</verse>
				<verse number="2">“इस्राएल क मनइयन स कहा। आपन लोगन स बारह लकड़ी क कुबरी लइ लेइँ। बारहु परिवार समूहन मँ स हर एक नेता स एक कुबरी ल्या। हर एक मनई क कुबरी प नाउँ लिखि द्या।</verse>
				<verse number="3">अउ लेवी क कुबरी प हारून क नाउँ लिखि द्या। बारह परिवार समूहन क हर एक मुखिया क कुबरी होइ चाही।</verse>
				<verse number="4">इ टहरइ वाली कुबरियन क मिलापवाला तम्बू मँ करार क सन्दूख क अगवा धइ द्या। इ उहइ ठउर अहइ जहाँ मइ तोहसे भेंटत अहउँ।</verse>
				<verse number="5">मइँ एक मनई क सच्चा होइवाला याजक चुनब। तू जानि लेब्या कि कउने मनई क मइँ चुनेउँ ह। काहे की उ कुबरी मँ नई पाती निकरब सुरु होइ। इ तरह मइँ मनइयन क आपन अउ तोहरे खिलाफ सदा ओराहना देइ स रोकब।”</verse>
				<verse number="6">तउ मूसा इस्राएली मनइयन स बात किहस। प्रधान मँ स हर एक ओका एक ठु कुबरी दिहस। सब कुबरियन क गनती बारह रही। हर ए परिवार दल क नेता क एक कुबरी ओहमाँ रही। हारून क कुबरी ओहमाँ रही।</verse>
				<verse number="7">मूसा करार क मिलापवाला तम्बू मँ यहोवा क समन्वा कुबरियन क धइ दिहस।</verse>
				<verse number="8">अगला दिन मूसा तम्बू मँ घुसा। उ लखेस कि हारून क उ कुबरी, जउन लेवी बंस क रही, सिरिफ एक अइसी रही कि जेहसे नई पाती निकरब सुरु भई रहिन। उ कुबरी मँ डारि फूटि आइन अउ ओहमा बदाम लग गए रहेन।</verse>
				<verse number="9">एह बरे मूसा यहोवा क ठउर स सबहिं कुबरियन क लइ आवा। मूसा इस्राएल क मनइयन क कुबरियन देखँएस अउ हर एक मनई आपन कुबरी वापिस लइ लिहस।</verse>
				<verse number="10">तब यहोवा मूसा स कहेस, “हारून क कुबरी क करार वाला सन्दूखे क समन्वा रख द्या। इ ओनँ मनइयन क चिताउनी होइ जउन हमेसा मोरे खिलाफ जात हीं। इ ओनकइ मोरे खिलाफ सिकाइत क रोकी। इ तरह उ पचे मरिहीं नाहीं।”</verse>
				<verse number="11">तउ मूसा ओन हुकुमन क मानेस जउन यहोवा दिहे रहा।</verse>
				<verse number="12">इस्राएल क मनइयन मूसा स कहेस, “हम पचे जानित ह कि हम सबइ मरि जाब। हम विनास होइ गए। हम सबहिं विनास होइ गवा।</verse>
				<verse number="13">कउनो मनई जउन यहोवा क पवित्तर ठउर क निअरे आवत ह मरि जाइ। का इ फुरइ बा कि हम सबइ मरि गएन?”</verse>
			</chapter>
			<chapter number="18">
				<verse number="1">यहोवा हारून स कहेस, “तू, तोहार पूतन, अउ तोहरे पिता क परिवारे क सब मनई कउनो पाप जउन पवित्तर ठउरे क सम्बंधित कीन्ह ग अहइ क जिम्मेदार अहइँ। तू अउ तोहार पूत याजकिये स सम्बन्धि कउनो भी बरे जिम्मेदार होइहीं।</verse>
				<verse number="2">दूसर लेवी मनइयन क आपन साथ देइ बरे आपन परिवार समूह स लइ आवा। उ सबइ तोहार अउ तोहरे पूतन क मदद साच्छी क तम्बू क काम करइ मँ करिहीं।</verse>
				<verse number="3">लेवी परिवार क उ सबइ मनई तोहरे मातहत अहइँ। उ पचे उ सबहिं कामे क करिहीं जेनका तम्बू मँ किया जाब अहइ। मुला उ पचेन क वेदी या पवित्तर ठउर क बर्तनन क लगे न जाइ चाही। जदि उ पचे अइसा करिहीं तउ उ सबइ मरि जइहीं अउ तू भी मरि जाब्या।</verse>
				<verse number="4">उ पचे तोहरे संग होइहीं अउ तोहरे संग काम करिहीं। उ पचे मिलापवाला तम्बू क देखइ रेखइ क जिम्मेदार होइहीं। सब कारज, जेका तम्बू मँ कीन्ह जाइ चाही, उ पचे करिहीं। दूसर कउनो भी उ ठउर क नगिचे न आइ जहाँ तू अहा।</verse>
				<verse number="5">“पवित्तर ठउर अउ वेदी क देख-रेख करइ क जिम्मेदार तू अहा। मइँ इस्राएल क मनइयन प फुन कोहाइ नाहीं चाहत हउँ।</verse>
				<verse number="6">मइँ खुद तोहरे मनइयन यानी लेवी बंस क लोगन क खुद इस्राएल क सबहिं मनइयन मँ स चुनेउँ ह। उ पचे यहोवा क दीन्ह गवा उपहार अहइ अउर उ पचन्क परमेस्सर क सेवा करइ अउर मिलापवाला तम्बू क काम करइ बरे आपिर्त कीन्ह गवा अहइ।</verse>
				<verse number="7">मुला सिरिफ तू अउ तोहार पूत याजकन क रूप मँ सेवा कइ सकत हीं। अकेले तू ही वेदी क लगे जाइ सकत ह। तू अकेले महापवित्तर ठउर क पर्दा क भितरे जाइ सकत ह। याजक क रूप मँ तोहार सेवा एक ठु उपहार जेका मइँ तोहका देत हउँ। कउनो भी दूसर, जउन पवित्तर ठउर क लगे आइ, मारि डावा जाइ।”</verse>
				<verse number="8">तब यहोवा हारून स कहेस, “मइँ खुद तोहका मनइयन जउन खास भेंट चढ़ाएन ह जिम्मेदारी दिहेउँ ह। इस्राएल क लोग जउन सारी भेंट मोका देइहीं उ मइँ तोहका देत अहउँ। तू अउ तोहार पूत इ पवित्तर भेंटन क आपुस मँ बाटि सकत ह। इ हमेसा तोहार होइ।</verse>
				<verse number="9">इ ओन सबहिं पवित्तर भेंटन मँ इ तोहार आपन हींसा होइ जेका जलावा नाहीं गवा ह। हरेक भेंटन, हरेक अन्नबलि, हरेक पापबलि अउ हरेक दोखबलि जउन उ मोरे लगे लइ आवत हीं, इ सबइ तोहर अउ तोहरे पूतन बरे बहोत पवित्तर भेंटन होइ हीं।</verse>
				<verse number="10">उ सबन चीजन क महापवित्तर ठउरे मँ खा। तोहरे परिवार क हर मरद मनसेधू ऍका खाइ सकत ह मुला तोहका सुमिरइ चाही कि उ सबइ भेंट पवित्तर अहइँ।</verse>
				<verse number="11">“अउर उ सबहिं चीजिन जेका इस्राएली उत्तोलन बलि क रूप मँ देइहीं, तोहरइ होइहीं। मइँ ऍका तोहका, तोहार पूतन अउ तोहार बिटियन क देत हउँ। इ तोहार हींसा अहइ। तोहरे परिवार क हर एक मनई जउन सुद्ध होई, ऍका खाइ सकी।</verse>
				<verse number="12">“अउर मइँ सारा बढ़िया जइतून क तेल अउ सबन त बढ़िया नीक नई दाखरस अउ अनाज तोहका देत अहउँ। इ सबइ उहइ चीजन बाटिन जेका इस्राएल क लोग मोका यानी आपन यहोवा क देत हीं। इ सबइ उ चीजियन बाटिन जेका उ पचे आपन फसिल पाक जाए प बटोरत हीं।</verse>
				<verse number="13">सबइ चीज जउन तोहार भूइँया स आवत ही क पहिला फल परमेस्सर क अहइ। एह बरे इ चीजन क मइँ तोहका देब। अउर हर एक मनई जउन परिवार मँ सुद्ध होई ऍका खाइ सकी।</verse>
				<verse number="14">“अउर हर एक इस्राएल मँ जउन यहोवा क दीन्ह जात हीं, तोहार बा।</verse>
				<verse number="15">“कउनो भी परिवारे मँ पहिलौटी क पूत या गोरु परमेस्सर क भेंट होइ। उ तोहार होइ। मुला तोहका हर एक पहिलौटी लरिका अउ पहिला पइदा भवा असुद्ध गोरु क फुन स वापिस लइ लेइ चाही। तब पहिला पइदा बच्चा फुन उ परिवार क होइ जाइ।</verse>
				<verse number="16">जब लरिका बच्चा एक महीना क होइ जाइँ तब्बइ तोहका ओकर बरे दाम लइ लेइ चाही। ओका मुक्त करावइ क मूल्य पाँच सेकेल चाँदी पवित्तर स्थान क अधिकारिक माप अनुसार होइ चाहीं। एक सेकेल बीस गेरा क बराबर होत ह।</verse>
				<verse number="17">“मुला तोहका पहिलौटी क गइया या भेड़ी या बोकरा क दाम नाहीं लेइ चाही। उ सबइ गोरु तउ पवित्तर बाटेन। ओनकइ रकत वेदी प छिछकारा अउर ओनकइ चर्बी बारा। इ भेंट आगी क जरिए दीन्ह जात ह। इ भेंट क महकब मोरे बरे यानी यहोवा बरे सोहइवाली गंध होइ।</verse>
				<verse number="18">मुला इ गोरुअन क गोस तोहार होइ जइसे कि उत्तोलन बलि क छाती तोहार होइ अउर भेंटन क दहिनी जाँघन तोहार होइ।</verse>
				<verse number="19">कउनो भी चीज, जेका लोग पवित्तर भेंट क रूप मँ मोका चढ़ावत ही, मइँ यहोवा ओका तोहका देत हउँ। इ तोहार हींसा अहइ। मइँ ऍका तोहका, तोहार बेटहनन अउ तोहार बिटिहिनियन क देत अहउँ। इ यहोवा क संग किया गवा करार अहइ जउन हमेसा बना रही। मइँ इ बचन तोहका अउ तोहरे सन्तानन क देत अहउँ।”</verse>
				<verse number="20">यहोवा हारून स इ भी कहेस, “तू कउनो भी भुइयाँ न पउब्या। अउर अइसी कउनो भी चीज नाहीं रखब्या जइसी दूसर लोग राखत हीं। मइँ तोहार अंस अउ मइँ इस्राएल क लोगन क बीच तोहार उत्तरधिकार अहइ।</verse>
				<verse number="21">“इस्राएल क लोग जउन कछू ओनके लगे होइ ओकर दसवाँ हींसा देइहीं। इ तरह मइँ लेवी बंस क सन्तानन क दसवाँ हींसा देत अहउँ। इ ओनके उ काम क मजूरी अहइ जउन उ पचे मिलापवाला तम्बू मँ सेवा करत भए करत रहत हीं।</verse>
				<verse number="22">मूला इस्राएल क दूसर लोगन क मिलापवाला तम्बू क निअरे कबहुँ नाहीं जाइ चाही। जदि उ पचे अइसा करत हीं तउ ओनका अपने आप मरइ क होइ।</verse>
				<verse number="23">जउन लेवी बंसी मिलापवाला तम्बू मँ काम करत अहइँ उ पचे ऍकरे खिलाफ पाप क जिम्मेदार होइहीं। इ कनून हमेसा बरे होइ। लेवीबंसी उ भुइँया क न लेइहीं जेका मइँ इस्राएल क दूसर लोगन क बचन दिहेउँ ह।</verse>
				<verse number="24">मुला इस्राएल क लोगन क लगे जउन कछू होइ ओकर दसवाँ हींसा मोका देइहीं। इ तरह मइँ लेवी बंसी मनइयन क दसवाँ हींसा देब। इहइ कारण अहइ कि मइँ लेवीबंसी मनइयन बरे कहेउँ ह: उ पचे उ भुइँया क न पइहीं जेका मइँ इस्राएल क मनइयन क देइ क वचन दिहेउँ ह।”</verse>
				<verse number="25">यहोवा मूसा स कहेस,</verse>
				<verse number="26">“लेवी बंसी मनइयन स बात करा अउ ओनसे कहा, ‘इस्राएल क लोग हर एक चीज क दसवाँ हीसां यहोवा क देइहीं। उ दसवाँ हींसा लेवी बंसी मनइयन क होइ। मुला ओकर दसवाँ हींसा यहोवा क ओनकी भेंट क रूप मँ देइ चाही।</verse>
				<verse number="27">अउर उ दसवाँ हींसा क इ समुझा जाब कि तू खरिहान स अनाज या दाखरस क कोलहू स दाखरस भेंट किहे रहा।</verse>
				<verse number="28">इ तरह तू यहोवा क वइसेन ही भेंट देब्या जइसे इस्राएल क दूसर लोग देत हीं। तू इस्राएल क मनइयन क दीन्ह गवा दसवाँ हीसां पउब्या। अउर तू ओकर दसवाँ हीसां याजक हारून क देब्या।</verse>
				<verse number="29">जब इस्राएल क लोग आपन हर एक चीज क दसवाँ हींसा देइँ तउ तोहका ओहमाँ स सबन त जियादा पवित्तर हींसा चुनइ चाही। उहइ दसवाँ हींसा अहइ जेका तोहका यहोवा क देइ चाही।’</verse>
				<verse number="30">“मूसा, लेवी लोगन स इ कहा, ‘लोग जउन कछू तोहका देत ह ओका सबन त अच्छा हींसा जब तू भेंट करब। तउ इ अइसा होइ जइसा तू एका खरिहान स आनाज या दाखरस क कोलहू स दाखरस भेंट किहे रहा।</verse>
				<verse number="31">जउन बाकी बची ओका तू अउ तोहार परिवार ऍका कउनो जगह खाइ सकत ह। इ तू मनइयन क उ काम बरे मजूरी अहइ जउन तू पचे मिलापवाला तम्बू मँ करत बाट्या।</verse>
				<verse number="32">अउर अगर तू ऍकर सब स बढ़िया हीसां यहोवा क देत रहब्या तउ तू कबहुँ दोखी न होब्या। तू इस्राएल क मनइयन क पवित्तर भेंट क बरे दूसित न करब्या अउर तू मरब्या नाहीं।’”</verse>
			</chapter>
			<chapter number="19">
				<verse number="1">यहोवा मूसा अउ हारून स बात किहेस अउ कहेस,</verse>
				<verse number="2">“इ सबइ कनून अउर नेमॅ अहइँ जेका यहोवा इस्राएल क मनइयन क दिहे अहइ। ओनका बिना दोखे क एक लाल गइया तोहार लगे लिआवइ। उ गइया क कउनो खोचा भी नाही लागी रहइ चाही। अउर न ही कबहुँ ओका काँधे पइ कउनो जुआ धर दीन्ह गवा ह।</verse>
				<verse number="3">इ गइया क याजक एलीआज़ार क द्या। एलीआज़ार गइया क सिबिर स बाहेर लइ जाइ अउ हुवाँ गइया क मारी।</verse>
				<verse number="4">तब याजक एलीआज़ार ऍकर कछू रकत आपन अँगुरी प लगाइ। तब ओका कछू रकत पवित्तर तम्बू क ओर छिछकारइ चाही। ओका इ सात दाई करइ चाही।</verse>
				<verse number="5">तब पूरी गइया क उ समइ जलाइ चाही जब उ लखत ह। चाम गोस, रकत अउ गोबर सबन क फूँकि देइ चाही।</verse>
				<verse number="6">तब याजक एक ठु देवदारु क लकड़ी, हिस्सप क डार अउ एक लाल तॉत लेइ चाही। याजक क इ चीजन क उ आगी मँ नावइ चाही जेहमाँ गइया बरत होइ।</verse>
				<verse number="7">तब याजक क अपने क अउ अपने ओढ़ना क धोवइ चाही। तब ओका सिबिर मँ लउटइ चाही। याजक साँझ तलक असुद्ध रही।</verse>
				<verse number="8">जउन मनई गइया क फूँकि ओका आपन क आपन ओढ़ना क पानी स धोवइ चाही। उ साँझ तलक असुद्ध रही।</verse>
				<verse number="9">“तब एक मनई जउन सुद्ध होइ, गइया क राखी बटोरी। उ इ राखी क सिबिर क बाहेर एक सुद्ध ठउरे प राखी। इ राख ओनका असुद्धता क सुद्धीकरण क उपयोग क लइ इस्रएलियन दुआरा रखइ जाब्या।</verse>
				<verse number="10">“उ मनई जउन गइया क राखी बटोरेस, आपन ओढ़ना धोइ। उ साँझ तलक असुद्ध रही। “इ नेमॅ सदा चलतइ रही। इ नेमॅ इस्राएल क नागरिक लोगन बरे अहइ अउर ओन बिदेसी मनइयन बरे भी बाटइ जउन तोहरे बीच रहत हीं।</verse>
				<verse number="11">जदि एक मनई कउनो मरे मनई क छुअत ह तउ उ सात दिन बरे असुद्ध होइ जाइ।</verse>
				<verse number="12">ओका आपन क तीसरे दिन अउ फुन सतऍ दिन पानी स धोवइ चाही। जदि उ अइसा नाहीं करत तउ उ सुद्ध नाहीं होइ।</verse>
				<verse number="13">जदि कउनो मनई ल्हास क छुअत ह तउ उ मनई जउन असुद्ध अहइ। जदि उ मनई जउन असुद्ध अहइ पवित्तर तम्बू क जात ह तउ पवित्तर तम्बू अपवित्तर होइ जात ह। एह बरे उ मनई क इस्राएलियन स निकारइ दीन्ह जाइ। जदि सुद्धीकरण क जल उ असुद्ध मनई प नाहीं छिरकइ जात ह, उ असुद्ध ही रहब्या।</verse>
				<verse number="14">“इ नेमॅ ओन लोगन स जुड़ा बाटइ जउन तम्बू मँ मरि जात हीं। जदि कउनो व्यक्ति तम्बू मँ मरि जात ह तउ तम्बू क हर एक मनई अउर हर एक चीज असुद्ध होइ जाइ। उ सबइ सात दिना तलक असुद्ध रइहीं।</verse>
				<verse number="15">अउर हर बे ढकना क कूँड़ा या बासन असुद्ध होइ जात ह।</verse>
				<verse number="16">जदि कउनो ल्हास क छुअत ह तउ उ मनई सात दिना तलक असुद्ध रही। इ तब भी लागू होइ जब ल्हास खुला मैदान मँ या जुद्ध क मइदान मँ मरा होइ। जदि कउनो मनई मरा भवा मनई क हाड़ या कबर क छुअत ह तउ उ मनई सात दिना तलक असुद्ध रहब्या।</verse>
				<verse number="17">“एह बरे तोहका बारी भइ गइया क राखी क प्रयोग उ मनई क फुन सुद्ध करइ बरे करइ चाही। बहता भवा जल गगरी मँ धरी राखी प डावा।</verse>
				<verse number="18">सुद्ध मनई क एक हिस्सप डार लेइ चाही अउ ऍका पानी मँ बोरइ चाही। तब ओका तम्बू, घारी अउ तम्बू मँ जउन मनइयन होइँ ओन पइ इ पानी छिरकइ चाही। तोहका ओन मनइयन क संग इहइ करइ चाही जउन ल्हासे क छुअइँ। तोहका इ ओकरे संग भी करइ चाही जउन लराइ मँ मारे मनइयन क ल्हासे क छुअत ह। या उ कउनो क संग भी जउन कउनो मरे मनई क हाड़े क या कबर क छुअत ह।</verse>
				<verse number="19">“तउ कउनो सुद्ध मनई इ जल क असुद्ध मनई प तीसरे दिन अउ फुन सतऍ दिन छिरकइ। सतऍ दिन उ मनई सुद्ध होइ जात ह। ओका आपन ओढ़ना क पानी मँ धोवइ चाही। उ साँझ तलक पवित्तर होइ जात ह।”</verse>
				<verse number="20">“जदि कउनो मनई असुद्ध होइ जात ह अउ सुद्ध नाहीं होत तउ ओका इस्राएल क मनइयन स निकारइ दीन्ह जाइ। उ मनई प सुद्धीकरण क जल नाहीं छिरका गवा। उ सुद्ध नाहीं भवा। एह बरे उ पवित्तर तम्बू क असुद्ध कइ सकत ह।</verse>
				<verse number="21">इ नेमॅ तोहरे बरे सदा होइ। जउन मनई इ सुद्धीकरण क जल क छिरकत ह ओका भी आपन ओढ़ना जरुर धोइ लेइ चाही। जउन मनई इ सुद्धीकरण क जल क छुइ उ साँझ तलक असुद्ध रही।</verse>
				<verse number="22">जदि कउनो असुद्ध मनई कउनो दूसर क छुअइ तउ भी असुद्ध होइ जाइ। उ मनई साँझ तलक असुद्ध रही।”</verse>
			</chapter>
			<chapter number="20">
				<verse number="1">इस्राएल क मनई सीन रेगिस्तान मँ पहिले महीना मँ पहोंचेन। लोग कादेस मँ रुकि गएन। मिरियम क मउत भइ अउ उ हुवाँ दफनाई गइ।</verse>
				<verse number="2">उ जगह प मनइयन बरे पानी जियादा नाहीं रहा। एह बरे लोग मूसा अउ हारून क खिलाफ सिकाइत करइ बटुर गएन।</verse>
				<verse number="3">मनइयन मूसा स बहस किहेन। उ सबइ केहन, “इ नीक होत कि हम आपन भइयन क तरह यहोवा क समन्वा मर गए होतेन।</verse>
				<verse number="4">तू यहोवा क मनइयन क इ रेगिस्तान मँ काहे लियाया? का तू चाहत ह कि हम अउ हमार गोरु हिआँ मरि जाइँ?</verse>
				<verse number="5">तू हम पचन क मिस्र स काहे लिआया? तू हम पचन क बुरे ठउर प काहे लिआया ह? हिआँ कउनो अनाज नाहीं अहइ, कउनो अंजीर, अंगूर या अनार नाही अहइ। अउर हिआँ पिअइ बरे पानी नाहीं अहइ।”</verse>
				<verse number="6">एह बरे मूसा अउ हारून उ मनइयन क तजि दिहन अउ उ पचे मिलापवाला तम्बू क दुआरे पहोंचेन। उ पचे हुआँ पैलगी किहेन। यहोवा क मोजूदगी क तेज ओन पइ परगट भवा।</verse>
				<verse number="7">यहोवा मूसा स बात किहेस। उ कहेस,</verse>
				<verse number="8">“आपन भाई हारून अउ मनइयन क भीड़ क संग ल्या अउ उ चट्टान तलक जा। आपन टहरइ वाली कुबरी क ल्या। मनइयन क समन्वा चट्टान स बात करा। तबहिं चट्टान स पानी बही। अउर तू उ पानी आपन मनइयन अउ जानवरन क दइ सकत ह।”</verse>
				<verse number="9">टहरइ वाली कुबरी यहोवा क समन्वा पवित्तर तम्बू मँ रही। जइसा यहोवा कहे रहा, मूसा टहरइवाली कुबरी लिहस।</verse>
				<verse number="10">मूसा अउ हारून मनइयन स चट्टाने क समन्वा मिलइ क कहेन। तब मूसा कहेस, “तू लोग सदा बिद्रोह करत ह। अब मोरउ सुना। का हम इ चट्टाने स पानी बहाउब?”</verse>
				<verse number="11">मूसा आपन भुजा उठाएस अउ दुइ दाईं चट्टानें प चोट किहेस। चट्टान स पानी बहइ लाग। मनइयन अउ गोरुअन पानी पिएन।</verse>
				<verse number="12">मुला यहोवा मूसा अउ हारून स कहेस, “इस्राएल क सबहिं मनइयन चारिहुँ कइँती बटुरा रहेन। मुला तू पचे मोका उ लोगन क समन्वा पवित्तर नाहीं ठहराया। तू पचे मनइयन क नाहीं बताएस कि मइँ चट्टान स पानी कइसा बहाएस ह। तू सबइ मनइयन क नाहीं बताया कि तू सबइ मोहे प पतियाना ह। मइँ ओन मनइयन क उ देस देब जेका देइ क मइँ बचन दिहेउँ ह। मुला तू सबइ उ देस मँ ओनका पहोंचावइ वाला न रहब्या।”</verse>
				<verse number="13">इ ठउर क नाउँ मरीबा क पानी कहा जात रहा। इ उहइ ठउर अहइ जहाँ इस्राएल क मनइयन यहोवा स वाद-विवाद किहन। अउर इ उहइ ठउर रहा जहाँ यहोवा इ देखँए रहा कि उ पवित्तर रहा।</verse>
				<verse number="14">जब मूसा कादेस मँ रहा, उ कउनो मनइयन क एदोम क राजा क लगे एक संदेसा क संग पठएस। संदेसा इ रहा: “तोहरे भाई लोग तोहसे इ कहत हीं: तू जानत ह कि हम पचे केतॅनी तकलीफ उठावा ह।</verse>
				<verse number="15">बहोत बहोतइ बरिस पहिले हमार पुरखन मिस्र चला ग रहेन। अउर हम पचे हुवाँ देर बरिस रहेन। मिस्र क मनई हम सबन बरे निर्दयी रहेन।</verse>
				<verse number="16">मुला हम पचे यहोवा क मदद क बिनती कीन्ह। अउर उ हम सबन क मदद बरे एक सरगदूत पठाएस। यहोवा हम पचन क मिस्र स बाहेर लइ आएन ह। “अब हम पचे कादेस मँ अही जहाँ स तोहार पहँटा सुरु होत ह।</verse>
				<verse number="17">कृपा कइके आपन देस स हम पचन क जात्रा करइ देइँ। हम पचे कउनो खेत या अंगूरे क बाग स जात्रा नाहीं करब। हम पचे तोहरे कउनो इनारा स पानी नाहीं पिअब। हम पचे सिरिफ राजपथ स जात्रा करब। हम पचे राजपथ क तनिके दाहिन बाऍ नाहीं बढ़ब। हम पचे तब तलक राजपथ प ठहरब जब तलक तोहरे धरती क पार नाहीं कइ जाइत।”</verse>
				<verse number="18">मुला एदोम क राजा उत्तर दिहस, “तू हमरे देस स होइके जात्रा नाहीं कइ सकत्या। जदि तू हमरे देस स जात्रा करइ क कोसिस करत ह तउ हम पचे आउब अउ तोहसे तरवारे स लड़ब।”</verse>
				<verse number="19">इस्राएल क मनइयन जवाब दिहन, “हम पचे बड़की सड़क स जात्रा करब। जदि हम या हमार गोरु तोहार कछू पानी पीहीं तउ हम पचे ओकरे दाम क भुगतान करब। हम सबइ तोहरे देस स सिरिफ चलिके पार जाइ चाहित ह। हम सबइ ऍका आपन बरे लेइ नाहीं चाहित।”</verse>
				<verse number="20">मुला एदोम फिन जवाब दिहस, “हम पचे आपन देस स होइके तोहका जाइ नाहीं देब।” तब एदोम क राजा एक ठु बहोत बड़वार अउ ताकतवर फउज बटोरेस अउ इस्राएल क मनइयन स लड़इ बरे निकर पड़ा।</verse>
				<verse number="21">एदोम क राजा इस्राएल क मनइयन क अपने देस स जात्रा करइ बरे मना कइ दिहस। अउर इस्राएल क लोग मुड़ गए अउर दूसरे राहे स चल पड़ेन।</verse>
				<verse number="22">इस्राएल क सब मनइयन कादेस स होर पहाड़े तलक जात्रा किहन।</verse>
				<verse number="23">होर पहाड़ एदोम क चौहद्दी प रहा। यहोवा मूसा अउ हारून स कहेस,</verse>
				<verse number="24">“अब हारून क मरि क समइ अउर आपन पुरखन क लगे जा मिलइ क समइ आ गवा ह। इ उ पहॅटा मँ न जाइ जेका देइ क मइँ इस्राएल क मनइयन क बचन दिहेउँ ह। मूसा, मइँ इ तोहसे कहत हउँ काहेकि मरीबा क पानी क बारे मँ तू अउ हारून मोरे दीन्ह ग हुकुम क खिलाफ बिद्रोह किहस।</verse>
				<verse number="25">“हारून अउ ओकरे पूत एलीआज़ार क हॉर पहाड़े प लिआवा।</verse>
				<verse number="26">हारून क खास ओढ़ना क ओसे ल्या अउ ओन ओढ़नन क ओकर पूत एलीआज़ार क पहिरावा। हारून हुवाँ पहाड़े प मरी। अउर उ आपन पुरखन क संग होइ जाइ।”</verse>
				<verse number="27">मूसा यहोवा क हुकुम क मानेस। मूसा, हारून अउ एलीआज़ार हॉर पहाड़े प गएन। इस्राएल क सब मनइयन ओका जात लखेन।</verse>
				<verse number="28">मूसा हारून क ओढ़ना उतार लिहस अउ ओन ओढ़ना क हारून क पूत एलीआज़ार क पहिराएस। तब हारून पहाड़े क चोटी प मरि गवा। मूसा अउ एलीआज़ार पहाड़े स उतरि आएन।</verse>
				<verse number="29">तबहिं इस्राएल क सब मनइयन जान लिहन कि हारून गुजर गवा। एह बरे इस्राएल क हर मनई तीस दिना तलक हारून बरे गमी मनाएस।</verse>
			</chapter>
			<chapter number="21">
				<verse number="1">एक कनानी अराद क राजा रहा। उ नेगेव रेगिस्तान मँ रहत रहा। अराद क राजा सुनेस कि इस्राएल क मनइयन अथारीम कइँती जाइवाली सड़क स आवत अहइँ। एह बरे राजा बाहेर निकरा अउ इस्राएल क मनइयन प हमला किहस। उ ओहमाँ स कछू क धइ लिहस अउ ओनका बंदी बनाएस।</verse>
				<verse number="2">तब इस्राएल क मनइयन यहोवा क इ बचन दिहन, “हे यहोवा! इ मनइयन क हरावइ मँ हमार मदद करा। ऍनका हमरे मातहत कइ द्या। जदि तू अइसा करब्या तउ हम पचे ओनके सहरन क पूरी तरह बरबाद कइ देब।”</verse>
				<verse number="3">यहोवा इस्राएल क मनइयन क बिनती सुनेस। अउर यहोवा इस्राएल क लोगन स कनानी मनइयन क हरवाइ दिहस। इस्राएल क मनइयन कनानी लोगन अउ ओनके सहरन क पूरी तरह नास कइ दिहन। एह बरे उ ठउरे क नाउँ होरगा पड़ा।</verse>
				<verse number="4">इस्राएल क मनइयन होर पहाड़े क तजेन अउ लाल सागर क जाइवाली सड़क स जात्रा प गएन। उ पचे अइसा एदोम क देस क चारिहुँ कइँती जाइ बरे किहेन। मुला मनइयन क धीरा नाहीं रहा।</verse>
				<verse number="5">उ सबइ परमेस्सर अउ मूसा क खिलाफ ओराहना सुरु किहन। मनइयन कहेन, “तू हम सबन क मिस्र स बाहेर काहे लिआया ह? हम पचे हिआँ रेगिस्तान मँ मरि जाब! हिआँ रोटी नाहीं मिलत! हिआँ पानी नाहीं! अउर हम पचे इ सड़ाइंध खइया स घिना करित ह।”</verse>
				<verse number="6">एह बरे यहोवा मनइयन क बीच बिखैला साँपन पठाएस। साँपन ओन मनइयन क डस लिहस अउ बहोत स लोग मरि गएन।</verse>
				<verse number="7">लोग मूसा क लगे आएन अउ ओसे कहेन, “हम पचे जानित ह कि जब हम पचे यहोवा अउ तोहरे खिलाफ बोलइ क पाप किहे अहउँ। यहोवा स पराथना करा अउ ओसे कहा कि इ साँपन क दूर करइ।” एह बरे मूसा लोगन बरे पराथना किहस।</verse>
				<verse number="8">यहोवा मूसा स कहेस, “एक ठु काँसा क साँप बनावा अउ ओका एक ठु खम्बा प धरा। अगर कउनो मनई क साँप डसइ तउ उ मनई क खम्बा क ऊपर काँसा क साँप लखइ चाही। तब इ तरह उ मनई मरी नाहीं।”</verse>
				<verse number="9">एह बरे मूसा यहोवा क हुकुम मानेस अउ एक काँसा क साँप बनाएस अउ ओका एक खम्बा प धरेस। तब जब कबहुँ कउनो मनई क साँप डसत रहा तउ ओका खम्बा पइ काँसा क साँप क लखइ क होइ रहा। अउ जिअत रहत रहा।</verse>
				<verse number="10">इस्राएल क लोग उ जगह क तजि दिहेन अउ ओबोत नाउँ क जहग प सिबिर डाएन।</verse>
				<verse number="11">तब मनइयन ओबोत स इये अबारीम तलक क जात्रा किहन। अउर हुआँ सिबिर डाएन। इ मोअब क पूरब रेगिस्तान मँ रहा।</verse>
				<verse number="12">तब मनइयन उ ठउर क छोड़ दिहन अउर जेरेद घाटी क जात्रा किहन। उ पचे हुवाँ सिबिर डाएन।</verse>
				<verse number="13">तब उ पचे चलेन अउ रेगिस्तान क अर्नोन नदी क ओह पार सिबिर डाएन। इ नदी एमोरियन क चउहद्दी स सुरु होत रही। घाटी मोआब क चउहद्दी अउ एमोरी क बीचउ बीच रही।</verse>
				<verse number="14">इहइ कारन अहइ कि यहोवा क जुद्ध किताबे मँ नीचे लिखा भवा हाल मिलत ह। “अउर सूपा मँ बाहेब, अनोर्न क घाटी।</verse>
				<verse number="15">अउर अर क बस्ती तलक पहोंचावइ वाली घाटी क किनारे क पहाड़ी। इ ठउर मोआब क चउहद्दी प अहइँ।”</verse>
				<verse number="16">इस्राएल क मनइयन उ ठउर क तजेन अउर उ पचे बीर क जात्रा किहन। इ ठउर प एक ठु इनार रहा। यहोवा मूसा स कहेस, “हिआँ सबहिं मनइयन क बटोरा अउर मइँ ओनका पानी देब।”</verse>
				<verse number="17">तब इस्राएल क मनइयन गीत गाएन: “ए नारा! उमड़िके पानी बहाउ। एकर गीत गावा।</verse>
				<verse number="18">महा पुरखन इ नारा क खोदेन। सज्जन लोग इ नारा क खोदेन। उ पचे आपन राज-दण्डियन अउर लाठियन स ऍका खोदेन। इ रेगिस्तान मँ एक ठु भेंट अहइ।” (तउ मनइयन ऍका “मत्ताना” नाउँ क इनारा कहेन।)</verse>
				<verse number="19">तब मनइयन मत्ताना स नहलीएल क जात्रा किहेन। फुन उ पचे नहलीएल स बामोत क जात्रा किहन।</verse>
				<verse number="20">मनइयन बामोत स मोआब मँ घाटी तलक क जात्रा किहन। इ ठउरे प पिसगा पहड़ क चोटी रेगिस्तान क ऊपर देखाँइ पड़त ह।</verse>
				<verse number="21">इस्राएल क मनइयन कछू मनइयन क एमोरी लोगन क राजा सीहोन क लगे पठाएस। इ मनइयन राजा स कहेन,</verse>
				<verse number="22">“आपन देस स होइ के हमका जात्रा करइ द्या। हम पचे कउनो खेत या अंगूरे क बगिया स होइके न जाब। हम पचे तोहरे कउनो इनारा क पानी न पिअब। हम सबइ सिरिफ राज-पथ स होइके जात्रा करब। हम सबइ तब तलक उ सड़क प ठहरब जब तलक हम पचे तोहरे देसे स होइके जात्रा पूरी नाहीं कइ लेइत।”</verse>
				<verse number="23">मुला राजा सीहोन इस्राएल क लोगन क आपन देस स होइके जात्रा करइ क रजामन्दी नाहीं दिहस। राजा आपन फउज बटोरेस अउ रेगिस्ताने कइँती चल पड़ा। उ इस्राएल क खिलाफ हमला करत रहा। यहज नाउँ क एक ठउरे प राजा क फउज इस्राएल क लोगन क संग लड़ाई लड़ेस।</verse>
				<verse number="24">मुला इस्राएल क लोगन राजा क मारि डाएन। तब उ पचे अनोर्न घाटी स लइके यब्बाक इलाका तलक ओकरे पहँटा प कब्जा कइ लिहेन। इस्राएल क मनइयन अम्मोनी लोगन क हद तक क पहँटा प कब्जा किहन। उ पचे अउर जियादा इलाका प कब्जा नाहीं किहन काहे की उ हद अम्मोनी लोगन क जरिए सुरच्छित रही।</verse>
				<verse number="25">मुला इस्राएल अम्मोनी लोगन क सबहिं सहरन प कब्जा कइ लिहन। उ पचे हेसबोन नगर तलक अउ ओकरे चारिहुँ कइँती क छोटके सहरन क भी हराइ दिहन।</verse>
				<verse number="26">हेसबोन उ सहर रहा जेहमा राजा सीहोन रहत रहा। ऍकरे पहिले सीहोन मोआब क राजा क हराए रहा अउ सीहोन अनोर्न घाटी ताईं सब पहँटन प कब्जा कइ लिहे रहा।</verse>
				<verse number="27">इहइ कारण अहइ कि गवइया इ गीत गावत हीं: “आवा हेसबोन क ऍका फुन स बसावइ क बाटइ। सीहोन क सहरन क फुन स बनइ द्या।</verse>
				<verse number="28">काहेकि आगी हेसबोन सहर स बाहेर चले गएस, अउर सोला सीहोन सहर स बाहेर चला गवा। आगी मोआब मँ आर क नस्ट कइ दिहस। इ अनोर्न नदी क ऊपरी पहाड़ियन क सासकन क बार दिहस।</verse>
				<verse number="29">हे मोआब! इ तोहरे बरे बुरा बाटइ, कामोस क मनई बरबाद कइ दीन्ह ग बाटेन। ओकर पूतन भाग पराइ गएन। ओकर बिटियन बन्दी बनाइ गइन। अमानीत लोगन क राजा सीहोन क जरिये।</verse>
				<verse number="30">मुला हम पचे ओनॅ एमोरियन क हरावा, हम सबइ ओनका हेसबोन स दिबान तलक सहरन क, नसिम स नोपह तलक जउन मेदाब क निचके अहइ मिटाइ द्या।”</verse>
				<verse number="31">एह बरे इस्राएल क मनइयन एमोरियन लोगन क देस मँ रहेन।</verse>
				<verse number="32">मूसा कछू खुफिया लोगन क याजेर प नजर धरइ बरे पठाएस। मूसा क अइसा करइ क पाछे इस्राएल क मनइयन उ सहर प कब्जा कइ लिहन। उ पचे ओकरे चारिहुँ कइॅती क छोटके सहरन प भी कब्जा कइ लिहन। इस्राएल क मनइयन उ ठउरे प बसइया एमोरी लोगन क उ ठउर तजि देइ क मजबूर किहन।</verse>
				<verse number="33">तब इस्राएल क लोग बासान कइँती जाइवाली सड़क प जात्रा किहन। बासान क राजा ओग आपन फउज लिहस अउ इस्राएल क लोगन क मुकाबाला करइ निकरा। उ एद्रेइ नाउँ क पहँटा मँ ओनके खिलाफ लड़ा।</verse>
				<verse number="34">मुला यहोवा मूसा स कहेस, “उ राजा स जिन सिबिरअ। मइँ तोहका ओका हरावइ देब। तू ओकर पूरी फउज अउ पहॅटा क पउब्या। तू ओकरे संग उहइ करा जउन तू एमोरी लोगन क राजा सिहोन क संग किहा ह।”</verse>
				<verse number="35">एह बरे इस्राएल क लोगन ओग अउ ओकर फउज क हाराया। उ सबइ ओका, ओकर बेटवन अउ ओकर सारी फउज क हराएन। तब इस्राएल क मनइयन ओकरे पूरे देस क कउनो क बिना जिउत छोड़इ क कब्जा कइ लिहन।</verse>
			</chapter>
			<chapter number="22">
				<verse number="1">तब इस्राएल क मनइयन मोआब क समतल स होइ के यरदन नदी क पार यरीहो तलक जात्रा किहेन।</verse>
				<verse number="2">सिप्पोर क पूत बालाक उ सब लखेस जेका इस्राएल क मनइयन एमोरी मनइयन क संग किहे रहेन। मोआब बहोतइ जियादा डेराइ ग रहा काहे की हुवाँ इस्राएल क बहोत मनई रहेन। मोआब इस्राएल क लोगन स बहोत ससान रहा।</verse>
				<verse number="3"></verse>
				<verse number="4">मोआब क राजा मिद्यान क नेता लोगन स कहेस, “मनइयन क इ बड़का झुण्ड हमरे चारिहुँ कइँती क सब चीज क वइसे ही बरबाद कइ देइ जइसे कउनो गइया खेते क घास चरि जात ह।” इ टेमॅ सिपोर क पूत बालाक मोआब क राजा रहा।</verse>
				<verse number="5">उ कछू मनइयन क बोर क पूत बिलाम क बोलावइ बरे पठाएस। बिलाम फरात नदी क निअरे पतोर नाउँ क पहँटा मँ रहा। बालाक कहेस, “मनइयन क एक नवा रास्ट्र मिस्र स आवा ह। उ पचे ऍतना जियादा अहइँ कि समूचइ प्रदेस मँ संचर सकत हीं। उ पचे ठीक हमरे निअरे सिबिर डाए अहइँ।</verse>
				<verse number="6">आवा अउ इ मनइयन क संग भिड़इ मँ मोर मदद करा। उ पचे मोर ताकत स जियादा बरिआर ताकत वाला अहइँ। इ होइ सकत ह कि तब मइँ ऍनका हराइ सकउँ। तब मइँ ओनका आपन देस छोड़इ क मजबूर कइ सकउँ। मइँ जानत अहउँ कि तू बड़की ताकत धरत ह। अगर तू कउनो मनई क आसीर्बाद देइ तउ उ आसीसित होइ, अगर तू कउनो मनई क सराप देइ तउ उ मनई सापित होइ। एह बरे आवा अउ इ मनइयन क सराप देइ।”</verse>
				<verse number="7">मोआब अउ मिद्यान क नेतन बालाम स मिलइ बरे गएन अउर आपन संग जादूइ सेवा क फीस भी लइ गएन। तब उ पचे, बालाक जउन कछू कहे रहा, ओसे कहेन।</verse>
				<verse number="8">बिलाम ओनसे कहेस, “हिआँ रात भइ ठहरा। मइँ यहोवा स बात करब अउर जउन जवाब, उ पचे मोका देइहीं, उ तोहसे कहब।” एह बरे उ रात मोआबियन क नेता ओनके संग ठहरेन।</verse>
				<verse number="9">परमेस्सर बिलाम क लगे आवा अउ उ पूछेस, “तोहरे संग इ सबइ कउन लोग अहइँ?”</verse>
				<verse number="10">बिलाम परमेस्सर स कहेस, “मोआब क राजा सिपोर क पूत बालाक एक संदेसा मोका देइ बरे ओनका पठए अहइ।</verse>
				<verse number="11">सँदेसा इ अहइ: मनइयन क एक ठु नवा रास्ट्र मिस्र स आवा अहइ। उ पचे ऍतना जियादा अहइँ कि समूचइ देस मँ फइलि सकत हीं। एह बरे आवा अउ इ मनइयन क खिलाफ कछू कहा। इ होइ सकत ह ओनसे लड़इ मँ मइँ समर्थ होइ सकउँ अउ आपन देस तजि देइ क ओनका मजबूर कइ सकउँ।”</verse>
				<verse number="12">मुला परमेस्सर बिलाम स कहेस, “ओनके संग जिन जा। तू ओनका सराप नाहीं देइ चाही, काहेकि उ आसीर्बाद पाएस ह।”</verse>
				<verse number="13">दूसर दिन बिलाम उठा अउ बालाक क नेता स कहेस, “अपने देस क लउटि जा। यहोवा मोका तोहरे संग नाहीं जाइ देइहीं।”</verse>
				<verse number="14">एह बरे मोआबी नेता बालाक क लगे लउटि गएन अउ ओसे इ बात किहेन। उ पचे कहेन, “बिलाम हम सबन क संग आवइ स मना कइ दिहे अहइ।”</verse>
				<verse number="15">एह बरे बालाक दूसर नेता लोगन क बिलाम क लगे पठाएस। इ दाई उ पहिली दाई क अपेच्छा बहोत ढेर क मनई पठाएस। अउर इ नेता लोग पहिली दाई क अपेच्छा जियादा सम्मान्न रहेन।</verse>
				<verse number="16">उ सबइ बिलाम क निअरे गएन अउ कहेन: “जिपोर क पूत बालाक तोहसे कहत ह: कृपा कइके आपन क हिआँ आवइ स कउनो क रोकइ जिन द्या।</verse>
				<verse number="17">जउन मइँ तोहसे माँगत अहउँ जदि तू उ करब्या तउ मइँ तोहका बहोत जियादा भुगतान करब। आवा अउ इ मनइयन क खिलाफ मोरे बरे कछू कहा।”</verse>
				<verse number="18">मुला बिलाम उ मनइयन क जवाब दिहस। उ कहेस, “मोका यहोवा मोरे परमेस्सर क आग्या मानइ चाही। मइँ ओकरे हुकुम क खिलाफ कछू नाहीं कइ सकत हउँ। मइँ बड़का-छोटका कछू भी तब तलक नाहीं कइ सकत जब तलक परमेस्सर नाहीं कहत कि मइँ ओका कइ सकत हउँ। अगर राजा बालाक आपन सोना चाँदी भी सुन्दर घर क भी दइ देइ तउ भी मइँ आपन परमेस्सर यहोवा क हुकुम क खिलाफ कछू नाहीं करब।</verse>
				<verse number="19">मुला तू भी ओन दूसर लोगन क तरह आज क रात हिआँ ठहर सकत ह। अउ रात मँ मइँ जान जाब कि यहोवा मोहसे क कहवावइ चाहत ह।”</verse>
				<verse number="20">उ रात परमेस्सर बिलाम क लगे आवा। परमेस्सर कहेस, “इ लोग अपने संग लइ जाइ बरे कहइ खातिर फुन आवा अहइँ। एह बरे तू ओनके संग जाइ सकत ह मुला सिरिफ उहइ करा जउन मइँ तोहसे करइ क कहउँ।”</verse>
				<verse number="21">दूसरे भिन्सारे बिलाम उठा अउ अपने गदहा प काठी धरेस। तब उ भी मोआबी नेता लोगन क संग गवा।</verse>
				<verse number="22">बिलाम आपन गदहा प सवार रहा। ओकरे नउकरन मँ स दुइ ठु ओकर संग रहेन। जब बिलाम जात्रा करत रहा तउ परमेस्सर ओन प कोहाइ गवा। एह बरे यहोवा क सरगदूत बिलाम क समन्वा सड़के प खड़ा होइ गवा। सरगदूत बिलाम क रोकइ जात रहा।</verse>
				<verse number="23">बिलाम क गदहा यहोवा क सरगदूत क सड़क प खड़ा देखेस। सरगदूत क हाथ मँ एक तरवार रही। एह बरे सड़क स मुड़ा अउ खेत मँ चला गवा। बिलाम सरगदूत क नाहीं लख सकत रहा। एह बरे उ गदहा प बहोत कोहान। उ गदहा क पीटेस अउ ओका सड़क प लउटइ क मजबूर किहस।</verse>
				<verse number="24">पाछे यहोवा क सरगदूत अइसी जगह प खड़ा भवा जहाँ सड़क संकरी होइ गइ रही। इ दुइ अंगूर क बगियन क बीच क ठउर रहा। हुवाँ सड़क क दुइनउँ ओर देवार रहिन।</verse>
				<verse number="25">गदहा यहोवा क सरगदूत क फुन निहारेस। एह बरे गदहा एक देवारे स चिपकिके निकरा। ऍहसे बिलाम क गोड़ देवारे स पिचक गवा। एह बरे आपन गदहा क फुन स पीटेस।</verse>
				<verse number="26">ऍकरे पाछे यहोवा क सरगदूत दूसर ठउर प खड़ा भवा। इ दूसर जहग रही जहाँ सड़क सॅकराइ ग रही। हुवाँ कउनो अइसी जगह नाहीं रही जहाँ गदहा मुड़ सकइ।</verse>
				<verse number="27">गदहा यहोवा क सरगदूत क लखेस। एह बरे गदहा बिलाम क आपन पीठ प लइके जमिन प बइठि गवा। बिलाम गदहा पर बहोतइ कोहान रहा। एह बरे उ ओका लाठी स पीटि डाएस।</verse>
				<verse number="28">तब यहोवा गदहा क बोलइवाला बनाएस। गदहा बिलाम स कहेस, “तू मोहे प काहे कोहान अहा। मइँ तोहरे संग का किहउँ ह? तू मोका तीन दाई मार्या ह।”</verse>
				<verse number="29">बिलाम गदहा क उत्तर दिहस, “तू मोर मज़ाक उड़ाएस ह, तू मोका गलत ठहराएस ह। जदि मोरे हाथे मँ अबहिं सिरिफ एक तरवार होत तउ मइँ अबहिं तोहका मारि डाइत।”</verse>
				<verse number="30">मुला गदहा बिलाम स कहेस, “मइँ तोहार आपन गदहा अहउँ, जेह प तू आपन सारा जिन्नगी सवार भवा ह। अउर तू जानत ह कि मइँ अइसा ऍकरे पहिले कबहुँ नाहीं किहेउँ ह।” “इ सही अहइ।” बिलाम कहेस।</verse>
				<verse number="31">तब यहोवा बिलाम क सड़क प खड़ा सरगदूत क लखइ दिहस। बिलाम सरगदूत अउ ओकर तरवारि निहारेस। तब बिलाम निहुरिके पैलगी किहस।</verse>
				<verse number="32">तब यहोवा क सरगदूत बिलाम स पूछेस, “तू आपन गदहा क तीन दाई काहे मार्या ह? मइँ तोहका रोकइ बरे हिआँ आवा अहउँ। काहेकि तोहार जात्रा मोर आदेस क खिलाफ अहइ।</verse>
				<verse number="33">गधा मोका लखेस। अगर गदहा न मुड़ा होत तउ मइँ तोहका मारि डाए होतेउँ। मुला मोका तोहरे गदहा क नाहीं मारइ क रहा।”</verse>
				<verse number="34">तब बिलाम यहोवा क सरगदूते स कहेस, “मइँ पाप किहेउँ ह। मइँ इ नाहीं जानत रहेउँ कि तू सड़क प खड़ा अहा। अगर मइँ बुरा करत अहउँ तउ मइँ घर लउटि जाब।”</verse>
				<verse number="35">यहोवा क सरगदूत बिलाम स कहेस, “नाहीं, तू इ मनइयन क संग जाइ सकत ह। मुला होसियार रहा। सिरिफ उ बातन क कहा जउन मइँ तोहसे कहइ बरे कहुब।” एह बरे बिलाम बालाक क जरिये पठए गए नेता लोगन क संग गवा।</verse>
				<verse number="36">बालाक सुनेस कि बिलाम आवत अहइ। एह बरे बालाक ओसे मिलइ बरे अर्नोन नदी क निअरे मोआबी सहर गवा। इ ओकरे देस क उत्तरी छोरे प रहा।</verse>
				<verse number="37">जब बालाक बिलाम क लखेस तउ उ बिलाम स कहेस, “मइँ एकरे पहिले आप स आवइ क कहेउँ रहा अउर इ भी बताएउँ रहा कि इ बहोत जियादा महत्व स भरा बाटइ। आप हमरे लगे काहे नाहीं आएन? का मइँ तोहका धन देइ क जोग्य नाहीं अहइ?”</verse>
				<verse number="38">मुला बिलाम उत्तर दिहस, “मइँ अब तोहरे लगे आवा अहउँ। मुला मइँ, जउन तू करइ क कहे रहा ओहमाँ स, साइद, कछू भी न कइ सकउँ। मइँ सिरिफ उहइ बातन तोहसे कइ सकत हउँ जउन यहोवा परमेस्सर मोसे कहइ क बताएस ह।”</verse>
				<verse number="39">तब बिलाम बालाक क किर्यथूसोत गवा।</verse>
				<verse number="40">बालाक कछू गोरु अउ कछू भेड़िन ओकरे भेंट क रूप मँ मारेस। उ कछू गोस बिलाम अउ कछू ओकरे संग क नेता लोगन क दिहस।</verse>
				<verse number="41">दूसरे भिन्सारे बालाक बिलाम क बमोत बाल नगर लइ गवा। उ सहर स उ पचे इस्राएली मनइयन क कछू सिबिर क लखि सकत रहेन।</verse>
			</chapter>
			<chapter number="23">
				<verse number="1">बिलाम कहेस, “हिआँ सात ठु वेदी बनावा। अउ मोरे बरे सात ठु बर्धा अउ सात भेड़ा तइयार करा।”</verse>
				<verse number="2">बालाक उ सब किहस जउन बिलाम कहेस। तब बिलाम अउ बालाक हर एक वेदी प एक ठु बर्धा अउ एक भेड़ा मारेस।</verse>
				<verse number="3">तब बिलाम बालाक स कहेस, “इ वेदी क लगे ठहरा। मइँ दूसर जगह जाब। तब साइद यहोवा मोरे लगे अहहीं अउर बतइहीं कि मइँ का कहउँ।” तब बिलाम एक ऊँचा जगह प गवा।</verse>
				<verse number="4">परमेस्सर उ ठउर प बिलाम क लगे आवा। अउर बिलाम कहेस, “मइँ सात ठु वेदी तइयार किहेउँ ह। अउर मइँ हर एक वेदी प एक ठु बर्धा अउ एक भेड़ा मारेउँ ह।”</verse>
				<verse number="5">तब यहोवा बिलाम क इ बताएस जउन ओका कहइ चाही। तब यहोवा कहेस, “बालाक क लगे जा अउ इ बातन क कहा जउन मइँ कहइ बरे बताएउँ ह।”</verse>
				<verse number="6">एह बरे बिलाम बालाक क लगे लउटा। बालाक तब तलक वेदी क निचके खड़ा रहा। अउर मोआब क सबहिं नेता लोग ओकरे संग खड़ा रहेन।</verse>
				<verse number="7">तब बिलाम इ सब बातन क कहेस: “मोआब क राजा बालाक मोका अरम स बोलाएस पूरबिया पहाड़न स। बालाक मोसे कहेस: ‘आवा अउ मोरे बरे याकूब क खिलाफ कहा आवा अउ इस्राएल क लोगन क खिलाफ कहा।’</verse>
				<verse number="8">परमेस्सर ओन मनइयन क खिलाफ नाहीं अहइ, एह बरे मइँ भी ओनके खिलाफ नाहीं कहि सकत हउँ। यहोवा ओनका बुरा होइ बरे नाहीं कहेस ह। एह बरे मइँ भी वइसा नाहीं कइ सकत हउँ।</verse>
				<verse number="9">मइँ ओन सबन क पहाड़े स लखत हउँ। मइँ अइसे मनइयन क लखत हउँ जउन अकेले रहत हीं। इ मनइयन कउनो दूसरे रास्ट्र क अंग नाहीं अहइँ।</verse>
				<verse number="10">कउन याकूब क मनइयन क गन सकत ह? उ सबइ बालू क कणे क तरह ढेर क बाटेन। इस्राएल क मनइयन क एक चउथाई क भी कउनो गन नाहीं सकत। मोका एक ठु नीक मनई क तरह मरइ द्या, मोका ओन मनइयन क तरह मरइ द्या।”</verse>
				<verse number="11">बालाक बिलाम स कहेस, “तू हमरे बरे का किहा ह? मइँ तोहका आपन दुस्मनन प सारप देइ बरे बोलाएउँ रहा। तू आपन सबन क आसीर्बाद दिहा ह।”</verse>
				<verse number="12">मुला बिलाम जवाब दिहस, “यहोवा मोहसे जउन कहइ क चाहत ह ओका मोका जरुर कहइ चाही।”</verse>
				<verse number="13">तब बालाक ओसे कहेस, “तउ मोरे संग कउनो दूसर ठउर प आवा। जहाँ तू ओन लोगन क लखि सकत ह। मुला तू ओनके एक हिंसा क लखि सकत ह, सबहिं क नाहीं लखि सकत ह। अउर उ ठउर स मोरे बरे ओनका सराप दइ सकत ह।”</verse>
				<verse number="14">एह बरे बालाक बिलाम क जोफिम क मइदान मँ लइ गवा। इ पिसगा पहाड़े क चोटी प रहा। बालाक उ ठउर प सात वेदी बनाएस। तब बालाक हर एक वेदी प बलि क रूप मँ एक ठु बर्धा अउ एक भेड़ा मारेस।</verse>
				<verse number="15">एह बरे बिलाम बालाक स कहेस, “इ वेदी प खड़ा रहा। मइँ उ ठउरे प परमेस्सर स भेंटइ जाब।”</verse>
				<verse number="16">तउ यहोवा बिलाम क लगे आवा अउ उ बिलाम क बताएस कि उ का कहइ। तब यहोवा बिलाम क बालाक क लगे लउटि आवइ अउ ओन बातन क कहइ बरे कहेस।</verse>
				<verse number="17">एह बरे बिलाम बालाक क लगे गवा। बालाक तब वेदी क लगे खड़ा रहा। मोअँब क नेता ओकरे संग रहेन। बालाक बिलाम क आवत भवा लखेस अउ ओसे पूछेस, “यहोवा का कहेस ह?”</verse>
				<verse number="18">तब बिलाम इ बातन क कहेस: “खड़ा ह्वा अउ मोर बात सुना। सिप्पार क पूत बालाक! मोरउ सुना।</verse>
				<verse number="19">परमेस्सर मनई नाहीं; उ लबार न बोली। परमेस्सर मनई स पइदा पूत नाहीं, ओकर फइसला बदली नाहीं। अगर यहोवा कहत ह कि उ कछू करी तउ उ ओका जरूर करी। जदि यहोवा बचन देत ह तउ आपन बचन क जरूर पूरा करी।</verse>
				<verse number="20">यहोवा मोका ओनका आसीर्बाद देइ क हुकुम दिहेस ह। यहोवा ओनका आसीर्बाद दिहेस ह, एह बरे मइँ ओका नाहीं बदल सकित।</verse>
				<verse number="21">परमेस्सर याकूब क मनइयन मँ कउनो दोख नाहीं पाएस। इस्राएल क लोगन मँ कउनो पाप नाहीं रहा। यहोवा ओनकइ परमेस्सर अहइ अउ ओनके संग बाटइ। महाराजा क पुकार ओनके संग अहइ।</verse>
				<verse number="22">परमेस्सर ओनका मिस्र स बाहेर लिआवा। इस्राएल क उ सबइ लोग जंगली साँड़े क तरह बलवान अहइँ।</verse>
				<verse number="23">कउनो ताकत नाहीं जउन याकूब क लोगन क हराइ सकइ। कउनो जादू इस्राएल क लोगन क नाहीं रोकइ सकत ह। याकूब क बारे मँ अउ इस्राएल क लोगन क बारे मँ भी मनइयन इ बात कहब्या, ‘परमेस्सर जउन महान काम किहे अहइ ओन पइ धियान द्या।’</verse>
				<verse number="24">मनई सेर क नाई सक्तीवाला होइहीं। उ सबइ सेर जइसे लड़िहीं। अउर इ सेर कबहुँ नाहीं आराम करी, जब तलक उ सिकार क खाइ नाहीं लेअत। जब तलक उ ओनकइ खून नाहीं पिअत जउन जुद्ध मइँ मारा गवा ह।”</verse>
				<verse number="25">तब बालाक बिलाम स कहेस, “तू नाहीं ओका सराप द्या अउर नाहीं ओका आसीर्बाद।”</verse>
				<verse number="26">बिलाम जवाब दिहस, “मइँ पहिले तोहसे कहि दिहेउँ ह कि मइँ सिरिफ उहइ करब जउन यहोवा मोका करइ बरे कहत ह।”</verse>
				<verse number="27">तब बालाक बिलाम स कहेस, “एह बरे तू मोर संग दूसर ठउर प चला। साइद कि ओनका उ जगह स सराप देइ स परमेस्सर खुस होइ।”</verse>
				<verse number="28">एह बरे बालाक बिलाम क पेऑर पहाड़े प लइ गवा। इ पहाड़ रेगिस्तान मँ दिखाँइ देत रहा।</verse>
				<verse number="29">बिलाम कहेस, “हिआँ सात वेदी बनावा। तब सात ठु साँड़ अउ सात भेड़ा क वेदी प बलि बरे तइयार करा।”</verse>
				<verse number="30">बालाक उहइ किहस जउन बिलाम कहेस। बालाक बलि क रूप मँ हरेक वेदी प एक ठु साँड़ अउ एक भेड़ा भारेस।</verse>
			</chapter>
			<chapter number="24">
				<verse number="1">बिलाम क मालूम भवा कि यहोवा इस्राएल क आसीर्बाद देइ चाहत हीं। एह बरे बिलाम कउनो किस्म क जादू टोना क प्रयोग कइके ओका बदलइ नाहीं चाहेस। मुला बिलाम मुड़ा अउ उ रेगिस्तान कइँती लखेस।</verse>
				<verse number="2">बिलाम रेगिस्तान क पार तलक लखेस अउ इस्राएल क सबहिं लोगन क लखेस। उ पचे आपन अलग-अलग परिवार समूहन क पहँटा मँ सिबिर डाए भए रहेन। तब परमेस्सर क आतिमा बिलाम प उतरी।</verse>
				<verse number="3">अउर बिलाम इ शब्दन क बोला: “बोर क पूत बिलाम क सँदेसा अहइ जउन मइँ साफ-साफ निहारत हउँ उहइ क बारे मँ बोलत हउँ</verse>
				<verse number="4">मइँ इ सँदेसा क परमेस्सर स सुनेउँ ह। मइँ लखेउ हँ जउन सर्वसक्तीमान परमेस्सर मोका देखॉएस ह। मइँ मूँड़ि निहुराइके बतावत हउँ जउन मइँ साफ-साफ देखॅत हउँ।</verse>
				<verse number="5">“याकूब क मनइयो! तोहार तम्बू बहोतइ सुन्नर अहइँ! इस्राएल क मनइयो! तोहार घर बहोतइ सुन्नर अहइँ!</verse>
				<verse number="6">तोहार तम्बू बगिया क नाई अहइँ जउन नदी क आगे लगावा गवा ह। तोहार घर उ बगिया क नाई बाटेन जउन नदी क किनारे बाढ़त रहत ह। तोहार घर मीठी महकउआ झाड़ी क नाई अहइँ जेका यहोवा उगाए बाटइ। तोहार घर सुन्नर बिरवा क नाई अहइँ जउन पानी स बाढ़त रहत हीं।</verse>
				<verse number="7">तोहका पिअइ क पानी हमेसा मिलत रही। तोहका खूब इफरात पानी बिआ क बाढ़इ बरे मिली। तोहार सबन क राजा अगग स बड़ा होइ। तोहरे राज्ज क बड़की महिमा होइ।</verse>
				<verse number="8">“परमेस्सर ओन लोगन क मिस्र स बाहेर लिआवा। उ ऍतना बरिआर सक्तीवाला अहइ जेतँना एक ठु अनेर साँड़। उ पचे आपन सबहिं दुस्मनन क नास कइ देब। उ ओकर हड्यिन क तोड़ देब अउ आपन तीरन स ओनका भेद देब।</verse>
				<verse number="9">उ सबइ सेर क नाई अहइँ जउन गुटुर-मुटुर बइठा अहइ अउर सोअत अहइ। कउनो मनई ओका जगावइ नाहीं चाहत। कउनो मनई जउन तोहका आसीर्बाद देइ, असीस पाइ। अउर कउनो मनई जउन तोहका सराप देइ उ पचे सराप पाइ।”</verse>
				<verse number="10">तब बिलाम प बालाक बहोत कोहान। बालाक बिलाम स कहेस, “मइँ तोहका आपन दुस्मनन पइ सराप देइ बरे हिआँ बोलाएउँ रहा। मुला तू ओनका आसीर्बाद दिहे अहा। तू ओनका तीन दाइँ आसीर्बाद दिहे अहा।</verse>
				<verse number="11">अब बिदा ह्वा अउ घरे जा। मइँ कहेउँ रहा कि मइँ तोहका बहोत जियादा अमीर बनाउब। मुला यहोवा तोहका इनाम पावइ स रोक रखे बाटइ।”</verse>
				<verse number="12">बिलाम बालाक स कहेस, “का मइँ ओन संदेसवाहकन क जेनका तू मोरे लगे पठाएस रहा नाहीं कहेस रहा:</verse>
				<verse number="13">‘बालाक आपन सोना चाँदी स भरा आपन घर मोका दइ सकत ह। मुला मइँ तब भी सिरिफ उहइ बात कहि सकत हउँ जेका कहइ बरे यहोवा हुकुम दिहे अहइ। मइँ नीक या बुरा खुद कछू नाहीं कइ सकत हउँ। मोका उहइ करइ चाही जउन यहोवा क हुकुम होइ।’ का तोहका याद नाहीं कि मइँ इ बातन तोहरे मनइयन स कहेउँ।</verse>
				<verse number="14">अब मइँ आपने लोगन क बीच जात अहउँ; मुला मइँ तोहका एक चिताउनी देब। मइँ तोहसे कहब कि भविस्स मँ इस्राएल क इ लोग तोहरे संग अउ तोहरे लोगन क संग का करिहीं।”</verse>
				<verse number="15">तब बिलाम इ बातन क कहेस: “बोर क पूत बिलाम क इ सब्द अहइँ। इ सबइ सब्द उ मनई क अहइँ जउन चीजन क साफ साफ लखि सकत ह।</verse>
				<verse number="16">मइँ परमेस्सर स इ सँदेसा सुनेउँ ह। मइँ गियान पाएउँ ह जउन सर्वोच्य परमेस्सर दिहेस ह जेका सर्वसक्तीमान परमेस्सर दिहेस ह। मइँ उ निहारेउँ ह। मइँ दण्डवत कइके कहत हउँ जउन मइँ निहारेउँ ह।</verse>
				<verse number="17">“मइँ लखत अहउँ कि यहोवा आवत बा, मुला अबहिं नाहीं। मइँ ओकर अवाई लखत हउँ, मुला हाली नाहीं। याकूब क परिवार स एक तारा आई। इस्राएल क मनइयन मँ स एक नवा राजा आई। उ राजा मोआबी मनइयन क मूँड़ खूँद देइ। उ सेथ क सबहिं पूतन क मूँड़न क चकना-चूर कइ देइ।</verse>
				<verse number="18">इस्राएल ताकतवर होइ! उ एदोम क राज्ज पाई। उ आपन दुस्मन सेइर क राज्ज पाई।</verse>
				<verse number="19">“उ याकूब क परिवार स सासन करब। सहर मँ उ सबन लोगन क नास करी जउन जिअत बचा भवा बाटेन।”</verse>
				<verse number="20">तब बिलाम आपन अमालेकी मनइयन क लखेस अउ इ बातन क कहेस: “सब रास्ट्रन मँ स अमालेकी सबन त जियादा बरिआर रहा। मुला अमालेकी भी बरबाद कइ दीन्ह जाइ!”</verse>
				<verse number="21">तब बिलाम केनित मनइयन क लखेस अउ ओसे इ सब बात किहेस: “तू सबइ पतियात ह कि तोहार देस उहइ तरह सुरच्छित बा, जइसे कउनो ऊँचे पहाड़े प एक चिरइया क झोंझ।</verse>
				<verse number="22">मुला तू कनित लोगो नस्ट होइ जाब्या जइसे यहोवा केन क नास किहेस ह। अससूर तोहका बन्दी बनाइ लेइ।”</verse>
				<verse number="23">तब बिलाम इ बतिया कहेस: “कउनो मनई नाहीं जी सकत जब परमेस्सर अइसा करत ह।</verse>
				<verse number="24">कित्तियन क घाट स जहाज अइहीं। उ सबइ अससूर अउ एबर क हरइहीं। मुला तब सब जहाज नस्ट कइ दीन्ह जइहीं।”</verse>
				<verse number="25">तब बिलाम उठा अउ आपन घर लउटि गवा अउ बालाक भी आपन राहे चला गवा।</verse>
			</chapter>
			<chapter number="25">
				<verse number="1">इस्राएल क लोग अबहिं सित्तीम क इलाका मँ सिबिर डाए रहेन। उ समई इस्राएली मनसेधूअन मोआबी मेहररुअन क संग वेस्यावृत्ति करइ लागेन।</verse>
				<verse number="2">मोआबी मेहररुअन मनसेधुअन क आवइ अउ आपन मिथ्य देवतन क भेंट चढ़ावइ मँ मदद करइ क न्यौतेन। इस्राएली लोगन हुवाँ भोजन किहन अउ देवतन क पूजन। उ ठउरे प इस्राएल क लोग इ तरह लबार देवता-पोर क बाल क पूजा सुरु किहन। यहोवा इ लोगन प किरोध किहेस।</verse>
				<verse number="3"></verse>
				<verse number="4">यहोवा मूसा स कहेस, “इ मनइयन क नेता लोगन क लिआवा। ओनका धूप मँ यहोवा क समन्वा लट्काइ द्या। तब यहोवा इस्राएल क मनइयन प न कोहाइ।”</verse>
				<verse number="5">तउ मूसा इस्राएल क जजन स कहेस, “तू पचन मँ स हर एक क आपन परिवार समूह मँ ओन लोगन क हेरिके निकारब अहइ जउन मनइयन क पेऑर क लबार देवता बाँल क आराधना खातिर अगुअइ किहन ह। तब तोहका उ मनइयन क जरुर मारि डावइ चाही।”</verse>
				<verse number="6">उ समइ मूसा अउ सबहिं इस्राएल क नेतन मिलापवाला तम्बू क दुआरे प एक संग बटुरा रहेन। एक इस्राएली मनई एक मिद्यानी मेहरारु क आपन परिवारे मँ आपन घरे लिआवा। उ इ हुवाँ किहेस जहाँ ओका मूसा अउ सारे देवता लखि सकत रहेन। मूसा अउ नेतन मिलापवाला तम्बू क समन्वा रोवत रहेन।</verse>
				<verse number="7">याजक हारून क पोता अउ एलीआज़ार क पूत पीनहास ऍका लखेन। एह बरे बइठक क तजि दिहस अउ आपन भाला उठाएस।</verse>
				<verse number="8">उ इस्राएली मनई क पाछे पाछे ओकरे तम्बू मँ गवा। तब उ इस्राएली मनसेधू अउ मिद्यानी मेहरारु क आपन भाला स मारि डाएस। उ तम्बू मँ आपन भाला क दुइनउँ क बदन स भोंकि के पार कइ दिहस। उ टेमॅ इस्राएल क लोगन मँ एक बड़की बेरामी सँचरी रही। मुला जब पीनाहास इ दुइनउँ मनइयन क मारि डाएस तउ बेरामी रुकि गइ।</verse>
				<verse number="9">इ बेरामी स 24,000 मनई मरि गवा रहेन।</verse>
				<verse number="10">यहोवा मूसा स कहेस,</verse>
				<verse number="11">“याजक हारून क पोता अउ एलीआज़ार क पूत फिनहस इस्राएल क लोगन क मोरे किरोध स बचाइ लिहस। उ लोगन क बीच मँ मोर बरे व्यग्रसील रहा। एह बरे मइँ लोगन क आपन व्यग्रता मँ नाहीं मारब्या।</verse>
				<verse number="12">एह बरे फिनहम स कहा कि मइँ ओकरे संग एक सान्ति क करार करइ चाहत हउँ।</verse>
				<verse number="13">उ अउ ओकरे पाछे बंसे मँ जन्मा मोरे संग एक करार करिहीं। उ पचे सदा याजकन रइहीं। काहे की उ आपन परमेस्सर क सम्मान बरे व्यग्रसील रहा उ इस्राएल क लोगन क पाप बरे प्रायस्चित किहेस।”</verse>
				<verse number="14">जउन इस्राएली मनई मिद्यानी मेहरारु क संग मारा गवा रहा ओकर नाउँ ज़िम्रि रहा। उ साल क पूत रहा। उ सिमोन क परिवार समूह क नेता रहा।</verse>
				<verse number="15">अउर मिद्यानी मेहरारु क मारी गइ रही ओकर नाउँ कोजबी रहा। उ जूर क बिटिया रही। उ अपने परिवार क मुखिया रहा। अउर उ मिद्यानी परिवार समूह क नेता रहा।</verse>
				<verse number="16">यहोवा मूसा स कहेस,</verse>
				<verse number="17">“मिद्यानी लोग तोहार दुस्मन अहइँ। तोहका ओनका मारि डावइ चाही।</verse>
				<verse number="18">उ पचे पहिले ही तोहका आपन दुस्मन बनाइ लिहे अहइँ। उ पचे तोहका ललचाएस अउ तू आपन लबार देवतन क पोर मँ पूजवाया। उ पचे तोहमाँ स एक मनई क कोजबी क संग वेस्यावृत्ति क अपराध करइ बरे बहकाएस। उ मिद्यानी नेता क बिटिया रही। मुला इहइ मेहरारु तब मारी गइ जब इस्राएली लोगन मँ महामारी फइली। इ महामारी एह बरे सँचर गइ काहेकि लोगन क संग लबार देवता बाल-पेऑर क आराधना करइ बरे छल कीन्ह ग रहा।”</verse>
			</chapter>
			<chapter number="26">
				<verse number="1">बड़की बेरामी क पाछे, यहोवा मूसा अउ हारून क पूत याजक एलीआज़ार स बात किहस।</verse>
				<verse number="2">उ कहेस, “सबहिं इस्राएली लोगन क गनती करा। हर एक परिवार क लखा अउ बीस बरिस या ओसे जियादा उमर क हर एक मनसेधू क गना जउन इस्राएल क फउज मँ सेवा करइ जोग्ग अहइँ।”</verse>
				<verse number="3">इ टेमॅ लोग मोआब क मइदानन मँ सिबिर डाए रहेन। इ जारिको स लइके यरदन नदी क उस पार तलक बसा भवा रहा। एह बरे मूसा अउ याजक एलीआज़ार मनइयन स बात किहन। उ पचे कहेन,</verse>
				<verse number="4">“तोहका बीस बरिस या ओसे जियादा उमर क हर एक मनसेधू क गनइ चाही। इहइ उ हुकुम रहा जउन यहोवा मूसा क मानइ बरे दिए रहा।” हिआँ ओन इस्राएल क लोगन क सूची बाटइ जउन मिस्र स आए रहेन:</verse>
				<verse number="5">इ सबइ रूबेन परिवार क लोग रहेन। (रूबेन इस्राएल क पहिलौटी क पूत रहा) इ सबइ परिवार रहेन: हनोक – हनोकी परिवार पल्लू – पल्लियत परिवार</verse>
				<verse number="6">हेस्रोन – हेस्रोनी परिवार। कर्मी – कर्मी परिवार।</verse>
				<verse number="7">रूबेन क परिवार समूह मँ उ सबइ परिवार रहेन। जोड़ मँ सब 43,730 मनसेधू रहेन।</verse>
				<verse number="8">पल्लू क पूत एलीआब रहा।</verse>
				<verse number="9">एलीआब क तीन पुत्र रहेन-नमूएल, दातान अउ अबीराम। इ याद राखा कि दातान अउ अबीराम दुइ नेता रहेन जउन मूसा अउ हारून क खिलाफ होइ गएन। उ पचे कोरह क मनवइया रहेन अउ कोरा यहोवा क बिरोधी होइ गवा।</verse>
				<verse number="10">उहइ टेमॅ रहा जब धरती फाटि गइ अउ कोरह अउर ओकरे सबहिं मनवइयन क धरती लील लिहेस। सब 250 मनसेधू मरि गएन। इ इस्राएल क सब मनइयन बरे एक संकेत अउ चिताउनी रही।</verse>
				<verse number="11">मुला कोरह क परिवार क दूसर लोग नाहीं मरेन।</verse>
				<verse number="12">सिमोन क परिवार समूह क इ परिवार रहेन। नमूएल – नमूएल परिवार यामीन – यामीन परिवार याकीन – याकीन परिवार</verse>
				<verse number="13">जेरह – जेराही परिवार साऊल – साऊल परिवार।</verse>
				<verse number="14">सिमोन क परिवार समूहन मँ उ सबइ परिवार रहेन। एहमाँ कुल 22,200 मनसेधू रहेन।</verse>
				<verse number="15">गाद क परिवार दलन मँ इ सबइ परिवार रहेन: सपोन – सपोन परिवार हाग्गी – हाग्गी परिवार सुनी – सुनी परिवार</verse>
				<verse number="16">ओजनी – ओजनी परिवार एरी – एरी परिवार</verse>
				<verse number="17">अरोद – अरोद परिवार अरेली – अरेली परिवार</verse>
				<verse number="18">गाद परिवार समूह क उ सबइ परिवार रहेन। एहमँ कुल 40,500 मनसेधू रहेन।</verse>
				<verse number="19">यहूदा परिवार समूह क इ सबइ परिवार रहेन: सेला – सेलनी परिवार पेरेस – पेरेस परिवार जेरह – जेरह परिवार (यहूदा क दुइ पूत एर अउ ओनान कनान मँ मर गए रहेन।)</verse>
				<verse number="20"></verse>
				<verse number="21">पेरेस क इ सबइ परिवार रहेन: हेस्रोन – हेस्रोनी परिवार हामूल – हामूल परिवार</verse>
				<verse number="22">यहूदा क परिवार समूह क उ सबइ परिवार रहेन। ऍनके कुल मनसेधुअन क गनती 76,500 रही।</verse>
				<verse number="23">इस्साकर क परिवार समूह क इ सबइ परिवार रहेन: तोला – तोला परिवार पुव्वा – पुव्वा परिवार</verse>
				<verse number="24">यासूब – यासूब परिवार सिम्रोन – सिम्रोन परिवार</verse>
				<verse number="25">इस्साकार परिवार समूह क इ सबइ परिवार रहेन। एहमाँ कुल मनसेधुअन क गनती 64,300 रही।</verse>
				<verse number="26">जबूलून क परिवार समूह क इ सबइ परिवार रहेन: सेरेद – सेरेद परिवार एलोन – एलोन परिवार यहलेल – यहलेल परिवार</verse>
				<verse number="27">जबूलून क परिवार समूह क उ सबइ परिवार रहेन। एहमाँ कुल मनसेधुअन क गनती 60,500 रही।</verse>
				<verse number="28">यूसुफ क दुइ पूत मनस्से अउ एप्रैम रहेन। हर एक पूत आपन परिवार क संग परिवार समूह बन गवा।</verse>
				<verse number="29">मनस्से क परिवार मँ इ सबइ रहेन: माकीर – माकीर परिवार। (माकीर गिलाद क बाप रहा।) गिलाद – गिलाद परिवार</verse>
				<verse number="30">गिलाद क परिवार क इ सबइ रहेन: ईएजेर – ईएजेर परिवार हेलेक – हेलेकी परिवार</verse>
				<verse number="31">अस्रीएल – अस्रीएली परिवार सेकेम – सेकेमी परिवार</verse>
				<verse number="32">समीदा – समीदा परिवार हेपेर – हेपेरी परिवार</verse>
				<verse number="33">हेपेर क पूत सलोफाद रहा। मुला ओकर कउनो पूत नाहीं रहा। सिरिफ बिटिया रही। ओकरी बिटियन क नाउँ महला, नोआ, होग्ला, मिल्का अउ तिर्सा रहेन।</verse>
				<verse number="34">मनस्से परिवार समूह क इ सबइ परिवार रहेन। एहमाँ कुल मनसेधुअन 52,700 रहेन।</verse>
				<verse number="35">एप्रैम क परिवार समूह क इ सबइ परिवार रहेन: सूतेलह – सूतेलही परिवार बेकरे – बेकरी परिवार तहन – तहनी परिवार</verse>
				<verse number="36">एरान सुतेलह परिवार क रहा। ओकर परिवार एरनी रहा।</verse>
				<verse number="37">एप्रैम क परिवार समूह मँ उ सबइ परिवार रहेन। कुल मनसेधुअन क गनती 32,500 रही। उ पचे अइसे सब लोग रहेन जउन जौसेफ क परिवार समूह क रहेन।</verse>
				<verse number="38">बिन्यामीन क परिवार समूह क परिवार इ सबइ रहेन: बेला – बेला परिवार असबेल – असबेली परिवार अहीरम – अहीरमी परिवार</verse>
				<verse number="39">सपूपाम – सपूपाम परिवार हूपाम – हुपामी परिवार</verse>
				<verse number="40">बेला क परिवार मँ इ सबइ रहेन: अर्द – अर्दा परिवार नामान – नामानी परिवार</verse>
				<verse number="41">बिन्यामीन क परिवार समूह क इ सबइ परिवार रहेन। एहमाँ मनइयन क कुल गनती 45,600 रही।</verse>
				<verse number="42">दान क परिवार समूह मँ इ सबइ परिवार रहेन: सूहाम – सूहामी परिवार समूह। दान क परिवार समूह स उ परिवार समूह रहा।</verse>
				<verse number="43">सुहमीत परिवार-दल मँ बहोत स परिवार रहेन। एहमाँ मनसेधुअन क गनती 64,400 रही।</verse>
				<verse number="44">आसेर क परिवार समूह क इ सबइ परिवार रहेन: यिम्ना – यिम्नी परिवार यिस्र – यस्री परिवार बरीआ-बरीआ परिवार।</verse>
				<verse number="45">बरीआ क इ सबइ परिवार अहइँ: हेबेर – हेबेरी परिवार मल्कीएल – मल्कीएली परिवार।</verse>
				<verse number="46">(आसेर क एक बिटिया सेरा नाउँ क रही।)</verse>
				<verse number="47">आसेर क परिवार समूहँ मँ उ सबइ परिवार रहेन। एहमाँ मनसेधुअन क गनती 53,400 रही।</verse>
				<verse number="48">नेपताली क परिवार समूह क इ सबइ परिवार रहेन: यहसेल – यहसेली परिवार गूनी – गुनी परिवार</verse>
				<verse number="49">येसेर – येसेरी परिवार सिल्लेम – सिल्लेमी परिवार</verse>
				<verse number="50">नपताली क परिवार समूह क उ सबइ परिवार रहेन। एहमाँ मनसेधुअन क कुल गनती 45,400 रही।</verse>
				<verse number="51">इ तरह इस्राएल क कुल मनसेधुअन क गनती 6,01,730 रही।</verse>
				<verse number="52">यहोवा मूसा स कहेस,</verse>
				<verse number="53">“हर एक परिवार क धरती दीन्ह जाइ। इ उहइ प्रदेस अहइ जेकरे बरे मइँ बचन दिहेउँ ह। हर एक परिवार समूह ओन मनइयन बरे ढेर क धरती पाइ जइहीं जेनका गना गवा।</verse>
				<verse number="54">बड़कवा परिवार समूह जियादा भुइयाँ पाई अउ छोटा परिवार समूह कमती भुइयाँ पाई। मुला हर एक परिवार समूह क भुइयाँ मिली, जेकरे बरे मइँ बचन दिहेउँ ह। अउर जउन भुइयाँ क उ पचे पइहीं। उ ओनके गनी भइ गनती क बराबर होइ।</verse>
				<verse number="55">हर एक परिवार समूह क पाँसा डाइ के आधार प तय कइके धरती दीन्ह जाइ। अउर उ पहँटा क उहइ नाउँ होइ जउन उ परिवार समूह क होइ।</verse>
				<verse number="56">उ पहँटा जेका मइँ लोगन क देइ क बचन दिहेउँ ह, ओकरे बपोती मँ होइ। इ बड़के अउ छोटके परिवार समूह क दीन्ह जाइ। तय करइ बरे तोहका पाँसा फेंकइ क होइ।”</verse>
				<verse number="57">लेवी क परिवार समूह भी गना गवा। लेवी क परिवार समूह क इ परिवार अहइँ: गेर्सोन – गेर्सोन परिवार कहात – कहात परिवार मरारी – मरारी परिवार</verse>
				<verse number="58">लेवी क परिवार समूह स इ भी परिवार रहेन: लिब्नी परिवार हेब्रानी परिवार महली परिवार मुसी परिवार कहात परिवार अम्राम कहात क परिवार समूह क रहा।</verse>
				<verse number="59">अम्राम क मेहरारु क नाउँ योकेबेद रहा। उ भी लेवी क परिवार समूह क रही। ओकर जन्म मिस्र मँ भवा रहा। अम्रान अउ याकेबेद क पूत हारून अउ मूसा रहेन। ओनकइ एक बिटिया मिरियम भी रही।</verse>
				<verse number="60">हारून नादाब, अबीहू, एलीआज़ार अउ इतामार क बाप रहा।</verse>
				<verse number="61">मुला नादाब अउ अबीहू मर गएन। काहे की उ पचे यहोवा क उ आगी स भेंट चढ़ाएन जउन ओनके बरे ओनकइ अधिकार नाहीं रहा।</verse>
				<verse number="62">लेवी परिवार समूह क सबहिं मनइयन क गनती 23,000 रही। मुला इ सबइ इस्राएल क दूसर लोगन क संग नाहीं गना गएन उ धरती नाहीं पाइ सकेन जेका दूसर लोगन क देइ क बचन यहोवा दिहे रहा।</verse>
				<verse number="63">मूसा अउ याजक एलीआज़ार इ सबहिं मनइयन क गनेन। उ पचे इस्राएल क लोगन क मोआब क मइदान मँ गनेन। इ यरीहो स यर्दन नदी क पार रहा।</verse>
				<verse number="64">बहोत टेमॅ पहिले मूसा अउ याजक हारून इस्राएल क मनइयन क रेगिस्तान, मँ गने रहेन। मुला उ सबइ लोग मरि गवा रहेन। मोआब क मइदान मँ मूसा जउन लोगन क गनेन। उ पचे पहिले गना गए भए मनइयन स अलग रहेन।</verse>
				<verse number="65">इ एह बरे भवा कि यहोवा इस्राएल क लोगन स इ कहे रहा कि उ सबइ रेगिस्तान मँ मरिहीं। ओकर मारइ क पाछे जउन सिरिफ दुइ बचा रहेन उ यपुन्ने क पूत कालेब अउ नून क पूत यहोसू रहेन।</verse>
			</chapter>
			<chapter number="27">
				<verse number="1">सलोफाद हेपेर क पूत रहा। हेपेर गिलाद क पूत रहा। गिलाद माकीर क पूत रहा। माकीर मनस्से यूसुफ क पूत रहा। सलोफाद क पाँच बिटियन रहिन। ओनकइ नाउँ महला, नोवा, होग्ला, मिल्का अउ तिर्सा रहा।</verse>
				<verse number="2">इ पाँचउ मेहररुअन मिलापवाला तम्बू मँ गइन अउ मूसा याजक एलीआज़ार, नेता लोग अउ एक संग बटुरे मनइयन ओनका लखेन। पाँचउ बिटियन कहेन,</verse>
				<verse number="3">“हमार बाप उ सबइ मरि गएन जब हम पचे रेगिस्तान मँ जात्रा करत रहिन। ओकर मउत ओकर पाप बरे भइ। उ ओन मनइयन मँ नाहीं रहा जउन कोरह क दल मँ मिलि गवा। (कोरह उहइ रहा जउन यहोवा क खिलाफ होइ गवा रहा।) हमरे बाप क कउनो बेटवा नाहीं रहा।</verse>
				<verse number="4">ऍकर इ अरथ भवा कि हमरे बाप क नाउँ न चली। इ ठीक नाहीं कि हमरे पिता क नाउँ नाहीं चलइ। ओकर नाउँ मेट जाइ काहे की ओकरे कउनो पूत नाहीं अहइ। एह बरे हम पचे माँग करित ह कि हमका कछू भुइयाँ उ भूइँया क अलवा दीन्ह जाइ जेका हमरे पिता क भाई लोग उत्तराधिकार क रूप मँ पइहीं।”</verse>
				<verse number="5">एह बरे मूसा यहोवा स पूछेस कि उ का करइ।</verse>
				<verse number="6">यहोवा ओसे कहेस,</verse>
				<verse number="7">“सलोफाद क बिटियन फुरे कहत हीं। तोहका ओनके चाचा क संग संग ओनका भी धरती क हींसा देइ चाही, जउन तू ओनके बाप क देत्या।</verse>
				<verse number="8">“एह बरे इस्राएल क मनइयन बरे ऍका कनून बनइ द्या: ‘जदि कउनो मनई क पूत न होइ अउर उ मरि जात ह तउ हर एक चीज ओकर बाटइ ओकरे बिटिया क होइ।</verse>
				<verse number="9">जदि ओका कउनो बिटिया न होइ तउ जउन कछू भी होइ ओकरे भइयन क दीन्ह जाइ।</verse>
				<verse number="10">जदि ओकर कउनो भाई न होइ तउ जउन कछू ओकर होइ ओकरे पिता क भाइयन क दीन्ह जाइ।</verse>
				<verse number="11">अगर ओकरे बाप क कउनो भाई न होइ तउ जउन कछू ओकर होइ ओकरे परिवार क सबन न निचेक क नातेदाद क दीन्ह जाइ। इस्राएल क लोगन मँ इ कनून होइ चाही। यहोवा मूसा क इ हुकुम देत ह।’”</verse>
				<verse number="12">तब यहोवा मूसा स कहेस, “उ पहाड़न क कतारन मँ एक क ऊपर चढ़ा जउन यरदन नदी क पूरब रेगिस्ताने मँ बा। तु उ धरती क निहरब्या जेका मइँ इस्राएल क मनइयन क देत अही।</verse>
				<verse number="13">जब तू इ पहँटा क लखि लेब्या तब तू आपन भाई हारून क तरह मरि जाब्या।</verse>
				<verse number="14">उ बात क सुमिरा जब लोग सीन क रेगिस्तान मँ पानी बरे कोहान रहेन। तू अउ हारून दुइनउँ मोर हुकुमबदूली किहा ह। तू पचे मोर मान नाहीं किहा अउ मनइयन क अगवा पवित्तर नाहीं बनाया रहा।” (इ पानी जिन क रेगिस्तान मँ कादेस क भीतर मरीबा मँ रहा।)</verse>
				<verse number="15">मूसा यहोवा स कहेस,</verse>
				<verse number="16">“यहोवा परमेस्सर अहइ। उहइ जानत ह कि लोग का सोचत अहइँ। यहोवा मोर बिनती अहइ कि तू इ मनइयन बरे एक नेता चुना।</verse>
				<verse number="17">मइँ बिनती करत हउँ कि यहोवा एक अइसा नेता चुनी जउन ओनका इ प्रदेस स बाहेर लइ जाइ अउर ओनका नवा पहँटा मँ पहोंचाई। तब यहोवा क लोग बे गड़रिया क भेड़ी क नाई न होइहीं।”</verse>
				<verse number="18">एह बरे यहोवा मूसा स कहेस, “नून क पूत यहोसू नेता होइ। यहोसू बहोत बुद्धिमान अहइ। ओवा नवा नेता बनावा।</verse>
				<verse number="19">ओसे याजक एलीआज़ार अउ पूरा धामिर्क मण्डली क समन्वा खड़ा होइ क कहा। तब ओका सबहिं लोगन क समन्वा नवा नेता बनावा।</verse>
				<verse number="20">“मनइयन क इ देखॉवा कि तू ओका नेता बनावत अहा, तब सबहिं ओकर हुकुम मनिहीं।</verse>
				<verse number="21">जदि यहोसू कउनो खास निर्णम लेइ चाही तउ ओका याजक एलीआज़ार क लगे जाइ क होइ। एलीआज़ार उरिम क प्रयोग यहोवा क जवाब जानइ बरे करी। तब यहोसू अउ इस्राएल क सब लोग उ करिहीं जउन परमेस्सर कइहीं। जदि परमेस्सर कहत ह ‘बाहर जा।’ तब उ पचे ओनका बाहर लइ जाइ, अउर अगर उ कहत ह, ‘घरे प अराम करा।’ तउ उ पचे घर मँ आराम करिहीं।”</verse>
				<verse number="22">मूसा यहोवा क आग्या मानेस। मूसा यहोसू याजक एलीआज़ार अउ इस्राएल क सब लोगन क समन्वा खड़ा होइके कहेस।</verse>
				<verse number="23">तब मूसा आपन हाथे क ओकरे मूँड़े प देखॉवइ बरे धरेस कि उ नवा नेता अहइ। उ वइसे ही किहेस जइसा यहोवा कहे रहा।</verse>
			</chapter>
			<chapter number="28">
				<verse number="1">तब यहोवा मूसा स बात किहेस। उ कहेस,</verse>
				<verse number="2">“इस्राएल क मनइयन क इ हुकुम द्या। ओनसे कहा कि उ पचे मोर बलिदानन अउर अन्नबलि क भोजन जेकर सुगन्ध मोका प्रसन्न करत हीं क भेंट बारी गइ भेंट दुआरा चढ़ावइँ। इ निहिचित करा कि ओका उचित समइ मँ भेंट करइ चाही।</verse>
				<verse number="3">इ होमबलि क ओनका यहोवा बरे चढ़ावइ चाही। ओनका दोख क बिना एक बरिस का दुइ ठु मेमना रोज भेंट क रूप मँ चढ़ावइ चाही।</verse>
				<verse number="4">मेमनन मँ स एक क भिन्सारे चढ़ावा अउ दूसर मेमना क सर्यास्त क टेमॅ।</verse>
				<verse number="5">ऍकरे अलावा एपा क दसवाँ हींसा अन्नबलि हीन क चौथाई जइतून क तेल क संग मिला भवा आटा क द्या।”</verse>
				<verse number="6">(इ रोज क होम बलि अहइ जउन सीनै पहाड़ प प्रथम दाईं सरू किहे गवा रहेन। इ बारी गइ भेंट रही जउन यहोवा बरे सुहावना सुगन्ध अहइ।)</verse>
				<verse number="7">“मनइयन क बारी गइ भेंट क संग पयेबलि करइ चाही। ओनका हर एक भेड़ क संग हीन क एक चौथाई दाखरस देइ चाही। उ पयेबलि क पवित्तर ठउरे मँ वेदी प डावा। इ यहोवा क भेंट अहइ।</verse>
				<verse number="8">दूसरे भेड़ा क भेंट गोधूरि क टेमॅ चढ़ावा। ऍका भिन्सारे क भेंट क तरह चढ़ावा। अन्नबलि अउ दाखरस क एक ही तरीका स भेंट करिहीं। इ बारी गइ भेंट रही जउन यहोवा बरे सुहावना सुगन्ध अहइ।</verse>
				<verse number="9">“सबित क दिन एक बरिस क बेदोखे क दुइ मेमना जइतून क तेल क संग मिला एपा क दुइ दसवाँ हींसा बढ़िया आटा क अन्नबलि अउ पयेबलि अउ दाखरस भी चढ़ावा।</verse>
				<verse number="10">इ हरेक सबित क दिन क खास भेंट अहइ। इ भेंट रोजाना राजे क भेंट अउ दाखरस क भेंट क अलावा अहइ।”</verse>
				<verse number="11">“हर एक महीना क पहिले दिन तू यहोवा क होमबलि चढ़उब्या। इ भेंट बेदोखे क दुइ बर्धा, एक भेड़ा अउ एक बरिस क सात मेमना होइ।</verse>
				<verse number="12">हर एक बर्धा क संग जइतून क तेल क संग जेहमा एपा क तीन दसवाँ हींसा बढ़िया आटा क भेंट भी चढ़ावा। हर एक भेड़ा क संग जइतून क तेल क संग मिला एपा क दुइ दसवाँ हींसा बढ़िया आटा क भेंट भी चढ़ावा।</verse>
				<verse number="13">हर एक भेड़ क बच्चा क संग जइतून क तेल क संग मिला भवा एपा क दसवाँ हींसा बढ़िया आटा क भेंट भी चढ़ावा। इ होमबलि अहइ जे आगी मँ तइयार भवा अहइ इ यहोवा बरे सुहावना सुगन्ध अहइ।</verse>
				<verse number="14">पयेबलि मँ आधा हीन दाखरस हर एक बर्धा क संग, तिहाई हीन दाखरस हर एक भेड़ा क संग अउ चौथाई हीन दाखरस हर एक मेमना क संग होइ चाही। इ होमबलि अहइ जउन बरिस क हर एक महीना चढ़ावइ जाइ चाही।</verse>
				<verse number="15">हमेसा रोजाना क होमबलि अउ पयेबलि क अलावा तोहका यहोवा क एक बोकरा देइ चाही। उ बोकरा पापबलि होइ।</verse>
				<verse number="16">“पहले महीना नीसान क चउदहवाँ दिन यहोवा क सम्मान मँ फसह पर्व होइ।</verse>
				<verse number="17">उ महीना क पन्द्रहवाँ दिन बे खमीरे क रोटी क दावत सुरु होत ह। इ पवित्तर जलसा सात दिनाँ तलक रहत ह। तू सिरिफ उहइ रोटी खाइ जउन बे खमीरे क होइ।</verse>
				<verse number="18">इ पवित्तर जलसा क पहिले दिन तोहका खास बइठक बोलावइ चाही। उ दिन तोहका कउनो काम नाहीं करइ चाही।</verse>
				<verse number="19">तू यहोवा क होमबलि देब्या। इ होमबलि दोख क बिना दुइ बर्धा, एक ठु भेड़ा अउ एक बरिस क सात ठु मेमना होइ।</verse>
				<verse number="20">हर एक बर्धा क साथ जइतून क तेल क साथ साना भवा एपा क तीन दसवाँ हींसा बढ़िया आटा, भेड़ा क संग जइतून क तेल क संग साना भवा एपा क दुइ दसवाँ हींसा बढ़िया आटा अउर हर एक मेमना क संग एपा क दसवाँ हींसा जइतून क तेल क संग साना भवा बढ़िया आटा क अन्नबलि भी होइ।</verse>
				<verse number="21"></verse>
				<verse number="22">तोहका एक बोकरा भी देइ चाही। उ बोकरा तोहरे बरे पापबलि होइ। इ तोहरे पाप क ढाँपि देइ।</verse>
				<verse number="23">तू पचन क ओन भेंटन क अलवा देइ चाही जउन तू हर एक भिन्सारे होमबलि क रूप मँ देत रहत ह।</verse>
				<verse number="24">“उहइ तरह तोहका सात दिनाँ तलक बलि भेंट देइ चाही। इ आगी क दुआरा होमबलि क रूप मँ अन्न भेंटन होइ। इ यहोवा बरे सुहावना सुगन्ध अहइ। तू नेमॅ स होमबलि अउ ऍकर दाखरस भेंट चढ़उब्या। ऍकरे अलावा तू भोजन चढ़उब्या। होमबलि क अलावा इ भेंट क तोहका देइ चाही जउन तू रोज देत ह।</verse>
				<verse number="25">“तब फसह क सतऍ दिन तू एक पवित्तर सभा बुलाउब्या, अउर उ दिन तू कउनो काम नाहीं करब्या।</verse>
				<verse number="26">“पहिले फल क उत्सव क अवसर पइ तोहका यहोवा क एक नवा अनाज क भेंट जरूर देइ चाहीं। उ टेमॅ प तोहका एक खास बइठक बोलावइ चाही। तू उ दिन कउनो काम नाहीं करब्या।</verse>
				<verse number="27">तू पचे होमबलि चढ़उब्या। उ बलि यहोवा बरे सुहावानी सुगन्ध होइ। तू सबइ बे दोखे क दुइ साँड़, एक-एक बरिस क भेड़ा अउ सात मेमना क भेंट चढ़उब्या।</verse>
				<verse number="28">तू हर एक साँड़ क संग जइतून क तेल क संग साना भवा एपा क तीन दसवाँ हींसा बढ़िया आटा, हर एक भेड़ा क संग एपा क दुइ दसवाँ हींसा</verse>
				<verse number="29">अउ हर एक मेमना क संग एपा क दसवाँ हींसा आटा क भेंट चढ़उब्या।</verse>
				<verse number="30">तोहका आपन पापे क ढाँपइ बरे एक ठु बैंकरा क बलि चढ़ावइ चाही।</verse>
				<verse number="31">तोहका इ भेंट रोजाना क दग्ध-भेंट अउ ऍकर अन्नबलि क अलावा चढ़ावइ चाही। ठान ल्या कि गोरुअन मँ कउनो दोख नाहीं हो। अउर इ निहचय करि ल्या कि पयेबलि ठीक बाटइ।</verse>
			</chapter>
			<chapter number="29">
				<verse number="1">“सातवाँ महीना क पहिले दिन एक खास बइठक होइ। तू सबइ उ दिन कउनो काम नाहीं करब्या। उ तुरही बजावइ क दिन अहइ।</verse>
				<verse number="2">तू पचे होमबलि चढ़उब्या। इ भेंटन यहोवा बरे सुहावनी सुगन्ध होइ। तू बेदोखे क एक साँड़ एक भेड़ा अउ एक-एक बरिस क सात मेमना चढ़उब्या।</verse>
				<verse number="3">तू पचे एपा क तीन दसवाँ हींसा तेल स सना भवा नीक आटा हरेक बर्धा क संग, अउ एपा क दुइ दसवाँ हींसा भेंड़ा क संग चढ़ाउब्या।</verse>
				<verse number="4">सात मेमना मँ स हरेक क संग एपा क दसवाँ हींसा आटा क भेंट चढ़उब्या।</verse>
				<verse number="5">एकरे अलावा पापबलि बरे एक बोकरा भी चढ़उब्या। इ तोहरे पापे क ढाँपी।</verse>
				<verse number="6">इ भेंटन नवा चन्द्रिमा भेंट अउ ओकरे अन्नबलि क अलावा होइ। अउर इ रोज क भेंट, एकर अन्नबलि अउ पयेबलि क अलावा होइहीं। इ नेम क मुताबिक कीन्ह जाइ चाही। एनका आगी बारइ चाही। इ यहोवा क बरे सुहावनी सुगन्ध होइ।</verse>
				<verse number="7">“सतऍ महीना क दसवाँ दिन एक खास बइठक होइ। उ दिन तू उपवास रखब्या अउर तू कउनो काम नाहीं करब्या।</verse>
				<verse number="8">तू होमबलि भेंट करब्या। इ यहोवा बरे सुहावनी गन्ध होइ। तू बे दोखे क एक ठू साँड़ एक ठु भेड़ा अउ एक बरिस क सात मेमना भेंट चढ़उब्या।</verse>
				<verse number="9">हर एक बर्धा क संग जइतून क तेले स साना भवा एपा क तीन दसवाँ हींसा आटा, भेड़न क संग एपा क दुइ दसवाँ हींसा आटा।</verse>
				<verse number="10">अउ हर एक सातहु मेमना क संग एपा क दसवाँ हींसा आटा क भेंट चढ़उब्या।</verse>
				<verse number="11">तू एक बोकरा भी पापबलि क अलावा भेंट करब्या। इ पाप बरे प्रायस्चित क अतिरिक्त होइ। इ रोजाना क बलि, अन्नबलि अउ पयेबलि क अलावा भी होइ।</verse>
				<verse number="12">“सतऍ महीना क पन्द्रहवाँ दिन एक खास बइठक होइ। इ कुटीर क त्यौहार होइ। तू उ दिना कउनो काम नाहीं करब्या। तू यहोवा बरे खास छुट्टी सात दिना तलक मनउब्या।</verse>
				<verse number="13">तू होमबलि चढ़उब्या। इ यहोवा बरे सुहावनी सुगन्ध होइ। तू तेरह बर्धा, दुइ भेड़ा अउ एक बरिस क चउदह मेमना चढ़उब्या।</verse>
				<verse number="14">तू तेरह बर्धा मँ स हर एक बरे जइतून क तेल क संग साना भवा एपा क तीन दसवाँ हींसा आटा, दुइनउँ भेड़न मँ स हर एक बरे एपा क दुइ दसवाँ हींसा</verse>
				<verse number="15">अउ चउदह भेड़न मँ स हर एक बरे एपा क दसवाँ हींसा आटा क भेंट चढ़उब्या।</verse>
				<verse number="16">तोहका एक ठु बोकरा भी पाप भेंट क रूप मँ अर्पित करइ चाही। इ रोजाना क भेंट अउ एकर अनाज अउ दाखरस भेंट क अलावा होइ।</verse>
				<verse number="17">“इ पवित्तर दिन क दूसरे दिन तोहका बारह बर्धा, दुइ भेड़ा अउ चउदह ऍक बरिस क मेमना चढ़ावइ चाही। इ सबइ बिना दोख क होइ चाही।</verse>
				<verse number="18">तोहका साँड़, भेड़ा अउ मेमना क संग गनती क मुताबिक तउले मँ अन्नबलि अउ पयेबलि भी चढ़ावइ चाही।</verse>
				<verse number="19">तोहका पापबलि क रूप मँ एक ठु बोकरा क भी भेंट चढ़ावइ चाही। इ रोजाना क भेंट अउ अन्न अउ पयेबलि क अलावा भेंट होइ।</verse>
				<verse number="20">“इ पवित्तर दिन क तीसर दिन तोहका बे दोखे क गियारह साँड़, दुइ भेड़ा अउ एक-एक बरिस क मेमना क भेंट चढ़ावइ चाही।</verse>
				<verse number="21">तोहका बर्धा, भेड़ा अउ मेमना क ठीक गनती क मुताबिक अन्न अउ पयेबलि चढ़ावइ चाही।</verse>
				<verse number="22">तोहका पापबलि क रूप मँ एक बोकरा क भी देइ चाही। इ रोजाना क भेंट अउ अन्नबलि अउ पयेबलि क अलावा भेंट होइ।</verse>
				<verse number="23">“इ पवित्तर दिन क चउथा दिन तोहका बे दोखि क दस साँड़, दुइ भेड़ा अउ एक-एक बरिस क चउदह मेमना भेंट चढ़ावइ चाही। इ सबइ बेदोख होइ चाही।</verse>
				<verse number="24">तोहका बर्धा, भेड़ा अउ मेमना क ठीक सख्याँ क मुताबिक अन्न अउ पयेबलि चढ़ावइ चाही।</verse>
				<verse number="25">तोहका पापबलि क रूप मँ एक बोकरा क भी च़ढ़ावइ चाही। इ रोजाना क भेंट अउ अन्नबलि अउ पेयबलि क अलावा होइ चाही।</verse>
				<verse number="26">“इ पवित्तर दिन क पँचए दिन तोहका बेदोख क नौ साँड़, दुइ भेड़ा अउ एक-एक बरिस क चउदह मेमना भेंट चढ़ावइ चाही। इ सबइ बेदोख होइ चाही।</verse>
				<verse number="27">तोहका बर्धा, भेड़ा अउ मेमना क ठीक संख्याँ क मुताबिक अन्न अउ पयेबलि चढ़ावइ चाही।</verse>
				<verse number="28">तोहका पापबलि क रूप मँ एक बोकरा क भी भेंट चढ़ावइ चाही। इ रोजाना क भेंट अउ अन्नबलि अउ पेयबलि क अलावा होइ चाही।</verse>
				<verse number="29">“इ पवित्तर दिन क छठऍ दिन तोहका बे दोखे क चउदह साँड़, दुइ भेड़ा अउ एक-एक बरिस क चउदह मेमना क भेंट चढ़ावइ चाही।</verse>
				<verse number="30">तोहका बर्धा, भेड़ा अउ मेमना क संग जेतँना होइ चाही उ मात्रा मँ अन्न अउ पयेबलि चढ़ावइ चाही।</verse>
				<verse number="31">तोहका पापबलि क रूप मँ एक बोकराँ क भी भेंट देइ चाही। इ रोजाना क भेंट अउ अन्नबलि अउर पयेबलि क अलावा भेंट होइ।</verse>
				<verse number="32">“इ पवित्तर दिन क सतऍ दिन तोहका बेदोख क सात साँड़, दुइ भेड़ा, अउ एक-एक बरिस क चउदह मेमना क भेंट चढ़ावइ चाही।</verse>
				<verse number="33">तोहका बर्धा, भेड़ा अउ मेमना क संग गनी भइ गनती मँ अन्न अउ पयेबलि चढ़ावइ चाही।</verse>
				<verse number="34">तोहका पापबलि क रूप मँ एक बोकरा क भी भेंट देइ चाही। इ रोजाना क भेंट अउ अन्नबलि तथा पयेबलि क अलावा भेंट होइ।</verse>
				<verse number="35">“इ पवित्तर दिन क अठवाँ दिन तोहका एक समापन बइठक करइ चाहीं। तोहका उ दिन कउनो काम नाहीं करइ चाही।</verse>
				<verse number="36">तू होमबलि अउ आगी क भेंट चढ़ावा। इ यहोवा बरे सुहावनी सुगंध होइ। तोहका बेदोखे क एक साँड़, एक भेड़ा अउ एक एक बरिस क सात मेमना भेंट मँ चढ़ावइ चाही।</verse>
				<verse number="37">तोहका साँड़, भेड़ा अउ भेड़ी क बच्चा बरे गनी भइ मात्रा मँ अन्न अउ पयेबलि देइ चाही।</verse>
				<verse number="38">तोहका पापबलि क रूप मँ एक बोकरा क भी भेंट देइ चाही। इ रोजाना क भेंट अउ अन्नबलि अउ पयेबलि क अलावा भेंट होइ चाही।</verse>
				<verse number="39">“उ सबइ तोहार खास दिन यहोवा क सम्मान बरे अहइ। तोहका एपा क दसवाँ हींसा ओन बचन भेंट, आपन स्वेच्छा भेंट, होमबलि, अन्नबलि, पयेबलि अउ मेलबलि क अलावा इ पवितर दिनन म मानइ चाहीं।”</verse>
				<verse number="40">मूसा इस्राएल क लोगन स ओन सबहिं बातन क कहेस जउन यहोवा ओका हुकुम दिहे रहा।</verse>
			</chapter>
			<chapter number="30">
				<verse number="1">मूसा सबहिं इस्राएली परिवार समूहन क नेता लोगन स बात किहेस। मूसा यहोवा क इ आदेस क बारे मँ ओनसे कहेस।</verse>
				<verse number="2">“अगर कउनो मनई परमेस्सर क खास बचन देइ चाहत ह या जदि उ मनई परमेस्सर क कछू खास न्यौछावर करइ क बचन देत ह तउ ओका वइसे ही करइ द्या। मुला ओन मनई क ठीक वइसेन ही करइ चाही जइसा उ बचन दिहे अहइ।</verse>
				<verse number="3">“होइ सकत ही कि कउनो जवान मेहरारु आपन पिता क घर रहत होइ जउन जवान अहइ। अउर उ मेहरारु यहोवा क कछू चढ़ावइ क बचन देत होइ।</verse>
				<verse number="4">अउर ओकर बाप इ बचन क बारे मँ सुनत ह अउर ओकर बरे (बचन क रद्द करइ बरे) कछू नाहीं कहत ह तउ उ जवान मेहरारू क बचन तउ जरुर पूरा कइ देइ चाही जेका करइ क उ बचन दिहे अहइ।</verse>
				<verse number="5">मुला अगर ओकर बाप ओकर दीन्ह गवा बचन क बारे मँ सुनिके ओका पूरा करइ स मना करत ह तउ उ मेहरारु क उ बचन पूरा नाहीं करइ चाही जेका उ बचन लिहेस ह। काहेकि ओकर बाप ओका रोकेस। एह बरे यहोवा ओका छिमा करिहीं।</verse>
				<verse number="6">“होइ सकत ह कि कउनो मेहरारु बात ही बातन मँ बे सोचे बिचारे कउनो किरिया खाइ लेत ह अउ पाछे ओकर बियाह होइ जात ह।</verse>
				<verse number="7">अउर भतार दीन्ह गवा बचन क बारे मँ सुनत ह अउ अउर ओकर (बचन क रद्द करइ) बरे कछू नाहीं कहत ह। तउ उ मेहरारु क आपन दीन्ह गवा बचन क मुताबिक काम क पूरा कइ लेइ चाही।</verse>
				<verse number="8">मुला जदि भतार दीन्ह गवा बचन क बारे मँ सुनत ह अउ ओका अंगीकार नाहीं करत ह तउ मेहरारु क दीन्ह गवा बचन क पूरा नाहीं करइ क पड़ी। ओकर भतार ओकर बचन रोकि दिहन-उ ओका कही गइ बात क पूरा नाहीं करइ दिहस। एह बरे यहोवा ओका छिमा करिहीं।</verse>
				<verse number="9">“कउनो राँड़ या तलाक दीन्ह गइ मेहरारु खास बचन दइ सकत ह। अगर उ अइसा करत ह तउ ओका आपन ठीक बचन क मुताबिक करइ चाही।</verse>
				<verse number="10">“एक बियाही मेहरारु यहोवा क कछू चढ़ावइ क बचन, या कछू स अपने आप क बचाइ क बचन दइ सकत ह।</verse>
				<verse number="11">अदि ओकर भतार दीन्ह गए बचन क बारे मँ सुनत ह अउ ओका आपन बचन क पूरा करइ देत ह तउ ओका ठीक आपन दीन्ह गए बचनन क मुताबिक ही उ काम करइ चाही।</verse>
				<verse number="12">मुला अगर ओकर भतार ओकर दीन्ह गए बचन क सुनत ह अउर ओका बचन पूरा करइ स मना कइ देत ह तउ ओका आपन दीन्ह गए बचन क मुताबिक उ काम पूरा नाहीं करइ क होइ। ऍकर कउनो महत्व न होइ काहे की उ का बचन दिहे रहा, ओकर भतार उ बचन क भगं कइ सकत ह। अगर ओकर भतार उ बचन क तोड़ देत ह तउ यहोवा ओका छिमा करिहीं।</verse>
				<verse number="13">एक बियाही मेहरारु यहोवा या परमेस्सर क कउनो खास बचन दइ सकत ह। भतार ओकरे बचन मँ स कउनो क रोक सकत ह या भतार उ बचन मँ स कउनो क पूरा करइ देइ सकत ह।</verse>
				<verse number="14">भतार आपन मेहरारु क कइसे बचन पूरा करइ देइ? अगर उ दीन्ह ग बचन क बारे मँ सुनत ह अउ ओनका रोकत नाहीं तउ मेहरारु क आपन दीन्ह ग बचन क मुताबिक काम क पूरा करइ चाही।</verse>
				<verse number="15">अगर भतार दीन्ह ग बचन क बारे मँ सुनत ह अउ ओकर पाछे ओका बचन पूरा करइ स रोकत ह तउ ओकर बचन तोड़इ क जिम्मेदारी भतार प होइ।”</verse>
				<verse number="16">इ सबइ हुकुम अहइ जेनका परमेस्सर मूसा क दिहेस। इ सब आदेस एक मनई अउ ओकरे मेहरारु क बारे मँ अहइँ अउ बाप अउ ओकरे बिटिया क बारे मँ अहइ जउन उ जवान मेहरारू रहइ अउ अपने बाप क घरे मँ रहत होइ।</verse>
			</chapter>
			<chapter number="31">
				<verse number="1">यहोवा मूसा स बात किहेस। उ कहेस,</verse>
				<verse number="2">“‘मइँ इस्राएल क लोगन क संग मिद्यानी लोग जउन किहे बाटइँ, ओकरे बरे मइँ सजा देब।’ ओकरे पाछे मूसा तू मरि जाब्या।”</verse>
				<verse number="3">एह बरे मूसा मनइयन स बात किहेस। उ कहेस, “आपन कछू मनइयन क जुद्ध बरे तइयार करा। यहोवा ओन मनइयन क प्रयोग मिदयानी लोगन क सजा देइ मँ करिहीं।</verse>
				<verse number="4">अइसे 1,000 मनइयन क इस्राएल क परिवार समूहन स चुना।</verse>
				<verse number="5">इस्राएल क सबहिं परिवार समूहन स 12,000 सिपाही होइहीं।”</verse>
				<verse number="6">मूसा ओन 12,000 मनइयन क जुद्ध बरे पठाएस। उ याजक एलीआज़ार क पूत पनीहास क ओनके संग पठाएस। पनीहास आपन संग पवित्तर चीजन, सीगं अउ तुरहियन लइ लिहेस।</verse>
				<verse number="7">इस्राएल क लोग मिदियानी लोगन क नरसिंग वइसेन ही लड़ेन जइसा यहोवा मूसा क हुकुम दिहे रहा। उ पचे सबहिं मिद्यानी मनइयन क मारि डाएन।</verse>
				<verse number="8">जउन मनइयन क उ पचे मारि डाएन ओहमाँ एवी, रकैम, सूर, हूर अउ रेबा इ सबइ पाँच मिद्यानी राजा रहेन। उ पचे बेआँर क पूत बिलाम क भी तरवारे स मारि डाएस।</verse>
				<verse number="9">इस्राएल क लोग मिद्यानी मेहररुअन अउ गदेलन, ओनकइ सब भेड़ी, गइयन अउ सब चीजन क बन्दी बनाइ लिहन।</verse>
				<verse number="10">तब उ पचे ओनके सब डेरन मँ अउ सहरन मँ आगी लगाइ दिहन जहाँ उ पचे रहत रहेन।</verse>
				<verse number="11">उ पचे सब मनइयन अउ गोरुअन क लइ लिहन,</verse>
				<verse number="12">अउर ओनका मूसा, याजक एलीआज़ार अउ इस्राएल क सब लोगन क लगे लइ गएन। उ पचे ओन सबहिं इस्राएल क सिबिर मँ लाएन जेनका उ पचे हुवाँ पाइ लिहन। इस्राएल क लोग मोआब क समतल मँ बसा यरदन घाटी मँ सिबिर डाए रहेन। इ यरीहो क निचके यरदन नदी क पूरब कइँती रहा।</verse>
				<verse number="13">तब मूसा, याजक एलीआज़ार अउ मनइयन क नेता, सिपाहियन स मिलइ बरे डेरन स बाहेर गएन।</verse>
				<verse number="14">मूसा सेनापति लोगन प बहोत कोहान रहा। उ ओन 1,000 क फउज क संचालक लोगन अउ एक सौ क फउज क संचालक लोगन प कोहान रहा जउन जुद्ध स लौटिके आए रहेन।</verse>
				<verse number="15">मूसा ओनसे कहेस, “तू आदमी लोग मेहररुअन क काहे जिअत रहइ दिहा?</verse>
				<verse number="16">लखा इ अउरत ही रही जेकरे वजह स बिलाम क घरना मँ इस्राएलियन बरे समस्या पइदा भइन अउ पेऑर मँ यहोवा क खिलाफ होइ गएन जेहसे इस्राएल क मनइयन क महामारी भोगइ क पड़ी।</verse>
				<verse number="17">तउ अब मिद्यानी नर गदेलन क मारि डावा। अउर ओन सबहिं मिद्यानी मेहररुअन क मारि डावा जउन कउनो मनई क संग रही होइँ। ओन सब मेहररुअन क मारि डावा जेकर कउनो मनई क संग सारीरिक सम्बंध होइ।</verse>
				<verse number="18">तू सिरिफ ओन सबहिं बिटियन क जिअइ द्या जेकर कउनो मनई क संग सारीरिक सम्बंध नाहीं भइ।</verse>
				<verse number="19">तब एकर बाद तू सबइ सिपाहियन क जउन लोगन क मारेस या ल्हास क छुएस सात दिना तलक सिबिर क बाहर रहइ क पड़ी। तीसरे अउ सताएँ दिनन तू अउर तोहार बन्दी सुद्ध होब्या।</verse>
				<verse number="20">तोहका उहइ काम सातवें दिन फिर करइ क होइ। तोहका आपन सबहिं ओढ़ना धोवइ चाही। तोहका चाम क बनी हर चीज ऊनी अउ काठे क बनी चीजन क भी धोवइ चाही। तोहका सुद्ध होइ जाइ चाही।”</verse>
				<verse number="21">तब याजक एलीआज़ार सिपाहियन स कहेस कउन जुद्ध क लउटेस ह। उ कहेस, “इ उहइ नेम बाटेन जेका यहोवा मूसा क दिहे रहा।</verse>
				<verse number="22">मुला जउन चीजन आगी मँ डाइ जाइ सकत हीं ओकरे बारे मँ अलग-अलग नेमॅ अहइँ। तोहका सोना, चाँदी, काँसा, लोहा, टिन या सीसा क आगी मँ डावइ चाही। जब तू ओनका सुद्धीकरण बरे लाल गाय क राख मिला भवा पानी स धोवा उ सबइ सुद्ध होइ जइहीं। जदि चीजन आगी मँ न नाई जाइ सकइँ तउ तोहका ओनका पानी स धोवइ चाही।</verse>
				<verse number="23"></verse>
				<verse number="24">सतऍ दिन तोहका आपन सारा ओढ़ना धोवइ चाही। जब तू सुद्ध होइ जाब्या। ओकरे बाद तू पचे सिबिर मँ आइ सकत ह।”</verse>
				<verse number="25">तब यहोवा मूसा स कहेस,</verse>
				<verse number="26">“मूसा तोहका याजक एलीआज़ार अउ सबहिं नेता लोगन क चाही कि तू पचे ओन बन्दियन, गोरुअन अउ सबहिं चीजन क गना जेनका फउजी लोग जुद्ध स लाए होइँ।</verse>
				<verse number="27">तब ओन सबहिं चिजियन क जुद्ध मँ भाग लेइ वालन आधा फउजी लोगन अउ बाकी आधा इस्राएल क मनइयन मँ बाँटि देइ चाही।</verse>
				<verse number="28">जउन सिपाही जुद्ध मँ भाग लेइ ग रहेन ओनसे ओन चीजन क कर ल्या। उ हींसा यहोवा क होइ। हर एक पाँच सौ चीजन मँ स एक यहोवा क हींसा होइ। एहमाँ मनई, गाय, गदहन अउ भेड़ी सामिल अहइँ।</verse>
				<verse number="29">जउन फउजी जुद्ध मँ जउन चीजन क पाएन ह, ओनका आधी हींसा कर क रूप मँ ल्या। तब ओन चीजन क (प्रति एक पाँच सौ मँ स एक) याजक एलीआज़ार क द्या। तब हींसा यहोवा क होइ।</verse>
				<verse number="30">अउर तब बाकी लोगन क आधा मँ स हर एक पचास चीजन मँ स एक चीज ल्या। एहमाँ मनई, गाय, गदहन, भेड़ी या दूसर जनावर सामिल बाटेन। इ हींसा लेवी बंसी मनइयन क द्या। काहे? काहेकी लेवी बंसी यहोवा क पवित्तर तम्बू क देखत रेखत हीं।”</verse>
				<verse number="31">इ तरह मूसा अउ एलीआज़ार उहइ किहन जउन मूसा क यहोवा क हुकुम रहा।</verse>
				<verse number="32">फउजी सिपाही 6,75,000 भेड़ीन,</verse>
				<verse number="33">बहत्तर हजार गोरु,</verse>
				<verse number="34">इक्सठ हजार गदहन,</verse>
				<verse number="35">बत्तीस हजार मेहररुअन लूटे रहेन। (इ सबइ अइसी मेहररुअन रहिन जेनकइ कउनो मनई क संग सारीरिक सम्बंध नाहीं रहा।)</verse>
				<verse number="36">जउन सिपाही जुद्ध मँ गए रहेन उ सबइ आपन हींसा क 3,37,500 भेड़िन क पाइ लिहन।</verse>
				<verse number="37">फउजियन स लीन्ह ग यहोवा क कर 675 भेंड़ रहा।</verse>
				<verse number="38">फउजियन क 36,000 गाइयन मिलि गएन। उ पचे बहत्तर यहोवा क दिहेन।</verse>
				<verse number="39">फउजी 30,500 गदहा पाइ गएन। उ पचे यहोवा क इकसठ दिहेन।</verse>
				<verse number="40">फउजियन क 16,000 मेहरारु मिलिन। उ सबइ यहोवा क बत्तीस दिहेन।</verse>
				<verse number="41">यहोवा क हुकुम क मुताबिक मूसा यहोवा बरे दीन्ह गइ ओन सारी भेंटन क याजक एलीआज़ार क दिहस।</verse>
				<verse number="42">तब मूसा मनइयन स मिला भवा आधा हींसा क गनेस। इ उ हींसा रहा जेका मूसा जुद्ध मँ जाइवालन फउजियन स लिहे रहा।</verse>
				<verse number="43">मनइयन 3,37,500 भेड़ी,</verse>
				<verse number="44">छत्तीस हजार गाइयन,</verse>
				<verse number="45">तीस हजार पाँच सौ गदहा</verse>
				<verse number="46">अउ 16,000 मेहरारु पाएन।</verse>
				<verse number="47">मूसा हर एक पचास चीजन प एक चीज यहोवा बरे लिहस। एहमा गोरु अउ मनई दुइनऊ सामिल रहेन। तब ओन चीजन क उ लेवी बंसी लोगन क दिहेस। काहेकि उ यहोवा क पवित्तर तम्बू क देखत रेखत रहेन। मूसा इ यहोवा क हुकुम क मुताबिक किहेस।</verse>
				<verse number="48">तब सेना क संचालक (1,000 सिपाहियन क सेनापति अउ एक सौ सिपाहियन क सेनापति) मूसा क निअरे गएन।</verse>
				<verse number="49">उ पचे मूसा स कहेन, “हम पचे आपन फउजियन क गना ह। हम पचन मँ स कउनो भी कम नाहीं अहइ।</verse>
				<verse number="50">एह बरे हम लोग हर एक ठु सिपाही स यहोवा क भेंट लइ आवत अही। हम पचे सोना क चीज बाजूबन्द, कड़ा, मुँदरी, बाली अउ हबेल लइ आवत अही। इ सब भेंट यहोवा क समन्वा हमार पाप बरे प्रायस्चित बरे होइ।”</verse>
				<verse number="51">एह बरे मूसा उ सबइ सोना क चीज लिहस अउ याजक एलीआज़ार क ओन चीजन्क दिहस।</verse>
				<verse number="52">एक हजार फउजियन क सेनापतियन अउ एक सौ मनइ क सेनापातियन जउन सोना बटोरेन ओकर वजन 16,750 सेकेल रहा।</verse>
				<verse number="53">हर एक फउजी लड़ाई मँ मिली भइ बाकी चीजन क हींसा अपने लगे रख लिहस।</verse>
				<verse number="54">मूसा अउ याजक एलीआज़ार एक हजार फउजियन क सेनापतियन अउर एक सौ मनइयन क सेनापातियन स सोना अंगीकार किहस। तब उ पचे सोना क मिलापवाला तम्बू मँ धरेस। इ भेंट एक यादगार क रूप मँ इस्राएल क लोगन बरे यहोवा क समन्वा रहिन।</verse>
			</chapter>
			<chapter number="32">
				<verse number="1">रूबेन अउ गाद परिवार समूहन क लगे ढेर तदाद मँ मवेसियन रहेन। ओनॅ मनइयन याजेर अउ गिलाद क निचके क धरती लखेन। उ पचे बिचारेन कि उ धरती ओनके गोरु बरे ठीक अहइ।</verse>
				<verse number="2">एह बरे रूबेन अउ गद परिवार समूहन क लोग मूसा क निअरे आएन। उ पचे मूसा, याजक एलीआज़ार अउ मनइयन क नेता लोगन स बात किहेन।</verse>
				<verse number="3">उ पचे कहेन, “आपक सेवक हम सबन क लगे भारी तदाद मँ गोरु अहइँ। अउर उ भुइयाँ जेका परमेस्सर हम लोगन क जीतइ अउर कब्जा करइ क दिहस, गोरूअन बरे एक ठू बाढ़ियाँ चरागाह अहइ। इ पहँटा मँ अतारोत, दीबोन, याजेर, हेसबोन, एलाले सबाम, नबो, बोन सामिल अहइँ।</verse>
				<verse number="4"></verse>
				<verse number="5">अगर आप लोगन क रजामन्दी होइ तउ हम पचे चाहब कि इ पहँटा हम पचन क दीन्ह जाइ। हम लोगन क यरदन नदी क दूसर कइँती न लइ जाइँ।”</verse>
				<verse number="6">मूसा रूबेन अउ गाद क परिवार समूहन स पूछेस, “का तू पचे हिआँ बसब्या अउ आपन भाइयन क हिआँ स जाइ अउ जुद्ध करइ देब्या?</verse>
				<verse number="7">तू पचे इस्राएल क लोगन क उत्साह काहे भंग करइ चाहत बाट्या? होइ सकत ह उ पचे यरदन नदी क पार जउन पहँटा यहोवा ओनका दिसह ह नाहीं लेइ चाहीं।</verse>
				<verse number="8">तोहार बाप अउ दादा मोरे संग अइसा ही किहन। जब मइँ कादेसबनेर् स जासूसन क प्रदेस क छान-बीन करइ पठएउँ रहेउँ।</verse>
				<verse number="9">उ पचे ऍस्कोल घाटी तलक गएन। उ सबइ प्रदेस क लखेन। अउर उ सबइ इस्राएल क लोगन क उ धरती प जाइ क उत्साह भंग कइ दिहस। उ पचे इस्राएल क लोगन क उ पहँटा मँ जाइ क इच्छा नाहीं करइ दिहन जेहसे यहोवा ओनका दइ दिहे रहा।</verse>
				<verse number="10">यहोवा मनइयन प बहोतइ कोहान। यहोवा इ कठोर निसेध अग्या क बनाएस:</verse>
				<verse number="11">‘मिस्र स आवइ वालन लोगन अउ बीस बरिस या जियादा उमर क कउनो भी मनई क उ भूइँया क जेकरे बरे मइँ इब्राहीम, इसहाक अउ याकूब क बचन दिहेउँ रहा। लखइ क आग्यिा नाहीं होब्या। मइँ इ भूइँया क लोगन क देइ क बचन दिहेउँ रहा। मुला उ पचे मोर ठीक तरह नाहीं मानेन। एह बरे उ पचे इ भूइँया क न पइहीं।</verse>
				<verse number="12">सिरिफ कनजी यपुन्ने क पूत कालेब अउर नून क पूत यहोसू यहोवा क पूरी तरह मानेस।’</verse>
				<verse number="13">“यहोवा इस्राएल क लोगन क खिलाफ बहोतइ कोहान रहा। एह बरे यहोवा मनइयन क 40 बरिस तलक रेगिस्तान मँ रोके रहा। यहोवा ओनका तब तलक रोके रहा, जब ताई उ पचे यहोवा क खिलाफ पाप किहे रहेन, मर नाहीं गएन।</verse>
				<verse number="14">अउर अब तू पचे उहइ करत अहा जउन तोहार पुरखन किहन ह। अरे पापियो! का तू चाहत ह कि यहोवा इस्राएल क लोग क खिलाफ अउ जियादा कोहाइ जाइ?</verse>
				<verse number="15">अगर तू पचे ओकर पाछा करइ स मुड़ि जाब्या तउ यहोवा इस्राएल क अउर जियादा समइ तलक रेगिस्ताने मँ ठहराइ देइ। तब तू इ सब मनइयन क नास कइ देब्या।”</verse>
				<verse number="16">मुला रूबेन अउ गाद परिवार समूहन क लोग मूसा क लाग गएन। उ सबइ कहेन, “हिआँ हम पचे आपन गदेलन बरे सहर अउ आपन गोरुअन बरे बाड़ा बनउबइ।</verse>
				<verse number="17">तब हमार गदेलन दूसर लोगन स सुरच्छित रइहीं जउन इ प्रदेस मँ रहत हीं। मुला ह पचे खुसी स अगवा बढ़िके इस्राएल क लोगन क मदद करब। हम लोग ओनका ओनके देस मँ लइ जाब।</verse>
				<verse number="18">हम पचे तब तलक घर नाहीं लउटब जब तलक हर एक मनई इस्राएल मँ आपन धरती क हींसा पाइ जात।</verse>
				<verse number="19">हम लोग यरदन नदी क पच्छिम मँ कउनो धरती नाहीं लेब, हम सबन क धरती क हींसा यरदन नदी क पूरब ही बाटइ।”</verse>
				<verse number="20">तउ मूसा ओनसे कहेस, “जदि तू पचे इ सब करब्या तउ इ रेगिस्तान तू पचन क होइ। मुला तोहरे फउजियन क यहोवा क समन्वा जुद्ध मँ जाइ चाही।</verse>
				<verse number="21">तोहरे सिपाहियन क यरदन नदिया पार करइ चाही अउ दुस्मनन क उ देस तजि देइ बरे मजबूर करइ चाही।</verse>
				<verse number="22">जब हम सबन क धरती पावइ मँ यहोवा मदद कइ चुकइँ तब तू सबइ घर जाइ सकत ह। तब यहोवा अउ इस्राएल तोहका अपराधी नाहीं मनिहीं। तब यहोवा तू पचन क इ पहँटा लइ लेइ देइहीं।</verse>
				<verse number="23">मुला अगर तू सबइ इ बातन पूरी नाहीं करत्या तउ तू लोग यहोवा क खिलाफ पाप करब्या। अउर उ गाँठ बाँधा कि तू आपन पाप खातिर सजा पउब्या।</verse>
				<verse number="24">आपन गदेलन बरे सहर अउ गोरुअन बरे बाड़ा बनावा। मुला ओकरे पाछे ओका पूरा करा जेका करइ क तू पचे बचन दिहे अहा।”</verse>
				<verse number="25">तब गाद अउ रूबेन परिवार समूहन क लोग मूसा स कहेन, “हम पचे आप क सेवक अही। आप हमार सुआमी अहइँ। एह बरे हम लोग उहइ करब जउन आप कहत हीं।</verse>
				<verse number="26">हमार मेहरारु, गदेलन अउ हमार गोरुअन गिलाद नगर मँ रइहीं।</verse>
				<verse number="27">मुला आपक सेवक हम यरदन नदी क पार करब। मुला हम पचे यहोवा क समन्वा आपन सुआमी क कहे क मुताबिक जुद्ध मँ कूदि पड़ब।”</verse>
				<verse number="28">मूसा याजक एलीआज़ार, नून क पूत यहोसू अउ इस्राएल क परिवार समूहन क सबहिं नेतागणन क ओकरे बारे मँ हुकुम दिहस।</verse>
				<verse number="29">मूसा ओनसे कहेस, “गाद अउ रूबेन क मनई यरदन नदी क पार करिहीं। उ पचे यहोवा क अगवा जुद्ध मँ धावा बोलिहीं। उ सबइ देस जीतइ मँ तोहार मदद करिहीं। अउर तू पचे गिलाद क प्रदेस ओनके हींसा क रूप मँ ओनका दोब्या।</verse>
				<verse number="30">मुला जदि उ पचे आपन सिपाहियन क तोहार संग पार नाहीं भेजइ तउ होइ सकत ह कि उ कनान प्रदेस मँ तोहार लोगन क बीच सिरिफ पैतृक सम्पत्ति ही पाइ।”</verse>
				<verse number="31">गाद अउ रूबेन क लोग जवाब दिहन, “हम पचे उहइ करइ क बचन देत अही जउन यहोवा क हुकुम अहइ।</verse>
				<verse number="32">हम पचे यरदन नदी पार करब अउ कनान देस प यहोवा क समन्वा धावा बोलब। अउ हमरे देस क हींसा यरदन नदी क पूरब क धरती होइ।”</verse>
				<verse number="33">इ तरह मूसा उ प्रदेस क कछू भाग गाद क लोगन, रूबेन क लोगन अउ मनस्से परिवार समूहन क आधे लोगन क दिहस। (मनस्से यूसुफ क पूत रहा।) उ प्रदेस मँ एमोरियन क राजा सिहोन क राज्ज अउ बसान क राजा ओग क राज्ज मिला रहा। उ प्रदेस मँ उ इलाका क चारहों कइँती क सहर भी मिला रहेन।</verse>
				<verse number="34">गाद क मनइयन दीबोन, अतारोत, अरोएर,</verse>
				<verse number="35">अत्रौत, सोपान, याजेर, योगबहा,</verse>
				<verse number="36">बेतनिम्रा अउ बेथारान सहरन क बनाएन। उ पचे मजबूत चहर-देवार क संग सहरन क बनाएस अउ आपन गोरुअन क बाड़ा बनाएन।</verse>
				<verse number="37">रूबेन क मनइयन हसबोन, एलाले, किर्यातैन,</verse>
				<verse number="38">नबो, बालमोन अउर तित्पा सहर। उ दूसर सहरन क नाउँ दिहस जेका उ बनाए। मुला नेबो अउ बाल मिआँन क नवा नाम स पुकारेस।</verse>
				<verse number="39">मनस्से परिवार समूह क सन्तान माकीर स जन्मा लोग गिलाद क गएन। उ पचे सहर क हराएन। उ पचे ओन एमोरी क हराएन जउन हुवाँ रहत रहेन।</verse>
				<verse number="40">एह बरे मनस्से क परिवार समूह क माकीर बरे मूसा गिलाद दिहस। एह बरे ओकर परिवार हुवाँ बस गवा।</verse>
				<verse number="41">मनस्से क परिवार समूह क यैर नान्ह-नान्ह सहरन जेका हेवोल याईर कहा जात ह क जीत लिहस ह।</verse>
				<verse number="42">तउ नोबह कनात अउ ओकरे लगे क नान्ह-नान्ह सहरन क हराएस। तब उ उ ठउर क नाउँ आपन नाउँ प नोबह धरेस।</verse>
			</chapter>
			<chapter number="33">
				<verse number="1">इ सबइ इस्राएली लोगन क जात्रा अहइ जउन उ मूसा अउ हारून क अगवाइ मँ आपन परिवार समूहन क संग मिस्र स बाहर आएन।</verse>
				<verse number="2">मूसा ओनँ जात्रन क बारे मँ लिखे अहइ जेनका यहोवा हुकुम दिहेस रहा। उ सबइ जात्रा हिआँ दर्ज अहइँ:</verse>
				<verse number="3">पहिले महीना क पन्द्रहवाँ दिन उ पचे रामसेस तजेन। फसह क पाछे भिन्सारे इस्राएल क मनइयन बिजयी क संग मिस्र स बाहेर गएन। मिस्र क सब मनइयन लखेन।</verse>
				<verse number="4">मिस्र क लोग आपन पहिलौठा पूतन क दफनावत रहेन जेका परमेस्सर मार डाए रहेन। परमेस्सर मिस्र क देवता लोगन क खिलाफ आपन निर्णय देखाए रहा।</verse>
				<verse number="5">इस्राएल क लोग रामसेस क तजि दिहेन अउ सुक्कोत मँ सिबिर डाएन।</verse>
				<verse number="6">सुक्कोत स उ पचे एताम क जात्रा किहेन। हुवाँ प लोगन रेगिस्तान क छोर प सिबिर डाएन।</verse>
				<verse number="7">उ सबइ एताम क तजेन अउ पीहहीरोत क गएन। इ बालसपोन क लगे रहा। उ सबइ मिगदोल क लगे सिबिर डाएन।</verse>
				<verse number="8">लोगन पीहीरोत तजि दिहेन अउ समुद्दर क बीच स चलेन। तब उ पचे तीन दिन तलक एथम रेगिस्तान स होइके चलेन। लोगन मरा मँ सिबिर डाएन।</verse>
				<verse number="9">लोगन मरा क तजि दिहेन अउ एलीम मँ सिबिर डाएन। हुवाँ प बारह पानी क झरना रहेन अउ 70 खजूर क बृच्छ रहेन।</verse>
				<verse number="10">लोग एलीम तजेन अउ लाल-सागर क लगे सिबिर डाएन।</verse>
				<verse number="11">लोग लाल-सागर तजेन अउ सीन रेगिस्तान मँ सिबिर डाएन।</verse>
				<verse number="12">लोग सीन रेगिस्तान क तजेन अउ दोपका मँ सिबिर डाएन।</verse>
				<verse number="13">लोग दोपका तजेन अउ आलूस मँ सिबिर डाएन।</verse>
				<verse number="14">लोग आलुस तजेन अउ रपीदीम मँ सिबिर डाएन। हुवाँ लोग क पानी पिअइ बरे नाहीं रहा।</verse>
				<verse number="15">लोग रपीदीम तजेन अउ सिनाइ रेगिस्तान मँ सिबिर डाएन।</verse>
				<verse number="16">लोग सिनाइ रेगिस्तान तजेन अउ किब्रोथत्ताबा मँ सिबिर डाएन।</verse>
				<verse number="17">लोग किब्रोत्तावा तजेन अउ हसेरोत मँ सिबिर डाएन।</verse>
				<verse number="18">लोग हसेरोत क तजेन अउ रित्मा मँ सिबिर डाएन।</verse>
				<verse number="19">लोग रित्मा क तजेन अउ रिम्मोनपेरेस मँ सिबिर डाएन।</verse>
				<verse number="20">लोग रिम्मोनपेरेस क तजेन अउ लिब्ना मँ सिबिर डाएन।</verse>
				<verse number="21">लोग लिब्ना तजेन अउ रिस्सा मँ सिबिर डाएन।</verse>
				<verse number="22">लोग रिस्सा तजेन अउ कहेलाता मँ सिबिर डाएन।</verse>
				<verse number="23">लोग कहेलाता तजेन अउ सेपेर पहाड़े प सिबिर डाएन।</verse>
				<verse number="24">लोग सेपेर पहाड़ तजेन अउ हरादा मँ सिबिर डाएन।</verse>
				<verse number="25">लोग हरादा तजेन अउ मखेलोत मँ सिबिर डाएन।</verse>
				<verse number="26">लोग मखेलोत तजेन अउ तहत मँ सिबिर डाएन।</verse>
				<verse number="27">लोग तहत तजेन अउ तेरह मँ सिबिर डाएन।</verse>
				<verse number="28">लोग तेरह तजेन अउ मित्का मँ सिबिर डाएन।</verse>
				<verse number="29">लोग मित्का तजेन अउ हसमोना मँ सिबिर डाएन।</verse>
				<verse number="30">लोग हसमोना तजेन अउ मोसेरोत मँ सिबिर डाएन।</verse>
				<verse number="31">लोग मोसेरोत तजेन अउ बने-याकन मँ सिबिर डाएन।</verse>
				<verse number="32">लोग बने-याकन तजेन अउ हाँर होर्हग्गिदगाद मँ सिबिर डाएन।</verse>
				<verse number="33">लोग होर्हग्गिदगाद तजेन अउ योताबात मँ सिबिर डाएन।</verse>
				<verse number="34">लोग योतबात तजेन अउ अब्रोना मँ सिबिर डाएन।</verse>
				<verse number="35">लोग अब्रोना तजेन अउ एस्योनगेबेर मँ सिबिर डाएन।</verse>
				<verse number="36">लोग एस्योनगेबेर तजेन अउ सीने रेगिस्तान मँ कादेस मँ सिबिर डाएन।</verse>
				<verse number="37">लोग कादेस तजेन अउ होर मँ सिबिर डाएन। इ एदोम देस क सिवाने प एक पहाड़ रहा।</verse>
				<verse number="38">याजक हारून यहोवा क आग्या मानेस अउ उ हॉर पहाड़े प चढ़ा। हारून पाँचवाँ महीना क पहिले दिन मरा। उ मिस्र क इस्राएल क लोगन क जरिया तजि देइ क चालिसवाँ बरिस रहा।</verse>
				<verse number="39">हारून जब होर पहाड़े प मरा तब उ 123 बरिस क रहा।</verse>
				<verse number="40">अरात कनान क नेगेव प्रदेस मँ रहा। कनानी राजा हुवाँ सुनेस कि इस्राएली लोगन आवत अहइँ।</verse>
				<verse number="41">लोग हॉर पहाड़े क तजेन अउ सलमोना मँ सिबिर डाएन।</verse>
				<verse number="42">लोग सलमोना क तजेन अउ पूनोन मँ सिबिर डाएन।</verse>
				<verse number="43">लोग पूनोन तजेन अउ ओबोस मँ सिबिर डाएन।</verse>
				<verse number="44">लोग ओबोस तजेन अउ इये अबारीम मँ सिबिर डाएन। इ मोआब देस क चउहद्दी प रहा।</verse>
				<verse number="45">लोग इयीन (इये अबारीम) क तजेन अउ दिबोन-गाद मँ सिबिर डाएन।</verse>
				<verse number="46">लोग दिबोन-गाद तजेन अउ अल्मोनदिबलातैम मँ सिबिर डाएन।</verse>
				<verse number="47">लोग अल्मोनदिबलातैम तजेन अउ नबो क लगे अबीराम पहाड़न प सिबिर डाएन।</verse>
				<verse number="48">लोग अबीराम पहाड़न क तजेन अउ यरदन नदी क लगे मोआब क प्रदेस मँ सिबिर डाएन। इ जेरिको क निअरे रहा।</verse>
				<verse number="49">उ पचे मोआब मँ यरदन घाटी मँ यरदन नदी क निअरे सिबिर डाएन। ओनकइ डेरन वेत्यसीमोत स अबेलसित्तीम चरागाह तलक फइला रहेन।</verse>
				<verse number="50">उ ठउरे प यहोवा मूसा स बात किहेस,</verse>
				<verse number="51">“इस्राएल क लोगन स कहा। ओनसे इ बातन क बतावा: तू सबइ यरदन नदी पार करब्या। तू पचे कनान देस मँ जाब्या।</verse>
				<verse number="52">तू पचे ओनँ लोगन स भुइयाँ लइ लेब्या जउन हुवाँ रहत ह तू पचन क ओनकइ खोदी भइ मूरत अउ प्रतिमा क नस्ट कइ देइ चाही। तोहका ओनके सबहिं ऊँच ठउरे क नास कइ देइ चाही।</verse>
				<verse number="53">तू पचे उ देस लेब्या अउ हुवाँ बसि जाब्या। काहे? काहे की इ देस मइँ तू सबन क देत अहउँ। इ तोहरे परिवारे क होइ।</verse>
				<verse number="54">तोहार हर एक परिवार भुइयाँ क हींसा पाई। तू पचे इ बात बरे गोटी दुउब्या कि देस क कउन सा हीसं कउन परिवारे क मिलत ह। बड़का परिवार भुइयाँ क बड़का हिंसा पाइ। नान्ह परिवार देस क नान्ह नान्ह हींसा पाइ। भुइयाँ ओनॅ लोगन क दीन्ह जाइ जेकर नाउँ गोटी तय करी। हर एक परिवार समूह आपन भुइयाँ पाइ।</verse>
				<verse number="55">“तू पचन क दूसर लोगन स देस खाली कराइ लेइ चाही। अगर तू पचे ओनँ लोगन क आपन देस मँ ठहरइ देब्या तउ उ पचे तोहरे बरे बहोतइ परेसानी पइदा करिहीं। उ पचे तोहरी आँखी क पिन या तोहरी कखरी क काँटा क तरह होइहीं। उ पचे तोहका परेसानी देइहीं जहाँ तू रहब्या।</verse>
				<verse number="56">अगर अइसा ह तउ इ होइ सकत ह मोका तू लोगन क संग भी उहइ करइ क होइ जउन जोजना मइँ ओन लोगन संग करइ बरे किहउँ।”</verse>
			</chapter>
			<chapter number="34">
				<verse number="1">यहोवा मूसा स बात किहस। उ कहेस,</verse>
				<verse number="2">“इस्राएल क लोगन क इ हुकुम द्या: तू पचे कनान देस मँ आवत अहा। तू लोग इ देस क हरउब्या। तू पचे पूरा कनान देस लइ लेब्या।</verse>
				<verse number="3">दक्खिनी अउ तू लोग एदोम क निअरे सीन रेगिस्तान क हींसा पाइ लेब्या। दक्खिनी सिवान मृत-सागर क दक्खिनी छोर स सुरु होइ।</verse>
				<verse number="4">इ बिच्छूदरे क दक्खिन कइँती स गुजरी। इ सीन रेगिस्तान स होइके कादेसबर्ने तलक जाइ, अउर तब हसरद्दार तथा तब इ अस्मोन स होइके चली।</verse>
				<verse number="5">अस्मोन स सिवान मिस्र नदी तलक जाइ अउ एकर आखिर भूमध्य सागर प होइ।</verse>
				<verse number="6">तोहार पच्छिउ क सिवान भूमध्य सागर होइ।</verse>
				<verse number="7">तोहार उत्तरी सीमा भूमध्य सागर प सुरु होइ अउ होर पहाड़े तलक जाइ। लबानोन मँ</verse>
				<verse number="8">इ लबानोन मँ हाँर पहाड़े स लबोहामात तलक जाइ क प्रवेस दुआर अहइ। एकर बाद इ सदद तक जाइ।</verse>
				<verse number="9">तब इ चउहद्दी जिप्रोन क जाइ अउर इ हसेरनान प खतम होइ। इ तरह इ तोहार उत्तरी चउहद्दी होइ।</verse>
				<verse number="10">तोहार पुर्बिहा चउहद्दी एनान प सुरु होइ अउर इ सपान तक जाइ।</verse>
				<verse number="11">सपान स चउहद्दी ऐन क पूरब रिबला तलक जाइ। किन्नरेत समुद्दर गलील क सागर क संग क पहाड़ियन क संग सिवान चलत रही।</verse>
				<verse number="12">तब सिवान यरदन नदी क संग संग चली। ऍकर अन्त मृत-सागर प होइ। तोहरे देस क चारिहुँ कइँती क चउहद्दी हिअँइ बा।”</verse>
				<verse number="13">मूसा इस्राइल क लोगन क हुकुम दिहस, “इहइ उ देस अहइ जेका तू पउब्या। तू लोग नौ परिवार समूहन अउ मनस्से परिवार समूह क आधा मनइयन बरे धरती बाँटइ खातिर ओनके नाउँ क गोटी डउब्या।</verse>
				<verse number="14">रूबेन, गाद अउ क परिवार समूहन मनस्से क आधा परिवार समूह क मनइयन पहिलेन ही आपन प्रदेस लइ लिहे अहइँ।</verse>
				<verse number="15">उ अढ़ाई परिवार समूहन यरीहो क निचके यरदन नदी क पूरब आपन पहँटा लइ लिहे अहइ।”</verse>
				<verse number="16">तब यहोवा मूसा स बात किहेस। उ कहेस,</verse>
				<verse number="17">“इ सबइ उहइ लोग अहइँ जउन भुइँया बाँटइ मँ तोहार मदद करिहीं: याजक एलीआज़ार, नून क पूत यहोसू,</verse>
				<verse number="18">अउ हर एक परिवार समूहन स तू पचे एक ठु नेता चुनब्या। इ लोग भुइँया क बँटवारा करिहीं।</verse>
				<verse number="19">नेता लोगन क नाउँ इ अहइँ: यहूदा क परिवार समूह स युपुन्ने क पूत कालेब।</verse>
				<verse number="20">सिमोन क परिवार समूह स, अम्मीहूद क पूत समूएल।</verse>
				<verse number="21">बिन्यामीन क परिवार समूह स, किसलेस क पूत एलीहदद।</verse>
				<verse number="22">दान क परिवार समूह स, योगिल क पूत बुक्की।</verse>
				<verse number="23">मनस्से (यूसुफ क पूते) क परिवार समूह स, एपोद क पूत हन्नीएल।</verse>
				<verse number="24">एप्रैम (यूसुफ क पूते) क परिवार समूह स, सिप्तानी क पूत कमूएल।</verse>
				<verse number="25">जबूलून क परिवार समूह स, पर्नाक क पूत एलीसापान।</verse>
				<verse number="26">इस्साकार क परिवार समूह स, अज्ज़ान क पूत पलतीएल।</verse>
				<verse number="27">आसर क परिवार समूह स, सलोमी क पूत अहीदूद।</verse>
				<verse number="28">नपताली क परिवार समूह स, अम्मीहूद क पूत पदहेल।”</verse>
				<verse number="29">यहोवा इ मनइयन क इस्राएल क लोगन मँ कनान क भुइँया बाँटइ बरे चुनेस।</verse>
			</chapter>
			<chapter number="35">
				<verse number="1">यहोवा मूसा स बात किहस। इ यरीहो क पार मोआब मँ यरदन घाटी मँ यरदन नदी क निचके रहा। यहोवा कहेस,</verse>
				<verse number="2">“इस्राएल क लोगन स कहा कि ओनका आपन हींसा क देस मँ कछू सहर लेवी-बंस क लोगन क देइ चाही। इस्राएल क लोगन क सहर अउ ओकरे चारिहुँ कइँती क चरागाह लेवी-बंस क देइ चाही।</verse>
				<verse number="3">लेवी बंसी लोग ओन सहरन म रइहीं। अउ सब गोरुअन, अउ दूसर जनावर, जउन लेवी बंसी मनइयन क होइहीं, सहर क चारिहुँ कइँती क चरागाह मँ चरि सकिहीं।</verse>
				<verse number="4">तू पचे केतॅनी भुइयाँ लेवी बंसी मनइयन क देब्या? सहर क देवॉर स 1,500 फुट बाहेर सहर क पूरब मँ नापत जा</verse>
				<verse number="5">अउ सहर क दक्खिन मँ 3,000 फुट अउर सहर क पच्छिउँ मँ 3,000 फुट, पूर्व 3,000 फुट अउ उत्तर मँ 3,000 फुट उ सारी भुइयाँ लेवी बंसियन क होइ। उ भुइयाँ क बीच सहर होइ।</verse>
				<verse number="6">ओन सहरन मँ छ: सहर सरण क सहर होइहीं। जदि कउनो मनई कउनो क कतल कइ डावत ह तउ उ सुरच्छा बरे ओन सहरन मँ पराइ सकत ह। ओन छ: सहरन क अलावा तू लेवी बंसियन क बियालीस दूसर सहर देब्या।</verse>
				<verse number="7">इ तरह तू पचे कुल अरचालीस सहर लेवी बंसी लोगन क देब्या। तू पचे ओन सहरन क चारिहुँ कइँती भुइँया भी देब्या।</verse>
				<verse number="8">इस्राएल क बड़का परिवारन क भुइँया क बड़का भाग देइहीं। इस्राएल क नान्ह परिवारन क भुइँया क छोटा भाग देइहीं। सबहिं परिवार समूहन लेवी बंसी मनइयन क आपन सहरन मँ स कछू सहर देइहीं।”</verse>
				<verse number="9">तब यहोवा मूसा स बात किहेस। उ कहेस,</verse>
				<verse number="10">“मनइयन स इ कहा: तू पचे यरदन नदी क पार करब्या अउ कनान देस मँ जाब्या।</verse>
				<verse number="11">तोहका ‘सरण-सहर’ बनावइ बरे सहरन क चुनइ चाही। जदि कउनो मनई सँजोग स कउनो क मारि डावत ह तउ इ सुरच्छा बरे इ सहरन मँ स कउनो मँ पराइके जाइ सकत ह।</verse>
				<verse number="12">उ ओ कउनो मनई स बचा रही जउन मरे परिवार क होइ अउ ओका धरइ चाहत होइ। उ तब तलक सुरच्छित रही जब तलक अदालन मँ ओकरे बारे मँ फइसला नाहीं होइ जात।</verse>
				<verse number="13">अउ छ: सहर जेका तू चुनिहीं उ तोहार ‘सरण-नगर’ होइहीं।</verse>
				<verse number="14">ओन सहर मँ स तीन सहर यरदन नदी क पूरब मँ होइहीं। अउर तीन दूसर सहर कनान प्रदेस मँ यरदन नदी क पच्छिउँ मँ होइहीं।</verse>
				<verse number="15">उ सबइ सहर नागरिक लोगन, स्थाई निवासियन अउ अस्थाई निवासियन बरे सरण-ठउर होइहीं। कउनो भी मनई संजोग स कउनो क मारि डावत ह, इ कउनो एक सहर मँ पराइके जाइ सकत ह।</verse>
				<verse number="16">“जदि कउनो मनई कउनो क मारइ बरे लोहा क हथियार बइपरत ह तउ मनई क मरि जाइ चाही।</verse>
				<verse number="17">अउर जदि कउनो मनई एक पाथर उठावत ह अउ कउनो क मारि डावत ह तउ ओका भी मरइ चाही। पाथर उ आकार क होइ चाही जेका मनइयन क मारइ बरे अवसर बइपरा जात ह।</verse>
				<verse number="18">अगर कउनो मनई कउनो लकड़ी का प्रयोग करत ह अउ कउनो क मारि डावत ह तउ ओका मरइ चाही। लकड़ी एक हथियार क सेकेल मँ होइ चाही जेकर प्रयोग अक्सर लोग मनइयन क मारि डावइ बरे करत हीं।</verse>
				<verse number="19">मरे भए मनई क परिवार क निअम्बर उ हत्यारा क पाछा कइ सकत ह अउ ओका मार सकत ह।</verse>
				<verse number="20">“कउनो मनई कउनो प हाथ स हमला कइ सकत ह अउ ओका मारि डाइ सकत ह। या कउनो मनई कउनो क धकियाइ सकत ह अउ ओका मारि डाइ सकत ह। या कउनो मनई कउनो प कछू बहाइ सकत ह अउ ओका मारि सकत ह। अगर उ मरवइया घिना स अइसा किहस तउ उ हत्यारा अहइ। उ मनई क मारि डावइ चाही। मरे भए परिवार क कउनो मनई उ हत्यारा क पाछा कइ सकत ह अउ ओका मार सकत ह।</verse>
				<verse number="21"></verse>
				<verse number="22">“मुला जदि कउनो मनई संजोग स कउनो क मारि सकत ह। उ मनई उ मनई स घिना नाहीं करत रहा, उ होनी संजोग स होइ गइ। या कउनो मनई कछू लोकाइ सकत ह अउ संजोग स कउनो क मार सकत ह, उ मारइ क इरादा नाहीं किहे रहा।</verse>
				<verse number="23">या कउनो मनई कउनो बड़वार पाथर बहाइ सकत ह। अउ उ पाथर कउनो अइसे मनई प भहराइ पड़इ जउन ओका न लखत होइ अउ उ ओका मारि डावइ। उ मनई कउनो क मारि डावइ क इरादा नाहीं किहे रहा। उ मृतक मनई बरे घिना नाहीं राखत रहा। इ सिरिफ संजोग स भवा रहा।</verse>
				<verse number="24">जदि अइसा होइ तउ बिरादरी फइसला करी कि का कीन्ह जाइ। जाति बिरादर क अदालत इ फइसला देइ कि मृतक मनई क परिवार क निअँम्बर ओका मारि डाइ सकत ह।</verse>
				<verse number="25">अगर अदालत क इ फइसला देइ क होइ कि उ जिअत रहइ तउ ओका आपन ‘सरण-सहर’ मइँ जाइ चाही। ओका हुवाँ तब तलक रहइ चाही जब तलक महा याजक मरि जाइ। इ महा याजक उहइ होइ चाही जेकर अभिसेक पवित्तर तेल स भवा होइ।</verse>
				<verse number="26">“उ मनई क आपन ‘सरण-सहर’ क चउहद्दी स कबहुँ बाहेर नाहीं जाइ चाही। अगर उ सिमान पार करत ह अउ मृतक मनई क परिवार क निअम्बर ओका धरत ह अउ ओका मारि डावत ह तउ उ मनई हत्या क अपराधी नाहीं होत।</verse>
				<verse number="27"></verse>
				<verse number="28">उ मनई क जेका, जउन संजोग स कउनो क मारि डाएस ह, ‘सरण-सहर’ मँ महा याजक क मरि तलक रहइ सकत ह। महा याजक क मरइ क पाछे उ मनई आपन भूइँया क लउटि सकत ह।</verse>
				<verse number="29">तू जउन कहुँ भी रहा इ नेमॅ तोहार आवइ वाले नसलन बरे कानून क तरह होइ जाब।</verse>
				<verse number="30">“हत्तियारा क तबहिं मउत-सजा दीन्ह जाइ सकत ह। जब ओकरे बिरोध मँ एक स जियादा गवाही होइहीं। जदि एक ठु ही गवाह होइ तउ कउनो मनई क मउत क सजा नाहीं दीन्ह जाइ।</verse>
				<verse number="31">“जदि कउनो मनई हत्तियारा अहइ तउ ओका मारि डावइ चाही। धन क बदले ओका नाहीं छोड़ दीन्ह जाइ चाही। उ हत्तियारे क मार दीन्ह जाइ चाही।</verse>
				<verse number="32">“अगर कउनो मनई कउनो क मारेस अउ उ पराइके कउनो ‘सरण-सहर’ मँ गवा तउ घर लउटइ बरे ओसे धन जिन ल्या। उ मनई क उ नगर मँ तब तलक रहइ क पड़ी जब तलक महायाजक न मरइ।</verse>
				<verse number="33">“भोले मनइयन क खून स आपन देस क जिन दुसित करा। जदि कउनो मनई कउनो क मारि डावत ह तउ इ अपराध क बदला इहइ अहइ कि उ मनई क मार दीन्ह जाइ। दूसर कउनो अइसा बदला उ जुर्म बरे नाहीं बा कि हत्तियारा क जान स मारि डावा जाइ। दूसर कउनो चारा नाहीं कि उ देस क अजाद कइ सकइ।</verse>
				<verse number="34">मइँ यहोवा हउँ! मइँ इस्राएल क लोग क बीच तोहरे देस मँ सदा रहत रहबइ। मइँ उ देस मँ रहत रहब। एह बरे बे अपराधी मनइयन क खून स उ देस क दुसित जिन करा।”</verse>
			</chapter>
			<chapter number="36">
				<verse number="1">मनस्से यूसुफ क पूत रहा। माकीर मनस्से क पूत रहा। गिलाद माकीर क पूत रहा। गिलाद परिवार क नेता मूसा अउ इस्राएल क परिवार समूहन क नेता लोगन स बात करइ गएन।</verse>
				<verse number="2">उ पचे कहेन, “महोदय, यहोवा हमलोगन क लौटरी क आधार पइ भूइँया बाटइँ क हुकम दिहस ह। अउर महोदय, यहोवा हुकुम दिहस कि सलोफाद क भुइयाँ ओकरी बिटियन क मिलइ। सलोफाद हम लोगन क भाई रहा।</verse>
				<verse number="3">इ होइ सकत ह कि कउनो दूसर परिवार समूह क मनई सलोफाद क कउनो बिटिया स बियाह करइ। का उ भुइँया हमरे परिवारे स निकरि जाइ? का उ दूसरे परिवार समूह क मनई उ भुइँया क पाइ लेइहीं? का हम लोग उ भुइँया क खोइ देब जेका हम लोग लौटरी क आधार प पावा ह।</verse>
				<verse number="4">लोग आपन भुइँया बेचं-बिकिन सकत हीं। मुला जुबली क बरिस मँ सारी धरती उ परिवार समूह क लउटी जात ह जउन एकर असली मालिक होत ह। उ टेमॅ सलोफाद क बिटियन क भुइयाँ कउन पाई? अगर वइसा होत ह तउ हमार परिवार उ भुइयाँ क सदा न पाइ सकी।”</verse>
				<verse number="5">मूसा इस्राएल क लोगन क इ हुकुम दिहस। इ हुकुम यहोवा क रहन “युसूफ क परिवार समूह क इ सबइ मनई ठीक कहत हीं।</verse>
				<verse number="6">सलोफाद क बिटियन बरे इ हुकुम अहइ: जदि तू कउनो स बियाह करइ चाहति हउ तउ तोहका आपन परिवार समूह क कउनो मनई क संग बियाह करइ चाही।</verse>
				<verse number="7">इ तरह इस्राएल क लोगन मँ भुइयाँ एक परिवार समूह स दूसर परिवार समूह मँ नाहीं जाइ। हर एक इस्राएली आपन पुरखन क भुइँया क ही आपन लगे रखी।</verse>
				<verse number="8">अउर जदि कउनो बिटिया बाप क भुइँया पाइ जात ह तउ ओका आपन परिवार समूह मँ स ही कउनो क संग बियाह करइ चाही। इ तरह हर एक मनई उहइ भुइयाँ अपने लगे रखी जउन ओकरे पुरखन क रही।</verse>
				<verse number="9">इ तरह इस्राएल क लोगन मँ एक परिवार समूह स दूसर परिवार समूह मँ न जाइ। हर एक इस्राएली उ भुइँया रखी जउन ओकरे आपन पुरखन क रही।”</verse>
				<verse number="10">सलोफाद क बिटियन, मूसा दुआरा प्राप्त भवा यहोवा क हुकुम क पालन किहेस।</verse>
				<verse number="11">एह बरे सलोफाद क बिटियन महला, तिर्सा, होग्ला, मिल्का अउ नोआ आपन चचेरा भाइयन क संग बियाह किहन।</verse>
				<verse number="12">ओनकइ भतार मनस्से क परिवार समूह क रहेन। एह बरे ओनकइ भुइँया ओनके बाप क परिवार अउ परिवार समूह क बनी रही।</verse>
				<verse number="13">इ तरह उ सब कनून अउ हुकुम यरीहो क पार स यरदन नदी क किनारे मोआब इलाका मँ यहोवा मूसा क दिहे रहा। मूसा यहोवा क ओन कनूनन क अउ हुकुमन क इस्राएल क लोगन क दिहस।</verse>
			</chapter>
		</book>
		<book number="5">
			<chapter number="1">
				<verse number="1">मूसा क जरिये इस्राएल क मनइयन क दीन्ह गवा सँदेसा इ अहइ। उ ओनका इ सँदेसा तबहिं दिहे रहा जब उ पचे यरदन नदि क पूरब क रेगिस्तान मँ रहेन। इ सूफ क निकट रहा जउन कि पारान रेगिस्तान अउ तोपेल, लाबान, हसेरोत अउ दीजाहाब सहरन क बीच मँ रहा।</verse>
				<verse number="2">होरेब अरथात सिनाई पहाड़े स सेईर पहाड़ स होइके कादेसबर्ने क जात्रा सिरिफ गियारा दिना क रही।</verse>
				<verse number="3">मुला जब मूसा इस्राएल क मनइयन क इ ठउरे प संदेसा दिहस तब इस्राएल क मनइयन क मिस्र तजे भए चालीस बरिस होइ गवा रहेन। इ चालिस बरिस क गियारहवें महीना क पहिला दिन रहा, जब मूसा इस्राएल क मनइयन स बातन किहेस। उ ओनसे उहइ सबहिं बातन कहेस जउन यहोवा ओका कहइ क हुकुम दिहे रहा।</verse>
				<verse number="4">इ तब भवा जब मूसा एमोरियन क राजा सीहोन जउन हिब्रोन मँ रहत रहेन अउर बासान क राजा ओग क जउन एद्रेई क असतारोत मँ रहत रहेन।</verse>
				<verse number="5">उहइ समइ उ पचे यरदन नदी क पूरब कइँती मोआब क पहँटा मँ रहेन अउर मूसा परमेस्सर क हुकुमन क अरथ बतावत रहा। मूसा कहेस:</verse>
				<verse number="6">“यहोवा, हमार परमेस्सर होरब पहाड़े पइ हम स कहेस। उ कहेस, ‘तू पचे बहोत समइ स इ पहाड़े प ठहर चुका बाट्या।</verse>
				<verse number="7">एमोरी लोगन क पहाड़ी देस अउर चारिहुँ कइँती क पहँटा मँ जा। यरदन घाटी, पहाड़ी प्रदेस, पच्छिमी नीची भुइँया, दक्खिन क रेगिस्तान मँ अउ समुद्र तट मँ जा। कनानी लोगन क देस मँ अउर लबानोन मँ बड़की नदी परात तलक जा।</verse>
				<verse number="8">लखा, मइँ इ समूचइ देस तोहका दिए अहउँ। भितरे जा अउ ओह पइ कब्जा करा। इ उहइ देस बाटइ जेका देइ क बचन मइँ तोहरे पुरखन इब्राहीम, इसहाक अउ याकूब क दिहे रहेउँ। मइँ इ प्रदेस ओन लोगन क अउ ओन लोगन क सन्ताने क देइ बरे बचन दिहे रहेउँ।’”</verse>
				<verse number="9">मूसा कहेस, “ओह समइ जब मइँ तू पचन स बात किहे रहेउँ तबहिं कहे रहेउँ, ‘मइँ अकेल्ले तू लोगन्क अगुअइ करइ अउ देखरेख करइ मँ समरथ नाहीं अहउँ।</verse>
				<verse number="10">यहोवा तू पचन्क परमेस्सर क्रम स मनइयन क ऍतना बढ़ाएस ह कि तू पचे अब ओतॅना होइ ग अहा जेतॅना अकासे मँ तारा बाटेन!</verse>
				<verse number="11">होइ सकत ह यहोवा, तोहरे पुरखन क परमेस्सर, आज तू पचे जेतना अहा, ओहसे हजार गुना जियादा करइ। होइ सकत ह उ तू पचन क आसीर्बाद देइ जउन उ तोहका सबन्क देइ क बचन दिहेस ह।</verse>
				<verse number="12">का मइँ अकेल्ले तोहार देखरेख अउर तोहरी सबइ समस्या अउ वाद-विवाद क हल कइसे कइ सकत हउँ? नाहीं!</verse>
				<verse number="13">एह बरे: हर एक परिवार समूह स कछू सम्मानित मनइयन क चुना। मइँ ओनका तोहार नेता बनाउब। ओन बुद्धिमान मनइयन क चुना जउन समझदार अउ तजरबेकार अहइँ।’</verse>
				<verse number="14">“अउर तू पचे कहया, ‘अइसा करब नीक अहइ।’</verse>
				<verse number="15">“ऍह बरे, मइँ बुद्धिमान अउर सम्मानित मनइयन क लीन्ह जउन तोहार जरिया चुना भवा अहइ अउ ओनका तोहार प्रमुखन बनाएउँ। मइँ ओनमाँ स कछू क हजार क, कछू क सौ क, कछू क पचास क अउ कछू क दस क प्रमुख बनाएउँ ह। मइँ तोहरे परिवार समूहे बरे अधिकारियन क भी नियुक्त किहेउँ ह।</verse>
				<verse number="16">“ओह समइ, मइँ तोहरे इ सबइ प्रमुखन क तोहार निआवाधीस बनाए रहेउँ। मइँ ओनसे कहे रहेउँ, ‘आपन मनइयन क बीचउ बीच वाद-प्रतिवाद क सुना। हर एक मोकदमा क फैसला सही सही करा। एकर कउनो महत्व नाहीं कि मोकदमा दुइ ठु इस्राएली मनइयन क बीच बाटइ या इस्राएली अउर बिदेसी क बीच। तू पचन्क हर एक मोकदमा क फैसला सही करइ चाही।</verse>
				<verse number="17">जब तू फैसला करा तब इ जिन सोचा कि कउनो मनई दूसर क बराबरी मँ जियादा महत्व क बाटइ। तोहका पचन्क हर एक मनई क फैसला एक तरह समुझिके करइ चाही। कउनो स जिन डेराअ काहेकि तोहार फैसला परमेस्सर स आवा अहइ। मुला अगर कउनो मोकदमा ऍतना जटिल होइ चुका होइ कि तू पचे फैसला न कइ सका तउ ओका मोरे लगे लिआवा। मइँ एकर मोकदमा क फैसला करब।’</verse>
				<verse number="18">उहइ समइ, मइ उ सबइ बातन क बताए रहेउँ जेका तू पचन्क करइ चाही।</verse>
				<verse number="19">“तब हम पचे उहइ कीन्ह जेका यहोवा हमार परमेस्सर हम पचन्क हुकुम दिहे रहा। हम पचे होरेब पहाड़े क तजा अउर एमोरी लोगन्क पहाड़े क जात्रा कीन्ह। हम पचे ओन बड़की अउ सबइ भयंकर भुइँया स होइके गएन जेका तू पचे भी लखे रह्या। हम पचे कादेसबर्ने पहोंच गएन।</verse>
				<verse number="20">तब मइँ तू पचन्स कहे रहेउँ, ‘तू पचे एमोरी लोगन्क पहाड़ी प्रदेस मँ आइ चुका अहा। यहोवा हमार परमेस्सर इ देस हमका देई।</verse>
				<verse number="21">लखा, यहोवा तोहार परमेस्सर उ देस क तोहार समन्वा कइ दिहेस। अगवा बढ़ा अउ भुइयाँ क आपन बनाइ ल्या। तोहरे पुरखन क यहोवा परमेस्सर तू पचन्क अइसा करइ क आदेस दिहे अहइ। एह बरे जिन डेराअ, कउनो तरह क चिन्ता जिन करा!’</verse>
				<verse number="22">“तब तू सबहिं मोरे लगे आया अउ बोल्या, ‘पहिले उ देस क लखइ क बरे कछू मनइयन क पठवा। उ सबइ क हुआँ क देस क धियान स लखि द्या। उ सबइ तब वापस आइ सकत हीं अउ हम लोगन्क उ रस्ता बताइ सकत हीं जेनसे हम सबन्क जाइ क बाटइ अउर ओन सहरन क बताइ सकत हीं जेनके ताईं हम पचन्क पहुँचइ क अहइ।’</verse>
				<verse number="23">“मइँ सोचेउँ कि इ नीक बिचार अहइ। एह बरे मइँ तू मनइयन मँ स हर परिवार समूह बरे एक ठु मनई क हिसाब स बारह मनइयन क चुनेस।</verse>
				<verse number="24">तबहिं उ सबई मनइयन हम पचन्क पीछे तजिके पहाड़ी पहँटा मँ गएन। उ पचे एसकोल क घाटी मँ गएन। उ पचे भुइँया क विभिन्न जगह क छान-बीन किहेन।</verse>
				<verse number="25">उ पचे उहइ पहँटा क कछू फल लिहन अउ ओनका हमरे लगे लिआएन। उ पचे हम लोगन्क विवरण दिहन अउ कहेन, ‘इ नीक देस अहइ जेका यहोवा हमार परमेस्सर हमका दइ देत अहइ।’</verse>
				<verse number="26">“मुला तू पचे ओहमाँ जाइसे इन्कार कइ दिहा। तू पचे यहोवा आपन परमेस्सर क हुकुम क मानइ स इन्कार कइ दिहा।</verse>
				<verse number="27">तू पचे आपन सिबिर मँ सिकाइत किहा। तू पचे कहया, ‘यहोवा हमसे घिना करत अहइ। उ हम पचन्क मिस्र स बाहेर एमोरी मनइयन क देइ बरे लइ आवा जेहसे उ पचे हमका नस्ट कइ सकइँ।</verse>
				<verse number="28">अब हम पचे कहाँ जाई? हमार भाई हम पचन्क डेराएन। उ पचे कहेन, “हुआँ क लोग हम पचन्स बड़वार अउ लम्बा अहइँ, उ सहर बड़ा अहइँ अउ ओनकइ देवार आसमान क छुअत हीं। अउ हम पचे देत्य क सन्तानन क हुआँ लखा।”’</verse>
				<verse number="29">“तब मइँ तू पचन्स कहेउँ, ‘घबराअ जिन! ओन लोगन्स डेराअ नाहीं!</verse>
				<verse number="30">यहोवा तोहार परमेस्सर तोहरे समन्वा जाइ अउ तोहरे बरे लड़ी। उ उहइ करी जे तू ओका मिस्र मँ देखावत रहा।</verse>
				<verse number="31">तू पचे हुआँ आपन समन्वा ओका रेगिस्तान मँ जात भवा लख्या ह। तू पचे लख्या कि यहोवा तोहार परमेस्सर तोहका पचन्क वइसेन ही लइ आवा जइसे कउनो मनई आपन पूत क लिआवत ह। यहोवा पूरा रस्ता भइ तू पचन्क रच्छा करत भवा तोहका सबन्क हिआँ पहोंचाएस ह।’</verse>
				<verse number="32">“मुला तबहुँ तू पचे आपन परमेस्सर पई नाहीं पतियाना।</verse>
				<verse number="33">जब तू पचे जात्रा करत रह्या तब उ तोहरे आगे तोहार डेरा डावइ बरे जगहिया हेरइ गवा। तोहका सबन्क इ बतावइ बरे कि तू पचन्क कउने राहे प जाइ क अहइ उ राति क आगी मँ अउ दिन मँ बदरी मँ चला।</verse>
				<verse number="34">“यहोवा तोहार कहब सुनेस, उ कोहाइ गवा। उ प्रण किहस। उ कहेस,</verse>
				<verse number="35">‘तू सबइ लोगन जउन अबहुँ जिअत रहेन सबहिं पापी अहइँ। उ लोगन स कउनो भी मनई नीक देसे मँ न जाई, जेका देइ क बचन मइँ तोहरे पुरखन क दिहे अहउँ।</verse>
				<verse number="36">यपुन्ने क पूत कालेब ही सिरिफ उ देस क लखी। मइँ कालेब क उ देस देब जेह पइ उ चला ह अउर मइँ उ देस क कालेब क सन्तानन क देब। काहेकि कालेब उ सबइ किहेस जउन मोर हुकुम रहा।’</verse>
				<verse number="37">“यहोवा तू लोगन क कारण मोसे भी नाखुस रहा। उ मोसे कहेस, ‘तू भी उ देस मँ नाहीं जाइ सकत्या।</verse>
				<verse number="38">मुला तोहार सहायक, नून क बेटवा यहोसू उ देस मँ जाइ। यहोसू क हौसला बढ़ावा, काहेकि उहइ इस्राएल क लोगन्क भुइँया पइ आपन कब्जा जमावइ बरे लइ जाई।’</verse>
				<verse number="39">यहोवा हम पचन्स कहेस, ‘तू पचे कहया, कि तोहरे नान्ह-नान्ह गदेलन दुस्मन क जरिये लइ लीन्ह जइहीं। मुला उ सबइ उ देस मँ जाई। मइँ तोहरी गल्तियन बरे तोहरे गदेलन क दोखी नाहीं मानत हउँ। काहेकि उ पचे अबहिं ऍतना नान्ह-नान्ह बाटेन कि उ पचे इ जान नाहीं सकतेन कि का सही बाटइ अउ का गलत। उ पचे हुवाँ जाब अउर मइँ उ पचन्क उ धरती ओकर देस क रुप मँ देब।</verse>
				<verse number="40">मुला तू पचन क लाल सागर जाइवाला मार्ग स रेगिस्तान क सफर करइ चाही।’</verse>
				<verse number="41">“तबहिं तू पचे कहया, ‘मूसा, हम पचे यहोवा क खिलाफ किहे अही। मुला अब हम पचे आगे बढ़ब अउ जइसे पहिले यहोवा हमार परमेस्सर हुकुम दिहे रहा वइसेन ही लड़ब।’ “तब तू पचन मँ स हर एक जुद्ध बरे औजार धारण किहस। तू पचे पहाड़ी-देस तलक जाई क तैयारी किहस।</verse>
				<verse number="42">मुला यहोवा मोसे कहेस, ‘मनइयन स कहा कि उ पचे हुआँ न जाइँ अउर न लड़इँ। काहेकि मइँ ओनकर संग न देब अउ ओनकर दुस्मन ओनका हराइ देइहीं।’</verse>
				<verse number="43">“एह बरे, मइँ तू लोगन स बात किहेउँ, मुला तू पचे मोर एक न सुन्या। तू पचे यहोवा क हुकुम मानइ स इन्कार कइ दिहा। तू पचे घमण्ड स बेउहार किहेस अउर तू पचे पहाड़ी-देस तलक चलि गवा।</verse>
				<verse number="44">तबहिं एमोरी लोग जउन उहइ पहाड़ी पहँटा मँ रहत ही तोहरे खिलाफ होइ गएन। उ पचे तोहार पीछा उहइ तरह किहेन जइसे मधुमक्खी तोहार पीछा करत ह। उ पचे तोहार सेईर स लइके होर्मा तलक पूरा रास्ता मँ बुरी तरह हराएन।</verse>
				<verse number="45">तू पचे लउट्या अउ यहोवा क समन्वा रोया-चिचियाया। मुला यहोवा तोहार बात कछू नाहीं सनेस। उ तोहार बात सुनइ स इन्कार कइ दिहस।</verse>
				<verse number="46">एह बरे तू सबइ कादेस मँ बहोत समइ तलक रुका रह्या।</verse>
			</chapter>
			<chapter number="2">
				<verse number="1">“तब हम पचे घूमि गए अउ लाल सागर क सड़क होइके रेगिस्तान क जात्रा किहेस इ उहइ अहइ जइसा यहोवा मोका आदेस दिहे रहेन। हम पचे सेईर क पहाड़ी पहँटा क चारिहुँ कइँती अनेक दिना तलक चलत रहेन।</verse>
				<verse number="2">तब यहोवा मोसे कहेस,</verse>
				<verse number="3">‘तू पचे इ पहाड़ी क चारिहुँ कइँती बहोत जियादा भटक चुका बाट्या। अब उत्तर कइँती घूमा।</verse>
				<verse number="4">उ मोसे तोसे इ कहइ क कहेस, तू पचे सेईर प्रदेस स होइके जाब्या। इ प्रदेस तू लोगन्क रिस्तेदारन एसाव क सन्तानन क अहइ। उ पचे तोहसे डेराइ जइहीं। बहोत सावधान रहा।</verse>
				<verse number="5">ओनसे जुद्ध जिन करा। मइँ ओकर एक फुट भुइँया तलक तोहका नाहीं देबउँ। काहेकि मइँ एसाव क सेईर क पहाड़ी प्रदेस ओनके कब्जे मँ दइ दीन्हेउँ।</verse>
				<verse number="6">तू पचन्क एसाव क लोगन्क हुआँ पइ भोजन करइ या पानी पिअइ क मूल्य चुकावइ चाही।</verse>
				<verse number="7">इ याद राखा कि यहोवा तोहार परमेस्सर, तोहका तू सबइ जउन कछू भी किह्या ओन सबहिं बरे आसीर्बाद दिहस। उ इ लम्बे चौड़े रेगिस्ताने स तोहार जात्रा जानत ह। यहोवा तोहार परमेस्सर इ सबइ चालीस बरिसन मँ तोहरे संग रहा ह। तू पचन्क कउनो भी चीजन क कमी नाहीं रही।’</verse>
				<verse number="8">“एह बरे, हम लोग सेईर मँ रहइवालन आपन रिस्तेदारन क लगे स अगवा बढ़ गए। हम पचे यरदन घाटी स एलत अउ एस्योनगेबेर सहरन क जाइवालिन स़ड़क क पाछे तजि दिहेन। तब हम पचे उ सड़क पइ घूमि गए जउन मोआब क रेगिस्तान कइँती जात अहइ।</verse>
				<verse number="9">“यहोवा मोसे कहेस, ‘मोआब क लोगन्क परेसान जिन करा। ओनके खिलाफ जंग जिन छेड़ा। मइँ ओनकइ कउनो भी भुइँया तू पचन्क नाहीं देब। उ पचे लूत क सन्तानन अहइँ, अउर मइँ ओनका आर प्रदेस दिहे अहउँ।’”</verse>
				<verse number="10">(पहिले, आर मँ एमी लोग रहत रहेन। उ पचे सक्तीसाली मनई रहेन अउर हुआँ ओनमाँ बहोत स रहेन। उ पचे अनाकी लोगन क तरह बहोत लम्बा रहेन।</verse>
				<verse number="11">अनाकी लोगन क तरह, एमी रपाई लोगन क एक ठु हींसा समुझा जात रहेन। मुला मोआबी लोग ओनका एमी कहत रहेन।</verse>
				<verse number="12">पहिले होरी लोग भी सेईर मँ रहत रहेन। मुला एसाव क सन्तानन ओनकर भुइँया लइ लिहन। एसाव क सन्तानन होरी लोगन क नास कइ दिहन। तब एसाव क सन्तानन हुआँ रहइ लागेन। इ वइसा ही किहेन जइसा इस्राएल उ भुइँया क कब्जा करइ मँ किहेन जउन यहोवा ओनका दिहे रहेन।)</verse>
				<verse number="13">“यहोवा मोसे कहेस, ‘अब तइयार होइ जा अउर जेरेद घाटी क पार जा।’ एह बरे हम जेरेद घाटी क पार किहेन।</verse>
				<verse number="14">कादेसबर्ने क तजइ अउ जेरेद घाटी क पार करइ मँ अड़तीस बरिस क समइ बीता रहा। उ पीढ़ी क सबहिं जोधा मरि चुका रहेन। यहोवा सपथ लिहेस कि अइसा ही होई।</verse>
				<verse number="15">यहोवा ओन लोगन क खिलाफ तब तलक करत रहेन जब तलक उ सबइ सिबिर स न नस्ट होइ गएन।</verse>
				<verse number="16">“जब सबहिं जोधन मरि गए रहेन अउर चला गए रहेन।</verse>
				<verse number="17">तब यहोवा मोसे कहेस,</verse>
				<verse number="18">‘आजु तू पचन्क आर सहर क सीमा क पार कइके मोआब क इलाका मँ लइ जाबइ।</verse>
				<verse number="19">जब तू लोग ओकर भुइँया स होइके गुजरब्या तउ ओनका तंग जिन कर्या। ओनसे जिन लड़्या काहेकि मइँ तू पचन्क ओनकर भुइँया न देब। काहेकि मइँ उ भुइँया लूत क संतानन क नियन्त्रण करइ बरे दिहेउँ ह।’”</verse>
				<verse number="20">(उ प्रदेस रपाइ लोगन्क देस भी कहा जात ह। उ सबइ ही मनइयन पहिले हुआँ रहत रहेन। अम्मोनी क लोग ओनका “जमजुम्मी लोग” कहत रहेन।</verse>
				<verse number="21">जमजुम्मी लोग बहोत सक्तीसाली रहेन अउर ओनमाँ स बहोत स हुआँ रहेन। उ पचे अनाकी लोगन क नाई लम्बा रहेन। मुला यहोवा जमजुम्मी लोगन क अम्मोनी लोगन बरे नास कइ दिहस। अम्मोनी लोग जमजुम्मी लोगन्क प्रदेस छीन लिहन अउ अब उ पचे हुआँ रहत रहेन।</verse>
				<verse number="22">परमेस्सर इहइ काम एसाव क सन्तानन बरे किहस जउन सेईर मँ रहत रहेन। उ पचे हुआँ रहइवालन होरी लोगन्क नास कइ दिहन। अब एसाव क सन्तानन हुआँ रहत अहइँ जहाँ पहिले होरी लोग रहत रहेन।</verse>
				<verse number="23">अव्वियन गाँवन मँ गाजा तलक रहत रहेन। मुला कछू लोगन कप्तोरी स आएन अउर ओका नस्ट कइ दिहेन। अबहिं कप्तोरियन ओकर जगह मँ रहत अहइँ।)</verse>
				<verse number="24">“यहोवा मोसे कहेस, ‘जात्रा बरे तइयार होइ जा। अर्नोर्न नदी क घाटी से होइके जा। मइँ तू पचन्क हेसबोन क राजा सीहोन पइ विजय पावइ क सक्ती देत हउँ। मइँ तोहका सबन्क उ देस जीतइ क सक्ती देत हउँ। एह बरे ओकरे खिलाफ लड़ा अउ ओकरे देस पइ कब्जा करब सुरु करा।</verse>
				<verse number="25">आजु मइँ तू पचन्क समूचइ संसार क लोगन क डेरावइवाला बनाउब सुरु करत अहउँ। उ पचे तोहरे बारे मँ खबर पइहीं अउ उ पचे भय स काँप उठीहीं। जब उ पचे तोहरे बारे मँ सोचिहीं तब उ पचे घबराइ जइहीं।’</verse>
				<verse number="26">“कदेमोत क रेगिस्तान स मइँ हेसबोन क राजा सीहोन क लगे दूतन क पठएउँ। दूतन सीहोन क समन्वा सान्ति-सन्धि राखेस। उ पचे कहेन,</verse>
				<verse number="27">‘आपन देस स होइके हम पचन्क जाइ द्या। हम लोग सड़क पइ ठहरब। हम पचे सड़किया क दाहिन या बाएँ कइँती न मुड़ि जाब।</verse>
				<verse number="28">हम पचे जउन खइया क खाब या जउन पानी पिअब ओकर बरे पैसा चुकाउब। हम पचे सिरिफ तोहरे देस स पइदल जात्रा करइ क अनुमति चाहित ह।</verse>
				<verse number="29">आपन देस स होइके तू पचे हम पचन्क यरदन नदी क पार कइके ओह देस मँ पहोंच तलक जाई जेका यहोवा हमार परमेस्सर हमका दइ देत बाटइ। एसाव क सन्तानन अउर आर मँ बसइया मोआबी लोग आपन देस स हमका जाइ अनुमति दइ दिहन ह।’</verse>
				<verse number="30">“मुला हेसबोन क राजा सीहोन, आपन देस स हमका जाइ नाहीं दिहस। यहोवा, तोहार परमेस्सर, ओका बहोत जिद्दी बनाइ दिहस। यहोवा इ एह बरे किहस कि उ सीहोन क तोहरे कब्जा मँ दइ सकइ अउ उ अब इ कइ दिहेस ह।</verse>
				<verse number="31">“यहोवा मोसे कहेस, ‘मइँ राजा सीहोन अउ ओकरे देस क तोहका सबन्क देत अहउँ। भुइँया लेब सुरु करा। इ तब तोहार होई।’</verse>
				<verse number="32">“तब राजा सिहोन अउ ओकर सब लोग हम पचन्स यहस मँ जुद्ध करइ बाहेर निकरेन।</verse>
				<verse number="33">मुला यहोवा हमार परमेस्सर ओका हमका दइ दिहस। हम पचे ओका, ओकरे बेटवन क, अउ ओकरे सब लोगन क हराएन।</verse>
				<verse number="34">हम पचे ओन सबइ सहरन पइ कब्जा कइ लीन्ह। तउ हम पचे सहर क सबइ मनइयन, मेहरारु अउ गदेलन क पूरी तरह नास कइ दीन्ह। हम पचे कउनो क जिअत नाहीं तजा।</verse>
				<verse number="35">हम पचे जउन सहरन क जीत लीन्ह ओनमाँ स सिरिफ जनावॅरन अउ कीमती चीजन्क लइ लीन्ह।</verse>
				<verse number="36">हम पचे अरोएर सहर क जउन अर्नोर्न क घाटी मँ बाटइ अउ उ घाटी क बीच दूसर सहर क भी हरावा। यहोवा हमार परमेस्सर हमका अर्नोर्न घाटी अउ गिलाद क बीच क सबहिं सहरन क हार जाइ दीन्ह। कउनो सहर हम लोग बरे एतनॉ जियादा मज़बूत नाहीं रहेन।</verse>
				<verse number="37">मुला उ प्रदेस क निचके नाहीं गए, जउन अम्मोनी लोगन्क रहा। तू पचे यब्बोक नदी क किनारे या पहाड़ी प्रदेसन क सहरन क निअरे नाहीं गया। तू पचे अइसे कउनो ठउरे क निअरे नाहीं गया जेका यहोवा हमार परमेस्सर तोहका आदेस दिहस रहा।</verse>
			</chapter>
			<chapter number="3">
				<verse number="1">“हम पचे घूमि गए अउ बासान क जाइवाली सड़क पइ चलतइ रहेन। बासान क राजा ओग अउ ओकर सबहिं लोग एद्रेइ मँ हम लोगन स लड़इ बरे आएन।</verse>
				<verse number="2">यहोवा मोसे कहेस, ‘ओग स जिन डेराअ, जेका मइँ तोहरे हाथे मँ देइ दिहेस ह। मइँ एकरे सबहिं लोगन अउ भुइँया क तोहका सबन्क दइ देब। तू पचे ऍका वइसे ही हरउब्या जइसे तू पचे हेसबोन क सासक एमोरी राजा सीहोन क हराया।’</verse>
				<verse number="3">“इ तरह यहोवा हमार परमेस्सर बासान क राजा ओग अउ ओकर सबहिं लोगन्क हमरे हाथे मँ दिह्या। हम पचे ओका लोगन पइ तब तलक हमला किहेस जब तलक हर कछू खतम नाहीं होइ गएन।</verse>
				<verse number="4">तब हम पचे उ समइ उ सबइ सहरन पइ कब्जा कीन्ह रहेन। एक भी अइसा सहर नाहीं बचा जेका हम पचे नाहीं लिहेन। हम पचे ओन लोगन स बासान मँ ओग क राज्ज अगोब प्रदेस क सबइ साठ सहरन क लीन्ह।</verse>
				<verse number="5">इ सबहिं सहरन ऊँची देवारन अउ दुआरन मँ मजबूत छड़न क संग बहोत मजबूत रहेन। अनेक दूसर सहरन बे देवारे क रहेन।</verse>
				<verse number="6">हम पचे ओनका वइसे बरबाद कीन्ह जइसे हेसबोन क राजा सीहोन क नगरन क बरबाद किहे रहे। हम पचे हर एक सहर क ओनके मनइयन क संग, मेहररुअन अउ गदेलन क भी बरबाद कीन्ह।</verse>
				<verse number="7">मुला हम पचे सबहिं गइयन अउ कीमती चीजन्क अपने लगे राखा।</verse>
				<verse number="8">“उहइ समइ मँ हम पचे एमोरी लोगन्क दुइ ठु राजा स भुइँया लीन्ह। इ भुइँया यरदन नदी क दूसरी कइँती पूरब तरफ अहइ। इ भुइँया अर्नोर्न घाटी स लइके हर्मोन पहाड़े तलक अहइ।</verse>
				<verse number="9">(सिदोनी हेर्मोन पहाड़े क ‘सिर्योन’ कहत हीं, मुला एमोरी ऍका ‘सनीर’ कहत हीं।)</verse>
				<verse number="10">हम पचे समूचइ समथर मइदान क सहर, समूचइ गिलाद, अउ समूचइ बासान मँ सल्का अउ एदेई तलक अधिपत्य कायम कीन्ह। उ सबइ सहर बासान मँ ओग क समराज्ज क सहरन रहेन।”</verse>
				<verse number="11">(बासान क राजा ओग एक रपाई मनई रहा जउन अबहिं तलक जिअत रहा। ओग क पलंग लोहे क बनी रही। इ करीब नौ हाथ लम्बी अउ चार हाथ चौड़ी रही। रब्बा सहर मँ इ अबहिं तलक अम्मोनी लोगन क संग बाटइ।)</verse>
				<verse number="12">“उ समइ उ भुइँया क हम पचे जीत लिहे रहे अउर मइँ एका रूबेन परिवार समूह क अउ गादी परिवार समूह क अर्नोन घाटी क अरोएर स लइके गिलाद क आधा पहाड़ी भाग तलक ओकरे सहरन क संग दिहेउँ ह।</verse>
				<verse number="13">मनस्से क आधा परिवार समूह क मइँ गिलाद क दूसर आधा हींसा अउ समूचइ बासान दिहेउँ यानी अर्गोब क पूरा छेत्र बासान ओग क राज्ज रहा।” (बासान क छेत्र रपाइयन क प्रदेस कहा जात रहा।</verse>
				<verse number="14">याईर, मनस्से क सन्तानन मँ स एक, अर्गोब क समूचा छेत्र जेका बासान कहा जात रहा, कब्जा कइ लिहेन। उ प्रदेस गसूरी अउर माका लोगन क इलाका तलक फइल गएन। याईर पाछे इ प्रदेस क नाउँ आपन नाउँ पइ राखेस। इहइ स आजु भी याईर प्रदेस क नाउँ स सुमिरइ जात ह।)</verse>
				<verse number="15">“मइँ गिलाद माकीर क दिहेउँ।</verse>
				<verse number="16">अउर रूबेन परिवार समूह क अउ गाद परिवार समूह क मइँ उ प्रदेस दिहेउँ जउन अर्नोन घाटी स यब्बोक नदी तलक जात ह। घाटी क बीच एक चउहद्दी बाटइ। यब्बोक नदी अम्मोनी लोगन क चउहद्दी अहइ।</verse>
				<verse number="17">यरदन घाटी मँ यरदन नदी पच्छिम चउहद्दी बनावत ह। इ छेत्र क उत्तर मँ किन्नेरेत झील अउर दक्खिन मँ अराबा समुद्दर बाटइ अरथात जेका लवण सागर कहत हीं। इ पूरब मँ पिसगा क चोटी क तलहटी मँ बना अहइ।</verse>
				<verse number="18">“ओह समइया, मइँ तोहका आदेस दिहे रहेउँ: ‘यहोवा, तोहार परमेस्सर तू पचन्क रहइ बरे यरदन नदी क इ कइँती क प्रदेस दिहेउँ ह। मुला अब तोहरे पचन्क जोधन बरे आपन औजार उठावइ चाही। तोहका दूसर इस्राएली परिवार समूहन क भी नदी क पार होइ क अगुवाइ करइ चाही।</verse>
				<verse number="19">तोहार मेहररुअन, गदेलन अउर तोहार गोरुअन हिआँ ओन सहरन मँ रइहीं जेनका मइँ तू पचन्क दिहेउँ ह। मइँ जानत हउँ कि तोहरे लगे बहोत स गोरुअन अहइँ।</verse>
				<verse number="20">मुला तोहे पचन्क आपन इस्राएली रिस्तेदारन क मदद यरदन नदी क दूसर किनारे उ प्रदेस क पाइ लेतेन तलक करइ चाही जउन यहोवा तोहार परमेस्सर दिहेस ह। ओनकइ मदद तब तलक करा जब तलक यहोवा ओनकइ जीवन मँ सान्ति न देइ जइसा तू पचे हिआँ पाइ लिहा ह। तब तू पचे हिआँ आपन देस मँ लउटि सकत ह जेका मइँ तू पचन्क दिहेउँ ह।’</verse>
				<verse number="21">“तब मइँ यहोसू स कहेउँ, ‘तू पचे उ सबइ लख्या ह जउन यहोवा तोहार परमेस्सर इ दुइ राजा लोगन क संग किहेस ह। यहोवा अइसा ही ओन सबहिं राज्जन क संग करब जउन जगह तू जात रहा।</verse>
				<verse number="22">इ सबइ देसन क राजा लोगन स जिन डेराअ, काहेकि यहोवा तोहार परमेस्सर, तोहरे बरे लड़ी।’</verse>
				<verse number="23">“मइँ उ समइ यहोवा स विसेख कृपा क पराथना किहेउँ,</verse>
				<verse number="24">‘यहोवा मोर सुआमी, मइँ तोहार सेवक अहउँ। तू मोका आपन महानत सक्ती देखाइ सुरू किहस ह। सरग या भुइँया पइ कउनो अइसा दूसर परमेस्सर नाहीं अहइ, जउन तू किह्या ह तोहरे तरह महान अउ सक्तीसाली काम कइ सकइ।</verse>
				<verse number="25">मइँ तोहसे विनती करत हउँ कि तू मोका उ पार जाइ द्या अउ यरदन नदी क दूसर कइँती क नीक प्रदेस, सुन्नर पहाड़ी पहँटा अउर लबानोन क लखइ द्या।’</verse>
				<verse number="26">“मुला यहोवा तोहरे कारण मोह पइ नाखुस रहा। उ मोर बात सुनइ स इन्कार कइ दिहा। उ मोसे कहेस, ‘बस करा! एकरे बारे मँ मोका दूसर सब्द जिन कहा।</verse>
				<verse number="27">पिसगा पहाड़े क चोटी पइ जा। पच्छिउँ कइँती, उत्तर कइँती, दक्खिन कइँती, पूरब कइँती लखा। ओनका तू आपन आँखिन स लखा काहेकि तू पचे यरदन नदी क पार नाहीं कइ पउब्या।</verse>
				<verse number="28">तू पचन क यहोसू क निर्देर्स देइ चाही। ओका मजबूत अउ हिम्मती बनावा। काहेकि यहोसू लोगन क यरदन नदी क पार लइ जाइ। यहोसू ओन भुइँया क जउन तू लखत रहा ओका कब्जा करइ मँ तोहार मदद करी ओहमाँ तोहका रहइ क देइ।’</verse>
				<verse number="29">“ऍह बरे हम पचे बेत-पोर क दूसर कइँती घाटी मँ रुकि गए।”</verse>
			</chapter>
			<chapter number="4">
				<verse number="1">“इस्राएल, अब ओन नेमन अउ सबइ आदेस क सुना जेनकइ उपदेस मइँ देत अहउँ। ओनका माना। तब तू पचे जिअत रहब्या। तू जाइ सकब्या अउर उ प्रदेस क लइ लेइ सकब्या जेका यहोवा तोहरे पचन्क क पुरखन क परमेस्सर तोहका दइ देत अहइ।</verse>
				<verse number="2">जउन मइँ हुकुम देत अहउँ ओहमाँ अउर कछू जोरब नाहीं अहइ। तू पचन्क ओहमाँ स कछू घटावइ नाहीं चाही। तू पचन्क आपन यहोवा परमेस्सर क ओन सबइ आदेस क मानइ चाही जेनका मइँ तू पचन्क दिहेउँ ह।</verse>
				<verse number="3">“तू पचे लख्या ह कि बाल पोर मँ यहोवा का किहेस। यहोवा तोहार परमेस्सर तोहरे ओन सबहिं मनइयन क नास कइ दिहेस जउन बाल पोर क मानत रहेन।</verse>
				<verse number="4">मुला तू लोग सबइ जउन यहोवा आपन परमेस्सर क संग रहेन, आजु जिअत अहा।</verse>
				<verse number="5">“धियान द्या, यहोवा मोर परमेस्सर जउन मोका हुकुम दिहेस ह, ओनहीं नेमन अउ हुकुमत क मइँ तू पचन्क सिच्छा देत अहउँ। तोहका उ नेमन क उ भुइँया मँ जरूर मानइ चाही जहाँ तू पचे रहइ बरे जात रहा।</verse>
				<verse number="6">ऍन नेमन क होसियारी स पालन करा। इ दूसर रास्ट्रन क सूचित करी कि तू पचे बुद्धि अउ समझ राखत अहा। जब ओन देसन क लोग इ नेमन क बारे मँ सुनिहीं तउ उ सबइ सच्चाइ क साथ स्वीकार करिहीं कि ‘फुरइ, इस्राएल रास्ट्र क लोग बुद्धिमान अउ समुझदार अहइँ।’</verse>
				<verse number="7">“कउनो रास्ट्र क कउनो देवता ओनके संग ओतना निचके नाहीं रहत जउने तरह यहोवा हमार परमेस्सर जउन हम लोगन क लगे रहत ह, जब हम ओका पुकारित ह,</verse>
				<verse number="8">कउनो दूसर रास्ट्र ऍतना महान नाहीं कि ओकरे लगे उ पचे न्यायसंगत नेमन अउ हुकुमन होइँ जेनकर उपदेस मइँ आजु करत अहउँ।</verse>
				<verse number="9">मुला तू पचन्क होसियार रहइ। निहचय कइ ल्या कि जब तलक तू पचे जिअत रहब्या, तब तलक तू पचे देखी भइ चिजियन क न बिसरब्या या एकॉ आपन हिरदइ स जाइ न देब्या। तू पचन्क इ सबइ सिच्छा क आपन पूत अउ पोतन क देइ चाही।</verse>
				<verse number="10">उ दिन क याद राखा जब तू पचे होरेब पहाड़े पइ आपन यहोवा परमेस्सर क समन्वा ठाढ़ रह्या। यहोवा मोसे कहेस, ‘मइँ जउन कहत हउँ, ओका सुनइ बरे लोगन क बटोरा। तब उ पचे मोर स भयभीत होइहीं जब तलक उ पचे उ भुइँया पइ रइहीं अउर उ पचे इ सब उपदेस आपन गदेलन क भी देइहीं।’</verse>
				<verse number="11">तू पचे निचके आया अउ पहाड़े क तरखाले खड़ा होइ गया। पहाड़े मँ आग लग गइ अउ उ अकास क छुअइ लाग। घना करिआ बादर अउ अँधियारा गमका।</verse>
				<verse number="12">तबहिं यहोवा आगी क बीच मँ स तू पचन्स बतियान। तू पचे अवाज सुनया मुला तू पचे ओका कउनो सकल नाहीं निहार सक्या। सिरिफ अवाज सुनाई पड़त रही।</verse>
				<verse number="13">उ तू पचन क आपन करार क बताएस। उ दस आदेसन क दिहस अउ तोहका ओका मानइ क आदेस दिहस। उ ओनका दुइ ठू पाथर क सिला पइ लिखेस।</verse>
				<verse number="14">ओह समइ यहोवा मोका हुकुम दिहस कि मइँ तू पचन्क इ सबइ विधि अउ नेमन क उपदेस देउँ। इ सबइ उहइ सब नेमन अउ विधि अहइँ जेनका मानब तू पचन्क उ देस मँ करइ चाही जेका तू पचे लेइ अउ बसइ बरे तू पचे जात अहा।</verse>
				<verse number="15">“उ दिना यहोवा होरेब पहाड़े क आगी स तोहे सबन्स बात किहस। तू पचे ओका तने क रुप मँ नाहीं लख्या। ऍह बरे होसियार रहा।</verse>
				<verse number="16">आपन जिन्नगी क जिन बरबाद करा। आपन बरे कउनो मूरति क रूप जिन बनावा। अइसी मुर्ती जिन बनावा जउन कउनो मनसेधू अउ मेहरारु क नाईं होइ।</verse>
				<verse number="17">अइसी मूरत जिन बनावा जउन भुइँया क कउनो जनावर या अकासे क पंछी क नाई देखाँइ देत होइ।</verse>
				<verse number="18">अउर अइसी मूरत जिन बनावा जउन भुइँया पइ रेंगइवाला या समुद्दर क मछरी क नाई देखाँइ देत ह।</verse>
				<verse number="19">जब तू पचे अकासे कइँती निगाह करा अउर सूरज, चँदा, तारन अउ बहोत कछू चिजियन तू अकासे मँ लखा, ओनका प्रति सेवा अउ पूजा बरे आकर्सित जिन भवा। यहोवा तू पचन्क परमेस्सर ऍन सबइ चिजियन क संसारे क दूसर मनइयन क दिहस ह।</verse>
				<verse number="20">मुला यहोवा तोहका पचन्क मिस्र स बाहेर लिआवा ह जउन तोहरे पचन बरे लोहा क भट्ठी रही। उ तू सबन्क एह बरे लिआएस ह कि तू पचे ओकर आपन लोग बन सका जइसे तू पचे अबहुँ अहा।</verse>
				<verse number="21">“यहोवा तोहरे पचन्क कारण मोसे कोहाइ ग रहा। उ किरया खाएस कि मइँ यरदन नदी क ओह पार नाहीं जाइ सकत हउँ। उ कहेस कि मइँ उ सुन्नर प्रदेस मँ घुस नाहीं सकत हउँ जेका यहोवा तोहार परमेस्सर तोहका मिरास क रूप मँ देत अहइँ।</verse>
				<verse number="22">ऍह बरे मोका इहइ प्रदेस मँ मरइ चाही। मइँ यरदन नदी क पार नाहीं जाइ सकत हउँ। मुला तू पचे ओकरे पार होइ जाब्या अउ अच्छा भुइँया पाउब्या।</verse>
				<verse number="23">तोहका सबन्क होसियार रहइ चाही कि तू पचे उ करार क जिन बिसरि जा, जेका यहोवा तोहरे पचन्क परमेस्सर तोहे सबन्स किहे अहइ। तू पचन्क कउने किसिम क मूरति नाहीं बनवइ चाही काहेकि यहोवा तोहरे पचन्क परमेस्सर तोहे सबन्क न बनावइ क आग्या दिहे अहइ।</verse>
				<verse number="24">काहेकि तोहार परमेस्सर, ईर्स्यालु परमेस्सर अहइ। उ भस्म करइ बरे आगी क नाइँ अहइ।</verse>
				<verse number="25">“जब तू पचे उ भुइँया मँ बहोत समइ तलक अच्छी तरह स रहि लेब्या अउ तोहार सबन्क पूतन अउ पोतवन होइहीं, अगर तू भ्रस्ट होइ जाब्या अउ तू सबइ प्रकार क मूर्ति बनाउब्या, तउ यहोवा तोहार पचन्क परमेस्सर इ क बुरा चीज मँ सामिल करिहीं। एहसे उ कोहाइ जाइ।</verse>
				<verse number="26">अगर तू पचे उ बुराई क करब्या, तउ अकास अउ धरती तू पचन्क खिलाफ गवाह होई। मइँ तोहका कहत हउँ इ होई। तू पचे हाली ही बरबाद होइ जाब्या। तू पचे यरदन नदी क उ देस क लेइ बरे पार करत बाट्या, मुला तू पचे हुवाँ बहोत समइ तलक नाहीं रहब्या। तू सबहिं पूर्णरूप स नस्ट होइ जाब्या।</verse>
				<verse number="27">यहोवा तोहे पचन्क दूसर रास्ट्रन मँ तितराइ बितराइ देइ अउ तू पचन मँ स उ देस मँ कछू ही जिअत रइहीं जेनमाँ यहोवा तू पचन्क पठइ।</verse>
				<verse number="28">तू पचे हुवाँ मनइयन क बनवा देवतन क पूजब्या, ओन जिजियन क जउन काठे अउ पाथर क होइहीं जउन न लखि, न सुनि, न खाइ या न सूँघ सकत हीं।</verse>
				<verse number="29">मुला ऍन दूसर देसन मँ तू पचे यहोवा आपन परमेस्सर क हेरब्या। अगर तू पचे आपन पूरी तन अउ मन स ओका हेरब्या तउ ओका पउब्या।</verse>
				<verse number="30">जब तू पचे विपत्ति मँ पड़ि जाब्या अउर उ सबइ बातन तू पचन पइ घटिहीं तउ तू पचे उ दिनन मँ यहोवा आपन परमेस्सर क लगे लउटब्या अउ ओकरी आग्या क मनब्या।</verse>
				<verse number="31">यहोवा तोहार परमेससर कृपालु अहइ उ तू पचन्क न तजी। उ तू पचन्क नस्ट नाहीं करी। उ उ वाचा क न बिसरी जउन उ तोहरे पुरखन क बचन क रुप मँ दिहस।</verse>
				<verse number="32">“का ऍतनी महान बात पाछे कबहुँ भइ रही? पाछे के उ दिनन क बारे मँ सोचा जब परमेस्सर धरती पइ मनई क बनाएस। ओन सबहिं बातन क बारे मँ सोचा जउन संसार मँ कहूँ भी घटि भइ अहइँ। का इ महान घटना जइसी कउनो कबहुँ पहिले सुनेस ह? नाहीं।</verse>
				<verse number="33">तू पचे परमेस्सर क तू पचन्स आगी मँ स बोलत सुन्या ह अउर तू पचे अबहुँ भी जिअत अहा। का अइसी घटना कउनो क संग घटी भइ अहइ? नाहीं।</verse>
				<verse number="34">का कउनो दूसर देवता कबहुँ आपन लोगन क दूसरे रास्ट्रन क भीतर खुद हुआँ स बाहेर लिआवइ क जतन किहस ह? नाहीं। मुला तू पचे खुद लख्या ह कि परमेस्सर इ सबइ काम तोहार बरे करत ह। उ तोहका मिस्र स परीच्छा, चमत्कार, अचरज, जुद्ध, महान सक्ती, ताकत अउ भयानक कामन क जरिया बाहर लिआएस।</verse>
				<verse number="35">उ तू पचन्क इ सब देखाएस ह जेका तू पचे जान ल्या कि यहोवा ही परमेस्सर अहइ। ओकरे अतिरिक्त कउनो दूसर परमेस्सर नाहीं अहइ।</verse>
				<verse number="36">यहोवा सरग स आपन बातन क, तोहका सिच्छा देइ बरे सुनइ देत रहा। उ धरती पइ आपन महान आगी देखाएस अउ उ ओहमाँ स बोलेस।</verse>
				<verse number="37">“यहोवा तोहरे पुरखन स पिआर करत रहा। इहइ कारण रहा कि उ ओनके पुरखन यानी तू पचन्क चुनेस अउ इहइ कारण अहइ कि यहोवा तोहका मिस्र बाहेर लिआएस। उ तोहरे संग रहा अउ आपन बड़की सक्ती स तू पचन्क बाहेर लिआएस।</verse>
				<verse number="38">जबहिं तू पचे आगवा बढ़्या तउ यहोवा तोहरे समन्वा स रास्ट्रन क बाहेर जाइ बरे मजबूर किहस। इ सबइ रास्ट्र तू पचन्स बड़का अउ जियादा बरिआर रहेन। मुला यहोवा तू पचन्क ओनके देस मँ लइ आवा। उ ओनकइ देस तू पचन्क बसइ बरे दिहस अउ इ देस आजु भी तोहार अहइ।</verse>
				<verse number="39">“एह बरे आजु तू पचन्क जानइ अउ सुमिरइ चाही कि यहोवा परमेस्सर अहइ। उ आकासे क ऊपर अउ धरती क नीचे तलक क परमेस्सर अहइ। कउनो दूसर परमेस्सर नाहीं अहइ।</verse>
				<verse number="40">तू पचन्क ओकरे ओन नेमन अउ हुकुमन क जरूर मानइ चाही जेनका मइँ आजु तू पचन्क देत अहउँ। अगर तू करब तब हर एक बात तोहरे पचन्क अउ तोहरे ओन गदेलन बरे नीक रही जउन तोहरे सबन्क बाद होइहीं। तू पचे लम्बे समइ तलक उ देस मँ रहब्या जेका यहोवा तोहार परमेस्सर तू पचन्क हमेसा बरे दइ देत अहइ।”</verse>
				<verse number="41">तब मूसा तीनउ सहरन क यरदन नदी क पूरब कइँती चुनेस।</verse>
				<verse number="42">जदि कउनो मनई कउनो क संजोग स मारि डावइ तउ उ इ सहरन मँ स कउनो मँ पराइके जाइ सकत ह अउ बचा रहि सकत ह। अगर उ मारा भए मनई स घिना नाहीं करत रहा अउर ओका मार डावइ क इरादा नाहीं रखत रहत तउ उ ओन सहरन मँ स कउनो एक मँ जाइ सकत ह।</verse>
				<verse number="43">मूसा जउने सहरन क चुनेस, उ सबइ इ सब रहेन: रूबेनी लोगन बरे रेगिस्तान क मैदानी भुइँया मँ बेसेर; गादी लोगन बरे गिलाद मँ रामोत अउ मनस्से लोगन बरे बासान मँ गोलान।</verse>
				<verse number="44">इस्राएली मनइयन बरे जउन नेम मूसा दिहस उ इ बाटइ।</verse>
				<verse number="45">मूसा इ सबइ उपदेसन, नेमन अउ हुकुमन इस्राएल क लोगन बरे तब दिहस जब उ सबइ मिस्र स बाहेर आएन।</verse>
				<verse number="46">मूसा इ सबइ नेमन क तब दिहस जब लोग यरदन नदी क पूरबी किनारे पइ बेत-पोर क पार घाटी मँ रहेन। उ पचे एमोरी राजा सीहोन क देस मँ रहेन, जउन हेसबोन मँ रहत रहा। मूसा अउ इस्राएल क लोग सीहोन क तब हराएन जब उ पचे आए रहेन।</verse>
				<verse number="47">उ पचे सीहोन क भुइँया अउ बासन राजा क ओग क भुइँया क अपने लगे रखइ बरे कब्जा कइ लिहे रहेन। दुइनउँ एमोरी राजा यरदन नदी क पूरब मँ रहत रहेन।</verse>
				<verse number="48">इ पहँटा अर्नोन घाटी क सिरे पइ टिका भवा अरोएर स लइके सिओन अरथात हेर्मोन पहाड़े तलक फइला रहा।</verse>
				<verse number="49">यरदन नदी क पूरब क पूरा पहँटा उस प्रदेस मँ मिला रहा। इ पूरब मँ पिसगा पहाड़े क चरण तलक अराबा समुद्दर तलक फइलत भवा रहा।</verse>
			</chapter>
			<chapter number="5">
				<verse number="1">मूसा इस्राएल क सब मनइयन क एक संग बोलॉएस अउ ओनसे कहेस, “इस्राएल क मनइयो! आजु जउने नेमन अउ कानूनन क मइँ बतावत अहउँ, ओनका सुना। इ सबइ नेमन क सीखा अउ सव्ती स ओनका माना।</verse>
				<verse number="2">यहोवा, हम पचन्क परमेस्सर होरब पहाड़े पइ हम पचन्क संग वाचा किहे रहा।</verse>
				<verse number="3">यहोवा इ वाचा हम पचन्क पुरखन क संग नाहीं किहे रहा, मुला हम पचन्क हमार संग जउन कउनो आजु जिअत अहइँ।</verse>
				<verse number="4">यहोवा पहाड़े पइ तू पचन्स आमने सामने बात किहस। उ तू पचन्स आगी मँ स बतियान।</verse>
				<verse number="5">ओह समइ तू पचन्क इ बतावइ बरे कि यहोवा का किहस ह, मइँ तू लोगन अउ यहोवा क बीच खड़ा रहेउँ। काहेकि तू पचे आगी से डेराइ गया अउर तू पचे पहाड़े पइ जाइ स इन्कार किह्या। यहोवा कहेस:</verse>
				<verse number="6">‘मइँ यहोवा तोहार उ परमेस्सर हउँ जउन तू पचन्क मिस्र स बाहेर लइ आएउँ ह जहाँ तू पचे दास क नाईं रहत रह्या।</verse>
				<verse number="7">‘मोरे अलावा कउनो दूसर देवता क पूजा जिन करा।</verse>
				<verse number="8">‘कउनो भी मूरतियन या कउनो क तस्बीर जउन आकास क ऊपर मँ, भुइँया पइ या समुद्दर क नीचे मँ होइ, जिन बनावा।</verse>
				<verse number="9">ओका निहुरिके दण्डवत या पूजा जिन करा। काहेकि मइँ यहोवा तोहार परमेस्सर ईर्स्यालु अहउँ। मइँ आपन लोगन क जरिये कउनो दूसर देवता क पूजा स घिना करत हउँ। अइसे लोग जउन मोरे खिलाफ पाप करत हीं, मोर दुस्मन होइ जात हीं। मइँ ओन लोगन्क सजा देब अउर मइँ ओनके पूतन, पोतन अउ परपोतन क सजा देब।</verse>
				<verse number="10">मुला मइँ ओन लोगन पइ बहोत दयालु रहब जउन मोसे पिरेम करत हीं अउर मोरे आदेसन क मानत हीं। मइँ ओनकइ हजार पीढ़ियन तलक दयालु रहब।</verse>
				<verse number="11">‘यहोवा, आपन परमेस्सर क नाउँ क उपयोग गलत तरिके स जिन करा। अगर कउनो मनई ओकरे नाउँ क उपयोग गलत तरीके स करत होइ तउ उ दोखी अहइ अउर यहोवा ओका निदोर्ख न बनाई।</verse>
				<verse number="12">‘सबित क दिना क खास महत्व देइ बरे साबित खास दिन क रूप मँ माना। यहोवा तोहार परमेस्सर हुकुम दिहस ह कि तू पचे सबित क दिन क हफ्ता क दूसर दिनन स अलगाइ द्या।</verse>
				<verse number="13">पिछले छ: दिन तोहरे पचन्क काम करइ बरे अहइँ।</verse>
				<verse number="14">मुला सतवाँ दिन यहोवा तोहरे परमेस्सर क सम्मान मँ आराम करइ क दिन अहइ। एह बरे सबित क दिन कउनो मनई काम न करइ चाही। यानी तू पचे, तोहार पूतन, बिटियन, मनइयन अउ मेहरारु नउकरन, गइयन, बर्धन, गदहन, अउर तोहरे पचन्क सहरन मँ रहइवाला बिदेसी, कउनो भी काम न करइ चाही। तोहरे पचन्क दास क भी तोहार जइसा आराम मिलइ चाही।</verse>
				<verse number="15">तोहका इ जरूर याद रखइ चाही कि तू मिस्र मँ दास रहा। यहोवा, तोहार परमेस्सर महान सक्ती स तू पचन्क मिस्र स बाहेर लिआवा। उ तू पचन्क अजाद किहस। इहइ कारण अहइ कि यहोवा तोहार परमेस्सर हुकुम देत ह कि तू पचे सबित क दिन माना।</verse>
				<verse number="16">‘आपन महतारी अउर बाप क सम्मान करा। यहोवा तोहार परमेस्सर तोहका इ करइ क हुकुम दिहस ह। अगर तू पचे इ हुकुम क मानत ह तउ तोहार उमिर लम्बी होइ अउर उ देस मँ जेका यहोवा तोहार परमेस्सर तू पचन्क दइ देत अहइ इ तोहार बरे अच्छा होइ।</verse>
				<verse number="17">‘कउनो क हत्या जिन करा।</verse>
				<verse number="18">‘बिभिचार क पाप जिन करा।</verse>
				<verse number="19">‘कउनो चीज जिन चोरावा।</verse>
				<verse number="20">‘दूसर जउन कछू किहे अहइँ ओकरे बारे मँ झूठ जिन बोला।</verse>
				<verse number="21">‘तू पचे दूसर लोगन क धन-सम्पति या दूसर कउनो चिजियन जे दूसर क अहइ क आपन बनावइ क इच्छा जिन करा। दूसर मनई क पात्नी, घर, खेत, मनसेधू या मेहरारु नौकर, गइयन अउ गदहन लइ लेइ क इच्छा तू पचन मँ न होइ चाही।’”</verse>
				<verse number="22">मूसा कहेस, “यहोवा इ सबइ हुकुम तू सबहिं क दिहस जब तू पचे एक संग पहाड़े प रह्या। यहोवा साफ साफ सब्दन मँ बानत किहस अउर ओकर तेज आवाज आगी, बादर अउ घना अँधियारा स सुनाई देत रहा। जब उ इ आदेस दइ दिहस तब अउर कछू नाहीं कहेस। उ आपन सब्दन क दुइ ठु पाथरे क सिला पइ लिखेस अउ ओनका मोका दइ दिहस।</verse>
				<verse number="23">“तू पचे आवाज क तब सुन्या जब पहाड़ आगी स बरत रहा। तब तू पचे मोरे लगे आया, तोहरे परिवार समूह क सबहिं नेता लोग अउ तोहार सबहिं पुरनियन।</verse>
				<verse number="24">उ पचे कहेन, ‘यहोवा हमार परमेस्सर आपन गौरव अउ बड़कइ देखॉएस ह। हम पचे ओका आगी मँ स बोलत सुना ह। आजु हम पचे लखि लीन्ह ह कि कउनो मनई क परमेस्सर स बात करइ क बाद भी जिअत रहि सकब, होइ सकत ह।</verse>
				<verse number="25">मुला अगर हम पचे यहोवा आपन परमेस्सर क दुसरी दाई बात करत सुना तउ हम पचे जरूर मरि जाब। उ खउफनाक आगी हमार नास कइ देइ। मुला हम पचे मरब नाहीं चाहित।</verse>
				<verse number="26">कउनो अइसा मनई नाहीं जउन हम लोगन क नाई कबहुँ जिअत परमेस्सर क आगी मँ स बतियात सुने होइ अउ जिअत होइ।</verse>
				<verse number="27">मूसा, तू निअरे जा अउ यहोवा हम लोगन्क परमेस्सर, जउन कहत बाटइ सुना। तब उ सब बातन हमका बतावा जउन यहोवा तू पचन्स कहत ह, अउर हम लोग तोहार सुनब अउर ओकर पालन करब।’</verse>
				<verse number="28">“यहोवा उ सबइ बातन सुनेस जउन तू मोसे कहया। तब यहोवा मोसे कहेस, ‘मइँ उ सबइ बातन सुनेउँ ह जउन हम पचे कहेन ह। जउन उ पचे कहेन बढ़िया अहइ।</verse>
				<verse number="29">मइँ इच्छा करत हउँ कि उ पचे हिरदय स मोर सम्मान करइ अउर मोरे आदेसन क हमेसा मानइ सिखिहीं। तब इ ओनके अउ ओनके सन्तानन बरे सदा ही नीक रही।</verse>
				<verse number="30">“‘जा अउ मनइयन स कहा कि आपन आपन तम्बूअन मँ लउटि जाइँ।</verse>
				<verse number="31">मुला मूसा, तू मोरे निअरे ठाड़ रहा। मइँ तोहका सारा हुकुम, कानून अउ नेम हेरब जेकर सिच्छा तू ओनका देब्या। ओनका इ सबइ उ देस मँ करइ चाही जेका मइँ ओनका रहइ बरे दइ देत हउँ।’</verse>
				<verse number="32">“एह बरे, तू सब मनइयन क उ सब कछू करइ बरे होसियार रहइ चाही जेकरे बरे यहोवा तोहका हुकुम दिहेस बाटइ। तोहका न दाहिन हाथे कइँती घूमइ चाही अउर न ही बाएँ हाथे कइँती।</verse>
				<verse number="33">तोहका उहइ तरह रहइ चाही, जउने तरह रहइ क हुकुम यहोवा तोहार परमेस्सर तोहका दिहे अहइ। तब तू सदा जिअत रहि सकत ह अउर हर चीज तोहरे बरे नीक होइ। उ देस मँ, जउन तोहार होइ, तोहार उमिर लम्बी होइ जाइ।</verse>
			</chapter>
			<chapter number="6">
				<verse number="1">“जउन आदेसन, नेमन अउ हुकुमन क यहोवा, तोहार परमेस्सर तोहका सिखावइ क मोका आदेस दिहस ह, उ सबइ इ सब अहइँ। ऍनका उ देस मँ मानया जेहमाँ रहइ बरे तू प्रवेस करत अहा।</verse>
				<verse number="2">तू अउर तोहार गदेलन अउ पतोहून जब तलक जिअत रहा यहोवा आपन परमेस्सर क सम्मान करइ चाही। तोहका ओनके ओन सबइ नेमन अउ हुकुमन क पालन करइ चाही जेनका मइँ तोहका दइ देत हउँ। अगर तू अइसा करब्या तउ लम्बी उमिर पउब्या।</verse>
				<verse number="3">इस्राएल क मनइयो, एका धियान स सुना अउ इ सबइ नेमन क माना। तब इ तोहारे बरे नीक होइ अउर तू पचे तेजी स बढ़ब्या। यहोवा तोहरे पुरखन क परमेस्सर, इ सबन बरे बचन दिहे अहइ कि तू पचे दूध अउर सहद स बहत भवा धरती पाउब्या।</verse>
				<verse number="4">“इस्राएल क मनइयो, धियान स सुना। यहोवा हमार परमेस्सर अहइ, यहोवा एक अहइ।</verse>
				<verse number="5">अउर तू पचन्क यहोवा आपन परमेस्सर स आपन क पूरा हिरदय, आतिमा अउ सक्ती स पिरेम करइ चाही।</verse>
				<verse number="6">इ सबइ हुकुमन क सदा आपन दिल मँ रखा जेनका मइँ आजु तू पचन्क दइ देत हउँ।</verse>
				<verse number="7">एनकइ सिच्छा आपन लरिकन क देइ बरे होसियार रहा। इ सबइ हुकुमन क बारे मँ तू पचे जब तू आपन घरन मँ बइठे भए, सड़किया पइ टहरत भए, जब तू ओलरा अउ जब जागा तब एकरे बारे मँ बात करा।</verse>
				<verse number="8">ऍका स्मरण पत्र नाईं आपन हाथे पइ बाँधा अउ ललाट पइ धारण करा।</verse>
				<verse number="9">ऍका आपन घरन क दरवाजन पइ, अउ सहर फाटक पइ लिख ल्या।</verse>
				<verse number="10">“यहोवा तोहार परमेस्सर तू पचन्क देस मँ लइ जाइ जेकरे बरे उ तोहरे पुरखन-इब्राहीम, इसहाक अउ याकूब क देइ क बचन दिहे रहा। तब उ तू पचन्क बड़के अउ अमीर सहर देइ जेनका तू नाहीं बनाया।</verse>
				<verse number="11">यहोवा तू पचन्क अच्छी चीजन्स भरा भवा घर देइ जेनका तू पचे हुवाँ नाहीं राख्या ह। यहोवा तू पचन्क कुआँ देइ जेनका तू पचे नाहीं खन्या ह। यहोवा तू पचन्क अंगूरन अउ जइतून क बाग देइ जेनका तू पचे नाहीं लगाया ह। तू पचन्क ओका खाब्या अउ संतुट्ठ होब्या।</verse>
				<verse number="12">“मुला होसियार रहा। यहोवा क जिन बिसरा जउन तू पचन्क मिस्र स लिआएस, जहाँ तू पचे दास रह्या।</verse>
				<verse number="13">यहोवा आपन परमेस्सर क सम्मान करा अउर सिरिफ उहइ क सेवा करा। बचन देइ बरे तू पचे सिरिफ उहइ क नाउँ क उपयोग करा।</verse>
				<verse number="14">तू पचन्क दूसर देवतन क अनुसरण नाहीं करइ चाही। तू पचन्क आपन चारिहुँ कइँती रहइवाला लोगन क देवतन क अनुसरण नाहीं करइ चाही।</verse>
				<verse number="15">काहेकि यहोवा तोहार परमेस्सर जउन तोहार बीच अहइ ईर्स्यालु परमेस्सर अहइ। अगर तू पचे दूसर देवतन क पाछे रहब्या, तउ उ तू पचन पइ कोहाइ जाइ अउ उ धरती पइ स तू पचन क खतमइ कइ देइ।</verse>
				<verse number="16">“तू पचन्क यहोवा आपन परमेस्सर क जाँच उहइ तरह नाहीं करइ चाही जउने तरह तू पचे मस्सा मँ जाँचत किह्या ह।</verse>
				<verse number="17">तू पचन्क यहोवा आपन परमेस्सर क हुकुमन क मानइ बरे पक्का निहचय रखइ चाही। तू पचन्क ओकर सबहिं ओन उपदेसन अउ नेमन क मानइ चाही जेनका उ तू पचन्क दिहे अहइ।</verse>
				<verse number="18">तू पचन्क उ सबइ उचित अउ नीक काम करइ चाही जउन यहोवा क खुस करइ तब तोहरे बरे इ ठीक होइ अउर तू पचे उ देस मँ जाइ सकत ह जेकरे बरे यहोवा तोहरे पचन्क पुरखन क बचन दिहे अहइ।</verse>
				<verse number="19">अउर तू पचे आपन सबहिं दुस्मनन क सक्ती स निकार सकब्या, जइसा यहोवा कहेस ह।</verse>
				<verse number="20">“भविस्स मँ, तोहार पचन्क पूत तोहसे सबन्स इ पूछ सकत ह कि ‘यहोवा हमार परमेस्सर हमका जउन उपदेस, कानून अउ नेम दिहस ह, ओकर अरथ का अहइ?’</verse>
				<verse number="21">तब तू पचे आपन पूतन स कहब्या, ‘हम पचे मिस्र मँ फ़िरौन क गुलाम रहेन, मुला यहोवा हम पचन्क बड़की सक्ती स बाहेर लिआवा ह।</verse>
				<verse number="22">यहोवा हमका माहन, खउफनाक चीन्हा अउ चमत्कार देखॉएस। हम पचे ओनके जरिये इ सबइ घटना क मिस्र क मनइयन, फिरौन अउ फिरौन क महल क संग होत भए लखा ह।</verse>
				<verse number="23">अउर यहोवा हम लोगन क मिस्र स एह बरे लिआवा कि उ-उ देस हमका दइ सकइ जेकरे बरे उ हमरे पुरखन क बचन दिहे रहा।</verse>
				<verse number="24">यहोवा हमका इ सबहिं उपदेसन क मानइ क हुकुम दिहस। इ तरह हम लोग यहोवा आपन परमेस्सर क सम्मान करत अही। तब यहोवा सदा हम लोगन क जिअत राखी अउ हम पचे बढ़िया जिन्नगी बिताउब जइसा इ समइ अहइ।</verse>
				<verse number="25">अगर हम इ सबइ आदेसन क मानब जेका यहोवा हमार परमेस्सर हमका आदेस देत ह तउ हम पचे नीक होब्या।’</verse>
			</chapter>
			<chapter number="7">
				<verse number="1">“यहोवा तोहार परमेस्सर तू पचन्क उ देस मँ लइ जाब, जेका कब्जा करइ बरे तू पचे ओहमाँ जात अहा। परमेस्सर तोहरे बरे हित्ती, गिर्गासी, एमोरी, कनानी, परिज्जी, हिब्बी अउ यबूसी क बाहरे हाँकि देइ। उ सात रास्ट्र तोहसे जियाद बरियार अउ जियादा तादद मँ अहइ।</verse>
				<verse number="2">यहोवा तोहार परमेस्सर इ रास्ट्रन क तू पचन्क अधीन करी अउर तू पचे ओनका हरउब्या। तू पचन्क ओनका पूरी तरह नस्ट कइ देइ चाही। ओनके संग कउनो सन्धि जिन करा। ओन पइ दाया जिन करा।</verse>
				<verse number="3">ओन लोगन मँ स कउनो क संग बियाह जिन करा, अउर उ रास्ट्रन क कउनो मनई क संग आपन पूत अउ बिटियन क बियाह न करा।</verse>
				<verse number="4">काहेकि उ पचे तोहारे गदेलन क परमेस्सर क दूर लइ जइहीं। एह बरे तोहरे गदेलन दूसर देवतन क सेवा करिहीं। तब यहोवा तोहे सबन पइ कोहाइ जाइ। उ हाली ही तोहार नास कइ देइ।</verse>
				<verse number="5">“तू पचन्क इ सबइ रास्ट्र क संग इ करइ चाही। तू पचन्क ओनकर वेदियन क बरबाद कइ देइ चाही। स्मृति पाथरन क टूकन मँ तोड़ि डावइ चाही। ओनकर असेरा खम्भन क काटि डावा अउ ओनकइ मूरतिन क बार डावा।</verse>
				<verse number="6">काहेकि तू पचे यहोवा आपन परमेस्सर क अलग कीन्ह भवा मनई अहा। तू पचे यहोवा क आपन सम्पत्ति अहा। संसार क सबहिं मनइयन मँ स यहोवा तोहार परमेस्सर तू पचन्क विसेख अइसे लोग जउन ओकर आपन अहइँ, चुना।</verse>
				<verse number="7">यहोवा तू पचन्स काहे पिरेम करत ह अउ तू पचन्क उ काहे चुनेस? एह बरे नाहीं कि दूसर लोगन क बराबरी मँ तोहार गिनती बहोतइ जियादा अहइ। तू पचे सबहिं लोगन मँ स सबसे कम रह्या।</verse>
				<verse number="8">मुला यहोवा तू पचन्क आपन बड़की सक्ती क जरिये मिस्र क बाहेर लिआवा, काहेकि उ तोसे पिरेम करत ह। उ मिस्र क सम्राट फिरौन क गुलामी स तू पचन क तोहरे पुरखन क दीन्ह भए बचन क पूरा करइ बरे, अजाद कराएस।</verse>
				<verse number="9">“एह बरे याद राखा कि यहोवा तोहार परमेस्सर ही सिरिफ परमेस्सर अहइ। उ बिसासी परमेस्सर अहइ। उ आपन वाचा क पूरा करत ह। उ ओन सबहिं लोगन स पिरेम करत अउ ओन पइ दाया करत ह जउन ओकरे हुकुमन क मानत हीं। उ हजारन पीढ़ियन तलक पिरेम करत रहत ह।</verse>
				<verse number="10">जउन ओहसे घिना करत ह उ खुद ओसे ही सजा पाइहीं। उ ओनका बरबाद कइ देइ। जउन ओसे घिना करत ह उ बिना देरी भए खुद ओसे ही सजा पाइहीं।</verse>
				<verse number="11">एह बरे तू पचे इ आदेसन, नेमन अउ हुकुमन क मानइ मँ जरूर होसियार रहा, जेनका मइँ आजु तू पचन्क दइ देत हउँ।</verse>
				<verse number="12">“अगर तू पचे मोरे इ सबइ नेमन पइ धियान देब्या अउ ओनका मानइ मँ होसियार रहब्या तउ यहोवा तोहार परमेस्सर तू पचन्स पिरेम क वाचा क पूरा करी। उ इ बचन तोहरे पुरखन क दिहे रहा।</verse>
				<verse number="13">उ तू पचन्स पिरेम करी अउ तू पचन क आसीर्बाद देइ। तोहरे रास्ट्रे मँ लोग लगातार बढ़त जइहीं। उ तोहे पचन्क गदेलन क आसीर्बाद देइ। उ तोहरे पचन्क खेतन मँ अच्छी फसल क आसीर्बाद देइ। उ तू पचन्क अन्न, दाखरस अउ तेल क आसीर्बाद देइ। उ तोहारी गइयन क बछवन अउ तोहरी भेड़िन क बच्चा पइदा करइ क आसीर्बाद देइ। तू पचे उ सबइ आसीर्बाद उ देसे मँ पउब्या जेका तू पचे देइ क बचन यहोवा तोहरे पुरखन क दिहे रहा।</verse>
				<verse number="14">“तू पचे दूसर लोगन्स जियादा आसीर्बाद पउब्या। हर एक पति-पत्नी बच्चे पइदा करइ क काबिल होइहीं। तोहार गोरु बछवा पइदा करइ काबिल होइहीं।</verse>
				<verse number="15">अउर यहोवा तू पचन्स सबहिं बेरमियन क दूर करी। यहोवा तू पचन्क उ खउफनाक बेरमियन स बचाइ जउन तू मिस्र मँ जानत रहेन अउ ओन खउफनाक बेरमियन क ओन सबहिं लोगन क देइ जउन तू पचन्स घिना करत हीं।</verse>
				<verse number="16">तू पचन्क ओन सबहिं लोगन्क नास जरूर करइ चाही जेनका हरावइ मँ यहोवा तोहार मदद करत ह। ओन पइ दाया न करा। ओनके देवतन क सेवा न करा। उ तोहार बरे फंदा अहइ।</verse>
				<verse number="17">“आपन मन मँ इ न सोचा, ‘इ सबइ रासट्र हम लोगन्स जियादा बरिआर अहइँ। हम पचे ओनका दबाव डाइके कइसे भगाइ सकित ह?’</verse>
				<verse number="18">तू पचन्क ओनसे डेराइ नाहीं चाही। तू पचन्क सुमिरइ चाही जउन यहोवा तोहार परमेस्सर फिरौन अउर मिस्र क लोगन्क संग किहस।</verse>
				<verse number="19">जउन बड़की बिपदन उ दिहस तू पचे ओनका लख्या। तू पचे ओकरे किए भए चमत्कार अउ अचरजन क लख्या। तू पचे यहोवा क बड़की सक्ती अउ मजबूती क, तू पचन्क बाहेर लिआवइ मँ उपयोग करत देख्या। यहोवा, तोहार परमेस्सर उहइ सक्ती क उपयोग ओन लोगन्क खिलाफ करी जेनसे तू पचे डेरात अहा।</verse>
				<verse number="20">“यहोवा तोहार परमेस्सर, ओकर खिलाफ बर्रो क भेजब जउन बचा भवा अहइ अउ आपन क तोहस छुपाए अहइ। यहोवा ओन सबहिं मनइयन क नास करी।</verse>
				<verse number="21">तू पचे ओनसे जिन डेराअ, काहेकि यहोवा तोहार परमेस्सर तोहरे संग अहइ। उ महान अउ आस्चर्यजनक परमेस्सर अहइ।</verse>
				<verse number="22">यहोवा तोहार परमेस्सर ओन रास्ट्रन क तोहार देस थोड़ा-थोड़ा कइके तज देइ क मजबूर करी। तू पचे ओनका हाली मँ सबहिं क नास नाहीं कइ पउब्या। अगर तू पचे अइसा करब्या तउ जगंली जनावरन क तादाद तोहर बरे बहोत जियादा होइ जाइ।</verse>
				<verse number="23">मुला यहोवा तोहार परमेस्सर ओन रास्ट्रन क तू पचन्क दइ देइ। उ ओनका बरबाद होइ तलक बड़ा उलझन मँ डाइ के परेसान करब्या।</verse>
				<verse number="24">यहोवा तू पचन्क ओनके राजा लोगन क हरावइ मँ मदद करी। तू पचे ओनका मारि डाउब्या अउर उ बिसारि जाब। कउनो भी तू पचन्क रोक नाहीं सकी। तू पचे ओन सबहिं क बरबाद करब्या।</verse>
				<verse number="25">“तू पचन्क ओनके देवतन क मूरतियन क बारि डावइ चाही। तू पचन्क ओन मूरतियन पइ मढ़ा भवा सोना या चाँदी क लेइ क इच्छा नाहीं करइ चाही। तू पचन्क उ सोना क अउ चाँदी क अपने खातिर नाहीं लेइ चाही। इ तोहका फंसा लेइहीं काहेकि उ सबइ मूरती यहोवा तोहार परमेस्सर बरे नफ़रत-अंगेज अहइ।</verse>
				<verse number="26">इ सबइ मूरतियन क बर्बाद कीन्ह जाब्या। तू पचन्क ओन प्रकार क मूरतियन क आपन घरे मँ नाहीं लावइ चाही। एह बरे तू पचन्क ओनकर संग बर्बाद नाहीं कीन्ह जाब्या। तू पचन ओका अस्वीकार करइ चाही अउर ओन से घिना करइ चाही।</verse>
			</chapter>
			<chapter number="8">
				<verse number="1">“तू पचन्क आजु मइँ जउन सबइ कानून क देत ह ओका मानइ मँ होसियार रहइ चाही। काहेकि तब तू पचे जिअत रहब्या। तोहार गनती जियादा स जियादा होत जाइ। तू पचे उ देस मँ जाब्या अउर ओहमाँ रहब्या जेका यहोवा तोहरे पुरखन क देइ क बचन दिहे अहइ।</verse>
				<verse number="2">अउर तू पचन्क उ लम्बी जात्रा क याद रखइ चाही जेका यहोवा तोहार परमेस्सर रेगिस्ताने मँ चालीस बरिस तलक कराएस ह। यहोवा तोहार परमेस्सर तोहका परिपूर्ण बनाएस ह। उ तू पचन्क बिनम्र बनवइ चाहत रहा। अउर तोहार परीच्छा लइ चाहत रहा। उ पचे तोहार हिरदय क बारे मँ जानइ क चाहत रहा कि तू पचे ओकरे हुकुमन क पालन करब्या या नाहीं।</verse>
				<verse number="3">यहोवा तू पचन्क बिनम्र बनाएस अउ तू पचन्क भूखा रहइ दिहस। तब उ तू पचन्क मन्ना खियाएस जेका तू पचे पहिले स नाहीं जानत रह्या, यहाँ तक कि ओका तोहार पुरखन भी कबहुँ नाहीं लखे रहेन। यहोवा इ काहे किहस? काहेकि उ चाहत रहा कि तू पचे जान ल्या कि मनइयन सिरिफ रोटी प ही जिअत नाहीं रहत ह किन्तु यहोवा क मुहँ स निकरा भवा हर एक बातन पइ टिका रहत ह।</verse>
				<verse number="4">इ सबइ पिछले चालीस बरिसन मँ तोहार ओढ़ना नाहीं निकलेन। तोहरे गोड़वन मँ चोट नाहीं लागेन काहेकि यहोवा तोहार रच्छा किहेन।</verse>
				<verse number="5">एह बरे तोहका पचन्क जानइ चाही कि यहोवा तोहार परमेस्सर तू पचन्क सिच्छा देइ अउ सुधारइ बरे उ सब वइसेन ही किहस जइसे कउनो पिता अपने बेटा क सिच्छा बरे करत ह।</verse>
				<verse number="6">“तू पचन्क यहोवा आपन परमेस्सर क आदेसन क मानइ चाही। ओकरे बताए भए राहे पइ जीवन बितावा अउ ओकर मान करा।</verse>
				<verse number="7">यहोवा तोहार परमेस्सर तू पचन्क एक ठु नीक देसे मँ लइ जात अहइ, अइसे देस मँ जेहमाँ नदियन, फव्वारन अउ झरणा घाटियन अउ पहाड़ियन मँ बहत ह।</verse>
				<verse number="8">इ अइसा देस अहइ जेहमाँ गोहूँ, जउ, अंगूरे क सबइ बेल, अंजीरे क बृच्छ अउ अनार होत हीं। इ अइसा देस अहइ जेहमाँ जइतून क तेल अउ मधु होत ह।</verse>
				<verse number="9">हुआँ तू पचन्क बहोत जियादा भोजन मिली। तू पचन्क हुआँ कउनो चीज क कमी नाहीं होइ। इ अइसा देस अहइ जहाँ लोहा क चट्टान अहइँ। तू पचे पहाड़ियन स ताँबा खन सकत ह।</verse>
				<verse number="10">तोहरे पचन्क खाइ बरे खूब जियादा होइ अउर तू पचे संतुट्ठ होब्या। तब तू पचे आपन परमेस्सर क तारीफ करब्या कि उ तू पचन्क अइसा बढ़िया देस दिहस।</verse>
				<verse number="11">“होसियार रहा, यहोवा आपन परमेस्सर क जिन बिसरा। होसियार रहा कि आज मइँ जउने हुकुमन क, कानूनन अउ नेमन क दइ देत हउँ ओनका माना।</verse>
				<verse number="12">तू पचे खाब्या अउ संतट्ठ रहब्या। तू पचे बढ़िया मकान बनउब्या अउर ओनमाँ रहब्या।</verse>
				<verse number="13">तोहार लगे गोरुअन अउर भेड़िन क बहोत बड़का झुण्ड होइहीं, तू पचे जियादा स जियादा सोना अउ चाँदी पउब्या। तोहरे लगे बहोत स चिजियन होइहीं।</verse>
				<verse number="14">जब अइसा होइ तउ तू पचन्क होसियार रहइ चाही कि तू पचन्क घमण्ड न होइ। तू पचन्क यहोवा आपन परमेस्सर क नाहीं बिसरइ चाही। उ तू पचन्क मिस्र स बाहर लाएस ह, जहाँ तू पचे गुलाम रह्या।</verse>
				<verse number="15">यहोवा तू पचन्क बहोतइ बड़का अउ खउफनाक रेगिस्ताने स लिआवा। हुवाँ जहरिला साँप अउ बीछू उ रेगिस्ताने मँ रहेन। जमीन झुरान रही अउ कतहूँ पानी नाहीं रहा। मुला यहोवा तोहका कठोर चट्टान स पानी बाहेर निकारि के दिहेस।</verse>
				<verse number="16">रेगिस्ताने मँ यहोवा तू पचन्क मन्ना खिआएस, अइसी चीज जेका तोहार पुरखन कबहुँ नाहीं जान पाएन। यहोवा तोहार परीच्छा लिहस। काहेकि यहोवा तू पचन्क बिनम्र बनवइ चाहत रहा। उ चाहत रहा कि आखीर मँ तोहार सबन्क भला होइ।</verse>
				<verse number="17">आपन मने मँ कबहुँ अइसा जिन सोचा कि, ‘मइँ इ सारी सम्पति आपन सक्ती अउ जोग्गता स पाएउँ ह।’</verse>
				<verse number="18">यहोवा आपन परमेस्सर क सुमिरा। उहइ एक बाटइ जउन तू पचन्क सम्पत्ति प्राप्त करइ क सक्ती देत ह। यहोवा अइसा काहे करत ह? काहेकि उ तोहरे पुरखन क संग कीन्ह गइ वाचा क पूरा करइ क चाहत ह। उ आजु उहइ करत ह जउन उ वाचा किहे रहा।</verse>
				<verse number="19">“यहोवा आपन परमेस्सर क जिन बिसरा। कउनो दूसर देवता क पाछा जिन करा। ओकर पूजा या सेवा जिन करा। अगर तू पचे अइसा करब्या तउ मइँ तू पचन्क आज चितउनी देत हउँ कि तू पचे निस्चय ही नस्ट कइ दीन्ह जाब्या।</verse>
				<verse number="20">यहोवा तोहरे बरे दूसर रास्ट्रन क नास करत अहइ। तू पचे भी ओनहीं रास्ट्रन क नाई बरबाद होइ जाब्या जेनका यहोवा तोहरे समन्वा नास करत अहइ। इ होइ काहेकि तू पचे यहोवा आपन परमेस्सर क आग्या क मान्या नाहीं।</verse>
			</chapter>
			<chapter number="9">
				<verse number="1">“धियान द्या, इस्राएल क मनइयो! आजु तू पचे यरदन नदी क पार करब्या। तू पचे उ देस मँ अपने स बड़का अउ सक्तीवाला क दबाव डाइके हटावइ बरे जाब्या। ओनकइ सहर बड़वार अउ अकासे क छुअत ऊँची दीवार स किलेबन्द अहइ।</verse>
				<verse number="2">उ देस क मनई लम्बा अउ बरिआर अहइँ। उ पचे अनाकी लोग अहइँ। तू सबइ इ सबइ लोगन क बाबत जानत अहा। इ कहत भवा सुनेस, ‘कउनो मनई अनाकी लोगन क मुकाबिला नाहीं कइ सकत ह।’</verse>
				<verse number="3">मुला तू पचे जान सकत ह कि यहोवा तोहार परमेस्सर भसम करइवाली आगी क नाई तोहरे आगे नदी क पार जात अहइ। यहोवा ओन रास्ट्रन क बरबाद कइ देइ। उ ओनका तोहरे समन्वा हराइ देइ। तू सबइ ओनँ क बाहर खदेर देब्या अउ हाली ही ओका बारबाद कइ देब्या जइसन ही यहोवा तोहका कहिहीं।</verse>
				<verse number="4">“यहोवा तोहार परमेस्सर जब ओन रास्ट्रन क दबाव डाइके तू पचन्स दूर हटाइ देइ। तउ अपने मने मँ इ न सोच्या कि, ‘यहोवा हम लोगन्क इ देस मँ रहइ बरे, एह बरे लिआएस कि हम लोगन्क रहइ क तरीका ठीक अहइ।’ यहोवा ओन रास्ट्रन क तू लोगन्स दूर दबाव डाइके काहे हटाएस? काहेकि उ पचे दुस्टपूर्ण तरीका स रहत रह्या।</verse>
				<verse number="5">तू सबइ ओनकइ देस कब्जा बरे जात अहा, मुला एह बरे नाहीं कि तू पचे नीक अहा अउ उचित तरीका स रहत अहा। यहोवा तोहार परमेस्सर उ रास्ट्रन क ओकर आपन दुस्टता क कारण तोहका हुवाँ जाई स पहिले ओका उ रास्ट्र स खदेर देब अउर तू ओकर देस पइ कब्जा कइ लेब्या काहेकि उ चाहत रहा कि जउन बचन उ तोहरे पुरखन इब्राहीम, इसहाक अउ याकूब क दिहस उ पूरा होइ।</verse>
				<verse number="6">यहोवा तोहार परमेस्सर उ बढ़िया देस क तू सबन्क रहइ बरे देत अहइ, मुला तू सबन्क इ जानइ चाही कि अइसा तोहरी जिन्नगी क ठीक तरीका क होइ क कारण नाहीं होत अहइ। सच्चाइ इहइ अहइ कि तू सबइ अड़ियल लोग अहा।</verse>
				<verse number="7">“याद रखा अउ इ जिन बिसरा कि तू पचे यहोवा आपन परमेस्सर क रेगिस्ताने मँ कोहाइ दिहा। तू सबइ उहइ दिना स जउने दिन स मिस्र स बाहेर निकइया अउर इ जगह पइ आवइ क दिन तलक यहोवा क हुकुम क मानइ स इन्कार कइ दिह्या ह।</verse>
				<verse number="8">तू पचे यहोवा क होरेब पहाड़े पइ भी कोहाइ दिह्या। यहोवा तू पचन्क बरबाद कइ देइ क हद तलक कोहाइ ग रहा।</verse>
				<verse number="9">मइँ पाथरे क सिलन क लेइ बरे पहाड़े क ऊपर गएउँ। जउन वाचा यहोवा तोहरे संग किहेस, ओन सिलन पइ तरासा भवा रहेन। मइँ हुआँ पहाड़े पइ चालीस दिन अउ चालीस रात ठहरेउँ। न तउ मइँ रोटी खाएउँ, अउर न ही पानी पिएउँ।</verse>
				<verse number="10">तब यहोवा मोका दुई पाथर क सिलन दिहस। यहोवा ओन सिलन पइ खुद आपन अगुंरियन स लिखेस ह, उ हर उ एक बात क लिखेस ह जेनका उ आगी मँ स कहे रहा, जब तू पचे पहाड़ी क चारिहुँ कइँती बटुरा रह्या।</verse>
				<verse number="11">“एह बरे, चालीस दिन अउ चालीस रात क आखीर मँ यहोवा मोका वाचा क दुइ ठु पाथर क सिलन दिहस।</verse>
				<verse number="12">तब यहोवा मोसे कहेस, ‘उठा अउ जल्दी स हिआँ स खाले जा। जउन मनइयन क तू पचे मिस्र स बाहेर लिआया ह उ मनइयन खुद क पाछे ही बरबाद कइ लिहेस ह। उ पचे ओन बातन स पराइ ग अहइँ, जेनके बरे मइँ हुकुम दिहे अहउँ। उ पचे एक ठु धातू क मूत्तिर् बनाइ लिहे अहइँ।’</verse>
				<verse number="13">“यहोवा मोसे इ भी कहेस, ‘मइँ इ लोगन पइ आपन निगाह रखेउँ ह। उ पचे बहोतइ अड़ियल अहइँ।</verse>
				<verse number="14">मोका अकेला रहइ द्या। मइँ इ मनइयन क पूरी तरह बरबाद करइ क चाहत अहउँ। ताकि कउनो मनई ओनकइ नाउँ कबहुँ याद नाहीं करी। तब मइँ तू पचन्स रास्ट्र बनाउबउँ जउन ओनके रास्ट्र स बड़का अउ जियादा सक्तीवाला होइ।’</verse>
				<verse number="15">“तब मइँ मुड़ेउँ अउ पहाड़े स खाले आएउँ। पहाड़ आगी स बरत रहा। वाचा क दुइनउँ पाथर मोर दुइनउँ हाथे मँ रहीं।</verse>
				<verse number="16">जब मइँ नजर डालेउँ, तउ लखेउँ कि तू पचे यहोवा आपन परमेस्सर क खिलाफ पाप किहे रहा। तू पचे अपने बरे धातू एक ठु बछवा बनाया ह। यहोवा जउन हुकुम दिहे अहइ ओसे तू पचे दूर पराइ ग अहा।</verse>
				<verse number="17">एह बरे मइँ दुइनउँ सिलन क लिहेउँ अउ ओनका नीचे फैंकि दहेउँ। हुआँ तोहरी आँखियन क समन्वा सिलन क टूका होइ गएन।</verse>
				<verse number="18">तब मइँ यहोवा क समन्वा निहुरेउँ अउ आपन चेहरा क जमीन पइ कइके चालीस दिन अउ चालीस रात वइसे ही बिताउँ। मइँ न तउ रोटी खाएउँ, अउ न ही पानी पिएउँ। मइँ इ एह बरे किहेउँ, कि तू पचे ऍतना बुरा पाप किह्या ह। तू पचे यहोवा बरे बुरा किहा अउर ओका कोहाइ दिह्या।</verse>
				<verse number="19">मइँ यहोवा क खउफनाक किरोध स डेराइ ग रहेउँ। उ तोहरे पचन्क खिलाफ ऍतना कोहाइ ग रहा कि तू पचन्क नास कइ देत। मुला यहोवा मोर बात फुन सुनेस।</verse>
				<verse number="20">यहोवा हारून पइ बहोत कोहान रहा। उ काफी किरोधित रहा अउ ओका बरबाद करइ चाहत रहा। एह बरे उ समइ मइँ हारून बरे भी पराथना किहे रहा।</verse>
				<verse number="21">मइँ उ पापे स भरा भए तोहार बनवा सोना क बछवा क लिहेउँ अउ ओका आगी मँ बारि दिहेउँ। मइँ ओका नान्ह नान्ह टूकन मँ तोड़ेउँ अउ मइँ बछवा क टूकन क तब तलक कुचर दिहेउँ जब तलक उ सबइ धूरि नाहीं बन गएन अउर तब मइँ उ धूरि क पहाड़े स खाले बहइवाली नदी मँ फेकेउँ।</verse>
				<verse number="22">“मस्सा, तबेरा अउ किब्रोत-हतावा पइ तू पचे फिन यहोवा क किरोधी कइ दिहा।</verse>
				<verse number="23">अउर जब यहोवा तू पचन्स कादेसबर्ने तजइ क कहेस तब तू पचे ओकरी आग्या क नाहीं मान्या। उ कहेस, ‘अगवा बढ़ा अउ उ देस मँ रहा जेका मइँ तोहका पचन्क दिहेउँ ह।’ मुला तू पचे ओह पइ बिस्सास नाहीं किह्या। तू पचे ओकरे आदेस क अनसुनी किह्या।</verse>
				<verse number="24">पूरा समइ जबहिं स मइँ तू पचन्क जानत हउँ तू लोगो यहोवा क आग्या क मानइ स इन्कार किहा ह।</verse>
				<verse number="25">“एह बरे मइँ चालीस दिन अउ चालीस रात यहोवा क समन्वा निहुरा रहा। काहेकि यहोवा कहेस कि उ तू पचन्क नास करी देब्या।</verse>
				<verse number="26">मइँ यहोवा स पराथना किहेउँ। मइँ कहेउँ: ‘यहोवा, मोर सुआमी, आपन लोग, आपन मीरास क बरबाद जिन करा। तू आपन बड़की ताकत अउ सक्ती स ओनका अजाद किहा अउ मिस्र स लिआया।</verse>
				<verse number="27">तू आपन सेवकन इब्राहीम, इसहाक अउ याकूब क याद करा। कृपा कइके तू इ लोगन क हठीलापन क भूल जा।</verse>
				<verse number="28">अगर तू आपन लोगन क सजा देब्या तउ मिस्री कहि सकत हीं, “यहोवा आपन लोगन क लइ जाइ मँ समर्थ नाहीं रहा, जेहमाँ लइ जाइ क बचन दिहे रहा। उ ओनसे घिना किहेस। एह बरे उ ओनका मारइ बरे रेगिस्तान मँ लइ गवा।”</verse>
				<verse number="29">मुला उ सबइ तोहार लोगन अहइँ। यहोवा उ तोहार सम्बंधित अहइँ। तू आपन बड़की ताकत अउ मजबूती स ओनका मिस्र स बाहेर लिआया।’</verse>
			</chapter>
			<chapter number="10">
				<verse number="1">“ओह समइ, यहोवा मोसे कहेस, ‘तू पहिली सिलन क नाई पाथर फारिके दुइ सिला बनावा। तब तू पचे मोरे लगे पहाड़े पइ आवा। अपने बरे एक काठे क संदूख भी बनावा।</verse>
				<verse number="2">मइँ पाथरे क सिलन पइ उ सबइ सब्द लिखब जउन पहिंली सिलन पइ लिखे रहेन। तू पहिली सिलन क तोड़ी दिहेन। तब तू पचन्क इ नवी सिलन क सन्दूखे मँ रखइ चाही।’</verse>
				<verse number="3">“एह बरे मइँ बबूल क एक ठु सन्दूख बनाएउँ। मइँ पहिली सिलन क तरह पाथर फारिके दुइ सिलन बनाएउँ। तब मइँ पहाड़े पइ गएउँ। मोरे हथवा मँ दुइ सिलन रहिन</verse>
				<verse number="4">अउर यहोवा ओनही सबदन क लिखेस जेनका उ तब लिखे रहा जब दस हकुमन क उ आगी मँ स तू पचन्क दिहे रहा अउर तू पचे पहाड़े क चारिहुँ कइँती बटुरा रह्या। तब यहोवा पाथर क सिलन मोका दिहस।</verse>
				<verse number="5">मइँ घूमेउँ अउर पहाड़े क खाले आएउँ। मइँ आपन बनाए भए सन्दूखे मँ सिलन क रखेउँ। यहोवा मोका एन सिलन क ओहमाँ धरइ क आदेस दिहेस।”</verse>
				<verse number="6">(इस्राएल क लोग याकान क लोगन क कुआँ स मोसेरा क जात्रा किहेन। हुआँ हारुन मरा अउ दफनाव गवा। हारुन क पूत एलीआज़ार हारून क जगह पइ याजक क रुप मँ सेवा सुरु किहस।</verse>
				<verse number="7">तब इस्राएल क लोग मोसेरा स गुदगोदा गएन अउर उ पचे गुदगोदा स नदियन क पहँटा योतबाता गएन।</verse>
				<verse number="8">ओह समइ यहोवा लेवी क परिवार समूह क आपन खास काम बरे दूसर परिवार समूहन स अलगाइ दिहस। ओनका यहोवा क करार क सन्दूखे क लइ जाइ क काम, यहोवा क समन्वा खड़ा होइके अउर ओकर सेवा करइ क काम रहा। उ यहोवा क नाउँ पइ उ पचे लोगन क आसीर्बाद देइ क काम भी करत रहेन। उ पचे अब भी इ खास काम करत हीं।</verse>
				<verse number="9">इहइ कारण अहइ कि लेवी बंस क मनइयन क भुइँया क कउनो हींसा दूसर परिवार समूहन क नाई नाहीं मिल पावा। लेवी बंसियन क हींसे मँ यहोवा पड़ा। यहोवा तोहार परमेस्सर ओकर संग इ वाचा किहेस।)</verse>
				<verse number="10">“मइँ पहाड़े पइ पहिली दाईं क तरह चालीस दिन अउ चालीस रात रुका रह। यहोवा ओह समइ भी मोर बातन क सुनेस। यहोवा तू पचन्क नास न करइ क निहचय किहेस।</verse>
				<verse number="11">यहोवा मोसे कहेस, ‘जा अउर मनइयन क जात्रा पइ लइ जा। उ पचे उ देस मँ जइहीं अउ ओहमाँ रइहीं जेका मइँ ओनके पुरखन क देइ क बचन दिहे अहउँ।’</verse>
				<verse number="12">“इस्राएल क लोगो, अब सुना! यहोवा, तोहार परमेस्सर जउन चाहत ह उ इ बाटइ: उ चाहत ह कि तू ओकर सम्मान करा अउ ओकर रास्ता प रहा। उ चाहत ह परमेस्सर स पिरेम अउर ओकर अराधना आपन पूरा हिरदइ अउर पूरा आतिमा स करा।</verse>
				<verse number="13">यहोवा क नेमन अउ आदेसन क पालन करा। मइँ इ सबइ आदेसन तोहका आपन भलाई बरे देत अहइँ।</verse>
				<verse number="14">“हर एक चीज, यहोवा तोहरे परमेस्सर क अहइ। सरग, सबन त ऊँचा उहइ क अहइ। भुइयाँ अउ ओह पइ क सारी चिजियन यहोवा तोहरे परमेस्सर क अहइँ।</verse>
				<verse number="15">यहोवा तोहरे पुरखन स बहोत पिरेम करत रहा। उ ओनसे एतना पिरेम करत रहा कि ओनके सन्तान, तू पचन्क, उ आपन लोग बनाएस। उ कउनो दूसर रास्ट्र क जगह पइ तू पचन्क चुनेस अउ आजु भी तू पचे ओकर चुना भवा लोग अहा।</verse>
				<verse number="16">“तू पचन क आपन हिरदय क खतना करइ चाही। तू पचन्क अड़ियल होब तजि देइ चाही।</verse>
				<verse number="17">काहेकि यहोवा तोहार परमेस्सर अहइ। उ देवतन क परमेस्सर, अउ देवतन क यहोवा अहइ। उ महान परमेस्सर अहइ। उ अरज करइवाला अउ सक्तीवाला जोद्धा अहइ। यहोवा क निगाहे मँ सबहिं मनई बराबर अहइँ। यहोवा आपन इरादा बदलइ बरे धन नाहीं लेत।</verse>
				<verse number="18">उ अनाथ क अउ राँड़ क निआउ करत ह। उ हमरे देस मँ रहइवाला प्रवासी स पिरेम करत ह। उ ओनका खइया क अउ ओढ़ना देत ह।</verse>
				<verse number="19">एह बरे तू पचन्क भी इ अजनबियन स पिरेम करइ चाही। काहेकि तू पचे खुद भी मिस्र मँ अजनबी रह्या।</verse>
				<verse number="20">“तोहका यहोवा आपन परमेस्सर क मान करइ चाही अउ सिरिफ उहइ क उपासना करइ चाही। ओका कबहुँ न तजा। जब तू पचे बचन द्या तउ सिरिफ ओकरे नाउँ क उपयोग करा।</verse>
				<verse number="21">तू पचन्क ओका बड़कई करइ चाही। उ तोहार परमेस्सर अहइ। उ तोहरे बरे महान अउ अचरजे स भरा भवा काम किहेस ह। इ सबइ कारजन क तू पचे आपन आँखिन स लख्या ह।</verse>
				<verse number="22">जब तोहार पुरखन मिस्र ग रहेन तउ सिरिफ सत्तर रहेन। अब यहोवा तोहार परमेस्सर तू पचन्क बहोतइ जियादा मनइयन क रुप मँ बढ़ाइ दिहे अहइ जेतॅना अकासे मँ तारा बाटेन।</verse>
			</chapter>
			<chapter number="11">
				<verse number="1">“एह बरे तू पचन्क आपन परमेस्सर यहोवा स पिआर करइ चाही। तू पचन्क उहइ करइ चाही जउन उ करइ बरे तू सबन्स कहत ह। तू पचन्क ओकरे नेमन, हुकुमन अउ आदेसन क हमेसा ही मानइ चाही।</verse>
				<verse number="2">याद रखा सिरिफ तोहार गदेलन उ एक नाहीं अहइ जेका उ लख्या ह अउर जउन यहोवा तोहार परमेस्सर बरे महान काम करइ मँ तजुरबा राखत अहइ। उ सबइ तू लोग रह्या तोहरे सबन्क जउन उ लखेन अउर तू पचे लख्या ह कि यहोवा केतॅना महान, मज़बूत अउ केतॅना सक्तीसाली अहइ।</verse>
				<verse number="3">तू पचे ओकरे चमत्कारन क लख्या ह। तू पचे उ सबइ लख्या ह जउन उ मिस्र क राजा फिरौन अउ ओकरे पूरे देस क संग किहस।</verse>
				<verse number="4">तू पचे मिस्र क फउज, ओनकइ घोड़न अउ रथन क संग यहोवा जउन किहस, लख्या ह। उ सबइ तू सबन्क पाछा करत रहेन, मुला तू पचे लख्या ह, यहोवा ओनका लालसागरे क जले मँ बोर दिहस। तू पचे लख्या ह कि यहोवा ओनका पूरी तरह बरबाद कइ दिहस।</verse>
				<verse number="5">तू पचे उ सबइ चिजियन क लख्या ह जउन यहोवा तोहार परमेस्सर उ रेगिस्तान मँ तू पचन्क इ जगह मँ आवइ तलक किहेस ह।</verse>
				<verse number="6">तू पचे लख्या ह कि यहोवा रूबेन क परिवार क एलिआब क दूइ पूतन दातान अउ अबीराम क संग का किहेस। इस्राएल क सबहिं मनइयन लख्या ह कि भुइँया मुँहे क नाई खुलत भवा ह अउ ओन मनइयन, ओनके परिवारे, खेमन, सबहिं नउकरन अउ ओनकर सबहिं जनावरन क निगल लिहस।</verse>
				<verse number="7">तू पचे यहोवा क जरिये कीन्ह गएन महान कारनामा क लख्या ह।</verse>
				<verse number="8">“एह बरे आजु जउन आदेस मइँ देत अहउँ, तू पचन क ओन सबन क जरूर मानइ चाही। तबहिं तू पचे सक्तीसाली बनब्या। अउर तू पचे नदी क पार करइ लायक बनब्या अउर उ देस पइ कब्जा करब्या जेहमाँ प्रवेस करइ बरे तू पचे तइयार अहा।</verse>
				<verse number="9">उ देस मँ तोहार उमिर लम्बी होई। इ उहइ देस अहइ जेका यहोवा तोहरे पुरखन स ओनके अउ ओनके सन्तानन क देइ क बचन दिहे रहा। इ देस मँ दूध अउर सहद बहत ह।</verse>
				<verse number="10">जउने देस क तू पचे पउब्या उ मिस्र क नाई नाहीं अहइ जहाँ से तू पचे आया ह। मिस्र मँ तू पचे बिआ बोअत रह्या अउर पौधन क गोड़न क जरिये नहर स पानी निकाल कइ सबजियन क बगियन क नाईं सींचत रहा।</verse>
				<verse number="11">मुला जउन पहँटा तू पचे हाली ही पउब्या उ मँ पहाड़न अउ घाटियन अहइँ। इ भुइँया बरखा स पानी अकासे स पावत ह।</verse>
				<verse number="12">यहोवा तोहार परमेस्सर उ देस क देख-भला करत ह। यहोवा तोहार परमेस्सर बरिस क सुरू स आखिर तलक ओकर देख-भाल लगातार करत रहत ह।</verse>
				<verse number="13">“‘तू पचन्क जउन आदेसन मइँ आजु देत अहउँ, ओका तोहका होसियारी स जरूर सुनइ चाही। तू पचन क यहोवा तोहार परमेस्सर स पिरेम अउ ओकर सेवा पूरा हिरदय अउ आतिमा स जरूर करइ चाही। अगर तू पचे अइसेन करब्या,</verse>
				<verse number="14">तउ मइँ ठीक समइ पइ तोहरी भुइँया बरे बरखा पठउब। मइँ पतझर अउ बसन्त क समइ क भी बरखा दुआरा तोहका आसीर्बाद देब। तू पचे आपन अन्न, नवा दाखरस अउ तेल बटोरब्या।</verse>
				<verse number="15">अउर मइँ तोहरे खेतन मँ तोहरे पचन्क गोरुअन बरे घास जमाउब। तोहरे पचन्क भोजन बरे बहोत जिआदा होइ।’</verse>
				<verse number="16">“‘मुला होसियार रहा कि ललचाया नाहीं जा। दूसर देवतन क पूजा अउ सेवा करइ बरे जिन घूमा।’</verse>
				<verse number="17">अगर तू पचे अइसा करब्या तउ यहोवा तू पचन पइ बहोतइ कोहाइ जाइ। उ अकासे क बन्द कइ देइ अउ बरखा नाहीं होइ। भुइँया स फसल नाहीं जमी अउर तू पचे उ नीक देस मँ हाली ही मरि जाब्या जेका यहोवा तू पचन्क देत अहइ।</verse>
				<verse number="18">“इ सब्दन क आपन दिमाग अउर हिरदइ मँ रखा। ऍका आपन कमर अउ कपाल पइ यादगार क रूप मँ रखा।</verse>
				<verse number="19">ऍन नेमन क सिच्छा आपन गदेलन क द्या। ऍनके बारे मँ जउन तू आपन घरे मँ बइठा, जउन तू सड़किया पइ टहरत रहा, जउन तू लोटत रहा अउ जउन जागत भए रहा, बतावा करा।</verse>
				<verse number="20">ऍन आदेसन क आपन घरे क दुआरे क चौखट अउ फाटकन पइ लिखा।</verse>
				<verse number="21">तबहिं तू पचे अउ तोहार गदेलन उ देस मँ लम्बे समइ तलक रइहीं। इ उहइ भुइँया अहइ जेका यहोवा तोहरे पुरखन क देइ क बचन दिहे रहा। तू पचे तब तलक रहब्या जब तलक धरती क ऊपर अकास रही।</verse>
				<verse number="22">“होसियार रहा कि तू पचे उ हर एक आदेस क मानत रहा जेका मानइ बरे मइँ तू पचन्स कहेउँ ह। आपन परमेस्सर यहोवा स पिरेम करा। ओकर बताए भए सबहिं राहे प चला। ओहसे लगा रहा।</verse>
				<verse number="23">यहोवा ओन सबहिं रास्ट्रन क ताकत लगाइके बाहर करब। तू पचे ओन रास्ट्रन स भुइँया लेब्या जउन तोहसे पचन्स लम्बा अउ मजबूत अहइँ।</verse>
				<verse number="24">उ सारा प्रदेस जेह पइ तू पचे चलब्या, उ तोहार होइ। तोहार देस दक्खिन मँ रेगिस्ताने स लइके लगातार उत्तर मँ लबानोन तलक होइ। इ पूरब मँ फरात नदी स लइके पस्चिमी सागर तलक होइ।</verse>
				<verse number="25">कउनो मनई तोहरे पचन्क खिलाफ ठाड़ न होइ। यहोवा तोहार परमेस्सर ओन लोगन्क तू पचन्स डेरवाइ देइ जहाँ कहूँ तू पचे उ देस मँ जाब्या। इ उहइ जेकरे बरे यहोवा पहिले तोहका पचन्क बचन दिहे रहा।</verse>
				<verse number="26">“आजु मइँ तू पचन्क आसीर्बाद या अभिसाप मँ स एक क चुनइ क बचन देत अहउँ।</verse>
				<verse number="27">तू सबइ बरदान पउब्या, अगर तू पचे यहोवा आपन परमेस्सर क आदेसन क पालन करब्या। मइँ आजु इ आदेसन क तोहका देत अहउँ।</verse>
				<verse number="28">मुला तू पचे ओह समइ अभिसाप पउब्या जब तू पचे यहोवा आपन परमेस्सर क आदेसन क मानइ स इन्कार करब्या। ऍह बरे जउने राहे पइ चलइ क आदेस मइँ आजु तू पचन्क दइ देत अहउँ, ओहसे घूमब्या अउ ओन दूसर देवतन क पाछा करब्या जेनका तू पचे जानत्या नाहीं।</verse>
				<verse number="29">“जब यहोवा तोहार परमेस्सर तू पचन्क उ देस मँ लावत ह जहाँ तू पचे रहब्या, तब तू पचन्क गरीज्जीम पहाड़े क चोटी पइ जाइ चाही अउ हुआँ स आसीर्बादन क लोगन क सुनावइ चाही। तब तू पचन्क एबाल पहाड़े क चोटी पइ भी जाइ चाही अउ हुआँ स अभिसापन क लोगन क सुनावइ चाही।</verse>
				<verse number="30">इ सबइ यरदन नदी क दूसर कइँती कनानी लोगन्क प्रदेस मँ अहइँ जउन यरदन घाटी मँ रहत हीं। इ सबइ पहाड़ गिलगाल सहर क निचके मोरे क बांज क बृच्छन क निअरे पच्छिम कइँती अहइँ।</verse>
				<verse number="31">तू पचे यरदन नदी क पार कइके जाब्या। तू पचे उ पहँटा क लेब्या जेका यहोवा तोहार परमेस्सर तू पचन्क दइ देत अहइ। इ देस तोहार होइ। जब तू पचे इ देस मँ रहइ लगब्या तउ</verse>
				<verse number="32">तोहका ओन सबहिं हुकुमन अउ नेमन क मानब होसियारी स करी चाही जेनका आजु मइँ तू पचन्क दइ देत अहउँ।</verse>
			</chapter>
			<chapter number="12">
				<verse number="1">“इ सबइ नेम अउर हुकुम अहइ जेका तोहका आपन नवा भुइँया मँ होसीयारी क साथ जरूर पालन करइ चाही। यहोवा तोहार पुरखन क परमेस्सर तोहका इ भुइँया दइ दिहा ह जब तलक तू पचन्क इ धरती पइ रही तोहका आपन अधिकार मँ रखइ बरे दिहेस ह।</verse>
				<verse number="2">तू पचे उ पहँटा क ओन रास्ट्रन स लेब्या जउन अब हुआँ रहत अहइँ। तू पचन्क ओन सबहिं ठउरन क पूरी तरह नास कइ देइ चाही जहाँ इ सबइ रास्ट्र आपन देवतन क पूजत हीं। इ सबइ ठउर ऊँचे पहाड़न, पहाड़ियन अउ सबइ हरिअर बृच्छन क खाले अहइँ।</verse>
				<verse number="3">तू पचन्क ओनकर वेदियन क बरबाद करइ चाही अउ ओनके स्मृति पाथरन क टूका-टूका कइ देइ चाही। तू पचन्क ओनके पवित्तर खम्भन क बार देइ चाही। ओनके देवतन क मूरतियन क काट डावइ चाही अउ ओनकर नाउँ हुआँ स मेट देइ चाही।</verse>
				<verse number="4">“मुला तू पचन्क यहोवा आपन परमेस्सर क उपासना उ तरह नाहीं करइ चाही जउने तरह उ सबइ लोग आपन देवतन क पूजन हीं।</verse>
				<verse number="5">यहोवा तोहार परमेस्सर तोहरे परिवार समूहे स खास ठउर चुनब। उ हुआँ आपन नाउँ क थापना करी। अउ हुआँ निवास करी तू पचन्क ओकर उपासना करइ बरे उ ठउर प जाइ चाही।</verse>
				<verse number="6">हुआँ तू पचन्क आपन होमबलि, आपन सबइ बली, दसवाँ हींसा, आपन खास भेंट, यहोवा क बचन दीन्ह गइ भेंट, आपन क इच्छा स भेंट अउर झुण्ड अउ रेवड़ क पहिला पइदा भवा बच्चन क लियावइ चाही।</verse>
				<verse number="7">तू अउर तोहार परिवार हुआँ यहोवा तोहार परमेस्सर क मौजूदगी मँ भोजन करिहीं। जउने अच्छी चिजियन बरे तू पचे काम किह्या ह आपन परमेस्सर क कारन स तू आनन्द पाउब्या। काहेकि यहोवा तोहार परमेस्सर तोहका आसीर्बाद दिहेस ह।</verse>
				<verse number="8">“उ उहइ तरह उपासना करत नाहीं रहइ चाही जउने तरह हम उपासना करत आवत अही। अबहिं तलक हम माँ स हर एक जइसा चाहे परमेस्सर क उपासना करत रहा।</verse>
				<verse number="9">काहे अबहिं तलक हम उ सान्त देस मँ नाहीं पहुँचे रहेन जेका यहोवा तोहार परमेस्सर तू पचन्क देत अहइ।</verse>
				<verse number="10">मुला तू पचे यरदन नदी क पार करब्या अउ उ देस मँ रहब्या जेका यहोवा तोहार परमेस्सर तू पचन्क देत अहइ। हुआँ यहोवा तू पचन्क सबहिं दुस्मनन स चैन स रहइ देइ अउ तू सुरच्छित रहब्या।</verse>
				<verse number="11">तब यहोवा आपन बरे खास ठउर चुनी उ हुआँ आपन नाउँ क थापना करी अउर तू पचे ओन सबहिं चीजन्क हुअँइ लइ अउब्या जेनके बरे मइँ आदेस देत हउँ। हुअँइ तू पचे आपन क सबइ होम बलियन, आपन बलियन, दसवाँ हींसा, आपन इच्छा क भेंट, आपन खास भेंट, अउ आपन क स्वतंत्र इच्छा क भेंट, जउन तू यहोवा क देइ क बचन दिहस ह।</verse>
				<verse number="12">उ ठउरे पइ तू पचे आपन सबहिं लोग, आपन बेटवन अउ बेटियन, मरद अउ मेहरारु नउकरन, अउर आपन सहर मँ बसइया सबहिं लेवीबंसियन क संग बटुर जा। (इ सबइ लेवीबंसी आपन बरे भुइँया क कउनो हींसा न पइहीं।) यहोवा आपन परमेस्सर क मौजूदगी मँ हुआँ आनंद मनावा।</verse>
				<verse number="13">होसियारी बरता कि तू पचे आपन होम बलियन क जहाँ लखा हुआँ जिन चढ़ावा।</verse>
				<verse number="14">तोहरे परिवार समूहे मँ स कउनो एक क इलाका मँ यहोवा आपन खास ठउर चुनी। हुआँ आपन होमबलि चढ़ावा अउ तू पचन्क बतावा गवा सबहिं आदेसन क हुअँइ करा।</verse>
				<verse number="15">“जउने कउने जगह तू पचे रहा तू कउनो जनावर क मारिके खाइ सकत ह। तू हरिण या नील गाय क साथ ठीक वइसा ही करा। तू पचे ओतना माँस खाइ सकत ह जेतना तू चाहा, जेतना यहोवा तोहार परमेस्सर तू पचन्क देइ। कउनो भी मनई इ गोस क खाइ सकत ह, चाहे उ पवितर होइ या अपवितर होइ।</verse>
				<verse number="16">मुला तू पचन्क रकत नाहीं खाइ चाही। तू पचन्क खून क पानी क तरह जमीन प बहाइ देइ चाही।</verse>
				<verse number="17">“कछू अइसी चिजियन अहइँ जेनका तू पचन्क ओन ठउरन पइ नाहीं खाइ चाही जहाँ तू पचे रहत अहा। इ सबइ अहइँ: आपन अनाज क, दाखरस क, अउ तेल क दसवाँ हींसा। तोहार भेड़ अउ गोरुअन क पहिला पइदा भवा बच्चा, परमेस्सर क वचन दीन्ह गइ भेंट, कउनो आपन इच्छा भेंट या कउनो भी परमेस्सर क दूसर भेंट।</verse>
				<verse number="18">तू पचन्क ओन भेंटन क सिरिफ यहोवा तोहार परमेस्सर क मौजूदगी मँ खाइ चाही यानी यहोवा तोहार परमेस्सर जउने ठउरे क चुनइ। तू पचन्क हुअँइ जाइ चाही अउर आपन पूतन, बिटियन, सबहिं मरद अउ मेहरारु नउकरन अउर तोहरे सहरन मँ बसइयन लेवी बंसियन क संग मिलिके खाइ चाही। यहोवा आपन परमेस्सर क मौजूदगी मँ आनन्द मनावा। जउने चिजियन बरे काम किहा ह ओनकर आनन्द ल्या।</verse>
				<verse number="19">धियान रखा कि इ भोजनन क लेवी बंसियन क संग बाँटिके खा। इ तब तलक करा जब तलक आपन देस मँ रहा।</verse>
				<verse number="20">“यहोवा तोहार परमेस्सर इ बचन दिहे अहइ कि उ तोहरे देस क सीमा क अउर बढ़ाई। जब यहोवा अइसा करी तउ उ ओकरे चुने भए खास निवास स दूर रहि सकत ह अउर तोहे पचन्क गोस क भूख अहइ तउ तू पचे कउनो भी तरह क गोस क, जउन तोहरे लगे अहइ खाइ सकत ह। तू पचे यहोवा क दीन्ह झुण्ड अउ समूह मँ स कउनो भी जनावर क मारि सकत ह। इ वइसे ही करा जइसा करइ क हुकुम मइँ दिहे अहउँ। इ गोस, तू पचे जबहिं चाहा जहाँ भी रह्या, खाइ सकत ह।</verse>
				<verse number="21"></verse>
				<verse number="22">तू पचे इ गोस क वइसे ही खाइ सकत ह जइसे नीलगाय अउर हिरन क गोस खात ह। कउनो भी मनई इ कइ सकत ह चाहे उ सबइ पवित्तर होइँ या अपवित्तर।</verse>
				<verse number="23">मुला निहचय ही खून जिन खा। काहेकि खून मँ जिन्नगी अहइ अउर तू पचन्क उ गोस नाहीं खाइ चाही जेहमाँ अबहिं जिन्नगी होइ।</verse>
				<verse number="24">खून जिन खा। तू पचन्क खून क पानी क नाई भुइँया पइ डाइ देइ चाही।</verse>
				<verse number="25">तू पचन्क उ सब कछू करइ चाही जेका परमेस्सर उचित समझत ह। एह बरे खून जिन खा। तब तोहार अउ तोहरे सन्तानन क भला होइ।</verse>
				<verse number="26">“कउनो भी तरह तोहका आपन पवित्तर बलिदान क अउर वचन क उपहारन क उ जगह पइ लावइ चाही जेका यहोवा चुनी।</verse>
				<verse number="27">तू पचन्क आपन होमबलि हुअँइ चढ़ावइ चाही। आपन होमबलि क गोस अउ रकत यहोवा आपन परमेसस्र क वेदी पइ चढ़ावा। रकत क बाहर निकाला। तब तू पचे गोस खाइ सकत ह।</verse>
				<verse number="28">जउन आदेस मइँ देत अहउँ ओनका मानइ मँ होसियार रहा। जब तू पचे उ सब कछू करत अहा जउन यहोवा तोहार परमेस्सर बाटइ अउ ठीक अउ अच्छा अहइ, तब हर चीज तोहरे बरे अउ तोहरे सन्ताने बरे भविस्य मँ सदा भला रही।</verse>
				<verse number="29">“जब यहोवा तोहार परमेस्सर उ रास्ट्रन क बरबाद करब्या अउ तो ओकर भुइँया पइ कब्जा करब्या। तू पचे हुआँ जाब्या अउ ओनसे भुइँया लेब्या। तू पचे ओनकइ भुइँया पइ रहब्या।</verse>
				<verse number="30">किन्तु ओकर पाछे होसियार रहा काहेकि उ तोहार समन्वा बरबाद भवा। ओकरे कैद मँ जिन फँसा जेहसा उ देवतन क पूजा करत अहइ। इ सीखइ क कोसिस न करा कि उ सबइ आपन देवतन क पूजा कइसे करत हीं। ‘उ सबइ जइसे पूजा करत ही वइसेन पूजा करइ क बारे मँ जिन सोचा।’</verse>
				<verse number="31">तू पचे यहोवा आपन परमेस्सर क वइसेन उपासना नाहीं करब्या जइसे उ पचे आपन देवतन क करत हीं। काहेकि उ पचे आपन पूजा मँ सब किसिम क बुरी चीजन करत हीं जेनसे यहोवा घिना करत ह। उ पचे आपन देवतन क बलि बरे आपन गदेलन क भी बार देत हीं।</verse>
				<verse number="32">“तू पचन्क ओन सबहिं काम क करइ बरे होसियार रहइ चाही जेनके बरे मइँ आदेस देत हउँ। जउन मइँ तू पचन्स कहत हउँ ओहमाँ न तउ कछू जोरा, न ही ओहमाँ स कछू कमती करा।</verse>
			</chapter>
			<chapter number="13">
				<verse number="1">“कउनो नबी या सपन क फले क जानइवाला तोहरे लगे आइ सकत ह। उ इ कहि सकत ह कि उ कछू दैवी चीन्हा या अचरजवाला काम देखाइ।</verse>
				<verse number="2">उ दैवी चीन्हा या अचरजवाला काम, जेकरे बारे मँ उ तू पचन्क बताएस ह, उ सही होइ सकत ह। तब उ तू पचन्स कहि सकत ह कि तू पचे दूसर देवतन क माना (जेनका तू पचे नाहीं जानत अहा।) उ तू पचन्स कहि सकत ह, ‘आवा हम ओन देवतन क सेवा करी।’</verse>
				<verse number="3">उ नबी या सपन काल क बातन क जिन सुना। काहेकि यहोवा तोहार परमेस्सर तोहार परीच्छा लेत अहइ। उ इ जानइ चाहत ह कि तू पचे पूरे हिरदय अउ आतिमा स पिरेम करत अहा कि नाहीं।</verse>
				<verse number="4">तू पचन्क यहोवा आपन परमेस्सर क अनुसरण करइ चाही। तू पचन्क ओकर सम्मान करइ चाही। यहोवा क आदेसन क माना अउर उ करा जउन उ कहत ह। यहोवा क सेवा करा अउ ओका कबहुँ जिन तजा।</verse>
				<verse number="5">उ नबी या सपन फले क जानइवाला मार दीन्ह जाइ चाही। काहेकि उ ही न तू पचन्स यहोवा तोहरे परमेस्सर क रास्तन स भटकत ह। यहोवा तू पचन्क मिस्र स बाहेर लिआवा। यहोवा तू पचन्क हुआँ क दासता क जिन्नगी स अजाद किहेस। उ ही अहइ जउन तोहका रोकइ क कोसिस करत अहइ कि तू पचे यहोवा आपन आदेस क मुताबिक जिन्नगी जिन बितावा। एह बरे आपन लोगन स बुरा मानुस क जरुर बरबाद करइ चाही।</verse>
				<verse number="6">“तोहार आपन भाइ, बेट्वा, बिटिया, तोहार पियारी मेहरारु या तोहार पियारा दोस्त छुपाइ के कहि सकत है, ‘आवा चली, दूसर देवतन क सेवा करी।’ (इ सबई वइसेन देवतन अहइँ जेनका तू पचे अउ तोहार पुरखन कबहुँ नाहीं जानेन।</verse>
				<verse number="7">उ सबइ ओन लोगन क देवता अहइँ जउन तोहरे चारिहुँ कइँती दूसर देसन मँ रहत हीं, कछू निचके अउ कछू दूर।)</verse>
				<verse number="8">तू पचन्क उ मनई क संग राजी नाहीं होइ चाही। ओकर बात जिन सुना। ओह पइ दया न देखावा। ओका आजादी स जिन जाइ द्या। ओकर रच्छा जिन करा।</verse>
				<verse number="9">तू पचन्क ओका मारि डावइ चाही। पाथर उठावइ वालन मँ स तू पचन्क पहिला होइ चाही अउर ओका मारइ चाही। तब सबहिं मनइयन क ओका मारि देइ क बरे ओह पइ पाथर लोकावइ चाही। काहेकि उ मनई तू पचन्क यहोवा तोहरे परमेस्सर स दूर हटावइ क कोसिस किहस। यहोवा सिरिफ एक अहइ जउन तोहे सबन्क मिस्र स लिआवा, जहाँ तू पचे दास रह्या।</verse>
				<verse number="10"></verse>
				<verse number="11">तब इस्राएल क सबहिं लोग सुनिहीं अउ डेराइ जइहीं अउर उ सबइ तोहरे पचन्क बीच अउर जियादा इ तरह क बुरा काम फुरइ स करिहीं।</verse>
				<verse number="12">“यहोवा तोहार परमेस्सर तू पचन्क रहइ बरे सहरन दिहे अहइ। कबहुँ-कबहुँ तू पचे सहरन मँ स कउनो क बारे मँ बुरी खबर सुन सकत ह। तू सबइ सुनि सकत ह कि</verse>
				<verse number="13">तोहारे पचन्क आपन रास्ट्र मँ ही कछू बुरे लोग आपन सहर क लोगन्क बुरी बातन बरे तइयार करत अहइ। उ पचे आपन सहर क लोगन स कहि सकत हीं, ‘आवा चली, दूसर देवतन क सेवा करी।’ (इ सबइ अइसे देवता होइहीं जेनका तू पचे पहिले नाहीं जान्या ह।)</verse>
				<verse number="14">तब तोहका सबइ चिजियन क पूरी तरह निरिच्छन करइ चाही। अगर तू पावत ह कि इ सही अहइ, तउ तू साबित कइ सकत ह कि सचमुच अइसा भयंकर बात भइ,</verse>
				<verse number="15">तब तू पचन्क उ सहर क लोगन्क निहचय ही स जरूर मारिइ चाही। उ सहर अउ ओकर सबइ चिजियन क, गिरुअन सहित बरबाद करइ चाही।</verse>
				<verse number="16">तब तू पचन्क सबहिं कीमती चीजन्क बटोरइ चाही अउर ओका सहर क बीच लइ जाइ चाही अउर सब चिजियन क सहर क संग बारि देइ चाही। इ तोहरे परमेस्स यहोवा बरे होमबलि होइ। सहर क सदा बरे राख क ढेर होइ जाइ चाही। इ कबहुँ दोबारा नाहीं बनावा जाइ चाही।</verse>
				<verse number="17">एह बरे तू पचन्क कउनो चीज आपन बरे नाहीं राखइ चाही। अगर तू पचे इ हुकुम क मानत अहा तउ यहोवा तू पचन्पइ कोहाइ स रोकि देइ। यहोवा तोहे पचन्पइ दाया करी अउ तरस खाइ। उ तोहरे पचन्क रास्ट्र क वइसा बड़का बनाइ जइसा उ तोहरे पुरखन क बचन दिहे रहा।</verse>
				<verse number="18">इ तब होइ जब तू पचे यहोवा आपन परमेस्सर क बात सुनब्या यानी अगर तू पचे ओन हुकुमन क मनब्या जेनका मइँ तू पचन्क आजु दइ देत अहउँ। अउर तू पचन्क उहइ करइ चाही जेका यहोवा तोहार परमेस्सर उचित बतावत ह।</verse>
			</chapter>
			<chapter number="14">
				<verse number="1">“तू पचे यहोवा आपन परमेस्सर क गदेलन अहा। अगर कउनो मरइ तउ तू पचन्क आपन दुखे मँ पड़ा भवा देखावइ बरे खुद क नाहीं काटइ चाही। तु पचन्क आपन मूँड़े क अगवा क हींसा क बार नाहीं कटवावइ चाही।</verse>
				<verse number="2">काहेकि तू पचे यहोवा आपन परमेस्सर क खास लोग अहा। उ संसार क सब मनइयन मँ स, तू पचन्क आपन खास लोगन्क रुप मँ चुना ह।</verse>
				<verse number="3">“अइसी कउनो चीज जिन खा, यहोवा जेहसे घिना करत ह।</verse>
				<verse number="4">तू पचे ऍन जनावरन क खाइ सकत ह: गाय, भेड़, बोकरी,</verse>
				<verse number="5">हिरन, नीलगाय, मृग, जंगली भेड़, जंगली बोकरी, चीतल अउ पहाड़ी भेड़।</verse>
				<verse number="6">तू पचे अइसे कउनो भी जनावरे क खाइ सकत ह जेकर खुर दुइ हींसा मँ बँटा होइँ अउर जउन जुगाली करत होइँ।</verse>
				<verse number="7">उ सबइ जनावर जउन जुगाली करत हीं या जेकर खुर दुई भाग मँ फाट भवा नाहीं होतेन तू पचन क सिरिफ एका नाहीं खाई चाही। ऊँट चट्टानी बिच्छु अउर खरहा क जिन खावा। इ सबइ जनावर जुगाली करत हीं किन्तु एकर खुर फटा भवा नाहीं होतेन। एह बरे इ तू पचन्क बरे असुद्ध अहइँ।</verse>
				<verse number="8">तू पचन्क सुअर नाहीं खाइ चाही। ओनकइ खुर फाट होत हीं, मुला उ सबइ जुगाली नाहीं करतेन। एह बरे सुअर तोहरे बरे असुद्ध अहइ। सुअर क कउनो गोस जिन खा अउर न ही मरे भए सुअर क छुआ।</verse>
				<verse number="9">“तू पचे अइसी मछरी खाइ सकत ह जेकरे पर अउ सेहरा होइँ।</verse>
				<verse number="10">मुला अइसी मछरी क न खा जेकरे पर अउ सेहरा दुइनाउँ न होइँ। इ सबइ तोहरे बरे असुद्ध भोजन अहइँ।</verse>
				<verse number="11">“तू पचे कउनो सुद्ध चिरई क खाइ सकत ह।</verse>
				<verse number="12">मुला इ चिरइयन मँ स कउनो क जिन खा गरुड़, गीद्ध, बुर्ज्जद,</verse>
				<verse number="13">लाल चील, बाझ, कउनो तरह क चील,</verse>
				<verse number="14">कउनो तरह क काला कौआ</verse>
				<verse number="15">सुतुरमुर्ग, उल्लू, घुग्घू, कउनो तरह क बहोर,</verse>
				<verse number="16">नान्ह उल्लू बड़वार उल्लू, उज्जर उल्लू,</verse>
				<verse number="17">रेगिस्तानी उल्लू, मच्छरी क सिकार करइवाला बड़ा पंछी, जल कौआ,</verse>
				<verse number="18">चमरघेंच, कउनो तरह क बगुला, नौवा या चमगादड़।</verse>
				<verse number="19">“पंखवाला किरउनन तोहरे बरे असुद्ध भोजन अहइँ। तू पचन्क ओनका नाहीं खाइ चाही।</verse>
				<verse number="20">मुला तू पचे कउनो सुद्ध चिरइया क खाइ सकत ह।</verse>
				<verse number="21">“खुद मरे भएन जनावरन क जिन खा। तू पचे मरे भए जनावरन क तोहार बीच रहइवाला कउनो प्रावासी क दइ सकत ह या ओका कउनो बिदेसी क हाथे बेंच सकत ह। मुला तू यहोवा तोहार परमेस्सर क खास लोग अहा। “बोकरी क बच्चा क ओकरी महतारी क दूधे मँ जिन पकावा।</verse>
				<verse number="22">“तू पचन्क हर बरिस आपन खेतन मँ उगी भइ फसिल क दसवँ हींसा निहचय ही बचावइ चाही।</verse>
				<verse number="23">तब तू पचन्क उ ठउर पइ जाइ चाही जेका यहोवा आपन नाउँ बरे चुनत ह। हुआँ यहोवा आपन परमेस्सर क मौजूदगी मँ आपन फसिल क दसवँ हींसा, अनाजे क तोहरे नवा दाखरस, तोहार तेल क दसवाँ हींसा, झुण्ड अउ समूह मँ पइदा पहिला बच्चा, खाइ चाही। तब तू पचे यहोवा आपन परमेस्सर क जीवन भर डर करब सिखब्या।</verse>
				<verse number="24">मुला उ ठउर ऍतना दूर होइ सकत ह कि तू पचे हुआँ तलक क जात्रा नाहीं कइ सकत ह। इ होइ सकत ह कि यहोवा जउन फसिल क बरदान दिहे अहइ ओकर दसवाँ हींसा तू पचे हुआँ न पहोंचाइ सका। अगर अइसा होत ह तउ इ करा:</verse>
				<verse number="25">आपन फसिल क उ हींसा बेचं द्या। तब उ धने क लइके यहोवा तोहार परमेस्सर क जरिये चुने भएन खास ठउरे पइ जा।</verse>
				<verse number="26">उ धने क उपयोग जउन कछू तू पचे चहा ओकरे बेसहइ मँ करा। गाय, भेड़ी, दाखरस या दूसर उबला भवा पेय या कउनो दूसर चीज जउन तू पचे चाहत अहा। तब तू पचन्क तोहरे परिवार क संग खइया खाइ चाही अउर यहोवा आपन परमेस्सर क मौजूदगी मँ हुआँ उ ठउरे पइ आनन्द मनावइ चाही।</verse>
				<verse number="27">मुला आपन सहर मँ बसइया लेवी बंसी लोगन क जिन बिसिरा काहेकि ओनके लगे तोहरी तरह भुइँया क हींसा नाहीं अहइ।</verse>
				<verse number="28">“हर तीन बरिस क आखीर मँ आपन उ बरिस क पइदा भवा फसिल क दसवँ हींसा बटोरब्या। इ भोजन क आपन सहर मँ रखा।</verse>
				<verse number="29">इ भोजन लेवी बंसी लोगन क बरे अहइ, काहेकि ओनके लगे आपन कउनो भुइँया नाहीं अहइ। इ भोजन तोहरे सहर मँ ओन लोगन बरे अहइ जेनका एकर जरुरत अहइ जइसे तोहार बीच रहइवाला प्रवासी, अनाथ अउर राँड़ मेहररुअन उ पचे खाब्या अउ संतुट्ठ होब्या। अगर तू पचे इ करत अहा तउ यहोवा तोहार परमेस्सर सबहिं काम तू पचे जउन कछू करब्या ओकरे बरे आसीर्बाद देइ।</verse>
			</chapter>
			<chapter number="15">
				<verse number="1">“हर सात बरिस क आखीर मँ, तू पचन्क कर्ज खतम कइ देइ चाही।</verse>
				<verse number="2">कर्ज क तू पचन्क इ तरह खत्म करइ चाही: हर एक मनई जउन कउनो इस्राएलियन क कर्ज दिहे अहइ आपन कर्ज खत्म कइ दे। ओका आपन भाई (इस्राएली) स कर्ज अदा करइ क नाहीं कहइ चाही। काहेकि यहोवा कहेस ह कि उ बरिस कर्ज खत्म कइ दीन्ह जात हँ।</verse>
				<verse number="3">तू पचे बिदेसी स आपन कर्ज वापस लइ सकत ह। मुला उ कर्ज क खत्म कइ देब्या जउन कउनो दूसर इस्राएली पइ अहइ।</verse>
				<verse number="4">मुला तोहरे पचन्क बीच कउनो गरीब मनई नाहीं रहइ चाही। काहेकि यहोवा तोहार पचन्क परमेस्सर तू पचन्क उ भुइँया क बरदान देइ। जेेका तू कब्जा करिहीं।</verse>
				<verse number="5">इहइ होइ, अगर तू पचे यहोवा आपन परमेस्सर क बातन क पूरी तरह मानब्या। तू पचन्क उ हर एक कानूनन क मानइ मँ सावधान रहइ चाही जेका मइँ तू पचन्क दिहे हउँ।</verse>
				<verse number="6">यहोवा तोहार परमेस्सर तू पचन्क आसीर्बाद देइ, जइसा कि उ बचन दिहे अहइ अउर तोहरे पचे बहोत स रास्ट्रन क कर्ज देइ बरे काफी धन होइ। मुला तू पचन्क कउनो स कर्ज लेइ क जरुरत नाहीं होइ। तू पचे बहोत स रास्ट्रन पइ सासन करब्या। मुला ओन रास्ट्रन मँ स कउनो रास्ट्र तोह पइ सासन नाहीं करब्या।</verse>
				<verse number="7">“जब तू पचे ओह देसे मँ रहब्या जेका यहोवा तोहार पचन्क परमेस्सर तू पचन्क देत अहइ तब तोहरे लोगन मँ स एक गरीब होइ सकत ह। तू पचन्क स्वार्थी नाहीं होइ चाही। तू पचन्क उ गरीब मनई क मदद देइ स इन्कार नाहीं करइ चाही।</verse>
				<verse number="8">तू पचन्क ओका हाथ बटावइ क इच्छा रखइ चाही। तू पचन्क उ मनई क जेतने कर्ज क जरुरत होइ, तोहका प्रचूरता स देइ चाही।</verse>
				<verse number="9">“कउनो क मदद देइ स एह बरे इन्कार जिन करा, काहेकि कर्ज क सतवाँ बरिस निजके अहइ। इ तरह क बुरा विचार अपने मन मँ जिन आवइ द्या। तू पचन्क उ मनई क बरे बुरा विचार नाहीं रखइ चाही जेका मदद क जरुरत बाटइ। तू पचन्क ओकर मदद करइ स इन्कार नाहीं करइ चाही। अगर तू पचे उ गरीब मनई क कछू नाहीं देत्या तउ उ यहोवा स तोहरे खिलाफ सिकाइत करी अउर यहोवा तू पचन्क पाप क उत्तरदायी पाइ।</verse>
				<verse number="10">“गरीब क तू पचे प्रचूरता स द्या अउर ओका देइ क बुरा न माना। काहेकि यहोवा तोहार परमेस्सर इ नीक काम बरे तू पचन्क आसीस देइ। उ तोहरे पचन्क सबहिं काम अउर जउन कछू तू पचे करब्या ओहमाँ तोहार मदद करी।</verse>
				<verse number="11">देस मँ सदा गरीब लोग भी होइहीं। इहइ कारण अहइ कि मइँ तू पचन्क आदेस देत अहउँ कि तू पचे आपन लोगन, जउन लोग तोहरे देस मँ गरीब अउर सहायता चाहत हीं, ओनका सहायता देइ बरे तइयार रहा।</verse>
				<verse number="12">“अगर तोहरे लोगन मँ स कउनो, हिब्रू मेहरारू या मनसेधू, तोहरे हाथे बेचा जाइ तउ उ मनई क तोहार सेवा छ: बरिस करइ चाही। तब सतएँ बरिस तू पचन्क ओका आपन स अजाद कइ देइ चाही।</verse>
				<verse number="13">मुला जब तू पचे आपन दास क अजाद करा तउ ओसे बगैर कछू लिए भए जिन जाइ द्या।</verse>
				<verse number="14">तू पचन्क दास क आपन झुण्ड स, अनाज स, अउ आपन दाखरस स, प्रचूरता स देइ चाही। यहोवा तोहार परमेस्सर तू पचन्क बहोतइ नीक चीजन क पाए पइ आसीर्बाद दिहेस ह। उहइ तरह तू पचन्क भी आपन दास क बहोत सारी चीजन क देइ चाही।</verse>
				<verse number="15">तू पचन्क याद रखइ चाही कि तू पचे मिस्र मँ दास रह्या। यहोवा तोहार परमेस्सर तोहका पचन्क अजाद किहेस ह। इहइ कारण अहइ कि मइँ तू पचन्स आजु इ करइ क कहत हउँ।</verse>
				<verse number="16">“मुला तोहरे दासन मँ स कउनो कहि सकत ह, ‘मइँ आप क नहीं तजब।’ उ अइसा एह बरे कहि सकत ह कि उ तू पचन्स, तोहरे परिवारे स पिरेम करत ह अउर उ तोहरे संग बढ़िया जिन्नगी बिताएस ह।</verse>
				<verse number="17">इ सेवक क आपन दुआरे स कान लगावइ द्या अउर एक ठु सूए क उपयोग ओकरे काने मँ छेद करइ बरे करा। तब उ सदा बरे तोहार दास होइ जाइ। तू पचे दासियन बरे भी इहइ करा जउन तोहरे हिआँ रहइ चाहत ह।</verse>
				<verse number="18">“तू सबइ आपन दास क अजाद करत समइ दुःखे क अनुभव जिन करा। याद रखा, उ छ: बरिस तलक तोहार सेवा, सामान्य मजदूर क दुई गुणा सेवा करइ कइ किहेस ह। यहोवा तोहार परमेस्सर तू पचे जउन करब्या ओकरे बरे असीस देइ।</verse>
				<verse number="19">“तू पचे आपन झुण्ड अउ समूह मँ सबइ पहिला पइदा भवा जनावरन क यहोवा तोहार परमेस्सर क खास जनावर बनाइ द्या। ओनमाँ स कउनो बधँन क उपयोग आपन काम बरे जिन करा। इ भेड़न मँ स कउनो क ऊन जिन काटा।</verse>
				<verse number="20">हर साल तोहका गोरुअन क झुण्ड मँ पहिला पइदा भवा जनावर क बच्चा क उ ठउरे पइ लइ आवइ चाही जेका यहोवा चुनइ। हुआँ तू पचे अउ तोहरे परिवारे क लोगन क यहोवा तोहार परमेस्सर क मौजूदगी मँ ओन जनावरन क खइहीं।</verse>
				<verse number="21">“मुला अगर जनावरन मँ कउनो दोख होइ, या लंगड़ा, आँधर होइ या एहमाँ कउनो दोख होइ, तउ तू पचन्क ओका यहोवा आपन परमेस्सर क भेंट नाहीं चढ़ावइ चाही।</verse>
				<verse number="22">मुला तू पचे ओकर गोस आपन सहरन मँ खाइ सकत ह। ऍका कउनो मनई खाइ सकत ह, चाहे उ सुद्ध होइ चाहे असुद्ध। नीलगाय या हिरन क गोस खाइ पइ इहइ नेम लागू करा जउन इ गोस पइ लागू होत ह।</verse>
				<verse number="23">मुला तू पचन्क जनावरन क रकत नाहीं खाइ चाही। तू पचन्क खून क पानी क तरह भुइँया पइ बहाइ देइ चाही।</verse>
			</chapter>
			<chapter number="16">
				<verse number="1">“यहोवा आपन परमेस्सर क फसह क त्यौहार आबीब क महीना मँ मनावा। काहेकि आबीब क महीना मँ तोहार परमेस्सर तू पचन्क रात मँ मिस्र स बाहेर लिआवा रहा।</verse>
				<verse number="2">तू पचन्क उ ठउरे पइ जाइ चाही जेका यहोवा आपन नाउँ क हुआँ रखइ बरे चुनब्या। हुआँ तू पचन्क यहोवा क सम्मान मँ फसह भेंट मँ भेंड़ अउर गोरु चढ़ावइ चाही।</verse>
				<verse number="3">इ भेंट क संग खमीर वाली रोटी जिन खा। तू पचन्क सात दिना तलक बेखमीरे क रोटी खाइ चाही। इ रोटी क ‘विपत्तियन क रोटी’ कहत हीं। सुमिर ल्या कि केतनी हाली हाली तू पचन्क मिस्र तजि देइ क पड़ा। तू पचन्क उ देस स आपन प्रस्थान क तब तलक सुमिरइ चाही जब तलक तू पचे जिअत रहा।</verse>
				<verse number="4">सात दिना तलक देस मँ कउनो क घरे मँ कहूँ खमीर नाहीं होइ चाही। फसह भेंट जउन गोस क पहिले दिन क साँझ क भेंट मँ चढ़ावा ओका भिन्सार होइ क पहिले खाइ लेइ चाही।</verse>
				<verse number="5">“तू पचन्क फसह क जनावरन क बलि ओन सहरन मँ स कउनो मँ नाहीं चढ़ावइ चाही जेनका यहोवा तोहार परमेस्सर तू पचन्क दिहे अहइ।</verse>
				<verse number="6">तू पचन्क फसह क त्यौहार क जनावर क बलि सिरिफ उ ठउरे पइ चढ़ावइ चाही जेका यहोवा तोहार परमेस्सर आपन बरे खास निवास क रुप मँ चुनइ। हुआँ तू पचे फसह क त्यौहार क जनावर क जब सूरज बूड़इ तब साँझ क बलि चढ़ावइ चाही। तू पचे एका बरिस क उहइ समइ मँ करब्या जउने समइ तू पचे मिस्र स बाहेर निकरा रह्या।</verse>
				<verse number="7">अउर तू पचन्क फसह क त्यौहार क गोस यहोवा तोहार परमेस्सर जउने ठउर क चुनी हुअँइ पकउब्या अउर खाब्या। तब भिन्सारे तू पचन्क आपन खेमन मँ चला जाइ चाही।</verse>
				<verse number="8">तू पचन्क बेखमीरी क रोटीं छ: दिना तलक खाइ चाही। सतएँ दिन तू पचन्क कउनो भी काम नाहीं करइ चाही। उ दिन यहोवा आपन परमेस्सर बरे खास सभा मँ भी सबहिं एकट्ठा होइहीं।</verse>
				<verse number="9">“जब तू पचे दोबारा फसल काटब सुरु करा तबहिं स तू पचन्क सात हफ्ता गनइ चाही।</verse>
				<verse number="10">तब यहोवा आपन परमेस्सर बरे हफ्तन क त्यौहार करा। ऍका एक स्वच्छ बलि ओका लिआइके करा। तू पचन्क केतॅना देब अहइ, एकर निहचय इ बिचारिके करा कि यहोवा तोहार परमेस्सर केतॅना तू पचन्क आसीर्बाद दिहे अहइ।</verse>
				<verse number="11">उ ठउरे पइ जा जेका यहोवा आपन नाउँ स हुवाँ बसइ बरे चुनी। हुआँ तू पचे अउर तोहार लोग, यहोवा आपन परमेस्सर क मौजूदगी मँ आनन्द क समइ बितइहीं। आपन सबहिं लोगन, आपन पूतन, आपन बिटियन अउर आपन सबहिं मनसेधू अउ मेहरारु दासन क हुआँ लइ जा अउर आपन सहर मँ बसइयन लेवी लेवीबंसियन, प्रवासियन, अनाथन अउर राँड़ मेहररुअन क भी संग लइ जा।</verse>
				<verse number="12">सुमिरा कि तू पचे मिस्र मँ दास रह्या। तू पचन्क निहचय करइ चाही कि तू पचे इ नेमन क मनब्या।</verse>
				<verse number="13">“जब तू पचे आपन खरिहान स फसिल अउ दाखरससाला स दाखरस बटोर लेब्या तब कुटीर क त्यौहार सात दिना तलक मनवा।</verse>
				<verse number="14">तू पचे, तोहार पूतन, तोहार बिटियन, तोहार सबहिं मरद अउ मेहरारु दासन, तोहरे सहर मँ बसइयन लेवीबंसियन, प्रावासियन, अनाथ अउ राँड़ मेहररुअन सबइ इ दावत मँ आनन्द मानवइँ।</verse>
				<verse number="15">तू पचन्क इ दावत क सात दिना तलक उ खास ठउरे पइ मनावइ चाही जेका यहोवा चुनी। इ तू पचे यहोवा आपन परमेस्सर क सम्मान मँ करा। आनन्द मनावा! काहेकि यहोवा तोहार परमेस्सर तू पचन्क तोहरी फसिल बरे अउर तू पचे जउन कछू भी किहा ह ओकरे बरे आसीस दिहेस ह।</verse>
				<verse number="16">“तोहार पचन्क सबहिं मनइयन बरिस मँ तीन दाईं यहोवा आपन परमेस्सर स मिलइ बरे उ खास ठउरे पइ अइहीं जेका उ चुनी। इ बे खमीरे क रोटी क त्यौहार क समइ, हफ्तन क त्यौहार क समइ अउ कटीर क त्यौहार क समइ होइ। कउनो मनई क बिना भेंट लइ यहोवा स नाहीं मिलइ जाइ चाहीं।</verse>
				<verse number="17">हर एक मनई ओतना देइ जेतना उ दइ सकी। केतना देब अहइ, ओकर निहचय उ इ सोचिके करी कि ओका यहोवा केतना दिहे अहइ।</verse>
				<verse number="18">“यहोवा तोहार परमेस्सर जउन सहरन क तू पचन्क दइ देत अहइ ओनमाँ स हर एक सहर मँ तू पचन्क आपन परिवार समूह बरे निआव क निआवाधीस अउ अफसर बनवइ चाही। इ निआव क निआवाधीसन अउर अफसरन क जनता क संग सही अउ ठीक निआव करइ चाही।</verse>
				<verse number="19">तू पचन्क ठीक निआव क बदलइ नाहीं चाही। तू पचन्क पच्छपाती नाहीं हाइँ चाही। तू पचन्क कउनो क सम्बन्ध मँ आपन इरादा क बदल देइ बरे धन नाहीं लेइ चाही। धन बुद्धिमान मनइयन क आँधर करत ह। इ सच्चा मनई क सब्दन क बदल देतह।</verse>
				<verse number="20">तू पचन्क हर समइ बिना पच्छ लिए अउ निआवा स ठीक होइ क पूरी कोसिस करइ चाही। तब तू पचे जिअत रहब्या अउर तू पचे उ देस क पउब्या जेका यहोवा तोहार परमेस्सर तू पचन्क दइ देत अहइ अउर तू पचे ओहमाँ रहब्या।</verse>
				<verse number="21">“आसेर देवी क सम्मान बरे उ वेदी बगल मँ काठ क खम्भन जिन लगावा जेका तू पचे यहोवा आपन परमेस्सर बरे बनाउब्या।</verse>
				<verse number="22">अउर तू पचन्क खास पाथर लबार देवतन क पूजा बरे नाहीं खड़ा करइ चाही। यहोवा तोहार परमेस्सर एनसे घिना करत ह।</verse>
			</chapter>
			<chapter number="17">
				<verse number="1">“तू पचन्क यहोवा आपन परमेस्सर क कउनो एक अइसी गाय या भेड़, बलि मँ नाहीं चढ़ावइ चाही जेहमाँ कउनो दोख या कमी होइ। काहेकि यहोवा तोहार पचन्क परमेस्सर एहसे घिना करत ह।</verse>
				<verse number="2">“तू पचे ओन सहरन मँ स कउनो बुरी बात होइ क सूचना पाइ सकत ह जेनका यहोवा परमेस्सर तू पचन्क देत अहइ। तू पचे इ सुनि सकत ह</verse>
				<verse number="3">कि तू पचन मँ स कउनो मेहरारु या मनसेधू यहोवा क खिलाफ पाप किहस ह। तू पचे इ सुनि सकत ह कि उ पचे यहोवा स करार तोड़ेत ह यानी उ पचे दूसर देवतन क पूजा किहेन ह। या इ होइ सकत ह कि उ पचे सूरज, चन्द्रमा या तारन क पूजा किहे होइँ। इ यहोवा क आदेस क खिलाफ अहइ जेका मइँ तोहे सबन्क दिहे अहउँ।</verse>
				<verse number="4">अगर तू पचे अइसी बुरी खबर सुनत ह तउ तू सबन्क ओकर जाँच होसियारी स करइ चाही। तू पचन्क इ जान लेइ चाही कि का इ फुरइ अहइ कि इ खौफनाक काम इस्राएल मँ होइ चुका अहइ। अगर तू पचे ऍका साबित कइ सकत ह कि इ फुरइ अहइ,</verse>
				<verse number="5">तब तू पचन्क उ मनसेधू या मेहरारु क जरूर सजा देइ चाही जउन इ बुरा काम किहे अहइ। तू पचन्क उ मनसेधू या मेहरारु क सहर क दुआरे क लगे लइ जाइ चाही अउर ओका पाथरन स मारि डावइ चाही।</verse>
				<verse number="6">मुला अगर एक ही गवाह इ कहत ह कि उ बुरा काम किहस ह तउ ओका मउत क सजा नाहीं दीन्ह जाइ। अगर दुइ या तीन गवाह इ कहत हीं कि इ फुरइ अहइ तउ उ मनई क फाँसी पइ चढ़ाइ देइ चाही।</verse>
				<verse number="7">गवाह क पहिला पाथर उ मनई क मारि डावइ बरे लोकावइ चाही। तबहिं दूसर लोगन क ओकर मउत पूरी करइ बरे पाथरन क लोकावइ चाही। इ तरह तू पचन्क उ बुराई क आपन बीच स दूर करइ चाही।</verse>
				<verse number="8">“कबहुँ अइसी समस्या आइ सकत ह कि जउन तोहरे अदालत बरे फइसला देइ मँ एतना कठिन होइ कि फइसला ही न देइ सकइँ। इ दूसर तरह खून-खराबा क मुकदमा, कउनो प्रकार क आकामण, कउनो दावा क पूरा होवइ सकत ह। जब इ मुकदमन पइ तोहरे सहरन मँ बहस होत ह तउ तोहार निआव क जज होइ सकत ह, फइसला न कइ सकइँ कि ठीक का अहइ? तब तू पचन्क उ खास ठउरे पइ जाइ चाही जेका यहोवा तोहार परमेस्सर क जरिये चुना ग होइ।</verse>
				<verse number="9">तू पचन्क लेवी परिवार समूह क याजकन अउ उ समइ क निआव क जज क लगे जाइ चाही। तउ मुकदमा क ओनका देइ चाही। अउर उ मुकदमन क फइसला प्रस्तुत करब्या।</verse>
				<verse number="10">यहोवा क खास ठउरे पइ उ पचे आपन फइसला तू पचन्क सुनइहीं। जउन भी उ पचे कहइँ ओका तू पचन्क करइ चाही। तू पचन्क ओनकर फइसला स्वीकारइ चाही अउर ओनकर निर्देर्स क ठीक ठीक मानइ चाही।</verse>
				<verse number="11">तोहका ओकर निर्देर्सन अउ फइसलन क सही-सही मानइ चाही। तू पचन्क ओनसे अलग कछू भी नाहीं करइ चाही जउन उ सबइ तू पचन्क करइ क कहत हीं।</verse>
				<verse number="12">“तू पचन्क यहोवा आपन परमेस्सर क सेवा क करइया उ समइ क याजक अउ निआव क निआधीसन क आग्या मानइ स इन्कार करइवाला क जउन अभिमान पूर्वक कार्य करइ, सजा देइ चाही। उ मनई क मरइ चाही। इही प्रकार तू इस्राएल स बुराई क हटाउब्या।</verse>
				<verse number="13">सबहिं लोग इ सजा क बारे मँ सुनिहीं अउर अहंकारी कार्य करइ बरे डेरइहीं।</verse>
				<verse number="14">“तू पचे उ प्रदेस मँ जाब्या जेका यहोवा तोहार परमेस्सर तू पचन्क दइ देत अहइ। तू पचे उ देस पइ कब्जा करब्या अउर ओहमाँ रहब्या। तब तू पचे कहब्या, ‘हम लोग अपने ऊपर एक ठु राजा वइसेन ही रखब जइसेन हमरे चारिहुँ कइँती क रास्ट्रन मँ अहइ।’</verse>
				<verse number="15">जब अइसा होइ तब तू पचन्क इ पक्का निहचय होइ चाही कि तू पचे ओका ही राजा चुन्या ह जेका यहोवा तोहार परमेस्सर चुनत ह। तोहार राजा तू पचन्क आपन लोगन मँ स होइ चाही। तू पचन्क बिदेसियन क आपन राजा नाहीं बनावइ चाही।</verse>
				<verse number="16">राजा क बहोत जियादा घोड़न क अपने बरे नाहीं राखइ चाही अउर ओका लोगन क जियादा घोड़न क लियावइ बरे मिस्र नाहीं पठवइ चाही। काहेकि तू पचन्स यहोवा कहेस ह, ‘तू पचन्क उ राहे पइ कबहुँ नाहीं लउटब अहइ।’</verse>
				<verse number="17">राजा क बहोत पत्नियन क भी नाहीं राखइ चाही। काहेकि इ काम ओका यहोवा स दूर हटाइ अउर राजा क सोना, चाँदी स आपन क मालामाल नाही बनावइ चाही।</verse>
				<verse number="18">“जब राजा हुकूमत सुरु करइ लागइ, तउ ओका एक किताबे मँ आपन बरे नेमन क नकल कइ लेइ चाही। ओका याजकन अउ लेवी बंसियन क समन्वा नकल कइ चाही</verse>
				<verse number="19">राजा क उ किताबे क आपन संग रखइ चाही। ओका उ किताबे क जिन्नगी भइ पढ़इ चाही। काहेकि तब राजा यहोवा आपन परमेस्सर क सम्मान करब सीखी अउर उ नेम क हुकुमन क पूरा पालन करइ सीखी।</verse>
				<verse number="20">तब राजा इ न सोची कि उ आपन लोगन मँ कउनो स भी जियादा नीक बाटइ। उ नेम क खिलाफ न जाइ बल्कि ठीक तरह स मानी। तब उ राजा अउर ओकर संतानन इस्राएल क राज्ज पइ लम्बा समइ तलक हुकूमत करी।</verse>
			</chapter>
			<chapter number="18">
				<verse number="1">“लेवी परिवार समूह क याजकन क इस्राएल मँ कउनो भुइँया क हींसा नाहीं पाइ। उ पचे आपन जीवन यापन उ भेंट क खाइके करिहीं जउन आगी पइ पाकी अउ यहोवा क चढ़ाई जाइ। उ ओकरे मीरास क हींसा अहइ।</verse>
				<verse number="2">उ सबइ याजक लोग भुइँया क कउनो हींसा दूसर परिवार समूहन क तरह नाहीं पइहीं। लेवी बंसियन क हींसा मँ खुद यहोवा अहइ। यहोवा ऍकरे बरे ओनका बचन दिहे अहइ।</verse>
				<verse number="3">“जब तू पचे कउनो बर्धा, या भेड़ी बलि बरे मारा तउ तू पचन्क इ सबइ हिंस्सन दइ देइ चाही: कांधा, दुइनउ गाल अउर पेट।</verse>
				<verse number="4">तू पचन्क याजकन क आपन पहली फसल क अनाज, नई दाखरस अउर आपन नई फसल क तेल देइ चाही। तू पचन्क याजकन क अपनी भेड़ी क पहिला काटा ऊन देइ चाही।</verse>
				<verse number="5">काहेकि यहोवा तोहार परमेस्सर तोहरे सबहिं परिवारे समूहन स ओनका सदा यहोवा बरे खड़ा होइ अउर सेवा करइ बरे चुनेस ह।</verse>
				<verse number="6">“लेवी बंसी जउन समूचइ इस्राएल मँ तोहरे सहरन मँ स कउनो मँ रहत ह, कउनो समइ मँ आपन घर तजि सकत ह अउर यहोवा क खास ठउर पइ जाइ सकत ह।</verse>
				<verse number="7">तब इ लेवी बंसी यहोवा आपन परमेस्सर क नाउँ पइ सेवा कइ सकत ह। ओका परमेस्सर क खास ठउर मँ वइसेन ही सेवा करइ चाही जइसे ओकर भाई दूसर लेवी बंसी करत हीं।</verse>
				<verse number="8">उ लेवी बंसी, आपन अधिकार क मिलइवाला हींसा क अलावा दूसर लेवी बंसियन क संग बराबर क हींसादार होइ।</verse>
				<verse number="9">“जब तू पचे उ भुइँया मँ घुसब्या, जउन यहोवा तोहार पचन्क परमेस्सर तू पचन्क दइ देत अहइ, तब उ रास्ट्रे क लोग जउन खउफनाक काम हुआँ करत होइँ ओनका जिन सीखा।</verse>
				<verse number="10">आपन बेटवन अउ बिटियन क बलि आपन वेदी पइ आगी मँ जिन द्या। कउनो जोतिसी स बात कइके या कउनो जादूगर, डाइन या बाजीगर क लगे जाइके इ जिन सीखा कि भविस्स मँ का होइ?</verse>
				<verse number="11">कउनो भी मनई क जादू-टोना चलावइ क कोसिस न करइ द्या अउर तू पचन मँ स कउनो मनई ओझा या भूतसिद्धक नाहीं बनी। अउर कउनो मनई कउनो अइसे मनई स बात करइ क कोसिस न करी जउन मर चुका होइ।</verse>
				<verse number="12">यहोवा तोहार परमेस्सर ओन लोगन स घिना करत ह जउन अइसा करत हीं। इहइ कारण अहइ कि उ तोहरे समन्वा इ लोगन्क देस तजि देइ क मजबूर करी।</verse>
				<verse number="13">तोहे सबन्क यहोवा तोहार परमेस्सर पइ पूरा निस्ठावान जरूर होइ चाही।</verse>
				<verse number="14">“तू पचन्क उ रास्ट्रन क लोगन्क बल क जरिये आपन देस स हटाइ देइ चाहीं। उ रास्ट्रन क लोग जोतिसियन अउर जादूगरन क बात मानत हीं। मुला यहोवा तोहार परमेस्सर तू पचन्क वइसा नाहीं करइ देइ।</verse>
				<verse number="15">यहोवा तोहार परमेस्सर तोहारे लगे आपन नबी पठई। इ नबी तोहरे आपन लोगन मँ स आइ। उ मोरी नाई होइ। तू पचन्क इ नबी क बात मानइ चाही।</verse>
				<verse number="16">यहोवा तोहरे लगे इ नबी क पठइ काहेकि तू पचे अइसा करइ क बरे ओहसे कहया ह। उ समइ जब तू पचे होरेब पहाड़े क चारिहुँ कइँती बटुरा रह्या, तू पचे यहोवा क अवाज अउ पहाड़े पइ खउफनाक आगी क लखिके डेरान रह्या। एह बरे तू पचे कहे रह्या, ‘हम पचे यहोवा आपन परमेस्सर क अवाज फुनि न सुनी। हम लोग उ खउफनाक आगी क फुनि न लखी। हम मरि जाब।’</verse>
				<verse number="17">“यहोवा मोसे कहेस, ‘उ पचे जउन चाहत हीं, उ ठीक बाटइ।</verse>
				<verse number="18">मइँ तोहरी नाई क एक ठु नबी ओनके बरे पठइ देब। इ नबी ओन लोगन मँ स कउनो एक होइ। मइँ ओकर मुख मँ आपन बात डालब। उ लोगन स उहइ कही जउन मोर हुकुम मानी।</verse>
				<verse number="19">इ नबी मोरे नाउँ पइ बोली अउर जब उ कछू कही तब अगर कउनो मनई मोरे हुकुमन क सुनइ स इन्कार करी, तउ मइँ खुद उ मनई क जिम्मेदार होब।’</verse>
				<verse number="20">“मुला कउनो नबी कछू अइसा कहि सकत ह जेका करइ क बरे मइँ ओसे नाहीं कहेउँ ह अउर उ लोगन स कहि सकत ह कि उ मोरे जगह पइ बोलत अहइ। अगर अइसा होत ह तउ उ नबी क मारि डावइ चाही या कउनो अइसा नबी होइ सकत ह जउन दूसर देवतन क नाउँ पइ बोलत ह। उ नबी क भी मारि डावइ चाही।</verse>
				<verse number="21">तू पचे सोच सकत ह, ‘हम कइसे पहिचान सकित ह कि नबी क कहब, यहोवा क नाहीं अहइ?’</verse>
				<verse number="22">अगर कउनो नबी कहत ह कि उ यहोवा कइँती स कछू कहत बाटइ, मुला ओकर कहब फुर साबित नाहीं होत, तउ तू पचन्क पहिचान लेइ चाही कि यहोवा वइसा नाहीं कहेस। तू पचे समुझ जाब्या कि इ नबी अभिमान पूर्वक बात करत रहा। तू पचन्क ओसे डेराइ क जरुरत नाहीं।</verse>
			</chapter>
			<chapter number="19">
				<verse number="1">“यहोवा तोहार परमेस्सर तू पचन्क उ देस देत अहइ जउन दूसर रास्ट्रन क अहइ। यहोवा ओन रास्ट्रन क बरबाद करी। तू पचे हुआँ रहब्या जहाँ उ सबइ लोग रहत हीं। तू पचे ओनकइ सहरन अउर घरन क लइ लेब्या। जब अइसा होइ,</verse>
				<verse number="2">तब तू पचन्क भुइँया क तीन हींसा मँ बाँटइ चाही। तब तू पचन्क हर एक हींसा मँ सबहिं लोगन्क निअरे परइवाला सहर उ छेत्र मँ चुनइ चाही अउर तू पचन्क उ सहरन तलक सड़कन बनावइ चाही तब कउनो भी मनई जउन कउनो दूसर मनई क मारत ह हुआँ पराइके जाइ सकत ह।</verse>
				<verse number="3"></verse>
				<verse number="4">“जउन मनई कउनो क मारत ह उ सुरच्छा बरे इ तीन सहरन मँ स कउनो मँ भी पराइके पहोंच सकत ह। उ सुरच्छा पा सकत ह। जदि उ बिना इरादा क साथ कउनो मनई क मारि डावइ अउर उ ओसे पहिले स घिना नाहीं करत रहेन।</verse>
				<verse number="5">एक ठु उदाहरण बा: कउनो मनई कउनो मनई क संग जंगल मँ लकड़ी काटइ जात ह। ओनमाँ स एक मनई लकड़ी काटइ बरे कुल्हरी क एक ठु बृच्छ पइ चलावत ह, मुला कुल्हरी हाथे स छूट जात ह। कुल्हरी क धार दूसर मनई पइ लग जात ह अउर ओका मार डावत ह। उ मनई जउन कुल्हरी चलाएस, ओन नगरन मँ पराइ सकत ह अउर आपन क सुरच्छित कइ सकत ह।</verse>
				<verse number="6">मुला अगर सहर बहोत दूर होइ, तउ उ आवस्यकतानुसार तेज नाहीं पराइ सकी। मारा भवा मनई क कउनो नजदीक क रिस्तेदार ओकर पाछा कइ सकत ह अउर सहर मँ ओकरे पहोंचइ स पहिले ही ओका धरि सकत ह। रिस्तेदार आपन किरोध मँ उ मनई क कतल कइ सकत ह। मुला उ मनई क मउत क सजा उचित नाहीं अहइ। उ उ मनई स पहिले घिना नाहीं करत रहा जेका उ मारेस ह।</verse>
				<verse number="7">एह बरे मइँ आदेस देत हउँ कि तीन खास सहरन क चुना।</verse>
				<verse number="8">“यहोवा तोहार परमेस्सर तोहरे पुरखन क इ बचन दिहस कि मइँ तू पचन्क चउहद्दी क विस्तार करब। उ तू लोगन क सारा देस देइ जेका देइ क बचन उ तोहरे पुरखन क दिहस।</verse>
				<verse number="9">उ इ करी, अगर तू ओन नेमन क पालन पूरी तरह करब्या जेनका मइँ तू पचन्क आजु दइ देत हउँ यानी अगर तू पचे यहोवा आपन परमेस्सर स पिरेम करब्या अउर ओकरे राहे पइ चलत रहब्या। अगर यहोवा तोहरे देस क बड़ावत ह तउ तू पचन्क तीन दूसर नगर सुरच्छा बरे चुनइ चाही। उ सबइ सुरच्छा बरे पहिले तीन सहरन क इलावा होइ चाही।</verse>
				<verse number="10">तबहिं निर्दोख लोग उ देस मँ नाहीं मारा जइहीं जेका यहोवा तोहार परमेस्सर तू पचन्क आपन बनावइ बरे देत बाटइ अउर तू पचे कउनो भी मउत बरे अपराधी नाहीं होब्या।</verse>
				<verse number="11">“किन्तु एक मनई कउनो मनई स घिना कइ सकत ह। उ मनई क मारइ बरे इन्तजार मँ लुका रहि सकत ह जेहसे उ घिना करत ह। उ उ मनई प हमला कइ सकत ह अउ ओका पीटइ अउर मारि सकत ह। ओकर पाछे सुरच्छा बरे चुने इ सहरन मँ पहोंच सकत ह।</verse>
				<verse number="12">अगर अइसा होत ह, तउ उ मनई क सहर क मुखिया क, कउनो क ओका धरइ क अउर सुरच्छत क सहर स ओका बाहेर लिआवइ बरे पठइ चाहीं। सहर क मुखिया ओका मरे भए क नजिक क रिस्तेदारे क दइ चाहीं। हत्तियारा जरुर मारा जाइ चाही।</verse>
				<verse number="13">ओकरे बरे तू पचन्क दुःखी नाहीं होइ चाही। तू पचन्क निर्दोख मनई क मारइ क अपराध क इस्राएल स हटावइ चाही। तब इ तोहरे बरे नीक रही।</verse>
				<verse number="14">“तू पचन्क पड़ोसी क जायदाद क चीन्हा क नाहीं हटावइ चाही। उ चउहद्दी उ समइ मँ स्थापित कीन्ह जात रहा जउन तू उ भुइँया मँ कब्जा कीन्ह रहा। यहोवा तोहार परमेस्सर तू पचन्क रहइ बरे देइ अउर जउन तोहार होई।</verse>
				<verse number="15">“अगर कउनो मनई कछु अन्याय या पाप क दोखी ठहरावइ जात ह जेका अपराध उ किहेस ह, तउ एक गवाह एक साबित करइ बरे काफी नाहीं होइ कि उ दोखी अहइ। उ सिद्ध करइ बरे दुइ या तीन गवाह जरुर होइ चाही।</verse>
				<verse number="16">“कउनो झुठी गवाह कउनो मनई प झुठी मत क अपराध ठहरइ सकत ह।</verse>
				<verse number="17">अगर अइसा होत ह तउ तहत्तुक करइवाले दुइनउँ मनई क यहोवा क मौजूदगी मँ खड़ा होइ चाही अउर ओनके मोकद्दमन क फइसला याजकन अउ उ समइ क मुख्य निआवाधीसन क जरिये होइ चाही।</verse>
				<verse number="18">निआवाधीसन क होसियारी स पूछ-ताछ करइ चाही। उ पचे पता लगाइ सकत हीं कि गवाह दूसर मनई क खिलाफ झूठ बोलेस ह। अगर गवाह झूठ बोलेस ह तउ,</verse>
				<verse number="19">तू पचन्क ओका सजा देइ चाही। तू पचन्क ओका उहइ हानि पहोंचावइ चाही जउन उ दूसर मनई क पहोंचावइ चाहत रहा। इ तरह तू पचे आपन बीच स कउनो भी बुरी बात निकारिके बाहेर कइ सकत ह।</verse>
				<verse number="20">दूसर सबहिं लोग ऍका सुनिहीं अउर डेराइ जइहीं, अउर तोहमाँ स कउनो भी फुन वइसी बुरी बात नाहीं करी।</verse>
				<verse number="21">“तू पचे ओह पइ दाया-दृस्टि जिन कर्या जेका बुराई बरे तू पचे ओका सजा देत अहा। जिन्नगी बरे जिन्नगी, आँखी बरे आँखी, दाँत बरे दाँत, हाथ बरे हाथ अउर गोड़वा बरे गोड़ लीन्ह जाइ चाही।</verse>
			</chapter>
			<chapter number="20">
				<verse number="1">“जब तू पचे आपन दुस्मनन क खिलाफ जुद्ध मँ जा, अउर आपन फउज स जियादा घोड़न, रथ, मनइयन क लखा, तउ तू पचन्क डेराइ नाहीं चाही। काहेकि यहोवा तोहार परमेस्सर तोहरे संग अहइ अउर उहइ एक अहइ जउन तू पचन्क मिस्र स बाहेर निकारि लिआवा।</verse>
				<verse number="2">“जब तू पचे जुद्ध क निचके आवा, तब याजक क लोगन क लगे जाइ चाही अउर ओनसे बात करइ चाही।</verse>
				<verse number="3">याजक कही, ‘इस्राएल क लोगो, मोरी बात सुना। आजु तू लोग आपन दुस्मनन क खिलाफ जुद्ध मँ जात अहा। आपन हिम्मत जिन तजा। जिन डरा। आतंकित जिन ह्वा। दुस्मनन स जिन डेराअ!</verse>
				<verse number="4">काहेकि यहोवा तोहार परमेस्सर दुस्मनन क खिलाफ लड़इ बरे तोहरे संग जात अहइ। यहोवा तोहार परमेस्सर तोहार रच्छा करी।’</verse>
				<verse number="5">“उ पचे अफसरन फउजियन स इ कइहीं, ‘का हिआँ कउनो अइसा मनई अहइ जउन नवा घर बनाइ लिहे अहइ, मुला अब तलक ओका अर्पण नाहीं किहे अहइ? उ मनई क आपन घरे लउट जाइ चाही। उ जुद्ध मँ मारा जाइ सकत ह अउर तब दूसर मनई ओकरे घरे क अर्पित करी।</verse>
				<verse number="6">का कउनो मनई हिआँ अइसा अहइ जउन अंगूरे क बगिया लगाए अहइ, मुला अबहिं तलक ओसे कउनो अंगूर नाहीं पाएस ह? उ मनई क घर लउटि जाइ चाही। अगर उ मनई जुद्ध मँ मारा जात ह तउ दूसर मनई ओकरे बगिया क फले क भोग करी।</verse>
				<verse number="7">का हिआँ कउनो अइसा मनई अहइ जेकरे बियाहे क क बात पक्की होइ चुकी अहइ। मुला उ लड़की क नाहीं बियाहेस ह? उ मनई क घरे लउटि जाइ चाही। अगर उ जुद्ध मँ मारा जात ह तउ दूसर मनई उ मेहरारु स बियाह करी जेकरे संग ओकरे बियाहे क बात पक्की होइ चुकी बाटइ।’</verse>
				<verse number="8">“अफसरन क लोगन स इ पूछइ चाही, ‘का हिआँ कउनो अइसा मनई अहइ जउन हिम्मत हरि चुका अहइ अउर डेरान अहइ। ओका घर लउटि जाइ चाही। तब उ दूसर फउजियन क हिम्मत हार जाइ मँ सहायक न होइ।’</verse>
				<verse number="9">जब अफसर फउजियन स बात करब खतम कइ लेइ तब उ पचे लोगन क अगवाइ बरे सैनिक क सेनापतियन चुनइँ।</verse>
				<verse number="10">“जब तू पचे सहर पइ हमला करइ जा तउ हुआँ क लोगन क समन्वा सान्ति क प्रस्ताव रखा।</verse>
				<verse number="11">अगर उ पचे तोहार प्रस्ताव अंगिकार कइ लेत हीं अउर आपन फाटक खोलि देत हीं तब उ सहर मँ बसइयन सब लोग तोहार दास होइ जइहीं अउर तोहार काम करइ बरे मजबूर कीन्ह जइहीं।</verse>
				<verse number="12">मुला अगर सहर सान्ति प्रस्ताव अंगीकार करइ स इन्कार करत ह अउर तू सबन्स लड़त ह तउ तू सबन्क सहर घेरि लेइ चाही।</verse>
				<verse number="13">अउर जब यहोवा तोहार परमेस्सर सहर पइ तोहार कब्जा करावत ह तब तू पचन्क सबहिं मनसेधुअन क मारि डावइ चाही।</verse>
				<verse number="14">तू पचे आपन बरे मेहररुअन, गदेलन, गोरुअन अउर सहर क कउनो भी चीज लइ सकत ह। तू पचे इ सबइ चीजन्क बइपर सकत ह। यहोवा तोहार परमेस्सर इ सबइ चीजन तू पचन्क दिहे अहइ।</verse>
				<verse number="15">जउन सहर तोहरे प्रदेस मँ नाहीं अहइ अउर बहोत दूर अहइँ, ओन सबन्क संग तू पचे अइस बेउहार करब्या।</verse>
				<verse number="16">“मुला जब तू पचे उ सहर उ प्रदेस मँ लेत ह जेका यहोवा तोहार परमेस्सर तू पचन्क दइ देत अहइ तब तू पचन्क हर एक क मारि डावइ चाही।</verse>
				<verse number="17">तू पचन्क हित्ती, एमोरी कनानी, परिज्जी, हिब्बी अउर यबूसी सबहिं लोगन्क पूरी तरह बरबाद कइ देइ चाही। यहोवा तोहार परमेस्सर, इ करइ क तू पचन्क आदेस दिहे अहइ।</verse>
				<verse number="18">एह बरे तब उ पचे तू सबन्क यहोवा तोहारे परमेस्सर क खिलाफ घृणित कार्य क सिच्छा तू पचन्क नाहीं दइ सकत जउन उ पचे आपन देवतन क पूजा क समइ करत हीं।</verse>
				<verse number="19">“जब तू पचे कउनो सहर क खिलाफ जुद्ध करत रहब्या तउ तू पचे लम्बा समइ तलक ओकर घेरा डाए रहि सकत ह। तू पचन्क सहर क चारिहुँ कइँती क फलदार बृच्छन क नाहीं काटइ चाही। तू पचन्क एनसे फल खाइ चाही मुला काटिके भहरावइ नाहीं चाही। इ सबइ बृच्छ दुस्मन नाहीं अहइँ। एह बरे ओनके खिलाफ जुद्ध जिन लड़ा।</verse>
				<verse number="20">मुला ओन बृच्छन क काटि सकत ह जेनका तू पचे जानत अहा कि इ सबइ फलदार नाहीं अहइँ। तू पचे एनकइ उपयोग उ सहर क खिलाफ घेराबंदी मँ कइ सकत ह, जब तलक ओकर पतन न होइ जाइ।”</verse>
			</chapter>
			<chapter number="21">
				<verse number="1">“उ देस मँ जेका यहोवा तोहार परमेस्सर तू पचन्क रहइ बरे देत अहइ, कउनो मनई मइदान मँ हत्तिया कीन्ह भवा लास पाइ जाइ सकत ह। मुला कउनो क इ पता नाहीं चल सकत कि ओका कउन मारेस।</verse>
				<verse number="2">तब तोहार पचन्क मुखियन अउर निआवाधीसन मारे भए मनई क चारिहुँ कइँती स सहरन क दूरी क नाप-जोख करइ चाही।</verse>
				<verse number="3">जब तू पचे इ जानि जाब कि मरे भए मनई क सबन त निचके क कउन सा सहर अहइ। तब उ सहर क मुखियन आपन झुण्डन मँ स एक गइया लेइहीं। जेकर उपयोग कबहुँ भी कउनो कामे मँ न कीन्ह गवा होइ। या उ प कबहुँ जुआ न रखा गवा ह।</verse>
				<verse number="4">उ सहर क मुखियन उ गइया क बहता भवा पानीवाली घाटी मँ लइहीं। इ अइसी घाटी होइ चाही जेका कबहुँ जोता न गवा होइ अउर न ओहमाँ पेड़-पौधा रोपा गवा होइँ। तब मुखियन क उ घाटी मँ हुअँइ उ गइया क गर्दन तोड़ देइ चाही।</verse>
				<verse number="5">लेवी बंसी याजकन क हुआँ जाइ चाही। (यहोवा तोहार परमेस्सर इ याजकन क आपन सेवा बरे अउर आपन नाउँ पइ आसीर्बाद देइ बरे चुनेस ह। याजक सबहिं वाद-विवाद अउ नोस्कान क मुकद्दमा क निहचय करिहीं।)</verse>
				<verse number="6">मारे भए मनई क सबन त निचके क सहर क सबई मुखियन आपन हाथन क उ गइया क ऊपर धरिहीं जेकर गर्दन घाटी मँ तोड़ दीन्ह गवा रहा।</verse>
				<verse number="7">इ सबइ मुखिया स जरूर कइहीं, ‘हम इ मनई क नाहीं मारा अउर हम पचे एकर मारा जाब नाहीं देखा।</verse>
				<verse number="8">यहोवा, इस्राएल क लोगन क छिमा कर, जेनकइ तू उद्धार किहा ह। आपन लोगन मँ स कउनो निर्दोख मनई क दोखी न ठहरावइ द्या।’ तब उ पचे कतल बरे दोखी नाहीं ठहरावा जइहीं।</verse>
				<verse number="9">इ सबइ मामलन मँ उ करब ही तोहरे पचन्क बरे नीक अहइ। अइसा कइके तू पचे कउनो निर्दोख क हत्या करइके दोखी नाहीं रहब्या।</verse>
				<verse number="10">“तू पचे आपन दुस्मनन स जुद्ध करउब्या अउर यहोवा तोहार पचन्क परमेस्सर ओनका तू पचन्स हरवाइ देइ। तब तू पचे दुस्मनन क बन्दी क रुप मँ लिअउब्या।</verse>
				<verse number="11">अउर तू पचे जुद्ध मँ बन्दी कउनो सुन्नर मेहरारु क लख सकत ह। तू पचे ओका पाउब चाह सकत ह अउर आपन मेहरारु क रुप मँ रखइ क इच्छा कइ सकत ह।</verse>
				<verse number="12">तू पचन्क ओका आपन परिवार मँ आपन घरे लिआवइ चाही। ओका आपन बार छोलवावइ चाही अउर आपन नह कटवावइ चाही।</verse>
				<verse number="13">ओका आपन बन्दी भए ओढ़नन क उतारइ चाही। ओका तोहरे घरे मँ रहइ चाही अउर एक महीना तलक आपन महतारी अउर बाप बरे रोवइ चाही। ओकरे बाद तू ओकरे संग यौन सम्बन्ध कायम कइ सकत ह अउर ओकर भतार होइ सकत ह्या। अउर उ तोहार पत्नी बन जाइ।</verse>
				<verse number="14">मुला अगर तू पचे ओसे खुस नाहीं होत्या तउ तू पचे ओका जहाँ उ जाइ चाही जाइ देइ। मुला तू ओका वास्तविक रूप मँ बेच नाहीं सकत्या। तू ओकरे बरे दासी क तरह बेउहार नाहीं कइ सकत्या। काहेकि तोहार ओकरे संग यौन सम्बन्ध रहा।</verse>
				<verse number="15">“एक ठु मनई क दुइ पत्नियन होइ सकत हीं अउर उ एक पत्नी स दूसर पत्नी क अपेच्छा जियादा पिरेम कइ सकत ह। दुइनउँ पत्नियन स ओकरे गदेलन होइ सकत हीं अउर पहिला गदेला उ पत्नी क होइ सकत ह जेहसे उ जियादा पिरेम न करत होइ।</verse>
				<verse number="16">जब उ आपन सम्पत्ति आपन गदेलन मँ बाँटी तउ उ इ घोसणा नाहीं करइ सकत ह कि जे पत्नी क उ जियादा पिरेम करत ह ओका गदेला पहिलौटी अहइ अउर जेका उ पिरेम नाहीं करत ही ओका गदेला नाहीं।</verse>
				<verse number="17">उ मनई क दुतकारी पत्नी क गदेला क ही पहिलौटी क गदेला अंगीकार करइ चाही। उ मनई क आपन चीजन क दुइ हींसा पहिलौटी पूत क देइ चाही। काहेकि उ बड़का गदेला अहइ। अउ पहिलौटी क अधिकार रखत अहइ।</verse>
				<verse number="18">“कउनो मनई क अइसा पूत होइ सकत ह जउन जिद्दी अउर आग्या क न मानइवाला होइ। इ पूत आपन महतारी अउर बाप क आग्या न मानी। महतारी अउर बाप ओका दण्ड देत हीं मुला पूत फुन भी ओनकइ कछू नाहीं सुनत।</verse>
				<verse number="19">ओकरे महतारी अउर बाप क ओका सहर क फाटक पइ सहर क मुखियन क लगे लइ जाइ चाही।</verse>
				<verse number="20">ओनका सहर क मुखियन स कहइ चाही: ‘हमार पूत जिद्दी अहइ अउर आग्या नाहीं मानत। उ कउनो काम नाहीं करत जेका हम करइ बरे कहित ह। उ जरुरत स जियादा खात अउ मद पिअत ह।’</verse>
				<verse number="21">तब सहर क लोगन क उ पूत क पाथरन स मारि डावइ चाही। अइसा कइके तू पचे आपन मँ स बुराई क हटाइ देइहीं। इस्राएल क सबहिं लोग ऍका सुनिहीं अउ डेराइ जइहीं।</verse>
				<verse number="22">“कउनो मनई अइसा पाप करइ क अपराधी होइ सकत ह जेका मउत क सजा दीन्ह जाइ। जब उ मारि डावा जाइ तब ओकर देह पेड़े पइ लटकावा जाइ सकत ह।</verse>
				<verse number="23">जब अइसा होत ह तउ ओकरे देह क रात भइ पेड़े पइ नाहीं रहइ चाही। तू पचन्क ओका उहइ दिन निहचय ही दफनाइ देइ चाही। काहेकि जउन मनई पेड़े पइ लटकावा जात ह उ परमेस्सर स अभिसाप पावा होत ह। तू पचन्क उ देस क बे पवित्तर नाहीं करइ चाही जेका यहोवा तोहार परमेस्सर तू पचन्क रहइ बरे देत ह।</verse>
			</chapter>
			<chapter number="22">
				<verse number="1">“अगर तू पचे लखा कि तोहरे पड़ोसी क गइया या भेड़ी खुली बाटइ, तउ तू पचन्क एहसे लापरवाह नाहीं होइ चाही। तू पचन्क निहचय ही ऍका मालिक क लगे पहोंचाइ देइ चाही।</verse>
				<verse number="2">अगर ऍकर मालिक तोहरे लगे न रहत होइ या तू ओका नाहीं जानत ह्वा कि उ कउन अहइ तउ तू उ गइया या भेड़ी क आपन घरे लइ जाइ चाही अउर तू ऍका तब तलक रखा जब तलक मालिक ऍका हेरत भवा तोहार लगे न आवइ। तब तू पचन्क ओका ओकरे बरे लउटाइ देइ चाही।</verse>
				<verse number="3">तू पचन्क इहइ तब भी जरूर करइ चाही जब तू पचन्क पड़ोसी क गदहा मिलइ, ओकर ओढ़नन मिलइँ या कउनो चीज पड़ोसी खोइ देत ह। अगर तू पावत ह, तउ तोहका नज़रअन्दाज नाहीं रहइ चाही।</verse>
				<verse number="4">“अगर तोहरे पड़ोसी क गदहा या ओकर गइया सड़क पइ पड़ी होइ तउ ओहसे आँखी नाहीं फेरि लेइ चाही। तू पचन्क ओका फुनि उठावइ मँ ओकर मदद करइ चाही।</verse>
				<verse number="5">“कउनो मेहरारु क कउनो मनई क ओढ़ना नाहीं पहिरइ चाही अउर कउनो मनसेधू क कउनो मेहरारु क ओढ़ना नाहीं पहिरइ चाही। यहोवा तोहार परमेस्सर ओहसे घिना करत ह जउन अइसा करत ह।</verse>
				<verse number="6">“कउनो राहे स टहरत समइ तु पचे बृच्छ पइ या भुइँया पइ चिरइयन क घोंसला पाइ सकत ह। अगर मादा चिरई आपन बच्चन क संग बइठी होइ या आपन अण्डन पइ बइठी होइ तउ तू पचन्क मादा चिरई क बच्चन क संग नाही पकड़इ चाही।</verse>
				<verse number="7">तू पचे बच्चन क आपन बरे लइ सकत ह। मुला तू पचन्क महतारी क तजि देइ चाही। अगर तू पचे इ नेमन क मानत ह तउ तोहरे बरे सब कछू नीक होइ अउर तू लम्बे समइ तलक जिअत रहब्या।</verse>
				<verse number="8">“जब तू पचे कउनो नवा घर बनावा तउ तू पचन्क आपन छते क चारिहुँ कइँती देवार खड़ी करइ चाही। तब तू पचे कउनो मनई क अपराधी नाहीं होब्या अगर उ छते पइ स भहरात ह।</verse>
				<verse number="9">“तू पचन्क आपन अंगूरे क बगिया मँ अनाजे क बिअन क नाहीं बोवइ चाही। काहेकि अनाज या अंगूर जउन बोवइ भवा बिअन स उगिहीं ओनका अलग रखइ क होइ।</verse>
				<verse number="10">“तू पचन्क बर्धा अउ गदहा क एक संगे हर जोतइ मँ नाहीं लगावइ चाही।</verse>
				<verse number="11">“तू पचन्क उ ओढ़नन क नाहीं पहिरइ चाही जेका अन अउ सूते स एक संग बुना भवा होइ।</verse>
				<verse number="12">“तू पचन्क आपन पहिरा जाइवाला चोगा क चारिहुँ कोनन पइ फुंदनन जरूर लगावइ चाही।</verse>
				<verse number="13">“अगर एक मनई कउनो लड़की स बियाह करइ अउर ओसे तने स सम्बन्ध करइ। तब होइ सकत ह। उ फइसला करत ह कि उ ओका पसन्द नाहीं अहइ।</verse>
				<verse number="14">उ झूठ बोलि सकत ह अउर कह सकत ह, ‘मइँ उ मेहरारु स बियाहेउँ, मुला जब हम पचे तने स सम्बन्ध किहेउँ तब मालूम भवा कि उ कुआँरी नाहीं अहइ।’ ओकरे खिलाफ अइसा सरमनाक बात कहइ पइ लोग उ मेहरारु क सम्बंध मँ बुरा विचार रख सकत हीं।</verse>
				<verse number="15">अगर अइसा होत ह तउ बिटिया क महतारी अउर बाप क इ बात क सबूत सहर क फाटक जगह पइ नगर-प्रमुखन क लगे लिआवइ चाही कि बिटिया कुआँरी रही।</verse>
				<verse number="16">लड़की क बाप क नगर-प्रमुखन स कहइ चाही, ‘मइँ आपन बिटिया क उ मनई क पत्नी होइ बरे दिहेउँ, मुला अब उ ओका नाहीं चाहत।</verse>
				<verse number="17">इ मनई मोरी बिटिया क खिलाफ झूठ बोलेस ह। उ कहेस, “मइँ तोहार बिटिया क कुआँरी नाहीं पावइ ह।” मुला इ मोर बिटियन क कुआँरिपन क सबूत अहइ। तब उ पचे उ ओढ़ना क नगर-प्रमुखन क देखइहीं।’</verse>
				<verse number="18">तब नगर-प्रमुख उ मनई क लेइहीं अउर ओका सजा देइहीं।</verse>
				<verse number="19">उ पचे ओह पइ सौ चाँदी क सेकेल क जुर्माना करिहीं। उ पचे उ रुपिया क लड़की क पिता क देइहीं काहेकि ओकर भतार एक इस्राएली बिटिया पइ कलंक लगाएस ह अउर बिटिया उ मनई क पत्नी बनी रही। उ आपन पूरी जिन्नगी ओका तलाक नाहीं दइ सकत।</verse>
				<verse number="20">“मुला जउन बातन भतार आपन पत्नी क बारे मँ कहेस उ सबइ फुर होइ सकत हीं। पत्नी क महतारी-बाप क लगे इ सबूत नाहीं होइ सकत कि बिटिया कुआँरी रही।</verse>
				<verse number="21">अगर अइसा होत ह तउ नगर-प्रमुख उ बिटिया क ओकरे बाप क दुआरे पइ लइ अइहीं तब नगर क मनई ओका पाथर स मार डइहीं। काहेकि उ इस्राएल मँ लज्जावाली बात किहस। उ आपन बाप क घरे मँ रंडी जइस बेउहार किहस ह। तू पचन्क आप लोगन मँ स हर बुराई क दूर करइ चाही।</verse>
				<verse number="22">“अगर कउनो मनई कउने दूसरे क पत्नी क संग तने क सम्बन्ध करत भवा पावा जात ह तउ दुइनउँ मारा जाब्या, उ मेहरारू अउ उ मनसेधु जउन ओकर संग तने क सम्बन्ध किहेस ह। तू पचन्क इस्राएल स इ बुराई दूर करइ चाही।</verse>
				<verse number="23">“कउनो मनई कउनो उ कुआँरी बिटिया स मिल सकत ह जेकर दूसरे स पक्का होइ चुका अहइ। उ ओकरे संग तने क सम्बन्ध भी कइ सकत ह। अगर सहर मँ अइसा होत ह तउ</verse>
				<verse number="24">तू पचन्क ओन दुइनउँ क उ सहर क बाहेर फाटक पइ लावइ चाही अउर तू पचन्क ओन दुइनउँ क पाथरन स मारि डावइ चाही। तू पचन्क मनई क एह बरे मारि डावइ चाही कि उ दूसर क पत्नी क संग तने क सम्बन्ध किहस अउर तू पचन्क बिटिया क एह बरे मारि डावइ चाही कि उ सहर मँ रही अउर उ मदद बरे पुकार नाहीं किहस। तू पचन्क आपन लोगन मँ स इ बुराई भी दूर करइ चाही।</verse>
				<verse number="25">“मुला कउनो मनई मैदानन मँ, बियाह क सगाई पक्की भइ बिटिया क पकड़ लेत ह अउर ओसे बल लगाइके तने क सम्बन्ध करत ह तउ अकेला उ जरूर मनई क मारि डावइ चाही।</verse>
				<verse number="26">तू पचन्क बिटिया क संग कछू भी नाहीं करइ चाही काहेकि उ अइसा कछू भी अपराध नाहीं किहस जउन ओका मउत क सजा क काबिल बनावत ह। इ मामला वइसा ही अहइ जइसा कउनो मनई क निर्दोख मनई पइ आकामण अउ ओकर कतल करतह।</verse>
				<verse number="27">उ मनई बियाह क सगाई पक्की कीन्ह भइ बिटिया क मैदान मँ धरेस। बिटिया मदद बरे गोहार लगाएस, मुला कउनो ओकर मदद करइवाला नाहीं रहा।</verse>
				<verse number="28">“कउनो मनई कउनो कुआँरी बिटिया जेकर बरिच्छा नाहीं भइ अहइ, क धइ लेत ह अउर ओका आपन संग बल स तने क सम्बन्ध करइ क मजबूर कइ सकत ह। अगर उ परगट होइ जात ह,</verse>
				<verse number="29">तउ ओका बिटिया क बाप क पचास सेकेल चाँदी देइ चाही अउर बिटिया ओकर पत्नी होइ जाइ। काहेकि उ ओकरे संग तने क सम्बन्ध किहस। उ ओका पूरी जिन्नगी तलाक नाहीं दइ सकत।</verse>
				<verse number="30">“कउनो मनई क आपन सौतेली महतारी क संग सादी कइके आपन बाप पइ कलंक नाहीं लगावइ चाही।”</verse>
			</chapter>
			<chapter number="23">
				<verse number="1">“इ सबइ लोग इस्राएल क लोगन क संग यहोवा क उपासना करइ बरे नाहीं आइ सकतेन: उ मनई जउन आपन क बधिया कराइ लिहस ह, उ मनई जउन आपन जनन अंग कटवाइ लिहस ह</verse>
				<verse number="2">या उ मनई जउन बिना बियाहे भए महतारी-बाप क सन्तान होइ। इ मनई क परिवार क कउनो मनई दसईं पीढ़ी तलक भी यहोवा क लोगन मँ यहोवा क उपासना करइ बरे नाहीं गना जाइ सकत।</verse>
				<verse number="3">“कउनो अम्मोनी या मोआबी यहोवा क लोगन स सम्बंध रखत भवा नाहीं होइ सकत अउर दस पीढ़ियन तलक ओनकर कउनो सन्तान भी यहोवा क लोगन क हींसा यहोवा क उपासना करइ बरे नाहीं बन सकत।</verse>
				<verse number="4">काहेकि अम्मोनी अउर मोआबी लोग मिस्र स बाहेर आवइ क जात्रा क समइ तू लोगन क रोटी अउ पानी देइ स इन्कार किहे रहेन। उ सबइ यहोवा क लोगन क हींसा एह बरे भी नाहीं होइ सकतेन काहेकि उ पचे बिलाम क तू पचन्क अभिसाप देइ बरे मुकरर्र किहे रहेन। (बिलाम अरम्नहरैम मँ पतोर सहर क बोर क पूत रह।)</verse>
				<verse number="5">मुला यहोवा परमेस्सर बिलाम क एक नाहीं सुनेस। यहोवा अभिसाप क तोहरे बरे बरदान मँ बदल दिहस। काहेकि यहोवा तोहार परमेस्सर तू पचन्स पिरेम करत ह।</verse>
				<verse number="6">तू पचन्क अम्मोनी अउ मोआबी लोगन्क संग सान्ति रखइ क कोसिस कबहुँ नाहीं रखइ चाही। जब तलक तू लोग रहा, ओनसे मिताई जिन राखा।</verse>
				<verse number="7">“तू पचन्क एदोमी स घिना नाहीं करइ चाही। काहेकि उ तोहार सभ्बंधी अहइ। तू पचन्क कउनो मिस्री स घिना नाहीं करइ चाही। काहेकि ओनके देस मँ तू पचे अजनबी रह्या।</verse>
				<verse number="8">एदोमी अउर मिस्री लोगन स पइदा तीसरी पीढ़ी क गदेलन यहोवा क लोगन क हींसा बन सकत हीं।</verse>
				<verse number="9">“जब तोहार फउज दूस्मन क खिलाफ जाइ, तब तू पचे ओन सबहिं चीजन स दूर रहा जउन तू पचन्क बे पवित्तर बनावत हीं।</verse>
				<verse number="10">अगर कउनो अइसा मनई अहइ जउन इ कारण पवित्तर नाहीं अहइ कि रात मँ सपनदोस होइ गवा बाटइ तउ ओका छाउनी क बाहेर चला जाइ चाही। ओका छाउनी स दूर रहइ चाही।</verse>
				<verse number="11">मुला जब साँझ होइ तब उ मनई क पानी स नहाइ चाही अउर जब सूरज बूड़इ तब ओका छाउनी मँ आवइ चाही।</verse>
				<verse number="12">“तू पचन्क छाउनी क बाहेर दिसा फरागत बरे जगह बनवइ चाही।</verse>
				<verse number="13">अउर तू पचन्क आपन हथियार क संग खनइ बरे एक ठु खन्ती रखइ चाही। एह बरे जब तू पचे फरागत करब्या तब तू एक ठु गड़हा खना अउर ओका ढाँकि द्या चाही।</verse>
				<verse number="14">काहेकि यहोवा तोहार परमेस्सर तोहरे डेरन मँ दुस्मनन क हरावइ मँ तोहार मदद करइ बरे तोहरे संग अहइ। एह बरे डेरा पवित्तर रहइ चाही। तब यहोवा तू पचन मँ कछू भी अनुचित न लखी अउर तोहे सबन्स आँखी न फेरी।</verse>
				<verse number="15">“अगर कउनो दास आपन मालिक क हिआँ स पराइके तोहरे लगे आवत ह तउ तू पचन्क उ दास क ओकरे मालिक क नाहीं लउटावइ चाही।</verse>
				<verse number="16">इ दास तोहरे संग जहाँ चाहे हुआँ रहि सकत ह। उ जउने भी सहर क चुन लेइ ओहमाँ रहि सकत ह। तू पचन्क ओका परेसान नाहीं करइ चाही।</verse>
				<verse number="17">“कउनो इस्राएली मेहरारु या मनसेधू क कबहुँ देवदासी या देवदास नाहीं बनइ चाही।</verse>
				<verse number="18">देवदास या देवदासी क कमावा भवा धन तोहरे परमेस्सर क मन्दिर मँ नाहीं लिआवा जाइ चाही। कउनो मनई दीन्ह भए बचन क कारण यहोवा क दीन्ह जाइवाली चीज क बरे इ धने क उपयोग नाहीं कइ सकत। यहोवा तोहार परमेस्सर सबहिं मन्दिरन क देवदास-देवदासियन स घिना करत ह।</verse>
				<verse number="19">“अउर तू पचे कउनो इस्राएली क उधार द्या तउ तू पचे ओह पइ बियाज जिन ल्या। तू पचे उधार मँ लीन्ह गवा सिक्कन, भोजन या कउनो अइसी चीज पइ बियाज मँ न ल्या।</verse>
				<verse number="20">तू पचे बिदेसियन स बियाज लइ सकत ह। मुला तू पचन्क दूसर इस्राएली स बियाज नाहीं लेइ चाही। अगर तू पचे इ नेमन क मनब्या तउ यहोवा तोहार परमेस्सर उ देस मँ, जहाँ तू पचे रहइ जात अहा, जउन कछू तू पचे करब्या ओहमाँ आसीस देइ।</verse>
				<verse number="21">“जब तू पचे यहोवा आपन परमेस्सर क बचन द्या, तउ जउन तू पचे देइ क कहा ओन सब क देइ मँ ढीला जिन ह्वा। अगर तू बचन दीन्ह गइ चीजन क नाहीं देब्या तउ पाप क अपराध करब्या। यहोवा तोहार परमेस्सर चाहत ह कि तू निहचय ही आपन वचन क जरूर पूरा करा।</verse>
				<verse number="22">अगर तू बचन नाहीं देब्या तउ तू पचे पाप नाहीं करत अहा।</verse>
				<verse number="23">मुला तू पचन्क उ चीजन क करइ चाही जेका करइ बरे तू पचे कहया ह कि तू करब्या। जब तू पचे अजादी स यहोवा आपन परमेस्सर क बचन द्या तउ, तू पचन्क बचन दीन्ह गइ बात क पूरी करइ चाही।</verse>
				<verse number="24">“अगर तू दूसर मनई स अंगूर क बगिया स होइके जात अहा, तउ तू जेतना चाहा ओतना अंगूर खाइ सकत ह। मुला तू कउनो अंगूर आपन टोकरी मँ नाहीं रख सकब्या।</verse>
				<verse number="25">जब तू दूसर क पका भवा अनाज क फसल क खेते स होइके जात अहा तउ तू आपन हाथे स जेतना उजारा, खाइ सकत ह। मुला तू हँसिया क उपयोग दूसर क अनाज क काटइ अउर लेइ बरे नाहीं कइ सकत्या।</verse>
			</chapter>
			<chapter number="24">
				<verse number="1">“जदि कउनो मनई कउनो मेहरारु स बियाह करत ह, अउर उ मेहरारू ओका खूस नाहीं करत ह, काहेकि उ मनई उ मेहरारू मँ कछू असलीलता पावत ह, तउ उ ओक तलाक पत्र दइ सकत ह अउर ओका आपन घरे स पठइ देइ सकत ह।</verse>
				<verse number="2">जब उ ओकर घर तज दिहेस ह तउ उ दूसर मनई क लगे जाइके ओकर पत्नी होइ सकत ह।</verse>
				<verse number="3">मुला मान ल्या कि नवा भतार भी ओका पसन्द नाहीं करत अउर ओका बिदा कइ देत ह। अगर उ मनई ओका तलाक देत ह तउ भी पहला भतार ओका फुन स पत्नी क रुप मँ नाहीं राखि सकत या अगर नवा भतार मरि जात ह तउ भी पहिला भतार ओका फुन पत्नी क रुप मँ नाहीं रख सकत ह। उ दूसित होइ चुकी बाटइ। अगर उ ओसे बियाह करत ह तउ उ अइसा काम करी जेहसे यहोवा घिना करत ह। तू पचन्क उ देस मँ अइसा पाप नाहीं लावइ चाही जेका यहोवा तोहार परमेस्सर तू पचन्क रहइ बरे दइ देत अहइ।</verse>
				<verse number="4"></verse>
				<verse number="5">“नवा बियाहा क फउज मँ नाहीं पठवइ चाही अउर ओका कउनो दूसर खास काम भी नाहीं देइ चाही। काहेकि एक बरिस तलक ओका घरे पइ रहइ क अजाद होइ चाही अउर आपन नई पत्नी क सुखी बनावइ चाही।</verse>
				<verse number="6">“अगर कउनो मनई क तू कर्ज द्या तउ गिरवी क रुप मँ ओकर आटा पीसइ क जाँत क कउनो पाट न रखा। काहेकि अइसा करब ओका खइया करइ के तू ओकर जिन्नगी क जरिया लइ लेब्या।</verse>
				<verse number="7">“अगर कउनो इस्राएली मनई दूसर इस्राएली मनई क अपहरण करत ह जउन ओकरे देस क अहइ अउर ओकरे संग दूरव्यवहार करत ह या ओका बेच लेत ह तउ अपहरण करइवाला जरुर मारा जाइ चाही। इ तरह तू आपन बीच स इ बुराई क दूर करब्या।</verse>
				<verse number="8">“अगर तू पचन्क कोढ़ होइ जाइ तउ तू पचन्क लेवी बंसी याजकन क दीन्ह गइ सारी सिच्छा अंगीकार करइ मँ होसियार रहइ चाही। तू पचन्क होसियारी स ओन सबइ आदेसन क मानइ चाही जेनका देइ बरे मइँ याजकन स कहेउँ ह।</verse>
				<verse number="9">इ याद राखा कि यहोवा तोहार परमेस्सर मिरियम क संग का किहेस जब तू पचे मिस्र स बाहेर निकरइ क जात्रा पइ रह्या।</verse>
				<verse number="10">“जब तू पचे कउनो मनई क कउनो तरह क कर्ज द्या तउ ओकरे घरे मँ ओकर घरेलू सामान क, गिरवी रखी चीज लेइ बरे जिन जा।</verse>
				<verse number="11">तू पचन्क बाहेर ही खड़ा रहइ चाही। तब उ मनई, जेका तू पचे कर्ज दिहा ह, तोहारे लगे गिरवी रखी गइ चीज लिआइ।</verse>
				<verse number="12">अगर उ गरीब अहइ तउ उ आपन वस्त्रन क दइ देइ, जेहसे उ आपन क गरम रख सकत ह। तू पचन्क ओकर गिरवी रखी चीज रात क नाहीं रखइ चाही।</verse>
				<verse number="13">तू पचन्क हर एक साँझ क ओकर गिरवी धरी चीज क लउटाइ देइ चाही। तब उ आपन ओढ़नन मँ स सोइ सकी। उ तोहार एहसानमंद रही अउर यहोवा तोहार परमेस्सर इ लखी कि तू इ अच्छा काम किह्या ह।</verse>
				<verse number="14">“तू पचन्क कउनो गरीब अउ जरुरतवाला मजूर पइ अत्याचार नाही करइ चाही। एकर कउनो महत्व नाहीं कि उ तोहार साथी इस्राएली बाटइ या उ कउनो बिदेसी अहइ जउन तोहरे सहरन मँ स कउनो एक मँ उ रहत बाटइ।</verse>
				<verse number="15">सूरज बूड़इ स पहिले हर रोज ओकर मजूरी दइ द्या। काहेकि उ गरीब अहइ अउर उहइ धने पइ ओका सहारा अहइ। अगर तू ओकर भुगतान नाहीं करत्या तउ उ यहोवा स तोहरे खिलाफ सिकाइत करी अउर तू पचे पाप करइ क अपराधी होब्या।</verse>
				<verse number="16">“गदेलन क जरिये कीन्ह गए कउनो अपराध बरे बाप क मउत क सजा नाहीं दीन्ह जाइ सकत। अउर गदेला क बाप क जरिये कीन्ह गए अपराध बरे मउत क सजा नाहीं दीन्ह जाइ सकत। कउनो मनई क ओकरे खुद क अपराध बरे ही मउत क सजा दीन्ह जाइ सकत ह।</verse>
				<verse number="17">“तू पचन्क प्रवासी अउ अनाथन क संग गलत फइसला नाहीं करइ चाही। तू पचन्क राँइ मेहररु स ओकर ओढ़ना कबहुँ भी गिरवी रखइ क बरे नाहीं लेइ चाही।</verse>
				<verse number="18">तू पचन्क सदा सुमिरइ चाही कि तू पचे मिस्र मँ दास रह्या। इ जिन बिसस कि यहोवा तोहार परमेस्सर तू पचन्क हुआँ स बाहेर लिआवा। इहइ कारण अहइ कि मइँ तू पचन्क इहइ करइ क आदेस देत अहउँ।</verse>
				<verse number="19">“तू पचे आपन खेत क फसल बटोरत रहि सकत ह अउर तू पचे तनिक भूलचूक स हुआँ छोड़ि सकत ह। तू पचन्क ओका लेइ नाहीं चाही। इ प्रवासियन, अनाथन अउर राँड़ मेहररुअन बरे होइ। अगर तू पचे ओनके बरे कछू अन्न छोड़त ह तउ यहोवा तोहार परमेस्सर तू पचन्क ओन सबहिं कामन मँ असीसी जउन तू पचे करब्या।</verse>
				<verse number="20">जब तू पचे आपन जइतून क बृच्छन स फली झरब्या तउ तू पचन्क डारन क फुन जाँच करइ नाहीं जाइ चाही। जउन जइतून तू पचे ओहमाँ तज देब्या उ बिदेसियन, अनाथन अउर राँड़ मेहररुअन बरे होइ।</verse>
				<verse number="21">जब तू पचे आपन अंगूरे क बगियन स अंगूर बटोरब्या तब तू पचन्क ओन अंगूर क लेइ नाहीं जाइ चाही जेनका तू पचे तजि दिहे अहा। उ सबइ अंगूर बिदेसियन, अनाथन अउर राँड मेहररुअन बरे होइहीं।</verse>
				<verse number="22">याद राखा कि तू पचे मिस्र मँ दास रह्या। इहइ कारण अहइ कि तू पचन्क इ करइ क आदेस देत अहउँ।</verse>
			</chapter>
			<chapter number="25">
				<verse number="1">“अगर दुइ मनइयन मँ झगड़ा होइ तउ ओनका अदालत मँ जाइ चाही। निआवाधीस ओनके मोकदमा क फइसला करिही। ओनका निर्दोख क रिहा अउ दोसी क सजा देइ चाही।</verse>
				<verse number="2">अगर अपराधी मनई पीटा जाइ जोग्ग अहइ तउ निआवाधीस ओका मुँहे क बल ओलारी। ओका निआवाधीस क समन्वा ओकरे अपराध क अनुसार ओतनी दाईं पीटा जाई चाही जेतना दाईं उचित होइ।</verse>
				<verse number="3">कउनो मनई क चालीस दाई तलक पीटा जाइ सकत ह, मुला ओसे जियादा नाहीं। अगर उ ओहसे जियादा बार पीटा जात ह तउ एहसे पता चली कि उ मनई क जिन्नगी तोहरे बरे महत्वपूर्ण नाहीं।</verse>
				<verse number="4">“जब तू पचे अन्न क अलगावइ बरे गोरुअन क उपयोग करा तब ओनका खाइ स रोकइ बरे ओनके थूथुन क जिन बाँधा।</verse>
				<verse number="5">“अगर दुइ भाई एक संग रहत होइँ अउर ओनमाँ स एक ठुलाऔलाद मरि जाइ तउ मरे भए भाई क पत्नी क बियाह परिवार क बाहेर कउनो अजनबी स नाहीं होइ चाही। ओकरे भतारे क भाई क ओका पत्नी क रूप मँ लइ चाही अउर ओकर लगे जाइ चाही अउर ओकरे बरे भतार क भाई क कर्तव्य पूरा करइ चाही।</verse>
				<verse number="6">तब जउन पहिलौटी पूत ओसे पइदा होइ उ मनई क मरे भाई क जगह लेइ। तब मरे भाई क नाउँ इस्राएल स बाहेर नाहीं कीन्ह जाइ।</verse>
				<verse number="7">अगर उ मनई आपन भाई क पत्नी क अंगीकार करइ नाहीं चाहत, तब भाई क पत्नी क बइठकवाली जगह पइ नगर-प्रमुखन क लगे जाइ चाही। ओकरे भाई क पत्नी क नगर प्रमुखन स कहइ चाही, ‘मोरे भतार क भाई इस्राएल मँ आपन भाई क नाउँ बनाए रखइ स इन्कार करत ह। उ मोरे बरे आपन भाई क कर्तव्य क पूरा नाहीं करी।’</verse>
				<verse number="8">तब नगर-प्रमुखन क उ मनई क बोलावइ चाही अउ ओसे बात करइ चाही। अगर उ मनई जिद्दी अहइ अउर कहत बाटइ, ‘मइँ ओका अंगीकार करइ नाहीं चाहत हउँ।’</verse>
				<verse number="9">तब ओकरे भाई क पत्नी नगर प्रमुखन क समन्वा ओकरे लगे आवइ। उ ओकरे गो़ड़ स पनही उतारि लेइ अउर ओकरे मुँहे पइ थूकइ। ओका कहइ चाही, ‘इ उ मनई क कीन्ह जात इ कारज अहइ कि उ आपन भाई क परिवार न बसाइ।’</verse>
				<verse number="10">तब उ भाई क परिवार, बुलावा जाब्या, ‘उ मनई क परिवार जउन आपन जूता पनही, उतार दिहस।’</verse>
				<verse number="11">“दुइ मनई आपुस मँ झगड़ सकत हीं। ओनमाँ एक क पत्नी आपन भतारे क मदद करइ आइ सकत ह। मुला ओका दूसर मनई क गुप्त अंगन क नाहीं धरइ चाही।</verse>
				<verse number="12">अगर उ अइसा करत ह तउ ओकर हाथ काट डावा, ओकरे बरे दुःखी जिन ह्वा।</verse>
				<verse number="13">“लोगन क धोखा देइ बरे जाली बटखरा जिन रखा। ओन बटखरन क उपयोग जिन करा जउन असली वजन स कमती या जियादा होइँ।</verse>
				<verse number="14">आपन घरे मँ ओन नाप जोख क न रखा जउन सही नाप जोख स बहोत बड़ा या बहोत नान्ह न होइँ।</verse>
				<verse number="15">तू पचन्क ओन बटखरन अउ नाप-जोख क बइपरइ चाही जउन सही अउर ईमानदारी क परिचायक अहइ। तू पचे उ देस मँ लम्बी उमिरवाला होब्या जेका यहोवा, तोहार परमेस्सर तू पचन्क देत अहइ।</verse>
				<verse number="16">यहोवा तोहार परमेस्सर ओनसे घिना करत ह जउन जाली बटखरा अउर नाप जोख बइपरिके धोखा देत बाटेन। हाँ, उ सबइ ओन सबहिं लोगन स घिना करत ह जउन बेईमानी करत हीं।</verse>
				<verse number="17">“तू पचन क याद करइ चाही कि जब तू पचे मिस्र छोड़ेस तब अमालेक क लोग तोहरे संग का किहेन।</verse>
				<verse number="18">अमालेक क लोग परमेस्सर क सम्मान नाहीं किहन। उ पचे तू पचन्क पइ पाछे स तब हमला किहन जब तू पचे थका भवा अउर कमजोर रह्या। उ पचे तोहरे ओन सब लोगन्क मार डाएन जउन सुस्त होइके पीछे चलत रहेन।</verse>
				<verse number="19">एह बरे तू लोगन्क अमालेक क लोगन्क याद क संसारे स मेट देइ चाही। इ तू लोग तब करब्या जब उ देस मँ जाब्या जेका यहोवा तोहार परमेस्सर तू पचन्क देत अहइ। हुआँ उ पचे तू सबन्क चारिहुँ कइँती क दुस्मनन स छुटकारा दिअइहीं। मुला अमालेकियन क नास करब जिन बिसरा।</verse>
			</chapter>
			<chapter number="26">
				<verse number="1">“तू पचे हाली ही उ देस मँ घुसब्या जेका यहोवा तोहार परमेस्सर तू पचन्क रहइ बरे देत अहइ। जब तू पचे हुआँ क भुइँया पइ कब्जा कइ ल्या अउ ओह पइ रहइ लाग्या,</verse>
				<verse number="2">तब तू पचन्क आपन क तनिक फसिल लेइ चाही अउर ओका एक टोकरी मँ धरइ चाही। उ पहिली फसिल होइ जेका तू पचे उ देस स पउब्या जेका यहोवा तोहार परमेस्सर तू पचन्क दइ देत अहइ। तनिक पहिली फसिल वाला टोकरी क ल्या अउर उ ठउर पइ जा जेका यहोवा तोहार परमेस्सर चुनी।</verse>
				<verse number="3">उ समइ सेवा करइवाला याजक क लगे तू पचन्क जाई चाही अउर ओहसे कहइ चाही, ‘आजु मइँ यहोवा आपन परमेस्सर क लगे इ एलान करत हउँ कि हम पचे उ देस मँ आवा अही जेका यहोवा हम लोगन क देइ बरे हमरे पुरखन क बचन दिहे रहा।’</verse>
				<verse number="4">“तब याजक टोकरी क तोहरे हाथे स लेइ। उ एका यहोवा तोहरे परमेस्सर क वेदी क समन्वा रखी।</verse>
				<verse number="5">तब तू पचे यहोवा आपन परमेस्सर क समन्वा इ कहब्या: ‘मोर पुरखा घुमक्कड़ अरामी रहा। उ मिस्र पहोंचा अउर हुआँ रहा। जब उ हुआँ गवा तब ओकरे परिवार मँ बहोत कम लोग रहेन। मुला मिस्र मँ उ एक सक्तीवाला बहोत स मनइयन वाला महान रास्ट्र बन गवा।</verse>
				<verse number="6">मिस्रियन हम लोगन क संग बहोतइ बुरा बेउहार किहन। उ हम लोगन क मुसीबत मँ डाइ दिहेन अउ कठिन कारज करइ बरे निस्चित किहेन।</verse>
				<verse number="7">तब हम पचे यहोवा आपन पुरखन क परमेस्सर स पराथना कीन्ह अउर ओनका गोहार लगाएन यहोवा हमरउ सुनेस अउर उ हम लोगन्क परेसानियन, हमरे कठोर काम अउ अत्याचार क लखेस।</verse>
				<verse number="8">तब यहोवा हम लोगन्क आपन प्रबल सक्ती अउ मजबूती स मिस्र स बाहेर लइ गवा। उ डरावना बातन, महान चमत्कारन अउ अचरजन कर्म किहस।</verse>
				<verse number="9">इ तरह हम लोगन्क इ ठउरे पइ लिआवा। उ दूध अउर सहद बहत भवा देस हम पचन्क दिहस।</verse>
				<verse number="10">यहोवा, अब मइँ उ देस क पहिली फसिल तोहरे लगे लिआएउँ ह जेका तू मोका दिह्या ह।’ “तब तू पचन्क यहोवा आपन परमेस्सर क समन्वा रखइ चाही अउर तू पचन्क ओका निहुर करइ चाही।</verse>
				<verse number="11">तब तू पचे ओन सब नीक चीजन्क क आनन्द स भोग कइ सकत ह जेका यहोवा तोहार परमेस्सर तू पचन्क अउर तोहरे परिवार क दिहस ह। लेवी बंसी अउर उ सबइ प्रवासी जउन तोहरे बीच रहत हीं तोहरे संग इ चीजन्क आनन्द लइ सकत हीं।</verse>
				<verse number="12">“जब तू पचे दसवाँ हींसा जउन तीसरे बरिस (दसवाँ हींसा क बरिस) तोहरी फसिल क दीन्ह जाइ क अहइ, दइ चुका तब तू पचन्क लेवी बंसियन, बिदेसियन, अनाथन अउर राँड़ मेहररुअन क एका दइ देइ चाही। तब हर एक सहर मँ उ पचे खाइ सकत हीं अउर सन्तुट्ठ कीन्ह जाइ सकत हीं।</verse>
				<verse number="13">तू पचे यहोवा आपन परमेस्सर स कहब्या, ‘मइँ आपन घरे स आपन फसिल क पवित्तर हींसा दसवाँ हींसा बाहेर निकारि दिहेउँ ह। मइँ एका ओन सबहिं लेवी बंसियन, बिदेसियन, अनाथन अउर राँड़ मेहररुअन क दइ दिहेउँ ह। जइसा तू मोका आदेस दिहेस रहा मइँ एका ओन सबहिं अदेसन क मानइ स इन्कार नाहीं किहेउँ ह। मइँ ओनका बिसरेउँ नाहीं।</verse>
				<verse number="14">मइँ इ भोजन तब नाहीं किहेउँ जब मइँ सोक मनावत रहेउँ। मइँ इ अनाज क तब अलग नाहीं किहेउँ जब मइँ असुद्ध रहेउँ। मइँ इ अनाजे मँ स कउनो हींसा मरे मनई बरे नाहीं दिहेउँ ह। मइँ यहोवा हमार परमेस्सर क आग्या क मानेउँ ह। मइँ उ सब कछू किहेउँ ह जेकरे बरे तू आग्या दिह्या ह।</verse>
				<verse number="15">तू आपन पवित्तर आवास सरग स खाले निगाह डावा अउर आपन लोगन, इस्राएलियन क आसीर्बाद द्या जेका तू हम लोगन्क वइसा ही दिह्या ह जइसा तू हमरे पुरखन क बढ़िया चीजन्स भरा-पूरा देस देइ क बचन दिह्या रह्या।’</verse>
				<verse number="16">“आजु यहोवा तोहार परमेस्सर तू पचन्क आदेस देत अहइ कि तू पचे इ सबइ बिधियन अउ नेमन क माना। आपन पूरा हिरदय अउर आपन पूरी आतिमा स एनका मानइ बरे होसियार रहा।</verse>
				<verse number="17">आजु तू पचे इ कहया ह कि यहोवा तोहार परमेस्सर अहइ। तू लोग बचन दिहा ह कि तू पचे ओकरे राहे पइ चलब्या, ओकरे हुकुमन, आदेसन अउर नेमन क मनब्या। तू पचे कहया ह कि तू पचे उ सब कछू करब्या जेका करइ बरे उ कहत ह।</verse>
				<verse number="18">आजु यहोवा तू पचन्क आपन लोग क रूप स्वीकार किहेस। अउर तोहका आपन मूल्यवान सम्पत्ति बनाइ बरे बचन दिहस ह। अउर तू पचन्क ओकरे सब आदेसन क मानइ चाही।</verse>
				<verse number="19">यहोवा तू पचन्क ओन सबहिं रास्ट्रन स महान बनाई जेनका उ बनाएस ह। उ तू पचन्क तारीफ, जस अउर गौरव देइ अउर तू पचे ओकर खास लोग होब्या, जइसा उ बचन दिहेस ह।”</verse>
			</chapter>
			<chapter number="27">
				<verse number="1">मूसा अउर इस्राएल क प्रमुखन मनइयन क आदेस दिहस। उ कहेस, “ओन सबहिं आदेसन क माना जेनका मइँ आजु देत हउँ।</verse>
				<verse number="2">जउने दिन तू यरदन नदी पार कइके उ देस मँ घुसा जेका यहोवा तोहार परमेस्सर तू पचन्क देत अहइ उ दिन, आपन बरे बहोत बड़की सिलन क तइयार करा। इ सबइ सिला क पलसतर स ढाँकि द्या।</verse>
				<verse number="3">तब इ उपदेस क सब बातन इ पाथरन पइ लिखी द्या। तू पचन्क इ तब करइ चाही जब तू पचे यरदन नदी क पार पहोंच जा। तब उ देस मँ जाइ सकब्या जउन मँ दूध अउर सहद बहत अहइ जेका यहोवा तोहार परमेस्सर तू पचन्क देत अहइँ। यहोवा तोहरे पुरखन क परमेस्सर ऍका दइके आपन बचन क पूरा किहस ह।</verse>
				<verse number="4">“यरदन नदी क पार जाइके पाछे तू पचन्क इ सिलन क एबाल पहाड़े पइ आजु क मोरे आदेस क मुताबिक स्थापना करइ चाही। तू पचन्क इ पाथरन क चूना क लेप स ढाँकि देइ चाही।</verse>
				<verse number="5">हुआँ पइ यहोवा आपन परमेस्सर क वेदी बनावइ बरे भी कछू सिला क उपयोग करा। पाथरन क काटइ बरे लोहा क अउजारन क उपयोग जिन करा।</verse>
				<verse number="6">तू पचन्क यहोवा आपन परमेस्सर क वेदी पूरा पाथरन स बनावा अउर तब यहोवा आपन परमेस्सर बरे एह पइ होमबलि चढ़ावा।</verse>
				<verse number="7">तोहका मेलबलि चढ़ावइ चाही अउर ओनका खाइ चाही। खा अउर यहोवा आपन परमेस्सर क मौजूदगी मँ खुसी क समइ बितावा।</verse>
				<verse number="8">तू पचन्क इ सबइ उपदेसन क पाथर क सिलन पइ साफ साफ लिखि देइ चाही।”</verse>
				<verse number="9">मूसा अउर लेवी बंसी याजकन इस्राएल क सबहिं लोगन स बात किहस। उ कहेस, “इस्राएलियो, सान्त रहा अउ सुना! आजु तू लोग, यहोवा आपन परमेस्सर क लोग होइ गवा।</verse>
				<verse number="10">एह बरे तू पचन्क उ सब कछू जरूर करइ चाही जउन यहोवा तोहार परमेस्सर कहत ह। तू पचन्क ओकरे ओन आदेसन अउ नेमन क जरूर मानइ चाही जेनका मइँ आजु तू पचन्क दइ देत हउँ।”</verse>
				<verse number="11">उहइ दिन, मूसा लोगन क आदेस दिहेस,</verse>
				<verse number="12">“जब तू पचे यरदन नदी क पार जाब्या ओकरे पाछे इ सबइ परिवार समूह गिरिज्जीम पहाड़े पइ खड़ा होइ के लोगन्क आसीर्बाद देइहीं: सिमोन, लेवी, यहूदा, इस्साकार, यूसुफ अउ बिन्यामीन।</verse>
				<verse number="13">अउर इ सबइ परिवार समूह एबाल पहाड़े पइ अभिसाप बाँचिहीं: रूबेन, गाद, आसेर, जबूलून, दान अउर नप्ताली।</verse>
				<verse number="14">“अउर लेवी बंसी इस्राएल क सबहिं लोगन स ऊँची अवाजे मँ कइँहीं:</verse>
				<verse number="15">“‘उ मनई अभिसाप स दबा बा जउन लबार देवता बनावत ह अउर ओका गुप्त ठउरे मँ धरत ह। लबार देवतन सिरिफ उ सबइ मूरतियन अहइँ जेका कउनो कारीगर काठ, पाथर या धातु क बनावत ह। यहोवा ओन चीजन स घिना करत ह!’ “तब सबहिं लोग जवाब देइहीं, ‘आमीन!’</verse>
				<verse number="16">“लेवी बंसी कइहीं, ‘उ व्यक्ति अभिसापित अहइ जउन आपन महतारी अउर बाप क बेज्जत करत ह।’ “सबहिं लोग जवाब देइहीं, ‘आमीन!’</verse>
				<verse number="17">“लेवी बंसी कइहीं: ‘उ व्यक्ति अभिसापित अहइ जउन आपन पड़ोसी क चउहद्दी-चीन्हा क खिसकावत ह।’ “तब सबहिं लोग कइहीं, ‘आमीन!’</verse>
				<verse number="18">“लेवी बंसी कइहीं: ‘उ व्यक्ति अभिसापित अहइ जउन आँधर क कुमार्ग पर चलावत ह।’ “तब सबहिं लोग कइहीं, ‘आमीन!’</verse>
				<verse number="19">“लेवी बंसी कइहीं: ‘उ व्यक्ति अभिसापित अहइ जउन बिदेसियन, अनाथन अउर राँड़ मेहररुअन क संग निआव नाहीं करत।’ “तब सब लोग कइहीं, ‘आमीन!’</verse>
				<verse number="20">“लेवी बंसी कइहीं: ‘उ व्यक्ति अभिसापित अहइ जउन आपन बाप क पत्नी क संग तने क सम्बंध रखत ह काहेकि उ आपन बाप क नंगा क तरह करत ह।’ “तब सबहिं लोग कइहीं, ‘आमीन!’</verse>
				<verse number="21">“लेवी बंसी कइहीं: ‘उ व्यक्ति अभिसापित अहइ जउन कउनो तरह क जनावर क संग तने क सम्बंध रखत ह।’ “तब सबहिं लोग कइहीं, ‘आमीन!’</verse>
				<verse number="22">“लेवी बंसी कइहीं: ‘उ व्यक्ति अभिसापित अहइ जउन आपन महतारी क बिटिया या आपन बाप क बिटिया, आपन बहिन क संग तने क सम्बंध रखत ह।’ “तब सबहिं लोग कइहीं, ‘आमीन!’</verse>
				<verse number="23">“लेवी बंसी कइहीं: ‘उ व्यक्ति अभिसापित बाटइ जउन आपन सास क संग तने क सम्बंध रखत ह।’ “तब सबहिं लोग कइहीं, ‘आमीन।’</verse>
				<verse number="24">“लेवी बंसी कइहीं: ‘उ व्यक्ति अभिसापित अहइ जउन दूसर मनई क लुकाई क कतल करत ह!’ “तब सबहिं लोग कइहीं, ‘आमीन!’</verse>
				<verse number="25">“लेवी बंसी कइहीं: ‘उ व्यक्ति अभिसापित अहइ जउन निदोर्ख क कतल बरे धन वसूलत ह!’ “तब सबहिं लोग कइहीं, ‘आमीन!’</verse>
				<verse number="26">“लेवी बंसी कइहीं: ‘उ व्यक्ति अभिसापित अहइ जउन इ उपदेसन क समर्थन नाहीं करत अउर ओका पालन नाहीं करत।’ “तब सबहिं लोग कइहीं, ‘आमीन!’</verse>
			</chapter>
			<chapter number="28">
				<verse number="1">“अगर तू पचे यहोवा आपन परमेस्सर क इ सबइ कानून क मानइ मँ होसियार रहब्या अउर ओका सावधानी स पालन करब्या जेनका मइँ आजु बतावत हउँ तउ यहोवा तोहार परमेस्सर तू पचन्क धरती क सब रास्ट्रन क ऊपर स्रेस्ठ करी।</verse>
				<verse number="2">अगर तू यहोवा आपन परमेस्सर क आदेसन क मनब्या तउ इ सबइ वरदान तोहरे लगे अइहीं अउर तोहार होइहीं:</verse>
				<verse number="3">“तोहरे सहरन अउ खेतन क असीसी कीन्ह जाब्या।</verse>
				<verse number="4">तोहरे गदेलन क आसीर्बाद दीन्ह जाई। उ तोहरी भुइँया क बढ़िया फसिल क वरदान देइ अउर तोहरे गोरुअन क बच्चन देइ क वरदान देइ। तोहरे लगे बहोत स मवेसी अउर भेड़ होइहीं।</verse>
				<verse number="5">यहोवा तू पचन्क बढ़िया अनाज क फसिल अउर बहोत जियादा भोजन पावइ क असीसी।</verse>
				<verse number="6">तू पचन्क आसीर्बाद दीन्ह जाई जब तू पचन्क आवई अउर जावई।</verse>
				<verse number="7">“यहोवा तू पचन्क ओन दुस्मनन पइ विजयी बनाई जउन तोहरे खिलाफ होइहीं। तोहार दुस्मन तोहरे खिलाफ एक रस्ता स अइहीं मुला उ पचे तोहरे समन्वा सात ठु राहे मँ पराइ जइहीं।</verse>
				<verse number="8">“यहोवा तू पचन्क खरिहान क आसीर्बाद देइ। तू पचे जउन कछू तू करब्या उ ओकरे बरे आसीर्बाद देइ। उ पचे तोहका उ भुइँया पइ आसीर्बाद देइ जेका यहोवा तोहार परमेस्सर तोहाका दिहेस ह।</verse>
				<verse number="9">यहोवा तू पचन्क आपन खास लोग बनाई। यहोवा तू पचन्क इ वचन दिहे अहइ मुला सर्त इ बाटइ कि तू पचे यहोवा आपन परमेस्सर क हुकुमन क माना अउ ओनकइ राहे पइ चला।</verse>
				<verse number="10">तब धरती क सबहिं लोग इ लखिहीं कि तू पचे यहोवा क नाउँ स जाना जात अहा अउर उ पचे तोहसे सबन्स डेराइ जइहीं।</verse>
				<verse number="11">“अउर यहोवा तू पचन्क बहोत स बढ़िया चीज देइ। उ तू पचन्क बहोत स गदेलन देइ। उ तू पचन्क बहोत स गोरु अउ बछवन क देइ। उ उ देस मँ बहोत-स बढ़िया फसिल देइ जेका उ पचे तोहरे पुरखन क देइ क वचन दिहे रहेन।</verse>
				<verse number="12">यहोवा सरग मँ आपन भण्डार खोलि देइ। उ आपन वरदान स तोहरी भुइँया बरे ठीक समइ पइ बर्खा देइ। यहोवा जउन कछू तू पचे करब्या ओकरे बरे आसीर्बाद देइ अउर बहोत स रास्ट्रन क कर्ज देइ बरे तोहरे पचन्क लगे धन होइ। मुला तू पचन्क ओन से कछू उधार लेइ क जरुरत नाहीं होइ।</verse>
				<verse number="13">यहोवा तू पचन्क मूँड़ बनाई, पूँछ नाहीं। तू पचे चोटी पइ होब्या, तलहटी पइ नाहीं। इ तब होइ जब तू पचे यहोवा आपन परमेस्सर क ओन आदेसन पइ धियान देब्या जेनका मइँ आजु तू पचन्क देत अहउँ।</verse>
				<verse number="14">तू पचन्क ओन सिच्छन मँ स कउनो क उपेच्छा नाहीं करइ चाही जेनका मइँ आजु तू पचन्क देत हउँ। तू पचन्क ऍनसे दाई या बाई कइँती नाहीं जाइ चाही। तू पचन्क उपासना बरे दूसर देवतन क पाछे नाहीं चलइ चाही।</verse>
				<verse number="15">“अगर तू यहोवा आपन परमेस्सर क जरिये कही गइ बातन पइ धियान नाहीं देत्या अउर आजु मइँ जउने आदेसन अउ नेमन क बतावत अहउँ, होसियारी स पालन नाहीं करत्या तउ इ सबइ अभिसाप तू पचन्प अइहीं।</verse>
				<verse number="16">“तोहका तोहरे सहरन अउर मइदानन मँ अभिसापित कीन्ह जाइ।</verse>
				<verse number="17">यहोवा तोहरी टोकरियन अउ बर्तनन क अभिसापित करी। अउ तू पचन्क काफी भोजन नाहीं मिली।</verse>
				<verse number="18">तू पचन्क गदेलन अभिसाप पइहीं। तोहरी धरती क फसलन तोहरे गोरुअन क बछवन अउ तोहरे झुण्डे क बच्चन अभिसाप पइहीं।</verse>
				<verse number="19">तू आपन आवइ अउर जावइ पइ अभिसापित कीन्ह जाब्या।</verse>
				<verse number="20">“अगर तू पचे बुरा काम करब्या अउर आपन यहोवा स मुँह फेर लेब्या, तउ तू पचे अभिसाप पउब्या। तू पचे जउन कछू करब्या ओहमाँ तू पचन्क क अव्यवस्था अउ फटकार क सामना करइ क होइ। उ इ तब तलक करी जब तलक तू पचे हाली स अउ पूरी तरह स बरबाद नाहीं होइ जात्या।</verse>
				<verse number="21">अगर तू पचे यहोवा क हुकुम नाहीं मनत्या तउ उ तू पचन्क तब तलक महामारी स दुखी करत रही जब तलक तू उ देस मँ पूरी तरह बरबाद नाहीं होइ जात्या जेहमाँ तू पचे रहइ बरे प्रवेस करत अहा।</verse>
				<verse number="22">यहोवा तू पचन्क रोग स दुखी अउ दुर्बल होइ क दण्ड देइ। तू पचन्क बोखार अउ सूजन होइ। यहोवा तोहरे लगे भयंकर गर्मी पठइ अउर तोहरे हिआँ बर्खा नाहीं होइ। तोहार फसलन गर्मी अउ रोग स बरबाद होइ जइहीं। तू पचक इ सबइ मुसीबतन तब तलक अइहीं जब तलक तू पचे मर नाहीं जात्या।</verse>
				<verse number="23">अकासे मँ कउनो बादल नाहीं रही अउर आकास काँसा सरीखा होइ जाइ। अउर तोहरे पचन्क खाले धरती लोहा क सरीखा होइ।</verse>
				<verse number="24">बर्खा क बदले यहोवा तोहरे पास अकासे स रेत अउ धूरि पठइ। इ तोहे सबन पइ तब तलक आइ जब तलक तू पचे बरबाद नाहीं होइ जात्या। दुस्मनन स हार जाइ क अभिसाप</verse>
				<verse number="25">“यहोवा तोहरे पचन्क दुस्मनन क जरिये तू पचन्क हराइ। तू पचे आपन दुस्मनन क खिलाफ एक राहे स जाब्या अउर ओनके समन्वा स सात ठु राहे स पराइ जाब्या। तोहरे सबन क ऊपर जउन मुसीबतन अइहीं उ सबइ सारी धरती क लोगन क डेरवाइ देइहीं।</verse>
				<verse number="26">तोहार पचन्क क ल्हासियन क सबइ जंगली जनावर अउ पंछियन क चारा बनिहीं। कउनो मनई ओनका डेराइके तोहरी ल्हासियन स पराइवाला न होइ। दूसर रोगन क अभिसाप</verse>
				<verse number="27">“अगर तू यहोवा क हुकुम क नाहीं मनत्या तउ उ तू पचन्क वइसेन फोड़ा होइ क सजा देइ जइसे फोड़न क उ मिस्री लोगन पइ पठए रहा। उ तू पचन्क ला-इलाज सूजन, पीड़ा युक्त फोड़न अउ खजुरी स दुःखी करी।</verse>
				<verse number="28">यहोवा तू पचन्क पागल बनाइके सजा देइ। उ तू पचन्क आँधर बनाइ अउ उलझन मँ डाइ देइ।</verse>
				<verse number="29">तू पचन्क दिन क प्रकास मँ आँधर क नाई आपन राह टटोलइ क होइ। तू पचे जउन कछू करब्या ओहमाँ तू पचे असफल रहब्या। लोग तू पचन्क बार बार प्रहार करिहीं अउर तोहार चिजियन क चोरइहीं। तू पचन्क बचावइवाला हुआँ कउनो भी न होइ। चीज हेराइ क अभिसाप</verse>
				<verse number="30">“तोहार बियाह कउनो मेहरारु क संग पक्का होइ सकत ह, मुला कउनो दूसर मनई ओकरे संग बलत्कार करी। तू पचे कउनो घर बनाइ सकत ह, मुला तू पचे ओहमाँ रहब्या नाहीं। तू पचे अंगूरे क बगिया लगाइ सकत ह, मुला एहसे कछू भी बटोर नाहीं सकत्या।</verse>
				<verse number="31">तोहार बर्धा तोहरी आँखिन क समन्वा मारा जाइ मुला ओकर कछू भी गोस नाहीं खाइ सकत्या। तोहार पचन्क गदहा तू पचन्स जबरदस्ती हरिके लइ जावा जाइ इ तू पचन्क लउटा नाहीं जाइ। तोहार पचन्क भेड़ तोहरे दुस्मनन क दइ दीन्ह जइहीं। तोहार पचन्क क रच्छक कउनो भी मनई न होइ।</verse>
				<verse number="32">“तोहार पचन्क पूतन अउ बिटियन दूसर जाति क मनइयन क दइ दीन्ह जइहीं। तोहार अखियन गदेलन क निहारइ बरे सारे दिन टकटकी लगाए रइहीं काहेकि तू पचे गदेलन क लखइ चहब्या। मुला तू पचे जोहत जोहत कमजोर होइ जाब्या, तू पचे असहाय होइ जाब्या। दूसर अभिसाप</verse>
				<verse number="33">“उ रास्ट्र जेका तू पचे नाहीं जनत्या, तोहरे पसीना क कमाई क फसिल खाब्या अउ आनन्दित होब्या। तोहार संग सदा दुरव्यवहार अउ दुरुपयोग कीन्ह जाब्या।</verse>
				<verse number="34">जउन चिजियन क तू लखब तोहका दीवाना बनाइ देब।</verse>
				<verse number="35">यहोवा तू पचन्क दर्दवाला फोड़न क सजा देइ। इ सबइ फोड़न तोहरे घुटनन अउ गोड़न पइ होइहीं। उ सबइ तोहरे पचन्क क तलवा स लइके मूड़े क ऊपर तलक फइल जइहीं अउर तोहार पचन्क इ फोड़न भरिहीं जाहीं।</verse>
				<verse number="36">“यहोवा तू पचन्क अउ तोहरे राजा जेका तू आपन बरे चुनेस ह, क उ रास्ट्र म पठइ जेका तू पचे नाहीं जानत होब्या। तू पचे अउ तोहार पुरखन उ रास्ट्र क कबहुँ नाहीं लखे होइहीं। हुआँ तू पचे काठ अउ पाथर क बने भए दूसर देवतन क पूजब्या।</verse>
				<verse number="37">जउने देसन मँ यहोवा तू पचन्क पठइ ओन देसन क लोग तू लोगन पइ आइ भइ मुसीबतन क सुनिके हक्का बक्का रहि जइहीं। उ पचे तोहार हंसी उड़इहीं अउर तोहार निन्दा करिहीं।</verse>
				<verse number="38">“तू पचे आपन खेतन मँ बोवइ बरे जरुरत स जियादा बहोत जियादा बिआ लइ जाब्या। मुला तोहार उपज कमती होइ। काहेकि टिड्डियन तोहार फसिल चाट जइहीं।</verse>
				<verse number="39">तू पचे अंगूरे क बगिआ लगउब्या अउ ओहमाँ कठिन मेहनत करब्या। मुला तू पचे ओहमाँ स अंगूर बटोरब्या नाहीं अउ न ही ओनसे दाखरस पीब्या। काहेकि ओनका किरवन खाइ लेइहीं।</verse>
				<verse number="40">तोहरी सारी भुइँआ मँ जइतून क बृच्छ होइहीं। मुला तू पचे ओकरे कछू भी तेले क उपयोग नाहीं कइ सकब्या। काहेकि तोहरे जइतून क बृच्छ आपन फलन क बरबाद होइ बरे गिराइ देइहीं।</verse>
				<verse number="41">तोहरे पचन्क पूतन अउ बिटियन होइहीं, मुला तू पचे ओनका आपन लगे नाहीं रख सकब्या। काहेकि उ पचे धरिके दूर लइ जावा जइहीं।</verse>
				<verse number="42">टिड्डियन तोहरे सबहिं खेतन अउ फलन क नास कइ देइहीं।</verse>
				<verse number="43">तोहरे बीच रहइवाले विदेसी जियादा स जियादा सक्ती बढ़ावत जइहीं अउर तू पचन मँ जउन भी सक्ती बाटइ ओका खोवत जाब्या।</verse>
				<verse number="44">उ पचे तोहका उधार देइ, मुला तू पचन्क ओका उधार देइ क जोग्ग धन नाहीं होइ। उ पचे मूँड़े क नाईं होइ। तू पचे पूँछे क नाई बन जाब्या। अभिसाप इस्राएलियन क बरबाद करिहीं</verse>
				<verse number="45">“इ सबइ अभिसाप तू पचन्प पड़िहीं। उ पचे तोहार पाछा तब तलक करत रइहीं अउर तू पचन्क गहियाइके धरे रइहीं जब तलक तू पचे बरबाद नाहीं होइ जात्या। काहेकि तू पचे यहोवा आपन परमेस्सर क कही भइ बातन क परवाह नाहीं किह्या। तू पचे ओकरे ओन आदेसन अउ नेमन क नाहीं मान्या जेका उ तू पचन्क दिहस।</verse>
				<verse number="46">इ सबइ अभिसाप मनइयन क बतइहीं कि परमेस्सर तू अउर तोहरे पचन्क संतानन क संग सदा ही निआव किहस ह।</verse>
				<verse number="47">“यहोवा तोहार परमेस्सर तू पचन्क बहोत स बरदान दिहस मुला तू पचे ओकर सेवा खुसी स अउ उल्लास स भरे भए हिरदय स नाहीं किह्या।</verse>
				<verse number="48">एह बरे तू पचे आपन ओन दुस्मनन क सेवा करब्या जेनका यहोवा, तोहरे पचन्क खिलाफ पठइ। तू पचे भूखा, पिआसा अउर नंगा रहब्या। तोहरे लगे कछू भी न होइ। यहोवा तोहरी गर्दन पइ एक ठु लोहे क जुवा तब तलक धरी जब तलक तू पचन्क बरबाद नाहीं होइ जाइ।</verse>
				<verse number="49">“यहोवा तोहरे खिलाफ बहोत दूर स एक रास्ट्र क लिआइ। इ रास्ट्र पृथ्वी क दूसर कइँती स आइ। इ रास्ट्र तोहरे ऊपर अकासे स उतरत उकाब पंछी क नाई हाली स हमला करी। तू पचे इ रास्ट्र क भाखा नाहीं समुझ पउब्या।</verse>
				<verse number="50">इ रास्ट्र क मनइयन क चेहरा कठोर होइहीं। उ पचे बुढ़वा लोगन क परवाह न करिहीं। उ पचे नान्ह नान्ह गदेलन पइ भी दयालु नाहीं होइहीं।</verse>
				<verse number="51">उ पचे तोहरे गोरुअन क बछवन अउ तोहरी धरती क फसिल तू पचे बरबाद होइ तलक खाइ। उ पचे तोहरे बरे अनाज, नई दाखरस, तेल, तोहरे गोरुअन क बछवन या तोहरे झुण्ड क भेड़ी क बच्चन क नाहीं छोड़िहीं। उ पचे इ तब तलक करत रइहीं जब तलक तू पचे नस्ट नाहीं होइ जात्या।</verse>
				<verse number="52">“इ रास्ट्र तोहरे सबहिं सहरन क घेरि लेइ। तू पचे आपन सहरन क चारिहुँ कइँती ऊँची अउ मजबूत देवारे पइ भरोसा रखत अहा। मुला तोहरे देस मँ इ सबइ देवारन हर जगह भहराइ जइहीं। हाँ, उ रास्ट्र तोहरे उ देस क सबहिं सहरन पइ हमला करी जेका यहोवा तोहार परमेस्सर तू पचन्क देत अहइ।</verse>
				<verse number="53">जब तलक तोहार दुस्मन तोहरे सहर क घेरा डाए रही तब तलक तोहार बड़का नोस्कान होत रही। तू पचे ऍतना भूखा रहब्या कि आपन गदेलन क भी खाइ जाब्या। तू पचे आपन पूतन अउ बिटियन क गोस खाब्या जेनका यहोवा तोहार परमेस्सर तू पचन्क दिहे बाटइ।</verse>
				<verse number="54">“तोहार बहोत विनम्र सज्जन मनई भी आपन गदेलन, भाइयन, आपन पियारि पत्नी अउ बचे भए गदेलन क संग निर्दयी होइके बेउहार करी।</verse>
				<verse number="55">ओकरे लगे आपन सहरन पइ दुस्मन क हमला अउ घेराबन्दी क कारण कछू भी खाइ क नाहीं होइ। एह बरे उ आपन गदेलन क खाइ। मुला उ आपन परिवार क बचे भए सदस्सन क कछू नाहीं देइ!</verse>
				<verse number="56">“तोहरे पचन्क बीच सब त जियादा विनम्र अउ सुकुमार मेहरारु भी उहइ करी। अइसी धन्नासेठ अउ सुकुमार मेहरारु भी जउन कहूँ जाइ बरे भुइँया पइ गोड़ भी न रखे होइ। उ आपन पियारा भतार या गदेलन क संग हींसा बँटावइ क विरोध करी।</verse>
				<verse number="57">उ जनम क बाद आपन ही गरभ क खेड़ी क खाइ अउ उ गदेला क भी जेका उ जन्मी। उ ओका छिपा रुप स खाइ। काहेकि हुआँ कछू भी खइया क नाहीं बचा बाटइ। इ तब होइ जब तोहार दुस्मन तोहरे सहरन क खिलाफ घेरा डाली अउर बहोत जियादा कस्ट पहोंचाइ।</verse>
				<verse number="58">“इ किताबे मँ जेतना सब्दन अउ नेम लिखा बाटेन ओन सबन्क तू पचन्क मानइ चाही। तू पचन्क यहोवा आपन परमेस्सर क सम्मानित अउर महिमामय नाउँ क सम्मान करइ चाही। अगर तू पचे ऍनका नाहीं मनत्या</verse>
				<verse number="59">तउ यहोवा तू पचन्क खउफनाक मुसीबत मँ डाइ देइ अउर तोहार सन्तानन खउफनाक मुसीबत उठइहीं अउर ओनका भयंकर रोग होइ जइहीं जउन लम्बे समइ तलक रइहीं</verse>
				<verse number="60">यहोवा मिस्र स सबहिं बेरमियन क लिआइ जेनसे तू पचे डेरात अहा। इ सबइ बेरमियन तू लोगन मँ रइहीं।</verse>
				<verse number="61">यहोवा ओन बेरमियन अउ परेसानियन क तोहरे बीच लिआइ जउन इ व्यव्सथा क किताब मँ नाहीं लिखी गइ अहइँ। उ इ तब तलक करत रही जब तलक तू पचे नस्ट नाहीं होइ जात्या।</verse>
				<verse number="62">तू पचे ऍतना जियादा होइ सकत ह जेतना अकासे मँ तारा अहइँ। मुला तू पचन मँ कछू ही बचा रइहीं। तू पचन्क संग इ काहे होइ? काहेकि तू पचे यहोवा आपन परमेस्सर क बात नाहीं मान्या।</verse>
				<verse number="63">“पहिले यहोवा तोहार भलाइ करइ अउ तोहरे रास्ट्र क बढ़ावइ मँ खुस रहा। उहइ तरह यहोवा तू पचन्क नस्ट अउ बरबाद करइ मँ खुस होइ। तू पचे उ देस स बाहेर लइ जावा जाब्या जेका तू पचे आपन बनावइ बरे ओहमाँ प्रवेस करत अहा।</verse>
				<verse number="64">यहोवा तू पचन्क पृथ्वी क एक छोरे स दूसर छोर तलक संसार क सबहिं लोगन मँ बिखेर देइ। हुआँ तू पचे दूसर काठ अउ पाथर क देवतन क पूजब्या जेनका तू पचे अउ तोहार पुरखन कबहुँ नाहीं पूजेन।</verse>
				<verse number="65">“तू पचन्क ऍन रास्ट्रन क बीच तनिकउ भी सान्ति नाहीं मिली। तू पचन्क आराम क कउनो जगह नाहीं मिली। यहोवा तू पचन्क दिमागन्क सबइ चिन्ता स भरि देइ। तोहार सबन्क आँखिन पथराइ जइहीं। तू पचे आपन क उखड़ा भवा महसूस करब्या।</verse>
				<verse number="66">तू पचे संकट मँ रहब्या। तू पचे दिन-रात डेरान रहब्या। सदा ह सन्देह मँ घिरा रहब्या। तू पचे आपन जिन्नगी मँ कबहुँ सुरच्छित नाहीं रहब्या।</verse>
				<verse number="67">भिन्सारे तू पचे कहब्या, ‘अच्छा होत, इ साँझ होत।’ साँझ क तू पचे कहब्या, ‘अच्छा होत, इ भिन्सार होत!’ काहेकि उ भय क कारण अउर ओकरे कारण जउन तू पचे लखब्या।</verse>
				<verse number="68">यहोवा तू पचन्क जहाजन मँ मिस्र वापस पठइ। मइँ इ कहेउँ कि तू पचे उ जगह पइ दुबारा कबहुँ नाहीं जाब्या। मुला यहोवा तू पचन्क हुआँ पठइ। अउर हुआँ तू पचे आपन क आपन दुस्मनन क हाथे मनसेधु अउ मेहरारू दास क रुप मँ बेचंइ क कोसिस करब्या, मुला कउनो मनई तू पचन्क बेसही नाहीं।”</verse>
			</chapter>
			<chapter number="29">
				<verse number="1">इ सबइ बातन उ वाचा क अंग अहइ जउन वाचा क यहोवा मोआब प्रदेस मँ इस्राएल क लोगन क संग मूसा स करइ क कहेस। यहोवा इ वाचा क उ बचन स अलवा किहस जेका उ इस्राएल क लोगन क संग होरेब पहाड़े पइ किहे रहा।</verse>
				<verse number="2">मूसा सबहिं इस्राएली मनइयन क बटोरिके बोलाएस। उ ओनसे कहेस, “तू पचे उ सब कछू लख्या ह जउन यहोवा मिस्र देस मँ किहस। तू पचे उ सब भी लख्या जउन फिरौन, फिरौन क प्रमुखन अउ ओकरे पूरे देस क संग किहस।</verse>
				<verse number="3">तू पचे ओन बड़की मुसीबतन क लख्या ह जउन उ ओनका दिहस। तू पचे ओकरे ओन चमत्कारन अउ बड़के अचरजन क लख्या ह जउन उ किहेस।</verse>
				<verse number="4">मुला आजु भी तू पचे नाहीं समझत्या कि का भवा। यहोवा सचमुच तू पचन्क नाहीं समझाएस जउन तू पचे लख्या अउ सुन्या ह।</verse>
				<verse number="5">मइँ तू पचन्क चालीस बरिस तलक रेगिस्ताने स होइके लइ जात रहा अउर उ लम्बे समइ क बीच तोहार पचन्क ओढ़ना अउ पनही फाटिके खतम नाहीं भएन।</verse>
				<verse number="6">तोहरे लगे कछू भी भोजन नाहीं रहा। तोहरे पचन्क लगे कछू भी दाखरस या कउनो उत्तेजित करइवाला पिअइ क चीज नाहीं रही। किन्तु यहोवा तोहार देख-रेख किहस। उ इ एह बरे किहस कि तू पचे समुझ पउब्या कि उ यहोवा तोहार सबन्क परमेस्सर अहइ।</verse>
				<verse number="7">“जब तू पचे इ ठउरे पइ आया तबहिं हेसबोन क राजा सीहोन अउ बासान क राजा ओग हम लोगन क खिलाफ लड़इ आएन। मुला हम पचे ओनका हरावा।</verse>
				<verse number="8">तब हम लोग इ सबइ पहँटा रूबेनियन, गादियन अउ मनस्से क आधे लोगन क ओनकइ कब्जा मँ दइ दीन्ह।</verse>
				<verse number="9">एह बरे, इ वाचा क आदेसन क पूरी तरह माना। तब जउन कछू तू पचे करब्या ओहमाँ सफल होब्या।</verse>
				<verse number="10">“आजु तू पचे सबहिं यहोवा आपन परमेस्सर क समन्वा ठाड़ अहा। तोहरे पचन्क प्रमुखन, तोहार परिवार समूहन, तोहार पचन्क अफसरन, तोहार पचन्क बुजुर्गन (प्रमुखन) अउर सबहिं दूसर लोग हिआँ अहइँ।</verse>
				<verse number="11">तोहार पचन्क पत्नियन अउ गदेलन हिआँ अहइँ अउर उ सबइ विदेसी भी हिआँ अहइँ जउन तोहरे बीच रहत हीं अउ तोहार लकड़िन क काटत अउर पानी भरत हीं।</verse>
				<verse number="12">तू पचे सबहिं हिआँ यहोवा आपन परमेसस्र क संग एक ठु वाचा करइवाला अहा। यहोवा तू लोगन क संग इ वाचा आजु करत अहइ।</verse>
				<verse number="13">इ वाचा क जरिये यहोवा तू पचन्क आपन खास लोग बनावत अहइ अउर उ खुद तोहार परमेस्सर होइ। उ तोहरे पुरखन इब्राहीम, इसहाक अउ याकूब क इ वचन दिहे रहा।</verse>
				<verse number="14">यहोवा आपन वचन दइके सिरिफ तू लोगन क संग ही वाचा नाहीं करत अहइ।</verse>
				<verse number="15">उ इ वाचा हम सबहिं क संग करत अहइ जउन हिआँ यहोवा आपन परमेस्सर क समन्वा ठाड़ अहइँ। मुला इ वाचा हमरे ओन संतानन क बरे भी अहइ जउन हिआँ आजु हम लोगन क संग नाहीं अहइँ।</verse>
				<verse number="16">तू पचन्क याद अहइ कि हम मिस्र मँ कइसे रहत रहेन अउ कइसे सारा रास्ट्रन क जात्रा कीन्ह ह जउन हिआँ तलक हमरे राहे पइ रहेन।</verse>
				<verse number="17">तू पचे ओनकइ घिनौनी चिजियन यानी काठ, पाथर, चाँदी अउ सोना क बनी देवमूरतियन लखेन।</verse>
				<verse number="18">ठान ल्या कि आजु हिआँ हम लोगन मँ कउनो अइसा मनसेधू, मेहरारु, परिवार या परिवार समूह नाहीं अहइ जउन यहोवा, आपन परमेसस्र क खिलाफ जात होइ। कउनो भी मनई ओन रास्ट्रन क देवतन क सेवा करइ नाहीं जाइ चाही। जउन लोग अइसा करत हीं उ पचे उ पौधन क नाई अहइँ जउन करुआ, जहरीला फल पइदा करत होइ।</verse>
				<verse number="19">“कउनो मनई इ अभिसापन क सुन सकत ह अउर आपन क संतोख देत भवा कहि सकत ह, ‘मइँ जउन चाहत हउँ करत रहब। मोर कछू भी बुरा भी नाहीं होइ।’ उ मनई आपन ऊपर ही मुसीबत नाहीं बोलाइ मुला उ सबन क ऊपर, अच्छे लोगन प भी बोलाइ।</verse>
				<verse number="20">यहोवा उ मनई क छिमा नाहीं करी। नाहीं, यहोवा उ मनई पइ कोहाइ जाइ अउर ओका सजा देइ। इ किताबे मँ लिखे भए सबहिं अभिसापन ओह पइ पड़िहीं। यहोवा ओका इस्राएल क सबहिं परिवार समूहन स निकारिके बाहेर करी। यहोवा ओका पूरी तरह बरबाद करी। सबहिं आपत्तियन जउन इ किताबे मँ लिखी गइ अहइँ, ओह पइ अइहीं। उ सबइ सबहिं बातन उ वाचा क हींसा अहइँ जउन व्यवस्था क किताब मँ लिखी गइ अहइँ।</verse>
				<verse number="21"></verse>
				<verse number="22">“भविस्स मँ, तोहार सन्तानन अउ बहोत दूर क देसन स आवइवाले विदेसी लोग लखिहीं कि देस कइसे बरबाद होइ गवा अहइ। उ पचे ओन बेमारियन क लखिहीं जेनका यहोवा ओन लोगन मँ लिआइ।</verse>
				<verse number="23">सारा देस बरत भए गन्धक अउ जोन स ढका भवा बेकार होइ जाइ। भुइँया मँ कछू भी बोवा भवा नाहीं रही। कछू भी, हिआँ तलक खर-पतवार भी हिआँ नाहीं उगिहीं। इ देस ओन नगरन-सदोम, अमोरा, अदमा अउर सबोयीम क तरह बरबाद कइ दीन्ह जाइ। जेनका यहोवा, तब बरबाद किहे रहा, जब उ बहोत कोहान रहा।</verse>
				<verse number="24">“सबहिं दूसर रास्ट्र पूछिहीं, ‘यहोवा इ देस क संग अइसा काहे किहस? उ ऍतना कोहान काहे रहा?’</verse>
				<verse number="25">उ इ जबाब देइ, ‘इस्राएली लोग उ करार क सम्मान नाहीं किहेस जेका यहोवा ओकर बापन स किहेस अहइ। उ पचे उ वाचा क मानब बन्द कइ दिहेन जेका यहोवा ओनके संग तब किहे रहा जब उ ओनका मिस्र देस स बाहेर लिआए रहा।</verse>
				<verse number="26">इस्राएल क लोग अइसे दूसर देवतन क पूजा, सेवा अउ मानवइ सुरु किहेन जेनकर पूजा क गियान ओनका पहिले कबहुँ नाहीं रहा। यहोवा आपन लोगन स ओन देवतन क पूजा करब मना किहे रहा।</verse>
				<verse number="27">इहइ कारण अहइ कि यहोवा इ लोगन क खिलाफ बहोत कोहाइ ग रहा। एह बरे उ इ किताब मँ लिखे भए सबहिं अभिसापन क ऍन पइ लागू किहस।</verse>
				<verse number="28">यहोवा ओन पइ बहोत कोहाइ गवा अउर ओन पइ बउखलाइ उठा। एह बरे ओनके देस स ओनका बाहेर किहस। उ ओनका दूसर देस मँ पठएस जहाँ उ पचे आजु अहइँ।’</verse>
				<verse number="29">“कछू अइसी बातन अहइँ जेनका यहोवा हमार परमेस्सर छुपाए रखेस ह। ओन बातन क सिरिफ उ ही जानत ह। मुला यहोवा हमका आपन नेमन क जानकारी दइ दिहस ह! इ व्यव्सथा हमरे बरे अउ हमरे संताने बरे अहइ। हम पचन्क ऍका सदा मानइ चाही।</verse>
			</chapter>
			<chapter number="30">
				<verse number="1">“जउन मइँ कहेउँ ह तू पचन पइ होइके रही। तू पचे आसीर्बाद स बढ़िया चीजन पउब्या अउ अभिसाप स बुरी चीजन पउब्या। यहोवा तोहार परमेस्सर तू पचन्क दूसर रास्ट्रन मँ पठई। तब तू पचे एकरे बारे मँ सोचब्या।</verse>
				<verse number="2">उ समइ तू पचे अउर तोहार संतानन यहोवा, आपन परमेस्सर क लगे लौटिहीं। तू पचे पूरा तन-मन स ओन आदेसन क मनब्या जउन आजु हम पचे दीन्ह ह।</verse>
				<verse number="3">तबहिं यहोवा तोहार पचन्क परमेस्सर तू पचन्पइ दयालु होइ। यहोवा तू पचन्क फुन अजाद करी। उ ओन रास्ट्रन स तू पचन्क लउटाई जहाँ उ तू पचन्क पठए रहा।</verse>
				<verse number="4">चाहे तू पचे पृथ्वी क सब त दूर जगह पइ पठइ दीन्ह गवा होइ, यहोवा तोहार परमेस्स तू पचन्क बटोरी अउर तू पचन्क हुआँ स वापस लिआइ।</verse>
				<verse number="5">यहोवा तू पचन्क उ देस मँ लिआइ जउन तोहरे पुरखन क रहा अउर उ देस तोहार होइ। यहोवा तोहार भला करी अउर तोहरे लगे ओसे जियादा होइ, जेतॅना तोहरे पुरखन क लगे रहा अउर तोहरे रास्ट्र मँ ओसे जियादा लोग जेतना ओनके लगे कबहुँ रहेन।</verse>
				<verse number="6">यहोवा तोहार परमेस्सर, तू पचन्क अउ तोहरे संतानन क हिरदय क खतना करी कि उ सबइ ओकरी अगया मानइ चइहीं। तब तू पचे यहोवा क आपन सम्पूर्ण हिरदय अउ आतिमा स पिरेम करब्या अउर तू पचे जिअत रहब्या!</verse>
				<verse number="7">“अउर यहोवा तोहार परमेस्सर इ सबइ अभिसापन क तोहरे ओन दुस्मनन पइ उतारी जउन तोहसे घिना करत हीं अउर तू पचन्क परेसान करत हीं</verse>
				<verse number="8">अउर तू फुन यहोवा क आग्या क मनब्या। तू पचे ओन सबहिं आदेसन क मनब्या जेनका मइँ आजु तू पचन्क दिहेउँ ह।</verse>
				<verse number="9">यहोवा तोहार परमेस्सर तू पचन्क ओन सब मँ सफल बनाई जउन तू पचे करब्या। उ तू पचन्क बहोत स गदेलन बरे, तोहरे गोरुअन क बहोत बछवन अउर तोहरे खेतन क नीक फसल होइ क वरदान देइ। यहोवा तोहरे बरे भला होइ। यहोवा तोहार भला करइ मँ वइसेन ही खुस होइ जइसेन खुस उ तोहरे पुरखन क भला करइ मँ होत रहा।</verse>
				<verse number="10">मुला तू पचन्क उ सब कछू जरूर करइ चाही जउन यहोवा तोहार परमेस्सर तू पचन्स करइ बरे कहत ह। तू पचन्क ओकरे अउ हुकुमन जउन व्यवस्था क किताबे मँ लिखे भए क जरूर मानइ चाही। तू पचन्क यहोवा आपन परमेस्सर कइँती आपन पूरा हिरदय अउर आतिमा स अर्पित होइ जाइ चाही।</verse>
				<verse number="11">“आजु जउन आदेसन क मइँ तू पचन्क देत हउँ, उ तोहरे बरे बहोत कठिन नाहीं बा। इ तोहरी पहोंच क बाहेर नाहीं अहइ।</verse>
				<verse number="12">इ आदेस सरग मँ नाहीं अहइ जेहसे तू पचन्क कहइ क पड़इ ‘हम लोगन बरे सरगे मँ कउन जाइ अउ ओका हम लोगन क लगे लिआइ जेहसे हम पचे ओका सुनि सकी अउर ओकर पालन करइ सकी?’</verse>
				<verse number="13">इ आदेस समुद्दर क दूसरे पार नाहीं अहइ जेहसे तू पचे इ कहा कि ‘हमरे बरे समुद्दर कउन पार करी अउर ऍका लिआइ जेहसे हम पचे ऍका सुनि सकी अउर कइ सकी?’</verse>
				<verse number="14">नाहीं, यहोवा क बचन तोहरे लगे अहइ। इ तोहरे मुँह अउर तोहरे हिरदय मँ अहइ जेहसे तू पचे ऍका कइ सका।</verse>
				<verse number="15">“मइँ आजु तोहरे पचन्क समन्वा जिन्नगी अउ मउत, समृद्धि अउ विनास धइ दिहेउँ ह।</verse>
				<verse number="16">मइँ आजु तू पचन्क आदेस देत अहउँ कि यहोवा आपन परमेसर स पिरेम करा, ओकरे राहे पइ चला अउ ओकरे आदेसन, नेमन अउ हुकुमन क माना। तब तू पचे जिअत रहब्या अउ तोहार रास्ट्र जियादा तादाद मँ होइ। अउर यहोवा तोहार परमेस्सर तू पचन्क उ देस मँ आसीर्बाद देइ जेका आपन बनावइ बरे तू पचे हुआँ जात अहा।</verse>
				<verse number="17">मुला अगर तू पचे यहोवा स मुँह फेरत अहा अउ ओकर नाफरमानी करत अहा अउर दूसर देवतन क सेवा अउ पूजा मँ बहकावा जात अहा।</verse>
				<verse number="18">तब तू पचे पूरी तरह बरबाद कइ दीन्ह जाब्या। मइँ चिताउनी देत अहउँ, तू पचे यरदन नदी क पार क उ देस मँ लम्बे समइ तलक नाहीं रहब्या जेहमाँ आवइ बरे तू पचे तइयार अहा अउर जेका तू पचे आपन बनउब्या।</verse>
				<verse number="19">“आजु मइँ तू पचन्क दुइ राहन क चुनइ क छूट देत हउँ। मइँ धरती अउ अकास क तोहरे साच्छी बरे बुलाए हउँ। तू पचे जिन्नगी क चुन सकत ह, या तू पचे मउत क चुन सकत ह। जिन्नगी क चुनब वरदान लिआइ अउर मउत क चुनब अभिशाप। एह बरे जिन्नगी क चुना। तबहिं सिरिफ तू पचे अउर तोहार गदेलन जिअत रइहीं।</verse>
				<verse number="20">तू पचन्क यहोवा आपन परमेस्सर स पिरेम करइ चाही अउ ओकर आग्या मानइ चाही। ओसे अउर ओसे चिपक जा। काहेकि यहोवा तोहार जिन्नगी अहइ, अउर यहोवा तू पचन्क उ देस मँ लम्बा जीवन देइ जेका उ तोहरे पुरखन इब्राहीम, इसहाक अउ याकूब क देइ क बचन दिहे रहा।”</verse>
			</chapter>
			<chapter number="31">
				<verse number="1">तब मूसा अगवा बढ़ा अउ इस्राएलियन स इ सबइ बातन कहेस।</verse>
				<verse number="2">मूसा ओनसे कहेस, “अब मइँ एक सौ बीस बरिस क अहउँ। मइँ अब आगे तोहार नेता क अगुवाइ नाहीं कइ सकत हउँ। यहोवा मोसे कहेस ह: ‘तू पचे यरदन नदी क पार नाहीं जाब्या।’</verse>
				<verse number="3">यहोवा तोहार परमेस्सर तोहरे आगे चली। उ इ सबइ रास्ट्रन क तोहरे पचन्क बरे बरबाद करी। तू पचे ओनकर देस ओसे हर लेब्या। यहोसू ओह पार तू लोगन क अगवा चली। यहोवा इ कहेस ह।</verse>
				<verse number="4">“यहोवा इ रास्ट्रन क लोगन क संग उहइ करी जउन उ एमोरियन क राजा लोगन सीहोन अउ ओग क संग किहस। ओन राजा लोगन क देस क संग उ जउन किहस उहइ हिआँ करी। यहोवा ओनकर प्रदेसन क बरबाद किहस।</verse>
				<verse number="5">अउर यहोवा तू पचन्क ओन रास्ट्रन क हरावइ देइ अउर तू पचे ओनके संग उ सब करब्या जेका करइ बरे मइँ कहेउँ ह।</verse>
				<verse number="6">मजबूत अउ हिम्मती बना। इ सबइ रास्ट्रन स डेराअ जिन। काहेकि यहोवा तोहार परमेस्सर तोहरे संग जात अहइ। उ तू पचन्क न छोड़ी अउ तजी।”</verse>
				<verse number="7">तब मूसा यहोसू क बोलाएस। जउने समइ मूसा यहोसू स बातन करत रहा ओह समइ इस्राएल क सबहिं लोग लखत रहेन। जब मूसा यहोसू स कहेस, “मजबूत अउ हिम्मती बना। तू इ सबइ लोगन क उ देस मँ लइ जाब्या जेका यहोवा ऍनकइ पुरखन क देइ क बचन दिहे रहा। तू इस्राएल क लोगन क मदद उ देस क लेइ अउ आपन बनावइ मँ करब्या।</verse>
				<verse number="8">यहोवा आगे चली। उ खुद तोहरे संग अहइ। उ तू पचन्क न मदद देब बन्द करी, न ही तू पचन्क छोड़ी। तू न ही डेरान अउ फिकिर मँ रहब्या।”</verse>
				<verse number="9">तब मूसा इ कानून क लिखेस अउ लेवी क सन्तान याजक क अउर इस्राएल क सबइ बुजुर्गन क दइ दिहस। ओनकर काम यहोवा क करार क सन्दूखे क लइ चलब रहा।</verse>
				<verse number="10">मूसा ओनका आदेस दिहस, “हर सात बरिस पाछे, कुटीर क त्यौहार मँ इ सबइ नेमन क बाँचा।</verse>
				<verse number="11">उ समइ इस्राएल क सबहिं लोग यहोवा, आपन परमेस्सर स मिलइ बरे उ खास ठउरे पइ अइहीं जेका उ पचे चुनिहीं। तब तू लोगन मँ इ सबइ कानून क अइसे बाँचब जेहसे उ पचे सुनि सकइँ।</verse>
				<verse number="12">सबहिं लोगन, मनसेधुअन, मेहररुअन, नान्ह गदेलन अउ आपन नगरन मँ रहइवाले सबहिं प्रवासियन क बटोरा। उ पचे नेमन क सुनिहीं, अउर उ पचे यहोवा तोहरे परमेस्सर क आदर करब सिखिहीं अउर उ पचे इ नेमन क सब्दन क मानइ मँ होसियार रइहीं</verse>
				<verse number="13">अउर तब ओनकी संतानन जउन नेमन नाहीं जानत ह, ऍका सुनिहीं अउर उ पचे यहोवा तोहरे परमेस्सर क सम्मान करब सिखिहीं। उ पचे तब तलक सम्मान करिहीं जब तलक तू पचे उ देस मँ रहब्या जेका तू पचे यरदन नदी क ओह पार लेइ बरे तइयार अहा।”</verse>
				<verse number="14">यहोवा मूसा स कहेस, “अब तोहरे मरइ क समइ निचके आइ ग अहइ। यहोसू क ल्या अउ मिलापवाला तम्बू मँ जा। मइँ यहोसू क बताउब कि उ का करइ।” एह बरे मूसा अउ यहोसू मिलापवाला तम्बू मँ गएन अउर आपन क उपस्थित किहेस।</verse>
				<verse number="15">यहोवा बदरन क एक ठु खम्भा क रुप मँ परगट भवा। बदरे क खम्भा तम्बू क दुआरे पइ ठाड़ रहा।</verse>
				<verse number="16">यहोवा मूसा स कहेस, “तू हाली ही मरब्या अउर जब तू आपन पुरखन क संग चला जाब्या तउ इ सबइ लोग मोह पइ बिस्सास नाहीं करब्या। उ पचे उ वाचा क तोड़ देइहीं जउन मइँ ऍनकइ संग किहे अहउँ। उ पचे मोका छोड़ देइहीं। अउर दूसर देवतन क पूजा करब सुरु करिहीं, ओन प्रदेसन क बनावटी देवतन क जेनमाँ उ पचे जइहीं।</verse>
				<verse number="17">उ समइ, मइँ ऍन पइ बहोत कोहाइ जाब अउर ऍनका छोड़ देब। मइँ ओनकी मदद करब बन्द करब अउर उ पचे बरबाद होइ जइहीं। ओनके संग भयंकर सबइ घटना होइहीं अउर उ पचे विपत्ति मँ पड़िहीं। तब उ पचे कइहीं, ‘इ सबइ बुरी सबइ घटना हम पचन्क संग एह बरे होति अहइँ कि हमार परमेस्सर हमरे संग नाहीं अहइ।’</verse>
				<verse number="18">तब मइँ आपन चेहरा ओन लोगन स छुपाइहीं काहेकि उ पचे बुरा कार्य करिहीं अउर दूसर देवतन क पूजा करिहीं।</verse>
				<verse number="19">“एह बरे इ गीत क लिखा अउर इस्राएली लोगन क सिखावा। ओनका इ गाइ द्या। इ इस्राएल क लोगन क खिलाफ मोरे बरे साच्छी रही।</verse>
				<verse number="20">मइँ ओनका उ देस मँ जउन मँ दूध अउर सहद बहत ह अउ जेका देइ क वचन मइँ ओनके पुरखन क दिहेउँ ह लइ जाब अउर उ पचे संतुट्ठ होइ तलक खाब्या। उ पचे अमीरी स भरी जिन्नगी बितइहीं। मुला ऍकर बाद उ पचे दूसर देवतन क पूजा अउर ओनकर सेवा करिहीं। उ पचे मोसे मुँहना फेरि लेइहीं अउर मोर वाचा क तोड़िहीं,</verse>
				<verse number="21">तब ओन पइ भयंकर आपदा अइहीं अउर उ पचे बड़ी मुसीबत मँ होइहीं। उ समइ ओनके लोग इ गीत क तब भी जनिहीं अउर इ ओनका बताइ कि उ पचे केतॅनी भूल पइ अहइँ। मइँ अभी तलक ओनका उ देस मँ नाहीं पहोंचाएउ हउँ जेका ओनका देइ क बचन मइँ दिहेउँ ह। मुला मइँ पहिले स ही जानत हउँ कि उ पचे हुआँ का करइवाला अहइँ, काहेकि मइँ ओनकी आदत स परिचित अहउँ।”</verse>
				<verse number="22">एह बरे मूसा उहइ दिन गीत लिखेस अउ उ गीत क इस्राएल क लोगन क सिखाएउँ।</verse>
				<verse number="23">तब यहोवा नून क पूत यहोसू स बातन किहस। यहोवा कहेस, “मजबूत अउ हिम्मती बना। तू इस्राएल क लोगन क उ देस मँ लइ चलब्या जेका ओनका देइ क वचन मइँ दिहेउँ ह अउर मइँ तोहरे संग रहब।”</verse>
				<verse number="24">मूसा इ सारे नेमन क सब्दन क एक ठु किताबे मँ लिखेस। जब उ ऍका पूरा कइ लिहस तब</verse>
				<verse number="25">उ लेवीबंसियन क आदेस दिहस (सबइ लोग यहोवा क करार क सन्दूखे क देख-रेख करत रहेन।) मूसा कहेस,</verse>
				<verse number="26">“इ व्यवस्था क किताबे क ल्या अउर यहोवा, आपन परमेस्सर क करार क सन्दूखे क बगल मँ धरा। तब इ हुआँ तोहरे खिलाफ साच्छी होइ।</verse>
				<verse number="27">मइँ जानत हउँ कि तू बहोतइ अड़ियल अहा। मइँ जानत हउँ तू मनमानी करइ चाहत अहा। धियान द्या, आजु जब मइँ तोहरे संग हउँ तब भी तू यहोवा क आग्या मानइ स मना किह्या ह। मोरे मरइ क पाछे तू यहोवा क आग्या मानइ स अउर जियादा इन्कार करब्या।</verse>
				<verse number="28">आपन सबहिं परिवार समूहन क प्रमुखन अउ अफसरन क एक संग बोलावा। मइँ ओनका इ सब कछू बताउब अउर मइँ पृथ्वी अउ अकास क ओनके खिलाफ साच्छी होइ बरे बोलाउब।</verse>
				<verse number="29">मइँ जानत हउँ कि मोर मउत क पाछे तू सबइ लोग पूरी तरह भ्रस्ट होइ जाब्या। तू पचे उ राहे स बगद जाब्या जेह पइ चलइ क आदेस मइँ दिहेउँ ह। तब भविस्स मँ तोहे सबन पइ आपदा अइहीं। काहेकि तू पचे उ करइ चाहत अहा जेका यहोवा बुरा बतावत ह। तोहार बुरा काम करइ क कारण उ पचे तोहस कोहाइ जाब्या।”</verse>
				<verse number="30">तब मूसा इस्राएल क सबहिं लोगन क गीत सुनाएस। उ तब तलक नाहीं रुका जब तलक उ ऍका पूरा नाहीं कइ लिहस।</verse>
			</chapter>
			<chapter number="32">
				<verse number="1">“हे गगन, सुन ल्या मइँ बोलिहउँ, पृथ्वी मोरे मुँहना स बात सुनी।</verse>
				<verse number="2">मोरे उपदेस बरसिहइँ बर्खा क नाई, ओस समान बही पृथ्वी पइ मोरी वाणी, नरम घासन पइ बर्खा क मन्द झरी सी, हरिअर पौधन पइ बर्खा सी।</verse>
				<verse number="3">मोर वाणी परमेस्सर क नाउँ सुनाई महँ कहब, स्तुति कर, परमेस्सर महान अहइ।</verse>
				<verse number="4">“उ (यहोवा) हमार चट्टान अहइ ओकर सबहिं काम पूर्ण अहइँ! काहेकी ओकर सबहिं राह उचित अहइँ! उ विस्सास अउ निस्पाप परमेस्सर अहइ करत जउन उचित अउ सही अहइ।</verse>
				<verse number="5">तू लोगन ओकर संग दुर्वउहार किह्या तू ओकर संग भ्रस्ट तौर पइ बरताव किहेस। तोहार दोस एह बरे नाहीं कि तू पचे ओकर गदेलन अहइ। तू एक दुट्ठ अउ पतित पीढ़ी अहा।</verse>
				<verse number="6">का इही बेउहार अहइ जेका तू यहोवा स करइ चाही? नाहीं! तू मूरख अउ जड़बुद्धि जन अहा। यहोवा परम पिता तोहार अहइ, उ तू पचन्क बनाएस, उ आपन जन क मजबूत बनाएस तू पचन्क।</verse>
				<verse number="7">“याद करा बीता भवा दिन क सोचा बीती भइ पीढ़ियन क बरिसन क, बुढ़वा पिता स पूछा, उहइ कइहीं आपन प्रमुखन स पूछा; उहइ कइहीं।</verse>
				<verse number="8">सवोर्च्च परमेस्सर आपन रास्ट्रन क आपन देसन क दिहस, उ मानव जाति उ विभाजित किहेस उ रास्ट्रन मँ इस्राएली क सम्बंध क बीच सरहद बनाएस।</verse>
				<verse number="9">यहोवा क विरासत अहइ ओकर लोग; याकूब यहोवा क आपन अहइ।</verse>
				<verse number="10">“यहोवा याकूब क रेगिस्तान मँ पाएस, सुनसान अउ साँय-साँय करइवाली मरु भुइँया मँ। यहोवा याकूब क रच्छा बरे ओका चारिहुँ कइँती घेर लिहस उ ओका आँखिन क पुतरी क नाइँ रच्छा किहेस।</verse>
				<verse number="11">यहोवा उकाब क नाई इस्राएल क रच्छा किहस, जइसे उकाब घोंसला स उठावत ह बच्चन क ओनका उड़इ बरे सिखावत ह। उ बच्चन क लइके रच्छा करत उड़ति ह उ आपन पखना फइलावत ह जब उ पचे ओका पकड़त हीं। उ ओनका पखना पइ लइके उड़ति ह अउ सुरच्छित जहग पइ। परमेस्सर वइसेन अहइ।</verse>
				<verse number="12">अकेल्ले यहोवा याकूब क मारग दरसन किहस, कउनो देवता विदेसी ओकरे लगे न रहेन।</verse>
				<verse number="13">यहोवा याकूब क पृथ्वी क ऊँच जगहन पइ चढ़ाएस, याकूब खेतन क फसल खाएस, यहोवा याकूब क पुट्ठ चट्टानन क सहद स किहस; जइतून-तेल ओका वज्र-चट्टाने स दिहस,</verse>
				<verse number="14">माखन खरका स दिहस, दूध झुण्ड स दिहस, गोस भेड़ी अउ बोकरन क, भेड़ा अउ बासान जाति क बोकरन स दिहस-बढ़िया स बढ़िया गोहूँ, लाल अंगूरे क दाखरस दिहस।</verse>
				<verse number="15">“मुला यसूरुन मोटा भवा, साँड़े क नाई लात मारत, उ बाढ़ा अउ उ भारी भी रहा। उ ऊँच जाति अउ खूब पाला पोसा गवा उ आपन कर्ता क नकारेस अउर चट्टान बरे ओका अपमान किहेस, जउन उद्धारकर्त्ता रहा।</verse>
				<verse number="16">जलोटा यहोवा क, दूसर देवन क पूजिके बनाएस! ओकर जन; कोहाइ दिहन परमेस्सर क आपन मुरतियन स जउन घिनौनी परमेस्सर क रहिन,</verse>
				<verse number="17">उ पचे दानवन क बलि दिहन जउन फुरइ देवतन नाहीं रहेन ओन देवतन क बलि दिहन जेकर ओनका गियान नाहीं रहा। देवतन उ सबइ जेनका न पूजेन कबहुँ तोहार पुरखन नए रहेन।</verse>
				<verse number="18">तू पचे चट्टान क तजि दिहा, तू पचे आपन परमेस्सर क बिसराया जउन जिन्नगी दिहस।</verse>
				<verse number="19">“यहोवा लखेस इ जन क आपन कहइ स इन्कार किहस, ओका ओकर बेटवन अउ बिटियन कोहाइ दिहन।</verse>
				<verse number="20">तब यहोवा कहेस, ‘मइँ ऍनसे मुँह मोड़बउँ! मइँ लखि सकउँ – ओनका अन्त होइ। काहेकि भ्रस्ट सबहिं ओनकी पीढ़ियन अहइँ। उ सबइ अहइँ अइसा सन्तान जेनका विस्सास नाहीं अहइ!</verse>
				<verse number="21">उ पचे मोका मूरतियन स ईर्स्यालु बनएन जउन परमेस्सर नाहीं अहइ। उ पचे मोका आपन निरर्थक मूरतियन स नाराज किहेन। एह बरे मइँ ओन लोगन स जउन इस्राएलियन नाहीं अहइ ईर्स्यालु बनाइ देब। मइँ ओन लोगन क मूरख रास्ट्र स नाराज करइ देब।</verse>
				<verse number="22">मोर किरोध आगी क नाईं सुलगत अहइ। मोर किरोध मोत क ठउर क नाईं गहिर तलक, मोरे किरोध भुइँया नस्ट करत ह। अउ फसल क, अउ पहाड़े क नेंव मँ आगी लगावत ह।</verse>
				<verse number="23">“‘मइँ इस्राएलियन प विपत्ति ढाउब, मइँ आपन बाण ओन पइ चलाउब।</verse>
				<verse number="24">उ पचे भूखन क मारे दूबर स दूबर होइहीं। भयंकर महारोग ओनकर विनास करिहीं। मइँ जंगली जनावर क ओनके खिलाफ पठउब जहरीला साँपन अउ रेगंइ वाला जहरीला जंतुअन क ओनका डसइ पठउब।</verse>
				<verse number="25">बाहेर सड़कन पइ तरवारे स मारा जइहीं, अउ घरे क भीतर भय अउ डर स। सिपाही मारि डइहीं जवान मनसेधू अउ मेहररुअन। उ पचे मारि डइहीं नान्ह गदेलन अउ बुढ़वन क।</verse>
				<verse number="26">“‘मइँ कहत हउँ, मइँ ओका तितर-बितर कइ देब। इस्राएलियन क लोगन स बिसरि जाइ द्या।</verse>
				<verse number="27">मुला मइँ दुस्मन क कोहाइ क आसंका दूर करब, जउन होइ सकत ह दुस्मन गलत समुझत हीं। उ पचे सेखी बघरिहीं अउर कइहीं, “हम पचे जीत लीन्ह ह आपन ताकत स, यहोवा नाहीं किहस इ काम क।’”</verse>
				<verse number="28">“उ मूरख रास्ट्र अहइँ उ पचे कछू भी समुझ नाहीं पातन अहइँ।</verse>
				<verse number="29">अगर उ समझदार होतेन तउ ऍका समुझ पउतेन अउर लख लेतेन आपन भविस्स।</verse>
				<verse number="30">कइसे एक ठु हजारन क पीछा करत? कइसे दस हजार क दुइ ठु भगाइ देतेन? इ तबइ होत जब सैल यहोवा देत ओनका, अउर ओनका गुलाम बनाइ देत।</verse>
				<verse number="31">तोहार ‘चट्टान’ हमार चट्टान क नाइँ नाहीं। हमार दुस्मन इ सच्चाई क खुद लखि सकत हीं।</verse>
				<verse number="32">ओनकर अंगूरे क लता सदोम क लता स अउ अमोर क खेत स अहइ। ओनकर अंगूर बिखैला होत हीं ओनकर अंगूरन क गुच्छन करुआन।</verse>
				<verse number="33">ओनकर दाखरस साँपन क बिख जइसी अहइँ अउ नागिन क जहर क नाइँ।</verse>
				<verse number="34">“पर्भू कहत बा ‘मइँ उ सजा क सुरच्छित रखेउँ ह। मइँ ऍका आपन बस्तू-भण्डारे मँ बन्द किहेउँ ह।</verse>
				<verse number="35">सिरिफ मइँ ही देइवाला दण्ड अहउँ मइँ ही लोगन क अपराधन क बदला देत हउँ, जब अपराधन मँ ओनकइ गोड़वा फिसल जाइ, काहेकि विपत्तिकाल ओनके निअरे अहइ अउर दण्ड समइ ओनका दौड़ि आइ।’</verse>
				<verse number="36">“यहोवा आपन जन क निआव करि। उ पचे ओकर सेवक अहइँ, उ दयालु होइ। उ ओकरे बल क मिटाइ लखिहीं तउ उ ओन सबहिं अजाद अउ दासन क होत लखी असहाय।</verse>
				<verse number="37">उ तब पूछी, ‘लोगन क लबार देवतन कहाँ अहइँ? उ “चट्टान” कहाँ अहइ, उ पचे जेकर सरण गएन?</verse>
				<verse number="38">मनइयन क इ सबइ देव, बलि क चर्बी खात रहेन, अउर दारु, दारु क भेंट की पिअत रहेन। एह बरे उठइँ इ सबइ देव, मदद तोहार करइँ तोहरी इ सबइ रच्छा करइँ!</verse>
				<verse number="39">“‘लखा अब मइँ तोहार परमेस्सर अहउँ! नाहीं दूसर कउनो भी परमेस्सर मइँ ही निहचय करब लोगन क जिअत राखउँ या मारउँ। मइँ लोगन क दइ सकत हउ चोट अउर ठीक भी रख सकत हउँ। अउर न बचाइ सकत केउ कउनो क मोरी सक्ति क बाहेर।</verse>
				<verse number="40">आकास कइँती हाथ उठाइके मइँ वचन देत हउँ। अगर इ फुरइ अहइ कि मइँ सास्वत हउँ।</verse>
				<verse number="41">मइँ आपन बिजरी क तरवार क उपयोग करब। मइँ निआव पइ रहब। मइँ एका आपन दुस्मन पइ प्रयोग करब। मइ ओका जवाब देब जउन मोहस घिना करत ह।</verse>
				<verse number="42">मोर दुस्मनन मारा जइहीं अउर बन्दी होइहीं। हमार बाण ओनके रकत स रंग जइहीं। मोर तरवार दुस्मन क मूँड़ क काटि देइ।’</verse>
				<verse number="43">“सब संसार परमेस्सर क मनइयन स खुस होइ। काहेकि उ ओनकी मदद करत ह आपन सेवकन क हत्तियारन क उ सजा देत रहत ह। उ आपन दुस्मनन स बदला लेत ह अउर आपन देस अउर आपन लोगन बरे प्रायस्चित करत ह।”</verse>
				<verse number="44">मूसा आवा अउ इस्राएल क सबहिं लोगन क सुनइ बरे उ गीत पूरा सुनाएस। नून क पूत यहोसू मूसा क संग रहा।</verse>
				<verse number="45">जब मूसा लोगन क इ उपदेस देब खतम किहस</verse>
				<verse number="46">तब उ ओनसे कहेस, “तू पचन्क निहचय करइ चाही कि तू ओन सबहिं आदेसन क सुमिरिब्या जेका मइँ आजु तू पचन्क बतावत जरूर हउँ अउर तू पचन्क आपन गदेलन क इ जरूर बतावइ चाही कि ऍन व्यवस्था क सबइ नेमन क होसियारी स उ पचे पूरी तरह मानइँ।</verse>
				<verse number="47">इ जिन समुझा कि इ सबइ उपदेस महत्व क नाहीं अहइँ। इ सबइ तोहार जिन्नगी अहइँ। ऍन उपदेसन क जरिया तू पचे उ यरदन नदी क पार क देस मँ लम्बे समइ तक रहब्या जेका लेइ बरे तू पचे तइयार अहा।”</verse>
				<verse number="48">यहोवा उहइ दिन मूसा स बतियान। यहोवा कहेस,</verse>
				<verse number="49">“अबारीम पहाड़े पइ जा। यरीहो सहर स पार होइके मोआब पहँटा मँ नबो पहाड़े पइ जा। तब तू उ कनान प्रदेस क लखि सकत ह जेका मइँ इस्राएल क लोगन क रहइ बरे दइ देत हउँ।</verse>
				<verse number="50">तू उ पर्वते पइ मरब्या। तू वइसेन ही ओन लोगन स मिलब्या जउन मरि गए अहइँ जइसे तोहार भाई हारुन होर पहाड़े पइ मरा अउ आपन लोगन स मिला।</verse>
				<verse number="51">काहेकि जब तू सीन क रेगिस्तान मँ कादेस क निअरे मरीबा क जलासयन क लगे रह्या तब मोरे खिलाफ पाप किहे रह्या अउ इस्राएल क लोग ओका हुआँ लखे रहेन। तू मोर सम्मान नाहीं किह्या अउर तू इ लोगन क नाहीं देखाया कि मइँ पवित्तर अहउँ।</verse>
				<verse number="52">एह बरे अब तू आपन समन्वा उ देस क लखि सकत ह किन्तु तू उ देस मँ जाइ नाहीं सकत्या जेका मइँ इस्राएल क लोगन क देत अहँउ।”</verse>
			</chapter>
			<chapter number="33">
				<verse number="1">मरइ क पहिले परमेस्सर क मनई मूसा इस्राएल क लोगन क इ वरदान दिहस:</verse>
				<verse number="2">मूसा कहेस, “यहोवा सिनाइ स आवा। यहोवा सेईर क भिन्सारे क रोसनी क नाई चमका। उ पारान पहाड़े स फूटइ वाला प्रकास क नाई रहा। यहोवा दस हजार पवित्तर लोगन क संग आवा। ओकरी दाहिन कइँती बलवान सिपाही रहेन।</verse>
				<verse number="3">हाँ, यहोवा पिरेम करत ह मनइयन स सबहिं पवित्तर मनइयन ओकरे हथवन मँ अहइँ अउर चलत हीं उ ओकरे पद चीन्हन पइ हर एक मनई अंगीकार करता ओकर उपदेस।</verse>
				<verse number="4">मूसा दिहस नेमन हम पचन्क उ सबइ-जउन अहइँ याकूब क सबहिं लोगन क।</verse>
				<verse number="5">उहइ समइया, इस्राएल क लोग अउ नेता लोग मिलेन अउ यहोवा भवा यसूरुन क राजा।</verse>
				<verse number="6">“रूबेन जिअत रहइ, उ न मरइ होइ सकत ह रूबेन जिअत रहा उ न मरइ, मुला ओकर बंस मँ मनइयन अधिक न होब।”</verse>
				<verse number="7">मूसा यहूदा क परिवार समूह बरे इ सबइ बातन कहेस: “यहोवा, सुन लेइ यहूदा क प्रमुख क जब उ माँगइ मदद लिआवइ ओका आपन लोगन मँ सक्तीसाली बनावइ ओका, करइ मदद ओकर दुस्मन क हरावइ मँ!”</verse>
				<verse number="8">मूसा लेवी क बारे मँ कहेस: “तोहार मनवइयन सच्चा लेवी धारण करत ऊरीम-तुम्मीम, मस्सा पइ तू लेवी क परीच्छा लिहा, तोहार विसेख मनई राखत रहा ओनका। लड़ा तू रह्या ओकरे बरे मरीबा क जलासयन पइ।</verse>
				<verse number="9">लेवी बताएस आपन महतारी-बाप क बारे मँ: मइँ न करब ओनकइ परवाइ, मानेस नाहीं उ आपन भाई क, या जानेस आपन गदेलन क; लेवीबंसियन पालेन आदेस तोहार, अउर निभाएन वाचा तोहसे जउन।</verse>
				<verse number="10">उ पचे सिखइहीं याकूब क नेम तोहार अउर इस्राएल क व्यवस्था जउन तोहार। उ पचे सुलगइहीं सुगन्धि तोहार आगे अउ तोहार सारी होमबलि वेदी क जगह पइ।</verse>
				<verse number="11">“यहोवा, ओकर धन क आसीर्बाद द्या अउर ओकर काम क अंगीकार किहेस। उ ओका नास कइ द्या जउन उ पइ हमला किहेस अउ ओका हराइ द्या जउन ओहस घृना किहेस इस प्रकार उ फुन हमला नाहीं कइ सकत।”</verse>
				<verse number="12">बिन्यामीन क बारे मँ मूसा कहेस: “यहोवा क पिआरा ओकरे संग सुरच्छित होइ। यहोवा आपन पिआरा क रच्छा करत सारा दिन, अउर बिन्यामीन क भुइँया पइ रहत यहोवा।”</verse>
				<verse number="13">मूसा युसुफ क बारे मँ कहेस: “यहोवा द्या आसीर्बाद ओकरे देस क सरग क उन्तिम बर्खा जहाँ होइँ; अउ धरती क तले स पानी अउ ओस मिलइ।</verse>
				<verse number="14">सूरज क दीन्ह उत्तिम फल होइँ ओकर अउर हर महीना मँ सब स बढ़िया फल होइँ।</verse>
				<verse number="15">पहाड़ियन अउ पुरान पहाड़न सब स बढ़िया फल उपजावइँ।</verse>
				<verse number="16">धरती देइ सब स बढ़िया फल यूसुफ बरे उ जउन भाइयन स अलगाइ दीन्ह ग रहा। तउ परमेस्सर जउन बरत भइ झाड़ी मँ रहत ह स सब स बढ़िया बरदान देइ यूसुफ क।</verse>
				<verse number="17">यूसुफ आपन गोरु क पहिला पइदा भवा क गौरव पाइ। ओकर दुइनउँ बेटवन बर्धा क सींगे क तरह अहइँ। उ पचे रास्ट्रन क धरती क आखिरी छोर तलक छेद देब। ओन मँ स हजारन क हजार मनस्सप स अहइ अउर ओन मँ स दसन हजार एप्रैम स ह।”</verse>
				<verse number="18">जबूलून क बारे मँ मूसा कहेस: “जबूलून, खुस रहा जा जब बाहेर अउर इस्साकार, खुस रहइ आपन सिबिर पइ।</verse>
				<verse number="19">उ पचे लोगन क न्यौतिहीं आपन पहाड़े पइ हुआँ करिहीं भेंट सबहिं सच्ची बलि काहेकि उ पचे लोग सागर स निकारत हीं धन अउर पइहीं बालू मँ छिपा भवा जउन धन अहइ।”</verse>
				<verse number="20">मूसा गाद क बारे मँ कहेस: “स्तुति करा परमेस्सर क जउन गाद क बढ़ावत ह। गाद ओलरा रहत अउ जोहत सिंह क नाई, उ फड़ि देत ह बाजु अउ मूँड़े क टूकन मँ।</verse>
				<verse number="21">आपन खातिर चुनत ह उ, सब स खास हींसा राजा बरे सुरच्छित रहब। मनइयन क नेतन आवत हीं ओकरे लगे। उ करत ह उहइ जउन परमेस्सर क इच्छा बा। अउर यहोवा बरे इस्राएलियन क संग निआव करत ह।”</verse>
				<verse number="22">दान क बारे मँ मूसा कहेस: “दान सेरे क बच्चा अहइ जउन बासान स उछरा करत ह।”</verse>
				<verse number="23">नप्ताली क बारे मँ मूसा कहेस: “नप्ताली, तू बहोतइ बढ़िया चीजन क रखब्या। यहोवा क आसीर्बाद तोहरे बारे भरपूर अहइ, लइ ल्या पच्छिम अउ दक्खिन क प्रदेस।”</verse>
				<verse number="24">मूसा आसेर क बारे मँ कहेस: “आसेर क पूतन मँ सब स जियादा अहइ आसीर्बाद, ओका आपन भाई लोगन मँ सब स पियारा होइ द्या अउ ओका आपन गोड़ तेल स धोवइ द्या।</verse>
				<verse number="25">तोहरे फाटकन क ताला होइहीं लोहा अउ काँसा क तू जिन्नगी भइ सक्ती स भरपूर रहब्या।”</verse>
				<verse number="26">“यसूरुन, परमेस्सर क नाई नाहीं अहइ अउर कउनो परमेस्सर आपन महिमा मँ चलत ह चढ़िके बदरा पइ, अकासे स होइके आवत ह मदद करइ तू पचन्क।</verse>
				<verse number="27">परमेस्सर सास्वत अहइ तोहार सरण सुरच्छित अहइ। परमेस्सर क सक्ती सास्वत अहइ उ तोहार सुरच्छा करत ह अउर बल स हटावत ह दुस्मनन क, कहत ह उ ‘नास करा दुस्मनन क।’</verse>
				<verse number="28">तउ इस्राएल सुरच्छित रही सदा याकूब क जलस्रोत सुरच्छित अहइ धरती मँ। अन्न अउ नइ दाखरस क पइहीं सुन्नर धरती मँ अउ उ भुइँया सूबइ पाइ।</verse>
				<verse number="29">इस्राएलियो, तू पचे आसीस पाए अहा तोहार जइसा कउनो रास्ट्र नाहीं। तू यहोवा क दुआरा सुरच्छा पाउब्या। उ तोहार सुरच्छा ढाल अहइ। यहोवा अहइ विजय तरवार तोहार करइ वाली। तोहार दुस्मनन तोहसे डेरइहीं, अउर तू रउँद देब्या ओनकइ लबार देवतन क ठउरन क।”</verse>
			</chapter>
			<chapter number="34">
				<verse number="1">मूसा मोआब क समतल पहँटा स नबो पहाड़े पइ गवा जउन यरीहो क पार पिसगा क चोटी पइ रहा। यहोवा ओका गिलाद स दान तलक सारा प्रदेस देखाएस।</verse>
				<verse number="2">यहोवा ओका सारा नप्ताली, जउन एप्रैम अउ मनस्से क रहा, देखाएस। उ पस्चिमी सागर तलक यहूदा क प्रदेस देखाएस।</verse>
				<verse number="3">यहोवा मूसा क खजूरे क बृच्छन क सहर सोअर स यरीहो तलक फइली घाटी अउर नेगेव देखाएस।</verse>
				<verse number="4">यहोवा मूसा स कहेस, “इ उ देस अहइ जेका मइँ इब्राहीम, इसहाक, अउर याकूब क बचन दिहे रहेउँ कि, ‘मइँ इ देस क तोहरे सन्तानन क देब। मइँ तू पचन्क इ देस देखाउब। मुला तू पचे हुआँ जाइ नाहीं सकत्या।’”</verse>
				<verse number="5">तब यहोवा क सेवक मूसा मोआब देस मँ उहइँ मरा। यहोवा मूसा स कहे रहा कि अइसा होइ।</verse>
				<verse number="6">यहोवा बेतपोर क पार मोआब प्रदेस क घाटी मँ मूसा क दफनाएस। मुला आजु भी कउनो नाहीं जानत कि मूसा क कब्र कहाँ बाटइ।</verse>
				<verse number="7">मूसा जब मरा उ एक सौ बीस बरिस क रहा। ओकर आँखिन कमजोर नाहीं रहिन। उ तब भी बलवान रहा।</verse>
				<verse number="8">इस्राएल क लोग मूसा बरे मोआब क खाले प्रदेस मँ तीस दिना तलक रोवत पीटत रहेन। इ सोक मनावइ क पूरा समइ रहा।</verse>
				<verse number="9">तब नून क पूत यहोसू बुध्दिमत्ता क आतिमा स भरपूर रहा काहेकि मूसा ओह पइ आपन हाथ धइ दिहे रहा। इस्राएल क मनइयन यहोसू क बातन मानेन। उ पचे वइसा ही किहन जइसा यहोवा मूसा आदेस दिहे रहा।</verse>
				<verse number="10">मुला उ समइ क पाछे, मूसा क नाईं कउनो नबी नाहीं भवा। यहोवा परमेस्सर मूसा क प्रत्यक्ष जानत रहा।</verse>
				<verse number="11">कउनो दूसर नबी उ सारे चमत्कार अउ अचरज भरा काम नाहीं देखाएन जेनका करइ बरे यहोवा मूसा क मिस्र क भुइँया मँ पठए रहा। उ पचे चमत्कार अउ अचरज, फिरौन, ओकर सबइ सेवकन अउ मिस्र क सबहिं वस्तुअन बरे करइ ग रहेन।</verse>
				<verse number="12">कउनो दूसर नबी कबहुँ ओतना सक्तीसाली अउ अचरज भरा चमत्कार नाहीं किहस जउन मूसा किहस अउर जेनका इस्राएल क सबहिं लोग लखेन।</verse>
			</chapter>
		</book>
		<book number="6">
			<chapter number="1">
				<verse number="1">मूसा यहोवा क सेवक रहा। नून क पूत यहोसू मूसा क सहायक रहा। मूसा क मनइ क पाछे यहोवा यहोसू स बातन किहस। यहोवा यहोसू स कहेस,</verse>
				<verse number="2">“मोर सेवक मूसा मर गवा। अब इ सबइ लोग अउर तू यरदन नदी क पार जा। तू पचन्क उ भुइँया मँ जाइ चाही जेका मइँ इस्राएल क लोगन क यानी तू पचन्क दइ देत अहउँ।</verse>
				<verse number="3">मइँ मूसा क इ वचन दिहे रहेउँ कि इ भुइँया मइँ तू पचन्क देब। ऍह बरे मइँ तू पचन्क उ हर एक पहँटा देब, जउन कउने ठउरे पइ भी तू जाब्या।</verse>
				<verse number="4">इ भुइयाँ अउर रेगिस्तानी भुइँया लोबानोन स लइके फरात नदी तलक, हित्तियन क पूरी भुइँया अउर हिआँ स लइके पच्छिम मँ भूमध्य सागर तलक क भुइँया तोहार इलाके क अन्दर तलक होइ।</verse>
				<verse number="5">मइँ मूसा क संग रहेउँ अउर मइँ उहइ तरह तोहरे संग रहब। तोहरे पूरी जिन्नगी मँ, तू पचन्क कउनो भी मनई तोस स खिलाफ करइ मँ समरथ नाहीं होइ। मइँ तू पचन्क छोड़ब नाहीं। मइँ कबहु तू पचन्क दूर नाहीं होब।</verse>
				<verse number="6">“यहोसू, तू पचन्क मजबूत अउ हिम्मती होइ चाही। तोहका, इ मनइयन क अगुआ होइ चाही उ जइसे पचे आपन भुइँया लइ सकइँ। इ उहइ भुइँया बाटइ जेका मइँ ओनका देइ क ओनके पुरखन क वचन दिहे रहेउँ।</verse>
				<verse number="7">मुला तू पचन्क मजबूत अउ हिम्मती रहइ क होइ। तू पचन्क ओन आदेसन क मानब निहचय क संग करइ चाही, जेनका मोर सेवक मूसा तू पचन्क दिहस ह। दाहिने या बाए कइती मत मुड़ा, तउ तू जउन कछू करब्या ओहमाँ सफल होब्या।</verse>
				<verse number="8">व्यवस्था क इ किताब हमेसा तोहरे दिमाग मँ होइ चाही। इ किताब क सावधानी स दिन-रात पढ़ब, ताकि तू हर उ कछू जउन एहमाँ लिखा भवा अहइ कइ सकब्या। अगर तू इ करब्या, तउ तू बुदिधमान बनब्या अउर जउन कछू करब्या ओहमाँ सफल होब्या।</verse>
				<verse number="9">याद राखा, कि मइँ तोहका मजबूत अउ हिम्मती बना रहइ क हुकुम दिहे रहेउँ। ऍह बरे कबहुँ जिन डेराअ, काहेकि तोहार परमेस्सर यहोवा तोहरे संग सबहिं जगह रही, जहाँ कहूँ तू जाब्या।”</verse>
				<verse number="10">ऍह बरे यहोसू लोगन क प्रमुखन क आदेस दिहस। उ कहेस,</verse>
				<verse number="11">“डेरा स होइके जा अउर लोगन क तइयार होइ क कहा। लोगन स कहा, ‘कछू खइया क तइयार कइ लेइँ। अबहिं स तीन दिना पाछे, हम पचे यरदन नदी पार करब। हम पचे जाब अउ उ भुइँया क आपन कब्जा मँ लेब जेका परमेस्सर यहोवा तोहका दइ देत ह।’”</verse>
				<verse number="12">तब यहोसू रूबेन अउ गाद क परिवार समूहन स, अउ मनस्से क आधे परिवार समूह स बतियान। यहोसू कहेस,</verse>
				<verse number="13">“ओका याद राखा, जउन यहोवा क सेवक मूसा तू सबन स कहे रहा। उ कहे रहा कि परमेस्सर, तोहार यहोवा तू पचन्क आराम अउर सांति क ठउर देइ। उ इ भुइँया क तू पचन्क देइ। तोहार पचन्क पत्नियन, तोहार पचन्क गदेलन अउ तोहार पचन्क जनावरन इ भुइँया मँ रहि सकत हीं। मुला तोहार पचन्क जोधा लोग तोहरे पचन्क भइयन क संग यरदन नदी क जरुर पार करिहीं। तू पचन्क जुद्ध बरे तइयार रहइ चाही अउ आपन भुइँया लेइ मँ आपन भइयन क मदद करइ चाही।</verse>
				<verse number="14"></verse>
				<verse number="15">यहोवा तू पचन्क आराम देइ क एक जगह दिहेस बाटइ, अउर उ तोहरे पचन्क भइयन बरे वइसा ही करी। मुला तू पचन्क आपन भइयन क मदद बरे तब तलक करइ चाही जब तलक उ पचे उ भुइँया क नाहीं लइ लेतेन जेका यहोवा, तोहार परमेस्सर ओनका दइ देत अहइ। तब तू पचे यरदन नदी क पूरब आपन भुइँया मँ लउटि सकत ह। उहइ उ भुइँया अहइ जेका यहोवा क सेवक मूसा तू पचन्क दिहे रहा।”</verse>
				<verse number="16">तब मनइयन यहोसू क जवाब दिहेन, “जउन भी करइ बरे तू हुँकुम देब्या, हम पचे करब। जउने जगह पइ तू पठउब्या, हम पचे जाब!</verse>
				<verse number="17">हम पचे पूरी तरह मूसा क हुकुम माना ह। उहइ तरह हम पचे सब मानब जउन तू कहब्या। हम पचे यहोवा स सिरिफ एक बात चाहित ह। हम पचे परमेस्सर यहोवा स इहइ माँग करित ह कि उ तोहरे संग वइसा ही रहइ जइसेन ही उ मूसा क संग रहा।</verse>
				<verse number="18">तब, कउनो व्यक्ति तोहार हुकुम मानइ स इन्कार करत ह या कउनो मनई तोहरे खिलाफ खड़ा होत ह, तब उ मारी डावा जाइ। सिरिफ मजबूत अउ हिम्मती रहा!”</verse>
			</chapter>
			<chapter number="2">
				<verse number="1">नून क पूत यहोसू अउ सब मनइयन सित्तीम मँ डेरा डाए रहेन। यहोसू दुइ ठु गुप्तचरन क पठएस। कउनो दूसर मनई क पता नाहीं लाग कि यहोसू इ मनइयन क पठए रहा। यहोसू इ मनइयन स कहेए, “जा अउ भुइँया क जाँच करा, यरीहो सहर क होसियारी स लखा।” ऍह बरे उ पचे यरीहो गएन। उ पचे एक ठु रंडी क घर गएन अउर हुआँ ठहरेन। इ मेहरारू क नाउँ राहाब रहा।</verse>
				<verse number="2">कउनो यरीहो क राजा स कहेस, “इस्राएल क कछू लोग आजु रात हमरी धरती पइ गुप्तचरी करइ आवा अहइँ।”</verse>
				<verse number="3">ऍह बरे यरीहो क राजा राहाब क हिआँ इ खबर पठएस: “ओन मनइयन क छिपावा नाही जउन आइके तोहार हिआँ ठहरा अहइँ। ओनका बाहेर लिआवा। उ पचे मेदलेइ आपन देस मँ आवा अहइँ।”</verse>
				<verse number="4">मेहरारु दुइनउँ मनई क छिपाइ रही। मुला मेहरारु कहेस, “उ पचे दुइनउँ मनई आए तउ रहेन, मुला मइँ नाहीं जानत हउँ कि उ पचे कहाँ स आए रहेन।</verse>
				<verse number="5">सहर दुआर बन्द होइ क समइ उ पचे मनई साँझ क चला गएन। मइँ नाहीं जानत हउँ कि उ पचे कहाँ गएन। मुला अगर तू हाली जाब्या, तउ साइद तू पचे ओनका धइ लेब्या।”</verse>
				<verse number="6">(राहाब उ सबइ स कहेस, मुला असिल मँ मेहरारु ओनका छते पइ पहोंचाइ दिहे रही, अउर ओनका उ चारा मँ छिपाइ दिहे रही, जेकर ढेर उ ऊपर लगाए रही।)</verse>
				<verse number="7">ऍह बरे इस्राएल क दुइ ठु मनइयन क खोज मँ राजा क मनई चला गएन। राजा क मनइयन क जरिये सहर छोड़ देइ क तुरन्त पाछे सहर क दुआर बन्द कइ दीन्ह गएन। उ पचे ओन ठउरन पइ गएन जहाँ स लोग यरदन नदी क पार करत रहेन।</verse>
				<verse number="8">दुइनउँ मनई रात मँ सोवइ क तइयारी मँ रहेन। मुला मेहरारु छते पइ गइ अउ उ ओनसे बात किहस।</verse>
				<verse number="9">राहाब कहेस, “मइँ जानत हउँ कि इ भुइँया यहोवा तोहरे लोगन क दिहेस ह। तु पचे हम लोग क डेरावत अहा। इ देस मँ रहइवाले सबहिं लोगन तू स बहोत डेरान अहइँ।</verse>
				<verse number="10">हम पचे डेरान अही काहेकि हम पचे सुनि चुका अही कि यहोवा तू लोगन क मदद कइसे किहस ह। हम सुने अही कि तू पचे मिस्र स बाहेर आवा अहा तउ यहोवा लाल सागर क पानी क सोखाइ दिहस। हम पचे इ भी सुने अही कि तू लोग दुइ ठु एमोरी राजा लोग, सीहोन अउ ओग क संग का किह्या। हम पचे सुने अही कि तू लोग यरदन नदी क पूरब मँ रहइवाले ओन दुइ राजा लोगन क कइसे पूरी तरह स हरा दिहेस।</verse>
				<verse number="11">हम पचे ओन सबइ घटना क सुने अही अउर बहोत जियादा डेराइ ग अही अउर अब हम मँ स कउनो मनई ऍतना हिम्मती नाहीं कि तू लोगन स लड़ि सकइ। काहेकि तोहार परमेस्सर यहोवा ऊपर सरग अउ तरखाले भुइँया पइ हुवूमत करत ह।</verse>
				<verse number="12">तउ अब, मइँ चाहत हउँ कि तू पचे मोका वचन द्या। मइँ तोहार पचन्क मदद किहेउँ ह अउ तू पचन्पइ दाया किहेउँ ह। ऍह बरे यहोवा क समन्वा वचन द्या कि तू पचे हमरे परिवारे पइ दाया करब्या। कृपा कइके मोका कछू निसान द्या कि तू पचे अइसा करब्या।</verse>
				<verse number="13">मोसे तू पचे इ कहा कि तू पचे मोरे परिवार क जिअत रहइ देब्या जेहमाँ मोरे पिता, भाई, बहिनियन अउर ओनके परिवार होइहीं। तू पचे प्रण करा कि तू पचे हमका मउत स बचउब्या।”</verse>
				<verse number="14">ओ मनइयन ओका मान लिहन। उ पचे कहेन, “हम तोहरी जिन्नगी बरे अपनी जिन्नगी क बाजी लगाइ देब। कउनो मनई स न बतावा कि हम पचे का करत अही। तब जब यहोवा हम लोगन क हमार देस देइ, तब हम पचे तोहे पइ दाया करब। तू हम पचन्पइ बिस्सास कइ सकत ह।”</verse>
				<verse number="15">उ मेहरारू क घर सहर क देवारे मँ देवारे क एक ठु हींसा क रूप मँ बना रहा। ऍह बरे उ मेहरारू सहर क देवारे क अन्दर अउर बाहेर क हींसा मँ रहर रहेन। ऍह बरे उ महरारू लसुरी क उपयोग कइ क ओनका आपन खिड़की स नीचे (सहर क बाहेर भुइँया प) उतारहेस।</verse>
				<verse number="16">तब उ मेहरारु ओनसे कहेस, “पच्छिम क पहाड़ियन मँ जा, जेहसे राजा क सिपाही तू पचन्क एकाएक न घर पकड़इँ। हुआँ तीन दिन छुपा रहा। राजा क मनई जब लउटि आवइँ तब तू पचे आपन राहे पइ जाइ सकत ह।”</verse>
				<verse number="17">मनइयन ओसे कहेन, “हम पचे तोहका वचन दिहे अही। मुला तोहका एक ठु काम करइ क होइ, नाहीं तउ हम पचे आपन वचन बरे जिम्मेदार नाहीं होब।</verse>
				<verse number="18">तू इ लाल लसुरी क उपयोग हम पचन्क बचिके पराइ जाइ बरे करति अहा। हम पचे इहइ ठउर मँ लउटब। उ समइ तोहका इ लाल लसुरी क आपन खिड़की स जरुर बाँधइ क होइ। तोहका आपन पिता, आपन महतारी, आपन भाई अउर आपन पूरा परिवार क आपन संग इ घरे मँ रखइ क होइ।</verse>
				<verse number="19">हम पचे हर एक मनई क सुरिच्छत रखब जउन इ घरे मँ होइ। अगर तोहरे घरे क भीतर कउनो क चोट पहोंचत ह, तउ ओकरे बरे हम जिम्मेदार होब। अगर तोहरे घरे स कउनो मनई बाहेर जाइ, तउ उ मार डावा जाइ सकत ह। उ मनई बरे हम जिम्मेदार नाहीं होब। इ ओकर आपन दोख होइ।</verse>
				<verse number="20">हम पचे इ वाचा तोहरे संग करत अही। मुला अगर तू कउनो क बतउबिउ कि हम पचे क करत अही, तउ हम पचे आपन इ वचन स अजाद होब।”</verse>
				<verse number="21">मेहरारु जवाब दिहस, “मइँ ऍका अंगीकार करत हउँ।” मेहरारु नमस्कार किहस अउर मनइयन ओकर घर छोड़ दिहन। मेहरारु खिड़की मँ लाल लसुरी बाँधेस।</verse>
				<verse number="22">उ पचे ओकरे घरे क तजिके पहाड़ियन मँ चला गएन जहाँ उ पचे तीन दिन रुकेन। राजा क मनइयन पूरी सड़किया पइ ओनकर खोजबीन किहस। तीन दिन पाछे राजा क मनइयन खोज बन्द कइ दिहन। उ पचे ओनका नाहीं हेर पाएन, सो उ पचे सहर मँ लउटि आएन।</verse>
				<verse number="23">तब दुइनउँ मनइयन यहोसू क लगे लउटि आएन। मनइयन पहाड़ियन क तजेन अउर नदी पार किहन। उ पचे नून क पूत यहोसू क लगे गएन अउर जउन कछू ओनके संग भए रहेन, उ सबइ यहोसू क बताएन।</verse>
				<verse number="24">उ पचे यहोसू स कहेन, “यहोवा फुरइ सारा भुइँया हम लोगन क दइ दिहस ह। उ देस क सबहिं लोग हम पचन्स डेरान अहइँ।”</verse>
			</chapter>
			<chapter number="3">
				<verse number="1">दूसर दिन भिन्सारे यहोसू अउ इस्राएल क सबहिं लोग उठेन अउ उ पचे सित्तीम क छोड़ि दिहेन। उ पचे यरदन नदी तलक जात्रा किहन। उ पचे पार करइ स पहिले यरदन नदी पइ डेरा डाएन।</verse>
				<verse number="2">तीन दिन पाछे सेनापति डेरा क बीच स होइके निकरेन।</verse>
				<verse number="3">उ पचे लोगन क हुकुम दिहेन। उ पचे कहेन, “तू लोग याजक अउ लेवी परिवार समूह क आपन परमेस्सर यहोवा क करार क सन्दूख लइ जात भए लखब्या। उ समइ तू पचे जहाँ ह्वा, ओका तजि देब्या अउ ओनके पाछे चलब्या।</verse>
				<verse number="4">मुला ओनके बहोत निअरे जिन रहा। लगभग एक हजार गज दूर ओनके पाछे रहा। तू पचे यह रासता क जात्रा कबहुँ नाहीं किह्या ह। ऍह बरे अगर तू पचे ओनके पाछे चलब्या, तउ तू पचे जान लेब्या कि तू पचन्क कहाँ जाइ क अहइ।”</verse>
				<verse number="5">तब यहोसू लोगन स कहेस, “आपन क पवित्तर करा, काहेकि काल्ह भियान यहोवा तू लोगन क बीच मँ चमत्कार देखाइ।”</verse>
				<verse number="6">तब यहोसू याजकन स कहेस, “करार क सन्दूख क उठावा अउर लोगन क समन्वा स नदी क पार चला।” ऍह बरे याजक लोग सन्दूख क उठाएन अउर ओका लोगन क समन्वा लइ गएन।</verse>
				<verse number="7">तब यहोवा यहोसू स कहेस, “आजु मइँ इस्राएल क लोगन क निगाह मँ तू पचन्क महान मनई बनाउब सुरु करब। तब लोग जनिहीं कि मइँ तोहरे सबन क संग वइसेन ही अहउँ जइसेन मँ मूसा क संग रहेउँ।</verse>
				<verse number="8">याजक लोग करार क सन्दूख लइ चलिहीं। याजक लोगन स इ कहा, ‘यरदन नदी क किनारे तलक जा अउर यरदन नदी मँ रुकि जा।’”</verse>
				<verse number="9">तब यहोसू इस्राएल क लोगन स कहेस, “आवा अउर आपन परमेस्सर यहोवा क हुकुम सुना।</verse>
				<verse number="10">इ इ बात क प्रमाण अहइ कि यहोवा तू लोगन क संग अहइ अउर उ तोहरे पचन क सत्रु कनान क लोगन हित्तियन, हिव्वियन, परिज्जियन, गिर्गासियन, एमोरी लोगन अउर यबूसी लोगन क हराइ अउर ओनका उ देस तजइ क विवस करी।</verse>
				<verse number="11">प्रमाण हिआँ अहइ। सारा संसार क सुआमी क करार क सन्दूख उ समइ तोहरे पचन्क अगवा चली जब तू पचे यरदन नदी पार करब्या।</verse>
				<verse number="12">आपन बीच स बारह मनइयन क चुना। इस्राएल क बारह परिवार समूहन मँ स हर एक स एक मनई चुना।</verse>
				<verse number="13">याजक लोग समूचे संसार क सुआमी, यहोवा क करार क सन्दूख क लइके चलिहीं। उ पचे उ सन्दूख क तोहरे समन्वा यरदन नदी मँ लइ जइहीं। जब उ पचे पानी मँ घुसिहीं, तउ यरदन क पानी क बहब रुकि जाइ। पानी रुकि जाइ अउर उ जगह क पाछे ढेर मँ ठाड़ होइ जाइ।”</verse>
				<verse number="14">याजक मनइयन क समन्वा करार क सन्दूख लइके चलेन अउर मनइयन यरदन नदी पार करइ बरे डेरा क तजि दिहन।</verse>
				<verse number="15">(फसिल कटइ क समइ यरदन नदी आपन किनारन स ऊपर बहत ह। ऍह बरे नदी पूरी तरह भरी भई रही।) सन्दूख लइ चलइवालन याजक लोग नदी क किनारे पहोंचेन। उ पचे पानी मँ गोड़ धरेन।</verse>
				<verse number="16">अउर फौरन उहइ समइ पानी क बहब बन्द होइ गवा। पानी नदी क ऊपर ढेर मँ खड़ा होइ गवा। पानी नदी क चढ़व कइँती लम्बी दूरी तलक लगातार आदाम तलक (सारतान क निअरे एक ठु सहर) ठाड़ होत चला गवा। मनइयन यरीहो क लगे नदी क पार किहन।</verse>
				<verse number="17">याजक लोग यहोवा क करार क सन्दूखे क नदी क बीच लइ जाइके खड़ा होइ गएन अउर हुवाँ भुइँया झुरान होइ गएन जब तलक इस्राएल क लोग यरदन नदी क झुरान भुइँया स होत भए चलिके पार नाहीं करइ लइ, तब तलक याजक हुआँ ओनका जोहत रहेन।</verse>
			</chapter>
			<chapter number="4">
				<verse number="1">जब सबहिं लोग यरदन नदी क पार कइ लिहन तब यहोवा यहोसू स कहेस।</verse>
				<verse number="2">“मनइयन मँ स बारह ठु मनई चुना। हर एक ठु परिवार समूह स एक ठु मनई चुना।</verse>
				<verse number="3">मनइयन क हुकुम द्या कि उ पचे हुआँ नदी क बीच मँ स सिलन क बटोरा जहाँ याजक लोग खड़ा अहइ। ओन बारह सिलन क आपन संग लइ जा। ओन बारह सिलन क उ जगह पइ धरा जहाँ तू पचे आजु रात ठहरा।”</verse>
				<verse number="4">ऍह बरे यहोसू हर एक परिवार समूह स एक ठु मनई चुनेस तब उ बारह मनइयन क एक संग बोलाएस।</verse>
				<verse number="5">यहोसू ओनसे कहेस, “नदी मँ हुआँ तलक जा जहाँ पवित्तर सन्दूख अहइ जेहमाँ तोहार परमेस्सर यहोवा क वाचा अहइ। तू पचन मँ स हर एक क एक सिला क खोज करइ चाही। इस्राएल क बारह परिवार समूहन मँ स हर एक बरे एक ठु सिला होइ। उ सिला क आपन काँधे पर ढोवा।</verse>
				<verse number="6">इ सबइ सिलन याद रखइ बरे तोहरे पचन्क बीच चीन्हा होइहीं। भविस्स मँ तोहर पचन्क गदेलन इ पुछिहीं, ‘इ सबइ सिलन क का महत्व अहइ?’</verse>
				<verse number="7">गदेलन स कहा कि यहोवा यरदन नदी मँ पानी क बहब बन्द कइ दिहे रहा। जब यहोवा क करार क सन्दूख नदी क पार किहस तब पानी क बहब बन्द होइ ग रहा। इ सिलन इस्राएल क लोगन बरे इ घटना सदा ही यादगारी होब्या।”</verse>
				<verse number="8">ऍह बरे इस्राएल क मनइयन यहोसू क हुकुम मानेन। उ पचे यरदन नदी क बीच स बारह सिलन लइ गएन। इस्राएल क बारह परिवार समूहन मँ स हर एक बरे एक ठु सिला रही। उ पचे उ वइसेन ही किहन जइसा यहोवा यहोसू क आदेस दिहे रहा। उ पचे मनई सिलन क आपन संग लइ गएन। तब उ पचे ओन सिलन क हुआँ रखेन जहाँ उ पचे आपन डेरा डाएन।</verse>
				<verse number="9">(यहोसू क भी यहोवा क पवित्तर सन्दूखे क ढोवइवाला याजकन जहाँ खड़ा रहेन, हुअँई यरदन नदी क बीच मँ बारह सिलन रखइ क रहेन। उ सबइ सिलन आजु भी उ जगह पइ अहइँ।)</verse>
				<verse number="10">यहोवा यहोसू क आदेस दिहे रहा कि उ लोगन स कहइ कि ओनका का करइ चाही। उ सबइ उहइ बातन रहिन, जेनका जरुर करइ बरे मूसा यहोसू स कहे रहा। ऍह बरे पवित्तर सन्दूख क ढोवइवाला याजकन नदी क बीच मँ तब तलक खड़ा ही रहेन, जब तलक इ सबइ सबहिं काम पूरा नाहीं होइ गएन। मनइयन हाली किहन अउ नदी पार कइ गएन।</verse>
				<verse number="11">जब लोग नदी क पार कइ लिहेन, तब याजक यहोवा क सन्दूख लइके मनइयन क समन्वा आएन।</verse>
				<verse number="12">रूबेन अउर गादी क परिवार समूह, अउ मनस्से क आधा परिवार समूह, मूसा ओनका जउन करइ क कहे रहा, किहस। इ मनइयन दूसर लोगन क समन्वा नदी क पार किहेन। इ सबइ लोग जुद्ध बरे तइयार रहेन। इ सबइ लोग इस्राएल क दूसर लोगन क उ देस क लेइ मँ मदद करइ जात रहेन, जेका यहोवा ओनका देइ क वचन दिहे रहा।</verse>
				<verse number="13">लगभग चालीस हजार फउजी, जउन जुद्ध बरे तइयार रहेन, यहोवा क समन्वा स गुजरेन। उ पचे यरीहो क मइदान कइँती बढ़त रहेन।</verse>
				<verse number="14">उ दिन यहोवा इस्राएल क सबहिं लोगन क निगाह मँ यहोसू क एक महान मनई बनाइ दिहस। उ समइ स अगवा लोग यहोसू क सम्मान करइ लागेन। उ पचे यहोसू क सम्मान जिन्नगी भइ वइसेन ही करइ लागेन जइसेन मूसा क करत रहेन।</verse>
				<verse number="15">जउने समइ सन्दूख लइ ढोवइवाला याजकन अबहिं नदी मँ खड़ा ही रहेन, यहोवा यहोसू स कहेस।</verse>
				<verse number="16">“याजकन क नदी स बाहेर आवइ क हुकुम द्या।”</verse>
				<verse number="17">ऍह बरे यहोसू याजक लोगन क आदेस दिहस। उ कहेस, “यरदन नदी क बाहेर आवा।”</verse>
				<verse number="18">याजक लोग यहोसू क आग्या मानेन। उ पचे सन्दूखे क लइके नदी स बाहेर आएन। जब याजक लोगन क गोड़ नदी क दूसरे कइँती भुइँया क छुएन, तब नदी क पानी फुन बहइ लाग। पानी फुन किनारन क ऊपर स वसाइ बहत लाग जइसे इ सबइ लोगन क नदी पार करइ क पहिले रहा।</verse>
				<verse number="19">मनइयन यरदन नदी क पहिले महीना क दसएँ दिन पार किहन। मनइयन यरीहो क पूरब गीलगाल मँ डेरा डाएन।</verse>
				<verse number="20">मनइयन ओन बारह सिलन क आपन संग लइ चलत रहेन जेनका उ पचे यरदन नदी स निकारे रहेन अउर यहोसू ओन सिलन क गीलगाल मँ कायम किहे रहा।</verse>
				<verse number="21">तब यहोसू लोगन स कहेस, “भविस्स मँ तोहार गदेलन आपन महतारी अउर बाप स पूछिहीं, ‘इ सबइ सिलन क का महत्व अहइ?’</verse>
				<verse number="22">तू पचे गदेलन क बतउब्या, ‘इ सबइ सिलन हम लोगन क इ सुमिरन करावइ मँ मदद करत हीं कि इस्राएल क लोग कउने तरह झुरान भुइँया पइ स यरदन नदी क पार किहन।</verse>
				<verse number="23">तोहार परमेस्सर यहोवा नदी क पानी बहब रोक दिहस। नदी तब तलक झुरान रही जब तल इस्राएल क लोग नदी क पार नाहीं कइ किहन। यहोवा यरदन नदी पइ लोगन बरे उहइ किहस, जउन उ पचे लोगन बरे लाल सागर पइ किहे रहेन। याद करा कि यहोवा लाल सागर पइ पानी क बहब ऍह बरे रोके रहा कि लोग ओका पार कइ सकइँ।’</verse>
				<verse number="24">यहोवा इ ऍह बरे किहस कि इ देस क सबहिं लोग जान लेइँ कि तोहार परमेस्सर यहोवा महान सक्ती धरत ह जेहसे लोग सदा ही यहोवा तोहरे परमेस्सर स डेरात रहइँ।”</verse>
			</chapter>
			<chapter number="5">
				<verse number="1">इ तरह, यहोवा यरदन नदी क तब तलक झुरान राखेस जब तलक इस्राएल क लोग ओका पार नाहीं कइ लिहन। यरदन नदी क पच्छिम मँ बसइयन एमोरी राजा लोग अउर भूमध्य सागर क किनारे पइ बसइयन कनानी राजा लोग एकरे बारे मँ सुनेन अउर उ पचे बहोत जियादा डेराइ ग रहेन। ओकरे पाछे उ पचे मँ इस्राएल क लोगन क विरुदध जुद्ध करइ क हिम्मत नाहीं रहि गएन।</verse>
				<verse number="2">उ समइ, यहोवा यहोसू स कहेस, “चकमक पाथर क छूरी बनावा अउर इस्राएल क लोगन क खतना फुन करा।”</verse>
				<verse number="3">ऍह बरे यहोसू चकमक पाथर क छुरी बनाएस। तब उ इस्राएल क लोगन क खतना क रीति गिबआत हाअरलोत मँ पूरा किहस।</verse>
				<verse number="4">इहइ कारण अहइ कि यहोसू ओन सबहिं मनइयन क खतना किहस, जउन इस्राएल क लोगन क जरिये मिस्र छोड़ देइ क पाछे फउज मँ रहइ क उम्र क होइ ग रहेन। रेगिस्तान मँ रहइ क समझ ओन फउजियन मँ स कई लोगन यहोवा क बात नाहीं मानेन। ऍह बरे यहोवा ओन मनइयन क अभिसाप दिहे रहा कि उ पचे “दूध अउ सहद क नदियन वाले भुइँया” क नाहीं लखि पाइँही। यहोवा हमरे पुरखन क उ भुइँया देइ क वचन दिहे रहा, मुला इ सबइ मनइयन क कारण लोगन क चालीस बरिस तलक रेगिस्ताने मँ भटकइ क पड़ा अउर इ तरह उ सबइ फउजी मरि गएन अउर ओनकर जगहिया ओनकइ बेटवन लइ लिहन। मुला मिस्र स होइवाली जात्रा मँ जेतने गदेलन रेगिस्ताने मँ पइदा भ रहेन, ओनमाँ स कउनो क खतना नाहीं होइ सका। ऍह बरे यहोसू ओनकइ खतना किहस।</verse>
				<verse number="5"></verse>
				<verse number="6"></verse>
				<verse number="7"></verse>
				<verse number="8">यहोसू सबहिं मनइयन क खतना पूरा किहस। उ पचे तब तलक डेरा मँ रहेन, जब तलक तन्दुरुस्त नाहीं भएन।</verse>
				<verse number="9">उ समइ यहोवा यहोसू स कहेस, “जब तू मिस्र मँ गुलाम रह्या तब तोहका गुलामी क लज्जा रह्या। मुला आजु मइँ तोहार लज्जा दूर किहेउँ ह।” ऍह बरे यहोसू उ जगह क नाउँ गिलगाल धरेस अउर उ जगह आजु भी गिलगाल कही जात ह।</verse>
				<verse number="10">जउने समइ इस्राएल क लोग यरीहो क मइदान मँ, गिलगाल क जगह डेरा डाए रहेन, उ पचे फसह पर्व मनावत रहेन। इ महीना क चउदहवाँ दिन क साँझ क रहा।</verse>
				<verse number="11">फसह पर्व क पाछे, अगला दिन मनइयन अनाज क उ खइया क खाएन जउन भुइँया पइ उगि रहा। उ पचे बेखमीरे क रोटी अउर भूँजा अनाज खाएन।</verse>
				<verse number="12">उ दिना जब मनइयन भोजन कइ लिहन, ओकरे पाछे सरग स खास भोजन क आउब बन्द होइ ग। ओकरे पाछे, इस्राएल क लोग सरग स बिसेख भोजन नाहीं पाएन। ओकरे पाछे उ पचे उहइ भोजन खाएन जउन कनान मँ पइदा होइ रहा।</verse>
				<verse number="13">जब यहोसू यरीहो क निअरे रहा तब उ ऊपर आँखी उठाएस अउर उ आपन समन्वा एक ठु मनई क लखेस। उ मनई क हाथे मँ एक ठु तरवार रही। यहोसू उ मनई क लगे गवा अउ ओहसे पूछेस, “का तू हमरे मीतन मँ स कउनो एक अहा या हमार दुस्मनन मँ स?”</verse>
				<verse number="14">उ मनई जवाब दिहस, “मइँ दुस्मन नाहीं हउँ। मइँ यहोवा क फउज क सेनापति अहउँ। मइँ अबहुँ-अबहुँ तोहरे लगे आवा हउँ।” तब यहोसू आपन मूँड़ भुइँया तलक आपन सम्मान परगट करइ बरे निहुराएन। उ पूछेस, “का मोरे सुआमी क मोर बरे कउनो हुकुम अहइ? मइँ तोहार सेवक अहउँ।”</verse>
				<verse number="15">यहोवा क फउज क सेनापति जवाब दिहस, “आपन पनही उतारा। जउन जगह पइ तू खड़ा अहा उ ठउर पवित्तर अहइ।” ऍह बरे यहोसू ओकर हुकुम मानेस।</verse>
			</chapter>
			<chapter number="6">
				<verse number="1">यरीहो सहर क दुआर बन्द रहेन। उ सहर क लोग डेरान रहेन काहेकि इस्राएल क लोग निअरे रहेन। कउनो सहर मँ नाहीं जात रहा अउर कउनो सहर स बाहेर नाहीं आवत रहा।</verse>
				<verse number="2">तब यहोसू यहोवा स कहा, “लखा, मइँ यरीहो सहर क तोहरे अधिकार मँ दइ दिहेउँ ह। ऍकर राजा अउर एकर सारे सिपाही तोहरे मातहत अहइँ।</verse>
				<verse number="3">छ: दिना तलक हर एक दिन आपन फउज क संग सहर क चारिहुँ कइँती गस्त करा।</verse>
				<verse number="4">भेड़ क सींगन क तुरहियन क लइके सात याजकन क चलइ द्या। याजकन स कहा कि उ पचे पवित्तर सन्दूखन क समन्वा चलइँ। सतएँ दिन सहर क चारिहुँ कइँती सात फेरा करा। सतएँ दिन याजक लोगन स कहा कि उ पचे चलइ क समइ तुरही बजावइँ।</verse>
				<verse number="5">याजक लोग तुरहियन स खूब जोर क अवाज करिहीं। जब तू उ अवाज सुना तउ तू सब लोगन स चिचियाब सुरु करइ कहा। जब तू अइसा करब्या तउ सहर क देवारन भहराइ जइहीं। तब तोहार लोग सीधा सहर मँ जइहीं।”</verse>
				<verse number="6">इ तरह नून क पूत यहोसू याजकन क बटोरेस। यहोसू ओनसे कहेस, “यहोवा क पवित्तर सन्दूख क लइ चला। सात याजकन क भी तुरही लइ चलइ बरे ल्या। ओन याजकन क सन्दूखे क समन्वा चलइ चाही।”</verse>
				<verse number="7">तब यहोसू लोगन क हुकुम दिहस, “जा अउर सहर क चारिहुँ कइँती ताकत क परिक्रमा करा। अस्त्र-सस्त्र वाले फउजी यहोवा क पवित्तर सन्दूखे क अगवा चलइँ।”</verse>
				<verse number="8">जब यहोसू लोगन स बोलब पूरा किहस तउ यहोवा क समन्वा सात याजक लोग चलब सुरु किहेन। उ पचे तुरहियन लिए भए रहेन। चलत समइ उ पचे तुरहियन बजावत रहेन। यहोवा क सन्दूख क लइके चलइवालन याजक लोग ओनके पाछे चलन रहेन।</verse>
				<verse number="9">अस्त्र-सस्त्र धारण करइवाले फउजी याजक लोगन क अगवा चलत रहेन। याजक तुरही बजावत रहेन। बचा भवा मनई तुरही बजावत भए पवित्तर सन्दूख क पाछे चलत रहेन।</verse>
				<verse number="10">मुला यहोसू ओनका आवाज न लगइ बरे हुकुम दिहेस। उ कहेस, “जिन बोला अउ नाहीं आवाज करा जब तलक कि मइँ हुकुम न दइ। मोरे कहइ क समइ तू पचे ललकार सकत ह।”</verse>
				<verse number="11">ऍह बरे यहोसू याजक लोगन क यहोवा क पवित्तर सन्दूख क संग सहर क चारिहुँ कइँती लइ चलइ क हुकुम दिहस। तब उ पचे आपन डेरा मँ लउटि गएन अउर रात भइ हुवँइ ठहरेन।</verse>
				<verse number="12">दूसर दिन, भिन्सारे यहोसू उठा। याजक फिन यहोवा क पवित्तर सन्दूख क लइके चलेन।</verse>
				<verse number="13">अउर सातउँ याजक लोग सात तुरही लइके यहोवा क पवित्तर सन्दूख क समन्वा बजावत भएन चलेन। उ पचे कदम स कदम मिलावत रहेन। ओनके समन्वा अस्त्र-सस्त्र धारण करइवालन फउजी चलत रहेन। अस्त्र-सस्त्र धारण करइवालन फउजी जउन याजक लोग तुरहियन बजावत रहेन क संग यहोवा क सन्दूख क पाछे चलत रहेन।</verse>
				<verse number="14">ऍह बरे दूसर दिन, ओन सबइ लोग एक दाई सहर क चारिहुँ कइँती चक्कर लगाएन अउर तब उ पचे आपन डेरन मँ लउटि गएन। उ पचे लगातार छ: दिन तलक इ किहन।</verse>
				<verse number="15">सतएँ दिन उ पचे भोर मँ उठेन अउर उ पचे सहर क चारिहुँ कइँती सात चक्कर लगाएन। उ पचे उहइ तरह सहर क चक्कर लगाएन जउने तरह उ पचे ओकरे पहिले लगाइ चुका रहेन, मुला उ दिन उ पचे सात चक्कर लगाएन।</verse>
				<verse number="16">जब उ पचे सतइँ दाई सहर क चक्कर लगाएन तउ याजक लोग आपन तुरही बजाएन। उ समइ यहोसू आदेस दिहस, “अब तू जोर स आवाज लगा। यहोवा इ नगर तू पचन्क देत अहइ।</verse>
				<verse number="17">सहर अउ एहमाँ क हर एक चीज यहोवा क अहइ। सिरिफ पतुरिया राहाब अउ ओकरे घरे मँ रहइवाले लोग ही जिअत रइहीं। इ सबइ मारा नाहीं जाइ चाही काहेकि राहाब ओन दुइनउँ गुप्तचरन क मदद किहे रही।</verse>
				<verse number="18">इहउ सुमिरा कि हम क ऍकरे अलावा दूसर चिजियन्क बरबाद करइ क अहइ। ओन चिजियन्क जिन ल्या। अगर तू पचे ओन चिजियन्क लेत अहा अउर आपन डेरन मँ लिआवत अहा तउ तू पचे खुद बरबाद होइजाब्या अउर तू पचे आपन सबहिं इस्राएली लोगन पइ भी मुसीबत लिअउब्या</verse>
				<verse number="19">सबहिं चाँदी, सोना अउर लोहा क बनी चिजियन यहोवा क अहइँ। इ सबइ चिजियन यहोवा क खजाने मँ ही धरी जाइ चाही।”</verse>
				<verse number="20">याजक लोग तुरही बजाएन। मनइयन तुरहियन क अवाज सुनेन अउर आवाज लगवत सुरु किहेन। देवारन भहरानिन अउर लोग सीधे सहर मँ धावइ लागेन। इ तरह इस्राएल क लोग सहर क हराएन।</verse>
				<verse number="21">मनइयन सहर क हर एक चीज बरबाद किहेन। उ पचे हुआँ क हर एक जिअत परानी क बरबाद किहन। उ पचे नउजवान, बु़ढ़वन, जवान मेहररुअन, बुढ़ियन, भेड़िन अउर गदहन क मार डाएन।</verse>
				<verse number="22">यहोसू दुइनउँ गुप्तचरन स बतियान। उ कहेस, “पतुरिया क घरे जा। ओका बाहेर लइ आवा। सबइ मनइयन क बाहेर लइ आवा अउर ओन लोगन क भी बाहेर लइ आवा जउन ओकरे संग अहइँ। इ तू पचे ऍह बरे करा कि तू पचे ओका वचन दिहे अहा।”</verse>
				<verse number="23">दुइनउँ मनई घर मँ गएन अउर राहाब क बाहेर लिआएन। उ पचे ओकर पिता, महतारी, भाइयन अउ ओकर समूचइ परिवार अउ ओकरे साथे क दूसर सबहिं क बाहेर निकारेन। उ पचे इस्राएल क डेरा क बाहेर इ सबहिं लोगन क सुरच्छित रखेन।</verse>
				<verse number="24">तब इस्राएल क लोग सारा सहर जराए दिहन। उ पचे सोना, चाँदी, काँसा, अउर लोहा स बनी चिजियन क अलावा सबहिं चिजियन क जराए दिहन। इ सबइ चिजियन यहोवा क खजाने बरे बचाइ लीन्ह गइन।</verse>
				<verse number="25">यहोसू राहाब, ओकर परिवार अउ ओकरे रिस्तेदारन क बचाइ लिहस। यहोसू ओनका जिअत रहइ दिहस काहेकि राहाब ओन लोगन क मदद किहे रही, जेनका उ यरीहो मँ जासूसी करइ बरे पठए रहा। राहाब आज भी इस्राएल क लोगन मँ आपन सन्ताने क रुप मँ रहति ह।</verse>
				<verse number="26">उ समइ, यहोसू किरिया खाएस। उ कहेस: “कउनो मनई जउन यरीहो सहर क फिन निर्माण क जतन करी यहोवा कइँती स अभिसापित होब्या। जउन मनई सहर क नींव रखी, आपन पहिलउटी बटवा क खोइ। जउन मनई फाटक लगाइ उ आपन सबन त लहुरा बटवा क खोई।”</verse>
				<verse number="27">एह बरे यहोवा, यहोसू क संग रहा अउर इ तरह यहोसू पूरे भुइँया मँ प्रसिद्ध होइ गवा।</verse>
			</chapter>
			<chapter number="7">
				<verse number="1">मुला इस्राएल क लोग परमेस्सर क आग्या नाहीं मानेन। यहूदा परिवार समूह क एक मनई आकान कर्मी क पूत जउन जब्दी क पूत रहा। आपन संग कछू वर्जित चिजियन धइ लिहेस जेनका बरबाद करइ क रहा। ऍह बरे यहोवा इस्राएल क लोगन पइ कोहाइ गवा।</verse>
				<verse number="2">जब उ पचे यरीहो क हराइ चुकेन तब यहोसू कछू लोगन क पठएस। ऐ, बेतेल क पूरब बेतावेन क लगे रहा। यहोसू ओनसे कहेस, “ऐ जा अउर उ छेत्र क कमजोरियन क लखा।” ऍह बरे लोग उ देस मँ जासूसी करइ गएन।</verse>
				<verse number="3">पाछे उ मनईयन यहोसू क लगे लउटिके आएन। उ पचे कहेन, “ऐ कमजोर छेत्र अहइ। हम लोगन क ओनका हरावइ बरे आपन सबहिं लोगन क जरुरत नाहीं पड़ी। हुआँ लड़इ बरे दुइ हजार या तीन हजार मनइयन क पठवा। आपन सबहिं फउजन क हुआँ उपयोग करइ क जरुरत नाहीं अहइ। हुआँ पइ थोड़ा मनई हम लोगन क खलाफ लड़इवाला अहइँ।”</verse>
				<verse number="4">ऍह बरे लगभग तीन हजार मनईयन ऐ क खिलाफ गएन। मुला ऐ क लोग लगभग छत्तीस इस्राएल क मनइयन क जंग मँ मार गिराएन अउ बचा भवा इस्राएल क लोग पराइ गएन। ऐ क लोग सहर-दुआर स लगातार पाथर क खदानन तलक पाछा किहन। इ तरह ऐ क लोग ओनका ढलवान पइ बुरी तरह हराएन। जब इस्राएल क लोग इ लखेन तउ उ पचे बहोत डेराइ गएन अउर आपन हिम्मत हार गएन।</verse>
				<verse number="5"></verse>
				<verse number="6">जबहिं यहोसू एकरे बारे मँ सुनेस तउ उ आपन ओढ़ना फाड़ि डाएस। उ पवित्तर सन्दूखे क समन्वा भुइँया पइ ओलरा। यहोसू हुआँ साँझ तलक पड़ा रहा। इस्राएल क नेता लोग इहइ किहन। उ पचे आपन मूँड़ि पइ धूरि डाएन।</verse>
				<verse number="7">तब यहोसू कहेस, “यहोवा, मोर सुआमी। तू हमरे लोगन क यरदन नदी क पार लिआया। मुला तू हमका ऍतनी दूर काहे लिआया, का सिरिफ एमोरी लोगन क जरिये स हम लोगन क बरबाद करइ बरे लिआया? हम लोग यरदन नदी क दूसरे किनारे पइ ठहरा होइत अउर सन्तुट्ठ रहित।</verse>
				<verse number="8">मोरे मालिक, मइँ आपन जिन्नगी क कसम खाइके कहत हउँ कि मइँ तोहस का कहइ सकत हउँ। इस्राएल आपन दुस्मनन क पास स भाग गहेस ह।</verse>
				<verse number="9">कनानी अउ इ देस क सबहिं लोग इ सुनिहीं जउन भवा, तब उ पचे हम लोगन क खिलाफ अइहीं अउर हम सबन क मारि डइहीं। तब इ तू आपन महान नाउँ क रच्छा बरे का करब्या?”</verse>
				<verse number="10">यहोवा यहोसू स कहेस, “खड़ा होइ जा। तू आपन मुँहे क बल काहे गिरा अहा?</verse>
				<verse number="11">इस्राएल क लोग मोरे खिलाफ पाप किहन। उ पचे मोरी उ करार क तोड़ेन, जेका मइँ ओनका संग किहेस रहेउँ। उ पचे उ चिजियन मँ स कछू चिजियन लिहन जेनका बरबाद करइ क हुकुम मइँ दिहेउँ ह। उ पचे मोर चोरी किहेन ह। उ पचे लबार बात कहेन ह। उ पचे उ सबइ चिजियन आपन लगे धरेन ह।</verse>
				<verse number="12">इहइ कारण अहइ कि इस्राएल क फउज आपन दुसमनन क नाहीं हराइ सकेस। उ पचे पलटेन अउर आपन दुस्समन स पराइ गएन काहेकि कउनो मनई ओन चिजियन क लिहेन जेका बरबाद करइ चाहत रहा। मइँ तब तलक तोहार मदद नाहीं करब जब तलक तू उ चिजियन क बरबाद नाहीं करब्या जेका मइँ तू पचन्क क बरबाद कइ करइ क हुकुम दिहे रहा।</verse>
				<verse number="13">“अब तू जा अउर लोगन क पवित्तर करा। लोगन स कहा, ‘उ पचे आपन क पवित्तर करइँ। भियान बरे तइयार होइ जा। इस्राएल क परमेस्सर यहोवा कहत ह कि कछू लोग उ सबइ चिजियन आपन लगे धरे अहइँ, जेनका मइँ बरबाद करइ क हुकुम दिहे रहेउँ। तू तब तलक आपन दुस्मनन क हरावइ क जोग्गा नाहीं होब्या, जब तलक तू ओन चिजियन क खतम नाहीं कइ देब्या।</verse>
				<verse number="14">“‘भियान भिन्सारे तू सबन्क यहोवा क समन्वा खड़ा होइ क होइ। सबहिं परिवार समूह यहोवा क समन्वा पेस होइहीं। दूसर परिवार समूह मँ स यहोवा एक परिवार समूह क चुनी। तब सिरिफ उहइ परिवार समूह यहोवा क समन्वा खड़ा होइ। तब बस उहइ परिवार समूह स यहोव एक कबीला क चुनी। तब सिरिफ उहइ कबीला यहोवा क समन्वा खड़ा होइ। तब यहोवा उ कबीला क प्रत्येक परिवार क परखी अउर उ मँ स एक क चुनी। तब उ परिवार अकेले यहोवा क समन्वा खड़ा होइ जउन कि उ परिवार स एक-एक क चुनी।</verse>
				<verse number="15">उ मनई जउन इ चिजियन क संग पावा जाइ जेनका मइँ बरबाद करइ क हुकुम दिहे रहेउँ, धइ लीन्ह जाइ। तब उ मनई क अउर ओकरे संग ओकर हर एक चीज आगी मँ झोंकिके जरि दीन्ह जाइ। उ मनई यहोवा क करार क तोड़ेस ह। उ इस्राएल क लोगन क बीच मँ बहोत ही सरमनाक काम किहेस ह।’”</verse>
				<verse number="16">दूसरे भिन्सारे यहोसू इस्राएल क सबहिं लोगन क यहोवा क समन्वा लइ गवा। सारा परिवार समूह यहोवा क समन्वा खड़ा होइ गवा। यहोवा यहूदा परिवार-समूह क चुनेस।</verse>
				<verse number="17">तब यहूदा क सारा परिवार समूह यहोवा क समन्वा खड़ा भएन। यहोवा ओन मँ स जेरह कबीला क चुनेस। तब जेरह कबीला क सबहिं परिवार यहोवा क समन्वा खड़ा भएन। ऍनमाँ स जब्दी क परिवार चुना गवा।</verse>
				<verse number="18">तब यहोसू इ परिवार क सबहिं मनसेधुअन क यहोवा क समन्वा आवइ क कहेस। यहोवा कर्मी क पूत आकान क चुनेस। (कर्मी जब्दी क पूत अउर जब्दी जेरह क पूत रहेन।)</verse>
				<verse number="19">तब यहोसू आकान स कहेस, “पूत, तोहका आपन पराथना कहइ चाही। इस्राएल क यहोवा परमेस्सर क सम्मान करइ चाही अउर ओहसे तोहका पापन्क कबूलइ चाही। मोका बतावा कि तू क किह्या? मोहसे कछू छुपावइ क कोसिस जिन करा!”</verse>
				<verse number="20">आकान जवाब दिहस, “इ फुरइ अहइ! मइँ इस्राएल क यहोवा परमेस्सर क खिलाफ पाप किहेउँ ह। मइँ जउन किहे हउँ उ इ अहइ:</verse>
				<verse number="21">हम लोग यरीहो सहर क ऍकर सबहिं चिजियन क संग आपन कब्जे मँ लीन्ह। ओन चिजियन मँ मइँ सिनार क एक सुन्नर आढ़ना अउर लगभग पाँच पौण्ड चाँदी अउर एक पौण्ड सोना लखा। मोर ऍन चिजियन क अपने बरे धरइ क बहोतइ इच्छा रही। ऍह बरे मइँ ओनका लइ लिहेउँ। तू ओन चिजियन क मोरे तम्बू क खाले जमीन मँ गड़ा भवा पउब्या। चाँदी ओढ़ना क खाले अहइ।”</verse>
				<verse number="22">ऍह बरे यहोसू कछू मनइयन क तम्बू मँ पठएस। उ पचे धावत धावत पहोंचेन अउर ओन चिजियन क तम्बू मँ छुपा पाएन। चाँदी ओढ़ना क नीचे रही।</verse>
				<verse number="23">उ पचे ओन चिजियन क तम्बू स बाहेर लिआएन। उ पचे ओन चिजियन क यहोसू अउ इस्राएल क सबहिं लोगन क लगे लइ गएन। उ पचे ओका यहोवा क समन्वा जमीने पइ लिआइके पटक दिहेन।</verse>
				<verse number="24">तब यहोसू अउर सबहिं लोग जेरह क पूत आकान क घाटी मँ लइ गएन। उ पचे चाँदी, ओढ़ना, सोना, आकान क बिटियन-बेटवन, ओकर गोरुअन, ओकर गदहन, भेड़िन, तम्बू अउर सबहिं चिजियन क भी लिहन। ऍन सबहिं चिजियन क उ पचे आकान क संग आकोर क घाटी मँ लइ गएन।</verse>
				<verse number="25">तब यहोसू कहेस, “तू हमरे बरे इ सबइ मुसीबतन काहे किह्या? अब यहोवा तोह पइ मुसीबत लिआइ।” तब सबहिं लोगन आकान अउर ओकर परिवार पइ तब तलक पाथर लोकाएन जब तलक उ पचे मरि नाहीं गएन। उ पचे ओकरे परिवार क मार डाएन। तब मनइयन ओनका अउ ओकर सबहिं चिजियन क बारि दिहेन।</verse>
				<verse number="26">आकान क बारि देइ क पाछे ओकरे तने पइ उ पचे कईउ सिलन क धरेन। इ सबइ सिलन आजु भी हुआँ अहइँ। इ तरह यहोवा आकान पइ विपद ढाएस। इहइ कारण अहइ कि ठउर ओकोर घाटी कही जात ह। ऍकरे पाछे, यहोवा लोगन स नाखुस नाहीं रहा।</verse>
			</chapter>
			<chapter number="8">
				<verse number="1">तब यहोवा यहोसू स कहेस, “डेराअ जिन। हिम्मत न छोड़ा आपन सबहिं सिपाहियन क ऐ लइ जा। मइँ ऐ क राजा क हरावइ मँ तोहार मदद करब। मइँ ओकर नागरिक क, ओकरे सहर क अउर ओकर भुइँया क तोहका दइ देत अहँउ।</verse>
				<verse number="2">तू ऐ अउर ओकरे राजा क संग उहइ करब्या, जउन तू यरीहो अउ ओकरे राजा क संग किह्या ह। इ दाई तू सिरिफ इ सहर क सारी सम्पत्ति अउ पसु-धन लेब्या अउर आपन लगे धरब्या। फुन तू आपन लोगन क बीच मँ ओकर बँटवारा करब्या। अब तू आपन कछू सिपाहियन क सहर क पाछे छुपइ क हुकुम देब्या।”</verse>
				<verse number="3">ऍह बरे यहोसू आपन पूरी फउज ऐ कइँती लइ गवा। तब यहोसू तीस हजार ताकतवर लराकन आपन फउज मँ स चुनेस। उ ऍनका राति क बाहेर पठइ दिहस।</verse>
				<verse number="4">यहोसू ओनका इ हुकुम दिहस: “मइँ जउन कहत हउँ, ओका होसियारी स सुना। तू पचन्क सहर क पाछे क धेत्र मँ छुपा रहइ चाही। हमला क समइ क बाट जोहा। सहर स बहोत दूर जिन जा। होसियारी स लखत रहा अउ तइयार रहा।</verse>
				<verse number="5">मइँ फउजियन क आपन संग सहर कइँती हमला बरे लइ जाबउँ। हम लोगन क खिलाफ लड़इ बरे सहर क लोग बाहेर अइहीं। हम लोग मुड़ि जाब अउर पहिले क तरह पराइ जाब।</verse>
				<verse number="6">उ पचे हम लोगन क तब तलक पाछा करिहीं जब तलक हम लोग ओनका सहर स दूर न लइ जाब। काहेकि उ पचे इ आपन आप मँ सोचिहीं कि उ पचे हम पचन स पहिले क तरह परात अही। ऍह बरे हम लोग ओन लोगन स पराइ जाब।</verse>
				<verse number="7">तब तू पचे आपन लुकाइ क जगहिया स अउब्या अउ सहर पइ कब्जा कइ लेब्या। तोहार परमेस्सर यहोवा तू पचन्क जीत जाइ क सक्ती देइ।</verse>
				<verse number="8">“ऍह बरे तू पचे जब सहर पइ कब्जा कइ लया तब ओका बारि द्या। जइसा कि यहोवा तू पचे स कहेस ह। लखा मइँ तू पचन्क इ करइ क हुकुम देत अहउँ।”</verse>
				<verse number="9">तब यहोसू ओन सिपाहियन क ओनके लुकाइ क जगहिया पइ पठइ दिहेस अउ जोहइ लाग। उ पचे बेतेल अउर ऐ क बीच क जगह गएन। इ जगह ऐ क पच्छिम मँ रही। मुला यहोसू आपन लोगन क संग रात भइ हुअँई रुका रहा।</verse>
				<verse number="10">अगले भिन्सारे यहोसू लोगन क बटोरेस। तब यहोसू अउर इस्राएल क बुजुर्गन सिपाहियन क ऐ लइ गएन।</verse>
				<verse number="11">यहोसू क सबहिं सिपाहियन ऐ पइ हमला किहन। उ पचे सहर क दुआर क समन्वा रुकेन। फउज आपन डेरा सहर क उलर दिसा मँ डाएस। फउज अउर ऐ क बीच मँ एक ठु घाटी रही।</verse>
				<verse number="12">यहोसू लगभग पाँच हजार फउजियन क चुनेस। यहोसू ऍनका सहर क पच्छिम मँ छिपइ बरे उ जगह पठएस, जउन बेतेल अउर ऐ क बीच मँ रही।</verse>
				<verse number="13">मुख्य डेरा सहर क उत्तर दिसा मँ रहा। दूसर सिपाहियन पच्छिम मँ लुकान रहेन। उ रात यहोसू घाटी मँ बिताएस।</verse>
				<verse number="14">पाछे, ऐ क राजा इस्राएल क फउज क लखेस। राजा अउर ओकर लोग लखेन अउ हाली स इस्राएल क फउज स लड़इ बरे अगवा बढ़ेन। ऐ क राजा सहर क पूरब यरदन घाटी कइँती बाहेर गवा। ऍह बरे उ इ न जान सका कि सहर क पाछे फउजी लुकान रहेन।</verse>
				<verse number="15">यहोसू अउ इस्राएल क सबहिं सिपाहियन ऐ क फउज क जरिये आपन क पाछे ढकेलइ दिहन। यहोसू अउ ओकरे फउजियन पूरब मँ रेगिस्तान कइँती धाउब सूरु किहन।</verse>
				<verse number="16">सहर क लोग सोर मचाइ अउर यहोसू क खदेरइ सुरु किहन। अउर ओकरे सिपाहियन सहर तजइ सुरु किहन।</verse>
				<verse number="17">ऐ अउर बेतेल क सबहिं लोग इस्राएल क फउज क पाछा किहन। सहर खुला छोड़ दीन्ह गवा रहा, कउनो भी सहर क रच्छा बरे नाहीं रहा।</verse>
				<verse number="18">यहोवा यहोसू स कहेस, “आपन भाला क ऐ सहर कइँती किए रहा। मइँ इ सहर तोहका देबउँ।” ऍह बरे यहोसू आपन भाला क ऐ सहर कइँती किहस।</verse>
				<verse number="19">इस्राएल क लुकान फउजियन ऍका लखेन। उ पचे हाली स आपन लुकाइ क जगहियन स निकरेन अउर सहर कइँती तेजी स चल पड़ेन। उ पचे सहर मँ घुस गएन अउर ओह पइ कब्जा कइ लिहन। तब फउजियन सहर क बारइ बरे आगी लगाउब सुरु किहन।</verse>
				<verse number="20">ऐ क लोग मुड़िके लखेन अउ आपन सहर क जरत पाएन। उ पचे धुआँ अकासे मँ उठत निहारेन। ऍह बरे उ पचे आपन ताकत अउ हिम्मत खोइ दिहन। उ पचे इस्राएल क लोगन क पाछा करब छोड़ेन। इस्राएल क लोगन पराब बन्द किहन। उ पचे मुड़ि गएन अउ ऐ क लोगन स लड़इ चल पड़ेन। ऐ क लोगन बरे पराइ क कउनो सुरच्छित जगह नाहीं रही।</verse>
				<verse number="21">यहोसू अउ ओकर फउजियन लखेन कि ओकर फउज सहर पइ कब्जा कइ लिहस। उ पचे सहर स धुआँ भी उठत निहारेन। इ तब उ पचे पराब बन्द किहन अउर ऐ क लोगन स जुद्ध करइ सुरु किहन।</verse>
				<verse number="22">तब उ सबइ फउजियन जउन लुकान रहेन, जुद्ध मँ मदद बरे सहर स बाहेर निकरि आएन। ऐ क फउजियन क दुइनउँ कइँती इस्राएल क फउजी रहेन, ऐ क फउजी जाल मँ फँस ग रहेन। इस्राएल ओनका हराइ दिहस। उ पचे तब तलक लड़त रहेन जब तलक ऐ क कउनो भी मनसेधू जिअत न रहा, ओनमाँ स कउनो पराइ नाहीं सका।</verse>
				<verse number="23">मुला ऐ क राजा जिअत छोड़ दीन्ह गवा। यहोसू क फउजी ओका ओकरे लगे लिआएन।</verse>
				<verse number="24">जुद्ध क समइ, इस्राएल क फउज ऐ क फउजियन क मइदानन अउर रेगिस्ताने मँ ढकेल दिहन अउर इ तरह इस्राएल क फउज ऐ स सबहिं फउजियन क मारइ क काम मइदानन अउर रेगिस्ताने मँ पूरा किहस। तब इस्राएल क सबहिं फउजी ऐ क लउटेन। तब उ पचे ओन लोगन क जउन सहर मँ जिअत रहेन, मारि डाएन।</verse>
				<verse number="25">उ दिन ऐ क सबहिं लोग मारा गएन। हुआँ बारह हजार मनसेधू अउ मेहरारु रहेन।</verse>
				<verse number="26">यहोसू आपन भाला क, ऐ कइँती आपन लोगन क सहर बरबाद करइ क संकेत क बनाए राखेस अउर यहोसू संकेत देब तब तलक बन्द नाहीं किहस जब तलक सहर क पुरी आबादी बरबाद नाहीं होइ गएन।</verse>
				<verse number="27">इस्राएल लोग गोरुअन अउ सहर क चीजन्क अपने लगे धरेन। इ उहइ बात रही कि जेका करइ क यहोवा यहोसू क हुकुम देत समइ, कहे रहा।</verse>
				<verse number="28">तब यहोसू ऐ सहर क बार दिहस। उ सहर सूनी चट्टानन क ढेर बन गवा। इ आजु भी वइसा ही अहइ।</verse>
				<verse number="29">यहोसू ऐ क राजा क एक बृच्छ पइ फाँसी दइके टाँग दिहस। उ ओका साँझ तलक बृच्छ पइ टँगा रहइ दिहस। सूरज डूबे पइ यहोसू राजा क ल्हास क बृच्छ स उतारइ क हुकुम दिहस। उ पचे ओका सरीर क सहर क दुआर पइ लोकाइ दिहन अउर इका सिलन स ढाँकि दिहन। सिलन क उ ढेर आजु तलक हुअँइ अहइ।</verse>
				<verse number="30">तब यहोसू इस्राएल क परमेस्सर यहोवा बरे एक वेदी बनाएस। उ इ वेदी एबाल पर्वत पइ बनाएस।</verse>
				<verse number="31">यहोवा क सेवक मूसा इस्राएल क लोगन क बताए रहा कि वेदियन कइसे बनई जाइँ। ऍह बरे यहोसू वेदी क वइसे ही बनाएस जइसे मूसा क व्यवस्था क किताबे मँ समुझावा ग रहा। वेदी बगैर कटे भए पाथरन स बनी रही। ओन पाथरन पइ कबहुँ कउनो औजारे क उपयोग नाहीं भवा रहा। उ पचे उ वेदी पइ यहोवा क होमबलि अउ मेलबलि चढ़ाएन।</verse>
				<verse number="32">उ ठउर पइ यहोसू मूसा क व्यसस्था क एक नकल क पाथरन पइ लिखेस। उ इ इस्राएल क सबहिं लोगन क लखइ बरे किहस।</verse>
				<verse number="33">सबइ अगुआ नेता लोग, अफसरन, निआव क अफसरन अउ इस्राएल क सबहिं लोग पवित्तर सन्दूखे क चारिहुँ कइँती खड़ा रहेन। उ पचे ओन लेवी कबीला क याजकन क समन्वा खड़ा रहेन, जउन यहोवा क करार क पवित्तर सन्दूखे क लइ चलत रहेन। इस्राएली अउर बिदेसी प्रवासियन सबहिं लोग हुआँ खड़ा रहेन। आधा लोग एबाल पर्वत क समन्वा खड़ा रहेन अउर दूसर आधा लोग गिरिज्जीम पर्वत क समन्वा खड़ा रहेन। यहोवा क सेवक मूसा ओनसे अइसा करइ क कहेस रहा। मूसा ओनसे अइसा करइ क इ आसीर्बाद बरे कहे रहा।</verse>
				<verse number="34">तब यहोसू व्यवस्था क सब वचनन क बाँचेस। यहोसू आसीर्बाद अउ अभिसाप बँचेस। उ सबहिं कछू उ तरह बाँचेस, जउने तरह उ व्यवस्था क किताबे मँ लिखा रहा।</verse>
				<verse number="35">इस्राएल क सबहिं लोग हुआँ बटुरा रहेन। सबहिं मेहररुअन, गदेलन अउ इस्राएल क लोगन क संग रहइवाला सबहिं विदेसियन हुआँ बटुरा रहेन अउ यहोसू मूसा क जरिये दीन्ह गएन हर एक आदेस क बाँचेस।</verse>
			</chapter>
			<chapter number="9">
				<verse number="1">यरदन नदी क पच्छिम क सब राजा लोग इ सबइ घटना क बारे मँ सुनेन। इ सबइ हित्ती, एमोरी, कनानी, परिज्जी, हिव्वी, यबूसी लोगन क राजा लोग रहेन। उ पचे पहाड़ी भुइँयन अउर मइदानन मँ रहत रहेन। उ पचे लबानोन तलक भूमध्य सागर क किनारन क लगे भी रहत रहेन।</verse>
				<verse number="2">उ पचे सबहिं राजा लोग बटुरेन। उ पचे यहोसू अउ इस्राएल क लोगन क संग जुद्ध क योजना बनाएन।</verse>
				<verse number="3">गिबोन क लोग उ तरीका क बारे मँ सुनेन, जेहसे यहोसू यरीहो अउ ऐ क हराए रहा।</verse>
				<verse number="4">ऍह बरे उ पचे इस्राएल क लोगन क धोखा देइ क ठान लिहन। ओनकर इ योजना रही: उ पचे चाम क पुराना बोरियन क आपन गोरुअन पइ लादेस। उ पचे आपन गोरुअन क ऊपर दाखरस क चाम क पुराना मसक क भी डाएन, जेहसे उ पचे अइसा देखाँइ पड़इँ मान ल्या कि उ पचे बहोतइ दूरी क जात्रा कइके आवा अहइँ।</verse>
				<verse number="5">मनइयन पुरान पनहियन पहिर लिहन। उ पचे पुरान ओढ़ना भी पहिर लिहेन। उ मनइयन कछू बासी, रुखी, खराब रोटियन भी लइ लिहन। इ तरह उ सबइ मनसेधुअन अइसा लगत रहेन मान ल्या उ पचे बहोतइ दूरी क देस स जात्र किहे होइँ।</verse>
				<verse number="6">तब इ सबइ मनसेधुअन इस्राएल क लोगन क डेरन क लगे गएन। इ डेरा गिलगाल क लगे रहा। उ सबइ मनसेधुअन यहोसू क लगे गएन अउर उ पचे ओसे कहेन, “हम लोग एक बहोतइ दूर क देस स आवा अही। हम लोग तोहरे संग सान्ति क सन्धि करइ चाहित ह।”</verse>
				<verse number="7">इस्राएल क लोग इ हिव्वी लोगन स कहेन, “होइ सकत ह तू लोग हम पचन्क धोखा दइ देत ह्वा। होइ सकत ह तू हमरे निचके क रहइवाला ह्वा। हम तब तलक सान्ति क संधि नाहीं कइ सकित जब तलक हम इ नाहीं जान लेइत कि तू पचे कहाँ स आवा अहा।”</verse>
				<verse number="8">हिव्वी लोग यहोसू स कहेन, “हम पचे आप क सेवक अही।” मुला यहोसू पूछेस, “तू पचे कउन अहा? तू पचे कहाँ स आवा अहा?”</verse>
				<verse number="9">मनसेधुअन जवाब दिहन, “हम लोग आप क सेवक अही। हम पचे एक बहोतइ दूरी क देस स आवा अही। हम ऍह बरे आए कि हम पचे तोहरे परमेस्सर यहोवा क महान सक्ती क बारे मँ सुना ह। हम लोग उ भी सुने अही, जउन उ किहस। हम लोग उ सब कछू सुना ह, जउन उ मिस्र मँ किहस।</verse>
				<verse number="10">अउर हम लोग इ भी सुना कि उ यरदन नदी क पूरब दुइ ठु एमोरी लोगन क राजा लोगन क हराएस। हेस्बोन क राजा सीहोन अउर असतारोत क देस मँ बासान क राजा ओग रहेन।</verse>
				<verse number="11">ऍह बरे हमरे अगुआ अउर हमरे लोग हमसे कहेन, ‘आपन जात्रा बरे जियादा भोजन लइ ल्या।’ जा अउ इस्राएल क लोगन स बात करा। ओनसे कहा, ‘हम आप क सेवक अही। हम लोगन क संग सान्ति क सन्धि करा।’”</verse>
				<verse number="12">“हमरी रोटियन क लखा। जब हम लोग घर छोड़ा तब इ सबइ गर्मागरम अउ ताजी रहिन। मुला अब आप लखत हीं कि इ सबइ झुरान अउ बासी अहइँ।</verse>
				<verse number="13">हम लोगन क दाखरस क मसकन क निहारा। जब हम लोग घर तजा तउ इ सबइ नई अउ दाखरस स भरी रहिन। आप लखि सकत हीं कि इ सबइ फाट अउ पुरान अहइँ। हमार ओढ़नन अउ चप्पलन क लखा। आप लखि सकत हीं कि लम्बी जात्रा हमरी चिजियन क खराब कइ दिहे अहइ।”</verse>
				<verse number="14">इस्राएल क लोग जाना चाहत रहेन कि इ सबइ मनई का फुरइ बोलत अहइँ। ऍह बरे उ पचे रोटियन क चखेन, मुला उ पचे यहोवा स नाहीं पूछेन कि ओनका क करइ चाही।</verse>
				<verse number="15">यहोसू ओनके संग सान्ति-सन्धि करइ बरे तइयार होइ गवा। उ ओनका जिअत छोड़इ बरे तइयार होइ गवा। इस्राएल क प्रमुखन यहोसू क वचन क समर्थन कइ दिहन।</verse>
				<verse number="16">तीन दिना पाछे, इस्राएल क लोगन क पता चला कि उ सबइ लोग ओनके डेरा क बहोत निचके रहत हीं।</verse>
				<verse number="17">ऍह बरे इस्राएल क लोग हुआँ गएन, जहाँ उ सबइ लोग रहत रहेन। तीसरे दिन, इस्राएल क लोग गिबोन, कपीरा, बेरोत अउर किर्यत्यारीम सहरन क आएन।</verse>
				<verse number="18">मुला इस्राएल क फउज इ सहरन क खिलाफ लड़इ क जतन नाहीं किहस। उ पचे ओन लोगन क संग सान्ति संधि कइ चुका रहेन। उ पचे ओन लोगन क संग इस्राएल क परमेस्सर यहोवा क समन्वा प्रण किहे रहेन। सबहिं लोग ओन प्रमुखन क खिलाफ सिकाइत करत रहेन, जउन सन्धि किहे रहेन।</verse>
				<verse number="19">मुला प्रमुख लोगन जवाब दिहन, “हम पचे प्रण किहे अही। हम लोग इस्राएल क परमेस्सर यहोवा क समन्वा प्रण किहे अही। हम ओनके खिलाफ अब लड़ नाहीं सकित।</verse>
				<verse number="20">हम लोगन क सिरिफ ऍतना ही करइ चाही। हम ओनका जरुर जिअत रहइ देब। हम ओनका चोट नाहीं पहोंचाइ सकित काहेकि ओनके संग कीन्ह गवा प्रण क तोड़ देइ पइ यहोवा क किरोध हम लोगन क खिलाफ होइ।</verse>
				<verse number="21">ऍह बरे ऍनका जिअत रहइ द्या। इ सबइ हमार सेवक होइहीं। उ पचे हमरे बरे लकड़ी कटिहीं अउर हमरे मनइयन बरे पानी ढोइहीं।” इ तरह प्रमुखन इ सबइ लोगन क संग कीन्ह गइ आपन सान्ति-सन्धि क नाहीं तोड़ेन।</verse>
				<verse number="22">यहोसू गिबोनी लोगन क बोलाएस। उ कहेस, “तू लोग हम स झूठ काहे बोल्या? तोहार भुइँया हम लोगन क डेरा क लगे रहा। मुला तू लोग कहया कि हम लोग बहोत दूरी क देस क अही।</verse>
				<verse number="23">अब तोहरे लोगन क बहोत कस्ट होइ। तोहार सबहिं लोग दास होइहीं। ओनका परमेस्सर क निवास बरे लकड़ी काटब अउर पानी भरइ क पड़ी।”</verse>
				<verse number="24">गिबोनी लोग जवाब दिहन, “हम लोग तोहसे स झूठ बोले काहेकि हम लोगन क डर रहा कि तोहसे कहूँ हम लोगन क मारि न डावइँ। हम लोग सुना ह कि परमेस्सर आपन सेवक मूसा क इ आदेस दिहे रहा कि उ पचे तोहका इ सारा भुइँया दइ देइँ अउर परमेस्सर तोहसे उ भुइँया मँ रहइवालन सबहिं लोगन क मारि डावइ बरे कहेस। इहइ कारण अहइ कि हम लोग तोहसे स झूठ बोले।</verse>
				<verse number="25">अब हम आप क सेवक अही। आप हमार उपयोग जइसा ठीक समुझइँ, कइ सकत हीं।”</verse>
				<verse number="26">इ तरह गिबोन क लोग दास होइ गएन। मुला यहोसू ओनकर जिन्नगी बचाएस। यहोसू इस्राएल क लोगन क ओनका मारइ नाहीं दिहस।</verse>
				<verse number="27">यहोसू गिबोन क लोगन क इस्राएल क लोगन क दास बनइ दिहस। उ पचे इस्राएल क लोगन अउ यहोवा क चुने भए जउनो भी ठउर क वेदी बरे लकड़ी काटत अउ पानी भरत रहेन। उ सबइ लोग अब तलक दास अहइँ।</verse>
			</chapter>
			<chapter number="10">
				<verse number="1">इ समइ अदोनीसेदेक यरूसलेम क राजा रहा। इ राजा सुनेस कि यहोसू ऐ क जीतेस ह अउर एका पूरी तरह बरबाद कइ दिहस ह। राजा क इ पता लाग कि यहोसू यरीहो अउ ओकरे राजा क संग भी इहइ किहस ह। राजा क इ भी जानकारी मिली कि गिबोनी लोग इस्राएल क संग सान्ति-सन्धि कइ लिहस ह अउर उ सबइ लोग यरूसलेम क बहोत निचके रहत रहेन।</verse>
				<verse number="2">ऍह बरे अदोनीसेदेक अउ ओकर लोग इ सबइ घटना क कारण बहोत डेरान रहेन। गिबोन ऐ क तरह नान्ह सहर नाहीं रहा। गिबोन एक ठु बहोत बड़ा सहर रहा जेहमाँ राजा रहे रहा। अउर सहर क सबहिं मनसेधू अच्छा जोधा रहेन।</verse>
				<verse number="3">यरूसलेम क राजा अदोनीसेदेक हेब्रोन क राजा होहाम स बातन किहेस। उ यर्मूत क राजा पिराम, लाकीस क राजा यापी, एगलोन क राजा दबीर स भी बातचीत किहस। यरूसलेम क राजा इ मनइयन स पराथना किहस,</verse>
				<verse number="4">“मोरे संग आवइँ अउर गिबोन प हमला करइ मँ मोर मदद करइँ। गिबोन यहोसू अउ इस्राएल क लोगन क संग सान्ति-सन्धि कइ लिहस ह।”</verse>
				<verse number="5">इ तरह पाँच एमोरी राजा लोग फउजन क मिलाएन। (इ सबइ पाँचउ यरूसलेम क राजा, हेब्रोन क राजा, यमूर्त क राजा, लाकीस क राजा, अउर एग्लोन क राजा रहेन।) उ सबइ फउजन गिबोन गइन। फउजन सहर क घेरि लिहन अउ एकरे खिलाफ जुद्ध करब सुरु किहन।</verse>
				<verse number="6">गिबोन सहर मँ बसइयन मनइयन गिलगाल क डेरा मँ यहोसू क खबर भेजेन: “हम पचे तोहर सेवक अही। हम लोगन क अकेल्ले मँ जिन तजा। आवा अउर हमार रच्छा करा। हाली करा। हम पचन्क बचावा। पहाड़ी देसन क सबहिं एमोरी राजा आपन आपन फउजन क एकउट कइ चुका बाटेन अउर हम पचन पइ हमला किहेस।”</verse>
				<verse number="7">ऍह बरे यहोसू गिलगाल स आपन पूरी फउज क संग जुद्ध बरे चला। यहोसू क उत्तिम जोधा ओकरे संग रहेन।</verse>
				<verse number="8">यहोवा यहोसू स कहेस, “ओन फउजन स जिन डेराअ। मइँ तू पचन क ओनका हरावइ देब। ओन फउजन मँ स कउनो भी तू पचन क हरावइ मँ समर्थ नाहीं होइ।”</verse>
				<verse number="9">यहोसू अउ ओकर फउज रात भइ गिबोन कइँती बढ़त रही। दुस्मन क पता नाहीं रहा कि यहोसू आवत अहइ। ऍह बरे जब उ हमला किहस तउ उ पचे चौंक पड़ेन।</verse>
				<verse number="10">यहोवा ओन फउजन क इस्राएल क फउजन क जरिये हमाला क समइ का करइ या न करइ चाही सोच मँ डाइ दिहस। यह बरे इस्राएलियन ओनका हराइके बहोत बड़ी जीत पाइ लिहन। इस्राएलियन पाछा कइके ओनका गिबोन स खदेर दिहन। उ पचे बेथोरोन तलक जाइवाली सड़क तलक ओनकर खदेर दिहन। इस्राएल क फउज अजेका अउ मक्केदा तलक क समूचइ राहे मँ मनसेधुअन क मारेस।</verse>
				<verse number="11">इस्राएल क फउज बेथ-हरोन क जाइवाली सड़क तलक दुस्मनन क खदेर दिहस। जबहिं उ पचे दुस्मनन क खदेरत रहेन तउ यहोवा भारी ओला क बर्खा अजेका तलक अकासे स किहस। बहोत स दुस्मन ऍन भारी ओला क बर्खा स मरि गएन। इ सबइ ओला स ओहसे जियादा दुस्मन मारा गएन जेतना इस्रलियन क तरवारन स मरि ग रहेन।</verse>
				<verse number="12">उ दिना यहोवा इस्राएलियन क जरिये एमोरी लोगन हार जाइ दिहन अउ उ दिन यहोसू इस्राएल क सबहिं क समन्वा खड़ा भवा अउ उ यहोवा स कहेस: “हे सूरज, गिबोन क अकासे मँ खड़ा रहा अउ हट्या जिन। हे चन्द्र, तू अय्यालोन क घाटी क ऊपर अकासे मँ ठाड़ रहा अउ जिन हटा।”</verse>
				<verse number="13">सूरज स्थिर होइ गवा अउ चन्दा भी तबहिं तलक चलब तजि दिहस जब तलक मनइयन आपन दुस्मनन क हराइ नाहीं दिहन। इ फूरे भवा, इ कथा यासार क किताबे मँ लिखी अहइ। सूरज असमान क बीच रुका। इ पूरा दिन हुआँ स नाहीं हटा।</verse>
				<verse number="14">अइसा उ दिन क पहिले कउनो भी समइ कबहुँ नाहीं भवा रहा अउर तब स अब तलक कबहुँ नाहीं भवा बाटइ। उहर दिन रहा, जब यहोवा मनई क बिनती सुनेस। असल मँ यहोवा इस्राएलियन बरे जुद्ध करत रहा।</verse>
				<verse number="15">एकरे पाछे, यहोवा अउ ओकर फउज गिलगाल क डेरा मँ वापस भइ।</verse>
				<verse number="16">जुद्ध क समइ पाँचहु राजा पराइ गएन। उ पचे मक्केदा क निअरे गुफा मँ लुकाइ गएन।</verse>
				<verse number="17">मुला कछु मनइयन ओनका गुफा मँ लुका भवा पाएस। यहोसू क एकरे बारे मँ पता चला।</verse>
				<verse number="18">ऍह बरे उ कहेस, “गुफा क जाइवाला दुआरे क बड़वार सिलन स ढाँपि द्या। कछू मनसेधुअन क गुफा क रखवारी बरे हुआँ रखा।</verse>
				<verse number="19">मुला हुआँ खुद न रहा। दुस्मन क पाछा करत रहा। ओन पइ पाछे स हमला करत रहा। दुस्मनन क आपन सहर तलक सुरच्छित जिन पहोंचइ द्या काहेकि तोहार परमेस्सर यहोवा तू पचन्क ओन पइ विजय दिहेस ह।”</verse>
				<verse number="20">इ तरह यहोसू अउ इस्राएल क मनइयन दुस्मनन क मर डाएन। मुला दुस्मनन मँ स कछू आपन सहरन मँ जाइ सकेन अउ लुकाइ गएन। उ सबइ मनइयन नाहीं मारा गएन।</verse>
				<verse number="21">जुद्ध क पाछे, यहोसू क फउजी मक्केदा मँ ओनके लगे आएन। उ प्रदेस मँ कउनो मँ कउनो भी जाति क लोगन मँ स कउनो भी ऍतना हिम्मती नाहीं रहा कि उ लोगन क खिलाफ कछू कहि सकइ।</verse>
				<verse number="22">यहोसू कहेस, “गुफा क दुआर क रोकइवाली सिलन क हटावा। ओन पाँचउ राजा लोगन क मोरे लगे लिआवा।”</verse>
				<verse number="23">ऍह बरे यहोसू क लोग पाँचउ राजा लोगन क गुफा स बाहेर लिआएन। इ सबइ पाँचउ यरूसलेम, हेब्रोन, यमूर्त, लाकीस अउ एग्लोन क राजा लोग रहेन।</verse>
				<verse number="24">ऍह बरे उ सबइ ओन पाँचउ राजा लोगन क यहोसू क लगे लिआएन। यहोसू आपन सबहिं लोगन क हुआँ आवइ बरे कहेस। यहोसू फउज क अफसरन स कहेस, “हिआँ आवा। ऍन राजा लोगन क गले पइ आपन गोड़ धरा।” ऍह बरे यहोसू क फउज क अफसर लोग निचके आएन। उ पचे राजा लोगन क गले पइ आपन गोड़ धरेन।</verse>
				<verse number="25">तब यहोसू आपन फउजियन स कहेस, “मजबूत अउ हिम्मती बना। डेराअ जिन। मइँ देखाउब कि यहोवा ओन दुस्मनन क संग का करी, जेनसे तू पचे भविस्स मँ जुद्ध करब्या।”</verse>
				<verse number="26">तब यहोसू पाँचउ राजा लोगन क मार डाएस। उ ओनकर ल्हास पाँच ठु बृच्छन पइ लटकाइ दिहस। यहोसू ओनका सूरज बूड़इ तलक हुअँइ लटकत छोड़े रखा।</verse>
				<verse number="27">सूरज बूड़े पइ यहोसू आपन लोगन स ल्हासन क बृच्छन स उतारइ क कहेस। तब उ पचे ओन ल्हासन क उ गुफा मँ बहाइ दिहस, जेहमाँ उ पचे लुकान रहेन। उ पचे गुफा क दुआर क बड़वार पाथर क सिलन स ढाँकि दिहन, जउन आजु तलक हुअँइ अहइँ।</verse>
				<verse number="28">उ दिन यहोसू मक्केदा क हराएस। यहोसू राजा अउ उ सहर क लोगन क मार डाएस। हुआँ कउनो मनई जिअत नाहीं छोड़ा गवा। यहोसू मक्केदा क राजा क संग उहइ किहस जउन उ यरीहो क राजा क संग किहे रहा।</verse>
				<verse number="29">तब यहोसू ऊउ इस्राएल क सबहिं लोग मक्केदा स जात्रा किहन। उ पचे लिब्ना गएन अउर उ सहर पइ हमला किहन।</verse>
				<verse number="30">यहोवा इस्राएल क लोगन क उ सहर अउ ओकरे राजा क हार जाइ दिहस। इस्राएल क लोग उ सहर क हर मनई क मार डाएन। कउनो मनई जिअत नाहीं छोड़ा गवा। यहोसू लिब्नाह क राजा क संग उहइ किहेस जइसा उ पचे यरीहो क राजा क संग किहे रहेन।</verse>
				<verse number="31">तब यहोसू अउ इस्राएल क सबहिं लोग लिब्ना क तजि दिहन अउर उ पचे लाकीस तलक क जात्रा किहन। यहोसू अउ ओकर फउज लिब्ना क चारिहुँ कइँती डेरा डाएस अउर तब उ पचे सहर पइ हमला किहन।</verse>
				<verse number="32">यहोवा इस्राएल क मनइयन क जरीये लाकीस सहर क हार जाइ दिहस। दुसरे दिना उ पचे सहर क हराएन। इस्राएल क मनइयन इ सहर क हर एक मनई क मार डाएन। इ वइस ही रहा जइसा उ लिब्ना मँ किहे रहा।</verse>
				<verse number="33">इहइ समइ गेजेर क राजा होरोम लाकीस क मदद करइ आवा। मुला यहोसू ओका अउ ओकरी फउज क भी हराएस। कउनो मनई जिअत नाहीं छोड़ा गवा।</verse>
				<verse number="34">तब यहोसू अउर इस्राएल क सबहिं लोग लाकीस स एग्लोन गएन। उ पचे एग्लोन क चारिहुँ कइँती डेरा डाएन अउर ओह पइ हमला किहन।</verse>
				<verse number="35">उहइ दिन उ पचे सहर पइ कब्जा किहन अउर सहर क सबहिं लोगन क मार डाएन। इ वइसा ही किहन जइसा उ पचे लाकीस मँ किहे रहेन। उ पचे सहर क बरबाद किहन अउ ओकरे सबहिं मनइयन क मार डाएन।</verse>
				<verse number="36">तब यहोसू अउ इस्राएल क सबहिं लोग एग्लोन स हेब्रोन क जात्रा किहन। उ पचे हेब्रोन पइ हमला किहन।</verse>
				<verse number="37">उ पचे सहर अउ हेब्रोन क निअरे क सबहिं नान्ह कस्बन पइ कब्जा कइ लिहन। इस्राएल क लोग सहर क हर एक मनई क मार डाएन। हुआँ कउनो भी जिअत नाहीं छोड़ा गवा। इ वइसा ही रहा जइसा उ पचे एग्लोन मँ किहे रहेन। उ पचे सहर क बरबाद किहन अउ ओकर सबहिं मनइयन क मार डाएन।</verse>
				<verse number="38">तब यहोसू अउ इस्राएल क सबहिं लोग दबीर क गएन अउर उ सहर पइ हमला किहन।</verse>
				<verse number="39">उ पचे उ सहर, ओकर राजा अउ दबीर क निअरे क सबहिं कस्बन क जीत लिहन। उ पचे उ सहर क सबहिं लोगन क मार डाएन। हुआँ कउनो जिअत नाहीं छोड़ा गवा। इस्राएल का मनइयन दबीर अउ ओकरे राजा क संग उहइ किहन जउन उ पचे हेब्रोन अउ ओकरे राजा क संग किहे रहेन। इ वइसा ही रहा जइसा उ पचे लिब्ना अउ ओकरे राजा क संग किहे रहेन।</verse>
				<verse number="40">इ तरह यहोसू पहाड़ी देस नेगेव पच्छिमी अउ पूर्वी पहाड़ियन क तराई क सहरन क राजा लोगन क हराएन। इस्राएल क परमेस्सर यहोवा यहोसू स सबहिं लोगन क मारि डावइ क हुकुम दिहे रहा। ऍह बरे यहोसू ओन जगहियन पइ कउनो क जिअत नाहीं छोड़ेस।</verse>
				<verse number="41">यहोसू कादेसबर्ने स अज्जा तलक क सबहिं सहरन पइ कब्जा कइ लिहस। उ गोसेन क भुइँया स लइके गिबोन तलक क सबहिं सहरन पइ कब्जा कइ लिहस।</verse>
				<verse number="42">यहोसू एक अभियान मँ ओन सहरन अउ ओनके राजा लोगन क जीत लिहस। यहोसू इ ऍह बरे किहस कि इस्राएल क परमेस्सर यहोवा इस्राएल बरे लड़त रहा।</verse>
				<verse number="43">तब यहोसू अउ इस्राएल क सबहिं लोग गिलगाल क आपन डेरा मँ लउटि आएन।</verse>
			</chapter>
			<chapter number="11">
				<verse number="1">हासेर क राजा, याबीन जउन कछू भवा ओकरे बारे मँ सुनेस। ऍह बरे उ कइउ राजा लोगन क फउजन क एक संग बोलावइ क निर्णय लिहस। याबीन मादोन क राजा योबाब, सिम्रोन क राजा, अच्छाप क राजा अउर</verse>
				<verse number="2">उत्तर क पहाड़ी देस क अउ रेगिस्ताने क सबहिं सासकन लोगन क लगे संदेसा पठएस। याबीन किन्नेरेत क दक्खिन क राजा लोगन, नेगेव अउ पच्छिम निची पहाड़ियन क राजा लोगन क आपन सँदेसा पठएस। उ पच्छिम मँ नफोथ दारे क राजा क भी सँदेसा पठएस।</verse>
				<verse number="3">याबीन पूरब अउ पच्छिम क कनानी लोगन क राजा लोगन क लगे सँदेसा पठएस। उ पहाड़ी प्रदेसन मँ बसइयन एमोरी, हित्तियन, परिज्जयन अउ यबूसियन क लगे सँदेसा पठएस। उ मिस्पा पहँटा क हेमोर्न पहाड़ क नीचे बसइयन हिव्वी लोगन क भी सँदेसा पठएस।</verse>
				<verse number="4">ऍह बरे ऍन सबहिं राजा लोगन क फउजन एक संग आइन। हुआँ अनेक जोधा, घोड़न अउ रथ रहेन। उ बहोत बड़वार फउज रही, उ अइसी देखाइ पड़त रही, मान ल्या ओहमाँ ऍतना फउजी रहेन जेतना समुद्दर क किनारे बालू क कण।</verse>
				<verse number="5">इ सबइ राजा छोटकी नदी मेरोम क निअरे बदुर गएन। उ पचे आपन फउजन क एक डेरा मँ बटोरेन। उ पचे इस्राएल क खिलाफ जुद्ध करइ क योजना बनाएन।</verse>
				<verse number="6">तब यहोवा यहोसू स कहेस, “उ फउज स जिन डेराअ। भियान इहइ समइ, मइँ तू पचन्क ओनका हरावइ देब। तू पचे ओन सबहिं क मार डउब्या। तू पचे ओनकइ घोड़न क लगड़ा लूला करइ देब्या। अउ ओनकर सबहिं रथन क बार डउब्या।”</verse>
				<verse number="7">यहोसू अउ ओकर पूरी फउज एकाएक हमला कइके ओनका चौंकाइ दिहस। उ पचे मेरोम नदी पइ दुस्मनन पइ हमला किहन।</verse>
				<verse number="8">यहोवा इस्राएलियन क ओनका हरावइ दिहस। इस्राएल क फउज ओनका हराएस अउर ओनकर पूरब मँ वृहत्तर सीदोन, मिस्रपोत-मैम अउ मिस्पा क घाटी तलक पाछा किहस। इस्राएल क फउज ओनसे तब तलक जुद्ध करत रही जब तलक दुस्मनन मँ स कउनो भी मनई जिअत न बचा।</verse>
				<verse number="9">यहोसू उहइ किहस जउन यहोवा कहे रहा कि उ करी यानी यहोसू ओनकइ घोड़न क टँगियन काटेस अउ ओनकर रयन क बारेस।</verse>
				<verse number="10">तब यहोसू लउटा अउ हासोर सहर पइ कब्जा किहस। यहोसू हासोर क राजा क मार डाएस। (हासोर ओन सबहिं राज्यन मँ प्रमुख रहा जउन इस्राएल क खिलाफ लड़ा रहेन।)</verse>
				<verse number="11">इस्राएल क फउज उ सहर क हर एक क मार डाएस। उ पचे सब लोगन क पूरी तरह बरबाद कइ दिहन। हुआँ कछू भी जिअत नाहीं रहइ दीन्ह गवा। तब उ पचे सहर क जराइ दिहन।</verse>
				<verse number="12">यहोसू इ सबइ सहरन पइ कब्जा किहस। उ ओनके सबहिं राजा लोगन क मार डाएस। यहोसू इ सबइ सहरन क हर एक चीज क पूरी तरह बरबाद कइ दिहस। उ इ यहोवा क सेवक मूसा जइसा हुकुम दिहे रहा वइसा ही किहस।</verse>
				<verse number="13">मुला इस्राएल क फउज कउने भी अइसे सहर क नाहीं जराएस जउन पहाड़ी पइ बना रहा। उ पचे पहाड़ी पइ बने सिरिफ एक ठु हासोर सहर क जराएस। इ उ सहर रहा, जेका यहोसू बारेस।</verse>
				<verse number="14">इस्राएल क मनइयन उ सबइ चिजियन क आपन लगे धरेन, जउन ओनका उ सहरन मँ स मिलिन। उ पचे ओन जनावरन क अपन लगे धरेन, जउन ओनका सहर मँ मिलेन। मुला उ पचे हुआँ क सबहिं मनइयन क मार डाएन। उ पचे कउनो मनई क जिअत नाहीं छोड़ेन।</verse>
				<verse number="15">यहोवा बहोत पहिले आपन सेवक मूसा क इ करइ क हुकुम दिहे रहा। तब मूसा यहोवा क इ करइ क हुकुम दिहे रहा। इ तरह यहोसू यहोवा क आग्या पूरा किहस।</verse>
				<verse number="16">काहेकि उ ओन चिजियन मँ स कछु भी नाहीं लिहस जउन का यहोवा लइ क हुकुम नाहीं दिहे रहा। इ तरह यहोसू इ पूरे देस क सबहिं लोगन क हराइ दिहस। पहाड़ी प्रदेस, नेगेव-छेत्र, सारा गोसोन-छेत्र, पच्छिमी निची पहाड़ियन क प्रदेस, यरदन घाटी, इस्राएल क पहाड़ अउ ओनकर निचके क पहाड़ियन पइ ओकर अधिकार होइ गवा रहा।</verse>
				<verse number="17">यहोसू क अधिकार सेईर क निअरे हालाक पहाड़े स लइके हेर्मोन पहाड़े क खाले लबानोन क घाटी मँ बालगाद तलक क प्रवेस पइ होइ ग रहा। उ राजा लोगन क गिरफतार कइ क मरि दिहे रहा।</verse>
				<verse number="18">यहोसू ओन राजा लोगन स कइउ बरिस लड़ा।</verse>
				<verse number="19">उ पूरा देस मँ सिरिफ एक सहर इस्राएल क संग सान्ति-संधि किहेस। उ हिब्बी लोगन क सहर गिबोन रहा। दूसर सबहीं सहर जुद्ध मँ हार गएन।</verse>
				<verse number="20">यहोवा चाहत रहा कि उ सबइ लोग सोचइँ कि उ पचे सक्तीसाली रहेन। तब उ पचे इस्राएल क खिलाफ लड़िहीं। इ तरह उ पचे बगैर दाया क ओनका बरबाद कइ सकत रहेन, जउने तरह यहोवा मूसा क करइ क हुकुम दिहे रहा।</verse>
				<verse number="21">अनाकी लोग हेब्रोन, दबीर, अनाब अउ यहूदा अउर इस्राएल क छेत्रन क पहाड़ी प्रदेस मँ रहत रहेन। यहोसू इ सबइ अनाकी लोगन क खिलाफ लड़ा। यहोसू इ लोगन अउ इ सबन्क सहरन क पूरी तरह बरबाद कइ दिहस।</verse>
				<verse number="22">हुआँ कउनो भी अनाकी मनई इस्राएल मँ जिअत न छोड़ा गवा। जउन अनाकी लोग छोड़ दीन्ह ग रहेन, उ सबइ अज्जा, गत अउर असदोद मँ रहेन।</verse>
				<verse number="23">यहोसू पूरा इस्राएल प्रदेस पइ कब्जा कइ लिहस। इ बात क यहोवा मूसा स बहोत पहिले ही कहि दिहस। यहोवा उ इ देस इस्राएल क ऍह बरे देहस काहेकि उ ऍनकइ बरे वचन दिहे रहा। तब यहोसू इस्राएल क परिवार समूहन मँ उ प्रदेस क बाँट दिहस तब जुद्ध बन्द भवा अउ अखिरी रुप मँ सान्ति कायम होइ गइ।</verse>
			</chapter>
			<chapter number="12">
				<verse number="1">इस्राएल क लोग यरदन नदी क पूरब क भुइँया पइ कब्जा कइ लिहन। ओनकइ अधिकार मँ अब अर्नोन क संकरी घाटी स हेर्मोन पहाड़े तलक क भुइँया अउ यरदन घाटी क पूरब क सारा प्रदेस रहा। इ देस क लेइ बरे इस्राएल क लोग जउन राजा लोग क हराएन ओनकइ इ सूची अहइ:</verse>
				<verse number="2">हेसबोन सहर मँ बसइयन एमोरी लोगन क राजा सीहोन अर्नोन क सँकरी घाटी पइ अरोएर स लइके यब्बोक नदी तलक क प्रदेस पइ सासन करत रहा। ओकर प्रदेस उ दर्रा क बीच स सुरु होत रहा। अम्मोनी लोगन क संग इ ओनकर चउहद्दी रही। सीहोन गिलाद क आधा प्रदेस पइ हुकूमत करत रहा।</verse>
				<verse number="3">उ गिलगाल स मृत सागर (खारा सागर) तलक यरदन क पूरब क प्रदेस पइ भी सासन करत रहा अउ बेत्यसीमोत स दक्खिन पिसगा क पहाड़ियन तलक सासन करत रहा।</verse>
				<verse number="4">बासान क राजा ओग रपाई लोगन संतान रहा। ओग असतारेात अउ एद्रेई मँ सासन करत रहा।</verse>
				<verse number="5">ओग हेर्मोन पहाड़, सलका सहर, अउ बासान क समूचइ छेत्र पइ सासन करत रहा। ओकरे प्रदेस क चउहद्दी हुआँ तलक जात रही जहाँ गसूर अउ माका लोग रहत रहेन। ओग गिलाद क आधा भाग पइ सासन करत रहा। इ प्रदेस क सीमा क आखीर हेसबोन क राजा सीहोन क प्रदेस पइ होत रहा।</verse>
				<verse number="6">यहोवा क सेवक मूसा अउ इस्राएल क लोग इ सबहिं राजा लोगन क हराएन अउ मूसा उ प्रदेस क रूबेन क परिवार समूह, गाद क परिवार समूह अउ मनस्से क परिवार समूह क आधा लोगन क दिहस। मूसा इ प्रदेस ओनका आपन कब्जा मँ रखइ बरे दिहस।</verse>
				<verse number="7">इस्राएल क लोग उ प्रदेस क राजा लोगन क भी हराएन, जउन यरदन नदी क पच्छिम मँ रहा। यहोसू लोगन क इ प्रदेस मँ लइ गवा। यहोसू लोगन क इ पहँटा दिहस अउर एका साढ़े नौ परिवार समूहन मँ बाटेस। इ उ देस रहा जेका ओनका देइ बरे यहोवा वचन दिहे रहा। इ प्रदेस लबानोन क घाटी मँ बालगात अउ सेईर क निअरे हालाक पहाड़े क बीच रहा।</verse>
				<verse number="8">एहमाँ पहाड़ी देस, पच्छिम क तराई क प्रदेस, यरदन घाटी, पूर्बी पहा़डियन, रेगिस्तन अउ नेगेव सामिल रहेन। इ उ प्रदेस रहा जेहमाँ हित्ती, एमोरी, परिज्जी, कनानी, अब्बी अउर यबूसी लोग रहत रहेन। जउन लोगन क इस्राएल क लोग हराएन ओनकर सूची इ बाटइ:</verse>
				<verse number="9">यरीहो क राजा ऐ क राजा बेतेल क निअरे</verse>
				<verse number="10">यरूसलेम क राजा हेब्रोन क राजा</verse>
				<verse number="11">यर्मूत क राजा लाकीस क राजा</verse>
				<verse number="12">एग्लोन क राजा गेजेर क राजा</verse>
				<verse number="13">दबीर क राजा गेदेर क राजा</verse>
				<verse number="14">होर्मा क राजा अराद क राजा</verse>
				<verse number="15">लिब्ना क राजा अदुल्लाम क राजा</verse>
				<verse number="16">मक्केदा क राजा बेतेल क राजा</verse>
				<verse number="17">तप्पूह क राजा हेपेर क राजा</verse>
				<verse number="18">अपेक क राजा लरसारोन क राजा</verse>
				<verse number="19">मादोन क राजा हासोर क राजा</verse>
				<verse number="20">सिम्रोन मरोन क राजा अच्छाप क राजा</verse>
				<verse number="21">तानाक क राजा मगिद्दो क राजा</verse>
				<verse number="22">केदेस क राजा कर्मेल मँ योकनाम क राजा</verse>
				<verse number="23">दोर क पर्वत मँ दोर क राजा गिलगाल मँ गोयीम क राजा</verse>
				<verse number="24">तिर्सा क राजा सब मिलाइके राजा लोगन क संख्याँ रहेन 31</verse>
			</chapter>
			<chapter number="13">
				<verse number="1">जब यहोसू बहोतइ बुढ़वा होइ गवा तउ यहोवा ओहसे कहेस, “यहोसू तू बुढ़वा होइ ग अहा, मुला अबहिं तोहका बहोत स भुइँया पइ कब्जा करइ क बाटइ।</verse>
				<verse number="2">तू अबहिं तलक गसूर लोगन क भुइँया अउर पलिस्तियन क भुइँया नाहीं लिह्या ह।</verse>
				<verse number="3">तू मिस्र क चउहद्दी पइ सिहोर नदी स लइके उत्तर मँ एकोन चउहद्दी तलक क छेत्र नहीं लिह्या ह। उ उबहिं तलक कनानी लोगन क अहइ। तू पचन्क अज्जा, असदोद, असकलोन, गत अउ एकोन पाँचहूँ पलिस्ती क प्रमुख्य सहरन क हराउब अहइ। तू पचन्क ओन अब्बी लोगन्क हरावइ चाही,</verse>
				<verse number="4">जउन कनान क सारे भुइँया क दक्खिन मँ अउर मिराह मँ जउन कि सिदोनी लोगन, अफेक क अधिकार मँ अहइ अउर अमोरी लोगन सरहद तलक क भुइँया मँ रहत हीं।</verse>
				<verse number="5">तू अभी तलक गबाली लोगन्क छेत्र क नाहीं हराया ह अउर बालगाद क पूरब अउ हेर्मोन पहाड़े क घाटी हमाथ क प्रवेस दुआर तलक क बीच क अलबानोन क छेत्र भी अभी तलक हराइ क बचा भवा अहइ।</verse>
				<verse number="6">“सिदोन क लोग लबानोन स मिस्रपोतमैम तलक पहाड़ी प्रदेस मँ रहत अहइँ। मुला मइँ इस्राएल क लोगन बरे इ सबहिं क दबाइके निकारि बाहेर करब। जब तू इस्राएल क लोगन मँ भुइँया बाँट्या, तु इ प्रदेस क निहचय ही सुमिर लिह्या। ऍका वइसेन ही करा जइसेन मइँ कहेउँ ह।</verse>
				<verse number="7">अब, तू भुइँया क नौ परिवार समूह अउ मनस्से क आधा परिवार समूह क मँ बाटा।”</verse>
				<verse number="8">मइँ मनस्से क आधा परिवार समूह क लोगन क पहिले ही भुइँया दइ दीन्ह ह। मइँ रूबेन क परिवार समूह अउ गाद क परिवार समूह क भी पहिले ही भुइँया दइ दीन्ह ह। यहोवा क सेवक मूसा यरदन नदी क पूरब क प्रदेस ओनका दिहस।</verse>
				<verse number="9">मूसा जउन भुइँया यरदन नदी क पूरब मँ ओनका दिहे रहा, उ इ अहइ: इ भुइँया क भीतर दीबोन स मेदबा तलक क पूरा मइदान आवत ह। इ भुइँया अर्नान सँकरी घाटी स सुरु होत ह। इ भुइँया घाटी क बीच सहर तलक लगातार फइली अहइ।</verse>
				<verse number="10">एमोरी लोगन क राजा सीहोन जउने सहरन पइ सासन करत रहा, उ पचे इ भुइँया मँ रहेन। उ राजा हेसबोन सहर मँ सासन करत रहा। उ भुइँया लगातार उ छेत्र तलक रही जेहमाँ एमोरी लोग रहत रहेन।</verse>
				<verse number="11">गिलाद सहर भी अहइ भुइँया मँ रहा। गसूर अउ माका लोग जउनो छेत्र मँ रहत रहेन उ उहइ भुइँया मँ रहा। सारा हेर्मोन पहाड़ अउर सल्का तलक सारा बासान उ भुइँया मँ रहा।</verse>
				<verse number="12">राजा ओग क सारा राज्ज उहइ भुइँया मँ रहा। राजा ओग बासान मँ सासन करत रहा। पहिले उ आसतरोत अउ एदेई मँ सासन करत रहा। ओग रपाइ लोगन मँ स रहा। मूसा ओन लोगन क हराए रहा अउर ओनका प्रदेस लइ लिहे रहा।</verse>
				<verse number="13">इस्राएल क लोग गसूर अउर माका लोगन क जबरदस्ती निकारिके बाहेर नाहीं कइ सकेन। उ सबइ लोग अब तलक आजु भी इस्राएल क लोगन क संग रहत रहेन।</verse>
				<verse number="14">सिरिफ लेवी क परिवार समूह ही अइसा रहा जेका कउनो भुइँया नाहीं मिली। ओकरे बदले ओनका उ सबइ भेंटन मिलिन जेका इस्राएल क परमेस्सर यहोवा क चढ़ाई जात रहिन। यहोवा लेवी परिवार समूह क सन्तानन क इ वचन दिहे रहा।</verse>
				<verse number="15">मूसा रूबेन क परिवार समूह स हर एक परिवार समूह क कछू भूइँया दिहस। इ भुइँया अहइ जेका उ पचे पाएन</verse>
				<verse number="16">अर्नोन क सँकरी घाटी क निअरे अरोएर स लइके मेदबा सहर तलक क भुइँया। एहमाँ सारा मइदान अउ दर्राक बीचक सहर सामिल रहा।</verse>
				<verse number="17">इ भुइँया हेसबोन तलक लगातर फइली रही। इ भुइँया मँ मइदान क सबहिं सहर रहेन। इ सबइ सहर दीबोन, बोमोतबाल, बेतबालमोन,</verse>
				<verse number="18">यहसा, कदेमोत, मेपात,</verse>
				<verse number="19">किर्यातैम, सिबमा, इ मँ घाटी क सहरन सेरेध-साहार,</verse>
				<verse number="20">बेतपोर, पिसगा क पहाड़ियन अउ बेत्यसीमोत सामिल रहेन।</verse>
				<verse number="21">इ भुइँया मँ मइदान क सबहिं सहर अउ एमोरी लोगन क राजा सीहोन जउने छेत्रन पइ सासन किहे रहा उ सबइ छेत्र रहा। उ राजा हेसबोन पइ सासन किहे रहा। मुला मूसा ओका अउर मिद्यानी लोगन क हराए रहा। उ सबइ लोग एवी, रेकेम, सूर, हूर अउर रेबा रहेन। (इ सबइ नेतन जउन उ देस मँ रहत रहेन सीहोन क संग जुद्ध करत रहेन।)</verse>
				<verse number="22">इस्राएल क लोग बारे क पूत बिलाम क मारेन। (बिलाम भविस्सबाणी बरे जादू क उपयोग करइ क जतन किहस।) इस्राएल क लोग जुद्ध मँ अनेक लोगन क मारेन।</verse>
				<verse number="23">जउन पहँटा रूबेन क दीन्ह ग रहा, ओकर अन्त यरदन नदी क किनारे पइ होत रहा। ऍह बरे इ भुइँया रूबेन क परिवार समूहन क दइ दीन्ह गइ, एहमाँ इ सबइ सहर अउ सूची मँ लिखे भए सबहिं खेत सामिल रहेन।</verse>
				<verse number="24">मूसा गाद क परिवार समूह क भुइँया क गाद कबिलन क बीच मँ बाँटे दिहस।</verse>
				<verse number="25">गाद क प्रदेस याजेर क पहाँटा अउ गिलाद क सबहिं नगर मँ रहेन। मूसा ओनका अम्मोनी लोगन क भुइँया का आधा हींसा रब्बा क निअरे अरोएर तलक भी दिहे रहा।</verse>
				<verse number="26">इ प्रदेस मँ हेसबोन रामतमिस्पे अउ बेतोनीम क छेत्र सामिल रहेन। इ प्रदेस मँ महनैम स दबीर तलक क छेत्र सामिल रहेन।</verse>
				<verse number="27">एहमाँ बेथारम क घाटी, बेत्रिम्रा, सुक्कोत अउर सापोन सामिल रहेन। बाकी क उ समूचा हींसा जेह पइ हेसबोन क राजा सीहोन सासन किहे रहा, एहमाँ सामिल रहा। इ भुइँया यरदन नदी क पूरब कइँती अहइ। इ भुइँया लगातार गलील झिलिया क आखीर तलक फइली अहइ।</verse>
				<verse number="28">इ सारा पहँटा उ अहइ जेका मूसा गाद क परिवार समूह क दिहे रहा। इ भुइँया मँ इ सबइ देस रहेन जउन सूची मँ अहइँ। मूसा उ भुइँया हर एक कबिलन क बांटे दिहस।</verse>
				<verse number="29">मूसा मनस्से क आधा परिवार समूह क कबिलन क बीच मँ भी भुइँया बांटे रहा। मनस्से क परिवार समूह क कबिलना इ भुइँया पाएन:</verse>
				<verse number="30">भुइँया महनैम स सुरु भइ। एहमाँ उ पूरा बासान यानी जउन सारा प्रदेस पइ बासान क राजा ओग सासन करत रहा अउर बासान मँ याइर क सबहिं सहर सामिल रहेन। (सब मिलाइके साठ सहर रहेन।)</verse>
				<verse number="31">इ भुइँया मँ आधा गिलाद, अस्तारोत अउ एदेई सामिल रहेन। (गिलाद, अस्तारोत अउ एदेई उ सबइ सहर रहेन जेहमाँ ओग रहत रहा।) इ सारा प्रदेस मनस्से क पूत माकीर क परिवार क दीन्ह गएन। ऍन आधा पूतन इ पहँटा क पाएन।</verse>
				<verse number="32">मूसा मोआब क मइदान मँ इ सबइ परिवार समूह क इ पूरी भुइँया दिहस। इ यरीहो क पूरब मँ यरदन नदी क पार रही।</verse>
				<verse number="33">मुला मूसा लेवी परिवार समूह क कउनो भुइँया नाहीं दिहस। इस्राएल क परमेस्सर यहोवा इ वचन दिहस कि उ खुद लेवी क परिवार समूह क भेंट क रुप मँ होइ।</verse>
			</chapter>
			<chapter number="14">
				<verse number="1">याजक एलीआज़ार, नून क पूत यहोसू अउ इस्राएल क परिवार समूह क प्रमुख लोग निहचय किहन कि उ पचे कउने भुइँया क कउन लोगन क दिहन। इ सारी भुइँया यरदन नदी क पच्छिम कइँती कनान मँ रहेन।</verse>
				<verse number="2">यहोवा उ ढंग मूसा क बहोत पहिले बताइ दिहे, जउने ढंग स उ चाहत रहा कि लोग आपन भुइँया चुनइँ। साढ़े नौ परिवार समूह क लोग कउन स भुइँया उ पचे पइहीं ऍकर निहचय करइ बरे गोट डाएन।</verse>
				<verse number="3">मूसा अढ़ाई परिवार समूहन क ओनकर भुइँया ओनका यरदन नदी क पूरब मँ दइ दिहे रहा। मुला लेवी क परिवार समूह क दूसर लोगन क तरह कउनो भी भुइँया नाहीं मिली।</verse>
				<verse number="4">बारह परिवार समूहन क आपन खुद क भुइँया दइ दीन्ह गइ। यूसुफ क पूत दुइ परिवार-समूहन-मनस्से अउ एप्रैम मँ बँट ग रहेन अउर हर एक परिवार समूह कछु भुइँया पाइ लिहस। मुला लेवी क परिवार समूह क कबिलन क कउनो भुइँया नाहीं दीन्ह गइ। ओनका रहइ बरे कछू सहर दीन्ह ग रहेन अउर इ सबइ सहर हर एक परिवार-समूह क भुइँया मँ रहेन। ओनका जनावरन बरे खेत भी दीन्ह ग रहेन।</verse>
				<verse number="5">यहोवा मूसा क बताइ दिहे रहा कि उ कउने ढंग स इस्राएल क परिवार समूहन क भुइँया देइ। इस्राएल क लोग उहइ ढंग स भुइँया क बाँटेन, जउने ढंग स बाँटइ बरे यहोवा क हुकुम रहा।</verse>
				<verse number="6">एक दिन यहूदा परिवार समूह क लोग गिलगाल मँ यहोसू क लगे गएन। ओन लोगन मँ कनजी यपुन्ने क पूत कालेब रहा। कालेब यहोसू स कहेस, “कादेसबर्ने मँ यहोवा जउन बातन कहे रहा। तोहका याद अहइ। यहोवा आपन सेवक बातन करत रहा। यहोवा तोहरे अउ मोरे बारे मँ बात करता रहा।</verse>
				<verse number="7">यहोवा क सेवक मूसा मोका उ भुइँया क जासूसी करइ बरे पठएस जहाँ हम पचे जात रहे। उ समइया मइँ चालीस बरिस क रहेउँ। जब मइँ लउटेउँ तउ मूसा क मइँ उ बताएउँ, जउन मइँ उ भुइँया क बारे मँ अनुभव राखत रहेउँ।</verse>
				<verse number="8">मुला जउन दूसर मनई मोरे संग गए रहेन उ पचे ओनसे अइसी बातन किहन जेहसे लोग डेराइ गएन। मुला मइँ यहोवा क हुकुमन क वफादारी स पालन किहस।</verse>
				<verse number="9">ऍह बरे मूसा वचन दिहस, ‘जउने देस मँ तू गए रह्या उ तोहार होइ। उ देस सदा तोहरे गदेलन क होइ। मइँ उ छेत्र तोहका देब, काहेकि तू यहोवा मोरे परमेस्सर पइ पूरा भरोसा किह्या ह।’</verse>
				<verse number="10">“अब, सोचा कि उ समइ स यहोवा जइसा कहे रहा उहइ तरह मोका पैंतालीस बरिस तलक जिअत रखेस ह। उ समइ हम सब रेगिस्तान मँ भटकत रहेन। अब, मइँ पचासी बरिस क होइ गवा हउँ।</verse>
				<verse number="11">मइँ अबहुँ भी ओतना ही सकतीसाली हउँ जेतना सक्तीसाली मइँ उ समइ रहेउँ, जब मूसा मोका पठए रहा। मइँ ओन दिनन क तरह अब भी जुद्ध करइ क तइयार अहउँ।</verse>
				<verse number="12">ऍह बरे उ पहाड़ी देस मोका दइ द्या जेका यहोवा बहोत पहिले उ दिन मोका देइ क वचन दिहे रहा। उ समइ तोहका पता लाग रहा कि सहर बहोत बड़ा अउर किलेदार रहेन अउ ओन दिनन सक्तीसाली अनाकी लोग ओन सहरन पइ सासन करत रहेन। मुला अब यहोवा मोरे संग अहइ अउर मइँ उ प्रदेस क वइसेन ही लइ लेब जइसा यहोवा कहेस ह।”</verse>
				<verse number="13">यहोसू यपुन्ने क पूत कालेब क आसीर्बाद दिहस। यहोसू हेब्रोन सहर क ओकरे अधिकार मँ दइ दिहस।</verse>
				<verse number="14">अउर उ सहर अब भी कनजी यपुन्ने क पूत कालेब क परिवार क अहइ। उ प्रदेस अब तलक ओकरे लोगन क अहइ काहेकि, उ इस्राएल क परमेस्सर यहोवा क आग्या मानेस अउर ओह पइ पूरा बिस्सास किहस।</verse>
				<verse number="15">पहिले इ सहर क नाउँ किर्यतर्बा रहा। सहर क नाउँ अनाकी लोगन क सब त महान अर्बा नाउँ क मनई क नाउँ पइ रखा गवा रहा। एकरे पाछे, उ देस मँ सान्ति रही।</verse>
			</chapter>
			<chapter number="15">
				<verse number="1">यहूदा क जउन प्रदेस दीन्ह गवा उ ओकरे सारे कबिलन क बीच मँ बँटा। उ प्रदेस एदोम क छेत्र तलक अउर सीन क रेगिस्तान मँ ऍका सबइ त दक्खिन छेत्र तलक फइला रहा।</verse>
				<verse number="2">यहूदा क प्रदेस क दक्खिनी सीमा मृत सागर क दक्खिनी छोर स सुरु होत रही।</verse>
				<verse number="3">इ सीमा बिच्छू दर्रा क दक्खिन तलक जात रही अउर सीन तलक बढ़ी भइ रही। तब इ सीमा कादेसबर्ने क दक्खिन तलक लगातार गइ रही। इ सीमा हेस्रोन क आगे अद्दार तलक चलत चली गइ रही। अद्दार स चउहद्दी मुड़त रही अउर कर्काआ तलक गइ रही।</verse>
				<verse number="4">इ सीमा अम्मोन स होत भइ मिस्र क नहर तलक लगातार चलिके अन्त मँ भूमध्य सागर तलक पहोंचत रही। उ प्रदेस, प्रदेस क दक्खिनी सीमा बनावत रही।</verse>
				<verse number="5">उ प्रदेस क पूर्बी सीमा मृत सागर (खारा समुद्दर) क किनारे स सुरू होत रही जहाँ पइ यरदन नदी समुद्र मँ गिरत रही। उत्तरी सीमा उ छेत्र स सुरू होत रही जहाँ यरदन नदी मृत सागर मँ गिरत रही।</verse>
				<verse number="6">तब उत्तरी सीमा बेथोग्ला स होत भइ गएन अउर बोहन चट्टान (बोहन रूबेन क पूत रहा।) होत भइ उत्तरी बेतराबा तलक चली गइ रही।</verse>
				<verse number="7">तब उत्तरी सीमा आकोर क घाटी स होइके दबीर तलक गइ रही। हुआँ सीमा उत्तर क मुड़ि जात रही अउर गिलगाल तलक जात रही। गिलगाल उ सड़क क पार अहइ जउन अदुम्मीम पहाड़े स होइके जात ह जउन कि घाटी क दक्खिन कइँती अहइ। इ सीमा एनसेमेस पानी क बहाव क संग लगातार गइ रही। एन रोगेल पइ सीमा खतम रही।</verse>
				<verse number="8">तब इ सीमा यबूसी सहर क दक्खिन कइँती स बेन हिन्नोम घाटी स होइके गइ रही। उ यबूसी सहर क यरूसलेम कहा जात रहा। (उ जगह पइ सीमा हिन्नोम घाटी क उतरी छोर प रही।)</verse>
				<verse number="9">तब सीमा पहाड़ क चोटी पइ स नेप्तोह क पानी क झील तलक जात रही। ओकरे पाछे सीमा एप्रोन पहाड़े क निचके क सहरन तलक जात रही। उ जगह पइ सीमा मुड़त रही अउर बाला क जात रही जो कि किर्यत-यारीम अहइ।</verse>
				<verse number="10">बाला स सीमा पच्छिम कइँती मुड़ी अउर सेईर क पहाड़ी देस क गइ। यारीम पहाड़े क उत्तर क छोर तलक सीमा चलत रही (एका कासालोन भी कहा जात ह) अउर बेतसमेस तलक गइ। हुआँ स सीमा तिम्ना क पार गइ।</verse>
				<verse number="11">तब इकरोन क उत्तरी छोर मँ क गइ। तब उ जगह स सीमा सिक्करोन क मुड़ी अउर बाला पर्वत क पार गइ। इ सीमा लगातार यब्नेल तलक गइ अउर भूमध्य सागर पइ खतम भइ।</verse>
				<verse number="12">भूमध्य सागर यहूदा प्रदेस क पच्छिमी सीमा पइ रहा। इ सबइ यहूदा क प्रदेस सीमा रहेन। यहूदा क परिवार समूह इ प्रदेस मँ रहत रहा।</verse>
				<verse number="13">यहोवा यहोसू क आदेस दिहे रहा कि उ यपुन्ने क पूत कालेब क यहूदा क भुइँया मँ स हींसा देइ। ऍह बरे यहोसू कालेब क उ प्रदेस दिहस जेकरे बरे परमेस्सर आदेस दिहे रहा। यहोसू ओका किर्यत-अर्बा क सहर दिहस (जउन हेब्रोन भी कहा जात रहा)। (अर्बा अनाक क बाप रहा।)</verse>
				<verse number="14">कालेब तीन अनाक परिवारन क हेब्रोन, जहाँ उ पचे रहत रहेन, छोड़ देइ क मजबूर किहस। उ सबइ परिवार रहेन: सेसाइ, अहीमन अउ तल्मै। उ सबइ अनाक क परिवार क रहेन।</verse>
				<verse number="15">कालेब दबीर मँ रहइवाले लोगन स लड़ा। (पुराने जमाना मँ दबीर भी किर्यत्सेपेर कहा जात रहा।)</verse>
				<verse number="16">कालेब कहेस, “कउनो मनई जउन किर्यत्सेपेर पइ हमला करी अउर उ सहर क जीत लइ, उहइ मोर बिटिया अकसा स बियाह कइ सकी। इ ओकरे बरे एक भेंट होब्य।”</verse>
				<verse number="17">कालेब क भाई कनजी क पूत ओत्नीएल उ सहर क हराएस। ऍह बरे कालेब आपन बिटिया अकसा क ओका आपन पत्नी होइ बरे कन्यादान दिहस।</verse>
				<verse number="18">ओत्नीएल अकसा स कहेस कि उ आपन बाप स कछू जियादा भुइँया माँगइ। अकसा आपन बाप क लगे गइ। जब उ आपन गदहा स उतरी तउ ओकर बाप ओहसे पूछेस, “तू का चाहति अहा?”</verse>
				<verse number="19">अकसा जवाब दिहस, “मइँ आपन एक ठु आसीर्बाद पावइ चाहत हउँ। मइँ पानीवाली भुइँया चाहत हउँ जउन भुइँया आप मोका जेगेब मँ दिहा ह, उ बहोत झुरान अहइ, ऍह बरे मोका अइसी भुइँया द्या जेहमाँ पानी क सोता होइँ।” ऍह बरे कालेब ओका भुइँया क ऊपरी अउ खाले क हींसा मँ सोतन क साथ भुइँया दिहस।</verse>
				<verse number="20">यहूदा क परिवार समूह उ भुइँया पाएस जेका परमेस्सर ओका देइ क वचन दिहे रहा। हर एक कबीला समूह भुइँया क हींसा पाएस।</verse>
				<verse number="21">यहूदा क कबीला दक्खिन मँ सबइ सहरन क पाएस। इ सबइ सहर एदोम क प्रदेस क निचके रहेन। इ सबइ रहेन: कबसेल, एदेर, यागूर,</verse>
				<verse number="22">कीना, दीमोना, अदादा,</verse>
				<verse number="23">केदेस, हासोर, यित्नान,</verse>
				<verse number="24">जीप, तेलेम, बालोत,</verse>
				<verse number="25">हासोर्हदत्ता, करिय्योत-हेस्रोन (हासोर भी कहा जात रहा।),</verse>
				<verse number="26">अमाम, समा, मोलादा,</verse>
				<verse number="27">हर्सगद्दा, हेसमोन, बेत्पालेत,</verse>
				<verse number="28">हसर्सूआल, बेर्सबा, बिज्योत्या,</verse>
				<verse number="29">बाला, इय्यीम, एसेम,</verse>
				<verse number="30">एलतोलद, कसील, होर्मा,</verse>
				<verse number="31">सिकलग, मदमन्ना, सनसन्ना,</verse>
				<verse number="32">लबाओत, सिल्हीम ऐन अउ रिम्मोंन। सब मिलाइके उन्तीस सहर अउर ओनके सबहिं खेत रहेन।</verse>
				<verse number="33">पच्छिमी पहाड़ियन क तलहटी क सहरन: एसताओल, सोरा, असना,</verse>
				<verse number="34">जानोह, एनगन्नीम, तप्पूह, एनाम,</verse>
				<verse number="35">यर्मूत, अदुल्लाम, सोको, अजेका,</verse>
				<verse number="36">सारैम, अदीतैम अउ गदेरा (गदेरोतैम भी कहा जात रहा)। सब मिलाइके हुआँ चोदह सहर अउ ओनकर सारे खेत रहेन।</verse>
				<verse number="37">सनान, हदासा, मिगदलगाद,</verse>
				<verse number="38">दिलान, मिस्पे, योक्तेल,</verse>
				<verse number="39">लाकीस, बोस्कत, एग्लोन,</verse>
				<verse number="40">कब्बोन, लहमास, कितलीस,</verse>
				<verse number="41">गेदोरेत, बेतदागोन, नामा, अउर मक्केदा, सब मिलाइके हुआँ सोलह सहर अउर ओनकर सारा खेत रहेन।</verse>
				<verse number="42">लिब्ना, ऐतेर, आसान,</verse>
				<verse number="43">यिप्ताह, असना, नसीब,</verse>
				<verse number="44">कीला, अकजीब अउ मारेसा। सब मिलाइके इ सबइ नौ सहर अउर ओनकर सारा खेत रहेन।</verse>
				<verse number="45">एकोन अउर ऍकर चारिहुँ कइँती क गाँव, अउर खेतन। सहर अउ निचके क नान्ह सहर सारा खेतन क संग पाएन।</verse>
				<verse number="46">एकोन क पच्छिम क छेत्र, सारा खेत अउर असदोद क निअरे क सहरन।</verse>
				<verse number="47">असदोद क चारिहुँ कइँती क छेत्र अउर हुआँ क नान्ह नगर जउन कि यहूदा प्रदेस क हींसा रहेन, ऍकर संग चारिहुँ ओर क खेतन अउर सहरन समेत। गाजा क सबइ कइँती क छेत्र ओनकर प्रदेस मिस्र क नदी अउर आगे लगातार भूमध्य सागर क किनारे तलक फइला रहा।</verse>
				<verse number="48">पहाड़ी देस सहरन: सामीर, यत्तीर, सोको,</verse>
				<verse number="49">दन्ना, किर्यत्सन्ना (एका दबीर भी कहत रहेन),</verse>
				<verse number="50">अनाब, एसतमो, आनीम,</verse>
				<verse number="51">गोसेन, होलोन अउर गीलो सब मिलाइके ग्यारह सहर अउर ओनकर खेत रहेन।</verse>
				<verse number="52">अराब, दूमा, एसान,</verse>
				<verse number="53">यानीम, बेत्तप्पूह, अपेका,</verse>
				<verse number="54">हुमता, किर्यतर्बा (हेब्रोन) अउर सीओर इ सबइ नौ सहर अउर एनकर सारा खेत रहेन।</verse>
				<verse number="55">माओन, कर्मेल, जीप, यूता,</verse>
				<verse number="56">यिज्रेल, योकदाम, जानोह,</verse>
				<verse number="57">कैन, गिबा अउर तिम्जा। इ सबहिं दस सहर अउर ओनकर सारा खेत रहेन।</verse>
				<verse number="58">हलहूल, बेतसूर, गदोर,</verse>
				<verse number="59">मरात, बेतनोत अउर एलतकोन सबहिं छ: सहर अउ ओनकर सारा खेत रहेन।</verse>
				<verse number="60">रब्बा अउर किर्यत-बाल, जेका किर्यत-यारीम भी कहा जात रहा।</verse>
				<verse number="61">यहूदा क लोगन क रेगस्तिन मँ सहर दीन्ह ग रहेन। ओन सहरन क सूची इ अहइ। बेतराबा, मिद्दीन, सकाका,</verse>
				<verse number="62">निबसान, लवण सहर अउर एनगदी। सब मिलाइके छ: सहर अउ ओनकर सारा खेत रहेन।</verse>
				<verse number="63">यहूदा क फउज यरूसलेम मँ बसइयन यबूसी लोगन क जबरदस्ती बाहेर करइ मँ समरथ नाहीं भइ। ऍह बरे अब तलक यबूसी लोग यरुसलेम मँ यहूदा लोगन क बचि रहत हीं।</verse>
			</chapter>
			<chapter number="16">
				<verse number="1">इ उ प्रदेस अहइ जेका यूसुफ क परिवार पाएस। इ प्रदेस यरीहो क लगे यरदन नदी स सुरु भवा अउ आगे पूरब मँ यरीहो पानी तलक रहा। तउ इ प्रदेस यरीहो स बेतेल क रेगिस्तानी पहाड़ी तलक चली गइ।</verse>
				<verse number="2">सीमा लगातार बेतेल स लूज तलक अउर फुन अतारोत पइ एरेकी सीमा तलक चली गइ रही।</verse>
				<verse number="3">तब इ चउहद्दी पच्छिम मँ यपलेती लोगन क चउहद्दी तलक चली गइ। इ चउहद्दी लगातार खाले बेथोरोन तलक चली गइ रही। इ चउहद्दी गेजेर तलक गइ अउर समुद्दर तलक चलतइ चलत गइ।</verse>
				<verse number="4">इ तरह मनसे अउर एप्रैम आपन प्रदेस पाएस। (मनस्से अउ एप्रैम यूसुफ क पूत रहेन।)</verse>
				<verse number="5">इ उ प्रदेस अहइ जेका एप्रैम क कबिलन क दीन्ह गवा: ओनकर पूरबी चउहद्दी ऊपरी बेथोरोन क निअरे अत्रोतदार पइ सुरु भइ।</verse>
				<verse number="6">अउर इ हुआँ स सागर तलक जात रही। चउहद्दी उत्तर मँ मिकमतात क छोड़ कर तानतसीलो क मुड़ी अउ लगातार पूरब कइँती यानोह तलक चली गइ रही।</verse>
				<verse number="7">तब चउहद्दी यानोह स अतारोथ अउ नारा तलक चली गइ। इ चउहद्दी लगातार चलत भइ यरीहो छुअत ह अउर यरदन नदी पइ खतम होइ जात ह।</verse>
				<verse number="8">इ चउहद्दी तप्पूह स होत भइ पच्छिम कइँती कानाह नाला क जात ह अउर सागर पइ खतम होइ जात ह। इ उ प्रदेस अहइ जउन एप्रैम क लोगन क ओकरे परिवार समूह क अनुसार दीन्ह गवा रहा।</verse>
				<verse number="9">एप्रैम क बहोत स चउहद्दी क सहर असल मँ मनस्से क चउहद्दी मँ रहेन मुला एप्रैम क लोगन ओन सहरन अउर आपन खेतन क पाएन।</verse>
				<verse number="10">मुला एप्रैम लोग कनानी लोगन क गेजेर सहर छोड़इ क मजबूर करइ मँ समर्थ नाहीं होइ सकेन। ऍह बरे कनानी लोग अब तलक एप्रैमी लोगन क बीच रहत हीं। मुला कनानी लोग एप्रैमी लोगन क दास क रूप मँ रहत रहेन।</verse>
			</chapter>
			<chapter number="17">
				<verse number="1">तब मनस्से क परिवार समूह क भुइँया दीन्ह गइ। मनस्से यूसुफ क पहिला पूत रहा। मनस्से क पहिला पूत माकीर रहा जउन गिलाद क बाप रहा। माकीर महान जोधा रहा, ऍह बरे गिलाद अउ बासान माकीर क परिवार क दीन्ह गएन।</verse>
				<verse number="2">मनस्से क परिवार समूह क दूसर कबिलन क भी भुइँया दइ दीन्ह गइ। उ सबइ कबिलन अबीएजेर, हेलेक, अस्त्रीएल, सेकेम, हेपेर अउ समीदा रहेन। इ सबहिं मनस्से क दूसर पूत रहेन, जउन यूसुफ क पूत रहा।</verse>
				<verse number="3">सलोफाद हेपेर क पूत रहा। हेपेर गिलाद क पूत रहा। गिलाद माकीर क पूत रहा अउर माकीर मनस्से क पूत रहा। मुला सलोफोद क कउनो पूत नाहीं रहा। ओकर पाँच बिटियन रहिन। बिटियन क नाउँ महला, नोआ, होग्ला, मिल्का अउर तिर्सा रहेन।</verse>
				<verse number="4">बिटियन याजक एलीआज़ार अउर नून क पूत यहोसू क इलावा सबहिं प्रमुखन क लगे गइन। बिटियन कहेन, “यहोवा मूसा स निर्देस दिहस कि उ हमका वइसेन ही भुइँया देइँ जइसेन हमार भाईयन क दीन्ह जात हीं।” ऍह बरे एलीआज़ार, यहोवा क हुकुम मानत भए एन बिटियन क वाइसेन ही भुइँया दिहेस जइसन ओनके चाचा लोगन क मिली रही।</verse>
				<verse number="5">इ तरह मनस्से क परिवार क लगे यरदन नदी क पच्छिम मँ भुइँया क दस छेत्र रहेन अउर यरदन नदी क दुसरी कइँती दुइ ठु दूसर छेत्र गिलाद अउ बासान रहेन।</verse>
				<verse number="6">मनस्से क पोतियन क वइसेन ही भुइँया दीन्ह गइ जइसेन मनस्से क दूसर बेटवन सन्तानन क दीन्ह गइ रही। गिलाद प्रदेस मनस्से क सेस परिवार क दीन्ह गवा।</verse>
				<verse number="7">मनस्से क भुइँया आसेर अउ मिकमतात क छेत्र क बीच रही। इ सकेम क निअरे अहइ। एकर चउहद्दी एनतप्पूह स दक्खिन तलक जात रही।</verse>
				<verse number="8">तप्पूह क भुइँया मनस्से क रही मुला तप्पूह सहर ओकर नाहीं रहा। तप्पूह सहर जउन कि मनस्से क प्रदेस क चउहद्दी पइ रहा उ एप्रैम क बेटवन स आबाद रहा।</verse>
				<verse number="9">मनस्से क चउहद्दी काना नाले क दक्खिन मँ रही। मनस्से क इ छेत्र क सहर एप्रैम क रहेन। मनस्से क चउहद्दी नदी क उत्तर मँ रही अउर इ पच्छिम मँ लगातार भूमध्य सागर तलक चली गइ रही।</verse>
				<verse number="10">दक्खिन क भुइँया एप्रैम क रही अउर उत्तर क भुइँया मनस्से क रही। भूमध्य सागर पच्छिम क चउहद्दी बनावत रहा। इ चउहद्दी उत्तर मँ आसेर क प्रदेस क छुअत रही अउ पूरब मँ इस्साकार क प्रदेस क।</verse>
				<verse number="11">इस्साकार अउ आसेर क छेत्र क बेतसान अउ एकर चारिहुँ कइँती क गाँव उ यिबलाम अउ एकर चारिहुँ कइँती क गांव मनस्से क रहेन। मनस्से क कब्जा मँ दोर अउ एकर चारिहुँ कइँती क गाँव अउ एनदोर अउर एकर चारिहुँ कइँती क गाँव भी रहेन। नापात क तीन ठु सहरन समेत तानाक अउर ओकर चारिहुँ कइँती क गाँव भी मनस्से क कब्जा मँ रहा।</verse>
				<verse number="12">मनस्से क लोग ओन सहरन क नाहीं हराइ सका रहेन। ऍह बरे कनानी लोग हुआँ रहत रहेन।</verse>
				<verse number="13">मुला इस्राएल क लोग सक्तीसाली भएन। जबहिं अइसा भवा तउ उ पचे कनान क लोगन क गुलामी मँ जाइ बरे मनबूर किहेन। मुला उ पचे कनानी लोगन क उ भुइँया तजि देइ बरे मजबूर नाहीं किहेस।</verse>
				<verse number="14">यूसुफ क परिवार समूहन यहोसू स बातन किहेन अउर कहेन, “तू भुइँया क हमका एक हींसा दिह्या ह। मुला हम बहोत स लोग अहइँ। तू हम लोगन क उ देस क एक हींसा ही काहे दिह्या जबकि यहोवा हम लोगन क आसीर्बाद दिहस?”</verse>
				<verse number="15">अउर यहोसू ओनका जवाब दिहस, “अगर तू लोग गनती मँ जियादा ह्वा तउ पहाड़ी प्रदेस क जंगलन मँ ऊपर चढ़ा अउर हुआँ रहइ बरे अपन जगह बनावा। इ प्रदेस परिज्जन अउ रपाई लोगन क अहइ। अगर एप्रैम क पहाड़ी प्रदेस तू लोगन क जरुरत स छोटवार अहइ तउ उ भुइँया क लइ ल्या।”</verse>
				<verse number="16">यूसुफ क लोग कहेन, “इ फुरइ अहइ कि एप्रैम क पहाड़ी प्रदेस हम लोगन बरे काफी नाहीं अहइ। मुला इ प्रदेस जहाँ कनानी लोग रहत हीं खतरनाक बाटइ। उ सबइ वुसल जोधा अउ ओनके लगे लोहा क रथ अहइँ। अउर उ सबइ यिज्रेल क घाटी अउर एकर चारिहुँ कइँती क गाँव क इलावा बेतसान क छेत्र पइ दबदबा रखत हीं।”</verse>
				<verse number="17">तब यहोसू यूसुफ, एप्रैम अउर मनस्से क लोगन स कहेस, “मुला तू लोगन क गनती बहोतइ जियादा अहइ। अउर तू लोग बड़की ताकत धरत ह। तू लोगन क जियादा भुइँया मिलइ चाही।</verse>
				<verse number="18">तू लोगन क पहाड़ी प्रदेस लेइ क होइ। इ जंगल अहइ, मुला तू लोग बृच्छन क काटि सकत ह अउर रहइ जोग्ग नीक जगह बनाइ सकत ह। इ सारा पचन्क होइ। तू लोग कनानी लोगन क उ प्रदेस क तीज देइ बरे मजबूर करब्या। तू लोग ओनका सक्तीसाली रथ क होत भए भी जउन ओनका सक्ती प्रदान करत ह हराइ देब्या।”</verse>
			</chapter>
			<chapter number="18">
				<verse number="1">इस्राएल क सबहिं लोग सीलो नाउँ क ठउर पइ बटुर गएन। उ ठउरे पइ उ पचे मिलापवाला तम्बू खड़ा किहन। इस्राएल क लोग उ प्रदेस क सबहिं दुस्मन क हराए रहेन अउर उ प्रदेस ओनके अघिकार मँ रहेन।</verse>
				<verse number="2">मुला उ समइ भी इस्राएल क सात परिवार समूह अइसेन रहेन, जेनका परमेस्सर क जरिये वचन दीन्ह जाइ पइ भी ओनका दीन्ह गइ भुइँया नाहीं मिली रही।</verse>
				<verse number="3">ऍह बरे यहोसू इस्राएल क लोगन स कहेस, “तू लोग आपन प्रदेस लेइ मँ ऍतनी देर काहे जोहत अहा? यहोवा, तू पचन्क परमेस्सर इ प्रदेस तू पचन्क दिहे अहइ।</verse>
				<verse number="4">ऍह बरे तेाहरे सबन्क हर एक परिवार समूह क तीन मनई चुनइ चाही? मइँ ओन मनइयान क ओन प्रदेसन क जाँच बरे पठउब। उ सबइ उ पूरे प्रदेस स होइ क जाब अउर उ प्रदेस क विवरन तइयार करिहीं तब उ सबइ मोरे लगे लउटिहीं।</verse>
				<verse number="5">उ पचे देस क सात ठु हींसा मँ बँटि देइहीं। यहूदा क लोग आपन प्रदेस दक्खिन मँ रखिहीं। यूसुफ क लोग आपन प्रदेस उत्तर मँ रखिहीं।</verse>
				<verse number="6">मुला तू लोगन क भुइँया क उल्लेख करत भवा विवरण तइयार करइ चाही अउ प्रदेस क सात ठु हींसन मँ बाँटि देइ चाही। विवरण मोरे लगे लिआवा। अउर मइँ हिआँ यहोवा हमार परमेस्सर क मौजूदगी मँ तोहार बरे पाँसा (लोटरी) डालब।</verse>
				<verse number="7">मुला लेवी परिवार समूह ऍन प्रदेसन क कउनो हींसा नाहीं पइहीं। उ सबइ याजक अहइँ अउर ओनकर कारज यहोवा क सेवा करब अहइ। गाद अउर रूबेन क परिवार समूह अउ मनस्से क आधा क परिवार समूहन क लोग पहले वचन क अनुसार दीन्ह गवा आपन प्रदेस पाइ चुका अहइँ। इ सबइ प्रदेस यरदन नदी क पूरब मँ अहइँ। यहोवा क सेवक मूसा उ प्रदेस क पहिले ही दइ दिहे रहा।”</verse>
				<verse number="8">ऍह बरे चुने भए मनई उ भुइँया क लखइ अउ ओकर नक्सा बनावइ बरे चला गएन। यहोसू ओनसे कहेस, “जा, अउर उ प्रदेस क जाँच करा अउर ओकर नक्सा तइयार करा। तब मोरे लगे लउटि आवा। उ समइ मइँ यहोवा स कहबउँ कि जउन देस तू पचन्क मिली ओका चुनइ मँ उ पचे मोर मदद करइँ।”</verse>
				<verse number="9">ऍह बरे ओन मनसेधुअन उ जगह तजेन अउर उ देस मँ उ पचे चला गएन। उ पचे देस क जाँच किहेन अउर यहोसू बरे नक्सा तइयार किहेन। उ पचे हर सहर क जाँच किहेन अउर पाएन कि प्रदेस क सात ठु हींसा अहइँ। उ पचे आपन नकसा क तइयार किहन अउर यहोसू क लगे गएन। यहोसू तबहुँ सीलो क डेरा मँ रहा।</verse>
				<verse number="10">उ समइ यहोसू यहोवा स मदद माँगेस। यहोसू हर एक परिवार समूह क देइ बरे एक ठु प्रदेस चुनेस। यहोसू प्रदेस क बाँटेस अउर हर एक परिवार समूह क ओकरे हींसा क प्रदेस दिहस।</verse>
				<verse number="11">तब बिन्यामीन क परिवार समूह अउर ओनकइ कबीलन बरे पाँसा डावा गवा रहा अउर पाँसा यहोदा अउर यूसुफ क परिवार समूहन क भुइँया क बीच पड़ेन।</verse>
				<verse number="12">ऍकर उत्तरी चउहद्दी यरदन नदी स सुरु भइ। इ चउहद्दी यरीहो क उत्तरी छोरे स गइ रही। तब इ चउहद्दी पच्छिम क पहाड़ी प्रदेस मँ गइ रही। इ चउहद्दी लगातार बेतावेन क ठीक पूरबी ढलान तलक रही।</verse>
				<verse number="13">तब इ चउहद्दी लूज़ (यानी बेतेल) क दक्खिनी ढलान तलक गइ। फिन इ चउहद्दी अत्रोद्दार तलक खाले गइ। अत्रोतद्दार खाले बेथोरोन क दक्खिनी पहाड़ी क ढलान पइ अहइ।</verse>
				<verse number="14">चउहद्दी दक्खिन कइँती मड़ी अउर बैथ-हेरोन क लगे उ पहाड़ी क पच्छिमी कइँती क निचके स गइ। इ चउहद्दी आगे किर्यत बाल (जउन किर्यत-यारीम भी कहलावत ह) तलक गएन। इ एक सहर रही जहाँ यहूदा क लोग रहत रहेन। इ पच्छिमी चउहद्दी रही।</verse>
				<verse number="15">दक्खिन क चउहद्दी किर्यत्यारीम स सुरु भइ अउर नेप्तोह क पानी क चसमा तलक गइ।</verse>
				<verse number="16">तब चउहद्दी हिन्नोम क घाटी क निचके पहाड़ी क तलहटी मँ गइ। इ रपाईम घाटी क उत्तरी छोर रहा। इ चउहद्दी यबूसी सहर क ठीक दक्खिन हिन्नोम घाटी मँ चलत भइ चली गइ। तब चउहद्दी एनरोगेल तलक चली गइ।</verse>
				<verse number="17">हुआँ, चउहद्दी उत्तर कइँती मुड़ी अउर एन सेमेस क गइ। इ चउहद्दी लगातार गलीलोत तलक जात ह। (गलीलोत, पहाड़न मँ अदुम्मीम दर्रे क निअरे अहइ।) इ चउहद्दी उ बड़की चट्टान तलक गइ जेकर नाउँ रूबेन क पूत, बोहन बरे धरा गवा रहा।</verse>
				<verse number="18">इ चउहद्दी बेतअरबा क उत्तरी भाग तलक लगातार चली गइ।</verse>
				<verse number="19">तब इ बेथोग्ला क उत्तरी भाग क जाइके, लवण सागर क उत्तरी तट पइ खतम भइ। इ उहइ जगह अहइ जहाँ यरदन नदी समुद्र मँ गिरत ह। इ दक्खिनी चउहद्दी रही।</verse>
				<verse number="20">पूरब कइँती यरदन नदी क चउहद्दी रही। इ तरह इ भुइँया रही जउन बिन्यामीन क परिवार समूह क दीन्ह गइ। इ सबइ चारिहुँ कइँती क चउहद्दी रहीन।</verse>
				<verse number="21">बिन्यामीन क हर एक परिवार समूह क, इ तरह, इ भुइँया मिली। ओनके कब्जा मँ इ सबइ सहर रहेन। यरीहो, बेथोग्ला, एमेक्कसीस,</verse>
				<verse number="22">बेतराबा, समारैम, बेतेल,</verse>
				<verse number="23">अव्वीम, पारा, ओप्रा,</verse>
				<verse number="24">कपरम्मोनी, ओप्नी अउ गेबा। इ सबइ बारहु सहर, उस छोटके छेत्र मँ, ओनके आसपास खेतन क साये रहेन।</verse>
				<verse number="25">बिन्यामीन क परिवार समूह क लगे गिबोन, रामाबेरोत,</verse>
				<verse number="26">मिस्पा, कपीरा, मोसा,</verse>
				<verse number="27">रेकेम, र्पेर्ल, तरला,</verse>
				<verse number="28">सेला, एलेप, यबूस सहर (यरुसलेम), गिबत अउर किर्यत-यरीम सहर भी रहेन। इ सबइ चउदह सहर, उ छोटके छेत्र मँ ओनके आसपास क खेतन क साथे रहेन। इ सबइ पहाँटा बिन्यामीन क परिवार समूह पाए रहा।</verse>
			</chapter>
			<chapter number="19">
				<verse number="1">सिमोन क परिवार बरे दूसर पाँसा डावा गवा रहा। जउन ओनका मिली, यहूदा क अधिकार-छेत्र क भीतर रही।</verse>
				<verse number="2">इ उ भुइँया क विवरण रही जउन ओनका मिली: बेर्सबा जउन सेबा भी कहलावत ह। मोलादा,</verse>
				<verse number="3">हसर्सूआल, बाला, एसेम,</verse>
				<verse number="4">एलन्तोलद, बतूल, होर्मा,</verse>
				<verse number="5">सिक्लग, बेत्मर्काबोत, हसर्सूसा,</verse>
				<verse number="6">बेतलबाओत अउ सारुहने, इ सबइ तेरह सहर अउर ओनकर सारा खेत सिमोन क रहेन।</verse>
				<verse number="7">ओनका ऐन, रिम्मोन, एतेर अउ आसान सहर भी एकर खेतन क साथ पाए रहेन।</verse>
				<verse number="8">उ पचे उ सबइ सारा खेत सहरन क साथे पाएन जउन बालत्बेर तलक फइला रहेन। (इ नेगव छेत्र मँ रामा ही अहइ।) इ तरह इ उ प्रदेस रहा, जउन सिमोनी लोगन क परिवार समूह क दीन्ह गवा। हर एक इ भुइँया क पाएस।</verse>
				<verse number="9">सिमोनी लोगन क भुइँया यहूदा क प्रदेस क भाग स लीन्ह गइ रही। यहूदा क लगे ओनँ लोगन क जरुरत स जियादा भुइँया रही। ऍह बरे सिमोनी लोगन क ओनकी भुइँया क हींसा मिला।</verse>
				<verse number="10">जबूलून क परिवार समूह अउर ओकरे कबीलन बरे तीसर पाँसा डावा गवा रहा। जबूलून क प्रदेस सारीद तलक जात रही।</verse>
				<verse number="11">फिन उ पच्छिम मँ दब्बेसेत स होत भइ मरला क छेत्र क निचके तलक पहोंचत रहा। तब इ चउहद्दी संकरी घाटी स होत भए योकनाम क छेत्र तलक जात रही।</verse>
				<verse number="12">तब इ चउहद्दी पूरब कइँती मुड़ी रही। इ सारीद स किसलोत्ताबोर क छेत्र तलक पहोंचत रही। तब इ चउहद्दी दाबरत अउ यापी तलक चलत गइ रही।</verse>
				<verse number="13">तब चउहद्दी पूरब मँ गथेपेर अउर इत्कासीन तलक लगातार रही। इ चउहद्दी रिम्मोन पइ खतम भइ। तब चउहद्दी मुड़ी अउर नेआ तलक गइ।</verse>
				<verse number="14">नेआ पइ फिन चउहद्दी मुड़ी अउ उत्तर कइँती गइ। इ चउहद्दी हन्नातोन तलक पहोंची अउर लगातार यिप्तहेल क घाटी तलक गइ।</verse>
				<verse number="15">इ चउहद्दी क भीतर कत्तात, नहलाल, सिम्रोन यिदला अउर बेतलेहेम सहर रहेन। सब मिलाइके इ सबइ बारह सहर आपन खेतन क साथे रहेन।</verse>
				<verse number="16">ऍह बरे इ सबइ सहर अउ छेत्र अहइँ जउन जबूलून क कबीलन क दीन्ह गएन।</verse>
				<verse number="17">चउथा पाँसा इस्साकार क परिवार समूह क कबिलन बरे डावा गवा रहा।</verse>
				<verse number="18">उ परिवार समूह क जउन भुइँया दीन्ह गइ रही उ इ अहइ: यिज्रेल, कसुल्लोत, सूनेम</verse>
				<verse number="19">हपारैम, सीओन, अनाहरत,</verse>
				<verse number="20">रब्बीत, किस्योन, एबेस,</verse>
				<verse number="21">रेमेत, एनगन्नीम, एन हददा अउर बेतपस्सेस।</verse>
				<verse number="22">ओनकर प्रदेस क चउहद्दी ताबोरसहसूसा अउर बेतसेमेस क छुअत रही। इ चउहद्दी यरदन छेत्र पइ खतम होत रही। सब मिलाइके सोहाह सहर अउर ओनकर खेत रहेन।</verse>
				<verse number="23">इ सबइ सहर अउर कस्बा इस्साकार परिवार समूह अउर ओनकइ कबीलन क दीन्ह गएन प्रदेस क हींसा रहेन।</verse>
				<verse number="24">पाँचवाँ पाँसा आसेर क परिवार समूह अउर ओनकइ कबीलन बरे डावा गवा रहेन।</verse>
				<verse number="25">उ परिवार समूह क जउन भुइँया दीन्ह गइ उ इ अहइ: हेल्कत, हली, बेतेन, अच्छाप,</verse>
				<verse number="26">अलाम्मेल्लेक, अमाद अउ मिसाल। पच्छिमी चउहद्दी लगातार कर्मेल पहाड़ अउ सीहोलिब्नात तलक रही।</verse>
				<verse number="27">तब चउहद्दी पूरब कइँती मुड़ी। इ चउहद्दी बेतदागोन तलक गइ। इ चउहद्दी जबूलून अउ यिप्तहेल क घाटी क छुअत रही। तब इ चउहद्दी बेतेमेक अउ नीएल क उत्तर क गइ। इ चउहद्दी काबुल क उत्तर स गइ रही।</verse>
				<verse number="28">तब इ चउहद्दी एब्रोन, रहोब अउर हम्मोन होत भइ काना तलक गइ रही। इ प्रदेस लगातार एक सक्तीसाली सहर सिदोन तलक गइ रही।</verse>
				<verse number="29">इ चउह्ददी रामा कइँती मुड़ी अउर फुन किलाबन्द सहर सूर तलक गइ। तब फुन मुड़ी अउर होसा तलक गइ। इ चउहद्दी अकज़ीब,</verse>
				<verse number="30">उम्मा, अपेक अउर रहोब क छेत्र मँ समुद्दर पइ खतम होत रही। सब मिलाइके हुआँ बाईस सहर अउ ओनकर खेत रहेन।</verse>
				<verse number="31">इ सबइ सहर अउ ओनके खेत आसेर परिवार समूह क दीन्ह गए भुइँया क हींसा रहेन। उ परिवार समूह क हर एक कबिला इ भुइँया क कछू हींसा पाएस।</verse>
				<verse number="32">छठा पाँसा नप्ताली क परिवार समूह अउर ओनकर कबीलन बरे डावा गवा रहेन।</verse>
				<verse number="33">ओनकर प्रदेस क चउहद्दी सानन्नीम क छेत्र मँ बिसाल बृच्छ स सुरू भइ। इ हेलेप क निअरे रहा। तब इ चउहद्दी अदानीमेकेब अउ यब्नेल स होइके गइ। इ चउहद्दी लक्कूम पइ खतम भइ।</verse>
				<verse number="34">तब इ चउहद्दी पच्छिम क अजनोत्ताबोर होइके गइ। इ चउहद्दी हुक्कोक पइ खतम भइ। इ चउहद्दी दक्खिन क जबूलून छेत्र तलक गइ। इ चउहद्दी पच्छिम मँ आसेर क छेत्र तलक पहोंचत रही। इ चउहद्दी पूरब मँ यरदन नदी पइ यहूदा क जात रही।</verse>
				<verse number="35">इ चउहद्दी क भीतर कछू बहोत सक्तीसाली सहर रहेन। इ सबइ सहर सिद्दीम, सेर, हम्मत, रक्कत, किन्नेरेत,</verse>
				<verse number="36">अदामा, रामा, हासोर,</verse>
				<verse number="37">केदेस, एद्रेइ, अन्हासेर,</verse>
				<verse number="38">यिरोन, मिगदलेल, होरेम, बेतनात अउ बेतसेमेस रहेन, सब मिलाइके हुआँ उन्नीस सहर अउर ओनकर खेत रहेन।</verse>
				<verse number="39">इ सबइ सहर अउर ओनकर चारिहुँ कइँती क कस्बन उ प्रदेस क हींसा रहेन, जउन नप्ताली क परिवार समूह क ओनकइ कबीलन क अनुसार दीन्ह ग रहेन।</verse>
				<verse number="40">तब सताएँ पाँसा दान क परिवार समूह अउर ओनकर कबीलन बरे डावा गवा रहेन।</verse>
				<verse number="41">ओनका जउन कछू प्रदेस दीन्ह गवा उ इ अहइ: सोरा, एस्ताओल, ईरसेमेस,</verse>
				<verse number="42">सालब्बीन, अय्यालोन, यितला,</verse>
				<verse number="43">एलोन, तिम्ना, एकोन,</verse>
				<verse number="44">एलतके, गिब्बतोन, बालात,</verse>
				<verse number="45">यहूद, बेनेबराक, गत्रिम्मोन,</verse>
				<verse number="46">मेयर्कोन, रक्कोन अउ यापो क निचके क छेत्र।</verse>
				<verse number="47">मुला दान क लोगन क आपन प्रदेस लेइ मँ परेसानी उठावइ क पड़ी। हुआँ सक्तीवाला दुस्मन रहेन अउर दान क लोग ओनका आसानी स हराइ नाहीं सकत रहेन। ऍह बरे दान क लोग गएन अउर लेसेम क खिलाफ लड़ेन। उ पचे लेसेम क हराएन अउ जउन लोग हुआँ रहत रहेन, ओनका मार डाएन। ऍह बरे दान क लोग लेसेम सहर मँ रहेन। उ पचे ओकर नाउँ बदलिके दान कइ दिहन काहेकि इ नाउँ ओनके परिवार समूह क पुरखा क रहा।</verse>
				<verse number="48">इ सबइ सबहिं सहरन अउर खेत उ भुइँया मँ रहेन जउन दान क परिवार समूह क ओनकर कबीलन क अनुसार दीन्ह ग रहेन।</verse>
				<verse number="49">इ तरह प्रदेसन क बँटवारा करब अउर अलग-अलग परिवार समूहन क ओनका देब पूरा किहन। तब इस्राएल क सब लोग नून क पूत यहोसू क भी कछू प्रदेस देइ क निहचय किहन।</verse>
				<verse number="50">यहोवा हुकुम दिहस कि ओका उ भुइँया मिलइ। ऍह बरे उ पचे एप्रैम क पहाड़ी प्रदेस मँ यहोसू क विम्नत्सेरह सहर दिहन। इहइ उ सहर रहा, जेकरे बरे यहोसू कहे रहा कि मइँ ओका चाहत हउँ। यहोसू उ सहर क फुन: बनाएस अउर उ ओहमाँ रहइ लाग।</verse>
				<verse number="51">इ तरह इ सबइ प्रदेस इस्राएल क अलग-अलग परिवार समूहन क दीन्ह गएन। याजक एलीआजार, नून क पूत यहोसू अउ हर एक परिवार समूह क नेता लोग सिलोह मँ मिलापवाला तम्बू क दुआर पइ यहोवा क मौजूदगी मँ बटुरा रहेन। इ तरह उ पचे प्रदेस क बँटवारा पूरा कइ लिहन।</verse>
			</chapter>
			<chapter number="20">
				<verse number="1">तब यहोवा यहोसू स कहेस:</verse>
				<verse number="2">“मइँ मूसा क उपयोग तू लोगन क हुकुम देइ बरे किहेउँ ह। मूसा तू लोगन स सुरच्छा क विसेस सहर बनवइ बरे कहे रहा। तउ सुरच्छा बरे ओन सहरन क चुनाव करा।</verse>
				<verse number="3">अगर कउनो मनई कउनो मनई क मार डावत ह, मुला अइसा संजोग क कारण होत ह अउर ओकर इरादा ओका मार डावइ क नाहीं होत तउ उ मरे मनई क ओन रिस्तेदारन स जउन बदला लेइ बरे ओका मारि डावइ चाहत हीं, आत्मरच्छा बरे सुरच्छा नगर मँ सरण लइ सकत ह।</verse>
				<verse number="4">“उ मनई क इ करइ चाही। जब उ पराइ अउर ओन सहरन मँ कउनो एक मँ पहोंचइ तउ ओकर सहर दुआर पइ रुकइ चाही। ओका सहर दुआरे पइ खड़ा रहइ चाही अउर नगर प्रमुखन क बतावइ चाही कि का घटा अहइ। तब नगर प्रमुख ओका सहर मँ प्रवेस करइ दइ सकत हीं। उ सबइ ओका आपन बीच मँ रहइ क जगहिया देइहीं।</verse>
				<verse number="5">मुला उ मनई जउन ओकर पाछा करत अहइ उ सहर तलक ओकर पाछा कइ सकत ह। अगर अइसा होत ह तउ नगर प्रमुखन क ओका यो ही नाहीं तजि देइ चाही, बल्कि ओनका उ मनई क रच्छा करइ चाही जउन ओनके लगे सुरच्छा बरे आवा अहइ। उ सबइ उ मनई क रच्छा ऍह बरे करिहीं कि उ जेका मार डाएस ह, ओका मारि डावइ क ओकर इरादा नाहीं रहा। इ संजोग क कारण होइ गवा। उ कोहान नाहीं रहा अउर उ मनई क मारइ क निहचय नाहीं किहे रहा। इ कछू अइसा रहा, जउन होइ ही गवा।</verse>
				<verse number="6">उ मनई क तब तलक सहर मँ रहइ चाही जब तलक उ सहर क निआव क कचहरी क जरिये ओकरे मोकदमा क निर्णय नाहीं होइ जात अउर ओका तब तलक उहइ सहर मँ रहइ चाही जब तलक महा याजक नाहीं मर जात। तब उ आपन घर मँ उ सहर मँ लउटि सकत ह, जहाँ स उ भागत भवा आवा रहा।”</verse>
				<verse number="7">ऍह बरे इस्राएल क लोग “सुरच्छा सहर” नाउँ क सहरन क चुनेन। उ सबइ सहर इ सबइ सहर रहेन: नप्ताली क पहाड़ी प्रदेस मँ गलील क केदेस; एप्रैम क पहाड़ी प्रदेस मँ सकेम; किर्य्यतर्बा जउन यहूदा क पहाड़ी प्रदेस मँ रहा।</verse>
				<verse number="8">रूबेन क प्रदेस क रेगिस्तान मँ, यरीहो क निअरे यरदन नदी क पूरब मँ बेसेर; गाद क प्रदेस मँ गिलाद मँ रमोत; मनस्से क प्रदेस मँ बासान मँ गोलान।</verse>
				<verse number="9">कउनो इस्राएली मनई या ओनके बीच रहइवाला कउना भी विदेसी, अगर कउनो क मार डावत ह, मुला इ संजोग क कारण होइ जात ह, तउ उ ओन सुरच्छा नगरन मँ स कउनो एक मँ सुरच्छा बरे पराइके जाइ सकत रहा। तब उ मनई हुआँ सुरच्छित होइ सकत रहा अउर पाछा करइवाला कउनो क जरिये मारा नाहीं जाइ सकत रहा। उ सहर मँ उ मनई क मोकदमा क निबटारा उ सहर क निआव क कचहरी क जरिये होइ।</verse>
			</chapter>
			<chapter number="21">
				<verse number="1">लेवी परिवार समूह क सासक लोग याजक एलीआज़ार, नून क पूत यहोसू अउ इस्राएल क दूसर परिवार समूहन क सासक लोगन स बात किहेस।</verse>
				<verse number="2">इ कनान देसा मँ सीलो सहर मँ भवा। लेवी परिवार समूह क सासक लोग ओनसे कहेन, “यहोवा मूसा क आदेस दिहे रहा कि तू हम लोगन क रहइ बरे सहर देब्या अउर तू हम लोगन क मइदान देब्या जेहमाँ हमार जनावर चरि सकिहीं।”</verse>
				<verse number="3">ऍह बरे उ पचे यहोवा क आदेस क माना। उ पचे लेवी परिवार समूह क इ सबइ सहर अउर ओनके गोरुअन बरे खेत दिहेन:</verse>
				<verse number="4">पहिला पाँसा कोहात कबीला बरे जउन लेवी परिवार समूह स रहा। कछू कोहात कबिलन क एक हींसा स तेरह सहर दीन्ह ग रहेन। इ सबइ सहर उ प्रदेस मँ रहेन जउन यहूदा, सिमोन अउ बिन्यामीन क होत रहा। इ सबइ सहर ओन कोहातियन क दीन्ह ग रहेन जउन महा याजक हारून क संतान रहिन।</verse>
				<verse number="5">कोहात कबीला क दूसर सारे सदस्य क दस सहर दीन्ह ग रहेन। इ सबइ दस सहर एप्रैम, दान अउर मनस्से क आधा परिवार क समूहन क प्रदेसा मँ स रहेन।</verse>
				<verse number="6">गेर्सोन कबीला क तेरह सहर दीन्ह ग रहेन। इ सबइ सहर उ प्रदेस मँ रहेन जउन इस्साकार, आसेर, नप्ताली अउर बासान मँ मनस्से क आधा परिवार समूह क भुइँया मँ रहेन।</verse>
				<verse number="7">मरारी कबीला क बारह सहर दीन्ह ग रहेन। इ सबइ सहर ओन प्रदेसन मँ रहेन जउन रूबेन, गाद अउ जबूलून क रहेन।</verse>
				<verse number="8">इ तरह इस्राएल क लोग लेवी परिवार समूह क इ सबइ सहर अउर ओनके चारिहुँ ओर क खेत दिहन। उ पचे इ मूसा क आदेस क अनुसार यहोवा क हुकूम क मानइ बरे किहन।</verse>
				<verse number="9">यहूदा अउ सिमोन परिवार समूहन क प्रदेस क सहरन जेका कि लेवी परिवार समूह क दीन्ह ग रहेन इ सबइ रहेन।</verse>
				<verse number="10">इ सहरन कोहात कबीला क सदस्य क रहेन जउन कि लेवी परिवार समूह स हारून क संतानन रहेन।</verse>
				<verse number="11">उ पचे ओनका किर्यत-अर्बा जेका नाउँ अनाक क पिता अरबा क नाउँ पाइ धरा गवा रहेन, एकर चारिहुँ कइँती क खेतन क संग दिहेस। इ कसबा क यहुदा क पहाड़ी देस मँ हेब्रोन स भी जाना जात ह।</verse>
				<verse number="12">मुला खेत अउर किर्यत-अर्बा सहर क चारिहुँ कइँती क छोटकन सहर यपुन्ने क पूत कालेब क रहेन।</verse>
				<verse number="13">इ तरह उ पचे हेब्रोन सहर क हारून क संतानन क सुरच्छा क सहर क रूप मँ अउ लिब्ना अउर ऍकर चारिहुँ कइँती क घास क मइदान दइ दिहस।</verse>
				<verse number="14">उ पचे यत्तीर, एसतमो अउर ओनकर घास क मइदान,</verse>
				<verse number="15">होलोन, दबीर,</verse>
				<verse number="16">ऐन, युत्ता अउर बेतसेमेस भी ओनकइ चारिहुँ कइँती क घास क मइदान समेत पाएन। ऍन दुइनउँ समूहन क यहूदा अउ सिम्मोन क जरिये नौ सहर दीन्ह गएन।</verse>
				<verse number="17">उ पचे हारून क संतानन क उ सबइ सहर भी दिहन जउन बिन्यामीन परिवार समूह क रहेन। इ सबइ सहर गिबोन, गेबा अउर ओनकर घास क मइदान,</verse>
				<verse number="18">अनातोत अउ अल्मोन रहेन। उ पचे इ सबइ चार सहर अउर ऍनकइ चारिहुँ कइँती क सब खेत दिहन।</verse>
				<verse number="19">इ तरह इ सबइ सहर याजकन क दीन्ह गएन। (इ सबइ याजक, याजक लोग हारून क संतान रहेन।) सब मिलाइके तेरह सहर अउ ओनकइ सब खेत ओनके जनावरन क दीन्ह गएन।</verse>
				<verse number="20">कोहाती कबीला क दूसर लोगन क इ सहर दीन्ह गएन, जउन कि एप्रैम परिवार समूह क रहेन:</verse>
				<verse number="21">उ पचे ओनका एप्रैम क पहाड़ी मुल्क मँ सेकेम सहर जउन कि सुरच्छा क सहर रहा एकर चारिहुँ कइँती क घास क मइदान क संग दिहन। उ पचे गेजरे,</verse>
				<verse number="22">किबसैम अउर, बेथोहरोन भी ओनका दिहन। सब मिलाइके उ पचे चार सहर अउ ओनकर चारिहुँ कइँती क सारा खेत ओनका दिहन।</verse>
				<verse number="23">दान क परिवार समूह ओनका एलतके, गिब्बतोन,</verse>
				<verse number="24">अय्यालोन अउ गत्रिम्मोन दिहन। सब मिलाइके इ सबइ चार सहर अउ ओनकर सारा खेत ओनके जनावरन क बरे रहेन।</verse>
				<verse number="25">मनस्से क आधा परिवार समूह ओनका तानाक अउ गत्रिम्मोन दिहन। ओनका उ सबइ सारा खेत भी दीन्ह गएन जउन ऍन दुइनउँ सहरन क चारिहुँ ओर रहेन।</verse>
				<verse number="26">इ तरह इ सबइ दस जियादा सहर अउ ऍन सहरन क चारिहुँ कइँती क भुइँया ओनकर जनावरन बरे कोहाती समूह क दिन्ह गइ रही।</verse>
				<verse number="27">लेवी परिवार समूह क गेर्सोनी कबीला क इ सबइ सहर दीन्ह ग रहेन। मनस्से परिवार समूह क आधा परिवार ओनका बासान मँ गोलान दिहस। (गोलान एक सुरच्छा सहर रहा।) मनस्से ओनका बे-एसतरा भी दिहस। उ पचे इ दुइनउँ सहरन क चारिहुँ ओर क घास क मइदान भी पाएन।</verse>
				<verse number="28">इस्साकार क परिवार समूह ओनका किस्योन, दाबरत,</verse>
				<verse number="29">यरमूत अउ एनगन्नीम अउर ओनकर घास क मइदान दिहेस। कुल मिलाइके चार सहर।</verse>
				<verse number="30">आसेर क परिवार समूह ओनका मिसाल, अब्दोन,</verse>
				<verse number="31">हेल्कात अउ रहोब दिहस। एन चारिहुँ सहरन क चारिहुँ कइँती क भुइँया भी ओनका ओनकर जनावरन बरे दीन्ह गइ।</verse>
				<verse number="32">नप्ताली क परिवार समूह ओनका गलील मँ केदेस क सुरच्छा क सहर क रूप मँ दिहस। नप्ताली क परिवार समूह ओनका हम्मोतदोर अउ कर्तान भी दिहस। ओनकर घास क मइदान क संग तीन सहर।</verse>
				<verse number="33">सब मिलाइके गेर्सोनी कबीला तेरह सहर अउ ओनकर चारिहुँ ओर क खेतन पाएस।</verse>
				<verse number="34">दूसर लेवी कबीला मरारी कबीला रहा। मरारी लोगन क इ सहर दीन्ह ग रहेन: जबूलून क परिवार समूह ओनका योक्नाम, कर्ताह, अउर ओनकर घास क मइदान, दिम्ना अउ नहलाल अउर ओनकर घास क मइदान – चार सहर दिहेन। रूबेन क परिवार समूह ओनका यरदन क पूरब मँ बेसेर, यहसा, केदमोत अउ मेपात सहर दिहन। सारी भुइँया, जउन ऍन चारिहुँ सहरन क चारिहुँ कइँती रही, मरारी लोगन क ओनकर जनावरन बरे दीन्ह गइ। गाद क परिवार समूह ओनका गिलाद मँ सुरच्छा क सहर रामोत अउर एकर घास क मइदान दिहस। उ पचे ओनका महनैम अउर एकर घास क मइदान, हेस्बोन अउ याजेर भी दिहन। गाद ऍन चारिहुँ सहरन क चारिहुँ कइँती क सारी भुइँया भी ओनकर जनावरन बरे दिहन।</verse>
				<verse number="35">सब मिलाइके मरारी कबीला जउन कि आखिरी लेवी कबीला रहा क बारह सहर दीन्ह गएन।</verse>
				<verse number="36">सब मिलाइके लेवी परिवार समूह अड़तालीस सहर अउर ओकर संग ऍन सहरन क चारिहुँ कइँती क खेत पाएन। इ सबइ सहर उ प्रदेसन मँ रहेन, जउन इस्राएल क दूसर परिवार समूह क लोगन क कबजा मँ रहेन।</verse>
				<verse number="37">हर एक सहर क साथ ओनकइ चारिहुँ कइँती क अइसी भुइँया अउर खेत रहेन। जेन पइ जनावरन जिन्नगी बिताइ सकत रहेन। इहइ बात हर सहर क साथे रही।</verse>
				<verse number="38">इ तरह यहोवा इस्राएल क लोगन क जउन वचन दिहे रहा, ओका पूरा किहस। उ ओनका सारा प्रदेसन दइ दिहस जेका देइ क उ ओनकर पुरखन क वचन दिहे रहा। लोग उ प्रदेसन क लिहन अउर ओहमाँ रहइ लागेन।</verse>
				<verse number="39">अउर यहोवा ओनकर प्रदेस क चारिहुँ कइँती सान्ति स्थापित होइ दिहस काहेकि उ ओनकइ संतानन स वचन दइ रहा। ओनकर कउनो दुस्मन ओनका नाहीं हराएन। यहोवा इस्राएल क लोगन क हर एक दुस्मन क हरावइ दिहस।</verse>
				<verse number="40">यहोवा इस्राएलियन क दीन्ह गए आपन सबहीं वचनन क पूरा किहस। कउनो अइसा वचन नाहीं रहा, जउन पूरा न भवा होइ। हर एक वचन पूरा भवा।</verse>
			</chapter>
			<chapter number="22">
				<verse number="1">तब यहोसू रूबेन, गाद क परिवार समूह अउ मनस्से क आधा परिवार समूह क सबहिं लोगन क एक सभा किहस।</verse>
				<verse number="2">यहोसू ओनसे कहेस, “तू पचे यहोवा क सेवक मूसा क दीन्ह गए सबहिं हुकुमन क मान्या ह। अउर तू पचे मोरे सबाहिं हुकुमन क भी मन्या ह।</verse>
				<verse number="3">अउर इ पूरा समइ मँ तू लोग इस्राएल क दूसर लोगन क मदद किह्या ह। तू लोग यहोवा क ओन सबहिं हुकुमन क बहोत ही होसियार स मानइ रह्या, जेनका तोहार परमेस्सर यहोवा तू पचन्क दिहे रहा।</verse>
				<verse number="4">तोहार परमेस्सर यहोवा इस्राएल क लोगन क सान्ति देइ क वचन दिहे रहा। ऍह बरे अब यहोवा आपन वचन पूरा कइ लिहस ह। इ समइ तू लोग आपन घरे लउटि सकत ह। तू लोग, आपन उ प्रदेस मँ जाइ सकत ह जउन तू पचन्क दीन्ह ग अहइ। इ प्रदेस यरदन नदी क पूरब मँ अहइ। इ उहइ प्रदेस अहइ जेका यहोवा क सेवक मूसा तू पचन्क दिहे रहा।</verse>
				<verse number="5">मुला याद राखा कि जउन व्यवस्था मूसा तू पचन्क दिहे अहइ, ओनका माना जात रहइ। तू पचन्क आपन परमेस्सर यहोवा स पिरेम करब अउ ओकरे हुकुमन क मानइ क अहइ। तू पचन्क ओनके पाछे चलइ चाही, अउर पूरी आस्था क साथ ओनकर सेवा करा।”</verse>
				<verse number="6">तब यहोसू ओनका आसीर्बाद दिहस अउर उ पचे बिदाइ लिहन। उ पचे आपन घरे लउटि गएन।</verse>
				<verse number="7">मूसा आधा मनस्से परिवार समूह क बासान प्रदेस दिहे रहा। यहोसू दूसर आधा मनस्से परिवार समूह क यरदन नदी क पच्छिम मँ प्रदेस दिहस। यहोसू ओनका आपन घरे पठएसा यहोसू ओनका आसीर्बाद दिहस।</verse>
				<verse number="8">उ कहेस, “तू पचे बहोत सम्पन्न अहा। तोहरे पचन्क लगे चाँदी, सोना अउर दूसर बहुमूल्य जेवरन क संग बहोत स जनावर अहइँ। तू लोगन क लगे अनेक सुन्नर वस्त्र अहइँ। तू पचे आपन दुस्मनन स बहोत स चिजियन लिह्या ह। ऍन चिजियन क तू पचन्क आपुस मँ बाँट लेइ चाही। अब आपन-आपन घरे जा।”</verse>
				<verse number="9">ऍह बरे रूबेन अउ गाद क परिवार समूह अउर मनस्से क आधा परिवार समूह इस्राएल क दूसर लोगन स बिदाइ लिहेन। उ पचे कनान मँ सीलो मँ रहेन। उ पचे उ जगह क तजेन अउर उ पचे गिलाद क लउटेन। इ ओनकर आपन प्रदेस रहा। मूसा ओनका इ प्रदेस दिहे रहा, काहेकि यहोवा ओका अइसा करइ क आदेस दिहे रहा।</verse>
				<verse number="10">रूबेन, गाद अउ मनस्से क अधा परिवार समूह क लोग गेलिलोथ नाउँ क जगह क जात्रा किहन। इ यरदन नदी क किनारे कनान देस मँ रहा। उ जगह पइ उ पचे एक ठु सुन्नर वेदी बनाएन।</verse>
				<verse number="11">मुला इस्राएल क लोगन क दूसर समूहन, जउन तब तलक सीलो मँ रहेन, उ वेदी क बारे मँ सुनेन जउन ऍन तीनहुँ परिवार समूह बनाए रहेन। उ पचे इ सुनेन कि इ वेदी कनान क सीमा पइ गोत्र नाउँ क जगह पइ रही। इ यरदन नदी क किनारे इस्राएल कइँती रही।</verse>
				<verse number="12">इस्राएल क सबहिं परिवार समूह ऍन तीनउँ परिवार समूहन पइ बहोत कोहाइ गएन। उ पचे बटुर गएन अउर उ पचे ओनकइ खिलाफ जुद्ध करइ क निहचय किहन।</verse>
				<verse number="13">ऍह बरे इस्राएल क मनइयन कछू लोगन क रूबेन अउर गाद क परिवार समूह अउ मनस्से क आधा परिवार समूह क लोगन स बातन करइ बरे पठएन। इस्राएल क लोग प्रमुख याजक जउन कि एलीआज़र क पूत पीनहास रहा क बात पइ चर्चा करइ बरे पठाएस।</verse>
				<verse number="14">उ पचे हुआँ क परिवार समूहन क दस नेतान क पठएन। उ पचे सीलो मँ ठहरेन। इस्राएल क परिवार समूहन मँ हर एक परिवार समूह स एक मनई रहा।</verse>
				<verse number="15">इ तरह इ सबइ गियारह मनई गिलाद गएन। उ पचे रूबेन, गाद अउ मनस्से क लोगन स बातन करइ गएन। गियारह मनइयन ओनसे कहेन:</verse>
				<verse number="16">“इस्राएल क सबहिं लोग तू पचन्स पूछत हीं: ‘तू पचे इस्राएल क परमेस्सर क खिलाफ इ काहे किह्या ह तू पचे यहोवा क खिलाफ कइसे होइ गया? तू लोग आपन बरे वेदी काहे बनाया? तू पचे जानत अहा कि इ परमेस्सर क सिच्छा क खिलाफ अहइ।</verse>
				<verse number="17">पोर नाउँ क जगह क याद करा। हम लोग पाप क कारण अबहुँ कस्ट सहित ह। इ बड़के पाप बरे परमेस्सर इस्राएल क बहोत स लोगन क बुरी तरह बीमार कइ दिहे रहा अउर हम लोग अबहुँ उ बेरामी क कारण कस्ट सहत अही।</verse>
				<verse number="18">अउर अब तू पचे उहइ करत अहा। तउ पचे यहोवा क विरुद्ध जात बाट्या। का तू पचे यहोवा क हुकुम क मानइ स मना करब्या? अगर तू पचे जउन करत अहा, बन्द नाहीं करत्या तउ यहोवा इस्राएल क हर मनई प कोहाइ जाइ।</verse>
				<verse number="19">“‘अगर तोहार पचन्क प्रदेस उपासना बरे ठीक नाहीं अहइ तउ हमरे प्रदेस मँ आवा। यहोवा क तम्बू हमरे प्रदेसन मँ अहइ। तू पचे हमार कछू पहँटा लइ सकत ह अउर ओहमाँ बसि सकत ह। मुला यहोवा क खिलाफ जिन ह्वा। दूसर वेदी जिन बनावा। हम लोगन क संग पहिले स ही आपन परमेस्सर यहोवा क वेदी यहोवा क संग मलइ बरे खास तम्बू मँ अहइ।</verse>
				<verse number="20">“‘जेरह क पूत आकान क सुमिरा। आकान आपन पाप क कारण मरा। उ ओन चीजन क बारे मँ हुकुम क मानइ स इन्कार किहस, जेनका नस्ट कीन्ह जाब रहा। उ एक मनई परमेस्सर क नेम क तोड़ेस, मुला इस्राएल क सबहिं लोगन क दण्ड मिला। आकान आपन पाप क कारण मरा। मुला बहोत स दूसर लोग भी मरेन।’”</verse>
				<verse number="21">रूबेन अउ गाद क परिवार समूह क लोग अउर मनस्से क आधा परिवार समूह क लोग इस्राएल क कबीला क प्रमुखन क जवाब दिहन। उ पचे इ कहेन,</verse>
				<verse number="22">“हमार परमेस्सर यहोवा अहइ। हम लोग फुन दोहरावत अही कि हमार परमेस्सर यहोवा अहइ अउर परमेस्सर जानत ह कि तू लोग भी इ जाना। तू लोग ओकर फइसला कइ सकत अहा जउन हम लोग किहे अही। अगर तू लोगन क इ बिस्सास अहइ कि हम लोग पाप किहे अही तउ तू लोग हम पचन्क अबहिं मार सकत ह।</verse>
				<verse number="23">अगर हम पचे परमेस्सर क नेम तोड़े अही तु हम कहब कि यहोवा खुद हमका सजा देइ। का तू लोग इ सोचत अहा कि हम लोग इ वेदी क होमबलि चढ़ावइ अउर अन्नबलि अउर मेलबलि चटावइ बरे बनावा ह</verse>
				<verse number="24">नाहीं। हम लोग ऍका इ उदेस्य स नाहीं बनावा ह। हम लोग इ वेदी काहे बनावा ह? हम पचन्क डर रहा कि भविस्स मँ तोहार सबन्क लोग हम पचन्क आपन रास्ट्र क एक ठु हींसा नाहीं समुझिहीं। तब तोहरे लोग इ कहिहीं, ‘तू लोग इस्राएल क परमेस्सर यहोवा क उपासना नाहीं कइ सकत्या।</verse>
				<verse number="25">परमेस्सर हम लोगन्क यरदन नदी क दूसर कइँती प्रदेस दिहे अहइ। एकर अरथ इ भवा कि यरदन नदी क सीमा बनावा ह। हमका डर अहइ कि जब तोहरे पचन्क गदेलन बड़ा होइके इ प्रदेस पइ सासन करिहीं तब उ पचे हमका बिसरि जइहीं, कि हम भी तोहार लोग अही। उ पचे हमसे कहिहीं, हे रूबेन अउर गाद क परिवार समूह, तू पचे इस्राएल क हींसा नाहीं अहा!’ तब तोहार संतानन हमरे संतानन क यहोवा क उपासना करइ स रोकिहीं।</verse>
				<verse number="26">“ऍह बरे हम लोग इ वेदी क बनावा। मुला हम लोग इ योजना नाहीं बनावत अही कि यह पइ होमबलि चढ़ाउब अउर बलियन क देब।</verse>
				<verse number="27">हम पचे जउने सच्चे उद्धेस्य बरे वेदी बनाए रहे, उ आपन लोगन क सिरिफ देखाउब रहा कि हम पचे उ परमेस्सर क उपासना करित ह जेकर तू लोग उपासना करत अहा। इ वेदी तोहरे पचन बरे, हम लोगन बरे अउर भविस्स मँ हम लोगन क गदेलन बरे इ बात क प्रमाण होइ कि हम लोग परमेस्सर क उपासना करित ह। हम लोग यहोवा क बलियन, अन्नबलि अउ मेलबलि चड़ाइत ह। हम पचे चाहत रहे कि तोहार गदेलन बड़इँ अउर जान लेइँ कि हम लोग भी तोहरी तरह इस्राएल क मनई अही।</verse>
				<verse number="28">भविस्स मँ अगर अइसा होत ह कि तोहार गदेलन कहइँ, ‘हम लोग इस्राएल स सम्बंध नाहीं रखित तउ हमार गदेलन तब कहि सकिहीं कि होसियारी स धियान देइँ कि हमार पुरखन, जउन हम पचन स पहिले रहेन, एक ठु वेदी बनाइ रहेन। इ वेदी ठीक वइसे ही अहइ जइसी पवित्तर तम्बू क समन्वा यहोवा क वेदी अहइ। हम लोग इ वेदी क उपयोग बलि देइ बरे नाहीं करत। मुला इ बाने क संकेत करत ह कि हम लोग इस्राएल क एक हींसा अही।’</verse>
				<verse number="29">“फुरे तउ इ अहइ कि हम लोग यहोवा क खिलाफ नाहीं होइ चाहित। हम लोग अब ओकर अनुसरण करब तजि देइ नाहीं चाहित। हम लोग जानत अही कि एक मात्र सच्ची वेदी उहइ अहइ जउन पवित्तर तम्बू क समन्वा अहइ। उ वेदी, हमरे परमेस्सर यहोवा क अहइ।”</verse>
				<verse number="30">याजक पीनहास अउर दस नेतन रूबेन अउर गाद क परिवार समूह अउ मनस्से क आधा परिवार समूह क लोगन क कही गइ बात सुनेन। उ पचे ओनकइ बात स संतुट्ठ रहेन।</verse>
				<verse number="31">ऍह बरे एलीआजार क पूत याजक पीनहास कहेस, “अब हम लोग समुझत अही कि यहोवा हमरे संग अहइ अउर हम लोग जानत अही कि तू पचन मँ स कउनो भी ओकरे खिलाफ नाहीं गवा अहा। हम लोग खुस अही कि इस्राएल क लोगन क यहोवा स सजा नाहीं मिली।”</verse>
				<verse number="32">तब पीनहास अउ नेतन उ जगह क तजेन अउर उ पचे आपन घरे चला गएन। उ पचे रूबेन अउर गाद क लोगन क गिलाद प्रदेस मँ तजेन अउर कनान क लउटि गएन। उ पचे लउटिके इस्राएल क लोगन क लगे गएन अउर जउन कछू भवा रहा, ओनसे कहेस।</verse>
				<verse number="33">इस्राएल क लोग भी सन्तुट्ठ होइ गएन। उ पचे खुस रहेन अउर उ पचे परमेस्सर क धन्यवाद दिहन। उ पचे निर्णय लिहन कि उ पचे रूबेन, गाद अउ मनस्से क आधा परिवार समूह क लोगन क खिलाफ जाइके नाहीं लड़िहीं। उ पचे ओन प्रदेसन क नस्ट न करइ क निर्णय किहन।</verse>
				<verse number="34">अउर रूबेन अउर गाद क लोग कहेन, “इ वेदी सबहिं मनइयन क इ बतावत ह कि हम पचन्क इ बिस्सास बाटइ कि यहोवा परमेस्सर अहइ अउर ऍह बरे उ पचे वेदी क नाँउ ‘प्रमाण’ धरेन।”</verse>
			</chapter>
			<chapter number="23">
				<verse number="1">यहोवा इस्राएल क ओकरे चारिहुँ कइँती क ओनके दुस्मनन स सान्ति प्रदान किहस। यहोवा इस्राएल क सुरच्छित बनाएस। बरिस बीत गएन अउर यहोसू बहोत बूढ़ा होइ गवा।</verse>
				<verse number="2">इ समइ यहोसू इस्राएलियन अउर ओनका बुजुर्गन, नेतन, निआवधीसन अउर फउज क अफसरन क बइठक बोलाएस। यहोसू ओन लोगन स कहेस, “मइँ बहोत बूढ़ा होइ गवा अहउँ।</verse>
				<verse number="3">तू पचे उ लख्या जउन यहोवा हमरे दुस्मनन क संग किहस। उ इ हमरी मदद बरे किहस। तोहार पचन्क परमेस्सर यहोवा तोहरे सबन बरे जुद्ध किहस।</verse>
				<verse number="4">लखा, मइँ ओन रास्ट्रन क सबहीं भुइँया क बाँट दिहस ह जेका इस्राएल क परिवार समूह स निकाला नाहीं गएस। इ भुइँया यरदन नदी अउ पच्छिम क भुमध्य समुद्दर क बीच अहइ, अउर ओन रास्ट्रन क सामिल कइ लिहस जेका मइँ हरइ रहा।</verse>
				<verse number="5">उ तोहार पचन्क परमेस्सर यहोवा लोगन क उ जगह क तजि देइ बरे मजबूर करी। जइस ही पचे उ प्रदेस मँ घुसब्या यहोवा ओन लोगन क उ प्रदेस तजइ बरे मजबूर करी। तोहार परमेस्सर यहोवा तू पचन्क इ वचन दिहस ह।</verse>
				<verse number="6">“तू पचन्क ओन सबइ हुकुमन क मानइ मँ सावधान रहइ चाही जउन यहोवा हमका दिहे अहइ। उ हर नियमन अउर विधियन क पालन करा जउन मूसा क व्यवस्था क किताबे मँ लिखा अहइ। उ व्यवस्था क खिलाफ जिन जा।</verse>
				<verse number="7">इ करा ताकि गैर इस्राएली लोग जउन कि तोहका आपन दोस्त बनाइ बरे नाही ललचाइ। ओनकइ देवतन क पूजा नाही करा अउर ना ही ओकर देवतन क नाउँ ल्या। किरिया खाइ बरे ओन देवतन क नाउँ क प्रयोग जिन करा। अउर ओन देवतन क पूजा अउ सेवा जिन करा।</verse>
				<verse number="8">तू पचन्क सदा आपन परमेस्सर यहोवा क अनुसरण करइ चाही। तू पचे इ बीते जमाने मँ किह्या ह अउर तू पचन्क इ करत रहइ चाही।</verse>
				<verse number="9">“यहोवा अनेक सक्तीवाला रास्ट्रन क हरावइ मँ तोहार मदद किहेस ह। यहोवा ओन लेगन क आपन देस तजइ बरे मजबूर किहस ह। कउनो भी रास्ट्र तू पचन्क हरावइ मँ समरथ नाहीं होइ सका।</verse>
				<verse number="10">यहोवा क मदद स इस्राएल क एक मनई एक हजार मनइयन क हराइ सकत ह। ऍकर कारण इ अहइ कि तोहार परमेस्सर यहोवा तोहरे बरे जुद्ध करत ह। यहोवा इ करइ क वचन दिहेस ह।</verse>
				<verse number="11">ऍह बरे तू पचन्क आपन परमेस्सर यहोवा क भक्ति करत रहइ चाही। आपन पूरी आतिमा स ओहसे पिरेम करा।</verse>
				<verse number="12">“यहोवा क रस्ता स कबहुँ दूर जिन जा। ओन दूसर लोगन स दोस्ती न करा जउन अबहिं तलक तोहरे पचन्क बीच तउ अहइँ मुला जउन इस्राएल क अंग नाहीं अहइँ। ओनमाँ स कउनो क संग बियाह जिन करा। मुला अगर तू पचे ऍन लोगन क मीत बनब्या,</verse>
				<verse number="13">तब तोहार परमेस्सर यहोवा तोहरे दुस्मनन क हरावइ मँ तोहार मदद नाहीं करी। इ तरह इ सबइ लोग तोहरे बरे एक जाल बन जइहीं। मुला उ पचे तोहरे पचन्क पिठिआ बरे कोड़न अउ तोहरी सबन्क आँखिन बरे काँटा बन जइहीं। उ पचे पलट जइहीं अउर नफरत करिहीं जब तलक कि तू पचे इ नीक भुइँया स बिदा न होइ जाब्या जेका तोहार परमेस्सर यहोवा तू पचन्क दिहे बाटइ। मुला अगर तू पचे इ हुकुम क नाहीं मनब्या तउ तू पचे नीक भुइँया क खोइ देब्या।</verse>
				<verse number="14">“इ करीब-करीब मोरे मरइ क समइ बा। तू पचे जानत अहा अउर फुरइ बिस्सास करत अहा कि यहोवा तोहरे पचन्क बरे बहोतइ बड़के काम किहेस ह। तू सबइ जानत अहा कि उ आपन दीन्ह भए वचनन मँ स कउनो क पूरा करइ मँ असफल नाहीं रहा अहइ। यहोवा ओन सबहिं वचनन क पूरा किहेस ह, जउन उ हमका दिहस ह।</verse>
				<verse number="15">जे तरह उ सबहिं आसीर्बाद जउन तोहार परमेस्सर यहोवा दिहस ह, पूरी तरह सच भएन, उहइ तरह सबहिं विपत्तियन क घटइ क यहोवा कारण होब्या, जब तलक कि उ तोहका इ नीक भुइँया क स जउन यहोवा तोहार परमेस्सर तोहका दिहस ह नास नाहीं कइ देइ।</verse>
				<verse number="16">इ घटि जाइ, अगर तू पचे आपन परमेस्सर यहोवा क संग कीन्ह गइ समझौता क मानइ स इंकार करब्या। अगर तू पचे दूसर देवतन क लगे जाब्या अउर ओकर आराधना करब्या तउ तू पचे इ भुइँया क खोइ देब्या। अगर तू पचे अइसा करब्या तउ यहोवा तू पचन पइ बहोत गुस्साइ जाइ। तब तू पचे इ धरती स हाली गायब होइ जाब्या जेका उ तू पचन्क दिहस ह।”</verse>
			</chapter>
			<chapter number="24">
				<verse number="1">तब इस्राएल क सबहिं परिवार समूह सकेम मँ बटुर गएन। यहोसू ओन सबहिं क हुआँ एक संग बोलाएस। तब यहोसू इस्राएल क बुजुर्गन, ओनकइ नेतन, ओनकइ निआवधीसन अउर ओनकइ फउज क अफसरन क बोलाएस। इ सबइ मनई परमेस्सर क समन्वा खड़ा भएन।</verse>
				<verse number="2">तब यहोसू सबहिं लोगन स बात किहस। उ कहेस, “मइँ उ कहत हउँ जउन यहोवा, इस्राएल क परमेस्सर तू पचन्स कहत अहइ: ‘बहोत समइ पहिले तोहरे पचन्क पुरखन परात नदी क दुसरी कइँती रहत रहेन। मइँ ओन मनइयन क बारे मँ बात करत अहउँ, जउन इब्राहीम अउर नाहोर क पिता तेरह क तरह रहेन। ओन दिनन तोहार पचन्क पुरखन दूसर देवतन क पूजा करत रहेन।</verse>
				<verse number="3">मुला मइँ, यहोवा तोहरे पचन्क पुरखन इब्राहीम क नदी क दूसर कइँती क भुइँया स बाहेर लिआएउँ। मइँ ओका कनान क भुइँया स होइके लइ गएउँ अउर ओका अनेक सन्तानन दीन्ह। मइँ इब्राहीम क इसहाक नाउँ क पूत दिहेउँ।</verse>
				<verse number="4">मइँ इसहाक क याकूब अउर एसाव नाउँ क दुइ पूत दिहेउँ। मइँ साईर पहाड़े क चारिहुँ कइँती क प्रदेस एसाव क दिहेउँ। मुला याकूब अउर ओकर सन्तानन हुआँ नाहीं रहिन। मिस्र चले गएन।</verse>
				<verse number="5">“‘तब मइँ मूसा अउ हारून क मिस्र पठएउँ। मइँ मिस्र क लोगन पइ भयंकर विपत्तियन पड़इ दिहेउँ। तब मइँ तू सबइ पचन्क मिस्र स बाहेर लिआएउँ।</verse>
				<verse number="6">इ तरह मइँ तोहरे पचन्क पुरखन क मिस्र स बाहेर लिआएउँ। उ पचे लाल सागर तलक आएन अउर मिस्र क लोग ओनकर पाछा करत रहेन। ओनके संग रथ अउ घुड़सवार रहेन।</verse>
				<verse number="7">ऍह बरे मनइयन मोसे यानी यहोवा स मदद माँगेन अउर मइँ मिस्र क लोगन पइ बहोत बड़की विपत्ति आवइ दीन्ह। मइँ यानी यहोवा समुद्दर मँ ओनका बोर दिहेउँ। तू लोग खुद ही लख्या कि मइँ मिस्र क फउज क संग का किहेउँ। “‘ओकरे पाछे तू पचे रेगिस्तान मँ लम्बे समइ तलक रह्या।</verse>
				<verse number="8">तबइ मइँ तू पचन्क एमोरी लोगन क धरती मँ लिआएउँ। इ यरदन नदी क पूरब मँ रहा। उ सबइ लोग तोहरे पचन्क खिलाफ लड़ेन, मुला मइँ तू पचन्क ओनका हरावइ दिहेउँ। मइँ तू पचन्क ओन लोगन्क नस्ट करइ बरे सक्ती दिहेउँ। तब तू पचे उ धरती पइ अधिकार किह्या।</verse>
				<verse number="9">“‘तब सिप्पोर क पूत मोआब क राजा बालाक इस्राएल क लोगन क खिलाफ लड़इ क तइयारी किहस। राजा बोर क पूत बिलाम क बोलाएस। उ बिलाम स तू पचन क सराप देइ क कहेस।</verse>
				<verse number="10">मुला मइँ यहोवा बिलाम क एक न सुनेउँ। ऍह बरे बिलाम आपन चाहत क खिलाफ तू लोगन बरे नीक चीज होइ क याचना किहस। उ तू पचन्क खुले मन स आसीर्बाद दिहस। इ तरह मइँ तू पचन्क बिलाम स बचाएउँ।</verse>
				<verse number="11">“‘तब तू पचे यरदन नदी क पार तलक जात्रा किह्या। तू लोग यरीहो प्रदेस मँ आया। यरीहो सहर मँ बसइयन तोहर पचन्क खिलाफ लड़ेन। एमोरी, परिज्जी, कनानी, हित्ती, गिर्गासी, हिव्वी अउर यबूसी लोग भी तोहरे पचन्क खिलाफ लड़ेन। मुला मइँ तू पचन्क ओन सबका हरावइ दिहेउँ।</verse>
				<verse number="12">जब तोहार पचन्क फउज अगवा बढ़ी तउ तोहार दुस्मन पराइ गएन जइसे मइँ ओनका अउर अमोरी राजा क खिलाफ भोंड़ा पठाइ रहा। ऍह बरे तू लोग आपन धनुस या तरवार क प्रयोग किए बिना ही ओन पइ कब्जा कइ लिहा।</verse>
				<verse number="13">“‘इ मइँ, ही रहेउँ, जउन तू पचन्क उ धरती दिहेउँ। मइँ तू पचन्क उ धरती दिहेउँ जहाँ तू पचन्क कउनो काम नाहीं करइ क पड़ा। मइँ तू पचन्क सहर दिहेउँ जेनका तू पचन्क बनाउब नाहीं भवा। अब तू पचे उ धरती अउर ओन सहरन मँ रहत अहा। तोहरे सबन्क लगे अंगूरे क लता अउ जइतून क बाग अहइँ, मुला ओन बागन क तू पचे नाहीं लगाया।’”</verse>
				<verse number="14">तब यहोसू लोगन स कहेस, “अब तू लोग यहोवा क कहब सुनि लिह्या ह। ऍह बरे तू पचन्क यहोवा क सम्मान करइ चाही अउ ओकर सच्ची सेवा करइ चाही। ओन लबार देवतन क बहाइ द्या जेनका तोहार पचन क पुरखन पूजत रहेन। इ सब कछू बहोत समइ क पहिले फरात नदी क दूसर कइँती, मिस्र मँ भी भवा रहा। अब तू पचन्क यहोवा क सेवा करइ चाही।</verse>
				<verse number="15">“मुला होइ सकत ह कि तू पचे यहोवा क उपासना नाहीं करइ चहत्या। तू पचन्क खुद आज ही इ चुन लेइ चाही। तू पचन्क आजु तय कइ लेइ चाही कि तू पचे केकर उपासना करब्या। तू पचे ओन देवतन क उपासना करब्या जेनकर उपासना तोहरे पचन्क पुरखन उ समइ करत रहेन जब उ पचे नदी क दूसर कइँती रहत रहेन? या तू पचे ओन एमोरी लोगन क देवतन क उपासना करइ चाहत अहा जउन हिआँ रहत रहेन? जहाँ तलक मोरी अउ मोरे परिवार क बात अहइ, हम यहोवा क उपासना करब।”</verse>
				<verse number="16">तब मनइयन जवाब दिहन, “नाहीं, हम यहोवा क अनुसरण करब कबहुँ न तजब। नाहीं, हम लोग कबहुँ दूसर देवतन क सेवा नाहीं करब।</verse>
				<verse number="17">हम जानित ह कि उ परमेस्सर यहोवा रहा जउन हमरे लोगन क मिस्र स लिआवा। हम लोग उ देस मँ दास रहे। मुला यहोवा हम लोगन बरे हुआँ बड़कन-बड़कन काम किहस। उ उ देस स हम लोगन क बाहेर लिआवा अउर उ समइ तलक हमार रच्छा करत रहा जब तलक हम लोग दूसर देसन स होइके जात्रा कीन्ह।</verse>
				<verse number="18">तब यहोवा ओन एमोरी लोगन क हरावइ मँ हमार मदद किहस जउन उ प्रदेस मँ रहत रहेन जेहमाँ अज हम पचे रहित ह। ऍह बरे हम लोग यहोवा क सेवा करतइ रहब। काहेकि उ हमार परमेस्सर अहइ।”</verse>
				<verse number="19">तब यहोसू कहेस, “तू पचे यहोवा क काफी सेवा अच्छी तरह स नाहीं कइ सकब्या। यहोवा, पवित्तर परमेस्सर अहइ अउर परमेस्सर आपन लोगन क जरिये दूसर देवतन क पूजा स घिना करत ह। अगर तू पचे उ तरह परमेस्सर क खिलाफ जाब्या तउ परमेस्सर तू पचन्क छिमा नाहीं करी।</verse>
				<verse number="20">तू पचे यहोवा क तजि देब्या अउर दूसर देवतन क सेवा करब्या तब यहोवा तू पचन पइ भयंकर विपत्तियन क लिआइ। यहोवा तू पचन्क बरबाद करी। यहोवा तोहरे पचन्क बरे अच्छा रहा ह, मुला अगर तू पचे ओकरे विरूद्ध चलत अहा तउ उ तू पचन्क नास कइ देइ।”</verse>
				<verse number="21">मुला मनइयन यहोसू स कहेन, “नाहीं। हम पचे यहोवा क सेवा करब।”</verse>
				<verse number="22">तब यहोसू कहेस, “खुद आपन अउर आपन संग क लोगन क चारिहुँ कइँती निहारा। का तू पचे जानत अहा अउर अंगीकार करत अहा कि तू पचे यहोवा क सेवा करब चुन्या ह? का तू सब एकर गवाह अहा?” मनइयन जवाब दिहन, “हाँ, इ फुरइ अहइ। हम लोग धियान रखब कि हम लोग यहोवा क सेवा करब चुना ह।”</verse>
				<verse number="23">तब यहोसू कहेस, “ऍह बरे आपन बीच मँ जउन बीच मँ जउन लबार देवतन रखत अहा ओनक जरइ द्या। आपन पूरा हिरदइ स इस्राएल क परमेस्सर यहोवा स पिरेम करा।”</verse>
				<verse number="24">तब मनइयन यहोसू स कहेन, “हम लोग यहोवा, आपन परमेस्सर क सेवा करब। हम लोग ओकर आग्या क पालन करब।”</verse>
				<verse number="25">ऍह बरे यहोसू लोगन बरे उ दिन एक वाचा किहस। यहोसू इ वाचा क ओन लोगन क जरिये मानइ बरे एक ठु नेम बनाइ दिहस। इ सकेम नाउँ क सहर मँ भवा।</verse>
				<verse number="26">यहोसू इ सबइ बातन क परमेस्सर क व्यवस्था क किताबे मँ लिखेस। तब यहोसू एक ठु बड़की सिला लिआवा। इ सिला इ करारा क प्रमाण रही। उ इ सिला क यहोवा क पवित्तर तम्बू क निअरे बलूत बृच्छ क खाले धरेस।</verse>
				<verse number="27">तब यहोसू सबहिं लोगन स कहेस, “इ सिला तू पचन्क ओका याद दिआवइ मँ सहायक होइ जउन कछू हम पचे आजु कहे अही। इ सिला तब हिआँ रही जब परमेस्सर हम लोगन स बतियात रहा। ऍह बरे इ सिला कछू अइसी रही जउन तू पचन्क याद दिआवइ मँ मदद करी कि आजु क दिन का भवा रहा। इ सिला तोहरे बरे एक गवाह बनी रही। इ तू पचन्क तोहर परमेस्सर यहोवा क खिलाफ जाइ स रोकी।”</verse>
				<verse number="28">तब यहोसू लोगन स आपन घरे लउटि जाइ क कहेस तउ हर एक मनई आपन प्रदेस क लउटि गवा।</verse>
				<verse number="29">ओकरे पाछे नून क पूत यहोसू मर गवा। उ एक सौ दस बरिस क रहा।</verse>
				<verse number="30">यहोसू आपन भुइँया तिम्नत्सेरह मँ दफनावा गवा इ रास पहाड़ क उत्तर मँ एप्रैम क पहाड़ी प्रदेस मँ रहा।</verse>
				<verse number="31">इस्राएल क लोगन यहोसू क जिन्नगी क समइ मँ यहोवा क उपासना किहन अउर यहोसू क मरइ क पाछे भी, लोग यहोवा क उपासना करत रहेन। इस्राएल क लोग तब भी यहोवा क उपासना करत रहेन जब तलक सबहिं बुजुर्गन जउन कि यहोसू क पाछे जिअत रहेन। इ सबइ उ सब नेता रहेन, जउन उ पचे उ सब कछू लखे रहेन जउन यहोवा इस्राएल बरे किहे रहा।</verse>
				<verse number="32">जब इस्राएल क लोगन मिस्र तजि दिहेन तब उ पचे यूसुफ क तने क हाड़ आपन संग लइ आएन रहेन। ऍह बरे लोग यूसुफ क हाड़ सकेम मँ दफनाएन। उ पचे हाड़न क उ भुइँया मँ दफनाएन जेका याकूब सकेम क बाप हमोर क पूतन स बेसहे रहा। याकूब उ भुइँया क चाँदी क सौ सिक्कन स बेसहे रहा। इ प्रदेस यूसुफ क सन्तानन क रहा।</verse>
				<verse number="33">हारून क पूत एलीआजार मर गवा। उ गिबा मँ दफनावा गवा। गिबा एप्रैम क पहाड़ी प्रदेस मँ एक ठु सहर रहा। उ सहर एलीआजार क पूत पीनहास क दीन्ह गवा रहा।</verse>
			</chapter>
		</book>
		<book number="7">
			<chapter number="1">
				<verse number="1">यहोसू मर गवा। तब इस्राएल क लोग यहोवा स पराथना किहेन। उ पचे कहेन, “हमरे परिवार समूह मँ स कउन पहिले कनानी लोगन स हम लोगन क बेर जुद्ध लड़इ बरे जाइ?”</verse>
				<verse number="2">यहोवा इस्राएली लोगन स कहेस, “यहूदा क परिवार समूह पहिले जाइ। मइँ ओनका इ भुइँया क प्राप्त करइ देइ।”</verse>
				<verse number="3">यहूदा क लोग सिमोन परिवार समूह क आपन भाइयन स मदद माँगेस। यहूदा क लोग कहेन, “भाइयो, जदि तू पचे हम लोगन क भुइँया बरे जुद्ध करइ मँ मदद करइ बरे हमरे संग अउब्या तउ हम लोग भी तू पचन्क क भुइँया बरे तू पचन्क जुद्ध लड़ब।” सिमोन क लोग ओनकर संग जाइ बरे तइयार होइ गएन।</verse>
				<verse number="4">यहोवा यहूदा क लोगन क कनानियन अउ परिज्जी लोगन क हरावइ मँ मदद किहेस। यहूदा क लोग बेजेक नगर मँ दस हजार मनइयन क मार डाएन।</verse>
				<verse number="5">बेजेक नगर मँ यहूदा क लोग बेजेक क सासक अदोनीबेजेक क पाएस अउर ओहसे जुद्ध किहेन। यहूदा क लोग कनानियन अउ परिज्जी लोगन क हराएन।</verse>
				<verse number="6">बेजेक क सासक अदोनीबेजेक भाग पराइ क जतन किहेन। किन्तु यहूदा क लोग ओकर पाछा किहेन अउर ओका धइ लिहेन। जब उ पचे ओका धरेन तब उ पचे ओकर हाथ अउर गोड़ क अंगूठन क काट डाएन।</verse>
				<verse number="7">तब बेजेक क सासक अदोनिबेजेक कहेस, “मइँ सत्तर राजा लोगन क हाथ अउर गोड़ क अंगूठन काटेउँ अउर ओन राजा लोगन क भोजन क उहइ टूकन खाइ क पड़ा जउन मोरी मेजे मँ स गिरा भवा रहा। अब यहोवा मोका ओकर बदला दिहेस ह जउन मइँ ओन राजा लोगन क संग किहे रहा।” यहूदा क लोग बेजेक क सासक क यरूसलेम लइ गएन अउर उ हुवँइ मरा।</verse>
				<verse number="8">यहूदा क लोग यरूसलेम क खिलाफ लड़ेन अउर ओह पइ कब्जा कइ लिहेन। यहूदा को लोग यरूसलेम क लोगन क मारइ बरे तरवार क उपयोग किहन। तब उ पचे नगर क जलाइ दिहन।</verse>
				<verse number="9">ओकरे पाछे यहूदा क लोग कछू दूसर कनानी लोगन स जुद्ध करइ बरे गएन। तब उ पचे कनानी पहाड़ी प्रदेसन, नेगेव अउ समुद्र क किनारे क पहाड़ियन मँ रहत रहेन।</verse>
				<verse number="10">तब यहूदा क लोग ओन कनानी लोगन क खिलाफ लड़इ गएन जउन हेब्रोन नगर मँ रहत रहेन। (पूर्वकाल मँ हेब्रोन क किर्यत-अरब कहा जाता रहा) यहूदा क लोग सेसै, अहीमन अउ तल्मै कहा जाइवाले लोगन क हराएन।</verse>
				<verse number="11">यहूदा क लोग उ जगहिया क तजेन। उ पचे दबीर नगर, हुवाँ क लोगन क खिलाफ जुद्ध करइ गएन। (पूर्वकाल मँ दबीर क किर्यत्सेपेर कहा जात रहा।)</verse>
				<verse number="12">यहूदा क लोगन क जुद्ध बरे खाना होइ स पहिले कालेब ओन लोगन स एक ठु प्रतिग्या किहेस, “मइँ आपन बिटिया अकसा क उ मनई क पत्नी क रूप मँ देब जउन किर्यत्सेपेर नगर पइ हमला करत ह अउर ओह पइ कब्जा करत ह।”</verse>
				<verse number="13">कालेब क एक लहुरा भाई रहा जेकर नाउँ कनज रहा। कनज क एक पूत ओत्नीएल नाउँ क रहा। ओत्नीएल किर्यत्सेपेर नगर क जीत लिहेस। एह बेर कालेब आपन बिटिया अकसा क पत्नी क रूप मँ ओत्नीएल क दिहेस।</verse>
				<verse number="14">जब अकसा ओत्नीएल क संग रहइ बरे गएस, तब ओत्नीएल ओहसे कहेस कि उ आपन पिता स कछू भुइँया माँगइ। अकसा आपन बाप क लगे गइ। एह बरे उ आपन गदहा स उतरी अउर कालेब स पूछेस, “का कठिनाई अहइ?”</verse>
				<verse number="15">अकसा कालेब क उत्तर दिहेस, “मोका आसीर्बाद देय्या। आप मोका नेगेव क झुरान रेगिस्तान दिहेन ह। कृपा कइके मोका कछू पानी क सोतावली भुइँया देइँ।” एह बरे कालेब ओका उ दिहस जउन उ चाहत रही। उ ओका उ भुइँया क ऊपर अउ नीचे क पानी क सोता दइ दिहेस।</verse>
				<verse number="16">केनी लोग ताड़बृच्छन क नगर (यरीहो) क तजेन अउर यहूदा क लोगन क संग गएन। उ सबइ लोग यहूदा क रेगिस्तान मँ हुवाँ क लोगन क संग रहइ गएन। इ नेगेव मँ अराद नगर क लगे रहा। (केनी लोग मूसा क ससुर क परिवार स रहेन)</verse>
				<verse number="17">कछू कनानी लोग सपत नगर मँ रहत रहेन। एह बरे यहूदा क लोग अउ सिमोन क परिवार समूह क लोग ओन कनानी लोगन पइ हमला किहेस। उ पचे नगर क पूरी तरह नस्ट कइ दिहेन। एह बरे उ पचे नगर क नाउँ होर्मा रखेन।</verse>
				<verse number="18">यहूदा क लोग अज्जा क नगर अउ ओकर चारिहुँ कइँती क इलाका पइ अधिकार किहन। यहूदा क लोग असकलोन अउ एकोन नगरन अउ ओकरे चारिहुँ कइँती क इलाका पइ भी कब्जा किहन।</verse>
				<verse number="19">यहोवा उ समइ यहूदा क लोगन क संग रहा, जब उ पचे जुद्ध करत रहेन। उ पचे पहाड़ी प्रदेस क भुइँया पइ कब्जा किहन। किन्तु उ पचे घाटियन क भुइँया लेइ मँ नाकामयाब रहेन काहेकि हुवाँ क निवासियन क लगे लोहे क रथ रहेन।</verse>
				<verse number="20">मूसा कालेब क हेब्रोन क लगे क भुइँया देइ क बचन दिहे रहा। एह बरे उ भुइँया कालेब क परिवार क दइ दीन्ह गइ। कालेब क लोग अनाक क तीनहुँ पूतन क उ जगह तजइ क मजबूर किहन। बिन्यामिन लोग यरुसलेम मँ बसत हीं</verse>
				<verse number="21">बिन्यामीन परिवार समुह क लोग यबूसी लोगन क यरूसलेम तजइ क मजबूर न कइ सकेन। उ समइ स लइके अब तलक यबूसी लोग यरूसलेम मँ बिन्यामीन लोगन क संग रहत आएन ह।</verse>
				<verse number="22">यूसुफ क परिवार समूह क लोग भी बेतेल नगर क खिलाफ लड़इ बरे गएन। यहोवा ओन लोगन क संग रहा।</verse>
				<verse number="23">यूसुफ क परिवार क लोग कछू जासूसन क बेतेल नगर पठएन। (पूर्वकाल मँ बेतेल क लूज कहा जात रहा।)</verse>
				<verse number="24">जब उ पचे बेतेल नगर क लखत रहेन उ पचे एक ठु मनई क नगर स बाहेर आवत लखेन। जासूस लोगन ओहसे कहेन, “हम लोगन क नगर मँ जाइ क गुप्त मारग बतावा। हम लोग नगर पइ हमला करब। किन्तु जदि तू हमार मदद करब्या तउ हम तोहका चोट नाहीं पहोंचाउब।”</verse>
				<verse number="25">उ मनई जासूसन क नगर मँ जाइ क गुप्त मारग बताएस। यूसुफ क लोग बेतेल क लोगन क मारइ बरे आपन तरवार क उपयोग किहन। उ पचे उ मनई ओकरे परिवार क सुरच्छित जाइ दिहेन।</verse>
				<verse number="26">उ मनई उ प्रदेस मँ गवा जहाँ हित्ती लोग रहत रहेन। हुआँ उ एक ठु नगर बसाएस। उ उ नगर क नाउँ लूज राखेस, जेका आजु तलक उहइ नाउँ अहइ।</verse>
				<verse number="27">कनानी लोग बेतसान, तानाक, दोर, यिबलाम, मगिद्दो अउर ओनकर चारिहुँ कइँती क नान्ह नान्ह नगर मँ रहत रहेन। मनस्से क परिवार समूह क लोग ओन लोगन क ओन नगरन क तजइ बरे मजबूर नाहीं कइ सके रहेन। एह बरे कनानी लोग हुवाँ टिके रहेन।</verse>
				<verse number="28">पाछे इस्राएल क लोग जियादा ताकतवर भएन अउर कनानी लोगन क दासन क तरह अपने खातिर काम करइ बरे मजबूर किहन। किन्तु इस्राएल क लोग सबहिं कनानी लोगन स ओनकर प्रदेस नाहीं छुड़वाइ सकेन।</verse>
				<verse number="29">इहइ बात एप्रैम क परिवार समूह क संग भइ। कनानी लोग गेजेर मँ रहत रहेन अउर एप्रैम क लोग सबहिं कनानी लोगन स ओनकर देस नाहीं छुड़वाइ सकेन। एह बरे कनानी लोग एप्रैम क लोगन क संग गेजेर मँ रहत चले गएन।</verse>
				<verse number="30">जबूलन क परिवार समूह क संग इहइ बात भइ। कित्रोन अउ नहलोल नगरन मँ कछू कनानी रहत रहेन। जबूलुन लोग ओन लोगन स ओकर देस नाहीं छुड़वाइ सकेन। उ सबइ कनानी लोग टिके रहेन अउर जबूलन लोगन क संग रहत चले आएन। किन्तु जबूलन क लोग ओन लोगन क दासन क तरह काम करइ क मजबूर किहन।</verse>
				<verse number="31">आसेर क परिवार समूह क संग भी इहइ बात भइ। आसेर क लोग ओन लोगन स अक्को, सीदोन, अहलाब, अकजीब, हेलबा, अपीक अउ रहोब नगरन क न छोड़वाइ सकेन।</verse>
				<verse number="32">आसेर क लोग कनानी लोगन स आपन देस न छोड़वाइ सकेन। एह बरे कनानी लोग आसेर क लोगन क संग रहत चले गएन।</verse>
				<verse number="33">नप्ताली क परिवार समूह क संग भी इहइ बात भइ। नप्ताली परिवार क लोग ओन लोगन स बेतसेमेस अउ बेतनात नगरन क न छुड़वाइ सकेन। एह बरे नप्ताली क लोग ओन नगरन मँ ओन लोगन क संग रहत चले आएन। उ सबइ कनानी लोग टिके रहेन अउर नप्ताली लोगन बरे दासन क तरह काम करइ क मजबूर किहन।</verse>
				<verse number="34">एमोरी लोग दान क परिवार समूह क लोगन क पहाड़ी प्रदेस मँ रहइ बरे मजबूर कइ दिहेन। दान क लोगन क पहाड़ियन मँ ठहरब पड़ा काहेकि एमोरी लोग ओनका घाटियन मँ उतरइ अउर ठहरइ नाहीं देत रहेन।</verse>
				<verse number="35">एमोरी लोग हेरेस पहाड़ी, अय्यालोन अउ सालबीम मँ ठहरइ क निहचइ किहेन। पाछे, यूसुफ क परिवार समूह सक्तीसाली होइ गवा। तब उ पचे एमोरी लोगन स दासन क तरह काम करवाएस।</verse>
				<verse number="36">एमोरी लोगन क प्रदेस बिच्छु दर्र स सेला अउ सलो क परे पहाड़ी प्रदेस तलक रहा।</verse>
			</chapter>
			<chapter number="2">
				<verse number="1">यहोवा क सरगदूत गिलगाल नगर स बोकीम नगर क गवा। सरगदूत यहोवा क एक ठु सँदेसा इस्राएल क लोगन क दिहस। सँदेसा इ रहा: “तू पचे मिस्र मँ दास रह्या। किन्तु मइँ तू पचन्क अजाद किहेउँ अउर मइँ तू पचन्क मिस्र स बाहेर लिआएउँ। मइँ तू पचन्क इ भुइँया मँ लाएउँ जेहसे तोहरे पचन्क पुरखन क देइ बरे मइँ प्रतिग्या किहे रहेउँ। मइँ कहेउँ, मइँ तू पचन्स आपन वाचा कबहुँ नाहीं तोड़ेब।</verse>
				<verse number="2">किन्तु एकरे बदले मँ तू पचन्क इ भुइँया क निवासियन क संग कोइ समझौता नाहीं करइ क होइ। तोहका ओनकर वेदीयन नस्ट करइ चाही। इ मइँ तू पचन्स कहेउँ किन्तु तू लोग मोर आग्या नाहीं मान्या। तू अइसा काहे किहेन?</verse>
				<verse number="3">“अब मइँ तू पचन्स इ कहत हउँ, ‘मइँ इ भुइँया स अब अउर लोगन क बाहेर नाहीं हटाउब। इ सबइ लोग तोहरे लोगन बरे पँदा साबित होइ। ओनकर झूठे देवता लोग तू पचन्क फँसावइ बरे जाल बनिहीं।’”</verse>
				<verse number="4">यहोवा क सरगदूत इस्राएल क लोगन क जब यहोवा क सँदेसा दइ चुका, तब लोग जोर स रोइ प़डेन।</verse>
				<verse number="5">एह बरे इस्राएल क लोग उ ठउरे क बोकीम नाउँ दिहेन जहाँ उ पचे रोइ पड़े रहेन। बोकीम मँ इस्राएल क लोग यहोवा बरे बलि दिहेन।</verse>
				<verse number="6">तब यहोसू लोगन स कहेस कि उ पचे आपन घरन क लउटि जाइँ। एह बरे हर एक परिवार समूह आपन भुइँया क छेत्र लेइ गवा अउर ओहमाँ रहइ।</verse>
				<verse number="7">इस्राएल क लोग तब तलक यहोवा क सेवा किहन जब तलक यहोसू जिअत रहा। ओन बुजुर्गन क जीवन काल मँ भी उ पचे यहोवा क सेवा करत रहेन जउन यहोसू क बाद भी जिअत रहेन। एन बुजुर्ग लोग इस्राएल क लोग बरे जउन यहोवा बरे महान कारज किहे रहा, ओनका लखे रहा।</verse>
				<verse number="8">नून क पूत यहोसू, जउन यहोवा क सेवक रहा, एक सौ दस बरिस क उमर मँ मरा।</verse>
				<verse number="9">ऍह बरे इस्राएल क लोग यहोसू क मृत सरीर क उ भूइयाँ मँ दफनावा गवा, जउन ओका दीन्ह गवा रहा। उ भूइँया तिम्नथ हेरेस मँ रही जउन एप्रैम क पहाड़ी छेत्र मँ गास पहाड़े क उत्तर मँ रही।</verse>
				<verse number="10">एकरे पाछे उ पूरी पीढ़ी मर गइ अउर नई पीढ़ी पइदा भइ। इ नवी पीढ़ी यहोवा क बारे मँ न तउ जानत रही अउ न ही ओका, यहोवा इस्राएल क लोगन क बरे का कीन्ह रहा, एकर गियान रहा।</verse>
				<verse number="11">एह बरे इस्राएल क लोग पाप किहेन अउ बाल क मूरतियन क सेवा किहेन। उ पचे उहइ पाप किहेन जउन यहोवा क दृस्टि मँ बुरा रहा।</verse>
				<verse number="12">यहोवा इस्राएल क लोगन क मिस्र स बाहेर लिआए रहा। ओन लोगन क पुरखन यहोवा क उपासना किहे रहेन। किन्तु इस्राएल क लोग यहोवा क अनुसरण करब तज दिहेन। इस्राएल क लोग ओन लोगन क लबार देवतान क पूजा करब सुरू किहेन, जउन ओनके चारिहुँ कइँती रहत रहेन। इ करम यहोवा क गुस्सैल कइ दिहेस।</verse>
				<verse number="13">इस्राएल क लोग यहोवा क अनुसरण करब तजि दिहन अउर बाल अउ अस्तोरेत क पूजा करइ लगेन।</verse>
				<verse number="14">यहोवा इस्राएल क लोगन पइ बहोत कोहाइ गवा। एह बरे यहोवा दुस्मनन क इस्राएल क लोगन पइ हमला करइ दिहस। अउ ओनकर धन-दौलत लेइ दिहस। ओनके चारिहुँ कइँती रहइवाले दुस्मनन क यहोवा ओनका पराजित करइ दिहस। इस्राएल क लोग आपन रच्छा आपन दुस्मनन स नाहीं कइ सकेन।</verse>
				<verse number="15">जब इस्राएल क लोग जुद्ध बरे निकरेन तउ उ पचे पराजित भएन उ पचे पराजित भएन काहेकि यहोवा ओनकर पच्छ मँ कबहुँ नाहीं रहा। यहोवा पहिले स इस्राएल क लोगन क चितउनी दिहे रहा कि उ पचे पराजित होइहीं, जदि उ पचे ओन लोगन क देवतन क सेवा करिहीं जउन ओनके चारिहुँ कइँती रहत हीं। इस्राएल क लोगन क बहोत जियादा नोस्कान भवा।</verse>
				<verse number="16">तब यहोवा निआवाधीस कहइ जाइवाले प्रमुखन चुनेस। एन निआवाधीसन इस्राएल क लोगन क ओन दुस्मनन स बचाएस जउन एनकर सम्पत्ति लइ लिहे रहेन।</verse>
				<verse number="17">किन्तु इस्राएल क लोग आपन निआवाधीसन क एक न सुनेन। उ पचे दूसर देवतन क अनुसरण अउर पूजा करत रहेन। उ पचे हाली ही आपन पुरखन जउन यहोवा क आदेस क पालन करत रहेन, क राह स मुड़ गएन। उ पचे अब इ अउर नाहीं किहेन।</verse>
				<verse number="18">मुला जब कबहुँ यहोवा ओनकर बरे निआवाधीस पठएस, तउ यहोवा निआवाधीस क संग रहेन। ऍह बरे जब तलक निआवाधीस जिअत रहा उ ओन लोगन क ओनकइ दुस्मनन स बचाएस। यहोवा इ किहेस काहेकि जब उ पचे ओन लोगन क कारण जउन ओन लोगन पइ जुल्म अउ अत्याचार किहेन, चिचियात रहेन तउ उ ओन पइ दाया किहे रहेन।</verse>
				<verse number="19">किन्तु जब हर निआवाधीस मर गवा, तब इस्राएल क लोग फुन पाप किहेन अउर लबार देवतन क अनुसरण अउर पूजा सुरू किहेन। उ पचे आपन पुरखन क भी जिआदा बुरा बेउहार किहेन। इस्राएल क लोग बहोत हठी रहेन, उ पचे आपन पाप क मार्ग बदलइ स इन्कार कइ दिहेन।</verse>
				<verse number="20">इ तरह यहोवा इस्राएल क लोगन पइ बहोत कोहाइ गवा अउर उ कहेस, “इ रास्ट्र उ करार क तोड़ेस ह जेका मइँ ओनके पुरखन क संग किहे रहेउँ। उ पचे मोरे नाहीं सुनेन।</verse>
				<verse number="21">एह बरे मइँ दूसर रास्ट्रन क अउर पराजित नाहीं करब, अउर न ही इस्राएल क लोगन क राह साफ करब। उ सबइ रास्ट्र ओन दिनन भी उ पहँटा मँ रहेन जब यहोसू मरा रहा अउर मइँ ओन रास्ट्रन क प्रदेस मँ रहइ देब।</verse>
				<verse number="22">मइँ ओन रास्ट्रन क उपयोग इस्राएल क लोगन क परीच्छा लइ बरे करब। मइँ इ लखब कि इस्राएल क लोग आपन यहोवा क आदेस वइसे ही मानत हीं या नाहीं जइसे ओनकर पुरखन मानत रहेन।”</verse>
				<verse number="23">यहोवा ओन रास्ट्रन क ओन प्रदेस मँ रहइ दिहे रहा। यहोवा हाली स ओन रास्ट्रन क आपन देस छोड़इ नाहीं दिहेस। उ ओनका हरावइ मँ यहोसू क सेना क मदद नाहीं किहेस।</verse>
			</chapter>
			<chapter number="3">
				<verse number="1">इ सबइ रास्ट्रन अहइ जेनका यहोवा प्रदेस मँ छोड़ दिहे रहा। उ अइसा ओन सबहिं इस्राएली लोगन क परीच्छा लेइ बरे किहे रहा जउन कनान क कब्जा करइवाले जुद्ध नाहीं लड़े रहेन। उ पहँटा मँ यहोवा क जरिये ओन रास्ट्रन क रहइ देइ क कारण इहइ रहा कि इस्राएल क ओन लोगन क सिच्छा दीन्ह जाइ जउन जुद्धन मँ नाहीं लड़ा रहेन।</verse>
				<verse number="2"></verse>
				<verse number="3">पलिस्ती लोगन क पाँच सासक, सबहिं कनानी लोग सीदोन क लोग अउर हिब्बी लोग जउन लबानोन क पहाड़ मँ बालहेर्मोन पर्वत स लइके हमात तलक रहत रहेन।</verse>
				<verse number="4">यहोवा ओन रास्ट्रन क इस्राएल क लोगन क परीच्छा लेइ बरे उ पहँटा मँ रहइ दिहस। परमेस्सर इ लखइ चाहत रहा कि इस्राएल क लोग यहोवा क ओन आदेसन क पालन करिहीं या नाहीं, जेनका उ मूसा क जरिये ओनके पुरखन क दिहे रहा।</verse>
				<verse number="5">इस्राएल क लोग कनानी, हित्ती, एमोरी, परिज्जी, हिब्बी अउर यबूसी लोगन क संग रहत रहेन।</verse>
				<verse number="6">इस्राएल क लोग ओन लोगन क बिटियन क संग बियाह करब सुरू कइ दिहन। इस्राएल क लोग आपन बिटियन क ओन लोगन क बेटवन क संग बियाह करइ दिहन अउर इस्राएल क लोग ओन लोगन क देवतन क सेवा किहन।</verse>
				<verse number="7">इस्राएल क लोग उहइ किहेन जेनका यहोवा बुरा ठेहराएन। पाप करत अहइँ। इस्राएल क लोग यहोवा आपन परमेस्सर क बिसरि गएन अउर बाल क मूरतियन अउ आसेर क मूरतियन क सेवा अउर पूजा करइ लागेन।</verse>
				<verse number="8">यहोवा इस्राएल क लोगन पइ कोहाइ गवा। यहोवा कुसन रिस आइतम क जउन मेसोपोटामिया क राजा रहा, इस्राएल क लोगन क हरावइ अउर ओन पइ सासन करइ दिहस। इस्राएल क लोग उ राजा क सासन मँ आठ बरिस तलक रहेन।</verse>
				<verse number="9">किन्तु इस्राएल क लोग यहोवा क रोइके गोहराएन। यहोवा एक मनई क ओनकर रच्छा बरे पठएस। उ मनई क नाउँ ओत्नीएल रहा। उ कनजी क पूत रहा। कनजी कालेब क लहुरा भाई रहा। ओत्नीएल इस्राएल क लोगन क बचाएस।</verse>
				<verse number="10">यहोवा क आतिमा ओत्नीएल पइ उतरी। उ इस्राएल क लोगन क निआवाधीस होइ गवा अउर ओन लोगन क जुद्ध मँ अगुवाइ किहेन। यहोवा मेसोपोटामिया क राजा कूसत्रिसातैम क हरावइ मँ ओत्नीएल क मदद किहेस।</verse>
				<verse number="11">इ तरह उ भुइँया चालीस बरिस तलक सान्त रहा, जब तलक कनजी नाउँ क मनई क पूत ओत्नीएल नाहीं मरा।</verse>
				<verse number="12">एक दाईं फुन इस्राएल क लोग उहइ किहेन जेका यहोवा गलत कहेस। एह बरे यहोवा मोआब क राजा एग्लोन क इस्राएल क लोगन क हरावइ क सक्ती दिहेस काहेकि उ पचे उहइ किहेन जेका यहोवा बुरा कहेस।</verse>
				<verse number="13">एग्लोन इस्राएल क लोगन पइ हमला करत समइ अम्मोनियन अउ अमालेकियन क अपने संग लिहस एग्लोन अउ ओकर फउज इस्राएल क लोगन क हराएस अउर ताड़ क बृच्छनवाले नगर स ओनका निकार बाहेर किहस।</verse>
				<verse number="14">इस्राएल क लोग अट्ठारह बरिस तलक मोआब क राजा एग्लोन क सासन मँ रहेन।</verse>
				<verse number="15">तब लोग यहोवा स पराथना किहेन अउर रोइके ओका गोहराएन। यहोवा इस्राएल क लोगन क रच्छा बरे एक मनई क पठएस। उ मनई क नाउँ एहूद रहा उ बिन्यामीन क परिवार समूहे क गेरा नाउँ क मनई क पूत रहा। एहूद बायाँ हाथ क रहा। इस्राएल क लोग एहूद क मोआब क राजा एलोंन बरे कर क रूप मँ कछू धन देइ क पठएस।</verse>
				<verse number="16">एहूद अपने बरे एक ठु तरवार बनाएस। उ तरवार दुइधारी रही अउर लगभग अट्ठारह इंच लम्बी रही। एहूद तरवारे क आपन दाहिना जाँघे मँ बाँधेस अउर आपन ओढ़नन मँ छुपाइ लिहस।</verse>
				<verse number="17">इ तरह एहूद मोआब क राजा एग्लोन क लगे आवा अउ ओका भेंट क रूप मँ धन दिहस। (एग्लोन बहोत मोटा आदमी रहा।)</verse>
				<verse number="18">एग्लोन क धन देइ क पाछे एहूद ओन मनइयन क घर पठइ दिहेस, जउन धन लिआए रहेन।</verse>
				<verse number="19">उ पचे राजा क महल छोड़े दिहेस। जब एहूद गिलगाल क मूरतियन क पास पहुँचेन तउ उ वापिस मुड़ेन अउर राजा क लखइ बरे गएन। एहूद एग्लोन स कहेस, “राजा, मइँ आप क बरे एक गुप्त सँदेसा लाएउँ ह।” राजा कहेस, “चुप रहा।” तब उ सबहिं नउकरन क कमरा स बाहेर पठइ दिहस।</verse>
				<verse number="20">एहूद राजा एग्लोन क लगे गवा। एग्लोन एकदम अकेला आपन गर्मी महल क ऊपर क कमरे मँ बइठा रहा। तब एहूद कहेस, “मइँ परमेस्सर क हिआँ स आप क बरे सँदेसा लाए अहउँ।” राजा आपन सिंहासने स उठा, उ एहूद क बहोत निचके रहा।</verse>
				<verse number="21">जइसेन ही राजा अपने सिंहासने स उठा, एहूद आपन बाएँ हाथ क बढ़ाएस अउर उ तरवार क निकारेस जउन ओकर दाई जाँघे मँ बँधी रही। तब एहूद तरवार क राजा क पेट मँ भोंक दिहेस।</verse>
				<verse number="22">तरवार एग्लोन क पेट मँ ऍतनी भीतर गइ कि ओकर मूठ भी ओहमाँ समाइ गइ। राजा क चर्बी पूरी तरवार क छुपाइ लिहस। एह बरे एहूद तरवार क एग्लोन क अन्दर छोड़ दिहस। जब एग्लोन क भोंका गवा रहा तउ उ आपन अत्रि अउ आमासय पर नियन्त्रण नाहीं रख सकेन अउर ओकर मल बाहार आगएन।</verse>
				<verse number="23">एहूद कमरा स बाहेर गवा अउर उ आपन पाछे दरवाजन मँ ताला लगाइके बन्द कइ दिहस।</verse>
				<verse number="24">एहूद क चले जाइ क ठीक पाछे नौकर वापस आएन। उ पचे कमरा क दरवाजन मँ ताला लगाइ पाएन। एह बरे नौकर लोग कहेन, “राजा आपन आराम कच्छ क हवादार सौचालय मँ सौच करत रहा होइहीं।”</verse>
				<verse number="25">एह बरे नौकर लोग लम्बे समइ तलक प्रतीच्छा किहेन। राजा अटारी के कमरे के द्वार कबहुँ नाहीं खोलेस। आखिर मँ उ सबइ चिन्तित भएन। उ पचे चाभी लिहेन अउ दरवाजन खोलेन। जब नौकर लोग घुसेन तउ उ पचे राजा क फर्स पइ मरा प़डा निहारेन।</verse>
				<verse number="26">जब तलक नौकर लोग राजा क प्रतीच्छा करत रहेन तब तलक एहूद क भाग पराइ क समइ मिल गवा। एहूद मूरतियन क लगे स होइके सेइरे नाउँ क ठउरे कइँती गवा।</verse>
				<verse number="27">एहूद सेइरे नाउँ क ठउरे पइ पहुँचा। तब उ एप्रैम क पहाड़ी छेत्र मँ तुरही बजाएस। इस्राएल क लोग तुरही क आवाज सुनेन अउर उ पचे पहाड़ियन स उतरेन। एहूद ओनकर संचालक रहा।</verse>
				<verse number="28">एहूद इस्राएल क लोगन स कहेस, “मोरे पाछे चला। यहोवा मोआब क लोगन अर्थात हमरे दुस्मनन क हरावइ मँ हमार मदद किहेस ह।” एह बरे इस्राएल क लोग एहूद क अनुसरण किहन। उ पचे एहूद क अनुसरण ओन ठउरन पइ अधिकार करइ बरे करत रहेन जहाँ स यरदन नदी आसानी स पार कीन्ह जाइ सकत रही। उ सबइ ठउर मोआब क प्रदेस तलक पहुँचावत रहेन। इस्राएल क लोग कउनो क यरदन नदी क पार नाहीं जाइ दिहन।</verse>
				<verse number="29">इस्राएल क लोग मोआब क करीब दस हजार बलवान अउ साहसी मनइयन क मार डाएन। एक भी मोआबी पराइके बच नाहीं सका।</verse>
				<verse number="30">एह बरे उहइ दिना स मोआब क लोगन क इस्राएल क लोगन क सासन मँ रहइ क मजबूर कीन्ह गएन अउर हुआँ उ भुइँया मँ अस्सी बरिस तलक सान्ति बिराज रही।</verse>
				<verse number="31">एहूद क बाद एक दूसर मनई इस्राएल क बचाएस। उ मनई क नाउँ समगर रहा उ अनात नाउँ क पूत रहा। समगर कोड़े क उपयोग छ: सौ पलिस्ती मनइयन क मार डावइ बरे किहेस।</verse>
			</chapter>
			<chapter number="4">
				<verse number="1">एहूद क मृत्यु क पाछे इस्राएलियन एक बार फुन उहइ किहेन जउन यहोवा क नजर मँ बुरा रहा।</verse>
				<verse number="2">एह बरे यहोवा कनान प्रदेस क राजा याबीन क इस्राएली लोगन क पराजित करइ दिहस। याबीन हासोर नाउँ क नगर मँ सासन करत रहा। राजा याबीन क सेना क सेनापति सीसरा नाउँ क मनई रहा। सीसरा हरोसेत हाग्योयीम नाउँ क नगर मँ रहत रहा।</verse>
				<verse number="3">सीसरा क लगे नौव सौ लोहा क रथ रहेन अउर उ बीस बरिस तलक इस्राएल क लोगन क बरे बहोत क्रूर रहा। इस्राएल क लोगन क संग बहोत बुरा बेउहार कीन्ह गवा। एह बरे उ पचे यहोवा क पराथना किहेस अउर मदद बरे रोइके पुकारेस।</verse>
				<verse number="4">दबोरा नाउँ क एक ठु मेहरारू नबी रही। उ लप्तीदोत नाउँ क मनई क पत्नी रही। उ उ समइ इस्राएल क निआवाधीस रही।</verse>
				<verse number="5">एक दिन दबोरा, ताड़ क बृच्छ क खाले बइठी रही जेका “दबोरा क ताड़ बृच्छ” कहा जात रहा। इस्राएल क लोग ओकर लगे इ पूछइ बरे आएन कि सीसरा क बारे मँ का कीन्ह जाइ। (दबोरा क ताड़ बृच्छ एप्रैम क पहाड़ी प्रदेस मँ रामा अउ बेतेल नगरन क बीच रहा।)</verse>
				<verse number="6">दबोरा बाराक नाउँ क मनई क लगे सँदेसा पठएस। उ ओका ओहसे मिलइ क कहेस। बाराक अबीनोअम नाउँ क मनई क पूत रहा। बाराक नप्ताली क छेत्र मँ केदेस नाउँ क नगर मँ रहत रहा। दबोरा बाराक स कहेस, “यहोवा, इस्राएल क परमेस्सर तोहका आदेस देत ह, ‘जा अउर नप्ताली अउर जबूलून क परिवार समूहन स दस हजार मनइयन क इकट्ठा करा अउर ओनका ताबोर पहाड़ी पइ लइ जा।</verse>
				<verse number="7">मइँ याबीन क सेना क सेनापति सीसरा क तोहरे पास पठउब। मइँ सीसरा, ओकर रथन अउर ओकर सेना क कीसोन नदी पइ पहोंचाउब। मइँ हुवाँ सीसरा क हरावइ मँ तोहार मदद करब।’”</verse>
				<verse number="8">तब बाराक दबोरा स कहेस, “जदि तू मोरे संग चलबिउ तउ मइँ जाब अउर इ करब। किन्तु जदि तू नाहीं चलबिउ तउ मइँ नाहीं जाब।”</verse>
				<verse number="9">दबोरा जवाब दिहस, “निहचय ही, मइँ तोहरे संग चलब। किन्तु तोहरी स्वभाव क कारण जब सीसरा हरावा जाइ, तोहरा प्रसिद्धता नाहीं मिली। यहोवा एक ठु मेहरारू क जरिये सीसरा क हराइ देइ।” एह बरे दबोरा बाराक क संग केदेस नगर क गइ।</verse>
				<verse number="10">केदेस नगर मँ बाराक जबूलून अउ नप्ताली क परिवार समूहन क एक संग बोलाएस। बाराक ओन परिवार समूह स, अपने संग चलइ बरे दस हजार मनइयन क बटोरेस। दबोरा भी बाराक क संग गइ।</verse>
				<verse number="11">हुआँ हेबेर नाउँ क एक अइसा मनई रहा जउन केनी लोगन मँ स रहा। हेबेर दूसर केनी लोगन क छोड़ चुका रहा। (केनी लोग होबाब क सन्तान रहेन। होबाब मूसा क ससुर रहा।) हेबेर सानन्नीम बलूत क बृच्छ क लगे सिबिर लगाएस। साननीम केदेस नगर क लगे अहइ।</verse>
				<verse number="12">तब सीसरा स इ कहा गवा कि बाराक जउन कि अबीनोअम क पूत अहइ, ताबोर पर्वते तलक पहोंच गवा अहइ।</verse>
				<verse number="13">एह बरे सीसरा आपन नौव सौ लोहा क रथन क बटोरेस। सीसरा आपन सबहिं फउजियन क भी संग लिहस। हरोसेत हाग्योयीम नगर स उ पचे कीसोन नदी तलक जात्रा किहेन।</verse>
				<verse number="14">तब दबोरा बाराक स कहेस, “आजु जा! यहोवा तोहका सीसर क हरावइ मँ मदद देइ। निहचइ ही, तू जानत अहा कि यहोवा पहिले स ही तोहरे बरे रस्ता साफ कइ रखेस ह।” एह बरे बाराक दस हजार फउजियन क ताबोर पर्वत स निचे उतारेस।</verse>
				<verse number="15">बाराक अउर ओकर फउजियन सीसरा पइ हमला कइ दिहन। जुद्ध क दौरान यहोवा सीसरा, ओकर फउज अउ रथन क अस्तव्यस्त कइ दिहस। एह बरे बाराक अउ ओकर फउज सीसरा क फउज क हराइ दिहस। किन्तु सीसरा आपन रथ क तजि दिहस अउ पैदल पराइ गवा।</verse>
				<verse number="16">बाराक अउर ओकर फउजी सीसरा क रथन अउर फउज क पाछ हरोसेत हाग्योयीम तलक लगातार किहन। बाराक क फउजियन सीसरा क फउजियन क मारइ बरे आपन तरवारन क उपयोग किहन। सीसरा क कउनो फउजी जिअत नाहीं बचा।</verse>
				<verse number="17">मूला सीसरा परइ गवा। उ उ तम्बू क लगे आवा, जहाँ याएल नाउँ क एक ठु मेहरारू रहत रही। याएल, हेबेर नाउँ क मनई क मेहरारू रही। उ केनी लोगन मँ स एक रही। हेबेर क परिवार हासोर क राजा याबीन स सान्ति-सन्धि किए भए रहा। एह बरे सीसरा, याएल क तम्बू मँ पराइ गवा।</verse>
				<verse number="18">याएल सीसरा क आवत लखेस, एह बरे उ ओहसे मिलइ बाहेर गइ। याएल सीसरा स कहेस, “मोरे तम्बू मँ आवा, मोर सुआमी, आवा डेराअ नाहीं।” एह बरे सीसरा याएल क तम्बू मँ गवा अउर उ ओका एक ठु कमबल स ढाँपि लिहेस।</verse>
				<verse number="19">सीसरा याएल स कहेस, “मइँ पिआसा अहउँ। कृपा कइके मोका पिअइ क तनिक पानी द्या।” एह बरे याएल एक मसक खोलेस, जेहमाँ उ दूध रखे रहा अउर उ पिअइ क दिहस। तब उ सीसरा क ढाँपि लिहेस।</verse>
				<verse number="20">तब सीसरा याएल स कहेस, “तम्बू क दुआर पइ जा। जदि कउनो हुवाँ स गुजरत ह अउर पूछत ह, ‘का हिआँ कउनो अहइ?’ तउ तू कहया ‘नाहीं।’”</verse>
				<verse number="21">किन्तु हेबेर क मेहरारू याएल तम्बू क एक खूँटी अउ हथौ़डा लिहस। याएल चुपचाप सीसरा क लगे गइ। सीसरा बहोत थका रहा एह बरे उ सोवत रहा। याएल तम्बू क खूँटी क सीसरा क मूँड़ क एक कइँती धरेस अउर ओह पइ हथौड़ा स चोट किहस। तम्बू क खूँटी सीसरा क मूँड़ क एक कइँती स होइके जमीन मँ धँस गइ अउर इ तरह सीसरा मर गवा।</verse>
				<verse number="22">ठीक तुरंत बाद बाराक सीसरा क हेरत भवा याएल क तम्बू क लगे आवा। याएल बाराक स मिलइ बाहेर निकरी अउर बोली, “अन्दर आवा अउर मइँ उ मनई क देखाउब जेका तू हेरत अहा।” एह बरे बाराक याएल क साथ तम्बू मँ घुसा। बाराक हुवाँ सीसरा क जमीन पइ मरा पड़ा पाएस, तम्बू क खूँटी ओकरे मूड़ी क एक कइँती स दूसरी कइँती निकरी भइ रही।</verse>
				<verse number="23">उ दिन यहोवा कनान क राजा याबीन को इस्राएल क लोगन क समन्वा हराएस।</verse>
				<verse number="24">इ तरह इस्राएल क लोग क्रम स जियादा सक्तिसाली होत गएन अउर उ पचे कनान क राजा याबीन क हराइ दिहन। इस्राएल क लोग कनान क राजा याबीन क आखिरी रूप स हराएस।</verse>
			</chapter>
			<chapter number="5">
				<verse number="1">जउने दिन इस्राएल क लोग सीसरा क हराएन उ दिन दबोरा अउर अबीनोअम क पूत बाराक इ गीत क गाएस:</verse>
				<verse number="2">“इस्राएल क लोग अपने क जुद्ध बरे तइयार किहन। उ पचे जुद्ध मँ भाग लेइ बरे खुद आएन। यहोवा क बखान करा!</verse>
				<verse number="3">“राजा लोग, सुना। सासक लोगो, धियान द्या। मइँ गाउब। मइँ खुद यहोवा क बरे गाउब। मइँ यहोवा, इस्राएल क लोगन क परमेस्सर क स्तुति करब।</verse>
				<verse number="4">“हे यहोवा, अतीत मँ तू सेईर देस स आया। तू एदोम प्रदेस स चलकर आया, अउर धरती काँप उठी। गगर बरसा किहेस, मेघन जल गिराएन।</verse>
				<verse number="5">पर्वत, यहोवा सिनाई पर्वत क परमेस्सर क समन्वा, यहोवा, इस्राएल क लोगन क परमेस्सर क समन्वा काँप उठेन।</verse>
				<verse number="6">“अनात क पूत समगर क समइ मँ अउर याएल क समइ मँ, राजमार्गन सूना रहेन। काफिले अउ राही, गौण पथन स चलत रहेन।</verse>
				<verse number="7">“इस्राएल मँ कउनो जोधा नाहीं रहा, हे दबोरा, जब तलक तू नाहीं आएस रहा, जब तलक तू इस्राएल क महतारी बनिके न खड़ी भइउ रहा हुआँ कउनो फउजी नाहीं रहा।</verse>
				<verse number="8">“परमेस्सर नवे प्रमुखन क चुनेस कि उ पचे नगर-द्वार पइ जुद्ध करइँ। इस्राएल क चालीस हजार फउजियन मँ, कउनो ढाल अउ भाला नाहीं पाइ सका।</verse>
				<verse number="9">“मोर हिरदय इस्राएल क सेनापतियन क संग अहइ। इ सबइ सेनापति खुद आपन इच्छा स जुद्ध मँ गएन। यहोवा प्रसंसा करा।</verse>
				<verse number="10">“सफेद गदहन पइ सवार होइवाले लोगो तू पचे, जउन कम्बले क काठी पइ बइठत अहा अउर तु जउन राजपथे पइ अहा, धियान द्या।</verse>
				<verse number="11">घुंघरुअन क छमछम संगीत, गोरुअन बरे पानी वाले कुअँन पइ, सुना जा सकत ह। लोग यहोवा क विजय गीत गावत ह। उ पचे इस्राएल मँ यहोवा अउ ओकर वीरन क विजय-कथा कहत हीं। उ जब समइ यहोवा क लोग नगर दुआरन पइ लड़ेन अउर विजयी भएन।</verse>
				<verse number="12">“दबोरा जागा, जागा! जागा, जागा गीत गावा जागा, बाराक! जा, हे अबीनोअम के पूत आपन दुस्मनन क धरा!</verse>
				<verse number="13">“तउ कछू मनइयन ताकतवर मनइयन स लड़इ बरे गएन। यहोवा क लोगो, सक्तीसाली सिपाहियन क खिलाफ मोरे संग आवा।</verse>
				<verse number="14">“एप्रैम क कछू लोग अमालेक क पहाड़ी प्रदेस स आएन। हे बिन्यामीन, तू अउर तोहार लोग ओन मनइयन क अनुसरण किहन। माकीर क परिवार समूह स सेनापतियन आगे आएन। कॉसे क दण्ड क संग जबूलून परिवार समूह स नेता लोग आएन।</verse>
				<verse number="15">इस्साकार क नेता दबोरा क संग रहेन। इस्साकार क परिवार समूह बाराक क बरे सच्चा रहा। उ सबइ मनई पैदल ही घाटी मँ पठवा गएन। “रूबेन तोहार फउज मँ बहोत सारे बहादुर सिपाही अहइ।</verse>
				<verse number="16">एह बरे आपन भेड़वाले देवार स लगे तू सबहिं काहे बइठा अहा? रूबेन क वीर फउजियन जुद्ध बरे बहोत जियादा सोचेन। किन्तु उ पचे घर बइठेन भेड़िन बरे बजाइ जा रहेन संगीत क अनकत रहेन।</verse>
				<verse number="17">गिलाद क लोग यरदन नदी क पार आपन डेरन मँ पड़ा रहेन। ऐ, दान क लोगो, जहाँ तलक बात तोहार पचन्क अहइ तू पचे जहाजन क संग काहे चिपका रह्या? आसेर क लोग सागर तट पइ पड़ा रहेन। उ पचे आपन सुरच्छित बन्दरगाहन मँ डेरा डाएन।</verse>
				<verse number="18">“किन्तु जबूलून क लोग अउर नप्ताली क लोग, मैदान क ऊच छेत्रन मँ जुद्ध क खतरे मँ जीवन क डाएन।</verse>
				<verse number="19">राजा लोग आएन, उ पचे लड़ेन, उ समइ कनान क राजा लोगन, तानक सहर मँ मगिद्दो क जलासय पइ लड़ा किन्तु उ पचे इस्राएल क लोगन क कउनो सम्पति नाहीं लइ जाइ सकेन।</verse>
				<verse number="20">गगन क नछत्रन जुद्ध किहेन। नछत्रन आपन पथ स, सीसरा स जुद्ध किहन।</verse>
				<verse number="21">कीसोन नदी, सीसरा क फउजियन क बहाइ लइ गइ, उ पुरानी नदी-कीसोन नदी। मोर आतिमा, सक्ती स आगे बढ़ा!</verse>
				<verse number="22">उ समइ घोड़न क खरन भुइँया क पीटेन। सीसरा क सक्तीसाली घोड़न भागत गएन, भागत गएन।</verse>
				<verse number="23">“यहोवा क दूत कहेस, ‘मेरोज नगर क अभिसाप द्या। लोगन क अभिसाप द्या। लोगन क अभिसाप द्या जोधन क संग उ पचे यहोवा क मदद करइ नाहीं आएन।’</verse>
				<verse number="24">केनी हेबेर क मेहरारू याएल सबहिं मेहररूअन मँ स सब स जियादा धन्य होइ।</verse>
				<verse number="25">सीसरा जल माँगेस, किन्तु याएल दूध दिहस, उ सासक क बरे एक ठु उपयुक्त पिआला मँ मलाई लिआएस।</verse>
				<verse number="26">याएल बाहेर गइ अउर तम्बू क खूँटी लिआएस। ओकर दाहिने हाथे मँ हथौ़डा रहा जेका मजदूर काम लिअवतेन। अउर उ सीसरा पइ हथौरा चलाएस। उ ओकरे मूँड़ चूर किहेस। उ ओकरे मूँड़ क एक कइँती स बेधेस।</verse>
				<verse number="27">उ याएल क गोड़न क बीच बूड़ा। उ मर गवा। उहुवँइ पड़ गवा। उ ओकरे गो़ड़न क बीच बूड़ा। उ मर गवा जहाँ सीसरा बूड़ा। हुवँइ उ गिरा, मर गवा।</verse>
				<verse number="28">“सीसरा क महतारी, खिड़की स लखत अउर पर्दन स झाँकत भइ चिचियाइ उठी। ‘सीसरा क रथ क आवई मँ देरी काहे भवा? सीसरा क रथ क घोड़न क हिनहिनाइ मँ देरी काहे भवा?’</verse>
				<verse number="29">“सब स चतुर ओकर सेविकन जवाब ओका देतिन, हाँ सेविका ओका जवाब देत।</verse>
				<verse number="30">‘निहचइ ही उ पचे विजय पाएन ह, निहचय ही पराजितन क चिजियन उ पचे हड़पत अहइँ निहचय ही उ पचे आपुस मँ चिजियन क बाँटत हीं। एक ठु या दुइ लड़की, हर फउजी क दीन्ह जात हीं। संभव अहइ सीसरा कउनो रंगा ओढ़ना लेत अहइ, संभव अहइ इ एक कढ़े ओढ़ना क टूका होइ, या संभव अहइ, विजय सीसरा क पहिरइ बरे दुइ हुका होइ।’</verse>
				<verse number="31">“हे यहोवा, इ तरह तोहार, दुस्मन मर-मिट जाइँ। किन्तु उ सबइ लोग जउन तोहका पियार करत हीं उदय होत भवा चमकीला क समान सक्तीसाली बनइ।” तउ देस मँ चालीस बरिस तक सान्ति रही।</verse>
			</chapter>
			<chapter number="6">
				<verse number="1">तउ इस्राएलियन उहइ किहस जेका यहोवा बुरा कहेस। एह बरे सात बरिस तलक यहोवा मिद्यानी लोगन क इस्राएल क पराजित करइ दिहस।</verse>
				<verse number="2">मिद्यानी लोग बहोत सक्तिसाली रहेन अउ इस्राएल क लोगन क बरे बहोत क्रूर रहेन। एह बरे इस्राएल क लोग पहाड़न मँ बहोत स छुपइ क ठउर बनाएन। उ पचे आपन भोजन भी गुफन मँ अउर ओन ठउरन मँ जेका खोजब कठिन रहा छुपाएन।</verse>
				<verse number="3">उ पचे इ किहेन, काहेकि मिद्यानी, अमालोकी अउर पूर्वी लोगन सदा आवत रहेन अउर फसलन क नस्ट करत रहेन।</verse>
				<verse number="4">उ सबइ लोग उ प्रदेस मँ डेरन डावत रहेन अउ उ फसल क नस्ट करत रहेन जउन इस्राएल क लोग जमावत रहेन। ऊज्जा नगर क निअरे तलक क प्रदेस क इस्राएल क लोगन क फसल क उ पचे लोग नस्ट करत रहेन। उ सबइ लोग इस्राएल क लोगन क खाइ क बरे कछू भी नाहीं छो़डत रहेन। उ पचे ओनके बरे भेड़ या पसु या गदधा भी नाहीं छोड़त रहेन।</verse>
				<verse number="5">मिद्यानी लोग आएन अउर उ पचे उ प्रदेस मँ डेरा डाएन। उ पचे अपने संग आपन परिवार अउर जनावरन क भी लिआएन। उ पचे एतने जियादा रहेन जेतने टिडिइयन क दल। ओन लोगन अउ ओनकर ऊँटन क गिनती एतनी जियादा रही कि ओनका गनब संभव नाहीं रहा। इ सबइ लोग उ भुइँया मँ आएन अउ ओका नस्ट कइ डाएन।</verse>
				<verse number="6">इस्राएल क लोग मिद्यानी लोगन क कारण बहोत गरीब होइ गएन। एह बरे इस्राएल क लोग यहोवा क मदद बरे रोइके गोहराएन।</verse>
				<verse number="7">जब मिद्यानियन क कारण इस्राएलियन यहोवा क समन्वा रोएस।</verse>
				<verse number="8">तउ यहोवा ओनके लगे एक ठु नबी पठएस। नबी इस्राएल क लोगन स कहेस, “यहोवा, इस्राएल क परमेस्सर इ कहेस ह कि, ‘तू लोग मिस्र देस मँ दास रह्या। मइँ तू लोगन क अजाद किहेउँ अउर मइँ उ देस स तू पचन्क बाहेर लिआएउँ।</verse>
				<verse number="9">मइँ मिस्र क सक्तीसाली लोगन स तोहार पचन्क बचाएउँ। तब कनान क लोग तू पचन्क कस्ट दिहेन। एह बरे मइँ फुन तोहार पचन्क बचाएउँँ। मइँ ओन लोगन स ओनकर देस छोड़वाएउँ अउर मइँ ओनकर देस तू पचन्क दिहेउँ।’</verse>
				<verse number="10">तब मइँ तू पचन्स कहेउँ, ‘मइँ यहोवा तोहार पचन्क परमेस्सर अहउँ। तू लोग एमोरी लोगन क भुइँया मँ रहब्या, किन्तु तू पचन्क ओनकर लबार देवतन क पूजा नाहीं करइ चाही।’ परन्तु तू लोग मोरी आग्या क पालन नाहीं किह्या।”</verse>
				<verse number="11">उ समइ, यहोवा क दूत गिदोन नाउँ क मनई क लगे आवा। यहोवा क दूत आवा अउर ओप्रा मँ बलूत क तले बइठा। इ बलूत क बृच्छ योआस नाउँ क मनई क रहा। योआस अबीएजेरी लोगन मँ स एक रहा। योआस गिदोन क बाप रहा। गिदोन कछू गोहूँ दाखरस निकारइ क यंत्र मँ कूटत रहा। गिदोन मिद्यानी लोगन स आपन गोहूँ छुपावइ क जतन करत रहा। यहोवा क दूत गिदोन क समन्वा परगट भवा अउर ओहसे कहेस, “सक्तिसाली योद्धा, यहोवा तोहरे संग होइ!”</verse>
				<verse number="12"></verse>
				<verse number="13">तब गिदोन कहेस, “महोदय, मइँ किरिया खाइके कहत हउँ कि जदि यहोवा हमारे संग अहइ तउ हम लोगन क एतना कस्ट काहे अहइ? हम लोग सुना ह कि उ हमार पुरखन बरे अजूबा कारज किहे रहा। हमार पुरखन हम लोगन स कहेन कि यहोवा हम लोगन क मिस्र स बाहेर लिआबा। किन्तु अब यहोवा हम लोगन क तजि दिहेस ह। यहोवा मिद्यानी लोगन क हम लोगन क हरावइ दिहस।”</verse>
				<verse number="14">यहोवा गिदोन कइँती मुड़ा अउर ओनसे बोला, “आपन सक्ती क प्रयोग करा। जा अउर मिद्यानी लोगन स इस्राएल क लोगन क रच्छा करा। का इ अइसा नाहीं अहइ कि मइँ तोहका पठवत हउँ?”</verse>
				<verse number="15">किन्तु गिदोन जवाब दिहेस अउर कहेस, “महोदय, छिमा करइँ, मइँ इस्राएल क रच्छा कइसे कइ सकत अहउँ? मोर परिवार मनस्से क परिवार समूह मँ सबसे कमजोर अहइ अउर मइँ आपन परिवार मँ सबसे लहुरा हउँ।”</verse>
				<verse number="16">यहोवा गिदोन क जवाब दिहेस अउर कहेस, “मिद्यानी लोगन क हरावइ मँ मदद करइ बरे मइँ तोहरे संग रहब। इ ऐसा मालूम होइ कि तू एक मनई क खिलाफ लड़न अहा।”</verse>
				<verse number="17">तब गिदोन यहोवा स कहेस, “जदि तू मोहसे खुस अहा तउ सबूत द्या कि तू फुरइ यहोवा अहा।</verse>
				<verse number="18">कृपा कइके तू हिआँ रूका। जब तलक मइँ लउट न आवउँ तब तलक तू न जा। मोका मोर भेट लिआवइ द्या अउर ओका तोहरे समन्वा रखइ द्या।” एह बरे यहोवा कहेस, “मइँ तब तलक प्रतीच्छा करब जब तलक तू लउटत्या नाही।”</verse>
				<verse number="19">एह बरे गिदोन गवा अउर उ एक ठु बोकरी क बच्चा खउलात पानी मँ पकाएस। गिदोन लगभग एक एपा आटा भी लिहस अउर बेखमीरी रोटियन बनाएस। तब गिदोन माँस क एक टोकरा मँ अउ पके भए माँस क सोरबे क एक बर्तन मँ लिहस। तउ गिदोन माँस, पके माँस क सोरबा अउ बेखमीरी रोटियन क निकारेस। गिदोन उ खइया क बलूत क बृच्छ क नीचे यहोवा क दिहस।</verse>
				<verse number="20">परमेस्सर क दूत गिदोन स कहेस, “माँस अउ बेखमीरी रोटियन क हुवाँ चट्टाने पइ धरा। तब पका भवा माँस क सोरबा क गिरावा।” गिदोन वइसा ही किहस जइसा करइ क कहा गवा रहा।</verse>
				<verse number="21">यहोवा क सरगदूत अपने हाथ मँ एक ठु कुबरी लइ रखे रही। यहोवा क सरगदूत माँस अउ रोटियन क कुबरी क सिरे स छुएस। तब चट्टाने स आगी बरि उठी। माँस अउ रोटियन पूरी तरह बरि गइन। तब यहोवा सरग क दूत अन्तर्ध्यान होइ गवा।</verse>
				<verse number="22">तब गिदोन समुझेस कि उ यहोवा क सरगदूत स बातन करत अहइ। एह बरे गिदोन चिचियाइ उठा, “सर्वसक्तीमान यहोवा! मइँ यहोवा क सरगदूत क आमने-सामने लखेउँ ह!”</verse>
				<verse number="23">किन्तु यहोवा गिदोन स कहेस, “सान्त रहा। डेराअ नाहीं। तू मरब्या नाहीं।”</verse>
				<verse number="24">एह बरे गिदोन यहोवा क उपासना बरे उ ठउरे पइ एक वेदी बनाएस। उ वेदी क नाउँ “यहोवा सान्ति अहइ” धरेस। उ वेदी अब तलक ओप्रा मँ खड़ी अहइ। ओप्रा हुवँइ अहइ जहाँ एजेरी लोग रहत ही।</verse>
				<verse number="25">उहइ रात यहोवा गिदोन स बातन किहस। यहोवा गिदोन स कहेस, “आपन पिता क एक संपूर्ण प्रौढ़ बर्धा अउर दूसर जउन सात बरिस क अहइ लिआवा। तोहरे पिता क लबार देवता बाल क एक ठु वेदी अहइ। उ वेदी क बगल मँ एक काठे क खम्भा भी अहइ। खम्भा लबार देवी असेरा क सम्मान बरे बनावा गवा रहा। वेदी क नास कइ द्या अउ असेरा क खम्भा क काट द्या।</verse>
				<verse number="26">तब यहोवा, आपन परमेस्सर बरे उचित तरह क वेदी बनावा। इ ऊँच ठउरे पइ उ वेदी बनावा। तब एक ठु सम्पूर्ण प्रौढ़ बर्धा क मारा अउर इ वेदी पइ ओका बार द्या। असेरा क खम्भे क काठ क उपयोग आपन भेट क बारइ बरे करा।”</verse>
				<verse number="27">एह बरे गिदोन आपन नउकरन स दस नउकर क लिहस अउर उहइ किहस जउन यहोवा करइ क कहे रहा। किन्तु गिदोन डेरात रहा कि ओकर परिवार क सदस्य अउर नगर क नागरिक लखि सकत हीं कि उ का करत अहइ। गिदोन अहइ किहस जउन यहोवा ओका करइ क कहेस। किन्तु उ इ रात मँ किहस, दिन मँ नाहीं।</verse>
				<verse number="28">अगले भिंसारे नगर क नागरिक सोइके उठेन अउर उ पचे लखेन कि बाल क वेदी नस्ट कइ दीन्ह गइ अहइ। उ पचे इ भी लखेन कि असेरा क खम्भा काट डावा ग अहइ। असेरा क खम्भा बाल क वेदी क ठीक पाछे गिर पड़ा। ओन लोग उ वेदी क भी लखेन जेका गिदोन बनाए रहा अउर उ पचे उ वेदी पइ बलि दीन्ह गए बर्धा क भी निहारेन।</verse>
				<verse number="29">नगर क लोग एक दूसरे क लखेन अउ कहेन, हमरी वेदी क कउन गिराएस? “हमार असेरा क खम्भे क कउन काटेस? इ नवा वेदी पइ कउन इ बर्धा क बलि दिहस?” उ पचे कइउ सवाल किहेन अउर इ पता लगावइ चाहेन कि उ सबइ काम कउन किहेस। कउनो कहेस, “योआस क पूत गिदोन इ काम किहेस।”</verse>
				<verse number="30">एह बरे नगर क लोग योआस क लगे आएन। उ पचे योआस स कहेन, “तोहका आपन पूत क बाहेर लिआवइ चाही। उ बाल क वेदी क गिराएस ह अउर उ असेरा क खम्भे क काटेस ह जउन उ वेदी क बगल मँ रहा। एह बरे तोहरे पूत क मारा जाइ चाही।”</verse>
				<verse number="31">तब योआस ओन सबइ स जउन ओकरे चारिहुँ ओर खड़ी रही कहेस, “का तू बाल क मुकद्दमा क वकालत करब्या? का तू ओका बचाउब्या? जदि उ एक देवता अहइ तउ जउन कउनो ओकरे खिलाफ करइ उ भिन्सारे तलक मरि जाइ! जदि उ देवता अहइ तउ ओका खुद ओकर खिलाफ लड़इ चाही जउन ओकर वेदी क काटेस ह!”</verse>
				<verse number="32">योआस कहेस, “जदि गिदोन बाल क वेदी क गिराएस तउ बाल क ओहसे संघर्स करइ द्या।” एह बरे उ दिन योआस गिदोन क एक ठु नवा नाउँ दिहस। उ ओका यरूब्बाल कहेस।</verse>
				<verse number="33">मिद्यानी, अमालेकी अउ पूर्व क दूसर सबहिं लोग इस्राएल क लोगन क खिलाफ जुद्ध लड़इ बरे एक संग मिलेन। उ सबइ लोग यरदन नदी क पार गएन अउर उ पचे यिज़ेल क घाटी मँ डेरा डाएन।</verse>
				<verse number="34">किन्तु गिदोन पइ यहोवा क आतिमा आएस अउ ओका बड़ी सक्ती प्रदान किहेस। गिदोन अबीएजोरी लोगन क आपन पाछे (अनुसरण) चलइ बरे तुरही बजाएस।</verse>
				<verse number="35">गिदोन मनस्से परिवार समूह क सबहिं लोगन क लगे दूत पठएस। उ सबइ दूतन मनस्से क लोगन स आपन हथियार निकारइ अउ जुद्ध बरे तइयार होइ क कहेस। गिदोन असेर, जबूलून अउ नप्ताली क परिवार समूहन क भी दूत पठएस। एह बरे उ सबइ परिवार समूह भी गिदोन स अउर ओकरे आदमियन स भेंटइ गएन।</verse>
				<verse number="36">तब गिदोन यहोवा स कहेस, “अगर तू इस्राएल क लोगन क बचावइ बरे मोर उपयोग करब्या, जइसा तू किहेस,</verse>
				<verse number="37">मइँ खरिहान क फर्स पइ एक भेड़ी क ऊन रखत हउँ। जदि सिरिफ भेड़ी क ऊन पइ ही ओस क बूँदन होइही, जबकि सारी भुइयाँ सूखी अहइ, तब मइँ समुझब कि तू आपन कहइ क अनुसार मोर उपयोग इस्राएल क बचावइ मँ करब्या।”</verse>
				<verse number="38">अउर उ ठीक वइसा ही भवा। गिदोन अगले भिंसारे उठा अउ भेड़ क ऊने क निचोड़ेस। उ भेड़ी क ऊन स पियाला भइ पानी निचोड़ सका।</verse>
				<verse number="39">तब गिदोन परमेस्सर स कहेस, “मोह पइ जिन कोहाअ। मोका सिरिफ एक अउर अनुरोध करइ द्या। मोका भेड़ी क ऊन स एक दाई अउर परीच्छण करइ द्या। इ समइ भेड़ी क ऊन क उ दसा मँ झुरान रहइ द्या जब एकरे चारिहुँ कइँती क भुइँया ओस स भीगी होइ।”</verse>
				<verse number="40">उ रात परमेस्सर उहइ किहेस। सिरिफ भेड़ी क ऊन झुरान रही, किन्तु चारिहुँ कइँती क भुइँया ओसे स भीगी रही।</verse>
			</chapter>
			<chapter number="7">
				<verse number="1">भोर भए भिंसारे, यरूब्बाल (गिदोन) अउर ओकर सबहिं लोग आपन डेरन हरोद क झरने पइ लगाएन। मिद्यानी लोग मोरह नाउँ क पहाड़ी क खाले डेरा डाए रहेन। इ गिदोन अउर ओकर मनइयन क उत्तर मँ जहाँ उ पचे डेरा डाए रहने, रहा।</verse>
				<verse number="2">तब यहोवा गिदोन स कहेस, “मइँ तोहरे मनइयन क मदद मिद्यानी लोगन क हरावइ बरे करइ जात हउँ। किन्तु तोहरे लगे इ काम बरे जरूरत स जियादा मनई अहइँ। मइँ नाही चाहत कि इस्राएल क लोग मोका बिसरि जाइँ अउर सेखी मारइँ कि उ पचे आपन रच्छा खुद किहेन।</verse>
				<verse number="3">एह बरे आपन लोगन मँ घोसणा करा। ओनसे कहा, ‘जउन कउनो डेरात होइ, उ गिलाद पहाड़ी छोड़कर आपन घर लउटि सकत ह।’” ऍह बरे 22,000 मनइयन गिदोन क तजेन अउर उ पचे अपने घर लउट गएन। किन्तु 10,000 फुन भी ओकर संग रहेन।</verse>
				<verse number="4">तब यहोवा गिदोन स कहेस, “अबहुँ भी जरूरत स जियादा लोग अहइँ। एन लोगन क जल क लगे लइ जा अउर हुवाँ मइँ एनकर परीच्छा तोहरे बरे करब। जदि मइँ कहब, ‘इ मनई तोहरे संग जाई’ तउ उ जाइ। किन्तु जदि मइँ कहब, ‘इ मनई तोहरे संग नाहीं जाइ।’ तउ उ नाही जाइ।”</verse>
				<verse number="5">एह बरे गिदोन लोगन क जल क लगे लइ गवा। उ जल क लगे यहोवा गिदोन स कहेस, “इ तरह लोगन क अलग करा: जउन मनई कूकुर क नाई लपलप कइके जल पीइहीं, उ पचे एक वर्ग मँ होइहीं। जउन पिअइ बरे निहुरिहीं, दूसर वर्ग मँ होइहीं।”</verse>
				<verse number="6">हुवाँ तीन सौ मनई अइसे रहेन जउन जल मुँहे तलक लिआवइ बरे आपन हाथन क उपयोग किहन अउर ओका कूकुर क नाई लपलप कइके पिएन। बाकी लोग घुटुरूअन क बले निहुरेन अउर उ पचे जल पिएन।</verse>
				<verse number="7">तब यहोवा गिदोन स कहेस, “मइँ तीन सौ मनइयन क उपयोग करब अउर कूकुर क नाई लपलप कइके जल पिएन। मइँ ओनही लोगन क उपयोग मिद्यानी लोगन क हरावइ बरे तोहार सहायता बरे अउर इस्राएल क रच्छा करइ बरे करब। दूसर लोगन क अपने घर लउटि जाइ द्या।”</verse>
				<verse number="8">एह बरे गिदोन इस्राएल क सेस मनइयन क ओनके घर पठइ दिहस। किन्तु गिदोन तीन सौ मनइयन क आपन संग रखेस। ओन तीन सौ मनइयन डेरा छोड़ कइ जाइवाले मनइयन क भोजन, सामग्री अउर तुरहियन क रख लिहेन। अबहिं मिद्यानी लोग, गिदोन क खाले घाटी मँ डेरा डाए भए रहेन।</verse>
				<verse number="9">रात क यहोवा गिदोन स बातन किहेस। यहोवा ओहसे कहेस, “उठा गिदोन, मिद्यानी फउजी क डेरन मँ जा अउर हमला करा काहेकि मइँ तोहका ओन लोगन क हरावइ देब।</verse>
				<verse number="10">किन्तु जदि तू अकेले हुआँ जाइ स डेरात ह तउ आपन नउकर फूरा क अपने संग लइ ल्या।</verse>
				<verse number="11">जब तू मिद्यानी लोगन क डेरा क लगे जा तउ इ सुना कि उ सबइ लोग का कहत रहे हँ। तब तू इ सुन लेब्या कि उ पचे का कहत अहइँ तब तू उ डेरा पइ हमला करइ स नाहीं डेराब्या।” एह बरे गिदोन अउ ओकर नउकर फूरा दुइनउँ दुस्मन क डेरा क छोर पइ पहोचेन।</verse>
				<verse number="12">मिद्यानी, अमालेकी अउ पूरब क दूसर सबहिं लोग उ घाटी मँ डेरा डाए रहेन। हुवाँ उ पचे एतनी बड़ी गनती मँ रहेन कि टिड्डी-दल क नाई जान पड़त रहेन। अइसा जान पड़ा कि ओन क लगे ऍतना ऊँट रहेन, जेतना समुद्दर क किनारे बाल क कण।</verse>
				<verse number="13">जब गिदोन दुस्मनन क डेरा मँ पहोंचा, उ एक मनई क बातन करत सुनेस। उ मनई आपन देख भए सपन क आपन मित्र क बतावत रहा। उ मनई कहत रहा, “मइँ इ सपना लखेउँ कि मिद्यान क लोगन क डेरा मँ एक गोल रोटी चक्कार खात भइ आइ। उ रोटी डेरा पइ ऍतनी कर्री चोट किहेस कि डेरा पलट गवा अउर चौड़ा होइके गिर गवा।”</verse>
				<verse number="14">उ मनई क मीत उ सपन क अरथ जानत रहा। उ मनई क मीत कहेस, “तोहरे सपन क सिरिफ एक ही अरथ बाटइ। यह इस्राएल क मनई, यहोसू क पूत गिदोन क तरवार बरे अहइ। एकर मतलब इ अहइ कि परमेस्सर मिद्यानी लोगन क सारी फउज क गिदोन क जरिये परास्त करवाई।”</verse>
				<verse number="15">जब गिदोन सपन क बारे मँ सुनेस अउर ओकर अरथ समुझेस तउ उ परमेस्सर क बरे निहुरा। तब गिदोन इस्राएली लोगन क डेरा मँ लउट गवा। गिदोन लोगन क बाहेर बोलाएस, “तइयार होइ जा। यहोवा हम पचन्क मिद्यानी लोगन्क हरावइ मँ मदद करी।”</verse>
				<verse number="16">तब गिदोन तीन सौ मनइयन क तीन दलन मँ बाँटेस। गिदोन हर एक मनई क एक तुरही अउर एक खाली घड़ा दिहेस। हर एक घड़ा मँ एक ठु बरत मसाल रही।</verse>
				<verse number="17">तब गिदोन लोगन स कहेस, “मोका लखत रहा अउर जउन मइँ करउँ, उहइ करा। मोरे पाछे-पाछे दुस्मन क डेरन क छोर तलक चला। जब मइँ डेरन क छोर पइ पहोंच जाउँ, ठीक उहइ करा जउन मइँ करउँ।</verse>
				<verse number="18">तू दुस्मन क डेरा क घेर ल्या। मइँ अउर मोर संग क सबहिं मनइयन आपन तुरही बजइहीं। जब हम लोग तुरही बजाउब तउ तू लोग भी आपन तुरही बजाया। तब एन सब्दन क संग घोसणा करा: ‘यहोवा बरे, गिदोन क बरे।’”</verse>
				<verse number="19">इ तरह गिदोन अउ ओकरे संग क एक सौ मनई दुस्मन क डेरन क छोर पइ आएन। उ पचे दुस्मन क डेरन मँ ओनके पहरेदारन क बदली क ठीक पाछे आएन। इ रात क पहरेदारी क आधी समइ रहा। गिदोन अउ ओकर मनइयन तुरहियन क बजाएन अउ आपन घड़न क फोड़ेन।</verse>
				<verse number="20">तब गिदोन क तीनहुँ दलन अपनी तुरहियन बजाएन अउर आपन गगरियन क फोड़ेन। ओकर लोग आपन बाएँ हाथे मँ मसाल लिहेन अउ दाएँ हाथ मँ तुरहियन लिए भए रहेन। जब उ सबइ लोग तुरहियन बजउतेन तउ उद्घोस करतेन, “यहोवा बरे तरवार, गिदोन बरे तरवार!”</verse>
				<verse number="21">गिदोन क हर एक मनई डेरा क चारिहुँ कइँती अपने ठउरे पइ खड़ा रहा। मुला डेरन क भीतर मिद्यानी लोग चिचियानेन अउ पराइ लागेन।</verse>
				<verse number="22">जब गिदोन क तीन सौ मनइयन अपनी तुरहियन क बजाएन तउ यहोवा मिद्यानी लोगन क आपुस मँ एक दूसर क तरवारन स मरवाएस। दुस्मन क फउज उ बेतसित्ता नगर क भागी जउन सरेरा नगर कइँती अहइ। उ सबइ लोग उ आबेत महोला नगर क सीमा तलक परानेन जउन तब्बात नगर क निअरे अहइ।</verse>
				<verse number="23">तब नप्ताली, आसेर अउ मनस्से क परिवारन क फउजियन क मिद्यानी लोगन क पाछा करइ बरे बुलावा गवा।</verse>
				<verse number="24">गिदोन एप्रैम क सारे पहाड़ी पहँटा मँ दूत पठएस। दूतन कहेन, “अगवा आवा अउर मिद्यानी लोगन पइ हमला करा। बेतबारा तलक नदी पइ अउर यरदन नदी पइ अधिकार करा।” एह बरे उ पचे एप्रैम क परिवार स सबहिं मनईयन क बोलाएस। उ पचे बेतबारा तलक नदी पइ कब्जा किहन।</verse>
				<verse number="25">एप्रैम क लोग मिद्यानी लोग क दुइ प्रमुखन क धरेन। एन दुइ प्रमुखन क नाउँ ओरेब अउ जेब रहा। एप्रैम क लोग ओरेब क औरेब क चट्टान नाउँ क ठउरे पइ मार डाएन। तब उ पचे जेब क जेब क दाखरस क कोल्हू नाउँ क ठउरे पइ मारेन। एप्रैम क लोग मिद्यानी लोगन क पाछा करब जारी रखेन। किन्तु पहिले उ पचे ओरेब अउ जेब क मूँड़िन क काटेन अउ मूँड़िन क गिदोन क लगे लइ गएन। गिदोन यरदन नदी क पार करइवाले घाट पइ ठहरा रहा।</verse>
			</chapter>
			<chapter number="8">
				<verse number="1">एप्रैम क लोग गिदोन स रूट्ठ रहेन। जब एप्रैम क लोग गिदोन स मिलेन, उ पचे गिदोन स पूछेन, “तू हम लोगन क संग अइसा बेउहार काहे किहा? जब तू मिद्यानी लोगन क खिलाफ लड़इ गया तउ हम लोगन क काहे नाही बोलाया?” एप्रैम क लोगन गिदोन क संग किरोध मँ बात किहेन।</verse>
				<verse number="2">किन्तु गिदोन एप्रैम क लोगन क जवाब दिहेस, “मइँ ओतनी अच्छी तरह जुद्ध नाही किहा जेतनी अच्छी तरह आप लोग किहन। इ सच अहइ कि तू एप्रैमी लोग फसल काटइ क पाछे जेतना अंगूर बिन तोड़े छोड़ेस रहा। उ सबइ मोर परिवार अबिएज़ेर क पूरी फसल स भी जियादा रहा।</verse>
				<verse number="3">इहइ तरह इ बार भी तोहार फसल अच्छी पहिले स नीक अहइ। यहोवा तू लोगन क मिद्यानी लोगन क राजकुमारन ओरेब अउ जेब क धरइ दिहेस। मइँ आपन कामयाबी क तू लोगन क जरिये कीन्ह गए कामन स कइसे तुलना कइ सकत हउँ?” जब एप्रैम क लोग गिदोन क जवाब सुनेन तउ उ पचे खामोस होइ गएन।</verse>
				<verse number="4">तब गिदोन अउ ओकर तीन सौ मनई यरदन नदी पइ आएन अउर ओकरे दूसर कइँती गएन। मुला उ पचे थकेन अउर तउ भी दुस्मनन क पाछा करत रहेन।</verse>
				<verse number="5">गिदोन सुक्कोत नगर क लोगन स कहेस, “मोरे फउजियन क कछू खइया क द्या। मोर फउजी बहोत थके अहइँ। हम लोग अबहिं तलक जेबह अउर सुल्मुन्ना क पाछा करित अही जउन मिद्यानी लोगन क राजा अहइँ।”</verse>
				<verse number="6">सुकाकोत नगर क प्रमुखन गिदोन स कहेस, “हम तोहरे फउजियन क कछू खइया क काहे देइ? तू जेबह अउर सल्मुन्ना क अबहिं तलक धर्या नाहीं ह।”</verse>
				<verse number="7">तब गिदोन कहेस, “काहेकि तू हमका खइया क देइ स इनकार किहेस ओकर बाद जब यहोवा जेबह अउर सल्मुन्ना क धरइ मँ मोका मदद करी। मइँ हिआँ लउटब अउर मरूभूमि क काँटन अउ कँटेरी झाड़ियन क कोड़न स पीटब अउ तोहार चमड़ी उधेड़ब।”</verse>
				<verse number="8">गिदोन सुक्कोत नगर क तजेस अउर पनूएल नगर क गवा। गिदोन जइसे सुक्कोत क लोगन स भोजन माँगे रहा वइसे ही पनूएल क लोगन स भी भोजन माँगेस। मुला पनूएल क लोग ओका उहइ जवाब दिहेन जउन सुक्कोत क लोग जवाब दिहे रहेन।</verse>
				<verse number="9">एह बरे गिदोन पनूएल क लोगन स कहेस, “जब मइँ बिजय पाउब तब मइँ हिआँ आउब अउर तोहार इ मीनारे क गिराइ देब।”</verse>
				<verse number="10">जेबह, सल्मुन्ना अउर ओनकर फउजन कर्कोर नगर मँ रहिन। इ फउज मँ 15,000 सिपाही रहेन। पहिले क फउज मँ सिरिफ इ सबइ सिपाही ही बचा रहेन। उ सक्तीसाली सेना क 1,20,000 बहादुर फउजी पहिले ही मारे जाइ चुका रहेन।</verse>
				<verse number="11">गिदोन अउ ओकर फउजियन खानाबदोसन क मारग क अपनाएस। उ मारग नोबह अउर योग्बहा नगरन क पूरब मँ अहइ। गिदोन कर्कोर नगर मँ आवा अउर उ दुस्मन पइ धावा बोलेस। दुस्मन क फउज क हमला क उम्मीद नाही रही।</verse>
				<verse number="12">मिद्यानी लोगन क राजा जेबह अउ सल्मुन्ना पराइ गएन। मुला गिदोन ओनका पाछा किहेस अउर ओन राजा लोगन क धइ लिहेस। गिदोन अउ ओकर लोग दुस्मन फउज क हराइ दिहेस।</verse>
				<verse number="13">तब योआस क पूत गिदोन जुद्ध स लउटा। गिदोन अउर ओकर फउजी हेरेस दर्रा नाउँ क दर्रे स होइके लउटेन।</verse>
				<verse number="14">गिदोन सुकाकोत क एक जवान क धरेस। गिदोन जवान स कछू सवाल पूछेस। जवान कछू नाउँ गिदोन क बरे लिखेस। उ सुक्कोत क प्रमुखन अउर अग्रजन क नाउँ लिखेस। उ सतहत्तर मनइयन क नाउँ दिहेस।</verse>
				<verse number="15">तब गिदोन सुक्कोत नगर मँ आवा। उ नगर क लोगन स कहेस, “जेबह अउर सल्मुन्ना हिआँ अहइँ। तू मोर मजाक इ कहिके उड़ाया, ‘हम पचे तोहरे थके फउजियन क खइया क काहे देइ। तू अबहिं तलक जेबह अउर सल्मुन्ना क नाही धर्या ह।’”</verse>
				<verse number="16">गिदोन सुक्कोत नगर क अग्रजन क लिहस अउर ओनका दण्ड देइ बरे रेगिस्तान क काँटन अउ कँटेरी झाड़ियन स पीटेस।</verse>
				<verse number="17">गिदोन पनूएल नगर क मीनार क भी गिराइ दिहेस। तब उ ओन लोगन क मार डाएस जउन उ नगर मँ रहत रहेन।</verse>
				<verse number="18">अब गिदोन जेबह अउर सल्मुन्ना स कहेस, “तू ताबोर पर्वत पइ कछू मनइयन क मार्या। उ सबई मनई कउने तरह क रहेन?” जेबह अउर सल्मुन्ना जवाब दिहेन, “उ सबइ मनई तोहरी तरह रहेन। ओनमाँ स हर एक राजकुमार क तरह रहा।”</verse>
				<verse number="19">गिदोन कहेस, “उ सबइ मनई मोर भाई अउर मोर महतारी क पूत रहेन। यहोवा क जिन्नगी क किरिया, जदि तू ओनका नाही मारत्या, तउ अब मइँ भी तू पचन्क नाही मारब्या।”</verse>
				<verse number="20">तब गिदोन येतेर कइँती मुड़ा। येतेर गिदोन क सब स बड़का पूत रहा। गिदोन ओहसे कहेस, “एन राजा लोगन क मार डावा।” मुला येतेर एक ठु लड़का ही रहा अउर डेरात रहा। एह बरे उ आपन तरवार नाहीं निकारेस।</verse>
				<verse number="21">तब जेबह अउ सल्मुन्ना गिदोन स कहेस, “अगवा बढ़ा अउर खुद हमका मारा। तू पुरूख अहा अउ इ काम करइ बरे काफी बलवान अहा।” एह बरे गिदोन उठा अउ जेबह अउर सल्मुन्ना क मार डावा। तब गिदोन चाँद क तरह बनी सज्जा क ओनके ऊँटन क गटइया स उतार दिहेस।</verse>
				<verse number="22">इस्राएल क लोग गिदोन स कहेस, “तू हम लोगन क मिद्यानी लोगन स बचाएस। एह बरे हम लोगन पइ सासन करा। हम चाहित ह कि तू, तोहार पूत अउ तोहार पोतन हम लोगन पइ सासन करइँ।”</verse>
				<verse number="23">किन्तु गिदोन इस्राएल क लोगन स कहेस, “यहोवा तोहार सासक होइ, न तउ मइँ तू लोगन पइ हुकूमत करब अउर न ही मोर पूत तोहरे ऊपर सासन करी।”</verse>
				<verse number="24">इस्राएली क लोग जेनका हराएन, ओनमाँ कछू इस्माएली लोग रहेन। इस्माएली लोगन सोने क कान क बालियन पहिरत रहेन। एह बरे गिदोन इस्राएल क लोगन स कहेस, “मइँ चाहत हउँ कि तू मोरे बरे इ काम करा। मइँ तू पचन मँ स हर एक स इ चाहत हउँ कि तू लोग जुद्ध मँ जउन पाया ओनमाँ स एक-एक कान क बाली हमका द्या।”</verse>
				<verse number="25">एह बरे इस्राएल क लोग गिदोन स कहेस, “जउन तू चाहत ह ओका हम खुसी स देब।” एह बरे उ पचे भुइँया पइ एक अंगरखा बिछाएन। हर एक मनई अंगरखा पइ एक ठु कान क बाली क लोकाएस।</verse>
				<verse number="26">तब उ सबइ बालियन बटोरिके तउली गइन तउ उ सबइ लग भग तैंतालीस पौंड निकरिन। इ वजन क सम्बंध ओन चीजन क वजन स नाही अहइ जेनका इस्राएल क लोग गिदोन क दूसर भेटन क रूप मँ दिहे रहा। उ पचे चन्दा क आकार अउर आँसू क बूँद क आकार क नाईं रतन भी ओका दिहन अउर उ पचे ओका बैंगनी रंग क चोगन भी दिहन। इ सबइ उ सब चिजियन रहिन जउन मिद्यानी लोगन क राजा लोग पहिरे रहेन। उ पचे मिद्यानी लोगन क राजा लोग ऊँटन क जंजीरियन भी ओका दिहेन।</verse>
				<verse number="27">गिदोन उ सोना क उपयोग एपोद बनावइ क बरे किहेस। उ एपोद क आपन निवास क उ नगर मँ रखेस जेका ओप्रा कहा जात रहा। इस्राएल क सबहिं लोग एपोद क पूजत रहेन। मुला इ तरह इस्राएल क लोग यहोवा बरे अबिस्सासी रहेन अउर एपोद क पूजा करत रहेन। उ एपोद, गिदोन अउ ओकरे परिवार बरे मुसीबत क कारण बन गएन।</verse>
				<verse number="28">इ तरह मिद्यानी लोग इस्राएल क हुकूमत मँ रहइ बरे मजबूर कीन्ह गए रहेन। मिद्यानी लोग अब अगवा कउनो कस्ट नाहीं दिहेन। इ तरह गिदोन क जिन्नगी काल मँ चालीस बरिस तलक पूरे देस मँ सान्ति रही।</verse>
				<verse number="29">योआस क पूत यरूब्बाल (गिदोन) अपने घर गवा।</verse>
				<verse number="30">गिदोन क आपन सत्तर पूत रहेन। एकर ऍतना जियादा पूत रहेन काहेकि ओकर अनेक मेहररूअन रहिन।</verse>
				<verse number="31">गिदोन क एक ठु रखैल भी रही। जउन सकेम नगर मँ रहत रही। उ रखैल स भी ओका एक पूत रहा। उ उ पूत क नाउँ अबीमेलेक राखेस।</verse>
				<verse number="32">इ तरह योआस क पूत गिदोन खूब बुढ़ाइ जाए पइ मरा। गिदोन उ कब्र मँ दफनावा गवा, जउन ओकर पिता योआस क रहा। उ कब्र ओप्रा नगर मँ बाटइ जहाँ अबीएजेरी लोग रहत हीं।</verse>
				<verse number="33">जइसेन ही गिदोन मरा तइसे ही इस्राएल क लोग फिन परमेस्सर बरे अबिस्सासी बन गए रहेन। उ सबइ बाल क अनुसरण करइ लागेन। उ पचे बाल बरीत क आपन देवता चुन लिहेस।</verse>
				<verse number="34">इस्राएल क लोग यहोवा, आपन परमेस्सर क याद नाहीं करत रहेन, जदपि उ ओनका ओन सबहिं दुस्मन स बचाएस जउन इस्राएल क लोगन क चारिहुँ कइँती रहत रहेन।</verse>
				<verse number="35">इस्राएल क लोग यरूब्बाल क परिवार बरे कउनो दया नाहीं देखाएन, जदपि उ ओनके बरे बहोत स नीक करम किहे रहेन।</verse>
			</chapter>
			<chapter number="9">
				<verse number="1">अबीमेलेक यरूब्बाल क पूत रहा। अबीमेलेक आपन ओन मामा लोगन क लगे गवा जउन सकेम नगर मँ रहत रहेन। उ आपन मामा लोगन अउ महतारी क परिवार स कहेस,</verse>
				<verse number="2">“सकेम नगर क प्रमुख लोगन स इ सवाल पूछा: ‘यरूब्बाल का सत्तर पूतन स आप लोगन क सासित होब तोहार बरे नीक अहइ या कउनो एक मनई स सासित होब? याद राखा, मइँ तोहार सम्बंधी हउँ।’”</verse>
				<verse number="3">अबीमेलेक क मामा लोग सकेम क प्रमुख लोग स बात किहेन अउर ओनेस इ सवाल किहेन। सकेम क प्रमुख लोग अबीमेलेक क अनुसरण करइ क निहचइ किहेन। उ पचे कहेन, “आखिरकार उ हमार सम्बंधी अहइ।”</verse>
				<verse number="4">एह बरे सकेम क प्रमुख लोग अबीमेलेक क सत्तर चाँदी क टूकन दिहेन। उ चाँदी बालबरीत देवता क मन्दिर क रही। अबीमेलेक चाँदी क उपयोग कछू मनइयन क काम पइ लगावइ बरे किहेन। इ सबई मनई लापरवाह अउ बेकार रहेन। उ सबइ अबीमेलेक क पाछे, जहाँ कहूँ उ गवा, चलत रहेन।</verse>
				<verse number="5">अबीमेलेक ओप्रा नगर क गवा। ओप्रा ओकरे पिता क निवास स्थान रहा। उ नगर मँ अबीमेलेक आपन सत्तर भाइयन क कतल कइ दिहेस। उ सबइ सत्तर भाई अबीमेलेक क बाप यरूब्बाल क पूत रहेन। उ सबहिं क एक पथरे पइ मारेस किन्तु यरूब्बाल क सब स नान्ह पूत अबीमेलेक स छुप गवा अउर पराइ निकरा। सब स नान्ह पूत क नाउँ योताम रहा।</verse>
				<verse number="6">तब सकेम नगर क सबहिं प्रमुख अउर बेतमिल्लो क महल क निअम्बर एक संग आएन। उ सबइ सबहिं उ पाथर-खम्भा क निअरे क बड़का बृच्छ क लगे बटुर गएन जउन सकेम नगर मँ रहा अउर उ पचे अबीमेलेक क आपन राजा बनाएन।</verse>
				<verse number="7">योताम सुनेस कि सकेम क प्रमुख लोग अबीमेलेक क राजा बनाइ दिहेन ह। जब उ सुनेस तउ उ गवा अउर गरिज्जीम पर्वत क चोटी पइ खड़ा भवा। योताम लोगन क इ कथा चिचियाइके सुनाएस। “सकेम क लोग, मोर बात सुना अउ तब आप क बात परमेस्सर सुनी।</verse>
				<verse number="8">“एक दिन बृच्छ आपन ऊपर हुकूमत करइ बरे एक ठु राजा चुनइ क निर्णय किहन। बृच्छन जइतून क बृच्छ स कहेन, ‘तू हमरे ऊपर राजा बना।’</verse>
				<verse number="9">“मुला जइतून क बृच्छ कहेस, ‘मनई अउ देवता मोर बड़कई मोरे तेल बरे करत ही। का मइँ जाइके सिरिफ दूसर बृच्छन पइ हुकूमत करइ क बरे आपन तेल बनाउब बन्द कइ देउँ?’</verse>
				<verse number="10">“तब बृच्छन अंजीर क बृच्छ स कहेन, ‘आवा अउर हमार राजा बना।’</verse>
				<verse number="11">“मुला अंजीर क बृच्छ जवाब दिहस, ‘का मइँ सिरिफ जाइके दूसर बृच्छन पइ हुकूमत करइ बरे आपन मीठ अउ नीक फल पइदा करब बन्द कइ देब?’</verse>
				<verse number="12">“तब बृच्छन अंगूर क बेल स कहेन, ‘आवा अउ हमार राजा बना।’</verse>
				<verse number="13">“मुला अंगूर क बेल जवाब दिहस, ‘मोर दाखरस मनईयन अउ राजा लोगन क खुस करत ह। का मोका सिरिफ जाइके अउर बृच्छन पइ सासन करइ बरे आपन दाखरस पइदा करब बन्द कइ देइ चाही।’</verse>
				<verse number="14">“आखीर मँ सबइ बृच्छन कँटेरी झाड़ी स कहेन, ‘आवा अउ हमार राजा बना।’</verse>
				<verse number="15">“किन्तु कँटेरी झाड़ी बृच्छन स कहेस, ‘जदि तू फुरइ मोका अपने ऊपर राजा बनावइ चाहत ह तउ आवा अउर मोर छाया मँ आपन सरण बनावा। जदि तू अइसा करइ नाहीं चाहत ह तउ इ कँटेरी झाड़ी स आगी निकरइ द्या, अउर उ आगी क लबानोन, क चीड़ क बृच्छन क भी जराइ देइ द्या।’</verse>
				<verse number="16">“अब जदि आप अबीमेलेक क आपन राजा बनाइके ठीक करत हीं। अउर जदि आप ओका राजा बनाइके यरूब्बाल अउर ओकर परिवार बरे निआव संगत अहइँ, अउर आप यरूब्बाल क संग उहई बर्ताव करत ह जेका उ हकदार अहइ, तउ इ ठीक अहइ!</verse>
				<verse number="17">किन्तु तनिक सोचा कि मोर बाप आपन बरे का किहेस ह? मोर बाप आप लोगन बरे लड़ेन। उ पचे आपन जिन्नगी क उ समइ खतरा मँ डाएन जब उ पचे आपन लोगन क मिद्यानी लोगन स बचाएस।</verse>
				<verse number="18">किन्तु अब आप लोग मोरे बाप क परिवार क खिलाफ होइ गवा अहइँ। आप लोग मोरे बाप क सत्तर पूतन क एक पाथर पइ मारेन ह। आप लोग अबीमेलेक क सकेम क राजा बनाएन ह। उ मोरे बाप क दासी क पूत अहइ। आप लोग अबीमेलेक क सिरिफ एह बरे राजा बनाएन ह कि उ आप क रिस्तेदार अहइ।</verse>
				<verse number="19">एह बरे जदि आज आप लोग यरूब्बाल अउ ओकरे परिवार क बरे ठीक किहेस ह, तब अबीमेलेक क आपन राजा मानिके आप क खुस होइ चाही अउर ओका भी तोहार संग खुस होइ चाही।</verse>
				<verse number="20">मुला जदि आप उचित नाही किहेन ह तउ, अबीमेलेक सकेम अउर मिल्लो सहर क सबइ प्रमुखन क नस्ट कइ डाएन। अउर सकेम नगर क अउर मिल्लो नगर क प्रमुखन भी अबीमेलेक क नस्ट कइ डाएन।”</verse>
				<verse number="21">योताम इ सब कहइ क पाछे भाग खड़ा भवा। उ पराइके बेर नगर मँ पहोंचा। योताम उ नगर मँ रहत रहा, काहेकि उ आपन भाई अबीमेलेक स डेरात रहा।</verse>
				<verse number="22">अबीमेलेक इस्राएल क लोगन पइ तीन बरिस तलक हुकूमत किहस।</verse>
				<verse number="23">अबीमेलेक यरूब्बाल क सत्तर पूतन क मार डाए रहा। उ पचे अबीमेलेक क भाई रहेन। सकेम नगर क प्रमुख लोग ओन भाईयन क मारइ मँ ओकर मदद किहे रहेन। एह बरे परमेस्सर अबीमेलेक अउ सकेम क प्रमुखन क बीच झगड़ा पइदा कराएस अउ सकेम क प्रमुख लोग अबीमेलेक क नोस्कान पहोंचावइ बरे जोजना बनाएन।</verse>
				<verse number="24"></verse>
				<verse number="25">ओन लोग पहाड़ियन क चोटी पइ स जाइवालन पइ हमला करइ अउर ओनकर सब कछू लूटइ बरे डाकू लोगन क किराये पइ राखेस। अबीमेलेक ओन हमलन क बारे मँ पता लगाएस।</verse>
				<verse number="26">गाल नाउँ क एक मनई अउर ओकर भाई सकेम नगर क आएन। गाल, एबेद नाउँ क मनई क पूत रहा। सकेम क प्रमुख लोग गाल पइ बिस्सास अउ ओकर अनुसरण करइ क निहचय किहेन।</verse>
				<verse number="27">एक दिन सकेम क लोग आपन बागन मँ अंगूर तोड़इ गएन। लोग दाखरस बनावइ बरे अंगूरन क निचोरेन अउर तब उ पचे आपन देवता क मन्दिर पइ एक ठु दावत दिहन। उ पचे खाएन अउ दाखरस पिएन। तब उ पचे अबीमेलेक क अभिसाप दिहेन।</verse>
				<verse number="28">तब एबेद क पूत गाल कहेस, “हम लोग सकेम क मनई अही। हम अबीमेलेक क आग्या काहे मानी? का उ यरूब्बाल क पूत नाहीं अहइ? का जबूल ओकर अधिकारी नाहीं अहइ? हमका अबीमेलेक क आग्या नाहीं मानइ चाही। हमका हमोर क लोगन क आग्या मानइ चाही। (हमोर सकेम क पिता रहा।)</verse>
				<verse number="29">जदि आप मोका एन लोगन क सेनापति बनावत हीं तउ मइँ अबीमेलेक स मुक्ति दियाइ देब। मइँ ओहसे कहब, ‘आपन फउज क तइयार करा अउर जुद्ध बरे आवा।’”</verse>
				<verse number="30">जबूल सकेम नगर क राजपाल रहा। जबूल उ सब सुनेस जउन एबेद क पूत गाल कहेस अउर जबूल बहोत कोहाइ गवा।</verse>
				<verse number="31">जबूल अबीमेलेक क लगे अरूमा नगर मँ दूतन क पठएस। सँदेसा इ रहा: “एबेद क पूत गाल अउ एकर भाई सकेम नगर मँ आएन ह अउर तोहरे बरे कठिनाई पइदा करत अहइँ। गाल पूरे नगर क तोहरे खिलाफ भड़कावत अहइ।</verse>
				<verse number="32">एह बरे अब तू पचन्क अउर तोहरे पचन्क लोगन क राति मँ उठइ चाही अउर नगर क बाहेर खेतन मँ छुपइ चाही।</verse>
				<verse number="33">जब भिंसारे सूरज निकरइ तउ नगर पइ हमला कइ द्या। गाल अउर ओकर मनईयन तोहार संग जुद्ध करइ बरे नगर क बाहेर आइ। जब उ सबइ लोग लड़इ बरे बाहेर आवइँ तउ तू पचे ओनकर जउन कइ सका, करा।”</verse>
				<verse number="34">एह बरे अबीमेलेक अउर सबहिं फउजी राति क उठेन अउर नगर क गएन। उ सबइ फउजी चार टुकड़िन मँ बँट गएन। उ पचे सकेम नगर क लगे छुप गएन।</verse>
				<verse number="35">एबेद क पूत गाल बाहेर निकरिके सकेम नगर क फाटक क प्रवेस दुआर पइ रहा। जब गाल हुआँ खड़ा रहा उहइ समइ अबीमेलेक अउर ओकर फउजी आपन छुपइ क ठउरन स बाहेर आएन।</verse>
				<verse number="36">गाल फउजियन क लखेस। गाल जबूल स कहेस, “धियान द्या, पर्वतन स लोग खाले उतरत अहइँ।” किन्तु जबूल कहेस, “तू सिरिफ पर्वतन क परछाँइयन लखत अहा। परछाँइयन लोगन क तरह देखाइ देत अहइँ।”</verse>
				<verse number="37">किन्तु गाल फिन कहेस, “लखा, प्रदेस क नाभि नाउँ क ठउरे स लोग बढ़त अहइँ, अउर जादूगर क बृच्छ क ओर स एक दुसर दल आवति अहइ।”</verse>
				<verse number="38">तब जबूल ओहसे कहेस, “अब तोहार बड़की-बड़की बातन कहाँ गइन, जउन तू कहत रह्या, ‘अबीमेलेक कउन होत ह, जेकरी मातहत मँ हम रहेन?’ का उ सबइ उहइ लोग नाहीं अहइँ जेनकर तू मसखरी उड़ावत रह्या? जा अउर ओनसे लड़ा।”</verse>
				<verse number="39">एह बरे गाल सकेम क प्रमुखन क अबीमेलेक स जुद्ध करइ बरे लइ गवा।</verse>
				<verse number="40">अबीमेलेक अउर ओकर फउजियन गाल अउ ओकरे मनइयन क पाछा किहेन। गाल क लोग सकेम नगर क फाटक कँइती स पाछे परानेन। गाल क बहोत स लोग फाटक पइ पहोंचइ स पहिले मार डावा गएन।</verse>
				<verse number="41">तब अबीमेलेक अरूमा नगर क लउटि गवा। जबूल गाल अउर ओकरे भाइयन क सकेम नगर तजइ क मजबूर किहस।</verse>
				<verse number="42">अगले दिन सकेम क लोग आपन खेतन मँ काम करइ क गएन। अबीमेलेक ओकरे बारे मँ पता लगाएस।</verse>
				<verse number="43">एह बरे अबीमेलेक आपन फउजियन क तीन टुकड़ियन मँ बाँटेस। उ सकेम क लोगन पइ अचानक हमला करइ क जोजना बनाएस। एह बरे उ आपन मनइयन क खेतन मँ छुपाएस। जब उ लोगन क नगर स बाहेर आवत लखेस तउ उ टूट पड़ा अउर ओन पइ हमला कइ दिहेस।</verse>
				<verse number="44">अबीमेलेक अउ ओकर लोग सकेम नगर क फाटक क लगे दौड़िके आएन। दूसर दुइ दुकड़ियन खेत मँ लोगन क लगे दोड़िके गइन अउर ओनका मारि डाएन।</verse>
				<verse number="45">अबीमेलेक अउ ओकर फउजी सकेम नगर क संग पूरे दिन लड़ेन। उ पचे सकेम नगर पइ कब्जा कइ लिहेन अउ उ नगर क लोगन क मार डाएन। तब अबीमेलेक उ नगर क बर्बाद किहस अउर उ ध्वंस पइ नोन फेंकवाइ दिहस।</verse>
				<verse number="46">कछू लोग सकेम क मीनार क लगे रहत रहेन। जब उ ठउरे क लोग सुनेन कि सकेम का संग का भवा ह तब उ पचे सब स जियादा सुरच्छित उ कमरा मँ बटुर गएन जउन एलबरीत देवता क मन्दिर रहा।</verse>
				<verse number="47">अबीमेलेक सुनेस कि सकेम क मीनार क सबहिं प्रमुख एक संग बटुर गएन ह।</verse>
				<verse number="48">एह बरे अबीमेलेक अउ ओकर सबहिं लोग सलमोन पर्वत प गएन। अबीमेलेक एक ठु कुल्हाड़ी लिहस अउर उ कछू डारन क काटेस। उ ओन डारन क आपन काँधन पइ धरेस। तब उ आपन मनइयन स कहेस, “हाली करा, जउन मइँ किहेउँ ह, उहइ करा।”</verse>
				<verse number="49">एह बरे ओन लोग डारन क काटेन अउर अबीमेलेक क पाछा किहन। उ पचे डारन क ढेर एलबरीत देवता क मन्दिर क सब स जियादा सुरच्छित कमरा क लगे लगाएस। तब उ पचे डारन मँ आगी लगाइ दिहन अउर कमरा मँ लोगन क बार डाएन। इ तरह लगभग सकेम क मीनार क निवासी एक हजार मेहरारू-मनसेधू मर गएन।</verse>
				<verse number="50">तब अबीमेलेक अउर ओकर मनईयन साथी तेबेस नगर क गएन। उ पचे उ नगर पइ कब्जा कइ लिहेन।</verse>
				<verse number="51">किन्तु तेबेस नगर मँ एक मजबूत मीनार रही। उ नगर क सबहिं मेहरारू-मनसेधू अउ उ नगर क प्रमुख उ मीनार क लगे पराइके पहोंचेन। जब नगर क लोग मीनार क भीतर घुस गएन तउ उ पचे अपने पाछे मीनार क दरवाजा बन्द कइ दिहन अउ ताला लगाइ दिहेन। तब उ पचे मीनार क छते पइ चढ़ गएन।</verse>
				<verse number="52">अबीमेलेक अउ ओकर साथी मीनार क लगे ओह पइ हमला करइ बरे पहोचेन। अबीमेलेक मीनार क दरवाज तलक गवा। उ मीनार क आगी लगावइ चाहत रहा।</verse>
				<verse number="53">जब अबीमेलेक दूआरे पइ खड़ा रहा, उहइ समइ एक मेहरारू एक ठु चक्की क पाथर ओकरे मूँड़े पइ फेंकेस। चक्की क पाथर अबीमेलेक क मूँड़े क चूर-चूर कइ डाएस।</verse>
				<verse number="54">अबीमेलेक हाली स आपन उ नौकर स कहेस जउन ओकर औजार लइ चलत रहा, “आपन तरवार निकारा अउर मोका मार डावा। मइँ चाहत हउँ कि तू मोका मार डावा जेहसे लोग इ न कहइँ कि, ‘एक ठु मेहरारू अबीमेलेक क मार डाएस।’” एह बरे उ नौकर आपन तरवार ओकरे के सरीर मँ घुसेड़ दिहस अउर अबीमेलेक मर गवा।</verse>
				<verse number="55">इस्राएल क लोग लखेन कि अबीमेलेक मर गवा। एह बरे उ पचे सबहिं आपन घरन क लउटि गएन।</verse>
				<verse number="56">इ तरह परमेस्सर अबीमेलेक क ओकर सबहिं कीन्ह गवा पापन खातिर दण्ड दिहस। अबीमेलेक आपन सत्तर भाइयन क मारिके अपने बाप क खिलाफ पाप किहे रहा।</verse>
				<verse number="57">परमेस्सर सकेम नगर क लोगन क भी ओनके जरिये कीन्ह गए पापन क दण्ड दिहस। इ तरह योताम जउन कहेस, फुरइ भवा। (योताम यरूब्बाल क सब स लहुरा पूत रहा। यरूब्बाल गिदोन रहा।)</verse>
			</chapter>
			<chapter number="10">
				<verse number="1">अबीमेलेक क मरइ क पाछे इस्राएल क लोगन क बचावइ बरे परमेस्सर क जरिये दूसर निआवाधीस पठवा गवा। उ मनई क नाउँ तोला रहा। तोला पुआ नाउँ क मनई क पूत रहा। पुआ दोदो नाउँ क मनई क पूत रहा। तोला इस्साकार क परिवार समूह क रहा। तोला सामीर नगर मँ रहत रहा। सामीर नगर एप्रैम क पहाड़ी पहँटा मँ रहा।</verse>
				<verse number="2">तोला इस्राएल क लोगन बरे तेईस बरिस तलक निआवाधीस रहा। तब तोला मर गवा अउ सामीर नगर मँ दफनावा गवा।</verse>
				<verse number="3">तोला क मरइ क पाछे, परमेस्सर क जरिये एक ठु अउर निआवाधीस पठवा गवा। उ मनई क नाउँ याईर रहा। याईर गिलाद क पहँटा मँ रहत रहा। याईर इस्राएल क लोगन क बरे बाईस बरिस तलक निआवाधीस रहा।</verse>
				<verse number="4">याईर क तीस पूत रहेन। उ सबह तीस पूत तीस गधन पइ सवार होत रहेन। उ सबइ तीस पूत गिलाद छेत्र क तीस नगरन क इन्तजाम करत रहेन। उ सबइ नगर “याईर क सहर” आजु तलक कहा जात हीं।</verse>
				<verse number="5">याईर मरा अउ कामोन नगर मँ दफनावा गवा।</verse>
				<verse number="6">तब इस्राएल क लोग फुन उहइ किहेन जउन यहोवा क नज़र मँ बुरा रहा। उ सबइ बाल देवतन, अउर अस्तारोत, अउर अरामीय सीदोन, मोआब, अम्मोनियन अउर पलिस्तियन क देवतन क पूजा किहेस। इस्राएल क लोगन यहोवा क तजि दिहेन अउर ओकर उपासना अउर सेवा बन्द कइ दिहन।</verse>
				<verse number="7">एह बरे यहोवा इस्राएल क लोगन पइ कोहान। यहोवा पलिस्तियन अउ अम्मोनियन क ओनका पराजित करइ दिहस।</verse>
				<verse number="8">उहइ बरिस ओन लोग इस्राएल क ओन लोगन क बर्बाद किहेस जउन गिलाद पहँटा मँ यरदन नदी क पूरब मँ रहत रहेन। इ उहइ भुइँया अहइ जहाँ अमोरियन लोग रह चुका रहेन। इस्राएल क उ सबइ लोग अट्ठारह बरिस तलक कस्ट भोगत रहेन।</verse>
				<verse number="9">तब अम्मोनी लोग यरदन नदी क पार गएन। उ सबइ लोग यहूदा, बिन्यामीन अउ एप्रैम क लोगन क खिलाफ लड़इ गएन। अम्मोनी लोग इस्राएल क लोगन पइ अनेक बिपत्तियन ढाएन।</verse>
				<verse number="10">एह बरे इस्राएल क लोग यहोवा क रोइके गोहराएन, “हम लोग, परमेस्सर, तोहरे खिलाफ पाप किहा ह। हम लोग अपने परमेस्सर क तजा अउ बाल क मूरतियन क पूजा कीन्ह।”</verse>
				<verse number="11">यहोवा इस्राएल क लोगन क जवाब दिहस, “तू लोग मोका तबइ रोइके गोहराया जब मिस्री, एमोरी, अम्मोनी तथा पलिस्ती लोग तोहरे सबन पइ अत्याचार किहन। मइँ तू पचन्क एन लोगन स रच्छा करवा।</verse>
				<verse number="12">तू लोग तबइ चिचियाया जब सीदोन क लोग, अमालेकियन अउ मिद्यानियन तू पचन पइ प्रहार किहन। मइँ ओन लोगन स भी तू पचन्क बचाएउँ ह।</verse>
				<verse number="13">किन्तु तू पचे मोका तजा ह। तू पचे दूसर देवतन क उपासना किहा ह। एह बरे मइँ तू पचन्क फुन बचावइ स इन्कार करत हउँ।</verse>
				<verse number="14">तू पचे ओन देवतन क पूजा करब पसन्द करत अहा। एह बरे ओनके निचके मदद खातिर गोहरावइ जा। जब तू पचे विपत्ति मँ पड़इ तउ उहइ समय ओन देवतन क तू लोगन क रच्छा करइ द्या।”</verse>
				<verse number="15">किन्तु इस्राएल क लोग यहोवा स कहेन, “हम लोग पाप कीन्ह ह। तू, हम पचन्क संग जउन चाहत ह, करा। किन्तु कृपा करके आजु हम लोगन क बचा।”</verse>
				<verse number="16">तब इस्राएल क लोग अपने लगे क विदेसी देवतन क लोकाइ दिहा। उ पचे फुन स यहोवा क उपासना सुरू किहन। एह बरे जब यहोवा ओनका कस्ट उठावत लखेस, तब उ ओनके बरे दुःखी भवा।</verse>
				<verse number="17">अम्मोनी लोग जुद्ध करइ बरे एक संग बटुरेन, ओनकर डेरा गिलाद पहँटा मँ रहा। इस्राएल क लोग एक संग बटुरेन, ओनकर डेरा मिस्सा नगर मँ रहा।</verse>
				<verse number="18">गिलाद छेत्र मँ रहइवाले लोगन क प्रमुखन कहेन, “अम्मोन क लोगन पइ हमला करइ मँ जउन मनई हमार अगुआई करी, उहइ मनई, ओन सबहिं लोगन क प्रमुख होई जाई जउन गिलाद पहँटा मँ रहत हीं।”</verse>
			</chapter>
			<chapter number="11">
				<verse number="1">यिप्तह गिलाद क परिवार समूह स रहा। उ एक ताकतवर जोधा रहा। किन्तु यिप्तह एक ठु रण्डी क पूत रहा। ओकर बाप गिलाद नाउँ क मनई रहा।</verse>
				<verse number="2">गिलाद क मेहरारू क अनेक पूत रहेन। जब उ पचे बड़े भएन तउ उ पचे यिप्तह क पसन्द नाहीं किहन। ओन पूतन यिप्तह क आपन जनम क नगर क तजइ बरे मजबूर किहन। उ पचे ओहसे कहेन, “तू हमरे बाप क दौलत मँ कछू नाहीं पाइ सकत अहा। तू दूसर मेहरारू क पूत अहा।”</verse>
				<verse number="3">एह बरे यिप्तह आपन भाइयन क कारण दूर चला गवा। उ तोब प्रदेस मँ रहत रहा। तोब प्रदेस मँ कछू मुल्यहीन लोग यिप्तह क अनुसरण करइ लागेन।</verse>
				<verse number="4">कछू समइ पाछे अम्मोनी लोग इस्राएल क लोगन स लड़ेन।</verse>
				<verse number="5">अम्मोनी लोग इस्राएल क लोगन क खिलाफ लड़त रहेन। एह बरे गिलाद प्रदेस क अग्रज (प्रमुख) यिप्तह क लगे आएन। उ पचे चाहत रहेन कि यिप्तह तोब प्रदेस क तजि देइ अउर गिलाद प्रदेस मँ लउटि आवइ।</verse>
				<verse number="6">प्रमुखन यिप्तह स कहेन, “आवा, हमार प्रमुख बना, जेहसे हम लोग अम्मोनियन क संग लड़ सकी।”</verse>
				<verse number="7">मुला यिप्तह गिलाद प्रदेस क अग्रजन स कहेस, “का इ फुरइ नाहीं कि तू लोग मोहसे घिना करत अहा? तू लोग मोका आपन पिता क घर तजइ बरे मजबूर किहा। एह बरे जब तू पचे विपत्ति मँ ह्वा तउ मोरे लगे काहे आवत रह्या?”</verse>
				<verse number="8">गिलाद प्रदेस क अग्रजन यिप्तह स कहेन, “इहइ कारण अहइ जेहसे हम अब तोहरे लगे आवा अही। कृपा कइके हम लोगन क संग आवा अउर अम्मोनी लोगन क खिलाफ लड़ा। तू ओन सबहिं लोगन क सेनापति होब्या जउन गिलाद प्रदेस मँ रहत हीं।”</verse>
				<verse number="9">तब यिप्तह गिलाद प्रदेस क अग्रजन स कहेस, “जदि तू लोग चाहत अहा कि मइँ गिलाद क लउटउँ अउर अम्मोनी लोगन क खिलाफ लड़उँ तउ इ बहोत नीक बात अहइ। किन्तु जदि यहोवा मोका विजय पावइ मँ मदद करइ तउ मइँ तोहार पचन्क नवा प्रमुख बनब।”</verse>
				<verse number="10">गिलाद प्रदेस क अग्रजन यिप्तह स कहेन, “हम लोग जउन बातन करत अही, यहोवा उ सबइ सुनत अहइ। हम लोग इ सबइ करइ क प्रतिग्या करत अही जउन तू पचे हमका करइ क कहत रह्या।”</verse>
				<verse number="11">एह बरे यिप्तह गिलाद क अग्रजन क संग गवा। ओन लोग यिप्तह क आपन प्रमुख तथा आपन फउज क सेनापति बनाएन। यिप्तह मिस्पा नगर मँ यहोवा क समन्वा आपन सबहिं बातन दोहराएस।</verse>
				<verse number="12">यिप्तह अम्मोनी राजा क लगे दूतन पठएस। दूतन राजा क इ सँदेसा दिहस: “अम्मोनी अउ इस्राएल क लोगन क बीच समस्या का अहइ? तू हमरे भुइँया मँ लड़इ बरे काहे आवा अहा?”</verse>
				<verse number="13">अम्मोनी लोगन क राजा यिप्तह क दूतन स कहेस, “हम लोग इस्राएल क लोगन स एह बरे लड़त अही काहेकि इस्राएल क लोग हमार भुइँया तब लइ लिहन जब उ पचे मिस्र स आवा रहेन। उ पचे हमार भुइँया अर्नोल नदी स यब्बोक नदी अउ हुवाँ स यरदन नदी तलक लइ लिहन अउ अब इस्राएल क लोगन स कहा कि उ पचे हमार भुइँया हम का सान्तिपूर्वक वापस दइ देइँ।”</verse>
				<verse number="14">एह बरे यिप्तह क दूतन इ सँदेसा यिप्तह क लगे वापस लइ गवा। तब यिप्तह अम्मोनी लोगन क राजा क लगे फुन दूत पठएस।</verse>
				<verse number="15">उ पचे इ सँदेसा लइ गएन: “यिप्तह इ कहत बाटइ: इस्राएल मोआब क लोगन या अम्मोन क लोगन क भुइँया नाही लिहस।</verse>
				<verse number="16">जब इस्राएल क लोग मिस्र देस स बाहेर आएन तउ उ पचे मरूभूमि स होइके जात्रा किहेन। उ पचे लाल सागर क गएन। तब उ पचे उ ठउर क गएन जेका कादेस कहा जात ह।</verse>
				<verse number="17">इस्राएल क लोग एदोम क राजा क लगे दूत पठए रहेन। उ पचे कहे रहेन, ‘इस्राएल क लोगन क तोहार भुइँया स गुजर जाइ द्या।’ किन्तु एदोम क राजा अपने भुइँया स हम लोगन क नाहीं जाइ दिहेस। हम लोग उहइ सँदेसा मोआब क राजा क लगे पठवा। मुला मोआब क राजा भी अपने भुइँया स होइके हम लोगन क नाहीं जाइ दिहस। एह बरे इस्राएल क लोग कादेस मँ ठहरा रहेन।</verse>
				<verse number="18">“तब इस्राएल क लोग मरूभूमि स होइके गएन अउर एदोम प्रदेस तथा मोआब भुइँया क छोरन क चारिहुँ कइँती चक्कार काटत रहेन। इस्राएल क लोग मोआब भुइँया क पूरब क तरफ स जात्रा किहन। उ पचे आपन डेरा अर्नोन नदी क दूसर कइँती डाएन। उ पचे मोआब क चउहद्दी क पार नाही किहन। (अर्नोन नदी मोआब क भुइँया क सीमा रही।)</verse>
				<verse number="19">“तब इस्राएल क लोग एमोरी लोगन क राजा सीहोन क लगे दूत पठएन। सीहोन हेस्बोन नगर क राजा रहा। दूत लोग सीहोन स माँग किहन, ‘इस्राएल क लोगन क अपने भुइँया स गुजर जाइ दया। हम लोग अपने भुइँया मँ जाइ चाहित ह।’</verse>
				<verse number="20">किन्तु एमोरी लोगन क राजा सीहोन इस्राएल क लोगन क आपन चउहद्दी पार नाही करइ दिहस। सीहोन आपन सबहिं लोगन क बटोरेस अउर यहस पइ आपन डेरा डाएस। तब एमोरी लोग इस्राएल क लोगन क संग लड़ेन।</verse>
				<verse number="21">किन्तु यहोवा इस्राएल क लोगन क परमेस्सर, इस्राएल क लोगन क मदद, सीहोन अउ ओकर फउज क हराइवइ मँ, किहस। एमोरी लोगन क सारी भुइँया इस्राएल क लोगन क सम्पत्ति बन गइ।</verse>
				<verse number="22">इ तरह इस्राएल क लोग एमोरी लोगन क सारा भुइँया पाएस। इ अर्नोन नदी स यब्बोक नदी तलक फइला रहा। इ भुइँया मरूभूमि स यरदन नदी तलक भी फइला रहा।</verse>
				<verse number="23">“इ यहोवा, इस्राएल क परमेस्सर रहा जउन एमोरी लोगन क आपन देस तजइ बरे बलपूर्वक मजबूर किहस अउर यहोवा उ प्रदेस इस्राएल क लोगन क दिहस। का तू पचे सोचत अहा कि तू पचे इस्राएल क लोगन स इ छोड़वाइ देब्या?</verse>
				<verse number="24">निहचइ ही, तू पचे उ भुइँया मँ रहि सकत ह जेका तोहार पचन्क देवता कमोस तोहका पचन्क दिहस ह। एह बरे हम लोग उ भुइँया मँ रहब, जेका यहोवा, हमार परमेस्सर हमका दिहस ह।</verse>
				<verse number="25">का तू पचे सिप्पोर नाउँ क मनई क पूत बालाक स जियादा नीक अहा? उ मोआब क राजा रहा। का उ इस्राएल क लोगन स बहस किहस? का उ कबहुँ इस्राएल क लोगन स लड़ा?</verse>
				<verse number="26">इस्राएल क लोग हेस्बोन अउ ओकर चारिहुँ ओर क सहरन मँ, अरोएर अउर ओकर चारिहुँ कइँती क सहर अउर अर्नोन नदी क किनारे क सबइ सहरन मँ तीन सौ बरिस तलक रहि चुकेन ह। तू एन नगरन क उहइ समय पर वापिस लेइ क जतन काहे नाहीं किहेन?</verse>
				<verse number="27">मइँ तोहार खिलाफ कउनो पाप नाहीं किहेन ह। किन्तु तू मोर खिलाफ बहोत बुरा अहा। यहोवा क, जउन सच्चा निआवाधीस अहइ, निहचइ करइ द्या कि इस्राएल क लोग ठीक राहे पइ अहइँ या अम्मोनी लोग।”</verse>
				<verse number="28">अम्मोनी लोगन क राजा यिप्तह इ सँदेसा क अनसुना किहस।</verse>
				<verse number="29">तब यहोवा क आतिमा यिप्तह पइ उतर आएस। यिप्तह गिलाद अउर मनस्से क भुइँया स गुजरा। उ गिलाद भुइँया मँ मिस्पे नगर क गवा। गिलाद भुइँया मँ मिस्पे नगर क पार करत भवा यिप्तह, अम्मोनी लोगन क भुइँया मँ गवा।</verse>
				<verse number="30">यिप्तह यहोवा क बचन दिहस। उ कहेस, “जदि तू एमोरी लोगन क मोका हरावइ देत ह,</verse>
				<verse number="31">तउ मइँ उ पहिली जीवित चीज क तोहका भेंट करव जउन मोर विजय स लउटइ क समइ मोरे घर स बाहेर आइ। मइँ एका यहोवा क होमबलि क रूप मँ देब।”</verse>
				<verse number="32">तब यिप्तह अम्मोनी लोगन क भुइँया मँ गवा। यिप्तह अम्मोनी लोगन स लड़ा। यहोवा अम्मोनी लोगन क हरावइ मँ ओकर मदद किहस।</verse>
				<verse number="33">उ ओनका अरोएर नगर स मिन्नीत क छेत्र क छोर तलक हराएस। यिप्तह बीस नगरन पइ कब्जा किहस। उ अम्मोनी लोगन स आबेलकरामीम नगर तलक जुद्ध किहस। इ अम्मोनी लोगन बरे बड़की हार रही। अम्मोनी लोग इस्राएल क लोगन क जरिये हराइ दीन्ह गएन।</verse>
				<verse number="34">यिप्तह मिस्पा क लउटा अउर अपने घरे गवा। ओकर बिटिया आपन घरे स बाहेर ओहसे भेटइ बरे आएन। उ एक तम्बूरा बजावत रही अउर नाचत रही। उ ओकर एकलउटी बिटिया रही। यिप्तह ओसे बहोत पियार करत रहा। ओका लगे कउनो दूसर बिटिया या पूत नाही रहेन।</verse>
				<verse number="35">जब यिप्तह लखेस कि पहिली जिबित चीज ओकर बिटिया ही रही, जउन ओकर घर स बाहेर आइ तब उ दुःख क परगट करइ बरे आपन ओढ़ना फारि डाएस अउर इ कहेस, “आह! मोर बिटिया तू मोका बर्बाद कइ दिहा। तू मोका बहोत दुःखी कइ दिहा। मइँ यहोवा क बचन दिहे रहेउँ, मइँ ओका वापिस नाहीं लइ सकत।”</verse>
				<verse number="36">तब ओकर बिटिया यिप्तह स कहेस, “बाप, आप यहोवा स प्रतिग्या किहा ह। एह बरे उहइ करा जउन आप करइ क प्रतिग्या किहा ह। तू मोर संग उहइ करा जउन प्रतिग्या तू यहोवा स किहा ह। आखीर मँ यहोवा आपका दुस्मनन, अम्मोनी लोगन क हरावइ मँ तोहार मदद किहस ह।”</verse>
				<verse number="37">तब ओकर बिटिया अपने बाप यिप्तह स कहेस, “किन्तु मोरे बरे पहिले एक ठु काम करा। दुइ महीने तलक मोका अकेली रहइ द्या। मोका पहाड़न पइजाइ द्या। जइसा कि मइँ बियाह नाही करब, नाहीं कउनो बच्चा क जनम देब। मोका अउर मोरी सहेलियन क एक संग जाइ अउर एक संग रोवइ क अनुमति द्या।”</verse>
				<verse number="38">यिप्तह कहेस, “जा अउर वइसा ही करा,” यिप्तह ओका दुइ महीने तलक पठइ दिहस। यिप्तह क बिटिया अउर ओकर सहेलियन पहाड़न मँ रहिन। उ पचे ओकरे बरे रोएन अउर चिचियानेन, काहेकि उ न बियाह करी अउर न ही बच्चन पइदा करी।</verse>
				<verse number="39">दुइ महीने क पाछे यिप्तह क बिटिया आपन पिता क लगे लउटी। यिप्तह उहइ किहस जउन उ यहोवा स प्रतिग्या किहे रहा। यिप्तह क बिटिया एक कुवाँरी रही। ओकर कउनो क संग कउनो सरीरे क सम्बन्ध नाहीं रहा। एह बरे इस्राएल मँ इ रिवाज बन गवा।</verse>
				<verse number="40">इस्राएल क मेहररूअन हर बरिस गिलाद क यिप्तह क बिटिया क याद करत रहिन। मेहररूअन यिप्तह क बिटिया बरे हर एक बरिस चार दिन तलक रोवत रहिन।</verse>
			</chapter>
			<chapter number="12">
				<verse number="1">एप्रैम क परिवार समूह क लोग आपन फउजियन क बटोरेन। तब उ पचे नदी पार कइके सापोन नगर गएन। उ पचे यिप्तह स कहेन, “तू हम लोगन क अम्मोनी लोगन क बिरोध मँ जुद्ध करइ बरे काहे नाही बोलाया? हम लोग तोहका अउर तोहरे घरे क बार देब।”</verse>
				<verse number="2">यिप्तह ओनका जवाब दिहस, “अम्मोनी लोग हम लोगन बरे अनेक समस्या पइदा करत अहइँ। एह बरे मइँ अउर हमार लोग ओनके खिलाफ लड़ेन। मइँ तू लोगन क बोलाएउँ, किन्तु तू लोग हम लोगन क मदद करइ नाही आया।</verse>
				<verse number="3">मइँ लखेउँ कि तू लोग मदद नाही करब्या। एह बरे मइँ आपन जिन्नगी खतरा मँ डाएउँ। मइँ अम्मोनी लोगन स लड़इ बरे नदी क पार गएउँ। यहोवा ओनका हरावइ मँ मोर मदद किहस। अब आजु तू मोरे खिलाफ लड़इ बरे काहे आया ह?”</verse>
				<verse number="4">तब यिप्तह गिलाद क मनईयन क एक संग बोलाएस। उ पचे एप्रैम क परिवार समूह क लोगन क संग लड़ेन। उ पचे एप्रैम क लोगन क संग एह बरे लड़ेन, काहेकि ओन लोग गिलाद क मनईयन क अपमान किहे रहेन। उ पचे कहे रहेन, “गिलाद क लोगो, तू लोग एप्रैम परिवार क बचे भए लोगन क अलावा दूसर कछू नाही अहा। तू लोगन क लगे आपन भुइँया भी नाहीं अहइ। तू लोगन क एक ठु हीसा एप्रैम मँ स अहइ तथा दूसर हींसा मनस्से मँ स अहइ।” गिलाद क लोग एप्रैम क लोगन क हराएन।</verse>
				<verse number="5">गिलाद क लोग यरदन नदी क घाटन क कब्जा कइ लिहन। उ सबइ घाटन एप्रैम प्रदेस तलक लइ जात रहेन। जब कबहुँ भी एप्रैम स बचा भवा जउन कउनो भी नदी पइ आवत, अउर कहत, “मोका नदी पार करइ द्या” तउ गिलाद क लोग ओहसे पूछतेन, “का तू एप्रैम मँ स अहा?” जदि उ “नाहीं” कहत तउ,</verse>
				<verse number="6">उ पचे कहतेन, “‘शिब्बोलेत’ सब्द क उच्चारण करा।” एप्रैम क लोग उ सब्द क सुद्ध उच्चारण नाही कइ सकत रहेन। उ पचे ओका “सिब्बोलेत” सब्द उच्चारण करते रहेन। जदि एप्रैम मँ स बचा मनई “सिब्बोलेत” क उच्चारण करत तउ गिलाद क लोग ओका घाटे पइ ही मार देत रहेन। इ तरह उ समइ एप्रैम मँ स 42,000 मनई मारा ग रहेन।</verse>
				<verse number="7">यिप्तह इस्राएल क लोगन क निआवाधीस छ: बरिस तलक रहा। तब गिलाद क निवासी यिप्तह मर गवा। ओका गिलाद मँ ओकर आपन नगर मँ दफनावा गवा।</verse>
				<verse number="8">यिप्तह क मरइ क पाछे इस्राएल क लोगन क निआवाधीस इबसान नाउँ क मनई भवा। इबसान बेतलेहेम नगर क निवासी रहा।</verse>
				<verse number="9">इबसान क तीस पूत अउ तीस बिटियन रहिन। उ अइसी तीस मेहररूअन आपन पूतन क संग बियाही बरे लिआवा, जउन ओकर रिस्तेदार नाहीं रहिन। इबसान इस्राएल क लोगन क निआवाधीस सात बरिस तलक रहा।</verse>
				<verse number="10">तब इबसान मर गवा। उ बेतलेहेम नगर मँ दफनावा गवा।</verse>
				<verse number="11">इबसान क मरइ क पाछे इस्राएल क लोगन क निआवाधीस एलोन नाँउ क मनई भवा। एलोन जबूलून क परिवार समूह स रहा। उ दस बर्स तक इस्राएल क लोगन क निआवाधीस रहा।</verse>
				<verse number="12">तब जबूलून क परिवार समूह क मनई एलोन मर गवा। उ जबूलून क भुइँया मँ अय्यालोन नगर मँ दफनावा गवा।</verse>
				<verse number="13">एलोन क मरइ क पाछे इस्राएल क लोगन क निआवाधीस अब्दोन नाउँ क मनई भवा। अब्दोन हिल्लेल नाउँ क मनई क पूत रहा। अब्दोन पिरातोन नगर क निवासी रहा।</verse>
				<verse number="14">अब्दोन क चालीस पूत अउ तीस पोता रहेन। उ सबइ सत्तर गधन पइ सवार होत रहेन। अब्दोन इस्राएल क लोगन क निआवाधीस आठ बरिस तलक रहा।</verse>
				<verse number="15">तब हिल्लेल क पूत अब्दोन मर गवा। उ पिरातोन नगर मँ दफनावा गवा। पिरातोन एप्रैम भुइँया मँ अहइ। इ उ पहाड़ी देस अहइ जहाँ अमालेकी लोग रहत रहेन।</verse>
			</chapter>
			<chapter number="13">
				<verse number="1">फुन इस्राएल क लोग उहइ कार्य किहेन जुउन यहोवा क नज़र मँ बुरा रहा। एह बरे यहोवा पलिस्ती लोगन क ओन पइ चालीस बरिस तलक सासन करइ दिहस।</verse>
				<verse number="2">एक मनई सोरा नगर क निवासी रहा। उ मनई क नाउँ मानोह रहा। उ दान क परिवार समूह स रहा। मनोह क एक ठु मेहरारू रही। मुला उ कउनो संतान पइदा नाहीं कइ सकत रही।</verse>
				<verse number="3">यहोवा क सरगदूत मानोह क मेहरारू क समन्वा परगट भवा अउर उ कहेस, “तू सन्तान उत्पन्न नाहीं कइ सकत अहा। मुला तू गर्भ धारण करबिउ अउर तोहका एक ठु पूत होइ।</verse>
				<verse number="4">तू दाखरस या कउनो नसीली पिअइ क चीज जिन पिआ। कउनो भी असुद्ध भोजन क न खा।</verse>
				<verse number="5">काहेकि तू फुरइ गर्भ धारण करबिउ अउर तोहका एक ठु पूत होइ। परमेस्सर बरे एक खास रूप मँ समर्पित होइ। उ एक नाज़ीर होइ। एह बरे तोहका ओकरे बाल कबहुँ नाहीं काटइ चाही। उ पइदा होइ स पहिले परमेस्सर क मनई होइ। उ इस्राएल क लोगन क पलिस्ती लोगन क सक्ती स अजाद कराई।”</verse>
				<verse number="6">तब उ मेहरारू आपन भतार क लगे गइ अउर जउन कछू भवा रहा, बताएस। उ कहेस, “परमेस्सर क निअरे स एक ठु मनई मोरे लगे आवा। उ परमेस्सर क एक सरगदूत क तरह मालूम होत रहा। उ बहोतइ अद्भुत देखाइ पड़त रहा अउर मइँ डेराइ गइ रही। मइँ ओहसे इ नाहीं पूछेउँ कि, तू कहाँ स आवा अहा। उ मोका आपन नाउँ नाहीं बताएस।</verse>
				<verse number="7">मुला उ मोसे कहेस, ‘तू गर्भ धारण करे अहा अउर तोहका एक ठु पूत होइ। कउनो दाखरस या नसीली चीज पिअइ क जिन पिआ। कउनो असुद्ध खइया जिन खा, काहेकि उ गदेला बिसेस रूप स परमेस्सर क समर्पित होइ। उ लड़का जनम क पहिले स लइके मरइ क दिन तलक परमेस्सर क नाज़ीरी होइ।’”</verse>
				<verse number="8">तब मानोह यहोवा स पराथना किहेस, “हे यहोवा, मइँ तोहसे पराथना करत हउँ कि तू परमेस्सर क मनई क हम लोगन क लगे फिन भेजा। हम चाहित ह कि उ हमका सिखावइ कि हम लोगन क हिआँ जउन बहोत हाली ही जनम लेइवाले गदेलन अहइ ओकरे संग हमका का करइ चाही?”</verse>
				<verse number="9">परमेस्सर मानोह क पराथना सुनेस। परमेस्सर क सरगदूत फुन उ मेहरारू क लगे, तब आता जब व खेते मँ बइठी रही। किन्तु ओकर भतार मानोह ओकरे संग नाहीं रहा।</verse>
				<verse number="10">एह बरे उ मेहरारू आपन भतारे स इ कहइ खातिर दउड़ी, “उ मनई लउटा ह। जउन मनई दूसर दिना मोरे लगे आवा रहा, उ हिआँ अहइ।”</verse>
				<verse number="11">मानोह उठा अउर आपन मेहरारू क पाछे चला। जब उ उ मनई क लगे पहोंचा तउ उ कहेस, “का तू उहइ मनई अहा जउन मोर मेहरारू स बातन किहे रही।” सरगदूत कहेस, “मइँ ही अहउँ।”</verse>
				<verse number="12">एह बरे मानोह कहेस, “मोका आसा अहइ कि जउन तू कहत अहा उ होइ। इ बतावा कि उ लड़का कैसी जिन्गी बिताइ? उ का करब?”</verse>
				<verse number="13">यहोवा क सरगदूत मानोह स कहेस, “तोहार मेहरारू क उ सब आदेस क पालन करइ चाही, जउन मइँ ओका करइ क कहेउँ ह।</verse>
				<verse number="14">ओका अंगूर क बेल पइ उगी कउनो चीज नाहीं खाइ चाही। ओका दाखरस या कउनो नसीली पिअइ क चीज नाहीं पिअइ चाही। ओका कउनो ऐसे खइया क नाहीं खाइ चाही जउन असुद्ध होइ। ओका उ सब करइ चाही, जउन करइ क आदेस मइँ दिहे अहँउ।”</verse>
				<verse number="15">तब मानोह यहोवा क सरगदूत स कहेस, “हम इ चाहित ह कि तू तनिक देर अउर रूका। हम लोग तोहरे भोजन बरे नया बोकरा पकाउब चाहत हीं।”</verse>
				<verse number="16">तब यहोवा क सरगदूत मानोह स कहेस, “जदि तू हिआँ स जाइ स मोका रोकब्या तउ भी मइँ तोहार खइया नाहीं खाउब। किन्तु जदि तू कछू तइयार करइ चाहत अहा तउ यहोवा क होमबलि द्या।” (मानोह नाहीं समुझेस कि उ मनई फुरइ यहोवा क सरगदूत रहा।)</verse>
				<verse number="17">तब मानोह यहोवा क सरगदूत स कहेस, “तोहार नाउँ का अहइ? हम लोग एह बरे जानइ चाहित ह कि हम तोहार सम्मान तब करि सकब, जब तोहार वचन सच्च होब्या।”</verse>
				<verse number="18">यहोवा क सरगदूत मानोह स कहेस, “तू मोर नाउँ काहे पूछत अहा? इ अद्भुत अहइ।”</verse>
				<verse number="19">तब मानोह चट्टाने पइ एक ठु बोकरा क बलि दिहस। उ यहोवा क कछू अन्न भी भेंट क रूप मँ दिहस। अउर जब मनोह अउर ओकर पत्नी देखत रहेन तउ उ एक अद्भुत काम किहस।</verse>
				<verse number="20">जइसी आगी क लपटन वेदी स अकास तलक उठिन, वइसे ही यहोवा क सरगदूत आगी मँ स आकास क चला गवा। जब मानोह अउ ओकर मेहरारू इ लखेन तउ उ पचे धरती पइ भहराइ गएन। उ पचे अपने मूँड़े क धरती स लगाएन।</verse>
				<verse number="21">मानोह अन्त मँ समुझेस कि उ मनई फुरइ यहोवा क दूत रहा। यहोवा क सरगदूत फुन मानोह अउर ओकरे पत्नी क समन्वा परगट नाहीं भवा।</verse>
				<verse number="22">मानोह कहेस, “हम लोग परमेस्सर क लखे अही! निहचइ ही इ कारण स हम लोग मरब।”</verse>
				<verse number="23">लेकिन ओकर मेहरारू ओहसे कहेस, “यहोवा हम लोगन क मारइ नाहीं चाहत। जदि यहोवा हम लोगन क मारइ चाहत तउ उ हम लोगन क होमबलि अउर अन्नबलि अंगीकार न करत। उ हम लोगन क उ सब न देखाए होत, अउर हम लोगन स इ सबइ बातन न कहे होत।”</verse>
				<verse number="24">एह बरे मेहरारू क एक ठु पूत भवा। उ ओकर नाउँ सिमसोन धरेस। सिमसोन बड़ा भवा अउर यहोवा ओका आसीर्वाद दिहेस।</verse>
				<verse number="25">यहोवा क अतिमा सिमसोन क हिलाना डोलाना सुरू किहेस, जब उ महनेदान नगर मँ रहत रहा। उ नगर सोरा अउ एसताओल नगर क बीच अहइ।</verse>
			</chapter>
			<chapter number="14">
				<verse number="1">सिमसोन तिम्ना नगर क गवा। उ हुवाँ एक ठु पलिस्ती जुवती क लखेस।</verse>
				<verse number="2">जब उ वापस लउटा तउ उ आपन महतारी बाप स कहेस, “मइँ एक पलिस्ती लड़की क तिम्ना मँ लखेउँ ह। मइँ चाहत हउँ तू ओका मोरे बरे लिआवा। मइँ ओहसे बियाह करइ चाहत हउँ।”</verse>
				<verse number="3">ओकर बाप अउ महतारी जवाब दिहेन, “निहचय ही हमार सम्बंधियन मँ या हमार लोगन मँ स एक लड़की अहइ जेहसे तू बियाह कइ सकत ह। का तू पलिस्ती लोगन मँ स एक ठु लड़की स बियाह करब्या? पलिस्ती लोगन मँ स कउनो क भी खतना नाहीं भएस ह।” किन्तु सिमसोन कहेस, “मोरे खातिर उहइ लड़की लिआवा। मइँ ओका ही चाहत हउँ।”</verse>
				<verse number="4">(सिमसोन क महतारी-बाप नाहीं समझुत रहेन कि यहोवा अइसा ही होइ देइ चाहत ह। यहोवा एक पलिस्ती लोगन क खिलाफ जाई बरे कारण खोजइ चाहत रहा। उ समइ पलिस्ती लोग इस्राएल क लोगन पइ हुकूमत करत रहेन।)</verse>
				<verse number="5">सिमसोन आपन महतारी-बाप क संग तिम्ना नगर क गवा। उ पचे नगर क निचके अंगूर क खेतन तलक पहँचन। उ ठउरे पइ एक ठु जवान सेर गरज उठा अउर सिमसोन पइ कूदा।</verse>
				<verse number="6">यहोवा क आतिमा क बड़की ताकत स सिमसोन पइ उतरी। उ अपने खाली हाथन स सेर क चीर डाएस। इ ओकरे बरे सहल मालूम भवा। इ वइसा सहल मालूम भवा जइसा एक ठु बोकरी क बच्चा क चीरब। किन्तु सिमसोन आपन महतारी-बाप क नाहीं बताएस कि उ का किहेस ह।</verse>
				<verse number="7">एह बरे सिमसोन नगर मँ गवा अउ पलिस्ती लड़की स बातन किहेस। उ ओका खुस किहेस।</verse>
				<verse number="8">कईउ दिना पाछे सिमसोन उ पलिस्ती लड़की क संग बियाह करइ वापस आवा। आवत समइ रास्ता मँ मरा सेर क लखइ गवा। उ मरे सेर क तने मँ मधुमकिाखयन क एक ठु छत्ता पाएस। उ सबइ कछू सहद तइयार कइ लिहे रहिन।</verse>
				<verse number="9">सिमसोन अपने हाथे स कछू सहद निकारेस। उ सहद चाटत भवा रास्ते पइ चल पड़ा। जब उ आपन महतारी-बाप क लगे आवा तउ उ ओनका कछू सहद दिहस। उ पचे भी ओका खाएन किन्तु सिमसोन अपने महतारी-बाप क नाहीं बताएस कि उ मरे सेर क तने स सहद लिहस ह।</verse>
				<verse number="10">सिमसोन क बाप पलिस्ती लड़की क लखइ गवा। दूल्हे बरे इ रिवाज रहा कि ओका एक दावत देब होत ह। एह बरे सिमसोन दावत दिहेस।</verse>
				<verse number="11">जब लोग लखेन कि उ एक ठु दावत देत अहइ तउ उ पचे ओकरे संग तीस मनई पठएन।</verse>
				<verse number="12">तब सिमसोन ओन तीस मनइयन स कहेस, “मइँ तू पचन्क एक ठु पहेली सुनावइ चाहत हउँ। मोर दावत सात दिन तलक चली। उ समइ ही जवाब हेरइ क कोसिस कर्या। जदि तू पचे पहेली क जवाब उ समइ क अन्दर दइ सक्या तउ मइँ तू पचन्क तीस ठु सूती कमीजन, तीस ओढ़नन क जोड़ा देब।</verse>
				<verse number="13">किन्तु जदि तू पचे एकर जवाब न निकारि सक्या तउ तू पचन्क तीस सूती कमीजन अउ तीस जोड़ी ओढ़नन मोका देइ क होइ।” एह बरे तीस मनइयन कहेन, “पहिले आपन पहेली सुनावा, हम एका सुनइ चाहित ह।”</verse>
				<verse number="14">सिमसोन इ पहेली सुनाएस: “खाइवालन मँ स कछू खाइ क चीज। अउर ताकतवर मँ स कछू मधुर चीज निकरेस।” एह बरे तीस मनइयन तीन दिना तलक एकर जवाब हेरइ क जतन किहेन, किन्तु उ पचे कउनो जवाब न पाइ सकेन।</verse>
				<verse number="15">चउथे दिन उ सबइ मनई सिमसोन क मेहरारू क निचके आएन। उ पचे कहेन, “का तू हम पचन्क गरीब बनावइ खातिर हिआँ हम क बोलाया ह? तू अपने भतार क, हम लोगन क पहेली क जवाब देइ बरे फुसलावा। जदि तू हम लोगन बरे जवाब नाहीं निकारतिउ तउ हम लोग तोहका अउर तोहरे बाप क घरे मँ रहइवालन सबहिं लोगन क बार देब।”</verse>
				<verse number="16">एह बरे सिमसोन क मेहरारू ओकरे लगे गइ अउर रोवइ-चिचियाइ लाग। उ कहेस, “तू मोहसे सिर्फ घिना करत अहा। तू मोहसे सच्चा पिरेम नाहीं करत अहा। तू मोरे लोगन क एक ठु पहेली सुनाया ह अउर तू ओकर जवाब मोका नाहीं बताइ सकत्या।” सिमसोन जवाब दिहेस, “किन्तु मँ आपन माता-पिता क भी नहीं बताएस, फुन फिर मोका इ तोहका काहे बताइ चाही।”</verse>
				<verse number="17">सिमसोन क मेहरारू दावत क आखिर सात दिना तलक रोवत चिचियात रही। एह बरे आखिर मँ उ सतएँ दिन पहेली क जवाब ओका दिहस। उ बताइ दिहस काहेकि उ ओका बराबर परेसान करत रही। तब उ आपन लोगन क बीच गइ अउर ओनका पहेली क जवाब दइ दिहस।</verse>
				<verse number="18">इ तरह दावत वाले सतएँ दिन सूरज बूड़इ स पहिले पलिस्ती लोगन क लगे पहेली क जवाब रहा। उ पचे सिमसोन क लगे आएन अउर उ पचे कहेन, “सहद स मीठ का बाटइ? सेर स ताकतवर कउन अहइ?” तब सिमसोन ओनसे कहेस, “जदि तू पचे मोरी गइया क न जोते होत्या तउ, मोरी पहेली क जवाब नाही निकार पाए होत्या।”</verse>
				<verse number="19">सिमसोन बहोतइ कोहाइ गवा। यहोवा क आतिमा ओकरे ऊपर बड़की ताकत क संग आइ। उ आस्कलोन नगर क गवा। उ नगर मँ उ ओनकर तीस पलिस्तिय मनइयन क मारेस। तब उ ल्हासन स सारे ओढ़नन अउ सारी दौलत लिहस। उ ओन ओढ़नन क लइके लउटा अउर ओन मनइयन क दिहस, जउन पहेली क जवाब दिहे रहेन। तब उ आपन बाप क घर लउटा।</verse>
				<verse number="20">सिमसोन आपन मेहरारू क नाहीं लइ गवा। बियाह समारोह मँ हाजिर सब स नीक मनई ओका रख लिहस।</verse>
			</chapter>
			<chapter number="15">
				<verse number="1">गोहूँ क फसल तइयार होइ क समइ सिमसोन अपनी मेहरारू स भेंटइ गवा। उ आपन संग उपहार मँ एक ठु बोकरी क बच्चा लइ गवा। उ कहेस, “मइँ अपनी मेहरारू क कमरा मँ जात अहउँ।” किन्तु ओकर बाप ओका अन्दर नाहीं जाइ देइ चाहत रहा।</verse>
				<verse number="2">ओकर बाप सिमसोन स कहेस, “मइँ सोचेउँ कि तू फुरइ अपनी मेहरारू स घिना करत अहा एह बरे बियाह मँ सामिल सब स जियादा नीक मनई क मइँ ओका मेहरारू क रूप मँ दइ दिहेउँ। ओकर नान्ह बहिन ओहसे जियादा सुन्नर अहइ। ओकर छोटकी बहिन क लइ ल्या।”</verse>
				<verse number="3">किन्तु सिमसोन ओहसे कहेस, “तू पलिस्ती लोगन पइ प्रहार करइ क मोरे लगे अब उचित कारण बाटइ। अब कउनो मोका दोखी नाही बताई।”</verse>
				<verse number="4">सिमसोन बाहेर निकारेस अउर तीन सौ लोखरियन क धरेस। उ दुइ लोखरियन क एक दाई एक संग लिहस अउर ओनकर जोड़ा बनावइ बरे ओनकर पूँछ एक संग बाँध दिहस। तब उ लोखरियन क हर जोड़न क पूँछन क बीच एक-एक मसाल बाँधेस।</verse>
				<verse number="5">सिमसोन लोखरियन क पूँछ क बीच क मसालन क बारेस। तब उ पलिस्ती लोगन क खेतन मँ लोखरियन क छोड़ दिहस। इ तरह उ ओनकर खड़ी फसलन अउर ओनकर अनाज क ढेरन क बार दिहस। उ ओनकर अंगूरे क खेतन अउर जइतून क बृच्छन क भी बार डाएस।</verse>
				<verse number="6">पलिस्ती लोग पूछेन, “इ कउन किहस?” कउनो ओनसे कहेस, “तिम्ना क मनई क दामाद सिमसोन इ किहस ह। उ इ एह बरे किहस कि ओकर ससुर सिमसोन क मेहरारू क ओकरे बियाह क समइ हाजिर सब स नीक मनई क दइ दिहस।” एह बरे पलिस्ती सिमसोन क मेहरारू अउ ओकरे ससुर क बारिके मार डाएन।</verse>
				<verse number="7">तब सिमसोन पलिस्ती क लोगन स कहेस, “तू लोग इ बुरा किहा। एह बरे मइँ तू लोगन पइ प्रहार करब। मइँ तब तलक नाहीं रूकब जब तक तू लोगन स मइँ आपन बदला नाहीं लेइ लउब!”</verse>
				<verse number="8">तब सिमसोन पलिस्ती लोगन पइ हमला किहस। उ ओनमाँ स बहोतन क मार डाएस। तब उ गवा अउर एक ठु गुफा मँ ठहरा। उ गुफा “एताम क चट्टान” नाँउ क ठउरे पइ रही।</verse>
				<verse number="9">तब पलिस्ती लोग यहूदा क भुइँया मँ गएन। उ पचे लही नाउँ क ठउरे पाइ रूकेन। ओनकर फउज हुवाँ डेरा डाएस अउर जुद्ध बरे तइयारी किहस।</verse>
				<verse number="10">यहूदा परिवार समूह क लोग ओनसे पूछेस, “तू पलिस्तीयो, हम लोगन स जुद्ध करइ काहे आया ह?” उ पचे जवाब दिहन, “हम लोग सिमसोन क धरइ आए अही। हम लोग ओका आपन बन्दी बनावइ चाहित ह। हम लोग ओका ओकर बदला चुकावइ चाहित ह जउन उ हमरे लोगन क संग किहेस ह।”</verse>
				<verse number="11">तब यहूदा परिवार समूह क तीन हजार मनई सिमसोन क लगे गएन। उ पचे एताम क चट्टान क लगे क गुफा मँ गएन। उ पचे ओहसे कहेन, “तू हम लोगन बरे का किहेस ह? का तोहका पता नाहीं अहइ कि पलिस्ती लोग, हम पइ सासन करत हीं?” सिमसोन जवाब दिहस, “उ पचे मोरे संग जउन किहेन ओकर मइँ बदला दिहेउँ।”</verse>
				<verse number="12">तब उ पचे सिमसोन स कहेन, “हम तोहका बन्दी बनावइ आए अही। हम लोग तोहका पलिस्ती लोगन क दइ देब।” सिमसोन यहूदा क लोगन स कहेस, “प्रतिग्या करा कि तू लोग खुद मोह पइ प्रहार नाही करब्या।”</verse>
				<verse number="13">तब यहूदा क मनइयन कहेन, “हम अंगीकार करित ह। हम लोग सिरिफ तोहका बाँधब अउर तोहका पलिस्ती लोगन क दइ देब। हम प्रतिग्या करित ह कि हम तोहका जान स न मारब।” एह बरे उ पचे सिमसोन क दुइ नवी रस्सियन स बाँधा। उ पचे ओका चट्टान क गुफा स बाहर लइ गएन।</verse>
				<verse number="14">जब सिमसोन लही नाउँ क ठउरे पइँ पहोंचा तउ पलिस्ती लोग ओहसे मिलइ आएन। उ पचे खुसी स सोर मचावत रहेन। तब यहोवा क आतिमा बड़की ताकत स सिमसोन मँ आएस। ओकरे ऊपरे क लसुरियन अइसी कमजोर होइ गइन अइसे माना उ सबइ जल गइ होइँ। वासुरियन ओकर हाथन स अइसे गिरिन माना उ सबइ गल गइ होइँ।</verse>
				<verse number="15">सिमसोन क उ गद्धा क जबड़ा क हाड़ मिला जउन मरा पड़ा रहा। उ जबड़ा क हाड़ लिहस अउर ओहसे एक हजार पलिस्ती लोगन क मार डाएस।</verse>
				<verse number="16">तब सिमसोन कहेस, “एक ठु गद्धा क जबड़ा क हाड़, स मइँ एक हजार मनइयन क मार दिहेउँ ह। एक ठु गद्धा क जबड़ा क हाड़ स मइँ ओनकर ल्हासन क एक ठु ऊँचा ढेर लगाइ दिहेउँ ह।”</verse>
				<verse number="17">जब सिमसोन बोलब खतम किहेस तब उ जबड़ा क हाड़ क लोकाइ दिहस। एह बरे उ ठउरे क नाउँ रामत लही पड़ा।</verse>
				<verse number="18">सिमसोन क बहोत पिआस लाग। एह बरे उ यहोवा क गोहराएस। उ कहेस, “मइँ तोहार सेवक हउँ। तू मोका इ बहोत बड़की विजय दिहा ह। का अब मोका पिआस स मरब पड़ी? का मोका ओनसे धरा जाइ क होइ जेनकर खतना नाहीं भवा ह?”</verse>
				<verse number="19">लही मँ धरती मँ एक ठु छेद रहा परमेस्सर एका खोलेस अउर पानी बाहेर आइ गवा। सिमसोन पानी पिएस अउर सुसताएस अउर उ फुन से सक्ति अनुभव किहेस। एह बरे उ पानी क सोते क नाउँ एनहक्कोरे रखेस। इ सब तलक आजु भी लही नगर मँ बाटइ।</verse>
				<verse number="20">इ तरह सिमसोन इस्राएल क लोगन क निआवाधीस बीस बरिस तलक रहा। उ पलिस्ती लोगन क समइ मँ रहा।</verse>
			</chapter>
			<chapter number="16">
				<verse number="1">एक दिन सिमसोन अज्जा नगर क गवा। उ हुवाँ एक ठु रण्डी क लखेस। उ ओकरे संग रात बितावइ बरे भीतर गवा।</verse>
				<verse number="2">कउनो अज्जा क लोगन स कहेस, “सिमसोन हिआँ आवा ह।” उ पचे ओका जान स मार डावा चाहत रहेन। एह बरे उ पचे नगर क घेर लिहन। उ पचे छुपा रहेन अउर उ पचे नगर दुआर क लगे छुप गएन अउर सारी रात सिमसोन क प्रतीच्छा किहन। उ पचे पूरी रात एकदम चुप रहेन। उ पचे आपुस मँ कहेन, “जब भिंसार होइ, हम लोग सिमसोन क मार डाउब।”</verse>
				<verse number="3">किन्तु सिमसोन रण्डी क संग आधी राति तलक ही रहा। सिमसोन आधी राति मँ उठा अउर नगर क फाटक क केंवाड़न क धइ लिहस अउर उ ओनका खींचिके देवार स अलग कइ दिहस। सिमसोन केंवाड़न, दुइ खड़ी चउखटन अउर अबेड़न क जउन केंवाड़ क बन्द करत रहिन, धइके अलग उखाड़ी लिहस। तब सिमसोन ओनका काँधन पइ लिहस अउर उ पहाड़ी क चोटी पइ लइ गवा जउन हेब्रोन नगर क निचके बाटइ।</verse>
				<verse number="4">एकरे बाद सिमसोन दलीला नाउँ क मेहरारू स पिरेम करइ लाग। उ सोरेक घाटी क रही।</verse>
				<verse number="5">पलिस्ती लोगन क सासक दलीला क लगे गएन। उ पचे कहेन, “हम जानइ चाहित ह कि सिमसोन ओतना जियादा ताकतवर कइसे अहइ? ओका फुसलावा अउर आपन गुप्त बात बताइ देइ। तब हम लोग जान जाब कि ओका कइसे बाँधी। अउर ओह पइ कइसे नियंत्रण कइ सकित ह। जदि तू अइसा कर बिउ तउ हम मँ स हर एक तोहका एक हजार एक सौ सेकेल देइ।”</verse>
				<verse number="6">एह बरे दलीला सिमसोन स कहेस, “मोका बतावा कि तू एतना जियादा ताकतवर काहे अहा? तू पचन मँ स कउनो कइसे बाँध सकत ह अउर तू पचन क कइसे असहाय कइ सकत ह?”</verse>
				<verse number="7">सिमसोन जवाब दिहस, “कउनो मनई मोका सात नवी धनुस क ओन डोरियन स बाँध सकत ह जेका अब तलक उपयोग नाहीं कीन्ह ग अहइ अउर जउन कबहुँ झुरान न होइ। जदि कउनो अइसा करी तउ मइँ दूसर कउनो मनइयन क तरह दुर्बल होइजाब।”</verse>
				<verse number="8">तब पलिस्ती क सासक लोग सात ठु नवी धनुस क डोरियन दलीला बरे लाएन। उ सबइ डोरियन अब तलक झुरान नाही रहिन। उ सिमसोन क ओहसे बाँधेस।</verse>
				<verse number="9">कछू मनई दूसर कमरन मँ छुपा रहने। दलीला सिमसोन स कहेस, “सिमसोन पलिस्ती क लोग तोहका धरइ आवत अहइँ।” किन्तु सिमसोन धनुस डोरियन क आसानी स तोड़ दिहस। उ सबइ वइसे ही टूट गइन जइसे कउनो धागा आगी क काफी निकट आवइ क पाछे टूट जात ह। इ तरह पलिस्ती लोग सिमसोन क ताकत क राज पता नाहीं लगाइ सकेन।</verse>
				<verse number="10">तब दलीला सिमसोन स कहेस, “तू मोका बेवकूफ बनाया ह। तू मोहसे लबार बोल्या ह। मेहरबानी कइके मोका फुर-फुर बतावा कि तोहका कउनो कइसे बाँध सकत ह।”</verse>
				<verse number="11">सिमसोन कहेस, “कउनो मनई मोका ओन नवी लसुरियन स बाँध सकत ह जेका पहिले उपयोग नाहीं कीन्ह गवा ह। जादि कउनो अइसा करी तउ मइँ एतना कमजोर हो जाब, जेतना कउनो दूसर मनई होत ह।”</verse>
				<verse number="12">एह बरे दलीला कछू नवी लसुरियन लिहस अउर सिमसोन क बाँध दिहस। कछू मनई अगले कमरे मँ छुपा रहेन। तब दलीला ओका आवाज़ दिहेस, “सिमसोन, पलिस्ती लोग तोहका धरइ आवत अहइँ।” किन्तु उ लसुरियन क आसानी स तोड़ि दिहस। उ ओनका धागा क तरह तोड़ डाएस।</verse>
				<verse number="13">तब दलीला सिमसोन स कहेस, “तू मोका फुन बेवकूफ बनाया ह! तू मोस्से झूठ बोल्या ह। अब तू मोका बतावा कि तोहका कउनो कइसे बाँध सकत ह।” उ कहेस, “जदि तू उ करघा क उपयोग करा, अउर मोरे मूँड़े क बारन स सात चूटी बना लेइ अउर एका एक काँटा स कस देइ तउ मइँ एँतना कमजोर होइ जाब, जेतना कउनो दूसर मनई होत ह।” तब सिमसोन सोबइ चला गवा। एह बरे दलीला करघा क उपयोग ओकरे मूँड़े क बारन क सात चूटी बनावइ बरे किहा।</verse>
				<verse number="14">तब दलीला जमीन मँ खेमा क खूँटी गाड़िके, करघा क ओहसे बाँध दिहस। फुन उ सिमसोन क अवाज दिहस, “सिमसोन, पलिस्ती क लोग तोहका धरइ जात अहइँ।” सिमसोन नींद स उठिके तम्बू क खूँटी, करघा अउर ढरकी क उखाड़ दिहस।</verse>
				<verse number="15">तब दलीला सिमसोन स कहेस, “तू मोका कइसे कह सकत ह, ‘मइँ तोहसे पिरेम करत हउँ,’ जबकि तू मोह पइ बिस्सास तलक नाहीं करत्या। तू आपन राज बतावइ स इन्कार करत अहा। इ तिसरी दाई तू मोका बेवकूफ बनाया ह। तू आपन भीसण सक्ती क राज मोका नाहीं बताया ह।”</verse>
				<verse number="16">उ सिमसोन क दिन पइ दिन हर समइ डाँट-डपट करत रहत रहेन। उ ओका ऍतना परेसान किहेस कि उ ओहस तंग आइ गवा अउर मरि जावा चहेस।</verse>
				<verse number="17">एह बरे उ दलीला क सब कछू बताइ दिहस। उ कहेस, “मइँ आपन बार कबहुँ नाहीं कटवाए अहउँ। मइँ जनम क पहिले बिसेस रूप स परमेस्सर क समर्पित रहेउँ। जदि कउनो मोरे बारन क कतर देइ तउ मोरे सकाती चली जाइ। मइँ वइसा ही कमजोर होइ जाब, जेतना कउनो दूसर मनई होत ह।”</verse>
				<verse number="18">दलीला लखेस कि सिमसोन आपन हिरदइ क सारी गुप्त बात कहि दिहेस ह। उ पलिस्ती क लोगन क सासकन क लगे दूत पठएस। उ कहेस, “फुन वापस लउटा। सिमसोन मोका सब कछू कहि दिहेस ह।” एह बरे पलिस्ती लोगन क सासक दलीला क लगे लउटेन। उ सबइ उ धन संग लिआएन जउन उ पचे ओका देइ क प्रतिग्या किहे रहेन।</verse>
				<verse number="19">दलीला सिमसोन क उ समइ सोइ जाइ दिहस, जब उ ओकरी गोद मँ मूँड़ि धइके ओलरा रहा। तब उ एक मनई क भीतर बोलाएस अउर सिमसोन क बारन क सात लटन क कतरवाइ दिहस। इ तरह उ ओका ताकतरहित बनाई दिहस। सिमसोन क सक्ती ओका तजि दिहस।</verse>
				<verse number="20">तब दलीला ओका अवाज दिहस, “सिमसोन पलिस्ती क लोग तोहका धरइ आत अहइँ।” उ जाग पड़ा अउर सोचेस, “मइँ पहिले क तरह पराइ निकरब अउर आपन क अजाद राखब।” किन्तु सिमसोन क इ नाहीं मालूम रहा कि यहोवा ओका तजि दिहस ह।</verse>
				<verse number="21">पलिस्ती क लोग सिमसोन क धइ लिहन। उ पचे ओकर अँखिन निकरवाइ लिहन अउर ओका अज्जा नगर क लइ गएन। तब ओका पराइ स धरइ बरे ओकरे पैरन मँ उ पचे बेड़ियन डाइ दिहन। उ पचे ओका जेल मँ धाँध दिहन अउर ओहसे चक्की चलवाएन।</verse>
				<verse number="22">किन्तु सिमसोन क बार फुन बढ़ब सुरू किहन।</verse>
				<verse number="23">पलिस्ती लोगन क सासक उत्सव मनावइ बरे एक ठउरे पइ बटुरेन। उ पचे आपन देवता दागोन क एक ठु बड़की बलि चढ़ावइ जात रहेन। उ पचे कहेन, “हम लोगन क देवता हमार दुस्मन सिमसोन क हरावइ मँ मदद किहेन ह।”</verse>
				<verse number="24">जब पलिस्ती लोग सिमसोन क लखेन तब उ पचे अपने देवता क बड़कई किहन। उ पचे कहेन, “इ मनई हमरे लोगन क बर्बाद किहस। इ मनई हमरे अनेक लोगन क मारेस। किन्तु हमार देवता हमरे दुस्मन क धरवावइ मँ हमार मदद किहस।”</verse>
				<verse number="25">लोग उत्सव मँ खुसी मनावत रहेन। एह बरे उ पचे कहेन, “सिमसोन क बाहेर लिआवा। हम ओकर मजाक उड़ावइ चाहित ह।” एह बरे उ पचे सिमसोन क जेल स बाहेर लइ आएन अउर ओकर मजाक उड़ाएन। उ पचे सिमसोन क दागोन देवता क मन्दिर क खम्भन क बीच मँ खड़ा किहन।</verse>
				<verse number="26">एक ठु जवान नउकर सिमसोन क हाथ धरे भए रहा। सिमसोन ओनसे कहेस, “मोका हुवाँ राखा जहाँ मइँ ओन खम्भन क छुइ सकउँ, जउन इ मन्दिर क ऊपर रोके भए राखेस अहइ। मइँ ओनकर सहारा लेइ चाहत हउँ।”</verse>
				<verse number="27">मन्दिर मँ मेहररूअन-मनसेधुअन क बड़ा भीड़ रही। पलिस्ती लोगन क सबहिं सासक भी हुआँ रहेन। हुवाँ लगभग 3,000 मेहरारू-मनसेधु मन्दिर क छत पइ रहेन। उ सबइ हँसत रहेन अउर सिमसोन क मजाक उड़ावत रहेन।</verse>
				<verse number="28">तब सिमसोन यहोवा स पराथना किहेस। उ कहेस, “सर्वसक्तिमान यहोवा, मोका याद रखा। परमेस्सर मोका कृपा कइके सिरिफ एक दाई अउर सक्ति द्या। मोका सिरिफ इ काम करइ द्या कि पलिस्तीयन स आपन आँखिन निकारइ क बदला चुकाइ सकउँ।”</verse>
				<verse number="29">तब सिमसोन मन्दिर क केन्द्र क दुइनउँ खम्भन क धरेस। इ दुइनउँ खम्भा पूरे मन्दिर क टेकाए भए रहेन। उ दुइनउँ खम्भन क बीच मँ अपने क जमाएस। एक ठु खम्भा ओकर दाहिन कइँती अउ दूसर ओकर बाईर् कइँती रहा।</verse>
				<verse number="30">सिमसोन कहेस, “एन पलिस्तीयन स संग मोका मरइ द्या।” तब उ आपन पूरी सक्ती स खम्भन क ठेलेस अउर मन्दिर सासकन पइ अउ दुसर लोगन जउन हुआँ जमा भवा रहेन पइ भहराइ पड़ा। इ तरह सिमसोन आपन जिन्नगी भर क समइ मँ जेतने पलिस्ती लोगन क मारेस, ओहसे कहूँ जियादा लोगन क तब मारेस जब उ मरा।</verse>
				<verse number="31">सिमसोन क भाइयन अउर ओकरे बाप क परिवार हुआँ गएन अउर ओकरे ल्हास क लेइ गएन। उ पचे ओका वापिस लिआएन अउर ओका ओकर बाप मानोह क कब्र मँ दफनाएस। इ कब्र सोरा अउर एस्ताओल नगरन क बीच अहइ। सिमसोन इस्राएल क लोगन क निआवाधीस बीस बरिस तलक रहा।</verse>
			</chapter>
			<chapter number="17">
				<verse number="1">मीका नाउँ क एक मनई रहा जउन एप्रैम क पहाड़ी पहँटा मँ रहत रहा।</verse>
				<verse number="2">मीका आपन महतारी स कहेस, “का तोहका चाँदी क गियारह सौ सिक्कन याद अहइ जउन तोहसे चोराइ लीन्ह ग रहेन। मइँ तोहका ओकरे बारे मँ सराप देत सुनेउँ। उ चाँदी मोरे लगे अहइ। मइँ ओका लिहेउँ ह।” ओकर महतारी कहेस, “मोर पूत, तोहका यहोवा आसीर्बाद देइ।”</verse>
				<verse number="3">मीका आपन महतारी क गियारह सौ सिक्के वापस दिहेस। तब उ कहेस, “मइँ इ सबइ सिक्कन यहोवा क एक खास भेंट क रूप मँ देब। मइँ इ चाँदी आपन पूत क देब अउर उ एक ठु मूरति बनाई अउर ओका चाँदी स ढाँपि देइहीं। एह बरे पूत, अब इ चाँदी मइँ तोहका लउटावत हउँ।”</verse>
				<verse number="4">मुला मीका उ चाँदी आपन महतारी क लउटाइ दिहस। एह बरे उ दुइ सौ सेकेल चाँदी लिहेस अउ एक ठु सुनार क दइ दिहस। सुनार चाँदी क उपयोग चाँदी स ढाँपी एक ठु मूरति बनावइ मँ किहस। मूरति मीका क घरे मँ धरी गइ।</verse>
				<verse number="5">मीका क एक ठु मन्दिर मूरतियन क पूजा करइ बरे रहा। उ एक एपोद अउर कछू घरेलू मूरतियन बनाएस अउर ओनका हुआँ रखेस तब मीका आपन पूतन मँ स एक क आपन याजक चुनेस।</verse>
				<verse number="6">(उ समइ इस्राएल क लोगन क कउनो राजा नाहीं रहा। एह बरे हर एक मनई उ करत रहा जउन ओका नीक जँचत रहा।)</verse>
				<verse number="7">एक ठु लेवीवंसी नउजवान रहा। उ यहूदा भुइँया मँ बेतलेहेम नगर क निवासी रहा। उ यहूदा क परिवार समूह मँ रहत रहा।</verse>
				<verse number="8">उ नउजवान यहूदा मँ बेतलेहेम क तजि दिहस। उ रहइ बरे दूसर ठउर हेरत रहा। जब उ जात्रा करत रहा, उ मीका क घरे एप्रैम क पहाड़ी पहँटा मँ आवा</verse>
				<verse number="9">मीका ओहसे पूछेस, “तू कहाँ स आवा अहा?” नउजवान जवाब दिहेस, “मइँ उ बेतलेहम नगर क लेवी बंसी अहउँ जउन यहूदा मँ अहइ। मइँ रहइ खातिर एक ठु ठउर हेरत हउँ।”</verse>
				<verse number="10">तब मीका ओहसे कहेस, “मोरे संग रहा। मोर बाप अउर मोर याजक बना। मइँ हर साल तोहका दस ठु चाँदी क सिक्कन देब। मइँ तोहका ओढ़ना अउ खइया क देब।” लेवी बंसी नउजवान मीका क संग रहइ क तइयार होइ गवा।</verse>
				<verse number="11">नउजवान मीका क पूतन क जइसा होइ गवा।</verse>
				<verse number="12">मीका नउजवान क आपन याजक नियुक्त किहा। इ तरह नउजवान याजक बन गवा अउर मीका क घरे मँ रहइ लाग।</verse>
				<verse number="13">मीका कहेस, “अब मइँ जानत अहउँ कि यहोवा मोरे बरे नीक होइ। मइँ इ एह बरे जानत हउँ कि मइँ लेवी बंसी क परिवारे क एक ठु मनई क याजन क रूप मँ रखेउँ ह।”</verse>
			</chapter>
			<chapter number="18">
				<verse number="1">उ समइ इस्राएल मँ कउनो राजा नाही रहा। उ दिन दान क परिवार समूह, आपन रहइ बरे, भुइँया क खोज मँ रहा। इस्राएल क दूसर परिवार समूह पहिले ही आपन भुइँया पाइ लिहे रहेन। किन्तु दान क परिवार समूह अबहिं तलक आपन भुइँया नाहीं लिया सका रहा।</verse>
				<verse number="2">एह बरे दान क परिवार समूह पाँच ठु फउजियन क कछू भुइँया हेरइ बरे पठएस। उ पचे रहइ बरे नीक ठउर हेरइ गएन। इ पचे पाँचहुँ सिपाही जोरा अउ एस्ताओल नगरन क रहेन। उ पचे एह बरे चुना ग रहेन कि उ पचे दान क परिवार समूहन मँ स रहेन। उ पचन्क आदेस दीन्ह ग रहा, “जा अउर कउनो भुइँया क खोज करा।” पाँचहुँ मनइयन एप्रैम क पहाड़ी छेत्र मँ आएन। उ पचे मीका क घरे आएन अउर हुँवई रात बिताएन।</verse>
				<verse number="3">जब पाँचहुँ मनई मीका क घरे क निअरे आएन तउ उ पचे लेवी बंस क परिवार समूह क नउजवान क अवाज सुनेन। उ पचे ओकर अवाज पहिचानेन, एह बरे उ पचे मीका क घर पइ रूकेन। उ पचे लेवी बंसी नउजवान स पूछेन, “तोहका इ ठउरे पइ कउन लावा ह? तू हिआँ का करत अहा? तोहार हिआँ का काम अहइ?”</verse>
				<verse number="4">उ ओनसे उहइ कहेस जउन मीका ओकर संग किहे रहा, “मीका मोका किराए पइ राखेस ह। मइँ ओकर याजक हउँ।”</verse>
				<verse number="5">उ पचे ओहसे कहेन, “कृपा कइके परमेस्सर स हम लोगन बरे कछू माँगा हम लोग कछू जानइ चाहित ह। का हमरे रहइ बरे भुइँया क खोज सफल होइ?”</verse>
				<verse number="6">याजक पाँचहुँ मनइयन स कहेस, “सान्ति स जा। यहोवा तोहार मारग-दरशन करी।”</verse>
				<verse number="7">एह बरे पाँचहुँ मनई हुवाँ स चलेन। उ पचे लैस नगर क आएन। उ पचे लखेन कि उ नगर क लोग सुरच्छित रहत ही। ओन पइ सीदोन क हुकूमत रही। उ पचे सान्ति अउ सुरच्छा क संग रहत रहेन। लोगन क लगे हर एक चीज बहोत जियादा रही अउर ओन पइ प्रहार करइवाला आसपास कउनो दुस्मन नाहीं रहा अउर उ पचे सीदोन नगर क लोगन स बहोत जियादा दूर रहत रहेन। ओनकर कउनो दूसर स कउनो मतलब नाहीं रहेन।</verse>
				<verse number="8">पाँचहुँ मनइयन सोरा अउ एस्ताकोल नगर क वापस लउटेन। ओनकर सम्बन्धियन पूछेन, “तू का पता लगाया ह?”</verse>
				<verse number="9">पाँचहुँ मनइयन जवाब दिहेन, “हम पचे भुइँया लखा ह अउर उ बहोतइ नीक बाटइ। हमका ओन पइ हमला करइ चाही। प्रतीच्छा जिन करा। हम चली अउ उ भुइँया क लइ लेइ।</verse>
				<verse number="10">जब तू पचे उ भुइँया मँ चलब्या तउ लखब्या कि हुवाँ पइ बहोत जियादा भुइँया अहइ। हुवाँ सब कछू बहोत जियादा अहइ। तू पचे इ भी पउब्या कि हुवाँ क लोगन क हमला क आसंका नाहीं अहइ। निहचइ ही परमेस्सर उ भुइँया हमका दिहस ह।”</verse>
				<verse number="11">एह बरे दान क परिवार समूह क छ: सौ मनइयन सोरा अउ एस्ताओल क नगरन क तजेन। उ पचे जुद्ध बरे तइयार रहेन।</verse>
				<verse number="12">लैस नगर क जात्रा करत समइ उ पचे यहूदा भुइँया मँ किर्य्यत्यारीम नगर मँ रूकेन। उ पचे हुवाँ डेरा डाएन। इहइ कारण अहइ कि किर्य्यत्यारीम क पच्छिम क स्थान आजु तलक महनेदाम कहा जात ह।</verse>
				<verse number="13">तब उ छ: सौ मनइयन हुआँ स एप्रैम क पहाड़ी प्रदेस क जात्रा किहन। उ पचे मीका क घर आएन।</verse>
				<verse number="14">तब ओन पाँचहुँ मनइयन जउन लैस क चारिहुँ कइँती क भुइँया क खोज किहे रहेन, आपन भाइयन स कहेन, “का तोहका मालूम अहइ कि एन घरन मँ स एक मँ एपोद, दूसर घरेलू देवता, एक खुदाईवाली मूरति एक ठु ढाली गइ मूरति अहइ? अब तू पचे जानत अहा कि तोहका का करइ क अहइ, जा अउर ओनका लइ आवा।”</verse>
				<verse number="15">एह बरे उ पचे मीका क घर रूकेन जहाँ लेवी बंसी नउजवान रहत रहा। उ पचे नउजवान स पूछेन कि उ कइसा रहा।</verse>
				<verse number="16">दान क परिवार समूह क छ: सौ लोग फाटक क दुआरे पइ खड़ा रहेन। ओनके लगे सबहिं तरह क हथियार रहेन तथा उ सबइ जुद्ध क बरे तइयार रहेन।</verse>
				<verse number="17">पाँचहुँ गुप्तचर घरे मँ गएन। उ पचे खुदाई वाली मूरति, एपोद, घरेलू मूरतियन अउ ढाली भइ मूरति क लिहन। जब उ पचे अइसा करत रहेन तब लेवी बंसी याजक अउर जुद्ध बरे तइयार छ: सौ स्त्रधारी फउजी फाटक क दुआर पइ खड़े रहेन। लेवी बंसी याजक ओनसे पूछेस, “तू का करत अहा?”</verse>
				<verse number="18"></verse>
				<verse number="19">पाँचहुँ मनइयन कहेन, “चुप रहा, एक सब्द भी न बोला। हम लोगन क संग चला। हमार बाप अउर याजक बना। तोहका खुद चुनइ चाही कि तू केका जियादा नीक समुझत अहा? का इ तोहरे बरे जियादा नीक अहइ कि तू एक ठु मनई क याजक रहा? या ओहसे कहूँ जियादा इ अहइ कि तू इस्राएल क लोगन एक पूरा परिवार समूह क याजक बना?”</verse>
				<verse number="20">एहसे लेवी बंसी खुस भवा। एह बरे उ एपोद, घरेलू मूरतियन अउ खुदाईवाली मूरति क लिहस। उ दान क परिवार समूह क ओन लोगन क संग गवा।</verse>
				<verse number="21">तब दान परिवार समूह क छ: सौ मनई लेवी बंसी क संग मुड़ेन अउर उ पचे मीका क घरे क तजेन। उ पचे आपन नान्ह गदेलन, जनावरन अउ आपन सबहिं चीजन अपने समन्वा धरेस।</verse>
				<verse number="22">दान क परिवार समूह क लोग उ ठउरे स बहोत दूर गएन जब मीका क निअरे रहइवाले लोग एकत्र भएन। तब उ पचे दान क लोगन क पाछा किहन अउर ओनका जाइके धरेन।</verse>
				<verse number="23">मीका क लोग दान क लोगन पइ बरस पड़ेत रहेन। दान क लोग मुड़ेन। उ पचे मीका स कहेन, “तोहार समस्या का अहइ? तू मनईयन क लड़ाइ करइ बरे काहे बोलाएस?”</verse>
				<verse number="24">मीका जवाब दिहस, “दान क तू लोग, तू पचे मोर मूरतियन लिहा ह। मइँ ओन मूरतियन क अपने बरे बनाएउँ ह। तू पचे हमरे याजक क भी लइ लिहा ह। तू पचे तज्या का अहा? तू पचे मोका कइसे पूछ सकत ह, ‘समस्या का अहइ।’”</verse>
				<verse number="25">दान क परिवार समूह क लोग जवाब दिहन, “नीक होत, तू हम से बहस जिन करत्या, हम पचन मँ स कछू मनई गरम स्वभाव क बाटेन। जदि तू हम पइ चिचियात्या तउ उ पचे गरम स्वभाववाले लोग तोह पइ प्रहार कइ सकत हीं। तू अउर तोहार परिवार मार डावा जाइ सकत ह।”</verse>
				<verse number="26">तब दान क लोग मुड़ेन अउ आपन राहे पइ अगवा बढ़ गएन। मीका जानत रहा कि उ सबइ लोग ओकरे बरे बहोत जियादा सक्तीसाली अहइँ। एह बरे उ घर लउटि गवा।</verse>
				<verse number="27">इ तरह दान क लोग उ सबइ मूरतियन लिहन जउन मीका बनाए रहा। उ पचे मीका क संग रहइवाले याजक क भी लिहन। तब उ पचे लैस पहोंचेन। उ पचे लैस क लोगन पइ हमला किहन जउन कि सान्ति क साथ रहे रहेन काहेकि लैस क लोगन क हमला क आसंका नाहीं रही। दान क लोग ओन लोगन क आपन तरवारन क घाट उतारेन। तब उ पचे नगर क बार डाएन।</verse>
				<verse number="28">लैस मँ रहइवाले लोगन क रच्छा करवइया कउनो नाहीं रहा। उ पचे सीदोन क नगर स ऍतना जियादा दूर रहेन कि ओन लोगन क स मदद नाहीं लइ सकत रहेन। अउ कउनो दूसर स कउनो मतलब नाहीं रखत रहेन। लैस नगर बेतहर होब प्रदेस क अधिकार मँ एक घाटी मँ रहा। दान लोग उ ठउरे पइ एक ठु नवा नगर बनाएन अउर उ नगर ओनकर निवास ठउर बना।</verse>
				<verse number="29">दान क लोग लैस नगर क नवा नाउँ धरेन। उ पचे उ नगर क नाउँ आपन पुरखन क पाछे दान धरेन। दान इस्राएल क पूतन मँ स एक पूत रहा। पुराने समइ मँ इ नगर क नाउँ लैस रहा।</verse>
				<verse number="30">दान क परिवार समूह क लोग दान नगर मँ मूरतियन क स्थापना किहन। उ पचे गेर्सोम क पूत योनातान क आपन याजक बनाएन। गेर्सोम मनस्सी क पूत रहा। योनातान अउर ओकर पूत दान क परिवार समूह क तब तलक याजक रहेन जब तलक इस्राएल क लोगन क बन्दी बनाइके बाबेल नाहीं लइ जावा गवा।</verse>
				<verse number="31">दान क लोग ओन मूरतियन क पूजा किहन जेनका मीका बनाए रहा। उ पचे उ पूरे समइ तलक ओन मूरतियन क पूजत रहेन जब तलक सीलो मँ परमेस्सर क घर रहा।</verse>
			</chapter>
			<chapter number="19">
				<verse number="1">उ समई इस्राएल क कउनो राजा नाहीं रहा। एक ठु लेवी बंसी मनई एप्रैम क पहाड़ी प्रदेस क बहोत दूर क छेत्र मँ रहत रहा। उ मनई क एक ठु जवान रखैल रही। उ यहूदा प्रदेस क बेतलेहेम नगर क निवासी रही।</verse>
				<verse number="2">किन्तु उ ओकर संग झगड़ा किहा। ऍह बरे उ ओका तजि दिहस अउर यहूदा प्रदेस क बेतलेहेम नगर मँ आपन बाप क घर चली गइ। उ हुवाँ चार महीने रही।</verse>
				<verse number="3">तब ओकर भतार ओकरे लगे गवा। उ ओहसे पिरेम क संग बात करइ चाहत रहा, जेहसे उ ओकरे लगे लउट जाइ। उ अपने संग आपन नउकर अउर दुइ गदहन क लइ गवा रहा। लेवी बंसी मनई उ मेहरारू क बाप क घरे आवा। ओकर बाप लेवी बंसी मनई क लखेस अउर ओकर स्वागत करइ बरे खुसी स बाहेर आवा।</verse>
				<verse number="4">जुवती क बाप ओका ठहरइ बरे न्यौतेस। एह बरे लेवी बंसी तीन दिन ठहरा। उ खाएस, पीएस अउर उ अपने ससुरे क घर सोएस।</verse>
				<verse number="5">चउथे दिन बहोतइ भिंसारे उ उठा। लेवी बंसी चल पड़इ क तइयारी करत रहा। किन्तु जुवती क बाप अपने दामाद स कहेस, “पहिले कछू खा ल्या। जब तू खइया क खाइ ल्या तउ तू जाइ सकत ह।”</verse>
				<verse number="6">एह बरे लेवी बंसी मनई अउर ओकर ससुर एक संग खाइ अउर दाखरस पिअइ बइठेन। ओकरे पाछे जुवती क बाप उ लेवीबंसी स कहेस, “कृपा कइके आजु भी ठहरा। आराम करा अउर आनन्द मनावा।” इ तरह दुइनउँ मनइयन एक संग खाएन।</verse>
				<verse number="7">जब लेवी मनई जाइ क तइयार भवा तउ ओकर ससुर ओका हुवाँ राति भइ रूकइ क हठ किहस।</verse>
				<verse number="8">पाँचवाँ दिन लेवी बंसी मनई भिंसारे उठेस। लेवी बंसी मनई चलइ बरे तइयार रहेन। किन्तु मेहरारू क बाप आपन दामाद से कहेस, “पहिले कछु खाइ ल्या। आरम कइ ल्या अउर दोपहर तलक हियाँ रहा।” तब दुइनउँ मनईयन फुन एक संग खाएस।</verse>
				<verse number="9">तब लेवी बंसी मनई, ओकर रखैल अउर ओकर नउकर चलइ बरे उठेन। किन्तु जुवती क बाप, ओकर ससुर कहेस, “लगभग अँधियारा होइ गवा अहइ। दिन लगभग बीत चुका अहइ। राति हिअँई बितावा अउर आनन्द मनावा। कल बहोत भिंसारे तू उठि सकत ह अउर आपन घरे क रास्ता पकड़ सकत ह।”</verse>
				<verse number="10">किन्तु लेवी बंसी मनई एक अउर रात हुवाँ ठहरइ नाहीं चाहत रहा। उ आपन दुइ गदहन अउर आपन रखैल क लिहस। उ यबूस नगर जउन यरूसलेम भी कहलावत ह, तलक गवा।</verse>
				<verse number="11">उ दिन लगभग खतम होइ गवा रहा। उ पचे यबूस नगर क लगे रहेन। एह बरे नउकर आपन सुआमी लेवी बंसी स कहेस, “हम लोग इ नगर मँ रूक जाइ। इ यबूसी लोगन क नगर अहइ। हम लोग हिअँइ राति बिताई।”</verse>
				<verse number="12">किन्तु ओकर सुआमी लेवी बंसी कहेस, “नाहीं हम लोग अपरिचित नगर मँ नाहीं जाब, जेकर लोग इस्राएल क लोगन मँ स नाहीं अहइँ। हम लोग गिबा नगर तलक जाब।”</verse>
				<verse number="13">उ इ भी कहेस, “आगे बढ़ा। हम लोग गिबा या रामा तलक पहोंचइ क कोसिस करइँ। हम ओन नगरन मँ स कउनो एक मँ रात बिताइ सकित ह।”</verse>
				<verse number="14">एह बरे लेवी बंसी अउ ओकरे संग क लोग अगवा बढ़ेन। जब उ पचे गिबा नगर क लगे आएन तउ सूरज बूड़न रहा। गिबा बिन्यामीन क परिवार समूह क प्रदेस मँ अहइ।</verse>
				<verse number="15">एह बरे उ पचे गिबा मँ रूकेन। उ पचे उ नगर मँ रात बितावइ क जोजना बनाएन। उ पचे नगर मँ सार्वजनिक चउराहे मँ गएन अउर हुवाँ बइठ गएन। किन्तु कउनो ओन लोगन क रात बितावइ बरे अपने घर नाहीं न्यौतेन।</verse>
				<verse number="16">उ साँझ क एक बूढ़ा मनई अपने खेतन स नगर मँ आया। ओकर घर एप्रैम क पहाड़ी देस मँ रहा। किन्तु अब उ गिबा नगर मँ रहत रहा। (गिबा क लोग बिन्यामीन क परिवार समूह क रहेन।)</verse>
				<verse number="17">बूढ़ा मनई लेवी बंसी मनई क नगर क चउराहे पइ लखेस। बूढ़ा मनई पूछेस, “तू कहाँ जात अहा? तू कहाँ स आवा अहा?”</verse>
				<verse number="18">लेवी बंसी मनई जवाब दिहस, “यहूदा प्रदेस क बेतलेहेम नगर स हम लोग जात्रा करत अही। हम आपन घर दूर क पहटाँ एप्रैम क पहाड़ी देस जात अहइ। मइँ यहूदा क बेतलेहेम क गवा रहेउँ। अब मइँ आपन घरे जात हउँ।</verse>
				<verse number="19">किन्तु कउनो भी हम लोगन क रात ठहरइ बरे न्यौता नाहीं दिहस। हम लोगन क लगे आपन गद्हन बरे पुआल अउ भोजन अहइ। हम लोगन क लगे रोटी अउ दाखरस भी अहइ। हम लोगन मँ स कउनो भी न मइँ न इ मेहरारू अउर न ही मोर नउकर कछू भी नाहीं चाहत ह।”</verse>
				<verse number="20">बूढ़ा कहेस, “तोहार स्वागत अहइ। तू मोरे हिआँ ठहरा। तोहका जरूरत क सबहिं चिजियन मइँ देबउँ। तू नगर क सार्वजनिक चउराहे मँ राति जिन बितावा।”</verse>
				<verse number="21">तब उ बूढ़ा मनई लेवी बंसी मनई अउर ओकरे संग क लोगन क अपने संग अपने घरे लइ गवा। बूढ़ा मनई ओकरे गदहन क खवाएस। उ पचे आपन गोड़ धोएन। तब उ कछू भोजन खाइ अउर कछू दाखरस पिया।</verse>
				<verse number="22">जब लेवी बंसी मनई अउर ओकरे संग क मनई आनन्द लेत रहेन, तबहिं उ नगर से कछू मनई आएन अउर घर क चारिहुँ कइँती स घेर लिहन। उ पचे बहोतइ बुरे मनई रहेन। उ पचे जोर स दरवाजा क ऊपर पीटइ लागेन। उ पचे उ बुढ़वा मनई स, जेकर उ घर रहा, गोहराइके बोलेन, “उ मनई क अपने घरे स बाहेर करा। हम ओकरे संग सम्भोग करइ चाहित ह।”</verse>
				<verse number="23">बुढ़वा मनई बाहेर गवा अउर ओन दुट्ठ लोगन स कहेस, “भाइयो, नाही, अइसा बुरा काम जिन करा। उ मनई मोरे घरे मँ मेहमान अहइ। इ खौफनाक पाप जिन करा।</verse>
				<verse number="24">सुना, हिआँ मोर बिटिया अहइ। उ एक कुवाँरी कन्या अहइ। मइँ ओका अउ इ मनसेधू क रखैल क तोहरे लगे बाहेर लिआवत हउँ। तू ओकर उपयोग जइसा चाहा कइ सकत ह। किन्तु इ मनई क खिलाफ अइसा खौफनाक पाप जिन करा।”</verse>
				<verse number="25">मुला ओन दुट्ठ लोग उ बुढ़वा मनई क एक न सुनेन। एह बरे लेवी बंसी मनई आपन रखैल क ओन दुट्ठ मनइयन क संग बाहेर कइ दिहन। ओन दुट्ठ मनइयन पूरी रात ओकरे संग कुकरम किहन। अउर पूरी तरह गालियन दिहन। तब भिंसारे ओका जाइ दिहन।</verse>
				<verse number="26">भिंसारे उ मेहरारू हुआँ लउटी जहाँ ओकरे सुआमी ठहरा रहा। उ समन्वा दरवाजे पइ भहराइ पड़ी। उ तब तलक पड़ी रही जब तलक पूरा दिन नाही निकरि आवा।</verse>
				<verse number="27">भिंसारे लेवी बंसी मनई उठा अउर उ घरे क दरवाजा खोलेस। उ अपने राहे जाइ बरे बाहेर निकरा किन्तु हुवाँ ओकर रखैल पड़ी रही। उ घरे क राहे पइ पड़ी रही। ओकर हाथ दरवाजा क ड्यौड़ी पइ रहेन।</verse>
				<verse number="28">तब लेवी बंसी मनई ओहसे कहेस, “उठा, हम लोग चली।” किन्तु उ जवाब नाही दिहस काहेकि उ मरि गवा रहा। एह बरे उ ओका आपन गदहे पइ धरेस अउ घरे गवा।</verse>
				<verse number="29">जब लेवीबंसी मनई अपने घरे आवा तब उ एक ठु छुरी निकारेस अउर आपन रखैल क बारह टूकन मँ काटेस। तब उ मेहरारू क ओन बारह हीसन मँ ओन सबहिं छेत्रन मँ पठएस जहाँ इस्राएल क लोग रहत रहेन।</verse>
				<verse number="30">जउन इ लखेन ओन सबइ कहेन, “अइसा कबहुँ नाहीं भवा रहा जब स इस्राएल क लोग मिस्र स आएन, बाद-विवाद करा अउर तय करा कि एकरे बारे मँ का करइ क चाही।”</verse>
			</chapter>
			<chapter number="20">
				<verse number="1">इ तरह इस्राएल क सबहिं लोग मिस्पा नगर मँ यहोवा क समन्वा खड़े होइ बरे एक संग आएन। उ पचे पूरे इस्राएल देस स आएन: दान से बेरसेबा तलक। गिलाद प्रदेस क सबहिं इस्राएली लोग भी हुवाँ रहेन।</verse>
				<verse number="2">इस्राएल क परिवार समूहन क सबहिं प्रमुख लोग हुवाँ रहेन। उ पचे परमेस्सर क लोगन क सभा मँ आपन-आपन ठउर पइ बइठेन। उ ठउरे पइ तरवार क संग चार लाख फउजी रहेन।</verse>
				<verse number="3">बिन्यामीन क परिवार समूह क लोग सुनेन कि इस्राएल क लोग मिस्पा नगर मँ पहोचेन ह। इस्राएल क लोग कहेन, “इ बतावा कि इ भयंकर पाप कइसे भवा।”</verse>
				<verse number="4">एह बरे मेहरारू जेकर हत्तिया भइ रही ओकर भतार कहेस, “मोर रखैल अउ मइँ बिन्यामीन क गिबा नगरन मँ पहोंचेन। हम लोग हुवाँ राति बितावा।</verse>
				<verse number="5">मुला राति मँ गिबा नगर क प्रमुख उ घरे पइ आएन जेहमाँ मइँ ठहरा रहेउँ। उ पचे घरे क घेर लिहन अउ उ पचे मोका मारि डावइ चाहत रहेन। उ पचे मोरी रखैल क संग कुकरम किहन अउर उ मर गइ।</verse>
				<verse number="6">एह बरे मइँ आपन रखैल क लइ गएउँ अउर ओकर टूका कइ डाएउँ। तब मइँ हर एक टूका इस्राएल क हर एक परिवार समूह क पठएउँ। मइँ बारह टूकन ओन भुइँया क पठएउँ जेनका हम पाए। मइँ इ एह बरे किहेउँ कि बिन्यामीन क परिवार समूह क लोग इस्राएल क देस मँ इ कर अउ खउफनाक करम किहन ह।</verse>
				<verse number="7">अब, इस्राएल क सबहिं लोगो, आप बोलइँ। आप आपन निर्णय देइँ कि हमका का करइ चाही?”</verse>
				<verse number="8">तब सबहिं लोग उहइ समइ उठि। उ पचे एकत्र होइके कहेन, “हम लोगन मँ स कउनो घरे नाहीं लउटी। हम लोगन मँ स एक भी घरे नाहीं लउटी।</verse>
				<verse number="9">गिबा बरे हम लोग इ करब: हम गोटी डाउब।</verse>
				<verse number="10">अउर हम लोग इस्राएल क लोगन क सबहिं परिवार समुहन स एक सौ मँ स दस मनई चुनब अउर हम लोग हर एक हजार मँ स सौ मनई चुनब। हम लोग हर एक दस हजार मँ स एक हजार चुनब। जउने लोगन क हम लोग चुन लेब उ पचे फउजे खातिर जरूरी सामग्री पइही। तब फउज बिन्यामीन मँ गिबा नगर क जाइ। उ फउज ओन लोगन स बदला चुकाई जउन इस्राएल मँ इ भयंकर काम किहेन ह।”</verse>
				<verse number="11">एह बरे इस्राएल क सबहिं लोग गिबा नगर मँ बटुर गएन। उ पचे ओकर एकमत रहेन, जउन उ पचे करत रहेन।</verse>
				<verse number="12">इस्राएल क परिवार समूह एक सँदेस क संग लोगन क बिन्यामीन क परिवार समूह क लगे पठएस। सँदेसा इ रहा, “इ पापे क बारे मँ का कहब अहइ जउन तोहार कछू लोग किहो ह?</verse>
				<verse number="13">ओन गिबा क दुस्ट मनइयन क हमरे लगे पठवा। ओन लोगन क हमका द्या जेहसे हम ओनका जान स मारि सकी। हम लोगन क इस्राएल क लोगन क बीच स बुराइ क दूर करइ चाही।” किन्तु बिन्यामीन क परिवार समूह क लोग आपन सम्बंधी इस्राएल क लोगन क दूतन क बात सुनइ स इन्कार करइ दिहेन।</verse>
				<verse number="14">बिन्यामीन क परिवार समूह क लोग आपन नगरन क तजेन अउर उ पचे गिबा नगर मँ पहोंचेन। उ पचे गिबा मँ इस्राएल क दूसर परिवार समूह क खिलाफ लड़इ गएन।</verse>
				<verse number="15">बिन्यामीन क परिवार समूह क लोग छब्बीस हजार फउजियन क बटोरेन उ पचे सबहिं फउजी जुद्ध बरे प्रसिच्छित रहेन। ओनके संग गिबा नगर क सात सौ प्रसिच्छित फउजी भी रहेन।</verse>
				<verse number="16">ओनकर सात सौ अइसे प्रसिच्छित मनई भी रहेन जउन जुद्ध मँ बाँया हाथ चलावइ क सिच्छा पाए रहेन। ओनमाँ स हर एक गुलेल क उपयोग दच्छता स कइ सकत रहा। उ पचे सबइ एक ठु बारे पइ भी पाथर मार सकत रहेन अउर निसाना नाहीं चूकत रहा।</verse>
				<verse number="17">इस्राएल क सारे परिवार समूह बिन्यामीन क अतिरिक्त चार लाख जोधन क एकत्र किहन। ओन चार लाख जोधन क लगे तरवारन रहिन। ओनमाँ स हर एक प्रसिच्छित फउजी रहा।</verse>
				<verse number="18">इस्राएल क लोग बेतेल नगर तलक गएन। बेतेल मँ उ पचे परमेस्सर स पूछेन, “कउन सा परिवार समूह बिन्यामीन क परिवार समूह पइ पहिला हमला करी?” यहोवा जवाब दिहेस, “यहूदा क परिवार समूह पहिले जाइ।”</verse>
				<verse number="19">अगले भिंसारे इस्राएल क लोग उठेन। उ पचे गिबा क निअरे डेरा डाएन।</verse>
				<verse number="20">तब इस्राएल क फउज बिन्यामीन क फउज स जुद्ध बरे निकरि पड़ी। इस्राएल क फउज गिबा नगर मँ बिन्यामीन क खिलाफ जुद्ध बरे आपन मोर्चा लगाएस।</verse>
				<verse number="21">तब बिन्यामीन क फउज गिबा नगर क बाहेर निकरी। उ पचे उ दिन क लड़ाई मँ इस्राएल क फउजे क बाईस हजार लोगन क मार डाएन।</verse>
				<verse number="22">इस्राएल क लोग यहोवा क समन्वा गएन। उ पचे साँझ तलक रोवत चिल्लात रहेन। उ पचे यहोवा स पूछेन, “का हमका फुन बिन्यामीन क खिलाफ लड़इ जाइ चाही? उ सबइ लोग हमार सम्बन्धी अहइँ।” यहोवा जवाब दिहस, “जा अउर ओनके खिलाफ लड़ा। इस्राएल क लोग एक दूसर क हिम्मत बढ़ाएन।” एह बरे उ पचे पहिले दिन क तरह फुन लड़इ गएन।</verse>
				<verse number="23"></verse>
				<verse number="24">तब इस्राएल क फउज बिन्यामीन क फउज क लगे आइ। इ जुद्ध क दूसर दिन रहा।</verse>
				<verse number="25">बिन्यामीन क फउज दूसर दिन इस्राएल क फउज पइ हमला करइ बरे गिबा नगर स बाहेर आइ। इ समइ बिन्यामीन क फउज इस्राएल क फउजे क दूसर अट्ठारह हजार फउजियन क मार डाएन। इस्राएल क फउज क उ सबइ सबहिं प्रसिच्छित फउजी रहेन।</verse>
				<verse number="26">तब सबइ इस्राएली लोग अउर सबहिं बेतेल नगर तलक गएन। उ ठउरे पइ उ पचे बइठेन अउर यहोवा क रोइके गोहराएन। उ पचे पूरा दिन साँझ तलक कछू नाहीं खाएन। उ पचे होमबलि अउर मेलबलि भी यहोवा बरे चढ़ाएस।</verse>
				<verse number="27">इस्राएल क लोग यहोवा स एक ठु सवाल पूछेन। (एन दिन परमेस्सर क साच्छीपत्र क सन्दूक बेतेल मँ रहा।</verse>
				<verse number="28">पीनहास जउन एलीआज़ार क पूत रहा अउर एलीआज़ार हारून क पूत रहा नाउँ क एक ठु याजक करार क सन्दूक क समन्वा सेवा करत रहा।) इस्राएल क लोग पूछेन, “का हमका बिन्यामीन क लोगन क खिलाफ फुन लड़इ जाइ चाही। उ सबइ लोग हमार सम्बन्धी अहइँ या हम लोग जुद्ध करब बंद कइ देइ?” यहोवा जवाब दिहेस, “जा। काल्ह भियान मइँ ओनका हरावइ मँ तोहार मदद करब।”</verse>
				<verse number="29">तब इस्राएल क फउज गिबा नगर क चारिहुँ कइँती आपन मनइयन क छुपाइ दिहस।</verse>
				<verse number="30">इस्राएल क फउज तीसरे दिन गिबा नगर क खिलाफ लड़इ गइ। उ पचे जुद्ध बरे आपन मोर्चा संभालेन जइसा उ पचे पहिले किहे रहेन।</verse>
				<verse number="31">बिन्यामीन क फउज इस्राएल क फउज स जुद्ध करइ बरे गिबा नगर क बाहेर निकर आइ। इस्राएल क फउज पाछे हटी अउर उ बिन्यामीन क फउज क नगर क बहोतइ पाछे छोड़ देइ बरे धोखा दीन्ह गवा। बिन्यामीन क फउज इस्राएल क फउज क कछू लोगन क वइसे ही मारब सुरू किहेन जइसे उ पचे पहिले मारे रहेन। इस्राएल क लगभग तीस मनई मारे गएन। ओनमाँ स कछू लोग मैदानन मँ मारे गए रहेन। ओनमाँ स कछू मनई सड़कियन पइ मारे गए रहेन। एक ठु सड़क बेतेल क जात रही। दूसर सड़क गिबा क जात रही।</verse>
				<verse number="32">बिन्यामीन क लोग कहेन, “हम पहिले क तरह जीतत अही।” मुला इस्राएल क लोग पाछे भागत परात रहेन काहेकि उ पचे बिन्यामीन क लोगन क ओनके नगर स दूर सड़कियन पइ लियावइ चाहत रहेन।</verse>
				<verse number="33">इस्राएल क फउजे क सबहिं लोग आपन ठउरन स हटेन। उ पचे बालतामार पइ रूकेन अउर जुद्ध बरे मोर्चा लगाएन। तब जउन लोग गिबा क पच्छिम मँ लुकान रहेन आपन छुपइ क ठउरन स दौड़ पड़ेन अउर गिबा पइ आकामण किहेन।</verse>
				<verse number="34">इस्राएल क फउज क पूरे प्रसिच्छित दस हजार फउजियन गिबा नगर पइ हमला किहन। जुद्ध बड़ी भीसण रही। किन्तु बिन्यामीन क फउज आपन भंयकर विनास स अवगत नाहीं रहेन।</verse>
				<verse number="35">यहोवा इस्राएल क फउज क उपयोग किहस अउर बिन्यामीन क फउज क हराइ दिहस। उ दिन इस्राएल क फउज बिन्यामीन क पच्चीस हजार एक सौ फउजियन क मार डाएस। उ सबइ सबहिं फउजी जुद्ध बरे प्रसिच्छित रहेन।</verse>
				<verse number="36">इ तरह बिन्यामीन क लोग लखेन कि उ पचे हार गएन। इस्राएल क फउज पाछे हटी। उ पचे पाछे हटेन काहेकि उ पचे अचानक हमला पइ निर्र्भर करत रहेन जेकरे बरे ओनकर मनइयन गिबा क निचके छुपा भवा रहेन।</verse>
				<verse number="37">जउन मनई गिबा क चारिहुँ ओर लुकान रहेन उ सबइ गिबा नगर मँ टूट पड़ेन। उ पचे फइल गएन अउर उ पचे आपन तरवारन स नगर क हर एक क मार डाएन।</verse>
				<verse number="38">इस्राएली फउज क दल अउ लुकाइके घात लगावइ वाले दल क बीच इ संकेत चीन्हा निहचित कीन्ह गवा रहा कि लुकाइके घात लगावइ वाला दल नगर मँ धुएँ क बिसाल बादर उड़ाइ।</verse>
				<verse number="39">जुद्ध क उहइ समइ पइ बिन्यामीन क फउज लगभग तीस इस्राएल फउज क मार दिहेस। उ पचे कहत रहेन, “हम वइसे जीतत अही जइसे पहिले जुद्ध मँ जीतत रहे।”</verse>
				<verse number="40">किन्तु तबहिं धुएँ क बिसाल बादर नगर स उठब सुरू भवा। बिन्यामीन क फउजी मुड़ेन अउर धुएँ क लखेन। पूरा नगर आगी क लपटन मँ रहा।</verse>
				<verse number="41">तब इस्राएल क फउज मुड़ी अउर लड़इ लाग। बिन्यामीन क लोग डर गए रहेन। अब उ पचे समुझ गएन कि ओन पइ तबाही आ गए रहेन।</verse>
				<verse number="42">एह बरे बिन्यामीन क फउज इस्राएल क फउज क समन्वा स भाग पराइ खड़ी भइ। उ पचे रेगिस्तान कइँती भागेन। लेकिन उ पचे जुद्ध स बच न सकेन। इस्राएल क लोग नगरन स बाहेर आएन अउर ओनका मार डाएन।</verse>
				<verse number="43">इस्राएल क लोग बिन्यामीन क लोगन क घेर लिहेन। उ पचे ओनका पाछा किहन। उ पचे ओनका अराम नाही करइ दिहेन। उ पचे ओनका गिबा क पूरब क भुइँया मँ हराएन।</verse>
				<verse number="44">इ तरह अट्ठारह हजार वीर अउर ताकतवर बिन्यामीन क फउज क फउजी मारे गएन।</verse>
				<verse number="45">बिन्यामीन क फउज मुड़ी अउर रेगिस्तान कइँती भागी परानी। उ पचे रिम्मोन क चट्टान नाउँ क ठउरे पइ पराइके गएन। किन्तु इस्राएल क फउज सड़कन पइ बिन्यामीन क फउज क पाँच हजार सिपाहियन क मार डाएन। उ पचे बिन्यामीन क लोगन क पाछा करत रहेन। उ पचे ओनकर पाछा गिदोन नाउँ क ठउरे तलक किहन। इस्राएल क फउज उ ठउरे पइ बिन्यामीन क फउज वहाँ दुइ हजार अउर सिपाहियन क मार डाएस।</verse>
				<verse number="46">उ दिना बिन्यामीन क फउज क पच्चीस हजार फउजी मारे गएन। ओन सबहिं मनइयन अपन तरवार क संग बहादुरी स जुद्ध किहन।</verse>
				<verse number="47">मुला बिन्यामीन क छ: सौ मनई मुड़ेन अउर रेगिस्तान मँ पराइ गएन। उ पचे रिम्मोन क चट्टान नाउँ क ठउरे पइ गएन। उ पचे हुवाँ चार महीने तलक ठहरे रहेन।</verse>
				<verse number="48">इस्राएल क लोग बिन्यामीन क भुइँया मँ लउटिके गएन। जउने नगरन मँ उ पचे पहोंचेन, ओन नगरन क मनइयन क उ पचे मार डाएन। उ पचे सबहिं जनावरन क भी मार डाएन। उ पचे जउन कछू पाइ सकत रहेन, ओका नस्ट कइ दिहन। उ पचे जउने नगर मँ गएन, ओका बार डाएन।</verse>
			</chapter>
			<chapter number="21">
				<verse number="1">मिस्पा मँ इस्राएल क लोग प्रतिग्या किहन। ओनकर प्रतिग्या इ रही, “हम लोगन मँ स कउनो आपन बिटिया क बिन्यामीन क परिवार समूह क कउनो मनई स बियाह नाही करइ देइ।”</verse>
				<verse number="2">इस्राएल क लोग बेतेल नगर क गएन। इ नगर मँ उ सबइ परमेस्सर क समन्वा साँझ तलक बइठे रहेन। उ पचे जोर स अउर फुट-फुट कइ रोवत रहेन।</verse>
				<verse number="3">उ पचे परमेस्सर स कहेन, “यहोवा, तू इस्राएल क लोगन क परमेस्सर अहा। अइसी भयंकर बात हम लोगन क संग कइसे होइ गइ अहइ? इस्राएल क परिवार समूहन मँ स एक परिवार समूह काहे कम होइ जाइ।”</verse>
				<verse number="4">अगले दिन भिंसारे इस्राएल क लोग एक ठु वेदी बनाएन। उ पचे उ वेदी पइ परमेस्सर क होमबलि अउ मेलबलि चढ़ाएन।</verse>
				<verse number="5">तब इस्राएल क लोग कहेन, “का इस्राएल क कउनो अइसा परिवार समूह अहइ जउन यहोवा क समन्वा हम लोगन क संग मिलइ नाही आवा ह?” उ पचे इ सवाल एह बरे पूछेन काहेकि उ पचे एक गंभीर प्रतिग्या किहे रहेन। उ पचे प्रतिग्या किहे रहेन कि जउन कउनो मिस्पा मँ दूसर परिवार समूह क संग मिलइ बरे नाहीं आइ, मार डावा जाइ।</verse>
				<verse number="6">इस्राएल क लोग आपन रिस्तेदारन, बिन्यामीन क परिवार समूह क लोगन बरे, बहोत दुःखी रहेन। उ पचे कहेन, “आजु इस्राएल क लोगन स एक ठु परिवार समूह कट गवा ह।</verse>
				<verse number="7">हम लोग यहोवा क समन्वा प्रतिग्या किहे रहे कि हम आपन बिटियन क बिन्यामीन परिवार क कउनो मनई स बियाह नाहीं करइ देब। हम लोगन क कइसे बिस्सास होइ कि बिन्यामीन क परिवार समूह क लोगन क बियाही बरे मेहररूअन मिलिहीं?”</verse>
				<verse number="8">तब इस्राएल क लोग पूछेन, “इस्राएल क परिवार समूहन मँ स कउन मिस्पा मँ हिआँ नाहीं आवा ह? हम लोग यहोवा क समन्वा एक संग आए अही। किन्तु एक परिवार समूह हिआँ नाहीं अहइ?” तब ओनका पता लाग कि इस्राएल क दूसर लोगन क संग यावेस गिलाद नगर क कउनो मनई हुवाँ नाहीं रहा।</verse>
				<verse number="9">इस्राएल क लोग इ जानइ बरे कि हुवाँ कउन रहा अउर कउन नाहीं रहा, हर एक क गनेस। उ पचे पाएन कि यावेस गिलाद क कउनो भी हुवाँ नाहीं रहा।</verse>
				<verse number="10">एह बरे इस्राएल क लोग बारह हजार फउजियन क यावेस नगर क पठएस। उ पचे ओन फउजियन स कहेन, “जा अउर यावेस गिलाद लोगन क मेहररुअन अउ गदेलन समेत आपन तरवार स मउत क घाट उतार द्या।</verse>
				<verse number="11">तू पचन्क इ जरूर करइ क होइ। यावेस गिलाद मँ हर एक मनसेधू क मार डावा। उ मेहरारू क भी मार डावा जउन एक ठु मनसेधू क संग रहि चुकी होइ। किन्तु उ मेहरारू क जिन मारा जउन कउनो मनसेधू क संग कबहुँ सारीरिक सम्बन्ध न किहे होइ।” फउजियन इहइ किहन।</verse>
				<verse number="12">ओन बारह हजार फउजियन यावेस गिलाद मँ चार सौ अइसी कुवाँरी कन्या क पाएन, जउन कउनो मनई क संग कबहुँ सारीरिक सम्बन्ध नाहीं किहे रहिन। फउजी ओन मेहररूअन क सीलो नगर क डेरा पइ लइ गएन। सीलो कनान भुइँया मँ अहइ।</verse>
				<verse number="13">तब इस्राएल क लोग बिन्यामीन क लोगन क लगे एक ठु सँदेस पठएन। उ पचे बिन्यामीन क लोगन क संग सान्ति-सन्धि करइ क प्रस्ताव रखेन। बिन्यामीन क लोग रिम्मोन क चट्टान नाउँ क ठउरे पइ रहेन।</verse>
				<verse number="14">एह बरे बिन्यामीन क लोग उ समइ इस्राएल क लोगन क पूरे परिवार क लगे लउटेन। इस्राएल क लोग ओनका ओन यावेस गिलाद क मेहररूअन क दिहन, जेनका उ पचे मारे नाही रहेन। किन्तु बिन्यामीन क सबहिं लोगन क बरे ढेर मेहररूअन नाही रहिन।</verse>
				<verse number="15">इस्राएल क लोग बिन्यामीन क लोगन क बरे दुःखी भएन। उ पचे ओनके बरे एह बरे दुःख महसूस किहन काहेकि यहोवा इस्राएल क परिवार समूहन क अलग कइ दिहे रहा।</verse>
				<verse number="16">इस्राएल क लोगन क अग्रज लोग कहेन, “बिन्यामीन परिवार समूह क मेहररूअन मार डाली गइ अहइँ। हम लोग बिन्यामीन क जउन लोग जिअत अहइँ ओनके बियाह बरे मेहररूअन कहाँ पइहीं।</verse>
				<verse number="17">बिन्यामीन क जउन लोग अबहिं जिअत अहइँ, अपने परिवार क अगवा बढ़ावइ बरे ओनका गदेलन चाही। इ एह बरे करइ क होइ कि इस्राएल क एक परिवार समूह नस्ट न होइ।</verse>
				<verse number="18">मुला हम लोग आपन बिटियन क बिन्यामीन लोगन क संग बियाह करइ क मंजूरी नाहीं दइ सकित। हम इ प्रतिग्या कइ चुका अही: ‘कउनो मनई जउन बिन्यामीन क मनई क पत्नी देइ, अभिसप्त होइ।’</verse>
				<verse number="19">हम लोगन क समन्वा एक ठु उपाय अहइ। इ सीलो नगर मँ यहोवा बरे उत्सव क समइ अहइ। इ उत्सव हिआँ हर बरिस मनावा जात ह।” (सीलो नगर बेतेल नगर क उत्तर मँ अहइ अउर उ सड़किया क पूरब मँ अहइ जउन बेतेल स सकेन क जात ह। अउर इ लबोना नगर क दकिखन मँ भी अहइ।)</verse>
				<verse number="20">एह बरे अग्रज लोग बिन्यामीन लोगन क सुझाव दिहेन। उ पचे कहेन, “जा, अउर अंगूर क बेलन क खेतन मँ लुकाइ जा।</verse>
				<verse number="21">उत्सव मँ उ समइ क प्रतीच्छा करा जब सीलो क जुवतियन नाच मँ हींसा लेइ आवइँ। तब अंगूरे क खेतन मँ आपन लुकाइ क ठउरे स बाहेर निकर दउड़ा। तू पचन मँ स हर एक सीलो नगर क मेहरूरअन क बिन्यामीन क भुइँया मँ लइ जा अउर ओकरे संग बियाह करा।</verse>
				<verse number="22">ओन जुवतियन क बाप अउ भाई हम लोगन क निअरे अइही अउर सिकाइत करिही। किन्तु हम लोग ओनका इ तरह जवाब देब: ‘बिन्यामीन क लोगन पइ कृपा करा। ओन लोगन क ओन मेहररूअन क संग बियाह करइ द्या। उ पचे अपने बरे मेहररूअन एह बरे नाहीं पावत अहइँ कि उ सबइ लोग तू पचन स लड़इँ अउर उ पचे इ तरह स मेहररूअन क लइ गवा अहइँ, एह बरे तू पचे आपन परमेस्सर क समन्वा कीन्ह गइ प्रतिग्या नाही तोड़्या। तू पचे प्रतिग्या किहे रह्या कि तू पचे ओनका मेहररूअन नाहीं देब्या, सचमुच, तू पचे बिन्यामीन क लोगन क मेहररूअन नाहीं दिहा परन्तु उ पचे तू पचन स मेहररूअन लइ लिहन। एह बरे तू पचे प्रतिग्या भंग नाहीं किहा।’”</verse>
				<verse number="23">एह बरे बिन्यामीन क परिवार समूह क लोग उहइ किहन। जब जुवतियन नाचत रहिन, तउ हर एक मनई ओनमाँ स एक-एक क धइ लिहस। उ पचे ओन मेहररूअन क लइ गएन अउर ओनके संग बियाह किहन। तउ उ पचे आपन भुइँया मँ लउटेन। बिन्यामीन क लोग भुइँया मँ फुन नगर बसाएन अउर रहइ लागेन।</verse>
				<verse number="24">तब इस्राएल क लोग अपने घर लउटेन। उ पचे आपन-आपने भुइँया अउर परिवार समूह मँ लउट गएन।</verse>
				<verse number="25">ओन दिनन इस्राएल क लोगन क कउनो राजा नाहीं रहा। हर एक मनई उहइ करत रहा, जेका उ ठीक समुझत रहा।</verse>
			</chapter>
		</book>
		<book number="8">
			<chapter number="1">
				<verse number="1">बहुत समइ पहिले जब निआवाधीसन क हुकुमत रही, तबहि एक बुरा समइ आवा कि भुइँया पइ अकाल पड़ि गवा। उहइ समइ मँ एलीमेलेक नाउँ क एक मनई यहूदा क बेतलेहेम क छोड़ दिहस। उ आपन मेहरारू अउ दुइ पूतन क संग मोआब क भुइँया मँ चला गवा।</verse>
				<verse number="2">ओकरी मेहरारू क नाउँ नाओमी रहा अउ ओकरे पूतन क नाउँ महलोन अउ किल्योन रहेन। इ सबइ लोग यहूदा क बेतलेहेम क एप्राती परिवार स रहेन। इ परिवार मोआब क पहाड़ी प्रदेस क जात्रा किहेस अउ हुवँइ बस गवा।</verse>
				<verse number="3">पाछे नाओमी क भतार एलीमेलेक मर गवा। एह बरे सिरिफ नाओमी अउ ओकर दुइ पूत बचे रहि गएन।</verse>
				<verse number="4">ओकर पूतन मोआब देस क मेहररूअन क संग बियाह किहन। पहिला पूत क मेहरारू क नाउँ ओर्पा अउ दूसर पूत क मेहरारू क नाउँ रूत रहा। उ पचे मोआब मँ लगभग दस बरिस रहेन।</verse>
				<verse number="5">ओकर पाछे महलोन अउ किल्योन भी मर गएन। एह बरे नाओमी आपन भतार अउ पूतन क बिना अकेली हो गइ।</verse>
				<verse number="6">जब नाओमी मोआब क पहाड़ी भुइँया मँ रहत रही, तबहि नाओमी सुनेस कि यहोवा ओकरे लोगन क मदद किहेस ह। उ अपने लोगन क भोजन प्रदान करत ह। एह बरे नाओमी मोआब क पहाड़ी भुइँया क तजइ अउर आपन घर यहूदा मँ लउटइ क निहचइ किहेस। ओकर पतोहुअन भी ओकरे संग जाइ क निहचइ किहेन।</verse>
				<verse number="7">उ पचे उ प्रदेस क तजेन जहाँ उ पचे रहत रहिन अउर यहूदा कइँती लउटब सुरू किहन।</verse>
				<verse number="8">तब नाओमी आपन पतोहुअन स कहेस, “तू दुइनउँ क अपने घर आपन महतारिन क घरे लउट जाइ चाही। तू पचे मोरे पूतन क बरे बहोतइ दयालु रहिउँ ह। यहोवा तोह पइ दयालु होइ।</verse>
				<verse number="9">तउ मइँ पराथना करत हउँ कि यहोवा, अच्छा भतार अउ नीक घर पावइ मँ तू दुइनउँ क मदद करइ।” नाओमी आपन पतोहियन क पियार किहेस अउ उ पचे सबहि रोवइ लागिन।</verse>
				<verse number="10">तब पतोहियन कहेन, “किन्तु हम आप क संग चलइ चाहित ह अउर आप क लोगन मँ जाइ चाहिन ह।”</verse>
				<verse number="11">किन्तु नाओमी कहेस, “नाहीं, बिटियो, अपने घरे लउटि जा। तू पचे मोरे संग काहे जाबिउ? मइँ तू पचन क मदद नाहीं कइ सकिन। मोरे लगे अब कउनो पूत नाहीं जउन तोहार संग बियाह कइ सकइ।</verse>
				<verse number="12">अपने घरे लउटि जा। मइँ एतनी बुढ़िया अहउँ कि नवा भतार नाहीं रखि सकिन। हिआँ तलक कि जदि मइँ फुन बियाह करइ क बात सोचउँ, तउ भी मइँ तोहार पचन्क मदद नहीं कइ सकित। जदि मइँ आजु क राति ही गर्भवती होइ जाउँ अउर दुइ पूतन क पइदा करउँ, तउ भी एहसे तोहार पचन्क मदद नाहीं मिली।</verse>
				<verse number="13">बियाह करइ स पहिले ओनकर बालिग होइ तलक तू पचन्क इंतजार करइ पड़ी। मइँ तू पचन्स ऍतने लम्बे समइ तलक बिना भतारे क प्रतीच्छा नाहीं करवाउब। एहसे मोका बहोत दुःख होइ। मइँ पहिले स ही बहोत दुःखी हउँ काहेकि यहोवा मोरे खिलाफ बहोत कछू कइ दिहस ह।”</verse>
				<verse number="14">एह बरे मेहररूअन बहोत रोइन। तब ओर्पा नाओमी क चूमेस अउ उ चली गइ। किन्तु रूत ओका बाहन मँ गहियाइ लिहस अउर ओकरे लगे ठहर गइ।</verse>
				<verse number="15">नाओमी कहेस, “लखा, तोहार जेठानी आपन लोगन अउ आपन देवतन मँ लउट गइ। एह बरे तोहका ही उहइ करइ चाही।”</verse>
				<verse number="16">किन्तु रूत कहेस, “आपन क तजिके मोका मजबूर जिन करा। आपन लोगन मँ लउटइ बरे मोका मजबूर जिन करा। मोका अपने संग चलइ द्या। जहाँ कहूँ तू जाबिउ मइँ जाब। जहाँ कहूँ तू सोउबिउ, मइँ सोउब। तोहार लोग मोर लोग होइहीं। तोहार परमेस्सर मोर परमेस्सर होइ।</verse>
				<verse number="17">जहाँ तू मरबिउ, मइँ भी हुआइँ मरब अउर मइँ हुवइँ दफनाई जाब। होइ सकत ह यहोवा हमरे बरे इ करी, अउर होइ सकत ह ऍह स भी जियादा, जब तलक कि मउत हम लोगन क जुदा न कइ द्या।”</verse>
				<verse number="18">नाओमी लखेस कि रूत क ओकर संग चलइ क प्रबल इच्छा अहइ। एह बरे नाओमी ओकरे संग बहस करब बन्द कइ दिहस।</verse>
				<verse number="19">फुन नाओमी अउर रूत तब तलक जात्रा किहन जब तलक उ पचे बेतलेहेम नाहीं पहोंच गइन। जब दुइनउँ मेहररूअन बेतलेहेम पहोंचिन तउ सबहि लोग बहोत उत्तेजित भएन। उ पचे कहब सुरू किहन, “का इ नाओमी अहइ?”</verse>
				<verse number="20">मुला नाओमी लोगन स कहेस, “मोका नाओमी जिन कहा, मोका मारा कहा। काहेकि सर्वसक्तीमान परमेस्सर मोर जिन्नगी क बहोत दुःखी बनाई दिहस ह।</verse>
				<verse number="21">जब मइँ गइ रहिउँ, मोरे लगे उ सबइ चिजियन रहिन जेनका मइँ चाहत रहिउँ। किन्तु अब, यहोवा मोका खाली हाथे घरे लियावा ह। यहोवा मोका दुःखी बनाएस ह। एह बरे मोका ‘नओमी’ काहे कहत अहा? सर्वसक्तिमान परमेस्सर मोका बहोत जियादा कस्ट दिहस ह।”</verse>
				<verse number="22">इ तरह नाओमी अउ ओकर पतोहू रूत मोआबी मेहरारू मोआब क भुइँया स लउटि गएन। इ दुइनउँ मेहररूअन जौ क कटती क समइ यहूदा क बेतलेहेम मँ आइन।</verse>
			</chapter>
			<chapter number="2">
				<verse number="1">बेतलेहेम मँ एक ठु धनी मनई रहत रहा। ओकर नाउँ बोअज़ रहा। बोअज़ एलीमेलेक परिवार स नाओमी क निअरे रिस्तेदारन मँ स एक रहा।</verse>
				<verse number="2">एक दिना रूत (मोआबी मेहरारू) नाओमी स कहेस, “मइँ सोचत हउँ कल्ह मइँ खेतन मँ जाउँ। होइ सकत ह कि कउनो अइसा मनई मोसे मिलइ जउन मोह पइ दाया कइके, मोरे बरे उ अन्न क बटोरइ देइ जेका उ आपन खेत मँ तजत होइ।” नाओमी कहेस, “बिटिया, ठीक अहइ जा।”</verse>
				<verse number="3">एह बरे रूत खेतन मँ गइ। उ फसल काटइ वाले मजदूरन क पाछे चलत रही अउर उ अन्न बटोरेस जउन तज दीन्ह गवा रहा। अइसा भवा की उ खेते क एक हींसा एलीमेलेक परिवार क एक मनई बोअज क रहा।</verse>
				<verse number="4">पाछे, बेतलेहेम स बोअज़ खेत मँ आवा। उ आपन मजदूरन क हालचाल पूछेस। उ कहेस, “यहोवा तोहरे संग होइ।” मजदूरन जबाब दिहन, “यहोवा आप क आसीर्बाद देइ।”</verse>
				<verse number="5">तब बोअज़ आपन उ सेवक स बातन किहेस, जउन मजदूरन क निरीच्छक रहा। उ पूछेस, “बिटिया केकर अहइ?”</verse>
				<verse number="6">सेवक जबाब दिहस, “इ उहइ मोआबी मेहरारू अहइ जउन मोआब क पहाड़ी पहँटा स नओमी क संग आई अहइ।</verse>
				<verse number="7">उ बहोत भिन्सारे आइ अउ मोहसे उ पूछेस कि का मइँ मजदूरन क पाछे चल सकत हउँ अउ भुइयाँ पइ छिटके अन्न क बटोरा सकत हउँ। उ तउ तलक स काम करत रहत हीं, किन्तु उ तनिक देरी बरे आस्रय स्थान मँ रही।”</verse>
				<verse number="8">तब बोअज़ रूत स कहेस, “हे मोर बिटिया, सुना! तू अपने बरे अन्न बटोरइ बरे मोरे खेते मँ रहा। तोहका कउनो दूसर मनई क खेत मँ जाइ क जरूरत नाहीं अहइ। मोर मेहररू नउकरन क पाछे चलत रहा।</verse>
				<verse number="9">इ धियान मँ रखा की उ पचे कउने खेते मँ जात अहइँ अउर ओनकर अनुसरण करा। मइँ नउजवानन क चितउनी दइ दिहे अहउँ कि उ पचे तोहका परेसान न करइँ। जब तोहका पियास लगइ, तउ उहइ गगरी स पानी पिआ जेहसे मोर मनई पानी पिअत हीं।”</verse>
				<verse number="10">तब रूत प्रणाम करइ आने धरती तलक निहुरी। उ बोअज़ स कहेस, “मोका अचरज अहइ कि आप मोह पइ धियान दिहेन। मइँ एक अजनबी अहउँ, किन्तु आप मोह पइ बड़ी दाया किहेन ह।”</verse>
				<verse number="11">बोअज़ ओका जबाब दिहेस, “मइँ ओन सारी मदद क जानत हउँ जउन तू आपन सास नाओमी क दिहे ह। मइँ जानत हउँ कि तू ओकर मदद तब भी किहे रह्या जब तोहार भतार मर गवा रहा अउर मइँ जानत हउँ कि तू आपन महतारी-बाप अउ आपन देस तजिके इदेस मँ हिआँ आइ अहा। तू इ देस क कउनो भी मनई क नाहीं जानतिउ, फिन भी तू हिआँ नाओमी क संग आइउ।</verse>
				<verse number="12">यहोवा तोहका ओन सबहि नीक कामे बरे इनाम देई जउन तू किहा ह। यहोवा इस्राएल क परमेस्सर तोहका भरपूर इनाम देइ। तू ओकरे सुरच्छा क ओढ़ना मँ आसरा बरे आइ अहा।”</verse>
				<verse number="13">तब रूत कहेस, “आप मोह पइ बड़े दयालु अहइँ, महोदय। मइँ तउ सिरिफ एक दासी अहउँ। मइँ आप क सेवकन मँ स भी कउनो क बराबर नाहीं अहउँ। किन्तु आप मोका दाया स भरी बातन किहा ह। अउर मोका सान्त्वना दिहा ह।”</verse>
				<verse number="14">दुपहरिया क भोजन क समइ, बोअज़ रूत स कहेस, “हिआँ आया। हमरी रोटियन मँ स कछू खा। एह कइँती हमरे सिरकें मँ आपन रोटी बोड़ा।” तब रूत मजदूरन क संग बठइ गइ। बोअज़ ओनका कछू भूँजा भवा अनाज दिहन। रूत जेतना चाहत रहा ओतना खाएस अउर कछू भोजन बचि गवा।</verse>
				<verse number="15">तब रूत उठी अउर काम करइ लउटी। तब बोअज़ आपन सेवकन स कहेस, “रूत क आन्त क ढेरी क लगे भी अन्न बटोरइ द्या। ओका जिन रोका।</verse>
				<verse number="16">ओकरे काम क, ओकरे बरे कछू दाना स भरी बालन गिराइके, हलका करा। ओका उ अन्न क बटोरइ द्या। ओका रोकइ बरे जिन कहा।”</verse>
				<verse number="17">रूत साँझ तलक खेत मँ अनाज एकट्ठा किहस। तब उ भूसा स अन्न क अलग किहस। उ लगभग आधा बुसल जौ जमा किहेस।</verse>
				<verse number="18">रूत उ अन्न क आपन सास क इ देखावइ बरे लइ गइ कि उ केतना अन्न बटोरेस ह। उ ओका उ भोजन भी दिहस जउन दुपहर क भोजन मँ स बन गवा रहा। रूत उ अन्न क अपनी सास क देखावइ बरे लइ गइ कि उ केतना अन्न बटोरेस ह। उ मोका भोजन भी दिहेस जउन दुपहरिया क भोजन मँ स बच गवा रहा।</verse>
				<verse number="19">ओकर सास ओहसे पूछेस, “इ अन्न तू कहाँ स बटोर्या ह? तू कहाँ काम किहा? जउन मनई तोहका सूचना दिहेस आसीर्बाद पाइ।” तब रूत ओका बताएन कि उ केकरे संग काम किहे रही। उ कहेस, “जउने मनई क संग मइँ आजु काम किहे रहेउँ, ओकर नाउँ बोअज़ अहइ।”</verse>
				<verse number="20">नाओमी अपनी पतोहू स कहेस, “यहोवा ओका आसीर्बाद देइ। यहोवा सबहि पइ निरन्तर दाया करत रहत ह चाहे उ पचे जिअत होइँ या मरा होउँ।” तब नाओमी आपन पतोहू स कहेस, “बोअज़ हमारे संबन्धियन मँ स एक अहइ। बोअज़ हमार संरच्छक मँ स एक अहइ।”</verse>
				<verse number="21">तब रूत कहेस, “बोअज़ मोका वापस आवइ अउर काम करइ क भी कहेस ह। बोअज़ कहेस ह कि मइँ सेवकन क संग तब तलक काम करत रहउँ जब तलक फसल क कटाई पूरी नाहीं होइ जात।”</verse>
				<verse number="22">तब नाओमी अपनी पतोहू रूत स कहेस, “इ नीक अहइ कि तू ओकरी दासियन क संग काम करत रहा। जदि तू कउनो दूसर क खेत मँ काम करबिउ तउ कउनो मनई तोहका कउनो नोस्कान पहोंचाइ सकत ह।”</verse>
				<verse number="23">एह बरे रूत बोअज़ क मेहररू नउकरन क संग काम करत रही। उ तब तलक अन्न बटोरेस जब तलक फसल क कटाई पूरी नाहीं भई। उ हुवाँ गोहूँ क कटनी क आखिर तलक भी काम किहस। रूत आपन सास क संग रहत रही।</verse>
			</chapter>
			<chapter number="3">
				<verse number="1">तब रूत क सास, नाओमी ओहसे कहेस, “हे मोर बिटिया, होइ सकत ह कि मइँ तोहरे बरे एक ठु नीक भतार अउर घर पाइ सकउँ! तउ मइँ तोहार बरे नीक होब।</verse>
				<verse number="2">बोअज़ उपयुक्त मनई होइ सकतेन? बोअज़ हमार निचके क सम्बन्धी अहइ। तू ओकरी दासियन क संग काम किहा ह। आजु राति उ खरिहाने मँ काम करत रहा होइ।</verse>
				<verse number="3">जा, नहा अउर नीक ओढ़ना पहिरा। मटकउना द्रव्य लगावा अउर खरिहने मँ जा। किन्तु बोअज़ क समन्वा तब तलक जिन पड़ा जब तलक उ राति क भोजन न कइ लेइ।</verse>
				<verse number="4">खइया क खाइ क पाछे, उ अराम करइ बरे ओलरी। लखत रहा जेहसे तू इ जान सका कि उ कहाँ सोवत ह। हुवाँ जा अउर ओकरे गोड़े क ओढ़ना उघारा। तब ओलरी जा। उ तोसे कहब्या तोहका का करी चाही।”</verse>
				<verse number="5">तब रूत जवाब दिहस, “आप जउन करइ क कहति अहा, मइँ करबेउँ।”</verse>
				<verse number="6">एह बरे रूत खरिहाने मँ गइ। रूत उ सब किहस जउन ओकर सास ओहसे करइ क कहेस।</verse>
				<verse number="7">खाइ अउर पिअइ क पाछे बोअज़ बहोत संतुट्ठ रहा। बोअज़ अन्न क ढेर क लगे ओलरइ गवा। तब रूत बहोत धीमे स ओकरे लगे गइ अउर उ ओकरे गोड़े क ओढ़न उघार दिहस। रूत ओकरे गोड़े क बगल मँ ओलर गइ।</verse>
				<verse number="8">करीब आधी रात क बोअज़ नींद मँ आपन करवट बदलेस अउर उ जाग पड़ा। उ बहोत चकित भवा। ओकरे गोड़न क निचके एक ठु मेहरारू ओलरी रही।</verse>
				<verse number="9">बोअज़ पूछेस, “तू कउन अहा?” उ कहेस, “मइँ तोहार नउकर लड़की रूत अहउँ। आपन सरच्छा क ओढ़ना मोरे ऊपर फइला द्या। तू मोर रच्छक अहा।”</verse>
				<verse number="10">तब बोअज़ कहेस, “हे जुवती, यहोवा तोहका आसीर्बाद देइ। तू मोह पइ बिसेस कृपा किहा ह। तोहार इ कृपा मोरे बरे ओहसे भी जियादा अहइ जउन तू सुरूआत मँ नाओमी क बरे देखाए रह्या। तू बियाह बरे कउनो भी धनी या गरीब नउजवान क खोज कइ सकत रहिउँ, मुला तू वइसा नाहीं किहा।</verse>
				<verse number="11">जुवती, अब डेराअ नाहीं। मइँ उहइ करब जउन तू चाहति अहा। मोरे नगर क सबहि लोग जानत हीं कि तू एक ठु नीक मेहरारू अहा।</verse>
				<verse number="12">अउर इ फुरि अहइ, कि मइँ तोहरे परिवार क निचके क सम्बंधी अहउँ। मुला एक दूसर मनई अहइ जउन तोहरे परिवार क मोहसे भी जियादा निचके क सम्बन्धी अहइ।</verse>
				<verse number="13">आजु क राति हिअँइ ठहरा। भिन्सारे हम पता लगाउब कि का उ तोहार मदद करी। जदि उ तोहका मदद देइ क फैसला लेत ह तउ बहोत नीक होइ। जदि उ तोहार मदद करइ स इन्कार करत ह, तउ यहोवा क जिन्नगी क सपथ लेइके मइँ प्रतिज्ञा करत हउँ कि मइँ तोहसे बियाह करब अउर एलीमेलेक क भुइँया क तोहरे बरे बेसाही के लउटाउब। एह बरे भिंसारे तलक हिअँइ सोआ रहा।”</verse>
				<verse number="14">एह बरे रूत बोअज़ क गोड़े क लगे भिंसारे तलक ओलरी रही। उ अँधियारा रहत ही उठी, एहसे पहिले क एतना प्रकास होइ कि लोग एक दूसरे क पहिचान सकइँ। बोअज़ ओहसे कहेस, “हम एका कउनो क इ नाहीं बताउब कि तू पिछली रात हिआँ मोर लगे आई रहिउ।”</verse>
				<verse number="15">तब बोअज़ कहेस, “आपन ओढ़नी मोरे लगे लिआवा। अब, एका फइलाइके राखा।” एह बरे रूत आपन ओढ़नी क फइलाइके राखेस अउर बोअज़ लगभग एक बुसल जौ ओकरी सास नाओमी क उपहार मँ दिहस। तब बोअज़ ओका रूत क ओढ़नी मँ बाँध दिहस अउर ओका ओकरी पीठ पइ रख दिहस। तब उ नगर क गवा।</verse>
				<verse number="16">रूत आपन सास, नाओमी क घर गइ। नाओमी दुआरे पइ आई अउर उ पूछेस, “बाहेर कउन अहइ?” रूत घरे क भीतर गइ अउर उ नाओमी क हर बात जउन बोअज़ किहे रहा, बताएस।</verse>
				<verse number="17">उ कहेस, “बोअज़ इ जौ उपहार क रूप मँ तोहका दिहेस ह। बोअज़ कहेस कि आप क बरे उपहार लिए बिना मोका घर नाहीं जाइ चाही।”</verse>
				<verse number="18">नाओमी कहेस, “हे मोर बिटिया, तब तलक धीरा राख जब तलक हम इ सुनी कि का भवा। बोअज़ तब तलक आराम नाहीं करी जब तलक उ ओका नाहीं कइ लेत जे ओका करइ चाही। हम लोगन क दिन बीतइ क पहिले मालूम होइ जाइ कि का होइ।”</verse>
			</chapter>
			<chapter number="4">
				<verse number="1">बोअज़ उ ठउरे पइ गवा जहाँ नगर दुआरे पइ लोग एकट्ठा होत हीं। बोअज़ तब तलक हुआँ बइठा रहा जब तलक उ संरच्छक हुवाँ स नाहीं गुजरा जेकर जिक्र बोअज़ रूत स किहे रहा। तब बोअज़ ओका बोलाएस, “हिआँ आवा मित्र! हिआँ बइठा।” यह बरे उ हुआँ बइठेस।</verse>
				<verse number="2">तब बोअज़ हुआँ गवाहन क बटोरेस। बोअज़ नगर क दस बुजुर्गन क बुलाएस। उ कहेस, “हिआँ बइठा!” एह बरे उ पचे हिआँ बइठ गएन।</verse>
				<verse number="3">तब बोअज़ उ संरच्छक स बातन किहस। उ कहेस, “नाओमी मोआब क धरती स लउट आइ अहइ। उ भुइँया क एक टूका बेचेस ह। जउन हमरे सम्बन्धी एलीमेलेक क रहेन।</verse>
				<verse number="4">मइँ तय किहेउँ ह कि मइँ इ बिसय मँ हिआँ क बसइया लोगन अउर आपन बुजुर्ग लोगन क समन्वा तोहसे कहउँ। अगर तू इ भुइँया क मुल्य वापिस लइ क चाहत ह तउ एका खरीद ल्या। अगर तू इ भुइँया क वासप नाहीं खरीदइ चाहत ह तउ मोका कहा। मइँ जानत हउँ कि तोहरे पाछे उ मनई मइँ ही हउँ जउन भुइँया क खरीद सकत हउँ। जदि तू उ भुइँया क नाहीं खरीदब्या, उ मइँ हउँ जउन ओका खरीदब।” तब उ मनई जवाब दिहेस, “मइँ इ भुइँया क खरीदब।”</verse>
				<verse number="5">तब बोअज़ कहेस, “जदि तू भुइँया नाओमी स बेसहब्या तउ तोहका मृतक क मेहरारू, मोआबी मेहरारू रूत भी मिली। जब रूत क पूत होइ तउ उ भुइँया उ पूत क होइ। इ तरह भुइँया मृतक क परिवार मँ ही रही।”</verse>
				<verse number="6">निचके क सम्बन्धी जवाब दिहस, “मइँ भुइँया क वापस बेसहि नाहीं सकत। जदपि इ भुइँया मोर होइ चाही किन्तु मइँ एका बेसही नाहीं सकत। जदि मइँ अइसा करत हउँ तउ मोका आपन सम्पत्ति स हाथ धोऊब पड़ सकत ह। एह बरे तू उ भुइँया क बेसहि सकत ह।”</verse>
				<verse number="7">(इस्राएल मँ बहोत समइ पहिले जब कउनो मनई कउनो सम्पत्ति क बेसहत, छुड़ावत या सम्पत्ति क बदलि करत रहा, तउ एक मनई आपन जूता क उतारत रहा अउर दूसर मनई क दइ देत रहा। इ ओनके बेसहइ क प्रमाण रहा।)</verse>
				<verse number="8">तउ उ निचके क सम्बन्धी बोअज़ स कहेस, “भुइँया तू आपन बरे बेसही लइ!” तउ उ आपन एक जूता क उतारेस अउर एका बोअज़ क दइ दिहस।</verse>
				<verse number="9">तब बोअज़ बुजुर्गन अउ सबहि मनइयन स कहेस, “आजु आप लोग मोरे गवाह अहउँ कि मइँ नाओमी स उ सबइ सबहि चिजियन खरीदत हउँ जउन एलीमेलेक, किल्योन अउ महलोन क अहइँ।</verse>
				<verse number="10">मइँ रूत क भी आपन मेहरारू बनावइ बरे बेसहत हउँ। मइँ इ एह बरे करत अहउँ कि मृतक क सम्पत्ति ओकरे परिवार क लगे ही रही। इ तरह मृतक क नाउँ ओकरे परिवार अउ ओकरी भुइँया स नाहीं हटावा जाई। आप लोग आजु एकर गवाह अहइँ।”</verse>
				<verse number="11">इ तरह सबहि लोग अउर बुजुर्गन जउन नगर दुआर क समीप रहेन, गवाह भएन। उ पचे कहेन, “इ मेहरारू जउन तोहरे घर जाई, यहोवा ओका राहेल अउ लिआ जइसी करइ जउन इस्राएल बंस क बनाएस। हम पराथना करित ह तू एप्राता मँ सक्तिसाली ह्वा! तू बेतलेहेम मँ प्रसिद्ध ह्वा।</verse>
				<verse number="12">जइसे तामार यहूदा क पूत पेरेस क जनम दिहेस अउर ओकर परिवार महान बना। उहइ तरह यहोवा तोहका भी रूत स कई पूत देइ। अउर तोहार परिवार भी ओकरी तरह महान होइ।”</verse>
				<verse number="13">इ तरह बोअज़ रूत स बियाह किहेस। यहोवा रूत क गर्भवती होइ दिहस अउर रूत एक ठु पूत क जन्म दिहस।</verse>
				<verse number="14">नगर क मेहररूअन नाओमी स कहेन, “उ यहोवा क आभार माना जउन तोहका अइसा संरच्छक दिहस। यहोवा करइ उ, इस्राएल मँ प्रसिद्ध होइ।</verse>
				<verse number="15">उ तोहका फुन स जवान बनाइ देइ। अउर बुढ़ापे मँ उ तोहार धियान राखी। तोहरी बहू क कारण इ घटना घटी अहइ। उ इ बच्चा तोहरे बरे गर्भ मँ धारण किहेस उ तोहसे पिआर करत ह, अउर उ तोहरे बरे सात बेटन स जियादा उत्तिम अहइ।”</verse>
				<verse number="16">नाओमी लरिका क लिहस, ओका आपन बाहन मँ उठाइ लिहस, अउर ओकर पालन-पोसण किहस।</verse>
				<verse number="17">पड़ोसियन बच्चा क नाउँ राखेन। ओन मेहररूअन कहेन, “अब नाओमी क लगे एक पूत अहइ।” पड़ोसियन ओकर नाउँ ओबेद राखेन। ओबेद यिसै क बाप रहा अउर यिसै, दाऊद क बाप रहा।</verse>
				<verse number="18">पेरेस क परिवार क बंसावली इ अहइ: पेरेस हिस्रोन क बाप रहा।</verse>
				<verse number="19">राम क बाप हिस्रोन रहा। अम्मीनादाब क बाप राम रहा।</verse>
				<verse number="20">नहसोन क बाप अम्मीनादाब रहा। सल्मोन क बाप नहसोन रहा।</verse>
				<verse number="21">बोअज़ क बाप सल्मोन रहा। ओबेद क बाप बोअज़ रहा।</verse>
				<verse number="22">यिसै क बाप ओबेद रहा। दाऊद क बाप यिसै रहा।</verse>
			</chapter>
		</book>
		<book number="9">
			<chapter number="1">
				<verse number="1">एल्काना नाउँ क एक मनई रहा। उ एप्रैम क पहाड़ी पहँटा क रामातैसोपीम क बसइया रहा। एल्काना जुफ परिवार स रहा। एल्काना यरोहाम क पूत रहा। यरोहाम एलीहू क पूत रहा। एलीहू तोहू क पूत रहा। अउर तोहू सूप क पूत रहा जउन एप्रैम क परिवार कबीला स रहा।</verse>
				<verse number="2">एल्काना क दुइ मेहरारू रहीं। एक क नाउँ हन्ना रहा अउ दूसरी क नाउँ पनिन्ना रहा। पनिन्ना लड़कोर रहिन, मुला हन्ना क कउनो अउलाद नाहीं रही।</verse>
				<verse number="3">एल्काना हर बरिस आपन सहर रामातैसोपीम क तजि देत रहा अउ सीलो नगर जात रहा। एल्काना सर्वसक्तीमान यहोवा क आराधना सीलो मँ करत रहा अउ हुवँ यहोवा क बलि भेंट चढ़ावत रहा। सीलो उ जगह रही जहाँ होप्नी अउ पीनहास यहोवा क याजक क तरह सेवा करत रहेन। होप्नी अउ पीनहास एली क पूत रहेन।</verse>
				<verse number="4">जब कबहुँ एल्काना आपन बलि भेंट चढ़ावत रहा, उ गोस क एक हींसा आपन मेहरारू पनिन्ना क देत रहा। एल्काना गोस क भाग पनिन्ना क लरिकन क भी देत रहा।</verse>
				<verse number="5">एल्काना गोस क हींसा क बराबर हन्ना क भी हमेसा दइ देत रहा। एल्कना इ तब भी करत रहा जब यहोवा हन्ना क कउनो अउलाद नाहीं दिहे रहेन। एल्काना इ ऍह बरे करत रहा कि हन्ना ओकर इ मेहरारु रही जेसे उ सच्चा पिरेम करत रहा।</verse>
				<verse number="6">पनिन्ना हन्ना क हमेसा चिढ़ाइके खिसियावत रही अउ ओका परेसान करत रही। पनिन्ना इ ऍह बरे करत रही काहेकि हन्ना कउनो बच्चा क कोख स पइदा नाहीं कइ सकत रही।</verse>
				<verse number="7">हर बरिस जब ओकर परिवार सीलो मँ यहोवा क घरे मँ जात पनिन्ना हन्ना क परेसान करत अउर उ रोवत अउर कछू भी नाहीं खावत।</verse>
				<verse number="8">ओकर भतार, एल्काना, उ से कहेस, “हन्ना, तू काहे रोवति अहा? तू काहे नाहीं खाइया? तू दुःखी काहे अहा? का मइँ तोहार बरे दस बेटवन स बेहतर नाहीं अहइ?”</verse>
				<verse number="9">खाए अउ पिए क पाछे हन्ना चुपचाप उठी अउ यहोवा स पराथना करइ गइ। यहोवा क पवित्तर आराधनालय क दुआरे क निअरे कुर्सी प याजक एलि बइठा रहा।</verse>
				<verse number="10">हन्ना बहोत दुखी रही। उ फूट-फूट कर रोवत रही। उ यहोवा स बिनती करेस।</verse>
				<verse number="11">उ परमेस्सर स खास प्रतिग्या किहेस। उ कहेस, “सर्वसक्तीमान यहोवा, लखा मइँ केतना जिआदा दुखी हउँ। मोका याद राखा। मोका बिसरा नाहीं। जदि आप मोका एक पूत देब्या तउ मइँ पूरी जिन्नगी भइ ओका आपका अर्पण कइ देब। उ नाज़ीर होइ जाब। उ दाखरस या कउनो नसीला दाखरस न पिइ। अउ कउनो ओकर बार नाहीं काटी।”</verse>
				<verse number="12">जब तलक हन्ना यहोवा क समन्वा आराधना करत रही, एली ओकर मुँह निहारत रहेस।</verse>
				<verse number="13">हन्ना हिरदय स बिनती करत रही। ओकर ओंठ हीलत रहेन, मुला कउनो अवाज नाहीं निकरत रही। एली समझेस कि हन्ना दाखरसे स मदमस्त बा।</verse>
				<verse number="14">एली हन्ना स कहेस, “तोहरे लगे पिअइ क बहोत जियादा रहा। अब समइ आ गवा कि दाखरस पिअइ छोड़ देइ चाही।”</verse>
				<verse number="15">हन्ना जवाब दिहेस, “मइँ सराब या जौ क दाखरस नाहीं पिएउँ ह। मइँ बहोत जिआदा मसीबत म अहउँ। मइँ यहोवा क आपन सब समस्या क बतावत रहेउँ ह।</verse>
				<verse number="16">जिन सोचा कि मइँ बुरी अउरत हउँ। मइँ ऍतनी देर ताई ऍह बरे पराथना करत रहेउँ ह कि मोका ढेर परेसानी अहइ अउ मइँ जिआदा दुखी अहउँ।”</verse>
				<verse number="17">एली जवाब दिहेस, “सान्ति स जा। इस्राएल क परमेस्सर तोहका उ देइँ जउन तू मांग्या ह।”</verse>
				<verse number="18">हन्ना कहेस, “मोका आसा अहइ कि आप मोसे खुस अहइँ।” तब्बइ हन्ना गइ अउ तनिक खाएस। उ अब तनिकउ दुखी नाहीं रही।</verse>
				<verse number="19">दूसर दिन भिन्सारे एल्काना क परिवार उठा। उ सबइ परमेस्सर क आराधना किहेन अउर उ पचे आपन घर रामा क लउटि आएन। एल्काना आपन मेहरारु क लगे सोएस। यहोवा हन्ना क याद राखेस।</verse>
				<verse number="20">तब उस समइ निम्नलिखित साल मँ हन्ना गोड़ स भारी भइ अउ ओसे एक बेटवा भवा। हन्ना ओकर नाउँ समूएल राखेस। उ कहेस, “एकर नाउँ समूएल अहइ काहेकि मइँ एक यहोवा स माँगा ह।”</verse>
				<verse number="21">उ बरिस एल्काना बलि भेंट देइ अउ परमेस्सर क समन्वा कीन्ह गइ प्रण क पूरा करइ सीलो गवा। उ आपन परिवारे क आपन संग लइ गवा ह।</verse>
				<verse number="22">मुला हन्ना नाहीं गइ। उ एल्काना स कहेस, “जब लरिका कछू ठोस चीज खाइ लागी तबहिं मइँ ऍका सीलो लइ जाब। मइँ ओका यहोवा क देब। उ एक नाजीर बनी। उ सीलो मँ रही।”</verse>
				<verse number="23">हन्ना क भतार एल्काना ओसे कहेस, “उहइ करा जउन तू उत्तिम समझत ह। तू तब ताई घर मँ रहि सकत ह जब तलक लरिका कछू ठोस खइया क खाइ के जोग्गा बाढ़ नाहीं जात। जउन तू कहया ह यहोवा उहइ करइँ।” ऍह बरे आपन बचवा क पालब पोसब बरे तब ताई घरे प रहि गइ जब ताई उ ठोस खइया क खाइ बरे बाढ़ नाहीं जात।</verse>
				<verse number="24">जब लरिका ठोस खइया खाइ बरे बाढ़ गवा तब हन्ना सीलो मँ यहोवा क आराधनालय लइ गइ। हन्ना आपन संग तीन बरिस क एक बछवा, बीस पौण्ड आटा अउ एक मसक दाखरस भी लइ गइ।</verse>
				<verse number="25">उ पचे यहोवा क समन्वा गएन। एल्काना यहोवा क बलि क रुप मँ, जइसा उ अक्सर करत रहा, बर्धा क मारेस। तबहिं हन्ना बचवा क एली क लगे लइ गइ।</verse>
				<verse number="26">हन्ना एली स कहेस, “महोदय, छिमा करइँ। मइँ उहइ मेहरारु हउँ जउन परमेस्सर क पराथना करत आप क बगल मँ खड़ी रही। मइँ बचन दिए रहेउँ कि मइँ फुरइ कहत हउँ।</verse>
				<verse number="27">मइँ इ बचवा बरे पराथना किहे रहेउँ। यहोवा मोका इ बचवा दिहेस ह।</verse>
				<verse number="28">अउर अब मइँ इ बचवा क यहोवा क दइ देत हउँ। इ पूरी जिन्नगी यहोवा क रही।” तबहिं हन्ना बचवा क उहइँ छोड़ेस अउ यहोवा क आराधना किहेस।</verse>
			</chapter>
			<chapter number="2">
				<verse number="1">हन्ना कहेस, “यहोवा मँ, मोर हिरदइ खुस अहइ। मइँ आपन परमेस्सर मँ जिआदा सक्ती पावत हउँ। मइँ आपन दुस्मनन क हराइ दिहउँ ह मइँ आपन जीत स खूब खुस हउँ। मइँ आपन दुस्मनन प हसेउँ ह।</verse>
				<verse number="2">“कउनो अइसा नाहीं अहइ जउन यहोवा क नाईं पवित्तर अहइ। तोहार अलावा कउनो परमेस्सर नाहीं। हम लोगन क परमेस्सर क नाईं कउनो चट्टान नाहीं अहइ।</verse>
				<verse number="3">“बन्द कइ द्या डींग मारब, घमण्ड भरी बात जिन करा। काहेकी यहोवा परमेस्सर अहइ सब कछु जानत ह। परमेस्सर मनइयन क राह देखाँवत ह अउ ओनकइ निआव करत ह।</verse>
				<verse number="4">सक्तीसाली जोधा क धनुस टूटत हीं, अउ दुर्बल सक्तीसाली बनत हीं।</verse>
				<verse number="5">जउन लोगन क पास पाछे टेमॅ मँ खाइ बरे ढेर क खइया रहेन अब ओका रोटी प्राप्त करइ बरे काम करइ क होइ। मुला जउन लोग बीत गवा टेमॅ मँ भूखा रहेन, अब ओका देर तलक भूखा नाहीं रहइ क होइ। मेहरारु जउन बच्चा क पइदा नाहीं कइ सकत रहेन, अब सात गदेलन की मँ अहइँ। मुला जेकर पास ढेर गदेलन रहेन, उ दुःखी अहइ काहेकि उ पचे अब मरि गएन।</verse>
				<verse number="6">“यहोवा लोगन क मउत देत ह, अउ उ ओन सब क जिआवत ह। यहोवा लोगन क नरके मँ पठवत ह, अउर उ फुन स ओन सब क ऊपर उठावत ह।</verse>
				<verse number="7">यहोवा मनइयन क दीन बनवत ह, अउ उहइ मनइयन क धनी बनवत ह। यहोवा मनइयन क विनम्र बनवत ह, अउ उ मनइयन क बड़कवा बनावत ह।</verse>
				<verse number="8">यहोवा गरीबन क धूरि स उठावत ह। यहोवा गरीबन क दुखे स उबारत ह। यहोवा गरीबन क राजा क संग बइठावत ह। उ गरीबन क खास मनई बनवत ह अउ उ ओनका मान्य मेहमान बनवत ह। यहोवा समूचइ दुनिया क रचेस ह। उ सारे जग क खंभा प टेकाएस ह।</verse>
				<verse number="9">“यहोवा आपन पवित्तर लोगन क रच्छा करत ह। उ ओनका ठोकर खाई स बचावत ह। मुला पापी मनइयन क नास कइ दीन्ह जाई। उ पचे घनघोर अँधियारे मँ भहरइहीं। ओकर सक्ती ओकर विजय प्राप्त करइ मँ मददगार नाहीं होइ।</verse>
				<verse number="10">यहोवा आपन दुस्मनन क नास करत ह। सर्वोच्य परमेस्सर अकास मँ लोगन क खिलाफ गरजब। यहोवा जमीन क छोर ताईं निआव करिहीं। उ आपन राजा क सक्ती देइहीं। उ आपन राजा क बरिआर करी।”</verse>
				<verse number="11">एल्काना अउ ओकर परिवार आपन घरे रामा क गएन। लरिका सीलो मँ रहि गवा अउ याजक एली क मातहत होइके यहोवा क सेवा करत रहा।</verse>
				<verse number="12">एली क दुइ बेटवन बुरा मनई रहेन। उ पचे यहोवा क परवाह नाहीं करत रहेन।</verse>
				<verse number="13">उ पचे एकर परवाह नाहीं करत रहेन कि याजकन स मनइयन बरे कइसे ब्योहार क आसा कीन्ह जात ह। याजकन क मनइयन बरे इ करइ क चाही। जब कबहुँ कउनो मनई बलि भेंट लइ आवत ह तउ याजकन क एक बासन मँ माँस क खउलत पानी मँ बुलकावइ चाही। याजक क सेवक बरे आपन हाथे मँ खास काँटा लइके आवइ चाही। काँटा मँ तीन नोंक होइ चाही।</verse>
				<verse number="14">याजक क सेवक क काँटा क बासन या कतली मँ नावइ चाही। काँटा जउन कछू बासन क बाहेर लइ आवइ उ माँस याजकन क होइ। इ अहइ जउन याजकन क जरिए उ इस्राएलियन बरे कीन्ह जाइ चाही जउन सीलो मँ बलि भेंट करइ आवइँ।</verse>
				<verse number="15">मुला एली क बेटवन इ नाहीं किहेन। चर्बी क वेदी प जराई जाइ स पहिले भी ओनकइ बेटवन उ लोगन क लगे आइ जे बलि चढ़ात ह अउ ओनका कहेस, “याजक क कछू माँस भूँजइ बरे द्या। याजक तोहसे बुलकावा भवा माँस न लेइहीं।”</verse>
				<verse number="16">बलि क देवइया इ कइ सकत ह, “चर्बी पहिले बारा। तब तू जउन चाहा लइ सकत ह।” अगर अइसा होत तउ याजक क नउकर जवाब देत, “नाहीं मोका अबहीं गोस द्या, अगर तू मोका इ नाहीं देत ह तउ मइँ ऍका तोहसे लइ जाब।”</verse>
				<verse number="17">इ तरह एली क बेटवन इ देखावत रहेन कि उ पचे यहोवा क भेंटे मँ दीन्ह बलि क वास्ते मान नाहीं देत रहेन। इ यहोवा क खिलाफ बहोत बुरा पाप रहा।</verse>
				<verse number="18">मुला समूएल यहोवा क सेवकई करत रहा। समूएल सन क बना खास एपोद पहिरत रहा।</verse>
				<verse number="19">हर बरिस समूएल क महतारी एक ठु नान्ह चोगा समूएल बरे बनवत रही। उ हर बरिस आपन भतार क संग बलि भेंट करइ बरे सीलो जात रही तउ उ नान्ह क चोगा समूएल बरे लइ जात रही।</verse>
				<verse number="20">एली एल्काना अउ ओकर मेहरारु क आसीर्बाद देत रहा। एली कहेस, “यहोवा, तोहका हन्ना क जरिए जिआदा लरिका देइँ। इ लरिकन उ लरिका क ठउर लेइहीं जेकरे सन्ती हन्ना पराथना किहेस ह अउ यहोवा क दिहेस ह।” तब एल्काना अउ हन्ना घरवा लउटेन, अउर</verse>
				<verse number="21">यहोवा हन्ना प दाया किहेस। ओकर तीन पूत अउ दुइ बिटिया भइन। अउर लरिका समूएल यहोवा क लगे बाढ़ गवा।</verse>
				<verse number="22">एली बहोत बूढ़ा होइ गवा। उ बार बार ओन कुकर्म क बारे मँ सुनत रहा जउन ओकर पूत सीलो मँ सबहिं इस्राएलियन क संग करत रहेन। एली इ भी सुनेस कि जउन मेहरारू मिलापवाला तम्बू क दुआर प सेवकाई करत रहीं ओनके संग ओकर बेटवन सोवत रहेन।</verse>
				<verse number="23">एली आपन बेटवन स कहेस, “तू पचे जउन कछू बुरा करम किहे अहा ओकरे बारे मँ मनइयन हिआँ मोका बताएन ह। तू पचे इ बुरा करम काहे करत ह?</verse>
				<verse number="24">मोर बेटवन, इ बुरा करम क जिन करा। इ सबइ अच्छा नाहीं अहइ, यहोवा क लोग तोहरे बारे मँ अफवाह फैला रहत ह।</verse>
				<verse number="25">अगर कउनो मनई कउनो दूसर मनई क खिलाफ पाप करत ह तउ यहोवा ओकर मदद करत ह। अगर कउनो मनई यहोवा क खिलाफ पाप करत ह तउ उ मनई क मदद कउन कइ सकत ह?” मुला एली क बेटवन एली क बात सुनइ स इनकार कइ दिहन। ऍह बरे यहोवा एली क बेटवन क मार डावइ क ठान लिहेस।</verse>
				<verse number="26">लरिका समूएल बाढ़त रहा। उ परमेस्सर अउ मनइयन क खुस किहेस।</verse>
				<verse number="27">परमेस्सर क एक मनई एली क लगे आवा अउ कहेस, “यहोवा इ कहत ह, ‘तोहार पुरखन फिरौन क परिवार क गुलाम रहेन। मुला उ टेम मँ मइँ तोहरे पुरखन क समन्वा परगट भवा रहेउँ।</verse>
				<verse number="28">मइँ तोहरे परिवार क इस्राएल क सबहिं परिवार समूहन मँ स चुनेउँ ह। मइँ तोहरे परिवार समूह क आपन याजकन बनवइ बरे चुनेउँ ह। मइँ ओनका आपन वेदी प बलि चढ़ावइ बरे चुनेउँ ह। मइँ ओनका धूप सुलगावइ अउ एपोद पहिरइ बरे चुनेउँ ह। मइँ तोहरे परिवार क भेंट क गोस दीन्ह ह जउन इस्राएल क मनई मोका चढ़ावत हीं।</verse>
				<verse number="29">ऍह बरे तू पचे ओन बलिदानन अउ अन्नबलि क मान काहे नाहीं करत्या? तू पचे आपन बेटवन क मोसे जिआदा पिरेम करत ह। तू पचे गोस क बढ़िया हींसा खाइके मोटा होइ गवा ह जेका लोग मोका भेंट चढ़ात हीं।’</verse>
				<verse number="30">“इस्राएल क परमेस्सर यहोवा इ बचन दिहे रहेन कि तोहरे बाप क परिवार सदा ओनकइ सेवकाई करिहीं। मुला अब यहोवा इ कहत हीं, ‘वइसा कबहुँ न होइ। मइँ ओन मनइयन क मान करब जउन मोर मान करिहीं। मुला ओनकइ बुरा होइ जउन मोर मान करइ स इन्कार करत हीं।</verse>
				<verse number="31">उ टेमॅ आवत अहइ जब मइँ तोहरे सन्तानन क नास करब। तोहरे बंस मँ कउनो बुढ़वा होइ बरे न बची।</verse>
				<verse number="32">इस्राएल बरे नीक चीज होइहीं, मुला तू घरे मँ खराब घटना घटत देखब्या। कउनो मनई बुढ़वा होइ बरे न बची।</verse>
				<verse number="33">सिरिफ एक मनई क आपन वेदी प याजक क नाई सेवा बरे बचाउब। उ बहोत जिआदा बुढ़ाई तलक जिई। उ तब तक रही जब ताई ओकरे आँखिन क अउर ओकर सक्ती जात रही। तोहरे बचा खुचा सन्तानन तरवारे क घाट उतार दीन्ह जइँही।</verse>
				<verse number="34">मइँ तोहका एक चीन्हा देब जेहसे इ मालूम होइ कि बात फुर होइहीं। तोहार दुइनउँ पूत होफिन अउ फिनहस एक ही दिना मरिहीं।</verse>
				<verse number="35">मइँ आपन बरे एक बिस्सासी याजक चुनब। उ याजक मोर बात मानी अउर जउन मइँ चाहब उ करी। मइँ इ याजक बरे परिवार क सक्तीवाला बनउब। उ हमेसा मोरे चुना भवा राजा क समन्वा सेवा करी।</verse>
				<verse number="36">तब सबहिं मनइयन जउन तोहरे परिवारे मँ जिअत रइहीं, अइहीं अउ इ याजक क अगवा निहरिहीं। इ सब मनई तनिक धन स रोटी क टूका बरे भीख मँगिहीं। उ पचे कइहीं, “मेहरबानी कइके याजक क काम हमका दइ द्या जेसे हम खइया क पाइ सकी।”’”</verse>
			</chapter>
			<chapter number="3">
				<verse number="1">लरिका समूएल एली क अधीन होइके यहोवा क सेवा करत रहा। ओन दिनन मँ यहोवा अक्सर लोगन स सीधा बात नाहीं करत रहा। अउर बहोत कम लोगन क दर्सन होत रहा।</verse>
				<verse number="2">एली क आँख ऍतनी कमजोर रही कि उ आँधर जइसा रहा। एक रात उ बिछौना प ओलरा रहा।</verse>
				<verse number="3">समूएल यहोवा क पवित्तर आराधनालय मँ बिस्तर प पउढ़ा रहा। उ पवित्तर आराधनालय मँ परमेस्सर क पवित्तर सन्दूख रही। यहोवा क दिया अबहुँ जरत रहा।</verse>
				<verse number="4">यहोवा समूएल क बोलाएस। समूएल जवाब दिहेस, “मइँ हिआँ हाजिर हउँ।”</verse>
				<verse number="5">समूएल सोचा कि ओका एली बोलावत ह। ऍह बरे समूएल दौड़त भवा एली क लगे गवा। समूएल एली स कहेस, “मइँ हिआँ हउँ। आप मोका बोलाएन ह।” मुला एली कहेस, “मइँ तोहका नाहीं बोलाएउँ, आपन बिछौना प जा।” समूएल बिछौना प गवा।</verse>
				<verse number="6">यहोवा फुन बोलाएस, “समूएल।” समूएल फुन दौड़िके एली क लगे गवा अउ कहेस, “मइँ हिआँ हउँ। आप मोका बोलाएन ह।” एली कहेस, “मइँ तोहका नाहीं बोलाएउँ, आपन बिछौना प जा।”</verse>
				<verse number="7">समूएल अबहिं तलक यहोवा क नाहीं जानत रहा। यहोवा अबहिं तलक ओसे सोझ बात नाहीं किहे रहा।</verse>
				<verse number="8">यहोवा समूएल क तिसरी दाई बोलाएस। समूएल फिन उठा अउ एली क लगे गवा, “मइँ आवा हउँ, आप मोका बोलाएन ह।” तबहिं एली समझेस कि यहोवा लरिका क बोलावत अहइँ।</verse>
				<verse number="9">एली समूएल स कहेस, “बिछौना प जा। अगर उ तोहका फुन बोलावत ह तउ कहा, ‘यहोवा मोर संग बात करा काहेकि मइँ आप सेवक हउँ अउ सुनत हउँ।’” तउ समूएल बिछौना प चला गवा।</verse>
				<verse number="10">यहोवा आवा अउ हुवाँ खड़ा होइ गवा। उ पहिले क नाई बोलाएस। उ कहेस, “समूएल, समूएल!” समूएल कहेस, “कहा, मइँ आपक सेवक हउँ अउ सुनत हउँ।”</verse>
				<verse number="11">यहोवा समूएल स कहेस, “मइँ इस्राएल मँ कछू करइ ही वाला हउँ जेकर बरे जब कबहुँ कउनो मनईं सुनिहीं, इ ओकर कानन क चकित कइ देइहीं।</verse>
				<verse number="12">मइँ सब कछू करब। मइँ कहेउँ उ मइँ एली अउ ओकरे परिवार क खिलाफ करब। मइँ सुरु स आखिर तलक सब कछू करब।</verse>
				<verse number="13">मइँ एली स कहेउँ ह कि मइँ ओकरे परिवार बरे सदा सजा देब। मइँ इ ऍह बरे करब कि एली जानत ह कि ओकर बेटवन परमेस्सर क खिलाफ बुरा कहेन ह अउ किहेन ह। अउ एली ओन प बस मँ करइ बरे कामयाब नाहीं भवा।</verse>
				<verse number="14">इहइ कारण अहइ कि मइँ एली क परिवार बरे किरिया खायो हउँ कि बलिदान अउ अन्नबलि भेंट ओनकइ पापन क प्रायस्चित कबहुँ नाहीं कइ सकत हीं।”</verse>
				<verse number="15">समूएल जब तलक भिन्सार नाहीं भवा बिछौना प पउढ़ा रहा। उ बड़े तड़के उठा अउ उ यहोवा क आराधनालय क किवाड़ा खोलेस। समूएल आपन दरसन क बात एली स बतावइ मँ डेरान।</verse>
				<verse number="16">मुला समूएल स एली कहेस, “मोर बेटवा, समूएल।” समूएल जवाब दिहेस, “हाँ, महोदय!”</verse>
				<verse number="17">एली पूछेस, “यहोवा तोहसे का कहेन? ओका मोसे जिन छिपावा। परमेस्सर तोहका सजा देइहीं, अगर तू परमेस्सर जउन संदेसा तोहका दिहेन ह, ओहमाँ स कछू भी छिपउब्या।”</verse>
				<verse number="18">ऍह बरे परमेस्सर एली स उ हर एक बात बताएस। समूएल एली स भी कछू नाहीं छिपाएस। एली कहेस, “उ यहोवा अहइ। ओका वइसा ही करइ द्या जइसा ओका नीक लागत ह।”</verse>
				<verse number="19">यहोवा समूएल क संग रहा। समूएल बाढ़त गवा। यहोवा समूएल क कउनो संदेस क असफल नाहीं होइ दिहस।</verse>
				<verse number="20">तब समूचा इस्राएल, दन स लइके वीरसेबा ताई समझ गवा कि समूएल यहोवा क सच्चा धर्मदूत अहइ।</verse>
				<verse number="21">सीलो मँ यहोवा समूएल क समन्वा परगट भएस। यहोवा सीलो मँ समूएल क अगवा अपने आप क यहोवा क बचन क तरह परगट किहेस।</verse>
			</chapter>
			<chapter number="4">
				<verse number="1">समूएल क बारे मँ खबर समूचइ इस्राएल मँ सँचर गइ। एली बहोत बुढ़ाइ गवा रहा। ओकर पूत यहोवा क समन्वा कुकरम करत रहेन। उ समइया इस्राएलियन पलिस्ती क खिलाफ जुद्ध बरे तइयार भएन। इस्राएलियन आपन डेरा एबेनेजर मँ डाएन। पलिस्तियन आपन डेरा अपेक मँ डाएन।</verse>
				<verse number="2">पलिस्ती इस्राएल प हमला बोलइ बरे तइयार भएन। जुद्ध सुरु होइ गवा। पिलिस्तियन इस्राएलियन क ओकर लगभग चार हजार मनइयन क जुद्‌ध क मइदान मँ मारि के ओका जुद्ध मँ हराएन।</verse>
				<verse number="3">इस्राएलियन क बाकी सिपाही आपन डेरा मँ लौटि आएन। इस्राएल क बुजुर्गन पूछेन, “यहोवा पिलिस्तियन स हमका काहे हराइ दिहेन ह? आवा हम पचे सीलो स यहोवा क करार क सन्दूख क लइ आई। इ तरह परमेस्सर हम पचन क संग जुद्ध मँ जइहीं। उ पचे हमरे दुस्मनन स हमार रच्छा करिहीं।”</verse>
				<verse number="4">ऍह बरे लोग दूतन स करूब सरगदूतन क सिंहासन पइ विराजमान सैनिकन क यहोवा क करार क सन्दूख लिवाइ बरे सीलो पठएन। एली क दुइनउँ बेटवन होप्नी अउ पीनहास सन्दूख क लइ आएन।</verse>
				<verse number="5">जबहिं यहोवा क करार क सन्दूख डेरा क भीतर आवा तउ सारे इस्राएली ऍतने जोर स गरजेन कि उ अवाज स धरती काँप उठी।</verse>
				<verse number="6">पलिस्तियन इस्राएलियन क गरजब सुनेन। उ पचे पूछेन, “हिब्रू मनइयन क डेरा मँ अइसा गरजब काहे अहइ?” तब पलिस्तियन जानेन कि इस्राएल क डेरा मँ यहोवा क करार क सन्दूख आवा अहइ।</verse>
				<verse number="7">पलिस्ती डेराइ गएन। पलिस्तियन कहेन, “परमेस्सर ओनकइ डेरा मँ आइ ग अहइँ। हम सबइ विपत्ती मँ अही। अइसा पहिले कबहुँ नाहीं भवा।</verse>
				<verse number="8">हमका फिकिर अहइ कि इ बरिआर देवतन स हमका कउन बचाइ सकत ह? इ सबइ उहइ देवता अहइ जउन मिस्रियन क उ सबइ बेरामियन अउर महामारियन दिहे रहा।</verse>
				<verse number="9">पलिस्तिनियो, हिम्मत करा। बहादुरन क तरह लड़ा। पुराने जमाने मँ हिब्रू लोग हमार दास रहेन। ऍह बरे बहादुरन क नाई लड़ा नाहीं तउ तू पचे ओनकइ गुलाम होइ जाब्या।”</verse>
				<verse number="10">पलिस्ती बहोत बहादुरी स लड़ेन अउ उ पचे इस्राएलियन्क हराइ दिहेन। हर एक इस्राएली जोधा आपन डेरा मँ पराइ गवा। इस्राएल बरे खउफनाक हार रही। तीस हजार इस्राएली फौजी मारा गएन।</verse>
				<verse number="11">पलिस्तियन ओनसे परमेस्सर क पवित्तर सन्दूख छीन लिहेस। अउर उ पचे एली क दुइनउँ बेटवन होप्नी अउ पीनहास क मार डाएन।</verse>
				<verse number="12">उ दिना बिन्यामीन परिवार क एक मनई भी जुद्ध स परान रहा। उ आपन दुःख क परगट करइ बरे आपन ओढ़ना क फाड़ि डाएस अउ आपन मुँड़वा प धूरि दुःख परगट करइ बरे धइ लिहेस।</verse>
				<verse number="13">जब इ मनई सीलो पहुँचा तउ एली आपन कुर्सिया प नगर क दुआरे बइठा रहा। उ परमेस्सर क पवित्तर सन्दूख बरे परेसान रहा, ऍह बरे उ जोहत भवा बइठा रहा। तबहिं बिन्यामीन क एकउटे परिवार क एक मनई सीलो आवा अउ उ दुःखे क हाल बताएस। सहर क सब मनई जोर स रोवइ लागेन।</verse>
				<verse number="14">एली अल्ठाननब्बे बरिस क बूढ़ा अउ आँधर रहा। उ इ नाहीं लखि सका कि का होत बा? मुला एली रोवइ क अवाज सुनेस तउ एली पूछेस, “इ जोर क सोर काहे होत अहइ?” उ बिन्यामीन परिवारे क मनई एली क लगे दौड़िके गवा अउ जउन कछू भवा रहा ओका बताएस।</verse>
				<verse number="15"></verse>
				<verse number="16">बिन्यामीन परिवार क मनई कहेस कि “मइँ आज जुद्ध स पराइ आएउँ ह।” एली पूछेस, “बेटवा, का भवा?”</verse>
				<verse number="17">बिन्यामीन परिवार क मनई जवाब दिहेस, “इस्राएलियन पलिस्तियन क समन्वा पराइ गएन। इस्राएली फउज क ढेर सिपाही मारा गवा अहइँ। तोहार दुइनउँ पूत मारि डावा ग अहइँ। अउर पिलिस्ती परमेस्सर क पवित्तर सन्दूख छीन लिहेन ह।”</verse>
				<verse number="18">एली दुआरे क नगिचे आपन कुर्सिया स पाछे गिर परेस अउ ओकर गटइ टूटि गएन जब उ परमेस्सर क पवित्तर सन्दूख क बारे जानेस। एली बुढ़वा अउ मोट मनइ रहा अउ उ हालि मरि गवा। एली चालीस बरिस तलक इस्राएल क नेता रहा।</verse>
				<verse number="19">एली क पतोहू क फिनहस क मेहरारु, उ दिना कोख भरी रही। बच्चा पइदा होइ क उ निचकान रही। जब उ इ खबर सुनेस कि परमेस्सर क पवित्तर सन्दूख छीन लइ ग अहइ। उ इहउ सुनेस कि ओकरे ससुर एली क मउत होइ ग अहइ अउ ओकर भतार फिनहस मारि डावा ग अहइ। जइसे ही उ इ खबर सुनेस ओकर कोख पिराय लाग। अउर उ बच्चा बेटवा क जन्मब सुरु किहेस।</verse>
				<verse number="20">उ मरइवाली रही। नउकरानी कहेस, “दुःखी जिन होवा, तोहका एक ठु बेटवा जन्मी।” मुला एली क पतोहू न तउ जवाब दिहेस अउर न ओह प धियान दिहेस।</verse>
				<verse number="21">उ आपन बचवा क नाउँ इकबाद राखेस काहेकी “इस्राएल क महिमा मटियामेट होइ गइ। परमेस्सर क पवित्तर सन्दूख चला गवा अउ ओकर ससुर अउ मनसेधू मरि गवा रहेन।”</verse>
				<verse number="22">उ कहेस, “इस्राएल क महिमा मिट गइ।” काहेकि पलिस्ती परमेस्सर क पवित्तर सन्दूख लइ गएन।</verse>
			</chapter>
			<chapter number="5">
				<verse number="1">पलिस्ती परमेस्सर क पवित्तर सन्दूख लिहे क पाछे, एबनेज़ेर स ओका उ पचे असदोद लइ गएन।</verse>
				<verse number="2">पलिस्ती परमेस्सर क पवित्तर सन्दूख क दागोन क मन्दिर मँ लइ गएन। उ पचे परमेस्सर क पवित्तर सन्दूख क दागोन क बगल मँ धरेन।</verse>
				<verse number="3">दुसरे दिन भिन्सारे असदोद क मनइयन उठेन अउ लखेन कि दागोन मुँह क बल ओलरा बा। दागोन यहोवा क सन्दूख क समन्वा गिरइ पड़ा। असदोद क मनइयन दागोन क मूरति क फुन हुवँइ खड़ा कइ दिहन।</verse>
				<verse number="4">मुला जब दुसरे दिन भिन्सारे असदोद क मनई उठेन तउ उ पचे दागोन क फुन जमीन प ओलरा पाएन। दागोन फुन यहोवा क पवित्तर सन्दूखे क समन्वा गिरइ पड़ा। दागोन क हाथ अउ गोड़ टूट गवा रहेन अउ चौखट प पड़ा रहेन। सिरिफ दागोन क देह एक खण्ड मँ रहा।</verse>
				<verse number="5">इहइ कारण बा कि आजु तलक दागोन क याजक या असदोद मँ दागोन क मन्दिर मँ घुसइवाला दूसर मनई ड्योढ़ी प चलइ स मना कइ देत ह।</verse>
				<verse number="6">यहोवा असदोद क मनइयन अउ ओनकइ पड़ोसियन क जिन्नगी दूभर कइ दिहन। यहोवा ओनका मुसीबत मँ डाइ दिहन। उ ओन सबन्क गिलटी दिहेस। यहोवा ओनके लगे मूस पठएस। मूस ओनकइ सबहिं जहाजे अउ भुइयाँ प दौड़त रहेन। सहर मँ सब मनइयन डेराइ गएन।</verse>
				<verse number="7">असदोद क मनइयन लखेन कि का होत अहइ। उ पचे कहेन, “इस्राएल क परमेस्सर क सन्दूख हिआँ नाहीं रहि सकत। परमेस्सर हमका अउ हमरे देवता दागोन क सजा देत बा।”</verse>
				<verse number="8">असदोद क मनइयन पलिस्ती सासकन क बोलाएन। असदोद क मनइयन राजा लोगन स पूछेन, “हम पचे पवित्तर सन्दूख क का करी?” राजा लोगन जवाब दिहेन, “इस्राएल क परमेस्सर क पवित्तर सन्दूख क गथ लइ जा।” ऍह बरे पलिस्तियन परमेस्सर क पवित्तर सन्दूख क हटाइ दिहन।</verse>
				<verse number="9">मुला जब पलिस्ती परमेस्सर क पवित्तर सन्दूख क गथ क पठइ दिहन तब यहोवा उ सहर क सजा दिहेस। मनइयन बहोत डेराइ गएन। अउर परमेस्सर सहर क लोगन छोट स बड़ा सबइ क फड़ा-फुंसी क मसीबत मँ मुबतला कइ दिहेस।</verse>
				<verse number="10">ऍह बरे पलिस्ती परमेस्सर क पवित्तर सन्दूख क एक्रोन पठइ दिहेन। मुला जब परमेस्सर क पवित्तर सन्दूख एक्रोन आवा, एक्रोन क मनइयन सिकाइत किहेन। उ पचे कहेन, “तू पचे इस्राएल क परमेस्सर क पवित्तर सन्दूख हमरे सहर एक्रोन मँ काहे लइ आवत ह? का तू पचे हमरे मनइयन क मारा चाहत ह?”</verse>
				<verse number="11">एक्रोन क मनइयन सबहिं पलिस्ती राजा लोगन्क एक संग बोलाएस। एक्रोन क मनइयन राजा लोगन्स कहेन, “इस्राएल क परमेस्सर सन्दूख क, ओकरे पहिले कि उ हमका अउ हमरे मनइयन क मारि डावइ, एकरे पहिले क ठउर प पठइ द्या।” एक्रोन क मनइयन बहोत डेराइ ग रहेन। परमेस्सर उ ठउर प ओनकइ जिन्नगी क बहोत दुःखमय बनइ दिहस।</verse>
				<verse number="12">बहोत स मनई तउ मर बिलाइ गएन। अउर जउन लोग नाहीं मरेन ओनका गिलटी निकरि आइ। एक्रोन क मनइयन जोर स रोइके अकास दहलाएन।</verse>
			</chapter>
			<chapter number="6">
				<verse number="1">पलिस्ती पवित्तर सन्दूख क आपन देस मँ सात महीना तलक धरेन।</verse>
				<verse number="2">पलिस्तियन आपन याजक अउ जादूगरन्क बोलाएन। पलिस्तियन कहेन, “हम यहोवा क सन्दूखे क का करी? बतावा कि हम कइसे सन्दूखे क वापिस एकरे घरे पठइ।”</verse>
				<verse number="3">याजकन अउ जादूगरन जवाब दिहेन, “अगर तू पचे इस्राएल क परमेस्सर क पवित्तर सन्दूखे क पठवत ह तउ एकॉ बिना दोखबलि चढ़ाए जिन पठवा। तोहका इस्राएल क परमेस्सर क दोख बलि चढ़ावइ चाही, ताकि तू पचे चंगा होब। तोहका इ ऍह बरे करइ चाही कि जेहसे परमेस्सर तू सबन्क सजा देब बंद कइ देइ।”</verse>
				<verse number="4">पलिस्ती पूछेन, “हम पचन्क कउन स भेंट, आपन क छिमा करइ क इस्राएल क परमेस्सर क पठवइ चाही?” याजक अउ जादूगरन कहेन, “हिआँ पाँच पलिस्ती प्रमुख अहइँ। हर एक सहर क एक प्रमुख बा। तू सब मनइयन अउ तोहरे प्रमुखन क एक समस्या अहइ। ऍह बरे तोहका पाँच सोना क अइसा नमूना जउन पाँच गिल्टियन क तरह होइँ देखावइ बरे बनवइ चाही। अउर पाँच नमूना मूसे क तरह देखावइ बरे बनवइ चाही।</verse>
				<verse number="5">इ तरह गिल्टी अउर मूसे क नमूना बनावा जउन देस क मटियामेट करत अहइँ। इस्राएल क परमेस्सर क इ सोना क नमूना अदा करइ क रुप मँ दइ द्या। तब इ होइ सकत ह कि इस्राएल क परमेस्सर तोहका, तोहरे देवतन क अउर तोहरे देस क सजा देब रोक देइँ।</verse>
				<verse number="6">फिरौन अउ मिस्री मनइयन क तरह जिद्दी न बना। परमेस्सर मिस्री मनइयन क सजा दिहेस। इहइ कारण रहा कि मिस्री मनइयन इस्राएलियन क मिस्र तजि देइ दिहेन।</verse>
				<verse number="7">“तोहका एक नई बंद गाड़ी बनवइ चाही अउर दुइ गाइ जउन बछवा जन्मे होइँ लइ आवइ चाही। इ गइयन अइसी होइ चाही जउन खेते मँ न जोती गइ होइँ। गइयन क बन्द गाड़ी मँ जोत द्या अउ बछवन क घरे लौटाइ द्या। बछवन क गउसाला मँ राखा। ओनकइ आपन महतारी क पाछे न जाइ द्या।</verse>
				<verse number="8">यहोवा क पवित्तर सन्दूखे क बंद गाड़ी मँ धरा। तोहका सोना क नमूनन क पेटी मँ सन्दूख क बगल मँ राखइ चाही। सोना क नमूनन परमेस्सर बरे तोहार दोखबलि अहइ। बंद गाड़ी क सोझइ रस्ता प पठवा।</verse>
				<verse number="9">बंद गाड़ी क लखत रहा। जदि बंद गाड़ी बेतसेमेस कइँती इस्राएल क भुइयाँ मँ जात ह तउ इ संकेत अहइ कि ओकर परमेस्सर हम पचन्क इ बड़का रोग दिहे अहइँ। मुला जदि इ गइयन बेतसेमेस क नाहीं जातिन तउ हम पचे समझब कि इस्राएल क परमेस्सर हमका सजा नाहीं दिहे अहइ। हम समझ जाब कि हमार बेरामी खुद होइ गइ।”</verse>
				<verse number="10">पलिस्तियन उहइ किहेन जउन याजक अउ जादूगरन कहेन। पलिस्तियन वइसी दुइ गइया लिहेन जउन हाली ही बछवा दिहे रहिन। पलिस्तियन गइयन क बंद गाड़ी स जोड़ दिहन। पलिस्तियन बछवन क घरे प गउसाला मँ राखेन।</verse>
				<verse number="11">तब पलिस्तियन यहोवा क पवित्तर सन्दूख क उ पेटी क साथ जे मँ सोना क मूस अउर फोड़ा क नमूना रहा बंद गाड़ी मँ धरेन।</verse>
				<verse number="12">गइयन सोझइ बेतसेमेस क गइन। गइयन लगातार चोकड़त भइ सड़क पइ ही चलत रहिन। गइयन दाहिन बाऍ नाहीं मुड़िन। पलिस्ती राजा गइयन क पाछे बेतसेमेस क सहर क पहँटा तलक गएन।</verse>
				<verse number="13">बेतसेमेस क मनई घाटी मँ आपन गोहूँ क फसिल काटत रहेन। उ पचे निगाह उठाएन अउ पवित्तर सन्दूख क लखेन। उ पचे सन्दूखे क लखिके बहोत खुस भएन। उ सबइ ओका लेइ बरे दौड़ेन।</verse>
				<verse number="14">बन्द गाड़ी उहइ खेत मँ आइ जउन बेतसेमेस क यहोसू क रहा। बन्द गाड़ी खेते मँ एक बहोत बड़की चट्टान क समन्वा रुक गइ। बेतसेमेस क मनइयन बन्द गाड़ी क काट दिहन। तब उ पचे गाइयन क मारि डाएन। उ पचे यहोवा बरे गइयन क बलि दिहन। लेवि बंसी परिवार क मनइयन यहोवा क पवित्तर सन्दूखे क उतारेन। उ पचे उ पेटी क भी उतारेन जेहमा सोना क नमूना धरा रहेन। लेवीबंसियन परिवार क मनइयन यहोवा क सन्दूख अउ पेटी क बड़की चट्टान प धरेन। उहइ दिना, बेतसेमेस क लोगन यहोवा बरे बलि चढ़ाएन।</verse>
				<verse number="15"></verse>
				<verse number="16">पाँचउ पलिस्ती राजा लोगन बेतसेमेस क मनइयन क इ सब करत लखेन। तबहिं उ पचे पाँचउ पलिस्ती राजा लोग उहइ दिना एक्रोन लौटि गएन।</verse>
				<verse number="17">इ तरह पलिस्तियन सोना क गिल्टियन क नमूना क दोखबलि क रूप मँ यहोवा क दिहस। उ पचे हर एक ठु पलिस्ती सहर बरे गिल्टी क एक सोना क नमूना पठएन। इ सबइ पलिस्ती सहर असदोद, अज्जा, असकालोन, गत अउ एक्रोन रहेन।</verse>
				<verse number="18">अउर पलिस्तियन सोना क मूसा क नमूना पठएन। सोना क मूसन क उहइ गनती रही, जउन पाँचउ पलिस्ती राजा लोगन्क सहर क रही। इ सहरन क चारिहुँ कइँती चहरदेवार रही। अउ हर सहर क चारिहुँ कइँती गाँव रहेन। बेतसेमेस क मनइयन यहोवा क पवित्तर सन्दूख क चट्टान प धरेन। उ चट्टान आजु भी बेतसेमेस क जोसुआ क खेत मँ अहइ।</verse>
				<verse number="19">मुला जउन टेमॅ बेतसेमेस क मनइयन यहोवा क पवित्तर सन्दूख क लखेन, उ समइया हुआँ कउनो याजकन नाहीं रहा। ऍह बरे परमेस्सर बेतसेमेस क सत्तर मनइयन क मार डाएन। बेतसेमेस क मनइयन रोवइ लागेन काहेकि यहोवा ऍतनी कठोर सजा दिहेन।</verse>
				<verse number="20">ऍह बरे बेतसेमेस क मनइयन कहेन, “याजक कहाँ अहइ जउन इ पवित्तर सन्दूख क देखरेख कइ सकइ? हिआँ स सन्दूख कहाँ जाइ?”</verse>
				<verse number="21">किर्यत्यारीम मँ एक याजक रहा। बेतसेमेस क मनइयन किर्यत्यारीम क मनइयन क लगे दूत पठएन। दूतन कहेन, “पलिस्तियन यहोवा क पवित्तर सन्दूख लौटाइ दिहन। आवा अउ ऍका आपन सहर मँ लइ आवा।”</verse>
			</chapter>
			<chapter number="7">
				<verse number="1">किर्यत्यारीम क मनइयन आएन अउ यहोवा क पवित्तर सन्दूख क लइ गएन। उ पचे यहोवा क सन्दूख क पहाड़ी प अबीनादब क घर लइ गएन। उ पचे अबीनादब क बटवा एलीआज़ार क यहोवा क सन्दूखे क रच्छा करइ बरे नियुक्त किहेन।</verse>
				<verse number="2">सन्दूख किर्यत्यारीम मँ बहोत समइ तलक धरा रहा। उ हुवाँ बीस बरिस तलक रहा। इस्राएल क मनइयन यहोवा क कइँती लउटब सुरू किहेन।</verse>
				<verse number="3">समूएल इस्राएल क मनइयन स कहेस, “अगर तू फुरे यहोवा क नगिचे सच्चा मन स लौटत बाट्या तउ तोहका बिदेसी देवता लोगन्क बहाइ देइ चाही। तोहका अस्तोरेत क मूरत लोकाइ देइ चाही। अउ तोहका पूरी तरह यहोवा क अपने क न्यौछावर कइ देइ चाही। तोहका सिरिफ यहोवा क ही सेवा करइ चाही। तबहिं यहोवा तोहका पलिस्तियन स बचइहीं।”</verse>
				<verse number="4">ऍह बरे इस्राएलियन आपन बाल अउ अस्तोरेत क मूरत क लोकाइ दिहेन। इस्राएलियन सिरिफ यहोवा क सेवकाई करइ लागेन।</verse>
				<verse number="5">समूएल कहेस, “सबहिं इस्राएलियन मिस्पा मँ बटुर जाइँ। मइँ तोहरे बरे यहोवा स पराथना करब।”</verse>
				<verse number="6">इस्राएलियन मिस्पा मँ बटुर गएन। उ सबइ जल लइ आएन अउ यहोवा क समन्वा जल चढ़ाएन। इ तरह उ पचे उपवास क समइ सुरु किहेन। उ पचे उ दिन खइया क नाहीं खाएन, अउ आपन पापन्क कबूलेन। उ पचे कहेन, “हम पचे यहोवा क खिलाफ पाप किहे अही।” इ तरह समूएल मिस्पा मँ इस्राएल क जज क तरह काम किहेस।</verse>
				<verse number="7">पलिस्तियन इ सुनेन कि इस्राएलियन मिस्पा मँ बटुर ग अहइँ। पलिस्ती राजा इस्राएलियन क खिलाफ हमला करइ गएन। इस्राएलियन सुनेन कि पलिस्ती आवत अहइँ, अउर उ पचे डेराइ गएन।</verse>
				<verse number="8">इस्राएलियन समूएल स कहेन, “हमार परमेस्सर यहोवा क पराथना हमरे बरे करब बन्द जिन करा। यहोवा स माँगा कि उ पलिस्तियन स हमार रच्छा करइ।”</verse>
				<verse number="9">समूएल एक ठु मेमना लिहस। उ यहोवा बरे होमबलि क रुप मँ मेमना क बारेस। समूएल यहोवा स इस्राएल बरे पराथना किहेस अउर यहोवा ओका क जवाब दिहेस।</verse>
				<verse number="10">जब समूएल बलि क बारत रहा, पलिस्ती इस्राएल स लड़इ आएन। मुला यहोवा पलिस्तियन क नगिचे खूब जोर क गर्जब कराएस। ऍहसे पलिस्ती घबराइ गएन। अउ उ पचे गरजइ स ससाइ गएन। ओनकइ मुखिया ओनका बस मँ नाहीं कइ सकेन। इ तरह पलिस्तियन क इस्राएली जुद्ध मँ हराइ दिहेन।</verse>
				<verse number="11">इस्राएल क मनइयन मिस्पा स बाहेर भागेन अउ पलिस्तियन क पाछा किहेन। उ पचे लगातार बेत कर तलक ओनकइ पाछा किहेन। उ सबइ रस्ता भइ पलिस्ती सिपाही क मार डाएन।</verse>
				<verse number="12">एकरे पाछे, समूएल एक खास पाथर खड़ा किहेस। उ ऍह बरे किहेस कि मनइयन याद राखइँ कि परमेस्सर का किहेस। समूएल पाथर क मिस्पा अउ सेन क बीच राखेस। समूएल पाथर क नाउँ “मदद क पाथर” धरेस। समूएल कहेस, “यहोवा लगातार पूरी राह भइ हमार मदद किहेस।”</verse>
				<verse number="13">पलिस्ती हार गएन। उ पचे इस्राएल देस मँ फुन नाहीं घुसेन। समूएल क बाकी जिन्नगी मँ यहोवा पलिस्तियन क खिलाफ रहेन।</verse>
				<verse number="14">पलिस्तियन एक्रोन स गथ तलक क पहँटा क सहर क लइ लिहे रहेन। मुला इस्राएली ओनका जीतके फुन लइ लिहेन। अउर इस्राएली इ सहरन क चारिहुँ कइँती क भुइँया क भी फुन लइ लिहेन। इस्राएल अउ अमोरियन क बीच भी सान्ति रही।</verse>
				<verse number="15">समूएल आपन पूरी जिन्नगी भइ इस्राएल क निआव करत रहेस।</verse>
				<verse number="16">समूएल एक ठउर स दूसर ठउर ताई इस्राएल क मनइयन क निआव करत गवा। हर बरिस उ देस क चारिहुँ कइँती जात्रा किहेस। उ बेथेल, गिलिगाल अउ मिस्पा क गवा। ऍह बरे उ इ सबहिं ठउरन मँ इस्राएली मनइयन निआव अउ ओन पइ राज किहेस।</verse>
				<verse number="17">मुला समूएल क घर रामा मँ रहा। ऍह बरे समूएल हमेसा रामा क लौट जात रहा। समूएल उहइ सहर स इस्राएल क निआव अउ राज किहेस। अउ समूएल रामा मँ यहोवा बरे एक वेदी बनाएन।</verse>
			</chapter>
			<chapter number="8">
				<verse number="1">जब समूएल बुढ़ाइ गवा तउ उ आपन पूतन क इस्राएल क निआवाधिस बनाएस।</verse>
				<verse number="2">समूएल क पहिलौटी क बेटवा योएल नाउ क रहा। ओकर दूसर पूत अबिय्याह नाउँ क रहा। योएल अउ अबिय्याह बेर्सबा मँ निआवाधिस रहेन।</verse>
				<verse number="3">मुला समूएल क पूत वइसे ही नाहीं रहत रहेन जइसे उ रहत रहा। योएल अउ अबिय्याह घूस लेत रहेन। उपचे चुप्पे स घूस लेतेन अउ अदालत मँ आपन निर्णय बदल देत रहेन। उ पचे अदालत मँ मनइयन क ठगत रहेन।</verse>
				<verse number="4">ऍह बरे इस्राएल क सबहिं बुजुर्गन मिलिके बटुर गएन। उ पचे समूएल स भेंटइ रामा गएन।</verse>
				<verse number="5">बुजुर्गन लोग समूएल स कहेन, “तू बुढ़ाइ गया, अउ तोहार पूत ठीक स नाहीं रहतेन। उ पचे तोहरे तरह नाहीं अहइँ। अब तू दूसर रास्ट्र क तरह हम सबन प राज करइ बरे एक राजा द्या।”</verse>
				<verse number="6">इ तरह बुजुर्गन अपने क राह देखावइ बरे एक राजा मांगेन। समूएल सोचेस कि इ बिचार बुरा अहइ। ऍह बरे समूएल यहोवा क पराथना किहेस।</verse>
				<verse number="7">यहोवा समूएल स कहेस, “उहइ करा जउन लोग तोहसे करइ क कहत हीं। उ पचे तोहका अस्वीकार नाहीं करत हीं। उ पचे मोका आपन राजा बनावन बरे अस्वीकार करत हीं।</verse>
				<verse number="8">उ पचे उहइ करत अहइँ जउन हमेसा करत रहेन। मइँ ओन सबन्क मिस्र स बाहेर लइ आएउँ। मुला उ पचे मोका तजि दिहेन, अउर दूसर देवतन क पूजेन। उ पचे तोहरे संग भी वइसा करत अहइँ।</verse>
				<verse number="9">ऍह बरे मनइयन क सुना अउर जउन उ पचे कहइँ करा। मुला ओनका चिताउनी द्या। ओनका बतावा कि राजा ओनकइ संग का करी। ओनकइ बताना कि एक राजा मनइयन प कइसे राज करत ह।”</verse>
				<verse number="10">उ पचे एक राजा बरे माँग किहेन। ऍह बरे समूएल मनइयन स उ सबइ बात किहेन जउन यहोवा कहे रहेन।</verse>
				<verse number="11">समूएल कहेस, “अगर तू आपन पइ राज करइ वाला राजा राखत बाट्या तउ उ इ करी। उ तोहरे बेटवन क लइ लेइ। उ तोहरे बेटवन क सेवा बरे मजबूर करी। उ ओन पचन्क सिपाही बनवइ बरे मजबूर करी, ओन पचन्क ओकरे रथे स लड़इ क पड़ी अउर उ पचे ओकरी फउज क घोड़सवार होइहीं। तोहार पूत राजा क रथे क आगे धावइवाला रच्छक बनिहीं।</verse>
				<verse number="12">“राजा तोहरे पूतन्क फौजी बनइ बरे मजबूर करी। ओहमाँ स कछू एक हजार मनई क ऊपर अफसर होइहीं। अउर दूसर, पचास मनई क ऊपर अफसर होइहीं। “राजा तोहरे पूतन मँ स कछू क आपन खेत जोतइ क अउर फसिल काटइ क मजबूर करी। उ ओनका आपन रथे क सामान बनवइ बरे मजबूर करी।</verse>
				<verse number="13">“एक राजा तोहरी बिटियन क लइ लेइ। उ तोहरी बिटियन मँ स कछू क आपन बरे महकउआ चीज बनवइ क मजबूर करी। अउर उ तोहरी बिटियन मँ स कछू क पकावइ अउ रोटी सेकइ क मजबूर करी।</verse>
				<verse number="14">“राजा तोहार सब स बढ़िया खेत, अंगूर क बाग अउर जैतून क बाग लइ लेई। उ ओन चीजन्क तोहसे लइ लेई अउर आपन अफसरन्क दइ देई।</verse>
				<verse number="15">उ तोहार अन्न अउ अंगूर क दसवाँ हींसा लइ लेइ। उ इन चीजन्क आपन नउकरन अउ अफसरन्क दइ देइ।</verse>
				<verse number="16">“इ राजा तोहरे मनसेधू नउकरन अउ नउकरनियन क लइ लेइ। उ तोहार सबन त बढ़िया गोरु अउ गधा क लइ लेइ। उ ओनकइ आपन कामे बरे बइपरी।</verse>
				<verse number="17">उ तोहरे भेड़ी अउ बोकरी क दसवाँ हींसा लेई। “अउर तू खुद इ राजा क दास होब्या।</verse>
				<verse number="18">जब उ टेमॅ आई तब तू राजा क चुनइ क कारण रोउब्या। मुला उ टेमॅ यहोवा तू पचन्क जवाब न देइहीं।”</verse>
				<verse number="19">मुला लोगन समूएल क अनसुनि किहेन। उ पचे कहेन, “नाहीं! हम पचे आपन ऊपर राज करइ बरे एक ठु राजा चाहित ही।</verse>
				<verse number="20">तब हम पचे दूसर रास्ट्रन क जइसा होइ जाब। हमार राजा हम पचन्क रास्ता देखाँई। उ हम पचन्क संग जाइ अउर हमरे जुद्धन क लड़ी।”</verse>
				<verse number="21">समूएल जब मनइयन क सब कछू कहा भवा सुनेस तबहिं उ यहोवा क समन्वा ओनकइ कहब क दोहराएस।</verse>
				<verse number="22">यहोवा उत्तर दिहेस, “ओनकइ बात सुना। ओनका एक राजा द्या।” तबहिं समूएल इस्राएल क मनइयन स कहेस, “ठीक बा! तोहार एक नवा राजा होइ। अबहिं आप सब लोग घरे जाइँ।”</verse>
			</chapter>
			<chapter number="9">
				<verse number="1">बिन्यामीन परिवार समूह स किस एक सक्तीसाली योद्धा रहा। किस अबीएल क पूत रहा। अबीएल ससोर क पूत रहा। सरोर बकारत क पूत रहा। बकारत बिन्यामीन क एक मनई अफिया क पूत रहा।</verse>
				<verse number="2">कीस क पूत साऊल नाउँ क रहा। साऊल एक सुन्नर जवान रहा। हुवाँ साऊल स बढ़िके जिआदा सुन्नर कउनो न रहा। ठाड़ होए प साऊल क मूँड़ इस्राएल क कउनो भी मनई स ऊँच रहत रहा।</verse>
				<verse number="3">एक दिना कीस क गदहन हेराइ गएन। ऍह बरे कीस आपन पूत साऊल स कहेस, “नउकरन मँ स एक क संग लइ ल्या अउर गदहन क हेरइ जा।”</verse>
				<verse number="4">साऊल गदहन क हेरब सुरु किहेस। साऊल एप्रैम क पहाड़ियन मँ होइके घूमा। तबहिं साऊल सालीम क चारिहुँ कइँती पहँटा मँ घूमा। मुला साऊल अउ ओकर नउकर, किस क गदहन क नाहीं पाइ सकेन। ऍह बरे साऊल अउ नउकर सालिम क चारिहुँ कइँती पहँटा मँ गएन। मुला गदहा हुवाँ नाहीं मिलेन। ऍह बरे साऊल बिन्यामीन क पहँटा मँ होइके जात्रा किहेस। मुला उ अउ ओकर नउकर गदहन क तबहुँ नाहीं पाइ सकेन।</verse>
				<verse number="5">आखिर मँ साऊल अउ ओकर नउकर जुफ नाउँ क सहर मँ आएन। साऊल आपन नउकर स कहेस, “चला, हम पचे लौटी। मोर बाप गदहा क बारे मँ सोचब बंद देइहीं अउर हम पचन क बारे मँ फिकिर करिहीं।”</verse>
				<verse number="6">मुला नउकर जवाब दिहेस, “इ सहर मँ परमेस्सर क एक ठु मनई अहइ। मनई ओकर मान करत हीं। उ जउन कहत ह सच होत ह। ऍह बरे हम सबइ इ सहर मँ चली। अइसा लागत ह कि परमेस्सर क उ मनई हमका बताई कि ऍकरे पाछे हम पचे कहाँ जाइ।”</verse>
				<verse number="7">साऊल आपन नउकर स कहेस, “हम पचे सहर मँ जाइ सकित ह। मुला हम पचे उ मनई का इ सकित ह? हम पचन क झोरी क भोजन खतम होइ ग बाटइ। हम पचन क लगे कउनो भी भेंट परमेस्सर क मनई क देइ बरे नाहीं अहइ। हमरे लगे ओका देइ क का अहइ?”</verse>
				<verse number="8">नउकर फिन जवाब दिहेस, “सुना, मोरे लगे तनिक धन अहइ। हम परमेस्सर क मनई क इहइ देइ। तबहि उ बताई कि हम पचे कहाँ जाइ।”</verse>
				<verse number="9">साऊल आपन नउकर स कहेस, “नीक सुझाव अहा, हम पचे चली।” उ पचे सहर मँ हुवाँ गएन जहाँ परमेस्सर क मनई रहा। साऊल अउ ओकर नउकर पहड़िया प चढ़त भए सहर क जात रहेन। राहे मँ उ पचे कछू जवान अउरतन स भेंटेन। जवान अउरत बाहेर स पानी लेइ जात रहिन। साऊल अउ ओकर नउकर जवान अउरतन स पूछेन, “का दर्सी हीआँ अहइँ?” (पुराने जमाना मँ इस्राएल क बसइया नबियन क “दर्सी” कहत रहेन। ऍह बरे उ पचे परमेस्सर स कछू मागँइ चाहत रहेन तउ पचे कहत रहेन, “हम पचे दसीर् क लगे चली।”)</verse>
				<verse number="10"></verse>
				<verse number="11"></verse>
				<verse number="12">जवान अउरतन जवाब दिहेन, “हाँ, दर्सी हीआँ अहइँ। उ सोझइ इ सड़क प आगे अहइँ। उ आज ही नगर मँ आवा अहइँ। कछू मनइयन हुवाँ एकट्ठइ बटुरा अहइ। उ पचे आराधना ठउर प मेलबलि चढ़ावइ बरे जाइ।</verse>
				<verse number="13">आप लोग सहर मँ जाइँ अउ ओनसे भेंटाइ लेइहीं। जदि आप सब जल्दी जाइहीं तउ आप ओनसे आराधना ठउर प भोजन प जाइ स पहिले मिलि लेइहीं। दर्सी बलि-भेंट क आसीर्बाद देत हीं। ऍह बरे मनइयन जब तलक खाइया क खाब सुरु नाहीं करिहीं जब ताई उ हुवाँ न पहोंच जाइँ। ऍह बरे आप सबइ हाली करइँ तउ आप लोग दर्सी क भेंटि सकत हीं।”</verse>
				<verse number="14">साऊल अउ नउकर ऊपर पहड़िया प सहर कइँती बढ़ब सुरु किहेन। जइसे ही उ पचे सहर मँ घुसेन उ पचे समूएल क आपन कइँती आवत देखेन। समूएल सहर क बाहेर पूजा क ठउर प जाइ बरे अबहिं आवत रहा।</verse>
				<verse number="15">एक दिन पहिले यहोवा समूएल स कहेस,</verse>
				<verse number="16">“काल्ह मइँ इहइ टेमॅ तोहरे लगे एक मनई क पठउब। वह बिन्यामीन क गोत क होइ। तू सबन क ओकर अभिसेक कर देइ चाही। तब उ हमार मनइयन इस्राएलियन क नवा नेता होइ। इ मनई हमरे मनइयन क पलिस्तियन स बचाइ। मइँ आपन मनइयन क दुःख क देखेउँ ह। मइँ आपन मनइयन क रोउब सुनेउ ह।”</verse>
				<verse number="17">समूएल साऊल क लखेस अउ यहोवा ओसे कहेस, “इहइ उ मनई अहइ जेकरे बारे मँ मँइ तोहसे कहेउँ रहे। इ मोरे मनइयन क बस मँ राखी।”</verse>
				<verse number="18">साऊल दुआर क लगे समूएल क निअरे आवा। साऊल समूएल स पूछेस, “मेहरबानी कइके बतावा दर्सी क घर कहाँ अहइ?”</verse>
				<verse number="19">समूएल जवाब दिहेस, “मइँ ही दर्सी अहँउ। मोरे अगवा आराधना क ठउर प पहुँचा। तू अउ तोहार नउकर आज हमरे संग खइया क खइहीं। मइँ भियान भिन्सारे तोहका घरे जाइ देब। मइँ तोहरे सबहिं सवालन क जवाब देब।</verse>
				<verse number="20">अउर ओन गदहन क फिकिर जिन करा जेका तू तीन दिना पहिले खोइ दिहा ह। उ सब मिल गवा बाटेन। अब, तोहका समूचा इस्राएल चाहत अहइ। उ सबइ तोहका अउ तोहरे बाप क परिवारे क सब मनइयन क चाहत हीं।”</verse>
				<verse number="21">साऊल जवाब दिहेस, “मुला मइँ बिन्यामीन परिवार समूह क निअम्बर अहउँ। इ इस्राएल मँ सबन क छोटका समूह अहइ। मोर परिवार मोर पूरा परिवार समूह मँ सब त छोटा अहइ। आप काहे कहत बाटेन कि इस्राएल मोका चाहत ह?”</verse>
				<verse number="22">तब समूएल साऊल अउ ओकरे नउकर क भोजन क जगहिया मँ लइ गवा। लगभग तीस न्यौताहरी एक संग भोजन बरे अउर बलि-भेंट लेइ बरे बोलावा ग रहेन। समूएल साऊल अउ ओकरे नउकर क मेज प सबन ते जिआदा खास जगह दिहेस।</verse>
				<verse number="23">समूएल रसोइया स कहेस, “उ गोस लइ आवा जउन मइँ तोहका दिहेउँ ह। इ उहइ हींसा अहइ जेका मइँ तोहसे जोगइ क रक्खइ बरे केहउँ रहे।”</verse>
				<verse number="24">रसोइया रान लिहेस अउ साऊल क समन्वा मेज प धरेस। समूएल कहेस, “इहइ उ गोस बा जेका मइँ तोहरे बरे जोगइ क राखेउँ रहे। ओका खा काहेकि इ इ खास टेमॅ बरे जोगवा रहा।” इ तरह उ दिना साऊल समूएल क संग खइया क खाएस।</verse>
				<verse number="25">जबहिं उ पचे खइया क खाइ लिहेन, उ पचे पूजा क ठउर स उतरेन अउ सहर क लौटेन। समूएल छते प साऊल बरे बिछौना दसाएस।</verse>
				<verse number="26">अउर साऊल सोइ गवा। भियन भिन्सारे समूएल साऊल क छते प जोर स पुकारेस। समूएल कहेस, “उठा। मइँ तोहका तोहरे राहे प पठउब।” साऊल उठा, अउर तब समूएल क संग घर क बाहेर गवा।</verse>
				<verse number="27">साऊल अउ ओकर नउकर संग संग सहर क सिरे क उतराई प टहरत रहेन। समूएल साऊल स कहेस, “आपन नउकर स हम पचन स अगवा जाइ क कहा। मोरे लगे तोहरे बरे परमेस्सर क एक संदेसा अहइ।” तउ नउकर ओन पचन स तनिक अगवा चला गवा।</verse>
			</chapter>
			<chapter number="10">
				<verse number="1">समूएल खास तेल क एक ठु मेटिया लिहेस। समूएल तेल क साऊल क मूड़े प नाएस। समूएल साऊल क चुम्मा लिहेस अउर कहेस, “यहोवा तोहार अभिसेक क चुनाव आपन मनइयन क मुखिया बनवइ बरे किहेस ह। तू यहोवा क मनइयन क बस मँ करब्या। तू ओन पचन्क ओन दुस्मनन स बचउब्या जउन ओनका चारिहुँ कइँती स घेरे बाटेन। यहोवा तोहार अभिसेक चुनाव आपन मनइयन क ऊपर प्रधान होइ बरे किहे अहइ। हियाँ एक चीन्हा अहइ जउन परमान देइ कि इ फुर बाटइ।</verse>
				<verse number="2">जब तू मोसे अलगाइ जाब्या तउ तू रकेल क मकबरा क निअरे दुइ मनइयन स बिन्यामीन क इलाका मँ जल्जा मँ मिलब्या। उ दुइनउँ मनई तोहसे कहिहीं, ‘जउन गदहन क तू हेरत बाट्या ओनका कउनो मनई पाइ लिहेस ह। तोहार बाप गदहन क बारे मँ फिकिर करब तजि दिहेस ह। अब ओका तोहार फिकिर बा। उ कहत अहइ, “मइँ आपन पूत क बारे मँ का करउँ।”’”</verse>
				<verse number="3">समूएल कहेस, “जब तू तब्बइ तलक चलत रहब्या जब तलक तबोर मँ साह बलूत बृच्छ ताई नाहीं पहोंच जात्या। हुवाँ तोहसे तीन मनई मिलिहीं। उ तीनउँ मनई बेतेल मँ परमेस्सर क आराधना बरे जात्रा प होइहीं। एक ठु मनई बोकरी क तीन बच्चन क ढोवत होइ। दूसर मनई तीन रोटी लइ जात होइ। अउ तीसरा मनई एक गगरी दाखरस लइ जात होइ।</verse>
				<verse number="4">इ तीनउँ मनई कहिहीं, आपक सुआगत अहइ। उ पचे तोहका दुइ रोटी देइहीं। तू ओनसे उ दुइ रोटी क लइ लिहा।</verse>
				<verse number="5">तब तू गिबियथ-एलोहिम जाब्या। उ ठउर प पलिस्तियन क एक ठु किला अहइ। जबहिं तू उ सहर मँ पहोंचब्या तउ कइउ नबियन निकरिहीं। इ नबियन आपन ठउर स पूजा बरे अइहीं। उ सबइ भविस्सबाणी करिहीं। उ सबइ सितार, तम्बूरा, बाँसुरी अउ बीणा बजावत रइहीं।</verse>
				<verse number="6">तब तुरंतही यहोवा क आतिमा तेजी स तोह पइ उतरी। तू बदल जाब्या। तू एक अलगइ मनई होइ जाब्या। तू इ नबी क संग भविस्सबाणी करइ लगब्या।</verse>
				<verse number="7">इ बातन क होइ जाए क पाछे तू जउन चहब्या करब्या। परमेस्सर तोहरे संग होइहीं।</verse>
				<verse number="8">“मोसे पहिले गिलगाल जा। मइँ तोहरे लगे उ ठउरे प आउब। तब मइँ होमबलि अउ मेलबलि चढ़ाउब। मुला तोहका सात दिना तलक प्रतीच्छा करइ क होइ। तबहिं मइँ आउब अउ बताउब कि तोहका अगवा का करइ क अहइ।”</verse>
				<verse number="9">जइसे ही साऊल समूएल क बिदाह देइ घूमा परमेस्सर साऊल क मन पूरी तरह बदल दिहस। इ सबहिं होनी उहइ दिन भइन।</verse>
				<verse number="10">साऊल अउ ओकर नउकर गिबियथ-एलाहिम गएन। उ ठउर प साऊल नबियन क एक धामिर्क सभा स भेटेस। परमेस्सर क आतिमा साऊल प तेजी स उतरी अउ साऊल नबियन क संग भविस्सबाणी करइ लागेस।</verse>
				<verse number="11">जउन मनइयन साऊल क पहिले स जानत रहेन उ पचे नबियन क संग ओका भविस्सबाणी करत लखेन। उ पचे आपुस मँ पूछइ-पछोरइ लागेन, “किस क पूत क का होइ ग अहइ? का साऊल नबियन मँ स एक अहइ।”</verse>
				<verse number="12">एक मनई जउन गिबियथ-एलोहिम मँ रहत रहा कहेस, “हाँ, अउर अइसा लगत ह कि इ ओनकइ मुखिया अहइ।” इहइ कारण अहइ कि इ परसिद्ध कहतून बन गइ, “का साऊल नबियन मँ स कउनो एक अहइँ?”</verse>
				<verse number="13">आखिर उ नबी क तरह भविस्सबाणी बंद किहेस अउर एक आराधना क ठउर प घर क नगिचे चला गवा।</verse>
				<verse number="14">साऊल क काका ओसे अउ ओकरे पिता क नउकर स पूछेस, “तू पचे कहाँ गवा रह्या?” उ जवाब दिहेस, “हम पचे गदहन क लखइ गवा रहे अउ ओनकइ हेरइ चला ही जात रहे, उ सब कहूँ नाहीं मिल पाएन। ऍह बरे हम पचे समूएल क लगे गएन।”</verse>
				<verse number="15">इ सुनिके साऊल क काका कहेस, “कृपा कइके तू पचे मोका बतावा कि समूएल तू दुइनउँ स का कहेस?”</verse>
				<verse number="16">साऊल जवाब दिहेस, “समूएल हमका बताएस, कि गदहन पहिले मिलि गवा रहेन।” साऊल काका क राजा होइ क बारे मँ कछू बात नाहीं बताएस।</verse>
				<verse number="17">समूएल इस्राएल क सबहिं मनइयन स मिस्पा मँ यहोवा स मिलइ बरे एक संग बटुरइ बरे कहेस।</verse>
				<verse number="18">समूएल इस्राएल क मनइयन स कहेस, “इस्राएल क परमेस्सर यहोवा कहत हीं, ‘मइँ इस्राएल क मिस्र स बाहेर निकारेउँ ह। मइँ तोहका मिस्र क गुलामी स अउ दूसर राज्ज क गुलामी स बचाएउँ ह जउन तोह पइ चोट करइ चाहत रहेन।’</verse>
				<verse number="19">मुला आज तू आपन परमेस्सर क तुच्छ जान लिहा ह। तोहार परमेस्सर तोहका सब कस्टन अउ सब समस्या स बचावत ह। मुला तू कहया, ‘नाहीं हम आपन ऊपर राज्ज करइ बरे एक ठु राजा चाहित ह।’ अब आवा अउ यहोवा क समन्वा आपन परिवार अउ आपन गोत क संग खड़ा ह्वा।”</verse>
				<verse number="20">समूएल इस्राएल क सबहिं परिवार क गोते क निअरे लइ गवा। तब समूएल नवा राजा चुनब सुरु किहेस। पहिले बिन्यामीन क परिवार गोत चुना गवा।</verse>
				<verse number="21">समूएल बिन्यामीन क परिवार-गोत क हर एक परिवार क एक एक कइके निकसइ क कहेस, मत्री क परिवार चुना गवा। तब समूएल मत्री क परिवार क हर एक मनई क एक एक कइके ओकरे अगवा स निकसइ क कहेस। इ तरह कीस क पूत साऊल चुना गवा। मुला जब मनइयन साऊल क खोज किहेन, तउ उ पचे ओका नाहीं पाइ सकेन।</verse>
				<verse number="22">तब उ पचे यहोवा स पूछेन, “का साऊल अबहिं तलक हियाँ आइ गवा अहइ?” यहोवा कहेस, “साऊल सामग्री क बीच मँ छुपा बा।”</verse>
				<verse number="23">मनइयन दौड़ेन अउर साऊल क सामग्री क बीच मँ स लइ आएन। साऊल मनइयन क बीच खड़ा भवा। साऊल बस ऍतना लम्बा रहा कि सब मनइयन सिरिफ ओकरे काँधे तलक रहेन।</verse>
				<verse number="24">समूएल सब मनइयन स कहेस, “उ मनई क लखा जेका यहोवा चुने अहइ। मनइयन मँ स कउनो साऊल क नाई नाहीं बा।” तब मनइयन नारा लगाएन, “राजा क लम्बी उमर होइ।”</verse>
				<verse number="25">समूएल राज्ज क नेमँ क मनइयन क समझाएस। उ इ नेमन क एक किताबे मँ लिखेस। उ किताबे क यहोवा क समन्वा रखेस। तब समूएल मनइयन क घर जाइ बरे कहेस।</verse>
				<verse number="26">साऊल भी आपन घरे गिबा मँ चला गवा। परमेस्सर बहादुर मनइयन का हिरदय क छुएस अउ बहादुर मनई साऊल क पाछा करइ लागेन।</verse>
				<verse number="27">मुला कछू परीसानी पइदा करइवाला मनइयन कहेन, “इ मनई हम मनइयन क रच्छा कइसे कइ सकत ह?” उ पचे साऊल क बुराई अउ ओका उपहार देइ स मना कइ दिहेन। मुला साऊल कछू नाहीं कहेस। अम्मोनियन क राजा नाहास, गिलाद अउ याबेस क परिवार समूह क कस्ट देत रहा। नाहास ओनके परिवार क हर एक मनई क दाहिन आँखी निकरवाइ डाए रहा। नाहास कउनो क ओनकइ मदद नाहीं करइ देत रहा। अम्मोनियन क राजा नाहास यरदन नदी क पूरब मँ बसइयन क हर एक इस्राएली मनइयन क दाहिन आँखी निकरवाइ लिए रहा। मुला सात हजार इस्राएली अम्मोनियन क हियाँ स पराइ गएन अउर याबेस गिलाद मँ आइ गएन।</verse>
			</chapter>
			<chapter number="11">
				<verse number="1">अउर अम्मोनी नाहास अउ ओकर फउज याबेस गिलाद क घेर लिहस। याबेस क सबहिं मनइयन नाहास स कहेस, “अगर तू हमरे संग मेल करब्या, तउ हम पचे तोहार सेवकन बन जाब।”</verse>
				<verse number="2">मुला अम्मोनी नाहास स जवाब दिहेस, “मइँ तू पचन क संग तब मेल करब जब मइँ हर कउनो मनई क दाहिन आँखी निकारि लेब। ऍहसे सबहिं इस्राएलियन लजाइ जइहीं।”</verse>
				<verse number="3">याबेस क बुजुर्गन नाहास स कहेन, “हम पचे सात दिना क टेमॅ लेब। हम समूचइ इस्राएल मँ दूत पठउब। जदि कउनो मदद बरे न आई तउ हम पचे तोहरे लगे आउब अउर आपन क अर्पण कइ देब।”</verse>
				<verse number="4">तउ उ सबइ दूतन गिबा मँ आएन जहाँ साऊल रहत रहा। उ पचे मनइयन क खबर दिहेन। लोग जोर स रोवत रहेन।</verse>
				<verse number="5">साऊल आपन गइयन क संग खेते गवा रहा। साऊल खेते स लौटा अउर उ मनइयन क रोउब सुनेस। साऊल पूछेस, “मनइयन क का कस्ट अहइ? उ पचे काहे रोवत अहइ?” तब मनइयन याबेस क दूतन जउन कहे रहेन साऊल क बताएन।</verse>
				<verse number="6">साऊल ओनकइ बातन क सुनेस। तब्बइ परमेस्सर क आतिमा साऊल प बड़ी जल्दी स उतरी। साऊल जिआदा कोहाइ गवा।</verse>
				<verse number="7">साऊल गाय क जोड़ी लिहेस अउ ओनकइ बोटी बोटी कइ डाएस। तब उ गइयन क बोटी क ओन दूतन क दिहस। उ दूतन क हुकुम दिहेस कि उ पचे इस्राएल क समूचइ देस मँ लइ जाइँ। उ ओनसे इस्राएल क मनइयन क इ संदेसा देइ बरे कहेस, “आवा, साऊल अउ समूएल क अनुसरण करा। जदि कउनो मनई नाहीं आवत अउर ओकर मदद नाहीं करत तउ ओकरी गाय क संग इहइ होई।” लोगन मँ यहोवा क डर छाइ गवा। उ पचे एक ठु इकाई क तरह एक संग बटुर गएन।</verse>
				<verse number="8">साऊल सबहिं मनइयन क बजक स एक संग बटोरेस। हुवाँ इस्राएल क तीन लाख मनसेधू अउ यहूदा स तीस हजार मनसेधू रहेन।</verse>
				<verse number="9">साऊल अउ ओकर फउज याबेस क दूतन स कहेन, “गिलाद मँ याबेस क मनइयन स कहा कि भियान दुपहरे तलक तू पचन क रच्छा होइ जाइ।” दूतन साऊल क संदेसा याबेस क मनइयन क दिहेन। याबेस क मनई बहोत खुस भएन।</verse>
				<verse number="10">तबहिं याबेस क मनइयन अम्मोनी नाहास स कहेन, “हम पचे भियान तोहरे लगे आउब। तब तू हम सबन क संग जउन चाहा कइ सकत ह।”</verse>
				<verse number="11">दूसर दिन भिन्सारे साऊल आपन फउज क तीन हींसा मँ बांटेस। जइसे ही सूरज निकरत साऊल अउ ओकर फउज अम्मोनी डेरा मँ हमला किहेन। साऊल उ टेम मँ हमला किहेस, जब उ पचे भिन्सारे रच्छक क बदलत रहेन। साऊल अउ ओकर फउज दुपहर स पहिले ओनका हराइ दिहेन। अम्मोनी फउज अलग-अलग दिसा मँ पराइ गएन यहाँ तलक कि दुइ सिपाही भी एक संग नाहीं जम सकेन।</verse>
				<verse number="12">तब मनइयन समूएल स कहेन, “उ पचे कहाँ बाटेन जउन कहत हीं कि हम साऊल क राजा क रुप मँ हुकुम करइ देब नाहीं चाहित? उ मनइयन क लइ आवा हम ओनका मारि डाउब।”</verse>
				<verse number="13">मुला साऊल कहेस, “नाहीं आज कउनो क जीन मारा। आज यहोवा इस्राएल क रच्छा किहेस ह।”</verse>
				<verse number="14">तब साऊल मनइयन स कहेस, “आवा हम पचे गिलगाल चली। हम पचे साऊल क राजा क तोर पर फुन अनुमोदन करब।”</verse>
				<verse number="15">तउ सबहिं मनइयन गिलगाल चला गएन। हुवाँ यहोवा क समन्वा मनइयन साऊल क राजा बनाएन। उ पचे यहोवा क मेलबलि चढ़ाएन। अउर सबइ इस्राएलियन खुसी मनाएन।</verse>
			</chapter>
			<chapter number="12">
				<verse number="1">समूएल सब इस्राएलियन स कहेस: “मइँ उ सब कछू दिहेउँ ह जउन तू पचे मोसे चाहत ह। मइँ तू पचन क ऊपर एक राजा रखेउँ ह।</verse>
				<verse number="2">अब तोहका राह देखावइ बरे एक राजा अहइ। मइँ बुढ़ाइ गवा हउँ अउ मोर बार सफेद होइ ग अहइँ, मुला मोरे बेटवा तोहरे संग अहइ। जब मइँ एक नान्ह लरिका रहेउँ तब स मइँ तोहार अगुआ रहेउँ।</verse>
				<verse number="3">मइँ हियाँ अहउँ। जदि मइँ बुरा करम किए अहउँ तोहका ओकरे बारे मँ यहोवा स अउ ओनकइ चुना भवा राजा स कहइ चाही। का मइँ कबहुँ कउनो क गइया या गदहा चुरायो हउँ? का मइँ कउनो क कबहुँ धोखा दिहउँ ह या नस्कान पहुँचायो हउँ? का मइँ कउनो का बुरा करइ बरे कबहुँ कउनो स धन या एक जोड़ी पनही लिहउँ ह? जदि मइँ एहमाँ स कउनो बुरा काम किहेउँ ह तउ मइँ ऍका नीक करब।”</verse>
				<verse number="4">इस्राएलियन जवाब दिहेन, “नाहीं, तू हम पचन क कबहुँ बुरा नाहीं किहा। तू न हम पचन्क ठग्या, न ही तू हम लोगन्स कबहुँ कछू लिह्या।”</verse>
				<verse number="5">समूएल इस्राएलियन स कहेस, “जउन तू कहया यहोवा ओकर गवाह अहइ। यहोवा क चुना भवा राजा भी आज गवाह अहइ। उ दुइनउँ गवाह अहइँ कि तू मोहे मँ कउनो दोख नाहीं पाया।” अउर लोगन कहेन, “उ एक गवाह अहइ।”</verse>
				<verse number="6">तब समूएल मनइयन स कहेस, “यहोवा लखेस ह कि का भवा ह। यहोवा उहइ अहइ जउन मूसा अउ हारुन क चुनेस ह। उ तोहरे पुरखन क मिस्र स बाहेर लइ आवा।</verse>
				<verse number="7">अब चुपचाप हुवाँ खड़ा रहा जब मइँ तोहका नीक काम बताउब जउन यहोवा तोहरे पुरखन अउ तोहरे बरे किहेस ह।</verse>
				<verse number="8">“याकूब मिस्र गवा। पाछे, मिस्र क लोग ओकरे औलाद क जिन्नगी कस्ट स भरि दिहेन। ऍह बरे उ सबइ मदद बरे यहोवा क समन्वा रोएन। यहोवा मूसा अउ हारुन क पठएस। मूसा अउ हारुन तोहरे पुरखन क मिस्र स बाहेर लइ आएन अउर इ ठउर मँ बसइ बरे ओनका राह देखाएन।</verse>
				<verse number="9">“मुला तोहार पुरखन, आपन यहोवा आपन परमेस्सर क बिसरि गएन। ऍह बरे परमेस्सर ओनका सिसरा क गुलाम होइ दिहस। सिसरा, हजोर फउज क सेनापति रहा। तब यहोवा ओनका पलिस्तियन अउ मोआब क राजा क गुलाम बनाएस। उ पचे सबइ तोहरे पुरखन क खिलाफ लड़ेन।</verse>
				<verse number="10">मुला तोहार पुरखन मदद बरे यहोवा क समन्वा गिड़गिड़ानेन। उ पचे कहेन, ‘हम पचे पाप किहे अही। हम सबइ यहोवा क तजा ह अउर झूठ देवता लोग-बाल अउ अस्तेरेत क सेवा कीन्ह ह। मुला अब आप हमका हमरे बैरी स बचावा, अउ हम आप क सेवा करब।’</verse>
				<verse number="11">“ऍह बरे यहोवा यरूब्बाल (गिदोन), बदान, बरक, यिप्तह अउ समूएल क हुवाँ पठएस। यहोवा तोहरे चारिहुँ कइँती क दुस्मनन स तोहार रच्छा किहेस। अउर तू बचा रह्या।</verse>
				<verse number="12">मुला तब तू अम्मोनियन क राजा नाहास क आपन खिलाफ लड़इ बरे आवत देख्या। तू कहया, ‘नाहीं! हमका आपन ऊपर राज्ज करइ बरे एक ठु राजा चाही!’ तू पचे इहउ कहया, हालाँकि तोहार परमेस्सर यहोवा राजा पहिले स ही रहेन।</verse>
				<verse number="13">अब तोहार चुना भवा राजा हियाँ अहइ। यहोवा इ राजा क तोहरे ऊपर बइठाए अहइ।</verse>
				<verse number="14">तू सबन्क परमेस्सर स डेराइ अउ मान करइ चाही। तू पचन्क ओकरे खिलाफ नाहीं जाइ क चाही। तू पचन अउ राज करइ वाला राजा क आपन परमेस्सर यहोवा क हुकुम मानइ चाही। अगर तू पचे इ करत रहब्या तउ परमेस्सर तोहार रच्छा करिहीं।</verse>
				<verse number="15">मुला अगर तू परमात्मा क आग्या क नाहीं मन्त्या अउ ओकरे हुकुम क खिलाफ लड़त बाट्या, तउ उ तोहरे खिलाफ होइ जाइ। यहोवा तोहका अउ तोहरे राजा क नास कइ देइहीं।</verse>
				<verse number="16">“अब चुपचाप खड़ा रहा अउ उ बड़का काम क लखा जेका यहोवा तोहरी आँखी क समन्वा करिहीं।</verse>
				<verse number="17">इ गोहूँ क फसिल काटइ क टेमॅ अहइ। मइँ यहोवा स पराथना करब। मइँ ओसे बिजुरी क कड़कब अउ बर्खा क भीख माँगब। तब तू बुझब्या कि तू पचे ओ समइ प यहोवा क खिलाफ बुरा किहे रहा जब तू पचे एक राजा क माँग किहे रह्या।”</verse>
				<verse number="18">तब समूएल यहोवा स पराथना किहेस। उ दिना यहोवा बिजुरी क कड़कब अउ बर्खा पठएस। ऍहसे यहोवा अउ समूएल स बहोत डेराइ गएन।</verse>
				<verse number="19">सब मनइयन समूएल स कहेन, “आपन परमेस्सर यहोवा स तू पचे आपन सेवक, हम लोगन बरे पराथना करा। हम पचन्क मरइ जिन द्या! हम पचे बहोत पाप किहे अही। अउर अब एक राजा बरे माँग कइके ओन पापन्क अउर बढ़ाइ दिहा ह।”</verse>
				<verse number="20">समूएल जवाब दिहस, “डेरा जिन। इ फुरइ अहइ। तू पचे उ सबइ कुकरम किहे ह। मुला यहोवा क पाछा करब बन्द जिन करा। आपन सच्चा हिरदय स यहोवा क सेवा करा।</verse>
				<verse number="21">देवमूरत तउ मूरत अहइँ, उ सबइ तोहार मदद न करिहीं। ऍह बरे ओनकइ पूजा जिन करा। देव मूरत न तउ तोहार मदद कइ सकत हीं, न ही रच्छा कइ सकत हीं। उ सबइ कछू भी नाहीं अहइँ।</verse>
				<verse number="22">“मुला यहोवा आपन मनइयन क तजिहीं नाहीं। यहोवा तोहका आपन मनई बनाइके खुस भवा रहा। ऍह बरे आपन नीक कामे क रच्छा बरे उ तोहका तजिहीं नाहीं।</verse>
				<verse number="23">जदि मइँ तोहरे बरे पराथना करब बंद कइ देत हउँ तउ इ यहोवा बरे पाप होइ। मइँ तोहका सही रास्ता अच्छी जिन्नगी जिअइ बरे बताउब।</verse>
				<verse number="24">मुला तोहका भी यहोवा क मान करइ चाही। तोहका पूरे हिरदय स यहोवा क सेवा सर्च्चाइ स करइ चाही। ओन चमत्कारी कार्य क याद राखा जउन उ तोहरे बरे किहेस ह।</verse>
				<verse number="25">अगर तू जिद्दी अहा अउ बुरा करत बाट्या तउ परमेस्सर तोहका अउ तोहरे राजा क अइसा फूँक देइ जइसे झाड़ू कूड़ा क बटोर देत ह।”</verse>
			</chapter>
			<chapter number="13">
				<verse number="1">अब ताई साऊल एक बरिस तलक राज कइ चुका रहा। अउर फुन जब साऊल इस्राएल प दुइ बरिस राज कइ चुका,</verse>
				<verse number="2">उ इस्राएल स तीन हजार मनई चुनेस। ओहमाँ दुइ हजार उ पचे रहेन जउन बेतेल क पहाड़ी पहँटा क मिकमास मँ ओकरे संग ठहरा रहेन। अउर एक हजार उ मनई रहेन जउन बिन्यामीन क अंदर गिबा मँ योनातान क संग ठहरा रहेन। साऊल फउज क दूसर सिपाहियन क ओनकइ आपन घर पठइ दिहस।</verse>
				<verse number="3">योनातान गिबा मँ जाइके पलिस्तियन क ओनकइ सिबिर पइ हमला किहस। पलिस्तियन एकरे बारे मँ सुनेन। उ पचे कहेन, “हिब्रू लोग बगावत किहे अहइ।” साऊल कहेस, “हिब्रू मनइयन क जउन कछू भवा अहइ ओका सुनावा।” ऍह बरे साऊल लोगन्स कहेस कि उ पचे समूचइ इस्राएल देस मँ तुरही बजावइँ।</verse>
				<verse number="4">सबइ इस्राएलियन इ खबर सुनेन। उ पचे कहेन, “साऊल पलिस्ती फउज प्रमुख क मारि डाएस। अब पलिस्तियन फुरे इस्राएलियन स घिना करत हीं।” इस्राएली लोगन्क साऊल स भेंटइ बरे गिलगाल मँ बोलावा गवा।</verse>
				<verse number="5">पलिस्ती इस्राएल स लड़इ बरे बटुर गएन। पलिस्तियन क लगे तीन हजार रथ अउ छ: हजार घुड़सवार ओकरे फउज मँ रहेन। हुवाँ ऍतना जिआदा पलिस्ती फउजी रहेन जेतँना समुद्दर क किनारे बालू क कन। पलिस्तियन मिकमास मँ सिबिर डाएन। मिकमास बेतावेन क पूरब मँ बाटइ।</verse>
				<verse number="6">इस्राएलियन लखेन कि उ पचे विपत्ति मँ अहइँ। उ पचे आपन क जालि मँ अरझा पाएन। उ पचे गुफा अउ चट्टान क खोदंरे मँ छुप जाइ बरे परानेन। उ सबइ चट्टान, कुआँ अउ भुइयाँ क गड़हा मँ छुप गएन।</verse>
				<verse number="7">कछू हिब्रू यरदन नदी पार कइके गाद अउ गिलाद प्रदेस मँ पराइ गएन। साऊल गिलगाल मँ रहा। ओकरी फउज क सबइ फउजी सिपाहियन डर स थरथरात रहेन।</verse>
				<verse number="8">समूएल कहेस कि उ साऊल स गिलगाल मँ मिली। साऊल हुवाँ सात दिनाँ तलक ओकर प्रतीच्छा किहस। मुला समूएल तब भी गिलगाल नाहीं पहोंचा। सिपाहियन साऊल क तजि देइ लागेन।</verse>
				<verse number="9">ऍह बरे साऊल कहेस, “मोरे बरे होमबलि अउ मेलबलि लइ आवा।” तब साऊल होमबलि चढ़ाएस।</verse>
				<verse number="10">जइसन साऊल बलि-भेंट चढ़ाउब खतम किहेस, समूएल आइ गवा। साऊल ओसे भेंटइ गवा।</verse>
				<verse number="11">समूएल पूछेस, “इ तू का कइ दिहे अहा?” साऊल जवाब दिहेस, “मइँ सिपाहिन क आपन क तजत लखा अउर तू तब तलक हियाँ नाहीं रह्या, अउर पलिस्ती मिकमास मँ ऍकट्ठा होत रहेन।</verse>
				<verse number="12">मइँ आपन मने मँ सोचेउँ, ‘पलिस्ती हियाँ गिलगाल मँ आइके मोह प हमला करिहीं। अउर मइँ अबहुँ तलक यहोवा स मदद करइ बरे बिनती नाहीं किहेउँ ह। ऍह बरे मइँ आपन क दबाइ दिहेउँ अउ होमबलि चढ़ाएउँ।’”</verse>
				<verse number="13">समूएल कहेस, “तू मूरख क काम किहे ह। तू आपन परमेस्सर यहोवा क हुकुम क नाहीं मान्या। जदि तू परमेस्सर क हुकुम क माने होत्या तउ परमेस्सर तोहरे परिवार क सदा इस्राएल प राज करइ देत।</verse>
				<verse number="14">मुला अब तोहार पहँटा लगातार नाही रहीं। यहोवा अइसे मनई क खोज मँ रहेन जउन ओकरे हुकुम क मानइ चाहत होइ। उ उ मनई क पाइ लिहेस ह अउर उ ओका आपन मनइयन क नवा प्रमुख चुनिहीं। तू सबइ यहोवा क हुकुम क मान्या नाहीं। ऍह बरे यहोवा नवा प्रमुख चुनिहीं।”</verse>
				<verse number="15">तब समूएल उठा अउर उ गिलगाल क तजि दिहेस। साऊल अउ ओकर बची भइ फउज गिलगाल क तजि दिहेस। उ पचे बिन्यामीन मँ गिबा क गएन। साऊल उ मनइयन क गनेस जउन ओकरे संग रहेन। हुवाँ करीब छ: सौ मनसेधू रहेन।</verse>
				<verse number="16">साऊल, ओकर पूत योनातान अउ फउजी बिन्यामीन मँ गिबा क गएन। पलिस्तियन मिकमास मँ डेरा डाएन।</verse>
				<verse number="17">पलिस्तियन उ पहँटा मँ रहइवालन इस्राएलियन क सजा देइ क ठान लिहेन। ऍह बरे ओनकइ सबन्ते बरिआर फउज हमला करइ खातिर आपन ठउर तजि दिहेस। पलिस्ती फउज तीन हींसा मँ बँट गइ रहिन। एक टुकड़ी उत्तर मँ ओप्रा क जाइवाली सड़क स समूएल क पहँटा मँ गइ।</verse>
				<verse number="18">दूसर टुकड़ी दक्खिन पूरब बेथोरोन क जाइवाली सड़के प गइ। अउ तीसर टुकड़ी पूरब मँ चौहद्दी तलक जाइवाली सड़क स गइ। इ सड़क सबोईम क घाटी मँ रेगिस्तान कइँती खुलत रही।</verse>
				<verse number="19">इस्राएली मनइयन मँ स कउनो लोहा क सामान नाहीं बनाइ सकत रहा। ओन दिन इस्राएल मँ लोहार नाहीं रहेन। पलिस्ती इस्राएलियन क लोहा क सामान बनवइ नाहीं सिखात रहेन काहेकि पलिस्ती डेरात रहेन कि इस्राएलियन कहूँ लोहा क तरवार अउ भाला न बनावइ लग जाइँ।</verse>
				<verse number="20">सिरिफ पलिस्ती लोहा क औजारे प धार चढ़ाइ सकत रहेन। ऍह बरे जदि इस्राएली आपन हरे क फार कुदार अउ कुल्हाड़ी या दराती प धार चढ़ावइ चाहतेन तउ ओनका पलिस्तियन क लगे जाइ क पड़त रहा</verse>
				<verse number="21">पलिस्ती लुहार एक तिहाइ औसे चाँदी क हरे क फार अउ कुदाल पइ धार चढ़ावइ बरे लेत रहेन। अउर एक छटा औंस चाँदी क फरुआ, कुल्हड़ी अउ बैल क साँटी क लोहा क सिरे प धार चढ़ावइ बरे लेत रहेन।</verse>
				<verse number="22">ऍह बरे जुद्ध क दिन इस्राएलियन फउजी मँ स कउनो क लगे लोहा क तरवार या भाला नाहीं रहा। सिरिफ साऊल अउ ओकर पूत योनातान क लगे लोहा क औजार रहेन।</verse>
				<verse number="23">पलिस्ती सिपाहियन क एक ठु टुकड़ी मिकमास क दर्रा क रच्छा करत रही।</verse>
			</chapter>
			<chapter number="14">
				<verse number="1">उ दिना, साऊल क पूत उ नउजवान स बात किहेस जउन ओकरे औजारन क लइके चलत रहा। योनातान कहेस, “हम पचे घाटी क दुसरी कइँती पलिस्तियन क डेरा प चली।” मुला योनातान आपन बाप क नाहीं बताएस।</verse>
				<verse number="2">साऊल एक अनार क पेड़ क नीचे पहाड़ी क सिरे प मिग्रोन मँ बइठा रहा। इ एक ठउर प खरिहान क नगिचे रहा। साऊल क संग उ समइ 600 जोधा रहेन।</verse>
				<verse number="3">एक मनई क नाउँ अहिय्याह रहा। एली सीलो मँ यहोवा क याजक रहा। अब अहिय्या याजक रहा। अहिय्या अब एपोद याजक रहा। अहिय्या ईकाबोद क भाई अहीतूब क पूत रहा। ईकाबोद पीनहास क पूत रहा। पीनहास एली क पूत रहा।</verse>
				<verse number="4">दर्रा क दुइनउँ कइँती एक ठु बड़की चट्टान रही। योनातान पलिस्ती डेरा मँ उ दर्रा स जाइ क तजबीजेस। बड़की चट्टान क एक कइँती बोजज रहा अउर उ बड़की चट्टान क दूसर कइँती सेने रहा।</verse>
				<verse number="5">एक बड़की चट्टान उत्तर क मिकमास क देखत भइ ठाड़ रही। दूसर बड़की चट्टान दक्खिन कइँती गीबा क अउर लखत स ठाड़ रही।</verse>
				<verse number="6">योनातान आपन उ जवान मददगार स कहेस जउन ओकरे औजार क ढोइ के चलत रहा, “आवा, हम ओन बिदेसियन क डेरा मँ चली। इ होइ सकत ह यहोवा हम मनइयन क बइपरइ इ मनइयन क हरावइ मँ करइँ। यहोवा क कछू भी नाहीं रोक सकत ऍहसे कउनो फर्क नाहीं पड़त कि हमरे लगे ढेरि फउजी अहइँ कि तनिक फउजी।”</verse>
				<verse number="7">योनातान क अउजार ढोवइया जवान ओसे कहेस, “जेका तू सब स नीक समझा, करा। मइँ हर कइँती स तोहरे संग हउँ।”</verse>
				<verse number="8">योनातान कहेस, “हम सबइ क चलि द्या! हम पचे घाटी पार करब अउर ओन पलिस्ती रच्छक तलक जाबइ। तबहीं हम सबइ ओनका आपन क लखइ देब।</verse>
				<verse number="9">जदि उ पचे हम स कहत हीं, ‘तू हुवँइ रुकि जा जब तलक हम तोहरे लगे आवत अही।’ तउ हम पचे हुवँइ ठहरब जहाँ हम होब। हम ओनके नगिचे न जाब।</verse>
				<verse number="10">मुला अगर पलिस्ती लोग इ कहत हीं, ‘हमरे लगे आवा’ तउ हम ओनकइ लगे ताई चढ़ जाब। काहे? काहेकि इ परमेस्सर कइँती स इ एक इसारा होइ। ओकर अरथ इ होइ कि यहोवा हम पचन क ओनका हरावइ देइ।”</verse>
				<verse number="11">ऍह बरे योनातान अउ ओकर सहायक आपन क पलिस्तियन स लखइ देइ दिहस। पलिस्ती रच्छक कहेन, “लखा, हिब्रू ओन बिलिन स निकरिके आवत बाटेन जेहमाँ उ सबइ लुकान रहेन।”</verse>
				<verse number="12">किला क पलिस्ती योनातान अउ ओकरे सहायक बरे चिचिआइँ, “हमरे लगे आवा। हम तोहका अबहीं पाठ पढ़ावत अही।” योनातान आपन सहायक स कहेस, “पहाड़ी क ऊपर तलक मोका पछिआवा। यहोवा इस्राएल बरे पलिस्तियन क दइ दिहे बाटइ!”</verse>
				<verse number="13">ऍह बरे योनातान आपन हाथ अउ गोड़ क पहाड़ी प चढ़इ बरे बइपरेस। ओकर सहायक सोझ ओकरे पाछे चढ़ा। योनातान अउ ओकर सहायक पलिस्तियन क हराएन। पहिले हमला मँ उ पचे लगभग आधा एकड़ पहँटा मँ पलिस्तियन क मारेन। योनातान उ मनइयन स लड़ा जउन समन्वा स हमला बोलत रहेन। अउ योनातान क सहायक ओनकइ पाछे आवा अउ ओन मनइयन क मारत चला गवा जउन अबहीं सिरिफ चोटाइ होइ ग रहेन।</verse>
				<verse number="14"></verse>
				<verse number="15">सबहिं पलिस्ती सिपाही जंग क मैदान मँ सिपाही अउ किला क सिपाही ससाइ गएन। हिआँ तलक कि सबन त बरिआर जोधा भी डेराइ गएन। धरती काँपइ लाग अउ पलिस्ती सिपाही भयानक तरीका स डेराइ गएन।</verse>
				<verse number="16">साऊल क रच्छक बिन्यामीन देस मँ गिबिया क पलिस्ती सिपाहियन क अलग-अलग दिसा मँ भागत परात लखेन।</verse>
				<verse number="17">साऊल आपन संग क सेना स कहेस, “सिपाहियन क गनती करा। मइँ इ जानइ चाहत हउँ कि डेरा क कउन छोड़ि दिहस।” उ पचे सिपाहियन क गनेन। योनातान अउ ओकर सहायक चला ग रहेन।</verse>
				<verse number="18">साऊल अहिय्या स कहेस, “परमेस्सर क पवित्तर सन्दूख लइ आवा।” (उ टेमॅ परमेस्सर क पवित्तर सन्दूख इस्राएलियन क संग रही।)</verse>
				<verse number="19">साऊल याजक अहिय्या स बतियात रहा। साऊल परमेस्सर क परामर्स क जोहत रहा। मुला फिलिस्तीनी छावनी मँ सोर अउ धमाचउकड़ी लगातार बढ़त जात रही। साऊल धीरा खोइ चुका रहा। आखिर मँ साऊल याजक अहिय्या स कहेस, “बहोत होइ गवा। आपन हाथ नीचे हइँचा अउ पराथना करब बन्द करा।”</verse>
				<verse number="20">साऊल आपन फउज क बटोरेस अउर लड़ाई मँ चला गवा। पलिस्ती सिपाही बहोत उलझन मँ रहेन। उ सबइ आपन तरवारे स आपुस मँ ही एक दूसर स जुद्ध करत रहेन।</verse>
				<verse number="21">हुवाँ हिब्रू भी रहेन जउन ऍकरे पहिले पलिस्तियन क सेवा मँ रहेन अउर जउन पलिस्ती डरा मँ रुका रहेन। मुला अब उ हिब्रू लोग साऊल अउ योनातान क संग क इस्राएलियन क साथ दिहेन।</verse>
				<verse number="22">उ इस्राएलियन जउन एप्रैम क पहाड़ी देस मँ लुकान रहेन, पलिस्ती सिपाहियन क पराइ क बात सुनेन। तउ इ इस्राएलियन भी जुद्ध मँ साथ दिहन अउ पलिस्तियन क पाछा करब सुरु किहेन।</verse>
				<verse number="23">इ तरह यहोवा उहइ दिन इस्राएलियन क बचाव किहेन। जुद्ध बेतावेन क बाहेर फैलि गवा। सारी फउज साऊल क संग रही, ओनकइ लगे लगभग दस हजार मनईयन रहेन। एप्रैम क पहाड़ी पहँटा क हर सहर मँ जुद्ध फइलत गवा।</verse>
				<verse number="24">उ दिना साऊल एक भारी गल्ती किहेस। इस्राएलियन भुखान अउ थका माँदा रहेन। इ ऍह बरे भवा कि साऊल मनइयन क प्रण करइ क मजबूर किहेस। साऊल कहेस, “अगर कउनो मनई साँझ होइ स पहिले खइया क खात ह या मोरे जरिया दुस्मन क हरावइ क पहिले खाइया क खात ह तउ उ मनई क सजा दीन्ह जाइ।” ऍह बरे कउनो भी इस्राएली सिपाही भोजन नाहीं किहेन।</verse>
				<verse number="25">जुद्ध क कारण मनई जंगल मँ चला गएन। उ पचे हुआँ भुइँया प पड़ा भवा मधु क छत्ता लखेन। इस्राएली लोग उहइ ठउरे प आएन जहाँ मधु क छत्ता रहा। मनइयन भुखान रहेन, मुला उ पचे तनिक भी मधु नाहीं पिएन। उ पचे उ प्रण तोड़इ स डेरान रहेन।</verse>
				<verse number="26"></verse>
				<verse number="27">मुला योनातान उ प्रण क बारे मँ नाहीं जानत रहा। योनातान इ नाहीं सुने रहा कि ओकर बाप उ प्रण करइ क मनइयन क बेबस किहे रहा। योनातान क हाथे मँ एक टहरइ क छड़ी रही। उ मधु क छत्ता मँ ओकरे सिरा क घुसेड़ेस। उ तनिक मधु निकारेस अउ खाएस। अउर उ आपन क चंगा किहेस।</verse>
				<verse number="28">सिपाहियन मँ स एक ठु योनातान स कहेस, “तोहार बाप एक खास प्रण करइ बरे सिपाहियन क मजबूर किहेस ह। तोहार बाप कहेस ह कि जउन कउनो आज खाइ, सजा पाइ। इहइ कारण रहा कि मनई कछू खाएन नाहीं। इहइ कारण अहइ कि मनई कमजोर अहइ।”</verse>
				<verse number="29">योनातान कहेस, “मोर बाप धरती बरे परोसानी पइदा किहे अहइ। लखा इ तनिक मधु चाटे स मइँ केतना चंगा महसूस करत हउँ।</verse>
				<verse number="30">बहोत नीक होत कि मनइयन उ खइया क खातेन जउन उ पचे आजु दुस्मनन स लिहे अहइँ। हम बहोत जिआदा पलिस्ती मनइयन क मारि सकित रहे।”</verse>
				<verse number="31">उ दिना इस्राएलियन पलिस्ती मनइयन क हराएन। उ पचे ओनसे मिकमास स अय्यालोन तलक क पूरा रस्ता प लड़ेन। काहेकी मनइयन बहोत भुखान अउ थका माँदा रहेन।</verse>
				<verse number="32">उ पचे पलिस्ती स भेड़ी, गाइ अउ बछवा लिहे रहेन, काहेकि अब इस्राएल क मनइयन ऍतना भुखान रहेन कि उ सबइ पसु क भुइँया प मारि डाएन अउ ओनका गोस रकत क साथ खाइ लिहेन।</verse>
				<verse number="33">एक मनई साऊल स कहेस, “लखा! लोग यहोवा क खिलाफ पाप करत अहइँ। उ पचे अइसा गोस खात अहइँ जेहमाँ खून बा!” तब साऊल कहेस, “तू पचे पाप किहे अहा। हिआँ एक ठु बड़का पाथर टहराइ क लिआवा।”</verse>
				<verse number="34">तब साऊल कहेस, “मनइयन क लगे जा अउर कहा कि हर मनई आपन साँड़ अउ भेड़ी मोरे लगे हिआँ लिआवइ। तब्बहिं मनइयन क आपन साँड़ अउ भेड़ी हिआँ मारइ चाही। यहोवा क खिलाफ पाप जिन करा। उ गोस क जिन खा जेहमाँ रकत बा।” उ राति मँ हर मनई आपन गोरु क लइ आवा अउ ओनका हुवाँ मारेस,</verse>
				<verse number="35">फिन साऊल एक ठु वेदी बनएस। साऊल यहोवा बरे खुद इ वेदी बनउब सुरु किहेस।</verse>
				<verse number="36">साऊल कहेस, “हम पचे आजु रात क पलिस्तियन क पाछा करब। हम सबइ हर चीज क लइ लेब। हम ओन सब क मारि डाउब।” फउज जवाब दिहेस, “वइसा ही करा जइसा ठीक समुझत ह।” मुला याजक कहेस, “हमका परमेस्सर स पूछइ द्या।”</verse>
				<verse number="37">ऍह बरे साऊल परमेस्सर स पूछेस, “का मोका पलिस्तियन क पाछा करइ चाही? का आप लोग हम पचन क पलिस्तियन क हरावइ देइहीं?” मुला परमेस्सर साऊल क उ दिन जवाब नाहीं दिहेस।</verse>
				<verse number="38">ऍह बरे साऊल कहेस, “मोरे लगे सबहिं प्रमुखन क लइ आवा। हम सबइ मालूम करी कि आज कउन पाप किहेस ह।</verse>
				<verse number="39">मइँ इस्राएल क रच्छा करइवाला यहोवा क किरिया खाइके इ प्रण करत हउँ। जदि मोर आपन पूत योनातान भी पाप किहेस ह तउ उ जरुर मरी।” फउज मँ कउनो भी कछू नाहीं कहेस।</verse>
				<verse number="40">तब साऊल सबहिं इस्राएलियन स कहेस, “आप लोग इ कइँती खड़ा ह्वा। मइँ अउर मोर पूत योनातान दूसर कइँती खड़ा होइहीं।” सिपाहियन जवाब दिहेन, “महाराज, आप जइसा चाहइँ।”</verse>
				<verse number="41">तब साऊल पराथना किहेस, “इस्राएल क परमेस्सर यहोवा मइँ आपका सेवक हउँ आजु आप मोका जवाब काहे नाहीं देत अहइँ? अगर मइँ या मोर पूत योनातान पाप किहेस ह तउ इस्राएल क परमेस्सर यहोवा आप उरीम देइँ। अउर जदि आप क मनई इस्राएलियन पाप किहेन ह तउ तुम्मिम देइँ।” साऊल अउ योनातान चुनि लीन्ह गएन अउ मनइयन अजाद होइ गएन।</verse>
				<verse number="42">साऊल कहेस, “ओनका फिन स लोकाइ द्या कि कउन पाप करइवाला अहइ मइँ या मोर पूत योनातान।” योनातान चुनि लीन्ह गवा।</verse>
				<verse number="43">साऊल योनातान स कहेस, “मोका बतावा कि तू का किहे अहा?” योनातान साऊल स कहेस, “मइँ आपन कुबरी क नोंक स सिरिफ तनिक मधु चाटे रहे। का मोका उ करइ क कारण मरइ चाही?”</verse>
				<verse number="44">साऊल कहेस, “जदि मइँ आपन प्रण पूर नाहीं करत हउँ तउ परमेस्सर मोरे बरे बहोत खराब करइ। योनातान क मरइ चाही।”</verse>
				<verse number="45">मुला सिपाहियन साऊल स कहेन, “योनातान आज इस्राएल क बड़की जीत ताई पहोंचाएस। का योनातान क मरइ ही चाही? कबहुँ नाहीं। हम पचे परमेस्सर क किरिया खाइके बचन देइत ह कि योनातान क एक ठु बार भी बाँका नाहीं होइ। परमेस्सर आज पलिस्तियन क खिलाफ लड़इ मँ योनातान क मदद किहेस ह।” इ तरह मनइयन योनातान क बचाएस। ओका फाँसी क सजा नाहीं दिन्ह गइ।</verse>
				<verse number="46">साऊल पलिस्तियन क पाछा नाहीं किहेस। पलिस्ती आपन ठउर क लौटि गएन।</verse>
				<verse number="47">साऊल इस्राएल प पूरा कब्जा कइ लिहेस अउ देखाइ दिहस कि उ राजा अहइ। साऊल इस्राएल क चारिहुँ कइँती रहइवालन दुस्मनन स लड़ा। साऊल अम्मोनी राजा मोआबी, सोबा क राजा एदोम, अउ पलिस्तियन स लड़ा। जहाँ कहूँ साऊल गवा, उ इस्राएल क दुस्मनन क हराइ दिहस।</verse>
				<verse number="48">साऊल बहोतइ बहादुर रहा। साऊल अमालेकियन क हराई अउर इस्राएलियन क ओकरे ओन दुस्मनन स बचाएस जउन इस्राएल क मनइयन स ओकर धन-दौलत छोरइ चाहत रहेन।</verse>
				<verse number="49">साऊल क पूत रहेन योनातान, यिसवी अउ मलकीस। साऊल क बड़की बिटिया क नाउँ मेरब रहा। साऊल क ननकी बिटिया क नाउँ मीकल रहा।</verse>
				<verse number="50">साऊल क मेहरारु क नाउँ अहीनोअम रहा। अहीनोअम अहीमास क बिटिया रही। साऊल क फउज क सेनापति क नाउँ अब्नेर रहा, जउन नेर क पूत रहा। नेर साऊल क काका रहा।</verse>
				<verse number="51">साऊल क बाप कीस अउ अब्नेर क बाप नेर, अबीएल क पूत रहेन।</verse>
				<verse number="52">साऊल आपन जिन्नगी भइ बीर बना रहा अउ पलिस्तियन क खिलाफ बहादुरी स लड़ा। साऊल जब भी कबहुँ कउनो मनई क अइसा बहादुर लखत जउन ताकतवर होत तउ उ ओका लइ लेत अउर ओका उ फौजियन क टुकड़ी मँ धरत जउन ओकरे निअरे रहतेन अउर ओकर रच्छा करत रहेन।</verse>
			</chapter>
			<chapter number="15">
				<verse number="1">एक दिन समूएल साऊल स कहेस, “यहोवा मोका आपन इस्राएली लोगन प राजा क रुप मँ तोहार अभिसेक करइ पठए रहा। अब यहोवा क संदेस सुना।</verse>
				<verse number="2">सर्वसक्तीमान यहोवा कहत ह: ‘जब इस्राएलियन मिस्र स बाहेर आएन तबहिं अमालेकियन ओनका कनान पहोंचइ स रोक देइ क जतन किहेन। मइँ लखेउँ कि अमालेकियन ओनका का किहेन।</verse>
				<verse number="3">अब आवा अउ अमालेकियन स जुद्ध करा। तोहका अमालेकियन अउ ओनकी सबहिं चीजन क नास कइ देइ चाही। कछू भी जिन्दा न रहइ द्या, तोहका सबहिं मनसेधू अउ मेहररुअन क मार डावइ चाही। तोहका सबहिं गदेलन अउ बचवन क मारि डावइ चाही। तोहका ओनकइ सबहिं गइयन अउ भेड़िन अउर ऊँट अउ गदहन क मारि डावइ चाही।’”</verse>
				<verse number="4">साऊल तलाईम मँ फउज बटोरेस अउर ओहका गनती किहेस। ओहमाँ दुइ लाख पैदर सिपाही अउ दस हजार दूसर फउजी मनई रहेन। एहमाँ यहूदा क मनई भी मिला रहेन।</verse>
				<verse number="5">तब साऊल अमालेक सहर क गवा अउर उ पचे घाटी मँ ओनका प्रतीच्छा किहस।</verse>
				<verse number="6">साऊल केनियन मनइयन स कहेस, “चला जा अउ अमालेकियन क तजि द्या। तब मइँ तू पचन क अमालेकियन क संग नास नाहीं करब। तू पचे इस्राएल बरे दाया देखाए रह्या जब उ पचे मिस्र स आवा रहेन।” ऍह बरे केनीत मनइयन अमालेकियन क तजि दिहेन।</verse>
				<verse number="7">साऊल अमालेकियन क हराएस। उ ओनसे हविला स मिस्र क सीमा सुर तलक लगातार जुद्ध किहेस।</verse>
				<verse number="8">साऊल अगाग क जिन्दा धइ लिहस। अगाग अमालेकियन क राजा रहा। अगाग क फउज क सबहिं मनइयन क साऊल मारि डाएस।</verse>
				<verse number="9">मुला साऊल अउ इस्राएल क सिपाहियन अगाग क जिन्दा रहइ दिहन। उ पचे सब ते बढ़िया भेड़ी, मोटवार तगड़ी गाइ अउ मेमना क भी धइ लिहेन। उ पचे धरइ क जोग्ग सबहिं चीजन क धइ लिहेन। अउर उ पचे ओन सबहिं चीजन क नास कइ दिहेन जउन कउनो काम क न रहिन।</verse>
				<verse number="10">समूएल यहोवा क संदेसा पाएस।</verse>
				<verse number="11">यहोवा कहेस, “साऊल मोर पाछा करब तजि दिहेस ह। ऍह बरे मोका ऍकर दुःख बा कि मइँ ओका राजा बनएउँ ह। उ ओन काम-काज क नाहीं करत बाटइ जेका करइ क हुकुम मइँ ओका देत हउँ।” समूएल कोहाइ गवा अउ फिन उ राति भइ यहोवा क पराथना किहेस।</verse>
				<verse number="12">समूएल दूसर दिना बड़े तड़के उठा अउ साऊल स भेंटइ गवा। मुला मनइयन बताएन, “साऊल यहूदा मँ कर्मल नाउँ सहर क गवा बा। साऊल हुवाँ आपन मान-सम्मान मँ एक पाथर क स्मारक बनावइ ग रहा। तब साऊल कइउ ठउरन क जात्रा किहेस अउ आखिर मँ गिलगाल क चला गवा।” ऍह बरे समूएल हुवाँ गवा जहाँ साऊल रहा। साउल अमालेकियन स लीन्ह भइ चिजियन क पहिला हींसा भेंटे मँ चढ़ाए रहा। साऊल ओनका होमबलि यहोवा क भेंट चढ़ावत रहा।</verse>
				<verse number="13">समूएल साऊल क लगे पहोंचा। साऊल कहेस, “सुआगत, यहोवा तोहका आसीर्वाद देइ, मइँ यहोवा क हुकुम क मानेउँ ह।”</verse>
				<verse number="14">मुला समूएल कहेस, “तउ मइँ इ सब कउने आवाजन क सुनत हउँ? मइँ तउ भेड़ी अउ गोरु क आवाजे क काहे सुनत हउँ?”</verse>
				<verse number="15">साऊल जवाब दिहेस, “फउजी ओनका अमालेकियन स लिहेन ह। फउजी सबन ते उत्तिम भेड़ी अउ गोरु क तोहरे परमेस्सर यहोवा क बलि क तरह बारइ बरे बचाइ लिहेन ह। मुला हम पचे दूसर सबहिं चिजियन क नसाइ दिहेउँ ह।”</verse>
				<verse number="16">समूएल साऊल स कहेस, “रुकि जा! मोका तोहसे हुवँइ कहइ द्या जेका पिछली राति मँ यहोवा मोसे कहे रहा।” साऊल जवाब दिहेस, “मोका बतावा।”</verse>
				<verse number="17">समूएल कहेस, “बीता भवा टेमॅ मँ तू इ बिचारे रह्या कि तू खास मनई न बाट्या। मुला तबहुँ तू इस्राएल क परिवार समूह क मुखिया बन गया। यहोवा तोहका इस्राएल क राजा चुनेस ह।</verse>
				<verse number="18">यहोवा तोहका एक खास सेवा काम बरे पठएस ह। यहोवा कहेस, ‘जा अउर ओन सबहिं खराब अमालेकियन क नास कइ द्या। ओनसे तब तलक लड़त रहा जब तलक उ सबन क नास न होइ जाइ।’</verse>
				<verse number="19">मुला तू पचे यहोवा क नाहीं सुन्या। तू पचे ओन चिजियन क धरइ चाहत बाट्या। ऍह बरे तू उहइ किह्या जेका यहोवा खराब कहे रहा।”</verse>
				<verse number="20">साऊल कहेस, “मुला मइँ तउ यहोवा क हुकुम क पालन किहेउँ ह। मइँ हुवाँ गएउँ जहाँ यहोवा मोका पठएस। मइँ सबहिं अमालेकियन क नास किहेउँ ह। मइँ सिरिफ एक मनई क लइ आएउँ ह। ओनकइ राजा अगाग।</verse>
				<verse number="21">फउजी जवान सबन त उत्तिम भेड़ी अउ गोरु क गिलगाल मँ तोहरे परमेस्सर यहोवा क बलि देइ बरे चुने रहेन।”</verse>
				<verse number="22">मुला समूएल जवाब दिहेस, “यहोवा क इ दुइनउँ मँ स कउन जिआदा खुस करत होमबलि अउ बलिदान या कि मनइयन क जरिए आग्या क मानब? इ जिआदा नीक अहइ कि परमेस्सर क बात सुनि लीन्ह जाइ बजाय ऍकरे कि भेड़ा क चर्बी चढ़ाइ जाइ।</verse>
				<verse number="23">आग्या क मानइ स इन्कार करब जादूगरी करइ क पाप जइसा अहइ। जिद्दी होब अउर मनमानी करब-मूरत क पूजब जइसा पाप अहइ। तू पचे यहोवा क हुकुम मानइ स इन्कार किहा ह। इहइ कारण यहोवा अब तोहका राजा क रुप मँ अंगीकार करइ स इन्कार करत ह।”</verse>
				<verse number="24">तबहिं साऊल समूएल स कहेस, “मइँ पाप किहेउँ ह। मइँ यहोवा क हुकुम क नाहीं मानेउँ ह अउर मइँ उ नाहीं किहेउँ ह जउन तू करइ बरे कहया ह। मइँ मनइयन स डेरात हउँ ऍह बरे मइँ उहइ किहेउ जउन उ सबइ कहेन।</verse>
				<verse number="25">अब मइँ पराथना करत हउँ कि मोरे पाप क छिमा करा। मोरे संग लौटि आवा जेहसे मइँ यहोवा क आराधना कइ सकउँ।”</verse>
				<verse number="26">मुला समूएल साऊल स कहेस, “मइँ तोहरे संग न लउटब। तू पचे यहोवा क हुकुम क नाहीं मान्या ह अउर अब यहोवा तोहका इस्राएल क राजा क रुप मँ नकारत बाटइ।”</verse>
				<verse number="27">जब समूएल ओका बिदा करइ बरे मुड़ि गवा, साऊल समूएल क लबादे क धइ लिहेस। लबादा फाटि गवा।</verse>
				<verse number="28">समूएल साऊल स कहेस, “तू मोरे लबादा का फारि डाया ह। इहइ तरह यहोवा आज इस्राएल क राज्ज क तोहसे फारि डाएस ह। यहोवा राज्ज क तोहरे मीतन मँ स एक क दइ दिहेस ह। उ मनई तोहसे नीक बाटइ।</verse>
				<verse number="29">यहोवा इस्राएल क परमेस्सर अहइ। यहोवा हमेसा रहत ह। यहोवा लबार बोलत नाहीं अउर न ही आपन इरादा बदल देत ह। यहोवा मनइयन क नाई नाहीं जउन आपन पक्का बिचार बगदाइ देत ह।”</verse>
				<verse number="30">साऊल जवाब दिहेस ह, “ठीक बा, मइँ पाप किहेउँ ह। मुला कृपा कइके मोरे संग लउटा। इस्राएल क मनइयन अउ नेता लोगन क समन्वा कछू मान द्या। मोरे संग लउटि आवा जेहसे मइँ तोहरे यहोवा परमेस्सर क आराधना कइ सकउँ।”</verse>
				<verse number="31">समूएल साऊल क संग लउटि गवा अउ साऊल यहोवा क आराधना किहेस।</verse>
				<verse number="32">समूएल कहेस, “अमालेकियन क राजा अगाग क मोरे लगे लइ आवा।” अगाग समूएल क समन्वा आवा। अगाग जंजीरे मँ बाँधा रहा। अगाग सोचेस, “फुरइ इ मोका मारी नाहीं।”</verse>
				<verse number="33">मुला समूएल अगाग स कहेस, “तोहार तरवारि गदेलन क ओनकइ महतारी स छीनि लिहेस। ऍह बरे अब तोहरी महतारी क कउनो लरिका न रही।” अउर समूएल गिलगाल मँ यहोवा क समन्वा अगाग क बोटी बोटी कइ डाएस।</verse>
				<verse number="34">तब समूएल हुवाँ स चला अउ रामा पहोंचा। अउर साऊल आपन घर गिबिया क गवा।</verse>
				<verse number="35">ओकरे पाछे समूएल आपन पूरी जिन्नगी साऊल क नाहीं लखेस। समूएल साऊल बरे बहोत दुःखी रहा। अउर यहोवा क बहोत दुःख भवा कि उ पचे साऊल क इस्राएल क राजा बनएन।</verse>
			</chapter>
			<chapter number="16">
				<verse number="1">यहोवा समूएल स कहेस, “तू कब ताई साऊल बरे दुःखी रहब्या? मइँ तोहका बताइ दिहेउँ ह कि साऊल इस्राएल क राजा न होइ तउ भी तू पछतात बाट्या। आपन सींग मँ तेल भरा अउ चल पड़ा। मइँ तोहका यिसै नाउँ क मनई क लगे पठवत हउँ। यिसै बेतलेहेम मँ रहत ह। मइँ ओकरे पूतन मँ स एक क नवा राजा चुनेउँ ह।”</verse>
				<verse number="2">मुला समूएल कहेस, “जदि मइँ जाउँ तउ साऊल इ खबर क सुनी। तबहिं उ मोका मारि डावइ क जतन करी।” यहोवा कहेस, “बेतलेहेम जा। एक बछवा आपन संग लइ जा। इ कहा, ‘मइँ यहोवा क बलि चढ़ावइ आइ अहउँ।’</verse>
				<verse number="3">यिसै क बलि क टेमॅ बोलाँवा। तब मइँ तोहका बताउब कि तोहका का करब अहइ। तोहका उ मनई क अभिसेक करइ चाही जेका मइँ देखाँउब।”</verse>
				<verse number="4">समूएल उहइ किहेस जउन यहोवा ओका करइ क कहे रहेन। समूएल बेतलेहेम गवा। बेतलेहेम क पुरख डर स काँप गएन। उ पचे समूएल स भेंटेन अउ उ सबइ ओसे पूछेन, “का आप लोग सान्ति स आइ अहेन?”</verse>
				<verse number="5">समूएल जवाब दिहेस, “हाँ, मइँ सान्ति स आवा हउँ। मइँ यहोवा क बलि-भेंट चढ़ावइ आवा हउँ। आपन क तइयार करा अउ मोरे संग बलि भेंट मँ आवा।” समूएल यिसै अउ ओकरे बेटहनन क तइयार किहेस। तब समूएल ओनका आवइ अउ बलि भेंट मँ हाथ बटावइ बरे बोलावा दिहेस।</verse>
				<verse number="6">जब यिसै अउर ओकर पूत आएन, तउ समूएल एलीआब क लखेस। समूएल सोचेस, “सचमुच इहइ उ मनई बा जेका यहोवा चुनेस ह।”</verse>
				<verse number="7">मुला यहोवा समूएल स कहेस, “एलीआब सुन्नर बा मुला ओकरे बारे मँ जिन विचारा। एलीआब लम्बा बा मुला ओकरे बारे मँ जिन सोचा। परमेस्सर ओन चीजन्क नाहीं निहारत जेका मामूली मनई लखत हीं। लोग मनई क बाहरी रुप क निहारत हीं, मुला यहोवा मनई क हिरदइ क लखत ह। एलीआब नीक मनई नाहीं अहइ।”</verse>
				<verse number="8">तब यिसै आपन दूसर पूत अबीनादाब क बोलाएस। अबीनादाब समूएल क लगे स गुजरा। मुला समूएल कहेस, “नाहीं, इहइ उ मनई नाहीं अहइ कि जेका यहोवा चुने बा।”</verse>
				<verse number="9">तब यिसै सम्मा क समूएल क लगे स गुजरइ क कहेस। मुला समूएल कहेस, “नाहीं, यहोवा इ मनई क भी नाहीं चुने अहइ।”</verse>
				<verse number="10">यिसै आपन साताहु पूतन क समूएल क देखाँएस। मुला समूएल यिसै स कहेस, “यहोवा इ मनइयन मँ स कउनो क भी नाहीं चुने अहइ।”</verse>
				<verse number="11">तब समूएल यिसै स पूछेस, “का तोहार सबहिं पूत इ सबइ ही बाटेन?” यिसै जवाब दिहेस, “नाहीं मोर सबन त छोट एक अउर पूत अहइ, मुला उ भेड़िन क रखवारी करत ह।” समूएल कहेस, “ओका बोलावा। ओका हिआँ लिआवा। हम पचे तब तलक खइया क खाइ बरे नाहीं बइठब जब तलक उ आइ नाहीं जात।”</verse>
				<verse number="12">यिसै कउनो क आपन सब ते छोटका बेटवा क लइ आवइ बरे पठएस। उ सुन्नर अउ लाल बार वाला नउजवान रहा। इ बहोत सुन्नर रहा। यहोवा समूएल स कहेस, “उठा, एका तेल स अभिसेक करा। इ उहइ व्यक्ति अहइ।”</verse>
				<verse number="13">समूएल तेल स लबालब भरा सीगं उठाएस अउ उ खास तेल क यिसै क सब ते छोट पूत क मूँड़े प ओकरे भाई लोगन क समन्वा उड़ेरेस। उ दिना क पाछे यहोवा क आतिमा दाऊद प उतरा। समूएल आपन घर, रामा क लउटि गवा।</verse>
				<verse number="14">यहोवा क आतिमा साऊल क तजि दिहेस। तब यहोवा साऊल प एक परेत आतिमा पठएस। उ ओका बहोत परेसान किहेस।</verse>
				<verse number="15">साऊल क नउकरन ओसे कहेन, “परमेस्सर क जरिए पठइ गइ एक परेत आतिमा तोहका परेसान करत बाटइ।</verse>
				<verse number="16">हम सबन क हुकुम द्या हम पचे कउनो क हेरब जउन वीणा बजाइ। जदि परेत आतिमा यहोवा क हियाँ स तोहरे ऊपर आइ अहइ तउ उ मनई वीणा बजाइ। तब उ परेत आतिमा तोहका अकेल्ले मँ तजि देइ अउर तू चंगा अनुभव करब्या।”</verse>
				<verse number="17">ऍह बरे साऊल आपन नउकरन स कहेस, “अइसे मनई क हेरा जउन वीणा ठीक तरह बजावत ह अउर ओका मोरे लगे लइ आवा।”</verse>
				<verse number="18">नउकरन मँ स एक कहेस, “बेतलहेम मँ रहइवाला एक मनई अहइ। मइँ यिसै क पूत क लखेउँ ह। उ जानत ह कि वीणा कइसे बजाइ जात ह। उ एक बीर पुरुख भी बा अउ अच्छी तरह लड़त ह। उ चउकन्ना बा अउ सुन्नर भी अहइ अउर यहोवा ओकरे संग अहइ।”</verse>
				<verse number="19">ऍह बरे साऊल यिसै क लगे दूत पठएस। उ पचे यिसै स उ कहेस जउन साऊल स कहे रहा। “तोहार पूत दाऊद नाउँ क अहइ। उ तोहार भेड़ी क रखवारी करत ह। ओका मोरे लगे पठवा।”</verse>
				<verse number="20">फुन यिसै साऊल क भेंट देइ बरे कछू चीज तइयार किहेस। यिसै एक गदहा, कछू रोटी अउ एक गगरी दाखरस अउ एक बोकरी क बच्चा लिहेस। यिसै उ चीजन क दाऊद क दिहेस, अउर उ साऊल क लगे पठइ दिहेस।</verse>
				<verse number="21">इ तरह दाऊद साऊल क लगे गवा अउ ओकरे समन्वा ठाड़ भवा। साऊल दाऊद स बहोत पिआर किहेस। फुन दाऊद साऊल क हथियार लइ चलइवाला बन गवा।</verse>
				<verse number="22">साऊल यिसै क लगे एक खबर पठएस, “दाऊद क मोरे लगे रहइ अउ मोर सेवा करइ द्या। मइँ ओका बहोत पसन्द करत हउँ।”</verse>
				<verse number="23">जब कबहुँ परमेस्सर क परेत आतिमा साऊल प आवत, तउ दाऊद आपन बाँसुरी उठावत अउ ओका बजावइ लागत। परेत आतिमा साऊल क तजि देत अउ उ चंगा महसूस करइ लागत।</verse>
			</chapter>
			<chapter number="17">
				<verse number="1">पलिस्तियन आपन फउज लड़ाई बरे बटोरेन। उ पचे यहूदा मँ बसा सोको मँ जुद्ध बरे एकट्ठा भएन। ओनकइ डेरा। सोको अउ अजेका क बीच एपेसदम्मीन नाउँ क सहर मँ रहा।</verse>
				<verse number="2">साऊल अउ इस्राएली सिपाही भी हुवाँ एक संग जमा भएन। ओनकइ डेरा एला क घाटी मँ रहा। साऊल क फउजी मोर्चा प तैनात पलिस्ती स जुद्ध करइ बरे तैयार रहेन</verse>
				<verse number="3">पलिस्ती एक पहाड़ी प रहेन अउ इस्राएली दूसर पहाड़ी प अउर ओकर क बीच मँ घाटी रही।</verse>
				<verse number="4">पलिस्तियन मँ एक बरिआर जोध्दा रहा। गोलियत गत से रहा। गोलियत लगभग नौ फीट ऊँचा रहा। गोलियत पलिस्ती डेरा स बाहेर आवा।</verse>
				<verse number="5">ओकरे मूँड़े प काँसा का टोपा रहा। उ पट्टीधारी कवच क कोट पहिरे रहा। इ कवच काँसे क बना रहा अउर एकर तौल करीब एक सौ पच्चीस पौण्ड रहा।</verse>
				<verse number="6">गोलियत आपन गोड़े मँ काँसा क रच्छा कवच पहिरे रहा। ओकरे लगे काँसा का भाला रहा जउन ओकरी पीठी प बाँधा रहा।</verse>
				<verse number="7">गोलियत क भाला क फाल जुलाहे क छड़ क तरह रहा। भाला क फाल क तौल पन्द्रह पौण्ड रही। गोलियत क सहायक गोलियत क ढाल क धरे भए ओकरे आगे आगे चलत रहा।</verse>
				<verse number="8">गोलियत रोज रोज बाहेर निकरत रहा अउ उ इस्राएली फउजियन कइँती गोहराइके कहत रहा, “तोहार सब फउजी लड़ाई बरे मोर्चा काहे लगाए बाटेन? तू पचे साऊल क सेवक अहा। मइँ एक पलिस्ती हउँ। ऍह बरे कउनो एक मनई क चुना अउ ओका मोसे लड़इ क पठवा।</verse>
				<verse number="9">जदि उ मनई मोका मारि डावत ह तउ हम पलिस्ती तोहार गुलाम होइ जाब। मुला जदि मइँ ओका जीत लिहेउँ अउ तोहरे मनई क मारि डावउँ तउ तू सबइ हमार दास होइ जाया। तब तू पचे हमार सेवा करब्या।”</verse>
				<verse number="10">पलिस्ती इ भी कहेस, “आजु मइँ खड़ा हउँ अउ इस्राएल क फउज क मसखरी उड़ावत हउँ। मोका आपन मँ स एक क संग लड़इ द्या।”</verse>
				<verse number="11">गोलियत जउन कहे रहा ओका साऊल अउ इस्राएली फउजी सुनेन अउर उ पचे बहोत ससाइ गएन।</verse>
				<verse number="12">दाऊद यिसै क पूत रहा। यिसै एप्राती परिवार स यहूदा बेतलेहम स रहा। यिसै क आठ पूत रहेन। साऊल क टेम मँ यिसै एक बुढ़वा मनई रहा।</verse>
				<verse number="13">यिसै क तीन बड़का पूत साऊल क संग जुद्ध मँ गवा रहेन। पहिला पूत एलीआब रहा। दूसर पूत अबिनादाब रहा। अउर तीसर पूत सम्मा रहा।</verse>
				<verse number="14">दाऊद सबसे छोटा बेटवा रहा। तीनउँ बड़े बेटवन साऊल क फउज मँ रहेन।</verse>
				<verse number="15">मुला दाऊद कबहुँ कबहुँ बेतलेहेम मँ आपन पिता क भेड़ी क रखवारी करइ बरे साऊल क लगे स चला जात रहा।</verse>
				<verse number="16">पलिस्ती गोलियत हर रोज भिन्सारे-साँझ क बाहेर आवत रहा अउ इस्राएल क फउज क समन्वा खड़ा होइ जात रहा। गोलियत चालीस दिन तलक इ तरह इस्राएल क मसखरी उड़ावत रहा।</verse>
				<verse number="17">एक दिना यिसै आपन पूत दाऊद स कहेस, “पका भवा दाना क इ टोपा अउ इ दस रोटी क डेरा मँ आपन भाई लोगन क लगे लइ जा।</verse>
				<verse number="18">पनीर क इ दस लोंदा क भी एक हजार सिपाहियन वाली आपन भाई क टुकड़ी क नायक अफसर क लगे लइ जा। लखा कि तोहार भाई कइसे अहइँ। कछू अइसा साच्छी लावा जेसे मोका पता लागइ कि तोहार भाई ठीक-ठाक बाटेन।</verse>
				<verse number="19">तोहार भाई साऊल क संग अहइँ अउ इस्राएल क सब फउजी एला घाटी मँ जमा अहइँ। उ पचे पलिस्ती क खिलाफ लड़त अहइँ।”</verse>
				<verse number="20">भोर होत भिन्सारे दाऊद भेड़ी क रखवारी दूसर गड़रिया क सौंपेस। दाऊद खइया क खाएस अउ हुवाँ बरे चल पड़ा जहाँ खातिर यिसै कहे रहा। दाऊद आपन गाड़ी क डेरा मँ लइ गवा। उ समइया फउजी आपन लड़ाइ मँ मोर्चा थामइ जात रहेन जब दाऊद हुवाँ पहुँचा। फउजी आपन जुद्ध क बिगुल बजावइ लागेन।</verse>
				<verse number="21">इस्राएल अउ पलिस्ती आपन-आपन मनइयन क जुद्ध मँ एक दूसर स भिड़इ बरे पंक्ती-बध करत रहेन।</verse>
				<verse number="22">दाऊद भोजन अउ चीजन क उ मनई क लगे तजि दिहेस जउन सामान क बाँटत रहा। दाऊद पराइके उ ठउरे प पहोंचा जहाँ इस्राएली फउजी रहेन। दाऊद आपन भाइयन क बारे मँ पूछेस।</verse>
				<verse number="23">दाऊद आपन भाइयन क संग बात करब सुरु किहेस। उहइ टेम पलिस्ती सबन त बरिआर जोधा जेकर नाउँ गोलियत रहा अउर जउन गथ क बसइया रहा, पलिस्ती फउज स बाहेर आवा। पहिले क तरह गोलियत इस्राएल क खिलाफ उहइ बात नरियाइके कहेस।</verse>
				<verse number="24">इस्राएली फउजी गोलियत क लखेन अउर पराइ गएन काहेकि उ लोगन बहोत डरे भवा रहा।</verse>
				<verse number="25">इस्राएली मनइयन मँ स एक कहेस, “अरे देसबासियो! तोहमाँ स कउनो लखेस ह जउन बार-बार इस्राएल क हँसी उड़ावत ह। जउन कउनो उ मनई क मार देइ धनी होइ जाइ। राजा साऊल ओका बहोत धन देइ। साऊल आपन बिटिया क उ मनई स बीहि देइ जउन गोलियत क मार देइ। अउर साऊल उ व्यक्ति क परिवार क इस्राएल मँ अजाद कइ देइ।”</verse>
				<verse number="26">दाऊद आपन बगली खड़ा मनई स पूछेस, “उ का कहेस? इ पलिस्ती क मारइ अउ इस्राएल क इ बेज्जती क दूर करइ क इनाम का अहइ? आखिर मँ इ गोलियत बाटइ का? सिरिफ इ एक बिदेसिया बा। गोलियत एक पलिस्ती स जियादा कछू नाहीं। उ काहे सोचत ह कि उ सोझइ परमेस्सर क फउज क खिलाफ बोल सकत ह?”</verse>
				<verse number="27">ऍह बरे इस्राएलियन गोलियत क मारइ क इनाम क बारे मँ बताएन।</verse>
				<verse number="28">दाऊद क बड़ा भाई एलीआब दाऊद क फउजी स बात करत सुनेस। एलीआब दाऊद प कोहाइ गवा। एलीआब दाऊद स पूछेस, “तू हिआँ काहे आया? रेगिस्तान मँ उ थोड़ी स भेड़ी क केकरे लगे तजिके आया ह? मइँ जानत हउँ कि तू हिआँ काहे आया ह? तू उ करब नाहीं चाहत्या जउन तोहसे करइ क कहा गवा रहा। तू सिरिफ हिआँ जुद्ध लखइ बरे आवइ चाहत बाट्या।”</verse>
				<verse number="29">दाऊद कहेस, “अइसा मइँ का किहेउँ ह? मइँ कउनो गलती नाहीं किहेउँ ह। मइँ सिरिफ बात करत रहेउँ।”</verse>
				<verse number="30">दाऊद दूसर मनइयन कइँती मुड़ा अउ ओनसे उ सबइ सवाल किहेस। उ पचे दाऊद वइसे ही जवाब दिहेन।</verse>
				<verse number="31">कछू मनइयन दाऊद स बात करत सुनेन। उ पचे दाऊद क बारे मँ साऊल स कहेस। साऊल हुकुम दिहेस कि उ पचे दाऊद क ओकरे लगे लइ आवइँ।</verse>
				<verse number="32">दाऊद साऊल स कहेस, “कउनो मनई क ओकरे कारण हिम्मत हारइ जिन द्या। मइँ आपक सेवक हउँ। मइँ इ पलिस्ती स लड़इ जाब।”</verse>
				<verse number="33">साऊल जवाब दिहेस, “तू फिलिस्तीन क खिलाफ जुद्ध मँ नाहीं जाइ सकत्या। तू अबहुँ छोटा बच्चा बाट्या। गोलियत जब बच्चा रहा, तबहिं स जुद्ध मँ लड़त रहा।”</verse>
				<verse number="34">मुला दाऊद साऊल स कहेस, “मइँ आपक सेवक अहउँ। अउर मइँ आपन बाप क भेड़ी क रखवारी भी करत रहेउँ ह। जदि कउनो सेर या रीछ आवत अउ झुण्ड स कउनो भेड़ी क उठाइ लइ जात।</verse>
				<verse number="35">तउ मइँ ओकर पाछा करत रहेउँ। मइँ आपन भेड़ी क बचावइ बरे उ जंगली जनावर प हमला करत रहेउँ अउ ओका मारत रहेउँ। अउर जदि उ मोर तरफ मुड़तेन अउर मोह पइ हमला करतेन तउ मइँ ओकर गरदन क नीचे क बार पकड़तेन अउर मातेन अउर ओका मरि डालतेन।</verse>
				<verse number="36">मइँ एक सेर अउ एक ठु रीछ क मारेउँ ह। मइँ इ विदेसी गोलियत क वइसे मार डाउब। गोलियत मरी, काहेकि उ साच्छात परमेस्सर क फउज क मसखरी किहेस ह।</verse>
				<verse number="37">यहोवा मोका सेर अउ रीछ स बचाएस ह। यहोवा इ पलिस्ती गोलियत स भी मोर रच्छा करिहीं।” साऊल दाऊद स कहेस, “जा यहोवा तोहरे संग होइँ।”</verse>
				<verse number="38">साऊल आपन ओढ़ना दाऊद क पहिराएस। साऊल एक काँसा क टोप दाऊद क सिर प धरेस अउ ओकरे तन प कवच पहिराएस।</verse>
				<verse number="39">दाऊद तरवार क लिहेस अउ ओका कवच पइ बाँधेस अउर चलइ क कोसिस किहेस, मुला उ ओकर भारी भरकम कवच क लेकर चल नाहीं सकत काहेकि उ ओन भारी चीजन क पहिरइ क आदत नाहीं रही। दाऊद साऊल स कहेस, “मइँ इ चीजन्क संग नाहीं लड़ सकत्या। मोर आदत ओनके बरे नाहीं बा।” ऍह बरे दाऊद ओन सबन क उतार दिहस।</verse>
				<verse number="40">दाऊद आपन टहरइ क छड़ी आपन हाथे मँ लिहस। नदी क तले स दाऊद पाँच चीकन पाथर चुनेस। उ ओन पाथरन क आपन गड़रियावाला झोरी मँ राखेस। उ आपन गोफना (गुलेल) आपन हाथे मँ लिहस अउर उ पलिस्ती गोलियत स मिलइ चल पड़ा।</verse>
				<verse number="41">पलिस्ती गोलियत धीमे धीमे दाऊद क नगिचे अउर नगिचे स नगिचे होत गवा। गोलियत क सहायक ओकर ढाल लइके ओकरे आगे चलत रहा।</verse>
				<verse number="42">गोलियत दाऊद क निहारेस अउ हँसा। गोलियत लखेस कि दाऊद फउजी नाहीं बा। उ सिरिफ लाल बारेवाला जवान लरिका अहइ।</verse>
				<verse number="43">गोलियत दाऊद स कहेस, “इ छड़ी काहे बरे बाटइ? का तू कूकुर क नाई मोर पाछा कइके मोका भगावइ आवा बाट्या।” तब गोलियत आपन देवतन क नाउँ लइके दाऊद क खिलाफ सरापेस।</verse>
				<verse number="44">गोलियत दाऊद स कहेस, “हिआँ आवा, मइँ तोहरे तने क पंछी अउ पसू क खियाइ देब।”</verse>
				<verse number="45">दाऊद पलिस्ती गोलियत स कहेस, “तू मोरे लगे तरवार, बर्छी अउ भाला चलावइ आवा अहा। मुला मइँ तोहरे लगे इस्राएल क फउज क परमेस्सर सर्वसक्तीमान यहोवा क नाउँ प आवा हउँ। तू ओनके खिलाफ बुरी बात कहया ह।</verse>
				<verse number="46">आजु यहोवा तोहका मोसे हराइ देइहीं। मइँ तोहका मारि डइहउँ। आजु मइँ तोहार मूँड़ कटिहउँ अउ तोहरे देह क पंछी अउ जंगली जनावर क खियाइ देइहउँ। हम पचे दूसर पलिस्तियन क संग हिअँइ करब। तब्बइ समूचइ संसार जानी कि इस्राएल मँ परमेस्सर बा।</verse>
				<verse number="47">हिआँ बटुरा सबहिं मनइयन जनिहइँ कि मनइयन क रच्छा बरे यहोवा क तरवार अउ भाला क सरोकार नाहीं। जुद्ध यहोवा क बा। अउर यहोवा तू सबहिं पलिस्तियन क हरावइ मँ हमार मदद करी।”</verse>
				<verse number="48">पलिस्ती गोलियत दाऊद प हमला करइ ओकरे लगे आवा। दाऊद गोलियत स भिड़इ तेजी स दउड़ा।</verse>
				<verse number="49">दाऊद एक पाथर आपन झोरी स निकारेस। उ ओका आपन गोफना प चढ़ाएस अउ ओका चलाएस अउ उ गोलियत क कपाल प चोट किहेस। पाथर ओकरे कपाल मँ गहिर घुसि गवा अउ गोलियत मुँहे क बल गिर पड़ा।</verse>
				<verse number="50">इ तरह दाऊद एक गोफना अउ एक पाथर स पलिस्ती क हराइ दिहस। उ पलिस्ती प चोट किहेस अउ ओका मार डाएस। दाऊद क लगे कउनो तरवार नाहीं रही।</verse>
				<verse number="51">ऍह बरे, दाऊद दउड़ा अउ पलिस्ती क बगल मँ खड़ा होइ गवा। दाऊद ओका खुद क तरवार ओकरी मियान स निकारेस अउर ओसे गोलियत क मूँड़ क ओकर सरीर स अलग कइ दिहस। इ तरह उ ओका मारेस। जब दूसर पलिस्तियन लखेन कि ओनकइ फउज क प्रमुख मारा गवा अहइ तउ उ पचे मुड़ेन अउ भाग गएन।</verse>
				<verse number="52">इस्राएल अउ यहूदा क फउजी सिपाही चिचियाएन अउ पलिस्तियन क पाछा पलिस्तियन क गत सहर क चउहद्दी तलक अउ एक्रोन क फटके तलक किहेस। उ पचे ढेर पलिस्तियन क मारेन। ओनकइ ल्हास सारैंम सड़क प गत अउर एक्रोन कइँती बिछ गएन।</verse>
				<verse number="53">पलिस्तियन क पाछा करइ क पाछे इस्राएली पलिस्तियन क डेरा मँ लौटेन। इस्राएली उ डेरा स बहोत स चीज ढोइ लइ गएन।</verse>
				<verse number="54">दाऊद पलिस्ती प्रमुख गोलियत क मूँड़ यरूसलेम लइ गवा। दाऊद पलिस्तियन क औजार क अपने लगे तम्बू मँ राखेस।</verse>
				<verse number="55">साऊल दाऊद क गोलियत स लड़इ बरे जात निहारे रहा। साऊल सेनापति अब्नेर स बात किहेस, “अब्नेर, उ नउजवान क बाप कउन अहइ?” अब्नेर जवाब दिहेस, “महाराज, मइँ किरिया खाइके कहत हउँ-मइँ नाहीं जानत।”</verse>
				<verse number="56">राजा साऊल स कहेस, “पता लगावा कि उ नउ जवान क पिता कउन अहइ।”</verse>
				<verse number="57">जब दाऊद गोलियत क मारे क पाछे लउटा तउ अब्नेर ओका साऊल क लगे लइ आवा। दाऊद तब भी फिलिस्तीनी क मूँड़ हाथे मँ धरे रहा।</verse>
				<verse number="58">साऊल ओसे पूछेस, “जवान मनई तोहार पिता के अहइँ?” दाऊद जवाब दिहस, “मइँ आप क सेवक बेतलेहेम क यिसै क पूत हउँ।”</verse>
			</chapter>
			<chapter number="18">
				<verse number="1">दाऊद जब साऊल स बात पूरी कइ लिहस तब योनातान, दाऊद क बहोत खासमखास मीत बन गवा। योनातान दाऊद स ओतॅना ही पिरेम करइ लाग जेतँना आपन स। साऊल उ दिन क पाछे दाऊद क आपन लगे राखेस। साऊल दाऊद क ओकरे घर पिता क लगे नाहीं जाइ दिहस।</verse>
				<verse number="2"></verse>
				<verse number="3">योनातान दाऊद स बहोत खासमखास मीत रहा। योनातान दाऊद स एक समझौता किहेस।</verse>
				<verse number="4">योनातान जउन कोट पहिरे रहा ओका उतारेस अउ दाऊद क दइ दिहस। योनातान आपन सारी वर्दी दाऊद क दइ दिहस। उ आपन धनुस, तरवार अउ कमर बंद भी दाऊद क दइ दिहस।</verse>
				<verse number="5">साऊल दाऊद क अलग अलग जुद्ध मँ लड़इ पठएस। दाऊद बहोत कामयाब रहा। तबहिं साऊल ओका फउजियन क ऊपर प्रभारी बनएस। एहसे सब खुस भएन, हिआँ तलक कि साऊल क सब अफसर भी खुस भएन।</verse>
				<verse number="6">दाऊद पलिस्तियन क खिलाफ लड़इ जात रहा। जुद्ध क पाछे उ घर लउटत रहा। इस्राएल क सबहिं सहरन स मेहररुअन साऊल क समन्वा दाऊद क सुआगत मँ ओसे भेंटइ आवत रहिन। उ सबइ हँसतिन, नाचतिन अउ ढोलक अउ सितार तीन या जियादा धागा वाला क बजावत रहतिन। उ सबइ दाऊद क समन्वा आपन खुसी जाहिर करत रहिन।</verse>
				<verse number="7">मेहररुअन गावत रहिन, “साऊल हजारन क मारेस। दाऊद दसहु हजारन क मारेस।”</verse>
				<verse number="8">मेहररुअन क इ गीत साऊल क दुःखी कइ दिहस। उ बहोत कोहाइ गवा। साऊल सोचेस, “मेहररुअन दाऊद क प्रसंसा करत अहइँ कि उ दसहु हजार मारेस ह। अउर उ पचे कहत अहइँ कि मइँ सिरिफ हजार मारेउँ। ओका कब्जा करइ बरे का बचा सिरफ, बादसाहत हीं?”</verse>
				<verse number="9">ऍह बरे उ समइ स साऊल दाऊद प निगाह रखइ लाग।</verse>
				<verse number="10">दूसरे दिन परमेस्सर स पठइ गइ एक दुट्ठ आतिमा साऊल पर जोर स सवारी भरेस। साऊल आपन घर मँ बहसी होइ ग। दाऊद पहिले क तरह वीणा बजाएस।</verse>
				<verse number="11">मुला साऊल क हाथे मँ भाला रहा। साऊल सोचेस, “मइँ दाऊद क देवारे मँ ठोंक देब।” साऊल दुइ बार भाला स हमला किहेस, मुला दाऊद बचि गवा।</verse>
				<verse number="12">यहोवा दाऊद क संग रहा। अउर यहोवा साऊल क तजि दिहेस। ऍह बरे साऊल दाऊद स डेरान रहा।</verse>
				<verse number="13">साऊल दाऊद क आपन स दूर पठइ दिहस। साऊल दाऊद क दस हजार क सेनापति बनाएस। दाऊद जुद्ध मँ फउजियन क अगुअइ किहेस।</verse>
				<verse number="14">यहोवा दाऊद क संग रहा। ऍह बरे दाऊद हर कहूँ सफल रहत रहा।</verse>
				<verse number="15">साऊल लखेस कि दाऊद क बहोत जिआदा कामयाबी मिलत बाटइ तउ साऊल दाऊद स अउर भी जिआदा ससाइ लाग।</verse>
				<verse number="16">मुला इस्राएल अउ यहूदा क सबहिं मनई दाऊद स पिरेम करत रहेन। उ पचे ओसे पिरेम ऍह बरे करत रहेन काहेकि उ जुद्ध मँ ओनका रस्ता देखाँवत रहा अउ ओनकइ बरे लड़त रहा।</verse>
				<verse number="17">साऊल दाऊद क मार डावइ चाहत रहा। साऊल दाऊद क धोख देइ क एक उपाय सोचेस। साऊल दाऊद स कहेस, “इ मोर सबन ते बड़की बिटिया मेरब अहइ। मइँ तोहका एहसे बियाह करइ देब। तबहिं तू सक्तीसाली जोधा होइ जाब्या। तू हमरे पूत क नाई होब्या। तब तू जाया अउ यहोवा क जुद्ध लड़्या।” इ एक चाल रही। साऊल सचमुच अब इ तखड़ा बखड़ा करत रहा, “इ तरह दाऊद क मोका दाऊद क मारइ क न होइ। मइँ पलिस्तियन स ओका आपन खातिर मरवाइ देब।”</verse>
				<verse number="18">मुला दाऊद कहेस, “मइँ कउनो खास परिवारे स नाहीं अहउँ। अउर मोर कउन हस्ती कि मइँ राजा क बिटिया क संग बियाह कइसे कइ सकत हउँ?”</verse>
				<verse number="19">तउ फुन जब साऊल क बिटिया मेरब क दाऊद क संग बियाह टेमॅ आवा तब साऊल मेहोलाई क अद्रीएल स ओकर बियाह कइ दिहस।</verse>
				<verse number="20">साऊल दूसर बिटिया मीकल दाऊद स पियार करत रही। मनइयन साऊल स कहेन कि मीकल दाऊद स पियार करत ह। एहसे साऊल क खुसी भइ।</verse>
				<verse number="21">साऊल सोचेस, “मइँ मीकल क दाउद क झाँसा देइ मँ बइपरब। मइँ मीकल क दाऊद स बियाह करइ देब। तब पलिस्तियन दाऊद क खिलाफ होइ जाब अउ उ पचे ओका मरि देब।” ऍह बरे साऊल दाऊद स दूसर दाई कहेस, “आजु तू मोरी बिटिया स बियाह कइ सकत ह।”</verse>
				<verse number="22">साऊल आपन अफसरन क हुकुम दिहेस, “दाउद स छिपके बात करा, उ ओनसे कहा, ‘देखा, राजा तोहका पसन्द करत ह। ओकर अफसर तोहका पसन्द करत हीं। तोहका ओकरी बिटिया स बियाह कइ लेइ चाही।’”</verse>
				<verse number="23">साऊल क अफसरन उ बातन दाऊद स कहेन। मुला दाऊद जवाब दिहस, “का तू पचे समझत ह कि राजा क दमाद बनब सहल बाटइ? मोरे लगे ऍतना धन नाहीं कि राजा क राजकुमारी क दइ सकउँ। मइँ तउ एक साधरण गरीब मनई हउँ।”</verse>
				<verse number="24">साऊल क अफसरन साऊल क उ सब बताएन जउन दाऊद कहे रहा।</verse>
				<verse number="25">साऊल ओनसे कहेस, “दाऊद स इ कहा, ‘दाऊद, राजा इ नाहीं चाहत कि तू ओकरी बिटिया बरे धन द्या। साऊल आपन दुस्मनन स बदला लेइ चाहत ह। ऍह बरे बियाह करइ बरे कीमत क रुप मँ सिरिफ एक सौ पलिस्तियन क लिंग क खलरी अहइ।’” इ साऊल क छिपी चाल रही। साऊल सोचेस कि पलिस्ती इ तरह दाऊद क मारि डइहीं।</verse>
				<verse number="26">साऊल क अफसरन दाऊद स इ सब बातन कहेन। दाऊद राजा क दमाद बनइ चाहत रहा, ऍह बरे उ तुरंतही कछू कइ देंखाएस।</verse>
				<verse number="27">दाऊद अउ ओकर मनई पलिस्तियन क खिलाफ लड़इ आएन। उ पचे दुइ सौ पलिस्ती मारि डाएन। दाऊद ऍनकइ लिंग क खलरी लिहेस अउ साऊल क दइ दिहेस। दाऊद इ ऍह बरे किहस काहेकि उ राजा क दमाद बनइ चाहत रहा। साऊल दाऊद क आपन बिटिया मीकल स बियाह करइ दिहस।</verse>
				<verse number="28">साऊल निहारेस कि यहोवा दाऊद क संग रहा। मुला साऊल इ भी धियान मँ राखेस कि ओकर बिटिया मीकल दाऊद स पियार करत रही।</verse>
				<verse number="29">ऍह बरे साऊल दाऊद स अउर भी जिआदा ससाइ गवा। साऊल उ पूरा टेमॅ दाऊद क खिलाफ रहा।</verse>
				<verse number="30">इस्राएलियन क खिलाफ लड़इ बरे पलिस्ती सेनापति बाहेर निकरत रहेन। मुला हर दाई दाऊद ओनका हराएस। दाऊद साऊल क सबहिं अफसरन मँ सब स जिआदा सफल रहा तउ दाऊद मसहूर होइ गवा।</verse>
			</chapter>
			<chapter number="19">
				<verse number="1">साऊल आपन पूत योनातान अउ आपन अफसरन क दाऊद क मार डावइ बरे कहेस। मुला योनातान दाऊद क बहोतइ चाहत रहा।</verse>
				<verse number="2">योनातान दाऊद क चिताउनी दिहेस, “होसियार रहा, साऊल तोहका जान स मारि डावइ क मौका तलासत बाटइ। भिन्सारे खेते मँ जाइके लुकाइ जा। मइँ आपन बाप क संग खेते मँ जाब। जहाँ तू लुकान रहब्या हम पचे हुआँ खेते मँ खड़ा रहब। मइँ तोहरे बारे मँ आपन बाप स बतियाब। जउन मोका जानि पड़ी तउन तोहका बताउब।”</verse>
				<verse number="3"></verse>
				<verse number="4">योनातान आपन बाप साऊल स बतियान। योनातान दाऊद क बारे मँ नीक नीक बात कहेस। योनातान कहेस, “आप राजा अहइँ। दाऊद आपक सेवक बाटइ। दाऊद आप क कउनो नोसकान नाहीं पहुँचाए बाटइ। ऍह बरे ओकरे संग कछू बुरा जिन करा। दाऊद हमेसा आप बरे नीक रहा ह।</verse>
				<verse number="5">दाऊद आपन जिन्नगी प खेला रहा जब उ पलिस्ती गोलियत क मारे रहा। यहोवा समूचइ इस्राएल बरे एक बड़की जीत पाए रहेन। आप ओका निहारेन अउ आप ओह प बहोत खुस रहेन। आप दाऊद क नोसकान काहे पहुँचावइ चाहत बाटेन? उ बड़ा मासूम अहइ। ओका मारि डावइ क कउनो कारण नाहीं अहइ।”</verse>
				<verse number="6">साऊल योनातान क सुनेस। साऊल प्रण किहेस। साऊल कहेस, “यहोवा जब ताई जिन्दा रहत ह तब ताई दाऊद मारा न जाई।”</verse>
				<verse number="7">ऍह बरे योनातान दाऊद क बोलाएस। उ ओसे उहइ कहेस जउन साऊल योनातान स कहेस। तबहिं योनातान दाऊद क साऊल क लगे लइ आवा। इ तरह दाऊद साऊल क हाजिरी मँ पहिले क तरह होइ गवा।</verse>
				<verse number="8">फुन जुद्ध सुरु भवा। अउर दाऊद पलिस्तियन स जुद्ध करइ गवा। उ पलिस्तियन क हराएस अउर उ पचे ओकरे समन्वा पराइ गएन।</verse>
				<verse number="9">मुला यहोवा क जरिए पठइ गइ दुट्ठ आतिमा साऊल प सवारी भरेस। साऊल आपन घरे मँ बइठा रहा। साऊल क हाथे मँ ओकर भाला रहा। दाऊद वीणा बजावत रहा।</verse>
				<verse number="10">साऊल दाऊद प हमला किहेस अउ आपन भाला स ओका देवारे प ठोंक देइ क जतन किहेस। दाऊद फाँदि क निकरि गवा अउ भाला देवारे स टकराइ क रहि गवा। तउ उहइ राति दाऊद हुआँ स पराइ निकरा।</verse>
				<verse number="11">साऊल मनइयन क दाऊद क घरे पठएस। मनइयन दाऊद क घरे निगरानी करत रहेन। उ पचे राति भइ हुँवई ठहरेन। उ सबइ भिन्सारे दाऊद क मारि डावइ बरे जोहत रहेन। मुला दाऊद क मेहरारु मीकल ओका हुसियार कइ दिहस। उ कहेस, “तोहका आजु क राति पराइ निकरइ चाही। अउ आपन जिन्नगी क रच्छा करइ चाही। जदि तू अइसा न करब्या, तउ भियान मारि दीन्ह जाब्या।”</verse>
				<verse number="12">फुन मीकल दाऊद क खिड़की स खाले उतारि दिहस अउर उ हुआँ स पराइ निकरा।</verse>
				<verse number="13">मीकल आपन परिवार क देवता क मूरत लिहस अउ ओका बिछउना प ओलार दिहस। मीकल उ मूरत प ओढ़ना डाइ दिहस। उ ओकरे मूँड़े प बोकरी क बार भी लगाइ दिहस।</verse>
				<verse number="14">साऊल दाऊद क बंदी बनावइ बरे दूत पठएस। मुला मीकल कहेस, “दाऊद बेमाँर बा।”</verse>
				<verse number="15">तउ पचे हुवाँ स गएन अउर उ सबइ साऊल स जाइके इ बताइ दिहेन, मुला उ पचे दूतन क दाऊद क लखइ बरे वापस पठइ दिहन। साऊल इ सब मनइयन स कहेस, “दाऊद क मोरे लगे लइ आवा। अगर जरुरत होइ तउ ओका आपन बिछउना प ओलरा भवा उठाइ लिआवा। मइँ ओका मारि डाउब।”</verse>
				<verse number="16">तउ दूत फुन दाऊद क घरे गएन। उ पचे दाऊद क धरइ भीतर गएन, मुला हुवाँ उ पचे लखेन कि बिछउना प सिरिफ एक ठु मूरत रही। उ पचे लखेन कि ओकर बार बस बोकरी क बार रहेन।</verse>
				<verse number="17">साऊल मीकल स कहेस, “तू मोका इ तरह काहे धोखा दिहा? तू मोरे दुस्मन क पराइ जाइ दिहा। दाऊद पराइ गवा अहइ।” मीकल साऊल क जवाब दिहेस, “दाऊद मोसे कहे रहा कि उ मोका मारि डाइ जदि मइँ पराइ जाइ मँ ओकर मदद न करब।”</verse>
				<verse number="18">दाऊद हिफाजत स बचि के निकरि गवा। दाऊद समूएल क लगे रामा पहोंचा। दाऊद समूएल स उ सब बताएस जउन साऊल ओकरे संग किहे रहा। तब दाऊद अउ समूएल ओन डेरन मँ गएन जहाँ नबियन रहत रहेन अउ उ हुवँइ थमा गएन।</verse>
				<verse number="19">साऊल क पता लाग कि दाऊद रामा क नगिचे डेरा मँ रहन।</verse>
				<verse number="20">साऊल दाऊद क बंदी बनावइ बरे मनइयन क पठएस। मुला जब उ पचे डेरन मँ पहोंचेन तउ उ टेमॅ नबियन क एक टुकरी भबिस्सबाणी करत रही। समूएल नबियन क अगुअइ करत भवा हुआँ खड़ा रहा। परमेस्सर क आतिमा साऊल क दूतन प ओतरी अउर उ पचे भविस्सबाणी करइ लागेन।</verse>
				<verse number="21">साऊल इ बारे मँ सुनेस, ऍह बरे उ हुवाँ दूसर दूत पठएस। मुला उ सबइ भविस्सबाणी करइ लागेन। ऍह बरे साऊल तिसरी दाई दूत पठएस। अउर उ पचे भी भविस्सबाणी करइ लागेन।</verse>
				<verse number="22">आखिर मँ साऊल खुद रामा पहोंचा। साऊल सेकु मँ खरिहाने क नगिचे एक ठु बड़का कुआँ क लगे आवा। साऊल पूछेस, “समूएल अउ दाऊद कहाँ बाटेन?” मनइयन जवाब दिहेन, “रामा क नगिचे डेरा मँ।”</verse>
				<verse number="23">तबहिं साऊल रामा क नगिचे डेरा मँ गवा। परमेस्सर क आतिमा साऊल प उतरी अउर साऊल भविस्सबाणी करब सुरु किहेस। साऊल रामा क डेरा तलक लगातार भबिस्सबाणी करत गवा।</verse>
				<verse number="24">तब साऊल आपन ओढ़ना उतारेस। इ तरह साऊल भी समूएल क समन्वा भबिस्सबाणी करत रहा। साऊल हुवाँ सारा दिन अउ सारी रात नंगा होइके ओलरा रहा। इहइ कारण स कहतूत चल गइ कि, “का साऊल नबियन मँ स कउनो एक बाटइ?”</verse>
			</chapter>
			<chapter number="20">
				<verse number="1">दाऊद रामा क नगिचे डेरा स पराइ गवा। दाऊद योनातान क लगे पहोंचा अउ ओसे पूछेस, “मइँ कउन सा गलती किहेउँ ह? मोर अपराध का अहइ? तोहार बाप मोका मारइ क काहे चाल चपेट करत बाटइ?”</verse>
				<verse number="2">योनातान जवाब दिहेस, “इ फुरे नाहीं बाटइ। मोर बाप तोहका मारइ क जतन नाहीं करत अहइ। मोर बाप मोका पहिले बगैर बताए कछू नाहीं करत। इ खास बात नाहीं कि इ बात खास होइ या तुच्छ, मोर बाप हमेसा मोका बतावत हीं। मोर बाप मोका इ बतावइ स काहे इन्कार करिहीं कि उ पचे तोहका मारि डावइ चाहत हीं? नाहीं, का इ फुर नाहीं बा।”</verse>
				<verse number="3">मुला दाऊद जवाब दिहेस, “तोहार बाप ठीक तरह जानत बाटेन कि मइँ तोहार मीत अहउँ। तोहार बाप आपन मने मँ इ विचारे अहइँ, ‘योनातान, क इ बारे मँ जानकारी नाहीं होइ चाही। जदि उ जानी तउ दाऊद स कहि देइ।’ मुला जइसे यहोवा क होब फुरे बाटइ अउर तू जिअत बाट्या, उहइ तरह इ भी फुर अहइ कि मइँ मउत क जिआदा नगिचे अहउँ।”</verse>
				<verse number="4">योनातान दाऊद स कहेस, “मइँ उ सब कछू करब जउन तू मोसे करवावइ चाहत बाट्या।”</verse>
				<verse number="5">तबहिं दाऊद कहेस, “लखा भियान नवा चन्द्रिमा क जलसा अहइ। मोका राजा क संग भोजन करइ क अहइ। मुला मोका तीसरे साँझ ताई खेत मँ लुकाइ रहइ द्या।</verse>
				<verse number="6">अगर तोहरे बाप क इ जान ‘पड़इ कि मइँ टरि गवा हउँ तउ ओनसे कहया कि दाऊद आपन घरे बेतलेहेम जाइ चाहत रहा। ओकर परिवार इ महीना क बलि खातिर खुद न्यौता देत बाटइ। दाऊद मोसे पूछेस कि मइँ ओका बेतलेहेम जाइ अउ ओकरे परिवारे स ओका भेंटइ देउँ।’</verse>
				<verse number="7">अगर तोहार पिता कहत बाटेन, ‘बहोतइ नीक भवा,’ तउ मइँ अच्छी तरह बचा हउँ। मुला अगर तोहार बाप कोहाइ जात हीं तउ बूझा कि मोर अनभल करइ चाहत हीं।</verse>
				<verse number="8">योनातान मोहे प दाया करा। मइँ तोहार चाकर अहउँ। तू यहोवा क समन्वा समझौता किहे अहा। अगर मइँ अपराधी अहउँ तउ तू खुद मोका मारि सकत ह। मुला मोका आपन बाप क लगे जिन लइ जा।”</verse>
				<verse number="9">योनाताना जवाब दिहेस, “नाहीं, कबहुँ नाहीं। अगर मइँ जान जाब कि मोर पिता तोहार अनभल करइ चाहत हीं तउ तोहका होसियार कइ देब।”</verse>
				<verse number="10">दाऊद कहेस, “अगर तोहार पिता करी होइके जवाब देत हीं तउ ओकरे बारे मँ मोका कउन बताई?”</verse>
				<verse number="11">तबहिं योनातान कहेस, “आवा, हम पचे खेते मँ चली।” तउ योनातान अउ दाऊद एक संग खेते मँ चला गएन।</verse>
				<verse number="12">योनातान दाऊद स कहेस, “मइँ इस्राएल क यहोवा परमेस्सर क समन्वा इ प्रण किहेउँ ह। मइँ प्रण करत हउँ कि मइँ तखराउब बखराउब कि मोर पिता तोहरे बरे कइसा बिचार धरत हीं। मइँ पता लगाउब कि उ तोहरे बारे मँ नीक बिचार रखत हीं कि नाहीं। तउ तीन दिना मँ मइँ तोहरे खेते मँ खबर पठउब।</verse>
				<verse number="13">अगर मोर पिता तोह पइ वार करइ चाहत हीं, तउ मइँ तोहका जानकारी देब। मइँ तोहका हिआँ स सुरच्छित जाइ प्रबंध कइ देब। यहोवा तोहका हिआँ स सुरच्छित होइके जाइ देइहीं। यहोवा मोका सजा देइँ, जदि मइँ अइसा न करउँ। यहोवा तोहरे संग रहइँ, जइसा उ मोरे पिता क संग रहेन ह।</verse>
				<verse number="14">जब तलक मइँ जिअत रहउँ मोरे प दाया राख्या। अउ जब मइँ मरि जाउँ तउ</verse>
				<verse number="15">मोरे परिवारे प दाया करब बन्द जिन कर्या। यहोवा दाऊद क सबहिं दुस्मनन क धरती स नास कइ देइहीं।</verse>
				<verse number="16">अगर उ समइ योनातान क परिवार दाऊद क परिवारे स अलगाइ दीन्ह जाइ क होइ, तउ ओका होइ जाइ द्या। दाऊद क दुस्मनन क यहोवा सजा देइहीं।”</verse>
				<verse number="17">तब योनातान दाऊद स कहेस कि उ ओकरे बरे पिरेम क प्रण क दोहराइ देइ। योनातान इ ऍह बरे किहेस काहेकि उ दाऊद स ओतना ही पिरेम करत रहा जेतना उ अपने स।</verse>
				<verse number="18">योनातान दाऊद स कहेस, “भियान नवा चन्द्रिमा क जलसा अहइ। तोहार आसन खाली रही। ऍह बरे मोर बाप समुझ जइहीं कि तू चला ग अहा।</verse>
				<verse number="19">तीसरे दिना उहइ जगह प जा जहाँ तू इ परेसानी सुरु होइ क पहिले लुकान रह्या। उ पहाड़ी क बगल मँ प्रतीच्छा करा।</verse>
				<verse number="20">अउर मइँ इ पहाड़ी क बगल स तीन अइसा बाण छोड़ब, जइसे मइँ कउनो निसान प बाण मारत हउँ।</verse>
				<verse number="21">तब मइँ बाण क हेरइ बरे, आपन अउजार क ढोवइया लरिका स जाइ बरे कहब। जदि सब कछू नीक होइ तउ मइँ लरिका स कहब, ‘तू बहोतउ दूर निकरि गवा अहा बाण तउ मोरे लगे बाटइ। लउटा अउ ओका उठाइ लइ आवा।’ जदि मइँ अइसा कहेउँ तउ तू लुकाइ क जगह स बाहेर आइ सकत ह। मइँ बचन देत अही कि तू जइसे यहोवा हमेसा बना रहत ह वइसे तू बचा रहब्या। कउनो भी खतरा नाहीं बा।</verse>
				<verse number="22">मुला जदि खतरा होइ तउ मइँ लरिका स कहब। ‘बाण बहोतइ दूर बाटइ, जा अउ ओका लइ आवा।’ अगर मइँ अइसा कहेउँ तउ तोहका चला जाइ चाही।</verse>
				<verse number="23">हमरे अउ आपन बीच क समझौता क सुमिरिके राखा। यहोवा हमेसा बरे गवाह बा।”</verse>
				<verse number="24">तउ दाऊद खेते मँ लुकाइ गवा। नवा चन्द्रिमा क जलसा क टेम आवा अउ राजा खइया बरे बइठा।</verse>
				<verse number="25">राजा देवार क निचके हुवइँ बइठा जहाँ अक्सर उ बइठत रहा। योनातान साऊल क दूसरी कइँती बइठा। अब्नेर साउल क पाछे बइठा। मुला दाऊद क जगह खाली रही।</verse>
				<verse number="26">उ दिना साऊल कछू नाहीं कहेस। उ सोचेस, “होइ सकत ह दाऊद क कछू भवा होइ अउर उ सुद्ध न होइ।”</verse>
				<verse number="27">भियान भए, महीना क दूसर दिन, दाऊद क जगइ फुन खाली रही। तबहिं साऊल आपन पूत योनातान स पूछेस, “यिसै क पूत नवा चन्द्रिमा क जलसा मँ काल्ह या आजु काहे नाहीं आवा?”</verse>
				<verse number="28">योनातान जवाब दिहेस, “दाऊद मोका स बेतलेहेम जाइ बरे अनुमती मांगत रहा।</verse>
				<verse number="29">उ कहे रहा, ‘मोका जाइ द्या। मोर परिवार बेतलेहेम मँ एक बलि भेंट करत अहइ। मोर भइया हुवाँ रहइ बरे हुकुम दिहे अहइ। अब मइँ तोहार मीत अहउँ तउ मोका जाइ द्या अउ भाइयन स मिलइ द्या।’ इहइ कारण अहइ कि दाऊद राजा क मेज प नाहीं आवा अहइ।”</verse>
				<verse number="30">साऊल योनातान प बहोतइ कोहाइ गवा। उ योनातान स कहेस, “तू एक दास अउरत क पूत अहा! मइँ जानत हउँ कि तू दाऊद क पच्छ मँ अहा। तू आपन महतारी अउ आपन बरे लज्जा क कारण अहा।</verse>
				<verse number="31">जब तलक यिसै क पूत जिअत रही तब तलक तू कबहुँ राजा नाहीं बनब्या अउर न तोहार राज्ज होइ। अब दाऊद क हमरे लगे लइ आवा। उ एक मरा मनई अहइ।”</verse>
				<verse number="32">योनातान आपन बाप स पूछेस, “दाऊद क काहे मारि डावा जाइ चाही? उ कउन अपराध किहे अहइ?”</verse>
				<verse number="33">मुला साऊल आपन भाला योनातान प चलाएस अउर ओका मारि डावइ क जतन किहेस। ऍह बरे योनातान समुझ गवा कि मोर बाप दाऊद फुरइ मार डावइ चाहत ह।</verse>
				<verse number="34">योनातान कोहाइ गवा अउ उ मेजिया तजि दिहेस। योनातान ऍतना घबराइ गवा अउ आपन बाप प कोहान कि जेउनार क दूसर दिन कछू भी खाइ स मना कइ दिहस। योनातान ऍह बरे कोहान काहेकी साऊल ओका बेज्जत किहे रहा अउ साऊल दाऊद क मारि डावइ चाहत रहा।</verse>
				<verse number="35">दूसर दिन भिन्सारे योनातान खेते मँ गवा। उ दाऊद स भेंटइ गवा, जइसा उ पचे राजी भ रहेन। योनातान एक अउजार क ढोवइया लरिका क आपन साथ लइ आवा।</verse>
				<verse number="36">योनातान लरिका स कहेस, “धावा अउर जउन बाण मइँ चलावत अहउँ, ओनका लइ आवा।” लरिका धाउब सुरु किहेस अउ योनातान ओकरे मूँड़े क ऊपर स बाण चलाएस।</verse>
				<verse number="37">लरिका उ ठउरे क धावत जहाँ बाण गिरत रहा। मुला योनातान गोहराएस, “बाण तोहसे बहोतइ दूर बाटइ।”</verse>
				<verse number="38">तब योनातान बोलाइ, “हाली करा। ओनका लइ आवा, हुआँ खड़ा जिन रहा!” लरिका बाणन क उठाएस अउ आपन मालिक क लगे वापस लइ आवा।</verse>
				<verse number="39">लरिका क कछू पता नाहीं लाग कि का भवा। सिरिफ योनातान अउ दाऊद जान लिहन।</verse>
				<verse number="40">योनातान आपन धनुस बाण लरिका क दिहस। तबहिं योनातान लरिका स कहेस, “सहर मँ लउटि आवा।”</verse>
				<verse number="41">लरिका वपिस चला गवा। दाऊद आपन उ लुकाइ क ठउर स बाहेर आवा जउन पहाड़ी क दूसर कइँती रहा। दाऊद आपन मूँड़ि क भुइँया तलक निहुराई कइ प्रणाम किहस। दाऊद तीन दाई निहुरा। तब दाऊद अउ योनातान एक दूसरे क चूमेन। उ दुइनउँ एक संग रोएन, मुला दाऊद योनातान स जिआदा रोएस।</verse>
				<verse number="42">योनातान दाऊद स कहेस, “सान्ति स जा। हम पचे यहोवा क नाउँ लइके मीत होइके प्रण किहे रहे। हम पचे कहे रहे कि यहोवा हम पचन अउ हमरे सन्तानन क बीच हमेसा गवाह रइहीं।”</verse>
			</chapter>
			<chapter number="21">
				<verse number="1">तब दाऊद चला गवा अउ योनातान सहर क लउट गवा। दाऊद नौब नाउँ क नगर मँ याजक अहीमेलेक स मिलइ गवा। अहीमेलेक दाऊद स मिलइ स डरत रहेन। अहीमेलेक डर स काँपत रहा। अहीमेलेक दाऊद स पूछेस: “तू अकेले काहे अहा? तोहरे संग कउनो मनई काहे नाहीं अहइ?”</verse>
				<verse number="2">दाऊद अहीमेलेक क जवाब दिहेस, “राजा मोका खास हुकुम दिहे अहइ। उ मोसे कहेस ह कि ‘इ उद्देस क कउनो क जानइ न द्या। कउनो भी मनई ओका न जानइ जेका मइँ तोहका करइ क कहेउँ ह।’ मइँ आपन मनइयन स कहि दिहेउँ ह कि उ पचे कहाँ भेंटइँ?</verse>
				<verse number="3">अब इ बतावा कि तोहरे लगे खाइ क बरे का बाटइ? मोका पाँच ठु रोटी या जउन कछू तू पाइ सका द्या।”</verse>
				<verse number="4">याजक दाऊद स कहेस, “मोरे लगे हिआँ साधारण रोटी नाहीं अहइँ। मुला मोरे लगे कछू पवित्तर रोटी तउ अहइँ। तोहार अफसर ओका खाइ सकत हीं, जदि उ पचे कउनो मेहरारु क संग यौन सम्बंध न किहे होइँ।”</verse>
				<verse number="5">दाऊद याजक क जवाब दिहेस, “हम पचे इ दिनन मँ कउनो मेहरारु क संग नाहीं रहे। हमार मनई आपन तन क पवित्तर राखत हीं हिआँ तलक कि साधरण उद्देस बरे जाए पर भी। अउर आजु बरे तउ इ खास तरह स फुर बाटइ काहेकि हमार कारज बहोत खास बाटइ।”</verse>
				<verse number="6">हुआँ पवित्तर रोटी क अलावा कउनो रोटी नाहीं रही। ऍह बरे याजक दाऊद क हुवँई रोटी दिहस। इ उहइ रोटी रही जेका याजक यहोवा क समन्वा पवित्तर मेजे प धरत रहेन। उ पचे उ दिन मेज स इ रोटी क हटाइ लेत रहेन अउ ओकरी जगह ताजी रोटी धरत रहेन।</verse>
				<verse number="7">उ दिन साऊल क अफसरन मँ स एक ठु हुआँ रहा। उ एदोमी दोएग रहा। दोएग क हुआँ यहोवा क समन्वा रखा गवा रहा। दोएग साऊल क गड़रियन क नेता रहा।</verse>
				<verse number="8">दाऊद अहीमेलेक स पूछेस, “का तोहरे लगे हिआँ कउनो भाला या तरवार बाटइ? राजा क कारज बहोत जल्दी बा। मोका फउरन जाइ क अहइ, अउर मइँ आपन तरवार या दूसर कउनो अउजार नाहीं लाइ।”</verse>
				<verse number="9">याजक उत्तर दिहस, “एक मात्र तरवार जउन हिआँ अहइ उ पलिस्ती गोलियत क अहइ। इ उहइ तरवार अहइ जेका तू ओका तब लिहे रहा जब तू ओका एला क घाटी मँ मारे रह्या। उ तरवार एक ओढ़ना मँ लिपटी भइ एपोद क पाछे धरी अहइ। जदि तू चाहा तउ ओका लइ सकत ह।” दाऊद कहेस, “एका मोका द्या। गोलियत क तरवार क तरह कउनो तरवार नाहीं बा।”</verse>
				<verse number="10">उ दिना दाऊद साऊल क हिआँ स पराइ गवा। दाऊद गथ क राजा अकिस क लगे गवा।</verse>
				<verse number="11">उ पचे कहेन, “का इ इस्राएल क राजा दाऊद नाहीं अहइ? इहइ उ मनई अहइ जेकर गवनिया इस्राएलियन गावत हीं। उ पचे गावत हीं अउ ओकरे बरे नाचत हीं। इस्राएलियन इ गीत गावत हीं: “साऊल हजारन क मारेस। दाऊद दसहु हजारन क मारेस।”</verse>
				<verse number="12">दाऊद क इ बात याद रहिन। दाऊद गत क राजा आकीस स बहोत डेरान रहा।</verse>
				<verse number="13">ऍह बरे, दाऊद आकीस अउ ओकरे अफसरन क समन्वा अपने क पागल मनई जइसा बहाना किहस। जब तलक दाऊद ओनके संग रहा उ पागल मनइयन जइसा बहाना किहस। उ दरवाजा क पल्ला प थूक देत रहा। उ आपन थूक क आपन डाढ़ी प गिरइ देत रहा।</verse>
				<verse number="14">आकीस आपन अफसरन स कहेस, “इ मनई क लखा। इ तउ पागल जइसा अहइ। तू सबइ ऍका मोरे लगे काहे लइ आया ह?</verse>
				<verse number="15">का मोर लगे मनई क कमी अहइ कि तू इ मनई क मोरे घरे मँ मोरे पागलपन क खेल करई बरे लइ आवा ह?”</verse>
			</chapter>
			<chapter number="22">
				<verse number="1">दाऊद गथ क तजि दिहस। दाऊद अदुल्लाम क गुफा मँ पराइ गवा। दाऊद क भइयन अउ रिस्तेदारन सुनेन कि दाऊद अदुल्लाम मँ रहा। उ पचे दाऊद क मिलइ हुआँ गएन।</verse>
				<verse number="2">बहोत स मनई दाऊद क लगे होइ गएन। उ सबइ, जउन कउनो विपत्ति मँ रहेन या कर्जा मँ रहेन या संतुट्ठ नाहीं रहेन। दाऊद क संग होइ गएन। दाऊद क लगे चार सौ मनसेधू रहेन।</verse>
				<verse number="3">दाऊद अदुल्लाम क तजि दिहस अउर उ मोआब मँ बसा मिस्पा चला गवा। दाऊद मोआब क राजा स कहेस, “कृपा कइके मोरे महतारी बाप क आवइ द्या अउर आपन लगे तब तलक रहइ द्या जब ताई मइँ इ न समुझ सकउँ कि परमेस्सर मोरे संग का करइ जात अहइ।”</verse>
				<verse number="4">दाऊद आपन महतारी-बाप क मोआब क राजा क लगे तजि दिहस। दाऊद क महतारी बाप मोआब क राजा क लगे तब तलक ठहरेन जब तलक दाऊद किला मँ रहा।</verse>
				<verse number="5">मुला नबी गाद दाऊद स कहेस, “किला मँ जिन ठहरा। यहूदा पहँटा मँ जा।” ऍह बरे दाऊद हुआँ स चल पड़ा अउ हरथ क जंगल मँ गवा।</verse>
				<verse number="6">साऊल जानि लिहेस कि दाऊद अउ ओकरे मनइयन क बारे मँ पता चल गवा अहइँ। साऊल गीबा मँ पहाड़ी प एक पेड़ क नीचे बइठा रहा। साऊल क हाथ मँ ओकर भाला रहा। साऊल क सबहिं अफसरन ओकरे चारिहुँ कइँती खड़ा रहेन।</verse>
				<verse number="7">साऊल आपन उ अफसरन स कहेस, जउन ओकरे चारिहुँ कइँती खडा रहेन, “बिन्यामीन क मनइयो, सुना। का तू पचे समुझत ह कि यिसै क पूत तोहका खेत अउ अंगूरे क बगिया देइ? का तू पचे समुझत ह कि उ तोहका तरक्की देइ अउर तू पचन्क हजार मनई अउ सौ मनइयन क ऊपर अफसर बनइ।</verse>
				<verse number="8">तू पचे मोरे खिलाफ जाल रचत बाट्या। तू पचे छिपी भइ चाल चल्या ह। तू पचन मँ स कउनो भी मोर पूत योनातान क बारे मँ नाहीं बताएस ह। तोहमाँ स कउनो भी इ नाहीं बताएस ह कि उ यिसै क पूत क संग क समझौता किहेस ह। तोहमाँ स कउनो भी मोर परवाह नाहीं करत। तोहमाँ स कउनो भी इ नाहीं बताएस कि मोर पूत योनातान दाऊद क हुस्काएस ह। योनातान मोर नउकर दाऊद स कहेस कि उ लुकाइ जाइ अउर मोहे प हमला करइ। अउर इ उहइ अहइ कि जउन दाऊद अब करत बाटइ।”</verse>
				<verse number="9">एदोमीत दोएग साऊल क अफसरन क संग खड़ा रहा। दोएग कहेस, “मइँ यिसै क पूत दाऊद क नोब मँ लखेउँ ह। दाऊद अहीतूब क पूत अहीमेलेक स भेंटइ आवा।</verse>
				<verse number="10">अहीमेलेक यहोवा स दाऊद बरे बिनती किहस। अहीमेलेक दाऊद क भोजन भी दिहस। अउर अहीमेलेक दाऊद क पलिस्ती गोलियत क तरवार भी दिहस।”</verse>
				<verse number="11">ऍह बरे राजा याजक अहीतूब क पूत अउर ओकर सारा परिवार, याजकन जे नोब मँ रहत भवा, ओका अपन लगे अवइ बरे संदेस भेजेस, अउर उ पचे सबहिं राजा लगे आएन।</verse>
				<verse number="12">साऊल अहीमेलेक स कहेस, “अहीतूब क पूत, अब सुनि ल्या।” अहीमेलेक जवाब दिहस, “हाँ, महाराज।”</verse>
				<verse number="13">साऊल अहीमेलेक स कहेस, “तू अउर यिसै क पूत दाऊद मोरे खिलाफ छिपी योजना काहे बनाया? तू दाऊद क रोटी अउ तरवार दिहा। तू परमेस्सर स ओकरे बरे बिनती किह्या। अउर अब सोझइ, दाऊद मोह पइ हमला करइ क जोहत अहइ।”</verse>
				<verse number="14">अहीमेलेक जवाब दिहस, “दाऊद आप क बड़का पतियाइ क काबिल अहइ। तोहरे अफसरन मँ स कउनो ओतॅना पतियाइ क काबिल नाहीं जेतेना दाऊद बा। दाऊद तोहार आपन जमाई अहइ। अउर दाऊद अंगरच्छक क नायक अहइ। तोहार आपन परिवार दाऊद क सम्मान करत ह।</verse>
				<verse number="15">उ पहली दाई नाहीं रहा, कि मइँ दाऊद बरे परमेस्सर स बिनती कीन्ह। अइसी बात नाहीं। मोका या मोरे कउनो नातेदार प दोख जिन लगावा। हम पचे तोहार नउकर अही। मोका कछू भी पता नाहीं कि इ सब का होत बाटइ।”</verse>
				<verse number="16">मुला राजा कहेस, “अहीमेलेक, तू पचन क अउ तोहरे सबहिं नातेदारन क मरब अहइ।”</verse>
				<verse number="17">तब राजा आपन बगल मँ खड़ा भवा रच्छकन स कहेस, “जा अउ यहोवा क याजकन क मारि डावा। ऍह बरे इ करा काहेकि उ पचे दाऊद क पच्छ मँ अहइँ। उ पचे जानत रहेन कि दाऊद परान बाटइ, मुला उ पचे मोका बताएन नाहीं।” मुला राजा क अफसरन यहोवा क याजकन क मारइ स इन्कार कइ दिहन।</verse>
				<verse number="18">ऍह बरे राजा दोएग क हुकुम दिहस। साऊल कहेस, “दोएग तू जा अउ याजकन क मारि डावा।” ऍह बरे एदोमीत दोएग गवा अउ उ याजकन क मारि डाएस। उ दिना दोएग सन क एपोद पहिरइवालन पचासी मनसेधू याजकन क मारि डाएस।</verse>
				<verse number="19">नोब याजकन क सहर रहा। दोएग सहर क सबहिं मनइयन क मारि डाएस। दोएग आपन तरवार क भाँजेस उ सबहिं मनसेधुअन, मेहररुअन, लरिकन अउ गदेलन क जपि दिहस। दोएग ओनकइ गइयन, खच्चरन अउ भेड़ी तलक क जपि दिहस।</verse>
				<verse number="20">मुला एब्यातार हुआँ स बचि निकरा। एब्यातार अहीमेलेक क पूत रहा। अहीमेलेक अहीतूब क पूत रहा। एब्यातार बचिके निकरा अउ दाऊद स मिलि गवा।</verse>
				<verse number="21">एब्यातार दाऊद स कहेस कि साऊल यहोवा क याजकन क मारि डाएस ह।</verse>
				<verse number="22">तब दाऊद एब्यातार स कहेस, “मइँ एदोमी दोएग क उ दिना नोब मँ लखेउँ रहे। अउर मइँ जानत हउँ कि उ साऊल स कही। मइँ तोहरे बाप क परिवारे क मउत बरे जिम्मेदार हउँ।</verse>
				<verse number="23">जउन मनई साऊल तोहका मारइ चाहत ह उ मोका भी मारइ चाहत ह। मोरे संग ठहरा। जिन डेराअ। तू मोरे संग बचा रहब्या।”</verse>
			</chapter>
			<chapter number="23">
				<verse number="1">लोगन दाऊद स कहेन, “लखा, पलिस्ती कीला क खिलाफ जुद्ध करत बाटेन। उ पचे खरिहाने स अन्न लूटत अहइ।”</verse>
				<verse number="2">दाऊद यहोवा स पूछेस, “का मइँ जाउँ अउ इ पलिस्तियन स लड़उँ?” यहोवा दाऊद क जवाब दिहस, “जा अउ पलिस्तियन प हमला करा। कीला क बचावा।”</verse>
				<verse number="3">मुला दाऊद क मनइयन ओसे कहेन, “लखा, हम सबइ हिआँ यहूदा मँ अही अउर हम डेरान अही। तनिक सोचा कि हम पचे केँतना डेरान होबइ जब कीला जाब जे जगह पूरा पलिस्ती फउज स भरि अहइ।”</verse>
				<verse number="4">दाऊद फुन यहोवा स पूछेस। यहोवा दाऊद क जवाब दिहस, “कीला क जा। मइँ तोहार मदद पलिस्तियन क हरावइ मँ करब।”</verse>
				<verse number="5">ऍह बरे दाऊद अउ ओकर मनई कीला गएन। दाऊद क मनइयन पलिस्तियन स लड़ेन। दाऊद क मनइयन पलिस्तियन क हराएन अउ ओनकइ गइयन क लइ लिहन। इ तरह दाऊद कीला क मनइयन क बचाएस।</verse>
				<verse number="6">(जब एब्यातार दाऊद क लगे पराइके गवा रहा तबहिं एब्यातार आपन संग एक ठु एपोद संग लइ गवा रहा।)</verse>
				<verse number="7">लोगन साऊल क सूचना दिहेस कि अब दाऊद कीला मँ बाटइ। साऊल कहेस, “परमेस्सर दाऊद क पकड़इ बरे मोका एक अवसर दइ दिहस ह। दाऊद खुद जाल मँ फँस गवा अहइ। उ अइसे कस्बा मँ गवा अहइ जेहमाँ फाटक अउ छड़ अहइ।”</verse>
				<verse number="8">साऊल जुद्ध करइ बरे आपन सारी फउज क एक संग बोलाएस। उ पचे आपन तइयारी कीला जाइ अउ दाऊद अउ ओकरे मनइयन क पकड़ेन बरे किहस।</verse>
				<verse number="9">दाऊद क पता लाग कि साऊल ओकरे खिलाफ चाल चलत अहइ। दाऊद तब याजक एब्यातार स कहेस, “एपोद लइ आवा।”</verse>
				<verse number="10">दाऊद बिनती किहेस, “यहोवा इस्राएल क परमेस्सर, मइँ सुनेउँ ह कि साऊल कीला मँ जाइ अउ मोरे कारण ऍका नास करइ क चाल चलत बाटइ।</verse>
				<verse number="11">का साऊल कीला मँ आइ? का कीला क मनई मोका साऊल क दइ देइहीं? यहोवा इस्राएल क परमेस्सर, मइँ आपक नउकर हउँ। कृपा कइके मोका बतावइँ।” यहोवा जवाब दिहस, “साऊल आइ।”</verse>
				<verse number="12">दाऊद फुन पूछेस, “का कीला क मनई मोका अउ मोरे मनइयन क साऊल क दइ देइहीं।” यहोवा जवाब दिहस, “उ पचे अइसा करिहीं।”</verse>
				<verse number="13">ऍह बरे दाऊद अउ ओकर मनई कीला क तजि दिहेस। हुआँ लगभग छ: सौ मनई रहेन जउन दाऊद क संग गएन। दाऊद अउ ओकर मनई एक ठउर स दूसर ठउर टहरत रहेन। साऊल क पता लग गवा कि दाऊद कीला स बचि निकरा। ऍह बरे साऊल उ नगर क नाहीं गवा।</verse>
				<verse number="14">दाऊद मरुभूमि क चला गवा अउर हुवाँ किला मँ ठहर गवा। दाऊद जिफ क रेगिस्तान क पहाड़ी देस मँ भी गवा। साऊल रोज दाऊद क हेरत रहा, मुला यहोवा साऊल क धरइ नाहीं देत रहा।</verse>
				<verse number="15">दाऊद जीप क रेगिस्तान होरेस मँ भी ठहरा रहा। उ ससान रहा काहेकि साऊल ओका मारइ आवत रहा।</verse>
				<verse number="16">मुला साऊल क पूत योनातान होरेस मँ दाऊद स भेंटइ गवा। योनातान परमेस्सर प पक्का बिस्सास धरइ बरे दाऊद क मदद किहेस।</verse>
				<verse number="17">योनातान दाऊद स कहेस, “डेराअ जिन। मोर बाप साऊल तोहका नाहीं पाउब। तू इस्राएल क राजा बनब्या। मइँ तोहरे बाद दूसर दर्जा प रहब। मोर बाप इ भी जानत हीं।”</verse>
				<verse number="18">योनातान अउ दाऊद दुइनउँ यहोवा क समन्वा समझौता किहन। तब योनातान घर चला गवा। अउर दाऊद होरेस मँ टिका रहा।</verse>
				<verse number="19">जिफ क मनई गीबा मँ साऊल क लगे आएन। उ पचे साऊल स कहेन, “दाऊद हम पचन क पहँटा मँ लुकान अहइ। उ होरेस क कीला मँ बाटइ। उ हकीला पहाड़ी प यसीमोन क दक्खिन मँ अहइ।</verse>
				<verse number="20">महराज आप जब चाहइँ आवइँ। इ हम सबन क कर्तब अहइ कि हम पचे आपक दाऊद क दइ देइ।”</verse>
				<verse number="21">साऊल जवाब दिहेस, “यहोवा आप लोगन क मोर मदद बरे असीसइँ।</verse>
				<verse number="22">जा अउ ओकरे बारे मँ अउर जिआदा पता लगावा। पता लगावा कि दाऊद कहाँ रहत ह। अउर इ तोहा कि दाऊद क हुवाँ कउन लखेस ह। साऊल सोचेस, ‘दाऊद चतुर बाटइ। उ मोका भरमावइ क कोसिस करत बाटइ।’</verse>
				<verse number="23">लुकाइ क जउन ठउरन क प्रयोग दाऊद करत बाटइ, ओन सबहिं ठउरन क पता लगावा। अउर मोरे लगे वापिस लउटि आवा अउ मोका सब कछू बतावा। तबहिं मइँ तोहरे संग चलब। जदि दाऊद उ पहँटा मँ होइ तउ मइँ ओकर पता लगाउब। मइँ ओकर पता तब भी लगाइ लेब जदि मोका यहूदा क सबहिं परिवारन क तलासी लेइ क होइ।”</verse>
				<verse number="24">तब जीप निवासी साऊल क अगवा अगवा जीप क लौटि आएन। दाऊद अउर ओकर मनई मओन क रेगिस्तान मँ रहेन। उ पचे यसीमोन क दक्खिन मँ रेगिस्तानी पहँटा मँ रहेन।</verse>
				<verse number="25">साऊल अउ ओकर मनई दाऊद क खोजइ गएन। मुला मनइयन दाऊद क होसियार किहेन। उ पचे बताएन कि साऊल ओनका हेरत अहइ। दाऊद तब माओन क रेगिस्तान मँ ढलान कइँती “चट्टान” प गवा। साऊल सुनेस कि दाऊद माओन क रेगिस्तान मँ गवा अहइ। ऍह बरे साऊल उ ठउर प दाऊद क धरइ गवा।</verse>
				<verse number="26">साऊल पहाड़े क एक कइँती रहा। दाऊद अउ ओकर मनई उहइ पहाड़े क दूसर कइँती रहेन। दाऊद साऊल स दूर निकरइ बरे हाली करत रहा। साऊल अउ ओकर सिपाही पहाड़े क चारिहुँ कइँती अउ ओकरे मनइयन क धरइ जात रहेन।</verse>
				<verse number="27">मुला साऊल क लगे एक दूत आवा। दूत कहेस, “हाली हाली करा। पलिस्ती हम पचन प हमला करत बाटेन।”</verse>
				<verse number="28">ऍह बरे साऊल दाऊद क पाछा करब तजि दिहस अउ पलिस्तियन स लड़इ निकरि गवा। इहइ कारण बाटइ कि मनइयन उ ठउर क “फिसलनी क चट्टान” कहत हीं।</verse>
				<verse number="29">दाऊद माओन क रेगिस्तान क तजि दिहेस अउ एनगोदी क लगे किला मँ गवा।</verse>
			</chapter>
			<chapter number="24">
				<verse number="1">जब साऊल पलिस्तियन क पाछा कइके भगाइ दिहस, तब मनइयन साऊल स कहेन, “दाऊद एनगोदी क लगे रेगिस्तानी इलाका मँ बा।”</verse>
				<verse number="2">ऍह बरे साऊल पूरा इस्राएल क तीन हजार मनइयन क चुनेस। साऊल इ मनइयन क संग लिहस अउ दाऊद अउर ओकर मनइयन खोज करब सुरु किहेन। उ पचे जंगली बोकरियन क चट्टान क नचिके हेरेन।</verse>
				<verse number="3">साऊल सड़क क किनारे भेड़ी क बारा क लगे आवा। हुवाँ निअरे एक ठु गुफा रही। साऊल खुद गुफा मँ आराम करइ बरे गवा। दाऊद अउ ओकर मनई बहोत पाछे उ गुफा मँ लुकान रहेन।</verse>
				<verse number="4">मनइयन दाऊद स कहेन, “आजु उ दिन अहइ जेकरे बारे मँ यहोवा बात किहेन ह। यहोवा तोहसे कहे रहेन, ‘मइँ तोहार दुस्मनन क तोहका देब, तब तू जउन चाहा आपन दुस्मनन क संग कइ सकब्या।’” तब दाऊद साऊल क लगे चुपचाप आवा। दाऊद साऊल क लबादे क एक कोना काट लिहस। साऊल दाऊद क नाहीं लखेस।</verse>
				<verse number="5">पाछे साऊल क लबादे क एक कोना काट लिहे क दाऊद क पछतावा भवा।</verse>
				<verse number="6">दाऊद आपन मनइयन स कहेस, “यहोवा मोका आपन सुआमी क संग कछु भी अइसा करइ स रोका। साऊल यहोवा क चुना भवा राजा अहइ। मोका साऊल क खिलाफ कछू भी नाहीं करइ चाही। उ यहोवा क चुन लीन्ह गवा राजा बाटइ।”</verse>
				<verse number="7">दाऊद इ बात आपन मनइयन क रोकइ बरे कहेस। दाऊद आपन मनइयन क साऊल प हमला करइ नाहीं दिहस। साऊल गुफा तजि दिहस अउ आपन राहे प चला।</verse>
				<verse number="8">दाऊद गुफा स निकरा। दाऊद साऊल क जोर स पुकारेस, “मोर पर्भू, महराज।” साऊल पाछे घूमिके लखेस। दाऊद आपन माथा भुइँया प धइके पैलगी किहेस।</verse>
				<verse number="9">दाऊद साऊल स कहेस, “आप काहे सुनत हीं। जब मनई इ कहत हीं कि ‘दाऊद आप प वार करइ क कुचाल गूँथत मथत बाटइ?’</verse>
				<verse number="10">मइँ आप क चोट पहुँचावइ नाहीं चाहत हउँ। आप ऍका आपन आँखिन स लखत हीं। यहोवा आजु ऍका आप क गुफा मँ मोरे हाथे मँ दइ दिहे अहइँ। मुला मइँ आपक मारि डावइ स इन्कार किहेउँ ह। मइँ आप प दाया किहेउँ ह। मइँ कहेउँ, ‘मइँ आपन सुआमी क चोट नाहीं पहुँचाउब। साऊल यहोवा क चुना भवा राजा अहइ।’</verse>
				<verse number="11">मोरे हाथे मँ इ ओढ़ना क टूका क लखा। मइँ आप क लबादे क एक टूका काटि लिहेउँ ह। मइँ आप क मारि सकत हउँ, मुला मइँ इ नाहीं किहेउँ ह। अब मइँ चाहत हउँ कि आप ऍका समुझइँ। मइँ चाहत हउँ कि आप क खिलाफ कउनो कुचाल नाहीं बनावत हउँ। मइँ आपक कउनो बुराई नाहीं किहेउँ ह। मुला आप मोर पाछा करत हीं अउर मोका मारि डावइ चाहत हीं।</verse>
				<verse number="12">यहोवा क निआव करइ द्या। यहोवा आप क उ अनिआव क सजा देइहीं जउन आप मोरे संग किहेन ह। मुला मइँ आपन आप आपस न जूझब।</verse>
				<verse number="13">पुरान कहावत अहइ: ‘बुरी चीज बुरी मनई स आवत हीं।’ “मइँ कछू भी बुरा नाहीं किहेउँ ह। मइँ बुरा मनई नाहीं हउँ। ऍह बरे मइँ आप प चोट नाहीं करब।</verse>
				<verse number="14">आप केकर पाछा करत बाटेन। इस्राएल क राजा केकरे खिलाफ लड़इ आवत अहइँ? आप अइसे कउनो क पाछा नाहीं करत बाटेन जउन आपक चोट पहुँचाइ। इ अइसा ही बाटइ जइसेन आप एक ठु मरा कूकुर या मच्छर क पाछा करत हीं।</verse>
				<verse number="15">यहोवा क निआव करइ द्या। ओनका आपन अउ मोरे बीच निर्णय करइ द्या। उ हालात क वास्तविक्ता क देखब अउर मोर मामला क वकालत करब। परमेस्सर मोका तोहार रच्छा करब।”</verse>
				<verse number="16">दाऊद आपन इ कहब खतम किहेस, साऊल पूछेस, “मोर पूत दाऊद, का उ तोहार आवाज अहइ?” तब साऊल रोवइ लाग। साऊल बहोत रोएस।</verse>
				<verse number="17">साऊल कहेस, “तू सही अहा अउर मइँ गल्ती पइ अहउँ। तू हमरे बरे नीक रह्या। मुला मइँ तोहरे बरे बुरा रहेउँ।</verse>
				<verse number="18">तू उ बतियन क बताया जेनका तू मोरे बरे किहा। यहोवा मोका तोहरे हवाला किहेस, मुला तू मोका नाहीं मारि डाया।</verse>
				<verse number="19">एहसे पता चलत ह कि मइँ तोहार दुस्मन नाहीं अहउँ। जदि कउनो आपन दुस्मन क धरत ह तउ उ ओका बच निकरइ नाहीं देत। उ आपन दुस्मन बरे नीक काम नाहीं करत। यहोवा तोहका ऍकर ईनाम देइँ काहेकि तू आजु मोरे बरे नीक रह्या।</verse>
				<verse number="20">मइँ जानत हउँ कि तू नवा राजा बनब्या। तू इस्राएल क राज्ज क ऊपर करब्या।</verse>
				<verse number="21">अब मोसे एक प्रतिज्ञा करा। यहोवा क नाउँ लइके इ प्रतिग्या करा कि तू मोरे सन्तानन क न मरब्या। प्रतिग्या करा कि तू मोरे बाप क परिवार स मोर नाउँ मिटउब्या नाहीं।”</verse>
				<verse number="22">ऍह बरे दाऊद साऊल स प्रतिग्या किहस। दाऊद प्रतिग्या किहेस कि उ साऊल क परिवार क न मारी। तब साऊल लउटि गवा। दाऊद अउ ओकर मनई किला मँ चला गएन।</verse>
			</chapter>
			<chapter number="25">
				<verse number="1">समूएल मरि गवा। इस्राएल क सबहिं मनइयन बटुर गएन अउर उ पचे समूएल क मउत प अफसोस परगट किहेन। उ पचे समूएल क ओकरे घर रामा मँ दफनाइ दिहेन। तब्बइ दाऊद परन क रेगिस्तान मँ चला गवा।</verse>
				<verse number="2">हँवाँ एक ठु मनई रहा जउन माओन मँ रहत रहा। उ बहोत धनी मनई रहा। ओकरे लगे तीन हजार भेड़ी अउर एक हजार बोकरी रहिन। उ कर्मेल मँ आपन भेड़ी क ऊन काटत रहा।</verse>
				<verse number="3">उ मनई क नाउँ नाबाल रहा। उ कालेब क परिवार क रहा। ओकरी मेहरारु क नाउँ अबीगैल रहा। उ बुद्धिमती अउ बहोतइ सुन्नर मेहरारु रही। मुला नाबाल क्रूर नीच रहा।</verse>
				<verse number="4">दाऊद रेगिस्ताने मँ रहा, अउर उ सुनेस कि नाबाल आपन भेड़ी क ऊन काटत बाटइ।</verse>
				<verse number="5">ऍह बरे दाऊद दस जवानन क नाबाल स बात करइ पठएस। दाऊद कहेस, “कर्मेल जा। नाबाल स भेंटा अउर ओका मोरी कइँती स ‘पैलगी’ कहा।”</verse>
				<verse number="6">दाऊद नाबाल बरे इ संदेसा पठएस, “मोका आसा अहइ कि तू अउ तोहार परिवार सुखी अहइ। मइँ आसा करत हउँ कि जउन कछू तोहार अहइ, ठीक ठाक बाटइ।</verse>
				<verse number="7">मइँ सुनेउँ ह कि तू आपन भेड़ी स ऊन काटत बाट्या। तोहार गड़रियन कछू समइ तलक हम पचन क संग रहत रहेन। अउर हम पचे ओनका कउनो कस्ट नाहीं दीन्ह। जब तलक तोहार गड़रिया कर्मेल मँ रहेन, हम ओनसे कछू नाहीं लीन्ह।</verse>
				<verse number="8">आपन सेवकन स पूछा अउर उ पचे बताइ देइहीं कि इ सब कछू फुरे अहइ। कृपा कइके हमरे जवानन प दाया करा। इ खुसी क मौका प हम पचे आपक लगे पहुँचत अही। कृपा कइके आप जउन कछू चाहइँ, दइ देइँ। कृपा कइके इ मोरे बरे, आपन मीत दाऊद बरे करइँ।”</verse>
				<verse number="9">दाऊद क मनई नाबाल क लगे गएन। उ पचे दाऊद क सँदेसा नाबाल क दिहन।</verse>
				<verse number="10">मुला नाबाल ओनकइ बरे छोटपन स बेउहार किहस। नाबाल कहस, “दाऊद अहइ कउन? इ जेसे क पूत कउन होत ह? इ दिनन ढेरिके दास बाटेन जउन आपन सुआमी लोगन क हिआँ स पराइ ग अहइँ।</verse>
				<verse number="11">मोरे लगे रोटी अउ पानी अहइ। अउर मोरे लगे उ माँस भी अहइ जेका मइँ भेड़ी स ऊन कतरइ वालन नउकरन बरे मारिके लिहेउँ ह। मुला मइँ ओका उ मनइयन क नाहीं दइ सकत हउँ जेनका मइँ जानत भी नाहीं हउँ।”</verse>
				<verse number="12">दाऊद क मनइयन लउटि गएन अउर नाबाल जउन कछू कहे रहा दाऊद क बताइ दिहस।</verse>
				<verse number="13">तब दाऊद आपन मनइयन स कहेस, “आपन तरवार उठावा।” ऍह बरे दाऊद अउ ओकर मनइयन तरवार उठाइ लिहन। लगभग चार सौ मनई दाऊद क संग गएन। अउर दुइ सौ मनई सामान क संग रुका रहेन।</verse>
				<verse number="14">नाबाल क नउकरन मँ स एक ठु नाबाल क मेहरारु अबीगैल स बतियान। नउकर कहेस, “दाऊद रेगिस्तान स आपन दूतन क हमरे सुआमी (नाबाल) क लगे पठएस। मुला नाबाल दाऊद क दूतन क संग आपन निचकई क बेउहार किहस।</verse>
				<verse number="15">इ पचे हम पचन बरे बहोत भला रहेन। हम पचे भेड़ी लइके खेतन मँ जात रहेन। दाऊद क मनइयन हमरे संग बराबर रहेन। अउर उ पचे हमरे संग कउनो बुरा नाहीं किहेन। उ पचे पूरे समइ मँ हमार कछू भी नाहीं चोराएन।</verse>
				<verse number="16">दाऊद क मनइयन दिन रात हमार रच्छा किहेन। उ पचे हम लोग बरे चहरदेवार क नाई रच्छक रहेन। उ पचे हमार रच्छा तबहिं किहेन जब हम पचे भेड़ी क रखवारी करत भए ओनकइ संग रहेन।</verse>
				<verse number="17">अब इ बारे मँ सोचा अउर तय करा कि तू का कइ सकत ह। नाबाल कछू कहेस उ मूरखपन स भरा अहइ। हमार सुआमी अउर ओकरे समूचइ परिवार बरे अला बला आवति अहइ।”</verse>
				<verse number="18">अबीगैल हाली किहस। उ दुइ सौ पाव रोटी, दुइ दाखरस स भरा मसक, पाँच ठु भुना भइ भेड़ी, लगभग एक बुसल भुना भवा अनाज, दुइ र्क्वाट मुनक्का अउर दुइ सौ झूरान अंजीर क टिकिया लिहेस अउ ऍका गदहन प लादि दिहस।</verse>
				<verse number="19">तब अबीगैल आपन नउकरन स कहेस, “आगे चलत रहा। मइँ तोहरे पाछे आवति अहउँ।” मुला उ आपन भतार स कछू नाहीं कहेस।</verse>
				<verse number="20">अबीगैल आपन गदहा प बइठी अउर पहाड़े क दूसर कइँती पहुँची। उ दूसर कइँती स आवत भइ दाऊद अउ ओकरे मनइयन स भेटेस।</verse>
				<verse number="21">अबीगैल स मिलइ क पहिले दाऊद कहत रहा, “मइँ नाबाल क धन दौलत क रच्छा रेगिस्तान मँ कीन्ह। मइँ चिन्तित रहा कि ओकर कउनो भेड़ी खोवइ नाहीं। मइँ इ सब कछू बिना लिहे किहेउँ। मइँ ओकरे बरे नीक किहेउँ। मुला उ मोरे बरे कछू नीक नाहीं किहे रहा।</verse>
				<verse number="22">परमेस्सर मोका सजा देइ जदि मइँ नाबाल क परिवारे क कउनो एक मनई क जिअत रहइ देउँ।”</verse>
				<verse number="23">ठीक उहइ टेमॅ प अबीगैल आइ। मुला जब अबीगैल दाऊद क लखेस। उ हाली हाली आपन गदहा स उतरि पड़ी। उ दाऊद क समन्वा प्रणाम करइ निहुरी। उ आपन माथा भुइँया प टेकेस।</verse>
				<verse number="24">अबिगैल दाऊद क गोड़े प गिर पड़ी। उ कहेस, “मान्न, कृपा कइके मोका कछू कहइ देइँ। जउन मइँ कहउँ ओका सुना। जउन कछू भवा ओकरे बरे मोका दोख द्या।</verse>
				<verse number="25">मइँ उ मनइयन क नाहीं लखेउँ जेनका आप पठएन ह। साहब! उ बेकार मनई (नाबाल) प धियान जिन द्या। उ ठीक उहइ अहइ जइसे ओकर नाउँ अहइ। अउर उ फुरे ‘मूरख’ अहइ।</verse>
				<verse number="26">यहोवा आप क बेकसूर मनइयन क मारइ स रोकेस ह। फुरइ जइसे यहोवा हमेसा रहत ह वइसे आप जिअत अहइँ। मइँ आसा करत हउँ कि आपक दुस्मन लोग अउर जउन आप क नोस्कान पहुँचावइ चाहत हीं, उ सबइ नाबाल क राज्ज मँ होइहीं।</verse>
				<verse number="27">अब मइँ आप बरे इ भेंट लइ आइ अहउँ। कृपा कइके इ चीजन क आप उ मनइयन क दइ देइँ जउन आप क पाछे चलत हीं।</verse>
				<verse number="28">जुर्म करइ बरे मोका छिमा करइँ। मइँ जानत हउँ कि यहोवा आप क परिवार क मजबूत करिहीं अउ तोहरे परिवारे स ढेर क राजा अइहीं। यहोवा इ करिहीं काहेकि आप सब ओनके बरे जुद्ध करत हीं। मनइयन तब तलक आप मँ बुराई न पइहीं जब तलक आप जिअत रइहीं।</verse>
				<verse number="29">जदि कउनो मनई आप क मारि डावइ क पाछा करत ह, तउ यहोवा आपक परमेस्सर आपक जिन्नगी क रच्छा करिहीं। मुला यहोवा ओकर जिन्नगी क अइसे दूरि लोकइहीं जइसे गुलेल स पाथर लोकाइ दीन्ह जात ह।</verse>
				<verse number="30">यहोवा आप बरे बहोत स नीक चीजन क करइ क प्रण किहेस ह। अउर यहोवा आपन सबहिं वचन क पूरा करिहीं। परमेस्सर आप क इस्राएल क राजा बनइहीं।</verse>
				<verse number="31">अउर आप बेकसूर मनई क मारि डावइ क अपराधी न होइहीं। अउ आप इ जाल मँ न फँसिहीं। मेहराबानी कइके मोका उ टेम मँ याद राखा जब यहोवा आप क सफलता देइ।”</verse>
				<verse number="32">दाऊद अबीगैल क उत्तर दिहेस, “इस्राएल क परमेस्सर, यहोवा क गुण गावा। परमेस्सर तोहका मोसे भेंटइ पठए अहइ।</verse>
				<verse number="33">परमेस्सर तोहार नीक निर्णय बरे तोहका आसीर्बाद देइँ। तू आज मोका बेकसूर मनइयन क मारइ स बचावा।</verse>
				<verse number="34">सचमुच जइसे इस्राएल क परमेस्सर, यहोवा हमेसा रहत ह, जदि तू जल्दी स मोसे भेंटइ न आइ होती तउ भियान भिन्सारे तलक नाबाल क परिवार क कउनो भी मनई जिअत नाहीं बच पावत।”</verse>
				<verse number="35">तउ दाऊद अबीगैल क भेंट क अंगीकार किहस। दाऊद ओसे कहेस, “सान्ति स घर जा। मइँ तोहार बातन क सुनेउँ ह अउर मइँ उहइ करब जउन तू करइ क कहया ह।”</verse>
				<verse number="36">अबीगैल नाबाल क लगे लउटी। नाबाल घरे मँ मोजूद रहा। नाबाल एक ठु राजा क तरह भोज खात रहा। नाबाल जी भरिके दाखरस पिए रहा। उ बहोत जियादा पिए रहा। ऍह बरे अबीगैल नाबाल क दूसर भिन्सारे तलक कछू भी नाहीं बताएस।</verse>
				<verse number="37">दूसर दिन भिन्सारे ओकर नसा उतरा। ऍह बरे ओकर मेहरारु हर बात बताइ दिहस। फिन नाबाल क दिल क दउरा पड़ि गवा। उ चट्टान क नाई कठोर होइ गवा।</verse>
				<verse number="38">दस दिनाँ क पाछे यहोवा नाबाल क मरि जाइ दिहस।</verse>
				<verse number="39">दाऊद सुनेस कि नाबाल मरि गवा अहइ। दाऊद कहेस, “यहोवा क गुन गावा। नाबाल मोरे खिलाफ खराब बात किहेस ह, मुला यहोवा मोर समर्थन किहस। यहोवा मोका पाप करइ स बचाएस। अउर यहोवा नाबाल क मरि जाइ दिहस काहेकी उ अपराध किहे रहा।” तब दाऊद अबीगैल क सँदेसा पठएस। दाऊद ओका आपन मेहरारू होइ क कहेस।</verse>
				<verse number="40">दाऊद क नउकर कार्मल गएन अउ अबीगैल स कहेस, “दाऊद हम पचन क तोहका लइ आवइ क पठएस ह। दाऊद चाहत ह कि तू ओकर मेहरारु बना।”</verse>
				<verse number="41">अबीगैल भुइँया तलक आपन माथा निहुराएस। उ कहेस, “मइँ आपक दासी अहउँ। मइँ सुआमी क सेवकन क गोड़ धोवइ बरे तइयार अहउँ।”</verse>
				<verse number="42">अबीगैल फउरन गद्हा प बइठी अउ दाऊद क दूतन क संग चल दिहस। अबीगैल आपन संग पाँच ठु नउकरानी लइ आइ। उ दाऊद क मेहरारु बनी।</verse>
				<verse number="43">दाऊद यिज्रेल क अहिनोअम स बियाह किहेस। अहिनोअम अउ अबीगैल दुइनउँ दाऊद क मेहरारु रहिन।</verse>
				<verse number="44">दाऊद साऊल क बिटिया मीकल स भी बियाह किहे रहेस। मुला साऊल ओका लइ लिहस अउर ओका एक मनई जेकर नाउँ पल्ती रहा, जउन लैस क पूत अउर गल्लीम क निवासी रहा ओकर क संग बियाही दिहस।</verse>
			</chapter>
			<chapter number="26">
				<verse number="1">जीप क मनई साऊल स भेंटइ गिबिया गएन। उ पचे साऊल स कहेन, “दाऊद हकिला क पहाड़ी मँ लुकान बा। इ पहाड़ी यसीमोन क ओह पार बा।”</verse>
				<verse number="2">साऊल जीप क रेगिस्तान मँ गवा। साऊल तीन हजार सिपाहियन क खुद समूचइ इस्राएल स छाँटिके साथ लिहस। साऊल अउ इ मनई जीप क रेगिस्ताने मँ दाऊद क हेरत रहेन।</verse>
				<verse number="3">साऊल आपन डेरा हकीला क पहाड़ी प डाएस। डेरा सड़क क किनारे यसीमोन क पार रहा। दाऊद रेगिस्तान मँ रहत रहा। दाऊद क पता लाग कि साऊल ओकर हुवाँ पाछा किहेस ह।</verse>
				<verse number="4">तब दाऊद आपन जासूसन क पठएस अउ दाऊद क पता लाग कि साऊल हकीला क पहाड़ी प आइ गवा अहइ।</verse>
				<verse number="5">तब दाऊद उ ठउरे प गवा जहाँ साऊल आपन डेरा डाए रहा। दाऊद लखेस कि साऊल अउ अब्नेर कहाँ सोवत अहइँ। (नेर क पूत अब्नेर साऊल क फउज क सेनापति रहा।) साऊल डेरा क बीच सोवत रहा। सारी फउज साऊल क चारिहुँ कइँती रही।</verse>
				<verse number="6">दाऊद हित्ती अहीमेलेक अउ यरूयाह क पूत अबीसै स बात किहस। (अबीसै योआब क भाई रहा।) उ ओसे कहेस, “मोरे संग साऊल क नगिचे ओकरे डेरा मँ कउन चली?” अबीसै उत्तर दिहस, “मइँ तोहरे संग चलब।”</verse>
				<verse number="7">रात भइ। दाऊद अउ अबीसै साऊल क डेरा मँ गएन। साऊल डेरा क बीच सोवा रहा। ओकर भाला भुइँया मँ ओकरे मूँड़े क लगे धँसा रहा। अब्नेर अउ फउज साऊल क चारिहुँ कइँती सोइ रही।</verse>
				<verse number="8">अबीसै दाऊद स कहेस, “आजु, परमेस्सर तोहरे दुस्मनन क हरावइ दिहेन ह। मोका साऊल क ओकरे भाला स ही जमीन मँ भोकां देइ द्या। मइँ ओका एक ही वार मँ मार देब।”</verse>
				<verse number="9">मुला दाऊद अबीसै स कहेस, “साऊल क जिन मारा। जउन कउनो चुना भवा राजा क मारत ह उ जरुर सजा पावत ह।</verse>
				<verse number="10">इ सच अहइ यहोवा जब तलक रही उ साऊल क खुद ही सजा देइ। होइ सकत ह साऊल आपन मउत पाइ या इ होइ सकत ह कि साऊल जुद्ध मँ मारा जाइ।</verse>
				<verse number="11">मुला मइँ पराथना करत हउँ कि यहोवा आपन चुना भवा राजा क मोसे चोट न करवावइ। अब पानी क गगरी अउर भाला उठावा जउन साऊल क मूँड़े क लगे बा। तब हम पचे चली।”</verse>
				<verse number="12">ऍह बरे दाऊद भाला अउ पानी क गगरी लिहस जउन साऊल क मूँड़े क लगे रहेन। तब दाऊद अउ अबीसै साऊल क डेरा क तजि दिहस। कउनो मनई एकरे बारे मँ न जान सका। कउनो भी मनई जागा नाहीं। साऊल अउ ओकर सिपाही सोवत रहेन काहे यहोवा ओनका गहिर नीदं मँ डाइ दिहे रहा।</verse>
				<verse number="13">दाऊद घाटी क दूसर कइँती निकरि गवा। साऊल क डेरा स घाटी क पार पहाड़े क चोटी प खड़ा रहा। दाऊद अउ साऊल क डेरा बहोत दूरी प रहेन।</verse>
				<verse number="14">दाऊद सेना अउ नेर क पूत अब्नेर क नरियाइके गोहराएस, “अब्नेर, मोका जवाब द्या।” अब्नेर पूछेस, “तू कउन अहा? तू राजा क काहे बोलावत अहा?”</verse>
				<verse number="15">दाऊद जवाब दिहेस, “तू एक मनई अहा। मोसे कहा, का तू नाहीं अहा? अउर तू इस्राएल मँ कउनो भी दूसर मनई स नीक अहा। तब तू आपन सुआमी, राजा क रच्छा काहे नाहीं किहा? एक मामूली मनई तोहरे डेरा मँ तोहार सुआमी, राजा क मारइ आवा।</verse>
				<verse number="16">तू बहोतइ बड़ी गल्ती किहा। यहोवा क जिन्नगी क किरिया तोहका अउर तोहरे सिपाहियन क मरि जाइ चाही। काहेकि तू आपन सुआमी अउर यहोवा क चुना भवा राजा क रच्छा नाहीं किहा। साऊल क मूँड़े क लगे भाला अउ पानी क गगरी क खोज करा। उ सबइ कहाँ बाटेन?”</verse>
				<verse number="17">साऊल दाऊद क अवाज पहिचानत रहा। साऊल कहेस, “मोर पूत दाऊद, का इ तोहार आवाज बाटइ?” दाऊद जवाब दिहस, “मोर सुआमी अउ राजा, हाँ! इ मोर अवाज अहइ।”</verse>
				<verse number="18">दाऊद इ भी पूछेस, “महाराज, आप मोर पाछा काहे करत अहइँ? मइँ कउन सी गल्ती किहेउँ ह? मइँ का करइ क अपराधी अहउँ?</verse>
				<verse number="19">मोर सुआमी अउ राजा, हमरउँ सुना। जदि यहोवा मोरे खिलाफ कोहाइ बरे किहेन ह तउ ओनका एक ठु भेंट अंगीकार करइ द्या। जदि मनई मोरे खिलाफ आपक कोहाएन ह तउ यहोवा क जरिए ओनकइ बरे कछू मुसीबत आवइ द्या। मनइयन मोका इ देस तजइ बरे मजबूर किहन ह, जेका यहोवा मोका दिहन ह। लोग मोसे कहेन, ‘जा। बिदेसी मनइयन क संग रहा। जा दूसर देवतन क पूजा करा।’</verse>
				<verse number="20">मोका यहोवा क हाजिरी स दूर जिन मरइ द्या। इस्राएल क राजा एक मच्छर क हेरइ निकरा बा। आप उ मनई क तरह अहइँ जउन पहाड़े मँ तीतर क सिकार करइ निकरा होइँ।”</verse>
				<verse number="21">तबहिं साऊल कहेस, “मइँ पाप किहेउँ ह। मोर पूत दाऊद लउटि आवा। आज तू देखाँइ दिहा कि मोर जिन्नगी तोहरे बरे अनमोल बाटइ। यह बरे मइँ तोहका चोट पहुँचावइ क कोसिस न करब। मइँ मूरखपन क काम किहेउँ ह। मइँ एक ठु बहोत बड़ी गलती किहेउँ ह।”</verse>
				<verse number="22">दाऊद जवाब दिहेस, “राजा क भाला इ बाटइ। आपन कउनो नउ जवान क हिआँ आवइ द्या अउर उ लइ जाइ।</verse>
				<verse number="23">यहोवा मनइयन क करमे क फल देत हीं। जदि उ नीक करत ह तउ ओका ईनाम देत हीं अउर ओका सजा देत हीं जउन बुरा करत ह। यहोवा आज आप क मोका हरावइ दिहन, मुला मइँ यहोवा क चुना भवा राजा प चोट नाहीं करब।</verse>
				<verse number="24">आजु मइँ आपक देखाँइ दिहेउँ ह कि आपक जिन्नगी मोरे बरे अनमोल अहइ। इ तरह यहोवा देखाँइहीं कि मोर जिन्नगी ओनकइ बरे महत्व क बाटइ। यहोवा मोर रच्छा हर मुसीबते स करिहीं।”</verse>
				<verse number="25">तब साऊल दाऊद स कहेस, “मोर पूत दाऊद, परमेस्सर तोहका आसीर्बाद देइँ। तू बड़का कारज करब्या अउ सुफल होब्या।” दाऊद आपन राहे प गवा, अउर साऊल घर लउटी आवा।</verse>
			</chapter>
			<chapter number="27">
				<verse number="1">दाऊद सोचेस, “होइ सकत ह साऊल मोका कउनो दिन धइ लेइ। सबन ते बढ़िया इहइ अहइ मइँ कि पलिस्तियन क देस स बचि निकरुँ। तब साऊल इस्राएल मँ मोर खोज मँ थक जाब इ तरह मइँ साऊल स बचि निकरब।”</verse>
				<verse number="2">ऍह बरे दाऊद अउ ओकर छ: सौ मनइयन इस्राएल तजि दिहन। उ सबइ माओक क पूत आकीस क लगे गएन। आकीस गत क राजा रहा।</verse>
				<verse number="3">दाऊद, ओकर मनइयन आपन पूरा परिवार क साथ आकीस क संग गत मँ रहइ लागेन। दाऊद क संग ओकर दुइ पत्नी रहिन। उ पचे यिज्रेली क अहीनोअम अउ कार्मेल क अबीगैल रहिन। अबीगैल नाबाल क राँड़ रही।</verse>
				<verse number="4">मनइयन साऊल स कहेन कि दाऊद गत क पराइ ग अहइ। अउर साऊल ओकर खोज बन्द कइ दिहस।</verse>
				<verse number="5">दाऊद आकीस स कहेस, “जदि आप मोसे खुस अहइँ तउ मोका आपन देस क नगरन मँ स एक मँ एक ठउर दइ देइँ। मइँ आप क सिरिफ एक सेवक अहउँ। मोका हुवाँ रहइ चाही, आप क संग हुवाँ राजधानी-सहर मँ नाहीं।”</verse>
				<verse number="6">उ दिना आकीस दाऊद क सिकलग नगर दिहस। अउर तब स सिकलग अब तलक यहूदा क राजा लोगन क बना अहइ।</verse>
				<verse number="7">दाऊद पलिस्तियन क संग एक बरिस अउ चार महीना रहा।</verse>
				<verse number="8">दाऊद अउ ओकर मनई अमालेकी अउ गसूर मँ रहइवालन मनइयन क संग जुद्ध करइ गएन। दाऊद क मनइयन ओका हराएन अउ ओनकइ धन दौलत लइ लिहन। लोग उ पहँटा मँ सुर क नगिचे तेलम स लइके लगातार मिस्र तलक रहत रहेन।</verse>
				<verse number="9">दाऊद उ पहँटा मँ मनइयन क हराएस। दाऊद ओनकइ सब भेड़िन, पसु, गदहा, ऊँट अउ ओढ़ना लिहस। तब उ इ सबन क आकीस लइ आवा।</verse>
				<verse number="10">दाऊद इ कई दाई किहेस। हर दाई आकीस पूछत कि उ कहाँ लड़ा अउ ओन चीजन क कहाँ स लइ आवा। दाऊद कहत रहा, “मइँ यहूदा क दक्खिन कइँती लड़ा।” इ “सब मइँ यरहमेलियन क दक्खिनी भाग मँ लड़ा” या “मइँ केनियन क दक्खिनी भाग मँ लड़ा।”</verse>
				<verse number="11">दाऊद गत क कबहुँ जिअत मेहरारु या मनसेधू नाहीं लइ आवा। दाऊद सोचेस, “जदि हम कउनो मनई क जिअत रहइ देइत ह तउ उ आकीस स कहि सकत ह कि सचमुच मइँ का किहेउँ ह।” दाऊद पूरे टेमॅ, जब तलक पलिस्तियन क देस मँ रहा, इहइ किहस।</verse>
				<verse number="12">आकीस दाऊद प पतियाब सुरु किहस। आकीस अपने आप सोचेस, “अब दाऊद क आपन लोग ही ओसे घिन करत हीं। इस्राएलियन दाऊद स बहोत जिआदा घिन करत हीं। अब दाऊद मोर सेवा करत रही।”</verse>
			</chapter>
			<chapter number="28">
				<verse number="1">पाछे पलिस्तियन आपन फउज क इस्राएल क खिलाफ लड़इ बरे बटोरेन। आकीस दाऊद स कहेस, “का तू समुझत ह कि तोहका अउ तोहरे मनइयन क इस्राएलियन क खिलाफ मोरे संग लड़इ जाइ चाही?”</verse>
				<verse number="2">दाऊद जवाब दिहस, “सचमुच ही, तब आप खुद ही लखइँ कि मइँ का करि सकत हउँ।” आकीस कहेस, “बहोत अच्छा, मइँ तोहका आपन अंग रच्छक बनउब। तू हर समइ मोर रच्छा करब्या।”</verse>
				<verse number="3">समूएल मर गवा। सबहिं इस्राएलियन समूएल क मउत प सोक मनाएन। उ पचे समूएल क निवास सहर, रामा मँ ओका दफनाए रहेन। ऍकरे पहिले साऊल ओझा अउ भविस्स बतावइवालन क इस्राएल तजइ क मजबूर किहे रहा।</verse>
				<verse number="4">पलिस्तियन जुद्ध क तइयारी किहन। उ पचे सूनेम आएन अउ उ ठउरे प डेरा डाएन। साऊल सबहिं इस्राएलियन क बटोरेस अउ आपन डेरा गिलबो मँ डाएस।</verse>
				<verse number="5">साऊल पलिस्ती सेना क लखेस, अउर उ डेराइ गवा। ओकर हिरदय डर स धड़कइ लाग।</verse>
				<verse number="6">साऊल यहोवा स बिनती किहेस, मुला यहोवा ओका जवाब नाहीं दिहस। परमेस्सर साऊल स सपन मँ बात नाहीं किहस। परमेस्सर ओका जवाब देइ बरे ऊरीम क नाहीं बइपरेस। परमेस्सर साऊल स बात करइ बरे नबियन क नाहीं बइपरेस।</verse>
				<verse number="7">आखिर मँ साऊल आपन अफसरन स कहेस, “मोरे बरे कउनो अइसी मेहरारु क पता लगावा जउन ओझा होइ। तब मइँ ओसे पूछइ जाइ सकत हउँ कि जुद्ध मँ का होइ।” ओकर अफसरन जवाब दिहन, “एन्दोर मँ एक ठु ओझा अहइ।”</verse>
				<verse number="8">साउल कइउ तरह क ओढ़वा पहिरेस। साऊल इ ऍह बरे किहस कि कउनो मनई इ न जान सकइ कि उ कउन अहइ। रात क उ आपन दुइ मनई क संग उ मेहरारु स भेंटइ गवा। साऊल उ मेहरारु स कहेस, “परेत स मोका मोर भविस्स बतवावा। उ मनई क बोलावा जेकर नाउँ मइँ लेउँ।”</verse>
				<verse number="9">मुला उ मेहरारु साऊल स कहेस, “तू सचमुच ही जानत ह कि साऊल का किहेस ह। उ जोझा अउ भविस्स बतावइ वालन क इस्राएल देस तजि देइ क मजबूर किहस ह। तू मोका जाल मँ फाँसइ अउ मजबूर अउ मारि डावइ चाहत ह।”</verse>
				<verse number="10">साऊल यहोवा क नाउँ लिहस अउ उ मेहरारु स प्रतिग्या किहस, “सचमुच ही यहोवा सास्वत अहइ। ऍह बरे तोहका इ करइ क सजा न मिली।”</verse>
				<verse number="11">मेहरारु पूछेस, “तू केका चाहत बाट्या कि मइँ ओका हिआँ बोलावउँ?” साऊल जवाब दिहस, “समूएल क बोलावा।”</verse>
				<verse number="12">अउर इ भवा। मेहरारु समूएल क लखेस अउ जोर स चिचियान। उ साऊल स कहेस, “तू मोका धोखा दिहा। तू साऊल अहा।”</verse>
				<verse number="13">राजा मेहरारु स कहेस, “तू जिन डेराअ। तू का लखति अहा?” उ मेहरारु कहेस, “मइँ एक ठु परेत आतिमा क धरती स निकरिके आवति लखत हउँ।”</verse>
				<verse number="14">साऊल पूछेस, “उ कइसा देखाँइ पड़त ह?” मेहरारु जवाब दिहस, “उ लबादा पहिरे एक बुढ़वा क तरह देखाँइ पड़त ह।” साऊल समुझ गवा कि उ समूएल रहा। साऊल धरती पर अपना माथा टेका।</verse>
				<verse number="15">समूएल साऊल स कहेस, “तू मोका काहे परेसान किहा?” तू मोका ऊपर काहे बोलाया? साऊल जवाब दिहस, “मइँ मुसीबत मँ अहउँ। पलिस्ती मोरे खिलाफ लड़इ आवा अहइँ, अउर परमेस्सर मोका तजि दिहे अहइ। परमेस्सर अब मोका जवाब न देइहीं। उ मोका जवाब देइ बरे नबियन या सपन क प्रयोग न करिहीं। इहइ कारण अहइ कि मइँ तोहका बोलाएउँ। मइँ चाहत अहउँ कि तू बतावा कि मइँ का करउँ।”</verse>
				<verse number="16">समूएल कहेस, “यहोवा तोहका तजि दिहे अहइ। अब उ तोहरे पड़ोसी क संग अहइ। ऍह बरे तू मोका काहे बोलाया?</verse>
				<verse number="17">यहोवा उहइ किहस जउन उ करइ क कहे रहा। यहोवा मोर प्रयोग तोहका बतावइ बरे कि उ का करी, किहेस ह। यहोवा तोहरे हाथे स राज्ज झपट लिहस ह। यहोवा तोहरे हाथ स राज्ज तोहरे पड़ोसियन मँ स एक क दइ दिहस। उ पड़ोसी दाऊद अहइ।</verse>
				<verse number="18">तू यहोवा क आग्या क पालन नाहीं किहा। तू अमालेकियन क नास नाहीं किहा अउ ओनका नाहीं देखाया कि यहोवा ओन पइ केतँना कोहान बाटइ। उहइ कारण अहइ कि यहोवा तोहरे संग आजु इ किहस ह।</verse>
				<verse number="19">फुन यहोवा तोहरे संग इस्राएलियन क पलिस्ती स हरवइहीं। अउर भियान तू अउ तोहार पूत हिआँ मोर संग होइहीं।”</verse>
				<verse number="20">साऊल भुइयाँ प भहराइ पड़ा। साऊल, समूएल स कही गइ बातन स डेरान रहा। साऊल बहोत दुर्बल होइ गवा काहेकि उ पूरा दिन अउ रात कउनो खइया नाहीं खाए रहा।</verse>
				<verse number="21">मेहरारु साऊल क लगे आइ। उ लखेस कि साऊल फुरइ ससान रहा। उ कहेस, “लखा, मइँ आपक सेविका अहउँ। मइँ आपक आग्या क मानेउँ ह। मइ आपन जिन्नगी क खतरा मँ नाएउँ ह अउर आप जउन कहेन ह, उहइ किहेउँ।</verse>
				<verse number="22">अब कृपा कइके मोरउ सुना। मोका तोहरे बरे कछू खइया क देइ द्या। तब आप मँ ऍतनी सक्ती आइ कि आप अपने राहे प जाइ सकइँ।”</verse>
				<verse number="23">मुला साऊल इनकार किहस। उ कहेस, “मइँ न खाब।” साऊल क अफसर लोग उ मेहरारु क साथ दिहन अउ ओसे भोजन बरे बिनती किहन। साऊल ओनकइ बात सुनेस। उ भुइयाँ स उठा अउ बिछउना प बइठा।</verse>
				<verse number="24">उ मेहरारु क घरे मँ एक ठु मोट बछवा रहा। उ हाली स बछवा क मारेस। उ कछू आटा लिहस अउ ओका हाथे स सानेस। तब उ बे खमीरे क रोटी बनाएस।</verse>
				<verse number="25">मेहरारु भोजन साऊल अउ ओकरे अफसरन क अगवा धरेस। साऊल अउ ओकर अफसरन ओका खाएन। तउ उ लोग उठेन अउर उहइ रात क चली गएन।</verse>
			</chapter>
			<chapter number="29">
				<verse number="1">पलिस्तियन आपन सब सिपाहियन क आपुस मँ बटोरेन। इस्राएलियन सोता क पास यिज्रेल मँ डेरा डाएन।</verse>
				<verse number="2">पलिस्ती अफसर लोगन आपन एक सौ अउर एक हजार फउज क टुकड़ी क संग आगे बढ़त रहेन। दाऊद अउ ओकर मनई आकीस क संग फउज क पाछे पाछे कदम बढ़ावत चलत रहेन।</verse>
				<verse number="3">पलिस्ती अफसरन पूछेस, “इ सबइ हिब्रू हिआँ का करत अहइँ।” आकीस पलिस्ती अफसरन स कहेस, “इ दाऊद अहइ। दाऊद साऊल क अफसरन मँ स एक रहा। दाऊद मोरे लगे बहोत टेमॅ स बाटइ। मइँ दाऊद मँ कउनो दोख तब स नाहीं लखेउँ जब ते इ साऊल क तजेस अउ मोरे लगे आवा।”</verse>
				<verse number="4">मुला पलिस्ती अफसर लोग आकीस पइ कोहाइ गएन। उ पचे कहेन, “दाऊद क वापस पठवा। दाऊद क उ सहर मँ वापस जाइ चाही जेका तू ओका दिहा ह। उ हम पचन क संग जुद्ध मँ नाहीं जाइ सकत्या। जदि उ हिआँ बाटइ तउ हम पचे आपन डेरा मँ एक दुस्मन क धरे अही। उ हमार आपन मनइयन क मारिके आपन राजा साऊल क खुस करी।</verse>
				<verse number="5">दाऊद उहइ मनई अहइ जेकरे बरे इ गाना मँ इस्राएली मनई गावत अउ नाचत हीं: ‘साऊल हजारन क मारेस। मुला दाऊद दसहु हजारन क मारेस।’”</verse>
				<verse number="6">ऍह बरे, आकीस दाऊद क बोलाएस। उ कहेस, “यहोवा सास्वत अहइ, तू हमार भगत अहा। मइँ खुस होत जदि तू हमरी फउज मँ सेवा करत्या। जउने दिना स तू मोरे लगे आया ह, मइँ तोहमाँ कउनो दोख नाहीं पाएउँ ह। मुला पलिस्ती अफसर लोगन तोहार बरे नीक नाहीं सोचत।</verse>
				<verse number="7">अब तू सान्तिपूर्वक जा। पलिस्ती अफसर लोगन क खिलाफ कछू न करा।”</verse>
				<verse number="8">दाऊद कहेस, “मइँ का गल्ती किहेउँ ह? जब ते मइँ तोहरे लगे आवा हउँ तू मोरे भीतर कउन तब स आजु तलक कउन बुराई लख्या ह। मोरे पर्भू, राजा क दुस्मनन क खिलाफ तू मोका काहे नाहीं लड़इ देत्या?”</verse>
				<verse number="9">आकीस उत्तर दिहस, “मइँ जानत हँउ कि मइँ तोहका पसन्द करत हँउ। तू परमेस्सर क हिआँ सरगदूत क समान अहा। मुला पलिस्ती अफसर अबहुँ कहत हीं, ‘दाऊद हम पचन क संग जुद्ध मँ नाहीं जाइ सकत।’</verse>
				<verse number="10">तड़के भिन्सारे तू अउर तोहार लोग वापिस जइहीं। उ सहर क लउटि जा जेका मँइ तोहका दिहेउँ ह। ओन अफसर लोग पइ धियान जिन द्या जउन तोहरे बरे बुरी बात कहत हीं। ऍह बरे जइसे ही सूरज निकरइ चल द्या।”</verse>
				<verse number="11">ऍह बरे दाऊद अउ ओकर लोग तड़के भिन्सार होत उठेन। उ पचे पलिस्तियन क देस मँ लौटि गएन। अउ पलिस्ती यिज्रेल क गएन।</verse>
			</chapter>
			<chapter number="30">
				<verse number="1">तिसरे दिना दाऊद अउ ओकर मनई सिकलग पहुँचि आएन। उ पचे लखेन कि अमालेकी सिकलग प हमला करत बाटइ। अमालेकी नेगव पहँटा प हमला किहे रहेन। उ पचे सिकलग प हमला किहन अउ सहर क बारि दिहन।</verse>
				<verse number="2">उ पचे सिकलग क मेहररुअन क बन्दी बनाइके लइ गएन। उ सबइ जवान अउ बूढ़न सबहिं क लइ गएन। उ पचे कउनो मनइयन क मारेन नाहीं। उ पचे सिरिफ ओनकइ लइके चलि दिहन।</verse>
				<verse number="3">दाऊद अउ ओकर मनई सिकलग आएन। अउर उ पचे नगर क बरत पाएन। ओनकई मेहरारुअन, पूतन अउ बिटियन क बन्दी बना लेइ गवा रहा अमालेकी लोग ओनका लइ गएन।</verse>
				<verse number="4">दाऊद अउ ओकरी फउज क दूसर लोग तब तलक रोवत रहेन जब तलक उ सबइ थक जाइके कारण रोवइ क लायक नाहीं रहि पाएन।</verse>
				<verse number="5">अमालेकी दाऊद क दुइ मेहरारू यिज्रेल क अहीनोअम अउ कर्मेल क नाबाल क रँड़ अबीगैल क लइ गएन।</verse>
				<verse number="6">फउज क सब लोग दुःखी अउ गुस्सान रहेन काहेकि ओनकइ बेटवा-बिटिया कइदी बनइ लीन्ह ग रहिन। उ पचे दाऊद क पाथर स मारि डावइ क सलाह करत रहेन। ऍहसे दाऊद बहोतइ घबराइ गवा। मुला दाऊद आपन यहोवा परमेस्सर मँ सक्ती पाएस।</verse>
				<verse number="7">दाऊद याजक एब्यातार स कहेस, “एपोद लइ आवा।” ऍह बरे एब्यातार दाऊद बरे एपोद लइ आएस।</verse>
				<verse number="8">तब दाऊद यहोवा स पराथना किहस, “का मोका उ मनइयन क पाछा करइ चाही जउन हमरे परिवारे क उठाइ लइ ग बाटेन? का मइँ धइ लेइ?” यहोवा जवाब दिहस, “ओनकइ पाछा करा। तू ओनका धइ लेब्या। तू आपन परिवार क बचाइ लेब्या।”</verse>
				<verse number="9">दाऊद आपन छ: सौ मनइयन क संग लिहस अउ उ बसोर क घाटी मँ गवा। ओहमाँ स कछू लोग उहइ ठउर प ठहर गएन। लगभग दुई सौ मनई ठहर गएन काहेकी उ पचे बहोत जिआदा थक ग रहेन अउ दुर्बल होइ जाइ स नाहीं चल सकत रहेन। ऍह बरे दाऊद अउ चार सौ मनइयन अमालेकियन क पाछा किहन।</verse>
				<verse number="10"></verse>
				<verse number="11">दाऊद क मनइयन एक ठु मिस्री क खेत मँ लखेन। उ पचे मिस्री क दाऊद क लगे लइ गएन। उ पचे पिअइ क तनिक पानी अउ खाइ बरे भोजन दिहन।</verse>
				<verse number="12">उ पचे मिस्री क अंजीर क टिकिया अउ झुरान अंगूरे क दुइ गुच्छन दिहन। खइया क खाए क पाछे उ चंगा भवा। उ तीन दिन अउ तीन राति स न कछू खाए रहा अउ न ही पानी पिए रहा।</verse>
				<verse number="13">दाऊद मिस्री स पूछेस, “तोहार सुआमी कउन अहइ? तू कहाँ आवा ह?” मिस्री जवाब दिहस, “मइँ मिस्री अहउँ। मइँ एक ठु अमालेकी क दास अहउँ। तीन दिना पहिले मइँ बेराम पड़ि गवा रहेउँ अउ मोर सुआमी मोका तजि दिहस।</verse>
				<verse number="14">हम पचे नेगव प धावा बोलि दीन्ह जहाँ करथीत रहत हीं। हम पचे यहूदा पहँटा प धावा बोलेन अउ नेगव पहँटा प जहाँ कालेब लोग रहत हीं। हम पचे सिकलग क भी बार दीन्ह।”</verse>
				<verse number="15">दाऊद मिस्री स पूछेस, “का तू उ मनइयन क लगे मोका पहुँचउब्या जउन हमरे परिवारे क लइ गवा अहइँ?” मिस्री जवाब दिहस, “तू परमेस्सर क समन्वा प्रण करा कि तू मोका न मरब्या न ही मोका मोर सुआमी क हाथ मँ देब्या! जदि तू अइसा करब्या तउ मइँ ओका धरवावइ मँ तोहार मदद करब।”</verse>
				<verse number="16">मिस्री अमालेकियन क दाऊद क हिआँ पहोंचाएस। उ पचे चारिहुँ कइँती जमीन प मधु पीतेन अउ खइया क खात ओलरा रहतेन। उ पचे पलिस्ती अउ यहूदा क पहँटा स बहोत सी चीज जउन लइ आए रहेन, उहइ स जलसा मनावत रहेन।</verse>
				<verse number="17">दाऊद ओनका हराएस अउ ओनका मारि डाएस। उ पचे सूरज निकरइ स अगवा दिन तक जूझेन। अमालेकियन मँ स चार सौ जवानन क अलावा जउन ऊँटे प चढ़िके परानेन कउनो नाहीं बच पावा।</verse>
				<verse number="18">दाऊद क आपन दुइनउँ मेहरारु फुन मिल गइन। दाऊद उ सबहिं चीजन क पाएस जेनका अमालेकी लइ ग रहेन।</verse>
				<verse number="19">कउनो चीज खोइ नाहीं। उ पचे सब गदेलन अउ बुढ़वन क पाइ लिहन। उ पचे आपन सब पूत अउ बिटियन क पाएन। ओनका आपन कीमती चीज मिल गइ। उ पचे आपन हर एक चीज वापस पाएन जउन अमालेकी लइ ग रहेन। दाऊद हर चीज क फुन लौटाइ लिआइ।</verse>
				<verse number="20">दाऊद हर भेड़ी अउ गोरु क लइ लिहस। दाऊद क मनइयन इ पसून क अगवा चलाएन। दाऊद क मनइयन कहेन, “इ सब दाऊद क ईनाम अहइँ।”</verse>
				<verse number="21">दाऊद हुवाँ आवा जहाँ दुई सौ मनई बेसोर क घाटी मँ ठहरा रहेन। उ उहइ मनई रहेन जउन बहोतइ थका अउ कमजोर रहेन। ऍह बरे दाऊद क संग नाहीं जाइ सकत रहेन। उ मनइयन दाऊद अउ उ सिपाहियन क सुआगत करइ बाहेर आएन जउन ओकरे संग गवा रहेन। बेसोर क घाटी मँ ठहरे भए मनइयन दाऊद अउ ओकरी फउज क बधाई दिहन जइसे ही उ निअरे आएन।</verse>
				<verse number="22">मुला जउन टुकड़ी दाऊद क संग गइ ओहमाँ कछू बुरा अउ परेसानी पइदा करइवाला मनई रहेन। उ परेसानी पइदा करइवालन कहेन, “इ दुई सौ मनई हम पचन क संग नाहीं गएन। ऍह बरे जउन चीज हम लइ आए अही ओहमाँ स कछू हम ऍनका न देब। इ मनइयन सिरिफ आपन मेहरारु अउ बचवन क लइ सकत हीं।”</verse>
				<verse number="23">दाऊद जवाब दिहस, “नाहीं मोर भइया लोगो, अइसा जिन करा। इ बिसय मँ सोचा कि यहोवा हमका का दिहे अहइ। यहोवा हम पचन क उ दुस्मन क हरावइ दिहेस ह जउन हम पचन प हमला किहस ह।</verse>
				<verse number="24">जउन तू कहत अहा ओका कउनो न मानी। उ मनइयन क हींसा भी, जउन बाँटइ वाली चीजन क संग ठहरा रहेन, ओतनँइ होइ जेतँना ओनका जउन जुद्ध मँ गवा रहेन। सब क हींसा बराबर होइ।”</verse>
				<verse number="25">दाऊद ओका इस्राएल बरे हुकुम अउ नेम बनाइ दिहस। इ नेमँ अब तलक लागू होइके चला आवा बाटइ।</verse>
				<verse number="26">दाऊद सिकलग मँ आवा। तब उ उ चीजन मँ स, जउन अमालेकियन स लइ लीन्ह ग रहिन, कछू चीजन क आपन मीत लोगन यहूदा क नेता लोगन क पठएस। दाऊद कहेस, “इ सब भेंट आप लोगन क उ चीजन मँ स अहइ जेनका हम पचे यहोवा क दुस्मनन स पावा ह।”</verse>
				<verse number="27">दाऊद उ चीजन मँ स जउन अमालेकियन स मिली रहिन, कछू जउन बेतेल क प्रमुख लोग, नेगव क रमीथ, यत्तीर,</verse>
				<verse number="28">अरोएर, सिपमोत, एस्तमो,</verse>
				<verse number="29">रकल, यरहमेलियन अउ केनि क सहरन,</verse>
				<verse number="30">होर्मा, बोरासान अउ अताक मँ,</verse>
				<verse number="31">अउ हेब्रान क पठएस। दाऊद उ चीजन मँ स कछू क ओन सबहिं ठउरन क प्रमुख लोगन क पठएस जहाँ दाऊद अउ ओकर लोग रहत रहेन।</verse>
			</chapter>
			<chapter number="31">
				<verse number="1">पलिस्ती इस्राएल क खिलाफ लड़ेन, अउ इस्राएली पलिस्तियन क समन्वा स पराइ गएन। बहोत स इस्राएली गिलबो पहाड़े प मारा गएन।</verse>
				<verse number="2">पलिस्ती साऊल अउ ओकरे पूतन क पकड़ेन। पलिस्ती साऊल क पूत योनातान, अबीनादाब अउ मल्किसु क मारि डाएन।</verse>
				<verse number="3">जुद्ध साऊल क खिलाफ बहोतइ बुरा रहा। धनुर्धारी लोग साऊल प बाण बरसाइ दिहन अउ साऊल बुरी तरह घायल होइ गवा।</verse>
				<verse number="4">साऊल आपन उ नउकर स जउन कवच लइके चलत रहा कहेस, “आपन तरवार निकारा अउ मोका मारि डावा। तउ उ सबइ बिदेसी मोका चोट पहुँचावइ अउ मोर मसखरी करइ न अइहीं।” मुला साऊल क कवच ढोवइया अइसा करइ स इनकार किहस। साऊल क सहायक बहोत डरा भवा रहा। ऍह बरे साऊल आपन तरवार लिहेस अउ आपन क मारि डाएस।</verse>
				<verse number="5">कवच क ढोवइया लखेस कि साऊल मरि गवा। ऍह पइ उ भी आपन तरवारि स आपन क मारि डाएस। उ हुवँइ साऊल क संग मरि गवा।</verse>
				<verse number="6">इ तरह साऊल, ओकर तीन पूत अउ ओकर कवच ढोवइया सबहिं एक संग उहइ दिन मर गएन।</verse>
				<verse number="7">इस्राएलियन जउन घाटी क दूसर कइँती अउर यरदन नदी क दूसर कइँती रहत रहेन, लखेन कि इस्राएली फउज परात बाटइ। उ पचे लखेन कि साऊल अउ ओकर पूत मर गएन। ऍह बरे उ इस्राएलियन आपन सहर तजि दिहन अउ भाग पराइ गएन। तब पलिस्ती आएन। उ पचे उ सहरन मँ रहइ लागेन।</verse>
				<verse number="8">दूसरे दिन, पलिस्तियन ल्हासे स चीजन क लेइ आएन। उ पचे साऊल अउ ओकर तीनहुँ पूतन क गिलबो पहाड़े प मरा पाएन।</verse>
				<verse number="9">पलिस्तियन साऊल क मूँड़ काटि लिहन अउ ओकर कवच लइ लिहन। उ पचे इ खबर क पलिस्ती मनइयन अउ आपन देवमूर्तियन क मन्दिर तलक लइ गएन।</verse>
				<verse number="10">उ पचे साऊल क कवच क आस्तोरेत क मन्दिर मँ धरेन। पलिस्तियन साऊल क ल्हास बेतसान क देवारे प टाँगेन भी।</verse>
				<verse number="11">याबेस गिलाद क मनइयन ओनँ सबहिं कारनामन क सुनेन जउन पलिस्तियन साऊल क संग किहस।</verse>
				<verse number="12">ऍह बरे याबेस क सबहिं फउजी बेतसान पहोंचेन। उ पचे सारी रात चलत रहेन। अउर उ पचे साऊल क ल्हासे क बेतसान क देवारे स उतारेन। उ पचे साऊल क पूतन क ल्हासन क भी उतारेन। तब उ पचे इ ल्हासन क याबेस लइ गएन अउर हुवाँ साऊल अउ ओकरे तीनहुँ पूतन क ल्हासे क फूँकि दिहन।</verse>
				<verse number="13">तब उ लोगन साऊल अउ ओकरे तीनहुँ पूतन क अस्थियन क बटोर लिहन। अउर ओनका याबेस मँ पेड़ क तरे दफनाइ दिहन। तब याबेस क लोग सोक मनाएन। याबेस क मनइयन सात दिना तलक उपवास राखेन।</verse>
			</chapter>
		</book>
		<book number="10">
			<chapter number="1">
				<verse number="1">अमालेकियन क हरावइ क पाछे दाऊद सिकलग लउटा अउर हुवाँ दुइ दिन ठहरा। इ साऊल क मउत क पाछे भवा।</verse>
				<verse number="2">तीसरे दिन, एक ठु नउजवान सिकलग आवा। उ साऊल क फउजी सिबिर स आए रहेन। उ मनई क ओढ़ना फटे रहेन अउर ओकरे मूँड़े पइ धूरि रही। उ मनई दाऊद क लगे आवा अउर दाऊद क समन्वा मुँहे क बल गिरिके दण्डवत किहस।</verse>
				<verse number="3">दाऊद उ मनई स पूछेस, “तू कहाँ स आवा अहा?” उ मनई दाऊद क जवाब दिहस, “मइँ इस्राएलियन क सिबिर स बचि निकरा हउँ।”</verse>
				<verse number="4">दाऊद ओहसे कहेस, “कृपा कइके मोका इ बतावा कि जुद्ध कउन जीतेस?” उ मनई जवाब दिहस, “हमार लोग जुद्ध स पराइ गएन। बहोत सारा लोग जुद्ध मँ मार डावा गएन। साऊल अउ ओकर पूत योनातन दुइनउँ मर गएन ह।”</verse>
				<verse number="5">दाऊद नउजुवक स पूछेस, “तू कइसे जानत अहा कि साऊल अउ ओकर पूत योनातन दुइनउँ मर गएन ह?”</verse>
				<verse number="6">नउजुवक दाऊद स कहेस, “मइँ गिलबो पर्वते पइ रहेउँ। हुवाँ मइँ साऊल क अपने भाले पइ निहुरन लखेउँ। पलिस्ती रथ अउ घुड़सवार साऊल क नज़दीक स नज़दीक आवत रहेन।</verse>
				<verse number="7">साऊल पाछे मुड़ा अउर उ मोका लखेस। उ मोहका गोहराएस। मइँ जवाब दिहेउँ, मइँ हिआँ अहउँ।</verse>
				<verse number="8">तब साऊल मोहसे पूछेस, ‘तू कउन अहा?’ मइँ जवाब दिहेउँ, ‘मइँ अमालेकी हउँ।’</verse>
				<verse number="9">साऊल कहेस, ‘कृपा कइके मोका मार डावा। मइँ बुरी तरह घायल हउँ अउर मइँ वइसे भी लगभग मरि गवा हउँ।’</verse>
				<verse number="10">एह बरे मइँ रुकेउँ अउर ओका मार डाएउँ। उ एतना बुरी तरह घायल रहा कि मइँ समुझ गएउँ कि उ जिअत नाहीं रहि सकत। तब मइँ ओकरे मूँड़े स मुकुट अउ भुजा स बाजूबन्द उतारेउँ अउर मोर सुआमी, मइँ मुकुट अउ बाजूबन्द हिआँ आप क खातिर लिआए अहउँ।”</verse>
				<verse number="11">तब दाऊद अपने ओढ़नन क इ परगट करइ बरे फार डाएस कि उ बहोत सोक मँ बूड़ा अहइ। दाऊद क संग सबहि लोग अइसा ही किहेन।</verse>
				<verse number="12">दाऊद अउर ओकर मनइयन बहोत दुःखी रहेन अउर रोए रहेन। उ पचे साँझ तलक कछू खाएन नाहीं। उ पचे दाऊद क लोगन बरे रोएन जउन मारा ग रहेन। उ पचे एह बरे रोएन कि साऊल, ओकर पूत योनातन अउर बहोत स इस्राएली जुद्ध मँ मारा ग रहेन।</verse>
				<verse number="13">दाऊद उ जुवक स बातचीत किहस जउन साऊल क मउत क सूचना दिहस। दाऊद पूछेस, “तू कहाँ क निवासी अहा?” जुवक जवाब दिहस, “मइँ एक बिदेसी क पूत हउँ। मइँ अमालेकी हउँ।”</verse>
				<verse number="14">दाऊद जुवक स पूछेस, “तू यहोवा क चुने राजा क मारइ स ससान काहे नाहीं भया?”</verse>
				<verse number="15">तब दाऊद अमालेकी जुवक स कहेस, “तू खुद आपन मउत क बरे जिम्मेदार अहा। तू कहया कि तू यहोवा क चुने राजा क मार डाया। एह बरे तोहार खुद क सब्दन तोहका अपराधी सिद्ध किहन ह।” तब दाऊद आपन सेवक जुवकन मँ स एक ठु जुवक क बोलाएस अउर अमालेकी क मार डावइ क कहेस। इस्राएली जुवक अमालेकी क मार डाएस।</verse>
				<verse number="16"></verse>
				<verse number="17">दाऊद साऊल अउ ओकर पूत योनातान क बारे मँ एक ठु सोकगीत गाएस।</verse>
				<verse number="18">दाऊद अपने मनइयन स इ गीत क यहूदा क लोगन क सिखावइ क कहेस, इ सोकगीत क धनुस कहा गवा ह। इ गीत यासार क किताबे मँ लिखा बाटइ।</verse>
				<verse number="19">“ओह इस्राएल, तोहार महिमा तोहरे पहाड़न मँ मटियामेट भवा। ओह, कइसे उ सूरवीर जुद्ध मँ हार गएन।</verse>
				<verse number="20">एका गत मँ न कहा, एका अस्कलोन क गलियन मँ एलान न करा। उ पचे पलिस्तियन क सहर एहसे खुस होइहीं। उ पचे विदेसियन खुस होइहीं।</verse>
				<verse number="21">“मोर इच्छा अहइ कि गिलबो क पर्वत पइ ओस अउर बर्खा न होइ, मोर इच्छा अहइ कि ओन खेतन स आवइवाली बलि-भेंटन न होइँ। सक्तीसाली मनसेधुअन क ढाल अइसा फैंकि जाइ जइसे इ बेकार रही। साऊल क ढाल जियादा दिना तलक तेल स पालिस कीन्ह भइ नाहीं रही।</verse>
				<verse number="22">योनातान क धनुस अपने भाग क दुस्मनन क मारेस, अउर साऊल क तरवार अपने हींसे क दुस्मनन क मारेस। उ पचे ओन मनइयन क खून स धब्बा लगाएन जउन अब मरि चुका अहइँ, उ पचे उ सक्तीसाली मनइयन क चर्बी क काटि दिहेस।</verse>
				<verse number="23">“साऊल अउ योनातन, एक दूसर स पिरेम करत रहेन। उ पचे एक दूसर स सुखी रहेन जब तलक उ पचे जिअत रहेन, साऊल अउर योनातान मउत तलक मँ भी साथ रहेन। उ पचे उकाब स भी तेज जात रहेन, उ पचे सेर स जियादा बरिआर रहेन।</verse>
				<verse number="24">इस्राएल क बिटियो, साऊल खातिर रोवा। साऊल तोहका लाल पहिरावा दिहस, साऊल तोहरे ओढ़नन पइ सोने क जेवर सजाएस ह।</verse>
				<verse number="25">“सक्तीसाली मनसेधू जुद्ध मँ काम आएन। योनातान गिलबो पहाड़े पइ मरा।</verse>
				<verse number="26">मोर भाई योनातान, मइँ तोहरे खातिर रोवत हउँ। मोका तोहार दोस्ती स बहोत आन्नद मिलेस ह। तोर पिरेम मोरे बरे एक ठु मेहरारू क पिरेम जियाद रहा।</verse>
				<verse number="27">सक्तीसाली मनसेधू जुद्ध मँ काम आएन, जुद्ध क सस्त्र चले गएन ह।”</verse>
			</chapter>
			<chapter number="2">
				<verse number="1">पाछे दाऊद यहोवा स पराथना किहस। दाऊद कहेस, “का मोका यहूदा क कउनो नगर मँ जाइ चाही?” यहोवा दाउद स कहेस, “जा।” दाऊद पूछेस, “मोका कहाँ जाइ चाही?” यहोवा जवाब दिहस, “हेब्रोन क।”</verse>
				<verse number="2">एह बरे दाउद हुवाँ गवा। ओकर दुइनउँ मेहररूअन ओकरे संग गइन। (उ पचे यिज्रेली क अहीनोअम अउ कर्मेल क नाबाल क राँड़ अबीगैल रहिन।)</verse>
				<verse number="3">दाऊद अपने लोगन अउ ओनके परिवारन क भी लिआवा। उ पचे हेब्रोन अउ निचके क नगरन मँ बस गएन। दाउद याबेस क लोगन क धन्यावाद देत ह</verse>
				<verse number="4">यहूदा क लोग हेब्रोन आएन अउर उ पचे दाऊद क अभिसेक यहूदा क राजा क रूप मँ किहन। तब उ पचे दाऊद स कहेन, “याबेस गिलाद क मनइयन साऊल क दफनाएन।”</verse>
				<verse number="5">दाऊद याबेस गिलाद क लोगन क लगे दूत पठएस। एन दूत याबेस गिलाद क लोगन क दाऊद क सँदेसा दिहस: “यहोवा तोहका आसीर्बाद देइ, काहेकि तू लोग अपने सुआमी साऊल बरे, ओकर जरी भइ हड्डियन क दफनाइके दाया देखाँया ह।</verse>
				<verse number="6">यहोवा अब तोहरे बरे दयालु अउ सच्चा रही। मइँ भी तोहरे बरे दयालु रहब काहेकि तू लोग जरी भइ हड्डियन क दफनाया ह।</verse>
				<verse number="7">अब, सक्तीसाली अउ बीर बना, तोहार सुआमी साऊल मर चुका अहइँ, अउ यहूदा क परिवार समूह अपने राजा क रूप मँ मोर अभिसेक किहेस ह।”</verse>
				<verse number="8">नेर क पूत अब्नेर साऊल क फउज क सेनापति रहा। अब्नेर साऊल क पूत ईसबोसेत क महनैम लइ गवा।</verse>
				<verse number="9">उ ठउरे पइ अब्नेर ईसबोसेत क गिलाद, आसेर, यिज्रेल, एप्रैम, अउ बिन्यामीन अउर समस्त इस्राएल क राजा बनाएस। ईसबोसेत सारे इस्राएल क राजा बन गवा।</verse>
				<verse number="10">ईसबोसेत साऊल क पूत रहा। ईसबोसेत चालीस बरिस क रहा जब उ इस्राएल पइ सासन करब सुरू किहेस। उ दुइ बरिस तलक सासन किहस। किन्तु यहूदा क परिवार समूह दाऊद क अनुसरण करत रहा।</verse>
				<verse number="11">दाउद हेब्रोन मँ यहूदा क परिवार समूह क राजा सात बरिस छ: महीने तलक रहा।</verse>
				<verse number="12">नेर क पूत अब्नेर अउ साऊल क पूत क अधिकारी लोग ईसबोसेत महनैम क तजेन। उ पचे गिबोन क गएन।</verse>
				<verse number="13">सरुयाह क पूत योआब अउ दाऊद क सेवकगण भी गिबोन गएन। उ पचे अब्नेर अउ ईसबोसेत क सेवकन स, गिबोन क तालाब पइ मिलेन। अब्नेर क टोली तालाब क एक कइँती बइठी रही। योआब क टोली तालाब क दूसरी ओर बइठी रही।</verse>
				<verse number="14">अब्नेर योआब स कहेस, “हम लोग जुवकन क खड़ा होइ देइ अउर हिआँ एक मुकाबला होइ जाइ द्या।” योआब कहेस, “हाँ, ओनमाँ मुकाबला होइ जाइ द्या।”</verse>
				<verse number="15">तब जुवक उठेन। दुइनउँ टोलियन मुकाबला बरे अपने जुवकन क गनेन। बियामीन क परिवार समूह स बारह जुवक मनइयन साऊल पूत ईसबोसेत क तरफ स जुद्ध बरे चुना गएन, अउर बारह जुवक दाऊद क मनइयन मँ स चुने गएन।</verse>
				<verse number="16">हर एक जुवक अपने दुस्मन क मूँड़े क धरेस अउ आपन तरवार अन्दर भोंक दिहस। एह बरे जुवक मनइयन एक ही संग गिर पड़ेन। इहइ कारण अहइ कि उ ठउर, “तेज चाकुअन क खेत” कहा जात ह। इ ठउर गिबोन मँ अहइ।</verse>
				<verse number="17">उ दिन मुकाबला भयंकर जुदध मँ बदल गवा। दाऊद क मनइयन अब्नेर अउ इस्राएलियन क हराइ दिहन।</verse>
				<verse number="18">सरूयाह क तीन पूत रहेन, योआब, अवीस अउ असाहेल। असाहेल तेज दउड़इवाला रहा। उ जंगली हिरन क तरह तेज दउड़त रहा।</verse>
				<verse number="19">असाहेल अब्नेर क पाछा किहस। असाहेल सोझइ अब्नेर कइँती दउड़ गवा।</verse>
				<verse number="20">अब्नेर मुड़िके लखेस अउर पूछेस, “का तू असाहेल अहा?” असाहेल कहेस, “मइँ हउँ।”</verse>
				<verse number="21">अब्नेर असाहेल क चोट नाहीं पहोंचावइ चाहत रहा। तब अब्नेर असाहेल स कहेस, “मोर पाछा करब तजा अपनी दाहिन या बाई कइँती मुड़ा जुवकन मँ स कउनो एक क पाछा करा अउर ओकर कवच अपने बरे लइ ल्या।” किन्तु असाहेल अब्नेर क पाछा करब तजइ स इन्कार कइ दिहस।</verse>
				<verse number="22">अब्नेर असाहेल स फुन कहेस, “मोर पाछा करब तजा। जदि तू पाछा करब नाहीं तजत्या तउ मइँ तोहका मार डाउब। जदि मइँ तोहका मार डाउब तउ मइँ फुन तोहरे भाई योआब क मुँह नाहीं लखि सकब।”</verse>
				<verse number="23">किन्तु असाहेल अब्नेर क पाछा करब नाहीं तजेस। एह बरे अब्नेर आपन भाला क पिछले हींसा क उपयोग किहस अउर असाहेल क पेट मँ ओका घुसेड़ दिहस। भाला असाहेल क पेट मँ एतना गहिर घँसा कि उ ओकरी पीठ स बाहेर निकरि आवा। असाहेल हुवाँ तुरंत मरि गवा। असाहेल क तन जमीन पइ गिर पड़ा। लोग ओकरे लगे दउड़िके गएन, अउर रूक गएन।</verse>
				<verse number="24">किन्तु योआब अउ अबीस अब्नेर क पाछा करब जारी रखेन। जउन समइ उ पचे अम्मा पहाड़ी पइ पहोंचेन सूरज बूड़त रहा। (अम्मा पहाड़ी गहि क समन्वा गिबोन रेगिस्तान क राहे पइ रही।)</verse>
				<verse number="25">बिन्यामीन परिवार समूह क लोग अब्नेर क लगे आएन। उ पचे सबहिं एक संग पहाड़ी क चोटी पइ खड़े होइ गएन।</verse>
				<verse number="26">अब्नेर चिचियाइके योआब क गोहराएस। अब्नेर कहेस, “का हम क लड़ जाइ चाही अउर हमेसा बरे एक दूसर क मारि डावइ चाही? निहचइ ही तू जानत अहा कि एकर अन्त सिरिफ सोक होइ। लोगन स कहा कि अपने ही भाइयन क पाछा करब बन्द करइँ।”</verse>
				<verse number="27">तब योआब कहेस, “इ जउन तू कहया उ ठीक अहइ। यहोवा क जिन्नगी क किरिया, जदि तू कछू नाहीं कहि होतेन, तउ मनइयन अपने भाइयन क पाछा सबेरे मँ भी करत रहतेन।”</verse>
				<verse number="28">तब योआब एक तुरुही बजाएस अउ ओकर लोग इस्राएलियन क पाछा करब बन्द किहन। उ पचे अउर अगवा इस्राएलियन स लड़इ क जतन नाहीं किहन।</verse>
				<verse number="29">अब्नेर अउ ओकर लोग यरदन घाटी स होइके रात भर चलेन। उ पचे यरदन घाटी क पार किहन। उ पचे पूरे दिन चलत रहेन अउर महनैम पहोंचेन।</verse>
				<verse number="30">योआब अब्नेर क पाछा करब बन्द करइ क पाछे अपनी फउज मँ वापिस लउट आवा। जब योआब लोगन क बटोरेस, दाऊद क उन्नीस सेवक लापता रहेन। असाहेल भी लापता रहा।</verse>
				<verse number="31">किन्तु दाऊद क सेवकन बिन्यामीन परिवार समूह क तीन सौ साठ निअम्बरन क, जउन अब्नेर क अनुसरण करत रहेन, मार डाए रहा।</verse>
				<verse number="32">दाऊद क सेवक लोग असाहेल क लिहन अउर ओका बेतलेहेम मँ ओकरे पिता क कब्रिस्तान मँ दफनाएन। योआब अउ ओकर मनई रात भइ चलत रहेन। जब उ पचे हेब्रोन पहोंचेन तउ सूरज निकरा।</verse>
			</chapter>
			<chapter number="3">
				<verse number="1">साऊल क परिवार अउ दाऊद क परिवार लम्बे समइ तलक एक दूसर क खिलाफ जुद्ध करत रहा। दाऊद जियादा स जियादा बरिआर होत गवा अउर साऊल क परिवार कमजोर पइ कमजोर होत गवा।</verse>
				<verse number="2">दाऊद क इ सबइ पूत हेब्रोन मँ पइदा भए रहेन। पहिला पूत अम्नोन रहा। अम्नोन क महतारी यिज़्रेल क अहीनोअम रही।</verse>
				<verse number="3">दूसर पूत किलाब रहा। किलाब क महतारी अबीगैल इ नाबाल क राँड़ रहा जउन कर्मेल स रहा। तीसरा पूत अबसालोम रहा। अबसालोम क महतारी गसूर क राजा तल्मै क बिटिया माका रही।</verse>
				<verse number="4">चौथा पूत अदोनिय्याह रहा। अदोनिय्याह क महतारी हग्गीत रही। पाँचवा पूत सपत्याह रहा। सपत्याह क महतारी अबीतल रही।</verse>
				<verse number="5">छठवाँ पूत यित्राम रहा। यित्राम क महतारी दाऊद क मेहरारू एग्ला रही। दाऊद क इ सबइ छ: पूत हेब्रोन मँ पइदा भएन।</verse>
				<verse number="6">जउने समइ साऊल क परिवार तथा दाऊद परिवार मँ जुद्ध चलत रहा, अब्नेर साऊल क फउज मँ जियादा स जियादा सक्तीसाली बन गवा।</verse>
				<verse number="7">साऊल क दासी रिस्पा नाउँ क रही। रिस्पा अय्या क बिटिया रही। ईसबोसेत अब्नेर स कहेस, “तू मोर पिता क दासी क संग तने क सम्बन्ध काहे करत ह?”</verse>
				<verse number="8">अब्नेर, ईसबोसेत जउन कछू कहेस, ओहसे बहोत कोहाइ गवा। अब्नेर कहेस, “मइँ साऊल अउ ओकरे परिवार क वफ़ादार रहा हउँ। मइँ तोहका दाऊद क नाहीं दिहेउँ। मइँ तोहका ओहका हरावइ नाहीं दिहेउँ। मइँ यहूदा बरे काम करइवाला देसद्रोही नाहीं हउँ। किन्तु अब तू कहन अहा कि मइँ इ बुराई कीन्ह।</verse>
				<verse number="9">मइँ इ प्रतिग्या करत हउँ- मोका पुर्ण बिस्सास ह कि अब उ सबइ कछू होब्या जउन परमेस्सर कहेस ह। यहोवा कहेस कि उ साऊल क परिवार क राज्ज क लइ लेइ अउर एका दाऊद क देइ। यहोवा दाऊद क यहूदा अउ इस्राएल क राजा बनाई। उ दान स लइके बेर्सबा तलक हुकूमत करी। परमेस्सर मोका सज़ा दे जदि मइँ वइसा होइ नाहीं द्या।”</verse>
				<verse number="10"></verse>
				<verse number="11">ईसबोसेत अब्नेर स कछू भी नाहीं कहि सका। ईसबोसेत ओहसे बहोत जियादा ससान रहा।</verse>
				<verse number="12">अब्नेर दाऊद क लगे दूत पठएस। अब्नेर कहेस, “तोहार सोचत क मुताबिक केका इ देस पइ हुकूमत करइ चाही? मोरे संग एक ठु सन्धि करा अउर मइँ तोहका पूरे इस्राएल क लोगन क सासक बनइ मँ मदद करब।”</verse>
				<verse number="13">दाऊद जवाब दिहस, “ठीक अहइ। मइँ तोहरे संग सन्धि करब। किन्तु तोहसे मइँ सिरिफ एक बात कहत हउँ: मइँ तोहसे तब तलक नाहीं मिलब जब तलक तू साऊल क बिटिया मीकल क मोर लगे भेंटइ बरे नाहीं लाउब्या।” दाउद आपन मेहरारु मीकल क वापिस लिआवत ह</verse>
				<verse number="14">दाऊद साऊल क पूत ईसबोसेत क लगे दूत पठएस। दाऊद कहेस, “मोर मेहरारू मीकल क मोका वापस करा। मइँ ओका पावइ बरे सौ पलिस्तियन क मारे रहेउँ।”</verse>
				<verse number="15">तब ईसबोसेत ओन लोगन क आदेस दिहेस कि उ लैस क पूत पलतीएल नाउँ क मनई क पास स मीकल क लइ आवइ।</verse>
				<verse number="16">मीकल क भतार पलतीएल मीकल क संग गवा। उ बहूरीम नगर तलक मीकल क पाछे-पाछे रोवत भवा गवा। किन्तु अब्नेर पलतीएल स कहेस, “घरे लउटि जा।” एह बरे पलतीएल घरे लउटि डवा। अब्नेर दाउद क मदद क प्रतिग्या करत ह</verse>
				<verse number="17">अब्नेर इस्राएल क प्रमुखन क इ सँदेसा पठएस। उ कहेस, “आप लोग दाऊद क आपन राजा बनावइ क इच्छुक रहेन।</verse>
				<verse number="18">अब एका करइँ। यहोवा दाऊद क बारे मँ कहत रहा जब उ कहे रहा, ‘मइँ अपने इस्राएली लोगन क पलिस्तियन अउ ओनकर सबहिं दुस्मनन स बचाउब। मइँ इ अपने सेवक दाऊद क जरिये करब।’”</verse>
				<verse number="19">अब्नेर इ सबइ बातन बिन्यामीन क परिवार समूह क लोगन स कहेस। अब्नेर जउन कछू कहे रहा उ बिन्यामीन परिवार क लोगन अउ इस्राएल क सबहिं लोगन क नीक लगा। एह बरे अब्नेर हेब्रोन मँ दाऊद क उ सबइ सबहिं बातन बताएन, जेका करइ मँ इस्राएल क लोग अउ बिन्यामीन परिवार क लोग सहमत रहेन।</verse>
				<verse number="20">जब अब्नेर दाऊद क लगे हेब्रोन आवा। उ अपने संग बीस लोगन क लिआवा। दाऊद अब्नेर क अउर ओनके संग आए सबहिं लोगन क दावत दिहस।</verse>
				<verse number="21">अब्नेर दाऊद स कहेस, “सुआमी, मोरे राजा, मइँ जाब अउर सबहिं इस्राएलियन क आप क लगे लिआउब। तब उ पचे आप क संग सन्धि करिहीं, अउर आप पूरे इस्राएल पइ हुकूमत करिहीं जइसा आप चाहत हीं।” तब दाऊद अब्नेर क बिदा किहस अउर अब्नेर सान्ति पूर्वक गवा।</verse>
				<verse number="22">योआब अउ दाऊद क अधिकारी जुद्ध स लउटिके आएन। ओनके लगे बहोत स कीमती सामान रहेन जउन उ पचे दुस्मन स लिआए रहेन। दाऊद अब्नेर क सान्तिपूर्वक जाइ दिहस। एह बरे अब्नेर दाऊद क संग हेब्रोन मँ नाहीं रहा।</verse>
				<verse number="23">योआब अउर ओकर सारी फउज हेब्रोन पहोंची। फउज योआब स कहेस, “नेर क पूत अब्नेर राजा दाऊद क लगे आवा रहा अउर दाऊद ओका सान्तिपूर्वक जाइ दिहस।”</verse>
				<verse number="24">योआब राजा क लगे आवा अउर कहेस, “इ आप का किहेन? अब्नेर आप क लगे आवा अउर आप ओका बिना चोट पहोंचाए जाइ दिहन। काहे?</verse>
				<verse number="25">आप नेर क पूत अब्नेर क जानत हीं। उ आप क संग चाल चलइ आवा। उ ओन सबहिं बातन क पता करइ आवा रहा जउन आप करत अहइँ।”</verse>
				<verse number="26">योआब दाऊद क छोड़ेस अउ सीरा क कुआँ पइ अब्नेर क लगे दूत पठएस। दूत अब्नेर क वापिस लिआएन। किन्तु दाऊद क एकर पता न चला।</verse>
				<verse number="27">जब अब्नेर हेब्रोन आवा तउ योआब, प्रवेस दुआर क एक किनारे ओका लइ गवा अउर तब योआब अब्नेर क पेट मँ प्रहार किहस अउर अब्नेर मर गवा। पिछले दिनन मँ अब्नेर योआब क भाई असाहेल क मारे रहा। एह बरे अब योआब अब्नेर क मार डाएस।</verse>
				<verse number="28">पाछे दाऊद इ खबर सुनेस। दाऊद कहेस, “मइँ अउर मोर राज्ज नेर क पूत अब्नेर क मउत बरे निरपराध अहइ। यहोवा एका जानत ह।</verse>
				<verse number="29">योआब अउर ओकर परिवार ऐकर जिम्मेदार अहइ, अउर ओकरे पूरा परिवार क दोखी ठेहराइ जाइ। मोका इ आसा अहइ कि ओकरे परिवार मँ कछू लोग ज़ख्मी होइ अउर कछू भंयकर चर्मरोग स पीड़ित होइ या कछू लोग लंगड़ा लूला होइ, कछू जुद्ध मँ मारा जाइ अउर कछू बगैर भोजन क रही।”</verse>
				<verse number="30">योआब अउर ओकर भाई अबीसै अब्नेर क मार डाएस काहेकि अब्नेर ओकरे भाई असाहेल क गिबोन क लड़ाई मँ मारे रहा।</verse>
				<verse number="31">दाऊद योआब क संग सबहिं मनइयन स कहेस, “अपने ओढ़नन क फार डावा अउर सोक वस्त्र पहिरा। अब्नेर बरे रोवा।” उ पचे अब्नेर क हेब्रोन मँ दफनाएन। दाऊद अन्त्येस्टि मँ गवा। राजा दाऊद अउर सबहिं लोग अब्नेर क कब्र पइ रोएन।</verse>
				<verse number="32"></verse>
				<verse number="33">दाऊद अब्नेर बरे आपन सोक-गीत गाएस: “का अब्नेर कउनो मूरख अपराधी क तरह मरब रहा?</verse>
				<verse number="34">अब्नेर तोहार हाथ बँधे नाहीं रहेन। तोहार गोड़ जंजीरन मँ कसा नाहीं रहेन। नाहीं अब्नेर, तोहका दुस्टन मारेन।” तब सबहिं लोग फुन अब्नेर बरे रोएन।</verse>
				<verse number="35">सबहिं लोग दाऊद क दिन रहत भोजन करइ बरे प्रेरित करइ आएन। किन्तु दाऊद खास प्रतिग्या किहेस। उ कहेस “परमेस्सर मोका दण्ड देइ अउर मोरे कस्टन क बढ़ावइ जदि मइँ सूरज बूड़इ क पहिले रोटी या कउनो दूसर भोजन करउँ।”</verse>
				<verse number="36">जउन कछू भवा सबहिं लोग लखेन अउर उ पचे ओन सबहिं कामन स सहमत भएन जउन राजा दाऊद करत रहा।</verse>
				<verse number="37">उ दिन यहूदा क लोगन अउर सबहिं इस्राएलियन समुझ लिहन कि राजा दाऊद नेर क पूत अब्नेर क मारइ क आदेस नाहीं दिहे रहा ह।</verse>
				<verse number="38">राजा दाऊद अपने मनइयन स कहेस, “तू लोग जानत अहा कि आज इस्राएल मँ एक बहोत महत्वपूर्ण नेता मरि गवा ह।</verse>
				<verse number="39">इ सबइ उहइ दिन भवा जउने दिन मोर अभिसेक राजा क रूप मँ भवा रहा। किन्तु सरूयाह क पूत मोर बरे बहोत जियादा मज़बूत अहइ। यहोवा बुरा व्यक्ति क ओकरे बुरा कामन क अनुसार ओका सज़ा दइ!”</verse>
			</chapter>
			<chapter number="4">
				<verse number="1">साऊल क पूत (ईसबोसेत) सुनेस कि अब्नेर क मउत हेब्रोन मँ होइ गइ। ईसबोसेत अउ ओकर सबहिं लोग बहोत जियादा ससान रहेन।</verse>
				<verse number="2">दुइ मनई साऊल क पूत क लखइ गएन। इ दुइनउँ मनई फउज क सेनापति रहेन। एक ठु मनई क नाउँ बाना रहा अउर दूसर क नाउँ रेकाब रहा। बाना अउ रेकाब बेरोत क रिम्मोन क पूत रहेन। (उ पचे बिन्यामीन परिवार समूह क रहेन। बेरोत नगर बिन्यामीन परिवार समूह क रहा।</verse>
				<verse number="3">बेरोत क लोग गित्तैम क पराइ गएन अउर उ पचे आजु हुवाँ तलक रहत हीं।)</verse>
				<verse number="4">साऊल क पूत योनातन क एक पूत रहा जेकर नाउँ मपीबोसेत रहा, जउन लँगड़ा रहा। योनातन क पूत उ समइ पाँच बरिस क रहा, जब इ खबर मिली रही कि साऊल अउ योनातन यिज्रेल मँ मारे गएन। इ पूत क धाई इ बच्चा क उठाएस अउर उ पराइ गइ। किन्तु जब धाई भागइ मँ हाली किहेस, तउ योनातन क पूत ओकरी बाँहन स भहराइ पड़ा। इहइ कारण रहा कि योनातन क पूत लँगड़ा होइ गवा रहा।</verse>
				<verse number="5">बेरोत क रिम्मोन क पूत रेकाब अउ बाना, दोपहर क ईसबोसेत क घरे मँ गएन। ईसबोसेत गर्मी क कारण आराम करत रहा।</verse>
				<verse number="6">रेकाब अउ बाना अपने घरे मँ इ तरह आएन माना उ पचे कछू गोहूँ लेइ जात होइँ। ईसबोसेत अपने बिछौना मँ अपने सयनकच्छ मँ ओलरा भवा रहा। रेकाब अउ बाना आघात किहेन अउर ईसबोसेत क मार डाएन। तब उ पचे ओकर मूँड़ि काटेन अउर ओका अपने संग लइ गएन। उ पचे यरदन घाटी स होइके रात भर चलत रहेन।</verse>
				<verse number="7"></verse>
				<verse number="8">उ पचे हेब्रोन पहोंचेन, अउर उ पचे ईसबोसेत क मूँड़, दाऊद क दिहन। रेकाब अउ बाना दाऊद स कहेस, “इ आप क दुस्मन साऊल क पूत ईसबोसेत क मूँड़ अहइ। उ आप क मारइ क जतन किहस। यहोवा साऊल अउर ओकरे परिवार क आप खातिर आजु दण्ड दिहस ह।”</verse>
				<verse number="9">दाऊद रेकाब अउ ओकर भाई बाना क जवाब दिहस, दाऊद कहेस, “यहोवा क जिन्नगी क किरिया, उ मोका सबहिं आपत्तियन स बचाएस ह।</verse>
				<verse number="10">किन्तु बीते दिन मँ एक मनई सोचेस कि उ मोरे बरे अच्छी खबर लिआई। उ मोहसे कहेस, ‘साऊल मर गवा।’ ओका आसा रही कि मइँ ओका इ खबर क लिआवइ क कारण पुरस्कार देब। किन्तु मइँ उ मनई क धरेउँ अउर सिकलग मँ मार डाएउँ।</verse>
				<verse number="11">एह बरे अब मइँ तू पचन क मारि के ईसबोसेत क मृत्यु क बदला लेब काहेकि दुस्ट मनइयन एक नीक मनई क, उ समई मारेस ह जब उ अपने घरे क सयन कच्छ मँ बिछउना पइ आराम करत रहा। तू पचे जिअत नाहीं रहब्या। मइँ धरती क तू पचन्क स मुक्त करब।”</verse>
				<verse number="12">दाऊद जुवकन क आदेस दिहस कि उ पचे रेकाब अउ बाना क मार डावइँ। तब, जुवकन रेकाब अउ बाना क हाथ-पैर काट डाएन अउर हेब्रोन क झरना क सहारे लटकाइके मार डाएस। तब, उ पचे ईसबोसेत क मूँड़े क लिहस अउर उहइ ठउरे पइ ओका दफनाएस, जउने ठउरे पइ हेब्रोन मँ अब्नेर क दफनावा गवा रहा।</verse>
			</chapter>
			<chapter number="5">
				<verse number="1">तब इस्राएल क सारे परिवार समूहन क लोग दाऊद क लगे हेब्रोन आएन। उ पचे दाऊद स कहेन, “हम सब एक ही मांस अउर खून क अहइँ।</verse>
				<verse number="2">बीते जमाने मँ जब साऊल हमार राजा रहा, तउ उ पचे आप ही रहेन जउन इस्राएल क बरे जुद्ध मँ हमार नेतृत्व करत रहेन अउर आप इस्राएल क जुद्धन स वापिस लिआएन। यहोवा आप स कहेस, ‘तू मोरे लोग अर्थात इस्राएलियन क गड़रिया होब्या। तू इस्राएल क सासक होब्या।’”</verse>
				<verse number="3">इस्राएल क सबहिं प्रमुखन राजा दाऊद क लगे हेब्रोन मँ मिलइ बरे आएन। दाऊद एन प्रमुखन क संग हेब्रोन मँ यहोवा क मोजूदगी मँ एक ठु सन्धि किहेन। तब उ पचन इस्राएल क राजा क रूप मँ दाऊद क अभिसेक किहन।</verse>
				<verse number="4">दाऊद उ समइ तीस बरिस क रहा जब उ हुकूमत करब सुरू किहेस। उ चालीस बरिस हुकूमत किहस।</verse>
				<verse number="5">उ हेब्रोन मँ अउर यहूदा पइ सात बरिस, छ: महीने तलक हुकूमत किहस अउर उ, सारे इस्राएल अउ यहूदा पइ यरूसलेम मँ तैतीस बरिस तलक हुकूमत किहस।</verse>
				<verse number="6">राजा अउ ओकर मनइयन यरूसलेम मँ यबूसियन क खिलाफ जउन यरूसलेम मँ रहत रहेन जुद्ध करइ बरे गएन। यबूसियन दाऊद स कहेन, “तू हमरे नगर मँ नाहीं आइ सकत्या। हिआँ तलक कि एक आँधर अउ लँगड़ा भी तोहका रोक सकत हीं।” (उ पचे अइसा एह बरे कहत रहेन काहेकि उ पचे सोचत रहेन कि दाऊद ओनके नगर मँ प्रवेस नाहीं करइ सकत्या।</verse>
				<verse number="7">किन्तु दाऊद सिय्योन क किला लइ लिहस। इ किला दाऊद-नगर बना।)</verse>
				<verse number="8">उ दिन दाऊद अपने लोगन स कहेस, “जदि तू लोग यबूसियन क हरावइ चाहत अहा, तउ जलसुरंग स जा अउर ओन ‘आँधर अउ अपाहिज’ दुस्मनन पइ हमला करा।” इहइ कारण अहइ कि लोग कहत हीं, “आँधर अउ विकलांग घरे मँ नाहीं आइ सकतेन।”</verse>
				<verse number="9">दाऊद किले मँ रहत रहा अउर एका “दाऊद क नगर” कहत रहा। दाऊद उ छेत्र क बनाएस अउर मिल्लो नाउँ दिहस। उ नगर क भीतर दूसर भवन भी बनाएस।</verse>
				<verse number="10">दाऊद जियादा स जियादा सक्तीसाली होत गवा काहेकि सर्वसक्तीमान यहोवा ओकरे संग रहा।</verse>
				<verse number="11">सोर क राजा हीराम दाऊद क लगे दूतन क पठएस। हीराम देवदारू क बृच्छ, बढ़ई अउ राजमिस्त्री लोगन क भी पठएस। उ पचे दाऊद बरे एक ठु महल बनाएस।</verse>
				<verse number="12">उ समइ दाऊद जान गएन कि यहोवा ओका फुरइ इस्राएल क राजा बनाएस ह। दाऊद इ भी जान गएन कि यहोवा ओकरे राज्ज क परमेस्सर क लोगन, अर्थात इस्राएलियन बरे बहोत महान बनाएस ह।</verse>
				<verse number="13">दाऊद हेब्रोन स यरूसलेम चला गवा। यरूसलेम मँ दाऊद अउर जियादा अउ पत्नियन अउ उप-पत्नियन क पाएस। ओका हुवाँ बहोत अधिक बेटवन अउर बिटियन भएन।</verse>
				<verse number="14">यरूसलेम मँ पइदा भए दाऊद क पूतन क नाउँ इ सबइ अहइँ: सम्मू, सोबाब, नातान, सुलैमान,</verse>
				<verse number="15">दिभार, एलोस नेपेग, यापी</verse>
				<verse number="16">एलीसामा, एल्यादा अउ एलीपेलेत।</verse>
				<verse number="17">पलिस्तियन इ सुनेन कि इस्राएलियन दाऊद क अभिसेक इस्राएल क राजा क रूप मँ किहेस ह तब सबहिं पलिस्ती दाऊद क मार डावइ बरे ओकर खोज करइ बाहेर निकरेन। किन्तु दाऊद क इ खबर मिल गइ। उ एक किला मँ चल गवा।</verse>
				<verse number="18">पलिस्ती आएन अउर रपाईस क घाटी मँ उ पचे आपन डेरा डाएन।</verse>
				<verse number="19">दाऊद बात कइके यहोवा स पूछेस, “का मोका पलिस्तियन क खिलाफ जुद्ध मँ जाइ चाही? का तू मोका पलिस्तियन क हरावइ देब्या?” यहोवा दाऊद स कहेस, “जा, काहेकि मइँ निहचइ ही, पलिस्तियन क हरावइ मँ तोहार मदद करब।”</verse>
				<verse number="20">तब दाऊद बालपरासीम आवा। हुवाँ उ पलिस्तियन क हराएस। दाऊद कहेस, “यहोवा मोरे समन्वा मोरे दुस्मनन क फउज क इ तरह दउड़ भगाएस जइसे जल बाँथ क तोरिके बहत ह।” इहइ कारण अहइ कि दाऊद उ ठउरे क नाउँ “बालपरासीम” रखेस।</verse>
				<verse number="21">पलिस्तियन बालपरासीम मँ अपनी देवमूरतियन क पाछे तजि दिहन। दाऊद अउ ओकर लोग ओन देवमूरतियन क हुवाँ स हटाइ दिहन।</verse>
				<verse number="22">पलिस्ती फुन आएन अउर रपाईम क घाटी मँ उ पचे डेरा डाएन।</verse>
				<verse number="23">दाऊद यहोवा स पराथना किहस। इ समइ यहोवा कहेस, “ओन लोगन पई सामन्वा स हमला जिन करा। ओनके चारिहुँ कइँती ओनकर फउज क पाछे स जा। तूत बृच्छन क लगे ओन पर हमला करा।</verse>
				<verse number="24">तूत बृच्छन क चोटी स तू पलिस्तियन क सामरिक प्रमाण क अवाज सुनब्या। तब तू पचन्क हाली स करइ चाही, काहेकि उ समइ यहोवा जाइ अउर तोहरे बरे पलिस्तियन क हराइ देइ।”</verse>
				<verse number="25">दाऊद उहइ किहस जउन करइ क बरे यहोवा आदेस दिहे रहा। उ पलिस्तियन क हराएस। उ ओनकर पाछा सबइ रास्ते स गेबा स गेजेर तलक किहस।</verse>
			</chapter>
			<chapter number="6">
				<verse number="1">दाऊद फुन इस्राएल क सबहिं चुने गए तीस हजार लोगन क बटोरेस।</verse>
				<verse number="2">तब दाऊद अउ ओकर सबहिं लोग यहूदा क बाले मँ स परमेस्सर क पवित्तर सन्दूख क यरूसलेम मँ लइ बरे गएन। पवित्तर सन्दूक सर्वसक्तीमान यहोवा क नाउँ स जाना जात हीं। पवित्तर सन्दूख यहोवा क सिंहासन क तरह अहइ। पवित्तर सन्दूख क ऊपर करूब क मूरतियन अहइँ, अउर यहोवा एन सरगदूतन पइ राजा क तरह बइठत ह।</verse>
				<verse number="3">उ पचे परमेस्सर क सन्दूख क एक ठु नवी गाड़ी मँ रखेन। उ पचे गिबियाह मँ एक पहाड़ी पइ स्थित अबीनादाब क घरे स पवित्तर सन्दूख क लइ जात रहेन, उज्जा अउ अहह्यो अबीनादाब क पूतन नवी गाड़ी चलावत रहेन।</verse>
				<verse number="4">जब उ पचे गिबियाह मँ अबीनादाब क घर जउन पहाड़ी प रहा स पवित्तर सन्दूख क लइ जात रहेन। अहह्यो सन्दूखवाली गाड़ी क आगे-आगे चलत रहेन।</verse>
				<verse number="5">दाऊद अउ सबहिं इस्राएली यहोवा क समन्वा पूरे उत्साह क संग नाचत अउ गावत रहेन अउर सबइ प्रकार क संगीत यंत्र जइसे: वीणा, सितार, ढोल, झाँझ अउ मँजीरा बजावत रहेन। इ सबइ सनौवर क लकड़ी क बना रहेन।</verse>
				<verse number="6">जब दाऊद क लोग नकोन खरिहाने मँ आएन तउ बर्धा लड़खड़ाइ पड़ेन। परमेस्सर क पवित्तर सन्दूख बन्द गाड़ी स गिरइ लाग। उज्जा पवित्तर सन्दूखे क धइ लिहस।</verse>
				<verse number="7">यहोवा उज्जा पइ कोहाइ गवा अउर ओका मार डाएस। उज्जा पवित्तर सन्दूख छुइके परमेस्सर बरे अस्रद्धा देखाँएस। उज्जा हुवाँ परमेस्सर क पवित्तर सन्दूख क बगल मँ मरा।</verse>
				<verse number="8">दाऊद बहोत कोहाइ गवा काहेकि यहोवा उज्जा क आपन क्रोध मँ मार डाए रहा। दाऊद उ जगह क “पेरेसुज्जा” कहेस। उ जगह आजु तलक पेरेसुज्जा कहा जात ह।</verse>
				<verse number="9">दाऊद उ दिन यहोवा स डर गवा। दाऊद कहेस, “अब मइँ यहोवा क पवित्तर सन्दूख हिआँ कइसे लाइ सकत हउँ?”</verse>
				<verse number="10">एह बरे दाऊद यहोवा क पवित्तर सन्दूख क दाऊद नगर मँ नाहीं लेइ चाहत रहा। उ पवित्तर सन्दूख क गत स आए भए एक मनई ओबेदोदोम क घरे मँ रखेस। दाऊद एका सड़क स गत क ओबेदोदोम क घर लइ गवा।</verse>
				<verse number="11">यहोवा क सन्दूख ओबेदोदोम क घरे मँ तीन महीने तलक रहा। यहोवा ओबेदोदोम अउ ओकरे सारे परिवार क आसीर्वाद दिहस।</verse>
				<verse number="12">लोग दाऊद स कहेन, “यहोवा ओबेदोदोम क परिवार अउर ओकर सारी चिजियन क आसीर्वाद दिहस काहेकि परमेस्सर क पवित्तर सन्दूख हुवाँ अहइ।” एह बरे दाऊद गवा अउ ओबेदोदोम क घरे स परमेस्सर क पवित्तर सन्दूख क दाऊद नगर स लइ आवा। दाऊद एका खुसी स किहस।</verse>
				<verse number="13">जब यहोवा क पवित्तर सन्दूखे क लइ चलइवाले छ कदम चलेन तउ उ पचे रूक गएन अउर दाऊद एक ठु बर्धा अउ एक ठु मोटवार बछवा क बलि भेंट किहेस।</verse>
				<verse number="14">तब दाऊद यहोवा क समन्वा पूरे उत्साह क संग नाच किहेस। दाऊद सूती कपड़ा क एपोद पहिर रखे रहा।</verse>
				<verse number="15">दाऊद अउर सबहिं इस्राएली यहोवा क पवित्तर सन्दूख क नगर लिआवत समइ उल्लास स उद्घोस करइ अउर तुरूही बजावइ लागेन।</verse>
				<verse number="16">साऊल क बिटिया मीकल खिड़की स लखत रही जब यहोवा क पवित्तर सन्दूख नगर मँ आवा। दाऊद यहोवा क समन्वा नाचत अउ कूदत रहा। मीकल इ लखेस अउर उ आपन हिरदय मँ तुच्छ समझेस।</verse>
				<verse number="17">दाऊद पवित्तर सन्दूखे बरे एक ठु तम्बू लगाएस। इस्राएलियन यहोवा क सन्दूख क तम्बू मँ ओकरी जगह पइ रखेस। तब दाऊद होमबलि अउ मेलबलि यहोवा क चढ़ाएस।</verse>
				<verse number="18">जब दाऊद होमबलि अउ मेलबलि चढ़ाउब पूरा किहस तब उ सर्वसक्तीमान यहोवा क नाउँ पइ लोगन क आसीर्बाद दिहस।</verse>
				<verse number="19">दाऊद रोटी, किसमिस क टुकड़ा, अउर खजूर क रोटी क हींसा इस्राएल क हर एक मेहरारू मनसेधू क दिहस। तब सबहिं लोग अपने घर चले गएन।</verse>
				<verse number="20">दाऊद अपने घरे मँ आसीर्बाद देइ गवा। किन्तु साऊल क बिटिया मीकल ओहसे भेटंइ निकरि आइ। मीकल कहेस, “आज इस्राएल क राजा अपना ही सम्मान नाहीं किहस। तू अपनी प्रजा क दासियन क समन्वा आपन ओढ़ना उतार दिहा। तू उ मूरख क तरह रह्या जउन बगैर लज्जा क आपन ओढ़ना उतारत ह।”</verse>
				<verse number="21">तब दाऊद मीकल स कहेस, “यहोवा मोका चुनेस ह, न कि तोहार बाप अउ ओकरे परिवार क कउनो मनई क। यहोवा मोका इस्राएल, अपने लोगन क मार्ग दर्सक बनवई बरे नियुक्त किहेस ह। इहइ कारण अहइ कि मइँ यहोवा क समन्वा उत्सव मनाउब अउर नाचब।</verse>
				<verse number="22">मइँ अउर भी जिआदा सरमनाक हरकत कइ सकत हउँ! अउर आपन नज़र मँ अपमानित होइ जाउँ। होइ सकत ह तू मोका सम्मान न देइ। किन्तु जउन लड़कियन क बारे मँ तू बात करति अहा उ पचे मोर सम्मान करति हीं।”</verse>
				<verse number="23">साऊल क बिटिया क कबहुँ सन्तान न भइ। उ बिना सन्तान क मरी।</verse>
			</chapter>
			<chapter number="7">
				<verse number="1">राजा दाऊद क अपने नवे महल मँ रहइ क पाछे, यहोवा ओका चारिहुँ कइँती क दुस्मनन स ओका सान्ति दिहस।</verse>
				<verse number="2">राजा दाऊद नातान नबी स कहेस, “लखा, मइँ देवदारू क काठे स बने महल मँ रहत हउँ। किन्तु परमेस्सर क पवित्तर सन्दूख अबहुँ भी तम्बू मँ रखा भवा ह।”</verse>
				<verse number="3">नातान राजा दाऊद स कहेस, “जा, अउर जउन कछू तू करइ चाहत ह, करा। यहोवा तोहरे संग होइ।”</verse>
				<verse number="4">किन्तु उहइ राति नातान क यहोवा क सँदेसा मिला।</verse>
				<verse number="5">“जा, अउर मोरे सेवक दाऊद स कहा, ‘यहोवा इ कहत ह: तू उ मनई नाहीं अहा जउन मोरे रहइ बरे एक ठु घर बनावइ ह।</verse>
				<verse number="6">मइँ उ समइ घरे मँ नाहीं रहत रहेउँ जल मइँ इस्राएलियन क मिस्र स बाहेर लाएउँ। नाहीं, मइँ उ समइ स चारिहुँ ओर तम्बू मँ जात्रा करत रहेउँ। मइँ तम्बू क उपयोग अपने घर क रूप मँ किहेउँ।</verse>
				<verse number="7">जब कबहुँ मइँ इस्राएलियन क संग चलेस ह, मइँ कउनो भी सासक क जेका मइँ इस्राएल क लोगन पइ धियान रखइ बरे कहेस रहा कबहुँ आपन खातिर देवदारू क काठे क सुन्नर घर बनावइ बरे नाहीं कहउँ।’</verse>
				<verse number="8">“तोहका मोर सेवक दाऊद स इ कहइ चाही, ‘सर्वसक्तीमान यहोवा इ कहत ह: मइँ तोहका चरागाह स लिआएउँ। मइँ तोहका तब लिआएउँ जब तू भेड़िन चरावत रह्या। मइँ तोहका अपने लोग इस्राएलियन क सासक चुनेउँ।</verse>
				<verse number="9">मइँ तोहरे संग तू जहाँ कहूँ गया रह्या रहेउँ। मइँ तोहरे दुस्मनन क तोहरे बरे हराएउँ। मइँ तोहका भूइँया क महान मनइयन मँ स एक बनाएउँ।</verse>
				<verse number="10">अउर मइँ आपन लोग इस्राएलियन बरे एक ठउर चुनब। तब इस्राएलियन अउर कबहुँ एक जगह स दूसर जगह पइ नाहीं जाइ क होइ। बीते दिना मँ मइँ अपने इस्राएल क लोगन क मार्गदर्सन बरे निआवाधीसन क पठए रहेउँ किन्तू पापी लोगन मोर लोगन क परेसान किहन। अब वइसा नाहीं होइ। मइँ तोहका सबहिं दुस्मनन स सान्ति देब। मइँ तोहसे इ भी कहत हउँ कि मइँ तोहरे परिवार क राजा लोगन क परिवार बनाउब।</verse>
				<verse number="11"></verse>
				<verse number="12">“‘जब तू मरब्या अउर अपने पुरखन क संग दफनावा जाब्या, तब मइँ तोहरे पूतन मँ स एक क राजा क रूप मँ चूनब अउर मइँ ओकर राज्ज क सक्तीसाली बनाउब।</verse>
				<verse number="13">मोरे नाउँ पइ उ एक ठु मन्दिर बनवाइ। मइँ ओकरे राज्ज क हमेसा बरे सक्तीसाली बनाउब।</verse>
				<verse number="14">मइँ ओकर बाप बनब अउर उ मोर पूत होइ। जब उ पाप करी, मइँ ओका दण्ड देइ बरे दूसर रास्ट्रन क उपयोग करब। मइँ ओकर प्रयोग दूसर लोगन क दण्ड देइ बरे चाबुक क रूप मँ करब।</verse>
				<verse number="15">किन्तु मइँ ओहसे पिरेम करब बन्द नाहीं करब। मइँ ओह पइ हमेसा कृपालु अउ वफ़ादार बना रहब। मइँ आपन पिरेम अउ आपन कृपा साऊल स हटाइ लिहेउँ। मइँ साऊल क सिंहासन स हटाइ दिहेउँ, मइँ तोहका चुनेउँ। मइँ तोहरे परिवार क संग उहइ नाहीं करब।</verse>
				<verse number="16">तोहरे राजा लोगन क परिवार हमेसा चलत रही, तू ओह पइ निर्भर रहि सकत ह। तोहार राज्ज तोहरे बरे लगातार हमेसा चलत रही। तोहार सिंहासन सदा ही बना रही।’”</verse>
				<verse number="17">नातान दाऊद क हर एक बात बताएस। उ दाऊद स हर एक बात कहेस जउन उ दर्सन मँ सुनेस।</verse>
				<verse number="18">तब राजा दाऊद भितरे गवा अउर यहोवा क समन्वा बैठ गवा। दाऊद कहेस, “यहोवा, मोर सुआमी, मइँ तोहरे बरे ऍतना महत्वपूर्ण काहे अहउँ? मोर परिवार महत्वपूर्ण काहे अहइ? तू मोका महत्वपूर्ण काहे बनाइ दिहा।</verse>
				<verse number="19">मइँ तोहरे सेवक क अलावा अउर कछू नाहीं हउँ, अउर तू मोह पइ एतना जियादा कृपालु रह्या ह। किन्तु तू इ सबइ कृपा मोरे भविस्स क परिवार क खातिर करइ क कहया ह। यहोवा मोर सुआमी, तू हमेसा लोगन बरे अइसी ही बातन नाहीं कहत्या, का तू कहत ह?</verse>
				<verse number="20">मइँ तोहसे अउर जियादा, का कहि सकत हउँ? यहोवा, मोर सुआमी, तू जानत ह कि मइँ केवल तोहार सेवक हउँ।</verse>
				<verse number="21">तू इ सबइ महान कारज एह बरे किहा ह काहेकि तू कहया ह कि तू एनका करब्या अउर काहेकि तू ओनका संग अइसा करइ चाहत ह, अउर तू मोका एन कारजन का जानउँ।</verse>
				<verse number="22">हे यहोवा, मोर सुआमी, इहइ कारण अहइ कि तू महान अहा। तोहरे समान कउनो नाहीं अहइ। तोहरी इलावा कउनो देवता नाहीं अहइ! हम इ जानित ह काहेकि हम लोग खुद इ सब सुने अही। ओन कारजन क बारे मँ जउन तू किह्या।</verse>
				<verse number="23">“तोहरे इस्राएल क लोगन क तरह पृथ्वी पइ कउनो रास्ट्र नाहीं अहइ। उ पचे बिसेस लोग अहइँ। उ सबइ दास रहेन। किन्तु तू ओनका मिस्र स निकार्या अउर ओनका अजाद किहा। तू ओनका आपन लोग बनाया। तू इस्राएलियन बरे महान अउ अद्भुत कारज किह्या। हे यहोवा, तू अपने भुइँया मँ आपन लोगन क पहिले, दूसर रास्ट्रन अउर ओकर देवतन क निकारिके अचरज भरा कारज किहा।</verse>
				<verse number="24">तू इस्राएलियन क सदा बरे अपने लोग बनाया ह, अउर यहोवा तू ओनकर परमेस्सर भवा।</verse>
				<verse number="25">“यहोवा परमेस्सर, करा जउन तू मोर, तोहार सेवक अउर मोरे परिवार बरे करइ क प्रतिग्या किहेस ह। तू मोरे परिवार क सदा साही परिवार बनावइ क प्रतिग्या किहेस ह।</verse>
				<verse number="26">तब तोर नाउँ सदा सम्मानित रही अउर लोग कहिहीं, ‘सर्वसक्तीमान यहोवा परमेस्सर इस्राएल पइ हुकूमत करत ह अउर तोहार सेवक दाऊद क परिवार तोहरे समन्वा स्थिर होइ देइ।’</verse>
				<verse number="27">“सर्वसक्तीमान यहोवा, इस्राएल क परमेस्सर, तू मोका बहोत चिजियन स हटाइ दिहेस ह। तू कहेस, ‘मइँ तोहरे परिवार क महान बनाउब।’ इहइ कारण अहइ कि मइँ तोहार सेवक, तोहरे बरे इ पराथना करइ क निहचइ किहेउँ।</verse>
				<verse number="28">यहोवा मोर सुआमी, तू परमेस्सर अहा अउर तोहार कथन सच होत हीं अउर तू इ अपने सेवक बरे, इ नीक चीज क बचन दिहा ह।</verse>
				<verse number="29">हे यहोवा मोर सुआमी! कृपा कइके मोरे परिवार क असीस द्या। जेहसे उ लगातार तोहार बना रहइ अउर तोहार सेवा करी। तू इ सब ही बचन दिहे रह्या। अपने आसीर्बाद स मोरे परिवार क हमेसा बरे असीस द्या।”</verse>
			</chapter>
			<chapter number="8">
				<verse number="1">पाछे दाऊद पलिस्तियन क हराएस। उ ओनकर राजधानी पइ अधिकार कइ लिहस।</verse>
				<verse number="2">दाऊद मोआब क लोगन क भी हराएस। उ ओनका भुइँया पइ ओलरइ क मजबूर किहस। तब उ एक ठु लसुरी क ओनका नापइ बरे किहस। जब दुइ मनई नाप लिहेन तब दाऊद ओनका आदेस दिहस कि उ पचे मारे जइहीं। किन्तु हर एक तीसर मनई जिअत रहइ दीन्ह गवा। मोआब क लोग दाऊद क सेवक बन गएन। उ पचे ओका राजस्व दिहन।</verse>
				<verse number="3">रहोब क पूत हददेजेर, सोबा क राजा रहा। दाऊद हददेजेर क उ समइ हराइ दिहस जब उ महानद क लगे क पहॅटा पइ अधिकार करइ क जतन किहस।</verse>
				<verse number="4">दाऊद हददेजेर स सत्रह सौ घुड़सवार फउजी लिहस अउर बीस हजार पैदल फउजी क कैद कइ लिहेस। दाऊद एक सौ क रथ-घोड़न क अलावा सबहिं घोड़न क लँगड़ा कइ दिहस। उ एक सौ घोड़न क बचाइ लिहस।</verse>
				<verse number="5">दमिस्क क अरामी लोग सोबा क राजा हददेजेर क मदद बरे आएन। किन्तु दाऊद ओन बाईस हजार अरामियन क हराइ दिहस।</verse>
				<verse number="6">तब दाऊद दमिस्क क अराम मँ फउज क टुकड़ियन रखेस। अरामी दाऊद क सेवक बन गएन अउर राजस्व लिआएन। यहोवा दाऊद क, जहाँ कहूँ उ गवा जीत दिहस।</verse>
				<verse number="7">दाऊद ओन सोने क ढाल क लिहस जउन हददेजेर क फउजियन क रहिन। दाऊद एन ढालन क लिहस अउर ओनका यरूसलेम लिआवा।</verse>
				<verse number="8">दाऊद ताँबे क बनी बहोत स चिजियन बेतह अउर बरौते स भी लिहस। (बेतह अउर बरौते दुइनउँ नगर हददेजेर क रहेन।)</verse>
				<verse number="9">हमात क राजा तोई सुनेस कि दाऊद हददेजेर क पूरी फउज क हराइ दिहस।</verse>
				<verse number="10">तब तोई आपन पूत योराम क राजा दाऊद क लगे पठएस। योराम दाऊद क अभिवादन किहस अउर आसीर्बाद दिहस काहेकि दाऊद हददेजेर क खिलाफ जुद्ध किहस अउर ओका हराइ दिहेस रहा। (हददेजेर, तोई स, पहिले जुद्ध किहे रहा।) योराम चाँदी, सोना अउर ताँबा क बनी चिजियन लिआएस।</verse>
				<verse number="11">दाऊद एन चिजियन क लिहस अउर यहोवा क समपिर्त कइ दिहस। उ ओका दूसर सोना-चाँदी क संग रखेस जेका उ हराए भए रास्ट्रन स लइके समपिर्त किहे रहा।</verse>
				<verse number="12">इ सबइ रास्ट्र अराम, मोआब, अम्नोन, पलिस्ती अउ अमालेक रहेन। दाऊद जउन कछू उ रहोब क पूत हददेजेर अउ सोबा क राजा क हराइ क पाछे ओहसे लिहेन यहोवा क समर्पित किहेन।</verse>
				<verse number="13">दाऊद अट्ठारह हजार अरामियन क नमक क घाटी मँ हराइ दिहस। उ उ समइ मसहूर रहा जब उ घर लउटा।</verse>
				<verse number="14">दाऊद एदोम मँ फउज क टुकड़ियन रखेस। उ एन फउजियन क टुकड़ियन क एदोम क पूरे देस मँ रखेस। एदोम क सबहिं लोग दाऊद क सेवक हो गएन। जहाँ कहूँ दाऊद गवा यहोवा ओका जीत दिआएस।</verse>
				<verse number="15">दाऊद सारे इस्राएल पइ हुकूमत किहस। ओकर निर्णय सबहिं लोगन बरे नीक अउ स्वच्छ होत रहेन।</verse>
				<verse number="16">सरूयाह क पूत योआब फउज क सेनापति रहा। अहीलूद क पूत इतिहासकार रहा।</verse>
				<verse number="17">अहीतूब क पूत सादोक अउर एब्यातार क पूत अहीमेलेक दुइनउँ याजक रहेन। सरायाह सचिव रहा।</verse>
				<verse number="18">यहोयादा क पूत बनायाह करेतियन अउ पलेतियन क अधिकारी रहा, अउर दाऊद क पूत महत्वपूर्ण प्रमुख रहेन।</verse>
			</chapter>
			<chapter number="9">
				<verse number="1">दाऊद पूछेस, “का साऊल क परिवार मँ अब तलक कउनो बचा अहइ? मइँ योनातन क कारण उ मनई पइ दाया करइ चाहत हउँ।”</verse>
				<verse number="2">हुवाँ साऊल क परिवार स एक सेवक रहा जेकर नाउँ सीबा रहा। दाऊद क सेवकन सीबा क दाऊद क लगे बोलाएन। राजा दाऊद स पूछेस, “का तू सीबा अहा?” सीबा कहेस, “हाँ मइँ सीबा, आप क सेवक हउँ।”</verse>
				<verse number="3">राजा पूछेस, “का साऊल क परिवार मँ कउनो बचा ह? मइँ उ मनई पइ परमेस्सर क कृपा देखावइ चाहत हउँ।” सीबा राजा दाऊद स कहेस, “योनातन क पूत अबहिं तलक जिअत अहइ? उ दुइनउँ गोड़वन स लँगड़ा अहइ।”</verse>
				<verse number="4">राजा सीबा स कहेस, “इ पूत कहाँ अहइ?” सीबा राजा स कहेस, “उ लोदबार क अम्मीएल क पूत माकीर क घरन मँ अहइ।”</verse>
				<verse number="5">दाऊद न आपन सेवकन क लोदबार क अम्मीएल क पूत माकीर क घरे स योनातन क पूत क लिआवइ क कहेस।</verse>
				<verse number="6">योनातन क पूत मपीबोसेत दाऊद क लगे आवा अउर आपन मूँड़ भुइँया तलक निहुराएस। दाऊद कहेस, “मपीबोसेत।” मपीबोसेत कहेस, “हाँ इ मइँ, आप क सेवक हउँ।”</verse>
				<verse number="7">दाऊद मपीबोसेत स कहेस, “डेराअ जिन। मइँ तोहरे बरे दयालु रहब। मइँ इ तोहार बाप योनातन बरे करब। मइँ तोहार पितामह साऊल क सारी भुइँया तोहका देब, अउर तू सदा मेरी मेज पइ खइया क खाइ सकब्या।”</verse>
				<verse number="8">मपीबोसेत दाऊद क समन्वा फुन निहुरा। मपीबोसेत कहेस, “आप अपने सेवक पइ बहोत कृपालु रहेन ह अउर मइँ एक ठु मरा कूकुर स जियादा नाहीं हउँ।”</verse>
				<verse number="9">तब राजा दाऊद साऊल क सेवक सीबा क बोलाएस। दाऊद सीबा स कहेस, “मइँ साऊल अउर ओकरे परिवार क सबहिं चिजियन जउन कछू ओकर अहइ, ओका तोहरे सुआमी क पोता मपीबोसेत क दइ दिहेउँ ह।</verse>
				<verse number="10">तू मपीबोसेत बरे भुइँया पइ खेती करब्या। तोहार पूत अउर सेवक मपीबोसेत बरे इ करिहीं। तू फसल कटब्या। तब तोहरे सुआमी क पोता मपीबोसेत क खाइ बरे अपार भोजन होइहीं। किन्तु मपीबोसेत तोहरे सुआमी क पोता मोरी मेज पइ खाइ क हमेसा अधिकारी होइ।” सीबा क पन्द्रह पूत अउर बीस सेवक रहेन।</verse>
				<verse number="11">सीबा राजा दाऊद स कहेस, “मइँ आप क सेवक हउँ। मइँ उ सब कछू करब, जउन मोर सुआमी, मोर राजा हुकूम देइहीं।” एह बरे मपीबोसेत दाऊद क मेज पइ राजा क पूतन मँ स एक क तरह भोजन किहस।</verse>
				<verse number="12">मपीबोसेत क एक नान्ह पूत मीका नाउँ क रहा। सीबा परिवार क सबहिं लोग मपीबोसेत क सेवक होइ गएन।</verse>
				<verse number="13">मपीबोसेत दुइनउँ गोड़न स लँगड़ा रहा। मपीबोसेत यरूसलेम मँ रहत रहा। हर एक दिन मपीबोसेत राजा क मेज पइ भोजन करत रहा।</verse>
			</chapter>
			<chapter number="10">
				<verse number="1">पाछे, अम्मोनियन क राजा नाहास मरा। ओकरे पाछे ओकर पूत हानून राजा भवा।</verse>
				<verse number="2">दाऊद कहेस, “नाहास मोरे बरे कृपालु राहा। एह बरे मइँ ओकरे पूत हानून क बरे कृपालु रहब।” एह बरे दाऊद हानून क ओकरे बाप क मउत पइ ढाँढ़स देइ बरे अपने अधिकारियन क पठएस। एह बरे दाऊद क सेवक अम्मोनियन क देस मँ चले गएन।</verse>
				<verse number="3">किन्तु अम्मोनी प्रमुख लोग आपन सुआमी हानून स कहेस, “का आपु समुझत हीं कि दाऊद कछू मनइयन क आपक लगे ढाँढ़स देइ बरे पठइके आप क बाप क सम्मान देइ क जतन करत अहइ? नाहीं। दाऊद एन मनइयन क आप क नगर क बारे मँ गुप्त रूप स जानइ अउ समुझइ बरे पठएस ह। उ पचे आप क बिरूद्ध जुद्ध क जोजना बनावत अहइँ।”</verse>
				<verse number="4">एह बरे, हानून दाऊद क सेवकन क धरेस अउर ओकर आधी डाढ़ी कटवाइ दिहस। उ ओनके ओढ़नन क नीचे स आधा काटि दिहेस, ओनका कमर क नीचे स नंगा कइ दिहेस। तब उ ओनका पठइ दिहस।</verse>
				<verse number="5">जब लोग दाऊद स कहेन, तउ उ आपन अधिकारियन स मिलइ बरे दूतन क पठएस। उ इ एह बरे किहस काहेकि इ सबइ लोग बहोत लजान रहेन। राजा दाऊद स कहेस, “जब तलक तोहार दाढ़ियन फुन स न बाढ़इँ तब तलक यरीहो मँ ठहरा। तब यरूसलेम लउटि आवा।”</verse>
				<verse number="6">जब अम्मोनियन जान लिहन कि उ पचे दाऊद क दुस्मन होइ गएन। उ पचे अरामी क बेत्रहोब अउ सोबा स भाड़े पइ बोलाएन। हुवाँ बीस हजार अरामी पैदल-फउजी आए रहेन। अम्मोनियन तोब स बारह हजार फउजियन अउ माका क राजा क एक हजार फउजियन क संग परिस्रमिक पइ बोलाएन।</verse>
				<verse number="7">दाऊद इ बिसय मँ सुनेस। एह बरे उ योआब अउर सक्तीसाली मनइयन क सारी फउज पठएस।</verse>
				<verse number="8">अम्मोनी फउज बाहेर निकरेन अउर जुद्ध बरे तइयार भएन। उ पचे नगर दुआर पइ खड़े भएन। योआब अउ रहोब स अरामियन फउज तथा तोब अउ माका क मनइयन नगर क बाहेर मैदान मँ इकट्ठा भएन।</verse>
				<verse number="9">योआब लखेस कि अम्मोनी ओकरे खिलाफ समन्वा अउर पाछे दुइनउँ कइँती खड़े अहइँ। एह बरे, उ इस्राएलियन मँ स कछू उत्तिम जोधन क चुनेस। योआब एन उत्तिम फउजियन क अरामियन क खिलाफ लड़इ बरे पंक्तिबध किहस।</verse>
				<verse number="10">तब योआब बचा भवा फउजियन क अपने भाई अबीसै क अगुआई मँ किहेस। तब अबसै ओनका अम्मोनी क बिरुद्ध जुद्ध करइ बरे पंक्तिबध किहेस।</verse>
				<verse number="11">योआब अबीसै स कहेस, “जदि अरामी हमरी फउज स जियादा सक्तीसाली होइँ, तू मोर मदद कर्या। जदि अम्मोनी तोहार फउज स जियादा ताकतवर होइँ तउ मइँ आइके तोहार मदद करब।</verse>
				<verse number="12">सक्तीसाली बना! हम पचन क अपने लोगन अउर अपने परमेस्सर क नगर क रच्छा बरे बहादुरी स जुद्ध करइ द्या। होइ सकत ह यहोवा उहइ करी जेका उ ठीक मानत ह।”</verse>
				<verse number="13">तब योआब अउ ओकर फउजी अरामियन पइ हमला किहन। अरामी योआब अउ ओकरे फउजियन क समन्वा भाग खड़े भएन।</verse>
				<verse number="14">अम्मोनियन लखेन कि अरामी भागत अहइँ, एह बरे उ पचे अबीसै क समन्वा स भाग खड़े भएन अउर अपने नगर मँ लउट गएन। इ तरह योआब अम्मोनियन क संग जुद्ध स लउटा अउर यरूसलेम वापस आवा।</verse>
				<verse number="15">अरामियन लखेन कि इस्राएलियन ओनका हराइ दिहन। एह बरे उ पचे एक ठु बिसाल फउज क रूप मँ एकट्ठे भएन।</verse>
				<verse number="16">हददेजेर परात नदी क दूसर कइँती रहइवाले अरामियन क लिआवइ बरे दूत पठएस। इ सबइ अरामी हेलाम पहोंचेन। सोबक, जउन हददेजेर क फउज क सेनापति रहा ओनकर अगुवाइ करत रहेन।</verse>
				<verse number="17">दाऊद क एकर पता लगा। एह बरे उ सारे इस्राएलियन क एक संग बटोरेस। उ पचे यरदन नदी क पार किहन अउर उ पचे हेलाम पहोंचेन। हुवाँ अरामियन हमला क तइयारी किहन अउर धावा बोल दिहन।</verse>
				<verse number="18">किन्तु दाऊद अरामियन क हराइ दिहस अउर उ पचे इस्राएलियन क समन्वा भाग खड़े भएन। दाऊद बहोत स अरामियन क मार डाएस। सात सौ सारथी अउ चालीस हजार घुड़सवार दाऊद अरामी सेना क सेनापति सोबक क भी मार डाएस।</verse>
				<verse number="19">जउन राजा हददेजेर क सेवा करत रहेन उ पचे लखेन कि इस्राएलियन ओनका हराइ दिहन। एह बरे उ पचे इस्राएलियन स सन्धि किहन अउर ओनकर सेवा करइ लागेन। अरामियन अम्मोनियन क अउर जियाद मदद देइ क साहस नाहीं राखेन।</verse>
			</chapter>
			<chapter number="11">
				<verse number="1">बसन्त मँ, जब राजा जुद्ध बरे बाहेर निकरत हीं दाऊद योआब, ओकर अधिकारियन अउर सबहिं इस्राएलियन क अम्मोनियन क नस्ट करइ बरे पठएस। योआब क फउज राजधानी रब्बा पइ भी हमला किहस। मुला दाऊद यरूसलेम मँ रूका।</verse>
				<verse number="2">साँझ क उ अपने बिछउना स उठा। उ राजमहल क छत पइ चारिहुँ कइँती घूमा। जब दाऊद छत पइ रहा, उ एक ठु मेहरारू क नहात लखेस। मेहरारू बहोत सुन्नर रही।</verse>
				<verse number="3">एह बरे दाऊद अपने सेवकन क बोलाएस अउर ओनसे पूछेस कि उ मेहरारू कउन रही? एक सेवक जवाब दिहस, “उ मेहरारू एलीआम क बिटिया बतसेबा अहइ। उ हित्ती ऊरिय्याह क मेहरारू अहइ।”</verse>
				<verse number="4">दाऊद बतसेबा क अपने लगे बोलावइ बरे दूत पठएस। जब उ दाऊद क लगे आइ, तउ उ ओकरे संग सारीरिक सम्बन्ध किहस। उ नहाएस अउर उ अपने घरे चली गइ।</verse>
				<verse number="5">किन्तु बतसेबा गर्भवती भइ। उ दाऊद स कहइ बरे सब्द पठाएस: “मइँ गर्भवती हउँ।”</verse>
				<verse number="6">दाऊद योआब क सँदेसा पठएस, “हित्ती ऊरिय्याह क मोरे लगे पठवा।” एह बरे योआब ऊरिय्याह क दाऊद क लगे पठएस।</verse>
				<verse number="7">ऊरिय्याह दाऊद क लगे आवा। दाऊद ऊरिय्याह स बात किहस। दाऊद ऊरिय्याह स पूछेस कि योआब कइसा अहइ, फउजी कइसे अहइँ अउर जुद्ध कइसे चलत अहइ।</verse>
				<verse number="8">तब दाऊद ऊरिय्याह स कहेस, “घरे जा अउर आराम करा।” ऊरिय्याह राजा क महल तजेस। राजा ऊरिय्याह क एक ठु भेटं भी पठएस।</verse>
				<verse number="9">किन्तु ऊरिय्याह अपने घर नाहीं गवा। ऊरिय्याह राजा क महल क दुआरे पइ सोएस। उ उहइ तरह सोएस जइसे राजा क दूसर सेवक सोएन।</verse>
				<verse number="10">सेवकन दाऊद स कहेन, “ऊरिय्याह अपने घरे नाहीं गवा।” तब दाऊद ऊरिय्याह स कहेस, “तू लम्बी जात्रा स आया। तू घरे काहे नहीं गवा?”</verse>
				<verse number="11">ऊरिय्याह दाऊद स कहेस, “पवित्तर सन्दूख अउ इस्राएल क यहूदा फउजियन अउ सिबिर मँ ठहरत अहइँ। मोर सुआमी योआब अउर मोर सुआमी दाऊद क अधिकारियन खुला मैदानन मँ सिबिर डाए पड़े अहइँ। एह बरे इ नीक नाहीं कि मइँ घर जाउँ, खाऊँ, पिअउँ अउर अपनी पत्नी क संग सोऊँ। मइँ आपन अउर तोहार जिन्नगी क किरिया खात हउँ, कि मइँ अइसा नाहीं करब।”</verse>
				<verse number="12">दाऊद ऊरिय्याह स कहेस, “आजु हिअइँ ठहरा। भियान मइँ तोहका जुद्ध मँ वापस पठउब।” ऊरिय्याह उ दिन यरूसलेम मँ ठहरा। उ अगले भिंसारे तलक रूका।</verse>
				<verse number="13">तब दाऊद ओका आवइ अउ खाइ क बरे बोलाएस। ऊरिय्याह दाऊद क संग पिएस अउ खाएस। दाऊद ऊरिय्याह क नसा मँ कइ दिहस। किन्तु ऊरिय्याह, फुन भी घरे नाहीं गवा। उ साँझ क ऊरिय्याह राजा क सेवकन क संग राजा क दुआर क बाहेर सोवा।</verse>
				<verse number="14">अगले भिंसारे, दाऊद योआब बरे एक ठु पत्र लिखेस। दाऊद ऊरिय्याह क उ पत्र लइ जाइ क दिहस।</verse>
				<verse number="15">पत्र मँ दाऊद लिखेस: “ऊरिय्याह क कतार क आगे मँ रखा जहाँ पइ जुद्ध मुसकिल होत ह। तब ओका अकेले तजि द्या अउर ओका जुद्ध मँ मारा जाइ द्या।”</verse>
				<verse number="16">जब योआब नगर क घेर लिहस तउ उ लखेस कि सब स जियादा बीर अम्मीनी जोधा कहाँ अहइँ। उ ऊरिय्याह क हुवाँ जाइ बरे चुनेस।</verse>
				<verse number="17">नगर (रब्बा) क आदमी योआब क खिलाफ लड़इ क आएन। दाऊद क कछू फउजी मारे गएन। हित्ती ऊरिय्याह ओन लोगन मँ स एक रहा।</verse>
				<verse number="18">तब योआब दाऊद क जुद्ध मँ जउन भवा, ओकर खबर पठएस।</verse>
				<verse number="19">योआब दूत स कहेस: “राजा दाऊद क इ सबइ जउन जुद्ध मँ का भवा ह क पाछे।</verse>
				<verse number="20">होइ सकत ह कि राजा कोहाइ जाइ। होइ सकत ह कि राजा पूछइ, ‘योआब क फउज नगर क निचके लड़इ काहे गइ? का इ योआब अहइ मालूम नाहीं कि लोग नगर क देवारन स भी बाण चलाइ सकत हीं?</verse>
				<verse number="21">का ओका याद नाहीं कि यरुब्बेसेत क पूत अबीमेलेक क कउन मारेस? हुवाँ एक ठु मेहरारू नगर-दीवार पइ रही जउन अबीमेलेक क ऊपर चक्की क ऊपरी पाट लोकाएस। उ मेहरारू ओका तेबेस मँ मार डाएस। तू देवार क निचके काहे गया?’ (जदि राजा दाऊद इ पूछत ह) तउ तोहका जवाब देइ चाही: “आप क सेवक हित्ती ऊरिय्याह भी मर गवा।”</verse>
				<verse number="22">दूत गवा अउर उ दाऊद क उ सब बताएस जउन ओका योआब कहइ क कहे रहा।</verse>
				<verse number="23">दूत दाऊद स कहेस, “अम्मोन क लोग जिअत रहेन उ पचे बाकेर आगन अउ उ पचे खुले मैदान मँ हम पइ हमला किहेन। किन्तु हम लोग ओनसे नगर-दुआर पइ लड़ेन।</verse>
				<verse number="24">नगर देवार क फउजियन अपने अधिकारियन पइ बाण चलाएन। आप क कछू अधिकारियन मारे गएन। आप क अधिकारी हित्ती ऊरिय्याह भी मारा गवा।”</verse>
				<verse number="25">दाऊद दूत स कहेस, “तोहका योआब स इ कहब अहइ: ‘इ परिणाम स उदास न होइ। एक तरवार एक क वइसा ही मारत ह जइसा दूसर क। रब्बा नगर पइ खौफनाक हमला करा। तब तू उ नगर क नस्ट करब्या।’ योआब क एन सब्दन स प्रोत्साहित करा।”</verse>
				<verse number="26">बतसेबा सुनेस कि ओकर भतार ऊरिय्याह मर गवा। तब उ अपने भतार बरे रोइ।</verse>
				<verse number="27">जब उ सोक क समइ पूरा कइ लिहेस, तब दाऊद ओका अपने घरे मँ लिआवइ बरे सेवकन क पठएस। उ दाऊद क मेहरिया होइ गइ, अउर उ दाऊद बरे एक ठु पूत पइदा किहस। दाऊद जउन बुरा काम किहस यहोवा ओका पसन्द नाहीं किहस।</verse>
			</chapter>
			<chapter number="12">
				<verse number="1">यहोवा नातान क दाऊद क लगे पठएस। नातान दाऊद क लगे गवा। नातान कहेस, “एक नगर मँ दुइ मनई रहेन। एक ठु मनई धनी रहा। किन्तु दूसर गरीब रहा।</verse>
				<verse number="2">धनी आदमी क लगे बहोत जियादा भेड़िन अउर गोरू रहेन।</verse>
				<verse number="3">किन्तु गरीब मनई क लगे एक ठु नान्ह मादा मेमना क अलावा जेका उ बेसहे रहा, कछू नाहीं रहा। गरीब मनई उ मेमना क खिआवत रहा। इ मेमना उ गरीब आदमी क भोजन मँ स खात रहा अउ ओकर पियाला मँ स पानी पिअत रहा। उ गरीब मनई क बाँह पइ सोवत ह। उ ओकरे गदेलन क संग बढ़त रहा। मेमना उ मनई क बिटिया क नाईं रहा।</verse>
				<verse number="4">“तब एक ठु यात्री धनी मनई स मिलइ बरे हुवाँ आवा। धनी मनई यात्री क भोजन देइ चाहत रहा। किन्तु धनी मनई आपन भेड़ी या अपने गोरूअन मँ स कउनो क यात्री क खिआवइ बरे नाहीं लेइ चाहत रहा। उ धनी मनई उ गरीब स ओकर मेमना लइ लिहस। धनी मनई ओकरे मेमना क मार डाएस अउर अपने अतिथि बरे ओका पकाएस।”</verse>
				<verse number="5">दाऊद धनी मनई क खिलाफ बहोत कोहाइ गवा। उ नातान स कहेस, “यहोवा क जिन्नगी क किरिया, जउन मनई इ किहस उ जरूर मरी!</verse>
				<verse number="6">ओका मेमना क चौगुनी कीमत चुकावइ पड़ी, काहेकि उ इ खौफनाक कारज किहस अउर ओहमाँ दाया नाहीं रही।”</verse>
				<verse number="7">तब नातान दाऊद स कहेस, “तू उ धनी मनसेधू अहा। यहोवा इस्राएल क परमेस्सर इ कहत ह, ‘मइँ तोहका इस्राएल क राजा क रूप मँ चुनेउँ। मइँ तोहका साऊल स बचाएउँ।</verse>
				<verse number="8">मइँ ओकर परिवार अउर ओकर मेहररूअन तोहका लेइ दिहेउँ, अउर मइँ तोहका इस्राएल अउ यहूदा क राजा बनाएउँ। जइसे उ पर्याप्त नाहीं होइ, मइँ तोहका जियादा स जियादा दिहेउँ।</verse>
				<verse number="9">फुन तू यहोवा क आदेस क तिरस्कार काहे किहा? तू इ भयंकर काम काहे किहा जेका यहोवा बुरा समुझत ह? तू हित्ती ऊरिय्याह क तरवार स मार्या अउर तू ओकर मेहरारू क अपनी मेहरारू बनावइ बरे लिहा। हाँ, तू ऊरिय्याह क अम्मोनियन क तरवार स मार डाया।</verse>
				<verse number="10">एह बरे, तरवार तोहरे परिवार कबहुँ नाहीं छोरब्या। तू ऊरिय्याह हित्ती क पत्नी क अपने पत्नी क रूप मँ लिहा। इ तरह तू मोर तिरस्कार किहा।’</verse>
				<verse number="11">“इहइ अहइ जउन यहोवा कहत ह: ‘मइँ तोहरे खिलाफ आपत्तियन लिआवत हउँ। इ आपत्ति तोहार आपन परिवार स अइहीं। मइँ तोहार मेहररूअन क लइ लेब अउर ओका देब जउन तोहरे बहोत जियादा निच के अहइँ। इ मनई तोहरे मेहररूअन क संग सोई अउर एका हर एक जानी।</verse>
				<verse number="12">तू बतसेबा क संग गुप्त रूप मँ सोया। किन्तु मइँ तोहका इ तरह सज़ा देब जेहसे इस्राएल क सारे लोग एका लखि सकइँ।’”</verse>
				<verse number="13">तब दाऊद नातान स कहेस, “मइँ यहोवा क खिलाफ पाप किहेउँ ह।” नातान दाऊद स कहेस, “यहोवा तोहका छिमा कइ दिहेस ह, एक बरे तू इ पाप क कारण नाहीं मरब्या।</verse>
				<verse number="14">किन्तु तू पचे इ पाप कइके यहोवा बरे बहोत असम्मान दिखाएस ह। इ पाप क कारण जउन तोहार पूत पइदा भवा ह, मरि जाइ।”</verse>
				<verse number="15">तब नातान अपने घर गवा अउर यहोवा दाऊद अउ ऊरिय्याह क मेहरारू स जउन पूत पइदा भवा रहा ओका बहोत बीमार कइ दिहस।</verse>
				<verse number="16">दाऊद मरद बच्चा बरे परमेस्सर स पराथना किहस। दाऊद खाब-पिअब बंद कइ दिहस। उ अपने घर मँ गवा अउर ओहमाँ ठहरा। उ रात भइ भुइँया पइ ओलरा रहा।</verse>
				<verse number="17">दाऊद क परिवार क प्रमुख आएन अउर उ पचे ओका भुइँया स उठावइ क जतन किहन। किन्तु दाऊद उठब इन्कार किहस। उ एन प्रमुखन क संग खइया क खाइ स भी इन्कार कइ दिहस।</verse>
				<verse number="18">सतएँ दिन मरद बच्चा मर गवा। दाऊद क सेवक दाऊद स इ कहइ स डेरात रहेन कि मरद बच्चा मर गवा। उ पचे कहेन, “लखा, हम लोग दाऊद स उ समइ बात करइ क प्रयत्न कीन्ह जब मरद बच्चा जिअत रहा। किन्तु उ हम लोगन क बात सुनइ स इन्कार कइ दिहस। जदि हम दाऊद स कहब कि मरद बच्चा मर गवा तउ होइ सकत ह उ अपने क कछू नोस्कान कइ लेइ।”</verse>
				<verse number="19">किन्तु दाऊद अपने सेवकन क कानाफूसी करत लखेस। तब उ समुझ लिहस कि मरद बच्चा मर गवा। एह बरे दाऊद अपने सेवकन स पूछेस, “का मरद बच्चा मर गवा?” सेवकन जवाब दिहन, “हाँ, उ मर गवा।”</verse>
				<verse number="20">दाऊद फर्स स उठा। उ नहाएस।। उ आपन ओढ़ना बदलेस अउर तइयार भवा। तब उ यहोवा क घरे मँ उपासना करइ गवा। तब उ घरे गवा अउर कछू खइया क माँगेस। ओकर सेवकन ओका कछू खाइके दिहन अउर उ खाएस।</verse>
				<verse number="21">दाऊद क नौकरन ओहसे कहेन, “आप इ काहे करत अहइँ? जब बच्चा जिअत रहा तब आप खाइ स इन्कार किहन। आप रोएन। किन्तु जब बच्चा मर गवा तब आप उठेन अउर आप भोजन किहेन।”</verse>
				<verse number="22">दाऊद कहेस, “जब मरद बच्चा जिअत रहा, तब मइँ उपवास किहेउँ अउर मइँ रोएउँ। मइँ सोचेउँ, ‘कउन जानत ह, संभव अहइ यहोवा मोरे बरे दयालु होइ अउर मरद बच्चा क जिअत रहइ देइ।’</verse>
				<verse number="23">किन्तु अब बच्चा मर गवा। एह बरे अब मइँ काहे उपवास करउँ? का मइँ बच्चा क फुन जीवित कइ सकत हउँ? नाहीं! एक दिन मइँ ओकरे लगे जाब, किन्तु उ मोरे लगे लउटिके नाहीं आइ सकत ह।”</verse>
				<verse number="24">तब दाऊद आपन मेहरारू बतसेबा क सान्त्वना दिहस। उ ओकरे संग सोएस अउर ओकरे संग सारीरिक सम्बन्ध किहस। बतसेबा फुन गर्भवती भइ। ओकर दूसर पूत भवा। दाऊद उ लरिका क नाउँ सुलेमान रखेस। यहोवा सुलैमान स पिरेम रखत रहा।</verse>
				<verse number="25">यहोवा नबी नातान क जरिये सँदेसा पठएस। नातान सुलैमान क नाउँ यदीद्याह रखेस। नातान इ यहोवा बरे किहस।</verse>
				<verse number="26">रब्बा नगर अम्मोनियन क राजधानी रही। योआब रब्बा क खिलाफ लड़ा। उ नगर क लइ लिहस।</verse>
				<verse number="27">योआब दाऊद क लगे दूतन पठएस अउर कहेस, “मइँ रब्बा क खिलाफ जुद्ध किहेउँ ह। मइँ ओकरे किलाबन्ध सुरच्छित जलापूर्ति प भी कब्जा कइ लिएउँ ह।</verse>
				<verse number="28">अब दूसर लोगन क संग लिआवइँ अउर इ नगर (रब्बा) पइ आक्रमण करइँ। इ नगर पइ अधिकार कइ ल्या, एकरे पहिले कि मइँ एह पइ अधिकार करउँ। जदि इ नगर पइ मइँ अधिकार करत हउँ तउ नगर क नाउँ मोरे नाम पइ होइ।”</verse>
				<verse number="29">तब दाऊद सबहिं लोगन क एकट्ठा किहेस अउर रब्बा क गवा। उ रब्बा क खिलाफ लड़ा अउर नगर पइ उ अधिकार कइ लिहस।</verse>
				<verse number="30">दाऊद ओनके राजा क मूड़े स मुकुट उतार लिहस। मुकुट सोने क रहा अउर उ तउल मँ लगभग पचहत्तर पौंड रहा। इ मुकुट मँ बहुमूल्य रतन रहेन। उ पचे मुकुट क दाऊद क मूँड़े पइ रखेन। दाऊद नगर स बहोत सी कीमती चिजियन लइ गवा।</verse>
				<verse number="31">दाऊद रब्बा नगर स भी लोगन क बाहेर लिआवा। दाऊद ओनका आरन, लोहा क गैतिन अउर कुल्हाड़ियन स काम करवाएस। उ ओनका ईटंन स निर्माण कार्य करइ क बरे मजबूर किहस। दाऊद उहइ बेउहार सबहिं अम्मोनी नगरन क संग किहस। तब दाऊद अउर ओकर सारी फउज यरूसलेम लउटि गइ।</verse>
			</chapter>
			<chapter number="13">
				<verse number="1">दाऊद क अबसालोम नाउँ क एक पूत रहा। अबसालोम क बहिन क नाउँ तामार रहा। तामार बहोत सुन्नर रही। अम्नोन दाऊद क दूसर पूत रहा जउन तामार स पिरेम करत रहा।</verse>
				<verse number="2">तामार कुँवारी रही। अम्नोन सोचेस कि उ ओकरे संग कभी आपन यौन इच्छा पूरा नाहीं कइ सकत्या। किन्तु अम्नोन ओका बहोत चाहत रहा। अम्नोन ओकरे बारे मँ बहोत सोचइ लगा उ बीमार होइ क एक बहना बनाएस।</verse>
				<verse number="3">अम्नोन क एक ठु मीत सिमा क पूत योनादाब रहा। (सिमा दाऊद क भाई रहा।) योनादाब बहोत चालाक आदमी रहा।</verse>
				<verse number="4">योनादाब अम्नोन स कहेस, “हर दिन तू दूबर दूबर स देखाँई पड़त अहा। तू राजा क पूत अहा। तोहका खाइ बरे बहोत जियादा अहइ, तउ भी तू आपन वजन काहे खोवत जात अहा? मोका बतावा।” अम्नोन योनादाब स कहेस, “मइँ तामार स पिरेम करत हउँ। किन्तु उ मोर सौतेला भाई अबसालोम क बहिन अहइ।”</verse>
				<verse number="5">योनादाब अम्नोन स कहेस, “बिछउना मँ ओलरा। अइसा बेउहार करा कि तू बीमार अहा। तब तोहार बाप तोहका लखइ अइहीं। ओनसे कहया, ‘मेहरबानी कइके मोर बहिन तामार क आवइ द्या अउर मोका खाना देइ द्या। ओका मोरे समन्वा भोजन बनाइ देइँ। तब मइँ ओका लखब अउर ओकरे हाथे स खाब।’”</verse>
				<verse number="6">एह बरे अम्नोन बिछउना मँ ओलर गवा, अउर अइसा बेउहार किहस माना उ बीमार अहइ। राजा दाऊद अम्नोन क लखइ आवा। अम्नोन राजा दाऊद स कहेस, “कृपा कइके मोर बहिन तामार क हिआँ आवइ देइँ। मोरे लखत भए ओका मोरे बरे दुइ रोटी बनावइ देइँ। तब मइँ ओकरे हाथन स खाइ सकत हउँ।”</verse>
				<verse number="7">दाऊद तामार क घरे सँदेसवाहकन क पठएस। सँदेसवाहकन तामार स कहेन, “अपने भाई अम्नोन क घरे जा अउर ओकरे बरे कछू भोजन बनावा।” तामार ओम्नोन बरे भोजन बनावत ह</verse>
				<verse number="8">एह बरे तामार अपने भाई अम्नोन क घरे गइ। अम्नोन बिछउना मँ रह। तामार कछू गूँधा आटा लिहस अउर एका अपने हाथन स एक साथे दबाएस। उ अम्नोन क लखत भए कछू रोटियन बनाएस।</verse>
				<verse number="9">जब तामार रोटियन क पकाउब पूरा किहेस तउ उ कढ़ाही मँ स रोटियन क अम्नोन बरे निकारेस। किन्तु अम्नोन खाइ स इन्कार किहस। अम्नोन अपने सेवकन स कहेस, “तू सबहिं मनई चला जा। मोका अकेला रहइ द्‌या!” एह बरे सबहिं सेवक अम्नोन क कमरा स बाहेर चले गएन।</verse>
				<verse number="10">अम्नोन तमार स कहेस, “भोजन भीतरवाले कमरा मँ लइ चला। तब मइँ तोहरे हाथ स खाब।” तामार अपने भाई क लगे सयन-कच्छ मँ गइ। उ ओन रोटियन क लिआइ जउन उ बनाए रही।</verse>
				<verse number="11">उ अम्नोन क लगे गइ जेहसे उ ओकरे हाथन स खाइ सकइ। किन्तु अम्नोन तामार क धइ लिहस। उ ओहसे कहेस, “बहन, आवा अउर मोरे संग सोवा।”</verse>
				<verse number="12">तामार अम्नोन स कहेस, “नाहीं, भाई। मोका मजबूर जिन करा। इ भयंकर काम इस्राएल मँ कबहुँ नाहीं कीन्ह जाइ चाही। इ लज्जाजनक काम जिन करा।</verse>
				<verse number="13">मइँ इ लज्जा स कबहुँ मुक्त नाहीं होब्या अउर लोग इ सोचिही कि तू एक आम अपराधी अहा। कृपा कइके राजा स बात करा। उ तोहका मोर संग बियाह करइ देइ।”</verse>
				<verse number="14">किन्तु अम्नोन तामार क एक न सुनेस। उ तामार स जियादा सक्तीसाली रहा। उ ओहका सारीरिक सम्बन्ध करइ बरे मजबूर किहस।</verse>
				<verse number="15">ओकरे बाद अम्नोन तामार स घिना करइ लाग। अम्नोन ओकरे संग ओहसे भी जियादा घिना किहेस जेतना उ पहिले पिरेम करत रहा। अम्नोन तामार स कहेस, “उठा अउर चली जा!”</verse>
				<verse number="16">तामार अम्नोन स कहेस, “नाहीं! मोका बाहेर जिन पठावा! मोका अब बाहेर पठाना उ स जियादा गलत होइ जउन तू पहिले मोर संग कइ लीन्ह ह।” किन्तु अम्नोन तामार क एक न सुनेस।</verse>
				<verse number="17">अम्नोन आपन जवान सेवक स कहेस, “इ लड़की क इ कमरा स अबहिं बाहेर निकारा। ओकरे जाइ पइ दरवाजे मँ ताला लगाइ द्या।”</verse>
				<verse number="18">एह बरे अम्नोन क सेवक तामार क कमरे क बाहेर लइ गवा अउर ओकरे जाइ पइ ताला लगाइ दिहस। तामार कइउ रंग क लम्बा लबादा पहिर रखे रहा। राजा क कुवाँरी बिटियन अइसा ही लबादा पहिरत रहिन।</verse>
				<verse number="19">तामार राख लिहस अउर अपने मूँड़े पइ डाइ लिहस। उ अपने बहुरंगे लबादे क फार डाएस। उ आपन हाथ अपने मूँड़े पइ रख लिहस अउर उ जोर स रोवइ के चलत लागेन।</verse>
				<verse number="20">तामार क भाई अबसालोम तामार स कहेस, “का तोहार भाई अम्नोन तोहका मारेस? अम्नोन तोहार भाई अहइ। बहन, अब सान्त रहा। एहसे तू बहोत परेसान न ह्वा।” एह बरे तामार कछू नाहीं कहेस। उ अबसालोम क घरे रहइ चली गइ अउर हुवाँ अकेली अउ उदास रहइ लाग।</verse>
				<verse number="21">राजा दाऊद क एकर खबर मिली। उ बहोत कोहाइ गवा।</verse>
				<verse number="22">अबसालोम अम्नोन स घिना करत रहा। अबसालोम अच्छा या बुरा अम्नोन स कछू नाहीं कहेस। उ अम्नोन स घिना करत रहा काहेकि अम्नोन ओकरी बहन क संग कुकर्म किहे रहा।</verse>
				<verse number="23">दुइ बरिस पाछे कछू मनई एप्रैम क लगे बाल्हासोर मँ अबसालोम क भेड़िन क ऊन काटइ आएन। अबसालोम राजा क सबहिं पूतन क आवइ अउ लखइ बरे न्यौतेस।</verse>
				<verse number="24">अबसालोम राजा क लगे गवा अउर उ कहेस, “मोरे लगे कछू मनई मेरी भेड़िन क ऊँन काटइ आवत अहइँ। कृपा कइके आपन सेवकन क संग आवइँ अउर लखइँ।”</verse>
				<verse number="25">राजा दाऊद अबसालोम स कहेस, “पूत नाहीं। हम सबहिं नाहीं जाब। एहसे तोहका परेसानी होइ।” अबसालोम दाऊद स चलइ क पराथना किहस। दाऊद नाहीं गवा, किन्तु उ आसीर्बाद दिहस।</verse>
				<verse number="26">अबसालोम कहेस, “जदि आप जाइ नाहीं चाहतेन तउ, कृपा कइके मोरे भाई अम्नोन क मोर संग जाइ देइँ।” राजा दाऊद अबसालोम स पूछेस, “उ तोहरे संग काहे जाइ?”</verse>
				<verse number="27">अबसालोम दाऊद स पराथना करत रहा। आखिर मँ दाऊद अम्नोन अउ सबहिं राजपूतन क अबसालोम क साथ जाइ दिहस।</verse>
				<verse number="28">तब अबसालोम आपन सेवकन क आदेस दिहस। उ ओनसे कहेस, “अम्नोन पइ नजर राखा। जब उ नसे मँ धुत होइ तब मइँ तोहका आदेस देब अम्नोन क जान स मार डावा। सज़ा पावइ स डेराअ नाहीं। काहेकि तू सिरिफ मोर हुकूम क पालन करत रहा। अब सक्तीसाली अउ बीर बना।”</verse>
				<verse number="29">अबसालोम क जुवक लोग अबसालोम क आदेस क मुताबिक अम्नोन क मार डाएन। किन्तु दाऊद क दूसर पूत बच निकरेन। हर एक पूत अपने एक खच्चरे पइ बइठा अउर भाग गवा।</verse>
				<verse number="30">जब राजा क पूत मारग मँ रहेन, दाऊद क खबर मिली। खबर इ रही, “अबसालोम राजा क सबहिं पूतन क मार डाएस ह। कउनो भी पूत बचा नाहीं ह।”</verse>
				<verse number="31">राजा दाऊद आपन ओढ़ना फार डाएस अउर धरती पइ ओलर गवा। दाऊद क लगे खड़े ओकर सबहिं अधिकारियन भी आपन ओढ़नन फार डाएन।</verse>
				<verse number="32">किन्तु योनादाब, दाऊद क भाई क पूत सिमा दाऊद स कहेस, “अइसा मत सोचा कि राजा क सबहिं जुवक पूत मार डावा गएन ह। नाहीं, इ सिरिफ अम्नोन अहइ जउन मारा गवा ह। जब स अम्नोन ओकर बहिन तामार क संग कुकरम किहे रहा तबहिं स अबसालोम इ जोजना बनाए रहा।</verse>
				<verse number="33">मोर सुआमी राजा इ न सोचइँ कि सबहिं राजपूत मार गएन ह। सिरिफ अम्नोन ही मारा गवा।”</verse>
				<verse number="34">अबसालोम पराइ गवा। एक ठु रच्छक नगर क देवार पइ खड़ा रहा। उ पहाड़ी क दूसर कइँती स कई मनइयन क आवत लखेस।</verse>
				<verse number="35">एह बरे योनादाब दाऊद स कहेस, “लखा, मइँ बिल्कुल सही रहेउँ। राजा क पूत आवत अहइँ।”</verse>
				<verse number="36">जइसे ही बातन करइ खत्म किहेन राजपूतन आइ गएन। उ पचे जोर-जोर स रोवत रहेन। दाऊद अउर ओकर सबहिं अधिकारियन रोवइ लागेन। उ पचे सबहिं बहोत बिलाप करत रहेन।</verse>
				<verse number="37">दाऊद आपन पूत बरे बहोत दिनन तलक रोएस। अबसालोम गसूर क राजा अम्मीहूर क पूत तल्मै क लगे पराइ गवा।</verse>
				<verse number="38">अबसालोम क गसूर भाग जाइ क बाद, उ हुवाँ तीन बरिस तलक ठउरा।</verse>
				<verse number="39">अम्नोन क मउत क पाछे, दाऊद धैर्य बांध लिहेस। लेकिन उ अबसालोन क खोइ दिहेस अउर ओका ओका देखइ क लालसा रहा।</verse>
			</chapter>
			<chapter number="14">
				<verse number="1">सरूयाह क पूत योआब जानत रहा कि राजा दाऊद अबसालोम क बारे मँ सोचत अहइ अउर ओका देखइ क लालसा अही।</verse>
				<verse number="2">एह बरे योआब तकोआ क एक दूत हुवाँ स एक ठु बुद्धिमती मेहरारू क लिआवइ क बरे पठएस। योआब इ बुद्धिमती मेहरारू स कहेस, “कृपा कइके बहोत जियादा सोकग्रस्त होइ क देखॉवा करा। सोक-वस्त्र पहिर ल्या, आपन चाम अउ बार मँ तेलन जिन लगावा। अइसी मेहरारू क जइसा बेउहार करा जउन कउनो मरे भए क बरे कइउ दिनन स रोवत ह।</verse>
				<verse number="3">राजा क लगे जा अउर जउन मइँ कहत हउँ, इनही सब्दन क उपयोग करत भए ओनसे बातन करा।” तब योआब उ बुद्धिमती मेहरारू क का कहब अहइ, इ बताइ दिहस।</verse>
				<verse number="4">तब ताकोआ क उ मेहरारू राजा स बातन किहस। उ फर्स पइ भहराइ पड़ी ओकर ललाट फर्स पइ जाइ टिका। उ निहुरी अउ बोली, “राजा, मोका मदद द्या।”</verse>
				<verse number="5">राजा दाऊद ओहसे कहेस, “तोहार समस्या का अहइ?” उ मेहरारू कहेस, “मइँ राँड़ हउँ। मोर भतार मर चुका अहइ।</verse>
				<verse number="6">मोरे दुइ ठु पूत रहेन। इ सब दुइनउँ बाहेर मैदानन मँ लड़ेन। ओनका कउनो रोकइवाला न रहा। एक पूत दूसर पूत क मार डाएस।</verse>
				<verse number="7">सारा परिवार अब मोरे खिलाफ अहइ। उ पचे मोहसे कहत रहेन, ‘उ पूत क लिआवा जउन अपने भाई क मार डाएस। तब हम ओका मार डाउब, काहेकि उ आपन भाई क मार डाएस।’ मोर पूत आगी क आखिरी चिनगारी क तरह अहइ, काहेकि उ ही सिरिफ उ ही एक पूत जिअत रही जउन ओकर पिता क सम्पत्ति क उत्तराधिकारी होइ। अगर उ ओका मार डाइ तउ उ आग जल उठब अउर खतम होइ जाब अउर उ सम्पत्ति दूसर क पास चली जाइ अउर तब मोर मरे भतार क नाउँ इ धरती स मिट जाइ।”</verse>
				<verse number="8">तब राजा मेहरारू स कहेस, “घरे जा। मइँ खुद तोहार मामला निपटाउब।”</verse>
				<verse number="9">तकोआ क मेहरारू राजा स कहेस, “हे राजा मोर सुआमी, दोख मोह पइ आवइ द्या। किन्तु आप अउर आप क राज्ज निदोर्ख अहइ।”</verse>
				<verse number="10">राजा दाऊद कहेस, “उ मनई क लिआवा जउन तोहका बुरा-भला कहत ह। तब उ मनई तोहका फुन परेसान न करी।”</verse>
				<verse number="11">मेहरारू कहेस, “कृपा कइके आपन यहोवा परमेस्सर क नाउँ पइ किरिया लेइँ कि आप एन लोगन क रोकिहीं। तब उ पचे मोर पूत क हत्या क बदले मँ नाहीं मारिहीं।” दाऊद कहेस, “यहोवा क जिन्नगी क किरिया, तोहरे पूत क कउनो मनई चोट नाहीं पहोंचाइ। तोहरे पूत क एक ठु बार भी धरती पई नाहीं गिरी।”</verse>
				<verse number="12">उ मेहरारू स कहेस, “मोर सुआमी, राजा कृपा कइके मोका आप स कछू कहइ क मौका द्या” राजा कहेस, “कहा।”</verse>
				<verse number="13">तब उ मेहरारू कहेस, “परमेस्सर क लोगन क खिलाफ इ जोजना काहे बनाया ह? हाँ, जब आप इ कहत हीं आप इ परगट करत हीं कि आप अपराधी अहइँ। काहे? काहेकि आप अपने पूत क वापस नाहीं लाएन ह जेका आप अपने घर तजइ क मजबूर किहे रहेन।</verse>
				<verse number="14">इ सही अहइ कि हम सबहिं कउनो दिन मरब। हम लोग उ पानी क तरह होब, जउन भुइँया पइ फेंका गवा ह। कउनो भी मनई भुइँया स उ पानी क एकट्ठा नाहीं कइ सकत। किन्तु परमेस्सर माफ करत ह। ओकरे लगे ओन लोगन बरे एक ठु जोजना अहइ जउन अपने घर तजइ क मजबूत कीन्ह गएन ह, उ ओनका वापिस करइ चाहत ह।</verse>
				<verse number="15">मोर प्रभु, राजा मइँ इ बात कहइ मइँ आप क लगे आइ। काहे? काहेकि लोग मोका ससाइ दिहन। मइँ अपने मने मँ कहेउँ कि, ‘मइँ राजा स बात करब। होइ सकत ह राजा मोर सुनइँ।</verse>
				<verse number="16">राजा मोर सुनिहीं, अउर मोर रच्छा उ मनई स करिहीं जउन मोका अउर मोरे पूत दुइनउँ क मारइ चाहत हीं अउर ओन चिजियन क प्राप्त करइ स रोकइ चाहत हीं जेनका परमेस्सर हम क दिहेस ह।’</verse>
				<verse number="17">मइँ जानत हउँ कि मोर राजा, मोरे सुआमी क सब्द मोका सान्ति देइहीं काहेकि आप परमेस्सर क दूत क समान अहइँ। आप समुझ ह कि का अच्छा का बुरा अहइ। यहोवा आप क परमेस्सर, आप क संग अहइ।”</verse>
				<verse number="18">राजा दाऊद उ मेहरारू क जवाब दिहस, “तोहका उ सवाल क उत्तर देइ चाही, जेका मइँ तोहसे पूछउँ मोसे कछू जिन छुपाया।” उ मेहरारू कहेस, “हे मोर प्रभू, मोर राजा, कृपा कइके आपन सवाल पूछइँ।”</verse>
				<verse number="19">राजा कहेस, “का योआब इ सबइ सारी बातन तोहसे कहइ क कहेस ह?” उ मेहरारू जवाब दिहेस, “मोर पर्भू राजा, आप क जिन्नगी क किरिया, आप सही अहइँ। आप क सेवक योआब इ सबइ बातन कहइ बरे कहेस।</verse>
				<verse number="20">योआब इ एह बरे किहेस जेहसे आप तथ्यन क दूसर निगाह स लखिहीं। मोर पर्भू आप परमेस्सर क दूत क नाई बुद्धिमान अहइँ। आप सब कछू जानत हीं जउन भूइँया पइ होत ह।”</verse>
				<verse number="21">राजा योआब स कहेस, “लखा, मइँ इ करब। आप कृपा कइके जा अउ नउजुवक मनई अबसालोम क वापस लिआवा।”</verse>
				<verse number="22">योआब भुइँया आपन माथा निहुराएस। उ राजा दाऊद बरे आभार परगट किहस अउर कहेस, “आजु मइँ समुझत हउँ कि आप मोसे खुस अहइ, काहेकि आप उहइ किहन जउन मोर माँग रही।”</verse>
				<verse number="23">तब योआब उठा अउर गसूर गवा अउ अबसालोम क यरूसलेम लिआवा।</verse>
				<verse number="24">किन्तु राजा दाऊद कहेस, “अबसालोम अपने घरे क लउट सकत ह।” उ मोहसे भेंटइ नाहीं आइ सकत। एह बरे अबसालोम अपने घरे क लउट गवा। अबसालोम राजा स भेंटइ नाहीं जाइ सका।</verse>
				<verse number="25">अबसालोम क जियादा स जियादा तारीफ ओकरे सुन्नर रूप क बरे रही। इस्राएल मँ कउनो मनई एतना सुन्नर नाहीं रहा जेतना अबसालोम। अबसालोम क मूँड़े स गोड़े तलक कउनो दोख नाहीं रहा।</verse>
				<verse number="26">हर एक बरिस क आखिर मँ अबसालोम अपने मूँड़े क बार काटत रहा अउर ओका तउलत रहा। बारन क तौल लगभग पाँच पौण्ड रहीं।</verse>
				<verse number="27">अबसालोम क तीन पूत रहेन अउ एक ठु बिटिया। उ बिटिया क नाउँ तामार रहा। तामार एक ठु सुन्नर मेहरारू रही।</verse>
				<verse number="28">अबसालोम पूरे दुइ बरिस तलक राजा दाऊद स भेंटइ क इजाजत बिना यरूसलेम मँ रहा।</verse>
				<verse number="29">अबसालोम योआब क लगे इ कहइ बरे पठाएस कि मोर तरफ स राजा क लगे जाइ। किन्तु योआब अबसालोम स मिलइ नाहीं गवा। अबसालोम दूसरी दाई सँदेसा पठएस। किन्तु योआब फुन भी आउब इन्कार किहस।</verse>
				<verse number="30">तब अबसालोम अपने सेवकन स कहेस, “लखा, योआब क खेत मोरे खेते स लगा बाटइ। ओकरे खेते मँ जौ क फसल अहइ। जा अउर जौ क बार द्या।” एह बरे अबसालोम क सेवक गएन अउर योआब क खेते मँ आगी लगाउब सुरू किहेन।</verse>
				<verse number="31">योआब उठा अउर अबसालोम क घरे गवा। योआब अबसालोम स कहेस, “तोहार सेवकन मोर खेत काहे बारेन।”</verse>
				<verse number="32">अबसालोम योआब स कहेस, “मइँ तोहका सँदेसा पठएँउ। मइँ तोहसे हिआँ आवइ क कहेउँ। मइँ तोहका राजा क लगे पठवइ चाहत रहेउँ। मइँ ओहसे पूछइ चाहत रहेउँ कि उ गसूर स मोका घरे काहे बोलाएस। मइँ ओहसे मिल नाहीं सकत, एह बरे गसूर मँ रहब कहूँ जियादा नीक रहा। अब मोका राजा स भेंटइ द्या। जदि मइँ पाप किहेउँ ह तउ उ मोका मार सकत ह।”</verse>
				<verse number="33">तब योआब राजा क लगे आवा अउ अबसालोम क कहा भवा सुनाया। राजा अबसालोम क बोलाएस। तब अबसालोम राजा क लगे आवा। अबसालोम राजा क समन्वा भुइँया पइ माथा टेकिके प्रणाम किहेस, अउर राजा अबसालोम क चुम्बन किहस।</verse>
			</chapter>
			<chapter number="15">
				<verse number="1">एकरे पाछे अबसालोम एक रथ अउ घोड़न अपने बरे लिहस। जब उ रथ चलावत रहा तउ अपने सामने पचास ठु दउड़त मनइयन क रखत रहा।</verse>
				<verse number="2">अबसालोम जल्दी उठत अउर दुआरे क निचके खड़ा होत। जदि कउनो मनई अइसा होत जेकर कउनो समस्या होत अउर निआउ बरे राजा दाऊद क लगे आवत होत, अबसालोम ओहसे पूछत, “तू कउनो नगर क अहा?” उ मनई जवाब देत, “मइँ अमुक हउँ अउ इस्राएल क अमुक परिवार समूह क हूँ।”</verse>
				<verse number="3">तब अबसालोम ओन मनइयन स कहा करत, “लखा, जउन तू कहत रह्या उ सुभ अउर उचित अहइ किन्तु राजा दाऊद तोहर एक ठु नाहीं सुनी।”</verse>
				<verse number="4">अबसालोम इ भी कहत, “अह, मइँ चाहत कि कउनो मोका इ भूइयाँ क निआवाधीस बनावत। तब मइँ ओन मनइयन मँ स हर एक क मदद कइ सकत जउन निआव बरे समस्या लइके अउतेन।”</verse>
				<verse number="5">जब कउनो मनई अबसालोम क लगे आवत अउर ओकरे समन्वा प्रणाम करइ क निहुरत, तउ अबसालोम हाथ बढ़ाइके ओका पकरलेत अउ ओकर चुम्बन करत जइसा उ ओकर नजिक क मीत अहइ।</verse>
				<verse number="6">अबसालोम अइसा ओन सबहिं इस्राएलियन क संग करत जउन राजा दाऊद क लगे निआव बरे अउतेन। इ तरह अबसालोम इस्राएल क सबहिं लोगन क हिरदइ जीत लिहस।</verse>
				<verse number="7">चार बरिस पाछे अबसालोम राजा दाऊद स कहेस, “कृपा कइके मोका अपनी खास प्रतिग्या क पूरी करइ जाइ द्या जेका मइँ हेब्रोन मँ यहोवा क समन्वा किहे रहेउँ।</verse>
				<verse number="8">मइँ इ प्रतिग्या तब किहे रहेउँ जब मइँ गसूर अराम मँ रहत रहेउँ। मइँ कहे रहेउँ, ‘जदि यहोवा मोका यरूसलेम लउटाई तउ मइँ यहोवा क सेवा करब।’”</verse>
				<verse number="9">राजा दाऊद कहेस, “सान्तिपूर्वक जा।” अबसालोम हेब्रोन गवा।</verse>
				<verse number="10">किन्तु अबसालोम इस्राएल क सबहिं परिवार समूहन मँ जासूस पठएस। एन जासूनन लोगन स कहेन, “जब तू पचे तुरही क आवाज सुना, तउ कहा कि ‘अबसालोम हेब्रोन मँ राजा होइ गवा।’”</verse>
				<verse number="11">अबसालोम दुइ सौ मनइयन क अपने संग चलइ बरे न्यौतेस। उ सबइ मनई ओकरे संग यरूसलेम स बाहेर गएन। किन्तु उ पचे इ नाहीं जानत रहेन कि ओकर जोजना का अहइ।</verse>
				<verse number="12">अहीतोपेल दाऊद क सलाहकारन मँ स एक रहा। अहीतोपेल गीलो नगर क निवासी रहा। जब अबसालोम बलि-भेंटन क चढ़ावत रहा, उ अहीतोपेल क गीलो नगर स बुलाएस। अबसालोम क जोजना ठीक-ठाक चलत रही अउर जियादा स जियादा लोग ओकर समर्थन करइ लागेन।</verse>
				<verse number="13">एक ठु मनई दाऊद क सूचना देइ आवा। उ मनई कहेस, “इस्राएल क लोग अबसालोम क अनुसरण करब सुरू करत अहइँ।”</verse>
				<verse number="14">तब दाऊद यरूसलेम मँ रहइवाले आपन सबहिं अधिकारियन स कहेस, “हम पचन्क जरूर पराइ चाही, अन्यथा हम मँ स कउनो भी अबसालोम स बच के नाहीं निकरि सकब्या। अबसालोम क जरिये धरें जाइ क पहिले हम लोग हाली करी। नाहीं तउ उ हम सबहिं क नस्ट कइ देइ अउर उ यरूसलेम क लोगन क मार डाइ।”</verse>
				<verse number="15">राजा क सेवकन राजा स कहेन, “जउन कछू भी आप कहिहीं, हम लोग करब।”</verse>
				<verse number="16">राजा दाऊद अपने घर क सबहिं लोगन क संग बाहेर निकर गवा। राजा घर क देखभाल क बरे आपन दस उप-पत्नियन क हुवाँ तजेस।</verse>
				<verse number="17">राजा अपने सबहिं लोगन क साथ लइके जउन ओका अनुसरण किहा बाहेर निकरा। उ पचे नगर क आखिरी मकाने पइ रूकेन।</verse>
				<verse number="18">ओकर सबहिं सेवक राजा क पास स गुजरेन, अउर सबहिं करेती, सस्बहिं पलेनी अउ गती (गत स छ: सौ मनई) राजा क लगे स गुजरेन।</verse>
				<verse number="19">राजा गत क इत्तै स कहेस, “तू लोग भी हमरे संग काहे जात अहा? लउट जा अउर नवा राजा (अबसालोम) क संग रहा। तू बिदेसी अहा। इ तू लोगन क ग्रह-भूइँया नाहीं अहइ।</verse>
				<verse number="20">ठीक कछू देरी तू हमरे संग जुड़्या। का मोका अलग-अलग जगहन पइ तोहका हमारे संग भटकई चाही? नाहीं! लउटा अउर आपन भाइयन क अपने संग ल्या। मोर पराथना अहइ कि तोहरे बरे दाया अउ वफ़दारी देखाँवा जाइ।”</verse>
				<verse number="21">किन्तु इत्तै राजा क जवाब दिहेस, “यहोवा क जिन्नगी क किरिया, जब तलक आप जिअत अहइँ मइँ आप क संग रहब। मोर सुआमी, राजा मइँ तोहार संग रहब जहाँ कहुँ भी जाब्या चाहे इ जीवन अही या मरण।”</verse>
				<verse number="22">दाऊद इत्तै स कहेस, “आवा, हम लोग किद्रोन नाला क पार करी।” एह बरे गत क इत्तै अउ ओकर सबहिं लोग अपने बच्चन सहित किद्रोन नाले क पार गएन।</verse>
				<verse number="23">सबहिं लोग जोर स रोवत रहेन। राजा दाऊद किद्रोन नाले क पार किहस। तब सबहिं लोग रेगिस्ताने कइँती बढ़ेन।</verse>
				<verse number="24">सादोक अउ ओकर संग क लवीबंसी परमेस्सर क करार क सन्दूख क लइके चलत रहेन। उ पचे परमेस्सर क पवित्तर सन्दूख क खाले रखेन। एब्यातार तब तलक पराथना किहेस कि जब तलक सबहिं लोग यरूसलेम स बाहेर नाहीं निकर गएन।</verse>
				<verse number="25">राजा दाऊद सादोक स कहेस, “परमेस्सर क पवित्तर सन्दूख क यरूसलेम लउटाइ लइ जा। जदि यहोवा मोह पइ दयालु अहइ, तउ उ मोका वापस लउटाइ अउर यहोवा मोका यरूसलेम अउर आपन मन्दिर क देखइ देइ।</verse>
				<verse number="26">किन्तु जदि यहोवा कहत ह कि मोहे पइ खुस नाहीं अहइ तउ उ मोरे खिलाफ, जउन कछू भी चाहत ह, कइ सकत ह।”</verse>
				<verse number="27">राजा याजक सादोक स कहेस, “तू एक ठु दर्शी अहा सान्तिपूर्वक नगर क जा। आपन पूत अहीमास अउ एब्यातार क पूत योनातन स अपने संग ल्या।</verse>
				<verse number="28">मइँ ओन ठउरन क निचके प्रतीच्छा करब जहाँ स लोग नदी पार होइ रेगिस्तान मँ जात हीं। मइँ हुवाँ तब तलक प्रतीच्छा करब जब तलक तोहसे कउनो सूचना नाहीं मिलत।”</verse>
				<verse number="29">एह बरे सादोक अउ एब्यातार परमेस्सर क पवित्तर सन्दूक वापस यरूसलेम लइ गएन अउर हुवँइ ठहरेन।</verse>
				<verse number="30">दाऊद जइतून क पर्वत पइ चढ़ा। उ रोवत रहा। उ आपन मूँड़ ढाँपि लिहस अउर उ बिना जूते क गवा। दाऊद क संग क सबहिं लोगन आपन मूँड़न ढाँपि लिहेन। उ पचे दाऊद क संग रोवत भए गएन।</verse>
				<verse number="31">एक ठु मनई दाऊद स कहेस, “अहीतोपेल लोगन मँ स एक अहइ जउन अबसालोम क संग जोजना बनाएस।” तब दाऊद पराथना किहेस, “हे यहोवा, मइँ तोहसे पराथना करत हउँ कि तू अहीतोपेल क सलाह क नाकामयाब कइ द्या।”</verse>
				<verse number="32">दाऊद पर्वत क चोटी पइ आवा। इहइ उ ठउर रहा जहाँ उ अक्सर परमेस्सर स पराथना करत रहा। उ समइ एरेकी हूसै ओकरे लगे आवा। हूसै क अंगरखा फटा रहा अउर ओकरे झूँड़ि पइ धूरी रही।</verse>
				<verse number="33">दाऊद हूसै स कहेस, “जदि तू मोरे संग चलत अहा तउ तू देख-रेख करइवाले अलावा मनई होब्या।</verse>
				<verse number="34">किन्तु जदि तू यरूसलेम क लउट जात ह तउ तू अहीतोपेल क सलाह क ब्यर्थ कइ सकत ह। अबसालोम स कहा, ‘महाराज, मइँ आप क सेवक हउँ। मइँ आप क बाप क सेवा किहेउँ, किन्तु अब मइँ आप क सेवा करब।’</verse>
				<verse number="35">याजक सादोक अउ एब्यातार तोहरे संग होइहीं। तोहका उ सबइ बातन ओनसे कहइ चाही जेनका तू राजमहल मँ सुना।</verse>
				<verse number="36">सादोक क पूत अहीमास अउ एब्यातार क पूत योनातन ओनके संग होइहीं। तू ओनका, हर बात जउन सुना, मोहसे कहइ बरे पठउब्या।”</verse>
				<verse number="37">तब दाऊद क मीत हूसै नगर मँ गवा, अउर अबसालोम यरूसलेम आवा।</verse>
			</chapter>
			<chapter number="16">
				<verse number="1">दाऊद जैतून पर्वत क चोटी पइ तनिक दूर चला। हुवाँ मपीबोसेत क सेवक सीबा, दाऊद स मिला। सीबा क लगे काठी क संग दुइ ठु खच्चर रहेन। खच्चरन पइ दुइ सौ रोटियन, सौ किसमिस क गुच्छन, सौ गर्मी क फल अउ दाखमधु स भरी एक ठु मसक रही।</verse>
				<verse number="2">राजा दाऊद सीबा स कहेस, “इ सबइ चिजियन काहे बरे अहइँ?” सीबा जवाब दिहेस, “गदहन राजा क परिवार क सवारी बरे अहइ। रोटी अउ गर्मी क फल सेवकन क खाइ बरे अहइ अउर जदि कउनो मनई रेगिस्ताने मँ कमजोरी महसूस करइ, उ दाखमधु पी सकी।”</verse>
				<verse number="3">राजा पूछेस, “मपीबोसेत कहाँ अहइ?” सीबा राजा क जवाब दिहेस, “मपीबोसेत यरूसलेम मँ ठहरा अहइ काहेकि उ सोचत ह, ‘आजु इस्राएली मोरे पितामह क राज्ज मोका वापस दइ देइहीं।’”</verse>
				<verse number="4">तब राजा सीबा स कहेस, “ओकरे कारण, जउन कछू मपीबोसेत क अहइ ओका अब मइँ तोहका देत हउँ।” सीबा कहेस, “मइँ आप क प्रणाम करत हउँ। मइँ आसा करत हउँ कि मइँ आप क सदा खुस कइ सकउँ।”</verse>
				<verse number="5">दाऊद बहूरीम पहोंचा। साउल क परिवारे क एक ठु मनई बहूरीम स बाहेर निकरा। इ मनई क नाउँ सिमी रहा जउन गेरा क पूत रहा। सिमी दाऊद क बुरा कहत भवा बाहेर आवा अउर उ बुरी-बुरी बातन बार-बार करत रहा।</verse>
				<verse number="6">सिमी दाऊद अउ ओकरे सेवकन पइ पाथर लोकाउब सुरू किहस। किन्तु लोग अउर फउजी दाऊद क चारिहुँ कइँती बटुर गएन उ पचे ओकरे चारिहुँ ओर रहेन।</verse>
				<verse number="7">सिमी दाऊद क सरापेस। उ कहेस, “निकरि जा, निकरि जा! तू हत्यारा अहा, तू दुस्ट अहा!</verse>
				<verse number="8">यहोवा तोहका दण्ड देत अहइ। काहे? काहेकि तू साऊल क परिवारे क मनइयन क मार डाया। तू साऊल क जगह एक राजा क रूप मँ चोराया। किन्तु अब, यहोवा राज्ज तोहरे पूत अबसालोम क दिहस ह। अब उ पचे ही बुरी घटनन तोहरे बरे घटित होत अहइँ। काहे? काहेकि तू हत्यारा अहा।”</verse>
				<verse number="9">सरूयाह क पूत अबीसै राजा स कहेस, “मोर पर्भू, राजा! इ मरा कूकुर आप क सरापत काहे अहइ? मोका आगे जाइ द्या अउ सिमी क मूँड़ काट लेइ द्या।”</verse>
				<verse number="10">किन्तु राजा जवाब दिहस, “सरूयाह क पूतो! तू इ चिजियन क चिन्ता काहे करत ह जउन मोर संग होत? निहचइ ही सिमी मोका सरापत अहइ। अगर यहोवा ओका कहेस कि उ मोका सरापि, अउर कउन अहइ जउन यहोवा स इ बातन बरे प्रस्न पूछ सकत्या?”</verse>
				<verse number="11">दाऊद अबीसै अउर आपन सबहिं सेवकन स इ भी कहेस, “लखा मोर आपन पूत ही (अबसालोम) मोका मारइ क जतन करत अहइ। इ मनई (सिमी) जउन बिन्यामीन परिवार समूह क अहइ, मोका मार डावइ क जियादा अधिकार रखत ह। ओका अकेला तजा। ओका मोका बुरा भला कहइ द्या। यहोवा ओका अइसा करइ क कहेस ह।</verse>
				<verse number="12">इ होइ सकत ह कि ओन बुराइयन क जउन मोरे संग होत अहइँ, यहोवा लखइ। तब होइ सकत ह कि यहोवा मोका हर बुरा सब्द क बदले मँ कछू अच्छा देइ जउन कि सिमी आजु मोहसे कहेस ह।”</verse>
				<verse number="13">एह बरे दाऊद अउ ओकर मनइयन अपने राहे पइ खाले सरक स उतर आवइँ। किन्तु सिमी दाऊद क पाछे लगा रहा। सिमी सरक क दूसर कइँती पहाड़ी क बगल होइ के चलइ लाग। सिमी अपने राहे पइ दाऊद क बुरा-भला कहत रहा। सिमी दाऊद पइ पाथर अउ धूरि भी लोकाएस।</verse>
				<verse number="14">राजा दाऊद अउर ओकर सबहिं लोग यरदन नदी पइ पहोंचेन। राजा अउ ओकर लोग थक गए रहेन। एह बरे उ पचे हुवाँ आराम किहन अउर आपन क ताज़ा किहेन।</verse>
				<verse number="15">अबसालोम, अहीतोपेल अउ इस्राएल क सबहिं लोग यरूसलेम आएन।</verse>
				<verse number="16">दाऊद क एरेकी मीत हूसै अबसालोम क लगे आवा। हूसै अबसालोम स कहेस, “राजा दीर्घायु होइँ।। राजा दीर्घायु होइँ।”</verse>
				<verse number="17">अबसालोम पूछेस, “तू आपन मीत दाऊद क बिस्सास पात्र काहे नाहीं अहा? तू आपन मीत क संग यरूसलेम क काहे नाहीं तज्या?”</verse>
				<verse number="18">हूसै कहेन, “मइँ उ मनई क अहउँ, जेका यहोवा चुनत ह। एन लोग अउ इस्राएल क लोग आप क चुनेन। मइँ आपक संग रहब।</verse>
				<verse number="19">बीते समइ मँ मइँ आप क बाप क सेवा किहेउँ। एह बरे, अब मइँ दाऊद क पूत क सेवा करब। मइँ आप क सेवा करब।”</verse>
				<verse number="20">अबसालोम अहीतोपेल स कहेस, “कृपा कइके मोका बतावा कि का करइ चाही।”</verse>
				<verse number="21">अहीतोपेल अबसालोम स कहेस, “तोहार बाप आपन कछू उप-पत्नियन क घर क देख-भाल क बरे तजेस ह। जा अउर ओनके संग सारीरिक सम्बंध करा। तब सबहिं इस्राएली इ जनिहीं कि तोहार बाप तोहसे घिना करत ह। अउर तोहार सबहिं लोग तोहका जियादा समर्थन देइ बरे उत्साहित होइहीं।”</verse>
				<verse number="22">तब ओन लोग अबसालोम बरे महले क छते पइ एक तम्बू डाएन अउ अबसालोम अपने बाप क रखैलन क संग सारीरिक सम्बन्ध किहस। सबहिं इस्राएलियन एका लखेन।</verse>
				<verse number="23">उ समइ, दाऊद अउ अबसालोम अहीतोपेल क सलाह क बहोत महत्वपूर्ण समुझेस। इ ओतनी ही महत्वपूर्ण रही जेतनी मनई बरे परमेस्सर क बात।</verse>
			</chapter>
			<chapter number="17">
				<verse number="1">अहीतोपेल अबसालोम स इ भी कहेस, “मोका अब बारह हजार फउजी चुनइ द्या। तब मइँ आजु क रात दाऊद क पाछा करब।</verse>
				<verse number="2">मइँ ओका तब धरब जब उ थका अउ कमजोर होइ। मइँ ओका ससाउब अउ ओकर सबहिं मनई ओका तजिके परइहीं। किन्तु मइँ सिरिफ राजा दाऊद क मारब।</verse>
				<verse number="3">तब मइँ सबहिं लोगन क तोहरे लगे वापस लिआउब। जदि दाऊद मरि गवा, तउ सबइ लोगन क सान्ति प्राप्त होइ।”</verse>
				<verse number="4">इ जोजना अबसालोम अउ इस्राएल क सबहिं प्रमुखन क पसन्द आइ।</verse>
				<verse number="5">किन्तु अबसालोम कहेस, “एरेकी हूसै क अब बोलावा। मइँ ओहसे भी सुनइ चाहत अहउँ कि उ का कहत ह।”</verse>
				<verse number="6">हूसै अबसालोम क लगे आवा। अबसालोम हूसै स कहेस, “अहीतोपेल इ जोजना बताएस ह। का हम लोग यह पइ अमल करी? जदि नाहीं तउ हमका, अपनी बतावा।”</verse>
				<verse number="7">हूसै अबसालोम स कहेस, “इ समइ अहीतोपेल क सलाह ठीक नाहीं अहइ।”</verse>
				<verse number="8">उ आगे कहेस, “तू जानत ह कि तोहार बाप अउ ओकर आदमी ताकतवार अहइँ। उ पचे उ रीछनी क तरह खूँखार अहइँ जेकत बच्चन छोर लीन्ह गवा होइँ। तोहार बाप कुसल जोधा अहइ। उ सारी रात लोगन क संग नाहीं ठहरी।</verse>
				<verse number="9">सायद उ पहिले स ही कउनो गुफा या दूसर ठउरे पइ छुपा अहइ। जदि तोहार बाप तोहरे मनइयन पइ पहिले हमला करत ह, तउ लोग एकर खबर पइहीं, अउर उ पचे सोचिहीं, ‘अबसालोम क समर्थक हारत अहइँ।’</verse>
				<verse number="10">तब उ पचे लोग भी जउन सेर क तरह वीर अहइँ, ससाइ जइहीं। काहे? काहेकि सबहिं इस्राएली जानत हीं कि तोहार बाप ताकतवर जोधा अहइ अउ ओकर मनई वीर अहइँ।</verse>
				<verse number="11">“मोर सुझाव इ अहइ: तोहका दान स लइके बेर्सेबा तलक सबहिं इस्राएलियन क बटोरइ चाही। तब बड़ी तादाद मँ लोग समुद्दर क रेती क कणन क नाई होइहीं। तब तोहका खुद ओनकर जुद्ध मँ अगुवाइ करइ चाही।</verse>
				<verse number="12">हम पचे दाऊद क उ ठउरे स जहाँ उ लुकान अहइ, धइ लेब। हम पचे दाऊद पइ बहोत सारा फउज स हमला करब, हम लोग ओस क बहोत सारा बूँद क नाईं होब्या जउन कि धरती पइ पड़त अहा। हम लोग दाऊद अउर ओकर सबहिं मनइयन क मार डाउब। कउनो मनई क जिअत नाहीं बक्सा जाइ।</verse>
				<verse number="13">जदि दाऊद कउनो नगर मँ परात ह, तउ सबहिं इस्राएली उ नगर मँ रस्सियन लिअइहीं अउर हम लोग उ नगर क देवारन क तोड़ब अउर एका घाटी मँ बदल देब। उ नगर मँ एक पाथर भी नाहीं बचब्या।”</verse>
				<verse number="14">अबसालोम अउ सबइ इस्राएलियन कहेन, “एरैकी हूसै क सलाह अहीतोपेल क सलाह स बेहतर अहइ।” उ पचे अइसा कहेन काहेकि इ यहोवा क जोजना रही। यहोवा अहीतोपेल क सलाह क ब्यर्थ करइ क नीक जोजना बनाए रहा। इ तरह यहोवा अबसालोम क सजा दइ सकत रहा।</verse>
				<verse number="15">हूसै उ सबइ बातन याजकन, सदोक अउ एब्यातार स कहेस। हुसै उ जोजना क बारे मँ ओनका बताएस जेका अहीतोपेल अबसालोम अउ इस्राएल क प्रमुखन क सुझाए रहा। हूसै सादोक अउ एब्यातार क उ जोजना भी बताएस जेका उ सुझाए रहा। हूसै कहेस,</verse>
				<verse number="16">“हाली। दाऊद क खबर पठवा। ओहसे कहा कि आज क रात उ ओन ठउरन पइ न रहइ जहाँ स लोग रेगिस्तान क पार करत हीं। अपितु यरदन नदी क तुरन्त पार कइ ल्या। जदि उ नदी क पार कइ लेत ह तउ राजा अउ ओकर लोग नाहीं धरा जइहीं।”</verse>
				<verse number="17">याजकन क पूत योनातन अउ अहीमास, एनरोगेल पइ प्रतीच्छा करत रहेन। उ पचे नगर मँ जात भए देखॉइ नाहीं पड़इ चाहत रहेन। एह बरे एक ठु गुलाम लड़की ओनके लगे आइ। उ ओनका सँदेसा दिहस। तब योनातन अउ अहीमास गएन अउर उ पचे इ सँदेसा राजा दाऊद क दिहेन।</verse>
				<verse number="18">किन्तु एक लरिका योनातन अउ अहीमास क लखेस। लरिका अबसालोम स कहइ बरे दउड़ा। योनातन अउ अहीमास तेजी स पराइ निकरेन। उ पचे बहारीम मँ एक ठु मनई क घरे पहोंचेन। उ मनई क आँगन मँ एक कुआँ रहा। योनातन अउ अहीमास इ कुआँ मँ उतर गएन।</verse>
				<verse number="19">उ मनई क पत्नी देवार पइ एक ठु चादर डाइ दिहस। तब उ पूरे कुआँ क अन्न स ढॉक दिहस। कुआँ अन्न क ढेर जइसा देखॉत रहा, एह बरे कउनो मनई इ नाहीं जान सकत रहा कि योनातन अउ अहीमास हुवाँ छुपा रहेन।</verse>
				<verse number="20">अबसालोम क सेवकन उ घरे क मेहरारू क लगे गएन। उ पचे पूछेन, “योनातन अउ अहीमास कहाँ अहइँ?” उ मेहरारू अबसालोम क सेवकन स कहेस, “उ पचे पहिले ही नाला क पार कइ गएन ह।” अबसालोम क सेवकन तब योनातन अउ अहीमास क खोज मँ चले गएन। किन्तु उ पचे ओनका न पाइ सकेन। एह बरे अबसालोम क सेवकन यरूसालेम लउट गएन।</verse>
				<verse number="21">जब अबसालोम क सेवक चले गएन, योनातन अउ अहीमास कुआँ स बाहेर आएन। उ पचे गएन अउ उ पचे दाऊद स कहेन, “हाली करा, नदी क पार जा। अहीतोपेल इ सबइ बातन क तोहार खिलाफ करइ बरे जोजना बनावत ह।”</verse>
				<verse number="22">तब दाऊद अउ ओकर सबहिं लोग यरदन नदी क पार चले गएन। सूरज निकरइ स पहिले दाऊद क सबहिं लोग यरदन नदी क पार कइ चुके रहेन।</verse>
				<verse number="23">अहीतोपेल लखेस कि इस्राएली ओकर सलाह नाहीं मानतेन। अहीतोपेल अपने गदहे पइ काठी धरेस अउर आपन ग्रह-नगर क वापिस हाँकेस। उ अपने परिवार क पच्छ मँ एक वसीयत लिखेस। तब उ अपने क फाँसी लगाइ लिहस। तब अहीतोपेल मर गवा, लोगन ओका ओकरे बाप क कब्र मँ दफनाइ दिहन।</verse>
				<verse number="24">दाऊद महनैम पहोंचा। अबसालोम अउ सबहिं इस्राएली जउन ओकरे संग रहेन, यरदन नदी क पार कइ गएन।</verse>
				<verse number="25">अबसालोम अमासा क फउज क सेनापति बनाएस। अमासा योआब क जगह लिहस। अमासा इस्राएली यित्रन क पूत-रहा। अमासा क महतारी, सरूयाह क बहिन अउ नाहास क बिटिया, अबीगैल रही (सरूयाह योआब क महतारी रही।) अबसालोम अउ इस्राएलियन आपन डेरा गिलाद प्रदेस मँ डाएन।</verse>
				<verse number="26"></verse>
				<verse number="27">दाऊद महनैम पहोंचा। सोबी, माकीर अउ बर्जिल्लै उ ठउरे पइ रहेन। (नाहास क पूत सोबी अम्मोनी नगर रब्बा क रहा। अम्मीएल क पूत माकीर लोदबर क रहा अउर बजिर्ल्लै, गिलाद क रेगलीम स रहा।)</verse>
				<verse number="28">उ पचे कहेन, “रेगिस्ताने मँ लोग थके, भुखान अउ पिआसे अहइँ।” एह बरे उ पचे दाऊद अउ ओकरे लोगन क खाइ क बरे इ सबइ चिजियन लिआएन: गोहूँ, जौ, आटा, भूँजी अन्न क फलियन, तिल, झुरान बिआ, सहद, माखन, भेड़िन अउ गइया क दूध क पनीर भी लइ आएन। उ पचे दाऊद अउ ओकर लोगन क खाना परोसेन। उ पचे बिछौना, खोरा अउ माटी क भांडी भी लइ आएन।</verse>
				<verse number="29"></verse>
			</chapter>
			<chapter number="18">
				<verse number="1">दाऊद अपने लोगन क गनेस। उ हजार फउजियन अउर सौ फउजियन क ऊपर सेनापतियन नियुक्त किहेस।</verse>
				<verse number="2">दाऊद लोगन क तीन टुकड़ियन मँ बाँटेस, अउर तब दाऊद लोगन क आगे पठएस। योआब क भाई, सरूयाह क पूत अबीसै दूसर एक तिहाई फउज क अगुवाइ किहेस। अउर इत्तै जउन गात स रहा उ बचा भवा एक तिहाइ फउज क अगुवाई किहेस। राजा दाऊद लोगन स कहेस, “मइँ भी तू लोगन क संग चलब।”</verse>
				<verse number="3">किन्तु लोग कहेन, “नाहीं। आप क हमरे संग नाहीं जाइ चाही। काहे? काहेकि हम लोग जुद्ध स परानेन तउ अबसालोम क फउजी परवाह नाहीं करिहीं। जदि हम आधा मार दीन्ह जाइ तउ भी अबसालोम क फउजी पखाह नाहीं करिहीं। किन्तु आप हम लोगन क दस हजार क बराबर अहइँ। आप क बरे अच्छा अहइ कि आप नगर मँ रहइँ। तब, जदि हम क मदद क जरूरत पड़इ तउ आप मदद कइ सकइँ।”</verse>
				<verse number="4">राजा अपने लोगन स कहेस, “मइँ उहइ करब जेका आप लोग सर्वोत्तम समुझत हीं।” तब राजा दुआर क बगल मँ खड़ा रहा। फउज आगे बढ़ गइ। उ पचे एक सौ अउ एक हजार क टुकड़ियन मँ गएन। “जुवक अबसालोम क संग कोमल रहा।”</verse>
				<verse number="5">राजा योआब, अबीसै अउ इत्तै क आदेस दिहस: “मोरे बरे इ करा: जुवक अबसालोम क बरे कोमल रहा।” सबहिं लोग अबसालोम क बारे मँ नायकन को राजा क आदेस सुनेन।</verse>
				<verse number="6">दाऊद क फउज अबसालोम क इस्राएलियन क खिलाफ रणभूमि मँ गइ। उ पचे एप्रैम क जँगल मँ जुद्ध किहन।</verse>
				<verse number="7">दाऊद क फउज इस्राएलियन क हराइ दिहस। उ दिन बीस हजार मनई मारे गएन।</verse>
				<verse number="8">जुद्ध पूरे देस मँ फइल गवा। किन्तु उ दिन तरवार स मरइ क अपेच्छा जँगल मँ मनई जियादा मरेन।</verse>
				<verse number="9">अइसा भवा कि अबसालोम दाऊद क सेवकन स मिला। अबसालोम बच पराइ बरे अपने खच्चर पइ चढ़ा। खच्चर बिसाल बाँज क बृच्छ क डारन क नीचे गवा। डारन मोटी रहिन अउ अबसालोम क मूँड़ बृच्छ मँ फँस गवा। ओकर खच्चर ओकरे नीचे स पराइ निकरा एह बरे अबसालोम भुइँया क ऊपर लटका रहा।</verse>
				<verse number="10">एक ठु मनई इ होत लखेस। उ योआब स कहेस, “मइँ अबसालोम क एक बाँज बृच्छ मँ लटकत लखेउँ ह।”</verse>
				<verse number="11">योआब उ मनई स कहेस, “तू ओका मार काहे नाहीं डाया, अउर ओका जमीन पइ काहे नाहीं गिर जाइ दिहा? मइँ तोहका एक जोद्धन-कमरबंध अउ चाँदी क दस सिक्कन देतेउँ।”</verse>
				<verse number="12">उ मनई योआब स कहेस, “मइँ राजा क पूत क तब भी चोट पहोंचावइ क कोसिस नाहीं करतेउँ, जहाँ तू मोका हजार चाँदी क सिक्कन देत्या। काहेकि हम लोग, तोहका अबीसै अउ इत्तै क दीन्ह गए राजा क आदेस क सुना। राजा कहेस, ‘होसियार रहा, जुवक अबसालोम क चोट नाहीं पहोंचे।’</verse>
				<verse number="13">जदि मइँ अबसालोम क मार दिहे होतेउँ, तउ राजा खुद एकर पता लगाइ लेतइ अउर तू मोर बचाव बरे नाहीं आत्या।”</verse>
				<verse number="14">योआब कहेस, “मइँ तोहरे संग समइ नस्ट नाहीं करब।” अबसालोम अबहुँ बाँज बृच्छ मँ लटका भवा, जिअत रहा। योआब तीन ठु भाला लिहस। उ भालन क अबसालोम पइ लोकाएस। भालन अबसालोम क हिरदइ क बेधत भए निकरि गएन।</verse>
				<verse number="15">हुवाँ दस ठु जुवक रहेन जउन योआब क हथियार लेइ जाइवाल रहेन। उ सबइ दस मनई अबसालोम क चारिहुँ कइँती आएन अउर ओका मार डाएन।</verse>
				<verse number="16">योआब तुरही बजाएस अउर अबसालोम क सैनिकन क टोलियन क इस्राएली लोगन क पाछा करब बंद करइ क संकेत देत रहेन। इ तरह उ दूसर जुद्ध स लोगन क बचाइ लिहेस।</verse>
				<verse number="17">तब योआब क मनइयन अबसालोम क ल्हास उठाएन अउर ओका जँगल क एक बड़के गड़हे मँ फेंक दिहन। उ पचे गड़हे क बहोत स पाथरन स भर दिहन। सबइ इस्राएलियन आपन-आपन घरे क पराइ गएन।</verse>
				<verse number="18">जब अबसालोम जिअत रहा, उ राजा क घाटी मँ एक ठु खंभा खड़ा किहे रहा। अबसालोम कहे रहा, “मोर कउनो पूत मोरे नाउँ क चलावइ वाला नाहीं अहइ।” एह बरे उ खम्भा क आपन नाउँ दिहस। एह बरे एका आपन बाद नाउँ दिहेस। इ खम्भा आजु भी “अबसालोम स्मारक” क रूप जाना जात ह।</verse>
				<verse number="19">सादोक क पूत अहीमास योआब स कहेस, “मोका अब दउड़ जाइ द्या अउर राजा दाऊद क खबर पहोंचावइ द्या। मइँ ओहसे कहब कि यहोवा ओनका ओनके दुस्मनन क हाथे स अजाद कइ दिहस ह।”</verse>
				<verse number="20">योआब अहीमास क जवाब दिहस, “नाहीं, आजु तू दाऊद क खबर नाहीं देब्या। तू खबर कउनो दूसरे समइ पहोंचाइ सकत ह, किन्तु आजु नाहीं काहे? काहेकि राजा क पूत मरि गवा ह।”</verse>
				<verse number="21">तब योआब एक कूसी मनई स कहेस, “जा राजा स उ सब कहा जउन तू लख्या ह।” कूसी योआब क प्रणाम किहेस। तब कूसी दाऊद क खबर देइ दउड़ पड़ा।</verse>
				<verse number="22">किन्तु सादोक क पूत अहीमास योआब स फुन पराथना किहेस, “जउन कछू भी होइ, ओकर चिन्ता नाहीं, कृपा कइके मोका भी कूसी क पाछे दउड़ जाइ द्या।” योआब कहेस, “बेटे, तू समाचार काहे लइ जाइ चाहत अहा? तू जउन समाचार लइ जाब्या ओकर कउनो पुरस्कार नाहीं मिली।”</verse>
				<verse number="23">अहीमास जवाब दिहस, “चाहे जउन होइ, चिन्ता नाहीं, मइँ दाऊद क लगे दउड़ जाब।” योआब अहीमास स कहेस, “दउड़!” तब अहीमास यरदन क घाटी स होइके दउड़ा उ कूसी क पाछे छोड़ गवा!</verse>
				<verse number="24">दाऊद नगर क दुइनउँ फाटकन क बीच बइठा रहा। पहरेदार फाटकन क देवारन क ऊपर छते पइ गवा। पहरेदार धियान स लखेस अउ एक ठु मनई क अकेले दउड़त लखेस।</verse>
				<verse number="25">पहरेदार दाऊद स कहइ बरे जोर स गोहराएस। राजा दाऊद कहेस, “जदि मनई अकेला अहइ तउ उ खबर लावत ह।” मनई नगर क निअरे स निअरे आवत जात रहा।</verse>
				<verse number="26">पहरेदार दूसर मनई क दउड़त लखेन। पहरेदार दुआर रच्छक क बोलाएस, “लखा! दूसर मनई अकेले दउड़त बा।” राजा कहेस, “उ भी समाचार लिआवत अहइ।”</verse>
				<verse number="27">पहरेदार कहेस, “मोका लागत ह कि पहिला मनई सादोक क पूत अहीमास क तरह दउड़त अहइ।” राजा कहेस, “अहीमास अच्छा मनई अहइ। उ अच्छी समाचार लावत रहा होइ।”</verse>
				<verse number="28">अहीमास राजा क गोहराइ क कहेस। “सब कछू बहोत नीक अहइ।” अहीमास राजा क समन्वा प्रणाम करइ निहुरा। ओकर माथा भुइँया क करीब रहा। अहीमास कहेस, “अपने यहोवा परमेस्सर क स्तुति करा। मोर सुआमी राजा, यहोवा ओन मनइयन क हराइ दिहेस ह जउन आप क खिलाफ रहेन।”</verse>
				<verse number="29">राजा पूछेस, “का जुवक अबसालोम कुसल स अहइ?” अहीमास जवाब दिहेस, “जब योआब मोका पठएस मइँ बड़ी उत्तेजना भीड़ लखेउँ, किन्तु मइँ नाहीं जानत हउँ कि उ का रहा?”</verse>
				<verse number="30">तब राजा कहेस, “हिआँ आ अउर प्रतीच्छा करा।” अहीमास हटके खड़ा होइ गवा अउ प्रतीच्छा करइ लाग।</verse>
				<verse number="31">कूसी आवा। उ कहेस, “मोर सुआमी अउर राजा, मोर लगे तोहार बरे अच्छा समाचार अहइ। आजु यहोवा ओन सबइ लोगन क सजा दिहस ह जउन आप क खिलाफ रहेन।”</verse>
				<verse number="32">राजा कूसी स पूछेस, “का जुवक अबसालोम कुसल स अहइ?” कूसी जवाब दिहस, “मोका आसा अहइ कि आप क दुस्मन अउर सबहिं लोग जउन आप क खिलाफ चोट करत अइहीं, उ पचे इ जुवक (अबसालोम) क तरह सजा पइहीं।”</verse>
				<verse number="33">तब राजा समुझ लिहस कि अबसालोम मर गवा ह। राजा बहोत काँपत रहा ह। उ नगर दुआर क ऊपर क कमरा मँ चला गवा अउर रोएस। जइसे ही उ गवा उ रोवा अउर कहेस, “ऐ मोर पूत अबसालोम, मइँ चाहत हउँ कि मइँ तोहरे बरे मर गवा होत। ऐ अबसालोम, मोर पूत, मोर पूत।”</verse>
			</chapter>
			<chapter number="19">
				<verse number="1">लोग योआब क खबर दिहन। उ पचे योआब स कहेन, “लखा, राजा अबसालोम बरे रोवत अहइ अउर बहोत दुखी अहइ।”</verse>
				<verse number="2">दाऊद क फउज उ दिन जीत पाए रही। मुला उ दिन सबहिं लोगन बरे बहोत सोक क दिन होइ गवा। इ सोक क दिन रहा, काहेकि लोग सुनेन, “राजा अपने पूत बरे बहोत दुखी अहइ।”</verse>
				<verse number="3">लोग नगर मँ चुपचाप आएन। उ पचे ओन लोगन क तरह रहेन जउन जुद्ध मँ पराजित होइ गए होइँ अउ पराइ आए होइँ।</verse>
				<verse number="4">राजा आपन मुँहना ढाँपि लिहस। उ जोर-जोर स अउ फूट-फूटि के रोवत रहा, “मोर पूत अबसालोम! मोर पूत, मोर बेटवा।”</verse>
				<verse number="5">योआब राजा क महल मँ आवा। योआब राजा स कहेस, “आजु तू आपन सबहिं अधिकारियन क समन्वा अपमानित भवा ह। आजु तोहार सेवकन तोहार जिन्नगी बचाएन। उ पचे तोहरे पूतन, बिटियन, पत्नियन अउ उप-पत्नियन क जिन्नगी क बचाएन।</verse>
				<verse number="6">तोहार अधिकारियन अपमानित महसूह करत ह कि तू ओनसे पिरेम करत ह जउन तोहसे घिना करत हीं अउर तू ओनसे घिना करत ह जउन तोहसे पिरेम करत हीं। आजु तू इ स्पस्ट कइ दिहा ह कि तोहार अधिकारी अउ तोहार लोग तोहरे बरे कछू नाहीं अहइँ। आजु मइँ समुझत हउँ कि जदि अबसालोम जिअत रहत अउ हम सबहिं मार दिए गए होत तउ तोहका बड़ी खुसी होत।</verse>
				<verse number="7">अब खड़ा ह्वा अउ आपन सेवकन स बात करा अउर ओनका प्रोत्साहित करा। मइँ यहोवा क किरिया खाइके कहत हउँ कि जदि तू इ करइ बाहेर नाहीं निकरत्या तउ आजु क रात तोहार कउनो मनई नाहीं बची। बचपन स आजु तलक तोह पइ जेतनी बिपत्तियन आई अहइँ, ओन सब स इ बिपत्ति अउर बदतर होइ।”</verse>
				<verse number="8">तब राजा नगर दुआर पइ गवा। खबर फइली कि राजा नगर दुआरे पइ अहइ। एह बरे सबहिं लोग राजा क लखइ आएन। सबहिं अबसालोम क समर्थक इस्राएली अपने घरन क पराइ गए रहेन।</verse>
				<verse number="9">इस्राएल क सबहिं परिवार समूहन क लोग आपुस मँ तर्क-वितर्क करइ लागेन। उ पचे कहेन, “राजा दाऊद हम क पलिस्तियन अउ हमार दूसर दुस्मनन स बचाएस। मुला अब उ अबसालोम क समन्वा स पराइ गवा।</verse>
				<verse number="10">हम लोग अबसालोम क अपने ऊपर सासन करइ बरे चुने रहेउँ। किन्तु अब उ जुद्ध मँ मर चुका ह। हम लोगन क दाऊद क फुन राजा बनावइ चाही।”</verse>
				<verse number="11">राजा दाऊद याजकन सादोक अउ एब्यातार क सँदेसा पठएस। दाऊद कहेस, “यहूदा क प्रमुखन स बात करा। कहा, ‘तू लोग अन्तिम परिवार समूह काहे अहा जउन राजा दाऊद क अपने राजमहल मँ वापस लिआवइ चाहत अहा? समूचइ इस्राएल मँ राजा क ओकर महल मँ वापिस लिआवइ बरे जउन कछू भी कहा गवा, इ राजा तलक पहोंच गवा ह।</verse>
				<verse number="12">तू मोर भाइयन अहा, तू मोरे परिवार अहा। फुन भी तोहार परिवार समूह राजा क महल मँ वापस लिआवइ मँ अन्तिम काहे रहा?’</verse>
				<verse number="13">अउर अमासा स कहा, ‘तू मोरे परिवारे क अंग अहा। जदि तोहका अभी हीं स योआब क जगह पइ सेना क नायक न बनावउँ, तउ परमेस्सर मोका सजा देइ।’”</verse>
				<verse number="14">दाऊद यहूदा क लोगन क दिल क जीत लिहेस। एह बरे उ पचे एक ठु मनई क तरह एकमत होइ गएन। यहूदा क लोग राजा क सँदेसा पठएन। उ पचे कहेन, “अपने सबहिं सेवकन क संग वापस आवा।”</verse>
				<verse number="15">तब राजा दाऊद यरदन नदी तलक आवा। यहूदा क लोग राजा स भेंटइ गिलगाल आएन। उ पचे एह बरे आएन कि उ पचे राजा क यरदन नदी क पार लइ जाइँ।</verse>
				<verse number="16">गेरा क पूत सिमी बिन्यामीन परिवार समूह क रहा। उ बहूरीम मँ रहत रहा। सिमी राजा दाऊद स भेंटइ क हाली किहस। सिमी यहूदा क लोगन क संग आवा।</verse>
				<verse number="17">सिमी क संग बिन्यामीन परिवार क एक हजार लोग भी आएन। साऊल क परिवार क सेवक सीबा भी आवा। सीबा अपने संग अपने पन्द्रह पूतन अउ बीस सेवकन क लिआवा। इ पचे सबहिं लोग राजा दाऊद स भेंटइ बरे यरदन नदी पइ जल्दी स पहोंचेन।</verse>
				<verse number="18">इ सबइ लोग यरदन नदी पार कइके राजा क परिवार क यहूदा मँ वापस लिआवइ मँ मदद करइ बरे, अउर उ सबइ कछू करइ बरे गएन जउन राजा चाहेस, गएन। जब राजा नदी पार करत रहा, गेरा क पूत सिमी ओहसे मिलन आवा। सिमी राजा क समन्वा भुइँया तलक प्रणाम करइ निहुरा।</verse>
				<verse number="19">सिमी राजा स कहेस, “मोर सुआमी, जउन मइँ अपराध किहेउँ ओन पइ धियान न देइँ। मोर सुआमी राजा, ओन बुरे करमन क याद न करइँ जेनका मइँ तब किहेउँ जब आप यरूसलेम क तजेन।</verse>
				<verse number="20">मइँ जानत हउँ कि मइँ पाप किहेउँ ह। मोर सुआमी राजा, इहइ कारण अहइ कि आजु मइँ यूसुफ क परिवार क पहिला मनई हउँ जउन आप स मिलइ आवा ह।”</verse>
				<verse number="21">किन्तु सरूयाह क पूत अबीसै कहेस, “सिम्मी क जरूर मरइ चाही काहेकि इ यहोवा दुआरा अभिसिक्त भवा राजा क सरापेस।”</verse>
				<verse number="22">दाऊद कहेस, “सरूयाह क पूतो, मइँ तोहरे संग का करउँ? आजु तू मोरे खिलाफ अहा। आजु इस्राएल मँ कउनो मनई मारा नाहीं जाइ चाही। आजु मइँ जानत हउँ कि मइँ इस्राएल क राजा हउँ।”</verse>
				<verse number="23">तब राजा सिम्मी स कहेस, “तू मरब्या नाहीं।” राजा सिम्मी क बचन दिहस कि उ सिमी क खुद नाहीं मारी।</verse>
				<verse number="24">साऊल क पोता मपीबोसेत राजा दाऊद स भेंटइ आवा। मपीबोसेत उ सारे समइ तलक अपने गोड़न क फिकर नाहीं किहेस, अपनी मूँछन क कतरेस नाहीं या अपने ओढ़नन क नाहीं धोएस जब तलक राजा यरूसलेम तजइ क पाछे फुन: सान्ति क साथ वापस नाहीं आइ गवा।</verse>
				<verse number="25">जब मपीबोसेत यरूसलेम मँ राजा क लगे मिलइ आवा, राजा ओहसे प्रस्न पूछेस: “मपीबोसेत तू मोरे संग उ समइ काहे नाहीं आया जब मइँ यरूसलेम स भाग गवा रहेउँ?”</verse>
				<verse number="26">मपीबोसेत जवाब दिहस, “हे राजा, मोर सुआमी। मोर सेवक सीबा मोका मूरख बनाएस। मइँ सीबा स कहेउँ, ‘मइँ विकलांग हउँ। एह बरे गदहे पइ काठी लगावा। तब मइँ गदहे पइ बइठव, अउर राजा क संग जाब।’</verse>
				<verse number="27">किन्तु मोर सेवक मोका धोखा दिहस। मोरे बारे मँ आप स बुरी बातन कहेस। किन्तु हे, मोर सुआमी अउ राजा, परमेस्सर क एक सरगदूत क समान अहइ। आप उहइ करइँ जउन आप उचित समुझत हीं।</verse>
				<verse number="28">आप मोरे पितामह क सारे परिवार क मार दिहे होतेन। किन्तु आप इ नाहीं किहन। आप मोका ओन लोगन क संग रखेन जउन आप क मेज पइ खात हीं। एह बरे मइँ राजा स कउनो बात बरे सिकाइत करइ क अधिकार नाहीं राखत।”</verse>
				<verse number="29">राजा मपीबोसेत स कहेस, “अपनी समस्यन क बारे मँ जियादा कछू जिन कहा। मइँ इ निर्णय करत हउँ। तू अउ सीबा भुइयाँ क बँटवारा कइ सकत ह।”</verse>
				<verse number="30">मपीबोसेत राजा स कहेस, “सीबा क सारी भुइँया लइ लेइ द्या। काहे? काहेकि मोर सुआमी राजा अपने महल मँ सान्तिपूर्वक लउट आएन ह।”</verse>
				<verse number="31">गिलाद क बर्जिल्लै रोगलीम स आवा। उ राजा दाऊद क संग नदी तलक आवा। उ राजा क संग, यरदन नदी पार करावइ बरे गवा।</verse>
				<verse number="32">बर्जिल्लै बहोत बूढ़ा मनई रहा। उ अस्सी बरिस क रहा। जब दाऊद महनैम मँ ठहरा रहा तब उ ओका भोजन अउ दूसर चिजियन दिहे रहा। बर्जिल्लै इ सब कइ सकत रहा काहेकि उ बहोत धनी मनई रहा।</verse>
				<verse number="33">दाऊद बर्जिल्लै स कहेस, “नदी क पार मोरे संग चला। जदि तू मोरे संग यरूसलेम मँ रहब्या तउ हुवाँ मइँ तोहार देखभाल करब।”</verse>
				<verse number="34">किन्तु बर्जिल्लै राजा स कहेस, “का आप जानत हीं कि मइँ केतना बूढ़ा हउँ? का आप सोचत हीं कि मइँ आप क संग यरूसलेम का जाइ सकत हउँ?</verse>
				<verse number="35">मइँ अस्सी बरिस क हउँ। मइँ ऍतना जियादा बुढ़वा अहउँ कि मइँ इ नाहीं बताइ सकत कि नीक का अहइ अउर बुरा का अहइ। मइँ ऍतना जियादा बुढ़वा हउँ कि मइँ जउन खात पिअत हउँ ओकर सुआद नाहीं लइ सकत हउँ। मइँ ऍतना बुढ़वा हउँ कि मनसेधुअन अउ मेहरारूअन क गावइ क अवाज भी नाहीं सुन सकत। एह बरे मोका काहे आपन सुआमी राजा बरे एक बोझा बन के जोर जाइ चाही?</verse>
				<verse number="36">मइँ आप क ओर स पुरस्कार नाहीं चाहत। मइँ आप क संग यरदन नदी क पार करब।</verse>
				<verse number="37">मुला, कृपा कइके मोका वापस लउट जाइ द्या। तब मइँ अपने नगर मँ मरब अउर अपने महतारी-बाप क कब्र मँ दफनावा जाब। मुला इ किम्हाम आप क सेवक होइ सकत ह। मोर सुआमी राजा ओका अपने संग लउटइ देइँ। जउन आप चाहइँ, ओकरे संग करइँ।”</verse>
				<verse number="38">राजा जवाब दिहस, “किम्हाम मोरे संग लउटी। मइँ तोहरे कारण ओह पइ दयालु रहब। मइँ तोहरे बरे कछू भी कइ सकत हउँ।”</verse>
				<verse number="39">राजा बर्जिल्लै क चूमेस अउर ओका आसीर्बाद दिहस। बर्जिल्लै घरे लउट गवा अउर राजा सबहिं लोग क साथ नदी क पार वापस गएन।</verse>
				<verse number="40">यरदन नदी क पार होइके पाछे, राजा गिलगाल गवा। किम्हाम ओकरे संग गवा, यहूदा क सबहिं लोग अउ आधे इस्राएल क लोग दाऊद क नदी क पार पहोंचाएन।</verse>
				<verse number="41">सबहिं इस्राएली राजा क लगे आएन। उ पचे राजा स कहेन, “हमार भाई यहूदा क लोग, आप क चुराइ लइ गएन अउर आप क अउर आप क परिवार क, आप क लोगन क संग यरदन नदी क पार लइ आएन। काहे?”</verse>
				<verse number="42">यहूदा क सबहिं लोग इस्राएलियन क जवाब दिहन, “काहेकि राजा हमारा निचके क रिस्तेदार अहइ। इ बात क बरे आप लोग हम लोगन स कोहान काहे अहइँ? हम लोग राजा क कीमत पइ खइया क नाहीं खावा ह। राजा हम लोगन क कउनो भेंट नाहीं दिहस।”</verse>
				<verse number="43">इस्राएलियन जवाब दिहन, “हम लोग दाऊद मँ दस भाग पावत अही। एह बरे हम लोगन क अधिकार दाऊद पइ तोहसे जियादा अहइ। किन्तु तू लोग हम लोगन उपेच्छा किहा। काहे? कउन हमार राजा क सब स पहिले वापस लिआवइ क बात किहस।” यह बरे यहूदा क लोग इस्राएल क लोगन क बड़ा गन्दा जवाब दिहन।</verse>
			</chapter>
			<chapter number="20">
				<verse number="1">उ जगह पइ एक परेसानी पइदा करइवाला बिक्री क पूत सेबा नाउँ क मनई रहा। सेबा बिन्यामीन परिवार समूह क रहा। उ तुरही बजाएस अउर कहेस, “हम लोगन क कउनो हींसा दाऊद मँ नाहीं अहइ, यिसै क पूत मँ हम पचन क कउनो अंस नाहीं अहइ। पूरे इस्राएली, हम लोग अपने डेरन मँ घरे चले।”</verse>
				<verse number="2">तब इस्राएलियन दाऊद क छोड़ दिहन, अउर बिक्री क पूत सेबा क अनुसरण किहन। किन्तु यहूदा क लोग अपने राजा क संग लगातार यरदन नदी स यरूसलेम तलक बने रहेन।</verse>
				<verse number="3">दाऊद अपने घरे यरूसलेम क आवा। दाऊद अपनी उप-पत्नियन मँ स दस क घरे क देखभाल क बरे छोड़े रहा। दाऊद एन मेहररूअन क एक बिसेस घरे मँ रखेस। उ घरे क चारिहुँ कइँती रच्छकन राखेस। मेहररूअन उ घरे मँ तब तलक रहिन जब तलक उ पचे मरी नाहीं। दाऊद ओनका भोजन दिहस, किन्तु ओनके संग सारीरिक सम्बंध नाहीं किहस। उ पचे मरइ क समइ तलक राँड़ रहिन।</verse>
				<verse number="4">राजा अमासा स कहेस, “यहूदा क लोगन स कहा कि उ पचे मोहसे तीन दिन क भीतर मिलइँ, अउर तोहका भी हिआँ आवइ क होइ अउर मोरे समन्वा खड़ा होइ क होइ।”</verse>
				<verse number="5">तब अमासा यहूदा क लोगन क एक संग बोलावइ गवा। किन्तु उ, जेतना समइ राजा दिहे रहा, ओहसे जियादा समइ लिहस।</verse>
				<verse number="6">दाऊद अबीसै स कहेस, “बिक्री क पूत सेबा हम लोगन बरे ओहसे भी जियादा खतरनाक अहइ जेतना अबसालोम रहा। एह बरे मोरे सेवकन क ल्या अउर सेबा क पाछा करा। हाली करा एसे पहिले कि उ किलाबन्द नगर मँ घुस जाइ अउर हम लोगन स बच के निकल जाइ।”</verse>
				<verse number="7">योआब क मनई करेती, पलेती अउ फउजी यरूसलेम स बाहेर गएन। उ पचे बिक्री क पूत सेबा क पाछा किहन।</verse>
				<verse number="8">जब योआब अउर फउज गिबोन क बड़ा चट्टान तलक आइ, अमासा ओनसे मिलइ आवा। योआब अपने फउजी पोसाक मँ रहा। योआब पेटी बाँध रखे रहा। ओकर तरवार ओकरे म्यान मँ रही।</verse>
				<verse number="9">योआब अमासा स पूछेस, “भाई, तू हर तरह कुसल स तउ अहा?” योआब चूमइ बरे अपने दाएँ हाथ स, अमासा क ओकरी डाढ़ी क सहारे धरेस।</verse>
				<verse number="10">अमासा उ तरवार पइ धियान नाहीं दिहेस जउन ओकरे हाथे मँ रही। योआब अमासा क पेट मँ तरवार घुसेड़ दिहस अउर ओकर आँतन भुइँया पइ आइ पड़िन। योआब क अमासा पइ दुबारा चोट नाहीं करइ पड़ी, उ पहिले ही मर चुका रहा। तब योआब अउ ओकर भाई अबीसै दुइनउँ बिक्री क पूत सेबा क खोज जारी किटन।</verse>
				<verse number="11">योआब क जुवकन मँ स एक ठु मनई अमासा क ल्हासे क लगे खड़ा रहा। उ जुवक कहेस, “हर एक मनई जउन योआब अउ दाऊद क समर्थन करत ह, ओका योआब क अनुसरण करइ चाहीं।”</verse>
				<verse number="12">अमासा क ल्हास सड़क बीच मँ रहा सड़क ओकर खून स ढाँपि गवा। जुवकन लखेन कि सभी लोग ल्हास क लखइ बरे रुकत रहेन। एह बरे उ अमासा क ल्हास क लइ गवा अउर ओका मइदान मँ रख दिहस। तब उ अमासा क ल्हास पइ एक ठु कपड़ा डाइ दिहस।</verse>
				<verse number="13">जब अमासा क ल्हास सड़किया स हटाइ लीन्ह गवा, सबहिं लोग ओकर पीछे चलेन अउ योआब क अनुसरण किहन। उ पचे बिक्री क पूत सेबा क पाछा करइ योआब क संग गएन।</verse>
				<verse number="14">बिक्री क पूत सेबा सबहिं इस्राएल क परिवार समूहन स होत भवा आबेल बेतमाका पहोंचा। सबहिं बेरी लोग भी एक संग गएन अउर उ पचे सेबा क अनुसरण किहन।</verse>
				<verse number="15">योआब अउ ओकर लोग आबेल बेतमाका आएन। योआब क फउज नगर क घेर लिहस। उ पचे नगर देवार क सहारे माटी क ढेर लगाएन। अइसा करइ क पाछे उ पचे देवार क ऊपर चढ़ सकत रहेन। तब योआब क फउजियन ओका नीचे गिरावइ बरे देवार स पाथरन क निकालइ सुरू किहन।</verse>
				<verse number="16">एक बुद्धिमती मेहरारू नगर क ओर स चिचिआइ। उ कहेस, “मोरउ सुना। योआब क हिआँ बोलावा। मइँ ओहसे बात करइ चाहत हउँ।”</verse>
				<verse number="17">योआब उ मेहरारू क लगे बात करइ गवा। उ मेहरारू पूछेस, “का तू योआब अहा?” योआब जवाब दिहस, “हाँ, मइँ अहउँ।” तब उ मेहरारू योआब स कहेस, “मइँ जउन कहउँ सुना।” योआब कहेस, “मइँ सुनत हउँ।”</verse>
				<verse number="18">तब उ मेहरारू कहेस, “पुराने जमाने मँ लोग कहत रहेन, ‘आबेल मँ सलाह माँगा तब समस्या सुलझ जाइ।’</verse>
				<verse number="19">मइँ इस्राएल क राजभक्त अउ सान्ति क चहेता लोगन मँ स एक हउँ। तू इस्राएल क एक महत्वपूर्ण नगर क नस्ट करत अहा। तोहका, उ कउनो भी चीज, जउन यहोवा क अहइ, नस्ट नाहीं करइ चाही।”</verse>
				<verse number="20">योआब कहेस, “नाहीं, मइँ कछू भी नस्ट नाहीं करइ चाहत।</verse>
				<verse number="21">मुला हुवाँ तोहार नगर मँ एप्रैम क पहाड़ी प्रदेस क एक ठू मनई अहइ। उ बिक्री क पूत सेबा अहइ। उ राजा दाऊद क बिरूद्ध होइ गवा ह। जदि तू ओका मोरे लगे लिआवा तउ मइँ नगर क सान्त छोड़ देबउँ।” उ मेहरारू कहेस, “बहोत ठीक, ओकर मूँड़ देवारे क ऊपर स तोहरे बरे लोकाइ दीन्ह जाइ।”</verse>
				<verse number="22">तब उ मेहरारू बड़ी बुद्धिमानी स नगर क सबहिं लोगन स बातन किहस। लोग बिक्री क पूत सेबा क मूँड़ काट डाएन। तब लोग योआब बरे सेबा क मूँड़ नगर क देवार स लोकाइ दिहन। एह बरे योआब तुर्रुही बनाएस अउर फउज नगर क तजि दिहस। हर एक मनई अपने घरे मँ गवा, अउर योआब राजा क लगे यरूसलेम लउटा।</verse>
				<verse number="23">योआब इस्राएल क सारी फउज क नायक रहा। यहोयादा क पूत बनायाह, करेतियन अउ पलेतियन क संचालन करत रहा।</verse>
				<verse number="24">अदोराम ओन लोगन क संचालन करत रहा जउन कठिन मेहनत करइ बरे मजबूत रहेन। अहीलूद क पूत यहोसापात इतिहासकार रहा।</verse>
				<verse number="25">सेबा साही सचिव रहा। सादोक अउ एब्यातात याजक रहेन।</verse>
				<verse number="26">अउर याईरी ईरा दाऊद क याजक रहा।</verse>
			</chapter>
			<chapter number="21">
				<verse number="1">दाऊद क सासन काल मँ भुखमरी आवा। इ लगातार तीन बरिस तलक रही। दाऊद यहोवा स पराथना किहेस। यहोवा जवाब दिहस, “इ भुखमरी क कारण साऊल अउ ओकर हत्यारा परिवार अहइ। अब भुखमरी आइ काहेकि साऊल गिबोनियन क मार डाएस।”</verse>
				<verse number="2">(गिबोनी इस्राएली नाहीं रहेन। उ पचे अइसे एमोरियन क समूह रहेन जउन अबहुँ तलक जिअत छोड़ दीन्ह गए रहेन। इस्राएलियन गिबोनियन स प्रतिग्या किहे रहेन कि उ पचे ओन क चोट नाहीं पहूँचइहीं। किन्तु साऊल इस्राएल अउ यहूदा क लोगन क बारे मँ आपन भावना क कारण ओन लोगन क मारइ क जतन किहेन) राजा दाऊद गिबोनी क एक संग बटोरेस। उ ओनसे बातन किहस।</verse>
				<verse number="3">दाऊद गिबोनी स कहेस, “मइँ आप लोगन बरे का कइ सकत हउँ? मोका इस्राएलियन क पापन क हटावइ बरे का करइ चाही। जेहसे आप लोग यहोवा क लोगन क आसीर्बाद दइ सकइँ?”</verse>
				<verse number="4">गिबोनी दाऊद स कहेस, “साऊल अउ ओकरे परिवार क लगे एतना सोना-चाँदी नाहीं अहइ कि उ पचे ओका कीमत चुकाइ सकइँ जउन उ पचे किहेन। किन्तु हम लोगन क लगे इस्राएल क कउनो मनई क भी मारइ क अधिकार नाहीं अहइ।” दाऊद पूछेस, “किन्तु मइँ तोहरे बरे का कइ सकत हउँ?”</verse>
				<verse number="5">गिबोनी दाऊद स कहेस, “साऊल हमरे खिलाफ जोजनन बनाएस। उ हमरे सबहिं लोगन क, जउन इस्राएल मँ रहत अहइँ, नस्ट करइ क जतन किहस।</verse>
				<verse number="6">साऊल क सात पूतन क हम लोगन क सुर्पुद करा। साऊल यहोवा क चुना भवा राजा रहा। तब हम लोग ओनका साऊल क गिबा पर्वत पइ यहोवा क समन्वा फाँसी चढ़ाइ देब।” राजा दाऊद कहेस, “मइँ ओन पूतन क तोहका दइ देब।”</verse>
				<verse number="7">किन्तु राजा योनातन क पूत मपीबोसेत क रच्छा किहेस। योनातन साऊल क पूत रहा। दाऊद यहोवा क नाउँ पइ योनातन स प्रतिग्या किहे रहा। एह बरे राजा मपीबोसेत क ओनका चोट नाहीं पहोंचावइ दिहस।</verse>
				<verse number="8">किन्तु राजा अर्मोनी अउर मपीबोसेत क जउन रिस्पा अउर साऊल क पूतन क रहेन, लिहस। रिस्पा अय्या क बिटिया रही। राजा रिस्पा क एन दुइ पूतन अउ साऊल क बिटिया मेरब क पाँचहु पूतन क लिहस। उ महोल नगर क निवासी बर्जिल्लै क पूत अद्रीएल स बियाह किहे रहेन।</verse>
				<verse number="9">दाऊद एन सात पूतन क गिबोनियन क सुर्पुद कइ दिहस। तब गिबोनियन ओनका यहोवा क समन्वा गिबा पर्वत पइ फाँसी दइ दिहस। सबइ सातहुँ पूत एक संग मरेन। उ पचे फसल क कटनी क पहिले दिन मार डाए गएन। जौ क कटनी सुरु होइ जात रही।</verse>
				<verse number="10">अय्या क बिटिया रिस्पा सोक क वस्त्र लिहेस अउ ओका चट्टान पइ रख दिहस। उ वस्त्र फसल क कटनी सुरू होइ स लइके जब तलक बर्खा भइ चट्टान पइ पड़ा रहा। दिन मँ रिस्पा अपने पूतन क ल्हास क अकासे क पंछियन क जरिये छुअइ नाहीं देत रही। राति क रिस्पा खेतन क जनावरन क अपने पूतन क ल्हासन क छुअइ नाहीं देत रही।</verse>
				<verse number="11">लोग दाऊद क बताएन, जउन कछू साऊल क उप-पत्नी, अय्या क बिटिया रिस्पा करत रही।</verse>
				<verse number="12">तब दाऊद साऊल अउ योनातन क अस्थियन याबेस गिलाद क लोगन स लिहस। (याबेस क मनइयन एन अस्थियन क बेतसान क सार्वजनिक चौ-राहे स चुरइ लिहे रहेन, जहाँ पलिस्तियन साऊल अउ योनातन क ल्हासन क लटकावा रहा।)</verse>
				<verse number="13">दाऊद, साऊल अउ ओकर पूत योनातन क अस्थियन क याबेस गिलाद से लिआवा। तब लोग सात मनइयन क ल्हासन क बटोरेन, जउन फाँसी पइ चढ़ाइ दिन्ह ग रहेन।</verse>
				<verse number="14">उ पचे साऊल अउ ओकर पूत योनातन क अस्थियन क बिन्यामीन छेत्र क, जेला जगह मँ दफनाएस। लोग ल्हासन क साऊल क बाप कीस क कब्र मँ दफनाएन। लोग उ सब किहन जउन राजा आदेस दिहस। तब परमेस्सर देस क बरे कीन्ह गइ ओकर पराथना सुनेस।</verse>
				<verse number="15">पलिस्तियन इस्राएलियन क खिलाफ जुद्ध छेड़ेन। दाऊद अउ ओकर लोग पलिस्तियन स लड़इ गएन। किन्तु दाऊद थक गवा अउर कमजोर होइ गवा।</verse>
				<verse number="16">यिसबोबनोब एक दैत्य रहा। यिसबोबनोब क भाले क वजन साढ़े सात पौण्ड रहा। यिसबोबनोब क लगे एक ठु नई तरवार रही। उ दाऊद क मार डावइ क जतन किहेस।</verse>
				<verse number="17">किन्तु सरूयाह क पूत अबीसै उ पलिस्ती क मार डाएस अउ दाऊद क जिन्नगी क बचाएस। तब दाऊद क लोग दाऊद स प्रतिग्या किहेस। उ पचे ओहसे कहेन, “तू हम लोगन क संग भविस्स मँ जुद्ध करइ नाहीं जाइ सकत्या। जदि तू फुन जुद्ध मँ जात ह अउर मार दीन्ह जात ह तउ इस्राएल अपने सब स बड़े मार्ग दर्सक क खोइ देइ।”</verse>
				<verse number="18">ओकरे पाछे पलिस्तियन क संग गोब मँ दूसर जुद्ध भवा। हूसाई सिब्बकै सप नाउँ क एक दूसर दैत्य क मार डाएस।</verse>
				<verse number="19">तब गोब मँ पलिस्तियन क बिरूद्ध दूसर जुद्ध छिड़ा। यारयोरगीम क पूत एलहनान जउन बेतलेहेम क रहा, लहमी क मार डाएस जउन गात स गोल्यात क भाइ रहा। लहमी क भाला जुलाहे क छड़े क बराबर लम्बा रहा।</verse>
				<verse number="20">गात मँ फुन दूसर जुद्ध सुरू भवा। हुवाँ एक बिसाल मनई रहा। उ मनई क हर एक हाथे मँ छ: छ: उँगरियन अउ हर एक गोड़े मँ छ: छ: अँगूठे रहेन। सब मिलाइके ओकर चौबीस उंगरियन अउ अंगूठे रहेन। उ मनई भी दैत्यन मँ स एक रहा।</verse>
				<verse number="21">इ मनई इस्राएल क संग दलाली किहेस अउर ओनका ललकारेस। किन्तु योनातन इ मनई क मार डाएस। (योनातन दाऊद क भाई सिमी क पूत रहा।)</verse>
				<verse number="22">इ सबइ चारिहुँ मनई दैत्य रहेन जउन गत क रहेन। उ पचे सबहिं दाऊद अउ ओकरे लोगन क जरिये मारे गएन।</verse>
			</chapter>
			<chapter number="22">
				<verse number="1">दाऊद यहोवा बरे इ गीत गाएस जब यहोवा ओका साऊल अउर ओकर दूसर दुस्मनन स बचाएस।</verse>
				<verse number="2">यहोवा मोर चट्टान, मोर गढ़, मोर सरण-ठउर अहइ।</verse>
				<verse number="3">मइँ परमेस्सर मोर चट्टान अहइ। मई सुरच्छा बरे एह पई दउड़ सकत ही। परमेस्सर मोर ढाल अहइ। ओकर सक्ती मोका बचावत ह। यहोवा मोर ऊँच गढ़ अहइ, अउर मोर सुरच्छा क जगह अहइ। मोर परमेस्सर क्रूर दुस्मन स मोर रच्छा करत ह।</verse>
				<verse number="4">यहोवा जउन अराधना क योग्य अहा! मइँ मदद बरे यहोवा क गोहराएउँ। यहोवा मोका मोरे दुस्मनन स बचाएस ह।</verse>
				<verse number="5">मोर दुस्मन मोका मारइ चाहत रहेन। मउत-तरंगन मोका लपेट लिहन। मइँ बाढ़ दुआरा पकड़ लीन्ह गवा रहा जउन मोका मृत्यु क जगह पई लइ जात रहा ह।</verse>
				<verse number="6">कब्र क लसुरियन मोरे चारिहुँ ओर लिपटिन, मइँ मउत क जालि मँ फँसेउँ।</verse>
				<verse number="7">मइँ बिपत्ति मँ रहा, किन्तु मइँ यहोवा क गोहराएउँ। हाँ, मइँ अपने परमेस्सर क गोहराएउँ, उ अपने उपासना-घरे मँ रहा, उ मोर पुकार सुनेस, मोर मदद क पुकार ओकरे काने मँ पड़ी।</verse>
				<verse number="8">तब धरती मँ काँप भइ, धरती डोल उठी, अकासे क नीव काँप उठेन। काहे? काहेकि यहोवा कोहान रहा।</verse>
				<verse number="9">ओकरी नाक स धुआँ निकरा, ओकरे मुँहे स आग क सोला छिटकिन, ओहसे दहकत अंगारन निकरि पड़ेन।</verse>
				<verse number="10">यहोवा अकासे क फाड़िके खोल डाएस, अउर खाले आवा। उ सघन करिया मेघ पइ खड़ा भवा।</verse>
				<verse number="11">यहोवा करूब दूत पइ बइठा, अउर उड़ा, उ हवा क पंखन पइ चढ़िके उड़ गवा।</verse>
				<verse number="12">यहोवा तम्बू क जइसा करिया मेघन क अपने चारिहुँ कइँती लपेट लिहस। उ सघन मेघन मँ जल जमा किहेस।</verse>
				<verse number="13">ओकर तेज एतना प्रखर रहा, माना बिजुरी क चमक हुवँइ स आई होइ।</verse>
				<verse number="14">यहोवा गगन स गरजा। परमेस्सर, बहोत ऊँचा, बोला।</verse>
				<verse number="15">यहोवा बाण स दुस्मनन क बिखराएस, यहोवा बिजुरी पठएस, अउर लोग भय स भागेन।</verse>
				<verse number="16">यहोवा तू जोर स बोलेस अउर जोरदार हवा तोहार नाथुन स निकलेस। ऍह बरे हुआँ धरती क नेंव अउ सागर क तल सबइ क लखइ बरे प्रदर्सित कीन्ह गवा रहेन।</verse>
				<verse number="17">यहोवा गगन स खाले पहोंचा, यहोवा मोका धइ लिहस, उ मोका गहरे जल (बिपत्ति) स निकार लिहस।</verse>
				<verse number="18">उ ओन लोगन स बचाएस, जउन घिना करत रहेन, मोहसे मोर दुस्मन मोहसे जियादा ताकतवर रहेन, एह बरे उ मोर रच्छा किहस।</verse>
				<verse number="19">मइँ बिपत्ति मँ रहा, जब मोरे दुस्मनन क मोह पइ हमला भवा, किन्तु मोर यहोवा मोर मदद किहस।</verse>
				<verse number="20">यहोवा मोका सुरच्छा मँ लइ आवा, उ मोर रच्छा किहस, काहेकि उ मोहसे पिरेम करत ह।</verse>
				<verse number="21">यहोवा इमानदारी क अनुसार मोका पुरस्कार देत ह। यहोवा मोका पुरस्कार देत ह काहेकि मोर हाथ पाप रहित अहइँ।</verse>
				<verse number="22">काहे? काहेकि मइँ यहोवा क नेमन क पालन किहेउँ। मइँ अपने परमेस्सर क खिलाफ पाप नाहीं किहेउँ।</verse>
				<verse number="23">मइँ सदा याद करत हउँ यहोवा क निर्णय, मइँ ओकरे नेमन क मानत हउँ।</verse>
				<verse number="24">यहोवा जानत ह-मइँ अपराधी नाहीं अहउँ, मइँ अपने क पापन स दूर रखत हउँ।</verse>
				<verse number="25">इहइ कारण अहइ कि यहोवा मोका मोर ईमानदारी क अनुसार पुरस्कार देत ह, मइँ निआव मँ उचित रहत हउँ। यहोवा लखत ह, कि मइँ स्वच्छ जिन्नगी बितावत हउँ।</verse>
				<verse number="26">जदि कउनो मनई तोहसे पिरेम करी तउ तू, आपन पिरेम स पूर्ण दाया ओह पइ करब्या। जदि कउनो तोहरे बरे सच्चा अहइ, तब तू भी ओकरे बरे सच्चा होब्या।</verse>
				<verse number="27">जदि कउनो तोहरे बरे अच्छी जिन्नगी बितावत ह, तब तू ओकरे बरे अच्छा बनब्या। किन्तु जदि कउनो मनई तोहरे खिलाफ होत ह, तब तू भी ओकरे बिरुद्ध होब्या।</verse>
				<verse number="28">तू बिनम्र लोगन मदद करत ह। किन्तु तू घमण्डी लोगन क अपमानित करत ह।</verse>
				<verse number="29">यहोवा तू मोर दीपक अहा, यहोवा मोरे चारिहुँ ओर क अँधेरे क प्रकास मँ बदलत ह।</verse>
				<verse number="30">तू फउजिन क दल क हराबइ मँ मोर मदद करत ह। परमेस्सर क सक्ती स मइँ देवार क ऊपर चढ़ सकत हउँ।</verse>
				<verse number="31">परमेस्सर क सक्ती पूर्ण अहइ। यहोवा क बचन क जाँच होइ चुकी अहइ। यहोवा रच्छा बरे, अपने लगे पराइवाले हर मनई क ढाल अहइ।</verse>
				<verse number="32">यहोवा क अलावा कउनो दूसर परमेस्सर नाहीं, हमरे परमेस्सर क अलावा दूसर कउनो आस्रय-सिला नाहीं।</verse>
				<verse number="33">परमेस्सर मोर मजबूत गढ़ अहइ। उ सुद्ध आतिमन क ओकर राह पइ रहइ बरे मदद करत ह।</verse>
				<verse number="34">यहोवा मोरे गोड़न क हिरन क गोड़न-स तेज बनावत ह, उ उच्च ठउरन पइ मोका मजबूत करत ह।</verse>
				<verse number="35">यहोवा मोका जुद्ध बरे सिच्छा देत ह। अउर मोर भुजा पीतर क धनुस क चलाइ सकत हीं।</verse>
				<verse number="36">परमेस्सर तू मोर रच्छा करत ह अउर जीत मँ मोर मदद करत ह। तू दुस्मन क हराइ बरे मोर मदद किहेस ह।</verse>
				<verse number="37">मोर गोड़न अउ टख़नन क मज़बूत करा, जेहसे मोर गोड़ फिसलइ नाहीं।</verse>
				<verse number="38">मइँ अपने दुस्मनन क पाछा, ओनका नस्ट करइ तलक किहेउँ। मइँ तब तलक नाहीं लउट सकत हउँ, जब तलक दुस्मन नस्ट नाहीं भएन।</verse>
				<verse number="39">मइँ अपने दुस्मनन क नस्ट किहेउँ ह, मइँ ओनका पूरी तरह नस्ट किहेउँ ह, उ पचे फुन उठ नाहीं सकतेन, हाँ मोर दुस्मन मोरे गोड़न क तले गिरेन।</verse>
				<verse number="40">परमेस्सर तू मोका जुद्ध बरे, ताकतवर बनाया। तू मोरे दुस्मनन क हराया ह।</verse>
				<verse number="41">तू मोरे दुस्मनन क भगाया ह, एह बरे मइँ ओन लोगन क हराइ सकत हउँ, जउन मोहसे घिना करत हीं।</verse>
				<verse number="42">मोर दुस्मनन मदद बरे लखेन, किन्तु ओनकर रच्छक कउनो नाहीं रहा। उ पचे यहोवा स मदद माँगेन, मुला उ ओनका जवाब नाहीं दिहस।</verse>
				<verse number="43">मइँ अपने दुस्मनन क कूटिके टूकन-टूकन करत हउँ, उ पचे भुइँया पइ धूरि स होइ जात हीं। मइँ ओनका सड़क क कींच क तरह रौंद दिहेउँ।</verse>
				<verse number="44">तू तब मोका उ लोगन स बचाएस ह जउन मोरे बिरुद्ध लड़ाई किहन। तू मोका रास्ट्रन क सासक बनाए रख्या। लोग मोर सेवा करिहीं, जेनका मइँ अबहुँ तलक नाहीं जानत हउँ!</verse>
				<verse number="45">दूसर भूइँया क लोग मोर आग्या मानत हीं, जइसे ही सुनत हीं, तउ हाली ही मोर आग्या मानत हीं।</verse>
				<verse number="46">दूसर देसन क लोग भयभीत होइहीं, उ पचे अपने छिपइ क जगहियन स भय स काँपत निकरिहीं।</verse>
				<verse number="47">यहोवा जीवित अहइ। मइँ आपन चट्टान क स्तुति करत हउँ। परमेस्सर महान अहइ, उ चट्टान अहइ जउन मोर रच्छा करत ह।</verse>
				<verse number="48">उ परमेस्सर अहइ, जउन मोरे दुस्मनन क मोरे बरे सजा देत ह। उ लोगन क मोरे अधीन करत ह।</verse>
				<verse number="49">यहोवा तू मोका मोरे दुस्मनन स बचाएस ह। हाँ, तू उ लोगन क हराइ मँ मदद किहेस ह जउन मोरे खिलाफ उठेस। तू मोका क्रूर लोगन स बचाएस ह।</verse>
				<verse number="50">हे यहोवा, इहइ कारण अहइ कि मइँ रास्ट्रन क बीच मँ तोहका धन्यवाद दिहेउँ, इहइ कारण अहइ कि मइँ तोरे नाउँ क स्तुति गीत गावत हउँ।</verse>
				<verse number="51">यहोवा अपने राजा क मदद, बहोत स जुद्ध मँ बिजय पावइ मँ करत ह, यहोवा अपने अभिसिक्त भवा राजा पइ सच्चा पिरेम अउ दाया दिखावत ह। उ दाऊद अउ ओकर सन्तान पइ सदा दयालु रहब।</verse>
			</chapter>
			<chapter number="23">
				<verse number="1">इ सबइ यिसै क पूत दाऊद क अन्तिम सब्द अहइँ, दाऊद इ गीत गाएस: “इ सँदेस उ मनई स रही जेका परमेस्सर महान बनाएस, उ याकूब क परमेस्सर क जरिये चुना गवा राजा अहइ, उ इस्राएल क प्रिय गायक अहइ।</verse>
				<verse number="2">यहोवा क आतिमा मोरे माध्यम स बोलेस। ओकर सब्द मोरी जीभ पइ रहेन।</verse>
				<verse number="3">इस्राएल क परमेस्सर बातन किहन। इस्राएल क आस्रय, चट्टान मोहसे कहेस, ‘उ मनई जउन लोगन पइ निआउपूर्ण सासन करत ह, उ मनई जउन परमेस्सर क सम्मान दइके हुकूमत करत ह।</verse>
				<verse number="4">उ भिंसारे क प्रकास क नाई होइ; उ मनई मेघहीन सबेरे क तरह होइ, उ मनई उ बर्खा के बाद धूप क नाई होइ; बर्खा जउन भुइँया मँ कोमर घास उगावत ह।’</verse>
				<verse number="5">“परमेस्सर मोरे परिवार क ताकतवर बनाए रहा। परमेस्सर मोरे संग सदा ही क बरे एक ठु वाचा किहेस, परमेस्सर मोर संग इ हमेसा रहइवालन करार क सच्चा अउर सुरच्छित बनाएस ह। एह बरे उ मोका हर बिजय दिलाउब्या। उ मोर सबइ इच्छा क पूरा करब!</verse>
				<verse number="6">“मुला सबहिं बुरे मनई काँटन क तरह अहइँ। लोग काँटन क नाहीं पकड़ कइ नाहीं रखतेन, उ पचे ओनका दूर लोकाइ देत हीं।</verse>
				<verse number="7">जदि कउनो मनई ओनका छुअत ह, तउ उ पचे भाले क दण्ड क तरह चुभत हीं जउन काठे अउ लोहा स बना होइ। उ पचे ओन काँटन क तरह होइहीं। उ पचे आगी मँ झोंक दीन्ह जइहीं, अउर उ पचे पूरी तरह भस्म होइ जइहीं।”</verse>
				<verse number="8">दाऊद क फउजियन क नाउँ इ सबइ अहइँ: तहकमोनी क रहइवाला योसेब्यस्सेबेत। योसेब्यस्सेबेत राजा क बिसेस सैनिकन क प्रमुख रहा। योसेब्यस्सेबेत एक दाई मँ आठ सौ मनइयन क मारे रहा।</verse>
				<verse number="9">ओह स अगला अहोही स दोदै क पूत एलीआजर रहा। एलीआजर ओन तीन बहादुरन मँ स एक रहा, जउन दाऊद क संग उ समइ रहेन जब उ पचे पलिस्तियन क चुनौती दिहे रहेन। पलिस्तियन एक संग जुद्ध बरे तब आए रहेन, किन्तु इस्राएली फउज भाग गए रहेन।</verse>
				<verse number="10">एलीआजर पलिस्तियन क संग तब तलक लड़त रहा जब तलक उ बहोत थक नाहीं गवा। किन्तु उ अपनी तरवार क मजबूते स धरे रहा अउर जुद्ध करत रहा। उ दिन यहोवा इस्राएलियन क बड़की बिजय दिहस। लोग तब आएन जब एलीआजर जुद्ध जीत चुका रहा। किन्तु उ पचे सिरिफ मृत फउजन स अस्त्र-सस्त्र अउ कवचन लेइ बरे आएन।</verse>
				<verse number="11">ओकरे बाद हरार क रहइवाला आगे क पूत सम्मा रहा। पलिस्ती एक संग मसूर क खेत मँ लड़इ बरे आए रहेन। लोग पलिस्तियन क समन्वा स पराइ गए रहेन।</verse>
				<verse number="12">सम्मा खेते क बीच खड़ा रहा। उ ओकर रच्छा किहेस अउर पलिस्तियन क हराइ डाएस। उ समइ यहोवा बड़की बिजय दिहस।</verse>
				<verse number="13">एक दाई जब दाऊद अदुल्लाम क गुफा मँ रहा। तीस जोधन मँ स तीन दाऊद क लगे आएन। इ सबइ तीनहुँ मनई अदुल्लाम क गुफा तलक रेगंत भए दाऊद क लगे आएन। पलिस्ती फउज आपन डेरा रपाईम क घाटी मँ डाए रही।</verse>
				<verse number="14">उ समइ दाऊद किले मँ रहा। पलिस्तियन क एक फउज टुकरी बेतलेहेम मँ रहेन।</verse>
				<verse number="15">दाऊद क बड़ी इच्छा रही कि ओका गृह-नगर क पानी मिलइ। दाऊद कहेस, “ओह, मइँ चाहत हउँ कि कउनो मनई बेतलेहेम क नगर-दुआर क लगे क कुएँ क पानी मोका देइ।”</verse>
				<verse number="16">किन्तु तीनहुँ जोधा पलिस्ती फउज क संग लड़त भए आपन मारग स निकल गएन। एन तीनहुँ बहादुरन बेतलेहेम क नगर-दुआर क निचके क कुएँ स पानी निकारेन। तब तीनहुँ बहादुर दाऊद क लगे पानी लइके आएन। किन्तु दाऊद पानी पिअइ स इन्कार कइ दिहस। उ यहोवा क समन्वा ओका भेंटन क रूप मँ भुइँया पइ डाइ दिहस।</verse>
				<verse number="17">दाऊद कहेस, “यहोवा, मइँ एका पी नाहीं सकतेउँ। इ ओन मनइयन क खून पिअइ जइसा होइ जउन अपनी जिन्नगी क मोरे बरे खतरे मँ डाएन।” इहइ कारण रहा कि दाऊद उ पानी पिअब अस्वीकार किहस। एन तीनहुँ जोधन उ तरह क अनेक कारज किहेन।</verse>
				<verse number="18">सरूयाह क पूत, योआब क भाई अबीसै तीनहुँ जोधन क प्रमुख रहा। अबीसै अपने भाले क उपयोग तीन सौ दुस्मनन पइ किहस अउर ओनका मार डाएस। उ ऍतना ही प्रसिद्ध भवा कि जेतने तीन ठु जोधा।</verse>
				<verse number="19">अबीसै बाकी तीन जोधन स जियादा सम्मान पाएस। उ ओनकर प्रमुख होइ गवा, यद्यपि उ ओन मँ स एक नाहीं रहा।</verse>
				<verse number="20">यहोयादा क पूत बनायाह एक रहा। उ ताकतवर मनई क पूत रहा। उ कबसेल क निवासी रहा। बनायाह अनेक बहादुरी क काम किहस। बनायाह मोआब क अरियल क दुई उत्तम फउजियन क मार डाएस। जब बर्फ गिरत रही, बनायाह एक ठु गड़हे मँ खाले गवा अउर एक ठु सेर क मार डाएस।</verse>
				<verse number="21">बनायाह एक ठु मिस्री क मारेस जउन ताकतवर जोधा रहा। मिस्री क हाथे मँ एक ठु भाला रहा। किन्तु बनायाह क हाथे मँ एक ठु लाठी रही। बनायाह मिस्री क हाथे क भाले क धइ लिहस अउर ओहसे छोर लिहस। तब बनायाह मिस्री क भाले स मिस्री क मार डाएस।</verse>
				<verse number="22">यहोयादा क पूत बनायाह उ तरह क अनेक काम किहेस। बनायाह तीन बहादुरन क जइसा प्रसिद्ध रहा।</verse>
				<verse number="23">बनायाह क तीन जोधन स भी अधिक सम्मान पाएस, किन्तु उ तीन जोधन मँ स नाहीं रहा। बनायाह क दाऊद अपने रच्छकन क प्रमुख बनाएस।</verse>
				<verse number="24">तीस जोधन मँ स एक ठु योआब क भाई असाहेल रहा। तीस जोधन क समूह मँ स दूसर मनई इ सबइ रहेन: बेतलेहेम क दोदो क पूत एल्हानन;</verse>
				<verse number="25">हेरोदी सम्मा, हेरोदी एलीका,</verse>
				<verse number="26">पेलेती हेलेस, तकोई इक्केस क पूत इरा;</verse>
				<verse number="27">अनातोती क एबीएजेर; हूसाई मबुन्नै;</verse>
				<verse number="28">अहोही सल्मोन, नतोपाही महरै;</verse>
				<verse number="29">नतोपाही क बाना क पूत हेलेब, बिन्यामीनी गिबा क रीबै क पूत हुत्तै;</verse>
				<verse number="30">पिरातोनी बनायाह, गास क नालों क हिद्दै;</verse>
				<verse number="31">अराबाई अबीअल्बोन, बहूरीमी अजमावेत;</verse>
				<verse number="32">सालबोनी एल्याहबा, यासेन क पूतन;</verse>
				<verse number="33">हरारी सम्मा क पूत योनातान, हरारी सारार क पूत अहीआम;</verse>
				<verse number="34">माकाई अहसबै क पूत एलीपेलेप्त, गीलोई अहीतोपेल क पूत एलीआम;</verse>
				<verse number="35">कर्मोयी हेस्रो, अराबी पारै;</verse>
				<verse number="36">सोबाई क नातान क पूत यिगाल, गादी बानी;</verse>
				<verse number="37">अम्मोनी सेलेक, बेरोती क नहरै; (नहरै सरूयाह क पूत योआब क कवच लइ जात रहा);</verse>
				<verse number="38">येतेरी ईरा, येतेरी गारेब;</verse>
				<verse number="39">अउर हित्ती ऊरिय्याह सब मिलाइके इ सबइ सैंतीस रहेन।</verse>
			</chapter>
			<chapter number="24">
				<verse number="1">यहोवा फुन इस्राएल क बिरुद्ध कोहाइ गवा। उ दाऊद क इस्राएलियन क बिरुद्ध इ कहत भवा भड़काएस, “जा, इस्राएल अउर यहूदा क लोगन क गना।”</verse>
				<verse number="2">राजा दाऊद फउज क सेनापति योआब स कहेस, “इस्राएल क सबहिं परिवार समूहन मँ दान स बेर्सेबा तलक जा, अउर लोगन क गना। तब मइँ जान सकब कि हुवाँ केतने मनइयन अहइँ।”</verse>
				<verse number="3">किन्तु योआब राजा स कहेस, “यहोवा तोहार परमेस्सर आप क सौ गुना लोग स आसिस देइ अउर आप क आँखिन इ घटित भवा लखि सकइँ। किन्तु आप इ काहे करइ चाहत हीं?”</verse>
				<verse number="4">राजा दाऊद मजबूती स योआब अउ फउज क सैनापितयन क लोगन क गणना करइ क आदेस दिहस। एह बरे योआब अउ फउज क सैनापितयन दाऊद क हिआँ स इस्राएल क लोगन क गनइ गएन।</verse>
				<verse number="5">उ पचे यरदन नदी क पार किहेन। उ पचे आपन डेरा अरोएर मँ डाएन। ओनकर डेरा नगर क दाहिनी ओर रहा। (इ नगर गाद क घाटी क बीच मँ याजेर जाइ क रस्ता मँ रहा)</verse>
				<verse number="6">तब उ पचे तहतीम्होदसी क भूइँया क सारे रास्ता स होइके गिलाद क गएन। उ पचे दान्यान अउ सीदोन क चारिहुँ ओर गएन।</verse>
				<verse number="7">उ पचे सोर क किला क गएन। उ पचे हिब्बियन अउ कनानियन क सबहिं नगरन क गएन। उ पचे दकिखनी यहूदा मँ बेर्सेबा क गएन।</verse>
				<verse number="8">उ पचे समूचे भुइँया क भ्रमण कइ चुके रहेन। उ पचे नौ महीने बीस दिन बाद यरूसलेम आएन।</verse>
				<verse number="9">योआब लोगन क सूची राजा क दिहस। इस्राएल मँ आठ लाख मनई रहेन जउन तरवार भाँज सकत रहेन अउर यहूदा मँ पाच लाख मनई रहेन।</verse>
				<verse number="10">तब दाऊद क अन्तरात्मा गनती करइ क पाछे ओका परीसान कइ सुरू किहेस। दाऊद यहोवा स कहेस, “मइँ इ कार्य कइके बहोत घोर अपराध किहेउँ। यहोवा, मइँ पराथना करत हउँ कि तू मोरे पाप क छिमा करा। मइँ बड़की बेवकूफी किहेउँ ह।”</verse>
				<verse number="11">जब दाऊद भिंसारे उठा, यहोवा क सँदेसा गाद नवी क मिला जउन दाऊद क द्रस्टा रहा।</verse>
				<verse number="12">यहोवा गाद स कहेस, “जा, अउर दाऊद स कहा, ‘यहोवा जउन कहत ह उ इ अहइ। मइँ तोहका तीन बिकल्प देत हउँ। ओनमाँ स एक क चुना जेका मइँ तोहरे बरे करउँ।’”</verse>
				<verse number="13">गाद दाऊद क लगे गवा अउर उ बातन किहस। गाद दाऊद स कहेस, “तीन मँ स एक क चुना: तोहरे बरे अउर तोहरे देस क बरे सात बरिस क भुखमरी। तोहार दुस्मन तोहार पाछा तीन महीने तलक करइँ। तोहरे देस मँ तीन दिन तलक बीमारी फइलइ। एकरे बारे मँ सोचा अउर निर्णय करा कि मइँ एन मँ स यहोवा जउन मोका पठएस ह, क कउन स चीज बतावउँ।”</verse>
				<verse number="14">दाऊद गाद स कहेस, “मइँ फुरइ परेसानी मँ हउँ। किन्तु एह बरे यहोवा क मोका सज़ा देइ द्या उ बहोत दयालु अहइ। मोका मनइयन स दण्डित जिन होइ द्या।”</verse>
				<verse number="15">एह बरे यहोवा इस्राएल मँ महामारी पठएस। इ भिंसारे सुरू भइ अउर इ तब तलक रहा जब तलक उ चाहेस। दान स बेर्सेबा तलक सत्तर हजार लोग मर गएन।</verse>
				<verse number="16">सरगदूत आपन बाँह यरूसलेम कइँती ओका नस्ट करइ बरे उठाएन। किन्तु जउन बुरी बातन भइन ओनके बरे यहोवा बहोत उदास भवा। यहोवा उ सरगदूत स कहेस कउन लोगन क नस्ट करत ह, “बहोत होइ चुका। अपनी बाँह नीचे करा।” यहोवा क सरगदूत यबूसी यरौना क खरिहाने स किनारे रहा।</verse>
				<verse number="17">दाऊद उ सरगदूत क लखेस जउन लोगन क मारेस। दाऊद यहोवा स बातन किहस। दाऊद कहेस, “मइँ पाप किहेउँ ह। मइँ गलत किहेउँ ह। किन्तु इ लोग मोर अनुसरण भेड़ी क नाई किहन। उ पचे कउनो गलती नाहीं किहन। कृपा कइके सजा मोका अउर मोरे बाप क परिवार क द्या।”</verse>
				<verse number="18">उ दिन गाद दाऊद क लगे आवा। गाद दाऊद स कहेस, “जा अउर एक वेदी यबूसी अरौना क खरिहान मँ यहोवा बरे बनावा।”</verse>
				<verse number="19">तब दाऊद उ सबइ काम किहेस जउन गाद करइ क कहेस। दाऊद यहोवा क आदेसन क पालन किहस। दाऊद अरौना स भेंटइ गवा।</verse>
				<verse number="20">जब अरौना निगाह उठाएस, उ राजा दाऊद अउर ओकरे सेवकन क अपने लगे आवत लखेस। अरौना बाहेर निकरा अउ आपन माथा धरती पइ टेकत भए प्रणाम किहेस।</verse>
				<verse number="21">अरौना कहेस, “मोर सुआमी, राजा, तू आपन सेवक क लगे काहे आया ह?” दाऊद जवाब दिहस, “तोहसे खरिहान बेसहइ बरे। तब मइँ यहोवा बरे वेदी बनाइ सकत हउँ। तब बेमारी रुक जाइ।”</verse>
				<verse number="22">अरौना दाऊद स कहेस, “मोर सुआमी राजा, आप कछू भी बलि-भेंट क बरे लइ सकत हीं। हिवाँ कछू गइयन सबइ होमबलि बरे अहइँ। आगी क काठ बरे दँवरी क औजार अउ बर्धन क जुआ भी अहइ।</verse>
				<verse number="23">हे राजा! मइँ आप क हर एक चीज देत हउँ।” अरौना राजा स इ भी कहेस, “यहोवा तोहार परमेस्सर तोह पइ खुस होइ।”</verse>
				<verse number="24">मुला राजा अरौना स कहेस, “नाहीं। मइँ तोहसे फुरइ कहत हउँ, मइँ तोहसे भुइँया क ओकरी कीमत पइ बेसहब। मइँ यहोवा अपने परमेस्सर क कछू भी अइसी होमबलि नाहीं चढ़ाउब जेकर कउनो मूल्य मइँ नाहीं दिहे होउँ।” एह बरे दाऊद खरिहान अउ गइयन क चाँदी क पचास सेकेल स बेसहेस।</verse>
				<verse number="25">तब दाऊद हुवाँ यहोवा क बरे एक ठु वेदी बनाएस। दाऊद होमबलि अउ मेलबलि चढ़ाएस। यहोवा देस बरे ओकर पराथना अंगीकार किहस। यहोवा इस्राएल मँ बेरामी रोक दिहस।</verse>
			</chapter>
		</book>
		<book number="11">
			<chapter number="1">
				<verse number="1">राजा दाऊद बहोत जियादा बूढ़ा रहा। उ अपन क गरम नाहीं रख सकेत। ओकर सेवक ओका कमरी स ओढ़ावत रहेन मुला उ फुन भी ठंडा रहत रहा।</verse>
				<verse number="2">एह बरे ओकर नौकर ओहसे कहेन, “हम आप क देख-भाल बरे एक ठु जुवती क हेरब। उ आप क निचके ओलरी अउ आप क गरम राखी।”</verse>
				<verse number="3">एह बरे राजा क नउकरन इस्राएल पहँटा मँ चारिहुँ कइँती एक ठु जुवती क हेरब सुरु किहन। उ पचे राजा क गरम रखइ बरे एक ठु सुन्नर लड़की क हेरत रहेन। ओनका अबीसग नाउँ क एक लड़की मिली। उ सूनेनिम नगर क रही। उ पचे जुवती क राजा क लगे लइ आएन।</verse>
				<verse number="4">लड़की बहोत सुन्नर रही। उ राजा क देख-रेख अउ सेवा किहस। किन्तु राजा दाऊद ओकरे संग सारीरिक सम्बन्ध नाहीं किहस।</verse>
				<verse number="5">अदोनिय्याह राजा दाऊद अउर ओकर पत्नी हग्गीत क पूत रहा। अदोनिय्याह आपन भाई अबसालोम क बाद पइदा भवा। उ बहोत सुन्नर मनई रहा। राजा दाऊद ओकर सुधार कबहुँ नाहीं किहस। उ कबहुँ नाहीं पुछेस: “तू काहे अइसा बेउहार करत ह?” अदोनिय्याह बहोत घमम्डी होइ गवा, उ फइसला किहस, मइँ अगला राजा होउब एह बरे उ अपने बरे एक ठु रथ, घोड़न अउ अगवा दउड़इवाले पाचस मनइयन क लिआएस।</verse>
				<verse number="6"></verse>
				<verse number="7">अदोनिय्याह सरुयाह क पूत योआब अउ याजक एब्यातार स बातन किहस। उ पचे ओकरे राजा बनई बरे मदद देइ क फइसला किहेस। यह बरे उ पचे ओकर मदद किहेन।</verse>
				<verse number="8">मुला कछु लोग उ स्वीकार नाहीं किहेन जउन कछु अदोनिय्याह करत रहा। उ पचे राजा दाऊद क संग वफ़ादार रहेस। उ अदोनिय्याह क संग नाहीं मिलेस। इ सबइ लोग याजक सादोक, यहोयादा क पूत बनायाह, नातान, नबी, सिमी, रेई अउर राजा दाऊद क बिसेस रच्छक रहेन।</verse>
				<verse number="9">तब अदोनिय्याह कछू जनावरन क मेलबलि बरे मारेस। उ कछू भेड़िन, कछू गइयन अउ कछू मोटवार बछवन क मारेस। अदोनिय्याह एनरोगेल क लगे जोहेलेत क चट्टान पइ इ सबइ बलियन चढ़ाएस। अदोनिय्याह आपन सबहिं भाइयन, (राजा क दूसर पूतन) अउ यहूदा क समूचे राज्ज कर्मचारियन क न्यौतेस।</verse>
				<verse number="10">मुला अदोनिय्याह नातान नबी, या बनायाह या अपने बाप क खास रच्छकन या अपने भाई सुलैमान क न्यौतेस नाहीं</verse>
				<verse number="11">जब नातान एकरे बारे मँ सुनेस, उ सुलैमान क महतारी बतसेबा क लगे गवा। नातान ओहसे पूछेस, “का तू सुन्या ह कि हग्गीत क पूत अदोनिय्याह का करत अहइ? उ अपने क राजा घोसित कइ दिहेस अउ हमार सुआमी राजा दाऊद एकरे बारे मँ कछू नाहीं जानत।</verse>
				<verse number="12">तोहार जिन्नगी अउ तोहार पूत सुलैमान क जिन्नगी खतरे मँ पड़ सकत ह। किन्तु मइँ तोहका बताउब कि अपने क बचावइ बरे तोहका का करइ चाही।</verse>
				<verse number="13">राजा दाऊद क लगे जा अउर ओहसे कहा, ‘मोर राजा, आप मोका बचन दिहे रहेन कि आप क पाछे मोर पूत सुलैमान अगला राजा होइ। फुन, अदोनिय्याह राजा काहे बन गवा ह?’</verse>
				<verse number="14">तब, जब तू ओहसे बात कर ही रही होउबी, मइँ अन्दर आउब। तोहार जाइ क पाछे, तब मइँ जउन कछू घटित भवा ह ओकरे बारे मँ राजा क बताउब। एहसे इ प्रदर्सित होइ कि तू अदोनिय्याह क बारे मँ जउन कछू कहया ह, उ फुरइ अहइ।”</verse>
				<verse number="15">एह बरे बतसेबा राजा क सोवइ क कमरा मँ भीतरे ओहसे मिलइ गइ। राजा बहोत जियादा बुढ़वा रहा। सूनेमिन स आई लड़की अबीसग हुवाँ ओकर देख-रेख करत रही।</verse>
				<verse number="16">बतसेबा राजा क समन्वा प्रणाम करइ निहुरी। राजा पूछेस, “तू का चाहति अहा?”</verse>
				<verse number="17">बतसेबा जवाब दिहस, “मोर राजा, आप अपने परमेस्सर, यहोवा क नाउँ लइके मोहसे प्रतिग्या किहे रह्या। आप कहे रह्या, ‘तोहार पूत सुलैमान मोरे पाछे राजा होइ। मोरे सिंहासने पइ सुलैमान हुकूमत करी।’</verse>
				<verse number="18">मुला अब अदोनिय्याह राजा होइ गवा ह अउर आप एका जानतेन भी नाहीं।</verse>
				<verse number="19">अदोनिय्याह मेलबलि बरे कहउ जनावरन क मार डाएस ह। उ बहोत स बर्धन, मोटवार बछवन अउ भेड़िन क मारेस ह अउर उ आप क सबहिं पूतन क न्यौतेस ह। उ याजक एब्यातार अउ आप क फउज क सेनापति योआब क भी न्यौतेस ह। किन्तु उ आप क पूत सुलैमान क न्यौतेस नाहीं, जउन आप क सेवा करत ह।</verse>
				<verse number="20">मोर सुआमी अउर राजा, इस्राएल क सबहिं लोगन क निगाहन आप पइ लगी अहइँ। उ पचे आप क इ निर्णय क प्रतीच्छा करत अहइँ कि आप क पाछे कउन राजा होइ।</verse>
				<verse number="21">जब आप मरिहीं तउ आप अपने पुरखन क संग दफनावा जइहीं। तउ लोग मोर अउर मोर पूत सुलैमान क संग अपराधी जइसा बेउहार करिहीं।”</verse>
				<verse number="22">जब बतसेबा राजा स बातन करत रही, नातान नबी ओहसे भेटइ आवा।</verse>
				<verse number="23">सेवक लोग राजा स कहेन, “नातान नबी आवा अहइँ।” एह बरे नातान प्रवेस किहस अउ राजा क लगे गवा। नातान राजा क समन्वा धरती तलक निहुरा।</verse>
				<verse number="24">तब नातान कहेस, “मोर राजा, का आप इ घोसना कइ दिहा ह कि आप क पाछे अदोनिय्याह नवा राजा होइ? का आप इ निर्णय कइ लिहा ह कि आप क पाछे अदोनिय्याह लोगन पइ हुकूमत करी।</verse>
				<verse number="25">आजु उ घाटी मँ खास मेलबलियन भेंट किहस ह। उ कइउ बर्धन, मोटवार बछवन अउर भेड़िन क मारेस ह उ आप क दूसर सबहिं पूतन, फउज क सेनापतियन अउ याजक एब्यातार क न्यौतेस ह। अब उ पचे ओकरे संग खात अहइँ अउर पिअत अहइँ अउर उ पचे कहत अहइँ, ‘राजा अदोनिय्याह दीर्घायु होइ।’</verse>
				<verse number="26">मुला उ मोका या याजक सादोक, यहोयादा क पूत बनायाह या आप क पूत सुलैमान क न्यौतेस नाहीं।</verse>
				<verse number="27">मोर सुआमी अउर राजा, का आप आपन सेवकन हम पचन्क, बिना कहइ इ किहेस? आप हम लोगन स पहिले ही काहे नाहीं कहया कि उ तोहार पाछे होइवाला राजा चुना गवा ह?”</verse>
				<verse number="28">तब राजा दाऊद कहेस, “बतसेबा स भितरे आवइ क कहा।” एह बरे बतसेबा भितरे आइ अउर राजा क समन्वा खड़ी भई।</verse>
				<verse number="29">तब राजा एक प्रतिग्या किहेस: “यहोवा परमेस्सर मोका हर एक खतरा स बचाएस ह अउर यहोवा क जिन्नगी क किरिया खाइके मइँ तोहसे प्रतिग्या करत हउँ।</verse>
				<verse number="30">मइँ आजु उ प्रतिग्या क पूरा करब जेकर बचन मइँ पहिले तोहका दिहे रहेउँ। मइँ इ प्रतिग्या यहोवा इस्राएल क परमेस्सर स किहे रहेउँ कि तोहार पूत सुलैमान मोरे पाछे राजा होइ अउर मोरे पाछे सिंहासने पइ मोरे जगह उहइ लेइ। यह बरे आजु मइँ आपन प्रतिग्या क पूरा करब।”</verse>
				<verse number="31">तब बतसेबा राजा का समन्वा धरती तलक निहुरी के प्रणाम किहेस अउ कहेस, “मोर सुआमी राजा दाऊद हमेसा-हमेसा जिअत रहे!”</verse>
				<verse number="32">तब राजा दाऊद स कहेस, “याजक सादोक नातान नबी अउ यहोयादा क पूत बनायाह स हिआँ अन्दर आवइ क कहा।” एह बरे तीनहुँ मनइयन राजा क समन्वा आएन।</verse>
				<verse number="33">तब राजा ओनका कहेस, “मोरे अधिकारियन क अपने संग ल्या अउर मोरे पूत सुलैमान क मोरे निजी खच्चर पइ बइठावा। ओका गीहोन सोता पइ लइ जा।</verse>
				<verse number="34">उ जगह पइ याजक सादोक अउ नातान नबी, इस्राएल क राजा क रूप मँ ओकर अभिसेक करइँ। तू लोग तुरही बजावा अउ इ घोसणा करा, ‘इ सलेमान नवा राजा बा।’</verse>
				<verse number="35">तब एकरे पाछे ओकरे संग हिआँ लउट आवा। सुलैमान मोरे सिंहासने पई बइठी अउर हमरे जगह पइ नवा राजा होइ। मइँ सुलैमान क इस्राएल अउ यहूदा क सासक होइ बरे चुनेउँ ह।”</verse>
				<verse number="36">यहोयादा क पूत बनायाह राजा क जवाब दिहस्, “आमीन! यहोवा परमेस्सर खुद इ कहेस ह, मोर सुआमी अउ राजा!</verse>
				<verse number="37">मोर सुआमी राजा, यहोवा हमेसा आप क संग रहेस ह। यहोवा सुलैमान क भी संग रहइ अउर ओकर राज्ज तेहार राज्ज स भी बड़का अउर मज़बूत होइ, मोर सुआमी अउ राजा!”</verse>
				<verse number="38">एह बरे सादोक, नातान, बनायाह अउ राजा क अधिकारियन राजा दाऊद क आग्या क पालन किहस। उ पचे सुलैमान क राजा दाऊद क खच्चरे पइ चढ़ाएन अउर ओकरे संग गीहोन क सोते पइ लइ गएन।</verse>
				<verse number="39">याजक सादोक पवित्तर तम्बू स तेल लिहस। सादोक, इ देखावइ क बरे कि सुलैमान राजा अहइ, ओकरे मूँड़े पइ तेल डाएस। उ पचे तुरही बजाएन अउर सबहिं लोग उद्घोस किहेन, “राजा सुलैमान दीर्घायु होइ।”</verse>
				<verse number="40">सबहिं लोग नगर मँ सुलैमान क पाछे आएन। उ पचे बांसुरी बजावत रहेन अउ खुसी क नारा लगावत रहेन। उ पचे ऍतना सोर करत रहेन कि धरती काँप उठी।</verse>
				<verse number="41">इ समइ अदोनिय्याह अउ ओकर संग क सबहिं अतिथि आपन भोजन खतम करत रहेन। उ पचे तुरही क अवाज सुनेन। योआब पूछेस, “इ सोर कइसा अहइ? नगर मँ का होत अहइ?”</verse>
				<verse number="42">जब योआब बोलत ही रहा, याजक एब्यातार क पूत योनातन हुँवा पहोंचा। अदोनिय्याह कहेस, “हिआँ आवा। तू एक योग्य मनई अहा। मोका सुभ समाचार सुनावा।”</verse>
				<verse number="43">मूला योनातन जवाब दिहेस, “नाहीं! इ तोहरे बरे सुभ सूचना नाहीं अहइ। हमरे राजा दाऊद सुलैमान क नवा राजा बनाएस ह।</verse>
				<verse number="44">अउर राजा दाऊद याजक सादोक, नातान नबी, यहोयादा क पूत बनायाह अउर राजा क सबहिं अधिकारियन क ओकरे संग पठएस ह। उ पचे सुलैमान क राजा क खच्चर पई बइठाएन।</verse>
				<verse number="45">तब याजक सादोक अउ नातान नबी गीहोन सोते पइ सुलैमान क अभिसेक किहेन अउर तब उ पचे नगर मँ गएन। लोग ओनकर अनुसरण किहन अउर अब नगर मँ लोग बहोत खुस अहइँ। उ सोर जउन् तू सूनत अहा, उहइ क अहइ।</verse>
				<verse number="46">सुलैमान अब राजा क सिंहासने पइ बइठा अहइ। हिआँ तलक कि राजा क सबहिं सेवक राजा दाऊद क धन्यवाद देइ बरे आएन, अउ कहेन, ‘राजा दाऊद, आप एक ठु महान राजा अहइँ’ अउर अब हम पराथना करित हीं कि आप क परमेस्सर, सुलैमान क आप स भी जियादा प्रसिद्ध बनाई। आप क परमेस्सर सुलैमान क आप स भी जियादा महान राजा बनाई अउर ओकर राज्ज आप क राज्जय स भी जियादा महान होई। हिआँ तलक कि राजा दाऊद भी हुवाँ रहेन, अउर उ अपने बिछउना स ही निहुरेन।</verse>
				<verse number="47"></verse>
				<verse number="48">राजा दाऊद केहस, ‘इस्राएल क परमेस्सर यहोवा क स्तुति करा। यहोवा मोरे पूतन मँ स एक क मोरे सिंहासने पइ बइठाएस ह अउर एका मोका लखइ दिहेस ह।’”</verse>
				<verse number="49">तब अदोनिय्याह क सबहिं अतिथि डेराइ गएन अउर हाली स चले गएन।</verse>
				<verse number="50">अदोनिय्याह भी सुलैमान स डेराइ गवा रहा। एह बरे उ वेदी तलक गवा अउ वेदी क सींगन क धइ लिहस।</verse>
				<verse number="51">तब कउनो सुलैमान स कहेस, “अदोनिय्याह तोहसे बहोत डेरान अहइ। अदोनिय्याह वेदी क लगे अहइ। उ वेदी क सींगन क धइ लिहेस ह अउ ओका तजइ स इन्कार करत ह। अदोनिय्याह कहत ह, ‘राजा सुलैमान स इ प्रतिग्या करइ क कहा कि उ मोका मारी नाहीं।’”</verse>
				<verse number="52">एह बरे सुलैमान जवाब दिहेस, “जदि अदोनिय्याह इ प्रमाणित करत ह कि उ एक नीक मनई अहइ तउ मइँ प्रतिग्या करत हउँ कि ओकरे मूड़ि क एक ठु बार बाँका नाहीं होइ। किन्तु जदि उ कछू बुरा करी तउ मार दीन्ह जाइ।”</verse>
				<verse number="53">तब राजा सुलैमान कछू मनइयन क अदोनिय्याह क लिआवइ बरे पठएस। उ पचे ओका वेदी स नीचे लिआएस। अदोनिय्याह क राजा सुलैमान क समन्ना आवा अउर निहुरिके प्रणाम किहेस। तब सुलैमान कहेस, “घरे जा।”</verse>
			</chapter>
			<chapter number="2">
				<verse number="1">दाऊद क मरइ क समइ लगभग आइ पहोंचा। एह बरे दाऊद सुलैमान स बातन किहस अउर ओहसे कहेस,</verse>
				<verse number="2">“मइँ मरइ प हउँ जइसा सबहिं मनई मरत ह। लेकिन तू मज़बूती क संग बढ़त अहा अउर एक मनई बनत अहा।</verse>
				<verse number="3">ओन सबहिं आदेसन क होसियारी क संग पालन करा जउन यहोवा हमार परमेस्सर दिहस ह। ओकरे सबहिं नेमन, आदेसन, फइसलन अउ करारन क पालन करा जउन मूसा क बेवस्था क किताबे मँ लिखा अहइ। जदि तू एन सबहिं क पालन करब्या तउ तू जउन कछू करब्या अउर जहाँ कहूँ जाब्या, सफल होब्या।</verse>
				<verse number="4">अउर जदि तू यहोवा क आग्या क पालन करत रहब्या तउ यहोवा मोरे बरे कीन्ह गइ प्रतिग्यन क पालन करी। मोरे बरे यहोवा जउन प्रतिग्या किहेस, उ इ अहइ, ‘तोहरे पूतन क मोरी आग्या क पालन करइ चाहो अउर ओनका वइसे रहइ चाही जइसा रहइ बरे मइँ कहउँ। तोहरे पूतन क पूरे हिरदय अउ आतिमा स मोहमाँ बिस्सास रखइ चाही। जदि तोहरे पूत इ करिहीं तउ तोहरे परिवार क एक ठु मनई सदा इस्राएल क लोगन क सासक होइ।’”</verse>
				<verse number="5">दाऊद इ भी कहेस, “तू इ भी याद राखा जउन सरुयाह क पूत योआब मोरे संग किहेस ह। उ इस्राएल क फउजे क दुइ सेनापतियन क मार डाएस। उ नेर क पूत अब्नेर अउ येतेर क पूत अमासा क मारेस। तोहका जरूर याद होइ कि उ ओनका सान्ति क समइ मारेस रहा। एन मनइयन क खून क दाग ओकरी तरवार क मूठ अउ ओकरे पहिरे भए फउजियन क जूतन पइ लगा भवा रहा। मोका ओनका सज़ा देइ चाही।</verse>
				<verse number="6">किन्तु अब राजा तू अहा। एह बरे तोहका ओका इ तरह सजा देइ चाही जेका तू सब स जियादा बुद्धिमत्तापूर्ण समुझा। किन्तु तोहका इ निहचइ कइ लेइ चाही कि उ मार डावा जाइ। ओका बुढ़ापे क सान्ति स भरी मौत न पावइ द्या।</verse>
				<verse number="7">“गिलाद क बर्जिल्लै क बच्चन पइ दयालु रहा। ओनका आपन मीत होइ द्या अउ अपनी मेज पइ भोजन करइ द्या। उ पचे मोर तब मदद किहेन, जब मइँ तोहरे भाई अबसालोम स भाग खड़ा भवा रहेउँ।</verse>
				<verse number="8">“अउर याद राखा गेरा क पूत सिमी तोहरे संग हिआ अहइ। उ बहूरीम क बिन्यामीन परिवार समूह क अहइ। याद राखा कि उ मोका दुःखदायक सराप स सरापेस ह जउने दिन मइँ महनैम क भाग गवा रहेउँ। तब उ मोहसे मिलइ यरदन नदी पइ आवा रहा। किन्तु मइँ यहोवा क समन्वा प्रतिग्या किहे रहेउँ, ‘सिमी मइँ तोहका नाहीं मारब।’</verse>
				<verse number="9">किन्तु सिमी क सजा दिए बगैर न रहइ द्या। तू बुद्धिमान मनई अहा, तू समुझ जाब्या कि ओकरे संग का करइ चाही। मुला ओका बुढ़ापे क सान्ति स भरी मौत न पावइ द्या।”</verse>
				<verse number="10">तब दाऊद मर गवा। उ दाऊद नगर मँ दफनावा गवा।</verse>
				<verse number="11">दाऊद इस्राएल पइ चालीस बरिस तलक हुकूमत किहस। उ हेब्रोन मँ सात बरिस अउ यरूसलेम मँ तैतींस बरिस तलक हुकूमत किहस।</verse>
				<verse number="12">अब सुलैमान दाऊद क सिंहासन पइ हुकूमत करइ लाग अउर उ आपन राज्ज पइ पूरा अधिकार कइ लिहेन।</verse>
				<verse number="13">इ समइ हग्गीत क पूत अदोनिय्याह सुलैमान क महतारी बतसेबा क लगे गवा। बलसेबा ओहसे, पूछेस्, “का तू सान्ति क भाव स आवा अहा?” अदोनिय्याह जवाब दिहस्, “हाँ इ सान्ति स भरा मिलन अहइ।</verse>
				<verse number="14">मोका आप स कछू कहब अहइ।” बतसेबा कहेस, “तउ कहा।”</verse>
				<verse number="15">अदोनिय्याह कहेस, “तोहका याद अहइ कि एक समइ राज्ज मोर रहा। इस्राएल क सबहिं लोग मोका आपन अगला राजा समुझत रहेन। किन्तु स्थिति बदल गइ। अब मोर भाई राजा अहइ। यहोवा ओका राजा होइ बरे चनेस।</verse>
				<verse number="16">एह बरे मइँ तोहसे एक ठु चीज माँगत हउँ। मेहरबानी कइके इन्कार न करइँ।” बतसेबा पूछेस, “तू का चाहत अहा?”</verse>
				<verse number="17">अदोनिय्याह जवाब दिहेस, “मइँ जानत हउँ कि राजा सुलैमान उ सब कछू करिहीं जउन तू कहबिउ। एह बरे कृपा कइके ओनसे कहया कि मोका सुनेम क अबीसग क संग बियाह करइ द्या।”</verse>
				<verse number="18">तब बतसेबा कहेस, “ठीक अहइ, मइँ तोहरे बरे राजा स बात करब।”</verse>
				<verse number="19">एह बरे बतसेबा राजा सुलैमान क लगे ओहसे बात करइ गइ। राजा सुलैमान ओका लखेस अउर उ ओहसे मिलइ बरे खड़ा भवा। तब उ ओकरे समन्वा प्रणाम करइ निहुरा अउ सिंहासने पइ बइठ गवा। उ सेवकन स, अपनी महतारी बरे दूसर सिंहासन लिआवइ क कहेस। तब उ ओकरी दाहिन कइँती बइठ गइ।</verse>
				<verse number="20">बतसेबा ओहसे कहेस्, “मइँ तोहसे एक नान्ह चीज माँगत हउँ। कृपा कइके इन्कार न कर्या।” राजा उत्तर दिहेस, “महतारी तू जउन चाहा, माँग सकति अहा। मइँ तोहका मना नाहीं करबेउँ।”</verse>
				<verse number="21">एह बरे बतसेबा कहेस, “सूनेमिन मेहरारू अबीसग क अपने भाई अदोनिय्याह क संग बियाह करइ द्या।”</verse>
				<verse number="22">राजा सुलैमान अपनी महतारी स कहेस, “तू अबीसग क ओका देइ बरे मोहसे काहे कहति अहा? तू मोहसे इ काहे नाहीं कहतिउ कि मइँ ओका राजा भी बनाइ देउँ काहेकि उ मोर बड़का भाइ अहइ? याजक एब्यातार अउ योआब ओकर समर्थन करिहीं।”</verse>
				<verse number="23">तब सुलैमान यहोवा स एक ठु प्रतिग्या किहेस। उ कहेस्, “मइँ प्रतिग्या करत हउँ कि मोहसे इ माँग करइ क बरे मइँ अदोनिय्याह स भुगतान कराउब। उ पचे इ माँग बरे आपन जिन्नगी देइ देब।</verse>
				<verse number="24">यहोवा मोका इस्राएल क राजा होइ दिहस ह। उ उ सिंहासन मोका दिहेस ह जउन मोर बाप दाऊद क अहइ। यहोवा अपनी प्रतिग्या पूरी किहेस ह अउ राज्ज मोका अउ मोरे परिवार क दिहस ह। मइँ सास्वत परमेस्सर क समन्वा, प्रतिग्या करत हउँ कि अदोनिय्याह आज मरी!”</verse>
				<verse number="25">राजा सुलैमान बनायाह क आदेस दिहस। बनायाह बाहेर गवा अउर उ अदोनिय्याह क मार डाएस।</verse>
				<verse number="26">तब राजा सुलैमान याजक एब्यातार स कहेस, “मोका तोहका मार डावइ चाही, किन्तु मइँ तोहका अपने घरे अनातोत मँ लउट जाइ देत हउँ। मइँ तोहका अबहुँ मारब नाहीं काहेकि मोर बाप दाऊद क संग चलत समइ तू पवित्तर सन्दूख क लइ चलइ मँ मदद किहे रह्या जब तू मोरे बाप दाऊद क संग रह्या। मइँ जानत हउँ कि तू मोर बाप क मदद किहे रहा अउर मोर बाप क सबहिं कठिन समइ मँ साथ दिहे रहा।”</verse>
				<verse number="27">सुलैमान एब्यातार स कहेस कि तू याजक क रुप मँ यहोवा क सेवा करत नाहीं रह सकत्या। इ सब बइसे ही भवा, जइसा यहोवा होइ बरे कहे रहा। परमेस्सर याजक एली अउ ओकरे परिवार क बारे मँ सीलो मँ इ कहे रहा अउर एब्यातार एली क परिवार स रहा।</verse>
				<verse number="28">योआब इ बारे मँ सुनेस अउर उ डेराइ गवा। उ अदोनिय्याह क समर्थन किहे रहा, किन्तु अबसालोम क नाहीं। योआब यहोवा क तम्बू कइँती दउड़ा अउर वेदी क सींगो क धइ लिहस।</verse>
				<verse number="29">कउनो राजा सुलैमान स कहेस कि योआब यहोवा क तम्बू मँ वेदी क लगे अहइ। एह बरे सुलैमान बनायाह क जाइ अउ ओका मार डावइ क आदेस दिहस।</verse>
				<verse number="30">बनायाह यहोवा क तम्बू मँ गावा अउ योआब स कहेस, “राजा कहत हीं, ‘बाहेर आवा।’” मुला योआब जवाब दिहेस, “नाहीं, मइँ हिअइँ मरब।” एह बरे बनायाह राजा क लगे वापस गवा अउ ओहसे उहइ कहेस जउन योआब कहे रहा।</verse>
				<verse number="31">तब राजा बनायाह क आदेस दिहस, “वइसा ही करा जइसा उ कहत ह। ओका हुवँइ मार डावा। तब ओका दफनाइ द्या। तब हमार परिवार अउर हम योआब क दोख स अजाद होब। इ अपराध एह बरे भवा कि योआव निरपराध लोगन क मारे रहा।</verse>
				<verse number="32">योआब दुइ मनइयन क मार डाएस, जउन ओहसे बहोत नीक रहेन। इ पचे नेर क पूत अब्नेर अउ येतेर क पूत अमासा रहेन। अब्नेर इस्राएल क फउज क प्राधान सेनापति रहा अउर अमासा यहूदा क फउज क सेनापति रहा। उ समइ, मोर बाप दाऊद इ नाहीं जानत रहेन कि योआब ओनका मार डाए रहा। एह बरे यहोवा योआब क ओन मनइयन बरे सजा देइ जेनका उ मार डाए रहा।</verse>
				<verse number="33">उ ओनकर मउत बरे अपराधी होइ अउर ओकर परिवार भी सदा बरे दोखी होइ। किन्तु परमेस्सर कइँती स दाऊद क, ओकरे सन्तानन, ओकरे राज परिवार अउ सिंहासन क सदा-सदा बरे सान्ति मिली।”</verse>
				<verse number="34">एह बरे यहोयादा क पूत बनायाह योआब क मार डाएस। योआब मरुभूमि मँ अपने घरे क लगे दफनावा गवा।</verse>
				<verse number="35">सुलैमान तब योहादा क पूत बनायाह क योआब क जगह पइ सेनापति बनाएस। सुलैमान एब्यातार क ठउरे पइ सादोक क महायाजक बनाएस।</verse>
				<verse number="36">एकरे पाछे राजा सिमी क बोलाएस। राजा ओहसे कहेस्, “हिआँ यरूसलेम मँ तू अपने बरे एक ठु घर बनावा, उहइ घरे मँ रहा अउर नगर क जिन तजा।</verse>
				<verse number="37">जदि तू नगर क तजब्या अउ किद्रोन क नाले क पार जाब्या तउ तू मार डावा जाब्या अउर इ तोहार दोख होइ।”</verse>
				<verse number="38">एह बरे सिमी जवाब दिहेस, “मोर राजा, आप जउन कहेन ह, ठीक बाटइ। मइँ आप क हुकुम क मानब।” एह बरे सिमी यरूसलेम मँ बहोत समइ तलक रहा।</verse>
				<verse number="39">किन्तु तीन बरिस पाछे सिमी क दुइ सेवक पराइ गएन्। उ पचे गत क राजा क लगे पहोंचेन। ओकर नाउँ आकीस रहा जउन माका क पूत रहा। सिमी सुनेस कि ओकर सेवक गत मँ अहइ।</verse>
				<verse number="40">एह बरे सिमी आपन काठी अपने खच्चर पइ रखेस अउर गत मँ राजा आकीस क लगे गवा। उ अपने सेवकन क प्राप्त करइ गवा। उ ओनका ढूँढ़ लिहस अउर अपने घरे वापस लिआवा।</verse>
				<verse number="41">मुला कउनो सुलैमान स कहेस, कि सिमी यरूसलेम सगत गवा रहा अउर लउटि आवा ह।</verse>
				<verse number="42">एह बरे सुलैमान ओका बोलवाएस। सुलैमान सिमी स कहेस, “मइँ तोहका चिताउनी देत हउँ कि मइँ यहोवा क नाउँ पइ इ प्रतिग्या किहे रहेउँ कि जदि तू यरूसलेम तजब्या, तउ मारा जाब्या। मइँ चितउनी दिहे रहेउँ कि जदि तू दूसर कहूँ जाब्या तउ तोहरे मारे जाइ क दोख तोहार होइ। अउर तू ओका अंगीकार किहे रहा जउन कछू मइँ कहेस रहा। तू कहेस रहा कि तू मोर आग्या अउर आदेसन क पालन करब्या।</verse>
				<verse number="43">तू अपनी प्रतिग्या काहे तोड़्‌या? तू मोरे आदेस क पालन काहे नाहीं किहा?</verse>
				<verse number="44">तू जानत ह कि तू मोरे बाप दाऊद क खिलाफ बहोत स गलत काम किहा, अब यहोवा ओन गलत कामन बरे तोहका सजा देइ।</verse>
				<verse number="45">किन्तु यहोवा मोका आसीर्वाद देइ। उ दाऊद क सिंहासन क सदा ही सुरच्छा करी।”</verse>
				<verse number="46">तब राजा बनायाह क सिमी क मार डावइ क आदेस दिहेस अउर इ एका पूरा किहस। अब सुलैमान अपने राज्ज पइ पूरा नियंत्रण कइ चुका रहा।</verse>
			</chapter>
			<chapter number="3">
				<verse number="1">सुलैमान मिस्र क राजा फिरौन क बिटिया के संग बियाइ कइके ओकरे संग सन्धि किहेस। सुलैमान ओका दाऊद नगर क लइ आवा। इ समइ अबहुँ भी सुलैमान आपन महल अउर यहोवा क मन्दिर बनावत रहा। सुलैमान यरूसलेम चहारदीवारी भी बनावात रहा।</verse>
				<verse number="2">मन्दिर अबहुँ तलक पूरा नाहीं भावा रहा। एह बरे लोग अबहुँ भि उच्च जगहन पइ जनावरन क बलि भेंट करत रहेन।</verse>
				<verse number="3">सुलैमान देखाएस कि उ यहोवा स पिरेम करत ह। ओकरे आपन बाप दाऊद जउन कछू करइ क कहे रहा, उ ओन सब क पालन किहेस किन्तु सुलैमान कछू अइसा भी किहस जेका करइ बरे दाऊद नाहीं कहे रहा। सुलैमान अबहुँ तलक उच्च जगहन क उपयोग बलि भेंट अउ सुगन्धि बारइ क बरे करत रहा।</verse>
				<verse number="4">राजा सुलैमान बलि भेंट करइ गिबोन गवा। उ हुँवा एह बरे गवा काहेकि उ सब स जियादा महत्वपूर्ण ऊँच जगह रही। सुलैमान एक हजार बलियन उ वेदी पइ भेंट किहस।</verse>
				<verse number="5">जब सुलैमान गिबोन मँ रहा उहइ रात क ओकरे लगे सपन मँ यहोवा आवा। परमेस्सर कहेस, “जउन चाहत अहा तू माँगा, मइँ ओका तोका देबउँ।”</verse>
				<verse number="6">सुलैमान जवाब दिहेस, “तू अपने सेवक मोर बाप दाऊद पइ बहोत दयालु रह्या। उ तोहार अनुसरण किहेस। उ नीक रहा अउ सच्चाई स रहा अउर तू ओकरे बरे तब सब स बड़की कृपा किहा जब तू ओकरे पूत क ओकरे सिंहासने पइ हुकुमूत करइ दिहा।</verse>
				<verse number="7">यहोवा मोर परमेस्सर, तू मोका अपने बाप क जगह पइ राजा होइ दिहा ह। किन्तु मइँ एक नान्ह बालक क नाईं हउँ। मोरे लगे, मोका जउन करइ चाही ओका करइ बरे बुद्धि नाहीं अहइ।</verse>
				<verse number="8">तोहार सेवक, मइँ हिआँ तोहरे चुने लोगन मँ एक महान लोगन मँ अहउँ, उ पचे ऍतने जियादा अहइँ कि गना नाहीं जाइ सकतेन।</verse>
				<verse number="9">एह बरे मइँ तोहसे माँगत हउँ कि तू मोका बुद्धि द्या जेहसे मइँ सच्चाई स लोगन पइ हुकूमत अउ ओनकर निआउ कइ सकउँ। एहसे मइँ सही अउ गलत क फरक क जान सकउँ। इ स्रेस्ठ बुद्धि क बिना ऍन महान रास्ट्रन पइ सासन करब असंभव अहइ।”</verse>
				<verse number="10">यहोवा खुस भवा कि सुलैमान ओहसे इ माँगेस।</verse>
				<verse number="11">एह बरे परमेस्सर ओहसे कहेस, “तू अपने बरे दीर्घायु नाहीं माँग्या। तू अपने बरे सम्पत्ति नाहीं माँग्या। तू अपने दुस्मनन क मउत नाहीं माँग्या। मुला तू बु़द्धि अउर सही निर्णय करइ बरे ग्यान माँग्या।</verse>
				<verse number="12">एह बरे मइँ तोहका उहइ देब जउन तू माँग्या। मइँ तोहका बुद्धिमान अउ बिवेकी बनाउब। मइँ तोहरी बुद्धि क ऍतना महान बनाउब कि बीते जमाने मँ कबहुँ तोहरे जइसा कउनो मनई नाहीं भवा ह अउर भविस्स मँ जइसा कबहुँ कउनो नाहीं होइ।</verse>
				<verse number="13">अउर तोहका पुरस्कृत करइ बरे मइँ तोहका उ सबइ चिजियन भी देबउँ जेनका तू नाहीं माँग्या। तोहरे पूरी जिन्नगी मँ सम्पत्ति अउ प्रतिस्ठा बनी रही। संसार मँ तोहरे जइसा महान राजा दूसर कउनो नाहीं होइ।</verse>
				<verse number="14">मइँ तोहसे चाहत हउँ कि तू मोर अनुसरण करा अउर मोरे नेमन अउर आदेसन क पालन करा। इ उहइ प्रकार करा जउने प्रकार तोहार बाप दाऊद किहस। जदि तू अइसा करब्या तउ मइँ तोहका दीर्घायु भी करब।”</verse>
				<verse number="15">सुलैमान जाग गवा। उ जान गवा कि परमेस्सर ओकरे संग सपन मँ बातन किहस ह। तब सुलैमान यरूसलेम गवा अउर यहोवा क करार क सन्दूखे क समन्वा खड़ा भवा। सुलैमान यहोवा क होमबलि अउर मेलबलि चढ़ाएस। एकरे पाछे उ ओन सबहिं प्रमुखन अउ अधिकारियन क दावत दिहस जउन हुकूमत करइ मँ ओकर मदद करत रहेन।</verse>
				<verse number="16">एक दिन दुइ मेहररुअन जउन रंडियन रहिन, सुलैमान क लगे आइन।</verse>
				<verse number="17">मेहररुअन मँ स एक कहेस, “महाराज, इ मेहरारु अउर मइँ एक ही घरे मँ रहत हीं। हम दुइनउँ गर्भवती भएन अउर अपने बच्चन क जन्म देइ ही वाले रहेन। मइँ अपने बच्चे का जन्म दिहेउँ जब इ हुवाँ मोरे साथ रही।</verse>
				<verse number="18">तीन दिन बाद इ मेहरारु भी अपने बच्चा क जन्म दिहस। हम लोगन क संग कउनो दूसर मनई घरे मँ नाहीं रहा। सिरिफ हम दुइनउँ ही रहेन।</verse>
				<verse number="19">एक रात इ मेहरारु क बच्चा मर गवा काहेकि उ बच्चा पइ सोई गइ रही।</verse>
				<verse number="20">एह बरे रात क जब मइँ सोई रही, इ मोरे पूत क मोरे बिछउन स लइ लिहस। तब इ मरे बच्चे क मोरे बिछउन पइ डाइ दिहस।</verse>
				<verse number="21">अगले भिंसारे मइँ जागी अउर अपने बच्चे क दूध पिआवइ वाली रही। किन्तु मइँ लखेउँ कि बच्चा मरा भवा ह। तब मइँ ओका जियादा निचके स लखेउँ। मइँ लेखेउँ कि इ मोर बच्चा नाहीं अहइ।”</verse>
				<verse number="22">मुला दुसर मेहरारु कहेस, “नाहीं! जिअत बच्चा मोर अहइ। मरा बच्चा तोहार अहइ।” किन्तु पहिली मेहरारु कहेस, “नाहीं! तू गलत अहा। मरा बच्चा तोहार अहइ अउर जिअत बच्चा मोर अहइ।” इ तर दुइनउँ मेहररुअन राजा क समन्वा बहस किहन।</verse>
				<verse number="23">तब राजा सुलैमान कहेस, “तू दुइनउँ कहति अहा कि जिअत बच्चा हमार आपन अहइ अउर तू पचन मँ स हर एक कहत अहइ कि मरा बच्चा दूसरी क अहइ।”</verse>
				<verse number="24">तब राजा सुलैमान अपने सेवक क तरवार लिआवइ पठएस।</verse>
				<verse number="25">अउर राजा सुलैमान कहेस, “हम इहइ करब। जिअत बच्चे क दुइ टूकन कइ द्या। दुइनउँ मेहरारु क आधा-आधा बच्चा दइ द्या।”</verse>
				<verse number="26">दूसर मेहरारु कहेस, “इ ठीक अहइ। बच्चा क दुइ टूकन मँ काट डावा। तब हम दुइनउँ मँ स ओका कउनो नाहीं पाई।” किन्तु पहिली मेहरारु, जउन सच्ची महतारी रही, अपने बच्चे क बरे पिरेम स भरी रही। उ राजा स कहेस, “मेहरबानी कइके बच्चा क जिन मारा। एका ओका ही दइ देइँ।”</verse>
				<verse number="27">तब राजा सुलैमान कहेस, “बच्चा क जिन मारा। एका, पहिली मेहरारु क दइ द्या। उहइ सच्ची महतारी अहइ।”</verse>
				<verse number="28">इस्राएल क लोग राजा सुलैमान क निणर्य क सुनेन। उ पचे ओकर बहोत आदर अउ सम्मान किहेन काहेकि उ पचे जान गएन कि ओकर ठीक निआउ करइ क बुद्धि ओकरे लगे परमेस्सर स आई।</verse>
			</chapter>
			<chapter number="4">
				<verse number="1">राजा सुलैमान इस्राएल क सबहिं लोगन पइ सासन करत रहा।</verse>
				<verse number="2">इ सबइ प्रमुख अधिकारियन क नाउँ अहइँ जउन सासन करइ मँ ओकर मदद करत रहेन: सादोक क पूत अजर्याह याजक रहा।</verse>
				<verse number="3">सीसा क पूत एलीहोरेप अउ अहिय्याह उ विवरण क लिखइ क कार्य करत रहेन जउन निआबालय मँ होत रहा। अहीलूद क पूत यहोसापात, यहोसापात लोगन क इतिहास क विवरण लिखत रहा।</verse>
				<verse number="4">यहोयादा क पूत बनायाह सेनापति रहा, सादोक अउ एब्यातार याजक रहेन।</verse>
				<verse number="5">नातान क पूत अजर्याह जनपद-प्रसासकन क अधीच्छक रहा। नातान क पूत जाबूद याजक अउर राजा सुलैमान क एक सलाहकार रहा।</verse>
				<verse number="6">अहीसार राजा क घर क हर एक चीज क उत्तरदायी रहा। अब्दा क पूत अदोनीराम दासन क अधीच्छक रहा।</verse>
				<verse number="7">इस्राएल बारह छेत्रन मँ बँटा रहा। जेनका जनपद कहत रहेन। सुलैमान हर जनपद पइ सासन करइ क बरे राज्जपालन क चुनत रहा। एन राज्जपालन क आदेस रहा कि उ पचे अपने जनपद मँ भोजन क चीज एकटठा करइँ अउर ओका राजा अउ ओकरे परिवारन क देइँ। हर साल एक महीने क भोजन सामग्री राजा क देइ क जिम्मेदारी बारह राज्जपालन मँ हर एक क रहा।</verse>
				<verse number="8">बारह राज्जपालन क इ नाउँ सबइ अहइँ: बेन्हूर, एप्रैम क पर्वतीय प्रदेस क राज्जपाल रहा।</verse>
				<verse number="9">बेन्देकेर, माकस, साल्बीम, बेतसेमेस अउ एलोनबेथानान क राज्जपाल रहा।</verse>
				<verse number="10">बेन्हेसेद, अरूब्बोत, सौको अउर हेपेर क राज्जपाल रहा।</verse>
				<verse number="11">बेनबीनादाब, नपोत दोर क राज्जपाल रहा। ओकर बियाह सुलैमान क बिटिया तापत स भवा रहा।</verse>
				<verse number="12">अहीलूद क पूत बाना, तानाक, मगिद्दो स लइके अउर सारतान स लगे पूरे बेतसान क राज्जपाल रहा। इ यिज्रेल क खाले, बेतसान स लइके आबेलमहोला तलक योकमाम क पार रहा।</verse>
				<verse number="13">बेनगेबेर, रामोत गिलाद क राज्जपाल रहा। उ गिलाद मँ मनस्से क पूत याईर क सारे सहरन अउ गाँवन क भी राज्जपाल रहा। उ बासान मँ अर्गोब क जनपद क भी राज्जपाल रहा। इ पहँटा मँ ऊँची चहारदेवारवाले साठ नगर रहेन। ऍन नगरन क फाटकन मँ काँसे क छड़न लगी रहिन।</verse>
				<verse number="14">इद्दो क पूत अहीनादाब, महनैम क राज्जपाल रहा।</verse>
				<verse number="15">अहीमास, नप्ताली क राज्जपाल रहा। ओकर बियाह सुलैमान क बिटिया बासमत स भवा रहा।</verse>
				<verse number="16">हूसै क पूत बाना, आसेर अउ आलोत क राज्जपाल रहा।</verse>
				<verse number="17">पारुह क पूत यहोसापात, इस्साकार क राज्जपाल रहा।</verse>
				<verse number="18">एला क पूत सिमी, बिन्यामीन क राज्जपाल रहा।</verse>
				<verse number="19">ऊरी क पूत गेबेर गिलाद क राज्जपाल रहा। गिलाद उ पहँटा रहा जहाँ एमोरी लोगन क राजा सीहोन अउर बासान क राजा ओग रहत रहेन। किन्तु सिरिफ गेबेर ही उ जनपद क राज्जपाल रहा।</verse>
				<verse number="20">यहूदा अउ इस्राएल मँ बहोत बड़ी गिनती मँ लोग रहत रहेन। लोगन क गनती समुद्दर क किनारे क बालू क कणन जेतनी रही। लोग सुख स भरी जिन्नगी बितावत रहेन: उ पचे खात पिअत अउ आनन्दित रहत रहेन।</verse>
				<verse number="21">सुलैमान परात नदी स लइके पलिस्ती लोगन क पहँटा तलक सबहिं राज्जन पइ हुकूमत करत रहा। ओकर राज्ज मिस्र क सीमा तलक फइला रहा। इ सबइ देस सुलैमान के भेंट पठवत रहेन अउर ओकरे पूरी जिन्नगी तलक ओकर आग्या क पालन करत रहेन।</verse>
				<verse number="22">इ भोजन सामग्री अहइ जेकर जरूरत हर रोज सुलैमान क खुद अउ ओकरी मेज पइ सबहिं भोजन करइवालन क बरे होत रही: डेढ़ सौ बुसल महीन आटा, तीन सौ बुसल आटा, 23 अच्छा अन्न खाइ भवा दस ठु बर्धा, मैदानन मँ पाले गए बीस ठु बर्धा अउर सौ भेड़िन, जंगली जनावरन जइसा हिरन, चिकारे, मगृ अउ सिकारी पछियन भी!</verse>
				<verse number="23"></verse>
				<verse number="24">सुलैमान परात नदी क पच्छिम क सबहिं देसन पइ हुकूमत करत रहा। इ प्रदेस तिप्सह स अज्जा तलक रहा अउर सुलैमान क राज्ज क चारिहुँ कइँती सान्ति रही।</verse>
				<verse number="25">सुलैमान क जिन्नगी क समइ इस्राएल अउ यहूदा क सबहिं लोग लगातार दान स लइके बेर्सेबा तलक सान्ति अउ सुरच्छा मँ रहत रहेन। लोग सान्ति क साथ अपने अंजीर क बृच्छन अउ अंगूरे क बेलन क तले बइठत रहेन।</verse>
				<verse number="26">सुलैमान क लगे ओकरे रथन क बरे चार हजार घोड़न क रखइ क जगह अउ ओकरे पास बारह हजार घोड़सवार रहेन।</verse>
				<verse number="27">हर महीने बारह जनपद क राज्जपालन मँ स एक ठु सुलैमान क उ सबइ चिजियन देत रहा जेकर ओकर जरूरत पड़त रही। इ राजा क मेज पइ खाइ वाले हर एक मनई बरे काफी होत रही।</verse>
				<verse number="28">जनपद राज्जपालन राजा क रथन क घोड़न अउ सवारी क घोड़न बरे बहोत अधिक चारा अउ सूखा घास भी देत रहेन। उ पचे इ अन्न क एक उचित जगह पइ लिआवत रहा।</verse>
				<verse number="29">परमेस्सर सुलैमान क उत्तिम बुद्धि दिहेस। सुलैमान अनेक बातन समुझ सकत रहा। ओकर बुद्धि कल्पना क परे तेज रही।</verse>
				<verse number="30">सुलैमान क बुद्धि पूरब क सबहिं मनइयन क बुद्धि स जियादा तेज रही। ओकर बुद्धि मिस्र मँ रहइवाले सबहिं मनइयन क बुद्धि से जियादा तेज रही।</verse>
				<verse number="31">उ पृथ्वी क कउनो भी मनइयन स जियादा बुद्धिमान रहा। उ एज्रेही एतान स भी जियादा बुद्धिमान रहा। उ हेमान, कलकोल अउ दर्दा स जियादा बुद्धिमान रहा। इ सबइ माहोल क पूत रहेन। राजा सुलैमान इस्राएल अउ यहूदा क चारिहुँ कइँती क सबहिं देसन मँ प्रसिद्ध होइ गवा।</verse>
				<verse number="32">अपने जिन्नगी क समइ मँ राजा सुलैमान तीन हजार बुद्धि क बातन अउर पन्द्रह सौ गीतन लिखेस।</verse>
				<verse number="33">सुलैमान प्रकृति क बारे मँ बहोत कछू जानत रहा। सुलैमान लबानोन क बिसाल देवदारू बृच्छन स लइके देवारन मँ उगलवाली जूफा क अलग प्रकार क पेड़-पौधन मँ स हर एक क बारे मँ सिच्छा दिहस। राजा सुलैमान जनावरन, पँछियन अउ रेंगइवाले जान्तुअन अउ मछरियन क चर्चा किहेस ह।</verse>
				<verse number="34">सुलैमान क बुद्धिमत्तापूर्ण बातन क सुनइ बरे सबहिं रास्ट्रन स लोग आवत रहेन। सबहिं रास्ट्रन क राजा अपने बुद्धिमान मनइयन क राजा सुलैमान क बातन क सुनइ बरे पठवत रहेन।</verse>
			</chapter>
			<chapter number="5">
				<verse number="1">हीराम सोर क राजा रहा। हीराम सदा ही दाऊद क मीत रहा। एह बरे जब हीराम क मालूम भवा कि सुलैमान दाऊद क पाछे नवा राजा भवा ह तउ उ सुलैमान क लगे आपन सेवक पठएस।</verse>
				<verse number="2">सुलैमान हीराम राजा क इ सबइ संदेस पठाएस:</verse>
				<verse number="3">“तोहका याद अहइ कि मोर बाप राजा दाऊद क अपने चारिहुँ कइँती अनेक जुद्ध लड़इ पड़े रहेन। एह बरे उ यहोवा अपने परमेस्सर क मन्दिर बनवावइ मँ समर्थ नाहीं होइ सका। राजा दाऊद तब तलक प्रतीच्छा करत रहा जब तलक यहोवा ओकर सबहिं दुस्मनन क ओहसे पराजित नाहीं होइ दिहस।</verse>
				<verse number="4">किन्तु अब यहोवा मोर परमेस्सर मोर देस क चारिहुँ कइँती मोका सान्ति दिहस ह। अब मोर कउनो दुस्मन नाहीं अहइ। मोर प्रजा अब कउनो खतरे मँ नाहीं अहइ।</verse>
				<verse number="5">“यहोवा मोर बाप दाऊद क संग एक ठु प्रतिग्या किहे रहा। यहोवा कहे रहा, ‘मइँ तोहरे पूत क तोहरे पाछे राजा बनाउब अउर तोहार पूत मोर सम्मान करइ बरे एक ठु मन्दिर बनाई।’ अब मइँ, यहोवा आपन परमेस्सर क सम्मान करइ बरे उ मन्दिर बनावइ क जोजना बनाएँउ ह।</verse>
				<verse number="6">अउर एह बरे मइँ तोहसे मदद माँगत हउँ। अपने मनइयन क लबानोन पठवा। हुवाँ उ पचे मोरे बरे देवदारु क बृच्छन क कटिहीं। मोर सेवक तोहरे सेवकन क संग काम करिहीं। मइँ उ कउनो भी मजदूरी भुगतान करब जउन तू अपने सेवकन बरे तय करब्या। किन्तु मोका तोहार मदद क जरुरत अहइ। मोर बढ़ई सीदोन क बढ़इयन क तरह नीक नाहीं अहइँ।”</verse>
				<verse number="7">जब हीराम, जउन कछू सुलैमान माँगेस, उ सुनेस तउ उ बहोत खुस भवा। राजा हीराम कहेस, “आजु मइँ यहोवा क धन्यवाद देत हउँ कि उ दाऊद क इ विसाल रास्ट्र पइ सासन करइ बरे एक ठु बुद्धिमान पूत दिहस ह।”</verse>
				<verse number="8">तब हीराम सुलैमान क एक संदेसा पठएस। संदेसा इ रहा, “तू जउन माँग किहा ह, उ मइँ सुनेउँ ह। मइँ तोहका सारे देवदारु क बृच्छ अउर चीर क बृच्छ देब, जेनका तू चाहत अहा।</verse>
				<verse number="9">मोर सेवक लबानोन स ओनका समुदद्र तलक लइहीं। तब मइँ ओनका एक संग बाँध देब अउर ओनका समुद्दर मँ उ जगह कइँती बहाइ देब जहाँ तू चाहत अहा। हुवाँ मइँ लटठ्न क अलग कइ देब अउर बृच्छन क तू लइ सकब्या। एकर बदले मँ तू मोर साही घरे क लोगन बरे भोजन प्रदान कराउब्या।”</verse>
				<verse number="10">एह बरे हीराम, सुलैमान क सबइ देवदार अउर सनौवर क बृच्छ दिहेन जेका उ चाहत रहेन।</verse>
				<verse number="11">अउर सुलैमान हर साल लगभग एक लाख बीस हजार बुसल गोहूँ अउ लगभग एक लाख बीस हजार गैलन निखालिस जइतून क तेल हीराम क ओकरे परिवार क भोजन बरे दिहस।</verse>
				<verse number="12">यहोवा आपनी प्रतिग्या क अनुसार सुलैमान क बुद्धि दिहस अउ सुलैमान अउ हीराम क बीच सान्ति रही। इ दुइनउँ राजा लोग आपुस मँ सन्धि किहन।</verse>
				<verse number="13">राजा सुलैमान इ काम मँ मदद बरे इस्राएल क तीस हजार मनइयन क मजबूर किहन।</verse>
				<verse number="14">राजा सुलैमान अदोनीराम नाउँ क एक ठु मनई क ओनकी ऊपर अधिकारी बनाएस। सुलैमान ओन मनइयन क तीन ठु टुकड़ियन मँ बाँटेस। हर एक टुकड़ी मँ दस हजार मनई रहेन। हर समूह एक महीना लबानोन मँ काम करत रहा अउर तब दुइ महीना बरे अपने घरे लउटत रहा।</verse>
				<verse number="15">सुलैमान अस्सी हजार मनइयन क भी पहाड़ी प्रदेस मँ काम करइ बरे मजबूर किहस। एन मनइयन क काम चट्टानन क काटब रहा अउर हुवाँ सत्तर हजार मनई पाथर क ढोवइवाले रहेन।</verse>
				<verse number="16">अउर तीन हजार तीन सौ मनई रहेन जउन काम करइवाले मनइयन क ऊपर अधिकारी रहेन।</verse>
				<verse number="17">राजा सुलैमान, मन्दिर क नेंव बरे बिसाल अउ कीमती चट्टानन क कटाइ क आदेस दिहस। इ सबइ पाथर सावधानी स काटे गएन।</verse>
				<verse number="18">तब सुलैमान क मकान बनावइया अउ कारीगरन अउ हीराम क मकान बनावइया अउ कारीगरन अउ गबाली क मनइयन पाथरन क काटेन अउ ओन पइ नक्कासी क काम किहेन। उ पचे मन्दिर क बनावइ बरे पाथरन अउ लट्ठन क तइयार किहेन।</verse>
			</chapter>
			<chapter number="6">
				<verse number="1">तब सुलैमान मन्दिर बनाउब सुरु किहस। इ इस्राएल क लोगन क जरिये मिस्र तजइ क चार सौ अस्सीवाँ बरिस पाछे रहा। इ राजा सुलैमान क इस्राएल पइ हुकूमत क चउथे बरिस मँ रहा, इ जीव क महीना, बरिस क दूसर महीना रहा।</verse>
				<verse number="2">मन्दिर साठ हाथ लम्बा, बीस हाथ चौड़ा अउर तीस हाथ ऊँचा रहा।</verse>
				<verse number="3">मन्दिर मण्डप तीस हाथ लम्बा अउ दस हाथ चौड़ा रहा। इ मण्डप मन्दिर क ही मुख्य हींसा क समन्वा बराबर लम्बा रहा। एकर लम्बाई मन्दिर क चौड़ाई क बराबर रही।</verse>
				<verse number="4">मन्दिर मँ सँकरी खिड़कियन रहिन। इ सबइ खिड़कियन बाहेर कइँती सँकरी अउ भीतेर कइँती चौड़ी रहिन।</verse>
				<verse number="5">तब सुलैमान मन्दिर क मुख्य हींसा क चारिहुँ कइँती कमरन क एक कतार बनाएस। उ पचे एक दूसर क छते क ऊपर बने रहेन।</verse>
				<verse number="6">कमरन मन्दिर क देवार स सटा रहेन किन्तु ओनकर सहतीरन ओनकी देवार मँ नाहीं घुसी रहिन। सिखर पइ, मन्दिर क देवार पातर होइ गइ। एह बरे ओन कमरन क एक कइँती क देवार ओकरे खाले क देवार स पातर रही। खाले क मंजिल क कमरन पाँच हाथ चौड़ा रहेन। बीच क मंजिल क कमरन छ: हाथ चौड़ा रहेन। ऊपर क कमरन सात हाथ चौड़ा रहेन।</verse>
				<verse number="7">काम करइवाला मनईयन देवारन क बनावइ बरे बड़के पाथरन क उपयोग किहन। काम करइवाला मनईयन उहइ जगह पइ पाथरन क काटेन जहाँ उ पचे ओनका जमीने स निकारेन। एह बरे मन्दिर मँ हथौड़ियन, कुल्हाड़ियन अउ दूसर कउनो भी लोहा क औजार क आवाज़ मन्दिर क बगल मँ ऐकरे निर्माण क समई नाहीं सुनाई दिहे रहेन।</verse>
				<verse number="8">खाले क कमरन क प्रवेस दुआर मन्दिर क दक्खिन कइँती रहा। भीतर सीढ़ियन रहिन जउन मन्दिर क दूसर मंजिल क कमरन अउ तब तीसरे मंजिल क कमरन तलक जात रहिन।</verse>
				<verse number="9">इ तरह सुलैमान मन्दिर बनाउब पूरा किहस। मन्दिर क हर एक भाग देवदारु क तख्तन स मढ़ा गवा रहा।</verse>
				<verse number="10">सुलैमान मन्दिर क चारिहुँ कइँती कमरन क बनाउब भी पूरा किहस। हर एक मंजिल पाँच हाथ ऊँचा रही। ओन कमरन क देवदार क सहतीरन मन्दिर क छुअत रहिन।</verse>
				<verse number="11">यहोवा सुलैमान स कहेस,</verse>
				<verse number="12">“इ मन्दिर क बारे मँ जका तू निर्माण करत ह जदि तू मोर सबहिं नेमन अउ आदेसन क पालन करब्या तउ मइँ उ सबइ करब जेकरे बरे मइँ तोहरे बाप दाऊद स प्रतिग्या किहे रहेउँ।</verse>
				<verse number="13">अउर मइँ इस्राएल क गदेलन क संग रहब, अउर मइँ इस्राएल क लोगन क कबहुँ छोड़ब नाहीं।” मन्दिर क विस्तृत विवरण</verse>
				<verse number="14">इ तरह सुलैमान मन्दिर क निर्माण पूरा किहस।</verse>
				<verse number="15">मन्दिर क भीतर क देवारन देवदारु क पल्लन स मढ़ी गइ रहिन। देवदारु क पल्लन भूइँया स छत तलक रहेन। पाथर क भूइँया चीड़ क पल्लन स ढका रहा।</verse>
				<verse number="16">उ पचे मन्दिर क पिछले हींसा मँ एक ठु कमरा बीस हाथ अन्दर गहिरा बनाएन। उ पचे इ कमरा क देवारन क देवदारु क पल्लन स मढ़ेन। देवदारु क पल्लन भूइँया स छते तलक रहेन। इ कमरा सब स जियादा पवित्तर जगह कहा जात रहा।</verse>
				<verse number="17">महा पवित्तर स्थान क समन्वा वाला भाग मन्दिर क सबन त जियादा पवित्तर भाग रहा। इ कमरा चालीस हाथ लम्बा रहा।</verse>
				<verse number="18">उ पचे इ कमरे क देवारन क देवदारु क पल्लन स मढ़ेन, देवारे क कउनो भी पाथर नाहीं लखा जाइ सकत रहा। उ पच्चे फूलन अउ कद्द् क चित्र देवदारु क पल्लन मँ नक्कासी किहन।</verse>
				<verse number="19">सुलैमान मन्दिर क पाछे भीतर गहिर कमरन क तइयार किहस। इ कमरा यहोवा क करार क सन्दूखे क बरे रहा।</verse>
				<verse number="20">इ कमरा बीस हाथ लम्बा बीस हाथ चौड़ा अउ बीस हाथ ऊँचा रहा।</verse>
				<verse number="21">सुलैमान इ कमरे क निखालिस सोना स मढ़ेस। उ इ कमरा क समन्वा एक ठु धूप वेदी बनाएस। उ वेदी क सोने स मढ़ेस अउर एकरे चारिहुँ कइँती सोने क जंजीरन लपेटेस।</verse>
				<verse number="22">सारा मन्दिर सोना स मढ़ा रहा अउर सब स जियादा पवित्तर जगह क समन्वा वेदी सोना स मढ़ी गइ रही।</verse>
				<verse number="23">सिल्पकार पखना सहित दुई ठु करूब सरगदूतन क मूरती बनाएन। सिल्पकार जइतून क काठे स मूरतियन बनाएन। दुइनउँ सरगदूतन सब स जियादा पवित्तर जगह मँ धरे गएन। हर एक सरगदूत दस हाथ ऊँच रहा।</verse>
				<verse number="24">उ सबइ दुइनउँ सरगदूत एक ही माप क रहेन अउर एक ही सैली मँ बने रहेन। हर एक सरगदूत क दुइ पखनन रहेन। हर एक पखना पाँच हाथ लम्बा रहा। एक पखना क सिरे स दूसर पखना क सिरे तलक दस हाथ रहा अउर हर एक सरगदूत दस हाथ ऊँच रहा।</verse>
				<verse number="25"></verse>
				<verse number="26"></verse>
				<verse number="27">इ सबइ करूब सरगदूत सब स जियादा पवित्तर ठउर मँ धरे गए रहेन। उ सबइ एक दूसर क बगल मँ खड़े रहेन। ओनकर पखना कमरा बीच मँ एक दूसर क छुअत रहेन। दूसर दुइ पखनन हर एक बगल क देवार क छुअत रहेन।</verse>
				<verse number="28">दुइनउँ करूब सरगदूत सोना स मढ़े गए रहेन।</verse>
				<verse number="29">मुख्य कच्छ अउ भीतरी कच्छ चारिहुँ कइँती क देवारन पइ करूब सरगदूतन, ताड़ क बृच्छन अउ फूल क चित्र उकेरे गए रहेन।</verse>
				<verse number="30">दुइनउँ कमरन क भूइँया सोना स मढ़ी गइ रही।</verse>
				<verse number="31">कारीगरन जइतून क काठे क दुइ दरवाजा बनाएन। उ पचे ओन दुइ दरवाजन क सब स जियादा पवित्तर जगह क प्रवेस दुआर मँ लगाएन। दरवाजन क चारिहुँ कइँती क चौखट पाँच पहलदार बनी रही।</verse>
				<verse number="32">उ पचे दुइनउँ दरवाजन क जैतून क काठे क बनाएन। कारीगरन दरवाजन पइ करूब सरगदूत, ताड़ क बृच्छन अउ फूलन क चित्रन क उकेरेन। तब उ पचे दरवाजन क सोना स मढ़ेन।</verse>
				<verse number="33">उ पचे मुख्य कच्छ मँ प्रवेस बरे भी दरवाजन बनाएन। उ पचे एक वर्गाकार दरवाजे क चौखट बनावइ बरे जैतून क काठे क उपयोग किहन।</verse>
				<verse number="34">तब उ पचे दरवाजा बनावइ बरे चीर क लकड़ी क उपयोग किहन।</verse>
				<verse number="35">हुवाँ दुइ दरवाजा रहेन। हर एक दरवाजे क दुइ भाग रहेन, एह बरे दुइनउँ दरवाजन मुड़िके बंद होत रहेन। उ पचे दरवाजन पइ करूब सरगदूत ताड़ क बृच्छन अउ फूलन क चित्रन क उकेरेन। तब उ पचे ओनका सोना स मढ़ेन।</verse>
				<verse number="36">तब उ पचे भीतरी आँगन बनाएन। उ पचे इ आँगन क चारिहुँ ओर देवारन बनाएन। हर एक देवदार कटे पाथरन क तीन कतारन अउ देवारु क काठन क एक कतार स बनाइ गइ।</verse>
				<verse number="37">उ पचे बरिस क दूसरे महीने जिब माह मँ मन्दिर क निर्माण सुरु किहन। इस्राएल क लोगन पइ सुलैमान क हुकूमत क चउथे बरिस मँ, इ भवा।</verse>
				<verse number="38">मन्दिर क निर्माण बरिस क अठएँ महीने बूल माह मँ पूरा भवा। लोगन पइ सुलैमान क हुकूमत क गियारहवें बरिस इ भवा रहा। मन्दिर क निर्माण मँ सात बरिस लगेन। मन्दिर ठीक उहइ प्रकार बना रहा जइसा ओका बनावइ क जोजना रही।</verse>
			</chapter>
			<chapter number="7">
				<verse number="1">राजा सुलैमान अपने बरे एक महल भी बनवाएस। सुलैमान क महल क निर्माण क पूरा करइ मँ तेरह बरिस लगेन।</verse>
				<verse number="2">उ उ इमारत क भी बनाएस जेका, “लबानोन क बन” कहा जात ह। इ सौ हाथ लम्बा, पचास हाथ चौड़ा, अउर तीस हाथ ऊँच रहा। एहमाँ देवदारु क खम्भन क चार कतारन रहिन। हर एक कतारे क सिरे पइ देवदारु क सीर्स रहा।</verse>
				<verse number="3">खम्भन क कतारन क आर पार जात भइ देवदारु क सहतीरन रहिन। उ पचे देवदारु क पल्लन क छते क बरे एन सहतीरन पइ धरे रहेन। खम्भन क हर एक विभाग क बरे पन्द्रह सहतीरन रहिन। सब निलाइके पैंतालीस सहतीरन रहिन।</verse>
				<verse number="4">बगल क हर एक देवारे मँ खिड़कियन क तीन कतारन रहिन। खिड़कियन परस्पर आमने-सामने रहिन।</verse>
				<verse number="5">हर एक क आखिर मँ तीन दरवाजन रहेन। सबहिं दरवाजन क दुआर अउ चौखटन वर्गाकार रहेन।</verse>
				<verse number="6">सुलैमान “खम्भन क प्रवेस दुआर मण्डप” भी बनाएस। इ पचास हाथ लम्बा अउ तीस हाथ चौड़ा रहा। प्रवेस दुआर मण्डप क अगला भाग क संग-संग खम्भन पइ टिकी एक ठु छत रही।</verse>
				<verse number="7">सुलैमान एक ठु सिंहासन कच्छ बनाएस जहाँ उ लोगन क निआउ करत रहा। उ एका “निआव कच्छ” कहत रहा। कच्छ भूइँया स लइके छते तलक देवदारु स मढ़ा रहा।</verse>
				<verse number="8">जउन भवन मँ सुलैमान रहत रहा, उ निआव महाकच्छ क पाछे दूसर आँगन मँ रहा। इ महल वइसे ही बना रहा जइसा निआव महाकच्छ बना रहा। उ अपनी मेहरारु स जउन मिस्र क राजा क बिटिया रही, क बरे बइसा ही महल बनाएस।</verse>
				<verse number="9">इ सबहिं इमारतन महंगा पाथर क ठुकन स बनी रहिन। इ सबइ पाथर समुचित आकार मँ आरे स काटे ग रहेन। उ सबइ सामने अउ पाछे कइँती स कटे रहेन। इ सबइ महंगा पाथर नेंव स लइके देवार क ऊपरी तहे तलक लगे रहेन। अँगने क चारिहुँ कइँती क देवार भी महंगा पाथर टूकन स बनी रहिन।</verse>
				<verse number="10">नेव बिसाल महंगा पाथरन स बनी रही। कछू पाथर दस हाथ लम्बे रहेन अउर दूसर बारह फुट लम्बे रहेन।</verse>
				<verse number="11">ओन पाथरन क सीर्स पइ दूसर महंगा पाथर अउ देवदारु क सहतीरन रहिन।</verse>
				<verse number="12">महल क आँगन, मन्दिर क आँगन अउ मन्दिर क प्रवेस दुआर मण्डप क चारिहुँ कइँती देवारन रहिन। उ सबइ देवारन पाथर क तीन कतारन अउ देवदारु काठे क एक कतार स बनी रहिन।</verse>
				<verse number="13">राजा सुलैमान हीराम नाउँ क मनई क लगे सोर मँ सँदेसा पठएस। सुलैमान हीराम क यरूसलेम लिआवा।</verse>
				<verse number="14">हीराम क महतारी नप्ताली परिवार समूह स इस्राएली रही। ओकर मरा बाप सोर क रहा जउन काँसा क काम मँ कुसल रहा। हीराम काँसे स चिजियन बनावत रहा। उ बहोत कुसल अउ अनुभवी कारीगर रहा। एह बरे राजा सुलैमान ओका आवइ बरे कहेस अउर हीराम ओका स्वीकार किहस। एह बरे राजा सुलैमान हीराम क काँसे स निर्मित सबहिं चिजियन क बनाएस।</verse>
				<verse number="15">हीराम काँसा क दुइ खम्भा बनाएस। हर एक खम्भा अठारह हाथ लम्बा अउ बारह हाथ गोलाईवाला रहा। खम्भा खोखले रहेन अउर धातु तीन इन्च मोटी रही।</verse>
				<verse number="16">हीराम दुइ काँसा क सीर्स भी बनाएस जउन पाँच हाथ ऊँचे रहेन। हीराम एन सीर्सन क खम्भन क सिरन पइ रखेस।</verse>
				<verse number="17">तब उ दुइनउँ खम्भन क ऊपर क सीर्सन क ढाँपइ बरे जंजीरन क दुइ जाल बनाएस।</verse>
				<verse number="18">तब उ अलंकरन क दुइ कतारन बनाएस जउन अनार क तरह देखात रहेन। उ पचे एन काँसन क अनारन क हर एक खम्भा क जालन मँ, खम्भन क सिरन क सीर्सन क ढाँपइ बरे रखेस।</verse>
				<verse number="19">पाँच हाथ ऊँच खम्भन क सिरन क सीर्स फूल क आकार क बना रहेन।</verse>
				<verse number="20">सीर्स खम्भन क सिरन पइ रहेन। उ सबइ कटोरन क आकार क जाल क ऊपर रहेन। उ ठउरे पइ सीर्सन क चारिहुँ कइँती कतारन मँ दुई सौ अनार रहेन।</verse>
				<verse number="21">हीराम एन दुइनउँ काँसा क खम्भन क मन्दिर क प्रवेस दुआर पइ खड़ा किहस। दुआर क दक्खिन कइँती एक खम्भा अउ दुआर क उत्तर कइँती दूसर खम्भा खड़ा कीन्ह गवा। दक्खिन क खम्भा क नाउँ याकीन रखा गवा। उत्तर क खम्भा क नाउँ बोआज़ रखा गवा।</verse>
				<verse number="22">उ पचे फूल क आकार क सीर्सन क खम्भन क ऊपर रखेन। इ तरह दुइनउँ खम्भन पइ काम पूरा भवा।</verse>
				<verse number="23">तब हीराम काँसा क एक गोल हौज बनाएस। उ पचे इ हउज क “सागर” कहेन। हौज लगभग तीस हाथ गोलाई मँ रहा। इ आर-पार दस हाथ अउर पाँच हाथ गहिर रहा।</verse>
				<verse number="24">हौज क बाहरी सिरे पइ एक ठु बारी रही। इ बारी क खाले काँसा क कद्दुअन क दुइ कतारन हौज क घेरे भए रहिन। काँसे क कद्दू हौज क हींसा क रूप मँ एक ठु इकाई मँ बने रहेन।</verse>
				<verse number="25">हौज बारह काँसे क बर्धन क पीठन पइ टिका रहा। इ सबइ बारँहु बर्धा तालाब स दूर बाहेर क लखत रहेन। तीन ठु उत्तर कइँती, तीन दक्खिन क अउ तीन पच्छिम कइँती लखत रहेन।</verse>
				<verse number="26">हौज क देवारन तीन इन्च मोट रहिन। तालाब क चारिहुँ कइँती क किनारी एक पयाले क किनारी या फूल क पुंखड़ियन क तरह रहिन। तालाब क छमता लगभग गियारह हजार पाँस सौ गैलन रही।</verse>
				<verse number="27">तब हीराम दस काँसे क गाड़ियन बनाएस। हर एक चार हाथ लम्बी, चार हाथ चौड़ी अउ पाँच हाथ ऊँच रही।</verse>
				<verse number="28">गाड़ियन वर्गाकार पल्लन क चउखटन मँ मढ़िके बनाई गइ रहिन।</verse>
				<verse number="29">पल्लन अउ चउखटन पइ काँसे क सिंह, बर्धा अउ करूब सरगदूत रहेन। सिंह अउ बर्धन क ऊपर अउ खाले फूलन क कलाकारी हथौड़ा स पीट-पीट के काँसे मँ बनावा ग रहेन।</verse>
				<verse number="30">हर एक गाड़ी मँ चार काँसे क पहियन काँसे क धुरी क संग रहेन। कोनन पइ काँसे क टेकन बिसाल कटोरा बरे बने रहेन। टेकन पइ हथौड़न स पीट-पीट के फूलन क कलाकारी काँसे मँ बनावा ग रहेन।</verse>
				<verse number="31">कटोरा बरे ऊपरी सिरे पइ एक ढाँचा बना रहा। इ कटोरन स ऊपर स एक हाथ ऊँच रहा। कटोरा क खुल भवा गोल हींसा डेढ़ हाथ व्यास वाला रहा। काँसे क ढाँचे पइ जउन कलाकारी खोदा गए रहेन इ चौकोर रहेन, गोल नाहीं।</verse>
				<verse number="32">ढाँचा क खाले चार पहियन रहेन पहिये डेढ़ हाथ व्यासवाले रहेन। पहिये क बीच धुरे गाड़ी क संग एक इकाई क रूप मँ बने रहेन।</verse>
				<verse number="33">पहियन रथे क पहियन क नाईं रहेन। पहियन क हर एक चीज-धुरे, परिधि, तीलियन अउ नाभी काँसे क बनी रही।</verse>
				<verse number="34">हर एक गाड़ी क चारिहुँ कोनन पइ चार आधार रहेन। उ सबइ गाड़ी क संग एक इकाई क रुप मँ बने रहेन।</verse>
				<verse number="35">हर एक गाड़ी क ऊपरी सिरे क चारिहुँ कइँती एक काँसा क आधा हाथ गहिरा पट्टी रही। टेकन अउर पटरियन एक इकाई मँ बन के गाड़ी क साथ जुड़े रहेन।</verse>
				<verse number="36">इ गाड़ी बगल अउ ढाँचे पइ करूब सरगदूतन, सिंहन अउ ताड़ क बृच्छन क चित्र काँसा मँ गाड़ी क बगल अउर ढाँचे पइ खोदे गए रहेन। इ सबइ चित्र गाड़ियन पइ जहाँ भी जगह रही, उकेरे गए रहेन अउर गाड़ी क चारिहुँ कइँती क ढाँचे पइ फूल उकेरे गए रहेन।</verse>
				<verse number="37">हीराम दस गाड़ियन बनाएस अउर उ सबइ सबहिं एक जइसी रहिन। हर एक गाड़ी काँसा क बनी रही। काँसा क गलावा गवा रहा अउर साँचा मँ ढाला गवा रहा। एह बरे सबहिं गाड़ियन एक ही आकार अउर एक ही रूप क रहिन।</verse>
				<verse number="38">हीराम दस कटोरन भी बनाएस। एक कटोरा दस गाड़ियन मँ स हर एक बरे रहा। हर एक कटोरा चार हाथ व्यास वाला रहा अउर हर एक कटोरे मँ दुइ सौ तीस गैलन आइ सकत रहा।</verse>
				<verse number="39">हीराम पाँच गाड़ियन क मन्दिर क दक्खिन अउ दूसर पाँच गाड़ियन क मन्दिर क उत्तर मँ धरेस। उ बिसाल तालाब क मन्दिर क दक्खिन पूर्व कोने मँ धरेस।</verse>
				<verse number="40">हीराम बर्तन, नान्ह बेलचन अउ नान्ह कटोरन भी बनाएस। हीराम ओन सारी चिजियन क बनाउब पूरा किहस जेनका राजा सुलैमान ओहसे बनावावइ चाहत रहा। हीराम यहोवा क मन्दिर बरे जउन कछू बनाएस ओकर सूची इ अहइ: दुइ खम्भा, खम्भन क सिरन बरे कटोरा क आकार क दुइ सीर्स, सीर्सन क चारिहुँ कइँती लगाए जाइवाले दुइ जाल। दुइ जातन बरे चार सौ अनार खम्भन क सिरन पइ सीर्सन क दुइनउँ कटोरन क ढकइ बरे हर एक जात क वास्ते अनारन क दुइ कतारन रहिन। हुँवा दस गाड़ियन रहिन, हर गाड़ी पइ एक कटोरा रहा, एक बिसाल तालाब जउन बारह बर्धन पइ टिका रहा, बर्तन, नान्ह बेल्चन, नान्ह कटोरन, अउर यहोवा क मन्दिर बरे सबहिं तस्तरियन। हीराम उ सबहिं चिजियन बनाइन जेनका राजा सुलैमान चाहत रहा। उ सबइ सबहिं झलकाए भए काँसा स बनी रहिन।</verse>
				<verse number="41">सुलैमान उ काँसे क कबहुँ नाहीं तौलेस जेकर उपयोग एन चिजियन क बनावइ बरे भवा रहा। उ ऍतना जियादा रहा कि एकर तउलब संभव नाहीं रहा। एह बरे सारे काँसे क तौल क कुल योग कबहुँ मालूम नाहीं भवा। राजा ऍन चिजियन क सुक्कोत अउ सारतान क बीच यरदन नदी क निचके बनावइ क आदेस दिहस। उ पचे ऍन चिजियन क, काँसा क गलाइके अउर जमीन मँ बने साँचन मँ ढालिके, बनाएस।</verse>
				<verse number="42">सुलैमान इ भी आदेस दिहस कि मन्दिर बरे सोने क बहोत स चिजियन बनाई जाइँ। सुलैमान मन्दिर बरे सोना स जउन चिजियन बनाएस, उ सबइ इ अहइँ। सुनहरी वेदी; सुनहरी मेज ओन रोटी बरे जउन कि पवित्तर स्थान मँ धरी जात रहा। 49 सुद्ध सोना क दीपधार (सब स जियादा पवित्तर ठउर क समन्वा इ सबइ मँ स पाँच दीपधार दक्खिन कइँती अउर पाँच उत्तर कइँती धरी जात रहेन।) सुनहरा फूल, दीपक अउ चिमटन; 50 सुद्ध सोना क कटोरन, पलीता काटई बरे कैंचियन, छोटा कटोरन, कढ़ाईयन, कोइला ढोवइ बरे सुद्ध सोना क तस्तरियन; भीतरी कमरा क दरवाजन बरे जउन सबन त जियादा पवित्तर स्थान अहइ, अउर मन्दिर क मुख्य कमरा क दूसर दरवाजन बरे सोने क कब्जन।</verse>
				<verse number="43">इ तरह सुलैमान, यहोवा क मन्दिर बरे जउन काम उ करइ चाहत रहा, पूरा किहस। तब सुलैमान उ सबइ सबहिं चिजियन लिहस जेनका ओकर पिता दाऊद इ उद्देस्य क बरे सुरच्छित रखे रहिन। उ एन चिजियन क मन्दिर मँ लिआवा। उ चाँदी अउ सोना यहोवा क मन्दिर क खजानन मँ धरेस।</verse>
			</chapter>
			<chapter number="8">
				<verse number="1">तब राजा सुलैमान इस्राएल क सबहिं बुर्जुगन, परिवार समूहन क प्रमुखन अउ इस्राएल क परिवारन क प्रमुखन क एक संग यरूसलेम मँ बोलाएस। सुलैमान ओनका सामिल करइ चाहत रहा कि उ पचे करार क सन्दूख क दाऊद नगर स मन्दिर मँ लिआवइँ।</verse>
				<verse number="2">एह बरे इस्राएल क सबहिं लोग इकट्ठा होइके राजा सुलैमान क लगे आएन। इ एतानीम महीना मँ कुटीर क त्यौहार क मौका रहा, इ बरिस क सतवाँ महीना रहा।</verse>
				<verse number="3">इस्राएल क सबहिं बुर्जुगन उ ठउरे पइ आएन। तब याजक लोग पवित्तर सन्दूख उठाएन। उ पचे पवित्तर तम्बू अउ तम्बू मँ क सबहिं चिजियन सहित यहोवा क पवित्तर सन्दूख क लइ आएन। लेवी वंसियन याजक लोगन क मदद एन चिजियन क लइ जाइ मँ किहेन।</verse>
				<verse number="4"></verse>
				<verse number="5">राजा सुलैमान अउर इस्राएल क सबहिं लोग करार क सन्दूख क समन्वा इकट्ठे भएन। उ पचे अनेक बलि भेंट किहन। उ पचे ऍतना जियादा भेंड़िन अउ गोरुअन मारेन कि ओन सबहिं क कउनो मनई गनइ या दर्ज करइ मँ सार्मथ नाहीं रहा।</verse>
				<verse number="6">तब याजक लोग यहोवा क करार क सन्दूखे क ओकरे उचित ठउरे पइ धरेन। इ मन्दिर क भीतर सब स जियादा पवित्तर ठउरे मँ रहा। करार क सन्दूख करूब सरगदूतन क पखनन क खाले धरा गवा।</verse>
				<verse number="7">करूब सरगदूतन क पखना करार क सन्दूख क अउर ओका लइ चलइ मँ सहायक बल्लियन क ढाँपे रहेन।</verse>
				<verse number="8">इ सबइ सहायक बल्लिायन बहोत बड़ी रहिन। जदि कउनो मनई पवित्तर ठउर मँ सब स जियादा पवित्तर ठउर क समन्वा खड़ा होइ, तउ उ बल्लियन क सिरन क लख सकत ह। किन्तु बाहेर क कउनो भी ओनका नाहीं लख सकत। उ सबइ बल्लियन आजु भी हुँवा अहइँ।</verse>
				<verse number="9">हिआँ पवित्तर सन्दूख क भीतर सिरिफ दुइ सिलन रहिन। उ सबइ दुइ सिलन उहइ रहिन जेनका मूसा होरेब नाउँ क ठउरे पइ पवित्तर सन्दूख मँ धरे रहेन। होरेब उ ठउर रहा जहाँ यहोवा इस्राएल क लोगन क संग ओनके मिस्र स बाहेर आवइ क पाछे करार किहस।</verse>
				<verse number="10">याजक सन्दूखे क सब स जियादा पवित्तर ठउर मँ धरेस। जब याजक पवित्तर ठउर स बाहेर आएन तउ बादल यहोवा क मन्दिर मँ भर गवा।</verse>
				<verse number="11">याजक आपन सेवा करत नाहीं रहि सकेन काहेकि बादर क कारण मन्दिर यहोवा क प्रताप स भर गवा रहा।</verse>
				<verse number="12">तब सुलैमान कहेस: “यहोवा अकासे मँ सूरज चमकाएस, मुला उ करिआ बादर मँ रहब पसन्द किहेस।</verse>
				<verse number="13">मइँ तोहरे बरे एक सानदार मन्दिर बनाएउँ, एक निवास जेहमाँ तू सदा ही रहब्या।”</verse>
				<verse number="14">इस्राएल क सबहिं लोग हुँवा खड़े रहेन। एह बरे सुलैमान ओनकी ओर मुड़ा अउर परमेस्सर ओनका आसीर्बाद देइ क कहेस।</verse>
				<verse number="15">तब राजा सुलैमान यहोवा स एक लम्बी पराथना किहस। उ जउन पराथना किहस उ इ अहइ: “इस्राएल क यहोवा परमेस्सर क प्रसंसा करा। यहोवा मोर पिता दाऊद स जउन कछु प्रतिग्या किहेस ओनका उ खुद पूरा किहस ह। यहवा मोरे बाप स कहेस,</verse>
				<verse number="16">‘मइँ अपने लोगन, इस्राएल क मिस्र स बाहेर लिआएउँ। लेकिन मइँ अबहिँ तलक इस्राएल परिवार समूह स कउनो नगर क नाहीं चुनेउँ ह, कि मोका सम्मान देइ बरे मन्दिर-निर्माण करइ। अउर मइँ इस्राएलियन क नेता कउनो मनई क नाहीं चुनेस ह। किन्तु अब मइँ यरूसलेम क चुनेउँ ह जहाँ मइँ सम्मानित होत रहब अउर मइँ दाऊद क इस्राएली लोगन पइ हुकूमत करइ बरे चुनेउँ ह।’</verse>
				<verse number="17">“मोर बाप दाऊद जियादा चाहत रहेन कि उ पचे यहोवा, इस्राएल क परमेस्सर क सम्मान बरे मन्दिर बनावइँ।</verse>
				<verse number="18">किन्तु यहोवा मोर बाप दाऊद स कहेस, ‘मइँ जानत हउँ कि तू मोरे सम्मान बरे मन्दिर बनावइ क प्रबल इच्छा रखत अहा अउर इ नीक अहइ कि तू मोर मन्दिर बनावइ चाहत अहा।</verse>
				<verse number="19">किन्तु तू उ मनई नाहीं अहा जेका मइँ मन्दिर बनावइ बरे चुनेउँ ह। तोहार पूत मोर मन्दिर बनाई।’</verse>
				<verse number="20">“इ तरह यहोवा जउन प्रतिग्या किहे रहा ओका पूरी कइ दिहेउँ ह। अब मइँ अपने बाप दाऊद क ठउरे पइ राजा अहउँ। अब मइँ यहोवा क प्रतिग्या क अनुसार इस्राएल क लोगन पइ सासन करत हउँ अउर मइँ यहोवा इस्राएल क परमेस्सर बरे मन्दिर बनाएउँ ह।</verse>
				<verse number="21">मइँ मन्दिर मँ एक ठउर पवित्तर सन्दूखे बरे बनाएउँ ह। उ पवित्तर सन्दूखे मँ उ करार अहइ जउन वाचा यहोवा हमरे पुरखन क संग किहे रहा। यहोवा उ वाचा तब किहेस जब उ हमरे पुरखन क मिस्र स बाहेर लइ आवा रहा।”</verse>
				<verse number="22">तब सुलैमान यहोवा क वेदी क समन्वा खड़ा भवा। सबहिं लोग ओकरे समन्वा खड़े भएन। राजा सुलैमान अपने हाथन क अकासे कइँती फइलाएस।</verse>
				<verse number="23">उ कहेस, “हे यहोवा इस्राएल क परमेस्सर तोहरे समान धरती पइ या अकास मँ कउनो दूसर परमेस्सर नाहीं अहइ। तू अपने लोगन क संग करार किहा अउर ओहमाँ कायम रह्या। तू ओन लोगन क बरे दयालु अउर स्नेहपूर्ण रहा जउन तोहार अनुसरण आपन पूरा हिरदइ स करत हीं।</verse>
				<verse number="24">तू अपने सेवक मोरे बाप दाऊद स, एक प्रतिग्या किहे रह्या अउर तू उ पूरी किहा ह। तू उ प्रतिग्या खुद अपने मुँह स किहे रह्या अउर तू अपनी महान सक्ती स उ प्रतिग्या क आज फुरइ घटित होइ दिहा ह।</verse>
				<verse number="25">अब, यहोवा इस्राएल क परमेस्सर, ओन दूसर प्रतिग्यन क पूरा करा जउन तू अपने सेवक, मोर बाप दाऊद स किहे रह्या। तू कहे रह्या, ‘दाऊद जइसा तू किहा वइसे ही तोहार सन्तानन क मोर हुकुम क पालन होसियारी स करइ चाही। जदि उ पचे अइसा करिहीं तउ तोहरे परिवार क कउनो न कउनो मनई सदा इस्राएल क लोगन पइ सासन करी।’</verse>
				<verse number="26">अउर हे यहोवा, इस्राएल क परमेस्सर, मइँ फुन तोहसे माँगत हउँ कि तू कृपा कइके मोरे बाप क संग कीन्ह गइ प्रतिग्या क पूरी करत रहा।</verse>
				<verse number="27">“मुला परमेस्सर, का तू फुरइ इ धरती पइ हम लोगन क संग रहब्या? तोहका सारा आकास अउ सरग क उच्चतम ठउर भी धारण नाहीं कइ सकत्या? निहचइ ही इ मन्दिर भी, जेका मइँ बनाएउँ ह, तोहका धारण नाहीं कइ सकत।</verse>
				<verse number="28">मुला तू मोर पराथना अउ मोरे निवेदन पइ धियान द्या। मइँ तोहार सेवक हउँ अउर तू मोर यहोवा परमेस्सर अहा। इ पराथना क तू स्वीकार करा जेका आज मइँ तोहसे करत हुउँ।</verse>
				<verse number="29">बीते समइ मँ तू कहया रहा, ‘मोर हुवाँ सम्मान कीन्ह जाइ।’ एह बरे इ मन्दिर क देख-रेख दिन-रात करा। कृप्या कइके तू मोर, आपन सेवक क पराथना क सुन्या, जेका मइँ तोहसे इ मन्दिर मँ कहत हउँ।</verse>
				<verse number="30">यहोवा, मइँ अउर तोहरे इस्राएल क लोग इ मन्दिर की ओर पराथना करिहीं। कृपा कइके एन पराथनन पइ धियान द्या। हम जानित ह कि तू सरग मँ रहत ह। कृप्या कइके हुँवा स आपन सेवक क पराथना सुन्या अउर हम क छिमा कर्या।</verse>
				<verse number="31">“जदि कउने मनई कउनो दूसर मनई क खिलाफ कउनो अपराध करी तउ उ हिआँ तोहरी वेदी क लगे लिआवा जाइ। जदि उ मनई दोखी नाहीं अहइ तउ उ एक किरिया लेइ। उ किरिया लेइ कि उ निदोर्ख अहइ।</verse>
				<verse number="32">उ समइ तू सरग मँ सुना अउर उ मनई क संग निआव करा। जदि उ मनई अपराधी अहइ तउ कृपा कइके हम क दिखावा कि उ अपराधी अहइ। जदि उ मनई निरपराध अहइ तउ हमक दिखावा कि उ अपराधी नाहीं अहइ।</verse>
				<verse number="33">“कबहुँ-कबहुँ तोहरे इस्राएल क लोग तोहरे खिलाफ पाप करिहीं अउर ओनकर दुस्मन ओनका हराइ देइहीं। तब लोग तोहरे लगे लउटिहीं अउर उ सबइ लोग इ मन्दिर मँ तोहार नाउँ क स्तुति करिहीं अउ तोहसे पराथना अउर निवेदन करइहीं।</verse>
				<verse number="34">तउ मेहरबानी कइके सरग स ओनकर पराथना सुना। तब अपने इस्राएली लोगन क पापन क छिमा करा अउर ओनकर भुइँया ओनका फुन स प्राप्त करइ द्या। तू इ भुइँया ओनके पुरखन क दइ दिहे रह्या।</verse>
				<verse number="35">“कबहुँ-कबहुँ उ पचे तोहरे खिलाफ पाप करिहिं, अउर तू ओनकर भुइँया पर बर्खा होब बन्द कइ देब्या। तब उ पचे इ ठउरे की ओर मुँह कइके पराथना करिहीं। अउर तोहरे नाउँ क स्मुर्ति करहीं। तू ओनका कस्ट सहइ देब्या अउर उ पचे अपने पापन वापिस घूमि जाइहीं।</verse>
				<verse number="36">एह बरे मेहरबानी स सरग मँ ओनकर पराथना सुना। तब हम पचन्क हमरे पापन बरे छिमा करा। लोगन क सच्ची जिन्नगी जिअई क सिच्छा द्या। हे यहोवा तब कृपा कइके तू उ भुइँया पई बर्खा करा जेका तू ओनका दिहा ह।</verse>
				<verse number="37">“भुइँया बहोत जियादा झुराइ सकत ह अउर ओह पइ कउनो अन्न उग नाहीं सकी। संभव अहइ लोगन मँ महामारी फइलइ। संभव अहइ सारा पइदा भवा अन्न कीड़न मकोड़न क जरिये बर्बाद कइ दीन्ह जाइ या तोहार लोग अपने कछू नगरन मँ अपने दुस्मनन क हमला क सिकार बनइँ या तोहार अनेक लोग बीमार पड़ि जाइँ।</verse>
				<verse number="38">जब एनमाँ स कछू भी घटित होइ, अउर एक भी मनइ अपने पापन बरे पछतावा करइ, अउर अपने हाथन क इ मन्दिर कइँती पराथना मँ फइलावइ तउ</verse>
				<verse number="39">मेहरबानी कइके ओकर पराथना सुना। ओकर पराथना क सुना, जब तू अपने निवास स्थान सरग मँ अहा। तब लोगन क छिमा करा अउर ओनकर मदद करा। सिरिफ तू इ जानत अहा कि मनई क हिरदय मँ का बाटइ? एह बरे हर एक क संग ओकर काम अउर उद्देस क अनुसार निआव करा।</verse>
				<verse number="40">इ एह बरे करा ताकि तोहार लोग तोहसे डेराइँ अउर तोहार सम्मान उ समइ तलक करइँ जब तलक उ पचे इ भुइँया पइ रहइँ जेहका तू हमरे पुरखन क दिहे रह्या।</verse>
				<verse number="41">“दूसर जगहन क लोग तोहार महानता अउ तोहरी सक्ती क बारे मँ सुनिहीं। उ पचे बहोत दूर स इ मन्दिर मँ पराथना करइ अइहीं।</verse>
				<verse number="42"></verse>
				<verse number="43">मेहरबानी कइके आपन निवास स्थान, सरग स ओनकर पराथना सुना। मेहरबानी कइके तू उ सब कछू करा जेका दूसर जगहन क लोग तोहसे माँगत हीं। तब उ सबइ लोग भी इस्राएली लोगन क तरह ही तोहसे डेरइहीं अउर तोहार सम्मान करिहीं। तब सबहिं जगहन क लोगन इ जानिहीं कि मइँ इ मन्दिर क तोहका सम्मान देइ बरे बनाएउँ ह।</verse>
				<verse number="44">“कबहुँ-कबहुँ तू अपने लोगन क अपने दुस्मनन क खिलाफ जाइ अउर ओनसे जुद्ध करइ क आदेस देब्या। तब तोहार लोग तोहार चुने भए इ नगर अउर मोर बनाए भए मन्दिर की ओर अभिमुख होइहीं। जेका मइँ तोहरे सम्मान मँ बनाएउँ ह अउर उ पचे तोहार पराथना करिहीं।</verse>
				<verse number="45">उ समइ तू अपने निवास स्थान सरग स ओनकर पराथना क सुना अउर ओनकर मदद करा।</verse>
				<verse number="46">“तोहार लोग तोहरे खिलाफ पाप करिहीं। मइँ एका एह बरे जानत हउँ काहेकि हर एक मनई पाप करत ह अउर तू अपने लोगन पइ कोहाब्या। तू ओनके दुस्मनन क ओनका हरावइ देब्या। ओनकर दुस्मन ओनका बंदी बनइहीं। अउर ओनका कउनो बहोत दूर क देस मँ लइ जइहीं।</verse>
				<verse number="47">उ दूर क देस मँ तोहार लोग समुझिहीं कि का होइ गवा ह। उ पचे अपने पापन बरे पछतावा करिहीं अउर तोहसे पराथना करिहीं। उ पचे आप क समन्वा पराथना करिहीं अउर कहिहीं, ‘हम पाप अउ अपराध किहा ह।’</verse>
				<verse number="48">उ पचे उ दूर क देस मँ रहिहीं। किन्तु जदि उ पचे इ देस जेका तू ओनके पुरखन क दिहा अउर तोहार चुने नगर अउर इ मन्दिर जेका मइँ तोहरे सम्मान मँ बनाएउँ ह। अउर अगर उ तोहरे पास पूरा हिरदय स लउटत ह,</verse>
				<verse number="49">तउ तू मेहरबानी कइके ओकर पराथना अउर माँग क अपने निवास स्थान सरग स सुना अउर ओकरे उद्देस क सहारा द्या।</verse>
				<verse number="50">अपने लोगन क सबहिं पापन बरे छिमा कइ द्या अउर तू ओनका तोहार विरोध होइ बरे छिमा करा अउर कइके ओनके दुस्मनन क ओनके बरे दयालु बनावा।</verse>
				<verse number="51">याद राखा कि उ पचे तोहरे लोग अहइँ, याद राखा कि तू ओनका मिस्र स बाहेर लिआया। इ वइसा ही रहा जइसा तू बरत भट्ठी स ओनका धइके हींच लिहे ह्वा।</verse>
				<verse number="52">“यहोवा परमेस्सर, कृपा कइके मोर पराथना अउ अपने इस्राएली लोगन क पराथना सुना। ओनकर पराथना, जब कबहुँ उ पचे तोहार मदद करइ, सुना।</verse>
				<verse number="53">तू ओनका पृथ्वी क सारे मनइयन मँ स अपन खास लोग होइ बरे चुन्या ह। यहोवा तू ओका हमरे बरे करइ क प्रतिग्या किहा ह। तू हमरे पुरखन क मिस्र स बाहेर लिआवत समइ इ प्रतिग्या अपने सेवक मूसा क माध्यम स किहे रह्या।”</verse>
				<verse number="54">सुलैमान परमेस्सर स इ पराथना किहेस। उ वेदी क समन्वा अपने घुटनन क बल रहा। सुलैमान सरग कइँती भुजन उठाइके पराथना किहेस। तब सुलैमान पराथना पूरी किहेस अउर उ उठ खड़ा भवा।</verse>
				<verse number="55">तब उ ऊँच आवाज मँ इस्राएल क सबहिं लोगन क आसीर्वाद देइ बरे परमेस्सर स याचना किहस। सुलैमान कहेस:</verse>
				<verse number="56">“यहोवा क स्तुति करा। उ प्रतिग्या किहेस, कि उ अपने इस्राएल क लोगन क आराम देइ अउर उ हम क आराम दिहेस। यहोवा अपने सेवक मूसा क उपयोग किहस अउर इस्राएल क लोगन क बरे बहोत स नीक प्रतिग्या किहस अउर यहोवा ओन हर एक प्रतिग्यन क पूरा किहेस ह।</verse>
				<verse number="57">मइँ पराथना करत हउँ कि यहोवा, हमार परमेस्सर हम लोगन क संग उहइ तरह होइ जइसे उ हमरे पुरखन क संग रहा। मइँ पराथना करत हउँ कि यहोवा हम क कबहुँ न तजी।</verse>
				<verse number="58">मइँ पराथना करत हउँ कि हम ओकरी कइँती अभिमुख होब अउर ओकर अनुसरण करब। तब हम लोग ओकरे सबहिं नेमन, निर्णयन अउ आदेसन क पालन करब जेनका उ हमरे पुरखन क दिहस।</verse>
				<verse number="59">मइँ आसा करत हउँ कि यहोवा हमार परमेस्सर सदा ही इ पराथना क अउर जउने चिजियन क मइँ याचना किहेउँ ह, याद राखी। मइँ पराथना करत हउँ कि यहोवा अपने सेवक राजा अउर अपने लोग इस्राएल क बरे इ सबइ सब कछू करी। मइँ पराथना करत हउँ कि उ हर रोज इ करी।</verse>
				<verse number="60">जदि यहोवा एन कामन क करी तउ संसार क सबहिं मनई इ जनिहीं कि मात्र यहोवा ही फुरइ परमेस्सर अहइ।</verse>
				<verse number="61">ऐ लोगो, तू पचन्क यहोवा हमरे परमेस्सर क वफ़दार अउर ओकरे बरे सच्चा होइ चाही। तू पचन्क ओकरे सबहिं नेमन अउ आदेसन क हमेसा अनुसरण अउ पालन करइ चाही। जइसा कि अबहुँ करत ह।”</verse>
				<verse number="62">तब राजा सुलैमान अउ ओकरे संग क इस्राएल क लोग यहोवा क बलि भेंट किहन।</verse>
				<verse number="63">सुमैलान बाईस हजार गोरुअन अउ एक लाख बीस हजार भेड़िन क मारेस। इ सबइ मेलबलि बरे रहिन। इहइ मारग रही जेहसे राजा अउ इस्राएल क लोग यहोवा क मन्दिर क समर्पण किहन।</verse>
				<verse number="64">उहइ दिन राजा सुलैमान मन्दिर क समन्वा क आँगन समर्पित किहस। उ पचे होमबलि, अन्नबलि अउ मेलबलि क चर्बी क भेंट चढ़ाएस। उ इ एह बरे किहस कि एन सारी भेंटन क धारण करइ बरे यहोवा क समन्वा क काँसा क वेदी बहोत जियादा नान्ह रही।</verse>
				<verse number="65">इ तरह मन्दिर मँ राजा सुलैमान अउ इस्राएल क सारे लोग छुट्टी क पर्व मनाएन। सारा इस्राएल, उत्तर मँ हमात दर्रे स लइके दक्खिन मँ मिस्र क सीमा तलक हुवाँ मोजूद रहा। हुवाँ असंख्य लोग मोजूद रहेन। उ पचे सात दिना तलक यहोवा क संग मिलिके उत्सव मनाएन। तब उ पचे अगले सात दिनन तलक हुवाँ ठहरेन। उ पचे सब मिलिके चौदह दिनन तलक उत्सव मनाएन।</verse>
				<verse number="66">अगले दिन सुलैमान लोगन स घरे जाइ क कहेस। सबहिं लोग राजा क धन्यवाद दिहन, बिदा लिहन अउर उ पचे घरे चले गएन। उ पचे खुस रहेन काहेकि यहोवा अपने सेवक दाऊद क बरे अउर इस्राएल क लोगन क बरे बहोत सारी नीक चिजियन किहे रहेन।</verse>
			</chapter>
			<chapter number="9">
				<verse number="1">इ तरह सुलैमान यहोवा क मन्दिर अउर अपने महल क बनाउब पूरा किहस। सुलैमान ओन सबहिं क बनाएस जेनकर निर्माण उ करइ चाहत रहा।</verse>
				<verse number="2">तब यहोवा सुलैमान क समन्वा फुन वइसे ही परगट भवा जइसे उ एकरे पहिले गिबोन मँ भवा रहा।</verse>
				<verse number="3">यहोवा ओहसे कहेस: “मइँ तोहार पराथना सुनेउँ। मइँ तोहरे निवेदन भी सुनेउँ, जउन तू मोहसे करवावइ चाहत रह्या। तू इ मन्दिर क बनाया अउर मइँ ऍका एक पवित्तर ठउर बनाएँउ ह। एह बरे हिआँ मोर सदा ही सम्मान होइ। मइँ एह पइ अपनी निगाह रखब अउर एकरे बारे मँ सदा ही सोचत रहब।</verse>
				<verse number="4">तोहका मोर सेवा वइसे ही करइ चाही जइसी तोहरे बाप दाऊद किहेस। उ एका मन क खराई अउ ईमानदारी स किहेस अउर तोहका मोरे नेमन अउर ओन आदेसन क पालन करइ चाही जेनका मइँ तोहका दिहेउँ ह।</verse>
				<verse number="5">जदि तू इ सब कछू करत रहब्या तउ मइँ इ निहचित लखब कि इस्राएल क राजा सदा ही तोहरे परिवार मँ स ही कउनो होइ। इहइ प्रतिग्या अहइ जेका मइँ तोहरे बाप दाऊद स कहे रहेउँ। मइँ ओहसे कहे रहेउँ कि इस्राएल पइ सदा ही ओकरे सन्तानन मँ स एक क सासन होइ।</verse>
				<verse number="6">“मुला जदि तू या तोहार सन्तानन मोर अनुसरण करब तजत हीं, मोर दिए गए नेमन अउ आदेसन क पालन नाहीं करत हीं अउर दूसर देवता क सेवा करत अहीं तउ मइँ इस्राएल क उ देस तजइ क मजबूर करब जेका मइँ ओनका दिहेउँ ह। इस्राएल दूसर लोगन क बरे उदाहरण होइ अउर इस्राएल दूसर लोगन क मजाक क बिसय होइ। मइँ मन्दिर क पवित्तर किहेउँ ह। इ उ जगह अहइँ जहाँ लोग मोर सम्मान करत हीं। किन्तु जदि तू मोर आग्या क पालन नाहीं करत्या तउ एका मइँ बर्बाद कइ देब।</verse>
				<verse number="7"></verse>
				<verse number="8">इ मन्दिर बर्बाद कइ दीन्ह जाइ। हर एक मनई जउन एका लखी अचम्भ अउ हैरान होइ। उ पचे पूछिहीं, ‘यहोवा इ देस क बरे अउर इ मन्दिर क बरे ऍतना भंयकर बात काहे किहेस?’</verse>
				<verse number="9">दूसर लोग जवाब देइहीं, ‘इ एह बरे भवा कि उ पचे यहोवा अपने परमेस्सर क तजि दिहस। उ ओनके पुरखन क मिस्र स बाहेर लिआए रहा। मुला उ पचे दूसर देवतन क अनुसरण करइ क निहचइ किहेन। उ पचे ओन देवतन क सेवा अउ पूजा करब सरु किहन। इहइ कारण अहइ कि यहोवा ओनके बरे ऍतना खौफनाक कार्य किहस।’”</verse>
				<verse number="10">यहोवा क मन्दिर अउ अपना महल बनावइ मँ सुलैमान क बीस बरिस लगेन।</verse>
				<verse number="11">बीस बरिस क पाछे, राजा सुलैमान सोर क राजा हीराम क गलील मँ बीस नगर दिहस। सुलैमान राजा हीराम क उ सबइ नगर दिहस काहेकि हीराम मन्दिर अउ महल बनावइ मँ सुलैमान क मदद किहेस। हीराम सुलैमान क ओतने सारे देवदारु अउर चीर बृच्छ तथा सोना दिहस जेतना उ चाहेस।</verse>
				<verse number="12">एह बरे हीराम सोर स एन नगरन क लखइ बरे जात्रा किहस, जेनका सुलैमान ओका दिहस। जब हीराम ओन नगरन क लखेस तउ उ खुस नाहीं भवा।</verse>
				<verse number="13">राजा हीराम कहेस, “जउन नगरन तू मोका दिहा ह उ सबइ का अहइँ?” राजा हीराम उ पहँटा क नाउँ काबूल प्रदेस धरेस अउर उ छेत्र आजु भी काबूल कहा जात ह।</verse>
				<verse number="14">हीराम सुलैमान क लगे लगभग नौ हजार पौंड सोना मन्दिर क बनावइ मँ उपयोग करइ बरे पठए रहा।</verse>
				<verse number="15">राजा सुलैमान दासन क अपने मन्दिर अउ महल बनावइ क बरे काम करइ क नाते मजबूर किहस। तब राजा सुलैमान एन दासन क उपयोग बहोत स चिजियन क बनावइ मँ किहस। उ मिल्लो बनाएस। उ यरूसलेम नगर क चारिहुँ कइँती देवार भी बनाएस। तब उ हासोर, मगिद्दो अउर गेजेर नगरन क फुन बनाएस।</verse>
				<verse number="16">बीते समइ मँ मिस्र क राजा गेजेर नगर क बिरूद्ध लड़ा रहा अउर ओका जराइ दीन्ह ग रहा। उ ओन कनानी लोगन क मार डाएस जउन हुवाँ रहत रहेन। सुलैमान फिरौन क बिटिया स बियाह किहेस। एह बरे फिरौन उ नगर क सुलैमान क बरे बियाह क भेंट क रुप मँ दिहस।</verse>
				<verse number="17">सुलैमान उ नगर क फुन बनाएस। सुलैमान खाले बथोरेन नगर क भी बनाएस।</verse>
				<verse number="18">राजा सुलैमान जुदैन रेगिस्तान मँ बालात अउ तामार नगरन क भी बनाएस।</verse>
				<verse number="19">राजा सुलैमान उ सबइ नगर भी बनाएस जहाँ उ अन्न अउर दूसर चिजियन क भण्डार करत रहत रहेन। उ अपने रथन अउ घोड़न क बरे जगह बनाएस। सुलैमान दूसर बहोत स चिजियन बनाएस जेनका उ यरूसलेम, लबानोन अउ अपने सासित दूसर सबहिं जगहन मँ चाहत रहा।</verse>
				<verse number="20">देस मँ अइसे लोग भी रहेन जउन इस्राएली नाहीं रहेन। उ सबइ लोग एमोरी, हित्ती, परिज्जी, हिब्बी अउर यबूसी रहेन।</verse>
				<verse number="21">किन्तु इस्राएली ओन लोगन क बर्बाद नाहीं कइ सके रहेन। किन्तु सुलैमान ओनका दास क रुप मँ अपने बरे काम करइ क मजबूर किहस। उ पचे अबहिं तलक दास अहइँ।</verse>
				<verse number="22">सुलैमान कउनो इस्राएली क अपना दास होइ बरे मजबूर नाहीं किहस। इस्राएल क लोग फउजी, राज्ज कर्मचारी, अधिकारी, नायक अउर रथचालक रहेन।</verse>
				<verse number="23">सुलैमान क परिजोजनन क साढ़े पाँच सौ पर्यवेच्छक रहेन। उ पचे मजदूरन क अधिकारी रहेन।</verse>
				<verse number="24">फिरौन क बिटिया दाऊद क नगर स हुवाँ गइ जहाँ सुलैमान ओकेर बरे बिसाल महल बनाएस। तब सुलैमान मिल्लों बनाएस।</verse>
				<verse number="25">हर बरिस तीन दाईं सुलैमान होमबलि अउ मेलबलि वेदी पइ चढ़ावत रहा। इ उहइ वेदी रही जेका सुलैमान यहोवा बरे बनाए रहा। राजा सुलैमान यहोवा क समन्वा सुगन्धि भी बारत रहा। एह बरे मन्दिर क बरे जरूरी चिजियन दिया करत रहा।</verse>
				<verse number="26">राजा सुलैमान एस्योन गेबेर मँ जहाज भी बनाएस। इ नगर एदोम पहँटा मँ लाल सागर क किनारे एलोत क लगे रहा।</verse>
				<verse number="27">राजा हीराम क लगे नाविक रहेन जउन समुदद्र क बारे मँ बढ़िया गियान रखत रहेन। राजा हीराम ओन मनइयन क सुलैमान क नाविक बेड़ा मँ सुलैमान क मनइयन क संग सेवा करइ बरे पठएस।</verse>
				<verse number="28">सुलैमान क जहाज ओपोर क गएन। उ सबइ जहाज एकतीस हजार पाँच सौ पौण्ड सोना आपोर स सुलैमान क बरे लइके लउटेन।</verse>
			</chapter>
			<chapter number="10">
				<verse number="1">सीबा क रानी सुलैमान क बारे मँ सुनेस। एह बरे उ कठिन सवालन स ओकर परीच्छा लेइ आइ।</verse>
				<verse number="2">उ सेवकन क बिसाल गिनती क संग यरूसलेम क जात्रा किहस। अनेक ऊँट मसालन, रतन अउ बहोत सा सोना ढोवत रहेन। उ सुलैमान स मिली अउर उ ओन सब सवालन क पूछेस जेनका उ सोच सकत रही।</verse>
				<verse number="3">सुलैमान सबहिं सवालन क जवाब दिहेस। ओकर कउनो भी सवाल ओका जवाब देइ बरे बहोत जियादा कठिन नाहीं रहा।</verse>
				<verse number="4">सीबा क रानी समुझ लिहस कि सुलैमान बहोत बुद्धिमान अहइ। उ उ सुन्नर महल क भी लखेस जेका उ बनाए रहा।</verse>
				<verse number="5">रानी राजा क मेज पइ भोजन भी लखेस। उ ओकरे अधिकारियन क एक संग मिलत लखेस। उ महल क सेवकन अउर पिलाइवालन जउन अच्छे ओढ़नन क पहिर रखे रहा ओनका भी लखेस। उ ओकर दावतन अउर उ भेंटन क लखेस जउन उ यहोवा क मन्दिर मँ चढ़ाएस रहा। ओन सबहिं चिजियन असल मँ ओका चकित कइ दिहन। “मानो ओकर मुँह क बोली बन्द होइ गवा!”</verse>
				<verse number="6">एह बरे रानी राजा स कहेस, “मइँ अपने देस मँ आप क बुद्धिमानी अउ बहोत सी बातन क बारे मँ सुनेउँ जउन आप किहन। उ सबइ सबहिं बातन फुरइ अहइँ।</verse>
				<verse number="7">मइँ एन बातन मँ तब तलक नाहीं पतियात जब तलक मइँ हिआँ नाहीं आइ अउर एन चिजियन क अपनी आँखियन स नाहीं लखेउँ। अब मइँ लखत हउँ कि मोका एकर आधा भी नाहीं कहा गवा रहा। जेतना मोका लोग कहे रहा तोहार बुद्धिमत्ता अउ सम्पत्ति ओहसे बहोत जियादा अहइ।</verse>
				<verse number="8">आप क मेहररुअन अउ आप क अधिकारी बहोत भाग्गसाली अहइँ। उ पचे रोजाना आप क सेवा कइ सकत हीं अउर आपका बुद्धिमत्ता स भरी बातन सुन सकत हीं।</verse>
				<verse number="9">आप क यहोवा परमेस्सर स्तुति जोग्गा अहइ। उ तोहका इस्राएल क राजा बनावइ मँ खुस भइ रहा। यहोवा परमेस्सर इस्राएल स हमेसा पिरेम करत ह। एह बरे उ आप क राजा बनाएस। आप नेमन क अनुसरण करत हीं अउर लोगन क संग निआव स भरा बेउहार करत हीं।”</verse>
				<verse number="10">तब सीबा क रानी राजा क लगभग नौ हजार पौण्ड सोना दिहेन। उ ओका अनेक मसालन अउ रतन भी दिहस। जेतना मसाला पहिले कबहुँ कउनो इस्राएल क लिआइके दिहे रहा। सीबा क रानी ओहसे जियादा मसालन सुलैमान क दिहस।</verse>
				<verse number="11">हीराम क जहान ओपोर स सोना लइ आएन। उ सबइ जहाज बहोत जियादा लकड़ी अउ रतन भी लिआएन।</verse>
				<verse number="12">सुलैमान लकड़ी क उपयोग मन्दिर अउ महल क सम्भारइ बरे किहस। उ लकड़ी क उपयोग गायकन क बरे वीणन अउ बाँसुरियन बनावइ मँ भी किहेस। दूसर कउनो भी मनई उ तरह क लकड़ी इस्राएल मँ कबहुँ नाहीं लिआवा, अउर कउनो भी मनई तब स उ प्रकार क लकड़ी नाहीं लखेस।</verse>
				<verse number="13">तब राजा सुलैमान सीबा क रानी क उ सबइ भेंटन दिहस जउन कउनो कउनो दूसर देस क सासक क सदा ही देत ह। तब उ ओका सब कछू दिहस जउन कछू भी उ माँगेस। एकरे पाछे रानी सेवकन सहित अपने देस क वापस लउट गइ।</verse>
				<verse number="14">राजा सुलैमान हर बरिस लगभग उन्नासी हजार नौ सौ बीस पौण्ड सोना प्राप्त करत रहा।</verse>
				<verse number="15">बइपार क जहाजन स सोना लिआए जाइ क अलावा उ वाषिक, बइपारियन अउ अरब क राजा लोग अउ देस क प्रसासकन क भी सोना प्राप्त किहन।</verse>
				<verse number="16">राजा सुलैमान दुइ सौ बड़की ढारन पीटा भवा सोना स बनाएस। हर एक ढार मँ लगभग पन्द्रह पौण्ड सोना लगा रहा।</verse>
				<verse number="17">उ पीटा भवा सोना स तीन सौ नान्ह ढारन भी बनाएस। हर एक ढार मँ लगभग चार पौण्ड सोना लगा रहेन। राजा ओनका उ भवन मँ धरेस जेका “लबानोन क वन” कहा जात रहा।</verse>
				<verse number="18">राजा सुलैमान एक ठु बिसाल हाथी दाँत क सिंहासन भी बनाएस। उ ओका निखालिस सोना स मढ़ेस।</verse>
				<verse number="19">सिंहासने पइ पहोंचइ बरे ओहमाँ छ: पैड़ियन रहिन। सिंहासन क पिछला भाग सिरे पइ गोल रहा। कुस्री क दुइनउँ कइँती हत्थन अउर कुर्सी क बगल लगे रहेन, अउ कुर्सी क दुइनउँ हत्थन क खाले सिंहन क मूरती बनी रहिन।</verse>
				<verse number="20">छ: पैड़ियन मँ स हर एक पइ दुइ सिंह रहेन। हर एक क सिरे पइ एक सेर रहा। कउनो भी दूसर राज्ज मँ इ तरह क कछू भी नाहीं रहा।</verse>
				<verse number="21">सुलैमान क सबहिं पियालन अउ मग सोना क बने रहेन। सबहिं बरतन “लबानोन क वन” नाउँ क भवन मँ रखा रहेन उ सबइ भी निखालिस सोना क बने रहेन। हुवाँ महल मँ कछू भी चाँदी क नाहीं बना रहा। सुलैमान क समइ मँ सोना ऍतना जियादा रहा कि लोग चाँदी क महत्वपूर्ण नाहीं समुझत रहेन।</verse>
				<verse number="22">राजा क लगे बहोत स बइपार क जहाज भी रहेन जेनका उ दूसर देसन स चिजियन क बइपार करइ बरे बाहेर पठवत रहा। इ सबइ जहाज हीराम क जहाज क संग जात्रा करत रहेन। हर तीसरे बरिस जहाज सोना, चाँदी, हाथी दाँत अउ गोरु लिआवत रहेन।</verse>
				<verse number="23">सुलैमान भुइँया पइ महानतम राजा रहा। उ सबहिं राजा लोगन स जियादा धनवान अउ बुद्धिमान रहा।</verse>
				<verse number="24">सर्वत्र लोग राजा सुलैमान क लखइ चाहत रहेन। उ पचे परमेस्सर क जरिये दीन्ह गइ ओकर बुद्धिमानी क बात सुनइ चाहत रहेन।</verse>
				<verse number="25">हर बरिस लोग राजा क दर्सन करइ आवत रहेन अउ हर मनई भेंट लिआवत रहा। उ पचे सोना, चाँदी, ओढ़नन, अस्त्र-सस्त्र, मसालन, घोड़न अउ खच्चरन लिआवत रहेन।</verse>
				<verse number="26">एह बरे सुलैमान क लगे अनेक रथ अउर घोड़न रहेन। ओकरे पास चौदह सौ रथ अउर बारह हजार घोड़न रहेन। सुलैमान एन रथन क बरे बिसेस नगरन बनाएस। राजा सुलैमान इ नगरन मँ कछू रथन राखेन अउर कछू क अपने लगे यरूसलेम मँ भी रखेस।</verse>
				<verse number="27">राजा इस्राएल क बहोत सम्पन्न बनाइ दिहस। यरूसलेम नगर मँ चाँदी ऍतनी साधारण रही जेतनी चट्टानन, देवदारु क लकड़ी अउ पहाड़न पइ उगइवाले असंख्य अंजीर क बृच्छ साधारण रहेन।</verse>
				<verse number="28">सुलैमान घोड़न क मिस्र अउ कुए स मँगाएस। ओकरे बइपारी ओनका कुए मँ खरीदेस रहेन अउर ओनका इस्राएल लिआवत रहेन।</verse>
				<verse number="29">मिस्र क एक ठु रथ क कीमत लगभग पन्द्रह सौ पौण्ड चाँदी रही अउर एक ठु घोड़े क कीमत पौने चार पौण्ड चाँदी रही। सुलैमान घोड़न अउर रथ हित्ती अउ अरामी राजा लोगन क हाथ बेचत रहा।</verse>
			</chapter>
			<chapter number="11">
				<verse number="1">राजा सुलैमान बहोत सारे गैर इस्राएली मेहररूअन स पिरेम किहे रहा। एनमाँ फिरौन क बिटिया, हित्ति, मोआबी, अम्मोनी, एदोमी अउर सीदोनी मेहररुअन रहिन।</verse>
				<verse number="2">बीते समइ मँ यहोवा इस्राएल क लोगन स कहे रहा, “तोहका दूसर रास्ट्रन क मेहररुअन स बियाह नाहीं करइ चाही। जदि तू अइसा करब्या तउ उ सबइ लोग तोहार हिरदय क आपन देवतन क अनुसरण करइ बरे फिराइ लेइ।” किन्तु सुलैमान ओन मेहररुअन क पिरेम पासा मँ पड़ा।</verse>
				<verse number="3">सुलैमान क सात सौ पत्नियन रहिन। (इ सबइ राजकुमारी रहिन।) ओकरे पास तीन सौ दासियन भी रहिन, जउन ओकर रखैल रहिन। ओकरी पत्नियन ओकरे हिरदय क परमेस्सर स दूर हटाइ दिहेन।</verse>
				<verse number="4">जब सुलैमान बुढ़वा भवा तउ ओकर पत्नियन ओहसे दूसर देवतन क अनुसरण करइ बरे मज़बूर किहेन। सुलैमान पूरी हिरदय स यहोवा क अनुसरण नाहीं किहेस जउने तरह ओकर बाप दाऊद किहे रहा।</verse>
				<verse number="5">सुलैमान सीदोन क देवी, असतोरेत क पूजा किहस। उ अम्मोनियन क भयानक देवमूरति, मिलकोम क भी पूजा किहेन।</verse>
				<verse number="6">इ तरह सुलैमान यहोवा क बरे अपराध किहस। सुलैमान यहोवा क अनुसरण पूरी तरह उहइ प्रकार नाहीं किहस जउने प्रकार ओकर बाप दाऊद किहे रहा।</verse>
				<verse number="7">सुलैमान कमोस क पूजा बरे ऊँच ठउर बनाएस। कमोस मोआबी लोगन क भयानक देवमूरति रही। सुलैमान कामोस क ऊँच ठउर क यरूसलेम क अगली पहाड़ी पइ बनवाएस। सुलैमान उहइ पहाड़ी पइ मोलेक क ऊँच ठउर भी बनाएस। मोलेक अम्मोनी लोगन क भयानक देवमूरति रही।</verse>
				<verse number="8">तब सुलैमान दूसर देसन क अपनी सबहिं मेहररुअन क बरे उहइ किहस। ओकर मेहररुअन सुगन्धि बारत रहिन अउर अपने देवतन क बलि भेंट करत रहिन।</verse>
				<verse number="9">सुलैमान यहोवा, इस्राएल क परमेस्सर क अनुसरण करइ स दूर हट गवा। ओकरे पाछे यहोवा सुलैमान क लगे दुइ दाई प्रगट भवा रहा। एह बरे यहोवा सुलैमान पइ कोहाइ गवा।</verse>
				<verse number="10">यहोवा सुलैमान स कहेस कि तोहका दूसर देवतन क अनुसरण नाहीं करइ चाही। किन्तु सुलैमान यहोवा क आदेस क पालन नाहीं किहस।</verse>
				<verse number="11">एह बरे यहोवा सुलैमान स कहेस, “तू मोरे सँग कीन्ह गइ आपन करार क तोड़ब पसन्द किहा ह। तू मोरे आदेसन क पालन नाहीं किहा ह। एह बरे मइँ प्रतिग्या करत हउँ कि मइँ तोहसे तोहार राज्ज लइ लेब। मइँ प्रतिग्या करत हउँ कि मइँ तोहसे तोहार राज्ज धोर लेब। मइँ एका तोहरे सेवकन मँ स एक क देब।</verse>
				<verse number="12">मुला मइँ तोहरे बाप दाऊद स पिरेम करत रहेउँ। एह बरे जब तलक तू जिअत अहा तब तलक मइँ तोहार राज्ज नाहीं लेब। मइँ तब तलक प्रतीच्छा करब जब तलक तोहार पूत राजा नाहीं बन जात। तब मइँ ओहसे एका लेब।</verse>
				<verse number="13">तउ भी मइँ तोहरे पूत स सारा राज्ज नाहीं लेब। मइँ ओका एक परिवार समूह पइ हुकूमत करइ देब। इ मइँ दाऊद बरे करब। उ एक ठु नीक सेवक रहा। अउर इ मइँ अपने चुने भए नगर यरूसलेम बरे भी करब।”</verse>
				<verse number="14">उ समइ यहोवा एदोमी हदद क सुलैमान क दुस्मन बनाएस। हदद एदोम क राजा परिवार क रहा।</verse>
				<verse number="15">इ इ तरह घटित भवा। कुछ समइ पहिले दाऊद एदोम क हराएस। योआब दाऊद क सेना क सेनापति रहा। योआब एदोम मँ मरे मनइयन क दफनावइ गवा। तब योआब हुवाँ जिअत सबहिं मनइयन क मार डाएस।</verse>
				<verse number="16">योआब अउ सारे इस्राएली एदोम मँ छ: महीने तलक ठहरेन। उ समइ क बीच उ पचे एदोम क सबहिं मनईयन क मार डाएन।</verse>
				<verse number="17">मुला उ समइ हदोद अबहिं एक ठु किसोर ही रहा। एह बरे हदद मिस्र क पराइ निकरा। ओकरे बाप क कछू सेवक ओकरे संग गएन।</verse>
				<verse number="18">उ पचे मिद्यान क तजेन अउर उ पचे परान क गएन। हुवाँ दूसर लोग भी ओकरे संग सामिल भएन। अउर पूरा समूह मिस्र गएन। उ पचे मिस्र क राजा फिरौन क लगे गएन अउर ओहसे मदद माँगेन। फिरौन हदद क एक ठु घर अउर कछू भुइँया दिहस। फिरौन ओका मदद भी दिहस अउर ओका खाइ क बरे भोजन भी दिहस।</verse>
				<verse number="19">फिरौन हदद क बहोत पसन्द किहस यह बरे उ ओका एक ठु पत्नी भी दिहस। मेहरारु फिरौन क पत्नी तहपनेस क बहिन रहिन।</verse>
				<verse number="20">एह बरे तहपनेस क बहिन हदद स बीही गइ। ओकर एक ठु पूत गनूबत नाउँ क भवा। रानी तहपनेस गनूबत क अपने बच्चन क संग फिरौन क महल मँ बड़ा होइ दिहस।</verse>
				<verse number="21">मिस्र मँ हदद सुनेस कि दाऊद मर गवा। उ इ भी सुनेस कि सेनापित योआब मर गवा। एह बरे हदद फिरौन स कहेस, “मोका अपने देस मँ अपने घर वापस लउट जाइ द्या।”</verse>
				<verse number="22">किन्तु फिरौन जवाब दिहेस, “मइ तोहका सारी चीच, जेनकर हिआँ जरुरत अहइ, दीन्ह ह। तू अपने देस मँ वापस काहे जाइ चाहत अहा?” हदद जवाब दिहेस, “मेहरबानी कइके मोका घरे लउटइ द्या।”</verse>
				<verse number="23">यहोवा दूसरे मनई क भी सुलैमान क खिलाफ दुस्मन बनाएस। इ मनई एल्यादा क पूत रजोन रहा। रजोन अपने सुआमी क हिआँ स पराइ गवा रहा। ओकर सुआमी सोबा क राजा हददेजेर रहा।</verse>
				<verse number="24">दाऊद जब सोबा क सेना क हराइ दिहस तब ओकरे पाछे रजोन कछू मनइयन क बटोरेस अउर एक ठु नान्ह सेना क प्रमुख बन गवा। रजोन दमिस्क गवा अउर हुवइँ ठहरा। रजोन दमिस्क क राजा होइ गवा।</verse>
				<verse number="25">रजोन अराम पइ हुकूमत करत रहा। रजोन इस्राएल स घिना करत रहा, एह बरे सुलैमान जब तलक जिअत रहा उ पूरे समइ इस्राएल क दुस्मन बना रहा। रजोन अउ हदद इस्राएल बरे बड़की परेसानियन पइदा किहन।</verse>
				<verse number="26">नबात क पूत यारोबाम सुलैमान क सेवकन मँ स एक रहा। यारोबाम एप्रैम परिवार समूह स रहा। उ सरेदा नगर क रहा। यारोबाम क महतारी क नाउँ सरुयाह रहा। ओकर बाप मर चुका रहा। उ राजा क खिलाफ होइ गवा।</verse>
				<verse number="27">यारोबाम राजा क खिलाफ कइसे भवा। एकर कहानी इ अहइ। सुलैमान मिल्लो बनावत रहा अउर आपन बाप दाऊद क नगर क देवार क मजबूत करत रहा।</verse>
				<verse number="28">यारोबाम एक ठु बलवान मनई रहा। सुलैमान लखेस कि इ जवान एक ठु नीक स्रमिक अहइ। एह बरे सुलैमान ओका यूसुफ परिवार समूह क स्रमिकन क अधिकारी बनाइ दिहस।</verse>
				<verse number="29">एक दिन यारोबाम यरूसलेम क बाहेर जात्रा करत रहा। सीलो क अहिय्याह नबी ओहसे सड़किया पइ मिला। अहिय्याह एक ठु नवा अंगरखा पहिरे रहा। इ दुइनउँ मनई देस मँ अकेले रहेन।</verse>
				<verse number="30">अहिय्याह आपन नवा अंगरखा लिहस अउर एका बाहर टूकन मँ फार डाएस।</verse>
				<verse number="31">तब अहिय्याह यारोबाम स कहेस, “इ अंगरखा क दस टूकन तू अपने बरे लइ ल्या। यहोवा इस्राएल क परमेस्सर कहत ह, ‘मइँ सुलैमान स राज्ज क छीन लेब अउर मइँ परिवार समूहन मँ स दस क तोहका देब।</verse>
				<verse number="32">अउर मइँ दाऊद क परिवार क सिरिफ एक परिवार समूह पइ हुकूमत करइ देब। मइँ ओनका सिरिफ इ समूह क लेइ देब। मइँ इ अपने दाऊद अउ यरूसलेम बरे अइसा करइ देब। यरूसलेम उ नगर अहइ जेका मइँ सारे इस्राएल के परिवार समूह स चुनेउँ ह।</verse>
				<verse number="33">मइँ सुलैमान स राज्ज लइ लेब काहेकि उ मोर अनुसरण करब तजि दिहस। उ सीदोनी देवमूरति अस्तोरेत, मोआबी देवता कमोस अउ अम्मोनी देवता मिल्कोम क पूजा करत ह। सुलैमान उ नाहीं करत ह जउन मोरे नजर मँ नीक अहइ। उ मोरे नेमन अउ आदेसन क पालन नाहीं करत। उ उ मारग मँ नाहीं रहत जेह पइ ओकर बाप दाऊद रहत रहा।</verse>
				<verse number="34">एह बरे मइँ राज्ज क सुलैमान क परिवार स लइ लेब। किन्तु मइँ सुलैमान क ओकरे बाकी जिन्नगी भइ ओनकर सासक रहइ देब। इ मइँ अपने सेवक दाऊद बरे करब। मइँ दाऊद क एह बरे चुने रहेउँ कि उ मोर सबहिं आदेसन व नेमन क पालन करत रहा।</verse>
				<verse number="35">मुला मइँ ओकरे पूत स राज्ज लइ लेब। अउर मइँ तोहका दस परिवार समूहन पइ हुकूमत करइ क अनुमति देब।</verse>
				<verse number="36">मइँ सुलैमान क पूत क एक परिवार समूह पइ हुकूमत करत भए रहइ देब। मइँ एका एह बरे करब कि मोर सेवक दाऊद क हुकूमत यरूसलेम मँ मोर समन्वा सदा ही रही। यरूसलेम उ नगर अहइ जेका मइँ आपन निजी नगर चुनेउँ ह।</verse>
				<verse number="37">मुला मइँ तोहका ओन सबहिं पइ हुकूमत करइ देब जेका तू चाहत अहा। तू पूरे इस्राएल पइ हुकूमत करब्या।</verse>
				<verse number="38">अगर तू उ करब्या जेका मइँ आदेस दिहेउँ ह अउर तू सच्चाई क संग रहब्या अउर अउर तू मोरे सारे नेमन अउ आदेसन क पालन करब्या जइसा मोर सेवक दाऊद किहे रहा, तउ मइँ तोहरे संग रहब। मइँ तोहरे परिवार क राजा लोगन क परिवार वइसे ही बनाइ देब जइसे मइँ दाऊद क बनाएउँ। मइँ तोहका इस्राएल देब।</verse>
				<verse number="39">मइँ दाऊद क सन्तानन क ओकर सजा देब जउन सुलैमान किहस। किन्तु मइँ हमेसा क बरे ओनका सजा नाहीं देब।’”</verse>
				<verse number="40">सुलैमान यारोबाम क मार डावइ क जतन किहस। मुला यारोबाम मिस्र पराइ गवा। उ मिस्र क राजा सीसक क लगे गवा। यारोबाम हुँवा सुलैमान क मरि तलक रहा।</verse>
				<verse number="41">सुलैमान अपने सासन-काल मँ बहोत बड़के अउर बुद्धिमानी स पूर्ण काम किहस। जेनकर विवरण सुलैमान क इतिहास-ग्रन्थ मँ लिखा अहइ।</verse>
				<verse number="42">सुलैमान यरूसलेम मँ पूरे इस्राएल पइ चालीस बरिस तलक हुकूमत किहस।</verse>
				<verse number="43">तब सुलैमान मरा अउ अपने पुरखन क संग दफनावा गवा। उ अपने बाप क दाऊद नगर मँ दफनावा गवा, अउर ओकर पूत रहूबियाम ओकरे जगह पइ राजा बना।</verse>
			</chapter>
			<chapter number="12">
				<verse number="1">नबात क पूत यारोबाम तबउ मिस्र मँ रहा, जहाँ उ सुलैमान स भागके पहोंचा रहा। जब उ सुलैमान क मउत क खबर सुनेस तउ उ एप्रैम क पहाड़ियन मँ अपने जेरदा नगर मँ वापस लउट आवा। राजा सुलैमान मरा अउर अपने पुरखन क संग दफनावा गवा। ओकर पाछे ओकर पूत रहूबियाम नवा राजा बना।</verse>
				<verse number="2"></verse>
				<verse number="3">इस्राएल क सबहिं लोग सकेम गएन। उ पचे रहूबियाम का राजा बनावइ गएन। रहूबियाम भी राजा बनइ बरे सकेम गवा। लोग रहूबियाम स कहेन,</verse>
				<verse number="4">“तोहार बाप हम लोगन क बहोत कठोर मेहनत करइ बरे मजबूर किहस। अब तू एका हम लोगन बरे कछू सरल करा। उ कठिन काम क बन्द करा जेका करइ बरे तोहार बाप हम क मजबूर किहेस ह। तब हम तोहार सेवा करब।”</verse>
				<verse number="5">रहूबियाम जवाब दिहस, “तीन दिन मँ मोरे लगे वापस लउटिके आवा अउर मइँ जवाब देब।” एह बरे लोग चले गएन।</verse>
				<verse number="6">कछू अग्रज लोग रहेन जउन सुलैमान क जिअत रहत ओकरे निर्णय करइ मँ मदद करत रहेन। एह बरे राजा रहूबियाम एन मनइयन स पूछेस कि ओका का करइ चाही। उ कहेस, “आप लोग क सोचत हीं, मोका एन लोगन क जवाब देइ चाही?”</verse>
				<verse number="7">अग्रज लोग जवाब दिहन, “जदि आजु तू ओनके सेवक क तरह रहब्या अउर ओनका सेवा करब्या अउर जदि तू दयापूर्वक ओनसे बातन करब्या तब उ पचे तोहार सदा सेवा करिहीं।”</verse>
				<verse number="8">मुला रहूबियाम ओनकर इ सलाह नाहीं मानेस। उ ओन नउजवानन स सलाह लिहस जउन ओकर मीत रहेन।</verse>
				<verse number="9">रहूबियाम कहेस, “लोग इ कहत हीं, ‘हम क ओहसे सरल काम दया जउन तोहार बाप दिहे रहा।’ तू का सोचत ह, मोका लोगन क कइसे जवाब देइ चाही? मइँ ओनसे का कहउँ?”</verse>
				<verse number="10">राजा क जवान सलाहकारन ओन स कहेस, “उ सबइ लोग तोहरे लगे आएन अउर उ पचे कहेन, ‘तोहार बाप हम क कठिन मेहनत करइ बरे मजबूर किहस। अब हम लोगन क काम सरल करइँ।’ एह बरे तोहका ओनसे कहइ चाही, ‘मोर नान्ह उँगरी मोरे बाप क पूरे तने स जियादा सक्तीसाली अहइ।</verse>
				<verse number="11">मोर बाप तोहका कठिन मेहनत करइ क मजबूर किहस। किन्तु मइँ ओहसे भी बहोत कठिन काम कराउब। मोर बाप तोहसे काम लेइ बरे कोड़न क उपयोग किहे रहा। मइँ तोहका बिच्छू स पीटब।’”</verse>
				<verse number="12">रहूबियाम लोगन स कहे रहा, “तीन दिन मँ मोरे लगे वापस आवा।” एह बरे तीन दिन पाछे इस्राएल क सबहिं लोग रहूबियाम क लगे लउटेन।</verse>
				<verse number="13">उ समइ राजा रहूबियाम ओनसे कठोर सब्द कहेस। उ अग्रजन क सलाह न मानेस।</verse>
				<verse number="14">उ उहइ किहस जउन ओकर जवान सलाहकारन कइ क सलाह दिह्स। उ कहेस, “मोर बाप तोहका कठिन मेहनत करइ क मजबूर किहस। एह बरे मइँ तोहका अउर जियादा काम देब। मोर बाप तोहका कोड़ा स पीटेस। किन्तु मइँ तोहका बिच्छू स पीटब।”</verse>
				<verse number="15">एह बरे राजा उ नाहीं किहस जेका लोग चाहत रहेन। यहोवा अइसा होइ दिहस। यहोवा इ आपन उ प्रतिग्या क पूरा करइ बरे किहस जउन उ नाबात क पूत यारोबाम क संग किहे रहा। यहोवा अहिय्याह नबी क उपयोग इ प्रतिग्या करइ बरे किहे रहा। अहिय्याह सीलो क रहा।</verse>
				<verse number="16">इस्राएल क सबहिं लोग समुझ लिहन कि नवा राजा ओनकर बात अनसुनी कइ दिहस ह। एह बरे लोग राजा स कहेन, “का हम दाऊद क परिवार क अंग अही? नाहीं। का हम क यिसै क कउनो भुइँया मिला अहइ? नाहीं। एह बरे इस्राएलियन हम अपने घर चलइँ। दाऊद क पूत क अपने लोगन पइ हुकूमत करइ द्या।” एह बरे इस्राएल क लोग अपने घरे वापस गएन।</verse>
				<verse number="17">मुला रहूबियाम फुन भी ओन इस्राएलियन पइ हुकूमत करइ जारी रखत रहा, जउन यहूदा क नगर मँ रहत रहेन।</verse>
				<verse number="18">अदोराम नाउँ क एक ठु मनई सब स्रमिकन क अधिकारी रहा। राजा रहूबियाम अदोराम क लोगन स बातचीत करइ बरे पठएस। किन्तु इस्राएल क लोग ओह पइ तब तलक पाथर बरसाएन जब तलक उ नाहीं मर गवा। तब राजा रहूबियाम अपने रथे तलक दउड़ा अउर यरूसलेम क पराइ निकरा।</verse>
				<verse number="19">इ तरह इस्राएल दाऊद क परिवार स विद्रोह कइ दिहस अउर उ पचे अबहुँ भी आजु तलक दाऊद क परिवार क खिलाफ अहइँ।</verse>
				<verse number="20">इस्राएल क सबहिं लोग सुनेन कि यारोबाम वापस लउट आवा ह। एह बरे उ पचे एक सभा मँ न्यौतेन अउर ओका पूरे इस्राएल क राजा बनाइ दिहन। सिरिफ यहूदा क परिवार समूह ही एक मात्र परिवार समूह रहा जउन दाऊद क परिवार क अनुसरण करत रहा।</verse>
				<verse number="21">रहूबियाम यरूसलेम क वापस गवा। उ यहूदा क परिवार समूह अउ बिन्यामीन क परिवार समूह क बटोरेस। इ एक लाख अस्सी हजार मनइयन क फउज रही। रहूबियाम इस्राएल क लोगन क खिलाफ जुद्ध लड़इ चाहत रहा। उ अपने राज्ज क वापस लेइ चाहत रहा।</verse>
				<verse number="22">किन्तु यहोवा परमेस्सर क एक मनई स बातन किहस। ओकर नाउँ समायाह रहा। यहोवाह कहेस,</verse>
				<verse number="23">“यहूदा क राजा, सुलैमान क पूत, रहूबियाम अउ यहूदा अउ बिन्यामीन क सबहिं लोगन अउर बाकी सबहिं लोगन स बात करा।</verse>
				<verse number="24">ओनसे कहा, ‘यहोवा कहत ह कि तू पचन्क अपने भाइयन इस्राएल क लोगन क खिलाफ जुद्ध मँ नाहीं जाइ चाही। तू पचन्क घरे लउटि जाइ चाही। मइँ एन सबहिं घटनन क घटित होइ दिहेउँ ह।’” एह बरे रहूबियाम क सेना के मनइयन यहोवा क आदेस मानेन। उ पचे, सबहिं अपने घरे लउटि गएन।</verse>
				<verse number="25">सकेम, एप्रैम क पहाड़ी प्रदेस मँ एक नगर रहा। यारोबाम सकेम क एक सुदृढ़ नगर बनाएस अउर ओहमाँ रहइ लाग। एकरे पाछे उ पनूएल नगर क गवा अउर ओका भी सुदृढ़ किहस।</verse>
				<verse number="26">यारोबाम अपने मने मँ सोचेस, “राज्ज फिर स दाऊद क परिवार क लगे वापस जाइ सकत ह। जदि लोग यरूसलेम मँ यहोवा क मन्दिर मँ बलि चढ़ाइ बरे जात जारी रखेन तउ होइ सकत ह कि उ पचे इ चाही हीं दाऊद क परिवार ओन लोगन पइ सासन करा। होइ सकत ह कि लोग फुन यहूदा क राजा रहूबियाम क अनुसरण करब सुरु कइ देइहीं। तब उ पचे मोका मार डइहीं।”</verse>
				<verse number="27"></verse>
				<verse number="28">एह बरे राजा अपने सलाहकारन स पूछेस कि ओका का करइ चाही? उ पचे ओका आपन सलाह दिहन। एह बरे यारोबाम दुइ ठु सुनहरे बछवन बनाएस। राजा यारोबाम लोगन स कहेस, “तोहका उपासना करइ बरे यरूसलेम जाइ बंद कइ देइ चाही। इस्राएलियन, इ सबइ देवता अहइँ जउन तू पचन्क मिस्र स बाहेर लइ आएन।”</verse>
				<verse number="29">राजा यारोबाम एक ठु सुनहरा बछवा क बेतेल मँ रखेस। उ दूसर सुनहरे बछवा क दान मँ रखेस।</verse>
				<verse number="30">किन्तु इ बहोत संगीन पाप होइ गवा। इस्राएल क लोग बेतेल अउ दान नगरन क जात्रा बछवन क पूजा करइ बरे किहन।</verse>
				<verse number="31">यारोबाम ऊँच जगहन, पइ पूजा घर भी बनाएस। उ इस्राएल क अलग-अलग परिवार समूहन स याजक भी चुनेस। (उ सिरिफ लेवी परिवार समूह स याजक नाहीं चुनेस।)</verse>
				<verse number="32">अउर राजा यारोबाम एक ठु नवा पर्व सुरु किहस। इ पर्व यहूदा क “फसहपर्व” क तरह रहा। किन्तु इ पर्व अठएँ महीने क पन्द्रहवे दिन रहा। पहिले महीने क पन्द्रहवें दिन नाहीं। उ समइ राजा बेतेल नगर क वेदी पइ बलि भेंट करत रहा अउर उ बलि ओन बछवन क भेंट करत रहा जेनका उ बनवाए रहा। उ बेतेल मँ याजकन क भी ऊँची जगह पइ सेवा करइ बरे जेका उ बनवाए रहा चुनेस।</verse>
				<verse number="33">एह बरे राजा यारोबाम इस्राएलियन क खातिर पर्व बरे अपना ही समइ चुनेस। इ अठएँ महीने क पन्द्रहवाँ दिन रहा। ओन दिनन उ उ वेदी पइ बलि भेंट करत रहा अउर सुगन्धि बारत रहा जेका उ बेतेल नगर मँ बनाए रहा।</verse>
			</chapter>
			<chapter number="13">
				<verse number="1">यहोवा यहूदा क निवासी, परमेस्सर क एक मनई क बेतेल नगर मँ जाइ का आदेस दिहस। राजा यरोबाम उ समइ सुगन्धि भेंट करत भवा वेदी क लगे खड़ा रहा जउने समइ परमेस्सर क मनई हुवाँ पहोंचा।</verse>
				<verse number="2">यहोवा उ समइ परमेस्सर क मनई क आदेस दिहस कि तू वेदी क खिलाफ बोल्या। उ कहेस, “वेदी, यहोवा तोहसे कहत ह: ‘दाऊद क परिवार मँ एक पूत योसिय्याह नाउँ क पइदा होइ। इ सबइ याजक अब ऊँच जगहन पइ पूजा करत अहइँ। किन्तु वेदी, योसिय्याह ओन याजकन क तोह पइ रखी अउर उ ओनका मार डाइ। अब उ सबइ याजक तोह पइ सुगन्धि बारत हीं। किन्तु योसिय्याह तोह पइ नर-अस्यियन क बारी। तब तोहार उपयोग दुबारा नाहीं होइ सकी।’”</verse>
				<verse number="3">परमेस्सर क मनई लोगन क नबुवत वाली प्रमाण दिहस कि इ सब घटित होइ। उ कहेस, “यहोवा जेकरे बारे मँ मोहसे कहेस ह ओकर प्रमाण इ अहइ। यहोवा कहेस, ‘इ वेदी टूकन टूकन मँ टूट जाइ अउर एकर राख जमीन पइ गिर पड़ी।’”</verse>
				<verse number="4">राजा यारोबाम परमेस्सर क मनई स बेतेल मँ वेदी क बरे दीन्ह सँदेसा सुनेस। उ वेदी स हाथ हींच लिहेस अउर मनई कइँती सकत किहस। उ कहेस, “इ मनई क बन्दी बनाइ ल्या।” मुला राजा जब इ कहेस तउ ओकरे हाथे क लगवा मार गवा। उ ओका हलाइ नाहीं सका।</verse>
				<verse number="5">वेदी क टूका-टूका होइ गएन। ओकर सारी राख भुइँया पइ गिर पड़ी। इ प्रमाण रहा जउन कि परमेस्सर क मनई लोगन क दिहस। इ साबित किहस कि इ वचन परमेस्सर क तरफ स रहा।</verse>
				<verse number="6">तब राजा यारोबाम परमेस्सर क मनई स कहेस, “मेहरबानी कइके यहोवा अपने परमेस्सर स मोरे बरे पराथना करइँ। यहोवा स याचना करइँ कि इ मोर भुजा स्वस्थ कइ देइँ।” एह बरे “परमेस्सर क मनई” यहोवा क पराथना किहेस अउर राजा क भुजा स्वस्थ होइ गइ। इ वइसे ही होइ गइ जइसे पहिले रही।</verse>
				<verse number="7">तब राजा परमेस्सर क मनई स कहेस, “मेहरबानी कइके मोरे संग घरे चलइँ। आवइँ अउर मोरे संग भोजन करइँ मइँ आप क एक ठु भेंट देब।”</verse>
				<verse number="8">किन्तु परमेस्सर क मनई राजा स कहेस, “मइँ आप क संग घरे नाहीं जाब। जदि आप मोका अपना आधा राज्ज भी देइँ तउ भी मइँ नाहीं जाब। मइँ इ ठउरे पइ न कछू खाब, न ही कछू पिअब।</verse>
				<verse number="9">यहोवा आदेस दिहस ह कि मइँ न कछू खाउँ अउर न ही पिउँ अउर न ही उ मारग स जात्रा करउँ जेकर उपयोग मइँ हिआँ आवत समइ किहेस।”</verse>
				<verse number="10">एह बरे ओहसे अलग सड़क स जात्रा किहस। उ उहइ सड़क क उपयोग नाहीं किहस जेकर उपयोग उ बेतेल क आवत समइ किहे रहा।</verse>
				<verse number="11">बेतेल नगर मँ एक ठु ब़ुढवा नबी रहत रहा। ओकर पूत आएन अउर उ पचे ओका बताएन कि परमेस्सर क मनई बेतेल मँ का किहस। उ पचे अपने बाप स उ भी किहेन कि जउन परमेस्सर क मनई राजा यारोबाम स कहे रहा।</verse>
				<verse number="12">बुढ़वा नबी कहेस, “जब उ चला तउ कउने सड़क स गवा?” एह बरे पूतन अपने बाप क उ सड़क देखाएन जेहसे यहूदा स आवइवाला परमेस्सर क मनई गवा रहा।</verse>
				<verse number="13">बुढ़वा नबी अपने पूतन स अपने गदहे पइ काठी धरइ बरे कहेस। एह बरे उ पचे काठी गदहे पइ डाएन। तब नबी अपने गदहे पइ चल पड़ा।</verse>
				<verse number="14">बुढ़वा नबी परमेस्सर क मनई क पाछे गवा। बुढ़वा नबी परमेस्सर क मनई क एक ठु बाँजबृच्छ क खाले बइठे लखेस। बुढ़वा नबी पूछेस, “का आप उहइ परमेस्सर क मनई अहइँ जउन यहूदा स आएन ह?” परमेस्सर क मनई जवाब दिहस, “हाँ, मइँ ही अहउँ।”</verse>
				<verse number="15">एह बरे बुढ़वा नबी कहेस, “मेहरबानी कइके घरे चलइँ अउर मोरे संग भोजन करइँ।”</verse>
				<verse number="16">मुला परमेस्सर क मनई जवाब दिहस, “मइँ तोहरे संग घरे नाहीं जाइ सकत हउँ। मइँ इ ठउरे पइ तोहरे संग खाइ पीइ नाहीं सकत।</verse>
				<verse number="17">यहोवा मोहसे कहेस, ‘तू उ ठउरे पइ कछू खाया पिआ नाहीं अउर तोहका उहइ सड़किया स वापस लउटब भी नाहीं अहइ जेहसे तू हुवाँ आया।’”</verse>
				<verse number="18">तब बुढ़वा नबी कहेस, “किन्तु मइँ भी तोहरी तरह नबी हउँ।” तब बुढ़वा नबी एक झूठ बोलेस। उ कहेस, “यहोवा क हिआँ स एक ठु सरगदूत मोरे लगे आवा अउर यहोवा क सब्द मोरे स कहेस कि एका अपने घरे ले जा अउर एका हुआँ भोजन पानी करइ दया।”</verse>
				<verse number="19">एह बरे परमेस्सर क मनई बुढ़वा नबी क घर गवा अउर ओकर संग खाएस-पियस।</verse>
				<verse number="20">जब उ पचे मेज पइ बइठे रहेन तउ यहोवा बुढ़वा नबी स कहेस,</verse>
				<verse number="21">अउर बुढ़वा नबी यहूदा क निवासी परमेस्सर क मनई क संग बातचीत किहेस। उ कहेस, “यहोवा कहेस कि तू ओकरी आग्या क पालन नाहीं किहा। तू उ नाहीं किहा जेकरे बरे यहोवा क आदेस रहा।</verse>
				<verse number="22">यहोवा आदेस दिहे रहा कि तोहका इ जगह पइ कछू भी खाइ या पिअइ नाहीं चाही। किन्तु तू वापस लउट्या अउर तू खाया पिआ। एह बरे तोहार ल्हास तोहरे परिवार क कब्रगाह मँ नाहीं दफनावा जाइ।”</verse>
				<verse number="23">परमेस्सर क मनई भोजन करब अउर पिअब खतम किहस। तब बुढ़वा नबी ओकरे बरे गदहे पइ काठी कसेस अउर उ चला गवा।</verse>
				<verse number="24">घरे कइँती जात्रा करत समइ सड़क पइ एक ठु सेर हमला किहस अउर परमेस्सर क मनई क मार डाएस। नबी क ल्हास सड़क पइ पड़ी रही। गदहा अउ सेर ल्हास क लगे खड़े रहेन।</verse>
				<verse number="25">कछू दूसर मनई उ सड़क स जात्रा करत रहेन। उ पचे ल्हास क लखेन अउर सेर क खड़ा पाएन। उ सबई मनई उ नगर क आएन जहाँ बुढ़वा नबी रहत रहा अउर हुवाँ उ बताएस जउन उ पचे सड़क पइ लखे रहेन।</verse>
				<verse number="26">बुढ़वा नबी उ मनई क धोखा दिहे रहा अउर ओका वापस लइ गवा रहा। उ जउन कछू भवा रहा उ सुनेस अउर उ कहेस, “उ परमेस्सर क मनई अहइ जउन यहोवा क आदेस क पालन नाही किहेस। एह बरे यहोवा ओका मारइ बरे एक ठु सेर पठएस। यहोवा कहेस कि ओका इ करइ चाही।”</verse>
				<verse number="27">तब नबी अपने पूतन स कहेस, “मोरे गदहे पइ काठी डावा।” एह बरे ओकर पूतन ओकरे गदहे पइ काठी डाएन।</verse>
				<verse number="28">बुढ़वा नबी गवा अउर ओकरे ल्हासे क सड़किया पइ पड़ा पाएस। गदहा अउ सेर तब भी ओकरे लगे खड़ा रहेन। सेर ल्हास क नाहीं खाए रहा अउ गदहे क भी चोट नाहीं पहोंचाए रहा।</verse>
				<verse number="29">बुढ़वा नबी ल्हास क अपने गदहे पाइ राखेस अउर उ ल्हस पइ रोइ बरे अउर ओका दफनाइ बरे नगर वापस लाएस।</verse>
				<verse number="30">बुढ़वा नबी ओका अपने परिवार क कब्रगाह मँ दफनाएस। बुढ़वा नबी ओकरे बरे रोएस। बुढ़वा नबी कहेस, “ए मोरे भाई मइँ तोहरे बरे दुःखी हउँ।”</verse>
				<verse number="31">इ तरह बुढ़वा नबी ल्हास क दफनाएस। तब उ अपने पूतन स कहेस, “जब मइँ मरउँ तउ मोका इहइ कब्र मँ दफनावा। मोरे हाड़न क ओकरे हाड़न क निचके रख्या।</verse>
				<verse number="32">जउन बातन यहोवा ओकरे जरिये कहलवाएस ह उ सबइ निहचइ ही फुरइ घटित होइहीं। यहोवा ओकर उपयोग बेतेल क बेदी अउ सोमरोन क दूसर नगरन मँ स्थित ऊँच जगहन क खिलाफ बोलइ बरे किहस।”</verse>
				<verse number="33">एकर बाद भी राजा यारोबाम अपने बुरे कारनामन क नाहीं बदलेस। उ अलग-अलग परिवार समूहन स लोगन क याजक बनइ बरे चुनत रहा। उ सबइ याजक ऊँच जगहन पइ सेवा करत रहेन। जउन कउनो याजक होइ चाहत रहा याजक बन जाइ दीन्ह रहा।</verse>
				<verse number="34">इहइ पाप रहा जउन यारोबाम क साही खानदान क बरबादी अउ बिनासे क कारण बना।</verse>
			</chapter>
			<chapter number="14">
				<verse number="1">उ समइ यारोबाम क पूत अबिय्याह बहोत बीमार पड़ा।</verse>
				<verse number="2">यारोबाम अपनी मेहरारु स कहेस, “सीलो जा। जा अउर अबिय्याह नबी स मिला। अहिय्याह उ मनई अहइ जउन कहे रहा कि मइँ इस्राएल क राजा बनब। अपना ओढ़ना अइसे पहिरा कि कउनो न समुझइ कि तू मोर मेहरारु अहा।</verse>
				<verse number="3">नबी क दस रोटियन, कछू पुअन अउ सहद क एक ठु गगरी द्या। तब ओहसे पूछा कि हमरे पूत क का होइ। अहिय्याह नबी तोहका बताइ।”</verse>
				<verse number="4">एह बरे राजा क मेहरारु उ किहस जउन उ कहेस। उ सीलो गइ। उ अहिय्याह नबी क घरे गइ। अहिय्याह बहोत बुढ़वा अउ आँधर होइ गवा।</verse>
				<verse number="5">मुला यहोवा ओहसे कहेस, “यारोबाम क मेहरारु तोहसे आपन पूत क बारे मँ पूछइ बरे आवति अहइ। उ बीमार अहइ। यहोवा अहिय्याह क बताएस कि ओका का कहइ चाही।” यारोबाम क मेहरारु आपन भेस बदल कइ अहिय्याह क घरे पहोंची काहेकि उ कोसिस करत रही कि लोग न जानइँ कि उ कउन अहइ।</verse>
				<verse number="6">अहिय्याह ओकरे दुआरे पइ आवइ क अवाज अनकेस। एह बरे अहिय्याह कहेस, “यारोबाम क मेहरारु, हिआँ आवा। तू काहे इ जतन करति अहा कि लोग इ समुझँइ कि तू कउनो दूसर अहा? मोरे लगे तोहरे बरे कछू बुरी खबर अहइँ।</verse>
				<verse number="7">वापस लउटा अउर यारोबाम स कहा कि यहोवा इस्राएल क परमेस्सर, जउन कहत ह, उ इ अहइ। यहोवा कहत ह, ‘यारोबाम, इस्राएल क सबहिं लोगन मँ स मइँ तोहका चुनेउँ। मइँ तोहका अपने लोगन क सासक बनाएउँ।</verse>
				<verse number="8">दाऊद क परिवार इस्राएल पइ सासन किहस, मुला मइँ ओनसे ओकर राज्ज क छीन के ओका तोहका दिहेउँ। मुला तू मोरे सेवक दाऊद क समान नाहीं अहा। उ मोरे आदेसन क हमेसा पालन किहस अउर मोर पूरा हिरदय स अनुसरण, उ सबइ काम कइके किहेस जउन मोर नज़र म नीक रहा।</verse>
				<verse number="9">किन्तु तू पहिले क सासक स जियादा घटिया पापन किहेस ह। तू मोर अनुसरण करब बन्द कइ दिहा ह। तू मूरतियन अउर दूसर देवतन बनाया। इ मोका बहोत कोहाइ दिहस। तू आपन पीठ मोर तरफ घुमाइ दिहेस ह।</verse>
				<verse number="10">एह बरे यारोबाम, मइँ तोहरे परिवार पइ विपत्ति लिआउब। मइँ तोहरे परिवार क सबहिं मनइयन क मार डाउब। मइ तोहरे परिवार क पूरी तरह वइसे ही बर्बाद करब जइसे आगी उपरी क बर्बाद करति ह।</verse>
				<verse number="11">तोहरे परिवार क जउन कउनो नगर मँ मरी ओका कूकुर खइहीं अउर तोहरे परिवार क जउन कउनो मनई मइदान मँ मरी ओका पंछी खइहीं। यहोवा इ कहेस ह।’”</verse>
				<verse number="12">तब अहिय्याह नबी यारोबाम क पत्नी स लगातार बात करत रहा ह। उ कहेस, “अब तू घरे जा। जइसे ही तू अपने नगर मँ प्रवेस करब्या तोहार पूत मरी।</verse>
				<verse number="13">सारा इस्राएल ओकरे बरे रोई अउर ओका दफनाइ। सिरिफ तोहार पूत ही यारोबाम क परिवार मँ अइसा व्यक्ति होइ जेका दफनावा जाइ। एकर कारण इ अहइ कि यारोबाम क परिवार मँ सिरिफ उहइ अइसा मनई अहइ जउन यहोवा, इस्राएल क परमेस्सर क खुस किहेस ह।</verse>
				<verse number="14">यहोवा इस्राएल क एक ठु नवा राजा बनाई। उ नवा राजा यारोबाम क परिवार क नस्ट करी। इ बहोत हाली होइ।</verse>
				<verse number="15">तब यहोवा इस्राएल क पीटिहीं। इस्राएल क लोग बहोत डेराइ जइहीं। उ पचे उ तरह काँपिहीं जइसा जल मँ सरकण्डा डोलत ह। यहोवा इस्राएलियन क इ नीक पहँटा स उखाड़ देइ। इ उहइ भुइँया अहइ जेका उ ओनके पुरखन क दिहे रहा। उ ओनका फरात नदी क दूसरी कइँती बिखेर देइ। इ होइ काहेकि यहोवा लोगन पइ कोहान अहइ। लोगन ओका तब गुस्सैल किहन जब उ पचे असेरा क पूजा क बरे खास खम्भन खड़ा किहेन।</verse>
				<verse number="16">यारोबाम पाप किहेस अउर तब यारोबाम इस्राएल क लोगन स पाप करवाएस। एह बरे यहोवा इस्राएल क लोगन क पराजित होइ दिहन।”</verse>
				<verse number="17">यारोबाम क मेहरारु तिरजा क लउट गइ। जइसेन हि उ घरे मँ घुसी, लरिका मर गवा।</verse>
				<verse number="18">पूरा इस्राएल ओका दफनाएस अउर ओकरे बरे उ रोएन। इ ठीक वइसे ही भवा जइसा यहोवा होइ क कहे रहा। यहोवा अपने सेवक अहिय्याह नबी क उपयोग इ सबइ बातन कहइ बरे किहस।</verse>
				<verse number="19">राजा यारोबाम दूसर बहोतन स काम किहस। ओकर जुद्ध क लेखा जोखा, उ कइसे हुकूमत करत रहा, अउर ओकर दूसर कामन इ सब इस्राएल क राजा लोगन क इतिहास नाउँ क किताबे मँ लिखा भवा अहइ।</verse>
				<verse number="20">यारोबाम बाईस बरिस तलक राजा क रूप मँ हुकूमत किहस। उ तब मरा अउर अपने पुरखन क संग दफनावा गवा। ओकर पूत नादाब ओकरे पाछे नवा राजा भवा।</verse>
				<verse number="21">उ समइ जब सुलैमान क लरिका रहूबियाम यहूदा क राजा बना, उ इक्कीस बरिस क रहा। रहूबियाम यरूसलेम नगर मँ सत्रह बरिस तलक हुकूमत किहस। इ उहइ नगर अहइ जेहमा यहोवा सम्मानित होब चुनेस। उ इस्राएल क सबहिं दूसर नगरन मँ स इ नगर क चुनेस। रहूबियाम क नामा नाउँ क महतारी अम्मोन क रही।</verse>
				<verse number="22">यहूदा क लोग पाप किहन अउ ओन कामन क किहन जेनका यहोवा बुरा कहे रहा। लोग अपने ऊपर यहोवा क गुस्सैल करइ बरे अउर बुरे काम किहन। उ सबइ लोग अपने पुरखन स भी बुरे रहेन।</verse>
				<verse number="23">लोग ऊँच ठउर, पाथर क स्मारक अउर पवित्तर खम्भन बनाएन। उ पचे ओनका हर एक पहाड़ पइ अउ हर एक बृच्छ क खाले बनाएन।</verse>
				<verse number="24">हुवाँ भुइँया पइ मन्दिर क देवदासन भी रहेन। लोग अनेक घिनौना करम करत रहेन अउर उ रास्ट्र क अनुसरण करत रहेन जेनका यहोवा भूइँया तजइ बरे मज़बूर किहे रहेन। अउर परमेस्सर ओन लोगन स उ देस लइ लिहे रहा। अउर इस्राएल क लोगन क दइ दिहे रहा।</verse>
				<verse number="25">रहूबियाम क राज्जकाल क पचएँ बरिस मिस्र क राजा सीसक यरूसलेम क खिलाफ लड़ा।</verse>
				<verse number="26">सीसक यहोवा क मन्दिर अउ राजा क महल स खजानन लइ लिहस। उ ओन सुनहरी ढालन क भी लइ लिहस जेनका दाऊद अराम क राजा हददजर क अधिकारियन स लिहे रहा। दाऊद एन ढालन क यरूसलेम लइ गवा रहा। किन्तु सीसक सबहिं सुनहरी ढालन लइ लिहस।</verse>
				<verse number="27">एह बरे राजा रहूबियाम ओनके ठउर पइ रखइ बरे अनेक ढालन बनवाएस। किन्तु इ सबइ ढालन काँसे क रहिन, सोना क नाहीं। उ इ सबइ ढालन ओन मनइयन क दइ दिहस जउन महल क दुआरन क रच्छा करत रहेन।</verse>
				<verse number="28">जब कबहुँ राजा यहोवा क मन्दिर क जात रहा, रच्छकन ओकरे साथ हर दाईं जात रहेन। उ सबइ ढालन लइ जात रहेन। जब उ पचे काम पूरा कइ लेत रहेन तब उ पचे रच्छक-कच्छ मँ ढालन क लटकाइ देत रहेन।</verse>
				<verse number="29">राजा रहूबियाम जउन कछू किहेस उ सब, यहूदा क राजा लोगन क इतिहास नाउँ क किताबे मँ लिखा भवा अहइ।</verse>
				<verse number="30">रहूबियाम अउ यारोबाम हमेसा ही एक दूसर क खिलाफ जुद्ध करत रहेन।</verse>
				<verse number="31">रहूबियाम मरा अउ अपने पुरखन क संग दफनावा गवा। ओका ओकरे पुरखन क संग दाऊद नगर मँ दफनावा गवा। (ओकर महतारी नामा एक अम्मोनी रही।) रहूबियाम क पूत अबिय्याम ओकरे पाछे नवा राजा बनइ मँ कामयाब होइ गवा।</verse>
			</chapter>
			<chapter number="15">
				<verse number="1">नाबात क पूत यारोबाम इस्राएल पइ हुकूमत करत रहा। यारोबाम क राज्जकाल क अट्ठारहवें बरिस, अबिय्याम यहूदा क नवा राजा बना।</verse>
				<verse number="2">अबिय्याम तीन बरिस तलक यरूसलेम पइ हुकूमत किहस। ओकर महतारी क नाउँ माका रहा। उ अबसालेम क बिटिया रहा।</verse>
				<verse number="3">उ उ सबइ पाप किहेस जउन ओकर बाप ओकरे पहिले किहे रहा। अबिय्याम क हिरदय यहोवा आपन परमेस्सर क प्रति पूरा भक्तिवान नाहीं रहेन जइसा ओकर दादा दाऊद किहे रहा।</verse>
				<verse number="4">दाऊद के वास्ते, यहोवा ओका यरूसलेम मँ एक ठू बंस दिहेस। उ दाऊद क बंसज क यरूसलेम पई सासन करइ द्या अउर एका सुरच्छित रखइ क प्रतिग्या किहेस।</verse>
				<verse number="5">दाऊद हमेसा ही उचित करम किहस जेनका यहोवा चाहत रहा। उ हमेसा ही यहोवा क आदेसन क पालन किहे रहा। सिरिफ एक दाईं दाऊद यहोवा क आदेस नाहीं माने रहा जब दाऊद हित्ती ऊरिय्याह क खिलाफ पाप किहे रहा।</verse>
				<verse number="6">रहूबियाम अउ यारोबाम हमेसा एक दूसर क खिलाफ जुद्ध लड़त रहेन।</verse>
				<verse number="7">जउन कछू दूसर काम अबिय्याम किहे रहा उ यहूदा क राजा लोगन क इतिहास नाउँ क किताबे मँ लिखा बाटइ। उ सारे समइ मँ जब अबिय्याम राजा रहा, यारोबाम अउ अबिय्याम क खिलाफ जुद्ध चलत रहा।</verse>
				<verse number="8">जब अबिय्याम मरा तउ दाऊद-नगर मँ दफनावा गवा। अबिय्याम क पूत “आसा” ओकरे पाछे नवा राजा भवा।</verse>
				<verse number="9">इस्राएल क ऊपर यारोबाम क राजा क रुप मँ सासन करइ क बीसवें बरिस मँ आसा यहूदा क राजा बना।</verse>
				<verse number="10">आसा यरूसलेम मँ इकतालिस बरिस तलक सासन किहस। ओकरे दादी क नाउँ माका रहा अउर माका अबसालोम क बिटिया रही।</verse>
				<verse number="11">आसा अपने पुरखा दाऊद क तरह ओन करमन क किहस जेनका यहोवा उचित ठहराएस।</verse>
				<verse number="12">ओन दिनन हुवाँ मन्दिर क देवदासन रहेन। आसा ओन लोगन क देस तजइ बरे मजबूर किहस। आसा ओन देव मूरतियन क भी दूर किहस जउन ओकरे पुरखन बनाए रहेन।</verse>
				<verse number="13">आसा अपनी दादी माका क, रानी पद स हटाइ दिहस। माका देवी असेरा क ओन भयंकर मूरतियन मँ स एक क बनाए रहा। आसा ओका काट डाएस अउर एका उ किद्रोन क घाटी मँ बारेस।</verse>
				<verse number="14">आसा ऊँच ठउरन क बर्बाद नाहीं किहस, किन्तु उ पूरी जिन्नगी भइ यहोवा क मनवइया रहा।</verse>
				<verse number="15">आसा यहोवा क मन्दिर मँ सोना, चाँदी अउर उ चिजियन लाएन जउन उ अउर ओकर बाप अर्पित किहे रहेन।</verse>
				<verse number="16">जब तलक राजा आसा यहूदा क राजा रहा, उ हमेसा ही इस्राएल क राजा बासा क खिलाफ जुद्ध करत रहा।</verse>
				<verse number="17">बासा यहूदा क खिलाफ लड़त रहा। बासा लोगन क, आसा क देस यहूदा स आवइ या जाइ स रोकइ चाहत रहा। एह बरे उ रामा नगर क बहोत मजबूत बनाइ दिहस।</verse>
				<verse number="18">एह बरे आसा यहोवा क मन्दिर अउर राजमहल क खजानन स सोना अउ चाँदी निकारेस। उ इ सोना-चाँदी अपने सेवकन क दिहस अउर ओनका अराम क राजा बेन्हदद क लगे पठएस। बेन्हदद हेज्योन क पूत तब्रिम्मोन क पूत रहा। दमिस्क बेन्हदद क राजधानी नगर रहा।</verse>
				<verse number="19">आसा इ सँदेसा पठएस, “मोरे बाप अउर तोहार बाप क बीच एक ठु सान्ति-सन्धि रही। अब मइँ तोहरे अउर अपने बीच एक ठू सान्ति-सन्धि करइ चाहत हुउँ। मइँ तोहरे लगे सोना-चाँदी क भेंट पठवत अहउँ। इस्राएल क राजा बासा क संग अपनी सन्धि तोड़ द्या। तब बासा मोरे देस क तजि देइ।”</verse>
				<verse number="20">राजा बेन्हदद आसा क सँदेसा क अंगीकार किहस। एह बरे उ इस्राएल क नगरन क खिलाफ लड़इ बरे अपनी फउज पठएस। बेन्हदद इय्योन, दान, आबेल्वेत्माका अउ गलीली झील क चारिहुँ ओर क नगरन क हराइ दिहस। उ सारे नप्ताली पहँटा क हराएस।</verse>
				<verse number="21">बासा एन हमलन क बारे मँ सुनेस। एह बरे उ रामा क मजबूत बनाउब बन्द किहस। उ उ नगर क तजि दिहस अउर तिर्सा क लउट गवा।</verse>
				<verse number="22">तब राजा आसा यहूदा क सबहिं लोगन क मदद करइ क हुकूम दिहस-कउनो मनई बिना मदद क नाहीं होइ। उ पचे रामा क गएन अउर उ पचे ओन पाथरन अउ काठन क उठाइ लिहन जेनकर उपयोग बासा नगर क मजबूत बनावइ बरे करत रहा। उ पचे ओन चिजियन क मिस्पा अउर बिन्यामीन प्रदेस मँ गेबा क लइ गएन। तब आसा ओन नगरन क बहोत मजबूत बनाएस।</verse>
				<verse number="23">आसा क बारे मँ दूसर बातन व महान कारज जउन उ किहस अउर नगरन जेनका उ बनाएस यहूदा क राजा लोगन क इतिहास नाउँ क किताबे मँ लिखा बाटइ। जब आसा बुढ़वा भवा तउ ओकरे गोड़े मँ एक रोग पइदा भवा।</verse>
				<verse number="24">आसा मरा अउर ओका ओकर पुरखा दाऊद का नगर मँ दफनावा गवा। तब आसा क पूत यहोसापात ओकरे पाछे नवा राजा बना।</verse>
				<verse number="25">यहूदा पइ आसा क राज्जकाल क दूसर बरिस मँ यारोबाम क पूत नादाब इस्राएल क राजा भवा। नादाब इस्राएल पइ दुइ बरिस तलक हुकूमत किहस।</verse>
				<verse number="26">नादाब उ करम किहेस जेका यहोवा दुआरा बुरा समुझा जात रहा। उ वइसे ही पाप किहस जइसे ओकर बाप यारोबाम इस्राएल क लोगन स पाप करवाइ क किहे रहा।</verse>
				<verse number="27">बासा अहिय्याह क पूत रहा। उ पचे इस्साकार क परिवार समूह स रहेन। बासा राजा नादाब क मार डावइ क एक ठु जोजना बनाएस। इ उ समइ रहा जब नादाब अउर सारा इस्राएल गिब्बतोन नगर क खिलाफ जुद्ध मँ लडत रहेन। इ एक पलिस्ती नगर रहा। उ ठउरे पइ बासा नादाब क मार डाएस।</verse>
				<verse number="28">इ यहूदा पइ आसा क राज्जकाल क तीसरे बरिस मँ भवा अउर बासा इस्राएल क अगला राजा बना।</verse>
				<verse number="29">जब बासा नवा राजा बना तउ उ यारोबाम क परिवार क हर एक मनई क मार डाएस। बासा यारोबाम क परिवार मँ कउनो मनई क जिअत नाहीं बख्सेस। इ वइसे ही भावा जइसा होइ बरे यहोवा कहे रहा। यहोवा सीलो क आपन सेवक अहिय्याह क जरिये इ कहे रहा।</verse>
				<verse number="30">इ भवा, काहेकि यारोबाम अनेक पाप किहे रहा अउर यारोबाम इस्राएल क लोगन स अनेक पाप कराए क कारण रहा। यारोबाम यहोवा इस्राएल क परमेस्सर क बहोत किरोधित कइ दिहे रहा।</verse>
				<verse number="31">नादाब जउन दूसर काम किहेस उ सबइ इस्राएल क राजा लोगन क इतिहास नाउँ क किताबे मँ लिखा भवा अहइ।</verse>
				<verse number="32">पूरे समइ, जब तलक बासा इस्राएल क सासक रहा, उ यहूदा क राजा आसा क बिरुद्ध जुद्ध मँ लड़त रहा।</verse>
				<verse number="33">अहिय्याह क पूत बासा, यहूदा पइ आसा क राज्जकाल क तीसरे बरिस मँ इस्राएल क राजा भवा रहा। बासा तिर्सा मँ चौबीस बरिस तलक राजा रहा।</verse>
				<verse number="34">किन्तु बासा उ सबइ कारज किहस जेनका यहोवा बुरा बताए रहा। उ उ सबइ ही पाप किहेस जउन ओकर पुरखा यारोबाम किहे रहा। यारोबाम इस्राएल क लोगन स पाप कराए रहा।</verse>
			</chapter>
			<chapter number="16">
				<verse number="1">तब यहोवा हनान क पूत येहू स बातन किहस। यहोवा राजा बासा क बिरुद्ध बातन कहत रहा।</verse>
				<verse number="2">“मइँ तोहका धूरि-माटी स चुन कइ उठाएउँ। मइँ तोहका इस्राएल क लोगन क ऊपर राजा बनाएउँ। किन्तु तू यारोबाम क मारग क अनुसरण किहा ह। तू मोर लोगन, इस्राएलियन स पाप कराया ह। उ पचे अपने पापन स मोका गुस्सैल किहन ह।</verse>
				<verse number="3">एह बरे बासा, मइँ तोहका अउर तोहरे परिवार क बर्बाद करब। मइँ तोहरे संग उहइ करब जउन मइँ नाबात क पूत यारोबाम क परिवार क संग किहेउँ।</verse>
				<verse number="4">तोहरे परिवार क लोग नगर क सड़कियन पइ मरिहीं अउर ओनके ल्हासन क कूकुर खइहीं। तोहरे परिवार क कछू लोग मइदानन मँ मरिहीं अउर ओनके ल्हासन क पंछी खइहीं।”</verse>
				<verse number="5">बासा क बारे मँ दूसर बातन अउर जउन महान कारज उ किहेस सबहिं इस्राएल क राजा लोगन क इतिहास नाउँ क किताबे मँ लिखा अहइ।</verse>
				<verse number="6">बासा मरा अउ तिर्सा मँ दफनावा गवा। ओकर पूत एला ओकरे पाछे नवा राजा बना।</verse>
				<verse number="7">एह बरे यहोवा येहू नबी क एक सँदेसा दिहस। इ सँदेसा बासा अउ ओकरे परिवार क बिरुद्ध रहा। बासा उहइ करम किहे रहा जेका यहोवा बुरा करम ठेहराएस। एहसे यहोवा बहोत कोहाई गवा। बासा उहइ किहस यारोबाम क परिवार ओहसे पहिले किहे रहा। यहोवा एह बरे भी कोहान रहा कि बासा यारोबाम क समूचे परिवार क मार डाए रहा।</verse>
				<verse number="8">यहूदा पइ आसा क राज्जकाल क छब्बीसवें बरिस मँ एला इस्राएल क राजा भवा। एला बासा क पूत रहा। उ तिर्सा मँ दुई बरिस तलक हुकूमत किहस।</verse>
				<verse number="9">एला राजा क अधिकारियन मँ स जिम्री एक रहा। जिम्री एला क आधे रथन क आदेस देत रहा। किन्तु जिम्री एला क बिरुद्ध जोजना बनाएस। राजा एला तिर्सा मँ रहा। उ अर्सा, क घरे मँ दाखरस पिअत रहा अउर मदमस्त होत रहा। अर्सा तिर्सा क महल क अधिकारी रहा।</verse>
				<verse number="10">जिम्री उ घरे मँ गवा अउ उ राजा एला क मार डाएस। यहूदा पइ आसा क राज्जकाल क सत्ताइसवें बरिस मँ इ भवा। तब एला क पाछे इस्राएल क नवा राजा जिम्री भवा।</verse>
				<verse number="11">जब जिम्री राजा भवा तउ उ बासा क पूरे परिवार क मार डाएस। उ बासा क परिवार मँ कउनो मनई क जिअत नाहीं रहइ दिहस। जिम्री बासा क मीतन क भी मार डाएस।</verse>
				<verse number="12">इ तरह जिम्री बासा क पूरा परिवार क बर्बाद किहस। इ वइसे ही भवा जइसा यहोवा, येहू नबी क उपयोग बासा क खिलाफ कहइ क कहे रहा।</verse>
				<verse number="13">इ बासा अउ ओकर पूत एला क सबहिं पापन क कारण भवा। उ पचे पाप किहे रहेन अउर इस्राएल क लोग स पाप कराए रहेन। यहोवा कोहान रहा काहेकि उ पचे बहोत स देवमूरतियन धरे रहेन।</verse>
				<verse number="14">इस्राएल क राजा लोगन क इतिहास नाउँ क किताबे मँ दूसर सबहिं बातन लिखी अहइँ जउन एला किहे रहा।</verse>
				<verse number="15">यहूदा पइ आसा क राज्जकाल क सत्ताइसवें बरिस मँ जिम्री इस्राएल क राजा बना। जिम्री तिर्सा मँ सात दिन सासन किहस। जउन कछू भवा, इ अहइ: इस्राएल क फउज गिब्बतोन क पलिस्तियन क निचके डेरा डाए पड़ी रहिन। उ पचे जुद्ध बरे तइयार रहेन।</verse>
				<verse number="16">पड़ाव मँ टिके लोग सुनेन कि जिम्री राजा क खिलाफ गुप्त सड्यन्त्र रचेस ह। अउर ओका मार डाएस। एह बरे सारे इस्राएल डेरा मँ, उ दिन ओम्री क इस्राएल क राजा बनाएस। ओम्री सेनापति रहा।</verse>
				<verse number="17">एह बरे ओम्री अउर सारे इस्राएल गिब्बतोन क तजेन अउ तिर्सा पई हमला कइ किहन।</verse>
				<verse number="18">जिम्री लखेस कि नगर पइ अधिकार कइ लीन्ह गएस ह। एह बरे उ महल क भीतर गएन अउर जराइ सरू किहेन। उ महल अउ खुद क जराइ दिहेस। अउर उ मरि गवा।</verse>
				<verse number="19">इ तरह जिम्री मरा काहेकि उ पाप किहे रहा। जिम्री ओन कामन क किहेस जेनका यहोवा बुरा कहे रहा। उ वइसे ही पाप किहेस जइसे यारोबाम किहे रहा अउ यारोबाम इस्राएल क लोगन स पाप कराए रहा।</verse>
				<verse number="20">“इस्राएल क राजा लोगन क इतिहास” नाउँ क किताबे मँ जिम्री क गुप्त सड्यन्त्र अउ दूसर बातन लिखी अहइँ जउन उ राजा एला क बिरुद्ध किहे रहा।</verse>
				<verse number="21">इस्राएली लोग दुइ दलन मँ बँट गए रहेन। आधे लोग गीनत क पूत तिब्नी क अनुसरण करत रहेन अउर ओका राजा बनावइ चाहत रहेन। दूसर आधे लोग ओम्री क अनुयायी रहेन।</verse>
				<verse number="22">किन्तु ओम्री क अनुयायी गीनत क पूत तिब्नी क अनुयायियन स जियादा सक्तीसाली रहेन। एह बरे तिब्नी मारा गवा अउर ओम्री राजा भवा।</verse>
				<verse number="23">यहूदा पइ आसा क राज्जकाल क इकत्तीसवें बरिस मँ ओम्री इस्राएल क राजा भवा। ओम्री इस्राएल पइ बारह बरिस तलक सासन किहस। ओन बरिसन मँ स छ: बरिस तलक उ तिर्सा नगर मँ सासन किहस।</verse>
				<verse number="24">किन्तु ओम्री सोमरोन क पहाड़ी क बेसहि लिहस। उ एका लगभग डेढ़ सौ पौण्ड चाँदी समेर स बेसहेस। ओम्री उ पहाड़ी पइ एक ठु नगर बनाएस। बाद मँ, इ पहिले क मालिक समेर क नाउँ पइ सोमरोन पुकारा गएस।</verse>
				<verse number="25">ओम्री उ सबइ काम किहस जेनका यहोवा बुरा घोसित किहे रहा। ओम्री ओन सबहिं राजा लोगन स बुरा रहा जउन ओकरे पहिले होइ चुके रहेन।</verse>
				<verse number="26">उ उ सबइ ही पापन किहेस जउन नबात क पूत यारोबाम किहे रहा। यारोबाम इस्राएल क लोगन स पाप कराए रहा। एह बरे उ पचे यहोवा, इस्राएल क परमेस्सर क बहोत किरोधित कइ दिहे रहेन। यहोवा कोहान रहा, काहेकि उ पचे बेकार क देवमूरतियन क पूजा करत रहेन।</verse>
				<verse number="27">इस्राएल क राजा लोगन क इतिहास नाउँ क पुस्तक मँ ओम्री क बारे मँ दूसर बातन अउर ओकर किहे महान कारज लिखे गएन ह।</verse>
				<verse number="28">ओम्री मरा अउ सोमरोन मँ दफनावा गवा। ओकर पूत अहाब ओकरे पाछे नवा राजा बना।</verse>
				<verse number="29">यहूदा पइ आसा क राज्जकाल क अड़तीसवें बरिस मँ ओम्री क पूत अहाब इस्राएल क राजा बना। अहाब इस्राएल पइ सामरिया मँ बाईस बरिस तलक हुकूमत किहेस।</verse>
				<verse number="30">अहाब उ सबइ काम किहेस जेनका यहोवा बुरा बताए रहा अउर अहाब ओन सबहिं राजा लोगन स भी बुरा रहा जउन ओकरे पहिले भए रहेन।</verse>
				<verse number="31">अहाब क बरे ऍतना काफी नाहीं रहा कि उ वइसे ही पापन करइ जइसे नबात क पूत यारोबाम किहे रहा, उ अहाब एतबाल क बिटिया ईजबेल स बियाह किहेस। एतबाल सीदोन क राजा रहा। तब अहाब बाल क सेवा अउर पूजा करब सुरू किहेस।</verse>
				<verse number="32">अहाब बाल क पूजा करइ बरे सोमरोन मँ पूजा घर बनाएस। उ पूजाघरे मँ एक वेदी रखेस।</verse>
				<verse number="33">अहाब असेर क पूजा बरे एक बिसेस खम्भा भी खड़ा किहस। अहाब यहोवा, इस्राएल क परमेस्सर क किरोधित करइवाले बहोत स काम, ओन सबहिं राजा स जियादा किहेस, जउन ओकरे पहिले रहेन।</verse>
				<verse number="34">अहाब क राज्जकाल मँ बेतेल क हीएल यरीहो नगर क दुबारा बनाएस। जउने समइ हीएल नगर बनावइ क काम सुरु किहस, ओकर बड़ा पूत अबीराम मर गवा अउर जब हीएल नगर दुआर बनाएस, ओकर सब स नान्ह पूत सगूब मर गवा। इ ठीक वइसे ही भवा जइसा यहोवा नून क पूत यहोसू स बातन करत भए कहे रहा।</verse>
			</chapter>
			<chapter number="17">
				<verse number="1">एलिय्याह गिलाद मँ तिसबी नगर क एक नबी रहा। एलिय्याह राजा अहाब स केहस, “मइँ यहोवा, इस्राएल क परमेस्सर क सेवा करत हउँ। ओकरी सक्ती पइ मइँ प्रतिग्या करत हउँ कि अगले कछू बरिसन मँ न हुवाँ बर्खा होइ अउर न ही ओस गिरी जब तलक मइँ ओकरे होइ क आदेस न देब।”</verse>
				<verse number="2">तब यहोवा एलिय्याह स कहेस,</verse>
				<verse number="3">“इ जगह क तजि द्या अउर पूरब कइँती चला जा। करीत नाले क लगे छुप जा। इ नाला यरदन नदी क पूरब मँ अहइ।</verse>
				<verse number="4">तू नाला स पानी पी सकत ह। मइँ कउअन क हुकुम दिहे अहउँ कि उ पचे तोहका उ जगह पइ भोजन पहोंचइहीं।”</verse>
				<verse number="5">एह बरे एलिय्याह उहइ किहस जउन यहोवा करइ क कहेस। उ यरदन नदी क पूरब करीत नाला क निचके रहइ चला गवा।</verse>
				<verse number="6">हर एक भिंसारे अउ साँझ क कौवन एलिय्याह क बरे भोजन लिआवत रहेन। एलिय्याह नाला स पानी पिअत रहा।</verse>
				<verse number="7">बर्खा नाहीं भइ एह बरे कछू समइ उपरान्त नाला झुराइ गवा।</verse>
				<verse number="8">तब यहोवा एलिय्याह स कहेस,</verse>
				<verse number="9">“सीदोन मँ सारपत क जा। हुँवइ रहा। उ जगह पइ एक ठु राँड़ मेहरारु रहत ह। मइँ ओका तोहका भोजन देइ क आदेस दिहेउँ ह।”</verse>
				<verse number="10">एह बरे एलिय्याह सारपत पहोंचा। उ नगर-दुआर पइ पहोंचा अउर उ एक ठु मेहरारु क लखेस। ओकर भतार मर चुका रहा। उ मेहरारु ईधन बरे लकड़ियन एकट्ठी करत रही। एलिय्याह ओहसे कहेस, “का तू एक ठु पियाला मँ थोड़ा पानी देबिउ जेका मइँ पी सकउँ?”</verse>
				<verse number="11">उ मेहरारु ओकरे बरे पानी लिआवइ जात रही, तउ एलिय्यह कहेस, “महेरबानी कइके एकठु रोटी क टूका भी लिआवा।”</verse>
				<verse number="12">उ मेहरारु जवाब दिहेस, “सच मँ मइँ यहोवा, तोहरे परमेस्सर क किरिया खाइके कहति हउँ कि मोरे लगे रोटी नाहीं अहइ। मोरे लगे बर्तन मँ मूठी भइ आटा अउर बर्तन मँ तनिक स जइतून क तेल अहइ। इ ठउरे पइ मइँ ईंधन बरे दुइ चार लकड़ियन बटोरइ आइ रहिउँ। मइँ एका लइके घरे लउटब अउर आपन आखिरी भोजन बनाउब। मइँ अउर मोर पूत दुइनउँ एका खइहीं अउर तब फिर पाछे मँ भूख स मर जइहीं।”</verse>
				<verse number="13">एलिय्याह मेहरारु स कहेस, “परेसान जिन हवा। घरे लउटा अउर जइसा तू कहया, आपन भोजन बनावा। मुला तोहरे लगे जउन आटा अहइ ओकर पहिले एक ठु नान्ह रोटी बनावा। उ रोटी क मोरे लगे लिआवा। तब आपन अउ अपने पूत बरे पकावा।</verse>
				<verse number="14">इस्राएल क परमेस्सर, यहोवा कहत ह, ‘उ आटे क बर्तन कबहुँ खाली नाहीं होइ। बर्तन मँ तेल हमेसा ही रही। अइसा तब तलक होत रही जउने दिन तलक यहोवा इ भुइँया पइ पानी नाहीं बरसावत।’”</verse>
				<verse number="15">एह बरे उ मेहरारु अपने घरे लउटी। उ उहइ किहस जउन एलिय्याह ओहसे करइ क कहे रहा। एलिय्याह, उ मेहरारु अउ ओकर पूत बहोत दिनन तलक पार्याप्त भोजन पावत रहेन।</verse>
				<verse number="16">आटा क बर्तन अउ तेल क पीपा दुइनउँ कबहुँ खाली नाहीं भवा। इ वइसा ही भवा जइसा यहोवा होइ क कहे रहा। यहोवा एलिय्याह क जरिये बातन किहे रहा।</verse>
				<verse number="17">कछू समइ पाछे उ मेहरारु क लरिका बीमार पड़ा। उ जियादा, अउर जियादा बीमार होता गवा। आखिर मँ लरिका साँस लेब बन्द कइ किहस।</verse>
				<verse number="18">मेहरारु एलिय्याह स कहेस, “हे परमेस्सर क मनई, तू मोर बरे का किहेस ह? का तू मोका सारे पापन क सुमिरइ बरे हिआँ आवा अहा? का तू हिआँ मोरे पूत क मरवावइ आवा रह्या?”</verse>
				<verse number="19">एलिय्याह ओहसे कहेस, “आपन पूत मोका द्या।” एलिय्याह ओकरे लरिके क ओहसे लिहस अउर सीढ़ियन स ऊपर लइ गवा। उ ओका उ कमरा मँ बिछउना पइ ओलराएस जेहमाँ उ रुका भवा रहा।</verse>
				<verse number="20">तब एलिय्याह पराथना किहेस, “हे यहोवा, मोर परमेस्सर, इ राँड़ मोका अपने घरे मँ ठहरावति अहइ। का तू ओकरे संग इ बुरा काम करब्या? का तू ओकरे पूत क मरइ देब्या?”</verse>
				<verse number="21">तब एलिय्याह लरिका क ऊपर तीन दाई ओलरा। एलिय्याह पराथना किहस, “हे यहोवा, मोर परमेस्सर। इ लरिका क फुन जीवित कर।”</verse>
				<verse number="22">यहोवा एलिय्याह क पराथना अंगीकार किहस। लरिका फुन साँस लेइ लाग। उ जिन्दा होइ गवा।</verse>
				<verse number="23">एलिय्याह बच्चा क सीढ़ियन स खाले लइ गवा। एलिय्याह उ लरिका क ओकरी महतारी क दिहस अउर कहेस, “लखा, तोहार पूत जी उठा।”</verse>
				<verse number="24">उ मेहरारु जवाब दिहस, “अब मोका बिस्सास हो गवा कि तू फुरइ परमेस्सर क हिआँ क मनई अहा। मइँ समुझ गइ हउँ कि फुरइ यहोवा तोहरे माध्यम स बोलत ह।”</verse>
			</chapter>
			<chapter number="18">
				<verse number="1">अनावृस्टि क तीसरे बरिस यहोवा एलिय्याह स कहेस, “जा अउर राजा अहाब स मिला। मइँ हाली ही बर्खा पठउब।”</verse>
				<verse number="2">एह बरे एलिय्याह अहाब क लगे गवा। उ समइ सोमरोन मँ भोजन नाहीं रह गवा रहा।</verse>
				<verse number="3">एह बरे राजा अहाब ओबधाह स अपने लगे आवइ क कहेस। ओबधाह राजमहल क अधिकारी रहा। (ओबधाह यहोवा क सच्चा अनुयायी रहा।</verse>
				<verse number="4">एक दाईं ईज़बेल यहोवा क सबहिं नबियन क जान स मारत रही। एह बरे ओबधाह सौ नबियन क लिहस अउर ओनका दुइ गुफन मँ छुपाएस। ओबद्याह एक गुफा मँ पचास नबी अउ दूसर गुफा मँ पचास नबी रखेस। तब ओबधाह ओनके बरे पानी अउ भोजन लिआएस।)</verse>
				<verse number="5">राजा अहाब ओबधाह स कहेस, “मोरे संग आवा। हम लोग इ प्रदेस क हर एक सोता अउर नाला क खोज करब। हम लोग पता लगाउब कि का हम अपने घोड़न अउ खच्चरन क जिअत रखइ बरे पर्याप्त घास कहीं पाइ सकित ह। तब हम क आपन कउनो जनावर खोउब नाहीं पड़ी।”</verse>
				<verse number="6">हर एक मनई देस क एक ठु हींसा चुनेस जहाँ उ पचे पानी क खोज कइ सकइँ। तब दुइनउँ। मनई पूरे देस मँ घूमेन। अहाब एक दिसा मँ अकेले गवा। ओबधाह दूसर दिसा मँ अकेले गवा।</verse>
				<verse number="7">जब ओबधाह जात्रा करत रहा तउ उ समइ उ एलिय्याह स मिला ओबधाह जब ओका लखेस एलिय्याह क पहचान लिहस। ओबधाह एलिय्याह क समन्वा प्रणाम करइ निहुरा उ केहेस, “एलिय्याह का सुआमी फुरइ आप अहइ?”</verse>
				<verse number="8">एलिय्याह जवाब दिहेस, “हाँ, मइँ ही हउँ। जा अउर आपन सुआमी राजा स कहा कि मइँ हिआँ अहउँ।”</verse>
				<verse number="9">तब ओबधाह कहेस, “जदि मइँ ओहाब स कहब कि मइँ जानत हउँ कि तू कहाँ अहा, तउ उ मोका मार डाइ। मइँ तोहार कछू नाहीं बिगाड़ेउँ ह। तू काहे चाहत अहा कि मइँ मरि जाउँ?</verse>
				<verse number="10">यहोवा, तोहरे परमेस्सर क जिन्नगी क किरिया खाइके कहत हउँ कि राजा तोहार खोज करइ बरे हरेक देस मँ मनइयन क भेज दिहेस ह। जदि कउनो देस क राजा इ कहेस कि तू ओकरे देस मँ नाहीं अहा, तउ अहाब ओका इ किरिया खाइ क मजबूर किहस कि तू सच मुच मँ ओकरे देस मँ नाहीं अहा।</verse>
				<verse number="11">अब तू चाहत अहा कि मइँ जाउँ अउर आपन सुआमी स कहउँ कि तू हुआँ अहा?</verse>
				<verse number="12">जदि मइँ जाउँ अउर राजा अहाब स कहउँ कि तू हिआँ अहा, तउ यहोवा क आतिमा तोहका कउनो दूसर जगह पइ पहोंचाइ सकत ह। राजा अहाब हिआँ आई अउर उ तोहका नाहीं पाइ सकी। तब उ मोका मार डाइ। मइँ यहोवा क अनुसरण तब स किहेउँ ह जब मइँ एक बालक रहा।</verse>
				<verse number="13">तू सुन्या ह कि मइँ का किहे रहेउँ। ईज़ेबेल यहोवा क नबियन क मारत रही अउर मइँ सौ नबियन क गुफन मँ छुपाए रहेउँ। मइँ एक गुफा मँ पचास नबियन अउर दूसर गुफा मँ पचास नबियन क रखे रहेउँ। मइँ ओनके बरे अन्न-पानी लिआएउँ।</verse>
				<verse number="14">अब तू चाहत अहा कि मइँ जाउँ अउर राजा स कहउँ कि तू हिआँ अहा। राजा मोका मार डाइ।”</verse>
				<verse number="15">एलिय्याह जवाब दिहेस, “जेतनी सर्वसक्तीमान यहोवा क सत्ता निहचित अहइ, ओतना ही निहचित इ अहइ कि मइँ आजु राजा क समन्वा खड़ा होउँ।”</verse>
				<verse number="16">एह बरे ओबधाह राजा अहाब क लगे गवा। उ बताएस कि एलिय्याह हुवाँ अहइ। राजा अहाब एलिय्याह स भेंटइ गवा।</verse>
				<verse number="17">जब अहाब एलिय्याह क लखेस तउ उ पूछेस, “का इ तू अहा? का तू ही उ मनई अहा जउन इस्राएल पइ बिपत्ति का कारण अहा?”</verse>
				<verse number="18">एलिय्याह जवाब दिहेस, “मइँ इस्राएल पइ बिपत्ति क कारण नाहीं अहउँ। तू अउर तोहरे बाप क परिवार इ सारी बिपत्ति क कारण अहा। जब तू यहोवा क आदेसन क पालन करब बन्द कइ दिहा अउर लबार देवतन क अनुसरण सुरु किहा।</verse>
				<verse number="19">अब सारे इस्राएलियन क कर्म्मेल पर्वते पइ मोहसे भेंटइ क कहा। उ ठउरे पइ बाल क चार सौ पचास नबियन क भी लिआवा अउर लबार देबी असेरा क चार सौ नबियन क लिआवा। रानी ईज़ेबेल ओन नबियन क समर्थन करत ह।”</verse>
				<verse number="20">एह बरे अहाब सबहिं इस्राएलियन अउर ओन नबियन क कर्म्मेल पर्वते पइ बोलाएस।</verse>
				<verse number="21">एलिय्याह सबहिं लोगन क लगे आवा। उ कहेस, “आप लोग कब निर्णय करिहीं कि आप क केकर अनुरसण करब अहइ? जदि यहोवा सच्चा परमेस्सर अहइ तउ आप लोगन क ओकर अनुयायी होइ चाही। किन्तु जदि बाल फुरइ परमेस्सर अहइ तउ तोहका ओकर अनुयायी होइ चाही।” उ पचे कछू भी नाहीं कहेन।</verse>
				<verse number="22">एह बरे एलिय्याह कहेस, “मइ हिआँ यहोवा क एकमात्र नबी हउँ। मइँ अकेला हउँ। किन्तु हिआँ बाल क चार सौ पचास नबी अहइँ।</verse>
				<verse number="23">एह बरे दुइ ठु बर्धा लिआवा। बाल क नबी क एक ठु बर्धा लेइ द्या। ओनका ओका मारइ द्या अउर ओकर टूकन करइ द्या अउर तब ओनका, मास क लकड़ी पइ धरइ द्या। किन्तु उ पचे आगी लगाउब सुरु न करइँ। तब मइँ उहइ काम दूसरे बर्धा क लइके करब अउर मइँ आगी लगाउब सुरु नाहीं करब।</verse>
				<verse number="24">बाल क नबी! बाल स पराथना करिहीं अउर मइँ यहोवा स पराथना करब। जउन ईस्सर पराथना क अंगीकार करइ अउर अपने काठे क बारब सुरु कइ देइ, उहइ सच्चा परमेस्सर अहइ।” सबहिं लोग अंगीकार किहेन कि इ उचित बिचार अहइ।</verse>
				<verse number="25">तब एलिय्याह बाल का नबियन स कहेस, “तू बड़की गनती मँ अहा। एह बरे तू लोग पहल करा। एक ठु बर्धा क चुना अउर ओका तइयार करा। आपन देवता क समन्वा पूजा किहेस किन्तु आगी लगाउब सुरु जिन करा।”</verse>
				<verse number="26">एह बरे नबियन उ बर्धा क लिहन जउन ओनका दीन्ह गवा। उ पचे ओकर तइयार किहन। उ पचे दुपहर तलक बाल स पराथना किहन। उ पचे पराथना किहन, “बाल, कृपा कइके हम क जवाब द्या।” किन्तु कउनो अवाज नाहीं आइ। कउनो कउन जवाब नाहीं दिहस। नबी उ वेदी क चारिहुँ कइँती नाचत रहेन जेका उ पचे बनाए रहेन। किन्तु आगी फुन भी नाहीं लागी।</verse>
				<verse number="27">दुपहरे क एलिय्याह ओनकर मसखरी उड़ाउब सुरु किहेस। एलिय्याह कहेस, “जदि बाल फुरइ देवता अहइ तउ सायद तोहका अउर जियादा जोर स पराथना करइ चाही। सायद उ सोचत रहा होइ या सायद उ बहोत व्यस्त होइ, या सायद उ कउनो जात्रा पइ निकरि गवा होइ। उ सोवत रहि सकत ह। सायद तू लोग अउर जियादा जोर स पराथना करा अउर जगावा।”</verse>
				<verse number="28">उ पचे अउर जोर स पराथना किहन। उ पचे अपने क तरवार अउर भालन स काटेन-छेदेन। (इ ओनकर पूजा क पद्धति रही) उ पचे अपने क ऍतना काटेन कि ओनके ऊपर खून बहइ लाग।</verse>
				<verse number="29">तीसर पहर बीत गवा। किन्तु तब तलक आगी नाहीं लागी। नबी साँझ क बलि-भेंट क समइ तलक लगातार गवाँरू भविस्साबाणी करत रहेन। किन्तु तब तलक भी बाल कउनो जवाब नाहीं दिहस। कउनो अवाज नाहीं आइ। कउनो भी नाहीं सुनत रहा।</verse>
				<verse number="30">तब एलिय्याह सबहिं लोगन स कहेस, “अब मोरे लगे आवा।” एह बरे सबहिं लोग एलिय्याह क चारिहुँ कइँती बटुर गएन। यहोवा क वेदी उखाड़ दीन्ह गइ। एह बरे एलिय्याह एका जमाएस।</verse>
				<verse number="31">एलिय्याह बारह पाथर प्राप्त किहस। हर एक बारह परिवार समूहन बरे एक ठु पाथर रहा। एन बारह परिवार समूहन क नाउँ याकूब जेका यहोवा इस्राएल नाउँ दिह रहा, क बारह पूतन क नाउँ पइ रहेन।</verse>
				<verse number="32">एलिय्याह ओन पाथरन क उपयोग यहोवा क सम्मान देइ क बरे वेदी क निर्माण मँ किहस। एलिय्याह वेदी क चारिहुँ कइँती एक ठु नान्ह खाईं खोदेस। इ ऍतनी चौड़ी अउर एतनी गहिर रही कि एहमाँ लगभग सात गैलन पानी आइ सकइ।</verse>
				<verse number="33">तब एलिय्याह वेदी पइ काठ धरेस। उ बर्धा क टूकन मँ काटेस। उ टूकन क काठन पइ धरेस।</verse>
				<verse number="34">तब एलिय्याह कहेस, “चार गगरियन क पानी स भरा। पानी क मास क टूकन अउ काठन पइ डावा।” तब एलिय्याह कहेस, “इहइ फुन करा।” तब उ कहेस, “एका तीसरी दाईं कर।”</verse>
				<verse number="35">पानी वेदी स बाहेर बहा अउर ओहसे खाईं भर गइ।</verse>
				<verse number="36">इ तीसर पहर क बलि भेंट क समइ रहा। एह बरे एलिय्याह नबी वेदी क लगे गवा अउर पराथना किहस, “हे यहोवा, इब्राहीम, इसहाक अउ इस्राएल क परमेस्सर, मइँ तोहसे याचना करत हुउँ कि तू प्रमाणित करा कि तू इस्राएल क परमेस्सर अहा अउर प्रमाणित करा कि मइँ तोहार सेवक अहउँ। एन लोगन दिखाइ द्या कि तू इ सब करइ क मोका आदेस दिहा ह।</verse>
				<verse number="37">यहोवा मोर पराथना क जवाब दया। एन लोगन क जानइ द्या कि हे यहोवा, तू असल मँ परमेस्सर अहा। तब लोग समुझिहीं कि तू ओनका अपने लगे वापस लिआवत अहा।”</verse>
				<verse number="38">एह बरे यहोवा खाले आगी पठएस। आगी बलि, काठ, पाथरन अउ वेदी क चारिहुँ कइँती क भुइँया क बार दिहस। आगी खाईं क समूचा पानी भी झुराइ दिहस।</verse>
				<verse number="39">सबहिं लोग इ होत लखेन। लोग भुईंया पइ प्रणाम करइ निहुरेन अउर कहइ लोगन, “यहोवा परमेस्सर अहइ। यहोवा परमेस्सर अहइ।”</verse>
				<verse number="40">तब एलिय्याह कहेस, “बाल क नबियन क धइ ल्या। ओनमाँ स कउनो क बच निकरइ न द्या।” एह बरे लोग सबहिं नबियन क धरेन। तब एलिय्याह ओन सबहिं किसोन नाले तलक लइ गवा। उ जगह पइ उ सबहिं नबियन क मार डाएस।</verse>
				<verse number="41">तब एलिय्याह राजा अहाब स कहेस, “अब जा, खा अउर पिआ। एक घनघोर बर्खा आवति अहइ।”</verse>
				<verse number="42">एह बरे राजा अहाब भोजन करइ गवा। उहइ समइ एलिय्याह कर्म्मेल पवते क चोटी पइ चढ़ा। पर्वत क चोटी पइ एलिय्याह प्रणाम करइ निहुरा। उ अपने मूँड़ क अपने घुटरुअन क बीच रखेस।</verse>
				<verse number="43">तब एलिय्याह अपने सेवक स कहेस, “समुद्र कइँती लखा।” सेवक उ जगह तलक गवा जहाँ स उ समुदर क लख सकइ। तब सेवक लउटिके आवा अउर उ कहेस, “मइँ कछू नाहीं लखेउँ।” एलिय्याह ओका फुन जाइ अउर लखइ क कहेस। इ सात दाईं भवा।</verse>
				<verse number="44">सातवीं दाईं सेवक लउटके आवा अउर उ कहेस, “मइँ एक नान्ह बादर मनई क मूठी क बराबर लखेउँ ह। बादर समुदर स आवत रहा।” एलिय्याह सेवक स कहेस, “राजा, अहाब क लगे जा अउर ओहसे कहा कि उ आपन रथ तइयार कइ लेइ अउर अब घर वापस जाइ। जदि उ अबहिं नाहीं जाइ तउ बर्खा ओका रोक लेइ।”</verse>
				<verse number="45">थोड़े समइ क पाछे अकास काले मेघन स ढक गवा। तेज हवा चलइ लागिन अउर घनघोर बर्खा होइ लाग। अहाब अपने रथे मँ बइठा अउर यिज़्रेल क वापस जात्रा करब सुरु किहेस।</verse>
				<verse number="46">एलिय्याह क भीतर यहोवा क ताकत आइ। एलिय्याह अपने ओढ़नन क अपने चारिहुँ कइती कसेस, जेहसे उ दउड़ सकइ। तब एलिय्याह यिज्रेल तलक क पूरे मारग पइ राजा अहाब स अगवा दउड़त रहा।</verse>
			</chapter>
			<chapter number="19">
				<verse number="1">राजा अहाब ईज़ेबेल क उ सबइ बातन बताएस जउन एलिय्याह कहेस। अहाब ओका बताएस कि एलिय्याह कइसे सबहिं नबियन क एक ही तरवार स मउत क घाट उतारेस।</verse>
				<verse number="2">एह बरे ईज़ेबेल एलिय्याह क लगे एक ठु दूत पठएस। ईज़ेबेल कहेस, “मइँ प्रतिग्या करति हउँ कि काल्ह इ समइ स पहिले मइँ तोहका वइसे ही मारब जइसे तू नबियन क मार्या ह। जदि मइँ सफल नाहीं होतिउँ तउ देवता मोका मार डावइँ।”</verse>
				<verse number="3">जब एलिय्याह इ सुनेस तउ उ डेराइ गवा। एह बरे उ अपनी जान बचावइ क लिए पराइ गवा। उ अपने संग अपने सेवक क लइ गवा। उ पचे बेर्सबा पहोंचेन जउन यहूदा मँ अहइ। एलिय्याह अपने सेवक क बेर्सबा मँ तजेस।</verse>
				<verse number="4">तब एलिय्याह पूरे दिन रेगिस्तान मँ चला। एलिय्याह एक झाड़ी क खाले बइठा। उ कामना किहेस कि उ मरि जातइ। एलिय्याह कहेस, “यहोवा इ मोरे बरे बहोत अहइ। मोका मरइ द्या। मइँ अपने पुरखन स नीक नाहीं अहउँ।”</verse>
				<verse number="5">तब एलिय्याह बृच्छ क खाले ओलर गवा अउर सोइ गवा। एक ठु सरगदूत एलिय्याह क लगे आवा अउर उ ओका छुएस। सरगदूत कहेस, “उठा, खा।”</verse>
				<verse number="6">एलिय्याह चारिहुँ कइती लखेस अउर ओकर माथे क बगल मँ कोयले पइ पका एक ठु रोटी अउर पानी भरी गगरी अहइ। एलिय्याह खाएस अउ पीएस अउर तब उ फुन सोइ गवा।</verse>
				<verse number="7">पाछे, यहोवा क सरगदूत ओकरे लगे फुन आएस अउर ओका छुएस। सरगदूत कहेस, “उठा, खा। जदि तू अइसा नाहीं खात्या तउ तू एतने जियादा सक्तिसाली नाहीं होब्या, जेहसे तू लम्बी जात्रा कइ सका।”</verse>
				<verse number="8">एह बरे एलिय्याह उठा। उ खाएस अउर पीएस। भोजन ओका ऍतना सक्तिसाली बनाई दिहस कि उ चालीस दिन अउ रात जात्रा कइ सकइ। उ होरेब पर्वत तलक गवा जेका परमेस्सर क पर्वत कहा जात अहइ।</verse>
				<verse number="9">हुवाँ एलिय्याह एक ठु गुफा मँ घुसा अउ सारी रात ठहरा। तब यहोवा एलिय्याह स बातन किहस। यहोवा कहेस, “एलिय्याह, तू हिआँ काहे आया ह?”</verse>
				<verse number="10">एलिय्याह जवाब दिहेस, “यहोवा सर्वसक्तिमान परमेस्सर, मइँ यहोवा बरे बहोत जोसीला रहा ह। यथासम्भव मइँ तोहार सेवा सब स उत्तिम रूप मँ हमेसा ही किहेउँ ह। किन्तु इस्राएल क लोग तोहरे संग कीन्ह गइ समझौता क तोड़ेन ह। उ पचे तोर वेदियन क बर्बाद किहन ह। उ पचे तोहरे नबियन क मार डाएन ह। मइँ एकमात्र अइसा नबी हँउ जउन जिअत बचा हँउ अउर अब उ पचे मोका मार डावइ चाहत हीं।”</verse>
				<verse number="11">तब यहोवा एलिय्याह स केहेस, “जा, मोरे समन्वा पर्वते पइ खड़ा ह्वा। मइँ तोहरे बगल स निकरब।” तब एक प्रचण्ड आँधी चली। आँधी पर्वतन क तोड़ गिराएस। इ यहोवा क समन्वा बिसाल चट्टानन क तोड़ डाएस। मुला उ आँधी यहोवा नाहीं रहा। उ आँधी क पाछे भुइँडोल आवा। किन्तु उ भुइँडोल यहोवा नाहीं रहा।</verse>
				<verse number="12">भुइँडोल क पाछे हुवाँ आगी रही। किन्तु उ आगी यहोवा नाहीं रही। आगी क पाछे हुवाँ एक कोमल अउ फुसफुसाहट क स्वर सुनाई पड़ा।</verse>
				<verse number="13">जब एलिय्याह उ स्वर सुनेस तउ उ अपने अंगरखे स आपन मुँह ढाँपि लिहस। तब उ गवा अउर गुफा क दुआर पइ खड़ा भवा। तब एक वाणी ओहसे कहेस, “एलिय्याह, हिआँ तू कहाँ अहा?”</verse>
				<verse number="14">एलिय्याह जवाब दिहेस, “यहोवा सर्वसक्तिमान परमेस्सर, मइँ यहोवा बरे बहोत जियादा जोसीला रहा ह। मइँ यथासम्भव सब स उत्तिम सेवा तोहका अर्पित किहेउँ ह। मुला इस्राएल क लोग तोहरे संग कीन्ह गइ आपन करार तोड़ेन ह। उ पचे तोहार वेदियन बर्बाद किहन। उ पचे तोहरे नबियन क मारेन। मइँ एकमात्र अइसा नबी हउँ जउन अबहिं तलक जिअत ह अउर अब उ पचे मोका मार डावइ क जतन करत अहइँ।”</verse>
				<verse number="15">यहोवा कहेस, “उ सड़क पइ वापस लउट जा जउन दमिस्क क चारिहुँ कइँती क रेगिस्तान तलक जात ह। दमिस्क मँ जा अउर हजाएल क अभिसेक अराम क राजा क रूप मँ अभिसेक करा।</verse>
				<verse number="16">ओकरे पाछे निमसी क पूत येहू क इस्राएल क राजा क रूप मँ अभिसेक करा। ओकर बाद आबेल महोला क सापात क पूत एलीसा क अभिसेक करा। उ तोहरे जगह पइ नबी बनी।</verse>
				<verse number="17">हजाएल अनेक बुरे लोगन क मार डाइ। येहू कउनो क भी मार डाइ जउन हजाएल क तरवार स बच निकरत ह। अउर एलीस कउनो क भी मार डाइ जउन येहू क तरवार स बच निकरत ह।</verse>
				<verse number="18">एलिय्याह! इस्राएल मँ तू ही एक मात्र बिस्सासपात्र मनई नाहीं अहा। उ सबइ मनई बहोत स लोगन क मार डइहीं, किन्तु ओकरे पाछे भी हुवाँ इस्राएल मँ सात हजार लोग अइसे होइहीं जउन बाल क कबहुँ प्रणाम नाहीं किहन। मइँ ओन सात हजार लोगन क जिअत रहइ देब, काहेकि ओन लोगन मँ स कउनो कबहुँ बाल क देवमूतिर् क चूमेस तलक नाहीं।”</verse>
				<verse number="19">एह बरे एलिय्याह उ जगह क तजेस अउर सापात क पूत एलीसा क खोज मँ निकरा। एलीसा बारह जोड़ा बर्धन स भुइँया क जोतत रहा अउर एलीसा खुद बारहवाँ जोड़ा स हल जोतत रहा जब एलिय्याह आपन अंगरखा एलीसा क पहिराइ दिहस।</verse>
				<verse number="20">एलीसा फउरन आपन बर्धन क छोड़ेस अउर एलिय्याह क पाछे दउड़ गवा। एलीसा कहेस, “मोका अपनी महतारी अउर बाप क चूमइ द्या अउर ओनसे बिदा लेइ द्या। फुन मइँ तोहरे पीछे चलब।” एलिय्याह जवाब दिहेस, “हाँ तू अइसा कइ सकत ह। मइँ तोहका नाहीं रोकब।”</verse>
				<verse number="21">तब एलीसा अपने परिवार क संग बिसेस भोजन किहस। एलीसा गवा अउर अपने बर्धन क मार डाएस। उ हरे क काठ क उपयोग आगी बारह इ बरे किहस। तब उ मास क पकाएस अउर लोगन मँ बाँट दिहस। लोग मास खाएन। तब एलीसा गवा अउर उ एलिय्याह क अनुसरण किहस। एलीसा एलिय्याह क सहायक बना।</verse>
			</chapter>
			<chapter number="20">
				<verse number="1">बेन्हदद अराम क राजा रहा। उ आपन सारी फउज बटोरेस। ओकरे संग बत्तीस राजा रहेन। ओकरे लगे घोड़न अउ रथ रहेन। उ पचे सोमरोन पइ हमला किहन अउर ओकरे खिलाफ लड़ेन।</verse>
				<verse number="2">राजा, नगर मँ इस्राएल क राजा अहाब क लगे दूत पठाएस।</verse>
				<verse number="3">सूचना इ रही, “बेन्हदद कहत ह, ‘तोहका आपन सोना-चाँदी मोका देइ क पड़ी। तोहका आपन मेहररुअन अउ बच्चन भी मोका देइ क होइ।’”</verse>
				<verse number="4">इस्राएल क राजा जवाब दिहस, “ऐ मोर सुआमी राजा! मइँ अंगीकार करत हउँ कि अब मइँ आप क मातहत हउँ अउर जउन कछू मोर अहइ उ आप क अहइ।”</verse>
				<verse number="5">तब दूत अहाब क लगे वापस आवा। उ पचे कहेन, “बेन्हदद कहत ह, ‘मइँ पहिले ही तोहसे कहे रहेउँ कि तोहका सारा सोना-चाँदी तथा आपन मेहररूअन, बच्चन क मोका देइ क पड़ी।</verse>
				<verse number="6">काल्ह मइँ अपने मनइयन क पठवत हउँ जउन महल मँ सब जगह अउर तोहरे मातहती मँ सासन करइवाले अउर अधिकारियन क घरन मँ खोज करिहीं। मोर मनई सबइ मुल्यवान वस्तुअन क लेइहीं अउर ओनका मोर लगे लइ आइहीं।’”</verse>
				<verse number="7">एह बरे राजा अहाब अपने देस क सबहिं बुर्जुगन क एक बैठक बोलाएस। अहाब केहस, “लखा बेन्हदद परेसानी क कारण अहइ। पहिले उ मोहसे इ माँग किहस ह कि मइँ ओका आपन मेहररूअन, आपन बच्चन अउर आपन सोना-चाँदी दइ देउँ। मइँ ओका उ सबइ चिजियन देब अंगीकार कइ लिहेउँ अउर उ सब कछू लेइ चाहत ह।”</verse>
				<verse number="8">किन्तु अग्रजन अउर सबहिं लोग कहेन, “ओकर आदेस न माना। उ न करा जेका करइ क उ कहत ह।”</verse>
				<verse number="9">एह बरे अहाब बेन्हदद क सँदेसा पठएस। अहाब कहेस, “मइँ उ कइ देब जउन तू पहिले कहे रह्‌या। किन्तु मइँ तोहार दूसरे आदेस क पालन नाहीं कइ सकत।” राजा बेन्हदद क दूत सँदेसा राजा तलक लइ गएन।</verse>
				<verse number="10">तब उ पचे बेन्हदद क दूसर सँदेसा क संग लउटेन। सँदेसा इ रहा, “मइँ सोमरोन क पूरी तरह बर्बाद करब। मइँ प्रतिग्या करत हउँ कि उ नगर क सबहिं चिजियन क बर्बाद कीन्ह जाइहीं। जदि मोरे हरे एक मनई उ नगर क एक मुट्ठी धूरि भी आपन घरे लेइ जाइ बरे लेइ तउ उ ओन सबइ लोगन बरे प्रयाप्त नाहीं होब्या। परमेस्सर मोका बर्बाद करइ द्या जदि मइँ अइसा न करउँ।”</verse>
				<verse number="11">राजा अहाब जवाब दिहस, “बेन्हदद स कहा कि उ मनइ क, जउन आपन कवच धारण किहे होइ, उ मनई क तरह डींग नाहीं डाँकइ चाही जउन ओका उतारइ बरे लम्बी जिन्नगी जिअत ह।”</verse>
				<verse number="12">राजा बेन्हदद अपने दूसर प्रसासकन क संग अपने तम्बू मँ दाखरस पान करत रहा। उहइ समइ दूतन आवा अउर उ राजा अहाब क सँदेसा दिहस। राजा बेन्हदद अपने मनइयन क नगर पइ हमला करइ बरे तैयार होइ क आदेस दिहेस। एह बरे फउजी जुद्ध बरे अपनी जगह लेइ बरे बढ़ेन।</verse>
				<verse number="13">इहइ समइ, एक ठु नबी इस्राएल क राजा, अहाब क लगे पहोंचा। नबी कहेस, “राजा अहाब यहोवा तोहसे कहत ह, ‘का तू उ बड़की फउज क लखत अहा। मइँ, यहोवा, आज तोहका उ सेना क हरावइ देब। तब तू जनब्या कि मइँ यहोवा हउँ।’”</verse>
				<verse number="14">अहाब कहेस, “ओनका पराजित करइ क बरे तू केकर उपयोग करब्या?” नबी जवाब दिहस, “यहोवा कहत ह, ‘सरकारी अधिकारियन क युवक सहायक।’” तब राजा पूछेस, “कउन सेना क अगुवाइ करब अउर जुद्ध सुरू करब?” नबी जवाब दिहस, “तू।”</verse>
				<verse number="15">एह बरे अहाब सरकारी अधिकारियन क युवक सहायकन क बटोरेस। सब मिलाइके इ सबइ दुइ सौ बत्तीस युवक रहेन। तब राजा इस्राएल क सेना क एक संग बोलाएस। सारी गनती सात हजार रही।</verse>
				<verse number="16">दुपहर क, राजा बेन्हदद अउ ओकर सहायक बत्तीस राजा अपने डेरा मँ दाखरस पान करत रहने अउर मद मस्त होत रहेन। इहइ समइ राजा अहाब क हमला भवा।</verse>
				<verse number="17">युवक सहायकन पहिले हमला किहन। बेन्हदद क मनइयन ओहसे कहेन कि फउजी सोमरोन स बाहेर निकरि आए अहइँ।</verse>
				<verse number="18">एह बरे बेन्हदद कहेस, “उ पचे जुद्ध करइ बरे या सान्ति-सन्धि करइ बरे आवइ सकत ह। ओनका जिन्दा धइ ल्या।”</verse>
				<verse number="19">राजा अहाब क युवक आक्रमण क पहल करत रहेन। इस्राएल क फउज ओनके पाछे चलत रही।</verse>
				<verse number="20">इस्राएल क हर एक सैनिक उ मनइयन क मार डाएस जउन ओकरे खिलाफ आवा। एह बरे अराम क फउजियन पराब सुरू किहन। इस्राएल क फउज ओनकर पाछा किहस। राजा बेन्हदद अपने रथन क एक घोड़े पइ बैठिके भाग निकरा।</verse>
				<verse number="21">राजा अहाब फउज क अगुवाइ किहेस अउर आगे बढ़ेस। उ अराम क फउज क सारे घोड़न अउ रथन क लइ लिहस। इ तरह राजा अहाब अरामियन सेना क भारी पराजय दिहस।</verse>
				<verse number="22">तब नबी राजा अहाब क लगे पहोंचा, इस्राएल क राजा कहेस, “अराम क राजा बेन्हदद अगले बसन्त मँ तोहसे जुद्ध करइ बरे फुन आइ। एह बरे तोहका अब घरे लउटि जाइ चाही अउर अपनी फउज क पहिले स जियादा सक्तीसाली बनवाइ चाही अउर ओका हराइ बरे उचित जोजना बनावा।”</verse>
				<verse number="23">राजा बेन्हदद क अधिकारी लोग ओहसे कहेन, “इस्राएल क देवता पर्वतीय देवता अहइ। हम लोग पर्वतीय पहँटा मँ लड़े रहे। एह बरे इस्राएल क लोग बिजयी भएन। एह बरे हम लोग ओनसे समथर मइदान मँ जुद्‌ध करी। तब हम बिजयी पाउब।</verse>
				<verse number="24">इ उहइ अहइ जेका तोहका करइ चाही। बत्तीस राजा लोगन क फउज क संचालन करइ क अनुमति न द्या। सेनापतियन क ही अपनी फउज क नेतृत्व करइ द्या।</verse>
				<verse number="25">“अब तू उहइ क समान एक फउज बनावा जउन तू खो दिहस ह। उहइ फउज क तरह घोड़न अउर रथ ऍकट्ठा करा जइसा तू पहिले रहा। तब हम लोग इस्राएलियन स समथर मइदान मँ जुद्ध करी। तब हम बिजय प्राप्त करब।” बेन्हदद ओनकी सलाह मान लिहस। उ उहइ किहस जउन उ पचे कहेन।</verse>
				<verse number="26">एह बरे बसन्त मँ बेन्हदद अराम क लोगन क बटोरेस। उ इस्राएल क खिलाफ जुद्ध करइ अपेक गवा।</verse>
				<verse number="27">इस्राएलियन भी जुद्ध क तइयारी किहन। इस्राएल क लोग अराम क सेना स लड़इ गएन। उ पचे अपने सिबिर अराम क सिबिर क समन्वा डाएन। दुस्मन क तुलना मँ इस्राएली फउज बोकरियन क दुइ ठू नान्ह झुण्डन क समान देखाइ पड़त रहेन किन्तु अराम क फउज सारे छेत्र क ढाँपे रही।</verse>
				<verse number="28">परमेस्सर क एक मनई इ सँदेसा क संग इस्राएल क राजा क लगे आवा: “यहोवा कहेस ह, ‘अराम क लोग कहेन ह कि मइँ, यहोवा पर्वतन क परमेस्सर हुउँ। उ पचे सोचत हीं कि मइँ घाटियन क परमेस्सर भी नाहीं हउँ। एह बरे, मइँ तोहका इ बिसाल सेना क हरावइ देब। तब तू समुझब्या कि मइँ यहोवा सब जगह हउँ।’”</verse>
				<verse number="29">फउजन सात दिन तलक एक दूसरे क आमने-सामने डेरा डाए रहिन। सतएँ दिन जुद्ध सुरु भवा। इस्राएलियन एक दिन मँ अराम क एक लाख फउजियन क मार डाएन।</verse>
				<verse number="30">बचे भए फउजी अपेक नगर क भाग पराइ गएन। नगर प्राचीर ओन सत्ताईस हजार फउजियन पइ भहराइ पड़ी। बेन्हदद भी नगर क पराइ गवा। उ एक ठु कमरा मँ छुप गवा।</verse>
				<verse number="31">ओकर अधिकारियन ओहसे कहेन, “हम लोग सुना ह कि इस्राएल क राजा लोग दया दिखावत ह। हम लोग मोरे ओढ़ना पहिरे अउर सिरे पइ रस्सी डाए। तब हम लोग इस्राएल क राजा क लगे चली होइ सकत ह कि उ हम क जिअत रहइ देइ।”</verse>
				<verse number="32">उ पचे मोरे ओढ़ना पहिरेन अउर लसुरी मूँडे पइ डाएन। उ पचे इस्राएल क राजा क लगे आएन। उ पचे कहेन, “तोहार सेवक बेन्हदद कहत ह, ‘कृपा कइके मोका जिअत रहइ द्या।’” अहाब जवाब दिहस, “का उ अबहिं तलक जिअत अहइ? उ मोर भाई अहइ।”</verse>
				<verse number="33">बेन्हदद क मनई राजा अहाब क सब्द मँ कछू सुराग सुनि क आसावादी रहेन जेहसे इ निहिचित होइ कि उ बेन्हदद क नाहीं मारी। जब अहाब बेन्हदद क आपन भाई कहेस तउ सलाहकारन तुरन्त कहेन, “हाँ, बेन्हदद आप क भाई अहइ।” अहाब कहेस, “ओका मोरे लगे लिआवा।” एह बरे बेन्हदद राजा अहाब क लगे आवा। राजा अहाब अपने संग ओका अपने रथ मँ बइठइ क कहेस।</verse>
				<verse number="34">बेन्हदद ओहसे कहेस, “अहाब मइँ ओन नगरन क तोहका दइ देब जेनका मोर बाप तोहरे बाप स लइ लिहे रहेन अउर तू दमिस्क मँ वइसे ही दुकानन रखि सकत ह जइसे मोर बाप सोमरोन मँ रखे रहा।” अहाब जवाब दिहस, “जदि तू एका अँगीकार करत ह तउ मइँ तोहका जाइ बरे अजाद करत हउँ।” एह बरे दुइनउँ राजा लोग एक ठु सान्ति-सन्धि किहन। तब राजा अहाब बेन्हदद क जाइ बरे अजाद कइ दिहस।</verse>
				<verse number="35">नबियन मँ स एक दूसर नबी स कहेस, “मोह पइ चोट करा।” उ ओहसे इ करइ बरे कहेस काहेकि यहोवा अइसा आदेस दिहे रहा। किन्तु दूसर नबी ओह पइ चोट करइ स मना कइ दिहेस।</verse>
				<verse number="36">एह बरे पहिला नबी कहेस, “तू यहोवा क आदेस क पालन नाहीं किहा। एह बरे जब तू इ जगह क तजब्या, एक ठु सेर तोहका मार डाइ।” दूसर नबी उ जगह क तजेस अउर ओका एक सेर मार डाएस।</verse>
				<verse number="37">पहिला नबी दूसर मनई क लगे गवा अउर कहेस, “मोह पइ चोट करा।” उ मनई ओह पइ चोट किहस। नबी क चोट आइ।</verse>
				<verse number="38">एह बरे नबी अपने चेहरे पइ एक ओढ़ना लपेट लिहस। इ तरह कउनो इ नाहीं समुझ सकत रहा कि उ कउन अहइ। उ नबी गवा अउर उ सड़क क किनारे राजा क प्रतीच्छा सुरु किहस।</verse>
				<verse number="39">राजा उ सड़क स निकरा अउर नबी ओहसे कहेस, “मइँ जुद्ध मँ लड़इ गवा रहेउँ। हमरे मनइयन मँ स एक मोरे लगे एक दुस्मन फउजी क लिआवा। उ मनई कहेस, ‘इ मनई क पहरेदारी करा। जदि उ भाग गवा, तउ एकरे जगह पइ तोहका आपन जिन्नगी देइ क होइ या तोहका पचहत्तर पौण्ड चाँदी जुर्माने मँ देइ क होइ।’</verse>
				<verse number="40">किन्तु मइँ ब्यस्त होइ गवा। एह बरे उ मनई भाग निकरा।” इस्राएल क राजा कहेस, “तू कहया ह कि तू फउजी क पराइ जाइ देइ क अपराधी अहा। एह बरे तोहका जवाब मालूम अहइ। तोहका उहइ करइ चाही जेका करइ क उ मनई कहेस ह।”</verse>
				<verse number="41">तब नबी अपने मुँहना स ओढ़ना हटाएस। इस्राएल क राजा लखेस अउर इ जान लिहस कि उ नबियन मँ स एक अहइ।</verse>
				<verse number="42">तब नबी राजा स कहेस, “यहोवा तोहसे इ कहत ह, ‘तू उ मनई क अजाद किहा जेका मइँ मर जाइ क कहेउँ। एह बरे ओकर जगह तू लेब्या, तू मर जाब्या अउर तोहार लोग दुस्मनन क जगह लेइहीं, तोहार लोग मरिहीं।’”</verse>
				<verse number="43">तब राजा समारिया अपने घरे लउट गवा। उ बहोत गुस्सा मँ अउ घबराया भवा रहा।</verse>
			</chapter>
			<chapter number="21">
				<verse number="1">राजा अहाब क महल सोमरोन म रहा। महल क लगे एक ठु अंगूरन क बाग रहा। यिज्रेल नाबोत नाउँ क मनई इ फलन क बाग क सुआमी रहा।</verse>
				<verse number="2">एक दिन अहाब नाबोत स कहेस, “अपना अंगूर क बाग मोका दइ द्या। मइँ एका सब्जियन क बाग बनावइ चाहत हउँ। तोहार बाग मोरे महल क लगे अहइ। मइँ एकरे बदले तोहका एहसे अच्छा अंगूर क बाग देब या, जदि तोर इच्छा होइ तउ मइँ ऐकरे मुल्य चुकाइके एका खरीद लेब।”</verse>
				<verse number="3">नाबोत जवाब दिहस, “मइँ आपन भुइँया तोहका कबहुँ नाहीं देब। इ भुइँया मोरे परिवार क बाटइ।”</verse>
				<verse number="4">एह बरे अहाब अपने घर गवा। उ नाबोत पइ किरोधित अउ बिगड़ा भवा रहा। उ इ बात क पसन्द नाहीं किहस जउन यिज्रेल क मनई कहे रहा। (नाबोत कहे रहा, “मइँ अपने परिवार क भुइँया तोहका नाहीं देब।”) अहाब अपने बिछउना पइ ओलर गवा। उ आपन मुंह मोड़ लिहस अउर खाइ स इन्कार कइ दिहस।</verse>
				<verse number="5">अहाब क मेहरारू ई़ज़ेबेल ओकरे लगे गइ। ईज़ेबेल ओहसे कहेस, “तू ऍतना उदास काहे अहा? तू खाइ स इन्कार काहे किहा ह?”</verse>
				<verse number="6">अहाब जवाब दिहस, “मइँ यिज्रेल क नाबोत स ओकर भुइँया माँगेउँ। मइँ ओहसे कहेउँ कि मइँ ओकर पूरी कीमत चुकाउब, या, जदि उ चाही तउ मइँ ओका दूसर बाग देब किन्तु नाबोत आपन बाग देइ स इन्कार कइ दिहस।”</verse>
				<verse number="7">ईज़ेबेल जवाब दिहस, “किन्तु तू तउ पूरे इस्राएल क राजा अहा अपने बिछउना स उठा। कछू खइया क खा, तू अपने क बेहतर महसूस करब्या। मइँ नाबोत क बाग तोहरे बरे लइ लेब।”</verse>
				<verse number="8">तब ईज़ेबेल कछू पत्र लिखेस। उ पत्रन पइ अहाब क हस्ताच्छर बनाएस। उ अहाब क मुहर पत्रज क बंद करइ बरे ओन पइ लगाएस। तब उ ओनका अग्रजन (प्रमुखन) अउर बिसेस मनइयन क लगे पठएस जउन उहइ नगर मँ रहत रहेन, जेहमाँ नाबोत रहत रहा।</verse>
				<verse number="9">पत्र मँ इ लिखा रहा: “इ घोसणा करा कि एक इ एक उपवास क दिन होइ। तब नगर क सबहिं लोगन क एक संग एक बइठक बोलावा। बइठक मँ, नाबोत क लोगन क समन्वा खास स्थान पइ बइठवा।</verse>
				<verse number="10">कउनो अइसे दई बुरा मनइयन क हासिल करा जउन नाबोत क खिलाफ झूठा गवाही देइ। ओनका इ कहइ द्या उ पचे सुनेन कि नाबोत राजा अउ परमेस्सर क खिलाफ कछू बातन कहेस। तब नाबोत क नगर क बाहेर लइ जा अउर ओका पाथरन स मार डावा।”</verse>
				<verse number="11">एह बरे यिज्रेल क बुर्जुगन अउर महत्वपूर्ण मनइयन उ आदेस क पालन किहन जउन उ पत्र मँ लेखि के ओनका लगे भेजि रहेन।</verse>
				<verse number="12">प्रमुखन घोसणा किहन कि एक दिन अइसा होइ जब सबहिं मनई कछू भी भोजन नाहीं करिहीं। उ दिन उ पचे सबहिं लोगन क बइठक एक संग बोलाएन। उ पचे नाबोत क बिसेस ठउरे पइ लोगन क समन्वा रखेन।</verse>
				<verse number="13">तब दुइ बुरा मनइयन लोगन स कहेन कि उ पचे नाबोत क परमेस्सर अउ राजा क बिरुद्ध बातन करत सुनेन ह। एह बरे उ पचे नाबोत क नगर क बाहेर लइ गएन। तब उ पचे ओका पाथरन स मार डाएन।</verse>
				<verse number="14">तब प्रमुखन एक सँदेसा ईज़ेबेल क पठएन। सँदेसा रहा: “नाबोत पाथरन स मार डावा गवा।”</verse>
				<verse number="15">जब ईज़ेबेल इ सुनेस तउ उ अहाब स कहेस, “नाबोत मर गवा। अब तू जाइ सकत ह अउर उ बाग क लइ सकत ह जेका उ तोहका बेचइ स इन्कार किहे रहा।”</verse>
				<verse number="16">जब अहाब सुनेस कि नबोत मर गवा, उ अंगूर क बाग मँ ओह पइ कब्जा करइ बरे गवा।</verse>
				<verse number="17">इ समइ यहोवा एलिय्याह स बातन किहस। (एलिय्याह तिसबी क नबी रहा) यहोवा कहेस,</verse>
				<verse number="18">“इस्राएल क राजा अहाब क लगे सोमरोन क जा। अहाब नाबोत क अंगूरन क बाग मँ होइ। उ हुँवा पइ उ बाग पइ कब्जा करइ बरे होइ।</verse>
				<verse number="19">अहाब स कहा, मइँ यहोवा ओहसे कहत हउँ, ‘अहाब! तू नाबोत नाउँ क मार डाया ह। अब तू ओकर भुइँया लेत अहा। एह बरे मइँ तोहसे कहत हउँ, तू भी उहइ जगह पइ मरब्या जउने जगह पइ नाबोत मरा। जउन कूकुरन नाबोत क खून क चाटेन, उ सबइ ही तोहार खून उ जगह पइ चटिहीं।’”</verse>
				<verse number="20">एह बरे एलिय्याह अहाब क लगे गवा। अहाब एलिय्याह क लखेस अउ कहेस, “तू मोका फुन पाइ लिहा ह। तू सदा मोरे खिलाफ अहा।” एलिय्याह जवाब दिहस, “हाँ मइँ तोहका फुन पाइ लिहेउँ ह। तू सदा अपनी जिन्नगी क उपयोग यहोवा क खिलाफ पाप करइ मँ किहा।</verse>
				<verse number="21">एह बरे यहोवा तोहसे कहत ह, ‘मइँ तोहका बर्बाद कइ देब। मइँ तोहका अउर तोहरे परिवार क हर एक मनसेधू निअंबर क मार डाउब।</verse>
				<verse number="22">तोहरे परिवार क उहइ दसा होइ जउन दसा नाबोत क पूत यारोबाम क परिवार क भइ अउर तोहार परिवार बासा क परिवार क तरह होइ। इ सबइ दुइनउँ पूरी तरह बर्बाद कइ दीन्ह गए रहेन। मइँ तोहारे संग उहइ करब काहेकि तू मोका गुस्सैल किहा ह। तू इस्राएल क लोगन स पाप कराया ह।’</verse>
				<verse number="23">अउर यहोवा इ भी कहत ह, ‘तोहार मेहरारु ईज़ेबेल क ल्हास यिज्रेल नगर मँ कूकुर खइहीं।</verse>
				<verse number="24">तोहार परिवार कउनो भी निअंबर क जउन नगर मँ मरी, कूकुर खइहीं जउन मनई मइदानन मँ मरी उ पंछियन क जरिये खा जाइ।’”</verse>
				<verse number="25">ओतॅना बुरे काम जेका यहोवा बुराई मँ सामिल करत ह कउनो भी मनई नाहीं किहेस ह जेतॅना अहाब किहेस ह। ओकर पत्नी ईज़ेबेल ओहसे इ सबइ काम कराएस ह।</verse>
				<verse number="26">अहाब बहोत भयंकर पाप किहेस ह जउन उ ओन काठे क देवमूरतियन क पूजेस ह। इ उहइ काम रहा जेका एमोरी लोग करत रहेन अउर यहोवा ओनसे पहँटा छोर लिहस अउर इस्राएल क लोगन क दइ दिहे रहा।</verse>
				<verse number="27">एलिय्याह क कथन क पूरा होइ पइ अहाब दुःखी भवा। उ अपने ओढ़नन क इ देखावइ बरे फार डाएस कि ओका दुःख अहइ। तब उ सोक क बिसेस ओढ़ना पहिरेस। अहाब खाइ स इन्कार कइ दिहेस। उ ओनही बिसेस ओढ़नन क पहिरे भवा रहा। अहाब बहोत दुःखी अउ उदास रहा।</verse>
				<verse number="28">यहोवा एलिय्याह, तिसबी क नबी स कहेस,</verse>
				<verse number="29">“का तू लखया ह कि अहाब मोरे समन्वा विनम्र होइ गवा ह। एह बरे मइँ ओकरे जिन्नगी क काल मँ ओह पइ विपत्तियन क नाहीं आवइ देब। मइँ तब तलक प्रतीच्छा करब जब तलक ओकर पूत राजा नाहीं बन जात। तब मइँ अहाब क परिवार पइ विपत्तियन आवइ देब।”</verse>
			</chapter>
			<chapter number="22">
				<verse number="1">अगले दुइ बरिस क भीतर इस्राएल अउ अराम क बीच सान्ति रही।</verse>
				<verse number="2">तब तीसरे बरिस यहूदा क राजा यहोसापात इस्राएल क राजा अहाब स भेंटइ गवा।</verse>
				<verse number="3">इ समइ अहाब अपने अधिकारियन स पूछेस, “तू पचे जानत ह कि अराम क राजा गिलाद मँ रामोत क हम स लइ लिहे रहा। हम लोग रामोत वापस लेइ क कछू भी जतन काहे नाहीं किहा? इ हम लोगन क नगर होइ चाही।”</verse>
				<verse number="4">एह बरे अहाब यहोसापात स पूछेस, “का आप हमरे संग आउब अउर रामोत मँ अराम क फउज क खिलाफ जुद्ध करब?” भेंटइ बरे तैयार अहइँ। यहोसापात जवाब दिहस, “हाँ, मइँ तोहार साथ देब। मोर फउजी अउर मोर घोड़न तोहरी फउज क संग भेंटइ बरे तैयार अहइ।</verse>
				<verse number="5">किन्तु पहिले हम लोगन क यहोवा स सलाह लेइ चाही।”</verse>
				<verse number="6">एह बरे अहाब नबियन क एक बैठक बोलाएस। उ समइ लगभग चार सौ नबी रहेन। अहाब नबियन स पूछेस, “का मइँ जाउँ अउर रामोत मँ अराम क फउज क खिलाफ जुद्ध करउँ? या मइँ कउनो दूसर अवसर क प्रतीच्छा करउँ?” नबियन जवाब दिहन, “तोहका अबहिं जुद्ध करइ चाही। यहोवा तोहका विजय पावइ देइ।”</verse>
				<verse number="7">किन्तु यहोसापात कहेस, “का हिआँ यहोवा क नबियन मँ स कउनो दूसर नबी अहइ? जदि कउनो अहइ तउ हम क ओहसे पूछइ चाही कि परमेस्सर का कहत ह।”</verse>
				<verse number="8">राजा अहाब जवाब दिहस, “एक दूसर नबी अहइ। उ यिम्ला क पूत मीकायाह अहइ। किन्तु ओहसे मइँ घिना करत हउँ। जब कबहुँ उ यहोवा क बारे मँ बतावत ह, उ मोर बारे मँ कछू नीक नाहीं बल्कि बुरा कहत ह। उ सदा ही उहइ कहत ह जेका मइँ पसन्द नाहीं करत।” यहोसापात कहेस, “राजा अहाब, तोहका इ सबइ बातन नाहीं कहइ चाही।”</verse>
				<verse number="9">एह बरे राजा अहाब अपने अधिकारियन मँ एक स कहेस जा अउर मीकायाह क जल्दी खोज के लिआवा।</verse>
				<verse number="10">उ समइ दुइनउँ राजा अपनी राजसी पोसाक पहिरे रहेन। उ पचे सिंहासने पइ बइठे रहेन। इ सोमरोन क दुआर क लगे निआव करइ क जगह पइ रहा। सबहिं नबी ओकरे समन्ना खड़े रहेन। उ सबइ भविस्सवाणी करत रहेन।</verse>
				<verse number="11">नबियन मँ स एक सिदकिय्याह नाउँ क मनई रहा। इ कनान क पूत रहा। सिदकिय्याह कछू लोहा क सींगन बनाएस। तब उ अहाब स कहेस, “यहोवा कहत ह, ‘तू लोहा एन सींगन क उपयोग अराम क फउज क खिलाफ लड़इ मँ करब्या। तू ओनका हरउब्या अउर ओनका बर्बाद करब्या।’”</verse>
				<verse number="12">सबहिं दूसर नबियन ओकर समर्थन किहन जउन कछू सिदकिय्याह कहेस। नबियन कहेन, “तोहार फउज अबहिं कूच करइ। ओनका रामोत मँ अरम क सेना क संग जुद्ध करइ चाही। तू जुद्ध जितब्या। यहोवा तोहका विजय देइ।”</verse>
				<verse number="13">जब इ होत रहा तबहिं अधिकारी मीकायाह क हेरइ गवा। अधिकारी मीकायाह क हेर निकारेस अउर ओहसे कहेस, “सबहिं दूसर नबियन कहेन ह कि राजा क जुद्ध जीतब तोहका भी इ कहइ चाही अउर तोहका राजा क बारे मँ अच्छी बातन क भविस्सबाणी करइ चाही।”</verse>
				<verse number="14">किन्तु मीकायाह जवाब दिहस, “नाहीं! मइँ प्रतिग्या करत हउँ कि मइँ सिरिफ परमेस्सर क सक्ती क बारे मँ उहइ कहब जउन कहइ बरे यहोवा कहेस ह!”</verse>
				<verse number="15">तब मीकायाह राजा अहाब क समन्वा खड़ा भवा। राजा ओहसे पूछेस, “मीकायाह, का मोका अउर राजा यहोसापात क अपनी फउजन एक कइ लेइ चाही? अउर का हम क अराम क फउज स रामोत मँ जुद्ध करइ बरे जाइ चाहीं?” मीकायाह जवाब दिहस, “हाँ! तोहका जाइ चाही अउर ओनसे अबहिं जुद्ध करइ चाही। यहोवा तोहका विजय स आसिस देइ।”</verse>
				<verse number="16">किन्तु अहाब पूछेस, “तू यहोवा क सक्ती स नाहीं बतावत अहा। तू अपनी निजी बात कहत अहा। एह बरे मोहसे फुर कहा। केतनी दाईं मोका तोहसे कहइ क पड़ी? मोहसे उ कहा जउन यहोवा कहत ह।”</verse>
				<verse number="17">एह बरे मीकायाह जवाब दिहेस, “मइँ जउन कछू होइ, लखि सकत हउँ। इस्राएल क फउज पहाड़ियन मँ बिखर जाइ। उ पचे ओन भेड़न क तरह होइहीं जेनकर कउनो भी संचालक न होइ। इहइ यहोवा कहत ह: ‘एन मनइयन क अगुवाइ कउनो नाहीं करइ। ओनका घर जाइ चाही अउर जुद्ध नाहीं करइ चाही।’”</verse>
				<verse number="18">जब अहाब यहोसापात स कहेस, “लख ल्या। मइँ तोहका बताए रहेउँ। इ नबी मोरे बारे मँ कबहुँ कउनो नीक बात नाहीं कहत। इ सदा उहइ बात कहत ह जेका मइँ सुनइ नाहीं चाहत।”</verse>
				<verse number="19">किन्तु मीकायाह यहोवा क माध्यम बना कहत ही रहा। उ कहेस, “सुना! इ सबइ उ सबइ सब्द अहइँ जेनका यहोवा कहेस ह! मइँ यहोवा क सरग मँ अपने सिंहासने पइ बइठा लखेउँ। ओकर दूत ओकरे दाई अउर बाई ओर खड़ा रहेन।</verse>
				<verse number="20">यहोवा कहेस, ‘तू पचन मँ स कउन राजा अहाब क चकमा दइ सकत ह? मइँ ओका रामोत मँ अराम क फउज क खिलाफ जुद्ध करइ क बरे जाइ देइ चाहत हउँ। तब उ मारा जाइ।’ अलग-अलग सरगदूतन अलग-अलग सुझाव दिहेन।</verse>
				<verse number="21">तब एक ठु सरगदूत यहोवा क लगे गवा अउर उ कहेस, ‘मइँ ओका चकमा देब।’</verse>
				<verse number="22">यहोवा पूछेस, ‘तू राजा अहाब क चकमा कइसे देब्या?’ सरगदूत जवाब दिहस, ‘मइँ ओकर सबइ नबियन क मुँह मँ झूठ बोलइवाला आतिमा होइ जाब। मइँ नबियन क अहाब स झूठ बोलाउब नबियन क सँदेसन झूठ होइहीं।’ एह बरे यहोवा कहेस, ‘बहोत अच्छा। जा अउर राजा अहाब क चकमा द्या। तू सफल होब्या।’”</verse>
				<verse number="23">मीकायाह अपनी कथा पूरी किहस। तब उ कहेस, “एह बरे हिआँ इ सब भवा। यहोवा तोहरे नबियन स तोहका लबार बोलवाइ दिहस ह। यहोवा खुद निर्णय लिहस ह कि तोह पइ बड़की परेसानी लिआवइ।”</verse>
				<verse number="24">तब सिदकिय्याह नबी मीकायाह क लगे गवा। सिदकिय्याह मीकायाह क मुँहे पइ मारेस। सिदकिय्याह कहेस, “का तू फुरइ पतियात अहा कि यहोवा क सक्ती मोका तजि दिहस ह अउर तोहरे माध्यम स बात करत अहइ।”</verse>
				<verse number="25">मीकायाह जवाब दिहस, “हाली ही बिपद आइ। उ समइ तू पराब्या अउर एक छोटके कमरे मँ छिपब्या अउर तब तू समुझब्या कि मइँ फुर कहत हउँ।”</verse>
				<verse number="26">तब राजा अहाब अपने अधिकारियन मँ स एक क मीकायाह क बन्दी बनावइ क आदेस दिहस। राजा अहाब कहेस, “एका बन्दी बनाइ ल्या अउर एका नगर क प्रसासक आमोन अउर राजकुमार योआस क लगे लइ जा।</verse>
				<verse number="27">ओनसे कहा कि मीकायाह क बन्दीघर मँ डाइ द्या। ओका खाइ क सिरिफ रोटी अउर पानी द्या। ओका हुवाँ तब तलक राखा जब तलक मइँ जुद्ध स घरे न आइ जाउँ।”</verse>
				<verse number="28">मीकायाह जोर स कहेस, “आप सबहिं लोग सुनई जउन मइँ कहत हउँ। राजा अहाब, जदि तू जुद्ध स घरे जिअत लउटि अउब्या, तउ एकर अरथ होइ कि यहोवा मोर जरिया स नाहीं बोले रहा।”</verse>
				<verse number="29">तब राजा अहाब अउ राजा यहोसापात जुद्ध मँ अराम क फउज स जुद्ध करइ गएन। इ गिलाद नाउँ क पहँटा मँ रहा।</verse>
				<verse number="30">अहाब यहोसापात स कहेस, “हम जुद्ध क तैयारी करब। मइँ अइसे ओढ़ना पहिरब जउन मोका अइसा रुप देइहीं कि मइँ अइसा लगब कि मइँ राजा नाहीं अहउँ। किन्तु तू अपने बिसेस ओढ़ना पहिरा जेहसे तू अइसे लगा कि तू राजा अहा।” इ तरह इस्राएल क राजा जुद्ध क सुरुआत उ मनई क तरह ओढ़ना पहिरके किहन जउन राजा न होइ।</verse>
				<verse number="31">अराम क राजा क लगे बत्तीस रथ-सेनापति रहेन। उ राजा एन बत्तीस रथ-सेनापतियन क आदेस दिहस कि उ पचे इस्राएल क राजा क खोज निकारइँ अउर ओका मार डाइँ। उ कहेस कि, “इस्राएल क राजा क इलावा कउनो क संग जिन लड़ा चाहे उ महत्वपूर्ण अहइ या नाहीं।”</verse>
				<verse number="32">एह बरे जुद्ध क बीच सेनापतियन राजा यहोसापात क लखेन। सेनापतियन समुझेन कि उहइ इस्राएल क राजा अहइ। एह बरे उ पचे ओका मारइ गएन। यहोसापात चिचिआब सुरू किहस।</verse>
				<verse number="33">सेनापतियन समुझ लिहन कि उ राजा अहाब नाहीं अहइ। एह बरे उ पचे ओका नाहीं मारेन।</verse>
				<verse number="34">मुला एक ठु फउजी हवा मँ बाण छोड़ेस, उ कउनो खास मनई क आपन लछ्य नाहीं बनावत रहा। किन्तु ओकर बाण इस्राएल क राजा अहाब क जाइ लगा। बाण राजा क उ छोटी जगह मँ भेदेस, जउन तने क हींसा ओकरे कवच स नाहीं ढका रहा। एह बरे राजा अहाब अपने सारथी स कहेस, “मोका एक ठु बाण भेद दिहेस ह। इ छेत्र स रथे क बाहेर लइ चला। हम क जुद्ध स दूर निकरि जाइ चाही।”</verse>
				<verse number="35">फउज लगातार जुद्ध करत रहिन। राजा अहाब अपने रथे मँ ठहरा। उ रथ क टेक क सहारा निहुरा भवा रहा। उ अराम क फउज क लखत रहा। ओकर खून खाले बहत रहा अउर उ रथ क तले क ढाँपि लिहस। पाछे, साँझ क राजा मर गवा।</verse>
				<verse number="36">साँझ क समइ इस्राएल क फउज क सबहिं मनसेधुअन अपने नगर अउर प्रदेस वापस लउटइ क आदेस दीन्ह गवा।</verse>
				<verse number="37">एह बरे राजा अहाब इ तरह मरा। कछू मनई ओकरे ल्हास क सोमरोन लइ आएन। उ पचे ओका हुँवइ दफनाइ दिहन।</verse>
				<verse number="38">लोग अहाब क रथे क सोमरोन मँ एक तालाब मँ धोएन, जहाँ रंडियन नहावत हीं। कूकुर राजा अहाब क खून क ओकर रथ स चाटेन। इ सबइ बातन वइसे वइसे ही भइन जइसा यहोवा होइ क कहे रहा।</verse>
				<verse number="39">अपने राज्जकाल मँ अहाब जउन कछू किहस उ इस्राएल क राजा लोगन क इतिहास नाउँ क किताबे मँ लिखा अहइ। उहइ किताब मँ राजा अपने महल क जियादा सुन्नर बनावइ बरे जउने हाथी-दाँत क उपयोग किहे रहा, ओकरे बारे मँ कहा गवा ह अउर उ किताबे मँ ओन नगरन क बारे मँ लिखा गवा ह। जेका उ बनाए रहा।</verse>
				<verse number="40">अहाब मरा, अउर अपने पुरखन क लगे दफनाइ दीन्ह गवा। ओकर पूत अहज्याह राजा बना।</verse>
				<verse number="41">इस्राएल क राजा अहाब क चउथे बरिस। यहोसापात यहूदा क राजा भवा। यहोसापात आसा क पूत रहा।</verse>
				<verse number="42">यहोसापात जब राजा भवा तब उ पैंतीस बरिस क रहा। सिल्ही क बिटिया अजूबा यहोसापात क महतारी रही। उ यरूसलेम मँ पचीस बरिस तलक सासन किहे रहेन।</verse>
				<verse number="43">यहोसापात नीक मनई रहा। उ उ सबइ चिजियन क किहेस जउन ओकर बाप किहे रहेन अउर ओका करइ मँ दृढ़ रहेन। उ उहइ किहेन जेका यहोवा नीक समुझत ह। किन्तु यहोसापात ओन जगहन क बर्बाद नाहीं किहस। लोग ओन जगहन पइ बलि-भेंट करब अउर सुगन्धि बारब जारी रखेन।</verse>
				<verse number="44">यहोसापात इस्राएल क राजा क संग एक सान्ति-सन्धि किहेस।</verse>
				<verse number="45">यहोसापात बहोत वीर रहा अउर उ कई जुद्ध लड़ा। जउन कछू उ किहेस उ, यहूदा क राजा लोगन क इतिहास नाउँ क किताबे मँ लिखा अहइ।</verse>
				<verse number="46">यहोसापात मन्दिर क ओन पुरुस अउर स्त्री पतूरिया क मन्दिर स ज़बरदस्ती बाहेर निकारेस। ओन मनइयन ओन मन्दिर मँ तब सेवा किहे रहेन जब ओकर बाप आसा राजा रहा।</verse>
				<verse number="47">इ समइ क बीच एदोम देस क कउनो राजा नाहीं रहा। उ देस एक ठु प्रसासक क जरिये सासित होत रहा। प्रसासक यहूदा क राजा क जरिये चुना जात रहा। यहोसापात क समुद्री बेड़ा</verse>
				<verse number="48">राजा यहोसापात अइसे समुद्री जहाजन क बनाएस जउन सामानन क ढोवत रहेन। उ चाहत रहेन कि ओकर जहाज ओपीर प्रदेस स सोना लिआवइ। किन्तु जहाजन ओकर ग्रह-बन्दरगाह एस्योनगेबेर मँ बर्बाद होइ गएन।</verse>
				<verse number="49">इस्राएल क राजा अहज्याह यहोसापात क मदद देइ क न्योता दिहेन। अहज्याह यहोसापात स कहे रहा कि उ कछू अइसे मनइयन क अपने मनइयन क संग ल्या जउन जहाजी कामे मँ होसियार अहइँ। किन्तु यहोसापात अहज्याह क मनइयन क अंगीकार करइ स इन्कार कइ दिहस।</verse>
				<verse number="50">यहोसापात मरा अउ अपने पुरखन क संग दफनावा गवा। उ दाऊद नगर मँ अपने पुरखन क संग दफनावा गवा। तब ओकर पूत यहोराम राजा बना।</verse>
				<verse number="51">अहज्याह अहाब क पूत रहा। उ इस्राएल क राजा यहोसापात क यहूदा पइ राज्जकाल क सत्रहवें बरिस मँ राजा बना। अहज्याह सोमरोन मँ दुइ बरिस राज्ज किहस।</verse>
				<verse number="52">अहज्याह यहोवा क बिरुद्ध पाप किहस। उ उ सबइ ही पाप किहस जउन ओकर बाप अहाब ओकर महतारी ईज़ेबेल अउ नबात क पूत यारोबाम किहे रहा। इ सबइ सबहिं सासक इस्राएल क लोगन क अउर जियादा पाप कइँती लइ गएन।</verse>
				<verse number="53">अहज्याह अपने स पहिले अपने बाप क समान लबार देवता बाल क पूजा अउर सेवा किहेन। एह बरे अहज्याह यहोवा, इस्राएल क परमेस्सर क बहोत जियादा किरोधित किहस। यहोवा अहज्याह पइ वइसा ही कोहाइ गवा जइसा ओकरे पहिले उ ओकर बाप पइ कोहान रहा।</verse>
			</chapter>
		</book>
		<book number="12">
			<chapter number="1">
				<verse number="1">अहाब क मरइ क पाछे मोआब इस्राएल क हुकूमत स अजाद होइ गवा।</verse>
				<verse number="2">एक दिना अहज्याह सोमरोन मँ अपने घरे क छत पइ क ऊपर क कमरा क जंगले मँ स गिर गवा। उ बुरी तरह घायल होइ गवा। अहज्याह सँदेसवाहक क बोलाएस अउ ओनसे कहेस, “एक्रोन क देवता बालजबूब क याजकन क लगे जा। ओनसे पूछा कि का मइँ अपनी चोटन स तन्दुरूस्त होइ सकब।”</verse>
				<verse number="3">किन्तु यहोवा क दूत तिसबी एलिय्याह स कहेस, “राजा अहज्याह सोमरोन स कछू सँदेसवाहक पठएस ह। जा अउर एन लोगन स मिला। ओनसे इ कहा, ‘इस्राएल मँ परमेस्सर अहइ। तउ तू लोग एक्रोन क देवता बालजबूब स सवाल करइ काहे जात अहा?</verse>
				<verse number="4">राजा अहज्याह स इ सबइ बातन कहा: यहोवा कहत ह: तू अपने बिछउना स उठि नाहीं पउब्या। तू मरब्यो।’” तब एलिय्याह चल पड़ा अउर उ अहज्याह क सेवकन स इहइ सब्द कहेस।</verse>
				<verse number="5">सँदेसवाहक अहज्याह क लगे लौटि आएन। अहज्याह सँदेसवाहकन स पुछेस, “तू लोग एँतना हाली काहे लउट्या?”</verse>
				<verse number="6">सँदेसवाहकन अहज्याह स कहेन, “एक ठु मनई हम स भेंटइ आवा। उ हम लोगन स उ राजा क लगे वापस जाइ क कहेस जउन हमका पठए रहा अउर ओहसे यहोवा जउन कहेस, उ कहइ क कहेस, ‘इस्राएल मँ एक परमेस्सर अहइ। तउ तू एक्रोन क देवता बालजबूब स सवाल करइ बरे सँदेसवाहकन क काहे पठया। काहेकि तू इ किहा ह इ कारण तू अपने बिछउना स नाहीं उठब्या। तू मरब्या।’”</verse>
				<verse number="7">अहज्याह सँदेसवाहकन स पूछेस, “जउन मनई तोहसे मिला अउर जउन तोहसे अइसा कहेस उ कइसा देखॉइ पड़ता रहा?”</verse>
				<verse number="8">सँदेसवाहकन अहज्याह स कहेन, “उ मनई क बदन पइ बहोत बार रहा अउर अपनी कमर मँ एक ठु चमड़ा क पेटी बाँधे रहा।” तब अहज्याह कहेस, “इ तिसबी एलिय्याह अहइ।”</verse>
				<verse number="9">अहज्याह एक ठु सेनापति अउर पचास मनइयन क एलिय्याह क लगे पठएस। सेनापति एलिय्याह क लगे गवा। उ समइ एलिय्याह एक ठु पहाड़ी क चोटी पइ बइठा रहा। सेनापति एलिय्याह स कहेस, “परमेस्सर क जन राजा क आदेस अहइ, ‘खाले आवा।’”</verse>
				<verse number="10">एलिय्याह पचास फउजियन क सेनापति क जवाब दिहस, “जदि मइँ परमेस्सर क जन हउँ तउ सरग स आगी भहराइ पड़इ अउर तोहका एवं पचास फउजियन क नस्ट कइ देइ।” एह बरे सरग स आगी गिर पड़ी अउर उ सेनापति अउ ओकरे पचास मनइयन क नस्ट कइ दिहस।</verse>
				<verse number="11">अहज्याह दूसर फउजी अउ पचास फउजियन क पठएस। सेनापति एलिय्याह स कहेस, “परमेस्सर क जन राजा क आदेस अहइ ‘हाली खाले आवा।’”</verse>
				<verse number="12">एलिय्याह सेनापति अउर ओकरे पचास फउजियन स कहेस, “जदि मइँ परमेस्सर क जन हउँ तउ सरग स आगी भहराइ पड़इ अउर उ तोहका अउ तोहरे पचास फउजियन क बर्बाद कइ देइ।” परमेस्सर क आगी सरग स गिर पड़ी अउर सेनापति अउ पचास फउजियन क बर्बाद कइ दिहस।</verse>
				<verse number="13">अहज्याह तीसरे सेनापति क पचास फउजियन क संग पठएस। पचास फउजियन क सेनापति एलिय्याह क लगे आवा। सेनापतियन घुटनन क बल झुक कइ पराथना किहस, “हे परमेस्सर क जन मइँ तोह स पराथना करत हउँ, कृपा कइके मोर जिन्नगी अउ मोर एन पचास सेवकन क जिन्नगी क अपनी निगाह मँ मूल्यवान मानइँ।</verse>
				<verse number="14">सरग स आगी गिर पड़ी अउर पहिले दुइ सेनापतियन अउ ओनके पचास फउजियन क उ बर्बाद कइ दिहस। किन्तु अब कृपा करइँ अउर हमका जिअत रहइ देइँ।”</verse>
				<verse number="15">यहोवा क दूत एलिय्याह स कहेस, “सेनापति क संग जा। ओहसे डेराअ जिन।” एह बरे एलिय्याह सेनापति क संग राजा अहज्याह क लखइ गवा।</verse>
				<verse number="16">एलिय्याह अहज्याह स कहेस, “इस्राएल मँ परमेस्सर अहइ ही, तउ भी तू सँदेसवाहकन क एक्रोन क देवता बालजबूब स सवाल करइ काहे पठया? काहेकि तू इ किहा ह, इ कारण तू अपने बिछउना स नाहीं उठब्या। तू मरब्या।”</verse>
				<verse number="17">अहज्याह वइसे ही मरा जइसा यहोवा एलिय्याह क जरिये कहे रहा। अहज्याह क कउनो पूत नाहीं रहा। एह बरे अहज्याह क पाछे यहोराम नवा राजा भवा। यहोराम यहूदा क राजा यहोसापात क पूत यहोराम क राज्जकाल क दूसरे बरिस हुकूमत करब सुरू किहस।</verse>
				<verse number="18">अहज्याह जउन दूसर कारज किहस उ सबइ इस्राएल क राजा लोगन क इतिहास क किताबे मँ लिखे गए अहइँ।</verse>
			</chapter>
			<chapter number="2">
				<verse number="1">इ लगभग उ समइ रहा जब यहोवा एक हावाक चक्रवात क जरिये एलिय्याह क सरग मँ लइ जाइवाला रहेन। एलिय्याह एलीसा क संग गिलगाल गवा।</verse>
				<verse number="2">एलिय्याह एलीसा स कहेस, “कृपा कइके हिअइँ रूका, काहेकि यहोवा मोका बेतेल जाइ क कहेस ह।” किन्तु एलीसा कहेस, “मइँ यहोवा अउर तोहार जिन्नगी क किरिया खाइके प्रतिग्या करत हउँ कि तोहार क संग नाहीं छोड़ब।” एह बरे दुइनउँ लोग बेतेल तलक गएन।</verse>
				<verse number="3">बेतेल क नबियन क समूह एलीसा क लगे आवा अउर उ एलीसा स कहेस, “का तू जानत अहा कि आजु तोहरे सुआमी क यहोवा तोहसे अलग कइके लइ जाइ?” एलीसा कहेस, “हाँ, मइँ एका जानत हउँ। इ बारे मँ बातन न करा।”</verse>
				<verse number="4">एलिय्याह एलीसा स कहेस, “मेहरबानी कइके हिअँर ठहरा काहेकि यहोवा मोका यरीहो जाइ क कहेस ह।” किन्तु एलीसा कहेस, “मइँ यहोवा अउर तोहार जिन्नगी क किरिया खाइके प्रतिग्या करत हउँ कि मइँ तोहार संग नाहीं तजब।” एह बरे दुइनउँ लोग यरीहो गएन।</verse>
				<verse number="5">यरीहो क नबियन क समूह एलीसा क लगे आवा अउर उ पचे ओहसे कहेन, “का तोहका मालूम अहइ कि यहोवा आजु तोहरे सुआमी क तोहसे दूर लइ जाइ।” एलिसा कहेस, “हाँ, मइँ एका जानत हउँ। इ बारे मँ बातन न करा।”</verse>
				<verse number="6">एलिय्याह एलीसा स कहेस, “मेहरबानी कइके हिअँइ ठहरा काहेकि यहोवा मोका यरदन नदी तलक जाइ क कहेस ह।” एलीसा जवाब दिहस, “मइँ यहोवा अउर तोहार जिन्नगी क किरिया खाइके प्रतिग्या करत हउँ कि मइँ तोहार क संग नाहीं तजब।” एह बरे दुइन मनई चलत रहेन।</verse>
				<verse number="7">नबियन क समूह मँ स पचास मनइयन ओनकर अनुसरण किहन। एलिय्याह अउर एलीसा यरदन नदी पइ रूक गएन। पचास मनई एलिय्याह अउ एलीसा स कछू दूर खड़े रहेन।</verse>
				<verse number="8">एलिय्याह आपन अगंरखा उतारेस, ओका तह किहेस अउर ओहसे पानी पइ चोट किहस। पानी दाईं कइँती बाईं कइँती क फट गवा। एलिय्याह अउ एलीसा झुरान भुइँया पइ चलिके नदी क पार किहेस।</verse>
				<verse number="9">जब उ पचे यरदन नदी क पार कइ लिहन तब एलिय्याह एलीसा स कहेस, “एहसे पहिले कि परमेस्सर मोका तोहसे दूर लइ जाइ, तू का चाहत अहा कि मइँ तोहरे बरे करउँ।” एलीसा कहेस, “मोका तोहार आतिमा क दुईगुणा हींसा द्या।”</verse>
				<verse number="10">एलिय्याह कहेस, “तू कठिन चीज माँग्या ह। जदि तू मोका उ समइ लखब्या जब मोका लइ जावा जाइ तउ उहइ होइ। किन्तु जदि तू मोका नाहीं लखि पउब्या तउ उ नाहीं होइ।”</verse>
				<verse number="11">एलिय्याह अउ एलीसा एक संग बातन करत भए टहरत रहेन। अचानक कछू घोड़न अउ एक ठु रथ आवा अउर उ पचे एलिय्याह क एलीसा स अलग कइ दिहेन। घोड़न अउ रथ आगी क तरह रहेन। तब एलिय्याह एक ठु बौवन्डर मँ सरग क चला गवा।</verse>
				<verse number="12">एलीसा एका लखेस अउ जोर स गोहराएस, “मोर बाप। मोर बाप। इस्राएल क रथ अउर ओकर घोड़सवार फउजी।” एलीसा एलिय्याह क फुन कबहुँ नाहीं लखेस। एलीसा आपन ओढ़नन क मूठी मँ भरेस, अउर आपन सोक परगट करइ बरे, ओनका फार डाएस।</verse>
				<verse number="13">एलिय्याह क अंगरखा भुइँया पइ गिर पड़ा रहा। एह बरे एलीसा ओका उठाइ लिहस। फुन उ वापिस आएन अउर यरदन नदी क किनारे पइ खड़ा होइ गवा।</verse>
				<verse number="14">एलीसा एलिय्याह क अंगरखा लिहेस, जउन भूइँया पइ गिर गवा रहा। एलीसा एका पानी पइ चोट किहस अउर कहेस, “एलिय्याह क परमेस्सर यहोवा, कहाँ अहइ?” जइसेन ही एलीसा पानी पइ चोट किहस, पानी दाईं अउ बाईं कइँती फट गवा अउ एलीसा नदी पार किहेस।</verse>
				<verse number="15">जब यरीहो क नबियन क समूह एलीसा क लखेस, उ पचे कहेन, “एलिय्याह क आतिमा अब एलीसा पइ अहइ।” उ पचे एलीसा स मिलइ आएन। उ पचे एलीसा क समन्वा खाले भुइँया तलक प्रणाम करइ निहुरेन।</verse>
				<verse number="16">उ पचे ओहसे कहेन, “लखा, हम अच्छे खासे पचास मनई अही। मेहरबानी कइके एका जाइ द्या अउर अपने सुआमी क हेरइ द्या। होइ सकत ह यहोवा क सक्ती एलिय्याह क ऊपर लइ लिहे होइ अउर ओका कउनो पर्वत या घाटी मँ भहराइ दिहे होइ।” मुला एलीसा जवाब दिहस, “नाहीं, एलिय्याह क खोज बरे मनइयन क जिन पठवा।”</verse>
				<verse number="17">नबियन क समूह एलीसा स एतना जियादा पराथना किहस, कि उ उलझन मँ पड़ गवा। तब एलीसा कहेस, “ठीक अहइ, एलिय्याह क खोज मँ मनइयन क पठइ द्या।” नबियन क समूह पचास मनइयन क एलिय्याह क खोज बरे पठएस। उ पचे तीन दिन तलक खोज किहेन मुला उ पचे एलिय्याह क न पाइ सकेन।</verse>
				<verse number="18">एह बरे उ सबइ लोग यरीहो गएन जहाँ एलीसा ठहरा रहा। उ ओन लोगन स कहस, “का मइँ तोहसे न खोजइ बरे नाहीं कहे रहा।”</verse>
				<verse number="19">नगर क बसइया लोग एलीसा स कहेन, “महोदय, आप अनुभव कइ सकत हीं कि इ नगर सुन्दर ठउर मँ अहइ। किन्तु हिआँ पानी बुरा अहइ। इहइ कारण अहइ कि भुइँया मँ फसल क उपज नाहीं होत।”</verse>
				<verse number="20">एलीसा कहेस, “मोरे लगे एक ठु नवा खोरा लिआवा अउर ओहमा नून रखा।” लोग नवा खोरा क एलीसा क लगे लइ आएन।</verse>
				<verse number="21">तब एलीसा उ ठउरे पइ गवा जहाँ पानी भुइँया स निकरत रहा। एलीसा नून क पानी मँ लोकाइ दिहस। उ कहेस, “यहोवा कहत ह, ‘मइँ इ पानी क सुद्ध करत हउँ। अब, मइँ इ पानी स कउनो क मरइ नाहीं देब, अउर न ही भुइँया क अच्छी फसल देइ स रोकब।’”</verse>
				<verse number="22">पानी सुद्ध होइ गवा अउर पानी अब तलक भी सुद्ध अहइ। इ वइसा ही भवा जइसा एलीसा कहे रहा।</verse>
				<verse number="23">उ नगर स एलीसा बेतेल गवा। एलीसा नगर कँइती पहाड़ी पइ चलत रहा जब कछू लरिकन नगर स खाले आवत रहेन। उ पचे एलीसा क मजाक उड़ावइ लागेन अउर उ पचे कहेन, “हे गंजे, तू ऊपर च़ढि जा। हे गंजे तू ऊपर चढ़ि जा।”</verse>
				<verse number="24">एलीसा मुड़िके ओनका लखेस। उ यहोवा स बिनती किहेस कि ओनके संग बुरा होइ। उहइ समइ जंगल स दुइ ठु रीछ आइके ओन लरिकन पइ हमला किहन, हुवाँ बयालीस लरिकन रीछन क जरिये फार दीन्ह गएन।</verse>
				<verse number="25">हुवाँ स एलीसा कर्म्मेल पर्वत पइ गवा, ओकरे पाछे उ वापिस सोमरोन क गवा।</verse>
			</chapter>
			<chapter number="3">
				<verse number="1">अहाब क पूत यहोराम सोमरोन मँ इस्राएल क राजा बना। यहोसापात क यहूदा पई राजकाल क अट्ठारहवें बरिस मँ यहोराम राज्ज करब सुरू किहेस। यहोराम बारह बरिस तलक इस्राएल पई राज किहेस।</verse>
				<verse number="2">यहोराम उ सब किहेस जउन यहोवा क निगाह मँ बुरा अहइ। परन्तु यहोराम अपने महतारी बाप क तरह न रहा काहेकि उ उ स्तम्भ क दूर कइ दिहस जउन ओकर बाप बाल क पूजा बरे बनवाए रहा।</verse>
				<verse number="3">परन्तु उ नबात क पूत यारोबाम क अइसे पापन क, जइसे उ इस्राएल स भी कराएस, करत रहा अउर ओनसे न फिरा।</verse>
				<verse number="4">मेसा मोआब क राजा रहा। ओकरे लगे बहोत बोकरियन रहिन। मेसा एक लाख मेमनन अउर एक लाख भेड़ा क ऊन इस्राएल क राजा क भेटेंस।</verse>
				<verse number="5">मुला अहाब क मउत क पाछे मोआब क राजा इस्राएल क राजा क बिरूद्ध बिद्रोह कई दिहेस।</verse>
				<verse number="6">तब राजा यहोराम सोमरोन क बाहेर निकरा अउ उ इस्राएल क सबहिं मनइयन क बटोरेस।</verse>
				<verse number="7">यहोराम यहूदा क राजा यहोसापात क लगे संदेसवाहक पठएस। यहोराम कहेस, “मोआब क राजा मोर बिरूद्ध विद्रोह कई दिहा ह। का तू मोआब क खिलाफ जुद्ध करइ मोरे संग चलब्या?” यहोसापात कहेस, “हाँ, मइँ तोहरे संग चलब। हम दुइनउँ एक फउज क तरह मिल जाब। मोर फउज तोहकरे फउजियन जइसे होइहीं। मोर घोड़न तोहरे घोड़न जइसे होइहीं।”</verse>
				<verse number="8">यहोसापात यहोराम स पूछेस, “हमका कउने राहे स चलइ चाही?” यहोराम कहेस, “एदोम क मरूस्थल क रास्ता स।”</verse>
				<verse number="9">एह बरे इस्राएल क राजा यहूदा अउ एदोम क राजा लोगन क संग गवा। उ पचे सात दिना तलक चारिहुँ कइँती घूमत रहेन। सेना व ओनके गोरूअन बरे पर्याप्त पानी नाहीं रहा।</verse>
				<verse number="10">आपिर मँ इस्राएल क राजा यहोराम कहेस, “ओह, यहोवा फुरइ ही हम तीनहुँ राजा लोगन क एक संग एह बरे बोलाएस कि मोआबी हम लोगन क हरावइँ।”</verse>
				<verse number="11">मुला यहोसापात कहेस, “का हिआँ यहोवा क नबी नाहीं अहइ? हम लोग नबी स पूछी कि यहोवा हम क का करइ क बरे कहत ह।” इस्राएल क राजा क सेवकन मँ स एक ठु कहेस, “सापात क पूत एलीसा हिआँ अहइ। एलीसा, एलिय्याह क सेवक रहा।”</verse>
				<verse number="12">यहोसापात कहेस, “यहोवा क वाणी एलीसा क लगे अहइ।” एह बरे इस्राएल क राजा (यहोराम), यहोसापात अउर एदोम क राजा एलीसा स मिलइ गएन।</verse>
				<verse number="13">एलीसा इस्राएल क राजा (यहोराम) स कहेस, “तू मोहसे का चाहत अहा? आपन बाप अउर महतारी क नबियन क लगे जा।” इस्राएल क राजा एलीसा स कहेस, “नाहीं, हम लोग तोहसे मिलइ आए अही, काहेकि यहोवा हम तीन राजा लोगन क एह बरे एक संग हिआँ बोलवा ह कि मोआबी हम लोगन क हरावइ।”</verse>
				<verse number="14">एलीसा कहेस, “मइँ यहूदा क राजा यहोसापात क सम्मान करत हउँ अउर मइँ सर्वसक्तीमान यहोवा क सेवा करत हउँ। उ निहचइ ही जिअत अहइ, एह बरे मइँ फुरइ कहत हउँ: मइँ न तउ तोह पइ दृस्टि डावत अउर न ही तोह पइ धियान देत, जदि यहूदा क राजा यहोसापात हिआँ न होत।</verse>
				<verse number="15">किन्तु अब एक अइसे मनई क मोरे लगे लिआवा जउन वीणा बजावत होइ।” जब उ मनई वीणा बजाई तउ यहोवा क सक्ती एलीसा पइ उतरी।</verse>
				<verse number="16">तब एलीसा कहेस, “यहोवा इ कहत ह, ‘घाटी मँ गड़हा खना।’</verse>
				<verse number="17">यहोवा इहइ कहत ह: तू हवा क अनुभव नाहीं करब्या, तू बरखा भी नाहीं लखब्या। मुला उ घाटी जल स भरि जाइ। तू, तोहार गइयन अउ दूसर जनावरन क पानी पिअइ क मिली।</verse>
				<verse number="18">यहोवा क बरे इ करब सहल अहइ। उ तोहका मोआबियन क भी पराजित करइ देइ।</verse>
				<verse number="19">तू हर एक सुदृढ़ नगर अउर प्रमुख सहर पर आक्रमण करब्या। तू हर एक अच्छे बृच्छ क काट डउब्या। तू सबहिं पानी क सोतन क रोक देब्या। तू हरेक हरियर खेत क पाथरन स भरके नस्ट कइ देब्या।”</verse>
				<verse number="20">भिंसारे सुबह क बलि क समइ, एदोम क कइँती स पानी बहइ लाग अउर घाटी पानी स भर ग रहा।</verse>
				<verse number="21">मोआब क लोग सुनेन कि इस्राएल, यहूदा अउर एदोम क राजा लोग ओनके खिलाफ लड़इ बरे आए अहइँ। एह बरे मोआब क लोग कवच धारण करइवाला उमिर क सबहिं मनइयन क बटोरेन। ओन लोग जुद्ध बरे तइयार होइके चउहद्दी पइ प्रतीच्छा किहेन।</verse>
				<verse number="22">मोआब क लोग भी बहोत भिंसारे उठेन। उगत भवा सूरज घाटी क जल पइ चमकत रहा अउर मोआब क लोगन क उ खून क नाईं देखाइ देत रहा।</verse>
				<verse number="23">मोआब क लोग कहेन, “खून क धियान स लखा। राजा लोग जरूर ही एक दूसर क खिलाफ जुद्ध किहे होइहीं। उ पचे एक दूसर क जरूर नस्ट कइ दिहे होइहीं। हम चली अउर ओनके ल्हासन स कीमती चिजियन लइ लेइ।”</verse>
				<verse number="24">मोआबी लोग इस्राएली डेरे तलक आएन। किन्तु इस्राएली बाहेर निकरेन अउर उ पचे मोआबी फउज पइ आक्रमण कइ दिहन। मोआबी लोग इस्राएलियन क समन्वा स भाग खड़े भएन। इस्राएली मोआबियन स जुद्ध करइ ओनके पहँटा मँ घुस आएन।</verse>
				<verse number="25">उ नगरन क बर्बाद किहन। अउ उ पचे अच्छे खेत क हर एक फउजी दुआरा फेंकइ गवा पाथरन स भर दिहेस। उ पचे सबहिं पानी क सोतन क रोक दिहन अउर सबहिं नीक बृच्छन क काट डाएन। अउर र्कीहरेसेत मँ सिरिफ पाथर रहे गएन जउन ओनकर गुलेलन स फेंकइ गवा रहेन जउन नगर क घेर रखा रहेन।</verse>
				<verse number="26">मोआब क राजा लखेस कि जुद्ध ओकरे बरे बहोत जियादा प्रबल अहइ। एह बरे उ तरवार धारी सात सौ मनइयन क एदोम क राजा क बध करइ बरे सोझ फउज भेद क खातिर पठइ दिहेस। किन्तु उ पचे एदोम क राजा तलक फउज भेद नाहीं कइ पाएन।</verse>
				<verse number="27">तब मोआब क राजा अपने जेठ पूत क लिहस जउन ओकरे पाछे राजा होत। नगर क चारिहुँ कइँती क देवार पइ मोआब क राजा आपन पूत क भेंट होमबलि क रूप मँ दिहस। अउर हुआँ इस्राएल क विरुद्ध बहोत जियादा कोहान रहा। एह बरे इस्राएल क लोग मोआब क राजा क तजेन अउर अपने देस क लउट गएन।</verse>
			</chapter>
			<chapter number="4">
				<verse number="1">नबियन क समूह मँ स एक ठु मनई क मेहरारू रही। उ मनई मर गवा। ओकर मेहरारू एलीसा क समन्वा आपन दुखड़ा रोएस, “मोर भतार तोहरे सेवक क नाईं रहा। अब मोर भतार मर गवा ह। तू जानत ह कि उ यहोवा क सम्मान करत रहा। किन्तु ओह पइ एक मनई क करजा रहा अउर अब उ मनई मोर दुइ लरिकन क आपन दास बनावइ बरे लेइ आवत अहइ।”</verse>
				<verse number="2">एलीसा पूछेस, “मइँ तोहार मदद कइसे कइ सकत हउँ? मोका बतावा कि तोहरे घरे मँ का अहइ?” उ मेहरारू कहेस, “मोरे घरे मँ कछू नाहीं। मोरे लगे सिरिफ जइतून क तेल क गगरी अहइ।”</verse>
				<verse number="3">तब एलीसा कहेस, “जा अउर आपन सब पड़ोसियन से खोरन उधार ल्या। उ सबइ खाली होइ चाही। बहोत स खोरन उधार ल्या।</verse>
				<verse number="4">तब अपने घरे जा अउर दरवाजन बन्द कइ ल्या। सिरिफ तू अउर तोहार पूत घरे मँ रहिहीं। तब एन सबइ खोरन मँ तेल नावा जब उ खोरन भर जाइ तउ ओनका एक अलग ठउरे पइ धरा।”</verse>
				<verse number="5">अब उ मेहरारू एलीसा क हिआँ स चली गइ, आपन घरे पहोंची अउर दरवाजन बंद कइ लिहस। सिरिफ उ अउर ओकर पूत घरे मँ रहेन। ओकर पूतन खोरन ओकरे लगे लिआएन अउर उ तेल नाएस।</verse>
				<verse number="6">उ बहोत स खोरन भरेस। आखिर मँ उ अपने पूत स कहेस, “मोरे लगे दूसर खोरन लिआवा।” मुला सभी खोरन भर चुका रहेन। पूतन मँ स एक ठु मेहरारू स कहेस, “अब कउनो खोरा नाहीं रहि गवा ह।” उ समइ गगरी क तेल खतम होइ चुका रहा।</verse>
				<verse number="7">तब उ मेहरारू आइ अउर उ परमेस्सर क जन (एलीसा) स इ घटना बताएस। एलीसा ओहसे कहेस, “जा, तेल क बेच द्या अउर आपन करजा लउटाइ द्या। जब तू तेल क बेच चुकब्यू अउ अपना करजा लउटाइ देब्यू तब तोहार अउ तोहरे पूतन क गुजारा बची रकम स होइ।”</verse>
				<verse number="8">एक दिना एलीसा सूनेम क गवा। सूनेम मँ एक ठु महत्वपूर्ण मेहरारू रहत रही। इ मेहरारू एलीसा स कहेस कि उ ठहरइ अउर ओकरे घरे खइया क खाइ। एह बरे जब भी एलीसा उ ठउरे स होइके जात रहा तब भोजन करइ बरे हुवाँ रुकत रहा।</verse>
				<verse number="9">उ मेहरारु अपने भतार स कहेस, “लखा मइँ समुझत हउँ कि एलीसा परमेस्सर क जन पवित्तर जन अहइ। उ सदा हमरे घरे होइके जात ह।</verse>
				<verse number="10">मेहरबानी कइके हम लोग एक ठु कमरा एलीसा बरे छते पइ बनाई। ओहमाँ हम लोग एक ठु बिछउना, एक ठु मेज, एक कुर्सी अउर एक ठु डीबट रख देइ। जब जब उ हमरे घर आवइ तउ उ इ कमरा क आपन रहइ बरे प्रयोग कइ सकत ह।”</verse>
				<verse number="11">एक दिना एलीसा उ मेहरारू क घरे आवा। उ उ कमरे मँ गवा अउर हुवाँ आराम किहेस।</verse>
				<verse number="12">एलीसा अपने सेवक गेहजी स कहेस, “सूनेमिन मेहरारू क बोलावा।” सेवक सूनेमिन मेहरारू क बोलाएस अउर उ ओकरे समन्वा आइ खड़ी भइ।</verse>
				<verse number="13">एलीसा अपने सेवक स कहेस, “अब इ मेहरारू स कहा, ‘लखा हम लोगन क देखभाल बरे तू यथासंभव नीक किहा ह। हम लोग तोहरे बरे का करी? का तू चाहति अहा कि हम लोग तोहरे बरे राजा या सेना क सेनापति स बात करी?’” उ मेहरारू जवाब दिहस, “मइँ हिआँ बहोत अच्छी तरह अपने लोगन मँ रहत हउँ।”</verse>
				<verse number="14">एलीसा गेहजी स कहेस, “हम ओकरे बरे का कइ सकित ह?” गेहजी कहेस, “मइँ जानत हउँ कि ओकर पूतन नाहीं अहइ अउर ओकर भतार बूढ़ा अहइ।”</verse>
				<verse number="15">तब एलीसा कहेस, “ओका बोलावा।” एह बरे गेहजी उ मेहरारू क बोलाएस। उ आइ अउ ओकरे दरवाजे क लगे खड़ी होइ गइ।</verse>
				<verse number="16">एलीसा मेहरारू स कहेस, “अगले बसन्त मँ इ समइ तू अपने पूत क गले स लगाइ रही होइब्यू।” उ मेहरारू स कहेस, “नाहीं महोदय! परमेस्सर क जन, मोहसे झूठ जिन बोला।”</verse>
				<verse number="17">मुला उ मेहरारू क गरभ भवा। उ अगले बसन्त मँ एक ठु पूत क जन्म दिहस, जइसा एलीसा कहे रहा।</verse>
				<verse number="18">लड़का बड़ा भवा। एक दिना उ लड़का खेतन मँ अपने बाप अउर फसल काटत मनइयन क लखइ गवा।</verse>
				<verse number="19">लड़का अपने बाप स कहेस, “ओह मोर मूँड़। मोर मूँड़ फटा जात अहइ।” बाप अपने सेवक स कहेस, “एका अपनी महतारी क लगे लइ जा।”</verse>
				<verse number="20">सेवक उ लरीका क ओकरी महतारी क लगे लइ गवा। लरिका दुपहर तलक अपनी महतारी क गोदी मँ बइठा। तब उ मरि गवा।</verse>
				<verse number="21">उ मेहरारू लरिका क परमेस्सर क जन क बिछउने पइ ओलराइ दिहस। तब उ दरवाजा बन्द किहस अउर बाहेर चली गइ।</verse>
				<verse number="22">उ अपने भतारे क बोलाएस अउ कहेस, “मेहरबानी कइके मोरे लगे सेवकन मँ स एक अउ गदहन मँ स एक क पठवा। तब मइँ परमेस्सर क जन स भेंटइ हाली जाबइ अउर लउटि अउबइ।”</verse>
				<verse number="23">उ मेहरारू क भतार कहेस, “तू आज परमेस्सर क जन क लगे काहे जाइ चाहति अहा? इ नवचन्द्र या सबित क दिन नाहीं अहइ।” उ कहेस, “परेसान जिन ह्वा। सब कछू नीक होइ।”</verse>
				<verse number="24">तब उ एक गदहे पइ काठी धरेस अउ अपने सेवक स कहेस, “आवा चली अउ हाली करी। धीरे तबहिं चला जब मइँ कहउँ।”</verse>
				<verse number="25">उ मेहरारू परमेस्सर क जन स भेंटइ कर्म्मेल पर्वत पइ गइ। परमेस्सर क जन सूनेमिन मेहरारू क दूर स आवत लखेस। एलीसा अपने सेवक गेहजी स कहेस, “लखा, उ सूनेमिन मेहरारू अहइ।</verse>
				<verse number="26">कृपा कइके अब दउड़ि के ओहसे भेंटा। ओहसे पूछा, ‘का सब कछू ठीक अहइ? का तू कुसल स अहा? का तोहार भतार कुसल स अहइ? का तोहार पूत कुसल ह?’” गेहजी उ सूनेमिन मेहरारू स इहइ पूछेस। उ जवाब दिहस, “सब कुसल अहइ।”</verse>
				<verse number="27">मुला सूनेमिन मेहरारू स पर्वत पइ चढ़िके परमेस्सर क जन क लगे पहोंची। उ प्रणाम करइ निहुरी अउर उ एलीसा क गोड़ धइ लिहेस। गेहजी सूनेमिन मेहरारू क दूर हींच लेइ बरे निअरे आवा। किन्तु परमेस्सर क जन गेहजी स कहेस, “ओका अकेला छोड़ द्या। उ बहोत परेसान अहइ अउर यहोवा एकरे बारे मँ मोहसे नाहीं कहेस। यहोवा इ खबर मोहसे छुपाएस।”</verse>
				<verse number="28">तब सूनेमिन मेहरारू कहेस, “महोदय, मइँ आप स पूत नाहीं माँगे रहेउँ। मइँ आप स कहे रहेउँ, ‘आप मोका मूर्ख न बनावइँ।’”</verse>
				<verse number="29">तब एलीसा गेहजी स कहेस, “जाइ बरे तइयार होइ जा। मोर टहराइ क कुबरी लइ ल्या अउर जा। कउनो स बात करइ बरे न रूका। यदि तू कउनो मनई स मिला तउ ओका नमस्कार भी न कहा। जदि कउनो मनई नमस्कार करइ तउ तू ओकर जवाब भी न द्या। मोर टहरइ क कुबरी क बच्चा क चेहरा पइ रखा।”</verse>
				<verse number="30">मुला बच्चा क महतारी कहेस, “जइसा कि यहोवा सास्वत अहइ अउर आप जिअत अहइँ मइँ प्रतिग्या करति अहइँ कि मइँ तोहार बिना हिआँ स नाहीं जाब।” एह बरे एलीसा उठा अउर सूनेमिन मेहरारू क संग चल पड़ा।</verse>
				<verse number="31">गेहजी सूनेमिन मेहरारू क घर, एलीसा अउ सूनेमिन स पहिले पहोंचा। गेहजी टहरइ क कुबरी क बच्चा क चेहरे पइ धरेस। मुला बच्चा न कउनो बात किहस अउर न ही कउनो अइसा संकेत दिहस जेहसे इ लागइ कि उ कछु सुनेस ह। तब गेहजी एलीसा स मिलइ लउटा। गेहजी एलीसा स कहेस, “बच्चा नाहीं जगा।”</verse>
				<verse number="32">एलीसा घरे स आवा अउर बच्चा अपने बिछउना पइ मरा पड़ा रहा।</verse>
				<verse number="33">एलीसा कमरे मँ आवा अउर उ दरवाजा बन्द कइ लिहस। अब एलीसा अउर उ बच्चा कमरा मँ अकेल्ले रहेन। तब एलीसा यहोवा स पराथना किहेस।</verse>
				<verse number="34">एलीसा बिछउना पइ गवा अउ बच्चा पइ ओलरा। एलीसा आपन मुँह बच्चा क मुँहे पइ धरेस। एलीसा आपन आँखिन बच्चा की आँखिन पइ धरेस। एलीसा आपन हाथन क बच्चा क हाथन पइ धरेस। एलीसा आपन क बच्चा क ऊपर फइलाएस। तब बच्चा क तन गरम होइ गवा।</verse>
				<verse number="35">एलीसा उठा अउर कमरे मँ चारिहुँ कइँती घूमा। तब उ फुन बच्चा क ऊपर झुक गवा। तब बच्चा सात दाईं छींकेस अउर उ आँखिन खोलेस।</verse>
				<verse number="36">एलीसा गेहजी क बोलाएस अउर कहेस, “सूनेमिन मेहरारू क बोलावा।” गेहजी सूनेमिन मेहरारू क बोलाएस अउर उ एलीसा क लगे आइ। एलीसा कहेस, “अपने पूत क उठाइ ल्या।”</verse>
				<verse number="37">तब सूनेमिन मेहरारू कमरा मँ गइ अउ एलीसा क चरणन पइ निहुरी। तब उ अपने पूत क उठाएस अउर उ बाहेर गइ।</verse>
				<verse number="38">एलीसा फुन गिलगाल आइ गवा। उ समइ देस मँ भुखमरी क समइ रहा। नबियन क समूह एलीसा क समन्वा बइठ गवा। एलीसा अपने सेवक स कहेस, “बड़के बर्तन क आगी पइ धरा अउ नबियन क समूह बरे कछू सुरवा बनावा।”</verse>
				<verse number="39">एक ठु मनई खेतन मँ जड़ी-बूटी बटोरइ गवा। ओका एक जंगली बेल मिली। उ कछू जंगली लौकियन इ बेल स तोड़ेस अउ अपने लबादे क भर लिहस। तब उ आवा अउर जंगली लौकियन क बर्तन मँ डाइ दिहस। मुला न ओका अउर न ही दूसर नबियन क पता चला रहा कि उ कइसी लउकियन अहइँ?</verse>
				<verse number="40">तब उ पचे तनिक सुरवा मनइयन क खाइ बरे दिहन। मुला जब उ पचे सुरवा क खाब सुरू किहन, तउ उ पचे एलीसा स चिचिआइके कहेन, “परमेस्सर क जन! बर्तन मँ जहर बाटइ।” उ पचे बर्तन स कछू नाहीं खाइ सकेन काहेकि खइया खाब खतरा स रहित नाहीं रहा।</verse>
				<verse number="41">मुला एलीसा स कहेस, “कछू आटा लिआवा।” उ पचे एलीसा क लगे आटा लइ आएन अउर उ पचे ओका बर्तन मँ नाइ दिहन। तब एलीसा कहेस, “सुरवा क लोगन क बरे नावा जेहसे उ पचे खाइ सकइँ।” तब सुरवा मँ कउनो दोख नाहीं रहा।</verse>
				<verse number="42">एक ठु मनई बालसालीसा स आवा अउर पहिली फसल स परमेस्सर क जन बरे रोटी लिआवा। उ मनई बीस ठु जौ क रोटियन अउ नवा अनाज क अपनी बोरी मँ लिआवा। तब एलीसा कहेस, “इ खइया लोगन क द्या जेका उ पचे खाइ सकइँ।”</verse>
				<verse number="43">एलीसा क सेवक कहेस, “आप का कहेन? हिआँ तउ सौ मनई अहइँ। ओन सबहिं मनइयन क इ खइया मइँ कइसे दइ सकत हउँ?” किन्तु एलीसा कहेस, “लोगन क खाइ बरे खइया द्या। यहोवा कहत ह, ‘उ पचे खइया कइ लेइहीं अउर खइया बच भी जाइ।’”</verse>
				<verse number="44">तब एलीसा क सेवक नबियन क समूह क समन्वा भोजन परोसेस। नबियन क समूह क खाइ बरे भोजन पर्याप्त भवा अउर ओनके लगे भोजन बचा भी रहा। इ वइसा ही भवा जइसा यहोवा कहे रहा।</verse>
			</chapter>
			<chapter number="5">
				<verse number="1">नामान अराम क राजा क सेना क सेनापति रहा। नामान अपने राजा बरे बहोत जियादा महत्वपूर्ण रहा काहेकि यहोवा ओकर उपयोग अराम क बिजय करावइ बरे किहे रहा। नामान एक ठु महान अउ ताकतवर मनई रहा, मुला उ विकट चरमरोग स पीड़ित रहा।</verse>
				<verse number="2">एक बार कछू आरामी सिपाहियन इस्राएल मँ छापा मारइ बरे गएन। ओनक कैदियन मँ एक ठु नान्ह लरकी रहेन जउन नामान क मेहरारू क सेविका होइ गइ।</verse>
				<verse number="3">इ लरकी नामान क मेहरारू स कहेस, “मइँ चाहत हउँ कि मोर सुआमी (नामान) उ नबी (एलीसा) स मिलेन जउन सोमरोन मँ रहत ह। उ नबी नामान क बिकट चरमरोग क नीक कइ सकत ह।”</verse>
				<verse number="4">नामान आपन सुआमी (अराम क राजा) क लगे गवा। नामान अराम क राजा क उ बात बताएस जउन इस्राएली लरिको कहे रही।</verse>
				<verse number="5">तब अराम क राजा कहेस, “अबहिं जा अउर मइँ एक ठु पत्तर इस्राएल क राजा क नाउँ पठउब।” एह बरे नामान इस्राएल गवा। नामान अपने संग कछू भेंट लइ गवा। नामान साढ़े सात सौ पौण्ड चाँदी, छ: हजार सोना क सिक्का, अउर दस हजार बदलइ क कपड़ा लइ गवा।</verse>
				<verse number="6">नामान इस्राएल क राजा बरे अराम क राजा क पत्तर भी लइ गवा। पत्तर मँ इ लिखा रहा, “इ पत्तर इ जानकारी देइ बरे अहइ कि मइँ आपन सेवक नामान क तोहरे हिआँ पठवत हउँ। ओकरे विकट चरमरोग क नीक करा।”</verse>
				<verse number="7">जब इस्राएल क राजा उ पत्तर क बाँच चुका तउ उ आपन चिन्ता क परगट करइ बरे आपन ओढ़ना फारेस। इस्राएल क राजा कहेस, “का मइँ परमेस्सर अहउँ? नाहीं। जिन्नगी अउ मउत पइ मोर कउनो अधिकार नाहीं। तब अराम क राजा मोरे लगे बिकट चरमरोग क रोगी क चंगा करइ बरे काहे पठएस? एका जरा सोचा अउर तू लखब्या कि अराम क राजा मोर संग झगड़ा करइ चाहत ह।”</verse>
				<verse number="8">परमेस्सर क जन सुनेस कि इस्राएल क राजा परेसान अहइ अउर उ आपन ओढ़ना फार डाएस ह। एलीसा आपन सँदेसा राजा क लगे पठएस: “तू आपन ओढ़ना काहे फार्या? नामान क मोरे लगे आवइ द्या। तब उ समुझी कि इस्राएल मँ कउनो नबी भी अहइ।”</verse>
				<verse number="9">एह बरे नामान आपन घोड़न अउ रथन क संग एलीसा क घरे आवा अउर घरे क दुआर पई रुकि गवा।</verse>
				<verse number="10">एलीसा एक ठु सँदेसबाहक क नामान क लगे पठएस। सँदेसबाहक कहेस, “जा, अउर यरदन नदी मँ सात दाईं नहा। तब तोहार चरमरोग नीक हो जाइ अउर तू पवित्तर अउ सुद्ध होइ जाब्या।”</verse>
				<verse number="11">नामान कोहाइ गवा अउर हुवाँ स चल पड़ा। उ कहेस, “मइँ समुझे रहेउँ कि कम स कम एलीसा बाहेर आई, मोरे समन्वा खड़ा होइ अउर यहोवा, अपने परमेस्सर क समन्वा पराथना करी। मइँ समुझ रहेउँ कि उ मोरे बदन पइ आपन हाथ फेरी अउ चामरोग क नीक कइ देइ।</verse>
				<verse number="12">दमिस्क क नदियन अबाना अउ पर्पर इस्राएल क सबहिं जलासयन स नीक अहइँ। का मइँ ओन नदियन मँ नहाइके पवित्तर नाहीं होइ सकत रहा?” एह बरे नामान कोहाई गवा। अउ वापस जाई बरे मुड़ गवा।</verse>
				<verse number="13">मुला नामान क सेवक ओकरे लगे ओसे बात करइ बरे गएन उ पचे कहेन, “पिता, जदि नबी तोहार स कउनो महान काम करइ क कहे होत तउ तू ओका जरूर करतेन। एह बरे तोहका ओकर आग्या क पालन करइ चाही। जदि उ सहल काम करइ क भी कहत ह अउर उ कहेस, ‘नहा अउर तू पवित्तर अउर सुद्ध होइ जाब्या।’”</verse>
				<verse number="14">एह बरे नामान उ काम किहेस जउन परमेस्सर क जन कहेस, नामान खाले उतरा अउर उ सात दाईं यरदन नदी मँ नहाएस अउर नामान पवित्तर अउ सुद्ध होइ गवा। नामान क चमड़ी बच्चा क चमड़ी क तरह कोमल होइ गइ।</verse>
				<verse number="15">नामान अउ ओकर सारा समूह परमेस्सर क जन क लगे गवा। उ एलीसा क समन्वा खड़ा भवा अउर ओहसे कहेस, “लखा, अब मइँ समुझत हउँ कि इस्राएल क अलावा भूइँया पइ कहूँ परमेस्सर नाहीं अहइ। अब मेहरबानी कइके मोर भेंट स्वीकार करइँ।”</verse>
				<verse number="16">मुला एलीसा कहेस, “मइँ यहोवा क सेवा करत हउँ। मइँ यहोवा क जिन्नगी क किरिया खाइके प्रतिग्या करत हउँ कि मइँ कउनो भेंट नाहीं लेब।” नामान बहोत जतन किहस कि एलीसा भेंट लेइ मुला एलीसा इन्कार कइ दिहस।</verse>
				<verse number="17">तब नामान कहेस, “जदि तू इ भेंट क स्वीकार नाहीं करतेन तउ कम स कम मोरे बरे एँतना करइँ। मोका एस्राएल क एतनी पर्याप्त धूरि लेइ देइँ जेहसे मोर दुइ खच्चरन पइ धरे टोपन भरि जाइँ, काहे? काहेकि मइँ फुन कबहुँ होमबलि या बलि कउनो दूसर देवता क नाहीं चढ़ाउब। मइँ सिरिफ यहोवा क ही बलि भेंट करब।</verse>
				<verse number="18">अउर अब मइँ पराथना करत हउँ कि यहोवा मोका इ बात बरे छिमा करी कि भविस्स मँ मोर सुआमी (अराम क राजा) लबार देवता क पूजा करइ बरे, रिम्मोन क मन्दिर मँ आइ। राजा सहारा बरे मोह पइ निहुरइ चाही, एह बरे मोका रिम्मोन क मन्दिर मँ निहुरइ पड़ी। अब मइँ यहोवा स पराथना करत हउँ कि मोका छिमा करइ जब वइसा होइ।”</verse>
				<verse number="19">तब एलीसा नामान स कहेस, “सान्तिपूर्वक जा।” एह बरे नामान एलीसा क तजेस अउ तनिक दूर गवा।</verse>
				<verse number="20">मुला परमेस्सर क जन एलीसा क सेवक गेहजी बोला, “लखइँ, मोर सुआमी (एलीसा) अरामी नामान क, ओकर लिआई भइ भेंट क स्वीकार किए बिना ही जाइ दिहस ह। मइँ यहोवा क जिन्नगी क किरिया खाइके प्रतिग्या करत हउँ कि नामान क पाछे दउड़ब अउर ओहसे कछू लिआउब।”</verse>
				<verse number="21">एह बरे गेहजी नामान कइँती दउड़ा। नामान आपन पाछे कउनो क दौड़िके आवत लखेस। उ गेहजी स भेंटइ क अपने रथे स उतर पड़ा। नामान पूछेस, “सब कुसल तउ अहइ?”</verse>
				<verse number="22">गेहजी कहेस, “हाँ, सब कुसल अहइ। मोर सुआमी एलीसा मोका पठएस ह। उ कहेस, ‘लखा, एप्रैम क पहाड़ी पहँटा क नबियन क समूह स दुइ नउजवान नबी मोरे लगे आएन ह। मेहरबानी कइके ओनका पचहत्तर पौण्ड चाँदी अउर दुइ दाईं बदलइ क ओढ़ना दइ द्या।’”</verse>
				<verse number="23">नामान कहेस, “मेहरबानी कइके डेढ़ सौ पौण्ड लइ ल्या।” नामान गेहजी क चाँदी लेइ बरे मनाएस। नामान डेढ़ सौ पौण्ड चाँदी क दुइ बोरियन मँ धरेस अउर दुइ दाईं बदलइ क ओढ़ना लिहस। तब नामान एन चिजियन क अपने सेवकन मँ स दुइ क दिहस। सेवक ओन चिजियन क गेहजी क बरे लइके आएन।</verse>
				<verse number="24">जब गेहजी पहाड़ी तलक आवा तउ उ ओन चिजियन क सेवकन स लइ लिहस। गेहजी सेवकन क लउटाइ दिहस अउर उ पचे लउटि गएन। तब गेहजी ओन चिजियन क घरे मँ छुपाइ दिहस।</verse>
				<verse number="25">गेहजी आवा अउर अपने सुआमी एलीसा क समन्वा खड़ा भवा। एलीसा गेहजी स पूछेस, “गेहजी, तू कहाँ गए रह्या?” गेहजी कहेस, “मइँ कहूँ भी नाहीं गवा रहेउँ।”</verse>
				<verse number="26">एलीसा गेहजी स कहेस, “इ फुर नाहीं अहइ। मोर हिरदइ तोहरे संग रहा जब नामान अपने रथे स तोहसे मिलइ क मुड़ा। इ समइ पैसा, कपड़ा, जैतून, अंगूर, भेड़, गइयन या सेवक-सेविकन लेइ क नाहीं अहइ।</verse>
				<verse number="27">अब तोहका अउ तोहर बच्चन क नामान क बेरामी लगा जाइ। तोहका सदा ही बिकट चरमरोग रही।” जब गेहजी एलीसा स बिदा भवा तउ गेहजी क चमड़ी बर्फ क तरह सफेद होइ गइ। गेहजी क कोढ़ होइ गवा रहा।</verse>
			</chapter>
			<chapter number="6">
				<verse number="1">नबियन क समूह एलीसा स कहेस, “जहाँ पइ हम लोग रहत अहइँ उ जगह हमरे बरे बहोत छोट अहइ।</verse>
				<verse number="2">हम लोग यरदन नदी क चली अउर कछू लकड़ियन काटी। हम पचन मँ स हर एक-एक ठु लट्ठा लेइ अउर हम लोग अपने बरे रहइ क एक ठउर हुवाँ बनाई।” एलीसा कहेस, “बहोत नीक, जा अउर करा।”</verse>
				<verse number="3">ओनमाँ स एक मनई कहेस, “कृपा कइके हमरे संग चलइँ।” एलीसा कहेस, “बहोत नीक, मइँ तोहरे संग चलब।”</verse>
				<verse number="4">एह बरे एलीसा नबियन क समूह क संग गवा। जब उ पचे यरदन नदी पइ पहोंचेन तउ उ पचे कछू बृच्छ काटइ सुरू किहन।</verse>
				<verse number="5">मुला जब एक मनई एक ठु बृच्छ काटत रहा तउ कुल्हाड़ी क लोहा क फलक कुल्हाड़ी स निकर गवा अउर पानी मँ गिर पड़ा। तब उ मनई चिचियान, “हे सुआमी, मइँ उ कुल्हाड़ी उधार लिहे रहेउँ।”</verse>
				<verse number="6">परमेस्सर क जन (एलीसा) कहेस, “उ कहाँ गिरी?” उ मनई एलीसा क उ ठउर देखाएस जहाँ लोहा क फलक गिरा रहा। तब एलीसा एक ठु डण्डी काटेस अउर उ डण्डी क पानी मँ लोकाइ दिहस। उ डण्डी लोहा क फलक क तैराइ दिहस।</verse>
				<verse number="7">एलीसा कहेस, “लोहा क फलक क पकड़ ल्या।” तब उ मनई अगवा बढ़ा अउर उ लोहे क फलक लइ लिहस।</verse>
				<verse number="8">अराम क राजा इस्राएल क खिलाफ जुद्ध करत रहा। उ फउज क अधिकारियन क संग परिषद क बैठक बोलाएस। उ हुकुम दिहस, “इ ठउरे पइ लुकाई जा अउर इस्राएलियन पइ तब आक्रमण करा जब हिआँ स होइके निकरउँ।”</verse>
				<verse number="9">मुला परमेस्सर क जन (एलीसा) इस्राएल क राजा क एक सँदेसा पठएस। एलीसा कहेस, “सावधान रहा। उ ठउरे स होइके जिन जा। हुवाँ अरामी फउजी छिपे अहइँ।”</verse>
				<verse number="10">इस्राएल क राजा उ ठउरे पइ जेकरे बारे मँ परमेस्सर क जन चितउनी दिहे रहा, आपन मनइयन क सँदेसा पठएस। इ एक या दुई दाईं स जियाद भवा।</verse>
				<verse number="11">अराम क राजा एहसे बहोत घबरान। अराम क राजा आपन फउजी अधिकारियन क बोलाएस, अउर ओनसे पूछेस, “मोका बतावा कि इस्राएल क राजा बरे जासूसी कउन करत अहइ।”</verse>
				<verse number="12">अराम क राजा क फउजी अधिकारियन मँ स एक कहेस, “मोर पर्भू अउ राजा, हम पचन मँ स कउनो भी जासू नाहीं अहइ। एलीसा, इस्राएल क नबी इस्राएल क राजा क अनेक गुप्त सूचना दइ सकत ह, हिआँ तलक कि आप जउन अपने बिछउना मँ कहिहीं, ओकर भी।”</verse>
				<verse number="13">अराम क राजा कहेस, “एलीसा क पता लगावा अउर मइँ ओका धरइ बरे मनइयन क पठउब।” सेवकन अराम क राजा स कहेस, “एलीसा दोतान मँ अहइ।”</verse>
				<verse number="14">तब अराम क राजा घोड़न, रथ अउ विसाल फउज क दोतान पठएस। उ पचे रात क पहोंचेन अउर पचे नगर क घेर लिहन।</verse>
				<verse number="15">एलीसा क सेवक उ भिंसारे हाली उठेन। एक सेवक बाहेर गवा अउर उ एक फउज क घोड़न अउ रथन क संग नगर क चारिहुँ कइँती लखेस। एलीसा क सेवक एलीसा स कहेन, “ओह, मोर सुआमी हम का कइ सकित ह?”</verse>
				<verse number="16">एलीसा कहेस, “डेराअ जिन। उ फउज जउन हमरे बरे जुद्ध करत ह, उ फउज स बड़ी अहइ जउन अराम क बरे जुद्ध करत ह।”</verse>
				<verse number="17">तब एलीसा पराथना किहेस अउर कहेस, “यहोवा, मइँ तोहसे पराथना करत हउँ कि तू मोरे सेवक क आँखिन खोला जेहसे उ लखि सकइ।” यहोवा जुवक क आँखिन खोलेस अउ सेवक लखेस कि पूरा पर्वत आगी क घोड़न अउ रथन स ढका पड़ा रहा। उ पचे सबहिं एलीसा क चारिहुँ कइँती रहेन।</verse>
				<verse number="18">इ सबइ आगी क घोड़न अउ रथ एलीसा क लगे आएन। एलीसा यहोवा स पराथन किहेस अउर कहेस, “मइँ पराथना करत हउँ कि तू एन लोगन क आँधर कइ द्या।” तब यहोवा अरामी फउज क आँधर कइ दिहस, जइसे एलीसा पराथना किहे रहा।</verse>
				<verse number="19">एलीसा अरामी फउज स कहेस, “इ गलत मारग अहइ। इ उ सहर नाहीं अहइ जेका तू खोजत ह। मोरे पाछे आवा। मइँ उ मनई क लगे तू पचन क लइ जाब जेकर खोज तू करत अहा।” तब एलीसा अरामी फउज क सोमरोन लइ गवा।</verse>
				<verse number="20">जब उ पचे सोमरोन पहोंचेन तउ एलीसा कहेस, “यहोवा, ऍन लोगन क आँखिन खोल द्या जेहसे इ सबइ लखि सकइँ।” तब यहोवा ओनकर आँखिन खोल दिहस अउर अरामी फउज लखेस कि उ सोमरोन नगर मँ रहेन।</verse>
				<verse number="21">इस्राएल क राजा अरामी फउज क लखेस। इस्राएल क राजा एलीसा स पूछेस, “मोरे बाप, का मइँ एनका मार डावउँ?”</verse>
				<verse number="22">एलीसा जवाब दिहस, “नाहीं, ओन लोगन क जिन मारा। तू ओनका आपन तरवार या धनुस स नाहीं पकड़ेस ह किन्तु तू तउ अब ओन मनइयन क मराइ चाहत ह अरामी फउज क कछू रोटी पानी द्या। ओनका खाइ पिअइ द्या। तब एनका अपने सुआमी क लगे लउटि जाइ द्या।”</verse>
				<verse number="23">इस्राएल क राजा अरामी सेना बरे बहोत स भोजन तइयार कराएस। अरामी फउज खाएस-पीएस। तब इस्राएल क राजा अरामी फउज क ओनके घरे वापस पठइ दिहस। अरामी फउज अपने सुआमी क लगे क घर लउटे गइ। अरामी लोग एकरे पाछे इस्राएल पइ आक्रमण करइ बरे फुन कउनो फउज नाहीं पठएस।</verse>
				<verse number="24">जब इ सब होइ गवा तउ अराम क राजा बेन्हदद अपनी सारी फउज बटोरेस अउ उ सोमरोन नगर पइ घेरा डावइ अउर ओह पइ आक्रमण करइ गवा।</verse>
				<verse number="25">फउजियन लोगन क नगर मँ भोजन सामग्री भी नाहीं लिआवइ दिहन। एह बरे सोमरोन मँ भयंकर भुखमरी क समइ आइ गवा। इ ऍतना भयंकर रहा कि एक गदहे क मूँड़ चाँदी क अस्सी सिक्कन मँ बिकइ लाग अउर एक ठु छोटा टोकरी कबूतर क गोबरी क कीमत पाँच चाँदी क सिक्कन रही।</verse>
				<verse number="26">इस्राएल क राजा नगर क प्राचीर पइ घूमत रहा। एक ठु मेहरारू चिचिआइके ओका गोहराएस। उ मेहरारू कहेस, “मोर पर्भू, अउर राजा, कृपा करके मोर मदद करइँ।”</verse>
				<verse number="27">इस्राएल क राजा कहेस, “जदि यहोवा तोहार मदद करत तउ मइँ कइसे तोहका मदद दइ सकत हउँ? मोरे लगे तोहका देइ क कछू भी नाहीं अहइ। खरिहानन स कउनो अन्न नाहीं आवा, या दाखरस क कारखाने स कउनो दाखरस नाहीं आइ।”</verse>
				<verse number="28">तब इस्राएल क राजा उ मेहरारू स पूछेस, “तोहार परेसानी का अहइ?” मेहरारू जवाब दिहेस, “इ मेहरारू मोहसे कहेस, ‘आपन पूत क मोका द्या जेहसे हम ओका मार डाइ अउर ओकर आज खाइ लेइ। फुन काल्ह मइँ आपन पूत क मारिके खाउब्या।’</verse>
				<verse number="29">तब हम आपन पूत क पकावा अउर खावा। तब दूसरे दिन इ मेहरारू स कहेउँ, ‘आपन पूत क द्या जेहसे हम ओका मार सकी अउर खाइ सकी।’ किन्तु उ आपन पूत क छुपाए दिहेस ह।”</verse>
				<verse number="30">जब राजा उ मेहरारू क बातन सुनेस तउ उ आपन ओढ़नन क अपनी सम्सया बतावइ बरे फार डाएस। जब राजा प्राचीर स होइके चला तउ लोग लखेन कि उ आपन पहिरावे क नीचे मोटा वस्त्र पहिरे रहा जेहसे पता चलत रहा कि उ बहोत दुखी अउ परेसान अहइ।</verse>
				<verse number="31">राजा कहेस, “परमेस्सर मोका निहचित ही दण्डित करइ जदि सापात क पूत एलीसा क मूड़ इ दिन क आखिर तलक भी ओकरे धड़ पर रहि जाइ।”</verse>
				<verse number="32">राजा एलीसा क लगे एक ठु सँदेसवाहक पठएस। एलीसा आपन घरे मँ प्रमुखन क संग बइठा रहा। सँदेसवाहक क अवाइ क पहिले एलीसा प्रमुखन स कहेस, “लखा, उ हत्तियारा क पूत (इस्राएल क राजा) लोगन क मोर मूँड़ काटइ क पठवत अहइ। जब सँदेसवाहक आवइ तउ दरवाजा बन्द कइ ल्या। दरवाजा क बन्द रखा अउर ओका घुसइ जिन द्या। एहमाँ कउनो सक नाहीं कि ओकर सुआमी क कदमन क आवाज़ ओकरे पाछा करब्या।”</verse>
				<verse number="33">जउने समइ एलीसा अग्रजन स बातन करत ही रहा, सँदेसवाहक ओकरे करीब आवा। सँदेसा इ रहा: “इ बिपत्ति यहोवा कइँती स आई अहइ। मइँ यहोवा क प्रतीच्छा आगे अउर काहे करउँ?”</verse>
			</chapter>
			<chapter number="7">
				<verse number="1">एलीसा कहेस, “यहोवा कइँती स सँदेस सुना। यहोवा कहत ह: ‘काल्ह इहइ समइ सोमरोन क फाटक क संग क बाजार मँ लोग एक डलिया अच्छा आटा या दुइ डलिया जौ एक सेकेल मँ खरीदब्या।’”</verse>
				<verse number="2">तब उ अधिकारी जउन राजा क बिस्सासपात्र रहा, परमेस्सर क जन स बातन किहेस। अधिकारी कहेस, “जदि यहोवा आकास मँ खिड़कियन भी बनाइ देइ तउ भी इ नाहीं होइ।” एलीसा कहेस, “एका तू अपनी आँखिन स लखब्या। किन्तु उ भोजन मँ स तू कछू भी नाहीं खाब्या।”</verse>
				<verse number="3">नगर क दुआर क लगे चार मनई कोढ़ स पीड़ित रहेन। उ पचे आपुस मँ बातन किहन, “हम हिआँ मरइ क प्रतीच्छा करत भए काहे बइठा अही?</verse>
				<verse number="4">सोमरोन मँ कछू भी खाइ क बरे नाहीं अहइ। जदि हम पचे नगर क भीतर जाब तउ हुवाँ हम भी मरि जाब। किन्तु जदि हम पचे हिआँ रहा, तउ भी मरि जाब। एह बरे हम पचे अरामी डेरा कइँती चली। जदि उ पचे हम क जिअत रहइ देत हीं तउ हम जिअत रहब। जदि उ पचे हम क मार डावत हीं तउ मर जाब।”</verse>
				<verse number="5">एह बरे उ साँझ क उ चारिहुँ कोढ़ी अरामी डेरा क गएन। उ पचे अरामी डेरा क छोर तलक पहोंचेन। मुला हुवाँ कउनो नाहीं रहेन।</verse>
				<verse number="6">यहोवा अरामी सेना क, रथन, घोड़न अउ बिसाल सेना क उद्घोस सुनाए रहा। एह बरे अरामी फउजियन आपुस मँ बातन किहन, “इस्राएल क राजा हित्ती राजा लोगन अउ मिसियन क हम लोगन क खिलाफ किराये पइ बोलाएस ह।”</verse>
				<verse number="7">अरामी फउजी उ साँझ क आरम्भ मँ ही पराइ गएन उ पचे सब कछू आपन पाछे छोड़ गएन। उ पचे आपन डेरन, घोड़न, गदहन छोड़ेन अउर आपन जिन्नगी बचावइ क भाग खड़े भएन।</verse>
				<verse number="8">जब इ सबइ कोढ़ी उ डेरा क छोर तलक पहोंचेन, उ पचे एक डेरा मँ गएन। उ पचे खाएन अउर पिएन। तब चारिहुँ कोढ़ी उ तम्बू स चाँदी, सोना अउ वस्त्र लइ लिहेन तउ उ पचे ओन चिजियन क लुकाइ दिहन। तब उ पचे लउटेन अउर दूसर तम्बू मँ गएन। उ हुआँ स भी सबइ कीमती चिजियन लइ आएन। उ पचे बाहेर गएन अउर एन चिजियन क लुकाइ रिहन।</verse>
				<verse number="9">तब एन कोढ़ियन आपुस मँ बात किहन, “हम लोग बुरा करत अही। आजु हम लोगन क लगे सुभ खबर अहइ। मुला हम लोग चुप अही। जदि हम लोग सूरज स निकरइ तलक प्रतीच्छा करब तउ हम लोगन क दण्ड मिली। अब हम चली अउर ओन लोगन क सुभ सूचना देइ जउन राजा क महल मँ रहत हीं।”</verse>
				<verse number="10">एह बरे इ सबइ कोढ़ी नगर क दुआरपाल क लगे गएन। कोढ़ी रोगियन दुआरपालन स कहेन, “हम अरामी डेरा मँ गए रहे। किन्तु हम लोग कउनो मनई क हुवाँ नाहीं पावा। हुवाँ कउनो भी नाहीं रहा। घोड़न अउ गदहन तब भी बंधे रहेन अउर डेरन वइसे क वइसे लगे रहेन। किन्तु सबहिं लोग पराई गए रहेन।”</verse>
				<verse number="11">तब नगर क दुआरपाल जोर स चीखन अउर राजमहल क मनइयन क इ बात बताएन।</verse>
				<verse number="12">राति क समइ रहा, किन्तु राजा अपने पलंग स उठा। राजा अपने अधिकारियन स कहेस, “मइँ तू लोगन क बताउब कि अरामी फउजी हमरे संग का करत अहइँ। उ पचे जानत हीं कि हम भुखान अही। उ पचे खेतन मँ छुपइ बरे, डेरन क खाली कइ गएन ह। उ पचे इ सोचत अहइँ, ‘जब इस्राएली नगर क बाहेर अइहीं, तब हम ओनका जिअत धइ लेब अउर तब हम नगर मँ प्रवेस करब।’”</verse>
				<verse number="13">राजा क अधिकारियन मँ स एक कहेस, “कछू मनइयन क नगर मँ अबहिं तलक बचे पाच ठु घोड़न क लेइ द्या। निहचइ ही इ सबइ घोड़न भी हाली ही ठीक वइसे ही मर जइहीं, जइसे इस्राएल क सबहिं लोग जउन अबहिं तलक बचे रहि गए अहइँ, मरिहीं। एन मनइयन क इ लखइ क पठवा जाइ कि का घटित भवा ह।”</verse>
				<verse number="14">एह बरे लोग घोड़न क संग दुइ रथ लिहेन। राजा एन लोगन क अरामी फउज क पाछे लगाएस। राजा ओनसे कहेस, “जा अउर पता लगावा कि का घटना घटी?”</verse>
				<verse number="15">उ सबइ मनई अरामी फउज क पाछे यरदन नदी तलक गएन। पूरी सड़क पइ वस्त्र अउ अस्त्र फइले भए रहेन। अरामी लोग हाली मँ भागत भए ओन चिजियन क लोकाइ दिहे रहेन। सँदेसवाहक सोमरोन क लउटेन अउर राजा क बताएन।</verse>
				<verse number="16">तब लोग अरामी डेरा कइँती टूट पड़ेन, अउर हुवाँ स उ पचे कीमती चिजियन लइ लिहन। एह बरे उहइ भवा जउन यहोवा कहे रहा। कउनो भी मनई एक ठु डलिया निक आटा या दुइ डलिया जौ सिरिफ एक ठु सेकेल मँ खरीद सकत रहा।</verse>
				<verse number="17">राजा आपन व्यक्तिगत सहायक अधिकारी क दुआरे क रच्छा बरे चुनेस। किन्तु लोग दुस्मन क डेरा स भोजन पावइ बरे दौड़ पड़ेन। लोग अधिकारी क धक्का दइके गिराइ दिहन अउर ओका रौंदत भए निकर गएन अउर उ मर गवा। एह बरे उ पचे सबहिं बातन वइसे ही ठीक घटित भइन जइसा परमेस्सर क जन तब कहे रहा जब राजा एलीसा क घरे आवा रहा।</verse>
				<verse number="18">एलीसा कहे रहा, “कउनो भी मनई सोमरोन क नगरदुआर क बजार मँ एक सेकेल मँ एक ठु डलिया नीक आटा या दुइ डलिया जौ बेसहि सकी।”</verse>
				<verse number="19">किन्तु परमेस्सर क जन क उ अधिकारी जवाब दिहस, “जदि यहोवा सरग मँ खिड़कियन भी बनाइ देइ, तउ भी वइसा नाहीं होइ सकी” अउर एलीसा उ अधिकारी स कहे रहा, “तू अइसा अपनी आँखिन स लखब्या। किन्तु तू उ भोजन क कछू भी नाहीं खाइ पउब्या।”</verse>
				<verse number="20">अधिकारी क संग ठीक वइसा ही घटित भवा। लोग नगरदुआर पइ ओका धक्का दइके गिराइ दिहन, ओका रौंद डाएन अउर उ मर गवा।</verse>
			</chapter>
			<chapter number="8">
				<verse number="1">एलीसा उ मेहरारू स बातन किहस जेकरे पूत क उ जीवन मँ वापिस लाए रहा। एलीसा कहेस, “तोहका अउर तोहरे परिवार क कउनो दूसर देस मँ चले जाइ चाही। काहे? काहेकि यहोवा निहचइ किहेस ह कि हिआँ भुखमरी क समइ लाई। इ देस मँ इ भुखमरी क समइ सात बरिस क होइ।”</verse>
				<verse number="2">एह बरे उ मेहरारू उहइ किहस जउन परमेस्सर क जन कहेस। उ अपने पररिवार क संग सात बरिस पलिस्तियन क देस मँ रहइ चली गइ।</verse>
				<verse number="3">जब सात बरिस पूरे होइ गएन तउ उ मेहरारू पलिस्तियन क देस स लउटि आइ। उ मेहरारू राजा स बातन करइ गइ। उ चाहत रही कि उ ओकरे घरे अउर ओकरी भुइँया क ओका लउटावइ मँ ओकर मदद करइ।</verse>
				<verse number="4">राजा परमेस्सर क जन क सेवक गेहजी स बातन करत रहा। राजा गेहजी स पूछेस, “कृपा कइके उ पचे सबहिं महान कार्य हमका बतावइँ जेनका एलीसा किहे अहइँ।”</verse>
				<verse number="5">गेहजी राजा क एलीसा क बारे मँ एक मरे मनई क जिअत करइ क बात बतावत रहा। उहइ समइ उ मेहरारू राजा क लगे गइ जेकरे पूत क एलीसा जिआए रहा। उ चाहत रही कि उ आपन घरे अउर आपन भुइँया क वापस दिआवइ मँ ओहसे सहायत माँगइ। गेहजी कहेस, “मोर पर्भू राजा, इ अहइ मेहरारू अहइ अउर इ उहइ पूत अहइ जेका एलीसा जिआए रहा।”</verse>
				<verse number="6">राजा पूछेस कि उ का चाहत ह। उ मेहरारू आपन इच्छा जताएस। तब राजा एक अधिकारी क उ मेहरारू क मदद क बरे चुनेस। राजा कहेस, “इ मेहरारू क उ सब कछू द्या जउन एकर अहइ अउर एकर भुइँया क सारी फसल जब स इ देस तजेस तब स अब तक क, एका द्या।”</verse>
				<verse number="7">एलीसा दमिस्क गवा। अराम क राजा बेन्हदद बीमार रहा। कउनो मनई बेन्हदद स कहेस, “परमेस्सर क जन हिआँ आवा अहइ।”</verse>
				<verse number="8">तब राजा बेन्हदद हजाएल स कहेस, “भेंट साथे मँ ल्या अउर परमेस्सर क जन स मिलइ जा। ओका कहा कि उ पचे यहोवा स पूछइँ कि का मइँ आपन बेरामी स चँगा होइ सकत हउँ।”</verse>
				<verse number="9">एह बरे हजाएल एलीसा स भेंटइ गवा। हजाएल अपने संग भेंट लिआवा। उ दमिस्क स हर प्रकार क अच्छी चिजियन लिआवा। एन सब क लिआवइ बरे चालीस ऊँटन क जरूरत पड़ी। हजाएल एलीसा क लगे गवा। हजाएल कहेस, “तोहार अनुयायी अराम क राजा बेन्हदद मोका आप क लगे पठएस ह। उ पूछत ह कि का मइँ बेरामी स नीक होइ जाब।”</verse>
				<verse number="10">तब एलीसा हजाएल स कहेस, “जा अउर बेन्हदद स कहा, ‘तू जिअत रहब्या।’ किन्तु यहोवा फुरइ मोका इ कहेस ह, ‘उ निहचइ ही मरी।’”</verse>
				<verse number="11">एलीसा हजाएल क तब तलक लखत रहा जब तलक हजाएल संकोच म नाहीं होइ गवा। तब परमेस्सर क जन रोवइ लाग।</verse>
				<verse number="12">हजाएल कहेस, “महोदय, आप काहे रोवत अहइँ?” एलीसा जवाब दिहेस, “मइँ रोवत अहउँ काहेकि मइँ जानत हउँ कि तू इस्राएलियन बरे का कछू बुरा करब्या। तू ओनके मजबूत नगरन क जरउब्या। तू ओनके जुवकन क तरवार स मार डाउब्या। तू ओनके बच्चन क मार डउब्या। तू ओनकर गाभिन मेहररूअन क गरभ क चीर डाउब्या।”</verse>
				<verse number="13">हजाएल कहेस, “मइँ कउनो ताकतवर मनई नाहीं हउँ। मइँ एन बड़के कामन क नाहीं कइ सकत।” एलीसा जवाब दिहेस, “यहोवा मोका बताएस ह कि तू अराम क राजा होब्या।”</verse>
				<verse number="14">तब हजाएल एलीसा क हिआँ स चला गवा अउर आपन राजा क लगे गवा। बेन्हदद हजाएल स पूछेस, “एलीसा तोहसे का कहेस?” हजाएल जवाब दिहेस, “एलीसा मोहसे कहेस कि तू जिअत रहब्या।”</verse>
				<verse number="15">मुला अगले दिन हजाएल एक ठु मोटा कपड़ा लिहस अउर एका पानी स गीला कइ लिहस। तब उ मोटके कपड़े क बेन्हदद क मुँह पइ डाइके ओकर साँस रोक दिहस। बेन्हदद मर गवा। एह बरे हजाएल नवा राजा बना।</verse>
				<verse number="16">यहोसापात क पूत यहोराम यहूदा क राजा भवा। यहोराम अहाब क पूत योराम क इस्राएल क राज्जकाल क पँचएँ बरिस मँ हुकूमत आरम्भ किहस।</verse>
				<verse number="17">यहोराम बत्तीस बरिस क रहा, जब उ हुकूमत करब आरम्भ किहस। उ यरूसलेम मँ आठ बरिस हुकूमत किहस।</verse>
				<verse number="18">किन्तु यहोराम इस्राएल क राजा लोगन क तरह रहा अउर ओन कामन क किहस जेनका यहोवा बुरा बताए रहा। यहोराम अहाब क परिवार क लोगन क तरह रहत रहा। यहोराम इ तरह रहा काहेकि ओकर मेहरारू अहाब क बिटिया रही।</verse>
				<verse number="19">मुला यहोवा ओका नस्ट नाहीं किहस काहेकि उ अपने सेवक दाऊद स प्रतिग्या किहे रहा कि ओकरे परिवार क कउनो न कउनो सदा ही राजा होइ।</verse>
				<verse number="20">यहोराम क समइ मँ एदोम यहूदा क हुकूमत स टूट गवा। एदोम क लोग अपने बरे एक ठु राजा चुन लिहस।</verse>
				<verse number="21">तब यहोराम अउ ओकर सबहिं रथ साईर क गएन। एदोमी सेना ओनका घेर लिहस। यहोराम अउ ओकर अधिकारियन ओन पइ रात मँ हमला किहेन अउर बच निकरेन। यहोराम क सबहिं फउजी अपने घरन क भाग गएन।</verse>
				<verse number="22">इ तरह एदोमी यहूदा क हुकूमत क खिलाफ बिद्रोह किहा अउर उ पचे आजु भी बिद्रोह करत अहइँ। उहइ समइ लिब्ना भी यहूदा क हुकूमत क बिरूध बिद्रोह कइ दिहा।</verse>
				<verse number="23">यहोराम जउन कछू किहस उ सब यहूदा क राजा लोगन क इतिहास क किताबे मँ लिखा अहइ।</verse>
				<verse number="24">यहोराम मरा अउर अपने पुरखन क संग दाऊद नगर मँ दफनावा गवा। यहोराम क पूत अहज्याह नवा राजा भवा।</verse>
				<verse number="25">यहोराम क पूत अहज्याह, अहाब क पूत इस्राएल क राजा योराम क राज्जकाल क बारहवें बरिस मँ यहूदा क राजा भवा।</verse>
				<verse number="26">हुकूमत सुरू करइ क समइ अहज्याह बाईस बरिस क रहा। उ यरूसलेम मँ एक बरिस हुकूमत किहस। ओकरी महतारी क नाउँ अतल्याह रहा। उ इस्राएल क राजा ओम्री क बिटिया रही।</verse>
				<verse number="27">अहज्याह उ सबइ काम किहस जेनका यहोवा बुरा बताए रहा। अहज्याह अहाब क परिवार क लोगन क तरह बहोत स बुरे काम किहस। अहज्याह उ तरह रहा काहेकि ओकर मेहरारू अहाब क परिवार स रही।</verse>
				<verse number="28">अहाब क पूत योराम अराम क राजा हजाएल स गिलाद क रामोत मँ जुद्ध करइ गवा। अहज्या जुद्ध मँ योराम क संग होइ गवा। अरामियन योराम क घायल कइ दिहन।</verse>
				<verse number="29">राजा योराम यिज्रैल क लउटि गवा ताकि उ ओन घावन क ठीक कइ सकी जउन आरामियन ओका उ समइ दिहे रहेन जब उ रमाह मँ आराम क राजा हजाएल क खिलाफ लड़े रहेन। यहोराम क पूत, यहूदा क राजा अहज्याह, अहाब क पूत योराम क लगे यिज्रैल मँ गवा, काहेकि उ घायल होइ गवा रहा।</verse>
			</chapter>
			<chapter number="9">
				<verse number="1">एलीसा नबी नबियन क समूह मँ स एक क बोलाएस। एलीसा इ मनई स कहेस, “तइयार होइ जा अउर अपने हाथे मँ तेल क इ नान्ह बोतल क ल्या। गिलाद क रामोत क जा।</verse>
				<verse number="2">जब तू हुवाँ पहोंचा तउ निमसी क पौत अर्थात यहोसापात क पूत येहू स मिला। तब अन्दर जा अउर ओकर भाइयन मँ स ओका उठावा। ओका कउनो भीतरी कमराँ मँ लइजा।</verse>
				<verse number="3">तेल छोटी बोतल लइ जा अउर येहू क मूँड़ पइ उ तेल क डावा। इ कहा, ‘यहोवा कहत ह: मइँ तोहार अभिसेक इस्राएल क राजा होइ बरे किहेउँ ह।’ तब दरवाजा खोला अउ भाग चला। हुवाँ प्रतीच्छा न करा।”</verse>
				<verse number="4">एह बरे इ जुवा नबी गिलाद क रामोत गवा।</verse>
				<verse number="5">जब जुवक नबी हुवाँ पहोंचा, उ फउज क सेनापतियन क बइठे लखेस। जुवक कहेस, “सेनापति, मइँ तोहार क बरे एक सँदेसा लिआएउँ ह।” येहू कहेस, “हम सबहिं हिआँ अही। हम लोगन मँ स केकरे बरे सँदेस अहइ?” जुवक कहेस, “सेनापति, सँदेस तोहार बरे अहइ।”</verse>
				<verse number="6">येहू उठा अउर अन्दर गवा। तब जुवा नबी उ तेल क येहू क मँड़ पइ डाइ दिहस। जुवा नबी येहू स कहेस, “इस्राएल क परमेस्सर, यहोवा कहत ह, ‘मइँ यहोवा क लोगन, इस्राएलियन पइ नवा राजा होइ क बरे तोहार अभिसेक करत हउँ?</verse>
				<verse number="7">तोहका अपने राजा अहाब क परिवार क नस्ट कइ देइ चाही। इ प्रकार मइँ ईजेबेल क अपने सेवकन, नबियन तथा दूसर ओन सबहिं जउन मोर सेवा किहेन जेका उ मार डाएस क मउत क बरे दण्डित करब।</verse>
				<verse number="8">इ तरह अहब क सारा परिवार मरि जाइ। मइँ अहाब क परिवार क कउनो मर्द क जिअत नाहीं रहइ देब। एकर कउनो महत्व नाहीं होइ कि उ मर्द दास अहइ या स्वतंत्र मनई अहइ।</verse>
				<verse number="9">मइँ अहाब क परिवार क, नबात पूत क यारोबाम या अहिययाह क पूत बासा क परिवार जइसा कइ देब।</verse>
				<verse number="10">यिज्रैल क छेत्र मँ ईजेबेल क कूकुरन खइहीं। ईजेबेल क दफनावा नाहीं जाइ।’” तब जुवक नबी दरवाजा खोलेस अउ भाग गवा।</verse>
				<verse number="11">येहू अपने राजा क अधिकारियन क लगे लउटा। अधिकारियन मँ स एक येहू स कहेस, “का सब कुसल अहइ? इ पागल मनई तोहरे लगे काहे आवा रहा?” येहू अपने अधिकारियन क उत्तर दिहस, “तू उ पागल मनई क अउर जउन बातन उ कहत ह, जानत अहा।”</verse>
				<verse number="12">अधिकारियन कहेस, “नाहीं! हमका सच्ची बात बतावा। उ का कहत ह?” येहू अधिकारियन क उ बताएस जउन जुवक नबी कहे रहा। येहू कहेस, “उ कहेस, ‘यहोवा इ कहत ह: मइँ इस्राएल क नवा राजा होइ क बरे तोहार अभिसेक किहेउँ ह।’”</verse>
				<verse number="13">तब हर एक अधिकारी हाली स आपन चो़गा उतारेन अउर येहू क समन्वा पइड़ियन पइ ओनका धरेन। तब उ पचे तुरही बजाएन अउर इ घोसणा किहन, “येहू राजा अहइ।”</verse>
				<verse number="14">एह बरे येहू, जउन निमसी क पोता अउर यहोसापात क पूत रहा योराम क खिलाफ जोजना बनाएस। उ समइ योराम अउ इस्राएली, अराम क राजा हजाएल स, गिलाद क रामोत क रच्छा क जतन करत रहेन।</verse>
				<verse number="15">मुला राजा योराम आपन घाव स ठीक होइ बरे यिज्रैल क गवा। अरामियन योराम क तब घायल किहे रहेन जब उ अराम क राजा हजाएल क खिलाफ जुद्ध किहे रहा। एह बरे येहू अधिकारियन स कहेस, “जदि तू लोग स्वीकार करत अहा कि मइँ नवा राजा हउँ तउ नगर क कउनो मनई क यिज्रैल मँ सूचना देइ बरे बचिके निकरइ न द्या।”</verse>
				<verse number="16">योराम यिज्रैल मँ अराम करत रहा। एह बरे येहू रथ मँ सवार भवा अउर यिज्रैल गवा। यहूदा क राजा अहज्याह भी योराम क लखइ यिज्रैल गवा।</verse>
				<verse number="17">एक ठु रच्छक यिज्रैल मँ रच्छक खम्भा पइ खड़ा रहा। उ येहू क बिसाल दल क आवत लखेस। उ कहेस, “मइँ लोगन क एक ठु बिसाल दल क लखत हउँ।” योराम कहेस, “कउनो क ओनसे भेंटइ घोड़ा पइ पठवा। इ मनई स इ कहइ बरे कहा, ‘का आप सान्ति क इच्छा स आए अहइँ?’”</verse>
				<verse number="18">एह बरे एक सँदेसवाहक येहू स मिलइ बरे घोड़ा पइ सवार होइके गवा। सँदेसवाहक कहेस, “राजा योराम पूछत हीं, ‘का तू सान्ति स आए अहइँ?’” येहू कहेस, “तोहका सान्ति स कछू लेब-देब नाहीं। आवा अउ मोरे पाछे चला।” रच्छक योराम स कहेस, “उ दल क लगे सँदेसवाहक गवा, किन्तु उ अब तलक लउटिके नाहीं आवा।”</verse>
				<verse number="19">तब योराम एक दूसरे मनई क घोड़ा पइ पठएस। उ मनई येहू क दल क लगे आवा अउर उ कहेस, “राजा योराम कहत हीं, ‘सान्ति।’” येहू जवाब दिहस, “तोहका सान्ति स कछू भी लेब-देब नाहीं। आवा अउर मोरे पाछे चला।”</verse>
				<verse number="20">रच्छक योराम स कहेस, “दूसर मनई उ दल क लगे गवा, किन्तु उ अबहिं लउटिके नाहीं आवा। रथचालक रथे क निमसी पोता येहू क तरह चलावत बाटइ। उ पागलन जइसा चलावत अहइ।”</verse>
				<verse number="21">योराम कहेस, “मोरे रथे क तइयार करा।” एह बरे सेवक योराम क रथे क तइयार किहन। इस्राएल क राजा योराम अउ यहूदा क राजा अहज्याह निकर गएन। हर एक राजा अपने-अपने रथे स येहू स मिलइ गएन। उ पचे येहू स यिज्रैली नाबोत क भुइँया पइ भेंटन।</verse>
				<verse number="22">योराम येहू क लखेस अउर ओहसे पूछेस, “येहू का तू सान्ति क इरादे स आए अहा?” येहू जवाब दिहेस, “जब तलक तोहार महतारी ईज़ेबेल रण्डीबाजी अउर जादू टोना करति रही तब तलक सान्ति नाहीं होइ सकी।”</verse>
				<verse number="23">योराम भाग निकरइ बरे अपने घोड़न क बाग मोड़ेस। योराम अहज्याह स कहेस, “अहज्याह! इ एक ठु चाल अहइ।”</verse>
				<verse number="24">किन्तु येहू अपनी पूरी ताकत स अपने धनुस क हींचेस अउर योराम क पीठ मँ बाण चलाइ दिहस। बाण योराम क हिरदइ क बेधत भवा पार होइ गवा। योराम अपने रथे मँ मरि गवा।</verse>
				<verse number="25">येहू अपने सारथी बिदकर स कहेस, “योराम क ल्हास क उठावा अउर यिज़्रैली नाबोत क खेत मँ लोकाइ द्या। याद करा, जब हम अउर तू योराम क बाप अहाव क संग चले रहे। तब यहोवा कहे रहा कि एकरे संग अइसा ही होइ।</verse>
				<verse number="26">यहोवा कहे रहा, ‘कल मइँ नाबोत अउ ओकरे पूतन क खून लखे रहेउँ। एह बरे मइँ अहाब क इहइ मइदान मँ सजा देब।’ यहोवा अइसा कहे रहा। एह बरे योराम क ल्हास क इहई मइदान मँ लोकाइ द्या जइसा यहोवा कहेस।”</verse>
				<verse number="27">यहूदा क राजा अहज्याह इ लखेस, एह बरे उ भाग निकरा। उ बारी क भवन क रास्ते स होइके भागा। येहू ओकर पाछा किहस। येहू कहेस, “अहज्याह क भी ओकरे रथे मँ मार डावा।” एह बरे येहू क लोग यिबलाम क लगे गूर क जाइ वाली सड़क पइ अहज्याह पइ प्रहार किहस। अहज्याह मगिद्दो तलक भागा, किन्तु हुवाँ उ मर गवा।</verse>
				<verse number="28">अहज्याह क सेवक अहज्याह क ल्हास क रथे मँ यरूसलेम लइ गएन। उ पचे अहज्याह क, ओकरी कब्र मँ ओकरे पुरखन क संग दाऊद नगर मँ दफनाएन।</verse>
				<verse number="29">अहज्याह इस्राएल पइ योराम क राज्जकाल क गियारहवें बरिस मँ यहूदा क राजा बना रहा।</verse>
				<verse number="30">येहू यिज्रैल गवा अउर ईज़ेबेल क इ खबर मिली। उ अपने क सजाएस अउर अपने बारन क बाँधेस। तब उ खिड़की क सहारे खड़ी भइ अउर बाहेर क लखइ लाग।</verse>
				<verse number="31">येहू नगर मँ प्रवेस किहस। ईज़ेबेल कहेस, “जिम्री जउन आपन ही सुआमी क मार डाएस, का तू सान्ति मँ आवा ह?”</verse>
				<verse number="32">येहू ऊपर खिड़की कइँती लखेस। उ कहेस, “मोरी कइँती कउन अहइ? कउन?” दुइ या तीन खोजन खिड़की स येहू क लखेन,</verse>
				<verse number="33">येहू ओनसे कहेस, “ईज़ेबेल क खाले लोकावा।” तब खोजन ईज़ेबेल क खाले लोकाएन। ईज़ेबेल क तनिक खून देवार अउर घोड़न पइ छिटक गवा। घोड़न ईज़ेबेल क तने क कुचरि डाएस।</verse>
				<verse number="34">येहू महल मँ घुसा अउर उ खाएस अउर पिएस। तब उ कहेस, “अब इ सरापित मेहरारू क बारे मँ इ करा। ओका दफनाइ द्या काहेकि उ राजा क बिटिया अहइ।”</verse>
				<verse number="35">कछू लोग जउन ईज़ेबेल क दफनाए गएन रहेन। ओकरे ल्हास क न पाइ सकेन। उ पचे सिरिफ ओकर खोपड़ी, ओकर गोड़ अउ ओकरे हाथन क हथेलियन पाइ सकेन।</verse>
				<verse number="36">एह बरे उ पचे लोग लउटेन अउर उ पचे येहू स कहेन। तब येहू कहेस, “यहोवा अपने सेवक तिसबी एलिय्याह स इ सँदेसा देइ क कहे रहा। एलिय्याह कहे रहा: ‘यिज्रैल क पहँटा मँ ईज़ेबेल क ल्हासे क कूकुर खइहीं।</verse>
				<verse number="37">ईज़ेबेल क ल्हास यिज्रैल क पहँटा मँ खेत क गोबर क तरह होइ। लोग ईज़ेबेल क ल्हास क पहिचान नाहीं पइहीं।’”</verse>
			</chapter>
			<chapter number="10">
				<verse number="1">अहाब क सत्तर पूत सोमरोन मँ रहेन। येहू पत्र लिखेस अउर ओनका सोमरोन मँ यिज्रैल क सासकन अउ प्रमुखन क पठएस। उ ओन लोगन क भी पत्र लिखेस जउन अहाब क पूतन क अभिभावक रहेन। पत्र मँ येहू लिखेस,</verse>
				<verse number="2">“जइसे ही तू इ पत्र क पावा तू अपने सुआमी क पूतन मँ स सब स जियादा जोग्ग अउर उत्तिम मनई क चुना। तोहरे लगे रथ अउर घोड़न अहइँ अउर तू एक मजबूत नगर मँ रहत अहा। तोहरे लगे अस्त्र-सस्त्र भी अहइँ। जउने पूत क चुना ओका ओकरे बाप क सिहांसने पइ बइठावा। तब अपने सुआमी क परिवार क बरे जुद्ध करा।”</verse>
				<verse number="3"></verse>
				<verse number="4">किन्तु यिज्रैल क सासक अउर प्रमुख बहोत ससान रहेन। उ पचे कहेन, “दुइनउँ राजा (योराम अउर अहज्याह) येहू क रोक नाहीं सकेन। एह बरे हम भी ओका रोक नाहीं सकित।”</verse>
				<verse number="5">अहाब क महल क प्रबन्धक, नगर प्रसासक, प्रमुख वरिस्ठ-जन अउर अहाब क बच्चन क अभिभावकन येहू क लगे एक सँदेसा पठएन। “हम आप क सेवक अही। हम उ सब करब जउन आप कहिहीं। हम कउनो मनई क राजा नाहीं बनाउब। उहइ करइँ जउन आप ठीक समुझत हीं।”</verse>
				<verse number="6">तब येहू एक दूसर पत्र एन प्रमुखन क लिखेस। येहू कहेस, “जदि तू मोर समर्थन करत अहा अउर मोर आदेस मानत अहा तउ अहाब क पूतन क मूँड़ काट डावा अउर इहइ समइ कल यिज्रैल मँ मोरे लगे ओनका लइ आवा।” अहाब क सत्तर पूत रहेन। उ पचे ओन प्रमुखन क लगे रहेन जउन ओनकर सिखलाई देत करत रहेन।</verse>
				<verse number="7">जब नगर क प्रमुख लोग पत्र पाइ गएन तब उ पचे राजा क पूतन क लिहन अउर सबहिं सत्तर पूतन क मार डाएन। तब प्रमुखन राजपूतन क मूँड़ टोकरियन मँ धरेन। उ पचे टोकरियन क यिज़्रैल मँ येहू क लगे पठइ दिहन।</verse>
				<verse number="8">सँदेसवाहक येहू क लगे आएन अउर ओहसे कहेन, “उ पचे राजपूतन क मूँड़ लइके आए अहइँ।” तब येहू कहेस, “नगर दुआर पइ, भिंसारे तलक ओन मूँड़न क दुइ ढेरन बनाइके रखा।”</verse>
				<verse number="9">भिंसारे येहू बाहेर निकरा अउर लोगन क समन्वा खड़ा भवा। उ लोगन स कहेस, “तू निरपराध अहा इ मइँ अउर जउन आपन सुआमी क विरूद्ध जोजना बनावा। अउर ओका मार डावा मुला अहाब क एन सब पूतन क कउन मारेस?</verse>
				<verse number="10">तू पचन्क समुझइ चाही कि यहोवा जउन कछू कहत ह उ घटित होइ अउर यहोवा एलिय्याह क उपयोग अहाब क परिवार क बरे एन बातन क कहइ बरे किहे रहा। अब यहोवा उ कइ दिहस जेनके बरे उ कहे रहा कि मइँ करब।”</verse>
				<verse number="11">इस तरह येहू यिज़्रैल मँ रहइवाले अहाब क पूरे परिवार क मार डाएस। येहू सबहिं महत्वपूर्ण मनइयन, जिगरी दोस्तन अउ याजकन क मार डाएस। उ अहाब क लोगन मँ स एक भी मनई क जिअत नाहीं छोड़ेस।</verse>
				<verse number="12">येहू यिज्रैल स चला अउ सोमरोन पहोंचा। राहे मँ येहू “गड़रियन क डेरा” नाउँ क जगह पइ रूका। जहाँ गड़रियन भेड़िन क ऊन कतरत रहेन।</verse>
				<verse number="13">येहू यहूदा क राजा अहज्याह क सम्बन्धिया स मिला। अउर ओनसे पूछेस, “तू पचे कउन अहा?” उ पचे जवाब दिहेन, “हम लोग यहूदा क राजा अहज्याह क रिस्तेदार अही। हम लोग हिआँ राजा क बच्चन अउर राजमाता रानी क गदेलन स मिलइ आए अही।”</verse>
				<verse number="14">तब येहू अपने लोगन स कहेस, “एनका जिअत धइ ल्या।” येहू क लोग अहज्याह क रिस्तेदारन क जिअत धइ लिहन। उ पचे बयालीस लोग रहेन। येहू ओनका बेथ-एकद क लगे कुआँ पइ मार डाएस। येहू कउनो मनई क जिअत नाहीं छोड़ेस।</verse>
				<verse number="15">येहू जब उ ठउर स चला तउ रेकाब क पूत यहोनादाब स भेंटा। यहोनादाब येहू स मिलइ आवत रहा येहू यहोनादाब क सुआगत क किहेस अउर ओहसे पूछेस, “का तू मोरे ओतने बिस्सासी मीत अहा जेतना मइँ तोहार हउँ?” यहोनादाब जवाब दिहस, “हाँ, मइँ तोहार बिस्सासी मीत हउँ।” येहू कहेस, “जदि तू अहा तउ, तू आपन हाथ मोका द्या।” तब येहू बाहेर निहुरा अउर उ यहोनादाब क अपने रथे मँ हीचं लिहेस।</verse>
				<verse number="16">येहू कहेस, “मोर संग आवा। तू लखब्या कि यहोवा बरे मोर भावना केतनी प्रबल अहइँ।” इ तरह यहोनादाब येहू क रथे मँ बइठा।</verse>
				<verse number="17">येहू सोमरोन मँ आवा अउर अहाब क उ सारे परिवार क मार डाएस जउन जिअत रहा। येहू ओन सबहिं क मार डाएस। येहू सबइ काम किहेस जेनका यहोवा एलिय्याह क भविस्सबाणी मँ कहे रहा।</verse>
				<verse number="18">तब येहू सबहिं लोगन क एक संग एकट्ठा किहस। येहू ओनसे कहेस, “अहाब बाल क सेवा बहोत कम किहस। मुला येहू बाल क बहोत जियादा सेवा करी।</verse>
				<verse number="19">अब बाल क सबहिं याजकन अउ नबियन अउर ओन सबहिं लोगन क एक संग बोलावा जउन बाल क उपासना करत हीं। कउनो मनई क इ सभा मँ गैर हाजिर न रहइ द्या। मइँ बाल क बहोत बड़की बलि चढ़ावइ जात अहउँ। मइँ उ कउनो भी मनई क मार डाउब जउन एहमाँ हाजिर नाहीं होइ।” किन्तु येहू बाल क उपासना करइ वाले लोगन क तबाह करइ बरे गुमराह करत रहेन।</verse>
				<verse number="20">येहू कहेस, “बाल क बरे एक धर्मसभा करा” अउर याजक लोग धर्मसभा क घोसणा कइ दिहन।</verse>
				<verse number="21">तब येहू पूरे इस्राएल देस मँ सँदेसा पठएस। बाल क सबहिं उपासक आएन। कउनो भी मनई अइसा नाहीं रहा जउन घरे पइ रहि गवा होइ। बाल क उपासक बाल क मन्दिर मँ आएन। मन्दिर लोगन स भर गवा।</verse>
				<verse number="22">येहू लबादा धरइवाले मनई स कहेस, “बाल क सबहिं उपासकन क बरे लबादा लिआवा।” एह बरे उ मनई बाल पूजकन बरे लबादन लिआवा।</verse>
				<verse number="23">तब येहू अउ रेकाब पूत यहोनादाब बाल क मन्दिर क भीतर गएन। येहू बाल क उपासकन स कहेस, “अपने चारिहुँ कइँती लख ल्या अउर इ निहचइ कइ ल्या कि तोहरे संग कउनो यहोवा क सेवक तउ नाहीं अहइ। इ निहचइ कइ ल्या कि केवल बालपूजक लोग ही अहइँ।”</verse>
				<verse number="24">बाल-पूजक बाल क मन्दिर मँ बलि अउर होमबलि चढ़ावइ गएन। मुला बाहेर येहू अस्सी मनइयन क प्रतिच्छा मँ तइयार रखे रहा। येहू कहेस, “मइँ तोहका कछू लोग देइ वाला हउँ ओनमाँ स कउनो मनई क बचिके निकरइ न द्या। जदि कउनो मनई कउनो मनई क बचि निकरइ देइ तउ ओकर भुगतान ओका अपनी जिन्नगी स करइ होइ।”</verse>
				<verse number="25">येहू जइसेन ही बलि अउ होमबलि चढ़ाउब पूरा किहस तइसेन ही उ रच्छकन अउ अधिकारियन स कहेस, “भीतर जा अउर बाल-पूजकन क मार डावा। पूजाघर स कउनो जिअत मनई क बाहेर न आवइ द्या।” एह बरे अधिकारियन अपनी पतरी तरवारन क उपयोग किहस अउर बाल-पूजकन क मार डाएन। रच्छकन अउ अधिकारियन बाल-पूजकन क ल्हासन क बाहेर लोकाइ दिहन तब रच्छक अउ अधिकारियन बाल क पूजाघरे स भीतरी कमरे मँ गएन।</verse>
				<verse number="26">उ पचे बाल क पूजाघर क स्मृति- पासाण क बाहर लइ आएन अउर पूजाघरे क जराइ दिहन।</verse>
				<verse number="27">तब उ पचे बाल क स्मृति पासाण क तहस-नहस कइ दिहन। उ पचे बाल क पूजाघर क भी मटियामेट कइ दिहन। उ पचे बाल क पूजाघर क एक सौचालय मँ बदल दिहन। आजु भी ओकर उपयोग सौचालय क बरे होत ह।</verse>
				<verse number="28">इ तरह येहू इस्राएल मँ बाल-पूजा क खतम कइ दिहस।</verse>
				<verse number="29">मुला येहू, नबात क पूत यारोबाम क ओन पापन क करइ स पूरी तरह स नाहीं रोक सका, जउन इस्राएल स पाप कराए रहा। येहू दान अउर बेतेल मँ सोने क बछवन क तबाह नहीं किहेस।</verse>
				<verse number="30">यहोवा येहू स कहेस, “तू बहोत नीक किहा ह। तू उ काम किहा ह जेका मइँ अच्छा बताएउँ ह। तू अहाब क परिवार क उ तरह बर्बाद किहा ह जइसा तोहसे मइँ ओका बर्बाद करइ चाहत रहा। एह बरे तोहार सन्तान इस्राएल पइ चार पीढ़ी तलक हुकूमत करिहीं।”</verse>
				<verse number="31">मुला येहू पूरे हिरदइ स यहोवा क नेमन क पालन करइ मँ सावधान नाहीं रहा। येहू यारोबाम क ओन पापन क करब बन्द नाहीं किहस जउन इस्राएल स पाप कराए रहेन।</verse>
				<verse number="32">उ समइ यहोवा इस्राएल क कछू हिस्सन पइ ओनकर दुस्मन का कब्जा कइ लेइ दिहेस। अराम क राजा हजाएल इस्राएलियन क हर एक सीमा पइ हराएस।</verse>
				<verse number="33">हजाएल यरदन नदी क पूरब क गिलाद प्रदेस क, गाद, रूबेन अउ मनस्से क परिवार समूह क प्रदेसन सहित जीत लिहस। हजाएल असेएर स लइके अर्नोन घाटी क सहारे गिलाद अउ साशान तलक क सारी भुइँया जीत लिहस।</verse>
				<verse number="34">उ सबइ बड़के कार्य, जउन येहू किहस, इस्राएल क राजा लोग क इतिहास क किताबे मँ लिखे गए अहइँ।</verse>
				<verse number="35">येहू मरा अउर ओका ओकरे पुरखन क संग दफनाइ दीन्ह गवा। लोग येहू क सोमरोन मँ दफनाएन। ओकरे पाछे येहू क पूत यहोआहाज इस्राएल क नवा राजा भवा।</verse>
				<verse number="36">येहू सोमरोन मँ इस्राएल पइ अट्ठाईस बरिस तलक हुकूमत किहस।</verse>
			</chapter>
			<chapter number="11">
				<verse number="1">अहज्याह क महतारी अतल्याह लखेस कि ओकर पूत मरि गवा। तब उ उठी अउर उ राजा क पूरे परिवार क मार डाएस।</verse>
				<verse number="2">यहोसेबा राजा योराम क बिटिया अउर अहज्याह क बहिन रही। योआस राजा क पूतन मँ स एक रहा। यहोसेबा योआस क तब छुपाइ लिहस जब राजा क बाकी पूतन मारे जाइ रहेन। यहोसेबा योआस क छुपाइ दिहस। उ योआस अउर ओकर धायी क अपने सोना क कमरा मँ छुपाइ दिहस। इ तरह यहोसेबा अउ धायी योआस क अतल्याह स छुपाइ लिहस। इ तरह योआस मारा नाहीं गवा।</verse>
				<verse number="3">तब योआस अउ यहोसेबा यहोवा क मन्दिर मँ जाइ छुपेन। योआस हुवाँ छ: बरिस तलक छुपा रहा उ छ: बरिस अतल्याह यहूदा पइ हुकूमत किहस।</verse>
				<verse number="4">सतएँ बरिस प्रमुख याजक यहोयादा कर्रातन क सेनापतियन क अउ रच्छकन क बोलाएस अउर उ पचे यहोवा क मन्दिर मँ ओसे भेंटन आएन। तब यहोयादा ओनके संग एक ठु वाचा किहेस। मन्दिर मँ यहोयादा ओनका प्रतिग्या करइ क मजबूर किहस। तब उ राजा क पूत योआस क ओनका देखाएस।</verse>
				<verse number="5">तब यहोयादा ओनका आदेस दिहस। उ कहेस, “तोहका इ करइ होइ। तोहमाँ स एक तिहाइँ सबित क दिन मँ तोहार काम करत ह ओका राजा क महल क रच्छा क जिम्मेवारी दीन्ह जाईं।</verse>
				<verse number="6">दूसर एक तिहाई क सूर-दुआर पइ रहइ क होइ अउर बचे एक तिहाई क रच्छकन क पाछे, दुआर पइ रहब होइ। इ तरह तू लोग इमारत क चारिहुँ कइँती नज़र रख सकब।</verse>
				<verse number="7">तोहमाँ स दुइ तिहाइ जउन सबित क दिन काम नाहीं करत ह, ओका राजा योआस अउर यहोवा क मन्दिर क रच्छा करइ क होइ।</verse>
				<verse number="8">जब कहूँ उ जाइ तोहका पचन्क राजा योआस क संग रहइ चाही। पूरे दल क ओका घेरे रहइ चाही। हर एक रच्छक क अपने अस्त्र-सस्त्र अपने हाथे मँ रखइ चाहीं, अउर तू लोगन क उ कउनो भी मनई क मार डावइ चाही जउन तोहरे पचन्क बहोत जियादा निचके पहोंचइ।”</verse>
				<verse number="9">सेनापतियन याजक यहोयादा क दीन्ह गए सबहिं आदेसन क पालन किहस। हर एक सेनापति अपने फउजियन क लिहस, कछू जउन उ हफ्ता काम पइ रहेन अउर कछू जउन काम पइ नाहीं रहेन, अउर ओन सबइ क याजक यहोयादा क लगे लइ गएन</verse>
				<verse number="10">अउर याजक सेनापतियन क भालन अउ ढाल दिहेन। इ पचे उ सब भालन अउ ढाल दिहेन जेनका दाऊद यहोवा क मन्दिर मँ धरे रहा।</verse>
				<verse number="11">इ सबइ रच्छक अपने हाथन मँ अपने सस्त्र लिहे मन्दिर क दच्छिन कोने स लइके उत्तर कोने तलक खड़े रहेन। उ पचे वेदी अउर मन्दिर क चारिहुँ कइँती खड़े रहेन, ताकि उ पचे राजा क रच्छा सदा कइ सकेन।</verse>
				<verse number="12">इ सबइ मनई योआस क बाहेर लइ आएन। उ पचे योआस क मूँड़े पइ मुकुट पहिराएन अउर परमेस्सर अउ राजा क बीच क वाचा क ओका दिहन। तब उ पचे ओकर अभिसेक किहन अउर ओका नवा राजा बनाएन। उ पचे तालियन बजाएन अउर उद्घोस किहन, “राजा दीर्घायु होइ।”</verse>
				<verse number="13">रानी अतल्याह क रच्छकन अउर लोगन क चीखन सुनेन। एह बरे उ यहोवा क मन्दिर मँ लोगन क लगे गइ।</verse>
				<verse number="14">अतल्याह उ खम्भा क सहारे राजा क लखेस जहाँ राजा अक्सर खड़े होत रहेन। उ प्रमुखन अउ लोगन क राजा क बरे तुरही बजावत भए भी लखेन। उ लखेस कि सबहिं लोग बहोत खुस रहेन। उ तुरही क बजावत भए सुनेस अउर उ आपन ओढ़ना इ परगठ करइ बरे फार डाएस कि ओका बड़ी घबराहट अहइ। तब अतल्याह चिल्लाइ उठी, “सड्यन्त्र! सड्यन्त्र!”</verse>
				<verse number="15">याजक यहोयादा फउजियन क व्यवस्था क अधिकारी सेनापतियन क हुकुम दिहस। यहोयादा ओनसे कहेस, “अतल्याह क आपन फउजियन क पंक्तियन मँ स होइके मन्दिर क छेत्र स बाहेर लइ जा अउर जउन भी ओकर पाछा करइ मार डावा।” यहोयादा नाहीं चाहत रहा कि उ भी यहोवा क मन्दिर मँ मरे।</verse>
				<verse number="16">उ पचे ओकरे बरे रास्ता बनाएस अउर ओन दरवाजन स होइके महल स बाहर निकारा जउने जगह स घोड़ा निकरत ह, अउर ओका मार डाएस।</verse>
				<verse number="17">तब यहोयादा यहोवा, राजा अउ लोगन क बीच एक ठु सन्धि कराएस। इ वाचा स इ पता चलत रहा कि राजा अउ लोग यहोवा क अपने ही अहइँ। यहोयादा राजा अउ लोगन क बीच भी एक ठु वाचा कराएस।</verse>
				<verse number="18">तब सबहिं लोग बाल क पूजागृह क गएन। लोग बाल क मूरति अउ ओकर बेदियन क बर्बाद कइ दिहन। उ पचे ओनकर बहोत स टूकन कइ डाएन। लोग बाल क याजक मत्तन क भी वेदी क समन्वा मार डाएन। तब याजक यहोयादा कछू लोगन क यहोवा क मन्दिर क देखभाल बरे निगराकार क रूप मँ रखा।</verse>
				<verse number="19">यहोयादा सेनापतियन, बिसेस फउजियन अउर आम लोगन क लिहेस, अउर उ सबइ राजा योआस क यहोवा क मन्दिर स महल मँ लइ गएन। उ पचे रच्छकन क दुआर होइके स राजा क महल तलक गएन। तब राजा योआस राजसिंहासने पइ बइठा।</verse>
				<verse number="20">सबहिं लोग खुस रहेन। नगर सान्त रहा। रानी अतल्याह, राजा क महल क लगे तरवार क घाट उतार दीन्ह गइ रही।</verse>
				<verse number="21">जब योआस राजा भवा, उ सात बरिस क रहा।</verse>
			</chapter>
			<chapter number="12">
				<verse number="1">योआस इस्राएल मँ येहू क राज्जकाल क सताएँ बरिस मँ हुकूमत करब सुरू किहस। योआस चालीस बरिस तलक यरूसलेम मँ हुकूमत किहस। योआस क महतारी सिब्या बर्सेबा क रही।</verse>
				<verse number="2">योआस उ सबहिं कार्य किहस जेनका यहोवा नीक कहे रहा। योआस पूरी जिन्नगी यहोवा क आग्या क पालन किहस। उ उ सबइ कार्य किहस जेनकर सिच्छा याजक यहोयादा ओका दिहे रहा।</verse>
				<verse number="3">मुला उ उच्च ठउरन क बर्बाद नाहीं किहस। लोग तब तलक भी ओन पूजा क ठउरन पइ बलि भेंट करतेन अउ सुगन्धि बारत रहेन।</verse>
				<verse number="4">योआस याजकन स कहेस, “यहोवा क मन्दिर मँ बहोत धन अहइ। लोग मन्दिर मँ चिजियन दिहे अहइँ। लोग गणना क समइ मन्दिर क कर दिहेन ह अउर लोगन आपन इच्छा स धन दिहे ह। याजकन, आप लोग उ धन क लइ लेइँ अउर यहोवा क मन्दिर क मरम्मत करवाइ देइँ।”</verse>
				<verse number="5"></verse>
				<verse number="6">मुला याजक लोग मरम्मत नाहीं किहन। योआस क राज्जकाल क तेईसवें बरिस मँ भी याजक लोग तब तलक मन्दिर क मरम्मत नाहीं किहे रहेन।</verse>
				<verse number="7">एह बरे योआस याजक यहोयादा अउ दूसर याजकन क बोलाएस। योआस यहोयादा अउ दूसर याजकन स पूछेस, “आप मन्दिर क मरम्मत काहे नाहीं किहन? आप ओन लोगन स धन लेब बन्द करइँ जेनकर आप सेवा करत हीं। उ धने क उपयोग मँ लिआउब बंद करइँ। उ धने क उपयोग मन्दिर क मरम्मत मँ होइ चाही।”</verse>
				<verse number="8">याजक लोग यहोवा स धन न लेब स्वीकार किहन। मुला उ पचे मन्दिर क मरम्मत न करइ क निहचइ किहेन।</verse>
				<verse number="9">एह बरे याजक यहोयादा स एक ठु सन्दूख लिहस अउ ओकरे ऊपरी हींसा मँ एक छेद कइ दिहस। तब यहोयादा सन्दूख क बेदी क दक्खिन कइँती रख दिहस। इ सन्दूख उ दरवाजे क लगे रहा जेहसे लोग यहोवा क मन्दिर मँ आवत रहेन। कछू याजक मन्दिर क दुआर-पथे क रच्छा करत रहेन। उ सबइ याजक उ धने क जेका लोग यहोवा क देत रहेन, लइ बते रहेन अउर उ सन्दूख मँ डाइ देत रहेन। जब लोग मन्दिर क जात रहेन तब उ पचे उ सन्दूख मँ सिक्कन डावत रहेन।</verse>
				<verse number="10">जब भी राजा क सचिव अउ महायाजक इ जानतेन कि मन्दिर मँ रखे सन्दूख मँ बहोत धन अहइ तउ उ पचे अउतेन अउर सन्दूख स धन क निकार लेतेन। उ पचे धन क थइलन मँ रखतेन् अउर ओका गिन लेत रहेन।</verse>
				<verse number="11">तब उ पचे ओन मजदूरन क भुगतान करतेन जउन यहोवा क मन्दिर मँ काम करत रहेन। उ पचे यहोवा क मन्दिर मँ काम करइवालन बढ़इयन अउ दूसर कारीगरन क भुगतान करत रहेन।</verse>
				<verse number="12">उ पचे धन क उपयोग पाथर क कामगारन अउ पाथर तरासन क भुगतान करइ मँ करत रहेन अउर उ पचे उ धने क उपयोग लकड़ी, काटे पाथर, अउर यहोवा क मन्दिर क मरम्मत क बरे दूसर चिजियन क बेसहइ मँ करत रहेन।</verse>
				<verse number="13">लोग योहवा क मन्दिर क बरे धन दिहन। किन्तु याजक उ धने क उपयोग चाँदी क बर्तन, बत्ती- झाड़नी, चिलमची, तुरही या कउनो भी सोना- चाँदी क तस्तरियन क बनाबइ मँ नाहीं कइ सकेन। उ धन मजदूरून क भुगतान करइ मँ लगा अउर ओन मजदूरन यहोवा क मन्दिर क मरम्मत किहन।</verse>
				<verse number="14"></verse>
				<verse number="15">कउनो सारे धन क हिसाब नाहीं किहस या कउनो कार्यकर्त्ता क इ बतावइ बरे मजबूर नाहीं कीन्ह गवा कि धने क का भवा? काहेकि ओन कार्यकर्त्तन पइ बिस्सास कीन्ह जाइ सकत रहा।</verse>
				<verse number="16">लोग उ समइ धन दिहस जब उ पचे दोखबलि या पापबलि चढ़ाएन। किन्तु उ धने क उपयोग मजदूर क भुगतान क बरे नाहीं कीन्ह गवा। उ धन याजकन क रहा।</verse>
				<verse number="17">हजाएल अराम क राजा रहा। हजाएल गत नगर क खिलाफ जुद्ध करइ गवा। हजाएल गत क हराएस। तब उ यरूसलेम क खिलाफ जुद्ध करइ जाइ क जोजना बनाएस।</verse>
				<verse number="18">यहोसापात, यहोराम अउ अहज्याह यहूदा क राजा रह चुके रहेन। उ पचे योआस क पुरखा रहेन। उ पचे यहोवा क बहोत स चिजियन भेंट किहे रहेन। उ सबइ चिजियन मन्दिर मँ रखी रहिन। योआस भी बहोत स चिजियन यहोवा क भेंट किहे रहा। योआस ओन सबहिं बिसेस चिजियन अउ मन्दिर अउ अपने महल मँ रखे भए सारे सोना क लिहस। तब योआस ओन सबहिं कीमती चिजियन क अराम क राजा हजाएल क लगे पठएस। इहइ स हजाएल अपनी फउज क यरूसलेम स हटाइ लिहस।</verse>
				<verse number="19">योआस जउन बड़के कारज किहस उ सबइ सबहिं यहूदा क राजा लोगन क इतिहास क किताबे मँ लिखे गए अहइँ।</verse>
				<verse number="20">योआस क अधिकारी लोग ओकरे खिलाफ जोजना बनाएस। उ पचे योआस क सिल्ला तलक जाइ वाली सड़किया पर स्थित मिल्लो क घरे पइ मार डाएस।</verse>
				<verse number="21">सिमात क पूत योजाकर अउ सोमेर क पूत यहोजाबाद योआस क अधिकारी रहेन। ओन मनइयन योआस क मार डाएन। लोग दाऊद नगर मँ योआस क ओकरे पुरखन क संग दफनाएन। योआस क पूत अमस्याह ओकरे पाछे नवा राजा बना।</verse>
			</chapter>
			<chapter number="13">
				<verse number="1">येहू क पूत यहोआहाज सोमरोन मँ इस्राएल क राजा बना। इ अहज्याह क पूत योआस क यहूदा मँ राज्जकाल क तेईसवें बरिस मँ भवा। राजा बनइ क पाछे यहोआहाज सत्रह बरिस सोमरोन मँ राज्ज किहस।</verse>
				<verse number="2">यहोआहाज उ सबइ कारज किहेस जेनका यहोवा बुरा बताए रहा। यहोआहाज नबात क पूत यारोबाम क पापन क अनुसरण किहस जउन इस्राएल स पाप कराएस। यहोआहाज ओन कामन क करब बंद नाहीं किहेस।</verse>
				<verse number="3">तब यहोवा इस्राएल पइ बहोत कोहाइ गवा। यहोवा इस्राएल क अराम क राजा हजाएल अउ ओका पूत बेन्हदद क अधीन कइके लम्बे समइ तलक सज़ा दिहेस।</verse>
				<verse number="4">तब यहोआहाज यहोवा स मदद बरे पराथना किहेस अउर यहोवा ओकर पराथना सुनेस। यहोवा इस्राएल क लोगन क कस्ट अउ अराम क राजा क उत्पीड़न लखे रहा।</verse>
				<verse number="5">एह बरे यहोवा एक मनई क इस्राएल क रच्छा बरे पठएस। इस्राएली अरामियन स अजाद होइ गएन। एह बरे, इस्राएली, पहले क तरह अपने घरे लउट गएन।</verse>
				<verse number="6">मुला इस्राएलियन फुन भी, ओन यारोबाम क परिवार क पापन क करब बंद नाहीं किहस। यारोबाम इस्राएल स पाप करवाएस, अउर इस्राएली निरंतर पाप करम करत रहेन। उ पचे असेरा क खंभन क भी सोमरोन मँ धरेन।</verse>
				<verse number="7">अराम क राजा यहोआहाज क फउज क हराइ दिहस। अराम क राजा जियादा हींसा क लोगन क नस्ट कइ दिहस। उ सिरिफ पचास घुड़सवार, दस रथ, अउर दस हजार पैदल फउजी छोड़ेस। यहोआहाज क फउजी दायं चलावत समइ हवा स उड़ाए गए भूसे क तरह रहेन।</verse>
				<verse number="8">सबहिं बड़े कारज जउन यहोआहाज कहेस, इस्राएल क राजा लोगन क इतिहास क किताबे मँ लिखे अहइँ।</verse>
				<verse number="9">यहोआहाज मरा अउर अपने पुरखन क संग दफनावा गवा। लोग यहोआहाज क सोमरोन मँ दफनाएन। यहोआहाज क पूत यहोआस ओकरे पाछे नवा राजा भवा।</verse>
				<verse number="10">यहोआहाज क पूत यहोआस सोमरोन मँ इस्राएल क राजा भवा। इ योआस क यहूदा मँ राज्जकाल क सैतीस्वें बरिस मँ भवा। यहोआस इस्राएल पइ सोलह बरिस तलक राज्ज किहस।</verse>
				<verse number="11">इस्राएल क राजा यहोआस उ सबइ कारज किहेस जेनका यहोवा बुरा बताए रहा। उ नबात क पूत यारोबाम क पापन क बंद नाहीं किहस जउन इस्राएल स पाप कराएस। यहोआस ओन पापन क करत रहा।</verse>
				<verse number="12">सबहिं बड़के कारज जउन यहोआस किहस अउर यहूदा क राजा अहज्याह क खिलाफ उ जउन जुद्ध किहस उ सबइ इस्राएल क राजा लोगन क इतिहास क किताबे मँ लिखे अहइँ।</verse>
				<verse number="13">यहोआस मरा अउ अपने पुरखन क संग दफनावा गवा। यारोबाम नवा राजा बना अउर यहोआस क राजा सिहांसने पइ बइठा। यहोआस सोमरोन मँ इस्राएल क राजा लोगन क संग दफनावा गवा।</verse>
				<verse number="14">एलीसा बीमार पड़ा। पाछे एलीसा बेरामी स मर गवा। इस्राएल क राजा यहोआस एलीसा भेंटइ गवा। यहोआस एलीसा बरे रोएस। यहोआस कहेस, “मोर बाप। मोर बाप! का इ इस्राएल क रथन अउ घोड़न क बरे समइ अहइ?”</verse>
				<verse number="15">एलीसा यहोआस स कहेस, “एक ठु धनुस अउ कछू बाण ल्या।” अत: बह धनुस-बाण ले आया।</verse>
				<verse number="16">तब एलीसा इस्राएल क राजा स कहेस, “आपन हाथ धनुस पइ धरा।” तब एलीसा आपन हाथ राजा क हाथे पइ रखेस।</verse>
				<verse number="17">एलीसा कहेस, “पूरब क खिड़की खोला।” यहोआस खिड़की खोलेस। तब एलीसा कहेस, “बाण चलावा।” यहोआस बाण चलाइ दिहस। तब एलीसा कहेस, “इ यहोवा क बिजय क बाण अहइ। इ अराम पइ बिजय क बाण अहइ। तू अरामियन क अपेक मँ हरउब्या अउर तू ओनका नस्ट कइ देब्या।”</verse>
				<verse number="18">एलीसा कहेस, “बाण ल्या।” योआस बाण लिहस। तब एलीसा इस्राएल क राजा स कहेस, “भुइँया पइ प्रहार करा।” योआस भुइँया पइ दीन दाईं प्रहार किहस। तब उ रूक गवा।</verse>
				<verse number="19">परमेस्सर क जन योआस पइ कोहाइ गवा। एलीसा कहेस, “तोहका पाँच या छ: दाईं धरती पइ प्रहार करइ चाही रहा। तब तू अराम क ओका नस्ट करइ तलक हरउब्या। किन्तु अब तू अराम क सिरिफ तीन दाईं हरउब्या।”</verse>
				<verse number="20">एलीसा मरा अउ लोग ओका दफनाएन। एक दाईं बसन्त मँ मोआबी फउजियन क एक दल इस्राएल पई छापा मारेस। उ पचे जुद्ध मँ सामग्री लेइ आएन।</verse>
				<verse number="21">कछू इस्राएली एक मरे मनई क दफनावत रहेन अउर उ पचे फउजियन क उ दल क लखेन। इस्राएलियन हाली मँ ल्हास क एलीसा क कब्र मँ फेंक दिहेन अउर उ पचे भाग खड़े भएन। जइसेन ही उ मरा मनई एलीसा क हाड़न क छुएस, मरा मनई जी उठा अउर अपने गोड़न पइ खड़ा होइ गवा।</verse>
				<verse number="22">यहोआहाज पूरे सासन काल मँ अराम क राजा हजाएल इस्राएल क परेसान किहस।</verse>
				<verse number="23">किन्तु यहोवा इस्राएलियन पइ दयालु रहा। यहोवा क दया आइ अउर उ इस्राएलियन कइँती भवा। काहे? काहेकि इब्राहीम, इसहाक अउर याकूब क संग अपनी वाचा क कारण, यहोवा इस्राएलियन क अबहिं नस्ट करइ बरे तइयार नाहीं रहा। उ अबहिं तलक ओनका अपने स दूर नाहीं फेंके रहा।</verse>
				<verse number="24">अराम क राजा हजाएल मरा अउर ओकरे पाछे बेन्हदद नवा राजा बना।</verse>
				<verse number="25">मरइ क पहले हजाएल योआस क पिता यहोआहाज क जुद्ध मँ कछू नगर लिहे रहा। किन्तु अब यहोआहाज हजाएल क पूत बेन्हदद स उ सबइ नगर वापस लइ लिहस। योआस बेन्हदद क तीन दाईं हराएस अउर इस्राएल क नगरन क वापस लिहस।</verse>
			</chapter>
			<chapter number="14">
				<verse number="1">योआस क पूत अमस्याह, इस्राएल क राजा यहोआहाज क पूत योआस क हुकूमत काल क दूसरे बरिस मँ यहूदा क राजा भवा।</verse>
				<verse number="2">अमस्याह जब हुकूमत करब सूरू किहस, उ पचीस बरिस क रहा। अमस्याह उनतीस बरिस तलक यरूसलेम मँ राज्ज किहस। अमस्याह क महतारी यहोअद्दान यरूसलेम क निवासी रही।</verse>
				<verse number="3">अमस्याह उ सबइ कारज किहेस जेनका यहोवा नीक बताए रहा। किन्तु उ आपन पुरखा दाऊद क तरह परमेस्सर क अनुसरण पूरी तरह स नाहीं किहस। अमस्याह उ सबइ सारे काम किहस जउन ओकर बाप योआस किहे रहेन।</verse>
				<verse number="4">उ उच्च ठउरन क नस्ट नाहीं किहस। लोग ओन पूजा क ठउरन पइ बलि देतेन अउर सुगन्धि बारत रहेन।</verse>
				<verse number="5">राज्ज पइ पूरा अधिकार करइ क पाछे अमस्याह ओन अधिकारियन क मार डाएस जउन ओकरे बाप क मारे रहेन।</verse>
				<verse number="6">मुला उ हत्तियारन क बच्चन क, मूसा क व्यवस्था क किताबे मँ लिखे नेमन क कारण नाहीं मारेस। यहोवा आपन इ आदेस मूसा क व्यवस्था मँ दिहे रहा: “महतारी- बाप बच्चन क जरिये कछू कीन्ह जाइ क कारण मारे नाहीं जाइ सकतेन अउर बच्चन अपने महतारी बाप क जरिये कछू कीन्ह जाइ क कारण मारे नाहीं जाइ सकतेन। कउनो मनई सिरिफ अपने ही बुरे कारज बरे मारा जाइ सकत ह।”</verse>
				<verse number="7">अमस्याह नून घाटी मँ दस हजार एदोमियन क मार डाएस। जुद्ध मँ अमस्याह सेला क जीतेस अउर ओकर नाउँ “योक्तेल” धरेस। उ ठउर आजु भी योक्तेल कहा जात ह।</verse>
				<verse number="8">अमस्याह इस्राएल क राजा येहू क पूत यहोआहाज अउर यहाआहाज क पूत योआस क लगे संदेसवाहक पठएस। अमस्याह क संदेस मँ कहा, “आवा, हम आपुस मँ जुद्ध करी। आमने सामने होइके एक दूसरे क मुकाबला करी।”</verse>
				<verse number="9">इस्राएल क राजा योआस यहूदा क राजा अमस्याह क उत्तर पठएस। योआस कहेस, “लबानोन क एक ठु कँटेहरी झाड़ी देवदारू बृच्छ क लगे एक संदेसा पठएस। सँदेसा इ रहा, ‘अपनी बिटिया, मोरे पूत क संग बियाहे बरे द्या।’ मुला लबानोन क एक जंगली जनावर ओहर स निकरा अउर कँटेहरी झाड़ी क कुचर गवा।</verse>
				<verse number="10">इ फुर अहइ कि तू एदोम क हराया ह। किन्तु तू एदोम पइ जीत क कारण घमण्डी होइ गवा अहा। आपन प्रसिद्धि क आनंद उठावा अउर घरे पइ रहा। आपन बरे परेसानियन मत खड़ी करा। जदि तू अइसा करब्या तउ तू हार जाब्या अउर तू आपन संग यहूदा क भी हराउब्या।”</verse>
				<verse number="11">मुला अमस्याह योआस क चितवनी क नाहीं सुनेन। एह बरे इस्राएल क राजा योआस यहूदा क राजा अमस्याह क खिलाफ यहूदा क बेतसेमेस मँ लड़इ बरे गवा।</verse>
				<verse number="12">इस्राएल यहूदा क हराइ दिहस। यहूदा क हर एक मनई घरे पराइ गवा।</verse>
				<verse number="13">बेतसेमेस मँ इस्राएल क राजा योआस यहूदा क राजा अमस्याह क बन्दी बनाइ लिहस। अमस्याह योआस क पूत रहा। योआस अहज्या क पूत रहा। योआस अमस्याह क यरूसलेम लइ गवा। योआस एप्रैम दुआर स कोने क फाटक तलक लगभग छ: सौ फुट यरूसलेम क देवार क गिरवाएस।</verse>
				<verse number="14">तब योआस सारा सोना- चाँदी अउर जउन भी बर्तन यहोवा क मन्दिर अउर राजमहल क खजाने मँ रहेन। ओन सब क लूट लिहस। योआस कछू लोगन क बन्दी बनाइ लिहस। तब उ सोमरोन क वापस लउट गवा।</verse>
				<verse number="15">जउन सबहिं बड़के कारज योआस किहस, साथ ही साथ यहूदा क राजा अमस्याह क संग उ कइसे लड़ा, इस्राएल क राजा लोगन क इतिहास क किताबे मँ लिखे गए अहइँ।</verse>
				<verse number="16">योआस मरा अउर अपने पुरखन क संग दफनावा गवा। योआस सोमरोन मँ इस्राएल क राजा लोगन क संग दफनावा गवा। योआस क पूत यारोबाम ओकरे पाछे नवा राजा भवा।</verse>
				<verse number="17">यहूदा क राजा योआस क पूत अमस्याह इस्राएल क राजा यहोआहाज क पूत योआस क मउत क पाछे पन्द्रह बरिस तलक जिआ।</verse>
				<verse number="18">अमस्याह जउन कारज किहस उ सबइ यहूदा क राजा लोगन क इतिहास क किताबे मँ लिखे गएन अहइँ।</verse>
				<verse number="19">लोग यरूसलेम मँ अमस्याह क खिलाफ एक ठु जोजना बनाएन। अमस्याह लाकीस क पराइ निकरा। मुला लोग अमस्याह क खिलाफ लाकीस क अपने मनई पठएस अउर ओन लोग लाकीस मँ अमस्याह क मार डाएस।</verse>
				<verse number="20">लोग घोड़न पइ अमस्याह क ल्हास क वापस लइ आएन। अमस्याह दाऊद नगर मँ अपने पुरखन क संग यरूसलेम मँ दफनावा गवा।</verse>
				<verse number="21">तब यहूदा क सबहिं लोग अजर्याह क ओकरे बाप अमस्याह क जगह पइ नवा राजा बनाएन। अजर्याह सोलह बरिस क रहा।</verse>
				<verse number="22">इ तरह अमस्याह मरा अउर अपने पुरखन क संग दफनावा गवा। तब अजर्याह एलत क यहूदा बरे फुन पाएस अउर ओका फुन बनाएस।</verse>
				<verse number="23">इस्राएल क राजा योआस क पूत यारोबाम सोमरोन मँ यहूदा क राजा योआस क पूत अमस्याह क राज्जकाल क पन्द्रहवें बरिस मँ हुकूमत करब सुरू किहस।</verse>
				<verse number="24">यारोबाम उ सबइ कारज किहेस जेनका यहोवा बुरा बताएस। यारोबाम उ नबात क पूत यारोबाम क पापन क करब बंद नाहीं किहस, जउन इस्राएल क पाप करइ बरे मजबूर किहस।</verse>
				<verse number="25">यारोबाम उ भुइँया क, जउन लेवी हमात स अराबा क सागर तलक जात रही, वापस लिहस। इ वइसा ही भवा जइसा इस्राएल क यहोवा परमेस्सर अपने सेवक, अमित्तै क पूत योना स कहे रहा। जउन कि गथेपेर क नबी रहा।</verse>
				<verse number="26">यहोवा लखेस कि सबहिं इस्राएली, चाहे उ पचे अजाद होइँ या दास, बहोत स परेसानियन मँ अहइँ। कउनो मनई अइसा नाहीं बचा जउन इस्राएल क मदद कइ सकत रहा।</verse>
				<verse number="27">यहोवा इ नाहीं काहे रहा कि उ संसार स इस्राएल क नाउँ उठाइ लेइ। एह बरे यहोवा योआस क पूत यारोबाम क उपयोग इस्राएल क लोगन क रच्छा बरे किहेस।</verse>
				<verse number="28">यारोबाम जउन बड़के कारज किहस उ सबइ इस्राएल क राजा लोगन क इतिहास क किताबे मँ लिखे अहइँ। ओहमाँ इस्राएल क बरे दमिस्क अउर हमात क यारोबाम जरिये वापस जीत लेइ क कथा सामिल अहइ। (पहिले इ सबइ नगर यहूदा क आधिपत्य मँ रहेन।)</verse>
				<verse number="29">यारोबाम मरा अउर इस्राएल क राजा लोगन, अपने पुरखन क संग दफनावा गवा। यारोबाम क पूत जकर्याह ओकरे पाछे नवा राजा भवा।</verse>
			</chapter>
			<chapter number="15">
				<verse number="1">यहूदा क राजा अमस्याह क पूत अजर्याह इस्राएल क राजा यारोबाम क राज्जकाल क सत्ताइसवें बरिस मँ राजा बना।</verse>
				<verse number="2">हुकूमत करब सुरू करइ क समइ अजर्याह सोलह बरिस क रहा। अजर्याह यरूसलेम मँ बावन बरिस तलक हुकूमत किहस। अजर्याह क महतारी यकोल्याह यरूसलेम स रही।</verse>
				<verse number="3">अजर्याह ठीक अपने बाप अमस्याह क तरह उ सबइ काम किहस जेनका यहोवा अच्छा बताए रहा। अजर्याह ओन सबहिं कामन क अनुसरण किहस जेनका ओकर बाप अमस्याह किहे रहा।</verse>
				<verse number="4">मुला उ ऊँच ठउरन क नस्ट नाहीं किहस। लोगन हुआँ बलियन चढ़ावत रहे अउर धूप जरावत रहे।</verse>
				<verse number="5">यहोवा राजा अजर्याह क नोस्कान करइवाले कोढ़ रोग क रोगी बनाइ दिहस। उ मरइ क दिन तलक इहइ रोग स पीड़ित रहा। अजर्याह एक अलग महल मँ रहत रहा। राजा क पूत योताम राजमहल क देखभाल अउर जनता क संग निआव करत रहा।</verse>
				<verse number="6">अजर्याह जउन काम किहस उ सबइ, यहूदा क राजा लोग क इतिहास क किताबे मँ लिखे अहइँ।</verse>
				<verse number="7">अजर्याह मरा अउर अपने पुरखन क संग दाऊद क नगर मँ दफनावा गवा। अजर्याह क पूत योताम ओकरे पाछे नवा राजा भवा।</verse>
				<verse number="8">यारोबाम क पूत जकर्याह सोमरोन मँ इस्राएल पइ छ: महीने तलक हुकूमत किहस। जकर्याह यहूदा क राजा अजर्याह क राज्जकाल क अड़तीसवें बरिस मँ राजा भवा।</verse>
				<verse number="9">जकर्याह उ सबइ कारज किहेस जेनका यहोवा बुरा कहे रहा। उ उ सबइ ही कारज किहेस जउन ओकरे पुरखन किहे रहेन। उ नबात क पूत यारोबाम क पापन क करब बंद नाहीं किहेस जउन इस्राएल क पाप करइ बरे मजबूर किहस।</verse>
				<verse number="10">याबेस क पूत सल्लूम जकर्याह खिलाफ जोजना बनाएस अउर लोगन क बीच मँ ओह पइ हमला कइके ओका इब्लैम मँ मार डाएस। फुन सल्लूम ओकरे जगह पइ नवा राजा भवा।</verse>
				<verse number="11">जकर्याह जउन दूसर कारज किहेस उ सबइ इस्राएल क राजा लोगन क इतिहास क किताबे मँ लिखे अहइँ।</verse>
				<verse number="12">इ तरह यहोवा क कथन फुरइ सिद्ध भवा। यहोवा येहू स कहे रहा कि ओकरे संतानन क चार पीढ़ियन इस्राएल पइ राजा क तरह राज करब्या।</verse>
				<verse number="13">याबेस क पूत सल्लूम यहूदा क राजा उज्जिय्याह क राज्जकाल क उनतालीसवें बरिस मँ इस्राएल क राजा बना। सल्लूम सोमरोन मँ एक महीने तलक सासन किहस।</verse>
				<verse number="14">गादी क पूत मनहेम तिर्सा स सोमरोन आइ पहोंचा। मनहेम याबेस क पूत सल्लूम क मार डाएस। तब ओकरे पाछे मनहेम नवा राजा भवा।</verse>
				<verse number="15">सल्लूम जकर्याह क खिलाफ सडयंत्र करइ सहित जउन कारज किहेस, उ सबइ सबहिं इस्राएल क राजा लोगन क इतिहास क किताबे मँ लिखे गएन अहइँ।</verse>
				<verse number="16">सल्लूम क मरइ क पाछे मनहेम तिप्सह, एहमाँ रहइवाले सबइ लोगन क अउर तिर्सा स सुरू होइवालन छेत्रन क हराई दिहेस। लोग ओकरे बरे नगर दुआर क खोलब मना कइ दिहन। एह बरे मनहेम ओनका हराइ दिहस अउर नगर क सबहिं गरभवती मेहररूअन क गरभ क चीर गिराएस।</verse>
				<verse number="17">गादी क पूत मनहेम यहूदा क राजा जकर्याह क राज्जकाल क उनतालीसवें बरिस मँ इस्राएल क राजा भवा। मनहेम सोमरोन मँ दस बरिस हुकूमत किहस।</verse>
				<verse number="18">मनहेम उ सबइ काम किहेस जेनका यहोवा बुरा बताए रहा। मनहेम पूरी जिन्नगी, नबात क पूत यारोबाम क पापन क करब बंद नाहीं किहेस, जउन इस्राएल स पाप कराएस।</verse>
				<verse number="19">अस्सूर क राजा पूल इस्राएल क खिलाफ जुद्ध करइ आवा। मनहेम पूल क पचहत्तर हजार पौण्ड चाँदी दिहस। उ इ एह बरे किहस कि पूल मनहेम क बल प्रदान करी अउर जेहसे राज्ज पइ ओकर अधिकार सुदृढ़ होइ जाइ।</verse>
				<verse number="20">मनहेम सबहिं धनी अउर सक्तीसाली लोगन स करन क भुगतान करवाइके धन बटोरेस। मनहेम हर मनई पइ चाँदी क पचास सेकेल कर लगाएस। तब मनहेम अस्सूर क राजा क धन दिहस। एह बरे अस्सूर क राजा चला गवा अउर इस्राएल मँ नाहीं ठहरा।</verse>
				<verse number="21">मनहेम जउन कारज किहेस उ सबइ इस्राएल क राजा लोगन क इतिहास क किताबे मँ लिखे अहइँ।</verse>
				<verse number="22">मनहेम मरा अउर अपने पुरखन क संग दफनावा गवा। मनहेम क पूत पकह्याह ओकरे पाछे नवा राजा भवा।</verse>
				<verse number="23">मनहेम क पूत पकह्याह यहूदा क राजा अजर्याह क राज्जकाल क पचासवें बरिस मँ सोमरोन मँ इस्राएल क राजा भवा। पकह्याह दुइ बरिस तलक राज्ज किहस।</verse>
				<verse number="24">पकहयाह नबात क पूत यारोबाम क पापन क करब बन्द नाहीं किहस जउन इस्राएल क पाप करइ बरे मजबूर किहे रहा।</verse>
				<verse number="25">पकह्याह क फउज क सेनापति रमल्याह क पूत पेकह रहा। पेकह पकहयाह क मार डाएस। उ ओका सोमरोन मँ राजा क महल मँ मारेस। पेकह जब पकहयाह क मारेस, ओकरे संग अरगोब अरीआह अउर गिलाद क पचास मनसेधू रहेन। तब पेकह ओकरे पाछे नवा राजा भवा।</verse>
				<verse number="26">पकहयाह जउन काम किहस उ सबइ इस्राएल क राजा लोगन क इतिहास क किताबे मँ लिखे अहइँ।</verse>
				<verse number="27">रमल्याह क पूत पेकह यहूदा क राजा अजर्याह क राज्जकाल क बावनेवे बरिस मँ इस्राएल पइ हुकूमत करब सुरू किहेस। पेकह बीस बरिस तलक सासन किहस।</verse>
				<verse number="28">पेकह उ सबइ काम किहस जेनका यहोवा बुरा कहे रहा। पेकह इस्राएल क पाप करइ बरे मजबूर करइवाले नबात क पूत यारोबाम क पाप करमन क करब बंद नाहीं किहस।</verse>
				<verse number="29">अस्सूर क राजा तिग्लत्पिलेसेर इस्राएल क खिलाफ लड़इ आवा। इ उहइ समइ रहा जब पेकह इस्राएल क राजा रहा। तिग्लत्पिलेसेर इय्योन अबेल्बेत्माका, यानोह, केदेस, हासोर, गिलाद, गालील अउर नप्ताली क सारे छेत्र पइ अधिकार कइ लिहस। तिगलत्पिलेसेर एन जगहन पइ लोगन क बन्दी बनाइके अस्सूर लइ गवा।</verse>
				<verse number="30">एला क पूत होसे रमल्याह क पूत पेकह क खिलाफ सड्यंत्र किहस। होसे पेकह क मार डाएस। तब होसे पेकह क पाछे नवा राजा बना। इ यहूदा क राजा उज्जिय्याह क पूत योताम क राज्जकाल क बीसवें बरिस मँ भवा।</verse>
				<verse number="31">पेकह जउन सारे कारज किहस उ सबइ इस्राएल क राजा लोगन क इतिहास क किताबे मँ लिखे अहइँ।</verse>
				<verse number="32">उज्जिय्याह क पूत योताम यहूदा क राजा बना। उ इ इस्राएल क राजा रमल्याह क पूत पेकह क राज्जकाल क दूसरे बरिस मँ भवा।</verse>
				<verse number="33">योताम जब राजा बना, उ पच्चीस बरिस क रहा। योताम यरूसलेम मँ सोलह बरिस तलक हुकूमत किहस। योताम क महतारी सादोक क बिटिया यरूसा रही।</verse>
				<verse number="34">योताम अपने बाप उज्जियाह क तरह उ सबइ काम किहेस, जेनका यहोवा ठीक बताए रहा।</verse>
				<verse number="35">मुला उ ऊँच ठउरन क नस्ट नाहीं किहेस। लोग ओन पूजा ठउरन पइ तब भी बलि चढ़ावत अउर सुगन्धि बारत रहेन। योताम यहोना क मन्दिर क उपरी दुआर बनवाएस।</verse>
				<verse number="36">सबहिं कारज जउन योताम किहस उ सबइ यहूदा क राजा लोगन क इतिहास क पुस्तक मँ लिखे अहइँ।</verse>
				<verse number="37">उ समइ यहोवा अराम क राजा रसीन अउर रमल्याह क पूत पेकह क यहूदा क खिलाफ लड़इ पठएस।</verse>
				<verse number="38">योताम मरा अउर अपने पुरुखन क संग दफनावा गवा। योताम अपने पुरूखन दाऊद क नगर मँ दफनावा गवा। योताम क पूत आहाज ओकरे पाछे नवा राजा भवा।</verse>
			</chapter>
			<chapter number="16">
				<verse number="1">योताम क पूत आहाज इस्राएल क राजा रमल्याह क पूत पेकह क राज्जकाल क सत्रहवें बरिस मँ यहूदा क राजा बना।</verse>
				<verse number="2">आहाज जब राजा बना उ बीस बरिस क रहा। आहाज यरूसलेम मँ बीस बरिस तलक राज्ज किहस। आहाज उ सबइ काम नाहीं किहेस जेनका यहोवा अच्छा बताए रहा। उ परमेस्सर क आग्या क पालन अपने पुरखा दाऊद क तरह नाहीं किहेस।</verse>
				<verse number="3">आहाज इस्राएल क राजा लोगन क तरह रहा। उ अपने पूत क बलि आगी मँ दिहस। उ ओन रास्ट्रन क घोर पापन क किहेस जेनका यहोवा देस छोड़इ क मजबूर तब किहे रहा जब इस्राएली लोग हुवाँ आए रहेन।</verse>
				<verse number="4">आहाज ऊँची जगहन, पहाड़ियन अउर हर एक हरे पेड़ क नीचे बलि चढ़ाएस अउ सुगन्धि बारेस।</verse>
				<verse number="5">अराम क राजा रसीन अउर इस्राएल क राजा रमल्याह क पूत पेकह, दुइनउँ यरूसलेम क खिलाफ लड़इ आएन। रसीन अउ पेकह आहाज क घेरि लिहन किन्तु उ पचे ओका हराइ नाहीं सकेन।</verse>
				<verse number="6">उ समइ अराम क राजा अराम क बरे एलत क वापस लइ लिहस। रसीन एलत मँ रहइवाले सबहिं यहूदा क निवासियन क जबरदस्ती निकारेस। अरामी लोग एलत मँ बस गएन अउर उ पचे आजु भी हुवाँ रहत अहइँ।</verse>
				<verse number="7">अहाज अस्सूर क राजा तिगलत्पिलेसेर क लगे संदेसवाहक पठएस। सँदेसा इ रहा: “मइँ आपक सेवक हउँ। मइँ आपके पूत क तरह हउँ। आवइँ, अउर मोका अराम क राजा अउर इस्राएल क राजा स बचावइँ। उ पचे मोहसे जुद्ध करइ आए अहइँ।”</verse>
				<verse number="8">आहाज यहोवा क मन्दिर अउ राजमहल क खजाने मँ जउन सोना अउर चाँदी रहा ओका भी लइ लिहस। तब आहाज अस्सूर क राजा क भेंट पठएस।</verse>
				<verse number="9">अस्सूर क राजा ओकर बात मान लिहस। उ दमिस्क क खिलाफ लड़इ बरे गवा। राजा उ नगर पइ अधिकार कइ लिहस अउर लोगन क किर क बन्दी बनाइके लइ गवा। उ रसीन क भी मार डाएस।</verse>
				<verse number="10">राजा आहाज अस्सूर क राजा तिगलत्पिलेसेर स भेंटइ गवा। आहाज दमिस्क मँ वेदी क लखेस। राजा आहाज इ वेदी क एक ठु नमूना अउर ओकर व्यापक रूपरेखा, याजक ऊरिय्याह क पठएस।</verse>
				<verse number="11">तब याजक उरिय्याह राजा आहाज क जरिये दमिस्क स पठए गए नमूने क समान ही एक ठु वेदी बनाएस। याजक उरिय्याह इ प्रकार क वेदी राजा आहाज क दमिस्क स लउटइ क पहिले बनाएस।</verse>
				<verse number="12">जब राजा दमिस्क स लउटा तउ उ वेदी क लखेस। उ वेदी पइ भेंट चढ़ाएस।</verse>
				<verse number="13">वेदी पइ आहाज होमबलि अउ अन्नबलि चढ़ाएस। उ आपन पेयबोलि डाएस अउर आपन मेलबलि क खून क इ वेदी पइ छिछकारेस।</verse>
				<verse number="14">आहाज उ काँसे क वेदी क जउन यहोवा समन्वा रही मन्दिर क समन्वा क जगह स हटाएस। इ काँसे क वेदी आहाज क वेदी अउर यहोवा क मन्दिर क बीच रही। आहाज काँसे क वेदी क अपने वेदी क उत्तर कइँती रखेस।</verse>
				<verse number="15">आहाज याजक ऊरिय्याह क आदेस दिहस। उ कहेस, “बिसाल वेदी क उपयोग भिंसारे क होमबलियन क बारइ क बरे, साँझ क अन्नबलि क बरे अउर इ देस क सबहिं लोगन क पेयबलि बरे करा। होमबलि अउ बलियन क सारा खून बिसाल वेदी पइ छिछकारा। किन्तु मइँ काँसे क वेदी क उपयोग परमेस्सर स सवाल पूछइ बरे करब।”</verse>
				<verse number="16">याजक ऊरिय्याह उ सबइ किहस जेका करइ बरे राजा आहाज आदेस दिहस।</verse>
				<verse number="17">हुवाँ पइ काँसे क कवचवाली गाड़ियन अउ याजकन क हाथ धोवइ बरे चिलमचियन रहिन। तब राजा आहाज मन्दिर मँ प्रयुक्त काँसे क गाड़ियन क काट डाएस अउर ओनसे पल्लन निकार लिहस। उ गाड़ियन मँ स चिलमचियन क लइ लिहस। उ बिसाल टंकी क भी काँसे क ओन बर्धन स हटाइ लिहस जउन ओकरे नीचे खड़ी रहिन। उ बिसाल टंकी क एक ठु पाथर क चबूतरे पइ रखेस।</verse>
				<verse number="18">कारीगरन सबित क सभा बरे मन्दिर क अंदर एक ठु ढकी जगह रहेन। आहाज सबित बरे ढकी जगह क भी हटाइ लिहस। आहाज इ सबइ चिजियन यहोवा क मन्दिर स लिहस। इ सबइ उ अस्सूर क राजा क कारण किहस।</verse>
				<verse number="19">आहाज जउन कारज किहस उ सबइ यहूदा क राजा लोगन क इतिहास क किताबे मँ लिखे अहइँ।</verse>
				<verse number="20">आहाज मरा अउ अपने पुरखन क संग दाऊद नगर मँ दफनावा गवा। आहाज क पूत हिजकिय्याह ओकरे पाछे नवा राजा भवा।</verse>
			</chapter>
			<chapter number="17">
				<verse number="1">एला क पूत होसे सोमरोन मँ इस्राएल पइ हुकूमत करब सुरू किहस। इ यहूदा क राजा आहाज क राज्जकाल क बारहवें बरिस मँ भवा। होसे नौ बरिस तलक सोमरोन मँ हुकूमत किहस।</verse>
				<verse number="2">होसे उ सबइ कारज किहेस जेनका यहोवा बुरा कहे रहा। मुला होसे इस्राएल क ओतना बुरा राजा नाहीं रहा जेतने उ पचे राजा रहेन जउन ओकरे पहिले सासन किहे रहेन।</verse>
				<verse number="3">अस्सूर क राजा सल्मनेसेर होसे क खिलाफ जुद्ध करइ आवा। सल्मनेसेर होसे क हराएस अउर होसे सल्मनेसेर क सेवक बन गवा। होसे सल्मनेसेर क अधीनस्थ कर देइ लाग।</verse>
				<verse number="4">मुला पाछे अस्सूर क राजा क पता चला कि होसे ओकरे खिलाफ सड्यंत्र रचेस ह। होसे मिस्र क राजा क लगे मदद मँगइ बरे राजदूत पठएस। उ बरिस होसे अस्सूर क राजा क नाहीं पठएस जइसे उ हर बरिस पठवत रहा। एह बरे अस्सूर क राजा होसे क बन्दी बनावा अउर ओका कैद मँ डाइ दिहस।</verse>
				<verse number="5">तब अस्सूर क राजा इस्राएल क सबहिं प्रदेसन पइ आक्रमण किहस। उ सोमरोन पहोंचा। उ तीन साल तलक सोमरोन क घेरे राखेस।</verse>
				<verse number="6">अस्सूर क राजा इस्राएल पइ होसे क राज्जकाल क नवे बरिस मँ, सोमरोन पइ अधिकार जमाएस। अस्सूर क राजा इस्राएलियन क बन्दी क रूप मँ अस्सूर लइ गवा। उ ओनका हलह, हाबोर नदी क तट पइ जउन गोजान क नदी अहइ अउर मादियन क नगरन मँ बसाएस।</verse>
				<verse number="7">इ सबइ घटना घटी काहेकि इस्राएलियन अपने परमेस्सर यहोवा क बिरूद्ध पाप किहे रहा। यहोवा इस्राएलियन क मिस्र स बाहेर लिआवा। यहोवा ओनका राजा फिरौन क चंगुल स बाहेर निकारेस। किन्तु इस्राएलियन दूसर देवतन क पूजब सुरू किहे रहेन।</verse>
				<verse number="8">इस्राएली उहइ सब करइ लगे रहेन जउन दूसर रास्ट्र करत रहेन। यहोवा ओन लोगन क आपन देस छोड़इ क मजबूर किहे रहा जब इस्राएली आए रहेन। इस्राएलियन भी राजा लोगन स सासित होब पसन्द किहन, परमेस्सर स सासित होब नाहीं।</verse>
				<verse number="9">इस्राएलियन गुप्त रूप स अपने यहोवा परमेस्सर क विरुद्ध काम किहस। जेका ओनका नाहीं करइ चाही रहा। इस्राएलियन अपने सब स नान्ह नगर स लइके सब स बड़के नगर तलक, अपने सबहिं नगरन मँ ऊँच जगह बनाएस।</verse>
				<verse number="10">इस्राएलियन हर एक ऊँची पहाड़ी पइ अउर सबहिं हरियर बृच्छ क खाले स्मृति पाथर अउ असेरा स्तम्भ लगाएस।</verse>
				<verse number="11">इस्राएलियन पूजा क ओन सबहिं जगहन पइ सुगन्धि बारेस। उ पचे इ सबइ सबहिं कारज ओन रास्ट्रन क तरह किहस जेनका यहोवा ओनके समन्वा देस तजइ क मजबूर किहे रहा। इस्राएलियन उ सबइ कारज किहेन जउन यहोवा क कोहाइ दिहस।</verse>
				<verse number="12">उ पचे देवमूरतियन क सेवा किहन अउर यहोवा इस्राएलियन स कहे रहा, “तू पचन्क इ नाहीं करइ चाही।”</verse>
				<verse number="13">यहोवा हर एक नबी अउर हर एक द्रस्टा क उपयोग इस्राएल अउ यहूदा क चितउनी देइ बरे किहस। यहोवा कहेस, “तू पचे बुरे करमन स दूर हटा। मोरे आदेसन अउर नेमन क पालन करा। ओन सबहिं नेमन क पालन करा जेनका मइँ तोहरे पुरखन क दिहेउँ ह। मइँ अपने सेवक नबियन क उपयोग इ नेम तू पचन क देइ बरे किहेउँ।”</verse>
				<verse number="14">मूला लोग एक नाहीं सुनेन। उ पचे आपन पुरखन क तरह बड़े हठी रहेन। ओनके पुरखा यहोवा, अपने परमेस्सर मँ पतियात नाहीं रहेन।</verse>
				<verse number="15">लोग अपने पुरखन क संग यहोवा क कीन्ह गइ वाचा क रद्द कइ दिहस। अउर यहोवा क नेमन क मानइ स इन्कार किहन। उ पचे यहोवा क चितउनियन क सुनइ स इन्कार किहन। उ पचे व्यर्थ देवमूरतियन क अनुसरण किहन अउर खुद व्यर्थ बन गएन। उ पचे अपने चारिहुँ कइँती क रास्ट्रन क अनुसरण किहन। इ सबइ रास्ट्र उ करत रहेन जेका न करइ क चितउनी इस्राएल क लोगन क यहोवा दिहे रहा।</verse>
				<verse number="16">लोग यहोवा, अपने परमेस्सर क आदेसन क पालन करब बंद कइ दिहस। उ पचे बछवन क दुइ मूरतियन बनाएन। उ पचे असेरा स्तम्भ बनाएन। उ पचे आकास क सबहिं नछत्रन क पूजा किहन अउर बाल क सेवा किहन।</verse>
				<verse number="17">उ पचे अपने बेटवन-बिटियन क बलि आगी मँ दिहन। उ पचे जादू अउ प्रेत बिद्या क उपयोग भविस्स क जानइ बरे किहेन। उ पचे आपन क ओन चिजियन क करइ बरे बेचेस जेका यहोवा कहे रहा दुस्ट अहइ, जउन यहोवा क क्रोधित कई दिहेन।</verse>
				<verse number="18">एह बरे यहोवा इस्राएल पइ बहोत कोहाइ गवा अउर ओनका अपनी निगाह स दूर लइ गवा। यहूदा क परिवार समूह क अलावा कउनो इस्राएली बचा नाहीं रहा।</verse>
				<verse number="19">मुला यहूदा क लोग भी यहोवा, अपने परमेस्सर क आदेसन क पालन नाहीं किहन। यहूदा क लोग भी इस्राएल क लोगन क तरह ही रहत रहेन।</verse>
				<verse number="20">यहोवा इस्राएल क सबहिं लोगन क अस्वीकार किहस। उ ओन पइ बहोत बिपत्तियन ढाएस। उ लोगन क ओनका लूटइ दिहस अउर अन्त मँ उ ओनका अपनी निगाह स लोकाए दिहस।</verse>
				<verse number="21">यहोवा दाऊद क परिवार स इस्राएल क निकार दिहेस। इस्राएलियन नबात क पूत यारोबाम क अपना राजा बनाएस। यारोबाम इस्राएलियन क यहोवा क अनुसरण करइ स दूर कइ दिहस। यारोबाम इस्राएलियन स एक भीसण पाप कराएस।</verse>
				<verse number="22">इ तरह इस्राएलियन ओन सबहिं पापन क अनुसरण किहन जेनका यारोबाम किहे रहा। उ पचे एन पापन क करब तब तलक बंद नाहीं किहन।</verse>
				<verse number="23">जब तलक यहोवा इस्राएलियन क अपनी निगाह स दूर नाहीं हटाएस। लोगन क बतावइ क बरे कि इ होइ, उ अपने नबियन क पठएस। एह बरे इस्राएली अपने देस स बाहेर अस्सूर पहोंचाए गएन अउर उ पचे आज तलक हुँवइ अहइँ।</verse>
				<verse number="24">अस्सूर क राजा बाबेल, कूता, अव्वा, हमात अउर सपवैम स लोगन क लिआवा। उ इस्राएलियन क हटावइ बरे ओन लोगन क सोमरोन मँ ठहरा दिहेस। ओन लोग सोमरोन पइ अधिकार किहन अउर ओकरे चारिहुँ कइँती क नगरन मँ रहइ लागेन।</verse>
				<verse number="25">जब लोग सोमरोन मँ रहइ लागेन तउ उ पचे यहोवा क सम्मान नाहीं किहन। एह बरे यहोवा सिहंन क एन पइ आक्रमण क बरे पठएस। एन सिंहन ओनके कछू लोगन क मार डाएन।</verse>
				<verse number="26">कछू लोग इ बात अस्सूर क राजा स कहेन। “उ सबइ लोग जेनका तू लइ गएन अउर सोमरोन क नगरन मँ बसाएन, उ देस क परमेस्सर क नेमन क नाहीं जानतेन। एह बरे उ पचे सिंहन क ओका मारइ दिहेन।”</verse>
				<verse number="27">एह बरे अस्सूर क राजा इ आदेस दिहस: “तू कछू याजकन क सोमरोन स लिहे रह्या। मइँ जिन याजकन क बन्दी बनाएस रहेउँ ओनमाँ स एक क सोमरोन क वापस पठइ द्या। उ याजक क जाइ अउर हुवाँ रहइ द्या। तब उ याजक लोगन क उ देस क देवता क नेम सिखाइ सकत ह।”</verse>
				<verse number="28">एह बरे अस्सूरियन क जरिये सोमरोन स लिआए भए याजकन मँ स एक ठु बेतेल मँ रहइ आवा। उ याजक लोगन क सिखाएस कि ओनका यहोवा क सम्मान कइसे करइ चाही।</verse>
				<verse number="29">मुला ओन सबहिं रास्ट्रन अपने निजी देवता बनाएन अउर ओनका सोमरोन क लोगन क जरिये बनाए गए ऊँची जगहन पइ पूजा ठउरन मँ रखेस। ओन रास्ट्र इहइ किहन, जहाँ कहूँ भी उ पचे बसेन।</verse>
				<verse number="30">बाबेल क लोग लबार देवता सुक्कोतबनोत बनाएन। कूत क लोग लबार देवता नेर्गल क बनाएन। हमात क लोगन असत्य देवता असीम क बनाएन।</verse>
				<verse number="31">अव्वी लोग लबार देवता निभज अउर तर्त्ताक बानएन अउर सपवमी लोग लबार देवतान अद्रम्मेलेक अउर अनम्मेलेक क सम्मान बरे आपन बच्चन क आगी मँ बारेन।</verse>
				<verse number="32">मुला ओन लोग यहोवा क भी उपासना किहन। उ पचे अपने लोगन मँ स ऊँची जगहन बरे याजक चुनेन। इ सबइ याजक ओन पूजा क ठउरन पइ लोगन बरे बलि चढ़ावत रहेन।</verse>
				<verse number="33">उ पचे यहोवा क सम्मान करत रहेन, मुला उ पचे अपने देवतन क भी सेवा करत रहेन। उ सबइ लोग अपने देवता क वइसी ही सेवा करत रहेन जइसी उ पचे ओन देसन मँ करत रहेन जहाँ स उ पचे लाए गए रहेन।</verse>
				<verse number="34">आजु भी उ सबइ लोग वइसे ही रहत हीं जइसे उ पचे पहिले रहत रहेन। उ पचे यहोवा क सम्मान नाहीं करत अहइँ। उ पचे यहोवा क आदेसन अउर नेमन क पालन नाहीं करत हीं। उ पचे ओन नेमन या आदेसन क पालन नाहीं करत रहेन जेनका यहोवा याकूब (इस्राएल) क सन्तानन क दिहे रहा।</verse>
				<verse number="35">यहोवा इस्राएल क लोगन क संग एक वाचा किहे रहा। यहोवा ओनका आदेस दिहस, “तू पचन्क दूसर देवतन क सम्मान नाहीं करइ चाही। तू पचन्क ओनकर पूजा या सेवा नाहीं करइ चाही या बलि भेंट नाहीं करइ चाही।</verse>
				<verse number="36">किन्तु तू पचन्क यहोवा क अनुसरण करइ चाही। यहोवा उहइ परमेस्सर अहइ जउन तू पचन्क मिस्र स बाहेर लइ आवा। यहोवा आपन महान सक्ती क उपयोग तू पचन्क बचावइ बरे किहस। तू पचन्क यहोवा क सम्मान, उपासना करइ चाही अउर उहइ क बलि भेंट करइ चाही।</verse>
				<verse number="37">तू पचन्क ओकरे ओन नेमन, विधियन, उपदेसन अउर आदेसन क पालन करइ चाही जेनका उ तोहरे पचन्क बरे लिखेस। तू पचन्क एनकर पालन सदा ही करइ चाही। तू पचन्क दूसर देवतन क सम्मान नाहीं करइ चाहीं।</verse>
				<verse number="38">तू पचन्क उ वाचा क नाहीं बिसरइ चाही, जउन मइँ तोहरे संग किहेउँ। तू पचन्क दूसर देवतन क आदर नाहीं करइ चाही।</verse>
				<verse number="39">तू पचन्क सिरिफ यहोवा, अपने परमेस्सर क ही सम्मान करइ चाही। तब उ तू पचन्क तोहरे पचन्क सबहिं दुस्मनन स बचाइ।”</verse>
				<verse number="40">मुला इस्राएलियन एका नाहीं सुनेन। उ पचे उहइ करत रहेन जउन पहिले करत चले आवत रहेन।</verse>
				<verse number="41">एह बरे अब तउ उ सबइ दूसर रास्ट्र यहोवा क सम्मान करत हीं, किन्तु उ पचे अपनी देवमूरतियन क भी सेवा करत हीं। ओनकर पुत्र-पौत्र उहइ करत हीं, जउन ओनकर पुरखन करत रहेन। उ पचे आजु तलक उहइ काम करत हीं।</verse>
			</chapter>
			<chapter number="18">
				<verse number="1">आहाज क पूत हिजकिय्याह यहूदा क राजा रहा। हिजकिय्याह इस्राएल क राजा एला क पूत होसे क राज्जकाल क तीसरे बरिस मँ सासन करब सुरू किह्स।</verse>
				<verse number="2">हिजकिय्याह जब सासन करब सुरू कहिसह, उ पच्चीस बरिस क रहा। हिजकिय्याह यरूसलेम मँ उनतीस बरिस तलक सासन किहस। ओकर महतारी जकर्याह क बिटिया, अबी रही।</verse>
				<verse number="3">हिजकिय्याह ठीक अपने पुरखा दाऊद क तरह उ सबइ कारज किहस जेनका यहोवा नीक बताए रहा।</verse>
				<verse number="4">हिजकिय्याह ऊँची जगहन क नस्ट किहस। उ स्मृति पाथरन अउ असेरा स्तम्भन क खंडित कइ दिहस। ओन दिनन इस्राएल क लोग मूसा क जरिये बनाए गए काँसे क साँप बरे सुगन्धि बारत रहेन। इ काँसे क साँप क नाउँ “नहुसतान” रहा। हिजकिय्याह इ काँसे क साँप क टूकन कइ डाएस काहेकि लोग उ साँपे क पूजा करत रहेन।</verse>
				<verse number="5">हिजकिय्याह यहोवा, इस्राएल क परमेस्सर मँ भरोसा रखत रहा। यहूदा क राजा लोगन मँ स कउनो क संग चाहे उ ओकर पहिले रहेन या ओकर पाछे रहेन हिजकियाह क समानता नाहीं कीन्ह जा सकत रहा।</verse>
				<verse number="6">हिजकिय्याह यहोवा क बहोत भक्त रहा। उ यहोवा क अनुसरण करब नाहीं तजेस। उ ओन आदेसन क पालन किहस जेनका यहोवा मूसा क दिहे रहेन।</verse>
				<verse number="7">यहोवा हिजकिय्याह क संग रहा। हिजकिय्याह जउन कछू किहस, ओहमाँ उ सफल रहा। हिजकिय्याह अस्सूर क राजा क विरूद्ध विद्रोह किहस। हिजकिय्याह अस्सूर क राजा क सेवा करब बंद कइ दिहस।</verse>
				<verse number="8">हिजकिय्याह लगातार गाज्जा तलक अउर ओकरे चारिहुँ कइँती क पलिस्तियन क पराजित किहस। उ सबहिं नान्ह स लइके बड़के पलिस्ती नगरन क पराजित किहस।</verse>
				<verse number="9">अस्सूर क राजा सल्मनेसेर सोमरोन क खिलाफ जुद्ध करइ गवा। ओकर फउज नगर क घेर लिहस। इ हिजकिय्याह क यहूदा पइ राज्जकाल क चउथे बरिस मँ भवा। (इ इस्राएल क राजा, एला क पूत होसे क भी सतवाँ बरिस रहा।)</verse>
				<verse number="10">तीन बरिस पाछे सल्मनेसेर सोमरोन पइ अधिकार कइ लिहस। उ सोमरोन क यहूदा क राजा हिजकिय्याह क राज्जकाल क छठे बरिस मँ लइ लिहस। (इ इस्राएल क राजा होसे क राज्जकाल क भी नवाँ बरिस रहा।)</verse>
				<verse number="11">अस्सूर क राजा इस्राएलियन क बन्दी क रूप मँ अस्सूर लइ गवा। उ ओनका हलह, हाबोर नदी पइ (जउन कि गोजान नदी भी अहइ) अउर मादियन क नगरन मँ बसाएस।</verse>
				<verse number="12">इ भवा, काहेकि इस्राएलियन यहोवा, अपने परमेस्सर क आग्या क पालन नाहीं किहन। उ पचे यहोवा क वाचा क तोड़ेन। उ पचे ओन सबहिं नेमन क नाहीं मानेन जेनके बरे यहोवा आपन सेवक मूसा क आदेस दिहे रहा। इस्राएल क लोग यहोवा क वाचा क नाहीं सुनेन अउर ओन कामन क नाहीं किहन जेनका करइ क सिच्छा ओहमाँ दीन्ह गइ रही।</verse>
				<verse number="13">हिजकिय्याह राज्जकाल क चौदहवें बरिस अस्सूर क राजा सन्हेरीब यहूदा क सबहिं सुद़ृढ नगरन क खिलाफ जुद्ध छेढ़इ गवा। सन्हेरीब ओन सबहिं नगरन क पराजित किहस।</verse>
				<verse number="14">तब यहूदा क राजा हिजकिय्याह अस्सूर क राजा क लाकीस मँ एक संदेसा पठएस। हिजकिय्याह कहेस, “मइँ बुरा किहेउँ ह। मोका सान्ति स रहइ द्या। तब मइँ तू पचन क उ भुगतान करब जउन कछू तू चाहब्या।” तब अस्सूर क राजा यहूदा क राजा हिजकिय्याह स गियारह टन चाँदी अउर एक टन सोना स जियादा माँगेस।</verse>
				<verse number="15">हिजकिय्याह सारी चाँदी जउन यहोवा क मन्दिर अउर राजा क खजानन मँ रही, उ सब दइ दिहस।</verse>
				<verse number="16">उ समइ हिजकिय्याह उ सोने क उतार लिहस जउन यहोवा क मन्दिर क दरवाजन अउ चउखटन पइ मढ़ा गवा रहा। राजा हिजकिय्याह एन दरवाजन अउर चउखटन पइ सोना मढ़वाए रहा। हिजकिय्याह इ सोना अस्सूर क राजा क दिहस।</verse>
				<verse number="17">अस्सूर क राजा अपने तीन बहोत जियादा महत्वपूर्ण सेनापतियन क एक बिसाल सेना क संग यरूसलेम मँ राजा हिजकिय्याह क लगे पठएस। उ सबइ लोग लाकीस स चलेन अउर यरूसलेम क गएन। उ सबई ऊपरी स्रोत क लगे छोटकी नहर क निचके खड़े भएन। (ऊपरी स्रोत धोबी तलक लइ जाइवाली सड़किया पइ अहइ।)</verse>
				<verse number="18">एन लोग राजा क बोलाएन। हिलकिय्याह क पूत एल्याकीम (एल्याकीम राजमहल क अधीच्छक रहा।) सेब्ना (सास्त्री) अउर आसाप क पूत योआह (अभिलेखपाल) ओनसे भेंटइ आएन।</verse>
				<verse number="19">सेनापतियन मँ स एक ओनसे कहेस, “हिजकिय्याह स कहा कि अस्सूर क महान सम्राट इ कहत ह, ‘केह पइ तू भरोसा करत अहा?</verse>
				<verse number="20">तू सिरिफ अरथहीन सब्द कह्या ह। तू कहत अहा “मोरे लगे उपयुक्त सलाह अउर सक्ती जुद्ध मँ मदद बरे अहइ।” किन्तु तू केह पइ पतियात अहा जउन तू मोरे विरूद्ध कीन्ह अहा?</verse>
				<verse number="21">तू टूट बेतं क कुबरी क सहारा लेत रहा अहा। इ कुबरी मिस्र अहइ। जदि कउनो मनई इ कुबरी क सहारा लेइ तउ इ टूटी अउर ओकरे टापे क बेधत भइ ओका घायल करी। मिस्र क राजा ओन सबहिं लोगन बरे वइसा ही अहइ, जउन ओह पइ भरोसा करत हीं।</verse>
				<verse number="22">होइ सकत ह, “तू कहा हम यहोवा, अपने परमेस्सर पइ पतियाइत ह।” किन्तु मइँ जानत हउँ कि हिजकिय्याह ऊँच जगहन अउर वेदियन क हटाइ दिहस जहाँ लोग यहोवा क उपासना करत रहेन। अउर यहूदा अउर यरूसलेम स कहेस, “तू पचन्क सिरिफ यरूसलेम मँ वेदी क समन्वा उपासना करइ चाही।”</verse>
				<verse number="23">‘अब अस्सूर क राजा हमरे सुआमी स इ वाचा करा। मइँ प्रतिग्या करत हउँ कि मइँ दुइ हजार घोड़न देब, जदि आप एन पइ चढ़इवाले घुड़सवारन क प्राप्त कइ सकब्या।</verse>
				<verse number="24">मोरे सुआमी क अधिकारियन मँ स सब स निचले दर्जे क अधिकारी क भी तू हराइ नाहीं सकब्या। तू रथ अउर घुड़सवार सैनिक पावइ क बरे मिस्र पइ बिस्सास किहा ह।</verse>
				<verse number="25">‘मइँ यहोवा क बिना यरूसलेम क बर्बाद करइ नाहीं आवा हउँ। यहोवा मोहसे कहेस ह, “इ देस क खिलाफ जा अउर एका नस्ट करा।”’”</verse>
				<verse number="26">तब हिलकिय्याह क पूत एल्याकीम, सेब्ना अउर योआह प्रमुख सेनापती स कहेस, “कृपा कइके हम स अरामी मँ बातन करइँ। हम उ भाखा क समुझित ह। यहूदा क भाखा मँ हम लोगन स बातन न करी काहेकि देवार पइ क लोग हम लोगन क बातन सुन सकत हीं।”</verse>
				<verse number="27">मुला रबसाके ओनसे कहेस, “मोर सुआमी मोका सिरिफ तू पचन्स अउर तोहरे पचन्क राजा स बातन करइ बरे नाहीं पठएस ह। मइँ ओन दूसर लोगन बरे भी कहत रहा अहउँ जउन देवारे पइ बइठे रहत हीं। उ पचे आपन मल अउ मूत्र तोहरे पचन्क संग खइहीं-पीइहीं।”</verse>
				<verse number="28">तब सेनापति हिब्रू भाखा मँ जोर स चिचियान, “अस्सूर क महान सम्राट क इ सँदेसा सुना।</verse>
				<verse number="29">सम्राट कहत ह, ‘हिजकिय्याह क अपने क गुमराह जिन करावइ द्या। उ तू पचन्क मोरी सक्ती स बचाइ नाहीं सकत।</verse>
				<verse number="30">हिजकिय्याह क तोहका यहोवा मँ भरोसा न कराइ द्या, हिजकिय्याह कहत ह, “हम क यहोवा बचाइ लेइ। अस्सूर क सम्राट इ नगर क पराजित नाहीं कइ सकत ह।”</verse>
				<verse number="31">मुला हिजकिय्याह क एक न सुना! “अस्सूर क सम्राट इ कहत ह: ‘मोरे संग सन्धि करा अउर मोहसे मिला। तब तू पचे हर एक अपनी अंगूर क बेलन अउर आपन अंजीर क पेड़न स खाइ सकत ह अउ आपन कुएँ स पानी पी सकत ह।</verse>
				<verse number="32">इ तू पचे तब तलक कइ सकत ह जब तलक मइँ तोहका तोहरे पचन्क देस जइसे देस मँ न लइ न जाउँ। इ अन्न अउर नवी दाखरस, इ रोटी अउ अंगूर भरे खेत अउर जइतून एवं मधु क देस अहइ। तब तू पचे जिअत रहब्या, मरब्या नाहीं। मुला हिजकिय्याह क एक न सुना। उ तोहरे पचन्क गुमराह करइ चाहत ह। उ कहत रहत ह, “यहोवा हमका बचाइ लेइ।”</verse>
				<verse number="33">दूसर रास्ट्रन क देवतन आपन रास्ट्रन क अस्सूर क सम्राट स न बचाइ सकइहीं।</verse>
				<verse number="34">हमात अउ अर्पाद क देवता कहाँ अहइँ? सपवैम, हेना अउर इव्वा क देवता कहाँ अहइँ? उ पचे मोहसे सोमरोन क न बचाइ सकेन। नाहीं।</verse>
				<verse number="35">कउनो दूसरे देस मँ कउनो देवता अपनी भुइँया क मोहसे न बचाइ सका? यहोवा मोहसे यरूसलेम क न बचाइ सका।</verse>
				<verse number="36">मुला लोग चुप रहेन। उ पचे एक ठु सब्द भी प्रमुख सेनापतिन क नाहीं कहेन काहेकि राजा हिजकिय्याह ओनका अइसा आदेस दइ रखे रहा। उ कहे रहा, “ओहसे कछू जिन कहा।”</verse>
				<verse number="37">हिलकिय्याह क पूत एल्याकीम (एल्याकीम राजमहल क अधीच्छक रहा।) सेब्ना (सास्त्री) अउ आसप क पूत योआह (अभिलेखपाल) हिजकिय्याह क लगे लउटेन। ओकर कपड़ा फाटा भावा रहेन काहेकि उ परेसान रहेन। उ पचे हिजकिय्याह स उ सब कहेन जउन अस्सूर क सेनापति कहे रहा।</verse>
			</chapter>
			<chapter number="19">
				<verse number="1">राजा हिजकिय्याह उ सबइ सुनेस अउर इ देखाँवइ बरे कि उ बहोत दुःखी अहइ अउर घबरावा भवा अहइ, अपने ओढ़नन क फार डाएस अउर मोटे ओढ़नन पहिर लिहेस। तब उ यहोवा क मन्दिर मँ गवा।</verse>
				<verse number="2">हिजकिय्याह एल्याकीम (एल्याकीम राजमहल क अधीच्छक रहा।) सेब्ना (सास्त्री) अउर याजकन क अग्रजन क आमोस क पूत यसायाह नबी क लगे पठएस। उ पचे मोटे ओढ़नन पहिरेन जेहसे पता चलत रहा कि उ पचे परेसान अउर दुःखी अहइँ।</verse>
				<verse number="3">उ पचे यसायाह स कहेन, “हिजकिय्याह इ कहत ह, ‘इ हमरे बरे संकट, दण्ड अउर अपमान क दिन अहइ। इ बच्चन क जनम देइ क समइ अहइ, मुला ओनका जनम देइ बरे कउनो सक्ती नाहीं अहइ।</verse>
				<verse number="4">अस्सूर क राजा जिअत परमेस्सर क निन्दा करइ बरे आपन प्रमुख सेनापति क हमरे लगे पठएस ह। होइ सकत ह कि यहोवा तोहर परमेस्सर ओन सबहिं बातन क सुन लेइ। इ होइ सकत ह कि यहोवा इ प्रमाणित कइ देइ कि दुस्मन गलती पइ अहइ। एह बरे एन लोगन बरे पराथना करा जउन सबहिं तलक जिअत बचा अहइँ।’”</verse>
				<verse number="5">राजा हिजकिय्याह क अधिकारी यसायाह क लगे गएन।</verse>
				<verse number="6">यसायाह ओनसे कहेस, “अपने सुआमी हिजकिय्याह क इ सँदेसा द्या: ‘यहोवा कहत ह। ओन बातन स डेराअ नाहीं जेनका अस्सूर क राजा क “अधिकारियन” मोर मसखरी उड़ावत भए कहेन ह।</verse>
				<verse number="7">मइँ हाली ही ओकरे मने मँ अइसी भावना पइदा करब जेहसे उ एक अफवाह सुनिके अपने देस वापिस जाइ क मजबूर होइ अउर मइँ ओका ओकरे देस मँ एक ठु तरवार क घाट उतरवाइ देब।’”</verse>
				<verse number="8">प्रमुख सेनापित सुनेस कि अस्सूर क राजा लाकीस स चल पड़ा अहइ। एह बरे उ गवा अउर इ पाएस कि ओकर सम्राट लिब्ना क खिलाफ जुद्ध करत बाटइ।</verse>
				<verse number="9">अस्सूर क राजा एक ठु अफवाह कूस क राजा तिर्हाका क बारे मँ सुनेस। अफवाह इ रही “तिर्हाका तोहरे खिलाफ लड़इ आवा ह।” एह बरे अस्सूर क राजा हिजकिय्याह क लगे सँदेसवाहक क एक संदेसा क संग पठएस।</verse>
				<verse number="10">“यहूदा क राजा हिजकिय्याह स इ कहा: ‘जउने परमेस्सर मँ तू पतियात अहा ओका तू अपने क गुमराह करइ जिन द्या। उ कहत ह, “अस्सूर क राजा यरूसलेम क पराजित नाहीं करी।”</verse>
				<verse number="11">तू ओन बातन क सुन्या ह जउन अस्सूर क राजा लोग दूसर सबहिं देसन क संग घटित किहन ह। हम ओनका पूरी तहर स नस्ट कीन्ह। तू भी नाहीं बचि पउब्या।</verse>
				<verse number="12">ओन रास्ट्रन क देवता अपने लोगन क रच्छा नाहीं कइ सकेन। मोर पुरखन गोजान, हारान, रेसेप अउ तलस्सार मँ एदेन क लोगन क नस्ट किहन।</verse>
				<verse number="13">हमात अर्पाद, अउर सपवैम नगर क राजा कहाँ अहइँ? हेना अउ इला क राजा? उ पचे सबहिं समाप्त होइ गएन ह।’”</verse>
				<verse number="14">हिजकिय्याह संदेसबाहकन स पत्र पाप्त किहेस अउ ओनका बाँचेस। तब हिजकिय्याह यहोवा क मन्दिर तलक गवा अउर यहोवा क समन्वा पत्रन क बिखरेस।</verse>
				<verse number="15">हिजकिय्याह यहोवा क समन्वा पराथना किहेस अउर कहेस, “यहोवा इस्राएल क परमेस्सर। तू करूब सरगदूतन पइ सम्राट क तरह बइठत ह। तू ही सिरिफ सारी पृथ्वी क राज्जन क परमेस्सर अहा। तू पृथ्वी अउ अकासे क बनाया।</verse>
				<verse number="16">यहोवा मोर पराथना सुना। यहोवा अपनी आँखिन खोला अउ इ पत्र क लखा। ओन सब्दन क सुना जेनका सन्हेरीब जीवित परमेस्सर क अपमान करइ बरे पठएस ह।</verse>
				<verse number="17">यहोवा, इ फुरइ अहइ। अस्सूर क राजा लोग एन सबहिं रास्ट्रन क नस्ट किहन।</verse>
				<verse number="18">उ पचे रास्ट्रन क देवतन क आगी मँ लोकाइ दिहन। किन्तु उ पचे सच्चे देवता नाहीं रहेन। उ पचे सिरिफ काठ अउ पाथर क मूरति रहेन जेनका मनइयन बनाइ रखे रहेन। इहइ कारण रहा कि अस्सूर क राजा ओनका नस्ट कइ सकेन।</verse>
				<verse number="19">एह बरे यहोवा, हमार परमेस्सर, अब हमका अस्सूर क राजा स बचा। तब पृथ्वी क सारे राज्ज समुझिहीं कि यहोवा, सिरिफ तू ही परमेस्सर अहा।”</verse>
				<verse number="20">आमोस क पूत यसायाह हिजकिय्याह क इ सँदेस पठएस। उ कहेस, “यहोवा, इस्राएल क परमेस्सर इ कहत ह, ‘तू मोहसे अस्सूर क राजा सन्हेरीब क खिलाफ पराथना किहा ह। मइँ तोहार पराथना सुनि लिहेउँ ह।’</verse>
				<verse number="21">“सन्हेरीब क बारे मँ यहोवा क इ सँदेसा अइसा अहइ: ‘सिय्योन क कुँबरी बिटिया तोहका तुच्छ समुझत ह, उ तोहार मजाक उड़ावत ह। यरूसलेम बिटिया तोहरे पीठ क पाछे तोहार मज़ाक उड़ावत ह।</verse>
				<verse number="22">तू केकर अपमान किह्या? तू केकर मजाक उड़ाया? केकरे खिलाफ तू बातन किह्या? तू अइसे बातन किहा जइसा कि तू इस्राएल क परम पवित्तर स महान अहइ।</verse>
				<verse number="23">तू अपने सँदेसवाहकन क यहोवा क अपमान करइ क पठया। तू कहया, “मइँ अपने अनेक रथन सहित ऊँचे पर्वतन तलक आया। मइँ लबानोन मँ भीतर तलक आएउँ। मइँ लबानोन क उच्चतम देवदारू क बृच्छन, अउ लबानोन क उत्तिम चीड़ क बृच्छन क काटा। मइँ लबानोन क सब स ऊँच अउर सब स घने बने मँ घुसेउँ।</verse>
				<verse number="24">मइँ खुद कुअँन खोदेस अउ विदेसन क पानी पिएउँ। मइँ मिस्र क नदियन क झुराएउँ अउर उ देस क रउँदेउँ।”</verse>
				<verse number="25">मुला का तू नाहीं अनक्या? मइँ (परमेस्सर) बहोत पहिले इ जोजना बनाए रहेउँ, पुराने जमाने स ही इ सबइ जोजनन बनाइ दिहे रहेउँ, अउर अब मइँ ओका ही पूरी होइ देत हउँ। मइँ तू पचन्क मजबूत नगरन क ढेर बनावइ दिहेउँ।</verse>
				<verse number="26">नगर मँ रहइवाले मनई कउनो ताकत नाहीं रखतेन। उ सबइ लोग डरे भए अउर सरमिन्दा रहेन। लोग खेतन क जंगली पौधन क तरह होइ गएन, जउन बढ़इ क पहिले ही मर जात हीं, इ लोग उ घास क तरह अहइ जउन छत पइ उगत ह अउर जे बढ़इ स पहिले ही मुड़झा जात ह।</verse>
				<verse number="27">मइँ जानत हउँ तू कब उठत ह अउर तू कब बइठत ह। बइठा, मइँ जानत हउँ कि तू कब जुद्ध करइ जात अहा अउर कब घरे आवत अहा, मइँ जानन हउँ कि तू अपने क कब मोरे खिलाफ करत अहा।</verse>
				<verse number="28">तू मोरे खिलाफ गया मइँ तोहरे घमण्ड क सब्द सुनेउँ। एह बरे मइँ आपन अंकुस तोहरे नाके मँ डाउब। अउर मइँ आपन लगाम तोहरे मुँहे मँ डाउब। तब मइँ तोहका पाछे लउटाउब अउर उ राहे लउटाउब जेहसे तू आवा रह्या।’”</verse>
				<verse number="29">“मइँ तोहार मदद करब, एकर सँदेसा इ होइ: इ बरिस तू उहइ अन्न खाब्या जउन अपने आप उगी अउर अगले बरिस तू उहइ अन्न खाब्या जउन उ बिआ स पइदा होइ। मुला तू बिआ बोउब्या अउर तीसरे बरिस मँ आपन फसल कटब्या। तू अंगूरे क बेलन खेतन मँ लगउब्या अउर ओनसे अंगूर खाब्या।</verse>
				<verse number="30">अउर यहूदा क परिवारे क जउन लोग बचि गवा अहइँ उ पचे फुन फूली फरिहीं ठीक वइसे ही जइसे पौधा अपनी जड़न मजबूत कइ लेइ पइ ही फरत ह</verse>
				<verse number="31">काहेकि यरूसलेम मँ रहइवालन कछू लोग जिअत रहब्या। सिय्योन पर्वत पइ रहइवालन मँ स कछू लोग बच जाइँ। यहोवा क जोस इ सब करावाएब।”</verse>
				<verse number="32">“अस्सूर क सम्राट क बारे मँ यहोवा अइसा कहत ह: ‘उ इ नगर मँ नाहीं आई। उ इ नगर मँ एक ठु भी बाण नाहीं चलाइ। उ इ नगर क खिलाफ ढाल क संग नाहीं आइ। उ इ नगर पइ आक्रमण क माटी क टीलन नाहीं बनाइ।</verse>
				<verse number="33">उ उहइ राहे स लउटी जेहसे उ आवा। उ इ नगर मँ नाहीं आई। इ यहोवा कहत ह।</verse>
				<verse number="34">मइँ अपने बरे अउर अपने सेवक दाऊद बरे इ नगर क रच्छा करब अउर बचाइ लेब।’”</verse>
				<verse number="35">उ राति यहोवा क दूत अस्सूरी डेरा मँ गवा अउर एक लाख पचासी हजार लोगन क मार डाएस। भिन्सारे क जब लोग उठेन तउ उ पचे सारी ल्हासन लखेन।</verse>
				<verse number="36">एह बरे अस्सूर क राजा सन्हेरीब चला गवा अउर नीनवे वापस पहोंचा, अउर हुवइँ रुक गवा।</verse>
				<verse number="37">एक दिना सन्हेरीब मन्दिर मँ अपने देवता निसरोक क पूजा करत रहा। ओकरे पूतन अद्रेम्मेलेक अउर सरेसेर ओका तरवार स मार डाएन। तब उ पचे अरारात प्रदेस मँ पराइ निकरेन अउर सन्हेरीब क पूत एसर्हद्दोन ओकरे पाछे नवा राजा भवा।</verse>
			</chapter>
			<chapter number="20">
				<verse number="1">उ समइ हिजकिय्याह बीमार पड़ा अउर लगभग मरि ही गवा। आमोस क पूत नबी यसायाह हिजकिय्याह स भेंटेस। यसायाह हिजकिय्याह स कहेस, “यहोवा कहत ह, ‘अपने परिवार क लोगन क बरे वसीयत नामा लिख ल्या। तू मर जाब्या। तू जिअत नाहीं रहब्या।’”</verse>
				<verse number="2">हिजकिय्याह आपन मुँहना देवारे कइँती कइ लिहस। उ यहोवा स पराथना किहस अउर कहेस,</verse>
				<verse number="3">“यहोवा याद रखा कि मइँ पूरे हिरदइ क संग सच्चाई स तोहार सेवा किहेउँ ह। मइँ उ किहेउँ ह जेका तू नीक बताया ह।” तब हिजकिय्याह फूट-फूट के रोइ पड़ा।</verse>
				<verse number="4">बीच क आँगन क यसायाह क छोड़इ क पहिले यहोवा क सँदेसा ओका मिला। यहोवा कहेस,</verse>
				<verse number="5">“लउटा अउर मोरे लोगन क अगुवा हिजकिय्याह स कहा, ‘यहोवा तोहार पुरखा दाऊद क परमेस्सर इ कहत ह, मइँ तोहार पराथना सुनि लिहेउँ ह अउर तोहार आँसू लखेउँ ह। एह बरे मइँ तोहका स्वस्थ करब। तीसरे दिन तू यहोवा क मन्दिर मँ जाब्या।</verse>
				<verse number="6">अउर मइँ तोहरी जिन्नगी क पन्द्रह बरिस बढ़ाइ देब। मइँ अस्सूर क सम्राट क सक्ती स तोहका अउर इ नगर क बचाउब। मइँ अइसन अपने बरे अउर अपने सेवक दाऊद क बरे इ करब।’”</verse>
				<verse number="7">तब यसायाह कहेस, “अंजीर क एक मिस्रन बनावा अउर एका घाव क जगह पइ लगावा।” एह बरे उ पचे अंगीरे क मिस्रन लिहन अउर हिजकिय्याह क घाव क जगह पइ लगाएन। तब हिजकिय्याह स्वस्थ होइ गवा।</verse>
				<verse number="8">हिजकिय्याह यसायाह स कहेस, “एकर संकेत का होइ कि यहोवा मोका स्वस्थ करी अउर मइँ यहोवा क मन्दिर मँ तीसरे दिन जाब?”</verse>
				<verse number="9">यसायाह कहेस, “तू का चाहत अहा? का छाया दस पैड़ी आगे जाइ या दस पैड़ी पाछे जाइ? इहइ यहोवा क तोहरे बरे संकेत अहइ कि जउन यहोवा कहेस ह, ओका उ करी।”</verse>
				<verse number="10">हिजकिय्याह जवाब दिहेस, “छाया क बरे दस पैड़ियन आगे जाब सहल बाटइ। नाहीं, छाया क दस पैड़ी पाछे हटइ द्या।”</verse>
				<verse number="11">तब नबी यसायाह यहोवा स पराथना किहस अउर अहाज क धूप-घड़ी पई यहोवा छाया क दस पैड़ियन पाछे हटाएस। उ ओन पैड़ियन पइ लउटी जेन पइ इ पहिले रही।</verse>
				<verse number="12">ओन दिनन बलदान क पूत बरोदक बलदान बाबेल क राजा रहा। उ पत्रन क संग एक ठु भेंट हिजकिय्याह क पठएस। बरोदक-बलदान इ एह बरे किहस काहेकि उ सुनेस कि हिजकिय्याह बीमार होइ गवा ह।</verse>
				<verse number="13">हिजकिय्याह बाबेल क लोगन क सुआगत किहस अउर उ अपने महल क सबहिं कीमती चिजियन क ओनका देखाएस। उ ओनका चाँदी, सोना, मसालन, कीमती इत्र, अस्त्र-सस्त्र अउर अपने खजाने क हर एक चीज देखाएस। हिजकिय्याह क पूरा महल अउर राज्ज मँ अइसा कछू नाहीं रहा जेका उ ओनका न देखाए होइ।</verse>
				<verse number="14">तब यसायाह नबी राजा हिजकिय्याह क लगे आवा अउर ओहसे पूछेस, “इ सबइ लोग का कहत रहेन? उ पचे कहाँ स आए रहेन?” हिजकिय्याह कहेस, “उ पचे बहोत दूर क देस बाबेल स आए रहेन।”</verse>
				<verse number="15">यसायाह पूछेस, “उ पचे तोहरे महल मँ का लखेन ह?” हिजकिय्याह जवाब दिहेस, “उ पचे मोरे महल क सबहिं चिजियन लखेन ह। मोरे खजानन मँ अइसा कछू नाहीं बाटइ जेका मइँ ओनका न देखाँया होइ।”</verse>
				<verse number="16">तब यसायाह हिजकिय्याह स कहेस, “यहोवा क हिआँ स इ सँदेसा क सुना।</verse>
				<verse number="17">उ समइ आवति अहइ जब तोहरे महल क सबहिं चिजियन अउर उ सबइ सबहिं चिजियन जेनका तोहार पुरखन आजु तलक सुरच्छित रखेन ह, बाबेल स लइ जाइ जइहीं। कछू भी नाहीं बची। यहोवा इ कहत ह।</verse>
				<verse number="18">बाबेल तोहरे पूतन क लइ लेइहीं अउर तोहार पूत बाबेल क राजा क महल मँ खोजे बने रहिहीं।”</verse>
				<verse number="19">तब हिजकिय्याह यसायाह स कहेस, “यहोवा क हिआँ स इ सँदेसा नीक अहइ।” (हिजकिय्याह सोचेस, “कम स कम मोर जीवनकाल मँ सान्ति अउर रच्छा रहइहीं।”)</verse>
				<verse number="20">हिजकिय्याह जउन बड़के कारज किहस, जेनमाँ जलकुण्ड पइ कीन्ह गए काम अउ नगर मँ पानी लिआवइ बरे नहर बनावइ क काम सामिल अहइँ यहूदा क राजा लोगन क इतिहास क किताबे मँ लिखे गए अहइँ।</verse>
				<verse number="21">हिजकिय्याह मरा अउ अपने पुरखन क संग दफनावा गवा अउर हिजकिय्याह क पूत मनस्से ओकरे पाछे नवा राजा भवा।</verse>
			</chapter>
			<chapter number="21">
				<verse number="1">मनस्से जब हुकुमत करइ लाग तब उ बारह बरिस क रहा। उ पचपन बरिस तलक यरूसलेम मँ हुकूमत किहस। ओकरी महतारी क नाउँ होसीबा रहा।</verse>
				<verse number="2">मनस्से उ सबइ काम किहस जेनका यहोवा बुरा बाताए रहा। मनस्से उ सबइ भयंकर काम करत रहा जउन दूसर रास्ट्र करत रहेन। (अउर यहोवा ओन रास्ट्रन क आपन देस तजइ पर मजबूर किहे रहा जब इस्राएली आए रहेन।)</verse>
				<verse number="3">मनस्से फुन ओन ऊँच जगहन क बनाएस जेनका ओकर बाप हिजकिय्याह बर्बाद किहे रहा। मनस्से भी ठीक इस्राएल क राजा अहाब क तरह बाल क सम्मान देई बरे वेदियन बनाएस अउर असेरा क सम्मान बरे स्तम्भ बनाएस। मनस्से अकासे मँ तारन क पूजा करब सुरू किहस।</verse>
				<verse number="4">मनस्से यहोवा क मन्दिर मँ झूठे देवतन क पूजा क वेदियन बनाएस। (इ उहइ ठउर अहइ जेकर बारे मँ यहोवा बातन करत रहा जब उ कहे रहा, “मइँ आपन नाउँ यरूसलेम मँ रखब।”)</verse>
				<verse number="5">मनस्से यहोवा क मन्दिर क दुइ आँगनन मँ अकासे क नछत्रन बरे बेदियन बनाएस।</verse>
				<verse number="6">मनस्से अपने पूत क बलि दिहस अउर ओका वेदी पइ बारेस। मनस्से भविस्स जानइ क कोसिस मँ कइउ तरीकन क उपयोग किहस। उ ओझा लोगन अउ भूत सिद्धियन स मिला। मनस्से जियादा स जियादा उ करत गवा जेका यहोवा बुरा कहे रहा। इ यहोवा क कोहाइ दिहस।</verse>
				<verse number="7">मनस्से असेरा क खुदी भइ मूरति बनाएस। उ इ मूरति क मन्दिर मँ धरेस। यहोवा दाऊद अउ दाऊद क पूत सुलैमान स इ मन्दिर क बारे मँ कहे रहा: “मइँ यरूसलेम क पूरे इस्राएल क नगरन मँ स चुनेउँ ह। मइँ आपन नाउँ यरूसलेम क मन्दिर मँ सदा ही बरे रखब।</verse>
				<verse number="8">मइँ इस्राएल क लोगन स उ भुइँया जेका मइँ ओनके पुरखन क दइ दिहे रहेउँ, क तजइ बरे नाहीं कहब। मइँ लोगन क ओनके देस मँ रहइ देब, जदि उ पचे ओन सब चिजियन क पालन करिहीं जेनका आदेस मइँ दिहेउँ ह अउर जउन उपदेस मोर सेवक मूसा ओनका दिहस ह।”</verse>
				<verse number="9">किन्तु लोग परमेस्सर क एक न सुनेन। मनस्से ओन लोग स पाप कराएस। इस्राएलियन आवइ क पहिले कनान मँ रहइ वाले सबहिं रास्ट्र जेतना बुरा करत रहेन मनस्से ओहसे भी जियादा बुरा किहे रहा। यहोवा ओन रास्ट्रन क नस्ट कइ दिहे रहा जब इस्राएल क लोग इ भुइँया लेइ आए रहेन।</verse>
				<verse number="10">यहोवा अपने सेवक, नबियन क उपयोग इ किहइ बरे कहस:</verse>
				<verse number="11">“यहूदा क राजा मनस्से एन घिनौने पापन क किहेस ह अउर अपने स पहिले रहइवाले एमोरियन स भी बड़की बुराई किहेस ह। मनस्से अपने देवमूरतियन क साथ यहूदा स भी पाप कराएस ह।</verse>
				<verse number="12">एह बरे इस्राएल क परमेस्सर यहोवा करत ह, ‘लखा! मइँ यरूसलेम अउ यहूदा पइ ऍतनी विपत्तियन ढाउब कि जदि कउनो मनई एनके बारे मँ सुनी तउ ओकर हिरदइ बइठ जाइ।</verse>
				<verse number="13">मइँ यरूसलेम क माप पई सोमरोन क माप पंक्ति अउर अहाब क परिवार क साहुल क उपयोग करब। कउनो मनई तस्तरी क पोंछत ह अउर तब उ ओका उलटिके रख देत ह। मइँ यरूसलेम क साथ भी अइसा ही करब।</verse>
				<verse number="14">हुवाँ मोर कछू मनई फुन भी बचे रहि जइहीं। किन्तु मइँ ओन मनइयन क तजि देब। मइँ ओनका ओनके दुस्मनन क दइ देब। ओनकर दुस्मन ओनका बन्दी बनइहीं, उ पचे ओन कीमती चिजियन क तरह होइहीं जेनका फउजी जुद्ध मँ प्राप्त करत हीं।</verse>
				<verse number="15">काहे? काहेकि मोर लोग उ सबइ काम किहन जेनका मइँ बुरा बताएउँ। उ पचे मोका उ दिन स कोहाइ दिहन ह जउने दिन स ओनकर पुरखन मिस्र स बाहेर आएन।</verse>
				<verse number="16">अउर मनस्से अनेक निरपराध लोगेन क मारेस। उ यरूसलेम क एक सिरे से दूसर सिरे तलक खून स भरि दिहेन। इ सारे पाप ओन पापन क अलावा अहइँ जेका उ यहूदा स कराएस। मनस्से यहूदा स उ कराएस जेका यहोवा बुरा बताए रहा।’”</verse>
				<verse number="17">ओन पापन सहित अउर भी जउन कार्य मनस्से किहस, उ सबहिं यहूदा क राजा लोगन क इतिहास क किताबे मँ लिखे अहइँ।</verse>
				<verse number="18">मनस्से मरा अउर अपने पुरखन क संग दफनावा गवा। ओका “उज्जा क बाग” मँ दफनावा गवा जउन कि मनस्से क महल मँ रहा। मनस्से क पूत आमोन ओकरे पाछे नवा राजा भवा।</verse>
				<verse number="19">आमोन जब हुकूमत करब सुरू कहस तउ उ बाईस बरिस क रहा। उ यरूसलेम मँ दुइ बरिस तलक सासन किहस। ओकरी महतारी क नाउँ मसुल्लेमेत रहा, जउन योव्बा स हारूस क बिटिया रही।</verse>
				<verse number="20">ठीक अपने बाप क तरह अमोन उहइ काम किहस, जेनका यहोवा बुरा कहे रहा।</verse>
				<verse number="21">आमोन ठीक अपने बाप क तरह रहत रहा। आमोन ओनहीं देवमूरतियन क पूजा अउ सेवा करत रहा जेनकर ओकर बाप करत रहा।</verse>
				<verse number="22">आमोन अपने पुरखन क परमेस्सर यहोवा क तज दिहस अउर उ तरह नाहीं रहा जइसा यहोवा चाहत राहा।</verse>
				<verse number="23">आमोन क सेवकन ओकर खिलाफ सडयंत्र रचेन अउर ओका ओकरे महल मँ मार डाएस।</verse>
				<verse number="24">साधारण जनता ओन सबहिं अधिकारियन क मार डाएस जउन आमोन क खिलाफ सड्यंत्र रचे रहेन। तब लोग आमोन क पूत योसिय्याह क ओकरे पाछे नवा राजा बनाएन।</verse>
				<verse number="25">जउन दूसर काम आमोन किहस उ सबइ यहूदा क राजा लोगन क इतिहास क किताबे मँ लिखे अहइँ।</verse>
				<verse number="26">आमोन उज्जर क बाग मँ अपनी कब्र मँ दफनावा गवा। आमोन क पूत योसिय्याह नवा राजा बना।</verse>
			</chapter>
			<chapter number="22">
				<verse number="1">योसिय्याह जब हुकूमत करब सुरू किहस तउ उ आठ बरिस क रहा। उ इकतीस बरिस तलक यरूसलेम मँ हुकूमत किहस। ओकर महतारी बोस्कत क अदाया क बिटिया, यदीदा रही।</verse>
				<verse number="2">योसिय्याह उ सबइ काम किहेस जेनका यहोवा नीक बताए रहा। योसिय्याह परमेस्सर क अनुसरण अपने पुरखन दाऊद क तरह किहेस। योसिय्याह ठीक वइसे ही किहेस जइसे परमेस्सर चाहत रहा।</verse>
				<verse number="3">अपने राज्जकाल क अट्ठारहवे बरिस मँ, अपने सचिव, मसुल्लाम क पोता व असल्याह क पूत सापान क यहोवा क मन्दिर मँ पठएस। योसिय्याह कहेस,</verse>
				<verse number="4">“महायाजक हिलकिय्याह क लगे जा। ओहसे कहा कि ओका उ गनइ अउर लइ लेइ चाही जेका लोग यहोवा क मन्दिर मँ लिआएस ह। द्वारपालन उ धने क लोगन स बटोर रहेन।</verse>
				<verse number="5">याजकन क इ धन ओन कारीगरन क देइ मँ बइपरई चाही जउन यहोवा क मन्दिर क मरम्मत करत हीं। याजकन क इ धन क ओन लोगन क देइ चाही जउन यहोवा क मन्दिर क देखभाल करत हीं।</verse>
				<verse number="6">बढ़ई, पाथरे क देवार बनावइवाले मिस्त्री अउर पाथर क काटइवालन क तनख्वाह बरे धने उपयोग करा। मन्दिर मँ लगावइ बरे इमारती लकड़ी अउ कटे पाथर क बेसहइ मँ धने क उपयोग करा।</verse>
				<verse number="7">उ धने क जिन गना जेका तू मजदूरन क द्या। ओन मजदूरन पइ बिस्सास कीन्ह जाइ सकत ह।”</verse>
				<verse number="8">महायाजक हिलकिय्याह सचिव सापान स कहेस, “लखा! मोका व्यवस्था क किताब यहोवा क मन्दिर मँ मिली ह।” हिलकिय्याह इ पुस्तक क सापान क दिहस अउर सापान एका बाँचेस।</verse>
				<verse number="9">सास्त्री सापान, राजा योसिय्याह क लगे आवा अउर ओका बताएस जउन भवा रहा। सापान कहेस, “तोहरे सेवकन मन्दिर स मिले धने क लिहस अउर ओका ओन कारीगरन क दिहस जउन यहोवा क मन्दिर क काम करत रहेन। अउर जउन मन्दिर क देख-रेख करत रहेन।”</verse>
				<verse number="10">तब सास्त्री सापन राजा स कहेस, “याजक हिलकिय्याह मोका इ किताब दइ दिहस ह।” तब सापान राजा क किताब बाँचिके सुनाएस।</verse>
				<verse number="11">जब राजा व्यवस्था क किताबे क सब्दन क सुनेस, उ आपन दुःख अउर परेसानी परगठ करइ क बरे अपने ओढ़नन क फारि डाएस।</verse>
				<verse number="12">तब राजा याजक हिलकिय्याह, सापान क पूत अहीकाम, मीकायाह क पूत अकबोर, सास्त्री सापान अउर राजसेवक असाया क आदेस दिहस।</verse>
				<verse number="13">राजा योसिय्याह कहेस, “जा, अउर यहोवा स पूछा कि हम क का करइ चाही। यहोवा क समन्वा मोरे बरे, लोगन क बरे अउर पूरे यहूदा क बरे याचना करा। इ मिली भइ पुस्तक क सब्दन क बारे मँ पूछा। यहोवा हम लोगन पइ कोहान अहइ काहेकि हमार पुरखन इ किताबे क सिच्छा क नाहीं मानेन। उ पचे हम लोगन क बरे लिखी सब बातन क नाहीं किहन।”</verse>
				<verse number="14">एह बरे याजक हिलकिय्याह, अहीकाम, अकबोर, सापान अउ असाया, नबिया हुल्दा क लगे गएन। हुल्दा हर्हस क पोता व तिकवा क पूत सल्लूम क मेहरारू रही। उ याजक क ओढ़नन क देखभाल करत रहा। हुल्दा यरूसलेम क दूसरे हिस्सा मँ रहत रही। उ पचे गएन अउर उ पचे हुल्दा स बातन किहन।</verse>
				<verse number="15">तब हुल्दा ओनसे कहेस, “यहोवा इस्राएल क परमेस्सर कहत ह: उ मनई स कहा जउन तू पचन्क मोरे लगे पठएस ह:</verse>
				<verse number="16">‘यहोवा इ कहत ह: मइँ इ जगह पइ बिपत्ति लावत हउँ अउर ओन मनइयन पइ भी जउन हिआँ रहत हीं। इ सबइ उ सब बिपत्तियन अहइँ जेनका उ किताबे मँ लिखा गवा ह जेका यहूदा क राजा बाँचेस ह।</verse>
				<verse number="17">यहूदा क लोग मोका त्याग दिहन ह अउर दूसर देवतन क बरे सुगन्धि बारेन ह। उ पचे मोका बहोत किरोधित किहन ह। उ पचे बहोत स देवमूरतियन बनाएन। इहइ कारण अहइ कि मइँ इ जगह क खिलाफ आपन किरोध परगट करब। मोर विरोध उ आगी क तरह होइ जउन बुझाइ न जाइ सकी।’</verse>
				<verse number="18">“यहूदा क राजा योसिय्याह स इ कहा जउन तोहका यहोवा स सलाह लेइ बरे भेजेस ह। ‘यहोवा इस्राएल क परमेस्सर उ कहेस जउन तू सुने। तू उ सुन्या जउन मइँ इ जगह अउर इ ठहूर पइ रहइवाले लोगन क बारे मँ कहेउँ। तोहार हिरदइ कोमल अहइ। जब तू इ सुन्या तउ तोहका दुःख भवा। मइँ कहेउँ कि भयंकर घटनन इ जगह क संग घटित होइहीं। अउर तू अपने दुःख क परगट करइ बरे अपने ओढ़नन क फारि डाया अउर तू रोवइ लाग्या। इहइ कारण अहइ कि मइँ तोहार बात सुनेउँ।’ यहोवा इ कहत ह,</verse>
				<verse number="19"></verse>
				<verse number="20">‘मइँ तू पचन्क तोहरे पुरखन क संग मिलइ देब्या। तू पचे मरब्या अउ अपनी कब्र मँ सान्तिपूर्वक जाब्या। एह बरे तोहार पचन्क अँखियन ओन बिपत्तियन क नाहीं लखिहीं जेनका मइँ इ जगह पइ ढावइ जात अहउँ।’” तब याजक हिलकिय्याह, अहीकाम, अकबोर, सापान अउ असाया राजा स इ सब कहेस।</verse>
			</chapter>
			<chapter number="23">
				<verse number="1">राजा योसिय्याह यहूदा अउ इस्राएल क सबहिं प्रमुखन से आवइ अउर ओहसे मिलइ क बरे कहेस।</verse>
				<verse number="2">तब राजा यहोवा क मन्दिर गवा। सबहिं यहूदा क लोग अउर यरूसलेम मँ रहइवाले लोग ओकरे संग गएन। याजक, नबी, अउर सबहिं मनई, सब स जियादा महत्वपूर्ण स सब स कम महत्वपूर्ण सबहिं ओकरे संग गएन। तब उ साच्छीपत्र क पुस्तक बाँचेस। इ उहइ, नेम क पुस्तक रही जउन यहोवा क मन्दिर स मिली रही। योसिय्याह उ पुस्तक क इ तरह बाँचेस कि सबहिं लोग ओका सुनि सकइँ।</verse>
				<verse number="3">राजा स्तम्भ क लगे खड़ा भवा अउर उ यहोवा क संग वाचा किहस। उ यहोवा क अनुसरण करब, ओकर आग्या, वाचा अउर नेमन क पालन करब अंगीकार किहस। उ पूरी आतिमा अउर हिरदइ स इ करब अंगीकार किहस। उ किताबे मँ लिखी वाचा क मानब अंगीकार किहस। सबहिं लोग इ परगट करइ क बरे खड़े भएन कि उ पचे राजा क वाचा क समर्पन करत हीं।</verse>
				<verse number="4">तब राजा महायाजक हिलकिय्याह दूसर याजकन अउर द्वारपालन क बाल, असेरा अउर अकासे क नछयन क सम्मान बरे बनी सबहिं चिजियन क यहोवा क मन्दिर क बाहेर लिआवइ क आदेस किहस। तब योसिय्याह ओन सबहिं क यरूसलेम क बाहेर किद्रोन क खेतन मँ बार दिहस। तब राखी क उ पचे बेतेल लइ गएन।</verse>
				<verse number="5">यहूदा क राजा लोग कछू सामान्य मनइयन क याजकन क रूप मँ सेवा बरे चुने रहा। इ सबइ लोग हारून क परिवार स नाहीं रहेन। उ पचे झूठे याजक यहूदा क सबहिं नगरन अउर यरूसलेम क नजिक क नगरन मँ ऊँच जगहन पइ सुगन्धि बारत रहेन। उ पचे बाल, सूरज, चाँद, नछत्रन क समूह अउ अकासे क सबहिं नछत्रन क सम्मान मँ सुगन्धि बारत रहेन। किन्तु योसिय्याह ओन बनावटी याजकन क रोक दिहस।</verse>
				<verse number="6">योसिय्याह असेरा स्तम्भ क यहोवा क मन्दिर स हटाएस। उ असेरा स्तम्भ क नगर क बाहेर किद्रोन घाटी क लइ गवा अउर ओका हुवँइ बार दिहस। तब उ जरे खण्डन क कूटेस अउर उ राखी क साधारण लोगन क कब्रन पइ छितराएस।</verse>
				<verse number="7">तब राजा योसिय्याह यहोवा क मन्दिर मँ बने पुरुसगामियों क कोठान क गिरवाइ दिहस। ओन घरन मँ मेहररूअन झूठी देवी असीराह क सम्मान देइ बरे तम्बू क छोटे अवरण बिना करत रहिन।</verse>
				<verse number="8">उ समइ याजक बलि यरूसलेम क नाहीं लिआवत रहेन अउर ओका मन्दिर क वेदी पइ नाहीं चढ़ावत रहेन। याजक सारे यहूदा क नगरन मँ रहत रहेन अउर उ पचे ओन नगरन मँ ऊँच नगरियन पइ सुगन्धि बारत अउ बलि भेंट करत रहेन। उ पचे ऊँची जगह गेबा स लइके बेर्सबा तलक हर जगह रहेन। याजकन अखमिरी रोटी यरूसलेम मँ मन्दिर मँ याजकन बरे बनावा गवा स्थान मँ एका खावइ क बजाए ओन सहरन मँ साधारण लोगन क संग खाएस। परन्तु राजा योसिय्याह ओन ऊँची जगहन क नस्ट कइ डाएस अउर याजकन क यरूसलेम लइ गवा। योसिय्याह ओन ऊँची जगहन क भी नस्ट किहे रहा जउन यहोसू दुआर क लगे बाई ओर रहेन। (यहोसू नगर क प्रसासक रहा।)</verse>
				<verse number="9"></verse>
				<verse number="10">तोपेत “हिन्नोम क पूत क घाटी” मँ एक जगह रही जहाँ लोग अपने बच्चन क मारत रहेन अउर लबार देवता मोलेक क सम्मान मँ ओनका वेदी पइ बारत रहेन। योसिय्याह उ जगहिया क ऍतना नस्ट कइ डाएस कि लोग उ जगहिया क प्रयोग न कइ सकइँ।</verse>
				<verse number="11">बीते समइ मँ यहूदा क राजा लोग यहोवा क मन्दिर क दुआर क लगे कछू घोड़न अउर रथन रख छोड़े रहेन। इ नतन्मेलेख नाउँ क महत्वपूर्ण अधिकारी क कमरे क लगे रहा। घोड़न अउ रथन सूर्य देव क सम्मान बरे रहेन। योसिय्याह घोड़न क हटाएस अउर रथे क बार दिहस।</verse>
				<verse number="12">बीते समइ मँ यहूदा क राजा लोग अहाब क इमारत क छते पइ बेदियन बनाइ रखे रहेन। राजा मनस्से भी यहोवा क मन्दिर क दुइ आँगनन मँ वेदियन बनाइ रखे रहा। योसिय्याह ओन वेदियन क तोरि डाएस अउर ओनकर टूटे टूकन क किद्रोन क घाटी मँ लोकाइ दिहस।</verse>
				<verse number="13">बीते समइ मँ राजा सुलेमान यरूसलेम क निअरे विध्वंसक पहाड़ी क दक्खिन मँ कछू ऊँच जगह बनाए रहा। राजा सुलेमान पूजा क ओन जगहन क, सीदोन क लोग जउन घिनौनी चीज अस्तोरेत क पूजा करत रहेन, ओकरे सम्मान बरे बनाए रहेन। सुलैमान मोआब लोगन क जरिये पूजित घिनौनी चीज कमोस क सम्मान बरे भी एक ठु वेदी बनाए रहा अउर राजा सुलैमान अम्मोन लोगन क जरिये पूजित घिनौनी चीज मिल्कोम क सम्मान बरे एक ऊँची जगह बनाए रहा। किन्तु राजा योसिय्याह ओन सबहिं पूजा ठउरन क नस्ट कइ दिहस।</verse>
				<verse number="14">राजा योसिय्याह सबहिं स्मृति पाथरन अउ असेरा स्तम्भन क तोड़ डाएस। तब उ ओन जगहन क ऊपर मृतकन क हाड़न क छितराएस।</verse>
				<verse number="15">योसिय्याह बेतेल क वेदी अउ ऊँच जगहन क भी तोरि डाएस। नबात क पूत यारोबाम इ वेदी क बनाए रहा। यारोबाम इस्राएल स पाप कराए रहा। योसिय्याह ऊँची जगहन अउ वेदी दुइनउँ इ तोरि डाएस। योसिय्याह वेदी क पाथर क टूकन कइ दिहस। तब उ ओनका कूटिके धुरि बनाइ दिहस अउर उ असेरा स्तम्भ क बार दिहस।</verse>
				<verse number="16">योसिय्याह चारिहुँ कइँती नजर दउड़ाएस अउर पहाड़े पइ कब्रन क लखेस। उ मनइयन क पठएस अउर पचे ओन कब्रन स हाड़न लइ आएन। तब उ वेदी पइ हाड़न क बारेस। इ तरह योसिय्याह वेदी क भ्रस्ट कइ दिहस। इ उहइ तरह भवा जइसा यहोवा क सँदेसा क परमेस्सर क जन घोसित किहे रहा। परमेस्सर क जन एकर घोसणा तब किहन जब यारोबाम वेदी क बगल मँ खड़ा रहा। तब योसिय्याह चारिहूँ कइँती निगाह दउड़ाएस अउर परमेस्सर क जन क कब्र खोदेस।</verse>
				<verse number="17">योसिय्याह कहेस, “जउने स्मारक क मइँ लखत हउँ, उ का अहइ?” नगर क लोग ओहसे कहेन, “इ परमेस्सर क उ जने क कब्र अहइ जउन यहूदा स आवा रहा। इ परमेस्सर क जन उ सब बाताए रहा जउन आप बेतेल मँ वेदी क संग किहन। उ इ सबइ बातन बहोत पहिले बाताए रहा।”</verse>
				<verse number="18">योसिय्याह कहेस, “परमेस्सर क जन क अकेला छोड़ द्या। ओकरी हाड़न क जिन हटावा।” एह बरे उ पचे हाड़न तजि दिहन, अउर साथ ही सोमरोन स आए परमेस्सर क जन क हाड़न भी छोड़ दिहन।</verse>
				<verse number="19">योसिय्याह सोमरोन नगर क सबहिं ऊँच नगरन क पूजागृह क भी नस्ट कइ दिहस। इस्राएल क राजा लोग पूजा गृहन क बानाए रहेन अउर उ यहोवा क बहोत कोहाइ दिहे रहेन। योसिय्याह ओन पूजा-गृहन क वइसे ही नस्ट किहेस जइसे उ बेतेल क पूजा क जगहन क नस्ट किहस।</verse>
				<verse number="20">योसिय्याह सोमरोन मँ रहइवाले ऊँची जगहन क सबहिं पुरोहितन क मार डाएस। उ ओनहीं वेदियन पइ पुरोहितन क बध किहस। उ मनइयन क हाड़न वेदियन पइ बारेस। इ तरह उ पूजा इ ओन जगहन क भ्रस्ट किहस। तब उ यरूसलेम मँ लउटि आवा।</verse>
				<verse number="21">तब राजा योसिय्याह सबहिं लोगन क हुकुम दिहस। उ कहेस, “यहोवा अपने परमेस्सर क फसह पर्व मनावा। एका उहइ तरह मनावा जइसा साच्छीपत्र क पुस्तक मँ लिखा अहइ।”</verse>
				<verse number="22">लोग इ तरह फसह पर्व क तब स नाहीं मनाए रहेन जब स इस्राएल पइ न्यायाधीस सासन करत रहेन। इस्राएल क कउनो राजा या यहूदा क कउनो भी राजा कबहुँ फसह पर्व क ऍतना बड़का उत्सव नाहीं मनाए रहा।</verse>
				<verse number="23">एह बरे ओन लोग यहोवा बरे फसह पर्व योसिय्याह क राज्जकाल क अट्ठारहवें बरिस मँ यरूसलेम मँ मनाएन।</verse>
				<verse number="24">योसिय्याह ओझा लोगन क, भूतसिच्छकन, गृह-देवतन, देवमूरतियन अउर यहूदा अउ इस्राएल मँ जउन घिनवनी चिजयन क पूजा होत रही, सब क नस्ट कइ दिहस। योसिय्याह इ यहोवा क मन्दिर मँ याजक हिलकिय्याह क मिली पुस्तक मँ लिखे गए परमेस्सर क नेमन क अनुसार किहस।</verse>
				<verse number="25">एकरे पहिले योसिय्याह क समान कबहुँ कउनो राजा नाहीं भवा रहा। योसिय्याह यहोवा कइँती, अपनी पूरी आतिमा अउर अपनी पूरी सक्ती स गवा। योसिय्याह क तरह कउनो राजा मूसा क सबहिं नेमन क अनुसरण नाहीं किहे रहा। उ समइ स योसिय्याह क तरह क कउनो दूसर राजा कबहुँ नाहीं भवा।</verse>
				<verse number="26">किन्तु यहोवा यहूदा क लोगन पइ किरोध करब तजेस नाहीं। यहोवा अबहुँ भी ओन पइ सारे कामन क बरे कोहान रहा जेनका मनस्से किहे रहा।</verse>
				<verse number="27">यहोवा कहेस, “मइँ इस्राएलियन क ओनकर देस तजइ क मजबूर किहेउँ। मइँ यहूदा क संग वइसा ही करब मइँ यहूदा क अपनी आँखिन स ओझल करब। बेसक मइँ यरूसलेम अउर एकर मन्दिर क चुना रहा जेकर बारे मँ मइँ कहे रहेउँ, ‘मोर नाउँ हुवाँ रहब मइँ यरूसलेम अउर मन्दिर क रद्द कइ देब।’”</verse>
				<verse number="28">योसिय्याह जउन दूसर काम किहस उ सबइ यहूदा क राजा लोगन क इतिहास क किताबे मँ लिखे अहइँ।</verse>
				<verse number="29">योसिय्याह क समइ मिस्र क राजा फिरौन नको अस्सूर क राजा क खिलाफ जुद्ध करत परात नदी क गवा। राजा योसिय्याह नको स भेंटइ मगिद्दो गवा। फिरौन नको योसिय्याह क लखि लिहस अउर तब ओका मार डाएस।</verse>
				<verse number="30">योसिय्याह क अधिकारियन ओकरे बदन क एक ठु रथे मँ धरेन अउर ओका मगिद्दो स यरूसलेम लइ गएन। उ पचे योसिय्याह क ओकरी अपनी कब्र मँ दफनाएन। तब साधारण लोग योसिय्याह क पूत यहोआहाज क लिहन अउर ओकर राज्ज अभिसेक कइ दिहन। उ पचे यहोआहाज क नवा राजा बनाएस।</verse>
				<verse number="31">यहोआहाज तेईस बरिस क रहा, जब उ राजा बना। उ यरूसलेम मँ तीन महीने तलक हुकूमत किहस। ओकर महतारी लिब्ना क यिर्मयाह क बिटिया हमूतल रही।</verse>
				<verse number="32">यहोआहाज उ सबइ काम किहस जेनका यहोवा बुरा बताए रहा। यहोआहाज उ सब ही काम किहेस जेनका ओकरे पुरखन किहे रहेन।</verse>
				<verse number="33">फिरौन नको यहोआहाज क हमात प्रदेस मँ रिबला मँ कैद रखेस। एह बरे यहोआहाज यरूसलेम मँ सासन नाहीं कइ सका। फिरौन नको यहूदा क सात हजार पाँच सौ पौण्ड चाँदी अउर पचहत्तर पौण्ड सोना देइ क मजबूर किहस।</verse>
				<verse number="34">फिरौन नको योसिय्याह क पूत एल्याकीम क नवा राजा बनाएस। एल्याकीम अपने बाप योसिय्याह क जगह लिहस। फिरौन-नको एल्याकीम क नाउँ बदलिके यहोयाकीम कइ दिहस अउर फिरौन-नको यहोआहाज क मिस्र लइ गवा। यहोआहाज मिस्र मँ मरा।</verse>
				<verse number="35">यहोयाकीम फिरौन क सोना अउ चाँदी दिहस। किन्तु यहोयाकीम साधारण जनता स बसूलेस अउर उ धने क उपयोग फिरौन नको क देइ मँ किहस। एह बरे हर मनई चाँदी अउ सोना क अपने हींसे क भुगतान किहस अउर राजा यहोयाकीम फिरौन क उ धन दिहस।</verse>
				<verse number="36">यहोयाकीम जब राजा भवा तउ उ पच्चीस बरिस क रहा। उ गियारह बरिस तलक यरूसलेम मँ राज्ज किहस। ओकर महतारी रूमा क अदायाह क बिटिया जबीदा रही।</verse>
				<verse number="37">यहोयाकीम उ सबइ काम किहेस जेनका यहोवा बुरा बताए रहा। यहोयाकीम उ सब ही काम किहेस जउन ओकरे पुरखन किहे रहेन।</verse>
			</chapter>
			<chapter number="24">
				<verse number="1">यहोयाकीम क समइ मँ बाबेल क राजा नबूकदनेस्सर यहूदा देस मँ आवा। यहोयाकीम नबूकदनेस्सर क सेवा तीन बरिस तलक किहेस। तब यहोयाकीम नबूकदनेस्सर क खिलाफ होइ गवा अउर ओकरे विरूद्ध विद्रोह कइ दिहा।</verse>
				<verse number="2">यहोवा कसदियन, अरामियन, मोआबियन अउ अम्मोनियन क दलन क यहोयाकीम क विरुद्ध लड़इ बरे पठएस। यहोवा ओन दलन क यहूदा क नस्ट करइ बरे पठएस। इ वइसा ही भवा जइसा यहोवा कहे रहा। यहोवा अपने सेवक नबियन क उपयोग उ कहइ बरे किहे रहा।</verse>
				<verse number="3">यहोवा ओन घटनन क यहूदा क संग घटित होइ क आदेस दिहस। इ तरह उ ओनका अपनी निगाह स दूर करी। उ इ एन पापन क कारण किहस जउन मनस्से किहस।</verse>
				<verse number="4">यहोवा इ एह बरे किहस कि मनस्से बहोत स निरपराध मनइयन क मार डाएस। मनस्से ओनके खून स यरूसलेम क भरि दिहेस अउर यहोवा ओन पापन्क छिमा नाहीं कइ चाहत रहा।</verse>
				<verse number="5">यहोयाकीम जउन दूसर काम किहस उ सबइ यहूदा क राजा लोगन क इतिहास क किताबे मँ लिखे अहइँ।</verse>
				<verse number="6">यहोयाकीम मरा अउर अपने पुरखन क संग दफनावा गवा। यहोयाकीम क पूत यहोयाकीम ओकरे पाछे नवा राजा भवा।</verse>
				<verse number="7">मिस्र क राजा आपन सीमा स आगे अउर जियादा जमीन पइ कब्जा नाहीं कइ पाएस, काहेकि बाबेल क राजा मिस्र क नाला स परात नदी तलक सारे देस पइ, अधिकार कइ लिहे रहा। ओन जगहन पइ पहिले भी मिस्र क राजा क सासन रहा।</verse>
				<verse number="8">यहोयाकीम जब हुकूमत करइ लाग तब उ अट्ठारह बरिस क रहा। उ यरूसलेम मँ तीन महीने तलक हुकूमत किहस। ओकर महतारी यरूसलेम क एलनातान क बिटिया नहुस्ता रही।</verse>
				<verse number="9">यहोयाकीन ओन कामन क किहस जेनका यहोवा बुरा बताए रहा। उ उ सब ही सब काम किहेस जउन ओकर बाप किहे रहेन।</verse>
				<verse number="10">उ समइ बाबेल क राजा नबुकदनेस्सर क अधिकारी यरूसलेम आएन अउर हमला करइ बरे नगर क घेरि लिहेस।</verse>
				<verse number="11">तब बाबेल क राजा नबूकदनेस्सर नगरे मँ आवा। जब ओकर अधिकारियन एका हमला बरे घेरइ राखत रहेन।</verse>
				<verse number="12">यहूदा क राजा यहोयाकीन बाबेल क राजा स भेंटइ बाहेर आवा। यहोयाकीन क महतारी, ओकर अधिकारी, प्रमुख अउ दूसर अधिकारी भी ओकरे संग गएन। तब बाबेल क राजा यहोयाकीन क बन्दी बनाइ लिहस। इ नबूकदनेस्सर क सासनकाल क अठवाँ बरिस रहा।</verse>
				<verse number="13">नबूकदनेस्सर सारा खजाना लइ लिहस जउन यहोवा क मन्दिर मँ अउर राजा क महल मँ रहा। उ नबूकदनेस्सर ओन सबहिं स्वर्ण-पात्रन क टूकन मँ काट डाएस जेनका इस्राएल क राजा सुलैमान यहोवा क मन्दिर क बरे बनाए रहा। इ वइसा ही भवा जइसा यहोवा कहे रहा।</verse>
				<verse number="14">नबूकदनेस्सर यरूसलेम क सबहिं लोगन क बन्दी बनाएस। उ सबहिं प्रमुखन अउर दूसर धनी लोगन क बन्दी बनाइ लिहस। उ दस हजार लोगन क धरेस अउर ओनका बन्दी बनाएस। नबूकदनेस्सर सबहिं कुसल मजदूरन अउर कारीगरन क लइ लिहस। साधारण लोगन मँ स सबन त गरीब लोगन क अलावा नगर मँ कउनो भी नाहीं बचे रहेन।</verse>
				<verse number="15">नबूकदनेस्सर यहोयाकीन क बाबेल लइ गवा। नबूकदनेस्सर राजा क महतारी, ओकर मेहररूअन, अधिकारी अउर देस क प्रमुख लोगन क भी लइ गवा। नबूकदनेस्सर ओनका यरूसलेम स बाबेल बन्दी क रूप मँ लइ गवा।</verse>
				<verse number="16">बाबेल क राजा साढ़े सात हजार फउजी अउर एक हजार कुसल मजदूर अउर कारीगर भी लइ गवा। इ पचे सबहिं मनई प्रसिच्छित फउजी रहेन अउर जुद्ध मँ लड़ सकत रहेन। बाबेल क राजा ओनका बन्दी क रुप मँ बाबेल लइ गवा।</verse>
				<verse number="17">बाबेल क राजा मत्तन्याह क नवा राजा बनाएस। मत्तन्याह यहोयाकीन क चाचा रहा। बाबेल क राजा मत्तन्याह क नाउँ बदलिके सिदकिय्याह रख दिहस।</verse>
				<verse number="18">सिदकिय्याह जब सासन करब सुरू किहस तउ उ इक्कीस बरिस क रहा। उ गियारह बरिस यरूसलेम मँ सासन किहस। ओकर महतारी लिब्ना क यिर्मयाह क बिटिया हमूतल रही।</verse>
				<verse number="19">सिदकिय्याह उ सबइ काम किहेस जेनका यहोवा बुरा बताए रहा। सिदकिय्याह उ सब ही सारे काम किहेस जउन यहोयाकीम किहे रहा।</verse>
				<verse number="20">यहोवा यरूसलेम अउ यहूदा पइ ऍतना कोहाइ गवा कि उ ओनका दूर लोकाइ दिहस। उ समइ सिदकिय्याह बाबेल क राजा क खिलाफ बिद्रोह कइ दिहस।</verse>
			</chapter>
			<chapter number="25">
				<verse number="1">एह बरे बाबेल क राजा नबूकदनेस्सर अपनी सारी फउज क संग यरूसलेम क खिलाफ जुद्ध करइ आवा। सिदकिय्याह क राज्ज क नौवें बरिस क दसवें महीने क दसवें दिन इ घटना घटित भइ। नबूकदनेस्सर यरूसलेम क चारिहुँ कइँती डेरा डाएस। तब उ पचे यरूसलेम क चारिहुँ कइँती ढलवान खड़ी किहन।</verse>
				<verse number="2">नबूकदनेस्सर क फउज यरूसलेम क चारिहुँ कइँती सिदकिय्याह क यहूदा मँ सासनकाल क गियारहवे बरिस तलक बनी रही।</verse>
				<verse number="3">उ नगर मँ भुखमरी क दसा बद स बदतर होत जात रही। चउथे महीने क नौवे दिन साधारण लोगन बरे कछू भी भोजन नाहीं रहि गवा रहा।</verse>
				<verse number="4">नबूकदनेस्सर क फउज नगर प्राचीर मँ एक ठु छेद बनाएस। उ राति क राजा सिदकिय्याह अउर ओकर सारे फउजी पराइ गएन। उ पचे राजा क बाग क सहारे दुइ देवारन क दुआर स बच निकरेन। बाबेल क फउज नगर क चारिहुँ कइँती रही। किन्तु सिदकिय्याह अउर ओकर फउज रेगिस्ताने कइँती क सड़क पइ पराइ निकरेन।</verse>
				<verse number="5">बाबेल क फउज सिदकिय्याह क पाछा किहस अउर ओका यरीहो क लगे रेगिस्तान मँ पकड़ लिहस। सिदकिय्याह क सारी फउज पराइ गइ अउर ओका अकेला छोड़ दिहस।</verse>
				<verse number="6">बाबेल सिदकिय्याह क रिबला मँ बाबेल क राजा क लगे लइ गएन। बाबेल क राजा सिदकिय्याह क दण्ड देइ क निर्णय लिहस।</verse>
				<verse number="7">उ पचे सिदकिय्याह समन्वा ओकरे पूतन क मार डाएस। तब उ पचे सिदकिय्याह क आँखिन निकारि लिहन। उ पचे ओका जंजीरे मँ जकरेन अउर ओका बाबेल लइ गएन।</verse>
				<verse number="8">नबूकदनेस्सर क बाबेल क सासनकाल क उन्नीसवे बरिस क पँचवे महीने क सतवे दिन नबूजरदान यरूसलेम आवा। नबूकदनेस्सर क अंगरच्छकन क नायक नबूजरदान रहा।</verse>
				<verse number="9">नबूजरदान यहोवा क मन्दिर अउ राजमहल बार डाएस। नबूजरदान यरूसलेम क सबहिं घरन क भी बार डाएस। उ बड़की इमारतन क भी बार डाएस।</verse>
				<verse number="10">तब नबूजरदान क संग जउन बाबेल क फउज रही उ यरूसलेम क चारिहुँ कइँती क देवारन क भहराइ दिहस।</verse>
				<verse number="11">अउर नबूजरदान ओन सबहिं लोगन क धरेस जउन तब तलक नगर मँ बचे रह गए रहेन। नबूजरदान सबहिं लोगन क बन्दी बनाइ लिहस अउर ओनका भी जउन आत्मसमर्पण करइ क कोसिस किहन।</verse>
				<verse number="12">नबूजरदान सिरिफ साधारण मनइयन मँ सब स गरीब लोगन क हुवाँ रहइ दिहस। उ ओन गरीब लोगन क हुवाँ अंगूर अउर दूसर फसलन क देखरेख क बरे रहइ दिहस।</verse>
				<verse number="13">बाबेल क फउजी यहोवा क मन्दिर क काँसे क वस्तुअन क टूकन कइ डाएन। उ पचे काँसे क स्तम्भन, काँसे क गाड़ी क अउर काँसे क बिसाल सरोवर क भी टूकन कइ डाएन, तब बाबेल क फउजी ओन काँसे क टूकन क बाबेल लइ गएन।</verse>
				<verse number="14">कसदियन बर्तन, बेलचे, दीप-झारू चम्मच अउर काँसे क बर्तन जउन यहोवा क मन्दिर मँ काम आवत रही, क भी लइ गवा।</verse>
				<verse number="15">नबूजरदान सबहिं कढ़ाहियन अउ पियालन क लइ लिहस। उ जउन सोने क बने रहेन ओनका सोना क बरे अउर जउन चाँदी क बने रहेन ओनका चाँदी क बरे लिहस।</verse>
				<verse number="16">जउन चिजियन उ लिहस ओनकर सूची इ अहइ: दुइ काँसे क खम्भा, एक हौज अउर गाड़ियन जेका सुलैमान क जरिये यहोवा क मन्दिर बरे बनावा गवा रहा। इन चिजियन मँ लगा काँसा ऍतना भारी रहा कि ओका तोला नाहीं जाइ सकत रहा। हर एक स्तम्भ लगभग सत्ताइस फुट ऊँचा रहा। स्तम्भन क सीर्स काँसे क बने रहेन। हर एक सीर्स साढ़े चार फुट ऊँचा रहा। हर एक सीर्स पइ जाल अउ अनार क नमूना बना रहा। एकर सब कछू काँसे क बना रहा। दुइनउँ खम्भन पइ एक ही प्रकार क आहतियन रहिन।</verse>
				<verse number="17"></verse>
				<verse number="18">तब नबूजरदान मन्दिर स महायाजक सरायाह, दूसरा याजक सपन्याह अउर तीन दुआर रच्छनन क लिहस।</verse>
				<verse number="19">नगर मँ नबूजरदान एक ठु अधिकारी क लिहस। उ सेना क सेनापति रहा। नबूजरदान राजा क पाँच सलाहकारन क भी लिहस जउन नगर मँ पाए गएन। अउर उ सेनापति क सचिव क लिहस। सेनापति क सचिव उ मनई रहा जउन साधारण लोगन क गणना करत रहा अउर ओनमाँ स कछू क फउजी क रूप मँ चुनत रहा। नबूजरदान साठ दूसर लोगन क भी लिहस जउन नगर मँ पाए गएन।</verse>
				<verse number="20">सेनापति तब नबूजरदान एन सबहिं लोगन क रिबला मँ बाबेल क राजा क सम्नवा लइ गवा। बाबेल क राजा हमात क छेत्र रिबला मँ एनका मार डाएस। इ तरह यहूदा क लोगन क कैदी बनाइके ओनका, ओनके देस स निर्वासित कीन्ह गवा।</verse>
				<verse number="21"></verse>
				<verse number="22">बाबेल क राजा नबूकदनेस्सर यहूदा देस मँ कछू लोगन क छोड़ दिहे रहा। उ अहीकाम क पूत गदल्याह क यहूदा क ओन लोगन पइ राज्जपाल बनाएस। अहीकाम सापान क पूत रहा।</verse>
				<verse number="23">जब फउज क सबहिं सेनापतियन अउ सिपाहियन सुनेन कि बाबेल क राजा गदल्याह क राज्जपाल बनाएस ह। तउ उ पचे गदल्याह क लगे मिस्पा मँ आएन। फउजी सेनापतियन मँ नतन्याह क पूत इस्माएल, कारेहू क पूत योहानान, नतोपाई तन्हूमेत क पूत सरायाह अउ माकाई क पूत याजन्याह रहेन।</verse>
				<verse number="24">तब गदल्याह इ फउजे क सेनापतियन अउर ओनके मनइयन क बचन दिहस। गदल्याह ओनसे कहेस, “बाबेल क अधिकारियन स जिन डेराअ। इ देस मँ रहा अउर बाबेल क राजा क सेवा करा। तब तोहरे पचन्क संग सब कछू ठीक रही।”</verse>
				<verse number="25">किन्तु सतवें महीने राजा क परिवारे क एलीसामा क पोता व नतन्याह क पूत इस्माएल दस मनसेधुअन क संग आवा अउ गदल्याह क मार डाएस। उ पचे मिस्पा मँ गदल्याह क संग जउन यहूदी अउ कासदी रहेन, ओनका भी मार डाएस।</verse>
				<verse number="26">तब सबहिं लोग सब स कम महत्वपूर्ण अउर सब स जियादा अउ सेना क नायक मिस्र क पराइ गएन। उ पचे एह बरे पराइन कि उ पचे कसदियन स ससान रहेन।</verse>
				<verse number="27">पाछे राजा एवील्मरोदक बाबेल क राजा बना। उ यहोयाकीन क जेल स आज़ाद कई दिहस। इ यहूदा क राजा यहोयाकीन क बन्दी बनाए जाइ क सैतीसवें बरिस मँ भवा। इ एवील्मरोदक क सासन सुरू करइ क बारहवें महीने क सत्ताइसवें दिन भवा।</verse>
				<verse number="28">एवील्मरोदक यहोयाकीन स दयापूर्वक बातन किहस। एवील्मरोदक यहोयाकीन क बाबेल मँ रहइवाले ओकरे सबहिं साथी राजा लोगन स जियादा ऊँच स्थान प्रदान किहस।</verse>
				<verse number="29">एवील्मरोदक यहोयाकीन क बन्दीगृह क वस्त्रन क पहिरब बन्द करवाएस। यहोयाकीन एवील्मरोदक क संग एक ही मेज पइ खाएस। उ अपनी बाकी जिन्नगी मँ हर एक दिन अइसा ही किहस।</verse>
				<verse number="30">इ तरह राजा एवील्मरोदक यहोयाकीन क जिन्नगी भर नियमित रूप स हर दिन क भोजन दिहस।</verse>
			</chapter>
		</book>
		<book number="13">
			<chapter number="1">
				<verse number="1">आदम, सेत, एनोस, केनान, महललेल, येरेद, हनोक, मतूसेलह, लेमेक, नूह।</verse>
				<verse number="2"></verse>
				<verse number="3"></verse>
				<verse number="4">नूह क पूत सेम, हाम अउ येपेत रहेन।</verse>
				<verse number="5">येपेत क पूत गोमेर, मागोग, मादै, याबान, तूबल मेसेक अउर तीरास रहेन।</verse>
				<verse number="6">गोमेर क पूत असकनज, दीपत अउ तोगर्मा रहेन।</verse>
				<verse number="7">यावान क पूत एलीसा, तर्सीस, कित्ती अउर रोदानी रहेन।</verse>
				<verse number="8">हाम क पूत कूस (मिस्रम), पूत अउ कनान रहेन।</verse>
				<verse number="9">कूस क पूत सबा, हबीला, सबाता, रामा अउर राब्तका रहेन। रामा क पूत सबा अउ ददान रहेन।</verse>
				<verse number="10">कूस क संतान निम्रोद संसार मँ सब स जियादा सक्तीसाली बीर जोधा भवा।</verse>
				<verse number="11">मिस्र लूदी, अनामी, लहावी, नप्तही,</verse>
				<verse number="12">पत्रूसी, कसलूही अउ कप्तोरी क बाप रहा। (पलिस्ती क लोग कसलूही क संतान रहेन।)</verse>
				<verse number="13">कनान सीदोन क बाप रहा। सीदोन ओकर पहिला पूत रहा। कनान, हित्तियन,</verse>
				<verse number="14">यबूसी एमोरी, गिर्गासी,</verse>
				<verse number="15">हिव्वी, अर्की, सीनी,</verse>
				<verse number="16">अर्वदी, समारी अउ हमाती क लोगन क भी बाप रहा।</verse>
				<verse number="17">सेम क पूतन एलाम, अस्सूर, अर्पच्छद, लूद अउर अराम रहेन। अराम क पूत ऊस, हूल, गेतेर अउ मेसेक रहेन।</verse>
				<verse number="18">अर्पच्छद सेलह क बाप रहा। सेलह एबेर क पिता रहा।</verse>
				<verse number="19">एबेर क दुइ पूत रहेन। एक ठु पूत क नाउँ पेलेग रहा, काहेकि धरती क मनई ओकरे जीवनकाल मँ कइउ भाखन मँ बटे रहेन। पलेग क भाई क नाउँ योक्तान रहा।</verse>
				<verse number="20">(योक्तान स पइदा भए अल्मोदाद, सुलेप, हसर्मावेत, येरह,</verse>
				<verse number="21">हदोराम, ऊजाल, दिक्ला,</verse>
				<verse number="22">एबाल, अबीमाएल, सबा,</verse>
				<verse number="23">ओपीर, हवीला अउ योबाब, इ सबइ सब योक्तान क सन्तान रहेन।)</verse>
				<verse number="24">सेम, अर्पच्छद, सेलह,</verse>
				<verse number="25">एबेर, पेलेग, रु</verse>
				<verse number="26">सरूम, नाहोर, तेरह</verse>
				<verse number="27">अउर अब्राम (अब्राम क इब्राहीम भी कहा जात ह।)</verse>
				<verse number="28">इब्राहीम क पूत इसहाक अउर इस्माएल रहेन।</verse>
				<verse number="29">इ सबइ एकर सन्तान अहइँ: हाजिरा क सन्तानन इस्माएल क पहिला पूत नबायोत रहा। इस्माएल क दूसर पूत केदार, अदवेल, मिबसाम,</verse>
				<verse number="30">मिस्मा, दूमा, मस्सा, हदद, तेमा,</verse>
				<verse number="31">यतूर नापीस अउ केदमा रहेन। उ सबइ इस्माएल क पूत रहेन।</verse>
				<verse number="32">कतूरा इब्राहीम क रखैल रही। उ जिम्रान, योच्छान, मदान, मिद्यान, यिसबाक अउ सूह क जन्म दिहस। योच्छान क पूत सबा अउ ददान रहेन।</verse>
				<verse number="33">मिद्यान क पूत एपा, एपेर, हनोक, अबीदा अउर एलदा रहेन। इ सबहिं कतूरा क पूत रहेन।</verse>
				<verse number="34">इब्राहीम इसहाक क बाप रहा। इसहाक क पूत एसाव अउ इस्राएल रहेन।</verse>
				<verse number="35">एसाव क पूत एलीपज, रुएल, यूस यालाम अउर कोरह रहेन।</verse>
				<verse number="36">एलीपज क पूत तेमान, ओमार, सपी, गाताम अउर कनज रहेन। एलीपज अउ तिम्ना क पूत अमोलेक नाउँ क रहा।</verse>
				<verse number="37">रूएल क पूत नहत, जेरह, सम्मा अउ मिज्जा रहेन।</verse>
				<verse number="38">सेईर क पूत लोतान, सोबाल, सिबोन, अना, दीसोन, एसेर अउ दीसान रहेन।</verse>
				<verse number="39">लोतान क पूत होरी अउ होमाम रहेन। लोतान क एक बहिन तिम्ना नाउँ क रही।</verse>
				<verse number="40">सोबाल क पूत अल्यान, मानहत, एबाल, सपी अउर ओनाम रहेन। सिबोन क पूत अय्या अउ अना रहेन।</verse>
				<verse number="41">अना क पूत दीसोन रहा। दीसोन क पूत हम्रान, एसबान, यित्रान अउ करान रहेन।</verse>
				<verse number="42">एसेर क पूत बिल्हान, जावान अउ याकान रहेन। दीसोन क पूत ऊस अउ अरान रहेन।</verse>
				<verse number="43">इस्राएल मँ राजा लोगन क होइ क बहोत पहिले एदोम मँ राजा रहेन। एदोम क राजा लोगन क नाउँ इ सबइ अहइँ: ओनकर नाउँ रहेन: बोर क पूत बेला पहिला राजा रहेन। बेला क नगर क नाउँ दिन्हाबा रहा।</verse>
				<verse number="44">जब बेला मरा, तब जेरह क पूत योबाब नवा राजा बना। योबाब बोस्रा स आएस।</verse>
				<verse number="45">जब योबाब मरा, हूसाम नवा राजा भवा। हूसाम तेमनी लोगन क देस क रहा।</verse>
				<verse number="46">जब हूसाम मरा, बदद क पूत हदद नवा राजा बना। हदद मिद्यानियन क मोआब देस मँ हराएस। हदद नगर क नाउँ अवीत रहा।</verse>
				<verse number="47">जब हदद मरा, सम्ला नवा राजा भवा। सम्ला मस्रेकाइ क रहा।</verse>
				<verse number="48">जब सम्ला मरा, साऊल नवा राजा बना। साऊल महानद क किनारे क रहोबोत क रहा।</verse>
				<verse number="49">जब साऊल मरा, अकबोर क पूत बाल्हानान नवा राजा भवा।</verse>
				<verse number="50">जब बाल्हानान मरा, हदद नवा राजा बना। हदद क नगर क नाउँ पउ रहा। हदद क मेहरारु क नाउँ महेतबेल रहा। महेतबेल मत्रेद क बिटिया रही। मत्रेद, मेज़ाहाब क बिटिया रही।</verse>
				<verse number="51">तब हदद मरा। एदोम क प्रमुख तिम्ना, अल्या, यतेत,</verse>
				<verse number="52">ओहोलीवामा, एला, पीनोन,</verse>
				<verse number="53">कनज, तेमान, मिबसार,</verse>
				<verse number="54">मग्दीएल अउर ईराम रहेन। इ एदोम क प्रमुखन क एक ठु सूची अहइ।</verse>
			</chapter>
			<chapter number="2">
				<verse number="1">इस्राएल क पूत रुबेन, लेवी, यहूदा, इस्साकार, जबूलून,</verse>
				<verse number="2">दान, यूसुफ, बिन्यामीन, नप्ताली, गाद अउर आसेर रहेन।</verse>
				<verse number="3">यहूदा क पूत एर, ओनान अउ सेला रहेन। बतसू ओनकर महतारी रही। बतसू कनान क मेहरारु रही। यहोवा लखेस कि यहूदा क पहिला पूत एर बुरा अहइ। इहइ कारण रहा। कि यहोवा ओका मार डाएल।</verse>
				<verse number="4">यहूदा क पतोहू तामार पेरेस अउ जेरह क जन्म दिहस। इहइ प्रकार यहूदा क पाँच पूत रहेन।</verse>
				<verse number="5">पेरेस क पूत हेस्रोन अउ हामूल रहेन।</verse>
				<verse number="6">जेरह क पाचँ पूत रहेन। उ पचे जिम्री, एतान हेमान, कलकोल अउ दारा रहेन।</verse>
				<verse number="7">जिम्री क पूत कर्मी रहा। कर्मी क पूत आकान रहा। आकान उ मनई रहा जउन इस्राएल मँ बहोत परीसानी लाएस। उ लूट क सामान जउन जुद्ध मँ पाएस रख लिहेस। ओका इ सबहिं चिजियन क परमेस्सर क देइ क रही।</verse>
				<verse number="8">एतान क पूत अजर्याह रहा।</verse>
				<verse number="9">हेस्रोन क पूत यरहोल राम अउ कालेब रहेन।</verse>
				<verse number="10">राम अम्मीनादाब क बाप रहा अउर अम्मीनादाब नहसोन क बाप रहा। नहसोन यहूदा क लोगन क प्रमुख रहा।</verse>
				<verse number="11">नहसोन सल्मा क बाप रहा। सल्मा बोअज़ क बाप रहा।</verse>
				<verse number="12">बोअज़ ओबेद क बाप रहा। ओबेद यिसै क बाप रहा।</verse>
				<verse number="13">यिसै एलीआब क बाप रहा। एलीआब यिसै क पहिला पूत रहा। यिसै क दूसर पूत अबीनादाब रहा। ओकर तीसर पूत सिमा रहा।</verse>
				<verse number="14">नतनेल यिसै क चउथा पूत रहा। यिसै क पाँचवा पूत रद्दै रहा।</verse>
				<verse number="15">ओसेम यिसै क छठा पूत रहा। अउर दाऊद ओकर सातवाँ पूत रहा।</verse>
				<verse number="16">ओनकर बहिनियन सरुयाह अउ अबीगैल रहिन। सरुयाह क तीन पूत अबीसै, योआब अउ असाहेल रहेन।</verse>
				<verse number="17">अबीगैल अमासा क महतारी रही। अमासा क बाप येतेर रहा। येतेर इस्माएली लोगन मँ स रहा।</verse>
				<verse number="18">कालेब हेस्रोन क पूत रहा। कालेब क मेहरारु अजूबा स सन्तानन भइन। अजूबा यरीओत क बिटिया रही। अजूबा क पूत येसेर सोबाब, अउर अर्दोन रहेन।</verse>
				<verse number="19">जब अजूबा मरी, कालेब एप्रात स बियाह किहस, कालेब अउ एप्रात क एक पूत रहा। उ पचे ओकर नाउँ हूर रखेन।</verse>
				<verse number="20">हूर ऊरी क बाप रहा। ऊरी बसलेल का बापर रहा।</verse>
				<verse number="21">जब हेस्रोन साठ बरिस क होइ गवा, उ माकीर क बिटिया क सादी किहस अउर उ सगूब क जन्म दिहस। माकीर गिलाद क पिता रहा।</verse>
				<verse number="22">सगूब याईर क बाप रहा। याईर क लगे गिलाद देस मँ तेईस नगरन रहेन।</verse>
				<verse number="23">किन्तु गसूर अउ अराम याईर क गाँवन क लइ लिहस। ओनके बीच कनत अउ एकरे चारिहुँ कइँती क नान्ह नगर रहेन। सब मिलाइके साठ नान्ह नगर रहेन। इ सबइ सबहिं नगर गिलाद क बाप माकीर, क पूतन क रहेन।</verse>
				<verse number="24">हेस्रोन, एप्राता क कालेब नगर मँ मरा। जब उ मर गवा, ओकर मेहरारु अबिय्याह ओकरे पूत क जन्म दिहस। पूत क नाउँ असहूर रहा। असहूर तको क बाप रहा।</verse>
				<verse number="25">यरहोल हेस्रोन क पहिला पूत रहा। यरहोल क पूत राम, बूना, ओरेन, ओसेम, अउ अहिय्याह रहेन। राम यरहोल क पहिला पूत रहा।</verse>
				<verse number="26">यरहोल क दूसर मेहरारु अतारा रही। अतारा ओनाम क महतारी रही।</verse>
				<verse number="27">यरहोल क पहिला पूत, राम क पूत मास, यामीन अउ एकेर रहेन।</verse>
				<verse number="28">ओनाम क पूत सम्मै अउ यादा रहेन। सम्मै क पूत नदाब अउ अबीसूर रहेन।</verse>
				<verse number="29">अबीसूर क मेहरारु क नाउँ अबीहैल रहा। ओनकर दुइ पूत रहेन। ओनकर नाउँ अहबान अउर मोलीद रहेन।</verse>
				<verse number="30">नादाब क पूत सेलेद अउ अप्पैम रहेन। सेलेद बिना सन्तान मरा।</verse>
				<verse number="31">अप्पैम क पूत यिसी रहा। यिसी क पूत सेसान रहा। सेसान क पूत अहलै रहा।</verse>
				<verse number="32">यादा सम्मै क भाई रहा। यादा क पूत येतेर अउ योनातान रहेन। येतेर बिना सन्तान मरा।</verse>
				<verse number="33">योनातान क पूत पेलेत अउ जाजा रहेन। इ यरहोल क सन्तानन क सूची रही।</verse>
				<verse number="34">सेसान क पूत नाहीं रहेन। ओका सिरिप बिटियन रहिन। सेसान क लगे यर्हा नाउँ क एक ठु मिस्री सेवक रहा।</verse>
				<verse number="35">सेसान अपनी बिटिया क बियाह यर्हा क संग होइ दिहस। ओनकर एक पूत रहा। ओकर नाउँ अत्तै रहा।</verse>
				<verse number="36">अतै, नातान क बाप रहा। नातान जाबाद क बाप रहा।</verse>
				<verse number="37">जाबाद एपलाल क बाप रहा। एपलाल ओवेद क बाप रहा।</verse>
				<verse number="38">ओबेद येहू क बाप रहा। येहू अजर्याह क बाप रहा।</verse>
				<verse number="39">अजर्याह हेलैस क बाप रहा। हेलैस एलासा क बाप रहा।</verse>
				<verse number="40">एलासा सिस्मै क बाप रहा। सिस्मै सल्लूम क बाप रहा।</verse>
				<verse number="41">सल्लूम यकम्याह क बाप रहा अउ यकम्याह एलीसामा क बाप रहा।</verse>
				<verse number="42">कालेब यरहोल क भाई रहा। कालेब क कछू पूत रहेन। ओकर पहिला पूत मेसा रहा। मेसा जीप क बाप रहा। मारेसा हेब्रोन क बाप रहा।</verse>
				<verse number="43">हेब्रोन क पूत कोरह, तप्पूह, रेकेम अउर सेमा रहेन।</verse>
				<verse number="44">सेमा, रहम योर्काम क बाप रहा। रहम योर्काम क बाप रहा। रेकेम सम्मै क बाप रहा।</verse>
				<verse number="45">सम्मै क पूत माओन रहा। माओन बेत्सूर क बाप रहा।</verse>
				<verse number="46">कालेब क रखैल क नाउँ एपा रहा। एपा हारान, मोसा अउर गाजेज़ क महतारी रही। हारान, गाजेज़ क बाप रहा।</verse>
				<verse number="47">याहदै क पूत रेगेम, योताम, गेसान, पेलेत, एपा अउर साप रहेन।</verse>
				<verse number="48">माका, कालेब क दूसर रखैल रही। माका, सेबेर अउ तिर्हाना क महतारी रही।</verse>
				<verse number="49">माका, साप अउ सबा क भी महतारी रही। साप, मदमन्ना क बाप रहा। सबा, मकबेना अउर गिबा क बाप रहा। कालेब क बिटिया अकसा रही।</verse>
				<verse number="50">इ कालेब सन्तान न क सूची अहइ: हूर कालेब क पहिला पूत रहा। उ एप्राता क जन्म दिहेस। हूर क पूत सोबाल जउन किर्र्यत्यारीम क संस्थापक रहा,</verse>
				<verse number="51">सल्मा, जउन बेतलेहेम क संस्थापक रहा। अउर हारेप बेतगादेर क संस्थापक रहा।</verse>
				<verse number="52">सोबाल किर्यत्यारीम क संस्थापक रहा। इ सोबाल क सन्तानन क सूची अहइ: हारोए, मनुहोत क आधे लोग,</verse>
				<verse number="53">अउर किर्यत्यारीम क परिवार समूह। इ सबइ यित्री, पूती, सूमाती अउर मिस्राई लोग अहइँ। सोराई अउ एस्ताओली लोग मिस्राई लोगन स निकरेन।</verse>
				<verse number="54">इ सल्मा क सन्तानन क सूची अहइ: बेतलेहेम क लोग, नतोपाई, अत्रोत, बेत्योआब, ममाहत क आधे लोग, सोरी लोग,</verse>
				<verse number="55">अउर ओन सास्त्रियन क परिवार जउन याबेस, तिराती, सिमाती अउर सूकाती मँ रहत रहेन। इ सबइ सास्त्री, उ सबइ कनानी लोग अहइँ जउन हम्मत स आएन। हम्मत बेतरेकाब क संस्थापक रहा।</verse>
			</chapter>
			<chapter number="3">
				<verse number="1">दाऊद क कछू पूत हेब्रोन नगर मँ पइदा भए रहेन। दाऊद क पूतन क इ सूची अहइ: दाऊद क पहिला पूत अम्मोन रहा। अम्मोन क महतारी अहीनोअम रही। उ यिज्रेली नगर क रही। दूसर पूत दानिय्येल रहा। ओकर महतारी अबीगैल-कर्मेल (यहूदा)क रही</verse>
				<verse number="2">तीसर पूत अबसालोम रहा। ओकर महतारी तल्मै क बिटिया माका रही तल्मै गसूर क राजा रहा। चउथा पूत ओदानिय्याह रहा। ओकर महतारी हग्गीत रही।</verse>
				<verse number="3">पाँचवा पूत सपत्याह रहा। ओकर महतारी अबीतल रही। छठा पूत यित्राम रहा। ओकर महतारी दाऊद क मेहरारु एग्ला रही।</verse>
				<verse number="4">हेब्रोन मँ दाऊद क इ सबइ छ: पूत पइदा भए रहेन। दाऊद हुवाँ सात बरिस छ: महीने सासन किहस। दाऊद, यरुसलेम मँ तैंतीस बरिस राजा रहा।</verse>
				<verse number="5">दाऊद क यरुसलेम मँ पइदा भए पूत इ सबइ रहेन: चार बच्चे बतसेबा स पइदा भएन। बतसेबा अम्मीएल क बिटिया रही, सिमा, सोबाब, नातान अउ सुलैमान।</verse>
				<verse number="6">दूसर नौ बच्चन इ सबइ रहेन: यिभार, एलीसामा, एलीपेलेत, नेगाह, नेपेग, यापी, एलीसामा, एल्यादा अउर एलीपेलेत।</verse>
				<verse number="7"></verse>
				<verse number="8"></verse>
				<verse number="9">उ सबइ सबहिं दाऊद क पूत रहेन। दाऊद क दूसर पूत रखैलन स रहेन। तामार दाऊद क बिटिया रही।</verse>
				<verse number="10">सुलैमान क पूत रहबाम रहा अउर रहाबाम क पूत अबिय्याह रहा। अबिय्याह क पूत आसा रहा। आसा क पूत यहोसापात रहा।</verse>
				<verse number="11">यहोसापात क पूत योराम रहा। योराम क पूत अहजयाह रहा। अहजयाह क पूत योआस रहा।</verse>
				<verse number="12">योआस क पूत अमस्याह रहा। अमस्याह क पूत अर्ज्याह रहा। अर्ज्याह क पूत योताम रहा।</verse>
				<verse number="13">योताम क पूत आहाज़ रहा। आहाज़ क पूत हिजकिय्याह रहा हिजकिय्याह क पूत मनस्से रहा।</verse>
				<verse number="14">मनस्से क पूत आमोन रहा। आमोन क पूत योसिय्याह रहा।</verse>
				<verse number="15">योसिय्याह क पूतन क सूची इ अहइ: पहिला पूत योहानान रहा। दूसर पूत यहोयाकीम रहा। तीसर पूत सिदकिय्याह रहा। चउथा पूत सल्लूम रहा।</verse>
				<verse number="16">यहोयाकीम क पूत यकोन्याह, अउर ओकर पूत सिदकिय्याह रहेन।</verse>
				<verse number="17">यकोन्याह क बाबुल मँ बन्दी होइ क पाछे यकोन्याह क पूतन क इ सूची अहइ। ओकर सन्तानन इ सबइ रहिन: सालतीएल,</verse>
				<verse number="18">मल्कीराम, पदायाह, सेनास्सर, यकम्याह, होरामा अउर नदब्याह।</verse>
				<verse number="19">पदायाह क पूत जरुब्बावेल अउ सिमी रहेन। जरुब्बावेल क पूत मसुल्लाम अउ हन्नयाह रहेन। सलोमीत ओनकर बहिन रही।</verse>
				<verse number="20">जरुब्बाबेल क दूसर पाँच पूत भी रहेन। ओनकर नाउँ हसूबा, ओहेल, बेरेक्याह, हसघाह, अउर यूसमेसेद रहा।</verse>
				<verse number="21">हनन्याह क सन्तानन: हनन्याह क पूत पलत्याह, पलत्याह क पूत यसायाह, यसायाह क पूत रपायाह, रपायाह क पूत अर्नान, अर्नान क पूत ओबद्याह अउर ओबद्याह क पूत सकन्याह रहा।</verse>
				<verse number="22">इ सूची तकन्याह क सन्तान समायाह क अहइ: समायाह क छ: पूत रहेन: समायाह, हत्तूस अउर यिगाल, बारीह, नार्याह अउर सपात।</verse>
				<verse number="23">नार्याह क तीन पूत रहेन। उ पचे एल्योएनै, हिजकिय्याह अउ अजीकाम रहेन।</verse>
				<verse number="24">एल्योएनै क सात पूत रहेन। होदब्याह, एल्यासीब, पलायाह, अकवूब, योहानान, दलायाह अउ अनानी रहेन</verse>
			</chapter>
			<chapter number="4">
				<verse number="1">इ यहूदा क पूतन क सूची अहइ: उ पचे पेरेस, हेस्रोन, कर्मी हूर अउ सोबाल रहेन।</verse>
				<verse number="2">सोबाल क पूत रायाह रहा। रायाह, यहत क बाप रहा। यहत, अहूमै अउ लहद क बाप रहा। सोराई लोग अहूमै अउ लहद क सन्तान रहेन।</verse>
				<verse number="3">एताम क पूत यिज्रेल, यिस्मा, अउ यिद्वास रहेन अउर ओनकर एक बहिन हस्सलेलपोनी नाउँ क रहा।</verse>
				<verse number="4">पनूएल गदोर क बाप रहा अउर एजेर रुसा क बाप रहा। हूर क इ सबइ पूत रहेन: हूर एप्राता क पहिला पूत रहा अउर एप्राता बेतलहेम क संस्थापक रहा।</verse>
				<verse number="5">तको क बाप असहूर रहा। तको क दुइ पत्नियन रहिन। ओनकर नाउँ हेबा अउ नारा रहा।</verse>
				<verse number="6">नारा क अहुज्जाम, हेपेर, तेमनी अउ हाहस्तारी पूत रहेन। इ सबइ असहूर स नारा क पूत रहेन।</verse>
				<verse number="7">हेला क पूत सेरेत, यिसहर अउ एत्नान अउ कोस रहेन।</verse>
				<verse number="8">कोस आनूब अउ सोबेबा क बाप रहा। कोस, अर्हेल परिवार समूह क भी बाप रहा। अर्हेल हारून क पूत रहा।</verse>
				<verse number="9">याबेस बहोत नीक मनई रहा। उ अपने भाइयन स जियादा आदरणीय रहा। ओकर महतारी कहेस, “मइँ ओकर नाउँ याबेस धरेउँ ह काहेकि मइँ उ समइ बड़ी पीरा मँ रही जब मइँ एका जन्म दिहेउ।”</verse>
				<verse number="10">याबेस इस्राएल क परमेस्सर स पराथना किहस। याबेस कहेस, “मइँ चाहत हउँ कि तू मोका फुरइ आसीर्बाद द्या। मइँ चाहत हउँ कि तू मोका जियादा भुइँया द्या। मोरे निचके रहइँ अउर कउनो क मोका चोट न पहोंचावइ देइँ। तब मोका कउनो कस्ट नाहीं होइ अउर परमेस्सर याबेस क उ दिहस, जउन उ माँगेस।”</verse>
				<verse number="11">कलूब सूहा क भाई रहा। कलूब महीर क बाप रहा। महीर एसतोन क बाप रहा।</verse>
				<verse number="12">एसतोन, बेतरामा, पासेह अउ तहिन्ना क बाप रहा। तहिन्ना ईर्नाहास क बाप रहा। उ सबइ लोग रेका स रहेन।</verse>
				<verse number="13">कनज क पूत ओत्नीएल अउ सरायाह रहेन। ओत्नीएल क पूत हतत अउ ओनोतै रहेन।</verse>
				<verse number="14">मोनोतै ओप्रा क बाप रहा। अउर सरायाह योआब क बाप रहा। योआब गेहरासीम क संस्थापक रहा। इ सबइ लोग इ नाउँ क उपयोग करत रहेन काहेकि उ पचे कारीगर रहेन।</verse>
				<verse number="15">कालेब यपुन्ने क पूत रहा। कालेब क पूत इरू, एला अउ नाम रहेन। एला क पूत कनज रहा।</verse>
				<verse number="16">यहल्लेल क पूत जीप, जीपा, तीरया अउ असरेल रहेन।</verse>
				<verse number="17">एज्रा क पूत येतेर, मेरेद, एपेर अउ यालोन रहेन। मेरेद, मिर्य्याम, सम्मै अउ यिसबह क बाप रहा। यिसबह, एसतमो क बाप रहा। मेरेद क एक मेहरारु मिस्र क रही। ओकर पूत येरेद, हेबेर, अउर यवूतीएल रहेन। येरेद गदोर क बाप रहा। हेबेर सोको क बाप रहा अउर यवूतीएल जानोह क बाप रहा। इ सबइ बित्या क पूत रहेन। बित्या फिरौन क बिटिया रही। उ मिस्र क मेरेद क पत्नी रही।</verse>
				<verse number="18"></verse>
				<verse number="19">मेरेद क मेहरारु नहम क बहिन रही। मेरेद क मेहरारु यहूदा क रही। मेरेद क मेहरारु क पूत कीला अउ एसतमो क बाप रहेन। कीला गेरेमी लोगन मँ स रहा अउ एसतमो माकाई लोगन मँ स रहा।</verse>
				<verse number="20">सिमोन क पूत अम्मोन, रिन्ना बेन्हानान अउ तोलोन रहेन। यिसी क पूत जोहेत अउर बेनजोहेत रहेन।</verse>
				<verse number="21">सेला यहूदा क पूत रहा। सेला क पूत एर, लादा, योकीम, कोर्जवा क लोग, योआस, अउर साराप रहेन। एर लेका क बाप रहा। लदा मारेसा क बाप रहा अउर बेतेआसबे क सन कारीगरन क परिवार समूह क रहा। यआस अउ साराप मोआबी मेहररुअन स बियाह किहस। तब उ पचे बेतलेहेम क लउट आएन। उ परिवार क बारे मँ लिखी गई सामग्री बहोत पुरानी अहइ।</verse>
				<verse number="22"></verse>
				<verse number="23">सेला उ सबइ पूत अइसे कारीगर रहेन जउन माटी स चिजियन बनावत रहेन। उ पचे नताईम अउ गदेरा मँ रहत रहेन। उ पचे ओन नगरन मँ रहत रहेन अउर राजा बरे काम करत रहेन।</verse>
				<verse number="24">सिमोन क पूत, नमूएल, यामीन, यारीब, जेरह अउर साऊल रहेन।</verse>
				<verse number="25">साऊल क पूत सल्लूम रहा। सल्लूम क पूत मिबसाम रहा। मिबसाम क पूत मिस्मा रहा।</verse>
				<verse number="26">मिस्मा क पूत हम्मूएल रहा। हम्मूएल क पूत जकूर रहा। जकूर क पूत सिमी रहा।</verse>
				<verse number="27">सिमी क सोलह पूत अउ छ: बिटियन रहिन। किन्तु सिमी क भाइयन क जियादा बच्चन नाहीं रहेन। सिमी क भाइयन क बड़के परिवार नाहीं रहेन। ओनकर परिवार ओतने बड़े नाहीं रहेन जेतने बड़के यहूदा क दूसर परिवार समूह रहेन।</verse>
				<verse number="28">सिमी क बच्चन बेर्सना, मोलादा, हसर्सआल,</verse>
				<verse number="29">बिल्हा, एसेम, तोलाद,</verse>
				<verse number="30">बतूएल होर्मा, सिकलग,</verse>
				<verse number="31">बेत मर्कोबोत, हसर्स्सीम, बेतबिरी, अउर सारैम मँ रहत रहेन। उ पचे ओन नगरन मँ तब तलक रहेन जब तलक दाऊद राजा नाहीं भवा।</verse>
				<verse number="32">एन नगरन क समीप क पाँच गाँव एताम, ऐन, रिम्मोन, तोकेन अउ आसान रहेन।</verse>
				<verse number="33">दूसर गाँव जइसे बाल बहोत दूर रहेन अउर उ पचे अपने परिवार क इतिहास भी लिखेन।</verse>
				<verse number="34">इ सूची ओन लोगन क अहइ जउन अपने परिवार समूह क प्रमुख रहेन। उ पचे मसोबाब, यम्लेक, अमस्याह क पूत योसा, योएल, योसिय्याह क पूत येहू, सरायाह क पूत योसिय्याह, असीएल क पूत सरायाह, एल्योएनै, याकोबा, यसोहायाह, असायाह, अदीएल, यसीमीएल, बनायाह अउर सिपी क पूत जीजा रहेन। सिपी अल्लोल क पूत रहा। अउर अल्लोन यदायाह क पूत रहा। यदायाह सिम्री क पूत रहा। अउर सिम्री समायाह क पूत रहा। एन मनसेधुअन क इ सबइ परिवार बहोत विस्तृत भएन।</verse>
				<verse number="35"></verse>
				<verse number="36"></verse>
				<verse number="37"></verse>
				<verse number="38"></verse>
				<verse number="39">उ पचे गदोर नगर क बाहेर, घाटी क पूरब क छेत्र मँ गएन। उ पचे अपनी भेड़िन अउर गोरुअन बरे चरागाह हेरइ बरे उ जगह पइ गएन।</verse>
				<verse number="40">ओनका बहोत घासवाले अच्छे मैदान मिलेन। उ पचे हुँवा बहोत जियादा अच्छी भुइँया पाएन। उ पहँटा सान्तिपूर्ण अउ सान्त रहा। पुराने जमाने मँ हिआँ हम लोगन क सन्तानन रहत रहिन।</verse>
				<verse number="41">इ तब भवा जब हिजकिय्याह यहूदा क राजा रहा। उ पचे लोग गदोर पहोंचेन अउर हमीत लोगन स लड़ेन। उ पचे हमीत लोगन क डेरन क नस्ट कइ दिहन। उ सबइ लोग मूनी लोगन स भी लड़ेन जउन हुवाँ रहत रहेन। एन लोग सबहिं मूनी लोगन क नस्ट कइ डाएन। आजु भी एन जगहन मँ कउनो मूनी नाहीं अहइँ। एह बरे ओन लोग हुँवा रहब सुरु किहन। उ पचे हुवाँ रहइ लागेन। काहेकि ओनकर भेड़ियन बरे उ भूइया पइ घास रही।</verse>
				<verse number="42">पाँच सौ लोग सिमोनी लोगन सिमोनी क पर्वत क छेत्र मँ गएन। सिसी क पूतन ओन लोगन क मार्ग दर्सन किहन। उ पचे पूतन रहेन: पलत्याह, नार्याह, रपायाह अउर उज्जीएल रहेन। सिमोनी लोग उ जगह पइ रहइवाले लोगन स लड़ेन।</verse>
				<verse number="43">हुवाँ अबहिं थोड़े स सिरिफ अमेलेकी लोग रहत रहेन अउर एन सिमोनी लोग ओनका मारि दिहन अउर हुवाँ आजु तलक लगातार रहत आवत हीं।</verse>
			</chapter>
			<chapter number="5">
				<verse number="1">रूबेन इस्राएल क पहिला पूत रहा। रूबेन क सब स बड़के पूत होइ क बिसेस अधिकार प्राप्त होइ चाही रही। किन्तु रूबेन अपने बाप क पत्नी क संग सरीर क सम्बन्ध कायम किहस। एह बरे उ सबइ अधिकार यूसुफ क पूतन पाएन। परिवार क इतिहास मँ रूबेन क नाउँ पहिले पूत क रूप मँ लिखा नाहीं अहइ। यहूदा अपने भाइयन स जियादा बलवान होइ गवा, एह बरे ओकरे परिवार स प्रमुख आएन। किन्तु यूसुफ क परिवार उ सबइ दूसर अधिकार पाएन। जउन सब स बड़के पूत क मिलत रहिन। रूबेन क पूत हनोक, पल्लू अउर हेस्रोन अउ कर्मी रहेन।</verse>
				<verse number="2"></verse>
				<verse number="3"></verse>
				<verse number="4">योएल क सन्तानन क नाउँ इ सबइ अहइँ: समायाह योएल क पूत रहा। गोग समायाह क पूत रहा। सिमी गोग क पूत रहा।</verse>
				<verse number="5">मीका सिमी क पूत रहा। रायाह मीका क पूत रहा। बाल रायाह क पूत रहा।</verse>
				<verse number="6">बेरा बाल क पूत रहा। अस्सूर क राजा तिलगत पिलनेसेर बेरा क आपन घर तजइ क मजबूर किहन। इ तरह बेरा राजा क बन्दी बना। बेरा रूबेन क परिवार समूह क प्रमुख रहा।</verse>
				<verse number="7">योएल क भाइयन अउर ओकरे सारे परिवार समूहन क वइसे ही लिखा जात अहइ जइसे उ पचे परिवार क इतिहास मँ अहइँ: यीएल पहिला पूत रहा, तब जकर्याह</verse>
				<verse number="8">अउ बेला अजाज क पूत रहा। अजाज सेमा क पूत रहा। सेमा योएल क पूत रहा। उ पचे अरोएर स लगातार नबो अउर बाल्मोन तलक क छेत्रन मँ रहत रहेन।</verse>
				<verse number="9">बेला क लोग पूरब मँ परात नदी क लगे, रेगिस्ताने क किनारे तलक रहत रहेन। उ पचे उ जगह पइ रहत रहेन काहेकि गिलाद प्रदेस मँ ओनके लगे बहोत स बर्धा रहेन।</verse>
				<verse number="10">जब साऊल राजा रहा, बेला क लोग हाग्री लोगन क खिलाफ जुद्ध किहन अउ ओनका हराएन। बेला क लोग ओन खेमन मँ रहेन जउन हाग्री लोगन क रहेन। उ पचे ओन खेमन मँ रहेन अउर गिलाद क पूरब क सारे छेत्र स होइके जात्रा करत रहेन।</verse>
				<verse number="11">गाद क परिवार समूह क लोग रूबेन क परिवार समूह क लगे रहत रहेन। गादी लोग बासान क छेत्र मँ लगातार सल्का नगर तलक रहत रहेन।</verse>
				<verse number="12">बासान मँ योएल पहिला प्रमुख रहा। सापम दूसरा प्रमुख रहा। तब यानै प्रमुख भवा।</verse>
				<verse number="13">ओकर परिवार स सात भाई इ सबइ रहेन: मीकाएल, मसुल्लाम, सेबा, योरै, याकान जी अउर एबेर।</verse>
				<verse number="14">उ सबइ लोग अबीहैल क सन्तान रहेन। अबीहैल सूरी क पूत रहा। हूरी याराह क पूत रहा। योराह गिलाद क पूत रहा। गिलाद मीकाएल क पूत रहा। मीकाएल यसीसै क पूत रहा। यसीसै यहदो क पूत रहा। यहदों बूज क पूत रहा।</verse>
				<verse number="15">अही अब्दीएल क पूत रहा। अब्दीएल गूनी क पूत रहा। अही ओनके परिवार क प्रमुख रहा।</verse>
				<verse number="16">गाद क परिवार समूह क लोग गिलाद छेत्र मँ रहत रहेन। उ पचे बासान छेत्र मँ बासान क चारिहुँ कइँती क नान्ह नगरन मँ अउ सारोन छेत्र क चारागाहन मँ ओकरी चउहद्दी तलक निवास करत रहेन।</verse>
				<verse number="17">योनातान अउ यारोबाम क समइ मँ, एन सबहिं लोगन क नाउँ गाद क परिवार इतिहास मँ लिखे रहेन। योनातन यहूदा क राजा रहा। अउर यारोबान इस्राएल क राजा रहा।</verse>
				<verse number="18">मनस्से क परिवार क आधे तथा रूबेन अउ गाद क परिवार समूहन स चौवालीस हजार सात सौ साठ वीर जोधा जुद्ध क बरे तइयार रहेन। उ पचे जुद्ध मँ निपुण रहेन। उ पचे ढार-तरवार धारण अउ करत रहेन। उ पचे धुनुस-बाण मँ भी कुसल रहेन।</verse>
				<verse number="19">उ पचे हग्री अउ यतूर, नापीस अउ नोदाब लोगन क खिलाफ जुद्ध सुरु किहन।</verse>
				<verse number="20">मनस्से, रूबेन अउ गाद परिवार समूह क ओन लोग जुद्ध मँ परमेस्सर स पराथना किहन। उ पचे परमेस्सर स मदद माँगेन काहेकि उ पचे ओह पइ बिस्सास करत रहेन। एह बरे परमेस्सर ओनकर मदद किहस। परमेस्सर ओनका हाग्री लोगन क पराजित करइ दिहस अउर ओन लोग दूसर लोगन क हराएन जउन हग्री लोगन क संग रहेन।</verse>
				<verse number="21">उ पचे ओन जनावरन क लिहन जउन हग्री लोगन क रहेन। उ पचे पचास हजार ऊँट, ढाई लाख भेड़िन, दुइ हजार गदहन अउ एक लाख लोग लिहन।</verse>
				<verse number="22">बहोत स हग्री लोग मारे गएन काहेकि परमेस्सर रूबेन क लोगन क खिलाफ जुद्ध जीतइ मँ मदद किहस। तब मनस्से, रूबेन अउ गाद क परिवार समूह क लोग हग्री लोगन क भूइँया पइ रहइ लागेन। उ पचे हुवाँ तब तलक रहत रहेन जब तलक बाबुल क फउज इस्राएल क लोगन क नाहीं लइ गइ अउर जब तलक बाबुल मँ बन्दी नाहीं बनावा गवा।</verse>
				<verse number="23">मनस्से क परिवार समूह क आधे लोग बासान क पहँटा क लगातार बाल्हेर्मोन, सनीर अउ हेर्मोन पर्वत तलक रहत रहेन। उ पचे एक बिसाल जन समूहवाले लोग बन गएन।</verse>
				<verse number="24">मनस्से क परिवार समूह क आधे क प्रमुख इ सबइ रहेन: एपेर, यिसी, एलीएल, अज्रीएल, यिर्मयाह, होदब्याह अउर यहदीएल। उ सबइ सबहिं सक्तीसाली अउर वीर मनई रहेन। उ पचे मसहूर मसनसेधू रहेन अउर उ पचे अपने परिवार क प्रमुख रहेन।</verse>
				<verse number="25">किन्तु ओन प्रमुखन उ परमेस्सर क बिरुद्ध पाप किहन, जेनकर उपासना ओनकर पुरखन किहे रहेन। उ पचे हुवाँ रहइवाले ओन मनइयन क लबार देवतन क पूजा करब सुरु किहन जेनका परमेस्सर नस्ट किहस।</verse>
				<verse number="26">इस्राएल क परमेस्सर पूल क जुद्ध मँ जाइ क इच्छुक बनाएस। पूल अस्सूर क राजा रहा। ओकर नाउँ तिलगप्तिलेनेस भी रहा। उ मनस्से, रूबेन अउ गाद क परिवार समूहन क बिरुद्ध लड़ा। उ ओनका आपन घर तजइ क मजबूर किहस अउर ओनका बन्दी बनाएस। पूज ओनका हलह, हबोर, हारा अउर गोजान नदी क लगे लिआवा। इस्राएल क उ सबइ परिवार समूह ओन जगहन मँ उ समइ स अब तलक रहत रहेन ह।</verse>
			</chapter>
			<chapter number="6">
				<verse number="1">लेवी क पूत गेर्सोन, कहात अउ मरारी रहेन।</verse>
				<verse number="2">कहात क पूत अग्राम, यिसहार, हेब्रोन अउ उज्जीएल रहेन।</verse>
				<verse number="3">अग्राम क बच्चन हारून, मूसा अउ मरियम रहेन। हारून क पूत नादाब, अबीहू, एलीआजर अउ ईतामार रहेन।</verse>
				<verse number="4">एलीआजर, पीनहास क बाप रहा। पीनहास, अबीस् क बाप रहा।</verse>
				<verse number="5">अबीस्, बुक्की क बाप रहा। बुक्की उज्जी क बाप रहा।</verse>
				<verse number="6">उज्जी, जरह्याह क बाप रहा। जरह्याह, मरायोत क बाप रहा।</verse>
				<verse number="7">मरायोत, अमार्याह क बाप रहा। अमर्याह, अहीतूब क बाप रहा।</verse>
				<verse number="8">अहीतूब, सादोक क बाप रहा सादोक, अहीमास क बाप रहा।</verse>
				<verse number="9">अहीमास अजर्याह क बाप रहा। अजर्याह, योहानान क बाप रहा।</verse>
				<verse number="10">योहानान, अजर्याह क बाप रहा। (अजर्याह उ मनइ रहा जउन यरूसलेम मँ सुलैमान क जरिये बनाए गए मन्दिर मँ याजक क रूप मँ सेवा किहस।)</verse>
				<verse number="11">अजर्याह, अमर्याह क बाप रहा। अमर्याह अहीतूब क बाप रहा।</verse>
				<verse number="12">अहीतूब, सादोक क बाप रहा। सादोक, सल्लूम क बाप रहा।</verse>
				<verse number="13">सल्लूम, हिलकिय्याह क बाप रहा। हिलकिय्याह, अजर्याह क बाप रहा।</verse>
				<verse number="14">अजर्याह, सरायाह क बाप रहा। सरायाह, यहोसादाक क बाप रहा।</verse>
				<verse number="15">यहोसादाक तब आपन घर तजइ बरे मजबूर कीन्ह गवा जब यहोवा यहूदा अउ यरूसलेम क लोगन क नबूकदनेस्सर क बन्दी क रूप मँ जिला-वतन मँ पठइ दिहेस।</verse>
				<verse number="16">लेवी क पूत गेर्सोन, कहात अउर मरारी रहेन।</verse>
				<verse number="17">गेर्सोन क पूतन क नाउँ लिब्नी अउ सिमी रहेन।</verse>
				<verse number="18">कहात क पूत अम्राम, यिसहार, हेब्रोन अउ उज्जजीएल रहेन।</verse>
				<verse number="19">मरारी क पूत महली अउर मूसी रहेन। लेवी क परिवार समूहन क परिवारन क इ सूची अहइ। एनकर सूची ओनके बापन क नाउँ क पहिले राखिके इ अहइ।</verse>
				<verse number="20">गेर्सोन क सन्तान इ सबइ रहेन: लिब्नी, गेर्सोन क पूत रहा। यहत, लिब्नी क पूत रहा। जिम्मा, यहत क पूत रहा।</verse>
				<verse number="21">योआह, जिम्मा क पूत रहा। इद्दो, योआह क पूत रहा। जेरह, इद्दो क पूत रहा। यातरै जेरह क पूत रहा।</verse>
				<verse number="22">इ सबइ कहात क सन्तान रहेन: अम्मीनादाब, कहात क पूत रहा। कोरह, अम्मीनादाब क पूत रहा। अस्सीर, कोरह क पूत रहा।</verse>
				<verse number="23">एल्काना, अस्सी क पूत रहा। एब्यासाप, एलकाना क पूत रहा। अस्सीर, एब्यासाप क पूत रहा।</verse>
				<verse number="24">तहत अस्सीर क पूत रहा। ऊरीएल तहत क पूत रहा। उज्जिय्याह ऊरीएल क पूत रहा। साऊल उज्जिय्याह क पूत रहा।</verse>
				<verse number="25">एल्काना क पूत अमासै अउ अहीमोत रहेन।</verse>
				<verse number="26">सोपै, एल्काना क पूत रहा। नहत सोपै क पूत रहा।</verse>
				<verse number="27">एलीआब, नहत क पूत रहा। यरोहाम, एलीआब क पूत रहा। एल्काना, यरोहाम क पूत रहा। समूएल एल्काना क पूत रहा।</verse>
				<verse number="28">समूएल क पूतन मँ स सब स बड़का योएल अउ दूसर अबिय्याह रहा।</verse>
				<verse number="29">मरारी क इ सबइ पूत रहेन: महली, मरारी क पूत रहा। लिब्नी, महली क पूत रहा। सिमी, लिब्नी क पूत रहा: उज्जा, सिमी क पूत रहा।</verse>
				<verse number="30">सिमा, उज्जा क पूत रहा। हग्गियाह, सिमी क पूत रहा। असायाह, हग्गियाह क पूत रहा।</verse>
				<verse number="31">इ सबइ उ सब लोग अहइँ जेनका दाऊद यहोवा क भवन क तम्बू मँ करार क सन्दूक धरे जाइ क पाछे संगीत क प्रबन्ध बरे चुनेस।</verse>
				<verse number="32">इ सबइ मनई पवित्तर तम्बू पइ गाइके सेवा करत रहेन। पवित्तर तम्बू क मिलापवाला तम्नू भी कहत हीं अउर एन लोग तब तलक सेवा किहन जब तलक सुलैमान यरूसलेम मँ यहोवा क मन्दिर नाहीं बनाएस। उ पचे अपने काम क बरे दीन्ह गए नेमन क अनुसरण करत भए सेवा किहन।</verse>
				<verse number="33">इ सबइ नाउँ ओन मनइयन अउ ओनके पूतन क अहइँ जउन संगीत क जरिये सेवा किहन: कहाती लोगन क सन्तान रहेन: गायक हेमान। हेमान योएल क पूत रहा। योएल, समूएल क पूत रहा।</verse>
				<verse number="34">समूएल, एल्काना क पूत रहा। एल्काना, योहाम क पूत हरा। यरोहाम एलीएल क पूत रहा। एलीएल तोह क पूत रहा।</verse>
				<verse number="35">तोह, सूप क पूत रहा। सूप एल्काना क पूत रहा। एल्काना, महत क पूत रहा। महत अमासै क पूत रहा।</verse>
				<verse number="36">अमासै, एल्काना क पूत रहा। एल्काना, योएल क पूत रहा। योएल, अजर्याह क पूत रहा। अजर्याह, सपन्याह क पूत रहा।</verse>
				<verse number="37">सपन्याह, तहत क पूत रहा। तहत, अस्सीर क पूत रहा। अस्सीर, एब्यासाप क पूत रहा। एब्यासाप, कोरह क पूत रहा।</verse>
				<verse number="38">कोरह, यिसहर क पूत रहा। यिसहार, कहात क पूत रहा। कहात, लेवी क पूत रहा। लेवी, इस्राएल क पूत रहा।</verse>
				<verse number="39">हेमान क सम्बंधी असाप रहा। असाप हेमान क दाहिनी कइँती खड़े होइके सेवा किहस। असाप बेरेक्याह क पूत रहा। बेरेक्याह सिमा क पूत रहा।</verse>
				<verse number="40">सिमा मीकाएल क पूत रहा। मीकाएल बासेयाह क पूत रहा। बासेयाह मल्किय्याह क पूत रहा।</verse>
				<verse number="41">मल्किय्याह एत्नी क पूत रहा। एत्नी जेरह क पूत रहा। जेरह अदायाह क पूत रहा।</verse>
				<verse number="42">अदायाह एतना क पूत रहा। एतना जिम्मा क पूत रहा। जिम्मा सिमी क पूत रहा।</verse>
				<verse number="43">सिमी यहत क पूत रहा। यहत गेर्सोन क पूत रहा। गेर्सोन लेवी क पूत रहा।</verse>
				<verse number="44">मरारी क सन्तान हेमान अउ असाप क सम्बंधी रहेन। उ पचे हेमान क बाएँ पच्छ क गायक समूह रहेन। एताव कीसी क पूत रहा। कीसी अब्दी क पूत रहा। अब्दी मल्लूक क पूत रहा।</verse>
				<verse number="45">मल्लूक हसब्याह क पूत रहा। हसब्याह अमस्याह क पूत रहा। अमस्याह हिलकय्याह क पूत रहा।</verse>
				<verse number="46">हिलकिय्याह अमसी क पूत रहा। अमसी बानी क पूत रहा। बानी सेमेर क पूत रहा।</verse>
				<verse number="47">सेमेर महली क पूत रहा। महली मूसी क पूत रहा। मूसी मरारी क पूत रहा। मरारी लेवी क पूत रहा।</verse>
				<verse number="48">हेमान अउ आसाप क भाई लेवी क परिवार समूह स रहेन। लेवी क परिवार समूह क लोग “लेवी बंसी” भी कहे जात रहेन। लेवीय पवित्तर तम्बू मँ करइबरे चुने जात रहेन। पवित्तर तम्बू परमेस्सर क घर रहा।</verse>
				<verse number="49">किन्तु सिरिफ हारून क सन्तानन क होमबलि क वेदी अउर धूप क वेदी पइ होमबलि अउर अउ धूपबलि चढ़ावइ क अनुमति रही। हारून क सन्तान परमेस्सर क घर मँ सब स जियादा पवित्तर स्थान मँ सारा काम करत रहेन। उ पचे इस्राएल क लोगन बरे प्रायस्चित क काम भी करत रहेन। उ पचे ओन सब नेमन अउ विधियन क अनुसरण करत रहेन जेनके बरे परमेस्सर क सेवक मूसा आदेस दिहे रहा।</verse>
				<verse number="50">हारून क पूत इ सबइ रहेन: एलीआज़र हारून क पूत रहा। पीनहास एलीआज़र क पूत रहा। अबीसू पीनहास क पूत रहा। बुक्की अबीसू क पूत रहा। उज्जी बुक्की क पूत रहा।</verse>
				<verse number="51">बुक्की अबीसू क पूत रहा। उज्जी बुक्की क पूत रहा। जरह्याह उज्जी क पूत रहा।</verse>
				<verse number="52">मरायोत जरह्याह क पूत रहा। अमयीह मरायोत क पूत रहा। अहीतूब अमर्याह क पूत रहा।</verse>
				<verse number="53">सादोक अहीतूब क पूत रहा। अहीमास सादोक क पूत रहा।</verse>
				<verse number="54">इ सबइ उ सब जगहिया अहइँ जहाँ हारून क सन्तानन रहिन। उ पचे उ भुइँया पइ जउन ओनका दीन्ह गइ रही अपने उपनिवेसन मँ रहत रहेन। कहाती परिवारन उ भुइँया क पहिला भाग पाएस जउन लेवीवंस क दीन्ह गइ रही।</verse>
				<verse number="55">ओनका हेब्रोन नगर अउ ओकरे चारिहुँ कइँती क खेत दीन्ह ग रहेन। इ यहूदा पहँटा म रहा।</verse>
				<verse number="56">किन्तु हेब्रोन क नजिक क गाँवअन अउ दूर क खेतन, यपुन्ने क पूत कालेब क दीन्ह ग रहेन।</verse>
				<verse number="57">हारून क सन्तानन क हेब्रोन नगर दीन्ह गवा रहा। हेब्रोन क सुरच्छा नगर रहा। ओनके लिब्ना, यत्तीर, एसतमो,</verse>
				<verse number="58">हीलेन, दबीर,</verse>
				<verse number="59">आसान, जुत्ता, अउ बेतसेमेस नगर भी दीन्ह गएन। उ पचे ओन सबहिं नगरन अउर ओनके चारिहुँ कइँती क खेत प्राप्त किहन।</verse>
				<verse number="60">बिन्यामीन क परिवार समूह क लोगन क गिबोन, गेबा अउ अल्लेमेत अउर अनानोत नगरन दीन्ह गएन। उ पचे ओन सबहिं नगरन अउर ओनके चारिहुँ ओर क खेतन क प्राप्त किहन। कहाती परिवार क तेरह नगर दीन्ह गएन।</verse>
				<verse number="61">बाकी कहात क सन्तानन मनस्से परिवार समूह क आधे स दस नगर प्राप्त किहन।</verse>
				<verse number="62">गेर्सेम क सन्तानन क परिवार समूह तेरह नगर प्राप्त किहन। उ पचे ओन नगरन क इस्साकार, आसेर, नप्ताली अउर बासान छेत्र मँ रहइवाले मनस्से क एक हींसा स प्राप्त किहन।</verse>
				<verse number="63">मरारी क सन्तानन क परिवार समूह बारह नगर प्राप्त किहन। उ पचे ओन नगरन क रूबेन, गाद, अउर जबूलून क परिवार समूहन स प्राप्त किहन। उ पचे नगरन क गोटन डाइके प्राप्त किहन।</verse>
				<verse number="64">इ तरह इस्राएली लोग ओन नगरन अउ खेतन क लेवीबंसन क लोगन क दिहन।</verse>
				<verse number="65">उ पचे सबहिं नगर, यहूदा, सिमोन अउर बिन्यामीन क परिवार समूहन स मिलेन। उ पचे गोटन डाइके इ निहचइ किहन कि कउन सा नगर परिवार लेवी क कउन सा परिवार प्राप्त करी।</verse>
				<verse number="66">एप्रैम क परिवार समूह कछू कहाती परिवारन क कछू नगर दिहन। उ सबइ नगर गोटन डाइके चुने गएन।</verse>
				<verse number="67">ओनका साकेम नगर दीन्ह गवा। साकेम सुरच्छ नगर अहइ। ओनका गेजेर</verse>
				<verse number="68">योकमान, बेथोरेन,</verse>
				<verse number="69">अय्यालोन, अउर गत्रिम्मोन भी प्राप्त किहन। उ पचे ओन नगरन क संग क खेत भी पाएन। उ पचे एप्रैम नगर क पहाड़ी प्रदेस मँ रहेन।</verse>
				<verse number="70">अउर इस्राएली लोग, मनस्से परिवार समूह क आधे स, आनेर अउ बिलाम नगरन क कहाती परिवारन क दिहन। ओन कहाती परिवारन ओन नगरन क संग खेतन क भी प्राप्त किहन।</verse>
				<verse number="71">गेर्सेमी परिवारन मनस्से परिवार समूह क आधे स, बासान अउ अस्तारोत छेत्रन मँ गोलान क नगरन क प्राप्त किहन। उ पचे ओन नगरन क लगे क खेत भी पाएन।</verse>
				<verse number="72">गेर्सेमी परिवार केदसे, दाबरात, रामोत अउर गानेम नगरन क आसेर परिवार समूह स प्राप्त किहन। उ पचे ओन नगरन क लगे क खेतन भी प्राप्त किहन।</verse>
				<verse number="73"></verse>
				<verse number="74">गेर्सेमी परिवार मसाल, अब्दोन, हूकोक अउर रहोब क नगरन क आसेर परिवार समूह स प्राप्त किहस। उ पचे ओन नगरन क लगे क खेतनभी प्राप्त किहन।</verse>
				<verse number="75"></verse>
				<verse number="76">गेर्सोमी परिवार गालील मँ केदेस, हम्मोन अउर किर्यातेम नगरन क भी नप्ताली क परिवार समूह स प्राप्त किहस। उ पचे ओन नगरन क लगे क खेतन भी प्राप्त किहन।</verse>
				<verse number="77">लेवीबंसी लोगन मँ स बाकी मरारी परिवार क अहइँ। उ पचे जेक्रयम, कर्ता, सिम्मोन अउ ताबोर नगरन क जबूलून परिवार समूह स प्राप्त किहन। उ पचे ओन नगरन क लगे क खेत भी प्राप्त किहन।</verse>
				<verse number="78">मरारी परिवार रेगिस्ताने मँ बेसेर क नगरन, यहसा, कदेमोत, अउ मेपाता क भी रूबेन क परिवार समूह स प्राप्त किहन। रूबेन क परिवार समूह यरदन नदी क पूरब कइँती यरीहो नगर क पूरब मँ रहत रहा। एन मरारी परिवारन नगर क लगे क खेत भी पाएन।</verse>
				<verse number="79"></verse>
				<verse number="80">मरारी परिवार गिलाद मँ रामोत, महनैम, हेसोबोन अउर याजेर नगरन क गाद क परिवार समूह स प्राप्त किहन। उ पचे ओन नगरन क लगे क खेत भी प्राप्त किहन।</verse>
				<verse number="81"></verse>
			</chapter>
			<chapter number="7">
				<verse number="1">इस्साकार क चार पूत रहेन। ओनकर नाउँ तोला, पूआ, यासूब, अउ सिम्रोन रहेन।</verse>
				<verse number="2">तोला क पूत उज्जी, रपयाह, यरीएल, यहमै, यिबसाम अउर समूएल रहेन। उ पचे सबहिं अपने परिवारन क प्रमुख रहेन। उ पचे मनसेधू अउ ओनकर सन्तान जोधा रहेन। ओनकर परिवार बाढ़त रहेन अउ जब दाऊद राजा भवा, तब हुवाँ बाईस हजार छ: सौ मनई जुद्ध बरे तइयार रहेन।</verse>
				<verse number="3">उज्जी क पूत यिज़ह्याह रहा। यिज़ह्याह क पूत मीकाएल, ओबद्याह, योएल, यिस्सिय्याह, रहेन। उ पचे सबहिं पाँचहु अपने परिवारन क प्रमुख रहेन।</verse>
				<verse number="4">ओनके परिवार क इतिहास इ बतावत ह कि ओनके लगे छत्तीस हजार जोधा जुद्ध क बरे तइयार रहेन। ओनकर बड़ा परिवार रहा। काहेकि ओनकर बहोत स मेहरारुअन अउ बच्चन रहेन।</verse>
				<verse number="5">परिवार इतिहास इ बतावत ह कि इस्सकार क सबहिं परिवार समूहन मँ सत्तासी हजार सक्तीसाली फउजी रहेन।</verse>
				<verse number="6">बिन्यामीन क तीन पूत रहेन। ओनकर नाउँ बेला, बेकेर अउ यदीएल रहेन।</verse>
				<verse number="7">बेला क पाँच पूत रहेन। ओनकर नाउँ एसबोन, उज्जी, उज्जीएल, यरीमोत, अउ इरी रहेन। उ पचे अपने परिवारन क प्रमुखन रहेन। ओनकर परिवार इतिहास बतावत ह कि ओनके लगे बाईस हजार चौंतीस फउजी रहेन।</verse>
				<verse number="8">बेकेर क पूत जमीरा, योआस, एतीएजेर, एल्योएनै, ओम्री, यरेमोत, अबिय्याह, अनातोत अउ आलेमेत रहेन। उ पचे सबहिं बेकेर क बच्चा रहेन।</verse>
				<verse number="9">ओनकर परिवार इतिहास बतावत ह कि परिवार प्रमुख कउन रहेन अउर ओनकर परिवार इतिहास इ भी कहत ह ओनकर बीस हजार दुइ सौ फउजी रहेन।</verse>
				<verse number="10">यदीएल क पूत बिल्हान रहा। बिल्लन क पूत यूस, बिन्यामीन, एहद, कनान, जेतान, तर्सीस अउ अहीसहर रहेन।</verse>
				<verse number="11">यदीएल क सबहिं पूत अपने परिवार क प्रमुख रहेन। ओनकर सतरह हजार दुइ सौ फउजी जुद्ध बरे तइयार रहेन।</verse>
				<verse number="12">सुप्पीम अउ हुप्पीम ईर सन्तान रहेन। हूसी अहेर क पूत रहा।</verse>
				<verse number="13">नप्ताली क पूत एसीएल, गूनी, येसेर अउ सल्लूम रहेन। अउर इ सबइ बिल्हा क सन्तान रहेन।</verse>
				<verse number="14">इ सबइ मनस्से क सन्तान अहइँ। मनस्से क उसीएल नाउँ क पूत रहा। जउन ओकर अरामी रखैल स रहा। ओनकर माकीर भी रहा। माकीर गिलाद क बाप रहा।</verse>
				<verse number="15">माकीर हुप्पीम अउर सुप्पीम लोगन क एक मेहरारु स बियाह किहस। माका क दूसर मेहरारु क नाउँ सलोफाद रहा। सलोफाद क सिरिफ बिटियन रहिन। माकीर क बहिन क नाउँ भी माका रहा।</verse>
				<verse number="16">माकीर क मेहरारु माका क एक पूत भवा। माका अपने पूत क नाउँ पेरेस धरेस। पेरेस क भाई क नाउँ सेरेस रहा। सेरेस क पूत ऊलाम अउ राकेम रहेन।</verse>
				<verse number="17">ऊलाम क पूत बदान रहा। इ सबइ गिलाद क सन्तान रहेन। गिलाद माकीर क पूत रहा। माकीर मनस्से क पूत रहा।</verse>
				<verse number="18">माकीर क बहिन हम्मोलेकेत क पूत ईसहोद, अबीएजेर, अउर महला रहेन।</verse>
				<verse number="19">समीदा क पूत अहयान, सेकेम लिखी अउर अनीआम रहेन।</verse>
				<verse number="20">एप्रैम क सन्तानन क इ सबइ नाउँ रहेन। एप्रैम क पूत सूतेलह रहा। सूतेलह क पूत बेरेद रहा। बेरेद क पूत तहत रहा। तहत क पूत एलाद रहा।</verse>
				<verse number="21">एलाद क पूत तहत रहा। तहत क पूत जाबाद रहा। जाबाद क पूत सूतेलह रहा। कछू मनइयन जउन गत नगर मँ बड़े भए रहेन, येजेर अउ एलाद क मार डाएन। इ एह बरे भवा कि येजेर अउ एलाद ओन लोगन क गइयन अउ भेड़िन चोरावइ गत गए रहेन।</verse>
				<verse number="22">एप्रैम एजेर अउ एलाद क बाप रहा। उ कइउ दिनन तलक रोवत रहा। काहेकि येजेर अउर एलाद मर गए रहेन। एप्रैम क परिवार ओका सांत्वना देइ आवा।</verse>
				<verse number="23">तब एप्रैम अपनी मेहरारु क संग तने क सम्बंध किहस। एप्रैम क मेहरारु गर्भवती भइ अउ उ एक पूत क जन्म दिहस। एप्रैम अपने नवे पूत क नाउँ बरीआ धरेस काहेकि ओकरे परिवार क संग कछू बुरा भवा रहा।</verse>
				<verse number="24">एप्रैम क बिटिया सेरा रही। सेरा नीच बेथोरान अउ ऊँच बेथोरान अउर नीच उज्जेनसेरा अउ ऊँच उज्जेनसेरा बसाएस।</verse>
				<verse number="25">रेपा एप्रैम क पूत रहा। रेसेप रेपा क पूत रहा। तेलह रेसेप क पूत रहा। तहन तेलह क पूत रहा।</verse>
				<verse number="26">लादान तहन क पूत रहा अम्मीहूद लादान क पूत रहा। एलीसाम अम्मीहूद क पूत रहा।</verse>
				<verse number="27">नून एलीसामा क पूत रहा। यहोसू नून क पूत रहा।</verse>
				<verse number="28">इ सबइ उ नगर अउ प्रदेस अहइँ जहाँ एप्रैम क सन्तान रहत रहेन। बेतेल अउ एकरे नगिचे क गाँव पूरब मँ नारान, गेजेर अउ पच्छिम मँ एकरे निअरे क गावँ, अउ सेकम अउ अज्जा क रास्ते तलक क निअरवाले गांँव।</verse>
				<verse number="29">मनस्से क भुइँया क चउहद्दी पइ बेतसान, मगिदो अउ दोर नगर अउर ओनका नजिक सक सबहिं गाँव रहेन। इस्राएल क पूत यूसुफ क सन्तान एन नगरन मँ रहत रहिन।</verse>
				<verse number="30">आसेर क पूत यिम्ना, यिस्वा, यिस्वी अउ बरीआ रहेन। ओनकर बहिन क नाउँ सरेह रहा।</verse>
				<verse number="31">बरीआ क पूत हेबरे अउ मलकीएल रहेन। मलकीएल बिर्जोत क बाप रहा।</verse>
				<verse number="32">हेबेर यपलेत, सोमेर होताम अउर ओनकर बहिन सू्आ क बाप रहा।</verse>
				<verse number="33">यपलेत क पूत पासक, बिम्हाल अउ अस्नात रहेन। इ सबइ यपलेत क बच्चन रहेन।</verse>
				<verse number="34">सेमरे क पूत अही, रोहगा, यहुब्बा अउ अराम रहेन।</verse>
				<verse number="35">सेमेर क भाई क नाउँ हेलेम रहा। हेलेम क पूत सो पह, यिम्ना, सेलेस अउ आमाल रहेन।</verse>
				<verse number="36">सोपह क पूत सूह, हर्नेपे, सूआल, बेरी, इम्रा,</verse>
				<verse number="37">बेसेर, होद, सम्मा, सिलसा, यित्रान अउ बेरा रहेन।</verse>
				<verse number="38">येतेर क पूत यपुन्ने, पिस्पा अउ अरा रहेन।</verse>
				<verse number="39">उल्ला क पूत आरह, हन्नीएल, अउ रिस्चा रहेन।</verse>
				<verse number="40">इ सबइ मनई आसेर क सन्तान रहिन। उ पचे अपने परिवारन क प्रमुख रहेन। उ पचे उत्तिम पुरुख रहेन। उ पचे योद्धा अउ महान प्रमुख रहेन। ओनके परिवारे क इतिहास बतावत ह कि छब्बीस हजार फउजी जुद्ध बरे तइयार रहेन।</verse>
			</chapter>
			<chapter number="8">
				<verse number="1">बिन्यामीन बेला क बाप रहा। बेला बिन्यामीन क पहिला पूत रहा। अबेल बिन्यामीन क दूसर पूत रहा। अहरह बिन्यामीन क तीसर पूत रहा।</verse>
				<verse number="2">नोहा बिन्यामीन क चउथा पूत रहा अउर रापा बिन्यामीन क पाँचवाँ पूत रहा।</verse>
				<verse number="3">बेला क पूत अद्दार, गेरा, अबीहूद,</verse>
				<verse number="4">अबीसू, नामान, अहोह,</verse>
				<verse number="5">गेरा, सपूपान अउ हूराम रहेन।</verse>
				<verse number="6">एहूद क सन्तान इ सबइ रहेन। इ सबइ गेबा मँ अपने परिवारन क प्रमुख रहेन। उ पचे आपन घर तजइ अउर मानहत मँ रहइ क मजबूर कीन्ह गए रहेन।</verse>
				<verse number="7">एहूद क सन्तान नामान, अहिय्याह, अउर गेरा रहेन। गेरा ओनका घर तजइ क मजबूर किहस। गेरा उज्जा अउ अहीलूद क बाप रहा।</verse>
				<verse number="8">सहरैम आपन पत्नियन हसीम अउ बारा क मोआब मँ तलाक दिहस। इ करइ क पाछे, ओकर कछू दूसर गदेलन दूसर पत्नी स पइदा भएन।</verse>
				<verse number="9">सहर्रेम क योआब, सिब्या, मेसा, मल्काम, यूस, सोक्या, अउर मिर्मा ओकर मेहरारु होदेस स भएन। उ पचे अपने परिवारन क प्रमुख रहेन।</verse>
				<verse number="10"></verse>
				<verse number="11">सहरेर्म अउर हसीम क दुइ पूत अबीतूब अउ एल्पाल रहेन।</verse>
				<verse number="12">एल्पाल क पूत एबेर, मिसाम, सेमेद, बरीआ अउ सेमा रहेन। सेमेद ओनो अउ लोद नगर अउ लोद क चारिहुँ कइँती नान्ह नगर बनाएस। बरीआ अउ सेमा अय्यालोन मँ रहइवाले परिवारन क प्रमुख रहेन। ओन पूतन गत मँ रहइवालन क ओका तजइ क मजबूर किहन।</verse>
				<verse number="13"></verse>
				<verse number="14">बरीआ क पूत सासक अउर यरमोत,</verse>
				<verse number="15">जबद्याह, अराद, एदेर,</verse>
				<verse number="16">मीकाएल, यिस्पा अउ योहा रहेन।</verse>
				<verse number="17">एल्पाल क पूत जबद्याह, मुसुल्लाम, हिजकी, हेबर,</verse>
				<verse number="18">यिसमरै, थिजलीआ अउ योबाब रहेन।</verse>
				<verse number="19">सिमी क पूत याकीम, जिवी, जब्दी,</verse>
				<verse number="20">एलीएनै, सिल्लतै, एलीएल,</verse>
				<verse number="21">अदायाह, बरायाह अउ सिम्रात रहेन।</verse>
				<verse number="22">सासक क पूत यिसपान, यबेर, एलीएल,</verse>
				<verse number="23">अब्दोन जिक्री, हानान,</verse>
				<verse number="24">हनन्याह, एलाम, अन्तोतिय्याह,</verse>
				<verse number="25">यिपदयाह, अउर पनूएल रहेन।</verse>
				<verse number="26">यरोहाम क पूत समसैरे, सहर्याह, अतल्याह,</verse>
				<verse number="27">योरेस्याह, एलिय्याह, अउर जिवी रहेन।</verse>
				<verse number="28">इ सबइ सबहिं मनई अपने परिवारन क प्रमुख रहेन। उ पचे अपने परिवार क इतिहास मँ प्रमुख क रूप मँ अंकित रहेन। उ पचे यरूसलेम मँ रहत रहेन।</verse>
				<verse number="29">येयील गिबोन क बाप रहा। उ गिबोन नगर मं रहत रहा। ययील क मेहरारु क नाउँ माका रहा।</verse>
				<verse number="30">योयील क सबस बड़का पूत अब्दोन रहा। दूसर पूत सूर, कीस, बाल, नेर, नादाब,</verse>
				<verse number="31">गदोर, अह्यो, जेकेर अउर मिकोत रहेन,</verse>
				<verse number="32">मिकोत सिमा क बाप रहा। इ सबइ पूत भी यरूसलेम मँ अपने सम्बन्धियन क नगिचे रहत रहेन।</verse>
				<verse number="33">नेर, कीस, क बाप रहा कीस साऊल क बाप रहा। अउर साऊल योनातान, मल्कीसू, अबीनादाब अउर एसबाल क बाप रहा।</verse>
				<verse number="34">योनातान क पूत मरीब्बाल रहा। मरीब्बाल मीका क बाप रहा।</verse>
				<verse number="35">मीका क पूत पीतोन, मेलेक, तारे अउ आहाज रहेन।</verse>
				<verse number="36">आहाज यहोअद्दा क बाप रहा। यहोअद्दा आलेमेत, अजमावेत अउ जिम्री क बाप रहा। जिम्री मोसा क बाप रहा।</verse>
				<verse number="37">मोसा बिना क बाप रहा। रापा बिना क पूत रहा। एलासा रापा क पूत रहा अउर आसेल एलासा क पूत रहा।</verse>
				<verse number="38">आसेल क छ: पूत रहेन। ओनकर नाउँ अज्रीकाम, बोकरु, यिस्माएल, सार्याह, ओबद्याह अउर हानान रहेन। इ सबइ सबहिं पूत आसेल क सन्तान रहेन।</verse>
				<verse number="39">आसेल क भाई एसेक रहा। एसेक क कछू पूत रहेन। एसेक क इ सबइ पूत रहेन: ऊलाम एसेक क सब स बड़का पूत रहा। यूसा एसेक क दूसर पूत रहा। एलीपेलेत एसेक क तीसर पूत रहा।</verse>
				<verse number="40">ऊलाम क पूत बलवान जोधा अउर धनुस-बाण क प्रयोग मँ वुसल रहेन। ओनकर बहोत स पूत अउ पोता रहेन। सब मिलाइके डेढ़ सौ पूत अउ पोता रहेन। सब मिलाइके डेढ़ सौ पूत अउ पोता रहेन। इ सबइ सबहिं मनई बिन्यामीन क सन्तान रहिन।</verse>
			</chapter>
			<chapter number="9">
				<verse number="1">इस्राएल क लोगन क नाउँ ओनके परिवार क इतिहास मँ अंकित रहेन। उ सबइ परिवार इतिहास इस्राएल क राजा लोगन क इतिहास क पुस्तक मँ सम्मिलित भए रहेन। यहूदा क लोग बन्दी बनाए गए रहेन अउर बाबेल क जाइ क मजबूर कीन्ह गए रहेन। उ पचे उ जगह पइ एह बरे लइ जावा गएन, काहेकि उ पचे परमेस्सर क बरे बिस्सास क जोग्ग नाहीं रहेन।</verse>
				<verse number="2">सब स पहिले लउटिके आवइबाले अउर अपने नगरन अउ अपने पहँटा मँ रहइवाले लोगन मँ कछू इस्राएली, याजक, लेवीबंसी अउ मन्दिर मँ सेवा करइवाले सेवक रहेन।</verse>
				<verse number="3">इ सबइ यरूसलेम मँ रहइवाला यहूदा, बिन्यामीन, एप्रैम अउर मनस्से परिवार समूह क लोग अहइँ।</verse>
				<verse number="4">ऊतै अम्मीहूद क पूत रहा। अम्मीहूद ओम्री क पूत रहा। ओम्री इम्री क पूत रहा। इम्री बानी क पूत रहा। बानी पेरेस क सन्तान रहा। पेरेस यहूदा क पूत रहा।</verse>
				<verse number="5">सीलोइ लोग जउन यरूसलेम मँ रहत रहेन, इ सबइ रहेन: असायाह, सब स बड़का पूत रहा। अउ असायाह क पूत रहेन।</verse>
				<verse number="6">जेरह लोग, जउन यरूसलेम मँ रहत रहेन, इ सबइ रहेन; यूएल अउर ओकर सम्बन्धी, उ सबइ सब मिलाइके छ: सौ नब्बे रहेन।</verse>
				<verse number="7">बिन्यामीन क परिवार समूह स जउन लोग यरूसलेम मँ रहेन, उ सबइ इ सब अहइँ: सल्लू मसुल्लाम क पूत रहा। मुसल्लाम होदब्याह क पूत रहा। होदब्याह हस्सनूआ क पूत रहा।</verse>
				<verse number="8">यिबनाय्याह यरोहाम क पूत रहा। एला उज्जी क पूत रहा। उज्जी मिवी क पूत रहा। मसुल्लाम सपत्याह क पूत रहा। सपत्याह रूएल क पूत रहा। रूएल यिब्निय्याह क पूत रहा।</verse>
				<verse number="9">बिन्यामीन क परिवार इतिहास बतावत ह कि यरूसलेम मँ ओनकर नौ सौ छप्पन मनई रहत रहेन। उ सबइ सबहिं मनई अपने परिवारन क प्रमुख रहेन।</verse>
				<verse number="10">इ सबइ उ सब याजक अहइँ जउन यरूसलेम मँ रहत रहेन: यदायाह, यहोयारीब, याकीन अउ अज़र्याह।</verse>
				<verse number="11">अज़र्याह हिलकिय्याह क पूत रहा। हिलकिय्याह मसुल्लाम क पूत रहा। मसुल्लाम सादोक क पूत रहा। सादोक मरायोत क पूत रहा। मरायोत अहीतूब क पूत रहा। अहीतूब परमेससर क मन्दिर क बरे बिसेस उत्तरदायी अधिकारी रहा।</verse>
				<verse number="12">यरोबाम क पूत अदायाह भी रहा। यरोहाम पसहूर क पूत रहा पसहूूर मल्किय्याह क पूत रहा अउर हुवाँ अदोएल क पूत मासै रहा। अदोएल जहजेस क पूत रहा। जेरा मसुल्लाम क पूत रहा। मसुल्लाम मसिल्लीत क पूत रहा। मसिल्लीत इम्मेर क पूत रहा।</verse>
				<verse number="13">हुवाँ एक हजार सात सौ साठ याजकन रहेन। उ पचे अपने परिवारन क प्रमुख रहेन। उ पचे परमेस्सर क मन्दिर मँ सेवा करइ क कार्य क बरे उत्तरदायी रहेन।</verse>
				<verse number="14">लेवी क परिवार समूह स जउन लोग यरूसलेम मँ रहत रहेन, उ पचे इ सबइ अहइँ: हस्सूब क पूत समायाह, हस्सूब अज्रीकाम क पूत रहा। अज्रीकाम हसब्याह क पूत रहा। हसब्याह मरारी क सन्तानन क पूत रहा।</verse>
				<verse number="15">यरूसलेम मँ बकबक्कर, हरेस, गालाल अउ मत्तन्याह भी रहेन। मत्तन्याह मीका क पूत रहा। मीका जिक्री क पूत रहा। जिक्री आसाप क पूत रहा।</verse>
				<verse number="16">ओबद्याह समायाह क पूत रहा। समायाह गालाल क पूत रहा। गालाल यदूतून क पूत रहा अउर आसा क पूत बेरेक्याह यरूसलेम मँ रहत रहा। आसा एल्काना क पूत रहा। एल्काना नेतोपा लोगन क लगे गाँवअन मँ रहत रहा।</verse>
				<verse number="17">इ सबइ उ सब दुआरपाल अहइँ जउन यरूसलेम मँ रहत रहेन: सल्लूम, अक्कूब, तल्मोन, अहीमान अउर ओनकर सम्बंधी। सल्लूम ओनकर प्रमुख रहा।</verse>
				<verse number="18">अब इ सबइ मनई पूरब कइँती राजा क दुआर क ठीक बगल पढ़ाव डालि रहत रहेन। उ सबइ दुआरपाल लेवी परिवार समूह स रहेन।</verse>
				<verse number="19">सल्लूम कोरे क पूत रहा। कोरे एब्यासाप क पूत रहा। एब्याहसाप कोरह क पूत रहा। सल्लूम अउ ओकर भाई दुआरपाल रहेन। उ पचे कोरे परिवार स रहेन। ओनका पवित्तर तम्बू क दुआर क रच्छा करइ क कार्य करइ रहा। उ पचे एका वइसे ही करत रहेन जइसे एनकर पुरखन एनके पहिले किहे रहेन। ओनके पुरखन क इ कार्य रहा कि उ पचे पवित्तर तम्बू क दुआर क रच्छा करइँ।</verse>
				<verse number="20">पुराने जमाने मँ, पीनहास दुआरपालन क निरिच्छक रहा। पीनहास एलीआज़र क पूत रहा। यहोवा पीनहास क संग रहा:</verse>
				<verse number="21">मेसेलम्याह क पूत जकर्याह पवित्तर तम्बू क दुआर क दुआरपाल रहा।</verse>
				<verse number="22">सब मिलाइके दुइ सौ बारह मनई पवित्तर तम्बू क दुआर क रच्छा बरे चुने गए रहेन। ओनकर नाउँ ओनके परिवार इतिहास मँ ओनके नान्ह नगरन मँ लिखे। भए रहेन। दाऊद अउ समूएल नबी ओन लोगन क चुनेन, काहेकि ओन पइ बिस्सास कीन्ह जाइ सकत रहा।</verse>
				<verse number="23">दुआरपालन अउर ओनकर सन्तानन क जिम्मेदारी यहोवा क मन्दिर, पवित्तर तम्बू क रच्छा करब रहा।</verse>
				<verse number="24">हुवाँ चारिहुँ कइँति दुआर रहेन: पूरब, पच्छिम, उत्तर अउर दर्खियन।</verse>
				<verse number="25">दुआरपालन क सम्बन्धियन क, जउन नान्ह नगर मँ रहत रहेन, समइ-समइ पइ आइके ओनका मदद करइ पड़त रही। उ पचे आवत रहेन अउर हर बार सात दिन तलक दुआरपालन क सहायता करत रहेन।</verse>
				<verse number="26">दुआरपालन क चार प्रमुख दुआरपाल हुवाँ रहेन। उ पचे लेवीबंसी मनई रहेन। ओनकर कर्त्तव्य परमेस्सर क मन्दिर क कमरन अउ खजाना क देखभाल करब रहा।</verse>
				<verse number="27">उ पचे रातिभर परमेस्सर क मन्दिर क रच्छा मँ खड़े रहत रहेन अउर परमेस्सर क मन्दिर क हर रोज भिंसारे खोलइ क ओनकर काम रहा।</verse>
				<verse number="28">कछू दुआरपालन क काम मन्दिर क सेवा मँ काम आवइवाली तश्तरियन क देखभाल करब रहा। उ पचे एन तस्तरियन क तब गनत रहेन जब उ पचे भीतर लाई जात रहिन। उ पचे एन तस्तरियन क तब भी गनत् रहेन जब उ पचे बाहेर जात रहिन।</verse>
				<verse number="29">दूसर दुआरपाल रस्मी-सामग्री अउर ओन बिसेस तस्तरियन क देखभाल क बरे चुने जात रहेन। उ पचे आटा, दाखरस, तेल, सुगन्धि अउर बिसेस तेल क भी देखरेख करत रहेन।</verse>
				<verse number="30">किन्तु सिरिफ याजक ही बिसेस तेल क मिलावइ क काम करत रहेन।</verse>
				<verse number="31">एक मतित्याह नाउँ क लेवीबंसी रहा जेकर काम भेंट मँ उपयोग क बरे रोटी पकाउब रहा। मतित्याह सल्लूम क सब स बड़ा पूत रहा। सल्लूम कोरह परिवार क रहा।</verse>
				<verse number="32">दुआरपालन मँ स कछू जउन कहात परिवार क रहेन, हर एक सबित क मेज पइ रखी जाइवाली रोटी क तइयार करइ क काम करत रहेन।</verse>
				<verse number="33">उ पचे लेबीवंसी जउन गायक रहेन अउर अपने परिवारन क प्रमुख रहेन, मन्दिर क कमरन मँ ठहरत रहेन। ओनका दूसर काम नाहीं करइ पड़त रहेन। काहेकि उ पचे मन्दिर मँ दिन-रात काम क बरे उत्तरदायी रहेन।</verse>
				<verse number="34">इ सबइ लेवीबंसी अपने परिवारन क प्रमुख रहेन। उ पचे अपने परिवारन क इतिहास मँ प्रमुख क रूप मँ अंकित रहेन। उ पचे यरूसलेम मँ रहत रहेन।</verse>
				<verse number="35">यीएल गिबोन क बाप रहा। यीएल गिबोन नगर मँ रहत रहा। यीएल क मेहरारु क नाउँ माका रहा।</verse>
				<verse number="36">यीएल क सब स बड़का पूत अब्दोन रहा। दूसर पूत सूर, कीस, बाल नेर, नादाब,</verse>
				<verse number="37">गदोर, अह्यो, जकर्याह अउर मिल्कोत रहेन।</verse>
				<verse number="38">मिल्कोत सिमाम क बाप रहा। यीएल क परिवार अपने सम्बन्धियन क संग यरूसलेम मँ रहत रहा।</verse>
				<verse number="39">नेर कीस क बाप रहा। कीस साऊल क बाप रहा अउर साऊल योनातान, मल्कीस अबीनादाब अउर एसबाल क बाप रहा।</verse>
				<verse number="40">योनातान क पूत मरीब्बाल रहा। मरीब्बाल मीका बाप रहा।</verse>
				<verse number="41">मीका क पूत पीतोन, मेलेक, तहरे अउर अहाज रहेन,</verse>
				<verse number="42">आहाज जदा क बाप रहा। जदा यारा क बाप रहा। आलेमेत, अजमावेत अउर जिम्री क बाप रहा। जिम्री मोसा क बाप रहा।</verse>
				<verse number="43">मोसा बिना क पूत रहा। रपायाह बिना क पूत रहा। एलासा रपायाह क पूत रहा अउर आसेल एलासा क पूत रहा।</verse>
				<verse number="44">आसेल क छ: पूत रहेन। ओनकर नाउँ रहेन: अज्रीकाम, बोकरू, इस्माएल, सार्याह, ओबद्याह, अउर हनान। उ पचे आसेल क बच्चन रहेन।</verse>
			</chapter>
			<chapter number="10">
				<verse number="1">पलिस्ती लोग इस्राएल क लोगन क खिलाफ लड़ेन। इस्राएल क लोग पलिस्तियन क समान्वा पराइ गएन। बहोत इस्राएली लोग गिलबो पर्वत पइ मारे गएन।</verse>
				<verse number="2">पलिस्ती लोग साऊल अउर ओकरे पूतन क पाछा लगातार करत रहेन। उ पचे ओनका धइ लिहेन अउर ओनक मार डाएन। पलिस्तियन साऊल क पूतन योनातान, अबीनादाब अउर मलकीसू क मार डाएन।</verse>
				<verse number="3">साऊल क चारिहुँ कइँती जुद्ध घमासान होइ गवा। धनुर्धारियन साऊल पइ आपन बाण छोड़ेन अउर ओका घायल किहन।</verse>
				<verse number="4">तब साऊल अपने कवच वाहक स कहेस, “अपनी तरवार बाहेर हींचा अउर एकर उपयोग मोका मारइ मँ करा। तब उ पचे खतनारहित जब अइहीं तउ न मोका चोट पहोंचइही न ही मोर हँसी उड़इहीं।” किन्तु साऊल क कवच वाहक ससान रहा। उ साऊल क मारब अस्वीकार किहस। तब साऊल अपनी तरवार क उपयोग खुद क मारइ बरे किहस। उ अपनी तरवार क नोक पइ गिरा।</verse>
				<verse number="5">कवचवाहक लखेस कि साऊल मर गवा, तब उ खुद क मार डाएस। उ अपनी तरवार क नोंक पइ गिरा अउर मर गवा।</verse>
				<verse number="6">इ तरह साऊल अउर ओकर तीनउँ पूतन मर गएन। साऊल क सारा परिवार एक संग मर गवा।</verse>
				<verse number="7">घाटी मँ रहइवाले इस्राएल क सबहिं लोग लखेन कि ओकर आपन फउज भाग गएन। उ पचे लखेन कि साऊल अउर ओकर पूत मर गएन। एह बरे उ पचे अपने नगरन क तजेन अउ पराइ गएन। तब पलिस्ती ओन नगरन मँ आएन जेनका इस्राएलियन तज दिहे रहेन अउर पलिस्ती ओन नगरन मँ रहइ लागेन।</verse>
				<verse number="8">अगले दिन, पलिस्ती लोग ल्हासन क बहुमूल्य चिजियन लेइ आएन। उ पचे साऊल क ल्हासन अउर ओकरे पूतन क ल्हासन क गिबोन पर्वत पइ पाएन।</verse>
				<verse number="9">पलिस्तियन साऊल क ल्हास स चिजियन उतारेन। उ पचे साऊल क मूँड़ अउर कवच लिहेन। उ पचे आपन पूरे देस मँ अपने लबार देवतन अउ लोगन क सूचना देइ बरे दूत पठएन।</verse>
				<verse number="10">पालिस्तियन साऊल क कवच क अपने लबार देवता क मन्दिर मँ धरेन। उ पचे साऊल क मूँड़ि क दागोन क मन्दिर लटकाएन।</verse>
				<verse number="11">याबेस गिलाद नगर मँ रहइवाले सब लोग उ हर एक बात सुनेन जउन पलिस्ती लोग साऊल क संग किहे रहेन।</verse>
				<verse number="12">याबेस क सबहिं बीर मनई साऊल अउ ओकरे पूतन क ल्हास लेइ गएन। उ पचे ओनका याबेस मँ लइ आएन। ओन बीर मनसेधुअन साऊल अउ ओकरे पूतन क हाड़न क, याबेस मँ एक बिसाल बृच्छ क खाले दफनाएन। तब उ पचे अपना दुःख परगट किहन अउ सात दिन तलक उपवास रखेन।</verse>
				<verse number="13">साऊल एह बरे मरा कि उ यहोवा क बरे बिस्सास पात्र नाहीं रहा। साऊल यहोवा क आदेसन क पालन नाहीं किहस। साऊल एक माध्यम क लगे गवा अउर</verse>
				<verse number="14">यहोवा क तजिके ओहसे सलाह माँगेस। इहइ कराण अहइ कि यहोवा ओका मार डाएस अउर यिसै क पूत दाऊद क राज्ज दिहस।</verse>
			</chapter>
			<chapter number="11">
				<verse number="1">इस्राएल क सबहिं लोग हेब्रोन नगर मँ दाऊद क लगे गएन। उ पचे दाऊद स कहेन, “हम तोहार ही रक्त-माँस अही।</verse>
				<verse number="2">बीते दिन मँ, जब साऊल राजा रहा तब भी हमार तू जुद्ध मँ सन्चालन किहा। हे दाऊद, यहोवा तोहसे केहस, ‘तू मोरे लोगन क गड़रिया रहब्या। तू मोरे लोगन क ऊपर सासक होब्या।’”</verse>
				<verse number="3">इस्राएल क सबहिं प्रमुखन दाऊद क लगे हेब्रोन नगर मँ आएन। दाऊद हेब्रोन मँ ओन प्रमुखन क संग यहोवा क सामने एक समझौता किहस। प्रमुखन दाऊद क अभिसेक किहन। इ तरह उ इस्राएल क राजा बन गवा। यहोवा समूएल दुआरा इ बचन दिहे रहा कि इ होइ।</verse>
				<verse number="4">दाऊद अउ इस्राएल क सबहिं लोग यरूसलेम नगर क गएन। यरूसलेम ओन दिनन यबूस कहा जात रहा। उ नगर मँ रहइवाले यबूसी कहे जात रहेन।</verse>
				<verse number="5">उ नगर क निवासी लोग दाऊद स कहेन, “तू हमारे नगर क प्रवेस नाहीं कइ सकत्या।” किन्तु दाऊद ओन लोगन क पराजित किहस। दाऊद सिय्योन क किले पइ कब्जा कइ लिहस। इ जगह “दाऊद नगर” बना।</verse>
				<verse number="6">दाऊद कहेस, “उ मनई जउन यबूसी लोगन पइ आक्रमण क संचालन करी, मोर पूरी फउज क सेनापति होइ।” एह बरे योआब आक्रमण क संचालन किहस। योआब सरूयाह क पूत रहा। योआब सेना क सेनापित होइ गवा।</verse>
				<verse number="7">तब दाऊद किला मँ आपन महल बनाएस। इहइ कारण अहइ ओकर नाउँ दाऊद नगर पड़ा।</verse>
				<verse number="8">दाऊद किले क चारिहुँ कइँती नगर बसाएस। उ एकॉ मिल्लो स नगर क चारिहुँ कइँती की दीवार तलक बसाएस। योआब नगर क दूसर भागन क मरम्मत किहेस।</verse>
				<verse number="9">दाऊद लगातार महान बनता गवा। सर्वसक्तीमान यहोवा ओकरे संग रहा।</verse>
				<verse number="10">दाऊद क बिसिस्ठ बीरन क ऊपर क प्रमुखन क इ सूची अहइ: इ सबइ बीर दाऊद क संग ओकरे राज्ज मँ बहोत सक्तीसाली बन गएन। उ पचे अउ इस्राएल क सबहिं लोग दाऊद क सहायता किहन अउर ओका राजा बनाएन। इ ठीक वइसा भवा जइसा परमेस्सर बचन दिहे रहा।</verse>
				<verse number="11">इ दाऊद क बीर मनइयन क सूची अहइ: यासोबाम हक्मोनी लोगन मँ स रहा। यसोबाम राजा क बिसिस्ठ फउज क प्रमुख रहा। यसोबाम अपने भाले क उपयोग तीन सौ मनइयन स जुद्ध करइ बरे किहस। उ एक ही दाईं ओन तीन सौ मनइयन क मार डाएस।</verse>
				<verse number="12">एलीआज़ार दोदो क पूत, अदोही स रहा। एलीआज़ार तीन बीरन मँ स एक रहा।</verse>
				<verse number="13">एलीआज़ार पसदम्मीम मँ दाऊद क संग रहा। पलिस्ती लोग उ जगह पइ जुद्ध करइ आएन। उ जगह पइ एक जौ स भरा खेत रहा। उहइ जगह, जहाँ इस्राएली लोग पलिस्ती लोगन स भागे रहेन।</verse>
				<verse number="14">किन्तु उ सबइ तीन बीर उ खेत क बीच रुक गएन अउर पलिस्तियन स लड़ेन अउ ओनका हराइ डाएन अउर इ तरह यहोवा इस्राएलियन क बड़ी जीत दइ दिहस।</verse>
				<verse number="15">एक दाई, दाऊद, अदुल्लाम गुफा क लगे रहा अउर पलिस्ती फउज खाले रपाईम क घाटी मँ रही। तीस बीरन मँ स तीन बीरन उ गुफा तलक, लगातार रेंगत भए दाऊद क लगे पहोंचेन।</verse>
				<verse number="16">दूसर अवसर पइ, दाऊद किले मँ रहा, अउर पलिस्ती सेना क एक समूह बेतलेहेम मँ रही।</verse>
				<verse number="17">एक बार दाऊद कहेस, “कास कउनो मोका बेतलेहेम नगर क दुआर क लगे क कुआँ स थोड़ा पानी लाइके पिलातेन!”</verse>
				<verse number="18">तब तीन बीरन पलिस्ती सेना क बीच जुद्ध करत भए अपना रास्ता बनाएन अउर नगर-दुआर क निचके बेतलेहेम क कुएँ स पानी लिहन। तीनहुँ बीरन दाऊद क लगे पानी लइ गएन। दाऊद पानी पिअइ स इन्कार कइ दिहस। उ उ पानी क यहोवा बरे भेंट क रूप मँ बाहेर उड़ेर दिहस।</verse>
				<verse number="19">दाऊद कहेस, “परमेस्सर, मइँ इ पानी क नाहीं पी सकत। एन मनइयन मोरे बरे इ पानी क लिआवइ मँ अपनी जिन्नगी क खतरे मँ डाएन। एह बरे जदि मइँ इ पानी क पिअत हउँ तउ इ ओनकर खून पिअइ क समान होइ।” एह बरे दाऊद उ जल क पिअइ स इन्कार किहस। तीनहुँ बीर उ तरह क बहोत स बहादुरी क काम किहन।</verse>
				<verse number="20">योआब क भाई, अबीसै, तीन बीरन क प्रमुख रहा। उ अपने भाले स तीन सौ मनईयन स लड़ा अउर ओनका मार डाएस। अबीसै तीन बीरन क तरह मसहूर होइ गवा।</verse>
				<verse number="21">अबीसै उ तीनहुँ बीरन स दुइगुना जियादा प्रसिद्ध रहा। उ ओनकर प्रमुख होइ गवा, जदपि उ तीनहुँ बीरन मँ स नाहीं रहा।</verse>
				<verse number="22">यहोयादा क पूत बनायाह, कबजेल क एक बीर जोधा रहा। उ एक सक्तीसाली मनइ क पूत रहा। बनायाह अनेक बीरता क काम किहेस। उ मोआब देस क दुइ सर्वोत्तम सिपाहियन क मार डाएस। एक दिन जब बर्फ गिरत रही, उ जमीन क अन्दर एक ठु माँदे मँ घुसा अउर हुवाँ एक सेर क मार डाएस।</verse>
				<verse number="23">बनायाह मिस्र क एक मनई क मार डाएस। उ मनई लगभग साढ़े सात फिट ऊँचा रहा। उ मिस्र क मनई क लगे एक बहोत बड़का अउ भारी भाला रहा। इ बुनकर क करघे क बिसाल खम्भे क नाईं रहा अउर बनायाह क लगे सिरिफ एक ठु लाठी रही। किन्तु बनायाह मिस्री स भाला छोर लिहस। मुला बनायाह मिस्री स भाले क छीन लिहेस। बनायाह मिस्री मनई क भाले क उपयोग किहेस अउर ओका मार डाएस।</verse>
				<verse number="24">इ सबइ कार्य रहेन जेनका योहयादा क पूत बनायाह किहस। बनायाह तीन बीरन क तरह प्रसिद्ध भवा।</verse>
				<verse number="25">बनायाह तीस बीरन मँ सब स जियादा मसहूर रहा, मुला उ तीनहुँ बीरन मँ स नाहीं रहा। दाऊद बनायाह क अपने अंगरच्छकन क प्रमुख चुनेस।</verse>
				<verse number="26">इ सबइ राजा क बिसिस्ठ फउज मँ स रहेन: असाहेल, योआब क भाई, एल्हानान, दोदो क पूत बेतलेहेम नगर क रहा,</verse>
				<verse number="27">हरोरी लोगन मँ स सम्मोत, पलोनी लोगन मँ स हेलेस;</verse>
				<verse number="28">इक्केस क पूत, ईरा, ईरा तकोई नगर क रहा, अनातोत नगर क अबीएजेर;</verse>
				<verse number="29">होसती लोगन मँ स सिब्बके, अहोही स ईलै;</verse>
				<verse number="30">नतोपाई लोगन मँ स महरै; बाना क पूत हेलेद, हेलेद नतोपाई लोगन मँ स रहा;</verse>
				<verse number="31">सीबै क पूत इतै, इतै बिन्यामीन क गिबा नगर स रहा, पिरातोनी लोगन मँ स बनायाह;</verse>
				<verse number="32">गास घाटियन स हूरै; अराबा लोगन मँ स अबीएल;</verse>
				<verse number="33">बहूरीमा लोगन मँ स अजमावेत; सल्बोनी लोगन मँ स एल्यहबा;</verse>
				<verse number="34">गीजोई लोगन मँ स हासेम क पूतन; सागे क पूत योनातन, योनातन हरारी लोगन मँ स रहा।</verse>
				<verse number="35">सकार क पूत अहीआम, अहीआम हरारी लोगन मँ स रहा; ऊर क पूत एलीपाल;</verse>
				<verse number="36">मेकराई लोगन मँ स हेपेर; पलोनी लोगन मँ स अहिय्याह;</verse>
				<verse number="37">कर्मेली लोगन मँ स हेस्रो, एज्बै क पूत नारै;</verse>
				<verse number="38">नातान क भाई योएल; हाग्री क पूत मिभार,</verse>
				<verse number="39">अम्मोनी लोगन मँ स सेलेक; बरोती नहरै, (नहरै योआब क कवचवाहक रहा। योआब सरूयाह क पूत रहा।)</verse>
				<verse number="40">येतेरी लोगन मँ स ईरा; इथ्री लोगन मँ स गारेब,</verse>
				<verse number="41">हित्ती लोगन मँ स ऊरिय्याह; अहलै क पूत जाबाद;</verse>
				<verse number="42">सीजा क पूत अदीना, सीजा रूबेन क परिवार समूह स रहा। (अदीना रूबेन क परिवार समूह क प्रमुख रहा। परन्तु उ भी अपने संग क तीस बीरन मँ स एक रहा।);</verse>
				<verse number="43">माका क पूत हानान; मेतेनी लोगन मँ स योसापात;</verse>
				<verse number="44">असतारोती लोगन मँ स उज्जिय्याह; होताम क पूत सामा अउर यीएल, होताम अरोएरी लोगन मँ स रहा।</verse>
				<verse number="45">सिम्री क पूत यदीएल; तीसी लोगन स योहा, योहा यदीएल क भाई रहा;</verse>
				<verse number="46">महवीमी लोगन मँ स एलीएल, एलनाम क पूत यरीबै अउर योसब्याह; मोआबी लोगन मँ स यित्मा;</verse>
				<verse number="47">मसोबाई लोगन मँ स एलीएल, ओबेद अउर यासीएल।</verse>
			</chapter>
			<chapter number="12">
				<verse number="1">इ ओन मनईयन क सूची अहइ जउन दाऊद क लगे आएन जब दाऊद सिकलग नगर मँ रहा। दाऊद तब भी कीस क पूत साऊल स अपने क छुपाए रहत रहा। इ मनईयन दाऊद क जुद्ध मँ मदद दिहे रहेन।</verse>
				<verse number="2">इ सबइ मनई अपने दाएँ या बाएँ हाथ स धनुस क बाण क जरिये बेध सकत रहेन। अपनी गुलेल स दाएँ या बाँए हाथ स पाथर लोकाइ सकत रहेन। उ पचे बिन्यामीन परिवार समूह क साऊल क सम्बंधी रहेन। ओनकर नाउँ इ सबइ रहेन:</verse>
				<verse number="3">ओनकर प्रमुख अहीएजेर अउ योआज रहा। (उ पचे समाआ क पूत रहेन। समाआ गिबावासी लोगन मँ स रहा); यजीएल अउर पेलेत (उ पचे अजमावेत क पूत रहेन), अनातोनी नगर क बराका अउर येहू।</verse>
				<verse number="4">गिबोनी नगर क यिसमायाह, (यिसमायाह एक बीर रहा अउर उ तीस बीरन क प्रमुख भी रहा।) गदेरा लोगन मँ स: यिर्मयाह, यहजीएल, योहानान अउर योजाबाद,</verse>
				<verse number="5">एलूजै, यरीमोत बाल्याह, अउर समर्याह, हारूपी स सपत्याह,</verse>
				<verse number="6">कोरह परिवार समूह स एल्काना, यिसिय्याह, अजरेल, योएजेर अउर यासोबाम सबहिं,</verse>
				<verse number="7">गदोर स यरोहाम क पूत योएला अउर जबद्याह।</verse>
				<verse number="8">गाद क परिवार समूह क एक हींसा रेगिस्तान मँ दाऊद स ओकरे किले मँ आइ मिला। उ पचे जुद्ध बरे प्रसिच्छित फउजी रहेन। उ पचे भालन अउ ढाल क उपयोग मँ कुसल रहेन। उ पचे सेर क तहर खौफनाक देखात रहेन अउर उ पचे हिरइ क नाईं पहाड़न मँ दउड़ सकत रहेन।</verse>
				<verse number="9">गाद क परिवार समूह क सेना क प्रमुख एजेर रहा। ओबद्याह अधिकार मँ दूसर रहा। एलीआब अधिकार मँ तीसरा रहा।</verse>
				<verse number="10">मिसमन्ना अधिकार मँ चउथा रहा। यिर्मयाह अधिकार मँ पाँचवा रहा।</verse>
				<verse number="11">अत्तै अधिकार मँ छठा रहा। एलीएल अधिकार मँ सातवाँ रहा।</verse>
				<verse number="12">योहानान अधिकार मा आठवाँ रहा। एलजाबाद अधिकार मँ नवाँ रहा।</verse>
				<verse number="13">यिर्मयाह अधिकार मँ दसवाँ रहा। मकबन्नै अधिकार मँ गियारहवाँ रहा।</verse>
				<verse number="14">उ सबइ लोग गादी सेना क प्रमुख रहेन। उ समूह क सब स कमजोर फउजी भी दुस्मन क सौ फउजियन स जुद्ध कइ सकत रहा। उ समूह क सब स जियादा बलिस्ठ फउजी दुस्मन क एक हजार फउजियन स जुद्ध कइ सकत रहा।</verse>
				<verse number="15">गाद क परिवार समूह क उ सबइ फउजी रहेन जउन बरिस क पहिले महीने मँ यरदन नदी क उ पार गएन। इ बरिस क उ समइ रहा, जब यरदन नदी मँ बाढ़ आई रही। उ पचे घाटियन मँ रहइवाले सबहिं लोगन क पाछा कइके भगाएन। उ पचे ओन लगोन क पूरब अउ पच्छिम मँ पाछा कइके भगाएन।</verse>
				<verse number="16">बिन्यामीन अउ यहूदा क परिवार समूह क दूसर लोगन भी दाऊद क लगे किला मँ आएन।</verse>
				<verse number="17">दाऊद ओनसे भेंटइ बाहेर निकरा। दाऊद ओनसे कहेस, “जदि तू लोग सान्ति क संग मोर सहायता करइ आए हो, तउ मइँ तू लोगन क सुआगत करत हउँ। मोरे संग राह। किन्तु जदि तू मोका मोर दुस्मनन क हाथ मँ देइ बरे आवा अहा, जब कि मइँ तोहार कछू भी बुरा नाहीं किहे अहउँ, तउ हमरे पुरखन क परमेस्सर लखी कि तू का किहा अउर तोहका दण्ड देइ।”</verse>
				<verse number="18">अमसै तीस बीरन क प्रमुख रहा। तब अमासै पइ आतिमा उतरी। अमासै कहेस, “दाऊद हम तोहार अही। यिसै क पूत, हम तोहार संग अही। सान्ति होइ तोहारे संग। सान्ति ओन लोगन क जउन तोहार मदद करइँ। काहकि तोहार परमेस्सर, तोहार मदद करत ह।” तब दाऊद एन लोगन क सुआगत किहस। उ ओनका आपन सैनिकन क प्रमुखन बनाएस।</verse>
				<verse number="19">मनस्से क परिवार क समूह क कछू लोग भी दाऊद क संग होइ गएन। उ पचे दाऊद क संग तब होइ गएन जब ओका पलिस्तियन क संग साऊल क खिलाफ जुद्ध करइ बरे जाइ क रहा। मुला असल मँ दाऊद अउ ओकर लोग पलिस्तियन क मदद नाहीं किहन। एह बरे पलिस्तियन क प्रमुख सलाह क बाद दाऊद क बाहेर पठइ देइ क निर्णय लिहन। ओन सासकन कहेन, “जदि दाऊद अपने सुआमी साऊल क लगे जाइ, तउ हमार मूँड़ि काट डाइ जइहीं।”</verse>
				<verse number="20">इ सबइ मन्ससे क लोग रहेन जउन दाऊद क संग उ समइ मिलेन जब उ सिकलग: अदना, योजाबाद, यदीएल, मीकाएल, योजाबाद, एलीहू अउर सिल्लतै नगर क गवा। उ पचे सबहिं मनस्से क परिवार समूह क सेनाध्यच्छ रहेन।</verse>
				<verse number="21">उ पचे दाऊद क मदद डाकूअन क गिरोह क खिलाफ जुद्ध करइ मँ करत रहेन। उ पचे मनस्से क बीर जोधन रहेन। उ पचे दाऊद क सेना क प्रमुख रहेन।</verse>
				<verse number="22">दाऊद क मदद बरे रोजाना जियादा स जियादा मनई आवत रहेन। इ तरह दाऊद क लगे बिसाल अउ ताकतवर फउज होइ गइ।</verse>
				<verse number="23">हेब्रोन नगर मँ जउन लोग दाऊद क लगे आएन, ओनकर गनती इ अहइ। इ सबइ मनई जुद्ध बरे तइयार रहेन। उ पचे साऊल क राज्ज क, दाऊद क देइ आएन। इहइ उ बात रही जेका यहोवा कहे रहा कि होइ। इ ओनकर गनती अहइ:</verse>
				<verse number="24">यहूदा क परिवार समूह स छ: हजार आठ सौ मनई जुद्ध बरे तइयार रहेन। उ पचे भालन अउ ढाल रखत रहेन।</verse>
				<verse number="25">सिमोन क परिवार समूह स सात हजार एक सौ मनई रहेन। उ पचे जुद्ध बरे तइयार बीर सैनिक रहेन।</verse>
				<verse number="26">लेवी क परिवार समूह स चार हजार छ: सौ मनई रहेन।</verse>
				<verse number="27">यहोयादा उ समूह मँ रहा। उ हारून क परिवार स प्रमुख रहा। यहोयादा क संग तीन हजार सात सौ मनई रहेन।</verse>
				<verse number="28">सादोक भी उ समूह मँ रहा। उ बीर जवान फउजी रहा। उ अपने परिवार स बाईस अधिकारियन क संग आवा।</verse>
				<verse number="29">बिन्यामीन क परिवार समूह स तीन हजार मनइयन रहेन। उ सबइ साऊल क सम्बन्धी रहेन। उ समइ तलक, ओनके जियादातर मनई साऊल परिवार क भगत रहेन।</verse>
				<verse number="30">एप्रैम परिवार समूह स बीस हजार आठ सौ मनई रहेन। उ पचे बीर जोधा रहेन। उ पचे अपने परिवार क मसहूर मनईरहेन।</verse>
				<verse number="31">मनस्से क आधे परिवार समूह स अटठारह हजार मनईरहेन। ओनका नाउँ लइके आवइ क बोलावा गवा अउर दाऊद क राजा बनाइ क कहा गवा।</verse>
				<verse number="32">इस्सकार क परिवार स दुइ सौ बुद्धिमान प्रमुख रहेन। उ पचे इस्राएल बरे उचित समइ पइ ठीक काम करब जानत रहेन। ओनकर सम्बन्धी ओनके संग रहेन अउर ओनकर आदेस क पालन करत रहेन।</verse>
				<verse number="33">जबूलून क परिवार समूह स पचास हजार मनइयन रहेन। उ सबइ प्रसिच्छित फउजी रहेन। उ पचे हर तरह क अस्त्र-सस्त्र स जुद्ध बरे प्रसिच्छित रहेन। उ पचे दाऊद क मदद पूरी वफ़ादारी क संग किहस।</verse>
				<verse number="34">नप्ताली क परिवार समूह स एक हजार अधिकारी रहेन। ओनके संग सैंतीस हजार मनई रहेन। उ सबइ मनई भालन अउ ढालन लइके चलव रहेन।</verse>
				<verse number="35">दान क परिवार समूह स जुद्ध बरे तइयार अटठाईस हजार छ: सौ मनई रहेन।</verse>
				<verse number="36">आसेर क परिवार समूह स जुद्ध बरे तइयार चालीस हजार प्रसिच्छित फउजी रहेन।</verse>
				<verse number="37">यरदन नदी क पूरब स रूबेन, गादी अउ मनस्से क आधे परिवारन स एक लाख बीस जहार मनई रहेन। ओन लोगन क लगे हर तरह क अस्त्र-सस्त्र रहेन।</verse>
				<verse number="38">उ पचे सबहिं मनई बीर जोधा रहेन। उ पचे हेब्रोन नगर स दाऊद क सारे इस्राएल क राजा बनावइ क पूरी सलाह कइके आए रहेन। इस्राएल क दूसर लोग भी सलाह किहेन कि दाऊद राजा होइ।</verse>
				<verse number="39">ओन लोग दाऊद क संग हेब्रोन मँ तीन दिन बिताएन। उ पचे खाएन अउ पीएन, काहेकि ओनकर सम्बन्धियन ओनके बरे भोजन बनाए रहेन।</verse>
				<verse number="40">जहाँ इस्साकार, जबूलून अउर नप्ताली क समूह रहत रहेन, उ छेत्र स भी ओनकर पड़ोसी गदहन, ऊँट खच्चर अउर गइया पइ भोजन लइके आए रहेन। उ पचे बहोत सा आटा, अंजीर पूड़ा, रेसिन, दाखरस, तेल, गाय-बर्धा अउर भेड़िन लिआएन। इस्राएल मँ लोग बहोत खुस रहेन।</verse>
			</chapter>
			<chapter number="13">
				<verse number="1">दाऊद अपनी फउज क सबहिं अधिकारियन स बात किहस।</verse>
				<verse number="2">तब दाऊद इस्राएल क सबहिं लोगन क एक संग बोलाएस। उ ओनसे कहेस: “जदि तू लोग एक नीक बिचार सुमझत अहा। अउर जदि इ उहइ अहइ जेका यहोवा चाहत ह, तउ हम लोग अपने भाइयन क इस्राएल क सबहिं छेत्रन मँ सँदेस पठइ। हम लोग ओन जादकन अउ लेवीबंसियन क भी सँदेस पठइ जउन हम लोगन क भाइयन क संग नगरन अउ ओनके निअरे क खेतन मँ रहत हीं। सँदेसा मँ ओनसे आवइ अउर हमार साथ देइ क कहा जाइ।</verse>
				<verse number="3">हम लोग करार क सन्दूख क यरूसलेम मँ अपने मँ अपने लगे वापस लिआइ। हम लोग करार क सन्दूख क देखभाल साऊल क सासन काल मँ नाहीं कीन्ह।”</verse>
				<verse number="4">एह बरे इस्राएल क सबहिं लोग दाऊद क सलाह स्वीकार किहन। ओन सबहिं इ विचार किहेन कि इहइ करब ठीक अहइ।</verse>
				<verse number="5">एह बरे दाऊद मिस्र क सीहोर नदी स हमात क प्रवेस दुआर तलक क सबहिं इस्राएल क लोगन क बटोरेस। उ पचे किर्यत्यारीम नगर स करार क सन्दूख क वापस लइ जाइ क बरे एक संग आएन।</verse>
				<verse number="6">दाऊद अउ इस्राएल क सबहिं लोग ओकरे संग यहूदा क बाला क गएन। (बाला किर्यत्यारीम क दूसर नाउँ अहइ।) उ पचे हुवाँ करार क सन्दूख क लिआवत बरे गएन। उ करार क सन्दूख यहोवा परमेस्सर क सन्दूख अहइ। उ करूब सरगदूत क ऊपर बइठत ह। इहइ सन्दूख अहइ जउन यहोवा क नाउँ स गोहराइ जात ह।</verse>
				<verse number="7">लोग करार क सन्दूख अबीनादाब क घरे स हटाएन। उ पचे ओका एक नई गाड़ी मँ रखेन। उज्जा अउ अह्यो गाड़ी क चलावत रहेन।</verse>
				<verse number="8">दाऊद अउ इस्राएल क सबहिं लोग परमेस्सर क सम्मुख उत्सव मनावत रहेन। उ पचे परमेस्सर क स्तुति करत रहेन अउ गीत गावत रहेन। वे पचे वीणा तम्बूरा, दोत, मंजीरा अउ तुरही बजावत रहेन।</verse>
				<verse number="9">उ पचे कीदोन क खरिहाने मँ आएन। गाड़ी हींचइवाले बर्धन क ठोकर लाग अउ करार क सन्दूख लगभग भहराइ गवा। उज्जा सन्दूख क धरइ बरे आपन हाथ आगे बढ़ाएस।</verse>
				<verse number="10">यहोवा उज्जा पइ बहोत जियादा कोहाइ गवा। यहोवा उज्जा क मार डाएस काहेकि उ सन्दूख क छुइ लिहस। इ तरह उज्जा परमेस्सर क समन्वा हुवाँ मरा।</verse>
				<verse number="11">परमेस्सर आपन किरोध उज्जा पइ देखाएल अउर एहसे दाऊद कोहाइ गवा। उ समइ स अब तलक उ जगह “पेरेसउज्जा” कही जात ह।</verse>
				<verse number="12">उ दिन दाऊद परमेस्सर स डेराइ गवा। दाऊद कहेस, “मइँ करार क सन्दूख क हिआँ अपने लगे नाहीं लिआइ सकत।”</verse>
				<verse number="13">उ एह बरे दाऊद करार क सन्दूख क अपने संग दाऊद नगर मँ नाहीं लइ गवा। उ करार क सन्दूख क ओबेद-एदोम क घर पइ तजेस। ओबेद-एदोम गत नगर स रहा।</verse>
				<verse number="14">करार क सन्दूख ओबेद-एदोम क परिवार मँ ओकरे घरे मँ तीन महीने रहा। यहोवा ओबेद-एदोम क परिवार अउर ओकरे हिआँ जउन कछू रहा, क आसीर्बाद दिहस।</verse>
			</chapter>
			<chapter number="14">
				<verse number="1">हीराम सूर नगर क राजा रहा। हीराम दाऊद क लगे सँदेस वाहक पठएस। हीराम देवदारु क लट्ठन, संगतरास अउ बढ़ई भी दाऊद क लगे पठएस। हीराम ओनका दाऊद बरे एक ठु महल बनावइ बरे पठएस।</verse>
				<verse number="2">तब दाऊद समुझ सका कि यहोवा ओका फुरइ ही इस्राएल क राजा बनाएस ह। यहोवा दाऊद क राज्ज क बहोत विस्तृत अउ सक्तीसाली बनाएस। परमेस्सर इ एह बरे किहस कि उ दाऊद अउर इस्राएल क लोगन स पिरेम करत रहा।</verse>
				<verse number="3">दाऊद यरूसलेम मँ बहोत सी मेहरारुअन क संग बियाह किहेस अउर ओकरे बहोत स बिटवा अउ बिटिया भइन।</verse>
				<verse number="4">यरूसलेम मँ पइदा भइ दाऊद क सन्तानन क नाउँ इ सबइ अहइँ: सम्मू, सोबाब, नातान, सुलैमान,</verse>
				<verse number="5">यिभार, एलीसू, एलपेलेत,</verse>
				<verse number="6">नोगह, नेपेग, यापी,</verse>
				<verse number="7">एलीसामा, बेल्यादा, अउर एलीपेलेद।</verse>
				<verse number="8">पलिस्ती लोग सुनेन कि दाऊद क अभिसेक इस्राएल क राजा क रूप मँ भवा ह। एह बरे, सबहिं पलिस्ती लोग दाऊद क खोज मँ गएन। दाऊद एकरे बारे मँ सुनेस। एह बरे उ पलिस्ती लोगन स लड़इ गवा।</verse>
				<verse number="9">पलिस्तियन रपाईम क घाटी मँ रहइवले लोगन पइ हमला किहेन अउर ओनकी चिजियन चुराएन।</verse>
				<verse number="10">दाऊद परमेस्सर स पूछेस, “का ओका जानइ चाही अउर पलिस्ती लोगन स जुद्छ करइ चाही? क तू मोका ओनका हरावइ देब्या?” यहोवा दाऊद क जवाब दिहस, “जा! मइँ तोहका पलिस्ती लोगन क हरावइ देब।”</verse>
				<verse number="11">तब दाऊद अउर ओकर लोग बालपरासीम नगर तलक गएन। हुवाँ दाऊद अउ ओकर लोग पलिस्ती लोगन क हराएन। दाऊद कहेस, “जिस तरह टूटहे बाँधे स पानी फूट पड़त ह उहइ तरह, परमेस्सर मोरे दुस्मनन पइ पूट पड़ा ह। परमेस्सर इ मोरे माध्यम स किहस ह।” इहइ कारण अहइ कि इ जगह बालपरासीम क नाउँ स जाना जात ह।</verse>
				<verse number="12">पलिस्ती लोग अपनी मूरतियन क बालपरासीम मँ तजि दिहन। दाऊद ओन मूरतियन क बार देइ क आदेस दिहस।</verse>
				<verse number="13">पलिस्तियन रपाईम घाटी मँ रहइवाले लोगन पइ फुन हमला किहन।</verse>
				<verse number="14">दाऊद फुन परमेस्सर स पराथना किहस। परमेस्सर दाऊद क पराथना क जवाब दिहस। परमेस्सर कहेस, “दाऊद, जब तू हमला करा तउ पलिस्ती लोगन क पाछे पहाड़ी पइ जिन जा। एकरे बदले, ओनके चारिहुँ कइँती जा। हुवाँ छुपा, जहाँ मोखा क बृच्छ अहइ।</verse>
				<verse number="15">एक ठू पहरेदार क बृच्छ क चोटी पइ चढ़इ क कहा। जइसे ही उ बृच्छन क चोटी स फउज क चलइ क आवाज क सुनी, उहइ समइ तू पलिस्तियन पइ हमला करा। परमेस्सर तोहरे समन्वा आइहीं अउ पलिस्ती फउज क हराइहीं।”</verse>
				<verse number="16">दाऊद उहइ किहस जउन परमेस्सर करइ क कहेस एह बरे दाऊद अउ ओकर फउज पलिस्ती फउज क हराएस। उ पचे पलिस्ती फउजियन क लगातार गिबोन नगर स गेजेर नगर तलक मारेन।</verse>
				<verse number="17">इ तरह दाऊद सबहिं देसन मँ मसहूर होइ गवा। यहोवा सबहिं रास्ट्रन क हिरदइ मँ ओकर डर बइठाइ दिहस।</verse>
			</chapter>
			<chapter number="15">
				<verse number="1">दाऊद, अपने बरे दाऊद नगर मँ महल बनवाएस। तब उ करार क सन्दूख क बरे एक ठु जगहिया बनाएस। उ एकरे बरे एक तम्बू डाएस।</verse>
				<verse number="2">तब दाऊद कहेस, “सिरफ लेवीबंसियन क करार क सन्दूख लइ चलइ क मंजूरी अहा। यहोवा ओनका करार क सन्दूख चलइ अउर ओकर सदा ही सेवा बरे चुनेस ह।”</verse>
				<verse number="3">दाऊद इस्राएल क सबहिं लोगन क यरूसलेम मँ एक संग मिलइ बरे बोलाएस जब तलक लेवीबंसियन करार क सन्दूख क उ जगहिया पइ लइके आएन जउन उ ओकरे बरे बनाए रहा।</verse>
				<verse number="4">दाऊद हारून क सन्तानन अउ लेवीबंसियन क एक संग बोलाएस।</verse>
				<verse number="5">कहात परिवार समूह स एक सौ बीस मनई रहेन। ऊरीएल ओनकर प्रमुख रहा।</verse>
				<verse number="6">मरारी क परिवार समूह स दुई सौ बीस मनई रहेन। असायाह ओनकर प्रमुख रहा।</verse>
				<verse number="7">गेर्सोमियन क परिवार समूह क एक सौ तीस लोग रहेन। योएल ओनकर प्रमुख रहा।</verse>
				<verse number="8">एलिसापान क परिवार समूह क दुई सौ लोग रहेन। समायाह ओनकर प्रमुख रहा।</verse>
				<verse number="9">हेब्रोन क परिवार समूह क सत्तर लोग रहेन। एलीएल ओनकर प्रमुख रहा।</verse>
				<verse number="10">उज्जीएल क परिवार समूह क एक सौ बारह लोग रहेन। अम्मीनादाब ओनकर प्रमुख रहा।</verse>
				<verse number="11">तब दाऊद सादोक अउ एब्यातार याजकन स कहेस कि उ पचे ओकेरे लगे आवइँ। दाऊद ऊरीएल, असायाह, योएल, समायाह, एलीएल अउर अम्मीनादाब लेवीबंसियन क भी अपने लगे बोलाएस।</verse>
				<verse number="12">दाऊद ओनसे कहेस, “तू लोग लेवी परिवार समूह क प्रमुख अहा। तू पचन्क अपने अउर दूसर लेवीबंसियन क पवित्तर बनावइ चाही। तब करार क सन्दूख क उ जगह पइ लिआवा, जेका मइँ ओकरे बरे बनाएउँ ह।</verse>
				<verse number="13">पिछली दाईं हम लोग यहोवा परमेस्सर स नाहीं पूछा कि करार क सन्दूख क हम कइसे लइ चली। लेवीबंसियन, तू पचे एका नाहीं लइ चल्या, इहइ कारण अहइ कि यहोवा हम क सजा दिहस।”</verse>
				<verse number="14">तब याजक अउ लेवीबंसियन अपने क पवित्तर किहन जेहसे उ पचे इस्राएल क यहोवा परमेस्सर क सन्दूख क लइके चल सकइँ।</verse>
				<verse number="15">लेवीबंसियन बिसेस डंडन क उपयोग, अपने काँधन पइ करार क सन्दूख क लइ चलइ बरे किहन जइसा मूसा क आदेस रहा। उ पचे सन्दूख क उ तरह स लइ चलेन जइसा यहोवा कहे रहा।</verse>
				<verse number="16">दाऊद लेवीबंसियन क ओनके गायक भाइयन क लिआवइ बरे कहेस। गायकन क अपनी वीणा, तम्बूरा अउर मंजीरा लिआउब रहा अउर खुसी क गीत गाउब रहा।</verse>
				<verse number="17">तब लेवीबंसियन हेमान अउर भाइयन आसाप अउ एतान क बोलाएन। हेमान योएल क पूत रहा। आसाप बेरेक्याह क पूत रहा। एतान कूसायाह क पूत रहा। इ सबइ मनई मरारी परिवार समूह क रहेन।</verse>
				<verse number="18">हुवाँ लेवीबंसियन क दूसर समूह भी रहा। उ पचे जकर्याह, बेन याजीएल, समीरामोत, यहीएल, उन्नी, एलीआब, बनायाह, मासेयाह, मत्तित्याह, एलीपलेह, मिकनेयाह, ओबेदेदोम अउ यीएल रहेन। इ सबइ लोग लेवीबंस क रच्छक रहेन।</verse>
				<verse number="19">गायक हेमान, आसाप अउ एतान काँसे क मँजीरा बजावत रहेन।</verse>
				<verse number="20">जकर्याह, अजीएल, समीरामोत, यहीएल, उन्नी, एलीआब, मासेयाह अउ बनायाह, अलामोत वीणा बजावत रहेन।</verse>
				<verse number="21">मत्तित्याह, एलीपलेह, मिकनेयाह, ओबेदेदोम, यीएल अउर अजज्याह सेमिनिथ तम्बूरा बजावत रहेन। इ ओनकर सदा ही क काम रहा।</verse>
				<verse number="22">लेवीबंसी प्रमुख कनन्याह गायन क प्रबन्धक रहा। कनन्याह क इ काम मिला रहा काहेकि उ गावइ मँ बहोत जियादा कुसल रहा।</verse>
				<verse number="23">बेरेक्याह अउ एलकाना, करार क सन्दूख क रच्छकन मँ स दुइ रहेन।</verse>
				<verse number="24">याजक सबन्याह, योसापात, नतनेल, अमासै, जकर्याह, बनायाह अउर एलीएजेर क काम करार क सन्दूख क समन्वा चलत समइ तुरही बजाउब रहा। ओबेदेदोम अउर यहिय्याह करार क सन्दूख बरे दूसर रच्छक रहेन।</verse>
				<verse number="25">दाऊद इस्राएल क अग्रज अउ सेनापति करार क सन्दूख क लेइ गएन। उ पचे ओका ओबेदेदोम क घरे स बाहेर लिआएन। हर एक बहोत खुस रहा।</verse>
				<verse number="26">परमेस्सर ओन लेवीबंसियन क मदद किहस जउन यहोवा क करार क सन्दूखे क लइके चलत रहेन। उ पचे सात बर्धन अउर सात भेड़न क बलि दिहन।</verse>
				<verse number="27">सबहिं लेवीबंसी जउन करार क सन्दूख लइके चलत रहेन, उत्तिम सन क चोगे पहिरे रहेन। गायन क प्रबन्धक कनन्याह अउर सबहिं गायक उत्तिम सन चोगान पहिरे रहेन अउ दाऊद भी उत्तिम सन क बना एपोद पहिरे रहा।</verse>
				<verse number="28">इ तरह इस्राएल क सारे लोग यहोवा क करार क सन्दूख क लइ आएन। उ पचे उद्घोष किहन, उ पचे भेड़न क सींग अउ तुरही बजाएन अउर उ पचे मँजीरन, वीणा अउर तम्बूरन बजाएन।</verse>
				<verse number="29">जब करार क सन्दूख दाऊद नगर मँ पहोंचा, मीकल खिड़की स लखेस। मीकल साऊल क बिटिया रही। उ राजा दाऊद क चारिहुँ कइँती नाचत अउर बजावत लखेस। उ अपने हिरदइ मँ दाऊद क बरे सम्मान क खोइ दिहस उ सोचेस कि उ मूरख बनत बाटइ।</verse>
			</chapter>
			<chapter number="16">
				<verse number="1">लेवीबंसी करार क सन्दूख लइ आएन। अउर ओका उ तम्बू मँ धरेन जेका दाऊद एकरे बरे खड़ी कइ रखे रहा। तब उ पचे परमेस्सर क होमबलि अउ मेलबलि चढ़ाएन।</verse>
				<verse number="2">जब दाऊद होमबलि अउ मेलबलि देब पूरा कइ चुका तउ उ लोगन क आसीर्बाद देइ क बरे यहोवा क नाउँ लिहस।</verse>
				<verse number="3">तब उ हर एक इस्राएली मेहरारु-मनई क एक-एक रोटी, खजूर अउ किसमिस दिहस।</verse>
				<verse number="4">तब दाऊद करार क सन्दूख क समन्वा सेवा बरे कछू लेवीबंसियन क चुनेस। ओन लेवीबंसियन क इस्राएलियन क यहोवा परमेस्सर बरे उत्सव क मनावइ, आभार परगट करइ अउ स्तुति करइ क जिम्मेदारी सौंपा गवा।</verse>
				<verse number="5">आसाप, पहिले समूह क प्रमुख रहा। आसाप क समूह सारंगी बजावत रहा। जकर्याह दूसरे समूह क प्रमुख रहा। इ सबइ दूसर लेवीबंसियन रहेन: यीएल, समीरामोत, यहीएल, मत्तित्याह, एलीआब, बनायाह, ओबेद-एदोम अउ यीएल। इ सबइ मनई वीणा अउ तम्बूरा बजावत रहेन</verse>
				<verse number="6">बनायाह अउर यहजीएल अइसे याजक रहेन जउन करार क सन्दूख क समन्वा सदा ही तुरही बजावत रहेन।</verse>
				<verse number="7">इ उहइ समइ रहा जब दाऊद पहिली बार आसाप अउर ओकरे भाइयन क यहोवा क स्तुति करइ क काम किहस।</verse>
				<verse number="8">यहोवा क स्तुति करा, ओकर नाउँ ल्या। लोगन क ओन महान कार्यन क जानकारी द्या जेनका यहोवा किहेस ह।</verse>
				<verse number="9">यहोवा क गीत गावा, यहोवा क स्तुतियाँ गवा। ओकर सबहिं महान कार्यन क गुणगान करा।</verse>
				<verse number="10">यहोवा क पवित्तर नाउँ पइ गर्व करा। सबहिं लोग जउन यहोवा क मदद पइ भरोसा करत हीं, खुस ह्वा।</verse>
				<verse number="11">यहोवा अउर ओकरी सक्ती क खोज करा। सदा ही मदद बरे ओकरे लगे जा।</verse>
				<verse number="12">ओन अजूबे कार्यन क याद करा जउन यहोवा किहेन ह। ओकरे निर्णयन क याद राखा अउर सक्ती स भरपूर कार्यन क जउन उ किहेस।</verse>
				<verse number="13">इस्राएल क सन्तानन यहोवा क सेवक अहइँ। याकूब क पूतन यहोवा क जरिये चुने गए लोग अहइँ।</verse>
				<verse number="14">यहोवा हमार परमेस्सर अहइ, ओकर नेमन सबहिं जगह अहइ।</verse>
				<verse number="15">ओकरी करार क सदा ही याद राखा, उ अपने आदेसन हजार पीढ़ियन बरे दिहेस ह।</verse>
				<verse number="16">इ करार अहइ जेका यहोवा इब्राहीम क संग किहे रहा। इ करार अहइ जउन यहोवा इसहाक क संग किहेस।</verse>
				<verse number="17">यहोवा एका याकूब क लोगन क बरे कानून बनाएस। इ करार इस्राएल क संग अहइ जउन सदा ही बनी रही।</verse>
				<verse number="18">यहोवा इस्राएल स कहे रहा: “मइँ कनान देस तोहका देब इ प्रतिग्या क पहँटा तोहार ही होइ।”</verse>
				<verse number="19">परमेस्सर क लोग गनती मँ थोड़े रहेन। उ पचे उ देस मँ अजनबी रहेन।</verse>
				<verse number="20">उ पचे एक रास्ट्र स दूसर रास्ट्र क गएन। उ पचे एक राज्ज स दूसर क गएन।</verse>
				<verse number="21">मुला यहोवा कउनो क ओनका चोट पहोंचवइ न दिहस। यहोवा राजा लोगन क चितउनी दिहस कि उ पचे ओनका चोट न पहोंचावइँ।</verse>
				<verse number="22">यहोवा ओन राजा लोगन स कहेस, “मोर चुने लोगन क चोट न पहोंचावा। मोरे नबियन क चोट न पहोंचावा।”</verse>
				<verse number="23">यहोवा बरे सारी धरती पइ गुनगान करा, हर रोज तू पचन्क यहोवा क जरिये हमार रच्छा क सुभ समाचार परगट करइ चाही।</verse>
				<verse number="24">यहोवा क प्रताप क सबहिं रास्ट्रन स कहा यहोवा क अजूबे कार्यन क सबहिं लोगन स कहा।</verse>
				<verse number="25">यहोवा महान अहइ, यहोवा क स्तुति होइ चाही यहोवा दूसर “देवतन” स अधिक भए जोग्ग अहइ।</verse>
				<verse number="26">काहेकि ओन रास्ट्रन सबहिं “देवता” मात्र मूरतियन अहइँ। मुला यहोवा आकासे क बनाएस।</verse>
				<verse number="27">यहोवा महिमा अउ सम्मान रखत अहइ। ताकत अउर आनन्द ओकर जगह मँ मोजूद अहइ।</verse>
				<verse number="28">परिवार अउ लोग यहोवा क महिमा अउ सक्ती क स्तुति करत हीं।</verse>
				<verse number="29">यहोवा क प्रताप क स्तुति करा। ओकरे नाउँ क सम्मान द्या। यहोवा क अपनी भेंटन चढ़ावा, यहोवा अउ ओकर पवित्तर सुन्दरता क उपासना करा।</verse>
				<verse number="30">यहोवा क समन्वा भय स सारी धरती काँपइ चाही। किन्तु उ धरती क मजबूत बनाएस। एह बरे धरती हिली नाहीं।</verse>
				<verse number="31">धरती अउ आकासे क आनन्द मँ झूमइ द्या। चारिहुँ कइँती लोगन क कहइ द्या, “यहोवा सासन करत ह।”</verse>
				<verse number="32">सागर अउ एहमाँ क सबहिं चिचियन क चिचयाइ द्या। खेतन अउ ओनमाँ क हर एक चीज क आपन आनन्द परगट करइ द्या।</verse>
				<verse number="33">यहोवा क समन्वा बन क बृच्छ आनन्द स गइहीं। काहेकि यहोवा आवत अहइ। उ संसार क निआव करइ आवत बाटइ।</verse>
				<verse number="34">अहा! यहोवा क धन्य द्या, उ अच्छा अहइ। यहोवा क पिरेम सदा बना रहत ह।</verse>
				<verse number="35">यहोवा स कहा, “हे परमेस्सर, हमरे रच्छक, हमार रच्छा करा। हम लोगन क एक संग बटोरा, अउर हमका द्सर रास्ट्रन स बचावा। अउर तब हम तोहरे पवित्तर नाउँ क स्तुति कइ सकित ह। तब हम तोहरे स्तुति अपने गीतन स कइ सकित ह।”</verse>
				<verse number="36">इस्राएल क यहोवा परमेस्सर क सदा स्तुति होत रहइ जइसे कि सदा ही ओकर बड़कई होत रहत ह। सबहिं लोगन कहेन, “आमीन!” उ पचे यहोवा क स्तुति कहेन।</verse>
				<verse number="37">तब दाऊद आसाप अउ ओकरे भाइयन क हुवाँ यहोवा क करार क सन्दूख क समन्वा छोड़ेस। दाऊद ओनका ओकरे समन्वा हर रोज सेवा करइ बरे छोड़ेस।</verse>
				<verse number="38">दाऊद आसाप अउर ओकरे भाइयन क संग सेवा करइ बरे ओबेद-एदोम अउर दूसर अड़सठ लेबीबंसियन क छोड़ेस। ओबेद-एदोम अउर होसा रच्छक रहेन। ओबेद-एदोम यदूतून क पूत रहा।</verse>
				<verse number="39">दाऊद याजक सादोक अउ दूसर याजकन क जउन गिबोन मँ ऊँची जगह पइ यहोवा क तम्बू क समन्वा ओकरे संग सेवा करत रहेन ओकर संग छड़ेस।</verse>
				<verse number="40">हर भिंसारे अउ साँझ सादोद अउ दूसर याजक होमबलि क वेदी पइ होमबलि चढ़ावत रहेन। उ पचे इ यहोवा व्यवस्था मँ लिखे गए ओन नेमन क पालन करइ बरे करत रहेन जेनका यहोवा इस्राएल क दिहे रहा।</verse>
				<verse number="41">हेमान अउ यदूतून अउ सबहिं दूसर लेवीबंसियन यहोवा क स्तुतिगान करइ बरे नाउँ लइके चुने गए रहेन, काहेकि “ओकर पिरेम सदा ही बना रहत ह।”</verse>
				<verse number="42">हेमान अउ यदूतून ओनके संग रहेन। ओनकर काम तुरही अउ मँजीरा बजाउब रहा। उ पचे दूसर संगीत बाजा बजावइ क काम भी करत रहेन, जब परमेस्सर क स्तुति क गीत गाए जात रहेन। यदूतून क पूतन दुआरन क रच्छा करत रहा।</verse>
				<verse number="43">उत्सव मनावइ क पाछे, सबहिं लोग चले गएन। हर एक मनई अपने-अपने घर चला गवा अउर दाऊद भी अपने परिवार क आसीर्बाद देइ बरे घर गवा।</verse>
			</chapter>
			<chapter number="17">
				<verse number="1">दाऊद अपने घरे चले जाइ क पाछे नातान नबी स कहेस, “लखा, मइँ देवदारु स बने घरे मँ रहत हउँ, मुला यहोवा क करार क सन्दूख तम्बू मँ धरा अहइ। मइँ परमेस्सर बरे एक मन्दिर बनावइ चाहत अहउँ।”</verse>
				<verse number="2">नातान दाऊद क जवाब दिहस, “तू जउन कछू करइ चाहत अहा, कइ सकत अहा। परमेस्सर तोहरे संग अहइ।”</verse>
				<verse number="3">मुला परमेस्सर क संदेसा उ रात नातान क मिला।</verse>
				<verse number="4">परमेस्सर कहेस, “जा अउर मोर सेवक दाऊद स इ कहा: यहोवा इ कहत ह, ‘दाऊद, तू उ नाहीं अहइ जउन मोर बरे एक घर बनाइ।</verse>
				<verse number="5">जब स मइँ इस्राएल क मिस्र स बाहेर लिआएउँ तब स अब तलक, मइँ घरे मँ नाहीं रहा हउँ। मइँ एक तम्बू स दूसर तम्बू क चरिहुँ कइँती घूमत रहा हउँ। जउने समइ मइँ इस्राएल मँ विभिन्न जगहन पइ चारिहुँ कइँती घूमत रहेउँ, मइँ कउनो प्रमुख स जेनका मइँ आपन लोगन क अगवाइ करइ बरे आदेस दिहेउँ रहा इ नाहीं कहेउँ: तू मोरे बरे देवदारु बृच्छ क काठे स घर काहे नाहीं बनाया ह?’</verse>
				<verse number="6"></verse>
				<verse number="7">“अब तू मोरे सेवक दाऊद स कहा: सर्वसक्तीमान यहोवा तोहसे कहत ह, ‘मइँ तोहका चरागाह स अउर भेड़िन क देखरेख करइ स लिएउँ। मइँ तोहका अपने इस्राएली लोगन क सासक बनाएउँ।</verse>
				<verse number="8">तू जहाँ गवां, मइँ तोहारे संग रहेउँ। मइँ तोहरे अगवा-अगवा चलेउँ अउर मइँ तोहरे दुस्मनन क मारेउँ। अब मइँ तोहका पृथ्वी पइ सब स जियादा मसहूर मनइयन मँ स एक बना रहेउँ।</verse>
				<verse number="9">मइँ इ जगह अपने इस्राएल क लोगन क दइ देत अहइँ। मइँ ओनका उ जगह पइ स्थापित करब, अउर उ पचे हुवाँ सान्तिपूवर्क रइहीं। उ पचे अब आगे अउर परेसान नाहीं कीन्ह जइहीं। बुरे लोग ओनका वइसे चोट नाहीं पहोंचाइही जइसा उ पचे पहिले पहोंचाए रहेन।</verse>
				<verse number="10">उ समइ स जब मइँ आपन लोग इस्राएल क अगुवाइ अउ रच्छा करइ बरे निआवधीसन क नियुक्त किहा, मइँ तोहार सबइ दुस्मनन क हराएस हउँ। “‘मइँ तोहसे कहत हउँ कि यहोवा तोहार परिवार क एक सही परिवार बनाई।</verse>
				<verse number="11">जब तू मरब्या अउर अपने पुरखन स जाइ भेंटब्या, तब मइँ तोहरे निज पूत क नवा राजा होइ देब। नवा राजा तोहरे पूतन मँ स एक होइ अउर मइँ ओकर राज्ज क सक्तीसाली बनाउब।</verse>
				<verse number="12">तोहार पूत मोरे बरे एक ठु घर बनाई। मइँ तोहारे पूत क परिवार क सदा बरे सासक बनाउब।</verse>
				<verse number="13">मइँ ओकर बाप बनब अउर उ मोर पूत होइ। साऊल तोहसे पहिले राजा रहा। मइँ ओह प स आपन पिरेम अउर मदद हटाइ लिएउँ। किन्तु मइँ तोहारे पूत स पिरेम क नाहीं हटाउब।</verse>
				<verse number="14">मइँ ओका सदा बरे अपने घर अउर राज्ज क संरच्छक बनाउब। ओकर सासन सदा ही चलत रही।’”</verse>
				<verse number="15">नातान अपने इ दर्सन अउर परमेस्सर जउन सबहिं बातन कहे रहा ओकरे बारे मँ दाऊद स कहेस।</verse>
				<verse number="16">तब दाऊद पवित्तर तम्बू मँ गवा अउर यहोवा क समन्वा बइठा। दाऊद कहेस, “यहोवा परमेस्सर, तू मोरे बरे अउर मोरे परिवार बरे ऍतना जियादा किहा ह अउर मइँ नाहीं समुझत कि काहे</verse>
				<verse number="17">अउर माना कि इ काफी नाहीं रहा, किन्तु, ओ परमेस्सर, तू मोका मोरे परिवार क भविस्स बताएस ह। तू मोरे बरे एक बहोत महत्वपूर्ण मनई जइसा बेउहार किहा ह।</verse>
				<verse number="18">मइँ अउर जियादा का काहि सकत हउँ? तू मोरे बरे ऍतना जियादा किहा ह अउर तू मोका बहोत सम्मान दिहेस ह अउर मइँ सिरिफ तोहार सेवक हउँ। तू मोका जानत ह।</verse>
				<verse number="19">यहोवा, तू इ अजूबा कार्य मोरे बरे किहा ह अउर इ तू किहा काहेकि तू इ महान कार्य क बतावइ चाहत ह।</verse>
				<verse number="20">यहोवा, तोहरे समान अउर कउनो नाहीं अहइ। तोहरे अलावा कउनो परमेस्सर नाहीं अहइ। हम लोग कबहुँ कउनो देवता क अइसे अजूबा कार्य करत नाहीं सुना ह।</verse>
				<verse number="21">का इस्राएल क समान दूसर कउनो रास्ट्र अहइ? इस्राएल ही पृथ्वी पइ एकमात्र रास्ट्र अहइ जेकरे बरे तू इ अजूबा कार्य किहा। तू हम क महान अउर चमत्कारवाला अद्भुत कार्य कइ के मिस्र स बाहेर निकार्या अउर हमक आजाद किहा। तू अपने लोगन क समन्वा गया अउर दूसर लोगन क हमरे बरे भुइँया छोड़ेइ क मजबूर किहा। अउर इ महान कार्य कइके तू मसहूर होइ गवा।</verse>
				<verse number="22">तू इस्राएल क सदा बरे आपन लोग बनाया अउर यहोवा तू ओकर परमेस्सर भया।</verse>
				<verse number="23">“यहोवा, तू इ प्रतिग्या मोहसे अउर मोरे परिवार स किहा ह। अब स तू सदा बरे इ प्रतिग्या क बनाए राखा। उ करा जउन तू करइ कहया।</verse>
				<verse number="24">अपनी प्रतिग्या क पूरा करा, जेहसे लोग तोहरे नाउँ क सम्मान सदा बरे कइ सकइँ। तब लोग कहिहीं, ‘सर्वसक्तीसाली यहोवा इस्राएल क परमेस्सर अहइ।’ मइँ तोहार सेवक अहउँ। कृपा कइके मोरे परिवार क सक्तीसाली होइ द्या अउर उ तोहार सेवा सदा करत रहइ।</verse>
				<verse number="25">“मोरे परमेस्सर, तू मोहसे, अपने सेवक कहया, कि तू मोरे परिवार क एक ठु राजपरिवार बनउब्या। एह बरे मइँ तोहारे समन्वा ऍतना निडर होत हउँ, एह बरे मइँ तोहसे इ सबइ चिजियन करइ बरे कहत हउँ।</verse>
				<verse number="26">यहोवा तू परमेस्सर अहा अउर परमेस्सर तू एन नीक चिजियन क वचन मोरे, आपन सेवक बरे किहा ह।</verse>
				<verse number="27">यहोवा, तू मोरे परिवार क आसीस देइ मँ ऍतना जियादा दयालु रहा ह। तू प्रतिग्या किहा, कि मोरे परिवार तोहार सेवा सदा सदा ही करत रही। यहोवा तू मोर परिवार क आसीस दिहा ह, एह बरे मोरे परिवार सदा आसीस पाई।”</verse>
			</chapter>
			<chapter number="18">
				<verse number="1">पाछे दाऊद पलिस्ती लोगन पइ हमला किहस। उ ओनका हराएस। उ गत नगर अउर ओकरे चाहिहुँ कइँती क नगरन क पलिस्ती लोगन स जीत लिहस।</verse>
				<verse number="2">तब दाऊद मोआब देस क हराएस। मोआबी लोग दाऊद क गुलाम बन गएन अउर ओकर लगे नज़राना लाएन।</verse>
				<verse number="3">दाऊद हददेज़ेर क सेना क बिरुद्ध भी लड़ा। हददेज़ेर सेबा क राजा रहा। दाऊद उ सेना क संग लगातार हमात नगर तलक लड़ा। दाऊद इ एह बरे किहस कि हददेज़ेर अपने राज्ज क परात नदी तलक फइलावाइ क कोसिस किहस।</verse>
				<verse number="4">दाऊद हददेज़ेर एक हजार रथ, सात हजार सारथी अउर बीस हजार फउजी लिहेस। दाऊद हददेज़ेर क जियादातर घोड़न अंग-अंग कइ दिहस जउन रथ हींचत रहेन। मुला दाऊद सौ रथन क हींचइ बरे काफी घोड़न क बचाइ लिहस।</verse>
				<verse number="5">दमिस्क नगर स अरामी लोग हददेज़ेर क मदद करइ बरे आएन हददेज़ेर सोबा क राजा रहा। मुला दाऊद बाईस हजार अरामी फउजियन क पराजित किहेस अउ मार डाएस।</verse>
				<verse number="6">तब दाऊद दमिस्क नगर मँ राज्जपालन क राखेस। अरामी लोग दाऊद क प्रजा बन गएन अउ ओकरे लगे नज़राना लइके आएन। एह बरे यहोवा दाऊद क, जहाँ कहूँ उ गवा, बिजइ दिहस।</verse>
				<verse number="7">दाऊद हददेज़ेर क सेनापतियन क सोना क ढालन लिहस अउर ओनका यरूसलेम लइ आवा।</verse>
				<verse number="8">दाऊद तिभत अउ कून नगरन स बहोत जियादा काँसा प्राप्त किहस। उ पचे नगर हददेज़ेर क रहेन। पाछे, सुलैमान इ काँसे क उपयोग काँसे क हौदन, काँसे क खम्भा अउर सबइ दूसर चिजियन बनावइ मँ किहस जउन मन्दिर क बरे काँसे स बनी रहिन।</verse>
				<verse number="9">तोऊ हमात नगर क राजा रहा। हददेज़ेर सोबा क राजा रहा। तोउ सुनेस कि दाऊद हददेज़ेर क सारी सेना क हराइ दिहस।</verse>
				<verse number="10">एह बरे तोउ अपने पूत हदोराम क राजा दाऊद क लगे सान्ति क याचना करइ अउ जीत क मुबारकबाद देइ बरे पठएस। उ इ किहेस काहेकि दाऊद हददेज़ेर क खिलाफ जुद्ध किहे रहा अउर ओका हराए रहा। पहिले हददेज़ेर तोउ स जुद्ध किहे रहा। हदोराम दाऊद क हर एक तरह क सोना, चाँदी अउर काँसा स बनी चिजियन दिहस।</verse>
				<verse number="11">राजा दाऊद ओन चिजियन क पवित्तर बनाएस अउर यहोवा क दिहस। दाऊद अइसा उ सारे चाँदी, सोना क संग किहेस जेका उ एदोमी, मोआबी, अम्मोनी पलिस्ती अउर अमालेकी लोगन स प्राप्त किहे रहा।</verse>
				<verse number="12">सरूयाह क पूत अबीसै नून क घाटी मँ अट्ठारह हजार एदोमी लोगन क मारेस।</verse>
				<verse number="13">अबीसै एदोमी मँ राज्जपाल क राखेन अउर सबहिं एदोमी लोग दाऊद क गुलाम होइ गएन। दाऊद जहाँ कहूँ भी गवा, यहोवा ओका बिजइ दिहस।</verse>
				<verse number="14">दाऊद पूरे इस्राएल क राजा रहा। उ उहइ किहस जउन सब क बरे उचित अउ निआवपूर्ण रहा।</verse>
				<verse number="15">सरूयाह क पूत योआब, दाऊद क सेना क सेनापति रहा। अहीलूद क पूत यहोसापात ओन कामन क बारे मँ लिखेस जउन दाऊद किहेस।</verse>
				<verse number="16">सादोक अउ अबीमेलेक याजक रहेन। सादोक अहीतूब क पूत रहा अउर अबीमेलेक एब्यातार क पूत रहा। सबसा लिपिक रहा।</verse>
				<verse number="17">यहोयदा क पूत बनायाह करेतियन अउ पलेती लोगन क मार्गदर्सन क उत्तरदायी रहा। अउर दाऊद क पूतन बिसेस अधिकारी रहेन। उ पचे राजा दाऊद क संग सेवारत रहेन।</verse>
			</chapter>
			<chapter number="19">
				<verse number="1">नाहास अम्मोनी लोगन क राजा रहा। नाहास मरा अउर ओकर पूत नवा राजा बना।</verse>
				<verse number="2">तब दाऊद कहेस, “नाहास मोरे बरे दयालु रहा, एह बरे मइँ नाहास क पूत हानून बरे दयालु रहब।” एह बरे दाऊद अपने दूतन क ओकरे बाप क मउत पइ सान्त्वना देइ पठाएस। दाऊद क दूत हानून क सान्त्वना देइ अम्मोन देस क गएन।</verse>
				<verse number="3">मुला अम्मोनी प्रमुखन हानून स कहेन, “मूरख जिन बना। दाऊद इ मनईयन क तोहका सान्त्वना देइ बरे या तोहरे मरे बाप क सम्मान देइ बरे नाहीं पठएस ह। नाहीं, दाऊद अपने दूतन क तोहार अउर तोहरे देस क जासूसी करइ चाहत ह। असल मँ दाऊद तोहरे देस क नस्ट करइ चाहत ह।”</verse>
				<verse number="4">एह बरे हानून दाऊद क सेवकन क बन्दी बनाएस अउर ओनकर दाढ़ी मुड़वाइ दिहस। हानून क करिहाउँ तलक ओकरे ओढ़नन क छोर क कटवाइ दिहस। तब उ ओनका बिदा कइ दिहस।</verse>
				<verse number="5">दाऊद क मनई एतने लज्जित भएन कि उ पचे घर क नाहीं जाइ सकत रहेन। कछू लोग दाऊद क लगे गएन अउर बताएन कि ओकरे मनइयन क संग कइसा बर्त्ताव भवा ह। एह बरे राजा दाऊद अपने लोगन क लगे इ खबर पठएस: “तू लोग यरीहो नगर मँ तब तलक रहा जब तलक फुन डाढ़ी न जम जाइ। तब तू घरे वापस जाइ सकत ह।”</verse>
				<verse number="6">अम्मोनी लोग पता पाएन कि दाऊद ओनका आपन दुस्मन समुझत ह। तब हानून अउ अम्मोनी लोग पचहत्तर हजार पौण्ड चाँदी, रथन अउर सारथियन क मेसोपोटामियन स बेसाहइ मँ लगाएन। उ पचे अराम मँ अरम्माका अउ सोबी लोगन स भी रथन अउर सारथियन क प्राप्त किहन।</verse>
				<verse number="7">अम्मोनी लोग बत्तीस हजार रथ बेसहेन। उ पचे माका क राजा क अउर ओकरी फउज क भी आवइ अउ मदद करइ बरे भुगतान किहन। माका क राजा अउर ओकर लोग आएन अउर उ पचे मेदबा नगर क लगे आपन डेरा डाएन। अम्मोनी लोग खुद अपने नगरन स बाहेर अउर आएन जुद्ध बरे तइयार होइ गएन।</verse>
				<verse number="8">दाऊद सुनेस कि अम्मोनी लोग जुद्ध बरे तइयार होत अहइँ। एह बरे उ योआब अउ इस्राएल क पूरी फउज क अम्मोनी लोगन स जुद्ध करइ बरे पठाएस।</verse>
				<verse number="9">अम्मोनी लोग बाहेर निकरेन अउर जुद्ध बरे तइयार होइ गएन। उ पचे नगर दुआर क लगे रहेन जउन राजा मदद बरे आए रहेन, उ पचे खुद खुले मइदान मँ खड़े रहेन।</verse>
				<verse number="10">योआब लखेस कि ओकरे खिलाफ लड़इवाली फउज क दुइ मोर्चन रहेन। एक ठु मोर्चा ओकरे समन्ना रहा अउर दूसर ओकरे पाछे रहा। एह बरे योआब इस्राएल क कछू सब स उत्तिम जोधन क चुनेस। उ ओनका अराम क सेना स लड़इ बरे पठएस।</verse>
				<verse number="11">योआब इस्राएल क बाकी फउज क अबीसै क सेनापतित्व मँ राखेस। अबीसै योआब क भाइ रहा। उ सबइ फउजी अम्मोनी सेना क खिलाफ लड़इ गएन।</verse>
				<verse number="12">योआब अबीसै स कहेस, “जदि अरामी फउज मोरे बरे बहोत जियादा सक्तीसाली पड़इ तउ तोहका मोर मदद करइ क होइ मुला जदि अम्मोनी फउज तोहारे बरे बहोत जियादा सक्तीसाली साबित होइ तउ मइँ तोहार मदद करब।</verse>
				<verse number="13">हम अपने लोगन अउ अपने परमेस्सर क नगरन क बरे जुद्ध करत समइ बीर अउ मजबूत बनी यहोवा उ करइ जेका उ उचित मानत ह।”</verse>
				<verse number="14">योआब अउ ओकरे संग क सेना अराम क पइ हमला किहस। अराम क सेना योआब अउर ओकरी फउज क समान्वा स भाग खड़ी भइ।</verse>
				<verse number="15">अम्मोनी सेना लखेस कि अराम क सेना भागत अहइ एह बरे उ पचे भी पराइ गएन। उ पचे अबीसै अउर ओकरी सेना क समन्वा स भाग खड़े भएन। अम्मोनी अपने नगर क चले गएन, अउर योआब यरूसलेम क लउट गवा।</verse>
				<verse number="16">अरमी क प्रमुखन लखेस कि इस्राएल ओनका पराजित कइ दिहस। एह बरे उ पचे परात नदी क पूरब रहइवाले अरामी लोगन स सहायता बरे दूत पठाएस। सोपक हददेज़ेर क अरामी क सेना क सेनापति रहा। सोपक ओन दूसर अरामी फउजिन क भी संचालन किहस जउन मदद बरे आएस।</verse>
				<verse number="17">दाऊद सुनेस कि अराम क लोग जुद्ध बरे एकट्ठा होइ ग अहइ, एह बरे दाऊद इस्राएल क सबहिं फउजियन क बटोरेस। दाऊद ओनका यरदन नदी क पार लइ गवा। उ पचे अरामी लोगन क ठीक आमने-सामने आइ गएन। दाऊद अपनी फउज क हमला करइ बरे तइयार किहेस अउर अरामियन पइ हमला कइ दिहस।</verse>
				<verse number="18">अरामी इस्राएलियन क समन्वा स भाग खड़े भएन। दाऊद अउर ओकर फउज सात हजार सारथी अउर चलीस हजार अरामी फउजियन क मार डाएस। दाऊद अउर ओकर फउज अरामी सेना क सेनापति सोपक क भी मार डाएस।</verse>
				<verse number="19">जब हददेज़ेर क अधिकारियन लखेन कि इस्राएल ओनका हराइ दिहस तउ उ पचे दाऊद स सन्ति कइ लिहन। उ पचे दाऊद क प्रजा बन गएन। इ तरह अरामियन अम्मोनी लोगन क फुन सहायता करइ स इन्कार कइ दिहन।</verse>
			</chapter>
			<chapter number="20">
				<verse number="1">बसन्त मँ, योआब इस्राएल क फउज क जुद्ध बरे अगवाइ किहेस। इ उहइ समइ रहा जब राजा लोग जुद्ध करइ बरे निकलेस रहेन मुला दाऊद यरूसलेम मँ रहा। तब इस्राएल क फउज अम्मोन देस क गवा अउ एका नस्ट कइ दिहेस। तब उ पचे ओकर राजधानी रब्बा नगर क गएन। सेना लोगन क भीतर आवइ अउर बाहेर जाइ स रोकइ बरे नगर क चारिहुँ कइँती डेरा डाएस। योआब अउ ओकर फउज रब्बा नगर क खिलाफ तब तलक जुद्ध किहस जब तलक ओका नस्ट नाहीं कइ डाएस।</verse>
				<verse number="2">दाऊद ओनके राजा मुकुट क उतार लिहस। उ सोने क मुकुट तोल मँ लगभग पचहत्तर पौण्ड रहा। मुकुट मँ बहुमुल्य रतन जड़े रहेन। मुकुट दाऊद क मूँड़े पइ धरा गवा। तब दाऊद रब्बा नगर स बहोत स मूल्यवान चिजियन प्राप्त किहस।</verse>
				<verse number="3">दाऊद रब्बा क लोगन क संग लिआवा अउर ओनका आरन, लोहे क गैंती अउ वुल्हाड़ियन स काम करइ क मजबूर किहस। दाऊद अम्मोनी लोगन क सबहिं नगरन क संग इहइ बर्त्ताव किहस। तब दाऊद अउर सारी फउज यरूसलेम क वापस लउट गइ।</verse>
				<verse number="4">पाछे, इस्राएल क लोगन क जुद्ध गेजेर नगर मँ पलिस्तियन क संग भवा। उ समइ, हूसा क सिब्बकै सिप्पै क मार डाएस। सिप्पै दैत्यन क पूतन मँ स रहा। इ तहर पलिस्ती लोग लोगन क हराइ दीन्ह गवा रहेन।</verse>
				<verse number="5">दूसर अवसर पइ, इस्राएल क लोगन क जुद्ध फुन पलिस्तियन क खिलाफ भवा। याईर क पूत एल्हानान लहमी क मर डाएस। लहमी गोलियात क भाई रहा। गोल्यह गत नगर क रहा। लहमी क भाला बहोत लम्बी अउर भारी रहा। इ करघे क लम्बे हत्थे क तरह रहा।</verse>
				<verse number="6">तब इस्राएलियन गत नगर मँ पलिस्तियन क संग दूसर जुद्ध किहन। इ नगर मँ एक बहोत बिसाल मनई रहा। ओकरे हाथ अउ गोड़ क चौबीस उँगलियन रहिन। उ मनई क हरेक हाथ अउ हरेक गोड़ मँ छ: छ: उँगलियन रहिन। उ दैत्य क पूत भी रहा।</verse>
				<verse number="7">एह बरे जब उ इस्राएल क मज़ाक उड़ाएस तउ योनातान ओका मार डाएस। योनातान सिमा क पूत रहा। सिमा दाऊद क भाई रहा।</verse>
				<verse number="8">उ पचे पलिस्ती लोग गत नगर क दैत्यन क पूत रहेन। दाऊद अउ ओकर सेवक लोग ओन दैत्यन क मार डाएस।</verse>
			</chapter>
			<chapter number="21">
				<verse number="1">सइतान इस्राएल क लोगन क खिलाफ रहा। उ दाऊद क इस्राएल क लोगन क गनइ क प्रोत्साहन दिहस।</verse>
				<verse number="2">एह बरे दाऊद योआब अउर लोगन क प्रमुखन स कहेस, “जा अउर इस्राएल क सबहिं लोगन क गणना करा। बर्सेबा नगर स लइके लगातार दान नगर तलक देस क हर मनई क गना। तब मोका बतान, एहसे मइँ जान सकब कि हिआँ केतेन लोग अहइँ।”</verse>
				<verse number="3">एह बरे योआब जवाब दिहेस, “यहोवा अपने लोगन क सौ गुना बिसाल बनावइ! महामाहिम, इस्राएल क सबहिं लोगन तोहार सेवक अहइँ। मोरे सुआमी, अउर राजा, आप इ कार्य काहे करइ चाहत हीं? आप इस्राएल क सबहिं लोगन क पाप करइ क अपराधी बनइहीं।”</verse>
				<verse number="4">मुला राजा दाऊद हठ धरे रहा। योआब क उ करइ पड़ा जउन राजा कहेस। एह बरे योआब गवा अउर पूरे इस्राएल देस मँ गणना करत घूमत रहा। तब योआब यरूसलेम लउटा</verse>
				<verse number="5">अउर दाऊद क बताएस कि केतने मनई रहेन। इस्राएल मँ गियारह लाख मनई रहेन अउर तरवार क उपयोग कइ सकत रहेन अउर तरवार क उपयोग करइवाले चार लाख सत्तर हजार मनई यहूदा मँ रहेन।</verse>
				<verse number="6">योआब लेवि अउर बिन्यामीन क परिवार समूह क गणना नाहीं किहेस। योआब ओन परिवार समूहन क गणना नाहीं किहेस काहेकि उ राजा दाऊद क आदेसन क पसन्द नाहीं करत रहा।</verse>
				<verse number="7">इ हुकुम देइ के, परमेस्सर क दृस्टि मँ दाऊद एक बुरा काम किहे रहा, एह बरे परमेस्सर इस्राएल क दण्ड दिहस।</verse>
				<verse number="8">तब दाऊद परमेस्सर स कहेस, “मइँ एक बहोत बेववूफी क काम किहेउँ ह। मइँ इस्राएल क लोगन क गणना कइके भयंकर पाप किहेउँ ह। अब, मइँ पराथना करत हउँ कि तू इ सेवक क पापन क छिमा कइ द्या।”</verse>
				<verse number="9">गाद दाऊद क दर्सी रहा। यहोवा गाद स कहेस, “जा अउर दाऊद क कहा: ‘यहोवा जउन कहत ह उ इ अहइ: मइँ तोहका तीन विकल्प देत हउँ। तोहका ओहमाँ स एक चुनब अहइ अउर तब मइँ तोहका उ तरह दण्डित करब जेका तू चुने लेब्या।’”</verse>
				<verse number="10"></verse>
				<verse number="11">तब गाद दाऊद क लगे गवा। गाद दाऊद स कहेस, “यहोवा कहत ह, ‘दाऊद, तू जउन दण्ड चाहत अहा ओका चुना: पर्याप्त अन्न क बगैर तीन बरिस, या तोहार पाछा करइवाले तरवार क उपयोग करत भए दुस्मनन स तीन महीने तलक भागब, या परमेस्सर स तीन दिना क दण्ड। पूरे देस मँ भयंकर महामारी फइली अउर यहोवा क दूत लोगन क नस्ट करत भवा पूरे देस मँ आइ।’ परमेस्सर मोका पठएस ह। अब, तोहका निर्णय करब अहइ कि ओका कउन सा जवाब देउँ।”</verse>
				<verse number="12"></verse>
				<verse number="13">दाऊद गाद स कहेस, “मइँ विपत्ति मँ हुउँ। मइँ नाहीं चाहत कि कउनो मनई मोरे दण्ड क निहचइ करइ। यहोवा बहोत दयालु अहइ, एह बरे यहोवा क ही निर्णय करइ द्या कि मोका कइसे दण्ड देइ।”</verse>
				<verse number="14">एह बरे यहोवा इस्राएल मँ भयंकर महामारी पठएस अउर सत्तर हजार लोग मर गएन।</verse>
				<verse number="15">परमेस्सर एक सरगदूत क यरूसलेम क नस्ट करइ क पठएस। किन्तु जब सरगदूत यरूसलेम क नस्ट करब सुरू किहस तउ यहोवा लखेस अउ ओका दुःख भवा। एह बरे यहोवा यरूसलेम क नस्ट न करइ क निर्णय किहस। यहोवा उ सरगदूत स, जउन नस्ट करत रहा कहेस, “रूक जा, इहइ पर्याप्त अहइ।” यहोवा क सरगदूत उ समइ यबूसी ओर्नान क खरिहान क लगे खड़ा रहा।</verse>
				<verse number="16">दाऊद नज़र उठाएस अउर यहोवा क दूत क अकासे मँ लखेस। सरगदूत यरूसलेम पइ आपन तरवार हींच रखे रहा। तब दाऊद अउर प्रमुखन अपने मूँड़ क धरती पइ टेक के प्रणाम किहन। दाऊद अउ प्रमुखन अपने सोक बरे टाट पहिरे रहे।</verse>
				<verse number="17">दाऊद अपने परमेस्सर स कहेस, “मइँ लोगन क गणना करइ क आदेस दिहे रहेउँ। मइँ हुउँ जुन इ बहोत बुरा काम किहेउँ। इस्राएल क लोगन कछू भी गलत नाहीं किहन। यहोवा मोरे परमेस्सर, मोका अउर मोरे परिवार क दण्ड द्या किन्तु उ भयंकर महामारी क रोक द्या जउन तोहार आपन लोगन क मारत अहइ।”</verse>
				<verse number="18">तब यहोवा क दूत गाद स बात किहस। उ कहेस, “दाऊद स कहा कि उ यहोवा क उपासना बरे एक ठु वेदी बनाएस। दाऊद क एका यबूसी ओर्नान क खरिहान क लगे बनावइ चाही।”</verse>
				<verse number="19">गाद इ सबइ बातन दाऊद क बताएस अउर दाऊद ओर्नान क खरिहान क लगे गवा।</verse>
				<verse number="20">ओर्नान गोहुँ दाँवत रहा। ओर्नान मुड़ा अउर उ सरगदूत क लखेस। ओर्नान क चारिहुँ पूत छुपइ बरे पराइ गएन।</verse>
				<verse number="21">दाऊद ओर्नान क लगे पहोंचा। ओर्नान ओका लखेस अउर उ खरिहान क छोड़ि दिहस। उ दाऊद तलक पहोंचा अउर ओकरे समन्वा आपन माथा भुईयाँ पइ टेकिके प्रणाम किहेस।</verse>
				<verse number="22">दाऊद ओर्नान स कहेस, “तू आपन खारिहान मोका बेच द्या। मइँ तोहका पूरी कीमत देबउँ। तब मइँ यहोवा क उपासना बरे एक वेदी बनावइ बरे एकर उपयोग कइ सकत हुउँ। तब लोगन प स भयंकर महामारी रूक जाई।”</verse>
				<verse number="23">ओर्नान दाऊद स कहेस, “इ खारिहाने क लइ ल्या। तू मोरे सुआमी अउर राजा अहइँ। उहइ करा जउन आप उपयुक्त समुझत हीं। लखा, मइँ भी होमबलि बरे जनावरन देब। मइँ आप क काहे क तख्तन देब जेका आप वेदी पइ आगी बरे बार सकत हीं अउर मइँ अन्नबलि बरे गोहूँ देब। मइँ इ सबइ आप क देब।”</verse>
				<verse number="24">किन्तु राजा दाऊद ओर्नान क जवाब दिहस, “नाहीं, मइँ तोहका पूरी कीमत देब। मइँ कउनो तोहार उ चीज नाहीं लेब जेका मइँ यहोवा क देब। मइँ उ कउनो भेंट नाहीं चढ़ाउब जेकर मोका कउनो मूल्य न देइ पड़इ।”</verse>
				<verse number="25">एह बरे दाऊद उ जगह क बरे ओर्नान क पन्द्रह पौण्ड सोना दिहस।</verse>
				<verse number="26">दाऊद हुँवा यहोवा क उपासना बरे एक वेदी बनाएस। दाऊद होमबलि अउर मेलबलि चढ़ाएस। दाऊद यहोवा स पराथना किहस। यहोवा सरग स आगी पठइके दाऊद क जवाब दिहस। आगी होमबलि क वेदी पइ उतरी।</verse>
				<verse number="27">तब यहोवा सरगदूत क आदेस दिहस कि उ अपनी तरवार क वापस म्यान मँ धइ लेइ।</verse>
				<verse number="28">दाऊद लखेस कि यहोवा ओका ओर्नान क खरिहान पइ उत्तर दइ दिहस ह, एह बरे यहोवा क बलि भेंट किहस।</verse>
				<verse number="29">(पवित्तर तम्बू अउ होमबलि क वेदी ऊँच जगह पइ गिबोन नगर मँ रही। मूसा पवित्तर तम्बू क तब बनाए रहा जब इस्राएल क लोग रेगिस्ताने मँ रहेन।</verse>
				<verse number="30">दाऊद पवित्तर तम्बू मँ परमेस्सर स बातन करइ नाहीं जाइ सकत रहा, काहेकि उ भयभीत रहा। दाऊद यहोवा क दूत अउ ओकरी तरवार स भयभीत रहा।)</verse>
			</chapter>
			<chapter number="22">
				<verse number="1">दाऊद कहेस, “यहोवा परमेस्सर क मन्दिर अउर इस्राएल क लोगन बरे भेंटन क बारइ क वेदी हिआँ बनी।”</verse>
				<verse number="2">दाऊद आदेस दिहस कि इस्राएल मँ रहइवाले सबहिं तोहार बीच रहइवाला बिदेसी एक संग बटुरइँ। तोहार बीच रहइवाला बिदेसियन क उ समूह मँ स दाऊद सगंतरासन क चुनेस। ओनकर काम परमेस्सर क मन्दिर बरे पाथरन क काटिके तइयार करइ क रहा।</verse>
				<verse number="3">दाऊद दुआर क पालन बरे कीलन अउर चुलन बनावइ बरे बहोत सारा लोहा प्राप्त किहस। दाऊद ओतना काँसा भी प्राप्त किहस जउन तउला न जाइ सकइ।</verse>
				<verse number="4">अउर दाऊद ऍतने जियादा देवदारु क पेड़न बटोरेस जउन न गना जाइ सकेन। सीदोन अउ सोर क लोग बहोत स देवदारु क पेड़न लिआएन।</verse>
				<verse number="5">दाऊद कहेस, “हम क यहोवा बरे एक बिसाल मन्दिर बनावइ चाही। किन्तु मोरे पूत सुलैमान अबहुँ तलक बालक अउर अनुभवहीन अहइ। यहोवा क मन्दिर बहोत बिसाल होइहीं। एका अपनी बिसालता अउ सुन्दरता क बरे सबहिं रास्ट्रन मँ प्रसिद्ध होइ चाही। इहइ कारण अहइ कि मइँ यहोवा क मन्दिर बनावइ क जोजना बनाउब।” एह बरे दाऊद मरइ स पहिले मन्दिर बनावइ बरे बहोत स जोजना बनाएस।</verse>
				<verse number="6">तब दाऊद अपने पूत सुलैमान क बोलाएस। दाऊद सुलैमान स इस्राएल क यहोवा परमेस्सर बरे मन्दिर क बनावइ क कहेस।</verse>
				<verse number="7">दाऊद सुलैमान स कहेस, “मोर पूत, मइँ अपने परमेस्सर यहोवा क नाउँ बरे एक ठू मन्दिर बनावइ चाहत रहेउँ।</verse>
				<verse number="8">मुला यहोवा मोहसे कहेस, ‘दाऊद तू बहोत स जुद्ध किहा ह अउर बहोतस लोगन क मर्या ह एह बरे तू मोरे नाउँ क बरे मन्दिर नाहीं बनाइ सकत्या।</verse>
				<verse number="9">किन्तु तोहार एक पूत अहइ जउन सान्ति प्रिय अहइ। मइँ तोहरे पूत क सान्ति क समइ प्रदान करब। ओकरे चारिहुँ कइँती क दुस्मन ओका परेसान नाहीं करिहीं। ओकर नाउँ सुलैमान अहइ अउर मइँ इस्राएल क उ समइ सुख सान्ति देब जउने समइ सुलैमान राजा होइ।</verse>
				<verse number="10">सुलैमान मोरे नाउँ क एक मन्दिर बनाई सुलैमान मोरे पूत अउर मइँ ओकर बाप रहब अउर मइँ सुलैमान, क राज्ज क सक्तीसाली बनाउब अउर ओकरे परिवार क कउनो निअँबर सदा इस्राएल पर ही हुकूमत करी।’”</verse>
				<verse number="11">दाऊद इ भी केहस, “पूत, अब यहोवा तोहरे संग रहइ। तू सफल बना अउर जइसा यहोवा कहेस ह, अपने यहोवा क मन्दिर बनावा।</verse>
				<verse number="12">यहोवा तोहका इस्राएल क राजा बनाई। होइ सकत ह यहोवा तोहका बुद्धि अउ समुझ देइ जेहसे तू लोगन क मार्गदर्सन कइ सका अउर अपने यहोवा परमेस्सर क व्यवस्था क पालन कइ सका।</verse>
				<verse number="13">अउर तोहका कामयाबी तब मिली जब तू ओन नेमन अउर व्यवस्था क पालन मँ सावधान रहब्या जउन यहोवा मूसा क इस्राएल बरे दिहे रहा। सक्तीसाली अउर वीर रहा। जिन डेरावा अउ जिन निरास भवा।</verse>
				<verse number="14">“सुलैमान, मइँ यहोवा क मन्दिर क जोजना बनावइ मँ करी मेहनत किहेउँ ह। मइँ तीन हजार सात सौ पचास टन सोना दिहेउँ ह अउर मइँ लगभग सैंतीस हजार पाँच सौ टन चाँदी दिहउँ ह। मइँ कासाँ अउ लोहा ऍतना जियादा दिहेउँ ह कि तउला नाहीं जाइ सकत अउर मइँ लकड़ी अउ पाथर दिहेउँ ह। सुलैमान, तू एहमँ अउर जियादा जोर सकत ह।</verse>
				<verse number="15">तोहरे लगे बहोत स संगतरास अउ बढ़ई अहइँ। तोहरे लगे हर एक प्रकार क काम करइ वाले कुसल मनई अहइँ।</verse>
				<verse number="16">उ पचे सोना, चाँदी, काँसा, अउर लोहे क काम करइ मँ कुसल अहइँ। तोहरे लगे एतने जियादा कुसल मनई अहइँ कि उ पचे गने नाहीं जाइ सकतेन। अब काम सुरू करा अउर यहोवा तोहरे संग होइ।”</verse>
				<verse number="17">तब दाऊद इस्राएल क सबहिं प्रमुखन क आपने पूत सुलैमान क सहायता करइ क आदेस दिहेस।</verse>
				<verse number="18">दाऊद ओन प्रमुखन स कहेस, “यहोवा तोहर परमेस्सर तोहार संग अहइ। उ तोहका सान्ति क समइ दिहेस ह। उ हम लोगन क उ भुइँया मँ रहइवाले लोगन क पराजित करइ मँ मदद किहेस ह। अब यहोवा अउर ओकर लोग इ भुइँया पइ पूरा अधिकार किहेन ह।</verse>
				<verse number="19">अब तू अपने हिरदइ अउर आतिमा क अपने यहोवा परमेस्सर क समर्पित कइ द्या अउर उ जउन कहइ, करा। यहोवा परमेस्सर बरे पवित्तर जगह बनावा। यहोवा क नाउँ बरे मन्दिर बनावा। तब करार क सन्दूख अउ दूसर सबहिं पवित्तर चिजियन मन्दिर क अन्दर लिआवा।”</verse>
			</chapter>
			<chapter number="23">
				<verse number="1">दाऊद बूढ़ा होइ गवा, एह बरे उ अपने पूत सुलैमान क इस्राएल क नवा राजा बनाएस।</verse>
				<verse number="2">दाऊद इस्राएल क सबहिं प्रमुखन क बटोरेस। उ याजकन अउ लेवीबंसियन क भी एकट्ठा किहस।</verse>
				<verse number="3">दाऊद तीस बरिस अउर ओहसे ऊपर क उमर क लेवीबंसियन क गनेस। सब मिलाइके अड़तीस हजार लेवीबंसियन रहेन।</verse>
				<verse number="4">दाऊद कहेस, “चौबीस हजार लेवीबंसियन यहोवा क मन्दिर क निर्माण कार्य क देखरेख करिहीं। छ: हजार लेवीबंसी अधिकारी अउर निआवधीस होइहीं।</verse>
				<verse number="5">चार हजार लेवीबंसी दुआरपाल होइहीं अउर चार जहार लेवीबंसी संगीतन होइहीं मइँ ओनके बरे बिसेस बाजा बनाएँउ ह। उ पचे ओन बाजन क उपयोग यहोवा क स्तुति बरे करिहीं।”</verse>
				<verse number="6">दाऊद लेवीबंसियन क तीन बर्गन मँ बाँट दिहस। उ पचे लेवी क तीन पूतन गेर्सोन, कहात अउ मरारी क परिवार समूह रहेन।</verse>
				<verse number="7">गर्सोन क परिवार समूह स लादान अउ सिमी रहेन।</verse>
				<verse number="8">लादान क तीन पूत रहेन। ओकर सब स बड़ा पूत यहीएल रहा। ओकर दूसर पूत जेताम अउ योएल रहेन।</verse>
				<verse number="9">सिमी क पूत सलोमीत, हजीएल अउ हारान रहेन। इ सबइ तीनहुँ पूत लादान क परिवारन क रहेन।</verse>
				<verse number="10">सिमी क चार पूत रहेन। उ पचे यहत, जीना, यूस अउ बरीआ रहेन।</verse>
				<verse number="11">यहत सब स बड़का अउ जीजा दूसर पूत रहा। मुला यूस अउ बरीआ क जियादा पूत नाहीं रहेन। एह बरे यूस अउ बरीआ एक परिवार क रूप मँ गने जात रहेन।</verse>
				<verse number="12">कहात क चार पूत रहेन। उ पचे अम्राम, यिसहार, हेब्रोन अउ उज्जीएल रहेन।</verse>
				<verse number="13">अम्राम क पूत हारून अउर मूसा रहेन। हारून अउर ओकर पूतन सदा-सदा पवित्तर कार्य करइ बरे, यहोवा क समन्वा धूप भेंट चढ़ावइ बरे, याजक क रूप मँ यहोवा क सेवा करइ बरे अउर यहोवा क नाउँ पइ लोगन सदा-सदा आसीर्बाद देइ बरे प्रतिस्ठित कीन्ह गवा रहेन।</verse>
				<verse number="14">मूसा परमेस्सर क मनई रहा। मूसा क पूत, लेवी क परिवार समूह क हींसा स रहेन।</verse>
				<verse number="15">मूसा क पूत गेर्सोम अउ एलीएजेर रहेन।</verse>
				<verse number="16">गेर्सोम क बड़का पूत सबूएल रहा।</verse>
				<verse number="17">एलीएजेर क बड़का पूत रहब्याह रहा। एलीएजेर क अउर कउनो पूत नाहीं रहा। मुला रहब्याह क बहोत स पूत रहेन।</verse>
				<verse number="18">यिसहार क सब स बड़का पूत सलोमीत रहा।</verse>
				<verse number="19">हेब्रोन क सब स बड़का पूत यरीय्याह रहा। हेब्रोन क दूसर पूत अमर्याह रहा। यहजीएल तीसर पूत रहा। अउर यकमाम चउथा पूत रहा।</verse>
				<verse number="20">उज्जीएल क सब स बड़का पूत मीका रहा अउर यिस्सिय्याह ओकर दूसर पूत रहा।</verse>
				<verse number="21">मरारी क पूत महली अउ मूसी रहेन। महली क पूत एलीआज़ार अउ कीस रहेन।</verse>
				<verse number="22">एलीआज़ार बिना पूतन क मरा। ओकर सिरिफ बिटियन रहिन। एलीआज़ार क बिटियन अपने सम्बन्धियन स बियाह किहेन। ओनकर सम्बन्धी कीस क पूत रहेन।</verse>
				<verse number="23">मूसी क पूत महली, एदेर अउर यरेमोत रहेन। सब मलाइके तीन पूत रहेन।</verse>
				<verse number="24">इ सबइ लेवी क संतान रहेन। उ पचे अपने परिवार क अनुसार सूची मँ अंकित रहेन। उ पचे परिवारन क प्रमुख रहेन। सबइ व्यक्ति क नाउँ सूची मँ रहेन। जउन सूची मँ अंकित रहेन उ सबइ बीस बरिस क या ओहसे ऊपर क रहेन। उ पचे यहोवा क मन्दिर मँ सेवा करत रहेन।</verse>
				<verse number="25">दाऊद कहे रहा, “इस्राएल क यहोवा परमेस्सर अपने लोगन क सान्ति दिहस ह। यहोवा यरूसलेम मँ सदा ही रहइ बरे आइ गवा। ह।</verse>
				<verse number="26">एह बरे लेवीबंसियन क पवित्तर तम्बू या एकर सेवा मँ काम आवइवाली कउनो चीज़ क भविस्स मँ ढोवइ क जरूरत नाहीं अहइ।”</verse>
				<verse number="27">दाऊद क अन्तिम निर्देस इस्राएल क लोगन क बरे, लेवी क परिवार समूह क सन्तानन क गनब रहा। उ पचे लेवीबंसियन क बीस बरिस अउर ओहसे ऊपर क मनइयन क गनेन।</verse>
				<verse number="28">लेवीबंसियन क काम हारून क सन्तानन क यहोवा क मन्दिर मँ सेवा कार्य करइ मँ मदद करब रहा। लेवीबंसी मन्दिर क आँगन अउर बगल क कमरन क भी देखभाल करत रहेन। ओनकर काम सबहिं पवित्तर चिजियन क सुद्ध करइ क रहा। ओनकर काम इ भी रहा कि परमेस्सर क मन्दिर मँ सेवा करइँ।</verse>
				<verse number="29">मन्दिर मँ बिसेस रोटी क मेज पइ रखइ क जिम्मेदारी ओनकर ही रहेन। उ पचे आटा, अन्नबलि अउ अखमीरी रोटि बरे भी जिम्मेदार रहेन। उ पचे पकावइ क कढ़ाइयन अउर मिस्रित भेंटन क बरे जिम्मेदार रहेन। उ पचे सारा नाप तउल क काम करत रहेन।</verse>
				<verse number="30">लेवीबंसी हर एक भिंसारे खड़े होत रहेन अउर यहोवा क धन्यवाद अउ स्तुति करत रहेन। उ पचे एका हर एक साँझ क करत रहेन।</verse>
				<verse number="31">लेवीबंसी यहोवा क सबहिं होमबलियन बिस्राम क बिसेस दिनन, नवा चन्द्रिमा क उत्सव अउर सबहिं बिसेस पर्व क दिनन पइ तइयार करत रहेन। उ पचे यहोवा क समन्वा हर रोज़ सेवा करत रहेन। केतने लेवीबंसी हर दाईं सेवा करइ चाही एकरे बरे बिसेस नेम रहेन।</verse>
				<verse number="32">एह बरे लेवीबंसी उ सब काम करत रहेन जेनकर आसा ओनसे कीन्ह जात रही। उ पचे पवित्तर तम्बू क देखभाल करत रहेन। उ पचे पवित्तर जगह क देखभाल करत रहेन अउर उ पचे अपने सम्बन्धियन हारून क सन्तान याजकन क मदद देत रहेन। लेवीबंसी यहोवा क मन्दिर मँ सेवा कइके याजकन क मदद करत रहेन।</verse>
			</chapter>
			<chapter number="24">
				<verse number="1">हारून क पूतन क इ सबइ समूह रहेन: हारून क पूत नादाब, अबीहू, एलीआजर अउ ईतामार रहेन।</verse>
				<verse number="2">मुला नादाब अउ अबीहू अपने बाप क मउत क पहिले ही मर गएन अउर नादाब अउ अबीहै क कउनो पूत नाहीं रहा एह बरे एलीआजर अउ ईतामार याजक क रूप मँ कार्य किहन।</verse>
				<verse number="3">दाऊद एलीआजर अउ ईतामार क परिवार समूह क दुइ भिन्न समूहन मँ बाँटेस। दाऊद इ एह बरे किहस कि इ सबइ समूह ओनका दीन्ह गए कर्त्तव्यन क पूरा कइ सकइ। दाऊद इ सब सादोक अउर अहीमेलेक क मदद स किहेस। सादोक एलीआजर क सन्तान रहा अउर अहीमेलेक ईतामार क सन्तान रहा।</verse>
				<verse number="4">एलीआजर क परिवार समूह क प्रमुख ईतामार क परिवार समूह क प्रमुखन स जियादा रहेन। एलीआजर क परिवार समूह क सोलह प्रमुख रहेन अउर ईतामार क परिवार समूह स आठ प्रमुख रहेन।</verse>
				<verse number="5">हर एक परिवारे स मनईयन चुने गए रहेन। उ पचे गोट डाइके चुने गए रहेन। कछू मनईयन पवित्तर जगह क अधिकारी चुने गए रहेन अउर दूसर मनई याजक क रूप मँ सेवा बरे चुने गए रहेन। इ सबइ मनई एलिआजर अउर ईतामार क परिवार समूहन स चुने गए रहेन।</verse>
				<verse number="6">समायाह लिपिकार रहा। उ नतनेल क पूत रहा। समायाह लेवी परिवार समूह स रहा। समायाह ओन सन्तानन क नाउँ लिखेस। उ ओन नामन क राजा दाऊद अउर एन प्रमुखन क समन्वा लिखेस: याजक सादोक, अहीमेलेक अउ याजक अउ लेवीबंसियन क परिवारन क प्रमुख। अहीमेलेक एब्यातार क पूत रहा। हर एक दाईं उ पचे गोट डाइके एक मनई चुनत रहेन अउर समायाह उ मनई क नाउँ लिख लेत रहा। इ तरह उ पचे एलीआजर अउर ईतामार क परिवारन मँ काम क बाँटेस।</verse>
				<verse number="7">पहला समूह यहोयारीब क रहा। दूसरा समूह यदायाह क रहा।</verse>
				<verse number="8">तीसरा समूह हारीम क रहा। चउथा समूह सोरीम क रहा।</verse>
				<verse number="9">पाँचवा समूह मल्किय्याह क रहा। छठा समूह मिय्यामीन क रहा</verse>
				<verse number="10">सातवाँ समूह हक्कोस क रहा। आठवाँ समूह अबिय्याह क रहा।</verse>
				<verse number="11">नवाँ समूह येसू क रहा। दसवाँ समूह सकन्याह क रहा।</verse>
				<verse number="12">गियारहवा समूह एल्यासीब क रहा। बारहवाँ समूह याकीम क रहा।</verse>
				<verse number="13">तेरहवाँ समूह हुप्पा क रहा। चौदहवाँ समूह येसेबाब क रहा।</verse>
				<verse number="14">पन्द्रहवाँ समूह बिल्गा क रहा। सोलहवाँ समूह इम्मेर क रहा।</verse>
				<verse number="15">सत्रहवाँ समूह हेजीर क रहा। अट्ठरहवाँ समूह हप्पित्सेस क रहा।</verse>
				<verse number="16">उन्नीसवाँ समूह पतह्याह क रहा। बीसवाँ समूह यहेजकेल क रहा।</verse>
				<verse number="17">इक्कीसवाँ समूह याकीन क रहा। बाईसवाँ समूह गामूल क रहा।</verse>
				<verse number="18">तेईसवाँ समूह दलायाह क रहा। चौबीसवाँ समूह माज्याह क रहा।</verse>
				<verse number="19">यहोवा क मन्दिर मँ सेवा करइ क बरे इ सबइ समूह चुने गए रहेन। उ पचे मन्दिर मँ सेवा करइ बरे हारून क नेमन क मानत रहेन। इस्राएल क यहोवा परमेस्सर एन नेमन क हारून क दिहे रहा।</verse>
				<verse number="20">इ सबइ नाम सेस लेवी सन्तान क अहइँ: अम्राम क सन्तानन स सूबाएल। सूबाएल क सन्तानन स येहदयाह।</verse>
				<verse number="21">रहब्याह स: यिस्सिय्याह (यिस्सिय्याह सब स बड़का पूत रहा)</verse>
				<verse number="22">इसहारी परिवार समूह स: सलोमोत। सलोमोत क परिवार स: यहत।</verse>
				<verse number="23">हेब्रोन क सब स बड़का पूत यरिय्याह रहा। अमर्याह हेब्रोन क दूसर पूत रहा। यहजीएल तीसर पूत रहा। अउर यकमान चउथा पूत</verse>
				<verse number="24">उज्जीएल क पूत मीका रहा। मीका क पूत सामीर रहा।</verse>
				<verse number="25">यिस्सिय्याह मीका क भाई रहा। यिस्सिय्याह क पूत जकर्याह रहा।</verse>
				<verse number="26">मरारी क सन्तान महली, मूसी अउर ओकर पूत याजिय्याह रहेन।</verse>
				<verse number="27">मरारी क पूत याजिय्याह क पूतन नाउँ: सोहम, जक्कू अउर इब्री रहेन।</verse>
				<verse number="28">महली क पूत एलीआजर रहा किन्तु एलीआजर क कउनो पूत नाहीं रहा।</verse>
				<verse number="29">कीस क पूत यरह्मेल रहा।</verse>
				<verse number="30">मूसी क पूत महली, एदेर अउर यरीमोत रहेन। उ पचे लेवीबंसी परिवारन क प्रमुख अहइ। उ पचे अपने परिवारन क सूची मँ अहइ।</verse>
				<verse number="31">उ पचे बिसेस कामन बरे चुने गए रहेन। उ पचे अपने सम्बन्धी याजकन क तरह गोट डावत रहेन। याजक हारून क सन्तान रहेन। उ पचे राजा दाऊद, सादोक, अहीमेलेक अउर याजकन अउ लेवी क परिवारन क प्रमुखन क समन्वा गोटन डाएन। जब ओनके काम दिए गएन तउ पुराने अउ नवा परिवारन क एक सा बेउहार भवा।</verse>
			</chapter>
			<chapter number="25">
				<verse number="1">दाऊद अउ सेनापतियन आसाप क पूतन क बिसेस सेवा बरे अलग किहन। आसाप क पूत हेमान अउ यदूतून रहेन। ओनकर बिसेस काम परमेस्सर क सँदेसा क भविस्वाणी सारंगी, वीणा, मंजीरे क उपयोग कइके करब रहा। हिआँ ओन मनईयन क सूची अहइ जउन इ तरह सेवा किहन।</verse>
				<verse number="2">आसाप क परिवार समूह स, जक्कूर, योसेप, नतन्याह अउर असरेला रहेन। राजा दाऊद आसाप क भविस्सबाणी क बरे चुनेस अउ आसाप अपने पूतन क अगुवाइ किहेस।</verse>
				<verse number="3">यदूतून परिवार स: गदल्याह, सरी, यसायाह, सिमी, हसब्याह अउर मत्तित्याह रहेन। इ सबइ छ: रहेन। यदूतून आपन पूतन क अगुवाइ किहेन। यदूतून सारंगी क उपयोग भविस्सबाणी करइ अउर यहोवा क धन्यबाद देइ अउर ओकर स्तुति बरे किहस।</verse>
				<verse number="4">हेमान क पूत जउन सेवा करत रहेन बुक्किय्याह, मत्तन्याह, लज्जीएल, सबूएल अउर यरीमोत, हनन्याह, हनानी, एलीआता, गिद्दलती अउर रोममतीएजेर, योसबकासा, मल्लोती, होतीर अउर महजीओत रहेन।</verse>
				<verse number="5">इ सबइ सबहिं मनई हेमान क पूत रहने। हेमान दाऊद क दर्सी रहा। परमेस्सर हेमान क सक्तीसाली बनावइ क बचन दिहस। एह बरे हेमान क कई पूत रहेन। परमेस्सर हेमान क चौदह पूत अउ तीन बिटियन दिहस।</verse>
				<verse number="6">हेमान अपने पूतन क यहोवा क मन्दिर मँ गायन मँ अगुवाइ किहेन। ओन पूतन सारंगी, वीणा, मजीरा क उपयोग किहस। उ पचे परमेस्सर क मंदिर मँ राजा आसप क आदेस क अनुसार जउन उ यदूतून अउर हेमान क दिहे रह इहइ तरिका स सेवा किहस।</verse>
				<verse number="7">उ सबइ मनई अउर लेवी क परिवार समूह क ओनकर सम्बन्धियन गायन मँ प्रसिच्छित रहेन। दुई सौ अट्ठासी मनइयन यहोवा क स्तुति क गीत गाउब सीखेन।</verse>
				<verse number="8">हर एक मनई जउने भिन्न कार्य क करी, ओकरे चुनाव बरे उ पचे गोट डावत रहेन। हर एक मनई क संग समान बेउहार होत रहा। बूढ़े अउर जवान क संग समान बेउहार रहा अउर गुरु क संग उहइ बउहार हरा। जउन सिस्य क संग।</verse>
				<verse number="9">पहिले, आसाप (यूसुफ) क पूतन अउ सम्बन्धियन मँ स बारह मनई चुनेस गए रहेन। दूसर, गदल्याह क पूतन अउर सम्बनंधियन मँ स बारह मनई चुने गएन।</verse>
				<verse number="10">तीसरे, जक्कूर क पूतन अउ सम्बंधियन मँ स बारहह् मनई चुने गएन।</verse>
				<verse number="11">चउथे, यिस्री क पूतन अउ सम्बंधियन मँ स बारह मनई चुने गएन।</verse>
				<verse number="12">पाँचवे, नतन्याह क पूतन अउ सम्बंधियन मँ स बारह मनई चुने गएन।</verse>
				<verse number="13">छठे, बुक्किय्याह क पूतन अउ सम्बंधियन मँ स बारह मनई चुने गएन।</verse>
				<verse number="14">सातवें, यसरेला क पूतन अउ सम्बंधियन मँ स बारह मनई चुने गएन।</verse>
				<verse number="15">आठवें, यसायाह क पूतन अउ सम्बंधियन मँ स बारह मनई चुने गएन।</verse>
				<verse number="16">नवें, मत्तन्याह क पूतन अउ सम्बंधियन मँ स बारह मनई चुने गएन।</verse>
				<verse number="17">दसवें, सिमी क पूतन अउ सम्बंधियन मँ स बारह मनई चुने गएन।</verse>
				<verse number="18">गियारहवें, अजरेल क पूतन मँ अउर सम्बंधियन मँ स बारह मनई चुने गएन।</verse>
				<verse number="19">बारहवें, हसब्याह क पूतन अउर सम्बंधियन मँ स बारह मनई चुने गएन।</verse>
				<verse number="20">तेरहवें, सूबाएल क पूतन अउ सम्बंधियन मँ स बारह मनई चुने गएन।</verse>
				<verse number="21">चउदहवें, मत्तिय्याह क पूतन अउर सम्बंधियन मँ स बारह मनई चुने गएन।</verse>
				<verse number="22">पन्द्रहवें, यरेमोत क पूतन अउर सम्बंधियन मँ स बारह मनई चुने गएन।</verse>
				<verse number="23">सोलहवें, हनन्याह क पूतन अउर सम्बंधियन मँ स बारह मनई चुने गएन।</verse>
				<verse number="24">सत्रहवें, योसबकासा क पूतन अउर सम्बंधियन मँ स बारह मनई चुने गएन।</verse>
				<verse number="25">अट्ठरहवें, हनानी क पूतन अउ सम्बंधियन मँ स बारह मनई चुने गएन।</verse>
				<verse number="26">उन्नीसवें, मल्लोती क पूतन अउ सम्बंधियन मँ स बारह मनई चुने गएन।</verse>
				<verse number="27">बीसवें, इलिय्याता क पूतन अउ सम्बंधियन मँ स बारह मनई चुने गएन।</verse>
				<verse number="28">इक्कीसवें होतीर क पूतन अउ सम्बंधियन मँ स बारह मनई चुने गएन।</verse>
				<verse number="29">बाईसवें, गिद्दलती क पूतन अउ सम्बंधियन मँ स बारह मनई चुने गएन।</verse>
				<verse number="30">तेईसवें, महजीओत क पूतन अउ सम्बंधियन मँ स बारह मनई चुने गएन।</verse>
				<verse number="31">चौबीसवें, रोममतीएजेर क पूतन अउर सम्बंधियन मँ स बारह मनई चुने गएन।</verse>
			</chapter>
			<chapter number="26">
				<verse number="1">दुआरपालन क समूह: इ सबइ दुआरपाल कोरह परिवार स अहइँ: आसाप क परिवार क कोरह क पूत मसेलेम्याह अउर ओकरे पूत।</verse>
				<verse number="2">मसेलेम्याह क पूत रहेन। जकर्याह सब स बड़का पूत रहा। यदीएल दूसर पूत रहा। जबद्याह तीसर पूत रहा। यतीएल चउथा पूत रहा।</verse>
				<verse number="3">एलाम पाँचवाँ पूत रहा। यहोहानान छठा पूत रहा अउर एल्यहोएनै सातँवा पूत रहा।</verse>
				<verse number="4">ओबेदेदोम अउर ओनकर पूत। ओबेदेदोम क सब स बड़का पूत समायाह रहा। यहोजाबाद ओकर दूसर पूत रहा। योआह ओकर तीसर पूत रहा। साकार ओकर चउथा पूत रहा। नतनेल ओकर पाँचवाँ पूत रहा।</verse>
				<verse number="5">अम्मीएल ओकर छठाँ पूत रहा। इस्साकार ओकर सातवाँ पूत रहा अउर पुल्लतै ओकर आठवाँ पूत रहा। परमेस्सर फुरइ ओबेदेदोम क बरदान दिहस।</verse>
				<verse number="6">ओबेदेदोम क पूत समायाह रहा। समायाह क भी पूत रहेन। समायाह क पूत अपने बाप क परिवार मँ प्रमुख रहेन काहेके उ पचे बीर जोधा रहेन।</verse>
				<verse number="7">समायाह क पूत ओती, रपाएल, ओबेद, एलजाबाद, एलीहू अउर समक्याह रहेन। एलजाबाद क सम्बंधी कुसल कारीगर रहेन।</verse>
				<verse number="8">उ पचे सबहिं लोग ओबेदेदोम क सन्तान रहेन। उ सबइ मनईयन अउर ओनकर पूत अउर ओनकर सम्बंधी सक्तीसाली मनईयन रहेन। उ सबइ अच्छे रच्छक रहेन। ओबेदेदोम क बासठ संतान रहिन।</verse>
				<verse number="9">मसेल्मयाह क पूत अउर सम्बंधी सक्तीसाली लोग रहेन। सब मिलाइके अट्ठारह पूत अउर सम्बंधी रहेन।</verse>
				<verse number="10">मरारी क परिवार स इ सबइ दुआरपाल रहेन ओनमाँ एक ठू होसा रहा। सिम्री पहिला पूत चुना गवा रहा। सिम्री असल मँ स बड़ा नाहीं रहा, मुला ओकर बाप ओका पहिलौठा पूत चुना लिहे रहा।</verse>
				<verse number="11">हिल्किय्याह ओकर दूसर पूत रहा। तबल्याह ओकर तीसर पूत रहा। अउर जकर्याह ओकर चउथा पूत रहा। सब मिलाइके होसा क तेरह पूत अउ सम्बन्धी रहेन।</verse>
				<verse number="12">इ सबइ दुआरपालन क समूह क प्रमुख रहेन। दुआरपालन क यहोवा क मन्दिर मँ सेवा करइ क खास ढंग रहा, जइसा कि ओनकर सम्बंधी करत रहेन।</verse>
				<verse number="13">हर एक परिवार क एक दुआर रच्छा करइ बरे दीन्ह गवा रहा। एक परिवार क बरे दुआर चुनइ क गोट डाई जात रही। बूढ़ा अउ जवानन क संग एक समान बर्त्ताव कीन्ह जात रहा।</verse>
				<verse number="14">मसेल्मयाह पूरबी दुआर क रच्छा बरे चुना गवा रहा। तब मसेल्मयाह क पूत जकर्याह बरे गोट डाइ गइ। जकर्याह एक बुद्धिमान सलाहकार रहा। जकर्याह उत्तरि दुआर बरे चुना गवा।</verse>
				<verse number="15">ओबेदेदोम दक्खिन दुआर बरे चुना गवा अउर ओबेदेदोम क पूत उ घर क रच्छा क बरे चने गएन जेहमाँ कीमती चिजियन रखी जात रहिन।</verse>
				<verse number="16">सुप्पीम अउर होसा पच्छि दुआर अउर ऊपरी सड़क पइ सुल्लेकेत दुआर बरे चुने गएन। दुआरपाल एक दूसरे क बगल मँ खड़े होत रहेन।</verse>
				<verse number="17">पूरबी दुआर पइ छ: लेवीबंसी रच्छक हर दिन खड़े होत रहेन। उत्तरी दुआर पइ हर दिन चार लेवीबंसी रच्छक खड़े होत रहेन। दक्खिनी दुआर पइ चार लेवीबंसी रच्छक खड़े होत रहेन अउर दुइ लेवीबंसी रच्छक उ घरे क रच्छा करत रहेन जेहमाँ कीमती चिजियन धरी जात रहिन।</verse>
				<verse number="18">चार रच्छक पच्छिमी निआव घर पइ रहेन दुइ रच्छक निआव घरे तलक क सड़कियन पइ रहेन।</verse>
				<verse number="19">इ सबइ दुआरपालन क समूह रहेन। उ सबइ दुआरपाल कोरह अउर मरारी क परिवार मँ स रहेन।</verse>
				<verse number="20">अहिय्याह लेवी क परिवार समूह स रहा। अहिय्याह परमेस्सर क मन्दिर क कीमती चिजियन क देखभाल क जिम्मेदार रहा। अहिय्याह ओन जगहन क रच्छा बरे भी उत्तरदायी रहा जहाँ पवित्तर चिजियन रखी जात रहिन।</verse>
				<verse number="21">लादान गेर्सोन परिवार स रहा। यहोएल लादान परिवार समूह क प्रमुखन मँ स एक रहा।</verse>
				<verse number="22">यहोएला क पूत जेताम अउ जेताम क भाई योएल रहेन। उ पचे यहोवा क मन्दिर मँ कीमती चिजियन क बरे उत्तरदायी रहेन।</verse>
				<verse number="23">दूसर प्रमुख अम्राम, यिसहार, हेब्रोन अउर उज्जीएल क परिवार समूह स चुने गए रहेन।</verse>
				<verse number="24">सबूएल यहोवा क मन्दिर मँ चिजियन क रच्छा क उत्तरदायी प्रमुख रहा। सबूएल गेर्सोम क पूत रहा। गेर्सोम मूसा क पूत रहा।</verse>
				<verse number="25">इ सबइ सबूएल क सम्बंधी रहेन: एलीआज़ार स ओकर सम्बंधी रहेन: एलीआज़ार क पूत रहब्याह, रहब्याह क पूत यसायाह, यसायाह क पूत योराम, योराम क पूत जिवी अउर जिवी क पूत सलोमोत।</verse>
				<verse number="26">सलोमोत अउर ओकर सम्बंधी ओन सब चिजियन क बरे उत्तरदायी रहेन जेका दाऊद मन्दिर क बरे एकट्ठा किहे रहा। सेना क अधिकारियन भी मन्दिर क बरे चिजियन दिहन।</verse>
				<verse number="27">उ पचे जुद्धन मँ लीन्ह गइ चिजियन मँ स कछू चिजियन दिहेन। उ पचे यहोवा क मन्दिर क मरम्मत करइ बरे उ सबइ चिजियन दिहन।</verse>
				<verse number="28">सलोमोत अउर ओकर सम्बंधी दर्सी समूएल, कीस क पूत साऊल, नेर क पूत अबनेर, सरूयाह क पूत योआब क जरिये दीन्ह गइ पवित्तर चिजियन क भी रच्छा करत रहेन। सलोमोत अउ ओकर सम्बंधी लोगन क जरिये, यहोवा क दीन्ह गइ सबहिं पवित्तर चिजियन क रच्छा करत रहेन।</verse>
				<verse number="29">कनन्याह यिसहार परिवार क रहा। कनन्याह अउर ओकर पूत मन्दिर क बाहेर काम करत रहेन। उ पचे इस्राएल क विभिन्न जगहन पइ अधिकारी अउ निआवधीस क कार्य करत रहेन।</verse>
				<verse number="30">हसब्याह हेब्रोन परिवार स रहा। हसब्याह अउर ओकर सम्बंधी यरदन नदी क पच्छिम मँ इस्राएल क राजा दाऊद क कामन अउर यहोवा क सबहिं कामन क बरे उत्तरदायी रहेन। हसब्याह क समूह मँ एक हजार सात सौ सक्तीसाली मनई रहेन।</verse>
				<verse number="31">हेब्रोन क परिवार समूह इ बात पइ प्रकास डावत ह कि यरिय्याह ओनकर प्रमुख रहा। जब दाऊद चालीस बरिस तलक राजा रह चुका, तउ उ अपने लोगन क परिवार क इतिहासन स सक्तीसाली अउर वुसल मनइयन क खोज क आदेस दिहस। ओनमाँ स कछू हेब्रोन परिवार मँ मिलेन जउन गिलाद क याजार नगर मँ रहत रहेन।</verse>
				<verse number="32">यरिय्याह क लगे दुइ हजार सात सौ सम्बंधी रहेन जउन सक्तीसाली मनईयन रहेन अउर परिवारन क प्रमुख रहेन। दाऊद ओन दुइ हजार सात सौ सम्बंधियन क रूबेन, गाद अउ आधे मनस्से क परिवार क संचालन अउर यहोवा अउ राजा क कार्य क जिम्मेदारी सौंपेस।</verse>
			</chapter>
			<chapter number="27">
				<verse number="1">इ ओन इस्राएली लोगन क सूची अहइ जउन रजा क सेना मँ सेवा करत रहेन। हर एक समूह हर बरिस एक महीने अपने काम पइ रहत रहा। ओहमाँ परिवारन क सासक, नायक, सेनाध्यच्छ अउर अधिकारी लोग रहेन जउन राजा क सेवा करत रहेन। हर एक सेना क समूह मँ चौबीस हजार मनईयन रहेन।</verse>
				<verse number="2">जबदीएल क पूत यासोबाम पहिले महीने बरे पहिले समूह क अधीच्छक रहा। यासोबाम क समूह मँ चौबीस हजार मनइयन रहेन।</verse>
				<verse number="3">यासोबाम पेरेस क सन्तानन मँ स एक रहा। यसोबाम पहिले महीने क फउजी अधिकारियन क प्रमुख रहा।</verse>
				<verse number="4">दोदै दूसरे महीने बरे सेना समूह क अधिच्छक रहा। उ ओहोही स रहा। दोदै क समूह मँ चौबीस हजार मनई रहेन।</verse>
				<verse number="5">यहोयादा क पूत बनायाह तीसरा सेनापति रहा। बनायाह तीसरे महीने क सेनापति रहा। यहोयादा प्रमुख याजक रहा। बनायाह क समूह मँ चौबीस हजार मनइयन रहेन।</verse>
				<verse number="6">इ उहइ बनायाह रहा जउन तीस बीरन मँ स एक ठू वीर फउजी रहा। बनायाह ओन मनइयन क संचालन करत रहा। बनायाह क पूत अम्मीजाबाद बनायाह क समूह क अधीच्छक रहा।</verse>
				<verse number="7">चउथा सेनापति असाहेल रहा। असाहेल चउथे महीने क सेनापति रहा असाहेल योआब क भाई रहा। पाछे, असाहेल क पूत जबद्याह ओकर जगह सेनापति क रूप मँ लिहस। असाहेल क समूह मँ चौबीस हजार मनई रहेन।</verse>
				<verse number="8">पाँचवाँ सेनापति सम्हूत रहा, सम्हूत पाँचवें महीने क सेनापति रहा। सम्हूत यिज्राही क परिवार स रहा। सम्हूत क समूह मँ चौबीस हजार मनई रहेन।</verse>
				<verse number="9">छठा सेनापति ईरा रहा। ईरा छठवें महीने क सेनापति रहा। ईरा इक्केस क पूत रहा। इक्केस तकोई नगर स रहा। ईरा क समूह मँ चौबीस हजार मनई रहेन।</verse>
				<verse number="10">सातवाँ सेनापति हेलेस रहा। हेलेस सातवें महीने क सेनापति रहा। उ पेलोनी लोगन स रहा अउर एप्रैम क सन्तान रहा। हेलेस क समूह मँ चौबीस हजार मनई रहेन।</verse>
				<verse number="11">सिब्बकै आठवाँ सेनापति रहा। सिब्बकै आठवें महीने क सेनापति रहा। सिब्बकै हूस स रहा। सिब्बकै जेरह परिवार क रहा। सिब्बकै क समूह मँ चौबीस हजार मनई रहेन।</verse>
				<verse number="12">नवाँ सेनापति अबीएजेर रहा। अबीएजेर नवें महीने क सेनापति रहा। अबीएजेर अनातोत नगर स रहा। अबीएजेर बिन्यामीन क परिवार समूह क रहा। अबीएजेर क समूह मँ चौबीस हजार मनई रहेन।</verse>
				<verse number="13">दसवाँ सेनापति महरै रहा। महरै दसवें महीने क सेनापति रहा। महरै नतोप स रहा। उ जेरह परिवार क रहा। महरै क समूह मँ चौबीस हजार मनई रहेन।</verse>
				<verse number="14">गियारहवाँ सेनापति बनायाह रहा। बनायाह गियारहवें महीने क सेनापति रहा। बनायाह पिरातोन स रहा। बनायाह एप्रैम क परिवार समूह क रहा। बनायाह क समूह मँ चौबीस हजार मनई रहेन।</verse>
				<verse number="15">बारहवाँ सेनापति हेल्दै रहा। हेल्दै बारहवें महीने क सेनापति रहा। हेलदे, नपोत स रहा। हेल्दै ओत्नीएल क परिवार क रहा। हेल्दै क समूह मँ चौबीस हजार मनई रहेन।</verse>
				<verse number="16">इस्राएल क परिवार समूहन क प्रमुख इ सबइ रहेन: रूबेन: जिक्री क पूत रहा एलीआजर। सिमोन: माका क पूत सपत्याह।</verse>
				<verse number="17">लेवी: समूएल क पूत हसब्याह। हारून: सादोक।</verse>
				<verse number="18">यहूदा: एलीहू (एलीहू दाऊद क भाइयन मँ स एक रहा।) इस्साकार: मीकाएल क पूत ओम्नी।</verse>
				<verse number="19">जबूलून: ओबद्याह क पूत यिसमायाह, नप्ताली: अज्रीएल क पूत यरीमोत।</verse>
				<verse number="20">एप्रैम: अजज्याह क पूत होसे। पच्छिमी मनस्से: फ़दायाह क पूत योएल।</verse>
				<verse number="21">पूर्वी मनस्से: जकार्याह क पूत इद्दो। बिन्यामीन: अब्नेर क पूत यासीएल।</verse>
				<verse number="22">दान: यारोहाम क पूत अजरेल। उ सबइ इस्राएल क परिवार समूह क प्रमुख रहेन।</verse>
				<verse number="23">दाऊद इस्राएली क मनइयन क गणना क निहचइ किहस। हुवाँ बहोत लोग रहेन काहेकि परमेस्सर इस्राएल क लोगन क आसमान क तारन क बराबर बनावइ क प्रतिग्या किहस। एह बरे दाऊद सिरिफ बीस बरिस अउर ओहसे ऊपर क मनइयन क गणना किहस।</verse>
				<verse number="24">सरूयाह क पूत योआब लोगन क गनब सुरू किहस। मुला उ गणना क पूरा नाहीं किहस। परमेस्सर इस्राएल क लोगन पइ कोहाइ गवा। इहइ कारण अहइ कि लोगन क गिनती राजा दाऊद क इतिहास क किताबे मँ नाहीं लिखी गइ।</verse>
				<verse number="25">इ ओन मनइयन क सूची अहइ जउन राजा क सम्पत्ति बरे उत्तरदायी रहेन: अदीएल क पूत अजमावेत राजा भण्डारन क अधीच्छक रहा। उज्जिय्याह क पूत यहोनातान नान्ह नगरन क भण्डारन, गाँव, खेतन, अउ मीनारन क अधीच्छक रहा।</verse>
				<verse number="26">कलूब क पूत एज़्री खेत मँ काम करइवालन क अधीच्छक रहा।</verse>
				<verse number="27">सिमी अंगूर क खेतन क अधीच्छक रहा। सिमी रामा नगर क रहा। जब्दी अंगूर क खेतन स आवइवाली दाखरस क देखरेख अउ भंडारण करइ क अधीच्छक रहा। जब्दी सापाम क रहा।</verse>
				<verse number="28">बाल्हानान पच्छिमी पहाड़ी पहँटा मँ जइतून अउर अंजीर क बृच्छन क अधीच्छक रहा। बाल्हानान गदेर क रहा। योआस जइतून क तले क भंडारण क अधीच्छक रहा।</verse>
				<verse number="29">सित्रै सारोन छेत्र मँ पसुअन क अधीच्छक रहा। सित्रै सारोन छेत्र क रहा। अदलै क पूत सापात घाटियन मँ पसुअन क अधीच्छक रहा।</verse>
				<verse number="30">ओबील ऊँटन क अधीच्छक रहा। ओबील इस्माएली रहा। येहदयाह गदहन क अधीच्छक रहा। येहदयाह एक मरोनेतवासी रहा।</verse>
				<verse number="31">याजीज भेड़िन क अधीच्छक रहा। याजीज हग्री लोगन मँ स रहा। इ सबइ सबहिं मनई उ सबइ प्रमुख रहेन जउन दाऊद क सम्पत्ति क देखभाल करत रहेन।</verse>
				<verse number="32">योनातान एक ठू बुद्धिमान सलाहकार अउर सास्त्री रहा। योनातान दाऊद क चाचा रहा। हक्मोन क पूत एलीएल राजा क पूतन क देखभाल करत रहा।</verse>
				<verse number="33">अहीतोपेल राजा क सलाहकार रहा। हूसै राजा क मीत रहा। हूसै एरेकी लोगन मँ स रहा।</verse>
				<verse number="34">पाछे यहोयदा अउर एब्यातार राजा क सलाहकार क रूप मँ अहीतोपेल क जगह लिहस। यहोयादा बनायाह क पूत रहा। योआब राजा क सेना क सेनापति रहा।</verse>
			</chapter>
			<chapter number="28">
				<verse number="1">दाऊद इस्राएल क सबहिं प्रमुखन क एकट्ठा किहस। उ सबइ प्रमुखन क यरूसलेम आवइ क हुकुम दिहस। दाऊद परिवार समूहन क हरेक प्रमुखन, राजा क सेवा करइवाली सेना क टुक्रड़िन क सेनापतियन, सेनाध्यच्छन अउर अधिकारीयन जउन राजा अउ ओनके पूतन क जनावरन अउ सम्पत्ति क देखरेख करत रहेन, राजा क महत्त्वपूर्ण अधिकारियन, सक्तीसाली बीरन अउर सबहिं बीर जोधन क बोलाएस।</verse>
				<verse number="2">राजा दाऊद खड़ा भवा अउर कहेस, “मोर भाइयो अउर मोरे लोगो, मोरे बात सुना। मइँ अपने हिरदइ स यहोवा क करार क सन्दूख क रखइ बरे एक जगह बनावइ चाहत हउँ। मइँ एक अइसी जगह बनावइ चाहत हउँ जउन परमेस्सर क पद पीठ बन सकइ अउर मइँ परमेस्सर बरे एक ठू मन्दिर बनावाइ क जोजना बनाएउँ।</verse>
				<verse number="3">मुला परमेस्सर मोहसे कहेस, ‘नाहीं दाऊद, तोहका मोरे नाउँ बरे मन्दिर नाहीं बनावइ चाही। तोहका इ नाहीं करइ चाही काहेकि तू एक जोधा अहा अउर तू बहोत स मनइयन क मार्या ह।’</verse>
				<verse number="4">“यहोवा इस्राएल क परमेस्सर इस्राएल क परिवार समूहन क अगुवाई करइ क बरे यहूदा क परिवार समूह क चुनेस। तब उ परिवार समूहस मँ स, यहोवा मोरे पिता क परिवार क चुनेस अउर उ परिवार स परमेस्सर मोका सदा बरे इस्राएल क राज चुनेस। परमेस्सर मोका इस्राएल क राजा बनावइ चाहत रहा।</verse>
				<verse number="5">यहोवा मोका बहोत स पूत दिहेस ह अउर ओन सारे पूतन मँ स, सुलैमान क यहोवा इस्राएल क नवा राजा चुनेस। परन्तु इस्राएल फुरइ यहोवा क राज्ज अहइ।</verse>
				<verse number="6">यहोवा मोहसे कहेस, ‘दाऊद, तोहार पूत सुलैमान मोर मन्दिर अउर एकरे चारिहुँ कइँती क पहँटा बनाई, काहेकि मइँ सुलैमान क आपन पूत चुनेउँ ह अउर मइँ ओकर बाप रहब।</verse>
				<verse number="7">जदि सुलैमान मोर विधियन अउर नेमन पालन करत रहत ह जइसा कि आज करत ह। तउ मइँ ओकर राज्ज क सदा क बरे सक्तीसाली बनाइ देबउँ।’”</verse>
				<verse number="8">दाऊद कहेस, “अब, सबहिं इस्राएलियन अउ परमेस्सर क समन्वा मइँ तोहसे इ सबइ बातन कहत हउँ: यहोवा अपने परमेस्सर क सबहिं आदेसन क मानइ मँ सावधान रहा। तब तू इ अच्छे देस क अपने लगे रख सकत ह अउर तू सदा क बरे एका अपने सन्तानन क दइ सकत ह।</verse>
				<verse number="9">“अउर मोरे पूत सुलैमान, तू, अपने बाप क परमेस्सर क जानत अहा। समूचइ हिरदइ अउ इच्छा स परमेस्सर क सेवा करा। काहेकि यहोवा परखत ह कि हर एक क हिरदइ मँ का बाटइ। हर बात जउन सोचत ह यहोवा जानत ह। जदि तू यहोवा क लगे मदद क बरे जाब्या, तउ तोहका उ मिली। किन्तु जदि ओका तजत ह, तउ उ तोहका सदा क बरे तजि देइ।</verse>
				<verse number="10">सुलैमान, तोहका इ समुझइ चाही कि यहोवा तोहका आपन पवित्तर मन्दिर बनावइ बरे चुनेस ह। सक्तीसाली बना अउर काम क पूरा करा।”</verse>
				<verse number="11">तब दाऊद अपने पूत सुलैमान क मन्दिर बनावइ बरे जोजनन दिहस। उ सबइ जोजनन मन्दिर क चारिहुँ कइँती ओसारा, अउर एकर भवन, एकर भंडार-कच्छ, एकरे ऊपरी कच्छ, एकरे भीतरी कच्छ अउ दयापीठ क जगह बरे रही।</verse>
				<verse number="12">दाऊद मन्दिर क सबहिं हींसक क बरे जोजनन बनाए रहा। दाऊद ओन जोजनन क सुलैमान क दिहस। दाऊद यहोवा क मन्दिर क चारिहुँ ओर क आँगन अउर एकरे चारहिँ कइँती क कच्छन जोजनन दिहस। दाऊद मन्दिर क भंडारकच्छन अउर ओन भण्डारकच्छन क जोजना दिहस जहाँ उ पचे ओन पवित्तर चिजियन क धरत रहेन जउन मन्दिर मँ काम आवत रहिन।</verse>
				<verse number="13">दाऊद सुलैमान क याजकन अउर लेवीबंसियन क समूहन क बारे मँ बताएस। दाऊद सुलैमान क यहोवा क मन्दिर मँ सेवा करइ क काम क बारे मँ अउर मन्दिर मँ काम आवइवाली चिजियन क बारे मँ बताएस।</verse>
				<verse number="14">दाऊद सुलैमान क बताएस कि मन्दिर मँ काम आवइवाली चिजियन क बनावइ मँ केतना सोना अउ चाँदी लागइ चाही।</verse>
				<verse number="15">सोना क दीपकन अउ दीपाधारन क जोजनन रहिन अउर चाँदी क दीपकन अउर दीपाधारन क जोजनन रहिन। दाऊद बताएस कि हर एक दीपधार अउ ओकरे दीपक बरे केतना सोना या चाँदी क उपयोग कीन्ह जाइ। बिभिन्न दीपधार, जहाँ जरूरत रही, उपयोग मँ आवइवाले रहेन।</verse>
				<verse number="16">दाऊद बताएस कि पवित्तर रोटी क बरे काम मँ आवइवाली हर एक मेज क बरे केतना सोना काम मँ आइ। दाऊद बताएस कि चाँदी क मेजन बरे केतनी चाँदी काम मँ आई।</verse>
				<verse number="17">दाऊद बताएस कि केतना सुद्ध सोना, काँटन, छिछकारइ क चिलमची अउर कलसा बनाइ मँ लागी। दाऊद बताएस कि हर एक तस्तरी मँ केतनी चाँदी लागी।</verse>
				<verse number="18">दाऊद बताएस कि सुगन्धि क वेदी बरे केतना सुद्ध सोना लागी। दाऊद सुलैमान क परमेस्सर क रथ, यहोवा क करार क सन्दूख क ऊपर अपने पखनन क फइलास सोना क करूब सरगदूत क संग दयापीठ क जोजना भी दिहेस।</verse>
				<verse number="19">दाऊद कहेस, “इ सबइ जोजना यहोवा स मिले निर्देसन क अनुसार लिखा ग रहेन अहइँ। यहोवा जोजना क हर एक भाग समुझइ मँ मोका मदद दिहस।”</verse>
				<verse number="20">दाऊद अपने पूत सुलैमान स इ भी कहेस, “दृढ़ अउर बीर बना अउर इ काम क पूरा करा। डेराअ जिन, काहेकि यहोवा, मोर परमेस्सर तोहरे संग अहइ। उ तोहार मदद तब तलक करी जब तलक तोहार इ काम पूरा नाहीं होइ जात। उ तोहका छोड़ी नाहीं। तू यहोवा क मन्दिर बनाउब्या।</verse>
				<verse number="21">परमेस्सर क मन्दिर क सबहिँ काम करइ बरे याजकन अउ लेवीबंसियन क समूह तइयार अहइँ। सबहिं काम न मँ तोहका मदद देइ बरे कुसल कारीगर तइयार अहइँ जउन भी तू आदेस देब्या ओकर पालन अधिकारी अउर सबहिं लोग करिहीं।”</verse>
			</chapter>
			<chapter number="29">
				<verse number="1">राजा दाऊद हुवाँ एक संग बटुरे इस्राएल क सबहिं लोगन स कहेस, “परमेस्सर मोरे पूत सुलैमान क चुनेस। सुलैमान बालक अहइ अउर उ ओन सब बातन क नाहीं जानत जेनकर जरूरत ओका इ काम क करइ बरे अहइ। किन्तु काम बहोत महत्वपूर्ण अहइ। इ भवन लोगन क बरे नाहीं अहइ अपितु यहोवा परमेस्सर क बरे अहइ।</verse>
				<verse number="2">मइँ आपन पूरी सक्ती स परमेस्सर क मन्दिर बनावइ क चिजियन क प्रबंध किहेउँ ह। मइँ सोना स बनइवाली चिजियन बरे सोना दिहेउँ ह। मइँ चाँदी स बनइवाली चिजियन क बरे चाँदी दिहेउँ ह। मइँ काँसा स बनइवाली चिजियन क बरे काँसा दिहेउँ ह। मइँ लोहा स बनइवाली चिजियन क बरे लोहा दिहेउँ ह। मइँ काठे स बनइवाली चिजियन क बरे काठ दिहेउँ ह। मइँ नीलमणि, रतनजटित फकनन क बरे बिभिन्न रंग क सबहिं प्रकार क कीमती रतन अउ सफेद संगमरमर भी दिहउँ ह। मइँ यहोवा क मन्दिर क बनावइ बरे इ सबइ चिजियन बहोत जियादा संख्याँ मँ दिहेउँ ह।</verse>
				<verse number="3">मइँ अपने परमेस्सर क मन्दिर बरे सोना अउ चाँदी क एक बिसेस भेंट देत अहइँ। मइँ इ एह बरे करत हउँ कि मइँ फुरइ अपने परमेस्सर क मन्दिर क बनावइ चाहत हउँ। मइँ इ पवित्तर मन्दिर क बनावइ बरे एन सब चिजियन क देत हउँ।</verse>
				<verse number="4">मइँ ओपीर स एक सौ दस टन सुद्ध सोना दिहेउँ ह। मइँ दुई सौ साठ टन सुद्ध चाँदी दिहेउँ ह। चाँदी मन्दिर क भवनन क देवारन क ऊपर मढ़इ बरे अहइ।</verse>
				<verse number="5">मइँ सोना अउ चाँदी ओन सब चिजियन बरे दिहेउँ ह जउन सोना अउर चाँदी क बनी होत हीं। मइँ सोना अउ चाँदी दिहेउँ ह जेनसे कुसल कारीगर मन्दिर क बरे सबहिं विभिन्न तरह क चिजियन बनाइ सकइँ। अब आप लोगन मँ स केतने आजु यहोवा क काम बरे योगदान देइ बरे तइयार अहइँ?”</verse>
				<verse number="6">परिवारन क प्रमुख, इस्राएल क परिवार समूहन क प्रमुख, उच्च अधिकारियन, कप्तान लोगन अउर राजा क काम करइ क बरे जिम्मेदार अधिकारी सबहिं तइयार रहेन अउर उ पचे कीमती चिजियन दिहन।</verse>
				<verse number="7">इ सबइ उ सब चिजियन अहइँ जउन उ पचे परमेस्सर क घर क बरे दिहन: एक सौ नब्बे टन सोना, तीन सौ पचहत्तर टन ऐ चाँदी, छ: सौ पचहत्तर टन ऐ काँसा; तीन हजार सात सौ पचास टन ऐ लोहा;</verse>
				<verse number="8">जउने लोगन क लगे कीमती रतन रहेन, उ पचे एका यहोवा क मन्दिर क खज़ाना मँ जउन यहीएल क सुरच्छा मँ रहेन, दिहेन। यहीएल गेर्सोन क परिवार स रहा।</verse>
				<verse number="9">लोग बहोत खुस रहेन। काहेकि ओनकर प्रमुख ओतना जियादा देइ मँ खुस रहेन। प्रमुख स्वतंत्रता पूर्वक खुले दिल स देइ मँ खुस रहेन। राजा दाऊद भी बहोत खुस रहा।</verse>
				<verse number="10">तब दाऊद ओन लोगन क समन्वा, जउन हुवाँ एक संग बटुरे रहेन, यहोवा क बड़कई किहन। दाऊद कहेस: “यहोवा इस्राएल क परमेस्सर, हमार बाप, सदा-सदा बरे तोहार स्तुति होइ।</verse>
				<verse number="11">महानता, सक्ती, यस बिजइ अउर प्रतिस्ठा तोहार अहइ। काहेकि हर एक चीज धरती अउर आसमान क तोहार ही अहइ। हे यहोवा! राज्ज तोहार अहइ: तू हर एक क ऊपर सासक अहा।</verse>
				<verse number="12">सम्पत्ति अउर प्रतिस्ठा तोहसे अवत ह। तोहार सासन हर चीज पइ अहइ। तू सक्ती अउर बल अपने हाथे मँ रखत ह। तोहरे हाथे मँ सक्ती अहइ कि तू कउनो क भी महान अउर सक्तीसाली बानावइ सकत ह।</verse>
				<verse number="13">अब, हमार परमेस्सर हम तोहका धन्यवाद देत अही, अउर हम तोहरे यसस्वी नाउँ क स्तुति करत अही।</verse>
				<verse number="14">इ सबहिं चिजियन ओहसे अउर मोरे लोगन स नाहीं आइ अहइँ। इ सबइ सबहिं चिजियन तोहसे आइन अउर हम तोहका उ सबइ चिजियन दिहेउँ जउन तोहसे आई अहइँ।</verse>
				<verse number="15">हम पचे ठीक अपने पुरखन क नाईं इ संसार मँ तोहरे समन्वा बिदेसी क तरह रहत हउँ। इ धरती पइ हमार समइ बिना उम्मीद क छाया क नाईं गुज़रत अहइ।</verse>
				<verse number="16">हे यहोवा हमार परमेस्सर, हम इ सबइ चिजियन तोहार मन्दिर बनवइ बरे बटोरेन ह। हम लोग तोहार मन्दिर तोहार नाउँ क सम्मान बरे बनाउब। मुला इ सबइ चिजियन तोहसे आई अहइँ अउर हर चीज तोहर अहइ।</verse>
				<verse number="17">मोर परमेस्सर, मइँ इ भी जानत हउँ तू लोगन क हिरदइ क जाँच करत ह, अउर तू खुस होत ह, जदि लोग अच्छे काम करत हीं, मइँ सच्चे हिरदइ स इ सबइ चिजियन देइ मँ खुस रहेउँ। अब मइ तोहरे लोगन क हुवाँ बटुरा लखइ सकत हउँ जउन इ सबइ चिजियन तोहका देइ मँ खुस अहइँ।</verse>
				<verse number="18">हे यहोवा, तू परमेस्सर अहा हमार पुरखा इब्राहीम, इसहाक अउ इस्राएल क। कृपा कइके तू लोगन क मदद सही जोजना बनावइ मँ कइके ओनका तोहरे बरे बिस्सास जोग्ग अउर सच्चा होइ मँ करा।</verse>
				<verse number="19">अउर मोरे पूत सुलैमान क तोहरे बरे सच्चा होइ मँ मदद द्या तोहार कानून, नेमन अउर आदेसन क सर्वदा पालन करी मँ मदद द्या। ओन कामन क करइ मँ सुलैमान क मदद करा अउर उ सानदार महल क बनावइ मँ ओकर मदद करा जेकर जोजना मइँ बनाएउँ ह।”</verse>
				<verse number="20">तब दाऊद हुवाँ एक संग बटुरे सबहिं समूहन क लोगन स कहेस, “अब यहोवा, अपने परमेस्सर क स्तुति करा।” एह बरे सब यहोवा परमेस्सर, उ परमेस्सर क जेकर आराधना ओनकर पुरखन किहेन, स्तुति किहस। उ पचे यहोवा तथा ओकर राजा क सम्मान देइ क बरे धरती पइ माथा टेकिके प्रणाम किहन।</verse>
				<verse number="21">अगले दिन लोगन यहोवा क बलि भेंट किहन। उ पचे यहोवा क होमबलि भेंट किहेन। उ पचे एक हजार बैल, एक हजार भेड़न एक हजार मेमनन भेंट क रूप मँ दिहन अउर उ पचे पेयबलि भी भेंट किहेन। इस्राएल क सबइ लोगन बरे हुवाँ अनेक बलिदान दिए गएन।</verse>
				<verse number="22">उ दिन लोग खाएन अउर पीएन अउर यहोवा हुवाँ ओनके संग रहा उ पचे बहोत खुस रहेन। अउर पचे दाऊद क पूत सुलैमान क दूसरी दाईं राजा बनाएन। उ पचे सादोक क अभिसेक राजा क रूप मँ किहन अउर उ पचे सादोक क अभिसेक याजक बनवावइ बरे किहन। उ पचे इ उ जगह पइ किहन जहाँ यहोवा रहा।</verse>
				<verse number="23">तब सुलैमान राजा क रूप मँ यहोवा क सिंहासन पइ बइठा सुलैमान अपने बाप क जगह लिहस। सुलैमान बहोत सफल रहा। इस्राएल क सबहिं लोगन सुलैमान क आदेस मानत रहेन।</verse>
				<verse number="24">सबहिं प्रमुख, फउजी अउर राजा दाऊद क सबहिं पूतन सुलैमान क राजा क रूप मँ स्वीकार किहन अउर ओकरी आग्या क पालन किहन।</verse>
				<verse number="25">यहोवा सुलैमान क बहोत महान बनाएस। इस्राएल क सबहिं लोग जानत रहेन कि यहोवा सुलैमान क महान बनावत अहइ। यहोवा सुलैमान क उ सम्मान दिहस जउन एक राजा क मिलइ चाही। यहोवा सुलैमान क साही प्रताप दिहेस जउन पहिले इस्राएल क कउनो राजा क नाहीं मिला।</verse>
				<verse number="26">यिसै क पूत दाऊद पूरे इस्राएल पइ चालीस बरिस तलक राजा रहा। दाऊद हेब्रोन नगर मँ सात बरिस तलक राजा रहा। तब दाऊद यरूसलेम मँ तैंतीस बरिस तलक राजा रहा।</verse>
				<verse number="27"></verse>
				<verse number="28">दाऊद तब मरा जब उ बूढ़ा रहा। दाऊद एक नीक लम्बी जिन्नगी बिताएस। दाऊद क लगे बहोत सम्पत्ति अउ प्रतिस्ठा रही अउर दाऊद क पूत सुलैमान ओकरे पाछे राजा बना।</verse>
				<verse number="29">उ सबइ कार्य, जउन सुरू स लइके आखिर तलक दाऊद किहस, समूएल दर्सी क रचना मँ अउर नातान नबी क रचना मँ अउ गाद दर्सी क रचना मँ लिखे गएन ह।</verse>
				<verse number="30">उ सबइ रचना इस्राएल क राजा क रूप मँ दाऊद जउन काम किहेस ओन सब क सूचना देत ह। उ सबइ दाऊद क सक्ती अउर ओकरे संग जउन घटा, ओकरे बिसय मँ भी बतावत हीं, अउर उ सबइ इस्राएल अउ ओकरे चारिहुँ कइँती क राज्जन मँ जउन भवा, ओकरे बारे मँ बतावत ह।</verse>
			</chapter>
		</book>
		<book number="14">
			<chapter number="1">
				<verse number="1">सुलैमान एक बहोत सक्तीसाली राजा बन गवा काहेकि यहोवा ओकरे परमेस्सर, ओकर संग रहा। यहोवा सुलैमान क बहोत जियादा महान बनाएस।</verse>
				<verse number="2">सुलैमान इस्राएल क सबहिं लोगन स बातन किहस। उ सेना क सेनापतियन, सहस्रपतियन, निआवअधीसन, इस्राएल क सबहिं नेता लोगन अउर परिवारन क प्रमुखन स बातन किहस।</verse>
				<verse number="3">तब सुलैमान अउर सबहिं लोग ओकरे संग बटुरेन अउ उ ऊँच जगह क गएन जउन गिबोन नगर मँ रहा। परमेस्सर क मिलाप क तम्बू हुवाँ रहा। यहोवा क सेवक मूसा ओका तब बनाए रहा जब उ अउर इस्राएल क लोग रेगिस्ताने मँ रहेन।</verse>
				<verse number="4">दाऊद परमेस्सर क करार क सन्दूख क किर्यत्यारीम स यरूसलेम तलक लिआवा रहा। दाऊद यरूसलेम मँ एका रखइ बरे एक ठु जगह बनाए रहा। दाऊद यरूसलेम मँ करार क सन्दूख बरे एक तम्बू लगाइ दिहे रहा।</verse>
				<verse number="5">हूर क पूत ऊरी अउर ऊरी क पूत बसलेल एक काँसे क वेदी बनाए रहा। उ काँसे क वेदी गिबोन मँ पवित्तर तम्बू क समन्वा रही। एह बरे सुलैमान अउर उ सबइ लोग यहोवा स राय लेइ गिबोन गएन।</verse>
				<verse number="6">मिलाप क तम्बू मँ यहोवा क समन्वा काँसे क वेदी तलक सुलैमान गवा। सुलैमान एक हजार होमबलि वेदी पइ चढ़ाएस।</verse>
				<verse number="7">उ राति परमेस्सर सुलैमान क लगे आवा। परमेस्सर कहेस, “सुलैमान, मोहसे तू उ माँगा जउन कछू तू चाहत अहा कि मइँ तोहका देउँ।”</verse>
				<verse number="8">सुलैमान परमेस्सर स कहेस, “तू मोरे दाऊद क बरे बहोत कृपालु अहा। तू मोका, मोरे बाप क जगह पइ नवा राजा होइ बरे चुन्या ह।</verse>
				<verse number="9">यहोवा परमेस्सर, अब, तू जउन बचन मोरे पिता दाऊद क दिहा ह ओका बना रहइ द्या। तू मोका अइसी प्रजा क राजा बनाया, जउन पृथ्वी क रेत कणन क नाईं अनगिनत अहइँ।</verse>
				<verse number="10">तू मोका बुद्धि अउ गियान द्या। ताकि मइँ एन लोगन क सही रहा पइ लइ चल सकब। कउनो भी मनई तोहरी मदद क बिना तोहार ऍन महान लोगन पइ हुकूमत नाहीं कइ सकत ह।”</verse>
				<verse number="11">परमेस्सर सुलैमान स कहेस, “तोहार रूख बिल्कुल ठीक अहइँ। तू धन या सम्पत्ति या सम्मान नाहीं माँग्या ह। तू इ भी नाहीं माँग्या ह कि तोहार दुस्मन मरि जाइँ। तू लम्बी उमिर भी नाहीं माँग्या ह। किन्तु तू अपने बरे बुद्धि अउ गियान मँग्या ह जेहसे तू मोर प्रजा क सम्बन्ध मँ बुद्धिमानी स निर्णय लइ सका, जेकर मइँ तोहका राजा बनाएउँ ह।</verse>
				<verse number="12">एह बरे मइँ तोहका बुद्धि अउ गियान देब। मइँ तोहका धन, बैभव अउर सम्मान भी देब। तोहरे पहिले होइवाले राजा लोगन क लगे एतना धन अउर सम्मान कबहुँ नाहीं रहा अउर तोहरे पाछे होइवाले राजा लोगन क लगे भी ऍतना धन अउर सम्मान नाहीं होइ।”</verse>
				<verse number="13">तउ सुलैमान गिबोन क आराधना क जगह मँ गवा। जब सुलैमान उ मिलापवाले तम्बू क छोड़ेस अउ यरूसलेम लउट गवा अउ इस्राएल पइ राज्ज करइ लाग।</verse>
				<verse number="14">सुलैमान घोड़न अउ रथ अपनी फउज क बरे एकट्ठा करब सुरू किहेस। सुलैमान क लगे एक हजार चार सौ रथ अउर बारह हजार घोड़सवार रहेन। सुलैमान ओनका रथ नगरन मँ रखेस। सुलैमान यरूसलेम मँ भी ओनमाँ स कछू क रखेस, अर्थात हुवाँ जहाँ राजा क निवास रहा।</verse>
				<verse number="15">सुलैमान यरूसलेम मँ बहोत सी चाँदी अउ सोना एकट्ठा किहस। उ ऍतना अधिक चाँदी अउ सोना एकट्ठा किहस कि उ चट्टानन स सामान्य होइ गवा। सुलैमान देवदारु क ऍतना लकड़ी बटोरेस कि उ पच्छिमी पहाड़ प्रदेस क गूलर क बृच्छ क नाई सामान्य होइ गइ।</verse>
				<verse number="16">सुलैमान, मिस्र अउर कुए स घोड़न मँगाएस। राजा क बइपारियन घोड़न कुए स बेसहेन।</verse>
				<verse number="17">सुलैमान क बइपारियन मिस्र स एक रथ चाँदी क छ: सौ सेकेल मँ अउर घोड़ा चाँदी क एक सौ पचास सेकेल मँ बेसहेन। तब बइपारियन घोड़न अउर रथन क हित्ती लोगन क राजा लोगन तथा अराम क राजा लोगन क हाथ बेच दिहस।</verse>
			</chapter>
			<chapter number="2">
				<verse number="1">सुलैमान यहोवा क नाउँ क प्रतिस्ठा क बरे एक मन्दिर अउर अपने बरे एक राजमहल बनावइ क निहचइ किहस।</verse>
				<verse number="2">सुलैमान सत्तर हजार बोझ ढोवइया अउर पहाड़ी पहँटा मँ पाथर खनइ बरे अस्सी हजार मनइयन क चुनेस अउर उ तीन हजार छ: सौ मनई मजदूरन क निगरानी बरे चुनेस।</verse>
				<verse number="3">तब सुलैमान हूराम क सँदेसा पठएस। हूराम सोर नगर क राजा रहा। सुलैमान सँदेसा दिहे रहा, “मोका वइसे ही मदद द्या जइसे तू मोरे बाप दाऊद क मदद दिहे रह्या। देवदार क बृच्छन स ओनका काठ पठए रह्या जेहसे उ पचे अपने रहइ क बरे महल बनाइ सके रहेन।</verse>
				<verse number="4">मइँ एक ठु मन्दिर बनाउब अउर ओका यहोवा आपन परमेस्सर क नाउँ क सम्मान देइ बरे अर्पित करब। हम पचे यहोवा क समन्वा सुगन्धित धूप जराब। हम पचे हमेसा पवित्तर रोटी क बिसेस मेज पई भेंट करब। हम पचे हर भिंसारे, हर सांझ, हर सबित क दिन मँ, हर नवा चन्द्र क दिन मँ अउर दूसर त्यौहार मँ जउन यहोवा हमार परमेस्सर हम पचन क मनावइ बरे आदेस दिहे रहा, मँ होमबलि भेंट चढ़ाउब। इ ओकर नेम अहइ जेका इस्राएल क लोगन क सदा पालन करइ चाही।</verse>
				<verse number="5">“जउन मन्दिर मइँ बनाउब उ महान होइ, काहेकि हमार परमेस्सर सबहिं देवतन स बड़ा अहइ।</verse>
				<verse number="6">किन्तु कउनो भी मनई सही अर्थ मँ हमरे परमेस्सर बरे भवन नाहीं बनाइ सकत। सरग हाँ, उच्चतम सरग भी परमेस्सर क अपने भीतर नाहीं रख सकत। मइँ सिरिफ एक जगह परमेस्सर क समन्वा सुगन्धि बारइ बरे बनाइ सकत हउँ।</verse>
				<verse number="7">“अब, मोरे लगे सोना, चाँदी, काँसा अउर लोहा क काम करइ मँ एक ठु कुसल मनई क पठवा। उ मनई क एकर गियान होइचाही कि बैगंनी, लाल अउ नीले ओढ़नन क उपयोग कइसे कीन्ह जात ह। उ मनई क हिआँ यहूदा अउ यरूसलेम मँ मोरे कुसल कारीगरन क संग नक्कासी करब होइ। मोर बाप दाऊद एन कुसल कारीगरन क चुने रहा।</verse>
				<verse number="8">मोरे लगे लबानोन देस स देवदार, चीर अउ चन्दन अउर सनोवर क लकड़ियन भी पठएन। मइँ जानत हउँ कि तोहार सेवक लबानोन स बृच्छन क काटइ मँ अनुभवी अहइँ। मोर सेवक तोहरे सेवकन क मदद करिहीं।</verse>
				<verse number="9">काहेकि मोका प्रचुर मात्रा मँ इमारती लकड़ी चाही। जउन मन्दिर मइँ बनावइ जात अहउँ उ बिसाल अउ अद्भुत होइ।</verse>
				<verse number="10">मइँ एक लाख पचीस हजार बुसल गेहूँ अउर एक लाख पचीस हजार बुसल जौ, एक लाख पन्द्रह हजार गैलन दाखरस अउर एक लाख पन्द्रह हजार गैलन तेल तोहरे ओन सेवकन क बरे दिहेउँ ह जउन इमारती लकड़ी बरे बृच्छन क काटत हीं।”</verse>
				<verse number="11">तब सोर क राजा हूराम सुलैमान क जवाब दिहस। उ सुलैमान क एक ठु पत्र पठएस। पत्र मँ इ कहा गवा रहा: “सुलैमान, यहोवा अपने लोगन स पिरेम करत ह। इहइ कारण अहइ कि उ तोहका ओनकर राजा चुनेस।”</verse>
				<verse number="12">हूराम इ भी कहेस, “इस्राएल क यहोवा, परमेस्सर क बड़कई करा। उ धरती अउ अकास बनाएस। उ राजा दाऊद क बुद्धिमान पूत दिहस। सुलैमान, तोहका बुद्धि अउर समुझ दिहस ह। तू एक ठु मन्दिर यहोवा बरे बनावत अहा। तू अपने बरे भी एक राजमहल बनावत अहा।</verse>
				<verse number="13">मइँ तोहरे लगे एक ठु कुसल कारीगर पठउब। ओका बिभिन्न प्रकार क बहोत सी कलन क जानकारी अहइ। ओकर नाउँ हूराम-अबी अहइ।</verse>
				<verse number="14">ओकर महतारी दान क परिवार समूह क रही अउर ओकर बाप सोर नगर क रहा। हूराम-अबी सोना, चाँदी, काँसा, लोहा, पाथर अउ काठे क काम मँ कुसल अहइ। उ बैगनी, नीला, लाल ओढ़नन अउ कीमती मलमल ओढ़नन मँ कढ़ाई क काम मँ भी कुसल अहइ। उ हर कउनो डिज़ाईन क जेहका तू देखउब्या, कइ सकत ह। उ तोहरे कुसल कारीगरन क मदद करी अउर तोहरे बाप दाऊद क कुसल कारीगरन क मदद करी।</verse>
				<verse number="15">“तू गेहूँ, जौ, तेल अउर दाखरस पठावइ क जउन बचन दिहे रह्या, ओका पूरा करा अउर उ सबइ चिजियन क मोरे सेवकन क लगे पठइ द्या।</verse>
				<verse number="16">अउर हम लोग लबानोन देस स लकड़ी काटब। हम लोग ओतनि लकड़ी काटब जेतनी तोहका जरुरत अहइ। हम लोग समुद्दर मँ लकड़ी क लट्ठन क बेड़ा क उपयोग जापा नगर तलक लकड़ी पहोंचावइ बरे करब। तब तू लकड़ी क यरूसलेम लइ जाइ सकत ह।”</verse>
				<verse number="17">तब सुलैमान इस्राएल मँ बसइवाले सबहिं बाहरी लोगन क गनवाएस। (इ उ समइ क पाछे भवा जब दाऊद लोगन क गने रहा।) दाऊद, सुलैमान क बाप रहा। ओका 1,53,600 बाहरी लोग मिलेन।</verse>
				<verse number="18">सुलैमान 70,000 बिदेसियन क चिजियन ढोवइ बरे, 80,000 बिदेसियन क पहाड़न मँ पाथर काटइ बरे अउर 3,600 बिदेसियन क पहाड़न मँ पाथर काटइवाले मनईन क निरिच्छक बरे चुनेस।</verse>
			</chapter>
			<chapter number="3">
				<verse number="1">सुलैमान यहोवा क मन्दिर मोरिय्याह पर्वत पइ यरूसलेम मँ बनाउब सुरु किहस। पर्वत मोरिय्याह उ जगह अहइ जहाँ यहोवा सुलैमान क बाप दाऊद क दर्सन दिहे रहा। सुलैमान उहइ जगह पइ मन्दिर बनाएस जेका दाऊद तइयार कइ चुका रहा। उ जगह उ खरिहाने मँ रही जउन ओर्नान क रहा। ओर्नान यबूसी लोगन मँ स एक रहा।</verse>
				<verse number="2">सुलैमान इस्राएल मँ अपनी हुकूमत क चउथे बरिस क दूसरे महीने मँ मन्दिर बनाउब सुरु किहस।</verse>
				<verse number="3">सुलैमान परमेस्सर क मन्दिर क नेवं क निर्माण क बरे जउने माप क उपयोग किहेस, इ उ अहइ: नेंव साठ हाथ लम्बी अउर बीस हाथ चउड़ी रही। सुलैमान पुराने हाथ क माप क ही उपयोग तब किहस जब उ मन्दिर क मापेस।</verse>
				<verse number="4">मन्दिर क सामने क दुआर मण्डप बीस हाथ लम्बा अउर बीस हाथ ऊँच रहा। सुलैमान दुआर मण्डप क भीतरी हींसा क निखालिस सोना स मढ़वाएस</verse>
				<verse number="5">सुलैमान बड़े कमरन क देवार पइ सनोवर लकड़ी क बनी चौकोर सिल्लियन धरेस। तब उ सनोवर क सिल्लियन क निखालिस सोना स मढ़ेस अउर उ निखालिस सोने पइ खजूरे क बृच्छ क चित्र अउ जंजीरन बनाएस।</verse>
				<verse number="6">सुलैमान मन्दिर क सुन्नरता क बरे ओहमाँ बहुमूल्य रतन लगाएस। जउने सोने क उपयोग सुलैमान किहस उ र्पैम स आवा रहा।</verse>
				<verse number="7">सुलैमान मन्दिर क भीतरी भवन क सोना स मढ़ दिहस। सुलैमान छते क कड़ियन चौखटन, देवारन अउर दरवाजन पइ सोना मढ़वाएस। सुलैमान देवारन पइ करूब सरगदूतन क खुदवाएस।</verse>
				<verse number="8">तब सुलैमान सब स जियादा पवित्तर जगहिया बनाएस। सब स जियादा पवित्तर जगहिया बीस हाथ लम्बी अउर बीस हाथ चउड़ी रही। इ ओतनी ही चउड़ी रही जेतना पूरा मन्दिर रहा। सुलैमान सब स जियादा पवित्तर जगहिया क देवारन पइ सोना मढ़वाएस। सोना क वजन लगभग बीस हजार चार सौ किलोग्राम रहा।</verse>
				<verse number="9">सोना क कीलन क वजन पाँच सौ पचहत्तर ग्राम रहा। सुलैमान ऊपरी कमरन क सोना स मढ़वाएस।</verse>
				<verse number="10">सुलैमान दुइ करूब सरगदूत सब स जियादा पवित्तर जगह पइ धरइ बरे बनाएस। कारीगरन करुब सरगदूतन क सोना स मढ़ दिहन।</verse>
				<verse number="11">करूब (सरगदूतन) क हर एक पखना पाँच हाथ लम्बा रहा। पखनन क पूरी लम्बाई बीस हाथ रही। पहिले करूब सरगदूत क एक पखना कमरा क एक कइँती क देवार क छुअत रहा। दूसर पखना दूसरे करूब सरगदूत क पखना क छुअत रहा।</verse>
				<verse number="12">दूसरे करूब सरगदूत क दूसर पखना कमरा क दूसरी कइँती क देवार क छुअत रहा।</verse>
				<verse number="13">करूब सरगदूत क पखना सब मिलाइके बीस हाथ फइले रहेन। करूब सरगदूत भीतर पवित्तर जगह कइँती लखत भए खड़े रहेन।</verse>
				<verse number="14">उ नीला, बैंगनी, लाल अउर कीमती ओढ़नन अउ कीमती सूती ओढ़नन स परदे क बनवाएस। परर्दे पइ करूबन क चित्र काढ़ दिहस।</verse>
				<verse number="15">सुलैमान मन्दिर क समन्वा दुइ खम्भन खड़ा किहस। खम्भन पैंतीस हाथ ऊँच रहेन। दुइनउँ खम्भन क सीर्स हींसा दुइ पाँच हाथ लम्बा रहा।</verse>
				<verse number="16">सुलैमान जंजीरन क हार बनाएस।। उ जंजीरन क खम्भन क सीर्स पइ धरेस। सुलैमान सौ अनार बनाएस अउर ओनका जंजीरन स लटकाएस।</verse>
				<verse number="17">तब सुलैमान मन्दिर क समन्वा खम्भन खड़े किहस। एक खम्भा दाईं कइँती रहा। दूसर खम्भा बाईं कइँती रहा। सुलैमान दाई कइँती क खम्भा क नाउँ “याकीन” अउर बाईं कइँती क खम्भा क नाउँ “बोअज” रखेस।</verse>
			</chapter>
			<chapter number="4">
				<verse number="1">सुलैमान वेदी बनावइ बरे काँसा क उपयोग किहस। उ काँसा क वेदी बीस हाथ लम्बी, बिस हाथ चउड़ी अउर दस हाथ ऊँच रही।</verse>
				<verse number="2">तब सुलैमान टेधरे काँसे क उपयोग एक बिसाल हौज बनावइ क बरे किहस। बिसाल हौज गोल रहा अउर एक सिरे स दूसर सिरे तलक एकर माप दस हाथ रही अउर इ पाँच हाथ ऊँच अउर तीस हाथ घेरे वाला रहा।</verse>
				<verse number="3">बिसाल हौज़ क खाले मँ बर्धन क आकृतियन क दुई कतारन मँ जउन हौज़ क चारिहुँ कइँती दस हाथ ढाँपि लिहेन, बनान गएन। उ सबइ तब ढाले गएन जब हौज़ बनावा ग रहा।</verse>
				<verse number="4">उ बिसाल काँसा क हौज़ बारह बर्धन क बिसाल प्रतिमा पइ स्थित रहा। तीन बर्धन उत्तर कइँती लखत रहेन। तीन बर्धन पच्छिम कइँती लखत रहेन। तीन बर्धन दक्खिन कइँती लखत रहेन। तीन बर्धन पूरब कइँती लखत रहेन। बिसाल काँसा क हौज़ एन बर्धन क ऊपर रहा। सबहिं बर्धन अपने पिछवड़े केन्द्र कइँती रखके खड़ा रहा।</verse>
				<verse number="5">बिसाल काँसा क तलाव चार अंगुल मोटा रहा। बिसाल तलाव क सिरा एक पियाले क सिरे क नाई रहा। सिरा खिली भइ लिली क तरह रहा। एहमाँ छाछठ किलो लीटर आइ सकत रहा।</verse>
				<verse number="6">सुलैमान दस चिलमचियन बनाएस। उ बिसाल काँसे क हौज़ क दाई कइँती पाँच चिलमचियन रखेस अउर सुलैमान काँसा क बिसाल हौज़ क बाईं कइँती पाँच चिलमचियन रखेस। एन चिलमचियन क उपयोग होमबलि बरे चढ़ाई जाइवाली चिजियन क धोवइ बरे होब रहा, किन्तु बिसाल हौज़ क उपयोग बलि चढ़ावइ क पहिले याजकन क नहाइ बरे होब रहा।</verse>
				<verse number="7">सुलैमान क निर्देस क अनुसार सोना क दस डीबट बनाएस अउर ओनका मन्दिर मँ रख दिहस: पाँच दाहिन कइँती अउर पाँच बाईं कइँती।</verse>
				<verse number="8">सुलैमान दस मेजन बनाएस अउर ओनका मन्दिर मँ धरेस। मन्दिर मँ पाँच ठु मेजन दाई रहिन अउर पाँच मेजन बाईं। सुलैमान सौ चोलमचियन बनावइ क बरे सोना क उपयोग किहस।</verse>
				<verse number="9">सुलैमान याजकन बरे आँगन बनाएन, बड़ा आँगन अउर दरवाजन ओकरे बरे बनाएस। उ आँगन मँ खुलइवाले दरवाजन क मढ़इ बरे काँसे क उपयोग किहस।</verse>
				<verse number="10">तब उ बिसाल काँसे क तलाव क मन्दिर क दक्खिन पूरब कइँती दाइँ कइँती रखेस।</verse>
				<verse number="11">हूराम बर्तन, बोल्चन अउर खोरन क बनाएस। तब हूराम परमेस्सर क मन्दिर मँ सुलैमान बरे अपने काम खतम किहेस।</verse>
				<verse number="12">हूराम दुइनउँ खम्भन अउर दुइनउँ खम्भन क सीर्सभाग क दुइनउँ बिसाल खोरन क बनाए रहा। हूराम दुइनउँ खम्भन क सीर्सभाग कि दुइनउँ बिसाल खोरन क ढकइ बरे सजावटी जाल क दुइ सेट भी बनाए रहा। हूराम चार सौ अनार दुई सेट सजावटी जाल बरे बनाएस। (हर एक जाल क बरे अनारन क दुइ पंक्तियन रहिन। दुइनउँ खम्भन क सीर्सभाग पइ बिसाल खोरन जाल स ढके रहेन।) हूराम आधार दण्ड अउ ओनके ऊपर क पियालन क भी बनाएस। हूराम एक बिसाल काँसे क तलाव अउ तलाव क खाले बारह बर्धन बनाएस। हूराम बर्तन, बेल्चन, काँटन अउर सबहिं चिजियन राजा यहोवा क मन्दिर बरे राजा सुलैमान क अनुरोध क अनुसार बनाएस। इ सबइ चिजियन कलई चढ़े काँसे क बनी रहिन।</verse>
				<verse number="13"></verse>
				<verse number="14"></verse>
				<verse number="15"></verse>
				<verse number="16"></verse>
				<verse number="17">राजा सुलैमान पहिले एन चिजियन क माटी क साँचे मँ डारेस। इ सबइ साँचन सुक्कोत अउर सरेदा नगरन क बीच यरदन घाटी मँ बने रहेन।</verse>
				<verse number="18">सुलैमान इ सबइ ऍतनी जियादा तादाद मँ बनाएस कि कउनो मनई उपयोग मँ लाए गए काँसा क तउलइ क जतन नाहीं किहस।</verse>
				<verse number="19">सुलैमान परमेस्सर क मन्दिर बरे भी चिचियन बनाएस। सुलैमान सुनहरी वेदी बनाएस। उ उ सबइ मेजन बनाएस जेन पइ उपस्थिति क रोटियन रखी जात रहिन।</verse>
				<verse number="20">सुलैमान डीबट अउ ओनकर दिया निखालिस सोना क बनाएस। बनी भइ जोजना क मुताबिक डीबटन क पवित्तर जगह क समन्वा भीतर बारब रहा।</verse>
				<verse number="21">सुलैमान फूलन, दीयन अउ चिमटन क बनावइ बरे निखालिस सोना क उपयोग किहस।</verse>
				<verse number="22">सुलैमान झालरन, पियालन, कड़ाहियन अउ धूपदान बनावइ बरे निखालिस सोना क उपयोग किहस। सुलैमान मन्दिर क दरवाजन, सब स जियादा पवित्तर जगह अउर मुख्य बिसाल कच्छ क भीतरी दरवाजन क बनावइ बरे निखालिस सोने क उपयोग किहस।</verse>
			</chapter>
			<chapter number="5">
				<verse number="1">तब सुलैमान यहोवा क मन्दिर क बरे कीन्ह गए सबहिं काम पूरे कइ लिहस। सुलैमान ओन सबहिं चिजियन क लिआएस जउन ओकर बाप दाऊद क मन्दिर बरे दिहे रहा। सुलैमान सोना चाँदी क बनी भइ सबहिं चिजियन अउर सबहिं फर्निचरन (लकड़ी स बना भवा चिजियन) क लिआएन। सुलैमान ओन सबहिं चिजियन क परमेस्सर क मन्दिर क खाजना मँ रखेस।</verse>
				<verse number="2">सुलैमान इस्राएल क सबहिं परिवार समूहन क प्रमुखन अउर परिवारन क एकट्ठा किहेस। उ सबहिं क यरूसलेम मँ बटोरेस। सुलैमान इ एह बरे किहस कि लेवी बंसी यहोवा क करार क सन्दूख क दाऊद क नगर स लाई सकइँ, जउन सिय्योन अहइ।</verse>
				<verse number="3">राजा सुलैमान इस्राएल क सबहिं लोगन क संग महीने क कुटीर क त्यौहार पइ जमा भएस।</verse>
				<verse number="4">जब इस्राएल क सबहिं बुर्जुगन आइ गएन तब लेवीबंसियन करार क सन्दूख क उठाएस।</verse>
				<verse number="5">तब याजक अउर लेवीबंसी करार क सन्दूख क मन्दिर मँ लइ गएन। उ पचे मिलापवाले तम्बू अउ एहमाँ जउन पवित्तर चिजियन रहिन ओनका भी यरूसलेम लइ आएन।</verse>
				<verse number="6">राजा सुलैमान अउ इस्राएल क सबहिं लोग करार क सन्दूख क समन्वा मिलेन। राजा सुलैमान अउ इस्राएल क सबहिं लोग भेड़िन अउ बर्धन क बलि चढ़ाएन। हुवाँ ऍतने जियादा भेड़न अउ बर्धन रहेन कि कउनो मनई ओनका गन नाहीं सकत रहा।</verse>
				<verse number="7">तब याजकन यहोवा क करार क सन्दूख क उ जगह पइ रखेन, जउन एकरे बरे तइयार कीन्ह गवा रहा। उ सब स जियादा पवित्तर जगह मन्दिरे क भीतर रही। करार क सन्दूख क करूब सरगदूत क पखनन क खाले धरा गवा।</verse>
				<verse number="8">करार क सन्दूख क जगह क ऊपर करूब सरगदूतन क पखनन फइले भए रहेन, करूब सरगदूत करार क सन्दूखे क ऊपर अउर बल्लियन क ऊपर जउन सन्दूख क लइ जाइ मँ प्रयोग आवत होत ह, खड़े रहेन।</verse>
				<verse number="9">बल्लियन ऍतनी लम्बी रहिन कि महा पवित्तर ठउर क समन्वा स ओनकर सिरन क लखे जाइ सकतेन। मुला ओनका मन्दिर क बाहेर स कउनो नाहीं लखत सकतेन। बल्लियन, आजु तलक हुवाँ अहइँ।</verse>
				<verse number="10">करार क सन्दूख मँ दुई ठू पाथर क सिलन क अलावा दूसर कछू नाहीं रखा रहा। मूसा दुइनउँ सिलन क होरेब पर्वत पइ करार क सन्दूख मँ रखे रहा। होरेब उ जगह रही जहाँ परमेस्सर इस्राएल क लोगन क संग जब उ पचे मिस्र छोड़ दिहे रहेन। एक करार किहे रहा।</verse>
				<verse number="11">सबहिं याजक जउन हुवाँ रहेन आपन आप क सुद्ध अउर पवित्तर करइ बरे समारोह क आयोजन किहेस। ओकर पाछे उ पचे महा पवित्तर ठउर स बाहर आएन, उ पचे एक संग खड़ा भएन, लेकिन एक बिसेस समूह मँ नाहीं।</verse>
				<verse number="12">अउर सबहिं लेवीबंसी गायक वेदी क पूरब कइँती खड़े रहेन। सबहिं आसाप, हेमान अउ यदूतून क गायक समूह हुवाँ रहेन अउर ओनकर पूत अउर ओनकर सम्बन्धी भी हुवाँ रहेन। उ सबई लेवीबंसी गायक सफेद कीमती मलमल क ओढ़ना पहिरे भए रहेन। उ पचे झाँझ, वीणा अउर सारंगी लिहे रहेन। ओन लेवी बंसी गाएकन क संग हुवाँ एक सौ बीस याजकन तुरही बजावत रहेन।</verse>
				<verse number="13">जउन तुरही बजावत रहेन अउर गावत रहेन, उ पचे एक ठु मनई क तरह रहेन। जब उ पचे यहोवा क स्तुति करत रहेन अउर ओका धन्यवाद देत रहेन तब उ पचे एक ही स्वर मँ गावत रहेन। तुरही, झाँझ अउ दूसर वाद्य यंत्रन पइ उ पचे जोर स आवाज करत रहेन, उ पचे यहोवा क स्तुति मँ इ गीत गाएन: “यहोवा क स्तुति करा काहेकि उ भला अहइ। ओकर पिरेम अउर दया सास्वत अहइ।” तब यहोवा क मन्दिर बादर स भरि उठा।</verse>
				<verse number="14">बादर क कारण याजक लगातार सेवा कइ न सकेन। एकर कारण रहा यहोवा क महिमा मन्दिर मँ भरि गइ रही।</verse>
			</chapter>
			<chapter number="6">
				<verse number="1">तब सुलैमान कहेस, “यहोवा कहेस कि उ करिया घने बदरे मँ रही।</verse>
				<verse number="2">हे यहोवा, मइँ इ भव्य मन्दिर तोहरे बरे एहमाँ सदा-सर्वदा रहइ बरे बनाएउँ ह।”</verse>
				<verse number="3">राजा सुलैमान मुड़ा अउर उ अपने समन्वा खड़े सबहिं इस्राएल क लोगन क आसीर्बाद दिहस।</verse>
				<verse number="4">सुलैमान कहेस, “इस्राएल क परमेस्सर, यहोवा क बड़कई करा। यहोवा उ कइ दिहेस ह जउन करइ क बचन उ तब दिहे रहा जब उ मोरे बाप दाऊद स बातन किहे रहा। परमेस्सर यहोवा इ कहे रहा:</verse>
				<verse number="5">‘उहइ दिना स जब मइँ अपने लोगन क मिस्र स बाहेर लिआएउँ तब स अब तलक मइँ इस्राएल क कउनो परिवार समूह स कउनो नगर नाहीं चुनेउँ ह, जहाँ मोरे नाउँ क एक ठु भवन बनइ। मइँ अपने निज लोगन इस्राएलियन पइ हुकूमत करइ बरे भी कउनो मनई क नाहीं चुनेउँ ह।</verse>
				<verse number="6">किन्तु अब मइँ यरूसलेम क अपने नाम बरे चुनेउँ ह अउर मइँ दाऊद क अपने इस्राएली लोगन क अगुवाई करइ बरे चुनेउँ ह।’</verse>
				<verse number="7">“मोरे बाप दाऊद क इ इच्छा रही कि उ इस्राएली रास्ट्र क यहोवा परमेस्सर क नाउँ क महिमा बरे एक ठु मन्दिर बनवावइँ।</verse>
				<verse number="8">इसलिए यहोवा मोरे बाप स कहेस, ‘दाऊद, जब तू मोरे नाउँ बरे मन्दिर बनावइ क इच्छा किहा तब तू ठीक काम किहा ह।</verse>
				<verse number="9">मुला तू मन्दिर बनाइ नाहीं सकत्या। मुला तोहार आपन पूत मोरे नाउँ बरे मन्दिर बनवाइ।’</verse>
				<verse number="10">अब, यहोवा उ कइ दिहेस ह जउन उ करइ क कहे रहा। मइँ अपने बाप क जगह पइ नवा राजा हउँ। दाऊद मोर बाप रहेन। अब मइँ इस्राएल क राजा अहउँ। यहोवा इहइ करइ क बचन दिहे रहा। मइँ इस्राएल क यहोवा परमेस्सर क नाउँ पइ मन्दिर बनवाएउँ ह।</verse>
				<verse number="11">मइँ करार क सन्दूख क मन्दिर मँ धरेउँ ह। करार क सन्दूख हुवाँ अहइ जहाँ यहोवा क संग कीन्ह गइ वाचा रखी जात ह। यहोवा इ वाचा इस्राएल क लोगन क संग किहेस।”</verse>
				<verse number="12">सुलैमान यहोवा क वेदी क समन्वा खड़ा भवा। उ ओन इस्राएल क लोगन क समन्वा खड़ा भवा जउन हुवाँ बटुरे भए रहेन। तब सुलैमान अपने हाथन अउर अपनी भुजन क फइलाएस।</verse>
				<verse number="13">सुलैमान एक ठु काँसे क मंच पाँच हाथ लम्बा, पाँच हाथ चउड़ा अउर तीन हाथ ऊँच बनाए रहा अउर एका बाहरी आँगन क बीच मँ रखे रहा। तब उ मंच पइ खड़ा भवा अउर इस्राएल क जउन लोग हुवाँ बटुरे भए रहेन ओनकर उपस्थिति मँ घुटने टेकेस। सुलैमान अकासे कइँती हाथ फइलाएस।</verse>
				<verse number="14">सुलैमान कहेस: “हे इस्राएल क परमेस्सर, यहोवा, तोहार समान कउनो भी परमेस्सर न तउ सरग मँ बाटइ, न ही धरती पइ अहइ। तू आपन पिरेम अउ दाया क प्रतिग्या बनाए रख जेका तू आपन सेवकन क संग जउन नीक रास्ते पइ चलत हीं अउर पूरे हिरदइ स तोहरी आग्या क पालन करत हीं किहस ह।</verse>
				<verse number="15">तू अपने सेवक दाऊद क दिए गए बचन क पूरा किहे रह्या, अउर आजु तू अपने हाथन स इ बचन क पूरा किहा ह।</verse>
				<verse number="16">अब, हे यहोवा, इस्राएल क परमेस्सर! तू अपने सेवक दाऊद क दिए बचन क बनाए राखा। तू इ बचन दिहे रह्या: तू कहे रह्या, ‘दाऊद, तू अपने परिवार स, मोरे समन्वा इस्राएल क सिंहासने पइ बइठइ बरे, एक मनई क पावइ म कबहुँ असफल नहीं होब्या। इहइ होइ जदि तोहार पूत ओन सबहिं बातन मँ सावधान रहिहीं जेनका उ पचे करिहीं। ओनका मोरे नेमन क पालन वइसे ही करइ चाही जइसा तू मोरे नेमन क पालन किहा ह।’</verse>
				<verse number="17">अब, हे यहोवा, इस्राएल क परमेस्सर अपने बचन क पूर होइ द्या। तू इ बचन अपने सेवक दाऊद क दिहा ह।</verse>
				<verse number="18">“हे परमेस्सर, हम जानित ह कि तू यथार्थ मँ, लोगन क संग धरती पइ नाहीं रहब्या। सरग, सब स ऊँच सरग भी तोहका अपने भीतर रखइ क छमता नाहीं राखत अउर हम जानित ह कि इ मन्दिर जेका मइँ बनाएउँ ह तोहका अपने भीतर नाहीं रखि सकत।</verse>
				<verse number="19">किन्तु हे यहोवा, परमेस्सर तू हमार पराथना अउर कृपा याचना पइ धियान द्या। हे यहोवा, मोर परमेस्सर! तोहरे बरे कीन्ह गइ मोर पुकार तू सुना। मइँ तोहसे जउन पराथना करत हउँ, सुना। मइँ तोहार सेवक हउँ।</verse>
				<verse number="20">मइँ पराथना करत हउँ कि तोहार आँखिन मन्दिर क लखइ बरे दिन रात खुली रहइँ। तू कहे रह्या कि तू इ जगह पइ आपन नाउँ अंकित करब्या। मन्दिर क लखत भवा जब मइँ तोहसे पराथना करत हउँ तउ तू मोर पराथना सुना।</verse>
				<verse number="21">मोर पराथनन क सुना अउर तोहरे इस्राएल क लोग जउन पराथनन करत अहइँ, ओनका भी सुना। जब हम तोहरे मन्दिर क लखत भए पराथनन करित ह तउ तू हमार पराथनन क सुना। तू सरग मँ जहाँ रहत ह हुवँइ स सुना अउर जब तू हमार पराथनन सुन्या तउ तू हमका छिमा करा।</verse>
				<verse number="22">“अगर कउनो मनई कउनो दूसर मनई क संग कछू बुरा करइ क कलंकित होइ, तउ उ कलंकित मनई तोहार नाउँ लेइके प्रतिग्या करी कि उ निरपराध अहइ, तउ जब उ तोहरी वेदी क समन्वा सपथ लेइ बरे आवइ,</verse>
				<verse number="23">तउ तू सरग स सुना। तू अपने सेवकन क फैसला करा अउर ओका कार्यान्वित करा। दोखी मनई क सजा द्या अउर ओका ओतना कस्ट होइ द्या जेतना कस्ट उ दूसरे क दिहेस होइ। इ साबित करा कि जउन मनई अच्छा कार्य किहेस ह, उ निरपराध अहइ अउर ओका ओकर अच्छाई क कारण ओका इनाम द्या।</verse>
				<verse number="24">“होई सकत ह तोहार लोग, इस्राएलियन आपन दुस्मनन स पराजित होइ, काहेकि उ पचे तोहरे खिलाफ पाप किहेन ह। अगर उ पचे तोहार लगे पराथना करइ बरे लउटी आई अउर इ मन्दिर स तोहार नाउँ क स्तुति करी, तउ</verse>
				<verse number="25">सरग स अपने लोगन क सुना अउर इस्राएलिएन क पापन क छिमा करा। ओनका उ भुइयाँ मँ लउटावा जेका तू ओनका अउर ओनके पुरखन क दिहे रह्या।</verse>
				<verse number="26">“होइ सकत आसमान बन्द होइ एह बरे बर्खा न होइ। उ तब होइ जब इस्राएल क लोग तोहरे बिरुद्ध पाप करिही। जदि उ पचन्क एकर पछतावा होइ अउर तोहार नाउँ क स्वीकार करइ अउ इ मन्दिर क ओर पारथना करइ अउर जदि उ पचे पाप करब तजि देइहीं काहेकि तू ओनका सजा दिहेस ह,</verse>
				<verse number="27">तउ सरग स तू ओनकर सुना। तू ओनकर सुना अउर ओनके पापन क छिमा करा। इस्राएल क लोग तोहार सेवक अहइँ। तब ओनका सही मारग क उपदेस द्या जेह पइ उ पचे चल सकत। तू अपनी भुइँया पइ बर्खा करा जउन तू अपने लोगन क दिहे रह्या।</verse>
				<verse number="28">“अगर हुवाँ भुइँया मँ कउनो अकाल या महामारी या अगर फसलन क बेरामी बर्बाद होइ जाइ या अगर फफूँदी या अगर टिड्डी अउर टिड्डे या जदि इस्राएल क लोगन क नगरन मँ ओनकर दुस्मन घेरा डाइ देइँ, या जदि इस्राएल मँ कउनो प्रकार क बेरामी होइ,</verse>
				<verse number="29">अउर तब तोहार लोग अर्थात इस्राएल क कउनो मनई पराथना या याचना करइ अउ हर एक मनई अपनी आपत्ति अउ पीरा क जानत रहइ अउ जदि उ मनई इ मन्दिर क लखत भए आपन-आपन हाथ अपनी बाँह उठावइ</verse>
				<verse number="30">तउ तू ओनकर सरग स सुना। सरग उहइ अहइ जहाँ तू अहा। सुना अउर छिमा करा। हर एक मनई क ओकरे हक द्या काहेकि तू जानत ह कि हर एक मनई क हिरदइ मँ का बाटइ। सिरिफ तू ही जानत ह कि मनई क हिरदइ मँ का बाटइ।</verse>
				<verse number="31">तब लोग तोहसे डेरइहीं अउर तोहार आग्या मानिहीं जब तलक उ पचे देस मँ रहिहीं जेका तू हमरे पुरखन क दिहे रह्या।</verse>
				<verse number="32">“कउनो अइसा अजनबी होइ सकत ह जउन तोहार इस्राएल क लोगन मँ स न होइ, किन्तु उ देस स आवा होइ जउन बहोत दूर होइ अउर उ अजनबी इ बरे आवा होइ काहेकि उ तोहार महान नाउँ, तोहार महान सक्ती अउर बड़की ताकत बरे सुनेइ होइ। जब उ मनई आवइ अउर इ मन्दिर क लखत भवा पराथना करइ,</verse>
				<verse number="33">तब सरग स जहाँ तू रहत ह, सुना अउर तू ओका अनुदान द्या जउन उ चाहत ह। तब सारे संसार क रास्ट्र तोहार नाउँ जनिहीं अउर तोहार आदर वइसे करिहीं जइसे तोहार लोग अर्थात इस्राएली करत हीं अउर संसार क सबहिं लोग जनिहीं कि जउने मन्दिर क मइँ बनवाएउँ ह उ तोहरे नाउँ स जाना जात ह।</verse>
				<verse number="34">“जब तू अपने लोगन क कउनो जगह पइ ओनकर दुस्मनन क संग लड़इ बरे पठएस अउर उ पचे इ नगर कइँती लखिके पराथना करइँ, जेका तू चुन्या ह अउ इ मंन्दिर कइँती लखइँ जेका मइँ तोहरे नाउँ बरे बनाएउँ ह।</verse>
				<verse number="35">तउ ओकर पराथना अउर याचना क सरग स सुना अउर ओकर सहायता करा।</verse>
				<verse number="36">“लोग तोहरे खिलाफ पाप करिहीं कउनो अइसा मनई नाहीं जउन पाप न करत होइ अउर तू ओन पइ क्रोधित होब्या। तू कउनो दुस्मन क ओनका हरावइ देब्या अउर ओनसे धरे जाइ देब्या अउ बहोत दूर या निचके क भुइँया मँ जाइ देब्या।</verse>
				<verse number="37">किन्तु जब उ पचे आपन बिचार बदलिहीं अउर पछतावा करिहीं अउर तोहसे याचना करिहीं जब कि उ पचे बन्दी बनाए जाइवाले देस मँ ही अहइँ। उ पचे कहिहीं, ‘हम लोग पाप किहा ह, हम लोग बुरा किहा ह अउ हम लोग दुट्ठता कीन्ह ह।’</verse>
				<verse number="38">तब उ पचे उ देस मँ जहाँ उ पचे बन्दी क रूप मँ अहइँ, अपने पूरे हिरदइ व आतिमा स तोहरे लगे लउटिहीं अउर इ देस कइँती जउन तू ओनके पुरखन क दिहा ह, इ नगर कइँती जेका तू चुन्या ह, अउर इ मन्दिर कइँती जउन मइँ तोहरे नाउँ क महिमा बरे बनाएउँ ह, ओकरे कइँती मुँह कइके पराथना करिहीं।</verse>
				<verse number="39">जब अइसा होइ तउ तू सरग स ओकर सुना। सरग तोहार आवास अहइ। ओनकर पराथना अउर याचना क स्वीकार करा अउर ओनकर सहायता करा अउर अपने ओन लोगन क छिमा कइ द्या जउन तोहरे खिलाफ पाप किहन ह।</verse>
				<verse number="40">अब, मोरे परमेस्सर, मइँ तोहसे माँगत हउँ, तू अपनी आँखी अउर कान खोल ल्या। तू हम लोगन क, जउन पराथना इ जगह पइ करत अहइँ ओका सुना अउर ओह पइ धियान द्या।</verse>
				<verse number="41">“अब, हे यहोवा परमेस्सर उठा अउर अपने करार क सन्दूख क संग जउन कि तोहार सक्ती क स्थल अहइ आपन बिस्राम स्थल पइ आवा। तोहार याजक मुक्ती रूपी वस्त्र पहिरा रहइ। हे यहोवा, परमेस्सर तोहार भक्तजन तोहार अच्छाई मँ आनन्दित होइ।</verse>
				<verse number="42">हे यहोवा, परमेस्सर अपने अभिसिक्त राजा क स्वीकार करा। अपने सेवक दाऊद क विस्वासभक्ति क याद राख।”</verse>
			</chapter>
			<chapter number="7">
				<verse number="1">जब सुलैमान पराथना पूरी किहस तउ अकासे स सागी उतरी अउर उ होमबलि अउर बलियन क बारेस। यहोवा क तेज मन्दिर क भर दिहस।</verse>
				<verse number="2">याजक यहोवा क मन्दिर मँ नाहीं जाइ सकत रहेन काहेकि यहोवा क तेज ओका भरि दिहे रहा।</verse>
				<verse number="3">इस्राएल क सबहिं लोग आकासे स आगी क उतरत लखेन। इस्राएल क लोग मन्दिर पइ भी यहोवा क तेज क लखेन। उ पचे अपने चेहरे क चबूतरे क भुइंया तलक निहुराएन। उ पचे यहोवा क उपासना किहन अउ ओका धन्यवाद दिहन। उ पचे गाएन, “यहोवा भला बा, अउर ओकर दाया सदा रहत ह।”</verse>
				<verse number="4">तब राजा सुलैमान अउ इस्राएल क सबहिं लोग बलि यहोवा क समन्वा चढ़ाएन।</verse>
				<verse number="5">राजा सुलैमान बाईस हजार बर्धा अउ एक लाख बीस हजार भेड़िन भेंट किहस। राजा अउ सबहिं लोग परमेस्सर क मन्दिर क समर्पित किहेस।</verse>
				<verse number="6">याजक आपन कार्य करइ बरे तइयार खड़े रहेन। लेवीबंसी भी यहोवा क वाद्य यंत्र क संग खड़े रहेन। इ सबइ यंत्र राजा दाऊद क जरिये यहोवा क धन्नवाद देइ बरे बनाए गए रहेन। याजक अउ लेवीबंसी कहत रहेन, “यहोवा क स्तुति करा काहेकि ओकर पिरेम हमेसा रहत हीं।” याजकन लेवीबंसियन क दूसरी कइँती खड़े रहेन।, तउ याजकन अपनी तुरहियन बजाएन अउर इस्राएल क सबहिं लोग खड़े रहेन।</verse>
				<verse number="7">सुलैमान यहोवा क मन्दिर क समन्वा वाले आँगन क मध्य हींसा क भी पवित्तर किहस। इ उहइ जगह अहइ जहाँ सुलैमान होमबलि अउर मेलबलि क चर्बी चढ़ाएस। सुलैमान आँगन क बीच क हींसा काम मँ लिहस काहेकि काँसे क वेदी पइ जेका सुलैमान बनाए रहा, सारी होमबलि, अन्नबलि अउ चर्बी नाहीं आइ सकत रही काहेकि भेंटन बहोत जियादा रहिन।</verse>
				<verse number="8">सुलैमान अउ इस्राएल क सबहिं लोग सात दिना तलक दावतन क उत्सव मानएन। सुलैमान क संग लोगन क एक बहोत बड़ा समूह रहा। उ सबइ लोग उत्तर दिसा क हमथ नगर क प्रवेस दुआर अउ दक्खिन क मिस्र क झरनन जइसे सुदूर पहँटन स आए रहेन।</verse>
				<verse number="9">वेदी क पवित्तर करइ, अउर कुटीर क त्यौहार क सात दिना क उत्सव मनाइ क पाछे, उ पचे अठएँ दिन एक ठु पवित्तर सभा किहे रहेन।</verse>
				<verse number="10">सातवें महीने क तेईसवे दिन सुलैमान लोगन क वापस ओनके घरे पठइ दिहस। लोग बड़े खुस रहेन अउर ओनकर हिरदइ आनन्द स भरा रहा काहेकि यहोवा दाऊद, सुलैमान अउर अपने इस्राएल क लोगन क बरे बहोत भला रहा।</verse>
				<verse number="11">सुलैमान यहोवा क मन्दिर अउ राजमहल ज पूरा कइ लिहस। सुलैमान यहोवा क मन्दिर अउर अपने आवास मँ जउन कछू करइ क जोजना बनाए रहा ओहमाँ ओका कामयाबी मिली।</verse>
				<verse number="12">तब यहोवा सुलैमान क लगे राति मँ परगट भवा। यहोवा ओहसे कहेस, “सुलैमान, मइँ तोहार पाराथना सुनेउँ ह अउर मइँ इ जगह क अपने बरे मन्दिर क रूप मँ भेंट चढ़ावइ बरे चुनेउँ ह।</verse>
				<verse number="13">जब मइँ अकास क बंद करत हउँ तउ बरखा नाहीं होत या मइँ टिड्डियन क आदेस देत हउँ कि उ सबइ फसल क खाइ जा या अपने लोगन मँ बेरामी पठवत हउँ,</verse>
				<verse number="14">अउर मोरे नाउँ स गोहरावइ जाइवाले लोग जदि बिनम्र होतेन अउर पराथना करत हीं, अउर मोका हेरत हीं अउर अपने बुरे राहन स दूर हट जात हीं तउ मइँ सरग स ओनकर सुनब अउर मइँ ओनके पापन क छिमा करब अउर ओनके देस क नीक कइ देब।</verse>
				<verse number="15">अब, मोरी आँखिन खुली अहइँ अउर मोरे कान इ जगह पइ कीन्ह गइ पराथना पइ धियान देइहीं।</verse>
				<verse number="16">मइँ इ मन्दिर क चुनेउँ ह अउर मइँ एका पवित्तर किहेउँ ह जेहसे मोर नाउँ हिआँ सदा ही रहइ। हाँ, मोर आँखिन अउर मोर हिरदइ इ मन्दिर मँ सदा रही।</verse>
				<verse number="17">अब सुलैमान, जदि तू मोरे समन्वा वइसे ही रहब्या जइसे तोहार बाप दाऊद रहा, जदि तू ओन सबहिं क पालन करब्या जेनके बरे मइँ आदेस दिहेउँ ह अउर जदि तू मोर बिधियन अउ नेमन क पालन करब्या।</verse>
				<verse number="18">तब मइँ तोहका सक्तीसाली राजा बनाउब अउर तोहार राज्ज महान होइ। इहइ वाचा अहइ जउन मइँ तोहरे बाप दाऊद स कीन्ह अहइ। मइँ ओहसे काहे रहेउँ, ‘दाऊद, तू अपने परिवार मँ एक ठु अइसा मनई सदा पउब्या जउन इस्राएल मँ राजा होइ।’</verse>
				<verse number="19">“किन्तु जदि तू मोरे नेमन अउर आदेसन क नाहीं मनब्या जेनका मइँ दिहेउँ ह अउर तू दूसर देवतन क पूजा अउर सेवा करब्या, अउर ओकर समन्वा निहुरब्या,</verse>
				<verse number="20">तब मइँ इस्राएल क लोगन क अपने उ देस स बाहेर करब जेका मइँ ओनका दिहेउँ ह। अउर मइँ इ मन्दिर क जेका मइँ आपन नाउँ बरे पवित्तर बनाएउँ ह अस्वीकार कइ देब। मइँ इ मन्दिर क सबहिं रास्ट्रन बरे मज़ाक अउर सम्मानहीन बनाइ देब।</verse>
				<verse number="21">हर एक मनई जउन एकर पास स गुजरी इ प्रतिस्ठित मन्दिर देखिके चकित होइ जाई। उ पचे कहिहीं, ‘यहोवा अइसा भयंकर काम इ देस अउ इ मन्दिर क संग काहे किहस?’</verse>
				<verse number="22">तब लोग जवाब देइहीं, ‘काहेकि इस्राएल क लोगन यहोवा, परमेस्सर जेकरी आग्या क पालन ओनके पुरखन करत रहेन, ओकरी आग्या क पालन करइ स इन्कार कइ दिहस। उ ही परमेस्सर अहइ जउन ओनका मिस्र क बाहेर लइ आवा। किन्तु इस्राएल क लोग दूसर देवतन क अपनाएस। उ पचे मूर्ति रुप मँ देवतन क पूजा अउर सेवा किहस। इहइ कारण अहइ कि यहोवा इस्राएल क लोगन पइ ऍतना सब भयंकर घटित कराएस ह।’”</verse>
			</chapter>
			<chapter number="8">
				<verse number="1">यहोवा क मन्दिर क बनावइ अउर आपन महल बनावइ मँ सुलैमान क बीस बरिस लागेन।</verse>
				<verse number="2">तब सुलैमान फुन ओन नगरन क बनाएस जउन हूराम ओका दिहस अउर सुलैमान इस्राएल क कछू लोगन क ओन नगरन मँ रहइ क आग्या दइ दिहस।</verse>
				<verse number="3">एकरे पाछे सुलैमान सोबा क हमात क गवा अउर ओह पइ अधिकार कइ लिहस।</verse>
				<verse number="4">सुलैमान रेगिस्ताने मँ तदमोर नगर भी बनाएस। उ चिजियन क संग्रह क बरे हमात मँ सबहिं नगर बनाएस।</verse>
				<verse number="5">सुलैमान ऊँच बेथोरोन अउ निम्न बेरोथोन क नगरन क फुन बनाएस। उ ओन नगरन क सक्तीसाली गढ़ बनाएस। ओन नगरन क मजबूत देवारन अउर फाटकन रहेन अउर फाटकन मँ छड़न लगे रहेन।</verse>
				<verse number="6">सुलैमान बालात नगर क फुन बनाएस अउर दूसर नगरन क भी जहाँ उ चिजियन क संग्रह किहस। उ सबहिं नगरन क बनाएस जहाँ रथ रखे गए रहेन तथा जहाँ सबहिं नगरन मँ घुड़सवार रहत रहेन। सुलैमान यरूसलेम, लबानोन अउर ओन सबहिं प्रदेसन क जहाँ उ राजा रहा, जउन चाहेन बनाएस।</verse>
				<verse number="7">जहाँ इस्राएल क लोग रहत रहेन हुवाँ बहोत स अजनबी बचे रहि गए रहेन। उ पचे हित्ती, एमोरी, परिज्जी, हिव्वी अउर यबूसी लोग रहेन। सुलैमान ओन अजनबियन क दास-मजदूर होइ बरे मजबूर किहस। उ सबइ लोग इस्राएल क लोगन मँ स नाहीं रहेन। उ सबइ लोग ओनकर संतान रहेन जउन देस मँ बचे रहि गए रहेन अउर तब तलक इस्राएल क लोगन क जरिये नस्ट नाहीं कीन्ह गए रहेन। इ अब तलक चलत अहइ।</verse>
				<verse number="8"></verse>
				<verse number="9">सुलैमान इस्राएल क कउनो भी मनई क दास मजदूर बनावइ क मजबूर नाहीं किहस। उ पचे ओकर जोधन, फउज क सेनापतियन, ओकर फउज क मुख्य अधिकारियन, ओकर रथन क सेनापतियन अउर सारथियन क सेनापति रहेन।</verse>
				<verse number="10">अउर इस्राएल क कछू लोग सुलैमान क महत्त्वपूर्ण अधिकारियन क प्रमुख रहेन। लोगन क निरीच्छण करइवाले ढाई सौ प्रमुखन रहेन।</verse>
				<verse number="11">सुलैमान दाऊद क नगर स फिरौन क बिटिया क उ महल मँ लिआवा जेका उ ओकरे खातिर बनाए रहा। सुलैमान कहेस, “मोर मेहरारू राजा दाऊद क महल मँ नाहीं रहि सकत काहेकि जउने जगहन पइ करार क सन्दूख रहा होइ, उ सबइ जगह पवित्तर अहइँ।”</verse>
				<verse number="12">तब सुलैमान यहोवा क होमबलि यहोवा क वेदी पइ चढ़ाएस। सुलैमान उ वेदी क मन्दिर क ओसारे क समन्वा बनाएस।</verse>
				<verse number="13">सुलैमान हर एक दिन मूसा क आदेस क अनुसार बलि चढ़ाएस। इ बलि सबित क क दिन नवचन्द्र उत्सव क अउर तीन वार्सिक पर्वन क दीन्ह जाइ क रही। इ सबइ तीन वार्सिक पर्व अखमीरी रोटी क पर्व सप्ताहन क पर्व अउर आस्रय क पर्व रहेन।</verse>
				<verse number="14">सुलैमान अपने बाप दाऊद क निर्देसन क पालन किहस। सुलैमान याजकन क वर्ग हुवाँ सेवा करइ बरे चुनेस। सुलैमान लेवीबंसियन क भी ओनके कार्य क बरे चुनेस। लेवीबंसियन परार्थना मँ अगुवाइ करत रही अउर मन्दिर मँ जउन कछू रोज रोज कीन्ह जाब होत रहा ओनमाँ याजकन क मदद करत रहा। सुलैमान दुआर पालन क चुनेस जेनके समूहन हर दुआर पइ सेवा करब रही। परमेस्सर क मनई दाऊद क निर्देसनन क अनुसार इ सबइ काम कीन्ह गवा रहेन।</verse>
				<verse number="15">इस्राएल क लोग सुलैमान क जरिये याजकन अउर लेवीबंसियन क दीन्ह गए निर्देसन क न बदलेस, नाहीं ओनकर उल्लंघन किहस। उ पचे कउनो भी निर्देस मँ वइसे भी परिवर्तन नाहीं किहन जइसे उ पचे कीमती चिजियन क रखइ मँ करत रहेन।</verse>
				<verse number="16">सुलैमान क सबहिं कारज पूरे होइ गएन। यहोवा क मन्दिर क आरम्भ होइ स ओकर पूरे होइ क दिन तलक जोजना ठीक बनी रही। इ तरह यहोवा क मन्दिर पूरा भवा।</verse>
				<verse number="17">तब सुलैमान एस्योनगेबेर अउर एलोत नगरन क गवा। उ पचे नगर एदोम प्रदेस मँ लाल सागर क किनारा मँ बसा रहेन।</verse>
				<verse number="18">हूराम सुलैमान क जहाज पठएस। हूराम क उ मनइयन जउन समुद्दर मँ जहाज चलाई मँ कुसल रहेन जहाज क चलावत रहेन। हूराम क मनई सुलैमान क सेवकन क संग ओपीर गएन अउर सत्रह टन सोना लइके राजा सुलैमान क लगे लउटेन।</verse>
			</chapter>
			<chapter number="9">
				<verse number="1">सीबा क रानी सुलैमान क जस सुनेस। उ यरूसलेम मँ कठिन सवालन स सुलैमान क परीच्छा लेइ आइ। सीबा क रानी अपने संग एक लोगन क बड़ा समूह लइके आइ रही। ओकरे पास ऊँट रहेन जेन पइ मसालन, बहोत जिआदा सोना अउ कीमती पाथर लदे रहेन। उ सुलैमान क लगे आइ अउर उ सुलैमान स बातन किहस। ओका सुलैमान स अनेक सवाल पूछब रहेन।</verse>
				<verse number="2">सुलैमान ओकरे सबहिं सवालन क उत्तर दिहेस। सुलैमान क बरे व्याख्या करइ या जवाब देइ बरे कछू भी बहोत कठिन नाहीं रहा।</verse>
				<verse number="3">सीबा क रानी सुलैमान क बुद्धिमानी अउ ओकर बनाए महल क लखेस।</verse>
				<verse number="4">उ भोजन क निरिच्छन किहेस जउन सुलैमान क मेज पई परोसा जात रहा। उ लखेन कि अधीकारियन अउर नउकर कइसा कार्य करत अहइँ अउर उ पचे कइसा वस्त्र पहिरे रखे अहइँ, उ लखेस कि ओकर दाखरस पिआवइवाले सेवक कइसे कार्य करत अहइँ अउर उ पचे कइसे वस्त्र पहिर रखे अहइँ। उ यहोवा क मन्दिर क ओर जात भवा जुलूस क लखेस। जब सीबा क रानी एन सबहिं चिजियन क लखेस तउ माना कि ओकर मुँह क बोली बन्द होइ गवा।</verse>
				<verse number="5">तब उ राजा सुलैमान स कहेस, “मइँ अपने देस मँ तोहरे महान कार्यन अउर तोहार बुद्धिमानी क बारे मँ जउन कहानी सुनेउँ ह। उ सबइ सच अहइ!</verse>
				<verse number="6">मोका एन कहानियन पइ तब तलक बिस्सास नाहीं होत रहा जब तलक मइँ आई नाहीं अउर अपनी आँखिन स लखेउँ नाहीं। ओह! तोहरी बुद्धिमानी क आधा भी मोहसे नाहीं कहा गवा रहा। जउन कछु मइँ सुनेउँ तू उ सबइ स जियादा महान अहइ।</verse>
				<verse number="7">तोहार मेहरुअन अउर तोहार अधिकारी बहोत भाग्यसाली अहइँ। उ पचे तोहार गियान क बातन तोहार सेवा करत भए सुन सकत हीं।</verse>
				<verse number="8">तोहरे परमेस्सर यहोवा क बड़कई होइ। उ तोह पइ खुस अहइ अउर उ तोहका अपने सिंहासन पइ, परमेस्सर यहोवा बरे, राजा बनई क बइठाएस ह। तोहार परमेस्सर इस्राएल स पिरेम करत ह अउर इस्राएल क मदद सदा ही करत रही। इहइ कारण अहइ कि यहोवा तोहका इस्राएल क राजा बनाएस ह कि तू निआव अउर धार्मिकत्ता क बनाए राख।”</verse>
				<verse number="9">तब सीबा क रानी राजा सुलैमान क 4,140 किलोग्राम सोना, बहोत स मसाला अउ कीमती पाथर दिहस। कउनो ऍताना नीक मसाला राजा सुलैमान क नाहीं दिहस जेतना नीक रानी सीबा दिहस।</verse>
				<verse number="10">हूराम क नउकर अउर सुलैमान क नउकर ओपीर स सोना लइ आएन। उ पचे चन्दन क काठ अउर बहुमुल्य रत्न पाथर भी लइ आएन।</verse>
				<verse number="11">राजा सुलैमान यहोवा क मन्दिर अउ महल क सीढ़ियन क बरे चन्दन क काठे क उपयोग किहस। सुलैमान चन्दन क काठे क उपयोग गायकन क बरे वीणा अउ तम्बूरा बनावइ क बरे भी किहस। यहूदा देस मँ चन्दन क काठे स बनी ओन जइसी सुन्नर चिजियन कउनो कबहुँ लखे नाहीं रहा।</verse>
				<verse number="12">जउन कछू भी सीबा देस क रानी राजा सुलैमान स माँगेस, ओका उ दिहस। जउन उ दिहस, उ ओहसे जियादा रहा जउन उ राजा सुलैमान बरे लिआइ रहीं। ओकरे पाछे उ अपने सेवक अउ सेविकाओं क संग बिदा भइ। उ अपने देस लउट गइ।</verse>
				<verse number="13">एक बरिस मँ सुलैमान जेतना सोना पाएस, ओकर वजन पचीस टन रहा।</verse>
				<verse number="14">बइपारी अउ सौदागर सुलैमान क लगे अउ जिआदा सोना लाएन। अरब क सबहिं राजा अउर प्रदेसन क सासक भी सुलैमान क बरे सोना चाँदी लाएन।</verse>
				<verse number="15">राजा सुलैमान सोने क पत्तर क दुइ सौ बरा ढारन बनाएस। लगभग छ: सौ सेकेल पीटा सोना हर एक ढार क बनावइ मँ उपयोग मँ आवा।</verse>
				<verse number="16">सुलैमान तीन सौ नान्ह ढारन भी सोने क पत्तर क बनाएस। लगभग तीन सौ सेकेल सोना हर एक ढार क बनावइ मँ उपयोग मँ आवा रहा। राजा सुलैमान सोना क ढारन क “लबानोन क बन महल” मँ रखेस।</verse>
				<verse number="17">राजा सुलैमान एक बिसाल सिंहासन बनावइ क बरे हाथी दाँत क उपयोग किहस। उ सिंहासने क निखालिस सोना स मढ़ेस।</verse>
				<verse number="18">सिंहासने पइ चढ़इ क छ: सीढ़ीयन रहिन अउर एकर एक ठु पद पीठ रहा। उ सोने क बना रहा। सिंहासने मँ दुइनउँ कइँती भुजन क आराम देइ क बरे बाजू लगी एक-एक सेर क मूरती खड़ी रही।</verse>
				<verse number="19">हवाँ छ: सीढ़ियन स लगे बगल मँ बारह सेरन क मूरतियन खड़ी रहिन। हर सीढ़ी क हर कइँती एक सेर रहा। इ तरह क सिंहासन कउनो दूसर राज्ज मँ नाहीं बना रहा।</verse>
				<verse number="20">राजा सुलैमान क सबहिं पिअइ क पियालन सोना क बने रहेन। लबानोन वन महल क सबहिं हर रोज क चिजियन निखालिस सोना क बनी रहिन। सुलैमान क समइ मँ चाँदी कीमती नाहीं समुझी जात रही।</verse>
				<verse number="21">राजा सुलैमान क लगे जहाज रहेन जउन तर्सीस क जात रहेन। हूराम क आदमी सुलैमान क जहाजन क चलावत रहेन। हर तीसरे बरीस जहाज तर्सीस स सोना, चाँदी, हाथी-दाँत, बनार अउ मोर लइके सुलैमान क लगे लउटन रहेन।</verse>
				<verse number="22">राजा सुलैमान धन अउर बुद्धि दुइनउँ मँ संसार क कउनो भी राजा स बड़ा होइ गवा।</verse>
				<verse number="23">संसार क सारे राजा सुलैमान क लखइ बरे आइतेन अउर ओकरे बुद्धिमानी क सब्दन जउन परमेस्सर ओका दिहेस ह सुनतेन।</verse>
				<verse number="24">हर बरिस उ पचे राजा सुलैमान क भेंट लिआवत रहेन। उ पचे चाँदी सोना क चिजियन, ओढ़ना, कवच, मसालन, घोड़न अउ खच्चर लिआवत रहेन।</verse>
				<verse number="25">सुलैमान क लगे ओकर घोड़न अउर रथन क रखइ बरे चार हजार अस्तबल रहेन। ओकरे लगे बारह हजार सारथी रहेन। सुलैमान ओनका आपन रथन क नगरन मँ रखत रहा अउर कछू क यरूसलेम मँ अपने लगे रखत रहा।</verse>
				<verse number="26">सुलैमान फरात नदी स लगातार पलिस्ती लोगन क देस तलक अउर मिस्र क सीमा तलक क राजा लोगन क सम्राट रहा।</verse>
				<verse number="27">राजा सुलैमान क लगे बहोत स चाँदी क पाथर समान्य पाथर जइसा अउर बहोत सारा देवदार काठ क पहाड़ी देस मँ गूलर क बृच्छन जइसा रहेन।</verse>
				<verse number="28">लोग सुलैमान क बरे मिस्र अउर दूसर सबहिं देसन स घोड़न लिआवत रहेन।</verse>
				<verse number="29">सुरू स लइके अन्त तलक सुलैमान अउर जउन कछू किहस उ नातान नबी क लेखन, सीलो क अहिय्याह क भविस्सबाणियन अउर इद्दो दर्सी क दर्सनन मँ अहइ। इद्दो एक दर्सी रहा जउन नबात क पूत यारोबाम क बारे मँ भविस्सबाणी किहेस।</verse>
				<verse number="30">सुलैमान यरूसलेम मँ पूरे इस्राएल क राजा चालीस बरिस तलक रहा।</verse>
				<verse number="31">तब सुलैमान अपने पुरखन क संग बिस्राम करइ गवा। लोगन ओका ओकरे बाप दाऊद क नगर मँ दफनाएन। सुलैमान क पूत रहूबियाम सुलैमान क जगह नवा राजा भवा।</verse>
			</chapter>
			<chapter number="10">
				<verse number="1">रहूबियाम सकेम नगर क गवा काहेकि इस्राएल क सबहिं लोग ओका राजा बनावइ बरे हुवँइ गएन। नाबात क पूत यारोबाम मिस्र मँ रहा काहेकि उ राजा सुलैमान क हिआँ स पराइ गवा रहा। किन्तु यारोबाम सुनेस कि सुलैमान मरि गवा अउर रहूबियाम नवा राजा होइ जात अहइ। एह बरे यारोबाम मिस्र स लउट आवा। इस्राएल क लोग यारोबाम क अपने संग रहइ क बरे बोलाएस। तब यारोबाम अउर इस्राएल क सबहिं लोग रहूबियाम क हिआँ गएन। उ पचे ओहसे कहेन, “रहूबियाम,</verse>
				<verse number="2"></verse>
				<verse number="3"></verse>
				<verse number="4">तोहरे बिना हम लोगन क जिन्नगी क कस्टकर बनाएस। उ भारी वजन लइ चलइ क नाई रहा। उ वजन क हल्का करा तउ हम तोहार सेव करब।”</verse>
				<verse number="5">रहूबियाम ओनसे कहेस, “तीन दिन पाछे लउटिके मोरे लगे आवा।” एह बरे लोग चले गएन।</verse>
				<verse number="6">तब राजा रहूबियाम ओन बुजुर्ग लोगन स बातन किहस जउने पहिले ओकरे बाप क सेवा किहे रहेन। रहूबियाम ओनसे कहेस, “आप एन लोगन स का कहइ बरे सलाह देत ही?”</verse>
				<verse number="7">बुजुर्ग रहूबियाम स कहेन, “जदि तू ओन लोग क बरे दयालु अहा अउर ओनका खुस करत अहा अउ ओहसे नीक बातन कहत अहा तउ उ पचे तोहार सेवा सदा ही करिहीं।”</verse>
				<verse number="8">मुला रहूबियाम बुजुर्गन क दीन्ह सलाह क अंगीकार नाहीं किहस। रहूबियाम ओन जुवकन स बात किहस जउन ओकरे संग जुवा रहेन अउर ओकर सेवा करत रहेन।</verse>
				<verse number="9">रहूबियाम ओनसे कहेस, “तू लोग का सलाह देत अहा जेका मइँ ओन लोगन स कहउँ? उ पचे मोहसे अपने काम क हल्का करइ क कहे ह अउर उ पचे चाहत हीं कि मइँ अपने बाप क जरिये ओन पइ डाले गए वजन क कछू कम करउँ।”</verse>
				<verse number="10">तब ओन जुवकन जउन रहूबियाम क संग जुवा भए रहेन, ओहसे कहेन, “जउन लोगन तोहसे बातन किहन ओनसे तू इ कहा। लोगन तोहसे कहेन, ‘तोहार बाप हमरी जिन्नगी क कस्टकर बनाएन रहेन। इ भारी वजन लइ चलइ क नाई रहा। मुला हम चाहित ह कि तू हम लोगन क वजन क कछू हल्का करा।’ किन्तु रहूबियाम, तोहका इ इहइ ओन लोगन स कहइ चाही। ओनसे कहा, ‘मोर नान्ह अँगरी भी मोरे बाप क करिहाउँ स मोटी होइ।</verse>
				<verse number="11">मोर बाप तोह पइ भारे बोझा लादेन। मुला मइँ उ बोझा क बढ़ाउब। मोर बाप तोहका कोड़ा लगावइ क सजा दिहे रहेन। मइँ अइसे कोड़ा लगावइ क सजा देब जेकरे छोर पइ तेज धातु क टूका अहइँ।’”</verse>
				<verse number="12">राजा रहूबियाम लोगन स कहे रहा: “तीसरे दिन लउटिके आवा।” एह बरे तीसरे दिन यारोबाम अउ सब इस्राएली जनता राजा रहूबियाम क लगे आएन।</verse>
				<verse number="13">तब राजा रहूबियाम ओनसे कठोरता स बातन किहस। राजा रहूबियाम बुजुर्ग लोगन क सलाह न मानेस।</verse>
				<verse number="14">राजा रहुबियाम लोगन स वइसे ही बात किहस जइसे जुवकन सलाह दिहे रहेन। उ कहेस, “मोर बाप तोहरे बोझ क भारी किहे रहा, किन्तु मइँ ओका अउर जिआदा भारी करब। मोर बाप तोह पइ कोड़न लगावइ क सजा दिहे रहेन, किन्तु मइँ अइसे कोड़न लगावइ क सजा देब जेनकर छोर तेज धातु क टूकन होइहीं।”</verse>
				<verse number="15">इ तरह राजा रहूबियाम लोगन क एक न सुनेन। एकर कारण इ रहा कि उ परमेस्सर रहा जउन इ किहेस ह। यहोवा आपन बचन क पूरा करइ चाहत ह जउन उ सीलो क अहिय्याह क जरिये नबात क पूत यारोबाम स किहे रहा।</verse>
				<verse number="16">इस्राएल क लोग लखेन कि राजा रहूबियाम ओनकर एक नाहीं सुनत। उ पचे राजा स कहेन, “का हम दाऊद क पखिरे क अंग अही? नाहीं! का हम क यिसै क कउनो भुइँया मिलइ क अहइ? नाहीं! एह बरे इस्राएलियन क हम लोगन क सिबिर मँ वापिस जाइ द्या। दाऊद क पूत क ओकरे अपने लोगन पइ हुकूमत करइ देइँ।” तब इस्राएल क सबहिं लोग अपने सिबिरन मँ लउटि गएन।</verse>
				<verse number="17">किन्तु इस्राएल क कछू अइसे लोग रहेन जउन यहूदा नगर मँ रहत रहेन अउर रहूबियाम ओनकर राजा रहा।</verse>
				<verse number="18">हदोराम काम करइ क बरे मजबूर कीन्ह जाइवाले लोगन क अधीच्छक रहा। रहूबियाम ओका इस्राएल क लोगन क लगे पठएस। किन्तु इस्राएल क लोग हदोराम पइ पाथर लोकाएन अउर ओका मार डाएन। तब रहूबियाम भागा अउर अपने रथ मँ कूद पड़ा अउ बच निकरा। उ पराइके यरूसलेम गवा।</verse>
				<verse number="19">उ समइ स लइके अब तलक इस्राएली दाऊद क परिवार क खिलाफ होइ गएन ह।</verse>
			</chapter>
			<chapter number="11">
				<verse number="1">जब रहूबियाम यरूसलेम आवा, उ एक लाख अस्सी हजार सर्वोत्तम जोधन क बटोरेस। उ एन जोधन क यहूदा अउ बिन्यामीम क परिवार समूहन स बटोरेस। उ एनका इस्राएल क खिलाफ लड़इ बरे तइयार किहेस जेहसे उ राज्ज क रहूबियाम क वापस लउटाइ सकइ।</verse>
				<verse number="2">किन्तु यहोवा क सँदेस समायाह क लगे आवा। समायाह परमेस्सर क मनई रहा। यहोवा कहेस,</verse>
				<verse number="3">“समायाह यहूदा क राजा, सुलैमान क पूत रहूबियाम स बातन करा अउर यहूदा अउ बिन्यामीन मँ रहइवाले सबहिं इस्राएल क लोगन स बातन करा।</verse>
				<verse number="4">ओनसे कहा, यहोवा इ कहत ह: ‘तोहका अपने भाइयन क खिलाफ नाहीं लड़इ चाही। हर एक मनई अपने घर लउटि जाइ। मइँ ही अइसा होइ दिहेउँ ह।’” एह बरे राजा रहूबियाम अउर ओकर फउज यहोवा क सँदेसा मानेस अउर उ पचे लउटि गएन। उ पचे यारोबाम पइ हमला नाहीं किहन।</verse>
				<verse number="5">रहूबियाम यरूसलेम मँ रहइ लाग। उ हमलन क खिलाफ रच्छा बरे यहूदा मँ सुदृढ़ नगर बनाएस।</verse>
				<verse number="6">उ बेतलेहेम, एताम, तकोआ,</verse>
				<verse number="7">बेत्सूर, सोको, अदुल्लाम,</verse>
				<verse number="8">गत, मारेसा, जीप,</verse>
				<verse number="9">अदौरैम, लाकीस, अजेका,</verse>
				<verse number="10">सोरा, अय्यालोन, अउर हेब्रोन नगरन क मरम्मत कराएस। यहूदा अउ बिन्यामीन मँ इ सबइ नगर मजबूत बनाए गएन।</verse>
				<verse number="11">जब रहूबियाम ओन नगरन क मजबूत बनाइ लिहस तउ ओनमाँ सेनापति रखेस। उ ओन नगरन मँ भोजन, तेल अउर दाखरस क पूर्ति क व्यवस्था किहस।</verse>
				<verse number="12">रहूबियाम ढार अउ भालन भी हर एक नगर मँ रखेस अउर ओनका बहोत सक्तीसाली बनाएस। रहूबियाम यहूदा अउ बिन्यामीन क लोगन अउर नगरन क अपने अधिकार मँ रखेस।</verse>
				<verse number="13">पूरे इस्राएल क याजक अउ लेवीबंसी रहूबियाम स सहमत रहेन अउर उ पचे ओकरे संग होइ गएन।</verse>
				<verse number="14">लेवी बंसियन अपनी घासवाली भुइयाँ अउर आपन खेत छोड़ दिहन अउर उ पचे यहूदा अउ यरूसलेम आइ गएन। लेवीबंसियन इ एह बरे किहेन कि यारोबाम अउर ओकर पूतन ओनका यहोवा क याजक क रूप मँ सेवा करावइ क अनुमति देइ स इन्कार कइ दिहस।</verse>
				<verse number="15">यारोबाम अपने ही याजकन क हुवाँ ऊँची जगहन पइ सेवा करइ बरे नियुक्त किहस जहाँ उ बोकरन अउ बछवन क ओन मूरतियन क स्थापना किहस जेनका उ बनाए रहा।</verse>
				<verse number="16">जब लेवीबंसियन इस्राएल क तजि दिहन तब इस्राएल क परिवार समूह क उ सबइ लोग जउन इस्राएल क यहोवा परमेस्सर क बरे बिस्सास जोग्ग रहेन, यरूसलेम मँ यहोवा, अपने बापन क परमेस्सर क बलि चढ़ावइ आएन।</verse>
				<verse number="17">ओन लोग यहूदा क राज्ज क सक्तीसाली बनाएस अउर उ पचे सुलैमान क पूत रहूबियाम क तीन बरिस तलक समर्थन दिहन। उ पचे अइसा करत रहेन काहेकि इ समइ मँ उ पचे वइसे रहत रहेन जइसे दाऊद अउ सुलैमान रतह रहेन।</verse>
				<verse number="18">रहूबियाम महलत स बियाह किहेस। ओकर बाप यरीमोत रहा। ओकर महतारी अबीहैल रही। यरीमोत दाऊद क पूत रहा। अबीहैल एलीआब क बिटिया रही अउर एलीआब यिसै क पूत रहा।</verse>
				<verse number="19">महलत स रहूबियाम क इ सबइ पूत पइदा भएन: यूस, समर्याह अउर जाहम।</verse>
				<verse number="20">तब रहूबियाम माका स बियाह किहस। माका अबसलोम क पोती रही अउर माका स रहूबियाम क इ सबइ बच्चन भएन: अबिय्याह, अत्ते, जीजा अउर सलोमीत।</verse>
				<verse number="21">रहूबियाम माका स सबहिं दूसर मेहररुअन अउ दासियन स जियादा पिरेम करत रहा। माका अबसालोम क पोती रही। रहुबियाम क अट्ठारह मेहररुअन अउ साठ रखैल रहिन। रहूबियाम अट्ठाईस पूतन अउ साठ बिटियन क बाप रहा।</verse>
				<verse number="22">रहूबियाम अपने भाइयन मँ माका क पूत अबिय्याह क प्रमुख चुनेस। रहूबियाम इ एह बरे किहस काहेकि उ अबिय्याह क राजा बनावइ क योजना बनाएस।</verse>
				<verse number="23">रहूबियाम इ बुद्धिमानी क काम अपने पूतन क यहूदा अउर बिन्यामीन क पूरा प्रान्तन मँ अउर हर एक सक्तीसाली नगर मँ फैइलाइ कइ क किहस। उ अपने पूतन क बहोत जियादा भोजन दिहेस अउर ओकरे बरे मेहररुअन क खोज किहस।</verse>
			</chapter>
			<chapter number="12">
				<verse number="1">रहूबियाम एक सक्तीसाली राजा होइ गवा। अपने राज्ज क सक्तीसाली बनाइ क पाछे उ अउ यहूदा क सबहिं लोग यहोवा क नेम क पालन करइ क बन्द कइ दिहन।</verse>
				<verse number="2">रहूबियाम क राज्जकाल क पाँचवे बरिस सीसक यरूसलेम पइ हमला किहस। सीसक मिस्र क राजा रहा। इ एह बरे भवा कि रहूबियाम अउ यहूदा क लोग यहोवा क बरे निस्ठावान नाहीं रहेन।</verse>
				<verse number="3">सीसक क लगे एक हजार दुई सौ रथ, साठ हजार घुड़सवार, अउर एक फउज रही जेका कउनो गन नाहीं सकत रहा। सीसक क फउज मँ लूबी, सुक्किय्यी अउर कूसी फउजी रहेन।</verse>
				<verse number="4">सीसक यहूदा क सक्तीसाली नगरन क पराजित कइ दिहस। तब सीसक अपनी फउज क यरूसलेम लिआवा।</verse>
				<verse number="5">तब समायाह नबी रहूबियाम अउ यहूदा क प्रमुखन क लगे आवा। यहूदा क उ सबइ प्रमुख यरूसलेम मँ बटुरे रहेन काहेकि उ पचे सबहिं सीसक स ससान रहेन। समायाह रहूबियाम अउ यहूदा क प्रमुखन स कहेस, “यहोवा जउन कहत ह, उ इ अहइ: ‘रहूबियाम, तू अउर यहूदा क लोग मोका तजि दिहा ह अउर मोरे नेमन क पालन करइ स इन्कार कइ दिहा ह। एह बरे मइँ तोहका अपनी मदद क बिना सीसक क सामना करइ क छोड़ब।’”</verse>
				<verse number="6">तब यहूदा क प्रमुखन अउर राजा रहूबियाम पछतावा करत भए अपने क विनम्र किहस अउर कहेस, “यहोवा नियावी अहइ।”</verse>
				<verse number="7">यहोवा लखेस कि राजा अउर यहूदा क प्रमुखन अपने आप क विनम्र बनाएन ह। तब यहोवा क सँदेसा समायाह क लगे आवा। यहोवा समायाह स कहेस, “राजा अउर लोग अपने क विनम्र किहन ह, एह बरे मइँ ओनका नस्ट नाहीं करब बल्कि मइँ ओनका हाली ही बचाउब। मइँ सीसक क उपयोग यरूसलेम पइ आपन किरोध उतारइ क बरे नहीं करब।</verse>
				<verse number="8">किन्तु यरूसलेम क लोग सीसक क सेवक होइ जइहीं। इ होई एह बरे कि उ पचे सीख सकइँ कि मोर सेवा करब दूसर रास्ट्रन क राजा लोगन क सेवा करइ स अलग अहइ।”</verse>
				<verse number="9">मिस्र क राजा सीसक यरूसलेम पइ हमला किहस अउर यहोवा क मन्दिर मँ जउन खजाना रहेन, ओका लइ गवा। अउर उ उ सबइ खजाने क भी लइ लिहस जउन राजा क महल मँ रहेन। उ सोने क ढारन क भी लिहस जेनका सुलैमान बनाए रहा।</verse>
				<verse number="10">राजा रहूबियाम सोने क ढारन क जगह पइ काँसे क ढारन बनाएस। रहूबियाम ओन सेनापतियन क जउन राजमहल क दुआरन क रच्छा क जिम्मेदार रहेन, काँसे क ढारन दिहस।</verse>
				<verse number="11">जब राजा यहोवा क मन्दिर मँ जात रहा तउ रच्छक काँसे क ढारन बाहेर निकारत रहेन। ओकरे पाछे उ पचे काँचे क ढारन क रच्छक घर मँ वापस रखत रहेन।</verse>
				<verse number="12">जब रहूबियाम पछतावा किहने अउर अपने क बिनम्र कइ लिहस तउ यहोवा अपने किरोध क ओह पइ रोकि दिहेस। एह बरे यहोवा रहूबियाम क पूरी तरह नस्ट नाहीं किहस। यहूदा मँ कछू अच्छाई बची रही।</verse>
				<verse number="13">राजा रहूबियाम यरूसलेम मँ अपने क सुदृढ़ राजा बनाइ लिहस। उ उ समइ इकतालीस बरिस क रहा, जब राजा बना। रहूबियाम यरूसलेम मँ सत्रह बरिस तलक राजा रहा। यरूसलेम उ नगर रहा जेका यहोवा इस्राएल क सारे परिवार समूह मँ स चुने रहा। यहोवा यरूसलेम क अपने नाउँ स्थापित करइ बरे चुनेस। रहूबियाम क महतारी नामा रही। जउन कि अम्मोन देस क रही।</verse>
				<verse number="14">रहूबियाम बुरी चिजियन किहेस काहेकि उ यहोवा क आग्या क पालन करइ बरे अपने हिरदइ मँ निहचइ नहीं किह रहेन।</verse>
				<verse number="15">सबइ चिजियन जउन रहूबियाम आपन हुकूमत मँ सुरू स आखीर तलक किहेस उ नबी समायाह अउर सीर (दर्सी) इद्दो क किताब मँ लिखा गवा ह। उ पचे परिवारिक इतिहास क बारे मँ अउर यहूबियाम अउ यहूबियाम अउ यहोबाम जब तलक हुकुमत किहेन ओकर बीच होइवाले जुद्ध क बारे मँ लिखेन।</verse>
				<verse number="16">रहूबियाम अपने पुरखन क संग बिस्राम किहस। रहूबियाम क दाऊद नगर मँ दफनावा गवा। रहूबियाम क पूत अबिय्याह नवा राजा भवा।</verse>
			</chapter>
			<chapter number="13">
				<verse number="1">जब राजा यारोबाम इस्राएल क राजा क रुप मँ अट्ठारहवें बरिस मँ रहा अबिय्याह यहूदा क नवा राजा बना।</verse>
				<verse number="2">अबिय्याह यरूसलेम मँ तीन बरिस तलक राजा रहा। गिबा नगर क ऊरीएल क बिटिया, मीकायाह अबिय्याह क महतारी रही। अउर हुवाँ अबिय्याह अउर यारोबाम क बीच जुद्ध चलत रहा।</verse>
				<verse number="3">अबियाह क फउज मँ चार लाख वीर सैनिक रहेन। अबियाह जुद्ध बरे आपन फउज मँ गएन। यारोबाम अबिय्याह क खिलाफ जुद्ध बरे तइयारी किहस। ओकरे लगे आठ लाख वीर सैनिक रहेन।</verse>
				<verse number="4">तब अबिय्याह एप्रैम क पर्वतीय पहँटा मँ समारैम पर्वत पइ खड़ा भवा। अबिय्याह कहेस, “यारोबाम अउर सारे इस्राएल मोर बात सुना।</verse>
				<verse number="5">तू लोगन क जानइ चाही कि यहोवा, इस्राएल क परमेस्सर दाऊद अउर ओकरी सन्तानन क इस्राएल सासन करइ क अधिकार दिहस ह। यहोवा दाऊद क इ अधिकार सास्वत करार क संग दिहस।</verse>
				<verse number="6">किन्तु यारोबाम अपने सुआमी क खिलाफ होइ गवा। यारोबाम जउन नबात क पूत रहा, दाऊद क पूत सुलैमान क अधिकारियन मँ स एक रहा।</verse>
				<verse number="7">तब निकम्मे, बुरे मनइयन यारोबाम क मीत होइ गएन अउर यारोबाम अउर उ सबइ बुरे मनइयन सुलैमान क पूत रहूबियाम क खिलाफ होइ गएन। रहूबियाम जुवक रहा अउर ओका अनुभव नाहीं रहा। एह बरे रहूबियाम यारोबाम अउर ओकरे बुरे मीतन क रोकने न सका।</verse>
				<verse number="8">“तू लोग परमेस्सर क राज्ज, जउन दाऊद क पूतन क जरिये सासित अहइ, हरावइ क जोजना बनाया ह। तू लोगन क गनती बहोत अहइ अउर यारोबाम क तोहरे बरे बनावा गवा सोने क बछवा तोहार ‘इस्सर’ अहइ।</verse>
				<verse number="9">तू लोग हारून क संतानन यहोवा क याजकन अउ लेवीबंसियन क बाहेर फेंकि दिहेस ह। तू पचे पृथ्वी क दूसर देसन क समान अपने याजकन क चुन्या ह। तब तउ कउनो भी मनई जउन एक जुवक बर्धा अउर सात ठु भेड़न लिआवइ, ओन ‘अइसन देवतन क जउन परमेस्सर ह ही नाही’ क सेवा करइवाला याजक बन सकत ह।</verse>
				<verse number="10">“किन्तु जहाँ तलक हमार बात अहइ यहोवा हमार परमेस्सर अहइ। हम यहूदा क निवासी लोग यहोवा क आग्या पालन स इन्कार किहा नाहीं ह। हम लोग ओका तजा नाहीं ह। जउन याजक यहोवा क सेवा करत हीं, उ पचे हारून क सन्तान अहइँ अउर लेवीबंसी यहोवा क सेवा करइ मँ याजकन क मदद करत हीं।</verse>
				<verse number="11">उ पचे होमबलि चढ़ावत हीं अउर धूपे क सुगन्धि यहोवा क हर भिंसारे साँझ बारत हीं। उ पचे मन्दिर मँ बिसेस मेज पइ रोटियन कतारन मँ रखत भी अहइँ अउर उ पचे सोना क डीबट पइ रखे भए दीपकन क देख भाल करत हीं ताकि हर साँझ क उ प्रकास क संग चलइ। हम लोग यहोवा, अपने परमेस्सर क सेवा सावधानी क संग करित ह। किन्तु तू लोग ओका तजि दिहा ह।</verse>
				<verse number="12">खुद परमेस्सर हम लोगन क संग अहइ। उ हमार सासक अहइ अउर ओकर याजक हमरे संग अहइँ। परमेस्सर क याजक आपन तुरही तोहका जगावइ अउर तोहका ओकरे लगे आवइ क उत्साहित करइ क बरे फूँकत हीं। ऐ इस्राएल क लोगो, अपने पुरखन क यहोवा, परमेस्सर क खिलाफ जिन लड़ा। काहेकि तू कामयाब नाहीं होब्या।”</verse>
				<verse number="13">किन्तु यारोबाम फउजियन क एक टुकड़ी क चुपके-चुपके गुप्त रूप स अबिय्याह क फउज क पाछे पठएस, इ तरह स जब यारोबाम क फउज अबिय्याह क फउज क समन्वा रही तब यारोबाम क फउज क गुप्त फउजी अबिय्याह क फउज क पाछे रही।</verse>
				<verse number="14">जब अबिय्याह क यहूदा क फउजियन चारिहुँ कइँती लखेन तउ उ पचे यारोबाम क फउज क आगे अउर पाछे स हमला करत पाएन। तउ यहूदा क लोग यहोवा क जोर स गोहराएन अउर याजकन तुरहियन बजाएन।</verse>
				<verse number="15">तब अबिय्याह क फउज क लोग चिचियाएस। जब यहूदा क लोग चिचियाएस तउ परमेस्सर यारोबाम क फउज क हराइ दिहस। यारोबाम क इस्राएल क सारी फउज क अबिय्याह क यहूदा क फउज क जरिये हराइ दीन्ह गइ।</verse>
				<verse number="16">इस्राएल क लोग यहूदा क लोगन क समन्वा भाग पराइ गएन। परमेस्सर यहूदा क फउज क जरिये इस्राएल क फउज क हरवाइ दिहस।</verse>
				<verse number="17">अबिय्याह क फउज इस्राएल क फउज क बुरी तरह हराएस अउर इस्राएल क पाँच लाख उत्तिम फउज मारे गएन।</verse>
				<verse number="18">इ तरह उ समइ इस्राएल क लोग पराजित अउर यहूदा क लोग बिजयी भएन। यहूदा क फउज बिजयी भइ काहेकि उ अपने पुरखन क परमेस्सर, यहोवा पइ निर्भर रही।</verse>
				<verse number="19">अबियाह क फउज यारोबाम क फउज क पाछा किहस। अबियाह क फउज यारोबाम स बेतेल, यसाना अउ एप्रोन नगरन पइ कब्जा कइ लिहेस। उ पचे ओन नगरन अउर ओनके आस पास क नान्ह गाँवन पइ अधिकार कइ लिहस।</verse>
				<verse number="20">यारोबाम जियादा सक्तीसाली फुन कबहुँ नाहीं भवा जब तलक अबिय्याह जिअत रहा। यहोवा यारोबाम क मार डाएस।</verse>
				<verse number="21">किन्तु अबिय्याह सक्तीसाली होइ गवा। उ चौदह मेहररुअन स बियाह किहस अउर उ बाईस पूतन अउ सोरह बिटियन क बाप रहा।</verse>
				<verse number="22">दूसर जउन कछू अबिय्याह किहस, उ इद्दो नबी क किताबन मँ लिखा अहइ।</verse>
			</chapter>
			<chapter number="14">
				<verse number="1">अबिय्याह अपने पुरखन क संग बिस्राम किहस। लोगन ओका दाऊद नगर मँ दफनाएन। तब अबिय्याह क पूत आसा अबिय्याह क जगह पइ नवा राजा भवा। आसा क समइ मँ देस मँ दस बरिस सान्ति रही।</verse>
				<verse number="2">आसा उहइ काम किहेस जउन यहोवा ओकर परमेस्सर क समन्वा अच्छा अउ ठीक रहा।</verse>
				<verse number="3">आसा ओन विचित्र वेदियन क हटाइ दिहस जेनकर उपयोग मूरतियन क पूजा क बरे होत रहा। आसा ऊँच जगहन क हटाइ दिहस अउर पवित्तर पाथरन क बर्बाद कइ दिहस अउर आसा असेरा खम्भन क तोर डाएस।</verse>
				<verse number="4">आसा यहूदा क लोगन क ओनकइ पुरखन क यहोवा परमेस्सर क अनुसरण करइ क आदेस दिहस। अउ आसा लोगन क यहोवा क नेमन अउ आदेसन क पालन करइ क आदेस दिहस।</verse>
				<verse number="5">आसा ऊँची जगहन क अउर सुगन्धि क वेदियन क यहूदा क सबहिं नगरन स हटाएस। इ तरह जब आसा राजा रहा, राज्ज सान्त रहा।</verse>
				<verse number="6">आसा यहूदा मँ सान्ति क समइ सक्तीसाली नगर बनाएस। आसा एन दिनन जुद्ध स मुक्त रहा काहेकि यहोवा ओका सान्ति दिहस।</verse>
				<verse number="7">आसा यहूदा क लोगन स कहेस, “हम पचन क नगरन क निर्माण अउ एनके चारिहुँ कइँती चरहदीवार बनावइ द्या। हम गुम्बद, दुआर अउ दुआरन मँ छड़न लगावइँ। हम पचन क तब तलक करइ द्या जब तलक इ देस हमार अहइ। इ हमार देस अहइ काहेकि हम लोग अपने यहोवा क अनुसरण किहा ह। उ हम लोगन क सब कइँती स सान्ति दिहस ह।” एह बरे उ पचे इ सबइ बनाएस अउर उ पचे सफल भएन।</verse>
				<verse number="8">आसा क लगे यहूदा क परिवार समूह स तीन लाख अउर बिन्यामीन क परिवार समूह स दुइ लाख अस्सी हजार फउज रही। यहूदा क मनइयन बड़ी ढारन अउर भालन लइके चलत रहेन। बिन्यामीन क मनइयन नान्ह ढारन अउ धनुस स चलइवाले बाण लइ चलत रहेन। उ पचे सबहिं बलवान अउर साहसी जोधा रहेन।</verse>
				<verse number="9">जब जेरह आसा क फउज क खिलाफ आवा। जेरह कूस द रहा। जेरह क फउज मँ दस लाख मनई अउर तीन सौ रथ रहेन। जेरह क फउज मारेसा नगर तलक गइ।</verse>
				<verse number="10">आसा जेरह क खिलाफ लड़इ बरे गवा। आसा क फउज मारेस क निअरे सापता घाटी मँ जुद्ध क बरे तइयार भइ।</verse>
				<verse number="11">आसा यहोवा परमेस्सर क गोहराएस अउर कहेस, “यहोवा, तू केवल तू ही बलवान लोगन क खिलाफ कमजोर लोगन क मदद कइ सकत ह। हे मोर यहोवा परमेस्सर हमार मदद करा। हम तोह पइ निर्भर अही। हम तोहरे नाउँ पइ इ बिसाल फउज स जुद्ध करित ह। हे यहोवा, तू हमार परमेस्सर अहा। अपने खिलाफ कउनो क जीतइ न द्या।”</verse>
				<verse number="12">तब यहोवा यहूदा कइँती स आसा क फउज क उपयोग कूस क फउज क पराजित करइ बरे किहस अउर कूस क फउज भाग खड़ी भइ।</verse>
				<verse number="13">आसा क फउज वूस क फउज क लगातार गरार नगर तलक पाछा किहस। एतने जियादा कूस क लोग मारे गएन कि उ पचे जुद्ध करइ बरे एक फउज क रूप मँ फुन बटुर न सकइँ। उ पचे यहोवा अउ ओकरी फउज क जरिये कूचर दीन्ह गएन। आसा अउर ओकर फउज दुस्मन स बहोत सारी लूट क माल लइ लिहन।</verse>
				<verse number="14">आसा अउर ओकर फउज गरार क नजिक क सबहिं नगरन क हराएस। ओन नगरन मँ रहइवाले लोग यहोवा स डरात रहेन। ओन नगरन मँ अनगिनत कीमती चिजियन रहिन। आसा क फउज ओन नगरन स एन कीमती चिजियन क संग लइ आइ।</verse>
				<verse number="15">आसा क फउज ओन डेरन पइ भी हमला किहस जेनमाँ गड़रियन रहत रहेन। उ पचे अनेक भेड़िन अउ ऊँट लूट लिहेन अउर ओनका लइ गएन। तब आसा क फउज यरूसलेम लउटि गइ।</verse>
			</chapter>
			<chapter number="15">
				<verse number="1">परमेस्सर क आतिमा आदेद क पूत अजर्याह पइ उतरी।</verse>
				<verse number="2">अजर्याह आसा स भेंटइ गवा। अजर्याह कहेस, “आसा अउ यहूदा अउ बिन्यामीन क सबहिं लोग मोर सुनइँ। यहोवा तोहरे संग तब अहइ जब तू ओकरे संग अहा। जदि तू यहोवा क हेरब्या तउ तू ओका पउब्या। किन्तु जदि तू ओका छोड़ब्या तउ उ तोहका तजि देइ।</verse>
				<verse number="3">बहोत समइ तलक इस्राएल बिना सच्चे परमेस्सर क, सिच्छा देइ वाला बिना याजक क अउ बिना नेम क रहेन।</verse>
				<verse number="4">किन्तु जब इस्राएल क लोग कस्ट मँ पड़इँ तउ उ पचे फुन इस्राएल क यहोवा परमेस्सर कइँती लउटइ। उ पचे यहोवा क हेरेन अउ ओका पाएन।</verse>
				<verse number="5">ओन बिपत्ति क दिनन मँ कउनो मनई सुरच्छित जात्रा नाहीं कइ सकत रहा। सबहिं रास्ट्र बहोत जियादा उपद्रव ग्रस्त रहेन।</verse>
				<verse number="6">एक रास्ट्र दूसरे रास्ट्र क अउर एक नगर दूसरे नगर क नस्ट करत रहा। इ एह बरे होत रहा कि परमेस्सर हर तरह क बिपत्तियन स ओनका परेसान करत रहा।</verse>
				<verse number="7">किन्तु आसा, तू अउर यहूदा अउ बिन्यामीन क लोगो, सक्तीसाली बना। कमजोर न पड़ा, ढीले न पड़ा काहेकि तोहका पचन्क अपने नीक काम क पुरस्कार मिली।”</verse>
				<verse number="8">आसा जब एन बातन अउर ओदेद नबी क संदेसा क सुनेस, तउ उ बहोत उत्साहित भवा। तब उ सारे यहूदा अउ बिन्यामीन छेत्र स घिनौनी मूरतियन क हटाइ दिहस अउर उ एप्रैम क पहाड़ी देस मँ अपने अधिकार मँ लाए गए नगरन मँ मूरतियन क हटाएस अउर उ यहोवा क उ वेदी क मरम्मत किहस जउन यहोवा क मन्दिर क ओसारे क समन्वा रही।</verse>
				<verse number="9">तब आसा यहूदा अउ बिन्यामीन क सबहिं लोगन क बटोरेस। उ एप्रैम, मनस्से अउर सिमोन परिवारन क भी बटोरेस जउन इस्राएल देस स यहूदा देस मँ रहइ बरे आइ ग रहेन। ओनकर बड़ी गनती यहूदा मँ आइ काहेकि उ पचे लखेन कि आसा क यहोवा परमेस्सर, आसा क संग अहइ।</verse>
				<verse number="10">आसा क हुकूमत क पन्द्रहवें बरिस क तीसरे महीने मँ आसा अउर उ सबइ लोग यरूसलेम मँ बटुरेन।</verse>
				<verse number="11">उ समइ उ पचे यहोवा क सात सौ बर्धन अउ सात हजार भेड़िन अउ बोकरन क बलि दिहन। आसा क फउज ओन जनावरन अउर दूसर कीमती चिजियन क अपने दुस्मनन स लिहे रहा।</verse>
				<verse number="12">तब उ पचे आपन पुरखन क यहोवा परमेस्सर क सेवा पूरे हिरदइ अउर आपन पूरी जान स करइ क एक करार अउर वाचा मँ किहन।</verse>
				<verse number="13">कउनो मनई जउन यहोवा परमेस्सर क सेवा स इन्कार करत रहा, मार दीन्ह जात रहा। इ बात क कउनो महत्व नाहीं रहा कि उ मनई महत्वपूर्ण या साधारण अहइ या मनसेधू या मेहरारु अहइ।</verse>
				<verse number="14">तब आसा अउ लोगन यहोवा क किरिया लिहन। उ पचे ऊँची अवाज मँ उद्घोस किहन। उ पचे तुरही अउ भेड़न क सींग बजाएन।</verse>
				<verse number="15">यहूदा स सबहिं लोग खुस रहेन काहेकि उ पचे पूरे हिरदइ स किरिया खाए रहेन। उ पचे पूरे हिरदइ स यहोवा क अनुसरण किहन अउ यहोवा क खोज किहन अउर ओका पाएन। एह बरे यहोवा यहोवा ओनके पूरे देस मँ सान्ति दिहस।</verse>
				<verse number="16">राजा आसा अपनी महतारी आका क राजमाता क पद स हटाइ दिहस। आसा इ एह बरे किहस काहेकि माका असेरा क सम्मान देइ बरे एक भयंकर खम्भा खड़ा किहे रहा। आसा इ खम्भा क काट दिहस अउर एका नान्ह नान्ह टूकन मँ तहस नहस कइ दिहस। तब उ ओन नान्ह टूकन क किद्रोन घाटी मँ बार दिहस।</verse>
				<verse number="17">ऊँच जगहन क यहूदा स नाहीं हटावा गवा, किन्तु आसा क हिरदइ जिन्नगी भइ यहोवा क बरे स्रद्धालु रहा।</verse>
				<verse number="18">आसा ओन पवित्तर भेंटन यहोवा क मन्दिर मँ लिआएस जेनका ओकर बाप राखस रहेन। उ सबइ चिजियन चाँदी अउ सोना क बनी रहिन।</verse>
				<verse number="19">आसा क हुकूमत क पैंतीस बरिस तलक कउनो जुद्ध नाहीं भवा।</verse>
			</chapter>
			<chapter number="16">
				<verse number="1">आसा क राज्जकाल क छत्तीसवें बरिस बासा यहूदा क भुइँया पइ हमला किहस। बासा इस्राएल क राजा रहा। उ रामा नगर गवा अउर एका लोगन क राजा आसा क लगे जावइ अउ आवइ स रोकइ बरे किला बनाइ दिहस।</verse>
				<verse number="2">आसाने यहोवा क मन्दिर क कोसागार मँ रखे भए चाँदी अउर सोना क लिहस अउर उ राजमहल स चाँदी सोना लिहस। तब आसा बेन्हदद क सँदेसा पठएस। बेन्हदद अराम क राजा रहा अउर दमिस्क मँ रहत रहा। आसा क सँदेसा रहा:</verse>
				<verse number="3">“बेन्हदद, मोरे अउर अपने बीच एक ठु सन्धि होइ द्या। इ सन्धि क वइसे ही होइ द्या जइसा उ हमरे बाप अउर तोहरे बाप क बीच कीन्ह गइ रही। धियान द्या, मइँ तोहरे लगे चाँदी सोना पठवत हउँ। अब तू इस्राएल क राजा बासा क संग कीन्ह गइ सन्धि क तोड़ द्या जेहसे उ मोका अजाद छोड़ देब्या अउर मोका परेसान करब बन्द कइ देब्या।”</verse>
				<verse number="4">बेन्हदद आसा क बात मान लिहस। बेन्हदद आपन फउजे क सेनापतियन क इस्राएल क नगरन पइ हमला करइ क बरे पठएस। एन सेनापतियन इय्योन, दान अउर आबेल्मैम नगरन पइ हमला किहस। उ पचे नप्ताली देस मँ ओन सबहिं नगरन पइ हमला किहस जहाँ खजाने रखे रहेन।</verse>
				<verse number="5">बासा इस्राएल क नगरन पइ हमला क बात सुनेस। एह बरे उ रामा मँ किला बनावइ क काम रोक दिहस अउर आपन काम छोड़ दिहस।</verse>
				<verse number="6">तब राजा आसा यहूदा क सबहिं लोगन क बटोरेस। उ पचे रामा नगर क गएन अउर काठ अउ पाथर उठाइ लाएन जेनकर उपयोग बासा किला बनावइ बरे किहे रहा। आसा अउर यहूदा क लोग पाथरन अउ काठे क उपयोग गेवा अउ मिस्पा नगरन क जियादा मजबूत बनावइ बरे किहस।</verse>
				<verse number="7">उ समइ द्रस्टा हनानी यहूदा क राजा आसा क लगे आवा। हनानी ओहसे कहेस, “आसा, तू मदद क बरे अराम क राजा पइ आस्रित रह्या, किन्तु तू यहोवा आपन परमेस्सर पइ मदद बरे आस्रित नाहीं रह्या। एह बरे अराम क राजा क फउज तोहसे पराइ निकरी।</verse>
				<verse number="8">कूस अउ लुबी बहोत बिसाल अउ सक्तीसाली फउज रखत रहेन। ओकरे लगे अनेक रथ अउ सारथी रहेन। किन्तु आसा, तू उ बिसाल सक्तीसाली फउज क हरावइ मँ मदद क बरे यहोवा पइ आस्रित भए अउर यहोवा तोहका ओनका हरावइ दिहस।</verse>
				<verse number="9">यहोवा क आँखिन सारी धरती पइ ओन लोगन क लखत फिरत हीं जउन ओकरे बरे स्रद्धालु अहइँ जेहसे उ ओन लोगन क सक्तीसाली बनाइ सकइ। आसा, तू बेवकूफी क काम किहा। एह बरे अब स लइके आगे तलक तोहका जुद्ध क सामना करइ क पड़ी।”</verse>
				<verse number="10">आसा हनानी पइ उ बात स कोहाइ गवा जउन उ कहेस। आसा ऍतना किरोध स पागल होइ उठा कि उ हनानी क बन्दीघरे मँ डाइ दिहस। आसा उ समइ कछू लोगन पइ अत्याचार भी करत रहा।</verse>
				<verse number="11">आसा जउन कछू सुरु स आखीर तलक किहस। उ इस्राएल अउर यहूदा क राजा लोगन क इतिहास क पुस्तक मँ लिखा अहइ।</verse>
				<verse number="12">आसा क गोड़ ओकरे राज्जकाल क उनतालीसवें बरिस मँ रोगी होइ गवा। ओकरे रोग बहोत बुरा रहा किन्तु उ यहोवा स मदद नाहीं चाहेस। आसा वैद्यन स मदद चाहेस।</verse>
				<verse number="13">आसा अपने राज्जकाल क इकतालीसवें बरिस मँ मरा अउर इ प्रकार आसा अपने पुरखन क संग बिस्राम किहस।</verse>
				<verse number="14">लोग आसा क ओकरी कब्र मँ दफनाएन जेका खुद दाऊद क नगर मँ बनाए रहा। लोग ओका एक आखिरी चारपाई पइ रखेन जेह पइ सुगन्धित द्रव्य अउर अलग-अलग तरह क मिले इत्र रखे रहेन। लोग आसा क सम्मान करइ क आगी क महाज्वाला किहन।</verse>
			</chapter>
			<chapter number="17">
				<verse number="1">आसा क जगह पइ यहोसापात यहूदा क नवा राजा भवा। यहोसापात आसा क पूत रहा। यहोसापात यहूदा क सक्तीसाली बनाएस जेहसे उ पचे इस्राएल क खिलाफ लड़ सकत रहेन।</verse>
				<verse number="2">उ फउजे क टुकड़ियन क यहूदा सबहिं किलाबन्द नगरन मँ रखेस। यहोसापात फउजे क टुकड़ियन क यहूदा अउ एप्रैम क ओन नगरन मँ राखेस जेनका ओकर बाप आसा अपने अधिकार मँ किहे रहेन।</verse>
				<verse number="3">यहोवा यहोसापात क संग रहा काहेकि पहिले क बरिसन मँ उ उ सबइ नीक काम किहेस जेनका ओकर पुरखा दाऊद किहे रहा। यहोसापात बाल क मूरतियन क अनुसरण नाहीं किहस।</verse>
				<verse number="4">यहोसापात उ परमेस्सर क हेरेस जेकर अनुसरण ओकरे पुरखन करत रहेन। उ परमेस्सर क आदेसन क पालन किहेस। उ उ तरह नाहीं रहा जइसा इस्राएल क दूसर लोग रहत रहेन।</verse>
				<verse number="5">यहोवा यहोसापात क यहूदा क सक्तीसाली राजा बनाएस। यहूदा क सबहिं लोग यहोसापात क भेट लिआएन। इ तरह यहोसापात क लगे बहोत स सम्पत्ति अउ सम्मान दुइनउँ रहेन।</verse>
				<verse number="6">यहोसापात यहोवा क मारग पइ चलेस अउ ओका ओन पइ गर्व रहा। उ ऊँच जगहियन अउ असेरा क खम्भन क यहूदा देस स बाहेर किहस।</verse>
				<verse number="7">यहोसापात अपने प्रमुखन क यहूदा क नगरन मँ सिच्छा देइ क बरे पठएस। इ यहोसापात क राज्जकाल क तीसरे बरिस भवा। उ पचे बेन्हैल, ओबद्याह, जकर्याह, नतनेल अउर मीकायाह रहेन।</verse>
				<verse number="8">उ लेवीबंसी क ओनकर संग पठइ दिहेस। उ सबइ समाया, नतन्याह, असाहेल, समीरामोत, यहोनातान, अदोनिय्याह अउर तोबियाह रहेन। यहोसापात याजक एलीसामा अउर यहोराम रहेन।</verse>
				<verse number="9">ओन प्रमुखन, लेवीबंसियन अउ याजकन यहूदा मँ लोगन क सिच्छा दिहन। ओनके लगे, यहोवा क नेमन क किताब रही। उ पचे यहूदा क सबहिं नगरन मँ गएन अउर लोगन क उ पचे सिच्छा दिहन।</verse>
				<verse number="10">यहूदा क आस-पास क रास्ट्रन यहोवा स डेरात रहेन। इहइ कारण रहा कि उ पचे यहोसापात क खिलाफ जुद्ध नाहीं छेड़ेन।</verse>
				<verse number="11">कछू पलिस्ती लोग यहोसापात क लगे भेंट लिआएन। उ पचे यहोसापात क लगे चाँदी लिआएन काहेकि उ पचे जानत रहेन कि उ बहोत सक्तीसाली राजा अहइ। कछू अरब क लोग यहोसापात क लगे रेवड़न लिआएन। उ पचे ओकरे लगे सात हजार सात सौ भेड़िन अउर सात हजार सात सौ बोकरियन लिआएन।</verse>
				<verse number="12">यहोसापात जियादा स जियादा सक्तीसाली होत गवा। उ यहूदा देस मँ किलन अउर मज़बूत नगर बनाएन।</verse>
				<verse number="13">यहोसापात क लगे बहोत स कलाकार अउर मजदूर रहेन जउन ओकरे बरे ओन नगरन मँ काम करत रहेन। उ यरूसलेम मँ प्रसिच्छित सैनिक रखेन।</verse>
				<verse number="14">ओन फउजियन क अपने परिवार समूह मँ गनती रही। यरूसलेम क ओन फउजियन क सूची इ अहइ: यहूदा क परिवार समूह स इ सेनाध्यच्छ रहेन: अदना तीन लाख फउजियन क सेनाध्यच्छ रहा।</verse>
				<verse number="15">यहोनानान दुइ लाख अस्सी हजार फउजियन क सेनाध्यच्छ रहा।</verse>
				<verse number="16">अमस्याह दुइ लाख फउजियन क सेनाध्यच्छ रहा। अमस्याह जिक्री क पूत रहा। अमास्याह अपने क यहोवा क सेवा मँ अर्पित करइ मँ खुस रहा।</verse>
				<verse number="17">बिन्यामीन क परिवार समूह स इ सेनाध्यच्छ रहेन: एल्यादा क लगे दुइ लाख फउजी रहेन जउन धनुस, बाण अउर ढाल क उपयोग करत रहेन। एल्यादा एक साहसी फउजी रहा।</verse>
				<verse number="18">यहोनाबाद क लगे एक लाख अस्सी हजार मनई जुद्ध बरे तइयार रहेन।</verse>
				<verse number="19">उ सबइ सबहिं फउजी यहोसापात क सेवा करत रहेन। राजा पूरे यहूदा देस क किलन मँ दूसर मनइयन क भी रखे रहा।</verse>
			</chapter>
			<chapter number="18">
				<verse number="1">यहोसापात क लगे सम्पत्ति अउ सम्मान रहा। उ राजा अहाब क संग बियाह क जरिये एक ठु सन्धि किहस।</verse>
				<verse number="2">कछू बरिस पाछे, यहोसापात सोमरोन नगर मँ अहाब स भेंटइ गवा। अहाब बहोत स भेड़िन अउर गोरुअन क बलि यहोसापात अउ ओकरे संग क मनइयन क बरे चढ़ाएस। अहाब यहोसापात क गिलाद क रामोद नगर पइ हमला बरे प्रोत्साहित किहस।</verse>
				<verse number="3">अहाब यहोसापात स कहेस, “का तू मोरे संग गिलाद क रामोत पइ हमला करइ चलब्या?” अहाब इस्राएल क अउर यहोसापात यहूदा क राजा रहा। यहोसापात अहाब क जवाब दिहस, “मइँ तोहरि तरह हउँ अउर हमरे लोग तोहरे लोगन क तरह अहइँ। हम जुद्ध मँ तोहार साथ देब।”</verse>
				<verse number="4">यहोसापात अहाब स इ कहेस, “आवा, पहिले हम यहोवा स सँदेसा प्राप्त करी।”</verse>
				<verse number="5">एह बरे अहाब चार सौ नबियन क बटोरेस। अहाब ओनसे कहेस, “का हम क गिलाद क रामोत नगर क बिरुद्ध जुद्ध मँ जाइ चाही या नाहीं?” नबियन अहाब क उत्तर दिहन, “जा, काहेकि यहोवा गिलाद क रामोत क तोहका पराजित करइ देइ।”</verse>
				<verse number="6">किन्तु यहोसापात कहेस, “का कउनो हिआँ यहोवा क नबी अहइ? हम लोग ओकरे नबियन मँ स एक क जरिये यहोवा स पूछइ चाहित ह।”</verse>
				<verse number="7">तब राजा अहाब यहोसापात स कहेस, “हिआँ हमार लगे सिरिफ एक मनई अहइ। हम ओकरे माध्यम स यहोवा क पूछ सकित ह। किन्तु मइँ इ मनई स घिना करत हउँ काहेकि इ कबहुँ मोका यहोवा स कउनो अच्छा सँदेसा नाहीं दिहस। इ सदा ही बुरा सँदेसा मोरे बरे दिहस ह। इ आदमी क नाउँ मीकायाह अहइ। जउन कि यिम्ला क पूत अहइ।” किन्तु यहोसापात कहेस, “अहाब, तोहका अइसा नाहीं कहइ चाही।”</verse>
				<verse number="8">तब इस्राएल क राजा अहाब अपने अधिकारियन मँ स एक क बोलाएस अउ कहेस, “हाली करा, यिम्ला क पूत मीकायाह क हिआँ लिआवा।”</verse>
				<verse number="9">इस्राएल क राजा अहाब अउ यहूदा क राजा यहोसापात अपने राजसी ओढ़ना पहिर रखे रहेन। उ पचे अपने सिंहासनन पइ खरिहान मँ सोमरोन नगर क सम्मुख दुआरे क निचके बइठे रहेन। उ सबइ चार सौ नबी आपन सँदेसा दुइनउँ राजा लोगन क समन्वा देत रहेन।</verse>
				<verse number="10">कनान क पूत सिदकिय्याह लोहा क कछू सींगन बनाएस। सिदकिय्याह कहेस, “इहइ अहइ जउन यहोवा कहत ह: ‘तू लोग लोहे क सींगन क उपयोग तब तलक अस्सूर क लोगन मँ घोंपइ क बरे करब्या जब तलक उ पचे नस्ट न होइ जाइँ।’”</verse>
				<verse number="11">सबहिं नबियन इहइ बात कहेन। उ पचे कहेन, “गिलाद क रामोत नगर क जा। तू लोग सफल होब्या अउर जितब्या। यहोवा राजा अउ अस्सूर क लोगन क हरावइ देइ।”</verse>
				<verse number="12">जउन दूत मीकायाह क लिआवइ गवा रहा उ ओहसे कहेस, “मीकायाह, मोका, सबहिं नबी एक ही बात कहत रहत हीं। उ पचे कहत रहत हीं कि राजा क कामयाबी मिली। एह बरे उहइ कहा जउन उ पचे कहत रहत हीं। तू भी अच्छी बात कहा।”</verse>
				<verse number="13">किन्तु मीकायाह जवाब दिहेस, “यहोवा क जिन्नगी क किरिया मइँ उहइ कहब जउन मोर परमेस्सर कहत ह।”</verse>
				<verse number="14">तब मीकायाह राजा अहाब क लगे आवा। राजा ओहसे कहेस, “मीकायाह, का हम क जुद्ध करइ बरे गिलाद क रामोत नगर क जाइ चाही या नाहीं?” मीकायाह कहेस, “जा अउर हमला करा। यहोवा तोहका ओन लोगन क हरावइ देइ।”</verse>
				<verse number="15">राजा अहाब मीकायाह स कहेस, “कइउ दाई मइँ तोहसे प्रतिग्या करवाई रही कि तू यहोवा क नाउँ पइ मोका सिरिफ फुरइ बतावा।”</verse>
				<verse number="16">तब मीकायाह कहेस, “मइँ इस्राएल क सबहिं लोगन क पहाड़न पइ बिखेर भए लखेउँ। उ पचे गड़रियन क बिना भेड़ी क नाई रहेन। यहोवा कहेस, ‘ओनकर कउनो नेता नाहीं अहइ। हर एक मनई क ओकरे घरे मँ सुरच्छित लउटइ द्या।’”</verse>
				<verse number="17">इस्राएल क राजा अहाब यहोसापात स कहेस, “मइँ कहे रहेउँ कि मीकायाह मोरे बरे यहोवा स बढ़िया सँदेसा नाहीं पाइ। उ मोरे बरे सिरिफ बुरे सँदेसा रखत ह।”</verse>
				<verse number="18">मीकायाह कहेस, “यहोवा क सँदेसा सुना: मइँ यहोवा क अपने सिंहासने पइ बइठे लखेउँ। सरग क पूरी फउज ओकरे चारिहुँ कइँती खड़ी रही। कछू ओकरे दाहिन कइँती अउर कछू ओकरे बाईं कइँती।</verse>
				<verse number="19">यहोवा कहेस, ‘इस्राएल क राजा अहाब क कउन बहकाएस? जेहसे उ गिलाद क रामोत नगर पइ हमला करब अउर उ हुवाँ मार दीन्ह देब?’ यहोवा क चारिहुँ कइँती खड़े अलग-अलग अतिमा अलग-अलग मस्वरा दिहन।</verse>
				<verse number="20">तब एक आतिमा आइ अउर उ यहोवा क समन्वा खड़ी भइ। उ आतिमा कहेस, ‘मइँ अहाब क धोखा देब।’ यहोवा आतिमा स पूछेस, ‘कइसे?’</verse>
				<verse number="21">उ आतिमा जवाब दिहस, ‘मइ बाहेर जाब अउर अहाब क नबियन क मुँह मँ झूठ बोलइवाली आतिमा बनब’ अउर यहोवा कहेस, ‘तोहका अहाब क धोखा देइ मँ कामयाबी मिली। एह बरे जा अउर एका करा।’</verse>
				<verse number="22">“अहाब, अब धियान द्या, यहोवा तोहरे नबियन क मुँहे मँ झूठ बोलइवाली आतिमा प्रवेस कराएस ह। यहोवा कहेस ह कि तोहरे संग बुरा घटी।”</verse>
				<verse number="23">तब सिदकिय्याह मीकायाह क लगे गवा अउर ओकरे मुँहे पइ मारेस। कनाना क पूत सिदकिय्याह कहेस, “मीकायाह, यहोवा क आतिमा मोका तजिके तोहसे बातचीत करइ कइसे आइ?”</verse>
				<verse number="24">मीकायाह जवाब दिहस, “सिदकिय्याह, तू उ दिन एका जनब्या जब तू एक भीतरी घरे मँ छुपइ जाब्या।”</verse>
				<verse number="25">तब राजा अहाब कहेस, “मीकायाह क ल्या अउर ऍका नगर क प्रसासक आमोन अउ राजा क पूत योआस क लगे पठइ द्या।</verse>
				<verse number="26">आमोन अउ योआस स कहा, ‘राजा इ कहत हीं: मीकायाह क बन्दीघरे मँ डाइ द्या। ओका सेटी अउ पानी क अलावा तब तलक कछू खाइ क जिन द्या जब तलक मइँ जुद्ध स सुरच्छित न लउटउँ।’”</verse>
				<verse number="27">मीकायाह जवाब दिहस, “अहाब, जदि तू जुद्ध स सुरच्छित लउटि आवत ह तउ यहोवा मोरे जरिये नाहीं कहेस ह। तू सबहिं लोग सुना अउर मोरे बचन क याद रखा।”</verse>
				<verse number="28">एह बरे इस्राएल क राजा अहाब अउ यहूदा क राजा यहोसापात गिलाद क रामोत नगर पइ हमला किहस।</verse>
				<verse number="29">इस्राएल क राजा अहाब यहोसापात स कहेस, “मइँ जुद्ध मँ जाइ क पहिले आपन रुप बदल देब। किन्तु तू अपना राजवस्त्र ही पहिरा।” एह बरे इस्राएल क राजा अहाब अपना रुप बदल दिहस अउर दुइनउँ राजा जुद्ध मँ गएन।</verse>
				<verse number="30">अराम क राजा अपने रथन क रथपतियन क आदेस दिहस। उ ओनसे कहेस, “कउनो भी मनइ स चाहे उ बड़ा फउज होइ या छोट फउज होइ ओहसे जुद्ध जिन करा। किन्तु सिरिफ इस्राएल क राजा अहाब स जुद्ध करा।”</verse>
				<verse number="31">जब रथपतियन यहोसापात क लखेन उ पचे सोचेन, “उहइ इस्राएल क राजा अहाब अहइ।” उ पचे यहोसापात पइ हमला करइ क बरे ओकरी कइँती मुड़ेन। किन्तु यहोसापात उद्घोस किहस अउर यहोवा ओकर मदद किहस। परमेस्सर रथपतियन क यहोसापात क समन्वा स दूर मुड़ जाइ दिहस।</verse>
				<verse number="32">जब उ पचे समुझेन कि यहोसापात इस्राएल क राजा नाहीं अहइ उ पचे ओकर पाछा करब छोड़ दिहन।</verse>
				<verse number="33">किन्तु एक फउजी स बिना कउनो लच्छ बेध क धनुस स बाण छूट गएन। उ बाण इस्राएल क राजा अहाब क बेध दिहस। इ, अहाब क कवच क खुले आग मँ बेधेस। अहाब अपने रथे क सारथी स कहेस, “पाछे मुड़ा अउर मोहसे जुद्ध स बाहेर लइ चला। मइँ घायल होइ गवा अहउँ।”</verse>
				<verse number="34">उ दिन जुद्ध घमासान होइ गवा। इस्राएल क राजा आपन रथ मँ अरामियन क सामना करत भए साँझ तलक अपने क सँभारे रखेस। तब अहाब सूरज बूड़ाइ पइ मर गवा।</verse>
			</chapter>
			<chapter number="19">
				<verse number="1">यहूदा क राजा यहोसापात सुरच्छित यरूसलेम अपने घरे लउटा।</verse>
				<verse number="2">दूस्टा येहू यहोसापात स भेंटइ गवा। येहू क बाप क नाउँ हनानी रहा। येहू राजा यहोसापात स कहेस, “तू बुरे मनइयन क मदद काहे करत ह तू ओन लोगन स काहे पिरेम करत ह जउन यहोवा स घिना करत हीं? इहइ कारण अहइ कि यहोवा तोह पइ कोहान अहइ।</verse>
				<verse number="3">किन्तु तोहरी जिन्नगी मँ कछू अच्छी बातन अहइँ। तू असेरा खम्भन क इ देस स बाहेर किहा अउर तू हिरदइ स परमेस्सर क अनुसरण करइ क निहिचय किहा।”</verse>
				<verse number="4">यहोसापात यरूसलेम मँ रहत रहा। उ लोगन स संग मिलइ बरे फुन एप्रैम क पहाड़ी पहँटा स बेर्सेबा नगर तलक गएन। यहोसापात ओन लोगन क उ यहोवा परमेस्सर क लगे लउटाएस जेकर अनुसरण ओनकर पुरखन करत रहेन।</verse>
				<verse number="5">यहोसापात यहूदा मँ निआवाधीस चुनेस। उ यहूदा क हर किला नगर मँ रहइ क बरे निआवाधीस चुनेस।</verse>
				<verse number="6">यहोसापात एन निआवाधीसन स कहेस, “जउन कछू तू करा ओहमाँ सावधान रहा काहेकि तू, लोगन क बरे निआव नाहीं करत रह्या मुला यहोवा बरे करत अहा। जब तू निर्णय करब्या तब यहोवा तोहरे संग होइ।</verse>
				<verse number="7">तोहमाँ स हर एक क अब यहोवा स डेराइ चाही। जउन करा ओहमाँ सावधान रहा काहेकि हमार यहोवा परमेस्सर निआवी बाटइ। उ कउनो मनई क दूसर मनई स जियादा महत्त्वपूर्ण मानिके बेउहार नाहीं करत। उ अपने निर्णय क बदलइ क बरे धन नाहीं लेत।”</verse>
				<verse number="8">अउर यहोसापात यरूसलेम मँ, लेवीबंसियन, याजकन अउर इस्राएल क परिवार क प्रमुखन क निआवाधीस चुनेस। ओन लोगन क यहोवा क नेमन क उपयोग यरूसलेम क लोगन क समस्यन क निपटावइ बरे करब रहा।</verse>
				<verse number="9">यहोसापात ओनका आदेस दिहस अउ कहेस, “तोहका अपने पूरे हिरदइ स निस्ठावान पुर्वक सेवा करइ चाही। तोहका यहोवा स जरूर डेराइ चाही।</verse>
				<verse number="10">तोहरे लगे हत्या, परमेस्सर क नेम मँ हिंसा, आदेस, सासन या कउनो दूसर नेमन क मामले आइ सकत हीं। इ सबइ सबहिं मामले नगरन मँ रहइवाले तोहरे भाइयन दुआरा तोहार समन्वा आइहीं। एन सबहिं मामलन मँ तोहका लोगन क इ बात क चितउनी देइ चाही कि उ तोहार निर्देसन क जरूर मानिहीं अन्यथा उ परमेस्सर क समन्वा दोखी होइ अउर ओकर किरोध ओन पइ, तोह पइ अउर तोहार भाइयन क ऊपर उतरिहीं। इ करा तब तू अपराधी नाहीं होब्या।</verse>
				<verse number="11">“अमर्याह मार्गदर्सक याजक अहइ। उ यहोवा क सम्बन्ध क सबहिं बातन मँ तोहरे ऊपर होइ। इस्माएल क पूत जबद्याह राजा क सबहिं बातन क अधिकारी होइ। जबद्याह यहूदा क परिवार समूह मँ प्रमुख अहइ। लेवीबंसी अधिकारियन क रूप मँ भी तोहार सहायता करिहीं। जउन कछू करा ओहमाँ साहस रखा। यहोवा ओन लोगन क संग होइ, जउन उहइ करत हीं जउन ठीक अहइ।”</verse>
			</chapter>
			<chapter number="20">
				<verse number="1">कछू समइ पाछे मोआबी, अम्मोनी अउर कछू मूनी लोग यहोसापात क संग जुद्ध करइ आएन।</verse>
				<verse number="2">कछू लोग आएन अउर उ पचे यहोसापात स कहेस, “तोहरे खिलाफ एदोम स, मृत-सागर क दूसर कइँती स एक ठु बिसाल फउज आवति अहइ। उ पचे हसासोन्तामार मँ पहिले स ही अहइँ।” (हसासोन्तामार क एनगदी भी कहा जात ह।)</verse>
				<verse number="3">यहोसापात डर गवा अउर उ यहोवा स इ पूछइ क निहचइ किहेस कि ओका का करइ चाही? उ यहूदा मँ हर एक क बरे उपवास क समइ घोसित किहस।</verse>
				<verse number="4">यहूदा क लोग एक संग यहोवा स मदद माँगइ आएन। उ पचे यहूदा क सबहिं नगरन स यहोवा क मदद माँगइ आएन।</verse>
				<verse number="5">यहोसापात यहोवा क मन्दिर मँ नवे अंगना क समन्वा रहा। य यरूसलेम अउ यहूदा स आए लोगन क सभा मँ खड़ा भवा।</verse>
				<verse number="6">उ कहेस, “हे हमरे पुरखन क यहोवा परमेस्सर, तू सरग मँ परमेस्सर अहा। तू सबइ देसन क सबइ राज्जन पइ हुकूमत करत ह। तोहार लगे सक्ती अउ ताकत अहइ! कउनो मनई तोहरे बिरूद्ध खड़ा नाहीं होइ सकत।</verse>
				<verse number="7">तू हमार परमेस्सर अहा। तू इ भुइँया मँ रहइवालन क एका तजइ क मजबूर किहा। इ तू अपने इस्राएली लोगन क समन्वा किहा। तू इ भुइँया तू आपन मीत इब्राहीम क संतानन क सदा ही क बरे दइ दिहा।</verse>
				<verse number="8">इब्राहीम क संतान इ देस मँ रहत रहेन अउर उ पचे एक ठु मन्दिर तोहरे नाउँ पइ बनाएन।</verse>
				<verse number="9">उ पचे कहेन, ‘जदि हम लोगन पइ बिपद आइ जइसे तरवार, दण्ड, रोग या अकाल तउ हम इ मन्दिर क समन्वा अउर तोहरे समन्वा खड़े होब। इ मन्दिर पइ तोहार नाउँ अहइ। जब हम लोगन पइ बिपत्ति आइ तउ हम लोग तोहका गोहराउब। तब तू हमरी सुनब्या अउर हमार रच्छा करब्या।’</verse>
				<verse number="10">“मुला इ समइ हिआँ अम्मोन, मोआब अउर सेईर पर्वत क लोग चढ़ आएन ह। तू इस्राएल क लोगन क उ समइ ओनकी भुइँया मँ नाहीं जाइ दिहा जब उ पचे मिस्र स बाहेर आएन। एह बरे इस्राएल क लोग मुड़ गए रहेन अउर ओन लोग ओनका नस्ट नाहीं किहेन।</verse>
				<verse number="11">मुला लखा कि उ सबइ लोग हम क ओनका नस्ट न करइ क कउनो तरह क पुरस्कार देत अहइँ। उ पचे हम क तोहरी भुइँया स बाहेर होइ बरे मजबूत करइ आए अहइँ। इ भुइँया तू हम क दिहा ह।</verse>
				<verse number="12">हे हमार परमेस्सर, ओन लोगन क दण्ड देइ। हम लोग उ बिसाल फउज क खिलाफ कउनो सक्ती नाहीं रखतेन जउन हमरे खिलाफ आवति अहइ। हम नाहीं जानित कि का करी। इहइ कारण अहइ कि हम तोहार मदद बरे लखिहीं!”</verse>
				<verse number="13">यहूदा क सबहिं लोग यहोवा क समन्वा अपने गदेलन, मेहररुअन अउ बच्चन क संग खड़े रहेन।</verse>
				<verse number="14">तब यहोवा क आतिमा यहजीएल पइ उतरी। यहजीएल जकर्याह क पूत रहा बनायाह यीएल क पूत रहा अउर यीएल मत्तन्याह क पूत रहा। यहजीएल एक लेवीबंसी रहा अउर आसाप क संतान रहा।</verse>
				<verse number="15">उ सभा क बीच यहजीएल कहेस, “हे राजा यहोसापात अउ यहूदा अउ यरूसलेम मँ रहइवाले लोगो, मोर सुना। यहोवा तोहसे इ कहत ह: ‘इ बिसाल फउज स न तउ डरा, न ही चिन्ता करा काहेकि इ तोहार जुद्ध नाहीं अहइ। इ परमेस्सर इ जुद्ध अहइ।</verse>
				<verse number="16">भियान तू हुवाँ जा अउर ओन लोगन स लड़ा। उ पचे सीस क दर्रे स होइके अइहीं। तू लोग ओनका घाटी क आखिर मँ यरूसलेम रेगिस्तान क दूसरि कइँती पउब्या।</verse>
				<verse number="17">इ जुद्ध मँ तोहका लड़ब नाहीं पड़ी। अपने जगहन पइ मजबूती स खड़ा रहा। तू लखब्या कि यहोवा तोहका कइसे बचावत ह। यहूदा अउ यरूसलेम क लोगो, डेराअ नाहीं। चिन्ता जिन करा! यहोवा तोहरे संग अहइ एह बरे भियान ओन लोगन क खिलाफ जा।’”</verse>
				<verse number="18">यहोसापात बहोत नम्रता स निहुरा। ओकर मूँड़ भुइँया क छूअत रहा अउर यहूदा अउ यरूसलेम मँ रहइवाले सबहिं लोग यहोवा क समन्वा गिर गएन अउर ओन सबहिं यहोवा क उपासना किहन।</verse>
				<verse number="19">कहाती परिवार समूह क लेवीबंसी अउ कहाती लोग, इस्राएल क यहोवा परमेस्सर क स्तुति क बरे खड़े भएन। उ पचे बहोत ऊँची अवाज मँ स्तुति किहन।</verse>
				<verse number="20">यहोसापात क फउज तकोआ रेगिस्तान मँ बहोत सबेरे गइ। जब उ पचे बढ़ब आरम्भ करत रहेन, यहोसापात खड़ा भवा अउर उ कहेस, “यहूदा अउ यरूसलेम क लोगो, मोर सुना। अपने यहोवा परमेस्सर मँ बिस्सास रखा अउर तब तू मज़बूती क संग खड़े रहब्या। यहोवा क नबियन मँ बिस्सास रखा। तू लोग सफल होब्या।”</verse>
				<verse number="21">यहोसापात लोगन क उत्साहित किहेस अउर निर्देस दिहेस। तब उ यहोवा क बरे गायक चुनेस। उ पचे गायक यहोवा क स्तुति करइ क बरे चुने ग रहेन काहेकि उ पवित्तर अउर महिमामय बाटइ। उ पचे फउजे क समन्वा कदम मिलावत भए बढ़ेन अउर उ पचे यहोवा क स्तुति किहन। एन गायकन गाएन, “परमेस्सर क धन्यवाद द्या, काहेकि ओकर पिरेम सदैव रहत ह।”</verse>
				<verse number="22">जइसे ही ओन लोग गाना गाइके यहोवा क स्तुति सुरु किहन, यहोवा अम्मोनी, मोआबी अउर सेईर पर्वत क लोगन क खिलाफ अचानक हमला किहेस। इ सबइ उ सब लोग रहेन जउन यहूदा पइ आक्रमण करइ आए रहेन। उ सबइ लोग पिट गएन।</verse>
				<verse number="23">अम्मोनी अउ मोआबी लोग सेईर पर्वत स आए लोगन क क खिलाफ जुद्ध करइ सुरू कइ दिहेन अउ ओनका नस्ट कइ दिहन। जब उ पचे सेईर क लोगन क मार चुकेन तु पचे एक दूसर क मार डाएन।</verse>
				<verse number="24">यहूदा क लोग एक अइसी जगह पइ आएन जहाँ स उ पचे सारे रेगिस्तान क लखइ सकत। उ पचे दुस्मन क बिसाल सेना क लखेन। किन्तु उ पचे सिरिफ ल्हासन क भुइँया पइ पड़े लखेन। कउनो मनई बचा न रहा।</verse>
				<verse number="25">यहोसापात अउर ओकर फउज ल्हासन स कीमती चिजियन लइ लिहेस। उ पचे बहोत स सामानन, वस्त्रन अउ कीमती चिजियन पाएन। उ पचे बहोत सारा जनावरन भी पाएन। चिजियन ओहसे अधिक रहिन जेतना यहोसापात अउर ओकर फउज लइ जाइ सकत रही। ओनका ल्हासन स कीमती चिजियन बटोरइ मँ तीन दिन लगेन, काहेकि हुवाँ बहोत जियादा रहेन।</verse>
				<verse number="26">चउथे दिन यहोसापात अउर ओकर फउज बराका क घाटी मँ मिलेन। उ पचे उ जगह पइ यहोवा क स्तुति किहन। इहइ कारण अहइ कि उ जगह क नाउँ आजु तलक “बराका क घाटी” अहइ।</verse>
				<verse number="27">तब यहोसापात यहूदा अउ यरूसलेम क लोगन क यरूसलेम लउटाइके लइ गवा। यहोवा ओनका बहोत खुस किहस काहेकि ओनकर दुस्मन पराजित होइ गए रहेन।</verse>
				<verse number="28">उ पचे यरूसलेम मँ प्रवेस किहेन अउर वीणा, सितार अउ तुरहियन बजावत भए यहोवा क मन्दिर मँ दाखिल भएन।</verse>
				<verse number="29">सबहिं देस क सारे राज्ज यहोवा स डेरान रहेन काहेकि उ पचे सुनेन कि यहोवा इस्राएल क दुस्मनन स लड़ा।</verse>
				<verse number="30">इहइ कारण अहइ कि यहोसापात क राज्ज मँ सान्ति रही। यहोसापात क परमेस्सर ओका चारिहुँ कइँती स सान्ति दिहस।</verse>
				<verse number="31">यहोसापात यहूदा देस पइ हुकूमत किहस। यहोसापात जब सासन सुरु किहस तउ उ पैतीस बरिस क रहा। उ पच्चीस बरिस यरूसलेम मँ हुकूमत किहस। ओकर महतारी क नाउँ अजूबा रहा। अजूबा सिल्ही क बिटिया रही।</verse>
				<verse number="32">यहोसापात सच्चे मारग पइ अपने बाप आसा क तरह रहा। यहोसापात, आसा क मारग क अनुसरण करइ स मुड़ा नाहीं। यहोसापात यहोवा क दृस्टि मँ उचित किहस। मुला ऊँच जगहियन नाहीं हटाई गइन अउर लोग आपन हिरदय परमेस्सर क अनुसरण करइ मँ नाहीं लगाएस जेकर अनुसरण ओनकर पुरखन करत रहेन।</verse>
				<verse number="33"></verse>
				<verse number="34">यहोसापात सुरु स आखीर तलक जउन कछू किहस उ येहू क सबइ रचना मँ लिखा अहइ। येहू क बाप क नाउँ हनानी रहा। इ सबइ बातन इस्राएल क राजा लोगन क इतिहास नाउँ क किताब मँ लिखा भवा अहइ।</verse>
				<verse number="35">कछू समइ पाछे यहूदा क राजा यहोसापात इस्राएल क राजा अहज्याह क संग सन्धि किहस। अहज्याह बुरा किहस।</verse>
				<verse number="36">यहोसापात अहज्याह क संग जहाजन क बरे, बनाइ बरे राज़ी होइ गएन जउन तर्सीस नगर जाइहीं। उ पचे जहाजन क एस्योन गेबेर नगर मँ बनाएस।</verse>
				<verse number="37">तब दोदावाह जउन मारेस क रहा क पूत एलीआज़ार यहोसापात क खिलाफ भविस्सबाणी किहेस। उ कहेस, “यहोसापात, तू अहज्याह क संग मिल गए अहा, इहइ कारण अहइ कि यहोवा तोहरे कारज क नस्ट करी।” जहाज टूट गएन, एह बरे यहोसापात अउ अहज्याह ओनका तर्सीस नगर क न पठइ सकेन।</verse>
			</chapter>
			<chapter number="21">
				<verse number="1">तब यहोसापात अउर अपने पुरखन क संग दफनावा गवा। ओका दाऊद नगर मँ दफनावा गवा। यहोराम यहोसापात क जगह पइ नवा राजा भवा। यहोराम यहोसापात क पूत राह।</verse>
				<verse number="2">यहोराम क भाई अजर्याह, यहीएल, जकर्याह, अजर्याह, मीकाएल अउर सपत्याह रहेन। उ सबइ लोग यहोसापात क पूत रहेन। यहोसापात यहूदा क राजा रहा।</verse>
				<verse number="3">यहोसापात अपने पूतन क चाँदी, सोना अउर कीमती चिजियन भेंट मँ दिहस। उ ओनका यहूदा मँ सक्तीसाली किलन भी दिहेस। किन्तु यहोसापात राज्ज यहोराम क दिहस काहेकि यहोराम सब स बड़का पूत रहा।</verse>
				<verse number="4">यहोराम अपने बाप क राज्ज प्राप्त किहस अउर अपने क सक्तीसाली बनाएस। उ आपन तरवारे स आपन सबहिं भाइयन क मार डाएस। उ इस्राएल क कछू प्रमुखन क मार डाएस।</verse>
				<verse number="5">जब यहोराम सासन सुरू किहेस तउ उ बत्तीस बरिस क रहा। उ यरूसलेम मँ आठ बरिस तलक हुकूमत किहस।</verse>
				<verse number="6">उ उहइ तरह रहा जइसे इस्राएल क राजा रहत रहेन। उ उहइ तरह रहा जउने तरह अहाब क परिवार रहत रहा। इ एह बरे भवा कि यहोराम अहाब क बिटिया स बियाह किहस अउर यहोराम यहोवा क निगह मँ बुरा किहस।</verse>
				<verse number="7">किन्तु यहोवा दाऊद क परिवार क नस्ट नाहीं करइ चाहत रहा, काहेकि उ दाऊद क संग वाचा किहे रहा। यहोवा बचन दिहे रहा कि दाऊद अउर ओकरी सन्तान क एक बंस सदा ही सासन करब।</verse>
				<verse number="8">यहोराम क समइ मँ, एदोम यहूदा क अधिकार छेत्र स बाहेर निकर गवा। एदोम क लोग अपना राजा चुन लिहन।</verse>
				<verse number="9">एह बरे यहोराम अपने सबहिं सेनापतियन अउर रथन क संग एदोम गवा। एदोमी सेना यहोराम अउर ओकरे रथ क रथपतियन क घेर लिहस। किन्तु यहोराम रात मँ जुद्ध कइके अपने निकरइ क रस्ता हेर लिहस।</verse>
				<verse number="10">उ सबइ स अब तलक एदोन क देस यहूदा क खिलाफ बिद्रोही रहा ह। लिब्ना नगर क लोग भी यहोराम क बिरुद्ध होइ गएन। इ एह बरे भवा कि यहोराम पुरखन क, यहोवा परमेस्सर क छोड़ दिहस।</verse>
				<verse number="11">यहोराम ऊँची जगह भी यहूदा क पहाड़ियन पइ बनाएस। यहोराम यरूसलेम क लोगन क परमेस्सर बरे अबिस्सासी बनइ क कारण बनेस। उ यहूदा क लोगन क यहोवा क खिलाफ भड़काएस।</verse>
				<verse number="12">एलिय्याह नवी स यहोराम क एक सँदेसा मिला। सँदेसा मँ इ कहा गवा रहा: “इ उ अहइ जउन परमेस्सर यहोवा कहत ह। इहइ उ परमेस्सर अहइ जेकर अनुसरण तोहार पुरखा दाऊद करत रहा। यहोवा कहत ह, ‘यहोराम, तू उ तरह नाहीं रह्या जउने तरह तोहार बाप यहोसापात रहा। तू उ प्रकार नाहीं रह्या जउने तरह यहूदा क राजा आसा रहा।</verse>
				<verse number="13">मुला तू उ तरह रह्या जउने तरह इस्राएल क राजा रहेन। तू यहूदा अउ यरूसलेम क लोगन क उ काम करइ स रोक्या ह जउन यहोवा चाहत ह। इहइ अहाब अउर ओकर परिवार किहस। उ पचे यहोवा क बरे बिस्सास क जोग्ग न रहेन तू अपने भाइयन क मार डाया। तोहार भाई तोहसे नीक रहेन।</verse>
				<verse number="14">एह बरे अब यहोवा हाली ही तोहरे लोगन क बहोत जियादा सजा देइ। यहोवा तोहरे बच्चन, मेहररुअन अउर तोहार सारी सम्पत्ती क सजा देइ।</verse>
				<verse number="15">तू पचन्क आँतन मँ भयंकर बीमारी होइ। इ हर रोज जियादा बिगड़त जाइ। तब तोहार भयंकर बीमारी क कारण आँतन बाहेर निकरि अइहीं।’”</verse>
				<verse number="16">यहोवा इथियोपियन क लगे रहइवाले पलिस्तियन अउ अरबियन क यहोराम स रूठाइ दिहस।</verse>
				<verse number="17">उ पचे यहूदा देस पइ हमला कइ दिहन अउर राजमहल क सारी सम्पत्ति अउ यहोराम क पूतन अउ मेहररुअन क लइ गएन। सिरिफ यहोराम क सब स छोटका पूत छोड़ दीन्ह गवा। यहोराम क सब स नान्ह पूत क नाउँ यहोआहाज रहा।</verse>
				<verse number="18">ओन चिजियन क होइ क पाछे यहोवा यहोराम क आँतन मँ अइसा रोग पइदा किहस जेकर उपचार न होइ सका।</verse>
				<verse number="19">तब यहोराम क आँतन, दुइ बरिस पाछे ओकरी बीमारी क कारण बाहेर आइ गइ। उ बहोत बुरी पीरा मँ मरा। यहोराम क सम्मान मँ लोग आगी क महाज्वाला नाहीं बारेन जइसा उ पचे ओकरे बाप क बरे किहे रहेन।</verse>
				<verse number="20">यहोराम उ समइ बत्तीस बरिस क राह जब उ राजा भवा रहा। उ यरूसलेम मँ आठ बरिस हुकूमत किहस। जब यहोराम मरा तउ कउनो मनई दुखी नाहीं भवा। लोग यहोराम क दाऊद क नगर मँ दफनाएन किन्तु ओन कब्रन मँ नाहीं जहाँ राजा दफनाए जात हीं।</verse>
			</chapter>
			<chapter number="22">
				<verse number="1">यरूसलेम क लोग अहज्याह क यहोराम क जगह पइ नवा राजा होइ क बरे चुनेन। अहज्याह यहोराम क सबस नान्ह पूत रहा। अरब लोगन क संग जउन लोग यहोराम क डेरन पइ हमला करइ आए रहेन उ पचे यहोराम क बड़े पूतन क मार डाए रहेन। एह बरे यहूदा मँ अहज्याह सासन करब सुरु किहस।</verse>
				<verse number="2">अहज्याह जब हुकूमत करब सुरु किहस तब उ बाईस बरिस क रहा। अहज्याह यरूसलेम मँ एक बरिस हुकूमत किहस। ओकरी महतारी क नाउँ अतल्याह रहा। अतल्याह क बाप क नाउँ ओम्री रहा।</verse>
				<verse number="3">उ अहज्याह भी वइसे ही रहा जइसे अहाब क परिवार रहत रहा। उ उ तरह रहा काहेकि ओकर महतारी ओका गलत काम करइ क बरे हुसकाएस।</verse>
				<verse number="4">अहज्याह यहोवा क दृस्टि मँ बुरे काम किहस, जइसा कि अहाब क परिवार किहे रहा। अहाब क परिवार अहज्याह क ओकरे बाप क मरई क पाछे बुरी सलाह दिहस। उ बुरी सलाह ओकरे मउत क कारण रहा।</verse>
				<verse number="5">अहज्याह उहइ सलाह क मानेस जउन अहाब क परिवार ओका दिहस। अहज्याह राजा योराम क संग अराम क राजा हजाएल क खिलाफ गिलाद क रामोत नगर मँ गवा। योराम क बाप क नाउँ अहाब रहा जउन इस्राएल क राजा रहा। किन्तु अर्मिया क लोग योराम क जुद्ध मँ घायल कइ दिहन।</verse>
				<verse number="6">योराम लउटिके यिज्रेल नगर क स्वस्थ होइ क बरे गवा। उ रामोत मँ तब घायल भवा रहा जब उ अराम क राजा हजाएल क खिलाफ जुद्ध करत रहा। तब यहोराम क पूत अहज्याह अहाब क पूत योराम स मिलइ यिज्रेल नगर क गवा। योराम यिज्रेल नगर मँ रहा काहेकि उ घायल रहा।</verse>
				<verse number="7">परमेस्सर अहज्याह क मउत तब करवाइ दिहस जब उ योराम स भेटइ गवा। अहज्याह पहोंचा अउर योराम क संग येहू स भेटइ गवा। येहू क बाप क नाउँ निमसी रहा। यहोवा येहू क अहाब क परिवार क नस्ट करइ बरे चुनेस।</verse>
				<verse number="8">येहू अहाब क परिवार क सजा देत रहा। येहू यहूदा क प्रमुखन अउर अहज्याह क ओन सम्बन्धियन क पता लगाएस जउन अहज्याह क सेवा करत रहेन। येहू यहूदा क ओन प्रमुखन अउर अहज्याह क सम्बन्धियन क मार डाएस।</verse>
				<verse number="9">तब येहू अहज्याह क खोज मँ रहा। येहू क लोग ओका उ समइ पकरि लिहन जब उ सोमरोन नगर मँ छुपइ क जतन करत रहा। उ पचे अहज्याह क येहू क लगे लिआएन। उ पचे अहज्याह क मार दिहन अउर ओका दफनाइ दिहन। उ पचे कहेन, “अहज्याह यहोसापात क संतान अहइ। यहोसापात पूरे हिरदइ स यहोवा क अनुसरण किहे रहे।” अहज्याह क परिवार मँ उ सक्ती नाहीं रही कि यहूदा क राज्ज क अखण्ड रखि सकइ।</verse>
				<verse number="10">अतल्याह अहज्याह क महतारी रही। जब उ लखेस कि ओकर पूत मर गवा तउ उ यहूदा मँ राजा क सबहिं पूतन क मार डाएस।</verse>
				<verse number="11">एहॅ बरे राजा यहोराम क बिटिया यहोसावत अहज्याह क पूत योआस क लिहस अउर ओका छुपाइ दिहस। जब राजा क दूसर पूतन क मार दीन्ह ग रहेन। यहोसापात योआस अउर ओकरी धाई क अपने सयनकच्छ क भीतर रखेस। यहोसावत याजक यहोयादा क मेहरारु रही अउर उ अहज्याह क बहिन रही। यहोसावत योआस क छुपाइ दिहे रहा। ऍह बरे रानी अतल्याह ओका नाहीं मार सकेस।</verse>
				<verse number="12">योआस याजकन क संग परमेस्सर क मन्दिर मँ छ: बरिस तलक छुपा रहा। उ जमाने मँ अतल्याह रानी क रुप मँ देस पइ हुकूमत किहस।</verse>
			</chapter>
			<chapter number="23">
				<verse number="1">सताएँ बरिस मँ यहोयादा आपन सक्ती देखाएस। उ सेनापितयन क संग सन्धि किहस। उ सबइ नायक: यरोहाम क पूत अजर्याह यहोहानान क पूत इस्माएल, ओबेद क पूत अजर्याह, अदायाह क पूत मासेयाह अउर जिक्री क पूत एलीसापात रहेन।</verse>
				<verse number="2">उ पचे यहूदा क चारिहुँ कइँती गएन अउर यहूदा क सबहिं नगरन स उ पचे लेवीबंसियन क बटोरेन। उ पचे इस्राएल क परिवारन क प्रमुखन क भी बटोरेन। तब उ पचे यरूसलेम गएन।</verse>
				<verse number="3">सबहिं लोग एक संग मिलिके राजा क संग परमेस्सर क मन्दिर मँ एक ठु सन्धि किहन। यहोयादा एन लोगन स कहेस, “राजा क पूत हुकूमत करी। इहइ उ बचन अहइ जउन यहोवा दाऊद क संतानन क सम्बंधित दिहे रहा।</verse>
				<verse number="4">अब, तोहका इ जरूर करइ चाही: याजकन अउ लेवीयन सबित क दिन तू पचन्मँ स जउन सेवा पइ जात हीं ओनकर एक तिहाई दुआरे क रच्छा करी।</verse>
				<verse number="5">तोहार एक तिहाई राजमहल पइ रही अउर तोहार एक तिहाई पहिले फाटक पइ रही। मुला दूसर सबहिं लोग यहोवा क मन्दिर क अँगना मँ रहिहीं।</verse>
				<verse number="6">कउनो भी मनई क यहोवा क मन्दिर मँ न आवइ द्या। सिरिफ सेवा करइवाले याजकन अउ लेवीबंसियन क पवित्तर होइ क कारण, यहोवा क मन्दिर मँ आवइ क आग्या अहइ। मुला दूसर लोग उ कारज करिहीं जउन यहोवा दइ रखेस ह।</verse>
				<verse number="7">लेवीबंसियन जरूर राजा क नजिक रहइ चाही। हर एक मनई अपनी तरवार अपने संग रखी। जदि कउनो मनई मन्दिर मँ प्रवेस करइ क कोसिस करत ह तउ उ मनई क मार डावा। तू पचन्क राजा क संग रहब बाटइ उ जहाँ।”</verse>
				<verse number="8">लेवीबंसी अउ यहूदा क सबहिं लोग याजक यहोयादा जउन आदेस दिहस, ओकर पालन किहस। याजक यहोयादा याजकन क समूह मँ स कउनो क छूट नाहीं दिहस। इ तरह हरेक सेनापित आपन सबहिं लोगन क जउन सबित क दिन सेवा मँ जात रहेन, अउर जउन सेवा मँ नाहीं जात रहेन लइ लिहेन।</verse>
				<verse number="9">याजक यहोयादा अधिकारियन क उ सबइ भालन अउर बड़ा अउ नान्ह ढारन क दिहन जउन राजा दाऊद क रहिन। उ सबइ हथियार परमेस्सर क मन्दिर मँ धरे रहेन।</verse>
				<verse number="10">तब यहोयादा लोगन क बताएस कि ओनका कहाँ खड़ा होब अहइ। हर एक मनई अपने हथियार अपने हाथ मँ लिहे रहा। उ पचे मन्दिर क दाई अउ बाई सबइ रासतन मँ खड़ा भएन। उ पचे वेदी, मन्दिर अउर राजा क निचके खड़े रहेन।</verse>
				<verse number="11">उ पचे राजा क पूत क बाहेर लिआएन अउर ओका मुकुट पहिराइ दिहन। उ पचे ओका व्यवस्था क किताब क एक प्रति दिहन। तब उ पचे योआस क राजा बनाएसन यहोयादा अउर ओकरे पूतन योआस क अभिसेक किहन। उ पचे कहेन, “राजा दीर्घायु होइ।”</verse>
				<verse number="12">अतल्याह मन्दिर कइँती दउड़त भए अउर राजा क बड़कइ करत भए लोगन क सोर सुनेस। उ यहोवा क मन्दिर पइ लोगन क लगे आइ।</verse>
				<verse number="13">उ नजर दउड़ाएस अउर राजा क लखेस। राजा राज स्तम्भ क संग सामनेवाले दुआर पइ खड़ा रहा। अधिकारी अउ लोग जउन तुरही बजावत रहेन, राजा क लगे रहेन। देस क लोग खुस रहेन अउर तुरही बजावत रहेन। गायक संगीत क बाजन क बजावत रहेन। गायक बड़कई क गायन मँ लोगन क अगुवाई करत रहेन। तब अतल्याह अपने ओढ़नन क फारि डाएस, अउर उ कहेस, “सड्यन्त्र, सड्यन्त्र।”</verse>
				<verse number="14">याजक यहोयादा फउजे क नायकन क बाहेर लिआवा। उ ओनसे कहेस, “अतल्याह क, सेना स, बाहेर लइ आवा। अपनी तरवार क उपयोग उ मनई क मार डावइ बरे करा जउन ओकरे संग जात ह।” तब याजक फउजियन क चितउनी दिहस, “अतल्याह क यहोवा क मन्दिर मँ जिन मारा।”</verse>
				<verse number="15">तब ओन लोग अतल्याह क पकड़ लिहन जब उ राजमहल क घोड़ दुआर पइ आइ। तब उ पचे उहइ जगह पइ ओका मार डाएन।</verse>
				<verse number="16">तब यहोयादा राजा अउर सबहिं लोगन क संग एक ठु सन्धि किहस। सबहिं स्वीकार किहन कि उ पचे यहोवा क लोग रहिहीं।</verse>
				<verse number="17">सबहिं लोग बाल क मूर्ति क मन्दिर मँ गएन अउर ओका उखाड़ डाएन। उ पचे बाल क मन्दिर क वेदियन अउर मूरतियन क तोड़ डाएन। उ पचे बाल क वेदी क समन्वा बाल क याजक मत्तान क मार डाएस।</verse>
				<verse number="18">तब यहोयादा याजकन क चुनेस अउर ओनका यहोवा क मन्दिर बरे उत्तरदायी बनाएस। उ पचे याजक लेवीबंसी रहेन अउर दाऊद ओनका यहोवा क मन्दिर क बरे उत्तरदायी होइ क कार्य सौपे रहा। ओन याजकन क होमबलि मूसा क आदेस क अनुसार यहोवा क चढ़ाउब रही। उ पचे बहोत खुसी स दाऊद क निर्देस क अनुसार गावत भए बलि चढ़ावत रहेन।</verse>
				<verse number="19">यहोयादा यहोवा क मन्दिर क दुआरे पइ दुआरपाल रखेस जेहसे कउनो मनई जउन कउनो दृस्टि स सुद्ध नाहीं रहा मन्दिर मँ नाहीं जाइ सकत रहा।</verse>
				<verse number="20">यहोयादा फउज क नायकन, प्रमुखन लोगन क प्रसासकन अउ देस क सबहिं लोगन क अपने संग लिहस। तब यहोयादा राजा क यहोवा क मन्दिर स बाहेर निकारेस अउर उ पचे ऊपरी दुआरे स राजमहल मँ गएन। उ जगह पइ उ पचे राजा क गद्दी पइ बइठाएन।</verse>
				<verse number="21">यहूदा क सबहिं लोग बहोत खुस रहेन अउर यरूसलेम नगर मँ सान्ति रही काहेकि अतल्याह तरकारे स मार दीन्ह गइ रही।</verse>
			</chapter>
			<chapter number="24">
				<verse number="1">योआस जब राजा बना सात बरिस क राहा। उ यरूसलेम मँ चालिस बरिस तलक सासन किहस। ओकरी महतारी क नाउँ सिब्या रहा। सिब्या बेर्सेबा नगर क रही।</verse>
				<verse number="2">योआस उ काम जउन यहोवा क नज़र मँ नीक अहा तब तलक करत रहेन जब तलक याजक यहोयादा जिअत रहा।</verse>
				<verse number="3">यहोयादा योआस क बरे दुइ मेहररुअन चुनेस। योआस क पूत अउर बिटियन रहिन।</verse>
				<verse number="4">तब कछू समइ पाछे, योआस यहोवा क मन्दिर दुबारा बनावइ क निहचइ किहस।</verse>
				<verse number="5">योआस याजकन अउ लेवीबंसियन क एक संग बोलाएस। उ ओनसे कहेस, “यहूदा क नगरन मँ जा अउर उ धने क बटोरा जेकर भुगतान इस्राएल क लोग हर बरिस करत हीं। उ धने क उपयोग परमेस्सर क मन्दिर दुबारा बनावइ मँ करो। हाली करा अउर एका पूरा कइ ल्या।” मुला लेवीबंसियन हाली नाहीं किहन।</verse>
				<verse number="6">एह बरे राजा योआस मुख्य याजक, यहोयादा क बोलाएस। राजा कहेस, “यहोयादा, तू यहूदा अउ यरूसलेम स यहोवा क सेवक मोसा दुआरा कर क धन वसूलइ बरे लेवीबंसियन क नाहीं लिहा? मूसा अउर इस्राएल क लोग पवित्तर तम्बू बरे इ कर क धन क उपयोग किहे रहेन।”</verse>
				<verse number="7">पुराने जमाने मँ अतल्याह क पूत, परमेस्सर क मन्दिर मँ जबरदस्ती घुस गए रहेन। उ पचे यहोवा क मन्दिर क पवित्तर चिजियन क उपयोग अपने बाल देवतन क पूजा क बरे किहस। अतल्याह एक ठु दुट्ठ मेहरारु रही।</verse>
				<verse number="8">राजा योआस एक ठु सन्दूख बनावइ क आदेस दिहेस अउर ओका यहोवा क मन्दिर क दुआरे क बाहेर रखइ क आदेस दिहस।</verse>
				<verse number="9">तब लेविबंसियन यहूदा अउ यरूसलेम मँ इ घोसणा किहन। उ पचे लोगन स कर क धन यहोवा क बरे लिआवइ क कहेन। यहोवा क सेवक मूसा इस्राएल क लोगन स रेगिस्ताने मँ रहत समइ जउन कर क रुप मँ धन मँगे रहा ओतना ही इ धन अहइ।</verse>
				<verse number="10">सबहिं प्रमुख अउर सबहिं लोग खुस रहेन। उ पचे धन लइके आएन अउर उ पचे ओका सन्दूखे मँ डाएन। उ पचे तब तलक देत रहेन जब तलक सन्दूख नाहीं भरि गवा।</verse>
				<verse number="11">तब लेवीबंसियन क राजा क अधिकारियन क समन्वा सन्दूख लइ जाइ क पड़ी। उ पचे लखेन कि सन्दूख धन स भरि गवा ह। राजा क सचिव अउर प्रमुख याजक क अधिकारी आएन अउर उ पचे धने क सन्दूख स निकारेन। तब उ पचे सन्दूख क अपनी जगहिया पइ फुन वापस लइ गएन। उ पचे बार-बार किहन अउर धन बटोरेन।</verse>
				<verse number="12">तब राजा योआस अउर यहोयादा उ धन ओन लोगन क दिहस जउन यहोवा क मन्दिर क बनावइ क कार्य करत रहेन अउर यहोवा क मन्दिर बनावइ मँ कार्य करइवालन यहोवा क मन्दिर क दुबारा बनावइ बरे कुसल बढ़ई अउर काठे पइ खुदाई क कार्य करइवालन क मजदूरी पइ धरेन। उ पचे यहोवा क मन्दिर क दुबारा बनावइ बरे कँसे अउर लोहा क काम करइ क जानकरी रखइवालन क भी मजूरी पइ रखेन।</verse>
				<verse number="13">काम क निगरानी रखइवाले मनई बहोत बिस्सास क जोग्ग रहेन। यहोवा क मन्दिर क दुबारा बनावइ गवा। उ पचे परमेस्सर क मन्दिर क पहिले क तरह ही बनाएन अउर इ पहिले स जियादा मजबूत बनाएन।</verse>
				<verse number="14">जब कारीगरन कार्य पूरा कइ लिहन तउ उ पचे उ धने क जउन बचा रहा राजा योआस अउर यहोयादा क लगे लइ आएन। उ पचे धन क उपयोग यहोवा क मन्दिर बरे चिजियन बनावइ बरे किहन। उ सबइ चिजियन मन्दिर क सेवाकार्य मँ अउर होमबलि चढ़ावइ मँ काम आवति रहिन। उ पचे खोरन अउर दूसर चिजियन क सोना अउ चाँदी स बनाएन। याजकन यहोवा क मन्दिर मँ हर एक दिन क होमबलि तब तलक चढ़ाएन जब तलक यहोयादा जिअत रहा।</verse>
				<verse number="15">यहोयादा बूढ़ा भवा। उ बहोत लम्बी उमिर बिताएस तब उ मरा। यहोयादा जब मरा, उ एक सौ तीस बरिस क रहा।</verse>
				<verse number="16">लोगन यहोयादा क दाऊद क नगर मँ हुवाँ दफनाएन जहाँ राजा दफनाए जात हीं। लोगन यहोयादा क हुवाँ दफनाएन काहेकि अपनी जिन्नगी मँ उ परमेस्सर अउ परमेस्सर क मन्दिर बरे बहोत अच्छे कार्य किहस।</verse>
				<verse number="17">यहोयादा क मरई क पाछे यहूदा क प्रमुख आएन अउर उ पचे राजा योआस क समन्वा निहुरेन। राजा एन प्रमुखन क सुनेस।</verse>
				<verse number="18">राजा अउ प्रमुखन उ यहोवा, परमेस्सर क मन्दिर क छोड़ दिहेस जेकर अनुसरण ओनकर पुरखन करत रहेन। उ पचे असेरा स्तम्भ अउर दूसर मूरतियन क पूजा सुरू किहस। परमेस्सर यहूदा अउ यरूसलेम क लोगन पइ कोहाइ गवा काहेकि राजा अउ उ प्रमुखन अपराधी रहेन।</verse>
				<verse number="19">परमेस्सर लोगन क लगे नबियन क ओनका यहोवा कइँती लउटाइ क बरे पठएस। नबियन लोगन क चितउनी दिहन। किन्तु लोग सुनइ स इन्कार कइ दिहन।</verse>
				<verse number="20">तब परमेस्सर क आतिमा याजक यहोयादा क पूत जकर्याह पइ उतरी। जकर्याह लोगन क समन्वा खड़ा भवा अउर उ कहेस, “जउन यहोवा कहत ह उ इ अहइ: ‘तू लोग यहोवा क आदेस पालन करइ स काहे इन्कार करत अहा? तू कामयाब नाहीं होब्या। तू यहोवा क तजा ह। एह बरे यहोवा भी तोहका छोड़ दिहस ह।’”</verse>
				<verse number="21">लेकिन लोग जकर्याह क खिलाफ जोजना बनाएस। राजा जकर्याह क मार डावइ क आदेस दिहस, एह बरे उ पचे ओह पइ तब तलक पाथर मारेन जब तलक उ मर नाहीं गवा। लोगन इ मन्दिर क आँगन मँ किहन।</verse>
				<verse number="22">राजा योआस अपने ऊपर यहोयादा क दयालुता क भी याद नाहीं रखेन। यहोयादा जकर्याह क बाप रहा। मुला योआस यहोयादा क पूत जकर्याह क मार डाएस। मरइ क पहिले जकर्याह कहेस, “यहोवा ओह क लखि जउन तू करत अहा अउर तोहका दण्ड देइ।”</verse>
				<verse number="23">बरिस क आखीर मँ अराम क फउज योआस क खिलाफ आइ। उ पचे यहूदा अउ यरूसलेम पइ हमला किहन अउर लोगन क सबहिं प्रमुखन क मार डाएन। उ पचे सारी कीमती चिजियन दमिस्क क राजा क लगे पठइ दिहन।</verse>
				<verse number="24">अराम क फउज बहोत कम सैनिकन क संग आइ रही किन्तु यहोवा ओका यहूदा क बहोत बड़ी फउज क हरावइ दिहस। यहोवा इ एह बरे किहस कि यहूदा क लोग यहोवा परमेस्सर क तजि दिहन जेकर अनुसरण ओनकर पुरखन करत रहेन। इ तरह योआस क सजा मिली।</verse>
				<verse number="25">जब अराम क लोग योआस क छोड़ेन, उ बुरी तरह घायल रहा। योआस क अपने सेवकन ओकरे खिलाफ जोजना बनाएन। उ पचे अइसा एह बरे किहन कि योआस याजक यहोयादा क पूत जकर्याह क मार डाए रहा। सेवकन योआस क ओकरी अपनी चारपाई पइ मार डाएन। योआस क मरइ क पाछे लोग ओका दाऊद क नगर मँ दफनाएन। किन्तु लोग ओका उ जगहिया पइ नाहीं दफनाएन जहाँ राजा दफनाए जात हीं।</verse>
				<verse number="26">जउन सेवकन योआस क खिलाफ जोजना बनाएन, उ पचे इ सबइ अहइँ जाबाद अउ यहोजाबाद जाबाद क महतारी क नाउँ सिमात रहा। सिमात अम्मोन क रही। यहोजाबाद क महतारी क नाउँ सिम्रित रहा। सिम्रित मोआब क रही।</verse>
				<verse number="27">योआस क पूतन क कथा, ओकर खिलाफ बहोत सारी भविस्सबाणियन अउर उ फुन परमेस्सर क मन्दिर कइसे बनाएस, राजा लोगन क व्याख्या नाउँ क किताबे मँ लिखा अहइ। ओकरे पाछे योआस क पूत अमस्याह नवा राजा भवा।</verse>
			</chapter>
			<chapter number="25">
				<verse number="1">अमस्याह राजा बनई क समइ पचीस बरिस क रहा। उ यरूसलेम मँ उन्तीस बरिस तलक हुकूमत किहस। ओकरी महतारी क नाउँ यहोअद्दान रहा। यहोअद्दान यरूसलेम क रही।</verse>
				<verse number="2">अमस्याह उहइ किहस जेका यहोवा नीक समुझत ह। मुला उ पूरे हिरदइ स नाहीं किहस।</verse>
				<verse number="3">अमस्याह क हाथ मँ राजसत्ता सुदृढ़ होइ गइ। तब उ ओन अधिकारियन क मार डाएस जउन ओकरे बाप राजा क मारे रहेन।</verse>
				<verse number="4">मुला अमस्याह ओन अधिकारियन क बच्चन क नाहीं मारेस। काहेकि उ मूसा क किताबे मँ लिखे नेमन क मानेस। यहोवा आदेस दिहे रहा, “पिता लोगन क अपने पूतन क पाप बरे नाहीं मरइ चाही। बच्चन अपने बाप क पापन क बरे नाहीं मरइ चाही। हर एक मनई क अपने खुद क पाप क बरे मरइ चाही।”</verse>
				<verse number="5">अमस्याह यहूदा क लोगन क बटोरेस। उ ओनके परिवार क एक ठु बर्ग बनाएस अउर ओन बर्गन क अधिकारि सेनाध्यच्छ अउर नायक नियुक्त कीन्ह गएन। उ पचे प्रमुख यहूदा अउर बिन्यामीन क सबहिं फउजियन क अधिकारी भएन। सबहिं लोग जउन फउजी होइ बरे चुने गएन, बीस बरिस क या ओहसे जियादा क रहेन। उ पचे सब तीन लाख प्रसिच्छित फउजी भालन अउर ढार क संग लड़इवालन रहेन।</verse>
				<verse number="6">अमस्याह एक लाख फउजियन क इस्राएल स भाड़े पइ रखेस। उ पउने पौने चार टन चाँदी क भुगतान ओन फउजियन क किराये पइ लेइ बरे किहस।</verse>
				<verse number="7">मुला परमेस्सर क एक मनई अमस्याह क लगे आवा। परमेस्सर क मनई कहेस, “राजा, अपने संग इस्राएल क सेना क न जाइ द्या। परमेस्सर इस्राएल क संग नाहीं अहइ। परमेस्सर एप्रैम क लोगन क संग नाहीं अहइ।</verse>
				<verse number="8">हिआँ तलक कि अगर तू आपन आप क मज़बूत बनाइ लिहा अउर जुद्ध बरे तइयार होइ गवा, तउ भी परमेस्सर तोहका हराइ देब, काहेकि जीत अउर हार दुइनउँ यहोवा क मदद पइ निर्भर करत ह।”</verse>
				<verse number="9">अमस्याह परमेस्सर क मनई स कहेस, “किन्तु हमरे धने क का होइ जउन मइँ पहिले ही इस्राएल क फउज क दइ दिहे हउँ?” परमेस्सर क मनई जवाब दिहस, “यहोवा क लगे बहोत जियादा अहइ। उ ओहसे भी जियादा तोहका दइ सकत ह।”</verse>
				<verse number="10">एह बरे अमस्याह इस्राएल क फउज क वापस घर एप्रैम क पठइ दिहस। उ सबइ लोग राजा अउर यहूदा क लोगन क खिलाफ बहोत कोहाइ गएन। उ पचे बहोत जियाद किरोधित होइके अपने घरे लउटेन।</verse>
				<verse number="11">तब अमस्याह बहोत हिम्मती होइ गवा अउर उ अपनी फउज क एदोम देस मँ नमक क घाटी मँ लइ गवा। उ जगह पइ अमस्याह क फउज सेईर क दस हजार फउजियन क मार डाएस।</verse>
				<verse number="12">यहूदा क फउज सेईर स दस हजार मनई धरेस। उ सबइ ओन मनइयन एक ऊँच चोटि पइ लइ गएन। उ सबइ लोग तब तलक जिअत रहेन। तब यहूदा क फउज ओन मनइयन क उ ऊँच चट्टान क चोटी स खाले लोकाइ दिहस अउर ओनकर तन खाले क चट्टानन पइ ध्वस्त होइ गएन।</verse>
				<verse number="13">किन्तु उहइ समइ इस्राएली फउज यहूदा क कछू नगरन पइ हमला करत रही। उ सबइ सोमरोन स बेथोरोन नगर तलक क नगरन पइ हमला करत रहेन। उ पचे तीन हजार लोगन क मार डाएन अउर उ पचे बहोत स कीमती चिजियन लइ गएन। उ फउजे क लोग एह बरे कोहान रहेन काहेकि अमस्याह ओनका जुद्ध मँ अपने संग सामिल नाहीं होइ दिहस।</verse>
				<verse number="14">अमस्याह एदोमी लोगन क हरावइ क पाछे घरे लउटा। उ सेइर क लोगन क ओन देवमूरतियन क लिआवा जेनकर उ पचे पूजा करत रहेन। अमस्याह ओन देवमूरतियन क पूजब सुरु किहस। उ ओन देवतन क प्रणाम किहस अउर ओनका सुगन्धि भेंट किहस।</verse>
				<verse number="15">यहोवा अमस्याह पइ बहोत कोहाइ गवा। यहोवा अमस्याह क लगे एक नबी पठएस। नबी कहेस, “अमस्याह, तू ओन देवतन क काहे पूजा किहा जेनका उ सबइ लोग पूजत रहेन? उ सबइ देवता तउ अपने लोगन क भी तोहसे रच्छा न कइ सकेन।”</verse>
				<verse number="16">जब नवी इ बोला, अमस्याह नवी स कहेस, “हम लोग तोहका कबहुँ राजा क सलाहकार नाहीं बनावा। चुप रहा, जदि तू चुप नाहीं रह्या तउ मार डावा जब्या।” नबी चुप होइ गवा, मुला उ तब कहेस, “परमेस्सर फुरइ तोहका नस्ट करइ क निहचइ कइ लिहस ह। काहेकि तू बुरी बातन करत अहा अउर मोर सलाह नाहीं सुनत्या।”</verse>
				<verse number="17">यहूदा क राजा अमस्याह अपने सलाहकार क संग सलाह किहस। तब उ योआस क लगे सँदेसा पठएस। अमस्याह योआस स कहेस, “हम लोग आपने आमने-सामने मिलइ द्या।” योआस यहोआहाज क पूत रहा। यहोआहाज येहू क पूत रहा। येहू इस्राएल क राजा रहा।</verse>
				<verse number="18">तब योआस अपना जवाब अमस्याह क पठएस। योआस इस्राएल क राजा रहा अउर अमस्याह यहूदा क राजा रहा। योआस इ कथा सुनाएस: “लबानोन क एक ठु नान्ह कँटेहरी झाड़ी लबानोन क एक बिसाल देवदारु क बृच्छ क सँदेसा, पठएस। नान्ह कँटेहरी झाड़ी कहेस, ‘अपनी बिटिया क बियाह मोरे पूत क सँग कइ द्या, मुला एक ठु जंगली जनावर निकरा अउर उ कँटेहरी झाड़ी क कुचरेस अउर ओका नस्ट किहस।</verse>
				<verse number="19">तू कहत ह, ‘मइँ एदोम क हराएउँ ह।’ तोहका ओकर घमण्ड अहइ अउर ओकर डीगं हाँकत अहा। मुला तोहका घरे मँ घुसा रहइ चाही। तोहका खतरा मोल लेइ क जरूरत नाहीं अहइ। जदि तू मोहसे जुद्ध करब्या तउ तू अउर यहूदा नस्ट होइ जइहीं।”</verse>
				<verse number="20">मुला अमस्याह सुनइ स इन्कार कइ दिहस। इ परमेस्सर कइँती स भवा। परमेस्सर यहूदा क इस्राएल क जरिये हरावइ क जोजना बनाएस काहेकि यहूदा क लोग ओन देवतन क अनुसरण करत रहेन जेनकर अनुसरण एदोम क लोग करत रहेन।</verse>
				<verse number="21">एह बरे इस्राएल क राजा योआस बेतसेमेस नगर मँ यहूदा क राजा अमस्याह स आमने-सामने मिला। बेतसेमेस यहूदा मँ अहइ।</verse>
				<verse number="22">इस्राएल यहूदा क हराएस। यहूदा क हर एक मनई अपने घरन क पराइ गवा।</verse>
				<verse number="23">योआस अमस्याह क बेतसेमेस मँ धरेस अउर ओका यरूसलेम लइ गवा। अमस्याह क बाप क नाउँ योआस रहा। योआस क बाप क नाउँ यहोआहाज रहा। योआस छ: सौ फुट लम्बी यरूसलेम क उ देवार क जउन एप्रैम फाटक स कोने क फाटक तलक रही, गिराइ दिहस।</verse>
				<verse number="24">तब योआस परमेस्सर क मन्दिर क सोना, चाँदी अउ कइउ दूसर सामान लइ लिहस। ओबेदेदोम मन्दिर मँ ओन चिजियन क सुरच्छा क जिम्मेदार रहा। मुला योआस ओन सबहिं चिजियन क टाइ लिहस। योआस राजमहल स भी कीमती चिजियन क लिहस। तब योआस कछू लोगन क बन्दी क रूप मँ लिहा अउर सोमरोन लउटि गवा।</verse>
				<verse number="25">अमस्याह योआस क मरइ क पाछे पन्द्रह बरिस जिअत रहा। अमस्याह क बाप यहूदा क राजा योआस रहा।</verse>
				<verse number="26">अमस्याह सुरु स आखीर तलक दूसर जउन कछू किहस उ सब, इस्राएल अउर यहूदा क राजा क इतिहास नाउँ क किताबे मँ लिखा अहइ।</verse>
				<verse number="27">जब अमस्याह यहोवा क आग्या क पालन करब तजि दिहस, यरूसलेम क लोग ओकरे खिलाफ एक ठु जोजना बनाएन। उ लाकीस नगर क पराइ गवा। किन्तु लोग लाकीस मँ मनइयन क पठएन अउर उ पचे अमस्याह क हुवाँ मार डाएन।</verse>
				<verse number="28">तब उ पचे अमस्याह क ल्हासे क घोड़न पइ लइ गएन अउर ओका ओकरे पुरखन क संग दाऊद नगर मँ दफनाएन।</verse>
			</chapter>
			<chapter number="26">
				<verse number="1">तब यहूदा क लोग अमस्याह क जगह पइ नवा राजा होइ क बरे उज्जिय्याह क चुनेन। अमस्याह उज्जिय्याह क बाप रहा। जब इ भवा तउ उज्जिय्याह सोलह बरिस क रहा।</verse>
				<verse number="2">उज्जिय्याह एलोत नगर क दुबारा बनाएस अउर एका यहूदा क लउटाइ दिहस। उज्जिय्याह इ अमस्याह क मरि जाइ अउ पुरखन क संग ओकरे दफनाए जाइ क पाछे किहस।</verse>
				<verse number="3">उज्जिय्याह जब राजा भवा तउ उ सोलह बरिस क रहा। उ यरूसलेम मँ बावन बरिस तलक राज्ज किहस। ओकर महतारी क नाउँ यकील्याह रहा। यकील्याह यरूसलेम क रही।</verse>
				<verse number="4">उज्जिय्याह उ कामन किहस जेका यहोवा नीक समुझत ह। उ यहोवा क अनुसरण वइसा ही किहस जइसे ओकर बाप अमस्याह किहे रहा।</verse>
				<verse number="5">उज्जिय्याह परमेस्सर क अनुसरण जकर्याह क जीवन-काल मँ किहस। जकर्याह उज्जिय्याह क सिच्छा दिहस कि परमेस्सर क सम्मान अउ ओकरी आग्या क पालन कइसे कीन्ह जात ह। जब उज्जिय्याह यहोवा क आग्या क पालन करत रहा तब परमेस्सर ओका कामयाबी दियाएस।</verse>
				<verse number="6">उज्जिय्याह पलिस्ती लोगन क खिलाफ एक जुद्ध किहस। उ गत, यब्ने, अउर असदोद नगर क देवारन क गिराइ दिहस। उज्जिय्याह असदोद नगर क लगे अउर पलिस्ती लोगन क बीच दूसर जगहन मँ नगर बसाएस।</verse>
				<verse number="7">परमेस्सर उज्जिय्याह क पलिस्तियन अउर अरबियन जउन गुर्बाल नगर मँ रहत रहेन अउर मूनियन क खिलाफ जुद्ध करइ मँ मदद किहेन।</verse>
				<verse number="8">अम्मोनी उज्जिय्याह क नज़राना (कर) देत रहेन। उज्जिय्याह क नाउँ मिस्र क सीमा तलक प्रसिद्ध होइ गवा। काहेकि उ बहोत सक्तीसाली रहा।</verse>
				<verse number="9">उज्जिय्याह यरूसलेम मँ कोने क फाटक पइ, घाटी क फाटक पइ अउर देवारे क मुड़इ क जगहन पइ मीनारन बनवाएस। उज्जिय्याह ओन मीनारन क दृढ़ बनाएस।</verse>
				<verse number="10">उज्जिय्याह मीनारन क रेगिस्ताने मँ बनाएस। उ बहोत स कुएँ भी खोदवाएस। ओकरे लगे पहाड़ी देसन अउर मइदानी छेत्र मँ बहोत स गोरूअन रहेन। उज्जिय्याह क लगे पर्वतन मँ अउर जहाँ अच्छी उपज होत रही, उ भुइँया मँ किसान रहेन। उ अइसे मनइयन क भी रखे भए रहा जउन ओन खेतन क रखवारी करत रहेन जेनमाँ अंगूर रहेन। ओका खेती स पिरेम रहा।</verse>
				<verse number="11">उज्जिय्याह क लगे प्रसिच्छित फउजियन क एक फउज रही। उ सबइ फउजी सचिव यीएल अउर अधिकारी मासेयाह जरिये बर्गन मँ बेटे रहेन। हनन्याह ओनकर प्रमुखन रहा। यीएल अउर मासेयाह ओन फउजियन क गनेस अउर ओनका बर्गन मँ रखेस। हनन्याह राजा क अधिकारियन मँ स एक रहा।</verse>
				<verse number="12">फउजियन क ऊपर दुइ हजार छ: सौ प्रमुखन रहेन।</verse>
				<verse number="13">उ पचे परिवार परिवार प्रमुखन तीन लाख सात हजार पाँच सौ मनसेधुअन क उ फउज क अधिपति रहेन जउन बड़की सक्ती स लड़त रहिन। उ सबइ फउजी राजा क दुस्मनन क बिरुद्ध मदद करत रहेन।</verse>
				<verse number="14">उज्जिय्याह फउज क ढार, भालन, टोप, कवच, धनुस अउ गुलेलन बरे पाथर दिहे रहा।</verse>
				<verse number="15">यरूसलेम मँ उज्जिय्याह जउन यन्त्र बनाएस उ बुद्धिमानन क आविस्कार रहेन। उ सबइ यन्त्र मीनारन अउ कोने क देवारन पइ रखे गए रहेन। इ सबइ यन्त्र क बड़के पाथर लोकावइ अउर बाण चलावइ बरे प्रयोग रहेन। उज्जिय्याह प्रसिद्ध होइ गवा। लोग ओकर नाउँ दूर-दूर क देसन मँ जानत रहेन। ओकरे लगे बड़की मदद रही अउर उ सक्तीसाली राजा होइ गवा।</verse>
				<verse number="16">किन्तु जब उज्जिय्याह सक्तीसाली होइ गवा, तउ ओकर घमण्ड ओकरे नस्ट क कारण बनेस। उ यहोवा आपन परमेस्सर यहोवा क मन्दिर मँ वेदी पइ सुगन्धित बारइ बरे जाइ क धोका दिहस।</verse>
				<verse number="17">याजक अजर्याह अउर यहोवा क अस्सी हिम्मती याजक सेवक उज्जिय्याह क पाछे मन्दिर मँ गएन।</verse>
				<verse number="18">उ पचे उज्जिय्याह स कहेन कि तू गलत अहा। उ पचे ओहसे कहेन, “उज्जिय्याह यहोवा क बरे सुगन्धि बारब तोहार काम नाहीं अहइ। याजक, हारून क संतान ही सिरिफ यहोवा बरे सुगन्धि बारत हीं। एन याजकन क सुगन्धि बारइ क पवित्तर सेवा क बरे प्रसिच्छण दीन्ह गवा अउर समर्पित कीन्ह गवा ह। सब स जियादा पवित्तर ठउर स बाहेर निकरि जा तू यहोवा परमेस्सर क धोका देत ह। उ तोहका एकरे बरे सम्मान नाहीं देइ।”</verse>
				<verse number="19">मुला उज्जिय्याह कोहाइ गवा। ओकरे हाथे मँ सुगन्धि बारइ बरे एक ठु खोरा रहा। जउने समइ उज्जिय्याह याजकन पइ बहोत कोहाइ गवा, उहइ समइ माथे पइ कोढ़ होइ गवा। इ याजकन क समन्वा यहोवा क मन्दिर मँ सुगन्धि बारइ क वेदी क लगे भवा।</verse>
				<verse number="20">प्रमुख याजक अजर्याह अउ सबहिं याजकन उज्जिय्याह क लखेन। उ पचे ओकरे माथे पइ कोढ़ देखत रहेन। याजकन हाली स उज्जिय्याह क मन्दिर स बाहेर जाइ क मजबूर किहन। उज्जिय्याह खुद ही हाली स बाहेर गएस काहेकि यहोवा ओका सजा दइ दिहे रहा।</verse>
				<verse number="21">राजा उज्जिय्याह मउत तलक कोढ़ी रहा। उ यहोवा क मन्दिर मँ प्रवेस नाहीं कइ सकत रहा। उ दूसर घरन स दूर एक अलग घरे मँ रहेन। उज्जिय्याह क पूत योताम राजमहल क कब्जा मँ रखेस अउर लोगन क प्रसासक रहेन।</verse>
				<verse number="22">उज्जिय्याह सुरु स लइके आखीर तलक जउन कछू किहस उ यसायाह नबी क जरिये लिखा गवा। यसायाह क बाप यामोस रहा।</verse>
				<verse number="23">उज्जिय्याह मरा अउर अपने पुरखन क लगे दफनावा गवा। उज्जिय्याह क राजा लोगन क कब्रिस्तान क लगे मैदान मँ दफनावा गवा। काहे काहेकि लोग कहेन, “उज्जिय्याह क कोढ़ अहइ।” योताम उज्जिय्याह क जगह पइ नवा राजा भवा। योताम उज्जिय्याह क पूत रहा।</verse>
			</chapter>
			<chapter number="27">
				<verse number="1">योताम पचीस बरिस क रहा जब उ राजा भवा। उ सोलह बरिस तलक यरूसलेम मँ हुकूमत किहस। ओकरी महतारी क नाउँ यरुसा रहा। यरूसा सादोक क बिटिया रही।</verse>
				<verse number="2">योताम उ काम किहस जेका यहोवा नीक समुझत ह। उ परमेस्सर क आग्या क पालन वइसे ही किहस जइसे ओकर बाप उज्जिय्याह किहे रहा। मुला योताम यहोवा क मन्दिर मँ सुगन्धि बारइ क बरे उहइ तरह नाहीं घुसा जइसे ओकर बाप घुसा रहा। मुला लोग बुरा काम करब जारी रखेन।</verse>
				<verse number="3">योताम यहोवा क मन्दिर क ऊपरी दुआर क दुबारा बनाएस। उ ओपेल नाउँ क जगह पइ बहोत स निर्माण कार्य सुरू किहस।</verse>
				<verse number="4">योताम यहूदा क पहाड़ी पहँटा मँ नगर बनाएस। योताम मीनार अउर किलन जंगलन मँ बनाएस।</verse>
				<verse number="5">योताम अम्मोनी लोगन क राजा अउर ओकरी फउज क खिलाफ लड़ा अउ ओनका हराएस। एह बरे हर साल तीन बरिस तलक अम्मोनी लोग योताम क पौने चार टन चाँदी, बासठ हजार बुसल गोहूँ अउर बासठ बुसल जौ देत रहेन।</verse>
				<verse number="6">योताम सक्तीसाली होइ गवा काहेकि उ बिस्सास पूर्वक यहोवा, अपने परमेस्सर क आग्या क पालन किहस।</verse>
				<verse number="7">योताम दूसर जउन कछू भी किहस अउ ओकर सबहिं जुद्ध यहूदा अउ इस्राएल क राजा लोगन क इतिहास क पुस्तक मँ लिखे भए अहइँ।</verse>
				<verse number="8">योताम जब राजा भवा, पच्चीस बरिस क रहा। उ यरूसलेम मँ सोलह बरिस हुकूमत किहस।</verse>
				<verse number="9">तब योताम मरा अउर अपने पुरखन क संग दफनावा गवा। लोग ओका दाऊद क नगर मँ दफनाएन। योताम क जगह पइ आहाज राजा भवा। आहाज योताम क पूत रहा।</verse>
			</chapter>
			<chapter number="28">
				<verse number="1">आहाज बीस बरिस क रहा जब उ राजा भवा। उ यरूसलेम मँ सोलह बरिस तलक राज्ज किहस। आहाज उ नाहीं किहस जेका ओकर पुरखन दाऊद किहस जेका यहोवा नीक समुझत ह।</verse>
				<verse number="2">आहाज इस्राएली राजा लोगन क बुरे उदाहरणन क अनुसरण किहस। उ बाल-देवता क पूजा क बरे मूरतियन क बनावइ क बरे साँचे क उपयोग किहस।</verse>
				<verse number="3">आहाज हिन्नोम क घाटी मँ सुगन्धि बारेस। उ अपने पूतन क आगी मँ जराइके बलि भेंट किहस। उ उ सबइ सब भयंकर पाप किहस जेका उ पहँटा मँ रहइवाले मनइयन किहे रहेन। ओन सबइ पापन क करण यहोवा ओन मनइयन क बाहेर जाइ क मजबूर किहे रहा जब इस्राएल क लोग उ भुइँया मँ आए रहेन।</verse>
				<verse number="4">आहाज बलि भेंट किहस अउर सुगन्धि क ऊँची जगहियन अर्थात पहाड़ियन अउर हर एक हरियर बृच्छ क खाले बारेस।</verse>
				<verse number="5">आहाज पाप किहस, एह बरे यहोवा, ओकर परमेस्सर अराम क राजा क ओका पराजित करइ दिहस। अराम क राजा अउर ओकर फउज आहाज क हराएस अउर यहूदा क अनेक लोगन क बन्दी बनाएस। अराम क राजा ओन बन्दियन क दमिस्क नगर क लइ गवा। यहोवा इस्राएल क राजा अउर रमल्याह क पूत पेकह क भी आहाज क पराजित करइ दिहस।</verse>
				<verse number="6">पेकह अउर ओकर फउज एक दिन मँ यहूदा क एक लाख बीस हजार बीर फउजियन क मार डाएस। पेकह यहूदा क ओन लोगन क एह बरे हराएस कि उ पचे उ यहोवा, परमेस्सर क आग्या क पालन करइ बन्द कइ दिहस जेकर आग्या ओनकर पुरखन मानत रहेन।</verse>
				<verse number="7">जिक्री एप्रैमी क एक बीर सिपाही रहा। जिक्री राजा आहाज क पूत मासेयाह अउ राजमहल क सरंच्छक अधिकारी अज्रीकाम अउ एलकाना क मार डाएस। एलकाना राजा क ठीक पाछे दूसर सक्ती रहा।</verse>
				<verse number="8">इस्राएल क फउज यहूदा मँ रहइवाले दुइ लाख अपने निचके सम्बन्धियन क धरेस। उ पचे मेहररुअन, बच्चन अउर यहूदा स बहोत कीमती चिजियन लिहस। इस्राएली ओन बन्दियन अउर ओन चिजियन क सोमरोन नगर क लइ आएन।</verse>
				<verse number="9">मुला हुवाँ यहोवा क एक नबी रहा। इ नबी क नाउँ ओदेद रहा। ओदेद इस्राएल क इ सेना स मिला जउन सोमरोन लउटि आइ। ओदेद इस्राएल क सेना स कहेस, “यहोवा परमेस्सर जेकर आग्या तोहरे पुरखन मानेन, तोहका यहूदा क लोगन क हरावइ दिहन काहेकि उ ओन पइ कोहान रहा। तू लोग यहूदा क लोगन क बहोत कूरता स मार्या अउर दण्डित किहा। अब परमेस्सर तू पचन्पइ कोहान अहइ।</verse>
				<verse number="10">तू पचे यहूदा अउ यरूसलेम क लोगन क दास क तरह रखइ क जोजना बनावत अहा। तू लोग भी यहोवा, अपने परमेस्सर क बिरूद्ध पाप किहा ह।</verse>
				<verse number="11">अब मोर सुना। अपने जउने भाई बहिनियन क तू लोग बन्दी बनाया ह ओनका वापस कइ द्या। इ करा काहेकि यहोवा क भयंकर किरोध तोहरे पचन्क बिरुद्ध अहइ।”</verse>
				<verse number="12">तब एप्रैम क कछू प्रमुखन इस्राएल क फउजियन क जुद्ध स लउटिके घर आवत लख्या। उ सबइ प्रमुखन इस्राएल क फउजियन स मिलेन अउर ओनका चितउनी दिहन। उ पचे प्रमुख योहानान क पूत अजर्याह, मसिल्लेमोत क पूत बेरेक्याह, सल्लूम क पूत यहिजकिय्याह अउर हदलै क पूत अमासा रहेन।</verse>
				<verse number="13">ओन प्रमुखन इस्राएली फउजियन स कहेन, “यहूदा क बन्दियन क हिआँ जिन लिआवा। जदि तू इ करत अहा तउ इ हम लोगन क यहोवा क बिरूद्ध बुरा पाप कराइ। उ हमरे पाप अउर अपराध क अउर जियादा बुरा करी अउ यहोवा इस्राएलियन क बिरूद्ध बहोत कोहान होइ।”</verse>
				<verse number="14">एह बरे फउजियन बन्दियन अउ कीमती चिजियन क ओन प्रमुखन अउ इस्राएल क लोगन क दइ दिहस।</verse>
				<verse number="15">उ सबइ प्रमुखन खड़े भएन अउर उ पचे बन्दियन क मदद किहन। एन चारिहुँ मनइयन ओन ओढ़नन क लिहन जउन इस्राएली फउज लिहे रही अउर एका ओन लोगन क दिहस जउन नंगे रहेन। ओन प्रमुख ओन लोगन क जूते भी दिहन। उ पचे यहूदा क बन्दियन क कछू खाइ अउर पिअइ क दिहन। उ पचे ओन लोगन क ओकर घाव क नरम करइ बरे अउ उपचार बरे तेल मलेन। तब एप्रैम क प्रमुख लोग कमजोर बन्दियन क गदहन पइ चढ़ाएन अउर ओनका ओनके घर खजूर क बृच्छ क नगर यरीहो मँ ओनके परिवारन क लगे लइ गएन। तब उ सबइ चारिहुँ प्रमुख अपने घर सोमरोन क लउटि गएन।</verse>
				<verse number="16">उहइ समइ, एदोम क लोग फुन आएन अउर उ पचे यहूदा क लोगन क हराएन। एदोमी लोग लोगन क बन्दी बनाएन अउर ओनका बन्दी क रुप मँ लइ गएन। एह बरे राजा आहाज अस्सूर क राजा स मदद माँगेस।</verse>
				<verse number="17"></verse>
				<verse number="18">पलिस्ती लोग भी पहाड़ी क नगरन अउर दक्खिन यहूदा पइ हमला किहन। पलिस्ती लोग बेतसेमेस, अय्यालोन, गदेरोत, सोको, तिम्ना अउर गिमजो नाउँ क नगरन पइ कब्जा कइ लिहन। उ पचे ओन नगरन क लगे क गाँवन पइ भी कब्जा कइ लिहन। तब ओन नगरन मँ पलिस्ती रहइ लागेन।</verse>
				<verse number="19">यहोवा यहूदा बरे परेसानियन लाएस काहेकि यहूदा क राजा अहाज यहूदा क लोगन क पाप करइ क बरे प्रोत्साहित किहस। उ यहोवा क धोखा दिहेस।</verse>
				<verse number="20">अस्सूर क राजा तिलगतपिलनेसेर आवा अउर आहाज क मदद देइ क जगह पइ उ परेसानी दिहस।</verse>
				<verse number="21">आहाज कछू कीमती चिजियन यहोवा क मन्दिर, राजमहल अउ राजकुमार भवन स एकट्ठा किहस। आहाज उ सबइ चिजियन अस्सूर क राजा क दिहस। किन्तु उ आहाज क मदद नाहीं दिहस।</verse>
				<verse number="22">आहाज क परेसानियन क समइ मँ उ अउर जियादा बुरे पाप किहेस अउर यहोवा क अउर जियादा अबिस्सास जोग्ग बन गवा।</verse>
				<verse number="23">उ दमिस्क क लोगन क जरिये पूजे जाइवाले देवतन क बलि भेंट किहस। दमिस्क क लोग आहाज क पराजित किहे रहेन। एह बरे उ मन ही मन सोचे रहा, “अराम क लोगन क देवतन क पूजा ओनका मदद दिहस। जदि मइँ ओन देवतन क बलि भेंट करउँ तउ संभव अहइ, उ पचे मोर भी मदद करइँ।” आहाज ओन देवतन क पूजा किहस। किन्तु ऍकर बदले ओका अउर इस्राएल क लोगन क पतन क कारण बनेस।</verse>
				<verse number="24">आहाज यहोवा क मन्दिर स चिजियन बटोरेस अउर ओनकर टूकन कइ दिहस। तब उ यहोवा क मन्दिर क दरवाजन क बन्द कइ दिहस। उ वेदियन बनाएस अउर यरूसलेम मँ सड़क क हर मोड़ पइ ओनका रखेस।</verse>
				<verse number="25">आहाज यहूदा क हर नगर मँ दूसर देवतन क पूजा अउर धूपबलि क बारइ बरे ऊँची जगह बनाएस। आहाज यहोवा ओकरे पिता क परमेस्सर क बहोत किरोधित कइ दिहस।</verse>
				<verse number="26">आहाज सुरु स आखीर तलक जउन कछू दूसर किहस उ यहूदा अउ इस्राएल क राजा लोगन क इतिहास नाउँ क किताबे मँ लिखा अहइ।</verse>
				<verse number="27">आहाज मरा अउर अपने पुरखन क संग दफनावा गवा। लोग आहाज क यरूसलेम नगर मँ दफनाएन। किन्तु उ पचे आहाज क उहइ कब्रिस्तान मँ नाहीं दफनाएन जहाँ इस्राएल क राजा दफनाएन गए रहेन। आहाज क जगह पइ ओकर पूत हिजकिय्याह नवा राजा बना।</verse>
			</chapter>
			<chapter number="29">
				<verse number="1">हिजकिय्याह जब पच्चीस बरिस क रहा, राजा भवा। उ उनतीस बरिस तलक यरूसलेम मँ हुकूमत किहस।। जकर्याह क बिटिया अबिय्याह ओकरी महतारी रही।</verse>
				<verse number="2">हिजकिय्याह उहइ किहस जेका ओकर पुरखा दाऊद किहस अउर जेका यहोवा नीक समुझत अहा।</verse>
				<verse number="3">हिजकिय्याह यहोवा क मन्दिर क दरवाजन क जोड़ेस अउर ओनका मज़बूत किहस। हिजकिय्याह मन्दिर क फुन खोलेस। उ राजा होइ क पाछे, बरिस क पहिले महीने मँ इ किहस।</verse>
				<verse number="4">हिजकिय्याह याजकन अउ लेवीबंसियन क एक बैठक मँ एक संग बइठाएस। उ मन्दिर क पूरब क दिसा मँ खुले अँगना मँ ओनके संग बैठक मँ सामिल भवा।</verse>
				<verse number="5">हिजकिय्याह ओनसे कहेस, “मोर सुना, लेवीबंसियो। पवित्तर सेवा बरे अपने क तइयार करा। आपन आपका अउर यहोवा आपन पुरखन क परमेस्सर क मन्दिर क पवित्तर सेवा बरे तइयार करा। असुद्ध चिजियन क पवित्तर जगह स हटाइ द्या।</verse>
				<verse number="6">हम लोगन क पुरखन, यहोवाह हम लोगन क परमेस्स्स्सर क धोखा दिहन। उ पचे उ काम किहेन जेका उ बुरा समुझेन। उ पचे ओका छोड़ दिहेस अउर आपन मुँह यहोवा क मन्दिर क ओर स दूर फरि लिहस। उ पचे आपन पीठ ओकर कइँती कइ दिहस।</verse>
				<verse number="7">उ पचे मन्दिर क सुआगत कच्छ क दरवाजे क बन्द कइ दिहन अउर दीपकन क बुझाइ दिहन। उ पचे सुगन्धि क बारब अउर इस्राएल क परमेस्सर क पवित्तर ठउर मँ होमबलि भेंट करब बन्द कइ दिहन।</verse>
				<verse number="8">एह बरे, यहोवा यहूदा अउ यरूसलेम क लोगन पइ बहोत किरोधित भवा। यहोवा ओन लोगन क भयभीत अउर चकित दण्ड दिहस। तू अपनी आँखिन स एका लखि सकत ह।</verse>
				<verse number="9">इहइ कारण अहइ कि हमार पुरखन जुद्ध मँ मारे गएन। हमरे पूत, बिटियन अउर मेहररुअन बन्दी बनाई गइन।</verse>
				<verse number="10">एह बरे मइँ हिजकिय्याह इ निहचइ किहेउँ ह कि मइँ यहोवा, इस्राएल क परमेस्सर क संग एक वाचा करउँ। तब उ हम लोगन पइ आगे किरोधित नाहीं होब।</verse>
				<verse number="11">एह बरे मोर पूतन तू लोग सुस्त जिन ह्वा या अउर जियादा समइ नस्ट न करा। यहोवा तू लोगन क अपनी सेवा करे चुनेस ह। तू पचन्क ओकर सेवा करइ चाही अउर ओकरे बरे सुगन्धि बारइ चाही।”</verse>
				<verse number="12">ओन लेवीबंसियन क इ सूची अहइ जउन हुवाँ रहेन अउर जउन कार्य सुरू किहन। कहाती परिवार क अमासै क पूत महत अउर अजर्याह क पूत योएल रहेन। मरारीत परिवार क अब्दी क पूत कीस अउर यहल्लेलेल क पूत अजर्याह रहेन। गेर्सोनी परिवार स जिम्मा क पूत योआह अउर योआह क पूत एदेन रहेन। एलिसापान क संतानन मँ स सिम्री अउर यूएल रहेन। आसाप क संतानन मँ जकर्याह अउर मत्तन्याह रहेन। हेमान क संतानन मँ स यहूएल अउर सिमी रहेन। यदूतून क संतानन मँ स समायाह अउर उज्जीएल रहेन।</verse>
				<verse number="13"></verse>
				<verse number="14"></verse>
				<verse number="15">तब एन लेवीबंसियन अपने भाइयन क एकट्ठा किहन अउर मन्दिर मँ पवित्तर सेवा बरे अपने क तइयार किहस। उ पचे राजा क ओन आदेसन क पालन किहन जउन यहोवा क लगे स आए रहेन। उ पचे यहोवा क मन्दिर मँ ओका स्वच्छ करइ गएन।</verse>
				<verse number="16">याजक यहोवा क मन्दिर क भीतरी भाग मँ ओका स्वच्छ करइ गएन। उ पचे सभी असुद्ध चिजियन क बाहेर निकारेन जेनका उ पचे मन्दिर मँ पाएन। उ पचे असुद्ध चिजियन क यहोवा क मन्दिर क आँगन मँ लइ आएन। तब लेवीबंसी असुद्ध चिजियन क यहोवा क मन्दिर क अंगना मँ लइ आएन। तब लेवीबंसी असुद्ध चिजियन क किद्रोन क घाटी मँ लइ गएन।</verse>
				<verse number="17">पहिले महीने क पहिले दिन लेवीबंसी अपने आपका पवित्तर करइ सुरू कइ दिहन। महीने क अठएँ दिन लेवीबंसी यहोवा क मन्दिर क दुआर मण्डप मँ आएन। आठ दिन अउर, उ पचे यहोवा क मन्दिर क पवित्तर करइ क कार्य जारी रखेन। उ पचे पहिले महीने क सोलहवें दिन इ काम पूरा किहन।</verse>
				<verse number="18">तब उ पचे राजा हिजकिय्याह क लगे वापिस गएन। उ पचे ओहसे कहेन, “राजा हिजकिय्याह, हम लोग यहोवा क पूरे मन्दिर क साथ ही होमबलि चढ़ावइ बरे वेदी क भी ओकर सबइ बरतन क संग सुद्ध कइ दिहेन। हम लोग पवित्तर रोटी प्रदर्सित करइवाले मेज अउ ओकरे बरे उपयोग मँ आवइवाली सबहिं चिजियन क स्वच्छ कइ दिहन।</verse>
				<verse number="19">ओन दिनन जब आहाज राजा रही उ परमेस्सर क बरे विरोध किहस। उ बहोत स चिजियन हटाइ दिहे रहेन जउन मन्दिरे मँ रहिन। मुला हम लोग फुन ओन चिजियन क रख दिहा ह अउर ओनका पवित्तर कार्य बरे सुद्ध कइ दिहा ह। उ पचे अब यहोवा क वेदी क समन्वा अहइँ।”</verse>
				<verse number="20">राजा हिजकिय्याह नगर अधिकारियन क एकट्ठा किहेस अउर अगले भिंसारे उ यहोवा क मन्दिर गवा।</verse>
				<verse number="21">उ सबइ सात ठु बर्धा, सात ठु भेड़न, सात ठु मेमनन अउ सात ठु नान्ह बोकरन लिआएन। उ सबइ जनावर यहूदा क राज्ज क पापबलि बरे पवित्तर जगह अउ यहूदा क लोगन बरे रहेन। राजा हिजकिय्याह याजकन क जउन हारून क संतान रहेन, आदेस दिहस कि उ पचे ओन जनावरन क यहोवा क वेदी पइ चढ़ावइँ।</verse>
				<verse number="22">एह बरे याजक लोग बर्धन क मार डाएन अउर ओनकर रक्त धइ लिहन। तब उ पचे बर्धन क रकत वेदी पइ छिछकारेन। तब याजक लोग भेड़न क मारेन अउर वेदी पइ भेड़न क रक्त छिछकारेन। तब याजक लोग मेमनन क मारेन अउर ओनकर रक्त वेदी पइ छिछकारेन।</verse>
				<verse number="23">तब याजक लोग बोकरन क राजा अउर एक संग एकट्ठे लोगन क समन्वा लिआएन। बोकरन पापबलि रहेन। याजक लोग अपने हाथे बोकरन पइ धरेन अउर ओनका मारेन। याजक लोग बोकरन क रकत स वेदी पइ पापबलि चढ़ाएन। उ पचे इ एह बरे किहन कि यहोवा इस्राएल क लोगन क छिमा कइ देइ। राजा कहेस कि होमबलि अउ पापबलि इस्राएल क सबहिं लोगन क बरे होइहीं।</verse>
				<verse number="24"></verse>
				<verse number="25">राजा हिजकिय्याह लेवीबंसियन क यहोवा क मन्दिर मँ मंजीरन, तम्बूरन अउ वीणा क संग रखेन जइसा दाऊद, राजा क द्रस्टा गाद अउर नातान नबी आदेस दिहे रहा। इ आदेस यहवो क हिआँ स ओकर नबियन क जरिये स आवा रहा।</verse>
				<verse number="26">इ रतह लेवीबंसी, दाऊद क गीत क बाजन क संग, अउर याजक अपनी तुरहियन क संग खड़े भएन।</verse>
				<verse number="27">तब हिजकिय्याह होमबलि क बलि वेदी पइ चढ़ावइ क बरे आदेस दिहस। जब होमबलि देब सुरू भवा, यहोवा बरे गायन भी सुरू भवा। तुरहियन बजाई गइन अउर इस्राएल क राजा दाऊद क वाद्ययंत्र बजेन।</verse>
				<verse number="28">सारी सभा दण्डवत किहस, गायकन गाएन अउर तुरही वादकन अपनी तुरहियन तब तलक बजाएन जब तलक होमबलि क चढ़ावा जाब पूरा नाहीं भवा।</verse>
				<verse number="29">बलिदानन क पूरे होइ क पाछे राजा हिजकिय्याह अउर ओकरे संग क सबहिं लोग निहुरेन अउर उ पचे उपासना किहन।</verse>
				<verse number="30">राजा हिजकिय्याह अउर ओकर अधिकारि लोग लेवीबंसियन क यहोवा क स्तुति क आदेस दिहन। उ पचे ओन गीतन क गाएन जेनका दाऊद अउर द्रस्टा आसाप लिखे रहा। उ पचे यहोवा क स्तुति किहन अउर प्रसन्न भएन। उ पचे सबहिं निहुरेन अउर उ पचे यहोवा क उपासना किहस।</verse>
				<verse number="31">हिजकिय्याह कहेस, “यहूदा क लोगो, अब तू लोग खुद क यहोवा क अर्पित कइ चुका अहा। निचके आवा, बलि अउ धन्यवाद क भेंट यहोवा क मन्दिर मँ लिआवा।” तब लोग बलि अउ धन्यवाद क भेंट लिआएन। कउनो मनई, जउन चाहत रहा, उ होमबलि भी लिआवा।</verse>
				<verse number="32">सभा क जरिये मन्दिर मँ लाइ गइ होमबलियन क संख्या इ रहा: सत्तर बर्धा, सौ भेड़न अउर दुई सौ मेमनन। इ सबइ सबहिं जनावर यहोवा क होमबलि क रुप मँ बलि कीन्ह गएन।</verse>
				<verse number="33">यहोवा क बरे पवित्तर भेटंन छ: सौ बर्धन अउर तीन हजार भेड़ी बोकरन रहेन।</verse>
				<verse number="34">मुला हुवाँ होमबलि बरे चढ़ावा गवा जनावरन क खाल उतारइ अउर ओका काटइ बरे प्रयाप्त याजकन नाहीं रहेन। एह बरे ओनकर सम्बन्धी लेवीबंसियन ओनकर मदद तब तलक किहन जब तलक काम पूरा न भवा अउर जब तलक दूसर याजक अपने क पवित्तर फउज क बरे तइयार न कइ सकेन। लेवीबंसी यहोवा क सेवा बरे अपने क तइयार करइ मँ जियादा याजकन क अपेच्छा जियादा लगनसील रहेन।</verse>
				<verse number="35">हुवाँ अनेक होमबलि, मेलबलि क चबीर् अउ पेय भेंट चढ़िन। इ तरह यहोवा क मन्दिर मँ सेवा फुन सुरु भइ।</verse>
				<verse number="36">हिजकिय्याह अउर सबहिं लोग ओन चिजियन क बरे खुस रहेन जेनका यहोवा अपने लोगन क बरे बनाएस अउर उ सबइ खुस रहेन कि उ पचे ओनका ऍतनी हाली स किहन।</verse>
			</chapter>
			<chapter number="30">
				<verse number="1">हिजकिय्याह इस्राएल अउ यहूदा क सबहिं लोगन क सँदेसा पठएस। उ एप्रैम अउ मनस्से क लोगन क भी पत्तर लिखेस। हिजकिय्याह ओन सबहिं लोगन क यरूसलेम मँ यहोवा क मन्दिर मँ आवइ बरे न्यौतेस जेहसे उ सबइ सबहिं फसहपर्व यहोवा, इस्राएल क परमेस्सर बरे मनाइ सकइँ।</verse>
				<verse number="2">हिजकिय्याह आपन सबहिं अधिकारियन अउ यरूसलेम क सभा क संग फसह पर्व दूसरे महीने मँ मनावइ बरे राज़ी होइ गएन।</verse>
				<verse number="3">उ सबइ फसह पर्व क नियमित समइ स न मनाइ सकइँ। काहे काहेकि प्रायाप्त संख्याँ मँ याजक पवित्तर सेवा बरे अपने आप क तइयार नाहीं किहे रहा अउर दूसर कारण इ रहा कि लोग यरूसलेम मँ एकट्ठे न होइ सके रहेन।</verse>
				<verse number="4">इ सुझाव राजा हिजकिय्याह अउर पूरी सभा क सन्तुट्ठ किहस।</verse>
				<verse number="5">एह बरे उ पचे इस्राएल मँ बेर्सेबा नगर स लइके लगातार दान तलक हर एक जगह पइ घोसणा किहन। उ पचे लोगन स कहेन कि उ पचे यरूसलेम मँ यहोवा, इस्राएल क परमेस्सर बरे फसह पर्व मनावइ आवइँ। इस्राएल क बहोत बड़का समूह बहोत समइ स फसह पर्व उ तहर नाहीं मनाए रहा, जउने तरह मूसा क नेमन एका मनावइ क कहे रहेन।</verse>
				<verse number="6">एह बरे दूत राजा क पत्तर पूरे इस्राएल अउर यहूदा मँ लइ गएन। ओन पत्रन मँ इ लिखा रहा: “इस्राएल क सन्तानों, इब्राहीम, इसहाक अउर इस्राएल, जउन यहोवा, परमेस्सर क आग्या मानत रहेन ओकरे निअरे लोउटा। तब यहोवा तू लोगन क लगे वापस आइ जउन अस्सूर क राजा लोगन स बच गएन ह अउर अबहिं तलक जिअत अहइँ।</verse>
				<verse number="7">अपने पुरखन अउर भाइयन क तरह न बना। यहोवा ओनका परमेस्सर रहा, मुला उ पचे ओका धोखा दिहेन। ऍह बरे उ ओन लोगन क बर्बाद होइ दिहस। तू खुद अपनी आँखी स इ लखि सकत ह।</verse>
				<verse number="8">अपने पुरखन क तरह हठी जिन बना। अपितु सच्चे हिरदइ स यहोवा क आग्या माना। सब स जियादा पवित्तर जगह पइ आवा। यहोवा सब स जियादा पवित्तर जगह क सदा ही क बरे पवित्तर बनाएस ह। अपने यहोवा, परमेस्सर क सेवा करा। तब यहोवा क डरावना किरोध तोह पइ स हट जाइ।</verse>
				<verse number="9">जदि तू यहोवा क लगे लउटब्या अउर ओकरे आग्या मनब्या तब तोहार सम्बन्धी, भाइयन अउर बच्चन ओन लोगन क दाया पइहीं जउन ओनका बन्दी बनाएन ह अउर तोहार सम्बन्धी अउर बच्चन इ देस मँ लउटिहीं। यहोवा, तोहार परमेस्सर कृपालु अउ दयालु अहइ। जदि तू ओकरे लगे लउटब्या तउ उ तोहसे नाहीं मुरब्या।”</verse>
				<verse number="10">दूत एप्रैम अउ मनस्से क पहँटन क सबहिं नगरन मँ गएन। उ पचे लगातार पूरे जबूलून देस मँ गएन। किन्तु लोग दूतन क हँसी उड़ाएन अउर ओनकर मजाक उड़ाएन।</verse>
				<verse number="11">मुला आसेर, मनस्से अउ जबूलून देस क कछू लोग आपन क बिनम्र बनाएन अउर यरूसलेम गएन।</verse>
				<verse number="12">यहूदा मँ परमेस्सर क सक्ती लोगन क संगठित किहस ताकि उ पचे राजा हिजकिय्याह अउ ओकरे अधिकारियन क आग्या क पालन कइ सकत हीं। इ तरह उ पचे यहोवा क आग्या क पालन किहन।</verse>
				<verse number="13">बहोत स लोग एक संग यरूसलेम, दूसरे महीने मँ अखमोरी रोटी क उत्सव मनावइ आएन। इ बहोत बड़ी भीड़ रही।</verse>
				<verse number="14">ओन लोग यरूसलेम स लबार देवतन क वेदियन क हटाइ दिहन। उ पचे लबार देवतन क बरे सुगन्धि भेंट क वेदियन क भी हटाइ दिहन। उ पचे ओन वेदियन क किद्रोन क घाटी मँ लोकाइ दिहन।</verse>
				<verse number="15">तब उ पचे फसह पर्व क मेमने क दूसर महीने क चौदहवें दिन मारेन। याजक अउ लेवीबंसी लज्जित भएन। ऍह बरे उ पचे अपने क पवित्तर सेवा बरे तइयार किहन। याजक अउर लेवीबंसी होमबलि यहोवा क मन्दिर मँ लइ आएन।</verse>
				<verse number="16">मन्दिर मँ अपने बरे मुकर्रर जगह पइ उ पचे वइसे ही बइठेन जइसा परमेस्सर क मनई मूसा क नेम मँ कहा गवा रहा। लेवीबंसी लोग याजकन क रक्त दिहन। तब याजक लोग रक्त क वेदी पइ छिछकारेन।</verse>
				<verse number="17">उ समूह मँ बहोत स लोग अइसे रहेन जउन अपने क पवित्तर सेवा क बरे तइयार नाहीं किहे रहेन एह बरे उ पचे फसह पर्व क मेमने क मारइ क मँजूरी नाहीं पाइ सकेन। इहइ कारण रहा कि लेवीबंसी ओन सबहिं लोगन क बरे फसह पर्व क मेमने क मारइ क जिम्मेदार रहेन जउन सुद्ध नाहीं रहेन। लेवीबंसी हर एक मेमना क यहोवा क बरे पवित्तर बनाएन।</verse>
				<verse number="18">एप्रैम, मनस्से, इस्साकार अउर जबूलून क बहोत स लोग फसह पर्व उत्सव क बरे अपने क ठीक तरह स तइयार नाहीं किहे रहा। उ पचे फसह पर्व क मेमनन क खाएन जब कि उ पचे मूसा क नेम क अनुसार असुद्ध रहेन। मुला हिजकिय्याह ओन लोगन बरे पराथना किहस। एह बरे हिजकिय्याह इ पराथना किहस, “यहोवा, तू अच्छा अहा।</verse>
				<verse number="19">इ सबइ लोग तू यहोवा हम लोगन क पुरखन क परमेस्सर क सेवा करइ बरे आपन पूरे दिल स तइयार रहेन। किन्तु उ पचे अपने क पवित्तर सेवा मँ भाग लेइ बरे नेम क अनुसार सुद्ध न कइ सकेन। ऍह बरे कृपा कइके ओन लोगन बरे प्रायस्चित करा।”</verse>
				<verse number="20">यहोवा राजा हिजकिय्याह क पराथना सुनेस। यहोवा लोगन क छिमा कइ दिहस।</verse>
				<verse number="21">इस्राएल क संतानन यरूसलेम मँ अखमीरी रोटी क उत्सव सात दिन तलक मनाएन। उ पचे बहोत खुस रहेन। लेवीबंसी अउ याजक लोग अपनी पूरी सक्ती स हर एक दिन यहोवा क स्तुति किहन।</verse>
				<verse number="22">राजा हिजकिय्याह ओन सबहिं लेवीबंसियन क उत्साहित किहस जउन अच्छी तरह समुझ गए रहेन कि यहोवा क सेवा कइसे कीन्ह जात ह। लोग सात दिन तलक पर्व मनाएन अउर मेलबलि च़ढ़ाएन। उ पचे अपने पुरखन क यहोवा परमेस्सर क धन्यवाद दिहन अउर ओकर स्तुति किहन।</verse>
				<verse number="23">सबहिं लोग सात दिन अउर ठहरइ क सहमत होइ गएन। एह बरे उ पचे सात अउर दिना तलक बहोत खुसी स फसह पर्व मनाएन।</verse>
				<verse number="24">यहूदा क राजा हिजकिय्याह उ सभा क एक हजार बर्धन अउ सात हजार भेड़िन मारइ अउर खाइ क बरे दिहेस। प्रमुखन सभा क एक हजार बर्धन अउ दस हजार भेड़िन दिहन। बहोत स याजक लोग पवित्तर सेवा बरे अपने क तइयार किहन।</verse>
				<verse number="25">यहूदा क पूरी सभा, याजक, लेवीबंसी, इस्राएल स आवइवाली पूरी सभा अउर उ सबइ यात्री जउन इस्राएल स आए रहेन अउ यहूदा पहोंच गए रहेन, सबहिं लोग बहोत जियादा खुस रहेन।</verse>
				<verse number="26">इ तरह यरूसलेम मँ बहोत आनन्द रहा। इ पर्व क समान कउनो भी पर्व इस्राएल क राजा, दाऊद क पूत सुलैमान क समइ क बाद स नाहीं भवा रहा।</verse>
				<verse number="27">याजक अउ लेवीबंसी खड़े भएन अउर यहोवा स लोगन क आसीर्वाद देइ क कहेन। परमेस्सर ओनकर सुनेस। ओनकर पराथना सरग मँ यहोवा क पवित्तर निवास तलक पहोंची।</verse>
			</chapter>
			<chapter number="31">
				<verse number="1">फसह पर्व क उत्सव पूरा भवा। इस्राएल क जउन लोग फसह पर्व क क बरे यरूसलेम मँ रहेन, उ पचे यहूदा क नगरन क चले गएन। तब उ पचे पाथर क ओन मूरतियन क नेस्तनाबूत किहन जउन ओन नगरन मँ रहिन। ओन पाथर क मूरतियन क पूजन लबार देवतन क रुप मँ होत रहा। ओन लोग असेरा क खम्भन क भी काट डाएन अउर उ पचे ओन ऊँची जगहियन अउर वेदियन क भी तोर डाएन जउन बिन्यामीन अउर यहूदा क पूरे देसन मँ रहेन। लोग एप्रैम अउर मनस्से क छेत्र मँ उहइ किहन। लोग इ तब किहन जब उ पचे लबार देवतन क पूजा क सबहिं चिजियन क नस्ट नाहीं किहन। तब सबहिं इस्राएली अपने नगरन क घर लउट आएन।</verse>
				<verse number="2">राजा हिजकिय्याह फुन याजकन अउ लेवीबंसियन क समूहन मँ बाँटेस अउर हर एक समूह क आपना बिसेस कार्य करब होत रहा। एह बरे राजा हिजकिय्याह ओन समूहन क आपन कार्य फुन स करइ क कहेस। एह बरे याजकन अउ लेवीबंसियन क फुन स होमबलि अउ मेलबलि चढ़ावइ क काम रहा। ओन क काम मन्दिर मँ सेवा करब, गाना अउ यहोवा क भवन क दुआर पइ परमेस्सर क स्तुति करब रहा।</verse>
				<verse number="3">हिजकिय्याह अपने गोरुअन मँ स कछू क होमबलि बरे दिहस। इ सबइ गोरु हर रोज भिंसारे अउ साँझ क होमबलि बरे प्रयोग मँ आवत रहेन। इ सबइ गोरु सबित क दिनन मँ अउर नवचन्द्र क समइ अउर दूसर बिसेस उत्सवन पइ दीन्ह जात रहिन। इ वइसे ही कीन्ह जात रहा जइसा यहोवा क ब्यवस्था मँ लिखा अहइ।</verse>
				<verse number="4">हिजकिय्याह यरूसलेम मँ रहइवाले लोगन क आदेस दिहस कि आपन अनाज क हींसा याजकन अउ लेवीबंसियन क देइँ। तबहिं याजक अउ लेवीबंसी आपन क यहोवा क नेम क अनुसार सेवा बरे देइ चाही रही।</verse>
				<verse number="5">देस क चारिहुँ कइँती क लोग इ आदेस क बारे मँ सुनेन। एह बरे इस्राएल क लोग अपने कटा भवा अन्न, अंगूर, तेल, सहद अउ जउन कछू भी उ पचे अपने खेतन मँ उगावत रहेन ओन सबहिं फसलन क पहिला हींसा दिहेस। उ पचे स्वेच्छा स एन सबहिं चिजियन क दसवाँ हींसा लिआएन।</verse>
				<verse number="6">इस्राएल अउ यहूदा क लोग जउन यहूदा क नगरन मँ रहत रहेन अपने गोरुअन अउ भेड़िन क दसवाँ हींसा भी लिआएन। उ पचे ओन चिजियन क दसवाँ हींसा भी लिआएन जेका अलगाइ दीन्ह ग रहेन अउर यहोवा ओनका परमेस्सर क अर्पित कीन्ह ग रहेन। उ पचे ओन सबहिं चिजियन क अपने यहोवा, परमेस्सर क बरे लइके आएन। उ पचे ओन सबहिं चिजियन क ढेरन मँ धरेन।</verse>
				<verse number="7">लोग तीसरे महीने मँ अपनी चिजियन क संग्रह क लिआउब सुरु किहन अउर उ पचे संग्रह क लिआउब सातवे महीने पूरा किहन।</verse>
				<verse number="8">जब हिजकिय्याह अउ प्रमुख लोग आएन तउ उ पचे संग्रह कीन्ह गइ चिजियन क ढेरन क लखेन। उ पचे यहोवा क स्तुति किहन अउर इस्राएल क लोगन अर्थात यहोवा क लोगन क बड़कई किहन।</verse>
				<verse number="9">तब हिजकिय्याह याजकन अउ लेवीबंसियन क ढेरन क सम्बंध मँ पूछेस।</verse>
				<verse number="10">सादोक परिवार क मुख्य याजक अजर्याह हिजकिय्याह स कहेस, “उ समइ स जब स लोग भेंटन क यहोवा क मन्दिर मँ लिआउब सुरू कइ दिहेन ह एह बरे हम लोगन क लगे खाइ बरे बहोत जियादा अहइ। हम लोग भर पेट खाए अउर अबहिं तलक हम लोगन क लगे बहोत बचा ह। यहोवा अपने लोगन क सच मँ आसीस दिहेस ह। एह बरे हम लोगन क लगे इ सब बचा ह।”</verse>
				<verse number="11">तब हिजकिय्याह याजकन क आदेस दिहस कि उ पचे यहोवा क मन्दिर मँ भण्डार घर तइयार रखइँ। एह बरे इ कीन्ह गवा।</verse>
				<verse number="12">तब याजक लोग उपहार, भेंटन क दसमांस अउर दूसर चिजियन लिआएन जउन सिरिफ यहोवा क दीन्ह जाब रहिन। उ पचे सबहिं संग्रह कीन्ह गइ चिजियन मन्दिर क भण्डार घरन मँ रख दीन्ह गइन। लेवीबंसि कोनन्याह सबहिं संग्रह कीन्ह गइ चिजियन क अधीच्छक रहा। कोनन्याह क भाई सिमी ओन चिजियन क उपाधीच्छक रहा।</verse>
				<verse number="13">कोनन्याह अउ ओकर भाई एन मनइयन क निरीच्छक रहेन: अहीएल, अजज्याह, नहत, असाहेल, यरीमेत, योजाबाद, एलीएल, यिस्मक्याह, महत अउर बनायाह। राजा हिजकिय्याह अउ यहोवा क मन्दिर क अधीच्छक अधिकारी अजर्याह ओन मनइयन क चुनेस।</verse>
				<verse number="14">यिम्ना लेवी क पूत कोरे ओन भेंटन क अधीच्छक रहा जेनका लोग स्वेच्छा स चढ़ावत रहेन। उ ओन चिजियन क उत्तरदायी रहा जउन यहोवा क दीन्ह जात रहेन अउ उ ओन उपहारन क बाँटइ क जिम्मेदार रहा जउन यहोवा बरे पवित्तर बनाई जात रहिन। कोरे पूवीर् दुआर क दुआरपाल रहा।</verse>
				<verse number="15">एदेन, मिन्यामीन, येसू समायाह, अमर्याह अउ सकन्याह कोरे क मदद करत रहेन। उ सबइ लोग ईमानदारी स ओन नगरन मँ सेवा करत रहेन जहाँ याजक रहेत रहेन। उ पचे बहोत महत्त्वपूर्ण अउर कम महत्त्वपूर्ण दुइनँउ याजकन क समान मात्रा मँ चिजियन दिहेन।</verse>
				<verse number="16">इ सबइ लोग संग्रह कीन्ह भइ चिजियन क तीन बरिस अउ ओहसे जियादा उमिर क लरिकन अउर मनइयन क भी देत रहेन जेनकर नाउँ लेविबंस क इतिहास मँ लिखा भवा रहेन। एन सबहिं मनइयन यहोवा क मन्दिर मँ आपन हर दिन क सेवा अउर दूसर काम जेकर उ जिम्मेदार रहेन, बरे जाइ क रहेन। हरेक समूह क आपन नेतिक जिम्मेदारी रहेन।</verse>
				<verse number="17">याजकन क संग्रह कीन्ह भवा चिजियन स ओनकर हींसा दीन्ह जात रहेन। परिवारिक आधार पइ, परिवार क इतिहास मँ लिखित सूची अनुसार इ कीन्ह गए रहेन। बीस बरिस या ओहसे अधिक उमिर क लेवीबंसियन क संग्रह क ओनकर हींसा दीन्ह जात रहा। इ ओनकर जिम्मेदारी अउ वर्ग क अनुसार कीन्ह जात रहा।</verse>
				<verse number="18">लेवीबंसियन क बच्चन, मेहररुअन, पूत अउ बिटियन भी संग्रह चिजियन क आपन हींसा पावत रहेन। इ ओन सबहिं लेवीबंसियन क बरे कीन्ह जात रहा जउन परिवार क इतिहासन मँ अंकित रहेन। इ लेवीबंसियन बरे कीन्ह ग रहेन ताकि उ पचे आपन आप क बिस्सास क संग पवित्तर राखेन अउर सेवा करइ बरे तइयार रहेन।</verse>
				<verse number="19">याजक हारून क कछू संतानन क लगे कछू खेती जोग्ग नगर क लगे हुवाँ रहेन जहाँ लेवीबंसी रहत रहेन अउर हारून क संतानन मँ स कछू नगरन मँ भी रहत रहेन। ओन नगरन मँ स हर एक मँ हारून क एन संतानन क संग्रह चिजियन क हींसा देइ बरे मनई नामांकन क जरिये चुने जात रहेन। मनसेधू अउर उ सबइ सबहिं जेनकर नाउँ लेवीबंस क इतिहास मँ रहा सबहिं संग्रह चिजियन क हींसा पानत रहेन।</verse>
				<verse number="20">इ तरह राजा हिजकिय्याह पूरे यहूदा मँ उ सबइ सब चिजियन क किहन। उ उहइ किहस जउन यहोवा, ओकरे परमेस्सर क दृस्टि मँ अच्छा, ठीक अउर बिस्सास जोग्ग रहा।</verse>
				<verse number="21">उ जउन भी कार्य परमेस्सर क मन्दिर क सेवा मँ, नेमन व सबइ आग्या क पालन करइ मँ अउर अपने परमेस्सर क अनुसरण करइ मँ किहेस ओहमाँ ओक कामयाबी मिली। हिजकिय्याह इ सबइ सबहिं कार्य अपने पूरे हिरदइ स किहस।</verse>
			</chapter>
			<chapter number="32">
				<verse number="1">इ सबइ चिजियन क पाछे हिजकिय्याह बहोत बिस्सास पूर्वक कार्य किहस। अस्सूर क राजा सन्हेरीब यहूदा देस पइ हमला करइ आवा। सन्हेरीब अउर ओकर फउज किला क बाहेर डेरा डाएस। उ इ एह बरे किहस कि उ नगरन क जीतइ चाहत रहा।</verse>
				<verse number="2">हिजकिय्याह जानत रहा कि उ यरूसलेम, एह पइ हमला करइ आवा ह।</verse>
				<verse number="3">तब हिजकिय्याह आपन अधिकारियन अउर फउज क अधिकारियन स सलाह लिहस। उ पचे एकमत होइ गएन कि यरूसलेम क बाहेर क सोतन क पानी रोक दीन्ह जाइ। ओन अधिकारियन अउर फउज क अधिकारियन हिजकिय्याह क मदद किहन।</verse>
				<verse number="4">बहोत स लोग एक संग आएन अउर झरनन अउर सोतन क जउन नगर क बीच स होइके बहत रहेन, रोक दिहन। उ पचे कहेन, “अस्सूर क राजा क हिआँ आए पइ बहोत जियादा पानी नाहीं मिली।”</verse>
				<verse number="5">हिजकिय्याह यरूसलेम क पहिले स जियादा मजबूत बनाएस। इ उ इ तरह किहस: उ देवार क टूटे हींसन क फुन बनवाएस। उ देवारन पइ मीनारन बनाएस, उ पहली देवार क बाहेर दूसर देवार बनवाएस। उ फुन पुरान यरूसलेम क पूरब कइँती दूसर देवार बनवाएस। उ अनेक हथियार अउर ढारन बनवाएस।</verse>
				<verse number="6">हिजकिय्याह फउज क अधिकारियन क लोगन क अधीच्छक होइ बरे चुनेस। उ एन अधिकारियन स नगर दुआर क बाहेर खुली जगह मँ मिला। हिजकिय्याह ओन अधिकारियन स सलाह किहस अउर ओनका उत्साहित किहस।</verse>
				<verse number="7">उ कहेस, “मजबूत अउर साहसी बना। अस्सूर क राजा या ओकरे संग क बिसाल फउज स जिन डेरावा, न ही ओहसे चिन्ता ह्वा। अस्सूर क राजा क लगे जउन सक्ती अहइ ओहसे भी बड़की सक्ती हम लोगन क संग अहइ!</verse>
				<verse number="8">अस्सूर क राजा क लगे सिरिफ मनई अहइँ। किन्तु हम लोगन क संग यहोवा, आपन परमेस्सर अहइ। हमार परमेस्सर हमार मदद करी। उ हमार जुद्ध खुद लड़ी।” इ तरह यहूदा क राजा हिजकिय्याह लोगन क उत्साहित किहस अउर ओनका पहिले स जियादा सक्तीसाली होइ क अनुभव कराएस।</verse>
				<verse number="9">अस्सूर क राजा सन्हेरीब अउर ओकर सारी फउज लाकीस नगर क लगे डेरा डाए पड़ी रही ताकि उ पचे एका हराइ सकइँ। तउ उ यरूसलेम मँ यहूदा क राजा हिजकिय्याह क लगे अउर यहूदा क सबहिं लोगन क लगे आपन अधिकारियन पठएस। सन्हेरीब क अधिकारियन हिजकिय्याह अउर यरूसलेम क सबहिं लोगन क बरे एकठु सँदेसा लइ आएन।</verse>
				<verse number="10">उ पचे कहेन, “अस्सूर क राजा सन्हेरीब इ कहत ह: ‘तू केहमाँ बिस्सास करत अहा जउन तोहमाँ यरूसलेम मँ जुद्ध क स्थिति मँ ठहरब सिखावत ह</verse>
				<verse number="11">हिजकिय्याह तू पचन्क मूरख बनावत ह। तू पचन्क यरूसलेम मँ ठहरे रखइ क बरे धोखा दीन्ह जात अहइ। इ तरह तू पसे भूख पियास स मार जाब्या। हिजकिय्याह तू पचन्स करत ह, “यहोवा, हमार परमेस्सर हम क अस्सूर क राजा स बचाई।”</verse>
				<verse number="12">हिजकिय्याह खुद यहोवा क ऊँच जगहियन अउर वेदियन क हटाएस ह। उ यहूदा अउ यरूसलेम क तू लोगन स कहेस कि तू लोगन क सिरिफ एक वेदी पइ उपासना करइ अउर सुगन्धि बारइ चाही।</verse>
				<verse number="13">निहचइ ही, तू पचे जानत अहा कि मोर पुरखन अउर मइँ दूसर देसन क लोगन क संग का किहेउँ ह दूसर देसन क देवता अपने लोगन क नाहीं बचाइ सकेन। उ सबइ देवता मोका ओनके लोगन अउ ओकर देसन क नस्ट करइ स नाहीं रोक सकतेन।</verse>
				<verse number="14">मोर पुरखन ओन देसन क नस्ट किहन। कउनो भी अइसा देवता नाहीं जउन मोहसे अपने लोगन क नस्ट होइ स बचाइ लेई। एह बरे का तू सोचत ह कि तोहार देवता तोहका मोसे बचाइ लेई?</verse>
				<verse number="15">हिजकिय्याह क तू पचन्क मूरख बनावइ अउर गुमराह करइ जिन द्या। ओह पइ बिस्सास न करा काहेकि कउनो रास्ट्र या राज्ज क कउनो देवता कबहुँ हम स या हमरे पुरखन स अपने लोगन क बचावइ मँ समर्थ नाहीं भवा ह। एह बरे इ जिन सोचा कि तोहार देवता मोका तू पचन्क नस्ट करइ स रोक लेइ।’”</verse>
				<verse number="16">अस्सूर क राजा क सेवक लोग एहसे भी बुरी बातन यहोवा परमेस्सर अउ परमेस्सर क सेवक हिजकिय्याह क खिलाफ कहेन।</verse>
				<verse number="17">अस्सूर क राजा अइसे पत्र भी लिखेस जउन इस्राएल क यहोवा परमेस्सर क अपमान करत रहेन। अस्सूर क राजा ओन पत्रन मँ स जउन कछू लिखा रहा उ इ अहइ: “दूसर राज्जन क देवता मोहसे नस्ट होइ स अपने लोगन क न बचाइ सकेन। उहइ तरह हिजकिय्याह क परमेस्सर अपने लोगन क मोरे जरिये नस्ट कीन्ह जाइ स नाहीं रोक सकत।”</verse>
				<verse number="18">तब अस्सूर क राजा क सेवक यरूसलेम क ओन लोगन पइ जोर स नरियानेन जउन नगर क देवार पइ रहेन। ओन सेवकन उ समइ हिब्रू भासा क प्रयोग किहन जब उ पचे देवार पइ क लोगन क बरे नरियानेन। अस्सूर क राजा क ओन सेवकन इ सब एह बरे किहन कि यरूसलेम क लोग डरि जाइँ। उ पचे उ सबइ बातन एह बरे कहेन कि यरूसलेम नगर पइ अधिकार कइ सकइँ।</verse>
				<verse number="19">उ अधिकारियन ओन देवतन क बिरूद्ध बुरी बातन कहेन जउन संसार क लोगन दुआरा पूजा जात रहेन। उ सबइ देवता सिरिफ अइसी चिजियन अहइँ जेनका मनइयन अपने हाथे स बनाएन ह। इहइ तरह ओन अधिकारियन भी यरूसलेम क परमेस्सर क खिलाफ बुरी बातन कहेन।</verse>
				<verse number="20">राजा हिजकिय्याह अउ आमोस क पूत यसायाह नबी इ समस्या क बारे मँ पराथना किहन। उ पचे जोर स सरग क गोहराएन।</verse>
				<verse number="21">तब यहोवा अस्सूर क राजा क खेमे मँ एक ठु सरगदूत क पठएस। उ सरगदूत अस्सूर क फउज क सब अधिकारियन, प्रमुखन अउर फउजियन क मार डाएन। एह बरे अस्सूर क राजा अपने देस मँ अपने घर लउट गवा अउर ओकर लोग ओहसे बहोत लजानेन। उ अपने देवता क मन्दिर मँ गवा अउर उहइ क पूतन मँ स कउनो ओका हुवाँ तरवार स मार डाएस।</verse>
				<verse number="22">इ तरह यहोवा हिजकिय्याह अउर यरूसलेम क लोगन क राजा सन्हेरीब अस्सूर क राजा अउर सबहिं दूसर लोगन स बचाएस। यहोवा हिजकिय्याह अउर यरूसलेम क लोगन क देखभाल किहस।</verse>
				<verse number="23">बहोत स लोग यरूसलेम मँ यहोवा क बरे भेट लिआएन। उ पचे यहूदा क राजा हिजकिय्याह क लगे कीमती चिजियन लइ आएन। उ समइ क पाछे सबहिं रास्ट्र हिजाकिय्याह क सम्मान दिहन।</verse>
				<verse number="24">ओन दिन हिजकिय्याह बहोत बेराम पड़ा अउर मउत क निचके रहा। उ यहोवा स पराथना किहस। यहोवा हिजकिय्याह स बोला अउर ओका एकठु चीन्हा दिहस।</verse>
				<verse number="25">मुला हिजकिय्याह क हिरदइ घमण्ड स भरि गवा एह बरे उ परमेस्सर क कृपा बरे परमेस्सर क धन्नवाद नाहीं किहस। इहइ कारण अहइ कि परमेस्सर हिजकिय्याह अउ यरूसलेम अउ यहूदा क लोगन पइ कोहाइ गवा।</verse>
				<verse number="26">मुला हिजकिय्याह अउ यरूसलेम मँ रहइवाले लोग आपन हिरदइ अउ जिन्नगी क बदल दिहेन। उ पचे बिनम्र होइ गएन अउर घमण्ड करब तजि दिहन। एह बरे जब तलक हिजकिय्याह जिअत रहा यहोवा क किरोध ओह पइ नाहीं उतरा।</verse>
				<verse number="27">हिजकिय्याह क बहोत धन अउ सम्मान प्राप्त रहा। उ चँदी, सोना, कीमती रतन, मसालन, ढारन अउर दूसरी कीमती चिजियन क रखइ बरे महल बनाए रहेन।</verse>
				<verse number="28">हिजकिय्याह लोगन क जरिये पठए गए अनाज, नवा दाखरस अउ तेल क बरे भण्डारण भवन बनाएन। ओकरे लगे गोरुअन क बरे पसु-सालन अउर भेड़िन क बरे भेड़-सालन रहिन।</verse>
				<verse number="29">हिजकिय्याह बहोत स नगर भी बनाएस अउर ओका अनेक गोरुअन क झुण्ड अउ भेड़िन क रवेड़न मिलिन। परमेस्सर हिजकिय्याह क बहोत जियादा धन दिहस।</verse>
				<verse number="30">इ हिजकिय्याह ही रहा जउन यरूसलेम मँ गिहोन सोते क ऊपरी जलधारन क उद्गमन क रोकेस अउर ऍकर जलधारन क नगर क भीतर स दाऊद नगर क पच्छिम क कइँती मोड़ दिहेस। अउर हिजकिय्याह ओन सब मँ सफल रहा जउन कछू उ किहस।</verse>
				<verse number="31">कउनो समइ बाबुल क प्रमुखन हिजकिय्याह क लगे दूत पठएन। ओन दूतन एक चमत्कारिक चिन्ह क बारे मँ पूछेन जउन रास्ट्रन मँ परगट भवा रहा। जब उ पचे आएन तउ परमेस्सर हिजकिय्याह क अकेले छोड़ दिहस जेहसे कि उ अपनी जाँच कइ सकइ अउर उ सब कछू जान सकइ जउन हिजकिय्याह क हिरदइ मँ रहा।</verse>
				<verse number="32">हिजकिय्याह क बाकी कामन अउर कइसे उ यहोवा क पिरेम किहस क विवरण आमोस क पूत यसायाह नबी क दर्सन ग्रन्थ अउर यहूदा अउ इस्राएल क राजा लोगन क इतिहास क किताब मँ लिखा भावा ह।</verse>
				<verse number="33">हिजकिय्याह मरा अउ अपने पुरखन क संग दफनावा गवा। लोग हिजकिय्याह क उ पहाड़ी पइ दफनाएन जहाँ दाऊद क पूतन क कब्रन अहइँ। जब उ मरा तउ यहूदा क सबहिं लोग अउ यरूसलेम क रहइवालन हिजकिय्याह क सम्मान दिहन। हिजकिय्याह क जगह पइ पनस्से नवा राजा भवा। मनस्से हिजकिय्याह क पूत रहा।</verse>
			</chapter>
			<chapter number="33">
				<verse number="1">मनस्से जब यहूदा क नवा राजा भवा उ बारह बरिस क राहा। उ यरूसलेम मँ पचपन बरिस तलक राजा रहा।</verse>
				<verse number="2">मनस्से उ सबइ सब कार्य किहस जेनका यहोवा गलत कहे रहा। उ दूसर रास्ट्रन क भयंकर अउर पापपूर्ण रीतियन क अनुसरण किहस। यहोवा ओन रास्ट्रन क बाहेर निकर जाइ क बरे मजबूर किहे रहा जब उ इस्राएल क लोगन क उ भुइँया पइ लिआए रहा।</verse>
				<verse number="3">मनस्से फुन ओन ऊँच जगहन क बनाएस जेनका ओकर बाप हिजकिय्याह तोर गिराये रहा। मनस्से बाल देवतन बरे वेदियन बनाएस अउ असेरा खम्भन खड़े किहस। उ नछत्र-समूह क प्रणाम करत रहा अउ ओनका पूजत रहा।</verse>
				<verse number="4">मनस्से यहोवा क मन्दिर मँ लबार देवतन क बरे वेदियन बनाएस। यहोवा मन्दिर क बारे मँ कहे रहा, “मोर नाउँ यरूसलेम मँ सदा ही रही।”</verse>
				<verse number="5">मनस्से सबहिं नछत्र-समूहन क बरे यहोवा क मन्दिर क दुइनउँ अंगनन मँ वेदियन बनाएस।</verse>
				<verse number="6">मनस्से अपने बेटवन क भी बलि बरे हिन्नोम क घाटी मँ बारेस। मनस्से सान्तिपाठ, दैवीकरण अउ भविस्स कथन क रूप मँ जादू-टोना क उपयोग किहस। उ ओझन अउ भूतसिद्धि करइवालन क संग बातन किहस अउर उ यहोवा क दृस्टि मँ बहोत पाप किहस। मनस्से क पापन यहोवा क किरोधित किहन।</verse>
				<verse number="7">उ एक ठु देवता क मूरति बनाएस अउर ओका परमेस्सर क मन्दिर मँ धरेस। परमेस्सर दाऊद अउ ओकर पूत सुलैमान स मन्दिर क बारे मँ कहे रहा, “मइँ इ मन्दिर मँ अउर यरूसलेम मँ आपन नाउँ क स्थापित करब जेका मइँ इस्राएल क सबहिं परिवार समूहन क नगरन क बीच स चुनेउँ ह, अउर हुवाँ मोर नाउँ हमेसा रहब।</verse>
				<verse number="8">मइँ फुन इस्राएलियन क उ भुइँया स बाहेर नाहीं करब जेका मइँ ओनके पुरखन क देइ क बरे चुनेउँ। किन्तु ओनका ओन नेमन क बिधियन अउर आदेसन क पालन जरूर करइ चाही जेनका मइँ मूसा क ओनका देइ क हुकुम दिहेउँ।”</verse>
				<verse number="9">मनस्से यहूदा क लोगन अउर यरूसलेम मँ रहइवाले लोगन क पाप करइ बरे उ उत्साहित किहेउँ। उ ओन रास्ट्रन स भी जियादा पाप किहस जेनका यहोवा नस्ट किहे रहा अउर जउन इस्राएलियन स पहिले उ पहँटा मँ रहेन।</verse>
				<verse number="10">यहोवा मनस्से अउर ओकरे लोगन स बातचीत किहस। किन्तु उ पचे सुनइ स इन्कार कइ दिहन।</verse>
				<verse number="11">एह बरे यहोवा यहूदा पइ हमला करइ क बरे अस्सूर क राजा क सेनापतियन क हुवाँ पहोंचाएस। एन सेनापतियन मनस्से क धइ लिहन अउर ओका बन्दी बनाइ लिहन। उ पचे ओका बेड़ियन पहिराइ दिहन अउर ओकरे हाथन मँ पीतर क जंजीरन डाएन। उ पचे मनस्से क बन्दी बनाएन अउर ओका बाबुल देस लइ गएन।</verse>
				<verse number="12">मनस्से क कस्ट भवा। उ समइ उ यहोवा अपने परमेस्सर स याचना किहस। मनस्से खुद क अपने पुरखन क परमेस्सर क समन्वा बहोत विनम्र किहेस।</verse>
				<verse number="13">मनस्से परमेस्सर स पराथना किहस अउर परमेस्सर स मदद माँगेस। यहोवा मनस्से क याचना सुनेस अउ ओका ओह पइ दया आइ। यहोवा ओका यरूसलेम अपने सिंहासन पइ लउटइ क आदेस दिहस। तब मनस्से समुझेस कि यहोवा फुरइ परमेस्सर अहइ।</verse>
				<verse number="14">इ घटइ क पाछे, मनस्से दाऊद नगर क बरे बाहरी देवार बनाएस। इ गिहोन क पस्चिमी सोते तलक मछरी-फाटक क प्रवेस दुआर अउर ओपेल पहाड़ी क चारिहुँ कइँती तलक गएन। उ देवार क बहोत ऊँच बनाएस। तब उ अधिकारियन क यहूदा क सबहिं किलन मँ रखेस।</verse>
				<verse number="15">मनस्से यहोवा क मन्दिर स दूसर रास्ट्रन क देवतन अउ मूरतियन क हटाइ दिहेस। उ ओन सबहिं वेदियन क लोकाएस जेनका उ मन्दिर क पहाड़ी पइ अउ यरूसलेम मँ बनाएस। मनस्से ओन सबहिं वेदियन क यरूसलेम नगर स बाहेर लोकाएस।</verse>
				<verse number="16">तब उ यहोवा क वेदी पुन: एकत्र किहस अउ मेलबलि अउ धन्यवाद भेंट एह पइ चढ़ाएस। मनस्से यहूदा क सबहिं लोगन क इस्राएल क यहोवा परमेस्सर क सेवा करइ क आदेस दिहस।</verse>
				<verse number="17">लोग ऊँच जगहियन पइ बलि देब जारी रखेस, मुला ओनकर भेटन केवल यहोवा ओनके परमेस्सर बरे रहिन।</verse>
				<verse number="18">मनस्से जउन कछू दूसर किहस अउर ओकर परमेस्सर स पराथनन अउ ओन द्रस्टा लोगन क कथन जउन इस्राएल क यहोवा परमेस्सर क नाउँ पइ ओहसे बातन किहे रहा, उ सबइ सबहिं इस्राएल क राजा नाउँ क किताबे मँ लिखी अहइँ।</verse>
				<verse number="19">मनस्से कइसे पराथना किहस अउर परमेस्सर कइसे सुनेस अउर ओह पइ दाया किहस, इ द्रस्टा लोगन क पुस्तक मँ लिखा अहइ। मनस्से क सबहिं पाप अउ बुराइयन जउन उ खुद क बिनम्र करइ स पहिले किहस अउर उ सबइ जगह जहाँ उ ऊँच जगह बनाएस अउर असेरा-खम्भा खड़ा किहेस भी दर्सी लोगन क पुस्तक मँ दर्ज अहइँ।</verse>
				<verse number="20">मनस्से मरि गवा, अउर उ जगह पइ दफनावा गवा जहाँ पइ ओकर पूरखन क दफनावा गवा रहा। लोग मनस्से क ओकर महल मँ दफनाएन। मनस्से क जगह पइ ओकर पूत आमोन नवा राजा भवा।</verse>
				<verse number="21">आमोन जब यहूदा क राजा भवा, बाईस बरिस क रहा। उ दुइ बरिस तलक यरूसलेम मँ हुकूमत किहेस।</verse>
				<verse number="22">ओमोन ठीक वइसा ही किहेस जइसा ओकर बाप किहे रहा, उ उ काम किहेस जेका यहोवा बुरा समुझत ह। आमोन सबहिं खुदी मूरतियन अउ अपने बाप मनस्से क बनाई मूरतियन क बलि चढ़ाएस। आमोन ओन मूरतियन क लगे निहुरेस अउर ओनकर पूजा किहस।</verse>
				<verse number="23">आमोन खुद क अपने बाप मनस्से क तरह यहोवा क समन्वा विनम्र नाहीं बनाएस। आमोन जियादा स जियादा पाप करत गवा।</verse>
				<verse number="24">आमोन क सेवकन ओकरे बिरुद्ध जोजना बनाएन उ पचे आमोन क ओकरे घरे मँ मार डाएन।</verse>
				<verse number="25">मुला यहूदा क लोग ओन सबहिं सेवकन क मार डाएन जउन राजा आमोन क बिरुद्ध जोजना बनाए रहेन। तब लोग योसिय्याह क नवा राजा चुनेन। योसिय्याह आमोन क पूत रहा।</verse>
			</chapter>
			<chapter number="34">
				<verse number="1">योसिय्याह जब राजा बना, आठ बरिस क रहा। उ यरूसलेम मँ इकतीस बरिस तलक राजा रहा।</verse>
				<verse number="2">योसिय्याह आपन पुरखा दाऊद क तरह उहइ किहस जेका यहोवा नीक समुझत ह। योसिय्याह दाऊद क राह स नाहीं मुड़स, न दायाँ अउर न ही बायाँ। उचित काम करइ स नाहीं हटा।</verse>
				<verse number="3">जब योसिय्याह आठ बरिस तलक राजा रहि चुका, तउ उ परमेस्सर क, अपने पुरखा दाऊद क परमेस्सर क अनुसरण करइ लाग। योसिय्याह लरिका ही रहा जब उ परमेस्सर क आग्या क पालन सुरू किहस। जब योसिय्याह राजा क रूप मँ बारह बरिस क भवा, उ ऊँच जगहन, असेरा खम्भन पइ खुदी मूरतियन अउ यहूदा अउ यरूसलेम मँ ढरी मूरतियन क नस्ट करब सुरू कइ दिहस।</verse>
				<verse number="4">लोग बाल देवतन क वेदियन योसिय्याह क समन्वा तोर दिहन। तब योसिय्याह ओन सुगन्धित वेदियन क नस्ट कइ डाएन जउन ओन वेदियन क ऊपर रहेन जउन कि बाल क अर्पित कीन्ह गए रहेन। उ खुदी भवा अउर ढरी भवा मूरतियन क तोर डाएन अउर उ ओन मूरतियन क पीस कइ धूरि बनाइ दिहन। तब योसिय्याह ओन चूरा क ओन लोगन क कब्रन पइ छिड़केस जउन बाल देवतन क बलि चढ़ावत रहेन।</verse>
				<verse number="5">योसिय्याह ओन याजकन क हड्डियन तलक क बारेस जउन अपनी वेदियन पइ बाल देवतन क सेवा किहे रहेन। इ तरह योसिय्याह मूरतियन अउ मूरति पूजा क यहूदा अउ यरूसलेम स नस्ट किहस।</verse>
				<verse number="6">योसिय्याह इहइ काम मनस्से, एप्रैम, सिमोन अउ नप्ताली तलक क राज्जन क नगरन मँ किहस। उ उहइ काम ओन सबइ नजिक क नगरन क खण्डहर संग किहस।</verse>
				<verse number="7">योसिय्याह वेदियन अउर असेरा खम्भन क तोर दिहस। उ मूरतियन क पीटिके चूरा बनाइ दिहस। उ पूरे इस्राएल देस मँ ओन सुगन्धि वेदियन क काट डाएस जउन बाल क पूजा मँ काम आवाति रहिन। तब योसिय्याह यरूसलेम लउट गवा।</verse>
				<verse number="8">जब योसिय्याह यहूदा क राजा क रुप मँ अपने अट्ठारहवें बरिस मँ रहा, उ असल्याह क पूत सापान नगर क प्रमुख मासेयाह अउर योआहाज क पूत लिपिक योआह क अपने यहोवा परमेस्सर मन्दिर क मरम्मत करइ क बरे पठएस। योसिय्याह यहूदा अउर मन्दिर क स्वच्छ रखइ बरे मन्दिर क फुन मरमत करइ क आदेस दिहस।</verse>
				<verse number="9">उ सबइ लोग महा याजक हिल्किय्याह क लगे आएन। उ पचे उ धन ओका दिहन जउन लोग परमेस्सर क मन्दिर बरे दिहे रहेन। लेवीबंसी दुआरपालन इ धन मनस्से, एप्रैम अउर बचे सबहिं इस्राएलियन स बटोरेन। उ पचे इ धन सारे यहूदा, बिन्यामीन अउर यरूसलेम मँ रहइवाले सबहिं लोगन स भी बटोरेन।</verse>
				<verse number="10">तब लेवीबंसी ओन मनइयन क इ धन दिहन जउन यहोवा क मन्दिर क काम क देख-रेख करत रहेन अउर निरीच्छकन ओन मजदूरन क इ धन दिहन जउन यहोवा क मन्दिर क फुन बनाइके स्थापित करत रहेन।</verse>
				<verse number="11">उ पचे बढ़इयन अउ राज-मिस्तरियन क पहिले स कटी बड़की चट्टानन क बेसहइ क बरे अउर काठ खरीदइ क बरे धन दिहन। काठे क उपयोग भवनन क फुन स बनावइ अउ भवन क सहतीरन क बरे कीन्ह गवा। भूतकाल मँ यहूदा क राजा मन्दिरन क देखभाल नाहीं करत रहेन। उ सबइ भवनन पुराने अउर खंडहर होइ गए रहेन।</verse>
				<verse number="12">लोग बिस्सासपूर्वक काम किहन। ओनकर निरीच्छक यहत अउ ओबद्याह रहेन। यहत अउ ओबद्याह लेवीबंसी रहेन अउर उ पचे मरारी क परिवार स रहेन। दूसर निरीच्छक जकर्याह अउर मसुल्लाम रहेन। उ पचे कहात क परिवार स रहेन।</verse>
				<verse number="13">जउन लेवीबंसी संगीत बाजा बजावइ मँ कुसल रहेन, उ पचे मजदूरन क अउर दूसर काम करइवाले कर्मचारियन क भी निरीच्छण करत रहेन। कछू लेवीबंसी सचिव, अधिकारी अउर दुआरपाल क काम करत रहेन।</verse>
				<verse number="14">लेवीबंसियन उ धन क निकारेन जउन यहोवा क मन्दिर मँ रहा। उ समइ याजक हिल्किय्याह यहोवा क व्यवस्था क उ किताब प्राप्त किहस जउन मूसा क जरिये दिन्ह गइ रही।</verse>
				<verse number="15">हिल्किय्याह सचिव सापान स कहेस, “मइँ यहोवा क मन्दिर मँ व्यवस्था क किताब पाएउँ ह।” हिल्किय्याह सापान क किताब दिहस।</verse>
				<verse number="16">सापान उ किताब क राजा योसिय्याह क लगे लिआवा। सापान राजा क खबर दिहस, “तोहरे सेबक हर काम करत अहइँ जउन तू करइ क कहया ह।</verse>
				<verse number="17">उ पचे यहोवा क मन्दिर स धन क निकारेन अउर ओका निरीच्छकन अउ मजदूरन क देत अहइँ।”</verse>
				<verse number="18">तब सापान राजा योसिय्याह स कहेस, “याजक हिल्किय्याह मोका एक ठु किताब दिहेस ह।” तब सापन राजा क मोजूदगी मँ किताब स पढ़ेन।</verse>
				<verse number="19">जब राजा योसिय्याह नेमन क पढ़े जात भए सुनेस, उ अपने ओढ़ना फार डाएस।</verse>
				<verse number="20">तब राजा योसिय्याह हिल्किय्याह, सापान क पूत अहीकाम, मीका क पूत अब्दोन, सचिव सापान अउ सेवक असायाह क आदेस दिहेस।</verse>
				<verse number="21">राजा कहेस, “जा, मोरे बरे अउ इस्राएल अउ यहूदा मँ जउन लोग बचे अहइँ ओनके बरे यहोवा स याचना करा। जउन किताब मिली बाटइ ओकरे कथनन क बारे मँ पूछा। यहोवा हम लोगन पइ बहोत कोहान अहइ काहेकि हमार पुरखन यहोवा क कथनन क पालन नाहीं किहन। उ पचे उ सबइ काम नाहीं किहन जउन इ पुस्तक करइ क कहत ह।”</verse>
				<verse number="22">हिल्किय्याह अउर राजा क सेवकन नबिया हुल्दा क लगे गएन, हुल्दा सल्लूम क मेहरारु रही। सल्लूम तोखत क पूत रहा। तोखत हस्रा क पूत रहा। हस्रा राजा क ओढ़नन क देखरेख करत रहा। हुल्दा यरूसलेम क नवे हींसा मँ रहत रही। हिल्किय्याह अउर राजा क सेवक लोग हुल्दा क सब कछू बताएन जउन होइ चुका रहा।</verse>
				<verse number="23">हुल्दा ओनसे कहेस, “इस्राएल क परमेस्सर यहोवा जउन कहत ह उ इ अहइ: राजा योसिय्याह स कहा:</verse>
				<verse number="24">यहोवा जउन कहत ह उ इ अहइ, ‘मइँ इ जगह जउ हिआँ क निवासियन पइ बिपत्ति डाउब। मइँ सबहिं भयंकर बिपत्तियन क जउन यहूदा क राजा क समन्ना बाचेउँ किताबे मँ लिखी गई अहइँ, लिआउब।</verse>
				<verse number="25">मइँ इ एह बरे करब कि लोग मोका छोड़ेन अउ दूसर देवतन क बरे सुगन्धि बारेन। ओन लोग उ सबइ बुरे कामन क कारण जउन उ पचे किहेन मोका किरोधित किहस। एह बरे मइँ आपन किरोध इ जगह पइ डारब। मोर किरोध उ आगी क नाईं होइ जेका बुझइ नाहीं जा सकत ह’</verse>
				<verse number="26">“किन्तु यहूदा क राजा योसिय्याह स कहा। उ यहोवा स पूछइ क बरे तोहका पठएस। इस्राएल क यहोवा परमेस्सर, ‘जउन कथनन क तू कछू समइ पहिले सुन्याह, ओनके बारे मँ कहत ह:</verse>
				<verse number="27">योसिय्याह तू पस्ताताप किहा अउर तू अपने क मोर समन्वा बिनम्र किहा। तू मोर समन्वा चिचियाएस जब तू सुनेस ह कि मइँ इ जगह अउर हिवाँ रहइवालन लोगन क खिलाफ, बोलेस रहा। एह बरे मइँ तोहार बिन्ती सुनेस ह।</verse>
				<verse number="28">मइँ तोहका तोहरे पुरखन क लगे लइ जाब। तू अपनी कब्र मँ सान्तिपूर्वक जाब्या। तोहका ओन बिपत्तियन मँ स कउनो भी नाहीं लखइ क पड़िहीं जेनका मइँ इ जगह अउर हिआँ रहइवाले लोगन पइ लिआउब।’” हिल्किय्याह अउर राजा क सेवक योसिय्याह क लगे इ सँदेसा लइके लउटेन।</verse>
				<verse number="29">राजा योसिय्याह अउर यहूदा अउ यरूसलेम क सबहिं अग्रजन क अपने लगे आवइ अउर मिलइ बरे बोलाएस।</verse>
				<verse number="30">राजा, यहोवा क मन्दिर मँ गवा। यहूदा क सबहिं लोग, यरूसलेम मँ रहइवाले लोग, याजक, लेवीबंसी अउर सबहिं साधारण व असाधारण लोग योसिय्याह क संग रहेन। योसिय्याह ओन सब क समन्वा उ करार क किताब स वचन क बाँचेस जउन कि यहोवा क मन्दिर मँ मिली रही।</verse>
				<verse number="31">तब राजा अपने जगह पइ खड़ा भवा। उ यहोवा क संग वाचा किहस। उ यहोवा क अनुसरण करइ क अउर यहोवा क आदेसन, बिधियन अउर नेमन क आपन पूरे हिरदइ अउर आपन पूरे जान स पालन करइ क वाचा किहस। उ इ किताब मँ लिखे करार क सब्दन क पालन करइ क सहमत भवा।</verse>
				<verse number="32">तब योसिय्याह यरूसलेम अउ बिन्यामीन क सबहिं लोगन स परमेस्सर क वाचा क स्वीकार करइ क प्रतिग्या कराएस। यरूसलेम मँ लोग परमेस्सर, ओकर पुरखन क परमेस्सर क करार क पालन किहन।</verse>
				<verse number="33">इस्राएल क लोगन क लगे बहोत स देस क मूरतियन रहिन। योसिय्याह ओन सबहिं भयानक मूरतियन क नस्ट कइ दिहेन। यहोवा ओन मूरतियन स घिना करत ह। योसिय्याह इस्राएल क हर एक मनई क अपने यहोवा परमेस्सर क सेवा मँ पहोंचाएस। जब तलक योसिय्याह जिअत रहा, लोग पुरखन क यहोवा परमेस्सर क आग्या क पालन करब बन्द नाहीं किहस।</verse>
			</chapter>
			<chapter number="35">
				<verse number="1">यरूसलेम मँ राजा योसिय्याह यहोवा क बरे फसह पर्व मनाएस। पहिले महीने क चौदहवे दिन फसह पर्व क मेमना मारा गवा।</verse>
				<verse number="2">योसिय्याह आपन-आपन कार्य करइ बरे याजकन क चुनेस। उ याजकन क उत्साहित किहस, जब उ पचे यहोवा क मन्दिर मँ सेवा करत रहेन।</verse>
				<verse number="3">योसिय्याह ओन लेवीबंसियन स बातन किहस जउन इस्राएल क लोगन क उपदेस देत रहेन अउ जउन यहोवा क बरे पवित्तर बनाए गए रहेन। उ ओन लेवीबंसियन स कहेस: “पवित्तर सन्दूख क उ मन्दिर मँ रखा जेका दाऊद क पूत, इस्राएल क राजा सुलैमान बनाए रहा। पवित्तर सन्दूख क अपने काँधे पइ फुन एक जगह स दूसरे जगह पइ जिन लइ जा। अब यहोवा आपन परमेस्सर क सेवा करा अउर परमेस्सर क लोग, इस्राएलियन क सेवा करा।</verse>
				<verse number="4">अपने क, अपने परिवार समूहन क अनुसार मन्दिर क सेवा बरे तइयार करा। ओन कार्यन क करा जेनका राजा दाऊद अउ ओकर पूत राजा सुलैमान तोहका करइ क निर्देस लिखित रूप मँ दिहे रहा।</verse>
				<verse number="5">हरेक परिवार समूहन, पवित्तर ठउर मँ लेविबंसियन क परिवार समूह क संग खड़ा भवा ताकि तू पचे आपन देस क बचा भवा लोगन क प्रस्तुत कइ सकब।</verse>
				<verse number="6">फसह पर्व क मेमनन क मारा अउर यहोवा क बरे अपने क पवित्तर करा। मेमनन क अपने भाई इस्राएलियन क बरे तइयार करा। सब कछू वइसे ही करा जइसा करइ क आदेस यहोवा मूसा क जरिये दिहे रहा।”</verse>
				<verse number="7">योसिय्याह इस्राएल क लोगन क तीस हजार भेड़ी-बोकरियन फसह पर्व क बलि बरे दिहस। उ लोगन क तीन हजार गोरु भी दिहस। इ सबइ सबहिं जनावर राजा योसिय्याह क अपने जनावरन मँ स रहेन।</verse>
				<verse number="8">योसिय्याह क अधिकारियन भी, स्वेच्छा स लोगन क, याजकन क अउर लेवीबंसियन क फसह पर्व मँ उपयोग करइ बरे जनावरन अउ चिजियन दिहन। प्रमुख याजक हिल्किय्याह, जकर्याह अउ यहीएल मन्दिर क उत्त्तरदायी अधिकारी रहेन। उ पचे याजकन क दुई हजार छ: सौ मेमनन अउ बोकरन अउ तीन सौ बर्धन फसह पर्व बलि क बरे दिहन।</verse>
				<verse number="9">कोनन्याह भी समायाह, नतनेल अउ ओकरे भाइयन क संग अउ हसब्याह, यीएल अउ योजाबाद पाँच सौ भेड़िन-बोकरियन, पाँच सौ बर्धन फसह पर्व बलि क बरे लेवीबंसियन क दिहन। उ सबइ लोग लेवीबंसियन क प्रमुख रहेन।</verse>
				<verse number="10">जब हर एक चीज फसह पर्व क सेवा सुरू करइ स पहिले तइयार होइ गइ, तउ याजक अउर लेवीबंसी लोग जगहन पइ गएन। इ उहइ भवा जउन राजा क आदेस रहा।</verse>
				<verse number="11">फसह पर्व क मेमनन मारे गएन। तब लेवीबंसियन जनावारन क खाल उतारेन अउ याजकन क रक्त दिहन। याजक लोग रक्त क वेदी पइ छिछकारेन।</verse>
				<verse number="12">तब उ पचे जनावरन क अलग-अलग परिवार अमूहन क होमबलि मँ उपयोग क बरे दिहस। इ एह बरे कीन्ह गवा कि होमबलि उ तरह दीन्ह जाइ सकइ जउने तरह मूसा क नेमन सिखाए रहेन।</verse>
				<verse number="13">लेवीबंसियन फसह पर्व क बलियन क आगी पइ इ तरह भूँजेन जइसा ओनका आदेस दीन्ह गवा रहा अउर उ पचे पवित्तर भेटन क हाँड़ी, डेग अउ कड़ाहियन मँ पकाएन। तब उ पचे लोगन क हाली स माँस दिहन।</verse>
				<verse number="14">जब इ पूरा भवा तब लेवीबंसियन क अपने बरे अउर ओन याजकन क बरे माँस मिला जउन हारून क संतान रहेन। ओन याजकन क काम करत करत भए अँधियारा होइ तलक काम मँ बहोत जियादा लगाए गवा रखा। उ पचे होमबलि अउर बलिदानन क चर्बी क बारत भए कड़ी मेहनत किहन।</verse>
				<verse number="15">आसाप क परिवार क लेवीबंसी गायक ओन जगहन पइ पहोंचेन जेनका राजा दाऊद ओनके खड़े होइ क बरे चुने रहा। उ पचे आसाप, हेमान अउर राजा क नबी यदूतून रहेन। हर एक दुआरे पइ दुआरपाल अपनी जगह नाहीं छोड़ सकत रहेन काहेकि ओनकर लेवीबंसी भाइयन हर एक चीज ओनके फसह पर्व क बरे तइयार कइ दिहे रहेन।</verse>
				<verse number="16">उ दिन सब कछू यहोवा क उपासना क बरे वइसा ही कीन्ह गवा रहा जइसा राजा योसिय्याह आदेस दिहेस। फसह पर्व क त्यौहार मनावा गवा अउर होमबलि यहोवा क वेदी पइ चढ़ाई गइ।</verse>
				<verse number="17">इस्राएल क जउन लोग हुवाँ रहेन उ पचे फसह पर्व मनाएन अउर अखमीरी रोटी क पर्व सात दिन तलक मनाएस।</verse>
				<verse number="18">समूएल नबी दिन स ही फसह पर्व इ तरह नाहीं मनावा गवा रहा। इस्राएल क कउनो राजा कबहुँ इ तरह फसह पर्व नाहीं मनाए रहेन। राजा योसिय्याह, याजक, लेवीबंसी अउर इस्राएल अउ यहूदा क लोग, यरूसलेम मँ सबहिं लोगन क संग, फसह पर्व क बहोत ही बिसेस रुप म मनावा।</verse>
				<verse number="19">इ फसह पर्व योसिय्याह क राज्जकाल क अट्ठारहवे बरिस मनावा गवा।</verse>
				<verse number="20">योसिय्याह जब मन्दिर क ओन अच्छे कामन क कइ चुका, तउ उ समइ मिस्र क राजा नको जुद्ध करइ बरे आपन फउज क परात नदी क बगल मँ स्थित ककमीस नगर पइ लइके आवा। नको मिस्र क राजा रहा। राजा योसिय्याह नको क खिलाफ लड़इ बाहेर निकरा।</verse>
				<verse number="21">किन्तु नको योसिय्याह क लगे दूत पठएस। उ पचे कहेन, “राजा योसिय्याह, इ जुद्ध तोहरे बरे समस्या नाहीं अहइ। मइँ तोहरे बिरुद्ध लड़इ नाहीं आवा हउँ। मइँ अपने दुस्मनन स लड़इ आवा हउँ। परमेस्सर ओका हाली करइ क कहेस ह। परमेस्सर मोरी कइँती बाटइ एह बरे मोका परेसान करा। जदि तू मोरे खिलाफ लड़ब्या, परमेस्सर तोहका नस्ट कइ देइ।”</verse>
				<verse number="22">मुला योसिय्याह हटा नाहीं। उ नको स जुद्ध करइ क निहचइ किहस, एह बरे उ आपन भेस बदलेस अउ जुद्ध करइ गवा। योसिय्याह ओका सुनइ स इन्कार कइ दिहस जउन नको परमेस्सर क आदेस क बारे मँ कहेस। योसिय्याह मगिद्दो क मइदान मँ जुद्ध करइ गवा।</verse>
				<verse number="23">जउने समइ योसिय्याह जुद्ध मँ रहा, उ बाणन स बेध दीन्ह गवा। उ अपने सेवकन स कहेस, “मोका दूर लइ चला। मइँ बुरी तरह घायल हउँ।”</verse>
				<verse number="24">एह बरे सेवकन योसिय्याह क रथे स बाहेर निकारेन, अउर ओका दूसरे रथ मँ बइठाएन जेका उ अपने संग जुद्ध मँ लिआवा रहा। तब उ पचे योसिय्याह क यरूसलेम लइ गएन। राजा योसिय्याह यरूसलेम मँ मरा। योसिय्याह क हुवाँ दफनावा गवा जहाँ ओकरे पुरखन दफनाए गए रहेन। यहूदा अउ यरूसलेम क सबहिं लोग योसिय्याह क मरइ पर बहोत दुःखी रहेन।</verse>
				<verse number="25">यिर्मयाह योसिय्याह क बरे कछू बहोत जियादा करुण गीत लिखेस अउर गाएस। आग भी सबहिं मेहरारु-मनसेधू गाएक ओन करूण गीतन क गावत हीं। योसिय्याह क दुःखी क गीतन इस्राएलियन बरे रीति बन गवा। उ पचे गीत करूण गीतन क संग्रह मँ लिखे अहइँ।</verse>
				<verse number="26">दूसर जउन कछू योसिय्याह अपने राज्जकाल मँ, हुकुमत क सरू स आखीर तलक किहस, उ यहूदा अउर इस्राएल क राजा लोगन क इतिहास नाउँ क किताबे मँ लिखा गवा अहइ। उ किताब यहोवा क बरे ओकर भक्ति अउर उ यहोवा क नेमन क पालन कइसे किहस, हम लोगन क बतावत ह।</verse>
				<verse number="27"></verse>
			</chapter>
			<chapter number="36">
				<verse number="1">यहूदा क लोग यरूसलेम मँ नवा राजा क रूप मँ योसियाह क पूत यहोआहाज क ताजपोसी किहेस।</verse>
				<verse number="2">यहोआहाज जब यहूदा क राजा भवा, उ तेईस बरिस क रहा। उ यरूसलेम मँ तीन महीने राजा रहा।</verse>
				<verse number="3">तब मिस्र क राजा नको यहोआहाज क बन्दी बनाइ लिहस। नको यहूदा क लोगन क पौने चार टन चाँदी अउ पचहत्तर पौण्ड सोना दण्डरासि देइ क मजबूर किहस।</verse>
				<verse number="4">नको यहोआहाज क भाई क यहूदा अउ यरूसलेम क नवा राजा होइ क बरे चुनेस। यहोआहाज क भाई क नाउँ एल्याकीम रहा। तब नको एल्याकीम क एक नवा नाउँ दिहस। उ ओकर नाउँ यहोयाकीम रखेस किन्तु नको यहोआहाज क मिस्र लइ गवा।</verse>
				<verse number="5">यहोआकीम उ समइ पच्चीस बरिस क रहा जब उ यहूदा क राजा भवा। उ गियारह बरिस तलक यरूसलेम मँ राजा रहा। यहोयाकीम उहइ किहेस जेका यहोवा बुरा समुझत अहा। उ अपने यहोवा परमेस्सर क बिरुद्ध पाप किहस।</verse>
				<verse number="6">बाबेल क राजा नबूकदनेस्सर यहूदा पइ हमला किहस। उ यहोयाकीम क बन्दी बनाएस अउर ओका काँसे क जंजीरन मँ डाएस। तब नबूकदनेस्सर राजा यहोयाकीम क बाबेल लइ गवा।</verse>
				<verse number="7">नबूकदनेस्सर यहोवा क मन्दिर स कछू चिजियन लइ गवा। उ ओन चिजियन क बावेल लइ गवा अउर अपने घर अर्थात राजमहल मँ रखेस।</verse>
				<verse number="8">यहोयाकीम जउन दूसर काम किहस, जउन भयंकर पाप उ किहस अउर हर एक काम जेका करइ क उ अपराधी रहा, इ सबइ काम यहूदा अउ इस्राएल क राजा लोगन क इतिहास नाउँ किताबे मँ लिखे अहइँ। यहोयाकीन, यहोयाकींम क जगह पइ नवा राजा भवा। यहोयाकीन, यहोयाकीम क पूत रहा।</verse>
				<verse number="9">यहोयाकीन जब यहूदा क राजा भवा, अट्ठारह बरिस क रहा। उ यरूसलेम मँ तीन महीने दस दिन राजा रहा। उ उ सबइ काम किहस जेका यहोवा दुआरा बुरा समुझा जात रहा।</verse>
				<verse number="10">बसन्त मँ राजा नबूकदनेस्सर कछू सेवकन क यहोयाकीन क धरइ क पठएस। उ पचे यहोयाकीन अउ यहोवा क मन्दिर मँ स कछू कीमती खजाना बाबेल लइ गएन। नबूकदनेस्सर सिदकिय्याह क यहूदा अउ यरूसलेम क नवा राजा होइ बरे चुनेस। सिदकिय्याह यहोयाकीन क सम्बन्धी रहा।</verse>
				<verse number="11">सिदकिय्याह जब यहूदा क राजा बना, इक्कीस बरिस क रहा। उ यरूसलेम मँ गियारह बरिस तलक राजा रहा।</verse>
				<verse number="12">सिदकिय्याह उहइ किहेस जेका यहोवा दुआरा बुरा समुझा जात रहा। यिर्मयाह नबी यहोवा कइँती स सँदेसन ओका दिहस मुला उ अपने क बिनम्र नाहीं बनाएस अउर यिर्मयाह नबी जउन कहेस ओकर पालन नाहीं किहस।</verse>
				<verse number="13">सिदकिय्याह नबूकदनेस्सर क खिलाफ विद्रोह किहस। कछू समइ पहिले नबूकदनेस्सर सिदकिय्याह स प्रतिग्या कराए रहा कि उ नबूकदनेस्सर क बिस्सासपात्र रही। सिदकिय्याह परमेस्सर क नाउँ लिहस अउर नबूकदनेस्सर क बरे बिस्सासपात्र बने रहइ क प्रतिग्या किहस मुला सिदकिय्याह बहोत अड़ियल रहा अउर उ आपन जिन्नगी बदलइ, इस्राएल क यहोवा परमेस्सर क लगे लउटइ अउ ओकरी आग्या मानइ स इन्कार कइ दिहस।</verse>
				<verse number="14">याजकन क सबहिं प्रमुखन अउ यहूदा क लोगन क प्रमुखन यहोवा क धोखा दिहेस। उ पचे रास्ट्रन क भयंकर करमन स भी बुरा करम किहस। ओन प्रमुखन लोगन यहोवा क मन्दिर क अपमान किहेन जेका उ यरूसलेम मँ अर्पित किहे रहा।</verse>
				<verse number="15">ओनके पुरखन क यहोवा परमेस्सर अपने लोगन क चितउनी देइ क बरे बार बार नबियन क पठएस। यहोवा इ एह बरे किहस कि ओका ओन पइ कृपालु रही अउर मन्दिर क लिए दुःख रहा।</verse>
				<verse number="16">किन्तु परमेस्सर क लोगन परमेस्सर क नबियन क मजाक उड़ाएन। उ पचे परमेस्सर क नबियन क सुनइ स इन्कार किहेस। उ पचे परमेस्सर क संदेस क नकार दिहेस। आखीर मँ परमेस्सर अपने लोगन पइ ऍतना कोहान कि ओका रोकइ क बरे कछू भी नाहीं रहा।</verse>
				<verse number="17">एह बरे परमेस्सर बाबेल क राजा क यहूदा क लोगन पइ हमला करइ बरे लिआवा। बाबेल क राजा जुवा मनइयन क मन्दिर मँ होइ प भी मार डाएस। उ यहूदा अउ यरूसलेम क लोगन पइ दया नाहीं किहस। बाबेल क राजा जुवा मनइयन, जुवा मेहररूअन अउ बूढ़ा मनइयन सबहिं लोगन क मारेस। परमेससर नबूकदनेस्सर क यहूदा अउ यरूसलेम क लोगन क दण्ड देइ दिहस।</verse>
				<verse number="18">नबूकदनेस्सर परमेस्सर क मन्दिर क, राजा अउ राजा क अधिकारियन क सबहिं कीमती चिजियन लइ लिहस।</verse>
				<verse number="19">नबूकदनेस्सर अउ ओकर फउज मन्दिर क आगी लगाइ दिहस। उ पचे यरूसलेम क चहारदीवारी गियाइ दिहन अउर राजा अउ ओकरे अधिकारियन क सबहिं घरन क बार दिहन। उ पचे यरूसलेम स हर एक कीमती चीज लिहन या ओका नस्ट कइ दिहन।</verse>
				<verse number="20">नबूकदनेस्सर एकरे पाछे भी जिअत बचे लोगन क, बाबुल लइ गवा अउर ओनका दास होइ क मजबूर किहस। उ सबइ लोग बाबेल मँ दास क तरह तब तलक रहेन जब तलक फारस क सम्राट बाबेल क राज्ज क पराजित नाहीं किहस।</verse>
				<verse number="21">इ तरह यहोवा, इस्राएल क लोगन क जउन कछू यिर्मयाह नबी स कहवावा, उ सबइ ठीक घटित भवा। यहोवा यिर्मयाह क जरिये कहे रहा: “इ जगह सत्तर बरिस तलक सूनी अउ उजाड़ देस रही। इ भूइँया क सबइ सबित विस्राम क खुसी मनावइ बरे होइ जेका लोग नाहीं किहे रहा।”</verse>
				<verse number="22">इ तब पहिले बरिस भवा जब फारस क राजा कूस्रू हुकूमत करत रहा। यहोवा कूस्रू क हिरदइ क एक खास प्रायस्चित करइ बरे उत्तेजित किहेस ताकि जउन कछू यहोवा यिर्मयाह नबी क माध्यम स कहेस सबइ घटित सकतेन। जेहसे उ आदेस लिखेस अउर अपने राज्ज मँ हर एक जगह पइ पठएस:</verse>
				<verse number="23">फारस क राजा कूस्रू इहइ कहत ह: सरग क परमेस्सर यहोवा मोका पूरी पृथ्वी क राजा बनाएस ह। उ मोका अपने बरे एक मन्दिर यरूसलेम मँ बनावइ क जिम्मेदारी दिहस ह। अब तू सबहिं जउन परमेस्सर क लोग अहा, यरूसलेम जाइ क बरे अजाद ह्वा। यहोवा परमेस्सर तोहरे संग होइ।</verse>
			</chapter>
		</book>
		<book number="15">
			<chapter number="1">
				<verse number="1">फारस क राज्ज कुस्रू क सासन क पहिले बरिस यहोवा कुस्रू क आतिमा क एक ठु घोसणा करइ क बरे उत्साहित किहस। कुस्रू उ घोसणा क लिखवाएस अउ अपने राज्ज मँ हर एक जगह बँचवाएस। इ एह बरे कीन्ह गवा रहा ताकि यहोवा क उ सँदेसा जउन यिर्मयाह क जेरिये कहा गवा रहा, पूरा होइ सकइ। घोसणा इ अहइ:</verse>
				<verse number="2">फारस क राजा कुस्रू क सँदेसा: सरग क परमेस्सर यहोवा, धरती क सारे राज्ज मोका दिहेस ह अउर यहोवा मोका यहूदा देस क यरूसलेम मँ ओकर एक ठु मन्दिर बनावइ बरे चुनेस।</verse>
				<verse number="3">यहोवा, इस्राएल क परमेस्सर अहइ, उ परमेस्सर जउन यरूसलेम मँ अहइ। जदि परमेस्सर क कउनो लोग तोहरे बीच रहत अहइ तउ मइँ इ पराथना करत हउँ कि परमेस्सर ओका आसीर्बाद देइ। उ पचे क यहूदा देस क यरूसलेम मँ जाइ चाही। उ पचे यहोवा क मन्दिर क बनावइ बरे जाइ चाही,</verse>
				<verse number="4">अउर एह बरे कउनो भी उ जगह मँ जहाँ इस्राएल क लोग बचे होइँ। उ जगहिया क लोगन क ओन बचे हुवन क मदद करइ चाही। ओन लोगन क चाँदी, सोना, गाइ अउर दूसर चिजियन द्या। यरूसलेम मँ परमेस्सर क मन्दिर बरे ओका भेंट द्या।</verse>
				<verse number="5">एह बरे यहूदा अउर बिन्यामीन क परिवार समूहन क प्रमुखन यरूसलेम जाइ क तइयारी किहन। उ पचे यहोवा क मन्दिर क बनवाइ बरे यरूसलेम जात रहेन। परमेस्सर जउन लोगन क प्रोत्साहित किहे रहा उ पचे भी यरूसलेम जाइ क तइयार होइ गएन।</verse>
				<verse number="6">ओनकर सबहिं पड़ोसियन ओका चाँदी अउर सोना क चिजियन औजार, जनावरन अउर कीमती चिजियन क ओन दुसर चिजियन क अतिरिक्त जउन उ पचे मेल भेंट क रूप मँ दिहन, दइ क ओनका मदद किहन।</verse>
				<verse number="7">राजा कुस्रू भी ओन चिजियन क लिआवा जउन यहोवा क मन्दिर क रहिन। नबूकदनेस्सर ओन चिजियन क यरूसलेम स लूट लिआवा रहा। नबूकदनेस्सर ओन चिजियन क अपने उ मन्दिर मँ धरेस, जेहमाँ उ अपने लबार देवतन क धरत रहा।</verse>
				<verse number="8">फारस क राजा कुस्रू अपने उ मनई स ओकरे धने क देखरेख करत रहा, एन चिजियन क बाहेर लिआवइ बरे कहेस। उ मनई क नाउँ मिथूदात रहा। एह बरे मिथूदात ओन चिजियन क यहूदा क प्रमुख सेसबस्सर क लगे लइके आवा।</verse>
				<verse number="9">जिन चिजियन क मिथूदात यहोवा क मन्दिर स लिआवा रहा, उ सबइ इ सबइ रहिन: सोना क भाँड़ी 30, चाँदी क भाँड़ी 1,000, चाकू अउर कड़ाहियन 29,</verse>
				<verse number="10">सोना क खोरन 30, सोना क खोरन जइसे चाँदी क खोरन 410, अउ 1,000 दूसर तरह क भाँडी।</verse>
				<verse number="11">सब मिलाइके हुवाँ सोना चाँदी क बनी पाँच हजार चार सौ चिजियन रहिन। सेसबस्सर एन सबहिं चिजियन क अपने संग उ समइ लिआवा जब बन्दियन बाबेल छोड़ेन अउर यरूसलेम क वापस लउट गएन।</verse>
			</chapter>
			<chapter number="2">
				<verse number="1">इ सबइ राज्ज क उ सबइ मनई अहइँ जउन बंधुवाई स लउटिके आएन। बाबेल क राजा नबूकदनेस्सर ओन लोगन क बन्दी क रूप मँ बाबेल लिआवा रहा। इ सबइ लोग यरूसलेम अउ यहूदा क वापस आएन। हर एक मनई यहूदा मँ अपने-अपने नगर क वापस गवा।</verse>
				<verse number="2">इ सबइ उ सब लोग अहइँ जउन जरूब्बाबेल क संग वापस आएन: येसू, नहेम्याह, सरायाह, रेलायाह, मोर्दकै, बिलसान, मिस्पार, बिगवै, रहूम अउर बाना। इ इस्राएल क ओन लोगन क नाउँ अउर ओनकर गनती अहइ जउन वापस लउटेन:</verse>
				<verse number="3">परोस क संतान 2,172</verse>
				<verse number="4">सपत्याह क संतान 372</verse>
				<verse number="5">आरह क संतान 775</verse>
				<verse number="6">येसू अउर योआब क परिवार क पहत्मोआब क संतान 2,812</verse>
				<verse number="7">एलाम क संतान 1,254</verse>
				<verse number="8">जत्तू क संतान 945</verse>
				<verse number="9">जक्कै क संतान 760</verse>
				<verse number="10">बानी क संतान 642</verse>
				<verse number="11">बेबै क संतान 623</verse>
				<verse number="12">अजगाद क संतान 1,222</verse>
				<verse number="13">अदोनीकाम क संतान 666</verse>
				<verse number="14">बिगवै क संतान 2,056</verse>
				<verse number="15">आदीन क संतान 454</verse>
				<verse number="16">आतेर क संतान (हिजकिय्याह क परिवारिक पीढ़ी स) 98</verse>
				<verse number="17">बेसै क संतान 323</verse>
				<verse number="18">योरा क संतान 112</verse>
				<verse number="19">हासूम क संतान 223</verse>
				<verse number="20">गिब्बार क संतान 95</verse>
				<verse number="21">बेतलेहेम नगर क लोग 123</verse>
				<verse number="22">नतोपा क नगर स 56</verse>
				<verse number="23">अनातोत नगर स 128</verse>
				<verse number="24">अजमावेत क नगर स 42</verse>
				<verse number="25">किर्यतारीम, कपीरा अउर बेरोत नगरन स 743</verse>
				<verse number="26">रामा अउ गेबा नगर स 621</verse>
				<verse number="27">मिकमास नगर स 122</verse>
				<verse number="28">बेतेल अउर ऐ नगर स 223</verse>
				<verse number="29">नबो नगर स 52</verse>
				<verse number="30">मगबीस नगर स 156</verse>
				<verse number="31">एलाम नाउँ क दूसर नगर स 1,254</verse>
				<verse number="32">हारीम नगर स 320</verse>
				<verse number="33">लोद, हादीद अउ ओनो नगरन स 725</verse>
				<verse number="34">यरीहो नगर स 345</verse>
				<verse number="35">सना नगर स 3,630</verse>
				<verse number="36">याजकन क नाउँ अउर ओनकर गनती क सूची इ अहइ: यदायाह क संतान (येसू क पारिवारिक पढ़ी स) 973</verse>
				<verse number="37">इम्मेर क संतान 1,052</verse>
				<verse number="38">पसहूर क संतान 1,247</verse>
				<verse number="39">हारीम क संतान 1,017</verse>
				<verse number="40">लेवीबंसी कहे जाइवाले लेवी क परिवार क गनती इ अहइ: येसू अउर कदमिएल (होदग्याह क पारिवारिक पढी स) 74</verse>
				<verse number="41">गायकन क गनती इ अहइ: आसाप क संतान 128</verse>
				<verse number="42">मन्दिर क दुआरपालन क गनती इ अहइ: सल्लूम, आतेर, तल्मोन, अक्कूब, हतीता अउर सोबै क संतान 139</verse>
				<verse number="43">मन्दिर क खास सेवक क इ सबइ सन्तानन अहइँ: सीहा क संतानन, हसूपा क संतानन, तब्बओत क संतानन,</verse>
				<verse number="44">केरोस क संतानन, सीअहा क संतानन, पादोन क संतानन,</verse>
				<verse number="45">लबाना क संतानन, हागाब क संतानन, अक्कूब क संतानन,</verse>
				<verse number="46">हागाब क संतानन, सल्मै क संतानन, हानान क संतानन,</verse>
				<verse number="47">गिद्दल क संतानन, गहर क संतानन, रायाह क संतानन,</verse>
				<verse number="48">रसीन क संतानन, नकोदा क संतानन, गज्जाम क संतानन,</verse>
				<verse number="49">उज्जा क संतानन, पासेह क संतानन, बेसै क संतानन,</verse>
				<verse number="50">अस्ना क संतानन, मूनीम क संतानन, नपीसीम क संतानन,</verse>
				<verse number="51">बकबूक क संतानन, हकूपा क संतानन, हर्हूर क संतानन,</verse>
				<verse number="52">बसलूत क संतानन, महीदा क संतानन, हर्सा क संतानन,</verse>
				<verse number="53">बर्कोस क संतानन, सीसरा क संतानन, तेमह क संतानन,</verse>
				<verse number="54">नसीह अउ हतीपा।</verse>
				<verse number="55">इ सबइ सुलैमान क सेवकन क संतानन अहइ: सोतै क संतानन, हस्सोपेरेत क संतानन, परूदा क संतानन।</verse>
				<verse number="56">याला क संतानन, दर्कोन क संतानन, गिद्देल क संतानन,</verse>
				<verse number="57">सपत्याह क संतानन, हत्तील क संतानन, पोकरेत क संतानन, सबायीम क संतानन,</verse>
				<verse number="58">मन्दिर क सेवक अउ सुलैमान क सेवकन क कुल संतान 392</verse>
				<verse number="59">कछू लोग एन नगरन स यरूसलेम आएन: तेल्मेलह, तेलहर्सा, करूब, अद्दान अउर इम्मोर। मुला इ सबइ लोग इ प्रमाणित नाहीं कइ सकेन कि ओनकर परिवार इस्राएल क परिवार स अहइँ। ओनकर नाउँ अउर ओनकर गनती इ अहइ:</verse>
				<verse number="60">दलायाह क संतानन, तोबिय्याह क संतानन अउर नकोदा क संतानन 652</verse>
				<verse number="61">याजकन क परिवारन क नाउँ इ अहइँ: हबायाह क संतानन, हक्कोस क संतानन अउ बर्जिल्लै क संतानन (एक मनई जउन गिलादी क बर्जिल्लै क बिटिया स बियाह किह रहा अउर बर्जिल्लै क पारिवारिक नाउँ स ही जान जाना रहा।)</verse>
				<verse number="62">एन लोग अपने पारिवारिक इतिहासन क खोज किहन, मुला ओका पाइ नाहीं सकेन। ओनकर नाउँ याजकन क सूची मँ नाहीं सामिल कीन्ह गए रहेन। उ सबइ इ प्रमाणित नाहीं कइ सकेन कि ओनकर पुरखा याजक रहेन। इहइ कारण उ पचे याजक नाहीं होइ सकत रहेन।</verse>
				<verse number="63">राज्यपाल एन लोगन क आदेस दिहेस कि इ सबइ लोग कउनो भी पवित्र भोजन न करइँ। उ पचे तब तलक इ पवित्र भोजन नाहीं खाइ सकतेन जब तलक ओन मँ स कउनो एक ऊरीम अउर तुम्मीम क उपयोग न कइ ले।</verse>
				<verse number="64">सब मिलाइके 42,360 लोग उ समूह मँ रहेन जे वापस लउट आएन। ओनके अतिरिक्त एहमाँ 7,337 सेवक अउर सेविकन रहेन। ओनके संग 200 गायक अउ गायिकन भी रहिन।</verse>
				<verse number="65"></verse>
				<verse number="66">ओनके लगे 736 घोड़न, 245 खच्चर, चार स पेंतीस उँट अउ 6,720 गदहन रहेन।</verse>
				<verse number="67"></verse>
				<verse number="68">उ समूह यरूसलेम मँ यहोवा क मन्दिर क पहोंचा। तब परिवार क प्रमुखन यहोवा क मन्दिर क बनावइ क बरे आपन भेंट दिहेन। उ पचे जउन मन्दिर नस्ट होइ गवा रहा उहइ क जगह पइ नवा मन्दिर बनावइ चाहेन।</verse>
				<verse number="69">ओन लोग ओतना दिहन जेतना उ पचे दइ सकत रहेन। इ सबइ उ सब चिजियन अहइँ जेनका उ पचे मन्दिर बनावइ क बरे दिहेन: लगभग 500 किलो सोना, तीन टन चाँदी अउर याजकन क पहिरइ वाले 100 चोगन।</verse>
				<verse number="70">इ तरह याजक, लेवीवंसी अउर कछू दूसर लोग यरूसलेम अउर ओकरे चारिहुँ कइँती क पहँटा मँ बस गएन। इ समूह मँ मन्दिर क गायक, दुआरपाल अउर मन्दिर क सेवक सामिल रहेन। इस्राएल क दूसर लोग अपने निजी निवास जगहन मँ बस गएन।</verse>
			</chapter>
			<chapter number="3">
				<verse number="1">एह बरे सतवें महीने स इस्राएल क लोग अपने-अपने नगरन मँ लउट गएन। उ समइ, सबहिं लोग यरूसलेम मँ एक संग एकट्ठे भएन। उ पचे सबहिं एक इकाई क रूप मँ संगठित रहेन।</verse>
				<verse number="2">तब योसादाक क पूत येसू अउर ओकरे संग याजकन अउ सालतीएल क पूत जरूब्बाबेल अउ ओकरे संग क लोग इस्राएल क परमेस्सर क वेदी बनाएन। ओन लोग इस्राएल क परमेस्सर बरे वेदी एह बरे बनाएन ताकि उ पचे एह पइ बलि चढ़ाइ सकइँ। उ पचे ओनका ठीक मूसा क नेमन क अनुसार बनाएन। मूसा परमेस्सर क बिसेस सेवक रहा।</verse>
				<verse number="3">उ सबइ लोग अपने आस-पास क रहइवाले दूसर लोगन स डरे भए रहेन। मुला इ डर ओनका रोक न सका अउर उ पचे वेदी क पुरानी नेंव पइ वेदी बनाएन अउर ओह पइ यहोवा क होमबलि दिहन।</verse>
				<verse number="4">तब उ पचे आस्रयन क त्यौहार ठीक वइसे ही मनाएन जइसा मूसा क नेम मँ कहा गवा अहइ। उ पचे उत्सव क हर एक दिन क बरे उचित गनती मँ होमबलि दिहन।</verse>
				<verse number="5">ओकरे पाछे, उ पचे लगातार चलइवाली हर दिन क होमबलि नवा चाँद, अउर सबहिं दूसर उत्सव व बिस्राम क दिनन क भेंटन चढ़ाउब सुरू किहन जइसा कि यहोवा क जरिये आदेस दीन्ह गवा रहा। लोग दूसर ओन भेंटन क भी चढ़ावइ क लागेन जेनका उ पचे यहोवा क चढ़ावइ चाहत रहेन।</verse>
				<verse number="6">एह बरे सतएँ महीना क पहिले दिन इस्राएल क एन लोग यहोवा क फुन भेंट चढ़ाउब सुरु किहन। इ तब भी कीन्ह गवा जब कि मन्दिर क नेंव अबहिं फुन स नाहीं बनी रही।</verse>
				<verse number="7">तब ओन लोग जउन बन्धुवाई स छुटिके आए रहेन, संगतरासन अउर बढ़इयन क धन दिहेन अउर उ पचे सोर अउर सीदोन क लोगन क भोजन, दाखरस अउर जैतून क तेल दिहन। ताकि उ पचे लबानोन क देवदार क बृच्छ लिआवइ सकेन। उ पचे चाहत रहेन कि उ पचे जापा नगर क समुद्री तट पइ लट्ठन क जहाजन क मँ लिआवइँ। फारस क राजा कुस्रू इ करइ बरे ओनका मंजूरी दइ दिहस।</verse>
				<verse number="8">एह बरे यरूसलेम मँ मन्दिर पइ ओनके पहोंचइ क दूसर बरिस क दूसर महीने मँ सालतीएल क पूत जरूब्बाबेल अउर योसादाक क पूत येसू काम करब सुरू किहस। ओनकर भाइयन, याजकन, लेवीबंसियन अउ हर एक मनई जउन बन्धुवाई स यरूसलेम लउटे रहेन, सब ओनके संग काम करब सुरू किहन। उ पचे यहोवा क मन्दिर क बनावइ बरे ओन लेवीबंसियन क निरीच्छक चुनेन जउन बीस बरिस या ओहसे जियादा उमिर क रहेन।</verse>
				<verse number="9">इ सबइ उ सब लोग रहेन जउन मन्दिर क बनइ क देखरेख करत रहेन, येसू क पूत अउर ओकर भाई, कदमीएल अउ ओकर पूत (यहूदा क सन्तान रहेन) हेनादाद क पूत अउ ओनकर बंधु लेवीबंसी।</verse>
				<verse number="10">कारीगरन यहोवा क मन्दिर क नेव डाउब पूरी कइ दिहन। जब नेंव पड़ गइ तब याजकन अपने खास ओढ़ना पहिरेन। तब उ पचे आपन तुर्रुही लिहन अउ आसाप क पूतन अपनी झाँझन क लिहन। उ पचे यहोवा क स्तुति क बरे अपने अपने जगह लइ लिहन। इ उहइ तरह कीन्ह गवा जउने तरह करइ क बरे भूतकाल मँ इस्राएल क राजा दाऊद आदेस दिहे रहा।</verse>
				<verse number="11">यहोवा जउन कछू किहस, उ पचे ओकरे बरे ओकर बड़कई करत भए अउ धन्नवाद देत भए, इ गीत गाएन, “उ अच्छा अहइ, ओकर इस्राएल क बरे पिरेम सास्वत अहइ।” अउर तब सबहिं लोग खुस भएन। उ पचे बहोत जोर स उद्घोस अउ यहोवा क स्तुति किहन। काहे काहेकि मन्दिर क नेंव पूरी होइ चुकी रही।</verse>
				<verse number="12">मुला बुजुर्ग याजकन मँ स बहोत स, लेवीबंसी अउर परिवार प्रमुख रोइ पड़ेन। काहे काहेकि ओन लोग पहिले मन्दिर क लखे रहेन, अउर उ पचे इ याद करत रहेन कि उ केतना सुन्नर रहा। उ सबइ रोइ पड़ेन जब उ पचे नवे मन्दिर क लखेन। उ पचे रोवत रहेन जब बहोत स दूसर लोग खुस रहेन अउर सोर मचावत रहेन।</verse>
				<verse number="13">उद्घोस बहोत दूर तलक सुना जाइ सकत रहा। ओन सबहिं लोग ऍतना सोर मचाएन कि कउनो मनई खुसी क उद्घोस अउ रोवइ मँ अन्तर नाहीं कइ सकत रहा।</verse>
			</chapter>
			<chapter number="4">
				<verse number="1">उ पहँटा मँ रहइवाले बहोत स लोग यहूदा अउ बिन्यामीन क लोगन क बिरुद्‌ध रहेन। ओन दुस्मनन सुनेन कि सबइ लोग जउन बन्धुवाई स आएन ह उ सबइ, इस्राएल क परमेस्सर यहोवा क बरे एक ठु मन्दिर बनावत अहइँ। एह बरे उ सबइ दुस्मन जरुब्बाबेल अउ परिवार प्रमुखन क लगे आएन अउ उ पचे कहेन, “मन्दिर बनावइ मँ हम क तू पचन क मदद करइ द्या। हम लग उहइ अही जउन तू अहा, हम तोहरे पचन्क परमेस्सर स मदद माँगित ह। हम लोग तोहरे पचन्क परमेस्सर क तब स बलि चढ़ावा ह जब स अस्सूर क राजा एसर्हद्दोन हम लोगन क हिआँ लिआव।”</verse>
				<verse number="2"></verse>
				<verse number="3">मुला जरूब्बाबेल, येसू अउर इस्राएल क दूसर परिवार प्रमुखन जवाब दिहन, “नाहीं, तू जइसे लोग हमरे परमेस्सर क बरे मन्दिर बनावइ मँ हम क मदद नाहीं कइ सकतेन। सिरिफ हम लोग ही यहोवा क बरे मन्दिर बनाइ सकित ह। उ इस्राएल क परमेस्सर अहइ। फारस क राजा कुस्रू जउन करइ क आदेस दिहस ह, उ इहइ अहइ।”</verse>
				<verse number="4">एह बरे उ देस क लोग मन्दिर क बनावइ क कार्य रोकइ क बरे जतन करत भए यहूदी लोगन क हिम्मत तोड़इ क बरे ओनका डराउब सुरु किहन।</verse>
				<verse number="5">ओन दुस्मनन सलाहकारन क यहूदा क लोगन क खिलाफ काम करइ क बरे बेसहि लिहन। उ सलाहकारन ओनके जोजनन मँ बाधा डावइ क जतन किहेन। इ कारज तब तलक लगातार चलत रहा जब तलक कुस्रू फारस क राजा रहा अउर बाद मँ जब तलक दारा फारस क राजा नाहीं होइ गवा।</verse>
				<verse number="6">ओन दुस्मनन यहूदियन क रोकइ क बरे जतन करत भए फारस क राजा क पत्र भी लिखेन। अउर उ पचे इ पत्र फारस क राजा छयर्स क सासन काल क सुरू मँ लिखेन।</verse>
				<verse number="7">पाछे, जब अर्तछत्र फारस क नवा राजा भवा, एन लोगन मँ स कछू यहूदियन क खिलाफ सिकाइत करत भए एक ठू अउर पत्र लिखेन। जउन लोग उ पत्र लिखेन, उ सबइ इ सब रहेन: बिसलाम, मिथदात, ताबेल अउर ओकरे दल क दूसर लोग। उ पचे पत्र राजा अर्तछत्र क अरामी मँ अरामी लिपि क उपयोग करत भए लिखेन।</verse>
				<verse number="8">तब सासन अधिकारी रहूम अउर लिपिक सिमसै यरूसलेम क लोगन क खिलाफ पत्र लिखेन। उ पचे राजा अर्तछत्र क पत्र लिखेन। उ पचे जउन लिखेन उ इ रहा:</verse>
				<verse number="9">सासन अधिकारी रहूम, लिपिक सिमसै, निआधीसन अउर तर्पली, फारसी, एरेकी, बाबेली लोगन पइ क महत्त्वपूर्ण उच्चय अधिकारियन अउर सूसनी क एलामी लोगन क कइँती स,</verse>
				<verse number="10">अउ उ सबइ दूसर लोग क ओर स जेनका महान अउर सक्तीसाली ओस्नप्पर सोमरोन क नगरन अउर परात नदी क पच्छिमी पहँटा क दूसर जगहन पइ बसाए रहेन।</verse>
				<verse number="11">इ उ पत्र क प्रतिलिपि अहइ जेका ओन लोग अर्तछत्र क पठए रहेन। राजा अर्तछत्र क, परात नदी क पच्छिमी पहँटा मँ आप क सेवकन कइँती स अहइ।</verse>
				<verse number="12">राजा अर्तछत्र हम आप क सूचित करइ चाहित ह कि जउन यहूदियन क आप-अपने लगे स पठया ह, उ पचे हिआँ आइ गएन ह। उ सबइ यहूदी उ नगर क फुन स बनावइ चाहत हीं। यरूसलेम एक बुरा अउर बिद्रोही नगर अहइ। अब उ पचे यहूदी परकोटन क जेवन क पक्का करत बाटेन अउर देवारन खड़ी करत अहइँ।</verse>
				<verse number="13">राजा अर्तछत्र आप क इ जान लेइ चाही कि जदि यरूसलेम अउर एकर परकोटन फुन बन गएन तउ यरूसलेम क लोगन कर देब बन्द कइ देइहीं। उ पचे आप क सम्मान करइ बरे धन पठउब बन्द कइ देइहीं। उ पचे सेवा कर भी रोक देइहीं अउर राजा क उ सारे धन स हाथ धोवइ पड़ी।</verse>
				<verse number="14">राजा क एकर जानकारी होइ चाही कि हम लोग राजा क वफ़ादार होइ क वादा किहे रहेन। ऍह बरे जिम्मेदारी हम लोगन पइ अहइ। हम लोगन क इ सबइ घटित होब नाहीं लखइ चाहतेउँ कि राजा क अपमान होइ। इहइ कारण अहइ कि हम लोग इ पत्र क जरिये राजा क इ बात क सम्बंध मँ सूचना दिहे अहउँ।</verse>
				<verse number="15">राजा अर्तछत्र हम इ चाहित ह कि आप ओन राजा लोगन क लेखन क पता लगावइँ कि जउन आपक पहिले हुकूमत किहन। आप ओन लेखन मँ लखिहीं कि यरूसलेम मँ सदा ही दूसर राजा लोगन क बरे बिद्रोह किहन। इ दूसर राजा लोगन अउ रास्ट्रन क बरे बहोत कठिनाइयन पइदा किहन ह। पुराने समइ स ही इ नगर बिद्रोह क उभारत अहइ ह। इहइ कारण अहइ कि यरूसलेम नस्ट भवा।</verse>
				<verse number="16">राजा अर्तछत्र हम आप क सूचित करइ चाहित ह कि जदि इ नगर अउ एकर परकोटन फुन स बन गवा तउ फरात नदी क इ कइँती क छेत्र आप क हाथे स निकरि जइहीं।</verse>
				<verse number="17">तब अर्तछत्र इ जवाब पठएस: सासन अधिकारी रहूम अउ लिपिक सिमसै अउ ओनकर सबहिं साथियन क जउन सोमोरन अउ परात नदी क दूसर पच्छिमी प्रदेस मँ रहत हीं। सुभ-कामनाऐं,</verse>
				<verse number="18">तू लोग जउन हमरे लगे पत्र पठाया ओकर अनुवाद भवा अउर मोका सुनावा गवा।</verse>
				<verse number="19">मइँ आदेस दिहेउँ कि मोरे पहिले क राजा लोगन क लेखन क खोज कीन्ह जाइ। लेख बाँचे गएन अउर हम लोगन क ग्यात भवा कि यरूसलेम क जरिये राजा लोगन क खिलाफ बिद्रोह करइ क एक लम्बा इतिहास अहइ। यरूसलेम अइसी जगह रहा नगर जहाँ अक्सर बिद्रोह अउ गद्दारी होत रहत हीं।</verse>
				<verse number="20">यरूसलेम अउ फरात नदी क पच्छिम क पूरे पहँटा पइ सक्तीसाली राजा राज्ज करत रहेन ह। राज्ज कर अउ राजा क सम्मान बरे धन अउ बिविध प्रकार क कर ओन राज लोगन क दीन्ह गएन ह।</verse>
				<verse number="21">अब तू पचन्क ओन लोगन क काम बन्द करइ क बरे एक ठु आदेस देइ चाही। इ आदेस यरूसलेम क पुनःनिर्माण क रोकइ क बरे तब तलक अहइ, जब तलक कि मइँ वइसा करइ क आग्या न देउँ।</verse>
				<verse number="22">सावधान रहया अउर इ आग्या क पालन करइ स इनकार जिन करा यरूसलम क पूनःनिमार्ण चलत नाहीं रहइ चाही, वरना मइँ यरूसलेम स मिलइवाला आमदनी क खोइ देबउँ।</verse>
				<verse number="23">तउ उ पत्र क प्रतिलिपि, जेका राजा अर्तछेत्र पठएस रहूम, लिपिक सिमसै अउ ओकरे संग क लोगन क बाँचिके सुनाई गइ। तब उ सबइ लोग बड़ी तेजी स यरूसलेम मँ यहूदियन क लगे गएन। उ पचे यहूदियन क निर्माण कार्य बन्द करइ क मजबूर किहन।</verse>
				<verse number="24">इ तरह यरूसलेम मँ परमेस्सर क मन्दिर क काम रुक गवा। फारस क राजा दारा क सासनकाल क दूसरे बरिस तलक इ कार्य नाहीं चला।</verse>
			</chapter>
			<chapter number="5">
				<verse number="1">तब हाग्गै नबी अउ इद्दो क पूत नबी जकर्याह इस्राएल क परमेस्सर क नाउँ पइ यहूदा अउ यरूसलेम मँ यहूदियन स नबुवत करब सुरु किहन।</verse>
				<verse number="2">एह बरे सालतीएल क पूत जरुब्बाबेल अउ योसादाक क पूत येसू फुन यरूसलेम मँ मन्दिर क निर्माण करब सुरु कइ दिहस। अउर परमेस्सर क नबी ओनके संग रहेन अउ कार्य मँ मदद करत रहेन।</verse>
				<verse number="3">उहइ समइ फरात नदी क पच्छिम क पहँटा क राज्जपाल तत्तनै रहा। तत्तनै, सतर्बोजनै अउ ओनके संग क लोग जरुब्बाबेल अउर येसूर अउ निर्माण करइवालन क लगे गएन। तत्तनै अउ ओकरे संग क लोग जरुब्बाबेल अउ ओकरे साथ क लोगन स पूछेस, “तू पचन्क इ मन्दिर क फुन स बनावइ अउ एका दिवारन क बनावइ क काम पूरा करइ क आदेस कउन दिहस?”</verse>
				<verse number="4">उ पचे जरुब्बाबेल स इ भी पूछेन, “जउन लोग इ इमारत क बनावइ क काम करत अहइँ ओनकर नाउँ क अहइ?”</verse>
				<verse number="5">मुला परमेस्सर यहूदा क प्रमुखन पइ दृस्टि रखत रहा। निर्माण करइ वालन क तब तलक काम नाहीं रोकब पड़ा जब तलक ओनकर विवरण राजा क जरिये न पठइ दीन्ह गवा। उ पचे तब तलक काम करत रहेन जब तलक राजा दारा आपन जवाब वापस नाहीं पठएस।</verse>
				<verse number="6">फरात क पच्छिम क छेत्रन क सासन अधिकारी तत्तनै, सतर्बोजनै अउर ओनके संग क महत्तवपूर्ण मनइयन राजा दारा क लगे पत्र पठएन।</verse>
				<verse number="7">इ उ पत्र क प्रतिलिपि अहइ: राजा दारा का अभिवादन</verse>
				<verse number="8">राजा दारा, आप क मालूम होइ चाही कि हम लोग यहूदा प्रदेस मँ गएन। हम लोग महान परमेस्सर क मन्दिर क गए। यहूदा क लोग उ मन्दिर क बड़के पाथरन स बनावत अहइँ। उ पचे देवारन मँ काठे क बड़की बड़की सहतीरन डावत अहइ। काम बड़ी होसियारी स कीन्ह जात अहइ, अउर यहूदा क लोग बहोत मेहनत करत अहइँ।</verse>
				<verse number="9">हम लोग ओनके प्रमुखन स कछू सवाल ओनके निर्माण कार्य क बारे मँ पूछेन हम लोग ओनसे पूछेन, “तू पचन्क इ मन्दिर क फुन स बनावइ अउर एकरी छते क काम पूरा करइ क मंजूरी कउन दिहस ह?”</verse>
				<verse number="10">हम लोग ओनकर नाउँ भी पूछेन। हम लोग ओन लोगन क प्रमुखन क नाउँ लिखइ चाहेउँ जेहसे आप जान सकइँ कि उ पचे कउन लोग अहइँ।</verse>
				<verse number="11">उ पचे हमक इ जवाब दिहन: “हम लोग सरग अउ धरती क परमेस्सर क सेवक अही। हम लोग उहइ मन्दिर क बनावत अही जेका बहोत बरिस पहिले इस्राएल क एक महान राजा बनाएस अउर पूरा किहे रहा।</verse>
				<verse number="12">मुला हमार पुरखन सरग क परमेस्सर क किरोधित किहन। एह बरे परमेस्सर हमरे पुरखन क बाबेल क राजा नबूकदनेस्सर क दिहस। नबूकदनेस्सर इ मन्दिर क नस्ट किहेस अउर उ लोगन क बन्दी क रूप मँ बाबेल जाइ क मजबूर किहस।</verse>
				<verse number="13">मुला बाबेल पइ कुस्रू क राजा होइ क पहिले बरिस मँ राजा कुस्रू परमेस्सर क मन्दिर क फुन स बनावइ क बरे बिसेस आदेस दिहस।</verse>
				<verse number="14">कुस्रू बाबेल मँ अपने लबार देवता क मन्दिर स ओन सोने चाँदी क चिजियन क निकारेस जउन भूतकाल मँ परमेस्सर क मन्दिर स चोरी कइ क लइ जाइ गइ रहिन। नबूकदनेस्सर ओन चिजियन क मन्दिर स लिहेस अउर ओनका बाबेल मँ लबार देवतन क मन्दिर मँ लइ आवा। तब राजा कुस्रू ओन सोने चाँदी क चिजियन क सेसबसार क दइ दिहस, कुस्रू सेसबस्सर क राज्यपाल मुकर्रर किहस।”</verse>
				<verse number="15">कुस्रू तब सेसबस्सर स कहेस रहा, “एन सोना चाँदी क चिजियन क ल्या अउर ओनका यरूसलेम क मन्दिर मँ वापस रखा। उ जगह पइ परमेस्सर क मन्दिर क बनावा जहाँ उ पहिले रहा”</verse>
				<verse number="16">एह बरे सेसबस्सर आवा अउर उ यरूसलेम मँ परमेस्सर क मन्दिर क नेंव क काम पूरा किहस। उ दिना स आजु तलक मन्दिर क निर्माण क कार्य चलत आवत अहइ। मुला इ अबहिं तलक पूरा नाहीं भवा ह।</verse>
				<verse number="17">अब जदि राजा चाहत हीं तउ कृपा कइके उ पचे राजा लोगन क लेखन क हेरइँ। इ लखइ बरे हेरइँ कि का कुस्रू राजा क जरिये यरूसलेम मँ परमेस्सर क मन्दिर क फुन स बनावइ क दीन्ह गवा आदेस फुरइ अहइ अउर तब, महामहिमा, कृपा कइके आप हम लोगन क पत्र पठवइँ जेहसे हम जान सकी कि आप इ विसय मँ का करइ क निर्णय लिहन ह।</verse>
			</chapter>
			<chapter number="6">
				<verse number="1">एह बरे राजा दारा अपने पहिले क राजा लोगन क लेखन क जाँच करइ क आदेस दिहस। उ सबइ लेख बाबेल मँ हुवइँ रखे रहेन जहाँ खजाना धरा गवा रहा,</verse>
				<verse number="2">अहमत्ता क किले मँ एक दण्ड मँ चिपका गोल पत्रक मिला। (एकवतन मादे प्रान्त मँ अहइ।) उ दण्ड मँ लिपटे गोल पत्रक पइ जउन लिखा रहा, उ इ अहइ: सरकारी टिप्पणी:</verse>
				<verse number="3">उ कुस्रू क राजा होइ क पहिले बरिस मँ कुस्रू यरूसलेम मँ परमेस्सर क मन्दिर क बरे एक ठू आदेस दिहस। आदेस इ रहा: परमेस्सर क मन्दिर फुन स बनइ द्या। इ बलि भेंट करइ क जगह होइ। एकरी नेंव क बनइ द्या। मन्दिर साठ हाथ उँच अउ साठ हाथ चौड़ा होइ चाही।</verse>
				<verse number="4">एकर परकोटन मँ बिसाल पाथरन क तीन ठु कतारन अउर बिसाल काठे क सहतीरन क एक ठू कतार होइ चाही। मन्दिर क बनावइ क खर्च राजा क खजाने स कीन्ह जाइ चाही।</verse>
				<verse number="5">साथ ही साथ, परमेस्सर क मन्दिर क सोना अउ चाँदी क चिजियन ओकरे जगह पइ वापस रखी जाइ चाही। नबूकदनेस्सर ओन चिजियन क यरूसलेम क मन्दिर स लिहे रहा अउर ओनका बाबेल लिआए रहा। उ सबइ परमेस्सर क मन्दिर मँ वापस रख दीन्ह जाइ चाही।</verse>
				<verse number="6">एह बरे अब, मइँ दारा, फरात नदी क पच्छिम क पहँटन क सासन अधिकारी तत्तनै अउ सतर्बोजनै अउ उ प्रान्त क रहइवाले सबहिं अधिकारियन, तू पचन्क आदेस देत हउँ कि तू लोग यरूसलेम स दूर रहा।</verse>
				<verse number="7">समिकन क परेसान जिन करा। परमेस्सर क उ मन्दिर क काम क बन्द करइ क जतन जिन करा। यहूदा क राज्यपाल अउर यहूदा क बुर्जुगन क एनका फुन स बनावइ द्या। ओनका परमेस्सर क मन्दिर क उहइ जगह पइ फुन स बनावइ द्या जहाँ पहिले रहा।</verse>
				<verse number="8">अब मइँ एक आदेस देत हउँ कि तू पचन्क परमेस्सर क मन्दिर क बनावइ वाले यहूदा क बुजुर्गन बरे का करइ चाही: इमारत क लागत क भुगतान राजा क खजाने स होइ चाही। इ धन फरात नदी क पच्छिम क छेत्र क प्रान्तन स कर क रूप मँ इकट्ठा कीन्ह गवा रहा। इ सबइ काम हाली स करा, जेहसे काम रुकइ नाहीं।</verse>
				<verse number="9">ओन लोगन क उ सब द्या जेकर ओनका जरूरत होइ। जदि ओनका सरग क परमेस्सर क बलि क बरे जवान बर्धन, भेड़न या मेमनन क जरूरत पड़इ तउ ओनका उ सब कछू द्या। जदि यरूसलेम क याजक गोहूँ, नोन, दाखरस अउ तेल माँगइ तउ बिना भूल चूक क हर रोज इ सबइ चिजियन ओनका द्या।</verse>
				<verse number="10">इन चिजियन क ओनका द्या जेहसे उ पचे सरग क परमेस्सर क खुस करइवाली बलियन भेंट करइँ अउर राजा अउ ओकरे पूतन क कल्यान बरे पराथना करइँ।</verse>
				<verse number="11">मइँ इ आदेस भी देत हउँ कि जदि कउनो मनई इ आदेस क बदलत ह तउ उ मनई क मकान स एक ठु काठे क कड़ी क निकार लेइ चाही अउ उ काठे क कड़ी क उ मनई क तने पइ घँसाइ देइ चाही अउ ओकरे घरे क तब तलक नस्ट कीन्ह जाइ चाही जब तलक कि उ पाथरन क ढेर न बनि जाइ।</verse>
				<verse number="12">परमेस्सर यरूसलेम पइ आपन नाउँ अंकित करइ अउर मोका आसा अहइ कि परमेस्सर कउनो भी उ राजा या मनई क पराजित करी जउन इ आदेस क बदलइ क जतन करत ह। जदि कउनो यरूसलेम मँ इ मन्दिर क नस्ट करइ चाहत ह तउ मोका आसा अहइ कि परमेस्सर ओका नस्ट कइ देइ। मइँ, दारा, इ आदेस दिहेउँ ह। इ आदेस क पालन हाली अउर पूर्ण रूप स होइ चाही।</verse>
				<verse number="13">एह बरे फरात नदी क पच्छिम पहँटा क प्रसासक तत्तनै, सतर्बोजनै अउर ओकरे संग क लोग राजा दारा क आदेस क पालन किहन। ओन लोगन आग्या क पालन हाली अउर पूर्ण रूप स किहन,</verse>
				<verse number="14">एह बरे यहूदी अग्रजन (प्रमुखन) निर्माण कार्य जारी रखेन अउर उ पचे सफल भएन काहेकि हग्गै नबी अउ इद्दो क पूत जकर्याह ओनका प्रोत्साहित किहस। ओन लोग मन्दिर क निर्माण कार्य पूरा कइ लिहन। इ इस्राएल क परमेस्सर क आदेस पालन करइ क बरे कीन्ह गवा। इ फारस क राजा लोगन, कुस्रू, दारा अउर अर्तछत्र जउन आदेस दिहे रहेन ओनकर पालन करइ बरे कीन्ह गवा।</verse>
				<verse number="15">मन्दिर क निर्माण अदर महीने क तीसरे दिन भवा। इ राजा दारा क सासन क छठएँ बरिस मँ भवा।</verse>
				<verse number="16">तब इस्राएल क लोग बहोत उल्लास क संग परमेस्सर क मन्दिर क समर्पण उत्सव मनाएन। याजक, लेवीबंसी अउर बन्धुवाई स वापस आए दूसर सबहिं लोग इ उत्सव मँ सामिल भएन।</verse>
				<verse number="17">उ पचे परमेस्सर क मन्दिर क इ तरह समर्पित किहन: उ पचे एक सौ बर्धन, दुइ सौ भेड़न अउर चार सौ मेमनन भेंट किहन अउर उ पचे पूरे इस्राएल क बरे पाप भेंट क रूप मँ बारह बोकरन भेंट किहन अर्थात इस्राएल क बारह परिवार समूह मँ स हर एक क बरे एक बोकरा भेंट किहन।</verse>
				<verse number="18">तब उ पचे यरुसलेम मँ मन्दिर मँ सेवा करइ क बरे याजकन अउ लेवी बंसियन क समूह बनाएन। इ सब उ पचे उहइ प्रकार किहन जउने प्रकार मूसा क किताबे मँ बतावा गवा ह।</verse>
				<verse number="19">पहिले महीने क चौदहवें दिन ओन यहूदियन फसह क त्यौहार मनाएन जउन बन्धुवाई स वापस लउटे रहेन।</verse>
				<verse number="20">याजकन अउर लेवीबंसियन अपने क सुद्ध किहन। ओन सबहिं फसह क त्यौहार मनावइ क बरे अपने क स्वच्छ अउ तइयार किहन। उ पचे बन्धुवाई स लउटइवाले सबहिं यहूदियन क बरे फसह क त्यौहार क मेमने क मारेन। उ पचे इ अपने बरे अउर अपने याजकन बंधुअन क बरे किहन।</verse>
				<verse number="21">एह बरे बन्धुवाई स लउटे इस्राएल क सबहिं लोग फसह क त्यौहार क बलि खाएस अउर उ प्रदेस मँ रहइवाले दूसर सबइ लोग जउन अपने आप क ओन असुद्ध चिजियन स अलग हटिके सुद्ध कइ रहेन अउर जउन ओन लोगन मँ सामिल होइ रहेन, ओन लोग भी फसह क त्यौहार क भोजन मँ हींसा लिहन। ओन लोग इ एह बरे किहन ताकि उ पचे भी यहोवा इस्राएल क परमेस्सर क उपासना करइ सकइँ।</verse>
				<verse number="22">उ पचे अखमीरी रोटी क उत्सव सात दिन तलक बहोत जियादा खुसी स मनाएन। यहोवा ओनका बहोत खुस किहस काहेकि उ अस्सूर क राजा क बेउहार क बदल दिहे रहा। अस्सूर क राजा इस्राएल क परमेस्सर क मन्दिर क बनावइ मँ ओनकर मदद किहे रहा।</verse>
			</chapter>
			<chapter number="7">
				<verse number="1">फारस क राजा अर्तछत्र क सासनकाल मँ एन सब बातन क होइ जाइ क पाछे एज्रा बाबेल स यरूसलेम आवा। एज्रा सरायाह क पूत रहा। सरायाह अजर्याह क पूत रहा। अजर्याह हिल्किय्याह क पूत रहा।</verse>
				<verse number="2">हिल्किय्याह सल्लूम क पूत रहा। सल्लूम सादोक क पूत रहा। सादोक अहीतूब क पूत रहा।</verse>
				<verse number="3">अहीतूब अमर्याह क पूत रहा। अमर्याह अजर्याह क पूत रहा। अजर्याह मरार्थोत क पूत रहा।</verse>
				<verse number="4">मरायोत जरह्याह क पूत रहा। जरह्याह उज्जी क पूत रहा। उज्जी बुक्की क पूत रहा।</verse>
				<verse number="5">बुक्की अबीसू क पूत रहा। अबीसू पीनहास क पूत रहा। पीनहास एलीआज़र क पूत रहा। एलीआज़र महायाजक हारून क पूत रहा।</verse>
				<verse number="6">एज्रा बाबेल स यरूसलेम आवा। एज्रा एक लिपिक रहा। उ मूसा क नेमन क माहिर रहा। मूसा क नेम यहोवा इस्राएल क परमेस्सर क जरिये दीन्ह गवा रहा। राजा अर्तछत्र एज्रा क उ हर चीज़ दिहस जेका उ माँगेस काहेकि यहोवा परमेस्सर एज्रा क संग रहा।</verse>
				<verse number="7">इस्राएल क कछू लोग, अउर कछू याजकन, लेवियन, गायकन, दुआरपालन अउर मन्दिर क सेवकन एज्रा क संग आएन। उ पचे अर्तछत्र क सासनकाल क सतएँ बरिस यरूसलेम आएन।</verse>
				<verse number="8">एज्रा यरूसलेम मँ राजा अर्तछत्र क राज्जकाल क सतएँ बरिस क पाँचवें महीने मँ आवा।</verse>
				<verse number="9">एज्रा अउ ओकर समूह बाबेल क पहिले महीने क पहिले दिन यरूसलेम पहोंचा। यहोवा परमेस्सर एज्रा क संग रहा।</verse>
				<verse number="10">एज्रा आपन पूरा धियान यहोवा क नेमन क अध्ययन अउर ओनका पालन करइ मँ दिहस। एज्रा इस्राएल क लोगन क यहोवा क नेमन अउर आदेसन क सिच्छा देइ चाहत रहा।</verse>
				<verse number="11">एज्रा, एक ठु याजक अउर लिपिक रहा। इस्राएल क यहोवा क जरिये दीन्ह गए आदेसन अउर नेमन क बारे मँ उ काफी गियान रखत रहा। इ उ पत्र क प्रतिलिपि अहइ जेका राजा अर्तछत्र लिपिक एज्रा क दिहे रहा:</verse>
				<verse number="12">राजा लोगन क राजा अर्तछत्र कइँती स याजक एज्रा क जउन सरग क परमेस्सर क नेमन क पिपिक अहइ: सुभ-कामनाए!</verse>
				<verse number="13">मइँ इ आदेस देत हउँ: कउनो मनई जउन इस्राएल क अहइ, याजक अउर इस्राएल क लेवीबंसी जउन मोरे राज्ज मँ रहत ह अउर एज्रा क संग यरूसलेम जाइ चाहत ह, तोहार संग जाइ सकत ह।</verse>
				<verse number="14">एज्रा, मइँ अउर मोरे सात सलाहकार तू पचन्क पठवत हीं। तू पचन्क यहूदा अउर यरूसलेम क जाइ चाही। इ लखा कि तोहार लोग तोहरे परमेस्सर क नेमन क पालन कइसे करत अहइँ। तोहरे पचन्क लगे नेम अहइ।</verse>
				<verse number="15">मइँ अउ मोर सलाहकार इस्राएल क परमेस्सर क सोना चाँदी देत अहइँ। परमेस्सर क निवास यरूसलेम मँ अहइ। तू पचन्क इ सोना चाँदी अपने संग लइ जाइ चाही।</verse>
				<verse number="16">तू पचन्क बाबेल क सबहिं प्रान्तन स होइके जाइ चाही। लोगन अउर याजकन क स्वच्छा भेंट क संग सबइ सोना अउ चाँदी क बटोरा। इ सबइ भेंटन यरूसलेम मँ ओनके परमेस्सर क मन्दिर बरे अहइँ।</verse>
				<verse number="17">इ धने क उपयोग बर्धन, भेड़न अउ मेमनन बेसहइ मँ करा। ओन बलियन क संग जउन अन्न भेंट अउ पेय भेंट चढ़ाई जाब अहइँ, ओनका बेसहा। तब ओनका यरूसलेम मँ अपने परमेस्सर क मन्दिर क वेदी पइ बलि चढ़ावा।</verse>
				<verse number="18">ओकरे पाछे तू अउर दूसर यहूदी बचे भए सोने चाँदी क जइसा भी चाहा, खर्च कइ सकत ह। एकर उपयोग वइसे ही करा, जउन तोहरे परमेस्सर क खुस करइवाला होइ।</verse>
				<verse number="19">ओन सबहिं चिजियन क यरूसलेम क परमेस्सर क लगे लइ जा। उ सबइ चिजियन तोहरे परमेस्सर क मन्दिर मँ उपासना क बरे अहइँ।</verse>
				<verse number="20">तू कउनो भी दूसर चिजियन लइ सकत ह जेनका तू अपने परमेस्सर क मन्दिर क बरे जरूरी समुझत अहा। राजा क खजाने क धन क उपयोग जउन कछू तू चाहत अहा ओकरे बेसहइ क बरे कइ सकत ह।</verse>
				<verse number="21">अब मइँ, राजा अर्तछत्र इ आदेस देत हउँ: मइँ ओन सबहिं लोगन क जउन फरात नदी क पच्छिमी पहँटा मँ राजा क कोसपाल अहइँ, आदेस देत हउँ कि उ पचे एज्रा क जउन कछू भी माँगइ देइँ। एज्रा सरग क परमेस्सर क नेमन क लिपिक अउर याजक अहइ। इ आदेस क हाली अउ पर्ण रूप स पालन करा।</verse>
				<verse number="22">एज्रा क एतना तलक दइ द्या: पौने चार टन चाँदी, छ: सौ बुसल गोहूँ, छ: सौ गैलन दाखरस, छ: सौ गैलन जइतून क तेल अउ ओतना नोन जेतना एज्रा चाहइ।</verse>
				<verse number="23">सरग क परमेस्सर, एज्रा क जउने चीज क पावइ बरे आदेस द्या ओका तू पचन्क हाली अउर पूरी तरह स एज्रा क देइ चाही। सरग क परमेस्सर क मन्दिर क बरे इ सबइ सब चिजियन करा। हम नाहीं चाहित कि परमेस्सर मोरे राज्ज या मोरे पूतन पइ किरोधित होइ।</verse>
				<verse number="24">मइँ चाहत हउँ कि तू लोगन क मालूम होइ कि याजकन, लेबियन, गायकन, दुआरपालन अउ परमेस्सर क मन्दिर क दूसर कर्मचारियन अउ सेवकन क कउनो भी तरह क कर देइ क बरे मजबूर करब, नेम क खिलाफत अहइ।</verse>
				<verse number="25">एज्रा मइँ तोहका तोहरे परमेस्सर क जरिये प्राप्त बुद्धि क उपयोग अउ सरकारी अउर धार्मिक निआवअधीसन क चुनइ क अधिकार देत हउँ। इ सबइ लोग फरात नदी क पच्छिम मँ रहइवाले सबहिं लोगन क बरे निआवअधीस होइहीं। उ पचे ओन सबहिं लोगन क निआव करिहीं जउन तोहरे परमेस्सर क नेमन क जानत हीं। जदि कउनो मनई ओन नेमन क नाहीं जानत तउ उ पचे निआवअधीस ओका ओन नेमन क बतइहीं।</verse>
				<verse number="26">जदि कउनो अइसा मनई जउन तोहरे परमेस्सर क नेमन या राजा क नेमन क पालन नाहीं करत होइ, तउ ओका जरूर दण्डित कीन्ह जाइ चाहीं। अपराध क अनुसार ओका मृत्य दण्ड, देस निकारी, ओकरी सम्पत्ति क जब्त करब या जेल मँ डावइ क सजा दीन्ह जाइ चाही।</verse>
				<verse number="27">हमरे पुरखन क परमेस्सर यहोवा क स्तुति करा। उ राजा क मन मँ इ सबइ बिचार डाएस कि उ यरूसलेम मँ यहोवा क मन्दिर क सम्मान करइ।</verse>
				<verse number="28">यहोवा क राजा, ओकरे सलाहकारन अउर बड़के अधिकारियन क सामने मोह पइ आपन सच्चा पिरेम परगट किहा। यहोवा मोरे परमेस्सर मोरे संग रहा, एह बरे मइँ साहसी रहा अउर मइँ इस्राएल क प्रमुखन क अपने संग यरूसलेम जाइ बरे एकट्ठा किहेउँ।</verse>
			</chapter>
			<chapter number="8">
				<verse number="1">इ बाबेल स यरूसलेम लउटइवाले परिवार प्रमुखन अउर दूसर लोगन क सूची अहइ जउन मोरे (एज्रा) क संग लउटेन। हम लोग राजा अर्तछत्र क सासनकाल मँ यरूसलेम लउटेन। इ नाउँन क सूची अहइ:</verse>
				<verse number="2">पीनहास क संतानन मँ स गेर्सोम रहा; ईतामार क सन्तानन मँ स दानिय्येल रहा; दाऊद क सन्तानन मँ स हत्तूस रहा,</verse>
				<verse number="3">सकन्याह क सन्तानन मँ स परोस, जकर्याह क सन्तान अउ डेढ़ सौ दूसर लोग;</verse>
				<verse number="4">पहत्मोआब क सन्तानन मँ स जरह्याह क पूत एल्यहोएनै अउर दूसर दूइ सौ लोग,</verse>
				<verse number="5">जत्तू क सन्तानन मँ स यहजीएल क पूत सकन्याह अउर तीन सौ दूसर लोग;</verse>
				<verse number="6">आदीन क सन्तानन मँ स योनातान क पूत एबेद अउर पचास दूसर लोग,</verse>
				<verse number="7">एलाम क सन्तानन मँ स अतल्याह क पूत यसायोह अउर सत्तर दूसर लोग,</verse>
				<verse number="8">सपत्याह क सन्तानन मँ स मीकाएल क पूत जबघाह अउर अस्सी दूसर लोग,</verse>
				<verse number="9">योआब क सन्तानन मँ स यहीएल क पूत ओबद्याह अउर दूइ सौ अट्ठारह दूसर मनई,</verse>
				<verse number="10">बानी, योसिप्याह क पूत सलोमति क सन्तानन मँ स अउर एक सौ साठ दूसर लोग,</verse>
				<verse number="11">बेबै क सन्तानन मंँ स बेबै क पूत जकर्याह अउर अट्ठाईस दूसर मनई,</verse>
				<verse number="12">अजगाद क सन्तानन मँ स हक्कातान क पूत योहानान अउर एक सौ दस दूसर लोग;</verse>
				<verse number="13">अदोनीकाम क अंतिम सन्तानन मँ स एलीपेलेत योएल, समायाह अउर साठ दूसर मनई रहेन,</verse>
				<verse number="14">बिगवै क सन्तानन मँ स उत्तै, जब्बूद अउर सत्तर दूसर लोग।</verse>
				<verse number="15">मइँ ओन सबहिं लोगन क अहवा कइँती बहइवाली नदी क लगे एक संग एकट्ठा होइ क बोलाएउँ। हम लोग हुवाँ तीन दिन तलक डेरा डाए। मोका इ पता लगा कि उ समूह मँ याजक रहेन, मुला कउनो लेवीबंसी नाहीं रहा।</verse>
				<verse number="16">तउ मइँ एन प्रमुखन क बोलाएउँ: एलीएजेर, अरीएल, समायाह, एलनातान, यारीब, एलनातान, नातान, जकर्याह अउ मसुल्लाम अउ मइँ योयारीब अउर एलनातान (इ सबइ लोग सिच्छक रहेन) क बोलाएस।</verse>
				<verse number="17">मइँ ओन मनइयन क इद्दो क लगे पठएउँ। इद्दो कासिप्या नगर क प्रमुख रहा। मइँ उ मनई क बताएउँ कि उ पचे इद्दो अउर ओकर सम्बंधियन स का कहइँ। ओकर सम्बंधी कासिप्या मँ मन्दिर क सेवक अहइँ। मइँ ओन लोगन क इद्दो क लगे पठएउँ जेहसे इद्दो परमेस्सर क मन्दिर मँ सेवा करइ क बरे हमरे लगे सेवकन क पठएस।</verse>
				<verse number="18">काहेकि परमेस्सर क कृपालु हाथ हमरे ऊपर रहेन। इद्दो क सम्बंधियन एन मनइयन क हम लोगन क लगे पठएस: महली क सन्तानन मँ स सेरेब्याह नाउँ क बुद्धिमान मनई। (महली लेवी क पूतन मँ स एक रहा। लेवी इस्राएल क पूतन मँ स एक रहा।) उ पचे हमरे लगे सेरेहब्याह अउर ओकरे पूतन क पठएस। इ सबइ सब मिलाइके उ परिवार स इ सबइ अट्ठारहे मनई रहेन।</verse>
				<verse number="19">उ पचे मरारी क सन्तानन मँ स हसब्याह अउर यसायाह क भी ओनकर बन्धुअन अउर ओनके पूतन क संग पठएस। उ परिवार स कुल मिलाइके बीस मनई रहेन।</verse>
				<verse number="20">उ पचे मन्दिर क दुइ सौ बीस सेवक भी पठएन। ओनकर पुरखन उ सबइ लोग रहेन जेनका दाऊद अउ बड़के अधिकारियन लेवीबंसियन क मदद बरे चुने रहा। ओन सब क नाउँ सूची मँ लिखे भए रहेन।</verse>
				<verse number="21">हुवाँ अहवा नदी क लगे, मइँ घोसणा किहेउँ कि हमका उपवास रखइ चाही। हम क अपने क परमेस्सर क समन्वा बिनम्र बनावइ क बरे उपवास रखइ चाही। हम लोग परमेस्सर स अपने बरे, अपने बच्चन क बरे, अउर जउन चिजियन हमार रहिन, ओनके संग सुरच्छित जात्रा क बरे पराथना करइ चाहत रहे।</verse>
				<verse number="22">राजा अर्तछत्र अपनी जात्रा क समइ अपनी सुरच्छा बरे फउजी अउ घुड़सवारन क माँगइ मँ मइँ लजान रहेउँ। सड़किया पइ दुस्मन रहेन। मोरी लज्जा क कारण इ रहा कि हम राजा स कहि रखे रहे कि, “हमार परमेस्सर उ हर मनई स संग अहइ जउन ओह पइ बिस्सास करत ह अउर परमेस्सर उ हर मनई पइ किरोधित होत ह जउन ओहसे मुँह फेरि लेत ह।”</verse>
				<verse number="23">एह बरे हम लोग अपनी जात्रा क बारे मँ उपवास रखे अउर परमेस्सर स पराथना कीन्ह। उ हम लोगन क पराथना सुनेस।</verse>
				<verse number="24">तब मइँ याजकन मँ स बारह क नियुक्त किहेउँ जउन प्रमुख रहेन। मइँ सेरेब्याह, हसब्याह अउर ओनके दस भाइयन क चुनेउँ।</verse>
				<verse number="25">मइँ चाँदी, सोना अउर दूसर चिजियन क तउलेउँ जउन हमरे परमेस्सर क मन्दिर क बरे दीन्ह गइ रहिन। मइँ एन चिजियन क ओन बारह याजकन क दिहेउँ जेनका मइँ नियुक्त किहे रहेउँ। राजा अर्तछत्र, ओकर सलाहकार, ओकर बड़के अधिकारियन अउर बाबेल मँ रहइवाले सबहिं इस्राएलियन परमेस्सर क मन्दिर क बरे ओन चिजियन क दिहन।</verse>
				<verse number="26">मइँ एन सबहिं चिजियन क तउलेउँ। हुवाँ चाँदी पच्चीस टन रही। हुवाँ चाँदी क बर्तन व दूसर चिजियन रहिन। जेनकर वजन पौने चार किलोग्राम रहा। हुवाँ सोना पौने चार टन रहा।</verse>
				<verse number="27">अउर मइँ ओनका बीस सोना क खोरन दिहेउँ। खोरन क वजन लगभग साढ़े आठ किलो रहा अउर मइँ ताँबा क चमकदार दूई ठु बरतन दिहस जउन कि सोना क समान कीमती रहा।</verse>
				<verse number="28">तब मइँ ओन बारह याजकन स कहेउँ: “तू अउर इ सबइ चिजियन यहोवा क बरे पवित्र अहइँ। लोग इ चाँदी अउर सोना यहोवा तोहरे पचन्क पुरखन परमेस्सर क दिहन।</verse>
				<verse number="29">एह बरे एनकर रच्छा होसियारी स करा। तू पचे एकरे बरे तब तलक जिम्मेदार अहा जब तलक तू पचे एका यरूसलेम मँ मन्दिर क प्रमुखन क नाहीं दइ देत्या। तू पचे एनका प्रमुख लेवीबंसियन क अउर इस्राएल क परिवार प्रमुखन क देब्या। उ सबइ ओन चिजियन क तउलिहीं अउर यरूसलेम मँ यहोवा क मन्दिर क कोठरियन मँ धरिहीं।”</verse>
				<verse number="30">तउ ओन याजकन अउ लेवियन उ चाँदी, सोना अउर ओन बिसेस वस्तुअन क ग्रहण किहन जेनका एज्रा तउले रहा अउर ओनका यरूसलेम मँ परमेस्सर क मन्दिर मँ इ सबइ चिजियन लइ जाइ क बरे कहा गवा रहा।</verse>
				<verse number="31">पहिले महीने क बारहवें दिन हम लोग अहवा नदी क छोड़े अउर हम यरूसलेम कइँती चल पड़े। परमेस्सर हम लोगन क संग रहा अउर उ हमार रच्छा दुस्मनन अउ डाकूअन स पूरे रास्ते भर किहस।</verse>
				<verse number="32">तब हम यरूसलेम आइ पहोंचे। हम हुवाँ तीन दिन आरम कीन्ह।</verse>
				<verse number="33">चउथे दिन हम परमेस्सर क मन्दिर क गए अउर चाँदी, सोना अउर बिसेस चिजियन क तउले। हम याजक ऊरीयाह क पूत मरेमोत क उ सबइ चिजियन दिहेन। पीनहास क पूत एलीआजर मरेमोत क संग रहा। अउर लेवीबंसी येसू क पूत योजाबाद अउर बिन्तूई क पूत नोअद्याह भी ओनके संग रहा।</verse>
				<verse number="34">हम हर एक चीज गिने अउर ओनका तउले। तब हम उ समइ कुल वजन लिखे।</verse>
				<verse number="35">तब ओन यहूदी लोग जउन बंधुवाई स आए रहेन, इस्राएल क परमेस्सर क होमबलि दिहन। उ पचे बारह बर्धन पूरे इस्राएल क बरे छियानबे भेड़न, सतहत्तर मेमनन अउ बारह बोकरन पाप भेंट बरे चढ़ाएन। इ सब यहोवा क बरे होमबलि रही।</verse>
				<verse number="36">तब ओन लोग राजा अर्तछत्र क पत्र, राजकीय अधिपतियन अउ फरात क पच्छिम क छेत्र क प्रसासकन क दिहन। तब उ पचे इस्राएल क लोगन अउर मन्दिर क अपना समर्थन दिहन।</verse>
			</chapter>
			<chapter number="9">
				<verse number="1">जब हम लोग इ सब कइ चुके तब इस्राएल क प्रमुख मोरे लगे आएन। उ पचे कहेन, “एज्रा इस्राएल क लोगन अउ याजकन अउ लेवी बंसियन अपने चाहिहुँ कइँती रहइवाले लोगन स अपने क अलग नाहीं रखेस ह। इस्राएल क लोग कनानियन, हित्तियन, परिज्जियन, यबूसियन, अम्मोनियन, मोआबियन, मिस्र क लोगन अउ एमोरियन क जरिये कीन्ह जाइवालो बहोत स बुरी बातन स प्रभावित भए हँ।</verse>
				<verse number="2">इस्राएल क लोग एन लोगन क बिटियन स बियाह किहेन ह। जउन कि इस्राएली नाहीं रहेन इस्राएल क लोग पवित्तर पीढ़ी अहइ। मुला अब उ पचे अपने चारिहुँ ओर रहइवाले दूसर लोगन स मिलिके दोगले अउर असुद्ध होइ गएन ह। इस्राएल क लोगन क नेतन अउर बड़के अधिकारियन इ अपराध क करइ मँ पहिले रहेन ह।”</verse>
				<verse number="3">जब मइँ इ बारे मँ सुनेउँ, मइँ अफ्ना लबादा अउ अंगरखा इ देखावइ बरे फार डाएउँ कि मइँ बहोत परेसान हउँ। मइँ अपने मूँड़ि अउर दाढ़ी क बार नोंच डाएउँ। मइँ दुःखी अउ अस्त-व्यस्त बइठ गएउँ।</verse>
				<verse number="4">तब हर एक मनई जउन इस्राएल क परमेस्सर क नेमन क आदर करत रहा, भय स काँप उठा। उ पचे डर गएन काहेकि जउन इस्राएल क लोग बन्धुवाई स लउटेन, उ पचे परमेस्सर क भक्त नाहीं रहेन। मोका धक्का लगा अउर मइँ घबराइ गएउँ। मइँ हुवाँ साँझ क बलि भेंट क समइ तलक बइठा रहेउँ अउर उ पचे लोग मोरे चारिहुँ कइँती एकट्ठा रहेन।</verse>
				<verse number="5">तब, जब साँझ क बलि भेंट क समइ भवा, मइँ आपन दुःख क अवस्था मँ ही उठेउँ। मइँ बहोत लजान रहेउँ। मोर लबादा अउ अंगरखा दुइनउँ फटे रहेन अउर मइँ घुटरुअन क बल बइठिके यहोवा अपने परमेस्सर कइँती हाथ फइलाएउँ।</verse>
				<verse number="6">तब मइँ पराथना किहेउँ: “हे मोरे परमेस्सर, मइँ एतना लजान अउर संकोच मँ हँउ कि तोहरी कइँती मोर आँखिन नाहीं उठतिन, हे मोर परमेस्सर! मइँ लजान हउँ काहेकि हमरे पाप हमरे मूँड़े स ऊपर चले गए हँ। हमरे अपराधन क ढेरी एतनी होइ गइ ह कि उ अकासे तलक पहोंच चुकी ह।</verse>
				<verse number="7">हमरे पुरखन क समइ स अब तलक हम लोग बहोत जियादा पाप किहा ह। हम लोग पाप किहा, एह बरे हम, हमरे राजा अउर हमरे याजक दण्डित भएन। हम लोग बिदेसी राजा लोगन क जरिये तरवार स अउर बन्दीखाने मँ धाँधे जाइ तलक दण्डित भएन ह। उ पचे राजा हमार धन लइ गएन अउर हमका लज्जित किहन। इ स्थिति आजु भी वइसी अहइ।</verse>
				<verse number="8">“आखीर मँ अब तू हम पइ कृपालु भवा ह। तू हमरे बचा भवा लोगन क बन्धुआई स निकरि आवइ दिहा ह अउर आपन पवित्र जगह मँ पनाह दिहा ह। यहोवा, तू हम क नवा जीवन दिहा ह अउर हमरी गुलामी स अजाद किहा ह।</verse>
				<verse number="9">हाँ, हम दास रहे, मुला तू हम क सदा ही क बरे दास नाहीं रहइ देइ चाहत रहा। तू हम पइ कृपालू रहा। तू फारस क राजा लोगन क हम पइ कृपालु बनाया। तोहार मन्दिर नेस्त नाबूद होइ गवा रहा। मुला तू हम क नवी जिन्नगी दिहा जेहसे हम तोहरे मन्दिर क फुन बनाइ सकित ह अउर नवे क तरह पक्का कइ सकत हीं। ह परमेस्सर तू हम पचन्क यहूदिया अउर यरूसलेम मँ बेरा बनाइ दिहस।</verse>
				<verse number="10">“हमरे परमेस्सर, अब हम तोहसे का कहि सकित ह हम लोग तोहरी आग्या क पालन करब फुन तजि दीन्ह ह।</verse>
				<verse number="11">हमरे परमेस्सर, तू अपने सेवकन अर्थात नबियन क उपयोग किहा अउर ओन आदेसन क हम क दिहा। तू कहे रह्या, ‘जउने देस मँ तू रहइ जात अहा अउर जेका आपन बनावइ जात रह्या ह, उ देस भ्रस्ट अहइ। इ ओन बहोत बुरे कामन स भ्रस्ट भवा ह जेनका हुवाँ रहइवालन किहेन ह। ओन लोग इ देस मँ हर जगह पइ बहोत जियादा बुरे काम किहेन ह। उ पचे इ देस क अपने पापन स गंदा कइ दिहेन ह।</verse>
				<verse number="12">एह बरे इस्राएल क लोगो, अपने बच्चन क ओनके बच्चन स बियाह जिन करइ द्या। ओनके संग सम्बंध न रखा। अउर ओनकर चिजियन क लालसा न करा। मोरे आदेसन क पालन करा जेहसे तू सक्तीसाली होब्या अउर इ देस क अच्छी चिजियन क भोग करब्या। तब तू इ देस क बनाए रखब्या अउर अपने बच्चन क देब्या।’</verse>
				<verse number="13">“जउन बुरी घटनन हमरे संग घटिन उ सबइ हमार अपनी अपनी गलतियन स घटिन। हम लोग पाप क करम किहे अही अउर हम लोग बहोत अपराधी अही। मुला हमार परमेस्सर, तू हम क ओहसे बहोत, कम दण्ड दिहा ह जेतना हम मिलइ चाही। हम लोग बड़े भयानक करम किहे अही अउर हम लोगन क एहसे जियादा दण्ड मिलइ चाही। अइसा होत भए भी तू हमरे लोगन मँ स कछू क बन्धुवाई स अजाद होइ जाइ दिहा ह।</verse>
				<verse number="14">एह बरे हम जानित ह कि हम क तोहरे आदेसन क तोड़इ नाहीं चाही। हम क ओन लोगन क संग बियाह नाहीं करइ चाही। उ सबइ लोग बहोत बुरे काम करत हीं। परमेस्सर जदि हम लोग ओन बुरे लोगन क संग बियाह करत रही तउ हम जानित ह कि तू हम क नस्ट कइ देब्या। तब इस्राएल क लोगन मँ स कउनो भी जिअत नाहीं बचि पाइ।</verse>
				<verse number="15">“यहोवा, इस्राएल क परमेस्सर, तू अच्छा अहइ। अउर तू अब भी हम मँ स कछू क जिअत रहइ देब्या। हाँ, हम अपराधी अहइ। अउर अपने अपराध क कारण हम मँ कउनो क भी तोहरे समन्वा खड़े होइ नाहीं दीन्ह जाइ चाही।”</verse>
			</chapter>
			<chapter number="10">
				<verse number="1">एज्रा पराथना करत रहा अउर पापन क स्वीकार करत रहा। उ परमेस्सर क मन्दिर क समन्वा रोवर रहा अउर निहुरिके प्रणाम करत रहा। जउने समइ एज्रा इ कहत रहा उ समइ इस्राएल क लोगन क एक बड़ा समूह मेहरारू मनसेधू अउर बच्चन ओकरे चारिहुँ कइँती बटुर गएन। उ सबइ लोग भी जोर-जोर स रोवत रहेन।</verse>
				<verse number="2">तब यहीएल क पूत सकन्याह जउन एलाम क सन्तानन मँ स रहा, एज्रा स बातन किहस। सकन्याह कहेस, “हम लोग अपने परमेस्सर क भक्त नाहीं रहे। हम लोग इ भुइँया क लोग क बिदेसी मेहररूअन क संग बियाह किहा ह। मुला जदपि हम इ कइ चुके अहइ तउ भी इस्राएल क बरे आसा अहइ।</verse>
				<verse number="3">अब हम अपने परमेस्सर क समन्वा ओन सबहिं मेहररूअन अउर ओनके बच्चन क वापस पठवइ क वाचा करी। हम लोग इ एज्रा क सलाह मानइ बरे अउ ओन लोगन क सलाह मानइ क बरे करब जउन परमेस्सर क नेमन क सम्मान करत हीं। हम परमेस्सर क नेमन क पालन करब।</verse>
				<verse number="4">एज्रा खड़े हवा, इ तोहार उत्तरदायित्व अहइ, किन्तु हम तोहार समर्थन करब। एह बरे साहसी बना अउर एका करा।”</verse>
				<verse number="5">एह बरे एज्रा उठ खड़ा भवा। उ प्रमुख याजक, लेवीबंसियन अउर इस्राएल क सबहिं लोगन स जउन कछू उ कहेस, ओका करइ क प्रतिग्या कराएस।</verse>
				<verse number="6">तब एज्रा परमेस्सर क भवन क समन्वा स दूर हट गवा। जब तलक एज्रा हुवाँ रहा उ भोजन नाहीं किहस अउर न ही पानी पियस। उ इ किहस काहेकि उ तब भी बहोत दुःखी भवा। उ इस्राएल क ओन लोगन बरे दुःखी रहा जउन यरूसलेम क वापस आए रहेन।</verse>
				<verse number="7">उ पचे यहूदा अउ यरूसलेम मँ हर एक जगहिया मँ इ एलान किहेस कि सबइ यहूदी लोग जउन कि बन्धुवाई स वापस लउटे यरूसलेम मँ एक संग एकट्ठा होइ।</verse>
				<verse number="8">कउनो भी मनई जउन तीन दिन क भीतर यरुसलेमा नाहीं आई, तउ ओकर सम्पत्ति उ भुइँया मँ जबत कइ लीन्ह जाई। बड़के अधिकारियन अउर नेतन (प्रमुखन) इ निर्णय लिहन अउर उ मनई ओन लोगन क समूह क निअंबर नाहीं रहि जाई जउन कि बन्धुवाई स वापस लउटी क आएन।</verse>
				<verse number="9">एह बरे तीन दिन क भीतर यहूदा अउ बिन्यामीन के परिवार क सबहिं मनई यरूसलेम मँ एकट्ठा भएन अउर नवें महीने क बीसवें दिन सबहिं लोग मन्दिर क आँगन मँ आइ गएन। उ पचे इ बिसय क डर स अउर भारी बर्खा क कारण काँपत रहेन।</verse>
				<verse number="10">तब याजक एज्रा खड़ा भवा अउर उ ओन लोगन स कहेस, “तू लोग परमेस्सर क बरे बिस्सासी नाहीं रहेन। तू पचे बिदेसी मेहररूअन क संग बियाह किहा ह। तू पचे वइसा कइके इस्राएल क अउर जियादा अपराधी बनाया ह।</verse>
				<verse number="11">अब तू लोगन क यहोवा क समन्वा स्वीकार करब होइ कि तू पचे पाप किहा ह। यहोवा तू लोगन क पुरखन क परमेस्सर अहइ। तू पचन्क यहोवा क आदेस क पालन करइ चाही। अपने चारिहुँ ओर रहइवाले लोगन अउ अपनी बिदेसी मेहररूअन स अपने अलग करा।”</verse>
				<verse number="12">तब पूरा समूह जउन एक संग एकट्ठा रहा, एज्रा क जवाब दिहस। उ पचे ऊँची आवाज मँ कहेन: “एज्रा तू बिल्कुल ठीक कहत ह। हम क उ करइ चाही जउन तू कहत ह।</verse>
				<verse number="13">मूला हुवाँ बहोत स लोग अहइँ अउर इ बर्खा क समइ अहइ तउ हम लोग बाहेर खड़े नाहीं रहि सकित। इ समस्या एक या दुइ दिन मँ हल नाहीं होइ काहेकि हम लोग बुरी तरह पाप किहे अही।</verse>
				<verse number="14">पूरे समूह क सभा कइँती स हमरे प्रमुखन क निर्णय करइ द्या। तब निहचित समइ पइ हमरे नगरन क हर एक मनई जउन कउनो बिदेसी मेहरारू स बियाह किहेस ह, यरूसलेम आएन। ओनका अपने अग्रजन (प्रमुखन) अउर नगरन क निआव अधीसन क संग हिआँ आवइ दीन्ह जाइ। तब हमार परमेस्सर हम पइ किरोधित होब तजि देइ।”</verse>
				<verse number="15">सिरिफ थोड़े स मनई इ जोजना क बिरुद्ध रहेन। इ सबइ मनई रहेन असाहेल क पूत योनातान अउ तिकवा क पूत यहजयाह रहेन। लेवीबंसी मसुल्लाम अउ सब्बतै भी इ जोजना क बिरुद्ध रहेन।</verse>
				<verse number="16">एह बरे इस्राएल क उ सबइ लोग, जउन यरूसलेम मँ वापस आए रहेन, उ जोजना क स्वीकार करइ क सहमत होइ गएन। याजक एज्रा परिवार क प्रमुख मनईयन क चुनेस। उ हर एक परिवार स एक मनई क चुनेस। हर एक मनई नाउँ लइके चुना गवा। दसवें महीने क पहिले दिन जउन लोगन चुने गए रहेन हर एक मामले क जाँच क बरे बइठेन।</verse>
				<verse number="17">पहिले महीने क पहिले दिन तलक उ पचे ओन सबहिं मनइयन पइ बिचार करब पूरा कइ लिहन जउन विदेसी मेहररूअन स बियाह किहे रहेन।</verse>
				<verse number="18">याजकन क सन्तानन मँ इ सबइ नाउँ अहइँ जउन बिदेसी मेहररूअन स बियाह किहन: योसादाक क पूत येसू क सन्तानन, अउर येसू क भाइयन मँ स इ सबइ मनई: मासेयाह, एलीआज़र, यारीब अउर गदल्याह।</verse>
				<verse number="19">एन सबहिं अपनी-अपनी मेहररूअन स सम्बंध तोरब स्वीकार किहन अउर अपने-अपने अपराध क स्वीकार करत भए हर एक अपने रेवड़ स एक-एक भेड़ा अपराध भेंट क रूप मँ चढ़ाएस। उ पचे अइसे अपने-अपने अपराधन क कारण किहन।</verse>
				<verse number="20">इम्मेर क सन्तानन मँ स इ सबइ मनई रहेन: हनानी, अउर जबधाह।</verse>
				<verse number="21">हारीम क सन्तानन मँ स इ सबइ मनई रहेन: मासेयाह, एलीयाह, समायाह, यहीएल अउर उज्जिय्याह।</verse>
				<verse number="22">पसहूर क सन्तानन मँ स इ सबइ मनई रहेन: एल्योएनै, मासेयाह, इसमाएल, नतनेल, योजाबाद अउर एलासा।</verse>
				<verse number="23">लेवीबंसियन मँ स एन मनइयन बिदेसी मेहररूअन स बियाह किहस: योजाबाद, सिमी, केलायाह (एका कलीता भी कहा जात)। ह पतहवाह, यहूदा अउर एलीआज़र।</verse>
				<verse number="24">गायकन मँ सिरिफ इ मनई अहइ, जउन बिदेसी मेहरारू स बियाह किहस: एल्यासीब, दुआरपालन मँ स इ सबइ लोग अहइँ जउन बिदेसी मेहररूअन स बियाह किहस: सल्लूम, तेलेम अउर ऊरी।</verse>
				<verse number="25">इस्राएल क लोगन मँ स इ सबइ लोग अहइँ जउन बिदेसी मेहररूअन स बियाह किहन: परोस क सन्तानन स इ सबइ मनई: रम्याह, यिज्जियाह, मल्किय्याह, मियामीन, एलीआजर, मल्किय्याह अउर बनायाह।</verse>
				<verse number="26">एलाम क सन्तानन मँ स इ सबइ मनई: मत्तन्याह, जकर्याह, यहीएल, अब्दी, यरेमोत अउर एलीयाह।</verse>
				<verse number="27">जत्तू क सन्तानन मँ स इ सबइ मनई एल्योएनै, एल्यासीब, मत्तन्याह, यरेमोत, जाबाद अउर अजीज़ा।</verse>
				<verse number="28">बेबै क सन्तानन मँ स इ सबइ मनई: यहोहानान, हनन्याह, जब्बै, अउर अतलै।</verse>
				<verse number="29">बानी क सन्तानन मँ स इ सबइ मनई: मसुल्लाम, मल्लूक, अदायाह, यासूब, साल अउर यरामोत।</verse>
				<verse number="30">पहतमोआब क सन्तानन मँ स इ सबइ मनई: अदना, कलाल, बनायाह, मासेयाह, मत्तन्याह, बसलेल, बिन्नूई अउर मनस्से।</verse>
				<verse number="31">हारीम क सन्तानन मँ स इ सबइ मनई: एलीआज़र, यिस्सिय्याह, मल्कियाह, समायाह, सिमोन,</verse>
				<verse number="32">बिन्यामीन, मल्लूक अउर समर्याह।</verse>
				<verse number="33">हासूम क सन्तानन मँ स इ सबइ मनई: मत्तनै, मत्तत्ता, जाबाद, एलीपेलेत, यरेमै, मनस्से अउर सिमी।</verse>
				<verse number="34">बानी क सन्तानन मँ स इ सबइ मनई: मादै, अम्राम, ऊएल,</verse>
				<verse number="35">बनायाह, बेदयाह, कलूही,</verse>
				<verse number="36">बन्याह, मरेमोत, एल्यासीब,</verse>
				<verse number="37">मत्तन्याह, गत्तनै, यासू,</verse>
				<verse number="38">बिन्नूई क सन्तानन मँ स इ सबइ मनई: सिमी,</verse>
				<verse number="39">सेलेम्याह, नातान, अदायाह,</verse>
				<verse number="40">मक्नदबै, सासै, सारै,</verse>
				<verse number="41">अजरेल, सेलेम्याह, सेमर्याह,</verse>
				<verse number="42">सल्लूम, अमर्याह, अउर योसेफ।</verse>
				<verse number="43">नबो क सन्तानन मँ स इ सबइ मनई: यीएल, मत्तित्याह, जाबाद, जबीना, यद्दो, योएल अउर बनायाह।</verse>
				<verse number="44">एन सबहिं लोग बिदेसी मेहररूअन स बियाह किहे रहेन अउर एनमाँ स कछू क एन मेहररूअन मँ स बच्चे भी रहेन।</verse>
			</chapter>
		</book>
		<book number="16">
			<chapter number="1">
				<verse number="1">इ सबइ हकल्याह क पूत नहेमायाह क बचन अहइँ: मइँ, नहेमायाह, किसलवे नाउँ क महीने मँ सूसन नाउँ क राजधानी नगरी मँ रहेउँ। इ उ समई रहा जब अर्तछत्र नाउँ क राजा क राज क बीसवाँ बरिस चलत रहा।</verse>
				<verse number="2">मइँ जब अबहिं सूसन मँ रहेउँ तउ हनानी नाउँ क मोर एक भाई अउर कछू दूसर लोग यहूदा स हुवाँ आएन। मइँ ओनसे हुवाँ रह रहे यहूदियन क बारे मँ पूछेउँ। इ सबइ उ सब लोग रहेन जउन बन्धुआई स बच निकरे रहेन अउर अबहिं तलक यहूदा मँ रहत रहेन। मइँ ओनसे यरूसलेम नगरी क बारे मँ भी पूछे रहेउँ।</verse>
				<verse number="3">हनानी अउ ओकरे संग क लोग बताएन, “हे नहेमायाह, उ सबइ यहूदी जउन बंधुआई स बच निकरे रहेन अउर जउन यहूदा मँ रहत अहइँ, गहन बिपत्ति मँ प़ड़ा अहइँ। ओन लोगन क समन्वा बहोत स समस्या अहइँ अउर उ पचे बड़े लज्जित होत अहइँ। काहेकि यरूसलेम क नगर परकोटा ढह गवा अहइ अउर ओकर प्रवेस दुआर आगी स जरिके राखी होइ गए अहइँ।”</verse>
				<verse number="4">मइँ जब यरूसलेम क लोगन अउर नगर परकोटन क बारे मँ उ सबइ बातन सुनेउँ तउ मइँ बहोत बियाकुल होइ उठेउँ। मइँ बइठ गएउँ अउर रोइ उठेउँ। मइँ बहुत दिना तलक विलाप करत रहउँ। बहोत दिना तलक मइँ सरग क परमेस्सर स पराथना करत भए उपवास करत रहेउँ।</verse>
				<verse number="5">एकरे पाछे मइँ इ पराथना किहेउँ: “हे यहोवा, हे सरग क परमेस्सर, तू महान अहा अउर तू सक्तीसाली परमेस्सर अहा जउन ओन लोगन क संग अपने पिरेम क वाचा क पालन करत ह जउन तोहसे पिरेम करत हीं अउर तोहरे आदेसन पइ चलत ही।</verse>
				<verse number="6">“आपन आँखिन अउ अपने कान खोला। कृपा कइके तोहरे समन्वा तोहार सेवक राति दिन जउन पराथना करत रहत ह, ओह पइ कान द्या। मइँ तोहार सेवक, इस्राएल क लोगन क बरे बिनती करत हउँ। मइँ ओन पापन क स्वीकार करत हउँ जेनका हम इस्राएल क लोग तोहरे खिलाफ किहन ह। अउर मइँ इ भी स्वीकार करत हउँ कि मइँ तोहरे खिलाफ पाप किहेउँ ह, अउर इ भी कि मोरे बाप क परिवार क दूसरे लोग तोहरे खिलाफ पाप किहेन ह।</verse>
				<verse number="7">हम इस्राएल क लोग तोहरे बरे बहोत बुरे रहेन ह। हम तोहरे ओन आदेसन अउ नेमन क पालन नाहीं किहे अही जेनका तू अपने सेवक मूसा क दिहे रह्या।</verse>
				<verse number="8">“तू अपने सेवक मूसा क जउन सिच्छा दिहे रह्या, कृपा कइके ओका याद करा। तू ओहसे कहे रह्या, ‘जदि इस्राएल क लोग आपन बिस्सास नाहीं बनाए रख्या तउ मइँ तोहका तितर-बितर कइके दूसर देसन मँ फइलाइ देब।</verse>
				<verse number="9">मुला जदि इस्राएल क लोग मोरी कइँती लउटइँ अउर मोरे आदेसन पइ चलइँ, तउ मइँ अइसा करब: मइँ तोहरे ओन लोगन क, जेनका अपने घरन क छोड़इ बरे अउर धरती क दूसरे छोरन तलक निर्वासन होइ बरे मज़बूर कीन्ह ग रहेन बटोरब अउर ओन जगह स उ जगह पइ वापस लइ आउब मइँ जउने जगह क आपन नाउँ स्थापित करइ बरे चुनेउँ ह।’</verse>
				<verse number="10">“इस्राएल क लोग तोहार सेवक अहइँ अउर उ पचे तोहरे ही लोग अहइँ। तू अपनी महासक्ती दुआरा ओन लोगन क बचाएस ह अउर ओका सुरच्छित जगह पइ लइ आवा ह।</verse>
				<verse number="11">एह बरे हे यहोवा, कृपा कइके अब मोर बिनती सुना। मइँ तोहार सेवक अहउँ अउर कृपा कइके अपने सेवकन क बिनती पइ कान द्या जउन तोहरे नाउँ क मान देइ चाहत ही। जब मइँ राजा स सहारा माँगब तब तू मोर सहायता करा। मोका सफल बनावा। मोका सहायता द्या ताकि मइँ राजा क बरे प्रसन्नतादायक बना रहउँ।” तब मइँ राजा क दाखरस सेवक रहा।</verse>
			</chapter>
			<chapter number="2">
				<verse number="1">राजा अर्तछत्र क बीसवें बरिस क नीसान नाउँ क महीने मँ, रात्री-भोज क समइ मँ दाखरस राजा क परोसइ बरे रखा भवा रहा। मइँ उ दाखरस क लिहेस अउर राजा क दइ दिहेस। मइँ जब पहिले राजा क संग रहा तउ मइँ कभी भी दुःखी नाहीं भवा रहा किन्तु अब मइँ उदास रहेउँ।</verse>
				<verse number="2">एह पइ राजा मोहसे पूछेस, “का तू बीमार अहा? तू उदास काहे देखाई देत अहा? मोर विचार अहइ तोहार मन दुख स भरा अहइ।” एहसे मइँ बहोत जियादा डर गएउँ।</verse>
				<verse number="3">मुला जदपि मइँ डर गवा रहेउँ किन्तु फुन भी मइँ राजा स कहेउँ, “राजा जिअत रहइँ। मइँ एह बरे उदास हउँ कि उ नगर जेहमाँ मोर पुरखन दफनाए गए रहेन उजा़ड़ प़ड़ा ह अउ उ नगर क प्रवेस दुआर आगी स भसम होइ गएन ह।”</verse>
				<verse number="4">फुन राजा मोहसे कहेस, “एकरे बरे तू मोहसे का करवावइ चाहत ह?” एहसे पहिले कि मइँ जवाब देतेउँ, मइँ सरग क परमेस्सर स बिनती किहेउँ।</verse>
				<verse number="5">फुन मइँ राजा क जवाब देत भए कहेउँ, “जदि इ राजा क भावइ अउर जदि मइँ राजा क बरे सच्चा रहउँ तउ यहूदा क नगर यरूसलेम मँ मोका पठइ दीन्ह जाइ जहाँ पुरखन दफनाए भए अहइँ। मइँ हुवाँ जाइके उ नगर क फुन स बसावइ चाहत हउँ।”</verse>
				<verse number="6">रानी राजा क बराबर बइठी भइ रही, तउ राजा अउर रानी मोहसे पूछेस, “तोहार इ जात्रा मँ केतने दिन लगिही? हिआँ तू कब तलक लउट अउब्या?” राजा मोका पठवइ बरे रानी होइ गवा। तउ मइँ ओका एक निहचित समइ दइ दिहेउँ।</verse>
				<verse number="7">मइँ इ राजा स इ भी कहेउँ, “जदि राजा क मोरे बरे कछू करइ मँ खुसी होइ तउ मोका इ माँगइ क अनुमति दीन्ह जाइ। कृपा कइके परात नदी क पच्छिम छेत्र क राज्जपालन क देखावइ क बरे कछू पत्र दीन्ह जाइँ। इ सबइ पत्र मोका एह बरे चाही ताकि उ पचे राज्जपाल यहूदा जात भए मोका अपने-अपने इलाकन स सुरच्छापूर्वक निकरइ देइँ।</verse>
				<verse number="8">मोका दुआरन, देवारन, मन्दिरन क चारिहुँ कइँती क प्राचीरन अउ अपने घरे क बरे काठे क भी जरूरत अहइ। एह बरे मोका आप स आसाप क नाउँ भी एक पत्र चाही। आसाप आपके जंगलात क हाकिम अहइ।” तउ राजा मोका पत्र अउर उ हर चीज दइ दिहस जउन मइँ माँगे रहेउँ। काहेकि परमेस्सर मोरे बरे दयालु रहा एह बरे राजा इ सब कइ दिहे रहा।</verse>
				<verse number="9">इ तरह मइँ परात नदी क पच्छिमी पहँटा क राज्जपालन क लगे गएउँ अउर ओनका राजा क जरिये दीन्ह गए पत्र देखाएउँ। राजा फउज क अधिकारी अउ घु़ड़सवार फउजी मोरे संग कइ दीन्ह रहेन।</verse>
				<verse number="10">सम्बल्लत अउर तोबियाह नाउँ क दुइ मनइयन मोरे कामन क बारे मँ सुनेन। उ पचे इ सुनिके बहोत बेचैन अउर किरोधित भएन कि कउनो इस्राएल क लोगन क मदद बरे आवा ह। सम्बल्लत होरोन क निवासी रहा अउर तोबियाह अम्मोनी क अधिकारी रहा।</verse>
				<verse number="11">मइँ यरूसलेम पहोंचेउँ अउर हुवाँ तीन दिन तलक ठहरेउँ</verse>
				<verse number="12">अउर कछू लोगन क संग लइके मइँ राति मँ बाहेर निकरि पड़ेउँ। परमेस्सर यरूसलेम क बरे करइ क जउन बात मोरे मने मँ बसाइ दिहे रहा ओकरे बारे मँ मइँ कउनो क कछू भी नाहीं बताए रहेउँ। उ घो़ड़ा क सिवा, जेह पइ मइँ सवार रहेउँ, मोरे संग अउर कउनो घो़ड़न नाहीं रहेन।</verse>
				<verse number="13">अबहि जब अँधेरा ही रहा तउ मइँ तराई दुआर स होइके गुजरेउँ। अजगर क कुएँ क तरफ मइँ आपन घो़ड़ा मो़ड़ दिहेउँ अउर मइँ उ दुआर पइ भी घो़ड़े क लइ गएउँ, जउन कूड़ा फाटक कइँती खुलत रहा। मइँ यरूसलेम क उ देवार क निरीच्छण करत रहेउँ जउन टूटिके ढह चुका रहा अउर ओकर फाटकन जउन कि आगि दुआरा तबाह कीन्ह गए रहेन।</verse>
				<verse number="14">एकरे पाछे मइँ सोते क फाटक कइँती अपने घो़ड़े क लइ गएउँ अउर फुन राजसरोवर क लगे जाइ निकरेउँ। किन्तु जब मइँ निअरे पहोंचेउँ तउ मइँ लखेउँ कि हुवाँ मोरे घो़ड़े क निकरइ बरे काफी जगह नाहीं अहइ।</verse>
				<verse number="15">एह बरे अँधियारा मँ ही मइँ देवार क निरीच्छण करत भए घाटी कइँती ऊपर निकरि गवा अउर आखीर मँ मइँ लउट पड़ा अउर तराई क फाटक स होत भवा भीतर आइ गवा।</verse>
				<verse number="16">ओन अधिकारियन अउर इस्राएल क महत्वपूर्ण लोगन क इ पता नाहीं चला कि मइँ कहाँ गवा रहेउँ। उ पचे इ नाहीं जान पाएन कि मइँ का करत रहेउँ। मइँ यहूदी लोग, याजकन, राजा क परिवार, अधिकारियन अउर ओन लोगन क जउन हुवाँ काम करब रहा, अबहि कछू भी नाहीं बताए रहा।</verse>
				<verse number="17">एकरे पाछे मइँ ओन सबहिं लोगन स कहेउँ, “हिआँ हम जउने विपत्तियन मँ पड़े अहइँ, तू ओनका लखि सकत ह। यरूसलेम खण्डहरन क ढेर बना भवा ह अउर एकर दुआर आगी स जरि चुके अहइँ। आवा, हम यरूसलेम क देवार क फुन स निर्माण करी। एहसे हम क भविस्स मँ फुन कबहुँ लज्जित नाहीं रहइ पड़ी।”</verse>
				<verse number="18">मइँ ओन लोगन क इ भी कहेउँ कि मोह पइ परमेस्सर क कृपा अहइ। राजा मोहसे जउन कछू कहे रहा, ओका मइँ उ सबइ बातन बताएउँ। एह पइ ओन लोग जवाब देत भए कहेन, “आवा, अब हम काम करब सुरू करी।” तउ उ पचे उत्तिम कार्य क करब सुरू कइ दिहन।</verse>
				<verse number="19">मुला होरोन क सम्बल्लत अम्मोनी क अधिकारी तोबियाह अउर अरब क गेसेम जब इ सुनेन कि फुन स निर्माण करत अहइँ तउ उ पचे बहोत भद्दे ढंग स हमार मजाक उड़ाएन अउर हमार अपमान किहन। उ पचे बोलेन, “इ तू का करत अहा? का तू राजा क विरोध मँ होत रहे अहा?”</verse>
				<verse number="20">मुला मइँ तउ ओन लोगन स बस एतना ही कहेउँ, “हम क सफल होइ मँ सरग क परमेस्सर हमार मदद करी। हम परमेस्सर क सेवक अही अउर हम इ नगर क फुन स निर्माण करब। इ काम मँ तू हमार मदद नाहीं कइ सकत्या। हिआँ यरूसलेम मँ तोहार कउनो भी पुरखा पहिले कबहुँ भी नाहीं रहा। इ धरती क कउनो भी भाग तोहार नाहीं अहइ। इ जगह मँ बने रहइ क तोहका कउनो अधिकार नाहीं अहइ।”</verse>
			</chapter>
			<chapter number="3">
				<verse number="1">हुवाँ क महायाजक क नाउँ रहा एल्यासीब। एल्यासीब अउ ओकर याजक भाईयन निर्माण क काम करइ बरे गएन अउर उ पचे भे़ड़ दुआर क निर्माण किहन। उ पचे दुआर क यहोवा क समर्पित किहेस। उ पचे दुआर क दरवाजन क देवारे मँ लगाएन। ओन याजकन यरूसलेम क देवार पइ काम करत भए हम्मेआ क गुम्बद अउ हननेल क गुम्बद तलक ओकर निर्माण किहन। उ पचे आपन काम क यहोवा बरे समर्पित किहेन।</verse>
				<verse number="2">याजकन क जरिये बनाए गए परकोटन स आगे क देवार क यरीहो क लोगन बनाएन अउर फुन यरीहो क लोगन क जरिये बनाए गए परकोटन क आगे क देवार क निर्माण इम्री क पूत जक्कूर किहस।</verse>
				<verse number="3">तउ हस्सना क पूतन मछरी दरवाजे क निर्माण किहन। उ पचे एकर सहतीर रखेन अउर एकर दरवाजे, चिठकनियन अउर छड़न लगाएन।</verse>
				<verse number="4">उरियाह क पूत मरेमोत देवार क अगवा क हींसा क मरम्मत किहस। उरियाह हक्कोस क पूत रहा। बरेक्याह क पूत मसूल्लाम देवार क ओहसे आगे क हींसा क मरम्मत किहस। (बरेक्याह मसेजबेल क पूत रहा।) बाना क पूत सादोक एहसे आगे क देवार क मरम्मत किहस।</verse>
				<verse number="5">देवार क आगे क हीसा तकोई लोगन क जरिये सुद़ृढ कीन्ह गवा किन्तु तकोई क मुखिया लोगन अपने सुआमी नहेमायाह क देखरेख मँ काम करइ स मना कइ दिहस।</verse>
				<verse number="6">पासेह क पूत योयादा, अउर बसोदायाह क पूत मसुल्लाम पुराने दरवाजे क मरम्मत किहस। उ पचे सहतीरन क बइठाएन। उ पचे कब्जन पइ जो़ड़ियन चढ़ाएन अउर फुन दरवाजे पइ तालन लगाएन अउर चिठकनियन जड़ेन।</verse>
				<verse number="7">गीबोन स मलत्याह, मेरनोत स यादोन, गिबोनी लोगन, अउर मिस्पा मँ रहइवालन लोगन एकरे आगे क देवार क मरम्मत किहेन। इ सबइ लोग इफ्रात नदी क पच्छिमी पहँटा छेत्र क राज्जपालन दुआरा सासन कीन्ह जात रहा।</verse>
				<verse number="8">देवार क अगले हीसा क मरम्मत हर्हयाह क पूत उजीएल किहस। हर्हयाह क पूत उजीएल एक सोनार रहा। एहसे आगे क देवार क मरम्मत हनन्याह सुगन्ध बनावइवालन किहेन। एन लोग यरूसलेम क देवार क चउड़ी देवार तलक मरम्मत कइके ओकर बनाएस।</verse>
				<verse number="9">एहसे आगे क देवार क मरम्मत हूर क पूत रपायाह किहस। रपायाह आधे यरूसलेम क प्रसासक रहा।</verse>
				<verse number="10">देवार क दूसर हीसा हरूपम क पूत यदायाह बनाएस। यदायाह अपने घर क ठीक पाछे क देवार क मरम्मत किहस। एकरे पाछे क हीसे क मरम्मत क काम हसब्नयाह क पूत हत्तूस किहस।</verse>
				<verse number="11">हारीम क पूत मल्कियाह अउर पहत्मोआब क पूत हस्सूब देवार क अगले एक दूसरे हीसे क मरम्मत किहस। एन ही लोग भट्टन क मीनारन क मरम्मत भी किहन।</verse>
				<verse number="12">सल्लूम जउन हल्लोहेस क पूत रहा, उ देवार क अगले हीसे क बनाएस। इ काम मँ ओकर बिटियन भी ओकर मदद किहन। सल्लूम यरूसलेम क दूसर आधे हीसे क राज्जपाल रहा।</verse>
				<verse number="13">हानून नाउँ क एक मनई अउर जानोह नगर क निवासियन तराई फाटक क मरम्मत किहन। ओन ही लोग तराई फाटक क निर्माण किहन। उ पचे कब्जन पइ जो़ड़ियन चढ़ाएन अउर फुन दरवाजन पइ तालन लगाएन अउर मेखन जड़ेन। उ पचे पाँच सौ गज लम्बी देवार क मरम्मत किहन। उ पचे वुरड़ी दरवाजन तलक इ देवार क निर्माण किहन।</verse>
				<verse number="14">रेकाब क पूत मल्कियाह वुरड़ी दरवाजे क मरम्मत किहस। मल्कियाह बेथक्केरेम जिले क हाकिम रहा। उ दरवाजन क मरम्मत किहस, कब्जन पइ जो़ड़ियन चढ़ाएन अउर फुन दरवाजन पइ तालन लगवाइके मेखन जड़ेन।</verse>
				<verse number="15">कोल्होजे क पूत सल्लूम स्रोत दुआर क मरम्मत किहस। सल्लूम मिस्पा कस्बे क राज्जपाल रहा उ उ दरवाजन क लगवाएस अउर ओकरे ऊपर एक ठु छत डरवाएस। कब्जन पइ जोड़ियन चढ़ाएस अउर फुन दरवाजन पइ तालन लगवाइके मेखन जड़ेस। सल्लूम सेलह क तलाव क देवार क मरम्मत भी करवाएस। इ तलाब राजा क बगीचे क लगे ही रहा। दाऊद क नगरी क उतरइवाली सीढ़ियन तलक समूची देवार क भी उ मरम्मत करवाएस।</verse>
				<verse number="16">अजबूक क पूत नहेमायाह अगले हीसे क मरम्मत करवाएस। इ नहेमायाह बेतसूर नाउँ क जिले क आधे हीसे क राज्जपाल रहा। उ जगह तलक भी मरम्मत करवाएस जउन दाऊद क कब्रिस्तान क समन्वा पडत रहा। आदमियन क बनाए भए तलाव तलक, अउर बीरन क निवास नाउँ क जगह तलक भी उ मरम्मत क इ कार्य करवाएस।</verse>
				<verse number="17">लेवीबंसी परिवार समूह क लोग देवार क अगले हीसे क मरम्मत किहस। लेवीबंस क एन लोग बानी क पूत रहूम क देखरेख मँ काम किहस। अगले हीसे क मरम्मत हसब्याह किसह। हसब्याह कीला नाउँ क कस्बे क आधे हीसा क प्रसासक रहा। उ अपने जिले क कइँती स मरम्मत क इ काम करवाएस।</verse>
				<verse number="18">अगले हीसे क मरम्मत ओनके भाइयन किहन। उ पचे हेनादाद क पूत बव्वै क अधीनता मँ काम किहस। बव्वै कीला कस्बे क आधे हीसे क प्रसासक रहा।</verse>
				<verse number="19">एहसे अगले हीसे क मरम्मत क काम येसु क पूत एज़ेर किहस। एज़ेर मिस्पा क राज्जपाल रहा। उ सस्त्रागार स लइके परकोट क देवार क कोने तलक मरम्मत क काम किहस।</verse>
				<verse number="20">एकरे पाछे बारूक क पूत जब्बै ओहसे अगले हीसे क मरम्मत किहस। उ उ कोने स लइके एल्यासीब क घरे क दुआर तलक देवार क इ हीसे क बड़ी मेहनत स मरम्मत किहस। एल्यासीब महायाजक रहा।</verse>
				<verse number="21">उरियाह क पूत मरेमोत एहसे आगे क देवार क एल्यासीब क घरे क दरवाजे स लइके ओकरे घर क आखीर तलक मरम्मत किहेन। उरियाह हक्कोस क पूत रहा।</verse>
				<verse number="22">एकरे पाछे क देवार क हींसे क मरम्मत क काम ओन याजकन क जरिये कीन्ह गवा जउन उ इलाके मँ रहत रहेन।</verse>
				<verse number="23">फुन बिन्यामीन अउ हस्सूब अपने घरन क आगे क नगर देवार क हीसंन क मरम्मत किहन। ओकरे घर क बाद क देवार मासेयाह क पूत अजर्याह किहेन। मासेयाह अन्नयाह क पूत रहा।</verse>
				<verse number="24">फुन हेनादाद क पूत बिन्नूई अजर्याह क घरे स लइके देवार क मोड अउ फुन कोने तलक क हींसे क मरम्मत किहेस।</verse>
				<verse number="25">एकरे पाछे ऊजै क पूत पालाल देवार क उ मोड स लइके बुर्ज तलक क देवार क मरम्मत क बरे काम किहस। इ मीनार राजा क ऊपरी भवन पइ रही। इ राजा क पहरेदारन क आँगन क लगे ही रहा। पालाल क पाछे परोस क पूत पदायाह इ काम क अपने हाथन मँ लिहस।</verse>
				<verse number="26">मन्दिर क जउन सेवक ओपेल पहाड़ी पइ रहा करत रहेन उ पचे देवार क अगले हींसे क जल दुआर क पूर्ब कइँती अउर ओकरे निअरे क गुम्बद तलक क मरम्मत क काम किहन।</verse>
				<verse number="27">बिसाल गुम्बद स लइके ओपेल क पहाड़ी स लगी देवार तलक क समूचे हीसे क मरम्मत क काम तकोई क लोगन पूरा किहन।</verse>
				<verse number="28">अस्व दुआर क ऊपरी हींसे क मरम्मत क काम याजकन किहस। हर याजक अपने घर क आगे क देवार क मरम्मत किहस।</verse>
				<verse number="29">इम्मेर क पूत सादोक अपने घरे क समन्वा क हीसे क मरम्मत किहस। ओहसे आगे क हींसा क देवार क मरम्मत सकन्याह क पूत समयाह किहस। समयाह पूर्बी फाटक क दुआरपाल रहा।</verse>
				<verse number="30">देवार क बचे भए हीसे क मरम्मत क काम सेलेम्याह क पूत हनन्याह अउर सालाप क पूत हानून पूरा किहस। (हानून सालाप क छठवाँ पूत रहा।) बेरेक्याह क पूत मसुल्लाम अपने कार्यालय क आगे क देवार क मरम्मत किहस।</verse>
				<verse number="31">फुन सोनार मल्कियाह मन्दिर क सेवकन क घरन अउर बइपारियन क घरन तलक क देवार क मरम्मत किहस। यानी निरीच्छण दुआर क सामने स देवार क कोने क ऊपरी कच्छ तलक क हीसे क मरम्मत मल्कियाह किहस।</verse>
				<verse number="32">कोने क ऊपरी कमरे स भेड़ दुआर तलक क बीच क देवार क समूचा हींसा सोनारन अउ बइपारियन ठीक किहन।</verse>
			</chapter>
			<chapter number="4">
				<verse number="1">जब सम्बल्लत सुनेस कि हम लोग यरूसलेम क नगर देवार क पुनःनिर्माण करत अही, तउ उ बहोत किरोधित अउ बियाकुल होइ उठा। उ यहूदियन क हँसी उड़ावइ लाग।</verse>
				<verse number="2">सम्बल्लत अपने मीतन अउर फउज स सोमरोन मँ इ बिसय क लइके बातचीत किहस। उ कहेस, “इ सबइ सक्तिहीन यहूदी का करत अहइँ? ओनकर बिचार का अहइ? का उ पचे आपन बलियन चढ़ाइ पइही? साइद उ पचे अइसा सोचत ही कि उ पचे एक दिन मँ ही इ निर्माण कार्य क पूरा कइ लेइही। धूर माटी क इ ढेर मँ स उ पचे पाथरन क उठाइके फुन स नवी जिन्नगी नाहीं दइ पइही। इ सबइ तउ अब राखी अउ माटी क ढेर बन चुका अहइँ।”</verse>
				<verse number="3">अम्मोन क निवासी तोबियाह सम्बल्लत क संग रहा। तोबियाह बोला, “इ सबइ यहूदी जउन निर्माण करत रहे ओकरे बारे मँ इ सबइ का सोचत ही? जदि कउनो नान्ह स लोखरी भी उ देवार पइ चढ जाइ तउ ओनकर उ पाथरन क देवार ढह जाइ।”</verse>
				<verse number="4">तब नहेमायाह परमेस्सर स पराथना किहस अउर उ बोला, “हे हमरे परमेस्सर, हमरी बिनती सुना। उ सबइ लोग हम स घिना करत ही। सम्बल्लत अउ तोबियाह हमार अपमान करत हीं। एन बुरी बातन क तू ओन ही क संग घटाइ द्या। ओनका ओन मनइयन क नाई लज्जित कइके जेनका बन्दी क रूप मँ लइ जावा जात रहा होइ।</verse>
				<verse number="5">ओनकर उ अपराध क दूर जिन करा अथवा ओनके ओन पापन क छिमा जिन करा जेनका उ पचे तोहरे लखत किहन ह। उ पचे देवार क बनावइ बालन क अपमान किहन ह अउर ओनकर हिम्मत तोड़ेन ह।”</verse>
				<verse number="6">हम यरूसलेम क देवार क पुन: निर्माण किहा ह। हम नगर क चारिहुँ कइँती देवार बनावा ह। मुला ओका जेतना ऊँच होइ चाही, उ ओहसे आधी ही रहि गइ ह। हम इ एह बरे कइ पाए कि हमार लोग अपने समूचे मन स इ कार्य क किहा।</verse>
				<verse number="7">किन्तु सम्बल्लत, तोबियाह, अरब क लोगो, अम्मोन क निवासियो अउर असदोद क रहइवाले लोगन क उ समइ बहोत किरोध आवा। जब उ पचे इ सुनेन कि यरूसलेम क देवार पइ लोग निरंतर काम करत अहइँ। उ पचे सुने रहेन कि लोग देवार क टूटा भवा भाग क भरत अहइँ।</verse>
				<verse number="8">तउ उ पचे सबहिं लोग आपुस मँ बटुरेन अउर उ पचे यरूसलेम क खिलाफ जोजनन बनाएन। उ पचे यरूसलेम क खिलाफ गड़बड़ी पइदा करइ क सडयन्त्र रचेस। उ पचे इ जोजना भी बनाएन कि नगर क ऊपर चढाई कइके जुद्ध कीन्ह जाइ।</verse>
				<verse number="9">मुला हम अपने परमेस्सर स बिनती किहस अउर नगर देवार क देवारन पइ हम पहरेदार बइठाए दिहन ताकि उ पचे हीआँ दिन-रात रखवारी करइँ जेहसे हम ओन लोगन क मुकाबला करइ क बरे तुरन्त तइयार रहइँ।</verse>
				<verse number="10">उधर उहइ समइ यहूदा क लोग कहेन, “कारीगर लोग थकत जात अहइँ। हुवाँ बहोत स कचरा पड़ा अहइ। तउ हम अब देवार पइ निर्माण कार्य करत नाहीं रहि सकित।</verse>
				<verse number="11">अउर हमार दुस्मन कहत अहइँ, ‘एहसे पहिले कि यहूदियन क एकर पता चलइ या उ पचे हम क लखि लेइँ, हम ठीक ओनके बीच पहोंच जाब। हम ओनका मार डाउब जेहसे ओनकर काम रुक जाइ।’”</verse>
				<verse number="12">एकरे पाछे हमरे दुस्मनन क बीच रह रहे यहूदी हमरे लगे आवइँ अउर उ पचे हम स दस दाईँ इ कहेन, “हमरे चारिहुँ कइँती हमार दुस्मन अहइँ, हम जिधर भी मुड़ी, हर कहूँ हमार दुस्मन फइले अहइँ।”</verse>
				<verse number="13">तउ मइँ देवार क देवार क संग-संग जउन जगह सब स खाले पड़त रहिन, ओनके पाछे कछू लोगन क नियुक्त कइ दिहेउँ अउर मइँ देवार मँ जउन नाके पडत रहेन, ओन पइ भी लोगन क लगाइ दिहेउँ। मइँ समूची देवारन क ओनकर तरवारन, भालन अउर धनुस बागन क संग हुवाँ लगाइ दिहेउँ।</verse>
				<verse number="14">मइँ सारी स्थिति क अंजाद लिहेउँ अउर फुन खड़े होइके महत्त्वपूर्ण परिवारन, हाकिमन अउ दूसरे लोगन स कहेउँ, “हमरे दुस्मनन स डेराअ जिन। हमरे सुआमी क याद राखा। यहोवा महान अहइ अउ सक्तीसाली अहइ। तू पचन्क अपने भाइयन, अपने पूतन अउ अपनी बिटियन क बरे इ लडाई लडब ही अहइ। तू पचन्क अपनी मेहररूअन अउ अपने घरन क बरे जुद्ध करब ही होइ।”</verse>
				<verse number="15">एकरे पाछे हमरे दुस्मनन क कान मँ इ भनक पड गइ कि हम क ओनकी जोजनन क पता चल चुका ह। उ पचे जान गएन कि परमेस्सर ओनकी जोजनन पइ पानी फेर दिहस। एह बरे हम सबहिं नगर देवार क देवार पइ काम करइ क वापस लउटि गए। हर मनई फुन अपने जगह पइ वापस चला गवा अउर अपने हींसे क काम करइ लाग।</verse>
				<verse number="16">उ दिन क पाछे स मोरे आधे लोग देवार पइ काम करइ लागेन अउर मोर आधे लोग भालन, ढारन, तीरन अउर कवचन स सुसज्जित होइके पहरा देत रहे। यहूदा क ओन लोगन क पाछे जउन नगर देवार क देवार क निर्माण करत रहेन, फउज क अधिकारी खड़े रहत रहेन।</verse>
				<verse number="17">सामान ढोवइवाले मजदूर एक हाथ स काम करतेन तउ ओनके दूसर हाथे मँ हथियार रखत रहेन।</verse>
				<verse number="18">हर कारीगर क बगल मँ जब उ काम करत भवा होत, तरवार बँधी रहत रही। लोगन क सावधान करइ बरे तुरही बजावइवाला मनई मोरे लगे ही रहत।</verse>
				<verse number="19">फुन प्रमुख हथियारन, हाकिमन अउर बाकी दूसरे लोगन क सम्बोधित करत भए मइँ कहेउँ, “इ बहोत बड़ा काम अहइ। हम देवार क सहारे सहारे फइले भए अही। हर एक दूसरे स दूर पड गए अही।</verse>
				<verse number="20">तउ जदि तू तुरही क अवाज सुना, तउ उ निर्धारित जगह पइ भाग आवा हुँवइ हम सब बटुरब अउर हमरे बरे परमेस्सर जुद्ध करी।”</verse>
				<verse number="21">इ तरह हम यरूसलेम क उ देवार पइ काम करत रहे अउर हमरे आधे लोग भाले थामे रहे। हम भिंसारे क पहली किरण स लइके रात मँ तारे छिटकइ तलक काम किया करत रहे।</verse>
				<verse number="22">उ अवसर पइ लोगन स मइँ इ भी कहे रहेउँ: “रात क समइ हर मनई अउर ओकर सेवक यरूसलेम क भीतर ही ठहरइ ताकि राति क समइ मँ उ पचे पहरेदार रहइँ अउर दिन क समइ कारीगर।”</verse>
				<verse number="23">इ प्रकार हम मँ स कउनो भी कबहुँ अपने ओढ़ने नाहीं उतारत रहा न मइँ, न मेरे साथी, न मेरे लोग अउर न पहरेदार। हर समइ हम मँ स हर एक मनई अपने दाहिने हाथ मँ हथियार तइयार रखा करत रहा।</verse>
			</chapter>
			<chapter number="5">
				<verse number="1">बहोत स गरीब लोग अपने यहूदी भाइयन क खिलाफ सिकाइत करइ लगे रहेन।</verse>
				<verse number="2">ओनमाँ स कछू कहा करत रहेन, “हमरे बहोत स बच्चन अहइँ। जदि हम क खइया क खाब अहइ अउर जिअत रहब अहइ तउ हम क थोड़ा अनाज तउ मिलइ ही चाही।”</verse>
				<verse number="3">दूसर लोगन क कहब अहइ, “इ समइ अकाल पड़त अहइ। हम क अपने खेत अउ घर गिरवी रखइ पड़त अहइँ ताकि हम क थोड़ा अनाज मिलि सकइ।”</verse>
				<verse number="4">कछू लोग इ भी कहत रहेन, “हम क अपने खेतन अउर अँगूर क बगीचन पइ राजा क कर चुकावइ पड़त ह मुला हम कर चुकाइ नाहीं पाइत एह बरे हम क चुकावइ क बरे धन उधार लेइ पड़त ह।</verse>
				<verse number="5">ओन धनवान लोगन क तरफ लखा। हम भी वइसे ही अच्छे अही जइसे उ पचे हमरे पूत भी वइसे ही अच्छे अहइँ, जइसे उनके पूत। किन्तु हम क अपने पूत बिटिया दासन रूप मँ बेचइ पडत अहइ। हम मँ स कछू क तउ दासन क रूप मँ अपनी बिटियन क वेचइ भी पडा हे। अइसा कछू भी तउ नाहीं अहइ जेका हम कइ सकइँ। हम अपने खेतन अउ अँगूर क बगीचन क खोइ चुके अहइँ। अब दूसर लोग ओनके मालिक अहइँ।”</verse>
				<verse number="6">जब मइँ ओनकर इ सबइ सिकाइतन सुनेउँ तउ मोका बहोत किरोध आवा।</verse>
				<verse number="7">मइँ खुद क सांत किहेउँ अउर फुन धनी परिवारन अउ हाकिमन क लगे जाइ पहोचेउँ। मइँ ओनसे कहेउँ, “तू पचे अपने ही लोगन क उ धने पइ बियाज चुकावइ क बरे मजबूर करत अहा जेका तू ओनका उधार देत अहा। निहचइ ही तू पचन्क अइसा बन्द कइ देइ चाही।” फुन मइँ लोगन क एक ठु सभा बोलाएउँ</verse>
				<verse number="8">अउर फुन मइँ ओन लोगन स कहेउँ दूसरे देसन मँ हमरे यहूदी भाइयन क दासन क रूप मँ बेचा जात रहा। ओनका वापस बेसहइ अउ अजाद करावइ क बरे हम स जउन बन पडा, हम कीन्ह अउर अब तू पचे ओनका फुन दासन क रूप मँ बेचत अहा अउर हम क फुन ओनका वापस लेइ पड़ी। इ तरह उ सबइ धनी लोग अउर उ सबइ हाकिम चुप्पी साधे रहेन। कहइ क ओनके लगे कछू नाहीं रहा।</verse>
				<verse number="9">तउ मइँ बोलत चला गवा। मइँ कहेउँ, “तू लोग जउन कछू करत अहा, उ उचित नाहीं अहइ। तू पचे इ जानत अहा कि तू पचन्क परमेस्सर स डेराइ चाही अउर ओकर सम्मान करइ चाही। तू पचन्क अइसे लज्जापूर्ण कार्य नाहीं करइ चाही जइसे दूसर लोग करत हीं।</verse>
				<verse number="10">मोर लोग, मोरे भाई अउर खुद मइँ भी लोगन क धन अउर अनाज उधार पइ देत ही। मुला आवा हम ओन कर्जन पइ बियाज चुकावइ क बरे ओनका मजबूर करब बन्द कइ देइ।</verse>
				<verse number="11">इहइ दिना तू पचन्क ओनके खेतन, अंगूरे क बगीचन, जैतून क बाग अउर ओनकर घर ओनका जरूर वापस लउटाइ देइ चाही अउर उ बियाज भी तू पचन्क ओनका लउटाइ देइ चाही जउन तू पचे ओनसे वसूल किहा ह।”</verse>
				<verse number="12">एह पइ धनी लोगन अउ हाकिमन कहेन, “हम इ ओनका लउटाइ देब अउर ओनसे हम कछू भी नाहीं माँगब। हे नहेमायाह, तू जइसा कहत ह, हम वइसा ही करब।” एकरे पाछे मइँ याजकन क बोलाएउँ। मइँ धनी लोगन अउ हाकिमन स इ प्रतिग्या करवाएउँ कि जइसा उ पचे कहेन ह, उ पचे वइसा ही करिहीं।</verse>
				<verse number="13">एकरे पाछे मइँ अपने ओढ़नन क सलवटन क फाड़त भए कहेउँ, “हर उ मनई क साथ, जउन अपने बचन क नाहीं निभाई, परमेस्सर तदनुकूल करी। परमेस्सर ओनका ओनके घरन स उखाड़ देइ अउर उ पचे जउन भी चिजियन क बरे काम किहन ह उ पचे सबहिं ओनके हाथ स जाती रही। उ मनई आपन सबहिं कछू खोइ बइठी।” मइँ जब एन बातन क कहब समाप्त किहेउँ तउ सबहिं लोग एनसे सहमत होइ गएन। उ पचे सबहिं बोलेन, “आमीन।” अउर फुन उ पचे यहोवा क बडकई किहन अउर इ तरह जइसा उ पचे बचन दिहे रहेन, वइसा ही किहन।</verse>
				<verse number="14">अउर फुन यहूदा क धरती पइ अपने राज्जपाल काल क दौरान ज तउ मइँ अउर न मोरे भाइयन उ भोजन क ग्रहण किहेन जउन राज्जपाल क बरे निआव पूर्ण नाहीं रहा। मइँ अपने भोजन क बेसहइ क वास्ते कर चुकावइ बरे कबहुँ कउनो पइ दबाव नाहीं डाएउँ। राजा अर्तछत्र क सासन काल क बीसवे साल स बत्तीसवे बरिस तलक मइँ हुवाँ क राज्जपाल रहा। मइँ बारह बरिस तलक यहूदा क राज्जपाल रहा।</verse>
				<verse number="15">मुला मोहसे क पहिले क राज्जपालन लोगन क जिन्नगी क दूभर बनाइ दिहे रहेन। उ सबइ राज्जपाल लोगन पइ लगभग एक पौण्ड चाँदी चालीस सकेल देइ क बरे दबाव डावा करत रहेन। ओन लोगन पइ उ पचे खाना अउ दाखरस देइ क बरे भी दबाव डावत रहेन। ओन राज्जपालन क नीचे क हाकिम भी लोगन पइ हुकूमत चलावत रहेन अउर जिन्नगी क अउर जियादा दूभर बनावत रहेन। किन्तु मइँ काहेकि परमेस्सर क आदर करत रहेउँ, अउर ओहसे डेरात रहेउँ, एह बरे मइँ कबहुँ वइसे काम नाहीं किहेउँ।</verse>
				<verse number="16">यरूसलेम क देवार क बनावइ मँ मइँ कड़ी मेहनत किहे रहेउँ। मोर सबहिं सेवकन देवार पइ काम करत रहेन। हम पचे कउनो भी ज़मीन नाही लिहेन।</verse>
				<verse number="17">मइँ, अपने भोजन क चउकी पइ नियमित रूप स हाकिमन क संग एक सौ पचास यहूदियन क खाइ पइ बोलाया करत रहेउँ। मइँ चारिहुँ ओर क देसन क लोगन क भी भोजन देत रहेउँ जउन मोरे लगे आवा करत रहेन।</verse>
				<verse number="18">मोरे संग मेरी मेज पइ खाइवाले लोगन क बरे ऍतना खाना सुनिहचित कीन्ह गवा रहा: एक ठु बर्धा, छ तगड़ी भेड़िन अउर अलग-अलग तरीके क पंछी। एकरे अलावा हर दसन दिन मोरी मेज पइ हर तरह क दाखरस लावा जात रहा। फुन भी मइँ कबहुँ अइसे भोजन क माँग नाहीं किहेउँ, जउन राज्जपाल क बरे अनुमोदित नाहीं रहा। मइँ अपने भोजन क दाम चुकावइ क वास्ते, ओन लोगन पइ कबहुँ दबाव नाहीं डाएउँ। मइँ इ जानत रहेउँ कि उ सबइ लोग जउने काम क करत अहइँ उ बहोत कठिन अहइ।</verse>
				<verse number="19">परमेस्सर, ओन लोगन क बरे मइँ जउन अच्छा किहेउँ ह, तू ओका याद राखा।</verse>
			</chapter>
			<chapter number="6">
				<verse number="1">एकरे पाछे सम्बल्लत, तोबियाह, अरब क रहइवाले गेसेम अउर हमार दुस्मनन इ सुनेन कि मइँ देवार क निर्माण कराइ चुका हउँ। हम उ देवार मँ दरवाजन बनाइ चुके रहेन किन्तु तब तलक दरवाजन पइ जोड़ियन नाहीं चढ़ाई गई रहिन।</verse>
				<verse number="2">तउ सम्बल्लत अउर गेसेम मोरे लगे इ सँदेसा पठएन: “नेहमायाह, तू आइके हम स मिला। हम ओनो क मइदान मँ कैफरीम नाउँ क कस्बे मँ मिल सकत ही।” किन्तु ओनकर जोजना तउ मोका नोस्कान पहोंचावइ क रही।</verse>
				<verse number="3">तउ मइँ ओनके लगे इ जवाब क संग सँदेस पठइ दिहेउँ: “मइँ हिआँ महत्त्वपूर्ण काम मँ लगा हउँ। तउ मइँ नीचे तोहरे लगे नाहीं आइ सकत। मइँ सिरिफ एह बरे काम बन्द नाहीं करइ चाहब कि तोहरे लगे आइके तोहसे मिल सकउँ।”</verse>
				<verse number="4">सम्बल्लत अउ गेमेस मोरे लगे चार दाईँ वइसे ही सँदेसा पठएन अउर हर दाईँ मइँ भी ओनका उहइ जवाब पठवाइ दिहेउँ।</verse>
				<verse number="5">फुन पाँचवी दाई सम्बल्लत उहइ सँदेसा क संग अपने सहायक क मोरे लगे पठएस। ओकरे हाथ मँ एक पत्र रहा जउने पइ मोहर नाहीं लगी रही।</verse>
				<verse number="6">उ पत्र मँ लिखा रहा: “चारिहुँ तरफ एक अफवाह फइली भइ अहइ। हर कहूँ लोग उहइ बात क चर्चा करत अहइँ अउर गेमेस क कहब अहइ कि उ फुरइ अहइ। लोगन क कहब अहइ कि तू अउर यहूदी, राजा स बगावत क जोजना बनावत रहे अहा अउर इहइ बरे तू यरूसलेम क नगर देवार क निर्माण करत अहा। लोगन क इ भी कहब अहइ कि तू ही यहूदियन क नवा राजा बनब्या।</verse>
				<verse number="7">अउर इ अफवाह भी अहइ कि तू यरूसलेम मँ अपने विसय मँ इ घोसणा करइ बरे भविस्सबक्ता भी चुन लिहा ह: ‘यहूदा मँ एक ठु राजा अहइ।’ “नहेमायाह! अब मइँ तोहका चितउनी देत हउँ। राजा अर्तछत्र इ बिसय क सुनवाई करी तउ हमरे लगे आ अउर हमसे मिलिके इ बारे मँ बातचीत कर।”</verse>
				<verse number="8">तउ मइँ सम्बल्लत क लगे इ जवाब पठवाइ दिहेउँ, “तू जइसा कहत रह्या ह वइसा कछू नाहीं होत अहइ। इ सब बातन तोहार अपनी खोपड़ी क उपज अहइँ।”</verse>
				<verse number="9">हमार दुस्मन बस हम क डेरावइ क जतन करत अहइँ। उ पचे अपने मने मँ सोचत रहेन, “यहूदी लोग डेराइ जइही अउर काम क चलत रखइ बरे बहोत निर्बल पड़ जइहीं अउर फुन देवार पूरी नाहीं होइ पाई।” किन्तु मइँ अपने मन मँ इ बिनती किहेउँ, “परमेस्सर मोका मजबूत बनावा।”</verse>
				<verse number="10">मइँ एक दिन दलायाह क पूत समायाह क घर गएउँ। दलायाह महेतबेल क पूत रहा। समायाह क अपने घरे मँ ही रूकइ पड़त रहा। समायाह कहेस, “नहेमायाह आवा हम परमेस्सर क मन्दिर क भीतर मिली। आवा चली भीतर हम पवित्तर ठउर क अउर बन्द दुआरन क कइ लेइ आवा, वइसा करी हम काहे काहेकि लोग अहइँ आवत रहे मारइ क तोहका। उ पचे आवत अहइँ आजु रात मार डावइ क तोहका।”</verse>
				<verse number="11">किन्तु मइँ समायाह स कहेउँ, “का मोरे जइसे कउनो मनई क पराइ जाइ चाही? तू तउ जानत ही अहा कि मोरे जइसे मनई क आपन परान बचावइ क बरे मन्दिर मँ भाग जाइ चाही। तउ मइँ हुवाँ नाहीं जाबउँ।”</verse>
				<verse number="12">मइँ जानत रहेउँ कि समायाह क परमेस्सर नाहीं पठएस ह। मइँ जानत रहेउँ कि मोरे खिलाफ उ एह बरे अइसी झूठ भविस्सबाणियन करत अहइ कि तोबियाह अउर सम्बल्लत ओका वइसा करइ बरे धन दिहस ह।</verse>
				<verse number="13">समायाह क मोका डेरावइ बरे भाड़े पइ रखा गवा रहा। उ पचे इ चाहत रहेन कि डरके छिपइ बरे मन्दिर मँ पराइके मइँ पाप करउँ ताकि मोका लज्जित करइ अउ बदनाम करइ क कउनो आधार होइ।</verse>
				<verse number="14">हे परमेस्सर! तोबियाह अउ सम्बल्लत क याद राखा। ओन बुरे कामन क याद राखा जउन उ पचे किहन ह। उ नबिया नोअद्याह अउ ओन नबियन क याद राखा जउन मोका भयभीत करइ क जतन करत अहइँ।</verse>
				<verse number="15">इ तरह एलूल नाउँ क महीने क पच्चीसवीं तारीख क यरूसलेम क परकोटा बनिके तइयार होइ गवा। देवार क बनिके पूरा होइ मँ बावन दिन लगेन।</verse>
				<verse number="16">फुन हमार सबहिं दुस्मनन सुनेन कि हम परकोटा बनाइके तइयार कइ लिहा ह। हमरे आस पास क सबहि देसन लखेन कि निर्माण कार्य पूरा होइ चुका ह। एहसे ओनकर हिम्मत टूट गइ काहेकि उ पचे जानत रहेन कि हम इ कार्य हमरे परमेस्सर क मदद स पूरा किहा ह।</verse>
				<verse number="17">एकरे अलावा ओन दिनन जब उ देवार बनिके पूरी होइ चुकी रही तउ यहूदा क धनी लोग तोबियाह क पत्र लिख-लिखके पत्र पठवइ लागेन, तोबियाह ओनके पत्रन क जवाब दिया करत।</verse>
				<verse number="18">उ पचे एन पत्रन क एह बरे पठवा करत रहेन कि यहूदा क बहोत स लोग ओकरे बरे वफादार बने रहइ क कसम उठाए भए रहेन। एकर कारण इ रहा कि तोबियाह सकम्याह क दामद रहा। जउन आरह क पूत रहा अउर तोबियाह क पूत यहोहानान बेरेक्याह क पूत मसुल्लाम क बिटिया स बियाह किहे रहे।</verse>
				<verse number="19">अउर उ सबइ लोग मोहसे कहत रहत रहेन कि तोबियाह केतना अच्छा अहइ अउर उधर उ पचे जउन काम मइँ किया करत रहेउँ, ओकरे बारे मँ तोबियाह क खबर देत रहेन। तोबियाह मोका डरावइ बरे पत्र पठवत रहत रहा।</verse>
			</chapter>
			<chapter number="7">
				<verse number="1">इ तरह हम देवार बनावइ क काम पूरा कीन्ह। फुन हम देवार पइ दरवाजन लगाए। फुन हम दुआर क पहरेदारन, मन्दिर क गायकन अउ लेबियन क चुनेन।</verse>
				<verse number="2">एकरे पाछे मइँ अपने भाई हनानी क यरूसलेम क हाकिम नियुक्त कइ दीन्ह। मइँ हनन्याह नाउँ क एक ठु अउर मनई क चुनेउँ अउर ओका किलेदार नियुक्त कइ दिहेउँ। मइँ हनानी क एह बरे चुने रहेउँ कि उ बहोत ईमानदार मनई रहा अउर उ परमेस्सर स आप लोगन स कहूँ जियादा डेरात रहा।</verse>
				<verse number="3">तब मइँ हनानी अउर हनन्याह स कहेउँ, “तोहका हर दिन यरूसलेम क दुआर खोलइ स पहिले घंटन सूरज चढ जाइ क पाछे तलक इंतजार करत रहइ चाही अउर सूरज छुपइ स पहिले ही तोहका दरवाजन बन्द कइके ओन पइ ताला लगाइ देइ चाही। यरूसलेम मँ रहइवाले लोगन मँ स तोहका कछू अउर लोग चुनइ चाही अउर ओनका नगर क रच्छा करइ बरे बिसेस जगहन पइ नियुक्त करा अउर कछू लोगन क ओनके घरन क लगे ही पहरे पइ लगाइ द्या।”</verse>
				<verse number="4">अब लखा, उ एक बहोत बडा नगर रहा जहाँ पर्याप्त जगह रही। किन्तु ओनमाँ लोग बहोत कम रहेन अउर मकान अबहिं तलक फुन स नाहीं बनाए गए रहेन।</verse>
				<verse number="5">एह बरे मोर परमेस्सर मोरे मन मँ एक बात पइदा किहस कि मइँ सबहि लोगन क एक सभा बुलाएउँ तउ मइँ सबहि महत्त्वपूर्ण लोगन क, हाकिमन क अउर सर्वसाधारण क एक संग बोलाएउँ। मइँ इ काम एह बरे किहेउँ कि मइँ ओन सबहि परिवारन क एक सूची तइयार कइ सकउँ। मोका अइसे लोगन क पारिवारिक सूचियन मिली जउन दासता स सब स पहिले छूटइवालन मँ स रहेन। हुवा जउन लिखा भवा मोका मिला, उ इ तरह अहइ।</verse>
				<verse number="6">इ सबइ पहँटा क उ सबइ लोग अहइँ जउन दासत्व स अजाद होइके लउटेन बाबेल क राजा, नबूकदनेस्सर एन लोगन क बन्दी बनाइके लइ गवा रहा। इ सबइ लोग यरूसलेम अउ यहूदा क लउटेन। हर मनई अपने-अपने नगर मँ चला गवा।</verse>
				<verse number="7">इ सबइ लोग जरुब्बाबेल, येसू, नहेमायाह, अजर्याह, राम्याह, नहमानी, मोर्दकै, बिलसान, मिस्पेरेत, बिग्वै, नहूम अउर बाना क संग लउटे रहेन।</verse>
				<verse number="8">प्रोस क संतान 2,172</verse>
				<verse number="9">सपत्याह क संतान 372</verse>
				<verse number="10">आरह क संतान 652</verse>
				<verse number="11">पहत्मोआब क संतान (येसू अउर योआब क परिवार क संतानन) 2,818</verse>
				<verse number="12">एलाम क संतान 1,254</verse>
				<verse number="13">जत्तू क संतान 845</verse>
				<verse number="14">जक्कै क संतान 760</verse>
				<verse number="15">बिन्नूई क संतान 648</verse>
				<verse number="16">बेबै क संतान 628</verse>
				<verse number="17">अजगाद क संतानन 2,322</verse>
				<verse number="18">अदोनीकाम क संतान 667</verse>
				<verse number="19">बिग्वै क संतान 2,067</verse>
				<verse number="20">आदीन क संतान 655</verse>
				<verse number="21">आतेर क संतान (हिजीकयाह क परिवार स) 98</verse>
				<verse number="22">हासम क संतान 328</verse>
				<verse number="23">बेसै क संतान 324</verse>
				<verse number="24">हारीप क संतान 112</verse>
				<verse number="25">गिबोन क संतान 95</verse>
				<verse number="26">बेतलेहेम अउर नतोपा नगरन क लोग 188</verse>
				<verse number="27">अतानोत नगर क लोग 128</verse>
				<verse number="28">बेतजमावत नगर क लोग 42</verse>
				<verse number="29">किर्यत्यारीम, कपीर तथा बेरोत नगरन क लोग 743</verse>
				<verse number="30">रामा अउर गेबा नगरन क लोग 621</verse>
				<verse number="31">मिकपास नगर क लोग 122</verse>
				<verse number="32">बेतेल अउर ऐ नगर क लोग 123</verse>
				<verse number="33">नबो नाउँ क दूसर नगर क लोग 52</verse>
				<verse number="34">एलाम नाउँ क दूसर नगर क लोग 1,254</verse>
				<verse number="35">हरीम नाउँ क नगर क लोग 320</verse>
				<verse number="36">यरीहो नगर क लोग 345</verse>
				<verse number="37">लोद, हादीद अउर ओनो नाउँ क नगरन क लोग 721</verse>
				<verse number="38">सना नाउँ क नगर क लोग 3,930</verse>
				<verse number="39">याजकन क सूची यदायाह क संतान (येसू क परिवार स) 973</verse>
				<verse number="40">इम्मेर क संतान 1,052</verse>
				<verse number="41">पसहूर क संतान 1,247</verse>
				<verse number="42">हारीम क संतान 1,017</verse>
				<verse number="43">लेवी परिवार समूह क लोगन क सूची: येसू क संतान (कदमीएल क जरिये होदवा क परिवार स) 74</verse>
				<verse number="44">गायकन क सूची: आसाप क संतान 148</verse>
				<verse number="45">दुआरपालन क सूची: सल्लूम, आतेर, तल्मोन, अक्कूब, हतीता अउर सोबै क संतान 138</verse>
				<verse number="46">मन्दिर क सेवकन क सूची: सीहा, हसूपा अउर तब्बाओत क संतानन,</verse>
				<verse number="47">केरोस, सीआ अउर पादोन क संतानन,</verse>
				<verse number="48">लबाना, हगाबा अउर सल्मै क संतान,</verse>
				<verse number="49">हानान, गिद्देल, गहर क संतान</verse>
				<verse number="50">राया, रसीन अउर नकोदा क संतानन,</verse>
				<verse number="51">गज्जाम, उज्जा, अउर पासेह क संतान</verse>
				<verse number="52">बेसै, मूनीम, नपूसस क संतान,</verse>
				<verse number="53">बकबूक, हकूपा, हर्हूर क संतान,</verse>
				<verse number="54">बसलीत, महीदा अउर हर्सा क संतानन,</verse>
				<verse number="55">बर्कोस, सीसरा अउर तेमेह क संतानन,</verse>
				<verse number="56">नसीह अउर हतीपा क संतान।</verse>
				<verse number="57">सुलैमान क सेवकन क संतान: सोतै, सोपेरेत अउर परीदा क संतान</verse>
				<verse number="58">याला दर्कोन अउर गिद्दोल क संतान,</verse>
				<verse number="59">सपत्याह, हत्तील, पोकेरेत-हैस्सबायीम अउर आमोन क संतानन,</verse>
				<verse number="60">मन्दिर क सबहि सेवक अउ सुलैमान क सेवकन क संतान रहिन। 392</verse>
				<verse number="61">इ ओन लोगन क सूची अहइ जउन तेलमेलह, तेलहर्सा, करूब अद्दोन अउर इम्मेर नाउँ क नगरन स यरूसलेम आए रहेन। मुला इ सबइ लोग साबित नाहीं कइ सकेन कि ओनकर परिवार असल मँ इस्राएल क लोगन स सम्बन्धित रहेन:</verse>
				<verse number="62">दलायाह, तोबियाह अउ नेकोदा क संतानन 642</verse>
				<verse number="63">इ ओन याजकन क सूची अहइ जउन होबायाह, हवकोस अउ बर्जिल्लै (जउन कउनो भी मनई गिलाद क बर्जिल्लै क बिटियन स बियाह किहा ओका बर्जिल्लै कहा जात रहा) क सन्तानन रहेन।</verse>
				<verse number="64">जउन लोग अपने परिवारन क ऐतिहासिक दस्तावेजन क हेरेन अउर उ पचे ओनका पाइ नाहीं सकेन, ओनकर नाउँ याजकन क सूची मँ नाहीं जोरा जाइ सका। उ पचे असफल रहेन एह बरे याजक नाहीं बन सकत रहेन।</verse>
				<verse number="65">तउ राज्जपाल ओनका एक आदेस दिहस जेकरे तहत उ पचे कउनो भी बहोत पवित्तर भोजन क नाहीं खाइ सकत रहेन। उ भोजन मँ स उ पचे उ समइ तलक कछू भी नाहीं खाइ सकत रहेन जब तलक महायाजक ऊरीम अउर तुम्मीम क उपयोग न कइ लेत रहेन।</verse>
				<verse number="66">उ समूचे समूह मँ लोगन क गनती 42,360 रही अउर ओनके लगे 7,337 दास अउर दासियन रहिन जउन गनती मँ नाहीं लीन्ह गवा रहेन, ओनके पास 245 गायक अउर गायिकन रहिन।</verse>
				<verse number="67"></verse>
				<verse number="68">ओनके लगे 736 घोड़न अउर 245 खच्चर, अउर 435 ऊँट अउर 6,720 गदहन रहेन।</verse>
				<verse number="69"></verse>
				<verse number="70">परिवार क कछू नेता लोगन उ कामे क सहारा देइ बरे धन दिहे रहेन। राज्जपाल क जरिये निर्माण कोस मँ 19 पौण्ड सोना दीन्ह गवा रहा। उ याजकन क बरे 50 खोरन अउ 530 जोड़ी ओढ़नन भी दिहे रहेन।</verse>
				<verse number="71">परिवार क मुखिया लोग 375 पौण्ड सोना उ काम क सहारा देइ क बरे निर्माण कोस मँ दिहन अउर 1 1/3 टन चाँदी ओनके जरिये भी दीन्ह गइ।</verse>
				<verse number="72">दूसर लोग कुल मिलाइके 375 पौण्ड सोना उ काम क सहारा देइ बरे निर्माण कोस क दिहन। उ पचे 1 1/3 टन चाँदी अउर याजकन क बरे 67 जोड़े ओढ़नन भी दिहन।</verse>
				<verse number="73">इ तरह याजक लेवी परिवार समूह क लोग, गायक अउर मन्दिर क सेवक अपने-अपने नगरन मँ बस गएन अउर इस्राएल क दूसर लोग भी अपने-अपने नगरन मँ रहइ लागेन अउर फुन साल क सतएँ महीने तलक इस्राएल क सबहि लोग अपने-अपने नगरन मँ बस गएन।</verse>
			</chapter>
			<chapter number="8">
				<verse number="1">फुन इस्राएल क सबहिं लोग आपस मँ एकट्ठे भएन। उ पचे सबहिं एक रहेन अउर इ तरह एकमत रहेन जइसे माना उ पचे एक मनई होइँ। जल दुआर क समन्वा क खुले चौक मँ उ पचे आपुस मँ मिलेन। उ पचे लिपिक एज्रा स मूसा क व्यवस्था क किताब क लिआवइ बरे कहेन। इ उहइ व्यवस्था क विधान अहइ जेका इस्राएल क लोग यहोवा क दिहे रहेन।</verse>
				<verse number="2">तउ याजक एज्रा आपस मँ एकट्ठे भएन। ओन लोगन क समन्वा व्यवस्था क विधान क किताब क लइ आवा। उ दिन महीने क पहिली तारीख रही अउर उ महीना बरिस क सातवाँ महीना रहा। उ सभा मँ मनसेधू रहेन, मेहररूअन रहिन, अउर उ पचे सबहिं रहेन जउन बातन क सुन अउर समुझ सकत रहेन।</verse>
				<verse number="3">एज्रा भिंसारे क तड़के स लइके दोपहर तलक इ व्यवस्था क विधान क किताबे स पाठ किहा। उ समइ एज्रा क मुँह उ खुले चौक क तरफ रहा जउन जल दुआर क समन्वा पड़त रहा। उ सबहिं मनसेधुअन, मेहररूअन अउ ओन सबहिं लोगन क बरे ओका बाँचेस जउन सुन समुझ सकत रहेन। सबहि लोग व्यवस्था क विधान क सावधानी स सुनेन।</verse>
				<verse number="4">एज्रा काठे क उ ऊँच मंच पइ खड़ा रहा जेका इ बिसेस अवसर क बरे ही बनावा गवा रहा। एज्रा क दाहिन कइँती मत्तित्याह, सेमा, अनायाह, उरिय्याह, हिल्कियाह अउर मासेयाह खड़े रहेन अउर एज्रा क बाई कइँती पदायाह, मीसाएल, मल्कियाह, हासूम, हस्बद्दाना, जकर्याह अउर मसुल्लाम खड़े भए रहेन।</verse>
				<verse number="5">फुन एज्रा उ किताबे क खोलेस। एज्रा सबहि लोगन क देखाई देत रहा काहेकि उ सब लोगन स ऊपर एक ऊँचे मंच पइ खड़ा रहा। एज्रा व्यवस्था क विधान क किताब क जइसे ही खोलेस, सबहि लोग खड़े होइ गएन।</verse>
				<verse number="6">एज्रा महान परमेस्सर यहोवा क प्रसंसा किहस अउर सबहि लोग अपने हाथ ऊपर उठावत भए एक सुर मँ कहेन, “आमीन! आमीन!” अउर फुन सबहि लोग आपन मूँडि खाले निहुराइ दिहन अउर धरती पइ दण्डवत करत भए यहोवा क अराधना किहन।</verse>
				<verse number="7">लेवीबंस परिवार समूह क एन मनइयन व्यवस्था क विधान क व्याख्या तब किहेन सबहिं हुवाँ खड़े रहेन। लेवीबंस क ओन लोगन क नाउँ रहेन: येसू, बानी, सेरेब्याह, यामीन, अक्कूब, सब्बतै, होदियाह, मासेयाह, कलिता, अजर्याह, योजबाद, हानान अउ पलायाह।</verse>
				<verse number="8">लेवीबंस क एन लोग परमेस्सर क व्यवस्था क विधान क किताब क पाठ किहन। उ पचे ओनकर अइसी स्पस्ट किहेन कि लोग ओका समुझ सकइँ।</verse>
				<verse number="9">एकरे पाछे राज्जपाल नहेमायाह याजक अउ सिच्छक एज्रा अउ लेवीबंस क लोग जउन लोगन क सिच्छा देत रहेन, बोलेन। उ पचे कहेन, “आजु क दिन तोहरे परमेस्सर यहोवा क बिसेस दिन अहइ दुःखी जिन ह्वा, बिलाप जिन करा।” उ पचे अइसा एह बरे कहे रहेन कि लोग व्यवस्था क विधान मँ परमेस्सर क संदेसा सुनत भए रोवइ लगे रहेन।</verse>
				<verse number="10">नहेमायाह कहेस, “जा, अउर जाइके उत्तिम भोजन अउ सर्बत क आनन्द ल्या। अउर तनिक खाना अउर सर्बत ओन लोगन क भी द्या जउन कउनो खाना नाहीं बनावत ही। आजु यहोवा क खास दिन अहइँ। दुःखी जिन रहा। काहेकि यहोवा क आनन्द तोहका मज़बूत बनाइ देब।”</verse>
				<verse number="11">लेवीबंस परिवार क लोग लोगन क सांत होइ मँ मदद किहन। उ पचे कहेन, “चुप होइ जा, सांत रहा, इ एक बिसेस दिन अहइ। दुखी जिन ह्वा।”</verse>
				<verse number="12">एकरे पाछे सबहि लोग खावइ अउर पीवइ बरे चले गएन। उ पचे खइया क ओका दिहेन जेका ओकर जरूरत अहइ। उ पचे बहोत खुस रहेन अउर इ तरह उ पचे उ बिसेस दिन क मनाएन काहेकि उ पचे यहोवा क ओन सिच्छन क समुझ लिहन जेनका ओनका समुझावइ क सिच्छक जतन किया करत रहेन।</verse>
				<verse number="13">फुन महीने क दूसरी तारीख क सबहि परिवारन क मुखिया, एज्रा, याजकन अउ लेवीबंसियन, स भेटइ गएन अउर ब्यवस्था क विधान क बचनन क समुझइ क बरे सबहिं लोग सिच्छक एज्रा क घेरिके खड़े होइ गएन।</verse>
				<verse number="14">उ पचे समुझिके इ पाएन कि व्यवस्था क विधान मँ इ आदेस दीन्ह गवा ह कि साल क सतएँ महीने मँ इस्राएल क लोगन क एक बिसेस पवित्तर पर्व मनावइ क बरे यरूसलेम जाइ चाही। ओनका चाही कि उ पचे अस्थायी झोपड़ियन बनाइके हुवाँ रहइँ। लोगन क इ आदेस यहोवा मूसा क जरिये दीन्ह रहा।</verse>
				<verse number="15">लोगन क चाही रहा कि उ पचे अपने नगरन अउ यरूसलेम स गुजरत भए एन बातन क घोसणा करइँ: “पहाड़ी प्रदेस मँ जा अउर हुवाँ स तरह-तरह क जइतून क बृच्छन क टहनियन लइके आवा। मेंहदी, खजूर अउर छायादार सघन बृच्छन क डारन लिआवा, फुन ओन टहनियन स अस्थायी आवास बनावा। वइसा ही करा जइसा व्यवस्था क विधान बनावत ह।”</verse>
				<verse number="16">तउ लोग बाहेर गएन अउर ओन-ओन बृच्छन क टहनियन लइ आएन अउर फुन ओन टहनियन स उ पचे अपने बरे अस्थायी झोपड़ियन बनाइ लिहन। अपने घरे क छतन पइ अउर अपने-अपने अँगनन मँ उ पचे झोपड़ियन डाइ लिहन। उ पचे मन्दिर क आँगन जल-दुआर क निअरे क खुले चौक अउर एप्रैम दुआरे क निअरे झोपडियन बनाइ लिहन।</verse>
				<verse number="17">इस्राएल क लोनग क उ समूची टोली जउन बँधुआपन स छूटिके आई रही, आवास बनाइ लिहस अउर उ पचे अपनी बनाई झोपड़ियन मँ रहइ लागेन। नून क पूत यहोसू क समइ स लइके उ दिन तलक इस्राएल क लोग झोपडियन क त्यौहार क कबहुँ इ तरह नाहीं मनाए रहेन। हर मनई आनन्द स मगन रहा।</verse>
				<verse number="18">उ पर्व क हर रोज एज्रा ओन लोगन बरे व्यवस्था क बिधान क किताब मँ स पाठ करत रहा। उ पर्व क पहिले दिन स अन्तिम दिन तलक एज्रा ओन लोगन क व्यवस्था क बिधान बाँचिके सुनावत रहा। इस्राएल क लोग सात दिन तलक उ पर्व क मनाएन। फुन व्यवस्था क विधान क मुताबिक अठएँ दिन लोग एक बिसेस सभा क बरे आपुस मँ एकट्ठा भएन।</verse>
			</chapter>
			<chapter number="9">
				<verse number="1">फुन उहइ महीने क चौबीसवीं तारीख क एक दिन क उपवास क बरे इस्राएल क लोग आपुस मँ एकट्ठे भएन। उ पचे इ देखावइ क बरे कि उ पचे दुःखी अउर बेचैन अहइँ, उ पचे सोक वस्त्र धारण किहन, अपने अपने मूँडन पइ राखी डाएन।</verse>
				<verse number="2">उ सबइ लोग जउन इस्राएल मँ जनमा रहेन, उ पचे बाहेर क लोगन स अपने आप क अलग कइ दिहन। इस्राएली लोग खड़े होइके अपने अउर अपने पुरखन क पापन क कबूल किहन।</verse>
				<verse number="3">उ सबइ लोग हुवाँ लगभग तीन घण्टे खड़े रहेन अउर उ पचे अपने यहोवा परमेस्सर क व्यवस्था क विधान क किताब क पाठ किहन अउर फुन तीन घण्टे उ पचे यहोवा परमेस्सर क समन्वा आपन मुँड़े क खाले निहुरेन अउर ओकर आराधना किहेन अउर अपने पापन क कबूल किहन।</verse>
				<verse number="4">फुन लेवीबंसी येसू, बानी, कदमीएल, सबन्याह, बुन्नी, सेरेब्याह, बानी अउर कनानी मंच पइ खड़े होइ गएन अउर उ पचे अपने परमेस्सर यहोवा क ऊँच सुर मँ गोहराएन।</verse>
				<verse number="5">एकरे पाछे लेवीबंसी येसू, कदमीएल, बानी, हसबन्याह, सेरेब्याह, होदियाह, सबन्याह अउर पतहयाह फुन कहेस। उ पचे बोलेन: “खड़े होइ जा अउर अपने यहोवा परमेस्सर क स्तुति करा। परमेस्सर सदा स जिअत रहा। अउर सदा ही जिअत रही। “लोगन क चाही कि स्तुति करइँ तोहरे बडकईवाले नाउँ क। सबहिं आसीसन अउ सारे गुण गानन स नाउँ ऊपर उठइ तोहार।</verse>
				<verse number="6">तू तउ परमेस्सर अहा। यहोवा, बस तू ही परमेस्सर अहा। अकासे क तू बनाया ह। सब स ऊँच अकासन क रचना किहा तू, अउर जउन कछू अहइ ओनमाँ सब तोहार बनावा अहइ! धरती क रचना किहा तू ही, अउर जउन कछू धरती पइ अहइ। सागर क, अउर जउन कछू अहइ सागर मँ। तू बनाया ह हर कउनो वस्तु क जिन्नगी तू देत ह! सितारे सारे अकास क, निहुरत हीं समन्वा तोहरे अउर उपासना करत हीं तोहार।</verse>
				<verse number="7">यहोवा तू ही परमेस्सर अहा। तू मोका कसदियन क ऊर जगह स बाहेर निकालेस ह। तू ओकर नाउँ बदलेस ह अउर ओका नाउँ इब्राहीम दिहेस ह।</verse>
				<verse number="8">तू इ लखे रह्या कि उ सच्चा अउर निस्ठावान रहा तोहरे बरे। कइ लिहा उ साथ ओकरे वाचा एक ओका देइ क धरती कनान क बचन दिहा तू धरती, जउन हुवा करत रही हित्तियन क अउर एमोरियन क। धरती, जउन हुवा करत रही परिज्जियन, यबूसियन अउर गिर्गासियन क। मुला बचन दिहा तू उ धरती क देइ क इब्राहीम क संतानन क अउर आपन बचन उ पूरा किहा तू काहे? काहेकि तू उत्तिम अहा।</verse>
				<verse number="9">यहोवा लखत रहा तड़पत भए तू हमरे पुरखन क मिस्र मँ। गोहरावत मदद क लाल सागर क तट पइ तू ओनका सुने रह्या।</verse>
				<verse number="10">फिरौन क तू देखाए रह्या चमत्कार। तू हाकिमन क ओकरे अउर ओकरे लोगन क देखाए रह्या अद्भुत करम। तोहका इ गियान रहा कि सोचा करत रहे मिस्री कि उ पचे उत्तिम अहइँ हमरे पुरखन स। किन्तु साबित कइ दिहा तू कि तू केतना महान अहा। अउर अहइ ओकर याद बनी भइ ओनका आजु तलक भी।</verse>
				<verse number="11">सामने ओकरे लाल सागर क बाटँ दिहा तू, अउर उ पचे पार होइ ग रहेन झुरान धरती पइ चलत भए। मिस्र क फउजी पाछा करत रहेन ओनका। मुला बोर दिहा तू ही रह्या दुस्मन क सागर मँ। अउर उ पचे बूड़ गएन सागर मँ जइसे बूड़ जात ह पानी मँ पाथर।</verse>
				<verse number="12">मीनार जइसे बादर स दिन मँ ओनका राह तू देखाँया अउर आगी क खंभे क प्रयोग कइके राति मँ ओनका तू देखाँया रहा। मार्ग क तू ओनके इ तरह कइ दिहा ज्योतिर्मय अउर देखाइ दिहा ओनका कि कहाँ ओनका जाब अहइ।</verse>
				<verse number="13">फुन तू उतर्या सीनै पहाड़ पइ अउर अकासे स तू रह्या ओनका सम्बोधित किहा। उत्तिम विधान दइ दिहा तू ओनका सच्ची सिच्छा क रहा तू दिहा ओनका। व्यवस्था क विधान ओनका तू दिहा अउर तू दिहा आदेस ओनका बहोत उत्तिम।</verse>
				<verse number="14">तू बताया ओनका सबित यानी अपने विस्राम क बिसेस दिन क विसय मँ। तू अपने सेवक मूसा क जरिये ओनका आदेस दिहा। व्यवस्था क विधान दिहा अउर दिहा सिच्छन।</verse>
				<verse number="15">जब ओनका भूख लगी, बरसाइ दिहे भोजन रह्या, तू अकासे स। जब ओनका पियास लाग, चटान स परगट किहे तू रह्या जल क अउर कहे तू रह्या ओनसे ‘आवा, लइ ल्या इ प्रदेस क।’ तू बचन दिहा ओन क उठाइके हाथ इ प्रदेस क ओनका।</verse>
				<verse number="16">मुला उ सबइ पुरखन हमारे होइ गएन अभिमानी; उ पचे होइ गए हठी रहेन। कइ दिहन उ पचे मना आग्यन मानइ स तोहार।</verse>
				<verse number="17">कइ दिहन उ पचे मना सुनइ स। उ पचे भूलेन ओन अचरज भरी बातन क जउन तू ओनके संग किहे रह्या। उ पचे होइ गएन जिद्दी। बिद्रोह उ पचे किहन, अउर बनाइ लिहन, आपन एक नेता जउन ओनका लउटाइके लइ जाइ, फुन ओनकर उहइ दासता मँ। “मुला तू तउ अहा दयावान परमेस्सर। तू अहा दयालु अउर करुणापूर्ण, धीरजवान, अउ पिरेम स भरा अहा तू। एह बरे तू रह्या त्यागा नाहीं ओनका।</verse>
				<verse number="18">चाहे उ पचे बनाइ लिहन सोने क बछवा अउर कहेन, ‘बछवा अब देव अहइ तोहार’ इहइ स निकारा रहा तू पचन्क मिस्र स बाहर मुला ओनका तू त्यागा नाहीं।</verse>
				<verse number="19">तू बहोत ही दयालु अहा। एह बरे तू ओनका रेगिस्ताने मँ त्यागा नाहीं। दूर ओनसे हटाया नाहीं दिन मँ तू बादर क खम्भन क मारग तू देखावत रहा ओनका। अउर राति मँ तू रह्या दूर किहे नाहीं ओनसे आगी क पुंज क। प्रकासित तू करत रह्या रास्ते क ओनके। अउर तू देखावत रह्या कहाँ ओनका जाब अहइ।</verse>
				<verse number="20">निज उत्तिम चेतना, तू दिहा ओनका ताकि तू बिवेकी बनाया ओनका। खाइ क देत रह्या, तू ओनका ‘मन्ना’ अउर पियास क ओनका तू देत्या रहा पानी।</verse>
				<verse number="21">तू रख्या ओनकर धियान चालीस बरिसन तलक रेगिस्तान मँ। ओनका मिली हर वस्तु जेकर ओनका दरकार रही। ओढ़ना ओनकर फटे तलक नाहीं गोड़न मँ ओनके कबहुँ नाहीं आई सूजन कबहुँ कउनो पीरा मँ।</verse>
				<verse number="22">यहोवा तू दिहा ओनका राज्ज, अउर ओनका दिहा जातियन अउर दूर सुदूर क जगह रहिन ओनका दिहा जहाँ बसत रहेन कछू लोग धरती ओनका मिल गइ सीहोन क, सीहोन जउन हसबोन क राजा रहा धरती ओनका मिल गइ ओग क, ओग जउन बासान क राजा रहा।</verse>
				<verse number="23">तू ओनका अनन्त संतान जेतने अंबर मँ तारे अहइँ दिहा ह। ओनका तू उ धरती लइ आया जेकरे बरे ओनके पुरखन क तू कहे रहा कि उ पचे हुवाँ जाइँ अउर ओह पइ अधिकार करइँ।</verse>
				<verse number="24">धरती उ ओन संतानन लइ लिहन। हुवाँ रह रहे कनानियन क उ पचे हराइ दिहन। पराजित कराया तू ओनसे ओन लोगन क साथ ओन प्रदेसन क अउर ओन लोगन क उ पचे जइसा चाहइँ वइसा करइँ अइसा रहा तू कराइ दिहा।</verse>
				<verse number="25">सक्तीसाली नगरन क उ पचे हराइ दिहन। कब्जा किहन उपजाउ धरती पइ उ पचे। उत्तिम चिजियन स भरे भए लइ लिहन उ पचे घर; खोदे भए कुअन क लइ लिहन उ पचे। लइ लिहन उ पचे रहेन बगीचे अंगूर क। जइतून क बृच्छ अउ फलन क बृच्छ भर पेट खाया उ पचे करत रहेन तउ उ पचे होइ गएन मोटे। तोहार दीन्ह सबहि अद्भुत चिजियन क आनन्द उ पचे लेत रहेन।</verse>
				<verse number="26">अउर फुन उ पचे तोहार नाफ़रमानी किहेस अउर तोहार खिलाफ बिद्रोह किहेस। उ तोहरी नेम आपन पीठ क पीछे लोकाइ दिहन अउर तोहरे नबियन क मार डाएन। अइसे नबियन क जउन लोगन क सचेत करत रहेन। उ पेचे लोगन क तोहरी ओर वापिस लिआवइ क जतन किहेन। मुला हमार पुरखन तोहरे खिलाफ भयानक पाप किहेन।</verse>
				<verse number="27">तउ तू ओनका ओनके दुस्मनन क हाथन मँ पकड़इ दिहा। ओनका दुस्मन बहुतेरे कस्ट दिहन। जब हमार पुरखन पइ बिपदा पड़ी तउ उ पचे तोहका गोहारत रहेन। अउर सरग मँ तू रह्या ओनका सुन लिहा। तू दयालु अउर रहम दिल अहइ ऍह बरे तू ओन लोगन क बचावइ बरे लोगन क भेजेस। अउर ओन लोग ओनके दुस्मनन स छुड़ाइके ओनका बचाइ लिहन।</verse>
				<verse number="28">मुला, जइसे ही चैन ओनका मिलत रहा, वइसे ही उ पचे बुरे काम करइ लग जातेन बार बार। तउ दुस्मनन क हाथन ओनका सौंप दिहा तू ताकि उ पचे करइँ ओन पइ राज। फुन तोहार दोहाई उ पचे दिहन अउर सरग मँ तू सुन्या ओनकर अउर मदद ओनकर किहा। तू केतना दयालु अहा! होत रहा अइसा ही अनेकन बार।</verse>
				<verse number="29">तू चेताया ओनका! फुन स लउटि आवइ क तोहरे विधान मँ मुला उ पचे रहेन बहोत अभिमानी। उ पचे नकार दिहन तोहरे आदेस क। जदि चलत ह कउनो मनई नेमन पइ तोहरे तउ फुरइ जिएगा उ किन्तु हमरे पुरखन तउ तोड़े रहेन तोहरे नेमन क उ पचे रहेन हठीले। मुँह फेर, पीठ दिहे रहेन उ पचे तोहका। तोहार सुनइ स ही उ पचे रहेन मना किहे।</verse>
				<verse number="30">“तू रह्या बहोत सहनसील, संग हमरे पुरखन क, तू ओनका करइ दिहा बर्त्ताव बुरा अपने संग बरिसन तलक। सजग किहा तू ओनका अपनी आतिमा स। ओनका देइ चितउनी पठए रह्या नबियन क तू। मुला हमरे पुरखन तउ ओनकर सुनेन ही नाहीं। एह बरे तू रह्या दूसरे देसन क लोगन क सौप दिहा ओनका।</verse>
				<verse number="31">“मुला तू केतना दयालु अहा। तू किहे रह्या नाहीं पूरी तरह नस्ट ओनका। तू तज्या नाहीं ओनका रह्या। हे परमेस्सर! तू अइसा दयालु अउर करूणापूर्ण अइसा अहा।</verse>
				<verse number="32">हमार परमेस्सर महान परमेस्सर अहइ! तू एक अचरजमय अउर सक्तीसाली सैनिक अहा जउन बिस्सास करइ जोग्ग अहा। तू निज वाचा क निभावत ह अउर तू हमेसा दयालु अहा। हमार सबहिं परेसानियन क जेका हम पचन्क झेलेस ह साधारण जिन समुझा। साथ मँ हमरे राजा लोगन क अउर मुखिया लोगन क साथ बहोत परेसानियन घटि रहेन। याजकन क संग मँ हमरे अउर संग मँ नबियन क अउर हमरे सबहिं लोगन क संग बातन बुरी घटी रहिन। अस्सूर क राजा स लइके आजु तलक उ सबइ बातन भयानक घटी रहिन।</verse>
				<verse number="33">किन्तु हे परमेस्सर। जउन कछू भी घटब अहइ साथ हमरे घटी ओनके बरे निआव पूर्ण तू रहा। तू तउ अच्छा ही रहा, बुरे तउ हम ही रहे।</verse>
				<verse number="34">हमरे राजा लोगन मुखियन, याजकन अउर पुरखन नाहीं पालेन तोहरी सिच्छन क। उ पचे नाहीं दिहन कान तोहरे आदेसन, तोहार चिताउनियन उ पचे सुनेन ही नाहीं।</verse>
				<verse number="35">हिआँ तलक कि जब पुरखन हमरे अपने राज्ज मँ रहत रहेन, उ पचे नाहीं सेवा किहन तोहार। तजेन उ पचे नाहीं बुरे करमन क करब। जउन कछू भी उत्तिम वस्तु ओनका तू दिहे रह्या, ओनकर रस उ पचे रहेन लेत। आनन्द उ धरती क लेत रहेन जउन रही सम्पन्न बहोत। अर जगह बहोत स रही ओनके लगे। किन्तु उ पचे नाहीं छोडेन निज बुरी राह।</verse>
				<verse number="36">अउर अब हम बने दास अही; हम दास अही उ धरती पइ, जेका तू दिहे रह्या हमरे पुरखन क। तू इ धरती रह्या ओनका दिहे, कि भोगइँ उ पचे ओकर फल अउर आनन्द लेइँ ओन सबहि चिजियन क जउन हिआँ उगत ही।</verse>
				<verse number="37">इ धरती क फसल अहइ भरपूर मुला पाप किहा हम तउ हमार उपज जात ह लगे ओन राजा लोगन क जेनका तू बइठाया ह मूँड़े पइ हमरे। हम पइ अउर गोरुअन पइ हमरे उ सबइ राजा राज करत हीं उ पचे चाहत हीं जइसा भी वइसा ही करत ही। हम अही बहोत कस्ट मँ।</verse>
				<verse number="38">“तउ, सोचिके एन सबहि बातन क बारे मँ हम करित ह वाचा एक, जउन न बदला जाइ कबहुँ भी। अउर इ वाचा क लिखतम हम लिखत अही अउर इ वाचा पइ अंकित करित ह आपन नाउँ हाकिम हमरे, लेवी क संतान अउर उ पचे करत ही हस्ताच्छर लगाइके ओह पइ मुहर।”</verse>
			</chapter>
			<chapter number="10">
				<verse number="1">मुहर लगी वाचा पइ निम्नलिखित नाउँ लिखे रहेन: हकल्याह क पूत राज्जपाल नहेमायाह। सिदकिय्याह,</verse>
				<verse number="2">सरायाह, अजर्याह, यिर्मयाह,</verse>
				<verse number="3">पसहूर, अमर्याह, मल्किय्याह,</verse>
				<verse number="4">हत्तूस, सबन्याह, मल्लूक,</verse>
				<verse number="5">हारीम, मरेमोत, ओबद्याह,</verse>
				<verse number="6">दानिय्येल, गिन्नतोन, बारूक,</verse>
				<verse number="7">मसूल्लाम, अबिय्याह, मिय्यामीन,</verse>
				<verse number="8">माज्याह, बिलगै अउर समायाह। इ सबइ ओन याजक क नाउँ अहइँ जउन मुहर लगी वाचा पइ आपन नाउँ अंकित किहेन।</verse>
				<verse number="9">इ सबइ ओन लेवीबंसियन क नाउँ अहइँ जउन मुहर लगी वाचा पइ आपन नाउँ अंकित किहन: आजन्याह क पूत येसू, हेनानाद क संतान बिन्नई अउर कदमिएल</verse>
				<verse number="10">अउर ओनके भाइयन क नाउँ इ सबइ रहेन: सबन्याह, होदियाह, कलीता, पलायाह, हानान,</verse>
				<verse number="11">मीका, रहोब, हसब्याह</verse>
				<verse number="12">जक्कूर, सेरेब्याह, सकन्याह,</verse>
				<verse number="13">होदियाह, बानी अउर बनीन।</verse>
				<verse number="14">इ सबइ नाउँ ओन मुखिया लोगन क अहइँ जउन उ मुहर लगी वाचा पइ अपने नाउँ अंकित किहन: परोस, पहत-मोआब, एलाम, जत्तू, बानी,</verse>
				<verse number="15">बुन्नी, अजगाद, बेबै,</verse>
				<verse number="16">अदोनिय्याह, बिग्वै, आदीन,</verse>
				<verse number="17">आतेर, हिजकिय्याह, अज्जूर,</verse>
				<verse number="18">होदियाह, हासूम, बेसै,</verse>
				<verse number="19">हारीफ अनातोत, नोबै,</verse>
				<verse number="20">मगपिआस, मसूल्लाम, हेजीर</verse>
				<verse number="21">मेसजबेल, सादोक, यद्दू,</verse>
				<verse number="22">पलत्याह, हानान, अनायाह,</verse>
				<verse number="23">होसै, हनन्याह, हस्सूब,</verse>
				<verse number="24">हल्लोहेस, पिलहा, सोबेक,</verse>
				<verse number="25">रहूम, हसब्ना, मासेयाह,</verse>
				<verse number="26">अहियाह, हानान, आनान,</verse>
				<verse number="27">मल्लूक, हारीम अउर बाना।</verse>
				<verse number="28">तउ अब इ सबइ सबहिं लोग जेनकर नाउँ ऊपर दीन्ह गए अहइँ परमेस्सर क समन्वा इ बिसेस प्रतिग्या लेत हीं। इ बचा भवा लोग भी प्रतिग्या किहेस ह: याजकन, लेवीबंसी, दुआरपाल, गायक, यहोवा क भवन क सेवक, अउर उ सबइ सबहिं लोग जउन आस-पास रहइवाले लोगन स परमेस्सर क नेमन क पालन करइ बरे, अपने आप क अलग कइ लिहे रहा। ओन लोगन क मेहररुअन, पूतन, बिटियन अउर हर उ मनई जउन जान अउर समझ सकत ह कि उ पचे का करत अहा।</verse>
				<verse number="29">इ सबइ लोग जउन अपने भाई बंधुअन अउ अपने मुखियन क संग इ प्रतिग्या क अपनावइ मँ सम्मिलित भएन कि उ पचे परमेस्सर क सेवक मूसा क जरिये दीन्ह गए बिधान क पालन करिही। उ पचे सहमत भएन कि जदि आपन प्रतिग्या मँ असफल होइ तउ सराप पाइहीं। परमेस्सर हमका आपन बिधान ओकर सेवक मूसा जरिये दिहेन। इ सबइ लोग प्रतिग्या किहेन कि उ पचे सावधानी क संग अपने यहोवा आपन परमेस्सर क आदेसन, नेमन अउर अध्यादेसन क पालन करिही। उ पचे सुआमी ओकर परमेस्सर क हुकूमन आदेसन अउर फइसलन क अनुसरण करिहीं।</verse>
				<verse number="30">“हम प्रतिग्या करित ह कि अपने आस-पास रहइवाले लोगन क संग अपनी बिटियन क बियाह नाहीं करिहीं अउर हम इ प्रतिग्या भी करित ह कि ओनकी बिटियन क संग अपने बेटवन क नाहीं बियाहब।</verse>
				<verse number="31">“हम इ प्रतिग्या करित ह कि सबित क दिन काम नाहीं करब अउर जदि हमरे आस-पास रहइवाले लोग सबित क दिन बेचइ क अनाज या दूसर चिजियन लिआउब तउ बिस्राम क उ बिसेस दिन या कउनो भी दूसर बिसेस क दिन, ओन चिजियन क नाहीं बेसहिही। हर सतएँ बरिस हम न तउ आपन धरती क जोतब अउर न बोउब, अउ हर सतएँ बरिस मँ हम दूसरे लोगन क कर्ज क माफ कइ देब।</verse>
				<verse number="32">“परमेस्सर क भवन क धियान रखइ क बरे ओकरे आदेसन पइ चलइ क जिम्मेदारी क हम ग्रहण करब। हम हर बरिस एक तिहाई सेकेल हमरे परमेस्सर क सम्मान मँ भवन क सेवा, उपासना क बढ़ावा देइ क बरे दिया करब।</verse>
				<verse number="33">इ धन क उपयोग उ बिसेस रोटी बरे कीन्ह जाइ जेका याजक मन्दिर क वेदी पइ अर्पित करत ह। इ धने क उपयोग हर दिन क अन्नबलि अउ होमबलि बरे कीन्ह जाइ। सबित नवे चाँद क त्यौहार अउर दूसरी सभन पइ इहइ धने स खरचा होइ। ओन पवित्तर चढ़ावन अउ पाप बलियन बरे भी इ धन क ही उपयोग कीन्ह जाई जेनसे इस्राएल क लोग अभिसेक होइ। इ धन स ही हर उ काम क खरच चली जउन हमरे परमेस्सर क मन्दिर क बरे जरूरी अहइ।</verse>
				<verse number="34">“हम, यानी याजक, लेवीबंसी अउर लोग मिलिके इ निहचित करइ बरे पासे लोकाएन कि हमरे हर परिवार क हर बरिस एक निहचित समइ हमरे परमेस्सर क मन्दिर मँ काठे क उपहार कब लिआउब अहइ। उ काठ जेका हमरे परमेस्सर यहोवा क वेदी पइ बारा जात ह। हम क इ काम क जरूर करइ चाही काहेकि इ हमार व्यवस्था क बिधान मँ लिखा अहइ।</verse>
				<verse number="35">“हम क अपने फलन क हर बृच्छ अउर अपनी फसल क पहिले फलन क लिआवइ क जिम्मेदारी भी ग्रहण करित ह। हर बरिस यहोवा क मन्दिर मँ हम उ फसल क लिआइके अर्पित किया करब।</verse>
				<verse number="36">“काहेकि ब्यवस्था क विधान मँ इ भी लिखा अहइ एह बरे हम एका भी किया करब: हम अपने पहिलौटे पूत, पहिलौटी गइया क बच्चन, भेड़िन अउर बोकरियन क पहिले छौनन क लइके परमेस्सर क मन्दिर मँ आवा करब। ओन याजकन क लगे हम एन सब क लइ जावा करब जउन हुवाँ मन्दिर मँ सेवा आराधना करत हीं।</verse>
				<verse number="37">“हम परमेस्सर क मन्दिर क भण्डार मँ याजकन क लगे इ सबइ चिजियन भी लिआवा करब: पहिला गूंधा भवा आटा, पहली अन्न बलियन, हमरे सबहिं बृच्छन क फल, हमरी नई दाखरस अउर तेल क पहिला भाग। हम लेवीबंसियन बरे अपनी उपज क दसवाँ हींसा भी दिया करब काहेकि हर एक नगर मँ जहाँ हम काम करित ह, लेवीबंसी हम स इ सबइ चिजियन लिया करत हीं।</verse>
				<verse number="38">“लेवीबंसी जब उपज क इ भाग एकट्ठा करइँ तउ हारून क परिवार क एक याजक ओनके संग जरुर होइ चाही, अउर फुन एन सबइ चिजियन क दसवे हीसे क हुवाँ स लइके लेवीबंसियन क चाही कि उ पचे ओनका हमरे परमेस्सर क मन्दिर मँ लइ आवइँ अउर ओनका मन्दिर क खजाने क कोठियारन मँ धइ देइँ।</verse>
				<verse number="39">इस्राएल क लोग अउर लेवीबंसियन क चाही कि उ पचे अपने उपहारन क कोठियारन मँ लइ आवइँ। उपहार क अन्न, नई दाखरस अउर तेल क ओनका हुवाँ लइ आवइ चाही। मन्दिर मँ काम आवइवाली सबहिं चिजियन ओन कोठियारन मँ रखी जात ही अउर अपने कार्य पइ नियुक्त याजक, गायक अउर दुआरपालन क कमरन भी उहइ रहेन। “हम सबहिं प्रतिग्या करित ह कि हम अपने परमेस्सर क मन्दिर क देख रेख किया करब।”</verse>
			</chapter>
			<chapter number="11">
				<verse number="1">लखा अब इस्राएल क लोगन क मुखिया यरूसलेम मँ बस गएन। इस्राएल क दूसरे लोगन क इ निहचित करब रहा कि नगर मँ अउर कउन लोग बसिहीं। एह बरे उ पचे पासे लोकाएन जेकरे मुताबिक हर दस मनइयन मँ स एक क यरूसलेम क पवित्तर नगर मँ रहब रहा अउर दुसर नौ मनइयन क अपने-अपने मूल नगरन मँ बसब रहा।</verse>
				<verse number="2">यरूसलेम मँ रहइ क बरे कछू लोग खुद अपने आप क प्रस्तुत किहन। अपने आप क खुद प्रस्तुत करइ क बरे दूसर मनइयन ओनका धन्नवाद देत भए आसीर्बाद दिहन।</verse>
				<verse number="3">इ सबइ प्रांतन क उ सबइ मुखिया अहइँ जउन यरूसलेम मँ बस गएन। (कछू इस्राएल क निवासी कछू याजक लेवीबंसी मन्दिर क सेवक अउर सुलैमान क ओन सेवकन क संतान अलग-अलग नगरन मँ अपनी निजी धरती पइ यहूदा मँ रहा करत रहेन,</verse>
				<verse number="4">अउर यहूदा अउर बिन्यामीन क परिवारन क दूसर लोग यरूसलेम मँ ही रहत रहे रहेन।) यहूदा क उ सबइ संतानन जउन यरूसलेम मँ बस गए रहेन, उ सबइ इ सब अहइँ: अतायाह। (अतायाह उज्जियाह क पूत रहा। उज्जिया जकर्याह क पूत रहा। जकर्याह अमर्याह क पूत रहा अउर अमर्याह सपत्याह क पूत रहा। सपत्याह महललेल क पूत रहा अउर महललेल पेरेस क संतान रहा।)</verse>
				<verse number="5">मासेयाह बारूक क पूत रहा (अउर बारूक कोल-होजे क पूत रहा। कोल-होजे हजायाह क पूत रहा। हजायाह अदायाह क पूत रहा। अदायाह योयारीब क पूत रहा। योयारीब जकर्याह क पूत रहा। जकर्याह सिलोई क संतान रहा।)</verse>
				<verse number="6">पेरेस क संतान यरूसलेम मँ रहत रहिन, ओनकर गनती रही चार सौ अडसठ। उ पचे सबहिं लोग सूरवीर रहेन।</verse>
				<verse number="7">बिन्यामीन क जउन संतान यरूसलेम मँ आइन उ सबइ इ सब रहिन: सल्लू। (सल्लू मसुल्लाम क पूत रहा। मसूल्लाम योएद क पूत रहा। योएद पदायाह क पूत रहा अउर पदायाह कोलायाह क पूत रहा। कोलायाह मासेयाह क पूत रहा, मासेयाह इतीएह क पूत रहा अउर इतीएह यसायाह क पूत रहा।)</verse>
				<verse number="8">जउन लोग यसायाह क अनुसरण किहन उ पचे रहेन गब्बै अउर सल्लै। एनके संग नौ सौ अटाईस मनसेधू रहेन।</verse>
				<verse number="9">जिक्री क पूत योएल एनकर प्रधान रहा अउर हस्सनूआ क पूत यहूदा नगर क दूसर प्रधान रहा।</verse>
				<verse number="10">यरूसलेम मँ जउन याजक बस गएन, उ सबइ अहइँ; योयारीब क पूत यदायाह अउ याकीन,</verse>
				<verse number="11">अउर सरायाह हिलकियाह क पूत रहा। (हिल्किय्याह मसुल्लाम क पूत रहा। मसुल्लाम सादोक क पूत रहा। सादोक मरायोत क पूत रहा। मरायोत अहीतूब क पूत रहा।) अहीतूब परमेस्सर क भवन क देखरेख करइ वाला रहा।</verse>
				<verse number="12">ओनके भाइयन क आठ सौ बाइस मनसेधू जउन मन्दिर क बरे काम किहे रहेन अउर यरोहाम क पूत अदायाह। (यरोहाम पलल्याह क पूत रहा। पलल्याह अम्सी क पूत रहा। अम्सी जकर्याह क पूत रहा। जकर्याह पसहूर क पूत रहा। पसहूर मल्किय्याह क पूत रहा।)</verse>
				<verse number="13">मलकियाह क भाइयन क संख्या दुई सौ बियालीस रही। इ सबइ लोग अपने-अपने परिवारन क मुखिया रहेन। अमसै अजरेल क पूत रहा। (अजरेल अहजै क पूत रहा। अहजै मसिल्लेमोत क पूत रहा। मसिल्लेमोत इम्मेर क पूत रहा),</verse>
				<verse number="14">अमसै अउर ओकर साथी वीर जोधा रहेन। (उ पचे गनती मँ एक सौ चौबीस रहेन। हग्गदोलीन क पूत जब्दिएल ओनकर अधिकारी हुआ करत रहा।)</verse>
				<verse number="15">इ सबइ उ सब लेवीबंसी अहइँ, जउन यरूसलेम मँ जाइ बसे रहेन: समायाह हस्सूब क पूत रहा। (हस्सूब अज्रीकाम क पूत रहा। अज्रीकाम हुसब्याह क पूत रहा। हुसब्याह बुन्नी क पूत रहा।)</verse>
				<verse number="16">सब्बत अउर योजाबाद (इ सबइ दुइ मनई लेवीबंसियन क मुखिया रहेन। उ पचे परमेस्सर क मन्दिर क बाहरी कामन देखरेख करइवालन रहेन।)</verse>
				<verse number="17">मत्तन्याह, (मत्तन्याह मीका क पूत रहा, अउर मीका जब्दी क पूत रहा, अउ जब्दी आसाप क पूत रहा। आसाप स्तुति गीत अउर पराथनन क गायन मँ लोगन क धन्यवाद देइवालन क अगुवाई किया करत रहा।) बकबुकियाह अपने भाइयन क ऊपर (दूसरे दर्जे क अधीकारी रहा।) अउर अब्दा सम्मू क पूत रहा। (सम्मू गालाल क पूत रहा। गालाल यदूतून क पूत रहा।)</verse>
				<verse number="18">इ तरह दुइ सौ चौरासी लेवीबंसी यरूसलेम क पवित्तर नगर मँ जाइ बसे रहेन।</verse>
				<verse number="19">जउन दुआरपाल यरूसलेम चले गए रहेन, ओनकर नाउँ इ सबइ रहेन: अक्कूब, तलमोन, अउर ओनकर साथी। इ सबइ लोग नगर दुआरन पइ नजर रखत भए ओनकर रखवारी किया करत रहेन। इ सबइ गनती मँ एक सौ बहत्तर रहेन।</verse>
				<verse number="20">इस्राएल क दूसर लोग, दूसर याजक अउर लेवीबंसी यहूदा क सबहिं नगरन मँ रहइ लागेन। हर कउनो मनई उ धरती पइ रहा करत रहा जउन ओनकर पुरखन क रही।</verse>
				<verse number="21">मन्दिर मँ सेवकन ओपेल क पहाड़ी पइ बस गएन। सीहा अउ गिस्पा मन्दिर क ओन सेवकन क निगराँ कार रहेन।</verse>
				<verse number="22">यरूसलेम मँ लेवीबंसियन क ऊपर उज्जी क अधिकारी बनावा गवा। उज्जी बानी क पूत रहा। (बानी, मीका क पड़पोता, मत्तन्याह क पोता, अउर हसब्याह क पूत रहा।) उज्जी आसाप क संतान रहा। आसाप क संतान उ सबइ गायक रहेन जउने पइ परमेस्सर क मन्दिर क सेवा क भार रहा।</verse>
				<verse number="23">इ सबइ गायक राजा क आग्यन क पालन किया करत रहेन। राजा क आग्यन एन गायकर क बतावत रहिन कि ओनका हर रोज का करब अहइ।</verse>
				<verse number="24">मसेजबेल क पूत पतहियाह, लोगन स सम्बन्धित मामलन क बिसय मँ राजा क प्रतिनिधि रहा। (मसेजबेल जेरह क पूत रहा। जेरह यहूदा क पूत रहा।)</verse>
				<verse number="25">यहूदा क लोग एन कस्बन मँ बस गएन: किर्यतर्बा अउर ओकरे आस-पास क नान्ह-नान्ह गाँव, दिबोन अउर ओकरे आस-पास क नान्ह-नान्ह गाँव यकब्सेल अउर ओकरे आस-पास क नान्ह-नान्ह गाँव</verse>
				<verse number="26">अउर येसू, मोलादा, बेतपेलेत,</verse>
				<verse number="27">हसर्यूयाल बेरसेबा अउर ओकरे आस-पास क नान्ह गाँव</verse>
				<verse number="28">अउर सिकलग, मकोना अउर ओकरे आस-पास क नान्ह गाँव।</verse>
				<verse number="29">एन्निम्मोन, सोरा, यर्मूत,</verse>
				<verse number="30">जानोह अउर यदुल्लाम अउ ओकरे आस-पास क नान्ह-नान्ह गाँव। लाकीस अउर ओकरे आस-पास क खेतन, अजेका अउर ओकरे आस-पास क नान्ह-नान्ह गाँव। इ तरह बरसेवा स लइके हिन्नौम क तराई तलक क इलाके मँ यहूदा क लोग रहइ लागेन।</verse>
				<verse number="31">जउने जगहन मँ बिन्यामीन क संतान रहइ लागे रहेन, उ सबइ इ सब रहिन: गेबा मिकमस, अय्या, बेतेल अउर ओकरे आस-पास क नान्ह-नान्ह गाँव,</verse>
				<verse number="32">अनातोत, नोब, अनन्याह</verse>
				<verse number="33">हासोर रामा, गित्तैम,</verse>
				<verse number="34">हादीद, सबोईम, नबल्लत,</verse>
				<verse number="35">लोद, ओनो अउर कारीगरन क तराई।</verse>
				<verse number="36">लेवीबंसियन क कछू समुदाय जउन यहूदा मँ रहा करत रहेन बिन्यामीन क धरती पइ बस गए रहेन।</verse>
			</chapter>
			<chapter number="12">
				<verse number="1">जउन याजक अउर लेवीबंसी यहूदा क धरती पइ लउटिके वापस आए रहेन, उ सबइ इ सब रहेन। उ सबइ सालतीएल क पूत जरूब्बाबेल अउ येसू क संग लउटे रहेन, ओनके नाउँन क सूची इ अहइ: सरायाह, यिर्मयाह, एज्रा,</verse>
				<verse number="2">अमर्याह, मल्लूक, हत्तूस,</verse>
				<verse number="3">सकन्याह, रहूम, मरेमोत,</verse>
				<verse number="4">इद्दो, गिन्तोई, अबियाह,</verse>
				<verse number="5">मिन्यामीन, माद्याह, बिल्गा,</verse>
				<verse number="6">समायाह, योआरीब, यदायाह,</verse>
				<verse number="7">सल्लू, आमोक, हिल्किय्याह अउर यदायाह। इ सबइ लोग याजकन अउर ओनके सम्बन्धियन क मुखिया रहेन। येसू क दिनन मँ इ सबइ ही ओनके मुखिया हुआ करत रहेन।</verse>
				<verse number="8">लेवीबंसी लोग इ सबइ रहेन: येसू, बिन्नूई, कदमिएल, सेरेब्याह, यहूदा अउर मत्तन्याह भी। मत्तन्याह क सम्बन्धियन समेत इ सबइ लोग परमेस्सर क धन्यवाद गीतन क अधिकारी रहेन।</verse>
				<verse number="9">बकबुकियाह अउ उन्नो एन लेवीबंसियन क सम्बन्धी रहेन। इ दुइनउँ आराधना सेवा क अवसरन पइ ओनके समन्वा खड़े रहा करत रहेन।</verse>
				<verse number="10">येसू योयाकीम क बाप रहा अउर योयाकीम एल्यासीब क बाप रहा अउर एल्यासीब योयादा क बाप रहा।</verse>
				<verse number="11">योयादा योनातान क बाप रहा। योनातान यहूदा बाप रहा।</verse>
				<verse number="12">योयाकीम क दिनन मँ इ सबइ मनसेधू याजकन क परिवारन क मुखिया हुआ करत रहेन: सरायाह क घराने क मुखिया मरायाह रहा यिर्मयाह क घराने क मुखिया हनन्याह रहा।</verse>
				<verse number="13">मस्सूलाम एज्रा क घराने क मुखिया रहा अर्मयाह क घराने क मुखिया रहा यहोहानान।</verse>
				<verse number="14">योनातान मल्लूक क घराने क मुखिया रहा योसेप सबन्याह क घराने क मुखिया रहा।</verse>
				<verse number="15">अदना हारीम क घराने क मुखिया रहा। हेलैक मेरेमोत क घराने क मुखिया रहा।</verse>
				<verse number="16">जकर्याह इद्दो क घराने क मुखिया रहा। मसुल्लाम गिन्नतोन क घराने क मुखिया रहा।</verse>
				<verse number="17">जिक्री अबियाह क घराने क मुखिया रहा। पिलतै मिन्यामीन अउर मोअद्याह क घराने क मुखिया रहा।</verse>
				<verse number="18">सम्मू बिल्गा क घराने क मुखिया रहा। यहोनातान सामायह क घराने क मुखिया रहा।</verse>
				<verse number="19">मतैन योयारीब क घराने क मुखिया रहा। उजी, यदायाह क घराने क मुखिया रहा।</verse>
				<verse number="20">कल्लै सल्लै क घराने क मुखिया रहा। एबेर आमोक क घराने क मुखिया रहा।</verse>
				<verse number="21">हसब्याह हिल्किय्याह क घराने क मुखिया रहा। अउर नतनेल यदायाह क घराने क मुखिया रहा।</verse>
				<verse number="22">फारस क राजा दारा क सासन काल मँ लेवी परिवारन क मुखिया लोगन अउर याजक घरानन क मुखिया लोगन क नाउँ एल्यासीब, योयादा, योहानान अउ यहूदा क दिनन मँ लिखे गएन।</verse>
				<verse number="23">लेवी परिवार क संतानन क बीच जउन परिवार क मुखिया रहेन, ओनकर नाउँ एल्यासीब क पूत योहानान तलक इतिहास क पुस्तक मँ लिखे गएन।</verse>
				<verse number="24">लेवियन क मुखिया लोगन क नाउँ इ सबइँ अहइँ: हसब्याह, सेरेब्याह, कदमिएल क पूत येसू ओकर भाईयन। ओनके भाईयन स्तुतिगान अउ धन्यवाद-गीत क वास्ते ओनके समन्वा खड़ा रहत रहेन। उ पचे आमने-सामने इ तरह खड़े होत रहेन कि एक गायक समूह दूसरे गायक समूह क जवाब मँ गीत गावत रहा। परमेस्सर क भक्त दाऊद क अइसी ही आग्या रही।</verse>
				<verse number="25">जउन दुआरपाल दुआरन क लगे क कोठियारन पइ पहरा देत रहेन, उ पचे इ सब रहेन: मत्तन्याह, बकबुकियाह, ओबाद्याह, मसुल्लाम, तलमोन अउर अक्ककूब।</verse>
				<verse number="26">इ सबइ दुआरपालक येसू क पूत योयाकीम क दिनन मँ सेवा कार्य किया करत रहेन। येसू जउन कि योसादाक क पूत रहा। एन दुआरपालन ही राज्जपाल नहेमायाह अउर याजक अउ विद्वान एज्रा क दिनन मँ सेवा कार्य किहे रहेन।</verse>
				<verse number="27">लोग यरूसलेम क देवार क समर्पित किहन। उ पचे सबहिं लेवीबंसियन क बोलाएन। तउ लेवी जउने नगर मँ रहत रहेन, हुवाँ स उ पचे आएन। यरूसलेम क देवार क समर्पण क मनावइ क बरे उ पचे यरूसलेम आएन। परमेस्सर क धन्नवाद देइ अउ स्तुतिगीत गावइ क बरे लेवीबंसी हुवाँ आएन उ पचे आपन झाँझ, सारंगी अउर वीणन बजाएन।</verse>
				<verse number="28">दूसर सबइ गायकन भी यरूसलेम आएन। उ पचे गायक यरूसलेम क आसपास क नगरन स आए रहेन। उ पचे नतोपतियन क गाँवन स,</verse>
				<verse number="29">बेत-गिलगाल, गेबा अउर अजमाबेत क नगरन स आए रहेन। गायकन, यरूसलेम क इर्द-गिर्द नान्ह-नान्ह बस्तियन बनाइ रखी रहिन।</verse>
				<verse number="30">इ तरह याजकन अउ लेवियन एक समारोह क जरिये अपने अपने क सुद्ध किहन। फुन एक सभारोह क जरिये उ पचे लोगन, दुआरन अउर यरूसलेम क देवार क भी सुद्ध किहन।</verse>
				<verse number="31">फुन मइँ यहूदा क मुखिया लोगन स कहेउँ कि उ पचे ऊपर जाइके देवार क सिखर पइ खड़े होइ जाइँ। मइँ परमेस्सर क धन्नवाद देइ क बरे दुइ बडकी गायक मण्डलियन क चुनाव भी किहेउँ। एनमाँ स एक गायक मण्डली क कुरडी दुआर कइँती दाहिनी तरफ देवार क सिखर पइ जाब सुरू रहा।</verse>
				<verse number="32">होसायाह अउर यहूदा क आधे मुखिया ओन गायकन क पाछे होइ लिहन।</verse>
				<verse number="33">अजर्याह, एज्रा मसुल्लाम,</verse>
				<verse number="34">यहूदा बिन्यामीन, समायाह, अउर यिर्मयाह भी ओनके पाछे होइ लिहे रहेन।</verse>
				<verse number="35">तुरही बरे कछू याजक भी देवार पइ ओनकर अनुसरण करत भए गएन। जकर्याह भी ओनके पाछे पाछे रहा। (जकर्याह योहानान क पूत रहा। योहानान समायाह क पूत रहा। समायाह मत्तन्याह क पूत रहा। मत्तन्याह मीकायाह क पूत रहा। मीकायाह जक्कूर क पूत रहा। जक्कूर आसाप क पूत रहा।)</verse>
				<verse number="36">हुवाँ जकरिया क भाई समायाह, अजरेल, मिल्लै, गिल्लै, माऐ, नतनेल, यहूदा अउर हनानी भी मौजूद रहेन। ओनके लगे परमेस्सर क मनसेधू, दाऊद क बनाए भए बाजन रहेन। देवार क समर्पित करइ क बरे जउन लोग हुवाँ रहेन, ओनके समूह क अगुवाई, विद्वान एज्रा किहस।</verse>
				<verse number="37">अउर उ पचे स्रोत दुआर पइ चले गएन। फुन उ पचे सामने क सीढ़ियन स होत भए दाऊद क नगर पैदल ही गएन। फुन उ पचे नगर देवार क सिखर पइ जाइ पहोचेन अउर इ तरह दाऊद क घर पइ स होत भए उ पचे पूर्बी जल दुआर पइ पहोंच गएन।</verse>
				<verse number="38">गायकन क दूसर मण्डली बाई कइँती दूसर दिसा मँ चल पड़ी। उ पचे जब देवार क सिखर कइँती जात रहेन, मइँ ओनके पाछे होइ लिहेउँ। आधे लोग भी ओनके पाछे होइ लिहन। भट्ठन क मीनारन क पाछे छोड़त भए उ पचे चौड़े देवार पइ चले गएन।</verse>
				<verse number="39">एकरे पाछे उ पचे एन दुआरन पइ गएन एप्रैम दुआर, पुरान दरवाजा अउर मछरी फाटक अउर फुन उ पचे हननेल अउ हम्मेआ क बुर्जन पइ गएन। उ पचे भेड दुआर तलक जाइ पहोचेन अउर पहरेदारन क दुआर पइ जाइके रुक गएन।</verse>
				<verse number="40">फुन गायकन क उ सबइ दुइनउँ मण्डलियन परमेस्सर क मन्दिर मँ अपने-अपने जगहन क चली गइन अउर मइँ अपने जगह पइ खड़ा होइ गवा अउ आधे हाकिम मन्दिर मँ अपने अपने जगहन पइ जा खड़े भएन।</verse>
				<verse number="41">फुन एकरे पाछे अपने-अपने जगहन पइ जउन याजक जाइ खड़े भए रहेन, ओनकर नाउँ अहइँ एल्याकीम, मासेयाह, मिन्यामीन, मीकायाह, एल्योएनै, जकर्याह अउर हनन्याह। ओन याजकन अपनी अपनी तुर्रुहियन लइ रखे रहेन।</verse>
				<verse number="42">एकरे पाछे इ सबइ याजक मन्दिर मँ अपने-अपने जगहन पइ आइ खड़े भएन: मासेयाह, समायाह, एलियाजर, उज्जी, यहोहानाम, मल्कियाह, एलाम अउ एजेर। फुन दुइनउँ, गायक मण्डलियन यिज्रहियाह क अगुवाई मँ गाना सुरू किहन।</verse>
				<verse number="43">तउ उ बिसेस दिन, याजकन बहोत स बलियन चढ़ाएन। हर कउनो बहोत खुस रहा। परमेस्सर हर कउनो क आनंदित किहे रहा। हिआँ तलक कि मेहररूअन अउर बच्चन तलक बहोत उल्लास मँ भरे अउ खुस रहेन। दूर दराज क लोग भी यरूसलेम स आवत भए आनन्दपूर्ण सोर क सुन सकत रहेन।</verse>
				<verse number="44">उ दिन मुखिया लोग कोठियारन क अधिकारियन क नियुक्ति किहन। इ सबइ कोठियार ओन उपहार क रखइ क बरे रहेन जेनका लोग अपने पहिले फलन अउर अपनी फसल अउर आय क दसवें हीसे क रूप मँ लिआवा करत रहेन। ब्यवस्था क विधान क अनुसार लोगन क नगर क चारिहुँ ओर क खेतन अउ बगीचन स उपज क एक हीसा, याजकन अउ लेवियन बरे लिआवइ चाही। यहूदा क लोग जउन याजक अउ लेवी सेवा कार्य करत रहेन ओनके बरे अइसा करइ मँ खुसी क अनुभव करत रहेन।</verse>
				<verse number="45">याजकन अउ लेवियन अपने परमेस्सर बरे अपना कर्त्तव्य पालन किहे रहेन। उ पचे उ सबइ समारोह किहे रहेन जेनसे लोग पवित्तर भएन। गायकरन अउर दुआरपालन भी अपने हीसे क काम किहन। दाऊद अउर ओकर पूत सुलैमान जउन भी आग्यन दिहे रहा, उ पचे सब कछू वइसा ही किहे रहेन।</verse>
				<verse number="46">(बहोत दिनन पहिले दाऊद अउर आसाप क दिनन मँ उ धन्नवाद क गीतन अउर परमेस्सर क स्तुतियन अउ गायकन क मुखिया हुवा करत रहेन।)</verse>
				<verse number="47">तउ जरूब्बबेल अउ नहेमायाह क दिनन मँ गायकन अउर दुआरपालन क रखरखाव बरे इस्राएल क सबहिं लोग हर रोज दान दिया करत रहेन। दूसरे लेवियन क बरे भी उ पचे बिसेस दान दिया करत रहेन अउर फुन लेवी ओहमाँ स हारून क संतानन अउ याजकन क बरे बिसेस योगदान दिया करत रहेन।</verse>
			</chapter>
			<chapter number="13">
				<verse number="1">उ दिन मूसा क किताब क ऊँचे सुर मँ पाठ कीन्ह गवा ताकि सबहिं लोग ओका सुन सकइँ। मूसा क किताब मँ ओनका इ नेम लिखा भवा मिला कउनो भी अम्मोनी मनई क अउर कउनो भी मोआबी मनई क परमेस्सर क सभन मँ सामिल न होइ दीन्ह जाइ।</verse>
				<verse number="2">इ नेम एह बरे लिखा गवा रहा कि उ पचे इस्राएल क लोगन क भोजन या जल नाहीं दिया करत रहेन, अउ उ पचे इस्राएल क लोगन क सराप देइ क बरे बालाम क धन दिया करत रहेन। मुला हमार परमेस्सर उ सराप क हमरे बरे वरदान मँ बदल दिहस।</verse>
				<verse number="3">तउ इस्राएल क लोग इ नेम क सुनिके एकर पालन किहन अउर पराए लोगन क संतानन क इस्राएल स अलग कइ दिहन।</verse>
				<verse number="4">किन्तु अइसा होइ स पहिले एल्यासीब तोबियाह क मन्दिर मँ एक ठु बड़की कोठरी दइ दिहस। एल्यासीब परमेस्सर क मन्दिर क भण्डार घरन क अधिकारी याजक रहा। अउर एल्यासीब तोबियाह क घनिस्ठ मीत भी रहा।</verse>
				<verse number="5">पहिले उ कोठरी क प्रयोग भेट मँ चढ़ाए गए अन्न, सुगन्ध अउर मन्दिर क बर्तनन अउर दूसर चिजियन क रखइ क बरे कीन्ह जात रहा। उ कोठरी मँ गायकन लेवियन अउर दुआरपालन क बरे अन्न क दसवाँ हींसा, नई दाखरस अउर तेल भी रखा भवा रहेन। याजकन क दीन्ह गए उपहार भी उ कोठरी मँ रखे जात रहेन। किन्तु एल्यासीब उ कोठरी क तोबियाह क दइ दिहे रहा।</verse>
				<verse number="6">जउने समइ इ सब कछू भवा रहा, उ समइ मइँ यरूसलेम मँ नाहीं रहा। मइँ बाबेल क राजा क लगे वापस गवा भवा रहा। जब बाबेल क राजा अर्तछत्र क सासन क बत्तीसवाँ साल रहा, तब मइँ बाबेल गवा रहेउँ। पाछे मइँ राजा स यरूसलेम वापस लउट जाइ क अनुमति माँगेउँ</verse>
				<verse number="7">अउर इहइ तरह मइँ यरूसलेम लउट आएउँ। एल्यासीब क इ बुरा काम क बारे मँ मइँ सुनेउँ कि एल्यासीब हमरे परमेस्सर क मन्दिर क दालान क एक कोठरी तोबियाह क दइ दिहस।</verse>
				<verse number="8">एल्यासीब जउन किहे रहा, ओहसे मइँ बहोत कोहान रहेउँ। तउ मइँ तोबियाह क चिजियन उ कोठरी स बाहेर निकारि लोकाएउँ।</verse>
				<verse number="9">ओन कोठरियन क स्वच्छ अउर पवित्तर बनावइ क बरे मइँ आदेस दिहेउँ अउर फुन ओन कोठरियन मँ मइँ मन्दिर क भाँडी अउर दूसर चिजियन भेट मँ चढावा भवा अन्न अउ सुगन्धित द्रव्य फुन स रखवाइ दिहेउँ।</verse>
				<verse number="10">मइँ इ भी सुनेउँ कि लोग लेवियन क ओनकर हीसा नाहीं दिहन ह जेहसे लेवीबंसी अउर गायक अपने खेतन मँ काम करइ बरे वापस चले गएन ह।</verse>
				<verse number="11">तउ मइँ ओन अधिकारियन स कहेउँ कि उ पचे गलत अहइँ। मइँ ओन स पूछेउँ, “तू पचे परमेस्सर क मन्दिर क देखभाल काहे नाहीं किहा?” मइँ सबहिं लेवीबंसियन क बटोरेउँ अउर मन्दिर मँ ओनकी जगहन अउ ओनके कामन पइ वापस लउट आवइ क कहेउँ।</verse>
				<verse number="12">एकरे पाछे यहूदा क हर कउनो मनई ओनके दसवे हीसे क अन्न, नई दाखरस अउर तेल मन्दिर मँ लिआवइ लगा। ओन चिजियन क भण्डार गृहन मँ रख दीन्ह जात रहा।</verse>
				<verse number="13">मइँ एन मनइयन क भण्डार ग्रहन क देखरेख करइवाला नियुक्त किहेउँ: याजक सेलेम्याह, विद्वान सादोक अउ पादायाह नाउँ क एक लेवी साथ ही मइँ पत्तन्याह क पोतन अउर जक्कूर क पूत हानान क ओनकर सहायक नियुक्त कइ दिहेउँ। जक्कूर मत्तन्याह क पूत रहा। मइँ जानत रहेउँ कि ओन मनइयन पइ बिस्सास कीन्ह जाइ सकत रहा। ओन लोगन क कार्य आपन नातेदारन मँ खावइ अउर पीवइ क सामान बाँटइ क रहा।</verse>
				<verse number="14">हे परमेस्सर, मोरे कीन्ह गए कामन क तू मोका याद राखा अउर अपने परमेस्सर क मन्दिर अउर ओकरे सेवा कार्यन क बरे बिस्सास क संग जउन कछू मइँ किहेउँ ह, उ सब कछू क तू जिन बिसराया।</verse>
				<verse number="15">ओनही दिनन यहूदा मँ मइँ लखेउँ कि लोग सबित क दिन भी काम करत ही। मइँ लखेउँ कि लोग दाखरस बनावइ क बरे रस निकारत अहइँ। मइँ लोगन क अनाज लिआवत अउर ओका गदहन पइ लादत लखेउँ। मइँ लोगन क नगर मँ अंगूर, अंजीर अउ हर तरह क चिजियन लइके आवत भए लखेउँ। उ पचे एन सबहिं चिजियन क सबित क दिन यरूसलेम मँ लिआवत रहेन। तउ एकरे बरे मइँ ओनका चितउनी दिहेउँ। मइँ ओनसे कहि दिहेउँ कि ओनका सबित क दिन खाइ क चिजियन कबहुँ भी नाहीं बेचइ चाही।</verse>
				<verse number="16">यरूसलेम मँ कछू सीरी नगर क लोग भी रहा करत रहेन। उ सबइ लोग मछरी अउर दूसर तरह क दूसर चिजियन यरूसलेम मँ लिआवा करतेन अउर ओनका सबित क दिन बेचा करतेन अउर यहूदी ओन चिजियन क बेसहा करत रहेन।</verse>
				<verse number="17">मइँ यहूदा क महत्वपूर्ण लोगन स कहेउँ कि उ पचे ठीक नाहीं करत अहइँ। ओन महत्वपूर्ण लोगन स मइँ कहेउँ, “तू पचे इ बहोत बुरा काम करत अहा। तू पचे सबित क दिन भ्रस्ट करत अहा। तू पचे सबित क दिन क एक आम दिन जइसा बनाए डारत अहा।</verse>
				<verse number="18">तू पचन्क इ गियान अहइ कि तोहरे पचन्क पुरखन अइसे ही काम किहेन। एह बरे हमरे परमेस्सर हम पइ अउर हमरे नगर पइ बिपत्तियन पठए रहेन अउर बिनास ढाए रहेन। अब तू लोग वइसा ही काम अउर भी जियादा करत अहा, जेहसे इस्राएल पइ वइसी ही बुरी बातन अउर जियादा घटिही काहेकि तू सबित क दिन क बर्बाद करत अहा अउर एका अइसा बनाए डारत अहा जइसे इ कउनो महत्त्वपूर्ण दिन ही नाहीं अहइ।”</verse>
				<verse number="19">तउ हर सुक्रवार क साम क साँझ होइ स पहिले ही मइँ इ किहेउँ कि दुआरपालन क आग्या दइके यरूसलेम क दुआर बंद करवाइके ओन पइ ताले डरवाइ दिहेउँ। मइँ इ भी आग्या दइ दिहेउँ कि जब तलक सबित क दिन पूरा न होइ जाइ दुआर न खोले जाइँ। कछू अपने ही लोग मइँ दुआरन पइ नियुक्त कइ दिहेउँ। ओन लोगन क इ आदेस दइ दीन्ह गवा रहा कि सबित क दिन यरूसलेम मँ कउनो भी माल असबाब न आवइ पावइ एका उ पचे सुनिहचित कइ लेइँ।</verse>
				<verse number="20">एक आध दाई बइपारियन अउ सौदागरन क यरूसलेम स बाहेर ही रात गुजारइ पडी।</verse>
				<verse number="21">किन्तु मइँ ओन बइपारियन अउ सौदागरन क चितउनी दइ दिहेउँ। मइँ ओनसे कहेउँ, “देवार क देवार क आगे न ठहरा करा अउर जदि तू पचे फुन अइसा करब्या तउ मइँ तू पचन्क बंदी बनाइ लेब।” तउ उ दिन क पाछे स सबित क दिन अपना सामान बेचइ बरे उ पचे फुन कबहुँ नाहीं आएन।</verse>
				<verse number="22">फुन मइँ लेवीबंसियन क आदेस दिहेउँ कि उ पचे खुद क पवित्तर करइँ। अइसा कर चुकइ क पाछे ही ओनका दुआरन क पहरे पइ जाब रहा। इ एह बरे कीन्ह गवा कि सबित क दिन क एक पवित्तर दिन क रूप मँ रखा गवा ह, एका सुनिहचित कइ लीन्ह जाइ। हे परमेस्सर! एन कामन क करइ क बरे तू मोका याद राखा। मोरे बरे दयालु हवा अउर मोह पइ अपना महान पिरेम परगट करा।</verse>
				<verse number="23">ओनही दिनन मइँ इ भी लखेउँ कि कछू यहूदी मनसेधूअन आसदोद, अम्मोन अउर मोआब पहँटन क मेहररूअन स बियाह किहे भएन ह,</verse>
				<verse number="24">अउर ओन बियाहन स पइदा भए आधे बच्चेन तउ यहूदी भाखा क बोलब तलक नाहीं जानत ही। उ पचे बच्चन अस्दौद, अम्मोन अउर मोआब क बोली बोलत रहेन।</verse>
				<verse number="25">तउ मइँ ओन लोगन स कहेउँ कि उ पचे गलती पइ अहइँ। ओन पइ परमेस्सर क कहर बरपा होइ। कछू लोगन पइ तउ मइँ चोट ही कर बइठेउँ अउर मइँ ओनके बार उखाड लिहेउँ। परमेस्सर क नाउँ पइ एक प्रतिग्या करइ क बरे मइँ ओन पइ दबाव डाएउँ। मइँ ओनसे कहेउँ, “ओन पराए लोगन क पूतन क संग तू पचन्क अपनी बिटियन क बियाह नाहीं करब अहइ अउर ओन पराए लोगन क बिटियन क भी अपने पूतन स बियाह नाहीं करइ देब अहइ। ओन लोगन क बिटियन क संग तू पचन्क बियाह नाहीं करब अहइ।</verse>
				<verse number="26">तू पचे जानत ह कि सुलैमान स इहइ तरह क बियाहन पाप करवाए रहेन। तू पचे जानत ह कि कउनो भी रास्ट्र मँ सुलैमान जइसा महान कउनो राजा नाहीं भवा। किन्तु परमेस्सर सुलैमान स पिरेम करत रहा अउर ओका सुलैमान क समूचे इस्राएल क राजा बनाए रहा। किन्तु ऍतना होइ पर भी बिजातीय मेहररूअन क कारण सुलैमान तलक क पाप करइ पड़ेन।</verse>
				<verse number="27">अउर अब का, हम तोहार पचन्क सुनी अउर वइसा ही भयानक पाप करी अउ बिजाति औरतन क संग बियाह कइके अपने परमेस्सर क बरे सच्चे नाहीं रही।”</verse>
				<verse number="28">योयादा क एक पूत होरोन क सम्बल्लत क दामाद रहा। योयादा महायाजक एल्यासीब क पूत रहा। तउ मइँ योयादा क उ पूत पइ दबाव डाएउँ कि उ मोरे पास स पराइ जाइ।</verse>
				<verse number="29">हे मोरे परमेस्सर! ओनका याद राखा काहेकि उ पचे याजकपन क भ्रस्ट किहे रहेन। उ पचे याजकपन क अइसा बनाइ दिहे रहेन जइसे ओनकर कउनो महत्त्व न होइ। तू याजकन अउ लेवियन क संग जउन वाचा किहे रह्या, उ पचे ओकर पालन नाहीं किहन।</verse>
				<verse number="30">तउ मइँ हर कउनो बाहरी चीज क याजकन अउर लेवियन क पवित्तर अउ स्वच्छ बनाइ दिहेउँ ह अउर मइँ हर एक मनसेधू क ओकरे अपने कर्त्तव्य अउ दायित्व भी सौपेउँ ह।</verse>
				<verse number="31">मइँ काठे क उपहारन अउर एक निहचित समइ पइ अपने फलन क लिआवइ सम्बन्धी जोजनन भी बनाइ दिहेउँ ह। हे मोरे परमेस्सर! एन नीक करमन बरे तू मोका याद राखा।</verse>
			</chapter>
		</book>
		<book number="17">
			<chapter number="1">
				<verse number="1">इ ओन दिनन क बात अहइ जब छयर्स नाउँ क राजा राज्ज किया करत रहा। भारत स लइक कुस क एक सौ सत्ताईस प्रान्तन पइ ओनकर राज्ज रहा।</verse>
				<verse number="2">महाराजा छयर्स, सुसन नाउँ क नगरी, जउन राजधानी भवा करत रही, मँ अपने सिहासन स ससान चलावा करत रहा।</verse>
				<verse number="3">अपने सासन क तीसरे बरिस मँ, छयर्स अपने अधिकारियन अउ मुखिया लोगन बरे एक भोज क प्रबंध किहेस। फारस, अउ मादै क फउज क मुखियन अउर दुसर महत्वपूर्ण मुखियन अउर प्रान्तीय अधिकारियन उ भोज मँ मौजुद रहेन।</verse>
				<verse number="4">इ भोज ऐक सौ अस्सी दिन तलक चला। इ समइ क दौरन, महाराजा छयर्स अपने राज्ज क महान सम्पत्ति अउ आपनी महानता क भब्य सुन्लरता देखावत रहा।</verse>
				<verse number="5">एकरे पाछे जब एक सौ अस्सी दिन क इ भोज समाप्त भवा, तउ महाराजा छयर्स एक ठु अउर भोज दिहेस जेहमाँ सुसा क जिला महल क सबहि लोगन साथ ही महत्वपूर्ण अउ बे-महत्वपूर्ण लोगन बोल गवा रहा। इ भोज सात दिन तलक चला। इ भोज क आयोजन महल क भितरी बगीचे मँ कीन्ह गवा रहा।</verse>
				<verse number="6">भोज क जगह सफेद अउ नीले रंग क मलमल सूती कपड़न स सजावा ग रहा। इ बैगनी रंग की डोरियन स पकड़ा रहा। उ संगमर क खम्भन क बीच मँ चाँदी क छड़न दुआरा पर लटकत रहा। हुवाँ सोने अउ चाँदी क चौकियन रहिन। इ सबइ चौकियन लाल अउ सफेद रंग क अइसी स्फटिक क भूमितल मँ जुड़ी भई रहिन जेहमाँ संगमरमर, प्रकेलास, सीप अउर दूसर कीमती पाथर जड़े रहेन।</verse>
				<verse number="7">सोने क पियालन मँ दाखरस परोसा गवा रहा। हर पियाला एक दूसरे स अलग रहा। महाराजा क ओकर महान सम्पत्ति क अनुसार दाखरस परोसा गवा रहा।</verse>
				<verse number="8">महाराजा अपने सेवकन क आग्या दिहेस कि हर कउनो मेहमन क जेतना दाखरस उ चाहे ओतने दीन्ह जाइ।</verse>
				<verse number="9">राजा क महल मँ हा महारानी वसती भी महररुअन क एक ठु भोज दिहस।</verse>
				<verse number="10">भोज क सातएँ दिन, महारजा छयर्स दाखरस पिअइ क कारण मगन रहा। उ ओन सात हिजड़न क आग्या दिहस जउन ओकर सेवा किया करत रहेन। एन हिजड़न क नाउँ रहेन: गहूमान, बिजता, हबौना, बिगता, अबगता, जेतेर अउर कर्कस। महाराजा आपन सेवकन क आग्या किहेस</verse>
				<verse number="11">उ पचे राजमुकुट धारण किए भए महारानी वसती क ओकरे लगे लिआवइँ। उ चाहत रहा कि उ मुखिया लोगन अउर महत्वपूर्ण लोगन क अपनी सुन्दरता देखाइ काहेकि उ फुरइ बहोत सुन्नर रही।</verse>
				<verse number="12">मुला उ सेवकन जब राजा क आदेस क बात महारानी वसती स कहेन तउ उ हुवाँ जाइ स मना कइ दिहस। राजा बहोत कोहाइ गवा अउर ओहे पइ किरोध स जरइ लाग।</verse>
				<verse number="13">एह बरे महाराज इ ताज़ा घटना क बारे मँ अपने अनुभवी स बात किहेस। इ रीति रहा कि राजा अपन अनुभवी मनइयन स नेम अउ सज़ा क बारे सलाह लेत रहत रहेन। इ सबइ अनुभवी मनई महाराजा क बहोत निचेक रहेन। एनकर नाउँ रहेन: कर्सना, सेतार, अदमाता, तर्सीस, मेरेस, मर्सना अउर ममूकान। उ सबइ सातहुँ फारस अउर मादै क बहोत महत्वपूर्ण अधिकारी रहेन। एनके लगे राजा स मिलइ क बिसेस अधिकार रहा। उ पचे राज्ज मँ सबन त उच्च अधिकारी रहेन।</verse>
				<verse number="14"></verse>
				<verse number="15">राजा ओन लोगन स पूछेस, “महारनी वसती क संग का कीन्ह जाइ? इ बारे मँ नेम का कहत ह? उ महाराजा छयर्स क मोर उ आग्या क मानइ स मना कइ दिहस जेका हिजड़न ओकरे लगे लइ गए रहेन।”</verse>
				<verse number="16">एइ पइ दुसर अधिकारियन क उपस्थिति मँ महाराजा स ममूकन कहेस, “महारानी वसती अपराध किहस ह। महारानी महाराजा क संग-संग सबहिं मुखिया लोगन अउर महाराजा छयर्स क सबहिं प्रदेसन क लोगन क बिरुद्ध अपराध किहेस ह।</verse>
				<verse number="17">मइँ अइसा एह बरे कहत हउँ कि दूसर मेहरुअन जउन महारानी वसती किहस ह, ओका जब सुनिहीं तउ उ पचे अपन भतारंन क आग्या मानब बंद कइ देइहीं, उ पचे अपने भतारन क स कहिहीं ‘महाराजा छयर्स महारानी वसती क अपन लगे लिआवइ क आग्या दिहे रहा किन्तु उ आवह मना कइ दिहस।’</verse>
				<verse number="18">“आनु फारस अउ मादै क मुखिया लोगन क मेहररुअन, रानी जउन किहे रही, सुनि लिहन ह अउर लखा अब उ सबइ मेहररुअन भी जउन कछू महारानी किहस ह, ओहसे प्रभावित होइहीं। उ सबइ मेहररुअन राजा लोगन क महत्वपूर्ण मुखिया लोगन क संग वइसा ही करिहीं अउर इ तरह बहोत जियादा अनादर अउर किरोध फइल जाइ।</verse>
				<verse number="19">“तउ जदि महाराजा क अच्छा लगइ तउ एक ठु सुझाव इ अहइ: महाराजा क एक राजग्या देइ चाही अउर ओका फारस अउ मादै क नेम मँ लिख दीन्ह जाइ चाही एह बरे इ नेम ना ही बदला जाइ सकत ह या नही संसोधन कीन्ह जाइ सकत। राजा क आग्या इ होइ चाही: महाराजा छयर्स क समन्वा रानी वसती अब कबहूँ न आवइ। साथ ही महाराजा क रानी क पद भी कउनो अइसी मेहरारु क दइ देइ चाही जउन ओहसे उत्तिम होइ।</verse>
				<verse number="20">फुन जब राजा क इ आग्या ओकरे बिसाल राज्ज क सबहिं हीसन मँ घोसित कीन्ह जाइ, तउ सबहिं मेहररुअन अपने भतारन क आदर करइ लगिहीं, चाहे ओकर भातरन महत्वपूर्ण लोग अहइ या न अहइ।”</verse>
				<verse number="21">इ सुझाव स महाराजा अउर ओकर बड़े-बड़े अधिकारी सबहीं खुस भएन। तउ महाराजा छयर्स वइसा ही किहस जइसा ममूकान सुझाए रहा।</verse>
				<verse number="22">महाराजा छयर्स अपने राज्ज क सबहीं प्रान्तन मँ पत्रन पठइ दिहस। हर प्रान्त मँ जउन पत्रन पठवा गवा, उ उहइ प्रान्त क लिपि मँ लिखा गवा रहा। हर जाति मँ उ ओकरे भाखा मँ पत्रन पठएस। उपचे पत्रन मँ हरेक व्यक्ति क भाखा मँ घोसना कीन्ह ग रहेन कि हरेक मनई क आपन पररिवार नियंत्रण रखइ क होइ।</verse>
			</chapter>
			<chapter number="2">
				<verse number="1">आगे चलिके महाराजा छयर्स क किरोध सान्त भवा तउ ओका वसती अउर क वसती कार्य याद आवइ लागेन। वसती क बारे मँ उ जउन आदेस दिहे रहा, उ भी ओका याद आवा।</verse>
				<verse number="2">एकरे पाछे राजा क निजी सेवकन ओका एक ठु सुझाव दिहन। उ पचे कहेन, “राजा क बरे सुन्नर कुँवारी कन्यन क खोज करा।</verse>
				<verse number="3">हे राजा, तोहका अपने राज्ज क हर प्रान्त मँ नेतन क चुनाव कइर चाही। फुन ओन नेतन लोगन क चाही कि उ पचे सुन्नर कुवाँरी कन्याओं क सूसन क जिला महल मँ लइके आवइँ। उ पचे लड़िकयन राजा क हरम सरा मँ तोहर दूसरी मेहररुअन क संग रहब। उ पचे हेगे क देख-रेख मँ रखी जइही। हेगे महाराजा क हिजड़ा जउन कि ओन मेहररुअन क निगराँकार अहइ। फुन ओनका सुन्नरता क प्रसाधन दीन्ह जाइँ।</verse>
				<verse number="4">फुन उ लरकी जउन राजा क भावइ, वसती क जगह पइ राजा क नई महारानी बनाइ दीन्ह जाइ।” राजा क इ सुझाव बहोत अच्छा लगा। तउ उ एका अंगीकार कइ लिहस।</verse>
				<verse number="5">बिन्यामीन परिवार समूह क मोर्दकै नाउँ क एक ठु य़हूदी हुवा रहा करत रहा। मोर्दकै याईर क पूत रहा अउर याईर सिमी क पूत रहा अउर सिमी कीस क पूत रहा। सूसन क महल प्रान्त मँ रहत रहा।</verse>
				<verse number="6">ओहका यरुसलेम स बाबेल क राजा नबूकदनेस्सर बंन्दी बनाइके लइ गवा रहा। उ यहूदा क राजा यकोन्याह क संग उ दल मँ रहा, जेका बंदी बनाइ लीन्ह गवा रहा।</verse>
				<verse number="7">मोर्दकै क हदस्सा नाउँ क एक चचेरी बहिन रही। उ अनाथ रही। न ओकरे बाप रहा, न महतारी। तउ मोर्दकै ओकर धियान रखत रहा। मोर्दकै ओकरे महतारी बाप क मइर क पाछे ओका अपनी बिटिया क रुप मँ गोद लइ लिहे रहा। हदस्सा क नाउँ एस्तेर भी रहा। एस्तेर क मुहँ अउ ओकरे तने क बनावट बहोत सुन्नर रही।</verse>
				<verse number="8">जब राजा क आदेस सुनावा गवा, तउ सूसन क जिला महल मँ बहोत स जवान मेहररुअन क लिआवा गवा। ओन जावान मेहररुअन क हेगेक देख-रेख मँ रख दीन्ह गवा। एस्तेर एनही जवान मेहररुअन मँ स एक रही। एस्तेर क राजा क महल मँ लइ जाइके हेगे क देख-रेख मँ रख दीन्ह गवा रहा। हेगे मेहररुअन क महल क निगराँकार रहा।</verse>
				<verse number="9">हेगे क एस्तेर बहोत अच्छी लगी। उ ओकर मनपसंद बन गइ। हेगे हाली ही सुन्नरता क उपचार अउ जरुरी भोजन ओका दिहस। हेगे राजा क महल स सात दासियन चुनेस अउ ओनका एस्तेर क दइ दिहस। अउर एकरे पाछे हेगे एस्तेर अउ ओकर सातहुँ दासियन क जहाँ राजघराने क मेहररुअन रहा करत रहिन।</verse>
				<verse number="10">एस्तेर इ बात कउनो क नाही बताएस कि उ एक यहूदी अइह। काहेकि मोर्दक ओका मना कइ दिहे रहा, एह बरे उ अपने परिवार क पृस्ठभूमि क बारे मँ कउनो क कछु नाही बाताएस।</verse>
				<verse number="11">मोर्दकै जहाँ रनवास क मेहररुअन रहा करत रहिन, हुवाँ आसपास अउर आगे पाछे धूमा करत रहा। उ इ पता लगावइ चाहत रहा कि एस्तेर कइसी अहइ अउर ओकरे संग का कछु घटत अहइ? एह बरे उ अइसा करत रहा।</verse>
				<verse number="12">एहसे पहिले कि राजा छयर्स क लगे जाइ क बरे कउनो लड़की क बारी आवत, ओका इ सब करइ क पड़त रहा। बारह महीने तलक ओका सुन्नरता उपचार करइ पड़त रहा यानी छ: महीने तलक ओका गंधरस क तेल लगावा जात अउर छ: महीने तलक सुगंधित द्रव्य अउर तरह-तरह क प्रसाधन सामग्रियन क उपयोग करइ होत रहा।</verse>
				<verse number="13">रीति क अनुसार जब कउनो जवान लड़की राजा क लगे जाइ ओनका उ सबहिं दीन्ह जात ह जेका उ मेहरारु महल स राजा क महल मं लेइ जात चाहत ह।</verse>
				<verse number="14">साँझ क समइ उ लड़की राजा क महल मं जात अउर भिंसारे दूसर मेहरारु क महल मं उ लउटि आवत। फुन ओका सासगज नाउँ क मनई क देखरेख मं मँ रख दीन्ह जात। सासगज राजा क हिजड़ा रहा जउन राजा क रखैलन क अधिकारी रहा। यदि राजा ओहसे खुस न होता, तउ उ लड़की फुन कबहुँ राजा क लगे न जात। अउर जदि राजा ओहेसे खुस होत तउ ओका राजा नाउँ लइक वापस बोलावत।</verse>
				<verse number="15">जब एस्तेर क राजा क लगइ जाइ क बारी आइ, तउ उ कछू नाही पूछेस। उ राजा क हिजड़ा, हेगेस, जउन हेगे रनवास क आधिकारी रहा, बस उहइ लिहेस जउन हेगे ओका आपन संग लेइ क कहेस। (एस्तेर उ लड़की रही जेका मोर्दकै गोद लइ लिहे रहा अउर जउन ओकरे चाचा अबीहैल क बिटिया रही।) एस्तेर क जउन कछू भी लखत, ओका पसंद करत रहा।</verse>
				<verse number="16">तउ एस्तेर क महाराजा छयर्स क महल मं लइ जावा गवा। इ उ समइ भवा जब ओकरे राज्जकाल क सताएँ बरिस क तेबेत नाउँ क दसवाँ महीना चलत रहा।</verse>
				<verse number="17">राजा एस्तेर कउनो भी अउर लरकी स जियादा पिरेम किहस अउर उ ओकर कृपा पाएस। कउनो भी दुसर लरकी स जियादा, राजा क उ भाइ गइ। तउ राजा छयर्स एस्तेर क मूँड़ि पइ मुकुट पहिराइके वसती क जगह पइ नई महारनी बनाइ लिहस।</verse>
				<verse number="18">तब राजा एस्तेर क बरे एक बहोत बड़का भोज दिहस। इ भोज ओकरे महत्वपूर्ण मनइयन अउर मुखिया लोगन क बरे रही। उ सबहिं प्रान्तन मँ छुट्टी क घोसणा कइ दिहस। लोगन क ओकरे साही सम्पति क अनुसार उपहार दिहेस।</verse>
				<verse number="19">मोर्दकै उ समइ राजदुआर क निअरे ही बइठा रहा, जब दुसरी दाई लरकियन क एकट्ठा कीन्ह गवा रहा।</verse>
				<verse number="20">एस्तेर भी अबहुँ भी इ रहस्य क छुपाए भए रही कि उ एक यहूदी रही। अपने परिवार क पृस्ठभूमि क बारे मं उ कउनो क कछू नाही बताए रही, काहेकि मोर्दकै ओका अइसा कइर स रोक दिहे रहा। उ मोर्दकै क आग्या क अब भी वइसे पालन करत रही, जइसे किहे, करत रही, जब उ मोर्दकै क देख-रेख मँ रही।</verse>
				<verse number="21">उहइ समइ जब मोर्दक राजदुआर क निअरे बइठा करत रहा, इ घटना घटी: राजा क दुइ अधिकारियन बिकतान अउर तेरेस जउन साही दुआर क रच्छा करत रहेन, उ पचे राजा पइ बहोत कोहाई गएन अउर ओकर हत्या कइर क जोजना बनाएन।</verse>
				<verse number="22">मोर्दकै क उ सड्यंत्र क पता चल गवा अउर उ ओका महारानी एस्तेर क बताइ दिहस। फुन महारानी एस्तेर ओका राजा स कहि दिहस। उ राजा क इ भी बताइ दिहस कि मोर्दकै ही उ मनई अइह, जउन इ सड्यंत्र क पता चलाएस ह।</verse>
				<verse number="23">एकरे पाछे उ सूचना क जाँच कीन्ह गइ अउर इ पता चला कि मोर्दकै क सूचना सही रही अउर उ दुइ पहरेदारन क जउन राजा क मार डावइ क सड्यंत्र बनाए रहेन, एक ठु खम्भे पइ लटकाइ दीन्ह गवा। राजा क सामने ही इ सबहीं बातन राजा क इतिहास क पुस्तक मँ लिख दीन्ह गइन।</verse>
			</chapter>
			<chapter number="3">
				<verse number="1">एन बातन क घटइ क पाछे महाराजा छयर्स हामान क सन्मान किहस। हामान अगागी हम्मदाता नाउँ क मनई क पूत रहा। महाराजा हामान क कउनो दुसर अधिकरियन स जउन ओकर संग रहेन स बड़का अउ महत्वपूर्ण पद दिहेस।</verse>
				<verse number="2">राजा क दुआर पइ महाराजा क सबहिं मुखिया हामान क अगवा निहुरिके ओका आदर देइ लागेन। उ पचे महाराजा क आग्या क अनुसार ही अइसा किया करत रहेन। किन्तु मोर्दकै हामान क अगवा निहुरइ या ओका आदर देइ क मना कइ दिहस।</verse>
				<verse number="3">एँह बरे राजा क दुआर पइ राजा क दुसर सेवकन मोर्दकै स पूछेन, “तू महाराजा क आग्या क पालन काहे नाहीं किहा?”</verse>
				<verse number="4">राजा क सबइ अधिकारियन हररोज मोर्दकै स बात किहन, किन्तु उ हामान क आदेस क माइन स इन्कार करत रहा। तउ ओन अधिकारियन हामान स एकरे बारे मँ बताइ दिहन, काहेकि उ पचे इ सबइ जानइ चाहत रहेन कि का मोर्दकै क इ बेउहार क लगातार रहइ क अनुमति होइ। काहेकि मोर्दकै ओन सबइ लोगन क बताइ दिहे रहा कि उ एक यहूदा रहा।</verse>
				<verse number="5">हामान जब इ लखेस कि मोर्दकै ओकरे अगवा निहुरइ अउर ओका आदर देइ क मना कइ दिहस ह तउ ओका बहोत किरोध आवा।</verse>
				<verse number="6">हामान क इ पता तउ चल ही चुका रहा कि मोर्दकै एक यहूदी अहइ। किन्तु उ मोर्दकै क हत्या मात्र स संतुस्ट होइवाला नाहीं रहा। हामान तउ इ भी चाहत रहा कि उ कउनो एक अइसा रस्ता ढूँढ़ निकारइ जेहेसे छयर्स क समूचे राज्ज क ओन सबहीं यहूदियन क मार डावइ जउनो मोर्दकै क लोग अहइँ।</verse>
				<verse number="7">महाराजा छयर्स क राज्ज क बारहवें बरिस मँ नीसान नाउँ क पहिले महिने मँ, हामान क मोजूदगी मँ यहूदी लोगन क बर्बाद करइ क दिन चुनई बरे पासा लोकावा गवा। इ तरह अदार नाउँ क बारहवाँ महीना चुन लीन्ह गवा। (ओन दिनन लाटरी निकारइ बरे इ सबइ पासन, “पुर” कहवावा करत रहेन।)</verse>
				<verse number="8">फुन हामान महाराजा छयर्स क लगे आवा अउर ओहसे बोला, “हे महाराजा छयर्स तोहरे राज्ज क हर प्रान्त मँ लोगन क बीच एक खास समूह क लोग फइले भए अहइँ। इ सबइ लोग अपने आप क दूसर लोगन स अलग रखत हीं। एन लोग क रीतिरिवाज भी दूसर लोगन स अलग अहइँ अउर इ सबइ लोग राजा क नेमन क पालन नाहीं करत हीं। अइसे लोगन क अपने राज्ज मँ सखइ क अनुमति देब महाराजा क बरे अच्छा नाहीं अहइ।</verse>
				<verse number="9">“जदि महाराजा क अच्छा लगइ तउ मोरे लगे एक सुझाव अहइ: ओन लोगन क नस्ट कइ डावइ क आग्या दीन्ह जाइ। एकरे बरे मँइ साही अधिकरियन क दस हजार चाँदी क सिक्कन महाराजा क खजाने मँ जमा करइ बरे देब।”</verse>
				<verse number="10">इ तरह महाराजा राजकीय अंगूठी अपनी अँगुरि स निकारेस अउर ओका हामान क सौप दिहस। हामान अगागी हम्मदाता क पूत रहा। उ यहूदियन क दुस्मन रहा।</verse>
				<verse number="11">“एकरे पाछे महाराजा हामान स कहेस, “इ धन अपने लगे रखा अउर ओन लोगन क संग जउन चाहत ह, करा।”</verse>
				<verse number="12">फुन उ पहिले महीने क तेरहवें दिन महाराजा क सचिवन क बोलावा गवा। उ पचे हामान क सबहिं आदेसन क हर प्रान्त क लिपि अउर हर लोगन क भाखा मँ अलग-अलग लिख दिहस। उ पचे राजा क मुखिया लोगन, विभिन्न प्रान्तन क राज्यपालन, अलग-अलग कबीलन क मुखिया लोगन क नाउँ पत्र लिख दिहस। उ पचे इ आदेस अगूंठी स मोहर लगाइ दिहेस।</verse>
				<verse number="13">सँदेस वाहक राजा क विभिन्न प्रान्तन मँ ओन पत्रन क लइ गएन। एन पत्रन पइ इ आदेस रहा कि सबहिं यहूदियन जवान, बुढ़े, मेहररु अउर नान्ह गदेलन क भी एक ही दिन मार दीन्ह जाइँ अउर पूरी तरह नस्ट कइ दिन्ह जाइ। उ दिन बारहवें महीने क तेरहवीं तारिख क रहा जउन अदार क महीना अहइ। अउर इ भी आदेस रहा कि यहूदियन क सब कछू चिजिया लइ लीन्ह जाइ।</verse>
				<verse number="14">एन पत्रन क प्रतियन उ आदेस क संग एक नेम क रुप मँ दीन्ह जाब रही। हर प्रान्त मँ एका एक नेम बनावा जाब रहा। सबहिं लोगन मँ एकर घोसना कीन्ह जाब रही, ताकि उ पचे सबहिं लोग उ दिन क बरे तइयार रहइँ।</verse>
				<verse number="15">महाराजा आग्या अनुसार सँदेस बाहक फउरन चल दिहन। अउर इ राजधानी नगरी सूसन मँ भी इ ऐलान कइ दीन्ह गइ। महाराजा अउर हामान तउ दाखरस पिअइ क बरे बइठ गएन किन्तु सूसन नगर क लोग घबरा गए रहेन अउ चकित भए रहेन।</verse>
			</chapter>
			<chapter number="4">
				<verse number="1">मोर्दकै, जउन कछू होत रहा, ओकरे बारे मँ सब कछू सुनेस। जब उ यहूदियन क बिरुद्ध राजा क आग्या सुनेस तउ अपने ओढ़नन फार डाएस। उ सोक वस्त्र धारण कइ लिहस अउर अपने मूँड़े पइ राखी डाइ लिहस। उ ऊँच सुर स बिलाप करत भए नगर मँ निकर पड़ा।</verse>
				<verse number="2">मोर्दकै राजा क दुआर तलक गएन, किन्तु उ दुआर क पार नाहीं किहेन जउन महल क छेत्र मँ जात ह, काहेकि सोक वस्त्रन क पहिरके दुआर क भीतर जाइ क आग्या कउनो क भी नाहीं रही।</verse>
				<verse number="3">हर कउनो प्रांन्त मँ जहाँ कहूँ भी राजा क इ आदेस पहोंचा, यहूदियन मँ रोउब-धोउब अउर सोक फइल गवा। उ पचे खाना छोड़ दिहन अउर उ पचे ऊँच सुर मँ बिलपइ लागेन। बहोत स यहूदी अपने सोक बस्त्रन क धारण किहे भए अउर अपने मूंड़न पइ राखी डाए भए धरती पइ पड़े रहेन।</verse>
				<verse number="4">एस्तेर क दासियन अउर खोजन एस्तेर क लगे जाइके ओका मोर्दकै क बारे मँ बताएन। एहसे महारानी एस्तेर बहोत दुखी अउर बियाकुल होइ उठी। उ मोर्दकै क लगे सोक वस्त्रन क बजाय दूसर ओढ़नन पहिरइ क पठएस। मुला उ उ सबइ ओढ़नन स्वीकार नाहीं किहस।</verse>
				<verse number="5">एकरे पाछे एस्तेर हताक क अपने लगे बोलाएस। हताक एक अइसा हिजड़ा रहा जेका राजा ओकरी सेवा बरे नियुक्त किहे रहा। एस्तेर ओका इ पता लगावइ क आदेस दिहस कि मोर्दकै क का बियाकुल बनाए भए अहइँ अउर काहे?</verse>
				<verse number="6">एह बरे हताक नगर क खुले चौराहे मँ गएन जहाँ मोर्दकै मौजूद रहा।</verse>
				<verse number="7">हुवाँ मोर्दकै हताक स, जउन कछू भवा रहा, सब कहि डाएस। उ हताक क इ भी बताएस कि हामान यहूदियन क हत्या बरे राजा क खजाने मँ केतना धन जमा करावइ क वादा किहेस ह।</verse>
				<verse number="8">मोर्दकै हताक क यहूदियन क हत्या क बरे राजा क आदेस पत्र क एक प्रति भी दिहेस। उ आदेस पत्र पहिले ही सूसन नगर मँ हर कहूँ पठवा गवा रहा। मोर्दकै इ चाहत रहा कि हताक ओका एस्तेर क देखाइ देइ अउर हर बात ओका पूरी तरह निर्देस देइ अउर ओहसे इ भी कहेस कि उ एस्तेर क राजा क लगे जाइके मोर्दकै अउर अपने लोगन क बरे दया क याचना कइर क प्रेरित करइ।</verse>
				<verse number="9">हताक एस्तेर क लगे लउटि आवा अउर उ एस्तेर स मोर्दकै जउन कछू कहइ क कहे रहा, सब बताइ दिहस।</verse>
				<verse number="10">फुन एस्तेर मोर्दकै क हताक स इ कहवाइ पठएस:</verse>
				<verse number="11">“मोर्दकै, राजा क सबहिं मुखिया अउर राजा क प्रान्तन क सबहिं लोग इ जानत हीं कि कउनो भी मनई या मेहरारु क बरे राजा क बस इहइ नेम अहइ कि राजा क भीतरी आंगन मँ बिना बोलाए जउन भी जात ह, ओका मारि दीन्ह जातेन। इ नेम क पालन बस एक ही स्थिति मँ उ समइ नाहीं कीन्ह जात रहा जब राजा अपने सोने क राजदण्ड क उ मनई कहँती बढ़ाइ देत रहा। जदि राजा अइसा कइ देत तउ उ मनई क प्राण बच जात रहेन। मुला मोका तीस दिन होइ गएन ह अउर राजा स मिलइ क बरे मोका नाहीं बोलावा गवा ह।”</verse>
				<verse number="12">एकरे पाछे एस्तेर क सँदेसा मोर्दकै क लगे पहोंचाइ दीन्ह गवा। उ संदेसा क पाइके मोर्दकै ओका वापस जवाब पठएस: “एस्तेर, अइसा जिन सोचा कि तू राजा क महल मँ रहइ क कारण बच जाब्या, जबकि सबइ यहूदियन मारा जाब।</verse>
				<verse number="13"></verse>
				<verse number="14">जदि अबहिं तू चुप रहति अहा यहूदियन क मदद अउर मुक्ती कहुँ अउर स मिल जाब। मुला तू अउर तोहरे बाप क परिवार मारा डावा जाइ सकत्या। अउर कउन जानत ह कि तू कउनो अइसे ही समइ क लिए महारानी बनाइ गई अहा, जइसा समइ इ अहइ।”</verse>
				<verse number="15">एह पइ एस्तेर मोर्दकै क आपन इ जवाब पठएस: “मोर्दकै, जा अउर जाइके सबहिं सूसन नगर सबहिं यहूदी लोगन क एकट्ठा करा अउर मोरे बरे उपवास राखा। तीन दिन अउ तीन रात तलक न कछू खा अउर न कछू पिआ। तोहरी तरह मइँ अउर मोर मेहरारु नउकर भी उपवास रखब। हमरे उपवास रखइ क पाछे मइँ राजा क लगे जाब। मइँ जानत हउँ कि जदि राजा मोका न बोलावइ तउ ओकरे लगे जाब, नेम क खिलाफ अहइ। अगर मँ अइसा करब्या तउ हो सकत ह कि मइँ मारा डावइ जाइ। किन्तु कउनो बात नाहीं मइँ अइसा करब।”</verse>
				<verse number="16"></verse>
				<verse number="17">इ तरह मोर्दकै हुवाँ स चला गवा अउर एस्तेर ओहसे जइसा करइ क कहे रहा उ सब कछू वइसा ही किहस।</verse>
			</chapter>
			<chapter number="5">
				<verse number="1">तीसरे दिन एस्तेर आपन बिसेस साही पोसाक पहिरेस अउर राजमहल क भीतरी आंगन मँ जाइ खड़ी भइ। इ जगह राजा क बैठका क समन्वा रही। राजा दरबार मँ अपने सिंहासने पइ बइठा रहा। राजा उहइ कइँती मुहँ किहे बइठा रहा जहाँ स लोग सिहांसन क कच्छ कइँती प्रवेस करत रहेन।</verse>
				<verse number="2">तउ राजा महारानी एस्तेर क हुवाँ दरबार मँ खड़े लखेस। ओका लखिके उ बहोत खुस भवा। उ ओकरी कइँती अपने हाथ मँ थामे भए सोने क राजदण्ड क आगे बढ़ाइ दिहस। इ तरह एस्तेर उ कमरे मँ प्रवेस किहस अउर उ राजा क लगे चली गइ अउर उ राजा क सोने क राजदण्ड क सिरे क छुइ लिहस।</verse>
				<verse number="3">एकरे पाछे राजा ओहसे पूछेस, “महारानी एस्तेर, तू बेचैन काहे अहा? तू मोहसे का चाहति अहा? तू जउन चाहा मइँ तोहका उहइ देब। हिआँ तक कि आपन आधा राज्ज तलक, मइँ तोहका दइ देब।”</verse>
				<verse number="4">एस्तेर कहेस, “मइँ आपके अउर हामान क बरे एक ठु भोज क आयोजन किहेउँ ह। कृपा कइ आप अउर हामान आजु मोरे हिआँ भोज मँ पधारें।”</verse>
				<verse number="5">एइ पइ राजा कहेस, “हामान क तुरंत बोलावा जाइ ताकि एस्तेर जउन चाहत ह, हम ओका पूरा कइ सकी।” तउ महाराजा अउर हामान एस्तेर ओनके बरे जउन भोजन आयोजित किहे रही, ओहमाँ आइ गएन।</verse>
				<verse number="6">जब उ पचे दाखरस पिअत रहेन तबहिं राजा एस्तेर स फुन पूछेस, “एस्तेर कहा अब तू का माँगति चाहति अहा? कछू भी माँग ल्या, मइँ तोहका उहइ दइ देब। कहा तउ उ का अहइ जेकर तोहका इच्छा अहइ? तोहर जउन भी इच्छा होइ उहइ मइँ तोहका देब। अपने राज्ज क आधा हीसां तलक।”</verse>
				<verse number="7">एस्तेर कहेस, “मइँ इ माँगइ चाहत हउँ।</verse>
				<verse number="8">जदि मोका महाराज अनुमति देइँ अउर जदि जउन मइँ चाहउँ, उ मोका देइ स महाराज खुस होइँ तउ मोर इच्छा इ अहइ कि महाराज अउर हामान भियान मोरे हिआँ आवइँ। भियान मइँ महाराज अउर हामान क बरे एक अउर भोज देइ चाहत हउँ अउर उहइ समइ इ बताउब कि असल मँ मइँ का चाहति हउँ।”</verse>
				<verse number="9">उ दिन हामान राजमहल क बहोत जियादा खुस होइके बिदा भवा। किन्तु जब उ राजा क दुआर पइ मोर्दकै क लखेस तउ ओका मोर्दकै पइ बहोत किरोध आवा। हामान मोर्दकै क लखत ही किरोध स पागल होइ उठा, काहेकि जब हामान हुवाँ स गुजरा, मोर्दकै नाही खड़ा भवा अउर नाहीं काँपेस अउर नाहीं हामान बरे कउनो आदर देखाएस।</verse>
				<verse number="10">किन्तु हामान अपने किरोध पइ काबू किहस अउर घरे चला गवा। एकरे पाछे हामान अपने मीतन अउ अपनी मेहरारु जेरेस क एक संग बोलाएस।</verse>
				<verse number="11">उ आपने मीतन क अगवा अपने धन अउ अनेक पूतन क बारे मँ डीगं मारत भए इ बतावइ लागा कि राजा ओकर कउने प्रकार स सन्मान करत ह। उ बढ़इ चढ़ाइ के इ भी बतावइ लाग कि दूसर सबहिं हाकिमन स राजा कउने तरह ओका अउर जियादा ऊँच पद पइ पदोन्नति दिहस ह।</verse>
				<verse number="12">“एतना ही नाहीं” हामान इ भी बताएस। “एक मात्र मइँ ही अइसा मनई हउँ जेका महारानी एस्तेर अपने भोज मँ राजा क संग बोलाइ रहा अउर महारानी मोका भियान फुन राजा के संग बोलाए पठए रही।</verse>
				<verse number="13">मुला मोका एन सब बातन स फुरइ कउनो खुसी नाहीं अहइ। असल मँ मइँ उ समइ तलक खुस नाहीं होइ सकत जब तलक राजा क दुआर पइ मइँ उ यहूदी मोर्दकै क बइठे भए लखत हउँ।”</verse>
				<verse number="14">एह पइ हामान क मेहरारु जेरेस अउर ओकर मीतन ओका एक सुझाव दिहन। उ पचे बोलेन, “कउनो स कहिके पचहत्तर फुट ऊँच ओका फासीं देइ क एक ठु फासीं क खाम्भा खड़ा करा। फुन भिंसारे राजा स कहा कि उ मोर्दकै क ओहे पइ लटकइ क आदेस दे। फुन राजा क संग तू भोज पइ जाया अउर आनन्द स रह्या।” हामान क इ सुझाव नीक लगा। तउ उ फाँसी क खम्भा बनवावइ क बरे कउनो क आदेस दइ दिहस।</verse>
			</chapter>
			<chapter number="6">
				<verse number="1">उ राति राजा सोइ नाही पावा। तउ उ अपने एक दास स इतिहास क किताब लिआइके अपने समन्वा ओका बाँचइ क कहेस। (राजा लोगन क इतिहास क किताबे मँ उ सब कछू अंकित रहत ह जउ एक राजा क सासनकाल क दौरान घटित होत ह।)</verse>
				<verse number="2">तउ उ दास राजा क बरे उ किताब बाँचेस। उ महाराजा छयर्स क मार डावइ क सड्यंत्रन क बारे मँ बाँचेस। बिगताना अउ तेरेस क सड्यंत्रन क पता मोर्दकै क जोजना क पता चल गवा रहा अउर ओकरे बारे मँ कउनो क बताइ दिहे रहा।</verse>
				<verse number="3">एइ पइ महाराजा सवाल किहस, “इ बात क बरे मोर्दकै क कउन सा आदर अउर कउन स उत्तिम चिजियन प्रदान कीन्ह गइ रहिन।” उ दासन राजा क जवाब दिहेन, “मोर्दकै बरे कछू नाहीं कीन्ह गवा रहा।”</verse>
				<verse number="4">उहइ समइ राजा क महल क बाहरी आँगन मँ हामान प्रवेस किहेस। उ, हामान फाँसी क जउन खम्भा बनवावा रहा, ओह पइ मोर्दक क लटकवावइ क बरे राजा स कहइ क आवा रहा। राजा ओकरी आहट सुनिके पूछेस, “अबहिं अबहिं आंगन मँ कउन आवा ह”</verse>
				<verse number="5">राजा क नौकरन जबाव दिहस, “आँगन मँ हामान खड़ा भवा ह।” तउ राजा कहेस, “ओका भीतर लइ आवा।”</verse>
				<verse number="6">हामान जब भीतर आवा तउ राजा ओहेसे एक सवाल पूछेस, “हामान, राजा जदि कउनो क आदर देइ चाहइ तउ उ मनई बरे राजा क का करइ चाही?” हामान अपने मने मँ सोचेस, “अइसा कौन होइ सकत ह जेका राजा मोहेसे जियादा आदर देइ चाहत होइ? राजा निहचइ ही मोका आदर देइ क बरे ही बात करत होइ।”</verse>
				<verse number="7">तउ हामान जवाब देत भए राजा स कहेस, “राजा जेका आदर देइ चाहत ह, उ मनई क संग उ अइसा करइ:</verse>
				<verse number="8">राजा जउन ओढ़ना खुदपहिरे होइ, उहइ बिसेस ओढ़ना क तू अपने सेवकन स मँगवाइ लीन्ह जाइ अउर उ घोड़े क भी मँगवाइ लीन्ह जाइ जेह पइ राजा खुद सवारी कीन्ह होइ। फुन सेवकन क जरिये उ घोड़े क मूँड़ि पइ राजा क बिसेस चीन्ह अंकित करवा जाइ।</verse>
				<verse number="9">एकरे पाछे, राजा क सज्जन अधिकारी कपड़े अउर घोड़े क अधिकारी होई चाही। फुव उ राजा क अधिकारी उ मनई क, जेका राजा सन्मानित करइ चाहत ह, उ ओढ़ना क पहिरावइ अउर फुन एकरे पाछे उ पचे अधिकारी उ घोड़े क आगे आगे चलत भवा ओका नगर क गलियन क बीच स गुजारइ। उ पचे अपनी अगुवाइ मँ घोड़न क लइ जात भए इ घोसना करत जाइ, ‘इ उ मनई क बरे कीन्ह गवा ह, राजा जेका आदर देइ चाहत ह।’”</verse>
				<verse number="10">राजा हामान क आदेस दिहस, “तू फउरन चले जा अउर ओढ़ना अउ घोड़ा लइके यहूदा मोर्दकै क बरे वइसा ही करा, जइसा तू सुझाव दिहा ह। मोर्दकै राजदुआर क लगे बइठा बाटइ। जउन कछू तू सुझाया ह, सब कछू वइसा ही करया।”</verse>
				<verse number="11">तउ हामान ओढ़ना अउ घोड़ा लिहस अउर ओढ़ना मोर्दकै क पहिराइके घोड़े पइ चढ़ाइके नगर क गलियन स होते भए घोड़े क आगे आगे चल दिहस। मोर्दकै क आगे आगे चलत भवा हामान घोसणा करत रहा, “इ सब उ मनई क बरे कीन्ह गवा ह, जेका राजा आदर देइ चाहत ह।”</verse>
				<verse number="12">एकरे पाछे, मोर्दकै फुन राजदुआर पइ चला गवा किन्तु हामान फउरन अपने घरे कइँती चल दिहस। उ आपन मुँड़ि छुपाए भए रहा काहेकि उ परेसान अउर लज्जित रहा।</verse>
				<verse number="13">एकरे पाछे, हामान अपनी मेहरारु जेरेस अउर अपने सबहिं मीतन स जउन कछू घटा रहा, सब कछू कहि सुनाएस। हामान क पत्नी अउर ओकार सलाहकारन ओहसे कहेन, “जदि मोर्दकै यहूदी अहइ, तउ तू जीत नाहीं सकत्या। तू आपन सक्ती खोइ सुरु करि चुका ह। तू निहचइ ही नस्ट होइ जाब्या।”</verse>
				<verse number="14">अबहिं उ सबइ लोग हामान स बात करत ही रहेन कि राजा क हिजड़ा हामान क घरे आएन अउर फउरन ही हामान क एस्तेर क भोज मँ बोलाइ लइ गएन।</verse>
			</chapter>
			<chapter number="7">
				<verse number="1">फुन राजा अउ हामान एक संग महारानी एस्तेर क भोज बरे चले गएन।</verse>
				<verse number="2">एकरे पाछे जब उ पचे दुसरे दिन क भोज मँ दाखरस पिअत रहेन तउ राजा एस्तेर फुन एक सवाल किहस, “महारानी एस्तेर, तू मोहसे का माँगि चाहति अहा? जउन कछू तू माँगबिउ, पउबिउ। बतावा, तोहका का चाही? मइँ तोहका कछू भी दइ सकत हउँ। हिआँ तलक कि मोर आधा राज भी।”</verse>
				<verse number="3">एइ पइ महारानी एस्तेर जवाब दिहेस, “हे महाराज! जदि मइँ तोहका भावतिउँ, अउर जदि इ तोहका प्रसन्न करत ह। तउ कृपा कइके मोका जिअइ दया अउर मइँ तोहसे इ चाहति हउँ कि मोरे लोगन क भी जिअइ दया। बस मइँ इहइ माँगति हउँ</verse>
				<verse number="4">अइसा मइँ एह बरे चाहति हउँ कि मोका अउर मोरे लोगन क बिनास, हत्या अउ पूरी तरह स नष्ट कइ डावइ क बरे बेच डावा गवा ह। जदि हमका दासन क रुप मँ बेचा जात, तउ मइँ कछू नाहीं कहतिउँ काहेकि कउनो एतनी बड़ी समस्या नाहीं होत जेकरे बरे राजा क कस्ट दीन्ह जात।”</verse>
				<verse number="5">एह पइ महाराजा छयर्स महारानी एस्तेर स पूछेस, “तोहरे संग अइसा कौन किहस? कहाँ अहइ उ मनई जउन तोहरे लोगन क संग अइसा बेउहार करइ क हिम्मत किहस?”</verse>
				<verse number="6">एस्तेर कहेस, “हमार बिरोधी अउर हमार दुस्मन इ दुस्ट हामान ही अहइ।” तब हामान राजा अउ रानी क सामने आतंकित होइ उठा।</verse>
				<verse number="7">राजा बहोत कोहान रहा उ खड़ा भवा। उ आपन दाखरस हुवँइ तजि दिहस अउर बाहेर बगिया मँ चला गवा। मुला हामान, रानी एस्तेर स अपने प्राणन क भीख माँगइ बरे भीतर ही ठहरा रहा। हामान इ जानत रहा कि राजा ओकर प्राण लेइ क निहचइ कइ लिहस ह। एह बरे उ अपने प्राण क भीख माँगत रहा।</verse>
				<verse number="8">राजा जइसे ही बगिया स भोज क कमरे कइँती वापस आवत रहा, तउ उ का लखत ह कि जउने बिछौने पइ एस्तेर ओलरी अहइ, ओह पइ हामान निहुरा भवा अहइ। राजा किरोध भरे सुर मँ कहेस, “महल मँ मोर रहत भए महारानी पइ आक्रमण करइ क तोहार हिम्मत कइसा भवा।” जइसेन ही राजा का मुहँ स इ सबइ सब्द निकरेन, राजा क सेबकन भीतरे आइके हामान क मार डाएस।</verse>
				<verse number="9">राजा क एक ठु हिजड़ा सेवक जेकर नाउँ हरर्बोना रहा, कहेस, “हुवाँ एक पचहत्तर फुट ऊँचा फाँसी क खम्बा जउन हामान क दुआरा ओकरे घरे क लगे मोर्दकै क फाँसी देइ बरे खड़ा किहा गवा ह। मोर्दकै उहइ मनई अहइ जउन तोहरी हत्या क सड्यंत्र बरे बताइके तोहर मदद किहे रहा।” राजा बोला, “उ खम्भे पइ हामान क लटकाइ दीन्ह जाइ।”</verse>
				<verse number="10">तउ उ पचे उहइ खम्भे पइ जेका उ मोर्दकै क बरे बनाए रहा हामान क लटकाइ दिहस। एकरे पाछे राजा किरोध करब तजि दिहेस।</verse>
			</chapter>
			<chapter number="8">
				<verse number="1">अहइ दिन राजा छयर्स यहूदी लोग हामान क लगे जउन कछू रहा, उ सब महारानी एस्तेर क दइ दिहस। एस्तेर राजा क बताइ दिहस कि मोर्दकै रिस्ते मँ ओकर भाई लागत ह। एकरे पाछे मोर्दकै राजा स मिलइ आवा।</verse>
				<verse number="2">राजा हामान स अपनी जउन अँगुंठी वापस लइ लिहेस रहा, ओका अपनी अँगुंलि स निकारिके मोर्दकै क दइ दिहस। एकरे पाछे एस्तेर मोर्दकै क हामान क सारी सम्पत्ति क अधिकारी नियुक्त कइ दिहस।</verse>
				<verse number="3">तब एस्तेर राजा स फुन कहेस अउर उ राजा गोड़न मँ गिरिके रोवइ लाग। उ राजा स पराथन किहेस कि उ अगागी हामान क उ बुरी जोजना क खतम कइ जेका हामान यहूदियन क सोचे रहा।</verse>
				<verse number="4">एह पइ राजा अपने सोने क राजदण्ड क एस्तेर कइँती आगे बढ़ाएस। एस्तेर उठी अउर राजा क अगवा खड़ी होइ गइ।</verse>
				<verse number="5">फुन एस्तेर कहेस, “मोर सुआमी! जदि तू मोका पसंद करत ह अउर इ तोहका प्रसन्न करत ह, तउ कृपा कइके मोरे बरे इ कइ दया। जदि तोहका लगि कि इ अच्छा सुझाव अहइ। तउ एका करा। जदि तू मोह पइ खुस अहइँ तउ कृपा कइके एक टठु आदेस पत्र लिखइँ, जउन उ आदेस पत्र क रद् कइ देइ जेका हामान राजा क राज्ज क सबहिं प्रान्तन मँ बसे यहूदियन क नस्ट करइ बरे पठइ दिहे रहा ह।</verse>
				<verse number="6">मइँ महाराजा स इ पराथना एह बरे करति हउँ कि मइँ अपने लोगन के संग उ भयानक तबाही क घटत लखब सहन नाहीं कइ पाउब। मइँ आपन परिवार क हत्या क लखब सहन नाहीं कइ पाउब।”</verse>
				<verse number="7">महाराजा छयर्स महारानी एस्तेर अउर यहूदी मोर्दकै क जवाब देत भए कहे रहा, उ इ अहइ, “हमान, काहेकि यहूदियन क बिरोध मँ रहा, एह बरे ओकर सम्पति मइँ एस्तेर क दइ दिहेउँ अउर मोरे सिपाहीयन ओका फाँसी देइ क खम्भा पइ लटकाइ दिहन।</verse>
				<verse number="8">अब तू जइसन चाहत ह राजा नाउँ स यहूदियन क मदद बरे एक ठू दुसर आग्या पत्र लिखा। फुन राजा क बिसेस अँगुठी स उ पत्र पइ मुहर लगाइ दया। काहेकि जउन पत्र राजा कइँती स लिखा गवा ह अउर राजा क अगुँठी स मुहर दीन्ह गइ होइ अइसा कउनो राजाधिकारी पत्र रद् नाहीं कीन्ह जाइ सकत।”</verse>
				<verse number="9">राजा क सचिवन क फउरन बोलावा गवा। सीवान नाउँ क तीसरे महीने क तेइसवी तारिख क उ आदेस पत्र लिखा गवा। यहूदियन क बरे मोर्दकै क सबहिं आदेसन क सचिवन लिखिके यहूदियन, मुखिया लोगन, राज्जपालन अउर एक सौ सत्ताईस प्रान्तन क अधिकारियन क लगे पहोंचाइ दिहन। इ सबइ प्रान्त भारत स लइके कुस तलक फइले भए रहेन। इ सबइ आदेस पत्र हर प्रान्त क लिपि अउ भाखा मँ लिखे गए रहेन अउर हर देस क लोगन क भाखा मँ ओकर अनुवाद कीन्ह गवा रहा। यहूदियन क बरे इ सबइ आदेस ओनकी अपनी भाखा अउर ओनकी अपनी लिपि मँ लिखे गए रहेन।</verse>
				<verse number="10">मोर्दकै इ सबइ आदेस महाराजा छयर्स कइँती स लिखे गए रहेन अउर फुन ओन पत्रन पइ उ राजा क अँगुठी स मुहर लगाइ दीन्ह रही। फुन ओन पत्रन क ओन सँदेसवाहकन क जरिये भेजा गएन रहेन जउन तेज रफ़तार घोड़न पइ सावर रहेन।</verse>
				<verse number="11">ओन पत्रन पइ राजा क इ सबइ आदेस लिख रहेन: यहूदियन क हरेक नगर मँ आपुस मँ ऐक जुट होइक, अपनी रच्छा करइ क अधिकार अहइ। ओनका अधिकार अहइ कि उ पचे कउनो भी रास्ट्र या प्रान्त क कउनो भी फउज जउन कि ओन लोगन पइ अउर ओनके मेहररुअन अउ गदेलन पइ हमला करइ सकत ह क नास कइ देइ, मार डावइँ अउर पुरी तरह स तबाह कइ देइ। यहूदियन क इ अधिकार भी अहइ कि उ पचे आपन दुस्मन क सम्पति लुट लेइँ।</verse>
				<verse number="12">जब यहूदियन क बरे अइसा कीन्ह जाइ, ओकरे बरे उदार नाउँ क बारहवें महीने क तेरहवीं तारिख क दिन निहचित कीन्ह गवा। महाराजा छयर्स अपने सबहिं प्रान्तन मँ यूहूदियन क अइसा करइ क अनुमति दइ दीन्ह गइ।</verse>
				<verse number="13">इ पत्र क एक प्रति राजा क आदेस क संग हर प्रान्त मँ पठई जाब रही। हर प्रान्त मँ इ एक नेम बन गवा। राज्ज मँ रहइवाले हर जाति क लोगन क बीच एकर प्रचार कीन्ह गवा उ पचे अइसा एह बरे किहन ताकि यहूदी उ बिसेस दिन क बरे तइयार होइ जाइँ जउन दिन उ पचे अपने दुस्मनन स बदला लेइ सकइँ।</verse>
				<verse number="14">राजा क घोड़न पइ सवार संदेस वाहक हाली स बाहेर निकरि गएन। ओनका राजा आग्या दिहे रहा कि हाली करइँ। इ आग्या सूसन क महल प्रान्त मँ बी घोसना कीन्ह गएन।</verse>
				<verse number="15">फुन मोर्दकै राजा क लगे स चला गवा। मोर्दकै राजा स मिले ओढ़नन क धारण किहे भए रहा। ओकर ओढ़नन नीले अउ सफेद रंग क रहेन। उ एक ठु लम्बा सोने क मुकुट पहिर रखे रहा। बढ़िया सूत क बना बैगनी रंग क चोगा भी ओकरे लगे रहा। लोग बहोत खूस रहेन।</verse>
				<verse number="16">यहूदियन क बरे इ बिसेस खूसी क दिन रहा। इ आनन्द, खूसी अउर बड़े सम्मान क दिन रहा।</verse>
				<verse number="17">जहाँ कहुँ भी कउनो प्रान्त या कउनो भी नगर मँ राजा क इ आदेस-पत्र पहोंचा, यहूदियन मँ आनन्द अउ खूसी क लहर दउड़ गइ। यहूदी भोज देते रहेन अउर उत्सव मनावत रहेन अउर दूसर बहोत स सामान्य लोग यहूदी बन गएन। काहेकि उ पचे यहूदियन स बहोत डरा करत रहेन, इहइ बरे उ पचे अइसा किहन।</verse>
			</chapter>
			<chapter number="9">
				<verse number="1">लोगन क आदर नाउँ क बारहवें महीने क तेरह तारिख क राजा क आग्या क पूरा करब रहा। यहूदी क दुस्मनन क आसा रहने कि उहइ दिना उ पचन्क यहूदी क हराइ सकतेन। किन्तु अब सब कछू उलटा होइ चुकी रही अब यहूदी अपने दुस्मनन क हराब्या जउन ओसे घिना करत रहेन।</verse>
				<verse number="2">महाराजा छयर्स क सबहिं प्रान्तन क नगरन मँ यहूदी आपुस मँ उ पचन्क पइ हमला करइ बरे इकट्ठा भएन जउन ओनका नस्ट करइ चाहत रहा। इ तरह ओनके बिरोध मँ कउनो भी जियादा सक्तिसाली नाहीं रहा काहेकि लोग यहूदी लोगन स डेराइ लागेन।</verse>
				<verse number="3">प्रान्तन क सबहिं हाकिम, मुखिया, राज्जपाल अउर राजा क प्रबंन्ध अधिकारी यहूदियन क मदद करइ लागेन। उ पचे सबहि अधिकारी यहूदियन क मदद एह बरे किया करत रहेन कि उ पचे मोर्दकै स डेरात रहेन।</verse>
				<verse number="4">राजा क महल मँ मोर्दकै एक बहोत महत्वपूर्ण बन गवा। सबहिं प्रान्तन मँ हर कउनो ओकर नाउँ जानत रहा अउर जानत रहा कि उ केतना महत्वपूर्ण अहइ। तउ मोर्दकै जियादा सक्तिसाली होत चला गवा।</verse>
				<verse number="5">यहूदियन अपने सबहिं दुस्मनन क पराजित कि दिहन। अपने दुस्मनन क मारइ अउ नस्ट करइ क बरे उ पचे तरवारन क प्रयोग किया करत रहेन। जउन लोग यहूदियन स घिना किया करत रहेन, ओनेक संग यहूदी जइसा चाहतेन, वइसा बेउहार करतेन।</verse>
				<verse number="6">सूसन क राजधानी नगरी मँ यहूदियन पाँच सौ लोगन क मारिके नस्ट कइ दिहन।</verse>
				<verse number="7">यहूदियन जउन लोगन क हत्या किहे रहेन ओनमाँ इ सबइ लोग भी सामिल रहेन: पर्सन्दाता, दल्पोन, अस्पाता,</verse>
				<verse number="8">पोराता, अदल्या, अरीदता,</verse>
				<verse number="9">पर्मसता, अरीसै, अरीदै, अउर वैजता।</verse>
				<verse number="10">इ सबइ दस लोग हामान क पूत रहेन। हम्मदाता क पूत हामान यहूदियन क बैरी रहा। यहूदियन ओन सबहिं मनसेधुअन क मार तउ दिहेन किन्तु उ पचे ओनकर सम्पति नाहीं लिहन।</verse>
				<verse number="11">जउन दिन राजा सुसन क महल प्रान्त मँ बहोत स लोग मारे गएन ह।</verse>
				<verse number="12">तउ महारानी एस्तेर स कहेस, “सूसन नगर मँ यहूदियन पाँच सौ मनइयन क मार डाएन ह तथा उ पचे सूसन न हामान क दस पूतन क भी हत्या कइ दिहन ह। राजा क दूसर प्रान्तन मँ का होत आहइ? अब मोका बतवा तू अउर का करावइ चाहति अहा? जउन कहा मइँ ओका पूरा कइ देब।”</verse>
				<verse number="13">एस्तेर कहेस, “जदि अइसा करइ क बरे महाराज खुस अहइँ तउ यहूदी लोगन जउन सूसन मँ अहइ ओका कल्ह फुन स सूसा मँ राजा क आग्या पूरी करइ दीन्ह जाइ, अउर हामान क दसहुँ पूतन क फाँसी क खम्भे पइ लटकाइ दीन्ह जाइ।”</verse>
				<verse number="14">तउ राजा इ आदेस दइ दिहस कि सूसन मँ भियान भी राजा क इ आदेस लागु रहइ अउर उ पचे हामान क दसहु पूतन क फाँसी पइ लटकाइ दिहन।</verse>
				<verse number="15">आदार महीने क चौदहवीं तारिख क जउन यहूदी सूसन कमहल प्रान्त मँ अहइ एक संग बटुरेन। फुन उ पचे हुवाँ तीन सौ मनइयन क मउत क घाट उतार दिहन किन्तु उ पचे तीन सौ लोगन क सम्पत्ति क नाहीं लिहन।</verse>
				<verse number="16">अदार क तेरहवें दिन दूसर प्रान्तन म रहइवाले दूसर यहूदी भी आपुस मँ बटुरेन। उ पचे एह बरे बटुरेन कि अपने बचाव क लिए उ पचे पर्याप्त बलसाली होइ जाइँ अउर इ तरह उ पचे अपने दुस्मनन क छुटकारा पाइ लिहन। यहूदी लोग अपने पचहत्तर हजार दुस्मनन क मउत क घाट उतार दिहन। किन्तु उ पचे जउन दुस्मनन क हत्या किहे रहेन, ओनकर कउनो भी वस्तु क नाहीं लिहन।</verse>
				<verse number="17">इ अदार नाउँ क महीने क तेरहवीं तारिख क भवा अउर फुन चौदहवीं तारिख क यहूदियन बिस्त्राम किहन। यहूदियन उ दिन क एक ठु खुसी भरे दिन क रुप मँ बनाइ दिहन।</verse>
				<verse number="18">किन्तु यहूदी लोग जउन चौदहीं तारिख मँ आपुस मँ बटुरेन, तउ पन्द्रहवीं तारिख मँ उ पचे बिस्त्राम किहन। उ पचे पन्द्रहवीं तारिख क फुन एक खुसी भरे छुट्टी क दिन बनाइ दिहन।</verse>
				<verse number="19">इहइ कारण उ गाँव क प्रदेस क नान्ह नान्ह गाँवन मँ रहइवाले यहूदियन चौदहवीं तारिख क खुसियन भरी छुट्टी क रुप मँ रखेन। उ दिन उ पचे मँ एक दूसर क भोज दिहन।</verse>
				<verse number="20">जउन कछु घटा रहा हर बात क मोर्दकै पत्र मँ लिख लिहस अउर फुन पत्रन क महाराजा छयर्स क सबहिं प्रान्तन मँ बसे सबहिं यहूदी लोगन क पठइ दिहस। दूर-पास सब कहुँ उ पत्रन पठएस।</verse>
				<verse number="21">मोर्दकै यहूदियन क इ बतावइ बरे अइसा किहस कि उ पचे हर साल अदार महीने क चौदहवीं अउर पन्द्रहवीं तारिख क पूरिम क उत्सव मनाया करइँ।</verse>
				<verse number="22">यहूदी लोग एँन दिनन क पर्व क रुप मँ एह बरे माने रहेन कि ओनहीं दिनन यहूदियन अपने दुस्मनन स छुटकारा पाए रहेन। ओनका उ महीना क एह बरे भी मानब रहा जब ओनकर ओनके आनन्द मँ बदल गवा रहा। उहइ इ महीना रहा जब ओनकर रोउब धोउब एक ठु उत्सव क दिन क रुप मँ बदल गवा रहा। उ ओन लोगन स कहेस कि य पचे ओन दिनन क उत्सव क रुप मँ मनावइँ। इ समइ एक अइसा समइ होइ जब लोग आपुस मँ एक दूसरे क उत्तिम भोजन क उपहार पठइ तथा गरीब लोगन क भी उपहार देउँ।</verse>
				<verse number="23">इ तरह मोर्दकै यहूदियन क लिखे रहा, उ पचे ओका मानइ क तइयार होइ गएन। उ पचे इ बात पइ सहमत होइ गएन कि उ पचे जउन उत्सव क आरम्भ किहन ह, उ पचे ओका मनावत रहिहीं।</verse>
				<verse number="24">काहेकि अगागी हम्मदाता क पूत हामान यहूदी लोगन क दुस्मन रहा। उ पचे यहूदी लोगन क खिलाफ ओनका नस्ट करइ बरे बुरा योजना बनाए रहा। उ पचे ओनका बर्बाद कइ डावइ बरे दिन चुनइ वास्ते पासा लोकाए रहा। ओन दिन पाँसा क “पुर” कहा जात रहा। इहइ बरे इ उत्सव क नाउँ “पुरीम” रखा गवा।</verse>
				<verse number="25">किन्तु राजा क लगे गइ अउ उ ओनसे बातचीत किहस। इहइ बरे राजा क नवे आदेस जारी कइ दिहे गएन। यहूदीयन क खिलाप हामान जउन सडयंत्र रचे रहा, ओका रोकइ क बरे राजा अपने पत्र जारी किहस। राजा ओन ही बुरी बातन क हामान अउ ओकरे परिवार क संग घटाइ दिहस। ओन आदेसन मँ कहा गवा रहा कि हामान अउ ओकर पूतन क फाँसी पइ लटकाइ दीन्ह जाइ।</verse>
				<verse number="26">इ समइ पासा “पुरीम” कहलाएन। एह बरे इ त्यौहार “पुरीम” कहलाएन। यहूदी लोग हर बरिस इन दुइ दिनन क उत्सव क रुप मँ मनावइ क सुरुआत करइ क निहचइ किहन। उ पचे इ बरे किहन ताकि अपने संग होत भए जउन बातन उ पचे लखे रहेन, ओनका याद रखइ मँ ओनका मदद मिलइ। यहूदियन हर साल सही समइ पइ एन दिनन क मनावइ क जिम्मा आपन पइ लिहा। उ पचे इ भी तय किहेस कि ओकार सन्तानन अउर दूसर लोगन जउन ओकरे संग मिले, मोर्दकै क निर्दस क अनुसार जउन उ अपने आदेस पत्र मँ दिहे रहा उहइ रीति अउ उहइ समइ पइ मनाउब।</verse>
				<verse number="27"></verse>
				<verse number="28">इ दुई दिनन पीढ़ी दर पीढ़ी अउर हर परिवार क याद रखब अउर मनाब। एनका हर प्रान्त अउ हर नगर मँ निहचइ पूर्वक क मनवा जाइ चाही। यहूदी लोग क एनका मनाउब कबहुँ नाहीं तजइ चाही। यहूदी लोगन क सन्तानन क चाही कि उ पचे पूरीम क एन दुइ दिनन क मनाउब कबहुँ फेल नाही होइ चाही।</verse>
				<verse number="29">महारानी एस्तेर अबीहैल क बिटिया अउर यहूदी मोर्दकै इ दूसर पत्र पूरीम क बारे मँ लिखेस। उ पत्र फुरइ रहा, एँका साबित करइ बरे उ पचे एका राजा क स्मपूर्ण अधिकार क साथ लिखेन।</verse>
				<verse number="30">तउ महाराजा छयर्स क राज्ज क एक सौ सत्ताइस प्रान्तन मँ सबहीं यहूदियन क लगे मोर्दकै पत्र पठएस। मोर्दकै सान्ति अउ सच्चाई क एक सँदेसा लिखेस।</verse>
				<verse number="31">मोर्दकै पूरीम लोगन क उत्सव क सुरु करइ क बारे मँ लिखेस। एँन दिनन क मोर्दकै अउर एस्तेर दूआरा अपने बरे अउर अपनी सन्तानन बरे उपवास अउर विलाप क बारे मँ ठीक ओकरे नियुक्त कीन्ह समइ पइ ही मनावा जाब रहा।</verse>
				<verse number="32">एस्तेर क पत्र पूरीम क बिसय मँ एन नेमन क स्थापना किहन अउर पूरीम एन नेमन क किताबन मँ लिख दीन्ह गवा।</verse>
			</chapter>
			<chapter number="10">
				<verse number="1">महाराजा छयर्स लोगन पइ कर लगाएस। राज्ज क सबहीं लोगन हिआँ तलक कि सागर तट क सुदूर नगरन क भी कर चुकावइ पड़त रहेन</verse>
				<verse number="2">राजा छयर्स जउन महान कार्य अपनी सक्ति अउ सामरथ स किहे उ सबइ मादै अउर फारस क राजा लोगन क इतिहास क किताबे मँ लिखे अहइँ। ओन “इतिहासक किताबन” मँ मोर्दकै जउन कछू किहे रहा, उ सब कछू भी लिखा अहइ। राजा मोर्दकै क एक महान मनई बनाइ दिहस।</verse>
				<verse number="3">महाराजा छयर्स क हिआँ यहूदी मोर्दकै महत्व की दृस्टि, दूसरी जगह पइ रहा। मोर्दकै यहूदियन मँ बहोंत महत्वपूर्ण मनई रहा। अउर ओकर साथी यहूदी ओकर बहूत आदर करत रहेन। उ पचे मोर्दकै क आदर एह बरे करत रहेन कि उ अपने लोगन क भले क बरे काम किहे रहा। मोर्दकै सबहिं यहूदियन क कल्याण क बातन किया करत रहा।</verse>
			</chapter>
		</book>
		<book number="18">
			<chapter number="1">
				<verse number="1">ऊज नाउँ क प्रदेस मँ एक ठु मनई रहा करत रहा। ओकर नाउँ अय्युब रहा। अय्युब एक बहोत ईमानदार अउ बिस्सासी मनई रहा। अय्यूब परमेस्सर क उपासना करत रहत रहा अउ बुराई स दूर रहा करत रहा।</verse>
				<verse number="2">ओकरे सात ठु बेटहना अउ तीन ठु बिटिहनी रहिन।</verse>
				<verse number="3">अय्यूब सात हजार भेड़िन, तीन हजार ऊँटन, एक हजार बर्धन अउ पाँच सौ गदहियन क सुआमी रहा। ओकरे लगे बहोत स नौकर रहेन। अय्यूब पूरब क सब स जियादा धन्नासेठ मँ स एक रहा।</verse>
				<verse number="4">अय्युब क बेटहनन बारी-बारी स आपन घरन मँ एक दूसर क खइया क खाइ बरे बोलवा करत रहेन। उ पचे आपन बहिनियन क भी हुआँ ओकरे खाइ अउ पिइ बरे बोलावत रहेन।</verse>
				<verse number="5">अय्यूब क गदेलन जब भोज खाइ चुकतेन, तउ अय्यूब तड़के भिन्सारे उठत अउ आपन हर गदेला क बदले होमबलि अर्पित करत रहा। काहेकि उ सोचत, “होइ सकत ह, मोर गदेलन आपन हिरदइ मँ परमेस्सर क निन्दा कइ के पाप किहे रहेन।” एह बरे अय्यूब हमेसा अइसा करत रहत रहा।</verse>
				<verse number="6">फिन सरगदूतन बरे यहोवा क सुचना देइ क दिन्ह आवा। सइतान भी ओनकर संग आवा।</verse>
				<verse number="7">यहोवा सइतान स कहेस, “तू कहाँ रह्या?” सइतान जवाब देत भए यहोवा स कहेस, “मइँ धरती पइ एहर ओहर घूमत रहेउँ।”</verse>
				<verse number="8">एह पइ यहोवा सइतान स कहेस, “का तू मोर सेवक अय्यूब क लख्या? इ धरती पइ ओकरे तरह कउनो दूसर मनई नाहीं अहइ। अय्यूब एक ठु ईमानदार अउ बिस्सासी मनई अहइ। उ हमेसा परमेस्सर क आराधना करत ह अउर बुराई स सदा दूर रहत ह।”</verse>
				<verse number="9">सइतान जवाब दिहस, “निहचय ही! मुला अय्यूब परमेस्सर क एक खास कारण स आराधना करत ह!</verse>
				<verse number="10">तू सदा ओकर, ओकरे घराने क अउर जउन कछू ओकरे लगे अहइ ओकर रच्छा करत ह। जउन कछू उ करत ह तू ओका सफल बनावत ह। हाँ तू ओका बहोत सारा जनावरन झुण्ड अउर रेवड़ पूरे देस मँ फइलावइ बरे दिहेस ह।</verse>
				<verse number="11">मुला जउन कछू ओकरे लगे अहइ उ सब कछू क अगर तू बर्बाद कइ दया तउ मइँ तोहका बिस्सास दियावत हउँ कि उ तोहरे मुँहे पइ तोहरे बिरुद्ध बोलइ लागी।”</verse>
				<verse number="12">यहोवा सइतान स कहेस, “अगर अइसा अहइ, अय्यूब क लगे जउन कछू अहइ ओकरे संग जइसा तू चाहत ह, करा। मुला ओकरे देह का चोट न पहोंचावा।” एकरे पाछे सइतान यहोवा क लगे स चला गवा।</verse>
				<verse number="13">एक दिन, अय्यूब क पूत अउ बिटियन आपन सब स बड़का भइया क घर खइया क खात रहेन अउ दाखरस पिअत रहेन।</verse>
				<verse number="14">ठीक तबहिं अय्यूब क लगे एक ठु संदेसवाहक आवा अउ ओका बोला, “जब बर्धा हर जोतत रहेन अउर गदहन मइदान चरत रहेन,</verse>
				<verse number="15">कि सबा क लोग हम पचन पइ धावा बोल दिहन अउ तोहरे गोरुअन क लइ गएन। मोका तजिके तोहार सबहिं दासन क सबा क लोग मार डाएन। आप क इ खबर देइ बरे मइँ बचिके पराइ निकरि आवा हउँ।”</verse>
				<verse number="16">अबहिं उ सन्देसवाहक कछू कहत ही रहा कि अय्यूब क लगे दूसर संदेसवाहक आवा। दूसर संदेसवाहक कहेस, “अकासे स बिजुरी गिरी अउ आप क भेड़िन अउ दास जरिके राखी होइ गएन है। आप क खबर देइ बरे मइँ ही बचिके निकिरि पावा हउँ।”</verse>
				<verse number="17">अबहिं उ संदेसवाहक आपन बात कहत ही रहा कि एक ठु अउर संदेसवाहक आइ गवा। इ तीसर संदेसवाहक कहेस, “कसदी क लोग तीन टोलियन क पठए रहेन, जउन हम पइ हमला बोल दिहन अउर उ पचे सेवकन क मारि डाई क पाछे ऊँटन क छीन लइ गएन। आपक खबर देइ बरे सिरिफ मइँ ही बचिके निकरि पाएउँ ह।”</verse>
				<verse number="18">इ तीसर दूत अबहिं बोलत ही रहा कि एक अउर संदेसवाहक आइ गवा। इ चउथा संदेसवाहक कहेस, “आप क बेटवन अउ बिटियन सब स बड़का भाई क घर खइया क खात रहेन अउ दाखरस पिअत रहेन।</verse>
				<verse number="19">ठीक तबहिं रेगिस्तान स एका-एक एक ठु तेज आँधी उठी अउर उ मकान क उड़ाइके ढहाइ दिहस मकान आप क पूतन, अउ बिटियन क ऊपर आइ पड़ा अउर उ पचे मरि गएन। आप क खबर देइ बरे सिरिफ मइँ ही बचिके निकरि पावा हउँ।”</verse>
				<verse number="20">अय्यूब जब इ सुनेस तउ उ आपन ओढ़ना फारि डाएस अउर इ देखावइ बरे उ दुःखी अउर वियाकुल अहइ, उ आपन मूड़ँ मुड़ाइ लिहेस। अय्यूब तब धरती पइ गिरिके दण्डवत किहेस।</verse>
				<verse number="21">उ कहेस: “मोर जब इ संसारे क बीच जनम भवा रहा, मइँ तब नंगा रहेउँ, मोरे लगे तब कछू भी नाहीं रहा। जब मइँ मरब अउ इ संसारे क तजब, मइँ नंगा होब अउर मोरे लगे कछू न होइ। यहोवा ही देत ह अउर यहोवा ही लेत, यहोवा क नाउँ क बड़कई करा।”</verse>
				<verse number="22">जब इ सबहिं कछू घटना घटत रहा, अय्यूब न ही कउनो पाप किहस अउर न ही परमेस्सर क दोख दिहस।</verse>
			</chapter>
			<chapter number="2">
				<verse number="1">फुन एक दिन, यहोवा स मिलइ बरे सरगदूत आएन। सइतान भी ओनके संग रहा। सइतान यहोवा स मिलइ आवा रहा।</verse>
				<verse number="2">यहोवा सइतान स पूछेस, “तू कहाँ रहया” सइतान यहोवा क जवाब दिहेस, “मइँ धरती पइ एहर-ओहर घूमत रहेउँ।”</verse>
				<verse number="3">एह पइ यहोवा सइतान स पूछेस, “का तू मोर सेवक अय्यूब पइ धियान देत रहत अहा? ओकर जइसा धरती पइ कउनो नाहीं अहइ। अय्यूब ईमानदार अउ बिस्सासी मनई अहइ। उ हमेसा परमेस्सर क उपासना करत ह, बूराई स दूर रहत ह। उ अबहुँ भी ईमानदारी राखत ह हालाँकि तू मोका प्रेरित किहे रहया कि मइँ बिना कारण ही ओका नस्ट कइ देउँ।”</verse>
				<verse number="4">सइतान जवाब दिहस, “खाल क बदले खाल! कउनो मनई जिअत रहइ बरे, जउन कछू ओकरे लगे अहइ, सब कछू दइ डावत ह।</verse>
				<verse number="5">यह बरे अगर तू आपन सक्ती क प्रयोग ओकरे देह क नोस्कान पहोंचावइ बरे करा, तउ उ सीधा ही तोहका कोसइ लागी।”</verse>
				<verse number="6">तउ यहोवा सइतान स कहेस, “अगर अइसा अहइ, तउ मइँ अय्यूब क तोहरे हवाले करत हउँ, मुला तोहका ओका मार डावइ क छूट नाही अहइ।”</verse>
				<verse number="7">एकरे पाछे सइतान यहोवा क लगे स चला गवा। उ अय्यूब क दुःख देइवाला फोड़न क दइ दिहस। इ सबइ पीरा देइवाला फोड़न ओकरे गोड़े क तलवा स लइके ओकरे मुँड़े क ऊपर तलक देह मँ फइल गएन।</verse>
				<verse number="8">तउ अय्यूब कूड़ा क ढेरी क लगे बइठ गवा। ओकरे लगे एक ठु ठीकरा रहा, जेहसे उ आपन पीरा दायक फोड़न क खजुआवा करत रहा।</verse>
				<verse number="9">अय्यूब क पत्नी ओसे कहेस, “का तू अबहुँ तलक ईमानदार रहइ चाहत ही? तू परमेस्सर क कोसिके मर काहे नाहीं जात्या!”</verse>
				<verse number="10">अय्यूब जवाब देत भए आपन पत्नी स कहेस, “तू तउ एक मूरख मेहरारु क तरह बातन करति अहा। देखा, जब परमेस्सर उत्तिम वस्तुअन क देत ह, हम ओनका अंगीकार कइ लेइत ह। तउ हमका दुःख भी अपनावइ चाही अउ सिकाइत नाही करइ चाही।” इ सचमूइ दुःखे मँ भी अय्यूब कउनो पाप नाहीं किहस। परमेस्सर क खिलाफ उ कछू नाहीं बोला।</verse>
				<verse number="11">अय्यूब क तीन मित्र रहेन: तेमानी क एलीपज, सूही क बिलदद अउर नामाती क सोपर। एँन तीनहुँ मीतन अय्यूब क संग जउन बुरी घटना भइ रहिन, ओन सबन क बारे मँ सुनेन। एँन तीनहुँ मीत आपन-आपन घर तजिके आपुस मँ एक दूसर स भेंटेन। उ पचे इ निहचय किहेन कि उ पचे अय्यूब क लगे जाइके ओकरे बरे सहानुभूति परगट करइँ अउ ओकर हिम्मत बँधावइँ।</verse>
				<verse number="12">जब इ तीनहुँ मीत दूर स अय्यूब क लखेन, तउ उ पचे ओका बहोत मुस्किल स पहिचान पाएन। उ पचे भोंकारा मारिके रोवइ लागेन। उ पचे आपन ओढ़ना फाड़ि डाएन। आपन दुःख अउ आपन बेचैनी देखावइ बरे उ पचे आपन-आपन मूँड़न पइ माटी डाएन।</verse>
				<verse number="13">फुन उ सबइ तीनहुँ मीत अय्यूब क संग सात दिन अउ सात रात तलक भुइँया पइ बइठा रहेन। अय्यूब स कउनो एक सब्द तलक नाहीं कहेस काहेकि उ पचे लखत रहेन कि अय्यूब भयानक पीरा मँ रहा।</verse>
			</chapter>
			<chapter number="3">
				<verse number="1">तब अय्यूब आपन मुँह खोलेस अउर उ दिन क कोसइ लग जब उ पइदा भवा रहा।</verse>
				<verse number="2">उ कहेस:</verse>
				<verse number="3">“जउने दिन मइँ पइदा भवा रहेउँ, बर्बाद होइ चाही रहा। उ राति कबहुँ न आइ होइ चाही जब उ पचे कहे रहेन कि ‘एक ठु लरिका’ पइदा भवा अहइ।</verse>
				<verse number="4">उ दिन अँधियारा स भरा जाइ चाही रहा। परमेस्सर उ दिन क बिसारि जात चाही रहा। उ दिन प्रकास न चमका चाही रहा।</verse>
				<verse number="5">उ दिन अँधियारा स पूर्ण बना होत चाही रहा जेतना कि मउत अहई। बादर उ दिन क घेरे रहतेन चाही रहा। जउनो दिन मइँ पइदा भवा करिया बादर प्रकास क डेरवाइ क खदेर देतेन चाही रहा।</verse>
				<verse number="6">उ राति क गहिर अँधियारा जकरि लेइ, उ राति क गनती न होइ। उ राति क कउनो महीना मँ सामिल जिन करा।</verse>
				<verse number="7">उ राति कछू भी पइदा न करइ। कउनो भी आनन्द क ध्वनि उ राति क सुनाइ न देइ।</verse>
				<verse number="8">सराप देइ मँ माहिर मनइयन क उ मनइयन क साथ जउन लिब्यातान क जगवाइ मँ सामर्थ अहइ, क उ दिना क सराप देइ दया जउन दिना मइँ पइदा भएउँ।</verse>
				<verse number="9">उ दिन क साँझ तारा करिया पड़ जाइ दया। उ रात भिन्सारे क रोसनी बरे तरसइ अउर उ प्रकास कबहुँ न आवइ दया। उ सूरज क पहिली किरन न लखि सकइ।</verse>
				<verse number="10">काहेकि उ रात मोका पइदा होइ स नाहीं रोकस। उ रात मोका इ सबइ कस्ट झेलइ स नाहीं रोकेस।</verse>
				<verse number="11">मइँ काहे नाहीं मरि गएउँ जब मइँ पइदा भवा रहेउँ? जन्म क समइ ही मइँ काहे नाहीं मरि के बाहर आए रहेउँ?</verse>
				<verse number="12">काहे मोर महतारी गोदी मँ मोका राखेस? काहे मोर महतारी क छतियन मोका दूध पियाएन।</verse>
				<verse number="13">अगर मइँ तबहिं मरि गवा होतेउँ जब मइँ पइदा भवा रहेउँ तउ अब मइँ सान्ति स होतउँ। अगर अइसा होतेन मइँ सोवत रहतेउँ अउर आराम पउतेउँ।</verse>
				<verse number="14">राजा लोगन अउ बुद्धिमान मनइयन क संग जउन पृथ्वी पइ पहिले रहेन। ओन लोग आपन बरे ठउर जगह बनाएन, जउन अब नस्ट होइक मिट चुका अहइँ।</verse>
				<verse number="15">मोका ओन सासक लोगन क संग दफनावा जात रहतेउँ जउन सोना-चादी स आपन घर भरे होतेन।</verse>
				<verse number="16">मइँ गर्भपात मँ ही मरि जात रहतेउँ। मइँ दिन क प्रकास नाहीं देखि रहतेउँ।</verse>
				<verse number="17">दुट्ठ जन दुःख देब तब तजि देत ही जब उ पचे कब्र मँ होत ही अउर थके लोग कब्र मँ आराम पावत हीं।</verse>
				<verse number="18">हिआँ तलक कि बंदी भी सुख स कब्र मँ रहत हीं। हुआँ उ पचे आपन अत्याचारियन क आवाज नाहीं सुनत हीं।</verse>
				<verse number="19">हर तरह क लोग कब्र मँ रहत हीं चाहे उ पचे महत्व नामा होइँ या साधारण। हुआँ दास आपन सुआमी स छुटकारा पावत ह।</verse>
				<verse number="20">“अइसे मनई क प्रकास काहे देत रहा जउन दुःख झेल रहा ह? अइसे मनई क काहे जिन्नगी देत रहा ह जेकर जिन्नगी कडुवापन स भरा रहत ह?</verse>
				<verse number="21">अइसा मनई मनइ चाहत ह मुला ओकर मउत नाहीं आवत। अइसा दुःखी मरई मउत पावइ क उहइ तरह तरसत ह जइसे कउनो छुपे खजाना बरे।</verse>
				<verse number="22">अइसे मनइयन कब्र पाइके खुस होत हीं अउर आनन्द मनावत हीं।</verse>
				<verse number="23">परमेस्सर ओनसे ओनकर भविस्स छिपाए राखत ह अउर ओनकर चारिहुँ कइँती सुरच्छा बरे देवार खड़ी करत ह।</verse>
				<verse number="24">मोर गहरी उदासी मोर बरे रोटी बन गवा ह। मोर विलाप जल धारा क तरह बाहेर फूट पड़त ह।</verse>
				<verse number="25">मइँ जउने डेराउनी बात स डेरात रहेउँ कि कहुँ उहइ मोरे संग न घटि जाइ अहइ मोरे संग घटि गइ। अउर जउने बाते स मइँ सबन त जियादा डरेउँ, उहइ मोरे संग होइ गइ।</verse>
				<verse number="26">नही मइँ सान्त होइ सकत हउँ, न ही मइँ आराम कइ सकत हउँ। मइँ बहोत ही विपत्ति मँ हउँ।”</verse>
			</chapter>
			<chapter number="4">
				<verse number="1">तब तेमान क एलीपज जवाब दिहेस:</verse>
				<verse number="2">“अगर मइँ तोहका कउनो राय देउँ तउ का तू नाराज़ होब्या? अगर अइसा अहइ तउ भी मोका बोलइ चाही।</verse>
				<verse number="3">हे अय्यूब, तू बहोत स लोगन क सिच्छा दिहा अउर दुर्बल हाथन क तू सक्ती दिहा।</verse>
				<verse number="4">जउन लोग लड़खड़ात रहत रहेन तोहार सब्दन ओनका हिम्मत बँधाए रहेन तू निर्बल गोड़न क आपन उत्साह स सबल किहा।</verse>
				<verse number="5">मुला अब तोह पइ विपत्ति क पहाड़ टूट पड़ा बाटइ अउर तोहार हिम्मत टूट गइ अहइ। विपदा क मार तोह पइ पड़ी अउर तू ब्याकुल होइ उठ्या।</verse>
				<verse number="6">तोहका उ परमेस्सर पइ बिस्सास करइ चाही जेका तू उपासना करत ह। आपन ईमानदारी क आपन आसा बनने दया।</verse>
				<verse number="7">अय्यूब, इ बात क याद राखा कि कउनो भी निर्दोख कबहुँ नाही नस्ट कीन्ह गएन। नीक मनई कबहुँ नाहीं तबाह कीन्ह गवा अहइ।</verse>
				<verse number="8">मइँ अहसे लोगन क लखेउँ ह जउन कस्टन क बढ़ावत हीं अउर जउन जिन्नगी क कठिन करत हीं। मुला उ पचे सदा ही दण्ड भोगत हीं।</verse>
				<verse number="9">परमेस्सर क दण्ड ओन लोगन क मारि डावत ह, अउर ओकर किरोध ओनका नस्ट करत ह।</verse>
				<verse number="10">दुर्जन सेर क तरह गुर्रात अउ दहाड़त हीं। मुला परमस्सर ओन दुर्जनन क चुप करावत ह।</verse>
				<verse number="11">बुरे लोग ओन सेरन क तरह होत हीं जेनके लगे सिकार बरे कछू नाहीं होत। उ पचे मरि जात हीं अउर ओनकर गदेलन एहर-ओहर बिखराइ जात हीं।</verse>
				<verse number="12">“मोरे लगे एक सँदेसा चुपचाप पहुँचावा गवा, अउर मोरे काने मँ ओकर भनक पड़ी।</verse>
				<verse number="13">जउने तरह राति क बुरा सपना नींद क उड़ाइ देत ह,</verse>
				<verse number="14">मइँ डेराइ गएउँ अउ काँपते लगेउँ। मोर सबइ हडिडयन हिल गइन।</verse>
				<verse number="15">मोरे समन्वा स एक आतिमा जइसी गुजरी जेहसे मोरे बदन मँ रोंगटा खड़ा होइ गएन।</verse>
				<verse number="16">उ आतिमा मोर समन्वा उठेस, मुला मइँ एका नाहीं पहिचान सकउँ। मोरी आँखिन क समन्वा एक सरुप खड़ा रहा। हुवाँ सन्नाटा स छावा रहा। फुन मइँ एक बहोत स सान्त आवाज सुनेउँ। उ पचे कहेस,</verse>
				<verse number="17">‘का एक मनई परमेस्सर क समन्वा दोखरहित होइ सकत ह? का एक मनई आपन सृजनहार स जियादा सुद्ध होइ सकत ह?</verse>
				<verse number="18">परमेस्सर आपन सरग क सेवकन तक पइ भरोसा नाहीं कइ सकत। परमेस्सर क आपन दूतन तलक मँ दोख मिलि जात हीं।</verse>
				<verse number="19">तउ मनई तउ अउर भी जियादा गवा गुजरा बा। मनई तउ कच्ची माटा क घरौंदा मँ रहत हीं। एँन माटी क घरौंदन क नींव धूरि मँ रखी गइ अहइ। इ सबइ लोगन क ओहसे भी जियादा आसानी स मसलिके मार दीन्ह जात ह, जउने तरह भुनगन मसलिके मार दीन्ह जात ह।</verse>
				<verse number="20">लोग भोर स साँझ क बीच मँ मर जात हीं मुला ओन पइ कउनो धियान तलक नाहीं देत ह। उ पचे मरि जात हीं अउर सदा बरे चला जात हीं।</verse>
				<verse number="21">ओनके तम्बूअन क खूंटी उखाड़ दीन्ह जात हीं अउर इ सबइ लोग बिना बुद्धि क मरि जात हीं।’</verse>
			</chapter>
			<chapter number="5">
				<verse number="1">“अय्यूब अगर तू चाहा तउ पुकारिके लखि ल्या मुला तोहका कउनो भी जवाब नाही देइ। तू कउनो भी सरगदूत कइँती मुड़ नाहीं सकत ह।</verse>
				<verse number="2">मूरख क किरोध उहइ क नास कइ देइ। मूरख मनई क ईर्स्या ओका ही मरि डइहीं।</verse>
				<verse number="3">मइँ एक मूरख क लखे रहेउँ जउन सोचत रहा कि उ सुरच्छित बाटइ। जेकर घर एका-एक सरापित कइ दीन्ह ग रहा ।</verse>
				<verse number="4">अइसे मूरख मनई क सन्तानन क कउनो भी मदद नाहीं कइ सका। कचहरी मँ ओनका बचइया कउनो नाहीं रहा।</verse>
				<verse number="5">ओकरी फसल क भूखे लोग खाइ गएन। हिआँ तलक कि भूखे लोग काँटन क झाड़ियन क बीच जमा भवा अन्न क उठाइ लइ गएन। जउन कछू भी ओन लोगन क लगे रहा उ सबइ चिजियन क लालची मनइयन उठाइके लइ गएन।</verse>
				<verse number="6">मुसीबत माटी स नाहीं निकरत ह, न ही विपत्ति मैदान मँ जामत ह।</verse>
				<verse number="7">मनई क जन्म दुःख भोगइ बरे भवा ह। इ ओतना ही फुरइ अहइ जेतना फुरइ अहइ कि आगी स चिनगारी ऊपर उठत ह।</verse>
				<verse number="8">मुला अय्यूब, अगर तोहरी जगह मइँ होतेउँ तउ मइँ परमेस्सर क लगे जाइके आपन दुःखड़ा कहितेउँ अउर ओकरे लगे राय माँगतेउँ।</verse>
				<verse number="9">परमेस्सर क कारनामा समुझइ मँ बहोत अदभुत अहइँ। परमेस्सर क अजूबा गना नाहीं जाइँ।</verse>
				<verse number="10">परमेस्सर धरती पइ बर्खा क पठवत ह, अउर उहइ खेतन मँ पानी पठवा करत ह।</verse>
				<verse number="11">परमेस्सर विनम्र लोगन क ऊपर उठावत ह। उ ओका ऊपर उठाइके दुःखी क जन क बचावत ह।</verse>
				<verse number="12">परमेस्सर चालाक अउ दुट्ठ लोगन क कुचाल क रोक देत ह। एह बरे ओनका सफलता नाहीं मिला करत।</verse>
				<verse number="13">परमेस्सर चतुर क उहइ क चतुराइ भरी जोजना मँ पखरि लेत ह। एह बरे ओनकर चतुराइ भरी सबइ जोजना असफल होतिन।</verse>
				<verse number="14">उ सबइ चालाक लोग दिन क प्रकास अँन्धियारा क नाई होइ गवा। हिआँ तलक कि दुपहर मँ भी उ पचे आधी-रात क जइसा ठोकर खात हीं।</verse>
				<verse number="15">परमेस्सर दीन मनई क मउत स बचावत ह अउर ओनका सक्तीसाली चतुर लोगन क सक्ती स बचावत ह।</verse>
				<verse number="16">एह बरे दीन मनई क भरोसा अहइ कि परमेस्सर इ होइ क निआव नाही करब।</verse>
				<verse number="17">“उ मनई भाग्यवान अहइ, जेकर परमेस्सर सुधार करत ह एह बरे जब सर्व सक्तीसाली परमेस्सर तू पचन्क सजा देत होइ तउ तू आपन दुःखड़ा जिन रोआ।</verse>
				<verse number="18">परमेस्सर ओन घावन पइ पट्टी बाधँत ह जेनका उ दिहस ह। उ चोट पहोंचावत ह मुला ओकर ही हाथ चंगा भी करत हीं।</verse>
				<verse number="19">उ तोहका छ: विपत्तियन स बचावा। हा! सात विपत्तियन मँ तोहका कउनो नोस्कान न होइ।</verse>
				<verse number="20">अकाल क समइ परमेस्सर तोहका मउत स बचाइ अउर परमेस्सर जुद्ध मँ तोहर मउत रच्छा करी।</verse>
				<verse number="21">जब लोग आपन कठोर सब्दन स तोहरे बरे बुरी बात बोलिहीं, तब परमेस्सर तोहर रच्छा करी। विपत्तियन क समइ तोहका डेराइ क जरुरत नाहीं होइ।</verse>
				<verse number="22">तू विनास अउ भुखमरी स समइ मँ भी खुस रहब्य़ा। अउर तोहका जगंली जनावरन स भी कबहुँ नाहीं डेराइ चाहीं।</verse>
				<verse number="23">मैदानन क चट्टानन तोहार साथी क होइ। जंगली जनावरन भी तोहरे संग सान्ति रखत हीं।</verse>
				<verse number="24">तू सान्ति स रहब्या काहेकि तोहार तम्बू सुरच्छित अहइ। तू पचे आपन भेड़न क बाड़ा भी लखब्या, अउर ओहमाँ एक भी भेड़ हेराइ नाहीं।</verse>
				<verse number="25">तोहर बहोत सन्तानन होइहीं। उ सबइ एँतना होइहीं जेतना घासे क पाती भुइयाँ पइ अहइँ।</verse>
				<verse number="26">तू उ पका भवा गोहूँ जइसा होब्या जउन कटनी क समइ तलक पकत ह। हाँ, तू पूरी उमर तलक जिअत रहब्या।</verse>
				<verse number="27">“अय्यूब, हम पचे इ सबइ बातन जाँचित ह अउर हम पचे जानित ह कि इ सबइ फुर अहइँ। एह बरे अय्यूब मोर सुना अउर तू इ सबन्क खुद आपन समुझ ल्या।”</verse>
			</chapter>
			<chapter number="6">
				<verse number="1">फुन अय्यूब जवाब दिहेस,</verse>
				<verse number="2">“मोरे पीरा अउ दुःख क तराजु मँ तउलइ दया।</verse>
				<verse number="3">मोर व्यथा समुद्दर क समूची रेत स भी जियादा भारी होइ। एह बरे मइँ गँवार जइसा बात किहेउँ ह।</verse>
				<verse number="4">सर्वसक्तीमान परमेस्सर क बाण मोह माँ घुसा अहइँ अउर मोर प्राण ओन बाणन क विख क पिअत रहत ह। परमेस्सर क उ सबइ भयानक सस्त्र मोरे खिलाफ एक संग रखा भवा अहइँ।</verse>
				<verse number="5">तोहार सब्दन कहइ बरे सहज अहइ जब कछू भी बुरा नाहीं भएन ह। हिआँ तलक कि जंगली गदहा भी नाहीं रेकंत अगर ओकरे लगे खाइ क रहइ। इहइ तरह कउनो भी गइया तब तलक नाहीं रँभात जब तलक ओकरे लगे चइर क चारा अहइ।</verse>
				<verse number="6">बे नमक क भोजन बिना स्वाद क होत ह। अउर अण्डा क सफेदी मँ भी स्वाद नाहीं होत ह।</verse>
				<verse number="7">मोरे बरे तोहार सब्द ठीक उहइ तरह अहइ। इ भोजन क छुअइ स मइँ इन्कार करत हउँ। इ तरह क भोजन मोका सड़ा भवा लागत ह।</verse>
				<verse number="8">“परमेस्सर क मोर माँग क अनुमोदन करइ दया अउर मोका उ देइ दया जे मँ चाहत हउँ।</verse>
				<verse number="9">परमेस्सर क मोका सराप अउर मार डावइ दया!</verse>
				<verse number="10">अगर उ मोका मारत ह तउ एक ठु बात क चैन मोका रहीं, आपन अनन्त पीरा मँ भी मोका एक ठु बाते क खुसी रही, कि मइँ कबहुँ भी आपन पवित्र क हुकुमन पइ चलइ स इन्कार नाहीं किहउँ।</verse>
				<verse number="11">“मोर सक्ती छीण होइ चुकी बाटइ एह बरे मोका जिअत रहइ क आसा नाहीं अहइ। मोका पता नाहीं कि आखीर मँ मोरे संग का होइ? एह बरे धीरज धइर क मोरे लगे कउनो कारण नाहीं अहइ।</verse>
				<verse number="12">मइँ चट्टान क नाई मजबूत नाहीं अहउँ। न ही मोर देह काँसे स रची गइ अहइ।</verse>
				<verse number="13">अब तउ मोहमाँ एँतनी भी सक्ती नाहीं कि मइँ खुद क बचाइ लेउँ। काहेकि मोहसे कामयाबी छीन लीन्ह गइ अहइ।</verse>
				<verse number="14">“काहेकि उ जउन आपन दोस्तन खातिर निस्ठा देखावइ स इन्कार करत ह। उ सर्वसक्तीमान परमेस्सर क भी अपमान करत ह।</verse>
				<verse number="15">मुला मोरे बन्धु लोगो, तू बिस्सास क जोग्ग नाहीं रहया। तू पचे नदी-तल क नाईँ अबिस्सासी ह जेहमाँ बरिस क कछू भाग मँ ही जल रहत ह।</verse>
				<verse number="16">उ सबहिं अँन्धियारा नदी-तल, बरफ स उमड़ि जात ह जब बरफ टेघरत ही।</verse>
				<verse number="17">मुला जब मौसम गरम अउ सूखा होत ह, तब पानी बहब बंद होइ जात ह, अउर जल क धारा झुराइ जात हीं।</verse>
				<verse number="18">बइपारी लोगन क दल आपन रास्ता क तजि देत ही अउर रेगिस्ताने मँ प्रवेस कइ जात ही अउर उ पचे लुप्त होइ जात हीं।</verse>
				<verse number="19">तेमा क बइपारी दल जल क हेरत रहेन अउर सबा क राही आसा क संग लखत रहेन।</verse>
				<verse number="20">उ पचन्क विस्सास रहा कि पानी मिली मुला ओनका निरासा मिली।</verse>
				<verse number="21">अब तू पचे ओन जल धारन क समान अहा। तू पचे मोर सबइ यातना क लखत अहा अउ डेरान अहा।</verse>
				<verse number="22">का मइँ कहेउँ कि ‘मोका उपहार द्या?’ का मइँ कहेउँ कि ‘मोर बरे रिस्वत क रूप मँ एक भेंट द्या?’</verse>
				<verse number="23">का मइँ तू पचन्स कहेउँ, ‘मोर दुस्मनन स मोका बचाइ ल्या?’ का मइँ तोहका कहेउँ कि ‘ओका मुक्ती-धन द्या जउन मोका पकरेस ह!’</verse>
				<verse number="24">“एह बरे अब मोका सिच्छा दया अउर मइँ सान्त होइ जाब। मोका देखाँइ दया कि मइँ का बूरा किहेउँ ह।</verse>
				<verse number="25">सच्चा सब्द ताकतवर होत हीं, मुला तू पचे का आलोचना करत ह</verse>
				<verse number="26">का तू आलोचना क अविस्कार करत ह का तू एहसे भी जिआदा निरासाजनक सब्द बोलब्या?</verse>
				<verse number="27">हिआँ तलक कि जुआ मँ अनाथ क भी वस्तुअन क लेइ चाहत ह। हिआँ तलक कि तू आपन निज मीत क भी बेचइ चाहत ह।</verse>
				<verse number="28">मुला अब, मोरे मुख क परखा। मइँ तोहसे झूठ नाहीं बोलब।</verse>
				<verse number="29">एह बरे, आपन मने क बदल डावा। एक भी अनियाय जिन होइ दया, फुन स जरा सोचा काहेकि मइँ कउनो बुरा काम नाहीं किहेउँ ह।</verse>
				<verse number="30">मइँ झूठ नाहीं कहत हउँ। मोका भला अउ बुरे लोगन क पहिचान अहइ।</verse>
			</chapter>
			<chapter number="7">
				<verse number="1">“अय्यूब कहेस, “मनई क धरती पइ कड़ा सघर्ष करइ क पड़त ह। ओकर जिन्नगी भाड़े क मजदूर क जिन्नगी जइसी होत ह।</verse>
				<verse number="2">मनई उ भाड़ा क मजदूर जइसा अहइ, जउन दिन क अन्त मँ ठंडी छाँह चाहत ह, अउ मजदूरी क इन्तज़ार करत ह।</verse>
				<verse number="3">महीना दर महीना बेचइनी क बीत गवा अहइँ अउर पीरा भइ राति दर रात मोका दइ दीन्ह गइ अहइ।</verse>
				<verse number="4">जब मइँ ओलरत हउँ, मइँ सोचत रहत हउँ, ‘मोरे उठइ क कबहुँ अउर कितनी देर अहइ?’ मुला इ रात तउ घसेटत चला जात ह। मइँ तउ पीरा झेल रहत हउँ अउ करवट बदलत हउँ जब तलक सूरज नाहीं निकरि आवत।</verse>
				<verse number="5">मोर तन कीरन अउ धूरि स ढाक लीन्ह अहइ। मोर चमड़ी चटक गइ अहइ अउर एहमाँ रिसत भए फोड़ा भरि गवा अहइँ।</verse>
				<verse number="6">“मोर दिन जुलाहा क फिरकी स भी जियादा तेज चाल स बीतत अहइँ। मोर जिन्नगी क आखीर बिना कउनो आसा क होत अहइ।</verse>
				<verse number="7">हे परमेस्सर, याद राखा मोर जिन्नगी सिरिफ एक ठु साँस अहइ। अब मोर आँखी कछू भी नाहीं लखिहीं।</verse>
				<verse number="8">अबहिं तू मोका लखत अहा मुला फुन तू मोका नाहीं लख पउब्या। तू मोका हेरब्या मुला तब तलक मइँ जाइ चुका होब।</verse>
				<verse number="9">एक बादर छोटा होइ जात ह अउर आखर मँ लुप्त होइ जात ह। इ तरह एक मनई जउन मर जात ह अउर कब्र मँ गाड़ दीन्ह जात ह, उ फुन वापिस नाहीं आवत ह।</verse>
				<verse number="10">उ आपन पुराना घरे क वापिस कबहुँ नाहीं लउटी। ओकर घर ओका फुन कबहुँ भी नाहीं जानी।</verse>
				<verse number="11">“एह बरे मइँ चुप नाहीं रहब। मइँ सब कहि डाउब। मोर आतिमा दुखी अहइ अउर मोर मन कडुआहट स भरा अहइ, एह बरे मइँ उ सब बातन क बारे मँ सिकायत करब जउन मोर संग घटेस ह।</verse>
				<verse number="12">हे परमेस्सर, तू मोर पइ पहरेदार काहे राखेस ह? का मइँ समुद्दर हउँ, या समुददर क कउनो दैत्य?</verse>
				<verse number="13">हे परमेस्सर, जब मोका लगत ह कि खाट मोका सान्ति देइ अउर मोर पलंग मोका चइन अउ बिस्राम देइ, तब मोका सपना मँ डरावत ह।</verse>
				<verse number="14"></verse>
				<verse number="15">मइँ आपन गला घोंटि जाइ पसन्द करब्या। मउत इ देह मँ रहइ स बेहतर अहइ।</verse>
				<verse number="16">मइँ आपन जिन्नगी स घिना करत हउँ। मइँ हमेसा अइसा जिअत रहब नाहीं चाहत हउँ। मोका अकेला रहइ दया। मोर जिन्नगी बेकार अहइ।</verse>
				<verse number="17">हे परमेस्सर, मनई तोहरे बरे काहे एँतना महत्वपूर्ण अहइ? काहे मनई पइ तोहका एँतना धियान देइ चाहीं?</verse>
				<verse number="18">हर भिन्सारे काहे तू मनई क लगे आवत ह अउर हर छिन तू काहे ओका परखा करत अहा?</verse>
				<verse number="19">हे परमेस्सर, तू कबहुँ भी मोका नज़र अन्दाज़ नाही करत ह अउर मोका एक छन अकेल्ला नाहीं छोड़त ह।</verse>
				<verse number="20">हे परमेस्सर, तू हरेक चिजियन पइ जउन हम पचे करत हीं निगाह रखत ह! जदि मइँ पाप किहा तउ मइँ का किहा? तू मोका काहे निसाना बनाया ह? मइँ तोहार बरे काहे बोझ बन गवा हउँ?</verse>
				<verse number="21">का तू मोर सबइ गलती क छिमा नाहीं करत्या अउर मोरे पापन क तू काहे छिमा नाहीं करत्या? मइँ हाली ही मरि जाब अउर कब्र मँ चला जाब। जब तू मोका हेरब्या मुला तब तलक मइँ जाइ चुका होब।”</verse>
			</chapter>
			<chapter number="8">
				<verse number="1">एकरे पाछे सूह प्रदेस क बिलदद जवाब देत भए कहेस</verse>
				<verse number="2">“तू कब तलक अइसी बातन करत रहब्या? तोहार सब्द तेज आँधी क तरह बहत अहइँ।</verse>
				<verse number="3">परमेस्सर सदा स्वच्छ रहत ह। निआउवाली बातन क सर्वसक्तीवाला परमेस्सर कबहुँ नाहीं बदलत ह।</verse>
				<verse number="4">एह बरे अगर तोहार सन्तानन परमेस्सर क खिलाफ पाप किहन ह तउ ओनका राजा दिहस ह। आपन पापन खातिर ओनका भोगइ क पड़ा ह।</verse>
				<verse number="5">मुला अब अय्यूब, परमेस्सर कइँती निगाह करा, अउर सर्वसक्तीमान परमेस्सर स ओकर दाया पावइ खातिर बिनती करा।</verse>
				<verse number="6">अगर तू पवित्तर अउर ईमानदार अहा, तउ उ हाली तोहार मदद बरे आइ। उ तोहार नीक घरे क रच्छा करब।</verse>
				<verse number="7">जउन कछू भी खोया उ तोहका नान्ह स बात लगी। काहेकि तोहार भविस्स बड़ा सुफल होइ।</verse>
				<verse number="8">“ओन बुढ़वा लोगन स पूछा अउर पता करा कि ओनकर पुरखन क सीखे रहेन।</verse>
				<verse number="9">काहेकि अइसा लागत ह जइसा कि हम तउ बस काल्ह ही पइदा भएन ह, हम कछू नाहीं जानित। परछाई क तरह हमार उमर भुइँया पइ बहोत छोट क अहइ।</verse>
				<verse number="10">होइ सकत ह कि बूढ़वा लोग तोहका कूछ सिखाइ सकइँ। होइ सकत ह जउन उ पचे सीखेन ह उ पचे मोका सिखाइ सकइँ।”</verse>
				<verse number="11">बिलदद कहेस, “का भोजपत्र क बृच्छ दलदल भुइँया क इलावा कहुँ बढ़ सकत ह का नरकट बे पानी क बाढ़ि सकत ह?</verse>
				<verse number="12">नाहीं, अगर पानी झुराइ जात ह तउ उ पचे भी मुरझाइ जइहीं। ओनका काटा जाइ जोग्ग काटिके काम मँ लिआवइ क उ पचे बहोत छोट रहि जइहीं।</verse>
				<verse number="13">उ मनई जउन परमेस्सर क बिसारि जात ह, नरकट क तरह होत ह। उ मनई जउन परमेस्सर क बिसारि जात ह ओकरे बरे कउनो आसा नाहीं अहइ।</verse>
				<verse number="14">उ मनई क बिस्सास बहोत दुर्बल होत ह। उ मनई मकड़ी क जाला क सहारे रहत ह।</verse>
				<verse number="15">अगर कउनो मनई मकड़ी क जाले क सहारा लेत ह, इ टुटि जाइ। अगर उ मकड़ी क जाल क पकरत ह, इ नस्ट होइ जाइ।</verse>
				<verse number="16">उ मनई उ पौधे क नाई अहइ जेकरे लगे पानी अउ सूरज क रोसनी बहोतइ अहइ। ओकर डारियन बगिया मँ हर कइँती सँचरत हीं।</verse>
				<verse number="17">उ पाथर क टीला क चारिहुँ कइँती आपन जड़न क फइलावत ह अउ चटटान मँ जमइ बरे कउनो ठउर हेरत ह।</verse>
				<verse number="18">जब पौधा आपन जगह स उखाड़ दीन्ह जात ह, तउ कउनो भि नाहीं जान पात ह कि हुआँ कबहुँ कउनो पौधा रहा।</verse>
				<verse number="19">मुला उ पौधा हुआँ खुस रहा, अब दूसर पउधन हुआँ जमिहीं, जहाँ कबहुँ उ पउधा रहा।</verse>
				<verse number="20">मुला परमेस्सर कबहुँ भी निर्दोख मनई का नाहीं तजी अउर उ बुरे मनई क सहारा नाहीं देइ।</verse>
				<verse number="21">अबहुँ भी परमेस्सर तोहरे मुँह क हँसी स भरि देइ। तोहरे ओंठन क खुसी स चहकाइ देइ।</verse>
				<verse number="22">परमेस्सर तोहरे दुट्ठ दुस्मनन क लज्जा स झुकाइ देइ। अउर ओनकर घरन क नास कइ देइ।”</verse>
			</chapter>
			<chapter number="9">
				<verse number="1">फुन अय्यूब जवाब दिहस।</verse>
				<verse number="2">“हाँ, मइँ जानत हउँ कि तू फुरइ कहत ह मुला मनई परमेस्सर क समन्वा निर्दोख कइसे होइ सकत ह?</verse>
				<verse number="3">मनई परमेस्सर स बहस नाहीं कइ सकत। परमेस्सर मनई स हजारन सवाल कइ सकत ह अउर कउनो ओनमाँ स एक ठु क भी जवाब नाहीं दइ सकत ह।</verse>
				<verse number="4">परमेस्सर बुद्धिमान अउर सक्तीसाली बाटइ। अइसा कउनो मनई नाहीं जउन पारमेस्सर क कामयाबी क खिलाफ करी।</verse>
				<verse number="5">जब परमेस्सर कोहाइ जात ह, उ पहाड़न क हटाइ देत ह, अउर उ सबइ समुझ तलक नाहीं पउतेन।</verse>
				<verse number="6">परमेस्सर भुइँया क कँपावइ बरे भुइँडोल पठवत ह। परमेस्सर भुइँया क खम्भन क हिलाइ देत ह।</verse>
				<verse number="7">परमेस्सर सूरज क आग्या दइ सकत ह अउर ओका उगइ स रोक सकत ह। उ तारन क बंद कइ सकत ह ताकि उ सबइ न चमकइँ।</verse>
				<verse number="8">सिरिफ परमेस्सर अकासन क रचेत ह। उ सागरे क लहरन पर बिचरि सकत ह।</verse>
				<verse number="9">“परमेस्सर सप्तर्सि, मृगसिरा अउर कचपचिया तारन क बनाएस ह। उ ओन ग्रहन क बनाएस जउन दक्खिन क अकास पार करत हीं।</verse>
				<verse number="10">परमेस्सर अइसेन अदभुत करम करत ह जेनका मनई नाहीं समुझ सकत। परमेस्सर क महान अचरज भरे करमन क कउनो अन्त नाहीं अहइ।</verse>
				<verse number="11">परमेस्सर जब मोरे लगे स निकरत ह तउ मइँ ओका लख नाहीं पावत हउँ। परमेस्सर जब मोरी बगल स निकरि जात ह तउ भी मइँ जान नाहीं पावत हउँ।</verse>
				<verse number="12">अगर परमेस्सर छोरइ लागत ह तउ कउनो भी ओका रोक नाहीं सकत। कउनो भी ओहसे कह नाहीं सकत कि ‘तू का करत अहा?’</verse>
				<verse number="13">परमेस्सर आपन किरोध क रोकी नाहीं। हिआँ तलक कि राहाब क सहायक भी परमेस्सर क सक्ती क आगे झुकत ही।</verse>
				<verse number="14">एह बरे परमेस्सर स मइँ बहस नाहीं कइ सकत। मइँ नाही जानत कि ओहसे का कहा जाइ।</verse>
				<verse number="15">यद्दपि मइँ तउ निर्दोख अहउँ, मोरे लगे कउनो विकल्प नाहीं अहइ किन्तु ओहसे जउनो कि मोका निआव करत ह दाया क आग्रह कइ सकत हउँ। मइँ सिरिफ ओसे जउन मोर निआउ करत ह, दाया क भीख माँग सकत हउँ।</verse>
				<verse number="16">अगर मइँ ओका गोहरावउँ अउर उ जवाब देइ, तबहुँ मोका बिस्सास नाहीं होइ कि उ सच ही ओह पइ धियान देत ह, ‘जउन मइँ कहत हउँ।’</verse>
				<verse number="17">परमेस्सर मोका कुचरइ बरे तूफान पठइ अउर उ मोका अकारण ही जियादा घाव देइ।</verse>
				<verse number="18">परमेस्सर मोका फुन साँस नाहीं लेइ देइ। उ मोका अउर जियादा दुख देइ।</verse>
				<verse number="19">कउनो मनई परमेस्सर क सक्ती क मुकाबला मँ हराइ नाहीं सकत ह। कउनो मनई परमेस्सर क अदालत मँ लइ बरे मजबूर नाहीं कइ सकत ह।</verse>
				<verse number="20">चाहे मइँ निर्दोख अहउँ, जउन कछू भी मइँ कहत हउँ उ मोका दोखी ठहराउब। चाहे मइँ कउनो बुरा काम नाहीं किहा, उ मोका भ्रस्ट क जइसा बनाउब्या।</verse>
				<verse number="21">मइँ पाप रहित हउँ। मुला मोका आपन ही परवाह नाहीं अहइ मइँ खुद आपन ही जिन्नगी स घिना करत हउँ।</verse>
				<verse number="22">मइँ खुद स कहत हउँ, ‘हर कउनो क संग एक समान ही घटित होइ। निरपराध लोग वइसेन ही मरत हीं जइसे अपराधी मरत हीं। परमेस्सर ओन सबक जिन्नगी क अन्त करत ह।’</verse>
				<verse number="23">का परमेस्सर मज़ाक करत ह जब अचानक विपत्ति आवत अउर कउनो निर्दोख मनई मारा जात ह</verse>
				<verse number="24">अगर निआधीस क आँखिन क ढाँपि दीन्ह जाइ तउ धरती पइ दुट्ठन क राज होइ जाब्या। अगर इ परमेस्सर नाहीं किहस, तउ फुन कउन किहस ह?</verse>
				<verse number="25">“कउनो तेज धावक स तेज मोर दिन परात अहइँ। मोर दिन उड़िके बीतत अहइँ अउर ओनमाँ कउनो खुसी नाहीं अहइँ।</verse>
				<verse number="26">तेजी स मोर दिन बीतत अहइँ जइसे भोजपत्र क नाब बहत चली जात ह। मोर दिन अइसे हीं बीतत अहइँ जइसे उकाब आपन सिकारे पइ टूट पड़त होइ!</verse>
				<verse number="27">“जदि मइँ कह सकब, ‘मइ सिकाइत नाहीं करब। मइँ आपन दर्द भुल जाब। अउर खुस होइ जाब्या।’</verse>
				<verse number="28">किन्तु मइँ अबहुँ तलक पीरा स डेरात हउँ काहेकि मइँ जानत हउँ कि अबहुँ भी तू (परमेस्सर) मोका निर्दोख नाहीं बनाउब्या।</verse>
				<verse number="29">मइँ परमेस्सर क संग आपन दलील क खोइ देब। तउ कोसिस करइ मँ मोका आपन समइ काहे बरबाद करइ चाही।</verse>
				<verse number="30">चाहे मइँ आपन हाथ धोइ बरे सबन त सुद्ध पानी अउर बड़िया साबुन क प्रयोग करा।</verse>
				<verse number="31">फुन भी परमेस्सर मोका घिनौना गड़हा मँ ढकेल देइ जहाँ मोर ओढ़ना तलक मोहसे घिना करिहीं।</verse>
				<verse number="32">परमेस्सर, मोर जइसा मनई नाहीं अहइ। एह बरे ओका मइँ जवाब नाहीं दइ सकत। हम दुइनउँ अदालत मँ एक दूसरे स मिल सकित नाहीं।</verse>
				<verse number="33">हुवाँ कउनो एक बिचौलिया नाहीं जउन हमार बीच क बातन सुन सकत। हुवाँ कउनो एक नाहीं जउन हम दुइनउँ क ऊपर अधिकार रखइ सकत।</verse>
				<verse number="34">अगर परमेस्सर मोका सज़ा देइ बन्द कइ देइ, अउर उ मोका बहोत जियादा नाहीं डेरावइ।</verse>
				<verse number="35">तब मइँ बगैर डरे परमेस्सर स उ सब कहि सकत हउँ, काहेकि मइँ जानत हउँ कि मइँ अइसा दोखी नाहीं हउँ जइसा मोह क दोखी ठहराइ गवा ह।</verse>
			</chapter>
			<chapter number="10">
				<verse number="1">“मुला हाथ, अब मइँ वइसा नाहीं कइ सकत। मोका खुद आपन जिन्नगी स घिना अहइ एह बरे मइँ अजाद भाव स आपन दुखड़ा रोउब। मोरे मने मँ कडुआहट भरी अहइ एह बरे अब मइँ बोलब।</verse>
				<verse number="2">मइँ परमेस्सर स कहब ‘मोह पइ दोख जिन लगावा। मोरे खिलाफ तोहरे लगे लगावइ बरे का अहइ?</verse>
				<verse number="3">हे परमेस्सर, का तू मोका चोट पहोंचाइके खुस होत ह अइसा लगत ह जइसे तोहका आपन सृस्टि बरे कउनो चिंता नाहीं अहइ। अउर सायद, तू दुस्टन क कुचालन क पच्छ लेत अहा।</verse>
				<verse number="4">हे परमेस्सर, का तोहर आँखिन मनई क समान अहइँ? का तू चिजियन क अइसे ही लखत ह, जइसे मनइयन लखा करत हीं।</verse>
				<verse number="5">का तोहार आयु हम जइसे मनइयन क तरह अल्प अहइ? का तोहार जिन्नगी हम मनइयन क जइसे अल्प अहइ?</verse>
				<verse number="6">तू मोर गलतियन खोजत ह अउर मोरे पापन क हेरत ह।</verse>
				<verse number="7">तू जानत ह कि मइँ निरपराध हउँ मुला मोका कउनो भी तोहर सक्ती स बचाइ नाहीं सकत।</verse>
				<verse number="8">परमेस्सर, तू मोका रच्या अउर तोहर हाथन मोरे तन क सँवारेन, मुला अब ही मोरे खिलाफ होइ गया अउर मोका नस्ट करत अहा।</verse>
				<verse number="9">हे परमेस्सर, याद करा कि तू मोका चिकनी माटी स मढ़या, मुला अब तू ही मोका फुन स धूलि मँ बदलब्या।</verse>
				<verse number="10">तू मोका दुधे क नाई उड़ेरत ह, तब तू मोका दही बनावत ह अउर निचोड़त ह अउर फुन तू मोका दुधे स पनीर बनावत ह।</verse>
				<verse number="11">तू मोका हाड़न अउ माँस पेसियन स बनाएस ह। तू मोका चमड़ी अउ माँस स ढँकेस ह।</verse>
				<verse number="12">तू मोका जिन्नगी क दान दिहा अउर मोरे बरे दयालु रहया। तू मोरे धियान राख्या अउर तू मोरे प्राणन क रखवारी किहा।</verse>
				<verse number="13">मुला इ उ अहइ जेका तू आपन मने मँ छुपाए राख्या। मइँ जानत हउँ कि इ उ अहइ जेकर तू आपन मने मँ गुप्त रुप स जोजना बनाया ह।</verse>
				<verse number="14">अगर मइँ पाप किहेउँ तउ तू मोका लखत रहया। यह बरे तू मोका निर्दोख घोसित नाहीं कर सकत्या ह काहेकि मइँ बुरा काम किहेउँ ह।</verse>
				<verse number="15">अगर मइँ दुस्ट जइसा बेउहार किहेउँ ह तउ तू मोका इ सब झेलइ चाही। अगर मइँ निरपराध भी हउँ तउ भी आपन मूँड़ नाहीं उठाइ पउतेउ काहेकि मइँ लज्जा अउ पीरा स भरा भवा हउँ।</verse>
				<verse number="16">इ अइसा ही लागत ह कि तोहका सिंह क तरह मोर सिकार करइ पसन्द ह। तू आपन सक्ती मोर खिलाफ बार-बार देखावत ह।</verse>
				<verse number="17">तू मोरे खिलाफ सदा ही कउनो न कउनो क नवा गवाह बनावत ह। तोहर किरोध मोरे खिलाफ अउर जियादा भड़क उठी अउर मोरे खिलाफ तू नई नई दुस्मन क सेना लिअउब्या।</verse>
				<verse number="18">हे परमेस्सर, तू मोका काहे जन्म दिहा? एहसे पहिले कि मोका कउनो लख सकत कास! मइँ मरि जातेउँ!</verse>
				<verse number="19">कास! मइँ जिउत न रहतेउँ। कास! मोका माता क गर्भ स सोझइ ही कब्रा मँ उतार दीन्ह जातेउँ!</verse>
				<verse number="20">मोर जिन्नगी करोब करीब खतम होइ चुकी अहइ। कृपा कइके मोका अकेल्ले रही दया। ताकि मइँ इ अल्प समइ क अनन्द लेइ सकब।</verse>
				<verse number="21">एहसे पहिले कि मइँ हुआँ चला जाउँ स कबहुँ मइँ वापस नाहीं आइ सकउँ, जउन जगह पइ अँधियारा अउर घोर अन्धाकर बाटइ,</verse>
				<verse number="22">जउन तनिक समइ बचा अहइ मोका जिअइ लेइ दया। एहसे पहिले कि मइँ हुआँ चला जाउँ जउने जगह क कउनो लखि नाहीं पावत, अँधियारा क जगह, छाया अउर गड़वड़ क जगह, उ जगह पइ जहाँ रोसनी भी अँधियारा स भरी होत ह।’”</verse>
			</chapter>
			<chapter number="11">
				<verse number="1">एह पइ नामात नाउँ क पहँटा क सोपर अय्यूब क जवाब देत भए कहेस,</verse>
				<verse number="2">“इ सब्दन क प्रवाह क जवाब मिलइ चाही! का कउनो मनई आपन क सिरिफ जियाद बोलइ के निर्दोख बनावइ सकत ह।</verse>
				<verse number="3">का तू सोचत ह कि तोहार सेखी हम लोगन क सांत कइ सकत? का तू सोचत ह कि बिना हमार स डांट खाए मज़ाक उड़ा सकत ह।</verse>
				<verse number="4">अय्यूब, तू परमेस्सर स कहत रह्या, ‘मोर सिद्धान्त सुद्ध अहइ। तू लख सकत ह कि मइँ निर्दोख अहउँ।’</verse>
				<verse number="5">सचमुच मँ मोर इ इच्छा अहइ कि परमेस्सर बोलइ अउर तोहसे बात करिहीं।</verse>
				<verse number="6">तउ उ तोहका बुद्धि क रहस्य बताइ। बुद्धि अनेक सच्चाइ राखत ह। अय्यूब, मोर सुना। परमेस्सर सचमुच ही तोहार कछू पापन क नज़र अन्दाज करत ह।</verse>
				<verse number="7">“अय्यूब का तू परमेस्सर क रहस्य समुझ सकत ह? का तू सर्वसाक्तीमान परमेस्सर क बुद्धि क सीमा समुझ सकत ह?</verse>
				<verse number="8">ओकर बूद्धि अकासे स ऊँच अहइँ, तू का कइ सकत्या? ओकर बुद्धि मृत्युलोक स गहिर अहइँ, का तू एका समुझ सकत्या?</verse>
				<verse number="9">उ सबइ सीमा धरती स बड़ा अउर सागर स बिसाल अहइँ।</verse>
				<verse number="10">“अगर परमेस्सर तोहका बन्दी बनावइ अउर तोहका अदालत मँ लइ जाइ, तउ कउन ओका रोक सकत्या?</verse>
				<verse number="11">परमेस्सर सचमुच जानत ह कि कउन धोखेबाज़ अहइ। परमेस्सर जब बुरी काम क लखत ह, तउ उ ओकर नज़र अन्दाज़ नाही करब्या।</verse>
				<verse number="12">मुला कउनो मूरख मनई कबहुँ बुद्धिमान नाहीं होइ सकत ह। जइसे एक जंगली गदहा एक मनई क जन्म नाहीं देइ सकत ह।</verse>
				<verse number="13">तउ अय्यूब, तोहका आपन सोच-बिचार पइ जरुर रोक लगावइ चाही, अउर आपन हाथन पराथना मँ फइलावइ चाहीं।</verse>
				<verse number="14">कउनो दुट्ठता जउन तोहरे हाथन मँ बसा अहइ, ओका तू दूर करा। अउर आपन घरे मँ कउनो बुराइ क जिन रहइ दया।</verse>
				<verse number="15">तबहिं सिरिफ तोहर दोख क छिमा कीन्ह जाब्या। तू मजबूती स खड़ा रहब्या अउर नाहीं डेराब्या।</verse>
				<verse number="16">अय्यूब, तब तू आपन विपत्ति क बिसरि जाब्या। तू आपन दुखड़ा क बस उ पानी जइसा सुमिरन करब्या जउन तोहरे लगे स बहिके चला गवा।</verse>
				<verse number="17">तोहर जिन्नगी दुपहर क सूरज स भी जियादा उज्जर होइ। जिन्नगी क अंधियर घड़ियन अइसेन चमकिहीं जइसे भिन्सारे क सूरज।</verse>
				<verse number="18">अय्यूब, तू सुरच्छित अनुभव करब्या काहेकि हुआँ आसा होइ। परमेस्सर तोहार रखवारी करी अउर तोहका आराम देइ।</verse>
				<verse number="19">चइन स तू सोउब्या, कउनो तोहका नाहीं डेराई अउर बहोत स लोग तोहसे मदद मंगिहीं।</verse>
				<verse number="20">मुला जब बुरे लोग आसरा हेरिहीं, तब ओनका नाहीं मिली। ओनके लगे कउनो आस नाहीं होइ। मउत ही ओनकर सिरिफ आसा होइ।”</verse>
			</chapter>
			<chapter number="12">
				<verse number="1">फुन अय्यूब सोपर क जवाब दिहस।</verse>
				<verse number="2">“बिना संदेह क तू सोचत अहा कि सिरिफ तू ही लोग बुद्धिमान अहा, तू सोचत अहा कि जब तू मरब्या तउ विवेक मर जाइ तोहरे संग।</verse>
				<verse number="3">मुला तोहार जेतँनी बुद्धि भी उत्तिम बाटइ, मइँ तोहसे कछू घटिके नाहीं अहउँ। अइसी बातन क जइसी तू कहत ह, हर कउनो जानत ह।</verse>
				<verse number="4">“अब मोरे मीत मोरे मसखरी उड़ावत हीं। ‘मइँ प्रतिदिन पराथना किहा करत रहा अउर उ मोर पराथना क जवाब देत रहा।’ किन्तु अब भी मइँ बेगुनाह अउर निर्दोख अहउँ, मोर परोसी मोर खिल्ली उड़ावत हीं।</verse>
				<verse number="5">अइसे लोग जेह पइ कबहुँ विपत्ति नाहीं पड़ी, विपदा स घिरा लागेन क हँसी किया करत हीं। मगर विपदा हमेसा उ लोगन पइ आइ बरे तइयार रहत ही जेकर गोड़ दृढ़ नाहीं अहइँ।</verse>
				<verse number="6">डाकुअन आपन डेरन मँ बगैर चिन्ता क रहत हीं। अइसे लोग जउन परमेस्सर क क्रोधित करत हीं, सान्ति स रहत हीं। परमेस्सर ओनका धियान रखत हीं।</verse>
				<verse number="7">“चाहे तू पसु स पूछिके लखा, उ पचे तोहका सिखाइ देइहीं, या हवा क पंछियन स पूछा उ पचे तोहका बताइ देइहीं।</verse>
				<verse number="8">या तू धरती स पूछि ल्या उ तोहका सिखाइ देइ या सागरे क मछरियन क आपन गियान तोहका बतावइ दया।</verse>
				<verse number="9">हर कउनो जानत ह कि यहोवा एँन सबइ चिजियन क रचेस ह।</verse>
				<verse number="10">हर जिअत पसु अउर हर एक प्राणी जउन साँस लेत ह, परमेस्सर क आधीन अहइ।</verse>
				<verse number="11">जइसे जीभ भोजन क सुआद चखत ह वइसे ही कानन क सब्दन क परखत ह।</verse>
				<verse number="12">लोग कहित ह, ‘अइसा ही बूढ़न क लगे विवेक रहत ह। अउर लम्बी उमर समुझ बुझ देत हीं?’</verse>
				<verse number="13">किन्तु उ परमेस्सर अहइ जेकर लगे बुद्धि अउर सक्ती अहइ। उ अच्छा सलाह अउर सूझबूझ रखत हीं।</verse>
				<verse number="14">अगर परमेस्सर कउनो चिज क ढहाइ क गिराइ देइ तउ, फुन लोग ओका नाहीं बनाइ सकतेन। अगर परमेस्सर कउनो मनई क बन्दी बनावइ, तउ लोग ओका अजाद नाहीं कइ सकतेन।</verse>
				<verse number="15">अगर परमेस्सर बर्खा क रोकइ तउ धरती झुराइ जाइ। अगर परमेस्सर बर्खा क छूट दइ देइ, तउ उ धरती पइ बाढ़ लइ आई।</verse>
				<verse number="16">परमेस्सर सक्तीसाली अहइ। उ सदा विजयी होत ह। उ मनई जउन छलत ह अउर उ मनई जउन छला जात ह दुउनउँ परमेस्सर क अहइँ।</verse>
				<verse number="17">परमेस्सर सलाहकारन स ओनकर बूद्धि लेइ लेत ह। उ प्रमुखन क अइसा बनाइ देत ह कि उ पचे मूर्ख मनइयन जइसा बेउहार करइ लागत हीं।</verse>
				<verse number="18">परमेस्सर राजा लोगन क अधिकार हटाइ लेत ह अउर ओनका दास बना देत ह ।</verse>
				<verse number="19">परमेस्सर याजक लोगन ओनकर सक्ती स वंचित कर देत ह अउर ओनकर दर्जा क सुरच्छा क छीन लेत ह।</verse>
				<verse number="20">परमेस्सर बिस्सासनीय सलाहकार क चुप कराइ देत ह। उ बूढ़े लोगन क बूद्धि लइ लेत ह।</verse>
				<verse number="21">परमेस्सर महत्वपूर्ण अधिकारियन क साथ अइसा बेउहार करत ह जइसा उ कछू नाहीं अहइ। उ सासकन क सक्ती लेइ लेत हीं।</verse>
				<verse number="22">परमेस्सर अँधियारा स रहस्य स भरी सच्चाई क परगट करत ह। उ घना अँधियारा स घिरा जगहियन पइ, रोसनी पठवत ह।</verse>
				<verse number="23">परमेस्सर रास्ट्रन क विसाल अउ सक्तीसाली होइ देत ह, अउर फुन ओनका उ नस्ट कइ डावत ह। उ रास्ट्रन क विकसित कइके विसाल बनइ देत ह, फुन ओनकर लोगन क उ तितर बितर कइ देत ह।</verse>
				<verse number="24">परमेस्सर धरती क रास्ट्रन क प्रमुखन क मूरख अउर नासमुझ बनाइ देत ह। उ ओनका मरुभूमि मँ जहाँ कउन राह नाहीं भटक बरे पठवत ह।</verse>
				<verse number="25">उ पचे प्रमुख लोग अँधियारा मँ आपन राह टटरोत रहत हीं। कउनो भी प्रकास ओनके लगे नाहीं होत ह। परमेस्सर ओनका अइसे चलावत ह, जइसे पीके धुत भए लोग चलत हीं।</verse>
			</chapter>
			<chapter number="13">
				<verse number="1">“मोर आँखिन पहिले स ही उ सब चिजियन क गवाही अहा जउन तू कहया ह। मोर कानन पहिले ही सुन अउर समुझ चुका ह जउन कछू तू करत अहा।</verse>
				<verse number="2">मइँ भी ओतना ही जानत हउँ जेतना तू जानत अहा, मइँ तोहसे कम नाहीं हउँ।</verse>
				<verse number="3">किन्तु मइँ सर्वसक्तीमान परमेस्सर स बोलइ चाहत हउँ, अउर मइँ ओकर समन्वा आपन मुकद्दमा क सफ़ाइ देउँ।</verse>
				<verse number="4">मुला तू तीनउँ लोग आपन छूठ बातन स फुरई क ढाँपइ चाहत अहा। तू उ बेकार क चिकित्सक नाई अहा जउन कउनो क नीक नाहीं कइ सकत।</verse>
				<verse number="5">मोर इ कामना अहइ कि तू पूरी तरह चुप होइ जा। इ तोहरे बरे बूद्धिमानी क बात होइ जउन तू कइ सकत ह।</verse>
				<verse number="6">“अब मोर तर्क सुना। सुना जब मइँ आपन सफाई देउँ।</verse>
				<verse number="7">का तू परमेस्सर बरे झूठ बोलब्या? का तू सचमुच परमेस्सर क बारे मँ झूठ बोलब्या?</verse>
				<verse number="8">का तू मोरे खिलाफ परमेस्सर क पच्छ लेब्या? का तू अदालत मँ परमेस्सर क बचावइ जात अहा?</verse>
				<verse number="9">अगर परमेस्सर तोहका बहोत करीब स जाँच लिहस तउ का उ कछू भी नीक बात पाई? का तू सोचत अहा कि तू परमेस्सर क छल पउब्या, ठीक उहइ तरह जइसे तू लोगन क छलत अहा?</verse>
				<verse number="10">अगर तू अदालत मँ छुपा छुपा कउनो तरफ़दारी करब्या, तउ परमेस्सर निहचय ही तोहका लताड़ी।</verse>
				<verse number="11">ओकर तेज तोहका डरावत ह अउर तू डर जात ह।</verse>
				<verse number="12">तोहार कहब धूलि जइसे बेकार अहइँ। तोहार तर्कन माटी जइसी दुर्बल अहइँ।</verse>
				<verse number="13">“चुप रहा अउ मोका कहि लेइ दया। मोरे संग कछू बात होइ जाइ दया।</verse>
				<verse number="14">मइँ खुद क संकट मँ डावत हउँ अउर मइँ खुद आपन जिन्नगी आपन हाथन मँ लेत हउँ।</verse>
				<verse number="15">होइ सकत ह परमेस्सर मोका मारि देइ। यद्यापि मोका जीत क कछू आसा नाहीं अहइ, तउ भी मइँ आपन मुकदमा क तर्क ओकरे समन्वा देब।</verse>
				<verse number="16">परमेस्सर मोर मुक्ति अहइ, काहेकि कउनो दुट्ठ मनई ओकर आपने-सामने नाहीं आइ सकत।</verse>
				<verse number="17">ओका धियान स सुना जेका मइँ कहत हउँ, ओह पइ कान दया जेकर व्याख्या मइँ करइ चाहत हउँ।</verse>
				<verse number="18">अब मइँ आपन बचाव करइ क तैयार हउँ। इ मोका पता अहइ कि मोका निर्दोख सिद्ध कीन्ह जाइ।</verse>
				<verse number="19">कउनो भी मनई इ प्रमाणित नाहीं कइ सकत कि मइँ गलत हउँ। अगर कउनो मनई इ सिद्ध कइ देइ तउ मइँ चुप होइ जाब अउर मरि जाब।</verse>
				<verse number="20">“हे परमेस्सर, तू मोका दुइ बातन दइ दया, फिन मइँ तोहसे नाहीं छुपब।</verse>
				<verse number="21">मोका दण्ड देइ रोकि दया, अउर मोसा जियादा लड़इ छोड़ द्या।</verse>
				<verse number="22">फिन तू मोका पुकारा अउर मइ तोहका जवाब देब, या मोका बोलइ दया अउर तू मोका जावब दया।</verse>
				<verse number="23">केतँना पाप मइँ किए हउँ? कउन सा अपराध मोहसे होइ गवा? मोका मोर पाप अउर अपराध देखाँवा।</verse>
				<verse number="24">हे परमेस्सर, तू मोहसे काहे बचत अहा? तू मोर संग दुस्मन जइसा बेउहार काहे करत अहा?</verse>
				<verse number="25">का तू मोका डेरउब्या? मइँ एक पत्ता जइसा हउँ जेका पवन उड़ावत ह। एक झुरान तिनका क तू खदेड़त अहा।</verse>
				<verse number="26">हे परमेस्सर, तू मोरे विरोध मँ गंभीर दोसपूर्ण बात लिखत अहा। का तू मोका अइसे पापन बरे दुःख देत ह जउन मइँ आपन जवानी मँ किहे रहेउँ?</verse>
				<verse number="27">मोरे गोड़न मँ तू काठ डाइ दिहया ह। तू मोर हर कदम पइ आँखी गड़ए रखत ह। मोरे कदमन क तू सीमा बाँध दिहा ह।</verse>
				<verse number="28">मइँ सड़ी चीज जइसा छीन होत जात हउँ कीरन स खाए भए ओढ़नन क टुका जइसा।</verse>
			</chapter>
			<chapter number="14">
				<verse number="1">“उहइ दिना स जब हमार मताहरी हम पचन क जन्मेस ह, हमार जिन्नगी छोट अउ दुःख स भरी अहइ।</verse>
				<verse number="2">मनई क जिन्नगी फूल क नाई अहइ जउन हाली जमत ह अउर फुन खतम होइ जात ह। मनई क जिन्नगी अहइ जइसे कउनो छाया तनिक देर टोकत ह अउर बनी नाहीं रहत।</verse>
				<verse number="3">हे परमेस्सर, का तू उ मनई पइ धियान देब्या जउन मरा भवा लागत ह का तू मोर निआउ करइ मोका समन्वा लिअउब्या?</verse>
				<verse number="4">“कउनो अइसी चीज स जउन खुद स्वच्छ नाहीं अहइ स्वच्छ चीज कउन पाइ सकत ह? कउनो नाहीं।</verse>
				<verse number="5">मनई क जिन्नगी सीमित अहइ। तू ओकर जीवन काल क सीमित कइ दिहेस ह। तू मनई बरे जउन सीमा बाँध्या ह, ओका कउनो भी नाहीं बदल सकत।</verse>
				<verse number="6">तउ परमेस्सर, तू हम पइ आँखी रखब तजि दया। हम लोगन क अकेल्ला तजि दया। हम पचन्क क आपन जिन्नगी क उहइ तरह समाप्त करइ दया जे तरह मजदूरन आपन काम क समाप्त करत ह।</verse>
				<verse number="7">“मुला अगर बृच्छ क काटिके गिराइ दीन्ह जाइ तउ भी आसा ओका रहत ह कि उ फुन स पनप सकत ह, काहेकि ओहमा नई-नई डारन फूटत रइहीं।</verse>
				<verse number="8">चाहे ओकर जड़न धरती मँ पुरान काहे न होइ जाँइ अउर ओकार तना चाहे माटी मँ गल जाइ।</verse>
				<verse number="9">मुला पानी क सिरिफ गंध स उ नई बढ़त देत ह अउर एक पउध क तरह ओहसे डारन फूटत हीं।</verse>
				<verse number="10">मुला एक मनई कमज़ोर होइ जात ह अउ मरि जात ह, अउर तब उ चला जात ह।</verse>
				<verse number="11">समुद्दर स पानी गाएब होइ सकत ह अउर नदियन सूख कइ फट सकत ह,</verse>
				<verse number="12">अउर तउ भी जउन कउनो आपन कब्र मँ मरा भवा अहइ कबहुँ भी नाहीं जी उठब! ओकर नींद स जगाइ स पहिले ही आकास लुप्त होइ जाइ।</verse>
				<verse number="13">“मोर इच्छा अहइ कि तू मोरी कब्र मँ तक तलक छुपाइ लेइ चाही जब तलक तोहार किरोध कम नाहीं होइ जाइ। अउर तोहका आदेस दीन्ह जाइतेन अउर मोका जगावा जातेन।</verse>
				<verse number="14">अगर कउनो मनई मरि जाइ तउ का जिन्न कबहुँ पउब्या? मइँ तब तलक बाट जोहब, जब तलक मोर कर्तव्य पूरा नाहीं होइ जात अउर जब तलक मइँ अजाद न होइ जाऊँ।</verse>
				<verse number="15">हे परमेस्सर, तू मोका बोलउब्या अउर मइँ तोहका जवाब देब। उ तू ही अहइ जउन मोका बनाया ह यह बरे तोहका मोह पइ धियान देइ चाही।</verse>
				<verse number="16">तब मोरी इच्छा अहइ कि तू मोर हर कदम क जाँच करा, मुला तोहका मोहमाँ कउनो गल्ती खोजइ क कोसिस नाहीं करइ चाही।</verse>
				<verse number="17">तउ इ अइसा होइतेन कि मोर पापन क एक थइला मँ बन्दा कीन्ह जातेन। अउर तू मोरे पापन क हटाइ देतेन।</verse>
				<verse number="18">“एक नस्ट भवा पहाड़ क जइसा जेकर टूका ले लइ जात ह अउर एक चट्टान जउन आपन जगह स हटाइ लेइ जात ह।</verse>
				<verse number="19">जइसे पानी पाथर क घाँसि डावत ह अउ माटी क पानी बहाइके तल मँ लइ जात ह। हे परमेस्सर, उहइ तरह मनई क आसा क तू नस्ट करत अहा।</verse>
				<verse number="20">तू एक दाँइ मनई क हरावत अहा अउर उ खतम होइ जात ह। तू ओकरे मुँह बिगाड़त ह अउर ओका पठइ देत ह।</verse>
				<verse number="21">अगर ओकर पूत कबहुँ सन्मान पावत हीं तउ ओका कबहुँ ओकर पता नाहीं चल पावत। अगर ओकर पूत कबहुँ अपमान भोगत हीं, तउ उ कबहुँ ओका लखि नाहीं पावत ह।</verse>
				<verse number="22">तउ मनई क देह क कारण ही ओका पीड़ा होत ह अउर ओकर आतिमा ओकरे बरे सोक मनावत ह।”</verse>
			</chapter>
			<chapter number="15">
				<verse number="1">एह पइ तेमान नगर क बसइया एलीपज अय्यूब क जवाब दिहेस।</verse>
				<verse number="2">“का तू सोचत अहा कि कउनो बुद्धिमान मनई बे अरथ सब्द स जवाब देत ह अउ आपन आप क गर्म हवा स भरि देत ह?</verse>
				<verse number="3">का तू सोचक ह कि कउनो बुद्धिमान मनई व्यर्थ क सब्दन स अउर ओन भासणन स बहस करी जेनकर कउनो लाभ नाहीं अहइ?</verse>
				<verse number="4">अय्यूब, तोहर जवाब लोगन क परमेस्सर क आदर अउर ओकर उपासना करइ स रोकइ क कारण होइ।</verse>
				<verse number="5">तू जउने बातन क कहत ह उ तोहार पाप साफ साफ देखावत ह। अय्यूब, तू चतूराई स भरे भए सब्दन क प्रयोग कइके आपन पापन क छुपावइ क प्रयत्न करत अहा।</verse>
				<verse number="6">मोका जरुरी नाहीं कि तोहका गलत सिद्ध करउँ। काहे? तू खुद आपन मुहँ स जउन बातन कहत ह, उ देखाँवत हीं कि तू बुरा अहा अउर तोहर ओठं खुद तोहरे खिलाफ बोलत हीं।</verse>
				<verse number="7">“अय्यूब, का तू सोचत ह कि जन्म लेइवाला पहिला मनई तू ही अहा अउर पहाड़न क रचना स पहिले तोहार जन्म भवा रहा।</verse>
				<verse number="8">का तू परमेस्सर क रहस्य स भरी सबइ जोजना क सुने रहया? का तू सोचत ह कि तू बुद्धिमान अहा?</verse>
				<verse number="9">अय्यूब, तू हम पचन स जियादा कछू नाहीं जानत अहा। उ सबइ बातन हम पचन समझत अही, जेनकर तोहका समुझ अहइ।</verse>
				<verse number="10">उ सबइ लोग जेनकर बार उज्जर अहइँ अउर बुढ़वा मनई अहइ उ पचे हम स सहमत रहत हीं। हाँ, तोहरे बाप स भी बुढ़वा लोग हमरे समर्थन मँ अहइँ।</verse>
				<verse number="11">परमेस्सर तोहका सुख देइ क जतन करत ह। अउर तोहमा नर्मी स बात करत ह। का इ तोहरे बरे काफी नाहीं अहइ? मुला तू सोचत अहा कि तोहर बरे काफी नाहीं अहइ।</verse>
				<verse number="12">अय्यूब, तू काहे नाहीं समुझब्या? तू सच्चाइ क काहे नाहीं लखइ सकब्या?</verse>
				<verse number="13">जब कभी तू इ तरह बोलत ह तू परमेस्सर क खिलाफ होत ह।</verse>
				<verse number="14">“फुरइ कउनो मनई सुद्ध नाहीं होइ सकत। मरनसील मनई नीक नाहीं होइ सकत ह।</verse>
				<verse number="15">हिआँ तलक कि परमेस्सर आपन दूतन तलक पइ भी निभर नाही रहत ह। हिआँ तलक कि सरग भी परमेस्सर क अपेच्छा सुद्ध नाही अहइ।</verse>
				<verse number="16">मानव जाति बहोत जियादा पापी अउर भ्रस्ट अहइँ। उ बुराई क पानी क तरह गटक जात ह।</verse>
				<verse number="17">“अय्यूब, मोरी बात सुना अउर मइँ ओकर व्याख्या तोहसे करब। मइँ तोहका बताउब, जउन मइँ जानत हउँ।</verse>
				<verse number="18">मइँ तोहका उ सहइ बतउब्या जउन बुद्धिमान मनई बतउब्या। उ पचे एन बातन क आपन पूरखन स सुनेस ह अउर ओनका छिपाइ बिना बताएस।</verse>
				<verse number="19">सिरिफ ओनकर पूरखन क ही भुइँया दीन्ह गवा रहा। ओनकर देस मँ कउनो परदेसी नाहीं रहा।</verse>
				<verse number="20">दुट्ठ मनई जिन्नगी भइ पीरा झेली। एक क्रूर मनई ओन सबहिं बरिसन मँ जउन ओकरे बरे निहचित कीन्ह ग अहइँ, दुःख भोगत रही।</verse>
				<verse number="21">ओकरे कानन मँ भयंकर ध्वनियन होत रइहीं। जब उ सोची उ सुरच्छित अहइ तबहीं ओकर दुस्मन ओह पइ हमला करिहीं।</verse>
				<verse number="22">दुट्ठ मनई कउनो आसा नाहीं अहइ कि उ आँधियारा बचिके निकरि पावइ। कहुँ एक अइसी तरवार अहइ जउन ओका मार डावइ क इन्तज़ार करत अहइ।</verse>
				<verse number="23">उ एँह कइँती ओह कइँती भटकत भवा फिरत ह मुला ओकर देह गीधन क चारा बनि जाइ। ओका इ पता अहइ कि ओकर मउत बहोत निचके अहइ।</verse>
				<verse number="24">चिन्ता अउ यातना ओका डरपोक बनावत हीं। इ सबइ बातन ओह पइ अइसे वार करत हीं जइसे कउनो राजा जुद्ध करइ बरे तइयार होत ही।</verse>
				<verse number="25">काहेकि दुट्ठ मनई परमेस्सर क हुकुम मनइ स इन्कार करत ह अउर सर्वसक्तीमान क नज़र-अन्दाज़ करत ह।</verse>
				<verse number="26">उ दुट्ठ मनई बहोत हठी अहइ। उ परमेस्सर क खिलाफ लड़इ चाहत ह, सोचत अहा कि उ मजबूत ढाल स ओका हराइ सकत ह।</verse>
				<verse number="27">दुट्ठ मनई बहोत क मुँहे पइ चर्बी चढ़ी रहत ह। ओकर कमर माँस भर जाइ स मोटवार होइ जात ह।</verse>
				<verse number="28">मुला उ उजाड़ सहरन मँ रही। उ अइसे घरन मँ रही जहाँ कउनो नाहीं रहत ह। ओकर घरन हाली ही रौंदा जइहीं।</verse>
				<verse number="29">दुट्ठ मनई जियादा समइ तलक धनी नाहीं रही। ओनकर भाग्य क धरती पइ स्थित रुप मँ ठहरवा नाहीं जाब्य़ा।</verse>
				<verse number="30">दुट्ठ मनई अँधियारा स न बच पाई। उ उ बृच्छ क नाई होइ जेकर सबइ डारन आगी स झउँस गइ अहइँ। परमेस्सर क साँस दुट्ठन क उड़ाइ देइ।</verse>
				<verse number="31">दुट्ठ लोग बेकार क चिजियन क भरोसे रहिके आपन क मुरख न बनावइँ काहेकि ओका कछू प्राप्त न होइ पाई।</verse>
				<verse number="32">दुट्ठ मनई समइ स पहिले ही मरि जाब। उ पचे उ बृच्छ क नाई होइ जाइ जेकर चोटी क डारन मरि गवा ह।</verse>
				<verse number="33">दुट्ठ मनई उ अंगूरे क बेल क नाई होत ह जेकर फल पाकइ स पहिले ही झरि जात हीं। अइसा मनई जइतून क बृच्छ क नाई होत ह, जेकर फूल सारि जात हीं।</verse>
				<verse number="34">काहेकि परमेस्सर क बगइर लोग खाली हाथ रहहीं। अइसे लोग जेनका पइसन स पियार अहइ, घूस लेत हीं। ओनकर घर आगी स नस्ट होइ जइहीं।</verse>
				<verse number="35">उ पचे मूसिबत क कुचक्र रचत हीं अउर बुरे करम करत हीं। उ पचे लोगन क छलइ क तरकीब क जोजना बनावत हीं।”</verse>
			</chapter>
			<chapter number="16">
				<verse number="1">एह पइ अय्यूब जावाब देत भए कहेस:</verse>
				<verse number="2">“मइँ पहिले ही इ सबइ बातन क बहोत बार सुनेउँ ह। तू ‘आरामदेइवाला लोग’ सचमुच सिरिफ मोका तंग करत ह!</verse>
				<verse number="3">तोहार बेकार क लम्बी बातन कबहुँ खतम नाहीं होतिन। तू काहे तर्क करत ही रहत ह?</verse>
				<verse number="4">जइसे तू कहत अहा वइसे बातन तउ मइँ भी कहइ सकत्या। अगर तू पचन्क मोर दुःख झेलइ क पड़त, मइँ भी तोहार खिलाफ तर्क देइ सकत हउँ अउर तोहार अपमान कइ सकत्या।</verse>
				<verse number="5">मुला मइँ आपन बचनन स तोहार हिम्मत बढ़ाइ सकत्या अउर तोहरे बरे आसा बँधाइ सकत्या।</verse>
				<verse number="6">“मुला जउन कछू मइँ कहत हउँ ओहसे मोर दुःख दूर नाहीं होइ सकत। मुला अगर मइँ कछू भी न कहउँ तउ भी मोका चइन नाहीं पड़त।</verse>
				<verse number="7">फुरइ हे परमेस्सर तू मोर सक्ती क हर लिहा ह। तू मोर सारा घराने क बर्बाद कइ दिहा ह।</verse>
				<verse number="8">तू मोर सरीर क झूर्रीदार बनाइ दिहेस ह, अउर इ मोर खिलाफ गवाही दिहेस ह। मइँ खउफनाक देखाँत हउँ अउर लोग अइसा सोचत हीं कि मइँ बुराइ करइ क कारण अपराधी हउँ।</verse>
				<verse number="9">“परमेस्सर मोह पइ प्रहार करत ह। उ मोह पइ कोहान अहइ। उ मोरी देह क फारिके अलगाइ दिहस ह। परमेस्सर मोरे ऊपर दाँत पीसत ह। मोर दुस्मन घिना स भरी निगाह स घूरत हीं।</verse>
				<verse number="10">लोग मोर हँसीं करत हीं। उ पचे सबहीं मोर खिलाफ इकट्ठा होत ह अउर मोरे मुँह क थपड़ावत ह।</verse>
				<verse number="11">परमेस्सर मोका दुट्ठ लोगन क हाथे मँ अर्पण कइ दिहे अहइ। उ दुट्ठ मनई मोहे पइ सक्ती दिहस ह।</verse>
				<verse number="12">मोरे संग सब कछू भला चंगा रहा। तबहीं परमेस्सर मोका कुचर दिहस। हाँ, उ मोका गटई स धइ लिहेस अउर मोर चिथरा चिथरा कइ डाएस। परमेस्सर मोका निसाना बनाइ लिहस।</verse>
				<verse number="13">परमेस्सर क तीरंदाज मोरे चारिहुँ कइँती अहइँ। उ मोरे गुर्दन क बाणन स बेधत ह। उ मोहे पइ दाया नाहीं देखावत ह। उ मोरे पित्त क धरती पइ बहाइ देत ह।</verse>
				<verse number="14">परमेस्सर मोह पइ बार बार वार करत ह। उ मोह पइ अइसे झपटत ह जइसे कउनो फउजी जुद्ध मँ नाहीं झपटत ह।</verse>
				<verse number="15">“मइँ बहोत ही दुःखी हउँ। एह बरे मइँ विलाप क ओढ़ना पहिरत हउँ। मइँ हिआँ धूलि मँ बइठा भवा हउँ अउर हरा भवा अनुभव करत हउँ।</verse>
				<verse number="16">मोरे मुँह रोवत बिलखत भए लाल भवा। मोरि आँखिन क खाले करिया घेरा अहइँ।</verse>
				<verse number="17">मइँ कउनो क संग कबहुँ भी क्रूर नाहीं भएउँ। मुला इ सबइ बुरी बातन मोरे संग घटित भएन। मोरे पराथनन सही अहइँ।</verse>
				<verse number="18">“हे भुइयाँ, तू कबहुँ ओन अत्याचारन क जिन छिपाया जउन मोरे संग कीन्ह गवा अहइँ। मोर निआउ क बिनती क तू कबहुँ रुकइ जिन दया।</verse>
				<verse number="19">अब तलक भी होइ सकत ह कि हुआँ आकास मँ कउनो तउ मोरे पच्छ मँ होइ। कउनो ऊपर अहइ जउन मोका दोख स रहित सिद्ध करी।</verse>
				<verse number="20">मोर मीत मोर बारे मँ बोलत अहइँ, जब मइँ आसा स रोवत रही कि परमेस्सर मोर मदद करब।</verse>
				<verse number="21">मोर इच्छा अहइ कि कउनो एक मोर अउर परमेस्सर क बिचउली करी जइसे कउनो एक मनई अउर परोसी क बीच बिचउली करत ही।</verse>
				<verse number="22">“कछू ही बरिस बाद मइँ हुआँ चला जाब जहाँ स फुन मइँ कबहुँ वापस न आउब।</verse>
			</chapter>
			<chapter number="17">
				<verse number="1">“मोर जिउने कि इच्छा नस्ट कीन्ह ग अहइ। मोर प्राण लगभग जाइ चुका अहइ। कब्र मोर बाट जोहत अहइ।</verse>
				<verse number="2">लोग मोका घेर लेत हीं अउर मोह पइ हँसत हीं। मइँ ओनका लखत हउँ जब लोग मोर अपमान करत हीं।</verse>
				<verse number="3">“परमेस्सर, मोर बेकसूर होइ क पुस्टि करा। मोर निर्दोख होइ क गवाही देइ बरे कउनो तइयार नाहीं होइ।</verse>
				<verse number="4">मोरे मीतन क मन तू मूदँ ल्या ह। एह बरे उ पचे जीत नाहीं सकब।</verse>
				<verse number="5">लोग जउन कहत ह उ तू जानत ह, ‘मनई आपन मीत क मदद करइ बरे आपन गदेलन क नज़र अन्दाज़ करत ह।’</verse>
				<verse number="6">परमेस्सर मोर नाउँ हर कउनो बरे अपसब्द बनाएस ह अउर लोग मोरे मुँहे पइ थूका करत हीं।</verse>
				<verse number="7">मोर आँखी लगभग आँधर होइ चुकी अहइ काहेकि मइँ बहोत दुःखी हउँ। मोर देह एक छाया क तरह दुर्बल होइ चुकी अहइ।</verse>
				<verse number="8">नीक लोगन ब्याकुल अहइं कि इ घटि सकत ह। निरअपराध लोग ओन क खिलाफ उत्तेजित अहइ। जउन परमेस्सर क मज़ाक उड़ावत ह।</verse>
				<verse number="9">मुला सज्जन नेकी क जिन्नगी जिअत रहहीं। निरापाराधी लोग सक्तीसाली होइ जइहीं।</verse>
				<verse number="10">“जदि तू लउटि आउब्या, तउ आवा। किन्तु मइँ दिखाउब कि तू पचन मँ स कउनो बुहिदमान नाहीं अहइँ।</verse>
				<verse number="11">मोर जिन्नगी यो ही बीतन अहइ। मोर सबइ जोजना टूट गइ अहइँ अउर आसा चली गइ अहइ।</verse>
				<verse number="12">हरेक चीज क उलझा दीन्ह ग ह, उ पचे रात क दिन कहत ह अउर प्रकास अँधियारा लिआवत ह।</verse>
				<verse number="13">“मइँ आसा करउँ कि कब्र मोर घर अउ अँधियारा मोर बिछउना होइ।</verse>
				<verse number="14">अगर मइँ कब्र स कहउँ, ‘तू मोरे बाप अहा,’ अउर कीरा स ‘तू मोर महतारी अहा,’ या ‘तू मोर बहिन अहा।’</verse>
				<verse number="15">अगर उ मोर सिरिफ एक ठु आसा अहइ तबइ तु कउनो आसा मोका नाहीं अहइ अउर कउनो भी मनई मोरे बरे कउनो आसा नाहीं लखि सकत ह।</verse>
				<verse number="16">का मोर आसा भी मोरे संग मरि जाइ? का मइँ अउर मोरे आसा एक संग कब्र मँ मिलिहीं?”</verse>
			</chapter>
			<chapter number="18">
				<verse number="1">फिन सूहू प्रदेस क बिल्दद जवाब देत भए कहेस।</verse>
				<verse number="2">“अय्यूब, इ तरह क बातन करब तू कब तज देब्या? तोहका चुप रहइ चाही अउर सुनइ चाही, सिरिफ तब ही हम कहि सकित ह।</verse>
				<verse number="3">तू काहे इ सोचत ह कि हम ओतँना मूरख अही जेतना मूरख एक ठु बर्धा होत ह?</verse>
				<verse number="4">अय्यूब, तू आपन किरोध स आपन ही नोस्कान करत अहा। का लोग भुइँया बस तोहरे बरे तजि देइँ? का तु इ सोचत अहा कि बस तोहका तृप्त करइ क परमेस्सर धरती क हलाइ देई?</verse>
				<verse number="5">“हाँ, बुरा मनई क प्रकास बुझी अउर ओकर आगी क लौ न चमकी।</verse>
				<verse number="6">ओकरे घरे क प्रकास करिया पड़ि जाइ अउर जउन दिया ओकरे लगे अहइ उ बुझ जाइ।</verse>
				<verse number="7">सक्तीसाली मनई क कदम धीमे स बढ़त ह। आपन ही बुरा जोजनन स उ पतन क झेलब्या।</verse>
				<verse number="8">ओकर आपन ही कदम ओका एक जाल क फंदा मँ गिराए देइहीं। उ चलिके जालि मँ जाई अउर फँस जाई।</verse>
				<verse number="9">कउनो जाल ओकर एड़ी क पकड़िके धइ लेइ। एक ठु जाल ओका कसिके जकर लेइ।</verse>
				<verse number="10">एक रस्सा ओकरे बरे धरती मँ छुपा रही। कछू फंदा ओकरे राहे मँ झुठ बोलब्या।</verse>
				<verse number="11">ओकरे चारिहुँ कइँती सबहिं आतंक होइ। ओकर हर कदम क डर पाछा करत रही।</verse>
				<verse number="12">खुउफनाक मुसीबतन ओकरे बरे भुखान होइँ। जब उ गिरी, विध्वंस ओकरे बरे तइयार रहहीं।</verse>
				<verse number="13">महा बियाधि ओकरे चमड़ी क हींसन क लील जाई। उ ओकरे बाँहिन अउ ओकर हँड्डियन क सड़ाइ देइ।</verse>
				<verse number="14">आपन घरे सुरच्छा स दुट्ठ व्यक्ती क दूर कीन्ह जाइ। आतंक क राजा क लगे ओका लइ जावा जाइ।</verse>
				<verse number="15">ओकरे घरे मँ तब तलक कछू भी न बची जब तलक ओकरे सचमुच घरे मँ धधकत भइ गन्धक बिखेरी जाइ।</verse>
				<verse number="16">ओकरे खाले गइ भइ जड़न झुराइ जइहीं अउर ओकरे ऊपर क डारन मुरझाइ जइहीं।</verse>
				<verse number="17">धरती क लोग ओका याद नाहीं करिहीं। बस अब कउनो भी ओका याद नाहीं करी।</verse>
				<verse number="18">प्रकास स ओका हटाइ दीन्ह जाइ अउर उ अँधियारा मँ ढकेला जाइ। उ पचे ओका दुनिया स दूर भगाए देइहीं।</verse>
				<verse number="19">ओकर कउनो गदेलन अउ सन्तानन नाहीं होइहीं। ओकरे घरे मँ कउनो जिअत नाहीं बची।</verse>
				<verse number="20">पच्छिम क लोग सहमा रहि जइहीं जब उ पचे जानिहीं कि उ दुट्ठ मनइयन क संग का घटेस ह। पूरब मँ लोग आतंकित होइके सन्न रहि जइहीं।</verse>
				<verse number="21">फुरइ दुर्जन व्यक्ति क घरे क संग अइसा ही घटी। अइसा ही घटी उ मनई जउन परमेस्सर क नाहीं जानतेन।”</verse>
			</chapter>
			<chapter number="19">
				<verse number="1">तब अय्यूब जवाब देत भए कहेस।</verse>
				<verse number="2">“कब तलक तू पचे मोका सतावत रहब्या अउर सब्दन स मोका ताड़क रहब्या?</verse>
				<verse number="3">अब लखा, तू पचे दसउ दाई मोका बेज्जत किहा ह। मोह पइ वार करत तू पचन्क सर्म नाहीं आवति ह।</verse>
				<verse number="4">अउर जदि मइ कउनो बुराई किहेउँ तउ इ मोर गल्ती अहइ।</verse>
				<verse number="5">तू पचे इहइ चाहत अहा कि तू पचे मोहसे उत्तिम देखाँउन। तू पचे कहत अहा कि मोर कस्ट मोका दोखी साबित करत हीं।</verse>
				<verse number="6">मुला उ तउ परमेस्सर अहइ जउन मोरे संग बुरा किहस ह अउर जउन मोरे चारिहुँ कइँती आपन फदां फइलाएस ह।</verse>
				<verse number="7">मइँ गोहरावत हउँ ‘मोरे संग बुरा किहा ह’। मुला मोका कउनो जवाब नाहीं मिलत ह। चाहे मइँ निआउ क गुहार गोहरावउँ मोर कउनो नाहीं सुनत ह।</verse>
				<verse number="8">मोर रस्ता परमेस्सर रोकेस ह, एह बरे ओका मइँ पार नाहीं कइ सकत। उ अँधियारा मँ मोर रस्ता छुपाइ दिहस ह।</verse>
				<verse number="9">मोर सम्मान परमेस्सर छोर लिहस ह। उ मोरे मूँड़ स मुकुट छोर लिहस ह।</verse>
				<verse number="10">परमेस्सर मोर पूरा सरीर मँ मोर प्राण निकरि तलक मारब। उ मोर आसन क अइसे उखाड़ देत ह जइसे कउनो जड़ स बृच्छ क उखाड़ि देइ।</verse>
				<verse number="11">मोरे खिलाफ परमेस्सर क किरोध भड़कत अहइ। उ मोका आपन दुस्मन कहत ह।</verse>
				<verse number="12">परमेस्सर आपन फउज मोह पइ प्रहार करइ क पठवत ह। उ पचे मोरे चारिहुँ कइँती बुर्जियन खरा करत हीं। उ पचे मोरे तम्बू क चारिहुँ कइँती छावनी बनावत हीं।</verse>
				<verse number="13">“परमेस्सर मोरे बन्धुअन क मोर दुस्मन बनाइ दिहेस। आपन मीतन बरे मइँ पराया होइ गएउँ।</verse>
				<verse number="14">मोर रिस्तेदारन मोका तजि दिहन। मोर मीतन मोका बिसराइ दिहन।</verse>
				<verse number="15">मोर घरे क अतिथियन स लइके मेहरारु नउकरन तलक मोरे संग अइसा बेउहार करत ह जइसा मइँ कउनो अजनबी अहउँ।</verse>
				<verse number="16">मइँ आपन नउकर क बोलावत हउँ पर उ मोर नाहीं सुनत ह। उ पचे मोका मदद बरे भीख माँगाएस ह।</verse>
				<verse number="17">मोर पत्नी मोरे साँस क गंध स घिना करत ह। मोर आपन ही गदेलन मोहसे घिना करत हीं।</verse>
				<verse number="18">नान्ह गदेला तलक मोर हँसी उड़ावत हीं। जब कबहुँ मइँ जागत हउँ, तउ उ पचे मोरे खिलाफ बोलत हीं।</verse>
				<verse number="19">मोर आपन मीत मोहसे घिना करत हीं। हिआँ तलक कि अइसे लोग जउन प्रिय अहइँ, मोर बिरोधी होइ गवा अहइँ।</verse>
				<verse number="20">“मइँ एँतना दुर्बल अहउँ जइसे मइँ सिरिफ खाल अउर हाड़न होइ गवा अहउँ। अब मइँ सिरिफ जिअत हउँ।</verse>
				<verse number="21">“हे मोर मीतो मोह पइ दाया करा, दाया करा मोह पइ काहेकि परमेस्सर क हाथ मोहका छू गवा अहइ।</verse>
				<verse number="22">काहे मोका तू भी सतावत अहा जइसे मोका परमेस्सर सताएस ह काहे तू मोका दुख देत भए कबहुँ अघात्या नाहीं?</verse>
				<verse number="23">“जउन मइँ कहत हउँ ओका कउनो क याद राखइ चाही अउ किताबे मँ लिख देइ चाही! मोर सब्द कउनो क गोल पत्रक पइ लिख देइ चाही!</verse>
				<verse number="24">मइँ जउने बातन क कहत ओनका कउनो लोहा क कलम स सीसा पइ लिखा जाइ चाही या ओनका चट्टाने पइ खोद दीन्ह जाइ चाही ताकि उ हमेसा बरे रहइ जाइ।</verse>
				<verse number="25">मोका इ जानत हउँ कि कउनो एक अइसा अहइ जउन मोर बरे बोलब्या अउर मोर रच्छा करब्या। मोका बिस्सास अहइ कि आखिर मँ उ धरती पइ खड़ा होब्या अउर मोरे बचाव करब्या।</verse>
				<verse number="26">मोरे आपन देह छोड़इ अउर मोर चमड़ी तबाह होइक पाछे भी मइँ जानत हउँ कि मइँ परमेस्सर क लखब।</verse>
				<verse number="27">मइँ परमेस्सर क खुद आपन आँखिन स लखब। खुद स कउनो दूसर नाहीं, परमेस्सर क लखब। मइँ बता नाहीं केतँना खुसी अनुभव करत हउँ।</verse>
				<verse number="28">“होइ सकत ह तू कहा, ‘हम अय्यूब क तंग करब। मइँ मामला क जड़ तलक जाब।’</verse>
				<verse number="29">मुला तोहका तरवारे स डरइ चाहीं, काहेकि परमेस्सर किरोधित होब्या अउर तोहका तरवार स सजा देब्या। अउर तब तू पचन्क समझब्या कि हुआँ निआउ क एक निहचित समइ अहइ।”</verse>
			</chapter>
			<chapter number="20">
				<verse number="1">एह पइ नामात प्रदेस क सोपर जवाब दिहस।</verse>
				<verse number="2">“अय्यूब, धियान दया। मइँ परेसानी मँ हउँ। यह बरे मइँ हाली तोहका बताएउँ क कि मइँ का सोचत हउँ।</verse>
				<verse number="3">तोहार आलोचना हमार अपमान करत हीं। मुला मइँ बुद्धिमान हउँ अउर जानत हउँ कि तोहका कइसे जवाब दीन्ह जाइ चाही।</verse>
				<verse number="4">“एका तू तब स जानत ह जब बहोत पहिले लोगन क धरती पइ पठवा ग रहा, दुट्ठ मनई क आनन्द बहोत दिन नाहीं टिकत ह। अइसा मनई जेका परमेस्सर क चिन्ता नाहीं अहइ उ तनिक समइ बरे आनन्द मँ भरि जात ह।</verse>
				<verse number="5"></verse>
				<verse number="6">चाहे दुट्ठ मनई क अपमान अकासे तलक छू जाइ।</verse>
				<verse number="7">उ आपन तने क मल क नाई नस्ट होइ जाइ। उ सबइ लोग जउन ओका जानत हीं कइहीं, ‘उ कहाँ अहइ?’</verse>
				<verse number="8">उ अइसे बिलाइ जाइ जइसे सपन हाली ही कहूँ उड़ जात ह। फिन कबहुँ कउनो ओका लखि नाहीं सकी, उ नस्ट होइ जाइ, ओका राति क सपना क तरह हाँक दीन्ह जाइ।</verse>
				<verse number="9">उ सबइ मनई जउन ओका लखे रहेन फुन कबहुँ नाहीं लखेन। ओकर परिवार फुन कबहुँ ओका नाहीं लखि पाइ।</verse>
				<verse number="10">जउन कछू भी उ (दुट्ठ) गरीबन स लिहे रहा ओकार संतानन चुकइहीं। ओनका आपन हीं हाथन स धन लौटाए होइ।</verse>
				<verse number="11">जब उ जवान रहा, ओकर सरीर मजबूत रही, मुला उ हाली ही धूलि होइ जाइ।</verse>
				<verse number="12">“दुस्ट क मुहँ क दुस्टता बड़ी मीठी लागत ह, उ ओका आपन जिभिया क खाले छुपाइ लेइ।</verse>
				<verse number="13">बुरा मनई उ बुराई क थामे रही, ओकर दूर होइ जाब ओका कबहुँ नाहीं भाई, तउ उ ओका आपन मुँहे मँ थामे रही।</verse>
				<verse number="14">मुला ओकरे पेटे मँ ओकर भोजन जहर बन जाइ, उ ओकरे भीतर अइसे बन जाइ जइसे कउनो नाग क विख सा कडुवा जहर।</verse>
				<verse number="15">दुस्ट धन दौलत क लील जात ह मुला उ ओन सबका बाहेर उगिली। परमेस्सर दुस्ट क पेटे स ओन सबका उगालिवाइ।</verse>
				<verse number="16">दुस्ट मनई क विख चुसब साँपे क नाई होइ। मुला साँपे क विसैला जीभ ओका मारि डइहीं।</verse>
				<verse number="17">मुला दुस्ट मनई लखइ क आनन्द नाहीं लेइहीं अइसी ओन नदियन क जउन सहद अउर मलाई बरे बहा करत ह।</verse>
				<verse number="18">दुट्ठ क ओकर लाभ वापिस करइ क दबावा जाइ। ओका ओन चिजियन क आनन्द नाहीं लेइ दीन्ह जाइ जेनके बरे उ मेहनत किहे अहइ।</verse>
				<verse number="19">कहेकि उ दुस्ट मनई दीन मनई क चिन्ता नाहीं किहस। बलकि, उ दूसर लोगन क घरन क भी लइ लिहस जेका उ पचे आपन बरे बनाएस रहा।</verse>
				<verse number="20">“दुस्ट मनई कबहुँ संतुट्ठ नाहीं होत ह। उ आपन सबहिं धन क लइ ले जात ह।</verse>
				<verse number="21">जब उ खात ह तउ कछू नाहीं तजत ह, तउ ओकर कामयाबी बनी नहीं रही।</verse>
				<verse number="22">जब दुस्ट जन क लगे भरपूर होइ तबहिं ओन पइ विपत्ती आइहीं अउर उ कस्ट क अनुभव करिहीं।</verse>
				<verse number="23">दुस्ट जन उ सब कछू खाइ चुकी जेका उ खाइ चाहत ह। परमेस्सर आपन बरत भवा किरोध ओह पइ डाइ। उ दुस्ट मनई पइ परमेस्सर सजा बरसाइ।</verse>
				<verse number="24">होइ सकत है कि उ दुस्ट लोहा क तरवार स बच निकरइ, मुला कहुँ स काँसा क बाण ओका मार गिरावइ।</verse>
				<verse number="25">तीर खींचत लिहेस ह, अउर बिजुरि क नाई ओकरे पीठ मँ घुसत ह, अउर ओकरे करेजा बाहर आ जात ह, अउर उ आंतकित होइके काँप उठत ह।</verse>
				<verse number="26">ओकर सबहिं खजाना नस्ट होइ जइहीं, एक ठु अइसी आगी जेका कउनो नाहीं बारेस ओका नस्ट करी, उ आगी ओनका जउन ओकरे घरे मँ बचा अहइँ नस्ट कइ डाइ।</verse>
				<verse number="27">सरग सिद्ध करी कि उ दुस्ट अपराधी अहइ, इ गबाही धरती ओकरे खिलाफ देइ।</verse>
				<verse number="28">जउन कछू भी ओकरे घरे मँ अहइ, उ परमेस्सर क किरोध क बाढ़ मँ बहि जाइ।</verse>
				<verse number="29">इ उहइ जेका परमेस्सर दुस्टन क संग करइ क जोजना रचत ह। इ उहइ जइसा परमेस्सर ओनका देइ क जोजना बनावत ह।”</verse>
			</chapter>
			<chapter number="21">
				<verse number="1">एह पइ अय्यूब जवाब देत भए कहेस।</verse>
				<verse number="2">“तू पचे चित्त दइके सुना जउन मइँ कहत हउँ, तोहार सुनइ क आपन तरिके स मोर दिलासा होइ जाइ।</verse>
				<verse number="3">जब मइँ बोलत हउँ तू धीरा धरा, फुन जब मइँ बोल चुकउँ तब तू मोर हँसी उड़ाइ सकत ह।</verse>
				<verse number="4">“मोर सिकाइत मनइयन क खिलाफ नाहीं अहइ, मइँ काहे सहनसील नाहीं अहउँ ओकर खास वजह अहइ।</verse>
				<verse number="5">तू मोका लखा अउर चकित होइ जा, आपन सोक दिखाइ बरे आपन हाथ आपन मुँहे पइ धरा।</verse>
				<verse number="6">जब मइँ सोचत हउँ ओन सब क जउन मोर संग घटा तउ मोका डर लागत ह अउर मोर देह थर थर काँपत ह।</verse>
				<verse number="7">काहे बुरे लोगन क उमर लम्बी होत ह? काहे उ पचे बूढ़ाइ जात हीं अउर कामयाब होत हीं?</verse>
				<verse number="8">बुरे लोग आपन संतानन क आपन संग बढ़त भए लखत हीं। बुरे लोग आपन-आपन नाती पोतन क लखइ क जिअत रहत हीं।</verse>
				<verse number="9">ओनकर घर सुरच्छित रहत हीं अउर उ पचे डेरातेन नाहीं। परमेस्सर दुस्टन क सजा देइ बरे आपन सजा काम मँ नाहीं लिआवत ह।</verse>
				<verse number="10">ओकर साँड़ कबहुँ भी मिला कइ मँ नाहीं चुकत ह। ओनकर गइयन बछवन क जनम देइ बरे गाभिन होत। ओनकर गर्भ कबहुँ नाहीं गिरत हीं।</verse>
				<verse number="11">बुरे लोग गदेलन क बाहेर खेलइ पठवत हीं मेमनन क जइसे, ओनकर गदेलन नाचत हीं चारिहुँ ओर।</verse>
				<verse number="12">मजीरा, वीणा अउर बाँसुरी क धून पइ उ पचे गावत हीं अउर नाचत हीं।</verse>
				<verse number="13">बुरे लोग आपन जिन्नगी भइ कामयाबी क आनन्द लेत हीं। फुन बिना दुख भोगे उ पचे मरि जात हीं अउर आपन कब्रन क बीच चला जात हीं।</verse>
				<verse number="14">मुला बूरे लोग परमेस्सर स कहा करत हीं, ‘हमका अकेला तजि दया। अउर एकर हमका परवाह नाहीं कि तू हमसे कइसा जिन्नगी जिअइ चाहत ह।’</verse>
				<verse number="15">दुट्ठ लोग कहा करत हीं, ‘सर्वसक्तीमान परमेस्सर कउन अहइ? हमका ओकरी सेवा क जरुरत नाहीं अहइ। ओकरी पराथाना करइ क कउनो लाभ नाहीं।’</verse>
				<verse number="16">“दुस्ट मनई सोचत हीं कि ओनका आपन ही करण कामयाबी मिलत ह, मुला मइँ ओनकर विचारन क नाहीं अपनाइ सकत हउँ।</verse>
				<verse number="17">मुला का अइसा होत ह कि दुस्ट जन क प्रकास बुताइ जावा करत ह? केतनी दाई दुस्टन क दुःख घेरा करत हीं? का परमेस्सर ओनसे कोहाइ जात ह, अउर ओनका सजा देत ह?</verse>
				<verse number="18">का परमेस्सर दुस्ट लोगन क अइसे उड़ावत ह जइसे हवा तिनके क उड़ावत ह अउर तेज हवा अनाजे क भूसा उड़ाइ देत हीं?</verse>
				<verse number="19">मुला तू कहत ह: ‘परमेस्सर एक गदेला क ओकरे बाप क पापन्क सजा देत ह।’ नाहीं, परमेस्सर क चाही कि बुरे जन क राजा देइ। तबहीं उ बूरा मनई जानी कि ओका ओकरे निज पापन बरे सजा मिलती अहइ।</verse>
				<verse number="20">तू पापी क ओकरे आपन राजा क देखाँइ दया, तब उ सर्वसक्तीसाली परमेस्सर क कोप क अनुभव करी।</verse>
				<verse number="21">जब बुरा मनई क उमर क महीना खतम होइ जात हीं अउर उ मर जात ह: उ उ परिवार क परवाह नाहीं करत जेका उ पाछे तजि जात ह।</verse>
				<verse number="22">“कउनो मनई परमेस्सर क गियान नाहीं दइ सकत, उ ऊँच ओहदन क लोगन क भी निआउ करत ह।</verse>
				<verse number="23">एक पूरा अउ सफल जिन्नगी क जिअइ क पाछे एक मनई मरत ह, उ एक सुरच्छित अउ सुखी जिन्नगी जिअत ह।</verse>
				<verse number="24">ओकर लगे पिवइ बरे भरपूर दुध रहा। अब समइ तलक ओकर हाड़ तन्दुरुस्त रहीन।</verse>
				<verse number="25">मुला कउनो एक अउर मनई कठिन जिन्नगी क पाछे दुःख भरे मने स मरत ह, उ जिन्नगी क कबहुँ कउनो रस नाहीं चाखेस।</verse>
				<verse number="26">इ सबइ दुइनउँ मनई एक संग माटी मँ गड़ा सोवत हीं किरउनन दुइनउँ क एक संग ढाँपि लेइहीं।</verse>
				<verse number="27">“मुला मइँ जानत हउँ कि तू का सोचत अहा, अउर मोका पता अहइ कि तोहरे लगे मोरा बूरा करइ क कुचाल अहइ।</verse>
				<verse number="28">मोरे बरे तू इ कहा कहत ह, ‘अब कहाँ बाटइ उ महामानुस क घर? कहाँ बा उ घर जेहमाँ उ दुस्ट रहत रहा?’</verse>
				<verse number="29">“मुला तू कबहुँ बटोहियन क नाहीं पूछ्‌या? का तू ओकर कहानियन पइ बिस्सास नाहीं किहस?</verse>
				<verse number="30">उ दिन जब परमेस्सर कोहाइके सजा देत ह दुस्ट मनई सदा बच जात ह?</verse>
				<verse number="31">अइसा कउन मनई नाहीं जउन ओकरे समन्वा ही ओकरे करमन क बूराइ करइ। ओकरे पाप क सजा कउनो मनई ओका नाहीं देत ह।</verse>
				<verse number="32">जब कउनो मनई कब्र मँ लेइ जावा जात ह, तउ ओकरे कब्र क लगे एक पहरुवा खड़ा ह।</verse>
				<verse number="33">उ दुट्ठ मनई बरे उ घाटी क माटी मुलायम होइ। अनगिनत लोग भी ओकर समन्वा कब्र गएन ह, अउर भी लोग ओहस मिली।</verse>
				<verse number="34">“तउ आपन कोरे सब्दन स तू मोका चइन नाहीं दइ सकत्या, तोहार जवाब सिरिफ झुठा अहइँ।”</verse>
			</chapter>
			<chapter number="22">
				<verse number="1">फुन तेमान क एलीपज जवाब देत भए कहेस।</verse>
				<verse number="2">“परमेस्सर क कउनो भी मनई सहारा नाहीं दइ सकत, हिआँ तलक कि उ भी जउन बहोत बुद्धिमान मनई होइ परमेस्सर बरे हितकर नाहीं होइ सकत।</verse>
				<verse number="3">अगर तू उहइ किहा जउन उचित रहा एहसे सर्वसक्तीमान परमेस्सर क आनन्द नाहीं मिली, अउर अगर तू खरा रहा हवा तउ एहसे ओका पछू नाहीं मिली।</verse>
				<verse number="4">अय्यूब तोहका परमेस्सर काहे सजा देत ह अउर काहे तोह पइ दोख लगावत ह? का इ एह बरे कि तू भक्त अहा।</verse>
				<verse number="5">नाहीं, इ सबइ एह बरे कि तू बहोत स पाप किहा ह, अय्यूब, तोहार पाप नाहीं रुकत अहइँ।</verse>
				<verse number="6">अय्यूब, होइ सकत ह कि तू आपन कउनो भाई क कछू चिज बिना कउनो कारण क गिरवी रख सकत ह। होइ सकत ह कि तू कउनो दीन मनइ क ओढ़ना रख लिहे ह्वा अउर ओनका नंगा बना किहे हवा्।</verse>
				<verse number="7">तू थके-माँदे लोगन क पानी नाहीं दिहा, तू भुखान मनइयन क भोजन नाहीं दिहा।</verse>
				<verse number="8">अय्यूब, अगर तू सक्तीसाली अउ धनी रह्या, तू ओन लोगन क सहारा नाहीं दिहा। तू बड़का जमींदार अउ समरथ वाला मनई रह्या।</verse>
				<verse number="9">मुला तू राँड़ अउरतन क बगइर कछू दिहे लउटाइ दिहा। अय्यूब, तू अनाथ गदेलन क लूट लिहा अउर ओनसे बुरा बेउहार किहा।</verse>
				<verse number="10">एह बरे तोहरे चारिहुँ कइँती जाल बिछा भवा अहइँ अउर तोहका एकाएक आवत विपत्तियन डेरावत हीं।</verse>
				<verse number="11">एह बरे घना अँधियारा तोहका ढाँक लिहस ह अउर एह बरे बाढ़ क पानी तोहका लीलत बाटइ।</verse>
				<verse number="12">“परमेस्सर अकास क सब स ऊँच हींसा मँ रहत ह। उ आपन जगह स सबन स ऊँच तारन क लखइ बरे खाले लखत ह।</verse>
				<verse number="13">मुला अय्यूब, तू का करत ह, ‘परमेस्सर कछू नाहीं जानत, करिया बदरन स कइसे परमेस्सर हमका जाँच सकत ह</verse>
				<verse number="14">धना बादर ओका छुपाइ लेइ हीं, एह बरे जब उ आकास क सबन ऊँच हींसा मँ बिचरत ह तउ हमका ऊपर अकासे स लखि नाहीं सकत।’</verse>
				<verse number="15">“अय्यूब, तू उ ही पुरानी राह पइ जेन पइ दुस्ट लोग चला करत हीं, चलत अहा।</verse>
				<verse number="16">आपन मउत क समइ स पहिले ही दुट्ठ लोग मर गएन। बाढ़ ओनका बहाइके लइ गइ रही।</verse>
				<verse number="17">इ सबइ उहइ लोग अहइँ जउन परमेस्सर स कहत हीं, ‘हमका अकेल्ले तजि द्या।’ उ पचे सोचेन कि ‘सर्वसक्तीमान परमेस्सर हमार कछू नाहीं कइ सकत ह।’</verse>
				<verse number="18">मुला परमेस्सर ओन लोगन क कामयाब बनाएस ह अउर ओनका धनवान बनाइ दिहा। मुला मइँ उ ढंग स जेहसे दुस्ट सोचत हीं, अपनाइ नाहीं सकत हउँ।</verse>
				<verse number="19">सज्जन जब बुरे लोगन क नास देखत हीं, तउ उ पचे खुस होत हीं। पाप स रहीत लोग दुस्टन पइ हँसत हीं, अउर कहा करत हीं।</verse>
				<verse number="20">‘हमार दुस्मन फुरइ नस्ट होइ गएन। आगी ओनके धने क बारि देत ह।’</verse>
				<verse number="21">“अय्यूब, अब खुद क तू परमेस्सर क अर्पित कइ दया, तब तू सान्ति पउब्या। अगर तू अइसा करा तउ तू धन्य अउर कामयाब होइ जाब्या।</verse>
				<verse number="22">ओकर सीख अपनाइ ल्या अउर ओकरे सब्द आपन मने मँ सुरच्छित रखा।</verse>
				<verse number="23">अय्यूब, अगर तू फुन सर्वसक्तीमान परमेस्सर क लगे आवा तउ फिन स पहिले जइसा होइ जाइ। तोहका अपने घरे स पाप क बहोत दूर करइ चाही।</verse>
				<verse number="24">तोहका सोना क धूरि क नाई अउर ओफीर क सोना क नदी क तराई क चट्टान क नाई समझइ चाही।</verse>
				<verse number="25">तब सर्वसक्तीमान परमेस्सर तोहरे बरे सोना अउर चाँदी बन जाइ।</verse>
				<verse number="26">तब तू बहोत खुस होब्या अउर तोहका सुख मिली। परमेस्सर क समन्वा तू बिना कउनो सर्म क मूँड़ि उठाइ सकब्या।</verse>
				<verse number="27">जब तू ओकर बिनती करब्या तउ उ तोर सुना करी, जउन प्रतिग्या तू ओहसे किहे रह्या, तू ओका पूरा कइ सकब्या।</verse>
				<verse number="28">जउन कछू तू करब्या ओहमाँ तोहका कामयाबी मिली, तोहरे रास्ते पइ प्रकास चमकी।</verse>
				<verse number="29">परमेस्सर अहंकारी जन क लज्जित करी, मुला परमेस्सर नम्र मनई क रच्छा करी।</verse>
				<verse number="30">परमेस्सर जउन मनई भोला नाहीं अहइ ओकर भी रच्छा करी, तोहरे हाथन क सफाई स ओका उद्धार मिली।”</verse>
			</chapter>
			<chapter number="23">
				<verse number="1">फिन अय्यूब जवाब देत भए कहेस।</verse>
				<verse number="2">“मइँ आजु भी बुरी, सिकाइत करत हउँ कि परमेस्सर मोका कर्री सजा देत अहइ, एह बरे मइँ सिकाइत करत रहत हउँ।</verse>
				<verse number="3">कास! मइँ इ जान पावत कि ओका कहाँ हेरउँ। कास! मइँ इ जान पावत कि परमेस्सर क लगे कइसे जाउँ।</verse>
				<verse number="4">मइँ आपन मुकद्मा क सफाई परमेस्सर क समन्वा पेस करब्य्। मइँ आपन क निर्दोख साबित करइ बरे बहस करब्या।</verse>
				<verse number="5">मइँ इ जानइ चाहत हउँ कि परमेस्सर कइसे मोरे दलीलन क जवाब देत ह, तब मइँ परमेस्सर क जवाब समुझ पउतेउँ।</verse>
				<verse number="6">का परमेस्सर आपन महासक्ती क संग मोरे खिलाफ होत? नाहीं! उ मोर सुनी।</verse>
				<verse number="7">मइँ एक नेक मनई हउँ। परमेस्सर मोका आपन कहानी क कहइ देइ, तब मोर निआउ कत्ती परमेस्सर मोका अजाद कइ देइ।</verse>
				<verse number="8">“मुला अगर मइँ पूरब क जाउँ तउ परमेस्सर हुआ नाहीं अहइ अउर अगर मइँ पच्छिउँ क जाउँ तउ भी परमेस्सर मोका नाहीं देखात ह।</verse>
				<verse number="9">परमेस्सर जब उत्तर मँ छिपत ह तउ मइँ ओका देख नाहीं पावत हउँ। जब परमेस्सर दक्खिन क छिपत ह तउ भी उ मोका नाहीं देखात ह।</verse>
				<verse number="10">मुला परमेस्सर मोरे हर चरण क लखत ह, जेका मइँ उठावत हउँ। जब उ मोर परीच्छा लइ उठी तउ उ लखी कि मोहमाँ कछू भी बुरा नाहीं अबइ, उ लखी कि मइँ खरा सोना जइसा अहउँ।</verse>
				<verse number="11">परमेस्सर जउन चाहत ह मइँ हमेसा उहइ पइ चलत हउँ मइँ कबहुँ भी परमेस्सर क राहे पइ चलइ स नाहीं रुकेहउँ।</verse>
				<verse number="12">मइँ हमेसा उहइ बात करत हउँ जेनकर आसा परमेस्सर देत ह। मइँ आपन मुँहे क भोजन स जियादा परमेस्सर क मुँहे क सब्दन स पिरेम किहेउँ ह।</verse>
				<verse number="13">“मुला परमेस्सर एक मन वाले अहा, अउर कउनो भी ओका बदल नाहीं बदलत। परमेस्सर जउन चाहत ह उहइ करत ह।</verse>
				<verse number="14">परमेस्सर जउन भी जोजना मोरे विरोध मँ बनाइ लिहस ह उहइ करी, ओकरे लगे मोरे बरे अउर भी बहोत सारी जोजना अहइँ।</verse>
				<verse number="15">एह बरे मइँ ओसे डेरात हउँ। एह बरे परमेस्सर मोका भयभीत करत ह।</verse>
				<verse number="16">परमेस्सर मोर हिरदइ क दुर्बल करत ह अउर मोर हिम्मत टूट जात ह। सर्वसक्तीमान परमेस्सर मोका भयभीत करत ह।</verse>
				<verse number="17">अगर तउ मोर मुहँ सघन अँधियारा ढकत ह तउ भी अँधियारा मोका चुप नाहीं कइ सकत ह।</verse>
			</chapter>
			<chapter number="24">
				<verse number="1">“सर्वसक्तीमान परमेस्सर काहे नाहीं निआउ करइ बरे समइ मुकर्रर करत ह? लोग जउन परमेस्सर क मानत हीं ओनका काहे निआउ क समइ क बेकार बाट जोहइ क पड़त ह?</verse>
				<verse number="2">“लोग आपन धन दौलत क चीन्हन क, जउन ओकर चउहद्दी बतावत हीं, सरकावत रहत हीं ताकि आपन पड़ोसी क थोड़ी अउर धरती हड़प लेइँ। लोग पसु क चोराइ लेत हीं अउर ओनका दूसर चरागाहन मँ हाँक लइ जात हीं।</verse>
				<verse number="3">अनाथ बच्चन क गदहन क उ पचे चोराइ लइ जात हीं। उ पचे राँड़ मेहरारुअन क बर्धन खोल लइ जात हीं जब तलक कि उ ओनकर कर्ज नाहीं चुकावत हीं।</verse>
				<verse number="4">उ पचे दीन जन क मजबूर करत ही कि उ तजिके दूर हटि जाइके मजबूर होइ जात ह, एन दुस्टन स खुद क छुपावइ क।</verse>
				<verse number="5">“उ सबइ दीन लोग ओन जंगली गदहन जइसे अहइँ जउन मरु भूमि मँ आपन चारा हेरा करत हीं। गरीबन अउ ओनकर बच्चन क मरुभूमि भोजन देत रहत ह।</verse>
				<verse number="6">गरीब लोगन क कउनो दूसर क खेत मँ अनाज काटइ चाही। दुस्टन क अंगूरन क बगियन स बच भवा फलन उ पचे चुना करत हीं।</verse>
				<verse number="7">दीन लोगन क बगइर ओढ़नन क सबइ रात बितावइ क होइ। सर्दी मँ ओनके लगे आपन क ढाँकइ बरे कछू नाहीं होइ।</verse>
				<verse number="8">उ पचे बर्खा स पहाड़न मँ भिज गवा अहइँ, ओनका बड़की चट्टानन स लिपट क रहइ क होइ, काहेकि ओनके लगे कछू नाहीं जउन ओनका मौसम स बचाइ लेइ।</verse>
				<verse number="9">बूरे लोग ओन गदेलन क जेकर बाप नाहीं अहइ ओनकर महतारी स छिन लेत हीं। उ पचे गरीब लोगन क आपन दास बनावत हीं।</verse>
				<verse number="10">गरीब लोगन क लगे ओढ़ना नाहीं होत हीं। यह बरे ओन लोगन क नंगा ही घूमइ क होइ। उ पचे दुस्टन क गठरी क भार ढोवत हीं, मुला फुन भी उ पचे भुखान रहत हीं।</verse>
				<verse number="11">गरीब लोग जइतून क तेल पेरिके निकारत हीं। उ पचे कुंडन मँ अगूर सूँदत हीं फुन भी उ पचे पिआसा रहत हीं।</verse>
				<verse number="12">मरत भए लोग जउन आहें भरत हीं उ सबइ सहर मँ सुनाइ पड़त ह। सतावा भवा लोग सहारा क पुकारत हीं, मुला परमेस्सर नाहीं सुनत ह।</verse>
				<verse number="13">“कछू अइसे लोग अहइँ जउन प्रकास क खिलाफ होत हीं। उ पचे नाहीं जानइ चाहत हीं कि परमेस्सर ओनसे का करवावइ चाहत ह। परमेस्सर क राह पइ उ पचे नाहीं चलत हीं।</verse>
				<verse number="14">हत्यारा भिंसारे जाग जात ह गरीबन अउ जरुरतवाले लोगन क हत्या करत ह। उ राति मँ चोर क नाई बन जात ह।</verse>
				<verse number="15">उ मनई जउन बिभिचार करत ह, रात आवइ क बाट जोहा करत ह, उ सोचत ह, ‘ओका कउनो नाहीं लखी’ अउर उ आपन मुँह ढाँपि लेत ह।</verse>
				<verse number="16">दुटठ मनई जब रात मँ अँधेरा होत ह तउ सेंधे लगाइके घरे मँ घुसत हीं। मुला दिन मँ उ पचे आपन हि घरन मँ छुपा रहत हीं। उ पचे प्रकास स बचत हीं।</verse>
				<verse number="17">ओन दुट्ठ लोग्गन क आँधियारा सबुह क नाई होत ह, उ पचे आतंक अउ आँधियारा क मीत होत हीं।</verse>
				<verse number="18">“‘दुट्ठ लोग अइसे बाहइ दीन्ह जात हीं जइसे झाग बाढ़ क पानी पाइ। उ धरती अभीसाप स ढकी बा जेकर उ पचे मालिक अहइँ। कउनो भी अंगूर क बगियन मँ अंगुर जमा करइ बरे नाहीं जात ह।</verse>
				<verse number="19">जइसे गरम व सूखा मौसम पिघलत बरफ क पानी क सोख लेत ह, वइसे ही दुस्ट लोग कब्र क जरिये लील जइहीं।</verse>
				<verse number="20">दुस्ट मनइयन मरइ क पाछे ओकर महतारी तलक ओका बिसरि जाइ। दुस्ट लोगन क देह क कीरा खाइ जइहीं। कउनो भी ओन लोगन क याद नाहीं रखइहीं। दुस्ट जन गिरे भए बृच्छ क नाई नष्ट कीन्ह जइहीं।</verse>
				<verse number="21">दुस्ट मनई बाँझ मेहरारुअन क सतावा करत हीं। उ पचे उ तरह क मेहरारु क दुःख देत हीं। उ पचे कउनो भी राँड़ अउरत बरे दाया नाहीं देखाँवत हीं।</verse>
				<verse number="22">दुस्ट मनई आपन सक्ती क उपयोग बलसाली क नस्ट करइ बरे करत हीं। बुरे लोग सक्तीसाली होइ जइहीं मुला आपन ही जन्नगी क भरोसा नाहीं होइ कि उ पचे जियादा दिन जी पइहीं।</verse>
				<verse number="23">होइ सकत ह कि तनिक समइ बरे परमेस्सर सक्तीसाली क सुरच्छित रहइ देइ, मुला परमेस्सर सदा ओन पइ आँखी रखत ह।</verse>
				<verse number="24">दुस्ट मनई तनिक समइ बरे कामयाबी पाइ जात हीं, मुला फुन उ पचे नस्ट होइ जात हीं। दूसर लोगन क तरह उ पचे भी मुर्झा जात हीं अउर उदास होइ जात हीं। अनाजे क कटी भइ बाले क नाई उ पचे गिर जात हीं।’</verse>
				<verse number="25">“अगर इ सबइ बातन फुरइ नाहीं अहइँ तउ कउन सिध्द कइ सकत ह कि मइँ झूठ कहेउँ ह? कउन देखाँइ सकत ह कि मोर सब्द सत्तय नाहीं अहइँ?”</verse>
			</chapter>
			<chapter number="25">
				<verse number="1">फिन सूह प्रदेस क निवासी बिल्दद जवाब देत भए कहेस।</verse>
				<verse number="2">“परमेस्सर सासक अहइ अउर हर मनई क चाही कि परमेस्सर स डेराइ अउर ओकर मान करइ। परमेस्सर आपन सरग क राज्ज मँ सान्ति राखत ह।</verse>
				<verse number="3">कउनो आपन फउजन क गन नाहीं सकत ह, परमेस्सर क प्रकास सब पइ चमकत ह।</verse>
				<verse number="4">मुला फुरइ परमेस्सर क अगवा कउनो मनई उचित नाहीं ठहर सकत ह। कउनो मनई जउन मेहरारु स पइदा भवा होइ फुरइ निर्दोख नाहीं होइ सकत ह।</verse>
				<verse number="5">परमेस्सर क आँखिन क समन्वा चाँद तलक चमकीला नाहीं अहइ। परमेस्सर क आँखिन क समन्वा तारन निर्मल नाहीं अहइँ।</verse>
				<verse number="6">मनई तउ बहोत कम भला अहइँ। मनई तउ बस कीरा अहइ एक ठु अइसा कीरा जउन बेकार क होत ह।”</verse>
			</chapter>
			<chapter number="26">
				<verse number="1">तब अय्यूब कहेस।</verse>
				<verse number="2">“हे बिल्दद, सोपर अउर एलीपज़ जउन लोग दुर्बल अहइँ तू फुरइ ओनका सहारा देइ सकत ह। अरे हाँ, तू दुर्बल बाहँन क फुन स सक्तीसाली बनाया ह।</verse>
				<verse number="3">हाँ तू निर्बुध्दि क सम्मति दिहा ह। कइसा महागियान तू देखाँया ह।</verse>
				<verse number="4">इ बातन क कहइ मँ कउन तोहर मदद किहस? केकर आतिमा तोहका प्रेरणा दिहस।?</verse>
				<verse number="5">“जउन लोगन मरि गवा अहइँ ओनकर आतिमा धरती क खाले पानी मँ भय स बहोत काँपति अहइँ।</verse>
				<verse number="6">मउत क जगह परमेस्सर क आँखी क समन्वा खुली अहइ, परमेस्सर क अगवा विनास क जगह ढका नाहीं अहइ।</verse>
				<verse number="7">परमेस्सर उत्तरी अकासे क खाली जगह पइ फइलावत ह। परमेस्सर खाली जगह मँ धरती लटकाएस ह।</verse>
				<verse number="8">परमेस्सर घने बादरन क पानी स भरत ह, मुला पानी क भारी भार स बादरन क फाटइ नाहीं देत ह।</verse>
				<verse number="9">परमेस्सर पूरा चन्दमा क ढाँपत ह, परमेस्सर चाँद पइ आपन बादर फइलावत ह अउर ओका ढाँकि लेत ह।</verse>
				<verse number="10">परमेस्सर छितिज क रचत ह प्रकास अउ अँधिरा क सीमा रेखा क रुप मँ समुन्ददर पइ।</verse>
				<verse number="11">जब परमेस्सर डाँटत ह तउ उ सबइ नेवंन जउने पइ आकास टिका अहइ डर स काँपइ लागत हीं।</verse>
				<verse number="12">परमेस्सर क सक्ती सागर क सांत कइ देत ह। परमेस्सर क बुध्दि राहब क नस्ट किहस।</verse>
				<verse number="13">परमेस्सर क साँस अकास क साफ पकइ देत ह। परमेस्सर क हाथ उ साँप क मारि दिहस जउन पराइ जाइ क जतन किहेस।</verse>
				<verse number="14">इ सबइ तउ परमेस्सर क अजूबा कारजन क तनिक सी बातन अहइँ। बस हम थोड़के परमेस्सर क अवाज क फुसफुसाहट क सुनित ह। मुला फुरइ कउनो मनई परमेस्सर क सक्ती क गर्जन क नाहीं समुझ सकत ह।”</verse>
			</chapter>
			<chapter number="27">
				<verse number="1">फुन अय्यूब कहइ क जारी राखेस। उ कहेस,</verse>
				<verse number="2">“फुरइ परमेस्सर जिअत ह अउर इ जेतँना सच अहइ कि परमेस्सर जिअत ह फुरइ उ वइसेन ही मोरे बोर अनिआउ स भरा रहा अहइ। हाँ! सर्वसक्तीसाली परमेस्सर मोरे जीवन मँ कड़वाहट भरेस ह।</verse>
				<verse number="3">मुला जब तलक मोहमाँ प्राण अहइ अउर परमेस्सर क साँस मोहे मँ अहइ।</verse>
				<verse number="4">तब तलक मोरे होंठ झूठी बातन नाहीं बोलिहीं, अउर मोर जिभिया कबहुँ झूठ नाहीं बोली।</verse>
				<verse number="5">मइँ कबहुँ न मानब कि तू लोग सही अहा। जब तलक मइँ मरब उ दिन तलक कहत रहब कि मइँ निर्दोख हउँ।</verse>
				<verse number="6">मइँ आपन धार्मिक भाव क मजबूती क थामे रहब। मइँ कबहुँ उचित करम करब मोर चेतना मोका तंग नाहीं करी जब तलक मइँ जिअत हउँ।</verse>
				<verse number="7">मोरे दुस्मनन क दुस्ट जइसा बनइ दया, अउर ओनका सजा पावइ द्या जइसे दुस्ट लोग दण्डित होत हीं।</verse>
				<verse number="8">अइसे उ मनई बरे मरत वक्त कउनो आसा नाहीं अहइ जउन परमेस्सर क परवाह नाहीं करत ह। जब परमेस्सर ओकर प्राण लेइ तब भी ओकरे बरे कउनो आसा नाहीं अहइ।</verse>
				<verse number="9">जब उ बुरा मनई बुरा दुःखी पड़ी अउर ओका पुकारी, परमेस्सर नाहीं सुनी।</verse>
				<verse number="10">ओका चाही कि उ उ आनन्द क चाहइ जेका सिरिफ सर्वसाक्तीमान परमेस्सर देत ह। ओका चाही कि उ हर समइ परमेस्सर स पराथना करत रहा।</verse>
				<verse number="11">“मइँ तोहका परमेस्सर क सक्ती सिखाउब। मइँ सर्वसक्तीसाली परमेस्सर क योजनन क नाहीं छिपाउब।</verse>
				<verse number="12">खुद तू आपन अँखिन स परमेस्सर क सक्ती लख्या ह, तउ काहे तू बेकार क बातन बोलत ह?</verse>
				<verse number="13">“दुस्ट लोगन बरे अइसी जोजना बनाया ह। दुस्ट लोगन क सर्वसक्तीसाली परमेस्सर स अइसा ही मिली।</verse>
				<verse number="14">दुस्ट क चाहे केतँनी ही सन्तानन होइँ, मुला ओकर संतानन जुद्ध मँ मारी जइहीं। दुस्टन क सन्तानन कबहुँ भरपेट खाना नाहीं पइहीं।</verse>
				<verse number="15">अउर अगर दुस्टन क सन्तानन ओकरी मउत क पाछे भी जिअत रहइँ तउ महामारी ओनका मारि डाई। ओकर राँड़ ओनके बरे दुःखी नाहीं होइहीं।</verse>
				<verse number="16">दुस्ट जन चाहे चाँदी क ढेर बटोरइँ, एतना बड़का ढेर जेतँना माटी क ढूहा होत ह, माटी क ढूहन जइसे ओढ़ना होइँ ओकरे लगे।</verse>
				<verse number="17">जउने ओढ़नन क दुस्ट मनई जुटावत रहा ओन ओढ़नन क सज्जन पहिरी, दुस्ट क चाँदी निर्दोखन मँ बँटी।</verse>
				<verse number="18">दुस्ट क बनावा घर जियादा दिनन नाहीं टिकत ह, उ मकड़ी जाल जइसा या कउनो चौकीदार क झोपड़ी जइसा कमजोर होत ह।</verse>
				<verse number="19">दुस्ट लोग आपन खुद क दौलत क संग आपन बिछउना पइ सोवइ जात ह, मुला एक अइसा दिन आइ जब उ फुन बिस्तरे मँ वइसे ही नाहीं जाइ पाई। जब उ आँखी खोली तउ ओकर सम्पत्ति जाइ चुकी होइ।</verse>
				<verse number="20">दुःख ओका बाढ़ क जइसा ढाँक लेइहीं, रातउ रात तूफान ओका उड़ाइ लइ जाइ।</verse>
				<verse number="21">पुर वइया हवा ओका दूर उड़ाइ देइ, तुफान ओका ओकरे घरे क बाहेर खींचली।</verse>
				<verse number="22">तूफान ओह पइ बगैर दाया किए भए पइ आइ अउर उ ओमँ स दुर भागइ क जतन करी। मुला लपेटके मारि।</verse>
				<verse number="23">जब दुस्ट मनई पराई, लोग ओह पइ तालियन बजाइहीं, दुस्ट जन जब निकरिके पराइ, अपने घरे स तउ लोग ओह पइ सीटियन बजइहीं।”</verse>
			</chapter>
			<chapter number="28">
				<verse number="1">“हुआँ चाँदी क खान बाटइ जहाँ लोग चाँदी पावत हीं, हुआँ अइसे ठउर अहइँ लोग सोना देघराइके ओका सुद्ध करत हीं।</verse>
				<verse number="2">लोग धरती स खनिके तोहा निकारत हीं, अउर चट्टानन स टेघाराइके ताँबा निकारत हीं।</verse>
				<verse number="3">लोग सबइ गुफा मँ प्रकास लिआवत हीं उ पचे सबइ गुफा क गहिराइ मँ हेरा करत हीं, घना अँधियारा मँ उ पचे खनिज क चट्टानन हेरत हीं।</verse>
				<verse number="4">जहाँ लोग रहत हीं ओहसे बहोत दूर लोग गहिर गड़हा खना करत हीं कबहुँ कउनो अउर एँन गड़हन क नाहीं छुएस। जब मनई गहिरे गड़हन मँ रस्सन लटकत ह, तउ उ दूसरन बहोत दूर होत ह।</verse>
				<verse number="5">भोजन धरती क सतह स मिला करत ह, मुला धरती क भीतर उ बढ़त जावा करत ह जइसे आगी चिजियन क बदल देत ह।</verse>
				<verse number="6">धरती क भीतरे चट्टानन क खाले नीलम मिलि जात हीं, अउर धरती क खाले माटी आपन आप मँ सोना राखत ह।</verse>
				<verse number="7">जंगली पंछी धरती क खाले क राहन नाहीं जानत हीं न हीं कउनो बाज इ मारग लखत ह।</verse>
				<verse number="8">उ राहन पइ कउनो बड़का डीलडोल वाला पसु नाहीं चलेन, कबहुँ सेर इ राहे पइ नाहीं विचरेन।</verse>
				<verse number="9">मजदूर सब स कठोर चट्टानन क खनत हीं अउर उ पचे पहाड़न क ओकार जड़ स खनिके गिरा देत हीं।</verse>
				<verse number="10">काम करइवालन चट्टानन स सुरंग काटत हीं उ पचन्क आँखन हुआँ खजानन क लखि लेत हीं।</verse>
				<verse number="11">काम करइवालन बाँध बनवा करत हीं कि पानी ऊपर स होइके न बहइ। उ पचे छिपी भइ चिजियन क ऊपर प्रकास मँ लिआवत हीं।</verse>
				<verse number="12">“मुला कउनो मनई विवेक कहाँ पाइ सकत ह अउर हम कहाँ जाइ सकित ह समुझ पावइ क?</verse>
				<verse number="13">गियान कहाँ रहत ह लोग नाहीं जानत हीं लोग जउन धरती पइ रहत हीं, ओमाँ इ नाहीं पाइ जात ह।</verse>
				<verse number="14">सागरे क गहराइ बतावत ह, ‘मोह माँ गियान नाहीं।’ अउर समुद्दर कहत ह, ‘हिआँ मोहमाँ गियान नाहीं अहइ।’</verse>
				<verse number="15">गियान क बहोत कीमती सोना भी मोल नाहीं लइ सकत ह, गियान क दाम चाँदी स नाहीं गना जाइ सकत ह।</verse>
				<verse number="16">गियान ओपरी देस क सोना स या कीमती सुलैमानी पाथर या नीलमणियन स नाहीं बेसहा जाइ सकत ह।</verse>
				<verse number="17">गियान सोना अउ स्फटिक ल जियादा कीमती बाटइ, कउनो मनई बहोत कीमती सोना स जड़े भए रलन स गियान नाहीं बेसहि सकत ह।</verse>
				<verse number="18">गियान मूँगा अउ सूर्यकान्त मणि स जियादा कीमती बा। गियान क कनोउ मनई सिद्ध सोने मँ जुरे कीमती रतन स नाहीं बेसहा सकत ह।</verse>
				<verse number="19">जेतना उत्तिम गियान अहइ कूस देस क पद्मराग भी ओतना उत्तिम नाहीं अहइ। गियान क तू चोख सोना स मोल नाहीं लइ सकत्या।</verse>
				<verse number="20">“तउ फुन हम कहाँ गियान क पावइ जाइ? हम कहाँ समुझ सीखइ जाइ?</verse>
				<verse number="21">गियान धरती क हर मनई स लुका भवा अहइ। हिआँ तलक कि ऊँच अकास क पंछी भी गियान क नाहीं लखि पावत हीं।</verse>
				<verse number="22">मउत अउ विनास कहा करत हीं, ‘हम तउ बस गियान क बातन सुनी ह।’</verse>
				<verse number="23">“मुला बस परमेस्सर गियान तलक पहोंचइ क राहे क जानत ह। परमेस्सर जानत ह गियान कहाँ रहत ह।</verse>
				<verse number="24">परमेस्सर गियान क जानत ह काहेकि उ धरती क अखिरी छोर तलक लखा करत ह। परमेस्सर उ हर वस्तु क जउन अकास क खाले अहइ लखा करत ह।</verse>
				<verse number="25">जब परमेस्सर हवा क ओकर सक्ती दइ दिहस अउर इ निहचित किहस कि समुद्दरन क केतना बड़का बनावइ क अहइ।</verse>
				<verse number="26">अउर जब परमेस्सर निहचय किहस कि ओका कहाँ स बर्खा पठवइ क अहइ, अउर बउड़रन क कहाँ तलक जात्रा करइ क अहइ।</verse>
				<verse number="27">तब परमेस्सर गियान क लखे रहा। उ ओका मापेस, ओका साबित किहेस अउर इका परखेस।</verse>
				<verse number="28">अउर लोगन स परमेस्सर कहे रहा कि ‘यहोवा क भय माना अउर ओका आदर दया। बुराइयन स मुहँ मोड़ि लेब ही गियान अहइ, इहइ समझदारी अहइ।’”</verse>
			</chapter>
			<chapter number="29">
				<verse number="1">आपन बात क जारी रखत भए अय्यूब कहेस।</verse>
				<verse number="2">“मोर जिन्नगी वइसे ही होइ चाही रही जइसे गुजरे महीने मँ रही। जब परमेस्सर मोर रखवारी करत रहा, अउर मोर धियान रखत रहा</verse>
				<verse number="3">मइँ अइसे उ समइ क इच्छा करत हउँ जब परमेस्सर क प्रकास मोरे मूँड़े चमचमात रहा। मोका प्रकास देखाँवइ क उ समइ जब मइँ अँधियारा स होइके चलत रहेउँ।</verse>
				<verse number="4">अइसे ओन दिनन क इच्छा करत हउँ, जब मोर जिन्नगी सफल रही, अउर परमेस्सर मोरे निचके मीत रहा। उ सबइ अइसेन दिन रहेन जब परमेस्सर मोरे घरे क असीसे रहा।</verse>
				<verse number="5">अइसे समइ क मइँ इच्छा करत हउँ, जब सर्वसक्तीसाली परमेस्सर अबहुँ तलक मोर संग मँ रहा अउर मोरे संग मोरे गदेलन रहेन।</verse>
				<verse number="6">अइसा लगा करत रहा कि दूध-दही क नदियन बहा करत रहिन, अउर मोरे बरे चट्टानन जइतून क तेल क नदियन उडेरत रहीन।</verse>
				<verse number="7">“इ सबइ ओ दिन रहेन जब मइँ नगर क दुआर अउर गलीयन क चौराहन पइ जात रहेउँ, अउर नगर नेता लोगन क संग बइठत रहेउँ।</verse>
				<verse number="8">हुवाँ सबइ लोग मोर सन्मान किहा करत रहेन। जवान मनसेधू जब मोका लखत रहेन तउ मोरी राह स हट जावा करत रहेम अउर बुढ़वा मनसेधू मोरे बरे सन्मान देखाँवइ बरे उठ खड़ा होत रहेन।</verse>
				<verse number="9">जब लोगन क नेता लोग मोका लखि लेत रहेन, तउ बोलब बंद कइ देत रहेन।</verse>
				<verse number="10">हिआँ तलक कि बहोतइ महत्ववाले नेता भी आपन स्वर हल्का कइ लेत रहेन, जब मइँ ओनके नियरे जात रहेउँ। हाँ! अइसा लागत रहा कि ओनकर जिभियन ओनकर तालु स चिपक गइ होइँ।</verse>
				<verse number="11">जउन कउनो भी मोका बोलत सुनेस, मोरे बारे मँ नीक बात कहेस, जउनो कउनो भी मोका लखे रहा, मोर बड़कई किहे रहा।</verse>
				<verse number="12">काहेकि जब कउनो दीन मदद बरे गोहँराएस, मइँ मदद किहेउँ। उ गदेला क मइँ सहारा दिहेउँ जेकरे महतारी बाप नाहीं अउर जेकर कउनो भी नाहीं धियान रखइ क।</verse>
				<verse number="13">मोका मरत भए मनई क आसीस मिला, मइँ ओन राँड़ मेहररुअन क जउन जरुरत मँ रहिन, मइँ सहारा दिहेउँ अउर ओनका खुस किहेउँ।</verse>
				<verse number="14">मोर ओढ़ना पहिरब मोर खरी जिन्नगी रही, निस्पच्छ होब मोर चोगा अउर मोर पगड़ी सी रहीं।</verse>
				<verse number="15">मइँ आँधरन बरे आँकी बन गएउँ अउर मइँ ओनकर गोड़ बनेउँ जेनकर गोड़ नाहीं रहेन।</verse>
				<verse number="16">दीन लोगन बरे मइँ बाप तरह रहेउँ, मइँ पच्छ लेत रहेउँ अहसे अनजानन क जउन विपत्तियन मँ पड़ा रहेन।</verse>
				<verse number="17">मइँ दुस्ट लोगन क सक्ती नस्ट करत रहेउँ। निर्दोख लोगन क मइँ दुस्टन स अजाद करावत रहेउँ।</verse>
				<verse number="18">“मइँ सोचत रहेउँ कि मइँ बहोत लम्बी जिन्नगी जिअब अउर फुन आपन ही घरे मँ प्राण तजब।</verse>
				<verse number="19">मइँ एक ठु अइसा बृच्छ बनब जेकर जड़न सदा जल मँ रहत होइँ अउर जेकर डारन सदा ओस स भीजी रहत होइँ।</verse>
				<verse number="20">मोर सान सदा ही नई बनी रही, मइँ सदा ही वइसा बलवान रहब जइसे मोरे हाथे मँ एक नवा धनुष।</verse>
				<verse number="21">“पहिले, लोग मोर बात सुनत रहत रहेन, अउर उ सबइ जब मोर सलाह मसवरा क इंतजार करत रहेन, तउ चुप रहा करत रहेन।</verse>
				<verse number="22">मोर चुकइ पाछे, ओन लोगन क लगे जउन मोर बात सुनत रहेन, कछू भी बोलइ क नाहीं होत रहा। मोर सब्द धीरे-धीरे ओनकर काने मँ बर्खा क तरह पड़ जात रहेन।</verse>
				<verse number="23">लोग जइसे बर्खा क बाट जोहत हीं वइसे ही उ पचे मोर बोलइ क बाट जोहा करत रहेन। मोरे सब्दन क उ पचे पी जावा करत रहेन, जइसे मोर सब्द बसन्त मँ बरसा होइ।</verse>
				<verse number="24">जब मइँ दाया करइ क ओन पइ मुस्कात रहेउँ, तउ ओनका पहिले पहल ए पइ बिस्सास नाहीं होत रहा। फुन मोर खुस मुँह दुखी जन क सुख देत रहा।</verse>
				<verse number="25">मइँ जिम्मेदारी बिहेउँ अउर लोगन बरे पइसला किहेउँ, मइँ नेता बन गएउँ। मइँ ओनकर सोना क दलन क बीच राजा जइसा जिन्नगी जिएउँ। मइँ अइसा मनई रहेउँ जउन लोगन क चइत देत रहा जउन बहोत ही दुःखी बाटइ।</verse>
			</chapter>
			<chapter number="30">
				<verse number="1">“अब, उमर मँ छोटा लोग मोर मसखरी करत हीं। ओन जवान मनसेधुअन क बाप बिल्कुल ही निकम्मा रहेन। ओन कूकुरन जउन मोर भेड़िन क रखवारा करत ह ओन लोगन स बेहतर अहइँ।</verse>
				<verse number="2">ओन जवान मनसेधुअन क बाप मोका मदद देइ क कउनो सक्ती नाहीं राखत हीं, उ पचे बुढ़वा होइ चुका अहइँ अउ थका भवा अहइँ।</verse>
				<verse number="3">उ सबइ मनई भूख स मरत अहइँ यह बरे उ पचे झुरान अउर उजाड़ धरती खावत ह।</verse>
				<verse number="4">उ सबइ मनई रेगिस्तान मँ खारे पउधन क उखाड़त हीं अउर उ पचे झाड़ीदार बृच्छन क जड़न क खात हीं</verse>
				<verse number="5">उ पचन्क दूसर लोगन स भगाइ दइ गएन। उ पचे ओन लोगन पइ अइसे गोहरावत हीं जइसे लोग चोर पइ गोहरावत हीं।</verse>
				<verse number="6">अइसे उ सबई बुढ़वा लोग झुरान भइ नदी क तलन मँ चट्टानन क सहारे अउ धरती बिलन मँ रहइ क मजबूर अहइँ।</verse>
				<verse number="7">उ पचे झाड़ियन क बीच गुर्रात हीं। कँटहरी बृच्छन क नीचे उ पचे आपुस मँ बटुर जात हीं।</verse>
				<verse number="8">ओन पचन्क फसादी लोगन क दल अहइ, जेनकर नाउँ तलक नाहीं अहइ। ओनका आपन भुइँया तजि देह क मजबूर कीन्ह गवा अहइ।</verse>
				<verse number="9">“अब अइसे ओन लोगन क पूत मोर हँसी उड़ावइ क मोरे बारे मँ गीत गावत हीं। मोर नाउँ ओनके बरे अपसब्द जइसा बन गवा अहइ।</verse>
				<verse number="10">उ सबइ नउजवान मोहसे घिना करत हीं। उ पचे मोसे दूर खड़ा रहत हीं। हिआँ तलक कि उ पचे मोरे मुँहे पइ थूकत हीं।</verse>
				<verse number="11">परमेस्सर मोरे धनुष स ओकर डोर छोर लिहस ह अउर मोका दुर्बल किहस ह। उ पचे मोह पइ कोहान होत भए मोरे खिलाफ होइ जात ह।</verse>
				<verse number="12">उ सबइ जवान मोर दाहिनी कइँती स मोह पइ प्रहार करत हीं। उ पचे मोर गोड़न पइ हमला कइके मोका गिरावत ह अउर मोका चारिहुँ कइँती स घेर लेत ह।</verse>
				<verse number="13">उ पचे नव जवान मोरी राह पइ निगरानी रखत हीं कि मइँ बचिके निकरिके पराइ न सकउँ। उ पचे मोका नस्ट करइ मँ सफल होइ जात हीं। ओनके खिलाफत मँ मोर मदद करइ क मोरे संग कउनो नाहीं अहइ।</verse>
				<verse number="14">उ पचे मोह पइ अइसे वार करत हीं जइसे कि सहर क दिवार क दरार स होत ह। उ पचे टुटे हुए हिस्से स अन्दर आवत हीं।</verse>
				<verse number="15">मोका भय जकड़ लेत ह। जइसे हवा चिजियन क उड़ाइ लइ जात ह, वइसेन ही उ पचे जवान मोरे इज्जत धुवस्त करइ देत हीं। जइसे बादर अदृस्य हेइ जात ह, वइसे ही मोर सुरच्छा अदृस्य होइ जात ह।</verse>
				<verse number="16">“जब मोर जिन्नगी बीतइ क अहइ अउर मइँ हाली ही मर जाब। मोका, संकट क दिन दहबोच लिहे अहइँ।</verse>
				<verse number="17">मोर सबइ हाड़न राति क दुख देत हीं, पीरा मोका चबाव नाही छोड़त ह।</verse>
				<verse number="18">मोरे कोट क गिरेबान क परमेस्सर बड़ी ताकत स धरत ह, उ मोरे लिबास क ताकत स पकड़ लेत ह।</verse>
				<verse number="19">परमेस्सर मोका कीचं मँ बहाइ दिहस अउर मइँ माटी व राखी स बनत हउँ।</verse>
				<verse number="20">“हे परमेस्सर, मइँ सहारा पावइ क तोहका गोहरावत हउँ, मुला तू उत्तर नाहीं देत ह। मइँ खड़ा होत हउँ अउ पराथना करत हउँ, मुला तू मोह पइ धियान नाहीं देत्या।</verse>
				<verse number="21">हे परमेस्सर, तू मोर बरे निर्दयी होइ गवा अहा तू मोका नोस्कान पहोंचावइ क आपन सक्ती क प्रयोग करत अहा।</verse>
				<verse number="22">हे परमेस्सर, तू मोका तेज आँधि स उड़ाइ देत ह। तू मोका तूफाने क बीच मँ डाल देत ह।</verse>
				<verse number="23">मइँ जानत हउँ तू मोका मोर मउत कइँती लइ जात अहा आखीर माँ हर कउनो क जाब अहइ।</verse>
				<verse number="24">“मुला इ निहचय ह कि तू कउनो मनई जउन मदद बरे गोहरावत ह, ओन स नाहीं मुड़त ह।</verse>
				<verse number="25">हे परमेस्सर, तू तउ जानत ह कि मइँ ओनके खातिर रोएउँ जउन संकट मँ पड़ा अहइँ। तू तउ इ जानत ह कि मोर मन गरीब लोगन बरे बहोत दुखी रहत रहा।</verse>
				<verse number="26">मुला जब मइँ भला चाहत रहा, तउ बुरा होइ जात रहा। मइँ प्रकास हेरत रहेउँ अउर अँधियारा छाइ जात रहा।</verse>
				<verse number="27">मइँ भितरे स फट गवा हउँ अउर इ अइसा अहइ कि संकट कबहुँ नाहीं थम जात। अउर जियादा संकट आवइ क अहइ।</verse>
				<verse number="28">मइँ सोक क ओढ़ना पहिनके माना बगइर सूरज की गर्मी स करिया होइ गना हूँ। मइँ सभा क बीच मँ खड़ा होत हउँ, अउर मदद क गोहरावत हउँ।</verse>
				<verse number="29">मइँ जंगली कूकुरन क भइया अउर सुतुरमुर्ग क मीत होइ गवा हउँ।</verse>
				<verse number="30">मोर चमड़ी करिया पड़ि गइ बाटइ। मोर तन बुखारे स तपत बाटइ।</verse>
				<verse number="31">मोर वीणा करुण गीत गावइ क सधी बाटइ अउर मोर बाँसुरी स दुःख क रोवइ जइसे स्वर निकरत हीं।</verse>
			</chapter>
			<chapter number="31">
				<verse number="1">“मइँ आपन अँखिन क संग एक समझौता किहेउ ह कि उ सबइ कउनो लड़िकी क वासना क निगाह स न लखहीं।</verse>
				<verse number="2">सर्वसक्तीमान परमेस्सर लोगन क संग कइसा करत ह उ कइसे आपन ऊँच सरगे क घरे से ओनकर करमन क प्रतिफल देत ह</verse>
				<verse number="3">परमेस्सर दुस्ट लोगन बरे संकट अउ विनास पठवत ह, अउर जउन बुरा करम करत हीं ओनके बरे बर्बादी पठवत ह।</verse>
				<verse number="4">मइँ जउन भी करत हउँ परमेस्सर जानत ह। अउर मोरे हर कदम क उ लखत ह।</verse>
				<verse number="5">“अउर मइँ झूठी जिन्नगी जिया हउँ या झूठ बोलिके लोगन क मुरख बनाए हउँ।</verse>
				<verse number="6">तउ उ मोका खरी तरजू स तौलेइ, तब परमेस्सर जान लेइ कि मइँ निरपराध हउँ।</verse>
				<verse number="7">अगर मइँ खरा रास्ता स हटा होउँ, अगर मइँ आपन आप क बुरे लालसा मँ लइ गइ होइ या अगर मइँ आपन हाथ क पवित्तर नाहीं राखत हइँ।</verse>
				<verse number="8">तउ मोर उपजाई भइ फसल दूसर लोग खाइ जाइँ अउर मोर फसलन क उजारिके लइ जाइँ।</verse>
				<verse number="9">“अगर मइँ मेहररुअन बरे कामुक रहा होउँ, या अगर मइँ आपन पड़ोसी क दुआरे क ओकरी पत्नी क संग व्याभिचार करइ क बरे ताकत रहा होउँ,</verse>
				<verse number="10">तउ मोर पत्नी दूसर लोगन क भोजन बनावइ अउर ओकरे संग दूसर लोग सोवइँ।</verse>
				<verse number="11">काहेकि यौन पाप लज्जा स भरा होत ह? इ अइसा पाप अहइ जेका निहचय ही सजा पावइ चाही।</verse>
				<verse number="12">व्याभिचार उ पाप क समान अहइ, जउन बारत अउ बर्बाद कइ डावत ह। मोरे लगे जउन कछू भी अहइ बिभिचार क पाप ओका बारि डाइ।</verse>
				<verse number="13">“अगर मइँ आपन दास-दासियन क समन्वा उ समइ निस्पच्छ नाहीं रहेउँ जब ओनका मोसे कउनो सिकाइत रही।</verse>
				<verse number="14">तउ जब मोका परमेस्सर क समन्वा जाइ क होइ, तउ मइँ का करब? जब उ मोका मोरे करमन क सफाई माँगइ बोलइ तउ मइँ परमेस्सर क का जावाब देब?</verse>
				<verse number="15">परमेस्सर मोका अउर मोरे सेवकन क हमरी आपन-आपन महतारी क गर्भ मँ बनाएस ह।</verse>
				<verse number="16">“मइँ कबहुँ भी दीन जन क मदद क मना नाहीं किहेउँ। मइँ राँड़ मेहररुअन क सहारे क बिना नाहीं रहइ दिहेउँ।</verse>
				<verse number="17">मइँ स्वार्थी नाहीं रहेउँ। मइँ आपन भोजन क संग अनाथ बच्चन क भूखा नाहीं रहइ दिहेउँ।</verse>
				<verse number="18">मइँ अइसे गदेलन क जेनके बाप नाहीं अहइँ, मइँ बाप जइसा रहेउँ ह। मइँ जिन्नगी भइ राँड़ मेहररुअन क धियान रखेउँ ह।</verse>
				<verse number="19">जब मइँ कउनो क एह बरे कस्ट भोगत भए पाएउँ ह कि ओकरे लगे ओढ़ना नाहीं अहइ, या मइँ कउनो दीन क बगैर कोट क पाएउँ।</verse>
				<verse number="20">तउ मइँ सदा ओन लोगन क ओढ़ना देत रहेउँ, मइँ ओनका गरम राखइ क मइँ खुद आपन भेड़िन क ऊन बइपरेउँ, तउ उ पचे मोका समूचइ मने स असीसत रहेन।</verse>
				<verse number="21">मइँ कउनो अनाथे क खिलाफ कबहुँ आपन हाथ नाहीं उठाएस जब कबहुँ मइँ ओका सहर क फाटके पइ मदद माँगत भए निहारेउँ।</verse>
				<verse number="22">अगर मइ अइसा किहेउँ तउ मोर काँधा आपन जगह स छूट कइ गिर जाइ अउर मोर बाजू आपन जोड़ स अलग होइ जाइ।</verse>
				<verse number="23">मुला मइँ तउ ओनमाँ स कउनो बुरा करम नाहीं किहेउँ। मइँ परमेस्सर क दण्ड स डेरात हउँ। ओकरी तेजस्विता स डेरात हउँ।</verse>
				<verse number="24">“मइँ कबहुँ आपन धन दौलत क भरोसा नाहीं किहेउँ, अउर मइँ कबहुँ नाहीं चोखा सोने स कहेउँ कि ‘तू मोर आसा अहा।</verse>
				<verse number="25">मइँ धने स सम्पन्न रहेउँ।’ मुला मइँ ओसे घमण्डी नाहीं भएउँ। मइँ खूवइ धन कमाएउँ। मुला उहइ नाहीं जेहसे आनन्दित भएउँ।</verse>
				<verse number="26">मइँ कबहुँ भी नाहीं चमकत सूरज क पूजा किहेउँ या मइँ सुन्नर चाँद क पूजा नाहीं किहेउँ।</verse>
				<verse number="27">मइँ कबहुँ भी आपन हाथ क चूम कइ सूकज अउर चाँद क पूजा करइ क मूरखता नाहीं किहा रहा।</verse>
				<verse number="28">अगर मइँ एनमाँ स कछू किहेउँ तउ उ मोर पाप होइ अउ मोका सजा मिलइ। अगर मइँ ओन बातन क पूजा किहे होतेउँ तउ सर्वसक्तीसाली परमेस्सर क अबिस्सासी होइ जातेउँ।</verse>
				<verse number="29">“जब मोर दुस्मन बर्बाद भएन तउ मइँ खुस नाहीं भएउँ। जब मोरे दुस्मनन क दुख-मुसीबत डाली गवा, तउ मइँ ओकर बरे खूस नाहीं भवा।</verse>
				<verse number="30">मइँ आपन मुहँ खोलिके आपन दुस्मनन क सरापत भए पाप नाहीं किहेउँ अउ मइँ ओकरे मोत क इच्छा नाहीं कहेस।</verse>
				<verse number="31">मोरे घरे क सबहिं लोग जानत हीं कि मइँ सदा अजनबी लोगन क खइया क दिहेउँ।</verse>
				<verse number="32">मइँ सदा अजनबी लोगन क घरे मँ बोलाएउँ, ताकि ओनका राति मँ गलियन मँ सोवइ क न पड़इ।</verse>
				<verse number="33">दूसर लोग आपन पापे क छूपावइ क जतन करत हीं, मुला मइँ आपन दोख कबहुँ नाहीं छुपाएउँ।</verse>
				<verse number="34">मइँ कबहुँ नाहीं डेराउँ कि लोग का कहत रहत हीं। मइँ कबहुँ चुप नाहीं रहेउँ अउ मइँ आपन घर बाहेर जाइ बरे कबहुँ नाहीं डेराउँ।</verse>
				<verse number="35">“कास! कउनो होत जउन मोर सुनत। मोका आपन बात अपनी कइँती स समझावइ द्या। कास! सक्तीसाली परमेस्सर मोका अउर कास उ ओनँ बातन क लिखत जउन मइँ ओकरी निगाहे मँ गलत किहे रहेउँ।</verse>
				<verse number="36">काहेकि फुरइ ही मइँ उ लिकावट आपन खुद क काँधे पइ धइ लेब अउर मइँ ओका मुकुट क तरह मूँड़े पइ धइ लेब।</verse>
				<verse number="37">“अगर परमेस्सर किहेस तउ जउन कछू मइँ किहेउँ ह, मइँ ओका परमेस्सर क समुझाउब। मइँ परमेस्सर क लगे आपन मूँड़ि उठाइके जाब, जइसे मइँ कउनो मुखिया होउँ।</verse>
				<verse number="38">“मइँ आपन भुइँया पइ कबहुँ बेगुनाह क खुन नाहीं बहाया हउँ एँह बरे मोर मिट्टी या मोर धरती क खिलाफ कबहुँ आवाज़ नाहीं उठाएस।</verse>
				<verse number="39">मइँ हमेसा मजदूरन क फसल काटइ बरे ओनकर मजूरी दिहेउँ। मइँ कबहुँ भी ओकर मालिक स जबरदस्ती अनाज़ नाहीं लिहेउँ।</verse>
				<verse number="40">हाँ! एनमाँ स अगर कउनो भी बुरा काम मइँ किहे होउ, तउ गोहूँ क जगह पइ काँटा अउर जौ क बजाय खर-पतवर खेतन मँ उग जाइँ।” अय्यूब क सब्द खतम भएन।</verse>
			</chapter>
			<chapter number="32">
				<verse number="1">फुन अय्यूब क तीनउँ मीत अय्यूब क जवाब देइ क जतन करब तजि दिहेन। काहे कि उ अपने नजर मँ सच्चा रहेन।</verse>
				<verse number="2">हुआँ एलीहू नाउँ क एक मनई भी रहा। एलीहू बारकेल क पूत रहा। बारकेल बुज क निवासी रहा। एलीहू राम क परिवारे स रहा। एलीहू क अय्यूब पइ बहोत किरोध आवा काहेकि अय्यूब अपने आप क सही ठहराएस बजाए परमेस्सर क सही ठहरइ क।</verse>
				<verse number="3">एलीहू अय्यूब क तीनउँ मीतन स भी कोहान रहा काहेकि उ पचे तीनउँ ही अय्यूब क सवालन क जुक्ति संगत जवाब नाहीं दइ पाए रहेन अउर इ साबित नाहीं कइ सकन कि अय्यूब कसूरवार अहइ।</verse>
				<verse number="4">हुआँ जउन लोग रहेन ओनमाँ एलीहू सबसे लहुरा रहा। एह बरे उ तब तलक बाट जोहत रहा जब तलक हर कउनो आपन-आपन बात पूरी नाहीं कइ चुका।</verse>
				<verse number="5">एलीहू जब इ लखेस कि अय्यूब क तीनहुँ मीतन क लगे कहइ क अउर कछू नाहीं अहइ तउ ओका बहोत किरोध आवा।</verse>
				<verse number="6">तउ बुज क निवासी बारकेल क पूत एलीहू आपन बात कहब सुरु किहस। उ बोला: “मइँ लहुरा अहउँ अउर तू लोग मोहसे जेठ अहा, मइँ एह बरे तोहका उ बतावइ मँ डेरात रहेउं जउन मइँ सोचत रहेउँ।</verse>
				<verse number="7">मइँ मन मँ सोचेउँ, ‘बड़के क पहले बोलइ चाही, अउर ओका बुद्धि सिखाइ चाही।’</verse>
				<verse number="8">मुला मनई मँ परमेस्सर क आतिमा बुद्धि देत ह अउर सर्वसक्तीसाली परमेस्सर क जरिये दिया भवा साँस मनई क गियान देत ह।</verse>
				<verse number="9">उमर मँ ज़ेठ मनई ही नाहीं गियानी होत हीं। का बस बड़ी उम्र क लोग ही इ जानत हीं कि उचित का अहइ?</verse>
				<verse number="10">“एँह बरे मइँ जउन कछू जानत हउँ तोहका कहत हउँ। तू पचे मोर बात सुना मइँ तू पचन्क बताउब कि मइँ का सोचत हउँ।</verse>
				<verse number="11">जब तलक तू लोग बोलत रह्या, मइँ बाट जोहत रहा। मइँ तोहार बुद्धि सुनइ चाही रहा। मइँ खामूस रह्या जब तू पचे बोलइ बरे सोच बिचार किहस।</verse>
				<verse number="12">मइँ तोहरे मर्म स भरे सब्दन क अय्यूब क उत्तर देइ खातिर धियान स सुनत रहेउँ। मुला तीनउँ ही इ सिद्ध नाहीं कइ पाया कि अय्यूब बुरा अहइ। तोहमाँ स कउनो भी अय्यूब क तर्कन क जवाब नाहीं दइ पावा।</verse>
				<verse number="13">तू लोगन क इहइ नाहीं कहइ चाही कि तू पचे गियान क पाइ लिहा ह। लोग नाहीं, परमेस्सर निहचय ह अय्यूब क तर्कन क जवाब देइ।</verse>
				<verse number="14">मुला अय्यूब मोरे खिलाफत मँ नाहीं बोलत रहा, एह बरे मइँ ओन तर्कन क प्रयोग नाहीं करब जेकर प्रयोग तू पचे तीनहुँ किहा ह।</verse>
				<verse number="15">“अय्यूब, तोहरे तीनहुँ मीत असमंजस मँ पड़ा अहइँ, ओनके लगे कछू भी अउर कहइ क नाहीं अहइ, ओनके लगे जवाब दइ बरे अउर कछु नाहीं अहइ</verse>
				<verse number="16">इ सबइ तीनहुँ लोग हिआँ चुप खड़ा अहइँ अउर ओनके लगे जवाब नाहीं अहइ। तउ का अबहिं भी मोका प्रतीच्छा करइ चाही?</verse>
				<verse number="17">नाहीं! मइँ भी आपन जवाब देब। मइँ भी बताउब तू पचन्क कि मइँ का सोचत हउँ।</verse>
				<verse number="18">काहेकि मोरे लगे कहइ क बहोत अहइ। मोरे भितरे जउन आतिमा अहइ, उ मोका बोलइ क मजबूर करत ह।</verse>
				<verse number="19">मइँ आपन भितरे अइसी नई दाखरस सा हउँ, जउन हाली ही बाहेर उफनइ क अहइ। मइँ उ नई दाखरस मसक जइसा हउँ जउन हाली ही फट जाइ क अहइ।</verse>
				<verse number="20">तउ निहचय ही मोका बोलइ चाही, तबहीं मोका नीक लागी। आपन मुँह मोका खोलइ चाही अउर मोका अय्यूब क सिकाइतन क जवाब देइ चाही।</verse>
				<verse number="21">इ बहस मँ मइँ कउनो क पच्छ नाहीं लेबइँ अउ अय्यूब क वइसे ही पच्छ लेबउँ जइसे दूसर क होइ चाहीं। मइँ कउनो क खुसामद न करब।</verse>
				<verse number="22">मइँ नाहीं जानत हउँ कि कइसे कउनो क खुसामद कीन्ह जात ह। अगर मइँ कउनो क खुसामद करइ जानत तउ हाली ही परमेस्सर ओका सजा देत।</verse>
			</chapter>
			<chapter number="33">
				<verse number="1">“मुला अय्यूब अब, मोर संदेस सुना। ओन बातन पइ धियान दया जेनका मइँ कहत हउँ।</verse>
				<verse number="2">मइँ आपन बात कहइ क तइयार हउँ। मइँ आपन सब्द चुनत हउँ।</verse>
				<verse number="3">मोर मन सच्चा अहइ तउ मइँ सच सब्द बोलब। ओन बातन क बारे मँ जेनका मइँ जानत हउँ मइँ सच कहब।</verse>
				<verse number="4">परमेस्सर क आतिमा मोका बनाएस ह, मोका सर्वसक्तीसाली परमेस्सर स जिन्नगी मिलत ह।</verse>
				<verse number="5">अय्यूब, सुना अउ मोका जवाब द्या अगर तू सोचत ह कि तू दइ सकत ह। आपन जवाबन क तइयार रखा ताकि तू मोहसे तर्क कइ सक्या।</verse>
				<verse number="6">परमेस्सर क समन्वा हम दुइनउँ एक जइसे अहइँ, अउर हम दुइनउँ क ही उ माटी स बनाएस ह।</verse>
				<verse number="7">अय्यूब तू मोहसे जिन डेराअ। मइँ तोहरे संग कठोर न होब।</verse>
				<verse number="8">“मुला अय्यूब, मइँ सुनेउँ ह कि तू जउन कहा करत ह।</verse>
				<verse number="9">तू इ कहे रह्या, ‘मइँ अय्यूब, दोखी नाहीं हउँ, मइँ पाप नाहीं किहेउँ, या मइँ कछू भी अनुचित नाहीं करत हउँ।</verse>
				<verse number="10">अगर मइँ कछू भी अनुचित नाहीं किहेउँ, तउ भी परमेस्सर कछू खोट मोहमाँ पाएस ह। परमेस्सर सोचत ह कि मइँ अय्यूब, ओकर दुस्मन हउँ।</verse>
				<verse number="11">एह बरे परमेस्सर मोरे गोड़े मँ बेड़ी डावत ह, मइँ जउन कछू भी करत हउँ, उ लखत रहत ह?’</verse>
				<verse number="12">“मुला अय्यूब, मइँ तोहका निहचय क संग बतावत हउँ कि तू इ बारे मँ गैर मुनासिब अहा। काहेकि परमेस्सर कउनो भी मनई स जियादा जानत ह।</verse>
				<verse number="13">तू काहे सिकाइत करत अहा कि परमेस्सर तोहरे इलजाम जवाब नाहीं देत ह</verse>
				<verse number="14">मुला परमेस्सर निहचय ही हर उ बात क जेका उ करत ह स्पस्ट कइ देत ह परमेस्सर अलग-अलग रीति स बोलत ह मुला लोग ओका समुझ नाहीं पउतेन।</verse>
				<verse number="15">होइ सकत ह कि परमेस्सर सपन मँ लोगन क काने मँ बोलत होइ, या कउनो दिब्यदर्सन मँ राति क जब उ पचे आपन बिसतरा पइ गहिर निंदिया मँ होइँ। जब परमेस्सर क चितउनियन सुनत हीं तउ बहोतइ डर जात हीं।</verse>
				<verse number="16"></verse>
				<verse number="17">परमेस्सर मनइयन क बुरी बात करइ रोकइ क होसियार करत ह, अउ ओनका अंहकारी बनवइ स रोकइ क।</verse>
				<verse number="18">परमेस्सर मनइयन क मउत क देस मँ जाइ स बचावइ खातिर होसियार करत ह। परमेस्सर मनई क नास स बचावइ बरे अइसा करत ह।</verse>
				<verse number="19">“कउनो मनई परमेस्सर क वाणी तब सुन सकत ह जब उ बिस्तरे पइ ओलरा होइ अउर परमेस्सर क सजा स दुःख भोगत होइ। उ मनई एँतनी गहिर पीरा मँ होता ह, कि ओकर हाड़न दुःखत हीं।</verse>
				<verse number="20">फुन अइसा मनई कछू खाइ नाहीं सकत, उ मनई क एँतनी जियादी पीरा होत ह कि ओका सबन ते बढ़िया खइया क नाहीं सोहात।</verse>
				<verse number="21">ओकरे देहे क छय तब तलक होत जात ह, जब तलक उ कंकाल मात्र नाहीं होइ जात, अउर ओकर सबइ हाड़न नाहीं देखाँइ लग जातिन।</verse>
				<verse number="22">अइसा मनई मउत क देस क निअरे होत ह, अउर ओकर जिन्नगी मउत क निअरे होत ह।</verse>
				<verse number="23">मुला होइ सकत ह कि कउनो सरगदूत, हजारन सरगदूत मँ स एक होइ जउन ओकरे उत्तिम चरित्तर क गवाही देइ।</verse>
				<verse number="24">उ सरगदूत उ मनई पइ दयालु होइ, उ दूत परमेस्सर स कहीं: ‘महारबानी कइ क इ मनई क मउत क देस स बचा। एकर दाम चुकावइ क एक रस्ता मोका मिली गवा अहइ।’</verse>
				<verse number="25">फिन मनई क देह जवान अउ खूब मजबूत होइ जाइ। उ मनई वइसा ही होइ जाइ जइसा उ तब रहा, जब उ जवान रहा।</verse>
				<verse number="26">उ मनई परमेस्सर क स्तुति करी अउर परमेस्सर ओकरी स्तुति क जवाब देइ। फुन उ परमेस्सर क व्यक्तित्व मँ खुसी खुसी आइ जाब। अउर उ बहोत खुस होइ काहेकि परमेस्सर ओका ओकर ईमानदारी बरे बदला देहीं।</verse>
				<verse number="27">फिन उ मनई मनइयन क मन्वा स्वीकार करी। उ कही; ‘मइँ पाप किहे रहउँ, भले क बुरा मइँ किहे रहेउँ, मुला मोका एहसे क मिला!</verse>
				<verse number="28">परमेस्सर मउत क देस मँ गिरइ स मोर आतिमा क बचाएस। मइँ अउर जियादा जिअब अउर फुन स जिन्नगी क रस लेब।’</verse>
				<verse number="29">“परमेस्सर मनई क संग ओका मउत क देस मँ दाखिल होवइ स रोक कि अहसा बार-बार करत ह। अइसा मनई फिन जिन्नगी क रस लेत ह।</verse>
				<verse number="30"></verse>
				<verse number="31">“अय्यूब, धियान द्या अउर मोर बात सुना। तू चुप रहा अउर मोका कहइ द्या।</verse>
				<verse number="32">अगर तोहार लगे कहइ बरे कछू अहइ तउ ओका कहा काहेकि मइँ तोहका निर्दोख लखइ चाहत हउँ।</verse>
				<verse number="33">अय्यूब, अगर तोहका कछु नाहीं कहइ क अहइ तउ तू मोर बात सुना। चुप रहा, मइँ तोहका बुध्दिमान बनवइ सिखाउबउँ।”</verse>
			</chapter>
			<chapter number="34">
				<verse number="1">फिन एलीहू बात क जारी रखत भए कहेस:</verse>
				<verse number="2">“अरे ओ गियानी मनइयो। तू पचे धियान स सुना जउन बातन मइँ कहत हउँ। अरे ओ चतुर लोगो, मोह पइ धियान दया।</verse>
				<verse number="3">कान ओन सबन्क परखत ह जेनका उ सुनत ह, जइसेन जीभ जउने खइया क छुअति ह, ओकार सुआद पता करत ह।</verse>
				<verse number="4">तउ आवा इ परिस्थिति क परखा अउर खुद फइसला करा कि उचित का बाटइ। हम संग संग सीखब कि का खरा बाटइ।</verse>
				<verse number="5">अय्यबू कहेस: ‘मइँ निर्दोख हउँ, मुला परमेस्सर मोरे बरे निस्पच्छ नाहीं अहइ।</verse>
				<verse number="6">मइँ निरीह अहउँ मुला लोग सोचत हीं कि मइँ बुरा अहउँ। उ पचे सोचत हीं कि मइँ एक झूठा हउँ अउर चाहे मइँ निर्दोख भी होउँ फुन भी मोर घाव नाहीं भरि सकत।’</verse>
				<verse number="7">“अय्यूब क नाई कउनो भी मनई नाहीं अहइ जेकर मुँह परमेस्सर क निन्दा स भरा रहत ह। अय्यूब बरे परमेस्सर क बेज्जती करइ मँ आसानी स पानी क पीवइ जइसा अहइ।</verse>
				<verse number="8">अय्यूब बुरे लोगन क साथी अबइ अउर अय्यूब क बुरे लोगन क संगत भावत ह।</verse>
				<verse number="9">काहेकि अय्यूब कहत ह, ‘अगर कउनो मनई परमेस्सर क हुकुम मानई क जतन करत ह तउ एहसे उ मनई क कछू भी भला न होइ।’</verse>
				<verse number="10">“अरे ओ लोगो जउन समुझ सकत हवा, तउ मोर बात सुना, परमेस्सर कबहुँ भी बुरा नाहीं करत ह। सर्वसक्तीमान परमेस्सर कबहुँ भी बुरा नाहीं करी।</verse>
				<verse number="11">परमेस्सर मनई क ओकर कीन्ह करमन क फल देइ। उ मनइयन क जउन मिलइ चाही, देइ।</verse>
				<verse number="12">उ फुरइ अहइ परमेस्सर कबहुँ बुरा कारज नाहीं करत ह। सर्वसक्तीसाली परमेस्सर सदा निस्पच्छ रही।</verse>
				<verse number="13">कउनो इनसान ओका धरती क प्रभारी नाहीं बनाएस। कउनो भी मनई ओका इ सचमुच जगत क जिम्मेदारी नाहीं दिहस।</verse>
				<verse number="14">अगर परमेस्सर ठान लेत तउ उ लोगन स जिन्नगी क साँस लइ लेत ह।</verse>
				<verse number="15">तउ धरती क सबहिं मनई मर जातेन, फिन सबहिं लोग माटी बन जातेन।</verse>
				<verse number="16">“अगर तू पचे विवेकी अहा तउ तू पचे ओका सुनब्या जेका मइँ कहत हउँ।</verse>
				<verse number="17">अइसा कउनो मनई जउन निआउ स घिना राखत ह सासक नाहीं बन सकत ह। अय्यूब, का तू सोचत अहा कि तू परमेस्सर क दोखी साबित कइ सकत अहइ?</verse>
				<verse number="18">सिरिफ परमेस्सर अइसा अहइ जउन राजा लोगन स कहत रहत ह कि ‘तू पचे बेकार अहइ।’ परमेस्सर नेता लोगन स कहत रहत ह कि ‘तू पचे दुस्ट अहा।’</verse>
				<verse number="19">परमेस्सर प्रमुखन स दूसर मनइयन क अपेच्छा अधिक पिरेम नाहीं करत, अउर परमेस्सर धन्नासेठन क अपेच्छा गरीबन स जियादा पिरेम नाहीं करत ह। काहेकि सबहिं क परमेस्सर रचेस ह।</verse>
				<verse number="20">होइ सकत ह रात मँ अचानक कउनो मनई मरि जाइ। परमेस्सर बहोत जल्दी ही लोगन क रोगी करत ह अउर उ पचे प्राण तउ देत हीं। परमेस्सर बगइर कउनो जतन क सक्तीसाली लोगन क उठाइ लइ जात ह।</verse>
				<verse number="21">“मनई जउन करत ह परमेस्सर ओका देखत ह। मनई जउन भी चरण उठावत ह परमेस्सर ओका जानत ह।</verse>
				<verse number="22">कउनो जगहिया अइसी अँधियारा नाहीं अहइ, चाहे उ जगह कइसा भी अँधियारा होइ, जेह मँ कि कउनो भी दुस्ट मनई अपने क परमेस्सर स छुपाइ पावइस।</verse>
				<verse number="23">कउनो मनई बरे इ उचित नाहीं कि उ परमेस्सर स निआउ क अदालत मँ मिलइ क समइ निहचित करइ।</verse>
				<verse number="24">परमेस्सर क प्रस्नन क पूछइ क जरुरत नाहीं, मुला परमेस्सर बरिआरन क नस्ट करी अउर ओनकर जगह पइ कउनो अउर क बइठाई।</verse>
				<verse number="25">तउ परमेस्सर जानत ह कि लोग का कर हीं। एह बरे परमेस्सर राति मँ दुस्टन क हराई, अउर ओनका नस्ट कइ देइ।</verse>
				<verse number="26">परमेस्सर बुरे लोगन क ओनके बुरे करमन क कारण नस्ट कइ देइ अउर बुरे मनई क सजा क सब लखइ देइ।</verse>
				<verse number="27">काहेकि बुरे लोग परमेस्सर क आग्या मनाइ क तजि दिहेन अउर उ पचे बुरे लोग परवाह नाहीं करत हीं ओन कामन क करइ क जेनका परमेस्सर चाहत ह।</verse>
				<verse number="28">ओन बुरे लोग गरीबन क दुःख दिहन अउर ओनका मजबूर किहन परमेस्सर क मदद बरे गोहरावइ क। गरीब मदद बरे गोहरावत ह, तउ परमेस्सर ओकर सुनत ह।</verse>
				<verse number="29">जब परमेस्सर खामोस रही क फइसला करत ह तउ कउनो मनई परमेस्सर क दोखी नाहीं ठहराइ सकत ह। अगर परमेस्सर आपना मुख छिपा लेत ह तउ कउनो भी रास्ट्र या कउनो मनई ओका नाहीं पाइ सकत ह।</verse>
				<verse number="30">तउ फुन एक ठु अइसा मनई अहइ जउन परमेस्सर क खिलाफ अहइ अउर लोगन पइ जुलम करत ह। तउ परमेस्सर ओका राजा बनइ नाहीं गइ सकत ह।</verse>
				<verse number="31">“होइ सकत ह कि कउनो परमेस्सर स कहइ, ‘मइँ अपराधी हउँ अउर फुन मइँ पाप नाहीं करब।</verse>
				<verse number="32">हे परमेस्सर, तू मोका उ सबइ बातन सिखावा जउन मइँ नाहीं जानत हउँ। अगर मइँ कछू बुरा किहेउँ तउ फुन, मइँ ओका नाहीं करबउँ।’</verse>
				<verse number="33">मुला अय्यूब, जब तू बदलइ क मना करत अहा, तउ क परमेस्सर तोहका वइसा प्रतिफल देइ, जइसा तू चाहत अहा? इ तोहार फइसला अहइ इ मोर नाहीं अहइ। तू ही बतावा कि तू का सोचत अहा?</verse>
				<verse number="34">कउनो भी मनई जेहमाँ विवेक अहइ अउर जउन समझत ह उ मोरे संग सहमत होइ। कउनो भी विवेकवाला मनई जउन मोर सुनत, उ कही,</verse>
				<verse number="35">‘अय्यूब, अबोध मनई क जइसी बातन करत अहा, जउन बातन अय्यूब करत ह ओऩमाँ कउनो सच्चाइ नाहीं।’</verse>
				<verse number="36">मोर इ इच्छा अहइ कि अय्यूब क परखइ क अउर भी जियादा कस्ट दीन्ह जाइँ। काहेकि अय्यूब हमका अइसा जवाब देत ह, जइसा कउनो दुस्ट मनई जवाब देत होइ।</verse>
				<verse number="37">अय्यूब पाप पइ किए जात ह अउर ओह पइ उ बगावत किहेस। तोहरे ही समन्वा उ परमेस्सर क खिलाफ बहोत सारे इलाजाम लगावत रहत ह।”</verse>
			</chapter>
			<chapter number="35">
				<verse number="1">एलीहू कहत चला गवा। उ बोल।</verse>
				<verse number="2">“मइँ अय्यूब, इ तोहरे बरे कहब उचित नाहीं कि ‘मइँ अय्यूब, परमेस्सर क खिलाफ निआउ पइ हउँ।’</verse>
				<verse number="3">अय्यूब, तू परमेस्सर स पूछत अहा, ‘मनई परमेस्सर क खुस कइके का पाई? अगर मइँ पाप न करउँ तउ मोका का फायदा होइ?’</verse>
				<verse number="4">“अय्यूब, मइँ तोहका अउ तोहरे मीतन क जउन हिआँ तोहरे संग अहइँ जवाब देइ चाहत हउँ।</verse>
				<verse number="5">अय्यूब! ऊपर लख अकासे मँ निगाह उठाइके कि बादर तोहसे जियादा ऊँचा अहइँ।</verse>
				<verse number="6">अय्यूब, अगर तू पाप करा तउ परमेस्सर क कछू नाहीं बिगड़त, अउर अगर तोहार पाप बहोत होइ जाइँ तउ ओहसे परमेस्सर क कछू नाहीं बिगड़त।</verse>
				<verse number="7">अय्यूब, अगर तू भला अहा तउ एहसे परमेस्सर क भला नाहीं होत, तोहसे परमेस्सर क कछु नाहीं मिलत।</verse>
				<verse number="8">अय्यूब, तोहार पाप खुद तोहरे जइसे मनई क नोस्कान पहुँचावत हीं, तोहार नीक करम बस तोहरे जइसे मनई क हीं भला करत हीं।</verse>
				<verse number="9">“अगर बुरे मनइयन क संग अनिआउ होत ह अउर बुरा बेउहार कीन्ह जात ह, तउ उ पचे मदद क पुकारत हीं, उ पचे बड़के बड़के बरिआर क मदद पावइ क दोहाइ देत हीं।</verse>
				<verse number="10">मुला बुरे मनइयन परमेस्सर स मदद नाहीं माँगतेन। उ पचे नाहीं कहत हीं, ‘परमेस्सर जउन हमका रचेस ह उ कहाँ बा? परमेस्सर हम लोगन क रात मँ गावइ बरे गीत देत ह।</verse>
				<verse number="11">उ बुरे मनइयन इ नाहीं कहा करतेन कि, परमेस्सर जउन गोरु अउ चिरइयन स जियादा बुध्दिमान मनई क बनाएस ह उ कहाँ बा?’</verse>
				<verse number="12">“अगर बुरे लोग परमेस्सर क मदद पावइ क दुहाइ देत हीं तउ परमेस्सर ओनका जवाब नाहीं देत ह। काहेकि उ पचे बहोत घमंडी अउर बुरा होत हीं।</verse>
				<verse number="13">इ सच अहइ कि परमेस्सर ओनकर बेकार क दुहाइ क नाहीं सुनी। सर्वसक्तीमान परमेस्सर ओनँ पइ धियान नाहीं देत।</verse>
				<verse number="14">अय्यूब, इहइ तरह जब तू परमेस्सर क समन्वा आपन मामला पइ बहस कइ बरे इन्तजार करत ह, अउर अगर तू सिकायत करत ह कि उ तोहरे समन्वा प्रकट नाहीं होइही, तउ परमेस्सर तोहका जवाब नाहीं देब्या।</verse>
				<verse number="15">“अय्यूब, तू सोचत अहा कि परमेस्सर दुस्टन क सजा नाहीं देत ह अउर परमेस्सर पाप पइ धियान नाहीं देत ह।</verse>
				<verse number="16">एह बरे अय्यूब आपन बेकार क बातन करत रहत ह। अय्यूब बहोत बोलतह मुला उ नाहीं जानत कि उ का कहत रहत ह।”</verse>
			</chapter>
			<chapter number="36">
				<verse number="1">एलीहू बात जारी राखत भए कहेस।</verse>
				<verse number="2">“अय्यूब, मोरे संग तनिक देर अउर धीरा धरा। मइँ तोहका देखाँउब कि परमेस्सर क पच्छ मँ अबहिं कहइ क अउर अहइ।</verse>
				<verse number="3">मइँ आपन गियान क सब स बाँटब। मोका परमेस्सर रचेस ह। मइँ जउन कछू भी जानत हउँ मइँ ओकर प्रयोग तोहका इ देखाँवइ बरे करब कि परमेस्सर निस्पच्छ अहइ।</verse>
				<verse number="4">अय्यूब, मइँ तोहका फुरइ कहत हउँ कि मइँ झूट नाहीं कहत हउँ। मइँ जानत कि मइँ का बात करत हउँ।</verse>
				<verse number="5">“परमेस्सर महान अहइ मुला उ आम लोगन क तुच्छ नाहीं समुझत ह। परमेस्सर बहोत सामर्थी बाटइ अउ विवेक स पूर्ण बाटइ।</verse>
				<verse number="6">परमेस्सर दुट्ठ लोगन क जिअइ नाहीं देइ अउर परमेस्सर हमेसा गरीब लोगन क संग खरा बेउहार करत ह।</verse>
				<verse number="7">उ सबइ लोग जउन मुनासिब बेउहार करत हीं, परमेस्सर ओनकर धियान राखत ह। उ राजा लोगन क संग ओनका सिंहासन देत ह अउर उ पचे सदा आदर पावत हीं।</verse>
				<verse number="8">मुला अगर लोग सजा पावत होइँ अउर अउर बेड़ियन मँ जकरि गवा होइँ। अगर उ पचे पीरा भोगत रहत होइँ अउर संकटे मँ होइँ।</verse>
				<verse number="9">तउ परमेस्सर ओनका बताई कि उ पचे कउन सा बुरा करम किहेन ह। परमेस्सर ओनका बताई कि उ पचे पाप किहेन ह अउर उ पचे अहंकारी रहेन।</verse>
				<verse number="10">परमेस्सर ओनका ओकर चिताउनी सुनइ क मजबूर करी। उ ओनका पाप करइ स रोकइ खातिर आदेस देइ।</verse>
				<verse number="11">जदि लाग परमेस्सर क सुनिहीं अउर ओकर अनुसरण करिहीं तउ परमेस्सर ओनका खुसहाल दिन आनन्दित बरिस देब्या।</verse>
				<verse number="12">मुला अगर उ पचे परमेस्सर क आग्या क नकारिहीं तउ उ पचे बिना जाने ही मउत क दुनिया मँ चला जइहीं।</verse>
				<verse number="13">“अइसे लोग जेनका परमेस्सर क परवाह नाहीं अहइ उ पचे सदा कडुवाहट स भरा रहत हीं। हिआँ तलक कि जब परमेस्सर ओनका सजा देत ह, उ पचे परमेस्सर स सहारा पावइ क विनती नाहीं करतेन।</verse>
				<verse number="14">अइसे लोग जवान होत ही मरि जइहीं। उ पचे भ्रस्ट लोगन क संग सर्म स मरिहीं।</verse>
				<verse number="15">मुला परमेस्सर दुखिन लोगन क बचाब। परमेस्सर लोगन क जगावइ बरे विपत्ति पठवत ह ताकि लोग ओकर सुनइँ।</verse>
				<verse number="16">“सचमुच मँ परमेस्सर तोहार दुख-मुसीबत मँ तोहार मदद करइ चाहत ह। उ तोहार बोझन क दुर करइ चाहत ह जउन तोहका कुचरत ह। उ तोहार मेजे पइ भरपूर खइया रखइ चाहत ह।</verse>
				<verse number="17">किन्तु तू दोख, निर्णय अउर निआव क बातन स भरा भवा अहा!</verse>
				<verse number="18">अय्यूब, तू आपन किरोध क परमेस्सर बरे संका क कारण जिन बना द्या। मुक्ति क बड़ा मूल्य तोहका राह स दुर भटकावइ क कारण जिन बना दया।</verse>
				<verse number="19">तू इ जान ल्या कि न तउ जब तोहार समूचा धन अउर न ही तोहार सक्ती तोहार मदद कइ सकत ह।</verse>
				<verse number="20">तू राति क अवाई क इच्छा जिन करा। जब लोग आपन ठउरन स गाइब हो जात ह।</verse>
				<verse number="21">अय्यूब बुरा करम करइ स तू होसियार रहा। तोह पइ मुसीबतन पठइ गइ अहइँ ताकि तू पापे क ग्रहण न करा।</verse>
				<verse number="22">“लखा, परमेस्सर क सक्ती ओेका महान बनावत ह। परमेस्सर सबहिं स महानतम सिच्छक अबइ।</verse>
				<verse number="23">कउनो भी मनई परमेस्सर स नाहीं कह सकत ह कि का करब। कउनो भी परमेस्सर स नाहीं कहिं सकत, ‘परमेस्सर तू बुरा किहा ह।’</verse>
				<verse number="24">परमेस्सर क कर्मन क बड़कइ करब तू जिन बिसरा। लोग गीत गाइके परमेस्सर क सबइ काम क बड़कइ किहेन ह।</verse>
				<verse number="25">परमेस्सर क करम क हर कउनो मनई लखि सकत ह। दूर देसन क लोग ओन कर्मन क लखि सकत हीं।</verse>
				<verse number="26">इ फुरइ अहइ कि परमेस्सर महान अहइ। ओकरी महिमा क हम नाहीं समुझ सकित ह। परमेस्सर क उमर क बरिसन क गनती क कउनो गन नाहीं सकत।</verse>
				<verse number="27">“परमेस्सर पानी क धरती स ऊपर उठावत ह अउर ओका बर्खा अउ कुहरा क रुप मँ बदल देत ह।</verse>
				<verse number="28">परमेस्सर बादरन स लोगन पइ भरपूर पानी बरसावत ह।</verse>
				<verse number="29">का कउनो मनइ इ ब्यान कइ सकत ह कि परमेस्सर कइसे बादरन क फैलावत ह, या ओकर घर, आकास मँ बिजुरि क गरज क समझ सकत ह</verse>
				<verse number="30">लखा, परमेस्सर कइसे आपन बिजुरि क अकासे मँ चारिहुँ कइँती बिखेरत ह अउर कइसे समुझदार क गहिरे हींसा क ढाँपि लेत ह।</verse>
				<verse number="31">परमेस्सर रास्ट्रन क नियंत्रण मँ रखइ अउर ओनका भरपूर भोजन देइ बरे बादरन क उपयोग करत ह।</verse>
				<verse number="32">परमेस्सर आपन हाथे स बिजरी क पकरि लेत ह अउर जहाँ, उ चाहत ह, हुआँ बिजुरि क गिरइ क हुकुम देत ह।</verse>
				<verse number="33">गर्जन लोगन क तूफाने क अवाइ क चिताउनी देत ह। इ गर्जन दिखावत ह कि इ दुस्टता क खिलाफ किरोध मँ अहइ।</verse>
			</chapter>
			<chapter number="37">
				<verse number="1">“हे अय्यूब, जब एँन बातन क बारे मँ मइँ सोचत हउँ, मोर हिरदइ बड़े जोर स धक धक करत ह।</verse>
				<verse number="2">हर कउनो सुनइ, परमेस्सर क वाणी बादर क गर्जन जइसी सुनाई देत ह। अनका गरजत भी ध्वनि क जउन परमेस्सर क मुँहे स आवति अहइ।</verse>
				<verse number="3">परमेस्सर आपन बिजुरी क सारे अकासे स होइके चमकइ क पठवत ह। उ सारी धरती क ऊपर चमका करत ह।</verse>
				<verse number="4">बिजुरी क कौंधइ क पाछे परमेस्सर क गर्जन भरी वाणी क सुना जाइ सकत ह। जब परमेस्सर आपन अदभुत वाणी क संग गरजत ह। तब परमेस्सर क वाणी गरजत ह तउ बिजुरी कौधत ह तब।</verse>
				<verse number="5">परमेस्सर क गरजत भइ वाणी अदभुत अहइ। उ अइसे बड़े करम करत ह, जेनका हम समुझ नाहीं पावत अही।</verse>
				<verse number="6">परमेस्सर बर्फ स हुकुम देत ह, ‘तू धरती पइ गिरा’ अउर परमेस्सर बर्खा स कहत ह ‘तू धरती पइ जोर स बरसा।’</verse>
				<verse number="7">परमेस्सर अइसा एह बरे कहत ह कि सबहिं मनई जेनका उ बनाएस ह जान लेइ कि उ का कइ सकत ह। उ ओकर प्रमाण अहइ।</verse>
				<verse number="8">पसु आपन खोहन मँ पराइ जात हीं, अउर हुआँ ठहरा रहत हीं।</verse>
				<verse number="9">ओनका कमरन स आँधी आवत हीं, अउ हवा सर्दि मौसम लियावत ह।</verse>
				<verse number="10">परमेस्सर क साँस बर्फ बनवत ह, अउर समुद्दरन क जमाइ देत ह।</verse>
				<verse number="11">परमेस्सर बादरन क जल स भरा करत ह, अउ बिजुरी क बादर क जरिये बिखेर देत ह।</verse>
				<verse number="12">परमेस्सर बादरन क चारिहुँ कइँती मोड़ देत ह ताकि उ पचे उहइ कइ सकइ जेका उ ओनका करइ क हुकुम दिहेस ह उ पचे पूरी धरती पइ छाइ जात ह।</verse>
				<verse number="13">परमेस्सर लोगन क सजा देइ बरे कबहुँ बाढ़ लिआवत ह। कबहुँ आपन सहानुभूती देखावइ बरे बादरन क पठवत ह अउर धरती पइ पानी बरसावत ह।</verse>
				<verse number="14">“अय्यूब, तू छिन बरे रुका अउ सुना। रुक जा अउ सोचा ओन अदभुत कारजन क बारे मँ जेनका परमेस्सर किया करत ह।</verse>
				<verse number="15">अय्यूब, का तू जानत अहा कि परमेस्सर बादरन पइ कइसे काबू राखत ह? का तू जानत ह कि परमेस्सर आपन बिजुरी क काहे चमकावत ह?</verse>
				<verse number="16">का तू जानत ह कि आकास मँ बादर कइसे लटका रहत हीं? इ सबइ बादरन एक ठु उदाहरण अहइँ। परमेस्सर क गियान संपूर्ण अहइ अउर इ सबइ बादर परमेस्सर क अदभुत कारज अहइँ।</verse>
				<verse number="17">मुला अय्यूब, तू इ सबइ बातन क नाहीं जानत ह। तू बस एँतना जानत अहा कि तोहका पसीना आवत ह अउर तोहार ओढ़ना तोहसे चिपका रहत हीं जब सब कछू आराम करत रहत होत ह अउर दक्खिन स गरम हवा बहत ह।</verse>
				<verse number="18">अय्यूब, का तू परमेस्सर क मदद आकास मण्डल क तानइ मँ अउर ओका झलकत भए दर्पण क नाई चमकावइ मँ कइ सकत अहा?</verse>
				<verse number="19">“अय्यूब, हमका बतावा कि हम परमेस्सर स का कहीं? हम ओसे कछू भी कहइ क सोच नाहीं पाइत काहेकि हम पर्याप्त कछू भी नाहीं जानित।</verse>
				<verse number="20">का परमेस्सर क बतावा जाइ कि मइँ ओकरे खिलाफ बोलइ चाहत हउँ। इ वइसे ही होइ जइसे आपन विनास माँगबा।</verse>
				<verse number="21">लखा, कउनो भी मनई चमकत भए सूरज क नाहीं लख सकत ह। जब हवा बादरन क उड़ाइ देत ह ओकरे पाछे उ बहोतइ उज्जवर अउ चमचमात भवा होत ह।</verse>
				<verse number="22">अउ परमेस्सर भी ओकरे समान अबइ। परमेस्सर क सुनहरी महिमा चमकत ह। परमेस्सर अदभुत महिमा क संग उत्तर कइँती स आवत ह।</verse>
				<verse number="23">सर्वसक्तीमान परमेस्सर सचमुच महान अहइ, हम परमेस्सर क नाहीं जान सकित। परमेस्सर सदा ही लोगन क संग निआउ, अउ निस्पच्छ होइके बेउहार करत ह। उ कउनो लोग क संग ना इनसाफी क संग पीड़ा नाहीं देत ह।</verse>
				<verse number="24">एह बरे लोग परमेस्सर क आदर करत हीं, मुला परमेस्सर ओन अभिमानी लोगन क आदर नाहीं देत ह जउन खुद क बुध्दिमान समुझत हीं।”</verse>
			</chapter>
			<chapter number="38">
				<verse number="1">फिन यहोवा बौडंर मँ स अय्यूब क जवाब दिहस। परमेस्सर कहेस।</verse>
				<verse number="2">“इ कउन मनई अहइ जउन मूर्खता स भरी भइ बातन करत अहइ?”</verse>
				<verse number="3">अय्यूब, तू मनई क तरह सुदृढ़ बना। जउन सवाल मइँ पूछउँ ओकर जवाब देइ क तइयार होइ जा।</verse>
				<verse number="4">“अय्यूब, बतावा तू कहाँ रह्या, जब मइँ भुइँया क रचना किहे रहेउँ? अगर तू एँतना समुझदार अहा तउ मोका जवाब दया।</verse>
				<verse number="5">अय्यूब, अगर तू एँतना हाज़िर जवाब अहा तउ मोका बता कि इ संसारे क विस्तार कउन तय किहेस? कउन इ संसार क नापइ वाला सूत स नापेस?</verse>
				<verse number="6">इ धरती क नींव काहे पइ धरी गइ अहइ? कउन धरती क नींव क रुप मँ सवन त जियादा महत्व क पाथर क धरेस ह</verse>
				<verse number="7">जब परमेस्सर अइसा करत रहेन तउ भोर क तारन एक संग खुस होइके गाना गाएन। अउर सरगदूतन खुस होअके चिल्ला उठेन।</verse>
				<verse number="8">“अय्यूब, जब सागर धरती क गरम स फूट बहत निकरा, तउ कउन ओका रोकइ बरे दुआर क बँद किहे रहा।</verse>
				<verse number="9">उ समइ मइँ बादरन स समुददर क ढाँपि दिहेउँ अउ अंधियारा मँ सागर क लपेट दिहे रहेउँ (जइसे गदेला क चादर मँ लपेटा जात ह।)</verse>
				<verse number="10">सागर क चउहद्दी मइँ निहचित किहे रहेउँ अउर ओहमाँ ताला डाइके दुआरन क पाछे रख दिहे रहेउँ।</verse>
				<verse number="11">मइँ समुददरे स कहेउँ, ‘तू हिआँ तलक आइ सकत ह मुला अउर जियादा आगो नाहीं। तोहार घमण्डी लहरन हिआँ पइ रुकि जइहीं।’</verse>
				<verse number="12">“अय्यूब, का तू कबहुँ आपन जिन्नगी मँ भोर क हुकुम दिहा ह निकरि आवइ अउर दिन क सुरु करइ क?</verse>
				<verse number="13">अय्यूब, का तू कबहुँ भिन्सारे क प्रकास क धरती पइ छाइ जाइ क कह्या ह अउर का कबहुँ ओहसे दुस्टन क लुकाइ क जगहिया क तजि देइ क मजबूर करइ क कह्या ह?</verse>
				<verse number="14">जब भिंसारे क प्रकास धरती पइ पड़त ह तउ धरती क रूप व आकृति अइसा प्रगट होत ह जइसे नरम मिट्टी क मुहर स दबाइ स होत ह। एकर रूप रेखा ओढ़नन क सलवटन क नाईं उभरत ह।</verse>
				<verse number="15">दुस्ठ लोगन स प्रकास लइ लीन्ह गवा ह। नीक अउर ओन बाजूअन क जउन कि उ पचे बुरा करम करइ बरे उठाएस तोड़ दीन्ह ग रहेन।</verse>
				<verse number="16">“अय्यूब, बतावा का तू कबहुँ सागर क गहिर तहे मँ गवा अहा जहाँ स सुरु होत हका तू कबहुँ सागर क स्त्रितों पइ चला अहा?</verse>
				<verse number="17">अय्यूब, का तू कबहुँ उ फाटकन क लख्या ह, जउन मउते क लोक लइ जात हीं? का तू कबहुँ ओन फाटकन क लख्या जउन मउत क अँधियार जगह क लइ जात हीं?</verse>
				<verse number="18">अय्यूब, तू जानत अही कि इ धरती केतँनी बड़ी अहइ? तू मोका बतावा अउर तू इ सब कछु जानत अहा।</verse>
				<verse number="19">“अय्यूब, प्रकास कहाँ स आवत अहइ? अउर अँधियारा कहा स आवत ह?</verse>
				<verse number="20">अय्यूब, का तू प्रकास अउ अँधियारा क अइसी जगह लइ जाइ सकत ह जहाँ स उ सबइ आए होइँ? जहाँ उ सबइ रहत हीं हुआँ पइ जाइ क मारग का तू जानत अहा?</verse>
				<verse number="21">अय्यूब, मोका निहचय अहइ कि तोहका सारी बातन मालूम अइँ काहेकि तू बहोत ही बूढ़ा अहा। जब वस्तुअन क रचना भइ रही तब तू हुआँ रह्या।</verse>
				<verse number="22">“अय्यूब, का तू कबहुँ ओन भण्डार क कोठरियन मँ गना अहा जहाँ मइँ बरफ अउ ओलन क धरा करत हउँ?</verse>
				<verse number="23">मइँ बरफ अउ ओलन क विपत्ति क समइ मँ अउ जुद्ध अउर लड़ाई क समइ मँ उपयोग करइ बरे बचाए राखत हउँ।</verse>
				<verse number="24">अय्यूब, का तू कबहुँ अइसी जगह गवा अहा, जहाँ स सूरज उगत ह अउ जहाँ स पुरवइया सारी धरती पइ छाइ जाइ बरे आवत ह</verse>
				<verse number="25">अय्यूब, भारी बर्खा बरे अकास मँ कउन नहर खोदेस ह, अउर कउन गरजनवाले बिजली क रस्ता बनाएस ह</verse>
				<verse number="26">अय्यूब, कउन हुआँ भी पानी बरसाएस, जहाँ कउनो भी नाहीं रहत ह</verse>
				<verse number="27">उ बर्खा उ खानी भुइँया क खूब देर क पानी देत ह अउ घास जामब सुरु होइ जात ह।</verse>
				<verse number="28">अय्यूब, का बर्खा क कउनो बाप अहइ? ओस क बूँदन क कउन बनावत अहइ?</verse>
				<verse number="29">अय्यूब, बरफ क महतारी कउन अहइ? आकास क पाला क कउन पइदा करत ह?</verse>
				<verse number="30">पानी जमिके चट्टान जइसा कठोर बन जात ह, अउर सागर क ऊपर क सतह जम जावा करत ह।</verse>
				<verse number="31">“अय्यूब, सप्तर्षि तारन क का तू बाँध सकत ह? का तू मिरगसरा का बन्धन खोल सकत ह?</verse>
				<verse number="32">अय्यूब, का तू तारा समूहन (कहकसाँ) क ठीक वेला पइ निकार सकत ह? का तू भालू क ओकरे बच्चन क संग अगुअइ कइ सकत ह?</verse>
				<verse number="33">का तू ओन नेमन क जानत ह, जउन नभ पइ सासन करत हीं? का तू ओन नेमन क धरती पइ लागू कइ सकत ह?</verse>
				<verse number="34">“अय्यूब, का तू गोहराइके बादरन क आदेस दइ सकत ह, कि उ पचे भारी बर्खा क साथ घेरि लेइँ।</verse>
				<verse number="35">अय्यूब बतावा, का तू बिजुरी क जहाँ चाहत्या पठइ सकत अहा? अउर का तोहरे निअरे आइके बिजुरी कही अय्यूब, ‘हम हिआँ अही बतावा तू का चाहत ह?’</verse>
				<verse number="36">“मनई क मन मँ विवेक क कउन राखत ह? लोगन क चिजियन क समझइ बरे छमता कउन देत ह?</verse>
				<verse number="37">अय्यूब कउन आपन बुद्धि स बादरन क गनेस ह? कउन आकास क पानी क चाम थेले क उंडेल सकत ह?</verse>
				<verse number="38">बर्खा धूरि क कीचंड़ बनाइ देत ह अउर माटी क लौदा आपुस मँ चिपक जात हीं।</verse>
				<verse number="39">“अय्यूब, का तू सिंह क आहार पाइ सकत ह? का तू मुखान सेरनी क बच्चन क पेट भरि सकत ह?</verse>
				<verse number="40">उ सबइ सेर आपन खोहन मँ पड़ा रहत हीं अउर सिकार बरे झाड़ी मँ दुबक क घात लगनवइ बरे बइठा रहत हीं।</verse>
				<verse number="41">अय्यूब, कउआ क कबेला चारा पाए बगइर एहर ओहर भटकत भए परमेस्सर क दुहाइ देत हीं। कउन ओनका चारा देत ह?</verse>
			</chapter>
			<chapter number="39">
				<verse number="1">“अय्यूब का तू जानत अहा कि कब पहाड़ी बोकरियन बियात हीं? का तू कबहुँ लख्या जब हिरणी बियात ह</verse>
				<verse number="2">अय्यूब, का तू जानत ह पहाड़ी बोकरियन अउ महतारी हरिणियन केतँने महीने आपन बच्चन क गर्भ मँ राखत हीं? का तोहका पता अहइ कि ओनकर बियाइ क उचित समइ का अहइ?</verse>
				<verse number="3">का तू जानत ह क उ पचे बच्चा क जनम दइ बरे कब झुकत ह। का तू जानत ह कि उ पचे आपन बच्चन क कब जनम देत ह।</verse>
				<verse number="4">पहाड़ी बोकरियन अउर हरिणि महतारी क बच्चन खेतन मँ हट्टा कट्टा होइ जात हीं। फुन उ पचे आपन महतारी क तजि देत हीं, अउर फुन लउटिके वापस नाहीं अउतेन।</verse>
				<verse number="5">“अय्यूब, जंगली गदहन क कउन अजाद छोड़ देत ह? कउन ओनकर रस्सन क खोलेस अउर ओनका बन्धन स अजाद किहेस?</verse>
				<verse number="6">इ मइँ परमेस्सर हउँ जउन बनेर गदहा क घर क रुप मँ रेगिस्तान दिहेउँ। मइँ ओनका रहइ बरे उजाड़ धरती दिहेउँ।</verse>
				<verse number="7">बनेर गदहा सोर स भरा भवा सहरन क लगे नाहीं जात ह अउर कउनो भी मनई ओका काम करवावइ बरे नाहीं साधत ह।</verse>
				<verse number="8">बनेर गदहन पहाड़न मँ घूमत हीं अउर उ पचे हुअँइ घास चरत रहत हीं। उ पचे हुअँइ पर हरिअर घास चरइ क हेरत रहत हीं।</verse>
				<verse number="9">“अय्यूब, बतावा, का कउनो जंगली साँड़ तोहरी सेवा बरे राजी होइ? का उ तोहरे चरही मँ राति क रुकी?</verse>
				<verse number="10">अय्यूब, का तू जंगली बर्धा पइ जुआ रख पइ आपन खेत जोतँवाइ सकत ह? का घाटी क तोहरे वास्ते जोतँइ बरे उ पचन पइ जुआ रखइ जाब्या?</verse>
				<verse number="11">जंगली साँड़ बहोत मजबूत होत ह। मुला का तू आपन काम करइ बरे ओन पइ भरोसा कइ सकत ह?</verse>
				<verse number="12">का तू ओह पइ भरोसा कइ सकत ह कि उ तोहार अनाज बटोरइ अउर ओका दाँवइ मँड़ाइ क खरिहाने मँ लिआवइ।</verse>
				<verse number="13">“सुतुरमुर्ग जब खुस होत ह उ आपन पंख फड़फड़ावत ह। मुला ओकर पंख सारस क पंख जइसे नाहीं होतेन।</verse>
				<verse number="14">मादा सुतुरमुर्ग धरती पइ अण्डा देत ह। सबइ अण्डा रेत मँ गरम होइ जात ह।</verse>
				<verse number="15">मुला सुतुरमुर्ग बिसरि जात ह कि कउनो ओकरे अण्डन पइ चलिके कुचर सकत ह, या कउनो बनेर पसु ओनका तोड़ सकत ह।</verse>
				<verse number="16">मादा सुतुरमुर्ग आपन नान्ह बच्चन पइ कठोर होइ जात ह जइसे उ पचे ओकर बच्चन नाहीं अहइँ। अगर ओकर बच्चन मरि भी जाइँ तउ भी ओका चिन्ता नाहीं होतह, अउर ओकर सब काम अकारथ होत ह।</verse>
				<verse number="17">परमेस्सर सुतुरमुर्ग क विवेक नाहिं दिहेस, अउर उ ओका कउनो समझदारी नाहीं दिहस ह।</verse>
				<verse number="18">मुला जब सुतुरमुर्ग दउड़इ क उठत ह तब ध्धोड़न अउ ओकरे सवार पइ हँसत ह।</verse>
				<verse number="19">“अय्यूब, बतावा का तू ध्धोड़न क बल दिहा अउर का तू ही ओकर गटई पइ फहरती अयाल जमाया ह?</verse>
				<verse number="20">अय्यूब, बतावा जइसे टिड्डी कूद जात ह तू वइसे धोड़ा क कुदाया ह घोड़ा ऊँची अवाजे मँ हिनहिनात ह अउर लोग डेराइ जात हीं।</verse>
				<verse number="21">घोड़ा घुस अहइ कि उ बहोत बलवान बाटइ अउर आपन खुरे स धरती क खतन रहत ह। जुदध मँ जात भवा घोड़ा तेज दौड़ जात ह।</verse>
				<verse number="22">घोडा डरे क हँसी उड़ावत ह काहेकि उ कबहुँ नाहीं डेरात। घोड़ा कबहुँ भी जुदध स मुँह नाही मोड़त ह।</verse>
				<verse number="23">घोड़ा क बगल मँ तरकस थिरकत रहत हीं। घोड़सवारन क भलन अउ हथियार धूपे मँ चमचामत रहत हीं।</verse>
				<verse number="24">घोड़ा बहोत उत्तेजित अहइ, मैदान पइ उ तेज चाल स दउड़त ह। घोड़ा जब बिगुल क आवाज सुनत ह तब उ सान्त खड़ा नाहीं रहि सकत।</verse>
				<verse number="25">बिगुल क ध्वनी पइ घोड़ा हिन ‘हिनावत’ ह। उ बहोत ही दूर स जुद्ध क सूँघ लेत ह। उ सेना क सनापती क आदेस अउर जुध्या क हाहाकार अउ जयजयकार क सुन लेत ह।</verse>
				<verse number="26">“अय्यूब, का तू बाज क सिखाया आपन पखनन क फइलाउब अउर दक्खिन कइँती उड़ि जाब।</verse>
				<verse number="27">अय्यूब का तू उकाब क उड़इ क अउर ऊँच पहाड़न मँ आपन झोंझ बनावइ क आग्या देत ह।</verse>
				<verse number="28">उकाब चट्टाने पइ रहा करत ह। ओकर किला चट्टान होत ह।</verse>
				<verse number="29">उकाब किला स आपन सिकार पइ निगाह राखत ह। उ बहोत दूर स आपन सिकार क लखि लेत ह।</verse>
				<verse number="30">गिद्ध क बच्चन लहु चाटा करत हीं। जहाँ भी ल्हासन पड़ा होत हीं हुवाँ गिद्ध बटुर जात हीं।”</verse>
			</chapter>
			<chapter number="40">
				<verse number="1">यहोवा अय्यूब स कहत ह:</verse>
				<verse number="2">“अय्यूब तू सर्वसक्तीमान परमेस्सर स तर्क किहा। तू मोर निन्दा किहस। अब तोहका जवाब दइ चाही।”</verse>
				<verse number="3">एह पइ अय्यूब कहइ बरे देत भए परमेस्सर स कहेस:</verse>
				<verse number="4">“मइँ तउ कछू कहइ बरे बहोत ही तुच्छ हुउँ। मइँ तोहसे का कहि सकत हउँ? मइँ आपन हाथ आपन मुँहे पइ रख लेब।</verse>
				<verse number="5">मइँ एक दाई कहेउँ मुला अब मइँ जवाब नाहीं देबउँ। फुन मइँ दुबारा कहेउँ मुला अब अउर कछू नाहीं बोलब।”</verse>
				<verse number="6">एकरे पाछे यहोवा आँधी मँ बोलत भए अय्यूब स कहेस।</verse>
				<verse number="7">“अय्यूब, तू मनई क तरह तइयार होइ ज। मइँ तोहसे कछू सवाल पूँछब अउर तू ओन सवालन क जवाब मोका देब्य़ा।</verse>
				<verse number="8">“अय्यूब का तू सोचत अहा कि मइँ निआउ स पूरा नाहीं हउँ। का तू मोका बुरा काम करइ क दोखी मानत अहा ताकि तू इ देखाँइ सका कि तू उचित अहा?</verse>
				<verse number="9">अय्यूब, बतावा का मोर सस्त्र एँतना सक्तीसाली अहइँ जेतँना कि मोर (परमेस्सर) सस्त्र अहइ!? का तू आपन वाणी क ओतँना ऊँच गरजिके बोल सकत ह जेतँना मोर वाणी अहइ!?</verse>
				<verse number="10">अगर तू वइसा कइ सकत ह तउ तू खुद क आदर अउर महिमा द्या अउ ओढ़ना क तरह वफादारी क सान क ओढ़ ल्या।</verse>
				<verse number="11">अय्यूब, अगर तू मोरे समान अहा, तउ अभिमानी लोगन स घिना करा। अय्यूब तू ओन अंहकारी लोगन पइ आपन किरोध बरसावा अउ तू ओनका विनम्र बनाइ दया।</verse>
				<verse number="12">हाँ, अय्यूब, ओन अंहकारी लोगन क लखा अउर तू ओनका विनम्र बनाइ दया। ओन दुस्टन क तू कुचर दया जहाँ भी उ पचे खड़ा होइँ।</verse>
				<verse number="13">तू सबहिं घमण्डियन क माटी मँ गाड़ दया अउर ओनकइ देहन पइ कफन लपेटिके तू कब्रन मँ धइ दया।</verse>
				<verse number="14">अय्यूब, अगर तू एँन सबइ बातन क कइ सकत ह तउ मइँ तहार परसंसा करब काहेकि तू खुद क बचाइ सकत ह।</verse>
				<verse number="15">“अय्यूब, लखा मइँ उ बहमोथ (जलगजे) क पैदा किहेउँ। अउर उ मइँ ही ह जउऩ तोहका बनाएउँ ह। उ बहमोथ उहइ तरह घास खात ह, जइसे गइया घास खात ह।</verse>
				<verse number="16">बहमोथ क बदन मँ बहोत ताकत होत ह। ओकरे पेटे क माँसपेसियन बहोत ताकतवर होत हीं।</verse>
				<verse number="17">बहमोथ क पूँछ मजबूत अइसी होत ह जइसे देवदार क बृच्छ खड़ा रहत ह। ओकरे गोड़े क माँसपेसियन बहोत मजबूत होत हीं।</verse>
				<verse number="18">बहमोथ क हाड़न काँसा क तरह मजबूत होत हीं, अउर गोड़ ओकरे लोहे क ढूड़न जइसे।</verse>
				<verse number="19">बहमोथ महानतम पसु अहइ जेका मइँ बनाएउँ ह। हिआँ तलक कि ओकर सिरजनहार भी ओका लगे तरवार लइ क जात ह।</verse>
				<verse number="20">बहमोथ ओन घासे क खात ह जउन पहाड़े पइ उपजात ह जहाँ बनेर पसु खेलत हीं।</verse>
				<verse number="21">बहमोथ कमल क पउधन क नीचे सोवत रहत ह अउ कीचंड़ मँ सरकणडन क आड़ मँ छूपा रहत ह।</verse>
				<verse number="22">कमल क पउधन बहमोथ क आपन छाया मँ छिपावत हीं। उ बेंत क पेड़न क खाले रहत ह, जउन नदी क निचके उगत हीं।</verse>
				<verse number="23">अगर नदी मँ बाढ़ आइ जाइ तउ भी जलगज परात नाहीं ह। अगइ यरदन नदी भी ओकरे मुँहे पइ थपड़ियावइ तउ भी उ डेरात नाहीं ह।</verse>
				<verse number="24">बहमोथ क कउनो भी हुक लगाइ क नाहीं पकड़ सकत ह। कउनो भी ओका जाली मँ नाहीं फँसाइ सकत।</verse>
			</chapter>
			<chapter number="41">
				<verse number="1">“अय्यूब बतावा, का तू लिब्यातान क कउनो मछरी क काँटा स धइ सकत ह का तू एकर जिभ क रसी स बंध सकत ह?</verse>
				<verse number="2">अय्यूब, का तू लिव्यातान क नाक मँ नकेल डाइ सकत हया ओकरे जबड़न मँ काँटा फँसाइ सकत ह</verse>
				<verse number="3">अय्यूब, का तू लिव्यातान क अजाद होइके बरे तोहसे बिनती करी? का उ तोहसे मीठी मीठी बातन करीं?</verse>
				<verse number="4">अय्यूब, का तू लिब्यातान तोहसे सन्धि करी अउर सदा तोहरी सेवा क तोहका वचन देइ?</verse>
				<verse number="5">अय्यूब, का तू लिब्यातान क वइसे ही खेलब्या जइसे तू कउनो चिड़िया स खेलत ह का तू ओका रस्सा स बँधब्या जेहसे तोहार दासियन ओहसे खेल सकइँ।</verse>
				<verse number="6">अय्यूब, का तू मछुआरा लिब्यातान क तोहसे बेसहइ क कोसिस करिहीं? का उ पचे ओका कटिहीं अउर ओनका बइपारियन क हाथे बेचि सकहीं?</verse>
				<verse number="7">अय्यूब, का तू लिब्यातान क खाल मँ अउर माथे पइ भाला फेंक हमला कइ सकत ह?</verse>
				<verse number="8">“अय्यूब, लिब्यातान पइ अगर तू हाथ डावा तउ जउन भयंकर जुदध होइ, तू कबहुँ भी बिसाहि नाहीं पउब्या अउर फुन तू ओहसे कबहुँ जुद्ध न करब्या।</verse>
				<verse number="9">अउर अगर तू सोचत ह कि तू लिब्यातान क पकड़ सकत ह, तउ इ बात क तू भूल जा। काहेकि ओका पकड़इ बरे कउनो आसा नाहीं अहइ। तू तो बस ओका लखइ भर सही डेराइ जाब्या।</verse>
				<verse number="10">कउनो भी एतना वीर नाहीं अहइ, जउन लिब्यातान क जगाइके भड़कावइ। “तउ फुन अय्यूब बतावा, मोरे विरोध मँ कउन टिक सकत ह!</verse>
				<verse number="11">कउनो भी मनई जउन कि मोहे स मुकाबला करह उ सुउच्छित नाहीं रब्या। सारे अकासे क खाले जउन कछू भी अहइ, उ सब कछू मोर ही अहइ।</verse>
				<verse number="12">“अय्यूब मइँ तोहका लिब्यातान क सक्ती क बारे मँ बताउब। मइँ ओकर सक्ती अउर रुप क सोभा क बारे मँ बताउब।</verse>
				<verse number="13">कउनो भी मनई ओकर बाहरी आवरण (खाल) क भेद नाहीं सकत। ओकर खाल दोहरी कवच क नाई अहइ।</verse>
				<verse number="14">लिव्यातान क कउनो भी मनई मुँह खोलइ बरे मजबूर नाहीं कइ सकत ह। ओकरे भी जबडे क दाँत सबहिं क भयभीत करत हीं।</verse>
				<verse number="15">लिव्यातान क पिठिया पइ ढालन क कतार होत हीं, जउन आपुस मँ जुड़ी होत हीं।</verse>
				<verse number="16">इ सबइ ढालन आपुस मँ एँतनी सटी होत हीं कि हवा तलक ओहमाँ प्रवेस नाहीं कइ पावत ह।</verse>
				<verse number="17">इ सबइ ढालन एक दूसर स जुड़ी होत हीं। उ सबइ मजबूती स एक दूसरे स जुड़ी भई अहइ कि कउऩो भी ओनका उखाड़िके अलग नाहीं कइ सकत।</verse>
				<verse number="18">लिव्यातान जब छींकत ह तउ अइसा लागत ह जइसे बिजली सी कौधं गइ होइ। आँखी ओकर अइसी चमकत हीं जइसे कउनो तेज प्रकास होइ।</verse>
				<verse number="19">ओकरे मुँहना स बरत भइ मसान निकरत हीं, अउर ओहसे आगी क चिनगारियन बिखत हीं।</verse>
				<verse number="20">लिब्यातान क नथुनन स धुआँ अइसा नकरत ह, जइसे उबलत भइ हाँड़ी स भाप निकलत होइ।</verse>
				<verse number="21">लिब्यातान क फूँक स कोयला सुलग उठत हीं अउर ओकरे मुँहे स लपक निकरत हीं।</verse>
				<verse number="22">लिब्यातान क गटई बड़ी जबरदस्त अहइ, अउर लोग ओसे उरिके दूर पराइ जात हीं।</verse>
				<verse number="23">ओकरे खाल मँ कहीं भी कोमल जगह नाहीं अहइ। उ लोहा क तरह कठोर अहइ।</verse>
				<verse number="24">लिब्यातान क हिरदइ चट्टान क तरह होत ह। ओकर हिरदइ चक्की क नीचे क पाट क तरह सख्त अहइ।</verse>
				<verse number="25">लिब्यातान स सरगदूत भी डर जात हीं। लिब्यातान जब पूँछ फटकारत ह, तउ ओन सबइ भाग जात हीं।</verse>
				<verse number="26">लिब्यातार पइ जइसे ही भालन, तीर अउ तरवार पड़त हीं उ सबइ उछरिके दूर होइ जात ह।</verse>
				<verse number="27">लोहा क मोटी छड़न क उ तिनका जइसा अउर काँसा क सड़ी लकड़ी क तरह तोड़ देत ह।</verse>
				<verse number="28">बाण लिब्यातान क नाहीं भगाइ पावत हीं। ओह पइ पाथर फेंकना, एक सुखा तिन्का फेंकन क नाई अहइ।</verse>
				<verse number="29">लिब्यातान पइ जब मुगदर पड़त ह तउ ओका अइसा लागत ह माना उ कउनो बिनका होइ। जब लोग ओह पइ भालन फेंकत हीं, तब उ हँसा करत ह।</verse>
				<verse number="30">विब्यातान क पेट क नीचे सिरा टूटा भए मट्टी क बासन क नाई तेज अहइ। जब उ चलत ह तउ कीचड़ मँ अइसा निसान छोड़त ह माना कि खेतन मँ हेगा लगावा गवा होइ।</verse>
				<verse number="31">लिब्यातान पानी क अइसे मथत ह, माना कउनो हाड़न उबलत होइँ। उ अइसे बुलबुले बनावत ह माना बासन मँ खउलत भवा तेल होइ।</verse>
				<verse number="32">लिब्यातान जब सागर मँ तैरत ह तउ आपन पीछे उ सफेद झागन जइसी राह छोड़त ह, जइसे कउनो उज्जर बारे क सफेद बिसाल पूँछ होइ।</verse>
				<verse number="33">लिब्यातान सा कउनो अउर जन्तु धरती पइ नाहीं अहइ। उ अइसा पसु अहइ जेका निडर बनावा गवा।</verse>
				<verse number="34">उ हर एक घमण्डी जानेबर क ऊपर नजर रखत ह सबहिं जंगली पसुअन क उ राजा अहइ।”</verse>
			</chapter>
			<chapter number="42">
				<verse number="1">एँह पइ अय्यूब यहोवा क जवाब दे भए कहेस।</verse>
				<verse number="2">“यहोवा, मइँ जानत हउँ कि तू सब कछू कइ सकत अहा। तू सबइ जोजना बनाइ सकत अहा अउर तोहर सबइ जोजना क कउनो भी नाहीं बदल सकत अउर न ही एका रोका जाइ सकत ह।</verse>
				<verse number="3">यहोवा, तू इ सवाल पूछ्‌या कि ‘इ अबोध मनई कउन अहइ? जउन इ सबइ मूर्खता स भरी बातन कहत अहइ?’ यहोवा, मइँ ओन चीजन क बारे मँ बातन किहेउँ जेनका मइँ समझत नाहीं रहेउँ। यहोवा, मइँ ओन चीजन क बारे मँ बातन किहेउँ जउन मोरे समुझ पावइ बरे बहोत अचरज भरी रहिन।</verse>
				<verse number="4">“यहोवा, तू मोस् कहया, ‘हे अय्यूब सुना अउर मइँ बोलब। मइँ तोहसे सवाल पूँछब अउर तू मोका जवाब देब्या।’</verse>
				<verse number="5">यहोवा, बीते भए काल मँ मइँ तोहरे बारे मँ सुने रहेउँ मुला खुद आपन आँखिन स मइँ तोहका देखि लिहेउँ ह।</verse>
				<verse number="6">एह बरे अब मइँ खुद आपन बरे लज्जात हउँ। मइँ आपन जिन्नगी क राह बदलइ क इच्छा दिखावइ बरे धूर अउर राखी मँ बैठा करत हउँ।”</verse>
				<verse number="7">यहोवा जब अय्यूब स आपन बात कइ चुका तउ यहोवा तेमान क निवासी एलीपज स कहेस: “मइँ तोहसे अउर तोहरे दुइनउ दोस्तन स कोहान हउँ काहेकि तू मोरे बारे मँ उचित बातन नाहीं कहे रहया। मुला अय्यूब मोरे बारे मँ उचित बात कहे रहा। अय्यूब मोर दास अहइ।</verse>
				<verse number="8">एह बरे अब एलीपज तू सात बर्धा अउऱ सात ठु भेडिंन लइके मोर दास अय्यूब क लगे जा अउर आपन बरे होमबलि क रुप मँ ओनकर भेंट चढ़ावा। मोर सेवक अय्यूब तोहरे बरे परथना करी। तब निहचइ ही मइँ ओकरी परथना क जवाब देहउँ। फुन मइँ तोहका वइसी सजा नाहीं देब जइसे सजा दीन्ह जाइ चाही रही काहेकि तू बहोतइ मूरख रहया। मोरे बारे मँ उचित बातन नाहीं किह्या जबकि मोरे सेवक अय्यूब मोरे बारे मँ उचित बातन कहे रहा।”</verse>
				<verse number="9">तउ तेमान क निवासी एलीपज, सूह क निवासी बिल्दद अउर नामात क निवासी सोपर यहोवा क आग्या क मानेस एँह पइ यहोवा अय्यूब क पराथना सुन लिहस।</verse>
				<verse number="10">इ तरह जब अय्यूब आपन मीतन बरे परथना कइ चुका तउ यहोवा अय्यूब क फुन स कामयाब किहेस। परमेस्सर जेतना ओकरे लगे पहिले रहा, ओहसे भी दुगुना ओका दइ दिहस।</verse>
				<verse number="11">अय्यूब क सबहिं भाई अउ बहिनियन अय्यूब क घर वापस आइ गएन अउर कउनो जउन अय्यूब क पहिले जानत रहा, ओकरे घरे आवा। अय्यूब क संग उ सबइ एक बड़की दावत मँ खाना खाएन। काहेकि यहोवा अय्यूब क बहोत कस्ट दिहे रहा, एह बरे उ पचे अय्यूब क दिलासा दिहेन। ओन मँ स हर कउनो अय्यूब क सोने क सिक्का अउर सोना क कान क बाली भेटं मँ दिहस।</verse>
				<verse number="12">यहोवा अय्यूब क जिन्नगी क पहिले हींसा स भी जियादा ओकरी जिन्नगी क पिछला हींसा क आपन आसीरर्वाद दिहस। अय्यूब क लगे चौदह हजार भेड़, छ: हजार ऊँट, दो हजार बैल जउर एक हजार गदहिन होइ गइन।</verse>
				<verse number="13">अय्यूब क सात पूत अउ तीन बिटियन भी होइ गइन।</verse>
				<verse number="14">अय्यूब आपन सब स बड़की बिटिया क नाउँ राखेस यामीना। दुसर की बिटिया क नाउँ धेरस कसीआ। अउर तीसरी क नाउँ राखेस केरेन्हप्पूक।</verse>
				<verse number="15">सारे प्रदेस मँ अय्यूब क बिटियन सब स सुन्नर मेहररुअन रहिन। अय्यूब आपन पूतन क साथ आपन दौलत क एक हींसा आपन बिटियन क भी वसीयत मँ दिहस।</verse>
				<verse number="16">एकरे पाछे अय्यूब एक सौ चालीस साल तलक अउर जिअउ रहा। उ आपन बच्चन, आपन पोतन, आपन परपोतन अउर परपोतन क भी संतानन यानी चार पीढ़ियन क लखइ बरे जिअत रहा।</verse>
				<verse number="17">जब अय्यूब क मउत भइ, उ समइ उ बहोत बुढ़ान रहा। ओका बहोत नीक अउर लम्बी जिन्नगी प्राप्त भइ रही।</verse>
			</chapter>
		</book>
		<book number="19">
			<chapter number="1">
				<verse number="1">उ मनई सचमुच धन्य होइ जउन दुस्टन क सलाह न मानी, अउर पापियन क संग सामिल नाहीं होत ह अउर ओनकर संग नाहीं रहत ह जउन परमेस्सर क बरे सम्मान नाहीं दिखावत ह।</verse>
				<verse number="2">उ नीक मनई अहइ जउन यहोवा क उपदेसन स पिरेम राखत ह। उ तउ दिन रात ओन उपदेसन क मनन करत ह।</verse>
				<verse number="3">एहसे उ मनई उ बृच्छ जइसा मजबूत बनत ह जेका सिंचाई क नहर क किनारे रोपा गवा ह। उ उ बृच्छ क नाई बाटइ, जउन छेत्र मँ फल देत ह अउ जेकर पत्ता कबहुँ नाहीं मुरझातेन। उ जउन भी करत ह सफल ही होत ह।</verse>
				<verse number="4">मुला टुस्ट मनई अइसे नाहीं होतेन। दुस्ट मनई उ भूसा क नाई होत हीं जेनका हवा क झोकां उड़ाइ लइ जात ह।</verse>
				<verse number="5">एह बरे दुस्ट मनई निआव क मुकाबला नाहीं कइ पइहीं। सज्जन लोगन क सभा मँ उ पचे दोखी ठहरावा जइहीं अउर ओन पापी लोगन क बख्सा न जाइ।</verse>
				<verse number="6">एकर कारण इ बाटइ कि यहोवा सज्जन लोगन क अगुवाइ करत ह, मुला दुर्जन लोग खो जाइहीं।</verse>
			</chapter>
			<chapter number="2">
				<verse number="1">दूसरे देसन क मनइयन काहे ऍतना हुल्लड़ मचावत हीं अउर रोवत ह? अउर काहे बियर्थ सड्यन्त्र रचत हीं?</verse>
				<verse number="2">अइसे देसन क राजा अउर नेता यहोवा अउर ओकरे चुने भएन राजा क खिलाफ होइ बरे आपुस मँ एकजुट होइ जात हीं।</verse>
				<verse number="3">उ सबइ नेता लोग कहेन, “आवा परमेस्सर स अउ उ राजा स जेका उ चुनेस ह, हम पचे एकजुट होइ क विद्रोह करी। आवा ओकरे बन्धनन क हम उतारिके फेंकि देइ।”</verse>
				<verse number="4">मुला मोर सुआमी, सरग क राजा, ओन लोगन प हँसत ह।</verse>
				<verse number="5">परमेस्सर कोहान ह अउर उ ओनसे कहत ह, “मइँ इ मनई क राजा बनवइ बरे चुनेउँ ह। उ मोर पवित्तर पहाड़ सिय्योन पइ राज्ज करी अउर इहइ ओन नेता लोगन क डेरावत ह।”</verse>
				<verse number="6"></verse>
				<verse number="7">अब मइँ यहोवा क फ़रमान क बारे मँ तोहका बतावत हउँ। यहोवा मोसे कहे रहा, “आजु मइँ तोहार बाप बनत हउँ अउर तू आजु मोर पूत बन गवा ह।</verse>
				<verse number="8">अगर तू मोसे मँगब्या, तउ इ सबइ देसन क मइँ तोहका दइ देबउँ अउ इ धरती क सबहिं जन तोहार होइ जइहीं।</verse>
				<verse number="9">तोहरे लगे ओनका बर्बाद करइ क वइसे ही सक्ती होइ जइसे कउनो माटी क भाँड़ी क कउनो लोहे क डण्डा स चूर चूर कइ देइ।”</verse>
				<verse number="10">एह बरे, हे राजा लोगो, तू पचे बुद्धिमान बना। हे सासक लोगो, तू पचे इ पाठे क सीख ल्या।</verse>
				<verse number="11">तू पचे बहोतइ भय स यहोवा क आग्या माना।</verse>
				<verse number="12">खुद क ओकर क पूत क बिस्सासपात्र देखाँवा। वरना उ कोहाइ जाइ अउर तू पचन्क नास कइ देइ। असल मँ उ पहिले ही काफी कोहाइ चुका भवा ह। मुला जउन परमेस्सर पइ निर्भर करत अहइँ धन्य होब।</verse>
			</chapter>
			<chapter number="3">
				<verse number="1">हे यहोवा, मोरे केतॅना ही केतॅना दुस्मन अहइँ, केतॅना लोग मोरे खिलाफ ठाड़ होइ ग अहइँ।</verse>
				<verse number="2">केतॅना ही लोगन मोर खिलाफ सड्यंत्र रचेन, उ कहत हीं, “परमेस्सर ऍकर रच्छा नाहीं करी।”</verse>
				<verse number="3">मुला यहोवा, तू मोर ढाल अहा। जउन मोर सम्मान बा उ तू ही अहा। हे यहोवा, तू ही मोर मूँड़ ऊँच करत अहा।</verse>
				<verse number="4">मइँ यहोवा क ऊँची अवाजे मँ पुकारबउँ। उ आपन पवित्तर पर्वते स मोका जवाब देइ।</verse>
				<verse number="5">मइँ आराम करइ बरे ओलर सकत हउँ। मइँ जानत हउँ कि मइँ जाग जाबेउँ, काहेकि यहोवा मोका बचावत अउर मोर रच्छा करत ह।</verse>
				<verse number="6">चाहे हज़ारन सैनिक मोका घेर लेइहीं मुला ओन दुस्मनन स नाहीं डेराब।</verse>
				<verse number="7">हे यहोवा, उठा! मोरे परमेस्सर मोका बचावा। तू बहोत सक्तीसाली अहा। अगर तू मोरे दुस्मनन क मुँहना पइ प्रहार करा, तउ ओनकइ सबहिं दाँतन टूटि जाइहीं।</verse>
				<verse number="8">यहोवा आपन लोगन क रच्छा कइ सकत ह। हे यहोवा, तोहरे मनइयन पइ तोहार आसीस रहइ।</verse>
			</chapter>
			<chapter number="4">
				<verse number="1">मोर उत्तिम परमेस्सर, जब भी मइँ तोहका गोहरावउँ तू मोका जवाब दिह्या। मोर बिनती क सुना अउर मोहे पइ कृपा करा। जब कबहुँ बिपत्तियन मोका घेरेस तू मोका बचाएस।</verse>
				<verse number="2">अरे लोगो, कब तलक तू पचे मोरे बारे मँ बुरे सब्द कहब्या? तू लोग मोरे बारे मँ कहइ बरे नवा झूठ हेरत रहत अहा। ओन झूठन क कहइ स तू लोग पिरेम रखत ह।</verse>
				<verse number="3">तू पचे जानत अहा कि आपन नेक लोगन क यहोवा सुनत ह। जब भी मइँ यहोवा क पुकारत हउँ, उ मोर पुकार क सुनत ह।</verse>
				<verse number="4">जब भी तोहका कउनो बात क परेसानी होइ, तउ होइ सकत क तोहका किरोध आ जाइ, मुला पाप जिन कर्या। जब तू आपन बिछउना पइ जा, ओन बातन पइ बिचार करा अउ सांत होइ जा।</verse>
				<verse number="5">ठीक तरह बलि क अर्पण करा अउ यहोवा पइ भरोसा रखा।</verse>
				<verse number="6">बहोत स लोग कहत हीं, “परमेस्सर क नेकी हम पचन्क क कउन देखाँइ? हे यहोवा, आपन प्रकास स चमकत मुँहना क प्रकास हम पचन पइ चमकावा।”</verse>
				<verse number="7">हे यहोवा, तू मोका बहोत खुस बनाइ दिहा। कटनी क समइ भरपूर फसल अउ दाखरस पाइके जब हम पचे आनन्द अउ खुसी मनाइत ह ओसे भी कहूँ जियादा खुस अब मइँ अहउँ।</verse>
				<verse number="8">मइँ बिछउना पइ ओलरत हउँ अउर सान्ति स सोवत हउँ। काहेकि यहोवा, तू ही मोका सुरच्छित कइके सोवइ बरे ओलारत ह।</verse>
			</chapter>
			<chapter number="5">
				<verse number="1">हे यहोवा, मोरे सब्द क सुना अउर तू ओकर सुध ल्या जेका तोका कहइ क मइँ जतन करत हउँ।</verse>
				<verse number="2">हे मोरे राजा, मोर परमेस्सर मोर दुहाइ पइ धियान द्या, काहेकि मइँ तोहसे ही पराथना करत हउँ।</verse>
				<verse number="3">हे यहोवा, हर भिंसारे तोहका, मइँ आपन भेंटन क अर्पण करत हउँ। तू ही मोर सहायक अहा। मोर निगाह तोहे पइ लागि अहइ अउर तू ही मोर पराथना हर भिंसारे सुनत अहा।</verse>
				<verse number="4">तू अइसा परमेस्सर नाहीं जउन झूठे देवतन क नाईं दुट्ठता क चाहत ह। बद लोग तोहरे चारिहुँ कइँती नाहीं रहइ सकतेन!</verse>
				<verse number="5">सेखी हाँकइ वाला लोग तोहार समन्वा नाहीं रुक सकतेन जउन दुस्टता करत ह तू ओनसे नफरत करत ह।</verse>
				<verse number="6">जउन झूठ बोलत हीं ओनका तू नस्ट करत ह। यहोवा अइसेन मनइयन स घिना करत ह, जउन दूसर लोगन क नोस्कान पहुँचावइ क सड़यन्त्र रचत रहत हीं।</verse>
				<verse number="7">मुला हे यहोवा, तोहरी अपार करुणा स मइँ तोहरे मन्दिर मँ आउब। हे यहोवा, मोका तोहार डर अहइ मइँ सम्मान तोहका देत अहउँ। एह बरे मइँ तोहरे पवित्तर मन्दिर कइँती निहुरिके तोहार पइलगी करब।</verse>
				<verse number="8">हे यहोवा, तू मोका आपन नेकी क राह देखाँवा। तू आपन राह क मोरे समन्वा सोझ करा काहेकि मइँ दुस्मनन स घिरा भवा अहउँ।</verse>
				<verse number="9">उ सबइ लोग फुरइ नाहीं बोलतेन। उ सबइ लबार अहइँ, जउन फुरइ क तोड़त मरोड़त रहत हीं। ओनकर मुँह खुली कब्र क नाई अहइँ। उ सबइ अउरन स उत्तिम चिकनी-चुपरी बातन करत उ पचे ओनका बस जालि मँ फँसावा चाहत हीं।</verse>
				<verse number="10">हे परमेस्सर, ओनका सजा द्या। ओनकर आपन ही जालन मँ ओनका अरझइ द्या। इ सबइ लोग तोहरे खिलाफ होइ ग अहइँ, ओनका ओनकर आपन ही बहोत स पापन क सजा द्या।</verse>
				<verse number="11">मुला जउन परमेस्सर मँ आस्था धरत रहत हीं, उ सबइ प्रसन्न होइँ अउ उ सबइ सदा सदा ही आनन्दित रहइँ। हे परमेस्सर, तू ओनकर रच्छा करा अउर ओनका सक्ती द्या जउन लोग तोहरे नाउँ स पिरेम राखत हीं।</verse>
				<verse number="12">हे यहोवा, तू निहचय ही धर्मी क आसिस देत ह। आपन कृपा स तू ओन पचन्क एक ठु बड़की ढ़ाल बनिके फुन ढक लेत ह।</verse>
			</chapter>
			<chapter number="6">
				<verse number="1">हे यहोवा, जब तू किरोध मँ होब्या तउ मोका सज़ा मत द्या। मोका मत सुधारा जब तू बहोत कोहाइ भवा ह्वा।</verse>
				<verse number="2">हे यहोवा, मोहे प दाया करा। मइँ रोगी अउ दुर्बल अहउँ। मोरे बेरामियन क हर ल्या। मोर हाड़ काँपत हीं।</verse>
				<verse number="3">मोर समूचा देह थर-थर काँपत ह। हे यहोवा, मोर भारी दुःख तू कब तलक रखब्या।</verse>
				<verse number="4">हे यहोवा, मोका फुन स बलवान करा। तू महा दयावान अहा, मोर रच्छा करा।</verse>
				<verse number="5">मरे भए लोग तोका आपन कब्रन मँ याद नाहीं करतेन। मउत क देस मँ उ पचे तोहार स्तुति नाहीं करतेन। एह बरे मोका बचावा।</verse>
				<verse number="6">हे यहोवा, सारी रात मइँ तोहका पुकारत रहत हउँ। मोर बिछउना मोरे आँसुअन स भीज गवा ह। मोरे बिछउना स आँसू टपकत रहत हीं। तोहरे बरे मइँ रोवत भवा छीन होइ गवा हउँ।</verse>
				<verse number="7">मोर दुस्मनन मोका बहुतेरा दुःख दिहन। इ मोका सोक मँ डाइके अउर बहोत दुःखी कइ डाएन अउर अब मोर अँखियन बिलखइ स थकी भइ हारी अउर दुर्बल अहइँ।</verse>
				<verse number="8">अरे ओ दुर्जन लोगो, तू मोसे दूर हटा। काहेकि यहोवा मोका रोवत भवा सुनि लिहस ह।</verse>
				<verse number="9">मोर बिनती यहोवा क काने तलक पहोंच चुकी बाटइ अउर मोरी पराथना क सुनिके यहोवा जवाब दइ दिहस ह।</verse>
				<verse number="10">मोर सबहिं दुस्मनन डर जाईं अउ निरास होइहीं। कछू अचानक ही घटित होइ अउर उ फुन स अपमानित कीन्ह जाइहीं।</verse>
			</chapter>
			<chapter number="7">
				<verse number="1">हे मोर यहोवा परमेस्सर, मोका तोहे प भरोसा बा ओन मनइयन स तू मोर रच्छा कर, जउन मोरे पाछे पड़ा अहइँ। मोका तू बचाइ ल्या।</verse>
				<verse number="2">अगर तू मोका नाहीं बचउत्या तउ मोर दसा उ निरीह गोरू क नाई होइ, जेका कउनो सेर धइ दबोच लेत ह। उ मोका घेर्राइके लइ जाइ कउनो भी मनई मोका नाहीं बचाइ पाइ।</verse>
				<verse number="3">हे मोर यहोवा परमेस्सर, कउनो पाप करइ क मइँ दोखी नाहीं हउँ मइँ तउ कउनो भी पाप नाहीं किहेउँ।</verse>
				<verse number="4">मइँ आपन मीतन क संग बुरा नाहीं किहेउँ अउर आपन मीत क दुस्मनन क भी मइँ मदद नाहीं किहेउँ।</verse>
				<verse number="5">मुला एक दुस्मन मोका पाछे खदेरत बाटइ उ मोर हत्या करइ-चाहत ह। उ दुस्मन चाहत ह कि मोर जिन्नगी क धरती पइ रउँद डावइ अउर मोर आतिमा क धूरि मँ मिलाइ देइ।</verse>
				<verse number="6">यहोवा उठा, अउर आपन किरोध मोर दुस्मन क बिरुद्ध परगट करा। मोरे बरे निआव करा जेकर माँग तू हमेसा करत रहा ह।</verse>
				<verse number="7">हे यहोवा, मनइयन क निआउ करा। आपन चारिहुँ कइँती क रास्ट्र क बटोरा अउ मनइयन क निआव करा।</verse>
				<verse number="8">हे यहोवा, आपन निआव क कुर्सी पइ बइठा। आपन निअरे क देसन क इकट्ठा करा अउर ओनका निआव करा यहोवा मइँ निर्दोख अहउँ, मोका निआव द्या जेका मइँ हकदार अहउँ।</verse>
				<verse number="9">दुर्जन क दण्ड द्या अउर सज्जन क मदद करा। हे परमेस्सर, तू उत्तिम अहा। तू अन्तर्जामी अहा। तू तउ मनइयन क हिरदइ मँ निहारि सकत अहा।</verse>
				<verse number="10">जेनकर मन सच्चा अहइँ, परमेस्सर ओन मनइयन क मदद करत ह। एह बरे उ मोर भी मदद करी।</verse>
				<verse number="11">परमेस्सर उत्तिम निआवकर्ता अहइ। उ कबहुँ भी आपन किरोध परगट कइ देइ।</verse>
				<verse number="12">परमेस्सर जब कउनो निर्णय लइ लेत ह, तउ फिन आपन मन नाहीं फेरत।</verse>
				<verse number="13">ओहमाँ मनइयन क सजा देइ क छमता बाटइ। उ मउत क सब सामान साथे रखे बाटइ।</verse>
				<verse number="14">कछू अइसे लोग होत हीं जउन हमेसा कुकर्मन क जोजना बनावत रहत हीं। अइसेन ही लोग गुप्त सड्यन्त्र रचत रहत हीं। अउर झूठ बोलत रहत हीं।</verse>
				<verse number="15">उ पचे दूसर लोगन क जालि मँ फाँसइ अउर नोस्कान पहुँचावइ क जतन करत रहत हीं। मुला आपने ही जालि मँ फँसिके उ पचे नोस्कान उठइहीं।</verse>
				<verse number="16">उ पचे आपन ही कर्मे क उचित सजा पइहीं। उ पचे दूसर लोगन क संग क्रूर रहेन। मुला जइसे ओनका चाही वइसेन ही फल पइहीं।</verse>
				<verse number="17">मइँ यहोवा क जस गावत हउँ, काहेकि उ उत्तिम अहइ। मइँ यहोवा क सबन त ऊँच नाउँ क बड़कइ करत हउँ।</verse>
			</chapter>
			<chapter number="8">
				<verse number="1">हे यहोवा, हमार सुआमी, तोहार नाउँ सारी भुइँया पइ बहोतइ अद्भुत बाटइ। तोहार नाउँ सरगे मँ हर कइँती तोहका बड़कइ देत बाटइ।</verse>
				<verse number="2">लरिकन अउ नान्ह गदेलन क मुँहन स, तोहरी बड़कइ क गीत गावा जात हीं। तू आपन दुस्मनन क चुप करावइ मँ अइसा करत ह।</verse>
				<verse number="3">हे यहोवा, जब मोर निगाह अकासे पइ पड़त ह, जेका तू आपन हाथे स रच्या ह। अउर जब मइँ चाँद तारन क लखत हउँ जउन तोहार रचना बाटइ, तउ मइँ अचम्भा स भरि जात हउँ।</verse>
				<verse number="4">मनइयन तोहरे बरे काहे ऍतना महत्वपूर्ण होइ गएन? तू ओनका काहे बरे सुमिरत अहा? मनई क पूत तोहरे बरे काहे महत्वपूर्ण बाटइ? काहे तू ओन पइ धियान तलक देत अहा?</verse>
				<verse number="5">मुला तोहरे बरे मनई महत्वपूर्ण अहइ! तू मनई क देवता क प्रतिरूप बनाया ह, अउ ओनके मूँड़े पइ महिमा अउ सम्मान क मुकुट धरे अहा।</verse>
				<verse number="6">तू आपन सृस्टि क जउन कछू भी रच्या ह मनइयन क ओकर हकदार बनाया ह।</verse>
				<verse number="7">मनई भेड़िन पइ, गोरू धने पइ अउ जंगल क सबहिं हिंसक जन्तुअन पइ राज्ज करत ह।</verse>
				<verse number="8">उ अकासे मँ पंछियन पइ अउ समुद्दर मँ तैरत भए जलचरन पइ राज्ज करत ह।</verse>
				<verse number="9">हे यहोवा, हमार सुआमी, सारी धरती पइ तोहार नाउँ बहोतइ अद्भुत अहइ।</verse>
			</chapter>
			<chapter number="9">
				<verse number="1">मइँ आपन सम्पूर्ण मन स यहोवा क स्तुति करत हउँ। हे यहोवा, तू जउन अद्भुत कर्म किहे अहा मइँ ओन सबन्क वर्णन करबउँ।</verse>
				<verse number="2">तू ही मोका ऍतना आनन्द मँ रहइवाला बनाया ह। हे परम परमेस्सर, मइँ तोहरे नाउँ क बड़कई क गीत गावत हउँ।</verse>
				<verse number="3">जब मोर दुस्मन मोसे पलटिके मोरे खिलाफ होत हीं, तब परमेस्सर ओनकर पतन करत ह अउ उ पचे बिलाइ जात हीं।</verse>
				<verse number="4">तू सच्च निआव करवइया अहा। तू आपन सिंहासन पइ निआव करवइया क रूप मँ बिराजा। तू मोरे मुकदमा क सुनवाई किह्या अउर मोर निआव किहा।</verse>
				<verse number="5">हे यहोवा, तू ओन दुस्मनन क कठोर झिड़की दिहा अउ हे यहोवा, तू ओन दुस्टन क नास किहा। ओनकइ नाउँ तू जिअत मनइयन क सूची स हमेसा हमेसा बरे मेट दिहा।</verse>
				<verse number="6">दुस्मन नस्ट होइ गवा ह! हे यहोवा, तू ओनकर नगर मेट दिहा ह। ओनकर भवन अब सिरिफ खण्डहर होइ गवा अहइँ ओन बुरे मनइयन क हम पचन्क सुमरन तलक दिआवइ क कछू भी नाहीं बचा बाटइ।</verse>
				<verse number="7">मुला यहोवा, तोहार सासन अविनासी अहइ। यहोवा आपन राज्ज क सक्तीसाली बनाएस। उ दुनिया मँ निआव लिआवइ बरे इ किहस।</verse>
				<verse number="8">यहोवा धरती क सबहिं मनइयन क निस्पच्छ होइके निआव करत ह। यहोवा सबहिं जातियन क बे पच्छपात क निआव करत ह।</verse>
				<verse number="9">यहोवा दलित अउ सोसितन क सरण क ठउर अहइ। विपत्ति क समइ उ एक सुदृढ़ किला अहइ।</verse>
				<verse number="10">जउन तोहे पइ भरोसा राखत हीं, तोहार नाउँ जानत हीं। हे यहोवा, अगर कउनो तोहरे दुआरे पइ आइ जाइ तउ बिना मदद पाए लउटत नाहीं।</verse>
				<verse number="11">अरे ओ सिय्योन क निवासी लोगो यहोवा क गीत गावा जउन सिय्योन मँ विराजत अहइ। सबहिं जातियन क ओन बातन क विसय मँ बतावा जउन बड़की बातन यहोवा कहेस ह।</verse>
				<verse number="12">यहोवा हत्यारन क सज़ा देत ह अउर ओनका याद रखत ह जउन ओकरे लगे मदद बरे जात ह। उ दीन लोगन क नाहीं भूलत जउन ओकरे लगे सहायता बरे रोवत अहइँ।</verse>
				<verse number="13">यहोवा क स्तुति मइँ गाएउँ ह: “हे यहोवा, मोहे पइ दाया करा। लखा, कउने तरह मोरे सत्रु मोका दुःख देत हीं। ‘मउत क दुआर’ स तू मोका बचाइ ल्या।</verse>
				<verse number="14">जेहसे यहोवा यरूसलेम क फाटक पइ मइँ तोहार स्तुति क गीत गाइ सकउँ। मइँ बहोतइ प्रसन्न होब काहेकि तू मोका बचाइ लिहा।”</verse>
				<verse number="15">दूसर जातियन गड़हा खोदेन जेहसे लोग ओनमाँ भहराइ जाइँ मुला उ पचे आपन ही खने भए गड़हन मँ खुद बिलाइ जइहीं। दुट्ठ लोग जालि छुपाइ छुपाइके बिछाएन, जेहसे उ पचे ओहमाँ दूसर लोगन क फाँसि लेइँ। मुला ओनमाँ ओनकर ही गोड़ धँसि गएन।</verse>
				<verse number="16">यहोवा जउन निआव किहस उ ओहसे पहिचाना गवा कि जउन बुरा करम करत हीं। उ पचे आपन ही हाथन स कीन्ह भए करम स जाँलि मँ फँस गएन। (हिग्गायोन, सेला)</verse>
				<verse number="17">उ पचे दुर्जन होत हीं, जउन परमेस्सर क बिसरत हीं। अइसे लोग मउत क देस जइहीं।</verse>
				<verse number="18">कबहुँ कबहुँ लागत ह जइसे परमेस्सर दुखियन क पीरा मँ बिसरि जात ह। इ अइसा लागत ह जइसे दीन लोग बिना आसा क अहइँ। मुला परमेस्सर दीन लोगन क हमेसा हमेसा बरे कबहुँ नाहीं बिसरत।</verse>
				<verse number="19">हे यहोवा, उठा अउ रास्ट्रन क निआव करा। कहूँ उ पचे इ सोच न बइठइँ उ पचे प्रबल अउ सक्तीसाली बाटेन।</verse>
				<verse number="20">मनइयन क पाठ सिखाइ द्या, जेहसे उ पचे जान जाइँ कि उ पचे बस सिरिफ मनई अहइँ।</verse>
			</chapter>
			<chapter number="10">
				<verse number="1">हे यहोवा, तू ऍतना दूर काहे खड़ा रहत ह? कि संकट मँ पड़ा लोग तोहका निहारि नाहीं पउतेन।</verse>
				<verse number="2">अहंकारी दुट्ठ जन दुर्बल क दुःख देत हीं। उ पचे आपन सड़यन्त्र क रचत रहत हीं।</verse>
				<verse number="3">दुट्ठ जन ओन चिजियन पइ घमण्ड करत हीं, जेनकर ओनका गहरी इच्छा अहइ अउ लालची मनई परमेस्सर क कोसत रहत हीं। इ तरह दुट्ठ देखाँवत हीं कि उ पचे यहोवा स घिना करत रहत हीं।</verse>
				<verse number="4">दुट्ठ लोग ऍतना घमण्डी होत हीं कि उ पचे परमेस्सर क पाछे नाहीं चल सकतेन। उ पचे खराब खराब जोजना रचत हीं। उ पचे अइसा करम करत हीं, जइसे परमेस्सर क कउनो अस्तित्व ही न बाटइ।</verse>
				<verse number="5">दुट्ठ जन सदा कुटिल करम करत हीं। उ पचे परमेस्सर क विवेक स पूरी व्यवस्था अउ सिच्छन पइ धियान नाहीं देतेन। हे परमेस्सर, तोहार सबहिं दुस्मन तोहरे उपदेसन क उपेच्छा करत हीं।</verse>
				<verse number="6">उ पचे सोचत हीं, जइसेन कउनो बुरी बात ओनके संग नाहीं घटि जाइ। उ पचे कहत रहत हीं, “हम पचे मउज मँ रहब अउ कबहुँ भी दण्डित नाहीं होब।”</verse>
				<verse number="7">अइसेन दुट्ठ क मुँह सदा साप देत रहत ह। उ पचे दूसर जन क निन्दा करत हीं अउर काम मँ लिआवइ क सदा ही बुरी बुरी जोजना रचत रहत हीं।</verse>
				<verse number="8">अइसे लोग गुप्त ठउरन मँ लुकान रहत हीं, अउर लोगन क फँसावइ क प्रतीच्छा करत हीं। उ पचे लोगन क नस्कान पहुँचावइ खातिर लुकान रहत हीं अउ निरपराधी लोगन क हत्या करत हीं।</verse>
				<verse number="9">दुट्ठ जन सिंह क नाई होत हीं जउन ओन गोरूअन क धरइ क घात मँ रहत हीं। जेनका उ पचे खाइ जइहीं। दुट्ठ जन दीन लोगन पइ मार करत हीं ओनकर बनाए भए जालि मँ बेसहारा दीन फँसि जात हीं।</verse>
				<verse number="10">दुट्ठ जन बार-बार दीनन पइ घात करत अउ ओनका दुःख देत ह।</verse>
				<verse number="11">एह बरे दीन जन सोचइ लागत हीं, “परमेस्सर हमका बिसराइ ही दिहस। हमसे तउ परमेस्सर सदा-सदा बरे दूर होइ गवा बाटइ। उन कछू भी मोरे संग घटत अहइ, ओहसे परमेस्सर दृस्टि फेरि लिहस ह!”</verse>
				<verse number="12">हे यहोवा, उठा अउर कछू तउ करा! हे परमेस्सर, ओन दुट्ठ जनन क आपन हाथ उठाइके सजा द्या! अउर ऍन दीन दुःखियन क जिन बिसरा।</verse>
				<verse number="13">दुट्ठ जन काहे परमेस्सर क खिलाफ होत हीं? काहेकि उ पचे सोचत हीं कि परमेस्सर ओनका कबहुँ नाहीं दण्डित करी।</verse>
				<verse number="14">हे यहोवा, तू ही अहइ जउन बुरे लोगन दुआरा कीन्ह भावा अत्याचार अउर बुरे कामन क कउनो स भी जियादा लखत ह। तू एकर बारे मँ कछू कदम उठा। दुःखन स घिरा लोग मदद माँगइ तोहरे लगे आवत हीं। हे यहोवा, सिरिफ तू ही अनाथ लोगन क सहायक अहा, एह बरे ओनकर रच्छा करा।</verse>
				<verse number="15">हे यहोवा, दुट्ठ जनन क तू नस्ट कइ द्या।</verse>
				<verse number="16">तू ओनका आपन धरती स ढकेलिके बाहेर करा!</verse>
				<verse number="17">हे यहोवा, दीन दुःखी लोग जउन चाहत हीं उ तू सुनि लिहा। ओनकर पराथना सुना अउर ओनका पूरा करा जेनका उ पचे माँगत हीं।</verse>
				<verse number="18">हे यहोवा, अनाथ गदेलन क तू रच्छा करा। दुःखी लोगन क अउर जियादा दुःख जिन पावइ द्या। दुट्ठ लोगन क तू ऍतना भयभीत कइ द्या कि उ पचे हिआँ न टिक पावइँ।</verse>
			</chapter>
			<chapter number="11">
				<verse number="1">मइँ यहोवा पइ भरोसा करत हउँ! फुन तू मोसे काहे कहत ह कि मइँ पराइके कहूँ जाउँ। तू कहत अहा मोसे कि, “पंछी क नाई आपन पहाड़े पइ उड़ि जा!”</verse>
				<verse number="2">दुट्ठ जन ओन सिकारी क समान अहइँ। उ पचे अँधियारे मँ लुकात हीं। उ पचे धनुस क डोरी क पाछे हींचत हीं। उ पचे आपन बाणन क साधत हीं अउर उ पचे नीक, नेक मनइयन क हिरदइ मँ सोझइ बाण छोड़त हीं।</verse>
				<verse number="3">धर्मी का कइ सकहीं जब समाज क नींव ही तबाह कइ दीन्ह जाइ?</verse>
				<verse number="4">यहोवा आपन विसाल पवित्तर मन्दिर मँ विराजा बाटइ। यहोवा सरगे मँ आपन सिंहासने पइ बइठत ह। यहोवा सब कछू लखत ह, जउन भी होनी होत ह। यहोवा क आँखिन लोगन क सज्जनाई व दुर्जनाई क परखइ मँ लाग रहत हीं।</verse>
				<verse number="5">यहोवा धर्मी अउ दुट्‌ठ लोगन क परख करत ह, अउर उ ओन लोगन स घिना करत ह जउन हिंसा स प्रीति धरत हीं।</verse>
				<verse number="6">उ गरम कोयलन अउ बरत भइ गन्धक क बरखा क तरह ओन बुरे लोगन पइ गिराई। ओन बुरे लोगन क हींसा मँ बस झुरसत भइ हवा बही।</verse>
				<verse number="7">मुला यहोवा, तू धर्मी अहा। तोहका अच्छे जन भावत हीं। अच्छे मनई यहोवा क संग रइहीं अउर ओकरे मुँहना क दर्सन पइहीं।</verse>
			</chapter>
			<chapter number="12">
				<verse number="1">हे यहोवा, मोका बचावा, काहेकि सबहिं वफ़ादार अउ दयालु जन चला गवा अहइँ। लोग वफ़ादारी क अरथ भूलि गवा बाटइ।</verse>
				<verse number="2">लोग आपन साथी संगियन स झूठ बोलत हीं। हर कउनो आपन पड़ोसियन क झूठ बोलिके चापलूसी करत रहत हीं।</verse>
				<verse number="3">यहोवा ओन ओंठन क सी देइ जउन झूठ बोलत हीं। यहोवा, ओन जिभियन क काट जउन आपन ही बारे मँ डींग हाँकत हीं।</verse>
				<verse number="4">अइसे जन सोचत हीं, “हमार झूठ हमका बड़का मनई बनइहीं। कउनो भी मनई हमरी जीभ क कारण हमका जीत नाहीं पाई।”</verse>
				<verse number="5">मुला यहोवा कहत ह: “बुरे मनइयन दीन दुर्बलन स चिजियन चुराइ लिहन ह। उ पचे असहाय दीन जनन स ओनकर चिजियन लइ लिहन ह। मुला अब मइँ ओन हारे थके लोगन क रच्छा ठाड़ होइके करब।”</verse>
				<verse number="6">यहोवा क वचन फुरइ अहइँ अउर ऍतना सुद्ध जइसे आगी मँ टेघराइ भइ सफेद चाँदी। उ सबइ वचन उ चाँदी क तरह सुद्ध अहइँ, जेका टेघराइ टेघराइ के सात दाई सुद्ध बनावा गवा अहइँ।</verse>
				<verse number="7">हे यहोवा, बेसहारा जन क सुधि ल्या। ओनकइ रच्छा अब अउर सदा सर्वदा करा।</verse>
				<verse number="8">सबइ दुर्जन अकड़त हीं अउ बना ठना घूमत हीं। मुला उ पचे अइसेन होत हीं जइसे कउनो नकली आभूसण धारन करत ह। जउन लखइ मँ कीमती लागत हीं, मुला असलियत मँ बहोतइ सस्ता होत हीं।</verse>
			</chapter>
			<chapter number="13">
				<verse number="1">हे यहोवा, तू कब तलक मोका बिसरा रहब्या? कब तलक तू मोका अंगीकार नाहीं करब्या?</verse>
				<verse number="2">तू मोका बिसरि गया इ कब तलक मइँ सोचउँ? आपन हिरदइ मँ कब तलक इ दुःख भोगउँ? कब तलक मोर दुस्मन मोका जीतत रइहीं?</verse>
				<verse number="3">हे यहोवा, मोर परमेस्सर, मोर सुनि ल्या! अउर तू मोरे सवाल क जवाब द्या, मोका जवाब द्या नाहीं तउ मइँ मरि जाबउँ।</verse>
				<verse number="4">साइद मोर सत्रु अइसेन ही कहइ लागेन, “मइँ ओका पीट दिहउँ।” मोर दुस्मन खुस होइहीं कि मोर अंत होइ गवा बाटइ।</verse>
				<verse number="5">हे यहोवा, मइँ तोहरी करुणा पइ मदद पावइ बरे भरोसा राखेउँ। तू मोका बचाइ लिहा अउर मोका सुखी किहा।</verse>
				<verse number="6">मइँ यहोवा बरे खुसी क गीत गावत हउँ, काहेकि उ मोरे बरे बहोत सी अच्छी बातन किहस ह।</verse>
			</chapter>
			<chapter number="14">
				<verse number="1">मूरख आपन मने मँ कहत बाटइँ, “परमेस्सर नाहीं अहइ।” मूरख लोग तउ अइसे कारज करत हीं जउन भ्रस्ट अउ घिन स भरा होत हीं। ओनमाँ स कउनो भी भला काम नाहीं करत ह।</verse>
				<verse number="2">यहोवा अकासे स मनइयन क लखत ह, कि कउनो बुद्धिमान मनई ओका मिलि जाइ। बुद्धिमान मनई परमेस्सर कइँती मदद पावइ बरे मुड़ि जात ह।</verse>
				<verse number="3">मुला परमेस्सर स मुड़िके सबहिं दूर होइ ग अहइँ। आपुस मँ मिलिके सबहिं लोग पापी होइ ग अहइँ। कउनो भी मनई नीक काम नाहीं करत अहइ।</verse>
				<verse number="4">मोरे मनइयन क दुष्ट लोग नस्ट कइ दिहन। उ सबइ दुर्जन परमेस्सर क नाहीं जनतेन। दुस्टन क लगे खाइ बरे भरपूर भोजन बाटइ। इ सबइ लोग यहोवा क उपासना तलक भी नाहीं करतेन।</verse>
				<verse number="5">इ सबइ दुस्ट मनई निर्धन क राय सुनइ नाहीं चाहतेन। अइसा काहे अहइ? काहेकि दीन लोग तउ परमेस्सर पइ निर्भर अहइँ। मुला दुट्ठ लोगन पइ भय छाइ गवा अहइ। काहेकि परमेस्सर खरे लोगन क संग अहइ।</verse>
				<verse number="6"></verse>
				<verse number="7">सिय्योन पइ कउन जउन इस्राएल क बचावत ह? उ तउ यहोवा अहइ, जउन इस्राएल क रच्छा करत ह! यहोवा क मनइयन क दूर लइ गवा जवा अउर ओनका दबाव डाइके बन्दी बनावा गवा। मुला यहोवा आपन मनइयन क वापिस छुड़ाइ लिआइ। तब याकूब बहोतइ खुस होइ।</verse>
			</chapter>
			<chapter number="15">
				<verse number="1">हे यहोवा, तोहरे तम्बू मँ कउन समइ बिताई सकत ह? कउन व्यक्ति तोहरे पवित्तर पर्वते पइ रहि सकत ह?</verse>
				<verse number="2">सिरिफ उहइ मनई जउन खरी जिन्नगी जिअत ह, अउर जउन उत्तिम करमन क करत ह, अउर जउन हिरदइ स फुरइ बोलत ह। उहइ तोहरे पर्वते पइ रह सकत ह।</verse>
				<verse number="3">अइसा मनई अउरन क बारे मँ कबहुँ बुरा नाहीं बोलत ह। उ आपन घराने क बुराई नाहीं करत ह।</verse>
				<verse number="4">उ ओन मनइयन क इज्जत नाहीं करत जउन परमेस्सर स घिना राखत हीं। अउर उ ओन सबहिं क सम्मान करत ह, जउन यहोवा क सेवक अहइँ। अइसा मनई अगर कउनो वचन देत ह तउ उ उ वचन क पूरा भी करत ह, जउन उ दिहे रहा।</verse>
				<verse number="5">उ मनई अगर कउनो क धन उधार देत ह तउ ओह पइ ब्याज नाहीं लेत। उ मनई कउनो निरपराध मनई क नस्कान पहोंचावइ बरे घूस नाहीं लेत। अगर कउनो मनई उ खरा मनई क तरह जिन्नगी जिअत ह तउ उ मनई कबहुँ भी ठोकर नाहीं खाइहीं।</verse>
			</chapter>
			<chapter number="16">
				<verse number="1">हे परमेस्सर, मोर रच्छा करा, काहेकि मइँ तोहे पइ निर्भर अहउँ।</verse>
				<verse number="2">मोर यहोवा स निवेदन अहइ, “यहोवा, तू मोर सुआमी अहा। मोरे लगे जउन कछू उत्तिम अहइ उ सबइ तोहसे ही अहइ।”</verse>
				<verse number="3">यहोवा आपन लोगन क धरती पइ अद्भूत काम करत ह। यहोवा इ देखाँवत ह कि उ फुरइ ओनसे पिरेम करत ह।</verse>
				<verse number="4">मुला जउन दूसर देवतन क पाछे ओनकर पूजा बरे परात हीं, उ पचे दुःख उठइहीं। ओन मूरतियन क जउन रकत अर्पण कीन्ह गवा, ओनकर ओन बलियन मँ मइँ हीसां नाहीं लेब। मइँ ओन मूरतियन क नाउँ तलक नाहीं लेब।</verse>
				<verse number="5">नाहीं, बस मोर हींसा यहोवा मँ अहइ। बस यहोवा स ही मोर अंस अउर मोर पात्र आवत ह। हे यहोवा मोका सहारा द्या अउर मोर हींसा द्या।</verse>
				<verse number="6">मोर हींसा बहोतइ अद्भुत अहइ। असल मँ मोरे लगे बहोत स सुन्नर उत्तराधिकार अहइ।</verse>
				<verse number="7">मइँ यहोवा क गुण गावत हउँ काहेकि उ मोका गियान दिहस। मोरे अन्तर्मन स राति मँ सिच्छन निकरिके आवत हीं।</verse>
				<verse number="8">मइँ यहोवा क सदा ही आपन सम्मुख राखत हउँ। मइँ ओकर दाहिने छोर कबहुँ नाहीं छोड़ब।</verse>
				<verse number="9">इहइ स मोर मन अउर मोर आतिमा बहोतइ आनन्दित होइ अउर मोरी देह तलक सुरच्छित रही।</verse>
				<verse number="10">काहेकि, यहोवा, तू मोर प्राण कबहुँ भी मउत क जगह मँ न तजी। तू आपन वफ़दार क कब्र मँ सड़इ नाहीं देब्या।</verse>
				<verse number="11">तू मोका जिन्नगी क राह देखउब्या जउन मोका तोहार मौजूदगी मँ पूरा आनन्द देत ह। तोहार दाहिन कइँती होब मोका सदा सदा ही आनन्द देइ।</verse>
			</chapter>
			<chapter number="17">
				<verse number="1">हे यहोवा, मोरी पराथना निआव क खातिर सुना। मइँ तोहका ऊँच अवाज स गोहरावत अहउँ। मइँ आपन बात ईमानदारी स कहत हउँ। तउ कृपा कइके मोर पराथना सुना।</verse>
				<verse number="2">यहोवा तू ही मोर उचित निआव करब्या तू ही फुरइ क लख सकत अहा।</verse>
				<verse number="3">मोर मन परखइ क तू ओकरे बीच गहिराई मँ निहारि लिहा ह। तू मोरे संग राति भइ रहा तू मोका जाँचा, अउ तोका मोहे मँ कउनो खोट नाहीं मिला। मइँ कउनो बुरी जोजना नाहीं रचेउँ रहे।</verse>
				<verse number="4">तोहरे आदेसन क मानइ मँ मइँ कठिन जतन किहेउँ जेतॅना कि कउनो मनई कइ सकत ह।</verse>
				<verse number="5">मइँ तोहरी राहे पइ चलत रहत हउँ। मोर गोड़ तोहरे जिन्नगी क रीति स नाहीं डुगेन।</verse>
				<verse number="6">हे परमेस्सर, मइँ हर कउनो अवसर पइ तोहका पुकारेउँ ह अउर तू मोका जवाब दिहा ह। तउ अब भी तू मोर सुना।</verse>
				<verse number="7">हे परमेस्सर, तू आपन विस्सासी चेलन क दिखावा कि तू केतॅना अजूबा अहा! तू ओन लोगन क बचाया जउन ओन लोगन पइ हमला करत ह जउन ओन बचइ बरे तोहार सक्ती पइ निर्भर करत ह।</verse>
				<verse number="8">मोर रच्छा तू आपन आँखी क पुतली क नाईं करा। मोका आपन पखना क छाया क खाले तू छुपाइ ल्या।</verse>
				<verse number="9">हे यहोवा, मोर रच्छा ओन दुट्ठ जनन स करा जउन मोका नस्ट करइ क जतन करत अहइँ। उ सबइ मोका घेरे अहइँ अउ मोका हानि पहोंचावइ क प्रयत्नसील अहइँ।</verse>
				<verse number="10">दुट्ठ लोग घमण्ड क कारण परमेस्सर क बात पइ कान नाहीं लगावत अहइँ। इ सबइ आपन ही डींग हाँकत रहत हीं।</verse>
				<verse number="11">उ सबइ लोग मोरे पाछे पड़ा भवा अहइँ, अउर अब मइँ ओनके बीच मँ घिर गवा हउँ। उ पचे मोह पइ वार करइ क तय्यार ठाड़ बाटेन।</verse>
				<verse number="12">उ सबइ दुट्ठ जन अइसे अहइँ जइसे कउनो सिंह घात मँ दूसर पसु क मारइ क बइठा होइ। उ पचे सिंह क नाई झपटइ बरे छुपा रहत हीं।</verse>
				<verse number="13">हे यहोवा, दुस्मन क खिलाफ उठा अउर ओनका आत्मसर्मपन करइ बरे मज़बूर करा। आपनि तरवार उठावा अउ इ सबइ दुट्ठ जनन स मोर रच्छा करा।</verse>
				<verse number="14">हे यहोवा, जउन मनई सजीव अहइँ ओनका धरती स दुट्ठन क आपन सक्ती स दूर करा। हे यहोवा, बहुतेरे तोहरे लगे सरण माँगइ आवत हीं। तू ओनका बहुतायत स भोजन द्या। ओनकर सन्तानन क परिपूर्ण कइ द्या। ओनके लगे आपन गदेलन क देइ क बहुतायत स धन होइ।</verse>
				<verse number="15">मोर विनय निआव बरे अहइ। तउ मइँ यहोवा क मुँह क दर्सन करब। हे यहोवा, तोर दर्सन करतइ ही, मइँ पूरी तरह सन्तुट्ठ होइ जाबउँ।</verse>
			</chapter>
			<chapter number="18">
				<verse number="1">उ कहेस, “यहोवा मोर सक्ती अहइ, मइँ तोहसे पिरेम करत हउँ।</verse>
				<verse number="2">“यहोवा मोर चट्टान, मोर गढ़, मोर सरणस्थल बाटइ।” मोर परमेस्सर मोर चट्टान अहइ। मइँ तोहरी सरण मँ आवा हउँ। ओकर सक्ती मोका बचावत ह। यहोवा ऊँचके पहाड़न पइ मोर सरणस्थल अहइ।</verse>
				<verse number="3">यहोवा क जउन स्तुति क जोग्य अहइ, मइँ गोहराउब अउर मइँ आपन दुस्मनन स बचावा जाब।</verse>
				<verse number="4">मोर दुस्मनन मोका मारइ क जतन किहन। मइँ चारिहुँ कइँती मउत क लसुरी स घिरा अहउँ। मोका अधर्म क बाढ़ भयभीत कइ दिहस।</verse>
				<verse number="5">मोरे चारिहुँ कइँती पाताल क लसुरी रहिन। अउर मोह पइ मउत क फंदा रहेन।</verse>
				<verse number="6">मइँ घेरा भवा रहेउँ अउर यहोवा क मदद बरे गोहराएउँ। मइँ आपन परमेस्सर क गोहराएउँ। परमेस्सर पवित्तर मन्दिर मँ बिराजा। उ मोर पुकार अनकेस अउ मदद किहेस।</verse>
				<verse number="7">तब्बइ भुइँया हल गइ अउ थर्राइ उठी; अउ पहाड़न क नेव थर्राइके हल उठिन काहेकि यहोवा बहोतइ कोहान रहा।</verse>
				<verse number="8">परमेस्सर क नथुना स धुआँ फूटि पड़ा। परमेस्सर क मुँह स ज्वाला फूटि पड़िन, अउ ओहसे चिंगारियन छटक गइन।</verse>
				<verse number="9">यहोवा सरगे क चीरिके खाले उतरा। खूब घना करिआ बादर ओकरे गोड़े तरे रहेन।</verse>
				<verse number="10">उ करूब सरगदूत पइ उड़ि गवा अउर हवा क पंख पइ सवार होइके ऊँचे आकास मँ उड़ि गवा।</verse>
				<verse number="11">यहोवा खुद क अँधियारे मँ छुपाइ लिहस, ओका अकासे क चँदोबा घेरे रहा। उ गरजत बादर क खूब घना घटा-टोप मँ लुकान भवा रहा।</verse>
				<verse number="12">फिन, परमेस्सर क तेज बादर फाड़िके निकरा। बरसा अउ बिजुरियन कौंधिन।</verse>
				<verse number="13">यहोवा क उद्घोष नाद अकासे मँ गूँजा। परम परमेस्सर आपन वाणी क सुनइ दिहस। फुन अंगारे गिरेन अउ बिजुरियन कौंधिन।</verse>
				<verse number="14">यहोवा बाण छोड़ेस अउर दुस्मन बिखराइ गएन। ओकर अनेक बिजुरी क बज्रन ओनका हराइ दिहन।</verse>
				<verse number="15">हे यहोवा, तू गरज्या अउ मुँह स आँधी बहाया। पानी पाछे हटिके दब गवा अउ समुद्रे क पानी बगइर तले क देखाँइ लाग, अउर धरती क नेंव तलक उधरि गइ।</verse>
				<verse number="16">यहोवा ऊपर अकासे स खाले उतरा अउर मोर रच्छा किहस। मोका मोरे कस्टन स उबारि लिहस।</verse>
				<verse number="17">मोर सत्रु मोहसे कछूँ जियादा ताकतवर रहेन। उ पचे मोहसे कहूँ जियादा बरिआर रहेन, अउ मोहसे दुस्मनी राखत रहेन। तउ परमेस्सर मोर रच्छा किहस।</verse>
				<verse number="18">जब मइँ विपत्ति मँ रहेउँ, मोर दुस्मनन मोह पइ वार किहन मुला तबहिं यहोवा मोका सँभारेस!</verse>
				<verse number="19">यहोवा क मोहसे पिरेम रहा, तउ उ मोका बचाएस अउर मोका सुरच्छित ठउरे पइ लइ गवा।</verse>
				<verse number="20">यहोवा मोका आपन अच्छाई क अनुसार इनाम देइ। उ मोका मोरे सुद्धता क अनुसार बदल देइ।</verse>
				<verse number="21">काहेकि मइँ यहोवा क आग्या क पालन किहेउँ ह! आपन परमेस्सर यहोवा बरे मइँ कउनो भी बुरा काम नाहीं किहेउँ।</verse>
				<verse number="22">मइँ तउ यहोवा क व्यवस्था विधानन क अउ हुकुमन क हमेसा धियान मँ राखत हउँ!</verse>
				<verse number="23">खुद क मइँ ओकरे समन्वा पवित्तर राखत हउँ अउ अबोध बना रहत हउँ।</verse>
				<verse number="24">काहेकि मइँ अबोध अहउँ! एह बरे मोका मोर पुरस्कार देइ! जइसा परमेस्सर लखत ह कि मइँ कउनो बुरा काम नाहीं किहेउँ, एह बरे उ मोरे बरे उत्तिम चिजियन करी।</verse>
				<verse number="25">हे यहोवा, तू वफ़ादार लोगन क संग वफ़ादार अहा अउ खरे लोगन्क संग तू आपन क खरा दिखावत ह।</verse>
				<verse number="26">हे यहोवा, तू सुद्ध लोगन क संग सुद्ध अहा, किन्तु तू दुट्ठ लोगन स जियादा चालाक अहा।</verse>
				<verse number="27">हे यहोवा, तू नम्र जनन बरे सहाय अहा, मुला जेनमाँ अहंकार भरा अहइ ओन मनइयन क तू बड़ा नाहीं बनइ देत्या।</verse>
				<verse number="28">उ तू ही अहा जउन मोर दीप बरत ह। हे मोरे परमेस्सर तू मोरे अंधकार क जोति मँ बदल देत अहा!</verse>
				<verse number="29">हे यहोवा, तोहरी मदद स, मइँ फउजियन क संग पराइ सकत हउँ। तोहरी ही मदद स, मइँ दुस्मनन क चहरदीवार फाँद सकत हउँ।</verse>
				<verse number="30">परमेस्सर क विधान पवित्तर अउ उत्तिम अहइ अउ यहोवा क सब्द सच स पूरा होत हीं। उ ओका बचावत ह जउन ओकरे भरोसे अहइँ।</verse>
				<verse number="31">यहोवा क छाँड़ि बस अउर कउन परमेस्सर बाटइ? सिरिफ हमरे परमेस्सर क अउर कउन चट्टान अहइ?</verse>
				<verse number="32">मोका परमेस्सर सक्ति देत ह। उ मोर रास्ता आसान बनावत ह।</verse>
				<verse number="33">परमेस्सर मोरे गोड़न क हिरन क नाई तेज चाल देत ह। उ मोका स्थिर बनावत अउर मोका चट्टानी सिखरन स गिरइ स बचावत ह।</verse>
				<verse number="34">परमेस्सर जुद्ध बरे मोरे बाँहन क प्रसिच्छित करत ह, एह बरे मइँ बहोत सक्तीसाली धनुस क मोड़ सकत हउँ अउ तीर छोड़ सकत हउँ।</verse>
				<verse number="35">हे परमेस्सर, आपन ढार स मोर रच्छा करा। तू मोका आपन दाहिन भुजा स आपन महान सक्ती प्रदान कइके मदद द्या।</verse>
				<verse number="36">हे परमेस्सर, तू मोरे गोड़े क अउर टखना क मजबूत बनावा ताकि मइँ तेज होइके बगइर लड़खड़ाहट क बढ़ चलउँ।</verse>
				<verse number="37">फुन आपन दुस्मनन क पाछा करउँ, अउ ओनका धइ सकउँ। ओनमाँ स एक क भी बच पावइ देउँ।</verse>
				<verse number="38">मइँ आपन दुस्मनन क हराउब। ओनमाँ स एक भी फुन ठाड़ नाहीं होइ। मोर सबहिं दुस्मन मोरे गोड़वा प गिरि जइहीं।</verse>
				<verse number="39">हे परमेस्सर, तू मोका जुद्ध मँ सक्ती दिहा, अउर मोरे सब दुस्मनन क मोरे समन्वा निहुराइ दिहा।</verse>
				<verse number="40">तू मोरे दुस्मनन क पीठ मोरी कइँती फेरि दिहा, ताकि मइँ ओनका काटि डावउँ जउन मोसे जलन राखत हीं।</verse>
				<verse number="41">जब मोर दुस्मनन मदद क गोहार लगाएन, ओनका मदद देइ अगवा कउनो नाहीं आवा। हिआँ तलक कि उ पचे यहोवा तलक क पुकारेन, मुला यहोवा स ओनका जवाब न मिला।</verse>
				<verse number="42">मइँ आपन दुस्मनन क कूट कूट कइ धूरि मँ मिलइ देबउँ, जेका ब्यार उड़ाइ देत ह। मइँ ओनका कुचर दिहेउँ अउर माटी मँ मिलाइ दिहेउँ।</verse>
				<verse number="43">मोका ओनसे बचाइ ल्या जउन मोसे जुद्ध करत हीं। मोका ओन जातियन क मुखिया बनाइ द्या, जेनका मइँ जानत तलक नाहीं हउँ ताकि उ पचे मोर सेवा करिहीं।</verse>
				<verse number="44">फिन उ सबइ लोग मोर सुनिहीं अउर मोरे हुकुमन क मनिहीं, दूसर रास्ट्रन क लोग मोसे डेरइहीं।</verse>
				<verse number="45">उ पचे विदेसी लोग मोरे समन्वा निहुरिहीं काहेकि उ पचे मोसे भयमीत होइहीं। उ पचे भय स थर्रात भए आपन छुपा ठउरन स बाहेर निकारि अइहीं।</verse>
				<verse number="46">यहोवा सजीव अहइ! मइँ आपन चट्टान क जस गीत गावत हउँ। मोर महान परमेस्सर मोर रच्छा करत ह।</verse>
				<verse number="47">धन्न बाटइ, मोर पटक देइवाला परमेस्सर जउन देस-देस क मनइयन क मोरे बस मँ कइ दिहस ह।</verse>
				<verse number="48">यहोवा, तू मोका मोरे दुस्मनन स छोड़ाया ह। तू मोर मदद किहा ताकि मइँ ओन लोगन क हराइ सकउँ जउन मोरे खिलाफ खड़ा भएन। तू मोका कठोर मनइयन स बचाया ह।</verse>
				<verse number="49">हे यहोवा, इहइ कारण मइँ देसन क बीच तोहार स्तुति करत हउँ। इहइ कारण मइँ तोहरे नाउँ क भजन गावत हउँ।</verse>
				<verse number="50">यहोवा आपन राजा क मदद बहोत स जुद्धन क जीतइ मँ करत ह। उ आपन सच्चा पिरेम, आपन चुने भए राजा पइ देखाँवत ह। उ दाऊद अउ ओकरे संताने बरे सदा बिस्सास क जोग्ग रही।</verse>
			</chapter>
			<chapter number="19">
				<verse number="1">अकास परमेस्सर क महिमा बखानत ह, अउ अकासमण्डल परमेस्सर क उत्तिम सबइ रचना क देखाँवत ह।</verse>
				<verse number="2">हर नवा दिन ओकर नई कथा कहत ह, अउ हर रात परमेस्सर क नई-नई सक्तियन क परगट करत ह।</verse>
				<verse number="3">हुवाँ न कउनो भासन या सब्दन होइ। न कउनो आवाज़ सुनाइ पड़त।</verse>
				<verse number="4">मुला ओकर “वाणी” भूमण्डल मँ बियापत ह अउर ओकर “सब्दन” धरती क छोर तलक पहोंचत हीं। ओनमाँ उ सूरज बरे एक घर जइसा तय्यार किहस ह।</verse>
				<verse number="5">सूरज नवखिल दुल्हा क नाई आपन सयन कच्छ स निकरत ह। सूरज आपन राहे पइ अकास क पार करइ निकरि पड़त ह, जइसे कउनो खिलाड़ी आपन दउड़ पूरी करइ बरे तइयार होइ।</verse>
				<verse number="6">अकासे क एक छोर स सूरज चल पड़त ह अउर ओह पार पहोंचइ क, उ सारी राह दउड़त रहत ह। अइसी कउनो वस्तु नाहीं जउन आपन क ओकरी गर्मी स छुपाइ लेइ। यहोवा क उपदेस भी अइसेन ही होत हीं।</verse>
				<verse number="7">यहोवा क सिच्छन सम्पूर्ण होत हीं, इ सबइ भक्त जनन क सक्ती देत हीं। यहोवा क करार पइ भरोसा कीन्ह जाइ सकत ह। जेनके लगे बुद्धि नाहीं अहइ इ ओनका सुबुद्धि देत ह।</verse>
				<verse number="8">यहोवा क नेम निआव स पूरा होत हीं, उ सबइ लोगन्क खुसी स भरि देत हीं। यहोवा क आदेस उत्तिम अहइँ, उ सबइ मनइयन क जिअइ क नई राह देखाँवत हीं।</verse>
				<verse number="9">यहोवा क आराधना प्रकास जइसी होत ह, इ तउ सदा सर्वदा जोति स भरी रही। यहोवा क निआव निस्पच्छ होत हीं, उ सबइ पूरी तरह निआव स पूरा होत हीं।</verse>
				<verse number="10">यहोवा क उपदेस उत्तिम सुबरन अउ कुन्दन स भी बढ़िके मनोहर अहइँ, उ सबइ उत्तिम सहद स भी जियादा मधुर अहइँ, जउन सोझ सहद क छत्ता स टपक आवत ह।</verse>
				<verse number="11">हे यहोवा, तोहार उपदेस तोहरे सेवक क आगाह करत हीं। अउर जउन ओनकइ पालन करत हीं ओनका तउ बरदान मिलत ह।</verse>
				<verse number="12">हे यहोवा, आपन सबहिं दोसन क कउनो नाहीं लख पावत। एह बरे तू मोका ओन पापन्स बचावा जउन एकान्त मँ छुपिके कीन्ह जात हीं।</verse>
				<verse number="13">हे यहोवा, मोका ओन पापन्क करइ स बचावा जेनका मइँ करइ चाहत हउँ। ओन पापन्क मोह पइ सासन न करइ द्या। अगर तू मोका बचावत ह तउ मइँ इमानदारी स भरि भवा होइ सकत हउँ अउ बहोत सारा पापन्स मुक्त होइ सकत हउँ।</verse>
				<verse number="14">मोका आसा अहइ कि, मोर वचन अउ चिंतन तोहका प्रसन्न करिहीं। हे यहोवा, तू मोर चट्टान, अउर मोर बचावइवाला अहा।</verse>
			</chapter>
			<chapter number="20">
				<verse number="1">तोहरी पुकार क यहोवा जवाब देइ, अउर जब तू विपत्ति मँ ह्वा तउ याकूब क परमेस्सर तोहरे नाउँ क बढ़ावइ।</verse>
				<verse number="2">परमेस्सर आपन पवित्तर ठउर स तोहार मदद करइ। उ तोहका सिय्योन स सहारा देइ।</verse>
				<verse number="3">परमेस्सर तोहरी सब भेंटन क याद राखइ, अउर तोहरे सबइ बलिदानन क अंगीकार करइ।</verse>
				<verse number="4">परमेस्सर तोहका ओन सबहिं वस्तुअन क देइ जेनका तू फुरइ फुरइ चाह्या। उ तोहार सबहिं योजनन पूरी करइ।</verse>
				<verse number="5">परमेस्सर जब तोहार मदद करइ हम पचे बहोतइ खुस होब। अउर हम पचे परमेस्सर क बड़कई क गीत गाउब। यहोवा उ सबइ चीज करी जेका तू पचे मँग्या।</verse>
				<verse number="6">मइँ अब जानत हउँ कि यहोवा मदद करत ह आपन उ राजा क जेका उ चुनेस। परमेस्सर तउ आपन सरगे मँ बिराजा अहइ अउर उ आपन चुने भए राजा क, जवाब दिहस उ राजा क रच्छा करइ बरे परमेस्सर आपन महासक्ती क प्रयोग मँ लिआवत ह।</verse>
				<verse number="7">कछू क भरोसा आपन रथन पइ अहइ, अउर कछू क आपन फउजियन पइ भरोसा बा मुला हम पचे तउ आपन यहोवा परमेस्सर क सुमिरन करत अही।</verse>
				<verse number="8">मुला उ सबइ लोग हारि गएन अउर जंगल मँ मार डावा गवा गएन अउर हम लोग जीते अउ खुसी मनावइ बरे इकट्ठा होब।</verse>
				<verse number="9">अइसा कइसा भवा? काहेकि यहोवा आपन चुने भए राजा क रच्छा किहा उ परमेस्सर क गोहराए रहा अउर परमेस्सर ओकर सुनेस।</verse>
			</chapter>
			<chapter number="21">
				<verse number="1">हे यहोवा, तोर महिमा राजा क प्रसन्न करत ह, जब तू ओका बचावत ह। उ बहोतइ आनन्दित होत ह।</verse>
				<verse number="2">तू राजा क उ सबइ वस्तुअन दिहा जेका उ चाहे रहा, राजा जउन भी पावइ क बिनती किहस। हे यहोवा, तू मन क चाहा भवा ओका दइ दिहा।</verse>
				<verse number="3">हे यहोवा, सचमुच तू बहोत आसीस राजा क दिह्या। ओकरे मूँड़े पइ तू सुवर्ण क मुकुट धइ दिह्या।</verse>
				<verse number="4">उ तोहसे जिन्नगी क भीख माँगेस अउर तू ओका इ दइ दिह्या। परमेस्सर, तू सदा सर्वदा बरे राजा क अमर जीवन दिह्या।</verse>
				<verse number="5">तू रच्छा किहा तउ राजा क महा वैभव मिल गवा। तू ओका आदर अउ प्रसंसा दिहा।</verse>
				<verse number="6">हे परमेस्सर, सचमुच तू राजा क सदा सर्वदा बरे, आसीर्वाद दिहा। जब राजा क तोहार दर्सन मिलत ह, तउ उ बहोत खुस होत ह।</verse>
				<verse number="7">राजा क सचमुच यहोवा पइ भरोसा अहइ, तउ परमेस्सर ओका निरास नाहीं करी।</verse>
				<verse number="8">हे परमेस्सर! तू देखाँइ द्या आपन सबहिं दुस्मनन क कि तू खूब मजबूत अउ सक्तीसाली अहा। जउन तोहसे घिना करत हीं तोहार सक्ती ओनका हराइ देइ।</verse>
				<verse number="9">हे यहोवा, जब तू राजा क साथ होत अहा तउ उ भभकत भार जइसा होइ जात ह, जउन सब कछू भसम करत ह। ओकर किरोध क आगी आपन सबहिं दुस्मनन क भसम कइ देत ह।</verse>
				<verse number="10">परमेस्सर क दुस्मनन क बंस नस्ट होइ जइहीं, धरती क ऊपर स उ सब मिटिहीं।</verse>
				<verse number="11">अइसा काहे भवा? काहेकि यहोवा, तोहरे खिलाफ ओन मनइयन सड़यन्त्र रचे रहेन। उ पचे बुरा करइ क जोजना रचे रहेन, मुला उ पचे ओहमाँ सफल नाहीं भएन।</verse>
				<verse number="12">यहोवा जब तू ओन लोगन पइ आपन तीर स निसाना साध्या, तउ तू ओनका पीछे घुमाई दिहा अउर भगाइ दिहा।</verse>
				<verse number="13">यहोवा क अउर ओकर सक्ती क गुण गावा आवा हम पचे गाई अउर ओकरे गीतन क बजाई जउन ओकर गरिमा स जुर ग अहइँ।</verse>
			</chapter>
			<chapter number="22">
				<verse number="1">हे मोरे परमेस्सर, हे मोरे परमेस्सर, तू मोका काहे तजि दिहा ह? मोका बचावइ बरे तू काहे बहोतइ दूर अहा? मोर मदद क पुकार क सुनइ बरे तू बहोतइ दूर अहा।</verse>
				<verse number="2">हे मोरे परमेस्सर, मइँ तोहका दिन मँ पुकारेउँ मुला तू जवाब नाहीं दिहा, अउर मइँ राति भर तोहका पुकारत रहेउँ।</verse>
				<verse number="3">हे परमेस्सर, तू पवित्तर अहा। तू राजा क नाई बिराजमान अहा। इस्राएल क स्तुतियन तोहार सिंहासन अहइ।</verse>
				<verse number="4">हमार पुरखन तोह पइ बिस्सास किहन। हाँ हे परमेस्सर उ पचे तोहार भरोसा रहेन। अउर तू ओनका बचाए रह्या।</verse>
				<verse number="5">हे परमेस्सर, हमार पुरखन तोहका मदद क गोहराएन अउर उ पचे आपन दुस्मनन स बच निकरेन। उ पचे तोह पइ बिस्सास किहन अउर उ पचे निरास नाहीं भएन।</verse>
				<verse number="6">तउ का मइँ फुरइ कउनो कीरा हउँ, जउन लोग मोहसे लज्जित भए बाटेन अउर मोहसे घिना करत हीं?</verse>
				<verse number="7">जउन भी मोका लखत ह मोर हँसी उड़ावत ह, उ पचे आपन मूड़ँ हलावत अउ आपन ओंठ बिरावत हीं।</verse>
				<verse number="8">उ पचे मोसे कहत हीं कि, “आपन रच्छा बरे तू यहोवा क गोहँराइँ सकत ह। उ तोहका बचाइ लेइ। अगर तू ओका ऍतना भावत ह तउ, निहचय ही उ तोहका बचाइ लेइ।”</verse>
				<verse number="9">हे परमेस्सर फुरइ तउ इ अहइ कि सिरिफ तू ही अहा जेकरे ऊपर मइँ निर्भर हउँ। तू मोका उ दिन स संभालया ह, जब स मोर जन्म भवा। तू ही अहा जेकर कारण स मइँ बच्पन स बिस्सास किहेउँ।</verse>
				<verse number="10">ठीक उहइ दिना स जब स मइँ जन्म लिहेउँ ह, तू मोर परमेस्सर रह्या ह। जइसे ही मइँ आपन महतारी क कोख स बाहेर आए रहेउँ, मोका तोहरी देखरेख मँ रख दीन्ह ग रहा।</verse>
				<verse number="11">तउ हे, परमेस्सर! मोका जिन बिसरि जा, संकट निअरे बाटइ, अउर कउनो भी मनई मोर मदद क नाहीं अहइ।</verse>
				<verse number="12">मइँ ओन लोगन स घिरा अहउँ, जउन सक्तीसाली साँड़न जइसे मोका घेरे भए अहइँ।</verse>
				<verse number="13">उ पचे ओन सिंहन जइसे अहइँ, जउन कउनो जन्तु क चीरत होइँ अउ दहाड़त होइँ अउर ओनकर मुँह विकराल खुला भवा होइँ।</verse>
				<verse number="14">मोर सक्ती धरती पइ बिखरे जल स लुप्त होइ गइ। मोर हाड़न अलगाइ ग अहइँ। मोर साहस खतम होइ चुका अहइ।</verse>
				<verse number="15">मोर मुँह एक पुराना टूटा भवा बर्तन क टूका क नाईं सूख गवा अहइ। मोर जीभ आपन ही तालु स चिपकत अहइ। तू मोका कब्र क धूरि मँ डार दिहा ह।</verse>
				<verse number="16">दुट्ठ लोग मोर चारिहुँ कइँती “कुकुरन” क नाईं घेरे भए अहइँ, दुस्ट जनन क उ समूह मोका फँसाएस ह। उ पचे मोरे हथवन अउर गोड़न क छेद दिहेन ह।</verse>
				<verse number="17">मोका आपन हाड़ देखाँइ देत ह। इ सबइ लोग मोका घूरत अहइँ। इ सबइ मोका नस्कान पहोंचावइ क ताकत रखत हीं।</verse>
				<verse number="18">उ पचे मोर कपड़ा आपुस मँ बाँटत अहइँ। मोरे ओढ़नन बरे उ पचे पाँसा लोकावत अहइँ।</verse>
				<verse number="19">हे यहोवा, तू मोका जिन तजा। तू मोर बल अहा, मोर मदद करा। अब तू देर जिन लगावा।</verse>
				<verse number="20">हे यहोवा, मोर प्राण तलवार स बचाइ ल्या। ओन कुत्तन स तू मोर मूल्यवान जिन्नगी क रच्छा करा।</verse>
				<verse number="21">मोका सेर क मुँह स बचाइ ल्या अउ साँड़ क सीगंन स मोर रच्छा करा।</verse>
				<verse number="22">हे यहोवा, मइँ आपन भाइयन मँ तोर प्रचार करब। मइँ तोर प्रसँसा तोहरे भक्तन क सभा क बीच करब।</verse>
				<verse number="23">ओ यहोवा क उपासक लोगो, यहोवा क बड़कई करा। इस्राएल क सन्तानन यहोवा क आदर करा। ओ इस्राएल क सबहिं लोगो, यहोवा क भय माना अउ आदर करा।</verse>
				<verse number="24">काहेकि यहोवा अइसे मनइयन क मदद करत ह जउन विपत्ति मँ होत हीं। यहोवा ओनसे घिना नाहीं करत ह। अगर लोग मदद बरे यहोवा क पुकारइँ तउ उ खुद क ओनसे न छिपाइ।</verse>
				<verse number="25">मइँ तोहका धामिर्क सभा मँ स्तुति बरे का भेंट कइ सकत हउँ। तोहार भक्त लोगन क समन्वा मइँ तोहका उ देबउँ जेका मइँ वादा किहेउँ ह।</verse>
				<verse number="26">दीन जन भोजन पइहीं अउर सन्तुट्ठ होइहीं। तू लोग जउन ओका हेरत भए आवत अहा ओकर स्तुति करा। मन तोहार हमेसा हमेसा आनन्द स भरि जाइँ।</verse>
				<verse number="27">तब सबहिं दूर भुइँयन क लोग यहोवा क सुमिरइँ अउर ओकर लगे लउटि आवइँ। हे यहोवा, धरती क सबइ परिवार क हरेक लोग तोहार समन्वा निहुरिहीं।</verse>
				<verse number="28">काहेकि यहोवा राजा अहइ। उ हर एक रास्ट्र पइ सासन करत ह।</verse>
				<verse number="29">मानव जाति घास क नाईं स्थाइ नाहीं अहइँ जउन कि समूचइ धरती मँ उगत हीं। हम सबहिं आपन खइया क खाब अउर परमेस्सर क समन्वा निहुरि दण्डवत करब। हाँ मानव जाति मरत ह अउ ओनका कब्र मँ डार दीन्ह जात ह। सबइ लोग जउन जीवित अहइ या नाहीं अहइ परमेस्सर क समन्वा नम्रता स निहुरिके दण्डवत करइँ।</verse>
				<verse number="30">अउर भविस्स मँ हमार सन्तान यहोवा क सेवा करिहीं। लोग सदा सदा ही ओकरे बारे मँ बखनिहीं।</verse>
				<verse number="31">उ सबइ लोग अइहीं अउर परमेस्सर क भलाई क प्रचार करिहीं जेनकर अबहिं जन्म ही नाहीं भवा।</verse>
			</chapter>
			<chapter number="23">
				<verse number="1">यहोवा मोर गड़रिया अहइ। जउन कछू भी मोका अपेच्छित होइ, सदा मोरे लगे रही।</verse>
				<verse number="2">हरे भरे चरागाह मँ मोका सुख स उ राखत ह। उ मोका सांत झरनन पइ लइ जात ह।</verse>
				<verse number="3">उ आपन नाउँ क निमित्त मोरी आतिमा क नई सक्ती देत ह। उ मोर अगुआई करत ह कि उ फुरइ उत्तिम अहइ।</verse>
				<verse number="4">मइँ मउत क अँधिअर घाटी स गुजरत भइ नाहीं डेराब, काहेकि यहोवा तू मोरे संग अहा। तोहार चरवाहे क लाठी मोका सुख देत हीं।</verse>
				<verse number="5">हे यहोवा, तू मोरे दुस्मनन क समन्वा मोर खइया बरे मेज सजाया ह। तू मोरे मूँड़े पइ तेल उड़ेर्या ह। मोर कटोरा भरा ह अउ छलकत बाटइ।</verse>
				<verse number="6">निहचय नेकी अउ करुणा मोर बाकी जिन्नगी तलक मोरे संग रही। मइँ यहोवा क मन्दिर मँ लम्बी समइ तलक बार-बार जाबिउँ।</verse>
			</chapter>
			<chapter number="24">
				<verse number="1">धरती अउ ओह प क सब चिजियन यहोवा क अहइँ; संसार अउ हर कउनो जउन एहमाँ रहत हीं ओकर अहइँ।</verse>
				<verse number="2">यहोवा इ धरती क जल पइ रचे अहइ। उ एका जल क धारन पइ बनाएस।</verse>
				<verse number="3">यहोवा क पहाड़े क मन्दिर मँ कउन जाइ सकत ह? कउन यहोवा क पवित्तर ठउर मँ खड़ा होइ सकत अउर आराधना कइ सकत ह?</verse>
				<verse number="4">अइसा मनई जउन हाथन क साफ किहे ह, अइसा मनई जउन पवित्तर जीवन क अगुवाइ करत ह, अइसा मनई जउन मोरे नाउँ क प्रयोग कइके दूसर बरे गलत नाहीं किहे ह, अउर अइसा मनई जउन झूठ न बोलेस, अउ न ही झूठा वचन दिहेस ह। बस अइसेन मनई ही हुआँ आराधना कइ सकत हीं।</verse>
				<verse number="5">सज्जन तउ चाहत हीं यहोवा सब क भला करइ। उ पचे सज्जन परमेस्सर स जउन ओनकर उद्धारक अहइ, नेक चाहत हीं।</verse>
				<verse number="6">उ पचे सज्जन परमेस्सर क अनुसरण क जतन करत हीं। उ पचे याकूब क परमेस्सर क लगे मदद पावइ जात हीं।</verse>
				<verse number="7">फाटकन, आपन मूँड़ी ऊँची करा! सनातन दुआरन, खुलि जा! प्रतापी राजा भितरे आई।</verse>
				<verse number="8">इ प्रतापी राजा कउन अहइ? यहोवा ही उ राजा अहइ, उहइ सबल सैनिक अहइ, यहोवा ही उ राजा अहइ, उहइ जुद्ध नायक बा।</verse>
				<verse number="9">फाटकन, आपन, मूँड़ी ऊँची करा! सनातन दुआरन, खुलि जा! प्रतापी राजा भितरे आई।</verse>
				<verse number="10">उ प्रतापी राजा कउन अहइ? यहोवा सर्वसक्तिमान ही उ राजा अहइ। उ प्रतापी राजा उहइ अहइ।</verse>
			</chapter>
			<chapter number="25">
				<verse number="1">हे यहोवा, मइँ खुद क तोहका समर्पित करत हउँ।</verse>
				<verse number="2">मोरे परमेस्सर, मोर सिरिफ तोह पइ बिस्सास बाटइ। मोका अपमानित होइ क अनुमति जिन द्या; मोर दुस्मनन क मोह पइ हँसी उड़ावइ क अनुमति जिन द्या।</verse>
				<verse number="3">अइसा मनई, जउन तोहमाँ बिस्सास धरत ह, उ निरास नाहीं होइ। मुला बिस्सासघाती निरास होइहीं अउर, उ पचे कबहुँ भी कछू नाहीं प्राप्त करिहीं।</verse>
				<verse number="4">हे यहोवा, मोर मदद करा कि मइँ तोहरी राहन क सीखउँ! तू आपन मार्गन क मोका सिच्छा द्या।</verse>
				<verse number="5">आपन सच्ची राह तू मोका देखाँवा अउर ओकर उपदेस मोका द्या। तू मोर परमेस्सर तू मोर उद्धारकर्त्ता अहा। मोका हर दिन तोहार भरोसा अहइ।</verse>
				<verse number="6">हे यहोवा, मोह पइ आपन दाया राखा अउर उ ममता क मोह पइ परगट करा, जेका तू हरदम राखत ह।</verse>
				<verse number="7">आपन जवानी मँ जउन पाप अउर कुकर्म मइँ किहेउँ, ओनका जिन याद राखा। हे यहोवा आपन निज नाउँ निमित्त, मोका आपन करुणा स सुमिर ल्या।</verse>
				<verse number="8">हे यहोवा, सचमुच उत्तिम अहइ, उ पापियन क जिन्नगी क नेक राह देखाँवत ह।</verse>
				<verse number="9">उ दीन लोगन क आपन राहन क सीख देत ह। बिना पच्छपात क उ ओनका मारग देखाँवत ह।</verse>
				<verse number="10">यहोवा क राहन ओन लोगन बरे छिमा स भरी अउ सच अहइँ, जउन ओकर करार अउर कानून क अनुसरण करत हीं।</verse>
				<verse number="11">हे यहोवा, मइँ बहुतेरा पाप किहेउँ ह, मुला तू आपन नाउँ बरे मोर हर पापे क दयालुता स छिमा कइ दिहा।</verse>
				<verse number="12">जदि कउनो मनई यहोवा क अनुसरण करइ चाहइ, तउ ओका परमेस्सर जिन्नगी क उत्तिम राह देखाँइ।</verse>
				<verse number="13">उ मनई उत्तिम वस्तुअन क सुख भोगी, अउर उ मनई क सन्तानन उ धरती क जेका परमेस्सर वचन दिहे रहा स्थायी रइहीं।</verse>
				<verse number="14">यहोवा आपन भक्तन पइ आपन भेद खोलत ह। उ आपन निज भक्तन क आपन करार क सिच्छा देत ह।</verse>
				<verse number="15">मोर आँखिन मदद पावइ क यहोवा पइ सदा टिकी रहत हीं। मोका मोरी बिपत्ति स उ सदा छोड़ावत ह।</verse>
				<verse number="16">हे यहोवा, मइँ पीड़ित अउ अकेल्ला अहउँ। मोरी कइँती मूड़ अउ मोह पइ दाया देखाँवा।</verse>
				<verse number="17">मोरी बिपत्तियन स मोका अजाद करा। मोर समस्या सुलझाने क मदद करा।</verse>
				<verse number="18">हे यहोवा, मोका परखा अउर मोरी बिपत्तियन पइ निगाह डावा। मोका जउन पाप मइँ किहे हउँ, ओन सबहिं बरे छिमा करा।</verse>
				<verse number="19">लखा मोर केतॅना दुस्मनन अहइँ, अउ लखा उ मोहसे केतॅना नफ़रत करत हीं।</verse>
				<verse number="20">हे परमेस्सर, मोर रच्छा करा अउर मोका बचाइ ल्या। मइँ तोहार भरोसा राखत हउँ। तउ मोका निरास जिन करा।</verse>
				<verse number="21">हे परमेस्सर, तू सचमुच उत्तिम अहा। मोका तोहार भरोसा अहइ, तउ मोर रच्छा करा।</verse>
				<verse number="22">हे परमेस्सर, इस्राएल क लोगन क ओनकर सबहिं दुस्मनन स रच्छा करा।</verse>
			</chapter>
			<chapter number="26">
				<verse number="1">हे यहोवा, मोर निआव करा, प्रमाणित करा कि मइँ पवित्तर जिन्नगी बिताएउँ ह। मइँ यहोवा पइ कबहुँ बिस्सास करब नाहीं तजे रहेउँ।</verse>
				<verse number="2">हे यहोवा, मोका परखा अउर मोर जाँच करा, मोर हिरदइ मँ अउर बुद्धि क निचके स लखा।</verse>
				<verse number="3">मइँ तोहरे पिरेम क सदा ही लखत हउँ, मइँ तोहरे सत्य क सहारे जिअत रहत हउँ।</verse>
				<verse number="4">मइँ ओन बेकार लोगन मँ स नाहीं अहउँ।</verse>
				<verse number="5">मइँ बुरे लोगन क संगति स घिना करत हउँ। मइँ दुस्ट लोगन मँ सामिल नाहीं होत हउँ।</verse>
				<verse number="6">हे यहोवा, मइँ निर्दोखी दिखाइ बरे आपन हथवा धोए हउँ, एह बरे सायद मइँ तोहार वेदी पइ आइ सकत हउँ।</verse>
				<verse number="7">हे यहोवा, मइँ तोहरी प्रसंसा क गीत गावत हउँ, अउर जउन अचम्भा स भरा करम तू किह्या ह, ओनके बारे मँ मइँ गीत गावत हउँ।</verse>
				<verse number="8">हे यहोवा, मइँ तोहार मनोहर मन्दिर स अउ उ तम्बू स जहाँ तोहार महिमा निवास करत ह पिरेम करत हउँ।</verse>
				<verse number="9">हे यहोवा, तू मोका ओन पापियन क दले मँ जिन मिलावा, जब तू ओन हत्तियारन क प्राण लेब्या तब मोका जिन मार्या।</verse>
				<verse number="10">उ हमेसा दूसर लोगन क धोखा देइ बरे अउर रिसवत लेइ बरे तइयार रहत ह।</verse>
				<verse number="11">लेकिन मइँ अटल हउँ, तउ हे परमेस्सर, मोहे पइ दयालु ह्वा अउर मोर रच्छा करा।</verse>
				<verse number="12">मइँ नेक जिन्नगी जिअत रहेउँ। मइँ तोहरी बड़कई गीत, हे यहोवा, जब भी तोहार भक्त मण्डली साथे मिलि गइ, गावत रहेउँ।</verse>
			</chapter>
			<chapter number="27">
				<verse number="1">हे यहोवा, तू मोरे जोति अउ मोर उद्धारकर्ता अहा। मोका तउ कउनो स भी नाहीं डरइ चाही। यहोवा मोरी जिन्नगी बरे सुरच्छित ठउर अहइ। तउ मइँ कउनो भी मनई स नाहीं डरब।</verse>
				<verse number="2">होइ सकत ह, दुट्ठ जन मोहे पइ चढ़ाई करइँ। होइ सकत ह, उ पचे मोरे सरीर क नस्ट करइ क जतन करइँ। होइ सकत ह मोर सत्रु मोका नस्ट करइ क मोह पइ आक्रमण क जतन करइँ।</verse>
				<verse number="3">मुला चाहे पूरी फउज मोका घेरि लेइ, मइँ नाहीं डेराब। चाहे जुद्ध छेत्र मँ मोह पइ लोग प्रहार करइँ, मइँ नाहीं डेराब। काहेकि मइँ यहोवा पइ भरोसा करत हउँ।</verse>
				<verse number="4">मइँ यहोवा स सिरिफ एक बर माँगइ चाहत हउँ, “मइँ आपन जिन्नगी भइ यहोवा क मन्दिर मँ बइठा रहउँ, ताकि मइँ यहोवा क सुन्दरता क लखउँ, अउर ओकरे मन्दिर मँ धियान करउँ।”</verse>
				<verse number="5">जब कबहुँ कउनो बिपत्ति मोका घेरी, यहोवा मोर रच्छा करी। उ मोका आपन तम्बू मँ छुपाइ लेइ। उ मोका आपन सुरच्छित जगह पइ ऊपर उठाइ लेइ।</verse>
				<verse number="6">मोका मोर दुस्मनन घेरि रखे अहइँ। मुला अब ओनका पराजित करइ मँ यहोवा मोर सहारा होइ। मइँ ओकरे तम्बू मँ फुन भेंट चढ़ाउब। जय जयकार कइके बलियन अर्पित करब। मइँ यहोवा क स्तुति बरे भजन गाउब अउर बजाउब।</verse>
				<verse number="7">हे यहोवा, मोर पुकार सुना, मोका जवाब द्या। मोह पइ दयालु रहा।</verse>
				<verse number="8">मोर हिरदइ कहत ह, “जा, ओकरे दर्सन बरे जा।” एह बरे यहोवा मइँ तोहसे बात करउँ बरे तोहार समन्वा आवा हउँ।</verse>
				<verse number="9">हे यहोवा, किरोध मँ आपन सेवक स जिन मोड़या! एक जउन मोर मदद कइ सकत ह उ तू अहा। मोका अकेल्ला जिन छोड़्या! मोका जिन त्यागा। परमेस्सर जउन मोका बचाइ सकत ह उ तू अहा!</verse>
				<verse number="10">मोर महतारी अउ मोर बाप मोका तजि दिहन, पर यहोवा मोका अंगीकार किहस अउर आपन बनाइ लिहस।</verse>
				<verse number="11">हे यहोवा, मोरे दुस्मनन क कारण, मोका आपन मारग देखावा। मोका नीक काम क सिच्छा द्या।</verse>
				<verse number="12">मोह पइ मोर दुस्मनन हमला किहे अहइँ। उ पचे मोरे बरे झूठ बोलेन ह। उ पचे मोका नस्कान पहोंचावइ बरे झूठ बोलेन।</verse>
				<verse number="13">मोका भरोसा अहइ कि मरइ स पहिले मइँ फुरइ यहोवा क धरम भावना क लखउँ।</verse>
				<verse number="14">यहोवा क मदद क बाट जोहत रहा! साहसी अउ सुदृढ़ बना रहा अउर यहोवा क मदद क प्रतीच्छा करत रहा।</verse>
			</chapter>
			<chapter number="28">
				<verse number="1">हे यहोवा, तू मोर चट्टान अहा, मइँ तोहका मदद पावइ क गोहरावत हउँ। मोरा पराथनन स आपन कान जिन मूँदा, अगर तू मोर मदद क पुकार क जवाब नाहीं देब्या, तउ लोग मोका कब्र मँ मरा भवा जइसा पइहीं।</verse>
				<verse number="2">हे यहोवा, आपन पवित्तर तम्बू कइँती बढ़्या, मइँ तोहार पराथना बरे आपन हाथ उठाए हउँ। जब मइँ तोहका पुकारउँ, तू मोर सुना। तू मोहे पइ आपन करुणा देखाँवा।</verse>
				<verse number="3">हे यहोवा, मोका ओन बुरे मनइयन क तरह जिन सोचा जउन बुरा काम करत हीं। जउन आपन पड़ोसियन स सान्ति करत हीं, मुला आपन हिरदइ मँ आपन पड़ोसियन क बारे मँ कुचक्र रचत हीं।</verse>
				<verse number="4">हे यहोवा, उ सबइ मनइयन दूसर लोगन क बुरा करत हीं। तउ तू ओनकी संग बुरी घटना क घटावा ओन दुर्जनन क तू वइसेन ही दण्ड द्या जइसे ओनका देइ चाही।</verse>
				<verse number="5">दुर्जन ओन उत्तिम बातन क जउन यहोवा करत ओका नाहीं समुझतेन। उ पचे परमेस्सर क उत्तिम कारजन क नाहीं लखतेन। उ पचे ओकर भलाई क नाहीं समुझतेन। उ पचे तउ सिरिफ कउनो क नास करइ क जतन करत हीं।</verse>
				<verse number="6">यहोवा क स्तुति करा! उ मोहे पइ करुणा करइ क बिनती सुनेस।</verse>
				<verse number="7">यहोवा मोर सक्ति अहइ, उ मोर ढार अहइ। मोका ओकर भरोसा रहा। उ मोर मदद किहेस। मइँ बहोतइ खुस हउँ, अउ ओकर खुसी क गीत गावत हउँ।</verse>
				<verse number="8">यहोवा आपन चुना राजा क रच्छा करत ह। उ ओका हर पल बचावत ह। यहोवा ही ओकर सक्ती अहइ।</verse>
				<verse number="9">हे परमेस्सर, आपन लोगन क रच्छा करा। जउन तोहार अहइँ ओनका आसीस द्या। ओनका धियान रखा अउर हमेसा ओनका लइके चला।</verse>
			</chapter>
			<chapter number="29">
				<verse number="1">परमेस्सर क पूत लोगो, यहोवा क स्तुति करा। ओकर महिमा अउ सक्ती क प्रसंसा गीत गावा।</verse>
				<verse number="2">यहोवा क प्रसंसा करा अउ ओकरे नाउँ क आदर करा। पवित्तर ओढ़ना पहिरिके यहोवा क आराधना करा।</verse>
				<verse number="3">समुद्र क ऊपर यहोवा क वाणी खुद क गरजत ह। परमेस्सर क वाणी महासागर क ऊपर मेघ क गरजन क तरह गरजत ह।</verse>
				<verse number="4">यहोवा क वाणी ओकर सक्ती क देखाँवत ह। ओकर ध्वनि ओकर महिमा क परगट करत ह।</verse>
				<verse number="5">यहोवा क वाणी देवदार बृच्छन क तोड़के चकनाचूर कइ देत ह। यहोवा लबानोन क विसाल देवदार बृच्छन क तोड़ देत ह।</verse>
				<verse number="6">यहोवा लबानोन क पहाड़न क कपाँइ देत ह। उ नाचत भए बछवा क तरह देखाँइ लागत ह। हेर्मोन क पहाड़ काँप उठत ह अउर उछरत जवान बकरी क तरह देखाँत ह।</verse>
				<verse number="7">यहोवा क वाणी बिजली क कौंध स टकरात ह।</verse>
				<verse number="8">यहोवा क वाणी मरुस्थल क कँपाइ देत ह। यहोवा क स्वर स कादेस क मरुस्थल काँप उठत ह।</verse>
				<verse number="9">यहोवा क वाणी स हिरन डेराइ जात हीं। यहोवा दुर्गम जंगलन क नस्ट कइ देत ह। मुला ओकरे मन्दिर मँ लोग ओकर प्रसंसा क गीत गावत हीं।</verse>
				<verse number="10">जल प्रलय क समय यहोवा राजा रहा। उ सदा बरे राजा रही।</verse>
				<verse number="11">यहोवा आपन भगतन क रच्छा सदा करी, अउर आपन जनन क सांति क आसीस देइ।</verse>
			</chapter>
			<chapter number="30">
				<verse number="1">हे यहोवा, तू मोरी बिपत्तियन स मोर उद्धार किहा ह। तू मोरे दुस्मनन क मोका हरावइ अउर मोर खिल्ली उड़ावइ नाहीं दिहा। तउ मइँ तोहरे बरे आदर परगट करब।</verse>
				<verse number="2">हे मोर परमेस्सर यहोवा, मइँ तोहसे पराथना किहेउँ। तू मोका चँगा कइ दिहा।</verse>
				<verse number="3">कब्र स तू मोर उद्धार किहा, अउर मोका जिअइ दिहा। मोका मुर्दन क संग मुर्दन क गड़हा मँ पड़े भए नाहीं रहइ पड़ा।</verse>
				<verse number="4">परमेस्सर क भगतन, यहोवा क स्तुति करा! ओकरे सुभ नाउँ क प्रसंसा करा।</verse>
				<verse number="5">यहोवा कोहाइ गवा, तउ निर्णय भवा “मउत!” मुला उ आपन पिरेम परगट किहस अउर मोका “जिन्नगी” दिहस। मइँ राति क रोवत विलापत सोएउँ। दूसर भिन्सारे मइँ गावत भवा खुस रहेउँ।</verse>
				<verse number="6">मइँ अब इ कहि सकत हउँ, अउर मइँ जानत हउँ इ निहचय फुरइ अहइ, “मइँ कबहुँ नाहीं हारब!”</verse>
				<verse number="7">हे यहोवा, जब तू मोहे पइ दयालु भया अउ तउ मइँ महसूस किहेउँ कि मइँ अइसा सुरच्छित अहउँ जइसा पहाड़े पइ एक किला। मुला मइँ डर स काँपि गएउँ जब तू मोका अस्वीकार कइ दिहा।</verse>
				<verse number="8">हे परमेस्सर, मइँ तोहरी कइँती लउटेउँ अउर बिनती किहेउँ। मइँ आपन पइ दाया देखावइ क विनती किहेउँ।</verse>
				<verse number="9">मइँ कहेउँ, “परमेस्सर का इ नीक अहइ कि मइँ मरि जाउँ अउर कब्र क भीतर खाले चला जाऊँ? मरे भए मनई तउ माटी मँ ओलरा रहत हीं, उ पचे तोहरे नेक क स्तुति जउन सदा सदा बनी रहत ह नाहीं करतेन।</verse>
				<verse number="10">हे यहोवा, मोर पराथना सुना अउर मोह पइ करुणा करा! हे यहोवा, मोर मदद करा!”</verse>
				<verse number="11">मइँ पराथना किहेउँ अउर तू मोर मदद किहा! तू मोरे रोवइ क नाच मँ बदल दिहा मोरे सोक वस्त्र क तू उतारिके बहाइ दिहा, अउर मोका आनन्द मँ सराबोर कइ दिहा।</verse>
				<verse number="12">हे यहोवा, मइँ तोर सदा जसगान करब। मइँ अइसा करब जेहसे कबहुँ नीरवता न बियापइ। तोहार प्रसंसा मँ हमेसा कउनो न कउनो गावत रही।</verse>
			</chapter>
			<chapter number="31">
				<verse number="1">हे यहोवा, मइँ तोहरे भरोसे हउँ, मोका निरास जिन करा। मोह पइ कृपालु ह्वा अउर मोर रच्छा करा।</verse>
				<verse number="2">हे यहोवा, मोर सुना, अउर तू हालि आइके मोका बचाइ ल्या। मोर चट्टान बनि जा, मोर रच्छा करा!</verse>
				<verse number="3">हे परमेस्सर, तू मोर चट्टान अहा, तउ आपन निज नाउँ बरे मोका राह देखाँवा अउर मोर अगुआई करा।</verse>
				<verse number="4">मोरे बरे मोर दुस्मनन जाल फइलाएन ह। ओनके फँदा स तू मोका बचाइ ल्या, काहेकि तू मोर सुरच्छा स्थल अहा।</verse>
				<verse number="5">हे परमेस्सर यहोवा, मइँ तउ तोहे पइ भरोसा कइ सकत हउँ। मइँ आपन जिन्नगी तोहरे हाथे मँ सउँपत हउँ। मोर रच्छा करा।</verse>
				<verse number="6">जउन लबार देवतन क पूजत रहत हीं, ओन लोगन स मोका घिना अहइ। मइँ तउ बस यहोवा मँ बिस्सास रखत हउँ।</verse>
				<verse number="7">हे यहोवा, तोहार करुणा मोका बहोतइ आनन्दित करत ह। तू मोरे दु:खन क लखि लिहा अउ तू मोर पीरा क बारे मँ जानत अहा।</verse>
				<verse number="8">तू मोरे दुस्मनन क मोहे पइ भारी पड़इ नाहीं देब्या। तू मोका ओनके फँदन स छोड़उब्या।</verse>
				<verse number="9">हे यहोवा, मोह पइ अनेक संकट अहइँ। तउ मोह पइ कृपा करा। मइँ ऍतना बियाकुल अहउँ कि मोर आँखिन दुःखत अहइँ। मोर गटइ अउ पेट पिरात अहइँ।</verse>
				<verse number="10">मोरी जिन्नगी क अंत दुःख मँ होत अहइ। मोर बरिस आह भरइ मँ बीतत अहइँ। मोर सबइ बेदना मोर सक्ती क निचोड़त अहइँ। मोर बल मोर साथ छोड़त जात अहइ।</verse>
				<verse number="11">मोर सत्रु मोसे घिना राखत हीं। मोर पड़ोसी मोर बैरी बना अहइँ। मोर सबहिं रिस्तेदार मोका राहे मँ लखिके मोसे डेराइ जात हीं अउर मोसे सब कतरात हीं।</verse>
				<verse number="12">मोका लोग पूरी तरह स बिसरि चुका अहइँ। मइँ तउ कउनो हेरान अउजार सा होइ गवा हउँ।</verse>
				<verse number="13">मइँ ओन भयंकर बातन क सुनत हउँ जउन लोग मोरे बारे मँ करत हीं। उ पचे सबहिं लोग मोरे खिलाफ होइ ग बाटेन। उ पचे मोका मारि डावइ क जोजना रचत हीं।</verse>
				<verse number="14">हे यहोवा, मोर भरोसा तोहे पइ अहइ। तू मोर परमेस्सर अहा।</verse>
				<verse number="15">मोर जिन्नगी तोहरे हाथन मँ अहइ। मोरे दुस्मनन स मोका बचाइ ल्या। ओन लोगन स मोर रच्छा करा, जउन मोरे पाछे पड़ा अहइँ।</verse>
				<verse number="16">कृपा कइके आपन दास क अपनाइ ल्या। मोह पइ दाया करा अउर मोर रच्छा करा।</verse>
				<verse number="17">हे यहोवा, मइँ तोहार बिनती किहेउँ। एह बरे मइँ निरास नाहीं होब। बुरे मनइयन तउ निरास होइ जइहीं। अउर उ पचे कब्र मँ नीरव चला जइहीं।</verse>
				<verse number="18">दुर्जन लोग डींग हाँकत हीं अउर सज्जन क बारे मँ झूठ बोलत हीं। उ सबइ दुर्जन बहोत ही अभिमानी होत हीं। मुला ओनके होंठ जउन झूठ बोलत रहत हीं, बिना सब्दन क होइहीं।</verse>
				<verse number="19">हे परमेस्सर, तू आपन भगतन बरे बहोत स अजूबा चीजन क छुपाइके धरे अहा। तू सबन्क समन्वा अइसे मनइयन बरे जउन तोहार बिस्सासी अहइँ, भला काम करत अहा।</verse>
				<verse number="20">दुर्जन लोग सज्जनन क नस्कान पहोंचावइ क बरे जुट जात हीं। उ सबइ दुर्जन लड़ाइ भड़कावइ क जतन करत हीं। मुला तू सज्जनन क ओनसे छुपाइ लेत अहा, अउर ओनका बचाइ लेत अहा। तू सज्जन लोगन क रच्छा आपन सरण मँ करत अहा।</verse>
				<verse number="21">यहोवा क स्तुति करा। जब नगर क दुस्मन लोग घेर लिहे रहेन, तब उ आपन सच्चा पिरेम अजूबी रीति स देखाँएस।</verse>
				<verse number="22">मइँ डेरान रहेउँ, अउर मइँ कहे रहेउँ, “मइँ तउ अइसे जगह पइ हउँ जहाँ मोका परमेस्सर नाहीं देख सकत ह।” मुला हे परमेस्सर, मइँ तोहार बिनती किहेउँ, अउर तू मोर सहायता क पुकार सुनि लिहा।</verse>
				<verse number="23">परमेस्सर क भगतन, तोहका यहोवा स पिरेम करइ चाही। यहोवा ओन लोगन क जउन ओकरे बरे सच्चा अहइँ, रच्छा करत ह। मुला यहोवा ओनका जउन आपन ताकत क ढोल पीटत हीं। ओनका उ वइसा ही दण्ड देत ह, जइसा दण्ड ओनका मिलइ चाही।</verse>
				<verse number="24">अरे ओ मनइयो जउन यहोवा क मदद बरे प्रतीच्छा करत अहा, सुदृढ अउ हिम्मती बना!</verse>
			</chapter>
			<chapter number="32">
				<verse number="1">धन्न अहइ उ जेकर पाप छमा भएन। धन्न अहइ उ जन जेकर पाप धुल गएन।</verse>
				<verse number="2">उ पचे कइसे धन्य अहइँ जेका यहोवा दोखी नाहीं समुझत ह। उ जन जउन आपन गुप्त पापन क छुपावइ क जतन न करइ आसीसित होइहीं।</verse>
				<verse number="3">हे परमेस्सर, मइँ तोहसे बार बार बिनती किहेउँ, मुला आपन छुपा पाप तोहका नाहीं बताएउँ। जेतनी दाई मइँ तोहार बिनती किहेउँ मइँ तउ अउर जियादा दुर्बल होत चला गएउँ।</verse>
				<verse number="4">हे परमेस्सर, तू मोर जिन्नगी दिन रात कठिन स जियादा कठिन बनाइ दिहा। मोर ताकत अइसा झुराइ गवा अहइ जइसा गर्मी क मोसम क ताप झुलसाइ दिहे अहइ।</verse>
				<verse number="5">मुला फिर मइँ यहोवा क समच्छ आपन सबहिं पापन क मानइ क निहचय कइ लिहे हउँ। हे यहोवा, मइँ तोहका आपन पाप बताइ दिहेउँ। मइँ आपन कउनो अपराध तोहसे नाहीं छुपाएउँ। अउर तू मोरे पापन क दोख छिमा कइ दिहा।</verse>
				<verse number="6">एह बरे, परमेस्सर, तोहरे भगतन क तोहार बिनती करइ चाही। हिआँ तलक कि जब विपत्ति जल प्रलय स उमड़इ तब भी तोहरे भगतन क तोहार बिनती करइ चाही।</verse>
				<verse number="7">हे परमेस्सर, तू मोर रच्छा क ढाल अहा तू मोका मोरी बिपत्तियन स उबारत अहा। तू मोका सुरच्छा क गीत स घेरि लिहा ह। तउ एह बरे मइँ, जइसे तू रच्छा किहा ह, ओनही बातन क गीत गावा करत हउँ।</verse>
				<verse number="8">यहोवा कहत ह, “मइँ तोहका जइसे चलइ चाही सिखाउब अउर तोहका उ राह देखाउब। मइँ तोहार रच्छा करब अउर मइँ तोहार अगुआ बनब।</verse>
				<verse number="9">तउ तू घोड़न या गदहन स बुद्धिहीन जिन बना। ओन पसुअन क तउ मुखरी अउ लगाम स चलावा जात ह। अगर तू ओनका लगाम या रास नाहीं लगउब्या, तउ उ सबइ पसु निअरे नाहीं अइहीं।”</verse>
				<verse number="10">दुर्जनन क बहोत स पीड़ा घेरिहीं। मुला ओन लोगन क जेनका यहोवा पइ भरोसा अहइ, यहोवा क सच्चा पिरेम ढाक लेइ।</verse>
				<verse number="11">सज्जन तउ यहोवा मँ सदा मगन अउ आनन्दित रहत हीं। अरे ओ लोगो, तू सब पवित्तर मन क साथ आनन्द मनउब्या।</verse>
			</chapter>
			<chapter number="33">
				<verse number="1">हे सज्जन लोगो, यहोवा मँ आनन्द मनावा! सज्जनो सत मनइयो, ओकर स्तुति करा।</verse>
				<verse number="2">वीणा बजावा अउर ओकर स्तुति करा। यहोवा बरे दस तार वाले सारंगी बजावा।</verse>
				<verse number="3">अब ओकरे बरे नवा गीत गावा। खुसी क धुन सुन्दरता स बजावा!</verse>
				<verse number="4">परमेस्सर क वचन सत्य अहइ। जउन भी उ करत ह ओकर तू पचे भरोसा कइ सकत ह।</verse>
				<verse number="5">नेकी अउ निस्पच्छता परमेस्सर क भावत ह। यहोवा आपन खुद क करुणा स इ धरती क भरि दिहेस।</verse>
				<verse number="6">यहोवा आदेस दिहस अउ सृस्टि फउरन पइदा होइ गइ। परमेस्सर क साँस स धरती पइ हर चीज बनी।</verse>
				<verse number="7">परमेस्सर सागर मँ एक ही जगहिया पइ जल बटोरेस। उ सागर क आपन जगह पइ रखत ह।</verse>
				<verse number="8">धरती क हर मनई क यहोवा क आदर करइ अउ डेराइ चाही। इ संसार मँ जउन भी मनई बसा अहइँ, ओनका चाही कि उ पचे ओसे डेराइँ।</verse>
				<verse number="9">काहेकि परमेस्सर क सिरिफ बात भइ कहब अहइ, अउर उ बात तुरंत घटि जात ह। अगर उ कउनो क “रुकइ” क आदेस देइ, तउ उ तुरंत थम जात ह।</verse>
				<verse number="10">परमेस्सर चाहइ तउ सबहिं सुझाव बिअर्थ करइ। उ कउनो भी मनई क सब कुचक्रन क बिअर्थ कइ सकत ह।</verse>
				<verse number="11">मुला यहोवा क उपदेस सदा ही खरे होत हीं। ओकर सब जोजना पीढ़ी दर पीढ़ी खरी होत हीं।</verse>
				<verse number="12">धन्न अहइँ उ सबइ मनई जेनकर परमेस्सर यहोवा अहइ। परमेस्सर ओनका आपन ही मनई होइ क चुनेस ह।</verse>
				<verse number="13">यहोवा सरग स खाली लखत रहत ह। उ सबहिं लोगन क लखत रहत ह।</verse>
				<verse number="14">उ ऊपर ऊँचे पइ बनाए भए आसन स धरती पइ रहइवाले सब मनइयन क लखत रहत ह।</verse>
				<verse number="15">परमेस्सर हर कउनो क मन रचेस ह। तउ कउनो का सोचत अहइ उ समुझत ह।</verse>
				<verse number="16">राजा क रच्छा ओकरे बड़की सक्ती स नाहीं होत ह, अउर कउनो सिपाही आपन निज सक्ती स सुरच्छित नाहीं रहत।</verse>
				<verse number="17">जुद्ध मँ फुरइ अस्वबल नाहीं जितावत। सचमुच तू ओकरी सक्ती स नाहीं बचि सकत्या।</verse>
				<verse number="18">जउन लोग यहोवा क अनुसरण करत हीं, ओनका यहोवा लखत ह अउ रखवारी करत ह। जउन मनई ओकर आराधना करत हीं, ओनका ओकर महान पिरेम बचावत ह।</verse>
				<verse number="19">परमेस्सर ओन लोगन क मउत स बचावत ह। उ सबइ जब भुखान होतेन तब उ ओनका सक्ती देत ह।</verse>
				<verse number="20">एह बरे हम यहोवा क बाट जोहब। उ हमार मदद अउर हमार ढाल अहइ।</verse>
				<verse number="21">परमेस्सर मोका आनन्दित करत ह। मोका फुरइ ओकरे पवित्तर नाउँ पइ भरोसा अहइ।</verse>
				<verse number="22">हे यहोवा, हम सचमुच तोहार आराधना करित ह। तउ तू हम पइ आपन महान पिरेम देखावा।</verse>
			</chapter>
			<chapter number="34">
				<verse number="1">मइँ यहोवा क सदा धन्न कहब। मोरे ओंठन पइ सदा ओकर स्तुति अहइ।</verse>
				<verse number="2">हे नम्र लोगो! सुना अउ खुस होइ जा। मोर सेखी यहोवा क बारे मँ अहइ।</verse>
				<verse number="3">मोरे संग यहोवा क गरिमा क गुणगान करा। आवा, हम एक साथ घोसना करी कि उ केतॅना अच्छा अहइ।</verse>
				<verse number="4">मइँ परमेस्सर क लगे मदद माँगइ गएउँ, उ मोर सुनेस। उ मोका ओन सबहिं बातन स बचाएस जेनसे मइँ डेरात हउँ।</verse>
				<verse number="5">गरीब लोग ओकरे कइँती मदद बरे लखत हीं। ओनकर फीका चेहरन खुसी स गाइ उठेन काहेकि उ ओनका उत्तर दिहस।</verse>
				<verse number="6">इ दीन जन यहोवा क मदद बरे पुकारेस, अउर यहोवा मोर सुनि लिहस। अउर उ सब विपत्तियन स मोर रच्छा किहस।</verse>
				<verse number="7">यहोवा क दूत ओकरे भगत जनन क चारिहुँ कइँती डेरा डाए रहत ह। अउर यहोवा क दूत ओन लोगन क रच्छा करत ह।</verse>
				<verse number="8">चखा अउर समझा कि यहोवा केतॅना भला बाटइ। उ मनई जउन यहोवा क भरोसे अहइ फुरइ खुस रही।</verse>
				<verse number="9">यहोवा क पवित्तर जन क ओकर आराधना करइ चाही। यहोवा क भगतन बरे कउनो दूसर सुरच्छित ठउर नाहीं बा।</verse>
				<verse number="10">आजु जउन बरिआर अहइँ दुर्बल अउ भूखा होइ जइहीं। मुला जउन परमेस्सर क सरण आवत हीं उ सबइ लोग हर उत्तिम वस्तु पइहीं।</verse>
				<verse number="11">हे बालको, मोर सुना, अउर मइँ तू पचन्क सिखाउब कि यहोवा क सेवा कइसे करइँ।</verse>
				<verse number="12">अगर कउनो मनई जिन्नगी स पिरेम करत ह, अउर बढ़िया अउ बड़की जिन्नगी क जिअइ चाहत ह</verse>
				<verse number="13">तउ उ मनई क बुरा नाहीं बोलइ चाही, उ मनई क झूठ नाहीं बोलइ चाही।</verse>
				<verse number="14">बुरा काम जिन करा, नेक काम करत रहा। सान्ति क कारज करा, सान्ति क प्रयास मँ जुटा रहा जब तलक ओका पाइ न ल्या।</verse>
				<verse number="15">यहोवा सज्जन लोगन क रच्छा करत ह। ओनकर पराथनन पइ उ कान देत ह।</verse>
				<verse number="16">मुला यहोवा, जउन बुरा करम करत हीं, अइसे मनइयन क खिलाफ होत ह। एह बरे उ लोग मरइ क पाछे बिसरि दीन्ह जाइहीं।</verse>
				<verse number="17">यहोवा स बिनती करा, उ तोहार सुनी। उ तू पचन्क तोहरी सबहिं मुसीबतन स बचाइ लेइ।</verse>
				<verse number="18">लोगन पइ मुसीबत आइ सकत हीं अउर उ पचे अभिमानी होब तजि देत हीं। यहोवा ओन लोगन क निअरे रहत ह। जेनकर टूटा मन अहइँ ओनका उ बचाइ लेइ।</verse>
				<verse number="19">होइ सकत ह सज्जन भी बिपदन मँ घिर जाइँ। मुला यहोवा ओन सज्जन लोगन क ओनकर हर समस्या स रच्छा करी।</verse>
				<verse number="20">यहोवा ओनकइ सब हाड़न क रच्छा करी। ओनकर एक भी हाड़ नाहीं टूटी।</verse>
				<verse number="21">दुट्ठता दुटठ लोगन बरे मउत लावत ह। सज्जन क विरोधी नस्ट होइ जइहीं।</verse>
				<verse number="22">यहोवा आपन हर दास क आतिमा बचावत ह। जउन लोग ओह पइ भरोसा रखत हीं, उ ओन लोगन क नस्ट नाहीं होइ देइ।</verse>
			</chapter>
			<chapter number="35">
				<verse number="1">हे यहोवा, मोरे मुकदमन क लड़ा। मोरे जुद्धन क लड़ा।</verse>
				<verse number="2">हे यहोवा, कवच अउ ढार धारण करा, खड़ा ह्वा अउ मोर रच्छा करा।</verse>
				<verse number="3">बरछी अउ भाला उठावा, अउर जउन मोरे पाछे पड़ा अहइँ ओनसे जुद्ध करा। हे यहोवा, मोरी आतिमा स कहा, “मइँ तोहार उद्धार करब।”</verse>
				<verse number="4">कछू लोग मोका मारइ पाछे पड़ा अहइँ। ओनका निरास अउ लज्जित करा। ओनका मोड़ द्या अउ ओनका भगाइ द्या। मोका नस्कान पहोंचावइ क कुचक्र जउन रचत अहइँ ओनका असमंजस मँ डाइ द्या।</verse>
				<verse number="5">तू ओनका अइसा भूसा स बनाइ द्या, जेका हवा उड़ाइ लइ जात ह। ओनके संग अइसा होइ द्या कि, ओनके पाछे यहोवा क दूत पड़इँ।</verse>
				<verse number="6">हे यहोवा, ओनकर राह अँधियारी अउ फिसल जाइवाली होइ जाइ। यहोवा क दूत ओनकइ पाछे पड़इँ।</verse>
				<verse number="7">उ पचे बिना कारण मोर बरे फंदा लगाएस ह। उ पचे बिना कारण मोका फँसावा चाहत हीं।</verse>
				<verse number="8">तउ, हे यहोवा, अइसे लोगन क ओनकर आपन ही जालि मँ गिरइ द्या। ओनका आपन ही फंदन मँ पड़इ द्या। अउर कउनो न मालूम भवा खतरा ओन पइ पड़द द्या।</verse>
				<verse number="9">फुन तउ यहोवा मइँ तोहे मँ आनन्द मनाउब। यहोवा क संरच्छण मँ मइँ प्रसन्न होब।</verse>
				<verse number="10">मइँ आपन पूरे मन स कहब, “हे यहोवा, तोहरे समान कउनो नाहीं अहइ। तू सबलन स दुर्बलन क बचावत ह। जउन लोग सक्तीवाला होत हीं, ओनसे तू चिजियन क छोर लेत अहा अउर दीन अउ बेसहारा लोगन क देत ह।”</verse>
				<verse number="11">एक लबार साच्छी दल मोका दुःख देइ बरे कुचक्र रचत अहइ। उ पचे मोह पइ अपराधन क इलज़ाम लगवात ह जेकरे बरे मइँ जानत ही नाहीं हउँ।</verse>
				<verse number="12">मइँ तउ बस भलाई ही भलाई किहेउँ ह। मुला उ पचे मोसे बुराई करिहीं। हे यहोवा, मोका उ उत्तिम फल द्या जउन मोका मिलइ चाही।</verse>
				<verse number="13">ओन पइ जब दुःख पड़ा, ओनके बरे मइँ दुःख भएउँ। मइँ खइया क तजिके आपन दुःख परगट किहेउँ। (जउन मइँ ओनके बरे पराथना किहेउँ, का मोका इहइ मिलइ चाही?)</verse>
				<verse number="14">ओन लोगन बरे मइँ सोक वस्त्र धारण किहेउँ। मइँ ओन लोगन क संग मीत वरन भाई जइसा बेउहार किहेउँ। मइँ उ रोवत मनई जइसा दुःखी भएउँ, जेकर महतारी मरि गइ होइ। अइसे लोगन स सोक परगट करइ बरे मइँ करिआ वस्त्र पहिर लिहेउँ। मइँ दुःखे मँ बूड़ेउँ अउर मूँड़ निहुराइके चलेउँ।</verse>
				<verse number="15">मुला जब मोसे कउनो एक चूक होइ गइ, उ सबइ लोग मोर खिल्ली उड़ाएन। उ सबइ लोग फुरइ मोर मीत नाहीं रहेन। मइँ ओन लोगन क जानत तउ नाहीं। उ पचे मोका घेरि लिहन अउर मोह पइ प्रहार किहन।</verse>
				<verse number="16">उ पचे मोह पइ दुर्जनता क संग मसखरी किहन अउ उ पचे मोह पइ दाँत पीसेन।</verse>
				<verse number="17">मोर सुआमी, तू कब तलक इ सब बुरा होत लखब्या? इ सबइ लोग मोका नास करइ क जतन करत अहइँ। हे यहोवा, मोर प्राण बचाइ ल्या। मोरी पियारी जिन्नगी क रच्छा करा। उ सबइ सिंह जइसा बन गवा अहइँ।</verse>
				<verse number="18">हे यहोवा, मइँ महासभा मँ तोहार स्तुति करब। मइँ बरिआर लोगन क संग रहत भए तोहार जस बखानब।</verse>
				<verse number="19">मोर लबार सत्रु हँसत नाहीं रहिहीं। फुरइ मोर दुस्मन आपन छुपी भइ जोजना बरे सजा पइहीं।</verse>
				<verse number="20">मोर दुस्मन सचमुच सान्ति क जोजनन क नाहीं रचतेन। उ पचे इ देस क सान्ति प्रिय लोगन क खिलाफत मँ छुप हुपिके बुरा करइ क कुचक्र रचत अहइँ।</verse>
				<verse number="21">मोर दुस्मन मोरे बरे बुरी बातन क कहत अहइँ। उ सबइ झूठ बोलत भए कहत अहइँ, “अहा! हम सबइ जानत अही तू का करत अहा!”</verse>
				<verse number="22">हे यहोवा, तू सचमुच लखत अहा कि का कछू घटत बाटइ। तउ तू जिन छुपा रहा, मोका जिन तजा।</verse>
				<verse number="23">हे यहोवा, जागा! मोका रच्छा बरे तइयार होइ जा! मोरे परमेस्सर यहोवा मोर लड़ाई लड़ा, अउर मोर निआउ करा।</verse>
				<verse number="24">हे मोरे परमेस्सर यहोवा, आपन बगइर पच्छ लिहे मोर निआउ करा, तू ओन लोगन क मोह पइ हँसइ जिन द्या।</verse>
				<verse number="25">ओन लोगन क अइसा जिन कहइ द्या, “अहा! हमका जउन चाही रहा ओका पाइ लीन्ह!” हे यहोवा, ओनका जिन कहइ द्या, “हम ओका बरबाद कइ दीन्ह।”</verse>
				<verse number="26">मइँ आसा करत हउँ कि मोर दुस्मन निरास अउ लज्जित होइहीं। उ सबइ लोग खुस रहेन जब मोरे संग बुरी बातन घटत रहिन। उ सबइ सोचा करतेन कि उ सबइ मोसे स्रेस्ठ अहइँ! तउ अइसे लोगन क लाज मँ बूड़ि जाइ द्या।</verse>
				<verse number="27">ओन लोगन क जउन मोका निर्दोख घोसित करइ चाहत ह, खुसी अउ आनन्दित होइ द्या। उ पचन क हमेसा कहइ द्या, “यहोवा महान बा! उ आपन सेवक क अच्छाई चाहत ह।”</verse>
				<verse number="28">तउ, हे यहोवा, मइँ लोगन क तोहार अच्छाई बताउब। हर दिन, मइँ तोहार स्तुति करब।</verse>
			</chapter>
			<chapter number="36">
				<verse number="1">बुरा मनई बहोत बुराई करत ह जब उ खुद स कहत ह, “मइँ परमेस्सर क आदर नाहीं करत हउँ अउ न ही डेरात हउँ।”</verse>
				<verse number="2">उ मनई खुद स झूठ बोलत ह। उ मनई खुद क आपन खोट नाहीं लखत। एह बरे उ छिमा नाहीं माँगत।</verse>
				<verse number="3">ओकर वचन सिरिफ बियर्थ अउ झूठा होत हीं। उ विवेकवाला नाहीं होत अउर न ही अच्छा काम सीखत ह।</verse>
				<verse number="4">राति क उ बिछउना मँ कुचक्र रचत ह। उ जागिके कउनो भी नीक काम नाहीं करत। उ कुकरम क तजई नाहीं चाहत।</verse>
				<verse number="5">हे यहोवा, तोहार बिस्ससनीय पिरेम अकासे स भी ऊँच बाटइ। हे यहोवा, तोहार सच्चाई बादर स भी ऊँच बाटइ।</verse>
				<verse number="6">हे यहोवा, तोहार धर्मी भावना सबन त ऊँची पर्वते स भी ऊँची बाटइ। तोहार सोभा गहिर सागर स भी गहिर अहइ। हे यहोवा, तू मनइयन अउ गोरूअन क रच्छक अहा।</verse>
				<verse number="7">तोहरी करुणा स जियादा मूल्यवान कछू भी नाहीं अहइ। मनई अउ दूत तोहरे सरण मँ आवा अहइँ।</verse>
				<verse number="8">हे यहोवा, तोहरे मन्दिर क उत्तिम बातन स उ सबइ नई सक्ती पावत हीं। तू ओनका आपन अद्भुत नदी क पानी क पिअइ देत अहा।</verse>
				<verse number="9">हे यहोवा, तोहसे जिन्नगी क झरना फूटत ह! तोहार जोति ही हमका प्रकास देखाँवत ह।</verse>
				<verse number="10">हे यहोवा, जउन तोहका सच्चाई स जानत हीं, ओनसे पिरेम करत रहा। ओन लोगन पइ तू आपन खुद क नेकी बरसावा जउन तोहरे बरे सच्चा अहइँ।</verse>
				<verse number="11">हे यहोवा, तू मोका घमण्डियन क जाल मँ जिन फँसइ द्या। दुट्ठ लोग मोका कबहुँ धइ न पावइँ।</verse>
				<verse number="12">ओनकर कब्रन क पाथरन पइ इ लिखि द्या: “दुट्ठ लोग हिआँ पइ गिरेन ह। उ सबइ कुचर दीन्ह गएन। उ पचे फिन कबहुँ खड़ा नाहीं होइ पइहीं।”</verse>
			</chapter>
			<chapter number="37">
				<verse number="1">दुर्जन लोगन स जिन घबरा, जउन बुरा करत हीं अइसे मनइयन स ईर्स्या जिन राखा।</verse>
				<verse number="2">दुर्जन मनई घास अउ हरियर पौधन क नाई हाली पिअराइ जात हीं अउर मरि जात हीं।</verse>
				<verse number="3">अगर तू यहोवा पइ भरोसा रखब्या अउर भला काम करब्या तउ तू जिअत रहब्या अउ ओन चिजियन क भोग करब्या जउन धरती देत ह।</verse>
				<verse number="4">यहोवा क सेवा मँ आनन्द लेत रहा, अउर यहोवा तोहका तोहार मन चाहा देइ।</verse>
				<verse number="5">यहोवा क भरोसे रहा। ओकर बिस्सास करा। उ वइसा करी जइसा करइ चाही।</verse>
				<verse number="6">दुपहरिया क सूरज जइसा, यहोवा तोहार नेकी अउ खरेपन क चमकावइ।</verse>
				<verse number="7">यहोवा पइ भरोसा धरा अउ ओकरे सहारे क बाट जोहा। तू दुट्ठन क कामयाबी लखिके घबरावा जिन करा। तू दुट्ठन क दुट्ठ जोजनन क कामयाब होत लखिके जिन घबरा।</verse>
				<verse number="8">तू किरोध जिन करा, तू उन्मादी जिन बना। ओतना जिन घबराइ जा कि तू बुरा काम करइ चाहा।</verse>
				<verse number="9">काहेकि बुरे मनइयन क तउ नास कीन्ह जाइ। मुला उ सबइ लोग जउन यहोवा पइ भरोसा रखत हीं, उ धरती क पइहीं जेका देइ क परमेस्सर वचन दिहेस ह।</verse>
				<verse number="10">तनिक समइ क पाछे कउनो दुर्जन नाहीं बच पाई। हेरइ स भी तोहका कउनो दुट्ठ नाहीं मिली।</verse>
				<verse number="11">नम्र लोग उ धरती पइहीं जेका परमेस्सर देइ क वचन दिहेस ह। उ सबइ सान्ति क आनन्द लेइहीं।</verse>
				<verse number="12">दुट्ठ लोग सज्जनन बरे कुचाल चलत हीं। दुट्ठ जन सज्जनन क ऊपर दाँत पीसिके देखाँवत हीं कि उ पचे कोहान अहइँ।</verse>
				<verse number="13">मुला हमार सुआमी ओन दुर्जनन पइ हँसत ह। उ ओन बातन क लखत ह जउन ओन पइ पड़इ क अहइ।</verse>
				<verse number="14">दुर्जन तउ आपन तरवार उठावत हीं अउर धनुस साधत हीं। उ पचे दीन लोगन, बेसहारा लोगन क मारइ चाहत हीं। उ सबइ सच्चे लोगन, सज्जन लोगन क मारइ चाहत हीं।</verse>
				<verse number="15">मुला ओनकर धनुस चूर चूर होइ जइहीं। अउर ओनकर तरवारन ओनकर आपन ही हिरदय मँ उतरिहीं।</verse>
				<verse number="16">थोड़ा स भला मनई, दुर्जनन क भीड़ स भी उत्तिम अहइँ।</verse>
				<verse number="17">काहेकि दुर्जनन क तउ नस्ट कीन्ह जाइ। मुला भले मनइयन क यहोवा धियान रखत ह।</verse>
				<verse number="18">सुद्ध सज्जन लोगन क यहोवा ओनकइ जिन्नगी भइ बचावत ह। ओनकर प्रतिफल सदा बना रही।</verse>
				<verse number="19">जबहिं संकट होइ, सज्जन बरबाद नाहीं होइहीं। जब अकाल पड़ी, सज्जन लोगन क लगे खइया क भरपूर होइ।</verse>
				<verse number="20">मुला बुरा मनई यहोवा क दुस्मन होत रहत हीं। तउ ओन बुरे लोगन क नस्ट कइ दीन्ह जाइ, ओनकर सबइ घाटी झुराइ जइहीं अउर बर जइहीं। ओनका तउ पूरी तरह स मेट दीन्ह जाई।</verse>
				<verse number="21">दुट्ठ तउ फउरन ही धन उधार माँग लेत ह, अउर ओका फुन कबहुँ नाहीं चुकावत। मुला एक सज्जन अउरन क खुसी स देत रहत ह।</verse>
				<verse number="22">अगर कउनो सज्जन कउनो क आसीर्बाद देइ, तउ उ सबइ मनई उ धरती क जेका परमेस्सर देइ क वचन दिहस ह, पइहीं। मुला अगर उ सराप देइ मनइयन क तउ उ सबइ नास होइ जइहीं।</verse>
				<verse number="23">यहोवा, सिपाही क होसियारी स चलइ मँ मदद करत ह। अउर उ ओका पतन स बचाइ लेत ह।</verse>
				<verse number="24">फउजी अगर धावत भए दुस्मन पइ प्रहार करइँ, तउ ओकरे हाथे क यहोवा सहारा देत ह, अउर ओका गिरइ स बचावत ह।</verse>
				<verse number="25">मइँ जुवक भवा रहेउँ पर अबहुँ मइँ बुढ़ाइ ग हउँ। मइँ कबहुँ यहोवा क सज्जन लोगन क बेसहारा तजत भए नाहीं लखेउँ। मइँ कबहुँ सज्जन लोगन क संतानन क भीख माँगत नाहीं लखेउँ।</verse>
				<verse number="26">सज्जन सदा मुक्त भाव स दान देत ह। सज्जन लोगन क गदेलन वरदान होत हीं।</verse>
				<verse number="27">अगर तू कुकरमन स आपन मुँह मोड़ ल्या, अउर अगर तू नीक करमन क करत रहा, तउ फिन तू सदा ही जिअत रहब्या।</verse>
				<verse number="28">यहोवा खरेपन स पिरेम करत ह, उ आपन निज मनवइयन क बेसहारा नाहीं तजत। यहोवा आपन निज मनवइयन क हमेसा रच्छा करत ह, अउर उ दुट्ठ जन क नस्ट कइ देत ह।</verse>
				<verse number="29">सज्जन उ धरती क पइहीं जेका देइ क परमेस्सर वचन दिहस ह, उ पचे ओहमाँ सदा सदा ही रहा करिहीं।</verse>
				<verse number="30">भला मनई तउ खरी सलाह देत ह। ओकर निआउ सब क बरे निस्पच्छ होत ह।</verse>
				<verse number="31">सज्जन क हिरदय मँ यहोवा क उपदेस रहत हीं। उ सोझ मारग पइ चलब नाहीं तजत।</verse>
				<verse number="32">मुला दुर्जन सज्जन क दुःख पहोंचावइ क रस्ता हेरत रहत ह, अउर दुर्जन सज्जन क मारइ क जतन करत हीं।</verse>
				<verse number="33">मुला यहोवा दुर्जनन क मुक्त नाहीं तजी। उ सज्जन क अपराधी नाहीं ठहरइ देइ।</verse>
				<verse number="34">यहोवा क मदद क बाट जोहत रहा। यहोवा क पाछे पाछे चलत रहा, दुर्जन नस्ट होइहीं। यहोवा तोहका महत्वपूर्ण बनाई। तू उ धरती पउब्या जेका देइ क यहोवा वचन दिहस ह।</verse>
				<verse number="35">मइँ दुट्ठ क बरिआर लखेउँ ह। मइँ ओका मजबूत अउ तन्दुरुस्त बृच्छ क नाई सक्तीसाली लखेउँ।</verse>
				<verse number="36">मुला उ सबइ फुन मिट गएन। मोरे हेरे पइ ओनकर पता तलक नाहीं मिला।</verse>
				<verse number="37">सच्चा अउ खरा बना, काहेकि इहइ स सान्ति मिलत ह।</verse>
				<verse number="38">मुला जउन लोग व्यवस्था नेम तोड़त हीं नस्ट कइ दीन्ह जइहीं।</verse>
				<verse number="39">यहोवा नेक मनइयन क रच्छा करत ह। उ आपन किला मँ रहा जब विपत्तियन आइन।</verse>
				<verse number="40">यहोवा नेक लोगन क सहारा देत ह, अउर ओनकर रच्छा करत ह। सज्जन यहोवा क सरण मँ आवत हीं अउर यहोवा ओनका दुर्जनन स बचाइ लेत ह।</verse>
			</chapter>
			<chapter number="38">
				<verse number="1">हे यहोवा, जब तू किरोध मँ रहा तउ मोका फटकार जिन लगावा; जब तू परेसानी मँ रहा मोका जिन सुधारा।</verse>
				<verse number="2">हे यहोवा, तू मोका चोट दिहा ह। तोहार बाण मोहमाँ गहिर उतरा अहइँ।</verse>
				<verse number="3">तू मोका सजा दिहा ह अउर मोर पूरी देह दुःखत बाटइ, मइँ पाप किहेउँ अउ तू मोका सजा दिहा। एह बरे मोर हाड़ दुःखत अहइ।</verse>
				<verse number="4">मइँ बुरा काम करइ क अपराधी हउँ, अउर उ अपराध एक बड़का बोझा क नाई मोरे काँधे पइ चढ़ा अहइ।</verse>
				<verse number="5">मइँ बना रहेउँ मूरख, अब मोर घाव दुर्गन्ध स भरिके रिसत अहइँ, अउर उ सबइ सड़त अहइँ।</verse>
				<verse number="6">मइँ निहुरा अउ दबा भवा अहउँ। मइँ दिन भइ उदास रहत हउँ।</verse>
				<verse number="7">बोखार स मोर गुर्दन दर्द करत ह, अउर मोर समूचे बदन मँ बेमारी अहइ।</verse>
				<verse number="8">मइँ बहोत दुर्बल अउ थका भवा हउँ। मइँ कराहत हउँ काहेकि मोर हिरदइ कस्ट झेलत अहइ।</verse>
				<verse number="9">हे यहोवा, तू मोर कराहब सुनि लिहा। मोर आह तउ तोहसे छुपी नाहीं।</verse>
				<verse number="10">मोर हिरदइ चूर-चूर होइ गवा अहइ अउर मोर सक्ति मोका छोड़ दिहेस ह। मोरी आँखिन क जोति लगभग जात रही।</verse>
				<verse number="11">काहेकि मइँ रोगी हउँ, एह बरे मोरे मीत अउ मोर पड़ोसी मोसे मिलइ नाहीं अउतेन। मोरे परिवार क लोग तउ मोरे लगे तलक नाहीं फटकतेन।</verse>
				<verse number="12">मोर दुस्मन मोर निन्दा करत हीं। उ सबइ झूठ बातन अउ प्रतिवादन क फइलावत रहत हीं। मोरे ही बारे मँ उ सबइ हरदम बातचीत करत रहत हीं।</verse>
				<verse number="13">मुला मइँ बहरा बना कछू नाहीं अनकत हउँ। मइँ गूँगा होइ गवा, जउन कछू नाहीं बोल सकत।</verse>
				<verse number="14">मइँ उ मनई क तरह बना हउँ, जउन कछू नाहीं सुन सकत कि लोग ओकरे बारे मँ का कहत अहइँ। अउर मइँ इ तर्क नाहीं दइ सकत अउर सिद्ध नाहीं कइ सकत कि मोर दुस्मन अपराधी अहइँ।</verse>
				<verse number="15">तउ, हे यहोवा, मोका तू ही बचाइ सकत ह। मोर परमेस्सर अउर मोर सुआमी मोरे दुस्मनन क तू ही फुरइ बताइ द्या।</verse>
				<verse number="16">काहेकि मइँ पराथना किहेउँ, “ओनका दुर्जन स प्रसन्न होइ क अनुमति जिन द्या जब मइँ कउनो गलती किहेउँ। ओनका आपन क बारे मँ सेखी हाँकइ क अनुमति जिन द्या।”</verse>
				<verse number="17">मइँ जानत हउँ कि मइँ आपन कुकरमन बरे पापी हउँ। मइँ आपन पीरा क बिसरि नाहीं सकत हउँ।</verse>
				<verse number="18">हे यहोवा, मइँ तोहका आपन कुकरम बताइ दिहेउँ। मइँ आपन पापन बरे दुःखी हउँ।</verse>
				<verse number="19">मोर दुस्मन जिअत अउ पूरी तरह तन्दुरुस्त अहइँ। उ पचे बहोत-बहोत झूठी बातन बोलेन ह।</verse>
				<verse number="20">मोर दुस्मन मोरे संग बुरा बेउहार करत हीं, जबकि मइँ ओनके बरे भला ही किहेउँ ह। मइँ बस भला करइ क जतन करत रहेउँ, मुला उ सबइ लोग मोरे खिलाफ होइ ग अहइँ।</verse>
				<verse number="21">हे यहोवा, मोका जिन बिसरा। मोरे परमेस्सर, मोसे तू दूर जिन रहा।</verse>
				<verse number="22">देरी जिन करा, आवा अउर मोर सुधि ल्या। हे मोर परमेस्सर मोका तू बचाइ ल्या।</verse>
			</chapter>
			<chapter number="39">
				<verse number="1">मइँ कहेउँ, “जब तलक इ सबइ दुट्ठ मोरे समन्वा रइहीं, तब तलक मइँ आपन कहनी बरे सचेत रहब। मइँ आपन वाणी क पाप स दूर रखब। अउर मइँ आपन मुँह क बंद कइ लेबउँ।”</verse>
				<verse number="2">तउ एह बरे मइँ कछू नाहीं कहेउँ। मइँ भला भी नाहीं कहेउँ। मुला मइँ बहोत परेसान भएउँ।</verse>
				<verse number="3">मइँ बहोत गुस्सान रहेउँ। इ बारे मँ मइँ जेतना सोचत चला गएउँ, ओॅतना ही मोर किरोध बाढ़त चला गवा। तउ मइँ आपन मुँह तनिकउ नाहीं खोलेउँ।</verse>
				<verse number="4">हे यहोवा, मोका बतावा कि मोरे संग का कछू घटित होइवाला अहइ? मोका बतावा, मइँ कब तलक जिअत रहब? मोका जानइ द्या फुरइ मोर जिन्नगी केतनी छोट अहइ।</verse>
				<verse number="5">तू मोका जिअइ बरे बहोत कम समइ दिहा ह। तोहार तुलना मँ मोर जिन्नगी बहोत अल्प अहइ। एक मनई क जिन्नगी सिरिफ एक साँस अहइ। कउनो भी सदा नाहीं जिअत।</verse>
				<verse number="6">उ जिन्नगी जेका हम लोग जिअत ह, उ झूठी छाया भइ होत ह। जिन्नगी क सारी भाग दौड़ निस्प्रयोजन होत ह। हम पचे तउ बेकार ही चिन्ता पालित ह। धन दौलत वस्तुअन क हम जोरिके धरित ह, मुला हम नाहीं जानित ओनका कउन भोगी।</verse>
				<verse number="7">तउ, मोरे यहोवा, मइँ का आसा रखउँ? तू ही बस मोर आसा अहा!</verse>
				<verse number="8">हे यहोवा, जउन कुकरम मइँ किहेउँ ह, ओनसे तू ही मोका बचउब्या। तू मोरे संग कउनो क भी कउनो विवेकी न होइवाला जन क संग क नाई बेउहार नाहीं करइ देब्या।</verse>
				<verse number="9">मइँ आपन मुँह नाहीं खोलब। मइँ कछू भी नाहीं कहब। यहोवा तू वइसे किह्या जइसे करइ चाही रहा।</verse>
				<verse number="10">मुला परमेस्सर, मोका सजा देब तजि देइ। अगर तू मोका सजा देब नाहीं तज्या, तउ तू मोर नास करब्या।</verse>
				<verse number="11">हे यहोवा, तू लोगन क ओनकर कुकरमन क सजा देत अहा, अउर इ तरह जिन्नगी क खरी राह लोगन क सिखावत ह। हमार काया पुरान अउ दुबराइ जात ह। अइसे उ ओढ़ना क नाईं जेहमाँ कीरा लाग होइ। हमार जिन्नगी एक ठु नान्ह बादर जइसे लखत बिलाइ जात ह।</verse>
				<verse number="12">हे यहोवा, मोर विनती सुना। मोरे ओन सब्दन क सुना जउन मइँ तोहसे गोहराइके कहत हउँ। मोरे आँसुअन क लखा। मइँ बस राहगीर हउँ, तोहका संग लिए इ जिन्नगी क राहे स गुजरत हउँ। इ जिन्नगी क राहे पइ मइँ आपन पुरखन क तरह कछू समइ मात्र पइ टिका भवा हउँ।</verse>
				<verse number="13">हे यहोवा, मोका अकेल्ले रहइ द्या। मरइ स अउ चलि जाइ स पहिले मोका फुन स आनन्दित होइ द्या।</verse>
			</chapter>
			<chapter number="40">
				<verse number="1">यहोवा क मइँ पुकारेउँ। उ मोर सुनेस। उ मोर रोदन क सुन लिहस।</verse>
				<verse number="2">यहोवा मोका विनास क गड़हा स उबारेस। उ मोका दलदल गड़हा स उठाएस, अउर उ मोका चट्टाने पइ बइठाएस। उ ही मोरे कदमन क टेकाएस।</verse>
				<verse number="3">यहोवा मोरे मुँह मँ एक ठु नवा गीत बसाएस। परमेस्सर क एक ठु स्तुति गीत। बहुतेरे लोग लखिहीं जउन मोरे संग भवा ह। अउर फुन परमेस्सर क आराधना करिहीं। उ पचे यहोवा क बिस्सास करिहीं।</verse>
				<verse number="4">अगर कउनो मनई यहोवा क भरोसे रहत ह, तउ उ मनई सचमुच खुस होइ। अउ अगर कउनो मनई मूर्तियन अउ झूठ देवतन क सरण मँ नाहीं जाइ, तउ उ मनई फुरइ खुस होइ।</verse>
				<verse number="5">हमार परमेस्सर यहोवा, तू बहुतेरा अद्भुत काज किहा ह। हमरे बरे तोहरे लगे अद्भुत जोजना अहइँ। कउनो मनई नाहीं जउन ओका गन सकइ। मइँ तोहरे कीन्ह काम क बारंबार बखानबउँ।</verse>
				<verse number="6">हे यहोवा, तू मोका इ समुझाया ह: तू फुरइ कउनो अन्नबलि अउ पसुबलि नाहीं चाहत रह्या। कउनो होमबलि अउ पापबलि तोहका नाहीं चाही।</verse>
				<verse number="7">तउ मइँ कहेउँ, “लखा मइँ आवत हउँ! किताबे मँ मोरे बारे मँ इहइ लिखा अहइ।</verse>
				<verse number="8">हे मोरे परमेस्सर, मइँ उहइ करइ चाहत हउँ जउन तू चाहत ह। मइँ मनवा मँ तोहरी सिच्छन क बसाइ लिहेउँ।”</verse>
				<verse number="9">मइँ महासभा क बीच लोगन क उद्धार क खुस खबरी कहेउँ। हे यहोवा, तू जानत अहा कि एकरे बारे मँ कहइ स डरेउँ नाहीं।</verse>
				<verse number="10">मइँ तोहार उद्धार बरे चुप नाहीं रहब। हे यहोवा, मइँ तोहार बिस्सासी अउर मुक्ति बरे खुलके बोलेउँ। मइँ महासभा मँ तोहार बिस्ससनीय पिरेम अउर दयालुता क बिना छुपाए बोलेउँ।</verse>
				<verse number="11">एह बरे हे यहोवा, तू आपन दाया मोहसे जिन छुपावा। तू आपन करुणा अउ सच्चाई स मोर रच्छा करा।</verse>
				<verse number="12">मोका दुट्ठ मनइयन घेरि लिहन, उ पचे ऍतना जियादा बाटेन कि गना नाहीं जातेन। मोका आपन पापन घेरि लिहे अहइँ, अउर मइँ ओनसे बचिके पराइ नाहीं सकत हउँ। मोर पाप मोरे मूँड़े क बारे स जियादा अहइँ। मोर साहस मोहसे हेराइ चुका बाटइ।</verse>
				<verse number="13">हे यहोवा, मोरी कइँती दउड़ा अउ मोर रच्छा करा। आवा, देरी जिन करा, मोका बचाइ ल्या।</verse>
				<verse number="14">उ सबइ दुट्ठ मनई मोका मारइ क जतन करत हीं। हे यहोवा, ओनका लज्जित करा अउ ओनका निरास कइ द्या। उ सबइ मनई मोका दुःख पहोंचावइ चाहत हीं। तू ओनका अपमानित होइके पराइ द्या।</verse>
				<verse number="15">उ सबइ दुट्ठ लोग मोर मसखरी उड़ावत हीं। ओनका ऍतना सर्मिन्दा करा कि उ पचे बोल तलक न पावइँ।</verse>
				<verse number="16">मुला उ सबइ मनई जउन तोहका हेरत हीं, आनन्द मँ भरि जाइँ। उ सबइ मनई सदा इ कहत रहइँ, “यहोवा क गुण गावा!” ओन लोगन क तोहसे ही रच्छित होब नीक लागत ह।</verse>
				<verse number="17">हे मोर सुआमी, मइँ तउ बस दीन, बेसहारा मनई अहउँ। मोर रच्छा करा, तू मोका बचाइ ल्या। हे मोर परमेस्सर, अब जियादा देर जिन करा।</verse>
			</chapter>
			<chapter number="41">
				<verse number="1">जउन दीन क कामयाब होने मँ मदद करत ह उ धन्य अहइ। यहोवा ओनका बचावत ह जब उ पचे विपत्ती मँ होत हीं।</verse>
				<verse number="2">यहोवा उ मनई क रच्छा करी अउ ओकर जिन्नगी बचाइ। उ मनई धरती पइ बहोतइ बरदान पाई। परमेस्सर ओकरे दुस्मनन क जरिये ओकर नास नाहीं होइ देइ।</verse>
				<verse number="3">जब मनई रोगी होइ अउर बिछउना मँ पड़ा होइ, ओका यहोवा सक्ति देइ। उ मनई बिछउना मँ चाहे रोगी पड़ा होइ, मुला यहोवा ओका चंगा कइ देइ।</verse>
				<verse number="4">मइँ कहेउँ, “यहोवा, मोहे पइ दाया करा। मइँ तेरे खिलाफ पाप किहेउँ ह, मुला मोका अउर अच्छा करा।”</verse>
				<verse number="5">मोर दुस्मन मोरे बरे अपसब्द कहत अहइँ, उ पचे कहत अहइँ, “इ कब मरी अउर कब बिसराइ दीन्ह जाई?”</verse>
				<verse number="6">कछू लोग मोरे लगे मिलइ बरे आवत हीं। उ पचे कउनो लाभदायक बात नाहीं बोलत हीं, उ पचे सिरिफ कछू समाचार मोरे बरे जमा करत हीं। बाद मँ इ ओनका हर जगह फइलावत हीं।</verse>
				<verse number="7">मोर दुस्मन छुपे छुपे मोर निन्दा करत रहत हीं। उ पचे मोरे खिलाफ कुचक्र रचत हीं।</verse>
				<verse number="8">उ पचे कहा करत हीं, “उ कउनो बुरा करम किहेस ह, इहइ स ओका कउनो बुरा लोग लगा ह। मोका आसा अहइ उ कबहुँ तन्दुरुस्त नाहीं होइ।”</verse>
				<verse number="9">मोर परम मित्र मोरे संग खात रहा, ओह पइ मोका भरोसा रहा। मुला अब मोर परम मित्र भी मोरे खिलाफ होइ ग अहइ।</verse>
				<verse number="10">तउ हे यहोवा, मोह पइ कृपा करा अउ मोहे पइ कृपालु ह्वा। मोका खड़ा करा कि मइँ बदला लेउँ।</verse>
				<verse number="11">हे यहोवा, अगर तू मोरे दुस्मनन क बुरा नाहीं करइ देब्या, तउ मइँ समुझब कि तू मोका अपनाइ लिहा ह।</verse>
				<verse number="12">मइँ निर्दोख रहेउँ अउर तू मोर मदद किहा। तू मोका खड़ा किहा अउर मोका तोहार सेवा करइ दिहा।</verse>
				<verse number="13">इस्राएल क परमेस्सर, यहोवा क प्राचीन काल स लइके अन्तिम समई तलक धन्न होइ। आमीन, आमीन!</verse>
			</chapter>
			<chapter number="42">
				<verse number="1">एक ठु पिआसा हिरन क नाईं जउन धार क पानी पिअइ क इच्छुक अहइ, वइसे ही, हे परमेस्सर, मोर प्राण तोहरे इच्छा रखत हीं।</verse>
				<verse number="2">मोर प्राण जिअत परमेस्सर क पिआसा अहइ। मइँ ओहसे मिलइ बरे कब आइ सकत हउँ?</verse>
				<verse number="3">राति अउ दिन मोर हर दिन क भोजन सिरिफ आँसू बाटइ। मोर दुस्मन कहत हीं, “तोहार परमेस्सर कहाँ बा?”</verse>
				<verse number="4">तउ मोका इ सबइ बातन क सुमिरइ द्या। मोका आपन हिरदइ बाहेर उड़ेरइ द्या। मोका सुमिरन अहइ मइँ परमेस्सर क मन्दिर मँ चलेउँ अउ भिड़िया क अगुआई करत रहेउँ। मोका सुमिरन अहइ उ लोगन क संग आनन्द स भरा बड़कई क गीत गाउब अउर उ उत्सव मनाउब।</verse>
				<verse number="5">मइँ ऍतना दुःखी काहे हउँ? मइँ ऍतना बियाकुल काहे हउँ? “मोका परमेस्सर क सहारे क बाट जोहइ चाही। मोका अबहुँ ओकर स्तुति क अवसर मिली। उ मोका बचाई। हे मोरे परमेस्सर, मइँ बहोतइ दुःखी हउँ। एह बरे मइँ यरदन नदी क स्रोत मँ, हर्मोन पहाड़ क आधार पइ छोटा पहाड़ी मँ तोहार आराधना किहेउँ ह।”</verse>
				<verse number="6"></verse>
				<verse number="7">जइसे नदी क लहरन आवत अउ गरजत ह मइँ झरना क कोलाहल करत भए सब्द सुनत हउँ। वइसे ही मोका विपत्तियन बारम्बार घेरी रहिन। हे यहोवा, तोहार लहरन एक क बाद दूसरा आवत ह, मोर चारिहुँ कइँती घेरिके मोका दहबोच रखेन ह।</verse>
				<verse number="8">अगर हर दिन यहोवा बिस्ससनीय पिरेम देखाइ। फुन तउ राति मँ मइँ ओकर गीत गाइ पाउब। मइँ आपन सजीव परमेस्सर क पराथना कइ सकब।</verse>
				<verse number="9">मइँ आपन परमेस्सर, आपन चट्टान स बातन करत हउँ। मइँ कहा करत हउँ, “हे यहोवा, तू मोका काहे बिसराइ दिहा? ये यहोवा, तू मोका इ काहे नाहीं देखाँया कि मइँ आपन दुस्मनन स बचिके कइसे निकरउँ?”</verse>
				<verse number="10">मोर दुस्मनन मोका मारइ क जतन किहेन। उ पचे मोहे पइ आपन घिना देखाँवत हीं जब उ पचे कहत हीं, “तोहार परमेस्सर कहाँ अहइ?”</verse>
				<verse number="11">मइँ ऍतना दुःखी काहे हउँ? मइँ काहे ऍतना बियाकुल हउँ? “मोका परमेस्सर क सहारे क बाट जोहइ चाही? मोका अब भी ओकर स्तुति करइ क अवसर मिली। उ मोका बचाइ।”</verse>
			</chapter>
			<chapter number="43">
				<verse number="1">हे परमेस्सर, एक मनई अहइ जउन तोहार अनुसरण नाहीं करत। उ मनई दुट्ठ अहइ अउ झूठ बोलत ह। हे परमेस्सर, मोर मोकदमा लड़ा अउर इ निर्णय करा कि कउन सत्य बाटइ। मोका उ मनई स बचाइ ल्या।</verse>
				<verse number="2">हे परमेस्सर, तू ही मोर सरणस्थल अहा! मोका तू काहे बिसराइ दिहा? तू मोका इ काहे नाहीं देखाँया कि मइँ आपन दुस्मनन स कइसे बचिके निकरउँ?</verse>
				<verse number="3">हे परमेस्सर, तोहार जोति अउ सच्चाई क मोह पइ चमकइ द्या। उ मोका तोहार पवित्तर पर्वत पइ तोहार आपन वास-स्थान जाइ मँ अगुवाइ करइ।</verse>
				<verse number="4">मइँ तउ परमेस्सर क वेदी क लगे जाब। परमेस्सर मइँ तोहरे पास आउब। उ मोका आनन्दित करत ह। हे परमेस्सर, हे मेरे परमेस्सर, मइँ वीणा पइ तोहार स्तुति करब।</verse>
				<verse number="5">मइँ ऍतना दुःखी काहे हउँ? मइँ काहे ऍतना बियाकुल हउँ? “मोका परमेस्सर क सहारे क बाट जोहइ चाही। मोका अब भी ओकर स्तुति क अवसर मिली। उ मोका बचाई।”</verse>
			</chapter>
			<chapter number="44">
				<verse number="1">हे परमेस्सर, हम पचे तोहरे बारे मँ सुने अही। हमार पुरखन ओनकइ दिनन मँ जउन काम तू किहे रह्या ओनके बारे मँ हम पचन्क बताया। उ पचे पुराने जमाने मँ जउन तू किह्या ह, ओनका हम पचन्क बताया।</verse>
				<verse number="2">हे परमेस्सर, तू इ धरती आपन महासक्ति स पराये लोगन्स लिहा अउर हम का दिहा। ओन बिदेसी लोगन्क तू कुचर दिहा, अउर ओनका इ धरती तजिके देइ क दबाव डाया।</verse>
				<verse number="3">हमार पुरखन इ धरती आपन तरवारन क बल पइ नाहीं लिहे रहेन आपन भुजदण्डन क बल पइ बिजयी नाहीं भएन। इ एह बरे भवा रहा। काहेकि तू हमरे पुरखन क संग रह्या। हे परमेस्सर, तोहार महान सक्ति हमरे पुरखन क रच्छा किहस। काहेकि तू ओनसे पिरेम करत रह्या।</verse>
				<verse number="4">हे मोरे परमेस्सर, तू मोर राजा अहा। उ आदेस द्या जउन कि याकूब क लोगन क जीत मँ अगुवाइ करी।</verse>
				<verse number="5">परमेस्सर, तोहरी सक्ति स हम आपन दुस्मनन क पीछे ढकेल दिहन। तोहार नाउँ स हम आपन दुस्मन क कुचरि देब।</verse>
				<verse number="6">मोका आपन धनुस अउ बाणन पइ भरोसा नाहीं। मोर तरवार मोका बचाइ नाहीं सकत।</verse>
				<verse number="7">हे परमेस्सर, तू ही हमका मिस्र स बचाया। तू हमरे दुस्मनन क लज्जित किहा।</verse>
				<verse number="8">हर दिन हम परमेस्सर क गुण गाउब। हम तोहरे नाउँ क स्तुति सदा करब।</verse>
				<verse number="9">मुला अब, हे यहोवा, तू हम लोगन स पीछे मुड़ि गवा ह अउ हमका नीचा कइ दिहा ह! तू हमरे फउज मँ जुरइ स इन्कार कइ दिहा ह जब हम जुद्ध मँ गए रहेन!</verse>
				<verse number="10">तू हमका हमरे दुस्मनन क लगे छोड़ि दिहेस, तउ उ पचे हमार सारा धन दौलत छीन लइ गएन।</verse>
				<verse number="11">तू हमका उ भेड़ी क नाई तज्या जउन खइया क तरह खाइ क होत ह। तू हमका रास्ट्रन क बीच छितराइ दिहा।</verse>
				<verse number="12">हे परमेस्सर, तू आपन लोगन क यूँ ही बेच दिहा, अउ ओनके मूल्य पइ भाव ताव नाहीं किहा।</verse>
				<verse number="13">तू हमका हमरे पड़ोसियन मँ हँसी क पात्र बनाया। हमरे पड़ोसी हमार मसखरी करत हीं, अउर हमार मजाक बनावत हीं।</verse>
				<verse number="14">लोग हमरी भी कथा उपहास कथा मँ कहत हीं। हिआँ तलक कि उ सबइ लोग जेनका आपन कउनो रास्ट्र नाहीं अहइ, आपन मूँड़ी हलाइके हमार मसखरी करत हीं।</verse>
				<verse number="15">मइँ लज्जा मँ बूड़ा अहउँ। मइँ सारे दिन भइ निज लज्जा निहारत रहत हउँ।</verse>
				<verse number="16">मोर दुस्मन मोका लज्जित किहेन ह। मोर मसखरी उड़ावत भए मोर दुस्मन, आपन बदला लेइ चाहत ह।</verse>
				<verse number="17">हे परमेस्सर, हम तोहका बिसरावा नाहीं। फिन भी तू हमरे संग अइसा करत ह। हम जब आपन करार पइ तोहरे संग हस्ताच्छर किहे रहे, झूठ नाहीं बोले रहे।</verse>
				<verse number="18">हे परमेस्सर, हम तउ तोहसे मुँह नाहीं मोड़ा। अउर न ही तोहार अनुसरण करब तजा ह।</verse>
				<verse number="19">मुला, हे यहोवा, तू हमका इ ठउरे पइ अइसे ठूँस दिहा ह जहाँ सियार रहत हीं। तू हमका इ जगह मँ जउन मउत क तरह अँधियर अहइ मूँद दिहा ह।</verse>
				<verse number="20">का हम आपन परमेस्सर क नाउँ बिसरी? का हम विदेसी देवतन क अगवा निहुरी? नाहीं।</verse>
				<verse number="21">निहचय ही, परमेस्सर ऍन बातन क जानत ह। उ तउ हमार गहिर रहस्य तलक जानत ह।</verse>
				<verse number="22">हे परमेस्सर, हम तोहरे बरे रोज रोज मारा जात अही। हम ओन भेड़िन जइसा बना अही जउन बधइ बरे लइ जाई जात अहइँ।</verse>
				<verse number="23">मोर सुआमी, उठ! नींदिया मँ काहे ओलरा अहा? उठा! हमका सदा बरे जिन तजा।</verse>
				<verse number="24">हे परमेस्सर, तू हमसे काहे छुपत ह? का तू हमार दुःख अउर सबइ वेदना क बिसरि गवा अहा?</verse>
				<verse number="25">हमका धूरि मँ पटक दीन्ह गवा ह। हम ओंधा मुँह कइके धरती पइ पड़ा भवा अही।</verse>
				<verse number="26">हे परमेस्सर, उठा अउर हमका बचाइ ल्या। आपन नित्य पिरेम क कारण हमार रच्छा करा।</verse>
			</chapter>
			<chapter number="45">
				<verse number="1">सुन्नर सब्द मोरे मनवा मँ भरि जात हीं, जब मइँ राजा बरे बातन लिखत हउँ। मोरी जिभिया पइ सब्द अइसे आवइ लागत हीं जइसे उ पचे कउनो कुसल लेखक क लेखनी स निकरत होइँ।</verse>
				<verse number="2">सबइ मनइयन मँ, तू अति सुन्नर अहइ। तोहार मुँहे स कृपालु सब्द निकलत अहा। एह बरे परमेस्सर तोहका सदा-सर्वदा आसीस देइ।</verse>
				<verse number="3">तू आपन तरवार क जोद्धन क कमर पइ बाँधा। तू महिमा वाला वस्त्र धारण करा।</verse>
				<verse number="4">तू अद्भुत देखाँत अहा। जा, धरम अउ निआउ क जुद्ध जीत ल्या। अद्भुत करम क करइ बरे सक्ती स भरी दाहिनी भुजा क प्रयोग करा।</verse>
				<verse number="5">तोहार तीर तइयार अहइँ। तू बहुतेरन क हराइ देब्या। तू आपन दुस्मनन पइ हुकूमत करब्या।</verse>
				<verse number="6">हे परमेस्सर, तोहार सिंहासन हमेसा रहब। तोहार साही राजदण्ड अच्छाई तोहार राज्ज क मज़बूत बनावत ह।</verse>
				<verse number="7">तू नेकी स पिआर अउ बुराई स घिना करत अहा। एह बरे सक्तीमान निआवाधीस, तोहार परमेस्सर तोहका तोहार साथियन क ऊपर राजा चुनेस ह।</verse>
				<verse number="8">तोहार ओढ़ना महकत अहइँ जइसे गंध रस, अगर अउ तेज पात स मधुर गंध आवति होइ। हाथी दाँत स जड़ा भवा राजमहलन स तोहका आनन्द मँ भरि देइ क मधुर संगीत क झंकार फइलति अहइँ।</verse>
				<verse number="9">राजा लोगन क बिटियन अइसा सेवा किहेन जइसा कि उ राजा क बिवाह मँ दुल्हन क सेविकन अहइँ। तोहार महरानी ओपीर क सोना स बना मुकुट पहिरे तोहरे दाहिन कइँती विराजति अहइँ।</verse>
				<verse number="10">हे राजपुत्री, मोरी बात क सुना। धियानदइके सुना, तबहिं तू मोरी बात क समझबू। तू आपन निज लोगन अउर बाप क घराने क बिसरि जा।</verse>
				<verse number="11">राजा तोहरे सुन्दरता पइ मोहित अहइ। इ तोहार नवा सुआमी होइ। तोहका एकर सम्मान करब अहइ।</verse>
				<verse number="12">सूर सहर क लोग तोहरे बरे उपहार लइ अइहीं। अउर धनी मानी तोहसे मिलइ चइहीं।</verse>
				<verse number="13">उ राजकन्या उ मूल्यवान रत्न क नाई अहइ जेका सुन्नर मूल्यवान सुवर्ण मँ जड़ा गवा होइ।</verse>
				<verse number="14">ओका रमणीक वस्त्र पहिराइके लिआवा गवा बाटइ। ओकरी सखियन क भी जउन ओकरे पाछे अहइँ राजा क समन्वा लावा गवा।</verse>
				<verse number="15">उ पचे हिआँ उल्लास मँ आई अहइँ। उ पचे आनन्द मँ मगन होइके राजमहल मँ प्रवेस करिहीं।</verse>
				<verse number="16">राजा, तोहरे पाछे तोहार पूत सासक होइहीं। तू ओनका समूचे धरती क राजा बनउब्या।</verse>
				<verse number="17">मइँ तोहरे नाउँ क प्रचार जुग जुग तलक करब। तू प्रसिद्ध होब्या, तोहरे जसे क गीतन क लोग सदा सदा ही गावत रइहीं।</verse>
			</chapter>
			<chapter number="46">
				<verse number="1">परमेस्सर हमरे पराक्रम क भण्डार अहइ। संकट क समइ उ हमेसा मदद बरे हुवाँ होइ।</verse>
				<verse number="2">एह बरे जब धरती काँपत ह अउर जब पर्वत समुद्र मँ भहराइ लागत ह, हमका डर नाहीं लागत।</verse>
				<verse number="3">हम नाहीं डेराइत जब सागर उफनत अउ मटमैला होइ जात ह, अउर धरती अउ पहाड़ काँपइ लागत हीं।</verse>
				<verse number="4">हुआँ एक ठु नदी अहइ, जउन परम परमेस्सर क नगरी क आपन धारा स खुसी स भरि देत ह।</verse>
				<verse number="5">उ सहर मँ परमेस्सर अहइ, इहइ स ओकर कबहुँ पतन नाहीं होइ। परमेस्सर ओकर मदद भोर स पहिले ही करी।</verse>
				<verse number="6">यहोवा क गरजत ही, रास्ट्र डर स काँपि जइहीं। ओनकर राजधानियन क पतन होइ जात ह अउ धरती पिघल उठत ह।</verse>
				<verse number="7">सर्वसक्तिमान यहोवा हमरे संग अहइ। याकूब क परमेस्सर हमार सरणस्थल अहइ।</verse>
				<verse number="8">आवा ओन सक्ती स भरा कामे क लखा जेनका यहोवा करत ह। उ सबइ काम ही धरती पइ यहोवा क मसहूर करत हीं।</verse>
				<verse number="9">यहोवा धरती पइ होत भए कहूँ भी जुद्ध क रोक सकत ह। उ सबइ फउजी क धनुसन क तोड़ सकत हीं, अउ ओनके भालन क चकनाचूर कइ सकत ह, रथन क उ बारिके भसम कइ सकत ह।</verse>
				<verse number="10">परमेस्सर कहत ह, “सांत बना अउ जाना कि मइँ ही परमेस्सर अहउँ! रास्ट्रन क बीच मोर बड़कई होइ। धरती पइ मोर महिमा फइलि जाइ!”</verse>
				<verse number="11">यहोवा सर्वसक्तिमान हम पचन्क संग बा। याकूब क परमेस्सर हमार ढाल अहइ।</verse>
			</chapter>
			<chapter number="47">
				<verse number="1">हे सबहिं लोगो, ताली बजावा, अउर आनन्द मँ भरिके परमेस्सर क जय जयकार करा!</verse>
				<verse number="2">महिमा महिम यहोवा भय अउर विस्मय स भरा बाटइ। सारी भुइँया क उहइ महान राजा अहइ।</verse>
				<verse number="3">उ हुकूम दिहेस कि रास्ट्रन हमार नियंत्रन मँ होब ऍह बरे हम पचन्क ओनका हराइ दिहा ह।</verse>
				<verse number="4">हमार धरती उ हमरे बरे चुनेस ह। उ याकूब बरे अद्भुत धरती चुनेस जेहसे उ पिरेम करत ह।</verse>
				<verse number="5">यहोवा परमेस्सर तुरही क ध्वनि अउर जुद्ध क नरसिंहे क स्वर क संग ऊपर उठत ह।</verse>
				<verse number="6">परमेस्सर क गुणगान करत भए गुण गावा। हमरे राजा क बड़कई क गीत गावा। अउर ओकर जस क गीत गावा।</verse>
				<verse number="7">परमेस्सर सारी भुइँया क राजा अहइ। ओकर बड़कई क गीत गावा।</verse>
				<verse number="8">परमेस्सर आपन पवित्तर सिंहासन पइ बिराजत ह। परमेस्सर सबहिं रास्ट्रन पइ हुकूमत करत ह।</verse>
				<verse number="9">रास्ट्रन क नेता, इबाहीम क परमेस्सर क लोगन क संग मिलत हीं। सबहिं रास्ट्रन क नेता, परमेस्सर क अहइँ। परमेस्सर ओन सबन क ऊपर अहइ।</verse>
			</chapter>
			<chapter number="48">
				<verse number="1">यहोवा महान अहइ। उ हमेसा मोर परमेस्सर क नगर मँ आपन पवित्तर पर्वत पइ बड़कई करत अहइ।</verse>
				<verse number="2">सिय्योन पर्वत असल मँ परमेस्सर क पवित्तर पर्वत बाटइ। इ महान राजा क नगर बाटइ। समूचइ संसार क लोग हिआँ खुस रहत हीं काहेकि इ प्रसन्नता क सिखर पइ अहइँ।</verse>
				<verse number="3">उ सहर क महलन मँ, परमेस्सर क सरणस्थल क नाउँ स जाना जात ह।</verse>
				<verse number="4">एक दाई कछू राजा आपुस मँ आइके मिलेन अउर उ पचे इ सहर पइ हमला करइ क कुचक्र रचेन। सबहिं एक अउटिके चढ़ाई बरे अगवा बढ़ेन।</verse>
				<verse number="5">राजा क लखिके उ सबइ सबहिं चकित भएन। ओनमाँ भगदड़ मची अउ उ सबइ सबहिं पराइ गएन।</verse>
				<verse number="6">ओनका डर दहबोच लिहस, उ सबइ डर स काँपि उठेन।</verse>
				<verse number="7">प्रचण्ड पुरवइया हवा ओनके जहाजन क चकनाचूर कइ दिहस।</verse>
				<verse number="8">हाँ, हम पचे तोहार प्रबलता क कहानी सुना ह। अउर हम पचे तउ ऍका सर्वसक्तिमान यहोवा क सहर मँ हमरे परमेस्सर क सहर मँ घटत भए भी लखा। यहोवा उ सहर क हमेसा बरे सुदृढ़ बनाएस ह।</verse>
				<verse number="9">हे परमेस्सर, हम तोहरे मन्दिर मँ तोहरी पिरेम स भरी करुणा पइ विचार करित ह।</verse>
				<verse number="10">हे परमेस्सर, तू मसहूर अहा, लोग धरती पइ हर कहूँ तोहार स्तुति करत हीं। हर मनई जानत ह कि तू केतॅना भला अहा।</verse>
				<verse number="11">हे परमेस्सर, तोहरे उचित निआउ क कारण सिय्योन पर्वत खुस अहइ। अउर यहूदा क नगरियन आनन्द मनावत अहइँ।</verse>
				<verse number="12">सिय्योन क परिक्रमा करा। नगरी क दर्सन करा। तू मीनारन क लखा।</verse>
				<verse number="13">ऊँच चहरदीवारन क लखा। सिय्योन क महलन क सराहा, तबहिं तू आवइवाली पीढ़ी स ऍकर बखान कइ सकब्या।</verse>
				<verse number="14">सचमुच हमार परमेस्सर सदा सदा ही परमेस्सर रही। उ हमका सदा ही राह देखाई। ओकर कबहुँ भी अंत नाहीं होई।</verse>
			</chapter>
			<chapter number="49">
				<verse number="1">अलग-अलग देसन क निवासियो, इ सुना। धरती क वासियो इ सुना।</verse>
				<verse number="2">सुना अरे दीन लोगो, अरे धनिको सुना।</verse>
				<verse number="3">मइँ तू पचन्क गियान अउ विवेक क बातन बतावत हउँ।</verse>
				<verse number="4">मइँ सबइ कथा सुनेउँ ह, मइँ अब उ सबइ कथा तू पचन्क आपन वीणा पइ सुनाउब।</verse>
				<verse number="5">अइसा कउनो कारण नाहीं जउन मइँ कउनो भी बिनास स डेराइ जाउँ। अगर लोग मोका घेरइँ अउ फँदा फइलावइँ, मोका डेराइ क कउनो कारण नाहीं।</verse>
				<verse number="6">उ सबइ लोग मूरख अहइँ जेनका आपन निज सक्ति अउ आपन धन पइ भरोसा अहइ।</verse>
				<verse number="7">कउनो मानव मीत ओनका छोड़ा नाहीं सकत। कउनो मनई परमेस्सर क रिसवत दइके बिना सज़ा क जाई देइ नाहीं सकत।</verse>
				<verse number="8">कउनो मनई क लगे ऍतना धन नाहीं होई कि जेहसे उ खुद आपन निज जिन्नगी मोल लइ सकइ।</verse>
				<verse number="9">कउनो मनई क लगे ऍतना धन नाहीं होइ सकत कि उ आपन देह कब्र मँ सड़इ स बचाइ सकइ।</verse>
				<verse number="10">लखा, बुद्धिमान जन, बुद्धिहीन जन अउ पाथर जइसा मूरख जन एक जइसे मरि जात हीं, अउर ओनकर सारा धन दूसर लोगन क हाथे मँ चला जात ह।</verse>
				<verse number="11">कब्र सदा ही बरे हर कउनो क घर बनी, एकर कउनो अरथ नाहीं कि उ पचे केतनी भुइँया क सुआमी रहेन।</verse>
				<verse number="12">धनी मनई मूरख लोगन स अलग नाहीं होतेन। सबहिं लोग गोरूअन क तरह मर जात हीं।</verse>
				<verse number="13">मूरख लोगन बरे इहइ होत ह। इ ओनकर भाग्य अहइ अउर ओकरे संतानन क भाग्य जउन ओकरे जइसा इच्छा रखत ह।</verse>
				<verse number="14">सबहिं लोग भेड़ी जइसेन बाटेन। कब्र ओनकर बरे बाड़ा बन जाइ। मउत ओनके चरवाहा बनी। ओनकर काया छीन होइ जाइ अउर उ पचे कब्र मँ सड़ गल जइहीं।</verse>
				<verse number="15">मुला यहोवा मोर मूल्य चुकाई अउर मोका कब्र स बचाइ। काहेकि उ मोका आपन संग लेब।</verse>
				<verse number="16">धनवानन स जिन डेराअ कि उ पचे धनी अहइँ। लोगन स ओनकर धन दौलत स भरा घरन क लखिके जिन डेराअ।</verse>
				<verse number="17">उ सबइ लोग जब मरिहीं कछू भी संग न लइ जाइ जइहीं। ओन सुन्नर वस्तुअन मँ स कछू भी न लई जाइ पइहीं।</verse>
				<verse number="18">लोगन क चाही कि उ सबइ जब तलक जिअत रइहीं परमेस्सर क स्तुति करइँ। जब परमेस्सर ओनके संग भलाई करइ, तउ लोगन क ओकर स्तुति करइ चाही।</verse>
				<verse number="19">मनइयन बरे एक अइसा समइ आइ जब उ पचे आपन पुरखन क संग मिल जइहीं। फिर उ पचे कबहुँ दिन क प्रकास नाहीं लखि पइहीं।</verse>
				<verse number="20">धनी मनई मूरख लोगन स अलग नाहीं होतेन। सबहिं लोग गोरुअन क नाईं मरत हीं।</verse>
			</chapter>
			<chapter number="50">
				<verse number="1">देवतन क देवता यहोवा कहेस ह। पूरब स पच्छिम तलक धरती क सब मनइयन क उ बोलाएस।</verse>
				<verse number="2">सिय्योन स परमेस्सर क सुन्नरता प्रकासित होत बाटइ।</verse>
				<verse number="3">हमार परमेस्सर आवत अहइ, अउर उ चुप नाहीं रही। ओकरे समन्वा बरत ज्वाला बा, ओका एक ठु बड़का तूफान घेरे बाटइ।</verse>
				<verse number="4">हमार परमेस्सर आकास अउ धरती क गोहराइके आपन निजी लोगन क निआउ करइ बोलावत ह।</verse>
				<verse number="5">“मोर मनवइयो, मोरे लगे बटुरा। मोर उपासको आवा हम आपुस मँ एक ठु करार किहे अही।”</verse>
				<verse number="6">परमेस्सर निआउ क जज अहइ अकास ओकरी धार्मिक भावना क घोसणा करत ह।</verse>
				<verse number="7">परमेस्सर कहत ह, “सुना मोरे भक्तो! इस्राएल क लोगो, मइँ तू पचन्क खिलाफ साच्छी देबउँ। मइँ परमेस्सर हउँ, तोहार परमेस्सर।</verse>
				<verse number="8">मोका तोहरी बलियन स सिकाइत नाहीं। इस्राएल क लोगो, तू पचे सदा होम बलियन मोका चढ़ावत रहा। तू पचे हर रोज अर्पित करा।</verse>
				<verse number="9">मइँ तोहरे घरे स कउनो बर्धा नाहीं लेब। मइँ तोहरे गोरू घरे स कउनो बोकरा नाहीं लेब।</verse>
				<verse number="10">मोका तोहरे ओन गोरुअन क जरूरत नाहीं। मइँ ही तउ वन क सबहिं गोरुअन क सुआमी हउँ। हजारन पहाड़न पइ जउन गोरू विचरत हीं, ओन सबन क मइँ सुआमी हउँ।</verse>
				<verse number="11">जिन चिरइयन क बसेरा सब स ऊँच पहाड़ पइ अहइ, ओन सबन क मइँ जानत हउँ। अचलन पइ जउन सचल अहइँ उ सबइ सब मोरे ही अहइँ।</verse>
				<verse number="12">मइँ भुखान नाहीं हउँ, अगर मइँ भूखा होतउँ, तउ भी तू पचन्स मोका भोजन नाहीं माँगइ क पड़त। मइँ जगत क सुआमी हउँ अउर ओकर भी हर चीज जउन इ जगत मँ बाटइ।</verse>
				<verse number="13">मइँ बर्धा क गोस नाहीं खावा करत हउँ। बोकरन क खून नाहीं पिअत हउँ।”</verse>
				<verse number="14">फुरइ जउन बलि क परमेस्सर क प्रसन्न करत ह धन्यवाद क भेंटन होइ अउर उ प्रतिग्या क पूरा करत ह जउन तू सर्वोच्च परमेस्सर क समन्वा किहे रह्या।</verse>
				<verse number="15">परमेस्सर कहत ह, “मोका पुकारा जब तू मुसीबत मँ रह्या, मइँ तू पचन्क खतरा स निकारब, अउर तब तू पचे मोर मान कइ सकब्या।”</verse>
				<verse number="16">दुट्ठ लोगन स परमेस्सर कहत ह, “तू पचे मोर व्यवस्था क बातन करत अहा, तू पचे मोरे करार क भी बातन करत अहा।</verse>
				<verse number="17">फुन जब मइँ तू पचन्न्क सुधारत हउँ, तब भला तू पचे मोसे बैर काहे करत अहा?। तू पचे ओन बातन क उपेच्छा काहे करत अहा जेनका मइँ तू पचन्क बतावत हउँ?</verse>
				<verse number="18">तू पचे चोर क लखिके ओसे मिलइ बरे दौड़ जात अहा। तू पचे ओनके संग बिछउना मँ कूद पड़त अहा जउन बिभिचार करत हीं।</verse>
				<verse number="19">तू पचे बुरा वचन अउ झूठ बोलत अहा।</verse>
				<verse number="20">तू पचे दूसर लोगन क हिआँ तलक कि आपन भाइयन क निन्दा करत अहा।</verse>
				<verse number="21">तू पचे बुरा करम करत अहा, अउर तू सोचत अहा मोका चुप रहइ चाही। तू कछू नाहीं कहत अहा अउर सोचत अहा कि मोका चुप रहइ चाही। लखा, मइँ चुप नाहीं रहब, तोहका स्पस्ट कइ देब। तोहरे ही मुँहे पइ तोहार दोख बताउब।</verse>
				<verse number="22">तू लोग परमेस्सर क बिसरि गवा अहा। एकरे पहिले कि मइँ तोहका चीर डावउँ, अच्छी तरह समुझ ल्या। जब वइसा होइ कउनो भी मनई तू पचन्क बचाइ नाहीं पाई।</verse>
				<verse number="23">अगर कउनो मनई स्तुति अउ धन्यवादन क बलि चढ़ावइ, तउ उ सचमुच मोर मान करी। अगर कउनो मनई आपन जिन्नगी बदल डावइ तउ ओका मइँ परमेस्सर क सक्ति देखाँउब जउन बचावत हीं।”</verse>
			</chapter>
			<chapter number="51">
				<verse number="1">हे परमेस्सर, आपन बिसाल पिरेम स भरी आपन करुणा स मोह पइ दाया करा। आपन बड़ी दयालुता स मोरे सबहिं पापन क तू मेट द्या।</verse>
				<verse number="2">मोर सबइ पापन क धोइ डावा, अउर फुन स मोका स्वच्छ बनाइ द्या।</verse>
				<verse number="3">मइँ जानत हउँ, जउन पाप मइँ किहे अहउँ। मइँ आपन पापन क सदा आपन समन्वा लखत हउँ।</verse>
				<verse number="4">हे परमेस्सर, मइँ उहइ काम किहेउँ जेनका तू बुरा कह्या। तू उहइ अहा, जेकरे खिलाफ मइँ पाप किहेउँ। मइँ स्वीकार करत हउँ इ सबइ बातन क, ताकि लोग जानि जाइँ कि मइँ पापी हउँ अउर तू निआउ स पूर्ण अहा, अउ तोहार निर्णय निस्पच्छ होत हीं।</verse>
				<verse number="5">मोर महतारी मोका दोखी मँ जनमेस, अउर पाप मँ मोर महतारी मोका गर्भ मँ धारण किहस।</verse>
				<verse number="6">हे परमेस्सर, तू चाहत अहा, हम बिस्सासी बनी। अउर निर्भय बन जाउँ। एह बरे तू मोका सच्चा विवेक स रहस्यन क सिच्छा द्या।</verse>
				<verse number="7">मोह पइ जूफा क पौंधा क प्रयोग करा अउर मोका पापे स स्वच्छ करा। मोका तब तलक धोआ, जब तलक मइँ बर्फ स जियादा उज्जवर न होइ जाउँ।</verse>
				<verse number="8">मोका खुस बनाइ द्या। बताइ द्या मोका कि कइसे खुस बनउँ? मोर उ सबइ हड्डियन जउन तू तोड़्या, फिन आनन्द स भरि जाइँ।</verse>
				<verse number="9">मोरे पापन्क जिन लखा। ओन सबन्क धोइ डावा।</verse>
				<verse number="10">हे परमेस्सर, मोहेमाँ एक ठु नवा, सुद्ध हिरदइ बनावा। मोरी आतिमा क फुन सुदृढ़ कइ द्या।</verse>
				<verse number="11">मोका आपन समन्वा स जिन दूर हटावा, तोहार पवित्तर आतिमा क मोहसे जिन छोर ल्या।</verse>
				<verse number="12">उ उल्लास जउन तोहसे आव्त ह, मोहमाँ भरि जाइ। मोरे चित्त क अडिग अउ तइयार करा सुरच्छित होइ बरे अउर तोहार हुकूम मानइ बरे।</verse>
				<verse number="13">मइँ पापियन क तोहार जिन्नगी विधि सिखाउब, जेहसे उ सबइ लउटिके तोहरे लगे आवइँ।</verse>
				<verse number="14">हे परमेस्सर, धरती पइ क हर कउनो दोख स मोर रच्छा करा, मोर परमेस्सर, परमेस्सर जउन मोका बचाएस, मोका तोहार सदाचारी क बारे मँ गावइ क अनुमति द्या?</verse>
				<verse number="15">हे मोर सुआमी, मोका मोर मुँह खोलइ द्या कि मइँ तोहार बड़कई क गीत गावउँ।</verse>
				<verse number="16">जउन बलियन तोहका नाहीं नीक लगतिन तउ मोका चढ़ाउब नाहीं अहइँ। उ सबइ बलियन तोहका बांछित तलक नाहीं अहइँ।</verse>
				<verse number="17">हे परमेस्सर, मोर टुटही आतिमा ही तोहरे बरे मोर बलि अहइ। हे परमेस्सर, तू एक कुचरा अउ टुटहा हिरदइ स मुँह नाहीं फेरब्या।</verse>
				<verse number="18">हे परमेस्सर, सिय्योन बरे दयालु होइके, उत्तिम बना। तू यरूसलेम क सहर क चहरदीवारी क बनावा।</verse>
				<verse number="19">तू उत्तिमा बलियन क अउ सम्पूर्ण होमबलियन क आनन्द ल्या। लोग फुन स तोहरी वेदी पइ बर्धन क बलियन द्या।</verse>
			</chapter>
			<chapter number="52">
				<verse number="1">अरे ओ, बड़का मनई! तू काहे सेखी बघारत अहा जउन बुरे करमन क तू करत अहा? तू लगातार परमेस्सर क अपमान करत अहा।</verse>
				<verse number="2">तू मूरखता भरा कुचक्र रचत अहा। तोहार जीभ वइसी ही भयानक अहइ, जइसे तेज उस्तरा होत ह। काहेकि तोहार जीभ झूठ बोलत रहत ह!</verse>
				<verse number="3">तोहका नेकी स जियादा बदी भावत ह। तोहका झूठ क बोलब, फुरइ बोलइ स जियादा भावत ह।</verse>
				<verse number="4">तोहका अउ तोहरी झूठी जीभ क, लोगन क हानि पहोंचाउब नीक लागत ह।</verse>
				<verse number="5">तोहका परमेस्सर सदा बरे नस्ट कइ देइ। उ तोह पइ झपटी अउर तोहका धरिके घरे से बाहेर करी। उ तोहका मारी अउ तोहार कउनो भी संतान नाहीं रही।</verse>
				<verse number="6">सज्जन लोग ऍका लखिहीं अउ परमेस्सर स डेराब अउर ओकर आदर करब सिखिहीं। उ पचे तोह पइ, जउन घटा ओह पइ हँसिहीं अउर कइहीं,</verse>
				<verse number="7">“लखा उ मनई क संग का भवा जउन यहोवा पइ निर्भर नाहीं रहा। उ मनई सोचेस कि ओकर धन अउर झूठ ऍकर रच्छा करिहीं।”</verse>
				<verse number="8">मुला मइँ परमेस्सर क मन्दिर मँ एक ठु हरिअर जइतून क बृच्छा जइसा अहउँ। मोर परमेस्सर क बिस्सासी पिरेम मँ सदा-सदा बरे भरोसा अहइ।</verse>
				<verse number="9">हे परमेस्सर, मइँ ओन कामे क बरे जेनका तू किह्या हमेसा स्तुति करब। मइँ तोहरे बिस्सासी मनइयन क समन्वा तोहरे नाउँ क घोसना करब।</verse>
			</chapter>
			<chapter number="53">
				<verse number="1">मूरख ही सोचत ह कि परमेस्सर नाहीं होत ह। इ तरह क लोग विनासकारी, भ्रस्ट, कुटिल होत हीं। उ पचे तउ कउनो नीक काम नाहीं करतेन।</verse>
				<verse number="2">परमेस्सर अकासे मँ स नीचे सबइ लोगन क लखेस। इ लखत ह कि का हिआँ स कउनो बुद्धिमान मनई ओका हेरत रहत रहा?</verse>
				<verse number="3">मुला सबहिं लोग परमेस्सर स भटक गवा अहेन। हर मनई बुरा अहइ। कउनो भी मनई कउनो नीक करम नाहीं करत, एक ठु भी नाहीं।</verse>
				<verse number="4">परमेस्सर कहत ह, “निहचय ही उ सबइ दुट्ठ लोग सत्य क जानत हीं। उ सबइ दुट्ठ लोग मोरे मनवइयन क अइसे बरबाद करइ क तइयार अहइँ, जइसे उ सबइ निज खइया क खाइ क तइयार रहत हीं”</verse>
				<verse number="5">मुला उ सबइ दुट्ठ लोग ऍतना डेराइ जइहीं, जेतँना उ सबइ दुट्ठ लोग पहिले कबहुँ डेरानेन नाहीं। एह बरे परमेस्सर इस्राएल क ओन दुट्ठ दुस्मन लोगन क तजेस ह। परमेस्सर क मनवइयन ओनका हरइहीं अउर परमेस्सर ओन दुट्ठन क हड्डियन क छितराइ देइ।</verse>
				<verse number="6">कउनो एक सिय्योन पर्वत स इस्राएल क बचाइ! जब परमेस्सर आपन लोगन क स्थिति पुन: स्थापित करी, याकूब क लोग खुस होइहीं। हाँ इस्राएल बहोत खुस होइ।</verse>
			</chapter>
			<chapter number="54">
				<verse number="1">हे परमेस्सर, आपन सक्ति क प्रयोग करा अउर हम पचन्क क बचावा। आपन महान सक्ति क प्रयोग इ सिद्ध करइ बरे करा कि हम पचन क निर्दोख अही।</verse>
				<verse number="2">हे परमेस्सर, मोर पराथना सुना। जउन मइँ कहत हउँ सुना।</verse>
				<verse number="3">अजनबी लोग मोरे खिलाफ उठ खड़ा भएन अउ बरिआर लोग मोका मारइ क जतन करत अहइँ। हे परमेस्सर, अइसे इ सबइ लोग तोहरे बारे मँ सोचत भी नाहीं।</verse>
				<verse number="4">लखा, मोर परमेस्सर, मोर मदद करी। मोर सुआमी मोका सहारा देइ।</verse>
				<verse number="5">मोर परमेस्सर ओन लोगन क सजा देइ, जउन मोरे खिलाफ उठ खड़ा भवा अहइँ। परमेस्सर मोरे बरे सच्चा सिद्ध होइ, अउर उ ओन लोगन क बरबाद कइ देइ।</verse>
				<verse number="6">हे परमेस्सर, हम पचे आपन इच्छा स तोहका बलियन अर्पित करब। हे यहोवा, हम पचे तोहरे नीक नाउँ क बड़कई करब।</verse>
				<verse number="7">मुला, मइँ तोहसे इ विनय करत हउँ, कि मोका तू मोरे दुःखन स बचाइ ल्या। तू मोका मोरे दुस्मनन क हारा भवा देखाँइ द्या।</verse>
			</chapter>
			<chapter number="55">
				<verse number="1">हे मोर परमेस्सर, मोर पराथना सुना। कृपा कइके तू मोहसे दूर जिन ह्वा।</verse>
				<verse number="2">हे परमेस्सर, कृपा कइके मोर सुना अउर मोका जवाब द्या। तू मोका आपन दुःख तोहसे कहइ द्या।</verse>
				<verse number="3">मोर दुस्मन मोहसे दुर्बचन बोलेन ह। दुट्ठ लोग मोह पइ चीखेन ह। मोर दुस्मन किरोध कइके मोह पइ टूट पड़ा अहइँ। उ पचे मोका नास करइ बिपत्ति ढावत अहइँ।</verse>
				<verse number="4">मोर मनवा भितरे स चूर-चूर होत बा, अउर मोका मउत स बहोत डर लागत अहइ।</verse>
				<verse number="5">मइँ बहोत डेरान अहउँ। मइँ थरथर काँपत अहउँ। मइँ डेरान अहउँ।</verse>
				<verse number="6">ओह, अगर कबूतरे क नाई मोरे पखना होतेन, अउर मइँ पखना पवतेउँ तउ दूर कउनो चैन पावइ क जगह उड़ि जातेउँ।</verse>
				<verse number="7">मइँ उड़िके दूर निर्जन जगह मँ जातेउँ।</verse>
				<verse number="8">मइँ दूर चला जाब अउर इ बिपत्ति क आँधी स बचिके दूर भाग जाब।</verse>
				<verse number="9">हे मोर सुआमी, हवाँ सहर मँ मतभेद अउर हिंसा अहइ। ओनके झूठन क रोका जउन मतभेद का कारण अहइँ।</verse>
				<verse number="10">बाहेर दिन अउर रात इ सहर ओन स घेरे अहइ, अउर अन्दर मँ हुवाँ परेसानियन अउर अपराधन अहइँ।</verse>
				<verse number="11">गलियन मँ बहोत जियादा अपराध फइलत अहइ। हर कहूँ लोग झूठ बोलिके छलत अहइँ।</verse>
				<verse number="12">जदि इ मोर दुस्मन होत अउर मोका नीचा देखाँवत तउ मइँ ऍका सहि लेतेउँ। अगर इ सबइ मोर दुस्मन होतेन, अउर मोह पइ वार करतेन तउ मइँ छिप सकत रहेउँ।</verse>
				<verse number="13">ओ। मोरे संगी, मोरे हमजोली, मोरे मीत, इ मगर तू अहा अउर तू ही मोका कस्ट पहोंचावत अहा।</verse>
				<verse number="14">हम आपुस मँ गुप्त बातन बाँटे रहेन। हम परमेस्सर क मन्दिर मँ साथ-साथ उपासना कीन्ह।</verse>
				<verse number="15">कास कउनो दुस्मन आपन समइ स पहिले ही मरि जाइँ। कास ओनका जिअत ही गाड़ दीन्ह जाइ, काहेकि उ पचे आपन घरन मँ अइसे भयानक कुचक्र रचा करत हीं।</verse>
				<verse number="16">मइँ तउ मदद बरे परमेस्सर क पुकारब। यहोवा ओकर जवाब मोका देइ।</verse>
				<verse number="17">मइँ तउ आपन दुःख क परमेस्सर स भिन्सारे दुपहरिया अउ राति मँ कहब। उ मोर सुनी।</verse>
				<verse number="18">मइँ केतनी जुद्धन मँ लड़ाई लड़ेउँ ह। मुला परमेस्सर मोरे संग अहइ, अउर हर जुद्ध स मोका सुरच्छित लउटाइ।</verse>
				<verse number="19">परमेस्सर मोर सुना अउर ओनका हराइ देब। उ अनन्त राजा बाटइ। मोर दुस्मन कबहुँ नाहीं बदलिहीं। उ पचे परमेस्सर स नाहीं डरतेन, अउर न ही ओकर आदर करतेन।</verse>
				<verse number="20">मोर दुस्मन आपन ही मीतन पइ वार करतेन। उ सबइ ओन बातन क नाहीं करतेन, जेनका करइ क उ पचे सहमत होइ ग रहेन।</verse>
				<verse number="21">मोर दुस्मन फुरइ मीठा बोलत हीं, अउर सुसान्ति क बातन करत रहत हीं। मुला असलियत मँ, उ पचे जुद्ध क कुचक्र रचत हीं। ओनकर सब्द काट करत हीं छुरी क तरह अउ फिसलन भरा अहइँ जइसे तेल होत ह।</verse>
				<verse number="22">आपन सबइ चिन्ता क तू यहोवा क सौंप द्या। फुन उ तोहार रखवारी करी। यहोवा सज्जन क कबहुँ हारइ न देइ।</verse>
				<verse number="23">एहसे पहिले कि ओनकर आधी उमर बीत जाइ। हे परमेस्सर, ओन हत्यारन क अउर ओन झूठन क कब्र मँ पठवा। जहाँ तलक मोर अहइ, मइँ तउ तोह पइ भरोसा रखब।</verse>
			</chapter>
			<chapter number="56">
				<verse number="1">हे परमेस्सर, मोह पइ दयालु रहा, काहेकि लोग मोह पइ वार किहेन ह। उ पचे मोरे खिलाफ समूचइ दिन लड़त रहत रहेन।</verse>
				<verse number="2">मोर दुस्मन सारा दिन मोह पइ वार करत रहेन। हुआँ पइ डटा भए अनगिनत जोद्धा अहइँ।</verse>
				<verse number="3">समूचइ दिन, जब कबहुँ मइँ डेरात हउँ, तउ मइँ तोह पइ भरोसा करबउँ।</verse>
				<verse number="4">मइँ परमेस्सर क भरोसे अहउँ, तउ मइँ डेरान नाहीं अहउँ। लोग मोका नस्कान नाहीं पहोंचाइ सकतेन। मइँ परमेस्सर क बचनन बरे ओकर बड़कई करत हउँ जउन मोका दिहेस।</verse>
				<verse number="5">मोर दुस्मन सदा मोरे सब्दन क तोड़त मरोड़त रहत हीं। मोरे खिलाफ उ पचे सदा कुचक्र रचत रहत हीं।</verse>
				<verse number="6">उ पचे आपुस मँ मिलिके अउर लुक छिपिके मोर हर बाते क टोह लेत रहत हीं। मोर प्राण हर लेइ क कउनो राह सोचत हीं।</verse>
				<verse number="7">हे परमेस्सर, ओनका बचिके निकरइ जिन द्या। ओनके बुरे करमन क सजा ओनका द्या।</verse>
				<verse number="8">तू इ जानत अहा कि मइँ बहोत बियाकुल अहउँ। तू इ जानत अहा कि मइँ तोहका केतना पुकारेउँ ह? तू निहचय ही मोरे सबइ आँसुअन क लेखा-जोखा रखे भए अहा।</verse>
				<verse number="9">तउ अब मइँ तोहका मदद पावइ क पुकारब। मोरे दुस्मनन क तू हराइ द्या। मइँ इ जानत हउँ कि तू इ कइ सकत अहा। काहेकि तू परमेस्सर अहा।</verse>
				<verse number="10">मइँ परमेस्सर क गुण ओकरे वचन बरे गावत हउँ। मइँ परमेस्सर क गुणन क ओकरे उ बचन बरे गावत हउँ जउन उ मोका दिहेस ह।</verse>
				<verse number="11">मोका परमेस्सर पइ भरोसा अहइ एह बरे मइँ नाहीं डेरात हउँ। लोग मोर बुरा नाही कइ सकतेन।</verse>
				<verse number="12">हे परमेस्सर, मइँ जउन तोहार मन्नतन मानेउँ ह, मइँ ओनका पूरा करब। मइँ तोहका धन्यवादे क भेंट चढ़ाउब।</verse>
				<verse number="13">काहेकि तू मोका मउत स बचाया ह। तू मोका हार स बचाया ह एह बरे मोका परमेस्सर क सेवा हिआँ रहइवाला लोगन क समन्वा करइ चाही।</verse>
			</chapter>
			<chapter number="57">
				<verse number="1">हे परमेस्सर, मोह पइ करुणा करा। मोह पइ दयालु ह्वा काहेकि मोरे मनवा क आस्था तोहमाँ बाटइ। मइँ तोहरे लगे तोहार ओट पावइ क आवा हउँ। जब तलक संकट दूर न होइ।</verse>
				<verse number="2">मइँ सर्वोच्च परमेस्सर क मदद बरे बुलाएउँ। उ मोर पूरी तरह धियान रखत ह।</verse>
				<verse number="3">उ सरग स मोरे बरे मदद पठवत ह अउ मोका बचाइ लेत ह। जउन लोग मोका सतावा करत हीं। परमेस्सर आपन सच्चा पिरेम अउर विस्सासी मोह पइ देखाँवत ह।</verse>
				<verse number="4">मोर दुस्मनन मोका चारिहुँ कइँती स घेरि लिहन ह। मोर प्राण संकट मँ अहइँ। उ पचे अइसेन अहइँ, जइसे नर भच्छी सिंह अउर ओनकर तेज दाँत भालन अउ तीर स अउर ओनकर जीभ तेज तरवार क जइसी अहइ।</verse>
				<verse number="5">हे परमेस्सर, तू महान अहा। तोहार महिमा धरती पइ छाई बाटइ, जउन अकासे स ऊँच अहइ।</verse>
				<verse number="6">मोर दुस्मनन मोरे बरे जाल फइलाएन ह। मोका फँसावइ क उ पचे जतन करत अहइँ। उ पचे मोरे बरे गहिर गड़हा खोदे अहइँ, कि मइँ ओहमाँ गिरि जाउँ।</verse>
				<verse number="7">मुला परमेस्सर मोर रच्छा करी। मोर भरोसा अहइ, कि उ मोरे हिम्मत क बनाए रक्खी। मइँ ओकर जस गाथा क गावा करब।</verse>
				<verse number="8">मोर मन खड़ा ह्वा! ओ सितारो अउ वीणाओ, बजब सुरू करा! आवा, हम मिलिके भिन्सारे क जगाइ।</verse>
				<verse number="9">हे मोरे सुआमी, हर कउनो बरे, मइँ तोहार जस गावत हउँ। मइँ तोहार जस गाथा हर रास्ट्र क सुनावत हउँ।</verse>
				<verse number="10">हे परमेस्सर तोहार बिस्ससनीय पिरेम सरगे स ऊँचा अहइ। तोहार बिस्ससी ओतॅना ऊँचा अहइ जेतॅना आकास।</verse>
				<verse number="11">हे परमेस्सर तू सरगे स ऊँच अहइ, तोहार महिमा समूचइ धरती पइ छाइ जाइ।</verse>
			</chapter>
			<chapter number="58">
				<verse number="1">निआवधीसो, तू पचे पच्छपात रहित नाहीं रह्या। तू लोगन क निआउ निज निर्णयन मँ निस्पच्छ नाहीं करत अहा।</verse>
				<verse number="2">नाहीं, तू पचे तउ सिरिफ बुरी बातन ही सोचत अहा। इ देस मँ तू पचे हिंसा स भरा अपराध करत अहा।</verse>
				<verse number="3">उ सबइ दुट्ठ लोग जइसे ही पइदा होत हीं, बुरे कामन क करइ लग जात हीं। उ पचे पइदा होत ही झूठ बोलइ लग जात हीं।</verse>
				<verse number="4">उ पचे उ भयानक साँप अउ नाग जइसे होत हीं, जउन सुन नाहीं सकत। उ सबइ दुट्ठ जन भी आपन कान सच्चाई स मूँद लेत हीं।</verse>
				<verse number="5">बुरे लोग वइसे ही होत हीं जइसे सँपेरन क गीतन क या ओनकर संगीतन क करिया नाग सुन नाहीं सकत।</verse>
				<verse number="6">हे यहोवा! उ सबइ लोग अइसेन होत हीं जइसे सिंह। एह बरे हे यहोवा, ओनकर दाँत तोड़ा।</verse>
				<verse number="7">जइसे बहत जल लुप्त होइ जात ह, वइसेन ही उ सबइ लोग लुप्त होइ जइहीं। अउर जइसे राह क उगी भइ दूब कुचर दीन्ह जात ह, वइसेन उ सबइ भी कुचरि दीन्ह जइहीं।</verse>
				<verse number="8">उ सबइ घोंघा क नाई होइँ जउन चलइ मँ गल जात हीं। उ सबइ उ गदेला क नाई होइँ जउन मरा ही पइदा भवा, जउन दिन क प्रकास कबहुँ नाहीं लखेस।</verse>
				<verse number="9">उ सबइ उ बाड़े क काँटन क तरह हाली ही बरबाद होइँ, जउन आगी पइ चढ़ी भइ हाँड़ी गरमावइ बरे हाली जरि जात हीं।</verse>
				<verse number="10">जब सज्जन ओन लोगन क सजा पावत लखत ह जउन ओकरे संग बुरा किहेन ह, उ खुस होत ह। उ आपन गोड़ ओन दुट्ठन क खून मँ धोइ।</verse>
				<verse number="11">जब अइसा होत ह, तउ लोग कहइ लागत हीं, “सज्जनन क ओनकर फल निहचय मिलत ह। फुरइ परमेस्सर जगत क निआउ कर्ता अहइ।”</verse>
			</chapter>
			<chapter number="59">
				<verse number="1">हे परमेस्सर, तू मोका मोरे दुस्मनन स बचाइ ल्या मोर मदद ओनसे विजयी बनवइ मँ करा जउन मोरे खिलाफ जुद्ध करइ आवा अहइँ।</verse>
				<verse number="2">अइसे ओन लोगन स, तू मोका बचाइ ल्या। तू ओन हत्यारन स मोका बचाइ ल्या। जउन बुरे कामन क करत रहत हीं।</verse>
				<verse number="3">लखा! बलवान लोग मोका घात लगाए अहइँ। उ पचे मोका मारि डावइ क बाट जोहन अहइँ। एह बरे नाहीं कि मइँ कउनो पाप किहेउँ ह या मोसे कउनो अपराध बन पड़ा अहइ।</verse>
				<verse number="4">उ पचे मोरे पाछे पड़ा अहइँ, मुला मइँ कउनो भी बुरा करम नाहीं किहेउँ ह। हे यहोवा, आवा! तू खुद अपने आप लख ल्या!</verse>
				<verse number="5">हे परमेस्सर! इस्राएल क परमेस्सर! तू सर्वसक्तिसाली अहा। तू उठा अउर ओन लोगन क दण्डित करा। ओन बिस्सासघातियन ओन दुर्जन लोगन पइ तनिकउ भी दया जिन देखाँवा।</verse>
				<verse number="6">उ सबइ दुर्जन साँझ क होत ही सहर मँ घुसि आवत हीं। उ सबइ लोग गुर्रात कूकुरन स सहर क बीच मँ घूमत रहत हीं।</verse>
				<verse number="7">तू ओनकर धमकियन अउर अपमानन क सुना। उ पचे अइसी क्रूर बातन कहा करत ही। उ सबइ इ बात क चिंता तलक नाहीं करतेन कि ओनकर कउन सुनत ह।</verse>
				<verse number="8">हे यहोवा, तू ओनकर उपहास कइके ओन सबहिं लोगन क मजाक बनाइ द्या।</verse>
				<verse number="9">हे परमेस्सर, तू मोर सक्ति अहा, मइँ तोहार बाट जोहत हउँ। हे परमेस्सर, तू ऊँचे पहाड़न पइ मोर सुरच्छा क ठउर अहा।</verse>
				<verse number="10">परमेस्सर मोहसे पिरेम करत ह, अउर उ जीतइ मँ मोर सहायक होइ। उ मोरे दुस्मनन क हरावइ मँ मोर मदद करी।</verse>
				<verse number="11">हे परमेस्सर, बस ओनका जिन मार डावा, नाहीं तउ होइ सकत ह मोर लोग बिसरि जाइँ। हे मोर सुआमी अउ संरच्छक, तू आपन सक्ती स ओनका छितराइ द्या अउर हराइ द्या।</verse>
				<verse number="12">उ सबइ बुरे लोग कोसत अउ झूठ बोलत रहत हीं। ओन बुरी बातन क सजा ओनका द्या, जउन उ पचे कहे अहइँ। ओनका आपन अभिमान मँ फँसइ द्या।</verse>
				<verse number="13">तू आपन किरोध स ओनका बरबाद करा। ओनका पूरी तरह बरबाद करा। लोग तबहिं जनिहीं कि परमेस्सर, याकूब क लोगन क अउर उ सारे संसार क राजा अहइ।</verse>
				<verse number="14">फुन अगर उ सबइ लोग संझा क एहर ओहर टहरत गुर्रातन कूकुरन स सहर मँ आवइँ,</verse>
				<verse number="15">तउ उ सबइ खाइ क कउनो क चीज हेरत फिरिहीं, अउर खाइ क कछू भी नाहीं पइहीं अउर न ही सोवइ क कउनो ठउर पइहीं।</verse>
				<verse number="16">मुला मइँ तोहार बड़कई क गीत गाउब। हर भिन्सारे मइँ तोहरे पिरेम मँ आनन्दित होब। काहेकि तू पर्वतन क ऊपर मोर सरणस्थल अहा मइँ तोहरे लगे आइ सकत हउँ, जब मोका विपत्तियन घेरिहीं।</verse>
				<verse number="17">मइँ आपन गीतन क तोहरी बड़कइ मँ गाउब काहेकि पर्वतन क ऊपर तू मोर सरणस्थल अहा। तू परमेस्सर अहा, जउन मोका पिरेम करत ह।</verse>
			</chapter>
			<chapter number="60">
				<verse number="1">हे परमेस्सर, तू हमका बिसराइ दिहा। तू हमका तितर-बितर कइ दिहा, तू हम पइ कोहाइ गवा। तू कृपा कइके वापस आवा।</verse>
				<verse number="2">तू धरती कँपाया अउर ओका फारि दिहा। हमार जगत बिखरत अहइ कृपा कइके ओका जोर द्या।</verse>
				<verse number="3">तू आपन लोगन क बहोतइ यातना दिहा ह। हम दाखरस पिए लोग जइसे लड़खड़ात रहेन अउर भहरात अही।</verse>
				<verse number="4">मुला तू आपन बिस्सासी मानइवालन क चेताइ बरे कि उ पचन क अब आपन दुस्मन क धनुस चलाइवालन दुआरा तितर-बितर होइ क पाछे कहाँ जमा होइ चाही।</verse>
				<verse number="5">तू आपन महासक्ति क प्रयोग कइके हमका बचाइ लिहा। मोर पराथना क जवाब द्या अउर उ मनई क बचाइ ल्या जउन तोहका पियारा अहइ।</verse>
				<verse number="6">परमेस्सर आपन मन्दिर मँ कहेस: “मोर विजय होइ अउर मइँ विजय पइ खुस होब। मइँ इ धरती क आपन लोगन क बीच बाँटब। मइँ सकेम अउ सुक्कोत घाटी क बँटवारा करब।</verse>
				<verse number="7">गिलाद अउ मनस्से मोर बनिहीं। एप्रैम मोरे मूँड़े क टोप (हेलमेट) बनी। यहूदा मोर राजदण्ड बनी।</verse>
				<verse number="8">मइँ मोआब क अइसा बनाउब, जइसा कउनो मोर गोड़ धोवइ क पात्र। एदोम एक दास जइसा जउन मोर पनहियन उठावत ह। मइँ पलिस्ती लोगन क हराउब अउर विजय क उद्घोस करब।”</verse>
				<verse number="9">कउन मोका ओकरे खिलाफ जुद्ध करइ क सुरच्छित मजबूत सहर मँ लइ जाइ? मोका कउन एदोम तलक लइ जाइ?</verse>
				<verse number="10">हे परमेस्सर, बस तू ही इ करइ मँ मोर मदद कइ सकत ह। मुला तू तउ मोका बिसराइ दिहा। परमेस्सर हमरे साथे नाहीं जाइ अउर उ हमरी सेना क संग नाहीं जाइ।</verse>
				<verse number="11">हे परमेस्सर, तू ही हमका इ संकट क भुइँया स उबार सकत ह। मनई हमार रच्छा नाहीं कइ सकतेन।</verse>
				<verse number="12">मुला हमका परमेस्सर ही मजबूत बनाइ सकत ह। परमेस्सर हमार दुस्मनन क पराजित कइ सकत ह।</verse>
			</chapter>
			<chapter number="61">
				<verse number="1">हे परमेस्सर, मोर पराथना गीत सुना। मोर विनती सुना।</verse>
				<verse number="2">जब मइँ मातम स भरि ग रहेउँ, मइँ तोहार मदद पावइ बरे तोहका पुकारब जहाँ कहेउँ भी मइँ होउँ! तू मोह पइ दयालु ह्‌वा अउर मोका बहोत ऊँच सुरच्छित ठउरे पइ जाइ बरे मोर अगुवाइ करा।</verse>
				<verse number="3">तू ही मोर सरणस्थल अहा, तू ही मोर सुदृढ गढ़ अहा। जउन मोका मोरे दुस्मनन स बचावत ह।</verse>
				<verse number="4">तोहरे डेरा मँ, मइँ सदा सदा बरे बसव। मइँ हुअँई छिपब जहाँ तू मोका बचाइ सका।</verse>
				<verse number="5">हे परमेस्सर, तू मोर उ मन्नत सुन्या ह, जेका तोहे पइ चढ़ाउब, मुला तोहरे मनवइयन क लगे हर वस्तु ओनका तोहसे ही मिली अहइँ।</verse>
				<verse number="6">राजा क लम्बी उमर देइ। ओका हमेसा जिअइ द्या।</verse>
				<verse number="7">ओका सदा परमेस्सर क आसीर्बाद मँ बना रहइ द्या। ओकर रच्छा बिस्ससनीय पिरेम अउ दयालुता स करा।</verse>
				<verse number="8">मइँ तोहरे नाउँ क गुण सदा गाउब। ओन बातन क करब जेनका करइ क वचन मइँ दिहेउँ ह।</verse>
			</chapter>
			<chapter number="62">
				<verse number="1">मोर प्राण सान्ति स बाट जोहत अहइ कि परमेस्सर मोर रच्छा करी।</verse>
				<verse number="2">परमेस्सर मोर किला अहइ, परमेस्सर मोका बचावत ह। ऊँच पहाड़ पइ, परमेस्सर मोर सुरच्छित ठउर अहइ। मोका बड़की फउजियन भी हराइ नाहीं सकतिन।</verse>
				<verse number="3">तू मोह पइ कब तलक वार करत रहब्या? मइँ एक ठु निहुरी देवार क नाईं होइ गवा हउँ, अउर एक बाड़ा जइसा जउन भहराइ वाला अहइ।</verse>
				<verse number="4">उ सबइ लोग मोरे नास क कुचक्र रचत अहइँ। मोरे बारे मँ उ सबइ झूठी बातन बनावत अहइँ। लोगन क बीच मँ, उ पचे मोर बड़कई करतेन, मुला उ पचे मोका लुकान-छिपान कोसत हीं।</verse>
				<verse number="5">मोर प्राण सान्ति स परमेस्सर क बाट जोहत अहा काहेकि सिरिफ उ ही मोर उद्धार क आसा अहइ।</verse>
				<verse number="6">परमेस्सर मोर गढ़ अहइ, परमेस्सर मोका बचावत ह। ऊँच पर्वत मँ परमेस्सर मोर सुरच्छा स्थल अहइ।</verse>
				<verse number="7">महिमा अउ विजय, मोका परमेस्सर स मिलत ह। उ मोर सुदृढ़ गढ़ अहइ, परमेस्सर मोर सुरच्छा स्थल अहइ।</verse>
				<verse number="8">लोगो, परमेस्सर पइ हर घड़ी भरोसा राखा। आपन सबइ समस्या परमेस्सर स कहा। परमेस्सर हमार सुरच्छा स्थल अहइ।</verse>
				<verse number="9">फुरइ लोग कउनो मदद नाहीं कइ सकतेन। फुरइ तू ओनके भरोसे मदद पावइ क नाहीं रहि सकत्या। परमेस्सर क तुलना मँ उ पचे हवा क झोंका क नाईं अहइँ।</verse>
				<verse number="10">तू बल पइ भरोसा जिन रक्खा कि तू सक्ति क संग चिजियन क छोर लेब्या। जिन सोचा तू पचन्क चोरी करइ स कउनो लाभ होइ। अउर अगर धनवान भी होइ जाइ तउ कबहुँ दौलत पइ भरोसा जिन करा कि उ तू पचन्क बचाई लेइ।</verse>
				<verse number="11">एक ठु बात अइसी अहइ जउन परमेस्सर कहत ह जेकरे भरोसे तू फुरइ रहि सकत अहा: “सक्ती परमेस्सर स आवत ह!”</verse>
				<verse number="12">मोरे सुआमी, तोहार पिरेम सच्चा अहइ। तू कउनो जन क ओकरे ओन कामन क प्रतिफल या सजा देत ह, जेनका उ करत ह।</verse>
			</chapter>
			<chapter number="63">
				<verse number="1">हे परमेस्सर, तू मोर परमेस्सर अहा। वइसे केतॅना मइँ तोहका चाहत हउँ। जइसे उ पियासी छीन धरती जेह पइ जल न होइ वइसे मोर देह अउर मन तोरे बरे पिआसा अहइ।</verse>
				<verse number="2">हाँ, तोहरे मन्दिर मँ तोहार दर्सन किहेउँ। तोहार सक्ती अउर तोहार महिमा देख लिहेउँ ह।</verse>
				<verse number="3">मोर बिस्ससयनीय पिरेम जिन्नगी स उत्तिम अहइ। मोर होंठ तोहार बड़कई करत हीं।</verse>
				<verse number="4">हाँ, मइँ निज जीवन मँ तोहार गुण गाउब। मइँ हाथ ऊपर उठाइके तोहरे नाउँ पइ तोहार पराथना करब।</verse>
				<verse number="5">जइसा मोर जु़बान मज़ेदार भोजन स आनन्दित होत ह, ठीक वइसा ही मोर होंठ तोहार स्तुति गाइके खुस होइहीं।</verse>
				<verse number="6">मइँ आधी रात मँ बिछउना पइ ओलरा भवा तोहका याद करब।</verse>
				<verse number="7">फुरइ तू मोर मदद किहा ह। मइँ खुस हउँ कि तू मोका बचाया ह।</verse>
				<verse number="8">मोर मनवा तोहमाँ समात ह। तू मोर हथवा थामे रहत ह।</verse>
				<verse number="9">कछू लोग मोका मारइ क जतन करत अहइँ। मुला ओनका नस्ट कइ दीन्ह जाइ। उ पचे आपन कब्रन मँ समाइ जइहीं।</verse>
				<verse number="10">ओनका तरवारन स मार दीन्ह जाई। ओनकर ल्हासन क जंगली कूकुरन खइहीं।</verse>
				<verse number="11">मुला राजा तउ आपन परमेस्स्सर क संग खुस होइ। उ सबइ लोग जउन ओकरे आग्या मानइ क बचन बद्ध अहइँ, ओकर स्तुति करिहीं। काहेकि उ सबहिं झूठन क हराइ दिहस।</verse>
			</chapter>
			<chapter number="64">
				<verse number="1">हे परमेस्सर, मोर सुना जइसा मइँ बोलउँ। आपन दुस्मनन क डर स मोर रच्छा करा।</verse>
				<verse number="2">तू मोका मोरे दुस्मनन क गहिर सड्यंत्रन स बचाइ ल्या। मोका तू ओन दुट्ठ लोगन स छिपाइ ल्या।</verse>
				<verse number="3">मोरे बारे मँ उ पचे बहोत बुरा झूठ बोलेन ह। ओनकर जिभिया तेज तरवार जइसी अउर ओनकर कटु सब्द बाणन जइसे अहइँ।</verse>
				<verse number="4">उ पचे निर्दोख व्यक्ति पइ बाणन चलावइ बरे लुकाइ जात हीं। बिना डर स उ पचे अचानक बाण चलावत ह अउर निर्दोख व्यक्ति कबहुँ नाहीं लख सकत ह कि तीर ओकरे कइंती आवत हीं।</verse>
				<verse number="5">उ पचे ओका हरावइ क बुरा काम करत हीं। उ पचे झूठ बोलतेन अउ आपन जाल फइलावत हीं। अउर उ पचे इ अच्छी तरह तय किहे अहइँ कि ओनका कउनो नाहीं धरी पकड़ी।</verse>
				<verse number="6">लोग बहोत कुटिल होइ सकत हीं। उ सबइ लोग का सोचत अहइँ? ऍका समुझ पाउब बड़ा कठिन अहइ।</verse>
				<verse number="7">मुला परमेस्सर आपन “बाण” मार सकत ह! अउर एकरे पहिले कि ओनका पता चलइ, उ सबइ दुट्ठ लोग घायल होइ जात हीं।</verse>
				<verse number="8">दुट्ठ जन दूसरन क संग बुरा करइ क जोजना बनावत हीं। मुला परमेस्सर ओनकर कुचक्रन क चउपट कइ सकत ह। उ ओन बुरी बातन क खुद ओनके ऊपर खुद घटाइ देत ह। फुन हर कउनो जउन ओनका लखत अचरजे स भरिके आपन मूँड़ी हिलावत ह।</verse>
				<verse number="9">जउन परमेस्सर किहेस ह, लोग ओन बातन क लखिहीं अउर उ पचे ओन बातन क वर्णन दूसर लोगन स करिहीं, फुन तउ हर कउनो परमेस्सर क बारे मँ अउर जियादा जानी। उ पचे ओकर आदर करब अउ डेराब सिखिहीं।</verse>
				<verse number="10">तउ सबइ बिस्सासी लोगन क लगे एक साथ परमेस्सर क स्तुति करइ क कारण होइ।</verse>
			</chapter>
			<chapter number="65">
				<verse number="1">हे परमेस्सर सिय्योन पर्वत पइ, हम पचे तोहका इ सान्ति पराथना भेंट किहउँ ह अउर आपन प्रतिग्या क पूरा किहेउँ ह।</verse>
				<verse number="2">मइँ तोहरे ओन कामन क बखान करत हउँ, जउन तू किहा ह। उ तू ही बाटइ जउन पराथनन क उत्तर दिह्या। एह बरे हर कउनो मनई तोहार लगे मँ आवत हीं।</verse>
				<verse number="3">जब हमार पाप हम पइ भारी पड़त हीं, हमसे सहा नाहीं जाइ पावत, तउ तू हमार ओन पापन्क हरिके लइ जात ह।</verse>
				<verse number="4">हे परमेस्सर, जेका तू चुन्या ह अउर आपन आँगनन मँ बसइ बरे लिआवा ह उ पचे बहोत असीसित होइहीं। उ पचे तोहार घर, तोहार पवित्तर मन्दिर क बहोत बढ़ियाँ चिजियन स भरि देइहीं।</verse>
				<verse number="5">परमेस्सर मोर उद्धारकर्त्ता, तू जउने तरह स लोगन क सम्मान दिहा ह इ बहोत नीक बाटइ। तू अचरज भरा काम करा, एह बरे दूर रास्ट्रन क लोगन अउर दूर क समुद्दरन तोहार लगे सुरच्छा बरे आइहीं।</verse>
				<verse number="6">परमेस्सर आपन महासक्ती क प्रयोग किहस अउ पर्वत रच डाएस। ओकर सक्ति हम आपन चारिहुँ कइँती लखत अही।</verse>
				<verse number="7">परमेस्सर उफनत भवा सागर सांत किहस। परमेस्सर जगत क सबहिं अनगिनत लोगन क बनाएस।</verse>
				<verse number="8">जउन अद्भुत बातन क परमेस्सर करत अहइ, ओनसे धरती क हर मनई डेरात अहइ। परमेस्सर तू ही हर कहूँ सूरज क उगावत अउ डुबावत ह। हर जगह लोग तोहार गुणगान करत हीं।</verse>
				<verse number="9">भुइँया क सारी रखवारी तू करत ह। तू ही ऍका सींचत अउ तू ही ऍहसे बहोत सारी वस्तुअन क उपजावत अहा। हे परमेस्सर, नदियन क पानी स तू ही भरत अहा। तू ही फसलन क बढ़त करत अहा।</verse>
				<verse number="10">तू जोता भए खेतन पइ बर्खा करत अहा। तू खेतन क जल स लबालब कइ देत ह, अउर धरती क बर्खा स नरम बनावत ह, अउर तू फिन पौधन क बढ़त करत ह।</verse>
				<verse number="11">तू नवा बरिस क सुरूआत उत्तिम फसलन स करत ह। तू भरपूर फसलन स गाड़ियन भर देत अहा।</verse>
				<verse number="12">बन अउ पर्वत दूब घासे स ढँकि जात हीं।</verse>
				<verse number="13">भेड़िन स चरागाहन भर गइन। फसलन स घाटियन भरपूर होत अहइँ। हर कउनो गावत अउ आनन्द मँ ऊँचा पुकारत अहइ।</verse>
			</chapter>
			<chapter number="66">
				<verse number="1">हे धरती क हर वस्तु, आनन्द क संग परमेस्सर क जय बोला।</verse>
				<verse number="2">ओकर महिमामय नाउँ क स्तुति करा। ओकर आदर ओकर स्तुति गीतन स करा।</verse>
				<verse number="3">ओकर जियादा अद्भुत कामन स परमेस्सर क बखान करा। हे परमेस्सर, तोहार सक्ति बहोतइ बड़ी अहइ। तोहार दुस्मन निहुरि जात अउ तोहसे डेरात हीं।</verse>
				<verse number="4">जगत क सबहिं लोग तोहार उपासना करइँ अउर तोहरे नाउँ क हर कउनो गुण गावइ।</verse>
				<verse number="5">तू ओनका लखा जउन अचरजे स भरा काम परमेस्सर किहस। उ सबइ चिजियन हमका अचरजे स भरि देत हीं।</verse>
				<verse number="6">परमेस्सर लाल सागर क झुरान भुइँया मँ बदल दिहस। अउर ओकर लोग पैदर यरदन नदी क समूचइ रास्ता खुसी स पार किहेन।</verse>
				<verse number="7">परमेस्सर आपन महासक्ति स इ संसार क सासन करत ह। परमेस्सर हर कहूँ लोगन पइ निगाह रखत ह। कउनो भी मनई ओकरे खिलाफ नाहीं होइ सकत।</verse>
				<verse number="8">लोगो, हमरे परमेस्सर क गुणगान तू पचे ऊँच स्वर मँ करा।</verse>
				<verse number="9">परमेस्सर हमका इ जिन्नगी दिहस ह। उ हमार रच्छा करत ह।</verse>
				<verse number="10">परमेस्सर हमार परीच्छा लिहस ह। परमेस्सर हमका वइसे ही परखेस, जइसे लोग चाँदी आगी मँ डाइके परखत हीं।</verse>
				<verse number="11">हे परमेस्सर, तू हमका फँदा मँ फँसइ दिहा। तू हम पइ भारी बोझा लाद दिहा।</verse>
				<verse number="12">तू हमका दुस्मनन स गोड़े तरे रौंदवाया। तू हमका आग्री अउ पानी मँ घसीट्या। मुला तू फिन भी हमका सुरच्छित ठउर पइ लइ आया।</verse>
				<verse number="13">एह बरे मइँ तोहरे मन्दिर मँ बलियन चढ़ावइ आउब। जब मइँ विपत्ति मँ रहेउँ, मइँ तोहार सरण माँगेउँ अउर मइँ तोहार बहुतेरी मन्नत माँगेउँ। अब ओन वस्तुअन क जेनकर मइँ मन्नत माँगेउँ, अर्पित करत हउँ।</verse>
				<verse number="14"></verse>
				<verse number="15">मइँ तोहका सुद्धिकरण क भेंट अर्पित करत हउँ, अउर भेड़न क संग सुगन्धि अर्पित करत हउँ। तोहका बर्धन अउ बोकरन क बलि अर्पित करत हउँ।</verse>
				<verse number="16">ओ सबहि लोगो, परमेस्सर क आराधको! आवा, मइँ तू पचन्क बताउब कि परमेस्सर मोरे बरे का किहस ह।</verse>
				<verse number="17">मइँ ओकर बिनती किहेउँ। मइँ ओकर गुणगान किहेउँ। मोर मनवा पवित्तर रहा, मोर सुआमी मोर बात सुनेस।</verse>
				<verse number="18"></verse>
				<verse number="19">परमेस्सर मोर सुनेस। परमेस्सर मोर बिनती सुन लिहस।</verse>
				<verse number="20">परमेस्सर क गुण गावा। परमेस्सर मोहसे मुँह नाहीं मोड़ेस। उ मोर पराथना क सुन लिहस। परमेस्सर निज करुणा मोह पइ देखाँएस।</verse>
			</chapter>
			<chapter number="67">
				<verse number="1">हे परमेस्सर, हम पइ करुणा करा, अउ हमका असीस द्या। आपन मुस्कुरात भवा चेहरा हमका दिखावा।</verse>
				<verse number="2">एह बरे समूचइ संसार तोहार रास्ता सीखइ सकी अउर हर कउनो मनई तोहार इ जान सकइ कि तू कइसा आपन लोगन क रच्छा करत ह।</verse>
				<verse number="3">हे परमेस्सर, लोग तोहार गुण गावइँ। सबहिं लोग तोहार बड़कई करइँ।</verse>
				<verse number="4">सबहिं रास्ट्र आनन्द मनावइँ अउ आनन्द मँ भरा होइँ। काहेकि तू लोगन क निआउ निस्पच्छ करत अहा। अउर हर रास्ट्र पइ तोहार सासन अहइ।</verse>
				<verse number="5">हे परमेस्सर, लोग तोहार गुण गावइँ। सबहिं लोग तोहार बड़कई करइँ।</verse>
				<verse number="6">हमार भुइयाँ हमका भरपूर फसल देइ। परमेस्सर, हे हमरे परमेस्सर हमका असीस द्या।</verse>
				<verse number="7">हे परमेस्सर, हमका असीस द्या धरती क सबहिं लोग परमेस्सर स डेराइँ, ओकर आदर करइँ।</verse>
			</chapter>
			<chapter number="68">
				<verse number="1">हे परमेस्सर, उठा, आपन दुस्मनन क एहर ओहर करा। ओकर सबहिं दुस्मनन ओकरे लगे स पराइ जाइँ।</verse>
				<verse number="2">जइसे हवा स उड़ावा भवा धुआँ बिखरि जात ह, वइसे ही तोहार दुस्मन बिखरि जाइँ। जइसे आगी मँ मोम टेघर जात ह, वइसे ही तोहरे दुस्मनन क नास होइ जाइ।</verse>
				<verse number="3">परमेस्सर क संग सज्जन सुखी होत हीं, अउर सज्जन सुखद पल बितावत हीं। सज्जन खुद ही आनन्द मनावत अउ खुद ही बहोत खुस रहत हीं।</verse>
				<verse number="4">परमेस्सर क गीत गावा। ओकरे महिमा नाउँ क गुणगान करा। परमेस्सर बरे राह तइयार करा जउन आपन रथे क रेगिस्तान मँ हाँकत ह। ओकरे समन्वा आन्दित भवा जेकर नाउँ याह अहइ।</verse>
				<verse number="5">परमेस्सर अनाथन क पिता क समान अहइ अउर राँड़ मेहररूअन क धियान रखत ह। उ आपन पवित्तर मन्दिर मँ अहइ।</verse>
				<verse number="6">जेकर कउनो घर नाहीं होत, अइसे अकेले मनई क परमेस्सर घर देत ह। आपन मनवइयन क परमेस्सर बंधन स अजाद करत ह। उ पचे बहोत खुस रहत हीं। मुला जउन परमेस्सर क खिलाफ होत हीं, ओनका तपत भइ भुइँया पइ रहइ क होइ।</verse>
				<verse number="7">हे परमेस्सर, तू आपन मनवइयन क मिस्र स निकार्या, अउ रेगिस्तान स पैदर ही पार निकार्या।</verse>
				<verse number="8">इस्राएल क परमेस्सर जब सिय्योन पर्वत पइ आवा रहा, तउ धरती काँप उठी रही, अउ अकास टेघरा रहा।</verse>
				<verse number="9">हे परमेस्सर, बर्खा क तू पठए रह्या, अउ पुरान अउ दुर्बल पड़ी धरती क तू फुन ससक्त किहा।</verse>
				<verse number="10">उहइ धरती पइ तोहार गोरू वापस आइ गएन। हे परमेस्सर, हुआँ क दीन लोगन क तू उत्तिम चिजियन दिहा।</verse>
				<verse number="11">परमेस्सर हुकुम दिहस अउर बहोत लोग सुसंदेस सुनावइ गएन।</verse>
				<verse number="12">“बरिआर राजा लोगन क फउजन एहर ओहर पराइ गइन। जुद्ध स जउन चिजियन क फउजी लिआवत हीं, ओनका घरे पइ रुकी मेहररूअन बाँटि लेइही। जउन लोग घरे म्ँ रूका बाटेन, उ सबइ उ धने क बाँटि लेइहीं।</verse>
				<verse number="13">उ सबइ चाँदी स मढ़ा भवा कबूतरे क पखना पइहीं। उ सबइ सोना स चमकत भवा पखनन क पइहीं।”</verse>
				<verse number="14">परमेस्सर जब सल्मोन पर्वत पइ दुस्मन राजा लोगन क बिखेर दिहस, तउ उ पचे अइसे छितरानेन जइसे बरफ गिरत ह।</verse>
				<verse number="15">बासान पर्वत महान पर्वत अहइ, जेकर चोटियन बहोत सी बाटिन।</verse>
				<verse number="16">बासान पर्वत, तू काहे सिय्योन पर्वत क नान्ह समुझत बाट्या? परमेस्सर ओहसे पिरेम करत ह। परमेस्सर ओका हुआँ सदा रहइ बरे चुनेस ह।</verse>
				<verse number="17">यहोवा पवित्तर पर्वत सिय्योन पइ आवत अहइ। अउ ओकरे पाछे कई लाख रथ अहइँ।</verse>
				<verse number="18">उ ऊँचे पइ चढ़ गवा। उ बंदियन क अगुआई किहस, उ मनइयन स हिआँ तलक कि आपन विरोधी लोगन स भेंट लिहस। यहोवा परमेस्सर हुआँ रहइ गवा।</verse>
				<verse number="19">यहोवा क गुण गावा। उ हर दिन हमार, हमरे संग भार उठावइ मँ मदद करत ह। परमेस्सर हमार रच्छा करत ह।</verse>
				<verse number="20">उ हमार परमेस्सर अहइ। उ उहइ परमेस्सर अहइ जउन हमका बचावत ह। हमार यहोवा परमेस्सर मउत स हमार रच्छा करत ह।</verse>
				<verse number="21">परमेस्सर देखाँइ देइ कि आपन दुस्मनन क उ हराइ दिहस ह। अइसे ओन मनइयन क जउन ओकरे खिलाफ लड़ेन, उ सजा देइ।</verse>
				<verse number="22">मोर सुआमी कहेस, “मइँ बासान स दुस्मन क वापस लिआउब, मइँ दुस्मन क समुद्दर क गहराई स वापस लाउब,</verse>
				<verse number="23">ताकि तू ओनकर खून मँ विचरि सका, तोहार कूकुरन ओनकर खून चाट जाइँ।”</verse>
				<verse number="24">लोग लखत हीं, परमेस्सर क विजय अभियान क अगुआइ करत भए। लोग मोरे पवित्तर परमेस्सर, मोरे राजा क अभियान क अगुआई करत लखत हीं।</verse>
				<verse number="25">अगवा-अगवा गवइयन क मण्डली चलत ह, पाछे-पाछे वादक लोगन क मण्डली आवति अहइ, अउ बीच मँ कुमारियन तम्बूरन बजावति अहइँ।</verse>
				<verse number="26">परमेस्सर क बड़कई महासभा क बीच करा। इस्राएल क लोगो, तू यहोवा क गुण गावा।</verse>
				<verse number="27">नान्ह बिन्यामीन ओनकर अगुआई करत बाटइ। यहूदा क बड़का परिवार हुआँ बाटइ। जबूलून अउ नपताली क नेता हुआँ पइ अहइँ।</verse>
				<verse number="28">हे परमेस्सर, हमका आपन सक्ति देखाँवा। हमका उ आपन सक्ति देखाँवा जेकर उपयोग तू हमरे बरे बीते भए जमाने मँ किहे रहा।</verse>
				<verse number="29">राजा लोग, जरूसलेम मँ तोहरे मन्दिर क बरे निज सम्पत्ति लिअइहीं।</verse>
				<verse number="30">ओन “गोरूअन” स काम मनचाहा करावइ बरे आपन कुबरी क प्रयोग करा। ओन जातियन क “बर्धन” अउर “गइयन” क आग्या मानइवालन बनावा। तू जउन रास्ट्रन क जुद्ध मँ हराया। अब तू ओनसे चाँदी मँगवाइ ल्या।</verse>
				<verse number="31">तू ओनसे मिस्र स धन मँगवाइ ल्या। हे परमेस्सर, तू आपन धन कूस स मँगवाइ ल्या।</verse>
				<verse number="32">धरती क राजा लोगो, परमेस्सर बरे गावा। हमरे सुआमी बरे तू जसगान गावा।</verse>
				<verse number="33">परमेस्सर बरे गावा, उ रथे पइ चढ़िके सनातन अकासन स निकरत ह। तू ओकरे सक्तीसाली स्वर क सुना।</verse>
				<verse number="34">इस्राएल क परमेस्सर, तोहरे कउनो भी देवतन स जियादा बलवान अहइ। उ जउन निज मनवइयन क सुदृढ़ बनावत ह।</verse>
				<verse number="35">परमेस्सर आपन मन्दिर मँ अद्भुत बाटइ। इस्राएल क परमेस्सर भक्तन क सक्ति अउ सामरथ देत ह। परमेस्सर क गुण गावा।</verse>
			</chapter>
			<chapter number="69">
				<verse number="1">हे परमेस्सर, मोका मोर सब मुसीबतन स बचावा। मोरे मुँहना तलक पानी चढ़ि आवा अहइ।</verse>
				<verse number="2">कछू भी नाहीं अहइ जउने पइ मइँ खड़ा होइ जाउँ। मइँ दलदले क बीच खाले धँसत ही चला जात हउँ। मइँ नीचे धँसत हउँ। मइँ अथाह जले मँ अहउँ अउर मोरे चारिहुँ कइँती लहरियन थपेड़ा मारति अहइँ। बस, मइँ बूड़इ क अहउँ।</verse>
				<verse number="3">मदद क गोहार लगावत मइँ दुर्बल होत जात हउँ। मोर गटइ मदद बरे गोहराव क कारण सुखन बाटइ। मइँ बाट जोहत हउँ। तोहसे मदद पावइ अउ लखत-लखत मोर अँखियन दुःखति अहइँ।</verse>
				<verse number="4">मोर दुस्मन मोरे मूँड़े क बारे स भी जियादा अहइँ। उ सबइ मोहसे बेकार दुस्मनी रखत हीं। उ पचे मोरे विनास क बहोतइ जुगत करत हीं। मोर दुस्मन मोरे बारे मँ झूठी बातन बनावत हीं। उ पचे मोका झूठइ ही चोर बताएन। अउर ओन चिजियन क भरपाई करइ क मोका मजबूर किहन, जेनका मइँ चोराए नाहीं रहेउँ।</verse>
				<verse number="5">हे परमेस्सर, तू तउ जानत अहा कि मइँ कछू अनुचित नाहीं किहेउँ। मइँ आपन पाप तोहसे नाहीं छुपाइ सकित।</verse>
				<verse number="6">हे मोर सुआमी, हे सर्वसक्तिमान यहोवा, तू आपन मनवइयन क मोरे कारण लज्जित जिन होइ द्या। हे इस्राएल क परमेस्सर, अइसे ओन लोगन क मोरे बरे असमंजस मँ मत डावा जउन तोहार उपासना करत हीं।</verse>
				<verse number="7">तोहार बरे मोर मुँह लज्जा स ढाँपि गवा। तोहार सेवा बरे मइँ इ लज्जा क जन्मेउँ ह।</verse>
				<verse number="8">मोरे ही भाई, मोरे संग यूँ ही बर्ताव करत हीं। जइसे बर्ताव कउनो अजनबी स करत होइँ। मोरे ही सगे भाई, मोका पराया समुझत हीं।</verse>
				<verse number="9">तोहरे मन्दिर क खातिर मोर गहरी लगन ही मोका जराइ डावत अहइ। उ पचे जउन तोहार मसखरी करत हीं उ मोह पइ आइ पड़ी बाटइ।</verse>
				<verse number="10">मइँ तउ गोहरावत हउँ अउर उपवास करत हउँ, एह बरे उ पचे मोर हँसी उड़ावत हीं।</verse>
				<verse number="11">मइँ आपन सोक दर्सावइ बरे मोटवार ओढ़नन क पहिरत हउँ, अउर लोग मोर मसखरी करत हीं।</verse>
				<verse number="12">उ पचे जनता क बीच सबइ चर्चा करत हीं, अउर पियक्कड़, मोर गीत रचा करत हीं।</verse>
				<verse number="13">हे यहोवा, जहाँ तलक मोर बात बाटइ, मोर तोहसे इ बिनती अहइ कि मइँ चाहत हउँ: तू मोका अपनाइ ल्या। हे परमेस्सर, मइँ चाहत हउँ कि तू मोका पिरेम भरा जवाब द्या मइँ जानत हउँ कि मइँ तोह पइ सुरच्छा क भरोसा कइ सकत हउँ।</verse>
				<verse number="14">मोका दलदले स उबार ल्या। मोका दलदल क बीच जिन बूड़इ द्या। मोका मोरे बैरी लोगन स तू बचाइ ल्या। तू मोका इ गहिर पानी स बचाइ ल्या।</verse>
				<verse number="15">बाढ़ क लहरन क मोका बुड़ावइ न द्या। गहराई क मोका लीलइ न द्या। कब्र क मोरे ऊपर आपन मुँह बन्द न करइ द्या।</verse>
				<verse number="16">हे यहोवा, तोहार करुणा खरी अहइ। तू मोका आपन सम्पूर्ण पिरेम स जवाब द्या। मोर मदद बरे आपन सम्पूर्ण कृपा क संग मोरी कइँती मुँह करा।</verse>
				<verse number="17">आपन दास स जिन मुँह मोड़ा। मइँ संकटे मँ पड़ा अहउँ, मोका हाली सहारा द्या।</verse>
				<verse number="18">आवा, मोर परान बचाइ ल्या। तू मोका मोरे दुस्मनन स छोड़ाइ ल्या।</verse>
				<verse number="19">तू मोर निरादर जानत अहा। तू जानत अहा कि मोर दुस्मनन मोका लज्जित किहेन ह। ओनका मोरे संग तू अइसा करत लख्या ह।</verse>
				<verse number="20">निन्दा मोका चकनाचूर कइ दिहस ह। बस निन्दा क कारण मइँ मरइवाला अहउँ। मइँ सहानुभूति क बाट जोहत रहेउँ, मइँ दिलासा क बाट जोहत रहेउँ, मुला मोका तउ कउनो नाहीं मिला।</verse>
				<verse number="21">उ पचे मोका जहर दिहन, खइया क नाहीं दिहन। सिरका मोका दइ दिहन, दाखरस नाहीं दिहन।</verse>
				<verse number="22">ओनकर मेजन खाना स भरी अहइ उ पचे ऍतना बड़का मैत्री भोज करत अहइँ। मइँ आसा करत हउँ कि उ सबइ भोजन ओनका बरबाद करइँ।</verse>
				<verse number="23">उ सबइ आँधर होइ जाइँ अउर ओनकर करिहाउँ निहुरिके दुहरी होइ जाइ।</verse>
				<verse number="24">अइसा लगइ कि ओन पइ तोहार भरपूर किरोध फूट पड़ा बा।</verse>
				<verse number="25">ओनकर घरन क तू खाली बनाइ द्या। हुआँ कउनो जिअत न रहइ।</verse>
				<verse number="26">ओनका सजा द्या, अउर उ सबइ दूर पराइ जाइँ। फुन ओनके लगे, ओनकर बातन क बारे मँ ओनकर दर्द अउर घाव होइँ।</verse>
				<verse number="27">ओनकर बुरे कर्मन क ओनका सजा द्या, जउन उ पचे किहे अहइँ। ओनका जिन देखाँवा कि तू अउर केतॅना भला होइ सकत ह।</verse>
				<verse number="28">जिन्नगी क किताबे स ओनकर नाउँ मेट द्या। सज्जनन क नाउँ क संग तू ओनकर नाउँ उ किताबे मँ जिन लिखा।</verse>
				<verse number="29">मइ दुःखी हउँ अउ दर्द मँ हउँ। हे परमेस्सर, मोका उबार ल्या। मोर रच्छा करा।</verse>
				<verse number="30">मइँ परमेस्सर क नाउँ क गुण गीतन मँ गाउब। मइँ ओकर जस धन्यवाद क गीतन स गाउब।</verse>
				<verse number="31">परमेस्सर एहसे खुस होइ जाइ। अइसा करब एक ठु बर्धा क बलि या पूरा गोरू क ही बलि चढ़ावइ स जियादा उत्तिम अहइ।</verse>
				<verse number="32">अरे दीन लोगो, तू पचे परमेस्सर क आराधना करइ आवा अहा। अरे दीन लोगो! ऍन बातन क जानिके तू पचे खुस होइ जाब्या।</verse>
				<verse number="33">यहोवा, दीन लोगन अउ बेसहारा लोगन क सुना करत ह। यहोवा ओनका अबहुँ चाहत ह, जउन लोग बंधन मँ पड़ा अहइँ।</verse>
				<verse number="34">हे सरग अउ हे धरती, हे सागर अउ एकरे बीच जउन भी समावा अहइ। परमेस्सर क स्तुति करा।</verse>
				<verse number="35">यहोवा सिय्योन क रच्छा करी। यहोवा यहूदा क नगर क फुन निर्माण करी। उ लोग जउन इ धरती क सुआमी अहइँ, फिन हुआँ रइहीं।</verse>
				<verse number="36">ओकरे सेवकन क संतानन उ धरती क पाई। अउर अइसे उ सबइ लोग निवास करिहीं जेनका ओकर नाउँ पियारा बाटइ।</verse>
			</chapter>
			<chapter number="70">
				<verse number="1">हे परमेस्सर, मोर रच्छा करा। हे परमेस्सर, हाली करा, अउर मोका सहारा द्या।</verse>
				<verse number="2">लोग मोका मार डावइ क जतन करत अहइँ। ओनका निरास अउ बेज्जत कइ द्या। अइसा चाहत हीं कि लोग मोर बुरा कइ डावइँ। ओनकर पतन अइसा होइ जाइ कि उ पचे सर्मिन्दा होइँ।</verse>
				<verse number="3">लोग मोर हँसी ठट्ठन उड़ाएन। मइँ ओनकर पराजय क आसा करत हउँ अउर इ बात क कि ओनका लज्जा महसूस होइ।</verse>
				<verse number="4">मोका इ आस अहइ कि अइसे उ पचे सबहिं लोग जउन तोहार आराधन करत हीं, उ खूब खुस होइ। उ पचे सबहिं लोग तोहरी मदद क आसा मँ रहत हीं उ पचे सदा तोहार स्तुति करत रहइँ।</verse>
				<verse number="5">हे परमेस्सर, मइँ दीन अउ बेसहारा हउँ। हाली करा! आवा, अउर मोका सहारा द्या। हे परमेस्सर, तू ही बस अइसा अहा जउन मोका बचाइ सकत अहा, जियादा देर जिन करा।</verse>
			</chapter>
			<chapter number="71">
				<verse number="1">हे यहोवा, मोका तोहार भरोसा अहइ, एह बरे मइँ कबहुँ निरास नाहीं होब।</verse>
				<verse number="2">आपन नेकी स तू मोका बचाई। तू मोका छोड़ाइ लेब्या, मोर सुना। मोर उद्धार करा।</verse>
				<verse number="3">तू मोर गढ़ बना। सुरच्छा बरे अइसा गढ़ जेहमाँ मइँ दौड़ जाउँ। मोर सुरच्छा बरे तू हुकुम द्या, काहेकि तू ही तउ मोर चट्टान अहा:मोर सरणस्थल अहा।</verse>
				<verse number="4">मोर परमेस्सर, तू मोका दुट्ठ जनन स बचाइ ल्या। तू मोका क्रूर कुटिल लोगन स छोड़ाइ ल्या।</verse>
				<verse number="5">मोर सुआमी, तू मोर आसा अहा। मइँ आपन बचपन स ही तोहरे भरोसे हउँ।</verse>
				<verse number="6">जब मइँ आपन महतारी क गरभ मँ रहेउँ, तबहिं स तोहरे भरोसे रहेउँ। जउने दिन स मइँ जन्म धारण किहेउँ, मइँ तोहरे भरोसे हउँ। मइँ तोहार पराथना सदा करत रहत हउँ।</verse>
				<verse number="7">मइँ दूसर लोगन बरे एक उदाहरण रहेउँ ह। काहेकि तू मोर सक्ति क सोता रह्या ह।</verse>
				<verse number="8">ओन अद्भुत कामन क सदा गावत रहेउँ ह, जेनका तू करत अहा।</verse>
				<verse number="9">सिरिफ इ कारण कि मइँ बुढ़वा होइ गवा हउँ मोका निकारिके जिन लोकावा। सिरिफ इ कारण कि मइँ दुर्बल होइ गवा हउँ मोका निज छोड़्या।</verse>
				<verse number="10">फुरइ, मोर दुस्मनन मोरे खिलाफ कुचक्र रच डाए बाटेन। फुरइ उ पचे सब बटुर ग अहइँ, अउर ओनकर जोजना मोका मार डावइ क अहइ।</verse>
				<verse number="11">मोर दुस्मन कहत हीं, “परमेस्सर ओका तजि दिहस ह। जा, ओका धइ ल्या। कउनो भी मनई ओका मदद न देई।”</verse>
				<verse number="12">हे परमेस्सर, तू मोका जिन बिसरा। हे परमेस्सर, हाली करा। मोका सहारा द्या।</verse>
				<verse number="13">मोरे दुस्मनन क पूरी तरह स हराइ द्या। तू ओनकर नास कइ द्या। मोका कस्ट देइ क उ पचे जतन करत अहइँ। उ पचे लज्जा महसूस करइँ अउ अपमान सहइँ।</verse>
				<verse number="14">फुन मइँ तोहरे ही भरोसे, सदा रहब। अउर तोहार गुण मइँ जियादा अउ जियादा गाउब।</verse>
				<verse number="15">सबहिं लोगन स, मइँ तोहार बखान करब कि तू केतॅना उत्तिम अहा। उ समइ क बातन मइँ ओनका बताउब, जब तू अइसे मोका एक नाहीं अनगिनत अवसर पइ बचाए रह्या।</verse>
				<verse number="16">हे यहोवा, मोर सुआमी। मइँ तोहरी महानता क वर्णन करब। बस सिरिफ मइँ तोहार अउ तोहरी ही अच्छाई क चर्चा करब।</verse>
				<verse number="17">हे परमेस्सर, तू मोका बचपन स ही सिच्छा दिहा। मइँ आजु तलक बखानत रहा हउँ, ओन अद्भुत कामन क जेका तू करत अहा।</verse>
				<verse number="18">अब मइँ बुढ़वा होइ गवा हउँ अउर मोर बार सफेद होइ ग अहइँ। मुला मइँ जानत हउँ कि तू मोका नाहीं तजब्या। हर नई पीढ़ी स, मइँ तोहरी सक्ति क अउर तोहरी महानता क वर्णन करब।</verse>
				<verse number="19">हे परमेस्सर, तोहार धार्मिक भावना अकासन स ऊँच अहइ। हे परमेस्सर, तोहरे समान दूसर कउनो नाहीं। तू अजूबा अचरजभरा काम किहा ह।</verse>
				<verse number="20">तू मोका बुरा समइ अउ कस्ट लखइ दिहा। मुला तू ही मोका ओन सब स बचाइ लिहा अउर जिअत राख्या ह। एकर कउनो अरथ नाहीं, मइँ केतॅना ही गहिर बूड़ेउँ तू मोका मोर संकटन स उबारि लिहा।</verse>
				<verse number="21">तू अइसे काम करइ क मोका मदद द्या जउन पहिले स भी बड़ा होइँ। मोका सुख चैन देत रहा।</verse>
				<verse number="22">वीणा क संग, मइँ तोहार गुण गाउब। हे मोरे परमेस्सर, मइँ इ गाउब कि तोह पइ भरोसा धरा जाइ सकत ह। मइँ ओकरे बरे गीत आपन सितार पइ बजावा करब जउन इस्राएल क पवित्तर यहोवा अहइ।</verse>
				<verse number="23">मोरे प्राणन क तू रच्छा किहा ह। मोर मन मगन होइ अउर आपन होंठन स, मइँ प्रसंसा क गीत गाउब।</verse>
				<verse number="24">मोर जिभिया हर घड़ी तोहार धार्मिक भावना क गीत गावा करी। अइसे उ सबइ लोग जउन मोका मारइ चाहत हीं, उ पचे हारि जइहीं अउ अपमानित कीन्ह जइहीं।</verse>
			</chapter>
			<chapter number="72">
				<verse number="1">हे परमेस्सर, राजा क मदद करा ताकि उ भी तोहरी तरह स विवेक स भरिके निआउ करइ। राजपुत्र क सहायता करा ताकि उ तोहार धार्मिक भावना क जानि सकइ।</verse>
				<verse number="2">राजा क सहायता करा कि तोहरे मनवइयन क उ निस्पच्छ निआउ करइ। सहायता करा कि उ दीन जनन क संग उचित बेउहार करइ।</verse>
				<verse number="3">पहाड़न क सबइ बरे सान्ति लिआवइ द्या। समूचइ भुइँया बरे सान्ति अउर निआउ लिआवइ द्या।</verse>
				<verse number="4">राजा निर्धन लोगन बरे निआउ स भरा रहइ। उ बेसहार लोगन क मदद करइ। उ सबइ लोग सजा पावइँ जउन ओनका सतावत होइँ।</verse>
				<verse number="5">मोर इ कामना अहइ कि जब तलक सूरज अकास मँ चमकत ह, अउर चन्द्रमा अकासे मँ अहइ। लोग राजा क डर मानइँ। मोर आसा अहइ कि लोग ओकर डर सदा मनिहीं।</verse>
				<verse number="6">राजा क मदद, धरती प पड़इवाली बरसात बनावइ मँ करा। ओकर मदद करा कि खेतन मँ पड़इवाली बौछार बनइ।</verse>
				<verse number="7">जब तलक उ राजा अहइ, भलाइ फूलइ-फरइ। जब तलक चन्द्रमा अहइ, सान्ति बनी रहइ।</verse>
				<verse number="8">ओकर राज्ज समुद्दर स समुद्दर तलक अउ परात नदी स लइके सुदूर तलक फइलि जाइ।</verse>
				<verse number="9">रेगिस्ताने क लोग ओकरे अगवा निहुरइँ। अउर ओकर सबइ दुस्मन ओकरे अगवा औधे मुँह भहरान भए धरती पइ निहुरइँ।</verse>
				<verse number="10">तर्सीस क राजा अउ दूर देसन क राजा ओकरे बरे उपहार लिआवइँ। सेबा क राजा अउ सबा क राजा ओका उपहार देइँ।</verse>
				<verse number="11">सबइ राजा हमरे राजा क अगवा निहुरइँ। सबहिं रास्ट्र ओकर सेवा करत रहइँ।</verse>
				<verse number="12">हमार राजा बेसहारन क सहायक अहइ। हमार राजा दीनन पइ अउर बेसहारा लोगन क सहारा देत ह।</verse>
				<verse number="13">दीन, बेसहारा लोग ओकरे सहारे अहइँ। इ राजा ओनका जिअत रखत ह।</verse>
				<verse number="14">इ राजा ओनक ओन लोगन स बचावत ह, जउन क्रूर अहइँ अउर जउन ओनका दुःख देइ चाहत हीं। राजा बरे ओन दीनन क जीवन बहोतइ महत्वपूर्ण अहइ।</verse>
				<verse number="15">राजा लम्बी उमर क होइ! अउर सेबा स सोना प्राप्त करइ। राजा बरे सदा पराथना करत रहा, अउर तू हर दिन ओका असीस द्या।</verse>
				<verse number="16">खेत भरपूर फसल देइ। पहाड़ियन फसलन स ढकि जाइँ। इ सबइ खेत लबानोन क खेतन स उपजाऊ होइ जाइँ। सहर लोगन क भीड़ स भरि जाइ, जइसेन खेत घनी घासे स भरि जात हीं।</verse>
				<verse number="17">राजा क जस सदा बना रहइ। लोग ओकरे नाउँ क सुमिरन तब तलक करत रहइँ, जब तलक सूरज चमकत ह। ओकरे कारण सारी प्रजा धन्य होइ जाइ अउ उ पचे सबहिं ओका असीसइँ।</verse>
				<verse number="18">यहोवा परमेस्सर क गुण गावा, जउन एस्राएल क परमेस्सर अहइ। उहइ परमेस्सर अइसे अचरज क कर्म कइ सकत ह।</verse>
				<verse number="19">ओकरे महिमा स भरा नाउँ क बड़कई सदा करा। ओकर महिमा सारी दुनिया मँ भरि जाइ। आमीन अउ आमिन।</verse>
				<verse number="20">यिसै क पूत दाऊद क पराथनन समाप्त भइन।</verse>
			</chapter>
			<chapter number="73">
				<verse number="1">इस्राएल बरे परमेस्सर नीक अहइ। परमेस्सर ओन लोगन बरे नीक होत ह जेनकर हिरदइ पवित्तर अहइ।</verse>
				<verse number="2">मइँ तउ करीब-करीब फिसल गवा रहा अउर मइँ तउ करीब-करीब गिर गवा रहा।</verse>
				<verse number="3">काहेकि मइँ लखेउँ कि पापी सफल होत अहइँ अउर सान्ति स रहत अहइँ। तउ ओन अभिमानी लोगन स मोका जलन भइ।</verse>
				<verse number="4">उ सबइ लोग तन्दुरुस्त अहइँ। ओनके जिन्नगी मँ कउनो संघर्स नाहीं अहइ।</verse>
				<verse number="5">ओन अहंकारी लोग दूसर लोगन क नाईं परेसानी नाहीं उठावत हीं। उ पचे दूसर क नाई तकलीफ नाहीं झेलत हीं।</verse>
				<verse number="6">एह बरे उ पचे सदा अहंकार स भरा रहत हीं। अउर उ पचे हिंसा स भी भरा भवा रहत हीं।</verse>
				<verse number="7">उ पचे बुरे बिचारन स भरा भवा अहइँ अउर उ पचे बुरे जोजना मँ बह गवा रहेन।</verse>
				<verse number="8">उ पचे लोगन क बारे चिन्ता नाहीं करत हीं अउर ओनका सोसण करइ बरे बुरी जोजना बनावत हीं। उ पचे घमण्ड मँ बात करत हीं।</verse>
				<verse number="9">उ घमण्डी लोगन अइसे बात करत हीं जइसे उ पचे देवता अहइँ। उ पचे अइसे बात करत हीं जइसे उपचे धरती क सासक हीं।</verse>
				<verse number="10">ऍह बरे हिआँ तलक कि परमेस्सर क जन भी ओन दुट्ठन कइँती मुड़त अउर जइसा उ पचे कहत हीं, वइसा बिस्सास कइ लेत हीं।</verse>
				<verse number="11">उ सबइ दुट्ठ जन कहत ही, “हमरे ओन कामन क परमेस्सर नाहीं जानत जेनका हम करत अही।”</verse>
				<verse number="12">दुट्ठ जन आराम क जिन्नगी जिअत हीं अउर उ पचे धनवान होत चला जात हीं।</verse>
				<verse number="13">तउ मोका आपन हिरदय क पवित्तर रखइ क का लाभ अहइ! आपन मूँड़े क निर्मल रखइ क का लाभ अहइ!</verse>
				<verse number="14">हे परमेस्सर, मइँ सारे ही दिन दुःख भोगा करत हउँ। तू हर भिन्सारे मोका दण्ड देत अहा।</verse>
				<verse number="15">हे परमेस्सर, मइँ इ सबइ बातन दूसरन क बतावइ क निर्णय कइ लिहे रहेउँ। मुला मइँ जानत रहेउँ कि मइँ तोहार लोगन क धोका देते रहेउँ।</verse>
				<verse number="16">ऍन बातन क समुझइ क, मइँ जतन किहेउँ मुला ऍनका समुझब मोरे बरे बहोत कठिन रहा।</verse>
				<verse number="17">जब तलक मई परमेस्सर क मन्दिर मँ नाहीं गवा तब तलक मइँ एका नाहीं समुझेउँ।</verse>
				<verse number="18">हे परमेस्सर, फुरइ तू ओन लोगन क भाग फिसलइ वाले मार्ग मँ राख्या ह। तू ओन लोगन क गिरइ द्या अउर बर्बाद होइ द्या।</verse>
				<verse number="19">एकाएक ओन पइ विपत्ति अइहीं। उ सबइ घमण्डी लोग बरबाद होइ जात हीं। ओनके संग भयंकर घटना घटिहीं। अउर फुन ओनकर अंत होइ जात ह।</verse>
				<verse number="20">हे यहोवा, उ सबइ मनई अइसे होइहीं जइसे सपन जेका हम जागत ही बिसरि जात अहीं। ऍह बरे तू अइसे लोगन क हमरे सपन क भयानक जानवर क नाई अछन्न कइ द्या।</verse>
				<verse number="21">जब मोर हिरदय किरया रहा अउर मोरे दिमाग जख्मी रहा,</verse>
				<verse number="22">मइँ विवेकहीन रहा अउर मइँ समुझइ मँ असमर्थ रहा। मइँ एक तोहार संग एक निर्बुद्धि जनावर जइसा बेउहार किहेउँ।</verse>
				<verse number="23">तउ पइ भी मइँ सदा तोहार संग अहउँ। हे परमेस्सर, तू मोरे हाथ थामइ क मोर मदद किहा ह।</verse>
				<verse number="24">हे परमेस्सर, तू मोका राह देखाँवत, अउर मोका सलाह देत अहा। आखीर मँ तू आपन महिमा क मौजूदगी मँ मोका अगुवाई करब्या।</verse>
				<verse number="25">हे परमेस्सर, सरगे मँ बस तू ही अकेला मोर अहा, अउर धरती पइ मोका का चाही, जब तू मोरे साथ अहा?</verse>
				<verse number="26">चाहे मोर मनवा टूटि जाइ अउर मोर काया नस्ट होइ जाइ। मुला उ चट्टान मोरे लगे बाटइ जउन मोर सहायता करत ह। परमरेस्सर मोरे लगे सदा अहइ।</verse>
				<verse number="27">हे परमेस्सर, जउन लोग तोहका तजत हीं, उ पचन्क तू नास कइ देब्या। तू ओन लोगन क जउन तोहेसे मुड़ जात हीं, बर्बाद कइ देब्या।</verse>
				<verse number="28">मुला मोरे बरे, परमेस्सर क निअरे रहब नीक अहइ। मइँ आपन सुरच्छा स्थान आपन सुआमी यहोवा क बनाएउँ ह। हे परमेस्सर, मइँ ओन सबहिं बातन क बखान करब जेनका तू किहा ह।</verse>
			</chapter>
			<chapter number="74">
				<verse number="1">हे परमेस्सर, तू हमका सदा बरे काहे बिसराइ दिहा ह? तू अबहिं तलक आपन निज लोगन स काहे कोहान अहा?</verse>
				<verse number="2">ओन लोगन क सुमिरा जेनका तू बहोत पहिले मोल लिहे रह्या। तू हम लोगन क आपन लोग बनाइ बरे बचाइ लिहा ह। सिय्योन क पहाड़े क सुमिरा जहाँ तू रहत रहा।</verse>
				<verse number="3">हे परमेस्सर, आवा अउ ऍन बहोत पुरान खण्डहरन स होइके चला। तू उ पवित्तर ठउर पइ लउटिके आवा जेका दुस्मन बरबाद कइ दिहे अहइँ।</verse>
				<verse number="4">दुस्मनन मन्दिर मँ सेरन क नाई दहाड़ेन। उ खुद क बिसेस चिन्ह क एक प्रमाण क रूप मँ, कि उ पचे जुद्ध जीत गएन, स्थापित किहेन।</verse>
				<verse number="5">दुस्मनन क फउजियन एक अइसे कुलहारी क नाई परगट भवा रहेन जेका प्रयोग जलावन क लकड़ी क काटइ बरे कीन्ह गवा रहा।</verse>
				<verse number="6">हे परमेस्सर, ऍन दुस्मन फउजियन निज कुल्हाड़न अउ फर्सन क प्रयोग किहन, अउर तोहरे मन्दिर क नक्कासी फाड़िके लोकाएन।</verse>
				<verse number="7">सबइ फउजियन तोहार पवित्तर ठउर बार दिहन। उ पचे तोहरे मन्दिर क धूरि मँ मिलइ दिहन जेका तोहरे नाउँ क मान देइ बरे बनावा ग रहा।</verse>
				<verse number="8">उ दुस्मन हमका पूरी तरह बरबाद करइ क ठान लिहन। तउ उ पचे देस क हर पवित्तर ठउर क फूँक दिहन।</verse>
				<verse number="9">हम लोग कउनो बिसेस चिन्ह नाहीं लखे। हुआँ अउर कउनो नबी जिअत नाहीं अहइ। एह बरे कउनो भी नाहीं जानत ह कि इ परिस्थिति कब तलक जारी रही।</verse>
				<verse number="10">हे परमेस्सर, इ सबइ दुस्मन कब तलक हमार हँसी उड़इहीं? का तू ऍन दुस्मनन क तोहरे नाउँ क अपमान सदा सदा ही करइ देब्या?</verse>
				<verse number="11">हे परमेस्सर, तू आपन सक्ति क काहे रोके रखा ह अउर तू हस्तछेप काहे नाहीं करत ह। ओन लोगन क नास करइ बरे कारवाई करा।</verse>
				<verse number="12">हे परमेस्सर, बहोत दिनन स तू ही हमार सासक रह्या। इ देस मँ तू हम लोगन क अनेक जुद्‌ध मँ विजय दिहा।</verse>
				<verse number="13">हे परमेस्सर, तू आपन महासक्ति स लाल सागर क दुइ हींसा कइ दिहा। तू विसाल काय क दानवन क मूड़न समुद्दर मँ चूर-चूर कइ दिहा।</verse>
				<verse number="14">तू लिव्यातान क मूँड़न कुचर दिहा, अउर ओकरे बदन क जंगली जनावरन क खाइ बरे लोकाइ दिहा।</verse>
				<verse number="15">तू नदी, झरनन रच्या, चटान फोड़िके पानी बहाया। तू सदा बहइ वाली नदियन क झुराइ दिहा।</verse>
				<verse number="16">हे परमेस्सर, तू दिन क सासक अहा, अउ राति क भी सासक तू ही अहा। तू ही चाँद अउ सूरज क बनाया।</verse>
				<verse number="17">तू समुचइ धरती पइ सब बरे चउहद्दी बाँधत अहा। तू ही गर्मी अउ सर्दी क बनाया।</verse>
				<verse number="18">हे यहोवा, इ बातन क सुमिर ल्या। अउर याद करा कि दुस्मन तोहार मजाक उड़ाएस ह। उ सबइ मूर्ख लोग तोहरे नाउँ क अपमान किहेन ह।</verse>
				<verse number="19">ओनॅ जंगली जनावरन क आपन फारवता क जिन लेइ द्या। आपन दीन जनन क तू हमेसा जिन बिसरा।</verse>
				<verse number="20">हम आपुस मँ जउन करार कीन्ह ह ओका याद करा, इ देस मँ हर कउनो अँधियारे ठउरे पइ हिंसा अहइ।</verse>
				<verse number="21">हे परमेस्सर, तोहरे लोगन क संग अत्याचार झेलइ क रहा, ओनका अउर अधिक सतावा अउ दुःख दीन्ह जाइ जिन द्या। तोहार असहाय जन, तोहार गुण गावइँ।</verse>
				<verse number="22">हे परमेस्सर, उठा अउर बदला ल्या। याद करा कि ओन मूरख लोग सदा ही तोहार अपमान किहेन ह।</verse>
				<verse number="23">उ सबइ बुरी बातन जिन बिसरा जेनका तोहार दुस्मनन हर रोज तोहरे बरे कहेन। जिन बिसरा कि उ पचे तोहार खिलाफ लगातार चिचियाएन जब उ पचे तोहार खिलाफ जुद्ध करत रहेन।</verse>
			</chapter>
			<chapter number="75">
				<verse number="1">हे परमेस्सर, हम तोहार बड़कई करत अही। हम तोहार बड़कई करत अही काहेकि तोहार मौजूदगी निअरे अहइ। अउर लोग तोहरे ओन अद्भुत करमन क जेनका तू करत अहा, बयान करत हीं।</verse>
				<verse number="2">परमेस्सर कहत ह, “मइँ निआउ क समइ चुन लिहेउँ, मइँ निस्पच्छ होइके निआउ करब।</verse>
				<verse number="3">धरती अउ धरती क हर वस्तु डगमगाइ सकत ह अउर गिरइ क तइयार होइ सकत ह, किन्तु मइँ ही ओका स्थिर राखत हउँ।</verse>
				<verse number="4">“कछू लोग बहोत ही घमण्डी होत हीं। उ पचे सोचत रहत हीं कि उ पचे बहोत मजबूत अउ महत्वपूर्ण बाटेन। मुला मई उनसे कहत हउँ, ‘घमण्डी जिन बना! अइसा बिउहार जिन करा कि तू बहोत मजबूत अउ महत्वपूर्ण अहइ।</verse>
				<verse number="5">अइसा जिन दिखावा कि तू बहोत सक्तीसाली अहइ अउर अहंकारी जिन बना।’”</verse>
				<verse number="6">इ फुरइ अहइ कि कउनो भी मनई धरती पइ नीच क महान नाहीं बनाइ सकत।</verse>
				<verse number="7">परमेस्सर सासक ह। परमेस्सर ऍकर फैसला करत ह कि कउन मनई महान होइ। परमेस्सर ही कउनो मनई क महत्व स भरा पद पइ बइठावत ह। अउर कउनो क महत्वहीन पद पइ उहइ बइठावत ह।</verse>
				<verse number="8">परमेस्सर क पिआला मिलावटी मधु स भरा बाटइ। परमेस्सर दण्ड क इ दाखरस क उड़ेरत ह। अउर दुट्ठ जन ओका आखिरी बूँद तलक पिअत हीं।</verse>
				<verse number="9">मइँ इ बातन क घोसना करब जउन परमेस्सर सदा बरे करत ह। मइँ इस्राएल क परमेस्सर क महिमा क गुण गाउब।</verse>
				<verse number="10">परमेस्सर कहत ह, “मइँ दुट्ठ लोगन क सक्ती क हटाइ देब। किन्तु सबइ नीक लोगन क सम्मान सक्ती स कीन्ह जाइ।”</verse>
			</chapter>
			<chapter number="76">
				<verse number="1">यहूदा क लोग परमेस्सर क जानत हीं। इस्राएल जानत ह कि फुरइ परमेस्सर क नाउँ बड़का अहइ।</verse>
				<verse number="2">परमेस्सर क मन्दिर सालेम मँ बना अहइ। परमेस्सर क घर सिय्योन क पहाड़े पइ अहइ।</verse>
				<verse number="3">उ जगह पइ परमेस्सर बारत भवा बाणन, ढालन, तरवारन अउ जुद्ध क दूसर सस्त्रन क तोड़ दिहस। (सेला)</verse>
				<verse number="4">हे परमेस्सर, तू प्रकास क संग चमकत ह। तू जंगली पहाड़रन स जियादा प्रताप वाला अहइ।</verse>
				<verse number="5">ओन सिपाहियन सोचेन कि उ पचे बरिआर अहइँ। मुला उ पचे अब रणछेत्रन मँ मरा पड़ा अहइँ। ओनकर ल्हासन क लूट लीन्ह ग ह अउर नंगा पड़ा अहइँ। ओन बलवान सिपाहियन मँ कउनो अइसा नाहीं रहा, जउन खुद आपन क रच्छा कइ पावत।</verse>
				<verse number="6">याकूब क परमेस्सर ओन फउजियन पइ फटकारेस। अउ उ फउज रथन अउर घोड़न सहित असहा मर गइ।</verse>
				<verse number="7">हे परमेस्सर, तू अद्भुत अहा। जब तू कोहाइ जात ह तोहरे समन्वा कउनो मनई टिक नाहीं सकत।</verse>
				<verse number="8">जब परमेस्सर सरग स निआउ किहस तउ सारी धरती डर स काँप गइ।</verse>
				<verse number="9">जब परमेस्सर निआवाधीस क रूप मँ धरती क विनम्र लोगन क बचावइ बरे करवाई किहस तब इ भवा।</verse>
				<verse number="10">हे परमेस्सर, लोगन क उ समइ भी तोहार स्तुति करइ चाही जब उ पचे किरोध मँ होइ। जब उ पचे किरोध करइ बंद कइ देइँ तउ उ पचे बरिआर होइ जाइँ।</verse>
				<verse number="11">योहवा आपन परमेस्सर क संग वाचा करा अउर जउन वाचा किहा ओका पूरा करा। लोग हर कउनो ठउर स लोग परमेस्सर क भेंट लिअइहीं जउन सम्मान क जोग्य अहइँ।</verse>
				<verse number="12">परमेस्सर महान नेतन क डरावत ह। धरती क सबहिं सासक लोग ओकर रुतबा माना।</verse>
			</chapter>
			<chapter number="77">
				<verse number="1">मइँ मदद पावइ बरे परमेस्सर क गोहराउब। मइँ परमेस्सर क गोहराउब अउर उ मोका सुनी।</verse>
				<verse number="2">जब मइँ दुःख मँ रहेउँ तउ मइँ यहोवा क सरण मँ आवा। मइँ सारी रात तोह तलक पहोंचइ जूझा हउँ। मइँ एका नाहीं छोड़ा अउर आराम तलक नाहीं किहेउँ।</verse>
				<verse number="3">मइँ परमेस्सर क याद करत हउँ किन्तु मइँ बेचेन हउँ। अउर ओका बतावा कि मइँ कइसा अनुभव करत हउँ। किन्तु फुन भी मइँ अइसा नाहीं कइ सकत हउँ। मइँ बोलन चाहता रहेउँ, किन्तु मइँ बहोत उदास रहेउँ। (सेला)</verse>
				<verse number="4">तू मोका सोवइ नाहीं दिहा। मइँ उदास रहेउँ, ऍह बरे मइँ कछू नाहीं कह सकत हउँ।</verse>
				<verse number="5">मइँ अतीत क बातन बरे सोचेउँ। बहोत दिना पहिले जउन बातन घटी भइ रहिन ओन घटनन क बारे मँ मइँ सोचेउँ।</verse>
				<verse number="6">राति मँ, मइँ आपन गीतन क बारे मँ सोचा करत रहेउँ। मइँ आपन आप स बातन किहेउँ। मइँ समुझइ बरे जतन किहेउँ।</verse>
				<verse number="7">मोका इ हैरानी अहइ कि “का मोर सुआमी मोका सदा बरे तजि दिहे अहइ? का उ हमका फुन नाहीं चाही?</verse>
				<verse number="8">का परमेस्सर क पिरेम हमेसा बरे खतम होइ गवा अहा? का उ मोहे स फिन कबहुँ बात नाहीं करी?</verse>
				<verse number="9">का परमेस्सर दाया दिखावइ भूल गवा ह? का ओकर करुणा किरोध में बदल गइ बाटइ?”</verse>
				<verse number="10">मइँ फुन इ सोचा करत हउँ, “उ सोच जउन मोका दर्द देत अहइ: ‘का सर्वोच्च परमेस्सर आपन निज सक्ति दिखावइ बन्द कइ दिहस ह?’”</verse>
				<verse number="11">सक्ति भरा उ काम जेनका यहोवा किहस ह ओका याद रखा। हाँ उ कामन जेनका तू पहिले किहा ह मोका याद बाटइ।</verse>
				<verse number="12">मइँ ओन सबहिं कामन क जेनका तू किहा ह सोचे हउँ। जेन कामन क तू किहा मइँ धियान देत हउँ।</verse>
				<verse number="13">हे परमेस्सर, तोहार निवास स्थान पवित्तर अहइँ। कउनो भी अइसा महान नाहीं अहइ जइसा तू अहा।</verse>
				<verse number="14">तू ही उ परमेस्सर अहा जउन अद्भुत काम किहा। तू रास्ट्रन क आपन निज महासक्ति देखाँया।</verse>
				<verse number="15">तू आपन सक्ति क प्रयोग किहा अउर आपन लोगन क बचाइ लिहा। तू याकूब अउ यूसुफ क संतानन क बचाइ लिहा।</verse>
				<verse number="16">हे परमेस्सर, सागर तोहका लखेस अउर जब उ तोहका लखेस तउ डेराइ गवा। गहिर समुद्दर डर स थर-थर काँप उठा।</verse>
				<verse number="17">घनघोर बादरन स ओनकर पानी छूट पड़ा रहा। ऊँच बादरन स जोर क गर्जब लोग सुनेन। फुन ओन बादरन स बिजुरी क तोहार बाण नीचे चलेन।</verse>
				<verse number="18">तोहार बिजुरी क गर्जन आंधी भरे हवा मँ फुन गर्जेस, तोहार बिजुरी चमचमात भवा जगत पइ चमक उठी। धरती हिल गइ अउर थर-थर काँपि गइ।</verse>
				<verse number="19">हे परमेस्सर, तू गहिर समुद्दर मँ पैदर चल्या। तू चलिके ही सागर पार किहा। मुला तू कउनो पद चीन्हा नाहीं छोड़्या।</verse>
				<verse number="20">तू मूसा अउ हारून क उपयोग आपन मनवइयन क अगुआई भेड़िन क झुण्ड क नाई करइ मँ किहा।</verse>
			</chapter>
			<chapter number="78">
				<verse number="1">मोर मनवइयो, तू पचे मोरे उपदेसन क सुना। ओन बातन पइ कान द्या जेनका मइँ बतावत हउँ।</verse>
				<verse number="2">मइँ तू पचन्क इ कथा सुनाउब। मइँ तू पचन्क पुरान कथा सुनाउब।</verse>
				<verse number="3">हम पचे इ कहानी सुना ह, अउर ऍका अच्छी तरह जानित ह। हम लोगन क पुरखन इ कहानी कहेन ह।</verse>
				<verse number="4">हम लोग ऍन बातन क आपन सन्तानन स नाहीं छुपाउब। हम लोग ऍन बातन क आपन अगवा पीढ़ी क बताउब। हम लोग ओनसे यहोवा क सक्ति अउर ओकरे अद्भुत कामन क बारे मँ बताउब। हम पचे ओनका ओन कामन बरे जेनका उ किहस ह बखान करब।</verse>
				<verse number="5">यहोवा याकूब स वाचा किहस। परमेस्सर इस्राएल क व्यवस्था क विधान दिहस, अउर हमार परमेस्सर हमरे पुरखन क हुकूम दिहन। उ हमरे पुरखन क व्यवस्था क विधान आपन संतानन क सिखावइ क किहेस।</verse>
				<verse number="6">इ तरह अगवा पीढ़ी ऍन बातन क बरे मँ जानिहीं। अउर हर एक पीढ़ी मँ गदेलन पइदा होइ अउर बढ़ीइ अउर फुन उ पचे इ कहानी क आपन गदेलन क बतइहीं।</verse>
				<verse number="7">ऍह बरे उ सबहिं लोग यहोवा पइ भरोसा करिहीं। उ पचे ओन सक्ति स भरा कामम क नाहीं बिसरिहीं। जेन्का परमेस्सर किहे रहा। उ पचे धियान स रखवारी करिहीं अउर परमेस्सर क हुकूम क मनिहीं,</verse>
				<verse number="8">एह बरे उ पचे आपन पुरखन क नाई नाहीं होइ। ओनकर पुरखन परमेस्सर क अनसुनी किहे रहेन अउर ओकर अनुसरण करइ स इन्कार किहे रहेन उ पचे हठी रहेन। उ पचे बिस्सासी होइ क परमेस्सर क अनुसरण नाहीं किहेन।</verse>
				<verse number="9">ओन मुड़ी भइ कमान की तरह जेका उ पचे लइ रहेन एप्रैम क लोग जुद्ध स पीठ दिखाइ गए।</verse>
				<verse number="10">उ पचे ओन करार क नाहीं मानेन जउन उ पचे यहोवा स किहे रहेन। उ पचे उ नाहीं किहे जउन उ ओन लोगन क करइ क हुकूम दिहे रहा।</verse>
				<verse number="11">एप्रैम क उ सबइ लोग ओन बड़की बातन क बिसरि गएन जेनका परमेस्सर किहे रहा। उ पचे ओन अद्भुत बातन क बिसरि गएन जेनका उ ओनका देखाँए रहा।</verse>
				<verse number="12">परमेस्सर ओनकर पुरखन क मिस्र क भुइयाँ सोअन मँ निज महासक्ति देखाँइस।</verse>
				<verse number="13">परमेस्सर लाल सागर क चीरिके दुइ भाग कइके लोगन क पार उतार दिहस। उ पानी क मजबूत देवार क तरह दुइनउँ कइँती खड़ा कइ दिहस रहा।</verse>
				<verse number="14">परमेस्सर ओन लोगन क दिन क समइ मँ महा बादर स अगुवाई किहस। अउर रात क समइ मँ चमकत भवा आगी स राह देखाँएस।</verse>
				<verse number="15">उ चट्टान क फारेस अउर पानी तेजी स बाहर निकर आवा वइसे ही जइसे झड़ना स निकरत ह।</verse>
				<verse number="16">परमेस्सर चट्टान स पानी क धारा नदी क नाईं निकारे रहा।</verse>
				<verse number="17">मुला लोग रेगिस्तान मँ सर्वोच्च परमेस्सर क खिलाफ पाप करत जारी रखे रहेन।</verse>
				<verse number="18">फिन ओन लोग परमेस्सर क परखइ क पक्का इरादा किहन। उ पचे बस आपन भूख मिटावइ बरे परमेस्सर स खइया क माँगेन।</verse>
				<verse number="19">परमेस्सर क खिलाफ उ पचे बतियाइ लागेन, उ पचे कहइ लागेन, “का रेगिस्ताने मँ परमेस्सर हमका खाइ क दइ सकत ह?</verse>
				<verse number="20">लोगन ने कहा, जब परमेस्सर चट्टाने पइ चोट किहस तउ पानी क एक ठु रेला फूटि पड़ा। किन्तु का उ हमका कछू रोटी अउ गोस भी दइ सकत ह?”</verse>
				<verse number="21">जब यहोवा इ सुनि लिहस जउन लोग कहे रहेन तउ ओकर किरोध इस्राएल क रास्ट्र याकूब क खिलाफ भड़क गवा।</verse>
				<verse number="22">काहेकि लोग ओह पइ भरोसा नाहीं रखे रहेन, ओनका भरोसा नाहीं रहा, कि परमेस्सर ओनका बचाइ सकत ह।</verse>
				<verse number="23">तब भी परमेस्सर ओन पइ बादर क खोल दिहस। ओनका खाइ बरे खाले मन्ना बरसाइ दिहस। इ ठीक वइसेन ही भवा जइसे कि उ अकासे क दुआर खोल दिहस ह अउर ओनसे अनाज बाहेर उड़ेर दिहस ह।</verse>
				<verse number="24"></verse>
				<verse number="25">लोग उ भोजन खाएन अउर उ पचे बहोत ताकतवर होइ गएन। परमेस्सर ओन लोगन क तृप्त करइ बरे भर पूर भोजन पठएस।</verse>
				<verse number="26">फिन परमेस्सर पूरब स तेज हवा चलाएस अउर ओन लोगन बरे बटेर क बर्खा बरसात क नाई बरसाएस।</verse>
				<verse number="27">परमेस्सर क महासक्ति तैमान कइँती स एक ठु आँधी उठाएस अउर नीला अकास करिआ होइ गवा काहेकि हुवाँ अनगिनत पंछी छाइ ग रहेन।</verse>
				<verse number="28">उ सबइ पंछी क ठीक ओनकर डेरे क बीच मँ खेमन क चारिहुँ कइँती गिरा दिहे रहेन।</verse>
				<verse number="29">ओनके लगे खाइ बरे भरपूर भोजन रहा। उ ओनका उहइ दिहस जउन उ पचन्क इच्छा रहेन।</verse>
				<verse number="30">उ पचे उ भोजन अबहुँ तलक खाइ क खतम नाहीं किहे रहेन जेन्का इच्छा उ पचन्क रहेन अउर गोस अबहुँ तलक ओनकर मुँह मँ ही रहेन।</verse>
				<verse number="31">तउ ओन लोगन पइ परमेस्सर बहोत कोहाइ गवा अउर ओनमाँ स सबन्क नीक क मारि दिहस। उ बरिआर जवानन क मउत दइ दिहस।</verse>
				<verse number="32">फिन भी लोग पाप करत जारी राखे रहेन! उ पचे परमेस्सर क अद्भुत करमन पइ भरोसे नाहीं किहेन।</verse>
				<verse number="33">तउ परमेस्सर ओनकर जिन्नगी क बियर्था मँ अउर बरिसन क डर मँ खतम किहस।</verse>
				<verse number="34">जब कबहुँ परमेस्सर ओनमाँ स कउनो क मारेस ओनमाँ स बाकी लोग परमेस्सर कइँती लउटि गएन।</verse>
				<verse number="35">उ सबइ लोग याद किहेन कि परमेस्सर ओनकर चट्टान रहत रहा। उ पचे याद किहन कि परमेस्सर ओनकर मदद किहे रहा।</verse>
				<verse number="36">किन्तु ओकर पाछे उ पचे अइस किहेन जइसे उ पचे ओन पइ बिस्सास करत हीं, किन्तु असल मँ उ पचे झूट बोले रहेन। उ पचे ओकर बिस्सासी नाहीं रहेन।</verse>
				<verse number="37">उ पचे फुरइ मनवा स यहोवा क संग नाहीं रहेन। उ पचे आपन करार बरे सच्चा नाहीं रहेन।</verse>
				<verse number="38">मुला परमेस्सर करुणा स भरा नाहीं रहा। उ ओनकइ पापन बरे छिमा किहेस, अउर उ ओनकर विनास नाहीं किहस। परमेस्सर अनेक अवसरन पइ आपन किरोध रोकेस। परमेस्सर आपन क बहोत किरोधी नाहीं होइ दिहस।</verse>
				<verse number="39">परमेस्सर क याद रहा कि उ पचे सिरिफ मानव जात अहइँ। लोग सिरिफ हवा जइसे अहइँ जउन बहिके चली जात ह अउर कबहुँ नाहीं लउटत ह।</verse>
				<verse number="40">हाय, उ पचे सबइ मरुभूमि मँ परमेस्सर क खिलाफ विद्रोह किहेन ह। उ पचे मरुभूमि मँ ओका बहोत दुःखी किहे रहेन।</verse>
				<verse number="41">उ पचे लगातार परमेस्सर पइ सक किहेन अउर इस्राएल क पवित्तर क चोट पहुँचाएन।</verse>
				<verse number="42">उ सबइ लोग परमेस्सर क सक्ती क बिसरि गएन। उ सबइ लोग बिसरि गएन कि परमेस्सर ओनका दुस्मन स कइसे बचाए रहा।</verse>
				<verse number="43">उ सबइ लोग ओन अद्भुत बातन क बिसरि गएन जउन कि उ मिस्र क सोआन मँ किहे रहा अउर ओन चमत्कारन क बिसरि गएन जउन उ उस भुइयाँ मँ किहे रहा।</verse>
				<verse number="44">उ ओनकर नदियन क रक्त मँ बदल दिहे रहा। मिस्र क लोग आपन नदी-नाला स पानी पी नाहीं सकत रहेन।</verse>
				<verse number="45">परमेस्सर भिड़न क झुण्ड पठए रहा जउन मिस्र क मनइयन क काटेन। परमेस्सर ओन मेघन क पठएस जउन ओन लोगन क भुइयाँ क नास कइ दिहन।</verse>
				<verse number="46">उ ओनकर फसलन क जेकर बरे उ पचे बहोत सखत मेहनत किहे रहेन टिड्डन अउर झिंगुरन क दइ दिहस।</verse>
				<verse number="47">उ मिस्रियन क अंगूरे क बगिया ओलन स बर्बाद किहस, अउर ओनकर गोलर क बृच्छन क पाला स बर्बाद कइ दिहस।</verse>
				<verse number="48">उ ओनकर जनावरन क ओलन स मारि दिहस अउ बिजुरी गिराइके मवेसियन क बर्बाद कइ दिहस।</verse>
				<verse number="49">उ मिस्री लोगन क खिलाफ आपन प्रचण्ड किरोध अउर फटकार देखाँएस, अउर ओन लोगन पइ मुसीबत लिआएस। उ आपन विनास क दूत ओन लोगन क खिलाफ पठएस।</verse>
				<verse number="50">उ किरोध परगट करइ बरे एक राह पाएस। उ ओन लोगन क मउत स नाहीं बचाएस। उ ओनकर गोरुअन क बेरामी स मरि जाइ दिहस।</verse>
				<verse number="51">परमेस्सर मिस्र क हर पहिलउटी पूत क मार डाएस। हाम क घराने क हर पहिलउटी पूत क उ मार डाएस।</verse>
				<verse number="52">फिन उ इस्राएल क चरवाहा क नाई अगुवाई किहस। उ ओन लोगन क भेड़न क झुण्ड क नाई रेगिस्तान स होत भए निकारेस।</verse>
				<verse number="53">उ आपन निज लोगन क सुरच्छा क संग लइ चला। परमेस्सर क भगतन क कउनो स डर नाहीं रहा। परमेस्सर ओनकर दुस्मनन क लाल सागर मँ डुबाएस।</verse>
				<verse number="54">परमेस्सर आपन मनवइयन क आपन पवित्तर भुइँया पइ लइ आवा। उ ओनका उ पहाड़े पइ लिआवा जउन उ आपन सक्ति स पाएस।</verse>
				<verse number="55">परमेस्सर दूसर जातियन क उ भुइँया तजइ क मजबूर किहस। परमेस्सर हर एक परिवारन क उ भुइँया मँ ओनकर खुदकास्त क हींसा दिहस। इ तरह इस्राएल क परिवारन आपन ही घरन मँ बस गएन।</verse>
				<verse number="56">उ पचे लगातार सर्वोच्च परमेस्सर पइ सक किहेन अउर ओकर खिलाफ विद्रोह किहेन उ सबइ लोग परमेस्सर क आग्या क नाहीं मानेन।</verse>
				<verse number="57">इस्राएल क लोग परमेस्सर स भटकिके विमुख होइ ग रहेन। उ सबइ आपन पुरखन क नाईं परमेस्सर क अबिस्सासी रहेन। उ पचे मुड़ा भवा धनुस क जइसे होइ गवा रहेन।</verse>
				<verse number="58">इस्राएल क लोग ऊँच पूजा क ठउरन बनाएन अउर परमेस्सर क कोहाइ दिहन। उ पचे मूर्तियन गढ़ेन जउन परमेस्सर क किरोधित बनाएन।</verse>
				<verse number="59">परमेस्सर इ सुनेस अउर बहोत कोहाइ गवा। उ इस्राएल क पूरी तरह रद्द कइ दिहस।</verse>
				<verse number="60">परमेस्सर सिलोह क पवित्तर तम्बू क तजि दिहस। जहाँ उ लोगन क बीच निवास करत रहा।</verse>
				<verse number="61">फिन उ दूसर रास्ट्रन क, करार क संदूख क कब्जा करइ क दिहस। दुस्मन ओकर महिमा क संकेत क लइ लिहस।</verse>
				<verse number="62">उ आपन ही लोगन पइ आपन किरोध परगट किहस। उ ओनका जुद्ध मँ मार दिहस।</verse>
				<verse number="63">ओनकर जवान मनइयन आगी मँ जरिके नास होइ गएन। अउर ओकर जवान कुआँरी लड़कियन कबहुँ आपन बियाह गीत नाहीं सुनि पाएन।</verse>
				<verse number="64">याजक मार डावा गएन मुला ओनकर राँड़ मेहरारूअन ओनके बरे नाहीं रोइ सकेन।</verse>
				<verse number="65">आखिर मँ यहोवा उठ बइठा जइसे कउनो नींदे स जागिके उठी बइठत होइ। या कउनो जोद्धा क नाई जउन कि दाखरस क नसा स होस मँ आवा होइ।</verse>
				<verse number="66">फुन तउ उ आपन दुस्मनन क मारिके भगाइ दिहस अउर ओनका हराइ दिहस। उ आपन दुस्मनन क हराइ दिहस अउर सदा बरे ओनका अपमानित किहस।</verse>
				<verse number="67">मुला परमेस्सर यूसुफ क तम्बू क रद्द कइ दिहस। उ इब्राहीम परिवार क नाहीं चुनेस।</verse>
				<verse number="68">परमेस्सर यहूदा क पिरवार क चुनेस अउर उ सिय्योन क पहाड़ क चुनेस जउन ओका पियारा अहइ।</verse>
				<verse number="69">उ ऊँचे पहाड़न नाई अउर धरती क नाई जेका उ सदा बरे स्थापित किहस ह आपन पवित्तर मन्दिर क सुरच्छित बनाएस।</verse>
				<verse number="70">परमेस्सर दाऊद क आपन विसेस सेवक बनावइ मँ चुनेस। दाऊद तउ भेड़िन क देखरेख करत रहा, मुला परमेस्सर ओका उ काम स लइ आवा।</verse>
				<verse number="71">उ दाऊद क भेड़िन क रखवाली स लइ आवा। तउ उ ओका आपन लोगन याकूब क सन्तानन, इस्राएल क रखवाली क काम बरे बहाल किहा।</verse>
				<verse number="72">तउ फिन दाऊद पुरे मन स ओन लोगन क देख-भाल किहस। उ ओनका पूरी बुद्धिमानी स राह देखाँएस।</verse>
			</chapter>
			<chapter number="79">
				<verse number="1">हे परमेस्सर, विदेसी लोग तोहरे सेवकन क संग लड़इ बरे आवा अहइँ। उ मनइयन तोहरे पवित्तर मन्दिर क बर्बाद किहन, अउ यरूसलेम क उ पचे खण्डहर बनाइ दिहन।</verse>
				<verse number="2">तोहरे चेलन क ल्हासन क उ पचे जंगली पंछी क खाइ बरे डाइ दिहन। तोहरे मनवइयन क ल्हासन क उ पचे जनावरन क खाइ बरे डाइ दिहन।</verse>
				<verse number="3">ओन लोगन तोहार लोगन क रक्त पानी जइसा यरूसलेम क चारिहुँ कइँती फइलाएन। ओनकर ल्हासन क दफनावइ क कउनो भी नाहीं बचा।</verse>
				<verse number="4">हमार पड़ोसी देस हमका अपमानित किहन ह। हमरे आस पास क लोग सबहिं हँसत हीं, अउर हमार मसखरी उड़ावत हीं।</verse>
				<verse number="5">हे यहोवा कब तलक अइसा रहब्या, का तू सदा क बरे हम पइ कोहान रहब्या? का तोहार किरोध आगी क तरह धधकत रही?</verse>
				<verse number="6">आपन किरोध क ओन रास्ट्रन क विरोध मँ जउन तोहका नाहीं पहिचानतेन मोड़ द्या आपन किरोध क ओन रास्ट्रन क खिलाफ मोड़ द्या जउन तोहरे नाउँ क मदद बरे नाहीं पुकारतेन।</verse>
				<verse number="7">काहेकि उ सबइ रास्ट्र याकूब क नास किहन। उ पचे याकूब क देस क नास किहन।</verse>
				<verse number="8">तू हमरे पुरखन क पापन बरे कृपा कइके हमका सजा जिन द्या। हाली करा, तू हम पइ निज करुणा हाली देखॅावा काहेकि हम पचन्क बहोत अपमानित बाटइ।</verse>
				<verse number="9">मोर परमेस्सर, मोर उद्धारकर्ता, हमका सहारा द्या। आपन ही नाउँ क महिमा बरे हमार मदद करा। हमका बचाइ ल्या। निज नाउँ क महिमा क खातिर हम लोगन क पाप क प्रायस्चित करा।</verse>
				<verse number="10">दूसर रास्ट्रन क लोगन क तू इ जिन कहइ द्या, “ओनकर परमेस्सर कहाँ बाटइ? का उ ओनका सहारा नाहीं दइ सकत ह?” हे परमेस्सर, ओन लोगन क दण्ड द्या ताकि उ सजा क हम भी लखि सकी। ओन लोगन क तोहरे सेवकन क मारइ क सजा द्या।</verse>
				<verse number="11">जेलि मँ बंद भए लोगन क कराहब कृपा कइके सुना। हे परमेस्सर, तू निज महासक्ती प्रयोग मँ लिआवा अउर ओन लोगन क बचाइ ल्या जेनका मरइ बरे ही चुना गवा ह।</verse>
				<verse number="12">हे यहोवा हमरे आस-पास क रास्ट्रन क सात गुना सज़ा द्या काहेकि उ पचे तोहका अपमानित किहेन ह।</verse>
				<verse number="13">हम तउ तोहार लोग अही, हम तोहरे झुण्ड भेड़ी अही जेका तू पालत ह। हम तोहार गुनगान सदा करब। हे परमेस्सर हम सदा तोहार महिमा क बारे मँ बताउब।</verse>
			</chapter>
			<chapter number="80">
				<verse number="1">हे इस्राएल क चरवाहा, तू हमार सुनि ल्या। तू जउन यूसुफ क लोगन क अगुवाई करत ह। तू जउन राजा क तरह करूब सरगदूत पइ विराजत अहा। तू आपन आप क परगट करा।</verse>
				<verse number="2">एप्रैम, बिन्यामीन अउ मनस्से क सामने तू आपन महिमा देखावा, अउर आपन सक्ति स हमका बचाइ ल्या।</verse>
				<verse number="3">हे परमेस्सर, हमका आपन बरे पुन: स्थापित कइ ल्या। तू हम लोगन पइ कृपा करा ताकि हम लोग बच सकी।</verse>
				<verse number="4">हे सर्वसक्तिमान परमेस्सर यहोवा, कब तलक तू कोहान रहब्या अउर कब तलक तू हमरी पराथना क रद्द करब्या।</verse>
				<verse number="5">आपन मनवइयन क तू बस खाइ क आँसू दिहा ह। तू आपन मनवइयन क पिअइ बरे आँसुअन स लबालब पिआला दिहा।</verse>
				<verse number="6">तू हम लोगन क कूछ अइसा बिसय बनइ दिहा जउने पइ हमार पड़ोसियन झगड़त हीं। हमार दुस्मन हम लोगन क मसखरी उड़ावत हीं।</verse>
				<verse number="7">हे परमेस्सर तू हम लोगन क आपन बरे पुनःस्थापित कइ ल्या। तू हम लोगन पइ कृपा करा ताकि हम बच सकी।</verse>
				<verse number="8">पुराने जमाना मँ, तू हमका एक ठु बहोत महत्वपूर्ण पउधा सा समुझया। तू आपन दाखलता मिस्र स बाहेर लिआया। तू दूसर लोगन क इ धरती तजि देइ क मजबूर किहा अउर हिआँ तू आपन खुद क दाखलता रोप दिहा।</verse>
				<verse number="9">तू दाखलता रोपइ क धरती तइयार किहा, ओकरी जड़न क पक्की करइ बरे तू सहारा दिहा अउर फिन हाली ही दाखलता धरती पइ हर कइँती फइल गइ।</verse>
				<verse number="10">इ आपन छाया स पहाड़न क ढाँपि लिहा हिआँ तलक कि ओकर पात बड़का देवदार बृच्छ क भी ढाँकि लिहस।</verse>
				<verse number="11">ऍकर दाखलता भूमध्य सागर तलक फइलि गइन। ऍकर जड़ परात नदी तलक फइला गइ।</verse>
				<verse number="12">हे परमेस्सर, तू उ सबइ देवार काहे गिराइ दिहा, जउन तोहरी दाखलता क रच्छा करत रही। अब उ हर कउनो जउन हुवाँ स गुजरत ह, हुवाँ स अंगूर क तोड़ लेत हीं।</verse>
				<verse number="13">बनैला सुअरन आवत हीं, अउर तोहार दाखलता क रौंदन भए गुजर जात हीं। जंगली जनावर आवत हीं, अउर ओकर पातिन चर जात हीं।</verse>
				<verse number="14">हे सर्वसक्तीमान परमेस्सर, वापिस आवा। फुन स आपन दाखलता पइ सरगे स खाले लखा, अउर एकर रच्छा करा।</verse>
				<verse number="15">हे परमेस्सर, आपन उ जड़ क लखा, जेका तू खूद आपन हाथे स रोपे रह्या। इ नान्ह पौधन क लखा जेका तू बढ़ाया ह।</verse>
				<verse number="16">तोहार दाखलता गोबर क उपलन जइसा आगी मँ जरावा गवा। तोहरे डाँट फटकारन क कारण एकर लता नास होइ गवा।</verse>
				<verse number="17">हे परमेस्सर, तू आपन हाथ उ मनई पइ धरा जउन तोहरे दाहिन कइँती अहइ। उ मनई पइ आपन हथवा धरा जेका तू खुद पाल्या।</verse>
				<verse number="18">तउ मइँ तोहका नाहीं तजब। तू हम पचन क नवा जिन्नगी द्या ताकि हम लोग तोहार आराधना करइ सकब।</verse>
				<verse number="19">सर्वसक्तिमान यहोवा परमेस्सर, तू आपन बरे पुनःस्थापित कइ ल्या। तू हम लोगन पइ कृपा करा ताकि हम पचे जी सकी।</verse>
			</chapter>
			<chapter number="81">
				<verse number="1">परमेस्सर जउन हमार सक्ति अहइ ओकरे बरे आनन्द क गीत गावा। याकूब क परमेस्सर क जय जयकार करा।</verse>
				<verse number="2">संगीत सुरू करा। तम्बूरा बजावा। वीणा सारंगी स मधुर धुन निकारा।</verse>
				<verse number="3">नवा चंदा क समय मँ तू पचे नरसिंहा फूँका। पूर्णमासी क अवसर पइ तू पचे हम लोगन क त्यौहार क दिन मँ नरसिंहा फूँका।</verse>
				<verse number="4">इस्राएल क लोगन क बरे अइसा ही नेम अहइ। इ आदेस परमेस्सर याकूब क दिहस ह।</verse>
				<verse number="5">परमेस्सर यूसुफ क संग एक करार तब किहे रहा जब उ मिस्र गवा रहा जहाँ उ उ रास्ट्र क भाखा नाहीं जानेस रहेन।</verse>
				<verse number="6">परमेस्सर कहत ह, “तोहरे काँधे क बोझा मइँ लइ लिहेउँ ह। ओकर हाथन मँ मजदूर क टोपा मँ स छुरावा गवा।</verse>
				<verse number="7">जब तू मुसीबत मँ रह्या तू मदद क गोहार लगाया अउर मइँ तोहका बचाएउँ। मइँ तूफानी बदरन मँ छुपा रहेउँ अउर मइँ तू पचन्क जवाब दिहेउँ। मइँ तू पचन्क मरिबा क जल क लगे परखेउँ।”</verse>
				<verse number="8">“अरे मोर मनइयो, तू पचे मोर बात सुना। अउर मइँ तू पचन्क चेताउनी देब। इस्राएल, तू मोका सुन्या।</verse>
				<verse number="9">तू कउनो कउनो बिदेसी देवता क पूजा जिन करा। कउनो बिदेसी लोगन क देवता क समन्वा आपन मुँड़ि जिन झुकावा।</verse>
				<verse number="10">मइँ, यहोवा तोहार परमेस्सर हउँ। मइँ उहइ परमेस्सर हउँ जउन तू पचन्क मिस्र स बाहेर लिआए रहेउँ। तू आपन मुँहना खोला, मइँ ओका भर देब।</verse>
				<verse number="11">“मुला मोर मनइयन मोर नाहीं सुनेन। इस्राएल मोर आग्या नाहीं मानेस।</verse>
				<verse number="12">एह बरे मइँ ओनका ओकरे हठी जिद् पइ छोर दिहेउँ। इस्राएली लोग उहइ चिजियन क किहेन जेका उ उत्तिम समझेन।</verse>
				<verse number="13">भला होत इस्राएल क लोग मोर बात सुन लेतेन, अउर उ लोग वइसी ही जिन्नगी जिअतेन जइसा मइँ ओहसे चाहत रहेउँ।</verse>
				<verse number="14">तब मइँ इस्राएल क दुस्मनन क हाली हराइ देतेउँ। अउर मइँ ओन लोगन क सजा देतेउँ जउन इस्राएल क दुःख देतेन।</verse>
				<verse number="15">तब यहोवा क दुस्मन डर स थर-थर काँपत हीं। अउर उ पचे सदा सर्वदा सजा पइहीं।</verse>
				<verse number="16">परमेस्सर आपन चेलन क उत्तम गोहूँ देइ। चट्टान ओनका समूर्ण तृप्त होइ तलक सहद देब।”</verse>
			</chapter>
			<chapter number="82">
				<verse number="1">परमेस्सर देवन क सभा क बीच निआवाधीस क रूप मँ विराजत ह। सरगदूत क बीच उ निआव करत ह।</verse>
				<verse number="2">परमेस्सर कहत ह, “कब तलक तू लोग अनिआव स भरा निआव करब्या? कब तलक तू लोग दुराचारी लोगन क खास सामर्थ दिखावा?</verse>
				<verse number="3">“अनाथन अउ कमज़ोर लोगन क रच्छा करा। जेनका संग उचित बेउहार नाहीं कीन्ह गवा ह। अउर दीन लोगन क अधिकारन क रच्छा करा।</verse>
				<verse number="4">गरीब अउ बेसहारा लोगन क बचावा। दुस्टन क चंगुल स ओनका बचाइ ल्या।</verse>
				<verse number="5">“इस्राएली नाहीं जानते कि का कछू घटत बा एब बरे उ पचे नाहीं समझतेन। उ पचे नाहीं जानतेन कि बदी करने वाला का करत रहेन।”</verse>
				<verse number="6">मइँ कहेउँ, “तू देवतन अहा। तू सर्वोच्च परमेस्सर क पूत अहा।</verse>
				<verse number="7">फिर भी तू मानव जाति क नाईं मरब्या। तू पचे वइसेन मरब्या जइसे दूसर नेतन मरि जात हीं।”</verse>
				<verse number="8">हे परमेस्सर, खड़ा ह्वा! धरती पइ निआव लइ आवा, काहेकि तू सारे ही देसन पइ नियन्त्रन रखत ह।</verse>
			</chapter>
			<chapter number="83">
				<verse number="1">हे परमेस्सर, तू मौन जिन रहा! चुपचाप जिन रहा। हे सर्वसक्तिमान परमेस्सर, कृपा कइके सान्त जिन रहा।</verse>
				<verse number="2">हे परमेस्सर, तोहार दुस्मन तोहरे विरोध मँ सड्यंत्र रचत बाटेन। जउन तोहसे घिना करत हीं अहंकारी बन जात हीं।</verse>
				<verse number="3">उ पचे तोहरे मनवइयन क खिलाफ सडयंत्र रचत बाटेन। तोहार दुस्मन ओन लोगन क खिलाफ जउन तोहका पिआरा अहइँ सबइ जोजना बनावत अहइँ।</verse>
				<verse number="4">उ सबइ दुस्मन कहत अहइँ, “आवा, हम ओन लोगन क पूरी तरह मेट डाइ। तब कउनो भी मनई इस्राएल क नाउँ सुमिरन नाहीं करी।”</verse>
				<verse number="5">काहेकि इ सबहिं रास्ट्रन इकट्ठा होइके तोहरे विरोध मँ जोजना बनावत हीं। उ पचे तोहार खिलाफ एक ठ समझौता किहेन।</verse>
				<verse number="6">उ पचे इ सामिल परिवारन एदोमी, इस्माएली, मोआबी अउर हाजिरा क संतानन क पूतन, गबाली अउर, अम्मोनी, अमालेकी अउर पलिस्ती, अउर सूर क लोगन क परिवारन क इ सबइ लोग हम लोगन क खिलाफ जुद्ध करइ बरे एक जुट होइ गएन।</verse>
				<verse number="7"></verse>
				<verse number="8">हिआँ तलक कि अस्सूरी भी ओन लोगन स मिल गएन। उ पचे लूत क संतानन क बहोत बलवान बनाएन।</verse>
				<verse number="9">हे परमेस्सर तू दुस्मनन क वइसेन हरावा जइसेन तू मिद्यानी लोगन क, सिसरा क, यार्बान क, किसोन नदी क लगे याबीन क हराया।</verse>
				<verse number="10">उ पचे एन्दोर मँ नास भएन। ओनकर ल्हासन धरती पइ पड़ी सड़त रहिन।</verse>
				<verse number="11">दुस्मनन क सेनापतियन क वइसेन हरावा जइसेन तू ओरबे अउ जायेब क संग किहे रह्या। ओकरे सेनापतियन क वइसेन हरावा जइसेन तू जेबह अउ सलमुन्ना क संग किहा।</verse>
				<verse number="12">हे परमेस्सर, उ सबइ लोग हम पचन क धरती तजइ क दबावइ चाहत रहेन।</verse>
				<verse number="13">मोर परमेस्सर ओनका तू उखड़ा भवा पौधा सा बनावा जेका आँधी उड़ाइ लइ जात ह। ओन लोगन क अइसेन बिखराइ द्या जइसे भूसा क आँधी बिखराइ देत ह।</verse>
				<verse number="14">दुस्मन क अइसेन बर्बाद करा जइसे वन क आगी बृच्छन क बर्बाद करत ह, अउर जइसेन जंगली आगी पहाड़न क बार डावत ह।</verse>
				<verse number="15">एह बरे ओनका आँधी क नाईं पाछा करा अउर ओनका कँपावा अउ फूँकिके उड़ा द्या जइसे कि आँधी करत ह।</verse>
				<verse number="16">हे यहोवा उ सबइ क लज्जा स भरि द्या कि लोग तोहरे बारे मँ जानइ बरे तोहका तलास करइँ।</verse>
				<verse number="17">हे यहोवा, ओन लोगन क भयभीत कइ द्या अउ ओन लोगन क हमेसा अपमानित करा, ताकि उ तिरस्कार मँ मरि जाइँ।</verse>
				<verse number="18">तउ उ पचे जनिहीं कि तू यहोवा अहा! अउर तू ही अकेल्ला सर्वोच्च परमेस्सर अहइ जउन सारे संसार पइ सासन करत अहा।</verse>
			</chapter>
			<chapter number="84">
				<verse number="1">सर्वसक्तिमान यहोवा, फुरइ तोहार पवित्तर मन्दिर केतॅना मनोहर अहइ।</verse>
				<verse number="2">मोर इच्छा अहइ कि मइँ यहोवा क मन्दिर क आंगन मँ रहेउँ। मइँ तोहार आवइ क बाट जोहत भए थक गवा हउँ। मोर पूरा सरीर जिअत यहोवा क संग होइ बरे रोवत ह।</verse>
				<verse number="3">सर्वसक्तिमान यहोवा, मोर राजा, मोर परमेस्सर, गौरइया अउ सूपाबेनी तलक क आपन झोंझ होत हीं। इ सबइ पंछी तोहरी बेदी क लगे झोंझ बनावत ही अउर ओनहीं घोसलन मँ ओनकइ बच्चे होत हीं।</verse>
				<verse number="4">जउन लोग तोहरे मन्दिर मँ रहत हीं, बहोत खुस रहत हीं। उ पचे तउ सदा ही तोहार गुन गावत हीं।</verse>
				<verse number="5">उ सबइ लोग आपन हिरदइ मँ गीतन क संग जउन तोहरे मन्दिर मँ आवत हीं, बहोतइ आनन्दित अहइँ।</verse>
				<verse number="6">उ सबइ खुस लोग बाका घाटि जेका परमेस्सर झरना क तरह बनाएस ह गुजरत हीं गर्मी क गिरत भइ बर्खा क बूँदन जल क सरोवर बनावत हीं।</verse>
				<verse number="7">लोग आपन परमेस्सर स मिलइ बरे सहर स सहर होत भए इ रास्ता पइ सिय्योन पहाड़ पइ जात हीं।</verse>
				<verse number="8">फउजन क परमेस्सर यहोवा, मोर पराथना सुना। याकूब क परमेस्सर तू मोर सुनि ल्या।</verse>
				<verse number="9">परमेस्सर, हमरे संरच्छक क रच्छा करा। आपन अभिसिक्त भए राजा पइ दयालु ह्वा</verse>
				<verse number="10">हे परमेस्सर, कहूँ अउर हजार दिन ठहरइ स तोहरे मन्दिर मँ एक दिन ठहरब उत्तिम अहइ। दुट्ठ लोग क बीच बसइ स, आपन परमेस्सर क मन्दिर क दुआरे क लगे खड़ा रइहउँ इहइ उत्तिम बाटइ।</verse>
				<verse number="11">यहोवा हम लोगन क सूर्य अउर ढार अहइ। यहोवा महिमा अउ सम्मान देइ। उ जउन खरी जिन्नगी गुजारत ह ओका उ हर एक नीक चीज देत ह।</verse>
				<verse number="12">हे सर्वसक्तिमान यहोवा, जउन लोग तोहरे भरोसे अहइँ उ पचे फुरइ बहोत खुस अहइँ।</verse>
			</chapter>
			<chapter number="85">
				<verse number="1">हे यहोवा, तू आपन देस पइ कृपालु भवा। तू विदेस भुइँया मँ स याकूब क सन्तानन वापिस लिआवा।</verse>
				<verse number="2">हे यहोवा, तू आपन लोगन क पापन्क छिमा करा। तू ओनकर सबइ पाप मेट द्या। (सेला)</verse>
				<verse number="3">हे यहोवा, कोहाइ जाब क तजि द्या। अउर तू आपन गुस्सा क लइ लिहा।</verse>
				<verse number="4">परमेस्सर, हमार मुक्तिदाता, कृपा कइके हम पचन पइ कोहाइ जाब तजि द्या अउर हम लोगन क फुन हमार भुइयाँ पइ वापिस लइ आवा।</verse>
				<verse number="5">का तू हमेसा हमेसा कोहान रहब्या? का तू सदा आपन कोहान जारी रखब्या?</verse>
				<verse number="6">कृपा कइके हमका फुन जिआइ द्या ताकि तोहार लोग तोहसे फुन स खुस होइ सकइँ।</verse>
				<verse number="7">हे यहोवा, तू हमका आपन बिस्सासनीय पिरेम देखावा। हमार रच्छा करा।</verse>
				<verse number="8">जउन परमेस्सर कहत ह, मइँ ओह पइ कान दिहेउँ। उ अपने लोगन अउर अपने बिस्सासी चेलों से सान्ति क वाचा करत ह उ नाहीं चाहत ह कि उ पचे बेवकूफी क राहे पइ लउटि जाइँ।</verse>
				<verse number="9">फुरइ, ओकर उद्धार ओन लोगन क निचके बाटइ जउन ओहसे डेरात ह, एह बरे ओकर महिमा तोहार देस मँ निवास करी।</verse>
				<verse number="10">पिरेम अउर सच्चाई एक साथ मिलब। धर्मता अउ सान्ति एक दूसर क चुम्मा क संग स्वागत करिहीं।</verse>
				<verse number="11">सच्चाई धरती स अंकुरित होइहीं, अउर धार्मिकता अकासे स बसिर्हीं।</verse>
				<verse number="12">यहोवा बहोत स उत्तिम वस्तुअन क देइहीं। अउर हमार धरती प्रचुर मात्रा मँ फसल उपजिहीं।</verse>
				<verse number="13">परमेस्सर क अगवा अगवा नेकी चली, अउर उ ओकरे बरे राह बनाई।</verse>
			</chapter>
			<chapter number="86">
				<verse number="1">मइँ एक दीन, असहाय मनई अहउँ। हे यहोवा, तू कृपा कइके मोर सुनि ल्या, अउर तू मोर विनती क जवाब द्या।</verse>
				<verse number="2">मइँ तोहार भगत हउँ, कृपा कइके मोर रच्छा करा। मइँ तोहार सेवक अहउँ अउर तू मोर परमेस्सर अहा। मइँ तोह पइ भरोसा किहेउँ, कृपा कइके मोका बचावा।</verse>
				<verse number="3">मोर सुआमी, मोह पइ दाया करा। मइँ सारा दिन तोहार बिनती करत रहत हउँ।</verse>
				<verse number="4">हे मोर यहोवा, मइँ आपन जिन्नगी तोहार हाथन मँ देत हउँ। हे मोर सुआमी, मोका, आपन सेवक क सुखी बनावा।</verse>
				<verse number="5">हे सुआमी, तू नीक अउ छिमाकर्ता अहा। तू आपन मनवइयन स बहोत पिरेम करत अहा, जउन सहारा पावइ क तोहका गोहरावत हीं।</verse>
				<verse number="6">हे यहोवा, मोर बिनती सुनि ल्या। कृपा कइके तू आपन कान क मोर पराथना पइ दाया बरे द्या।</verse>
				<verse number="7">हे यहोवा, आपन संकट क घरी मँ मइँ तोहार बिनती करत हउँ। मइँ जानत हउँ तू मोका जवाब देब्या।</verse>
				<verse number="8">हे सुआमी, तोहरे जइसा कउनो देवता नाहीं अहइ। जइसेन काम तू किहा ह वइसा काम कउनो भी नाहीं कइ सकत।</verse>
				<verse number="9">हे सुआमी, तू ही सब लोगन क रच्या ह। उ पचे आइहीं अउर तोहार आराधना करिहीं। उ पचे सबहिं तोहरे नाउँ क आदर करिहीं।</verse>
				<verse number="10">हे परमेस्सर, तू महान अहा। तू अजूबा करम करत अहा। तू अकेल्ले ही परमेस्सर अहा।</verse>
				<verse number="11">हे यहोवा, मोका आपन राहन क सिच्छा द्या, तउ मइँ तोहरे सच्चाइ क अनुसार रहेबउँ। कृपा कइके मोर मदद करा, तउ मइँ पूरे हिरदय स तोहार उपासना करबउँ।</verse>
				<verse number="12">हे मोर सुआमी परमेस्सर, मइँ सम्पूर्ण हिरदय स तोहार गुण गावत हउँ। मइँ तोहरे नाउँ क आदर सदा सदा ही करबउँ।</verse>
				<verse number="13">काहेकि तू मोका बहोत जिआदा पिरेम किहा ह। तू मोका मउत क गहड़ा खाइ स बचाया ह।</verse>
				<verse number="14">परमेस्सर, अहंकारी लोग मोह पइ वार करत अहइँ। कर लोगन क समूह मोका मार डावइ चाहत अहइँ। अउर उ सबइ मनई तोहार आदर नाहीं करत अहइँ।</verse>
				<verse number="15">हे सुआमी, तू दयालु अउ कृपा स भरा परमेस्सर अहा। तू धीरज स भरा, बिस्सासी अउ पिरेम स भरा अहा।</verse>
				<verse number="16">हे परमेस्सर, देखावा कि तू मोर सुनत ह अउर मोह पइ कृपालु रहत ह। मइँ तोहार सेवक हउँ, तू मोका सक्ति द्या। मइँ तोहार सेवक हउँ, मोका बचावा!</verse>
				<verse number="17">हे यहोवा, कछू अइसा करा जेहसे इ साबित होइ कि तू मोर सहायता करब्या। तब मोर दुस्मन एका जानिहीं अउ निरास होइ जइहीं। तउ इ परगट होइ तू उहइ अहा जउन मोर मदद किह्या अउर मोका आराम दिह्या।</verse>
			</chapter>
			<chapter number="87">
				<verse number="1">परमेस्सर यरूसलेम क पवित्तर पहाड़ियन पइ आपन मन्दिर बनाएस।</verse>
				<verse number="2">यहोवा इस्राएल मँ कउनो भी दूसर सहर स जियादा सिय्योन क दुआर क पसंद करत हीं।</verse>
				<verse number="3">हे परमेस्सर क नगर, तोहरे बारे मँ लोग अजूबा बातन कहत हीं।</verse>
				<verse number="4">मइँ सिय्योन ओन लोगन क सूची बनाउब जउन मोका जानत ह, एहमाँ ओन लोगन भी सामिल अहइँ जउन मिस्र, बाबुल, पलिस्ती, सोर अउ इथोपिया मँ भी रहत हीं।</verse>
				<verse number="5">उ हरेक जन क जउन सिय्योन मँ पइदा भएन जानत ह। सर्वोच्च परमेस्सर इ सहर क स्थापना किहेस ह।</verse>
				<verse number="6">यहोवा आपन रास्ट्रन क सूची राखत ह। उ जानत ह कि कउन सिय्योन मँ पइदा भवा ह। सेला</verse>
				<verse number="7">ओकर मनवइयन बहोत खुसी स गावत अउर नाचत हीं। उ पचे कहा करत हीं, “सबहिं उत्तिम चिजियन यरूसलेम स आइन।”</verse>
			</chapter>
			<chapter number="88">
				<verse number="1">हे परमेस्सर यहोवा, तू मोर उद्धारकर्त्ता अहा। मइँ तोहार रात-दिन विनती करत रहत हउँ।</verse>
				<verse number="2">कृपा कइके मोर पराथना पइ धियान द्या। मोह पइ दाया कइके मोर पराथना सुना।</verse>
				<verse number="3">मइँ आपन दुर्दसा स तंग होइ गवा हँउ। बस मइँ हाली ही मरि जाब।</verse>
				<verse number="4">लोग मोरे संग मुर्दा जइसा बेउहार करइ लागेन ह। उ मनई क तरह जउन जिअत रहइ बरे बहोत कमजोर अहइँ।</verse>
				<verse number="5">मोका मुर्दा लोगन क बीच मँ रखा गवा ह। मइँ कब्र क मुर्दन जइसा हउँ जेका तू बिसर जाब्या। अउर जेका तोहरे उपस्थिति स हटाई दीन्ह गवा अहइ।</verse>
				<verse number="6">हे यहोवा, तू मोका कब्र क सबसे गहरी खाईं मँ डाइ दिहा ह। तू मोका घोर अँधेरी जगह मँ रख दिहा ह।</verse>
				<verse number="7">हे परमेस्सर, तोहका मोह पइ किरोध रहा, एह बरे तू मोका आपन किरोध क तरंगन स बर्बाद किहा ह।</verse>
				<verse number="8">तू मोका मोरे मीत लोगन स अलगाइ दिहा। एह बरे उ पचे मोसे अलग रहइ क जतन करत अहइँ, काहेकि तू मोका अइसा मनई बनाए अहा जेका कउनो भी छुअइ नाहीं चाहत ह। मइँ आपन घरे क ही भीतरे बंदी बनि गवा हउँ अउर मइँ बाहेर जाइ नाहीं सकत हउँ।</verse>
				<verse number="9">विपदा क कारण मोर आँखिन मँ पीड़ा अहइँ। हे यहोवा, मइँ तोहसे निरन्तर पराथना करत हउँ अउर तोहार समर्थन मँ मइँ आपन हाथ उठावत हउँ।</verse>
				<verse number="10">हे यहोवा, का तू मृतक लोगन बरे अचरज भरा काम करब्या? का इ सम्भव अहइ कि एक मरा भवा आतिमा तोहार उपासना करी? (सेला)</verse>
				<verse number="11">जउन मरा भए अहइँ उ पचे आपन कब्र मँ स ओकरे कइँती तोहरे पिरेम क बारे मँ बताइ सकतेन। मरे भए लोगन मृत्युलोक स ओकरे कइँती तोहरी बिस्सास क नाहीं बताइ सकतेन।</verse>
				<verse number="12">मरे भए लोग अँधियारे मँ सोवत हीं उ पचे ओन अद्भुत बातन क जेनका तू करत अहा, नाहीं लखि सकतेन। उ पचे छोड़ा भवा भुइँया मँ तोहार कीन्ह भवा धार्मिकता क बारे मँ नाहीं बताइ सकतेन।</verse>
				<verse number="13">मुला मइँ मदद बरे तोहका गोहराएउँ ह, हे यहोवा। हर भिन्सारे मइँ तोहार समन्वा पराथना करत हउँ।</verse>
				<verse number="14">हे यहोवा, तू मोका काहे तजि दिहा ह? तू मोर सुनइ स काहे मना करत अहा?</verse>
				<verse number="15">बचपन स ही मइँ सतावा गवा हउँ अउर मउत क धमकी दीन्ह गवा हउँ, मइँ असहाय हउँ।</verse>
				<verse number="16">तोहार गुस्सा मोका ढाँपि लिहे अहइ अउर तोहार आतंक मोका मार डावत ह।</verse>
				<verse number="17">उ मोका बाढ़ क पानी क समान चारिहुँ कइँती स घेरिके राखेस ह। उ मोका पूरी तरह स ढाँपिके राखेस ह।</verse>
				<verse number="18">हे यहोवा, तू मोरे मीत अउ प्रिय मनइयन क मोका छोड़िके चला जाइ क मजबूर कइ दिहा। मोरे संग सिरिफ केवल अँधियारा ही रहत ह।</verse>
			</chapter>
			<chapter number="89">
				<verse number="1">मइँ हमेसा यहोवा क पिरेम क गीतन क गाउब। मइँ ओकरी हमेसा ओकरी बिस्सासी क गीत गावत रहब।</verse>
				<verse number="2">हे यहोवा, मोका सचमुच बिस्सास अहइ, तोहार पिरेम अमर अहइ। तोहार बिस्सास लम्बी अकास क नाईं अहइ।</verse>
				<verse number="3">यहोवा परमेस्सर कहत ह, “मइँ आपन चुने भए राजा क संग एक ठु करार किहेउँ ह। आपन सेवक दाऊद क मइँ वचन दिहेउँ ह:</verse>
				<verse number="4">‘दाऊद तोहरे बंस क मइँ हमेसा बरे अमर बनाउब। तोहरे राज्ज सदा सदा बरे बनाइ रखबेउँ।’”</verse>
				<verse number="5">हे यहोवा, तोहरे ओन अद्भुत करमन क अकास स्तुति करत हीं। सरगदूतन क सभा तोहरी ईमानदारी क गीत गावत हीं।</verse>
				<verse number="6">सरगे मँ कउनो मनई यहोवा क तुलना नाहीं कइ सकत। कउनो भी देवता यहोवा क समान नाहीं।</verse>
				<verse number="7">पवित्तर सरगदूतन क सभा मँ परमेस्सर अत्यंत सम्मानित बाटइ। उ सबइ जउन ओकर चारिहुँ कइँती अहइ, क जरूर डरइ चाही अउर ओकर आदर करइ चाही।</verse>
				<verse number="8">सर्वसक्तिमान परमेस्सर यहोवा, तोहस जियादा कउनो सक्तिसाली नाहीं अहइ। अउर यहोवा तू हमेसा भरोसेमन्द अहा।</verse>
				<verse number="9">तू गरजत समुद्दर पइ सासन करत अहा। तू ओकर उमंगित तंरगन क सांत करत अहा।</verse>
				<verse number="10">हे परमेस्सर, तू ही अहा जउन राहाब क हराए रह्या अउर ओका जुद्ध मँ मार डाए रह्या। तू आपन महासक्ति स आपन दुस्मन बिखराइ दिह्या।</verse>
				<verse number="11">सरग अउ धरती तोहार अहइ। उ तू ही अहा जउन इस संसार क बनाय अउर संसार मँ क हर वस्तु रच्या।</verse>
				<verse number="12">तू ही सब कछू उत्तर दक्खिन रच्या ह। ताबोर अउ हर्मोन पर्वत तोहार गुन गावत हीं।</verse>
				<verse number="13">तू सक्तिसाली अहा। तोहार सक्ति महान अहइ। तोहार सक्ति क सम्मान कीन्ह जात हीं।</verse>
				<verse number="14">तोहार राज्ज धार्मिकता अउ निआउ पइ टिका बाटइ। पिरेम अउ बिस्सासी तोहरे सेवा करत अहइँ।</verse>
				<verse number="15">जउन तोहमाँ खुस अहइँ उ धन्न अहइँ। उ पचे तोहरी समर्थन क प्रकास मँ जिअत रहत हीं।</verse>
				<verse number="16">तोहार नाउँ ओनका सदा खुस करत ह अउर तोहार धार्मिकता क कारण उ सम्मान पावत ह।</verse>
				<verse number="17">तू ओनकर सक्ति क अद्भुत स्रोत अहा। उ तोहार समर्थन क कारण तोहसे सक्ति पावत ह।</verse>
				<verse number="18">काहेकि हमार रच्छा यहोवा स सम्बंधित अहइ। हम लोगन क राजा इस्राएल क पवित्तर क कइँती स अहइ।</verse>
				<verse number="19">एक बार दर्सन मँ तू आपन सच्चे मनइयन स कहे रहा, “मइँ ओनका मदद दिहे हउँ जउन मज़बूत अहइ, मइँ लोगन क बीच मँ स नउ जवान मनई क प्रतिस्ठित किहेउँ।</verse>
				<verse number="20">मइँ आपन सेवक दाऊद क पाइ लिहेउँ, अउर मइँ ओकर ताजपोसी किहेउँ ह अउ ओकरे अभिसेक आपन तेल स किहेउँ ह।</verse>
				<verse number="21">मइँ आपन दाहिने हाथे स दाऊद क सहारा दिहेउँ, अउर मइँ ओका आपन सक्ति स बलवान बनाएउँ।</verse>
				<verse number="22">कउनो दुस्मन चुने भए राजा क धोखा नाहीं देइ सकतेन। दुट्ठ जन ओहे पइ अत्याचार नाहीं कइ सकतेन।</verse>
				<verse number="23">मइँ ओकरे दुस्मनन क समाप्त कइ दिहेउँ। जउन लोग चुने भए राजा स बैर राखत रहेन, मइँ ओनका हराइ दिहेउँ।</verse>
				<verse number="24">मइँ हमेसा आपन चुने भए राजा स पिरेम राखब अउर ओका समर्थन देब। उ मोहे पइ निर्भर रहिके मोर सक्ती स भरि जाइ।</verse>
				<verse number="25">मइँ आपन चुने भए राजा क महासागर क नियंत्रक तइनात करब। उ नदियन पइ हुकुमत करी।</verse>
				<verse number="26">उ मोहसे कही, ‘तू मोर पिता अहा। तू मोर परमेस्सर, मोर चट्टान अउ मोर उद्धारकर्ता अहा।’</verse>
				<verse number="27">मइँ ओका आपन पहिलौटा पूत बनाउब। उ सबइ राजन पइ प्रमुख होइ।</verse>
				<verse number="28">मइँ सदा ओका आपन पिरेम दिखावत हउँ। मोर करार ओकरे संग दृढ़ता स स्थापित होइ।</verse>
				<verse number="29">मइँ इ बंस क अमर बनाउब। ओकर सासन हुआँ तब तलक टिका रही जब तलक कटनी क समई रही।</verse>
				<verse number="30">अगर ओकर संतानन मोर कानून अउर आदेस क पालन तजि दिहन ह, अउर अगर उ लोग मोरे उपदेसन क मानब तजि दिहन ह।</verse>
				<verse number="31">अगर मोर अभिसिक्त राजा क संतानन मोरे कानून क पालन नाहीं किहन अउर अगर मोरे आदेसन क न मानेन।</verse>
				<verse number="32">तउ मइँ ओकर बिद्रोह बरे ओका दण्ड देइ बरे अधर्म चिजियन क न होइ देब, अउर मइँ ओकरे आग्याभंग करइ बरे मनइयन क दण्ड क रूप मँ देब।</verse>
				<verse number="33">मुला मइँ ओन लोगन क परिवार स आपन पिरेम क नाहीं हटाउब। मइँ सदा ही ओनके बरे बिस्सासी रहब।</verse>
				<verse number="34">जउन करार मोर दाऊद क संग अहइ, मइँ ओका नाहीं तोड़ब। मइँ आपन वाचा क नाहीं बदलब।</verse>
				<verse number="35">मइँ आपन पवित्तरता प्रतिग्या लेब, अउर मइँ ओहे स आपन वाचा क नाहीं तोड़ब।</verse>
				<verse number="36">दाऊद क बंस हुवाँ सदा बना रही। जब तलक हुवाँ सूरज रही तब तलक ओकर सिंहासन भी रही।</verse>
				<verse number="37">उ सदा हुवाँ रहब। निहचय ही जब तलक आकासे मँ चन्द्रमा साच्छी रही तब तलक लगातार रही।” (सेला)</verse>
				<verse number="38">मुला अब, तू ओकर अपमान किहा ह अउर ओका तजि दिहा ह। तू आपन अभिसिक्त राजा पइ कोहाइ गवा ह।</verse>
				<verse number="39">तू आपन सेवक क कीन्ह भवा करार क रद्द कइ दिहा। तू ओकरे मुकुट धूरि मँ लोकाइ दिहा।</verse>
				<verse number="40">तू राजा क नगर क देवारन बर्बाद कइ दिहा, तू ओकरे सब किला क तहस नहस कइ दिहा।</verse>
				<verse number="41">राजा क पड़ोसी ओह पइ हँसत अहइँ, अउर उ सबइ लोग जउन पास स गुजरत हीं, ओनकर चिजियन क चोराइ लइ जात हीं।</verse>
				<verse number="42">तू राजा क दुस्मनन क खुस किहा। तू ओकरे दुस्मनन क जुद्ध मँ जिताइ दिहा।</verse>
				<verse number="43">तू ओकरे तरवार क जुद्ध मँ असफल किहा। तू आपन राजा क जुद्ध जीतइ मँ मदद नाहीं किहा।</verse>
				<verse number="44">तू ओकरे खास स्थान क समाप्त कइ दिहा ह, अउर तू ओकर पवित्तर सिंहासन क तू धरती पइ पटक दिहा।</verse>
				<verse number="45">तू ओकरे जवानी क दिनन क घटा दिहा ह।</verse>
				<verse number="46">हे यहोवा, इ कब तलक रही? का सदा-सदा हमार मदद नाहीं करब्या? का तू सदा सदा बरे आपन किरोध आगी क नाईं धधकत भए रखब्या?</verse>
				<verse number="47">याद करा मोर जिन्नगी केतनी अल्पकालीन अहइ। तू ही हमका नान्ह जिन्नगी जिअइ अउर फुन मरि जाइ क रच्या ह।</verse>
				<verse number="48">अइसा कउनो मनई नाहीं जउर सदा जिई अउर कबहुँ नाहीं मरी। कब्र स कउनो मनई बच नाहीं पाई। (सेला)</verse>
				<verse number="49">हे सुआमी, उ पिरेम कहाँ अहइ जउन तू अतीत मँ देखाँए रह्या अउर तू आपन बिस्सास क दाऊद क वचन दिह्या।</verse>
				<verse number="50">हे सुआमी, कृया कइके याद करइ क जतन करा, कि लोगन तोहरे सेवक क कइसे अपमानित किहन।</verse>
				<verse number="51">मइँ आपन हिरदय मँ बहोत सारे रास्ट्रन क अपमान क सहन किहे हउँ। केकरे बारे मँ तोहार दुस्मन मज़ाक उड़ाएन, हे यहोवा? तोहरे चुने भए राजा क उ पचे अपमानित किहेन ह।</verse>
				<verse number="52">यहोवा, क हमेसा ही स्तुति होइ। आमीन आमीन!</verse>
			</chapter>
			<chapter number="90">
				<verse number="1">हे सुआमी, तू अनादि काल स हमार घर (सुरच्छा स्थल) रहा बाटइ।</verse>
				<verse number="2">हे परमेस्सर, तू पर्वतन क पइदा होइ स पहिले मौजूद रह्या। तू धरती अउर संसार क रचई स पहिले मौजूद रह्या। सुरू स अन्त तलक रह्या, तू सदा ही परमेस्सर रहब्या।</verse>
				<verse number="3">तू ही इ जगत मँ लोगन क लिआवत ह। फुन स तू ही ओनका धूरी मँ बदल देत ह।</verse>
				<verse number="4">तोहरे बरे हजार बरिस बीते भए काल्हि जइसेन या राति क एक ठ पहर बीत गवा बाटइ।</verse>
				<verse number="5">तू मोर जिन्नगी क सपना क झरना क आसीस दिहा। अउर हम पचे बहोत भिंसार ही चला जात अही।</verse>
				<verse number="6">जउन भिंसारे उगत ह अउर उ साँझ क सूखिके मुरझाइ जात ह।</verse>
				<verse number="7">हे परमेस्सर, जब तू कोहाइ जात ह हम पचे बर्बाद होइ जात अही। हम तोहरे कोप स घबरान अही।</verse>
				<verse number="8">तू हमरे सब पापन क जानत अहा। तू हमार हर छिपा भवा पाप क लखा करत अहा।</verse>
				<verse number="9">जब तू किरोधित होत ह, हमार सबइ दिनन लुप्त होइ जात हीं अउर हमार बरिसन फुसफुसाहट क नाई खतम होइ जात हीं।</verse>
				<verse number="10">हम पचे सत्तर बरिस तलक जिअत रहि सकित ह, अगर हम पचे सक्तिसाली अही तउ अस्सी बरिस जी सकी। हमार जिन्नगी कठिन परिस्रम अउ पीरा स भरी अहइ। एकाएक हमार जिन्नगी खतम होइ जात ह अउर हम पचे उड़िके चला जाइत ह।</verse>
				<verse number="11">तोहरे किरोध क सक्ति क अउर तोहार भय योग्य गुस्सा क कउन जानत ह।</verse>
				<verse number="12">तू हमका सिखाइ द्या कि हम पचे फुरइ इ जानी कि हमार जिन्नगी केतॅनी कम अहइ। ताकि हम पचे बुद्धिमान बनि सकी।</verse>
				<verse number="13">हे यहोवा, तू सदा हमरे लगे लउटि आवा। हम केतॅना दिन प्रतीच्छा करी? आपन सेवकन पइ दाया करा।</verse>
				<verse number="14">हर रोज भिंसारे हम पचन क आपन सच्चा पिरेम स भरि दया। ताकि हम लोग आपन जिन्नगी क हर एक दिन आनन्दित होइ खुसी मनाइ।</verse>
				<verse number="15">तू हम पचन क वइसा ही आनन्दित होइ द्या जइसा तू पहिले हमका पीरा दिहा रहा।</verse>
				<verse number="16">तोहरे दासन क ओन अद्भुत बातन क लखइ द्या जेनका तू ओनके बरे कइ सकत ह, अउ आपन सन्तानन क आपन महिमा देखाँवा।</verse>
				<verse number="17">परमेस्सर, हमार सुआमी, हम पचन पइ कृपालु ह्वा। हम लोगन क उ कार्य दिखावा जेका हम लोगन क करइ चाही अउर हम लोगन क कार्य क कामयाब बनावा।</verse>
			</chapter>
			<chapter number="91">
				<verse number="1">उ जउन कउनो सर्वोच्च परमेस्सर क सरण मँ रहत ह, तउ उ सर्वसक्तिमान परमेस्सर क सुरच्छा मँ रहत ह।</verse>
				<verse number="2">मइँ यहोवा स कहत हउँ, “तू मोर सुरच्छा स्थल अहा मोर गढ़। हे परमेस्सर, मइँ तोहरे भरोसे हउँ।”</verse>
				<verse number="3">यहोवा तोहका सबहिं छिपे भए खतरा स बचाइ। उ तोहका सब खउफनाक विपत्तियन स बचाइ।</verse>
				<verse number="4">तू परमेस्सर क सरण मँ संरच्छण पावइ बरे जाइ सकत ह। उ तोहार अइसे रच्छा करी जइसे एक ठु पंछी आपन पखना फइलाइके आपन बच्चन क रच्छा करत ह। परमेस्सर क बिस्सास एक बिसाल ढाल क नाईं अहइ जउन चारिहुँ कइँती स रच्छा करत ह।</verse>
				<verse number="5">राति मँ तोहका कउनो क भय नाहीं होइ, अउ दुस्मन क बाणन स तू दिन मँ डेराब्या नाहीं।</verse>
				<verse number="6">तोहका अँधियारे मँ आवइवालन रोगन अउ उ खउफनाक रोग स जउन दुपहर मँ आवत हीं डर नाहीं होइ।</verse>
				<verse number="7">तू हजार दुस्मनन क हराइ देब्या। तोहार खुद दाहिना हाथ दस हजार दुस्मनन क हराइ। अउर तोहार दुस्मन तोहका छुइ तलक नाहीं पइहीं।</verse>
				<verse number="8">जरा लखा, अउर तोहका देखाँइ देइ कि उ पचे कुटिल मनई सजा पाइ चुका अहइँ।</verse>
				<verse number="9">काहेकि तू यहोवा क भरोसे अहा। तू परम परमेस्सर क आपन सरणस्थल बनाया ह।</verse>
				<verse number="10">तोहरे संग कउनो भी बुरी बात नाहीं घटी। कउनो भी रोग तोहरे घर क नजदीक नाहीं आइ।</verse>
				<verse number="11">काहेकि परमेस्सर आपन सरगदूतन क तू जहाँ भी जाब्या हुआँ तोहार रच्छा करइ बरे नियुक्त करी।</verse>
				<verse number="12">ओकर सरगदूतन तोहका आपन हाथन पइ ऊपर उठइहीं, ताकि तोहार गोड़ चट्टान स न टकराइ।</verse>
				<verse number="13">तू कोबरा अउर नाग पइ बगैर कउनो नोस्कान क चलब्या; तू सेर अउर अजगर क कुचरब्या।</verse>
				<verse number="14">यहोवा कहत ह, “मइँ आपन सेवकन क रच्छा करब जउन मोहसे पिरेम करत ह। मइँ ओनॅ व्यक्ति क पालन-पोसन करब जउन मोर उपासना करत ह।”</verse>
				<verse number="15">उ सहारा पावइ बरे मोका गोहरइहीं, मइँ ओनकर जवाब देब। उ पचे जब कस्ट मँ होइहीं मइँ ओनके संग रहब। मइँ ओनकर बचाव करब अउर ओनका आदर देब।</verse>
				<verse number="16">मइँ आपन व्यक्तियन क एक लम्बी उमिर क आसीस देब। अउर मइँ ओका ओकर आपन बचान क सक्ति दिखाउब।</verse>
			</chapter>
			<chapter number="92">
				<verse number="1">यहोवा क महिमा क स्तुति करइ नीक अहइ। हे सर्वोच्च परमेस्सर, तोहरे नाउँ क गुणगान बरे नीक अहइ।</verse>
				<verse number="2">भोर मँ तोहरे पिरेम क गीत गाउब अउ राति मँ तोहरे बिस्सास क गीत गाउब नीक अहइ,</verse>
				<verse number="3">हे यहोवा तोहरे बरे दस तार वाद्य यंत्रन, सारंगियन अउ वीणन पइ संगीत बजाउब नीक बाटइ।</verse>
				<verse number="4">हे यहोवा, तू फुरइ हमका आपन कीन्ह कामन स आनन्दित करत ह। हम आनन्द स भरिके ओन गीतन क गाइत ह, जउन काम तू किहा ह।</verse>
				<verse number="5">हे यहोवा, तू महान कारज किहा ह। तोहार सोच-बिचार हमरे बरे समुझि पावइ आसान नाहीं अहइँ।</verse>
				<verse number="6">लोग मूरख गोरुअन क जइसे अहइँ। मूरख जइसे तोहार सोच-बिचार क नाहीं समुझ पाइत।</verse>
				<verse number="7">दुट्ठ जन घास क नाई पनपत हीं। उ पचन्क दुआरा कीन्ह भवा सबइ बेकार अबहीं फलत-फूलत हीं, किन्तु सदा-सदा बरे खतम होइ जइहीं।</verse>
				<verse number="8">मुला हे यहोवा, अनन्त काल तलक तोहार आदर रही।</verse>
				<verse number="9">हे यहोवा, तोहार दुस्मनन बर्बाद कइ दीन्ह जइहीं। उ सबहिं मनई जउन बुरा काम करत हीं, तितर-बितर कइ दीन्ह जइहीं।</verse>
				<verse number="10">मुला तू मोका जंगली बर्धा क नाईं मज़बूत बनाया ह। हम बरियार भेड़ा स बन जाब जेकर कर्रे सींग होत हीं तू मोह पइ खास तेल उड़ेर्या ह जउन ठंडापन देत ह।</verse>
				<verse number="11">मइँ लखेउँ ह कि मोर दुस्मन मोका लखत हीं; मइँ सुनेउँ ह कि दुट्ठ लोग मोह पइ हमला करइ बरे तइयार बाटेन।</verse>
				<verse number="12">नीक मनइयन लबानोन क बड़वार देवदार बृच्छ क तरह अहइँ जउन यहोवा क मन्दिर मँ रोपा ग अहइँ।</verse>
				<verse number="13">नीक मनइयन बाढ़त भए ताड़ क बृच्छ क नाई अहइँ, जउन हमार परमेस्सर क मन्दिर क आँगन मँ फलदार होत अहइँ।</verse>
				<verse number="14">उ पचे जब तलक बुढ़वा होइहीं तब तलक उ पचे फल देत रइहीं। उ पचे हरे भरे मोटा बृच्छ जइसे होइहीं।</verse>
				<verse number="15">उ पचे हर कउनो क इ देखाँवइ बरे हुआँ अहइँ कि यहोवा बिस्सास योग्य अहइ। उ मोर चट्टान अहइ। ओहमाँ कछू बुराइ नाहीं बाटइ।</verse>
			</chapter>
			<chapter number="93">
				<verse number="1">यहोवा सासन करत ह! उ महिमा अउर सक्ति क पहिर लिहस ताकि धरती स्थिर रहइ अउर गिरे नाहीं।</verse>
				<verse number="2">हे परमेस्सर, तोहार साम्राज्य अनादि काल स टिका भवा अहइ। तू सदा जिअत अहा।</verse>
				<verse number="3">हे यहोवा, नदियन क गर्जन बहोत तीव्र बा। ओनकर लहरन क नस्ट करइया अहइ।</verse>
				<verse number="4">समुद्र क पछारा खात भइ लहरन गरजत हीं, अउर उ सबइ सक्तिसाली अहइँ। मुला ऊपर वाला यहोवा जियादा सक्तिसाली अहइ।</verse>
				<verse number="5">हे यहोवा, तोहार कानून बहोत स्थिर अहइ। तोहार पवित्तर मन्दिर लम्बी समई तलक खड़ा रही।</verse>
			</chapter>
			<chapter number="94">
				<verse number="1">यहोवा तू परमेस्सर अहा जउन कि निआव लिआवत ह। निआव क परमेस्सर आपन क परगट करा।</verse>
				<verse number="2">उठा, हे धरती क निआउकर्त्ता। तू घमण्डी लोगन क उचित सजा देत ह।</verse>
				<verse number="3">हे यहोवा, दुट्ठ जन कब तलक मजा मारत रइहीं? केतॅना देरी तलक?</verse>
				<verse number="4">उ सबइ दुट्ठ-जन कब तलक आपन बुरे कामन क बारे मँ डीगं हाँकत अउर सेखी बघारत रइहीं?</verse>
				<verse number="5">हे यहोवा, उ सबइ लोग तोहार लोगन क मुसीबत मँ डालेन ह। उ पचे तोहरे आपन लोगन क सतावा करत हीं।</verse>
				<verse number="6">उ पचे राँड़ अउरतन अउर ओन मेहमानन क जउन ओनके देस मँ ठहरा अहइँ, मारत हीं। उ पचे ओन अनाथ गदेलन क कतल करत हीं।</verse>
				<verse number="7">उ पचे कहत हीं, यहोवा ओनकर बुरा करम करत भए नाहीं लखि सकत। अउर कहत हीं, ‘इस्राएल क परमेस्सर ओन बातन क नाहीं समुझत जउन घटति अहइँ।’</verse>
				<verse number="8">ओ बुद्धिहीन लोग, तू कब आपन पाठ सिखब्या? अरे मूरख लोगो, जतन करा अउर समुझ्या।</verse>
				<verse number="9">परमेस्सर हमार कान बनाएस ह, तउ निहचय ही उ सुन सकिहीं। परमेस्सर हमार आँखिन बनाएस ह, तउ निहचय ही देख सकत हीं।</verse>
				<verse number="10">उ रास्ट्रन क सम्मान करत हीं, तउ निहचय ही उ तोहार निआव कइ सकत ह। उ ओन लोगन क ओन सबहिं बातन क सिच्छा देइ जउन ओनका करइ चाही।</verse>
				<verse number="11">तउ जउन बातन क लोग सोचत अहइँ यहोवा जानत अहइ। उ इ जानत अहइ कि ओकर जोजनन हवा क झोंका अहइँ।</verse>
				<verse number="12">तू लोग धन्न अहा जेका तू सम्मान देत ह, हे यहोवा। तू ओन लोगन क आपन कानून सिखावत ह।</verse>
				<verse number="13">तू ओनका ओकरे विपत्तियन मँ सांत होइके सहायक करत ह, जब तलक दुट्ठ लोग कब्र मँ नाहीं दफनाइ दीन्ह जइहीं।</verse>
				<verse number="14">यहोवा आपन लोगन क कबहुँ नाहीं तजी। उ बिना सहारे ओका रहइ नाहीं देइ।</verse>
				<verse number="15">निआउ लउटब अउर इमानदारी लिआइ। फुन लोग खरा बनिहीं।</verse>
				<verse number="16">मोका दुट्ठन क खिलाफ जुद्ध करइ मँ कउनो मनई सहारा नाहीं दिहस। कुकर्मियन क खिलाफ जुद्ध करइ मँ कउनो मोर संग नाहीं दिहस।</verse>
				<verse number="17">यहोवा मोर सहायक नाहीं होत, तउ मोर जिन्नगी मउत क दुआरा सांत होइ जाइतेन।</verse>
				<verse number="18">जब मइँ गिरइ क रहेउँ, तोहार पिरेम मोका उठाएस, हे यहोवा।</verse>
				<verse number="19">जब मइँ बहोतइ चिंतित अउ बियाकुल रहेउँ, तोहार सुख मोका आनन्दित किहस।</verse>
				<verse number="20">हे परमेस्सर, तू कुटिल निआउ क मदद नाहीं करत्या, जउन परीसानी पइदा करइ बरे नेमन क घेर लेत ह।</verse>
				<verse number="21">उ पचे नीक लोगन पइ हमला करत ह अउर निर्दोख व्यक्ति क कसूरवार कहत ह।</verse>
				<verse number="22">मुला यहोवा मोर सुरच्छा क ठउर बाटइ। परमेस्सर मोर चट्टान अउर मोर सरण क ठउर अहइ।</verse>
				<verse number="23">परमेस्सर ओनका ओकरे बुरा करमन बरे सजा देइ। उ ओका ओकरे पाप क कारण खतम कइ देइ। हमार परमेस्सर यहोवा ओनका नस्ट कइ देइ।</verse>
			</chapter>
			<chapter number="95">
				<verse number="1">आवा हम यहोवा क गुण गाई। आवा हम पचे उ चट्टान क जय जयकार करी जउन हमार रच्छा करत ह।</verse>
				<verse number="2">आवा हम यहोवा क धन्यवाद बरे गीत गाई। आवा हम ओकर बड़कई क गीत आनन्द क संग गाई।</verse>
				<verse number="3">काहेकि यहोवा महान परमेस्सर अहइ। उ महान राजा सबहिं दूसर “देवतन” पइ सासन करत ह।</verse>
				<verse number="4">गहिर सबइ गुफा अउ ऊँच पहाड़ यहोवा क अहइँ।</verse>
				<verse number="5">सागर ओकर बा, उ ओका बनाएस ह। परमेस्सर खुद आपन हाथन स झुरान धरती क बनाएस ह।</verse>
				<verse number="6">आवा, हम ओका पइलगी करी अउर ओकर उपासना करी। आवा हम परमेस्सर क गुण गाई जउन हमका बनाएस ह।</verse>
				<verse number="7">उ हमार परमेस्सर अउर हम पचन ओकर बगल मँ भेड़ अही। कम स कम जदि तू आजु ओकर आवाज़ क पालन करब्या।</verse>
				<verse number="8">यहोवा कहत ह, “तू मोका सुनई स वइसा इनकार जिन करा जइसा मरीबा मँ तोहार पुरखन किहे रहेन, अउ वइसा जिन करा जइसा उ पचे मस्सा मँ रहइ क दिन मँ किहे रहेन।</verse>
				<verse number="9">तोहार पुरखन मोका परखे रहेन। उ पचे मोका परखेन, पर तब उ पचे लखेन कि मइँ का कइ सकत हउँ।</verse>
				<verse number="10">मइँ ओन लोगन क चालीस बरिस तलक सहन किहे रहेउँ। मइँ इ अच्छी तरह जानत रहेउँ कि उ पीढ़ी इमान्दार नाहीं अहइ। ओन लोगन मोर सिच्छा क नाही सीखेन।</verse>
				<verse number="11">तउ मइँ कोहाइ गएउँ अउर मइँ प्रण किहेउँ कि उ पचे मोर भुइँया मँ आइववाले समई मँ प्रवेस नाहीं कइ पइहीं।”</verse>
			</chapter>
			<chapter number="96">
				<verse number="1">यहोवा बरे एक ठु गीत गावा। हे समस्त ब्रह्माण्ड यहोवा बरे गीत गावा।</verse>
				<verse number="2">यहोवा बरे गावा, ओकरे नाउँ क धन्न कहा। हर दिन इ ओकरे उद्धार क बारे मँ सुसमाचार क सुनावा।</verse>
				<verse number="3">दूसर रास्ट्रन क बतावा कि यहोवा फुरइ अद्भुत बाटइ। सब कतहूँ क लोगन मँ ओन अद्भुत बातन क जेनका उ करत ह बखान करा।</verse>
				<verse number="4">यहोवा महान बा अउर बड़कई क जोग बा। उ कउनो “देवतन” स जियादा स्रद्धालु बा।</verse>
				<verse number="5">दूसर रास्ट्रन क सबहिं “देवतन” सिरिफ मूर्तियन अहइँ, मुला यहोवा अकासन क रचेस।</verse>
				<verse number="6">ओकरे समन्वा सुन्दर महिमा दमकत बा। परमेस्सर क पवित्तर मन्दिर सामरथ अउ सुरन्दरता अहइँ।</verse>
				<verse number="7">हे वंसो, अउर रास्ट्रो, यहोवा बरे महिमा अउर बड़कई क गीत गावा।</verse>
				<verse number="8">यहोवा क नाउँ क गुणगान करा। आपन भेंटन उठावा अउ मन्दिर मँ जा।</verse>
				<verse number="9">यहोवा क ओकर भव्य, मन्दिर मँ उपासना करा। अरे ओ धरती क मनइयो, यहोवा क उपासना करा।</verse>
				<verse number="10">रास्ट्रन क जानइ द्या कि यहोवा राजा अहइ। निहचय ही उ उहइ अहइ जउन जगत क स्थिर अउर अखण्ड बनाएस ह। यहोवा मनइयन पइ निआउ स सासन करी।</verse>
				<verse number="11">अरे अकास, खुस ह्वा, हे धरती, आनन्द मनावा। हे सागर, अउर ओहमाँ क सबइ चिजियन क आनन्द स ललकारा।</verse>
				<verse number="12">अरे ओ खेतो अउर ओहमाँ उगइवाली हर वस्तु आनन्द स भरपूर होइ जा। हे जंगल क बृच्छो गावा अउर आनन्द मनावा।</verse>
				<verse number="13">आनन्द स भरपूर होइ जा काहेकि यहोवा आवत अहइ। यहोवा जगत क सासन करइ आवत अहइ, उ खरेपन स निआउ करी।</verse>
			</chapter>
			<chapter number="97">
				<verse number="1">यहोवा सासन करत ह, धरती क खुस रहइ द्या; दूर क देसन क प्रसन्न होइ द्या।</verse>
				<verse number="2">यहोवा क करिया गहिर बादर घेरे भए अहइँ। नेकी अउ निआउ ओकरे राज्ज क मजबूत किहे अहइँ।</verse>
				<verse number="3">यहोवा क समन्वा आगी चला करत ह, अउर उ ओकरे आपन दुस्मनन क नास करत ह।</verse>
				<verse number="4">ओकर बिजुरी संसार क प्रकासित करत ह। लोग ओका लखत हीं अउर डेरान रहत हीं।</verse>
				<verse number="5">यहोवा क समन्वा पहाड़ अइसे पिघल जात हीं, जइसे मोम पिघल जात ह। उ समूचइ धरती क सुआमी अहइ।</verse>
				<verse number="6">अकास ओकरी नेकी क बखान करत हीं। हर कउनो परमेस्सर क महिमा लखि लेइ।</verse>
				<verse number="7">सबइ लोग जउन मूरतियन क पूजा करत हीं अउर ओकरे बियर्थ बातन बरे डींग हाँकत हीं, लजाइ जाइहीं। सबइ देवतन ओकरे समन्वा निहुरिहीं।</verse>
				<verse number="8">हे सिय्योन, सुना अउ खुस ह्वा। हे यहूदा क सहरन, खुस ह्वा, तोहार निआउ क कारण, हे यहोवा।</verse>
				<verse number="9">हे सर्वोच्च यहोवा, फुरइ तू ही धरती पइ सासन करत ह। तू दूसर “देवतन” स जियादा उत्तिम अहा।</verse>
				<verse number="10">जउन लोग यहोवा स पिरेम रखत हीं, उ पचे पाप स घिना करत हीं। एह बरे उ आपन लोगन क रच्छा करत ह। उ ओन लोगन क दुट्ठ लोगन स बचावत ह जउन ओकरे बिस्सासी अहइँ।</verse>
				<verse number="11">धर्मी लोगन पइ जोति छितराएस ह अउ इमानदार-जन बरे आनन्द फइलाएस ह।</verse>
				<verse number="12">हे धर्मी लोगो, परमेस्सर मँ खुस रहा। ओकरे पवित्तर नाउँ क धन्यवाद द्‌या।</verse>
			</chapter>
			<chapter number="98">
				<verse number="1">यहोवा बरे एक नवा गीत गावा, काहेकि उ नई अउ अद्भुत बातन क किहस ह। ओकर पवित्तर दाहिन भुजा ओकरे बरे फुन बिजय बनाई।</verse>
				<verse number="2">यहोवा रास्ट्रन क समन्वा आपन रच्छा क सक्ती क परगट किहेस ह। उ ओनका आपन बिजय देखाँएस ह।</verse>
				<verse number="3">उ इस्राएल पइ आपन पिरेम अउर बिस्सास क स्मरण किहेस ह। दूर रास्ट्रन क लोग हमरे परमेस्सर क रच्छासक्ती निहारेन।</verse>
				<verse number="4">हे धरती क हर मनई, चिचियाइके स्तुति कइके यहोवा क सुआगत करा। फूट पड़ा! चिचियावा! गावा!</verse>
				<verse number="5">वीणन क संग यहोवा बरे गावा। मधुर स्वर स वीणा बजाइके, ओकर महिमा क स्तुति करा।</verse>
				<verse number="6">वीणाओ, यहोवा क गुण गावा। हे बिगुल के मधुर संगीत ओकर गुण गावा, ओकर महिमा क स्तुति करा।</verse>
				<verse number="7">बाँसुरी बजावा अउर नरसिंगन क फूँका। आनन्द स यहोवा, हमरे राजा क जय जयकार करा।</verse>
				<verse number="8">हे सागर अउ धरती, अउ ओनमाँ क सबइ चिजियन ऊँच सुर मँ गावा।</verse>
				<verse number="9">इ यहोवा क समन्वा होइ, काहेकि उ संसार क निआव करइ बरे जात ह। उ संसार क धार्मिकता स अउर ओकरे लोगन क इमानदारी स निआव करी। तू यहोवा क समन्वा गावा, काहेकि उ जगत क सासन करइ जात अहइ, उ जगत क निआउ नेकी अउ सच्चाई स करी।</verse>
			</chapter>
			<chapter number="99">
				<verse number="1">यहोवा सासन करत ह। तउ हे रास्ट्रन, भय स काँप उठा। उ करूब दूतन ऊँपर आपन सिंहासन पइ विराजमान अहा। तउ हे संसार भय स काँपि उठा।</verse>
				<verse number="2">यहोवा सिय्योन मँ महान अहइ। सारे रास्ट्रन क उहइ राजा अहइ।</verse>
				<verse number="3">सबहिं लोगन क तोहरे महान अउर भय योग्य नाउँ क गुण गावइ द्या। परमेस्सर पवित्तर बा।</verse>
				<verse number="4">सक्तिसाली राजा क निआउ भावत ह। तू ही अहा जउन नेकी क स्थापना किहा ह। तू ही अहा जउन इस्राएल बरे निआव अउर खरापन क स्थापना किहा ह।</verse>
				<verse number="5">यहोवा हमरे परमेस्सर क गुणगान करा। अउर ओकरे चउकी चरण निहुरिके दण्डवत करा। उ पवित्तर अहइ।</verse>
				<verse number="6">मूसा अउ हारून यहोवा क याजकन रहेन। समूएल ओन मँ स एक रहा जउन ओकरे नाउँ लेइवाला रहा। उ सबइ ओकर पराथना किहेन। अउर उ ओनका जवाब दिहस।</verse>
				<verse number="7">उ बादर क खम्भा मँ स बातन किहेस। उ पचे ओकरे आदेसन क मानेन। परमेस्सर ओनका कानूनन क हुकुमन दिहेस।</verse>
				<verse number="8">हे यहोवा हमार परमेस्सर, तू ओनकर पराथना क जवाब दिहा। तू ओनका इ देखाया कि छमा करइवाला परमेस्सर अहा, अउर तू लोगन क ओनकर बुरा कर्मन बरे सजा देत अहा।</verse>
				<verse number="9">हमार परमेस्सर यहोवा बरे एक ठु गीत गावा। ओकरे पवित्तर पहाड़े कइँती निहुरिके ओकर उपासना करा। फुरइ यहोवा हमार परमेस्सर पवित्तर अहइ।</verse>
			</chapter>
			<chapter number="100">
				<verse number="1">हे धरती, तू यहोवा बरे गावा।</verse>
				<verse number="2">आनन्द स रहा जब तू यहोवा क सेवा करा। खुसी क गीतन क संग यहोवा क समन्वा आवा।</verse>
				<verse number="3">तू जान ल्या कि यहोवा ही परमेस्सर अहइ। उ हमका बनएस ह अउ हम ओकर भगत अही। हम ओकर भेड़ अही।</verse>
				<verse number="4">धन्यवाद क गीत संग लिए यहोवा क नगर मँ आवा, गुणगान क गीत संग लिए यहोवा क मन्दिर मँ आवा। ओकर आदर करा अउर ओकर नाउँ क धन्य करा।</verse>
				<verse number="5">यहोवा उत्तिम अहइ। ओकर पिरेम सदा सदा ही अहइ। हम ओह पइ सदा सर्वदा बरे भरोसा कइ सकित ह।</verse>
			</chapter>
			<chapter number="101">
				<verse number="1">मइँ पिरेम अउ खरेपन क गीत गाउब। यहोवा मइँ तोहरे बरे गाउब।</verse>
				<verse number="2">मइँ पूरी सावधानी स सुद्ध जिन्नगी बिताउब। मइँ आपन घर मँ सुद्ध जिन्नगी जिअब। हे यहोवा तू मोरे लगे कब अउब्या?</verse>
				<verse number="3">मइँ कउनो भी बियर्थ मूरति समन्वा नाहीं राखब। जब लोग तोहार खिलाफ विद्रोह करत हीं तउ मइँ इ स घिना करत हउँ। मइँ कबहुँ भी एकर हिस्सा नाहीं बनब।</verse>
				<verse number="4">मइँ इमानदार रहब। मइँ बुरा काम स कबहुँ सम्बंध नाहीं राखब।</verse>
				<verse number="5">अगर कउनो मनई छिप छिपके आपन पड़ोसी बरे चुगली कहइ, मइँ ओनका रोकब। मइँ डींग हाँकइवाला अउर महत्वाकांच्छी व्यक्तियन क सहन नाहीं करब।</verse>
				<verse number="6">मइँ आपन संग काम करई बरे बिस्सासी लोगन क दूढ़ता हउँ। सिरिफ ओन लोग मोर सेवक होइ सकत हीं जउन इमानदारी स जिन्नगी जिअत हीं।</verse>
				<verse number="7">मइँ आपन घरे मँ अइसे लोगन क रहइ नाहीं देब जउन झूठ बोलत हीं। मइँ झूठ लोगन क आपन लगे भी फटकइ नाहीं देब।</verse>
				<verse number="8">मइँ ओन दुट्ठन क सदा ही नस्ट करब, जउन इ देस मँ रहत हीं। मइँ ओन दुट्ठ लोगन क मजबूर करब, कि उ पचे यहोवा क नगर क तजि देइँ।</verse>
			</chapter>
			<chapter number="102">
				<verse number="1">हे यहोवा, मोर पराथना क सुना। मोर पराथना क तोहे तलक आवइ द्या।</verse>
				<verse number="2">जब मइँ विपत्ति मँ रहेउँ मोका नज़र अंदाज़ जिन करा। जब मइँ तोहार पराथना करेउँ तउ तू मोर सुना मोर पराथना क हाली जवाब द्या।</verse>
				<verse number="3">मोर जिन्नगी वइसे बीती रही जइसे उड़त भवा धुआँ। मोर सक्ति अइसे अहइ जइसे धीरे धीरे बुझत आग।</verse>
				<verse number="4">मोर सक्ति छीन होइ चुकी अहइ। मइँ वइसा ही अहउँ जइसा झुरान मुरझान घास। आपन सबइ वेदना मँ मोका भूख नाहीं लागत।</verse>
				<verse number="5">दुःख क कारण, मइँ सिरिफ चमड़ा अउर हड्डियन होइ गवा अहउँ।</verse>
				<verse number="6">मइँ अकेला अहउँ जइसे कउनो एकान्त निर्जन जगह मँ उल्लू रहत होइ। मइँ अकेला अहउँ जइसे कउनो पुरान खण्डहर मँ उल्लू रहत होइ।</verse>
				<verse number="7">मइँ जाग कइ पूरी रात पहरा करत हउँ। मइँ उ अकेले पंछी जइसा होइ गवा हउँ, जउन छते पइ बइठा भवा होइ।</verse>
				<verse number="8">मोर सत्रु सदा मोका बेइज्जत करत हीं, अउर लोग मोर नाम लइके मोर हँसी उड़ावत हीं।</verse>
				<verse number="9">दुःख मोर खइया होइ गवा अहइ। आँसू नीचे लुढ़किके मोर पिअइया बन जात ह।</verse>
				<verse number="10">काहेकि यहोवा तू मोसे रूठ गवा अहा। तू ही मोका ऊपर उठाए रह्या, अउर तू ही मोका बहाइ दिहा।</verse>
				<verse number="11">मोर जिन्नगी क लगभग अंत होइ चुका अहइ। वइसे ही जइसे साँझ क लम्बी छाया हेराइ जात हीं। मइँ वइसा ही अहउँ जइसे झुरान अउ मुरझान घास।</verse>
				<verse number="12">मुला हे यहोवा, तू तउ सदा ही अमर रहब्या। तोहार नाउँ सदा अउ सदा ही बना रही।</verse>
				<verse number="13">तोहार उत्थान होइ अउ तू सिय्योन क चइन देब्या। उ समइ आवत अहइ, जब तू सिय्योन पइ कृपालु होब्या।</verse>
				<verse number="14">तोहार सेवकन सिय्योन क पाथरन स पिरेम करत हीं। उ पचे ओकरे धूरि स भी पिरेम करत हीं।</verse>
				<verse number="15">रास्ट्रन यहोवा क नाउँ क आराधना करिहीं। हे यहोवा, धरती क सबहिं राजा तोहार आदर करिहीं।</verse>
				<verse number="16">जब यहोवा फुन स सिय्योन क बनाई। तउ उ आपन पूरी महिमा मँ परगट होइ।</verse>
				<verse number="17">जउन लोगन जिअत अहइ, उ ओनकर पराथना सुनीहीं। उ ओनकर पराथनन क नज़र अंदाज़ नाहीं करी।</verse>
				<verse number="18">ओन बातन क लिखा ताकि भविस्स क पीढ़ी पढ़इ। ताकि जउन लोग अवइ वाला समइ मँ पइदा होइहीं यहोवा क स्तुति करिहीं।</verse>
				<verse number="19">यहोवा आपन ऊँच पवित्तर ठउर स खाले निहारी यहोवा सरण स खाले धरती पइ निहारी।</verse>
				<verse number="20">उ कैदी लोगन क पराथना सुनी। उ ओन मनइयन क मुक्त करी जेनका राजा स मउत दीन्ह गइ रही।</verse>
				<verse number="21">फुन सिय्योन मँ लोग यहोवा क बखान करिहीं। यरूसलेम मँ लोग यहोवा क गुण गइहीं।</verse>
				<verse number="22">अइसा तब होइ जब यहोवा लोगन क फिन बटोरी, अइसा तब होइ जब राज्ज यहोवा क सेवा करिहीं।</verse>
				<verse number="23">मोर सक्ती मोका बिसराइ दिहस ह। यहोवा मोर जिन्नगी घटाइ दिहस ह।</verse>
				<verse number="24">एह बरे मइँ कहेउँ, “मोर प्राण छोटी उमर मँ जिन ल्या। हे परमेस्सर, तू सदा अउ सर्वदा अमर रहब्या!</verse>
				<verse number="25">पुराने जमाने मँ तू संसार रच्या ह। तू खुद अपने हाथन स आकास रच्या।</verse>
				<verse number="26">इ जगत अउ आकास नस्ट होइ जइहीं, मुला तू ही सदा जिअत रहब्या। उ सबइ ओढ़नन क नाई फट जइहीं। ओढ़नन क नाई ही तू ओनका बदलब्या। उ पचे सबहिं बदल दीन्ह जइहीं।</verse>
				<verse number="27">हे परमेस्सर, मुला तू कबहुँ नाहीं बदलत्या; तू सदा बरे अमर रहब्या।</verse>
				<verse number="28">आज हम तोहार दास अही। हमार संतान भविस्स मँ हिअँइ रइहीं अउर ओनकर संतानन हिअँइ तोहार उपासना करिहीं।”</verse>
			</chapter>
			<chapter number="103">
				<verse number="1">हे मोर आतिमा, यहोवा क स्तुति करा। हे मोर अंग-प्रत्यंग ओकरे पवित्तर नाउँ क बड़कई करा।</verse>
				<verse number="2">हे मोर आतिमा, यहोवा क स्तुति करा अउर ओकरे सबइ कृपालु कामन क जिन बिसरा।</verse>
				<verse number="3">उ तोहार पापन क छमा करत ह। उ तोहार सबइ बेरामियन स तोहका चंगा करत ह।</verse>
				<verse number="4">उ तोहार प्राण क कब्र स बचावत ह, अउर उ तोहका पिरेम अउ करुणा स सज़वत ह।</verse>
				<verse number="5">परमेस्सर हमका भरपूर उत्तिम वस्तुअन देत ह। उ हमका फुन उकाब क नाई जवान करत ह।</verse>
				<verse number="6">यहोवा खरा कामन करत ह। परमेस्सर ओन लोगन क निआउ देत ह, जउने पइ दूसर लोग अत्याचार किहन ह।</verse>
				<verse number="7">उ मूसा क आपन मारग सिखाएस। उ इस्राएलियन क आपन कार्यन बताएस।</verse>
				<verse number="8">यहोवा करुणा स भरा अउर दयालु अहइ। परमेस्सर सहनसील अउ पिरेम स भरा अहइ।</verse>
				<verse number="9">यहोवा सदा ही आलोचना नाहीं करत। अउर ठीक इहइ तहर उ सदा हम पइ कोहान नाहीं रहत ह।</verse>
				<verse number="10">उ हम लोगन क संग हमार कीन्ह गवा पाप क अनुसार बेउहार नाहीं करत ह, अउर उ हमका वइसा सजा नाहीं देत जेका हम हकदार अहइँ।</verse>
				<verse number="11">आपन बिस्सासी पइ परमेस्सर क पिरेम वइसे महान अहइ जइसे धरती पइ अहइ ऊँचा उठा भवा अकास।</verse>
				<verse number="12">उ हमरे पापन क हम से ऍतना ही दूर हटाएस जेतना पूरब क दूरी पच्छिम स अहइ।</verse>
				<verse number="13">उ ओहे पइ जउन ओहसे डेरात ह वइसे ही दयालु अहइ, जइसे बाप आपन गदेलन पइ दाया करत ह।</verse>
				<verse number="14">परमेस्सर हमार सब कछू जानत ह। परमेस्सर जानत ह कि हम माटी स बना अही।</verse>
				<verse number="15">परमेस्सर जानत ह कि मानव जिन्नगी नान्ह स अहइ। उ जानत ह हमार जिन्नगी घास जइसी अहइ। परमेस्सर जानत ह कि हम लोगन क जिन्नगी बनफूल जइसा अल्प अहइ।</verse>
				<verse number="16">उ फूल जल्दी ही उगत ह। फिन गरम हवा चलत ह अउर उ फूल मुरझात ह। अउर फुन हाली ही तू लख नाहीं पउत्या कि उ फूल कइसे ठउर पइ उगत बाटइ।</verse>
				<verse number="17">मुला यहोवा क पिरेम सदा बना रहत ह। परमेस्सर सदा सदा ही आपन भगतन स पिरेम करत ह। परमेस्सर क दया ओकरे गदेलन स गदेलन तलक बनी रहत ह।</verse>
				<verse number="18">उ अइसन पइ दयालु अहइ, जउन ओकरी करार पइ चलत हीं। उ अइसन पइ दयालु अहइ जउन ओकरे आदेसन क पालन करत हीं।</verse>
				<verse number="19">परमेस्सर क सिंहासन सरगे मँ बना अहइ। हर चीज पइ ओकर हुकूमत अहइ।</verse>
				<verse number="20">हे सरगदूतो, यहोवा क स्तुति करा। हे सक्तिसाली सरगदूतन जउन ओकरे वचन क सुनत ह अउर ओकर पालन करत, ओकर गुण गवा।</verse>
				<verse number="21">हे सबइ ओकर दुस्मनो, यहोवा क स्तुति करा। तू जउन ओकर सेवा करत ह अउर उहइ करत ह जउन उ चाहत ह, ओकर गुण गवा।</verse>
				<verse number="22">हे समूचइ जगत, यहोवा क स्तुति करा जउन हर जगह पइ सासन करत ह। हे मोर आतिमा, यहोवा क बड़कई करा</verse>
			</chapter>
			<chapter number="104">
				<verse number="1">हे मोर आतिमा, यहोवा क स्तुति करा। हे यहोवा, हे मोरे परमेस्सर, तू अति महान अहा। तू महिमा अउ आदर क ओढ़ना पहिरे अहा।</verse>
				<verse number="2">जइसे कउनो मनई चोगा पहिरत ही वइसा ही उ प्रकास क पहिरत हीं। पर्दा क नाईं उ आकासे क फइलावत ह।</verse>
				<verse number="3">उ ओनके ऊपर आपन निवास स्थान बनाएस। उ गहिर बादर क प्रयोग आपन रथ बनावइ मँ करत ह। उ पवन क पखना पइ चढ़िके अकास पार करत ह।</verse>
				<verse number="4">उ निज सरगदूतन क पवन क नाईं बनावत ह। उ निज सेवक क पवन क नाई बनाएस।</verse>
				<verse number="5">इ उहइ अहइ जउन धरती क ओकरी नेंव पइ निर्माण किहस। इ कबहुँ न गिरी।</verse>
				<verse number="6">उ जल क चादर स धरती क ढकेस। जल पहाड़न क ढाँकि लिहस।</verse>
				<verse number="7">तू आदेस दिहा अउर जल दूरि हट गवा। तू जल पइ गरज्या, अउर जल दूर भागा।</verse>
				<verse number="8">पहाड़न स खाले घाटियन मँ ओन सबइ ठउरन पइ जेका तू ओकरे बरे तइयार किहे रहा या जल बहा।</verse>
				<verse number="9">तू समुद्दर क चउहद्दी बाँध दिहा अउर फुन जल कबहुँ धरती क ढाँकइ नाहीं जाई।</verse>
				<verse number="10">उ पानी क पठवत ह जउन कि झरनन स पहाड़ियन क बीच मँ घाटियन मँ बहत ह।</verse>
				<verse number="11">सबहिं जंगली पसुअन क सबइ धारा पानी देत हीं, जेनमाँ जंगली गदहा तलक आइके पिआस बुझावत हीं।</verse>
				<verse number="12">जंगल क परिन्दा तलाबन क किनारे रहइ बरे आवत हीं। अउ निचके ठाड़ भए बृच्छन क डालियन पइ गावत हीं</verse>
				<verse number="13">तू पहाड़न क ऊपर बर्खा पठया ह अउर ओन चिजियन ओनका दिहा जेका तू बनाया जउन ओनका चाही।</verse>
				<verse number="14">परमेस्सर, पसुअन क खाइ बरे घास उपजाया, हम स्रम करित ह अउर उ हमका पैाधा देत ह। इ सबइ पौधन उ भोजन अहइँ जेका हम धरती स पाइत ह।</verse>
				<verse number="15">परमेस्सर, हमका दाखरस देत ह, जउन हमका खुस करत ह। हमार चाम नरम रखइ क तू हमका तेल देत ह। हमका पुट्ठ करइ क उ हमका खइया क देत ह।</verse>
				<verse number="16">परमेस्सर लबानोन क जउन देवदारू क बिसाल बृच्छ लगाएस ह। ओन बिसाल बृच्छ खातिर ओनकर बढ़वार बरे बहोत पानी रहत ह।</verse>
				<verse number="17">पंछी ओन बृच्छन पइ आपन घोंसला बनावत हीं। देवदार क बृच्छन पइ सारस क बसेरा अहइ।</verse>
				<verse number="18">बनैले पहाड़ी बोकरन क घर ऊँच पहाड़ मँ बना अहइँ। बीछियन खुद क बड़की चट्टान क आड़ मँ छुपावत अहइँ।</verse>
				<verse number="19">तू मौसम क पता लगावइ बरे चाँद क रच्या ह। सूरज सदा जानत ह कि ओका कहाँ बूढ़ब अहइ।</verse>
				<verse number="20">तू अँधियारा बनाया जेहसे रात होइ ताकि जंगल क बनैला पसु एहर-ओहर घूमि सकिहीं।</verse>
				<verse number="21">उ पचे झपटत सेर जब दहाड़त हीं तब अइसा लगत ह जइसे उ पचे यहोवा क पुकारत होइँ, जेका माँगइ स उ ओनका अहार देत।</verse>
				<verse number="22">अउर पउ फाटइ पइ जीवजन्तु वापिस घरन क लउटत अउ आराम करत हीं।</verse>
				<verse number="23">फिन लोग आपन काम करइ क बाहेर निकरत हीं। साँझ तलक उ पचे काम मँ लगा रहत हीं।</verse>
				<verse number="24">हे यहोवा, तू अचरज भरा बहुतेरा काम किहा। धरती तोहरी वस्तुअन स भरी पड़ी अहइ। तू जउन कछू करत अहा, ओहमा आपन विवेक देखाँत ह।</verse>
				<verse number="25">इ समुद्दर क लखा, इ केतॅना बिसाल अहइ! हुआँ बहुतेरी जीव-जन्तु अहइ जेका गना नाहीं जाइ सकिहीं। ओहमाँ कछू बिसाल अहइँ अउर कछू नान्ह।</verse>
				<verse number="26">समुद्दर क ऊपर जलपोत तैरत हीं, अउर लिब्याथान जेका तू बनाएस ह समुद्दर मँ खेल-खेलत ह।</verse>
				<verse number="27">यहोवा, इ सब कछू तोहरे आसरे पइ अहइ। हे परमेस्सर, ओन सबहीं जीवन क खाना तू ठीक समइ पइ देत अहा।</verse>
				<verse number="28">हे परमेस्सर, तू ही अहा जउन सबइ जीव-जन्तुअन क खाना जेका उ पचे खात हीं, उपलब्ध करावत अहा।</verse>
				<verse number="29">फुन जब तू ओनसे मुँह मोड़ लेत अहा तब उ पचे डेराइ जात हीं। ओनकर साँस रुकि जात हीं। उ पचे दुर्बल होइ जात हीं अउर मर जात हीं। अउर ओनकर देह फुन धूरि मँ बदलि जात हीं।</verse>
				<verse number="30">जब तू आपन आतिमा भेज्या ह, उ ओहसे जीवित होइ जात ह अउर धरती पइ जिन्नगी क संग फुन नवा कइ दीन्ह जात ह।</verse>
				<verse number="31">यहोवा क महिमा सदा-सदा बनी रहइ। यहोवा आपन रचना स सदा आनन्द मँ रहइ।</verse>
				<verse number="32">यहोवा क दृस्टि स इ धरती काँप उठी। पहाड़न स धुआँ उठइ लग जाइ।</verse>
				<verse number="33">मइँ जिन्नगी भइ यहोवा बरे गाउब। मइँ जब तलक जिअत हउँ यहोवा क गुण गावत रहब।</verse>
				<verse number="34">मोर सोच-बिचार ओका खुस करी। मइँ यहोवा क संग खुस अहउँ।</verse>
				<verse number="35">धरती स पाप क लोप होइ जाइ। दुट्ठ लोग सदा बरे मिटि जाइँ। हे मोर आतिमा, यहोवा क स्तुति करा।</verse>
			</chapter>
			<chapter number="105">
				<verse number="1">यहोवा क धन्यवाद करा, ओकरे नाउँ क पुकारा। रास्ट्रन क ओकरे अदभुत कारजन क बारे मँ बतावा।</verse>
				<verse number="2">यहोवा बरे तू गावा, तू ओकर बड़कई क गीत गावा। ओन सबहिं अचरज स भरी बातन कर वर्णन करा जेनका उ करत ह।</verse>
				<verse number="3">यहोवा क पवित्तर नाउँ पइ गर्व करा। ओ सबहिं लोगो जउन यहोवा क उपासक अहा, तू पचे खुस होइ जा।</verse>
				<verse number="4">सामरथ पावइ क तू यहोवा क लगे जा। सहारा पावइ क तू ओकरे लगे जा।</verse>
				<verse number="5">ओन अद्भुत बातन क सुमिरा जेनका यहोवा करत ह। ओकरे अचरज कर्म अउर ओकर विवेक स भरा फइसला क याद राखा।</verse>
				<verse number="6">तू परमेस्सर क सेवक इब्राहीम क संतान अहा। तू याकूब क संतान अहा, उ मनई जेका परमेस्सर चुने रहा।</verse>
				<verse number="7">यहोवा ही हमार परमेस्सर अहइ। सारे संसार पइ यहोवा क सासन अहइ।</verse>
				<verse number="8">उ आपन करार क सदा याद रखत ह। उ आपन आदेसन क हजार पीढ़ियन तलक याद रखत ह।</verse>
				<verse number="9">इब्राहीम क संग परमेस्सर करार बाँधे रहा। परमेस्सर इसहाक क वचन दिहे रहा।</verse>
				<verse number="10">उ याकूब क आपन करार क कानून क रूप मँ दिहे रहा। परमेस्सर इस्राएल क संग करार किहस। इ सदा सदा ही बना रही।</verse>
				<verse number="11">परमेस्सर कहे रहा, “मइँ कनान क भुइँया क तोहका आपन सम्पत्ति क रूप देब।”</verse>
				<verse number="12">जब इब्राहीम क परिवार छोटा रहा, अउर उ पचे हुवाँ महज़ ही बिदेसी रहेन।</verse>
				<verse number="13">उ पचे एक रास्ट्र स दूसर रास्ट्र मँ, एक राज्ज स दूसर राज्ज मँ घूमत रहेन।</verse>
				<verse number="14">मुला परमेस्सर उ घराने क दूसर लोगन स नस्कान नाहीं पहोंचइ दिहस। परमेस्सर राजा लोगन क सावधान किहस कि उ पचे ओका हानि न पहोंचावइ।</verse>
				<verse number="15">उ ओनका चेताउनी दिहे रहेन, “मोर अभिसिक्त भवा क तू नस्कान जिन पहोंचावा। तू मोर कउनो नबियन क बुरा जिन करा।”</verse>
				<verse number="16">परमेस्सर उ देस मँ अकाल पठएस। अउर लोगन क लगे खाइ क खूब भोजन नाहीं रहा।</verse>
				<verse number="17">मुला यहोवा एक मनई क ओनके लगे जेकर नाउँ यूसुफ रहा, ओनका अगवा मिस्र तलक पठएस। यूसुफ क एक ठु दास क नाई बेचा ग रहा।</verse>
				<verse number="18">उ पचे यूसुफ क गोड़ मँ जंजीर डालेन, अउर उ ओका विनम्र बनाएस। उ पचे ओकरी गटइ मँ एक लोहे क कड़ा डाइ दिहन।</verse>
				<verse number="19">यूसुफ क कैद मँ रखा गवा रहा जब तलक उ पचे बातन जउन उ कहे रहा फुरइ घटि नाहीं गइन। यहोवा सुसन्देस स प्रमाणित कइ दिहस कि यूसुफ नीक रहा।</verse>
				<verse number="20">मिस्र क राजा, आग्या दिहन कि यूसुफ क बंधनन स अजाद कइ दीन्ह जाइ। उ रास्ट्र क एक नेता ओका कैद स आजाद कइ दिहस।</verse>
				<verse number="21">यूसुफ क आपन घर बार क अधिकारी बनाइ दिहन। यूसुफ राज्ज मँ हर बात क धियान रखइ लाग।</verse>
				<verse number="22">यूसुफ आपन राजकुमार क वइसा ही निर्देस देत रहा जइसा उ चाहेन। यूसुफ राजा क सलाहकारन क सिच्छा दिहे रहा।</verse>
				<verse number="23">जब इस्राएल मिस्र गवा, याकूब हाम क देस मँ रहइ लाग।</verse>
				<verse number="24">याकूब क सन्तानन बहोत स होइ गएन। उ पचे मिस्र क लोगन स जियादा बलवान बन गएन।</verse>
				<verse number="25">एह बरे मिस्री लोग याकूब क घराना स घिना करइ लागेन। मिस्र क लोग आपन दासन क खिलाफ कुचक्र रचइ लागेन।</verse>
				<verse number="26">एह बरे यहोवा निज सेवक मूसा अउर हारून जेका उ चुने रहा, पठएस।</verse>
				<verse number="27">उ हाम क भुइँया मँ अचरज अउ अद्भुत करम किहेस।</verse>
				<verse number="28">परमेस्सर गहिरा अँधियारा पठए रहा, मुला मिस्रियन ओकर नाहीं सुनेन।</verse>
				<verse number="29">तउ फुन परमेस्सर पानी क खून मँ बदल दिहस, अउर ओनकर सबइ मछरियन मरि गइन।</verse>
				<verse number="30">बाद मँ, मिस्री लोगन क भुइँया मेघन स भरि गवा। हिआँ तलक कि मेघन राजा क सयन कच्छ तलक भरि गएन।</verse>
				<verse number="31">यहोवा आदेस दिहा, अउर माखियन अउ पिस्सू आएन अउर उ सबइ हर कतहूँ फइल गएन।</verse>
				<verse number="32">परमेस्सर बर्खा क ओलन मँ बदलि दिहस। मिस्रियन क देस मँ हर कतहूँ आगी अउ बिजुरी गिरइ लाग।</verse>
				<verse number="33">परमेस्सर मिस्रियन क अंगूरे क ब्गिया अउ अंजीर क बृच्छ बर्बाद कइ दिहस। परमेस्सर ओनकर देस क हर बृच्छ क तहस नहस कइ दिहस।</verse>
				<verse number="34">परमेस्सर हुकुम दिहस अउर टिड्डी दल आइ गएन। टिड्डी आइ गइन अउर ओनकर गनती अनगिनत रहीं।</verse>
				<verse number="35">टिड्डी दल अउ टिड्डीयन उ देस क सबहिं पैाधन चट कइ गएन। उ सबइ धरती पइ जउन भी फसलन ठाड़ रहिन, सबहिं क खाइ डाएन।</verse>
				<verse number="36">फिन परमेस्सर मिस्रियन क पहिलउटी सन्तान क मार डाएस। परमेस्सर ओनकर सब स बड़कन पूतन क मारेस।</verse>
				<verse number="37">बाद मँ परमेस्सर निज सेवकन क मिस्र स बाहेर निकारेस। उ पचे आपन संग सोना अउ चाँदी लइ आएन। परमेस्सर क कउनो भी सेवक नाहीं लड़खड़ान।</verse>
				<verse number="38">ओन लोगन क जात भए लखिके मिस्र आनन्द मँ रहा, काहेकि उ पचे ओनसे डेराइ ग रहेन।</verse>
				<verse number="39">परमेस्सर ओनके ऊपर कमरी जइसा एक बादर फइलाएस। उ राति मँ उजियारा देइ क बरे आगी क खम्भा क काम मँ लिआएस।</verse>
				<verse number="40">लोग खाइ क माँग किहन अउ परमेस्सर ओनके खातिर बटेरन क लइ आवा। परमेस्सर अकास स ओनका भरपूर खइया क दिहस।</verse>
				<verse number="41">परमेस्सर चट्टान क फाड़ेस अउर जल उछरत भवा बाहेर फूटि पड़ा। उ रेगिस्ताने क बीच एक ठु नदी बहइ लाग।</verse>
				<verse number="42">उ आपन पवित्तर वचन सुमिरेस जउन उ आपन दास इब्राहीम क संग किहे रहा।</verse>
				<verse number="43">परमेस्सर आपन खास क मिस्र स बाहेर निकारि लिआवा। लोग खुसी क गीत गावत भए अउर खुसियन मनावत भए बाहेर आइ गएन।</verse>
				<verse number="44">फिन परमेस्सर निज भगतन क उ देस दिहस जहाँ अउर लोग रहत रहेन। परमेस्सर क भगतन उ सबइ चिजियन क पाइ लिहन जेनके बरे अउर लोग मेहनत किहे रहेन।</verse>
				<verse number="45">परमेस्सर अइसा एह बरे किहस ताकि लोग ओकर व्यवस्था मानइँ। परमेस्सर अइसा एह बरे किहस ताकि उ पचे ओकरी सिच्छा पइ चलइँ। यहोवा क गुण गावा।</verse>
			</chapter>
			<chapter number="106">
				<verse number="1">यहोवा क बड़कई करा। यहोवा क धन्यवाद करा काहेकि उ उत्तिम अहइ। परमेस्सर क पिरेम सदा ही रहत ह।</verse>
				<verse number="2">फुरइ यहोवा केतॅना महान अहइ, एकर बखान कउनो मनई कइ नाहीं सकत। परमेस्सर क पूरी बड़कई कउनो नाहीं कइ सकत।</verse>
				<verse number="3">जउन लोग परमेस्सर क आदेस क पालन करत हीं, उ पचे धन्न अहइ। उ पचे हमेसा उत्तिम करम करत हीं।</verse>
				<verse number="4">यहोवा, जब तू आपन भगतन पइ कृपा करा मोका याद करा। मोर भी उद्धार करइ बरे याद करा।</verse>
				<verse number="5">यहोवा, मोका भी ओन भली बातन मँ हींसा बटावइ द्या जेनका तू आपन लोगन बरे करत अहा। तू आपन रास्ट्रन क संग मोका भी खुस होइ द्या। तोह पइ तोहार लोगन क संग मोका भी गर्व करइ द्या।</verse>
				<verse number="6">हम पचे वइसेन ही पाप किहेन ह जइसे हमार पुरखन किहेन ह। हम गलत किहेन। हम बुरा काम किहे अही।</verse>
				<verse number="7">हे यहोवा, मिस्र मँ हमार पुरखन तोहार अचरज कर्मन स कछू भी नाहीं सीखेन। उ पचे तोहरे पिरेम क अउर तोहार करुणा क याद नाहीं रखेन। हमार पुरखन हुआँ लाल सागर क किनारे तोहरे खिलाफ भएन।</verse>
				<verse number="8">मुला परमेस्सर निज नाउँ क कारण ओनका बचाए रहा। उ आपन सक्ति क परगट किहेस।</verse>
				<verse number="9">परमेस्सर हुकुम दिहस अउर लाल सागर झुरान होइ गवा। उ ओनका उ गहिर समुद्दर स अइसा निकारि चला जइसे कउनो रेगिस्तान होइ।</verse>
				<verse number="10">परमेस्सर हमरे पुरखन क ओनकर दुस्मनन स बचाएस। उ ओनका आपन दुस्मनन स आजाद किहस।</verse>
				<verse number="11">अउर फिन ओनकर दुस्मनन क उहइ सागर क बीच ढाँपिके बोर दिहस। ओनकर एक दुस्मन बचिके निकर नाहीं पाएस।</verse>
				<verse number="12">तब हमार पुरखन परमेस्सर क वचन पइ बिस्सास किहन। उ पचे ओकर गुण गाएन।</verse>
				<verse number="13">मुला हमार पुरखन ओन बातन क हाली बिसरि गएन जउन परमेस्सर किहे रहा। उ पचे परमेस्सर क सम्मति पइ कान नाहीं दिहन।</verse>
				<verse number="14">उ पचे दूसर चिजियन क कामना किहेन। रेगिस्तान मँ उ पचे परमेस्सर क परखेन।</verse>
				<verse number="15">मुला हमार पुरखन जउन कछू भी माँगेन परमेस्सर ओनका दिहस मुला परमेस्सर ओनका एक महामारी भी दइ दिहस।</verse>
				<verse number="16">लोग मूसा स डाह रखइ लागेन अउर हारून स उ पचे डाह रखइ लागेन जउन यहोवा क पवित्तर याजक रहा।</verse>
				<verse number="17">एह बरे धरती फट गई अउ दातान क निगल गवा। अउर उ अबिराम क समूह क निगल लिहस।</verse>
				<verse number="18">फिन आगी ओन दुट्ठ लोगन क बारि दिहस।</verse>
				<verse number="19">ओ लोग होरब क पहाड़े पइ एक ठु सोना क बछवा बनाएन। उ पचे उ मूरति क पूजा करइ लागेन।</verse>
				<verse number="20">उ पचे आपन महिमावान परमेस्सर क एक घास खाइवाला बछवा क प्रतिमा स बदल डालेन।</verse>
				<verse number="21">हमार पुरखन परमेस्सर क बिसरि गएन जउन ओनका मुक्ति दियाए रहा। उ पचे परमेस्सर क बिसरि गएन जउन मिस्र मँ अचरज भरा करम किहे रहा।</verse>
				<verse number="22">परमेस्सर हाम क देस मँ अचरज भरा करम किहे रहा। परमेस्सर लाल सागर क लगे भय विस्मय भरा काम किहे रहा।</verse>
				<verse number="23">परमेस्सर ओन लोगन क नस्ट करइ चाहत रहा। मुला परमेस्सर क चुना भवा सेवक मूसा, परमेस्सर क समन्वा ओन लोगन क नास करइ स बचाइ बरे बीच मँ आइ गएन।</verse>
				<verse number="24">तब ओन लोग उ अद्भुत देस कनान मँ जाइ स मना कइ दिहन। उ पचे ओकरे वाचा क बिस्सास नाहीं किहेस।</verse>
				<verse number="25">आपन तम्बुअन मँ उ पचे सिकाइत करत रहेन। हमार पुरखन परमेस्सर क बात मानइ स नकारेन।</verse>
				<verse number="26">तउ परमेस्सर किरिया खाएस कि उ पचे रेगिस्तान मँ मरि जइहीं।</verse>
				<verse number="27">परमेस्सर किरिया खाएस कि ओनकर सन्तानन क दूसर लोगन क हरावइ देइ। परमेस्सर कसम खाएस कि उ हमरे पुरखन क देसन मँ छितराइ।</verse>
				<verse number="28">बाद मँ परमेस्सर क लोग “बाल-पिऑर” मँ “बाल” क पूजइ करइ सुरू कइ दिहेन। उ पचे उ माँस खाइ लागेन जेका निर्जीव देवतन पइ चढ़ावा ग रहा।</verse>
				<verse number="29">यहोवा ओन लोगन क करमन पइ बहोत कोहाइ गवा। अउर उ ओन लोगन क खिलाफ महामारी लिआएन।</verse>
				<verse number="30">मुला पीनहास बिनती किहस अउ परमेस्सर उ बियधि क रोकेस</verse>
				<verse number="31">परमेस्सर इ काम क ओकरे बरे आवइवालन पीढ़ियन बरे बहोत उत्तिम करम समझेस।</verse>
				<verse number="32">लोग मरिबा मँ यहोवा क किरोध भड़काएन, अउर ओकरे कारण मूसा स बुरा काम कराएन।</verse>
				<verse number="33">उ सबइ लोग मूसा क बहोत उदास किहन। तउ मूसा बिना ही बिचारे बोल उठा।</verse>
				<verse number="34">तउ उ कनान क रास्ट्र क नस्ट नाहीं किहेस, हाँलाकि यहोवा ओनका इ करइ बरे कहे रहा।</verse>
				<verse number="35">इस्राएल क लोग दूसर लोगन स हिल मिल गएन, अउर उ पचे भी वइसेन काम करइ लागेन जइसे दूसर लोग करत रहेन।</verse>
				<verse number="36">उ सबइ दूसर लोग परमेस्सर क जनन बरे फंदा बन गएन। परमेस्सर क लोग ओन देवन क पूजइ लागेन जेनकर उ पचे दूसर लोग पूजा करत रहेन।</verse>
				<verse number="37">हिआँ तलक कि परमेस्सर क जन आपन ही गदेलन क हत्या करइ लागेन। अउर उ पचे ओन गदेलन क ओन दानवन क प्रतिमा पइ अर्पित करइ लागेन।</verse>
				<verse number="38">परमेस्सर क लोग निर्दोख गदेलन क हत्या किहन। उ पचे आपन ही गदेलन क मारि डाएन अउर ओनका कनान क देवन क अर्पित किहेन। उ पचे खून स धरती क दूसित किहेन।</verse>
				<verse number="39">उ पचे आपन कामन स असुद्ध भएन अउर आपन कार्यन दुआरा अबिस्सासी बन गए रहेन।</verse>
				<verse number="40">परमेस्सर आपन ओन लोगन पइ कोहाइ गवा। परमेस्सर ओनसे तंग आइ चुका रहा।</verse>
				<verse number="41">तब परमेस्सर आपन ओन लोगन क दूसर जातियन क दइ दिहस। परमेस्सर ओन पइ ओनकर दुस्मनन क हुकूमत करवावइ दिहस।</verse>
				<verse number="42">ओनकर दुस्मनन ओन पइ अत्याचार किहन अउ ओनकर जिअब बहोत कठिन कइ दिहन।</verse>
				<verse number="43">परमेस्सर आपन लोगन क बहोत बार बचाएस। मुला उ पचे ओनका स मुँह मोड़ लिहन। अउर उ पचे अइसी बातन करइ लागेन जेनका उ पचे करइ चाहत रहेन। एह बरे उ पचे आपन पाप क कारण हराइ दीन्ह गवा रहेन।</verse>
				<verse number="44">मुला जब कबहूँ परमेस्सर क जनन पइ विपद पड़ी उ पचे सदा ही मदद पावइ क परमेस्सर क गोहराएन। परमेस्सर हर दाईं ओनकर सबइ पराथना क सुनेस।</verse>
				<verse number="45">परमेस्सर सदा आपन करार क याद राखेस। परमेस्सर आपन महा पिरेम स ओनका सदा ही सुख चैन दिहस।</verse>
				<verse number="46">परमेस्सर ओन लोगन बरे दूसर कैदियन क समन्वा दयालुता दिखाएस।</verse>
				<verse number="47">यहोवा हमार परमेस्सर, हमार रच्छा किहस। परमेस्सर ओन दूसर देसन स हमका ऍकट्ठा कइके लइ आवा, ताकि हम ओकरे पवित्तर नाउँ क गुणगान कइ सकी; तकि हम ओकर बड़कई क गीत गाइ सकी।</verse>
				<verse number="48">इस्राएल क परमेस्सर यहोवा क धन्य कहा। परमेस्सर सदा ही जिन्दा रहत आवा ह। उ सदा ही जिन्दा रही। अउर सबइ जन बोलइँ, “आमीन।” यहोवा क गुण गावा।</verse>
			</chapter>
			<chapter number="107">
				<verse number="1">यहोवा क धन्यवाद द्या, काहेकि उ उत्तिम अहइ। ओकर पिरेम हमेसा रहत ह।</verse>
				<verse number="2">हर कउनो अइसा मनई जेका यहोवा बचाएस ह, ऍन रास्ट्रन क कहा। हर कउनो अइसा मनई जेका यहोवा आपन दुस्मनन स छोड़ाएस ओकर गुण गावा।</verse>
				<verse number="3">यहोवा आपन लोगन क बहोत स अलग-अलग देसन स बटोरेस ह। उ ओनका पूरब अउ पच्छिम स, अउर उत्तर अउ दक्खिन स जुटाएस ह।</verse>
				<verse number="4">कछू लोग अइसे रेगिस्तान मँ खोइ गए रहेन जहाँ कउनो लोग नाहीं। उ सबइ लोग अइसेन एक ठु नगर क खोज मँ रहेन। मुला ओनका कउनो अइसा नगर नाहीं मिला।</verse>
				<verse number="5">उ सबइ लोग भुखान अउ पियासा रहेन अउर उ पचे दुर्बल होत जात रहेन।</verse>
				<verse number="6">उ पचे संकट मँ रहेन, तउ उ पचे मदद पावइ क यहोवा क गोहराएन। उ ओन सबइ क आपन संकटन स बचाइ लिहस।</verse>
				<verse number="7">यहोवा ओनका सोझइ उ सहरन मँ लइ गवा जहाँ उ पचे बसि सकिहीं।</verse>
				<verse number="8">यहोवा क ओकरे विस्सस्नीय पिरेम बरे अउर ओन अद्भुत करमन बरे धन्यवाद द्या जेनका उ सबइ लोगन बरे करत ह।</verse>
				<verse number="9">पियासी व्यक्ति परमेस्सर क सन्तुट्ठी बरे अउर उत्तिम वस्तुअन स भूखी व्यक्ति क पेट भरत ह।</verse>
				<verse number="10">कछू लोगन क कारावासन मँ राखेन, जहाँ बहोत अँधियारा रहा। उ पचे कस्ट झेलेन, अउ जंजीर मँ बांध दीन्ह गएन।</verse>
				<verse number="11">काहेकि उ पचे परमेस्सर क वचन क खिलाफ बिद्रोह किहेन अउर सर्वोच्च परमेस्सर क सलाह क सुनइ स नकारे रहेन।</verse>
				<verse number="12">उ ओनका कठिनाइयन देइके उ पचन्क दिमाग क विनम्र बनाइ दिहेस। उ पचे ठोकरन खाएन अउर उ पचे भहराइ पड़ेन, अउर ओनका सहारा देइ क कउनो भी नाहीं मिला।</verse>
				<verse number="13">उ पचे संकट मँ रहेन, तउ उ पचे मदद पावइ क यहोवा क गोहराएन। उ ओन सबइ क आपन संकटन स बचाइ लिहस।</verse>
				<verse number="14">परमेस्सर ओनका ओनकर अँधियारे जेलन स उबार लिहस। परमेस्सर उ सबइ जंजीरन, अउर बंधन क काटेस जेनसे ओनका बाँधा गवा रहा।</verse>
				<verse number="15">यहोवा क ओकरे बिस्सस्नीय पिरेम बरे अउर ओन अद्भुत करमन बरे धन्यवाद द्या जेनका उ सबइ लोगन बरे करत ह।</verse>
				<verse number="16">परमेस्सर हमार दुस्मनन क हरावइ मँ हमका मदद देत ह। ओनकर काँसे क दुआरन क परमेस्सर तोड़ गिराइ सकत ह। परमेस्सर ओनकर दुआरन पइ लगी भइ लोहा क आगल क छिन्न-भिन्न कइ सकत ह।</verse>
				<verse number="17">कछू मूरख लोग आपन अपराधन अउ पापन क कारण पीरा झेलेन ह।</verse>
				<verse number="18">ओन लोग खइया क इच्छा तजि दिहेन अउर उ पचे मरे भए स होइ गएन।</verse>
				<verse number="19">उ पचे संकट मँ रहेन, तउ उ पचे मदद पावइ क यहोवा क गोहराएन। उ ओन सबइ क आपन संकटन स बचाइ लिहस।</verse>
				<verse number="20">परमेस्सर आदेस दिहस अउर लोगन क चँगा किहस। इ तरह उ पचन्क बर्बाद होइ स बच गएन।</verse>
				<verse number="21">यहोवा क ओकरे बिस्सस्नीय पिरेम बरे अउर ओन अद्भुत करमन बरे धन्यवाद द्या जेनका उ सबइ लोगन बरे करत ह।</verse>
				<verse number="22">ओनका यहोवा क धन्यवाद देइ बरे बलि अर्पित करइ द्या, उ जउन किहे अहइ ओन बातन क आनन्द क संग बखाना।</verse>
				<verse number="23">कछू लोग आपन काम करइ आपन नइयन स समुद्दर पार कइ गएन।</verse>
				<verse number="24">ओन लोगन अइसी बातन क लखेन ह जेनका यहोवा कइ सकत ह। उ पचे ओन अद्भुत बातन क लखेन ह जेनका यहोवा सागर पइ किहे रहा।</verse>
				<verse number="25">परमेस्सर आदेस दिहस, फिन एक तेज हवा चलइ लाग। बड़की स बड़की लहरन आकार लेइ लागिन।</verse>
				<verse number="26">लहरन ऍतना ऊपर उठिन जेतना अकास होइ तूफान ऍतना भयानक रहा कि लोग डेराइ गएन।</verse>
				<verse number="27">लोग लड़खड़ात रहेन, भहरान जात रहेन जइसे नसा मँ धुत होइँ। खेवैया ओनकर बुद्धि जइसे बियर्थ होइ गइ होइ।</verse>
				<verse number="28">उ पचे संकट मँ रहेन, तउ उ पचे मदद पावइ क यहोवा क गोहराएन। उ ओन सबइ क आपन संकटन स बचाइ लिहस।</verse>
				<verse number="29">परमेस्सर तूफान क रोकेस अउर लहरन सान्त होइ गइन।</verse>
				<verse number="30">खेवैया खुस रहेन कि सागर सांत भवा होइ गवा। परमेस्सर ओनका अहइ सुरच्छित ठउरे पइ लइ गवा जहाँ उ पचे जाइ चाहत रहेन।</verse>
				<verse number="31">यहोवा क ओकरे बिस्सस्नीय पिरेम बरे अउर ओन अद्भुत करमन बरे धन्यवाद द्या जेनका उ सबइ लोगन बरे करत ह।</verse>
				<verse number="32">महान सभा क बीच ओनका ऊँच होइ द्या। नेतन मिलन मँ ओकर बड़कई करइ द्या।</verse>
				<verse number="33">उ नदियन क रेगिस्ताने मँ बदल दिहस। भुइँया सुखाइ बरे उ झरनन क प्रवाह क रोकेस।</verse>
				<verse number="34">परमेस्सर उपजाऊ भुइँया क बेकार क रेही भुइँया मँ बदल दिहस। काहेकि हुआँ बसे दुट्ठ लोग बुरे करम किहे रहेन।</verse>
				<verse number="35">अउर परमेस्सर मरूभूमि क झीलन क धरती मँ बदलेस। उ झुरान धरती स जल क स्रोत बहाइ दिहस।</verse>
				<verse number="36">परमेस्सर भूखे लोगन क उ अच्छी धरती पइ लइ गवा अउर ओन लोग आपन रहइ बरे हुआँ एक ठु सहर बसाएन।</verse>
				<verse number="37">फिन ओन लोग आपन खेतन मँ बीजन क रोप दिहन। अउर अगूंर क बगिया लगाएन, अउर उ पचे एक उत्तिम फसिल पाइ लिहन।</verse>
				<verse number="38">परमेस्सर ओन लोगन क आसीर्बाद दिहस। ओनकर परिवार फलइ-फूलइ लोगन। ओनके लगे बहोत सारे पसु भएन।</verse>
				<verse number="39">भयानक महामारी अउर संकट क कारण ओनकर परिवार नान्ह अउर कमज़ोर होइ गएन।</verse>
				<verse number="40">परमेस्सर ओनकर प्रमुखन क कुचरि दिहस अउर बेज्जत किहे रहा। उ ओनका दिसाहीन रेगिस्ताने मँ भटकइ दिहेस।</verse>
				<verse number="41">मुला परमेस्सर तबहिं ओन दीन लोगन क ओनकर बिनती स बचाइके निकारि लिहस। अब तउ ओनकर घरानन बड़वार अहइँ, ओतना बड़वार जेतना भेड़िन क झुण्ड।</verse>
				<verse number="42">इमानदार मनइयन एका देखत हीं अउर आनन्दित होत हीं, किन्तु दुट्ठ लोग एका लखत हीं आपन मुँह बंद रखत हीं।</verse>
				<verse number="43">एक विवेकी मनई ओन बातन क धियान देत ह। अउर जउन कउनो मनई बुद्धिमान अहइ, यहोवा के सच्चा पिरेम क बारे मँ जान जाइहीं।</verse>
			</chapter>
			<chapter number="108">
				<verse number="1">हे परमेस्सर, मइँ आपन हिरदय क तइयार कहेउँ ह। मइँ गाउब अउर उमंग क संगीत बजाउब।</verse>
				<verse number="2">मोर आतिमा, जगा! वीणाओ अउर सारंगियो, जगा। आवा हम भोर क जगाइ!</verse>
				<verse number="3">हे मोर सुआमी, मइँ तोहरे बड़कइ क रास्ट्रन क समन्वा गाउब। मइँ विभिन्न लोगन क बीच तोहार स्तुति करब।</verse>
				<verse number="4">हे परमेस्सर, तोहार पिरेम ओतॅना ऊँच अहइ जेतॅना अकास। तोहार बिस्सास ओतॅना ऊँच अहइ जेतॅना बादरन।</verse>
				<verse number="5">हे परमेस्सर, तोहार सम्मान अकासन क ऊपर होइ, तोहार महिमा क सारा जगत क ढाँपि लेइ द्या।</verse>
				<verse number="6">आपन भगत लोगन क बचावइ बरे इ करा। मोर बिनती क जवाब द्या, अउर हमका बचावइ क आपन महासक्ति क प्रयोग करा।</verse>
				<verse number="7">परमेस्सर आपन मन्दिर स बोला। उ कहेस, “मइँ खुसी स चिचियाब। मइँ आपन लोगन क सोकेम प्रदान करब, अउर सुक्कोत क घाटी ओनकर होइ।</verse>
				<verse number="8">गिलाद अउ मनस्से मोर अहइँ। एप्रैम मोर सिरवाण अहइ अउर यहूदा मोर राजदण्ड अहइ।</verse>
				<verse number="9">मोआब मोर गोड़ पखारइ क पात्र बनी। एदोम उ दास होइ जउन मोर पादूका लइके चली, मइँ पलिस्तियन क हराइ क पाछे विजय-उल्लास स चिचियाब।”</verse>
				<verse number="10">मोका दुस्मन क दुर्ग मँ कउन लइ जाइ? एदोम क हरावइ कउन मोर मदद करी!</verse>
				<verse number="11">हे परमेस्सर, का इ फुरइ नाहीं बाटइ कि तू हमका तजि दिहा ह? अउर का तू हमरी सेना क संग नाहीं रहब्या?</verse>
				<verse number="12">हे परमेस्सर, कृपा कइके, हमरे दुस्मन क हरावइ मँ हमार मदद करा। मनइयन तउ हमका बचाइ नाहीं सकतेन।</verse>
				<verse number="13">हम महान कारज कइ सकित ह सिरिफ जब परमेस्सर हमार साथ होइ। सिरिफ परमेस्सर हमरे दुस्मनन क हराई सकत ह।</verse>
			</chapter>
			<chapter number="109">
				<verse number="1">हे परमेस्सर, जब मइँ तोहरे आगे पराथना करउँ तउ चुप नाहीं रह्या।</verse>
				<verse number="2">लोग मोरे बारे मँ बुरी बातन अउ झूठ बोलत ह। उ पचे मोरे बारे मँ उ सबइ कहत अहइँ जउन फुरइ नाहीं बाटइ।</verse>
				<verse number="3">लोग मोरे बारे मँ घिना स बोलत अहइँ। उ पचे मोर खिलाफ बिना कारण हमला करत हीं।</verse>
				<verse number="4">मइँ ओनका पिरेम किहेउँ, फिर भी उ पचे मोहसे दुस्मनी करत हीं। जद्यपि मइँ पराथना मँ वफ़ादार हउँ।</verse>
				<verse number="5">मइँ ओन मनइयन क संग भला किहे रहेउँ। मुला उ पचे मोरे बरे बुरा करत अहइँ। मइँ ओनसे पिरेम किहेउँ, मुला उ पचे मोसे बइर रखत अहइँ।</verse>
				<verse number="6">ओकरे खिलाफ एक ठु दुट्ठ मनई क नियुक्त करा, अउर कउनो दोख लगवइया ओका दोख लगावइ बरे ओकरे बगल मँ खड़ा करा।</verse>
				<verse number="7">ओनमाँ दोख पावइ द्या जब उ अदालत मँ निआउ पइहीं, ओकर पराथना क ओकरे पाप क सबूत होइ द्या।</verse>
				<verse number="8">मोर दुस्मन क हाली मरि जाइ द्या। ओकरे क जगह कउनो दूसर क लेइ द्या।</verse>
				<verse number="9">मोरे दुस्मनन क सन्तानन क अनाथ कइ द्या अउर ओकरी पत्नी क तू राँड़ कइ द्या।</verse>
				<verse number="10">ओनका आवारा अउर भिखारी होइ द्या, अउर ओनका आस्रय क खोज तब तलक करइ द्या जब तलक कि ओकर आपन घर बर्बाद न होइ जाइँ।</verse>
				<verse number="11">मोरे दुस्मन कर्जदार लोगन क जउन कछू मोर दुस्मन क लगे होइँ लइ जाइ द्या। अजनबियन क ओकर मेहनत क कमाइ क लूटिके जाइ द्या।</verse>
				<verse number="12">कउनो मनई क मोरे दुस्मन पइ कउनो दाया न देखाँवइ। अउर ओकरे अनाथ गदेलन पइ कउनो भी मनई दाया नाहीं देखाँवइ।</verse>
				<verse number="13">मोर दुस्मन क सन्तानन बर्बाद कइ द्या। आवइवाली पीढ़ी स ओकर नाउँ मिटइ द्या।</verse>
				<verse number="14">मोरे दुस्मन क पुरखन क पापन क परमेस्सर सदा ही याद राखइ। ओकरे महतारी क पापन न मेटाइ।</verse>
				<verse number="15">यहोवा सदा ही ओन पापन क याद रखी। अउर उ लोगन बरे मोरे दुस्मन क बिसिरइ क कारण होइ।</verse>
				<verse number="16">काहेकि दुट्ठ लोगन कउनो भी अच्छा करम कबहुँ नाहीं किहेन अउर उ लोगन क बिना आसा क मउत मँ धकेल दिहा। उ दीन लोगन असहाय लोगन क जिअब कठिन बनाइ दिहा।</verse>
				<verse number="17">ओन दुट्ठ लोगन क सरापब भावत रहा। तउ अहइ सराप ओह पइ लउटिके गिर जाइ। उ बुरा मनई असीस कबहुँ नाहीं दिहस कि लोगन बरे कउनो अच्छी बात घटइ। तउ ओकरे संग कउनो भी भली बात मत होइ द्या।</verse>
				<verse number="18">सराप ओकरे बरे ओढ़नन क नाईं होइ। सराप ओकरे सरीर मँ पानी क नाईं भरि जाइ। अउर सराप ओकरे हड्डियन मँ चर्बी क नाईं रहइ।</verse>
				<verse number="19">उ दुट्ठ मनई बरे सराप क ओढ़ना बनी द्या। सराप क ओकरे बरे हमेसा बरे कमर बन्द बनइ द्या।</verse>
				<verse number="20">यहोवा मोहे पइ दोख लगावइवालन क अउर ओन लोगन क जउन मोरे खिलाफ बुरा जोजना बनावत ह क, उ सबइ चिजियन क भुगतान क रूप मँ देइ द्या।</verse>
				<verse number="21">किन्तु हे यहोवा, तू मोर सुआमी अहा। तउ मोरे संग अइसा बेउहार करा जेहसे तोहरे नाउँ क जस बाढ़इ। तोहार करुणा महान अहइ, तउ मोर रच्छा करा।</verse>
				<verse number="22">काहेकि मइँ बस एक गरीब अउर असहाय व्यक्ति अहउँ। मइँ फुरइ दुःखी अहउँ।</verse>
				<verse number="23">मोका अइसा लागत बाटइ जइसे मोर जिन्नगी साँझ क समइ क लम्बी छाया क तरह बीति चुकी बाटइ। मोका अइसा लागत रहा मइँ महसूस करत हउँ कि मइँ किरवा क नाईं हउँ जउन मोका हिराइ दिहेस ह।</verse>
				<verse number="24">उपवास क कारण मोर घुटना दुर्बल होइ ग अहइँ। मोर वजन घटत ही जात अहइ, अउर मइँ झुरान जात अहउँ।</verse>
				<verse number="25">बुरे लोग मोका अपमानित करत हीं। उ पचे मोका घूरत अउ आपन मूँड़ी मटकावत हीं।</verse>
				<verse number="26">यहोवा मोर परमेस्सर, मोका सहारा द्या। आपन बिस्ससनीय पिरेम देखाँवा अउर मोका बचाइ ल्या।</verse>
				<verse number="27">फुन उ पचे लोग जान जइहीं कि तू ही मोका बचाया ह। ओनका पता चल जाइ कि उ तोहार सक्ति रही जउन मोका सहारा दिहस।</verse>
				<verse number="28">यद्यपि दुट्ठ लोग मोका सराप देत ह, हे यहोवा तू मोका आसीर्बाद दे। यद्यपि उ पचे मोह पइ वार करत हीं, ओनका अपमानित होइ द्या। किन्तु तोहार सेवक क खुस होइ द्या।</verse>
				<verse number="29">मोर बिरोधियन क अपमान स ढाँपि लेइ द्या। ओनका लज्जा स घेरी लेइ द्या।</verse>
				<verse number="30">मइँ यहोवा क बहोत अधिक धन्यवाद देत हउँ। बहोत लोगन क समन्वा ओकर गुण गावत हँउ।</verse>
				<verse number="31">काहेकि यहोवा असहाय लोगन क साथ देत ह। उ ओनका लोगन स बचावत ह, जउन ओन पइ निआव करत ह।</verse>
			</chapter>
			<chapter number="110">
				<verse number="1">यहोवा मोर सुआमी स कहेस, “तू मोर दाहिन कइँती तब तलक बैठि जा, जब तलक कि मइँ तोहरे दुस्मनन क तोहरे गोड़न क चौकी न बनाइ देउँ।”</verse>
				<verse number="2">यहोवा तोहार राज्ज क अधिकार सिय्योन स स्थापित करी। तू आपन दुस्मनन पइ सासन करी।</verse>
				<verse number="3">तोहरे पराक्रम क दिन तोहरी प्रजा क लोग स्वेछा बलि बनिहीं। तोहार जवान पवित्तर होइ स सुसोभित भिन्सारे क गर्भ स जन्मी ओसे क नाई तोहरे लगे अहइँ।</verse>
				<verse number="4">यहोवा एक वचन दिहस, अउर उ आपन मन नाहीं बदली। “तू हमेसा बरे याजक अहा, जइसा मेल्कीसेदेक क समूह क याजक रहा।”</verse>
				<verse number="5">मोर सुआमी, तोहार मदद बरे तोहार निचके खड़ा रहत ह। ओकरे गुस्सा दिखावइ क दिन उ दूसर राजा लोगन क हराइ दिहे रहा।</verse>
				<verse number="6">परमेस्सर रास्ट्रन क निआउ करी। परमेस्सर उ महान धरती प नेता लोगन क हराइ दिहस। ओनकर मरी देहन स धरती भरि गइ रही।</verse>
				<verse number="7">राहे क झरना स पानी पिए क पाछे ही राजा आपन मूँड़ि उठाई अउर फुरइ बलवान होइ।</verse>
			</chapter>
			<chapter number="111">
				<verse number="1">यहोवा क गुण गावा। यहोवा क आपन सम्पूर्ण मने स अइसी उ सभा मँ धन्यवाद करत हउँ जहाँ सज्जन मिला करत हीं।</verse>
				<verse number="2">यहोवा महान करम करत ह। लोगन जउन ओन चिजियन क महत्व जानत हीं ओनका खोजत हीं।</verse>
				<verse number="3">यहोवा फुरइ इ महिमामय अउर अचरजे स भरा काम करत हीं। ओकरा खरापन सदा-सदा बना रहत ह।</verse>
				<verse number="4">परमेस्सर अद्भुत करम करत ह ताकि हम याद राखी कि यहोवा करुणा स भरा अउर दाया स भरा बाटइ।</verse>
				<verse number="5">उ आपन भगतन क भोजन देत ह। उ हमेसा आपन करार क याद राखत ह।</verse>
				<verse number="6">उ आपन लोगन क ओन भुइँया देइके जउन दूसर रास्ट्रन अहइ महान कारज देखाएस ह।</verse>
				<verse number="7">परमेस्सर जउन कछू करत ह उ बिस्सास योग्य अउर फुरइ बाटइ। ओकर सबहिं आग्यन नियावपूर्वक अहइँ।</verse>
				<verse number="8">परमेस्सर क आग्यन सदा ही बना रइहीं। परमेस्सर क ओन आदेसन क देइ क प्रयोजन फुरइ अउ निस्पच्छ रहेन।</verse>
				<verse number="9">उ आपन लोगन क मुक्त करत ह। उ ओनसे एक करार किहेस ह जउन सदा-सदा रहइ। परमेस्सर क नाउँ अचरजे स भरा अउर पवित्तर अहइ।</verse>
				<verse number="10">विवेक भय अउर यहोवा क आदर स उपजत ह। उ पचे लोग बुद्धिमान होत हीं जउन यहोवा क आदर करत हीं। यहोवा क स्तुति सदा-सदा गाई जात रही।</verse>
			</chapter>
			<chapter number="112">
				<verse number="1">यहोवा क बड़कई करा। अइसा मनई जउन यहोवा स डेरात ह अउर ओकर आदर करत ह उ बहोत सफल होइ। परमेस्सर क आदेस अइसे लोग क भावत हीं।</verse>
				<verse number="2">धरती पइ अइसे मनई क संतानन मज़बूत होइहीं। अच्छे मनई क संतानन आसीर्बाद पाइहीं।</verse>
				<verse number="3">अइसे मनई क परिवार बहोत धनवान होइ। ओकर नीक करम सदा सदा बनी रही।</verse>
				<verse number="4">सच्चे लोगन बरे परमेस्सर अइसा होत ह जइसे अँधियारा मँ चमकत प्रकास होइ। उ सच्चा अहइ, अउर करुणा स भरा बाटइ अउर दाया स भरा बा।</verse>
				<verse number="5">इ मनई बरे नीक बाटइ कि उ दयालु अउर उदार होइ। मनई क इ उत्तिम अहइ कि उ आपन वादा मँ खरा रहइ।</verse>
				<verse number="6">अइसा मनई क पतन कबहुँ नाहीं होइ। एक सच्चा मनई क सदा याद कीन्ह जाइ।</verse>
				<verse number="7">सज्जन व्यक्ति बुरी खबरन स नाहीं डेरात। अइसा मनई यहोवा क भरोसे अहइ अउर आस्वस्त रहत ह।</verse>
				<verse number="8">अइसा मनई आस्वस्त रहत ह उ ससान नाहीं रहत। उ आपन दुस्मनन क हराइ देइ।</verse>
				<verse number="9">अइसा मनई दीन जनन क मुक्त दान देत ह। ओकर नीक करम जेका उ दीन लोगन बरे दिखावत ह उ सदा सदा बना रइहीं। उ बहोत सम्मानित कीन्ह जाइ।</verse>
				<verse number="10">कुटिल लोग ओका लखिहीं अउर कुपित होइहीं। उ पचे किरोध मँ आपन दाँतन क पिसिहीं अउर फुन लुप्त होइ जइहीं। दुट्ठ लोग ओका कबहुँ नाहीं पइहीं जेका उ सब स जियादा पावइ चाहत हीं।</verse>
			</chapter>
			<chapter number="113">
				<verse number="1">यहोवा क स्तुति करा, हे यहोवा क सेवकन, ओकर स्तुति करा। यहोवा क नाउँ क बड़कई करा।</verse>
				<verse number="2">यहोवा क नाउँ अबहुँ अउर सदा सदा बरे आसीसित होइ।</verse>
				<verse number="3">मोर इ कामना अहइ, यहोवा क नाउँ क गुण पूरब स जहाँ सूरज उगत ह, पच्छिउँ तलक उ ठउरे मँ जहाँ सूरज बूड़त ह गावा जाइ।</verse>
				<verse number="4">यहोवा सबहिं रास्ट्रन स महान अहइ। ओकर महिमा अकासे तलक उठति ह।</verse>
				<verse number="5">यहोवा हमरे परमेस्सर क नाई कउनो भी मनई नाहीं अहइ जउन ऊँचाइ पइ विराजमान अहइ।</verse>
				<verse number="6">भले ही उ सबइ बातन क जउन धरती अउर आकासे पइ घटत ह, लखइ बरे उ नीचे झुकिके निगाह डावइ ह।</verse>
				<verse number="7">परमेस्सर गरीब मनइयन क धूरि स उठावत ह। उ ओनका क गन्दगी स निकारत ह।</verse>
				<verse number="8">परमेस्सर ओनका महत्वपूर्ण बनावत ह। परमेस्सर ओन लोगन क महत्वपूर्ण मुखिया बनावत ह।</verse>
				<verse number="9">कउनो मेहरारू बे औलाद होइ सकत ह, किन्तु परमेस्सर ओका बच्चा स आसीसित करी, अउर ओका खुस करी। यहोवा क गुणगान करा।</verse>
			</chapter>
			<chapter number="114">
				<verse number="1">जब याकूब क घराना बिदेसियन क रास्ट्र मिस्र क तजेस।</verse>
				<verse number="2">उ समइ यहूदा परमेस्सर क खास मनई बना, इस्राएल ओकर राज्ज बन गवा।</verse>
				<verse number="3">लाल सागर ऍका लखेस, उ पराइ गवा। यरदन नदी उलटिके बह चली।</verse>
				<verse number="4">पर्वत मेमनन क नाई नाच गएन। पहाड़ी भ़ेड़न क नाई नाचि गइन।</verse>
				<verse number="5">हे लाल सागर, तू काहे पराइ गया? हे यरदन नदी, तू काहे उलटी बहिउ?</verse>
				<verse number="6">हे पहाड़ो, काहे तू पचे भ़ेडन क नाई नाच्या? हे पहाड़ियो, तू पचे काहे मेमनन जइसी नाचिउ?</verse>
				<verse number="7">हे धरती, यहोवा याकूब क परमेस्सर, सुआमी क समन्वा काँप।</verse>
				<verse number="8">परमेस्सर ही चट्टानन क चीरिके जल क बाहेर बहाएस। परमेस्सर पक्की चट्टान स जल क झरना बहाए रहा।</verse>
			</chapter>
			<chapter number="115">
				<verse number="1">यहोवा, हमका कउनो गैारव ग्रहण नाहीं करइ चाही। गौरव तउ तोहार अहइ। तोहार पिरेम अउ निस्ठा क कारण गौरव तोहार अहइ।</verse>
				<verse number="2">रास्ट्रन काहे कहिइ, “ओकर परमेस्सर कहाँ अहइ?”</verse>
				<verse number="3">मोर परमेस्सर सरगे मँ अहइ। उ उहइ करत ह जउन कछू उ चाहत ह।</verse>
				<verse number="4">ओन जातियन क “देवता” बस सिरिफ पुतला अहइँ जउन सोना चाँदी क बना अहइँ। उ सबइ बस सिरिफ पुतलन अहइँ जेनका कउनो मनई बनाएस ह।</verse>
				<verse number="5">ओन पुतलन क मुँह अहइँ, मुला उ सबइ बोल नाहीं पउतेन। ओनकर आँखिन अहइँ, पर उ सबइ लखि नाहीं पउतेन।</verse>
				<verse number="6">ओनके कान अहइँ, मुला उ सबइ सुन नाहीं सकतेन। ओनके लगे नाक अहइँ, मुला उ सबइ सूँघ नाहीं पउतेन।</verse>
				<verse number="7">ओनके हाथ अहइँ, मुला उ पचे कउनो चीज क छुइ नाहीं सकतेन। ओनके गोड़ अहइँ, मुला उ पचे चल नाहीं सकतेन। उ पचे आपन गटइ स कउनो आवाज़ नाहीं निकारइ सकतेन।</verse>
				<verse number="8">जउन मनई इ सबइ पुतलन बनावत हीं, अउर ओनमाँ बिस्सास धरत हीं बिल्कुल इ सबइ मूरतियन जइसे बन जइहीं।</verse>
				<verse number="9">ओ इस्राएल क लोगो, यहोवा मँ भरोसा रखा। यहोवा इस्राएल क मदद देत ह अउर ओकर रच्छा करत ह।</verse>
				<verse number="10">ओ हारून क घराने, यहोवा मँ भरोसा रखा। हारून क घराने क यहोवा सहारा देत ह, अउ ओकर रच्छा करत ह।</verse>
				<verse number="11">हे यहोवा क सबइ मनवइयो, ओनमाँ भरोसा रखा। उ सहारा देत ह अउर आपन लोगन क रच्छा करत ह।</verse>
				<verse number="12">यहोवा हमका याद राखत ह। यहोवा हमका वरदान देइ, यहोवा इस्राएल क आसीसित करी। यहोवा हारून क परिवार क आसीसित करी।</verse>
				<verse number="13">उ ओन लोगन क आसीसित करी जउन ओहसे डेरात ह, छोटा स लइके बरा तलक।</verse>
				<verse number="14">मोका आसा अहइ यहोवा तोहार बढ़ोतरी करी अउर मोका आसा अहइ, उ तोहार संतानन क भी जियादा स जियादा देइ।</verse>
				<verse number="15">यहोवा जउन सरग अउ धरती क बनाएस ह, तोहका आसीस देइ।</verse>
				<verse number="16">सरग यहोवा क अहइ। मुला उ धरती क मानव जाति क दिहेस ह।</verse>
				<verse number="17">मरे भए लोग यहोवा क गुण नाहीं गउतेन। कब्र मँ पड़े भए लोग यहोवा क गुणगान नाहीं करतेन।</verse>
				<verse number="18">मुला हम अबहुँ यहोवा क स्तुति करति ह, अउर हम ओकर स्तुति सदा-सदा करब!</verse>
			</chapter>
			<chapter number="116">
				<verse number="1">मइँ यहोवा स पिरेम करत हउँ जब उ मोर पराथनन क सुनत ह अउर एकर जवाब देत ह।</verse>
				<verse number="2">मइँ ओका पिरेम करत हउँ काहेकि उ मोर सुनत ह। मइँ आपन सारी जिन्नगी ओका मदद बरे बुलावत हउँ।</verse>
				<verse number="3">मइँ लगभग मरि चुका रहेउँ। मोरी चारिहुँ कइँती मउत क रस्सा बँधि चुका रहेन। कब्र मोका लीलत रही। मइँ डेरान रहेउँ अउर मइँ चिंतित रहेउँ।</verse>
				<verse number="4">तब मइँ यहोवा क ओकर मदद लेइ बरे गोहराएउँ, मइँ कहेउँ, “यहोवा, मेहरबानी कइक मोका बचाइ ल्या।”</verse>
				<verse number="5">यहोवा खरा अहइ अउर दया स पूर्ण अहइ। परमेस्सर करुणा स पूर्ण अहइ।</verse>
				<verse number="6">यहोवा असहाय लोगन क देख-रेख करत ह। मइँ परेसानी मँ रहेउँ अउर यहोवा मोका बचाएस।</verse>
				<verse number="7">हे मोर प्राण, फुन स आराम करा। काहेकि यहोवा तोहार देख-रेख करत ह।</verse>
				<verse number="8">हे परमेस्सर, तू मोर प्राण मउत स बचाया। मोर आँसुअन क तू रोक्या अउर गिरइ स तू मोका थाम लिहा।</verse>
				<verse number="9">जीवित लोगन क धरती मँ मइँ यहोवा क सेवा करत हउँ।</verse>
				<verse number="10">मइँ लगातार बिस्सास बनाए राखेउँ हिआँ तलक कि जब मइँ कहि दिहे रहेउँ, “मइँ बहोत पीड़ा मँ होइ गवा रहेउँ।”</verse>
				<verse number="11">मइँ हिआँ तलक बिस्सास संभाले राखेउँ जब कि मइँ डेरान रहेउँ अउर मइँ कहेउँ, “सबहिं लोग झूठा अहइँ।”</verse>
				<verse number="12">मइँ भला यहोवा क ओन नीक कामन क बदले मँ का अर्पित कइ सकत हउँ जउन उ मोर बरे किहेस?</verse>
				<verse number="13">मइँ ओका पेय भेंट देब काहेकि उ मोका बचाएस ह। मइँ यहोवा पइ आस्रित रहब।</verse>
				<verse number="14">मइँ यहोवा क लोगन क समन्वा आपन बचन क पूरा करब जउन मइँ ओहसे किहे रहेउँ।</verse>
				<verse number="15">हिआँ तलक कि कउनो एक मउत भी ओन लोगन क जउन यहोवा बरे अपराध किहेन ह, ओकरे बरे बहोत महत्वपूर्ण अहइ।</verse>
				<verse number="16">हे यहोवा मइँ तोहार एक मेहरारु नउकर क सन्तान हउँ। हे यहोवा, तू ही मोका मोरे बंधन स अजाद किहा।</verse>
				<verse number="17">मइँ तोहका एक धन्यवाद बलि अर्पित करब। मइँ यहोवा क नाउँ स गोहराउब।</verse>
				<verse number="18">मइँ यहोवा क लोगन क समन्वा आपन वचन क पूरा किहेउँ ह जउन मइँ ओहसे किहे रहेउँ।</verse>
				<verse number="19">मइँ यहोवा क मन्दिर क आंगन मँ जाब जउन यरूसलेम मँ अहइ। यहोवा क क स्तुति करब।</verse>
			</chapter>
			<chapter number="117">
				<verse number="1">समूचइ रास्ट्रन यहोवा क नाउँ क बड़कई करा। हे लोगो, यहोवा क गुण गावा।</verse>
				<verse number="2">काहेकि उ हम पइ बहोत पिरेम दिखावत ह। ओकर बिस्सास सदा-सदा बरे रही। यहोवा क बड़कई करा।</verse>
			</chapter>
			<chapter number="118">
				<verse number="1">मइँ यहोवा क धन्यवाद देत हउँ, काहेकि उ नीक अहइ। ओकर पिरेम सदा ही रहत ह।</verse>
				<verse number="2">इस्राएल इ कहइ द्या, “ओकर बिस्ससनीय पिरेम सदा ही रहत ह।”</verse>
				<verse number="3">याजक अइसा कहत हीं, “ओकर बिस्ससनीय पिरेम सदा अटल रहत ह।”</verse>
				<verse number="4">तू लोग जउन यहोवा क उपासना करत अहा, कहा करत अहा, “ओकर बिस्ससनीय पिरेम सदा ही अटल रहत ह।”</verse>
				<verse number="5">मइँ परेसानी मँ रहेउँ, एह बरे मइँ मदद बरे यहोवा क पुकारेउँ। उ मोका जवाब दिहस अउर यहोवा मोका अजाद किहस।</verse>
				<verse number="6">यहोवा मोरे कइँती अहइ, मइँ कबहुँ नाहीं डेराब। लोग मोका कउनो हानि नाहीं पहोंचावइ सकतेन।</verse>
				<verse number="7">यहोवा मोर सहायक अहइ। मइँ आपन दुस्मनन क हारा देखब।</verse>
				<verse number="8">मनइयन पइ भरोसा रखइ स यहोवा पइ भरोसा राखब उत्तिम अहइ।</verse>
				<verse number="9">इ हमेसा उत्तिम अहइ कि पहिले आपन यहोवा पइ भरोसा करा तउ आपन मुखियन पइ।</verse>
				<verse number="10">मइँ आपन दुस्मनन दुआरा घेरि लिहे गवा रहेउँ। यहोवा क सक्ति स मइँ आपन बैरी लोगन क हराइ दिहेउँ।</verse>
				<verse number="11">बहोत सारा दुस्मनन मोका चारिहउँ कइँती स घेरि लिहन ह। मइँ आपन दुस्मन क यहोवा क सक्ति स हराएउँ।</verse>
				<verse number="12">दुस्मनन मोका मधु माखियन क झुण्ड क नाई घेरि लिहन। मुला, उ सबइ हाली बरत भइ झाड़ी क नाई बर्बाद भएन। यहोवा क सक्ति स मइँ ओका हराएउँ ह।</verse>
				<verse number="13">मोर दुस्मनन मोह पइ वार किहन अउ मोका लगभग बर्बाद कइ दिहन मुला यहोवा मोका सहारा दिहस।</verse>
				<verse number="14">यहोवा मोर सक्ति अउर मेार विजय गीत अहइ। अउर उ रच्छक बनि गवा ह।</verse>
				<verse number="15">सज्जनन क घर मँ जउन विजय पर्व मनत अहइ तू ओका सुन सकत ह। देखा, यहोवा आपन महासक्ति फुन देखाएस ह।</verse>
				<verse number="16">यहोवा क भुजन विजय मँ उठी भइ अहइँ। देखा यहोवा आपन महासक्ति फुन स देखाएस।</verse>
				<verse number="17">मइँ जिअत रहब, मइँ मरब नाहीं, अउर जउन करम यहोवा किहस ह, मइँ ओन लोगन क गनती फुन स करब।</verse>
				<verse number="18">यहोवा मोका दण्ड दिहस, मुला उ मोका मरइ नाहीं दिहस।</verse>
				<verse number="19">सच्चाई क दुआरन क खोला, ताकि मइँ भीतर आइ पाउँ अउर यहोवा क आराधना करउँ।</verse>
				<verse number="20">यहोवा क मौजूदगी मँ जाइ क दुआर हिआँ अहइ। बस सिरिफ धर्मी लोग ही ओन दुआरन स होइके जाइ सकत हीं।</verse>
				<verse number="21">हे यहोवा, मोर पराथना क जवाब देइ बरे अउर मोका रच्छा करइ बरे तोहका धन्यवाद देत अहउँ।</verse>
				<verse number="22">जउन पाथार क राज मिस्त्रियन नकार दिहे रहेन उहइ पाथर क प्रयोग कोना क पाथर क रूप मँ कीन्ह गवा।</verse>
				<verse number="23">यहोवा इ घटना क होइ दिहस। अउर हम सबइ एहमाँ अद्भूत महसूस कीन्ह।</verse>
				<verse number="24">इ उहइ दिना अहइ जेका यहोवा बनाएस ह। आवा हम खुसी क अनुभव करी अउर आजु आनन्दित होइ जाइ।</verse>
				<verse number="25">लोग कहेन, “हे यहोवा, हम पचन क बचाव करा, हे यहोवा हमार रच्छा करा।</verse>
				<verse number="26">उ मनई धन्न होइ जउन यहोवा क नाउँ मँ आवत अहइ।” “मइँ यहोवा क घर मँ तोहार स्तुति करित हउँ।</verse>
				<verse number="27">यहोवा परमेस्सर अहइ। उ आपन प्रकास स हम पचन क छाया दिहेस ह। वेदी क कोनन पइ भेंट क मेमना क बाँधा।”</verse>
				<verse number="28">हे यहोवा, तू हमार परमेस्सर अहा, अउर मइँ तोहार धन्यवाद करत हउँ। मइँ तोहार गुण गावत हउँ, हे मोर परमेस्सर।</verse>
				<verse number="29">यहोवा क बड़कई करा काहेकि उ उत्तिम अहइ। ओकर सच्ची करुणा सदा-सदा बनी रहत ह।</verse>
			</chapter>
			<chapter number="119">
				<verse number="1">जउन लोग इमानदारी स जीवन जिअत हीं, उ सबइ कामयाब रहत हीं। अइसे लोग यहोवा क सिच्छा पइ चलत हीं।</verse>
				<verse number="2">लोग जउन यहोवा क करार पइ चलत हीं, उ पचे कामयाब रहत हीं। आपन समूचइ मन स उ पचे यहोवा क मानइ बरे खोजत हीं।</verse>
				<verse number="3">उ पचे लोग बुरा काम नाहीं करतेन। उ पचे यहोवा क आग्या क मानत हीं।</verse>
				<verse number="4">हे यहोवा, तू आपन उपदेस इ बरे दिहा ह, हम पचे ओका धियान स पालन कइ सकी।</verse>
				<verse number="5">हे यहोवा, मइँ सदा तोहरे कानून क नियमित रूप स पालन करेउँ,</verse>
				<verse number="6">तब जब मइँ तोहर सबइ आग्यन क पढ़ब मइँ कबहुँ भी नाहीं लजाब।</verse>
				<verse number="7">मइँ तोहार स्तुति पूरी मन स करब जेतॅना जियादा मइँ तोहरे फइसलन क बारे मँ सिखेउँ ह।</verse>
				<verse number="8">हे यहोवा, मइँ तोहरे कानूनन क पालन करब। तउ कृपा कइके मोका पूरी तरह स जिन बिसरा।</verse>
				<verse number="9">एक जवान मनई तोहरे निर्देसन पइ चलइ कइ कइसे आपन जीवन पवित्तर रख पावइ?</verse>
				<verse number="10">मइँ, आपन पूर्ण मन स यहोवा क सेवा क जतन करत हउँ। कृपा कइके तोहरे आग्यन क मानइ मँ मोका जिन गल्ती करइ द्या।</verse>
				<verse number="11">मइँ धियान पूर्वक तोहार वचन याद किहेउँ ह। काहेकि मइँ तोहरे खिलाफ फुन स पाप न करइ चाहत हउँ।</verse>
				<verse number="12">हे यहोवा, मइँ तोहार स्तुति किहेउँ ह। कृपा कइके मोका तोहार कानून क सिखावा।</verse>
				<verse number="13">मइँ तोहार सबहिं फइसलन क बरे मँ बताउब।</verse>
				<verse number="14">तोहरे करार क निर्देसन क पालन करब मोका दूसर कउनो धन स जियादा भावत अहइ।</verse>
				<verse number="15">मइँ तोहरे उपदेसन पइ विचार किहेउँ ह, अउर मइँ तोहरे सिद्धान्तन पइ चलत हउँ।</verse>
				<verse number="16">मइँ तोहरे नियमन मँ आनन्द लेत हउँ। मइँ तोहरे बचनन क नाहीं भूलब।</verse>
				<verse number="17">आपन सेवक, मोर बरे अच्छा करा ताकि मइँ जी सकेउँ अउर तोहरे वचन पइ चलि सकेउँ।</verse>
				<verse number="18">हे यहोवा, मोर आँखी खोला तउ होइ सकत ह कि मइँ एका लखि सकत हउँ। अउर तोहरी अद्भुत बातन पढ़ सकेउँ जेका तू किहा ह।</verse>
				<verse number="19">मइँ इ धरती पइ एक अनजाना परदेसी हउँ। हे यहोवा, आपन सिच्छन क मोसे जिन छिपावा।</verse>
				<verse number="20">मोर हमेसा तोहरे जरिए पइ बना भवा फइसलन क अध्ययन क अभिलासा रखत हउँ।</verse>
				<verse number="21">हे यहोवा, तू अहंकारी जन क फटकारत ह। ओन अहंकारी लोगन पइ बुरी बातन घटित होइहीं। उ सबइ तोहरे आदेसन स मुरि गवा अहइँ।</verse>
				<verse number="22">लज्जा अउर अपमान क मोसे हटाइ द्या। मइँ तोहरी करार क पालन किहेउँ ह।</verse>
				<verse number="23">हिआँ तलक कि नेता लोगन भी मोरे बरे बुरी बातन किहेन ह। मुला मइँ तउ तोहार सेवक अहउँ। मइँ तोहरे विधियन क समुझत हउँ।</verse>
				<verse number="24">तोहार करार मोर सर्वोत्तम मीत अहइ। इ मोका नीक सलाह दिया करत ह।</verse>
				<verse number="25">मइँ हाली दाल्थ मरि जाब। हे यहोवा, तू आदेस द्या अउर मोका जिअइ द्या।</verse>
				<verse number="26">मइँ तोहका आपन जिन्नगी क बारे मँ बताएउँ ह, तू मोका जवाब दिहा ह अबइ तू मोका आपन बिधान बतावा।</verse>
				<verse number="27">हे यहोवा, मोर सहायता करा ताकि मइँ समुझ सकेउँ कि तोहार उपदेसन क पालन कइसे कीन्ह जाई सकी। मोका ओन अद्भुत कर्मन क चिंतन करइ द्या जेनका तू किहा ह।</verse>
				<verse number="28">मइँ दुःखी अउर थका हउँ। वचन क मुताबिक मोका तू फुन स मज़बूत बनाइ द्या।</verse>
				<verse number="29">हे यहोवा, मोका कउनो परेसानी क जीवन जिन जिअइ द्या। तोहार कानून क मोका दयालुता स सिखावा।</verse>
				<verse number="30">मइँ तोहार करार क मानइ बरे चुने रहेउँ। मइँ आपन आप क तोहार विवेकी फइसलन क अध्ययन अउर पालन करइ क बचन बद्ध किहेउँ ह।</verse>
				<verse number="31">तोहार करार क संग मइँ लगनसील अहउँ। हे यहोवा, मोका असफल जिन होइ द्या।</verse>
				<verse number="32">मइँ तोहरे आग्यन क पालन उत्सुकता स किह्या ह जब तू मोर समुझदारी क बढ़ाया ह।</verse>
				<verse number="33">हे यहोवा, तू मोका आपन व्यवस्था सिखावा तब मइँ धियानपूर्वक ओनकर अनुसरण करब।</verse>
				<verse number="34">ओनका समुझइँ मँ मोर मदद करा। अउर मइँ तोहरी सिच्छन क पालन करब। मइँ पूरी मन स ओनकर पालन करब।</verse>
				<verse number="35">मोका आपन आग्यन क राहे पइ चलावा। मइँ ओन पइ प्रसन्न हउँ।</verse>
				<verse number="36">मोर मदद करा कि मइँ तोहरे करार क मनन करउँ, बजाय ओकरे कि कइसे धन हासिल करेउँ।</verse>
				<verse number="37">मोका बियर्थ चिजियन पइ धियान जिन देइ द्या। तोहार राहे मँ रहइ बरे मोर मदद करा।</verse>
				<verse number="38">मइँ तोहार सेवक अहउँ। तउ ओन बातन क करा जेनकर वचन तू दिहा ह ताकि मइँ तोहार सम्मान कइ सकउँ।</verse>
				<verse number="39">मोका उ अपमान स मुक्त करा जेसा मइँ डेरात हउँ। तोहार फइसलन हमेसा नीक होत हीं।</verse>
				<verse number="40">मइँ तोहरे उपदेसन क अभिलासी हउँ। मोर भला करा अउर मोका जिअइ द्या।</verse>
				<verse number="41">हे यहोवा, तू सच्चा निज पिरेम मोह पइ परगट करा। मोर रच्छा वइसे ही करा जइसे तू वचन दिहा।</verse>
				<verse number="42">तब मोरे लगे ओन लोगन बरे एक जवाब होइ जउन मोर अपमान करत हीं। काहेकि मइँ तोहार वचन पइ भरोसा रखत हउँ।</verse>
				<verse number="43">तोहार सच्ची सिच्छा क बोलइ मँ सदा मोरे मदद करा। मइँ तोहरे बुद्धिमान फइसलन पइ निर्भर अहउँ।</verse>
				<verse number="44">हे यहोवा, मइँ तोहरी सिच्छन क पालन सदा अउ सदा बरे करब।</verse>
				<verse number="45">तउ मइँ सुरच्छित जिन्नगी जिअब। मइँ तोहरी व्यवस्था क पालइ क कठिन जतन करत हउँ।</verse>
				<verse number="46">मइँ यहोवा क करार क चर्चा राजा लोगन क संग करब अउर उ पचे उत्साह मँ होइके सुनिहीं मोहसे लजाइहीं नाहीं।</verse>
				<verse number="47">हे यहोवा, मोका तोहरी सबइ आग्यन क मनन जेहसे मइँ पिरेम करत हउँ भावत ह।</verse>
				<verse number="48">मइँ तोहरी आग्यन कइँती जेहसे मइँ पिरेम करत हउँ हाथ फइलाउब, अउर मइँ तोहार कानून पइ बिचार करत हउँ।</verse>
				<verse number="49">हे यहोवा, कृपा कइके आपन बचन क याद रखा, जउन तू मोहसे किह्या ह। उहइ बचन मोका आसा देत ह।</verse>
				<verse number="50">जब मइँ झेलत रहेउँ, तू मोका चइन दिहा। तोहार वचन मोका जीवन देत ह।</verse>
				<verse number="51">लोग जउन खुद क मोहसे उत्तिम सोचत हीं, निरन्तर मोर अपमान करत अहइँ। मुला हे यहोवा मइँ तोहार सिच्छन पइ चलब नाहीं तजेउँ।</verse>
				<verse number="52">मइँ तोहरे ओन फइसलन क याद करत हउँ जेका तू बहोत पहिले दिहा ह, अउर मइँ मोका चइन देत अहइँ।</verse>
				<verse number="53">जब मइँ अइसे दुट्ठ लोगन क लखत हउँ, जउन तोहरी सिच्छन पइ चलब तजेन ह, तउ मइँ बहोत कोहाइ जात हउँ।</verse>
				<verse number="54">तोहार सबइ कानून मोर बरे आनन्दित भजन होत जहाँ कहिउँ भी मइँ रहत हउँ।</verse>
				<verse number="55">हे यहोवा, राति मँ मइँ तोहरे नाउँ क धियान अउर तोहरी नेमन क पालन करत हउँ।</verse>
				<verse number="56">इ मोर अभ्यास होत रहत ह। मइँ होसियारी स तोहरे उपदेसन क मानत हउँ।</verse>
				<verse number="57">हे यहोवा, तू मोर अंग अहइ, एह बरे मइँ तोहार आग्यन क पालन करब।</verse>
				<verse number="58">हे यहोवा, मइँ पूरी मन स तोहार खोज किहेउँ ह, जइसा बचन तू दिहा मोह पइ दयालु ह्वा।</verse>
				<verse number="59">मइँ आपन राहे पइ बहोत धियान दिहेउँ ह, ताकि मइँ तोहरी करार क मुताबिक चल सकउँ।</verse>
				<verse number="60">मइँ बिना देरी किहे तोहरे आग्यन पइ चलइ क इच्छुक अहउँ।</verse>
				<verse number="61">दुट्ठन आपन फन्दन मोका फंसाइ लिहेन ह। मइँ तोहरी सिच्छन क कबहुँ नाहीं बिसरेउँ।</verse>
				<verse number="62">तोहरे सच्चा फइसलन क तोहका धन्यवाद देइ बरे मइँ आधी रात क बीच जगत हउँ।</verse>
				<verse number="63">जउन कउनो मनई तोहसे डेरात ह तउ मइँ ओकर मीत अहउँ। अगर कउनो मनई तोहरे उपदेसन पइ चलत ह, मइँ ओकर मीत अहउँ।</verse>
				<verse number="64">हे यहोवा, इ समूचइ धरती तोहरी बिस्ससनीय पिरेम स भरी भइ बा। मोका तू मोका अपने विधान क सिच्छा द्या।</verse>
				<verse number="65">हे यहोवा, तू आपन दास बरे अच्छा काम किहे अहा। तू ठीक वइसा ही किहा जइसा तू करइ क वचन दिहा रह्या।</verse>
				<verse number="66">हे यहोवा, मोका सही बुद्धि अउ गियान द्या कि मइँ तोहार आदेसन पइ बिस्सास करेउँ।</verse>
				<verse number="67">पीड़ित होइ स पहिले मूरखता स मइँ बुरे करम किहे रहेउँ। मुला अब, मइँ धियानपूर्वक तोहरे आग्यन क पालन करत हउँ।</verse>
				<verse number="68">तू अच्छा अहइ, अउर अच्छा काम करत अहा। मोका आपन कानून क सिच्छा द्या।</verse>
				<verse number="69">घमण्डी लोग मोरे बरे बहोत सारा झूठी बात बोलत हीं। किन्तु यहोवा मइँ आपन पूर्ण वचन बद्धता स तोहरे उपदेसन क पालन करब।</verse>
				<verse number="70">उ लोगन क दिमाग तोहार उपदेसन क नाहीं समुझ सकतेन। मुला, मइँ तोहरी उपदेसन क अध्ययन कइके बहोत खुसी पावत हउँ।</verse>
				<verse number="71">हिआँ तलक कि कस्ट भी मोर बरे बढ़िया बनि गवा रहा। उहइ तरह मइँ तोहरी कानून क सीख लिहेउँ।</verse>
				<verse number="72">तोहरी सीखन मोरे बरे भली होत अहइँ। तोहार सीखन हजारन सोना अउ चाँदी क टूकन स उत्तिम अहइँ।</verse>
				<verse number="73">हे यहोवा, तू मोका बनाया ह मोर स्थापना आपन निज हाथन स किह्या ह। आपन आग्यन क पढ़इ समुझ मँ तू मोर मदद करा।</verse>
				<verse number="74">हे यहोवा, तोहार भगत मोका लखत हीं, अउर उ पचे खुस अहइँ, काहेकि मइँ तोहार बातन पइ भरोसा रखत हउँ।</verse>
				<verse number="75">हे यहोवा, मइँ इ जानत हउँ कि तोहार फइसला हमेसा नीक अउ खरा होत हीं। एह बरे इ मोरे बरे उचित रहा कि तू मोका कस्ट दिहा ह।</verse>
				<verse number="76">अब, आपन सच्चे पिरेम स मोका आराम द्या। मोका आराम द्या जइसा तू आपन सेवक स किह्या ह।</verse>
				<verse number="77">मोह पइ कृपा करा तइ मइँ जी सकेउँ। फुरइ मइँ तोहार उपदेसन मँ आनन्दित अहउँ।</verse>
				<verse number="78">ओन लोगन क जउन सोचा करत हीं कि उ पचे मोसे उत्तिम बाटेन, ओनका लजाइ द्या। काहेकि उ पचे मोरे बारे मँ झूठी बातन कहेन ह। हे यहोवा, मइँ तोहरे उपदेसन क बिचार किहेउँ ह।</verse>
				<verse number="79">आपन भगतन क मोरे लगे लउटि आवइ द्या। अइसे ओन लोगन क मोरे लगे लउटि आवइ द्या, जेनका तोहरी करार क जानकारी अहइ।</verse>
				<verse number="80">मोरे हिरदय क हमेसा तोहार कानून क मानइ द्या, ताकि मइँ कबहुँ लज्जित न होबेउँ।</verse>
				<verse number="81">मइँ तोहार इन्तज़ार करइ मँ कमज़ोर होइ गवा हउँ कि तू मोका बचउब्या। मुला यहोवा, मोका तोहार वचन पइ भरोसा बा।</verse>
				<verse number="82">जउन बातन क तू वचन दिहे रह्या, मइँ ओनकर बाट जोहत रहत हउँ। मुला मोर आँखिन दुर्बल होइ गइ अहउँ। तू मोका कब आराम देब्या?</verse>
				<verse number="83">हिआँ तलक जब मइँ कचड़ा क धुआँ पइ क दाखरस क झुरान मसक जइसा हउँ, बूढ़ा अउर झुर्रीदार तबहुँ भी तोहरे कानून क न भूलब।</verse>
				<verse number="84">मइँ कब तलक जिअब? हे यहोवा, कब सज़ा देब्या तू अइसे ओन लोगन क जउन मोहका सतावत हीं?</verse>
				<verse number="85">कछू अहंकारी लोग आपन फंदन स मोह पइ वार किहे रहेन। इ तोहरी सीखन क खिलाफ अहइ।</verse>
				<verse number="86">हे यहोवा, सब लोग तोहरी आग्यन क भरोसे कइ सकत हीं। उ पचे मोका बिना कउनो कारण सतावत रहत हीं। मोर मदद करा।</verse>
				<verse number="87">ओन सबइ लोग धरती स करीब करीब मोका बर्बाद कइ दिहन ह। तउ प भी मइँ तोहरे उपदेसन क नाहीं तजेउँ।</verse>
				<verse number="88">हे यहोवा, आपन बिस्सासी पिरेम क मोह पइ परगट करा। अउर मोका जिन्नगी द्या। तउ मइँ तोहार करार क पालन कइ सकेउँ।</verse>
				<verse number="89">हे यहोवा, तोहरे वचन सरग मँ, उ सबइ सदा रहत हीं।</verse>
				<verse number="90">तू हमेसा हमेसा बरे बिस्सासी अहा। तू ही धरती ओकरे जगह पइ रच्या अउर इ हमेसा स हिआँ रहत रह्या।</verse>
				<verse number="91">तोहरे फइसलन क कारण ही अब तलक सबहिं वस्तु मौजूद अहइँ। काहेकि सबहिं चिजियन तोहार सेवक अहइँ।</verse>
				<verse number="92">अगर तोहार सीखन मीत जइसी नाहीं होतिन, तउ मोर संकट मोका बर्बाद कइ डउतेन।</verse>
				<verse number="93">हे यहोवा, तोहरे आदेसन क मइँ कबहुँ नाहीं बिसरब। काहेकि उ सबइ ही मोका जिअत राखत हीं।</verse>
				<verse number="94">हे यहोवा, मइँ तउ तोहार अहउँ, मोर रच्छा करा। काहेकि तोहरे उपदेसन पइ चलइ क मइँ कठिन जतन करत हउँ।</verse>
				<verse number="95">दुट्ठ जन मोका विनास करइ क इन्तज़ार करत हीं, मुला मइँ तोहार करार क समुझइ बरे ओहे पइ विचार करत हउँ।</verse>
				<verse number="96">सब कछू क सीमा अहइ, किन्तु तोहरी आग्यन आपन छेत्र मँ असीमित अहइँ।</verse>
				<verse number="97">मइँ तोहरी उपदेसन स बहोत जिआदा पिरेम करत हउँ। हर घड़ी मइँ ओनकर ही बारे मँ सोचत हउँ।</verse>
				<verse number="98">तोहार आदेसन मोका मोर दुस्मनन स जियादा बुद्धिमान बनाएन। तोहार कानून क वजह स उ सदा मोरे संग रहत ह।</verse>
				<verse number="99">मइँ आपन सबइ सिच्छकन स जियादा बुद्धिमान हउँ, काहेकि मइँ तोहरी करार क अध्ययन किया करत हउँ।</verse>
				<verse number="100">मइँ बुजुर्ग प्रमुखन स जियादा समुझत हउँ। काहेकि मइँ तोहरे आदेसन क मानत हउँ।</verse>
				<verse number="101">मइँ तोहार आदेसन क पालन करइ बरे हर बुरे काम स बचा हउँ।</verse>
				<verse number="102">हे यहोवा, तू मोर सिच्छक अहा। एह बरे मइँ तोहरे फइसलन स नाहीं मुरेउँ ह।</verse>
				<verse number="103">तोहार वचन मोर मुहे मँ मधु स भी जियादा मीठा अहइँ।</verse>
				<verse number="104">तोहार उपदेसन क मइँ सावधान पूर्वक अध्यन करत हउँ, ऍह बरे मइँ झूठापन स घिना करत हउँ।</verse>
				<verse number="105">हे यहोवा, तोहार सिच्छन मोका बुद्धिमान बनावत हीं। तउ झूठी सिच्छन स मइँ घिना किया करत हउँ।</verse>
				<verse number="106">तोहार फइसलन बहोत नीक अहइँ। मइँ ओनका पालन करइ क प्रतिग्या किहेउँ, एह बरे मइँ पालन करब।</verse>
				<verse number="107">हे यहोवा, बहोत समइ तलक मइँ विपदन झेलेउँ ह, कृपा कइके मोका वइसी जिन्नगी द्या जइसा तू देइ क वादा किहा ह।</verse>
				<verse number="108">हे यहोवा, मोरी बिनती क तू अंगीकार करा जउन मइँ तोहका भेंट करत हउँ, अउर मोका आपन फइसलन क सिच्छा द्या।</verse>
				<verse number="109">होइ सकत ह कि मइँ हर दिन आपन जीवन जोखिम मँ डालत हउँ, किन्तु मइँ तोहार उपदेसन क कबहुँ नाहीं बिसरत हउँ।</verse>
				<verse number="110">दुट्ठ जन मोका फँसावइ क जतन करत हीं, मुला मइँ तोहरे उपदेसन नाहीं मुरेउँ ह।</verse>
				<verse number="111">तोहार करार सदा बरे मोर खज़ाना अहइ। इ मोका बहोत खुस किया करत ह।</verse>
				<verse number="112">मइँ सदा तोहरे विधान पइ चलइ क बहोत कठोर जतन करब।</verse>
				<verse number="113">हे यहोवा, मोका अइसे ओन लोगन स घिना अहइ, जउन पूरी तरह स तोहरे बरे सच्चा नाहीं अहइँ। मोका तउ तोहार सिच्छन भावत हीं।</verse>
				<verse number="114">तू मोर ढाल अउर रच्छक अहा। मइँ तोहार वचन पइ भरोसा किहउँ ह।</verse>
				<verse number="115">दुट्ठ लोगन क मोहसे दूर करा, ताकि मइँ आपन परमेस्सर क आग्यन क पालन कइ सकेउँ।</verse>
				<verse number="116">हे यहोवा, मोका अइसे ही सहारा द्या जइसे तू वचन दिहा, ताकि मइँ जी सकेउँ। मोका तोहेमाँ बिस्सास अहइ, मोका निरास जिन करा।</verse>
				<verse number="117">हे यहोवा, मोका सहारा द्या कि मोर उद्धार होइ। मइँ सदा तोहरे आदेसन क पाठ किया करब।</verse>
				<verse number="118">हे यहोवा, तू हर अइसे मनई स बिमुख होइ जात ह, जउन तोहार नेम तोड़त हीं। काहेकि उ पचे छल क बियर्थ राहन क पालन करत हीं।</verse>
				<verse number="119">हे यहोवा, तू इ धरती स सबहिं दुट्ठ लोगन क अइसा हटावा, जइसेन उ पचे बेकार पदार्थ होइ, मइँ तोहरी करार स सदा पिरेम करब।</verse>
				<verse number="120">हे यहोवा, मइँ तोहसे डेरान हउँ, मइँ डेरात अहउँ, अउर तोहरे विधान क आदर करत हउँ।</verse>
				<verse number="121">मइँ उ सबइ बातन किहेउँ ह जउन नीक अउर खरा अहइँ। हे यहोवा, तू मोका अइसेन ओन लोगन क जिन सौंपा जउन मोका हानि पहोंचावइ चाहत हीं।</verse>
				<verse number="122">मोका वचन द्या कि तू मोरे बरे अच्छा करब्या। मइँ तोहार दास अहउँ। हे यहोवा, अहंकारी लोगन क मोह पइ अत्याचार जिन करइ द्या।</verse>
				<verse number="123">हे यहोवा, तू आपन अच्छाई स मोका वचन दिहे रह्या कि तू मोर मदद करब्या। मुला मोर आँखी तोहार राह निहारत भए थकी गइन।</verse>
				<verse number="124">तू आपन बिस्ससनीय पिरेम मोह पइ परगट करा। मइँ तोहार दास हउँ। तू मोका आपन विधान क सिच्छा द्या।</verse>
				<verse number="125">मइँ तोहार सेवक हउँ। आपन विवेक स मोका आसीस द्या तउ मइँ तोहार करार क समुझ सकेउँ।</verse>
				<verse number="126">कार्यवाही करा, हे यहोवा, काहेकि ओन लोग तोहरे कानून क नाफ़रमानी करत हीं।</verse>
				<verse number="127">हे यहोवा, उत्तिम सुवर्ण स भी जियादा मोका तोहार आदेस भावत हीं।</verse>
				<verse number="128">तोहरे सब उपदेसन क बहोत सावधानी स मइँ पालन करत हउँ। मइँ सबइ झूठे रास्तन स घिना करत हउँ।</verse>
				<verse number="129">हे यहोवा, तोहार करार अद्भुत बा। एह बरे मइँ ओकर अनुसरण करत हउँ।</verse>
				<verse number="130">तोहार वचन क व्याख्या प्रकास लावत ह। तोहार सिच्छन बुद्धिहीन लोगन क समुझ देत ह।</verse>
				<verse number="131">हे यहोवा, मइँ तोहरे आदेसन क पालन करइ इच्छुक हउँ। मइँ दौड़वालन क नाईं हाँफब।</verse>
				<verse number="132">हे परमेस्सर, मोरी कइँती निगाह करा अउर मोह पइ दयालु ह्वा। तू ओन लोगन बरे वइसा ही करा जउन ओकरे बरे नीक अहइ जउन तोहार नाउँ स पिरेम किया करत हीं।</verse>
				<verse number="133">हे यहोवा, मोका ओन लोगन स बचाइ ल्या जउन मोका दुःख देत हीं अउर मइँ तोहरे आदेसन क पालन करब।</verse>
				<verse number="134">हे यहोवा मोका ओन आदेसन स बचाइ ल्या जउन मोका दुःख देत हीं। अउर मइँ तोहरे आदेसन क पालन करब।</verse>
				<verse number="135">हे यहोवा, आपन सेवक पइ दाया दिखावा अउर आपन विधान तू मोका सिखावा।</verse>
				<verse number="136">रोवत रोवत आँसुअन क एक नदी मइँ बहाइ चुका हउँ। काहेकि लोग तोहरी सिच्छन क पालन नाहीं करत अहइँ।</verse>
				<verse number="137">हे यहोवा, तू सच्चा अहा अउर तोहार फइसला खरा अहइँ।</verse>
				<verse number="138">उ सबइ चिजियन उत्तिम अहइँ जउन तू हमका करार मँ दिहा। हम पूरी तरह स तोहरे विधान क भरोसे रहि सकित ह।</verse>
				<verse number="139">तोहरे बरे मोर धुन मोका बर्बाद करत ह। मइँ बहोत बेचैन हउँ, काहेकि मोर दुस्मन लोग तोहरे वचन क बिसराइ दिहन।</verse>
				<verse number="140">हे यहोवा, तोहार वचन प्रमाणित अउर फुरइ अउर सच्चा बाटइ, अउर मइँ तोहार सेवक एहसे पिरेम करत हउँ।</verse>
				<verse number="141">मइँ एक महत्वहीन हउँ अउर लोग मोर आदर नाहीं करत बाटेन। मुला मइँ तोहरे उपदेसन क बिसरत नाहीं अहउँ।</verse>
				<verse number="142">हे यहोवा, तोहार अच्छाई अनन्त अहइ। तोहरे सिच्छन क भरोसे रहा जाइ सकत ह।</verse>
				<verse number="143">संकट अउर परेसानी मोका घेरि लिहेस ह। मुला, मइँ तोहार उपदेसन क नाहीं बिसारे रहेउँ।</verse>
				<verse number="144">तोहार करार हमेसा नीक बाटइ। एका समुझइ मँ मोर सहायता करा ताकि मइँ जी सकउँ।</verse>
				<verse number="145">सम्पूर्ण मन स यहोवा मइँ तोहका गोहरावत हउँ, मोका जवाब द्या। मइँ तोहरे आदेसन क पालन करत हउँ।</verse>
				<verse number="146">हे यहोवा, मोर तोहसे बिनती बाटइ। मोका बचाइ ल्या। मइँ तोहरी करार क पालन करब।</verse>
				<verse number="147">यहोवा, मइँ तोहरी पराथना करइ क भोर क तड़के उठा करत हउँ। मोका ओन बातन पइ भरोसा अहइ, जेनका तू कहत ह।</verse>
				<verse number="148">पूरी रात मइँ तोहरे वचन पइ बिचार करइ बरे बइठा रहत हउँ।</verse>
				<verse number="149">हे यहोवा, तू आपन पूरे पिरेम स मोह पइ कान द्या, तू वइसा ही करा जेका तू ठीक कहत ह, अउर मोर जिन्नगी बनाए राखा।</verse>
				<verse number="150">लोग मोरे बिरूद्ध कुचक्र रचत अहइँ अउर मोर कइँती आवत हीं। अइसे इ सबइ लोग तोहरी सिच्छन पइ चला नाहीं करतेन।</verse>
				<verse number="151">मुला तू मोरे लगे अहा। तोहरे सबइ आग्यन पइ बिस्सास कीन्ह जाइ सकत ह।</verse>
				<verse number="152">बहोत दिनन पहिले ही तोहार करार दुआरा मइँ सीख लिहे रहेउँ कि ओकर नींव सदा बरे डाली गइ अहइ।</verse>
				<verse number="153">हे यहोवा, मोर यातना क लखा अउर मोका बचाइ ल्या, मइँ तोहरे उपदेसन क बिसरा नाहीं अहउँ।</verse>
				<verse number="154">हे यहोवा, मोरे मुकदद्मा बरे बहस करा अउर मोका छुरावा। कृपा कइके मोका तोहार वाचा क अनुसार जिअइ द्या।</verse>
				<verse number="155">दुट्ठ बिजयी नाहीं होइहीं। काहेकि उ पचे तोहरे विधान पइ नाहीं चलत अहइँ।</verse>
				<verse number="156">हे यहोवा, तू बहोत दयालु अहा। आपन नीक सासन क अनुसार मोका फुन स जिन्नगी द्या।</verse>
				<verse number="157">मोर बहोत स सत्रु अहइँ जउन मोका हानि पहोंचावइ बरे जतन करतेन; मुला मइँ तोहरी करार क अनुसरण नाहीं तजेउँ।</verse>
				<verse number="158">मइँ ओन बिस्सासघातियन क लखत हउँ। उ पचे तोहरे बचन क पालन नाहीं करतेन। मइँ ओनका तजि दिहेउँ ह।</verse>
				<verse number="159">लखा, मइँ तोहार उपदेसन स पिरेम करत हउँ। हे यहोवा, कृपा कइके मोका तोहरे दयालु पिरेम स जिअइ द्या।</verse>
				<verse number="160">सुरू स ही तोहार सबहिं वचन बिस्सास क जोग्ग रहेन ह। अउर तोहार खरा फइसलन सदा बरे रहिहीं।</verse>
				<verse number="161">सक्तिसाली नेता मोह पइ बियर्थ ही वार करत हीं, मुला मइँ डेरात हउँ अउर बस तोहरे वचन क मइँ आदर करत हउँ।</verse>
				<verse number="162">तोहार बचन मोका वइसेन आनन्दित करत हीं, जइसा एक जोद्धा आनन्दित होत ह, जेका अबहुँ अबहुँ कउनो जुद्ध क लूट क माल मिल गवा होइ।</verse>
				<verse number="163">मइँ झूठ क नकारत हउँ। मइँ ओहसे घिना करत हउँ। किन्तु, मइँ तोहरी सिच्छन स पिरेम करत हउँ।</verse>
				<verse number="164">मइँ दिन मँ सात दाई तोहरे उत्तिम फइसला बरे तोहार स्तुति करत हउँ।</verse>
				<verse number="165">उ पचे लोगन बहोत सान्ति पइहीं, जउन तोहार सिच्छन स पिरेम करत हीं। ओका कछू भी गिराइ नाहीं पाई।</verse>
				<verse number="166">हे यहोवा, मइँ तोहरी प्रतीच्छा मँ हउँ कि तू मोर रच्छा करा। मइँ तोहरे आग्यन क पूरा किहेउँ ह।</verse>
				<verse number="167">मइँ तोहरी करार पइ चलत रहत हउँ। हे यहोवा, मोका तोहरे विधान स गहन पिरेम अहइ।</verse>
				<verse number="168">मइँ तोहरी करार क अउ तोहरे उपदेसन क पालन किहेउँ ह। तू सब कछू जानत ह जउन मइँ किहेउँ ह।</verse>
				<verse number="169">हे यहोवा, मदद बरे लगावा गवा मोर उँच गोहार तोहे तलक पहोंचइ मोका बुद्धिमान बनावा जइसा तू वचन दिहा ह।</verse>
				<verse number="170">हे यहोवा, मोर बिनती सुना। तू जइसा वचन दिहा मोर उद्धार करा।</verse>
				<verse number="171">मइँ बड़कई क गुण गावत हउँ। काहेकि तू मोका आपन कानून सिखाया ह।</verse>
				<verse number="172">मोका तू आपन गीत गावइ द्या। काहेकि तोहार सबइ आग्यन सच्चा अहइँ।</verse>
				<verse number="173">तू मोरे लगे आवा, अउर मोका सहारा द्या काहेकि मइँ तोहरे आदेसन पइ चलब चुन लिहेउँ ह।</verse>
				<verse number="174">हे यहोवा, मइँ इ चाहत हउँ कि तू मोर उद्धार करा, तोहार सिच्छन मोका खुस करत हीं।</verse>
				<verse number="175">मोका जिअइ द्या तउ मइँ तोहार स्तुति कइ सकेउँ। तोहार आदेस स मोका मदद मिलइ द्या।</verse>
				<verse number="176">एक ठु खोइ भइ भेड़ क तरह, मइँ आपन रास्ता भटक गएउँ ह। आपन सेवक, मोका तलास करा, अउर मइँ तोहरे आग्यन क बिसरा नाहीं हउँ।</verse>
			</chapter>
			<chapter number="120">
				<verse number="1">मइँ संकटे मँ पड़ा रहेउँ, सहारा पावइ बरे मइँ यहोवा क गोहराएउँ अउर उ मोका बचाइ लिहस।</verse>
				<verse number="2">हे यहोवा, मोका तू अइसे लोगन स बचावा जउन मोर खिलाफ झूठ बोलेन ह।</verse>
				<verse number="3">अरे ओ झूठो, का तू उ जानत अहा कि परमेस्सर तोहका कइसे सजा देइ?</verse>
				<verse number="4">तू पचन्क दण्ड देइ बरे परमेस्सर जोद्धा क नोकांदार तीर अउ धधकत भए अंगारन क काम मँ लाइ।</verse>
				<verse number="5">झूठो, तोहरे निचके रहब अइसा अहइ जइसे कि मेसेक मँ रहब। इ रहब अइसा अहइ माना कि कउनो केवार क तम्बू मँ रहब बा।</verse>
				<verse number="6">जउन सान्ति क दुस्मन अहइँ, अइसे लोगन क संग बहोत लम्बी समइँ तलक रहा हउँ।</verse>
				<verse number="7">मइँ इ कहे रहेउँ मोका सान्ति चाही। मुला उ पचे जुद्ध चाहत हीं।</verse>
			</chapter>
			<chapter number="121">
				<verse number="1">मइँ ऊपर ऊँच पहाड़न क कइँती लखत हउँ। मुला फुरइ मइँ कहाँ स पावइँ?</verse>
				<verse number="2">मोका तउ सहारा यहोवा स मिली जउन सरग अउ धरती क बनावइवाला अहइ।</verse>
				<verse number="3">परमेस्सर तोहका गिरइ नाहीं देइ। तोहर बचवइया कबहुँ भी नाहीं सोइ।</verse>
				<verse number="4">इस्राएल क उद्धारकर्त्ता कबहुँ न ही ओंघात ही अउर न ही सोवत अहइँ।</verse>
				<verse number="5">यहोवा तोहार रच्छक अहइ। उ तोहका आस्रय देइ बरे तोहार बगल मँ अहइ।</verse>
				<verse number="6">दिन क समइ सूरज तोहका हानि नाहीं पहोंचाइ सकत। राति मँ चाँद तोहार नोस्कान नाहीं कइ सकत।</verse>
				<verse number="7">यहोवा तोहार रच्छा हर संकट स करी। यहोवा तोहरी आतिमा क रच्छा करी।</verse>
				<verse number="8">यहोवा उ सबइ पइ धियान रखी जउन कछू तू करब्या। जहाँ कहुँ भी तू जाब्या अउ आउब्या, अबहुँ अउ सदा सर्वदा उ तोहार रच्छा करी।</verse>
			</chapter>
			<chapter number="122">
				<verse number="1">जब लोग मोसे कहेन, “आवा, यहोवा क मन्दिर मँ चली तब मइँ बहोत खुस भएउँ।”</verse>
				<verse number="2">हिआँ हम यरूसलेम क दुआरन पइ खड़ा अही।</verse>
				<verse number="3">यरूसलेम नगर एक ठु संगठित नगर नाईं बनि गवा ह।</verse>
				<verse number="4">उ उ जगहिया बा जहाँ उ परिवार समूह जात रहेन, जउन यहोवा क परिवार समूह अहइ, काहेकि इ इस्राएल क लोग दुआरा यहोवा क धन्यवाद देइ क नेम अहइ।</verse>
				<verse number="5">इ उहइ जगहिया बा जहाँ दाऊद क परिवार क राजा लोगन आपन सिंहासन कायम किहेन। उ पचे आपन सिंहासन लोगन क निआउ करइ बरे कायम किहन।</verse>
				<verse number="6">तू यरूसलेम मँ सान्ति हेतु बिनती करा। “अइसे लोग जउन तोहसे पिरेम राखत हीं हुआँ रच्छा मँ रहा।</verse>
				<verse number="7">तोहरे परकोटन क भितरे सान्ति फइल जाइ, तोहरे बिसाल भवनन मँ सुरच्छा बनी रहइ।”</verse>
				<verse number="8">मइँ पराथना करत हउँ आपन भाइयन अउ साथियन बरे कि हुवाँ सान्ति क बास होइ।</verse>
				<verse number="9">यहोवा हमरे परमेस्सर क मन्दिर क भले बरे, मइँ पराथना करत हउँ कि इ नगर मँ भली बातन घटित होइँ।</verse>
			</chapter>
			<chapter number="123">
				<verse number="1">हे परमेस्सर, मइँ आँखी उठाइके तोहार पराथना करत हउँ। तू सरग मँ राजा क रूप मँ बिराजत अहा।</verse>
				<verse number="2">दास लोग आपन सुआमियन क ऊपर ओन चिजियन बरे आसरे पइ रहा करत हीं, जेकर ओनका जरूरत अहइ। दासियन आपन सुआमिनियन क ऊपर आसरे पइ रहा करत हीं। इहइ तरह हमका यहोवा हमरे परमेस्सर तब तलक लखत हउँ जब तलक उ हम पइ दाया देखाँवइ।</verse>
				<verse number="3">हे यहोवा, हम लोगन पइ कृपालु ह्वा। हम लोगन पइ दयालु ह्वा काहेकि बहोत लम्बी समइ स हम लोगन क अपमान होत अहइ।</verse>
				<verse number="4">घमण्डी लोग बहोत दिनन स हम लोगन क अपमानित कइ चुका अहइँ।</verse>
			</chapter>
			<chapter number="124">
				<verse number="1">अगर यहोवा हमरे संग नाहीं होतेन तउ इस्राएल क कहइ द्या,</verse>
				<verse number="2">अगर यहोवा हमरे संग नाहीं होत, जब हमार बिरोधी हम लोगन पइ हमला किहे रहेन?</verse>
				<verse number="3">तब हमार दुस्मन हमका जिअत ही निगल गए होतेन जब उ पचे गुस्सा भए रहेन।</verse>
				<verse number="4">तब हमार सत्रुअन क फउजन बाढ़ क तरह हमका बहावत भइ उ नदी क जइसी होइ जातिन जउन हमका बोरत रही होइँ।</verse>
				<verse number="5">तब उ सबइ घमण्डी लोग उ पानी जइसे होइ जातेन जउन हमका बोरत भवा हमरे मुँहना तलक बाढ़त आवति होइ।</verse>
				<verse number="6">यहोवा क गुण गावा। उ हमरे दुस्मनन क हमका धरइ नाहीं दिहस अउर न ही मारइ दिहस।</verse>
				<verse number="7">हम पचे जालि मँ फँसा भवा उ पंछी जइसा रहेन जउन फुनि बचि निकरा होइ। जालि फाटि फुट गवा अउर हम बचिके निकरे।</verse>
				<verse number="8">यहोवा जउन सरग अउ धरती क बनाएस ह। हमार मदद किहेस।</verse>
			</chapter>
			<chapter number="125">
				<verse number="1">जउन लोग यहोवा क भरोसे रहत हीं, उ पचे सिय्योन क पहाड़ जइसे होइहीं। ओनका कबहुँ कउनो डुगाइ नाहीं पाई। उ पचे सदा ही अटल रइहीं।</verse>
				<verse number="2">यहोवा आपन लोगन क वइसे ही आपन आस्रय मँ लिहस ह, जइसे यरूसलेम चारिहुँ कइँती पहाड़न स घिरा बाटइ। यहोवा सदा-सर्वदा आपन लोगन क रच्छा करी।</verse>
				<verse number="3">बुरे लोग भले लोगन क धरती क ऊपर राज्ज नाहीं कइ सकिहीं, अगर बुरे लोग अइसा करइ लग जाइँ तउ होइ सकत ह सज्जन लोग भी बुरा काम करइ लागइँ।</verse>
				<verse number="4">हे यहोवा, भले लोगन क संग भला करा, जेनकर मन बेकसूर अहइँ।</verse>
				<verse number="5">मुला यहोवा ओन लोगन क सज़ा देइ जउन दुट्ठ मनई क संग ओनका मानइ तजि दिहस ह। हुवाँ इस्राएल मँ सान्ति रहइ द्या।</verse>
			</chapter>
			<chapter number="126">
				<verse number="1">जब यहोवा सिय्योन क लोगन क कैद स वापिस लिआइ तउ इ कउनो सपना क नाईं होइ।</verse>
				<verse number="2">तब हम पचे हँसत रहत होब अउ खुसी क गीत गावत रहत होब। तब दूसर रास्ट्र क लोग कहत रहत रहब, “यहोवा ओकरे बरे महान कार्य किहस ह।”</verse>
				<verse number="3">यहोवा हम लोगन बरे एक अद्भुत करम किहे होतेन, तउ हम पचे बहोत खुस होतेन।</verse>
				<verse number="4">हे यहोवा, हमका रेगिस्तान मँ बहत रहे जलधारन क नाईं, कैद स वापिस लिआवा।</verse>
				<verse number="5">जउन कउनो रोवत भए बिआ बोवत ह, मुला उ कटनी क समइ खुसी क गीत गाउब।</verse>
				<verse number="6">जउन कउनो आँसुअन क संग बिआ लइके जात ह, उ पचे जब फसल लिआवत हीं तउ आनन्दित होत हीं।</verse>
			</chapter>
			<chapter number="127">
				<verse number="1">अगर घर क निर्माता खुद यहोवा नाहीं अहइ, तउ घरे क बनावइ वाला बेकार समइ गँवावत ह। अगर सहर क रखवाला खुद यहोवा नाहीं अहइ, तउ रखवारे बेकार समइ गँवावत हीं।</verse>
				<verse number="2">अगर भिन्सारे जागिके तू देर राति तलक काम करा। एह बरे कि तू सबन्क बस खइया बरे कमाइ क अहइ, तउ तू पचे बेकार समइ गँवावत ह। परमेस्सर आपन भगतन क ओनके सोवत तलक मँ धियान रखत ह।</verse>
				<verse number="3">गदेलन यहोवा क उपहार अहउँ। गदेलन क जनम माता बरे ओकर उपहार अहइँ।</verse>
				<verse number="4">जवान मनई क पूत जोद्धा क हाथन मँ बाण क नाईं होत हीं।</verse>
				<verse number="5">जउन मनई बाण रूपी पूतन स तरकस क भरत ह उ बहोत खुस होइ। उ मनई कबहुँ हारी नाहीं। ओकर पूत आपन दुस्मनन स सार्वजनिक जगहियन पइ ओकर रच्छा करिहीं।</verse>
			</chapter>
			<chapter number="128">
				<verse number="1">जउन कउनो यहोवा क सम्मान करत हीं धन्न अहइँ। उ पचे ओकरे राहन पइ चलत हीं।</verse>
				<verse number="2">तू पचे जेनके बरे काम किहा ह, ओन चिजियन क तू आनन्द लेब्या। ओन अइसी वस्तुअन क कउनो भी मनई तू सबन्स नाहीं छोरी। तू पचे खुस रहब्या अउर तोहरे संग भली बातन घटिहीं।</verse>
				<verse number="3">घरे पइ तोहार घरवाली अंगूरे क बेल क नाई फलवती होइ। मेज क चारिहुँ कइँती तोहार संतानन अइसी होइहीं, जइसे जइतून क उ सबइ बृच्छ जेनका तू रोप्या ह।</verse>
				<verse number="4">जउन मनई यहोवा क सम्मान करत हीं उ वइसा ही धन्न अहइँ।</verse>
				<verse number="5">यहोवा सिय्योन स तोहका आसीस दइ। जीवन भर यरूसलेम मँ तोहका वरदानन क आनन्द मिलइ।</verse>
				<verse number="6">तू आपन नाती पोतन क लखइ बरे जिअत रहा। इ मोर कामना अहइ। इस्राएल मँ सान्ति रहइ।</verse>
			</chapter>
			<chapter number="129">
				<verse number="1">पूरी जिन्नगी भइ मोर अनेक दुस्मन रहेन ह। इस्राएल क घोसना करइ द्या</verse>
				<verse number="2">पूरी जिन्नगी भइ मोर अनेक दुस्मन रहेन ह। बहोत सारे दुस्मन मोह पइ हमला किहन। मुला उ पचे हमका हराइ नाहीं पाएन।</verse>
				<verse number="3">उ पचे मोका तब तलक पीटेन जब तलक मोरी पिठिया पइ गहिर घाव नाहीं बनेन। मोरे बड़का बड़का अउर गहिर घाव होइ गएन।</verse>
				<verse number="4">मुला यहोवा उ किहेस जउन नीक रहा अउर रस्सा काट दिहस। उ मोका ओन दुट्ठ लोगन स अजाद किहस।</verse>
				<verse number="5">ओन सबइ क जउन सिय्योन स घिना करत ह हारइ द्या, उ पचन क खदेड़इ द्या।</verse>
				<verse number="6">उ सबइ लोग अइसे रहेन, जइसे कउनो घरे क छत पइ क घास जउन उगइ स पहिले ही मुरझाइ जात ह।</verse>
				<verse number="7">उ घसिया स कउनो मजदूर आपन मूठी तलक नाहीं भरि पावत अउर इ गठरी पुलंदा बनाइ बरे भी प्रयाप्त नाहीं होइ।</verse>
				<verse number="8">अइसे ओन दुट्ठ जनन क लगे स जउन लोग गुजरत हीं। उ पचे नाहीं कइहीं, “यहोवा तोहार भला करइ।” उ पचे नाहीं कहिहीं, “हम तू पचन्क यहोवा क नाउँ पइ आसीस देत अही।”</verse>
			</chapter>
			<chapter number="130">
				<verse number="1">हे यहोवा, मइँ गहिर कस्ट मँ हउँ तउ सहारा पावइ क मइँ तोहका गोहरावत हउँ।</verse>
				<verse number="2">मोर सुआमी, तू मोर सुनि ल्या। मोर मदद क गोहार पइ कान द्या।</verse>
				<verse number="3">हे यहोवा, अगर तू लोगन क ओनकर सबहिं पापन्क सचमुच सजा द्या तउ फुन कउनो भी बच नाहीं पाइ।</verse>
				<verse number="4">मुला तू, यहोवा, आपन लोगन क छिमा करा; तउ उ लोग तोहार सम्मान करिहीं।</verse>
				<verse number="5">मइँ यहोवा क बाट जोहत अहउँ कि उ मोका मदद देइ। मोर आतिमा ओकरी प्रतीच्छा मँ अहइ। यहोवा जउन कहत ह ओह पइ मोर भरोसा अहइ।</verse>
				<verse number="6">मइँ आपन सुआमी क बाट जोहत हउँ। मइँ उ रच्छक जउन उसा क अवाई क प्रतीच्छा मँ लगा रहत ह स जियादा उत्सुकता स ओकर प्रतीच्छा किहस।</verse>
				<verse number="7">इस्राएल, यहोवा पइ बिस्सास करा। काहेकि सिरिफ उ ही बिस्ससनीय पिरेम देत ह। उ हमरी बार बार रच्छा किया करत ह।</verse>
				<verse number="8">उ इस्राएल क ओनके सारे पापन स बचाइ।</verse>
			</chapter>
			<chapter number="131">
				<verse number="1">हे यहोवा, मइँ घमण्डी या अभिमानी नाहीं हउँ। मइँ महत्वपूर्ण होइ क जतन नाहीं करत हउँ। मइँ उ काम करइ क जतन नाहीं करत हउँ। जउन मोरे बरे बहोत अद्भुत अहइँ।</verse>
				<verse number="2">बदले मँ, मइँ आपन आतिमा क सान्त अउ चुप कइ दिहे हउँ। मोर आतिमा आपन महतारी क बाँहे मँ एक संतुट्ठ गदेला क नाईं अहइ।</verse>
				<verse number="3">इस्राएल, यहोवा पइ भरोसा रखा। ओकर भरोसा रखा। अउर अब सदा सदा ही ओकर भरोसा रखा।</verse>
			</chapter>
			<chapter number="132">
				<verse number="1">हे यहोवा, जइसे दाऊद यातना भोगे रहा, ओका याद करा।</verse>
				<verse number="2">मुला दाऊद यहोवा स एक सपथ लिहेस। दाऊद याकूब क सक्तिसाली परमेस्सर क एक मन्नत माने रहा।</verse>
				<verse number="3">दाऊद कहे रहा: “मइँ आपन घरे मँ तब तलक न जाब, आपन बिछउना पइ न ही ओलरब, न ही सोउब।</verse>
				<verse number="4">मइँ आपन आँखिन क नाहीं सोवइ देब। अउर आपन पलकन क बन्द नाहीं होइ देब।</verse>
				<verse number="5">एहमाँ स मइँ कउनो बात भी नाहीं करब जब तलक मइँ यहोवा बरे एक घर न प्राप्त कइ लेउँ। मइँ याकूब क सक्तिसाली परमेस्सर बरे एक ठु मन्दिर पाइ क रहब।”</verse>
				<verse number="6">एप्राता मँ हम दाऊद क वचन क बारे मँ सुनेउँ। हमका किरीयथ योरीम क वन मँ करार क सन्दूख मिली रही।</verse>
				<verse number="7">आवा, पवित्तर तम्बू मँ चला। आवा, ओकरे सिंहासन क समन्वा आराधना करी।</verse>
				<verse number="8">हे यहोवा, आपन आराम क जगह स उठा, अउ करार क सन्दूख संग होआ जहाँ तू सक्ति क संग सासन करत ह।</verse>
				<verse number="9">हे यहोवा, तोहार याजक धरम क भावना क धारण किया करी। तोहर बिस्सासी भगतन बहोत खुस रहीं।</verse>
				<verse number="10">तू आपन चुने भए राजा क आपन सेवक दाऊद क भले बरे जिन अस्वीकार करा।</verse>
				<verse number="11">यहोवा दाऊद क एक वचन दिहेस ह जेका उ कबहुँ नाहीं तोड़िही। उ वचन दिहस ह कि दाऊद क बंस स राजा अइहीं।</verse>
				<verse number="12">यहोवा कहे रहा, “अगर तोहार संतानन मोर करार पइ अउर मइँ ओनका जउन सिच्छन सिखाइन ओन पइ चलिहीं तउ फुन तोहरे परिवार क कउनो न कउनो सदा ही राजा रही।”</verse>
				<verse number="13">आपन मन्दिर क जगह बरे यहोवा सिय्योन क चुने रहा। इ उ जगह अहइ जेका उ आपन भवन बरे चाहत रहा।</verse>
				<verse number="14">यहोवा कहे रहा, “इ मोर जगह सदा-सदा बरे होइ। मइँ एका आपन जगह पइ रहइ बरे चुनेउँ ह।”</verse>
				<verse number="15">भरपूर भोजन स मइँ इ सहर क आसीर्बाद देब, हिआँ तलक कि गरीब लोगन क लगे खाइ क भरपूर होइ।</verse>
				<verse number="16">ओकरे याजकन क उद्धार क मइँ ओढ़ना पहिराउब। मोर भगत बहोत खुस होइहीं।</verse>
				<verse number="17">इ जगह पइ मइँ हिआँ दाऊद क परिवार क सुदृढ करब। मइँ आपन चुने भए राजा क एक दीपक स्थापित करब।</verse>
				<verse number="18">मइँ दाऊद क दुस्मनन क लज्जा स ढाँपि देब। अउर दाऊद क राज्ज क चमकाउब।</verse>
			</chapter>
			<chapter number="133">
				<verse number="1">इ फुरइ नीक अउ सुखदायी अहइ जब भाइयन आपुस मँ मिलिजुलिके रहइँ।</verse>
				<verse number="2">इ वइसे महकउआ तेल जइसा होत ह जेका हारून क मूँड़ी पइ उड़ेरा गवा रहा। इ, उ तेल जइसा होत ह जउन हारून क दाढ़ी क पइ बहत होइ। इ, उ तेल जइसा होत ह जउन हारून क खास ओढ़नन पइ बहत रहा।</verse>
				<verse number="3">इ उ कोमल बर्खा क बूँदन क समान अहइ जउन हेर्मोन क पहाड़ी स आवति हीं अउ सिय्योन क पहाड़ पइ गिरत हीं, काहेकि हुवँइ यहोवा आपन अनन्तकालीन जिन्नगी क आसीस दिहे रहा।</verse>
			</chapter>
			<chapter number="134">
				<verse number="1">यहोवा क बड़कई करा, ओकरे सब सेवको, जउन सारी राति मन्दिर मँ सेवा किह्या।</verse>
				<verse number="2">हे सेवको, पवित्तर ठउर मँ आपन हाथन उठावा अउर यहोवा क बड़कई करा।</verse>
				<verse number="3">यहोवा तोहका सिय्योन स आसीस देइ। यहोवा सरग अउ धरती रचेस ह।</verse>
			</chapter>
			<chapter number="135">
				<verse number="1">यहोवा क बड़कई करा। हे यहोवा क सेवको, यहोवा क नाउँ क बड़कई करा।</verse>
				<verse number="2">तू लोग मन्दिर मँ खड़ा अहा। यहोवा क नाउँ क बड़कई करा। तू लोग मन्दिर क आँगन मँ खड़ा ह्वा। ओकरे नाउँ क बड़कई करा।</verse>
				<verse number="3">यहोवा क बड़कई करा काहेकि उ खरा अहइ। ओकरे नाउँ क गुण गावा काहेकि उ आन्नदायक अहइ।</verse>
				<verse number="4">यहोवा याकूब क चुने रहा। इस्राएल परमेस्सर क अहइ।</verse>
				<verse number="5">मइँ जानत हउँ, यहोवा महान अहइ। हमार सुआमी दूसर देवन स महान अहइ।</verse>
				<verse number="6">यहोवा जउन कछू चाहत ह सरग मँ, अउर धरती पइ, समुद्दर मँ या गहिर महासागरन मँ, करत ह।</verse>
				<verse number="7">यहोवा धरती पइ सब कहूँ बादरन क रचत ह। उ बिजुरी अउ बर्खा क रचत ह। उ हवा क ओकर जगह स निकारत ह।</verse>
				<verse number="8">परमेस्सर मिस्र मँ मनइयन अउ गोरुअन क सबहिं पहिलउटी बच्चन क नास कइ दिहस।</verse>
				<verse number="9">यहोवा मिस्र मँ बहोत स अद्भुत अउर अचरज भरे कामन किहस। उ फिरौन अउ ओकरे सब अधिकारियन क खिलाफ अद्भुत बातन क दिखाएस।</verse>
				<verse number="10">परमेस्सर बहोत स देसन क हराएस। परमेस्सर बलवान राजा लोगन क मारेस।</verse>
				<verse number="11">यहोवा एमोरियन क राजा सीहोन क हराइ दिहस। उ बासान क राजा ओग क हराएस। उ कनान क सारी राज्जन क हराएस।</verse>
				<verse number="12">यहोवा ओनका ओनकर धरती क अधिकार क रूप मँ दिहेस, उ इस्राएल क स्थाई रूप स लेइ बरे दिहेस।</verse>
				<verse number="13">हे यहोवा, तू सदा बरे प्रसिद्ध होब्या। हे यहोवा, लोग तोहका सदा सर्वदा याद करत रइहीं।</verse>
				<verse number="14">काहेकि यहोवा आपन लोगन बरे निआव लावत ह अउर उ आपन सेवकन प तरस खात ह।</verse>
				<verse number="15">दूसर रास्ट्रन क लोग बस सोना अउर चाँदी क देवता बनावत रहेन। ओनकर देवता मात्र लोगन क जरिये बनाए भए पुतलन रहेन।</verse>
				<verse number="16">पुतलन क मुँइ अहइँ, पर बोल नाहीं सकतेन। पुतलन क आँखी अहइँ, पर लखि नाहीं सकतेन।</verse>
				<verse number="17">पुतलन क कान अहइँ, पर ओनका सुनाई नाहीं देत। पुतलन क नाक अहइँ, पर उ पचे साँस नाहीं लेइ सकतेन।</verse>
				<verse number="18">उ सबइ लोग जउन ऍन पुतलन क बनाएन, ओन पुतलन क समान होइ जइहीं। काहेकि उ सबइ लोग ओन पइ बिस्सास किहेन ह।</verse>
				<verse number="19">इस्राएल क संतानन, यहोवा क बड़कई करा। हारून क संतानन, यहोवा क बड़कई करा।</verse>
				<verse number="20">हे लेवी क संतानन, यहोवा क बड़कई करा। तू जउन यहोवा क सम्मान दिहा, यहोवा क बड़कई करा।</verse>
				<verse number="21">यहोवा यरूसलेम मँ बास करत ह, सिय्योन स ओकर स्तुति होइ।</verse>
			</chapter>
			<chapter number="136">
				<verse number="1">यहोवा क बड़कई करा, काहेकि उ उत्तिम अहइ। ओकर बिस्ससनीय पिरेम सदा ही बना रहत ह।</verse>
				<verse number="2">देवतन क परमेस्सर क बड़कई करा। ओकर बिस्ससनीय पिरेम सदा बना रहत ह।</verse>
				<verse number="3">पर्भुअन क पर्भू क बड़कई करा। ओकर बिस्ससनीय पिरेम सदा बना रहत ह।</verse>
				<verse number="4">परमेस्सर क गुण गावा। बस उहइ एक अहइ, जउन बहोत अद्भुत करम करत ह। ओकर बिस्ससनीय पिरेम सदा बना रहत ह।</verse>
				<verse number="5">ओकर बड़कई करा, जउन आपन बुद्धि स आकास क रचेस ह। ओकर बिस्ससनीय पिरेम सदा बना रहत ह।</verse>
				<verse number="6">परमेस्सर सागर क बीच मँ झुरान धरती क कायम किहस। ओकर बिस्ससनीय पिरेम सदा बना रहत ह।</verse>
				<verse number="7">परमेस्सर महान ज्योतियन क रचेस। ओकर बिस्ससनीय पिरेम सदा बना रहत ह।</verse>
				<verse number="8">परमेस्सर सूरज क दिन पइ हुकूमत करइ बरे बनाएस। ओकर बिस्ससनीय पिरेम सदा बना रहत ह।</verse>
				<verse number="9">परमेस्सर चाँद तारन क बनाएस कि उ पचे रात पइ हुकूमत करइँ। ओकर बिस्ससनीय पिरेम सदा बना रहत ह।</verse>
				<verse number="10">उ मिस्र मँ पहिलउठी मनइयन अउर जनावरन क मारेस। ओकर बिस्ससनीय पिरेम सदा बना रहत ह।</verse>
				<verse number="11">परमेस्सर इस्राएल क मिस्र स बाहेर लइ आवा। ओकर बिस्ससनीय पिरेम सदा बना रहत ह।</verse>
				<verse number="12">परमेस्सर आपन सामरथ अउ आपन महासक्ती क परगट किहेस। ओकर बिस्ससनीय पिरेम सदा ही बना रहत ह।</verse>
				<verse number="13">परमेस्सर लाल सागर क दुइ हींसा मँ फाड़ेस। ओकर बिस्ससनीय पिरेम सदा ही बना रहत ह।</verse>
				<verse number="14">परमेस्सर इस्राएल क सागर क बीच स पार उतारेस। ओकर बिस्ससनीय पिरेम सदा ही बना रहत ह।</verse>
				<verse number="15">परमेस्सर फिरौन अउ ओकर फउज क लाल सागर मँ बोरि दिहस। ओकर बिस्ससनीय पिरेम सदा ही बना रहत ह।</verse>
				<verse number="16">परमेस्सर आपन निज भगतन क रेगिस्तान मँ राह देखाँएस। ओकरे बिस्ससनीय पिरेम सदा ही बना रहत ह।</verse>
				<verse number="17">परमेस्सर बलवान राजा क हराएस। ओकर बिस्ससनीय पिरेम सदा ही बना रहत ह।</verse>
				<verse number="18">उ सदृढ़ राजा लोगन क मारेस। ओकर बिस्ससनीय पिरेम सदा ही बना रहत ह।</verse>
				<verse number="19">परमेस्सर एमोरियन क राजा सीहोन क मारेस। ओकर बिस्ससनीय पिरेम सदा ही बना रहत ह।</verse>
				<verse number="20">परमेस्सर बासान क राजा ओग क मारेस। ओकर बिस्ससनीय पिरेम सदा ही बना रहत ह।</verse>
				<verse number="21">उ आपन भुइँया क मीरास क रूप मँ दइ दिहस। ओकर बिस्ससनीय पिरेम सदा ही बना रहत ह।</verse>
				<verse number="22">उ उ भुइँया क आपन सेवक इस्राएल क अधिकार क रूप मँ दिहस। ओकर बिस्ससनीय पिरेम सदा ही बना रहत ह।</verse>
				<verse number="23">उ हमका याद राखेस, जब हम लोगन क हरा दीन्ह गवा रहेन। ओकर बिस्ससनीय पिरेम सदा ही बना रहत ह।</verse>
				<verse number="24">उ हमका हमरे दुस्मनन स मुक्त किहेस। ओकर बिस्ससनीय पिरेम सदा ही बना रहत ह।</verse>
				<verse number="25">परमेस्सर हर एक क खइया क देत ह। ओकर बिस्ससनीय पिरेम सदा ही बना रहत ह।</verse>
				<verse number="26">सरग क परमेस्सर क गुण गावा। ओकर बिस्ससनीय पिरेम सदा ही बना रहत ह।</verse>
			</chapter>
			<chapter number="137">
				<verse number="1">बाबुल क नदियन क किनारे बइठिके हम सिय्योन क याद कइके रोइ पड़ेन।</verse>
				<verse number="2">हम लगिचे क बेंत क झाड़ियन पइ आपन सबइ वीणा टाँगेन।</verse>
				<verse number="3">बाबुल मँ जउन लोग हमका बन्दी बनाए रहेन, उ पचे हम से गावइ क कहेन। अत्याचारियन हम से खुसी क गीत गावइ क कहेन। उ पचे कहेन, “हमरे बरे सिय्योन क गीत गावा।”</verse>
				<verse number="4">मुला हम यहोवा क गीतन क कउनो दूसर देस मँ कइसे गाइ सकित ह।</verse>
				<verse number="5">हे यरूसलेम, अगर मइँ तोहका बिसरउँ, तउ मइँ बिसरि जाउँ कि कइसा गीत गाइ जात ह।</verse>
				<verse number="6">हे यरूसलेम, अगर मइँ तोहका याद न रखेउँ, अगर मइँ बड़ा खुसी क जइसा बेउहार न करेउँ, तउ मइँ कउनो गीत गावइ मँ असमर्थ रहेउँ।</verse>
				<verse number="7">हे यहोवा, याद करा एदोमियन उ दिना जउन किहे रहेन। जब यरूसलेम हार ग रहा, उ पचे चीखिके बोले रहेन, ऍका चीर डावा अउर नेंव तलक एका बर्बाद करा।</verse>
				<verse number="8">हे बाबुल, तोहका उजार दीन्ह जाइ। उ मनई क धन्य कहा जउन तोहका उ सजा देइ जउन तोहका मिलइ चाही। उ मनई क धन्य कहा जउन तोहका उ मुसीबत देइ जइसा तू हमका मुसीबत दिहे रहा।</verse>
				<verse number="9">उ मनई क धन्य कहा जउन तोहरे गदेलन क चट्टान पइ झपटिके पछार देइ।</verse>
			</chapter>
			<chapter number="138">
				<verse number="1">हे परमेस्सर, मइँ आपन पूर्ण मन स तोहार गीत गावत हउँ। मइँ सबहिं देवन क समन्वा मइँ तोहार पद गाउब।</verse>
				<verse number="2">हे परमेस्सर, मइँ तोहरे पवित्तर मन्दिर कइँती दण्डवत करब। मइँ तोहरे नाउँ क बड़कई करब, काहेकि तोहार बिस्ससनीय पिरेम सच्चा अउर पिआरा अहइ, अउर काहेकि तू आपन वचन क आपन महान सक्ति स किहा ह।</verse>
				<verse number="3">हे यहोवा, जब मइँ मदद पावइ बरे तोहार पराथना करेउँ तउ मोका जवाब द्या। तू मोका बल देइके मोर साहस बढ़ाया।</verse>
				<verse number="4">हे यहोवा, धरती क सबहिं राजा तोहार अच्छाई क गुण गावइँ। जब उ पचे तोहार वचन क सुनिहीं।</verse>
				<verse number="5">उ पचे यहोवा क स्तुति करइँ, काहेकि यहोवा क महिमा महान अहइ।</verse>
				<verse number="6">काहेकि यहोवा महान अहइ, मुला उ अबहुँ तलक विन्रम मनई क धियान रखत ह। उ घमण्डी लोगन क कामन क पता दूर स ही जानत हीं।</verse>
				<verse number="7">हे यहोवा, अगर मइँ संकट मँ पड़उँ तउ मोका जीवित रहइ द्या। अगर मोर दुस्मन मोह पइ किरोध करइँ तउ ओनसे मोका बचावा।</verse>
				<verse number="8">यहोवा उ सबइ बातन क करी जेनका उ मोका वचन दिहेस ह। हे यहोवा, तोहार बिस्ससनीय पिरेम सदा ही बना रहत ह। हे यहोवा, तू हमका रच्या ह। तउ तू हमका जिन बिसरा।</verse>
			</chapter>
			<chapter number="139">
				<verse number="1">हे यहोवा, तू मोका जाँच्या ह। मोरे बारे मँ तू सब कछू जानत अहा।</verse>
				<verse number="2">तू जानत अहा कि मइँ कब बइठत अउ कब खड़ा होत हउँ। तू दूर रहत भए मोरे मन क बात जानत अहा।</verse>
				<verse number="3">हे यहोवा, तू जानत ह कि मइँ कहाँ जात अउ कहाँ ओलरत हउँ। तू बहोत अच्छी तरह जानत ह जउन कछू मइँ करत हउँ।</verse>
				<verse number="4">हे यहोवा, एहसे पहिले क सब्द मोरे मुख स निकलइ तोहका पता होत ह कि मइँ का कहइ चाहत हउँ।</verse>
				<verse number="5">हे यहोवा, तू मोरे चारिहुँ कइँती मौजूद अहा। मोरे समन्वा भी अउर पाछा भी, तू आपन निज हाथ मोरे ऊपर हौले स रखत अहा।</verse>
				<verse number="6">मोका अचरज अहइ ओन बातन पइ जेनका तू जानत अहा। जेनका मोरे बरे समुझब बहोत कहिन अहइ।</verse>
				<verse number="7">हर जगह जहाँ भी मइँ जात हउँ हुआँ तोर आतिमा होत ह। हे यहोवा, मइँ तोहसे बचिके कहँ नाहीं जाइ सकत।</verse>
				<verse number="8">हे यहोवा, अगर मइँ आकासे पइ जाब हुआँ पइ भी तू ही अहा। अगर मइँ मउत क देस पाताल मँ जाब हुआँ पइ तू ही अहा।</verse>
				<verse number="9">अगर मइँ पूरब मँ जहाँ स सूरज निकरत ह, अगर मइँ समुद्दर क पीछे रहब,</verse>
				<verse number="10">हुआँ तलक भी तोहार दायाँ हाथ पहोंचत ह। तू मोका आपन हाथ स धइके अगुवाइ करत ह।</verse>
				<verse number="11">होइ सकत ह मइँ सोचउँ कि तोहसे छुपा अहउँ अउर कहइ लागूँ, “दिन रात मँ बदल गवा ह। निहचय ही अँधियारा मोका ढाँपि लेइ।”</verse>
				<verse number="12">मुला यहोवा अँधेरा भी तोहरे बरे अँधेरा नाहीं अहइ। हिआँ तलक कि तोहरे बरे रात भी दिन जइसी ही उजरी अहइ, काहेकि दुइनउँ अँधेरा अउर उजियारा तोहार समान अहइ।</verse>
				<verse number="13">तू मोर देह क अन्दरुनी भाग क बनाया ह। तू मोका आपन महतारी क कोख मँ ही रचे रहा।</verse>
				<verse number="14">हे यहोवा, मइँ तोहका ओन सबहिं अचरज भरे काम बरे धन्यवाद देत हउँ जउन रास्ते स तू मोका बनाया ह, अउर मइँ सचमुच जानत हउँ कि तू जउन कछू करत अहा उ अचरजे स पूर्ण अहइ।</verse>
				<verse number="15">जब मइँ आपन महतारी क कोख मँ रहा अउर मोरे देह गुप्त रूप मँ रूपधारण करत रहेन तबहिं तू मोर हाड़न क लख्या।</verse>
				<verse number="16">तू मोरी देह क मोरी महतारी क गर्भ मँ बनत भए लख्या। अउर मोर सरीर क सबइ हींसा जउन दिन ब दिन बनत रहा, उ सबइ क बनइ स पहिले तोहार किताब मँ लिखा भवा रहेन।</verse>
				<verse number="17">तोहार विचारन मोरे बरे बहोत कीमती अहइँ। उ गिनती मँ बहोत जियादा अहइँ।</verse>
				<verse number="18">तू जउन कछू जानत अहा, ओन सब क अगर मइँ गन सकउँ, तउ उ सबइ सबहिं धरती क रेत क कणन स भी जियादा होइहीं। जद्यपि अगर मइँ लगातार जगा रहेउँ, तउ भी मइँ ओनकर बरे तोहरे साथ गना जाब।</verse>
				<verse number="19">हे परमेस्सर, दुर्जन क नस्ट करा। तू हत्यारन, मोसे दूर रहा।</verse>
				<verse number="20">उ पचे बुरे लोग तोहरे बरे बुरी बातन कहत हीं। तोहार दुस्मन झूठ स तोहार नाउँ लेत ह।</verse>
				<verse number="21">हे यहोवा, मोका ओन लोगन स घिना अहइ जउन तोहसे घिना करत हीं। मइँ ओन लोगन स घिना करत हउँ जउन तोहार खिलाफ बिद्रोह करत ह।</verse>
				<verse number="22">मोका ओनसे पूरी तरह घिना अहइ। तोहार दुस्मन मोर भी दुस्मन अहइँ।</verse>
				<verse number="23">हे परमेस्सर, मोका जाँच्या अउर मोर मन जान ल्या। मोका परख्या अउर मोर चिन्तन क जान ल्या।</verse>
				<verse number="24">मोह पइ निगाह करा अउर लखा कि मोर लच्छ बुरे नाहीं अहइँ। तू मोका उ पथ पइ लइ चला जउन अनन्तकाल स परगट अहइ।</verse>
			</chapter>
			<chapter number="140">
				<verse number="1">हे यहोवा, दुट्ठ लोगन स मोका बचावा। क र लोगन स मोर रच्छा करा।</verse>
				<verse number="2">उ सबइ लोग नोस्कान पहोंचावइ कुचक्र रचत बाटेन। उ सबइ लोग सदा ही लड़ जात हीं।</verse>
				<verse number="3">ओन लोगन क जिभियन अइसन तेज बाटइ जइसे साँप। ओन लोगन क सब्दन साँप क बिख क नाईं अहइ। (सेला)</verse>
				<verse number="4">हे यहोवा, तू दुट्ठ लोगन स मोर रच्छा करा। क्रूर लोग स मोर रच्छा करा। उ सबइ मोर पाछे मोका खाले मँ लोकइ बारे अहइँ।</verse>
				<verse number="5">ओन घमण्डी लोग मोरे बरे फँदा डाएन। मोका फँसावइ क उ पचे जाली फइलाएन ह। उ पचे मोर राहे मँ फँदा लगाएन।</verse>
				<verse number="6">किन्तु मइँ यहोवा क स्वीकार किहेउँ, तू मोर परमेस्सर अहा। हे यहोवा, मोर पराथना सुना।</verse>
				<verse number="7">हे यहोवा मोर सुआमी, तू मोर मज़बूत उद्धारकर्ता अहा। तू मोर मूँड़े क टोप जइसा अहा। जउन मोर मूँड़ क जुद्ध मँ बचावत ह।</verse>
				<verse number="8">हे यहोवा, दुट्ठ लोगन क इच्छा क पूरी न होइ द्या। ओनकर कउनो जोजना क सफल जिन होइ द्या, वरना उ पचे घमण्डी होइ जाइहीं।</verse>
				<verse number="9">मोरे दुस्मनन जउन मोका घेरि लिहेस बुरा जोजनन बनावत ह। ओनकर बुरा जोजनन ओनही क मुँड़न पइ गिरइ द्या।</verse>
				<verse number="10">ओनके मूँड़े पइ दहकत अंगारन क उड़ेर द्या। मोरे दुस्मनन क आगी मँ झोंकि द्या। ओनका गड़हन (कब्रन) मँ लोकाइ द्या। उ पचे ओहसे कबहुँ बाहेर न निकरि पावइँ।</verse>
				<verse number="11">ओन क्रूर बोलइवालन क इ धरती मँ स्थापित जिन होइ द्या। उ हिंसक लोगन क संग बुरी बातन बार-बार घटइ द्या।</verse>
				<verse number="12">मइँ जानत हउँ यहोवा कंगालन क निआउ खराइ स करी। परमेस्सर असहायन क सहायता करी।</verse>
				<verse number="13">हे यहोवा, सच्चे लोग तोहरे नाउँ क स्तुति करिहीं। इमानदार लोग तोहार समन्वा बास करिहीं।</verse>
			</chapter>
			<chapter number="141">
				<verse number="1">हे यहोवा, मइँ तोहका मदद पावइ बरे गोहरावत हउँ। जब मइँ गोहराएउँ तब तू मोर सुनि ल्या। मोका मदद हाली करा।</verse>
				<verse number="2">मोर बिनती तोहार समन्वा बरत धूप क उपहार क तरह होइ। मोर बिनती तोहार बरे दीन्ह गइ साँझ क बलि जइसी होइ।</verse>
				<verse number="3">हे यहोवा, मोरी वाणी पइ मोर काबू होइ। आपन वाणी पइ मइँ धियान रख सकउँ, एहमाँ मोर सहायक ह्वा।</verse>
				<verse number="4">मोका बुरी बात जिन करइ द्या। मोका रोके रहा बुरे लोगन क संगति स ओनकर सरस भोजन स अउर बुरे कामन स। मोका सामिल जिन होइ द्या अइसे ओन कामन मँ जेनका करइ मँ बुरे लोग रख लेत हीं।</verse>
				<verse number="5">सज्जन लोगन क मोर सुधार करइ द्या। इ दयालुता क काम क नाईं होइ। तोहार भगतन क मोर बुराई क निकारइ द्या। इ मोर मुड़े बरे अभिसेक क तेल क नाईं होइ। मुला मोर पराथना दुट्ठ लोगन क कुकर्मन क खिलाफ अहइ।</verse>
				<verse number="6">ओनकर राजा लोगन क सजा पावइ द्या अउर तब लोग जान जइहीं कि मइँ सच कहे रहेउँ।</verse>
				<verse number="7">लोग खेत क खोदके जोता करत हीं अउर माटी क एहर-ओहर छितराइ देत हीं। ओन दुट्ठ लोगन क हाड़न भी इहइ तरह कब्रन क चारिहुँ तरफ एहर-ओहर छितरइहीं।</verse>
				<verse number="8">हे यहोवा, मोर सुआमी, सहारा पावइ क मोर निगाह तोहे पइ लगी अहइ। मोका तोहार भरोसा अहइ। कृपा कइके मोका जिन मरइ द्या।</verse>
				<verse number="9">मोका दुट्ठन क फँदन मँ जिन पड़इ द्या। ओन दुट्ठन क जरिये मोका जिन पँसाइ द्या।</verse>
				<verse number="10">उ सबइ दुट्ठ खुद आपन फँदन मँ फँसि जाइँ जब मइँ बचिके निकर जाउँ बगैर नोस्कान उठाए भए।</verse>
			</chapter>
			<chapter number="142">
				<verse number="1">मइँ मदद बरे यहोवा क गोहराएउँ। मइँ यहोवा क समन्वा पराथना किहेउँ ह।</verse>
				<verse number="2">मइँ यहोवा क समन्वा आपन दुःख रोउब। मइँ यहोवा स आपन कठिनाइयन कहब।</verse>
				<verse number="3">मोर दुस्मनन मोरे बरे जाल बिछाएन ह। मइँ आसा छोरइ बरे तइयार अहउँ। मुला यहोवा जानत अहइ कि मोरे संग का घटत अहइ।</verse>
				<verse number="4">मोर चारिहुँ कइँती नज़र करा अउ लखा, कउनो मीत कहूँ भी देखॉत नाहीं अहइ। हिआँ बचइ क कउनो जगह नाहीं बा। कउनो मनई मोका बचावइ क जतन नाहीं करत अहइ।</verse>
				<verse number="5">एह बरे मइँ यहोवा क मदद बरे गोहराएउँ ह। मइँ कहेउँ, “हे यहोवा, तू मोर सरणस्थल अहा। तू ही अकेल्ले मोर जिन्नगी मँ एक स्रोत अहइ।”</verse>
				<verse number="6">हे यहोवा, मोर पराथना क जवाब दया, काहेकि मोर बहोत दुर्दसा होइ गवा ह। तू मोका ओन लोगन स बचाइ ल्या जउन मोर पाछा करत ह काहेकि उ पचे मोहे स जियादा मज़बूत अहइँ।</verse>
				<verse number="7">मोका सहारा द्या कि इ कैद स पराइ जाउँ अउर तोहार नाउँ क स्तुति कइ सकेउँ। सच्चे लोगन मोर चारिहुँ कइँती इकट्ठा होइहीं। उ पचे आपस मँ मिलिहीं अउर तोहार गुणगान करिहीं काहेकि तू मोर रच्छा किहा ह।</verse>
			</chapter>
			<chapter number="143">
				<verse number="1">हे यहोवा, मोर पराथना सुना। मोर विनती सुना अउर फुन एकर जवाब द्या। मोका जवाब दया, काहेकि तू फुरइ भला अउ खरा अहा।</verse>
				<verse number="2">आपन दास मोह पइ निआव जिन करा, इ कारण कि कउनो भी जिअत मनई तोहरे समन्वा निर्दोख नाहीं ठहर सकत।</verse>
				<verse number="3">मोर दुस्मन मोरे पाछे पड़ा अहइँ। उ मोर जिन्नगी चकनाचूर कइके धूरि मँ मिलाएन। उ पचे मोका बहोत दिन क मुरदे क समान अँधिअर कब्र मँ ढकेलत अहइ।</verse>
				<verse number="4">मइँ निरास होत हउँ। मोर साहस छूटत अहइ।</verse>
				<verse number="5">मुला मोका उ सबइ बातन याद अहइँ, जउन बहोत पहिले घटी रहिन। मइँ ओन अद्भुत कामन क बारे मँ सोचा करत हउँ जेनका तू किहे रह्या।</verse>
				<verse number="6">हे यहोवा, मइँ आपन हाथ उठाइके तोहार बिनती करत हउँ। मइँ तोहरी मदद क बाट जोहत हउँ जइसे झुरान धरती बर्खा क बाट जोहत ह। (सेला)</verse>
				<verse number="7">हे यहोवा, मोका हाली जवाब द्या। मइँ कमज़ोर होत रहत हउँ। मोका नज़र अन्दाज़ जिन करा। मोका ओन लोगन क जइसा जिन होइ द्या, जउन कब्र मँ ओलरा होइँ।</verse>
				<verse number="8">हे यहोवा, भोर क फूटत ही मोका आपन बिस्ससनीय पिरेम देखाँवा। मइँ तोहरे भरोसे हउँ। उ सबइ बातन मँ मोर अगुवाइ जेनका मोका करइ चाही, काहेकि मइँ मदद बरे तोहका लखत हउँ।</verse>
				<verse number="9">हे यहोवा, मोरे दुस्मनन स रच्छा पावइ बरे मइँ तोहरी सरण मँ आवत हउँ। तू मोका बचाइ ल्या।</verse>
				<verse number="10">सिच्छा द्या, तू मोहसे का करवावइ चाहत अहा? काहेकि तू मोर परमेस्सर अहा। तोहार नीक आतिमा क जमीन क तल क ऊपर मोर अगुवाइ करइ द्या।</verse>
				<verse number="11">हे यहोवा, मोका तोहार नाउँ बरे जिअत रहइ द्या। मोका मुसीबत स बाहर निकारा काहेकि तू नीक अहा।</verse>
				<verse number="12">हे यहोवा, मोह पइ आपन बिस्ससनीय पिरेम परगट करा। अउर मोर सत्रुअन क नस्ट करा जउन मोका मारइ क जतन करत हीं। काहेकि मइँ तोहार सेवक हउँ।</verse>
			</chapter>
			<chapter number="144">
				<verse number="1">यहोवा मोर चट्टान अहइ। यहोवा क धन्य कहा। यहोवा मोका लड़ाई बरे प्रसिच्छण देत अहइ। यहोवा मोका जुद्ध बरे प्रसिच्छण देत अहइ।</verse>
				<verse number="2">यहोवा मोसे पिरेम रखत ह। उ मोर किला अहइ। उ पर्वत क ऊपर, मोर ऊँच सुरच्छा क सरण अहइ। उ मोका बचावत ह। उ मोर ढाल अहइ। मइँ ओकरे भरोसे हउँ। उ मोरे लोगन पइ राज्ज करइ मँ मोर मदद करत ह।</verse>
				<verse number="3">हे यहोवा, मानव जाति तोहरे बरे काहे महत्वपूर्ण बना अहइँ? तू मानव जाति पइ काहे धियान देत अहा?</verse>
				<verse number="4">मनई क जिन्नगी एक फूँक क तरह होत ह। मनई क जिन्नगी ढलत भइ छाया क तरह होत ह।</verse>
				<verse number="5">अकासे क चीरके खाले उतरि आवा। पहाड़न क छुइ ल्या ताकि ओनसे धुआँ उठइ लाग।</verse>
				<verse number="6">हे यहोवा, बिजुरियन पठइ द्या अउर मोरे दुस्मनन क कहूँ दूर भगाइ द्या। आपन बाणन क चलावा अउर ओनका मजबूर करा कि उ पचे कहूँ पराइ जाइँ।</verse>
				<verse number="7">अकासे स मदद पठवा अउर मोका मुक्त करा अउ मोका बचाइ ल्या। एन, दुस्मनन क सागर मँ मोका जिन बूड़इ द्या। मोका ऍन बिदेसियन स बचाइ ल्या।</verse>
				<verse number="8">इ सबइ दुस्मन लबार अहइँ। उ पचे धोखेबाज़ अहइँ।</verse>
				<verse number="9">हे यहोवा, मइँ नवा गीत गाउब तोहरे ओन अद्भुत कर्मन क तू जेनका करत ह। मइँ तोहार जस दस तार वाली वीणा पइ गाउब।</verse>
				<verse number="10">तू राजा लोगन क मदद ओनकर जुद्धन जीतइ मँ करत ह। तू आपन सेवक दाऊद क ओकरे दुस्मनन क तरवारन स मुक्त किहा ह।</verse>
				<verse number="11">मोका ऍन परदेसियन स मुक्त करा अउ मोका बचाइ ल्या। इ सबइ दुस्मन लबार अहइँ। उ पचे धोखेबाज़ अहइँ।</verse>
				<verse number="12">हमार पूतन जवान होइके बिसाल बृच्छन जइसे मजबूत होइँ, हमार बिटियन महल क सुन्नर सजावटी कोने क पाथर जइसी होइँ।</verse>
				<verse number="13">तोहार गोदाम फसलन स भरपूर होइँ। हमार भेड़िन चरागाहन मँ हजारन-हजारन मेमनन जनमत रहइँ।</verse>
				<verse number="14">हमार बर्धन बहोत स पइदावार ढोइहीं। हम पइ कउनो दुस्मन हमला न करी। हम मँ स कउनो कबहुँ जुद्ध मँ नाहीं जाई। हमार गलियन मँ चिचियाहट नाहीं होई।</verse>
				<verse number="15">जउन लोगन बरे इ बातन नीक अहइँ उ धन्य अहइँ। जउन लोगन परमेस्सर यहोवा अहइ उ धन्य अहइँ।</verse>
			</chapter>
			<chapter number="145">
				<verse number="1">हे मोरे परमेस्सर, हे मोरे राजा, मइँ तोहार गुण गावत हउँ। मइँ सदा-सदा तोहरे नाउँ क धन्य कहत हउँ।</verse>
				<verse number="2">मइँ हर दिन तोहका सराहत हउँ। मइँ तोहरे नाउँ क सदा-सदा बड़कई करत हउँ।</verse>
				<verse number="3">यहोवा महान अहइ। ओकर बहोत स्तुति होइ चाही। मइँ उ सबइ चिजियन क पता नाहीं लगाइ सकब जउन उ करत ह।</verse>
				<verse number="4">पीढ़ी दर पीढ़ क ओन बातन क गरिमा क बखानइ द्या जेनका तू सदा-सर्वदा करत ह। अउर ओनका तोहार सक्तिसाली करमन क घोसणा करइ द्या।</verse>
				<verse number="5">तोहरे महिमामय प्रताप सुन्नर अहइ। मइँ तोहरे अचरज भरे करमन क बखानब।</verse>
				<verse number="6">लोगन क ओन अचरज भरा सक्ती क बारे मँ कहइ द्या जेनका तू करत ह। मइँ ओन महान करमन क बखानब जेनका तू करत ह।</verse>
				<verse number="7">लोगन क उ बहोत सारी नीक बातन क बारे मँ कहइ द्या जउन तू किहा ह। उ पचे तोहार सच्चाई क बारे मँ कहिहीं।</verse>
				<verse number="8">यहोवा दयालु अहइ अउर करुणा स पूर्ण अहइ, उ धीरज अउ पिरेम स पूर्ण अहइ।</verse>
				<verse number="9">यहोवा सब क बरे भला अहइ। उ जउन सबइ कछू रचेस ह ओकरे प्रति करुणा प्रगट करत ह।</verse>
				<verse number="10">हे यहोवा, ओनका जेका तू रच्या ह तोहार बड़कई करइ द्या। तोहका तोहार भगत धन्य कहत हीं।</verse>
				<verse number="11">उ सबइ लोग तोहरे महिमा स भरा राज्ज क बखान करत रहत हीं। ओनका तोहरी सक्ति क बारे मँ कहइ द्या।</verse>
				<verse number="12">ताकि सबइ मानव जाति ओकरे सक्तिसाली करमन बारे मँ अउर ओकरे राज्ज क महिमामय प्रताप क बारे मँ जानइँ।</verse>
				<verse number="13">हे यहोवा, तोहार राज्ज सदा सदा बना रही। तू सर्वदा राज्ज करब्या।</verse>
				<verse number="14">यहोवा गिरे भए लोगन क उठावत ह। यहोवा ओन लोगन क उठावत ह जउन बोझन क ढोवत ह।</verse>
				<verse number="15">सबहिं प्राणी तोहरी कइँती खाना पावइ बरे लखत हीं। तू ओनका ठीक समइ पइ खइया क देत रहत ह।</verse>
				<verse number="16">तू आपन मूठी खोलत ह, अउर तू सबहिं प्राणियन क ओकरे जरूरत क चिजियन स संतुट्ठ करत अहा।</verse>
				<verse number="17">जउन कछू यहोवा करत ह उ नीक बाटइ। यहोवा जउन भी करत ओहमाँ निज बिस्ससनीय पिरेम प्रकट करत ह।</verse>
				<verse number="18">यहोवा हमेसा ओन लोगन क निचके रहत ह जउन इमानदारी क संग यहोवा स मदद क बिनती करत ह।</verse>
				<verse number="19">यहोवा क भगत जउन ओहसे चाहत हीं, उ ओन बातन क करत ह। यहोवा आपन भगतन क सुनत ह। उ ओनकर पराथनन क जवाब देत ह अउर ओनकर रच्छा करत ह।</verse>
				<verse number="20">यहोवा ओन सबइ क जउन ओह स पिरेम करत ह, क रच्छा करत ह। किन्तु उ हर टुट्ठ क नस्ट करत ह।</verse>
				<verse number="21">मइँ यहोवा क गुण गाउब। हर कउनो ओकर पवित्तर नाउँ क सदा अउ सर्वदा स्तुति करइ द्या।</verse>
			</chapter>
			<chapter number="146">
				<verse number="1">यहोवा क गुणगान करा। मोर मनवा, यहोवा क बड़कई करा।</verse>
				<verse number="2">मइँ आपन जिन्नगी भइ यहोवा क गुण गाउब। मइँ जब तलक जिअब आपन परमेस्सर बरे संगीत बजावत रहब।</verse>
				<verse number="3">आपन प्रमुखन क भरोसे जिन रहा। मदद पावइ बरे मनई क भरोसे जिन रहा, काहेकि तोहका मनई बचाइ नाहीं सकत ह।</verse>
				<verse number="4">लोग मर जात हीं अउर दफनाइ दीन्ह जात हीं। फुन ओनकर मदद देइ क सबहिं जोजना यूँ ही चली जात हीं।</verse>
				<verse number="5">ओनका धन्य होइ जउन याकूब क परमेस्सर क आपन सहायक क रूप मँ राखेस ह। ओनका धन्य होइ जउन यहोवा आपन परमेस्सर क भरोसे रहा करत हीं।</verse>
				<verse number="6">उ सरग अउ धरती क बनाएस ह। उ सागर अउर ओहमाँ क हर चिजियन क बनाएस ह। उ हमेसा बिस्सासी रही।</verse>
				<verse number="7">उ सताया भवा लोगन क संग उचित बेउहार करत ह। उ भुखान लोगन क भोजन देत ह। यहोवा बन्दी लोगन क छोड़ाइ दिया करत ह।</verse>
				<verse number="8">यहोवा आँधर क आँखियन क खोलि दिहेस। यहोवा ओन लोगन क सहारा देत ह जउन ठोकर खाएन हीं। यहोवा सच्चे लोगन स पिरेम करत ह।</verse>
				<verse number="9">यहोवा हमरे देस मँ रहइवालन बिदेसियन क रच्छा करत ह। यहोवा अनाथन अउ राँड़ मेहररूअन क धियान रखत ह। किन्तु दुर्जनन क मकसदन क विफल करत ह</verse>
				<verse number="10">यहोवा सदा राजा क रूप मँ सासन करत रहइ। हे सिय्योन तोहार परमेस्सर पीढ़ी दर पीढ़ी राज करत रहइ। यहोवा क गुणगान करा।</verse>
			</chapter>
			<chapter number="147">
				<verse number="1">यहोवा क बड़कई करा काहेकि उ नीक अहइ। हमरे परमेस्सर क स्तुति क गीत गावा, काहेकि इ नीक अहइ अउ ओकरे बरे सुखदायी अहइ।</verse>
				<verse number="2">उ यहोवा अहइ जउन यरूसलेम क बनाएस ह। उ उहइ जउन ओन लोगन क एक संग जमा किहेस ह जेनका इस्राएल स तितर-बितर कीन्ह गवा रहा।</verse>
				<verse number="3">परमेस्सर ओनकर टूटे मनवा क चंगा करत रहत अउर ओनकर घावन पइ पट्टी बाँधत रहा।</verse>
				<verse number="4">परमेस्सर तारन क गनत ह अउर हर एक तारा क नाउँ जानत ह।</verse>
				<verse number="5">हमार सुआमी बहोत महान अउर सक्तीसाली अहइ। ओकरे गियान क सीमा न अहइ।</verse>
				<verse number="6">यहोवा दीन लोग क सहारा देत ह। उ दुट्ठ लोगन क खाले मँ हींच लेत ह।</verse>
				<verse number="7">गाइके यहोवा क धन्यवाद द्या। हमरे परमेस्सर क गुणगान वीणा क संग करा।</verse>
				<verse number="8">उ बादरन स अकासे क ढाँपत ह। उ धरती पइ बर्खा करावत ह। उ पहाड़न पइ हरी घास क उगावत ह।</verse>
				<verse number="9">उ गोरूअन क अउर नान्ह कउअन क जउन ओकरे मदद बरे गोहरावत हीं, चारा देत ह।</verse>
				<verse number="10">ओका जुद्ध क घोड़न अउर सक्तिसाली सैनिक नाहीं भावत हीं।</verse>
				<verse number="11">यहोवा ओन लोगन स प्रसन्न होत ह, जउन ओकर सम्मान करत हीं। यहोवा प्रसन्न अहइ, अइसे ओन लोगन स जेनकर आस्था ओकरे सच्चे पिरेम मँ अहइ।</verse>
				<verse number="12">हे यरूसलेम, यहोवा क गुण गावा। सिय्योन, आपन परमेस्सर क बड़कई करा।</verse>
				<verse number="13">हे यरूसलेम, तोहरे फाटकन क परमेस्सर सुदृढ़ बनावत ह। तोहरे नगर क लोगन क परमेस्सर असीस देत ह।</verse>
				<verse number="14">परमेस्सर तोहार देस क सान्ति स आसीस देत ह, एह बरे तोहरे लगे खाइ बरे अनाज क ढेर अहइ।</verse>
				<verse number="15">परमेस्सर धरती क आदेस देत ह अउर ओकर आदेस क फउरन पालन होत ह।</verse>
				<verse number="16">परमेस्सर धरती पइ तब तलक पाला गिरावत जब तलक धरातल वइसा सफेद नाहीं होइ जात जइसा उज्जर ऊन होत ह। उ बर्फ क छोटा टूकन क हवा क संग धूरि क नाई उड़त ह।</verse>
				<verse number="17">परमेस्सर ओलन क अइसा बनावत ह मानो पाथरन अकासे स गिरत हीं। कउनो मनई उ ठिठुरन क नाहीं सह सकत ह जउन ओकरे दुआरा भेजा जात ह।</verse>
				<verse number="18">फुन परमेस्सर दूसर आग्या देत ह, अउर गरम हवा फुन बहइ लग जात ह। बर्फ टेघरइ लागत अउर जल बहइ लग जात ह।</verse>
				<verse number="19">परमेस्सर आपन आदेस याकूब क दिहे रहा। परमेस्सर इस्राएल क निज बिधि क बिधान अउ नेमन क दिहस।</verse>
				<verse number="20">यहोवा कउनो दूसर रास्ट्र क बरे अइसा नाहीं किहस। परमेस्सर आपन नेमन क, कउनो दूसर जाति क नाहीं सिखाएस। यहोवा क जस गावा।</verse>
			</chapter>
			<chapter number="148">
				<verse number="1">यहोवा क बड़कई करा। ओकर बड़कई सरग स करा।</verse>
				<verse number="2">हे सबहिं सरगदूतो, यहोवा क जस गावा। ग्रहो अउ नछत्रो ओकर गुण गान करा।</verse>
				<verse number="3">सूरज अउ चाँद, तू पचे यहोवा क गुण गावा। अकासे क तारो अउ जोतियो, ओकर बड़कई करा।</verse>
				<verse number="4">यहोवा क बड़कई सबन त ऊँच पर्वत मँ करा! हे जल अकासे क ऊपर, ओकर बड़कई करा।</verse>
				<verse number="5">यहोवा क नाउँ क बड़कई करा। काहेकि उ आदेस दिहस, अउर सब कछू रचे रहा।</verse>
				<verse number="6">उ ऍन सबन्क बनाएस एह बरे उ सबइ सदा-सदा बना रहइँ। उ अपरिवर्तनसील कानून बनाएस।</verse>
				<verse number="7">ओ धरती पइ क हर वस्तु, यहोवा क गुण गावा। ओ बिसाल जन्तुओ अउ सबइ महासागरो, ओकर गुण गावा।</verse>
				<verse number="8">आगी अउ ओलन, बरफ अउ कुहासा, तूफानी पवन जउन ओकर वचन क पूरा किहेन, ओकर गुण गावा।</verse>
				<verse number="9">पर्वतन अउ सबइ पहाड़न, फलदार बृच्छ अउ देवदार क बृच्छ, ओकरे गुण गावा।</verse>
				<verse number="10">बनेर पसुअन अउ सब पालतु मवेसी, रेंगइवाले जीव अउ पंछियन, ओकर गुण गावा।</verse>
				<verse number="11">धरती क सबहिं राजा लोग अउ सबइ रास्ट्रन, प्रमुखन अउ धरती पइ क सबहिं निआवाधीसन, ओकर स्तुति करा।</verse>
				<verse number="12">नव जवान मनसेधू अउ नव जवान मेहरारू, ओकर स्तुति करा। परमेस्सर बूढ़े लोगन अउ गदेलन क रचेस ह।</verse>
				<verse number="13">ओनका यहोवा क नाउँ क स्तुति करइ द्या। अकेल्ले ओकरे नाउँ ही ऊँच सम्मानित अहइ। धरती अउ अकास ओकर चमक-दमक स भरि जाइहीं।</verse>
				<verse number="14">उ आपन लोगन क मजबूती क स्रोत क निर्माण किहेस। उ आपन सबइ भगतन अरथ इस्राएलियन, अउ ओकरे समीप रहइवाले रास्ट्रन बरे, स्तुति क स्रोत क निर्माण किहेस। यहोवा क बड़कई करा।</verse>
			</chapter>
			<chapter number="149">
				<verse number="1">यहोवा बरे एक ठु नवा गीत, ओन नई बातन क बारे मँ गावा जेनका यहोवा किहस ह। ओकरे भगतन क मण्डली मँ ओकर गुणगान करा।</verse>
				<verse number="2">इस्राएलियन क आपन रचनाकर्ता मँ खुसी मनावइ द्या। सिय्योन क लोगन आपन राजा क संग आनन्द मनावइ द्या।</verse>
				<verse number="3">उ सबन क ओकरे नाउँ क स्तुति नाच क संग करइ द्या अउर उ पचन क तंबूरा अउ वीणन क ओकरे पराथना बरे बजावइ द्या।</verse>
				<verse number="4">यहोवा आपन लोगन स खुस अहइ। उ पीड़ितन क बचावइ स उद्धार किहस।</verse>
				<verse number="5">परमेस्सर क भगतन क विजय उत्सव मनावइ द्या। हिआँ तलक कि बिछोना पइ जाए क पाछे भी उ पचन क खुसी मनावइ द्या।</verse>
				<verse number="6">ओनका परमेस्सर क विजय क जयजयकार करइ द्या। ओनका आपन मँ तेज तरवारन क धारण करइ द्या।</verse>
				<verse number="7">तउ उ पचे दूसर रास्ट्रन स बदला लेइ सकइँ अउर ओन लोगन क सजा देइ सकइँ।</verse>
				<verse number="8">परमेस्सर क लोग ओन राजा लोगन क बाँधेइँ, ओकर सज्जन लोगन क जंजीरे स बाँधेइँ।</verse>
				<verse number="9">परमेस्सर क लोग ओनकर निआव परमेस्सर क आदेसन क अनुसार करिहीं। ओकरे सबहिं बिस्सासी भगतन क ओका सम्मान देइ क बिसेस अधिकार प्राप्त अहइ। यहोवा क स्तुति करा।</verse>
			</chapter>
			<chapter number="150">
				<verse number="1">यहोवा क बड़कई करा। परमेस्सर क मन्दिर मँ ओकर गुणगान करा। आकासे मँ ओकर बड़कई करा जउन ओकर सक्ति दिखावत ह।</verse>
				<verse number="2">ओकर ओन बड़के कारजन बरे ओकर बड़कई करा। ओकर सबहिं महानता बरे ओकर स्तुति करा।</verse>
				<verse number="3">तुरही फूँकत अउ नरसिंहा बजावत भए ओकर स्तुति करा। ओकर गुणगान वीणा अउ सारंगी बजावत भए करा।</verse>
				<verse number="4">तम्बूरन बजाइके अउ नाचिके ओकर स्तुति करा। तारवाला यंत्रन अउर बाँसुरियन बजाइके ओकर गुण गावा।</verse>
				<verse number="5">तू परमेस्सर क जस झंकारत भए झाँझन क बजावत गावा। ओकर बड़कई करा।</verse>
				<verse number="6">सबइ जिअत पराणियन यहोवा क स्तुति करइँ। यहोवा क बड़कई करा!</verse>
			</chapter>
		</book>
		<book number="20">
			<chapter number="1">
				<verse number="1">दाऊद क पूत अउ इस्राएल क राजा सुलैमान क नीतिवचन (कहावतन)।</verse>
				<verse number="2">इ सबइ बातन क मनइ क बुद्धि क पावइ, अनुसासन क ग्रहण करइ, जेनसे समुझ स भरी बातन क गियान होइ,</verse>
				<verse number="3">मनई धरम स पूर्ण, निआव स पूर्ण सत्त्य स पूर्ण क करम करइ क विवेकसील अउर अनुसासन मँ रहइ क जिन्नगी पावइ,</verse>
				<verse number="4">सहल सोझवाले लोगन क इ सिखावाइ बरे कि विवेकसील जिन्नगी कइसे बिताइ जाइ, अउर जवान लोगन क गियान अउर बुद्धीमत्ता सिखावइ बरे, लिखा गवा अहइँ।</verse>
				<verse number="5">बुद्धिमान लोगन क ओनका सुनिके आपन बुद्धि अउर समुझदारी बढ़ावइ द्या।</verse>
				<verse number="6">एह बरे लिखा गवा, ताकि मनई नीतिवचन, गियानी क दृष्टान्तन क अउर पहेली भरी बातन क समुझ सकइँ।</verse>
				<verse number="7">यहोवा क डर मानब गियान क प्रारम्भ अहइ। मुला मूरख जन तउ बुद्धि अउ सिच्छा क निरर्थक मानत हीं।</verse>
				<verse number="8">हे मोर पूत, आपन बाप क सिच्छा पइ धियान द्या अउर आपन महतारी क नसीहत क जिन बिसरा।</verse>
				<verse number="9">उ पचे तोहार मूँड़ सजावइ क मुकुट अउ सोभा स जोरइ तोहरे गले क हार बनिहीं। चिताउनी: बुरी संगत स बचा</verse>
				<verse number="10">हे मोर पूत, अगर पापी लोग तोहका बहलावइ फुसलावइ आवइँ ओनकर कबहुँ जिन मान्या।</verse>
				<verse number="11">अउर अगर उ पचे कहइँ, “आवा हमरे संग। आ, हम पचे कउनो क घाते मँ बइठी। आ, निर्दोख पइ छुपिके वार करी।</verse>
				<verse number="12">आ, हम पचे ओनका जिअत ही सारा क सारा लील जाइ वइसे ही जइसे कब्र लील लेत हीं। जइसे खाले पाताल मँ कहूँ फिसरत चला जात ह।</verse>
				<verse number="13">हम सबहिं बहोत कीमती चिजियन पाइ जाब अउर आपन इ लूट स घरवा भरि लेब।</verse>
				<verse number="14">आपन भाग्य क पाँसा हम लोग आपन बीच लोकावा, हम पचे सामुहिक बटुआ क सहभागी होब।”</verse>
				<verse number="15">हे मोर पूत, तू ओनकर राहन पइ जिन चला, तू आपन गोड़ ओन लोगन क राहे पइ जिन रखा।</verse>
				<verse number="16">काहेकि ओनकर गोड़ बुराई क ओर बढ़त हीं। उ पचे रकत बहावइ क बहोत सन्नध रहत हीं।</verse>
				<verse number="17">उ समइ जाल क फइलाना केतना बेकार अहइ जबकि पंछी पूरी तरह स लखत हीं।</verse>
				<verse number="18">जउन कउनो क रकत बहावइ क इंतजार मँ बइठा अहइँ उ पचे अपने आप जालि मँ फँसि जइहीं।</verse>
				<verse number="19">उ सबइ जउन बेइमानी क धन हासिल करइ क जतन करत ह उ पचे आपन जिन्नगी उहइ मँ खो देत हीं।</verse>
				<verse number="20">बुद्धि, गलियन मँ गोहरावत ह, उ सर्वजनिक जगहन मँ आपन आवाज उठावत ह।</verse>
				<verse number="21">सोर स भरी गलियन क नोक्कड़ पइ गोहरावत ह, सहर क फाटक पइ आपन भासण देत ह:</verse>
				<verse number="22">“अरे नादान लोगन! तू कब तलक आपन नादानी स पिरेम करत रहब्या? हँसी ठ्टाकरइवालन, तू कब तलक ठटा करइ मँ आनन्द लेब्या? अरे मूर्खो, तू कब तलक गियान स घिना करब्या?</verse>
				<verse number="23">अगर मोर फटकार तोह पइ असर डावत तउ मइँ तोह पइ आपन हिरदय उड़ेर देत अउर तोहका अपने सबहिं विचार देखाइ देतेउँ।</verse>
				<verse number="24">“मुला काहेकि तू तउ मोका नकार दिहा जब मइँ तोहका गोहराएउँ, अउर कउनो धियान नाहीं दिहस, जब मइँ आपन हथवा बढ़ाए रहेउँ।</verse>
				<verse number="25">तू मोर सबहि उपदेस क उपेच्छा किहा अउर मोर फटकार कबहुँ नाहीं स्वीकार किहा।</verse>
				<verse number="26">एह बरे, बदले मँ, मइँ तोहरे नासे पइ हँसब। मइँ हँसी ठट्टा करब जब तोहार बिनास तोहका घेरी।</verse>
				<verse number="27">जब बिनास तोहका वइसे ही घेरी जइसे खउफनाक बबूला क चक्रवाद घेरत ह, जब बिनास जकड़ी, अउर जब बिनास अउ संकट तोहका बोर देइहीं।</verse>
				<verse number="28">“तब, उ पचे मोका गोहरइहीं किंतु मइँ कउनो भी जवाब नाहीं देबउँ। उ पचे मोका हेरत फिरिहीं मुला नाहीं पइहीं।</verse>
				<verse number="29">काहेकि उ पचे हमेसा गियान स घिना करत रहेन, अउर उ पचे कबहुँ नाहीं चाहेन कि उ पचे यहोवा स डेराइँ।</verse>
				<verse number="30">काहेकि उ पचे, मोर उपदेस कबहुँ धारन नाहीं किहन, अउर मोर डाट-फटकार क रद्द करिहीं।</verse>
				<verse number="31">उ पचे अपन जीवन क करमन क फल जरूर भोगिहीं, उ पचे आपन बुरे जोजना स खुद आपन पेट भरिहीं।</verse>
				<verse number="32">“नादान लोगन क हटी ओनका ही बिनास करिहीं मूरखन लोगन क लापरवाही वाला रवैया ओनका नस्ट कइ देइ।</verse>
				<verse number="33">मुला जउन मोर सुनी उ सुरच्छित रही, उ बगैर कउनो नोस्कान अउर कउनो डर क हमेसा चैन स रही।”</verse>
			</chapter>
			<chapter number="2">
				<verse number="1">हे मारे पूत, अगर तू मोरे बोध बचनन क सुना अउर मोर हुकुम मन मँ बटोरा,</verse>
				<verse number="2">अउर तू बुद्धि क बातन पइ कान लगावा, मन आपन समुझदारी मँ लगावत भए,</verse>
				<verse number="3">अउर अगर तू अन्तदृस्टि बरे गोहरावा, अउर तू समुझबूझ क बरे पुकारा,</verse>
				<verse number="4">अगर तू एका अइसे हेरा जइसे कउनो कीमती चाँदी क हेरत ह, अउर तू एका हेरा, जइसे कउनो छुपे भए खजाना क हेरत ह,</verse>
				<verse number="5">तब तू यहोवा क डर क समुझब्या अउर परमेस्सर क गियान पउब्या।</verse>
				<verse number="6">काहेकि यहोवा बुद्धि देत ह अउर ओकरे मुँह स ही गियान अउ समुझदारी क बातन फूटत हीं।</verse>
				<verse number="7">ओकरे भंडारे मँ खरी बुद्धि ओनके बरे रहत ह जउन खरा अहइँ। अउर ओनके बरे जउन कि इमानदारी स रहत ह एक ढाल जइसे अहइ।</verse>
				<verse number="8">उ निआव क मारग क रखवारी करत ह अउर आपन वफादार लोगन क राह क रच्छा करत ह।</verse>
				<verse number="9">तबहिं तू समुझब्या कि नेक निआब अउर इमानदारी का अहइ। इ सबइ नीक चिजियन अहइ।</verse>
				<verse number="10">तउ बुद्धि तोहरे मने मँ प्रवेस करी अउर गियान तोहरी आतिमा क आनन्दित करी।</verse>
				<verse number="11">तोहका नीक बुरा क बोध बचाइ, समुझबूझ भरी बुद्धि तोहार रखवारी करी।</verse>
				<verse number="12">बुद्धि तोहका बुरे लोगन क राहे स बचाइ। बुद्धि तोहका ओन लोगन स बचाइ जउन बुरी बात बोलत हीं।</verse>
				<verse number="13">अँधियारी गलियन मँ भटकइ बरे उ पचे सहल-सोझ राहन क तजि देत रहत हीं।</verse>
				<verse number="14">उ पचे बुरे करम करइ मँ हमेसा आनन्द मनावत हीं। उ पचे बुरे कार्य मँ हमेसा मगन रहत हीं।</verse>
				<verse number="15">ओन लोगन पइ बिस्सास नाहीं कइ सकित। उ पचे लबार अहइँ अउर छल करइवाला अहइँ। मुला तोहार बुद्धि अउर समुझ तोहका इन बातन स बचइहिं।</verse>
				<verse number="16">इ बुद्धि तोहका बदकार मेहरारु अउ ओकर चापलूसी स भरी बातन स बचाइ।</verse>
				<verse number="17">जउन आपन जवानी क साथी तजि दिहन वाचा क उपेच्छा परमेस्सर क समच्छ किहे रहा।</verse>
				<verse number="18">काहेकि ओकर घर मउत क गड्ढा मँ अहइ अउर ओकर राहन नरक मँ लइ जात हीं।</verse>
				<verse number="19">जउन भी ओकरे घर जात ह उ कबहुँ नाहीं लउटि पावत अउर ओका जिन्नगी क राहन कबहुँ नाहीं मिलतिन।</verse>
				<verse number="20">एह बरे तू नीक लोगन क मार्ग पइ चलइ चाही अउर तोहका हमेसा सत्यता क मार्गे पइ बना रहे चाही।</verse>
				<verse number="21">इमानदार जन अउर बे कसूर लोग आपन धरती पइ बसा रइहीं।</verse>
				<verse number="22">मुला जउन दुट्ठ धोका स बाज न अहइँ ओनका धरती स हटा दीन्ह जइहीं।</verse>
			</chapter>
			<chapter number="3">
				<verse number="1">हे मोर पूत, मोरी सिच्छा क जिन बिसरा, बल्कि तू मोर आदेसन क आपन हिरदय मँ बसाइ ल्या।</verse>
				<verse number="2">काहेकि उ सबइ तोहार जिन्नगी क लम्बी अउर सान्तिमइ बनाहीं।</verse>
				<verse number="3">वफादारी अउर सच्चाई क कबहुँ भी आपन स अलग न होइ द्या। तू एनका हार क नाई अपने गले मँ डावा। एनका आपन हिरदय क पटल पइ लिख ल्या।</verse>
				<verse number="4">इ तरह स तू सफल होब्या अउर परमेस्सर अउ मनई दुइनउँ तोहसे आन्नदित होब्या। यहोवा मँ बिस्सास राखा</verse>
				<verse number="5">आपन पूरे हिरदय स यहोवा मँ बिस्सास राखा। तू अपनी समुझ पइ निर्भर जिन करा।</verse>
				<verse number="6">तू आपन सबइ करमन मँ जेका तू करत ह परमेस्सर क इच्छा क याद राखा। उहइ तोहार सब राहन क सोझ करी।</verse>
				<verse number="7">आपन ही आँखिन मँ तू बुद्धिमान जिन बना, यहोवा स डरेत रहा अउर बुराई स दूर रहा।</verse>
				<verse number="8">एहसे तोहार बदन पूरा तन्दुरूस्त रही अउर तोहार हाड्डियन पुट्ठ होइहीं। यहोवा क अर्पण कइ द्या</verse>
				<verse number="9">आपन सम्पत्ति स, अउर आपन उपज स पहिले फलन स यहोवा क आदर करा।</verse>
				<verse number="10">तोहार भण्डार बहुतायत स भरि जइहीं, अउर तोहार मधु क बर्तन दाखरस स उमण्डत रइहीं। यहोवा क दण्ड अंगीकार करा</verse>
				<verse number="11">हे मोर पूत, यहोवा क अनुसासन क रद्द जिन करा। तोहका सुधार करइ क ओकर प्रयास बरे बुरा जिन बोला।</verse>
				<verse number="12">काहेकि यहोवा सिरिफ ओनहीं क डाँटत ह जेनसे उ पिआर करत ह। वइसे ही जइसे बाप उ पूत क डाँटइ जउन ओका बहोतइ पिआरा अहइ। विवेक क महत्व</verse>
				<verse number="13">धन्य अहइ उ मनई, जउन बुद्धि पावत ह। उ मनई धन्य अहइ जउन समुझ प्राप्त करइ।</verse>
				<verse number="14">बुद्धि, कीमती चाँदी स जियादा लाभ देइवाली अहइ, अउर सोना स जियादा उत्तिम प्रतिदान देत ह।</verse>
				<verse number="15">बुद्धि मणि माणिक स जियादा कीमती अहइ। जेका तू चाह सक्या। सबइ चिजियन मँ स कउनो भी चीज जेका तू सायद कि चाह रखत ह ओकर बराबरी क नाहीं हो सकत ह।</verse>
				<verse number="16">बुद्धि क दाहिन हाथे मँ सुदीर्घ जिन्नगी अहइ अउर ओकरे बाएँ हाथे मँ सम्पत्ति अउ सम्मान अहइ।</verse>
				<verse number="17">ओकर मारग मनोहर अहइँ अउर ओकर सबहिं राह सान्ति क रहत हीं।</verse>
				<verse number="18">बुद्धि ओनके बरे जिन्नगी क दरखत अहइ जउन एका गले लगावत ह। उ पचे हमेसा धन्य रइहीं जउन मजबूती स बुद्धि क थामे रहत हीं।</verse>
				<verse number="19">यहोवा धरती क नेेंव बुद्धि स धरेस, उ समुझ अकासे क स्थिर किहस।</verse>
				<verse number="20">ओकरे ही गियान स गहिर सोतन फूटि पड़ेन अउ बादर ओसे क कण बरसावत हीं।</verse>
				<verse number="21">हे मोर पूत, तू अपनी निगाह स बुद्धि क लुप्त जिन होइ द्या। किन्तु बजाए एका आपन जोग्यता क सही फैसला लइ बरे अउर विवेक बरे रच्छा करा।</verse>
				<verse number="22">उ पचे तउ तोहरे बरे जिन्नगी बन जइहीं, अउर तोहरे कंठे क सजावइ क एक ठु आभूसण।</verse>
				<verse number="23">तब तू सुरच्छित बना अपना मार्गे पर चलेहीं अउर तोहार गोड़ कबहुँ ठोकर नाहीं खइहीं।</verse>
				<verse number="24">तोहका सोवइ पइ कबहुँ डर नाहीं खाहीं अउर सोइ जाए पइ तोहार नींद मधुर होइ।</verse>
				<verse number="25">तू आकस्मिक बिनासे स या उ तबाही स जउन दुट्ठ लोगन पइ आवत ह जिन डेराअ।</verse>
				<verse number="26">काहेकि यहोवा तोहार संग होइ, अउर उ तोहरे गोड़े क फँदा मँ फँसइ स बचाइ।</verse>
				<verse number="27">जउन लोग नीक चीज क हकदार अहइ ओनका उहइ दइ स इन्कार जिन करा। जब तू नीक करइ क जोग्य ह तउ एका करा।</verse>
				<verse number="28">जब आपन पड़ोसी क देब तोहरे लगे धरा होइ तउ ओहसे अइसा जिन कहा कि “बाद मँ आया काल्हि तोहका देब।”</verse>
				<verse number="29">तोहार पड़ोसी बिस्सास स तोहरे लगे रहत होइ तउ ओकरे खिलाफ ओका नोस्कान पहोंचावइ बरे कउनो सडयंत्र जिन रचा।</verse>
				<verse number="30">बिना कउनो कारण क कउनो मनइ क संग जउन कि तोहका कउनो छति नाहीं पहोंचाएस ह बहस जिन करा।</verse>
				<verse number="31">कउनो उपद्रवी मनई स तू जलन जिन करा, अउर ओकर कउनो भी राहे क अनुसरन जिन करा।</verse>
				<verse number="32">काहेकि यहोवा कुटिल लोगन स घिना करत ह अउ इमानदार लोगन क अपनावत ह।</verse>
				<verse number="33">दुट्ठ मनई क घरे यहोवा क सराप रहत ह, उ नेक क घरे क आसीर्वाद देत ह।</verse>
				<verse number="34">उ स्वार्थी अउर घमंडी लोगन क हँसी उड़ावत ह, मुला विनम्र लोगन पइ उ मेहरबानी करत ह।</verse>
				<verse number="35">विवेकी जन तउ आदर पइहीं, मुला उ मूर्खन क, लज्जित ही करी।</verse>
			</chapter>
			<chapter number="4">
				<verse number="1">हे मोर पूतो, बाप क सिच्छा क सुना ओह पइ धियान द्या अउर तू समुझबूझ पाइ लया।</verse>
				<verse number="2">मइँ तू पचन्क गहिर-गंभीर सिच्छा देत हउँ। मोर इ सिच्छा क तू पचे जिन तज्या।</verse>
				<verse number="3">जब मइँ आपन बाप क घर एक बालक रहेउँ अउर महतारी क बहोतइ कोमल एकलौता गदेला रहेउँ,</verse>
				<verse number="4">उ मोका सिखावत रहा, “मोरे सिखिया का पूर्ण रूप स पालन करा। जदि तू मोर आदेसन क माना तउ तू जिअब।</verse>
				<verse number="5">तू बुद्धि प्राप्त करा अउ समुझबूझ प्राप्त करा, मोर वचन जिन बिसरा अउर ओनसे जिन डुगा,</verse>
				<verse number="6">बुद्धि जिन तजा। उ तोहार रच्छा करी। ओहसे पिरेम करा उ तोहार धियान राखी।”</verse>
				<verse number="7">बुद्धि सबन त नीक बाटइ: सब कछू दइके भी बुद्धि प्राप्त करा। गियान प्राप्त करा।</verse>
				<verse number="8">बुद्धि स पिरेम करा। उ तोहका महान बनाहीं। ओका तू गले स लगाइ ल्या, उ तोहार सम्मान बढ़ाई।</verse>
				<verse number="9">उ तोहरे मूँड़े पइ सोभा क माला धरी अउर उ तोहका एक ठु वैभव क मुकुट देइ।</verse>
				<verse number="10">सुना, हे मोर पूत! जउन कछू मइँ कहत हउँ तू ओका ग्रहण करा। तू अनगिनत बरिस जिअत रहब्या।</verse>
				<verse number="11">मइँ तोहका बुद्धि क मागेर् पइ चलइ क राह देखावत हउँ, अउर सरल मार्गन पइ अगुवाई करत हउँ।</verse>
				<verse number="12">जब तू अगवा बढ़ब्या तोहार गोड़ रूकावट नाहीं पइहीं, अउर जब तू दउड़ब्या ठोकर नाहीं खाब्या।</verse>
				<verse number="13">सिच्छा क थामे रहा, ओका तू जिन छो़ड़ा। एकर रखवारी करा। इहइ तोहार जिन्नगी अहइ।</verse>
				<verse number="14">तू दुट्ठ लोगन क राहे पइ कदम जिन धरा। बुरे लोगन क राहे पइ जिन चला।</verse>
				<verse number="15">तू एहसे बचत रहा। एह क ओर कदम जिन बढ़ावा। एहसे तू मुड़ि जा अउर एकरे बगल स गुजर जा।</verse>
				<verse number="16">उ पचे बुरे करम किए बगैर सोइ नाहीं पउतेन। उ पचे नींद खोइ चुकत हीं जब तलक कउनो क नाहीं गिरउतेन।</verse>
				<verse number="17">उ पचे तउ बस हमेसा नीच होइ क रोटी खात हीं अउर हिंसा क दाखरस पिअत हीं।</verse>
				<verse number="18">मुला नीक लोगन क राह वइसे होत ह जइसे भिंसारे क किरण होत ह, जउन दिन क पूर्ण होइ तलक आपन प्रकास मँ बढ़त ही चली जात ह।</verse>
				<verse number="19">मुला दुठ्न लोगन क मारग अँधियारा जइसा होत ह। उ पचे नाहीं जानत ह कि केकर कारण उ पचे ठोकर खात ह या गिरत ह।</verse>
				<verse number="20">हे मोर पूत, जउन कछू मइँ कहत हउँ ओह पइ तू धियान द्या। मोर बचनन क तू कान लगाइके सुना।</verse>
				<verse number="21">ओनका आपन दृस्टि स ओझर जिन होइ द्या। आपन हिरदय पइ तू ओनका धरे रहा।</verse>
				<verse number="22">काहेकि जउन ओनका पावत हीं ओनके बरे उ सबइ जिन्नगी बन जात हीं अउर उ पचे एक मनई क संपूर्ण तने क तन्दुरूस्ती बनत हीं।</verse>
				<verse number="23">सबन स बड़की बात इ अहइ कि तू आपन विचार क बारे मँ होसियार रहा। काहेकि तोहार विचार जिन्नगी क कब्जे मँ राखत हीं।</verse>
				<verse number="24">तू आपन मुँह स कुटिलता क दूर राखा। तू आपन ओंठन स गलत बात दूर राखा।</verse>
				<verse number="25">आपन आंखिन क हमेसा सिधे रखा, आपन पलकन क समन्वा क ओर रखा।</verse>
				<verse number="26">आपन गोड़न बरे तू सोझ मारग बनावा। बस तू ओन राहन पइ चला जउन निहचइ ही सुरच्छित अहइँ।</verse>
				<verse number="27">दाहिने क या बाएँ क जिन डुगा। तू आपन गोड़न क बुराई स रोके रहा।</verse>
			</chapter>
			<chapter number="5">
				<verse number="1">हे मोर पूत तू मोरी बुद्धि क बातन पइ धियान द्या। मोर बुद्धिमानी क सिच्छा क धियान स सुना।</verse>
				<verse number="2">ताकि तोहार भला-बुरा क चेतना सुरच्छित रहइ अउर तोहरे ओंठन गियान कि सुरच्छा करइ।</verse>
				<verse number="3">काहेकि कउनो पराई मनइ क पत्नी आपन ओंठन क मधुर बातन स तोहका लुभा सकत ह, ओकर ओंठन क वाणी तेल स भी जियादा चिकनी होत ह।</verse>
				<verse number="4">अंत मँ उ तोहरे बरे भयंकर दुःख दर्द लाहीं उ दुधारी तरवार क नाई अहइ।</verse>
				<verse number="5">ओकर गोड़ मउत क गड्ढा कइँती बढ़त हीं अउर उ तोहका सिधे कब्र तलक लइ जात हीं।</verse>
				<verse number="6">उ कबहुँ भी जिन्नगी क मारग क नाहीं सोचत। ओकर राहन खोटी अहइँ। किंतु हाय्य, ओका मालूम नाहीं। बिभिचार बिनासे क मूल बाटइ</verse>
				<verse number="7">अब हे मोरे पूतन, तू मोर बात सुना। जउन कछू भी मइँ कहत हउँ ओहसे जिन मोड़ा।</verse>
				<verse number="8">तू अइसी राह पइ चला जउन ओहसे काफी दूर होइ। ओकर घरे तलक जिन जा।</verse>
				<verse number="9">नाहीं तउ दूसर कउनो तोहरे ताकत क उपयोग करिहीं, अउर तोहार जिन्नगी क बरिस कउनो अइसे मनइ लइ ले हीं जउन कि करुर होइ।</verse>
				<verse number="10">अइसा न होइ, तोहरे धने पइ अजनबी मउज करइँ। तोहार मेहनत अउरन क घर भरइ।</verse>
				<verse number="11">तोहार जिन्नगी क अंतिम दिना मँ जब तू बिमार होब्या अउर तोहार लगे कछू भी न होइ, तउ तोहका रोवत बिलबिलात भवा छोड़ दीन्हा जाहीं।</verse>
				<verse number="12">अउर तू कहब्या, “हाय! मइँ अनुसासन स काहे घिना किहा? मइँ सुधार क काहे उपेच्छा किहा?</verse>
				<verse number="13">मइँ आपन सिच्छकन क बात नाहीं मानेउँ या मइँ आपन प्रसिच्छकन पइ धियान नाहीं दिहेउँ।</verse>
				<verse number="14">मइँ महानासे क किनारे पइ आइ गवा हउँ अउर हर एक इ जानत ह।” आपन पत्नी के संग आनन्द मनावा</verse>
				<verse number="15">तू आपन हौज स ही पानी पिया करा अउ तू आपन झरना स ही सुद्ध पानी पिया करा।</verse>
				<verse number="16">तू आपन पानी क गलियन मँ इधर-उधर फइलइ जिन दया। एका गलियन मँ नदी क नाई बह्य जिन द्या।</verse>
				<verse number="17">इ तउ बस तोहार ही होइ, एकमात्र तोहार ही। ओनमाँ कबहुँ कउनो अजनबी क हींसा न होइ,</verse>
				<verse number="18">आपन पत्नी क संग धन्न रहा। ओकरे संग ही तू जीवन रस क पान करा जेक तू आपन जवानी क समइ सादी कीन्ह रहा।</verse>
				<verse number="19">ओकर छातियन हरिणी अउर खुबसुरत पहाड़ी बोकरी क नाई तोहका हमेसा सन्तुस्त करइ, ओकर पिरेम जाल तोहका हमेसा फाँस लइ</verse>
				<verse number="20">हे मोर पूत, कउनो बिभिचारिणी क तोहका विनासे क ओर काहे लइ जावइ चाही? तोहका कउनो अजनबी मेहरारु क काहे गले लगावइ चाही?</verse>
				<verse number="21">यहोवा तोहार राहन पूरी तरह लखत अहइ अउ उ तोहार सबहिं राहन परखत बाटइ।</verse>
				<verse number="22">दुट्ठ क बुरे करम ओका बाँध लेत हीं। ओकर ही पाप जाल ओका फाँसि लेत ह।</verse>
				<verse number="23">उ अनुसासन क कमी क कारण मरि जात ह। ओकर महान मूरखता ओका विनास क ओर लइ जावत ह।</verse>
			</chapter>
			<chapter number="6">
				<verse number="1">हे मोर पूत, जदि तू बगैर समुझबूझिके कउनो अजनबी मनइ क बदले मँ कउनो क जमानत दिहा ह या कउनो स कउनो बचन किहस ह</verse>
				<verse number="2">तउ तू आपन ही कहनी क जालि मँ फँसि गवा अहा, तू आपन मुँह क ही सब्दन क पिंजरे मँ बंद होइ गवा अहा।</verse>
				<verse number="3">हे मोर पूत, काहेकि तू अउरन क हाथन क पुतला होइ गवा ह। तू आपन क रच्छा बरे अइसा ही करा जइसा मइँ कहत हउँ। ओन लोगन क निअरे जा अउ विनम्र होइके आपन पड़ोसियन स आग्रह करा।</verse>
				<verse number="4">आपन आँखिन क आराम जिन करइ द्या। आपन आँखियन क पलक झपकी तलक न लइ द्या।</verse>
				<verse number="5">खुद क हरिणी क नाईं या सिकारी क हाथे स भागा भवा कउनो पंछी क नाईं आजाद कइ ल्या।</verse>
				<verse number="6">अरे ओ आलसी, चोंटी क लगे जा। ओकर कार्य विधि लखा अउर ओहसे सीख ल्या।</verse>
				<verse number="7">ओकर न तउ कउनो नायक अहइ, न ही कउनो निरीच्छक, न ही कउनो सासक अहइ।</verse>
				<verse number="8">फुन भी उ गरमी मँ खइया क बटोरत ह अउ कटनी क समइ अन्न क दाना बटोरत ह।</verse>
				<verse number="9">अरे ओ सुस्त मनइ, कब तलक तू हिआँ पड़ा रहब्या? आपन नींद स तू कब जाग उठब्या?</verse>
				<verse number="10">तू तनिक सोब्या, तनिक झपकी लेब्या, तनिक सुस्ताइ बरे आपन हाथन पइ हाथ धइ लेब्या</verse>
				<verse number="11">अउर बस तोहका गरीबी लुटेरा क नाईं आइके घेरी अउर अभाव तोहका हथियार स लैस डाकोअन क नाई घेर लेइ।</verse>
				<verse number="12">नीच अउ दुट्ठ मनइ उ होत ह जउन धोका दइवाले बातन बोलत भवा फिरत रहत ह।</verse>
				<verse number="13">जउन आँख मारइ क इसारा करत ह अउर आपन अँगुरियन अउर पैरन स संकेत देत ह।</verse>
				<verse number="14">उ सडयंत्र रचत ह अउर हमेसा बहस व मुबाहिसा करत ह।</verse>
				<verse number="15">एह बरे ओह पइ एकाएक महानास गिरी अउर फउरन नस्ट होइ जाइ। ओकरे लगे बनइ क उपाय नाहीं होइ।</verse>
				<verse number="16">यहोवा छ: चिजियन स घिना करत ह, अउर सातवे चीज ओकर बरे घृणित अहइ।</verse>
				<verse number="17">गर्व स भरी आँखिन, झूठ स भरी वाणी, उ सबइ हाथन जउन निदोर्ख लोगन क हतियारा अहइँ।</verse>
				<verse number="18">अइसा हिरदय जउन सडयंत्र रचत रहत ह, उ सबइ गोड़ जउन बुराइ क मारग पइ तुरन्त दउड़ पड़त हीं।</verse>
				<verse number="19">उ लबार गवाह, जउन लगातार झूठ उगलत ह अउर अइसा मनई जउन भाइयन क बीच फूट डावइ।</verse>
				<verse number="20">हे मोर पूत, आपन बाप क आग्या क माना अउर आपन महतारी क सिच्छा क कबहुँ जिन तजा।</verse>
				<verse number="21">आपन हिरदय पइ ओनका हमेसा ही बाँधे रहा अउर ओनका आपन गटइया क हार बनाइ ल्या।</verse>
				<verse number="22">जब तू अगवा बढ़ब्या, उ पचे राह देखइहीं। जब तू सोइ जाब्या, उ पचे तोहार रखवारी करिहीं अउर जब तू जागब्या, उ पचे तोहसे बातन करिहीं।</verse>
				<verse number="23">काहेकि आदेस दीपक क नाई अहइँ अउर सिच्छा एक जोति क नाई हइ। अनुसासन क डाँट फटकार तउ जिन्नगी क मारग अहइ।</verse>
				<verse number="24">उ सबइ तोहका चरित्रहीन मेहरारू स अउर बिभिचारणी क फुसलाहट स रच्छा करत हीं।</verse>
				<verse number="25">तू आपन मन क ओकर सुन्नर क चाह जिन करइ द्या अउर ओकर आँखिन क जादू क सिकार जिन बना।</verse>
				<verse number="26">काहेकि उ रण्डी तउ तोहका रोटी-रोटी क मोहताज कइ देइ। मुला उ कुलटा तउ तोहार जिन्नगी हर लेइ।</verse>
				<verse number="27">का इ होइ सकत ह कि कउनो केउ क गोदी मँ आगी रखि देइ अउर ओकर ओढ़ना फुन भी तनिकउ भी न जरइ?</verse>
				<verse number="28">दहकत भए कोएले क अंगारन पइ का कउनो मनई अपन गोड़वन क बगैर झुरसाए भए चल सकत ह</verse>
				<verse number="29">उ मनई अइसा ही अहइ जउन कउनो दूसर क पत्नी स समागम करत ह। अइसी पइ मेहरारू क जउन भी कउनो छुइ, उ बगैर दण्ड पाए नाहीं रहि पाइ।</verse>
				<verse number="30">अगर कउनो चोर कबहुँ भूखन मरत होइ, अउर उ भूख मिटावइ बरे चोरी करइ तउ लोग ओहसे घिना नाहीं करिहीं। फुन भी अगर उ धरा जाइ तउ ओका सात गुना भरइ पड़त ह चाहे ओहसे ओकरे घरे क समूचा धन चुक जाइ।</verse>
				<verse number="31"></verse>
				<verse number="32">मुला एक मनइ जउन दूसर क पत्नी क संग सारीरिक सम्बंध करत ह तउ ओकरे लगे विवेक क कमी अहइ। जउन मनइ अइसा करत ह उ खुद बरे विनास लावत ह।</verse>
				<verse number="33">प्रहार अउ अपमान ओकर भाग्य अहइ। ओकर कलंक कबहुँ नहीं धोइ जाइ।</verse>
				<verse number="34">काहेकि पति क ईर्स्या किरोध जगावत ह अउर जब उ एकर बदला लेइ तब उ ओह पइ दाया नाहीं करी।</verse>
				<verse number="35">उ कउनो नोस्कान क पूर्ति अंगीकार नाहीं करी अउर कउनो ओका केतना ही बड़ा लालच देइ, ओका उ अंगीकार किए बगैर ठुकराइ।</verse>
			</chapter>
			<chapter number="7">
				<verse number="1">हे मोर पूत, मोरे बचनन क पाला अउ अपने मने मँ मोर आदेस संचित करा।</verse>
				<verse number="2">जदि तू मोरे आदेसन क मानब्या तउ तू जियबा। तोहका मोहरे उपदेसन क आपन आँखी क पुतरी सरीखा सँभारिके राखइ चाही।</verse>
				<verse number="3">ओनका आपन अँगुरियन पइ बाँधि ल्या, तू आपन हिरदय पटल पइ ओनका लिख ल्या।</verse>
				<verse number="4">बुद्धि स कहा, “तू मोर बहिन अहा” अउर तू समुझबूझिके आपन कुटुम्बी जन कहा।</verse>
				<verse number="5">उ सबइ हि तोहका बदकार मेहरारु क चिकनी व लुभावन बातन स बचाई।</verse>
				<verse number="6">एक दिना मइँ अपन खिड़की क झरोखा स झाँकेउँ,</verse>
				<verse number="7">सरल नउजवानन क बीच एक अइसा नउजवान लखेउँ जेका नीक-बुरा क पहिचान नाहीं रहा।</verse>
				<verse number="8">उ उहइ गली स होइके उहइ बदकार मेहरारु क नुक्कड़ क लगे स जात रहा। उ ओकरे ही घरवा कइँती बढ़त जात रहा।</verse>
				<verse number="9">सूरज साँझ क धुँधल मँ बूड़त रहा, राति क अँधियारा क तहन जमत जात रहिन।</verse>
				<verse number="10">तबहिं एक मेहरारु ओहसे मिलइ बरे निकरिके बाहेर आइ। उ रण्डी क भेस मँ सजीभइ रही। अउर ओकरी इरादा बहोत प्रबल रही।</verse>
				<verse number="11">उ वाचाल अउर ओकर प्रबल इरादे क रही। उ घरे मँ कबहुँ ठहिरइ नाहीं चाहेस।</verse>
				<verse number="12">उ कबहुँ-कबहुँ गलियन मँ, कबहुँ चउराहन पइ, अउर हर केउ क नोक्कड़े पइ घात लगावत रही।</verse>
				<verse number="13">उ ओका रोक लिहस अउ ओका धरेस। उ ओका निर्लज्ज मुँहे स चूमेस, फुन ओहसे बोली,</verse>
				<verse number="14">“आजु मोका मेलबलि अर्पण किहा। मइँ आपन प्रतिग्या परमेस्सर बरे पूरी कइ लिहेउँ।</verse>
				<verse number="15">एह बरे मइँ तोहसे मिलइ अउर तोहका यह कहे बरे बाहेर आएहउँ कि आ अउर मोर दावत मँ सामिल होजा। मइँ तोहार तलास मँ रही अउर अंत मँ तोहका पाए लिहेउँ।</verse>
				<verse number="16">मइँ मिस्र क मलमले क रंगन स भरी भइ चादर स सेज सजाएउँ ह।</verse>
				<verse number="17">मइँ आपन सेज क गंधरस, दालचीनी अउर अगर गंध स सुगंधित किहेउँ ह।</verse>
				<verse number="18">तू मोरे लगे आवा। भोर क किरण तलक दाखरस पिअत रही, हम आपुस मँ भोग करत रही।</verse>
				<verse number="19">मोर पति घरे पइ नाहीं अहइँ। उ दूर जात्रा पइ गवा अहइ।</verse>
				<verse number="20">उ आपन थैली रूपाया स भरिके लइ गवा अहइ अउर पुन्नवासी तलक घरे पइ नाहीं होइ।”</verse>
				<verse number="21">उ ओका लुभावना सब्दन स मोह लिहस। ओका मीठ मधुरवाणी स फुसलाइ लिहस।</verse>
				<verse number="22">उ फउरन ओकरे पाछे अइसे होइ लिहस जइसे कउनो बर्धा क जबह करइ बरे ले जाया जात ह। उ अइस चलत ह जइसे कउनो मूरख जालि मँ गोड़ धरत होइ।</verse>
				<verse number="23">जब तलक एक तीर ओकर हिरदय नाहीं बेधी तब तलक उ पंछी सा जालि पइ बगैर इ जाने दूट पड़ी कि जालि ओकर प्राण हरि लेइ।</verse>
				<verse number="24">तउ मोरे पूतो, अब मोर बात सुना अउर जउन कछू मइँ कहत हउँ ओह पइ धियान द्या।</verse>
				<verse number="25">आपन मन कुलटा क राहन मँ जिन हींचइ द्या अउर ओका ओकरे राहन पइ जिन भटकइ द्या।</verse>
				<verse number="26">केतने ही सिकार उ मार गिराएन ह। उ जेनका मारेस ओनकर जमघट बहोत बड़ा बाटइ।</verse>
				<verse number="27">ओकर घर उ राजमार्ग अहइ जउन कब्र क जात ह अउर तरखाले मउते क कालकोठरी मँ उतरत ह।</verse>
			</chapter>
			<chapter number="8">
				<verse number="1">का बुद्धि तोहका गोहरावत नाहीं अहइ? का समुझबूझ ऊँचकी अवाज स तोहका नाहीं बुलावत अहइ?</verse>
				<verse number="2">उ राह क किनारे ऊँचे ठउरन पइ अउर चौराहे पइ खड़ी रहत ह।</verse>
				<verse number="3">उ सहर क जाइवालन दुआरन क सहारे सिंह दुआर क ऊपर गोहराइके कहत ह,</verse>
				<verse number="4">“हे लोगो, मइँ तोहका गोहरावत हउँ, मइ समूची मानवजाति बरे अवाज उठावत हउँ।</verse>
				<verse number="5">अरे नादा ने लोगो! बुद्धिमानी स रहइ क सिखा तू जउन मूरख बना अहा समुझबूझ सिखा।</verse>
				<verse number="6">सुना। काहेकि मोरे लगे कहइ क उत्तिम बातन अहइँ, आपन मुँहन खोलति हउँ, जउन कहइ क उचित बा</verse>
				<verse number="7">मेरे मुखे स तउ उहइ निकरत ह जउन फुरइ अहइ, काहेकि मोरे ओंठन क दुट्ठता स घिन अहइ।</verse>
				<verse number="8">मोरे मुँहे स निकलइ वाले सबइ सब्द निआव स पूर्ण अहइ। ओन मँ स कउनो भी धोका देइ वाला नाहीं अहइ।</verse>
				<verse number="9">विचारवान मनई बरे उ सबइ साफ साफ अहइँ अउर गियानी जन बरे उ सबइ सब दोख रहित अहइँ।</verse>
				<verse number="10">चाँदी नाहीं बल्कि तू मोर हिदायत ग्रहण करा उत्तिम सोना नाहीं बल्कि तू मोर गियान ल्या।</verse>
				<verse number="11">सुबुद्धि रत्नन मणि माणिकन स जियादा कीमती अहइँ। तोहार अइसी मनचाही कउनो वस्तु स ओकर तुलना नाहीं होइ।”</verse>
				<verse number="12">“मइँ बुद्धि अउर गियान क संग रहत हउँ। नीक अउर विवेक मोर मीत अहइ।।</verse>
				<verse number="13">यहोवा स डरब, बुराई स घिना करब अहइ। स्वार्थीपन अउर घमण्ड, बुराइ क मारग झुटी मुँह स मइँ घिना करत हउँ।</verse>
				<verse number="14">मोर लगे परामर्स अउ गियान अहइ। मोरे लगे बुद्धि सक्ती अहइ।</verse>
				<verse number="15">मोरे ही सहारे राजा राज्ज करत हीं, अउर सासक नेम रचत हीं, जउन निआउ स पूर्ण अहइ।</verse>
				<verse number="16">केवल मोरी ही मदद स धरती क सबइ नीक सासक राज्ज चलावत हीं।</verse>
				<verse number="17">जउन मोहसे पिरेम करत हीं, मइँ भी ओनसे पिरेम करत हउँ, मोका जउन हेरत हीं, मोका पाइ लेत हीं।</verse>
				<verse number="18">सम्पत्तियन अउ आदर मोर संग अहइँ। मइँ खरी सम्पत्ति अउ जस देत हउँ।</verse>
				<verse number="19">मोर फल सोना स उत्तिम अहइँ। मइँ जउन उपजावत हउँ, उ सुद्ध-चाँदी स जियादा नीक अहइ।</verse>
				<verse number="20">मइँ निआउ क मारग क संग संग सत्य क मारग पइ चलत आवत हउँ।</verse>
				<verse number="21">मोहसे जउन पिरेम करतेन ओनका मइँ धन देत हउँ, अउर ओनकर भंडार भरि देत हउँ।</verse>
				<verse number="22">“यहोवा सबइ चिजियन क रचइ स पहिले आपन पुराने करमन स भी पहिले मोका रचेस ह।</verse>
				<verse number="23">मोर रचना सनातन काल मँ भइ रहा। धरती क रचान स पहिले मोर रचान भइ रहा।</verse>
				<verse number="24">जब मोरे रचना कीन्हा गवा रहा तब न तउ सागर रहा अउर न ही पानी क सोता रहेन।</verse>
				<verse number="25">मोका पहाड़न पहाड़ियन क थिर करइ स पहिले ही जन्म दीन्ह गवा।</verse>
				<verse number="26">धरती क रचना, या ओकर खेत या जब धरती क, धूल कण रचा गएन, ओसे पहिले मोका रचेस ह।</verse>
				<verse number="27">जब यहोवा अकासे क कायम किहे रहा ओहसे भी पहिले मोर अस्तित्व रहा। जब यहोवा सागार क पइ छितिज रेखा खिँचे रहा ओहसे भी पहिले मोर अस्तित्व रहा।</verse>
				<verse number="28">उ जब अकासे मँ सघन बादल टिकाए रहा, अउर गहिर सागर क पानी स भरे रहा तउ स भी मइँ हुवाँ रहा।</verse>
				<verse number="29">जब उ समुद्दर क चउहद्दी बाँधे रहा ताकि पानी ओहसे आगे न चला जाइ मइँ हुवाँ रहा। जब उ धरती क नेवन रखे रहा ओहेस पहिले मइँ राह।</verse>
				<verse number="30">तब मइँ ओकरे संग कुसल सिल्पी स रहेउँ, मइँ दिन-प्रतिदिन आनन्द स पूरिपूर्ण होत चली गएउँ। ओकर समन्वा हमेसा आनन्द मनावत।</verse>
				<verse number="31">ओकर पूरी दुनिया स मइँ आनन्दित रहेउँ। मोर खुसी समूचइ मानवता रही।</verse>
				<verse number="32">“तउ अब, मोर पूतो, मोर बात सुना। ओ धन्न अहइ जउन जन मोर राह पइ चलत हीं।</verse>
				<verse number="33">मोर उपदेस सुना अउर बुद्धिमान बना। एनकर उपेच्छा जिन करा।</verse>
				<verse number="34">उहइ जन धन्न अहइ, जउन मोर बात सुनत अउर रोज मोरे दुआरन पइ दृस्टि लगाए रहत एवं मोर ड्योढ़ी पइ बाट जोहत रहत ह।</verse>
				<verse number="35">काहेकि जउन मोका पाइ लेत उहइ जिन्नगी पावत अउर उ यहोवा क अनुग्रह पावत ह।</verse>
				<verse number="36">मुला उ जउन मोर खिलाफ पाप करत ह खूद ही चोट खावत ह उ जउन मोहे स घिना करत ह उ मउत स गले लगावत ह।”</verse>
			</chapter>
			<chapter number="9">
				<verse number="1">बुद्धि आपन घर बनाएस ह। उ आपन सात खम्भन गढ़ेन ह।</verse>
				<verse number="2">उ आपन खइया क तइयार किहस अउर मिलावा भवा दाखरस आपन खइया क खाइ क मेजे पइ सजाइ लिहस ह।</verse>
				<verse number="3">अउर आपन दासियन क सहर क सबन त ऊँचके जगहिया स बोलावइ क पठएस ह।</verse>
				<verse number="4">“जउन भी नादान अहइ, किरपा कइ क हिआँ पइ आइ।” जउन मनइ क समुझ नाहीं अहइ उ ओनसे कहत ह,</verse>
				<verse number="5">“आवइँ, मोर खइया क खाइँ, अउर मोर दाखरस पिअइँ जेका मइँ बनाएस हउँ।</verse>
				<verse number="6">तू पचे आपन नादानी तजि द्या तउ तू जिअब्या। समुझ-बूझिके मारग पइ सिधे आगे बढ़ा।”</verse>
				<verse number="7">जउन कउनो मसखरी करइवाले क सुधार देत ह उ अपमाने क बोलावत ह, अउर जउन कउनो दुठ्ट मनइ क डाँट फटकार करइ चोट खात ह।</verse>
				<verse number="8">मसखरी करइवाले वाले क कबहुँ भी जिन डाँटा-फटकारा, नाहीं तउ उ पचे तू पचन स ही घिना करइ लागी। मुला अगर तू कउनो विवेकी क डाँटा-फटकारा तउ उ तू पचन स पिरेम ही करी।</verse>
				<verse number="9">बुद्धिमान व्यक्ति क चेतावा, उ अउर जियादा बुद्धिमान होइ। कउनो नीक व्यक्ति क क सिखावा, उ आपन गियान क बृद्धि करी।</verse>
				<verse number="10">यहोवा स डर, बुद्धि क हासिल करब क पहिला कदम बाटइ। यहोवा क गियान, समझबूझ क हासिल क पहिला कदम अहइ।</verse>
				<verse number="11">काहेकि मोर जरिये ही तोहार उमिर बढ़ी, तोहार दिन बढ़िहीं, अउर तोहरी जिन्नगी मँ बरिस जुड़त ही जइहीं।</verse>
				<verse number="12">अगर तू बुद्धिमान अहा, सुद्बुद्धि तोहका प्रतिफल देइ। अगर तू मसखरी करइवाले अहा, तउ तू अकेल्ले कस्ट झेलब्या।</verse>
				<verse number="13">मूरखता अइसी मेहरारू क नाई अहइ जउन बातन बनावत ह किन्तु कछू नाहीं जानत ह। ओनके लगे गियान नाहीं अहइ।</verse>
				<verse number="14">आपन घरे क दुआरे पइ उ बइठी रहत ही, सहर क सवोर्च्च बिंदु पइ उ आसन जमावत ह।</verse>
				<verse number="15">उ हर एक क जउन ओकर ओर निगाह भी नाहीं करत हीं, पुकारती ह,</verse>
				<verse number="16">“अरे नादान लोगो तू पचे भितरे चले आवा!” उ इ ओनसे कहत ह जेनके लगे सुझ-बूझ क कमी अहइ।</verse>
				<verse number="17">“चोरी क पानी तउ मीठ-मीठ होत ह, छुपके खइया क खावा गवा भोजन, बहोतइ सुआद देत ह।”</verse>
				<verse number="18">मुला उ पचे इ नाहीं जानतेन कि हुआँ मृतकन क बास होत ह अउर उ सबइ जेका उ पहिले निओता दिहस रहा अब कब्र मँ अहइँ।</verse>
			</chapter>
			<chapter number="10">
				<verse number="1">इ सबइ सुलैमान क नीतिवचन (कहावतन) अहइ। एक बुद्धिमान पूत अपने बाप क आनन्द देत ह। मुला एकठु मूरख पूत, महतारी क दुःख देत ह।</verse>
				<verse number="2">बुराई स कमाए भए धन क खजाना हमेसा बियर्थ रहत हीं। जबकि धार्मिकता मउत स छोड़ावत ह। सत्य क मारग हम लोगन क मउत स बचावत ह।</verse>
				<verse number="3">यहोवा कउनो भी नेक व्यक्ति क भूखा नाहीं रहइ देत ह। मुला दुट्ठ क लालसा पइ पानी फेरि देत ह।</verse>
				<verse number="4">सुस्त हाथ मनई क दरिद्र कइ देत ह, मुला मेहनती हाथ सम्पत्ति लिआवत हीं।</verse>
				<verse number="5">ग्रीस्मकाल मँ जउन उपज क बटोरके राखत ह, उहइ पूत बुद्धिमान अहइ; किन्तु जउन कटनी क समइ मँ सोवत ह उ पूत सर्मनाक होत ह।</verse>
				<verse number="6">नीक लोगन क मूँड़ पइ आसीसन क मुकुट होत ह मुला दुद्ठ क मुँह हिंसा स भरा होत ह।</verse>
				<verse number="7">नीक लोगन क यादगार आसीस होत ह, मुला दुट्ठ लोगन क नाउँ मिट जाहीं।</verse>
				<verse number="8">उ आग्या मानी जेकर मन विवेकसील अहइ, जबकि बकवास मूरख नस्ट होइ जाइ।</verse>
				<verse number="9">विवेकवाला मनई सुरच्छित रहत ह, मुला टेंढ़ी चाल चलइवाले क भण्डा फूटी।</verse>
				<verse number="10">जउन बुरे इरादे स आँखी क इसारा करइ, तउ ओका ओहसे दुःख ही मिली। अउर बकवासी मूरख नस्ट होइ जाइ।</verse>
				<verse number="11">धर्मी व्यक्ति क मुँह तउ जिन्नगी क सोता अहइ, मुला दुट्ठ व्यक्ति क मुँहे हिंसा स भरा पड़त ह।</verse>
				<verse number="12">घिना वाद-विवाद क कारण अहइ। जबकि पिरेम सबइ अपराध क ढाँपि लेत ह।</verse>
				<verse number="13">बुद्धि क निवास हमेसा समुझदार ओंठन पइ होत ह, मुला जेनमाँ नीक बुरा क बोध नाहीं होत, ओकरे पिठिया पइ डंडा होत ह।</verse>
				<verse number="14">बुद्धिमान लोग, गियान क संचित करत रहेन, भुला मूरख क बाणी विपत्ति क बोलावत ह।</verse>
				<verse number="15">धनिक क धन, ओनकर मजबूत किला होत, दीन क दीनता पइ ओकर बिनास अहइ।</verse>
				<verse number="16">धर्मी मनइ क कमाई ओनका जिन्नगी प्रदान करत ह। मुला दुट्ठ मनइ आपन पाप बरे कीमत चुकावत ह।</verse>
				<verse number="17">उ जउन अनुसासन स सीखत ह उ दूसर क जिन्नगी क मारग बरे निर्देस दे सकत ह। मुला उ जउन हिदायत क उपेच्छा करत ह अइसा मनई दूसर क भटकावा करत ह।</verse>
				<verse number="18">जउन मनई बैर पइ परदा डाए राखत ह, उ मिथ्यवादी अहइ अउर उ जउन निन्दा फइलावत ह, मूरख अहइ।</verse>
				<verse number="19">जियादा बोलइ स, कबहुँ पाप दूर नाहीं होत मुला जउन आपन जवान क लगाम देता ह, उहइ बुद्धिमान अहइ।</verse>
				<verse number="20">धर्मी क वाणी विसुद्ध चाँदी अहइ, मुला दुट्ठ क हिरदय क कउनो मोल नाहीं।</verse>
				<verse number="21">धर्मी जन क बातन चाँदी क नाई होत ह। मुला दुट्ठ मनइ क सुझाव क कउनो कीमत नाहीं होत ह।</verse>
				<verse number="22">यहोवा क वरदान स जउन धन मिलत ह, ओकरे संग उ कउनो दुःख नाहीं जोड़त।</verse>
				<verse number="23">बुरे आचार मँ मूरख क सुख मिलत ह, मुला एक समुझदार विवेक मँ सुख लेत ह।</verse>
				<verse number="24">जेहसे मूरख भयभीत होत ह ओका उहइ क कस्ट झेलइ क होइ। किन्तु एक धर्मी मनइ आपन इच्छा स आसिसित कीन्ह जाइ।</verse>
				<verse number="25">आँधी जब गुजरत ह, दुट्ठ उड़ जात हीं, मुला धर्मी लोग तउ सदा ही बिना हिले डुले खड़ा रहत हीं।</verse>
				<verse number="26">काम पइ जउन कउनो आलसी क पठवत ह, उ बन जात ह जइसे अम्ल सिरका दाँत क खटावत ह, अउर धुआँ आँखिन क तड़पावत दुःख देत ह।</verse>
				<verse number="27">यहोवा क भय उमिर बढ़ावत ह। मुला एक दुट्ठ मनई क उमिर तउ घट जात ह।</verse>
				<verse number="28">धमीर् क भविस्स आनन्द-उल्लास अहइ। मुला दुट्ठ क आसा तउ बियर्थ रहि जात ह।</verse>
				<verse number="29">इमानदार लोगन बरे यहोवा क मारग सरणस्थल अहइ; मुला जउन बुरा जन अहइँ, ओनकर इ बिनास अहइ।</verse>
				<verse number="30">धर्मी जन क कबहुँ उखाड़ा न जाइ, मुला दुट्ठ धरती पइ कबहुँ टिक नाहीं पाइ।</verse>
				<verse number="31">धर्मी क मुँहे स बुद्धि क धार बहत ह, मुला कुटिल जीभ क तउ काटिके लोकावा जाइ।</verse>
				<verse number="32">धर्मी क ओंठ जउन उचित अहइ जानत हीं, मुला दुट्ठ क मुँह बस कुटिल बातन बोलन ह।</verse>
			</chapter>
			<chapter number="11">
				<verse number="1">यहोवा छले क तराजू स घिना करत ह, मुला ओकर आंनद सही नाप-तौल पइ अहइ।</verse>
				<verse number="2">अभिमान क संग अपमान आवत ह, मुला नम्रता क संग विवेक आवत ह।</verse>
				<verse number="3">इमानदार लोगन क नेकी ओनकर अगुवाई करत ह, मुला बिस्सासघाती क कपट ओनका विनास करत ह।</verse>
				<verse number="4">जब परमेस्सर लोगन क परखत ह तउ धन बियर्थ रहत ह। इ काम नाहीं आवत ह। मुला तब नेकी लोगन क मउत स बचावत ह।</verse>
				<verse number="5">नेकी निर्दोख जन बरे मारग सरल सोझ बनावत ह, मुला दुट्ठ जन क ओकर आपन ही दुट्ठई धूरि चटाइ देत ह।</verse>
				<verse number="6">नेकी सज्जन लोगन क छोड़ावत ह। मुला धोकाबाज आपन ही बुरे जोजना जालि क मँ फँस जात ह।</verse>
				<verse number="7">जब दुट्ठ मरत ह तउ ओकर बरे कउनो आसा नाही रहत ह। बुरे मनइ क आसा बियर्थ होइ जाइ।</verse>
				<verse number="8">धर्मी जन तउ बिपत्ति स छुटकारा पाइ लेत ह, जबकि ओकरे बदले उ दुट्ठ पइ आइ पड़त ह।</verse>
				<verse number="9">बुरे लोगन क वाणी आपन पड़ोसी क लइ बूड़त ह। मुला गियान क जरिये धर्मी जन तउ बचि निकरत ह।</verse>
				<verse number="10">धर्मी क विकास सहर क आनन्द स भरि देत ह। जबकि दुट्ठ क नास हर्सनाद उपजावत।</verse>
				<verse number="11">सच्चे जने क आसीस तउ सहर क ऊँच उठाइ देत ह मुला दुट्ठ क बातन खाले गिराइ देत हीं।</verse>
				<verse number="12">अइसा मनई जेकरे लगे विवेक नाहीं होत, उ आपन पड़ोसी क अपमान करत ह, मुला समुझदार मनई चुपचाप रहत ह।</verse>
				<verse number="13">जउन अफवाह फैलावत ह उ भेद परगट करत ह, किन्तु बिस्सासी जन भेद क छुपावत ह।</verse>
				<verse number="14">जहाँ मारग दर्सन नाहीं, हुआँ रास्ट्र पतित होत ह, मुला बहुत सलाहकार जीत क सुनिस्चित करत हीं।</verse>
				<verse number="15">जउन अनजाने मनइयन क जामिन बनत ह, उ निहचइ ही पीड़ा उठाइ। मुला जउन जामिन बनावइ स बचत ह उ आपन आप क सुरच्छा करत ह।</verse>
				<verse number="16">दयालु मेहरारू तउ आदर पावत ह जबकि क्रूर मनई क लाभ सिरिफ धन अहइ।</verse>
				<verse number="17">दयालु मनई खुद आपन भला करत ह, जबकि निर्दयी मनई खुद पइ विपत्ति लिआवत ह।</verse>
				<verse number="18">दुट्ठ जन कपट भरी कमाई कमाता ह, मुला जउन नेकी क बोवत ह, ओका तउ सच्चा प्रतिफले क पाउब अहइ।</verse>
				<verse number="19">उ जउन धार्मिकता मँ मजबूत अहइ लम्बी उमिर पावत ह। किन्तु जउन बुराई क अनुसरण करत ह कुसमइ मरि जात ह।</verse>
				<verse number="20">कुटिल जनन स, यहोवा घिना करत ह मुला उ ओनसे खुस होत ह जेनका जिन्नगी स्वच्छ होत हीं।</verse>
				<verse number="21">इ जाना निहचित अहइ कि दुट्ठ जन कबहुँ सजा स नाहीं बचिहीं। किन्तु धर्मी जन अउर ओनकर गदेलन सजा स बचिहीं।</verse>
				<verse number="22">जउन नीक बुरा मँ फरक नाहीं करत, उ मेहरारू क सुन्नरता अइसी अहइ जइसे कउनो सुअरे क थूथुन मँ सोना क नथुनी।</verse>
				<verse number="23">धर्मी मनई क अभिलासा क भलाई मँ अंत होत ह। मुला दुट्ठ क आसा सिरिफ किरोध मँ अंत होत ह।</verse>
				<verse number="24">जउन उदार अजाद भाव स दान देत ह, उन्नती करिहीं। मुल उ जउन ओन चिजियन क आपन लगे रखत ह जेका देइ चाही, ओकर लगे उ नाही होइ जेन्का जरुरत ओका अहइ।</verse>
				<verse number="25">उदार जन तउ हमेसा, फूली फली अउर जउन दूसरन क पिआस बुझाइ, ओकर तउ पिआस अपने आप ही बुझी।</verse>
				<verse number="26">अन्न क जमाखोर लोगन क गारी खात हीं, मुला जउन ओका बेचइ क राजी होत ह ओकरे मूँड़ बरदान क मकुट स सजत ह।</verse>
				<verse number="27">जउन भलाई पावइ क जतन करत ह उहइ जस पावत ह; मुला जउन बुराई क पाछे पड़ा रहत ओकरे तउ हथवा बुराई ही लागत ह।</verse>
				<verse number="28">जउन कउनो आपन धने क भरोसा करत ह, झरि जाइ उ बेजीव झुरान पाते जइसा; मुला धर्मी जन नवी हरियर कोंपर स हरा-भरा ही रही।</verse>
				<verse number="29">जउने आपन घराने पइ अपमान लिआइ ओका कछू भी नाही मिली। एक मूरख, बुद्धिमान क दास बनिके रही।</verse>
				<verse number="30">धर्मी मनई क करम-फल “जिन्नगी क बृच्छ” अहइ, अउर जउन जन आतिमान क जीत लेत ह, उहइ बुद्धिमान अहइ।</verse>
				<verse number="31">अगर इ धरती पइ धर्मी जन आपन उचित प्रतिफल पावत हीं, तउ फुन पापी अउ दुट्ठ जन आपन कुकरमन क केँतना फल हिआँ पइहीं।</verse>
			</chapter>
			<chapter number="12">
				<verse number="1">जउन अनुसासन स पिरेम करत ह, उ तउ गियान स भी पिरेम करत ह। किन्तु जउन सुधार स घिना करत ह तउ उ निरा मूरख अहइ।</verse>
				<verse number="2">सज्जन मनई यहोवा क किरपा पावत ह, मुला छल छछंदी क यहोवा सजा देत ह।</verse>
				<verse number="3">दुट्ठता, कउनो जने क थिर नाहीं कइ सकत किन्तु धर्मी जन कबहुँ उखड़ नाहीं पावत ह।</verse>
				<verse number="4">एक उत्तिम पत्नी क संग पति खुस अउर अभिमानी होत ह। किंतु उ पत्नी जउन आपन मनसेधू क लजावत ह उ ओका तने क बेरामी जइसे होत ह।</verse>
				<verse number="5">धर्मी मनई क सबइ जोजना निआव स पूर्ण होत हीं जबकि दुट्ठ क सलाह कपट स भरी होत हीं।</verse>
				<verse number="6">दुट्ठ क सब्द लोगन क मारइ बरे घात मँ रहत हीं। मुला सज्जन क मुहँ ओनका बचावत ह।</verse>
				<verse number="7">जउन खोट होत हीं उखाड़ पेंका जात हीं, मुला धर्मी मनई क घराना टिका रहत ह।</verse>
				<verse number="8">मनई आपन अच्छा बातन जउन उ बोलत ह क मुताबिक तारीफ पावत ह। मुला उ जउन मुरख अहइ ओका तुच्छ जाना जात ह।</verse>
				<verse number="9">सामान्य मनई बनिके मेहनत करब उत्तिम अहइ एकरे कि भूखा रहिके महत्वपूर्ण मनई स सुआँग भरब।</verse>
				<verse number="10">धर्मी मनई आपन जानाबरन तलक क धियान रखत ह; किन्तु दुट्ठ मनइ सदा ही जालिम होत ह।</verse>
				<verse number="11">जउन अपने खेते मँ काम करत ह ओकरे लगे खाइके इफरात होइ। मुला जउन बियर्थ बिचारन क पाछा करत ह ओकरे लगे विवेक क अभाव रहत ह।</verse>
				<verse number="12">दुट्ठ जन बुरे जोजना क इच्छा करत ह। मुला धर्मी जन क जड़ फल लावत ह।</verse>
				<verse number="13">पापी मनई क ओकर आपन ही सब्द ओका जाल मँ फँसाइ लेत ह। किंतु खरा मनई बिपत्ति स बच निकरत ह।</verse>
				<verse number="14">आपन अच्छी बातन स जउन उ कहत ह मनइ अच्छा प्रतिफल पावत ह। इहइ तरह स एक मनइ आपन कार्य क अनुसार लाभ पावत ह।</verse>
				<verse number="15">मूरख क आपन मारग ठीक जान पड़त ह, मुला बुद्धिमान मनई सम्मति सुनत ह।</verse>
				<verse number="16">मूरख जन आपन झुँझलाहट झटपट देखावत ह मुला बुद्धिमान अपमान क उपेच्छा करत ह।</verse>
				<verse number="17">फुरइ स पूर्ण गवाह खरी गवाही देत ह, मुला लबार साच्छी झूठी बातन बनावत ह।</verse>
				<verse number="18">बिन बिचारे वाणी तरवार स छेदत, मुला विवेकी क वाणी घावन क भरत ह।</verse>
				<verse number="19">फुरइ स भरी वाणी हमेसा हमेसा टिकी रहत ह, मुला झूठी जीभ बस छिन भर क टिकत ह।</verse>
				<verse number="20">ओनके मने मँ छल-कपट भरा रहत ह, जउन कुचके स भरी जोजना रचत हीं। मुला जउन सान्ति क बढ़ावा देत हीं, आनन्द पावत हीं।</verse>
				<verse number="21">धर्मी जने पइ कबहँ विपत्ति नाहीं पड़ी, मुला दुट्ठन क तउ विपत्तियन घेरिहीं।</verse>
				<verse number="22">अइसे ओंठन क यहोवा घिना करत ह जउन झूठ बोलत हीं; मुला ओन लोगन स जउन सच स पूर्ण अहइँ, उ खुस रहत ह।</verse>
				<verse number="23">गियानी जियादा बोलत नाहीं ह, चुप रहत ह मुला मूरख जियादा बोलिके आपन अगियानी क देखावत ह।</verse>
				<verse number="24">मेहनती हाथ तउ सासन करिहीं, मुला आलस क परिणाम बेगार होइ।</verse>
				<verse number="25">चिंता स भरा मन मनई क दबोच लेत ह। किंतु सुभ समाचार ओका हर्स स भरि देत हीं।</verse>
				<verse number="26">धर्मी मनई आपन पड़ोसी क मार्गदर्सन करत ह। मुला दुट्ठन क चाल ओनहीं क भटकावत ह।</verse>
				<verse number="27">आलसी मनई आपन आलस क कारण आपन काम पूरा नाही कर सकत ह। मुला एक मेहनती मनइ आपन सखत मेहनत स धन दोलत पावत ह।</verse>
				<verse number="28">नेकी क मारग मँ जिन्नगी रहत ह, अउर उ राहे क किनारे अमरता बसत ह।</verse>
			</chapter>
			<chapter number="13">
				<verse number="1">समुझदार पूत आपन बाप क सिच्छा पइ कान देत ह। मुला बिद्रोह पूत झिड़की पइ भी धियान नाहीं देत ह।</verse>
				<verse number="2">सज्जन आपन वाणी क सुफल क आनंद लेत हीं मुला दुर्जन तउ सदा हिंसा चाहत ह।</verse>
				<verse number="3">जउन आपन वाणी क बरे चौकस रहत ह, उ आपन जिन्नगी क रच्छा करत ह। पर जउन गाल बजावत रहत ह, आपन बिनास क पावत ह।</verse>
				<verse number="4">आलसी मनइ चिजियन क लालसा करत ह पर कछू नाहीं पावत, मुला एक ठू परिस्रमी क जेतनी भी इच्छी अहइ, पूर्ण होइ जात ह।</verse>
				<verse number="5">धर्मी मनई ओहसे घिना करत ह, जउन झूठ अहइ जबकि दुट्ठ लज्जा अउ अपमान लिआवत हीं।</verse>
				<verse number="6">सच्चरित्र मनई क रच्छा करइवाली नेकी अहइ; जबकि दुट्ठता पापी मनइयन क नास करत ह।</verse>
				<verse number="7">एक ठु मनई जउन धन क देखावा करत ह, किंतु ओकरे लगे कछु भी नाहीं होत ह। किन्तु एक दूसर जउन गरीबी क जिन्नगी गुजारत ह ओकरे लगे बहोत धन होत ह।</verse>
				<verse number="8">धनवान क आपन जिन्नगी बचावइ ओकर धन फिरौती मँ लगावइ पड़ी मुला दीन जन कउनो धमकी क भय स अजाद अहइ।</verse>
				<verse number="9">धर्मी मनई क जिन्नगी प्रकास क नाईं चमचमात ह। किंतु दुट्ठ मनई क दिया बुझाइ दीन्ह जात ह।</verse>
				<verse number="10">अहंकार सिरिफ झगड़न क पनपावत ह। मुला विवेक उ अहइ जउन दूसर क राय क मानत ह।</verse>
				<verse number="11">बेइमानी क धन यूँ ही धूरि होइ जाता ह मुला जउन परिस्रम कइके धन संचित करत ह, ओकर धन बाढ़त ह।</verse>
				<verse number="12">जदि कउनो आसा नाही होइ तउ मन उदास होइ जात ह, मुला कामना क पूर्ति खुसी देत ह।</verse>
				<verse number="13">जउन जन सिच्छा क निरादर करत ह, ओका एकर कीमत चुकावइ क पड़ी। मुला जउन सिच्छा क आदर करत ह, उ तउ एकर प्रतिफल पावत ह।</verse>
				<verse number="14">विवेक क सिच्छा जिन्नगी क उद्गम सोता बाटइ, उ लोगन क मउत क फंदे स बचावत ह।</verse>
				<verse number="15">उ जउन अच्छा समुझ बूझ रखत ह खियाती अर्जित करत ह, पर विस्सासघात सिरफ विस्साघात ही लावत ह।</verse>
				<verse number="16">हर एक विवेकी गियान क साथ काम करत ह, मुला एक मूरख आपन बेवकूफी परगट करत ह।</verse>
				<verse number="17">दुट्ठ सन्देसवाहक बिपत्ति मँ पड़त ह, मुला बिस्सास क जोग्ग दूत सांति देत ह।</verse>
				<verse number="18">अइसा मनई जउन सिच्छा क उपेच्छा करत ह, ओह पइ लज्जा अउ गरीबी आइ पड़त ह। मुला जउन डाँट फटकार पइ कान देत ह, उ महत्व वाला मनइ होइ जाइ।</verse>
				<verse number="19">कउनो इच्छा क पूर होइ जाब मने क मधुर लागत ह। किन्तु मूरखन क बुरा क तजब नाहीं भावत ह।</verse>
				<verse number="20">बुद्धिमान क संगति, मनई क बुद्धिमान बनावत ह। किंतु मूरखन क साथी नस्ट होइ जात ह।</verse>
				<verse number="21">दुर्भाग्य पापियन क पाछा करत रहत ह; किंतु धर्मियन प्रतिफले मँ खुसहाली पावत हीं।</verse>
				<verse number="22">सज्जन आपन नाती-पोतन क धन सम्पत्ति छोड़तह जबकि पापी क धन धर्मियन क खातिर संचित होत रहत ह।</verse>
				<verse number="23">दीन जन क खेत भरपूर फसल देत ह, मुला अनिआव ओका बुहार लइ जात ह।</verse>
				<verse number="24">जउन आपन पूते क कबहुँ नाहीं दण्डित करत, उ आपन पूत क दुसमन अहइ। मुला जउन आपन पूत स पिरेम करत ह तउ उ ओका अनुसासन मँ राखत ह।</verse>
				<verse number="25">धमीर् जन, मने स खात अउर पूरी तरह तृप्त होत हीं किन्तु दुट्ठ क पास प्रयाप्त भोजन नाही होत ह।</verse>
			</chapter>
			<chapter number="14">
				<verse number="1">बुद्धिमान मेहरारू आपन घर बनावत ह; मुला मूरख मेहरारू आपन ही हाथन स आपन घर उजाड़ देत ह।</verse>
				<verse number="2">उ लोग जउन सच्ची राह पइ चलत ह आदर क संग उ यहोवा स डेरात ह। मुला ओकर जेका राह टेढ़ी अहइ उ यहोवा स घिना करत ह।</verse>
				<verse number="3">मूरख क बातन ओकरे बरे मुसीबत लावत ह। किंतु बुद्धिमानन क वाणी ओकर रच्छा करत ह।</verse>
				<verse number="4">जहाँ बर्धा नाहीं होतेन, खरिहान खाली रहत हीं, बर्धा क बल पइ ही भरपूर फसल होत ह।</verse>
				<verse number="5">एक सच्चा साच्छी कबहुँ नाहीं छलत ह मुला झूठा गवाह, झूठ उगलत रहत ह।</verse>
				<verse number="6">एक अनुसासनहीन मनइ बुद्धि तलास करत ह किन्तु एका नाहीं पावत ह। मुला जउन सिखइ क इच्छा करत ह आसानी स गियान पावत ह।</verse>
				<verse number="7">मूरख क संगत स दूरी बनाए राखा, काहेकि ओकरी वाणी मँ तू गियान नाहीं पउब्या।</verse>
				<verse number="8">गियानी जनन क गियान इहइ मँ अहइ कि उ पचे आपन राहन क चिंतन करइँ। किन्तु मूरखन आपन मूरखता स धोका खात ह।</verse>
				<verse number="9">एक मूरख आपन कीन्ह भवा बुरा करम क दण्ड पइ जेका ओका देइ होइ हसँत ह। किन्तु एक बुद्धि मान मनइ छमा पावइ क जतन करत ह।</verse>
				<verse number="10">हर मन आपन निजी पीड़ा क जानत ह, अउर ओकर दुःख कउनो नाहीं बाँटि पावत ह।</verse>
				<verse number="11">दुट्ठ क इमारत क ढहाइ दीन्ह जाइ, मुला सज्जन क डेरा फूली फली।</verse>
				<verse number="12">अइसी ही राह होत ह जउन मनई क उचित जान पड़त ह; मुला परिणाम मँ उ मउत क लइ जात ह।</verse>
				<verse number="13">हँसत भए भी हिरदय रोवत रहि सकत ह, अउर आनन्द दुःखे मँ बदल सकत ह।</verse>
				<verse number="14">बिस्सासहीन क, आपन कुमार्गन क फल भोगइ क पड़ी; अउर सज्जन सुमार्गन क प्रतिफल पाइ।</verse>
				<verse number="15">एक नादान सब कछू क बिस्सास कइ लेत ह। मुला विवेकी जन सोच-समुझिके गोड़ धरत ह।</verse>
				<verse number="16">बुद्धिमान मनई सचेत रहत ह अउर आपन क पापे स दूर रखत ह। मुला मूरख मनई लापरवाह होत ह अउर अतिबिस्सास रखत ह।</verse>
				<verse number="17">अइसा मनई जेका हाली किरोध आवत ह, उ मूरखता स भरा काम कइ जात ह अउर उ मनई छल-छंदी होत ह उ तउ सब ही क पावत ह</verse>
				<verse number="18">एक नादान जन क बस मूरखता मिल पावत ह मुला एक बुद्धिमान मनइ क सिरे पइ गियान क मकुट होत ह।</verse>
				<verse number="19">दुर्जन नीक लोगन क समन्वा सिर निहुरइहीं, अउर दुट्ठ मनइ इमानदार लोगन क जरिए हराइ जाइ।</verse>
				<verse number="20">गरीब क ओकर पड़ोसी भी दूर राखत हीं; मुला धनी जन क मीत बहोत होत हीं।</verse>
				<verse number="21">जउन आपन पड़ोसी क तुच्छ मानत ह उ पाप करत ह मुला जउन गरीबन पइ दाया करत ह उ जन धन्न अहइ।</verse>
				<verse number="22">अइसे मनइयन जउन सडयंत्र रचत हीं का गलती नाही करत हीं? मुला जउन भली जोजना रचत हीं, उ तउ पिरेम अउर बिस्सास पावत हीं।</verse>
				<verse number="23">मेहनत क प्रतिफल मिलत हीं; मुला कोरा बकवास बस दीनता लावत ह।</verse>
				<verse number="24">विवेकी क प्रतिफले मँ धन मिलत ह; पर मूरखन क प्रतिफले मँ सिरिफ मूरखता मिलत ह।</verse>
				<verse number="25">एक सच्चा गवाह अनेक जिन्नगी बचावत ह। पर झूठा गवाह, तबाही लावत ह।</verse>
				<verse number="26">अइसा मनई जउन परमेस्सर स डेरात ह, उ परमेस्सर म सुरच्छित जगह पावत ह। अउर हुवँइ ओनके गदेलन क भी सरण मिलत ह।</verse>
				<verse number="27">यहोवा क भय जिन्नगी क सोता होत ह, उ मनई क मउत क फंदे स बचावत ह।</verse>
				<verse number="28">विस्तृत बिसाल परजा राजा क महिमा अहइ, मुला परजा बिना राजा नस्ट होइ जात ह।</verse>
				<verse number="29">धीरज स पूर मनई बहोतइ समुझ-बूझ राखत ह। मुला अइसा मनई जेका हालीं स किरोध आवइ उ तउ आपन ही बेववूफी देखावत ह।</verse>
				<verse number="30">सान्त मन तने क जिन्नगी देत ह मुला जलन हाड़न तलक नास कइ देत ह।</verse>
				<verse number="31">जउन गरीब क सतावत ह, उ तउ सबक सिरजनहार क अपमान करत ह। मुला उ तउ कउनो गरीब पइ दयालु रहत ह, उ परमेस्सर क आदर करत ह।</verse>
				<verse number="32">जब विनास आवत ह तउ दुट्ठ मनइ तबाह होइ जाइ; मुला धर्मी जन तउ मउत मँ भी सुरच्छित स्थान पइ रहत ह।</verse>
				<verse number="33">बुद्धिमान क हिरदय मँ बुद्धि क निवास होत ह, अउर मूरखन क बीच भी उ आपन क जनावत ह।</verse>
				<verse number="34">नेकी स रास्ट्र क उत्थान होत ह; मुला पाप हर जाति क कलंक होत ह।</verse>
				<verse number="35">विवेकी सेवक, राजा क खुसी अहइ, मुला उ सेवक जउन मूरख होत ह उ ओकर किरोध जगावत ह।</verse>
			</chapter>
			<chapter number="15">
				<verse number="1">कोमल जवाबे स किरोध सांत होत ह; किन्तु कठोर वचन किरोध क भड़कावत ह।</verse>
				<verse number="2">जब कउनो बुद्धिमान बोलत ह तउ दूसर ओका सुनइ चाहत ह, मुला मूरख क मुँह बेववूफी उगलत ह।</verse>
				<verse number="3">यहोवा क आँखी हर कहूँ लगी भई अहइ। उ नीक-बुरे क देखत रहत ह।</verse>
				<verse number="4">दायावाली बात जिन्नगी क बृच्छ क नाईं अहइ। मुला कपट स भरी वाणी मने क तोड़ देत ह।</verse>
				<verse number="5">मूरख आपन बाप क डाँट फटकार क तिरस्कार करत ह। मुला जउन डाँट फटकार पइ कान देत ह बुद्धिमान होत ह।</verse>
				<verse number="6">धर्मिन क घरे मँ बहोत सारा चिज रहत ह। दुट्ठ क कमाई ओह पइ मुसिबत लिआवत ह।</verse>
				<verse number="7">बुद्धिमान क वाणी गियान फइलावत ह, मुला मूरखन क मन अइसा नाहीं करत ह।</verse>
				<verse number="8">यहोवा दुट्ठ क चढ़ावा स घिना करत ह मुला ओका सज्जन क पराथन ही खुस कइ देत ह।</verse>
				<verse number="9">दुट्ठन क राहन स यहोवा घिना करत ह। मुला जउन धार्मिकता क राहे पइ चलत हीं, ओनसे उ पिरेम करत ह।</verse>
				<verse number="10">ओकरी प्रतीच्छा मँ कठोर दण्ड रहत ह जउन राहे स भटक जात, अउर जउन सुधार स घिना करत ह, उ निहचय मरि जात ह।</verse>
				<verse number="11">जबकि यहोवा क समन्वा मउत अउ बिनासे क रहस्य खुला पड़ा अहइँ। तउ निहचित रूप स उ लोगन क हिरदयन क बारे मँ बहोत जियादा जानत ह।</verse>
				<verse number="12">उ व्यक्ति जउन डाँट फटकार करइवालन क मजाक उड़ावत ह, उ विवेकी स परामर्स नाहीं लेत।</verse>
				<verse number="13">मने क खुसी मुँह क चमकावत, मुला मने क दर्द आतिमा क कुचरि देत ह।</verse>
				<verse number="14">जउने मने क नीक-बुरा क बोध होत ह उ तउ गियान क खोज मँ रहत ह मुला मूरख क मन, मूरखता पइ लागत ह।</verse>
				<verse number="15">गरीब व्यक्ति बरे हर एक दिन बुरा अहइ, किन्तु आनन्दित हिरदय बरे हर एक दिन उत्सव क नाईं अहइ।</verse>
				<verse number="16">बेचैनी क संग प्रचुर धन उत्तिम नाहीं, यहोवा भय मानत रहइ स तनिक भी धन उत्तिम अहइ।</verse>
				<verse number="17">घिना क संग जियादा खइया स, पिरेम क संग थोड़ा भोजन उत्तिम अहइ।</verse>
				<verse number="18">किरोधी जन वाद-बिवाद भड़कावत ह। जबकि सहइवाला मनई वाद-बिवाद क सुलझावत ह।</verse>
				<verse number="19">आलसी क राह काँटन स रूँधी रहत हीं, जबकि सज्जन क मारग राजमार्ग होत ह।</verse>
				<verse number="20">विवेकी पूत अपने बाप क खुस करत ह, मुला मूरख मनई अपनी महतारी स घिना करत ह।</verse>
				<verse number="21">निर्बुद्धि मनई सोचत ह कि मूरखता मजाक अहइ। मुला समुझदार मनई सोझ राह चलत ह।</verse>
				<verse number="22">बिना परामर्स क जोजना बिफल होत हीं। किंतु एक मनई अनेक सलाहकारन क परामर्स स सफल होत हीं।</verse>
				<verse number="23">मनई उचित जवाब देइ स खुस होत ह। जइसा उचित होइ समय क बचन केतना उत्तिम अहइ।</verse>
				<verse number="24">बुद्धिमान जन क मारग ओका ऊँच स ऊँच लइ जात ह, अउर ओका मउत क गड़हा मँ गिरइ स बचा रहइ।</verse>
				<verse number="25">यहोवा अभिमानी क घरे क छिन्न-भिन्न करत ह। मुला उ गरीब राँड़ क भुइयाँ क देखरेख करत ह।</verse>
				<verse number="26">दुट्ठन क जोजना स यहोवा क घिना अहइ। पर सज्जनन क जोजना ओका हमेसा भावत हीं।</verse>
				<verse number="27">लालची मनई अपने घराने पइ हमेसा बदनामी लिआवत ह मुला उहइ सांति स जिअत रहत ह जउन जन-घूस स घिना भाव राखत ह।</verse>
				<verse number="28">धर्मी जन बोलइ स पहिले सोचत ह। मुला दुट्ठ जन बेसोचे समुझे बियर्थ बातन बोलत ह।</verse>
				<verse number="29">यहोवा दुट्ठन स दूर रहत ह, बहोत दूर; मुला उ धर्मी क पराथना सुनत ह।</verse>
				<verse number="30">आंनद स भरी आँखी क चमक मने क हर्सित करत ह, नीक खबर हाड़न तलक ताकत पहोंचावत ह।</verse>
				<verse number="31">जउन जीवनदायी डाँट सुनत ह, उहइ बुद्धिमान जनन क बीच चैन स रही।</verse>
				<verse number="32">अइसा मनई जउन अनुसासन क उपेच्छा करत, उ तउ आपन जिन्नगी क ही रद्द करत ह। मुला जउन सुधार पइ धियान देत ह समुझ-बूझ पावत ह।</verse>
				<verse number="33">यहोवा क भय लोगन क गियान सिखावत ह। आदर पावइ स पहिले नम्रता आवत ह।</verse>
			</chapter>
			<chapter number="16">
				<verse number="1">मनई तउ आपन जोजना क बनावत ह, मुला ओनका यहोवा ही कारज क रूप देत ह।</verse>
				<verse number="2">मनई क आपन राहन पाप रहित लागत ही; मुला यहोवा ओकरी नियत क परखत ह।</verse>
				<verse number="3">जउन कछू तू यहोवा क समर्पण करत अहा तोहार सारी जोजनन सफल होइहीं।</verse>
				<verse number="4">यहोवा हर एक चिजियन बरे जोजना बनाएस ह, अउर आपन जोजना क मुताबिक दुट्ठन क नास कीन्ह जाब।</verse>
				<verse number="5">जेनके मने मँ अहंकार भरा भवा अहइ, ओनसे यहोवा घिना करत ह। एका तू सुनिहचित जाना, कि उ पचे बगैर सजा पाए नाहीं बचिहीं।</verse>
				<verse number="6">वफादारी अउर सच्चाइ स अपराध क खतम किया जा सकत ह। यहोवा क आदर करइ स तू बुराइ स बचब्या।</verse>
				<verse number="7">यहोवा क जब मनई क राहन भावत हीं, उ ओकरे दुस्मनन क भी संग सान्ति स रहइ क मीत बनाइ देत ह।</verse>
				<verse number="8">अनिआव स मिले जियादा क अपेच्छा, नेकी क संग तनिक मिलब ही उत्तिम अहइ।</verse>
				<verse number="9">मने मँ मनई निज राहन रचत ह, मुला यहोवा ओकरे गोड़न क सुनिहचित करत ह।</verse>
				<verse number="10">राजा जउन बोलत ह नेम बन जात ह। ओका चाही उ निआव स नाहीं चूकइ।</verse>
				<verse number="11">यहोवा चाहत ह कि सबइ तराजू अउ बाट खरा होइ। उ चाहत ह कि सबइ व्यापारिक कारोबार निस्पच्छ होइ।</verse>
				<verse number="12">विवेकी राजा, बुरे करमन स घिना करत ह काहेकि नेकी पइ ही सिंहासन टिकत ह।</verse>
				<verse number="13">राजा लोगन क निआव स भरी वाणी पसन्द करइ चाही। जउन जन फुरइ बोलत ह, उ पचन्क ओका सम्मान देइ चाइही।</verse>
				<verse number="14">राजा क कोप मउत क दूत होत ह मुला गियानी जन स ही उ सांत होइ।</verse>
				<verse number="15">राजा जब खुस होत ह तब सबइ क जिन्नगी उत्तिम होत ह, अगर राजा तोहसे खुस अहइ तउ उ बसंत ऋतु क बर्खा जइसी अहइ।</verse>
				<verse number="16">विवेक सोना स जियादा उत्तिम अहइ, अउर समुझबूझ पाउब चाँदी स उत्तिम अहइ।</verse>
				<verse number="17">सज्जन लोगन क राह बदी स दूर रहत ह। जउन आपन राहे क चौकस करत ह, उ आपन जिन्नगी क रखवारी करत ह।</verse>
				<verse number="18">नास आवइ स पहिले अहंकार आइ जात ह; अउ पतन स पहिले अहंकारी आवत ह।</verse>
				<verse number="19">स्वाभिमानी लोगन क संग लूटक सम्पत्ति बाँट लेइ स, दीन अउ गरीब लोगन क संग विनम्र रहब उत्तिम अहइ।</verse>
				<verse number="20">जउन भी आपन कारोबार म अच्छा अहइ उ फूली-फली। अउर जेकर भरोसा यहोवा पइ अहइ उहइ धन्न अहइ।</verse>
				<verse number="21">बुद्धिमान मनवाला विवेक कहवावत हीं। अउर उ व्यक्ति जउन सवधानी स सब्दन क चुनत ह उ जियादा बिस्सास जोग्ग होत ह।</verse>
				<verse number="22">जेनके लगे समुझबूझ अहइ, ओनके बरे समुझबूझ जिन्नगी सोता होत ह, मुला मूरखन क मूढ़ता ओनका सजा दिआवत ह।</verse>
				<verse number="23">बुद्धिमान क हिरदय आपन वाणी क अनुसासन मँ धरत ह; अउर बिस्सास जोग्ग सब्दन क जोड़त ह।</verse>
				<verse number="24">मन क भावइ वाली वाणी सहद जइसी होत ह। ओनका सरलता स ग्रहण किया जात ह अउर तोहार स्वास्थ्य बरे नीक होत ह।</verse>
				<verse number="25">मारग अइसा भी होत ह जउन उचित जान पड़त ह, मुला परिणाम मँ उ मउत क जात ह।</verse>
				<verse number="26">काम करइवाला क भूखे स भरी सबइ इच्छा ओहसे काम करवावत रहत हीं। इ भूख ही ओका अगवा ढकेलत ह।</verse>
				<verse number="27">बुरा मनई सडयंत्र रचत ह, अउर ओकर वाणी अइसी होत ह जइसी झुरसत आगी।</verse>
				<verse number="28">उत्पाती मनई बात-विवाद भड़कावत ह। अउर कानाफूसी करइ वाला निचके क मीतन क फोड़ देत ह।</verse>
				<verse number="29">आपन पड़ोसी क उ हिसंक फँसाइ लेत ह अउर कुमारग पइ ओका हींच लइ जात ह।</verse>
				<verse number="30">जब भी मनई आँखी स इसारा कइके जोजनन क रचत रहत ह उ बिनासकारी ह। जब पड़ोसी क चोट पहुचावइ बरे जोजना रच लेत ह तउ उ हसँत ह।</verse>
				<verse number="31">सफेद बार महिमा मुकुट होत हीं जउन धर्मी जिन्नगी स मिलत हीं।</verse>
				<verse number="32">धर्मी जन कउनो जोधा स भी उत्तिम अहइँ, अउर जउन किरोध पइ नियंत्रण धरत ह, उ अइसे मनई स उत्तिम होत ह, जउन पूरे सहर क जीत लेत ह।</verse>
				<verse number="33">पासा तउ झोरी मँ डाइ दीन्ह जात ह, मुला ओकर हर फैसला यहोवा ही करत ह।</verse>
			</chapter>
			<chapter number="17">
				<verse number="1">झंझट झमेला भरे घरे क दावत स चैन अउ सान्ति क सूखी रोटी क टूका खाउब उत्तिम अहइ।</verse>
				<verse number="2">बुद्धिमान दास एक अइसे पूत पइ सासन करी जउन घरे बरे सर्मनाक होत ह। बुद्धिमान दास उ पूत क जइसा ही बसीयत पावइ मँ सहभागी होइ।</verse>
				<verse number="3">जइसे चाँदी अउ सोना क आगी मँ डाइ क सुद्ध कीन्ह जात ह वइसे ही यहोवा लोगन क हिरदय क परखत सोधत ह</verse>
				<verse number="4">दुट्ठ जन, दुट्ठ क वाणी क सुनत ह, लबार बैर भरी वाणी पइ धियान देत ह।</verse>
				<verse number="5">अइसा मनई जउन गरीब क हँसी उड़ावत ह, उ ओकरे सिरजनहार क अपमान करत ह। अउर उ जउन कउनो दूसर क समस्या पइ खुस होत ह सजा झेलब्या।</verse>
				<verse number="6">नाती-पोतन बृद्ध जन क मकुट होत हीं, अउर महतारी-बाप ओनके लरिकन क मान अहइँ।</verse>
				<verse number="7">मूरख बरे जियादा बोलब उत्तिम नाहीं अहइ वइसे ही सासक क झूठ बोलब केतना बुरा होइ!</verse>
				<verse number="8">घूस देइवाले क घूस महामंत्र जइसे लागत ह, जेहसे उ जहाँ भी जाइ, सफल ही होइ जाइ।</verse>
				<verse number="9">जदि कउनो मनइ कउनो क जउन ओकर बुरा किहस ह छमा कइ देत ह तउ उ पचे दोस्त होइ सकत ह। किन्तु उ मनइ जउन छमा करत ह उ लगातार दूसर क गलती क याद करत ह तउ ओनकर दोस्ती टूट जात ह।</verse>
				<verse number="10">विवेकी क धमकाउब ओतना प्रभावित करत ह; जेतना मूरखन क सौ-सौ कोड़न भी नाहीं करतेन।</verse>
				<verse number="11">दुट्ठ जन तउ बस हमेसा विद्रोह करत रहत ही; ओकरे बरे दाया स हीन अधिकारी पठवा जाइ।</verse>
				<verse number="12">आपन बेवकूफी मँ चूर कउनो मूरख स मिलइ स अच्छा बाटइ, कि उ रीछिन स मिलब जेहसे ओकर बच्चन क छीन लीन्ह गवा होइ।</verse>
				<verse number="13">भलाई क बदले मँ अगर कउनो बुराई करइ तउ ओकरे घरे क बुराई नाहीं तजी।</verse>
				<verse number="14">झगड़ा सुरू करब अइसा अहइ जइसे बाँध क टूटब अहइ, तउ, एकरे पहिले कि तकरार सुरू होइ जाइ बात खतम करा।</verse>
				<verse number="15">यहोवा एन दुइनउँ ही बातन स घिना करत ह, दोखी क छोड़ब, अउर निर्दोख क सजा देब।</verse>
				<verse number="16">मूरख क हाथन मँ धने क का प्रयोजन। काहेकि, ओका चाह नाहीं कि बुद्धि क मोल लेइ।</verse>
				<verse number="17">मीत तउ सदा-सर्वदा पिरेम करत ह। एक सच्चा भाइ बुरे दिनन मँ साहयता करत ह।</verse>
				<verse number="18">विवेकहीन जन ही किरिया स हाथ बँधाइ लेत अउर आपन पड़ोसी क ऋृण ओढ़ लेत ह।</verse>
				<verse number="19">जेका लड़ाई-झगड़ा भावत ह, उ तउ सिरिफ पापे स पिरेम करत ह अउर जउन डींग हाँकत रहत ह उ तउ आपन ही नास बोलावत ह।</verse>
				<verse number="20">कुटिल हिरदय जन कबहुँ फूलत फलत नाहीं अउर जेकर वाणी छली भइ अहइ, विपद मँ गिरत ह।</verse>
				<verse number="21">मूरख पूत बाप बरे पीरा लिआवत ह, मूरख क बाप क कबहुँ आनंद नाहीं होत।</verse>
				<verse number="22">खुस रहब सब स बड़की दवा अहइ, मुला बुझा मन हाड़न क झुराइ देत ह।</verse>
				<verse number="23">दुट्ठ मनई, निआव क गलत उपयोग करइ बरे एकांत मँ घूस लेत ह।</verse>
				<verse number="24">बुद्धिमान जन बुद्धि क समन्वा धरत ह, मुला मूरख क आँखिन धरती क छोरन तलक भटकत हीं।</verse>
				<verse number="25">मूरख पूत बाप क तेज ब्यथा देत ह, अउर महतारी बरे जउन ओका जनम दिहस, कड़ुवाहट भरि देत ह।</verse>
				<verse number="26">कउनो निर्दोख क दण्ड देब उचित नाहीं, ईमानदार नेता क पीटब नीक नाहीं अहइ।</verse>
				<verse number="27">गियानी जन खामूस रहत ही, समुझ-बूझ वाला जन आपन पइ काबू राखत ह।</verse>
				<verse number="28">मूरख भी जब तलक नाहीं बोलत नीक लागत ह। अउर अगर आपन वाणी रोकइ तउ गियानी जाना जात ह।</verse>
			</chapter>
			<chapter number="18">
				<verse number="1">कछू मनई आपन इच्छा क अनुसार काम करत ही। जदि दूसर कउनो ओनका सलाह देत ह तउ उ कोहान जात ह।</verse>
				<verse number="2">मूरख जन दूसर स सीखइ मँ खुस नाही होत ह। उ जउन कछू सोचत ह उहइ बोलत मँ खुस होत ह।</verse>
				<verse number="3">लोग दुट्ठ व्यक्ति क नाही चाहवत ह। लोग मूरख लोग क मजाक उड़ावत ह।</verse>
				<verse number="4">बुद्धिमान क सब्द गहिर जल क नाईं होत हीं, उ पचे बुद्धि क सोता स उछरत भए आवत हीं।</verse>
				<verse number="5">दुट्ठ जन क पच्छ लेब अउर निर्दोख क निआव स वंचित राखब उचित नाहीं होत।</verse>
				<verse number="6">मूरख क होठंन बात-बिवाद क जनम देत ह अउर आपन मुँह क कारण उ पिटा जात ह।</verse>
				<verse number="7">मूरख क मुँह ओकरे कामे क बिगाड़ देत ह अउर ओकर आपन ही होंठन क जाले मँ ओकर परान फंसि जात ह।</verse>
				<verse number="8">लोग हमेसा गपसप सुनइ चाहत ही। इ उत्तिम भोजन क नाई अहइ जउन पेट क भीतर उतरत चला जात ह।</verse>
				<verse number="9">जउन अपन काम मंद गति स करत ह, उ ओकर भाई अहइ, जउन विनास करत ह।</verse>
				<verse number="10">यहोवा क नाउँ एक सुदृढ़ गढ़ क नाईं अहइ। उ कइँती धर्मी जन दौड़ जात हीं अउर सुरच्छित रहत हीं।</verse>
				<verse number="11">धनिक समुझत हीं कि ओनकर धन ओनका बचाइ लेइ उ पचे समुझत हीं कि उ एक सुरच्छित किला अहइ।</verse>
				<verse number="12">पतन स पहिले मन अंहकारी बन जात ह, मुला सम्मान स पूर्व विनम्रता आवत ह।</verse>
				<verse number="13">बात क बिना सुने ही, जउन जवाब मँ बोल पड़त ह, उ ओकर बेवकूफी अउ ओकर अपजस अहइ।</verse>
				<verse number="14">मनई क मन ओका बियाधि मँ थामे राखत ह; मुला टूटे हिरदय क भला कउनो कइसे थामइ।</verse>
				<verse number="15">बुद्धिमान क मन गियान क पावत ह, बुद्धिमान क कान एका खोज लेत हीं।</verse>
				<verse number="16">उपहार देइवाले क मारग उपहार खोलत ह अउर ओका महापुरुसन क समन्वा पहोंचाइ देत ह।</verse>
				<verse number="17">पहिले जउन बोलत ह ठीक ही लागत ह मुला बस तब तलक ही जब तलक दूसर ओहसे सवाल नाहीं करत ह।</verse>
				<verse number="18">अगर दुइ बरिआर आपुस मँ झगड़त होइँ, उत्तिम अहइ कि ओनके झगड़न क पाँसा बहाइके निपटाउब।</verse>
				<verse number="19">रूठे भए बन्धु क मनाउब कउनो गढ़ वाला सहर क जीत लेइसे जियादा कठिन अहइ। अउर आपुसी झगड़न अइसे होत ही जइसे गढ़ी क मुँदे दुआर होत हीं।</verse>
				<verse number="20">मनई क पेट ओकरे मुँहे क फले स ही भरत ह, ओकरे होंठन क खेती क प्रतिफल ओका मिलत ह।</verse>
				<verse number="21">जीभ क वाणी जिन्नगी अउर मउत क सक्ति रखत ह। अउर जउन वाणी स पिरेम राखत हीं, उ पचे ओकर फल स आनन्दित होत हीं।</verse>
				<verse number="22">जेका नीक पत्नी मिली अहइ, उ उत्तिम पदार्थ पाएस ह। ओका यहोवा क अनुग्रह मिलत ह।</verse>
				<verse number="23">गरीब जन तउ दाया क माँग करत ह, मुला धनी जन तउ कठोर जवाब देत ह।</verse>
				<verse number="24">बहोत सारे मीतन क संगत तबाही लाइ सकत ह। किंतु आपन घनिष्ठ मीत भाई स भी उत्तिम होइ सकत ह।</verse>
			</chapter>
			<chapter number="19">
				<verse number="1">उ गरीब मनइ ओन व्यक्ति स बेहतर अहइ जउन झूट बोलत ह अउ मूरख अहइ।</verse>
				<verse number="2">बिना गियान क उत्साह राखब नीक नाहीं अहइ एहसे उतावली मँ गलती होइ जात ह।</verse>
				<verse number="3">मनई आपन बेवकूफी स आपन जिन्नगी बिगाड़ लेत ह, मुला उ यहोवा क दोखी ठहरावत ह।</verse>
				<verse number="4">धन स बहोत सारे मीत बन जात हीं, मुला गरीब जन क ओकर मीत भी तजि जात ह।</verse>
				<verse number="5">लबार गवाह बगैर सजा पाए नाहीं बची अउर जउन झूठ उगलत रहत ह, छूटइ नाहीं पाई।</verse>
				<verse number="6">बहोत स लोग सासक क खुस करइ क जतन करत ह अउर हर एक मनइ ओकर मीत बन जावा चाहत हीं, जउन उपहार देत रहत ह।</verse>
				<verse number="7">निर्धन क सब संबंधी ओहसे कतरात हीं। ओकर मीत ओहसे केतना बचत फिरत हीं, जदपि उ ओन लोगन स मदद बरे बिनती करत हीं तउ पइ भी उ पचे ओकर लगे नाहीं जाइहीं।</verse>
				<verse number="8">जउन गियान पावत ह उ आपन प्राण स ही प्रीति राखत ह, उ जउन समुझ-बूझ बढ़ावत रहत ह फलत अउर फूलत ह।</verse>
				<verse number="9">लबार गवाह सजा पाए बिना नाहीं बची, अउर उ, जउन झूठ उगलत रहत ह, ध्वस्त होइ जाइ।</verse>
				<verse number="10">मूरख धनी नाहीं बनइ चाही। उ अइसे होइ जइसे कउनो दास युवराजन पइ राज करइ।</verse>
				<verse number="11">बुद्धिमान मनइ सदा साँत रहत ह। जब उ ओन लोगन क छिमा करत ह जउन ओकरे खिलाफ होइँ, तउ ओकर सम्मान अउर भी बढ़ जात ह।</verse>
				<verse number="12">राजा क किरोध सेर क दहाड़ जइसा अहइ, मुला ओकर कृपा घास पइ ओसे क बूँद स होत ह।</verse>
				<verse number="13">मूरख पूत आपन बाप बरे बिनासे क लावत ह। अउर एक झगरालू पत्नी हमेसा टपकइ वाला पानी क नाईं अहइ।</verse>
				<verse number="14">भवन अउ धन-दौलत महतारी बाप स विरासत मँ मिल जात ह। मुला बुद्धिमान पत्नी यहोवा क ओर स धन्न अहइ।</verse>
				<verse number="15">आलस गहिर घोर नींद देत ह; मुला उ आलसी भूखा मरत ह।</verse>
				<verse number="16">अइसा मनई जउन आदेसन पइ चलत ह उ आपन जिन्नगी क रच्छा करत ह। मुला जउन आदेसन क उपेच्छा करत ह उ निहचय ही मउत अपनावत ह।</verse>
				<verse number="17">गरीब पइ किरपा देखाउब यहोवा क उधार देब अहइ, यहोवा ओका, ओकरे इ कामे क प्रतिफल देइ।</verse>
				<verse number="18">तू आपन पूत क अनुसासित करा अउर ओका सजा द्या, जब उ अनुचित होइ। बस इहइ आसा अहइ। अगर तू अइसा करइ क मना करा, तब तउ तू ओकरे बिनासे मँ ओकर सहायक बनत अहा।</verse>
				<verse number="19">अगर कउनो मनई क तुरंत किरोध आवइ, ओका एकर कीमत चुकावइ क होइ। अगर तू ओकर रच्छा करत अहा, तउ केतनी ही बार तोहे ओका बचावइ क होइ।</verse>
				<verse number="20">सुमति पइ धियान द्या अउर सुधार क अपनाइ ल्या तू जेहसे आखीर मँ तू बुद्धिमान बन जा।</verse>
				<verse number="21">मनई अपने मने मँ का का करइ क सोचत ह; कितुं यहोवा क जोजना पूरा होत ह।</verse>
				<verse number="22">लोग चाहत हीं मनई बिस्सास जोग्ग अउ सच्चा होइ। एह बरे गरीबी मँ बिस्सास क जोग्ग अउ सच्चा बनके रहब उचित अहइ अइसा मनई स जउन झूटा अउर धनी अहइ।</verse>
				<verse number="23">यहोवा क भय सच्ची जिन्नगी क राह देखावत ह, एहसे मनई सान्ति पावत ह अउर कस्ट स बचत ह।</verse>
				<verse number="24">एक आलसी आपन हाथ थारी मँ डालत ह मुला उ ओका मुँहे तलक उठावइ मँ बहोत सुस्ती क अनुभव करत ह।</verse>
				<verse number="25">ठट्ठा करइवाला मनई क मारा ताकि एक साधारन जन आहसे सीख पाइ। मामूली डाँट डपट ही एक बुद्धिमान मनई बरे काफी होत ह।</verse>
				<verse number="26">अइसा पूत जउन निन्दा क जोग्ग करम करत ह घरे क अपमान होत ह; उ अइसा होत ह जइसे पूत कउनो आपन बाप स छोरइ अउर घरे स असहाय महतारी क निकारि बाहेर करइ।</verse>
				<verse number="27">हे मोर पूत अगर अनुसासन पइ धियान देब तजि देब्या, तउ तू गियान क बचनन स भटक जाब्या।</verse>
				<verse number="28">भ्रस्ट गवाह निआव क सम्मान नाहीं देत ह। अउर दुस्ट क मुँह बुराई क भस्म कर देत ह।</verse>
				<verse number="29">उ जउन सम्मान नाहीं देत ह सजा पाइ, अउर मूरख जन क पीठ कोड़न खाइ।</verse>
			</chapter>
			<chapter number="20">
				<verse number="1">सराब अउ दाखरस लोगन क काबू मँ नाहीं रहइ देतेन। उ ओनका हल्ला करइवाला अउर सेरवी जतावइ वाला बनावत ह। अउर उ जउन मदमसत होइ जात ह मूरखता क कार्य करत ह।</verse>
				<verse number="2">राजा क किरोध सेर क दहाड़ क सम्मान होत ह, जउन ओका किरोधित करत ह, प्राण स हाथ धोवत ह।</verse>
				<verse number="3">झगड़न स दूर रहब मनई क आदर अहइ। मुला मूरख जन तउ सदा झगड़ा करइ बरे तइयार रहत ह।</verse>
				<verse number="4">मौसम आवइ पइ अदूरदर्सी आलसी हर नाहीं डावत ह, तउ कटनी क समइ उ ताकत रहि जात ह अउर कछू भी नाहीं पावत ह।</verse>
				<verse number="5">व्यक्ति क सोच गहिर पानी क नाईं होत ह। कितुं समुझदार मनई ओनका बाहेर हींच लेत ह।</verse>
				<verse number="6">लोग आपन बिस्सास जोग्गता क बहोत ढोल पीटत हीं। मुला बिस्सास क जोग्ग जन क कउन खोज सकत ह</verse>
				<verse number="7">धर्मी जन बेकलके क जिन्नगी जिअत ह ओकरे पाछे आवइवाली संतानन धन्न अहइँ।</verse>
				<verse number="8">जब राजा निआव क सिंहासने पइ विराजत भवा आपन दृस्टि माय स बुराई क फटकि के छाँटत हइ।</verse>
				<verse number="9">कउन कहि सकत ह, “मइँ आपन हिरदय रखेउँ ह, मइँ बिसुद्ध, अउर पाप रहित हउँ?”</verse>
				<verse number="10">एन दुइनउँ स, खोट बाटन अउर खोट नापन स यहोवा घिना करत ह।</verse>
				<verse number="11">बालक भी आपन करमन स जाना जात ह, कि ओकर चालचलन सुद्ध अहइ, या नाहीं।</verse>
				<verse number="12">यहोवा कान बनाएस ह कि हम सुनी। यहोवा आँखिन बनाएस ह कि हम लखी। यहोवा इ दुइनउँ क एह बरे हमरे बरे बनाएस।</verse>
				<verse number="13">नींद स पिरेम जिन करा दरिद्र होइ जाब्या; तू जागत रहा तोहरे लगे भरपूर भोजन होइ।</verse>
				<verse number="14">गाहक बेसहत समइ कहत ह, “अच्छा नाहीं, बहोत मँहग!” मुला जब उ हुआँ स उ दूर चला जात ह आपन खरीद क सेखी बघारत ह।</verse>
				<verse number="15">कउनो मनई क लगे सोना बहोत बाटइ अउर मणिमाणिक बहोत ढेर अहइँ, मुला अइसे ओंठ जउन बातन गियान क बतावत दुर्लभ रतन होत हीं।</verse>
				<verse number="16">जउन कउनो अजनबी क ऋृण क जमानत देत ह उ आपन ओढ़ना तलक गँवाइ बइठत ह।</verse>
				<verse number="17">छले स कमाई रोटी मीठ लागत ह पर अंत मँ ओकर मुँह काँकरे स भरि जात ह।</verse>
				<verse number="18">सबइ जोजना स पहिले तू उत्तिम सलाह पाइ लिहा करा। जदि तोहका जुद्ध करब होइ तउ उत्तिम लोगन स अगुवाइ ल्या।</verse>
				<verse number="19">बकवादी रहस्य क फास कइ देत ह। यह बरे रहस्यमय बातन क बकवादी मनई स जिन कहा।</verse>
				<verse number="20">कउनो मनई आपन बाप क या आपन महतारी क कोसइ, ओकर दीया बुझ जाइ अउर गहिर अँधियारा होइ जाइ।</verse>
				<verse number="21">बेइमानी स प्राप्त कीन्ह गवा सम्पत्ति अंत मँ आसीस नाही लाइहीं।</verse>
				<verse number="22">इ बुराई क बदला मइँ तोहसे लेब। अइसा तू जिन कहा, यहोवा क बाट जोहा तोहका उहइ अजाद करी।</verse>
				<verse number="23">यहोवा खोटे बटखरन, गलत तराजू अउ पेमाना स घिना करत ह। खोटा माप नीक नाहीं बाटइ।</verse>
				<verse number="24">यहोवा फैसला करत ह कि हर एक मनई क जिन्नगी मँ का होइ। कउनो मनई कइसा समुझ सकत ह कि ओकरे जिन्नगी मँ का घटइवाला अहइ?</verse>
				<verse number="25">परमेस्सर क कछू अर्पण करइ क प्रतिग्या स पहिले ही विचार ल्या; भली भाँति विचार ल्या। होइ सकत ह जदि तू पाछे अइसा सोचा, “मइँ उ प्रतिग्या नाहीं करत। किन्तु तोहका उ प्रतिग्या पूरा करइ क होइ जउन तू परमेस्सर स किहा ह।”</verse>
				<verse number="26">विवेकी राजा इ फैसला करत ह कि कउन बुरा जन अहइ। अउर उ राजा उ जन क सजा देइ।</verse>
				<verse number="27">यहोवा क दीपक जन क आतिमा क जाँच लेत ह। यहोवा जने क अन्दर तलक लखा सकत ह।</verse>
				<verse number="28">वफादारी अउर सच्चाइ राजा क सुरच्छित रखत ह। किन्तु ओकर सिंहासन सिरिफ ओकर वफादारी पइ टिकत ह।</verse>
				<verse number="29">नउजवानन क महिमा ओनके बल स होत ह अउर बृद्धन क गौरव ओनकर पके बाल अहइँ।</verse>
				<verse number="30">अगर हमका सजा दीन्ह जाइ तउ हम बुरा करब तजि देइत ह। दर्द मनई क परिवर्तन कइ सकत ह।</verse>
			</chapter>
			<chapter number="21">
				<verse number="1">राजा लोगन क मन यहोवा क हाथे होत ह, जहाँ भी उ चाहत ह ओका मोड़ देत ह वइसे ही जइसे कउनो किसान पानी क खेते क।</verse>
				<verse number="2">सबहिं क आपन-आपन राहन उत्तिम लागत हीं; मुला यहोवा तउ मने क तउलत ह।</verse>
				<verse number="3">तोहार उ करम क करब जउन उचित अउर नेक अहइ यहोवा क जियादा चढ़ावा चढ़ावइ स ग्राह्य बाटइ।</verse>
				<verse number="4">घमण्डी आँखिन अउ दर्पीला मन पाप अहइँ इ सबइ दुट्ठ क दुट्ठता प्रकास मँ लिआवत हीं।</verse>
				<verse number="5">परिश्रमी क जोजनन फायदा देत हीं इ वइसे ही निहचित अहइ जइसे उतावली स गरीबी आवत ह।</verse>
				<verse number="6">झूठ बोलि बोलिके कमावा धन दौलत अउ महिमा भाप क नाईं स्थिर नाहीं अहइ। अउर नाहीं अहइ, अउ उ घातक फंदा बन जात ह।</verse>
				<verse number="7">दुट्ठ क हिंसा ओनका हींच लइ बूड़ी काहेकि उ पचे उचित करम करइ नाहीं चाहतेन।</verse>
				<verse number="8">अपराधी क मारग कुटिलतापूर्ण होत ह मुला जउन नीक अहइँ ओनकर राह सोझ सच्चा होत हीं।</verse>
				<verse number="9">झगड़ालू मेहरारू क संग घरे मँ निवास स, छत क कउने कोने पइ रहब नीक अहइ।</verse>
				<verse number="10">दुट्ठ जन हमेसा बुराइ करइ क इच्छुक रहत ह। ओकर पड़ोसी ओहसे दाया नाहीं पावत।</verse>
				<verse number="11">जब उच्छृंखल सजा पावत ह तब सरल जन क बुद्धि मिलि जात ह। मुला बुद्धिमान तउ डाँट फटकार करइ पइ ही गियान क पावत ह।</verse>
				<verse number="12">निआव स पूर्ण परमेस्सर दुट्ठ क घरे पइ आँखी धरत ह, अउर दुट्ठ जन क उ नास कइ देत ह।</verse>
				<verse number="13">अगर कउनो गरीब क, करुणा पुकार पइ कउनो मनई आपन कान बंद करत ह, तउ जब उ पुकारी तउ ओकर पुकार पइ भी कउनो उत्तर नाहीं दिहीं।</verse>
				<verse number="14">गुप्त रूप स दीन्ह गवा भेंट किरोध क सांत करत ह। अउर गुप्त रूप स दीन्ह गवा उपहार खउफनाक किरोध क सांत करत ह।</verse>
				<verse number="15">निआव जब पूर्ण होत ह धर्मी क सुख देत ह, मुला कुकमिर्यन क महा भय होत ह।</verse>
				<verse number="16">जउन मनई विवेक क पथ स भटकि जात ह, उ विस्राम करइ बरे मृतकन क साथी होइ जात ह।</verse>
				<verse number="17">जउन सुख भोगन स पिरेम करत रहत ह उ दरिद्र होइ जाइ, अउर जउन दाखरस अउ अतर स पिरेम करत ह कबहुँ धनी नाहीं होइ।</verse>
				<verse number="18">दुर्जन क कबहुँ ओन सबहिं चिजियन क फल भुगतइ क ही पड़ी, जउन सज्जन क खिलाफ करत हीं। बेईमान लोगन क ओनके किए गए क फल भुगतइ पड़ी जउन ईमानदार लोगन क विरुद्ध करत हीं।</verse>
				<verse number="19">चिड़चिड़ी झगड़ालू मेहरारू क संग रहइ स रेतिस्तान मँ रहब उचित अहइ।</verse>
				<verse number="20">विवेकी क घर मँ मनचाहा खइया क अउर इफरात तेल क भंडारा भरा होत ह मुला मूरख मनई जउन ओकरे लगे होत ह चट कइ जात ह।</verse>
				<verse number="21">जउन जन नेकी अउ पिरेम क पालन करत ह, उ जिन्नगी संपन्नता अउर समादर क पावत ह।</verse>
				<verse number="22">बुद्धिमान जन क कछू भी कठिन नाहीं अहइ। उ अइसे सहर पइ चढ़ाई कइ सकत ह जेकर रखवारी सूरवीर करत होइँ, उ उ परकोटे क ध्वस्त कइ सकत ह जेकरे बरे उ आपन सुरच्छा क बिस्सास मँ रहेन।</verse>
				<verse number="23">उ जउन आपन मुँह क अउर आपन जीभ क बस मँ राखत ह उ आपन आप क बिपत्ति स बचावत ह।</verse>
				<verse number="24">अइसा मनई अहंकारी होत ह, जउन आपन क औरन स स्रेस्ठ समुझत ह, ओकर नाउँ हीं “अभिमानी” होत ह। आपन ही करमन स उ देखाइ देत ह कि उ दुट्ठ होत ह।</verse>
				<verse number="25">आलसी मनई बरे ओकर ही सबइ लालसा ओकरे मरण क कारण बन जात हीं काहेकि ओकरे हाथे करम क नाहीं अपनउतेन।</verse>
				<verse number="26">कछू लालची लोग दिन भइ इच्छा करत ही कि ओका अउर मिलाइ। अउर किन्तु धर्मी जन तउ उदारता स देत ह।</verse>
				<verse number="27">दुट्ठ क चढ़ावा यूँ ही घिना स पूर्ण होत ह फिन केतना बुरा होइ जब उ ओका बुरे भाव स चढ़ावइ?</verse>
				<verse number="28">लबार गवाह क नास होइ जाइ अउर जउन ओकर झूठी बातन क सुनी उ भी ओकरे संग हमेसा सर्वदा बरे नस्ट होइ जाइ।</verse>
				<verse number="29">दुट्ठ मनई बुरा करइ बर ठान लेत ह। किन्तु एक ईमानदार व्यक्ति जानत ह कि ओकर राह सीधी अहइ।</verse>
				<verse number="30">जदि यहोवा न चाहइ तउ, न ही कउनो बुद्धि अउर न ही कउनो अन्तदृस्टि, न ही कउनो जोजनन पूरी होइ सकत ह।</verse>
				<verse number="31">जुद्ध क दिन तउ घोड़ा तैयार कीन्ह ह, मुला विजय तउ बस यहोवा पइ निर्भर अहइ।</verse>
			</chapter>
			<chapter number="22">
				<verse number="1">अच्छा नाउँ अपार धन पावइ स जोग्ग अहइ। चाँदी, सोना स, तारीफ क पात्र होब जियादा उत्तिम अहइ।</verse>
				<verse number="2">धनियन मँ अउर निर्धनन मँ इ एक समता अहइ। यहोवा ही एन सबहिं क सिरजनहार अहइ।</verse>
				<verse number="3">कुसल जन जब कउनो विपत्ति क लखत ह, ओका बचइ बरे एहर ओहर होइ जात ह मुला मूरख उहइ राहे पइ बढ़त ही जात ह। अउर उ एकरे बरे दुःख ही उठत ह।</verse>
				<verse number="4">जब मनई विनम्र होत ह अउ यहोवा क भय करत ह उ धन-दौलत, आदर अउर जिन्नगी पाइहीं।</verse>
				<verse number="5">कुटिल क राहन काँटन स भरी होत ह अउर हुआँ पइ फंदन फइला होत ही; मुला जउन आतिमा क रच्छा करत ह उ तउ ओनसे दूर ही रहत ह।</verse>
				<verse number="6">बच्चन क जबकि उ छोटा अहइ जिन्नगी क नीक राह क सिच्छा दइ। तउ उ बुढ़ापा मँ भी ओहसे भटकी नाहीं।</verse>
				<verse number="7">धनी दरिद्रन पइ सासन करत हीं। उधार लेइवाला, देइवाल क दास होत ह।</verse>
				<verse number="8">अइसा मनई जउन दुट्ठता क बीज बोवत ह उ तउ संकट क फसल काटी; अउर ओकर किरोध क लाठी नस्ट होइ जाइ।</verse>
				<verse number="9">उदार मने क मनई खुद ही धन्न होइ, काहेकि उ आपन भोजन गरीब जने क संग बाँटिके खात ह।</verse>
				<verse number="10">गुस्ताख मनई जउन कि कउनो क सम्मान नाहीं देत ह क दूर करा तउ कलह दूर होइ। एहसे झगड़ा अउ अपमान मिट जात हीं।</verse>
				<verse number="11">उ जउन पवित्तर मने स पिरेम करत ह अउर जेकर वाणी मनोरम होत ह ओकर तउ राजा भी मीत बन जात ह।</verse>
				<verse number="12">यहोवा सदा विवेक क धियान राखत ह; मुला उ बिस्सासघाती क कार्य क नास करत ह।</verse>
				<verse number="13">काम नाहीं करइ क बहाना बनावत भवा आलसी कहत ह, “बाहेर सेर बइठा अहइ, होइ सकत ह कि गलियन मँ मोका मार डावा जाइ।”</verse>
				<verse number="14">बिभिचार क पाप गहिर गढ़ा क नाईं अहइ। यहोवा ओहसे बहोतइ कोहाइ जाइ जउन भी इ मँ गिरी।</verse>
				<verse number="15">लरिकन सैतानी करत रहत हीं; मुला अनुसासन क छड़ी ही सैतानी दूर कइ देत ह।</verse>
				<verse number="16">अइसा मनई जउन आपन धन बढ़ावइ बरे गरीब पइ अत्याचार करत ह; अउर उ, जउन धनी क उपहार देत ह, दुइनउँ ही अइसे जन अहइ जउन निर्धन होइ जात हीं।</verse>
				<verse number="17">बुद्धिमान क कहावतन सुना अउर धियान द्या। ओह पइ धियान लगावा जउन मइँ सिखावत हउँ।</verse>
				<verse number="18">अगर तू ओनका आपन मने मँ बसाइ ल्या तउ बहोत नीक होइ; तू ओनका हरदम आपन ओंठन पइ तैयार राखा।</verse>
				<verse number="19">मइँ तोहका आजु सिच्छा देत हउँ ताकि तोहार यहोवा पइ बिस्सास पैदा होइ।</verse>
				<verse number="20">इ सबइ तीस सीखन मइँ तोहरे बरे रचेउँ, इ सबइ बचन सम्मति अउर गियान क अहइँ।</verse>
				<verse number="21">उ सबइ बचन जउन महत्वपूर्ण होतिन, इ सबइ सत्य बचन तोहका सिखइहीं ताकि तू ओका उचित जवाब दइ सका, जउन तोहका पठएस ह।</verse>
				<verse number="22">तू गरीब क सोसण जिन करा। एह बरे कि उ पचे बस दरिद्र अहइँ; अउर कंगाले क कचहरी मँ जिन हीचा।</verse>
				<verse number="23">काहेकि परमेस्सर ओनकर सुनवाई करी अउर जउन ओनका लूटेन ह उ ओनका लूट लेइ।</verse>
				<verse number="24">तू किरोधी सुभाव क मनइयन क संग कबहुँ मिताई जिन करा अउर ओकरे संग, आपन क जिन जोड़ा जेका हाली किरोध आइ जात ह।</verse>
				<verse number="25">नाहीं तउ तू भी ओकरे राहे चालब्या अउर आपन क जालि मँ फँसाइ बइठब्या।</verse>
				<verse number="26">तू कउनो दूसर क कर्ज बरे जमानतदार नाहीं बना।</verse>
				<verse number="27">जदि ओका चुकावइ मँ तोहार साधन चुकिहीं तउ खाले क बिस्तर तलक तोहसे छोर लीन्ह जाइ।</verse>
				<verse number="28">तोहरे धरती क सम्पत्ति जेकर चउहद्दिन तोहार पुरखन निर्धारित किहन उस सीमा रेखा कबहुँ भी जिन हिलावा।</verse>
				<verse number="29">अगर कउनो मनई आपन कारज मँ कुसल अहइ, तउ उ राजा लोगन क सेवा करइ क जोग्ग अहइ। अइसे मनइयन बरे जेनकर कछू महत्व नाहीं ओका काम करइ क जरूरत नाहीं अहइ।</verse>
			</chapter>
			<chapter number="23">
				<verse number="1">जब तू कउनो अधिकारी क संग खइया क बरे बइठा तउ एकर धियान राखा, कि कउन तोहरे समन्वा अहइ।</verse>
				<verse number="2">अगर तू पेटू अहा तउ खाना पइ नियंत्रण राखा।</verse>
				<verse number="3">ओकरे स्वादिस्ट पकवानन क लालसा जिन करा काहेकि उ खइया धोका बाज़ अहइ।</verse>
				<verse number="4">धनवान बनइ क काम कइ कइके आपने क जिन थकावा। तू संयम देखावइ क, बुद्धि अपनाइ ल्या।</verse>
				<verse number="5">इ सबइ धन सम्पत्तियन लखत हीं लखत लुप्त होइ जइहीं निहचय ही आपन पंखन क फइलाइके उ पचे गरूड़ क नाईं अकासे मँ उड़ि जइहीं।</verse>
				<verse number="6">अइसे मनई क संग जउन स्वार्थी अहइ भोजन जिन करा। तू ओकरे स्वादिस्ट पकवाने क लालसा जिन करा।</verse>
				<verse number="7">काहेकि उ अइसा मनई अहइ जउन मन मँ हरदम ओकरी कीमत क हिंसाब लगावत रहत ह; तोहसे तउ उ कहत ह, “तू खा अउर पिआ” मुला उ मने स तोहरे संग नाहीं अहइ।</verse>
				<verse number="8">जउन कछू थोड़ा बहोत तू ओकर खाइ चुका अहा, तोहका तउ उ भी उलटइ पड़ी अउर उ पचे तोहार कहे भए आदर स पूर्ण वचन बियर्थ चला जइहीं।</verse>
				<verse number="9">तू मूरख क संग बातचीत जिन करा, काहेकि उ तोहरे विवेक स भरे बचनन स धिना ही करी।</verse>
				<verse number="10">पुराने जमाने क सीमा क पत्थर क जिन सरका। अउर अनाथे क भुइयाँ क जिन हड़पा।</verse>
				<verse number="11">काहेकि ओनकर संरच्छक सामरथ स पूरा अहइ, तोहरे खिलाफ ओनकर मुकदमा उ लड़ी।</verse>
				<verse number="12">तू आपन मन सीख क बातन मँ लगावा। तू गियान स भरे बचनन पइ कान द्या।</verse>
				<verse number="13">तू कउनो गदेला क अनुसासित करइ मँ कबहुँ जिन रोका अगर तू कबहुँ ओका छड़ी स सजा देब्या तउ उ एहसे नाहीं मरी।</verse>
				<verse number="14">तू छड़ी स पीटिके ओका अउर ओकर जिन्नगी क मउत स बचाइ लेब्या।</verse>
				<verse number="15">हे मोर पूत, जदि तोहार मन विवेक स पूर्ण रहत ह तउ मोर मन भी आनंद स पूर्ण रही।</verse>
				<verse number="16">अउर जदि तोहार ओंठ उचित बोलत हीं, तउ मइँ बहोत खुस होब्या।</verse>
				<verse number="17">तू आपन मने मँ भी पापे स भरा मनइयन क बरे जलन जिन करा। मुला तू एकर बजाए यहोवा स सदा डरा।</verse>
				<verse number="18">तउ तोहार लगे भविस्य होई, अउर तोहार आसा कबहुँ ध्वस्त नाहीं होई।</verse>
				<verse number="19">मोर पूत सुना! अउर विवेकी बनि जा अउर आपन मन क नेकी क राहे पइ चलावा।</verse>
				<verse number="20">तू ओनके संग जिन रहा जउन पियक्कड़ अहइँ, अथवा अइसे, जउन ठूँस ठूँस गोस खात हीं।</verse>
				<verse number="21">काहेकि इ पचे पियक्कड़ अउर इ सबइ पेटू दलिद्र होइ जइहीं, अउर इ ओनकर खुमारी, ओनका चिथड़न पहिरइहीं।</verse>
				<verse number="22">आपन बाप क सुना जउन तोहका जिन्नगी दिहेस ह, अपनी महतारी क निरादर जिन करा जब उ बुढ़िया होइ जाइ।</verse>
				<verse number="23">सच्चाई क खरीद ल्या अउर ओका जिन बेचा। अइसे ही विवेक, अनुसासन अउ समुझ क भी खरीद ल्या।</verse>
				<verse number="24">नेक पूत क बाप महा आनंद मँ रहत अउर जेकर पूत विवेक स पूर्ण होत ह उ तउ ओहमाँ ही खुस रहत ह।</verse>
				<verse number="25">तोहार महतारी अउ तोहार बाप क आनंद प्राप्त होइ अउर तोहार महतारी जउन तोहका जन्म दिहस, ओका खुसी मिलत रहइ।</verse>
				<verse number="26">मोर पूत, मोहमाँ मन लगावा अउर तोहार आँखिन मोह पइ टिकी रहइँ। मोका आदर्स माना।</verse>
				<verse number="27">एक वेस्या गहिर गड़हा होत ह। अउर एक बदकार मेहरारु मुसीबत स भरा कुआँ अहइ।</verse>
				<verse number="28">उ घात मँ रहत ह जइसे कउनो डाकू अउर उ लोगन मँ बिस्सास हीनन क संख्या बढ़ावत ह।</verse>
				<verse number="29">कउन बिपत्ति मँ अहइ? कउन दुःखे मँ पड़ा अहइ? कउन झगड़न-टंटन मँ अहइ? कउने क सिकाइतन अहइँ? कउन क घाव अहइ? केकर आँखिन लाल अहइँ?</verse>
				<verse number="30">उ पचे जउन लगातार दाखरस पिअत रहत हीं अउर जेनमाँ मसाला मिली भइ दाखरस क ललक होत ह।</verse>
				<verse number="31">जब दाखरस लाल होइ, अउर पिआलन मँ झिलमिलात होइ अउ धीरे धीरे डावत जात होइ, ओका ललचाही आँखिन स जिन लखा।</verse>
				<verse number="32">सर्प क समान उ डसत, आखीर मँ जहर भरि देत ह जइसे नाग भरि देत ह।</verse>
				<verse number="33">तोहरी आँखिन मँ अजीब दृस्य तैरइ लगिहीं, तोहार मन उल्टी-सोझ बातन मँ उलझी।</verse>
				<verse number="34">तू अइसा होइ जाइ, जइसे उफनत सागरे पइ सोवत रहत होइ अउर जइसे मस्तूल क सिखर ओलरा होइ।</verse>
				<verse number="35">तू कहब्या, “उ पचे मोका मारेन पर मोका तउ दर्द क अनुभव नाहीं हुआ। उ पचे मोका पीटेन, पर मोका याद ही नाहीं मइँ उठी क लायक नाहीं हउँ, मोका पिअइ क अउर द्या।”</verse>
			</chapter>
			<chapter number="24">
				<verse number="1">बुरे जन स तू कबहुँ डाह जिन करा। ओनकर संगत क तू चाहत जिन करा।</verse>
				<verse number="2">काहेकि ओनके मन हिंसा क जोजनन रचत अउर ओनकर ओंठ दुःख देइ क बातन करत हीं।</verse>
				<verse number="3">बुद्धि स घरे क निर्माण होइ जात ह, अउर समुझ स ही उ थिर रहत ह।</verse>
				<verse number="4">गियान क जरिये ओकर कमरा अद्भुत अउर सुन्नर खजानन स भरि जात हीं!</verse>
				<verse number="5">बुद्धिमान जन मँ महासक्ति होत ह अउर गियानी पुरूख सक्ति क बढ़ावत ह।</verse>
				<verse number="6">जुद्ध लड़इ बरे परामर्स चाही अउर विजय पावइ बरे बहोत स सलाहकार।</verse>
				<verse number="7">मूरख बुद्धि क नाहीं समुझत जब महत्व स पूर्ण बातन क चर्चा करत हीं तउ मूरख समुझ नाहीं पावत।</verse>
				<verse number="8">सड्यंत्रकारी उहइ कहवावत ह, जउन बुरी जोजनन बनावत रहत ह।</verse>
				<verse number="9">मूरख क जोजनन पापी अहइ अउर घमण्डी निन्दक जन क लोग तजि देत हीं।</verse>
				<verse number="10">अगर तू बिपत्ति मँ हिम्मत छोड़ बइठब्या, तउ तोहार सक्ति केतनी थोड़ स अहइ।</verse>
				<verse number="11">जदि कउनो क हत्तिया क कउनो सड्यंत्र रचइ तउ ओका बचावइ क तोहका जतन करइ चाही।</verse>
				<verse number="12">तू अइसा नाहीं कहि सकत्या, “मोका एहसे का लेब।” यहोवा सब कछू जानत ह अउर इ भी उ जानत ह कि तू काहे काम करत अहा? यहोवा तोहका लखत रहत ह। उ तोहरे भीतर क जानत ह अउर उ हर एक क ओकर करमन क अनुसार प्रतिफल देत ह।</verse>
				<verse number="13">हे मोर पूत, तू सहद खावा करा काहेकि उ उत्तिम अहइ। इ तोहका मीठ लागी।</verse>
				<verse number="14">इहइ तरह इ तू भी जान ल्या कि आतिमा क तोहार बुद्धि मीठ लागी, अगर तू एका पउब्या तउ ओहमाँ निहित बाटइ तोहरी भविस्स क आसा अउर उ तोहार आसा कबहुँ भंग नाहीं होइ।</verse>
				<verse number="15">धर्मी मनई क घरे क विरोध मँ लुटेरा क नाईं घात मँ जिन बइठा अउर ओकरे निवासे पइ जिन छापा मारा।</verse>
				<verse number="16">काहेकि एक नेक चाहे सात दाईं गिरइ, फुन भी उठि बइठी। मुला दुट्ठ जन विपत्ति मँ बूड़ि जात ह।</verse>
				<verse number="17">सत्रु क पत्तन पइ आनन्द जिन करा। जब ओका ठोकर लागइ, तउ आपन मन खुस जिन होइ द्या।</verse>
				<verse number="18">अगर तू अइसा करब्या, तउ यहोवा लखी अउर उ तोहसे खुस नाहीं होइ, अउर उ तोहार दुस्मन पइ कोहाइ तजि देब।</verse>
				<verse number="19">तू दुर्जनन क संग कबहुँ जलन जिन राखा, ओन लोगन क कारण किरोधित जिन होवा।</verse>
				<verse number="20">काहेकि दुट्ठ जन क कउनो भविस्स नाहीं अहइ। दुट्ठ जन क दीया बुझाइ दीन्ह जाइ।</verse>
				<verse number="21">हे मोर पूत, यहोवा स अउर राजा स डरा विद्रोहियन क संग कबहुँ जिन मिला।</verse>
				<verse number="22">काहेकि उ पचे दुइनउँ अचानक नास ढाइ देइहीं ओन पइ; अउर कउन जानत ह केतनी खउफनाक विपत्तियन उ पचे पठइ देइँ।</verse>
				<verse number="23">इ सबइ सूक्तियन बुद्धिमान जनन क अहइँ: निआव मँ पच्छपात करब उचित नाहीं अहइ।</verse>
				<verse number="24">अइसा जन जउन अपराधी स कहत ह, “तू निरपराध अहा” लोग ओका कोसिहीं अउर जातियन तजि देइहीं।</verse>
				<verse number="25">मुला जउन अपराधी क सजा देइहीं, सबहिं जन ओनसे खुस होइहीं अउर ओन पइ असीर्वाद क बर्खा होइ।</verse>
				<verse number="26">निर्मल जवाबे स मन खुस होत ह, जइसे ओठंन पइ चुम्बन अंकित कइ देइ।</verse>
				<verse number="27">पहिले बाहेर खेतन क काम पूरा कइ ल्या एकरे पाछे तू आपन घर बनावा।</verse>
				<verse number="28">आपन पड़ोसी क विरूद्ध बगैर कउनो कारण गवाही जिन द्या, या तू आपन वाणी क कउनो क छलइ मँ जिन प्रयोग करा।</verse>
				<verse number="29">जिन कहा अइसा, “ओकरे संग भी मइँ ठीक वइसा ही करब, मोरे संग जइसा उ किहेस ह।”</verse>
				<verse number="30">मइँ आलसी व्यक्ति क खेते स निर्बुद्धि व्यक्ति क अंगुर क खेत स होत भए गुजरउँ।</verse>
				<verse number="31">कंटीरी झाड़ियन निकरि आइ रहिन हर कहूँ खरपतवारे स खेत ढकि गवा रहा। अउर बाड़ पाथर क खंडहर होत रही।</verse>
				<verse number="32">जउन कछू मइँ लखेउँ, ओहसे मोका एक सीख मिली।</verse>
				<verse number="33">जरा एक झपकी, अउर तनिक स नींद, थोड़ा स सुस्ताब, धरिके हाथन पइ हाथ (दलिद्रता क बोलाउब अहइ)</verse>
				<verse number="34">उ तोह पइ टूट पड़ी जइसे कउनो लुटेरा टूट पड़त ह, अउर अभाव तोह पइ टूट पड़ी जइसे कउनो सस्त्रधारी टूट पड़त ह।</verse>
			</chapter>
			<chapter number="25">
				<verse number="1">इ सबइ भी सुलैमान क कहावतन अहइ: एन सबइ क यहूदा क राजा हिजकिय्याह क सेवक लोग जमा किहे रहेन।</verse>
				<verse number="2">कउनो विसय-वस्तु क रहस्य स पूर्ण राखइ मँ परमेस्सर क अधिकार अहइ। अउर राजा क कउनो बात पइ निर्णय करइ स पहिले खोज विचार करइ क अधिकार अहइ।</verse>
				<verse number="3">जइसे ऊपर अन्तहीन अकास अहइ अउर खाले अटल धरती अहइ, वइसे ही राजा लोगन क मन होत हीं जेनकर ओर-छोर क अता पता नाहीं। ओकर थाह लेब कठिन अहइ।</verse>
				<verse number="4">जदि तू चाँदी स ओकर मैल हटाउब्या तउ सुनार ओहसे पात्र बनाइ सकत ह।</verse>
				<verse number="5">वइसे ही, जदि तू राजा क समन्वा स दुट्ठ क दूर करब तउ भलाइ ओकरे सिंहासने क मजबूत कइ देब।</verse>
				<verse number="6">राजा क समन्वा आपन बड़ाई जिन बखाना अउर महापुरूखन क बीच ठउर जिन चाहा।</verse>
				<verse number="7">काहेकि उत्तिम इ होइ जदि राजा तोहसे कहइ, “आवा हिआँ, आइ जा” अपेच्छा एकरे कि महापुरुखन क समच्छ तोहार अपमान कीन्ह जाइ।</verse>
				<verse number="8">तू कउनो व्यक्ति क जल्दी मँ कचहरी जिन घसीटा। काहेकि होइ सकत ह कि उ तोहार गलती क पोल खोल दइ। तउ तू क कहब्या।</verse>
				<verse number="9">जब तू आपन विरोधी क खिलाफ मँ मुकद्दमा प वाद-विवाद करत ह तउ दूसर व्यक्ति क राज फास जिन करा।</verse>
				<verse number="10">अइसा न होइ जाइ कि कउनो जउन ऍका सुनत ह तोहका लज्जित करइ, तउ तू बदनाम होइ जाइही जेका कबहुँ मिटाइ नाहीं जाइ।</verse>
				<verse number="11">उचित अवसर पइ बोला बात अइसा ही अहइ जइसे चाँदी क तस्त म सुनहरा सेब।</verse>
				<verse number="12">बुद्धिमान मनई क कान बरे झिड़की सोना क बाली क नाईं अहइ।</verse>
				<verse number="13">एक बिस्सास क जोग्ग दूत, जउन ओका पठवत हीं ओनके बरे फसल कटनी क समइ क ठंडी बयार क जइसे होत ह। उ आपन स्वामी क आतिम क ताजा कर देत ह।</verse>
				<verse number="14">उ मनई बर्खा रहित बादरन अउर पवन क जइसा होत ह, जउन कछू देइ क वचन देत ह किन्तु एका देइ नाहीं चाहत ह।</verse>
				<verse number="15">धीरा स पूर्ण बातन स राजा तलक मनावा जात हीं अउर नम्र वाणी हाड़ तलक तोरि सकत ह।</verse>
				<verse number="16">जदपि सहद बहोत उत्तिम अहइ, पर तउ भी तू बहोत जियादा जिन खा। अउर जदि तू जियादा खाब्या, तउ उल्टी आइ जाइ अउर तू रोगी होइ जाब्या।</verse>
				<verse number="17">वइसे ही तू पड़ोसी क घरे मँ बार-बार गोड़ जिन रखा। वरना उ तोहसे उब जाइ अउर तोहसे घिना करइ लागी।</verse>
				<verse number="18">उ मनई, जउन झूटी गवाही आनप साथी क खिलाफ देत ह उ तउ अहइ हथौड़ा सा या तरवार सा या तीखे बाण सा।</verse>
				<verse number="19">बिपत्ति क काल मँ भरोसा बिस्सासघाती पइ होत ह अइसा जइसे दुःख देत दाँत या लँगड़ात गोड़।</verse>
				<verse number="20">जउन कउनो ओकरे समन्वा खुसी क गीत गावत ह जेकर मन भारी अहइ, तउ उ अइसा ही अहइ जइसा जाड़े मँ ओकर ओढ़ना उतार लइ या ओकरे फोड़े पइ सिरका उड़ेलना।</verse>
				<verse number="21">अगर तोहार दुस्मन कबहुँ भुखान होइ, ओकरे खाइ क बरे, तू खइया क दइ द्या, अउर जदि उ पिआसा होइ, तउ ओकरे करे पानी पिअइ क दइ द्या।</verse>
				<verse number="22">अगर तू अइसा करब्या उ लज्जित होइ। इ ओकर सिर पइ जलत भवा कोयला क अंगार रखइ क जइसा होइ। यहोवा तोहका ओकर प्रतिफल देइ।</verse>
				<verse number="23">उत्तर क हवा जइसे बर्खा लिआवत ह वइसे ही बेकार क बातन किरोध क बढ़ावत ह।</verse>
				<verse number="24">झगड़ालू मेहरारू क संग घरे मँ रहइ स छते क कउनो कोने पइ रहब उत्तिम अहइ।</verse>
				<verse number="25">कउनो दूर देस आई कउनो अच्छी खबर अइसी लागत ह जइसे थके माँदे पिआसे क सीतल जल।</verse>
				<verse number="26">गाद भरा झरना या कउनो दूसित कुआँ सा होत उ धर्मी पुरूस जउन कउनो दुट्ठ आगे निहुर जात ह।</verse>
				<verse number="27">जइसे बहोत जियादा सहद खाब अच्छा नाहीं वइसे आपन मान बढ़ावइ क जतन करब नीक नाहीं अहइ।</verse>
				<verse number="28">अइसा जन जेका खुद पइ निंयत्रण नाहीं, तउ उ उ नगर जइसा अहइ, जेकर देवारन नाही अहइ।</verse>
			</chapter>
			<chapter number="26">
				<verse number="1">जइसे बरफ क गर्मी मँ पड़ब अउर जइसे कटनी क समइ पइ बर्खा का आउब उपयुक्त नाहीं अहइ वइसे ही मूरख क मान देब उपयुक्त नाहीं अहइ।</verse>
				<verse number="2">अगर तू कउनो क कछू बिगाड़्या नाहीं अउर तोहका उ सराप देइ, तउ उ सराप बियर्थ होइ। ओकर सरापपूर्ण बचन तोहरे ऊपरि स यूँ उड़िके निकरि जाइ जइसे चंचल चिरइया जउन टिकिके नाहीं बइठत।</verse>
				<verse number="3">जइसे घोड़े क चाबुक अहइ अउर खच्चर लगाम स काबू होत ह अइसे ही मूरख बरे डंडा अहइ।</verse>
				<verse number="4">मूरख क ओकर मूरखता क अनुसार जवाब जिन द्या नाहीं तउ तू भी खुद मूरख सा देखब्या। तउ मूरख क मूरख वाला जवाब द्या नाहीं तउ उ आपन ही आँखिन मँ बुद्धिमान बन बइठी।</verse>
				<verse number="5"></verse>
				<verse number="6">मूरख क हाथन सँदेसा पठउब वइसा ही होत ह जइसे आपन ही गोड़न पइ कुल्हाड़ी मारब। इ बिपत्ति क बोलाउब क नाईं अहइ।</verse>
				<verse number="7">कउनो मूरख क कहावत कहइ क जतन करइ वइसा ही अहइ जइसे कउनो लँगड़े क आपन लँगाड़ा गोड़ पइ चलइ क जतन करब।</verse>
				<verse number="8">मूरख क सम्मान देब वइसा ही होत ह जइसे कउनो गुलेल मँ पाथर राखब।</verse>
				<verse number="9">मूरख क मुँहे मँ सूक्ति अइसी होत ह जइसे सराबी क होथे मँ काँटेदार झाड़ी होइ।</verse>
				<verse number="10">कउनो मूरख क या कउनो अनजाने मनई क काम पइ लगाउब खतरनाक होइ सकत ह। तू नाहीं जानत्या कि केका दुःख पहोंची।</verse>
				<verse number="11">जइसे कउनो कुकुर खाइके बेराम होइ जात ह अउर उल्टी कइके फुन ओका खात ह वइसे ही मूरख आपन मूरखता बार-बार दोहरावत ह।</verse>
				<verse number="12">उ मनई जउन आपन क बुद्धिमान मानत ह, मुला होत नाहीं ह तउ उ कउनो मूरख स भी बुरा होत ह। ओकर बरे कउनो आसा नाहीं अहइ। आलसी लोगन बरे कहावतन</verse>
				<verse number="13">आलसी चिचियात रहत ह, काम नाहीं करइ क बहाने कबहुँ उ कहत ह सड़क पइ सेर बाटइ।</verse>
				<verse number="14">जइसे आपन चूड़ी पइ चलत रहत ह किवाड़। वइसे ही आलसी बिस्तर पइ आपन ही करवटन बदलत ह।</verse>
				<verse number="15">आलसी आपन हाथ थारी मँ डावत ह मुला ओकर आलस, ओकरे आपन ही मुँहे तलक ओका खइयाके नाहीं लिआवइ देत।</verse>
				<verse number="16">आलसी मनई, निज क मानत ह महाबुद्धिमान। सातउँ गियानी पुरुखन स भी बुद्धिमान।</verse>
				<verse number="17">अइसे राही जउन दूसरन क झगड़न मँ टाँग अड़ावत ह जइसे कुकुर पइ काबू पावइ बरे कउनो ओकर कान धरइ।</verse>
				<verse number="18">कउनो मनई जउन आपन पड़ोसी क छलत ह अउर तउ कहत ह: मइँ तउ बस यूँ ही मजाक करत रहेउँ। वइसा ही अहइ जइसे कउनो पागल घातक तीर फेंकत ह अउर कउनो क मार देत ह।</verse>
				<verse number="19"></verse>
				<verse number="20">जइसे ईंधन बगैर आग बुझि जात ह वइसे ही कानाफूसी क बिना झगड़े मिटि जात हीं।</verse>
				<verse number="21">कोयला अंगारन क अउर आगी क लपट क काठ जइसे भड़कावत ह, वइसे ही झगड़ालू झगड़न क भड़कावत ह।</verse>
				<verse number="22">कानाफूसी करइ वाला क सब्दन वइसा ही सुआदिस्ट अहइ जइसा कि उ भोजन जउन आसानी स लोगन क पेट मँ उतरत चला जात ह।</verse>
				<verse number="23">दुट्ठ मनवाले क चिकनी चुपड़ी बातन होत हीं अइसी, जइसे माटी क बर्तन पइ चिपके चाँदी क बर्क।</verse>
				<verse number="24">घिना स पूर्ण मनई आपन मीठ वाणी स घिना क ढाँपत ह। किंतु आपन हिरदय मँ उ छले क पालत ह।</verse>
				<verse number="25">ओकर मोहक वाणी स ओकर भरोसा जिन करा, काहेकि ओकरे मने मँ घिना स भरी बातन समाई अहइँ।</verse>
				<verse number="26">छले स कउनो क घिना चाहे छुप जाइ मुला ओकर दुट्ठता सभा क बीच परगट हो जाइ।</verse>
				<verse number="27">अगर कउनो गड़हा खोदत ह कउनो क बरे तउ उ खुद ही ओहमाँ गिरी सकत ह; अगर कउनो मनई कउनो पाथर क कउनो पइ लुढ़कावत जतन करत ह तउ उ उहइ पाथर स कुचला जाइ सकत ह।</verse>
				<verse number="28">अइसा मनई जउन झूठ बोलत ह, ओनसे घिना करत ह जेनका नोस्कान पहोंचावत अउर चापलूस खुद क नास करत ह।</verse>
			</chapter>
			<chapter number="27">
				<verse number="1">भविस्स क बरे सेखी जिन बघाड़ा। कउन जानत ह कि आगे का घटइ।</verse>
				<verse number="2">आपन ही मुँहे स आपन बड़कई जिन करा दूसरन क तोहार तारीफ करइ द्या।</verse>
				<verse number="3">कठिन अहइ पाथर ढोउब, अउर ढोउब रेत क, मुला इन दुइनउँ स कहूँ जियादा कठिन अहइ मूरख क जरिये उपजावा भवा कस्ट।</verse>
				<verse number="4">किरोध क्रूर होत ह। प्रकोप बाढ़ क नाईं अहइ मुला जलन बहोत ही घातक अहइ।</verse>
				<verse number="5">छुपे भए पिरेम स, खुली घुड़की उत्तिम अहइ।</verse>
				<verse number="6">दोस्त क तमाचा पइ विस्सास कइ जा सकत ह कि तोहार मदद कइ सकत ह। किन्तु दुस्मन तोहार संग दाया करइ क बहाना बनावत ह। उ तोहका नोस्कान पहोंचाहीं।</verse>
				<verse number="7">पेट भरि जाए पइ सहद भी नाहीं भावत मुला भुखिया मँ तउ हर चीज भावत ह।</verse>
				<verse number="8">आपन घर स दूर भटकत भवा मनई अइसा अहइ जइसे कउनो चिरइया आपन घोंसला स दूर भटकत ह।</verse>
				<verse number="9">इत्र अउर सुगंधित धूप मने क आनन्द स भरि देत हीं अउर मीत क सच्ची सम्मति स मन उल्लासे स भरि जात ह।</verse>
				<verse number="10">आपन मीत क जिन बिसरा न ही आपन बाप क मीत क। अउर बिपत्ति मँ मदद बरे दूर आपन भाई क घरे जिन जा। दूर क भाई स पास क पड़ोसी नीक बा।</verse>
				<verse number="11">हे मोर पूत, तू बुद्धिमान बन जा अउर मोर मन आनन्द स भरि द्या। ताकि मोरे निन्दा करइ वाला क मइँ जवाब दइ सकउँ।</verse>
				<verse number="12">बिपत्ति क आवत लखिके बुद्धिमान जन दूर हट जात हीं किंतु मूरख जन बगैर राह बदले चलत रहत हीं अउर फँस जात हीं।</verse>
				<verse number="13">जउन कउनो पराए मनई क जमानत भरत ह ओका आपन ओढ़ना भी खोवइ पड़ी।</verse>
				<verse number="14">ऊँच सुरे मँ “सुप्रभात” कहिके अलख भिंसारे आपन पड़ोसी क जिन जगाया करा। उ एक सराप क रूप मँ झेली आसीर्वाद मँ नाहीं।</verse>
				<verse number="15">झगड़ालू मेहरारू अइसी होत ह जइसी बर्खा क दिनन मँ लगातार टपकइ वाला बर्खा।</verse>
				<verse number="16">ओका रोकब वइसा ही होत ह जइसे कउनो हवा क रोकइ क बेकार जतन करत ह या मूठी मँ तेल क धरइ क जतन करत ह।</verse>
				<verse number="17">जइसे लोहे स लोहा धार धरत ह, वइसे ही एक व्यक्ति दूसर व्यक्ति स सीखत ह।</verse>
				<verse number="18">जउन कउनो अंजीरे क बृच्छ सींचत ह, उ ओकर फल खात ह। वइसे ही जउन आपन सुआमी क सेवा करत ह, उ आदर पाइ लेत ह।</verse>
				<verse number="19">जइसे जल मुखड़ा क प्रतिबिंबित करत ह, वइसे ही हिरदय मनई क प्रतिबिंबित करत ह।</verse>
				<verse number="20">मउत अउ कबर कबहुँ तृप्त नाहीं अइसा ही मनई क आँखिन भी तृप्त नाहीं होत ह।</verse>
				<verse number="21">चाँदी अउ सोना क भट्ठी-वुठाली मँ परख लीन्ह जात ह। वइसे ही मनई उ तारीफ स परखा जात ह जउन उ पावत ह।</verse>
				<verse number="22">तू कउनो मूरख क चूना मँ पीसिके चाहे जेतना महीन करा अउर ओका पीसिके अनाज जइसा बनाइ द्या ओकर चूरन मुला ओकरी मूरखता क, कबहुँ भी ओहसे दूर न कइ पउब्या।</verse>
				<verse number="23">आपन रेवड़ क हानत तोहका निहचित ही जानइ चाही। आपन रेवड़ क धियान स देखरेख करा।</verse>
				<verse number="24">काहेकि धन-दौलत तउ टिकाऊ नाहीं होतेन। इ राजमकुट पीढ़ी-पीढ़ी तलक बना नाहीं रहत ह।</verse>
				<verse number="25">जब चारा कट जात ह, तउ नवी घास उग आवत ह। उ घास पहाड़ियन पइ स फुन बटोर लीन्ह जात ह।</verse>
				<verse number="26">मेमनन क ऊन काट ल्या अउर ओढ़ना बना ल्या बोकरियन क खेतन खरीदइ बरे बेच ल्या।</verse>
				<verse number="27">तोहरे परिवार क, तोहरे दास दासियन क अउर तोहरे आपन बरे भरपूर बोकरी क दूध होइ।</verse>
			</chapter>
			<chapter number="28">
				<verse number="1">दुट्ठ क मने मँ सदा भय समाया रहत ह अउर जब कउनो पाछा नाहीं करत ह तउ भी भागत फिरत ह। किन्तु एक धर्मी जन क सदा निर्भय रहत ह वइसे होइ जइसे सेर निर्भय रहत ह।</verse>
				<verse number="2">देस मँ जब पाप ही पाप होइ तउ उ देस क सासक लम्बी समइ बरे सासन नाहीं करब्या। अइसा मनई ही देस क स्थिर रखत ह अउर लम्बी समइ तलक सासन करब्या।</verse>
				<verse number="3">उ राजा जउन गरीबे क दबावत ह, उ बर्खा क बाढ़ सा होत ह जउन फसल नाहीं छोड़त।</verse>
				<verse number="4">जउन व्यवस्था क विधाने क तजि देत हीं, दुट्ठन क तारीफ करत हीं, मुला जउन व्यवस्था क विधान क पालन करत हीं ओनकर विरोध मँ लड़ाइ करत हीं।</verse>
				<verse number="5">दुट्ठ जन निआव क नाहीं समुझत हीं। मुला जउन यहोवा क खोज मँ रहत हीं, ओका पूरी तरह जानत हीं।</verse>
				<verse number="6">उ निर्धन जेकर राह खरी अहइ उ धनी मनई स जेकर राह दुट्ठ अहइ उत्तिम अहइ।</verse>
				<verse number="7">विवेकी पूत व्यवस्था क विधानन क पालन करत ह। मुला जउन बियर्थ दोस्तन क साथी बनत ह, उ आपन बाप क निरादर करत ह।</verse>
				<verse number="8">उ जउन मोट ब्याज उसूलिके आपन धन बढ़ावत ह, उ तउ इ धन जोरत ह कउनो अइसे दयालु बरे जउन गरीबन पइ दाया करत ह।</verse>
				<verse number="9">जदि कउनो व्यक्ति परमेस्सर क सिच्छा पइ कान नाहीं देत तउ परमेस्सर ओनकर पराथना पइ धियान नाहीं देत ह।</verse>
				<verse number="10">उ तउ आपन ही जालि मँ फँस जाइ जउन सीधे लोगन क बुर मर्गे पइ भटकावत ह। मुला निर्दोख लोगन उत्तिम आसीस पाइ।</verse>
				<verse number="11">धनी मनई आपन आँखिन मँ बुद्धिमान होइ सकत ह किन्तू गरीब जन जउन बुद्धि होत ह सच्चाई क लखत ह।</verse>
				<verse number="12">सज्जन जब जीतत हीं, तउ सब खुस होत हीं। मुला जब दुट्ठ क सक्ती मिल जात ह तउ एक भी अइसा मनई क खोज पाउब कठिन अहइ जउन कि खुस अहइ।</verse>
				<verse number="13">जउन आपन पापन पइ पर्दा डावत ह, उ तउ कबहुँ नाहीं फूलत-फलत ह। मुला जउन आपन दोखन क कबूल करत ह अउर जउन गलत ह ओका तजत ह, उ दाया पावत ह।</verse>
				<verse number="14">धन्न अहइ, उ पुरुस जउन यहोवा स डेरात ह। मुला जउन आपन जिद्दी अहइ, विपत्ति मँ गिरत ह।</verse>
				<verse number="15">दुट्ठ सासक जउन असहाय जन पइ सासन करत हीं अइसे अहइ जइसे दहाड़त भवा सेर या झपट भवा रीछ।</verse>
				<verse number="16">एक अविवेक सासक आपन लोगन पइ अत्याचार करत ह मुला जउन बुरे मारग स आए भए धने स घिना करत ह, लम्बी समइ तलक सासन करब्या।</verse>
				<verse number="17">कउनो मनई क दूसर क हत्तिया क दोख ठहराया तउ उ मनई क सान्ति नाहीं मिली जब तलक कि उ नाही मरत ह। ओकर मदद जिन करा।</verse>
				<verse number="18">अगर कउनो निहकलंक होइ तउ उ सुरच्छित अहइ। जदि उ बुरा मनई होइ तउ उ आपन सामरथ खोइ बइठी।</verse>
				<verse number="19">जउन आपन धरती जोतत-बोवत ह अउर मेहनत करत ह, उसके लगे हमेसा भरपूर खाई क होइ। मुला जउन सदा सपनन मँ खोवा रहत ह, सदा दलिद्र होइ।</verse>
				<verse number="20">एक इमानदार मनई बहोत सारा आसीस पावत ह। मुला उ मनई जउन हाली धनी बनइ क जतन करत रहत ह; बिना दण्ड क नाहीं बची।</verse>
				<verse number="21">निर्णय देइ मँ पच्छपात करब अच्छा नाही होत ह। किन्तु कछू लोग तउ सिरिफ रोटी क एक टुकरा बरे अनिआय करब।</verse>
				<verse number="22">सूम सदा धन पावइ क लालच करत रहत ह अउर नाहीं जानत कि ओकरी ताक मँ दलिद्रता बाटइ।</verse>
				<verse number="23">उ जउन कउनो जने क सुधारइ क डाँटत ह, उ जियादा पिरेम पावत ह, अपेच्छा ओकरे जउन चापलूसी करत ह।</verse>
				<verse number="24">कछू लोग होत हीं जउन आपन बाप अउर महतारी स चोरावत हीं। उ कहत ह, “इ बुरा नाहीं अहइ।” इ उ बुरा मनई जइसा अहइ। जउन घरे क भीतर आइके सबहिं चिजियन क तोड़-फोड़ कइ देत ह।</verse>
				<verse number="25">लालची मनई तउ मतभेद भड़कावत ह, मुला उ मनई जेकर भरोसा यहोवा पइ अहइ पूली-फली।</verse>
				<verse number="26">मूरख क आपन पइ बहोत भरोसा होत ह। मुला जउन गियान क राहे पइ चलत ह, सुरच्छित रहत ह।</verse>
				<verse number="27">जउन गरीबन क दान देत रहत ह ओका कउनो बातन क अभाव नाहीं रहत। मुला जउन ओनसें आँखी मूँद लेत ह, उ सराप पावत ह।</verse>
				<verse number="28">जब कउनो दुट्‌ठा सक्ती पाइ जात ह तउ सज्जन छुप जाइ क दूर चला जात हीं। मुला जब दुट्ठा जन क बिनास होत ह तउ सज्जनन क बृद्धि परगट होइ लागत ह।</verse>
			</chapter>
			<chapter number="29">
				<verse number="1">जउन बार बार डाँट डपट खाइ क बाद भी उहइ बेउहार करत ह तउ निहचय ही उ अचानक बर्बाद होइ जाइ। ओकर बरे कउनो आसा तलक नाहीं बची।</verse>
				<verse number="2">जब धर्मी जन क अधिकार पावत ह तउ लोग आनन्द मनावत हीं। जब दुट्ठ सासक बन जात ह तउ लोग कराहत हीं।</verse>
				<verse number="3">अइसा जब जउन विवेक स पिरेम राखत ह, बाप क आनन्द पहोंचावत ह। मुला जउन रंडियन क संगत करत ह, आपन धन खोइ देत ह।</verse>
				<verse number="4">निआव स राजा देस क स्थिरता देत ह। किन्तु राजा जब लालची होत ह तउ लोग आपन काम करवावइ बरे ओका घूस देत हीं। तब देस दुर्बल होइ जात ह।</verse>
				<verse number="5">जउन अपने साथी क चापलूसी करत ह उ आपन गोड़वन बरे जाल पसारत ह।</verse>
				<verse number="6">पापी खुद आपन बिछाइ भइ जालि मँ फँसत ह। मुला एक धर्मी गावत अउर खुस रहत ह।</verse>
				<verse number="7">सज्जन चाहत हीं कि गरीब क निआव मिलइ किन्तु दुट्ठन क ओनकी तनिकउ चिन्ता नाहीं होत ह।</verse>
				<verse number="8">जउन अइसा सोचत हीं कि हम दूसरन स उत्तिम अही, उ पचे विपत्ति उपजावत अउर सारे सहर क तहस-नहस कइ देत हीं। मुला जउन जन बु्द्धिमान होत हीं, सान्ति क कायम करत हीं।</verse>
				<verse number="9">बुद्धिमान जन जदि मूरख क साथ मँ वाद-विवाद सुलझावइ चाहत ह, तउ मूरख उत्तेजित हो जात ह मूरखता क बातन करत ह जेहसे दुइनउँ क बीच सन्धि नाहीं होइ पावत</verse>
				<verse number="10">खून क पिआसे लोग, सच्चे लोगन स घिना करत हीं। किन्तु सच्चे लोग ओनकर जिन्नगी बचावइ क जतन करत ह।</verse>
				<verse number="11">मूरख मनई क लउ बहोतइ हाली किरोध आवत ह। मुला बुद्धिमान धीरा धइके आपन पइ नियंत्रण राखत ह।</verse>
				<verse number="12">जदि एक सासक झूठी बातन क सुनत ह तउ ओकर सब अधिकारी भ्रस्ट होइ जात हीं।</verse>
				<verse number="13">एक हिंसाब स गरीब अउर जउन मनई क लूटत ह, उ समान अहइ। यहोवा ही दुइनउँ क बनाएस ह।</verse>
				<verse number="14">अगर कउनो राजा गरीब पइ निआव स पूर्ण रहत ह तउ ओकर सासन बहोत लम्बे काल बना रही।</verse>
				<verse number="15">सजा अउर डाँट स सुबुद्धि मिलत ह किन्तु जदि महतारी-बाप मनचाहा करइ क खुला छोड़ि देइँ, तउ उ आपन महतारी क लज्जा बनी।</verse>
				<verse number="16">दुट्ठ क राज मँ पाप पनप जात हीं मुला अन्तिम जीत तउ सज्जन क ही होत ह।</verse>
				<verse number="17">पूत क दण्डित करा जब उ अनुचित करइ, फुन तउ तोहका ओह पइ सदा ही घमण्ड होइ। उ तोहरी लज्जा क कारण कबहुँ नाहीं होइ।</verse>
				<verse number="18">अगर कउनो देस परमेस्सर क राहे पइ नाहीं चलत तउ उ देस मँ सान्ति नाहीं होइ। किन्तु उ देस जउन परमेस्सर क व्यवस्था पइ चलत ह, आनन्दित रही।</verse>
				<verse number="19">सिरिफ सब्द मात्र स दास नाहीं सुधरत ह। चाहे उ तोहार बात क समुझ लेइ, मुला ओकर पालन नाहीं करी।</verse>
				<verse number="20">अगर कउनो बगैर बिचारे भए बोलत ह तउ ओकरे बरे कउनो आसा नाहीं। जियादा आसा होत ह एक मूरख बरे अपेच्छा उ मनई क जउन बिचारे बिना बोलइ।</verse>
				<verse number="21">अगर तू आपन दास क सदा उ देब्या जउन भी उ चाहइ, तउ अंत मँ उ तोहार एक उत्तिम दास नाहीं रही।</verse>
				<verse number="22">किरोधी मनई मतभेद भड़कावत ह, अउर अइसा जन जेका किरोध आवत होइ, बहोत स पापन क अपराधी बनत ह।</verse>
				<verse number="23">मनई क अहंकार नीचा देखावत ह, मुला उ मनई जेकर हिरदय विनम्र होत आदर पावत ह।</verse>
				<verse number="24">जउन चोर क संग धरत ह उ आपन स दुस्मनी करत ह। काहेकि अदालत मँ जब ओका फुरइ बोलइ क होइ तउ उ कछू भी कहइ स बहोत डेरान रहब्या।</verse>
				<verse number="25">डर मनई बरे फंदा साबित होत ह, मुला जेकर आस्था यहोवा पइ रहत ह, सुरच्छित रहत ह।</verse>
				<verse number="26">बहोत लोग सासक क मीत होइ चाहत हीं, मुला उ यहोवा ही अहइ, जउन लोगन क फुरइ निआव करत ह।</verse>
				<verse number="27">सज्जन घिना करत हीं अइसे ओन लोगन स जउन सच्चे नाहीं होतेन, अउर दुट्ठ सच्चे लोगन स घिना राखत हीं।</verse>
			</chapter>
			<chapter number="30">
				<verse number="1">इ सबइ सूक्तियन आगूर क अहइँ, जउन याके क पूत रहा। इ पुरुस ईतीएल अउ उक्काल स कहत ह।</verse>
				<verse number="2">मइँ महा बुद्धिहीन हउँ। मोहमाँ मनई क समुझदारी बिल्कुल नाहीं अहइ।</verse>
				<verse number="3">मइँ बुद्धि नाहीं पाएउँ अउर मोरे लगे उ पवित्तर क गियान नाहीं अहइ।</verse>
				<verse number="4">सरग स कउनो नाहीं आवा अउर हुआँ क रहस्य लिआइ सका पवन क मूठी मँ कउनो नाहीं बाँधि सका। कउनो नाहीं बाँधि सका पानी क ओढ़ना मँ अउर कउनो नाहीं जानि सका धरती क छोर। अउर अगर कउनो एन बातन क करि सका ह, तउ मोहसे कहा, ओकर नाउँ अउर नाउँ ओकरे पूत क मोका बतावा, अगर तू ओका जानत अहा।</verse>
				<verse number="5">परमेस्सर क सब्द दोखरहित होत ह, जउन कउनो भी ओकरी सरण जात हीं उ ओनकर ढाल होत ह।</verse>
				<verse number="6">तू ओकरे सब्दन मँ कछू जिन बढ़ा। नाहीं तउ उ तोहका सजा दइ अउर झूठा ठहराइ।</verse>
				<verse number="7">हे यहोवा, मइँ तोहसे दुइ बातन माँगत हउँ: ओनका मोरे मउत स पहिले इनकार जिन करा।</verse>
				<verse number="8">तू मोहसे मिथ्या क, छल क दूर रखा। मोका दरिद्र जिन करा अउर न ही मोका धनी बनावा। मोका बस रोज खाइ क देत रहा।</verse>
				<verse number="9">कहूँ अइसा न होइ जाइ बहोत कछू पाइके मइँ तहका तजि देउँ, अउर कहइ लागूँ “कउन परमेस्सर अहइ?” अउर जदि निर्धन बनउँ अउर चोरी करउँ, अउर इ तरह मइँ आपन पमेस्सर क नाउँ क लजाउँ।</verse>
				<verse number="10">तू सुआमी स सेवक क निन्दा जिन करा नाहीं तउ तोहका, उ अभिसाप देइ अउर तोहका ओकर भरपाइ करइ क होइ।</verse>
				<verse number="11">अइसे भी होत हीं जउन आपन बाप क कोसत हीं, अउर आपन महतारी क धन्न नाहीं कहत हीं।</verse>
				<verse number="12">होत हीं अइसे भी, जउन आपन आँखिन मँ तउ पवित्तर बने रहत हीं किन्तु अपवित्तरता स आपन नाहीं धोवा होत हीं।</verse>
				<verse number="13">अइसे भी लोग अहइ जउन सोचत हीं कि उ पचे बहोत नीक अहइ। उ पचे सोचत हीं कि उ पचे दूसर स बेहतर अहा।</verse>
				<verse number="14">अइसे भी होत हीं जेनकर दाँत कटार अहइँ अउर जेनकर जबड़न मँ खंजर जड़ा रहत हीं जेहसे उ पचे इ धरती क गरीबन क हड़प जाँइ, अउर जउन मानवन मँ स अभावग्रस्त अहइँ ओनका उ पचे लील लेइँ।</verse>
				<verse number="15">जोंक क दुइ बिटियन होत हीं उ पचे सदा चिचियात रहत हीं, “द्या, द्या।” तीन चिजियन अइसी अहइँ जउन कबहुँ नाहीं अघातिन अउर चार अइसी जउन कबहुँ बस नाहीं कहतिन।</verse>
				<verse number="16">कब्र, बाँझ कोख अउर धरती जउन जल स कबहुँ आघात नाहीं, अउर उ आगी जउन कबहुँ “बस” नाहीं कहतिन।</verse>
				<verse number="17">जउन आँखिन आपन ही बापे पइ हँसत हीं, अउर महतारी क बात मानइ स घिना करत ह, घाटी क कउआ ओका नोंच लेइहीं अउर ओका गीध खाइ जइहीं।</verse>
				<verse number="18">तीन बातन अइसी अहइँ जउन मोका बहोत विचित्र लागत हीं, अउर चउथी अइसी जेका मइँ समुझ नाहीं पावत हउँ।</verse>
				<verse number="19">अकासे मँ उड़त भए गरूड़ क मारग, अउर लीक नाग क जउन चट्टान पइ चला, अउर महासागरे पइ चलत जहाज क राह अउर उ पुरूस क मारग जउन कउनो कामिनी क पिरेम जाल मँ बँधा होइ।</verse>
				<verse number="20">बिभीचारी मेहरारू क स्वभाव अइसी होत ह, उ खात रहत अउर आपन मुँह पोंछ लेत, अउर कहा करत ह, “मइँ तउ कछू भी बुरा नाहीं किहेउँ।”</verse>
				<verse number="21">तीन बातन अइसी अहइँ जेनसे धरती काँपत ह अउर एक चउथी अहइ जेका उ सह नाहीं कइ पावत।</verse>
				<verse number="22">दास जउन राजा बन जात अउर मूरख जेकर लगे प्रयाप्त भोजन होत ह,</verse>
				<verse number="23">अउर अइसी मेहरारू जेहसे घिना करत ह अउर अइसी दासी जउन सुआमिनी क जगह लइ लेइ।</verse>
				<verse number="24">चार जीव धरती पइ क अइसा अहइ जउन कि बहोत छुद्र अहइँ मुला ओनमाँ बहोत जियादा विवेक भरा भवा अहइ।</verse>
				<verse number="25">चींटियन जेनमाँ सक्ती नाहीं होत हीं फुन भी उ पचे गर्मी मँ आपन खइया क बटोरत हीं,</verse>
				<verse number="26">बिज्जू (सापान) दुर्बल प्राणी अहइँ फुन भी उ पचे कड़ी चट्टानन मँ आपन घर बनावत हीं,</verse>
				<verse number="27">टिड्डियन क कउनो भी राजा नाहीं होत ह फुन भी उ पचे पंक्ति बाँधिके साथ अगवा बढ़त हीं।</verse>
				<verse number="28">अउर उ छिपकिली जउन जब सिरिफ हाथ स ही धरी जाइ सकत ह, फुन भी उ राजा क महलन मँ पाई जात ह।</verse>
				<verse number="29">तीन प्राणी अइसे अहइँ जउन आन-बान स चलत हीं, किन्तु नाहीं, दर असल उ चार अहइ:</verse>
				<verse number="30">एक सेर, जउन सबहिं पसुअन मँ सक्तीवाला होत ह, जउन कबहुं कउनो स नाहीं डेरात,</verse>
				<verse number="31">घमण्डी चाल स चलत भवा मुर्गा अउ एक बोकरा अउर उ राजा जउन आपन सेना क अगवाइ करत ह।</verse>
				<verse number="32">तू जदि कबहुँ आपन बेवकूफी क कारण स घमण्डी हो जात ह अउर दूसर क बिरुद्ध जोजना बनावत ह तउ एका बन्द करा अउर जउन तू करत ह ओकरे बरे सोच्या।</verse>
				<verse number="33">जइसे मथानी स दूध निकरत ह माखन अउर नाक मरोड़इ स लहू निकरि आवत ह वइसे ही जगाउब किरोध क होत ह झगड़न क भड़काउब।</verse>
			</chapter>
			<chapter number="31">
				<verse number="1">इ सबइ सूक्तियन राजा लमूएल क, जेनका ओका ओकर महतारी सिखाए रही।</verse>
				<verse number="2">तू मोर पूत अहा उ पूत जउन मोका पिआरा अहइ। तोहका पावइ क मइँ परमेस्सर स मन्नत माने रहेउँ।</verse>
				<verse number="3">तू बियर्थ मँ आपन सक्ती मेहररूअन पइ जिन खर्च करा। मेहरारू ही राजा लोगन क बिनास क कारण होत ह एह बरे तू ओन पइ आपन छय जिन करा।</verse>
				<verse number="4">हे लमूएल! राजा क मधूपान सोभा नाहीं देता, अउर न ही इ कि सासक क यवसुरा ललचाइ।</verse>
				<verse number="5">नाहीं तउ, उ पचे दाखरस क बहोत जियादा पान कइके, विधान क व्यवस्था क बिसरि जइहीं अउर उ पचे सारे दीन दलितन क अधिकारन क छोरि लेइहीं।</verse>
				<verse number="6">ओन लोगन क जौ क दाखरस पिअइ द्या जउन बहोत बड़ा विपत्ती मँ अहइ।</verse>
				<verse number="7">उ पचे पिअइ अउर आपन दीनता क बरे मँ बिसर जाइ। उ पचे आपन मुसीबतन क याद नाही राखइही।</verse>
				<verse number="8">तू ओनके बरे बोल जउन कबहुँ भी आपन बरे बोल नाहीं पावत हीं, अउर ओन सबन क, अधिकारन बरे बोल जउन असाहय अहइ अउर विपत्ती क मारा अहइ।</verse>
				<verse number="9">तू ओन बातन क हेतु डटिके खड़ा रह जेनका तू जानत ह कि पचे उचित, निआवपूर्ण अहा। अउर बिना पच्छ-पात क सब क निआव कर। गरीब अउर जरुरत मन्द लोगन क अधिकार क रच्छा करा।</verse>
				<verse number="10">गुणवन्ती पत्नी कउन पाइ सकत ह? उ जन मणि-मणिकन स कहूँ जियादा कीमती अहइ।</verse>
				<verse number="11">ओकर पति ओकर बिस्सास कइ सकत ह। ओका कउनो भी अच्छी चिजियन क कमी नाही होइ।</verse>
				<verse number="12">सतपत्नी पति क संग उत्तिम व्यवहार करत ह। आपन जिन्नगी भर ओकरे बरे कबहुँ विपत्ति नाहीं उपजावत।</verse>
				<verse number="13">उ हमेसा ऊनी अउ सूती ओढ़ना बनावइ मँ व्यस्त रहत ह।</verse>
				<verse number="14">उ उ पानी क जहाज क नाईं अहइ जउन दूर देस स आवात ह अउर हर कहुँ स घरे पर भोज्य वस्तु लिआवत ह।</verse>
				<verse number="15">भिंसारे उठिके उ खइया क बनावत ह। अपने परिवारे क अउर दासियन क हींसा ओनका देत ह।</verse>
				<verse number="16">उ लखिके अउ परखिके खेत मोल लेत ह। आपन कमात भवा धन स दाख क बारी लगावत ह।</verse>
				<verse number="17">उ बड़ी मेहनत करत ह। उ आपन सबहिं काम करइ क समर्थ अहइ।</verse>
				<verse number="18">जब भी उ आपन बनाईं चीज क बेंचत ह, तउ लाभ कमात ह। उ देर रात तलक दीप जलाइ क काम करत ह।</verse>
				<verse number="19">उ सूत कातत अउर आपन वस्तु बुनत ह।</verse>
				<verse number="20">उ हमेसा ही दीनदुःखी क दान देत ह, अउर कंगाल जल क सहायता करत ह।</verse>
				<verse number="21">जब सर्दी पड़त ह तउ उ आपन परिवार बरे चिंतित नाहीं होत ह। काहेकि उ सबहिं क उत्तिम गरम ओढ़ना दइ रखे अहइ।</verse>
				<verse number="22">उ चादर बनावत ह अउर बिस्तरा पइ फैलावत ह। उ सने स बना भवा बढ़िया अउर बेंगनी ओढ़ना पहिरत ह।</verse>
				<verse number="23">लोग ओकरे पति क आदर करत ही उ जगह पावत ह नगर प्रमुखन क बीच।</verse>
				<verse number="24">उ अति उत्तिम बइपारी बनत ह। उ ओढ़नन अउर कमरबंदन क बनाइके ओनका बइपारी लोगन क बेचत ह।</verse>
				<verse number="25">उ सक्तीवाली अहइ, अउर आन-बान वाली अहइ। अउर बिस्सास क संग भविस्य क ओर लखत ह।</verse>
				<verse number="26">जब उ बोलत ह, उ विवेकपूर्ण रहत ह। ओकरी जीभ लोगन क पिरेम करइ अउर दाया करइ क सिच्छा देत ह।</verse>
				<verse number="27">उ कबहुँ भी आलस नाहीं करत अउर आपन घर बार क चिजियन पइ हर एक दिन धियान रखत ह।</verse>
				<verse number="28">ओकर बच्चन खड़ा होत हीं अउर ओका आदर देत हीं अउर ओकरे बारे मँ अच्छी बातन करत ह। ओकर पति ओकरी तारीफ करत ह।</verse>
				<verse number="29">ओकर पति कहत ह, “बहोत स उच्चकोटि क मेहरारूअन अहइ। किन्तू ओन सब मँ तू ही सर्वोत्तम पत्नी अहा।”</verse>
				<verse number="30">आकर्षण धोकाबाज़ अहइ अउर सुन्नरता दुइ पल क अहइ। मुला उ मेहरारू जेका यहोवा क डर बाटइ, ओकरी तारीफ हाइ चाही।</verse>
				<verse number="31">ओका उ प्रतिफल द्या जेकर उ जोग्ग अहइ। अउर जउन काम उ किहेस ह, ओनके बरे सारे लोग क बीच मँ ओकर तारीफ करा।</verse>
			</chapter>
		</book>
		<book number="21">
			<chapter number="1">
				<verse number="1">इ सबइ दाऊद क पूत अउर यरूसलेम क राजा, उपदेसक क सब्द अहइँ।</verse>
				<verse number="2">उपदेसक क कहब अहइ कि हर चीज बेमतलब क अहइ अउर अकारथ अहइ। मतलब इ कि हर बात बियर्थ अहइ।</verse>
				<verse number="3">इ जिन्नगी मँ लोग जउन कड़ी मेहनत करत हीं, ओहसे ओनका फुरइ का कउनो लाभ होत ह नाहीं।</verse>
				<verse number="4">एक पीढ़ी आवत ह अउर दूसर चली जात ह मुला संसार हमेसा अइसहिन बना रहत ह।</verse>
				<verse number="5">सूरज उगत ह अउर फुन ढल जात ह अउर फुन सूरज हाली ही उहइ ठहर स उदय होइके जल्दी करत ह।</verse>
				<verse number="6">हवा दक्खिन दिसा कइँती बहत ह अउर हवा उत्तर कइँती बहइ लागत ह। हवा एक चक्र मँ घूमत रहत ह अउर फुन हवा जहाँ स चली रही वापस हुवँइ बहइ लागत ह।</verse>
				<verse number="7">सबहिं नदियन एक हीं जगह कइँती बार बार बहा करत ही। उ सबइ समुद्दर स आइके मिलत हीं, किन्तु फुन भी समुद्दर कबहुँ नाहीं भरत।</verse>
				<verse number="8">सबइ सब्दन कस्ट दायक अहइ; लोग ओहका पूरा-पूरा वर्णन नाहीं कइ सकतेन। हमेसा बोलत ही रहत हीं। सब्द हमरे काने मँ बार बार पड़त हीं मुला ओनसे हमार कान कबहुँ भी भरतेन नाहीं ह। हमार आँखिन भी, जउन कछू उ सबइ लखत हीं, ओहसे कबहुँ नाहीं अघातिन।</verse>
				<verse number="9">सुरू स वस्तुअन जइसी रहिन वइसी ही बनी भई अहइँ। सब कछू वइसे ही होत रही, जइसे सदा स होत आवत अहइ। इ संसार मँ कछू भी नवा नाहीं अहइ।</verse>
				<verse number="10">कउनो मनई कहि सकत ह, “लखा, इ बात नई अहइ।” मुला उ बात तउ हमेसा स होत रही। उ तउ हमसे भी पहिले स होत रही।</verse>
				<verse number="11">उ सबइ बातन जउन पहिले घट चुकी अहइँ, ओनका लोग याद नाहीं करतेन अउर आगे भी लोग ओन बातन क याद नाहीं करिहीं जउन अब घटत अहइँ ओकरे बाद भी दूसर लोग ओन बातन क याद नाहीं रखिहीं जेनका ओनके पहिले क लोगन किहे रहेन।</verse>
				<verse number="12">मइँ उपदेसक, यरूलेम मँ इस्राएल क राजा भवा।</verse>
				<verse number="13">निहचय किहेउँ कि इ जिन्नगी मँ जउन कछू होत ह ओका बुद्धि क जरिए ढूँढउँ अउर जाँच पड़ताल करेउँ। इ एक दुःखद तरीका परमेस्सर मानव जाति क दिहेस ह ताकि उ नम्र होइ सकीं।</verse>
				<verse number="14">इ धरती पइ सबहिं वस्तुअन पइ मइँ निगाह डाएउँ अउर लखेउँ कि इ सब कछू बियर्थ अहइ। इ वइसा ही अहइ जइसे हवा क धरब।</verse>
				<verse number="15">तू ओन बातन क बदल नाहीं सकत्या। जदि कउनो बात टेंढ़ अहइ तउ तू ओका सोझ नाहीं कइ सकत्या अउर अगर कउनो वस्तु क लेइ चाहत तउ तू ओका नाहीं गिन सकत।</verse>
				<verse number="16">मइँ अपने आप स कहेउँ, “मइँ बहोत बुद्धिमान अहउँ। मोहसे पहिले यरूसलेम मँ जउन राजा लोग राज्ज किहेन ह, मइँ ओन सब स जियादा बुद्धिमान अहउँ। मइँ जानत हउँ कि असल मँ बुद्धि अउ गियान का अहइ।”</verse>
				<verse number="17">मइँ इ जानइ क निहचय किहेउँ कि मूर्खता स भरे चिन्तन स विवेक अउर गियान कउने तरह स स्रेस्ठ बाटइ। मुला मोका मालूम भवा कि विवेकी बनइ क प्रयास वइसा ही अहइ जइसे हवा क धरइ क जतन।</verse>
				<verse number="18">काहेकि जियादा गियान क संग हतासा भी उपजत ह। उ मनई जउन जियादा गियान पाइ जात ह उ जियादा दुःख भी पाइ जात ह।</verse>
			</chapter>
			<chapter number="2">
				<verse number="1">मइँ अपने मने मँ कहेउँ, “मोका मनोविनोद करइ चाही। मोका हर वस्तु क जेतना रस मइँ लइ सकउँ। ओतना लेइ चाहीं।” मुला मइँ जानेउँ कि इ भी बियर्थ अहइ।</verse>
				<verse number="2">हर समइ हँसत रहब भी मूर्खता अहइ। आनन्द स का प्राप्त होत ह?</verse>
				<verse number="3">तउ मइँ निहचय किहेउँ कि मइँ आपन देह क दाखरस स भरि लेउँ जदपि मोर दिमाग मोका अबहिं गियान क राह देखावत रहा। मइँ इ मूर्खता स भरा आचरण किहेउँ, मइँ चाहत रहेउँ कि लोगन क बरे आपन जिन्नगी क थोड़ा स दिनन मँ का करब उत्तिम अहइ, एका हेर लेउँ।</verse>
				<verse number="4">फुन, मइँ बड़के बड़के काम करब सुरू किहेउँ। मइँ अपने बरे घर बनवाए। अउर अंगूरे क बाग लगवाएउँ।</verse>
				<verse number="5">मइ बगियन लगवाएउँ अउर बाग बनवाएउँ। मइँ सबहिं तरह क फलन क बृच्छ लगवाएउँ।</verse>
				<verse number="6">मइँ आपन बरे पानी क तालाब बनवाएउँ अउर फुन एन तालाबन क पानी क मइँ आपन बाढ़त बृच्छन क सींचइ क काम मँ लिआवइ लागेउँ।</verse>
				<verse number="7">मइँ दास अउर दासियन खरीदेउँ अउर फुन मोरे घरे मँ पइदा भए दास भी रहेन। मइँ बड़की बड़की वस्तुअन क सुआमी बन गएउँ। मोरे लगे झुंड क झुंड पसु अउर भेड़न क ढेर रहेन। यरूसलेम मँ कउनो भी मनई क लगे जेतनी वस्तुअन रहिन, मोरे लगे ओसे भी जियादा रहिन।</verse>
				<verse number="8">मइँ आपन बरे चाँदी सोना भी जमा किहेउँ। मइँ राजा लोगन अउर ओनके देसन स भी खजानन क बटोरेउँ। मोरे लगे बहोत सी रंडियन रहिन।</verse>
				<verse number="9">मइँ बहोत धनवान अउर प्रसिद्ध होइ गएउँ। मोहसे पहिले यरूसलेम मँ जउन भी कउनो रहत रहा, मइँ ओहसे जिआदा महान रहा तउ मोर बुद्धि मोर संग रही।</verse>
				<verse number="10">मइँ हर उ चीज जेका मइँ चाहत रहा प्राप्त किहेउँ। मउँ जउन कछू करत, मोर मन सदा ओसे खुस रहा करत अउर इ खुसी मोरे कठिन मेहनत क प्रतिफल रही।</verse>
				<verse number="11">मुला मइँ जउन कछू किहे रहेउँ जब ओह पइ निगाह डालेउँ अउर आपन कीन्ह गवा कठिन मेहनत क बारे मँ बिचार किहेउँ तउ मोका लाग इ सब अरथहीन अहइ। इ अइसा ही रहा जइसे हवा क धरब। सच-मुच मँ इ जिन्नगी मँ हम लोगन क सारे काम बरे संतोसजनक लाभ नाहीं अहइ।</verse>
				<verse number="12">जेतना एक राजा कइ सकत ह, ओहसे जियादा कउनो भी मनई नाहीं कइ सकत। तू जउन भी कछू करइ चाह सकत ह, उ सब कछू कउनो राजा अब तलक कइ भी चुका होइ। मोरी समझ मँ आइ गवा कि एक राजा तलक जउन कामन क करत ह, उ सबइ सब भी बेकार अहइँ। तउ मइँ फुन बुद्धिमान बनइ, बेवकुफ बनइ अउर सनकीपन क कामन क करइ क बारे मँ सोचेब सुरू किहेउँ।</verse>
				<verse number="13">मइँ लखेउँ कि बुद्धि मूर्खता स उहइ प्रकार उत्तिम अहइ जउने तरह अँधियारा स प्रकास उत्तिम होत ह।</verse>
				<verse number="14">इ वइसे ही अहइ जइसे: एक बुद्धिमान मनई, उ कहाँ जात अहइ, ओका लखइ क आपन बुद्धि क प्रयोग, आपन आँखिन क तरह करत ह। किन्तु एक मूर्ख मनई उ मनई क समान अहइ जउन अँधियारा मँ चलत अहइ। किन्तु मइँ इ लखेउँ कि मूरख अउर बुद्धिमान दुइनउँ क अंत एक ही तरह स होत ह। दुइनउँ ही आखिर मँ मउत क पावत हीं।</verse>
				<verse number="15">अपने मने मँ मइँ सोचेउँ, “कउनो मूरख मनई क संग जउन घटत ह उ मोर संग भी घटी तउ ऍतना बुद्धिमान बनइ बरे एतना कठिन मेहनत मइँ काहे किहेउँ?” आपन खुद स मइँ कहेउँ, “बुद्धिमान बनब भी बेकार अहइ।”</verse>
				<verse number="16">बुद्धिमान मनई अउर मूर्ख मनई दुइनउँ ही मरि जइहीं अउर लोग सदा बरे न तउ बुद्धिमान मनई का याद रखिहीं अउर नही कउनो मूरख मनई क। उ पचे जउन कछू किहे रहेन, लोग ओका जल्दी बिसराइ देइहीं। इ सही नाहीं अहइ कि बुद्धिमान मनई मूरख मनई क जइसा मरइ चाहीं।</verse>
				<verse number="17">एकरे कारण मोका जिन्नगी स घिना हो गइ। इ विचार स मइँ बहोत दुःखी भएउँ कि इ जिन्नगी मँ जउन कछू बाटइ सब बेकार अहइ। बिल्कुल वइसे ही जइसे हवा क धरइ क कोसिस करब।</verse>
				<verse number="18">मइँ जउन कठिन मेहनत किहे रहेउँ, ओहसे घिना करब सुरू कइ दिहेउँ। मइँ लखेउँ कि उ सबइ लोग जउन मोरे पाछे जिअत रइहीं ओन चिजियन क लइ लेइहीं जेनके बरे मइँ कठिन मेहनत किहे रहेउँ। मइँ आपन ओन चिजियन क आपन संग नाहीं लइ जाइ सकब।</verse>
				<verse number="19">कउनो दूसर मनई इ संसार म जउन चिजियन बरे मइँ मन लगाइके कठिन मेहनत किहे रहउँ पइ नियंत्रण होइ। मइँ तउ इ भी नाहीं जानत कि उ मनई बुद्धिमान होइ या मूरख। पर इ सब भी तउ अर्थहीन ही अहइ।</verse>
				<verse number="20">एह बरे मइँ जउन भी कठिन परिस्रम किहे रहेउँ, उ सबइ क बारे मँ मइँ बहोत दुःखी भएउँ।</verse>
				<verse number="21">एक मनई आपन बुद्धि, आपन गियान अउर आपन चतुराई क प्रयोग करत भए कठिन मेहनत कइ सकत ह। मुला उ मनई तउ मरि जाइ अउर जिन चिजियन बरे उ मनई कठिन मेहनत किहे रहा, उ सबइ कउनो दूसर मनई क गिल जइहीं। ओन मनइयन ओन चिजियन बरे कउनो काम तउ नाहीं किहे रहा, मुला ओनका सबहिं कछू हाल होइ जाइ। एहसे मोका बहोत दुःख होत ह। इ निआव स पूर्ण तउ नाहीं अहइ।</verse>
				<verse number="22">आपन जिन्नगी मँ सारी मेहनत अउर सघंर्स क पाछे आखिर एक मनई क असल मँ का मिलत ह?</verse>
				<verse number="23">आपन सारी जिन्नगी उ कठिन मेहनत करत रहा मुला पीरा अउर निरासा क अलावा ओकरे हाथे कछू भी नाहीं लगा। राति क समइ भी मनई क मन आराम नाहीं पावत। इ सब भी अर्थहीन अहइ।</verse>
				<verse number="24">जिन्नगी क जेतना आनन्द मइँ लिहेउँ ह का कउनो भी अइसा मनई अउर अहइ जउन मोका जियादा जिन्नगी क आनन्द लेइ क जतन किहे होइ? नाहीं। मोका जउन गियान भवा ह उ इ अहइ: कउनो मनई जउन नीक स नीक कइ सकत ह उ अहइ खाब, पिअब अउर उ करम का आनन्द लेब जउन ओका करइ चाही। मइँ इ भी समझेउँ ह कि सब कछू परमेस्सर स मिलन ह।</verse>
				<verse number="25"></verse>
				<verse number="26">जउन मनई क उ चाहत ओका उ बुद्धि अउर गियान अउर आनन्द देही। मुला जेका उ कस्ट देइ चाही ओका दुःख देब, उ आस्चर्यजनक वस्तुअन क जमा करब, उ सिरफ ओहका देब जेका परमेस्सर चाहत अहा। उ भी अरथहीन अहइँ। इ वइसा ही अहइ जइसे हवा क धरइ क जतन करब।</verse>
			</chapter>
			<chapter number="3">
				<verse number="1">हर बात एक उचित समय होत ह। अउर इ धरती पइ हर बात एक उचित समय पइ ही घटित होइ।</verse>
				<verse number="2">जन्म लेइ क एक उचित समय निहचित अहइ, अउर मउत क भी। एक समय होत ह पेड़न क रोपइ क, अउर ओनका काटइ क।</verse>
				<verse number="3">मारइ क होत ह एक समय, अउर एक समय होत ह ओकरे उपचार का। एक समय होत ह जब ढहाइ दीन्ह जात, अउर एक समय होत ह करइ क निर्माण।</verse>
				<verse number="4">एक समय होत ह रोवइ-विलपइ क, अउर एक समय होत ह करइ क अट्ठहास। एक समय होत ह होइ क दुखे मँ मगन, अउर एक समय होत ह उल्लास भरे नाच क।</verse>
				<verse number="5">एक समय होत ह जब पाथर फेंका जात हीं, अउर एक समय होत ह ओनके एकत्र करइ क। केहउँ क गले लागन क एक समय होत ह। अउर गले लगावइ स रुकइ क भी एक समय होत ह।</verse>
				<verse number="6">एक समय होत ह खोज क, अउर एक समय होत ह रूकए क। एक समय होत ह वस्तुअन क धरइ क, अउर एक समय होत ह चिजियन क फेंकइ क।</verse>
				<verse number="7">होत ह एक समय ओढ़नन क फारइ क, फुन एक समय होत ह जब ओनका सिया जात ह। एक समय होत ह साधइ क चुप्पी, अउर होत ह एक समय फुन बोल उठइ क।</verse>
				<verse number="8">एक समय होत ह पिआर क, अउर एक समय होत जब घिना कीन्ह जात ह। एक समय होत ह करइ क लड़ाई, अउर होत ह एक समय सान्ति क।</verse>
				<verse number="9">का कउनो मनई क आपन कठिन मेहनत स असल मँ कछू मिल पावत ह?</verse>
				<verse number="10">मइँ उ कठिन मेहनत लखेउँ ह जेका परमेस्सर हमका करइ क बरे दिहेस ह।</verse>
				<verse number="11">अपने संसार क बारे मँ सोचइ बरे परमेस्सर हमका छमता प्रदान किहेस ह। मुला परमेस्सर जउन करत ह, ओन बातन क पूरी तरह हम कबहुँ नाहीं समुझ सकित। फुन भी परमेस्सर हर एक चीज ठीक समय पइ करत ह।</verse>
				<verse number="12">मइ लखेउँ ह कि लोगन बरे सबसे उत्तिम बात इ अहइ कि उ पचे कोसिस करत रहइँ अउर जब तलक जिअत रहइँ आनन्द करत रहइँ।</verse>
				<verse number="13">अउर अगर एक मनई खाइ, पिअइ अउर इ सबइ करम क आनन्द लेत रहइ, तउ इ बातन परमेस्सर कइँती स मिला भवा उपहार अहइ।</verse>
				<verse number="14">मइँ जानत हउँ कि परमेस्सर जउन कछू भी घटित करत ह उ सदा घटी ही। लोग परमेस्सर क काम मँ कछू भी बृद्धि नाहीं कइ सकतेन अउर इहइ तरह लोग परमेस्सर क कामे मँ कछू घटत भी नाहीं कइ सकत हीं। परमेस्सर अइसा एह बरे किहस कि लोग ओकर आदर करइँ।</verse>
				<verse number="15">जउन अब होत अहइ पहिले भी होइ चुका अहइ। जउन कछू भविस्स मँ होइ उ पहिले भी भवा रहा। परमेस्सर घटनन क बार बार घटित करत रहत ह।</verse>
				<verse number="16">इ जिन्नगी मँ मइँ इ सबइ बातन लखेउँ ह। मइँ लखेउँ ह कि कचहरी जहाँ निआव अउर अच्छाइ होइ चाही, हुवाँ आजु बुराई भरि गइ अहइ।</verse>
				<verse number="17">एह बरे मइँ आपन मन स कहेउँ, “हर बात बरे परमेस्सर एक समय निहचित किहे अहइ। मनइयन जउन कछू करत हीं ओकर निआव करइ बरे भी परमेस्सर एक समय निहचित किहे अहइ। परमेस्सर नीक लोगन अउ बुरे लोगन क निआव करी।”</verse>
				<verse number="18">लोग एक दूसर बरे जउन कछू करत हीं ओनके बारे मँ मइँ सोचेउँ अउर आप स कहेउँ, “परमेस्सर चाहत ह कि लोग आपन खुद क उ रूपे मँ लखइँ जउने रूपे मँ उ पचे पसुअन क लखत हीं।</verse>
				<verse number="19">का एक मनई एक पसु स उत्तिम अहइ? नाहीं। काहे? काहेकि हर वस्तु नाकारा अहइ। मउत जइसे पसुअन क आवत ह उहइ तरह मनइयन क भी। मनई अउर पसु एक ही ‘साँस’ लेत हीं। का एक मरा भवा पसु एक मरे भए मनई स भिन्न होत ह?</verse>
				<verse number="20">मनइयन अउर पसुअन क तने क अंत एक ही तरह स होत ह। उ सबइ माटी स पइदा होत हीं अउर माटी मँ ही समाइ जात हीं।</verse>
				<verse number="21">कउन जानत ह कि मनई क आतिमा क का होत ह? का कउनो जानत ह कि एक मनई क आतिमा परमेस्सर क लगे जात ह? जबकि एक पसु क आतिमा खाले उतरिके धरती मँ जाइके समात ह।”</verse>
				<verse number="22">तउ मइँ इ लखेउँ कि मनई जउन सब स नीक बात कइ सकत ह उ इ अहइ कि उ आपन करम मँ आनन्द लेत रहइ। बस ओकरे लगे इहइ अहइ कि। कउनो मनई क भविस्स क चिन्ता भी नाहीं करइ चाही। काहेकि भविस्स मँ का होइ ओका लखइ मँ कउनो भी ओकर मदद नाहीं कइ सकत।</verse>
			</chapter>
			<chapter number="4">
				<verse number="1">मइँ फुन इ भी लखेउँ ह कि कछू लोगन क संग बुरा बेउहार कीन्ह जात ह। मइँ ओनकर आँसू लखेउँ ह अउर फुन इ भी लखेउँ ह कि ओन दुःखी लोगन क ढाढ़स बँधावइवाला भी कउनो नाहीं अहइ। मइँ लखेउँ ह कि कठोर लोगन क लगे समूची सक्ति अहइ अउर ओका ढाढ़स देइवाला कउनो नाहीं अहइ।</verse>
				<verse number="2">मइँ इ निर्णय पइ पहोंचा अहउँ कि इ सबइ बातन ओन मनइयन बरे जियादा नीक अहइँ जउन मरि चुके अहइँ बजाय ओनके बरे जउन अबहिं तलक जिअत अहइँ।</verse>
				<verse number="3">ओन लोगन बरे तउ इ सबइ बातन अउर भी नीक अहइँ जउन जन्म लेत ही मरि जाइँ। काहे काहेकि, उ पचे इ संसार मँ जउन बुराइयन होत अहइँ, ओनका लखेन ही नाहीं।</verse>
				<verse number="4">फुन मइँ सोचेउँ, “लोग ऍतनी कड़ी मेहनत काहे करत हीं?” मइँ लखेउँ ह कि लोग सफल होइ अउर दूसर लोगन स अउर जियादा ऊँच होइ क कोसिस मँ लगा रहत हीं। अइसा एह बरे होत ह कि लोग ईर्स्यालु अहइँ। उ पचे नाहीं चाहतेन कि जेतना ओनके लगे अहइ, दूसर क लगे ओहसे जियादा होइ। इ सब अर्थहीन अहइ। इ वइसा ही अहइ जइसे हवा क धरब।</verse>
				<verse number="5">कछू लोग कहा करत हीं, “हाथे पइ हाथ धइके बइठ रहब अउर कछू नाहीं करब बेववूफी अहइ। अगर तू काम नाहीं करब्या तउ भूखन मरि जाब्या।”</verse>
				<verse number="6">जउन कछू मूठी भइ तोहरे लगे अहइ ओहमाँ संतुट्ठ रहब नीक अहइ बजाय कि जियादा स जियादा पावइ क तलब मँ जूझत भए हवा क पाछे दौड़त जात रहब।</verse>
				<verse number="7">फुन मइँ एक अउर बात लखेउँ, जेकर कउनो अरथ नाहीं अहइ।</verse>
				<verse number="8">एक मनई बे परिवारे क होइ सकत ह। होइ सकत ह ओकर कउनो पूत अउर हिआँ तलक कि कउनो भाई भी न होइ किन्तु उ मनई कठिन स कठिन मेहनत करइ मँ लगा रहत ह अउर जउन कछू ओकरे पास होत ह, ओहसे कबहुँ संतुट्ठ नाहीं होत, “तउ मइँ भी ऍतनी कड़ी मेहनत काहे करत हउँ? मइँ खुद आपन जिन्नगी क आनन्द काहे नाहीं लेत हउँ?” अब लखा इ भी एक दुःखभरी अउर बियर्थ क बात अहइ।</verse>
				<verse number="9">एक मनई स दुइ मनई भला होत हीं। जब दुइ मनई मिलिके साथ साथ काम करत हीं तउ जउने कामे क उ पचे करत हीं, उ काम स ओनका जियादा लाभ मिलत ह।</verse>
				<verse number="10">यदि एक मनई गिरि जाइ तउ दूसर मनई ओकर मदद कइ सकत ह। मुला कउनो मनई बरे अकेल्ला रहब नीक नाहीं अहइ काहेकि जब उ गिरत ह तउ ओकर सहायता बरे हुवाँ अउर कउनो नाहीं होत।</verse>
				<verse number="11">अगर दुइ मनई एक संग सोवत हीं तउ ओनमाँ गरमाहट रहत ह मुला अकेल्ला सोवत भवा मनई कबहुँ गरम नाहीं होइ सकत।</verse>
				<verse number="12">अकेले मनई क दुस्मन हराइ सकत ह मुला उहइ दुस्मन दुइ मनइयन क नाहीं हराइ सकत ह अउर तीन मनइयन क सक्ति तउ अउर भी जियादा होत ह। उ पचे एक ठु अइसे रस्सा क नाई होत हीं, जेकर तीन लटन आपुस मँ गुंथी भई होत हीं, जेका तोड़ पाउब बहुत कठिन अहइ।</verse>
				<verse number="13">एक ठु गरीब मुला बुद्धिमान नउजवान नेता, एक बुढ़वा मुला मूरख राजा स नीक अहइ। उ बुढ़वा राजा चिताउनियन पइ कान नाहीं देत।</verse>
				<verse number="14">होइ सकत ह उ नउजवान सासक उ राज्ज मँ गरीबी मँ पइदा भवा होइ अउर होइ सकत ह उ जेल स छूटिके देस पइ हुकूमत करइ आवा होइ।</verse>
				<verse number="15">मुला इ जिन्नगी मँ मइँ लोगन क लखेउँ ह अउर मइँ इ जानत हउँ कि लोग उ दूसर नउजवान नेता क ही अनुसरण करत हीं अउर उहइ नवा राजा बन जात ह।</verse>
				<verse number="16">बहोत स लोग इ नउजवान क पाछे होइ लेत हीं। मुला अगवा चलिके उ सबइ लोग भी ओका पसन्द नाहीं करतेन एह बरे उ सब भी बियर्थ अहइँ। इ वइसा ही अहइ जइसे कि हवा क धरइ क जतन करब।</verse>
			</chapter>
			<chapter number="5">
				<verse number="1">जब परमेस्सर क उपासना बरे जा तउ बहोत जियादा होसियार रहा। अग्यानियन क नाई बलियन चढ़ावइ क अपेच्छा परमेस्सर क आग्या मानब जियादा उत्तिम अहइ। अज्ञानी लोग अक्सर बुरे करम किया करत हीं अउर ओका जानत तलक नाहीं ही।</verse>
				<verse number="2">परमेस्सर क वाचा मानत समय होसियार रहा। परमेस्सर स जउन कछू कहा ओन बातन बरे होसियार रहा। भावना क आवेस मँ, जल्दी मँ कछू जिन कहा। परमेस्सर सरग मँ अहइ, अउर तू धरती पइ अहा। एह बरे तोहका परमेस्सर स बहोत तनिक बोलइ क जरूरत अहइ। इ कहतूत फुरइ अहइ</verse>
				<verse number="3">अति चिंता स बुरे सपना आवा करत हीं। अउर जियादा बोलइ स मूरखता उपजत ही।</verse>
				<verse number="4">अगर तू परमेस्सर स कउनो वाचा माँगत ह तउ ओका पूरा करा। जउने बाते क तू वाचा मान्या ह ओका पूरा करइ मँ देर जिन करा। परमेस्सर मूरख मनइयन स खुस नाहीं रहत। तू परमेस्सर क जउन कछू अर्पित करइ क बचन दिहा ह ओका अर्पित करा।</verse>
				<verse number="5">इ नीक बा कि तू कउनो वाचा माना ही नाहीं बजाय एकरे कि कउनो मनौती माना अउर ओका पूरा न कइ पावा।</verse>
				<verse number="6">एका नाहीं होइ देइ कि तोहार सब्द तोहार पापे क कारण बनी। याजक स अइसा जिन बोला कि, “जउन कछू मइँ कहे रहेउँ ओकर इ अरथ नाहीं बाटइ।” जदि तू अइसा करब्या तउ परमेस्सर तोहरे सब्दन स रिसियाइके जउन वस्तुअन बरे तू करम किहा ह, ओन सबन्क उ बर्बाद कइ देइ।</verse>
				<verse number="7">आपन बेकार क सपनन अउर डींग मारइ स मुसीबतन मँ जिन पड़ा। तोहका परमेस्सर क सम्मान करइ चाही।</verse>
				<verse number="8">कछू देसन मँ तू अइसे दीन-हीन लोगन क लखब्या जेनका कड़ी मेहनत करइ क मजबूर कीन्ह जात ह। तू लखि सकत ह कि निर्धन लोगन क संग इ बेउहार उचित नाहीं अहइ। इ गरीब लोगन क अधिकारन क खिलाफ अहइ। मुला अचरज जिन करा। जउन अधिकारी ओन मनइयन क कारज करइ बरे मजबूर करत ह, अउर उ पचे दुइनउँ अधिकारी कउनो दूसर अधिकारी क जरिये मजबूर कीन्ह जात हीं।</verse>
				<verse number="9">ऍतना होइ पइ भी कउनो खेती क जोग्ग भुइँया पइ एक राजा क होब देस बरे फायदेमंद अहइ।</verse>
				<verse number="10">उ मनई जउन धने स पिरेम करत ह उ उ धने स जउन ओकरे लगे अहइ कबहुँ संतुट्ठ नाहीं होइ। उ मनई जउन धन स पिरेम करत ह, जब जियादा स जियादा धन पाइ जात ह तब भी ओकर मन नाहीं भरत। तउ उ भी बियर्थ अहइ।</verse>
				<verse number="11">कउनो मनई क लगे जेतना जियादा धन होइ ओका खरच करइ बरे ओकरे लगे ओतना ही जियादा “मीत” होइहीं। तउ उ धनी मनई क असल मँ प्राप्त कछू नाहीं होत ह। उ आपन धन क बस लखत भर रहि सकत ह।</verse>
				<verse number="12">एक ठु अइसा मनई जउन सारे दिन कड़ी मेहनत करत ह, आपन घर लउटइ पइ चइन क संग सोवत ह। इ महत्व नाहीं रखत ह कि ओकरे लगे खाइ क कमती अहइ या जियादा अहइ। एक धनी मनई आपन धने क चिंता म बूड़ रहत ह अउर सोइ तलक नाहीं पावत।</verse>
				<verse number="13">बहोत बड़के दुःखे क बात अहइ कि एक ठु जेका मइँ इ जिन्नगी मँ घटत लखेउँ ह। लखा एक मनई भविस्स बरे आपन धन बचाइके रखत ह।</verse>
				<verse number="14">अउर फुन कउनो बुरी बात घटि जात ह अउर ओकर सब कछू जात रहत ह अउर मनई क लगे आपन पूत क देइ बरे कछू भी नाहीं रहत। हम खाली हाथ आइत ह अउर खाली हाथ चला जाइत ह</verse>
				<verse number="15">एक मनई संसार मँ अपनी महतारी क गरभ स आवत ह अउर जब उ मनई क मउत होत ह तउ उ बगैर कछू अपने संग लिए सब हिअँइ छोड़िके चला जात ह। वस्तुअन क पावइ बरे उ कठिन मेहनत करत ह। किन्तु जब उ मरत ह तउ आपन संग कछू नाहीं लइ जात पावत।</verse>
				<verse number="16">इ बड़े दुःखे क बात अहइ। इ संसार ओका उहइ तरह तजइ क होत ह जउने तरह उ आवा रहा। एह बरे “हवा क धरइ क कोसिस” स कउनो मनई क हाथे क लगत ह</verse>
				<verse number="17">ओका अगर कछू मिलत ह तउ उ अहइ दुःख अउर सोक स भरे हुआ दिन। तउ आखिरकार उ हतास, रोगी अउ चिड़चिड़ा होइ जात ह।</verse>
				<verse number="18">मइँ तउ इ लखेउँ ह कि मनई जउन कइ सकत ह ओहमाँ सब स उत्तिम इ अहइ-एक मनई क चाही कि उ खाइ-पिअइ अउर जउने कामे क उ इ धरती पइ आपन छोटी स जिन्नगी क दौरान करत ह ओकर आनन्द लेइ। परमेस्सर इ सबइ तनिक क दिन स दिहेस ह अउर बस इहइ तउ ओकरे लगे अहइ।</verse>
				<verse number="19">अगर परमेस्सर कउनो क धन, सम्पत्ति अउर ओन वस्तुअन का आनन्द लेइ क सक्ति देत ह तउ उ मनई क ओनकर आनन्द लेइ चाही। उ मनई क जउन कछू ओकरे लगे अहइ ओका कबूल करइ चाही अउर आपन कामे क जउन परमेस्सर कइँती स एक उपहार अहइ ओकर रस लेइ चाही।</verse>
				<verse number="20">तउ अइसा मनई कबहुँ इ सोचत ही नाहीं कि जिन्नगी केतॅनी छोट स बाटइ। काहेकि परमेस्सर ओहका दिमाग क आनन्द स भरी ही राखी हीं।</verse>
			</chapter>
			<chapter number="6">
				<verse number="1">मइँ जिन्नगी मँ एक अउर बुरी बात लखेउँ ह अउर इ बहोत समान्य अहइ।</verse>
				<verse number="2">परमेस्सर कउनो मनई क बहोत स धन देत ह, सम्पत्तियन देत ह अउर आदर देत ह। उ मनई क लगे ओकर जरूरत की चीज होत ह अउर जउन कछू भी उ चाह सकत ह उ भी होत ह। किन्तु परमेस्सर उ मनई क ओन वस्तुअन क भोग नाहीं करइ देत। तबहिं कउनो अजनबी आवत ह अउर ओन सबहिं वस्तुअन क छोरि लेत ह। इ एक बहोत बुरी अउर बियर्थ बात अहइ।</verse>
				<verse number="3">कउनो मनई बहोत दिनन तलक जिअत ह अउर होइ सकत ह ओकर सौ बच्चन होइ जाइँ। किन्तु अगर उ मनई ओन अच्छी वस्तुअन स सन्तुट्ठ नाहीं होत अउर अगर ओकर मउत क बाद कउनो ओका सुमिरत नाहीं तउ मइँ कहत हउँ कि</verse>
				<verse number="4">उ मनई स तउ उ बच्चा ही अच्छा अहइ जउन जन्मत ही मरि जात ह। उ बच्चा क कउनो नाउँ नाहीं दीन जात अउर फउरन ही ओका एक अँधेरी कब्र मँ दफनाइ दीन्ह जात ह।</verse>
				<verse number="5">उ बच्चा तउ कबहुँ सूरज तउ लखेस ही नाहीं। उ बच्चा कबहुँ कछू नाहीं जानेस किन्तु उ मनई क भाग्ग जउन परमेस्सर क दीन्ह गइ वस्तुअन क कबहुँ आनन्द नाहीं लिहेस, उ बच्चा क जियादा चइन मिलत ह।</verse>
				<verse number="6">अगर कउनो मनई दुइ हजार बरिस जिअत ह किन्तु जिन्नगी क आनन्द नाहीं उठावत, तउ का दुइनउँ क अन्त एक समान नाहीं अहइ।</verse>
				<verse number="7">एक मनई लगातार काहे काम करत रहत ह? काहेकि ओका आपन सबइ इच्छा पूरी करइ क अहइँ। मुला उ संतुट्ठ तउ कबहुँ नाहीं होत।</verse>
				<verse number="8">इ तरह स एक बुद्धिमान मनई भी एक मूरख मनई स कउनो तरह उत्तिम नाहीं अहइ। एक दीनहीन मनई क बेहतर व्यवहार करइ जान लेइ मँ ओकर का भलाइ अहइ।</verse>
				<verse number="9">उ सबइ वस्तुअन जउन तोहरे पास अहइँ, ओनमाँ संतोस करब नीक अहइ बजाय एकरे कि अउर लगन लगी रहइ। सदा जियादा क कामना करत रहब बेकार अहइ। इ वइसे ही अहइ जइसे हवा क धरइ क जतन करब।</verse>
				<verse number="10">जउन कछू घटत अहइ ओकर योजना बहोत पहिले बन चुकी होत ह। एक मनई वइसा ही होत ह जइसा होइ बरे ओका बनावा गवा अहइ। हर कउनो जानत ह कि लोग कइसे होत हीं।</verse>
				<verse number="11">तउ इ बारे मँ परमेस्सर स तर्क करब बेकार अहइ जउन कि कउनो भी मनई स जियादा सक्तीसाली अहइ। बहोत सी अइसी बातन अहइ जेकर बरे हम कउनो अन्त क तर्क कइ सकत हीं, किन्तु इ कउनो लाभ नाहीं देत ह।</verse>
				<verse number="12">कउन जानत ह कि इ धरती पइ मनई क छोटी स जिन्नगी मँ ओकरे बरे सबस अच्छा का अहइ? ओकर जिन्नगी तउ छाया क नाई ढलि जात ह। बाद मँ का होइ कउनो नाहीं बताइ सकत।</verse>
			</chapter>
			<chapter number="7">
				<verse number="1">सुजस, अच्छी सुगन्धि स उत्तिम अहइ। अउर उ दिन जब मनई मरी, इ दिन उ दिन स उत्तिम होइ जब उ पइदा होइ।</verse>
				<verse number="2">उत्सव मँ जाइ स जाब, सदा उत्तिम हुआ करत ह। काहेकि सबहिं लोगन क मउत तउ निहचित अहइ। हर जिअत मनई क सोचइ चाही एका।</verse>
				<verse number="3">हँसी क ठहाके स सोक उत्तिम अहइ। काहेकि जब हमारे मुखे पइ उदासी क वास होत ह, तउ हमार हिरदय सुद्ध होत हीं।</verse>
				<verse number="4">विवेकी मनई तउ सोचत ह मउत क किन्तु मूरख जन तउ बस सोचत रहत हीं कि गुजरइ समय नीक।</verse>
				<verse number="5">विवेकी स निन्दित होब उत्तिम होत ह, बनिस्बत एकरे कि मूरख स तारीफ कीन्ह जाइ।</verse>
				<verse number="6">मूरख क ठहाका तउ बेकार होत ह। इ वइसे ही होत ह जइसे बर्तन क नीचे काँटे दरदराई।</verse>
				<verse number="7">अत्याचार विवेकी क भी मूरख बनाइ देत ह, अउर घूस मँ मिला धन ओकर मति क हर लेत ह।</verse>
				<verse number="8">बात क सुरू करइ स अच्छा ओकर अन्त करब अहइ। नम्रता अउर धीरज, गुस्सा दिखावइ अउर अहंकार स उत्तिम अहइ।</verse>
				<verse number="9">किरोध मँ हाली स जिन आवा। काहेकि किरोध मँ आउब मूर्खता अहइ।</verse>
				<verse number="10">जिन कहा, “अच्छे दिनन क का भएन, तब सबकछू ‘ठीक-ठाक रहेन।’ इ सवाल बुद्धि स नाहीं आवत हीं।”</verse>
				<verse number="11">जइसे वसीयतनामा मँ सम्पत्ति क पाउब अच्छा अहइ वइसे ही बुद्धि क पाउब भी उत्तिम अहइ। जिन्नगी बरे इ लाभदायक अहइ।</verse>
				<verse number="12">धने क समान बुद्धि भी रच्छा करत ह। बुद्धि क गियान मनई क जिन्नगी क रच्छा करत ही।</verse>
				<verse number="13">परमेस्सर क रचना क लखा। जेका परमेस्सर टेढ़ा कइ देइहीं ओका तू सीधा कर सकत्या।</verse>
				<verse number="14">जब जिन्नगी उत्तिम अहइ तउ ओकर रस ल्या मुला जब जिन्नगी कठिन अहइ तउ याद राखा कि परमेस्सर हमका कठिन समय देत अहइ अउर अच्छा समय भी देत अहइ इसलिए भियान का होइ इ तउ कउनो नाहीं जानत।</verse>
				<verse number="15">आपन छोटी स जिन्नगी मँ मइँ सब कछू लखेउँ ह। मइँ लखेउँ ह अच्छे लोग जवानी मँ ही मरि जात हीं। मइँ लखेउँ ह कि बुरे लोग लम्बी आयु तलक जिअत रहत हीं।</verse>
				<verse number="16">तउ अपने क हलाकान काहे करत अहा? न तउ बहोत जियादा धर्मी बना अउर न ही बुद्धिमान इ तोहका नास करब। न तउ बहोत जियादा दुट्ठ बना अउर न ही मूरख अन्यथा समय स पहिले तू मरि जाब्या।</verse>
				<verse number="17"></verse>
				<verse number="18">तनिक इ बना अउर तनिक उ। हिआँ तलक कि परमेस्सर क मनवइयन भी कछू अच्छा करिहीं तउ पाप भी।</verse>
				<verse number="19">निहचय ही इ धरती पइ कउनो अइसा नीक मनई नाहीं अहइ जउन सदा अच्छा ही अच्छा करत ह अउर बुरा कबहुँ नाहीं करत। बुद्धि मनई क सक्ति देत ह। कउनो सहर क दस मूरख सासकन स एक साधारण बुद्धिमान मनई जियादा सक्तीसाली होत ह।</verse>
				<verse number="20"></verse>
				<verse number="21">लोग जउन बातन कहत रहत हीं ओन सब पइ कान जिन द्या। होइ सकत ह तू आपन सेवक क ही तोहरे बारे मँ बुरी बातन कहत सुना।</verse>
				<verse number="22">अउर तू जानत अहा कि तू भी अनेक अवसरन पइ दूसर लोगन क बारे मँ बुरी बातन कहया ह।</verse>
				<verse number="23">एन सब बातन क बारे मँ मइँ आपन बुद्धि अउर विचारन क प्रयोग किहा ह। मइँ फुरइ बुद्धिमान बनइ चाहेउँ ह मुला इ तउ असंभव रहा।</verse>
				<verse number="24">मइँ समुझ नाहीं पावत कि बातन वइसी काहे अहइँ जइसी उ सबइ अहइँ। कउनो क बरे इ समुझब बड़ा मुस्किल अहइ।</verse>
				<verse number="25">मइँ अध्ययन किहेउँ अउर सच्ची बुद्धि क पावइ बरे बहुत कठिन मेहनत किहेउँ। मइँ हर चीज क कउनो कारण हेरइ क प्रयास किहेउँ किन्तु मइँ जानेउँ का? मइँ जानेउँ कि बुरा होब बेवकूफी बाटइ मूरखपन पागलपन अहइ।</verse>
				<verse number="26">मइँ इ भी पाएउँ कि कछू मेहररूअन एक फन्दा क नाई खतरनाक होत हीं। ओनकर हिरदय जाल जइसे होत हीं अउर ओनकर बाहन जंजीरन क तरह होत हीं। जउन लोग परमेस्सर क खुस करत हीं, अइसी मेहररूअन स बच निकरत हीं मुला उ सबइ लोग जउन परमेस्सर क नाखुस करत हीं ओनके जरिये फाँस लीन्ह जात हीं।</verse>
				<verse number="27">उपदेसक कहत ह, “इ सब कछू एकत्र कइके इहइ अहइ जउन मइँ पाएस।</verse>
				<verse number="28">मोर पूरा खोज बिचार क पाछा इहइ मइँ पाएउँ। हजारन मँ एक ठु मनई रहा जेका एकर छूट रही, कउनो मेहरारु क नाहीं।</verse>
				<verse number="29">“इहइ अहइ जउन मइँ पाएन, परमेस्सर लोगन क इमान्दार अउर सीधा बनावत ह, किन्तु लोग जल्द ही आपन राह पावइ बरे जोजना बनावत ह।”</verse>
			</chapter>
			<chapter number="8">
				<verse number="1">वस्तुअन क जउने तरह एक बुद्धिमान मनई समुझ सकत ह अउर ओनकर बियाख्या कइ सकत ह, वइसे कउनो भी नाहीं कइ सकत ह। बुद्धि एक दुःखी मुँह क खुस मुँहे मँ बदल देत ह।</verse>
				<verse number="2">मइँ तू पचन्स कहत हउँ कि तू पचन्क सदा ही राजा क आग्या मानइ चाही। अइसा एह बरे करा काहेकि तू पचे परमेस्सर क बचन दिहे रह्या।</verse>
				<verse number="3">राजा क उपस्थिति स हटि मँ हाली जिन करा अउर बुरा जोजनन मँ सामिल जिन हो। जदि हालात प्रतिकुल होइँ तउ ओकरे इर्द-गिर्द जिन रहा काहेकि उ तउ उहइ करी जउन ओका नीक लागी।</verse>
				<verse number="4">आग्यन देइ क राजा क अधिकार अहइ, कउनो नाहीं पूछ सकत कि उ का करत अहइ।</verse>
				<verse number="5">जदि हुकुम क पालन करत ह तउ उ सुरच्छित रही। एक बुद्धिमान मनई जानत अहइ कि का उचित ह अउर कब अहइ।</verse>
				<verse number="6">काहेकि सबइ कार्य के लिए उचित समइ अउर रास्ता अहइ, मुला लोग उ प बदकिस्मती स काफी झूठ बोलइही।</verse>
				<verse number="7">अगर अगवा अनिहचित होइ। काहेकि भविस्स मँ का होइ इ तउ ओका कउनो भी बताइ नाहीं सकत।</verse>
				<verse number="8">कउनो मँ इ सक्ती नाहीं कि उ हवा क रोक सकत। इहइ तहर स कउनो मनई मँ अइसी सक्ती नाहीं अहइ कि उ आपन मउत क रोकि देइ। जब जुद्ध चलत रहत होइ तउ कउनो भी फउजी क इ अजादी नाहीं अहइ कि उ जहाँ चाहइ चला जाइ। इहइ तरह जदि कउनो मनई बुरा करत ह तउ उ बुराई उ मनई क अजाद नाहीं रहइ देत।</verse>
				<verse number="9">मइँ इ सबइ बातन लखेउँ ह। इ जगत मँ जउन कछू घटत ह ओन बातन क बारे मँ मइँ बड़ी हलबुली मँ सोचेउँ ह उ समइ जब दूसर सासन करइ हीं ओका नोक्सान पहोंचात अहइ।</verse>
				<verse number="10">मइँ ओन बुरे मनइयन क बहोत बिसाल सुन्दर ल्हास-जात्रन लखेउँ ह। अउर ल्हास जात्रन क पाछे लोग जब घरे लउटत हीं तउ उ पचे जउन बुरा मनई मरि चुका अहइ ओकरे बारे मँ नीक नीक बातन करत हीं। अइसा उहइ नगर मँ हुआ करत ह जहाँ उ बुरा मनई बहोत स बुरा काम किहेस ह। इ बगैर अरथ क अहइ।</verse>
				<verse number="11">कबहुँ कबहुँ लोग जउन बुरे काम किहेन ह, ओनके बरे ओनका तुरंत दण्ड नाहीं मिलत। एकरे कारण दूसर लोग भी बुरे करम करइ चाहइ लागत हीं।</verse>
				<verse number="12">कउनो पापी चाहे सैकड़न पाप करइ ओकर उमिर केतनी ही लम्बी होइ। मुला मइँ इ जानत हउँ कि जे परमेस्सर क सम्मान करब ओकर साथ उत्तिम होब।</verse>
				<verse number="13">बुरे लोग परमेस्सर क सम्मान नाहीं करतेन। तउ अइसे लोग अच्छा नाहीं करतेन। उ सबइ बुरे लोग अधिक समइ तलक जिअत नाहीं रइहीं। ओनकर जिन्नगी बूड़त सूरज मँ लम्बी स लम्बी होत जात छाया क नाई बड़ी नाहीं होइहीं।</verse>
				<verse number="14">इ धरती पइ एक बात अउर होत ह जउन मोका निआव क लायक नाहीं लागत। बुरे लोगन क संग बुरी बातन घटइ चाही अउर नीक लोगन क संग नीक बातन। मुला कबहुँ कबहुँ नीक लोगन क संग बुरा बातन घटत हीं अउर बुरे लोगन क संग नीक बातन। इ तउ निआव नाहीं अहइ।</verse>
				<verse number="15">तउ मइँ निहचय किहेउँ कि जिन्नगी क आनन्द लेब सबसे अच्छा अहइ। काहेकि इ जिन्नगी मँ एक मनई जउन सबसे नीक बात कइ सकत ह उ बाटइ खाब, पिअब अउर जिन्नगी क रस लेब। एहसे कम स कम मनई क इ धरती पइ ओकरे जिन्नगी क दौरान परमेस्सर करइ बरे जउन कठिन काम दिहेस ह ओकर आनन्द लेइ मँ मदद मिली।</verse>
				<verse number="16">इ जिन्नगी मँ लोग जउन कठिन काम करत हीं ओकर मइँ बड़े धियान क साथ अध्ययन किहेउँ ह। मइँ लखेउँ ह कि लोग केतना व्यस्त अहइँ। उ पचे अक्सर बगैर सोए राति दिन कामे मँ लगा रहत हीं।</verse>
				<verse number="17">परमेस्सर जउन करत ह ओन बहोत स बातन क भी मइँ लखेउँ ह कि धरती पइ परमेस्सर जउन कछू करत ह, लोग ओका समुझ नाहीं सकतेन। ओका समुझइ बरे मनई बार बार जतन करत ह। मुला फुन भी समुझ नाहीं पावत। अगर कउनो बुद्धिमान मनई इ भी कहइ कि उ परमेस्सर क कामन क समुझत ह तउ इ भी फुरइ नाहीं बाटइ। ओन सब बातन क तउ कउनो भी समुझ हीं सकत।</verse>
			</chapter>
			<chapter number="9">
				<verse number="1">मइँ इन सबहिं बातन क बारे मँ बड़े धियान स सोचेउँ ह अउर लखेउँ ह कि नीक अउर बुद्धिमान लोगन क संग जउन घटित होत ह अउर उ पचे जउन काम करत हीं ओन पर नियंत्रण परमेस्सर करत ह। लोग नाहीं जानतेन कि ओनका पिरेम मिली या घिना अउर लोग नाहीं जानतेन कि भियान का होइवाला अहइ।</verse>
				<verse number="2">किन्तु एक ठु बात अइसी अहइ जउन हम सबन क संग घटत ह-हम सबहिं मरित ह। मउत नीक लोगन क भी आवत ह अउर बुरे लोगन क भी। अपित्तर लोगन क जइसा पवित्तर लोगन क भी मउत आवत ह। धर्मी लोग जउन बलिदान चढ़ावत ह उ भी वइसे ही मरत ह जइसे उ लोग जउन बलिदान नाहीं चढ़ावत ह। अच्छे लोग भी बुरे लोग जइसा मरत हीं। उ मनई जउन परमेस्सर क बिसेस बचन देत ह, उ भी वइसे ही मरत ह जइसे उ मनई जउन परमेस्सर क बचन देइ स घबरात ह।</verse>
				<verse number="3">इ जिन्नगी मँ जउन भी कछू घटित होत ह ओहमाँ सबसे बुरी बात इ अहइ कि सबहि लोगन क अंत एक ही तरह स होत ह। साथ ही इ भी बहोत बुरी बात अहइ कि लोग जिन्नगी भर सदा ही बुरे अउर बेवकूफी स भरे विचारन मँ पड़ा रहत हीं अउर आखिर मँ मरि जात हीं।</verse>
				<verse number="4">हर उ मनई क बरे जउन अबहिं जिअत अहइ, एक आसा बची अहइ। एहसे कउनो अंतर नाहीं पड़त कि उ कउन अहइ? इ कहावत फुरइ अहइ: कउनो मरे भए सेर स एक जिअत कूकूर नीक अहइ।</verse>
				<verse number="5">जिअत लोग जानत हीं कि ओनका मरब अहइ। किन्तु मरे भए तउ कछू भी नाहीं जानतेन। मरे भएन क कउनो अउर प्रतिदान नाहीं मिलत। लोग ओनका हाली ही बिसरि जात हीं।</verse>
				<verse number="6">कउनो मनई क मरि जाए क पाछे ओकर पिरेम घिना अउर ईर्स्या सब समाप्त होइ जात हीं। मरा भवा मनई संसार मँ जउन कछू होत अहइ, ओहमाँ कबहुँ हींसा नाहीं बटावत।</verse>
				<verse number="7">तउ तू अब जा अउर आपन खइया क खा अउर ओकर आनन्द ल्या। आपन दाखमधु पिआ अउर खुस रहा। अगर तू इ सबइ बातन करत अहा तउ इ सबइ बातन परमेस्सर स समर्थित अहइँ।</verse>
				<verse number="8">उत्तिम ओढ़ना पहिरा अउर सुन्नर दिखा।</verse>
				<verse number="9">जउन पत्नी क तू पिरेम करत अहा ओकरे संग जिन्नगी क भोग करा। आपन अरथहीन जिन्नगी क जेका परमेस्सर तोहका इ धरती मँ दिहस, उ सबइ क बरे जेका तू अपने जिन्नगी मँ पाइ, इ संसार मँ कठिन करम करइ क पाइ, स हर एक दिन क आनन्द ल्या।</verse>
				<verse number="10">जेका तू कइ सकत ह, एका तू जेतॅनी उत्तिमता स कइ सकत ह करा। कब्र मँ तउ कउनो काम होइ ही नाहीं। हुआँ न तउ चिन्तन होइ, न गियान अउर न विवेक अउर मउत क उ ठहर क हम सबहिं तउ जात अही।</verse>
				<verse number="11">मइँ इ जिन्नगी मँ कछू अउर बातन लखेउँ ह। सबसे जियादा दउड़इवाला सदा ही दउड़ मँ नाहीं जीतत, सक्तीसाली सेना ही जुद्ध मँ सदा नाहीं जीतत। सबसे जियादा बुद्धिमान मनई ही सदा कमाई क नाहीं खात। सबसे जियादा चुस्त मनई ही सदा धन दौलत हासिल नाहीं करत ह अउर एक पढ़ा लिखा मनई ही सदा वइसी तारीफ नाहीं पावत जइसी तारीफ क उ जोग्ग अहइ। जब समय आवत ह तउ हर कउनो क संग बुरी बातन घट जात हीं।</verse>
				<verse number="12">कउनो भी मनई इ नाहीं जानत ह कि एकरे पाछे ओकरे संग का होइवाला अहइ। उ जाल मँ फँसी उ मछरी क नाई होत ह जउन इ नाहीं जानत कि आगे का होइ। उ उ जाल मँ फँसी चिरइया क समान होत ह जउन इ नाहीं जानत कि का होइवाला अहइ? इहइ प्रकार मनई ओन विपत्ति मँ फाँस जात अहइ, जे ओन प हाली अहइ।</verse>
				<verse number="13">इ जिन्नगी मँ मइँ एक मनई क एक विवेकपूर्ण कार्य करत लखेउँ ह अउर मोका इ बहोत महत्वपूर्ण लाग ह।</verse>
				<verse number="14">एक ठु नान्ह स नगर भवा करत रहा। ओहमाँ थोड़ा स लोग रहत रहेन। एक बहोत बड़ा राजा ओकरे खिलाफ जुद्ध किहेस अउर नगर क चारिहुँ कइँती आपन फउज लगाइ दिहस।</verse>
				<verse number="15">उहइ नगर मँ एक बुद्धिमान मनसेधू रहत रहा। उ बहोत निर्धन रहा। किन्तु उ उ नगर क बचावइ बरे आपन बुद्धि क उपयोग किहस। जब नगर क बिपद टरि गइ अउर सब कछू खतम होइ गवा तउ लोग उ गरीब क बिसारि दिहन।</verse>
				<verse number="16">किन्तु मइँ लखइ अहइ कि बल स बुद्धि स्रेस्ठ बाटइ। जदपि लोग गरीब मनई क बुद्धि क नज़र-अन्दाज़ कइ देत अहइ ओका नाहीं सुनत अहइ।</verse>
				<verse number="17">धीमे स बोलि गएन, विवेकी क तनिक स सब्द जियादा उत्तिम होत हीं, बजाय ओन अइसे सब्दन क जेनका मूरख सासक ऊँची आवाज मँ बोलत ह।</verse>
				<verse number="18">बुद्धि, ओन भोलन स अउर अइसी तरवारन स उत्तिम अहइ, जउन जुद्ध मँ काम आवत हीं। बुद्धिहीन मुला एउटा मनई, बहोत स उत्तिम बातन नस्ट कइ सकत ह।</verse>
			</chapter>
			<chapter number="10">
				<verse number="1">कछू मरी भइ माखियन सर्वोत्तम सुगंध तलक क दुर्गधिंत कइ सकत हीं। इहइ तरह छोटी सी बेवकूफी स समूनइ बुद्धि अउर प्रतिस्ठा नस्ट होइ सकत ह।</verse>
				<verse number="2">बुद्धिमान क विचार ओका उचित मारग पइ लइ चलावत हीं। किन्तु मूरख क विचार ओका बुरे रस्ते पइ लइ जात हीं।</verse>
				<verse number="3">मूरख की मूरखता स्पस्ट हो जात ह जउन उ राह पइ चलत मात्र सुरू करत ह। हर मनई लखि सकत ह कि उ मूरख अहइ।</verse>
				<verse number="4">तोहार अधिकारी तोहसे रिसियान अहइ, बस इहइ कारण स आपन काम कबहुँ जिन तजा। अगर तू सांत अउर सहायक बना रहा तउ बड़की स बड़की गलतियन क सुधार सकत अहा।</verse>
				<verse number="5">अउर लखा इ बात कछू अलग अहइ जेका मइँ इ जिन्नगी मँ लखेउँ ह। इ बात निआवोचित भी नाहीं अहइ। इ वइसी भूल अहइ जइसी सासक जिया करत हीं।</verse>
				<verse number="6">मूरख मनइयन क महत्वपूर्ण पद दइ दीन्ह जात हीं अउर धनी मनई अइसे कामन क पावत हीं जेनकर कउनो महत्व नाहीं होत।</verse>
				<verse number="7">मइँ अइसे मनई लखेउँ ह जेनका नोकर होइ चाही रहा। किन्तु उ पचे घोड़न पइ चढ़ा रहत हीं। जबकि उ पचे मनई जेनका सासक होइ चाही रहा, नोकर क नाई ओनके आगे पाछे घूमत रहत हीं।</verse>
				<verse number="8">उ मनई जउन कउनो गड़हा खनत ह ओहमाँ गिर भी सकत ह। उ मनई जउन कउनो देवारे क गिरावत ह, ओका साँप काट भी सकत ह।</verse>
				<verse number="9">एक मनई जउन बड़के बड़के पाथरन क ढकेलत ह, ओनसे चोट भी खाइ सकत ह अउर उ मनई जउन बृच्छन क काटत ह, ओकरे बरे उ खतरा भी बना रहत ह कि बृच्छ ओकरे ऊपर न भहराइ जाइ।</verse>
				<verse number="10">किन्तु बुद्धि क कारण हर काम आसान होइ जात ह। भोंटे, बेधार चाकू स काटब बहोत कठिन होत ह किन्तु अगर उ आपन चाकू पइना कइ ले तउ काम आसान होइ जात ह। बुद्धि इहइ प्रकार क अहइ।</verse>
				<verse number="11">कउनो मनई इ जानत ह कि कीरा क बस मँ कइसे कीन्ह जात ह किन्तु जब उ मनई आस पास नाहीं अहइ अउर कीरा कउनो क डस लेत ह तउ उ बुद्धि बेकार होइ जात ह। बुद्धि इहइ प्रकार क अहइ।</verse>
				<verse number="12">बुद्धिमान क सब्द तारीफ दियावत हीं। किन्तु मूरख क सब्दन स बिनास होत ह।</verse>
				<verse number="13">एक ठु मूरख मनई बेवकूफी स भरी बातन कहिके सुरूआत करत ह। अउर आखिर मँ उ पागलपन स भरी भइ खुद क ही नोस्कान पहोंचावइ वाली बातन कहत ह।</verse>
				<verse number="14">एक मूरख मनई मूरख बातन बोलइ से कबहुँ नाहीं रूकत ह। किन्तु भविस्स मँ का होइ इ तउ कउनो नाहीं जानत। भविस्स मँ का होइ जात अहइ, इ तउ कउनो बताइ ही नाहीं सकत।</verse>
				<verse number="15">मूरख ऍतना चतुर नाहीं कि आपन घरे क मारग पाइ जाइ। एह बरे ओका तउ जिन्नगी भइ कठोर काम करब अहइ।</verse>
				<verse number="16">कउनो देस क बरे इ बहोत बुरा अहइ कि ओकर राजा कउनो बच्चे जइसा होइ अउर कउनो देस क बरे इ बहोत बुरा अहइ कि ओकर अधिकारी आपन सारा समय खाइ मँ ही गुजारत होइँ।</verse>
				<verse number="17">मुला कउनो देस क बरे इ बहोत अच्छा अहइ कि ओकर राजा कउनो उत्तिम बंस क होइ। कउनो देस बरे इ बहोत उत्तिम अहइ कि ओकर अधिकारी आपन खाइ अउर पिअइ पर काबू रखत हीं। उ सबइ अधिकारी बलसाली होइ बरे खात पिअत हीं ब कि मतवाले होइ जाइ बरे।</verse>
				<verse number="18">अगर कउनो मनई काम करइ मँ सुस्त अहइ, तउ ओकर घर टपकब सुरू कइ देइ अउर ओकरे घर क छत ध्वंस्त होइ जाब।</verse>
				<verse number="19">लोग भोजन क आनन्द लेत हीं अउर दाखरस जिन्नगी क अउर जियादा खुसियन स भरि देत हीं। किन्तु धन बहोत समस्या क हल करइ देत ह।</verse>
				<verse number="20">राजा क बारे मँ बुरी बातन जिन करा। ओकरे बारे मँ बुरी बातन सोचा तलक जिन। संपन्न मनइयन क बारे मँ भी बुरी बातन जिन करा। चाहे तू आपन घरे मँ अकेल्ले ही काहे न ह्वा। काहेकि होइ सकत ह कउनो एक छोटी सी चिरइया उड़िके तू जउन कछू कहया ह, उ हर बात ओनका कहइ देइ।</verse>
			</chapter>
			<chapter number="11">
				<verse number="1">तू जहाँ भी जा, हुवाँ उत्तिम काम करा। थोड़े समय पाछे तोहरे उत्तिम कार्य वापिस लउटिके तोहरे लगे अइहीं।</verse>
				<verse number="2">जउन कछू तोहरे लगे अहइ ओकर कछू भाग सात, आठ अलग-अलग चिजियन पइ खरच कइ द्या। तू जान ही नाहीं सकत्या कि इ धरती पइ कब का बुरा घटि जाइ?</verse>
				<verse number="3">कछू बातन अइसी अहइँ जेनके बारे मँ तू निहचित होइ सकत ह। जइसे बादल बर्खा स भरा अहइँ तउ उ सबइ धरती पइ जल बरसइहीं ही। जदि कउनो बृच्छ गिरत ह चाहे दाहिनी कइँती गिरइ, चाहे बाई तरफ गिरत ह। उ हुवँइ पड़ा रही जहाँ उ गिरा अहइ।</verse>
				<verse number="4">किन्तु कछू बातन अइसी होत हीं जेनके बारे मँ तू निहचित नाहीं होइ सकत्य। फुन भी तोहका एक मौका तउ लेइ ही चाही। जइसे अगर कउनो मनई पूरी तरह स उत्तिम मौसम क इंतजार करत रहत ह तउ उ आपन बीज बोइ ही नाहीं सकत ह अउर इहइ तरह कउनो मनई इ बात क डेरात रहत ह कि हर बादल बरसी ही तउ उ आपन फसल कबहुँ नाहीं काटि सकी।</verse>
				<verse number="5">हवा कहाँ स आवत अहइ तू नाहीं जान सकत्या। तू नाही जानत्या कि महतारी क गरभ मँ बच्चा प्राण कइसे पावत ह इहइ तरह तू इ नाहीं जान सकत्या कि परमेस्सर का करी? सब कछू क घटित करइवाला तउ उहइ अहइ।</verse>
				<verse number="6">एह बरे भिंसार होत ही रोपाई सुरू कइ द्या अउर दिन ढले तलक काम जिन रोका। काहेकि तू नाहीं जानत्या कि कउन स बीज सफलता स उगब-होइ सकत ह इहइ या उहइ या सबइ क सब।</verse>
				<verse number="7">जिअत रहब उत्तिम अहइ। सूरज क प्रकास लखब नीक अहइ।</verse>
				<verse number="8">तोहका आपन जिन्नगी क हर दिन क आनन्द उठावइ चाही। तू चाहे केतनी ही लम्बी उमिर पावा। पर याद राखा कि तोहका मरब अहइ अउर तू जेतने समय तलक जिए अहा ओहसे कहूँ जियादा समय तलक तोहका मरा रहब अहइ अउर मरि जाए क पाछे तउ तू कछू कर नाहीं सकत्या।</verse>
				<verse number="9">तउ हे जवानो! जब तलक तू जवान अहा, आनन्द मनावा। खुस रहा। अउर जउन तोहार मन चाहइ, उहइ करा। जउन तोहार रच्छा होइ उ करा। किन्तु याद राखा कि तोहरे हर कामे बरे परमेस्सर तोहार निआव करी।</verse>
				<verse number="10">किरोध क खुद पइ काबू जिन पावइ द्या अउर आपन सरीर क भी कस्ट जिन द्या। तू जियादा समय तलक जवान नाहीं बना रहब्या।</verse>
			</chapter>
			<chapter number="12">
				<verse number="1">लरकपन स ही आपन बनावइ वाला क सुमिरन करा। एहसे पहिले कि बुढ़ाई क बुरे दिन तोहका आइके घेरइँ। पहिले एकरे कि तोहका इ कहइ क पड़इ कि, “हाय, मइँ जिन्नगी क रस नाहीं लइ सकत्या।” लरकपन स ही आपन बनावइ वाला क सुमिरन करा।</verse>
				<verse number="2">जब तू बुढ़वा होब्या तउ सूरज चन्द्रमा अउर सितारन क रोसनी तोहका अँधियारी लगिहीं। अउर तोहार समस्या लगातार वापस आत रहब्या अउर इ सबइ समस्या ओन बादलन क तरह ही होइहीं जउन बर्खा करत हीं अउर सीघ्र वापस नाहीं छटँत हीं।</verse>
				<verse number="3">उहइ समइया तोहार बलवान भुजन निर्बल होइ जइहीं। तोहार सुदृढ़ गोड़ कमजोर होइ जइहीं। तू आपन कछू बचे भए दाँतन क संग खाना तलक भी चबाइ नाहीं सकत्या। अँखियन स साफ देखाई तलक नाहीं देइ।</verse>
				<verse number="4">तू बहिर होइ जाब्या। बाजार क सोर भी तू सुनि नाहीं पउब्या। चलत चक्की भी तोहका सांत देखाइ देइ। तू बड़ी मुस्किल स लोगन क गावत सुन पउब्या। मूला चिरइयन क चहचहाट तोहका जगाई देब तू बढ़िया नींद स नाहीं सोइ सकब।</verse>
				<verse number="5">चढ़ाइवाले जगहियन स तू डेराइ लगब्या। राहन क हर नान्ह स नान्ह चीज स तू डेराइ लगब्या कि तू कइँ ओह पइ ठोकर खाइके गिर परब। तोहार बाल बादाम क फूलन क नाई उज्जवर होइ जइहीं। तू जब चलब्या तउ उ प्रकार घेरीत चलब्या जइसे कउनो टिड्डा होइ। तू अपन जीअइ क इच्छा खो देब्या। फुन तोहका आपन क भीतरी नवा घर यानी तोहार कब्र मँ नित निवास बरे जाइ क होइ अउर तोहार मुर्दनी मँ सामिल लोगन क भीड़ स गलियन भरि जइहीं।</verse>
				<verse number="6">अबहिं जब तू जवान अहा, आपन बनावइवाला क याद राखा। एकरे पहिले कि चाँदी क डोर टूटि जाइ। अउर सोना क पात्र टूटिके बिखर जाइ। एकरे पहिले कि तोहार जिन्नगी बेकार होइ जाइ जइसे कउनो कुएँ लगे पात्र टूट पड़ा होइ। एकरे पहिले कि तोहार जिन्नगी उ पाथर जइसे होइ जाइ जेका उपयोग दीवार क ढाकन मँ किया जात अहइ, मुला उ टूट कइ इ मँ गिर परत ह।</verse>
				<verse number="7">तोहार देह माटी स उपजी अहइ अउर जब मउत होइ तउ तोहार उ देह वापिस माटी होइ जाइ। किन्तु इ प्राण तोहार परमेस्सर स आवा अहइ अउर जब तू मरब्या, तोहार इ प्राण वापिस परमेस्सर क लगे जाइ।</verse>
				<verse number="8">सब कछू बेकार अहइ, उपदेसक कहत ह कि सब कछू बियर्थ अहइ।</verse>
				<verse number="9">उपदेसक बहोत बुद्धिमान रहा। उ लोगन क सिच्छा देइ मँ आपन बुद्धि क प्रयोग करत रहा। उपदेसक बड़ी होसियारी स अध्ययन किहस अउर अनेक सूवितयन क व्यवस्थित किहस।</verse>
				<verse number="10">उपदेसक उचित सब्दन क बचन बरे कठिन मेहनत किहस अउर उ एन सीखन क लिखेस जउन फुरइ अहइँ अउर जेन पइ भरोसा कीन्ह जाइ सकत ह।</verse>
				<verse number="11">विवेकी मनइयन क बचन ओन नोकीली छड़ियन क समान होत हीं जेनकर उपयोग पसुअन क उचित मारग पइ चलावइ बरे कीन्ह जात ह। इ सबइ उपदेसक ओन मजबूत खूँटन क समान होत हीं जउन कबहुँ टूटतेन नाहीं। जिन्नगी क उचित मारग देखावइ बरे तू एन उपदेसकन पइ बिस्सास कइ सकत ह। उ सबइ सबहिं विवेक स पूरी सीखन उहइ गड़रिया (परमेस्सर) स आवत हीं।</verse>
				<verse number="12">तउ पूत! एक चिताउनी अउर लोग तउ सदा पुस्तकन लिखत ही रहत हीं। बहोत जियादा अध्ययन तोहका बहोत थकाइ देइ।</verse>
				<verse number="13">इ सब कछू क सुन लेइ क पाछे अब एक अन्तिम बात इ बतावइ क बाटइ कि परमेस्सर क आदर करा अउर ओकरे आदेसन पइ चला काहेकि इ नियम हर मनई पर लागू होत ह। काहेकि लोग जउन करत हीं, ओका हिआँ तलक कि ओनकी छिपी स छिपी बातन क भी परमेस्सर जानत ह। उ ओनकर सबहिं नीक बातन अउर बुरी बातन क बारे मँ जानत ह। मनई जउन कछू भी करत हीं उ हर एक करम क उ निआव करी।</verse>
				<verse number="14"></verse>
			</chapter>
		</book>
		<book number="22">
			<chapter number="1">
				<verse number="1">सुलैमान क स्रेस्ठ गीत।</verse>
				<verse number="2">ओकरे ओंठन क चुम्बनन स मोका ढाँपि लेइ द्या। तोहार पिरेम दाखरस स भी मीठा अहइ।</verse>
				<verse number="3">तोहार इत्र क सुगन्ध मोहक अहइ, मुला तोहार नाउँ मोरे बरे मूल्यवान इत्र स भी जियादा मोहक अहइ! इहइ कारण अहइ कि कुँवरियन तोहसे पिरेम करत हीं!</verse>
				<verse number="4">हे मोर राजा, तू मोका आपन संग लइ ल्या। हाली चला! राजा मोका आपन कमरा मँ लइ आवा ह। हम तोहमाँ आनन्दित अउ मगन अही। हम मानत अही कि तोहार पिरेम दाखरस स उत्तिम अहइ। अच्छा कारण क बरे कुँवरियन तोहसे पिरेम करत हीं।</verse>
				<verse number="5">हे यरूसलेम क बिटियो, मइँ करिया हउँ, मुला मइँ सुन्नर हउँ। मइँ केदार क तम्बुअन जइसा अउ सलमोन क तम्बूअन क पर्दा जइसे करिया हउँ।</verse>
				<verse number="6">किन्तु मोका करिया मँ सामिल जिन करा। इ सूरज अहइ जउन मोका करिया कइ दिहस ह। मोर भइयन एकर कारण अहइँ। उ मोका आपन अंगूरे क बगीचन क रखवारी करइ बरे मज़बूर किहेन ह। एह बरे मइँ आपन क धियान नाहीं रखि सकेउँ।</verse>
				<verse number="7">मइँ तोहका आपन पूरी आतिमा स पिरेम करत हउँ। मोर सच्चा पिरेमी, मोका बतावा कि तू आपन भेड़िन क कहाँ चरावत अहा? दुपहरिया मँ ओनका आराम करइ बरे कहाँ बइठावत अहा? मोका अइसी एक ठु लड़िकी क लगे काहे होइ चाही जउन घूँघट डारिके तोहरे मीतन क झुण्डन क रखवारी करत ह।</verse>
				<verse number="8">हे मेहररुअन सबन त सुन्नरी, अगर तू नाहीं जानत ह मइँ कहाँ होब, तउ भेड़ियन क पथ पाछा करा। तोहार बोकरियन क बच्चन क गड़रियन क तम्बुअन क लगे चरा।</verse>
				<verse number="9">हे मोर प्रिय मइँ तोहार तुलना उ घोड़ी स करत हउँ जउन घो़ड़िन फिरौन क रथ क हींचइवाल घोड़न क आकर्सित करत ह।</verse>
				<verse number="10">मइँ तोहार कल्पना चाँदी अउर रतन स सज़ा भवा घोड़ा स कइ सकत हउँ। तोहार गाल खूबसूरत आभूसण अउर कर्नफूल स भवा अहइ। तोहार गर्दन पइ माला बहोत सुन्नर लगत अहइँ।</verse>
				<verse number="11">जउन सोना अउर चाँदी क पत्तर लागत ह खास तोहरे बरे बना अहइँ।</verse>
				<verse number="12">जब राजा गद्दी पइ लेटत अहइ, मोरे इत्र क सुगन्ध ओह तलक पहोंचत ह।</verse>
				<verse number="13">मोर प्रियतम रस गन्ध क कुप्पे जइसा अहइ। उ मोरे सीते क बीच सारी रात सोइ।</verse>
				<verse number="14">मोर प्रिय मोरे बरे मेंहदी क फूलन क गुच्छन जइसा अहइ जउन एनगदी क अंगूरे क बगीचे मँ फलत ह।</verse>
				<verse number="15">मोर प्रिये, तू रमणीय अहा। ओह, तू केतनी सुन्नर अहा। तोहार आँखिन कबूतरन क जइसी सुन्नर अहइँ।</verse>
				<verse number="16">हे मोर प्रियतम, तू केतना सुन्नर अहा। हाँ, तू केतना मनमोहक अहा। हमार बिछाउन केतना ताज़ा अउर आनन्दित महक प्रदान करत हीं।</verse>
				<verse number="17">हमार घरे क छत देवदारू क पउधन स बना अहइँ। अउर देवारन सनोवर पउधन स बना अहइँ।</verse>
			</chapter>
			<chapter number="2">
				<verse number="1">मइँ सारोन क केसर क पाटल जइसा हउँ। मइँ घाटियन क कोका बेली हउँ।</verse>
				<verse number="2">हे मोर प्रिये, दूसर जुवतियन तुलना मँ तू वइसी ही अहा माना काँटन क झारी क बीच लिली अहा।</verse>
				<verse number="3">मोर प्रिय, दूसर नउजवानन क बीच तू अइसे लागत अहा जइसे जंगले क बृच्छन मँ कउनो सेब क पेड़। मोका आपन प्रियतम क छाया मँ बइठब नीक लागत ह; ओकर फल मोका खाइ मँ बहोत मीठ लागत ह।</verse>
				<verse number="4">मोर प्रिय मोका मधुसाला मँ लइ आवा अउर मोका आपन पिरेम क बारे मँ एक झण्डा क नाईं लहराइके स्पस्ट किह्या।</verse>
				<verse number="5">मइँ पिरेम क रोगी हउँ एह बरे किसमिस स मोका मज़बूत बनावा अउर मीठा सेबन स मोका ताजा करा।</verse>
				<verse number="6">ओकरे बाँया हाथ मोर मुड़ि क पिआर स छुअत हीं, अउर ओकर दाहिन हाथ सरीर क पिआर स छुअत हीं।</verse>
				<verse number="7">यरूसलेम क कुँवरियन कुरंगन अउ जंगली हिरनियन क साच्छी मानिके मोका बचन द्या, पिरेम क जिन जगावा अउ उसकावा जब तलक एकर इच्छा न होइ!</verse>
				<verse number="8">मइँ आपन प्रियतम क अवाज अनकत हउँ। इ पहाड़न स उछरत भइ अउर पहाड़ियन स कूदत भइ आवत ह।</verse>
				<verse number="9">मोर प्रियतम कुरंग या जवान हरिन जइसा सुन्नर अहइ। लखा, उ हमरी देवारे क पीछे खड़ा अहइ, खिरकी स लखत अहइ, पर्दा क छेद स झाँकत अहइ।</verse>
				<verse number="10">मोर प्रियतम मोसे बोलत ह: “हे मोर प्रिये, उठा, हे मोर सुन्नरी, आवा कहूँ चली।</verse>
				<verse number="11">लखा, सीत-रितु बीत गइ अहइ। बर्खा खतम होइ गइ अउ चली गइ अहइ।</verse>
				<verse number="12">धरती पइ फूल खिले भए अहइँ। चिरइयन क गावइ क समइ आइ ग अहइ। धरती पइ कबूतरे क अवाज गूँजत अहइ।</verse>
				<verse number="13">अंजीर क बृच्छन पइ अंजीर, पकइ लागेन हँ। अंगूरे क बेल फूलत अहइँ अउर ओनकर भीती गन्ध फइलत अहइ। मोर प्रिय उठा, हे मोर सुन्नर, आवा कहूँ दूर चली।”</verse>
				<verse number="14">हे मोर कबूतर, जउन ऊँच चट्टानन क सबइ गुफा मँ अउर पहाड़न मँ लुकान अहा, मोका आपन मुँह देखावा मोका आपन आवाज सुनावा काहेकि तोहार आवाज मीठ अउ तोहार मुँह सुन्नर अहइ।</verse>
				<verse number="15">जउन नान्ह लोखरियन दाख क बगियन क बिगाड़त ही हमरे बरे ओनका धरा। हमार अंगूर क बगियन अब फूलत अहइँ।</verse>
				<verse number="16">मोर प्रिय मोर अहइ अउर मइँ ओकर हउँ। मोर प्रिय आपन भेड़ी बोकरियन क कोकाबेलियन क बीच चरावत ह,</verse>
				<verse number="17">हे प्रियतम, कुरंग स या जवान हरिन स रहा, जब तलक दिन नाहीं ढल जात ह अउर छाया लम्बी अउर खतम नाहीं होइ जात ह पहाड़न पइ चला।</verse>
			</chapter>
			<chapter number="3">
				<verse number="1">हर राति आपन सेज पइ मइँ आपन मने मँ ओका हेरत हउँ। जउन मनसेधू मोर प्रिय अहइ, मइँ ओका हेरेउँ ह, मुला मइँ ओका नाहीं पाएउँ।</verse>
				<verse number="2">अब मइँ उठब। मइँ सहर क चारिहुँ गलियन, बजारन मँ जाब। मइँ ओका हेरब जेका मइँ पिरेम करत हउँ। मइँ उ मनसेधू हेरेउँ उ मोका नाहीं मिला।</verse>
				<verse number="3">मोका सहर क पहरेदारी मिलेन। मइँ ओनसे पूछेउँ, “का तू उ मनसेधू क लख्या जेका मइँ पियार करत हउँ?”</verse>
				<verse number="4">पहरेदारन स मइँ अबहिं तनिक दूर गएउँ कि मोका मोर प्रियतम मिलि गवा। मइँ ओका धइ लिहेउँ। मइँ ओका जाइ क अनुमति नाहीं दिहा अउर मइँ ओका आपन मताहरी क घरे लइ आवा, मइँ ओका उ कमरा मँ लइ आवा जहाँ पइ उ मोका जनम दिहे रहा।</verse>
				<verse number="5">हे यरूसलेम क कुँवरियन, कुरंगन अउ जंगली हिरणियन क साच्छी मानिके मोका बचन द्या, पिरेम क जिन जगावा अउ उसकावा जब तलक एकर इच्छा न होइ।</verse>
				<verse number="6">इ मेहरारु कउन अहइ जउन धूल क बादर क संग रेगिस्तान स होत भए आवत हीं, अउर गन्धरस अउर लोबान अउ उ सबइ तरह क खुसबू जउन व्यपारियन रखत ह स सुगन्धित अहइ?</verse>
				<verse number="7">सुलैमान क पालकी क लखा। ओन जात्र क पालकी क साठ फउजी घेरे भए अहइँ। इस्राएल क सक्तीसाली फउजी।</verse>
				<verse number="8">उ पचे सबहिं फउजी तरवारन स सुन्नर ढंग स सज्जित अहइँ। जउन जुद्ध मँ निपुण अहइँ; हर मनई क बगल मँ तरवार लटकत अहइ, जउन राति क खउफनाक खतरन बरे तइयार अहइँ।</verse>
				<verse number="9">राजा सुलैमान लोगन स एक ठु पालकी लेबानोन क देवदारू काठे स बनावाए रहा।</verse>
				<verse number="10">उ जात्रा क पालकी क बल्लन क चाँदी स बनाएस अउर ओकर टेक सोना स बनावा गवा। पालकी क गद्दी क उ बैंगनी ओढ़ना स ढाँपि दिहस अउर इ यरूसलेम क बिटियन क जरिये पिरेम स बुना गवा रहा।</verse>
				<verse number="11">सिय्योन क बिटियो, बाहेर आइके राजा सुलैमान क ओकरे मुकुट क साथ लखा जउन ओका ओकर महतारी उ दिन पहिराए रही जब उ बियाहा गवा रहा, उ दिन उ बहोत खुस रहा।</verse>
			</chapter>
			<chapter number="4">
				<verse number="1">मोर प्रिये, तू बहोत सुन्नर अहा। घूँघट क ओट मँ तोहार आँखिन कबूतरे क आँखिन जइसी सरल अहइँ। तोहार केस लम्बा अउ लहरात भवा अहइँ जइसे बोकरी क बच्चन गिलाद क पहाड़ क ऊपर स नाचत उतरत होंइ।</verse>
				<verse number="2">तोहार दाँत एक भेड़न क झुण्ड जइसे अहइँ जउन धोइके निकर आई; हरेक भेड़ जुड़ौवा बच्चन रखत हीं; ओकर बच्चन मँ स कउनो भी गाएब नाहीं होत हीं।</verse>
				<verse number="3">तोहार ओंठ लाल धागा जइसा अहइ। तोहार मुँह सुन्नर अहइ। तोहार गाल घूँघट क खाले अनार क दुइ फाँकन क जइसी अहइँ।</verse>
				<verse number="4">तोहार गटइ पातर अउर ऊँच अहइ जइसा दाऊद क मीनार जउन कि हज़ारन सुनहरी ढालन क संग पाथरन क कतारन क ऊपर बना अहइ। हर ढाल जोद्धन क अहइ।</verse>
				<verse number="5">तोहार दुई चूचियन जुड़वा दुई बाल हरिण जइसे अहइँ, जइसे जुड़वा कुरंग लिलियन क बीच चरत होइ।</verse>
				<verse number="6">मइँ गन्धरस क पहाड पइ जाब। मइँ पहाड़ी पइ तब तलक जाब जब तलक सुबह की सुहावनी हवा न बहइ अउर अंधेरापन फीका न होइ जाइ।</verse>
				<verse number="7">मोर प्रिये, तू केतना अद्भुत अहा। कउनो दोख तोहार सुन्नरता क नाहीं लिहेस ह।</verse>
				<verse number="8">ओ मोर दुलहिन, लबानोन स आवा, लबानोन स मोर संग आइ जा, मोरे साथ आइ जा, अमाना क चोटी स, सनीर क ऊँचाई स सेर क गुफन स अउर चीतन क पहाडन स आवा।</verse>
				<verse number="9">हे मोर बहिन, हे मोर दुलहिन, तू मोका उत्तेजित करति अहा। तू मोर हिरदइ क आपन आँखिन क सिरिफ एक नज़र स अउर आपन माला क बस एक ही रतन स, कब्जा कइ लिहा ह।</verse>
				<verse number="10">मोर बहिन, हे मोर दुलहिन, तोहार पिरेम केतना आनन्दप्रद अहइ! तोहार पिरेम दाखरस स जियादा उत्तिम बाटइ, तोहार इत्र क सुगन्ध कउनो भी सुगन्धि स उत्तिम अहइ।</verse>
				<verse number="11">तोहारे ओंठन स मधु टपकत ह। तोहरी जीभ क खाले मँ सहद अउ दूध अहइ। तोहारे ओढ़नन क गंध लबानोन क देवदारू जइसी अहइ।</verse>
				<verse number="12">मोर बहिन, हे मोर दुलहिन, तू ताला लगा भवा बाग जइसी अहइ। तू रोका भवा तालाब क जइसा अउर बंद कीन्ह गवा फ़व्वारा जइसा अहइ।</verse>
				<verse number="13">तोहार अंग उ उपवन जइसे अहइँ जउन अनार अउर मोहक फलन स भरा होइ, जेहमाँ मेंहदी अउर जटामासी क फूल भरा होइ;</verse>
				<verse number="14">जेहमाँ जटामासी, केसर, मुस्क अउ दालचीनी अउर हर तरह क मसाला, गन्धरस, अगर अउ सबइ उत्तिम मसाला भरा होइँ।</verse>
				<verse number="15">तू एक फव्वारे क बा़ग क नाईं, एक ताज़ा पानी क कुवाँ क नाईं, अउर एक झरना होई जउन लबानोन पहाड़ी स खाले बहत ह।</verse>
				<verse number="16">जागा, हे उत्तर क हवा। आवा, तू दक्खिन पवन। मोरे उपवन पइ बहा। जेहसे एकर मीठ, गन्ध चारिहुँ ओर फइल जाइ। मोर प्रिय मोरे उपवन मँ प्रवेस करइ अउर उ एकर मीठ फल खाइ।</verse>
			</chapter>
			<chapter number="5">
				<verse number="1">मोर बहिन, हे मोर दुलहिन, मइँ आपन बा़ग मँ प्रवेस कइ लिहउँ ह। मइँ आपन गन्धरस क सुगन्धित मसाला बटोरेउँ ह। मइँ आपन सहद क छत्ता क सहद समेत खाइ चुकेउँ ह; मइँ आपन दाखरस अउ दुध पी चुकेउँ ह। हे मीतो, खा, हे प्रेमियो, पिआ। पिरेम स मस्त होइ जा।</verse>
				<verse number="2">मइँ सोवत हउँ किन्तु मोर दिमाग सपना मँ जागत रहा। मइँ एक ध्वनि सुनेउँ! मोर प्रियतम दुआरे पइ दस्तक देत रहा! “मोरे बरे खोला, मोर बहिन, मोर प्रिये, मोर फाख़ता, मोर निर्मल! मोरे सिरे ओस स गीला होइ गवा ह, मोर केस राति क नमी स भीगा अहइँ।” मेहरारु दबवा देत हीं:</verse>
				<verse number="3">मइँ आपन ओढ़ना उतार दिहेउँ ह। मइँ एक फुन स पहिरइ चाहत हउँ। मइँ आपन पाँच पखार चुकी हउँ, फुन स मइँ एका मइला नाहीं करइ चाहत हउँ।</verse>
				<verse number="4">मोर प्रियतम किंवाड़ा क चाबी क छेद स हाथ डाएस, अउर ओकरे बरे मोर प्रेम उमड़ पड़ेस।</verse>
				<verse number="5">मइँ आपन प्रियतम बरे दुआर खोलइ बरे उठिउँ। मोरे हाथन स गन्धरस टपकत ह। गन्धरस मोर अँगुरियन स ताल क हत्थे पइ टपकत ह।</verse>
				<verse number="6">आपन प्रियतम बरे मइँ दुआर खोल दिहेउँ, मुला मोर प्रियतम तब तलक जाइ चुका रहा। जब उ चला गवा तउ जइसे मोर प्राण निकरि गवा। मइँ ओका हेरत फिरेउँ मुला मइँ ओका नाहीं पाएउँ, मइँ ओका गोहरावत फिरेउँ किंतु उ मोका जवाब नाहीं दिहस।</verse>
				<verse number="7">नगर क पहरेदारन मोका पाएन। उ पचे मोका मारेन अउर मोका घायल किहेन। नगर क परकोटे क पहरेदारन मोहसे मोर चोगा लइ लिहन।</verse>
				<verse number="8">हे यरूसलेम क मेहररुअन, मइँ तू पचन्क आदेस देत हउँ। अगर तू पचे मोर प्रियतम क पाइ जा तउ तू ओका का बताइ? बताइ द्या कि मइँ ओकरे पिरेम क रोगी हउँ।</verse>
				<verse number="9">हमका कहा कि तोहार प्रियतम अउरन स कइसे उत्तिम अहइ। हे सबन त सुन्नर मेहररुअन, तोहार प्रिय अउरन स उत्तिम काहे अहइ? तू हम पचन स इ बचन काहे करइ क कहेस?</verse>
				<verse number="10">मारे प्रियतम तेजस्वी अउ मज़बूत अहइ। उ दसियउँ हजार मनसेधुअन मँ एक अहइ।</verse>
				<verse number="11">ओकर माथा निखालिस सोना जइसा अहइ। ओकर घुँघराला केस खजूर क गुच्छन क जइसा अहइ अउ कउअन जइसा करिया अहइँ।</verse>
				<verse number="12">ओकरी आँखिन जलधारा क किनारे बइठा फ़ाखतन नाईं अहइ। ओकर आँखिन दूधे क तालाब मँ नहाए फ़ाखतन क जइसी अहइँ अउर अइसी अहइँ जइसे सही तरीका स रतन जड़ होइँ।</verse>
				<verse number="13">ओकरे गाल बाग क नाईं अहइ जउन गुल महेन्दी क पउधा क खुसबू स भार अहइ। ओकर ओंठ लिलियन जइसेन अहइँ जेनसे गंधरस टपकत ह।</verse>
				<verse number="14">ओकर बाँहन सोना क छड़न जइसी अहइँ जेनमाँ हरितमणि जड़ा होइँ। ओकर देह नक्कासी कीन्ह भवा हाथी दाँत अहइ जेहमाँ नीलमनियन जड़ा होइँ।</verse>
				<verse number="15">ओकर जाँघन संगमरमर क खम्मन जइसी अहइँ जेनका उत्तिम सुवर्ण पइ बइठावा गवा होइ। ओकर ऊँचा कद लबनोन क देवदार जइसा अहइ जउन देवदार बृच्छन मँ उत्तिम अहइ।</verse>
				<verse number="16">ओकर मुँह बहोत मीठा अहइ; ओकर हर चीज चाहनेयोग्य अहइ। हे यरूसलेम क मेहररुअन, उ मोर प्रियतम अहइ! उ मोर प्रेमी अहइ!</verse>
			</chapter>
			<chapter number="6">
				<verse number="1">मेहररुअन मँ सबसे सुन्दर मेहरारू, बतावा तोहार प्रियतम कहाँ चला गवा? कउने राह स तोहार प्रियतम चला गवा ह हमका बतावा ताकि हम तोहरे साथ ओका हेरि सकी।</verse>
				<verse number="2">मोर प्रिय आपन बंगिया मँ चला गवा, मसालन क खेत मँ आपन भेड़ी चरावइ बरे अउर लिलियन क बटोरइ बरे।</verse>
				<verse number="3">मइँ आपन प्रियतम स हउँ अउर उ मोर प्रियतम मोसे अहइ। उ लिलियन क बीच भेड़ चरावा करत ह।</verse>
				<verse number="4">मोर प्रियतम, तू तिरसा क नाईं सुन्नर अहा। तू यरूसलेम मँ एक अद्भुत क नाई अहा। तू ऍतना अजूबा अहा जइसे कउनो फउज झण्डा क संग चलत ह।</verse>
				<verse number="5">तू मोह पइ स आपन आँखिन हटाइ ल्या, उ मोका उत्तेजित करत अहइँ। तोहार केस ऍतना लम्बा अउ लहरत अहइँ जइसे गिलाद क पहाड़ी क ढलान स बोकरियन क झुण्ड उछरत भवा उतरत आवत होइ।</verse>
				<verse number="6">तोहार दाँत एक भेड़न झुण्ड जइसे अहइँ जउन धोइके निकर आई; हरेक भेड़ जुड़ौवा बच्चन रखत हीं; ओन मँ स कउनो एक ठू भी गाएब नाहीं होत हीं।</verse>
				<verse number="7">घूँघट क नीचे तोहार गाल अनार क दुइ ठू फाँकन क तरह अहइँ।</verse>
				<verse number="8">होइ सकत ह हुआँ साठ रानियन, अस्सी रखैलन अउर अनगिनत जवान कुँवरियन होइँ,</verse>
				<verse number="9">किंन्तु हुवाँ ओकरे जइसा कउनो नाहीं अहइ! उ आपन महतारी क एक खास बिटिया अहइ, उ ओनमाँ बहोत प्रिय अहइ जउन ओका जनम दिहेस ह। कुँवरियन ओका लखेन अउ ओका सराहेन। हाँ, रानियन अउ सबइ रखैलन भी ओकर तारीफ किहे रहिन।</verse>
				<verse number="10">उ पचे कहेस: “उ कउन अहइ जउन बढ़त भवा उसा क समान अहइ? उ कउन अहइ जउन चाँद क नाईं सुन्नर अहइ? उ कउन अहइ जउन सूर्य क नाईं चमकत अहइ? उ कउन अहइ जउन फउज जइसा अजूबा अहइ जउन झण्डा लइ जात अहइ?”</verse>
				<verse number="11">मइँ अख़रोट क बगीचा स होत भवा इ देखइ बरे गवा कि का अंगूर क बेलन खिला अहइ अउर का अनार क कलियन खिली अहइँ या नाहीं।</verse>
				<verse number="12">मोर राजकुमार, मइँ खुसी स भरि गवा जब तू मोका गन्धरस दिहे रहा।</verse>
				<verse number="13">हे “परिपूर्ण” मोर तरफ लउटि आवा! मोर तरफ आवा, मोर तरफ आवा, ताकि हम तोहका लखि सकी! काहे अइसे सुलेम्मिन क घूरति अहा जइसे उ महनैम क नाच क नर्तकी होइ?</verse>
			</chapter>
			<chapter number="7">
				<verse number="1">हे सज्जन अउरत, तोहार गोड़ पनहियन मँ केतॅना सुन्नर अहइँ! तोहार जाँघन क गोलाइ कउनो कलाकार क बना गवा गहना क नाईं अहइँ</verse>
				<verse number="2">तोहार नाभी क नीचे क भाग गोल कटोरा क समान अहइँ। होइ सकत ह एहमाँ कभी मिस्रित दाखरस कमी नाहीं होत। तोहार पेट गोहूँ क ढेरी क समान अहइ जेकर चउहददी लिलियन क अहइँ।</verse>
				<verse number="3">तोहार चूचियन दुई जवान हिरण क जइसा अहइ, कुरंगी क जुड़वा।</verse>
				<verse number="4">तोहार गटइ हाथी दाँत क मीनार क समान अहइँ। तोहार आँखिन हेसबोन क उ सबइ कुण्ड क समान अहइ जउन बेत-रब्बीम क फाटक क लगे अहइ। तोहार नाक लबानोन क मीनार क जइसा लम्बी अहइ जउन दमिस्क कइँती मुहँ किहे अहइ।</verse>
				<verse number="5">तोहार मूँड़ कर्मेल क पहाड़ क जइसा अहइ। तोहार मूँड़े क बार राजा क देवारन पइ लहरत भवा लम्बा वस्त्र क नाईं अहइ।</verse>
				<verse number="6">तू केतनी सुन्नर अउ मनमोहक अहा ओ मोर प्रिय! तू मोका केतॅॅना आनन्द देति अहा।</verse>
				<verse number="7">तू खजूरे क बृच्छ जइसी लम्बी अहा। तोहार चूचियन अइसे अहइँ जइसे खजूर क गुच्छन।</verse>
				<verse number="8">मइँ खजूर क बृच्छ पइ चढ़ब, मइँ एकर डारन क धरब, तू आपन चूचियन क अंगूरे क गुच्छन स बनइ द्या। तोहार साँस क गंध सेब क जइसा होइ द्या।</verse>
				<verse number="9">तोहार मुँहना उत्तिम दाखरस जइसा होइ द्या, जउन धीरे स मोर प्रियतम मँ बहत होइ, जउन ओठंन तलक बहत होइ जब हम साथ सोवत ह।</verse>
				<verse number="10">मइँ आपन प्रियतम क अहउँ अउर उ मोका चाहत ह।</verse>
				<verse number="11">आवा, मोर प्रियतम, आवा! हम खेतन मँ निकरी चली, हम गाँवन मँ राति बिताइ।</verse>
				<verse number="12">हम बहोत हाली उठी अउर अंगूरे क बागन मँ निकरी जाइ। आवा, हम हुआँ लखी का अगूंरे क बेलन पइ कलियन खिलति अहइँ। आवा, हम लखी का बहारन खिल गइ अहइँ अउर का अनार क कलियन चटकति अहइँ। हुवँइ पइ मइँ आपन पिरेम तोहका अर्पण करबउँ।</verse>
				<verse number="13">दोदफलन क सुगन्ध फइल चुका अहइ। अउर सबहिं प्रकार क कीमती फलन हमरे दुआरन क ऊपर जमा अहइँ। तोहार बरे नवा अउ पुराना दुइनउँ प्रकार क चीज बचाइ रखेउँ ह, हे मोर प्रिय।</verse>
			</chapter>
			<chapter number="8">
				<verse number="1">कास, तू मोर सिसु भाइ होत्या, मोर महतारी क छाती क दूध पिअत भए। अगर मइँ तोहसे हुवँइ बाहेर मिल जाइत तउ तोहार चुम्बन मइँ लइ लेतेउँ, अउर कउनो मनई मोर निन्दा नाहीं कइ पावत।</verse>
				<verse number="2">तोहका मइँ आपन महतारी क घरे मँ लइ अवतेउँ जहाँ तू मोका सिच्छा देइ सकतेउँ। मइँ तोहका पिअइ बरे, आपन मिस्रित अनारे स निकरा भवा दाखरस देतेउँ।</verse>
				<verse number="3">ओकर बाँया हाथ मोरे मूँड़े क छुअत ह, अउर ओकर दाहिन हाथ मोरे सरीर क छुअत ह।</verse>
				<verse number="4">मइँ तोहका चेताउनी देत हउँ हे यरूसलेम क कुँवरियन: पिरेम क जिन जगावा अउ उसकावा जब तलक एकर इच्छा न होइ!</verse>
				<verse number="5">इ कउन अहइ जउन आपन प्रियतम स लपटा भवा, रेगिस्तान स चली आवत ह? मइँ तोहका सेब क बृच्छ क खाले जगाए रहेउँ; हुवाँ तोहार महतारी तोहका गरभ मँ धरेस; हुवाँ तोहार मताहरी तोहार बरे प्रसव-पीड़ा सहेस अउर तोहार जनम भवा।</verse>
				<verse number="6">मोका तू आपन हिरदय मँ महर क नाई धरा। ताबजि क समान मोका आपन बाँहे बांध ल्या। काहेकि पिरेम मउत क जइसा मज़बूत अहइ। भावना कब्र क नाईं तेज होत ह। एकर चिंगारी आग क लपटन क नाईं होत ह। एकर धधक धधकत भइ लपटन स होइ जात ह।</verse>
				<verse number="7">बाढ़ पिरेम क नाहीं बूझाइ सकत। नदियन एका नीचा नाहीं कइ सकत। अगर कउनो मनई पिरेम आपन सारा धन देकर खरीदइ चाही, तउ पर भी ओकर धन बेकार ही समुझा जाब।</verse>
				<verse number="8">हमार एक छोटकी बहिन अहइ, जेकर चूची अबहिं फूटी नाहीं। हमका का करइ चाही जउने दिन ओकर सगाई होइ?</verse>
				<verse number="9">अगर उ देवार अहइ तउ मइँ ओह पइ चाँदी क मीनार बनाइ देब। अगर उ दुअर अहइ तउ मइँ ओकरे पइ देवदारू क मुल्यवान पल्ला लगाइ देब।</verse>
				<verse number="10">मइँ परकोट हउँ अउर मोर चूची गुम्बद जइसे अहइँ। तउ मइँ ओकरे बरे सान्ति क दाता हउँ।</verse>
				<verse number="11">बाल्हामोन मँ सुलैमान क अंगूरे क बगिया रही। उ आपन बाग क रखवारी बरे दइ दिहस। हर रखवारा ओकरे फलन क बदले मँ चाँदी क एक हजार सेकेल लिआवत रहा।</verse>
				<verse number="12">मुला सुलैमान, मोर आपन अंगूर क बाग मोरे बरे अहइ। हे सुलैमान, मोरी चाँदी क एक हजार सेकेल सब तू ही रख ल्या, अउर इ सबइ दुइ सौ सेकेल ओन लोगन बरे अहइँ। जउन खेतन मँ फलन क रखवारी करत हीं।</verse>
				<verse number="13">तू जउन बागे मँ रहति अहा, मोरे मित्र तोहार आवाज़ धियानपूवर्क सुनत अहइँ; मोका भी सुनइ दया!</verse>
				<verse number="14">मोर प्रियतम, हाली आवा! महकत द्रव्यन क पहाड़े पइ चिकारे या जवान हरिन जइसा बनि जा!</verse>
			</chapter>
		</book>
		<book number="23">
			<chapter number="1">
				<verse number="1">इ सबइ परमेस्सर क दर्सन अहइ जउन आमोस क पूत यसायाह यहूदा अउर यरूसलेम क बारे लखेस ह। यसायाह ऍन दर्सन क यहूदा क राजा लोगन उज्जियाह, योताम, आहाज अउ हिजकिय्याह क समय मँ लखे रहा।</verse>
				<verse number="2">हे सरग अउ धरती, यहोवा क वाणी सुना! यहोवा कहत ह, “मइँ आपन बच्चन क परवान चढ़ाएउँ अउर ओका मजबूत स बढ़इ मँ मदद किहेउँ, किन्तु उ पचे मोहसे विद्रोह किहन।</verse>
				<verse number="3">बैल आपन सुआमी क जानत ह अउर गद्हा उ जगह क जानत ह जहाँ ओकर सुआमी ओका चारा देत ह। किन्तु इस्राएल क लोग मोका नाही पहिचानतेन। उ पचे मोर आपन अहइँ किन्तु मोका नाहीं समुझतेन ह।”</verse>
				<verse number="4">इस्राएल रास्ट्र पापे अउ दोख स भरि गवा अहइ। जउन कि भारी बोझे क समान ह जेका लोगन क उठाइ क होइ। उ पचे बुरे परिवारन स बुरे अउ दुट्ठ बच्चन क समान अहइँ। उ पचे यहोवा क तजि दिहन। उ पचे इस्राएल परमेस्सर क पवित्तरता क अपमान किहन। उ पचे ओका तजि दिहेन अउर ओकरे संग अजनबी जइसा बेउहार किहन।</verse>
				<verse number="5">परमेस्सर कहत ह, “मइँ तू सबइ लोगन क अउर दण्ड काहे देत रहउँ? मइँ तू पचन्क दण्ड दिहेउँ, मुला तू पचे नाहीं बदल्या। तू पचे मोरे बिरूद्ध विद्रोह करत ही रह्या। अब हर मूँड़ घायल अहइ अउ हर हिरदय दुखी अहइ।</verse>
				<verse number="6">तोहरे सबन गोड़े क तलुअन स लइके मूँड़े क ऊपरी हींसा तलक तोहरे बदन क हर अंग घावन स भरा अहइ। ओनमाँ चोट लगी अहइँ अउर फूटे भए फोड़न अहइँ। तू पचे आपन फोड़न क कउनो परवाह नाहीं किह्या। तोहार पचन्क घाव न तउ साफ कीन्ह ग अहइँ नही ओनका ढका गवा अहइ।</verse>
				<verse number="7">“तोहार सबन्क धरती बर्बाद होइ ग अहइ। तोहार पचन्क नगर आगी मँ बरि गवा अहइँ। तोहार पचन्क धरती तोहार पचन्क दुस्मनन हथियाइ लिहेन। तोहार पचन्क भुइँया अइसे उजारि दीन्ह ग अहइ कि जइसे दुस्मनन क जरिये उजाड़ा गवा कउनो प्रदेस होइ।”</verse>
				<verse number="8">सिय्योन क बिटिया (यरूसलेम) अब तजि भए सिबिर जइसा होइ गवा। उ ककड़ी क खेत मँ एक अइसा झोपड़ी क नाईं अहइ जेका फसल काटइ क पाछे छोड़ दीन्ह गवा होइ। इ उ नगरी क समान अहइ जेका घेर लीन्ह गवा होइ।</verse>
				<verse number="9">इ फुरइ अहइ किन्तु फुन भी सक्तीसाली यहोवा कछू लोगन क हुआँ जिअत रहइ बरे छोड़ दीन्ह ग रहा। सदोम अउर अमोरा सहरन क समान हमार पूरी तरह बिनास नाहीं कीन्ह गवा रहा। परमेश्वर सच्ची सेवा चाहत ह</verse>
				<verse number="10">हे सदोम क मुखिया लोगो, यहोवा स सँदेसा सुना। हे अमोरा क लोगो, परमेस्सर क उपदेसन पइ धियान द्या।</verse>
				<verse number="11">परमेस्सर कहत ह, “मोका इ सबइ सबहिं बलियन नाहीं चाही। मइँ तोहार पचन्क भेड़िन अउ पसुअन क चर्बी क काफी होमबलियन लइ चुका हउँ। बर्धन, मेमनन, बोकरन क खून स मइँ प्रसन्न नाहीं हउँ।</verse>
				<verse number="12">तू लोग जब मोहसे मिलइ आवत अहा तउ मोरे आँगन क हर वस्तु रौंद डावत अहा। अइसा करइ बरे तू पचन्स कउन कहेस ह?</verse>
				<verse number="13">“बेकार क बलियन तू पचे मोका जिन चढ़ावत रहा। जउन सुगंधित सामग्री तू पचे मोका अर्पित करत अहा, मोका ओहसे घिना अहइ। नवा चाँद क दावतन, बिस्राम अउर सबित मोहसे सहन नाहीं होइ पउतेन। आपन पवित्तर सभन क बीच जउन बुरे करमन तू पचे करत अहा, मोका ओनसे घिना अहइ।</verse>
				<verse number="14">तोहार पचन्क माहवारी बैठकन अउर सबइ सभा स मोका आपन सम्पूर्ण मन स घिना अहइ। इ सबइ सभन मोरे बरे एक भारी भरकम बोझ स बन गइ अहइ। अउर ओन बोझन क उठावत अब मइँ थक चुका हउँ।</verse>
				<verse number="15">“तू लोग हाथ उठाइके मोर पराथना करब्या, किन्तु मइँ तोहार सबन कइँती लखइ तलक नाहीं। तू लोग जियादा स जियादा पराथना करब्या, किन्तु मइँ तोहार सबन्क सुनइ तलक क मना कइ देब काहेकि तोहार सबन्क हाथ खून स सना अहइँ।</verse>
				<verse number="16">“आपन क धोइ अउ आपन क पवित्तर करी। तू पचे जउन बुरे करम करत अहा ओनका मोर आँखि क नज़र स दूर करा। ओन बुरे कामन क तजा!</verse>
				<verse number="17">अच्छे करम करब सीखा। दूसर लोगन क संग निआव करा। जउन लोग दूसर लोगन क सतावत हीं, ओनका दण्ड द्या। अनाथ बच्चन क अधिकारन बरे संघर्स करा। जउन मेहररूअन क मनसेधू मरि गवा अहइँ, ओनका निआव दियावइ बरे पैरवी करा।”</verse>
				<verse number="18">यहोवा कहत ह, “आवा, हम ऍन बातन पइ विचार करी। तोहार सबन्क पाप गहरा लाल रंग क नाईं अहइँ मुला ओनका धोवा जाइ सकत ह अउर बरफ क नाई उज्ज्वर होइ सकत ह। तोहार पचन्क पाप लाल कपड़ा क नाईं सुर्ख अहइँ, किन्तु उ सबइ ऊन क नाईं उज्ज्वर होइ सकत अहा।</verse>
				<verse number="19">“अगर तू पचे मोर कही बातन पइ धियान देत अहा, तउ तू पचे इ धरती क नीक वस्तुअन पउब्या।</verse>
				<verse number="20">किन्तु अगर तू पचे सुनइ स मना करत अहा तू पचे मोरे खिलाफ होत अहा, अउर तोहार दुस्मनन तू पचन्क नस्ट कइ डाइहीं।” यहोवा इ सबइ बातन खुद ही कहे रहा।</verse>
				<verse number="21">परमेस्सर कहत ह, “यरूसलेम कइँती लखा। यरूसलेम एक ठु अइसी नगरी रही जउन मोहमाँ बिस्सास राखत रही अउर मोर अनुसरण करत रही। उ रण्डी क नाई कउनो कारण बन गई? अब उ मोर अनुसरण नाहीं करत। यरूसलेम क निआव स परिपूर्ण होइ चाही। यरूसलेम क बसइयन क, जइसे परमेस्सर चाहत ह, वइसे ही जिअइ चाही। किन्तु अब तउ हुवाँ हत्तियारन रहत हीं।</verse>
				<verse number="22">“तू पचन क नेकी चाँदी क समान अहइँ जउन अब बेकार अउर असुद्ध समुझा जात ह। इ उ दाखरस का नाईं अहइ जउन कि बहोत जियादा पानी क कारण पतरा होइ गवा अहइ।</verse>
				<verse number="23">तोहार पचन्क सासक विद्रोही अहइँ अउर चोरन क साथी अहइँ। तोहार पचन्क सबहिं सासक घूस लेइ चाहत हीं। गलत काम करइ बरे उ पचे घूस क धन लइ लेत हीं। तोहार पचन्क सबहिं सासक लोगन्क ठगइ बरे मेहनताना लेत हीं। तोहार पचन्क सासक अनाथ बच्चन क सहारा देइ क जतन नाहीं करतेन। तोहार पचन्क सासक ओन मेहररूअन क जरूरतन पइ कान नाहीं देतेन जेनकर मनसेधू मर चुके अहइँ।”</verse>
				<verse number="24">एन सबइ बातन क कारण, सुआमी सर्वसक्तिमान यहोवा अरथात इस्राएल क सर्वसक्तीमान कहत ह, “हे मोर बैरियो मइँ तू पचन्क दण्ड देबउँ। तू पचे मोका अब अउर जियादा नाहीं सताइ पउब्या।</verse>
				<verse number="25">जइसे लोग चाँदी क साफ करइ बरे खार मिले भए पानी क प्रयोग करत हीं, वइसे ही मइँ तोहार पचन्क सबहिं खोट दूर करबउँ। सबहिं निरर्थक वस्तुअन तू पचन लइ लेबउँ।</verse>
				<verse number="26">जइसे निआव क करवाइयन तोहरे सबन्क लगे सुरु मँ रहेन अब वइसे ही निआव क करवइया मइँ फुन स वापिस लिआउब। जइसे सलाहकार बहोत पहिले तोहरे सबन क लगे हुवा करत रहेन, वइसे ही सलाहकार तोहरे पचन्क लगे फुन होइहीं। तू पचे तब फुन ‘नेक अउर बिस्सासी नगरी’ कहवउब्या।”</verse>
				<verse number="27">नीक फइसला अब सिय्योन क दीन्ह जाई अउ उ आजाद होइ जाइ। परमेस्सर उ लोगन क निआव देइ जउन अब हुवाँ रहत हीं।</verse>
				<verse number="28">मुला सबहिं अपराधियन अउर पापियन जउन यहोवा क अस्वीकार किहेस ह, क पूरी तरह स तोड़ दीन्ह जाइ अउ बरबाद कइ दीन्ह जाइ।</verse>
				<verse number="29">भविस्स मँ, तू लोग ओन बाँझबृच्छन बरे ओन बिसेस बगीचन बरे, जेनका पूजइ बरे तू पचे चुने रह्या, लज्जित होइहीं।</verse>
				<verse number="30">इ एह बरे घटित होइ काहेकि तू लोग अइसे बाँझ बृच्छन जइसे होइ जाब्या जेनकर पातियन मुरझात होइँ। तू पचे एक अइसे बगियन क नाई होइ जाब्या जउन पानी क बिना मर रहा होइ।</verse>
				<verse number="31">बरिआर लोग झुरान काठे क नान्ह नान्ह टूकन जइसा होइ जइहीं अउर उ सबइ लोग जउन काम करिहीं, उ पचे अइसी चिनगारियन क समान होइहीं जेनसे आगी लगि जात ह। उ सबइ बरिआर लोग अउर ओनकर काम बरइ लगिहीं अउर कउनो भी मनई अइसा नाहीं होइ जउन उ आगी क रोकि पाई।</verse>
			</chapter>
			<chapter number="2">
				<verse number="1">आमोस क पूत यसायाह यहूदा अउर यरूसलेम क बारे मँ इ संदेस लखेस।</verse>
				<verse number="2">आखिरी दिना मँ यहोवा क मन्दिर उ पर्वते पई बनावइ जाइ जउन आपन अगल-बगल क सबहिं पर्वतन मँ सबसे ऊँचा होइ। सबइ रास्ट्रन क लोगन हुवाँ बाढ़ क नाईं आइ।</verse>
				<verse number="3">अनेक लोग इ कही सरू करि, “आवा, हमका यहोवा क पर्वते पइ, याकूब क परमेस्सर क मंदिर मँ जाइ चाही। उ हमका आपन जिन्नगी विधि क सिच्छा देइ अउर हम ओकर अनुसरण करब।” सिय्योन पर्वत पइ यरूसलेम मँ स परमेस्सर क उपदेसन क संदेस सुरू करी अउर हुवाँ स उ समूचइ संसार मँ चलि जाइ।</verse>
				<verse number="4">तब परमेस्सर सबहिं देसन क निआवी होइ। परमेस्सर बहोत स लोगन क विवादन निपटारा करी अउर उ सबइ लोग लड़ाई बरे अपने हथियारन क प्रयोग करब बंद कइ देइहीं। आपन तरवारन स उ पचे हरे क फार बनइहीं अउर उ पचे आपन भालन क पौधन क काटइ क दँराती क रूपे मँ काम मँ लइहीं। लोग दूसर लोगन क खिलाफ लड़ब बंद कइ देइहीं। लोग जुद्ध बरे कबहुँ प्रसिच्छित नाहीं होइहीं।</verse>
				<verse number="5">हे याकूब क परिवार, तू पचे यहोवा क अनुसरण करा।</verse>
				<verse number="6">हे यहोवा, तू याकूब (इस्राएल) क घरे स पीछे मुड़ि गवा ह, जबकि उ तोहार लोग अहइ। तोहार लोग पूरी तरह स पूरब (असीरिया) क कबूल कइ लिहेन ह, अउ तोहर लोग पलिस्तियन (पस्चिम) क नाई भविस्स बतावइ क सुरू करइ दिहेन ह। तू लोग ओन विचित्र विचारन क पूरी तरह स स्वीकार कइ लिहेस ह।</verse>
				<verse number="7">हाँ, तोहार धरती सोना अउ चाँदी स भरि गइ अहइ, अउ हुवाँ क धन-सम्पत्ति क गना न जाइ। हुवाँ अनगिनत जुद्ध क घोड़न रथन भी अहइँ।</verse>
				<verse number="8">मुला ओनकर धरती मूरतियन स भी भरी पड़ी अहइँ; तोहार लोग ऍनका खुद की आकार दिहेस ह, अपने हाथन स ओका बनाएन ह अउर उ पचे ही ओनकर पूजा करत हीं।</verse>
				<verse number="9">लोग बुरा स बुरा होइ ग अहइँ। लोग बहोत नीच होइ ग अहइँ। हे परमेस्सर, निहचय ही तू ओनका छिमा करब्या, का तू अइसा करब्या? परमेस्सर क दुस्मन भयभीत होइहीं</verse>
				<verse number="10">जा, कतहूँ कउनो गड़हा मँ या कउनो चट्टाने क पाछे लुकाइ जा। तू परमेस्सर स डेराअ अउर ओकर महान सक्ति क समन्बा स ओझर हीइ जा।</verse>
				<verse number="11">अहंकारी लोग अहंकार करब तजि देइहीं। अहंकारी लोग धरती पइ लाज स मूँड़ नीचे निहुराइ लेइहीं। उ समय सिरिफ यहोवा ही ऊँच ठउरे पइ बिराजमान होइ।</verse>
				<verse number="12">यहोवा एक खास दिन क जोजना बनाएस ह। उ दिन, यहोवा अहंकारियन अउर बड़बोलन लोगन क सजा देइ। तब ओन अहंकारी लोगन क साधारण बनाइ दीन्ह जाइ।</verse>
				<verse number="13">उ सबइ अहंकारी लोग लबानोन क लम्बे देवदार बृच्छन क समान अहइँ। उ पचे बासान क बाँझ बृच्छन जइसे अहइँ किन्तु परमेस्सर ओन लोगन क दण्ड देइ।</verse>
				<verse number="14">उ सबइ अहंकारी लोग ऊँच पहाड़ियन जइसे लम्बे अउर पहाड़न जइसे ऊँच अहइँ।</verse>
				<verse number="15">उ पचे अहंकारी लोग अइसे अहइँ जइसे लम्बी अउ ऊँच मीनारन तथा मजबूत परकोटा होइ। किन्तु परमेस्सर ओन लोगन क दण्ड देइ।</verse>
				<verse number="16">उ सबइ अहंकारी लोग तर्सीस क बिसाल जहाउन के समान अहइँ। एन जहाउन मँ महत्वपूर्ण चिजियन भरी अहइँ। किन्तु परमेस्सर ओन अहंकारी लोगन क सजा देइ।</verse>
				<verse number="17">उ समय, लोग अहंकार करब तजि देइहीं। उ सबइ लोग जउन अब अहंकारी अहइँ, धरती पइ खाले निहुराइ दीन्ह जइहीं। फिन उ समय केवल यहोवा ही ऊँचा बिराजमान होइ।</verse>
				<verse number="18">सबहिं मूरतियन लबार देवता खतम होइ जइहीं।</verse>
				<verse number="19">लोग चट्टानन सबइ गुफा अउर धरती क भीतर जाइ लुकइहीं। उ पचे यहोवा अउर ओकर महान सक्ति स डर जइहीं। अइसा उ समय होई जब यहोवा धरती क हिलावइ बरे खड़ा होइ।</verse>
				<verse number="20">उ समय, लोग आपन सोने, चाँदी क मूरतियन क दूर लोकाइ देइहीं (एन मूरतियन क लोग एह बरे बनाए रहेन कि लोग ओनका पूजि सकइँ।) लोग ओन मूरतियन क धरती क ओन बिलन मँ लोकाइ देइहीं जहाँ चमगादड़ अउर छछूँदर रहत हीं।</verse>
				<verse number="21">फुन लोग चट्टानन क गुफन मँ छुप जइहीं। उ पचे यहोवा अउर ओकर महान सक्ति स डेराइके अइसा करिहीं। अइसा उ समय घटित होइ जब यहोवा धरती क हिलावइ बरे खड़ा होइ। इस्राएल क परमेस्सर क बिस्सास करइ चाही</verse>
				<verse number="22">ओ इस्राएल क लोगो। तू पचन्क आपन रच्छा बरे दूसर लोगन पइ निर्भर रहब तजि देइ चाही। उ सबइ तउ मनई मात्र अहइँ अउर मनई मरि जात ह। एह बरे, तू पचन्क इ नाहीं सोचइ चाही कि उ पचे परमेस्सर क समान सक्तिसाली अहइँ।</verse>
			</chapter>
			<chapter number="3">
				<verse number="1">इ सबइ बातन मइँ तू पचन्क बतावत हउँ, तू पचे समुझ ल्य। सर्वसक्तिसाली यहोवा सुआमी, ओन सबहिं वस्तुअन क छोरि लेइ जेन पइ यहूदा अउ यरूसलेम निर्भर रहत हीं। परमेस्सर समूचइ भोजन अउ जल भी छोरि लेइ।</verse>
				<verse number="2">परमेस्सर सबहिं नायकन अउ महाजोधन क छोरि लेइ। सबहिं निआवा धीसन, भविस्सवक्तन, जूतिसियन अउ बुजुर्गन क परमेस्सर छोरि लेइ।</verse>
				<verse number="3">परमेस्सर सेनानायकन अउर प्रसासनिक नेतन क छोरि लेइ। परमेस्सर सलाहकारन अउर ओन बुद्धिमान क छोरि लेइ जउन जादू करत हीं अउर भविस्स बतावइ क जतन करत हीं।</verse>
				<verse number="4">परमेस्सर कहत ह, “मइँ जवान बच्चन क ओनका नेता बनाइ देबउँ। बच्चन ओन पइ राज्ज करिहीं।</verse>
				<verse number="5">हर मनई आपुस मँ एक दूसर क बिरुद्ध होइ जाइ। नवयुवक बड़के बूढ़न क आदर नाहीं करिहीं। साधारण लोग महत्वपूर्ण लोगन क आदर नाहीं देइहीं।”</verse>
				<verse number="6">उ समय, आपन ही परिवारे स कउनो मनई आपन ही कउनो भाई क धरि लेइ। उ मनई आपन भाई स कही, “काहेकि तोहरे लगे एक ठु ओढ़नाबा, तउ तू हमार नेता होब्या। एन सबहिं खण्डरहन क तू नेता बनिजा।”</verse>
				<verse number="7">किन्तु उ भाई ठाड़ होइके कही, “मइँ तू पचन्क सहारा नाहीं दइ सकत। मोरे घरे काफी भोजन अउ ओढ़ना नाहीं बाटइ। तू मोका आपन मुखिया नाहीं बनउब्या।”</verse>
				<verse number="8">अइसा एह बरे होइ काहेकि यरूसलेम ठोकर खाएस अउर उ बुरा किहस। यहूदा क पतन होइ गवा अउर उ परमेस्सर क अनुसरण करब तजि दिहस। उ पचे जउन कहत हीं अउर जउन करत हीं उ यहोवा क खिलाफ अहइ। उ पचे यहोवा क महिमा बरे विद्रोह किहन।</verse>
				<verse number="9">लोगन क चेहरन पइ जउन भाव अहइँ ओनसे साफ देखाइँ देत ह कि उ सबइ बुरा करम करइ क अपराधी अहइँ। किन्तु उ पचे एन अपराधन क छुपावत नाहीं अहइ, बल्कि ओन पइ गर्व करत भए आपन पापन क डोंडी पीटत हीं। उ पचे ढीठ अहइँ। उ पचे सदोम नगरी क लोगन जइसे अहइँ। ओनका इ बात क परवाह नाहीं अहइ कि ओनके पापे क कउन लखत अहइ। इ ओनके बरे बहोत बुरा होइ। आपन ऊपर ऍतनी बड़की विपद उ पचे खुद बोलाएन ह।</verse>
				<verse number="10">अच्छे लोगन क बताइ द्या कि ओनके संग अच्छी बातन घटिहीं। जउन नीक करम उ पचे करत हीं, ओनकर सुफल उ पचे पइहीं।</verse>
				<verse number="11">किन्तु बुरे लोगन बरे इ बहोत बुरा होइ। ओन पइ बड़ी विपद टूट पड़ी। जउन बुरे करम उ पचे किहेन ह, ओन सबन बरे ओनका सजा दीन्ह जाइ।</verse>
				<verse number="12">मोर लोगन क बच्चन बेरहमी स सतइहीं। ओन पइ मेहररूअन राज करिहीं। हे मोर लोगो, तोहार पचन्क अगुआ तू पचन्क बुरे राहन पइ लइ जइहीं। सही मारग स उ पचे तू पचन्क भटकाइ देइहीं।</verse>
				<verse number="13">यहोवा आपन लोगन क विरोध मँ मुकदमा लड़इ बरे खड़ा होइ। उ आपन लोगन क निआव करइ बरे खड़ा होइ।</verse>
				<verse number="14">बुजुर्गन अउ अगुवा लोग जउन काम किहेन ह यहोवा ओनके बिरुद्ध मुकदमा चलाइ। यहोवा कहत ह, “तू लोग अंगूरे क बागन क (यहूदा क) बारि डाया ह। तू पचे गरीब लोगन क चिजियन क लइ लिहा अउर उ सबइ वस्तुअन अबहिं भी तोहरे पचन्क घरन मँ अहइँ।</verse>
				<verse number="15">मोरे लोगन क सतावइ क अधिकार तू पचन्क कउन दिहस? गरीब लोगन क मुँहे क बल धूरि मँ ढकेलइ क अधिकार तू पचन्क कउन दिहस?” मोर सुआमी, सर्वसक्तीमान यहोवा इ सबइ बातन कहे रहा।</verse>
				<verse number="16">यहोवा कहत ह, “सिय्योन क मेहररूअन बहोत घमण्डी होइ गइ अहइँ। उ पचे मूँड़ी उठाए भए अउर अइसा आचरण करत भए, जइसे उ पचे दूसर लोगन स उत्तिम होइँ, एहर-ओहर घूमति रहत हीं। उ सबइ मेहररूअन आपन आँखिन मटकावत रहत हीं तथा आपन गोड़े क पाजेब झंकारत भइ एहर-ओहर ठुमकत फिरत हीं।”</verse>
				<verse number="17">सिय्योन क अइसी मेहररूअन क मूँड़े पइ मोर सुआमी फोड़न निकारी। यहोवा ओन मेहररूअन क गंजा कइ देइ।</verse>
				<verse number="18">उ समय, यहोवा ओनसे उ सब चिजियन छोरी लेइ जउने पइ ओनका नाज रहा: गोड़न क सुन्नर पाजेब, सूरज अउर चाँद जइसे देखाइवाले कंठहार,</verse>
				<verse number="19">बुन्दे, कंगना अउर ओढ़नी,</verse>
				<verse number="20">माथापट्टी, गोड़े क झाँझर, कमरबंद, इत्र क सीसियन अउ ताबीज जेनका उ पचे आपन कंठहारन मँ धारण करत रहिन।</verse>
				<verse number="21">मुहरदार अंगूठियन, नाके क बालियन,</verse>
				<verse number="22">उत्तिम ओढ़ना, टोपियन, चद्दरन, बटुअन,</verse>
				<verse number="23">दर्पण, मलमले क कपड़न, पगड़ीदार टोपियन अउर लम्बा दुसालन।</verse>
				<verse number="24">उ समय मँ सुगंधित इत्र जउन अबहुँ अच्छा सुगंध देत अहइ, ओकर उ सुगंध सड़ा भवा फफूँद क संग दुर्गन्ध मँ बदल जाइ। अब उ पचे कमर-बंध पहिरत हीं, किन्तु उ समय पहिरइ क बस ओनके लगे रस्सन होइहीं। इ समय उ पचे आपन बार मँ सुसोभित जूड़न बाँधत हीं, किन्तु उ समय ओनकर मूँड़ मुड़वाइ दीन्ह जइहीं। ओनके एक ठु बार तलक नाहीं होइ। अब ओनके लगे सुन्नर पोसाकन अहइँ। किन्तु उ समय ओनके लगे सिरिफ सोक वस्त्र होइहीं। ओकर सुन्नरता क चीन्ह दासिता क चीन्ह मँ बदलि जाइ।</verse>
				<verse number="25">तू पचन्क मनइयन तरवारन स काटि जाइ अउर तोहार मेहरारुअन जुद्ध मँ मारि जाइ।</verse>
				<verse number="26">नगर दुआर क निअरे सभा ठउरन मँ रोउब बिलखब अउर दुःख ही फइला होइ। यरूसलेम उ मेहरारू क नाई हर चीज स वंचित होइ जाइ जेकर सब कछू चोर अउ लुटेरन लूट गवा होंइ। उ धरती पइ बइठी अउर बिलखी।</verse>
			</chapter>
			<chapter number="4">
				<verse number="1">उ समय, सात सात मेहररूअन एक ठु मनसेधू क दबोच लेइहीं अउर ओहसे कहिहीं, “आपन खाइ क बरे हम आपन रोटियन क जुगाड़ खुद कइ लेब, आपन पहिरइ बरे ओढ़ना हम खुद बनाउब। बस तू हमसे बियाह कइ ल्या। इ सबइ काम अपने बरे हम खुद कइ लेब। बस तू हमका आपन नाउँ द्या। कृपा कइके हमरी सरम पइ पर्दा डाइ द्या।”</verse>
				<verse number="2">मुला इ मुसीबत क समइ मँ भी यहोवा क पौधा इस्राएल क सेवकन क खुस करिहीं। इ एक सुन्नर अउ सम्मानित क रास्ट्र होइ!</verse>
				<verse number="3">सिय्योन अउर यरूसलेम मँ जिअत बचा भवा सबइ लोग परिवत्तर कहलाउब्या। यरूसलेम मँ उ पचे ही अहइँ जेकर नाउँ क जिअत रहइ बरे जिन्नगी क पुस्तक मँ सूचीबंध कीन्ह गवा रहेन।</verse>
				<verse number="4">यहोवा सिय्योन क मेहररूअन क असुद्धता क धोइ देइ। यहोवा यरूसलेम स खून क धोइ क बहाइ देइ। यहोवा निआव क चेतना क प्रयोग करी अउर बिना कउनो पच्छपात क निर्णय लेइ। वह दाहक चेतना क प्रयोग करी अउर हर वस्तु क सुद्ध कइ देइ।</verse>
				<verse number="5">तब परमेस्सर इ साबित करी कि उ आपन मनइयन क संग अहइ। उ दिन क समय, धुँए क एक बादर क रचना करी अउर रात क समय एक चमचमात लपट स मिली भइ आगी। इ सबइ चीन्ह सिय्योन पर्वते पइ, लोगन क हर सभा क ऊपर अउर उ सहर मँ ओकरे हर भवन क ऊपर परगट होइहीं। सुरच्छा बरे हर मनई क ऊपर एक आवरण छाइ जाइ।</verse>
				<verse number="6">मण्डप क इ आवरण एक ठु सुरच्छा ठउर होइ। इ आवरण लोगन क सूरज क गर्मी स बचाइ। मण्डप क इ आवरण सब प्रकार क बाढ़न अउ बर्खा स बचइ क एक सुरच्छित ठउर होइ।</verse>
			</chapter>
			<chapter number="5">
				<verse number="1">अब मइँ आपन मीत बरे एक ठु गीत गाउब। इ गीत मोरे मीत क अंगूर क बागीचा क बारे मँ अहइ। ओकरे लगे अंगूर क इ बागीचा बहोत उपजाऊ पहाड़ी पइ अहइ।</verse>
				<verse number="2">मोर मीत धरती खोदेस अउ काँकड़ पाथर हटाइके ओका साफ किहेस अउर हुवाँ पइ अंगूरे क उत्तिम बेलन रोपि दिहस। फुन खेत क बीच मँ उ अंगूर क रस निकारइ क कुण्ड बनाएस। मीत क आसा रही कि हुवाँ उत्तिम अंगूर होइहीं। किन्तु हुवाँ जउन अंगूर लाग रहेन उ सबइ बुरा रहेन।</verse>
				<verse number="3">तउ परमेस्सर कहेस: “हे यरूसलेम क लोगो, अउर यहूदा क बसइयो, मोर अउ मोरे अंगूर क बाग क बारे मँ निर्णय करा।</verse>
				<verse number="4">मइँ अउर क आपन अंगूर क बाग क बरे कइ सकत रहेउँ? मइँ उ सब किहेउँ जउन कछू भी मइँ कइ सकत रहेउँ। मोका उत्तिम अंगूरन क लगइ क आसा रही, किन्तु हुवाँ अंगूर बुरे ही लागेन। इ अइसा काहे भवा?</verse>
				<verse number="5">“अब मइँ तोहका बताउब कि आपन अंगूर क बगीचा बरे मइँ का कछू करउँ: उ कँटेहरी झाड़ी जउन खेते क रच्छा करत ह मइँ उखाड़ि देब, अउर ओन झाड़ियन क आगी मँ बारि देबउँ। पाथर क परकोटा तोड़िके भहराइ देब। बगिया क रौंदि दीन्ह जाइ।</verse>
				<verse number="6">मइँ अंगूरे क बगीचे क खाली खेते मँ बदली देबउँ। कउनो पउधन क काटा-छाँटा नाहीं जाइ अउर नाहीं कुदाल स मिटी क खोदी जाइ। ऍह बरे हुवाँ सिरिफ काँटा अउर खरपतवार उगीहीं। मइँ बादरन क आदेस देब कि उ सबइ हुवाँ न बरिसइँ।”</verse>
				<verse number="7">सर्वसक्तीसाली यहोवा क अंगूरे क बगीचा इस्राएल क रास्ट्र अहइ, अउर अंगूरन क बेलन यहूदा क राजा अहइँ। यहोवा निआव क आसा किहे रहा, किन्तु हुवाँ हत्तिरा दबदबा रही। यहोवा निस्पच्छता क आसा किहस, किन्तु हुवाँ बस मदद माँगइवालन क रोना रहा जेनके संग जुल्म कीन्ह गवा रहा।</verse>
				<verse number="8">सराप ओनका जउन मकान दर मकान लेत ही चला जात हीं अउर एक खेत क पाछे दूसर खेत अउर दूसर क पाछे तीसर खेत तब तलक घेरत ही चला जात हीं जब तलक कउनो अउर बरे कछू भी जगह नाहीं बची रहत। अइसे लोगन क इ भूइँया मँ अकेले ही रहइ पड़ी।</verse>
				<verse number="9">सर्वसक्तीसाली यहोवा क मइँ मोहसे इ कहत भए सुना ह, “अब लखा हुवाँ बहोत सारे भवन अहइँ किन्तु मइँ तोहसे कसम लइके कहत हउँ कि उ सब सबहिं भवन नस्ट कइ दीन्ह जइहीं। अबहिं हुवाँ बड़के बड़के भव्य भवन अहइँ किन्तु उ सबइ भवन उजड़ जइहीं।</verse>
				<verse number="10">उ समय दस एकड़ भुइँया क अंगूरन स एक ही बेरल दाखरस तइयार होइ, अउर दस बोरी बिअन स एक बोरी अनाज पइदा होइ।”</verse>
				<verse number="11">तू पचन्क धिक्कार अहइ, तू लोग अलख भिन्सारे उठत ह अउर अब सराब पिअइ क ताक मँ रहत ह। राति क देर तलक जागत भए दाखरस पिअके धुत होत अहा।</verse>
				<verse number="12">तू आपन प्रतिभोज मँ दाखरस पीअत ह अउर वीणा, ढोल, बाँसुरी अउर अइसे ही दूसर बाजन यत्रं स संगीत सुनत ह तू पचे ओन बातन पइ दृस्टि नाहीं डउत्या जेनका यहोवा किहस ह! तू उ चिजियन क भी नाहीं लखेस ह जेका यहोवा आपन हाथन स बनाएस ह। ऍह बरे तू लोगन बरे इ बहोत बुरा होइ।</verse>
				<verse number="13">यहोवा कहत ह, “मोरे लोगन क बंदी बनाइके कैदी क रूप मँ लइ जावा जाइ, काहेकि उ पचे मोका नाहीं जानतेन। अउ महत्वपूर्ण लोग भूख स झूझत रही। अउर आम लोग बहोत पियासा होइ जइहीं।</verse>
				<verse number="14">फुन ओनकर मउत होइ जाइ अउर सियोल, जियादा स जियादा लोगन क निगलि जाइ। मउत क उ प्रदेस आपन असीम मुँह पसारी अउर उ पचे सबहिं महत्वपूर्ण अउर साधारण लोग अउर हुल्लड़ मचावत उ पचे सबहिं खुसियन मनावत अउर सियोल मँ धँसि जइहीं।”</verse>
				<verse number="15">ओन लोगन क नीच देखाँवा जाइ। उ सबइ बड़के लोग आपन मूँड़ नीचे लटकाए धरती कइँती लखिहीं।</verse>
				<verse number="16">सर्वसक्तीसाली यहोवा निआव क संग निर्णय देइ, अउर लोग जान लेइहीं कि उ महान अहइ। पवित्तर परमेस्सर ओन बातन क करी जउन उचित अहइँ, अउर लोग ओका आदर देइहीं।</verse>
				<verse number="17">इस्राएल क लोगन स परमेस्सर ओनका आपन देस छोड़वाइ देइ। धरती वीरान होइ जाइ। भेड़िन जहाँ चइहीं, चली जइहीं। उ धरती जउन कबहुँ धनवान लोगन क रही, ओह पइ भेड़िन घूमा करिहीं।</verse>
				<verse number="18">ओन लोगन क बुरा होइ, उ पचे आपन अपराध अउर आपन पापन क आपन पाछे अइसे ढोवत अहइँ जइसे लोग रस्सन स छकड़न हींचत हीं।</verse>
				<verse number="19">ओह, तू कहत हीं, “ओका उ हाली करी द्या जे उ करइ बरे जात अहा, ताकि हम एकॉ लख सकत हीं! यहोवा जउन चाहत ह ओका होइ द्या ताकि हम जान सकि कि असल मँ इ का अहइ!”</verse>
				<verse number="20">ओन लोगन क बुरा होइ जउन कहा करतेन कि अच्छी बातन बुरी अहइँ, अउर बुरी बातन अच्छी अहइँ। उ सबइ लोग सोचा करत हीं कि प्रकास अँधेरा बाटइ, अउर अँधेरा प्रकास अहइ। ओन लोगन क विचार अहइ कि कड़ुवा, मीठ अहइ अउर मीठ कड़ुवा अहइ।</verse>
				<verse number="21">बुरा होइ ओन अभिमानियन क जउन खुद क बहोत चतुर मानत हीं। वे पचे सोचा करत हीं कि उ पचे बहोत बुद्धिमान अहइ।</verse>
				<verse number="22">बुरा होइ ओनकर जउन दाखरस पिअइ बरे जाना माना जात हीं। दाखरस क मिस्रन मँ जेनका कुसलता हासिल अहइ।</verse>
				<verse number="23">अउर यदि तू पचे ओन लोगन क रिस्वत दइ द्या तउ उ पचे एक अपराधी क भी छोड़ देइहीं। किन्तु उ पचे अच्छे मनई क भी निस्पच्छता स निआव नाहीं होइ देतेन।</verse>
				<verse number="24">अइसे लोगन क साथ बुरी बातन घटिहीं। ओनकर सन्तान पूरी तरह वइसे ही बर्बाद होइ जइहीं जइसे घास फूस आगी मँ बारि दीन्ह जात हीं। ओनकर सन्तान उ कंद मूल क तरह नस्ट होइ जइहीं जउन मरिके धूरि बन जात ह। ओनकर सन्तान अइसे बर्बाद कइ दीन्ह जइहीं जइसे आगी फूलन क बारि डावत ह अउर ओकर राखी हवा मँ उड़ि जात ह। अइसे लोग सर्वसक्तीसाली यहोवा क उपदेसन क पालन करइ स इन्कार कइ दिहन ह। ओ लोग इस्राएल क पवित्तर परमेस्सर क कथन स बइर किहन ह।</verse>
				<verse number="25">एह बरे यहोवा आपन लोगन स बहोत जियादा कोहाइ गवा ह। यहोवा आपन हाथ उठाएस अउर ओनका दण्ड दिहस। हिआँ तक कि पर्वत भी डेराइ ग रहेन। गलियन मँ कूड़न क तरह ल्हासन बिछी पड़ी रहिन। किन्तु यहोवा अबहिं भी कोहान अहइ। ओकर हाथ लोगन क दण्ड देइ बरे अबहिं भी उठा भवा बाटइ।</verse>
				<verse number="26">लखा! परमेस्सर दूर देसन क लोगन क संकेत देत अहइ। परमेस्सर एक ठु झण्डा उठावत अहइ, अउर ओन लोगन क बोलावइ बरे सीटी बजावत अहइ। कउनो दूर देस स दुस्मन आवत अहइ। उ दुस्मन हाली ही देस मँ घुसि आइ। उ पचे बड़ी तेजी स अगवा बढ़त अहइँ।</verse>
				<verse number="27">दुस्मन कबहुँ थका नाहीं करत या कबहुँ नीचे नाहीं गिरत। दुस्मन कबहुँ न तउ ओंघात ह अउर न ही सोवत ह। ओनकर हथियारन क कमर बंद सदा कसा रहत हीं। ओनकर जूतन क तस्मन कबहुँ टूटतेन नाहीं ह।</verse>
				<verse number="28">दुस्मन क बाण पैना अहइँ। ओनकर सबहिं धनुस बाण छोड़इ बरे तइयार अहइँ। ओनकर घोड़न क खुर चट्टानन जइसे कठोर अहइँ। ओनकर रथन क पाछे धूरि क बादर उठा करत हीं।</verse>
				<verse number="29">दुस्मन गरजत ह, अउर ओनकर गरजब सेर क दहाड़ क जइसा अहइ। उ ऍतना तीव्र अहइ जेतना जवान सेर क गरजब। दुस्मन जेनके खिलाफ जुद्ध करत अहइ ओनके ऊपर गुर्गत ह अउर ओन पइ झपट पड़त ह। उ ओनका हुवाँ स घसीट लइ आवत ह अउर हुवाँ बचावइवाला कउनो नाहीं होत। किन्तु ओनके बच पावइ क कउनो वजह नाहीं।</verse>
				<verse number="30">तउ, उ दिन उ “सिंह” समुद्दर क तरगन क नाई दहाड़न मारी अउर बंदी बनाए गए लोग धरती ताकत रहि जइहीं, अउर फुन हुवाँ अँधेरा अउर दुःख ही रहि जाइ। इ घने बादर मँ समूचइ प्रकास अँधेरा मँ बदलि जाइ।</verse>
			</chapter>
			<chapter number="6">
				<verse number="1">जउने बरिस उज्जिय्याह क मउत भइ, मइँ आपन अद्भुत सुआमी क दर्सन किहेउँ। उ एक बहोत ऊँच सिंहासन पइ विराजमान रहा। ओकर लम्बे चोगे स मंदिर भर गवा रहा।</verse>
				<verse number="2">यहोवा क चारिहुँ कइँती साराप सरगदूतन खड़ा रहेन। हर साराप सरगदूतन क छ: छ: पंख रहेन। एनमाँ स दुइ पंखन क प्रयोग उ पचे आपन मुँह क ढकइ क बरे किया करत रहेन अउर दुइ पंखन क प्रयोग आपन गोड़न क ढकइ बरे करत रहेन अउर दुइ पंखन क उ पचे उड़इ क कामे मँ लिआवत रहेन।</verse>
				<verse number="3">हर सरगदूत दूसर सरगदूत स गोहराइ गोहराइ के कहत रहेन, “पवित्तर, पवित्तर, पवित्तर सर्वसक्तीसाली यहोवा परम पवित्तर अहइ। यहोवा क महिमा सारी धरती पइ फइली अहइ।” सरगदूतन क वाणी क स्वर बहोत ऊँच रहेन।</verse>
				<verse number="4">सरगदूतन क आवाज स दुआरे क चौखटन हिल उठिन अउर फुन मंदिर धुआँ स भरइ लाग।</verse>
				<verse number="5">मइँ बहोत डेरा गएउँ। मइँ कहेउँ, “अरे, नाहीं। मइँ तउ बर्बाद होइ जाब। मइँ ओतॅना सुद्ध नाहीं हउँ कि परमेस्सर स बातन करउँ अउर मइँ अइसे लोगन क बीच रहत हउँ जउन ओतने सुद्ध नाहीं अहइँ कि परमेस्सर स बातन कइ सकइँ। किन्तु फुन भी मइँ उ राजा, सर्वसक्तीमान यहोवा क दर्सन कइ लिहेउँ ह।”</verse>
				<verse number="6">हुवाँ वेदी पइ आगी बरत रही। ओन साराप सरगदूतन मँ स एक उ आगी मँ स चिमटा स एक दहकत भवा कोइला उठाइ लिहेउँ।</verse>
				<verse number="7">तब उ दहकत भए कोइला स मोरे मुँहे क धुआइ दिहस अउर कहेस, “जब इ दहकत कोइला तोहरे ओंठन क छुइ, तउ तू जउन बुरे करम किह्या ह, उ सबइ तोहमाँ स खतम होइ जाइ अउर तोहार पाप धोइ जाइ।”</verse>
				<verse number="8">एकरे पाछे मइँ आपन यहोवा आवाज सुनेउँ। यहोवा कहेस, “मइँ केका पठइ सकत हउँ? हमरे बरे कउन जाइ?” तउ मइँ कहेउ, “मइँ हिआँ हउँ। मोका पठवा।”</verse>
				<verse number="9">फिन यहोवा बोला, “जा अउर लोगन स कहा, ‘धियान स सुना, किन्तु समुझा जिन। निआरे स लखा, किन्तु बूझा जिन।’</verse>
				<verse number="10">लोगन क लोगन क समझइ क छमता क कठिन कइ द्या। ओनका सुनन मँ मुसकिल कइ देइ अउर लखइ नाहीं सकी। जदि तू अइसा नाहीं करब्या, तउ होइ सकत ह उ आपन आँखन स लखि सकत ही, आपन कानन स सुनि सकत हीं, अउर आपन हिरदइ स समुझ सकत हीं अउर तउ उ पचे पछतावा करी अउर चिकित्सा पाइ।”</verse>
				<verse number="11">मइँ फुन पूछेउँ, “सुआमी, मइँ अइसा कब तक करत रहउँ?” यहोवा जवाब दिहेस, “तू तब तलक अइसा करत रहा, जब तलक देस उजरिके बर्बाद न होइ जाइ।”</verse>
				<verse number="12">यहोवा लोगन क दूर चले जाइ पइ मजबूर करी। इ देस मँ बड़के-बड़के छेत्र उजड़ जइहीं।</verse>
				<verse number="13">उ देस मँ सिरिफ दस प्रतिसत लोग ही बचा रहि जइहीं, अउर दुस्मन ओका बर्बाद करइ बरे फुन स आइ। इ सबइ लोग बँझ बृच्छ क नाई होइहीं। जब उ काट दिहे जाइ अउ ओकर सिरिफ ठूँठ बचा रहि जात ह, उ ठुँठ फुन स नवा टहरी उगात ह अउर एकॉ डार बनाइ डावत ह। इ ठुँठ पवित्तर बिया स बढ़ेस ह।</verse>
			</chapter>
			<chapter number="7">
				<verse number="1">आहाज, योताम क पूत रहा। योताम उज्जिय्याह क पूत रहा। ओनहीं दिनन मँ रसीन आराम क राजा भवा रहा अउर इस्राएल पइ रमल्याह क पूत पेकह राजा रहा। जउने दिनन यहूदा पइ आहाज सासन करता रहा, रसीन अउ पेकह जुद्ध बरे यरूसलेम पइ चढ़ बइठेन। किन्तु उ पचे इ सहर क हराइ नाहीं सकेन।</verse>
				<verse number="2">दाऊद क साही घराना क इ सँदेसा मिला, “आराम अउ इस्राएल क फउजन आपुस मँ मिली गए रहेन अउर एक संग सिबिर लगाएस ह।” राजा आहाज जब इ खबर सुनेस तउ उ अउर ओकर प्रजा बहोत डेराइ गएन। उ पचे आँधी मँ हिलत भए जंगल क बृच्छन क नाई डर स काँपइ लागेन।</verse>
				<verse number="3">तबहिं यसायाह स यहोवा कहेस, “तोहका अउर तोहार पूत सार्यासूब क आहाज क लगे जाइके बतियाइ चाही। तू उ ठउरे पइ आवा, जहाँ ऊपर क तलाव मँ पानी गिरा करत ह। इ उ गली मँ अहइ जउन धोबी-घाट कइँती जात ह।</verse>
				<verse number="4">“आहाज स जाइके कह्या, ‘होसियार रहा, किन्तु साथ ही सान्त भी रहा। डेराअ जिन। ओन दुइनउँ मनइयन रसीन अउ रमल्याह क पूतन स जिन डेराअ। उ पचे दुइ मनई तउ बरी भइ काठन क नाई अहइँ। पहिले उ पचे दहका करत रहेन किन्तु अब उ पचे, बस धुआँ मात्र रहि ग अहइँ। रसीन, आराम अउ रमल्याह क पूत कोहान अहइँ।</verse>
				<verse number="5">आराम, एप्रैम क प्रदेसन अउ रमल्याह क पूत तोहरे खिलाफ सबइ योजना बनाइ रखे अहइँ। उ पचे कहेन,</verse>
				<verse number="6">“हमका यहूदा पइ चढ़ाई करइ चाही। हम अपने बरे ओका बाँटि लेब। हम ताबेल क पूत क यहूदा क नवा राजा बनाउब।”’”</verse>
				<verse number="7">मोर सुआमी यहोवा क कहब बाटइ, “ओकर योजना सफल नाहीं होइ। उ कबहुँ पूरी नाहीं होइ।</verse>
				<verse number="8">जब तलक दमिस्क क राजा रसीन अहइ, तब तलक इ नाहीं घटी। इस्राएल अब एक ठु रास्ट्र अहइ किन्तु पैसंठ बरिस क भीतर इ एक रास्ट्र नाहीं रही।</verse>
				<verse number="9">जब तलक इस्राएल क राजधानी सोमरीन अहइ अउर जब तलक सोमरोन क राजा रमल्याह क पूत बाटइ तब तलक ओनकर सबइ योजना सफल नाहीं होइहीं। जदि इ संदेस पइ तू बिस्सास नाहीं करब्या तउ लोग तोह पइ बिस्सास नाहीं करिहीं।”</verse>
				<verse number="10">यहोवा आहाज स आपन बात जारी राखत भए कहेस,</verse>
				<verse number="11">यहोवा बोला, “इ सबइ बातन फुरइ अहइँ, एका खुद साबित करइ बरे कउनो संकेत माँग ल्या। तू जइसा भी चाहा वइसा संकेत माँग सकत ह। उ संकेत चाहे गहिरे मउत क पहँटा स होइ अउर चाहे आकासन स भी ऊँच कउनो ठउरे स।”</verse>
				<verse number="12">किन्तु आहाज कहेस, “सबूत क रूप मँ मइँ कउनो संकेत नाहीं माँगब। मइँ यहोवा क परीच्छा नाहीं लेब।”</verse>
				<verse number="13">तब यसायाह कहेस, “हे दाऊद क साही परिवार, होसियार होइके सुना। तू लोगन क धीरज क परीच्छा लेत अहा। का इ तोहरे बरे काफी नाहीं अहइ, अब तू मोर परमेस्सर क परीच्छा लेत अहा?</verse>
				<verse number="14">ऍह बरे, मोर सुआमी परमेस्सर तू पचन्क इ संदेसा देब: लखा जवान लड़की क! उ गर्भवती अहइ। उ एक ठु पूत क जनम देइ। उ इ पूत क नाउँ इम्मानुएल राखी।</verse>
				<verse number="15">इम्मानुएल दहिउ अउ सहद खाइ। उ इहइ तरह रही जब तलक उ इ नाहीं सीख जात उत्तिम क चुनब अउर बुरे क नकारब।</verse>
				<verse number="16">किन्तु जब तलक उ भला क चुनब अउर बुरे क तजब जानी एप्रैम अउ आराम क धरती उजाड़ होइ जाइ। “आजु तू ओन दुइ राजा लोगन स डेरात अहा।</verse>
				<verse number="17">किन्तु तोहका यहोवा स डेराइ चाही। काहेकि यहोवा तोह पइ बिपत्ति क समय लिआवइवाला अहइ। उ सबइ विपत्तियन तोहरे लोगन पइ अउर तोहरे पचन्क पिता क परिवारे क लोगन पइ अइहीं। विपत्ति क इ समय ओन सबहिं विपत्तियन मँ जियादा बुरा होइ जउन समइ एप्रैम यहूदा स अलग भवा ह, तब स अबइ तलक घटी बाटइ। एकरे बरे परमेस्सर का करी? परमेस्सर अस्सूर क राजा क तोहसे लड़ावइ बरे लिआइ।</verse>
				<verse number="18">“उ समय, यहोवा ‘माखियन’ क बुलाइ। (फिलहाल उ सबइ माखियन मिस्र क जलधारन क निअरे अहइँ।) अउर यहोवा ‘मधुमाखियन’ क बुलाइ। (फिलहाल उ सबइ मधुमाखियन अस्सूर देस मँ रहत हीं।) इ सबइ दुस्मन तोहरे देस मँ अइहीं।</verse>
				<verse number="19">इ सबइ दुस्मन चट्टानी छेत्रन मँ, रेगिस्ताने मँ जल धारन क निअरे झाड़ियन क आस-पास अउर पानी पिअइ क जगहन क इर्द-गिर्द आपन डेरन डइहीं।</verse>
				<verse number="20">यहोवा यहूदा क दण्ड देइ बरे अस्सूर क प्रयोग करी। अस्सूर उस्तरा क नाई प्रयोग करी बरे भाड़े पइ लेइ जाइ। इ अइसा होइ जइसे यहोवा यहूदा क मूँड़ अउ गोड़े क बाल क मूड़न करत होइ। इ अइसा होइ जइसे यहोवा यहूदा क दाढ़ी मूँड़त होइ।</verse>
				<verse number="21">“उ समय, एक मनई बस एक जवान गाय अउ दुइ भेड़न ही बस जिअत रखि पाइ।</verse>
				<verse number="22">उ सबइ सब ऍतना दूध देइहीं जउन उ मनई क देहिउ खाइ बरे काफी होइ। उ देस मँ बाकी बचा भवा हर मनई देहिउ अउर सहद ही खावा करी।</verse>
				<verse number="23">आजु इ धरती पइ हर खेते मँ एक हजार अंगूरे क बेलन अहइँ। अंगूरे क हर बगिया क कीमत एक हजार चाँदी क सिक्का क बराबर अहइँ। किन्तु एन खेतन मँ खरपतवार अउर काँटन भरि जइहीं।</verse>
				<verse number="24">इ धरती जंगली होइ जाइ अउर ओकर प्रयोग एक सिकारघर क रूप मँ ही होइ सकी।</verse>
				<verse number="25">एक समय रहा जब एन पहाड़ियन पइ लोग काम किया करत रहेन अनाज पइदा करत रहेन। किन्तु उ समय लोग हुआँ नाहीं जावा करिहीं। उ धरती खरपतवारन अउर काँटन स भरि जाइ। ओन ठउरन पइ बस भेड़िन अउर मवेसी ही घूमा करिहीं।”</verse>
			</chapter>
			<chapter number="8">
				<verse number="1">यहोवा मोसे कहेस, “लिखइ बरे माटी क बड़की स तख़्ती ल्या अउर ओह पइ सुआ स इ लिखा, महेर्शालाल्हशबज (अर्थात् ‘हिआँ हाली ही लूटमार अउ चोरियन होइहीं।’”)</verse>
				<verse number="2">मइँ कछू अइसे लोग बटोरेउँ जिन पइ साच्छी होइ बरे बिस्सास कीन्ह जाइ सकत रहा। इ सबइ लोग रहेन याजक ऊरिय्याह जकर्याह जउन जेबरेक्याह क पूत रहा। उ लोग मोका निहारत रहेन जउन टेम मँ मइँ ऍन बातन क लखे रहेन।</verse>
				<verse number="3">फुन मइँ ओन नबिया क लगे गएउँ। मोर ओकरे संग संग रहइ क पाछे, उ गर्भवती भइ अउर ओकरे एक पूत भवा। तब यहोवा मोसे कहेस, “तू बेटवा क नाउँ महेर्शालाल्हशबज राखा।</verse>
				<verse number="4">काहेकि एहसे पहिले कि बचवा, ‘महतारी’ अउर ‘बाप’ कहब सीखइ, ओहसे पहिले ही दमिस्क अउ सोमरोन क समूचइ धनदौलत क छोरि लेइ अउर ओन वस्तुअन क अस्सूर क राजा क दइ देइ।”</verse>
				<verse number="5">यहोवा मोसे फुन कहेस।</verse>
				<verse number="6">मोर सुआमी कहेस, “इ सबइ लोग सीलोह क तालाब स सान्त पानी क लेइ स इन्कार करत हीं। इ सबइ लोग रसीन अउ रमल्याह पूत क असान्त पानी क लेइ क प्राथमिकता दिहेस।</verse>
				<verse number="7">किन्तु एह बरे मइँ, यहोवा, अस्सूर क राजा अउर ओकर समूची सक्ति क तोहरे विरोध मँ लइके आउब। उ पचे परात नदी क खउफनाक बाढ़ क तरह अइहीं। इ अइसा होइ जइसे किनारन क तोड़त बोरत नदी उफना पड़त ह।</verse>
				<verse number="8">जउन पानी उ नदी स उफनिके निकरी उ यहूदा मँ भरि जाइ अउर यहूदा क प्राय: बोर देइ। “इम्मानूएल, इ बाढ़ क पानी तब तलक फइलत चली जाइ जब तलक तोहरे पचन्क समूचइ देस मँ बाढ़ न आ जाइ।” यहोवा अपने सेवकन क रच्छा करत ह</verse>
				<verse number="9">हे जातियो, तू सबहिं जुद्ध बरे तइयार रहा। तू पचन्क हराइ दीन्ह जाइ। अरे, सुदूर क देसो, सुना, तू सबहिं जुद्ध बरे तइयार रहा। तू पचन्क हराइ दीन्ह जाइ।</verse>
				<verse number="10">आपन जुद्ध क जोजनन क रचा। तोहार जोजनन हराइ दीन्ह जइहीं। तू अपनी फउजन क हुकुम द्या। तोहार उ सबइ हुकुम बेकार होइ जइहीं। काहेकि परमेस्सर हमार संग अहइ।</verse>
				<verse number="11">यहोवा आपन महान सक्ति क संग मोसे कहेस। यहोवा मोका चितउनी दिहस कि मइँ एन दूसर लोगन क नाई न बनउँ। यहोवा कहेस,</verse>
				<verse number="12">“तू पचन क इ नाहीं सोचइ चाही कि इ सडयंत्र सिरिफ इ कारण स रचा गवा अहइँ कि लोग अइसा कहत ह! नाहीं, तू पचन क उ बातन स डेरात नाहीं चाही जे बातन स उ पचे डेरात अहइँ।”</verse>
				<verse number="13">तू पचन्क बस सर्वसक्तीमान यहोवा स डेराइ चाही। तू पचन्क बस उहइ क आदर करइ चाही। तू पचन्क उहइ स डेराइ चाही।</verse>
				<verse number="14">जदि तू पचे यहोवा क आदर रखब्या अउर ओका पवित्तर मनब्या तउ उ तोहरे पचन बरे एक ठु सुरच्छित ठउर होइ। किन्तु तू पचे ओकर आदर नाहीं करत्या। एह बरे परमेस्सर एक ठु अइसी चट्टान होइ ग अहइ जेकरे ऊपर तू लोग भहराब्या। उ एक अइसी चट्टान होइ ग अहइ जेह पइ इस्राएल क दुइ परिवार ठोकर खइहीं। यरूसलेम क सबहिं लोगन क फँसावइ बरे उ एक फन्दा बन गवा ह।</verse>
				<verse number="15">(इ चट्टान पइ बहोत स लोग भहरइहीं। उ पचे गिरहीं अउर चकनाचूर होइ जइहीं। उ पचे जाल मँ पड़ितीं अउर धइ लीन्ह जइहीं।)</verse>
				<verse number="16">यसायाह कहेस, “एक ठु समझौता करा अउर ओह पइ मोहर लगाइ द्या। भविस्स बरे, मोरे उपदेसन क रच्छा करा। मोर चेलन क लखत भए क टेँम ही अइसा करा।”</verse>
				<verse number="17">उ वाचा इ अहइ: “मइँ सहायता पावइ बरे यहोवा क प्रतीच्छा करब। यहोवा याकूब क घराने स लज्जित अहइ। उ ओनका लखइ तलक नाहीं चाहत ह। किन्तु मइँ यहोवा क प्रतीच्छा करब। उ हमार रच्छा करी।”</verse>
				<verse number="18">“मइँ अउर मोर बच्चा इस्राएल क लोगन बरे संकेत अउर प्रमाण अहइँ। हम उ सर्वसक्तीमान यहोवा क जरिये पठवा ग अहइ, जउन सिय्योन पर्वते पइ रहत ह।”</verse>
				<verse number="19">कछू लोग कहा करत हीं, “भविस्स बतावइवालन अउर जादूगरन स पूछा, ‘का करब अहइ?’” (इ सबइ भविस्स बतावइवालन अउर जादूगर फुस-फुसाइके बोलत हीं। इ सबइ लोगन पइ इ प्रभाव डावइ बरे कि ओनके लगे अर्न्तदृस्टि अहइँ, उ पचे चुपचाप बातन करत हीं।) किन्तु मइँ तू पचन्क बतावत हउँ कि लोगन क आपन परमेस्सर स सहायता माँगइ चाही। उ पचे भविस्स बतावइवालन अउर जादूगर मरे भए लोगन स पूछिके बतावत हीं कि का करइ चाही? किन्तु भला जिअत लोग मरे भएन स कउनो बात काहे पूँछइ।</verse>
				<verse number="20">तू पचन्क सिच्छन अउर वाचा क अनुसार चलइ चाही। जदि तू पचे एन हुकुमन क पालन नाहीं करब्या तउ होइ सकत ह तू गलत हुकुमन क पालन करइ लागा। (इ सबइ हुकुमन उ सबइ अहइँ जउन जादूगरन अउ भविस्स बतावइवालन क जरिये मिलत हीं। इ सबइ हुकुमन बेकार अहइँ। ओन हुकुमन पइ चलिके तू पचन्क कछू नाहीं मिली।)</verse>
				<verse number="21">जदि तू पचे ओन गलत हुकुमन पइ चलब्या, तउ तोहरे पचन्क देस पइ विपत्ति आइ अउर भूखमरी फइली। लोग भूखा मरिहीं। फुन उ पचे कोहाइ जइहीं अउर आपन राजा अउर आपन देवतन क खिलाफ बातन कहिहीं। एकरे पाछे उ पचे मदद बरे परमेस्सर कइँती निहरिहीं।</verse>
				<verse number="22">अगर आपन देस मँ उ पचे चारिहुँ तरफ लखिहीं तउ ओनका चारिहुँ कइँती विपत्ति अउर चिन्ताजनक अँधियारा ही देखाइ देइ। लोगन्क उ अंधकार स भरा दुःख ओनका देस तजइ पइ मजबूर करी अउर उ सबइ लोग जउन उ अँधेरे मँ फँसा होइहीं, आपन आपका ओहसे अजाद नाहीं कराइ पइहीं।</verse>
			</chapter>
			<chapter number="9">
				<verse number="1">पहिले लोग सोचा करत रहेन कि जबूलून अउर नप्ताली क धरती महत्वपूर्ण नाहीं अहइ। किन्तु पाछे परमेस्सर उ धरती क महान बनाइ। समुद्दर क लगे क धरती पइ, यरदन नदी क पार अउ गलील मँ गैर यहूदी लोग रहत हीं।</verse>
				<verse number="2">जदपि आनु इ सबइ लोग अंधकार मँ निवास करत हीं, किन्तु एनका महान प्रकास रूप मँ दर्सन होइ। इ सबइ लोग एक अइसे अँधियारा मँ रहत हीं जउन मउत क देस क नाई अहइ। किन्तु उ “अद्भुत जोति” ओन पइ प्रकासित होइ।</verse>
				<verse number="3">तू इ जाति क बढ़ोतरी करब्या, का तू नाहीं करब्या? तू ओकर खुसहाली क बढ़ाउब्या, का इ सही नाहीं अहइ? इ सबइ लोग तोहार मोजूदगी मँ अइसे ही खुस होइ जइसे लोग कटनी क समय पइ खुस होत ह, या इ सबइ वइसी ही खुस होइ जइसी जुद्ध मँ लूटा भवा चिजियन क आपुस मँ बाँटइ क समइ मँ खुसी मनावत हीं।</verse>
				<verse number="4">अइसा काहे होइ? काहेकि तू पचन्क इ भारी जूए क तोड़ी देब्या जउन अत्याचारी लोग तोहार कंधा पइ धरेस ह। तू पचे एकॉ वइसा ही हराउब्या जइसा तू पचे मिद्यानियन क हराए रह्या!</verse>
				<verse number="5">हर उ कदम जउन जुद्ध मँ आगे बढ़ा, बर्बाद कइ दीन्ह जाइ। हर उ वर्दी जेइ पउ लहू क धब्बन बाटेन, बर्बाद कइ दीन्ह जाइ। इ सबइ वस्तुअन आगी मँ झोंकि दीन्ह जइहीं।</verse>
				<verse number="6">इ सब कछू तब घटी जब उ बिसेस बच्चा क जनम होइ। परमेस्सर हमका एक ठु पूत प्रदान करी। इ पूत लोगन क अगुवाइ बरे उत्तरदायी होइ। ओकर नाउँ होइ: “अद्भुत, उपदेसक, सामर्थी परमेस्सर, पिता चिर अमर अउ सान्ति क राजकुमार।”</verse>
				<verse number="7">ओकरे राज्ज मँ सक्ति अउर सान्ति क निवास होइ। दाउद क बंसज, उ राजा क राज्ज क लगातार विकास होत रही। उ राजा नेकी अउ निस्पच्छ निआव क आपन राज्ज क सासन मँ हमेसा हमेसा उपयोग करत रही। उ सर्वसक्तीमान यहोवा आपन प्रजा स गहिर पिरेम राखत ह अउर ओकर इ गहिर पिरेम ही ओहसे अइसे काम करवावत ह।</verse>
				<verse number="8">याकूब क लोगन क खिलाफ मोर यहोवा एक आग्या दिहेस। इस्राएल क खिलाफ दीन्ह गइ उ आग्या क पालन होइ।</verse>
				<verse number="9">तब एप्रैम क हर मनई क अउर हिआँ तलक कि सोमरोनक मुखिया लोगन क इ पता चलि जाइ कि परमेस्सर ओनका सजा दिहे रहा। आजु उ सबइ लोग अभिमानी अउ बड़बोला अहइँ। उ सबइ लोग कहा करत हीं,</verse>
				<verse number="10">“होइ सकत ह इ सबइ ईटन भहराइ जाइँ किन्तु हम एकर अउर जियादा मजबूत पाथरन स निर्माण करब। सम्भव अहइ इ सबइ नान्ह नान्ह बृच्छ काट गिराव जाइँ। किन्तु हम नवा नवा बृच्छ खड़ा कइ देब अउर इ सबइ बृच्छ बिसाल तथा मजबूत बृच्छ होइहीं।”</verse>
				<verse number="11">तउ यहोवा इस्राएल क लोगन क खिलाफ जुद्ध करइ बरे हुसकाइ। यहोवा रसीन क सत्रुअन क ओनकर विरुद्ध लइ आई।</verse>
				<verse number="12">यहोवा पूरब स आराम क लोगन क अउ पच्छिम स पलिस्तियन क लिआइ। उ सबइ सत्रु आपन फउज स इस्राएल क हराइ देइहीं। किन्तु परमेस्सर इस्राएल स तब भी कुपित रही। यहोवा तब भी लोगन क सजा देइ क तत्पर रही।</verse>
				<verse number="13">परमेस्सर लोगन क सजा देइ, किन्तु उ पचे फुन भी पाप करब नाहीं छोड़िहीं। उ पचे परमेस्सर कइँती नाहीं मु़ड़िहीं। उ पचे सर्वसक्तिमान यहोवा क अनुसरण नाहीं करिहीं।</verse>
				<verse number="14">तउ यहोवा इस्राएल क मूँड़ अउ पूँछ काट देइ। एक ही दिन मँ यहोवा ओकर साखा अउर ओकरे तने क लइ लेइ।</verse>
				<verse number="15">(हिआँ मूँड़ क अरथ अहइ अग्रज तथा महत्वपूर्ण अगुवा लोग अउर पूँछ स अरथ अहइ अइसे नबी जउन झूठ बोला करत हीं।)</verse>
				<verse number="16">उ सबइ लोग जउन अगुवाइ करत हीं ओनका बुरे मारग पइ लइ जात हीं। जउन लोग ओनके पाछे चलत हीं, बर्बाद कइ दीन्ह जइहीं।</verse>
				<verse number="17">इ सबइ सबहिं लोग दुस्ट अहइँ। एह बरे यहोवा एन युवकन स खुस नाहीं अहइ। यहोवा ओनकर राँड़ अउरत अउ ओनकर अनाथ लरिकन पइ दाया नाहीं करी। काहेकि इ सबइ लोग दुस्ट अहइँ। इ सबइ लोग अइसे काम करत हीं जउन परमेस्सर क खिलाफ अहइँ। इ सबइ लोग झूठ बोलत हीं। तउ परमेस्सर एन लोगन क बरे कुपित बना रही अउ सजा देत रही।</verse>
				<verse number="18">बुराई एक ठु छोटकी सी आगी अहइ, आगी पहिले घास फूस अउर काँटन क बारत ह, फुन उ बड़की बड़की झाड़ियन अउ जंगल क बारइ लागत ह अउर अंत मँ जाइके उ बियापक आगी का रूप लइ लेत ह अउर हर वस्तु धुँआ बनिके ऊपर उड़ि जात ह।</verse>
				<verse number="19">सर्वसक्तिमान यहोवा कुपित अहइ। एह बरे इ प्रदेस भसम होइ जाइ। उ आगी मँ सबहिं लोग भसम होइ जइहीं। कउनो मनई आपन भाई तलक क बचावइ क जतन नाहीं करी।</verse>
				<verse number="20">तब ओनके आस-पास, जउन भी कछू होइ, उ पचे ओका जब दाहिन कइँती लेइहीं, या बाई कइँती स लेइहीं, भूखा ही रइहीं। फुन उ सबइ लोग आपुस मँ आपन ही परिवार क लोगन क खाइ लगिहीं।</verse>
				<verse number="21">(अर्थात् मनस्से, एप्रैम क खिलाफ लड़ी अउर एप्रैम मनस्से क खिलाफ लड़ाइ करी अउर फुन दुइनउँ ही यहूदा क खिलाफ होइ जइहीं।) यहोवा इस्राएल स अबहिं भी कोहान अहइ। यहोवा ओकर लोगन क सजा देइ बरे अबहिं भी तत्पर अहइ।</verse>
			</chapter>
			<chapter number="10">
				<verse number="1">ओन नेम बनावइवालन क लखा अउर जउन अनिआव स भरा नेम बनाइके लिखत हीं। अइसे नेम बनावइवाले अइसे नेम बनाइके लिखत हीं जेहसे लोगन क जिन्नगी दूभर होत ह।</verse>
				<verse number="2">उ पचे गरीब लोगन क खिलाफ नेम बतावइ बरे उचित मार्ग स हटत ही। उ पचे राँड़ क जब्त करत हीं अउर अनाथन क हिआँ चोरी करत हीं।</verse>
				<verse number="3">अरे ओ, नेम क बनावइवालो, जब तू पचन्क, जउन काम तू पचे किहा ह, ओनकर हिसांब देइ क होइ तब तू पचे का करब्या? सुदूर देस स तोहार पचन्क बिनास आवत अहइ। मदद बरे तू पचे केकरे लगे दउड़ब्या? तोहार पचन्क धन अउर तोहार पचन्क सम्पत्ति तोहार सबन्क रच्छा नाहीं करि पइहीं।</verse>
				<verse number="4">तू पचन्क एक ठु बंदी क नाई खाले निहुरइ ही होइ। तू पचे मुर्दा क नाई धरती मँ भहराइके प्रणाम करब्या किन्तु ओहसे तू पचन्क कउनो मदद नाहीं मिली। परमेस्सर तब भी कुपित रही। परमेस्सर तू पचन्क दण्ड देइ बरे तब भी तत्पर रही।</verse>
				<verse number="5">परमेस्सर कही, “मइँ एक छड़ी क रूप मँ अस्सूर क प्रयोग करब। मइँ किरोध मँ भरिके इस्राएल क सजा देइ बरे अस्सूर क प्रयोग करब।</verse>
				<verse number="6">अइसे लोगन क खिलाफ, जउन पाप करम करत ही जुद्ध करइ बरे मइँ अस्सूर क पठउब। मइँ ओन लोगन स कोहान हउँ अउर ओन लोगन स जुद्ध करइ बरे मइँ अस्सूर क आदेस देब। अस्सूर ओन लोगन क हराइ देइ अउर फुन ओनसे कीमती वस्तुअन छोरी लेइ। अस्सूर बरे इस्राएल गलियन मँ पड़ी उ धूरि जइसा होइ जेहसे उ आपन ओड़न तले रउँदी।</verse>
				<verse number="7">“किन्तु अस्सूर इ नाहीं समुझत ह कि मइँ ओकर प्रयोग करब। उ इ नाहीं सोचत कि उ मोर एक साधन अहइ। अस्सूर तउ बस दूसर लोगन क नस्ट करइ चाहत ह। अस्सूर की तउ मात्र इ जोजना अहइ कि उ बहोत स जातियन क नस्ट कइ देइ।</verse>
				<verse number="8">अस्सूर आपन मने मँ कहत ह, ‘मोर सबहिं राजकुमार राजा लोगन क समान अहइँ।</verse>
				<verse number="9">कलनो नगरी कर्कर्मास क जइसी अहइ अउर हमात नगर अर्पद नगर क जइसा अहइ। सीमरोन क नगरी दमिस्क नगर क जइसी अहइ।</verse>
				<verse number="10">मइँ एन सबहिं बुरे राज्जन क हराइ दिहेउँ ह अउर अब एन पइ मोर अधिकार अहइ। जउने मूरतियन क उ पचे लोग पूजा करत हीं, उ पचे यरूसलेम अउ सोमरोन क मूरतियन स जियादा अहइँ।</verse>
				<verse number="11">मइँ सोमरोन अउ ओकर मूरतियन क पराजित कइ दिहेउँ। मइँ यरूसलेम अउ ओकर मूरतियन का भी जेनका ओकर लोग बनाएन ह पराजित कइ देबउँ।’”</verse>
				<verse number="12">मोर सुआमी जब यरूसलेम अउ सिय्योन पर्वते क बरे, जउन ओकर योजना अहइ, ओकर बातन क करब खतम कइ देइ, तउ यहोवा अस्सूर क सजा देइ। अस्सूर क राजा बहोत अभिमानी अहइ। ओकर घमंड ओहसे बुरे करम करवाएस ह। तउ परमेस्सर ओका सजा देइ।</verse>
				<verse number="13">अस्सूर क राजा कहा करत ह, “मइँ बहोत बुद्धिमान अहउँ। मइँ खुद आपन बुद्धि अउ सक्ति स अनेक महान कारज किहेउँ ह। मइँ बहोत स जातियन क हराएउँ ह। मइँ ओनकर धन छोर लिहेउँ ह अउर ओनके लोगन क दास बनइ लिहेउँ ह। मइँ एक बहोत सक्तीसाली मनई हउँ।</verse>
				<verse number="14">मइँ खुद आपन हाथन स ओन सब लोगन क धन दौलत अइसे लइ लिहेउँ ह जइसे कउनो मनई चिरइयन क घोंसलन स अण्डन उठाइ लेत ह। चिरइयन जउन अक्सर आपन घोंसलन अउ अण्डन क तजि जात हीं अउर उ घोंसला क रखवारी करइ बरे कउनो भी नाहीं रहि जात। हुवाँ आपन पखनन अउ आपन चोंच स सोर मचावइ अउर लड़ाई करइ बरे कउनो पंछी नाहीं होत। एह बरे लोग अण्डन क उठाइ लेत हीं। इहइ तरह धरती क सबहि लोगन क उठाइ लइ जाइ स रोकइ बरे कउनो भी मनई हुवाँ नाहीं रहा।” सोमरोन क सक्ती पइ परमेस्सर क नियंत्रण</verse>
				<verse number="15">कुल्हाड़ा उ मनई स नीक नाहीं होत, जउन कुल्हाड़ा क चलावत ह। कउनो आरा उ मनई स नीक नाहीं होत, जउन उ आरे स काटत ह। किन्तु अस्सूर क विचार अहइ कि उ परमेस्सर स भी जियादा महत्वपूर्ण अउर बलवान अहइ। जउन ओका उठावत ह अउर कउनो क सजा देइ बरे ओकर प्रयोग करत ह।</verse>
				<verse number="16">अस्सूर क विचार अहइ कि उ महान अहइ किन्तु सर्वसक्तिमान यहोवा अस्सूर क दुर्बल कइ डावइवाली महामारी पठइ अउर अस्सूर आपन धन अउ आपन सक्ति क वइसे ही खोइ बइठी जइसे कउनो बेराम मनई आपन सक्ति गँवाइ बइठन ह। फुन अस्सूर क बैभव बर्बाद होइ जाइ। इ उ आगी क समान होइ जउन उ समय तलक बरत रहत ह जब तलक सब कछू खतम नाहीं होइ जात।</verse>
				<verse number="17">इस्राएल क प्रकास (परमेस्सर) एक आगी क समान होइ। उ पवित्तरतम लपट क नाई होइ। उ उ आगी क दाई होइ जउन खरपतवार अउर काँटन क तत्काल बार डावत ह।</verse>
				<verse number="18">अउर फुन बढ़िके बड़के बड़के बृच्छन अउर अंगूरे क बगीचन क बार देत ह अउर आखिर मँ सब कछू बर्बाद होइ जात ह हिआँ तलक कि लोग भी। अइसा उ समइ होइ जब परमेस्सर अस्सूर क बर्बाद कइ देइ। अस्सूर सड़त-गलत लट्ठा क जइसा होइ जाइ।</verse>
				<verse number="19">जंगल मँ होइ सकत ह थोड़ा स बृच्छ खड़ा रहि जाएँ। पर उ सबइ एतना थोड़ा स होइहीं कि कउनो बच्चा तलक गन सकी।</verse>
				<verse number="20">उ समइ, उ सबइ लोग जउन इस्राएल मँ जिअत रइहीं, यानी याकूब क बंस क इ सबइ लोग उ मनई पइ निर्भर नाहीं करत रइहीं जउन ओनका मारत पीटत ह। उ सबइ सचमुच उ यहोवा पइ निर्भर करब सीख जइहीं जउन इस्राएल क पवित्तर परमेस्सर अहइ।</verse>
				<verse number="21">याकूब क बंस क उ सबइ बाकी बचे लोग सक्तीसाली परमेस्सर क फुन अनुसरण करइ लगिहीं।</verse>
				<verse number="22">जद्पि तोहार इस्राएली लोग सागर क रेत कणन क समान अहइँ तब पर ओनमाँ स कछू ही वापस मुड़ आवइ काहेकि परमेस्सर क निआव बाढ़ क नाई आवत हीं जउन हरेक चिजियन क पूरी तरह नास कइ देब।</verse>
				<verse number="23">मोर सुआमी सर्वसक्तिमान यहोवा, इ प्रदेस क निहचय ही बर्बाद करी।</verse>
				<verse number="24">मोर सुआमी सर्वसक्तिमान यहोवा कहत ह, “हे! सिय्योन मँ बसइया लोगो, अस्सूर स जिन डेराअ। उ भविस्स मँ तू पचन्क आपनी छड़ी स इ तरह पीटी जइसे पहिले मिस्र मँ तू पचन्क पीटे रहा। इ अइसा होइ जइसे माना तू पचन्क नोस्कान पहोंचावइ बरे अस्सूर कउनो लाठी क प्रयोग करत रहत होइ।</verse>
				<verse number="25">किन्तु थोड़े समइ क पाछे मोर किरोध सांत होइ जाइ, मोका संतोख होइ जाइ कि अस्सूर तू पचन्क काफी सजा दइ दिहस ह।”</verse>
				<verse number="26">एकरे पाछे सर्वसक्तिमान यहोवा अस्सूर क कोड़न स मारी। जइसा पहिले यहोवा जब ओरेब क चट्टान पइ मिद्यानियन क हराए रहा, तब भवा रहा। वइसा ही उ समइ होइ जब यहोवा अस्सूर पइ हमला करी। पहिले यहोवा मिस्र क सजा दिहे रहा। उ समुद्दर क ऊपर छड़ी उठाए रहा अउर मिस्र आपन लोगन क लइ गवा रहा। यहोवा जब अस्सूर स आपन लोगन क रच्छा करी, तब भी अइसा ही होइ।</verse>
				<verse number="27">अस्सूर तू पचन्पइ बिपत्तियन लियाइ। उ सबइ बिपत्तियन अइसे बोझन क नाई होइहीं, जेनका तू पचन आपन ऊपर एक जुए क रूप मँ उठावइ ही होइ। किन्तु फुन तोहार पचन्क गर्दन पइ उ जुए क उतारके लोकावा जाइ। उ जुआ तोहार पचन्क सक्ति (परमेस्सर) क जरिये तोरि दीन्ह जाइ।</verse>
				<verse number="28">अय्यात क निअरे फउजन प्रवेस होइ। मिस्रोन, मिग्रोन यानी “खलिहानन” क फउजन रउँदि डइहीं। फउजन एकरे खाइ क चीज क “कोठिलन” (मिकमास) मँ रखि देइहीं।</verse>
				<verse number="29">“पार करइ क ठउर” (माबरा) स फउजन नदी पार करिहीं। उ सबइ फउजन जेबा मँ राति बितइहीं। रामा डेराइ जाइ। साउल क गिबा क लोग निकरिके परइहीं।</verse>
				<verse number="30">हे गल्लीम क पुत्री चिल्ला! हे लैसा सुना! हे, अनातोत मोका जवाब द्या।</verse>
				<verse number="31">मदसेना क लोग भागत परात अहइँ। गेबीम क लोग लुकान अहइँ।</verse>
				<verse number="32">आजु फउज नोब मँ टिकी अउर यरूसलेम क पर्वते पइ सिय्योन पइ चढ़ाई करइ क तैयारी करी।</verse>
				<verse number="33">लखा! हमार सुआमी सर्वसक्तीमान यहोवा बिसाल बृच्छ (अस्सूर) क काटि गिराई। यहोवा आपन महान सक्ति स अइसा करी। बड़के अउर महत्वपूर्ण लोग काट गिरावा जइहीं। उ पचे महत्वहीन होइ जइहीं।</verse>
				<verse number="34">यहोवा आपन कुल्हाड़ा स जँगल क काटि डाइ। अउर लबानोन क बिसाल बृच्छ (मुखिया लोग) गिर पड़िहीं।</verse>
			</chapter>
			<chapter number="11">
				<verse number="1">एक ठू अंकुर क नाई जे उ पेड़ स उगत ह जउन कटा जात रहा, एक ठू अंकुर (पूत) यिसै क ठुँठ (परिवार) स उगब सुरू होइ। हाँ, इ अब डार यिसै क जड़ स उगी।</verse>
				<verse number="2">उ पूत मँ यहोवा क आतिमा होइ। उ आतिमा विवेक, समझबूझ, मार्ग दर्सन अउ सक्ति क आतिमा होइ। उ आतिमा</verse>
				<verse number="3">इ पूत क यहोवा क समुझइ अउर ओकर आदर करइ मँ मदद देइ। उ इ पूत यहोवा क आदर करी अउर एहसे उ खुस होइ। इ पूत वस्तुअन जइसी देखॉइ देत रही होइ, ओकरे अनुसार लोगन क निआव नाहीं करी। उ सुनी, सुनाई क आधार पइ ही निआव नाहीं करी।</verse>
				<verse number="4">उ गरीब लोगन क निआव ईमानदारी अउर सच्चाई क साथ करी। धरती क दीन जनन बरे जउन कछू करइ क उ निर्णय लेइ, ओहमाँ उ पच्छपात रहित होइ। जदि उ निर्णय करत ह कि लोगन पइ मार पड़इ तउ उ आदेस देइ अउर ओन लोगन पइ मार पड़ी। जदि उ निर्णय करत ह कि ओन लोगन क मउत होइ चाही तउ उ आदेस देइ अउर ओन दुस्टन क मउत क घाट उतार दीन्ह जाइ। नेकी अउर सच्चाई इ पूत क सक्ति प्रदान करी। ओकरे बरे नेकी अउर सच्चाई एक अइसे कमर बंद क नाई होइहीं जेका उ आपन कमर क चारिहुँ कइँती लपेटत ह।</verse>
				<verse number="5"></verse>
				<verse number="6">ओकरे सासन काल मँ मेमना अउर जंगली भेड़िया सांति स एक साथ रइहीं। चीता अउ बोकरी क बच्चा एक संग सान्ति स पड़ा रइहीं। बछवन, सेर अउर साँड़ आपुस मँ सान्ति क साथ रइहीं। एक ठु नान्ह सा गदेला ओकर अगुवाई करी।</verse>
				<verse number="7">गइयन अउर रीछिन सान्ति क संग संग आपन खइया क खइहीं। ओनकर बच्चन साथे-साथे बइठा करिहीं अउर आपुस मँ एक दूसर क नोस्कान नाहीं पहोंचइही। सेर गइयन क नाईं घास चरिहीं</verse>
				<verse number="8">अउर हिआँ तलक कि साँप भी लोगन क नोस्कान नाहीं पहोंचइहीं। काले नाग क बिल क लगे एक गदेला तलक खेल सकी। कउनो भी गदेला बिसैला नाग क बिले मँ हाथ डाइ सकी।</verse>
				<verse number="9">इ सबइ बातन देखाँवत हीं कि हुवाँ सब कहूँ सान्ति होइ। कउनो मनई कउनो दूसर क नोस्कान नाहीं पहोंचाइ। मोर पवित्तर पर्वत क लोग वस्तुअन क नस्ट नाहीं करइ चइहीं। काहेकि लोग यहोवा क फुरइ जान लेइहीं। उ सबइ ओकरे गियान स अइसे परिपूर्ण होइहीं जइसे सागर जल स परिपूर्ण होत ह।</verse>
				<verse number="10">उ समय यिसै क परिवार मँ एक खास मनई होइ। एक मनई एक झंडा क समान होइहीं। इ “झंडा” देखाँई कि समुचय रास्ट्रन क ओकरे आसपास बटोर जाइ चाही। इ सबइ रास्ट्र ओहसे पूछा करिहीं कि ओनका का करइ चाही? अउर उ ठउर, जहाँ उ होइ, भव्यता स भरि जाइ।</verse>
				<verse number="11">अइसे समइ मँ, मोर सुआमी फुन आपन लोगन क एक संग जमा करी। उ आपन लोगन मँ स जिअत भवा क अस्सूर, उत्तरी मिस्र, दक्खिनी मिस्र, कूस, एलाम, बाबुल, हमात तथा समूचइ संसार मँ फइला भवा अइसे ही सुदूर देसन मँ “वापिस खरीदी।”</verse>
				<verse number="12">परमेस्सर सब लोगन बरे संकेत क रूप मँ झंडा उठाइ। इस्राएल अउ यहूदा क लोग आपन-आपन देसन क तजइ बरे मजबूर कीन्ह ग रहेन। उ सबइ लोग धरती पइ दूर-दूर फइल ग रहेन किन्तु परमेस्सर ओनका परस्पर बटोरी।</verse>
				<verse number="13">उ समय एप्रैम यहूदा स जलन नाहीं रखी। यहूदा क कउनो दुस्मन नाहीं बची। यहूदा एप्रैम क बरे कउनो कस्ट पइदा नाहीं करी।</verse>
				<verse number="14">बल्कि एप्रैम अउ यहूदा पलिस्तियन पइ हमला करिहीं। इ सबइ दुइनउँ देस उड़त भए ओन पंछियन क नाई होइहीं जउन कउनो नान्ह स जनावर क धरइ बरे झपट्टा मारत हीं। एक संग मिलिके उ सबइ दुइनउँ पहिले क धन दौलत लूट लेइहीं। एप्रैम अउ यहूदा एदोम, मोआब अउ अम्मोनी क लोगन पइ कब्जा कइ लेइहीं।</verse>
				<verse number="15">यहोवा कोहाइ जाइ अउर जइसे उ मिस्र क सागर क दुइ हींसा मँ बाँट दिहे रहा, उहइ तरह परात नदी पइ तु आपन हाथ उठाइ अउर ओह पइ वार करी। जेहसे उ नदी सात नान्ह धारन मँ बँटि जाइ। इ सबइ नान्ह जलधारन गहिर नाहीं होइहीं। लोग आपन जूतन पहिरे भए पैदल चलिके ओनका पार कइ लेइहीं।</verse>
				<verse number="16">परमेस्सर क लोग जउन हुवाँ छूट ग रहेन अस्सूर क तजि देइ बरे राह पाइ जइहीं। इ वइसा ही होइ, जइसा उ समय भवा रहा, जब परमेस्सर लोगन क मिस्र स बाहेर निकारिके लिआवा रहा।</verse>
			</chapter>
			<chapter number="12">
				<verse number="1">उ समइ तू कहब्या: “हे यहोवा, मइँ तोहार गुण गावत हउँ! तू मोहसे कोहान अहा किन्तु अब मोहे पइ किरोध जिन करा। तू मोहे पइ आपन पिरेम देखॉवा।”</verse>
				<verse number="2">परमेस्सर मोका बचावत ह। मोका ओह पइ भरोसा अहइ। मोका कउनो अउर डर नाहीं अहइ। उ मोका बचावत ह। यहोवा ही मोर सक्ति अहइ। उ मोका बचावत ह, अउर मइँ ओकरे बरे स्तुति गीत गावत हउँ।</verse>
				<verse number="3">तू आपन जल मुक्ती क झरना स ग्रहण करा। तबहिं तू खुस होब्या।</verse>
				<verse number="4">फुन तू कहब्या, “यहोवा क स्तुति करा! ओकरे नाउँ क तू उपासना किया करा। उ जउन कार्य किहेन ह ओकर लोगन स बखान करा। तू ओनका बतावा कि उ केतना महान अहइ।”</verse>
				<verse number="5">तू यहोवा क स्तुति गावा। काहेकि उ महान कार्य किहेस ह। इ सुभ समाचार क जउन परमेस्सर क अहइ, सारी दुनियाँ फइलावा ताकि सबहिं लोग इ सबइ बातन जान जाएँ।</verse>
				<verse number="6">हे सिय्योन क लोगो, आनन्द क साथ खुस रहा, काहेकि इस्राएल क पवित्तर चीज तोहरे बीच एक सक्तिसाली मारग क रूप मँ अहइ।</verse>
			</chapter>
			<chapter number="13">
				<verse number="1">परमेस्सर क बाबुल क बारे मँ इ सोक संदेस अहइ। इ दर्सन आमोस क पूत यसायाह दुआरा लखा ग रहा।</verse>
				<verse number="2">परमेस्सर कहेस: “इ बंजर पर्वत पइ ध्वज उठावा। ओन लोगन क गोहरइ अउर आपन हाथ संकेत क रूप मँ हलाइ के ओन लोगन क बतावा कि उ पचे सज्जन मनइयन क प्रवेस दुआर पइ अहइँ।</verse>
				<verse number="3">“मइँ इ सबइ फउजन क आदेस दिहउँ जउन जुद्ध बरे आपन आपका समर्पित कइ दिहेस ह। उ मइ हउँ जउन इ सबइ जोद्धन क बोलाएस ह। मइँ आपन गुस्सा देखाउब्या। मइँ उ जोद्धन पइ गर्व करत हउँ जउन मोर सेवा करइ बरे बहोत खुस अहइ।</verse>
				<verse number="4">“पहाड़ मँ एक जोरदार सोर भवा ह। तू उ सोर क सुना। इ सोर अइसा लागत ह जइसे बहोत ढेर सारे लोगन क। बहोत सारे देसन क लोग आइके बटुरा अहइँ। सर्वसक्तिमान यहोवा आपन फउज क एक संग बोलावत अहइ।</verse>
				<verse number="5">यहोवा अउर इ सेना कउनो दूर क देस स आवत अहइँ। इ सबइ लोग छितिज क पार स किरोध परगट करइ आवति अहइँ। यहोवा इ सेना क उपयोग अइसे करी जइसे कउनो किसी सस्त्र क उपयोग करत ह। इ फउज सारे देस क बर्बाद कइ देइ।”</verse>
				<verse number="6">यहोवा क निआव क खास दिन आवइ क अहइ। एह बरे रोआ। अउ खुद आपन बरे दुःखी ह्वा। समय आवत अहइ जब सत्रु तोहार सम्पत्ति चुराइ लेइ। सर्वसक्तीमान परमेस्सर वइसा करवाइ।</verse>
				<verse number="7">लोग आपन हिम्मत छोड़ि देइहीं अउर डर लोगन क दुर्बल बनाइ देइ।</verse>
				<verse number="8">हर कउनो भयभीत होइ। डर स लोगन क अइसे दुःखइ लगिहीं जइसे कउनो बच्चा क जन्मइवाली महतारी क पेट दुःखइ लागत ह। ओनकर मुँह लाल होइ जइहीं, जइसे कउनो आगी होइ। लोग अचरजे मँ पड़ि जइहीं काहेकि ओनकर सबहिं पड़ोसियन क मुँहे पइ भी भय देखाई देइ।</verse>
				<verse number="9">लखा, यहोवा क खास दिन आवइ क अहइ। उ एक खउफनाक दिन होइ। परमेस्सर महान किरोध मँ देस क बिनास कइ देब। उ पाप क उ भुइँया स निकार देब।</verse>
				<verse number="10">आकास करिया पड़ि जइहीं, सूरज अउ चाँद नाहीं चमकिहीं। तारन आपन तारा-मण्डल मँ नाहीं टिमटिमाइ।</verse>
				<verse number="11">परमेस्सर कहेस, “मइँ इ दुनियाँ लोगन क उ बुरा चिजियन जउन उ किहेस ह क बरे जिम्मवार ठहरउब। मइँ लोगन क उ सेखी क नस्ट करब जउन दूसर लोगन बरे अरथ होइ।</verse>
				<verse number="12">हुवाँ बस थोड़े स लोग ही बचिहीं। जइसे सोना क मिलब दुरलभ अहइ, वइसे ही हुवाँ लोगन का मिलब दुर्लभ होइ जाइ। किन्तु जउन लोग मिलिहीं, उ पचे निखालिस सोना स भी जियादा मूल्यवान होइहीं।</verse>
				<verse number="13">आपन किरोध स मइँ आकास क हलाइ देबउँ। धरती आपन धुरी स डिगाइ दीन्ह जाइ।” इ सब उ समय घटी जब सर्वसक्तीमान यहोवा आपन किरोध दर्साइ।</verse>
				<verse number="14">तब बाबुल क निवासी अइसे परइहीं जइसे घायल हिरन परात ह। उ पचे अइसे परइहीं जइसे बगैर गड़रिये क भेड़ी परात ह। हर कउनो मनई पराइके आपन देस अउर आपन लोगन कइँती मुड़ आई।</verse>
				<verse number="15">किन्तु बाबुल क लोगन क पाछा ओनकर दुस्मन नाहीं छोड़िहीं अउर जब सत्रु कउनो मनई क धर पकड़ी तउ उ ओका तलवार क घाट उतारि देइ।</verse>
				<verse number="16">ओनकर घरे क हर वस्तु चुराइ लीन्ह जाइ। ओनकर पत्नियन क संग कुकरम कीन्ह जाइ अउर ओनकर नान्ह नान्ह गदेलन क लखत पीटि पीटिके मार डावा जाइ।</verse>
				<verse number="17">परमेस्सर कहत ह, “लखा, मइँ मादी क फउजन स बाबुल पइ हमला कराउब। मादी क फउजन जदि सोना अउ चाँदी क भुगतान लइ भी लेइहीं तउ भी उ पचे ओन पइ हमला करब बंद नाहीं करिहीं।</verse>
				<verse number="18">फउजन बाबुल क नउजवान मनइयन क धनुस क छिन-भिन कइ देब्या। उ पचे नान्ह लरिकन पइ दाया नाहीं देखाँइ या गदेलन तलक भी करूणा नाहीं करिहीं।</verse>
				<verse number="19">“तब बाबुल, सबइ समराज्ज मँ सबन त सुन्नर, कसदी क चमत्कारी गर्व क पूरी तरह स बर्बाद कइ दीन्ह जाब। इ उहइ तरह होइ जइसा परमेस्सर सदोम अउर अमोरा क नास किहे रहा!</verse>
				<verse number="20">किन्तु बाबुल क सुन्नरपन बना नाहीं रही। भविस्स मँ हुवाँ लोग नाहीं रइहीं। अराबी क लोग हुवाँ आपन तम्बू नाहीं गड़िहीं। गड़रियन चरावइ बरे हुवाँ आपन भेड़िन क नाहीं लिअइहीं।</verse>
				<verse number="21">जउन पसु हुवाँ रइहीं उ सबइ बस रेगिस्तान क पसु ही होइहीं। बाबुल मँ आपन घरन मँ लोग नाहीं रहि पइहीं। घरन मँ जंगली कुत्तन अउ बड़के कुकुरन चिल्लइहीं। घरन क भितरे जंगली बोकरन बिहार करिहीं।</verse>
				<verse number="22">बाबुल क बिसाल भवनन मँ जंगली कुकुरन अउर सियारन गुर्राइ। बाबुल बर्बाद होइ जाइ। बाबुल क अंत निअरे अहइ अब बाबुल क बिनास मँ अउर जियादा देरी नाहीं होइ।”</verse>
			</chapter>
			<chapter number="14">
				<verse number="1">जब यहोवा याकूब क सुख देइ अउर इस्राएल क फुन आपन लोगन क रूप मँ चुनी उ ओनका क ओकर आपन धरती मँ बसाइ। उ समइ मँ कछू बिदेसियन ओकर संग सामिल होइ जाइ अउर याकूब क परिवार क निअँबर बन जाइ।</verse>
				<verse number="2">उ सबइ जातियन इस्राएल क धरती बरे इस्राएल क लोगन क फुन वापस लइ लेइहीं। दूसर जातियन क उ सबइ मेहरारू मनसेधू इस्राएल क दास होइ जइहीं। बीते भए समय मँ ओन लोग इस्राएल क लोगन क बलपूर्वक आपन दास बनाए रहेन। इस्राएल क लोग ओन जातियन क हरइहीं अउर फुन इस्राएल ओन पइ हुकूमत करी।</verse>
				<verse number="3">यहोवा तोहरे मेहनत क खतम करी अउर तोहका आराम देइ। पहिले तू दास हुवा करत रह्या, लोग तोहका कड़ी मेहनत करइके मजबूर करत रहेन किन्तु यहोवा तोहार इ कड़ी मेहनत क अब खतम कइ देइ।</verse>
				<verse number="4">उ समय बाबुल क राजा क बारे मँ तू इ गीत गावइ लगब्या: उ राजा दुट्ठ रहा जब उ हमार सासक रहा। किन्तु अब ओकरे राज्ज क अन्त भवा।</verse>
				<verse number="5">यहोवा दुट्ठ सासकन क राज दण्ड तोड़ देत ह। यहोवा ओनसे ओनकर सक्ति छोरि लेत ह।</verse>
				<verse number="6">बाबुल क राजा किरोध मँ भरिके लोगन क पीटा करत ह। उ दुट्ठ सासक लोगन क पीटब कबहुँ बंद नाहीं किहस। उ दुट्ठ राजा किरोध मँ भरिके लोगन पइ राज किहस। उ लोगन क साथ बुरे कामन क करब नाहीं तजेस।</verse>
				<verse number="7">किन्तु अब सारा देस आराम मँ अहइ। देस मँ सान्ति अहइ। लोग अब उत्सव मनाउब सुरू किहेन ह।</verse>
				<verse number="8">तू एक बुरा सासक रह्या, अउर अब तोहार अन्त भवा ह। हिआँ तलक की चीड़ क बृच्छ भी सुस्त अहँइ। लबानोन मँ देवदार का बृच्छ भगन अहइँ। बृच्छ इ कहत हीं, “जउन राजा हमका गिराए रहा। आजु उ राजा क हीं पतन होइ ग अहइ, अउर अब उ राजा कबहुँ खड़ा नाहीं होइ।”</verse>
				<verse number="9">अधोलोक, यानी मउत क प्रदेस उत्तेजित अहइ काहेकि तू आवत अहा। अधोलोक तोहार बरे संसार क प्रमुखन क आतिमा क उठावत रहा हीं। अधोलोक तोहार स्वागत करइ बरे सिंहासन स ओन प्राचीन राजा लोगन क खड़ा करत हीं।</verse>
				<verse number="10">इ सबइ प्रमुख तोह पइ हँसी उड़इ अउर कहिहीं, “तू भी अब हमरी तरह मरा भवा सरीर अहा। अब लोग तोहार बरे भी उहइ गीतन लेखब जउन उ पचे मोरे बरे लेखेस ह।”</verse>
				<verse number="11">तोहरे अभिमान क मउत क लोक मँ खाले उतारा गवा। तोहार अभिमानी आतिमा क अवाइ क घोसणा तोहरी वीजन क संगीत करत ह। तोहरे बदन क माखियन खाइ जइहीं। तू ओन पइ अइसे ओलरब्या माना उ पचे तोहार बिछउना होइँ। कीरन अइसे तोहरी देह क ढक लेइहीं माना कउनो कमरी होइ।</verse>
				<verse number="12">हे भोर क तारा, तू धरती पइ भहराइ पड़्या। हे पेड़ तू सबहिं रास्ट्र क कमज़ोर बनाइ दिहेस, किन्तु तोहका अब काटिके गिराइ दीन्ह गवा!</verse>
				<verse number="13">तू हमेसा आपन स कहत रह्या, “मइँ अकासन पइ आरोहण करब अउर परमेस्सर क तारन क ऊपर अपना सिंहासन कायम करब अउर देवी पर्व जप्पा क चोटी पइ बैठब, जहाँ पइ जप्पा क सबन त ऊँची चोटीयन पइ देवतन अकत्र होत ह।</verse>
				<verse number="14">मइँ बादरन क वेदी तलक जाब। मइँ सर्वोच्च परमेस्सर जइसा बनब।”</verse>
				<verse number="15">किन्तु वइसा नाहीं भवा। तू परमेस्सर क संग ऊपर अकासे मँ नाहीं जाइ पाया। तोहका अधोलोक क खाले गहिर पताल मँ लइ आवा गवा।</verse>
				<verse number="16">लोग जउन तोहका टकटकी लगाइके लखा करत हीं, उ सबइ तोहरे बरे सोचा करत हीं। लोगन क आजु इ देखॉत ह कि तू बस मरा भवा अहा, अउर लोग कहा करत हीं, “का इहइ उ मनई अहइ जउन धरती क सारे राज्जन मँ भय फइलावा भवा अहइ?</verse>
				<verse number="17">का इ उहइ मनई अहइ जउन नगर बर्बाद किहेस अउर जउन धरती क उजाड़ मँ बदल दिहस? का इ उहइ मनई अहइ जउन लोगन क जुद्ध मँ बन्दी बनाएस अउर ओनका आपन घरन मँ नाहीं जाइ दिहस?”</verse>
				<verse number="18">धरती क हर राजा सान स मउत क पाएस। हर कउनो राजा क मकबरा बना अहइ।</verse>
				<verse number="19">किन्तु हे बुरे राजा, तोहका तोहरी कब्र स निकारि बहावा दीन्ह ग अहइ। तू एक ठु गिरी भई ल्हास अहा जेका जुद्ध मँ मारा गवा, अउर दूसर फउजी ओका रौंदन चला गएन। अब तू अइसा देखॉवत अहा जइसे दूसर मरे मनई देखॉत हीं। तोहका कफन मँ लपेटा गवा ह।</verse>
				<verse number="20">बहोत स अउर भी राजा लोग मरेन। ओनके लगे आपन-आपन कब्र अहइँ। किन्तु तू ओनमाँ नाहीं मिलब्या। काहेकि तू आपन ही देस क बिनास किह्या। आपन ही लोगन क तू बध किहा ह। जइसा बिनास तू मचाए रह्या।</verse>
				<verse number="21">ओकरी सन्तानन क बध तइयारी करा। तू ओनका मउत क घाट उतारा काहेकि ओनकर पिता अपराधी अहइ। अब कबहुँ ओकरे पूत नाहीं होइहीं। ओकर सन्तानन अब कबहुँ भी संसार क आपन नगरन स नाहीं भरिहीं। तोहार सन्तानन वइसा करत नाहीं रहिहीं। तोहरी सन्तानन क वइसा करइ स रोक दीन्ह जाइ।</verse>
				<verse number="22">सर्वसक्तिमान यहोवा कहेस, “मइँ खड़ा होब अउर ओन लोगन क खिलाफ लड़ब। मइँ मसहूर नगर बाबुल क उजारि देबउँ। बाबुल क सबहिं लोगन क मइँ नस्ट कइ देब। मइँ ओनकर सन्तानन, पोते-पोतियन अउर सन्तानन क मेट देबउँ।” इ सबइ सब बातन यहोवा खुद कहे रहा।</verse>
				<verse number="23">यहोवा कहे रहा, “मइँ बाबुल क बदल डाब। उ ठउरे मँ पसुअन क बास होइ, न कि मनइयन क। उ ठउर दलदल क प्रदेस बनि जाइ। मइँ ‘विनास क झाड़ू’ स बाबुल क बाहेर कइ देब।” सर्वसक्तिमान यहोवा इ सबइ बातन कहे रहा।</verse>
				<verse number="24">सर्वसक्तिमान यहोवा एक बचन दिहे रहा। यहोवा कहे रहा, “मइँ बचन देत हउँ, कि इ सबइ बातन ठीक वइसे ही घटिहीं, जइसे मइँ एनका सोचेउँ ह। इ सबइ बातन ठीक वइसे ही घटिहीं जइसे कि मोर योजना अहइ।</verse>
				<verse number="25">मइँ आपन देस मँ अस्सूर क राजा क नास करब आपन पहाड़न पइ मइँ अस्सूर क राजा क आपन गोड़न तले कुचरि डाउब। उ राजा मोरे लोगन क आपन दास बनाइके ओनकर कन्धन पइ एक जूआ रख दिहेस ह। यहूदा क गर्दन स उ जूआ उठाइ लीन्ह जाइ। उ बिपत्ति क उठावा जाइ।</verse>
				<verse number="26">मइँ आपन लोगन बरे अइसी ही जोजना बनावत हउँ। सबहिं जातियन क सजा देइ बरे, मइँ आपन सक्ति क प्रयोग करब।”</verse>
				<verse number="27">यहोवा जब कउनो जोजना बनावत ह तउ कउनो भी मनई उ जोजना क रोक नाहीं सकत। यहोवा लोगन क सजा देइ बरे जब आपन हाथ उठावत ह तउ कउनो भी मनई ओका रोक नाहीं सकता।</verse>
				<verse number="28">इ दुःखद सँदेसा उ बरिस दीन्ह गवा रहा जब राजा आहाज क मउत भइ रही।</verse>
				<verse number="29">हे, पलिस्तियो क प्रदेसो! तू बहोत खुस अहा काहेकि जउन राजा तोहका मार लगावा करत रहा, आजु मर चुका अहइ। किन्तु तोहका असलियत मँ खुस नाहीं होइ चाही। इ फुरइ अहइ कि ओकरे सासन क अंत होइ चुका अहइ। किन्तु उ राजा क पूत अबहिं आइके राज करी अउ उ एक अइसे साँप क समान होइ जउन खउफनाक नागन क जन्म दिया करत ह। इ नवा राजा तू लोगन बरे एक ठु बड़के फुर्तीले खउफनाक नाग क जइसा होइ।</verse>
				<verse number="30">किन्तु मोरे दीन जन सुरूच्छा पूर्वक खात पिअत रहि पइहीं। ओनकर सन्तानन भी सुरच्छित रइहीं। मोरे दीनजन, सोइ सकिहीं अउर सुरच्छित अनुभव करिहीं। किन्तु तोहरे परिवार क भूख स मार डाउब अउर तोहार सबहिं बचे भए लोग मरि जइहीं।</verse>
				<verse number="31">हे नगर दुआर क बासियो, रोवा! नगर मँ बसइयो तू लोग, चीखा-चिल्ला! पलिस्ती क तू सब लोगो डेराइ जाब्या। तोहार हिम्मत गरम मोम क नाई टेघरिके ढल जाइ। उत्तर दिसा कइँती लखा! हुवाँ धूरि क एक बादर अहइ। लखा, अस्सूर स एक फउज आवति अहइ। उ फउज क सबहिं लोग बलवान अहइँ।</verse>
				<verse number="32">उ फउजी आपने नगर मँ दूत पठइहीं। दूत आपन लोगन स का कहिहीं? उ पचे एलान करिहीं: पलिस्ती हार गवा, किन्तु यहोवा सिय्योन क सुदृढ़ बनाएस ह, अउर ओकर दीन्ह जन हुवाँ रच्छा पावइ क गएन।</verse>
			</chapter>
			<chapter number="15">
				<verse number="1">इ दुःखद संदेस मोआब क बारे मँ अहइ: एक राति मोआब मँ स्थित आर नगर लूटा गवा, उ तहस नहस कइ दीन्ह गवा। एक राति मोआब मँ स्थित आर नगर लूटा गवा, उ नगर तहस नहस कइ दीन्ह गवा।</verse>
				<verse number="2">राजा क घराना अउ दिबोन क निवासी आपन दुःख रोवइ क ऊँचके पइ पूजा ठउरन पइ चला गएन। मोआब क निवासी नबो अउर मेदबा बरे रोवत हीं। ओन सबहिं लोग आपन दाढ़ी अउ मूँड़ आपन सोक दर्सावइ बरे मुड़वाए रहेन।</verse>
				<verse number="3">मोआब मँ सब कहूँ घरन अउ गलियन मँ, लोग सोक वस्त्र पहिरिके हाय हाय करत हीं।</verse>
				<verse number="4">हेसबोन अउ एलाले नगरन क निवासी बहोत ऊँच सुर मँ विलपत अहइँ। बहोत दूर यहस क नगरी तलक उ विलाप उनका जाइ सकत ह। हिआँ तलक कि फउजी भी डेराइ ग अहइँ। उ सबइ फउजी भय स काँपत अहइँ।</verse>
				<verse number="5">मोर मन दुःख स मोआब बरे रोवत अहइ। लोग कहूँ सरण पावइ बरे दउड़त अहइँ। उ पचे सुदूर जोआर मँ जाइ क भागत अहइँ। लोग दूर क देस एग्लतसलीसिय्या क परात अहइँ। लोग लूहीत क पहाड़ी चढ़ाइ पइ रोवत बिलखत भए परात अहइँ। लोग होरोनैम क मार्ग पइ अउर उ पचे बहोत ऊँच ऊँच सुर मँ बिलखत भए जात अहइँ।</verse>
				<verse number="6">निम्रीम क नाला अइसे झुराइ गवा जइसे रेगिस्तान झुरान होत ह। सबहिं गेहुँअन क पउधा काटइ क पहिले मुरझा गएन। सबइ घास खतम होइ गएन। हुवाँ कछू भी हरा नाहीं बचा बाटइ।</verse>
				<verse number="7">तउ लोग जउन कछू ओनके लगे अहइ ओका बटोरा करत हीं, अउर मोआब क तजत हीं। ओन वस्तुअन क लइके उ पचे नाले (पाप्लर या अराबा) स सीमा पार करत अहइँ।</verse>
				<verse number="8">मोआब मँ हर कहूँ विलाप ही सुनाई देत ह। दूर क नगर एगलैम मँ लोग बिलखत बाटेन। बेरेलीम नगर क लोग विलाप करत अहइँ।</verse>
				<verse number="9">दीमोन नगर क जल खून मँ बदलि गवा अहइ। अउर मइँ दीमोन पइ अबहिं अउर बिपत्तियन डाउब। मोआब क कछू निवासी सत्रु स बचि गवा अहइँ। मइँ ओन लोगन क खाइ बरे सेरन क पठउब।</verse>
			</chapter>
			<chapter number="16">
				<verse number="1">सेला क नगर स मेमनन यहूदा क नवा राजा बरे नज़राना पठावा; तू पचन्क रेगिस्तान स होत भए सिय्योन क बिटिया क पठवा।</verse>
				<verse number="2">मोआब क मेहररूअन उ बे सहारे नान्ह चिरइयन क जइसा अहइँ जउन आपन घोंसला स धरती पइ गिर गवा ह। उ पचे अर्नीन नदी क पार करइ बरे इधर-उधर दउड़त अहइ।</verse>
				<verse number="3">उ सबइ विन्ती करत अहइँ, “हमार मदद करा! बतावा हम का करी! तू हमका मुसीबत स अइसा बचावा जइसा दोपहर क धूप स एक आंधर छाया हमका बचावत ह। हम सत्रुअन स भागत अही। तू हमका छुपाइ ल्या। हम का तू सत्रुअन क हाथन मँ पड़इ न द्या।”</verse>
				<verse number="4">ओन मोआब बासियन क आपन घर तजइ क मजबूर कीन्ह गवा रहा। एह बरे तू ओनका आपन धरती पइ रहइ द्या। तू ओनके सत्रुअन क छुपाइ ल्या। इ लूट रुक जाइ। सत्रु हार जइहीं अउर अइसे मनसेधू दूसर क नोस्कान करत हीं, इ धरती स उखड़िहीं।</verse>
				<verse number="5">फुन एक ठु नवा राजा आइ। इ राजा दाउद क घराने स होइ। उ सच्चाई स पूर्ण, करूणावाला अउ दयालु होइ। इ राजा निआव कर्ता अउ निस्पच्छ होइ। उ खरे अउ नीक काम करी।</verse>
				<verse number="6">हम सुना ह कि मोआब क लोग बहोत अभिमानी अउ घमण्डी अहइँ। इ सबइ लोग हिंसक अहइँ अउ बड़ा बोले भी। एनकर बड़ा बोल फुरइ नाहीं अहइ।</verse>
				<verse number="7">समूचा मोआब देस आपन अभिमान क कारण कस्ट उठाई। मोआब क सारे लोग विलाप करिहीं। उ सबइ लोग बहोत दुःखी रइहीं। उ पचे अइसी वस्तुअन क इच्छा करिहीं जइसी ओनके लगे पहिले हुवा करत रहीं। उ पचे कीरहरासत मँ बने भए अंजीर क पूड़न क इच्छा करिहीं।</verse>
				<verse number="8">उ सबइ लोग बहोत दुःखी रहा करिहीं काहेकि हेसबोन क खेत अउर सिबमा क अंगूर क बेलन मँ अंगूर नाहीं लगाइ पावत अहइँ। बाहेर क सासकन अंगूर क बेलन क काट फेकेन ह। याजेर क नगरी स लइके रेगिस्ताने मँ दूर दूर तलक सत्रु क फउजन फइल गइ अहइँ। उ पचे सागर क किनारे तलक जाइ पहोंची अहइँ।</verse>
				<verse number="9">“मइँ ओन लोगन क साथ बिलाप करब जउन याजेर अउ सिबमा क निवासी अहइँ काहेकि अंगूर नस्ट कीन्ह गएन। मइँ हेसबोन अउ एलाले क लोगन क साथ सोक करब काहेकि हुवाँ फसल नाहीं होइ। हुवाँ गर्मी क कउनो फल नाहीं होइ। हुवाँ पइ आनन्द क ठहाके भी नाहीं होइहीं।</verse>
				<verse number="10">अंगूरे क बगिया मँ आनन्द नाहीं होइ अउर न ही हुवाँ गीत गावा जइहीं। मइँ कटनी क समय क सारी खुसी खतम कइ देब। दाखरस बनवइ बरे अंगूर तउ तइयार अहइँ, किन्तु उ सबइ बर्बाद होइ जइहीं।</verse>
				<verse number="11">एह बरे मइँ मोआब बरे बहोत दुःखी हउँ। मइँ कीरहरैम बरे बहोत दुःखी हउँ। मइँ ओन नगरन बरे बहोत जियादा दुःखी हउँ।</verse>
				<verse number="12">मोआब क निवासी आपन ऊँचे पूजा क ठउरन पइ जइहीं। उ सबइ लोग पराथना करइ क जतन करिहीं। किन्तु उ सबइ ओन सबहिं बातन क लखिहीं। जउन कछू घटि चुकी अहइ, अउर उ पचे पराथना करइ क दुर्बल होइ जइहीं।”</verse>
				<verse number="13">यहोवा मोआब क बारे मँ पहिले अनेक दाई इ सबइ बातन कहे रहा।</verse>
				<verse number="14">अउर अब यहोवा कहत ह, “तीन बरिस मँ (उ रीति स जइसे किराये क मजदूर समय गनत ह) उ पचे सबहिं मनई अउर ओनकर उ सबइ वस्तुअन जेन पइ ओनका गर्व रहा, नस्ट होइ जइहीं। हुवाँ बहोत थो़डे स लोग बचिहीं, बहोत स नाहीं।”</verse>
			</chapter>
			<chapter number="17">
				<verse number="1">इ दमिस्क बरे दुःखद सँदेसा अहइ। यहोवा कहत ह कि दमिस्क क साथ मँ बातन घटिहीं: “दमिस्क जउन आज नगर अहइ किन्तु कल उ उजड़ि जाइ। दमिस्क मँ बस टूटे फूटे भवन ही बचिहीं।</verse>
				<verse number="2">अरोएर क नगरन क लोग तजि जइहीं। ओन उजड़े भए नगरन मँ भेड़िन क खरका खुली घुमिहीं। हुवाँ कउनो ओनका डरावइवाला नाहीं होइ।</verse>
				<verse number="3">समारिया, एप्रैम क गढ़ नगर ध्वस्त होइ जइहीं। दमिस्क क सासन क अन्त होइ जाइ। इस्राएल अउर आराम दुइनउँ देसन मँ इ सबहिं घटना एक समान घटिहीं। दुइनउँ देस आपन सक्ति अउर महिमा खोइ देब।” सर्वसक्तीमान यहोवा बताएस कि इ सबइ बातन होइहीं।</verse>
				<verse number="4">ओन दिनन याकूब अपनी सारी सम्पत्ति खोइ देइ। याकूब वइसा होइ जाइ जइसा मनई रोग स दुबला होइ।</verse>
				<verse number="5">उ समय क सज़ा अइसा होइ जइसे रपाईम घाटी मँ फसल काटइ क समय होत ह। मजदूर ओन पउधन क बटोरत हीं जउन खेते मँ उपजत हीं। फुन उ पचे ओन पउधन क बालन क काटत हीं अउर ओनसे अनाजे क दाना निकारत हीं।</verse>
				<verse number="6">उ समय ओह समय क समान होइ जब लोग जैतून क फसल उतारत हीं। लोग जैतून क बृच्छन स जैतून झाड़त हीं। किन्तु बृच्छ क चोटी पइ प्राय: कछू फल तब भी बचा रहत हीं। चोटी क कछू डारन पइ चार पाँच जइतून क फल छूट जात हीं। ओन नगरन मँ भी अइसा ही होइ। सर्वसक्तिमान यहोवा इ सबइ बातन कहे रहा।</verse>
				<verse number="7">उ समय लोग परमेस्सर कइँती निहरिहीं। परमेस्सर, जउन ओनकर रचना किहेस ह। उ सबइ इस्राएल क पवित्तर कइँती मदद खातिर लखिहीं।</verse>
				<verse number="8">लोग ओन वेदियन पइ बिस्सास करब खतम कइ देइहीं जेनका उ पचे खुद आपन हाथन स बनाए रहा। असेरा देवी क जेन खम्मन अउ धूप बारइ क बेदियन क उ पचे आपन अँगुरियन स बनाए रहा, उ पचे ओन पइ भरोसा करब बंद कइ देइहीं।</verse>
				<verse number="9">उ समय, सबहिं गढ़-नगर उजड़ जइहीं। उ सबइ नगर अइसे पर्वत अउर जंगलन क समान होइ जइहीं, जइसे उ पचे इस्राएलियन क आवइ स पहिले हुवा करत रहेन। बीते भए दिनन मँ हुवाँ स सबहिं लोग दूर भाग गए रहेन काहेकि इस्राएल क लोग हुवाँ आवत रहेन। भविस्स मँ इ देस फुन उजड़ जाइ।</verse>
				<verse number="10">अइसा एह बरे होइ काहेकि तू आपन उद्धारकर्ता परमेस्सर क बिसराइ दिहा ह। तू इ याद नाहीं राख्या कि परमेस्सर ही तोहार सरणस्थल अहइ। तू सुदूर जगहन स बहोत नीक अंगूर क बेलन लिआए रह्या। तू अंगूरे क बेलन क रोप सकत ह किन्तु ओन पउधन मँ बढ़वार नाहीं होइ।</verse>
				<verse number="11">एक दिन तू आपन अंगूर क ओन बेलन क रोपब्या अउर ओनकर बढ़वार क जतन करब्या। अगवा दिन, उ सबइ पउधन बड़इ भी लगिहीं किन्तु फसल उतारइ क समय जब तू ओन बेलन क फल बटोरइ जाब्या तब लखब्या कि सब कछू झुराइ चुका अहइ। एक बेरामी सबहिं पउधन क अंत कइ देइ।</verse>
				<verse number="12">हे लोगन क भीड़ क सुना, उ गर्जत भवा समुद्दर क नाईं आवाज करत हीं! हे भीड़ क सोर सुना, उ सागर क ज्वार-भाट क टकराइ क नाईं आवाज करत ह।</verse>
				<verse number="13">हाँ उ भीड़ ओनहीं लहरन जइसे अहइ। मुला उ पचे सबहिं लहरन क नाईं पराइ जाइ जब परमेस्सर ओनका झिड़की! लोग उ भूसे क नाई होइहीं जेकरी पहाड़ी पइ हवा उड़ावत फिरत ह। लोग वइसे ही होइ जइही जइसे आँधी क जरिया वस्तुअन क उखाड़े जात अहइ। आँधी ओनका उड़ावत ह अउर दूर लइ जात ह।</verse>
				<verse number="14">उ रात लोग बहोत ही डेराइ जइहीं। सुबह होइस पहिले, कछू भी नाहीं बच पाई। तउ सत्रुअन क हुवाँ कछू भी हाथ नाहीं आई। उ पचे हमार धरती कइँती अइहीं, किन्तु हुवाँ भी कछू नाहीं होइ।</verse>
			</chapter>
			<chapter number="18">
				<verse number="1">उ धरती क लखा जउन इथोपिया क नदियन क साथ-साथ फइली अहइ। इ धरती मँ कीड़े-मकोड़े भरे पड़ा अहइँ। तू ओनके पखनन क भिन्नाहट सुन सकत ह।</verse>
				<verse number="2">इ धरती लोगन क सरकण्डन क नइयन स सागर क पार पर पठवत ह। हे तेज चलइवाले हरकारो, एक अइसी जाति क लोगन क लगे जा जउन लम्बे अउर सक्तीसाली अहइँ! एन लम्बे सक्तिसाली लोगन स सब कहूँ क लोग डेरात हीं। उ पचे एक बलवान जाति क लोग अहइँ। ओनकर जाति दूसर जातियन क हराइ देत ह। उ पचे एक अइसे देस क अहइँ जेका नदियन बाँट देत हीं।</verse>
				<verse number="3">उ अइसे ओन लोगन क सावधान कइ द्या कि ओनके संग कउनो बुरी घटना घटइ क अहइ। उ जाति क साथ घटत भइ इ घटना क दुनिया क सब लोग लखिहीं। लोग एका इ तरह साफ साफ लखिहीं, जइसे पहाड़ पइ लगे भए झण्डे क लोग निहारत हीं। एन लम्बे अउर सक्तीसाली मनइयन क साथ जउन बातन घटिहीं, ओनके बारे मँ इ धरती क सबहिं निवासी सुनिहीं। एका उ पचे ऍतनी स्पस्टता स सुनिहीं जेतनी स्पस्टता स जुद्ध स पहिले बजइवाले नरसिंहे क अवाज सुनाई देत ह।</verse>
				<verse number="4">यहोवा कहेस, “जउन ठउर मोरे बरे तइयार कीन्ह ग अहइ, मइँ उ ठउर पइ होब। मइँ चुपचाप एन बातन क घटत भए लखब। गर्मी क एक सुहावने दिन दोपहर क समय जब लोग अराम करत रहे होइहीं (यह तब होइ जब कटनी क गर्म समय होइ, बर्खा नाहीं होइ, बस अलख सुबह क ओस ही पड़ी।)</verse>
				<verse number="5">तबहिं कउनो बहोत भयानक बात घटी। इ उ समय होइ जब फूल खिल चुका होइहीं अउर ओनकर बढ़त होत रही होइ। किन्तु फसल उतारइ क समय स पहिले ही दुस्मन आइ अउर एन पउधन क काटि डाइ। सत्रु आइके अंगूरे क सबइ लता क तोरि डाइ अउर ओनका कहूँ दूर लोकाइ देइ।</verse>
				<verse number="6">अंगूरे क इ सबइ बेलन सिकारी पहाड़ी पंछियन अउर जंगली जानवरन क खाइ बरे छोड़ि दीन्ह जाइ। गर्मियन मँ पंछी एन दाख क सबइ लता मँ बसेरा करिहीं अउर उ सर्दी मँ जंगली पसु एन दाख क सबइ लता क चरिहीं।”</verse>
				<verse number="7">उ समय, लम्बे अउर सक्तीमान लोगन क सर्वसक्तिमान यहोवा क एक खास भेंट क रूप मँ चढ़ाई जाइँ। सब कहूँ क लोग एन लोगन स डेरात हीं। इ सबइ एक सक्तीसाली रास्ट्र क लोग अहइँ। उ पचे बिदेसी भासा बोलइ। इ रास्ट्र दूसर रास्ट्र क लोगन क जीतइ लेइ। इ सबइ एक अइसे देस क अहइँ, जउन नदियन स बँटा अहइँ। इ भेंट यहोवा क ठउर, सिय्योन पर्वत पइ स्वीकार करी जाइँ।</verse>
			</chapter>
			<chapter number="19">
				<verse number="1">मिस्र क बारे मँ दुःखद सँदेसा: लखा! एक उड़त भए बादर पइ यहोवा आवत अहइ। यहोवा मिस्र मँ प्रवेस करी अउर मिस्र क सारे लबार देवता डर स थर थर काँपइ लगिहीं। मिस्र वीर रहा किन्तु ओकर बहादुरी मोम क तरह टेघरिके बहि जाइ।</verse>
				<verse number="2">परमेस्सर कहत ह, “मइँ मिस्र क लोगन क आपुस मँ ही एक दूसर क खिलाफ जुद्ध करइ बरे हुस्काउब। लोग आपन ही भाइयन स लड़िहीं। पड़ोसी, पड़ोस क विरोध मँ होइ जाइ। नगर, नगर क विरोध मँ अउर राज्ज, राज्ज क खिलाफ होइ जाइ।</verse>
				<verse number="3">मिस्र क लोग चक्कर मँ पड़ि जइहीं। उ सबइ लोग आपन लबार देवतन क अउर बुद्धिमान लोगन स पूछिहीं कि ओनका का करइ चाही। उ पचे लोग आपन ओझन अउ जादूगरन स पूछताछ करिहीं किन्तु ओनकर सलाह बेकार होइ।”</verse>
				<verse number="4">सुआमी, सर्वसक्तीमान यहोवा कहेस: “मइँ (परमेस्सर) मिस्र क कठोर सुआमियन क सौंपब। एक सक्तीसाली राजा लोगन पइ राज करी।”</verse>
				<verse number="5">नील नदी क पानी झुराइ जाइ। नदी क तल मँ पानी नाहीं रही।</verse>
				<verse number="6">सबहिं नदियन स दुर्गन्ध आवइ लागी। मिस्र क नहरन झुराइ जइहीं। हवाँ पानी नाहीं रहइँ। पानी क सबहिं पउधन सड़ जइहीं।</verse>
				<verse number="7">उ पचे सबहिं पउधन जउन नदी क किनारे उगे होइहीं, झुराइके उड़ि जइहीं। हिआँ तलक कि उ सबइ पउधन भी, जउन नदी क सबन ते चौड़े हीँसा मँ होइहीं, बेकार होइ जइहीं।</verse>
				<verse number="8">“मछुआरे, अउर उ सबइ लोग जउन नील नदी स मछरियन पकड़ा करत हीं, दुःखी होइके त्राहि-त्राहि कइ उठिहीं। उ पचे आपन भोजन बरे नील नदी क सहारे पइ अहइँ किन्तु उ झुराइ जाइ।</verse>
				<verse number="9">उ सबइ लोग जउन कपड़ा बनावा करत हीं, बहोत जियादा दुःखी होइहीं। एन लोगन क सन क कपड़ा बनावइ बरे पटसन क जरूरत होइ किन्तु नदी क झुराइ जाइ स सने क पौधन क बढ़ोतरी नाहीं होइ पाई।</verse>
				<verse number="10">पानी ऍकट्ठा करइ बरे बाँध बनावइवाले लोगन क पास काम नाहीं रहि जाइ। तउ उ पचे बहोत दुःखी होइहीं।</verse>
				<verse number="11">“सोअन नगर क मुखिया मूरख अहइँ। फिरौन क बुद्धिमान मन्त्री गलत सलाह देत हीं। उ सबइ मुखिया लोग कहत हीं कि उ पचे बुद्धिमान अहइँ। ओनकर कहब अहइ कि उ पचे पुराना राजा लोगन क सन्तान अहइँ। किन्तु जइसा उ पचे सोचत हीं, वइसे बुद्धिमान नाहीं अहइँ।”</verse>
				<verse number="12">हे मिस्र, तोहार बुद्धिमान मनसेधू कहाँ अहइँ? ओन बुद्धिमान लोगन क सर्वसक्तीमान यहोवा मिस्र बरे जउन जोजना बनाएस ह, ओनकर पता होइ चाही। ओन लोगन क, जउन होइवाला अहइ, तू पचन्क बतावइ चाही।</verse>
				<verse number="13">सोअन क मुखिया मूर्ख बनाइ दीन्ह ग अहइँ। नोप क मुखिया लोग झूठी बातन पइ बिस्सास किहेन ह। तउ मुखिया लोग मिस्र क गलत राहे पइ लइ जात हीं।</verse>
				<verse number="14">यहोवा मुखिया लोगन क उलझन मँ डाइ दिहस ह। उ सबइ भटक ग अहइँ अउर मिस्र क गलत राहे पइ लइ जात अहइँ। उ पचे नसे मँ धुत अइसे लोगन क नाई अहइ जउन बेरामी क कारण धरती मँ लउटत अहइँ।</verse>
				<verse number="15">मिस्र क बरे कउनो वुछ नाहीं कइ पाइ। (फिन चाहे उ सबइ मूँड़ होइँ या पूँछ, “खजूरे क डारि होइ या सरकंडा।” अर्थात् “महत्व स पूर्ण होइ या बगैर महत्व क लोग।”)</verse>
				<verse number="16">उ समय, मिस्र क निवासी डेरान मेहररूअन क नाई होइ जइहीं। उ सबइ सर्वसक्तिमान यहोवा स डेरइहीं। यहोवा लोगन क सजा देइ बरे हाथ उठाइ अउर लोग डेराइ जइहीं।</verse>
				<verse number="17">मिस्र मँ सब लोगन बरे यहूदा क प्रदेस भय क कारण होइ। मिस्र मँ कउनो भी यहूदा क नाउँ सुनिके डेराइ जाइ। अइसा एह बरे होइ काहेकि सर्वसक्तीमान यहोवा सबइ खउफनाक घटना क घटावइ बरे जोजना बनाएस ह।</verse>
				<verse number="18">उ समइ मँ, मिस्र मँ अइसे पाँच सहर होइहीं जहाँ लोग कनान क भाखा (यहूदी भाखा) बोलिहीं। एनॅ नगरन मँ एक नगर क नाउँ “नास क नगरी” होइ। लोग सर्वसक्तीमान यहोवा क अनुसरण क प्रतिग्या करिहीं।</verse>
				<verse number="19">उ समय मिस्र क बीच मँ यहोवा बरे एक वेदी होइ। मिस्र क सीमा पइ यहोवा क आदर देइ बरे एक ठु स्मारक होइ।</verse>
				<verse number="20">इ इ बात क प्रतीक होइ कि सर्वसक्तिमान यहोवा सक्तिमान कार्य करत ह। जब कबहुँ लोग मदद बरे यहोवा क गोहरइहीं, यहोवा मदद पठई। यहोवा लोगन क बचावइ अउर ओनकर रच्छा करइ बरे एक मनई पठइ। उ मनई ओन मनइयन क ओन दूसर लोगन स बचाई जउन ओने साथ बुरी बातन करत हीं।</verse>
				<verse number="21">फुरइ उ समय, मिस्र क लोग यहोवा क जानिहीं। उ सबइ लोग परमेस्सर स पिरेम करिहीं। उ सबइ लोग परमेस्सर क सेवा करिहीं अउर बहोत स बलियन चढ़इहीं। उ सबइ लोग यहोवा क मनौतियन मनिहीं अउर ओन मनौतियन क पालन करिहीं।</verse>
				<verse number="22">यहोवा मिस्र क लोगन क सजा देइ। फुन यहोवा ओनका (चंगा) छिमा कइ देइ अउर उ पचे यहोवा कइँती लउटि अइहीं। यहोवा ओनकर पराथनन सुनी अउर ओनका छिमा कइ देइ।</verse>
				<verse number="23">उ समय, हुवाँ एक अइसा राजमार्ग होइ जउन मिस्र स अस्सूर जाइ। फुन अस्सूर स लोग मिस्र मँ जइहीं अउर मिस्र स अस्सूर मँ। मिस्र अस्सूर क लोगन क संग परमेस्सर क उपासना करी।</verse>
				<verse number="24">उ समय, इस्राएल अस्सूर अउ मिस्र आपुस मँ एक होइ जइहीं अउर पृथ्वी पइ सासन करिहीं। इ सासन धरती बरे वरदान होइ।</verse>
				<verse number="25">सर्वसक्तिमान यहोवा एन देसन क आसीर्बाद देइ। उ कही, “हे मिस्रियो! तू पचे मोर लोग अहा। हे अस्सूर क लोगो, उ मइँ हउँ जउन तोहका बनाएस। हे इस्राएलियो, तू अहा। मइँ तू सबन क आसीर्बाद देउँ ह!”</verse>
			</chapter>
			<chapter number="20">
				<verse number="1">सर्गोन अस्सूर क राजा रहा। सर्गोन तर्तान क नगर क खिलाफ जुद्ध करइ बरे असदोद पठएस। तर्तान हुवाँ जाइके सहर पइ कब्जा कइ लिहस।</verse>
				<verse number="2">उ समय आमोस क पूत यसायाह क जरिये यहोवा कहेस, “जा, अउर अपने कमर स सोक वस्त्र उतारिके लोकावा। अपने गोड़न क जूतियन उतारि द्या।” यसायाह यहोवा क हुकुम क पालन किहस अउर उ बगैर कपड़न अउ बगैर जूतन क एहर-ओहर घूमा।</verse>
				<verse number="3">फुन यहोवा कहेस, “यसायाह तीन बरिस तलक बगैर कपड़न अउर बगैर जूतियन पहिरे एहर-ओहर घूमत रहा ह। मिस्र अउ इथोपिया बरे इ एक संकेत अहइ कि</verse>
				<verse number="4">अस्सूर क राजा मिस्र अउ इथोपिया क हराइ। अस्सूर हुवाँ क बंदियन क लइके, ओनकर देसन स दूर लइ जाइ। बूढ़े मनई अउ जवान लोग बगैर कपड़न अउ नंगे गोड़न लइ जावा जइहीं। उ पचे पूरी तरह स नंगा होइहीं। मिस्र क लोग लजाइ जइहीं।</verse>
				<verse number="5">जउन लोग मदद बरे इथोपिया कइँती लखा करत रहेन, उ सबइ टूट जइहीं। जउन लोग मिस्र क महिमा स चकित रहेन उ पचे लज्जित होइहीं।”</verse>
				<verse number="6">समुद्दर क लगे बसइया लोग, उ पचे कहिहीं, “हम मदद बरे ओन देसन पइ बिस्सास कीन्ह। हम पचे ओनके लगे धावत गए ताकि उ पचे हमका अस्सूर क राजा स बचाइ लें किन्तु ओन देसन क लखा कि ओन देसन पइ ही जब कब्जा कइ लीन्ह गवा तब हम कइसे बच सक्ति रहे”</verse>
			</chapter>
			<chapter number="21">
				<verse number="1">सागर क रेगिस्तान क बारे मँ दुःखद सँदेसा: रेगिस्ताने स कछू आवइवाला अहइ, इ नेगव स आवत हवा जइसा आवति बाटइ। इ कउनो खउफनाक देस स आवति अहइ।</verse>
				<verse number="2">मइँ कछू लखेउँ ह जउन बहोत ही भयानक अहइ अउर घटइ ही वाला अहइ। मोका गद्दार तोहका धोखा देत भए देखॉत हीं। मइँ लोगन क तोहार पचन्क धन छोरत भए लखत हउँ। एलाम, तू जा अउर जुद्ध करा! मादै, तू आपन फउजन लइके नगर क घेरि ल्या अउर ओका हरावा। मइँ उ बुराई क अन्त करब जउन उ नगर मँ बाटइ।</verse>
				<verse number="3">मइँ इ सबइ भयानक बातन लखेउँ अउर अब मइँ बहोत डेराइ गएउँ ह। डर क मारे पेट मँ दर्द होत अहइ। इ दर्द जच्चा क पीरा जइसा अहइ। जउन बातन मइँ सुनत हउँ, उ सबइ मोका बहोत डेरावत अहइ। जउन बातन मइँ लखत हउँ, ओनके कारण मइँ डर क मारे काँपइ लागत हउँ।</verse>
				<verse number="4">मइँ चिन्तित हउँ अउर भय स थर-थर काँपत हउँ। मोर सुहावनी साँझ डर क रात बन गई ह।</verse>
				<verse number="5">लोगन सोचत हीं, सब कछू ठीक अहइ। लोग कहत हीं, “चौकी तइयार करा अउर ओह पइ आसन बिछावा, खा, पिआ।” किन्तु मोर कहब अहइ, “मुखिया लोगो! खड़ा ह्वा अउर जुद्ध क तइयारी करा।” उहइ समय फउजी कहत अहइँ, “पहरूअन क तैनात करा। अधिकारी लोगो, खड़ा होइ जा अउर आपन ढालन क झलकावा!”</verse>
				<verse number="6">मोर सुआमी मोका इ सबइ बातन ह, “जा अउर नगर क रच्छा बरे कउनो मनई क हेरा।</verse>
				<verse number="7">जदि उ रखवारा घुड़सवारन क, गदहन क या ऊँटन क कतारन क लखइँ तउ ओका होसियारी क साथ सुनइ चाही।”</verse>
				<verse number="8">तउ फुन उ पहरूआ जोर स बोला पहरूआ कहेस, “मोर सुआमी, मइँ हर दिन चौकीदार क बुर्ज पइ चौकादारी करत आएउँ ह। हर राति मइँ खड़ा भवा पहरा देत रहत हउँ।</verse>
				<verse number="9">मुला लखा! उ पचे आवत अहइँ। मोका घुड़सवारन क कतारन देखॉइ देत अहइँ।” फुन सँदेसवाहक कहेस, “बाबुल हार गवा, बाबुल धरती पइ ध्वस्त कीन्ह गवा। ओकरे मिथ्या देवन क सबहिं मूरतियन धरती पइ लुढ़काइ दीन्ह गइन अउर उ सबइ चकनाचूर हो गइन ह।”</verse>
				<verse number="10">यसायाह कहेस, “हे खरिहाने मँ अनाज क तरह रौंदे भए मोर लोगो, मइँ सर्वसक्तीमान यहोवा, इस्राएल क परमेस्सर स जउन कछू सुना ह, सबइ तू पचन्क बताइ दीन्ह ह।”</verse>
				<verse number="11">दूमा बरे दुःखद सँदेसा। सेईर स मोका कउनो गोहराएस। उ मोहसे कहेस, “हे पहरू, रात अबहिं केतॅनी बाकी बची बाटइ? अबहिं अउर केतनी देर इ रात रही।”</verse>
				<verse number="12">पहरूआ कहेस, “भोर होइ क अहइ मुला राति फुन स आई। अगर तोहका कउनो बात पूछब अहइ तउ लउट आवा अउर मोहसे पूछ ल्या।”</verse>
				<verse number="13">अरब बरे दुःखद सँदेसा हे ददानी क काफिले, तू रात क रेगिस्तान मँ कछू बृच्छन क लगे गुजार ल्या।</verse>
				<verse number="14">कछू पियासे यात्रियन क पिअइ क पानी द्या। तेमा क लोगो, ओन लोगन क खइया क द्या जउन जात्रा करत अहइँ।</verse>
				<verse number="15">उ सबइ लोग अइसी तरवारन स परात अहइँ जउन ओनका मारइ क तत्पर रहेन। उ सबइ लोग ओन धनुसन स बचिके परात रहेन जउन ओन पइ छूटइ बरे तने भए रहेन। उ सबइ भीसण लड़ाइ स परात रहेन।</verse>
				<verse number="16">मोर सुआमी यहोवा मोका बताए रहा कि अइसी बातन घटिहीं। यहोवा कहे रहा, “एक बरिस मँ (एक अइसा ढंग जेहसे मजदूर किराये क समय क गनत ह।) केदार क वैभव बर्बाद होइ जाइ।</verse>
				<verse number="17">उ समय केदार क थोड़े स धनुसधारी, प्रतापी फउजी ही जिअत बच पइहीं।” इस्राएल क परमेस्सर यहोवा मोका इ सबइ बातन बताए रहा।</verse>
			</chapter>
			<chapter number="22">
				<verse number="1">दिव्य दर्सन क घाटी क बारे मँ दुःखद सँदेसा: तू लोगन क साथ का भवा ह? काहे तू पचे आपन घरन क छतन पइ छिपत अहा?</verse>
				<verse number="2">बीत गए समय मँ इ सहर बहोत व्यस्त सहर रहा। इ सहर बहोत सोरगुल स भरा अउर बहोत खुस रहा। किन्तु अब बातन बदलि गइन। तोहार लोग मारा गएन किन्तु तरवारन स नाहीं, अउर उ पचे मारा गएन किन्तु जुद्ध मँ लड़ते समय नाहीं।</verse>
				<verse number="3">तोहार सबहिं सैनिक अधिकारी पराइ गएन, किन्तु उ सबहिं बिना हथियारन क पकड़ि गवा। उ सबहिं खोजा गएन अउर एक साथ पकड़ा गएन, जबकि उ फ़राइके कहूँ दूर भाग गए रहेन।</verse>
				<verse number="4">एह बरे मइँ कहत हउँ, “मोरी कइँती जिन लखा, बस मोका रोवइ द्या! यरूसलेम क बिनास पइ मोका सान्त्वना देइ बरे मोरी कइँती जिन लपका।”</verse>
				<verse number="5">यहोवा एक खास दिन चुनेस ह। उ दिन हुवाँ बगावत अउर भगदड़ मचि जाइ। दिव्य दर्सन क घाटी मँ लोग एक दूसर क रौंद डइहीं। नगर क चार दीवारी ओकर नीव स उखाड़ फेंकी जाइ। घाटी क लोग पहाड़े पइ के लोगन क ऊपर चिल्लाइहीं।</verse>
				<verse number="6">एलाम क घुड़सवार फउजी आपन-आपन तरकसन लइके घोड़न पइ चढ़े भए जुद्ध क प्रस्थान करिहीं। किर क लोग आपन ढालन स आवाज करिहीं।</verse>
				<verse number="7">तोहार इ खास घाटी मँ फउजन आइ जुटिहीं। घाटी रथन स भरि जाइ। घुड़सवार फउजी क नगर दुआरन क समन्वा तैनात कीन्ह जइहीं।</verse>
				<verse number="8">तब यहूदा क रच्छा-अवरण हटाइ लेइ जाइ। लोग जंगल-महल मँ जमा कइ भए हथियारन क लइ बरे जाब्या।</verse>
				<verse number="9">तू पचन्क दाऊद क नगर क चहारदीवारी क दरारन क लख सकत हीं। तउ तू पचे मकानन क गनइ सुरू करब्या यह तय करइ बरे कि ओहमाँ स कँतना मकान क धवस्त करइ क जरूरत, दीवार क मरम्मत करइ बरे होइ। तू पचे निचली तालाब स पानी भी जमा करइ सुरू करब्या। तू पचे दूसर तालाब दीवारन क बीच मँ सहर क निचला भाग मँ पुराने तालाब स पानी जमा करइ बरे बनाउब्या। फुन भी उ परमेस्सर पइ तोहार पचन्क भरोसा नाहीं होइ जउन ऍन सबइ वस्तुअन क बनाएस ह। तू पचे ओकरी (परमेस्सर) कइँती नाहीं लखब्या जउन बहोत पहिले ऍन सबइ वस्तुअन क रचना किहे रहा।</verse>
				<verse number="10"></verse>
				<verse number="11"></verse>
				<verse number="12">तउ, मोर सुआमी सर्वसक्तीमान यहोवा लोगन स ओनके मरे भए मीतन बरे बिलाप करइ अउर दुःखी होइ बरे कही। लोग आपन मूँड़ि मुँड़वाइ लेइहीं अउर सोक-वस्त्र धारण करिहीं।</verse>
				<verse number="13">किन्तु लखा! अब लोग खुस अहइँ। लोग खुसियन मनावत अहइँ। उ सबइ लोग कहत अहइँ: “मवेसियन क मारा, भेड़िन क बध करा। हम उत्सव मनाउब। तू पचे आपन खइया क खा अउर आपन दाखरस पिआ। खा अउर पिआ काहेकि भियान तउ हमका मरि जाब अहइ।”</verse>
				<verse number="14">सर्वसक्तिमान यहोवा इ सबइ बातन मोहसे कहे रहा अउर मइँ ओनका अपने काने स सुने रहेउँ: “तू पचे बुरे करम करइ क अपराधी अहा अउर मइँ निहचय क साथ कहत हउँ कि इ अपराध क छिमा कीन्ह जाइ स पहिले ही तू पचे मरि जाब्या।” मोर सुआमी सर्वसक्तीमान यहोवा इ सबइ बातन कहे रहा।</verse>
				<verse number="15">मोर सुआमी सर्वसक्तीमान यहोवा मोहसे इ सबइ बातन कहेस। उ सेबना नाउँ क सेवक क लगे जा। उ महल क प्रबन्ध-अधिकारी अहइ।</verse>
				<verse number="16">ओहसे पूछ्या, “उ का करत अहा? का हिआँ ओकरे परिवार क कउनो मनइ गड़ा भवा अहइ? उ हिआँ एक कब्र काहे बनावत अहा?” यसायाह कहेस, “लखा इ मनई क! इ एक ऊँच जगहिया पइ आपन कब्र बनावत अहइ। आपन कब्र बनावइ बरे इ चट्टान क काटत अहइ।</verse>
				<verse number="17">“हे मनसेधू, यहोवा तोहका कुचरि डाइ। यहोवा तोहका बाँधिके एक ठु नान्ह स गेंदे क तरह गोल बनाइके कउनो बिसाल देसे मँ लोकाइ देइ अउर हुवाँ तोहार मउत होइ जाइ।” यहोवा कहेस, “तोहका आपन रथन पइ बड़ा अभिमान रहा। किन्तु उ दूर देस मँ तोहरे नवे सासक क लगे अउर भी नीक रथ अहइँ। ओकरे महल मँ तोहार रथ महत्वपूर्ण नाहीं देखाइ देइहीं।</verse>
				<verse number="18"></verse>
				<verse number="19">हिआ मइँ तोहका तोहार महत्व स पूर्ण काम स ढकेल के बाहेर करब। तोहरे महत्व क पूर्ण काम स तोहार नवा मुखिया तोहका दूर कइ देइ।</verse>
				<verse number="20">उ समय मइँ आपन सेवक एल्याकीम क जउन हिज्जिक्याह क पूत अहइ, बोलाउब</verse>
				<verse number="21">अउर तोहार चोगा लइके उ सेवक क पहिराइ देब। तोहार राजदण्ड भी मइँ ओका दइ देव। जउन महत्वक पूर्ण काम तोहरे पास अहइ, मइँ ओका भी उहइ क दइ देब। उ सेवक यरूसलेम क लोगन अउर यहूदा क परिवार बरे पिता क समान होइ।</verse>
				<verse number="22">“यहूदा क भवन क चाभी मइँ उ मनसेधू क गले मँ डाइ देब। अगर उ कउनो दुआर क खोली तउ उ दुआर खुला ही रही। कउनो भी मनई ओका बंद नाही कइ पाई। जदि उ कउनो दुआर क बंद करी तउ उ दुआर बंद होइ जाइ। कउनो भी मनई ओका खोल नाहीं पाई। उ सेवक पिता क घरे मँ एक सिंहासन क समान होइ।</verse>
				<verse number="23">मइँ ओका एक अइसी खूँटी क समान सुदृढ़ बनाउब जेका बहोत सख्त तखत मँ ठोका गवा ह।</verse>
				<verse number="24">ओकरे पिता क घर क सबहिं माननीय अउर महत्व स पूर्ण वस्तुअन ओकरे ऊपर लटकिहीं। सबहिं वयस्क अउर नान्ह बच्चन ओह पइ निर्भर रहिहीं। उ सबइ लोग अइसे होइहीं जइसे नान्ह नान्ह पात्र अउर बड़ी बड़ी सुराहियन ओकरे ऊपर लटकत होइँ।</verse>
				<verse number="25">“उ समय, उ खूँटी (सेबना) जउन अब एक बड़े कठोर तख्ते मँ गाड़ी भइ खूँटी अहइ, दुर्बल होइके टूट जाइ। उ खूँटी धरती पइ गिर पड़ी अउर उ खूँटी पइ लटकी भइ सबहिं वस्तुअन बर्बाद होइ जइहीं। तब उ प्रत्येक बात जउन मइँ उ सँदेसा मँ बताए रहेउँ, घटित होइ। इ सबइ बातन घटिहीं काहेकि एनका यहोवा कहे अहइ।”</verse>
			</chapter>
			<chapter number="23">
				<verse number="1">सोर क बारे मँ दुःखद सँदेसा: हे तर्सीस क जहाजो, दुःख मनावा। तोहार बंदरगाह उजाड़ दीन्ह गवा ह। एन जहाजन पइ जउन लोग रहेन, ओनका इ समाचार उ समय बतावा ग रहा जब उ पचे कित्तियन क देस मँ आपन राहे जात रहेन।</verse>
				<verse number="2">हे सागरे क निचके बसइया लोगो, रूका अउर सोक मनावा! हे, सीदोन क सौदागरो सोक मनावा, सीदोन तोहरे सँदेसावाहक समुद्दर पर जावा करत रहेन। ओ लोग तोहका धन दौलत स भरि दिहेन।</verse>
				<verse number="3">उ सबइ लोग अनाजे क तलास मँ समुद्दर मँ जात्रा करत रहेन। सोर क उ सबइ लोग नील नदी क आस पास जउन अनाज पैदा होत रहा, ओका मोल लइ लेत रहा करत रहेन अउर फुन उ अनाज क दूसर देसन मँ बेचा करत रहेन।</verse>
				<verse number="4">हे सीदोन, तोहका सर्म आवइ चाही। काहेकि अब सागर अउर सागर क किला कहत ह: मइँ सन्तान रहित हउँ। मोका जच्चा क बेदना क गियान नाहीं अहइ। मइँ कउनो बच्चे क जनम नाहीं दिहेउँ। मइँ युवती व युवक क पालिके बड़ा नाहीं किहेउँ।</verse>
				<verse number="5">मिस्र सोर क खबर सुनी अउर इ खबर मिस्र क दुःख देइ।</verse>
				<verse number="6">तोहार जलयान तर्सीस क लउटि जाइ चाही। हे सागरतट वासियो! दुःखे मँ बूड़ जा।</verse>
				<verse number="7">बीते दिनन मँ, तू पचे सोर क महिमा स आनन्द लिहा। इ नगरी सुरू स ही विकसित होत रही, उ नगर क लोग नगरन स कहूँ दूर बसइ बरे जात्र किहेन।</verse>
				<verse number="8">सोर क नगर बहोत सारे नेता पैदा किहेस। हुवाँ क बइपारी राजपूतन क समान होत हीं अउर उ सबइ लोग वस्तुअन खरीदत अउ बेचत हीं। उ पचे हर कहूँ आदर पावत हीं, तउ कउन सोर क खिलाफ जोजनन रचेस ह।</verse>
				<verse number="9">हाँ, सर्वसक्तीमान यहोवा उ सबइ जोजना बनाए रहा। उहइ ही ओनका महत्व स पूर्ण न बनावइ क निहचय किहे रहा।</verse>
				<verse number="10">हे तर्सीस क जहाजो तू पचे अपने देस क लउटि जा। तू पचे सागरे क अइसे पार करा जइसे उ नान्ह स नदी होइ। कउनो भी मनई अब तू सबन्क नाहीं रोकी।</verse>
				<verse number="11">यहोवा आपन हाथ सागर क ऊपर फइलाएस ह अउर राज्जन क कँपाइ दिहस। यहोवा कनान देस क बारे मँ आदेस दइ दिहस कि ओकरे गढ़ियन क नस्ट कइ दीन्ह जाइ।</verse>
				<verse number="12">यहोवा कहत ह, “हे! सीदोन क कुँवारी बिटिया, तोहका बर्बाद कीन्ह जाइ। अब तू अउर जियादा आनन्द न मनाइ पाई।” किन्तु सोर क निवासी कहत हीं, “हमका कित्तीम बचाई।” किन्तु अगर तू सागरे क पार कइके कित्तीम जा हुवाँ भी तू चैन क ठउर न पउब्या।</verse>
				<verse number="13">एह बरे सोर क निवासी कहा करत हीं, “बाबुल क लोग हम क बचइहीं।” किन्तु तू बाबुल क लोगन क धरती पइ लखा। एक देस क रूप मँ आजु बाबुल क कउनो अस्तित्व नाहीं अहइ। बाबुल क ऊपर अस्सूर चढ़ाई किहस अउर ओकरे चारिहुँ ओर बुर्जियन बनाएस। फउजियन सुन्नर घरन क सब धन लूट लिहन। अस्सूर बाबुल क जँगली पसुअन क घर बनाइ लिहस। उ पचे बाबुल क खण्डहरन मँ बदल दिहन।</verse>
				<verse number="14">तउ तर्सीस क जलयानो तू पचे बिलाप करा। तोहार सबन्क सुरच्छा ठउर (सोर) बर्बाद होइ जाइ।</verse>
				<verse number="15">सत्तर बरिस तलक लोग सोर क बिसरि जइहीं। (इ समय, कउनो राजा क सासनकाल क बराबर समय माना जात रहा।) सत्तर बरिस क पाछे, सोर एक रण्डी क नाई होइ जाइ। इ गीत मँ:</verse>
				<verse number="16">हे रण्डी! जेका मनसेधूअन बिसराइ दिहन। तू आपन वीणा उठावा अउर इ नगर मँ घूमा। तू आपन गीत क अच्छी तरह बजावा, तू अक्सत आपन गीत गावा करा। तबहिं तोहका लोग फुन स याद करिहीं।</verse>
				<verse number="17">सत्तर बरिस क पाछे, परमेस्सर सोर क समस्या पइ विचार करब। सोर फुन आपन मज़दूरी एक रण्डी क नाई धरती क सबहिं रास्ट्रन क संग बइपार कइके प्राप्त करइ लागी।</verse>
				<verse number="18">किन्तु सोर जउने धन क कमाई ओका रख नाहीं पाई। सोर उ लाभ क जउन उ बइपार मँ कमाएस ह, यहोवा बरे सुरच्छित रहीं। सोर ओका ओन लोगन क देइ जउन यहोवा क सेवा करत अहा। एह बरे यहोवा क सेवक भर पेट खइया क खइहीं अउर नीक ओढ़ना पहिरहीं।</verse>
			</chapter>
			<chapter number="24">
				<verse number="1">लखा! यहोवा इ धरती क बर्बाद करी। यहोवा भूचालन क जरिये इ धरती क मरोड़ देइ। यहोवा लोगन क कहूँ दूर जाइ क मजबूर करी।</verse>
				<verse number="2">उ समय, हर कउनो क संग एक जइसी घटनन घटिहीं, साधारण मनई अउ याजक एक जइसे होइ जइहीं। सुआमी अउर सेवक एक जइसे होइ जइहीं। दासियन अउर ओनकर सुआमियन एक समान होइ जइहीं। मोल लेइवाले अउर बेसइवाले एक जइसे होइ जइहीं। कर्जा लेइवालन अउर कर्जा देइवालन लोग एक जइसे होइ जइहीं। धनवान अउर दीन लोग एक जइसे होइ जइहीं।</verse>
				<verse number="3">सबहिं लोगन क हुवाँ स ढकेल बाहेर कीन्ह जाइ। सारी धन दौलत छोरी लीन्ह जइहीं। अइसा एह बरे घटी काहेकि यहोवा अइसा ही आदेस दिहस ह।</verse>
				<verse number="4">देस उजड़ जाइ अउर दुःखी होइ। दुनिया खाली होइ जाइ अउर उ दुर्बल होइ जाइ। इ धरती क महान नेता सक्तिहीन होइ जइहीं।</verse>
				<verse number="5">इ धरती उ लोगन दुआरा दूसित कइ दीन्ह ग अहइ जउन एह पइ रहत हीं। अइसा कइसा होइ गवा? लोग परमेस्सर क सिच्छा क विरोध मँ गलत काम किहेन। लोग परमेस्सर क नेमन क पालन नाहीं किहन। बहोत पहिले उहइ लोग परमेस्सर क संग एक करार किहे रहेन। किन्तु परमेस्सर क समन्वा कीन्ह गवा उ करार क उ पचे उल्लंघन किहेस।</verse>
				<verse number="6">इ धरती क रहइवाले लोग अपराधी अहइँ। एह बरे परमेस्सर इ धरती क नस्ट करइ क निहचय किहस। ओन लोगन क सजा दीन्ह जाइ अउर हुवाँ थोड़े स लोग ही बचि पइहीं।</verse>
				<verse number="7">अगूंर क बेलन मुरझात अहइँ। नई दाखरस क कमी पड़ति अहइ। पहिले लोग खुस रहेन। किन्तु अब उ पचे ही लोग दुःखी अहइँ।</verse>
				<verse number="8">लोगन आपन खुसी बियक्त करइ तजि दिहे अहइँ। खुसी क सबहिं ध्वनियन रूकि गइ बाटिन। खँजरियन अउ वीणन क आनन्द स भरा संगीत खतम होइ चुका अहइ।</verse>
				<verse number="9">अब लोग दाखरस पिअत अहइँ, तउ खुसी क गीत नाहीं गउतेन। अब जब मनई दाखरस पिअत हीं, तब उ ओका कड़ुई लागत ह।</verse>
				<verse number="10">इ सहर क एक नीक स नाउँ अहइ, “गड़बड़ स भरा”, इ नगर क बिनास कीन्ह गवा। लोग घरन मँ नाहीं घुस सकतेन। दुआर बंद होइ चुका अहइँ।</verse>
				<verse number="11">गलियन मँ दुकानन पइ लोग अबहुँ भी दाखरस क पूँछत हीं, किन्तु समूची खुसी जाइ चुकी अहइ। आनन्द तउ दूर कइ दीन्ह ग अहइ।</verse>
				<verse number="12">नगर बरे बस बिनास ही बचत अहइ। दुआर तलक चकनाचूर होइ चुका अहइँ।</verse>
				<verse number="13">फसल क समय लोग जइतून क बृच्छ स जइतून क गिरावा करिहीं। किन्तु केवल कछू ही जइतून बृच्छन पइ बचिहीं! जइसे अंगूरे क फसल उतारइ क पाछे थोड़ा स अंगूर बचे रहि जात हीं, अइसा ही इ धरती क रास्ट्रन क संग होइ।</verse>
				<verse number="14">बचे भए लोग ऊँची आवाज़ मँ स्तुति करीं। दूरगामी देस क लोग यहोवा क महानता क स्तुति करिहीं अउर उ पचे, खुस होइहीं।</verse>
				<verse number="15">उ सबइ लोग कहा करिहीं, “पूर्व क लोगो, यहोवा क तारीफ करा। दूर देस क लोगो, इस्राएल क परमेस्सर यहोवा क नाउँ क गुण गान करा।”</verse>
				<verse number="16">इ धरती पइ हर कहूँ हम परमेस्सर क स्तुति क गीत सुनब। ऍन गीतन मँ परमेस्सर क स्तुति होइ। किन्तु मइँ कहत हउँ, “मइँ बरबाद होत रहत हउँ। मइँ जउन कछू भी लखत हउँ सब कछू खउफनाक अहइ। गद्दार लोग, लोगन क विरोधी होत रहत हीं, अउर ओनका चोट पहोंचावत हीं।”</verse>
				<verse number="17">मइँ धरती क बसइयन पइ खतरा आवत लखत हउँ। मइँ ओनके बरे भय, गड़हन अउर फँदन लखत हउँ।</verse>
				<verse number="18">लोग खतरे क सुनिके डर स काँपि जइहीं। कछू लोग, पराइ जइहीं किन्तु उ सबइ गड़हन अउर फँदन मँ जाइ गिरिहीं अउर ओन गड़हन स कछू चढ़िके बचि निकरि अइहीं, किन्तु उ पचे फुन दूसर फंदन मँ फँसिहीं। ऊपर अकासे क छाती फटि जाइ जाइसे बाढ़ क दुआर खुलि गवा होइँ। बाढ़न आवइ लगिहीं अउर धरती क नेंव डगमग हिलइ लागी।</verse>
				<verse number="19">भूचाल आइ अउर धरती फट जाइहीं।</verse>
				<verse number="20">संसार क पाप बहोत भारी अहइँ। उ भारे स दबिके इ धरती गहराइ जाइ। इ धरती कउनो झोपड़ी स काँपी अउर नसे मँ धुन्त कउनो मनई क तरह धरती गिर जाइ। इ धरती बनी न रही।</verse>
				<verse number="21">उ समय यहोवा सब क निआव करी। उ समय यहोवा अकासे मँ सरग क फउजन अउर धरती क राजा उ निआव क विषय होइहीं।</verse>
				<verse number="22">एन सबन क एक संग एकट्ठा कइ दीन्ह जाइ। ओनमाँ स कछू काल कोठरी मँ बन्द होइहीं अउर कछू कारागार मँ रइहीं। किन्तु अंत मँ बहोत समय क पाछे एन सबन्क निआव होइ।</verse>
				<verse number="23">यरूसलेम मँ सिय्योन क पहाड़े पइ यहोवा राजा क रूप मँ राज्ज करी। अग्रजन क समन्वा ओकर महिमा होइ। ओकर महिमा ऍतनी भव्व होइ कि चँदा व्याकुल होइ जाइ, सूरज लजाइ जाइ।</verse>
			</chapter>
			<chapter number="25">
				<verse number="1">हे यहोवा, तू मोर परमेस्सर अहा। मइँ तोहरे नाउँ क स्तुति करत हउँ अउर मइँ तोहका सम्मान देत हउँ। तू अनेक अद्भुत कार्य किहा ह। जउन भी सब्द तू बहोत पहिले कहे रह्या उ सबइ पूरी तरह स फुरइ अहइँ। हर बात वइसी ही घटी जइसी तू बताए रह्या।</verse>
				<verse number="2">तू नगर क नस्ट किहा। उ नगर सुदृढ़ चहरदीवारी स संरच्छित रहा। किन्तु अब उ मात्र पाथरन क ढेर रहि गवा। परदेसियन क महल नस्ट कइ दीन्ह गवा। अब ओकर फुन स निर्माण नाहीं होइ।</verse>
				<verse number="3">सामर्थी लोग तोहार महिमा करिहीं। क्रूर जातियन क नगर तोहसे डेरइहीं।</verse>
				<verse number="4">यहोवा तू निर्धन लोगन बरे जउन जरूरतमंद अहइँ, सुरच्छा क ठउर अहा। अनेक बिपत्तियन ओनका पराजित करइ क आवत हीं किन्तु तू ओनका बचावत ह। तू एक अइसा भवन अहा जउन ओनका तूफानी बर्खा स बचावत ह अउर तू एक अइसी हवा अहा जउन ओनका गर्मी स बचावत ह। बिपत्तियन खउफनाक आँधी अउर घनघोर बर्खा जइसी आवत ह। बर्खा देवारन स टकरात ह अउर खाले बहि जात ह किन्तु मकाने मँ जउन लोग अहइँ, ओनका नोस्कान पहोंचावत ह।</verse>
				<verse number="5">नारा लगावत भए दुस्मन ललकारेस। घोर दुस्मन चुनौती देइ क ललकारेस। किन्तु तू हे परमेस्सर, ओनका रोक लिहा। उ सबइ अइसे रहेन जइसे गर्मी कउनो खुस्क जगह पइ। तू ओन क्रूर लोगन क विजय गीत अइसे रोक दिहे रह्या जइसे सघन मेघन क छाया गर्मी क दूर करत ह।</verse>
				<verse number="6">उ समय, सर्वसक्तीमान यहोवा इ पर्वते प सबहिं रास्ट्रन बरे एकठु भोज क प्रबंध करी। भोजे मँ स्वादिस्ट खइया क अउ दाखरस परोसा जाइ। भोज मँ नर्म अउ मज़ेदार गोस्त परोसा जाइ।</verse>
				<verse number="7">किन्तु अब लखा, एक अइसा पर्दा अहइ जउन सबहिं जातियन अउर सबहिं मनइयन क ढके अहइ। इ पर्दे क नाउँ अहइ, “मउत।”</verse>
				<verse number="8">किन्तु मउत क हमेसा बरे अंत कइ दीन्ह जाइ अउर मोर सुआमी यहोवा हर आँखी क आँसू पोंछ देइ। बीते समय मँ ओकर सबहिं लोग सर्मिन्दा रहेन। यहोवा ओनकर लज्जा क इ धरती पइ स हरण कइ लेइ। इ सब कछू घटी काहेकि यहोवा कहे रहा, अइसा होइ।</verse>
				<verse number="9">उ समय लोग अइसा कहिहीं, “लखा इ हमार परमेस्सर अहइ। इ उहइ अहइ जेकर हम बाट जोहत रहे। इ हमका बचावइ क आवा अहइ। हम आपन यहोवा क प्रतीच्छा करत रहे। एह बरे हम खुसियन मनाउब अउर खुस होब कि यहोवा हमका बचाएस ह।”</verse>
				<verse number="10">इ पहाड़े पइ यहोवा क सक्ति अहइ अउर मोआब पराजित होइ। यहोवा सत्रु क अइसा कुचिर डाइ जइसे भूसा कुचरा जात ह जउन खाद क ढेर मँ होत ह।</verse>
				<verse number="11">यहोवा आपन हाथ अइसे पसारी जइसे कउनो तैरत भवा मनई फइलावत ह। तब यहोवा ओन सबहिं वस्तुअन क एकट्ठा करी जेन पइ लोगन क गर्व अहइ। यहोवा ओन सबहिं सुन्नर वस्तुअन क बटोर लेइ जेनका उ पचे बनाए रहेन अउर उ एन वस्तुअन क लोकाइ देइ।</verse>
				<verse number="12">यहोवा लोगन क ऊँच देवारन क नस्ट कइ देइ। यहोवा ओनके सुरच्छा ठउरन क नस्ट कइ देइ। यहोवा ओनका धरती क धूरि मँ पटक देइ।</verse>
			</chapter>
			<chapter number="26">
				<verse number="1">उ समय, यहूदा क लोग इ गीत गइहीं: यहोवा हमका मुक्ति देत ह। हमार एक सुदृढ़ नगरी अहइ। हमरे नगर क सुदृढ़ परकोटा अउ सुरच्छा अहइ।</verse>
				<verse number="2">ओकरे दुआरन क खोला ताकि भले लोग ओहमाँ प्रवेस करइँ। उ सबइ लोग परमेस्सर क जिन्नगी क खरी राहे का पालन करत हीं।</verse>
				<verse number="3">हे यहोवा, तू हमका सच्चा सान्ति प्रदान करत ह। तू ओनका सान्ति दिया करत ह, जउन तोहरे भरोसे अहइँ अउर तोह पइ बिस्सास रखत हीं।</verse>
				<verse number="4">एह बरे सदा ही यहोवा पइ बिस्सास करा। काहेकि “यहोवा याह” ही तोहार हमेसा सर्वदा बरे सरण क ठउर होइ।</verse>
				<verse number="5">किन्तु अभिमानी नगर क यहोवा निहुराएस ह अउर हुवाँ क निवासियन क उ सजा दिहेस ह। यहोवा उ ऊँच बसी नगरी क धरती पइ गिराएस। उ एका धूरि मँ मिलावइ गिराएस ह।</verse>
				<verse number="6">तब दीन अउ नम्र लोग नगरी क खण्डहरन क आपन गोड़े तले रौंदि देइहीं।</verse>
				<verse number="7">खरापन खरे लोगन क जिअइ क ढंग अहइ। खरे लोग उ राहे पइ चलत हीं जउन सोझ अउ सच्ची होत ह। परमेस्सर, तू उ राहे क चलइ बरे सुखद व सहल बनावत ह।</verse>
				<verse number="8">किन्तु हे परमेस्सर! हम तोहरे निआव क मारग क बाट जोहत अही। हमार मन तोहका अउर तोहरे नाउँ क सुमिरन करइ चाहत ह।</verse>
				<verse number="9">मोर मत राति भर तोहरे साथ रहइ चाहत ह अउर मोरे अन्दर क आतिमा हर नए दिन क सबेरे तोहरे साथ रहइ चाहत ह। जब धरती पइ तोहार निआउ आइ, लोग खरी जिन्नगी जिअइ सीख जइहीं।</verse>
				<verse number="10">जदि तू सिरिफ दुट्ठ पइ दाया देखावत रह्या तउ उ कबहुँ भी अच्छे करम करब नाहीं सीखी। दुट्ठ जन चाहे भले लोगन क बीच मँ रहइ मुला तब उ भी बुरे करम करत रही। उ दुट्ठ कबहुँ भी यहोवा क बड़प्पन नाहीं देख पाइ।</verse>
				<verse number="11">हे यहोवा तू ओनका सजा देइ क तत्पर अहा किन्तु उ पचे एका नाहीं लखतेन। हे यहोवा तू आपन लोगन पइ आपन असीम पिरेम देखॉवत अहा जेका लखिके दुट्ठ जन लज्जित होइ जात हीं। तोहार दुस्मन आपन ही पापे क आगी मँ जरिके भसम होइ जइहीं।</verse>
				<verse number="12">हे यहोवा, हमका कामयाबी तोहरे ही कारण मिली ह। तउ कृपा कइके हमका सान्ति द्या।</verse>
				<verse number="13">हे यहोवा, तू हमार परमेस्सर अहा किन्तु पहिले हम पइ दूसर देवता राज करत रहेन। हम दूसर सुआमियन स जुड़े भए रहेन किन्तु अब हम इ चाहित ह कि लोग बस एक ही नाउँ याद करइँ उ अहइ तोहार नाउँ।</verse>
				<verse number="14">अब उ पचे सुआमी जिअत नाहीं अहइँ। उ सबइ भूत आपन कब्रन स कबहुँ भी जिअत नाहीं उठिहीं। तू ओनका बर्बाद करइ क निहचय किहे रह्या अउर तू ओनकर याद तलक क मेट दिया।</verse>
				<verse number="15">हे यहोवा, तू जाति क बढ़ाया। जाति क बढ़ाइके तू महिमा पाया। तू प्रदेस क चउहद्दी क बढ़ाया।</verse>
				<verse number="16">हे यहोवा, तोहका लोग दुःखे मँ याद करत हीं, अउर जब तू ओनका सजा दिया करत ह तब लोग तोहार गूँगी पराथनन करत हीं।</verse>
				<verse number="17">हे यहोवा, हम तोहरे कारण अइसे होत हँ जइसे जच्चा पीरा क झेलत मेहरारू होइ जउन बच्चा क जनम देत समय रोवत बिलखत अउर पीरा भोगत ह।</verse>
				<verse number="18">इहइ तरह हम भी गर्भधारण कइके पीरा भोगित ह। हम जनम देइत ह किन्तु सिरिफ वायु क। हम संसार क नवा लोग नाहीं दइ पाए। हम धरती क उद्धार पइ नाहीं लिआए पाए।</verse>
				<verse number="19">यहोवा कहत ह, “मरे भए तोहार लोग फुन स जी जइहीं। मरे लोगन क देह मउत स जी उठी। हे मरे भए लोगो, हे धूरि मँ मिल भवो, उठा अउ तू पचे खुस होइ जा। उ ओस जउन तोहका घेरे भए अहइ, अइसी अहइ जइसे रोसनी मँ चमकत भइ ओस। धरती ओनका फुन जनम देइ जउन अबहिं मरे भए अहइँ।”</verse>
				<verse number="20">हे मेरे लोगो, तू पचे आपने कोठरियन मँ जा। आपन क थोड़े समय बरे आपन कमरन मँ छिपा ल्या। परमेस्सर क किरोध बहोत जल्द सान्त होइ जाइ।</verse>
				<verse number="21">यहोवा धरती क लोगन क पापन क निआव करी बरे सरग क आपन ठउरे क तजि देइ। धरती अब मरा भवा लोगन क अउर न ढाँपिहीं। धरती खुद पइ बहाइ गवा खून क राज क फास करिहीं।</verse>
			</chapter>
			<chapter number="27">
				<verse number="1">उ समय, यहोवा लिब्यातान क निआव करी जउन एक फ़रार सरप अहइ। यहोवा आपन बड़की अउ सक्तीसाली तरवार क उपयोग कुंडली मारे सरप लिब्यातान क मारइ मँ करी। यहोवा सागरे क भीमकाय प्राणी क मारि डाइ।</verse>
				<verse number="2">उ समय, हुवाँ खुसियन स भरा अंगूरे क एक बाग होइ। तू पचे ओकर गीत गावा।</verse>
				<verse number="3">“मइँ यहोवा, उ बाग का धियान रखब। मइँ बागे क उचित समये पइ सींचब। मइँ बगीचे क रात दिन रखवारी करब ताकि कउनो भी ओका नोस्कान न पहोंचाइ पावइ।</verse>
				<verse number="4">मइँ कुपित नाहीं होब। जदि काँटा कँटेरी मोका हुवाँ मिलइ तउ मइँ वइसे रौंदब जइसे फउजी रौंदत चला जात ह अउर ओनका फूँक डाउब।</verse>
				<verse number="5">लेकिन अगर कउनो मनई मोरी सरण मँ आवइ अउर मोहसे मेल करइ चाहइ तउ उ चला आवइ अउर मोहसे मेल करि लेइ।</verse>
				<verse number="6">आवइ वाले दिनन मँ याकूब क लोग उ पउधे क समान होइहीं जेकर उड़न उत्तिम होत हँ। याकूब क बिकास उ पनपते पउधे सा होइ जेह पइ बहार आई होइ। फुन धरती याकूब क बंसजन स भरि जाई जइसे बृच्छन क फलन स उ भर जात ह।”</verse>
				<verse number="7">यहोवा आपन लोगन क ओतना दण्ड नाहीं दिहस ह जेतना उ ओनके दुस्मनन क दिहस ह। ओकर लोग ओतने नाहीं मरेन ह जेतने उ सबइ लोग मरेन ह जउन एन लोगन क मारइ बरे प्रयत्नसील रहेन।</verse>
				<verse number="8">यहोवा इस्राएल क दूर पठइके ओकरे संग आपन विवाद सुलझाइ लेइ। यहोवा इस्राएल क उ तेज हवा क झोंके स उड़ाइ दिहस जउन रेगिस्ताने क गरम लू क समान होत ह।</verse>
				<verse number="9">याकूब क अपराध कइसे छिमा कीन्ह जाइ? ओकरे पापन्क कइसे दूर कीन्ह जाइ? इ सबइ बातन घटिहीं, वेदी क सबइ सिला चकनाचूर होइके धूरि मँ मिल जइहीं, लबार देवतन क स्तम्भ अउर ओनकर पूजा क वेदियन तहस-नहस कइ दीन्ह जाइ।</verse>
				<verse number="10">इ नगरी नस्ट होइ जाब्या। सब लोग कहूँ दूर भाग जाब्या। उ नगर एक खुली चरागाह जइसा होइ जाब। मवेसियन क बच्चन हुआँ घाँस खाइहीं मवेसी अंगूरे क बेलन स पातियन खाइहीं होइ।</verse>
				<verse number="11">इ सहर उ अंगूर क बेलन क नाईं अहइ जउन फसल काटि स पहिले ही सूख ग अहइ, काहेकि एकर डारन मरि गवा अहइ। एह बरे डारन टूटिके गिर ग अहइँ। मेहररूअन ओन डारन जराइ बरे आइँ। इ सबइ लोग मूरख अहइँ। एह बरे ओकर बनाइवाला ओकर प्रति दया नाहीं देखॉइ। ओनकर रचयिता ओनके बरे दयालु नाहीं होइ।</verse>
				<verse number="12">उ समय, यहोवा दूसर लोगन स आपन लोगन क अलग करइ लागी। परात नदी स उ इ कारज क आरम्भ करी। परात नदी स लइके मिस्र क नदी तलक यहोवा तू इस्राएलियन क एक-एक क कइके एकट्ठा करी।</verse>
				<verse number="13">अस्सूर मँ अबहिं मोर बहुत स लोग खोए भए अहइँ। मोर कछू लोग मिस्र क पराइ ग अहइँ। किन्तु उ समय तलक एक बिसाल भेरी बजाई जाइ अउर उ सबइ सबहिं लोग वापिस यरूसलेम आइ जइहीं अउ उ पवित्तर पर्वत पइ यहोवा क समन्वा उ सबइ सबहिं लोग निहुरि जइहीं।</verse>
			</chapter>
			<chapter number="28">
				<verse number="1">सोमरोन क लखा। एप्रैम क मदमस्त लोग उ नगर पइ गर्व करत हीं। उ नगर पहाड़ी पइ बसा ह जेकरे चारिहुँ कइँती एक संपन्न घाटी अहइ। सोमरोन क वासी इ सोचा करत हीं कि ओनकर सहर फूलन मुकुट जइसा अहइ। किन्तु उ पचे दाखरस स धुत्त अहइँ अउर इ “सुन्नर मुकुट” मुरझाए पौधा स अहइ।</verse>
				<verse number="2">लखा, मोर सुआमी एक मनई क चुनेस ह जउन मज़बूत अउर वीर अहइ। उ व्यक्ति इ देस मँ इ तरह आइ जइसे ओलन अउ बर्खा क तूफ़ान आवत ह। उ देस मँ इ तरह आइ जइसे बाढ़ आवा करत ह। उ समारिया क धरती पइ फेंकी।</verse>
				<verse number="3">नसे मँ धुत्त एप्रैम क लोग आपन “सुन्नर मुकुट” पइ गर्व करत हीं किन्तु उ नगरी गोड़े तले रौंदी जाइ।</verse>
				<verse number="4">उ नगर पहाड़ी पइ बसा अहइ जेकरे चारिहुँ कइँती एक सम्पन्न घाटी अहइ। किन्तु उ “फूलन क सुन्नर मकुट” बस एक मुरझात भवा पौंधा अहइ। उ नगर गर्मी मँ अंजीर क पहिले फले क समान होई। जब कउनो उ पहली अंजीर क लखत ह तउ हाली स तोड़के ओका चट कइ जात ह।</verse>
				<verse number="5">उ समय, सर्वसक्तीमान यहोवा, “सुन्नर मकुट” बनी। उ ओन बचे भए आपन लोगन बरे “फूलन क सानदार मकुट” होइ।</verse>
				<verse number="6">फुन यहोवा ओन निआव क अर्धासन क बुद्धि प्रदान करी जउन ओकर आपन लोगन क सासन करत हीं। नगर दुआरन पइ जुद्धन मँ लोगन यहोवा सक्ति देइ।</verse>
				<verse number="7">किन्तु अबहिं उ सबइ मुखिया लोग मदमस्त अहइँ। याजक अउ नबी सबहिं दाखरस अउर सुरा स धुत्त अहइँ। उ सबइ लड़खड़ात अहइँ अउर खाले भहराइ पड़त अहइँ। नबी जब आपन सपनन लखत हीं। निआव क अधीस जब निआव करत हीं तउ उ पचे नसे मँ बूड़े भए होत हीं।</verse>
				<verse number="8">हर खाइ क मेज उल्टी स भरी भइ अहइ। कहूँ भी कउनो स्वच्छ ठउर नाहीं रहा अहइ।</verse>
				<verse number="9">उ पचे कहा करत हीं, इ मनई कउन अहइ? इ केका सिच्छा देइ क कोसिस करत अहइ? उ आपन सँदेसा केका समुझावत अहा? का ओन बच्चन क जेनकर अबहिं-अबहिं दूध छोड़ॅवा गवा अहइ? का ओन बच्चन क जेनका अबहिं अबहिं आपन महतारियन क छाती स दूर कीन्ह गवा ह</verse>
				<verse number="10">एह बरे यहोवा ओनसे इ तरह बोलत ह जइसे उ पचे दुधमुहाँ बच्चन होइँ। “सौ लासौ सौ लासौ काव लाकाव काव लाकाव ज़ेइर साम ज़ेइर साम।”</verse>
				<verse number="11">फिन यहोवा ओन लोगन स बात करी ओकर होंठ कॉपत भए होइहीं अउर उ ओन लोगन स बातन करइ मँ दूसर विचित्र भाखा प्रयोग करी।</verse>
				<verse number="12">यहोवा पहिले ओन लोगन स कहे रहा, “हिआँ विस्राम क एक ठउर अहइ। थके माँदे लोगन क हिआँ आवइ द्या अउर विस्राम पावइ द्या। इ सान्ति क ठउर अहइ।” किन्तु लोग परमेस्सर क सुनइ नाहीं चाहेन।</verse>
				<verse number="13">तउ परमेस्सर क बचन कउनो विचित्र भासा क जइसे होइ जइहीं। “सौ लासौ सौ लासौ काव लाकाव काव लाकाव ज़ेइर साम ज़ेइर साम।” तउ लोग जब चलिहीं तउ पाछे कइँती लुढ़क जइहीं अउर जख्मी होइहीं। लोगन क फँसाइ लीन्ह जाइ अउर उ पचे धरा जइहीं।</verse>
				<verse number="14">हे, यरूसलेम क आग्या क नाहीं मानइवाले अभिमानी मुखिया लोगो, तू यहोवा क सँदेसा सुना।</verse>
				<verse number="15">तू लोग कहत अहा, “हम मउत क संग एक वाचा कीन्ह ह। सेओल (मौत क पहँटा) क संग हमार एक अनुबंध अहइ। एह बरे हम दण्डित नाहीं होब। दण्ड हम पचन्क नोस्कान पहोंचाए बगैर हमरे पास स निकरि जाइ। आपन चालाकियन अउर आपन झूठन क पाछे हम पचे लुकाइ जाबइ।”</verse>
				<verse number="16">एन बातन क कारण मोर सुआमी यहोवा कहत ह: “मइँ एक पाथर एक ठु कोने क पाथर सिय्योन मँ धरती पइ गड़ब। इ एक अत्यन्त मूल्यवान पत्थर होइ। इ बहोत महत्वपूर्ण पाथर पई ही हर कउनो वस्तु क निर्माण होइ। जेहमाँ बिस्सास होइ, उ कबहुँ घबराई नाहीं।</verse>
				<verse number="17">“लोग देवारे क सोझ लखइ बरे जइसे सूत डाइके लखत हीं, वइसे ही मइँ जउन उचित अहइ ओकरे बरे निआव अउर खरेपन क प्रयोग करब। तू दुट्ठ लोग आपन झूठ अउर चालाकियन बरे आपन क छुपावइ क जतन करत अहा, किन्तु तोहका दण्ड दीन्ह जाइ। उ दण्ड अइसा ही होइ जइसे तोहरे सबन्क छुपावइ क ठउरन क नस्ट करइ बरे कउनो तूफान या कउनो बाढ़ आवत होइ।</verse>
				<verse number="18">मउत क साथे तोहरे वाचा क मेट दीन्ह जाइ। अधोलोक क संग भई तोहार संधि भी तोहार मदद नाहीं करी। “जब खउफनाक सजा तोहे सबन पइ पड़ी तू पचे कुचरा जाब्या।</verse>
				<verse number="19">उ हर दाई जब आई तू पचन्क हुवाँ लइ जाइ। तोहार पचन्क सजा भयानक होइ। तू पचन्क भिन्सारे दर भिन्सारे अउर दिन रात सजा मिली। “जब तू पचे इ कहानी क समुझब्या:</verse>
				<verse number="20">कउनो मनसेधू एक अइसे बिछउना पइ सोवइ क जतन करत रहा जउन ओकरे बरे नान्ह रहा। ओकरे लगे एक कंबल रहा जउन एतना चौड़ा नाहीं रहा कि ओका ढाक लेइ। त उ बिछउना अउर उ कम्बल ओकरे बरे बियर्थ रहेन अउर लखा तोहार वाचा भी तोहरे सबन्क बरे अइसा रही।”</verse>
				<verse number="21">यहोवा वइसे ही जुद्ध करी जइसे उ पराजीम नाउँ क पहाड़ पइ किहे रहा। यहोवा वइसे ही कोहाइ जाइ जइसे उ गिबोन क घाटी मँ भवा रहा। तब यहोवा ओन कामन क करी जउन ओका निहचय ही करइ क अहइँ। यहोवा कछू बिचित्र काम करी। किन्तु उ आपन काम क कर देइ। ओकर काम कउनो एक अजनबी क काम अहइ।</verse>
				<verse number="22">अब तू पचन्क इ सबइ बातन क मजाक नाहीं उड़ाइ चाही। जदि तू पचे अइसा करब्या तउ तोहार पचन्क बन्धन क रस्सियन अउर जियादा कस जइहीं। सर्वसक्तीमान यहोवा इ समूचे प्रदेस क नस्ट करइ क ठान लिहस ह। जउन सब्द मइँ सुने रहेउँ, अटल अहइँ। तउ उ सबइ बातन जरूर घटिहीं।</verse>
				<verse number="23">जउन सँदेसा मइँ तू पचन्क सुनावत हउँ, ओका धियान स सुना।</verse>
				<verse number="24">का कउनो किसान आपने खेते क हर समय जोतत रहत ह नाहीं। का उ माटी क हर समय सँवारत रहत ह नाहीं।</verse>
				<verse number="25">किसान आपन धरती क तइयार करत ह, अउर फुन ओहमाँ बिआ अलग-अलग डावत ह। किसान अलग-अलग बीजन क रोपाई, ढंग स करत ह। किसान सौंफ क बिआ बिखेरत ह अउर एक किसान कठिए गोहूँ क बोवत ह। एक किसान खास जगह पइ अउ लगावत ह। एक किसान कठिए गोहूँ क बिअन क खेत क मेंड पइ लगावत ह।</verse>
				<verse number="26">ओकर परमेस्सर ओका सिच्छा देत ह अउर अच्छे तरह स ओका निर्देस देत ह।</verse>
				<verse number="27">का कउनो किसान तेज दाँतदार तखन क प्रयोग सौंफ क दानन क गहावइ बरे करत ह नाहीं। का कउनो किसान जीरा क गहावइ बरे कउनो छकड़े क प्रयोग करत ह नाहीं। एक किसान इ मसालन क बीअन क छिलका उतारइ बरे एक नान्ह स कुबरी क प्रयोग ही करत ह।</verse>
				<verse number="28">लोगन क रोटी बनावइ बरे अनाज क पीसइ परी, किन्तु उ पचे लगातार अनाज जिन पीसत रहतेन। एक किसान अनाज क दलइ क बरे अनाज दलइ क पहिया अनाजे पइ फिराइ क परी, किन्तु ओका अनाजे क रौंदइ बरे घोड़न क समूह क जरूरत नाहीं परी! ठीक इहइ तरह, परमेस्सर आपन लोगन क लगातार सज़ा नाहीं देत ह!</verse>
				<verse number="29">सर्वसक्तिमान यहोवा स इ पाठ मिलत ह। यहोवा अद्भुत सलाह देत ह। यहोवा फुरइ बहोत बुद्धिमान अहइ।</verse>
			</chapter>
			<chapter number="29">
				<verse number="1">परमेस्सर कहत ह, “हे अरीएल, अरीएल! तू उ सहर अहइ जहाँ दाऊद छावनी डाए रहा। लोग इ सहर क बरिस दर बरिस पवित्तर भोज बरे जात्र किहेस।</verse>
				<verse number="2">किन्तु जब मइँ अरीएल क अन्त करब्या, तउ हुवाँ सोक अउ विलाप होइ। किन्तु उ तब भी मोर अरीएल होइ!</verse>
				<verse number="3">“तब मइँ तोहका फउजन क सिबिर स घेरउब। मइँ तोहार विरोध मँ जुद्ध क बुर्ज अउर ढलवान बनाउब।</verse>
				<verse number="4">तू पचे धरती पइ गिरि जाब। धूल स तोहार कमज़ोर धीमा फुसफुसाहत क आवाज़ अइसा होइ जइसे धरती प कउनो भूत होइ।”</verse>
				<verse number="5">तोहार दुस्मन धूर क कण क भाँति अनगिनत होइहीं। तोहार क्रूर अत्याचार अनगिनत होइहीं जइसे भूसे आँधी मँ उड़त भए अहा।</verse>
				<verse number="6">सर्वसक्तिमान यहोवा बादरन क गर्जन स, धरती क काँपे स, अउर जहा ध्वनियन स तोहरे लगे आइ। यहोवा दण्डित करी। यहोवा तूफान, तेज आँधी अउर आगी क प्रयोग करी जउन बारिके सबहिं क नस्ट कइ देइ।</verse>
				<verse number="7">तउ रात क सपना क नाईं जउन कि जागते ही गाइब होइ जात ह अइसा ही अरीएल क चारिहुँ कइँती स घेरा भवा फउज अउर ओनके जुद्ध यंत्र जउन कि ओकर खिलाफ घूमत रहत ह, गाइब होइ जात हीं।</verse>
				<verse number="8">मुला ओन फउजन क एक सपना जइसा होइ। उ सबइ फउजन उ सब चिजियन न पइहीं जेनका उ पचे चाहत हीं। इ वइसा ही होइ जइसा भूखा मनई भोजन क सपन लखइ अउर जागइ पइ उ आपन क वइसा ही भूखा पावइ। इ वइसा ही होइ जइसे कउनो पिआसा पानी क सपन लखइ अउर जब जागइ तब आपन क पियासा पावइ। सिय्योन क विरोध मँ लड़त भए सबहिं देस फुरइ अइसे ही होइहीं। इ बात ओन पइ खरी उतरी। देसन क उ सबइ चिजियन नाहीं मिलिहीं जेनका ओनका चाह अहइ।</verse>
				<verse number="9">आस्चर्य चकित होइ जा अउर अचरज स भरि जा। तू पचे सबहिं धुत्त होब्या किन्तु दाखरस स नाहीं। लखा अउर अचरज करा। तू लड़खड़ाब्या अउर भहराइ जाब्या किन्तु सराबे स नाहीं।</verse>
				<verse number="10">यहोवा तोहका सबन्क सोवाएस ह। यहोवा तोहार आँखिन मूँदि दिहस ह। (तोहार आँखिन नाहीं अहइँ)</verse>
				<verse number="11">मइँ तू पचन्क बतावत हउँ कि इ सबइ बातन घटिहीं। किन्तु तू पचे मोका नाहीं समुझ रह्या। मोर सब्द उ किताबे क समान अहइँ, जउन बन्द अहइँ अउर जेह पइ एक मोहर लगी बाटइ।</verse>
				<verse number="12">तू पचे उ किताबे क एक अइसे मनई क दइ सकत ह जउन पढ़ सकत ह अउर उ मनई स कहि सकत ह कि उ उ किताबे क पढ़इ। मुला उ मनई कही, “मइँ किताबे क बाँच नाहीं सकत काहेकि इ बन्द अहइ अउर मइँ एका खोल नाहीं सकत।” या तू उ किताबे क कउनो भी अइसे मनई क दइ सकत ह जउन बाँच नाहीं सकत, अउर उ मनई स कहि सकत ह कि उ उ किताबे क पढ़इ। तब उ मनई कही, “मइँ इ किताबे क नाहीं बाँचि सकत काहेकि मइँ पढ़ब नाहीं जानत।”</verse>
				<verse number="13">मोर सुआमी कहत ह, “इ सबइ लोग कहत हीं कि उ पचे मोहसे पिरेम करत हीं। आपन मुँहे क सब्दन स उ पचे मोरे बरे आदर परगट करत हीं। मुला ओनकर मन मोहसे दूर अहइँ। उ आदर जेका उ पचे मोरे बरे देखॉवत हीं, बस कोरे मानव नेम अहइँ जउन उ पचे रट डाए अहइँ।</verse>
				<verse number="14">तउ मइँ एन लोगन क सक्ति स पूर अउर अचरज भरी बातन करत भए आस्चर्य चकित करत रहब। ओनकर बुद्धिमान मनई समझइ मँ असमर्थ होइ जइहीं।”</verse>
				<verse number="15">धिक्कार अहइ ओन लोगन क जउन यहोवा स बातन छिपावइ क जतन करिहीं। उ पचे सोचत हीं कि यहोवा तउ समझी ही नाहीं। उ सबइ लोग आँधियारा मँ काम करत हीं। उ सबइ लोग आपन मन मँ कहा करत हीं, “हम पचन्क कउनो लख सकत नाहीं। हम पचे कौन अही, एका कउनो मनई नाहीं जानी।”</verse>
				<verse number="16">तू पचे भ्रम मँ पड़ा अहा। तू पचे सोचा करत अहा, कि माटी कोहार क बराबर अहइ। तू पचे सोचा करत अहा कि कृति आपन कर्त्ता स कह सकत ह, “तू मोर रचना नाहीं किहा ह।” इ वइसा ही अहइ, जइसे गगरी क आपन बनावइवाले कोहार स इ कहब, “तू समझत्या नाहीं तू का करत अहा।”</verse>
				<verse number="17">इ फुरइ अहइ: कि लबानोन थोड़े समय पाछे, आपन बिसाल ऊँच बृच्छन बरे सपाट जोते खेतन मँ बदल जाइ अउर सपाट खेत ऊँच-ऊँच बृच्छन वाले सघन जंगलन क रूप लइ लेई।</verse>
				<verse number="18">किताबे क सब्दन क बहिरे सुनिहीं, आँधर आँधियारे अउ कोहरे मँ स लखि सकिहीं।</verse>
				<verse number="19">यहोवा दीन जनन क खुस करी। दीन जन इस्राएल क उ पवित्तरतम मँ आनन्द मनइहीं।</verse>
				<verse number="20">अइसा तब होइ जब नीच अउ क्रूर मनई खत्म होइ जइहीं। अइसा तब होइ जब बुरा काम करइ मँ आनन्द लेइवाले लोग चले जइहीं।</verse>
				<verse number="21">(उ सबइ लोग दूसर लोगन क बारे मँ झूठ बोला करत हीं। उ पचे कचहरी मँ लोगन क फँसावइ क जतन करत हीं। उ पचे भोले भाले लोगन क नस्ट करइ मँ जुटे रहत हीं।)</verse>
				<verse number="22">तउ यहोवा याकूब क परिवार स कहेस। (इ उहइ यहोवा अहइ जउन इब्राहींम क अजाद किहे रहा।) यहोवा कहत ह, “अब याकूब (इस्राएल क लोग) क लज्जित नाहीं होब होइ। अब ओकर मुँह कबहुँ पिअर नाहीं होइ चाही।</verse>
				<verse number="23">उ आपन सबहिं संतानन क लखी अउर कही कि मोर नाउँ पवित्तर अहइ। एन संतानन क मइँ आपन हाथन स बनाएउँ ह अउर इ सबइ संतानन मनिहीं कि याकूब क पवित्तर परमेस्सर वास्तव मँ पवित्तर अहइ अउर इ सबइ संतानन इस्राएल क परमेस्सर क आदर देइहीं।</verse>
				<verse number="24">उ सबइ लोग जउन गलतियन करत हीं, अब समुझ जइहीं। उ सबइ लोग जउन सिकाइत करत रहत हीं अब निर्देसन क अंगीकार करिहीं।”</verse>
			</chapter>
			<chapter number="30">
				<verse number="1">यहोवा कहेस, “मोरे एन बच्चन क लखा, इ सबइ मोर बात नाहीं मानतेन। इ सबइ जोजनन बनावत हीं मुला मोर मदद नाहीं लेइ चाहतेन। इ सबइ दूसर जातियन क साथ समझौता करत हीं जबकि मोर आतिमा ओन समझौतन क नाहीं चाहत। इ सबइ लोग आपन मूँड़े पइ पाप क बोझ बढ़ावत चला जात बाटेन।</verse>
				<verse number="2">इ सबइ बच्चन मोहसे कछू नाहीं पूछतेन कि का अइसा करब उचित अहइ। ओनका उम्मीद अहइ कि फिरौन ओनका बचाइ लेइ। उ पचे चाहत हीं कि मिस्र ओनका बचाइ लेइ।</verse>
				<verse number="3">“मुला मइँ तू पचन्क बतावत हउँ कि मिस्र मँ सरण लेइ स तोहार पचन्क बचाव नाहीं होइ। मिस्र तोहार सबन्क रच्छा करइ मँ सफल नाहीं होइ।</verse>
				<verse number="4">तोहार पचन्क अगुअन सोअन मँ गवा अहइँ अउर तोहार पचन्क राजदूत हानेस क चला गवा अहइँ।</verse>
				<verse number="5">किन्तु ओनका निरासा ही हाथे लागी। उ पचे एक अइसे रास्ट्र पइ बिस्सास करत अहइँ जउन ओनका नाहीं बचाइ पाइ। मिस्र बेकार अहइ, मिस्र कउनो मदद नाहीं देइ। मिस्र क कारण ओनका अपमानित अउ लज्जित होइ पड़ी।”</verse>
				<verse number="6">दक्खिन क गोरूअन बरे दुःखद सँदेसा: नेगव बिपत्तियन अउर खतरन स भरा एक ठु देस अहइ। इ पहँटा सेरन, नागन अउर उड़इवाले साँपन स भरा पड़ा अहइ। किन्तु कछू लोग नेगव स होत भए जात्रा करत अहइँ उ पचे मिस्र कइँती जात अहइँ। ओन लोग गदहन क पीठन पइ आपन धन-दौलत लादे भए अहइँ। ओन लोग आपन खजाना ऊँटन क पीठन पइ लाद रखे अहइँ अर्थात् इ सबइ लोग एक अइसे देस पइ भरोसा रखे अहइँ जउन ओनका नाहीं बचाइ सकत।</verse>
				<verse number="7">मिस्र ही उ बेकार क देस अहइ। मिस्र क मदद बेकार अहइ। एह बरे मइँ मिस्र क एक ठु अइसा रहाब कहत हउँ जउन निठल्ला पड़ा रहत ह।</verse>
				<verse number="8">अब एका एक चिह्न पइ लिख द्या ताकि सबहिं लोग एका लखि सकइँ। एका एक ठु किताबे मँ लिख द्या। एनका अन्तिम दिनन बरे लिख द्या। इ सबइ बातन सुदूर भविस्स क साच्छी होइही।</verse>
				<verse number="9">इ सबइ लोग ओन बच्चन क जइसे अहइँ जउन आपन महतारी-बाप क बात नाहीं मानतेन। उ सबइ लबार अहइँ अउर यहोवा क सिच्छन क सुनइ तलक नाहीं चाहतेन।</verse>
				<verse number="10">उ पचे नबियन स कहा करत हीं, “हम क जउन कछू ठीक बातन करइ चाही ओनके बारे मँ दर्सन जिन किया करा। हम क सच्चाई जिन बतावा। हम स अइसी अच्छी बातन कहा, जउन हम क नीक लाग सकत। हमरे बरे केवल अच्छी बातन ही लखा।</verse>
				<verse number="11">जउन बातन फुरइ घटइ क अहइँ, ओनका लखब बन्द करा। हमरे राहे स हटि जा। इस्राएल क उ पवित्तर परमेस्सर क बारे मँ हम का बताउब बन्द करा।”</verse>
				<verse number="12">इस्राएल क पवित्तर परमेस्सर कहत ह, “तू लोग यहोवा स इ सँदेसा क मानइ स मना कइ दिहा ह। तू लोग सहायता बरे लड़ाई-झगड़न अउर झूठ पइ निर्भर रहइ चाहत अहा।</verse>
				<verse number="13">तू पचे काहेकि एन बातन बरे अपराधी अहा, एह बरे तू पचे एक ठु अइसी ऊँच देवार क समान अहा जेहमाँ दरारन आइ चुकी अहइँ। उ देवार ढह जाइ अउर नान्ह नान्ह टूकन मँ टूटिके ढेर होइ जाइ।</verse>
				<verse number="14">तू पचे माटी क उ बड़के बर्तन क समान होइ जाब्या जउन टूटि टूटिके नान्ह नान्ह टूकन मँ बिखरि जात ह। इ सबइ टूकन बेकार होत हँ। एन टूकन मँ स तू पचे न तउ आगी स बरत कोयला ही उठाइ सकत ह अउर न ही क उनो जोहड़ स पानी।”</verse>
				<verse number="15">इस्राएल क उ पवित्तर, मोर सुआमी यहोवा कहत ह, “जदि तू पचे मोरी कइँती लउट आवा तउ तू पचे बचि जाब्या। जदि तू पचे मोहे पइ भरोसा रखब्या तबहिं तू पचन्क तोहार सबन्क बल मिली मुला तू पचन्क सान्त रहब होइ।” मुला तू पचे तउ वइसा करइ ही नाहीं चाहत्या।</verse>
				<verse number="16">तू पचे कहत अहा, “नाहीं, हम पचन्क घोड़न क जरूरत अहइ जेन पइ चढ़िके हम पचे दूर पलाइ जाइ।” इ फुरइ अहइ तू पचे घोड़न पइ चढ़िके दूर पलाइ जाब्या मुला दुस्मन तोहार सबन्क पाछा करी अउर उ तोहारे सबन्क घोड़न स जियादा तेज होइ।</verse>
				<verse number="17">एक दुस्मन ललकारी अउर तोहार पचन्क सबहिं लोग ओकरे समन्ना स भाग खड़ा होइ जइहीं। हुवाँ तू पचे अइसे अकेल्ले बचा रहि जाब्या, जइसे पहाड़ी पइ लगा तोहार पचन्क झण्डे क डण्डा।</verse>
				<verse number="18">यहोवा तू पचन्पइ आपन करूणा दर्सावत ह। यहोवा बाट जोहत ह। यहोवा तू पचन्क सुख चैन देइ बरे तइयार खड़ा अहइ। यहोवा खरा परमेस्सर अहइ अउर हर उ मनई जउन यहोवा क मदद क इंतजार मँ अहइ, धन्न (आनन्दित) होइ।</verse>
				<verse number="19">हाँ, हे सिय्योन पर्वत पइ रहइ वालो, हे यरूसलेम क बसइयो, तू लोग रोवत बिलखत नाहीं रहब्या। यहोवा तोहरे पचन्क रोवइ क सुनी अउर उ तू पचन्पइ दाया करी। यहोवा तोहार पचन्क सुनी अउर उ तोहार पचन्क मदद करी।</verse>
				<verse number="20">जदपि मोर यहोवा परमेस्सर तू पचन्क दुःख अउ कस्ट दइ सकत ह अइसे ही जइसे माना उ अइसा रोटी-पानी होइ, जेका तू पचे हर दिन खात-पिअत ह्वा। किन्तु असल मँ परमेस्सर तउ तोहार पचन्क सिच्छक अहइ, अउर उ तू पचन्स छिपा नाहीं रही। तू पचे खुद आपन आँखिन स आपन उ सिच्छक क लखब्या।</verse>
				<verse number="21">तब अगर तू पचे बुरे काम करब्या अउर बुरी जिन्नगी जीब्या (दाहिन कइँती या बाई कइँती) तउ तू पचे आपन पाछे एक आवाज क कहत सुनब्या, “खरी राह इ अहइ। तू पचन्क इहइ राहे मँ चलब अहइ।”</verse>
				<verse number="22">तोहरे पचन्क लगे चाँदी सोने स मढ़ी मूरतियन अहइँ। ओन झूठे देवतन तू पचन्क (पाप पूर्ण) बनाइ दिहेन ह। लेकिन तू पचे ओन झूठे देवतन क सेवा करब तजि देब्या। तू पचे ओन देवतन क कूड़े कचरे अउर मइले चिथड़न क समान दूर लोकउब्या।</verse>
				<verse number="23">उ समय, यहोवा तोहरे पचन्बरे बर्खा पठइ। तू पचे खेतन मँ बिआ बोउब्या, अउर धरती तोहरे पचन्बरे भोजन उपजाइ। तू सबन्क भरपूर उपज मिली। तोहार पचन्क पसुअन बरे खेतन मँ भरपूर चारा होइ। तोहरे पचन्क पसुअन बरे हुवाँ बड़ी-बड़ी चरागाहन होइहीं।</verse>
				<verse number="24">तोहरे पचन्क मवेसियन अउ तोहरे सबन्क गदहन क जइसे चारा क जरूरत होइ, उ सब ओनका मिली। खइया क ऍतना इफरात होइ कि तू पचन्क आपन पसुअन क खाइ बरे भी फावड़न अउर पंजन स चारा क फइलाउव होइ।</verse>
				<verse number="25">हर पर्वत अउर पहाड़ियन पइ पानी स भरी जल धारन होइहीं। इ सबइ बातन तब घटिहीं जब बहोत स लोग मरि चुकिहीं अउर मीनारन ढहि चुकिहीं।</verse>
				<verse number="26">उ समय चाँद क चाँदनी सूरज क धूप जइसी उज्जर होइ जाइ। सूरज क रोसनी आज स सात गुना जियादा उज्जर होइ जाइ। सूरज एक दिन मँ ऍतनी रोसनी देइ लागी जितनी उ पूरे सप्ताह मँ देत ह। इ सबइ बातन उ समय घटिहीं जब यहोवा आपन टूटे लोगन क मरहम पट्टी करी अउर सजा क कारण जउन चोटन ओनका आई अहइँ, ओनका चंगा करी।</verse>
				<verse number="27">लखा! बहोत दूर स यहोवा क नाउँ आवत अहइ। उ बहोत किरोधित अहइ। उ सँदेसा जउन उ लावत ह भाड़ी वजन क नाईं अहइ। ओकर होंठ क सब्द रूखा अहइ, ओकर जीभ एक बरत भए आग जइसी अहइ।</verse>
				<verse number="28">यहोवा क साँस (आतिमा) एक अइसी बिसाल नदी क तरह अहइ जउन तब तलक चढ़त रहत ह, जब तलक उ गटइ तलक नाहीं पहुँच जात। यहोवा सबहिं रास्ट्रन क निआव करी। इ वइसा ही होइ जइसे उ ओनका बिनासे क छलनी स छान डावइ। इ नियंत्रन वइसा होइ जइसे घोड़सवार लगाम क जरिया स घोड़ा क नियंत्रन करत ह, यहोवा रास्ट्रन क नियंत्रन करब अउर ओनकर अगुवाइ उ जगह तलक करब जहाँ उ ओनका लेइ जाइ चाहत ह।</verse>
				<verse number="29">उ समय, तू पचे खुसी क गीत गउब्या। उ समय ओन रातिन क जइसा होइ जब तू पचे आपन उत्सव मनाउब सुरू करत अहा। तू पचे ओन मनइयन क समान खुस होब्या जउन इस्राएल क चट्टान यहोवा क पर्वत पइ जात समय बाँसुरी क सुनत भए प्रसन्न होत हीं।</verse>
				<verse number="30">यहोवा सबहिं लोगन क आपन महान वाणी सुनइ क मजबूर करी। यहोवा लोगन क किरोध क संग खाले आवत भइ आपन सक्तिसाली भुजा लखइ क मजबूर करी। इ भुजा उ महा आगी क नाई होइ जउन सब कछू भसम कइ डावत ह। यहोवा क सक्ति उ आँधी क जइसी होइ जउन तेज बर्खा अउ ओलन क संग आवत ह।</verse>
				<verse number="31">अस्सूर जब यहोवा क अवाज सुनी तउ उ डेराइ जाइ। यहोवा लाठी स अस्सूर पइ वार करी।</verse>
				<verse number="32">यहोवा अस्सूर क पीटी अउर इ पिटाई अइसी होइ जइसे कउनो नगाड़न अउ वीणन पइ संगीत बजावत हउँ। यहोवा आपन सक्तीसाली भुजा (सक्ति) स अस्सूर क हराई।</verse>
				<verse number="33">तोपेत क बहोत पहिले स ही तइयार कइ लीन्ह गवा अहइ। राजा बरे इ तइयार अहइ। इ भट्टी बहोत गहिर अउर बहोत चौड़ी बनाई गइ अहइ। हुवाँ काठे क एक बहोत बड़का ढेर अउ आगी मौजूद अहइ। यहोवा क आतिमा बरत भइ गंधक क नदी क रूप मँ आइ अउर एका भसम कइके नस्ट कइ देइ।</verse>
			</chapter>
			<chapter number="31">
				<verse number="1">ओन लोगन क धिक्कार अहइ जउन मदद पावइ बरे मिस्र कइँती उतरत अहइँ। इ सबइ लोग घोड़न चाहत हीं, घोड़न ओनका बचाइ लेइहीं। लोगन क आसा बाटइ कि मिस्र क रथ अउर घुड़सवार सैनिक ओनका बचाइ लेइहीं। लोग सोचत हीं कि उ पचे सुरच्छित एह बरे अहइँ कि इ एक बिसाल सेना अहइ। लोग इस्राएल क पवित्तर (परमेस्सर) पइ भरोसा नाहीं रखतेन। लोग यहोवा स मदद नाहीं माँगतेन।</verse>
				<verse number="2">किन्तु, यहोवा ही बुद्धिमान अहइ अउर उ यहोवा ही अहइ जउन ओन पइ विपत्तियन ढाइ। लोग यहोवा क आदेस क नाहीं बदल पइहीं। यहोवा बुरे लोगन (यहूदा) क खिलाफ खड़ा होइ अउर जुद्ध करी। यहोवा ओन लोगन (मिस्र) क खिलाफ जुद्ध करी, जउन ओनका मदद पहोंचावइ क जतन करत हीं।</verse>
				<verse number="3">मिस्र क लोग मात्र मनई अहइँ परमेस्सर नाहीं। मिस्र क घोड़न मात्र पसु अहइँ, आतिमा नाहीं। यहोवा आपन हाथ अगवा बढ़ाई अउर सहायक (मिस्र) हार जाइ अउर मदद चाहइवाले लोगन (यहूदा) क पतन होइ। उ पचे सबहिं लोग साथ साथ मिट जइहीं।</verse>
				<verse number="4">यहोवा मोहसे इ कहेस, “जब कउनो सेर या सेर क कउनो बच्चा कउनो पसु क भच्छइ बरे धरत ह तउ उ मरे भए पसु पइ खड़ा होइ जात ह अउर दहाड़त ह। उ समय उ सक्तिसाली सेर क कउनो भी डेराइ नाहीं पावत। अगर चरवाहन आवइँ अउर उ सेर क हाँका करइ लागइँ तउ भी उ सेर डेराइ नाहीं। लोग केतॅना ही सोर करत रहइँ, मुला उ सेर नाहीं पराई।” इहइ तरह सर्वसक्तिमान यहोवा सिय्योन पर्वत पइ उतरी। उ पर्वत पइ यहोवा जुद्ध करी।</verse>
				<verse number="5">सर्वसक्तीमान यहोवा वइसे ही यरूसलेम क रच्छा करी जइसे आपन घोंसलन क ऊपर उड़त भइ चिरइयन। यहोवा ओका बचाइ अउर ओकर रच्छा करी। यहोवा ऊपर स होइके निकरि जाइ अउर यरूसलेम क रच्छा करी।</verse>
				<verse number="6">हे, इस्राएल क सन्तान! तू पचे परमेस्सर स विद्रोह किहा। तू पचन्क परमेस्सर कइँती मुड़ आवइ चाही।</verse>
				<verse number="7">तब लोग ओन सोना चाँदी क मूरतियन क पूजब तजिहीं अउर जेनका तू पचे बनाया ह।</verse>
				<verse number="8">अस्सूर क लोग तरवार क जरिये मारि दीन्ह जाइ, मुला उ तरवार कउनो मनई क नाहीं होइ। हाँ अस्सूर क लोग तरवार स भाग जाइ क कोसिस करी, किन्तु ओनका जवान मनइयन क धइ लेहीं अउ दास बनाइ लेहीं।</verse>
				<verse number="9">ओन लोगन क पनाह क स्थान क तबाह कीन्ह जाइहीं। ओनकर नेता पराजित कइ दीन्ह जइहीं अउर उ पचे आपन झण्डन क तजि देइहीं। इ सबइ संदेसा उ यहोवा क अहइ जेकर आगी थल (वेदी) सिय्योन पवर्त पइ अहइ। हाँ ओकर भट्टी (वेदी) यरूसलेम मँ अहइ।</verse>
			</chapter>
			<chapter number="32">
				<verse number="1">लखा, राजा लोग आपन राज्ज क निआव बरे सासन करब्या। अधिकारियन भुइँया क निआव करइ बरे सक्ती राखब्या।</verse>
				<verse number="2">जदि अइसा होइ तउ राजा उ जगहिया क नाई होइ जाइ जहाँ लोग आँधी अउ बर्खा स बचइ बरे आस्रय लेत हीं। इ झुरान धरती मँ जल धारन क नाई होइ। इ अइसा ही होइ जइसे गरम प्रदेस मँ कउनो बड़की चट्टान क ठण्डी छाया।</verse>
				<verse number="3">तब लोग ओका ठीक स देखत ही जउन ओकर आँख लखत ह। लोग ओका धियान स सुनिही जउन ओकर कान सुनत ह।</verse>
				<verse number="4">उ पचे लोग जउन उतावला अहइँ, उ सबइ सही फैसला लेइहीं। उ सबइ लोग जउन अबहिं साफ साफ नाहीं बोल पावत हीं, उ पचे साफ साफ अउर जल्दी बोलइ लगिहीं।</verse>
				<verse number="5">मूरख लोग महान मनई नाहीं कहवइहीं। लोग सड्यंत्र करइवालन क सम्मान जोग्ग नाहीं कहिहीं।</verse>
				<verse number="6">एक मूरख मनई तउ बेवकूफी स भरी बातन कहत ह अउर उ आपन मने मँ बुरी बातन क ही जोजनन बनावत ह। मूरख मनई अनुचित कारज करइ क ही सोचत ह। मूरख मनई यहोवा क बारे मँ गलत बातन कहत ह। मूरख मनई भुखान क खइया क खाइ नाहीं देत। मूरख मनई पियासे लोगन क पानी नाहीं पिअइ देत।</verse>
				<verse number="7">उ मूरख मनई बुराई क एक हथियार क रूप मँ इस्तेमाल करत ह। उ निर्धन लोगन स झूठ क जरिये बरबाद करइ बरे बुरे बुरे राहन बनावत ह। ओकर इ सबइ झूठी बातन गरीब लोगन क निस्पच्छ निआव मिलाइ स दूर रखत ह।</verse>
				<verse number="8">मुला एक ठु नीक मुखिया नीक काम करइ क योजना बनावत ह अउर ओकर उ सबइ नीक बातन ही ओका एक बढ़िया नेता बनावत ह।</verse>
				<verse number="9">तोहमाँ स कछू मेहररूअन अबहिं खुस अहइँ। तू पचे सुरच्छित अनुभव करति अहा। मुला तू पचन खड़े होइके जउन बचन मइँ बोलत हउँ ओनका सुनइ चाही।</verse>
				<verse number="10">मेहररूओ तू पचे अबहिं सुरच्छित अनुभव करति अहा किन्तु एक बरिस पाछे तू पचन बिपत्ति आवइवाली अहइ। काहेकि तू पचे अगले बरिस अंगूर एकट्ठा नाहीं करिब्यू एकट्ठा करइ बरे अँगूर होइहीं ही नाहीं।</verse>
				<verse number="11">मेहररूओ, अबहिं तू पचे चइन स अहा, किन्तु तू पचन्क डेराइ चाही। मेहररूओ, अबहिं तू पचे सुरच्छित अनुभव करति अहा, किन्तु तू पचन्क चिन्ता नाहीं करइ चाही। आपन सुन्नर ओढ़नन क उतारि बहावा अउर सोक वस्त्रन क धारण कइ ल्या। ओन वस्त्रन क आपन कमर पइ लपेट ल्या।</verse>
				<verse number="12">आपन सोक स भरी छातियन पइ ओन सोक वस्त्रन क पहिर ल्या। विलाप करा काहेकि तोहार खेत उजरि गवा अहइँ। तोहार पचन्क अंगूरे क बगीयन जउन कबहुँ अंगूर दिया करत रहेन, अब खाली पड़ा अहइँ।</verse>
				<verse number="13">मोरे लोगन क धरती बरे बिलाप करा। बिलाप करा, काहेकि हुवाँ बस काँटन अउ खरपतवार ही उगा करिहीं। विलाप करा इ नगर बरे अउर ओन सब भवनन बरे जउन कबहुँ आनन्द स भरे भए रहेन।</verse>
				<verse number="14">लोग इ प्रमुख नगर क छोड़ जइहीं। इ महल अउर इ मीनारन वीरान छोड़ दीन्ह जइहीं। उ पचे जनावरन क माँद जइसे होइ जइहीं। नगर मँ जंगली गदहन बिहार करिहीं। हुवाँ भेड़िन घास चरत फिरिहीं।</verse>
				<verse number="15">तब तलक अइसा ही होत रही, जब तलक परमेस्सर ऊपर स हमका आपन आतिमा नाहीं देइ। अब धरती पइ कउनो अच्छाई नाहीं अहइ। इ रेगिस्तान स बनी भई अहइ मुला आवइवाले समय मँ इ रेगिस्तान उपजाऊ मैदान होइ जाइ अउर इ उपजाऊ मैदान एक हरे भरे वन जइसा वन जाइ। चाहे जंगल होइ चाहे उपजाऊ धरती हर कहूँ निआव अउ निस्पच्छता मिली।</verse>
				<verse number="16"></verse>
				<verse number="17">उ नेकी सदा-सदा क बरे सान्ति अउ सुरच्छा क लियाइ।</verse>
				<verse number="18">मोर लोग सान्ति क इ सुन्नर छेत्र मँ बसा करिहीं। मोर लोग सुरच्छा क तम्बुअन मँ रहा करिहीं। उ पचे निहचिंतता क संग सान्ति स पूर्ण जगहन मँ निवास करिहीं।</verse>
				<verse number="19">किन्तु इ सबइ बातन घटइँ एहसे पहिले उ वन क गिरब होइ। उ नगर क पराजित होइ क होइ।</verse>
				<verse number="20">तू पचन्मँ स कछू लोग हर जलधारा क निअरे बिआ बोवत अहा। तू पचे आपन मवेसियन अउ आपन गदहन क एहर-ओहर चरइ बरे खुला छोड़ देत अहा। तू लोग बहोत खुस रहब्या।</verse>
			</chapter>
			<chapter number="33">
				<verse number="1">लखा, तू लोग लड़ाई करत अहा अउर ओन लोगन क वस्तुअन लूटत अहा अउर उ भी अइसे लोगन क जउन कबहुँ कउनो तोहार पचन्क वस्तु नाहीं चोराएन। तू पचे अइसे लोगन क धोखा देत रह्या जउन कबहुँ तू पचन्क धोखा नाहीं दिहन। एह बरे जब तू पचे चोरी करब बंद कइ देब्या तउ दूसर लोग तोहार वस्तुअन चोरी करब सुरू कइ देइहीं। जब तू लोगन क धोखा देब बंद कइ देब्या तउ लोग तू पचन्क धोखा देब आरम्भ कइ देइहीं। तब तू पचे कहब्या,</verse>
				<verse number="2">“हे यहोवा, हम पइ दाया करा। हम पचे तोहरे सहारे बाट जोहा ह। हे यहोवा, हर सुबह तू हमका सक्ति द्या जब हम बिपत्ति मँ होइ, तू हमका बचाइ ल्या।</verse>
				<verse number="3">तोहरी सक्तिसाली ध्वनि स लोग डरा करत हीं अउर उ पचे तोहसे दूर भाग जात हीं। तोहरी महानता क कारण रास्ट्र दूर भाग जाती हीं।”</verse>
				<verse number="4">तू पचे जुद्ध मँ लूटेस, किन्तु तू पचन्क छीना जाइ अउर तोहस लइ लेइ जाइ! इ अइसा ही होइ जइसा टिड्डियन आवा रहा अउर तोहार सारा फसल खाइ लेत रहा!</verse>
				<verse number="5">यहोवा बहोत महान अहइ, काहेकि उ बहोत ऊँचाइ (सरग) पइ रहत ह। यहोवा सिय्योन क सच्चाई अउर निआव स भरि दिहेस ह।</verse>
				<verse number="6">हे यरूसलेम, तोहार धार्मिक सभा लगातार होत रही। परमेस्सर क बुद्धि अउ गियान कवच क नाईं होइ जउन तोहार छाती क रच्छा करी। यहोव स तोहार डर अइसा होइ जइसा तू पचन क धन क खजाना।</verse>
				<verse number="7">मुला सुना! सरगदूत बाहेर गोहरावत अहइँ अउर सान्ति-संदेसवाहक बहोत रोवत अहइँ।</verse>
				<verse number="8">उच्च मार्गन रौंदा ग अहइँ। गलियन मँ कउनो नाहीं चलत फिरत अहइ। लोगन उ करार क उल्लंघन करिहीं जउन उ बनाए रहा। लोग साच्छी क जउन गवाही क रूप मँ पेस करि स जाइ इन्कार करी। कउनो भी कउनो दूसर लोगन क आदर नाहीं करत।</verse>
				<verse number="9">भुइँया बेरामी अहइ अउर अइसा लागत अहइ कि उ आपन आखरी सांस लेत अहइ। लबानोन आपन आखरी साँस लेत अहइ अउर सारोन क घाटी झुरान अउ उजाड़ अहइ। बासान अउ कर्मेल जउन कबहुँ पौधन अउर बृच्छन स हरा भरा रहा किन्तु अब हुआँ कछू नाहीं उगत ह।</verse>
				<verse number="10">यहोवा कहत ह, “मइँ अब खड़ा होब अउर आपन बड़कइ देखाउब। अब मइँ लोगन बरे एक महत्वपूर्ण बनब।</verse>
				<verse number="11">तू लोग बेकार क काम किहा ह। उ सबइ चिजियन भूसा अउर झुरान घासे क जइसे अहइँ। उ पचे बेकार अहइँ। तोहार पचन्क आतिमा आगी क नाई होइ जाइ अउर तू पचन्क बारि देइ।</verse>
				<verse number="12">लोग तब तलक बरत रइहीं जब तलक ओनकर हाड़न बरिके चूना जइसी नाहीं होइ जातीं। लोग काँटन अउर झुरान झाड़ियन क समान हाली स बरि जइहीं।</verse>
				<verse number="13">“दूर देसन क लोगो, जउन काम मइँ किहेउँ ह, तू पचे ओनके बारे मँ सुनत अहा। हे मोरे लगे क लोगो, तू पचे मोर सक्ति क समुझत अहा।”</verse>
				<verse number="14">सिय्योन मँ पापी डेरान अहइँ। उ पचे जउन बुरे करम किया करत हीं, डर स थर-थर काँपत अहइँ। उ पचे कहत हीं, “का इ बिनासकारी आगी स हम पचन क कउनो बचि सकत ह? कउन रह सकत ह इ आगी क निअरे जउन हमेसा हमेसा बरे बरत रहत ह?”</verse>
				<verse number="15">उ सबइ लोग इ आगी मँ स बचि पइहीं जउन अच्छा अहइँ, सच्चा अहइँ। उ सबइ लोग पइसा बरे दुसरन क नोस्कान नाहीं पहुँचावइ चाहतेन। उ सबइ लोग घूस नाहीं लेतेन। दूसर लोगन क कतल क जोजनन क उ पचे सुनइ तलक स मना कइ देत हीं। बुरे करम करइ क जोजनन क उ पचे लखब भी नाहीं चाहतेन।</verse>
				<verse number="16">अइसे लोग ऊँच ठउरन पइ सुरच्छा क साथ निवास करिहीं। ऊँच चट्टानन क गढ़ियन मँ उ पचे सुरच्छित रइहीं। अइसे लोगन क लगे सदा ही खाइ क भोजन अउर पिअइ क पानी रही।</verse>
				<verse number="17">तोहार पचन्क आँखिन उ राजा (परमेस्सर) क सुन्नरता क दर्सन करिहीं। तू पचे उ महान भइँया क लखब्या।</verse>
				<verse number="18">बीते भए दिनन मँ तू पचे जउन कस्ट उठाया ह, तू पचे ओकरे बारे मँ सोचब्या, “दूसर देसन क उ सबइ लोग कहाँ अहइँ? उ सबइ लोग अइसी बोली बोला करत रहेन, जेका हम समुझ नाहीं सकत रहेन। दूसर देसन क उ सबइ सेवक अउर कर एकट्ठा करइवाले कहाँ अहइँ? उ पचे गुप्तचर जउन हमार सुरच्छा मीनारन क लेखा जोखा लिए रहेन, कहाँ अहइँ? उ सबइ सब खतम होइ गएन।”</verse>
				<verse number="19"></verse>
				<verse number="20">हमरे धार्मिक उत्सवन क नगरी, सिय्योन क लखा। विस्राम निवास क उ सुन्नर ठउर यरूसलेम क लखा। यरूसलेम उ तम्बू क समान अहइ जेका कबहुँ उखाड़ा नाहीं जाई। उ सबइ खूँटन जउन ओका आपन ठउरे पइ थामे रखत हीं, कबहुँ उखाड़ा नाहीं जइहीं। ओकर रस्सन कबहुँ टुटिहीं नाहीं।</verse>
				<verse number="21">हुवाँ हमरे बरे सक्तिसाली यहोवा विस्तृत झरनन अउर नदियन वाले एक ठउरे क समान होइ। किन्तु ओन नदियन पइ कबहुँ सत्रु क नउकन या सक्तिसाली जहाज वाहीं होइहीं। ओन नउकन पइ काम करइवाले तू लोग रस्सियन क नाहीं थामे रख सक्या। तू पचे मस्तूल क मजबूत नाहीं बनाए नाहीं रख सक्या। तउ तू पचे आपन पालन क भी नाहीं खोल पउब्या। काहेकि यहोवा हमार निआवकर्ता अहइ। यहोवा हमारे बरे नेम बनावत ह। यहोवा हमार राजा अहइ। उ हमार रच्छा करत ह। इहइ स यहोवा हमका बहोत सा धन देइ। हिआँ तलक कि अपाहिज लोग भी जुद्ध मँ बहुत सा धन जीत लेइहीं।</verse>
				<verse number="22"></verse>
				<verse number="23"></verse>
				<verse number="24">हुवाँ रहइवाला कउनो भी मनई अइसा नाहीं कही, “मइँ रोगी हउँ।” हुवाँ रहइवाले लोग अइसे लोग अहइँ जेनकर पाप छिमा कइ दीन्ह गवा अहइँ।</verse>
			</chapter>
			<chapter number="34">
				<verse number="1">हे सबहिं रास्ट्र क लोगो, पास आवा अउर सुना। तू सब लोगन क धियान स सुनइ चाही। हे धरती अउ धरती पइ क सबहिं वासियो, हे जगत अउ ऐह मँ स आइ सबहिं वस्तुओ, तू सबन्क एन बातन क सुनइ चाही।</verse>
				<verse number="2">यहोवा सबहिं देसन अउर ओनकर फउजन पइ कोहान अहइ। यहोवा ओन सब क बर्बाद कइ देइ। उ ओन सबहिं क मरवाइ डाइ।</verse>
				<verse number="3">ओनकर ल्हासन बाहेर बहाइ दीन्ह जइहीं। ल्हासन स दुर्गन्ध उठी अउर पहाड़ क ऊपर स खून खाले क बही।</verse>
				<verse number="4">अकास चर्मपत्र क नाई लपेटिके मूँदि दीन्ह जइहीं। ग्रह तारन मरिके अंगूरे क बेल या अंजीरे क पत्तन क नाई गिरइ लगिहीं। अकासे क सबहिं तारन टेघर जइहीं।</verse>
				<verse number="5">यहोवा कहत ह, “अइसा उ समय होइ जब अकासे मँ मोर तरवार खूने मँ सन जाइ।” लखा! यहोवा क तरवार एदोम क काटि डाइ। यहोवा ओन लोगन क अपराधी ठहराएस ह तउ ओन लोगन क मरब ही होइ।</verse>
				<verse number="6">यहोवा क तरवार मेमना अउर बोकरियन क खून स लतपत होइ गवा अहइ। अउर भेड़ा क गुर्दन क चर्बी स चिकनाई गवा अहइ। काहेकि यहोवा निहचइ किहस ह बोसरा मँ कत्लेआम होइ उ समइ बहोत सारे लोग एदोम मँ मारइ जाइहीं।</verse>
				<verse number="7">तउ भेड़न, मवेसी अउ हट्टे कट्टे जंगली बर्धन मारा जइहीं। धरती ओनकर खून स भरि जाइ। माटी ओनकी चर्बी स पट जाइ।</verse>
				<verse number="8">अइसी बातन घटिहीं काहेकि यहोवा सजा देइ क एक समय तय किहेस ह। यहोवा एक साल अइसा चुन लिहस ह जेहमाँ लोग आपन ओन बुरे कामन बरे जउन सिय्योन क खिलाफ किहेन ह, जरूर ही भुगतान कइ देइहीं।</verse>
				<verse number="9">एदोम क नदियन अइसी होइ जइहीं जइसे माना उ सबइ गरम तारकोल क होइँ। एदोम क धरती बरत भइ गंधक अउ तारकोल क समान होइ जाइ।</verse>
				<verse number="10">उ पचे आगे रात दिन बरा करिहीं। कउनो भी मनई उ आगी क रोकि नाहीं पाई। एदोम स सदा धुआँ उठा करी। उ धरती सदा सदा बरे बर्बाद होइ जाइ। उ धरती स होइके फुन कबहुँ कउनो नाहीं गुजरा करी।</verse>
				<verse number="11">उ धरती परिंदन अउर नान्ह-नान्ह जनावरन क होइ जाइ। हुवाँ कुचकुचवन अउर कउअन क बास होइ। परमेस्सर उ धरती क “सूनी उजाड़” भुइँया मँ बदल देइ। इ वइसी ही होइ जइसी इ सृस्टि स पहिले रही।</verse>
				<verse number="12">स्वतंत्र मनई अउर मुखिया लोग खतम होइ जइहीं। ओन लोगन क हुकूमत करइ बरे हुवाँ कछू भी नाहीं बची।</verse>
				<verse number="13">हुवाँ क सबहिं सुन्नर भवनन मँ काँटन अउर जंगली झाड़ियन जमि अहइी। जंगली कुकुरन अउर कुचकुचवन ओन मकानन मँ बास करिहीं। परकोटन स जुकत नगरन क जंगली जानवर आपन निवास बनाइ लेइहीं। हुवाँ जउन घास जमी ओहमाँ बड़के बड़के पंछी रइहीं।</verse>
				<verse number="14">हुवाँ जंगली बिल्लियन अउर लकड़ बग्घन साथ रहा करिहीं अउर जंगली बोकरियन हुवाँ आपन मीतन क बोलइहीं। राति क जीवजन्तु हुवाँ आपन बरे आस्रय खोजत फिरिहीं अउर हुवँइ विस्राम करइ बरे आपन जगह बनाइ लेइहीं।</verse>
				<verse number="15">साँप हुवाँ आपन घर बनाइ लेइहीं। हुवाँ साँप आपन अण्डन दिया करिहीं। अण्डन फूटिहीं अउर ओन अँधियारा स भरे जगहन स रेगत भए साँप क बच्चन बाहेर निकरिहीं। हुवाँ मरी चिजियन क खाइवाले पंछी एक क पाछे एक एकट्ठा होत चला जइहीं।</verse>
				<verse number="16">यहोवा क चर्म-पत्र क लखा। पढ़ा ओहमाँ का लिखा अहइ। कछू भी नाहीं छूटा अहइ। उ चर्म-पत्र मँ लिखा अहइ कि उ पचे सबहिं पसु पंछी एकट्ठा होइ जइहीं। एह बरे परमेस्सर क मुँह इ आदेस दिहन अउर ओकर आतिमा ओनका एक संग एकट्ठा कइ दिहस। परमेस्सर क आतिमा ओनका परस्पर एकट्ठा करी।</verse>
				<verse number="17">परमेस्सर ओनके साथ का करी, इ उ निहचय कइ लिहस ह। एकरे पाछे परमेस्सर ओनके बरे एक जगह चुनेस। परमेस्सर एक रेखा हींचेस अउर ओनका ओनकर धरती देखाइ दिहस। एह बरे उ धरती सदा सदा पसुअन क ही होइ जाइ। उ पचे हुवाँ साल दर रहत साल चला जइहीं।</verse>
			</chapter>
			<chapter number="35">
				<verse number="1">झुरान रेगिस्तान बहोत खुसहाल होइ जाइ। रेगिस्तान खुस रही अउर एक फूल क नाई विकसित होइ।</verse>
				<verse number="2">उ रेगिस्तान खिलत भए फूलन स भरि उठी अउर आपन खुसी देखावइ लागी। अइसा लागी जइसे रेगिस्तान आनन्द मँ भरा नाचत होइ। इ रेगिस्तान अइसा सुन्नर होइ जाइ जइसा लबानोन क बन बाटइ, कर्मेल क पहाड़ अहइ अउर सारोन क घाटी अहइ। अइसा एह बरे होइ, काहेकि सबहिं लोग यहोवा क महिमा क दर्सन करिहीं। लोग हमरे परमेस्सर क महानता क लखिहीं।</verse>
				<verse number="3">दुर्बल बाँहन क फुन स सक्ति स भरा बनावा। दुर्बल घुटनन क मजबूत करा।</verse>
				<verse number="4">लोग डेरान अहइँ अउर असमंजस मँ पड़ा अहइँ। ओन लोगन स कहा, “सक्तिसाली बना। डेराअ जिन।” लखा तोहार पचन्क परमेस्सर आइ अउर तोहार पचन्क दुस्मनन क जउन उ पचे किहन ह, ओकर सजा देइ। उ आइ अउर तू पचन्क तोहार सबन्क प्रतिफल देइ अउर तोहार पचन्क रच्छा करी।</verse>
				<verse number="5">फुन तउ आँधर लखइ लगिहीं। ओनकर आँखिन खुल जइहीं।</verse>
				<verse number="6">लूले लंगड़े लोग हिरन क तरह नाचइ लगिहीं अउर अइसे लोग जउन अबहिं गूँगन अहइ, खुसी क गीत गावइ मँ आपन वाणी क उपयोग करइ लगिहीं। अइसा उ समय होइ जब मरूभूमि मँ पानी क झरनन बहइ लगिहीं। झुरान धरती पइ झरनन बहि चलिहीं।</verse>
				<verse number="7">लोग अबहिं जत क रूप मँ मृग मरीचिका क लखत हीं किन्तु उ समय जल क फुरइ सरोवर होइहीं। झुरान धरती पइ कुअँन होइ जइहीं। झुरान धरती स जल फूट बही। जहाँ एक समय जंगली जनावरन क राज रहा, हुवाँ लम्बे लम्बे पानी क पउधन जमि पइहीं।</verse>
				<verse number="8">उ समय, हुवाँ एक राह बन जाइ अउर इ राजमार्ग क नाम होइ “पवित्तर मार्ग।” उ राह पइ असुद्ध लोगन क चलइ क अनुमति नाहीं होइ। कउनो भी मूरख उ राहे पइ नाहीं चली। बस परमेस्सर क पवित्तर लोग ही ओह पइ चला करिहीं।</verse>
				<verse number="9">उ सड़क पइ कउनो खतरा नाहीं होइ। लोगन क नोस्कान पहोंचावइ बरे उ सड़क पइ सेर नाहीं होइहीं। कउनो भी भयानक जन्तु हुवाँ नाहीं होइ। उ सड़क ओन लोगन बरे होइ जेनका परमेस्सर अजाद किहेस ह।</verse>
				<verse number="10">परमेस्सर आपन लोगन क अजाद करी अउर उ सबइ लोग फुन लउटिके हुवाँ अइहीं। लोग जब सिय्योन पइ अइहीं तउ उ पचे खुस होइहीं। उ पचे सदा-सदा बरे खुस होइ जइहीं। ओनकर खुसी ओनकर माथन पइ एक मुकुट क नाई होइ। उ पचे आपन खुसी अउ आनन्द स पूरी तरह भरि जइहीं। सोक अउ दुःख ओनसे दूर बहुत दूर चले जइहीं।</verse>
			</chapter>
			<chapter number="36">
				<verse number="1">हिजकिय्याह यहूदा क राजा रहा अउर सन्हेरीब अस्सूर क राजा रहा। हिजकिय्याह क सासन क चउदहवें बरिस मँ सन्हेरीब यहूदा क किलाबन्द नगरन स जुद्ध किहन अउर उ ओन नगरन क हराइ दिहन।</verse>
				<verse number="2">लाकीस स सन्हेरीब आपन सेनापति अउर बहोत सारे सेना क यरूसलेम मँ यहूदा क राजा हिजकिय्याह क लगे आपन माँगन क बतावइ बरे पठएस। उ ऊपरवाले तालाब क कइँती जात भवा नाला पइ रुक गएस जउन धोबी लोगन क खेत क सड़क पइ रहा।</verse>
				<verse number="3">यहूदा क तीन अधिकारी ओसे मिलइ बरे गएन। इ सबइ लोग रहेन: महल क देखरेख करइवाला हिल्किय्याह क पूत एल्याकीम, लिपिकार सेब्ना, अउर कागजात क संभारिके रखइ क काम करइवाला आसाप क पूत योआह।</verse>
				<verse number="4">सेनापति ओनसे कहेस, “तू लोग, राजा हिजकिय्याह स जाइके इ सबइ बातन कहा: महान राजा अस्सूर क राजा कहत ह: “‘तू आपन सहायता बरे कउने पइ भरोसा रखत ह?</verse>
				<verse number="5">मइँ तू पचन्क बतावत हउँ कि जदि जुद्ध मँ तोहार बिस्सास सक्ति अउर वुसल जोजनन पइ अहइ तउ उ बेकार अहइ। उ सबइ कोरे सब्दन क अलावा कछू नाहीं अहइँ। एह बरे तू मोहसे काहे जुद्ध करत अहा?</verse>
				<verse number="6">अब मइँ तोहसे पूछत हउँ, तू मदद पावइ बरे कउने पइ भरोसा करत अहा? का तू मदद बरे मिस्र क सहारे अहा? मिस्र तउ एक टूटी भइ लाठी क नाई अहइ। जदि तू सहारा पावइ क ओह पइ टिकब्या तउ उ तू पचन्क बस नोस्कान ही पहोंचाइ अउर तोहरे हाथे मँ एक ठु छेद बनाइ देइ। मिस्र क राजा फिरौन पइ कउनो भी मनई क जरिये मदद पावइ क भरोसा नाहीं कीन्ह जाइ सकत।</verse>
				<verse number="7">“‘मुला होइ सकत ह तू कहा, “हम मदद पावइ बरे आपन यहोवा परमेस्सर पइ भरोसा रखित ह।” किन्तु मइँ सुना अहइ कि हिजकिय्याह यहोवा क वेदियन क अउर आराधना क ऊँच ठउरन क बर्बाद कइ दिहस ह अउर यहूदा अउ यरूसलेम क लोगन स कहेस, “तू हिआँ यरूसलेम मँ बस एक इहइ वेदी पइ उपासना किया करब्या।”</verse>
				<verse number="8">“‘अगर तू अब भी मोर सुआमी स जुद्ध करइ चाहत अहा तउ अस्सूर क राजा तोहसे इ सौदा करइ चाही: राजा क कहब अहइ, जदि जुद्ध मँ तोहरे लगे घुड़सवार पूरा अहइँ तउ मइँ तू पचन्क दुइ हजार घोड़न दइ देब।</verse>
				<verse number="9">किन्तु एतना होइ पइ तू मोर सुआमी क एक सेवक तलक क नाहीं हराइ पउब्या। ओकर कउनो नान्ह स नान्ह अधिकारी तलक क तू नाहीं हराइ पउब्या। एह बरे तू मिस्र क घुड़सवार अउर रथन पइ आपन भरोसा काहे बनाए रखत अहा।</verse>
				<verse number="10">“‘अउर अब लखा जब मइँ इ देस मँ आवा रहेउँ अउर मइँ जुद्ध किहे रहेउँ, यहोवा मोरे संग रहा। जब मइँ नगरन क उजाड़ेउँ, यहोवा मोरे संग रहा। यहोवा मोहसे कहा कहत रहा, “खड़ा ह्वा। इ नगरी मँ जा अउर एक ध्वस्त कइ द्या।”’”</verse>
				<verse number="11">यहूदा क तीनहुँ अधिकारियन, एल्याकीम, सेब्ना अउर योआह सेनापति स कहेस, “कृपा कइके हमरे संग अरामी भासा मँ ही बात करा ताकि एका हम समुझ सकित। तू यहूदी भासा मँ हम से जिन बोला। जदि तू यहूदी भासा क प्रयोग करब्या, तउ नगर दीवारे क पार क सबहिं लोग एका समुझ जइहीं।”</verse>
				<verse number="12">एह पइ सेनापति कहेस, “मोर सुआमी मोहसे इ सबइ बातन बस तू पचन्क अउर तोहरे पचन्क सुआमी हिजकिय्याह क ही सुनावइ बरे नाहीं पठएस ह। मोर सुआमी मोका एन बातन क ओनका बतावइ बरे पठएस ह जउन लोग नगर परकोटन पइ बइठा अहइँ। ओन लोगन क न तउ पूरा खइया क मिलत ह अउर न पानी। तउ ओनका आपन मलमूत्र क तोहरे पचन्क तरह खाब-पिअब होइ।”</verse>
				<verse number="13">फुन सेनापति खड़ा होइके ऊँच सुर मँ कहेस। उ यहूदी भासा मँ बोला। सेनापति कहेस, “महासम्राट अस्सूर क राजा क सब्दन क सुना:</verse>
				<verse number="14">तू आपन खुद क हिजकिय्याह क जरिये मूरख जिन बनइ द्या, उ तू पचन्क बचाइ नाहीं पाइ।</verse>
				<verse number="15">हिजकिय्याह जब इ कहत ह, ‘यहोवा मँ बिस्सास राखा। यहोवा अस्सूर क राजा हमार रच्छा करी। यहोवा अस्सूर क राजा क हमरे नगर क हरावइ नाहीं देइ तउ ओह पइ बिस्सास जिन करा।’</verse>
				<verse number="16">“हिजकिय्याह क एन सब्दन क अनसुनी करा। अस्सूर क राजा क सुना। अस्सूर क राजा क कहब अहइ, हमका एक ठु सन्धि करइ चाही। तू लोग नगर स बाहेर निकरिके मोरे लगे आवा। फुन हर मनई आपन घरे जाइ क अजाद होइ। हर मनई आपन अंगूर क बेलन स अंगूर खाइ क अजाद होइ अउर हर मनई आपन अंजीर क बृच्छन क फल खाइ क अजाद होइ। खुद आपन कुआँ क पानी पिअइ क हर मनई अजाद होइ।</verse>
				<verse number="17">जब तलक मइँ आइके तू पचन्क तोहरे पचन्क जइसे एक देस मँ न लइ जाउँ, तब तलक तू पचे अइसा करत रहि सकत ह। उ नवा देस मँ तू पचे बढ़िया अनाज अउर नवा दाखरस पउब्या। उ धरती पइ तू पचन्क रोटी अउ अंगूर क खेत मिलिहीं।</verse>
				<verse number="18">“हिजकिय्याह क तू आपन क मूरख जिन बनावइ द्या। उ कहत ह, ‘यहोवा हमार रच्छा करी।’ किन्तु मइँ तोहसे पूछत हउँ का कउनो दूसर देस क कउनो भी देवता हुवाँ क लोगन क अस्सूर क राजा क सक्ति स बचाइ पाइ नाहीं। हम हुवाँ क हर मनई क हराइ दीन्ह।</verse>
				<verse number="19">हमात अउ अर्पाद क देवता आजु कहाँ अहइँ? ओनका हराइ दीन्ह गवा अहइ। सपर्वेम क देवता कहाँ अहइँ? उ सबइ हराइ दीन्ह ग अहइँ अउर का सोमरोन क देवता हुवाँ क लोगन क मोर सक्ति स बचाइ पाएन? नाहीं।</verse>
				<verse number="20">कउनो भी देस अथवा जाति क अइसे कउनो भी एक देवता क नाउँ मोका बतावा जउन हुवाँ क लोगन क मोर सक्ति स बचाएस ह। मइँ सबन्क हराइ दिहेउँ। एह बरे लखा मोर सक्ति स यरूसलेम क यहोवा नाहीं बचाइ पाइ।”</verse>
				<verse number="21">यरूसलेम क लोग एक दम चुप रहेन। उ पचे सेनापति क कउनो जवाब नाहीं दिहन। हिजकिय्याह लोगन क हुकुम दिहे रहा कि उ पचे सेनापति क कउनो जवाब न देइँ।</verse>
				<verse number="22">एकरे पाछे महल क देखरेख करइवाला हिल्किय्याह क पूत एल्याकीम लिपिकार सेब्ना अउर कागजात क संभारिके रखइ क काम करइवाला आसाप क पूत योआह इ देखावइ बरे कि उ दुःखी रहेन आपन ओढ़ना फाड़ि डाएन। उ पचे तीनउँ मनइयन हिजकिय्याह क लगे गएन अउर सेनापति जउन कछू ओनसे कहे रहा, उ सब ओका कहि सुनाएन।</verse>
			</chapter>
			<chapter number="37">
				<verse number="1">हिजकिय्याह जब सेनापति क सँदेसा सुनेस तउ उ आपन ओढ़ना फाड़ि डाएस। फुन बिसेस सोक वस्त्र धारण कइके उ यहोवा क मंदिर मँ गवा।</verse>
				<verse number="2">हिजकिय्याह महल क सेवक एल्याकीम क राजा क सचिव सेब्ना क अउर याजकन क अग्रजन क आमोस क पूत यसायाह नवी क लगे पठएस। एन तीनउँ ही लोग बिसेस सोक-वस्त्र पहिरे भरे रहेन।</verse>
				<verse number="3">एन लोगन यसायाह स कहेन, “राजा हिजकिय्याह कहेस ह कि आजु क दिन सोक अउर दुःख क एक बिसेस दिन होइ। इ दिन एक अइसा दिन होइ जइसे जब एक बच्चा जन्म लेत ह। किन्तु बच्चा क जन्म देइवाली महतारी मँ जेतनी सक्ति होइ चाही ओहमाँ ओतनी ताकत नाहीं होत।</verse>
				<verse number="4">सम्भव अहइ तोहार परमेस्सर यहोवा, सेनापति क जरिये कही बातन क सुन लेइ। अस्सूर क राजा सेनापति क साक्षात परमेस्सर क बेज्जत करइ पठएस ह। होइ सकत ह तोहार परमेस्सर यहोवा ओन बुरी अपमान स भरी बातन क सुन लिहस ह अउर उ ओनका एकर सजा देइ। कृपा कइके इस्राएल क ओन थोड़े स लोगन बरे पराथना करा जउन बचे भए अहइ।”</verse>
				<verse number="5">हिजकिय्याह क सेवक यसायाह क लगे गएन। यसायाह ओनसे कहेस, “अपने मालिक क इ बताइ द्या: ‘यहोवा कहत ह तू पचे सेनापति स जउन सुन्या ह, ओन बातन स जिन डेराअ। अस्सूर क राजा क लरिकन मोर अपमान करइ बरे जउन बातन कहेन ह, ओन बातन स जिन डेराअ।</verse>
				<verse number="6"></verse>
				<verse number="7">लखा अस्सूर क राजा क मइँ एक अफवाह सुनवाउब। अस्सूर क राजा क एक अइसी रपट मिली जउन ओकरे देस पइ आवइ वाले खतरा क बारे मँ होइ। एहसे उ अपने देस वापस लउटि जाइ। उ समय मइँ ओका, ओकरे आपन ही देस मँ तरवार स मउत क घाट उतार देब।’”</verse>
				<verse number="8">अस्सूर क राजा क एक खबर मिली, सूचना मँ कहा ग रहा, “इथोपिया क राजा तिर्हाका जुद्ध करइ आवति अहइ।” तउ अस्सूर क राजा लाकीस क तजिके लिबना चला गवा। सेनापति इ सुनेस अउर लिबना नगर क चला गवा जहाँ अस्सूर क राजा जुद्ध करत रहा। फुन अस्सूर क राजा हिजकिय्याह क लगे दूत पठएस। राजा ओन दूतन स कहेस,</verse>
				<verse number="9"></verse>
				<verse number="10">“यहूदा क राजा हिजकिय्याह स तू पचे इ बातन कहया: ‘जउने देवता पइ तोहार बिस्सास अहइ, ओहसे तू पचे मूरख जिन बना। अइसा जिन कहा कि “अस्सूर क राजा परमेस्सर यरूसलेम क पराजित नाहीं होइ देइ।”</verse>
				<verse number="11">लखा, तू पचे अस्सूर क राजा लोगन क बारे मँ सुन ही चुका अहा। उ पचे हर कउनो देस मँ लोगन क संग का कछू किहेन ह। ओनका उ पचे बुरी तरह हराएन ह। का तू पचे ओनसे बचि पउब्या? नाहीं, कदापि नाहीं।</verse>
				<verse number="12">का ओन लोगन क देवतन ओनकर रच्छा किहे रहेन? नाहीं। मोर पुरखन ओनका नस्ट कइ दिहन। मोर लोग गोजान, हारान अउ रेसेप क नगरन क बुरी तरह हराइ दिहे रहेन अउर उ पचे एदेन क लोग जउन तलस्सार मँ रहा करत रहेन, ओनका भी हराइ दिहे रहेन।</verse>
				<verse number="13">हमात अउर अर्पाद क राजा कहाँ गएन। सपरवैम क राजा आज कहाँ अहइ? हेना अउर इव्वा क राजा अब कहाँ अहइँ? ओनकर अन्त कइ दीन्ह गवा। उ पचे सबहिं बर्बाद कइ दीन्ह गएन।’”</verse>
				<verse number="14">हिजकिय्याह ओन लोगन स उ सँदेसा लइ लिहस अउर ओका बाँचेस। फुन हिजकिय्याह यहोवा क मंदिर मँ चला गवा। हिजकिय्याह उ सँदेसा क खोलेस अउर यहोवा क समन्वा रख दिहस।</verse>
				<verse number="15">फुन हिजकिय्याह यहोवा स पराथना करइ लाग। हिजकिय्याह बोला:</verse>
				<verse number="16">“इस्राएल क परमेस्सर सर्वसक्तीमान यहोवा, तू राजा क समान करूब सरगदूतन पइ बिराजत अहा। तू अउर बस तू ही परमेस्सर अहा, जेकर धरती क सबहिं राज्जन पर सासन अहइ। तू सरगन अउर धरती क रचना किहा ह।</verse>
				<verse number="17">मोर सुना। आपन आँखिन खोला अउर लखा, कान लगाइके सुना इ सँदेसा क सब्दन क, जेका सन्हेरीब मोका पठएस ह। एहमाँ तू साक्षात परमेस्सर क बारे मँ अपमान स भरी बुरी बुरी बातन कहया ह।</verse>
				<verse number="18">हे यहोवा, अस्सूर क राजा लोग असल मँ सबहिं देसन अउर हुवाँ क धरती क तबाह कइ दिहेस ह।</verse>
				<verse number="19">अस्सूर क राजा लोग ओन देसन क देवतन क बारि डाएन ह किन्तु उ पचे सच्चे देवतन नाहीं रहेन। उ पचे तउ सिरिफ अइसे मूरतियन रहेन जेनका लोग बनाए रहेन। उ सबइ तउ कोरी काठ रहेन, कोरे पाथर रहेन। एह बरे उ पचे खतम होइ गएन। उ सबइ बर्बाद होइ गएन।</verse>
				<verse number="20">तउ अब हे हमार परमेस्सर यहोवा। अब कृपा कइके अस्सूर क राजा क सक्ति स हमार रच्छा करा। ताकि धरती क सबहिं राज्जन क पता चलि जाइ कि तू यहोवा अहा अउर तू ही हमार एकमात्र परमेस्सर अहा।”</verse>
				<verse number="21">फुन आमोस क पूत यसायाह हिजकिय्याह क लगे इ सँदेसा पठएस, “इ उ अहइ जेका इस्राएल क परमेस्सर यहोवा कहेस ह, ‘अस्सूर क राजा सन्हेरीब क बारे मँ तू मोका पराथना किहेस ह।’</verse>
				<verse number="22">“तउ मोका जउन सन्हेरीब विरोध मँ कहेस, ‘उ इ अहइ: सिय्योन क कुवाँरी पुत्री तोहका तुच्छ जानत ह। उ तोहार हँसी उड़ावत ह। यरूसलेम क पुत्री तोहार हँसी उड़ावत ह।</verse>
				<verse number="23">तू मोरे बरे विरोध मँ बुरी बातन कह्या। तू बोलत रह्या। तू आपन आवाज मोरे विरोध मँ उठाए रह्या। तू मोका इस्राएल क पवित्तर परमेस्सर क अभिमान भी आँखिन स घूरे रह्या।</verse>
				<verse number="24">मोर सुआमी यहोवा क बारे मँ तू बुरी बातन कहलवावइ बरे तू आपन सेवकन क प्रयोग किहा। तू कह्या “मइँ बहोत सक्तिसाली हउँ! मोरे लगे बहोत स रथ अहइँ। मइँ आपन सक्ति स लबानोन क हराया जब मइँ आपन रथन क लबानोन क महान पर्वत क ऊँच सिखरन क ऊपर लइ आएउँ। मइँ लबानोन क सबहिं महान बृच्छ काट डाएउँ। मइँ उच्चतम सिखर स लइके गहिर जंगलन तलक प्रवेस कइ चुका हउँ।</verse>
				<verse number="25">मइँ बिदेसी धरती पइ कुअँन खनेउँ अउर पानी पिएउँ। मइँ मिस्र क नदियन सुखाइ दिहेउँ अउर उ देस पइ चलिके गएउँ ह।”</verse>
				<verse number="26">‘इ सबइ उ जउन तू कह्या। का तू इ नाहीं सुन्या कि परमेस्सर का कहेस? मइँ (परमेस्सर) बहोत बहोत पहिले ही इ जोजना बनाइ लिहेउँ रहे। बहोत बहोत पहिले ही मइँ एका तइयार कइ लिहे रहेउँ अब एका मइँ घटित किहेउँ ह। मइँ ही तू पचन्क ओन नगरन क नस्ट करइ दिहेउँ अउर मइँ ही तू पचन्क ओन नगरन क पाथरन क देर मँ बदलइ दिहेउँ।</verse>
				<verse number="27">ओन नगरन क निवासी कमजोर रहेन। उ सबइ लोग भयभीत अउर लज्जित रहेन। उ पचे खेते क पउधन जइसे रहेन, उ पचे नई घास क जइसे रहेन। उ पचे उ घासे क नाई रहेन जउन मकानन क छतन पइ जमा करत हीं। उ घास लम्बी होइ स पहिले ही रेगिस्तान क गरम हवा झुलसाइ दीन्ह जात ह।</verse>
				<verse number="28">तोहार सेना अउ तोहरे जुद्ध क बारे मँ मइँ सब कछू जानत हउँ। मोका पता अहइ जब तू विस्राम किहे रह्या। जब तू जुद्ध बरे गवा रह्या, मोका तब क भी पता अहइ। तू जुद्ध स घरे कब लउट्या, मइँ इ भी जानत हउँ। मोका एकर भी गियान अहइ कि तू मोह पइ कोहान अहा।</verse>
				<verse number="29">तू मोहसे खुस नाहीं अहा अउर मइँ तोहार अहंकार स भरा अपमान क सुना ह। तउ मइँ तोहका सजा देब। मइँ तोहरे नाके मँ नकेल डाउब। मइँ तोहरे मुँहे पइ लगाम लगाउब अउर तब मइँ तोहका मजबूर करब कि तू जउने राहे स आया रह्या, उहइ राहे स मोरे देस क तजिके वापिस चला जा।’”</verse>
				<verse number="30">एह पइ यहोवा हिजकिय्याह स कहेस, “हिजकिय्याह, तू इ देखावइ बरे कि इ सबइ सब्द सच्चा अहइँ, मइँ तोहका एक संकेत देब। इ बरिस तू खाइ बरे कउनो अनाज नाहीं बोया। तउ इ बरिस तू पिछले बरिस क फसल स यूँ ही जम आए अनाजे क खाब्या। अगले बरिस भी अइसा ही होगा किन्तु तीसरे बरिस तू उ अनाजे क खाब्या जेका तू जमाए होब्या। तू आपन फसलन क कटब्या। तोहरे लगे खाइ क भरपूर होइ। तू अंगूरे क बेलन रोपब्या अउर ओनकर फल खाब्या।</verse>
				<verse number="31">“यहूदा क परिवार क कछू लोग बच जइहीं। उ पचे ही लोग बढ़त भए एक बड़की जाति क रूप लइ लेइहीं। उ पचे लोग ओन बृच्छन क नाई होइहीं जेनकर जड़न धरती मँ बहोत गहिर जात हीं अउर जउन बहोत तगड़े होइ जात हीं अउर बहोत स फल देत हीं।</verse>
				<verse number="32">यरूसलेम म कछू ही लोग जिअत बचिके बाहेर जाइ पइहीं। सिय्योन पर्वते स बचे भए लोगन क एक समूह ही बाहेर जाइ पाइ।” सर्वसक्तिमान यहोवा क सुदृढ़ पिरेम ही अइसा करी।</verse>
				<verse number="33">तउ यहोवा अस्सूर क राजा क बारे मँ इ कहेस: “उ इ नगर मँ नाहीं आइ। उ इ नगर पइ एक भी बाण नाहीं छोड़ी! उ आपन दालन क मुँह इ नगर कइँती नाहीं करी। उ इ नगर पइ हमला करइ क बरे माटी क टीला खड़ा नाहीं करी।</verse>
				<verse number="34">उहइ राहे स जेहसे उ आवा रहा, उ वापस आपन नगर क लउटि जाइ। इ नगर मँ उ प्रवेस नाहीं करी। इ सँदेसा यहोवा कइँती स अहइ।</verse>
				<verse number="35">यहोवा कहत ह, मइँ बचाउब अउर इ नगर क रच्छा करब। मइँ अइसा खुद आपन बरे अउर आपन सेवक दाऊद बरे करब।”</verse>
				<verse number="36">तउ यहोवा क सरगदूत अस्सूर क सिबिर मँ जाइके एक लाख पचासी हजार फउजी मनइयन क मार डाएस। अगली सुबह जब लोग उठेन, तउ उ पचे लखेन कि ओनके चारिहुँ कइँती मरे भए फउजियन क ल्हासन बिखरी अहइँ।</verse>
				<verse number="37">एह पइ अस्सूर क राजा सन्हेरीब वापस लउटिके आपन घरे नीनवे चला गवा अउर हुँवइ रहइ लाग।</verse>
				<verse number="38">एक दिन, जब सन्हेरीब आपन देवता निस्रोक क मंदिर मँ ओकर पूजा करत रहा, उहइ समय ओकर पूत अद्रम्मेलेक अउर सरेसेर तरवार स ओकर कतल कइ दिहस अउर फुन उ पचे असरात क भुइँया मँ पराइ गएन। एह बरे सन्हेरीब क पूत एसर्हद्देन (अस्सूर क) नवा राजा बन गवा।</verse>
			</chapter>
			<chapter number="38">
				<verse number="1">उ समय क आसपास हिजकिय्याह बहोत बीमार पड़ा। ऍतना बीमार कि जइसे उ मरि ही गवा होइ। तउ आमोस क पूत यसायाह ओहसे मिलइ गवा। यसायाह राजा स कहेस, “यहोवा तू पचन्क इ सबइ बातन बतावइ बरे कहेस ह: ‘हाली ही तू मरि जाब्या। तउ जब तू मरा, तोहार परिवार का करइँ, इ तोहका ओनका बताइ देइ चाही। अब तू फुन कबहुँ नीक नाहीं होब्या।’”</verse>
				<verse number="2">हिजकिय्याह उ देवार क नाई करवट लिहस जेकर मुँह मन्दिर कइँती रहा। उ यहोवा क पराथना किहस, उ कहेस,</verse>
				<verse number="3">“हे यहोवा, कृपा करा, याद करा कि मइँ सदा तोहरे समन्वा बिस्सास स भरी अउर सच्चे हिरदय क संग जिन्नगी जिएउँ ह। मइँ उ सबइ बातन किहेउँ ह जेनक तू उत्तिम कहत ह।” एकरे पाछे हिजकिय्याह ऊँच सुर मँ रोउब सुरू कइ दिहस।</verse>
				<verse number="4">यसायाह क यहोवा स इ संदेस मिला:</verse>
				<verse number="5">“हिजकिय्याह क लगे जा अउर ओहसे कहि द्या: इ सबइ बातन उ सबइ अहइँ जेनका तोहार बाप दाऊद क परमेस्सर यहोवा कहत ह, ‘मइँ तोहार पराथना सुनेउँ ह अउर तोहार दुःख भरे आँसू लखेउँ ह। तोहरी जिन्नगी मँ मइँ पन्द्रह बरिस अउर जोड़त हउँ।</verse>
				<verse number="6">अस्सूर क राजा क हाथन स मइँ तोहका छोड़ाइ डाउब अउर इ नगर क रच्छा करब।’”</verse>
				<verse number="7">तोहका इ बात बतावइ बरे जउन बातन क उ कहत ह, ओनका उ पूरा करी। यहोवा कइँती इ संकेत अहइ:</verse>
				<verse number="8">“लखा, आहाज क धूप घड़ी क उ छाया जउन अंसन पइ पड़त ह, मइँ ओका दस अंस पाछे हटाइ देब। सूरज क उ छाया दस अंस तलक पाछे चली जाइ।”</verse>
				<verse number="9">इ हिजकिय्याह क उ पत्र अहइ जउन उ बेरामी स नीक होइ क पाछे लिखे रहा:</verse>
				<verse number="10">मइँ आपन मन मँ कहेउँ कि मइँ तब तलक जिअब जब तलक बूढ़ा होबउँ। किन्तु मोर काल आइ गवा रहा कि मइँ मउत क दुआरे स गुजरउँ। अब मइँ आपन समय हिऊँइ पइ बिताउबउँ।</verse>
				<verse number="11">एह बरे मइँ कहेउँ, “मइँ यहोवा याह क फुन कबहुँ जिअतन क धरती पइ नाहीं लखब। धरती पइ जिअत भए लोगन क मइँ नाहीं लखब।</verse>
				<verse number="12">मोर घर, चरवाहे क अस्थिर तम्बू सा उखाड़िके गिरावा जात अहइ अउर मोहसे छीना जात अहइ। अब मोर वइसा ही अन्त होइ गवा ह जइसे करघे स कपड़ा लपेटि के काट लीन्ह जात ह। क्षिनभर मँ तू मोहका इ अंत तलक पहोंचाइ दिहा।</verse>
				<verse number="13">मइँ भोर तलक आपन क सान्त करत रहेउँ। उ सेर क नाई मोर हाड़न क तोरत अहइ। एक ही दिन मँ तू मोर अन्त कइ डावत ह।</verse>
				<verse number="14">मइँ कबूतर स रोवत रहेउँ। मइँ एक पंछी जइसा रोवत रहेउँ। मोर आँखिन थक गइन तउ भी मइँ लगातार अकासे कइँती निहारत रहेउँ। मोर सुआमी, मइँ विपत्ति मँ हउँ मोका उबारइ क बचन द्या।”</verse>
				<verse number="15">मइँ अउर का कहि सकत हउँ? मोर सुआमी मोका बताएस ह जउन कछू भी होइ, अउर मोर सुआमी ही उ घटना क घटित करी। मइँ एन बिपत्तियन क आपन आतिमाँ मँ झेलेउँ ह एह बरे मइँ जिन्नगी भइ विनम्र रहब।</verse>
				<verse number="16">हे मोर सुआमी, इ कस्ट क समय क उपयोग फुन स मोर चेतना क ससक्त बनावइ मँ करा। मोरे मने क ससक्त अउर स्वस्थ होइ मँ मोर मदद करा। मोका सहारा द्या कि मइँ नीक होइ जाउँ। मोर मदद करा कि मइँ फुन स जी उठउँ।</verse>
				<verse number="17">लखा! मोर बिपत्तियन खतम भईन! अब मोरे लगे सान्ति अहइ। तू मोहसे बहोत जियादा पिरेम करत ह। तू मोका कब्र मँ सड़इ नाहीं दिहा। तू मोर सब पाप छिमा किहा। तू मोर सब पाप दूर लोकाइ दिहा।</verse>
				<verse number="18">तोहार स्तुति मरे मनई नाहीं गावतेन। मउत क देस मँ पड़े लोग तोहार यसगीत नाहीं गावतेन। उ पचे मरे भए मनई जउन कब्र मँ समावा अहइँ, मदद पावइ क तोह पइ भरोसा नाहीं रखतेन।</verse>
				<verse number="19">उ सबइ लोग जउन जिअत अहइँ जइसा आजु मइँ हउँ तोहार जस गावत हीं। एक बाप क आपन सन्तानन क बतावइ चाही कि तोह पइ भरोसा कीन्ह जाइ सकत ह।</verse>
				<verse number="20">एह बरे मइँ कहत हउँ: “यहोवा मोका बचाएस ह तउ हम आपन जिन्नगी भइ यहोवा क मन्दिर मँ गीत गाउब अउर बाजा बजाउब।”</verse>
				<verse number="21">फुन एह पइ यसायाह कहेस, “अंजीरन क आपुस मँ मसलवाइके ओकरे फोड़न पइ बाँधा। एहसे उ नीक होइ जाइ।”</verse>
				<verse number="22">किन्तु हिजकिय्याह यसायाह स पूछेस, “यहोवा कइँती स अइसा कउन सा संकेत अहइ जउन साबित करत ह कि मइँ नीक होइ जाब? कउन सा संकेत अहइ जउन प्रमाणित करत ह कि मइँ यहोवा क मंदिर मँ जाइ क जोग्य होइ जाब?”</verse>
			</chapter>
			<chapter number="39">
				<verse number="1">उ समय, बलदान क पूत मरोदक बलदान बाबुल क राजा भवा करत रहा। मरोदक हिजकिय्याह क लगे पत्र अउर उपहार पठएस। मरोदक ओकरे लगे उपहार एह बरे पठए रहा कि उ अनके रहा कि हिजकिय्याह बेराम रहा अउर फुन नंगा होइ गवा।</verse>
				<verse number="2">एन उपहारन क पाइके हिजकिय्याह बहोत खुस भवा। एह बरे हिजकिय्याह मरोदक क लोगन क आपन खजाने क कीमती चिजियन देखाएस। हिजकिय्याह ओन लोगन क आपन सारी सम्पत्ति देखाएस। चाँदी, सोना, कीमती तेल अउर इत्र ओनका देखाएस। हिजकिय्याह ओनका जुद्ध मँ काम आवइवाली तरवारन अउर ढालन भी देखाएस। हिजकिय्याह ओनका सबहिं चिजियन देखाएस जउन उ जमा कइ रखे रहा। हिजकिय्याह आपन घरे क अउर आपन राज्ज क हर वस्तु ओनका देखाएस।</verse>
				<verse number="3">यसायाह नबी राजा हिजकिय्याह क लगे गवा अउर ओहसे बोला, “इ सबइ लोग का कहत अहइँ? इ सबइ लोग कहाँ स आएन ह” हिजकिय्याह कहेस, “इ सबइ लोग दूर देस स मोरे लगे आएन ह। इ सबइ लोग बाबुल स आएन ह।”</verse>
				<verse number="4">एह पइ यसायाह ओहसे पूछेस, “उ पचे तोहरे गहल मँ का लखेन?” हिजकिय्याह कहेस, “मोर महल क हर वस्तु उ पचे लखेन। मइँ आपन सारी सम्पत्ति ओनका देखाए रहेउँ।”</verse>
				<verse number="5">यसायाह हिजकिय्याह स इ कहेस, “सर्वसक्तीमान यहोवा क सब्दन क सुना।</verse>
				<verse number="6">‘भविस्स मँ जउन कछू तोहरे घर मँ अहइ, उ सब कछू बाबुल लइ जावा जाइ। अउर तोहरे बुजुर्गन क उ सारी धन दौलत जउन अचानक उ पचे बटोरेन ह, लइ लीन्ह जाइ। तोहरे लगे कछू नाहीं छोड़ा जाइ। सर्वसक्तिमान यहोवा इ कहेस ह।</verse>
				<verse number="7">बाबुल क राजा तोहरे पूतन क लइ जाइ।’ उ सबइ पूत जउन तोहसे पइदा होइहीं। तोहार पूत बाबुल क राजा क महल मँ हाकिम बनिहीं।”</verse>
				<verse number="8">हिजकिय्याह यसायाह स कहेस, “यहोवा क एन बचनन क सुन मोरे बरे बहोत उत्तिम होइ।” (हिजकिय्याह अइसा एह बरे कहेस काहेकि ओकर विचार रहा, “जब मइँ राजा होब, तब सान्ति रही अउर कउनो उत्पात नाहीं होइ।”)</verse>
			</chapter>
			<chapter number="40">
				<verse number="1">“चैन द्या, मोरे लोगन क चैन द्या! तोहार पचन्क परमेस्सर कहत ह।</verse>
				<verse number="2">तू यरूसलेम स दाया स बातन करा। यरूसलेम क बताइ द्या, ‘तोहरी सेवा क समय पूरा होइ चुका। तू आपन पापन क कीमत दइ दिहे अहा।’ यहोवा यरूसलेम क कीन्ह भए पापन क दुइ गुणा दण्ड ओका दिहेस ह।”</verse>
				<verse number="3">सुना! एक मनई क जोर स गोहरावत भए सुर: “यहोवा बरे बियाबान मँ एक राह बनावा। हमार परमेस्सर बरे बियाबान मँ एक रास्ता चौरस करा।</verse>
				<verse number="4">हर घाटी क भरि द्या हर एक पर्वत अउ पहाड़ी क समथर करा। टेढ़-मेढ़ राहन क सोझ करा। उबड़-खाबड़ क चौरस बनाइ द्या।</verse>
				<verse number="5">तब यहोवा क महिमा परगट होइ। सब लोग एकट्ठा यहोवा क तेज क लखिहीं। हाँ, यहोवा खुद इ सबइ कहेस ह।”</verse>
				<verse number="6">एक वाणी मुखरित भइ, उ कहेस, “बोला।” तउ मनई पूछेस, “मइँ का कहउँ?” वाणी कहेस, “लोग सदा जिअत नाहीं रहिहीं। उ सबइ रेगिस्ताने क घास क नाई अहइँ। ओनकर धार्मिकता जंगली फूल क समान अहइ।</verse>
				<verse number="7">एक सक्तिसाली आँधी यहोवा कइँती स उ घासे पइ चलत ह, अउर घास झुराइ जात ह, जंगली फूल नस्ट होइ जात ह। हाँ सबहिं लोग घास क समान अहइँ।</verse>
				<verse number="8">घास मरि जात ह अउर जंगली फूल नस्ट होइ जात ह। किन्तु हमरे परमेस्सर क बचन सदा बने रहत हीं।”</verse>
				<verse number="9">हे, सिय्योन, तोहरे लगे सुसंदेस कहइ क अहइ। तु पहाड़े पइ चढ़ि जा अउर ऊँचे सुर स ओका गोहरावा। यरूसलेम, तोहरे लगे एक सुसंदेस कहइ क अहइ। भयभीत जिन ह्वा, तू ऊँच सुर मँ बोला। यहूदा क सारे नगरन क तू इ सबइ बातन बताइ द्या: “लखा, इ रहा तोहार परमेस्सर!”</verse>
				<verse number="10">मोर सुआमी यहोवा सक्ति क संग आवत अहइ। उ आपन सक्ति क उपयोग लोगन पइ सासन करइ मँ लगाइ। यहोवा आपन लोगन क प्रतिफल देइ। ओकरे लगे देइ क ओनकर मजदूरी होइ।</verse>
				<verse number="11">यहोवा आपन लोगन क वइसे ही अगुवाई करी जइसे कउनो गड़रिया आपन भेड़िन क अगुवाई करत ह। यहोवा आपन बाहु क काम मँ लिआई अउर आपन भेड़िन क बटोरी। यहोवा नान्ह भेड़िन क उठाइके गोद मँ थामी, अउर ओनकर महतारिन ओकरे संग संग चलिहीं।</verse>
				<verse number="12">कउनो अँजुरी मँ भरिके समुद्र क नाप दिहेस? कउन हाथे स अकास क नाप दिहस? कउन कटोरा मँ भरिके धरती क सारी धूरि क नाप दिहस? कउन नापइ क धागा स पर्वतन अउर चोटियन क नाप दिहेस? इ यहोवा किहे रहा।</verse>
				<verse number="13">यहोवा क आतिमा क कउनो मनई इ नाहीं बताएस कि ओका का करब रहा। यहोवा क कउनो इ नाहीं बताएस कि ओका जउन उ किहेस ह, कइसे करब रहा।</verse>
				<verse number="14">का यहोवा कउनो स मदद माँगेस? का यहोवा क कउनो निस्पच्छता क पाठ पढ़ाएस ह? का कउनो मनई यहोवा क गियान सिखाएस ह? का कउनो मनई यहोवा क बुद्धि स काम लेब सिखाएस ह? नाहीं। एन सबहिं बातन क यहोवा क पहिले ही स गियान अहइ।</verse>
				<verse number="15">लखा, जगत क सारे देस गगरी मँ एक नान्ह बूँद जइसे अहइँ। जदि यहोवा सुदूरवर्ती देसन तलक क लइके आपन तराजू पइ धइ देइ, तउ उ पचे नान्ह स रजकन जइसे लगिहीं।</verse>
				<verse number="16">लबानोन क सारे बृच्छन भी काफी नाहीं अहइ कि ओनका यहोवा बरे बारा जाइ। लबानोन क सारे पसु काफी नाहीं अहइँ कि ओनका ओकर एक बलि बरे मारा जाइ।</verse>
				<verse number="17">परमेस्सर क तुलना मँ बिस्व क सबहिं रास्ट्र कछु भी नाहीं अहइँ। परमेस्सर क तुलना मँ विस्व क सबहिं रास्ट्र बिल्कुल बगैर कीमत क अहइँ।</verse>
				<verse number="18">का तू परमेस्सर क तुलना कउनो भी चीज स कइ सकत ह? नाहीं। का तू परमेस्सर क चित्र बनाइ सकत ह? नाहीं।</verse>
				<verse number="19">किन्तु कछू लोग अइसे अहइँ जउन पाथर अउर काठे क मूरतियन बनावत हीं अउर ओनका देवता कहत हीं। एक कारीगर मूरति क बनावत ह। फुन दूसर कारीगर ओह पइ सोना मढ़ देत ह अउर ओकरे बरे चाँदी क जंजीरन बनावत ह।</verse>
				<verse number="20">तउ उ मनई आधार बरे एक खास तरह क काठ चुनत ह जउन सड़त नाहीं ह। तब उ एक अच्छे काठे क कारीगर क हेरत ह। उ कारीगर एक अइसा देवता बनावत ह जउन लुढ़कत नाहीं ह।</verse>
				<verse number="21">निहचय ही, तू पचे फुरइ जानत अहा, बोला? निहचय ही तू पचे सुन्या ह। निहचइ ही बहोत पहिले कउनो तू पचन्क बनाएस ह। निहचइ ही तू पचे जानत अहा कि धरती क कउन बताएस ह।</verse>
				<verse number="22">यहोवा ही सच्चा परमेस्सर अहइ। उहइ धरती क चक्र क ऊपर बइठत ह। ओकर तुलना मँ लोग टिड्डी स लगत हीं। उ अकासन क कउने कपड़े क टूकन क नाई खोल दिहस। उ अकासे क ओकरे खाले बइठइ क एक तम्बू क नाई तान दिहस।</verse>
				<verse number="23">सच्चा परमेस्सर सासकन क महत्वहीन बनावत ह। उ इ जगत क निआवकर्त्तन क पूरी तरह बियर्थ बनाइ देत ह।</verse>
				<verse number="24">उ सबइ सासक अइसे अहइँ जइसे उ पचे पउधन जेनका धरती मँ रोपा गवा होइ, किन्तु एहसे पहिले कि उ पचे आपन जड़न धरती मँ जमाइ पावइँ, परमेस्सर ओनका बहाइ देत ह अउर उ सबइ झुराइके मरि जात हीं। आँधी ओनका तिनका सा उड़ाइके लइ जात ह।</verse>
				<verse number="25">“का तू कउनो स भी मोर तुलना कइ सकत ह नाहीं। कउनो भी मोरे बराबर क नाहीं अहइ।”</verse>
				<verse number="26">ऊपर अकासन क लखा। कउन ऍन सबहिं तारन क बनाएस? कउन उ सबइ अकास क सेना बनाएस? केका सबहिं तारन नाम-बनाम मालूम अहइँ? सच्चा परमेस्सर बहोत ही सुदृढ़ अउर सक्तीसाली अहइ एह बरे कउनो तारा कबहुँ निज मार्ग नाहीं बिसरा।</verse>
				<verse number="27">हे याकूब, इ सच अहइ। हे इस्राएल, तोहका एका बिस्सास करइ चाही। तउ तू काहे अइसा कहत ह कि “जइसी जिन्नगी मइँ जिअत हउँ ओका यहोवा नाहीं लखि सकत। परमेस्सर मोका धइ नाहीं पाइ अउर न सजा दइ पाई।”</verse>
				<verse number="28">सचमुच तू सुन्या ह अउर जानत ह कि यहोवा परमेस्सर बुद्धिमान अहइ। जउन कछू उ जानत ह ओन सबहिं बातन क मनई नाहीं सीख सकत। यहोवा कबहुँ थकत नाहीं, ओका कबहुँ विस्राम क जरूरत नाहीं होत। यहोवा ही सबहिं दूरदराज क ठउर धरती पइ बनाएस। यहोवा सदा जिअत ह।</verse>
				<verse number="29">यहोवा सक्तीहीनन क सक्तीसाली बनइ मँ सहायता देत ह। उ अइसे ओन लोगन क जेनके लगे सक्ति नाहीं अहइ, प्रेरित करत ह कि उ सक्तीसाली बनइ।</verse>
				<verse number="30">नउजवान थक जात हीं अउर ओनका विस्राम क जरूरत पड़जात ह। हिआँ तलक कि किसोर भी ठोकर खात हीं अउर गिरत हीं।</verse>
				<verse number="31">किन्तु उ सबइ जउन यहोवा क भरोसा करत अहइँ आपन सक्ति क प्राप्त कइ लेइ। उ पचे उँचाई पइ उड़ि ओकर पखना बाज़ क नाई होइ। उ पचे दौड़ी किन्तु कमज़ोर नाहीं होइ। उ पचे चली किन्तु थकी नाहीं</verse>
			</chapter>
			<chapter number="41">
				<verse number="1">यहोवा कहा करत ह, “सुदूरवर्ती देसो, चुप रहा अउर मोरे लगे आवा। जातियो, फुन स सुदृढ़ बना। मोरे लगे आवा अउर मोहसे बातन करा। आपुस मँ मिलिके हम निहचय करी कि उचित का अहइ।</verse>
				<verse number="2">कउन उ बिजेता क जगाएस ह, जउन पूरब स आइ? कउन ओहसे दूसर देसन क हरवावत अउर राजा लोगन क अधीन कइ देत? कउन ओकर तरवारन क एतना बढ़ाइ देत ह कि उ पचे अनगिनत होइ जात जेतना रेत-कण होत हीं? कउन ओकरे धनुसन क ऍतना अनगिनत कइ देत जेतना भूसे क छिलकन होत हीं?</verse>
				<verse number="3">उ मनई पाछा करी अउर ओन रास्ट्रन क पाछा बगैर नोस्कान उठाए करत रही अउर अइसे ओन ठहूरन तलक जाइ जहाँ उ पहिले कबहुँ गवा ही नाहीं।</verse>
				<verse number="4">कउन इ सबइ सब घटित करत ह? कउन इ किहेस? कउन आदि स सबलोगन क बोलाएस? मइँ यहोवा एन सबइ बातन क किहेउँ। मइँ यहोवा ही सबसे पहिला हउँ। आदि क पहिले स मोर अस्तित्व रहा ह, अउर जब सब कछू चला जाइ तउ भी मइँ हिअँइ रहब।</verse>
				<verse number="5">सुदूरवर्ती देस एका लखिहीं अउर भयभीत होइँ। दूर धरती क छोर क लोग फुन आपुस मँ एक जुट होइके भय स काँपि उठइँ।”</verse>
				<verse number="6">“काम करइवालन एक दूसर क मदद करत ह अउर मज़बूत होइवइ बरे हिम्मत बढ़ावत ह।</verse>
				<verse number="7">मूर्ति बनावइ बरे एक कारीगर लकड़ी काटत अहइ। फुन उ मनई सुनारे क उत्साहित करत ह। एक कारीगर हथौड़े स धातु क पत्तर बनावत अहइ। फुन उ कारीगर निहायी पइ काम करइवाले मनई क प्रेरित करत अहइ। इ आखिरी कारीगर कहत अहइ, काम अच्छा अहइ, ‘किन्तु इ धातु बाहेर नाहीं निकरी।’ किन्तु उ तउ प भी मूरति क आधार पइ कीले स जड़ि द्या, ताकि इ कबहुँ हिल-डुल तलक नाहीं पाई।”</verse>
				<verse number="8">यहोवा कहत ह: “हे मोर सेवक इस्राएल, हे याकूब मोर मीत इब्राहींम क सन्तान तोहका मइँ चुनेउँ ह,</verse>
				<verse number="9">मइँ तोहका भूइँया क दूर जगह स उठाएउँ। मइँ तू पचन्क उ दूर देस स बोलाएउँ। मइँ कहेउँ, ‘तू मोर सेवक अहा।’ मइँ तोहका चुनेउँ ह अउर मइँ तोहका रद्द किहेउँ ह।</verse>
				<verse number="10">तू चिन्ता जिन करा, मइँ तोहरे संग हउँ। तू भयभीत जिन ह्वा, मइँ तोहार परमेस्सर हउँ। मइँ तोहका सुदृढ़ करब। मइँ तोहका आपन नेकी क दाहिने हाथे स सहारा देब।</verse>
				<verse number="11">लखा, कछू लोग तोहसे नाराज अहइँ किन्तु उ पचे लजइहीं। जउन तोहार दुस्मन अहइँ उ पचे नाहीं रहिहीं, उ पचे सब हेराइ जइहीं।</verse>
				<verse number="12">तू अइसे ओन लोगन क खोज करब्या जउन तोहरे बिरुद्ध रहेन। किन्तु तू ओनका नाहीं पउब्या। उ पचे सबइ लोग जउन तोहसे लड़ा रहेन, पूरी तरह लुप्त होइ जइहीं।</verse>
				<verse number="13">मइँ तोहार परमेस्सर यहोवा हउँ। मइँ तोहार सीधा हाथ थाम रखे हउँ। मइँ तोहसे कहत हउँ कि ‘जिन डेराउन। मइँ तोहका सहारा देब।’</verse>
				<verse number="14">कीमती यहूदा, तू निर्भय रहा। हे मोर प्रिय इस्राएल क लोगो! भयभीत जिन रहा। फुरइ मइँ तोहका मदद देबउँ।” खुद यहोवा ही इ सबइ बातन कहे रहा। “इस्राएल क पवित्तर परमेस्सर जउन तोहार रच्छा करत ह, कहे रहा:</verse>
				<verse number="15">लखा, मइँ तोहका एक नवे दाँवइ क औजार जइसा बनाएउँ ह। इ औजारे मँ बहोत स दाँतन अहइँ जउन बहोत तीखे अहइँ। किसान एका अनाज क छिलका उतारइ क काम मँ लिआवत हीं। तू पर्वतन क गोड़न तले मसलब्या अउर ओनका धूरि मँ मिलाइ देब्या। तू पर्वतन क अइसा कइ देब्या जइसे भूसा होत ह।</verse>
				<verse number="16">तू ओनका हवा मँ उछरब्या अउर हवा ओनका उड़ाइके दूर लइ जाइ अउर ओनका कहूँ छितराई देइ। तब तू यहोवा मँ टिकिके आनन्दित होब्या। तोहका इस्राएल क पवित्तर परमेस्सर प बहोत गर्व होइ।</verse>
				<verse number="17">“गरीब जन, अउर जरूरतमंद जल हेरत हीं किन्तु ओनका जल नाहीं मिलत ह। उ पचे पियासा अहइँ अउर ओनकर जीभ झुरान अहइ। मइँ ओनकर बिनतियन क जवाब देब। मइँ ओनका न ही तजब अउर न ही मरइ देब।</verse>
				<verse number="18">मइँ झुरान पहाड़ पइ नदियन बहाइ देब। घाटियन मँ स जलस्रोत बहाइ देब। मइँ रेगिस्तान क जल स भरी झील मँ बदल देब। उ झुरान धरती पइ पानी क सोतन मिलिहीं।</verse>
				<verse number="19">रेगिस्तान मँ देवदार क, कीकर क, जैतून क, सनावर क, तिघारे क, चीड़ क बृच्छ जमिहीं।</verse>
				<verse number="20">लोग अइसा होत भए लखिहीं अउर उ पचे जानिहीं कि यहोवा क सक्ति इ सब किहेस ह। लोग एनका लखिहीं अउर समुझब सुरू करिहीं कि इस्राएल क पवित्तर परमेस्सर इ बातन किहेस ह।”</verse>
				<verse number="21">यहोवा, याकूब क राजा कहत ह, “आ, अउर मोका आपन मुकदमा द्या। आपन सबूत मोका देखावा। तब हम इ निहचय करब कि का उचित अहइँ?”</verse>
				<verse number="22">तोहरे पचन्क मूरतियन क हमरे लगे आइके, जउन घटत अहइ, उ बतावइ चाही। “सुरू मँ का कछू घटा रहा अउर भविस्स मँ का घटइवाला अहइ। हमका बतावा हम बड़े धियान स सुनब। जेहसे हम इ जान जाइ कि अगवा का होइवाला अहइ।</verse>
				<verse number="23">हमका ओन बातन क बतावा जउन घटइवाली अहइँ। जेनका जानइ क हमका इन्तजार अहइ ताकि हम पतियायी कि फुरइ तू देवता अहा। कछू करा। चाहे भला चाहे बुरा ताकि हम लखि सकी अउर जान सकी कि तू जिअत अहा अउर तोहार अनुसरण करी।</verse>
				<verse number="24">“लखा, हे लबार देवता, तू पचे बेकार स भी जियादा बेकार अहा! तू पचे कछू भी नाहीं कइ सकत्या। केवल बेकार क भ्रस्ट लोग ही तू पचन्क पूजइ चाहत हीं।”</verse>
				<verse number="25">“जवाब मँ मइँ एक मनई क उठाएउँ ह। उ पूरब स जहाँ सूरज उगा करत ह, आवत अहइ। उ मोरे नाउँ क उपासना किया करत ह। जइसे कोहार माटी रौंदा करत ह वइसे ही उ बिसेस मनई राजा लोगन क रौंदी।</verse>
				<verse number="26">“इ सबइ घटइ स पहिले ही हमका जउन बताएस ह, हमका ओका परमेस्सर कहइ चाही। का हमका इ सबइ बातन तू पचन्क कउनो मूरति बताएस? नाहीं। कउनो भी मूरति कछू भी हमका नाहीं बताए रही। उ सबइ मूरतियन तउ एक भी सब्द नाहीं बोल पावत हीं। उ सबइ लबार देवतन एक भी सब्द जउन तू पचे बोला करत ह नाहीं सुन पावत हीं।</verse>
				<verse number="27">मइँ, यहोवा पहिले रहेउँ जउन इ बातन क बिसय मँ सिय्योन क बताएउँ ह! उ मइँ ही रहेउँ जउन दूत क इ बड़िया संदेस क साथ यरूसलेम पठएउँ! ‘लखा, तोहार लोग वापस आवत अहइँ।’”</verse>
				<verse number="28">जइसा मइँ लखेस, हुवाँ कउनो एक भी मोजूद नाहीं रहा जउन आपन तर्क पेस करी! का एकर मतलब अहइ कि ओन देवतन मँ स एक भी वकील न रही! मइँ ओका प्रस्न पूछेस, किन्तु ओनमाँ स कउनो भी कछू नाहीं बोलेस!</verse>
				<verse number="29">लखा, इ सबइ देवतन बिल्कुल ही बियर्थ अहइँ! उ पचे कछू नाहीं कइ पावतेन! उ कछू नाहीं सिरिफ हवा अहइ।</verse>
			</chapter>
			<chapter number="42">
				<verse number="1">“मोरे दास क लखा। मइँ ओकर हाथ सँभारेउँ ह। उहइ एक अहइ जेका मइँ चुनेउँ ह, मइँ ओहसे बहोत खुस हउँ। मइँ आपन आतिमा ओह पइ रखत हउँ। उ ही सब रास्ट्रन मँ निआव कइ सकत ह।</verse>
				<verse number="2">उ गलियन मँ जोर स नाहीं बोली। उ नाहीं गोहराई अउर न चीखी।</verse>
				<verse number="3">उ विनम्र होब्या, उ कुचाल भवा सरकण्डा तलक क नाहीं तोड़ी। उ टिमटिमात भइ लौ तलक क भी नाहीं बुझाई। उ सच्चाई स निआव क कायम करी।</verse>
				<verse number="4">उ कमजोर या कुचरा भवा तब तलक नाहीं होइ जब तलक उ निआव क दुनियाँ मँ न लइ आवइ। दूर देसन क लोग ओकर सिच्छन पइ बिस्सास करिहीं।”</verse>
				<verse number="5">सच्चा परमेस्सर यहोवा इ सबइ बातन कहेस ह: (यहोवा अकासन क बनाएस ह। यहोवा अकास क धरती पइ तानेस ह। धरती पइ जउन कछू अहइ उ भी उहइ बनाएस ह। धरती पइ सबहिं लोगन पइ उहइ प्राण फूँक्त ह। धरती पइ जउन भी लोग चलत फिरत अहइँ, ओन सबन क उहइ जिन्नगी प्रदान करत ह।)</verse>
				<verse number="6">“मइँ, यहोवा, तोहका नीक मकसद स बुलाएस रहा! मइँ तोहार हाथ थामब अउर तोहार रच्छा करब। तू एक चिह्न इ प्रगट करइ क होब्या कि लोगन क संग मोर एक वाचा अहइ। तू सब लोगन पइ चमकइ क एक प्रकास होब्या।</verse>
				<verse number="7">तू आँधरन क आँखी क प्रकास देब्य अउर उ सबइ लखइ लगिहीं। अइसे बहोत स लोग जउन जेल मँ पड़ा अहइँ, तू ओन लोगन क अजाद करब्य। तू बहोत स लोगन क जउन अँधियारा मँ रहत हीं, ओनका उ कारागार स तू बाहेर छुड़ाइ लउब्या।</verse>
				<verse number="8">“मइँ यहोवा हउँ। मोर नाउँ यहोवा अहइ। मइँ आपन महिमा दूसर क नाहीं देब। मइँ आपन ओन मूरतियन क उ तारीफ जउन मोर अहइँ, नाहीं लेइ देब।</verse>
				<verse number="9">सुरू मँ मइँ कछू बातन जेनका घटब रहा, बताए रहेउँ अउर उ सबइ घटि गइन। अब तोहका उ सबइ बातन घटइ स पहिले ही बताउब जउन अगवा चलिके घटिहीं।”</verse>
				<verse number="10">यहोवा बरे एक नवा गीत गावा, तू पचे जउन दूर दराज क देसन मँ बसा अहा, तू पचे जउन सागरे पइ जलयान चलावत अहा, तू पचे समुद्दर क सबहिं जीवन, दूरवर्ती देसन क सबहिं लोगन, यहोवा क यसगान करा।</verse>
				<verse number="11">हे रेगिस्तान एवं नगरन अउर केदार क गाँवन, यहोवा क तारीफ करा। सेना क लोगो, आनन्द बरे गावा। आपन पर्वतन क चोटी स गावा।</verse>
				<verse number="12">यहोवा क महिमा द्या। दूर देसन क लोगो ओकर यसगान करा।</verse>
				<verse number="13">यहोवा वीर योद्धा स बाहेर निकरी उ मनई स जउन जुद्ध बरे तत्पर अहइ। उ बहोत उत्तेजित होइ। उ पुकारी अउर जोर स ललकारी उ गोहराई अउर जोर स ललकारी अउर आपन दुस्मनन क पराजित करी।</verse>
				<verse number="14">“बहोत समय स मइँ कछू भी नाहीं कहेउँ ह। मइँ अपने ऊपर नियन्त्रण बनाए रखेउँ ह अउर मइँ चुप रहेउँ ह। किन्तु अब मइँ ओतने जोर से चिल्लाब जेतने जोर स बच्चे क जनत भए मेहरारू चिल्लात ह। मइँ बहोत तेज अउर जोर स साँस लेब।</verse>
				<verse number="15">मइँ पर्वतन-पहाड़ियन क नस्ट कइ देब। मइँ जउन पौधे हुवाँ उगत हीं। ओनका झुराइ देबउँ, मइँ नदियन क झुरान धरती मँ बदल देबउँ। मइँ जल क सरोवरन क सुखाइ देव।</verse>
				<verse number="16">फुन मइँ आँधरन क अइसी राह देखाँउब जेन पइ ओका कबहुँ नाहीं लइ जाइ गवा। मइँ आँधर लोगन क अइसी जगह पइ लेइ जाब जहाँ उ पचे कबहुँ नाहीं भवा। ओनके बरे मइँ अँधियारा क प्रकास मँ बदल देबउँ। ऊँच नीच धरती क मइँ समथर बनाउब। मइँ ओन कामन क करब जेनकर मइँ बचन दिहेउँ ह। मइँ आपन लोगन क कबहुँ नाहीं तजब।</verse>
				<verse number="17">किन्तु कछू लोग मोर अनुसरण करी तजि दिहेन। उ पचे सोना स मढ़ी मूरतियन पइ विस्सास कइके आपन-आप क लज्जित किहेन। ओनसे उ पचे कहा करत हीं कि ‘तू पचे हमार देवतन अहा।’ उ पचे आपन लबार देवतन क बिस्सासी अहइँ। किन्तु अइसे लोग बस निरास ही होइहीं!”</verse>
				<verse number="18">“तू सबइ बहिर लोगन क मोर सुनइ चाही। तू सबइ आँधर लोगन क एहर दृस्टि डावइ चाही अउर मोका लखइ चाही।</verse>
				<verse number="19">कउन अहइ ओतना आँधर जेतना मोर दास अहइँ? कउनो नाहीं। कउन अहइ ओतना बहिर जेतना मोर दूत अहइ? जेका मइँ इ संसार मँ पठएउँ ह कउनो नाहीं। इ आँधर कउन अहइ जेकरे संग मइँ वाचा किहेउँ? इ पचे ऍतना आँधर अहइँ जेतना आँधर यहोवा क दास अहइ।</verse>
				<verse number="20">उ लखत बहोत ह, किन्तु मोर हुकुम नाहीं मानत। उ आपन कानन स साफ साफ सुनि सकत ह किन्तु उ मोर सुनइ स इन्कार करत ह।”</verse>
				<verse number="21">यहोवा उहइ चाहत ह जउन ओकरे सेवक इस्राएल बरे बड़ियार होइ, ऍह बरे उ (यहोवा) ओनका महान अउर अद्भुत उपदेस देत ह।</verse>
				<verse number="22">किन्तु ओनका कइँती लखा। उ पचे हराइ दिहे गएन अउर ओनकर धन जुद्ध मँ लूटि लिहे गएन। उ पचे सबहिं कारागार मँ बन्द कीन्ह गएन। लोग ओनसे ओनकर धन छीनी लिहेन ह। कउनो मनई ओकार रच्छा करइ क लाइक नाहीं अहा। दूसर मनई ओकर धन क लूटि लिहेन। कउनो मनई अइसा नाहीं जउन कहइ “एका वापिस करा।”</verse>
				<verse number="23">तू पचन्मँ स का कउनो मनई एका सुनत ह? का तू पचन्मँ स कउनो क भी इ बात क परवाइ अहइ अउर का कउनो सुनत ह कि भविस्स मँ तू पचन्क साथ का होइवाला अहइ?</verse>
				<verse number="24">याकूब अउर इस्राएल क सम्पत्ति लोगन क कउन लेइ दिहस? यहोवा ही ओनका अइसा करइ दिहस। हम यहोवा क विरुद्ध पाप किहे रहे तउ यहोवा लोगन क हमार सम्पत्ति छोरइ दिहस? इस्राएल क लोग उस ढंग स जिअब नाहीं चाहत रहेन जउने ढ़ग स यहोवा चाहत रहा। इस्राएल क लोग ओकरी सिच्छा पइ कान नाहीं दिहन।</verse>
				<verse number="25">तउ यहोवा ओन पइ कोहाइ गवा। यहोवा ओनके खिलाफ भयानक लड़ाइयन लड़वाइ दिहस। इ अइसे भवा जइसे इस्राएल क लोग आगी मँ बरत होइँ अउर उ पचे जान ही न पाए होइँ कि का होत अहइ। इ अइसा रहा जइसे उ पचे बरत होइँ। किन्तु उ पचे जउन वस्तुअन घटत रहिन, ओनका समुझावइ क जतन ही नाहीं किहेन।</verse>
			</chapter>
			<chapter number="43">
				<verse number="1">याकूब, तोहका यहोवा बनाए रहा। इस्राएल, तोहार रचना यहोवा किहे रहा। अब यहोवा कहत ह: “भयभीत जिन ह्वा! मइँ तोहका बचाइ लिहेउँ। मइँ तोहका नाउँ स पुकारेउँ ह। तू मोर अहा।</verse>
				<verse number="2">जब तोहे पइ बिपत्तियन पड़त हीं, मइँ तोहरे संग रहत हउँ। जब तू नदी पार करब्या, तू बहब्या नाहीं। तू जब आगी स होइके गुजरब्या, तउ तू बरब्या नाहीं। लपटन तोहका नोस्कान नाहीं पहोंचइही।</verse>
				<verse number="3">काहेकि मइँ तोहार परमेस्सर यहोवा हउँ। मइँ इस्राएल क पवित्तर तोहार उद्धारकर्ता हउँ। तोहरे बदले मँ मइँ मिस्र क दइके तोहका आजाद कराएउँ ह। मइँ इथोपिया अउ सबा क तोहका आपन बनावइ क दइ डाएउँ ह।</verse>
				<verse number="4">तू मोरे बरे बहोत महत्वपूर्ण अहा। एह बरे मइँ तोहार आदर करब। मइँ तोहसे पिरेम करत हउँ, ताकि तू जी सका, अउर मोर होइ सका। एकरे बरे मइँ सबहिं मनइयन अउर जातियन क बदले मँ देबउँ।” परमेस्सर आपन सन्तानन क घर लिआई</verse>
				<verse number="5">“एह बरे जिन डेराअ। मइँ तोहरे सगं हउँ। तोहार बच्चन क एकट्ठा कइके मइँ ओनका तोहरे लगे लिआउब। मइँ तोहरे लोगन क पूरब अउ पच्छिम स एकट्ठा करब।</verse>
				<verse number="6">मइँ उत्तर स कहब: मोर बच्चे मोका लौटाइ द्या।” मइँ दक्खिन स कहब: “मोरे लोगन क बंदी बनाइके जिन रखा। दूर-दूर स मोरे पूत अउर बिटियन क मोरे लगे लिआवा।</verse>
				<verse number="7">ओन सबहिं लोगन क, जउन मोर अहइँ, मोरे लगे लइ आवा अर्थात् ओन लोगन क जउन मोर नाउँ लेत हीं। मइँ ओन लोगन क खुद अपने बरे बनाएउँ ह। ओनकर रचना मइँ किहेउँ ह अउर उ पचे मोर अहइँ।” जगत बरे इस्राएल परमेस्सर क साच्छी अहइ</verse>
				<verse number="8">“अइसे लोगन क जेनकर आँखिन तउ अहइँ किन्तु फुन भी उ पचे आँधर अहइँ, ओनका निकार लिआवा। अइसे लोगन क जउन कानन क होत भए भी बहिर अहइँ, ओनका निकार लिआवा।</verse>
				<verse number="9">सबहिं लोगन अउ सबहिं रास्ट्रन क एक संग बटोरा। अगर कउनो भी लबार देवता कबहुँ इ कहेस कि प्रारम्भ मँ का भवा रहा अउर भूतकाल मँ इ बताए रहा कि आगे का कछू होइ तउ ओनका आपन गवाह लिआवइ द्या अउर ओनका सच साबित करइ द्या। अगर उ सुन सकत ह तउ ओका आवइ द्या अउर सच्चाइ क कहइ द्या।”</verse>
				<verse number="10">यहोवा कहत ह, “तू ही लोग मोर साच्छी अहा। तू मोर उ सेवक अहा जेका मइँ चुनेउँ ह। मइँ तोहका एह बरे चुनेउँ ह ताकि तू समुझ ल्या कि ‘उ मइँ ही हउँ’ अउर मोह माँ बिस्सास करइ। मइँ फुरइ परमेस्सर हउँ। मोसे पहिले कउनो परमेस्सर नाहीं होइ।</verse>
				<verse number="11">मइँ खुद ही यहोवा हउँ। मोरे अलावा अउर कउनो दूसर उद्धारकर्ता नाहीं अहइ, बस केवल मइँ ही हउँ।</verse>
				<verse number="12">उ मइँ ही हउँ जउन तोहसे बात किहे रहा। तोहका मइँ बचाएउँ ह। उ सबइ बातन मइँ तोहका बताए रहेउँ। जउन तोहरे संग रहा, उ कउनो अनजाना देवता नाहीं रहा। तू मोर साच्छी अहा अउर मइँ परमेस्सर हउँ।” (इ सबइ बातन यहोवा कहे रहा।)</verse>
				<verse number="13">“मइँ तउ सदा स ही परमेस्सर रहा हउँ। जब मइँ कछू करत हउँ तउ मोर कीन्ह क कउनो भी मनई नाहीं बदल सकत अउर मोर सक्ति स कउनो भी मनई कउनो क बचाइ नाहीं सकत।”</verse>
				<verse number="14">इस्राएल क पवित्तर यहोवा तोहका छोड़ावत ह। यहोवा कहत ह, “मइँ तोहरे बरे बाबुल मँ फउजन पठउब। सबहिं ताले लगे दरवाजन क मइँ तोड़ देब। कसदियन क जीत क नारे दुःख भरी चीखन मँ बदल जइहीं।</verse>
				<verse number="15">मइँ तोहार पवित्तर यहोवा हउँ। इस्राएल क मइँ रचेउँ ह। मइँ तोहार राजा हउँ।”</verse>
				<verse number="16">यहोवा सागर मँ राहन बनाई। हिआँ तलक कि पछाड़न खात भए पानी क बीच भी उ आपन लोगन बरे राह बनाई। यहोवा कहत ह,</verse>
				<verse number="17">“उ पचे लोग जउन आपन रथन, घोड़न अउर फउजन क लइके मोहसे जुद्ध करिहीं, पराजित होइ जइहीं। उ पचे फुन कबहुँ नाहीं उठि पइहीं। उ पचे नस्ट होइ जइहीं। उ पचे दीये क लौ क तरह बुझ जइहीं।</verse>
				<verse number="18">तउ ओन बातन क याद जिन करा जउन प्रारंभ मँ घटी रहिन। ओन बातन क जिन सोचा जउन कबहुँ बहोत पहिले घटी रहिन।</verse>
				<verse number="19">काहेकि मइँ चिजियन क नवा जइसा बनावत हउँ! अब एक नवे बृच्छ क नाई तोहार अंकुरन होइ। तू जानत अहा कि इ सच नाहीं अहइ! मइँ तोहार बरे रेगिस्ताने मँ फुरइ एक मारग बनाउब। मइँ फुरइ झुरान धरती पइ नदियन बहाइ देब।</verse>
				<verse number="20">हिआँ तलक कि बनेर पसु अउर कुचकुचवा भी मोर आदर करिहीं। बिसालकाय पसु अउर पच्छी मोर आदर करिहीं। जब मरूभुमि मँ मइँ पानीरह देब तउ उ पचे मोर आदर करिहीं। झुरान धरती मँ जब मइँ नदियन क रचना कइ देब तउ उ पचे मोर आदर करिहीं। मइँ अइसा आपन लोगन क पानी देइ बरे करब। ओन लोगन क जेनका मइँ चुनेउँ ह।</verse>
				<verse number="21">इ सबइ उ पचे लोग अहइँ अउर इ सबइ लोग मोर तारीफ क गीत गावा करिहीं।</verse>
				<verse number="22">“याकूब, तू मोका नाहीं गोहराया। काहेकि हे इस्राएल, तोहार मन मोहसे भरि गवा रहा।</verse>
				<verse number="23">तू लोग भेड़ी क आपन बलियन मोरे लगे नाहीं लिआया। तू पचे मोर मान नाहीं रख्या। तू पचे मोका बलियन नाहीं अर्पित किहा। मोका अन्न बलियन अर्पित करइ बरे मइँ तू पचन पइ जोर नाहीं डावत हउँ। तू पचे मोरे बरे धूप बारत-बारत हार जाब्या, एकरे बरे मइँ तोह पइ दबाव नाहीं डावत।</verse>
				<verse number="24">तू पचे आपन बलियन क चर्बी स मोका तृप्त नाहीं करत्या मोका आदर देइ बरे चिजियन मोल लेइ बरे आपन धने क उपयोग नाहीं करत्या। आपन बलियन क चर्बी स मोका तृप्त नाहीं करत्या। किन्तु तू मोहे पइ दबाव डावत अहा कि मइँ तोहरे दास क नाई आचरण करउँ। तू तब तलक पाप करत चला गया जब तलक मइँ तोहरे पापन स पूरी तरह तंग नाहीं आइ गएउँ।</verse>
				<verse number="25">“मइँ उहइ हउँ जउन तोहरे पापन्क धोइ डावत हउँ। खुद आपन खुसी बरे मइँ अइसा ही करत हउँ। मइँ तोहरे पापन्क याद नाहीं रखब।</verse>
				<verse number="26">अब, मोका उ याद दिलावा कि का भवा! बहस व मुबाहिसा करइ बरे अउर इ फइसला लेइ बरे कि कउन सत्य अहइ हमका एक संग मिलइ द्या। तू आपन पच्छ मँ तर्क पेस किया ह ऍह बरे तू इ कोसिस किहा कि तू निर्दोस अहइ!</verse>
				<verse number="27">तोहार पचन्क आदि बाप पाप किहे रहा अउर तोहार हिमायतियन मोरे खिलाफ काम किहे रहेन।</verse>
				<verse number="28">मइँ तोहरे पचन्क पवित्तर सासकन क अपवित्तर बनाइ दिहेउँ। मइँ याकूब क लोगन क अभिसप्त बनाएउँ। मइँ इस्राएल क अपमान कराएउँ।</verse>
			</chapter>
			<chapter number="44">
				<verse number="1">“याकूब, तू मोर सेवक अहा। इस्राएल, मोर बात सुना। मइँ तोहका चुनेउँ ह। जउन कछू मइँ कहत हउँ ओह पइ धियान द्या।</verse>
				<verse number="2">मइँ यहोवा हउँ अउर मइँ तोहका बनाएउँ ह। तू जउन कछू अहा ओहका बनावइवाला मइँ ही हउँ। जब तू महतारी क देह मँ ही रह्या, मइँ तबहिं स तोहार सहायता किहे रहेउँ। मोर सेवक याकूब डेराअ जिन। यसरून (इस्राएल) तोहका मइँ चुनेउँ ह।</verse>
				<verse number="3">“जइसे मइँ पियासे लोगन बरे पानी बरसाउब अउर जइसे झुरान धरती पइ मइँ जलधारन बहाउब, उसी तरह तोहरी संतानन पइ मइँ आपन आतिमा डाउब। मोर आसीर्बाद तोहार गदेलन पइ अइसा ही बहब जइसा पानी क टंकी स पानी बहत ह।</verse>
				<verse number="4">उ पचे हर मोसम मँ चिनार क बृच्छन क नाई बढ़त भए होइहीं।</verse>
				<verse number="5">“लोगन मँ कउनो कही, ‘मइँ यहोवा क अहउँ।’ तउ दूसर मनई ‘याकूब’ क नाउँ लेइ। कउनो मनई आपन हाथे पइ लिखी, ‘मइँ यहोवा क हउँ’ अउर दूसर मनई ‘इस्राएल’ नाउँ क उपयोग करी।”</verse>
				<verse number="6">यहोवा इस्राएल क राजा अहइ। सर्वसक्तीमान यहोवा इस्राएल क रच्छा करत ह। यहोवा कहत ह, “परमेस्सर केवल मइँ ही हउँ। अन्य कउनो परमेस्सर नाहीं अहइ। मइँ ही आदि हउँ। मइँ ही अंत अहउँ।</verse>
				<verse number="7">मोरे जइसा परमेस्सर कउनो दूसर नाहीं अहइ अउर जदि कउनो अहइ तउ ओका अब बोलइ चाही। ओका आगे आइके कउनो प्रमाण देइ चाही कि उ मोरे जइसा अहइ। भविस्स मँ का कछू होइवाला अहइ ओका बहुत पहले ही कउन बनाइ दिहे रहा? तउ उ पचे हम का अब बताइ देइँ कि अगवा का होइ?</verse>
				<verse number="8">“डेराअ जिन, चिंता जिन करा। जउन कछू घटइवाला अहइ, उ मइँ तू पचन्क सदा बताएउँ ह। तू लोग मोर साच्छी अहा। कउनो दूसर परमेस्सर नाहीं अहइ। केवल मइँ ही हउँ। कउनो दूसर ‘सरण स्थान’ नाहीं अहइ। मइँ जानत हउँ केवल मइँ ही हउँ।”</verse>
				<verse number="9">कछू लोग मूरति (लबार देवता) बनाबा करत हीं। किन्तु उ पचे बेकार अहइँ। लोग ओन भूतन स पिरेम करत हीं किन्तु उ सबइ भूत बेकार अहइँ। उ सबइ लोग ओन बुतन क साच्छी अहइँ किन्तु उ सबइ लख नाहीं पउतेन। उ पचे लज्जित होइहीं।</verse>
				<verse number="10">एन लबार देवतन क कउनो काहे गढ़ी? एन बेकार क बुतन क कउनो काहे ढाली?</verse>
				<verse number="11">ओन देवतन क कारीगरन गढ़ेन ह अउर उ सबइ कारीगर तउ मात्र मनई अहइँ, न कि देवता। जदि उ पचे सबहिं एकजुट होइके पक्ति मँ आवइँ अउर एन बातन पइ विचार क लेन-देन करइँ तउ उ सबइ लजाइ जइहीं अउर डर जइहीं।</verse>
				<verse number="12">कउनो एक कारीगर कोयलन पइ लोहा क तपावइ बरे आपन अउजारन क उपयोग करत ह। उ मनई धातु क पीटइ बरे आपन हथौड़ा कामे मँ लिआवत ह। एकरे बरे उ आपन बाँहन क सक्ति क प्रयोग करत ह। किन्तु उहइ मनई क जब भूख लागत ह, ओकर सक्ति जात रहत ह। उहइ मनई अगर पानी न पियइ तउ कमजोर होइ जात ह।</verse>
				<verse number="13">दूसर मनई आपन रेखा पटकइ क सूत क उपयोग करत ह। उ तख्ते पइ रेखा हींचइ बरे परकार क काम मँ लिआवत ह। इ रेखा ओका बतावत ह कि उ कहाँ स काटइ। फिन उ मनई निहानियन क उपयोग करत ह अउर काठे मँ मूरतियन क उभारत ह। उ मूरतियन क नापइ बरे परकार क प्रयोग करत ह अउर इ तरह उ कारीगर लकड़ी क ठीक मनई क रूप दइ देत ह। फुन मनई क सा इ मूरति घरे मँ बइठाइ दीन्ह जात ह।</verse>
				<verse number="14">कउनो मनई देवदार, सनोवर अथवा बाँज क बृच्छ क काट गिरावत ह। (किन्तु उ मनई ओन बृच्छन क उगावत नाहीं। इ सबइ बृच्छ बन मँ खुद अपने आप उगत हीं। जदि कउनो मनई बृच्छ उगावइ तउ ओकर बढ़वार बर्खा करत ह न कि उ मनई।)</verse>
				<verse number="15">फुन उ मनई उ बृच्छ क आपन बारइ क काम मँ लिआवत ह। उ मनई उ बृच्छ क काटिके काठे क मुढ्ढियन बनावत ह अउर ओनका भोजन बनावइ अउर खुद क गरमावइ क काम मँ लिआवत ह। मनई थोड़ी सी लकड़ी क आगी सुलगाइ के आपन रोटियन सेंकत ह। किन्तु तउ भी मनई उहइ लकड़ी स देवता क मूरति बनावत ह अउर फुन उ देवता क पूजा करइ लागत ह। इ देवता तउ एक मूरति अहइ जेका उ मनई बनाएस ह। किन्तु उहइ मनई उ मूरति क आगे आपन माथा नवावत ह।</verse>
				<verse number="16">उहइ मनई आधी लकड़ी क आगी मँ बारि देत ह अउर उ आगी पइ माँस पकाइके भर पेट खात ह अउर फुन अपने आप क गरमावइ बरे मनई उहइ लकड़ी क बारत ह अउर फुन उहइ कहत ह, “बहोत अच्छे! अब मइँ गरम हउँ अउर आगी क लपटन क लखि सकत हूँ।”</verse>
				<verse number="17">किन्तु थोड़ी बहोत लकड़ी बच जात ह। तउ लकड़ी स मनई एक मूरति बनाइ लेत ह अउर ओका आपन देवता कहइ लागत ह। उ उ देवता क आगे माथा नवावत ह अउर ओकर पूजा करत ह। उ उ देवता स पराथना करत भए कहत ह, “तू मोर देवता अहा, मोर रच्छा करा।”</verse>
				<verse number="18">इ सबइ लोग इ नाहीं जानतेन कि इ सबइ का करत अहइँ? इ सबइ का करत अहइ: इ सबइ लोग समझतेन नाहीं। अइसा अहइ जइसे एनकर आँखिन बंद होइँ अउर इ सबइ कछू लख ही नाहीं पावत होइँ। एनकर मन समुझइ क जतन ही नाहीं करत।</verse>
				<verse number="19">एन वस्तुअन क बारे मँ इ सबइ लोग कछू सोचत ही नाहीं ह। इ सबइ लोग ना समुझ अहइँ। एह बरे एन लोग आपन मने मँ कबहुँ नाहीं सोचेन। “आधी लकड़ियन मइँ आगी मँ बारि डाएउँ। दहकत कोयलन क प्रयोग मइँ रोटी सेकइ अउर माँस पकावइ मँ किहेउँ। फुन मइँ माँस खाएउँ अउर बची भइ लकड़ी क प्रयोग मइँ भ्रस्ट वस्तु (मूर्ति) बनावइ मँ किहेउँ। अरे, मइँ तउ एक लकड़ी क टूका क पूजा करत हउँ।”</verse>
				<verse number="20">इ तउ बस उ राख क खाइ जइसा अहइ। उ मनई इ नाहीं जानत कि उ का करत अहइ? उ भ्रम मँ पड़ा भवा अहइ। एह बरे ओकर मन ओका गलत राह पइ लइ जात ह। उ मनई आपन बचाव नाहीं कइ पावत ह अउर उ इ देख नाहीं पावत ह कि उ गलत काम करत अहइ। उ मनई नाहीं कही, “इ मूरति जेका मइँ थामे हउँ एक लबार देवता अहइ।”</verse>
				<verse number="21">“हे याकूब, इ सबइ बातन याद रखा। इस्राएल, याद रखा कि तू मोर सेवक अहा। मइँ तोहका बनाएँउ, तू मोर सेवक अहा। एह बरे इस्राएल, मइँ तोहका नाहीं बिसराउब।</verse>
				<verse number="22">तोहार पाप एक बड़के बादर जइसे रहेन। किन्तु मइँ तोहरे पापन्क उड़ाइ दिहेउँ। तोहार पाप बादर क नाई हवा मँ बिलाइ गएन। मइँ तोहका बचाएउँ अउर तोहार रच्छा किहेउँ। एह बरे मोरे लगे लउटि आवा।”</verse>
				<verse number="23">अकास खुस अहइ, काहेकि यहोवा महान काम किहेस। धरती अउ हिआँ तलक कि धरती क तले बहोत गहिर ठउर भी खुस अहइँ। पर्वत परमेस्सर क धन्यवाद देत भए गावा। बने क सबहिं बृच्छ तू पचे भी खुसी गवा। काहेकि यहोवा याकूब क बचाइ लिहस ह। यहोवा इस्राएल बरे महान कार्य किहे अहइ।</verse>
				<verse number="24">जउन कछू भी तू अहा यहोवा तोहका बनाएस। यहोवा इ किहेस जब तू अबहिं महतारी क गरम मँ ही रह्या। यहोवा तोहार रखवारा कहत ह, “मइँ यहोवा सब कछू बनाएउँ। मइँ ही हुआँ अकास तानेउँ ह, अउर आपन समन्वा धरती क बिछाएउँ।”</verse>
				<verse number="25">लबार नबी सगुन देखाया करत हीं किन्तु यहोवा दर्सावत ह कि ओकर सगुन झूठ अहइँ। जउन लोग जादू टोना कइके भविस्स बतावत हीं, यहोवा ओनका मूरख सिद्ध करी। यहोवा तथाकथित बुद्धिमान मनइयन तलक क भ्रम मँ डाइ देत ह। उ पचे सोचत हीं कि उ पचे बहोत कछू जानत हीं किन्तु यहोवा ओनका अइसा बनाइ देत ह कि उ पचे मूरख देखाइ देइँ।</verse>
				<verse number="26">यहोवा आपन सेवकन क लोगन क सन्देस सुनावइ बरे पठवत ह अउर फुन यहोवा ओन सन्देसन क फुरइ कइ देत ह। यहोवा लोगन क का करइ चाही ओनका इ बतावइ बरे दूत पठवत ह अउर फुन यहोवा देखाइ देत ह कि ओनकर सम्मति अच्छी अहइ। यहोवा यरूसलेम स कहत ह, “लोग तोहमाँ आइके फुन बसिहीं।” यहोवा यहूदा क नगरन स कहत ह, “तोहार फुन स निर्माण होइ।” यहोवा ध्वस्त भए नगरन स कहत ह, “मइँ तू सबइ नगरन क फुन स उठाउब।”</verse>
				<verse number="27">यहोवा गहिर सागर स कहत ह, “झुराइजा मइँ तोहार जल धारन क सूखा बनाइ देब।”</verse>
				<verse number="28">यहोवा कुसू स कहत ह, “तू मोर चरवाहा अहा। जउन मइँ चाहत हउँ तू उहइ काम करब्या। तू यरूसलेम स कहब्या, ‘तोहका फुन स बनावा जाइ।’ तू मन्दिर स कहब्या, ‘तोहार नींवन क फुन स निर्माण होइ।’”</verse>
			</chapter>
			<chapter number="45">
				<verse number="1">इ सबइ उ बातन अहइँ जेनका यहोवा आपन चुने भए राजा कुसू कहत ह, “मइँ कुसू क दाहिन हाथ थामव। मइँ राजा लोगन क सक्ति छोरइ मँ ओकर मदद करब। नगर दुआर कुसू क रोक नाहीं पइहीं, मइँ नगर क दुआर खोल देब, अउर कुसू भीतर चला जाइ।</verse>
				<verse number="2">कुसू, तोहार फउजन अगवा बढ़िहीं अउर मइँ तोहरे अगवा चलब। मइँ पर्वतन क समथर कइ देब। मइँ काँसे क नगर-दुआर क तोड़ डाउब। मइँ दुआरे पइ लगी लोहा क आँगल क काट डाउब।</verse>
				<verse number="3">मइँ अँधियारा कमरा मँ रखी भइ दौलत तोहका देब। मइँ तोहका उ छिपा भवा धन देब। मइँ अइसा करब ताकि तोहका पता चलि जाइ कि मइँ यहोवा इस्राएल क परमेस्सर हउँ, अउर मइँ तोहका तोहार नाउँ स पुकारेस हउँ।</verse>
				<verse number="4">मइँ इ सबइ बातन आपन सेवक याकूब बरे करत हउँ। मइँ इ सबइ बातन इस्राएल क आपन चुने भए लोगन बरे करत हउँ। कुसू, यद्यपि तू मोका नाहीं जानत अहा, किन्तु मइँ तोहका तोहार नाउँ स पुकारे हउँ, यहाँ तलक कि तोहार आपन नाउँ स पुकारे हउँ।</verse>
				<verse number="5">मइँ यहोवा हउँ, मइँ सिरिफ परमेस्सर हउँ। मोरे सिवा दूसर कउनो परमेस्सर नाहीं अहइ। मइँ तोहका मज़बूत बनाए हउँ, यद्यपि तू मोका नाहीं पहिचानत ह।</verse>
				<verse number="6">मइँ इ काम करत हउँ ताकि सब लोग जान जाइँ कि मइँ ही परमेस्सर हउँ। पूरब स पच्छिम तलक सबहिं लोग इ सबइ जानिहीं कि मइँ यहोवा हउँ अउर मोरे सिवा दूसर कउनो परमेस्सर नाहीं।</verse>
				<verse number="7">मइँ प्रकास क बनाएउँ अउर मइँ ही अँधियारा क रचेउँ। मइँ सान्ति क सृजेउँ अउर विपत्तियन भी मइँ ही बनाएउँ ह। मइँ यहोवा हउँ, मइँ ही इ सबइ बातन करत हउँ।</verse>
				<verse number="8">“ऊपर अकासे मँ निआव अइसे बरसब जइसे मेघ स बर्खा बरसत ह। धरती खुल जात ह। मुक्ति अइसा फलब फूलब जइसा कउनो पउधा धरती स उगत ह। पुण्य कर्म आपन चारिहुँ कइँती बढ़ब! मइँ यहोवा ही इ सबइ कइ क कारण हउँ।</verse>
				<verse number="9">“धिक्कार अहइ ऍन लोगन क, इ सबइ उहइ स बहस करत अहइँ जउन ऍतका बनाएस ह। इ सबइ कउनो टूटे भए घड़े क ठीकरन जइसे अहइँ। कोहार नरम गीली माटी स घड़ा बनावत ह पर माटी ओहसे नाहीं पूछत, ‘अरे, तू का करत अहा?’ वस्तुअन जउन बनाई गइ अहइँ, उ सबइ इ सक्ति नाहीं रखतिन कि आपन बनावइवाले स सवाल पूछइ। इ सबइ लोग भी माटी क टूटे घड़न क ठीकरन क जइसे अहइँ।</verse>
				<verse number="10">या, बच्चा आपन बाप स इ नाहीं पूछ सकतेन कि ‘तू हमका जिन्नगी काहे देत अहा?’ बच्चा आपन महतारी स इ सवाल नाहीं कइ सकत हीं कि ‘तू हमका काहे पइदा करति अहा?’”</verse>
				<verse number="11">यहोवा इस्राएल क परमेस्सर पवित्तर अहइ। उ इस्राएल क बनाएस। यहोवा कहत ह, “का तू मोहसे मोरे बच्चन क बारे मँ पूछब्या अथवा तू मोका आदेस देब्या ओनके ही बारे मँ जेका मइँ आपन हाथन स रचेउँ।</verse>
				<verse number="12">तउ लखा, मइँ धरती बनाएउँ अउर उ पचे सबहिं लोग जउन एह पइ रहत हीं, मोर बनाए भए अहइँ। मइँ खुद आपन हाथन स अकासन क रचना किहेउँ, अउर मइँ अकास क सितारन क आदेस देत हउँ।</verse>
				<verse number="13">मइँ हउँ जउन वास्तव मँ ओका इ काम करइ बरे उकसाएस ह। मइँ ओकर रास्ता क सहल बनाउबउँ। मइँ आपन नगर क फुन स बनाब। उ मोरे क लोगन बिना किसी रिस्वत दिए या बिना कउनो मोल चुकाए अजाद कइ देइ!” सर्वसक्तीमान यहोवा इ सबइ बातन कहेस।</verse>
				<verse number="14">यहोवा कहत ह, “मिस्र अउ क्रुस बहोत वस्तुअन रचेस रहेन, किन्तु हे इस्राएल, तू उ सबइ वस्तुअन पउब्या। सेबा क लम्बे लोग तोहार होइहीं। उ पचे आपन गर्दन क चारिहुँ कइँती जंजीर लिए भए तोहरे पाछे-पाछे चलिहीं। उ सबइ लोग तोहरे समन्ना निहुरिहीं, अउर उ पचे तोहसे बिनती करिहीं। ‘इस्राएल, परमेस्सर तोहरे संग अहइ, अउर ओका तजिके कउनो दूसर परमेस्सर नाहीं अहइ।’”</verse>
				<verse number="15">हे परमेस्सर, तू उ परमेस्सर अहा जेका लोग लख नाहीं सकतेन। तू ही इस्राएल क उद्धार कर्त्ता अहा।</verse>
				<verse number="16">बहोत स लोग मिथ्या देवता बनावा करत हीं। किन्तु उ सबइ लोग तउ निरास ही होइहीं। उ सबइ सबहिं लोग तउ लजाइ जइहीं।</verse>
				<verse number="17">किन्तु इस्राएल यहोवा क जरिये बचाइ लीन्ह जाइ। उ मुक्ति जुगन तलक बनी रही। फुन इस्राएल कबहुँ भी लज्जित नाहीं होइ।</verse>
				<verse number="18">यहोवा ही परमेस्सर अहइ। उ अकास रचेस ह, अउर अहइ धरती बनाएस ह। यहोवा ही धरती क अपने जगहिया पइ टेकाएस ह। जब यहोवा धरती बनाएस उ इ सबइ नाहीं चाहेस कि धरती खाली रहइ। उ एका रचेस ताकि एहमाँ जिन्नगी रहइ। मइँ यहोवा हउँ। मोरे अलावा कउनो दूसर परमेस्सर नाहीं अहइ।</verse>
				<verse number="19">मइँ अकेल्ले इ सबइ बातन नाहीं किहेउँ, मइँ अजाद भाव स कहेउँ ह। संसार क कउनो भी अँधियारा मँ मइँ आपन बचन नाहीं छुपावत। मइँ याकूब क लोगन स नाहीं कहेउँ कि उ पचे मोका बीरान जगहन पइ हेरइँ। मइँ परमेस्सर हउँ अउर मइँ फुरइ बोहात हउँ। मइँ उहइ बातन कहत हउँ जउन फुरइ अहइँ।</verse>
				<verse number="20">“तू लोग दूसरी जातियन स बच पराया। तउ आपुस मँ बटुर जा अउर मोरे समन्वा आवा। (इ सबइ लोग अपने संग मिथ्या देवन क मूरतियन रखत हीं अउर एन बेकार क देवतन स पराथना करत हीं। किन्तु इ सबइ लोग इ नाहीं जानतेन कि उ पचे का करत अहइँ?</verse>
				<verse number="21">एन लोगन क मोरे लगे आवइ क कहा। एन लोगन क आपन तर्क पेस करइ द्या।) “उ पचे बातन बहुत दिनन पहिले घटी रहिन, ओनके बारे मँ तू पचन्क कउन बोलाएस? बहोत-बहोत दिनन पहिले ही एन बातन क लगातार कउन बतावत रहा? उ मइँ यहोवा ही हउँ जउन इ सबइ बातन बताए रहा। मइँ ही एकमात्र यहोवा हउँ। मोरे अलावा कउनो अउर परमेस्सर नाही अहइ? का अइसा कउनो अउर अहइ जउन आपन लोगन क रच्छा करत ह नाहीं, अइसा कउनो दूसर परमेस्सर नाहीं अहइ।</verse>
				<verse number="22">हे हर कतहुँ क लोगो, तू पचन्क एन लबार देवतन क पाछे चलब छोड़ देइ चाही। तू पचन्क मोर अनुसरन करइ चाही अउर होइ जाइ चाही। मइँ परमेस्सर हउँ। मोहसे दूसर कउनो दूसर परमेस्सर नाहीं अहइ। परमेस्सर केवल मइँ ही हउँ।</verse>
				<verse number="23">“मइँ खुद आपन सक्ति क साच्छी कइके प्रतिग्या किहेउँ ह। इ एक उत्तिम बचन अहइ। इ एक आदेस अहइ जउन पूरा होइ ही। हर मनई मोर (परमेस्सर क) आगे निहुरी अउर हर मनई मोर अनुसरण करइ क बचन देइ।</verse>
				<verse number="24">यहोवा आपन आप स सपथ लेइ के मोसे वाचा किहेस, ‘अच्छाई अउर मज़बूती तोहमाँ आउब्या।’” उ सबइ जउन ओहे (कुस्रू) पइ कोहाइ उ अपमानित होइ।</verse>
				<verse number="25">यहोवा अच्छे करम करइ बरे इस्राएल क लोगन क बिजयी बनाई अउर लोग ओकर तारीफ करिहीं।</verse>
			</chapter>
			<chapter number="46">
				<verse number="1">बेल अउर नेबो तोहरे अगवा निहुराइ दीन्ह ह अहइँ। लबार देवता तउ बस केवल मूरति अहइँ। लोग एन बुतन क जानवरन क पीठ पइ लाद दिहेन ह। इ सबइ बुत बस एक बोझ अहइँ, जेनका ढोउब ही अहइ। इ सबइ लबार देवता कछू नाहीं कइ सकतेन। बस लोगन क थकाइ सकत हीं।</verse>
				<verse number="2">एन सबहिं लबार देवतन क निहुराइ दीन्ह जाइ। इ सबइ बचिके कहुँ नाहीं पराइ सकिहीं। ओन सबहिं क बन्दियन क तरह लइ जावा जाइ।</verse>
				<verse number="3">“याकूब क परिवार, मोर सुना। हे इस्राएल क लोगो जउन अबहिं जिअत अहा, सुना। मइँ तू पचन्क तब स धारण किहे अहउँ जब अबहिं तू पचे महतारी क गर्भ मँ ही रह्या।</verse>
				<verse number="4">मइँ तू पचन्क तबइ स धारन किहे हउँ जब स तू पचन्क जन्म भवा ह अउर मइँ तू पचन्क तबइ भी धारण करब, जब तू पचे बुढ़वा होइ जाब्या। तोहार पचन्क बार सफेद होइ जइहीं, मइँ तब भी तू पचन्क धारण किहे रहब काहेकि मइँ तोहार पचन्क रचना किहेउँ ह। मइँ तू पचन्क धारण किहे रहब अउर तोहार पचन्क रच्छा करब।</verse>
				<verse number="5">“केकर संग तू मोर तुलना कइ सकत ह? कउनो भी मनई नाहीं अहइ जेकर तुलना मोहसे कीन्ह जाइ सकी! तोहार तुलना मँ स कउनो भी मोर सही तरीका स वर्णन नाहीं कइ सकत हीं।</verse>
				<verse number="6">कछू लोग सोना अउ चाँदी आपन थैलियन स निकालेस, उ पचे ओनका तराजुअन स तौलेस अउर ओनका लबार देवता बनावइ बरे सोनार जेका उ मजदूरी पइ आपन बरे मूर्तियन बनावइ बरे लाएस ह क देत हीं। तब फुन उ सबइ लोग उहइ लबार देवतन निहुरत हीं अउर ओकर सम्मान करत हीं।</verse>
				<verse number="7">हाँ उ सबइ लोग लबार देवतन लेब्या अउर ओका आपन काँधन पइ रखिके लइ चलब्या। किन्तु जब उ पचे एका धरती पइ थापिब, इ न ही उठ सकत या हिल-डुल कइ पावत। इ नाहीं कइ सकत काहेकि इ मूर्ति अहइ! लोग आपन लबार देवतन क समन्वा मदद बरे चिचियात हीं, किन्तु इ कबहुँ जबाव नाहीं देइ। इ लोगन क ओनकर विपत्तियन अउर कस्टन स नाहीं उबार सकत।</verse>
				<verse number="8">“तू लोग पाप किहा ह। तू पचन्क एन बातन क फुन स याद करइ चाही। एन बातन क याद करा अउर सुदृढ़ होइ जा।</verse>
				<verse number="9">ओन बातन क सुमिरा जउन बहोत पहिले घटी रहिन। याद राखा कि मइँ परमेस्सर हउँ। कउनो दूसर अन्य परमेस्सर नाहीं अहइ। उ सबइ लबार देवता मोरे जइसे नाहीं अहइँ।</verse>
				<verse number="10">“सुरू मँ मइँ तू पचन्क ओन बातन क बारे मँ बताइ दिहे रहेउँ जउन अंत मँ घटी। बहोत पहिले स ही मइँ तू पचन्क उ सबइ बातन बताइ दिहे हउँ, जउन अबहिं घटी नाहीं अहइँ। जब मइँ कउनो बात क कउनो जोजना बनावत हउँ तउ उ घटत ह। मइँ उहइ करत हउँ जउन करइ चाहत हउँ।</verse>
				<verse number="11">लखा, पूरब दिसा स मँ एक मनई क बोलावतहउँ उ मनई एक उकाब क समान होइ। उ एक दूर देस स आई अउर उ ओन कामन क करी जेनका करइ क जोजना मइँ बनाएउँ ह। मइँ तू पचन्क बतावत हउँ कि मइँ एका करब अउर मइँ ओका करब ही। काहेकि ओका मइँ ही बनाएउँ ह। मइँ ओका लिआउब ही।</verse>
				<verse number="12">“तू पचन मँ स कछू सोचा करत हीं कि तू पचन सक्ति अहइ किन्तु तू पचे भले काम नाहीं करत अहा। मोर सुना।</verse>
				<verse number="13">मइँ भले काम करब। मइँ हाली ही आपन लोगन क रच्छा करब। मइँ आपन सिय्योन अउर आपन अद्भुत इस्राएल क बरे उद्धार लिआउब।”</verse>
			</chapter>
			<chapter number="47">
				<verse number="1">“हे बाबुल क कुँवारी पुत्री, खाले धूरि मँ गिरि जा अउर हुँवा पइ बइठ जा। अब तू रानी नाहीं अहा। लोग अब तोहका कोमल अउर सुन्नर नाहीं कहा करिहीं।</verse>
				<verse number="2">अब तोहका आपन कोमल ओढ़ना उतारिके कठिन परिस्रम करइ चाही। अब तू चक्की ल्या अउर ओह पइ आटा पीसा। तू आपन घाघरा इतना ऊपर उठावा कि लोगन क तोहार टाँगन देखाइ लग जाइँ अउर नंगी टाँगन स तू नदी पार करा। तू आपन देस तजि द्या।</verse>
				<verse number="3">लोग तोहरे बदन क लखिहीं अउर उ पचे तोहार भोग करिहीं। तू अपमानित होबू। मइँ तोहसे बुरे कर्मन क मोल देवाउब जउन तू किहा ह। तोहरी मदद क कउनो भी मनई अगवा नाहीं आइ।”</verse>
				<verse number="4">“मोर लोग कहत हीं, ‘परमेस्सर हम लोगन क बचावत ह। ओकर नाउँ, इस्राएल क पवित्तर सर्वसक्तीमान अहइ।’</verse>
				<verse number="5">“हे बाबुल, तू बइठ जा अउर कछु भी जिन कहा। बाबुल क बिटिया, चली जा अँधियारा मँ। काहेकि अब तू अउर जियादा ‘राज्जन क रानी’ नाहीं कहवाई।</verse>
				<verse number="6">“मइँ आपन लोगन पइ किरोध किहे रहेउँ। इ सबइ लोग मोर आपन रहेन, किन्तु मइँ कोहान रहेउँ, एह बरे मइँ ओका अपमानित किहेउँ। मइँ ओनका तोहका दइ दिहेउँ, अउर तू ओनका दण्ड दिहा। तू ओन पइ कउनो करुणा नाहीं दर्साया अउर तू ओन बूढ़न पइ भी बहुत कठिन काम क जुआ लाद दिहा।</verse>
				<verse number="7">तू कहा करत रहिउ, ‘मइँ अमर हउँ मइँ सदा रानी रहब।’ किन्तु तू ओन बुरी बातन पइ धियान नाहीं दिहा जेनका तू ओन लोगन क संग किहे रह्या। तू कबहुँ नाहीं सोच्या कि पाछे का होइ।</verse>
				<verse number="8">एह बरे अब, ओ ‘मनोहर मेहरारू,’ मोर बात तू सुन ल्या। तू आपन क सुरच्छित जाना अउर अपने आप स कहा। ‘केवल मइँ ही महत्वपूर्ण मनई हउँ, मोरे समान कउनो दूसर बड़का नाहीं अहइ। मोका कबहुँ भी विधवा नाहीं होब अहइ, मोरे सदैव बच्चन होत रहिहीं।’</verse>
				<verse number="9">इ सबइ दुइ बातन तोहरे संग मँ घटित होइहीं: पहिले, तोहार बच्चन तोहसे छूट जइहीं अउर फुन तोहार पति भी तोहसे छूट जाइ। हाँ, इ सबइ बातन तोहरे संग जरूर घटिहीं। तोहार सबहिं जादू अउर सक्तीसाली टोनन तोहका नाहीं बचाइ पइहीं।</verse>
				<verse number="10">तू बुरे काम करति अहा, फुन भी तू आपन क सुरच्छित समुझति अहा। तू कहा करति अहा कि तोहार बुरे काम क कउनो नाहीं लखत। तू बुरे काम करति अहा किन्तु तू सोचति अहा कि तोहार बुद्धि अउर तोहार गियान तोहका बचाइ लेइहीं। तू खूद क सोचति अहा कि बस एक तू ही महत्वपूर्ण अहा। तोहरे जइसा अउर कउनो भी दूसर नाहीं अहइ।</verse>
				<verse number="11">“किन्तु तोह पइ बिपत्तियन अइहीं। तू नाहीं जानतिउ कि उ कब होइ जाइ, किन्तु बिनास आवत अहइ। तू ओन बिपत्तियन क रोकइ बरे कछू भी नाहीं कइ पउबिउ। तोहार बिनास ऍतना हाली होइ कि तोहका तक भी न चली कि का कछू तोहरे संग घट गवा।</verse>
				<verse number="12">जादू अउर टोना क सीखइ मँ तू कठिन मेहनत करत भए जिन्नगी बिताइ दिहा। तउ अब आपन जादू अउर टोना क चला। संभव अहइ टोने टोटके तोहका बचाइ लेइँ। समंव अहइ-ओनसे तू कउनो क डेराइ द्या।</verse>
				<verse number="13">तोहरे लगे बहोत स सलाहकार अहइँ। का तू ओनकर सलाहन स तंग आइ चुकी अहइ? तउ फुन ओन लोगन क जउन सितारन बाँचत ही, बाहेर पठवा। जउन बताइ सकत हीं महीना कब सुरू होत ह। तउ संभव अहइ उ पचे तोहका बताइ पाँवइ कि तोह पइ कब विपत्तियन पड़िहीं।</verse>
				<verse number="14">किन्तु उ सबइ लोग तउ खुद आपन क बचाइ नाहीं पइहीं। उ पचे घासे क तिनकन जइसे भक स बरि जइहीं। उ पचे ऍतना हाली बरिहीं कि अंगार तलक कउनो नाहीं बची जेहमाँ रोटी सेकी जाइ सकइ। कउनो आगी तलक नाहीं बची जेकरे लगे बइठिके उ पचे खुद क गर्माइ लेइँ।</verse>
				<verse number="15">अइसा ही हर वस्तु क साथ मँ घटी जेनके बरे तू कड़ी मेहनत किहा। तोहरे जिन्नगी भइ जेनसे तोहार वइपार रहा, उ पचे ही मनइयन तोहका तजि देइहीं, हर कउनो आपन-आपन राह चला जाइ। कउनो भी मनई तोहका बचावइ क नाहीं बची।”</verse>
			</chapter>
			<chapter number="48">
				<verse number="1">यहोवा कहत ह, “याकूब क परिवार, तू उहइ जाति अहइ जेका ‘इस्राएल’ कहा जात ही, मोर बात सुना! तू पचे यहूदा क घराने स जउन बचन देइ बरे यहोवा क नाउँ लेत अहा, तू पचे इस्राएल क परमेस्सर क बारे मँ बोलत अहा, किन्तु सच्चाई अउर निस्ठावानी स नाहीं।</verse>
				<verse number="2">“तू लोग आपन क पवित्तर नगरी क नागरिक कहत अहा। तू पचे इस्राएल क परमेस्सर क भरोसे रहत अहा। ओकर नाउँ सर्वसक्तीमान यहोवा अहइ।</verse>
				<verse number="3">“मइँ तू पचन्क बहोत पहिले ही पहिले क ओन घटना क बारे मँ ओका घटइ स पहिले ही बताइ दिहे रहा, तू पचन्क ओन घटना क बारे मँ बताइ दिहे रहा कि इ होइ सकत ह। मइँ अचानक ओन बातन घटाइ दिहेउँ! इ सबइ बातन वइसा ही भवा जइसा मइँ बताए रहा।</verse>
				<verse number="4">मइँ तोहका इ सबइ बातन क पहिले ही बताए दिहे रहेउँ काहेकि मोका मालूम रहा कि तू पचे बहोत जिद्दी अहा। मइँ जउन कछू भी बताए रहेउँ ओहे पइ बिस्सास करइ स तू पचे इन्कार किहा, तू पचे बहोत जिद्दी रह्या, जइसे लोहा क छड़ नाहीं निहुरत ह। इ बात अइसी रही जइसे तोहार मूँड़ काँसा क बना भवा होइ।</verse>
				<verse number="5">एह बरे मइँ तू पचन्क पहिले ही ओन घटना क बारे मँ बताइ दिहे रहेउँ जउन घटी सकत ह। अइसा एह बरे किहे रहेउँ ताकि तू नाहीं कहि सकइ कि ‘इ सबइ काम हमार देवतन किहेन।’ तू इ नाहीं कहि सकत्या कि ‘हमार मूर्तियन, हमार देवतन,’ इ सबइ बातन घटाइ क आदेस दिहे रहेन।”</verse>
				<verse number="6">“तू ओन सबहिं बातन क जउन होइ चुकी अहइँ, लख्या अउर सुन्या ह। एह बरे तोहका इ सबइ खबरियन दूसरन क बतावइ चाही। अब मइँ तोहका नई बातन बतावइ सुरू करत हउँ। जेनका तू अबहिं नाहीं जानत अहा।</verse>
				<verse number="7">इ सबइ उ सबइ बातन नाहीं अहइँ जउन पहिले घटि चुकी अहइँ। इ सबइ बातन अइसी अहइँ जउन अब सुरू होत अहइँ, आजु स पहिले तू इ सबइ बातन नाहीं सुन्या। तउ तू नाहीं कहि सकत्या, ‘हम तउ एहसे पहिले ही जानित ह।’</verse>
				<verse number="8">किन्तु तब पर भी, तू कबहुँ ओह पइ कान नाहीं दिहा जउन मइँ कहेस। तू मोह स कछू नाहीं सीख्या! तू कछू नाहीं सुन्या जउन मइँ कह्या। किन्तु मइँ तोहका ओन बातन क बारे मँ बताएउँ काहेकि मइँ जानत नाहीं रहेउँ कि तू मोरे विरोध मँ होब्या। तू तउ विद्रोही रह्या जब स तू पइदा भवा।</verse>
				<verse number="9">“किन्तु मइँ धीरज धरब। अइसा मइँ अपने बरे करब। मोका किरोध नाहीं आवा एकरे बरे लोग मोर जस गइहीं। मइँ आपन किरोध पइ काबू करब कि तोहार नास न करउँ। तू मोर बाट जोहत भए मोर गुण गउब्या।</verse>
				<verse number="10">“लखा, मइँ तोहका सुद्ध करब। चाँदी क सुद्ध करइ बरे लोग ओका आग मँ डावत हीं। किन्तु मइँ तोहका विपत्ति क भट्ठी मँ डाइके सुद्ध करब।</verse>
				<verse number="11">इ मइँ खुद अपने बरे करब। तू मोरे संग अइसे नाहीं बरतब्या, जइसे मोर महत्व न होइ। कउनो मिथ्या देवता क मइँ आपन तारीफ नाहीं लेइ देब।</verse>
				<verse number="12">“याकूब, तू मोर सुना। हे इस्राएल क लोगो, मइँ तू पचन्क आपन लोग बनवइ क बुलाएउ ह। तू एह बरे मोर सुना। मइँ परमेस्सर हउँ, मइँ ही सुरूआत हउँ अउर मइँ ही अन्त हउँ।</verse>
				<verse number="13">मइँ खुद आपन हाथन स धरती क रचना किहेउँ। मोरे दाहिन हाथे अकास क बनाएस। जदि मइँ ओनका गोहराउबउँ तउ दुइनउँ साथ-साथ मोरे समन्वा अइहीं।</verse>
				<verse number="14">“एह बरे तू सबहिं जउन आपुस मँ एकट्ठा भए अहा मोर बात सुना। का कउनो लबार देवता तोहसे अइसा कहेस ह कि आगे चलिके अइसी बातन घटिहीं? नाहीं।” यहोवा इस्राएल स जेका, उ चुनेस ह, पिरेम करत ह उ जइसा चाही वइसा ही बाबुल अउर कसदियन क साथ करी।</verse>
				<verse number="15">“यहोवा कहत ह कि “मइँ तोहसे कहे रहेउँ। मइँ ओका बोलाउब। मइँ ओका लिआउब अउर ओका सफल बनाउब।</verse>
				<verse number="16">आवा अउर मोर सुना, मइँ सुरू से ही एकर बारे मँ साफ-साफ बोलेस ह। मइँ उ समय हुवाँ पइ मोजूद रहा जब बाबुल क नींव पड़ी रहेन।” तउ नबी कहेस, “अब मोर सुआमी यहोवा मोका आपन आतिमा क संग एन बातन क तू पचन्क बतावइ बरे पठएस ह।”</verse>
				<verse number="17">यहोवा जउन मुक्तिदाता अहइ अउर इस्राएल क पवित्तर अहइ, कहत ह, “मइँ तोहार यहोवा परमेस्सर अहउँ। मइँ तोहका सिखावत हउँ कि का हितकर अहइ। मइँ तोहका राहे पइ लिये चलत हउँ जइसे तोहका चलइ चाही।</verse>
				<verse number="18">अगर तू मानत अहा तउ तोहका ओतनी सान्ति मिल जात जेतनी नदी भरिके बहत ह। तोह पइ उत्तिम चिजियन अइसी छाइ जात जइसे समुद्र क तरंग होइँ।</verse>
				<verse number="19">जदि तू मानत्या तउ तोर सन्तानन बहोत बहोत होतिन, तोहार सन्तानन वइसे अनगिनत होइ जातिन जइसे रेत क असंख्य कण होत हीं। जदि तू मोर मानत्या तउ तउ तू नस्ट नाहीं होत्य। तू भी मोर संग बना होत्य।”</verse>
				<verse number="20">हे मोरे लोगो, तू पचे बाबुल क तजि द्या। हे मोर लोगो, तू पचे कसदियन स पराइ जा। खुसी मँ भरिके तू पचे लोगन स इ खबरिया क कहा। धरती पइ दूर-दूर इ खबर क फइलावा। तू पचे लोगन क बताइ द्या, “यहोवा आपन दास याकूब क उवारि लिहेस ह।</verse>
				<verse number="21">यहोवा आपन लोगन क रेगिस्ताने मँ राह देखाएस, अउर उ सबइ लोग कबहुँ पियासे नाहीं रहेन। काहेकि उ आपन लोगन बरे चटान फोड़िके पानी बहाइ दिहस।”</verse>
				<verse number="22">किन्तु परमेस्सर कहत ह, “दुस्टन क सान्ति नाहीं अहइ।”</verse>
			</chapter>
			<chapter number="49">
				<verse number="1">हे दूर देसन क लोगो, मोर बात सुना। हे धरती क निवासियो, तू सबहिं मोर बात सुना। मोरे जनम स पहिले ही यहोवा मोका आपन सेवा बरे बोलाएस। जब मइँ आपन महतारी क गरभ मँ ही रहेउँ, यहोवा मोर नाउँ रख दिहे रहा।</verse>
				<verse number="2">यहोवा मोर जरिया स लोगन स बात किहेस। उ मोर जीव क तेज तरवार क नाईं बनाएस ह, किन्तु उ मोका आपन हाथ क छाया मँ छुपाएस ह। उ मोका तेज तीर क समान बनाएस ह, किन्तु उ आपन तीरन क तरकास मँ राखिके मोर रच्छा किहेस ह।</verse>
				<verse number="3">यहोवा मोका बताएस ह, “इस्राएल, तू मोर सेवक अहा। मइँ तोहरे संग मँ अजूबा काम करब।”</verse>
				<verse number="4">मइँ कहेस, “महँ कड़ी मेहनत किहे रहे हउँ, किन्तु मइँ कछू भी पूरा नाहीं किहस। मइँ आपन सब सक्ति लगाइ दिहेस, किन्तु मइँ कउनो काम पूरा नाहीं कइ सकेउँ! एह बरे यहोवा क मोर बरे जरूर निआव करइ चाही। मोर परमेस्सर क मोरे प्रतिफल क निर्णय जरूर करइ चाही।</verse>
				<verse number="5">यहोवा ही एक अहइ जउन मोका अपना सेवक उ टेम मँ बनाएस ह जे टेम मइँ आपन महतारी क गर्भ मँ रहा। उ मोका बनाएस ताकि मइँ याकूब क लोगन क ओकरे लगे लउटाइके लइ आउँ बरे, अउर इस्राएलियन क धर्म-संध मँ जमा कइ बरे लउटाइके लइ आउँ। यहोवा मोका मान देइ। मइँ परमेस्सर क स्तुति गीत गाएस।”</verse>
				<verse number="6">अब, यहोवा कहत ह: 6 “याकूब क पुन:स्थापित करइ अउर इस्राएल क बचा भवा क जेका परमेस्सर बचाएस रहा वापिस लइ आवइ महत्वपूर्ण अहा। किन्तु मोर सेवक मोरे लगे तोहरे बरे एह स जियादा महत्वपूर्ण कार्य अहइ। मइँ तोहका पूरे धरती क उद्धार करइ बरे ‘रास्ट्र बरे एक प्रकास’ बनाएउँ ह।”</verse>
				<verse number="7">इहइ इस्राएल यहोवा ह, इस्राएल क पवित्तर ह, इस्राएल क रच्छा करत ह अउर यहोवा कहत ह, “मोर दास विनम्र अहइ जउन सासकन क सेवा करत ह, अउर लोग ओहसे घिना करत हीं। राजा ओकर दर्सन करिहीं अउर ओकरे सम्मान मँ खड़ा होइहीं। महान नेता भी ओकरे समन्ना निहुरिहीं,” काहेकि यहोवा बिस्सवासी अहइ। इस्राएल ही एक पवित्तर अहइ जेका यहोवा चुनेस ह।</verse>
				<verse number="8">यहोवा कहत ह, “उचित समय आवइ पइ मइँ तोहार पराथनन क जबाव देब। मइँ तोहका सहारा देब। मुक्ति क दिनन मँ मइँ तोहार रच्छा करब अउर तू एकर प्रमाण होब्या कि लोगन क संग मँ मोर वाचा अहइ। अब देस उजड़ चुका अहइ, किन्तु तू इ धरती एकरे सुआमियन क लउटवउब्या।</verse>
				<verse number="9">तू बन्दियन स कहब्य, ‘तू पचे आपन जेलि स बाहेर निकरि आवा।’ तू ओन लोगन स जउन अँधियारा मँ अहइँ, कहब्या, ‘अँधियारा स बाहेर आइ जा।’ उ पचे चलत भए राहे मँ भोजन कइ पइहीं। उ पचे वीरन पहाड़न मँ भी भोजन पइहीं।</verse>
				<verse number="10">लोग भूखा नाहीं रहिहीं, लोग पियासा नाहीं रहिहीं। गर्म सूरज, गर्म हवा ओनका दुःख नाहीं देइहीं। काहेकि उहइ जउन ओनका चैन देत ह, (परमेस्सर) ओनका राह देखॉइ। उहइ लोगन क पानी क झरनन क पास-पास लइ जाइ।</verse>
				<verse number="11">मइँ आपन लोगन बरे एक राह बनाउब। पर्वत समथर होइ जइहीं अउर दबी राहन ऊपर उठि अइहीं।</verse>
				<verse number="12">“लखा, दूर दूर देसन स लोग हिआँ आवत अहइँ। उत्तर स लोग आवत अहइँ अउर लोग पच्छिम स आवत अहइँ। लोग मिस्र मँ स्थित असवान स आवत अहइँ।”</verse>
				<verse number="13">हे आकासो, हे धरती, तू खुस होइ जा। हे पर्वतो, आनन्द स जयकारा बोला! काहेकि यहोवा आपन लोगन क सुख देत ह। यहोवा आपन दीन हीन लोगन बरे बहुत दयालु अहइ। सिय्योन: तजी गइ मेहरारु</verse>
				<verse number="14">किन्तु अब सिय्योन कहेस, “यहोवा मोका तजि दिहस। मोर सुआमी मोका बिसरि गवा।”</verse>
				<verse number="15">किन्तु यहोवा कहत ह, “का कउनो मेहरारू आपन ही बच्चन क भूल सकत ह? नाहीं। का कउनो मेहरारू उ बच्चा क जउन ओकर ही कोख स जन्मा ह, भूल सकत ह? नाहीं। सम्भव अहइ कउनो मेहरारू आपन सन्तान क बिसरि जाइ। परन्तु मइँ (यहोवा) तोहका नाहीं बिसरि सकत हउँ।</verse>
				<verse number="16">लखा जरा, मइँ आपन हथेली पइ तोहार नाउँ खोद लिहे हउँ। मइँ सदा तोहरे विसय मँ ही सोचा करत हउँ।</verse>
				<verse number="17">तोहार सन्तानन तोहरे लगे लउटि अइहीं। जउन लोग तोहका पराजित किहे रहेन, उ पचे ही मनइयन तोहका अकेल्ले तजि जइहीं। इस्राएलियन क वापसी</verse>
				<verse number="18">आपन आखँनि क ऊपर उठावा अउ चारिहुँ कइँती लखा। तोहार सबहिं गदेलन आपुस मँ एकट्ठी होइके तोहरे लगे आवति अहइँ।” यहोवा क इ कहब अहइ, “आपन जिन्नगी क कसम खाइके मइँ तू पचन्क इ सबइ बचन देत हउँ, तोहार गदेलन ओन रत्नन जइसी होइहीं जेनका तू अपने गले मँ पहिरत अहा। तोहार गदेलन वइसी ही होइहीं जइसा उ वंठहार होत ह जेका दुलहिन पहिरत ह।</verse>
				<verse number="19">“आजु तू नस्ट अहा अउर आजु तू पराजित अहा। तोहार भुइँया तबाही मँ अहइ। किन्तु कछू ही दिनन पाछे तोहरी धरती पइ बहोत सारे लोग होइही अउर उ सबइ लोग जउन तोहका उजारे रहेन, दूर बहोत दूर चला जइहीं।</verse>
				<verse number="20">जउन गदेलन तू खोइ दिहा, ओनके बरे तोहका बहोत दुःख भवा किन्तु उहइ पचे गदेलन तोहसे कहिहीं। ‘इ जगहिया रहइ क बहोत छोटी अहइ। हमका तउ कउनो फइली जगहिया द्या।’</verse>
				<verse number="21">फुन तू खुद अपने आप स कहब्या, ‘एन सबहिं गदेलन क मोरे बरे कउन जन्माएस? इ तउ बहोत अच्छा अहइ। मइँ दुःखी रहा अउर अकेल्ला रहा। मइँ हारा भवा रहा। मइँ आपन लोगन स दूर रहा। तउ इ सबइ गदेलन मोरे बरे कउन पालेस ह लखा तनिक, मइँ अकेल्ला छोड़ा गवा हउँ। इ सबइ ऍतने सबइ गदेलन कहाँ स आइ गएन?’”</verse>
				<verse number="22">मोर सुआमी यहोवा कहत ह, “लखा, आपन हाथ उठाइके इसारे स मइँ सारे ही देसन क बुलावे क संकेत देत हउँ। मइँ आपन झण्डा उठाउब कि सब लोग ओका लखइँ। फुन उ पचे तोहार गदेलन क तोहरे लगे लिअइहीं। उ सबइ लोग तोहरे गदेलन क आपन काँधे पइ उठइहीं अउर उ पचे ओनका आपन बाँहे मँ उठाइ लेइहीं।</verse>
				<verse number="23">राजा तोहरे गदेलन क सिच्छक होइहीं अउर सबइ राजकन्या ओनकर धियान रखिहीं। उ सबइ राजा अउर ओनकर सबइ राजकन्या दुइनउँ तोहरे समन्वा माथा नवइहीं। उ पचे तोहरे पाँवन भी धूरि क चुम्बन करिहीं। तबहिं तू जनब्या कि मइँ यहोवा हउँ। तबहिं तोहका समुझ मँ आई कि हर अइसा मनई जउन मोहमाँ भरोसा राखत ह, निरास नाहीं होइ।”</verse>
				<verse number="24">जब कउनो सक्तिसाली जोधा जुद्ध मँ जीतत ह तउ का कउनो ओकर जीती भइ वस्तुअन क ओहसे लइ सकत ह? जब कउनो विजेता फउजी कउनो बन्दी पइ पहरा देत ह, तउ का कउनो पराजित बन्दी बचिके भरा सकत ह?</verse>
				<verse number="25">किन्तु यहोवा कहत ह, “उ बलवान सैनिक स बन्दीयन क छोड़ाइ लीन्ह जाइ अउर जीत क चिजियन ओहसे छोरि लीन्ह जाइ। इ भला काहे क होइ? मइँ तोहरे जुद्धन क लड़ब अउर तोहरी सन्तानन बचाउब।</verse>
				<verse number="26">अइसे ओन लोगन क जउन तू पचन्क कस्ट देत हीं मइँ अइसा ही कइ देब कि उ पचे आपुस मँ एक दूसर क बदन क खाइँ। ओनकर खून दाखरस बन जाइ जेहसे उ पचे धुत्त होइहीं। तब हर कउनो जानी कि मइँ उहइ यहोवा हउँ जउन तोहका बचावत ह। सारे लोग जान जइहीं कि तोहका बचावइवाला याकूब क समर्थ अहइ।”</verse>
			</chapter>
			<chapter number="50">
				<verse number="1">यहोवा कहत ह, “हे इस्राएल क लोगो, तू पचे कहा करत रह्या कि मइँ तोहार महतारी यरूसलेम क तलाक दिहेउँ। किन्तु उ तलाकपत्र कहाँ अहइ जउन साबित कइ देइ कि मइँ ओका तलाक दिहेउँ ह। हे मोरे गदेलो, का मइँ कउनो क कर्जदार अहउँ? का आपन कउनो कर्ज चुकावइ बरे मइँ तोहका बेचेउँ ह? नाहीं, तू बिका रह्या एह बरे कि तू बुरे करम किहे रह्या। एह बरे तोहार महतारी दूर पठइ गइ रही काहेकि तू बुरा करम किहे रह्या।</verse>
				<verse number="2">जब मइँ घरे आवा रहेउँ, मइँ हुआँ कउनो क नाहीं पाएउँ। मइँ बार-बार गोहराएउँ किन्तु कउनो जबाव नाहीं दिहस। का तू पचे सोचत अहा कि तोहका मइँ नाहीं बचाइ सकत हउँ? मइँ तोहार बिपत्तियन स तोहका पचन्क बचावइ क सक्ति धरत हउँ। लखा, जदि मइँ समुद्दर क झुराइ क आदेस देउँ तउ उ झुराइ जाइ। मछरियन परान तजि देइहीं काहेकि हुवाँ जल न होइ अउर ओनकर देह सड़ि जाइ।</verse>
				<verse number="3">मइँ अकासन क करिआ कइ सकत हउँ। अकास वइसे ही करिआ होइ जइहीं जइसे सोक वस्त्र होत हीं।”</verse>
				<verse number="4">मोर सुआमी यहोवा मोका सीख देइ क जोग्यता दिहस ह। ऍह बरे मइँ थका भवा लोगन क प्रोत्साहित करत हउँ अउर ससकत बनावत हउँ। हर भिंसारे उ मोका जगावत ह अउर एक छात्र क नाईं सिच्छा देत ह।</verse>
				<verse number="5">मोर सुआमी यहोवा सीखइ मँ मोर सहायक अहइ अउर मइँ ओकर विरोधी नाहीं बना अहउँ। मइँ ओकरे पाछे चलब नाहीं तजब।</verse>
				<verse number="6">ओन लोगन क मइँ आपन पिटाइ करइ देब। मइँ ओनका आपन दाढ़ी क बार नोचइ देबउँ। उ सबइ लोग जब मोरे बरे अपसब्द कइहीं अउर मोह पइ थूकिहीं तउ मइँ आपन मुँह नाहीं मोड़ब।</verse>
				<verse number="7">मोर सुआमी, यहोवा मोर मदद करी। एह बरे ओनकर अपसब्द मोका दुःख नाहीं पहोंचइहीं। मइँ सुदृढ़ रहब। मइँ जानत हउँ कि मोका निरास नाहीं होइ पड़ी।</verse>
				<verse number="8">एक उ जउन कउनो मोका दोख रहित बनाएस ह उ मोर संग अहइ, एह बरे कउन मनई मोका अपराधी साबित कइ सकत ह। जदि कउनो मनई सोचत ह कि उ मोर खिलाफ कउनो सिकायत रखत ह, तउ उ मनई क मोरे लगे आवइ द्या अउर अपना तर्क रखइ द्या।</verse>
				<verse number="9">किन्तु लखा, मोर सुआमी यहोवा मोर मदद करत ह। ऍह बरे कउन मनई अहइ जउन इ सिद्ध कइ सकी कि मइँ दोखी हउँ? उ सबइ सबहिं लोग वइसे ही बाहर फैंकइ जाइ जइसे पुरान कपड़न क जेका किरवन चट कइ जातहीं।</verse>
				<verse number="10">अगर कउनो मनई जउन यहोवा क आराधना करत ह अउर ओकर सेवक क संदेस भी सुनत ह, मगर अबहुँ तलक अंधेरे मँ बिना प्रकास क चलत ह, एका अपने यहोवा क नाउँ मँ बिस्सास रखइ चाही अउर ओका आपन परमेस्सर पइ जरूर भरोसा रखइ चाही।</verse>
				<verse number="11">“लखा, तू लोग आपन ही ढंग स जिअइ चाहत अहा। आपन आगी अउर आपन मसालन क तू पचे खुद बारत अहा। तू पचे आपन ही ढंग स रहइ चाहत अहा। किन्तु तू पचन्क सजा दीन्ह जाइ। तू पचे आपन ही आगी मँ भहराब्या अउर तोहार पचन्क आपन ही मसालन तू पचन्क बारि डइहीं। अइसी घटना मइँ घटवाउब।”</verse>
			</chapter>
			<chapter number="51">
				<verse number="1">“मोर सुन्या, तोहमाँ स जउन लोग उत्तिम जिन्नगी जिअइ क कठिन प्रयत्न करत अहा अउर यहोवा क मदद खोजत अहा। अगर तू सही तरीके से जिअइ क उदाहरण चहात ह, लखा चट्टा (इब्राहीम) क जेहसे तू पचन्क काटि गवा अहइ, लखा खोखला चट्टान (सारा) क जेहसे तू पचन्क तरासत भवा अहइ।</verse>
				<verse number="2">हाँ, लखा आपन पिता इब्राहीम अउर आपन माँ सारा क जउन तू पचन्क जन्म दिहेस ह। उ इब्राहीम ही अकेला रहा जेका मइँ बोलाए रहा। किन्तु मइँ ओका वरदान दिहा अउर ओका एक बड़के रास्ट्र बनाइ दिहस।”</verse>
				<verse number="3">सिय्योन पर्वत क यहोवा वइसे ही आसीर्वाद देइ। यहोवा क यरूसलेम अउर ओकरे खंडहरन क बरे खेद होइ अउर उ नगर बरे कउनो बहोत बड़ा काम करी। यहोवा रेगिस्तान क बदल देइ। उ रेगिस्तान अदन क उपवन क जइसे एक उपवन मँ बदल जाइ। उ उजाड़ स्थान यहोवा क बगीचे जइसा होइ जाइ। लोग बहोत जियादा खुस होइहीं। लोग हुवाँ आनन्द परगट करिहीं। उ सबइ लोग धन्नबाद अउर विजय क गीत गइहीं।</verse>
				<verse number="4">“हे मेरे लोगो, मोर सुना! मइँ तू पचन क आपन उपदेसन क देब। मइँ आपन नेमन क प्रकास क तरह बनाउब जउन लोगन क देखइहीं कि कइसे ठीक तरह स जिया जात ह।</verse>
				<verse number="5">मइँ हाली ही परगट करब कि मइँ निआव स पूर्ण हउँ। मइँ हाली ही तोहार पचन्क रच्छा करब। मइँ आपन सक्ति क काम मँ लिआउब अउर मइँ सबहिं रास्ट्रन क निआव करब। सबहिं दूर-दूर क देस मोर बाट जोहत अहइँ। ओनकर मोर सक्ति क प्रतीच्छा अहइ जउन ओनका बचाई।</verse>
				<verse number="6">ऊपर अकासन क लखा, अकास अइसे लोप होइ जाइ जइसे धुआँ क एक बादर खोइ जात ह। अउर धरती अइसे ही बेकार होइ जाइ जइसे पुरान ओढ़ना बगैर कीमत क होत हीं। धरती क वासी आपन प्राण तजिहीं किन्तु मोर मुक्ति सदा ही बनी रही। मोर उत्तिमता कबहुँ नाहीं मिटी।</verse>
				<verse number="7">अरे ओ उत्तिमता क समुझइवाले लोगो, तू पचे मोर बात सुना। अरे ओ मोर सिच्छन पइ चलइवालो, तू पचे उ सबइ बातन सुना जेनका मइँ बतावत हउँ। दुट्ठ लोगन स तू पचे जिन डेराअ। ओन बुरी बातन स जेनका उ पचे तू पचन्स कहत हीं, तू पचे भयभीत जिन ह्वा।</verse>
				<verse number="8">काहेकि उ पचे पुराना कपड़न क नाईं होइहीं। ओनका किरवन खाइ जइहीं, उ पचे ऊन क जइसे होइहीं जेका किरवन चाट जइहीं। संसार क लोग मरिहीं, किन्तु मोर मुक्ति सदा ही बना रही। मोर अच्छाइ निरन्तर बनी रही।”</verse>
				<verse number="9">यहोवा क भुजा जाग-जाग। आपन सक्ति क सज्जित करा। तू आपन सक्ति क प्रयोग करा। तू वइसे जाग जा जइसे तू बहोत बहोत पहिले जागा रह्या। तू उहइ सक्ति अहा जउन रहाब क छक्कन छुड़ाए रहा। तू भयानक मगरमच्छ क ध्वाये रह्या।</verse>
				<verse number="10">तू सागरे क सुखाया। तू गहिर समुद्दर क जलहीन बनाइ दिहा। तू सागर क गहिर सतह क एक राहे मँ बदल दिहा अउर तोहार लोग उ राह स पार भएन अउर बच गए रहेन।</verse>
				<verse number="11">यहोवा आपन लोगन क रच्छा करी। उ पचे सिय्योन पर्वत कइँती आनन्द मनावत भए लउटि अइहीं। इ सबइ सबहिं आनन्द मँ मगन होइहीं। सारे ही दुःख ओनसे दूर कहूँ भाग जइहीं।</verse>
				<verse number="12">यहोवा कहत ह, “मइँ उहइ हउँ जउन तू पचन्क चइन दिया करत ह। एह बरे तू पचन्क दूसर लोगन्स काहे डेराइ चाही? उ पचे तउ बस मनइयन अहइँ जउन जिया करत हीं अउर मरि जात हीं। उ पचे वइसे मरि जात हीं जइसे घास मरि जात ह।”</verse>
				<verse number="13">यहोवा तू पचन्क रचेस ह। उ निज सक्ति स इ धरती क बनाएस ह। उ निज सक्ति स धरती पइ अकास तान दिहस। किन्तु तू पचे ओका अउर ओकर सक्ति क बिसरि गवा। एह बरे तू पचे सदा ही उ मनइयन स भयभीत रहत ह जउन तू पचन्क हानि पहोंचावत हीं। तोहार नास करइ क ओन लोग जोजना बनाएन, किन्तु आजु उ पचे कहाँ अहइँ? उ पचे सबहिं चलि गए रहेन!</verse>
				<verse number="14">लोग जउन बन्दी अहइँ, हाली ही मुक्त होइ जइहीं। ओन लोगन क मउत काल कोठरी मँ नाहीं होइ अउर न ही उ पचे कारागार मँ सड़त रइहीं। ओन लोगन्क लगे खाइके पर्याप्त होइ।</verse>
				<verse number="15">“मइँ ही यहोवा तोहार पचन्क परमेस्सर हउँ। मइँ ही सागर क झकोरत हउँ अउर मइँ ही लहरन उठावन हउ।” ओकर नाउँ सर्वसक्तीमान यहोवा अहइ।</verse>
				<verse number="16">“मोर सेवक, मइँ तोहका उ सबइ सब्द देब जेनका मइँ तोहसे कहलवावइ चाहत हउँ। मइँ तोहका आपन हाथन स ढकिके तोर रच्छा करब। मइँ तोहसे नवा अकास अउ नई धरती बनवाउब। मइँ तू पचन क जरिये सिय्योन क इ कहलवा वइ बरे कि तू पचे मोर लोग अहा, ‘तोहार उपयोग करब।’”</verse>
				<verse number="17">जागा। जागा। यरूसलेम जाग उठा। यहोवा तोहसे बहोत ही कोहान रहा। एह बरे तोहका दण्ड दीन्ह गवा। उ दण्ड अइसा रहा जइसा जहर क कउनो पियाला होइ अउर उ तोहका पिअइ पड़इ अउर ओका तू पी लिहा।</verse>
				<verse number="18">यरूसलेम मँ बहोत स लोग हुआ करत रहेन किन्तु ओनमाँ स कउनो भी मनई ओकर अगुवाई नाहीं कइ सका। उ पाल-पोसके जउन गदेलन क बड़ा किहे रहा, ओनमाँ स कउनो भी ओका राह नाहीं देखाइ सका।</verse>
				<verse number="19">दुइ जोड़ा बिपत्ति यरूसलेम पइ टूट पड़ी अहइँ, लूटपाट अउर अनाज क परेसानी अउर भयानक भूख अउ सबइ हत्तिया। जब तू विपत्ति मँ पड़ी रही, कउनो भी तोहका सहास नाहीं दिहस, कउनो भी तोह पइ तरस नाहीं खाएस।</verse>
				<verse number="20">तोहार लोग दुर्बल होइ गएन। उ पचे हुवाँ धरती पइ भहराइ पड़ा अहइँ अउर हुँवइ पड़ा रइहीं। उ सबइ लोग हर गली का नुक्कड़ पर पड़ा अहइँ। उ सबइ लोग अइसे अहइँ जइसे कउनो जाल मँ फँसा हरिन होइ। ओन लोगन पइ यहोवा क कोप क मार तब तलक पड़त रही, जब तलक उ पचे अइस न होइ गएन कि दण्ड झेल ही न सकइ। परमेस्सर जब कहेस कि ओनका अउर दण्ड दीन्ह जाइ तउ उ पचे बहोत कमजोर होइ गएन।</verse>
				<verse number="21">बेचारे यरूसलेम, तू मोर सुन। तू कउनो धूत्त मनई क समान दुर्बल अहा किन्तु तू दाखरस पीके धुत्त नाहीं भवा अहा, बल्कि तू तउ “जहर क उ पियाला का पीके” अइसा दुर्बल होइ गवा अहा।</verse>
				<verse number="22">तोहार पचन्क परमेस्सर अउर सुआमी उ यहोवा आपन लोगन बरे जुद्ध करी। उ तू पचन्क कहत ह, “लखा! मइँ ‘जहर क इ पियाला’ (दण्ड) क तू पचन्स दूर हटावत हउँ। मइँ आपन किरोध क तू पचन्पइ स हटावत अहउँ। अब मोरे किरोध स तू पचन्क अउर दण्ड नाहीं भोगइ क होइ।</verse>
				<verse number="23">अब मइँ आपन किरोध क मार ओन लोगन पइ डाउब जउन तू पचन्क दुःख पहोंचावत हीं। उ सबइ लोग तू पचन्क मार डावइ चाहत रहेन। ओ लोग तू पचन्स कहे रहेन, ‘हमरे अगवा निहुरि जा। हम तू पचन्क कुचरि डाउब।’ आपन समन्वा निहुरावइ बरे उ पचे तू पचन्क मजबूर किहन। फुन ओ लोग तू पचन्क पीठ क अइसा बनाइ डाएन जइसे धूर-माटी होइ ताकि उ पचे तू पचन्क रौंद सकइँ। ओनके बरे चलइ क वास्ते तू पचे कउनो राहे क जइसा होइ गए रह्या।”</verse>
			</chapter>
			<chapter number="52">
				<verse number="1">जाग उठा! जाग उठा हे सिय्योन! आपन वस्त्र क धारण करा, तू आपन सक्ति स भरा। हे पवित्तर यरूसलेम, तू खड़ा होइ जा। अइसे उ सबइ लोग जेनका परमेस्सर क अनुसरण करब कबूल नाहीं अहइ अउर जउन स्वच्छ नाहीं अहइँ, तोहमाँ फुन प्रवेस नाहीं कइ पइहीं।</verse>
				<verse number="2">तू धूरि झाड़ द्या, तू आपन सुन्नर ओढ़ना धारण करा। हे यरूसलेम, हे सिय्योन क बिटिया, तू एक बन्दिनी रहिउ किन्तु अब तू खुद क आपन गटई मँ बँधी जंजीरन स मुक्त करा।</verse>
				<verse number="3">यहोवा क कहत ह, “तोहका धन क बदले मँ नाहीं बेचा गवा रहा, एह बरे जब मइँ तोहका आजाद करब तउ कउनो धन नाहीं देइ पड़ी।”</verse>
				<verse number="4">मोर सुआमी यहोवा कहत ह, “मोर लोग बस जाइ बरे पहिले मिस्र मँ गवा रहेन, अउर फुन उ पचे दास बन गएन। पाछे अस्सूर ओनका बेकार मँ ही दास बनाइ लिहे रहा।</verse>
				<verse number="5">अब लखा, इ का होइ गवा अहइ। अब कउनो दूसर रास्ट्र मोरे लोगन क लइ लिहे अहइ। मोरे लोगन क लइ जाइ बरे इ देस कउनो भुगतान नाहीं किहे रहा। इ देस मोरे लोगन पइ हुकुमत करत ह अउर ओनकर हँसी उड़ावत ह। हुवाँ क लोग सदा ही मोरे बरे बुरी बातन कहा करत हीं।”</verse>
				<verse number="6">यहोवा कहत ह, “अइसा एह बरे भवा कि मोरे लोग मोरे बारे मँ जानइँ। मोरे लोगन क पता चलि जाइ कि मइँ कउन हउँ? मोरे लोग मोर नाउँ जान जइहीं अउर ओनका इ भी पता चल जाइ कि उ मइँ ही हउँ जउन ओनसे बोलन हउँ।”</verse>
				<verse number="7">सुसमाचार क संग पहाड़न क उपर स आवत भए संदेसवाहक क लखब निहचय ही एक अद्भुत बात अहइ। कउनो संदेसवाहक क इ घोसणा करत भए सुनब केतना अद्भुत अहइ: “हुवाँ सान्ति क निवास अहइ, हम बचाइ लीन्ह गए अही। तोहार परमेस्सर राजा अहइ।”</verse>
				<verse number="8">नगर क रखवारे जयजयकार करइ लागेन ह। उ पचे आपुस मँ मिलिके आनन्द मनावत अहइँ। काहेकि ओनमाँ स हर एक यहोवा क सिय्योन क लउटिके आवत भए लखत अहइ।</verse>
				<verse number="9">यरूसलेम तोहार उ सबइ भवन जउन बर्बाद होइ चुके अहइँ फुन स खुस होइ जइहीं। तू पचे सबहिं आपुस मँ मिलिके आनन्द मनउब्या। काहेकि यहोवा यरूसलेम पइ दयालु होइ जाइ, यहोवा आपन लोगन क उद्धार करी।</verse>
				<verse number="10">यहोवा सबहिं रास्ट्रन क ऊपर आपन पवित्तर सक्ति दर्साइ अउर सबहिं उ सबइ देस जउन दूर-दूर बसा अहइँ, लखिहीं कि परमेस्सर आपन लोगन क रच्छा कइसे करत ह।</verse>
				<verse number="11">तू लोगन क चाही कि बाबुल छोड़ जा। उ जगह छोड़ द्या। हे लोगो, ओन वस्तुअन क लइ चलइवाले जउन उपासना क काम आवति हीं, अपने आप क पवित्तर करा। अइसी कउनो भी वस्तु जउन पवित्तर नाहीं ओका जिन छुआ।</verse>
				<verse number="12">तू पचे बाबुल तजब्या किन्तु हाली मँ तजइ क तू पचन्पइ कउनो दबाव नाहीं होइ। तू पचे चलिके बाहेर जाब्या अउर यहोवा तू पचन्क संग संग चली। तू पचन्क क अगुवाई यहोवा ही करी अउर तोहार पचन्क रच्छा बरे इस्राएल क परमेस्सर पाछे-पाछे भी होइ।</verse>
				<verse number="13">“मोरे सेवक कइँती लखा। इ बहोत सफल होइ। इ बहोत महत्वपूर्ण होइ। अगवा चलिके लोग ओका आदर देइहीं अउर ओकर सम्मान करिहीं।</verse>
				<verse number="14">किन्तु बहोत स लोग जब मोरे सेवक क लखेन तउ उ पचे भौचक्के रहि गएन। मोर सेवक एतना बुरी तरह स सतावा ग रहा कि उ पचे ओका एक मनई क रूप मँ बड़ी दिक्कत स पहचान पाएन।</verse>
				<verse number="15">किन्तु बहोत सारे रास्ट्रन भी चकित होइहीं। राजा ओका लखिके अचरजे मँ पड़ि जइहीं अउर एक सब्द भी नाहीं बोल पइहीं। उ मोर सेवक क बारे मँ नाहीं सुनी ही किन्तु जउन कछू भवा रहा उ पचे ओका लखे रहेन। उ लोग ओकर बारे मँ सुने भर नाहीं रहेन किन्तु ओका समझे रहेन।”</verse>
			</chapter>
			<chapter number="53">
				<verse number="1">हम जउन बातन बताए रहे, ओनकर फुरइ कउन बिस्सास किहस? यहोवा क दण्ड क फुरइ कउन कबूलेस?</verse>
				<verse number="2">यहोवा क समन्वा एक नान्ह पउधन क तरह ओकर बढ़वार भइ। उ एक अइसी जड़ क समान रहा जउन झुरान धरती मँ फूटति रही। उ कउनो खास, नाहीं देखाइ देत रहा। न ही कउनो ओकर कउनो विसेस महिमा रही। जदि हम ओका देखिन तउ हमका ओहमा कउनो अइसी विसेस बात नाहीं देखाइ देत, जेहसे हम ओका चाह सकित।</verse>
				<verse number="3">ओहसे घिना कीन्ह गइ रही अउर ओकर मीतन ओका तजि दिहे रहेन। उ एक अइसा मनई रहा जउन पीरा क जानत रहा। उ बीमारी क बहोत अच्छी तरह पहिचानत रहा। लोग ओका एतना भी आदर नाहीं देत रहेन कि ओका देख तउ लेइँ। हम तउ ओह पइ धियान तलक नाहीं देत रहे।</verse>
				<verse number="4">किन्तु उ हमार पाप अपने उपर लइ लिहस। उ हमार पीरा क हमसे लइ लिहस अउर हम इहइ सोचत रहे कि परमेस्सर ओका दण्ड देत अहइ। हम सोचा परमेस्सर ओह पइ ओकरे करमन बरे मार लगावत अहइ।</verse>
				<verse number="5">किन्तु उ तउ ओन बुरे कामन बरे बेधा जात अहइ, जउन हम किहे रहे। उ हमार अपराधन बरे कुचरा जात रहा। जउन कर्जा हमका चुकावइ क रहा, यानी हमार दण्ड रहा, ओका उ चुकावत रहा। ओकरी सबइ यातना क बदले मँ हम चंगे (छिमा) कीन्ह ग रहे।</verse>
				<verse number="6">किन्तु ओकरे एतना करइ क पाछे भी हम सब भेड़िन क तरह एहर-ओहर भटक गए। हम मँ स हर एक आपन-आपन राह चला गवा। यहोवा क जरिये हमक हमार अपराधन स मुक्त कइ दीन्ह जाइ क पाछे अउर हमरे अपराध क आपन सेवक स जोड़ देइ पर भी हम अइसा कीन्ह।</verse>
				<verse number="7">ओका सतावा गवा अउर दण्डित कीन्ह गवा। किन्तु उ ओकरे विरोध मँ आपन मुँह नाहीं खोलेस। उ बध बरे लइ जाइ जात भइ मेमना क समान चुप रहा। उ उ मेमना क समान चुप रहा जेकर ऊन उतारा जात रहा होइ। उ कबहुँ आपन मुँह नाहीं खोलेस।</verse>
				<verse number="8">लोग ओह पइ बल प्रयोग किहन अउर ओका लइ गएन। ओकरे साथ खरेपन स निआव नाहीं कीन्ह गवा। ओकर भावी परिवार बरे कउनो वुछ नाहीं कहि सकत काहेकि सजीव लोगन क धरती स ओका उठाइ लीन्ह गवा। मोर लोगन क पापन्क भुगतान करइ बरे ओका दण्ड दीन्ह गवा रहा।</verse>
				<verse number="9">ओकर मउत होइ गइ अउर दुट्ठ लोगन क संग ओका गाड़ा गवा। धनवान लोगन क बीच ओका दफनावा गवा। उ कबहुँ कउनो हिंसा नाहीं किहेस। उ कबहुँ झूठ नाहीं बोलेस किन्तु फुन भी ओकरे साथ अइसी बातन घटिन।</verse>
				<verse number="10">यहोवा ओका कुचर डावइ क निहचय किहेस। यहोवा निहचय किहस कि उ सबइ यातना झेलइ। तउ सेवक आपन प्रान तजइ क खुद क सौंपेस। किन्तु उ एक नवा जीवन अनन्त-अनन्त काल तलक बरे पाई। उ आपन लोगन क लखी। यहोवा ओका जउन करइ चाहत ह, उ ओन बातन क पूरा करी।</verse>
				<verse number="11">उ आपन आतिमा मँ बहोत सी पीरन झेली किन्तु उ घटइवाली अच्छी बातन क लखी। उ जउने बातन क गियान प्राप्त करत ह, ओनसे संतुट्ठ होइ। मोर उ उत्तिम सेवक बहोत स लोगन क ओनके अपराधन स छुटकारा दिलवाई। उ ओनके पापन्क अपने सिरन पइ लइ लेइ।</verse>
				<verse number="12">एह बरे मइँ ओका बहोतन क संग पुरस्कार क सहभागी बनाउब। उ सबइ चिजियन क उ लोगन क बीच मँ बाँटब जउन मज़बूत अहइ। काहेकि उ आपन जिन्नगी दूसरन बरे दइ दिहस। उ अपने आप क अपराधियन क बीच गना जाइ दिहस। जबकि उ वास्तव मँ बहुतेरन क पापन्क दूर किहस अउर अब उ पाप बरे ओनकर रच्छक क रूप मँ बोलत ह।</verse>
			</chapter>
			<chapter number="54">
				<verse number="1">हे बाँझ मेहरारू, तू खुस होइ जा। तू गदेलन क जन्म नाहीं दिहा, किन्तु फुन भी तोहका बहोत खुस होइ चाही। यहोवा कहेस, “जउन मेहरारू अकेल्ली अहइ, ओकर जियादा सन्तानन होइहीं बनिस्बत उ मेहरारू क जेकरे लगे ओकर पति अहइ।”</verse>
				<verse number="2">आपन तम्बू फइलावा, आपन दुआर पूरा खोला। आपन तम्बू क बढ़इ स जिन रोका। आपन रस्सियन बढ़ावा अउर खूँटन मजबूत करा।</verse>
				<verse number="3">काहेकि तू आपन बंस-बेल दाहिन अउ बाएँ फइलाई। तोहार सन्तानन अनेकानेक रास्ट्रन क धरती क लइ लेइहीं अउर उ सबइ सन्तानन ओन नगरन मँ फुन बसिहीं जउन बर्बाद भ रहेन।</verse>
				<verse number="4">तू ससाउ जिन, तू लज्जित नाहीं होबिउ। आपन मन जिन हारा काहेकि तोहका अपमानित नाहीं होइ क होइ। जब तू जवान रहिउ, तू लज्जित भइ रहिउ किन्तु उ लज्जा क अब तू बिसरब्या। अब तोहका उ लाज नाहीं याद राखब अहइ तू जेका उ काल मँ भोग्या रहा जब तू आपन भतार खोया रह्या।</verse>
				<verse number="5">काहेकि तोहार भतार उहइ रहा! जउन तोहका रचे रहा। ओकर नाउँ सर्वसक्तिमान यहोवा अहइ। उहइ इस्राएल क रच्छा करत ह, उहइ इस्राएल क पवित्तर अहइ अउर उहइ समूची धरती क परमेस्सर कहवावत ह।</verse>
				<verse number="6">तू एक ठु अइसी मेहरारू क जइसी रहिउ जेका ओकर ही भतार तलाक दिहे रहा। तोहार मन बहोत भारी रहा किन्तु तोहका यहोवा आपन बनावइ बरे बोलाए रहा। तू उहइ मेहरारू क समान अहा जेकर बचपने मँ ही बियाह भवा अउर जेका ओकर भतार तलाक दिहेस ह। किन्तु परमेस्सर तू पचन्क आपन बनावइ बरे बोलाएस ह।</verse>
				<verse number="7">तोहार परमेस्सर कहत ह, “मइँ तोहका थोड़े समय बरे तजे रहेउँ। किन्तु अब मइँ तोहका फुन स अपने पास आउब अउर आपन महा करुणा तोह पइ दर्साउब।</verse>
				<verse number="8">मइँ बहोत कोहाइ गवा अउर थोड़े स समय क बरे तोहसे छुप गवा किन्तु आपन महाकरुणा स मइँ तोहका सदा चैन देब।” तोहार उद्धारकर्ता यहोवा इ कहेस ह। परमेस्सर आपन लोगन स सदा पिरेम करत ह</verse>
				<verse number="9">परमेस्सर कहत ह, “इ ठीक वइसा ही अहइ जइसे नूह क काल मँ मइँ बाढ़ क जरिये दुनिया क दण्ड दिहे रहेउँ। मइँ नूह क वरदान दिहेउँ कि फुन स मइँ दुनिया पइ बाढ़ नाहीं लाउब। उहइ तरह तोहका, मइँ उ वचन देत हउँ, मइँ तोहसे कुपित नाही होब अउर तोहसे फुन कठोर बचन नाहीं बोलब।”</verse>
				<verse number="10">यहोवा कहत ह, “चाहे पर्वत लुप्त होइ जाइँ अउर इ पहाड़ियन रेत मँ बदल जाइँ किन्तु मोर करुणा तोहका कबहुँ भी नाहीं तजी। मइँ तोहसे मेल करब अउर उ मेल क कबहुँ अंत न होइ।” यहोवा तोह पइ करुणा देखावत ह अउर उ यहोवा ही उ सबइ बातन बताएस ह।</verse>
				<verse number="11">“हे नगरी, हे दुखियारी! तोहका तूफानन सतायन ह अउर कउनो तोहका चैन नाहीं दिहेस ह। मइँ तोहार कीमती पाथरन स फुन स निर्माण करब। मइँ तोहार नींव फिरोजन अउ नीलम स धरब।</verse>
				<verse number="12">मइँ तोहार देवारन चुनइ मँ माणिक क लगाउब। तोहरे दुआरन पइ दमकत भए रत्नन क जड़ब। तोहरी सबहिं देवारन मइँ कीमती पाथरन स उठाउब।</verse>
				<verse number="13">तोहार सन्तानन यहोवा ब्दारा सिच्छित होइहीं। तोहार सन्तानन क सम्पन्नता महान होइ।</verse>
				<verse number="14">मइँ तोहार निर्माण खरेपन स करब ताकि तू दमन अउर अन्याय स दूर रहा। फुन कछू नाहीं होइ जेहसे तू डरब्या। तोहका नोस्कान पहोंचावइ कउनो भी नाहीं आई।</verse>
				<verse number="15">मोर कउनो भी सेना तोहसे कबहुँ जुद्ध नाहीं करी। अउर जदि कउनो सेना तोह पइ चढ़ बइठइ क प्रयत्न करइ तउ तू उ सेना क पराजित कइ देब्या।</verse>
				<verse number="16">“लखा, मइँ लोहार क बनाएउँ ह। उ लोहे क तपावइ बरे धौंकनी धौकंत ह। फुन उ तपे लोहे स जइसे चाहत ह, वइसे औजार बनावत ह। उहइ प्रकार मइँ ‘विनासकर्ता’ क बनाएउँ ह जउन वस्तुअन क नस्ट करत ह।</verse>
				<verse number="17">“तोहका हरावइ बरे लोग हथियार बनइहीं किन्तु उ सबइ हथियार तोहका कबहुँ हराइ नाहीं पइहीं। कछू लोग तोहरे विरोध मँ बोलिहीं। किन्तु हर अइसे मनई क बुरा साबित कीन्ह जाइ जउन तोहरे विरोध मँ बोली।” यहोवा कहत ह, “यहोवा क सेवकन क का मिलत ह ओनका निआव क विजय मिलत ह इ ओनका मोहसे मिलत ह।”</verse>
			</chapter>
			<chapter number="55">
				<verse number="1">“हे पियासे लोगों, आवा पानी पिआ। अगर तोहरे पचन्क लगे नाहीं धन ही अहइ, तउ एकर चिन्ता जिन करा। आवा, खाना ल्या अउर खा। तू पचन्क एकर कीमत देइ क जरूरत नाहीं अहइ। बिना कउनो कीमत क दूध अउ दाखरस ल्या।</verse>
				<verse number="2">बियर्थ ही आपन धन अइसी कउनो वस्तु पइ काहे बर्बाद करत अहा जउन सच्चा भोजन नाहीं अहइ? अइसी कउनो वस्तु बरे काहे स्रम करत अहा जउन फुरइ मँ तू पचन्क तृप्त नाहीं करती? मोर बात धियान स सुना। तू पचे सच्चा भोजन पउब्या। तू पचे उ भोजन क आनन्द लेब्या जेहसे तोहार पचन्क मन तृप्त हो जाइ।</verse>
				<verse number="3">जउन कछू मइँ कहत हउँ, धियान स सुना। मोर सुना ताकि तोहार आतिमा जिअब। तू पचे मोरे पास आवा अउर मइँ तोहरे सबन्क साथ एक करार करब जउन सदा-सदा क बरे बना रही। इ करार वइसी ही होइ जइसी करार दाऊद क संग मइँ किहे रहेउँ। मइँ दाऊद क वचन दिहे रहेउँ कि मइँ ओह पइ सदा करुणा करब। अउर तू पचे उ वचन पइ बिस्सास कइ सकत ह।</verse>
				<verse number="4">मइँ आपन उ सक्ति क दाऊद क साच्छी बनाए रहेउँ जउन सबहिं रास्ट्रन बरे रही। मइँ दाऊद क बहोत देसन क प्रसासक अउर ओनकर सेनापति बनाए रहेउँ।”</verse>
				<verse number="5">अनेक अग्यात देसन मँ अनेक अनजानी जातियन अहइँ। तू ओन सबहिं जातियन क बोलउब्या, जउन जातियन तोहसे अपरिचित अहइँ किन्तु उ पचे पराइके तोहरे पास अहइ। अइसा घटी काहेकि तोहार परमेस्सर यहोवा अइसा ही चाहत ह। अइसा घटी काहेकि उ इस्राएल क पवित्तर तोहका मान देत ह।</verse>
				<verse number="6">तउ तू पचे यहोवा क हेरा। कहूँ बहोत देर न होइ जाइ। अब तू पचे ओका गोहराइ ल्या जब तलक उ तोहरे पचन्क लगे अहइ।</verse>
				<verse number="7">हे पापियो! आपन पापपूर्ण जिन्नगी क तजा। तू पचन्क चाही कि तू पचे बुरी बातन सोचब तजि द्या। तू पचन्क चाही कि तू पचे यहोवा क लगे लउटि आवा। जब तू पचे अइसा करब्या तउ यहोवा तू पचन्क क सुख देइ। ओन सबहिं क चाही कि उ पचे यहोवा क सरन मँ आवइँ काहेकि परमेस्सर हमका छिमा करत ह।</verse>
				<verse number="8">यहोवा कहत ह, “तोहार पचन्क विचार वइसे नाहीं, जइसे मोर अहइँ। तोहार पचन्क राहन वइसे नाहीं जइसी मोर राहन अहइँ।</verse>
				<verse number="9">जइसे धरती स ऊँच सरग अहइँ वइसे ही तोहार राहन स मोर राहन ऊँच अहइ। अउर मोर विचार तोहरे पचन्क विचारन स ऊँच अहइँ।” इ सबइ बातन यहोवा ही कहेस ह।</verse>
				<verse number="10">अकासे स बर्खा अउर हिम गिरा करत हीं अउर उ पचे फुन नाहीं लउट जातेन जब तलक उ पचे धरती क नाहीं छुइ लेत हीं, अउर धरती क गीला नाहीं कइ देत हीं। फुन धरती पउधन क अंकुरित करत ह अउर ओनका बढ़ावत ह अउर उ सबइ पउधन किसानन क बरे बीज उपजावत हीं अउर लोग ओन बीजन स खाइ बरे रोटियन बनावत हीं।</verse>
				<verse number="11">अइसे ही मोर मुख मँ स मोर सब्द निकसत हीं अउर जब तलक घटनन क घटाइ नाहीं लेतेन, उ पचे वापस नाहीं आवत हीं। मोर सब्द अइसी घटनन क घटावत हीं जेनका मइँ घटवावइ चाहत हउँ। मोर सब्द उ सबइ सबहिं बातन पूरी कराइ लेत हीं जेनका करवावइ क मइँ ओनका पठवत हउँ।</verse>
				<verse number="12">“जब तू पचन्क आनन्द स भरिके सान्ति अउर एकता क साथ मँ उ धरती स छुड़ाइके लइ जावा जाइ रहा होइ जेहमाँ तू पचे बन्दी रह्या, तउ तोहरे पचन क समन्वा खुसी मँ पहाड़ फट पडिहीं अउर थिरकइ लगिहीं। पहाड़ियन नाच मँ फूटि पड़िहीं। तोहार पचन्क समन्वा जंगल क सबहिं बृच्छ अइसे हलइ लगिहीं जइसे तालियन पीट रहा होइँ।</verse>
				<verse number="13">जहाँ कँटेरी झाड़ियन जमा करत हीं हुवाँ देवदार क बिसाल बृच्छ जमिहीं। जहाँ खरपतवार जमा करत रहेन, हुवाँ हिना क बृच्छ जमिहीं। इ सबइ बातन यहोवा क प्रसिद्ध करिहीं। इ सबइ बातन प्रमाणित करिहीं कि यहोवा सक्तिपूर्ण अहइ, इ प्रमाण कबहुँ नस्ट नाहीं होइ।”</verse>
			</chapter>
			<chapter number="56">
				<verse number="1">यहोवा इ सबइ बातन कहे रहा, “सब लोग क साथ उहइ काम करा जउन निआव स पूर होइ। काहेकि मोर उद्धार हाली ही तोहरे पचन्क लगे आवइ क अहइ। सारे संसार मँ मोर छुटकारा हाली ही परगट होइ।”</verse>
				<verse number="2">अइसा मनई जउन सबित क दिन क पालन एका बिना दूसित कइ भए करत ह अउर उ मनई जउन बुरा नाहीं करी आसीर्बाद पाइहीं।</verse>
				<verse number="3">उ गैर यहूदी लोग जउन यहोवा क लोगन मँ सामिल होइ पसन्द करत ह। अइसे मनइयन क इ नाहीं कहइ चाही: “यहोवा मोर संग आपन ‘वास्विक’ लोगन अलग थलग जइसा बेउहार करब्या। उ असल मँ मोका आपन अपना लोगन मँ स एक क रूप मँ स्वीकार नाहीं करब्या!” कउनो हिंजड़े क इ नाहीं कहइ चाही: “मइँ काठे क एक झुरान टुका हउँ अउर मइँ कउनो गदेला क बाप नाहीं बन सकब।”</verse>
				<verse number="4">एन हिंजड़न क अइसी बातन नाहीं कहइ चाही काहेकि यहोवा कहे रहा: “एनमाँ स कछू हिंजड़े सबित क नेमन क पालन करत हीं अउर जउन मइँ चाहत हउँ, उ पचे वइसा ही करइ चाहत हीं। उ पचे सच्चे मन स मोरी वाचा क पालन करत हीं। एह बरे मइँ आपन मंदिर मँ ओनके बरे यादगार क एक ठु पाथर लगाउब। मोरे नगर मँ ओनके नाउँ क याद कीन्ह जाइ। हाँ! मइँ ओनका पुत्र-पुत्रियन स भी कछू अच्छा देबउँ। ओन हिंजड़न क मइँ एक नाउँ देबउँ जउन सदा-सदा बना रही। मोर लोगन स उ पचे काटिके अलग नाहीं कीन्ह जइहीं।”</verse>
				<verse number="5"></verse>
				<verse number="6">कछू अइसे लोग जउन यहूदी नाहीं अहइँ, अपने आप क यहोवा स जोरिहीं। उ पचे अइसा एह बरे करिहीं कि यहोवा क सेवा अउर यहोवा क नाउँ क पिरेम कइ पावइँ। यहोवा क सेवक बनइ बरे उ पचे खुद क ओहसे जोड़ लेइही। उ पचे सबित क दिन क उपासना क एक बिसेस दिन क रूप मँ माना करिहीं अउर उ पचे मोर करार क गंभीरता स पालन करिहीं।</verse>
				<verse number="7">यहोवा कहत ह, “मइँ ओन लोगन क आपन पवित्तर पर्वत पइ लिआउब। आपन पराथना भवन मँ मइँ ओनका आनन्द स भरि देब। उ पचे जउन भेंट अउर बलियन मोका अर्पित करिहीं, मइँ ओनसे खुस होब। काहेकि मोर मंदिर सबहिं रास्ट्रन क लोगन क पराथना क घर कहावा जाइ।”</verse>
				<verse number="8">इ उह अहइ जउन मोर सुआमी करत ह, “मइँ उहइ हउँ जउन देस निस्कासित कीन्ह भवा इस्राएलियन क जेका सताया गवा अहइ एकट्ठा किहेउँ ओनकर संग ओन सबहिं बिदेसियन क जोड़इ जउन बिदेसियन ओकर संग एकट्ठा भए अहा।” परमेस्सर क आपन सेवा बरे सबन्क बोलावा</verse>
				<verse number="9">हे वन क पसुओ। तू पचे सबहिं खइया पइ आवा।</verse>
				<verse number="10">इ सबइ धरम क रखवारे (नबी) सबहिं नेत्रहीन अहइँ। ओनका पता नाहीं कि उ पचे का करत अहइँ। उ पचे उ गूँगे कूकुर क नाई अहइँ जउन नाहीं जानत कि कइसे भौवां जात ह? उ पचे धरती पइ लउटत हीं अउर सोइ जात हीं। हाय! ओनका नींद पियारी अहइ।</verse>
				<verse number="11">उ सबइ लोग अइसे अहइँ जइसे भुखान कूकुर होइँ। जेनका कबहुँ भी तृप्ति नाहीं होत। उ पचे अइसे चरवाहन अहइँ जेनका पता तलक नाहीं कि उ पचे का करत अहइँ? उ पचे ओकर आपन ओन भेड़िन जइसे अहइँ जउन आपन रास्ता स भटकके कहूँ खोइ गइन। उ पचे लालची अहइँ ओनका तउ बस आपन पेट भरब भावत ह।</verse>
				<verse number="12">उ पचे कहा करत हीं, “आवा तनिक दाखरस ल्या अउर ओका पिआ यव सुरा भरपेट पिआ। हम भियान भी इहइ करब, भियान तनिक अउर जियादा पिअब।”</verse>
			</chapter>
			<chapter number="57">
				<verse number="1">अच्छे लोग चला गएन किन्तु एक भी अइसा नाहीं अहइ जउन एह पइ धियान दिहस। लोग समुझत नाहीं अहइँ कि का कछू घटत अहइ। भले लोग बटोरा गएन। लोग समुझतेन नाहीं कि बिपत्तियन आवत अहइँ। ओनका पता तलक नाहीं अहइ कि भले लोग रच्छा बरे बटोरा गएन।</verse>
				<verse number="2">किन्तु सान्ति आइ अउर लोग अराम स आपन बिछउनन मँ सोइहीं अउर लोग उहइ तरह जिइहीं जइसे परमेस्सर ओनसे चाहत ह।</verse>
				<verse number="3">“हे चुड़ैलियन क गदेलनों, एँह कइँती आवा। तोहार पचन्क पिता बिभिचार क पापी अहइ। तोहार पचन्क महतारी आपन देह यौन बइपार मँ बेचा करत ह। एहर आवा।</verse>
				<verse number="4">हे विद्रोहियो अउर झूठी सन्तानों, तू पचे मोर हँसी उड़ावत अहा। मोह पइ आपन मुँह चिढ़ावत अहा। तू पचे मोह पइ जिभिया निकारत अहा।</verse>
				<verse number="5">तू पचे सबहिं हरिअर बृच्छन क खाते लबार देवतन क कारण कामातुर होत अहा। हर नदी क तीर पइ तू पचे बाल बध करत अहा अउर चट्टानी जगहियन पइ ओनकर बलि देत अहा।</verse>
				<verse number="6">नदी क गोल बट्टियन क तू पूजइ चाहत अहा। तू ओन पइ दाखरस ओनकर पूजा बरे चढ़ावत अहा। तू ओन पइ बलियन क चढ़ावा करत अहा किन्तु तू ओनके बदले बस पाथर ही पावत अहा। का तू इ सोचत अहा कि मइँ एहसे खुस होत हउँ? नाहीं। इ मोका खुस नाहीं करत अहइ। तू हर कउनो पहाड़ी अउर हर ऊँच पर्वत पइ आपन बिछउना बनावत अहा।</verse>
				<verse number="7">तू ओन ऊँची जगहन पइ जावा करत अहा अउर तू हुवाँ बलियन चढ़ावत अहा।</verse>
				<verse number="8">अउर फुन तू ओन बिछउनन क बीच जात अहा अउर मोरे विरुद्ध तू पाप करत अहा। ओन देवन स तू पिरेम करत अहा। उ पचे देवता तोहका भावत हीं। तू मोरे संग रह्या किन्तु ओनके संग होइ क बरे तू मोका तजि दिहा। ओन सबहिं बातन पइ तू परदा डाइ दिहा जउन तोहका मोर याद दिआवत ह। तू ओनके दुआरन क पाछे अउर दुआर क चउखटन क पाछे छुपाया अउर तू ओन लबार देवतन क लगे ओनके संग वाचा करइ जात अहा।</verse>
				<verse number="9">तू आपन तेल अउ फुलेल लगावत अहा ताकि तू आपन लबार देवता मोलक क समन्वा नीक देखाअ। तू आपन दूत दूर-दूर देसन क पठया ह अउर एहसे तू ही नरक मँ, मउत क देस मँ गिरब्या। इस्राएल क परमेस्सर पइ बिस्सास करइ चाही मूरति यन पइ नाहीं</verse>
				<verse number="10">एन बातन क करइ मँ तू परिस्रम किहा ह। फुन भी तू कबहुँ नाहीं थक्या। तोहका नई सक्ति मिलत रही काहेकि एन बातन मँ तू रस लिहा।</verse>
				<verse number="11">तू मोका कबहुँ नाहीं याद किहा हिआँ तलक कि तू मोह पइ धियान तलक नाहीं दिहा। तउ तू केकरे बारे मँ चिन्तित रहा करत रह्या? तू केहसे भयभीत रहत रह्या? तू झूठ काहे कहत रह्या? लखा मइँ बहोत दिनन स चुप रहत आवा हउँ अउर फुन तू मोर आदर नाहीं किहा।</verse>
				<verse number="12">मोका तोहार ‘अच्छे कर्मन’ अउर तोहरे ओन उपलब्धियन क तारीफ करत रहइ क लाइके होइ चाही। किन्तु उ सबइ बातन जउन तू किहेस ह बेकार अहइ अउर तोहका कउनो लाभ नाहीं देत ह।</verse>
				<verse number="13">जब तोहका सहारा चाटी तउ तू ओन लबार देवन क जेनका तू आपन चारिहुँ कइँती जुटाया ह, काहे नाहीं गोहरावत अहा। किन्तु मइँ तोहका बतावत हउँ कि ओन सब क आँधी उड़ाइ देइ। हवा क एक झोका ओनका तोहसे छोर लइ जाइ। किन्तु उ मनई जउन मोरे सहारे अहइ, धरती क पाई। अइसा ही मनई मोर पवित्तर पर्वते क पाई।”</verse>
				<verse number="14">रास्ता साफ करा। रास्ता साफ करा। मोरे लोगन बरे राह साफ करा।</verse>
				<verse number="15">उ जउन ऊँच अहइ अउर जेहका ऊपर उठावा गवा ह, उ जउन अमर अहइ, उ जेकर नाउँ पवित्तर अहइ, उ इ कहत ह: “मइँ एक ऊँच अउर पवित्तर जगह पइ रहा करत हउँ किन्तु मइँ ओन लोगन क बीच रहा करत हउँ जउन दुःखी अउर विनम्र अहइँ। अइसे ओन लोगन क मइँ नई जिन्नगी देब जउन मने स विनम्र अहइँ। अइसे ओन लोगन का मइँ नई जिन्नगी देब जउन हिरदय स दुःखी अहइँ।</verse>
				<verse number="16">मइँ सदा-सदा ही मुकद्दमा लड़त रहब। सदा-सदा ही मइँ तउ किरोधित नाहीं रहब। जदि मइँ कोहान ही रहउँ तउ मनई क आतिमा यानी उ जिन्नगी जेका मइँ ओनका दिहेउँ ह, मोरे समन्वा ही मरि जाई।</verse>
				<verse number="17">उ पचे लालच स हिंसा स भरा स्वारथ साधे रहेन अउर मोका किरोधित कइ दिहे रहेन। मइँ इस्राएल क दण्ड दिहेउँ। मइँ ओका निकार दिहेउँ काहेकि मइँ ओह पइ कोहान रहेउँ अउर इस्राएल मोका तजि दिहस। जहाँ कहूँ इस्राएल चाहत रहा, चला गवा।</verse>
				<verse number="18">मइँ इस्राएल क राहन लखि लिहे रहेउँ। किन्तु मइँ ओका छिमा करब। मइँ ओका चैन देब अउर अइसे बचन बोलब जेहसे ओका आराम मिलइ अउर मइँ ओका राह देखाउब। फुन ओका अउर ओकरे लोगन क दुःख नाहीं छुइ पाई।</verse>
				<verse number="19">ओन लोगन्क मइँ एक नवा सब्द सान्ति सिखाउब। अउर मइँ ओन सबहिं लोगन क आसीर्बाद देब जउन सान्ति क साथ मोरे पास या दूर अहइँ।” यहोवा इ सब कहेस, “मइँ ओन सबहिं लोगन क छिमा करब!”</verse>
				<verse number="20">किन्तु दुट्ठ लोग किरोधित सागरे क जइसे होत हीं। उ पचे चुप या सान्त नाहीं रहि सकतेन। उ पचे किरोधित रहत हीं अउर समुद्र क तरह कींचा उछारत रहत हीं।</verse>
				<verse number="21">मोर परमेस्सर क कहब अहइ: “दुट्ठ लोगन बरे कहूँ कउनो सान्ति नाहीं अहइ।”</verse>
			</chapter>
			<chapter number="58">
				<verse number="1">जोर स नरिआअ, जेतना तू गोहराइ सका, आपन क जिन रोका। जोर स गोहरावा जइसे नरसिंहा बजावत ह। लोगन क ओनके बुरे कामन क बारे मँ जउन उ पचे किहेन ह, बतावा। याकूब क घराने क ओनके पापन क बारे मँ बतावा।</verse>
				<verse number="2">हरेक अइसा देखाइ देत ह जइसा उ बहोत धर्मी अहइ: हर दिना लोग मोर मदद तलास करत हीं। उ पचे मोर राहन क समुझइ चाहत हीं। उ पचे ठीक वइसा ही देखाइ देत ह जइसे उ सबइ लोग कउनो अइसी जाति क होइँ जउन उहइ करत ह जउन उचित होत ह अउर जउन अपने परमेस्सर क कानूनन क उल्लंघन नाहीं किहेस ह। उ पचे मोहसे चाहत हीं कि ओनकर निआव निस्पच्छ होइ अउर परमेस्सर ओनके संग रहइ।</verse>
				<verse number="3">अब उ सबइ लोग कहत हीं, “तोहरे बरे आदर देखावइ क बरे हम पचे भोजन करब बंद कइ देइत ह। तू हमार कइँती लखत्या काहे नाहीं? तोहरे बरे आदर परगट करइ क बरे हम आपन देह क छति पहोंचावत अही। तू हमरी कइँती धियान काहे नाहीं देत्या?” किन्तु यहोवा कहत ह, “उपवास क ओन दिनन मँ उपवास रखत भए तू पचन्क आनन्द आवत ह किन्तु ओनहीं दिनन तू पचे आपन दासन क खून चूसत अहा।</verse>
				<verse number="4">तू पचे भोजन बरे भूखा नाहीं अहा। तू पचन्क आपुस मँ झगड़इ बरे अउर आपुस मँ लड़इ बरे उपवास रखत अहइँ। तू पचे आपन अत्याचार क हाथन स लोगन क पीटइ बरे भूखा रहत ह। जदि तू पचे चाहत अहा कि सरग मँ तोहार पचन्क परार्थना क सुनइ जाइ तउ उपवास रखइ क इ तरीका नाहीं अहइ। जइसे तू पचे आजु कल रखत अहा।</verse>
				<verse number="5">तू पचे का इ सोचत अहा कि भोजन नाहीं करइ क ओन बिसेस दिनन मँ बस मइँ लोगन क अपने तने क दुःख देत भए लखइ चाहत हउँ? का तू पचे अइसा सोचत अहा कि मइँ लोगन क दुःखी लखइ चाहत हउँ? का तू पचे इ सीचत अहा कि मइँ लोगन क मुरझाए भए पउधन क तरह सिर अउर सोक ओढ़ना पहिरे लखइ चाहत हउँ? का तू इ सोचत अहा कि मइँ लोगन क आपन दुःख परगट करइ क बरे राखी मँ बइठे लखइ चाहत हउँ? इहइ तउ उ सब कछू अहइ जउन तू खइया क न खाइ क दिनन मँ करत अहा। का तू अइसा सोचत अहा कि यहोवा तोहसे बस इहइ चाहत ह?</verse>
				<verse number="6">“मइँ तोहका बताउब कि मोका कइसा बिसेस दिन चाही-एक अइसा दिन जब लोगन क अजाद कीन्ह जाइ। मोका एक अइसा दिन चाही जब तू लोगन क बोझ क ओनसे दूर कइ द्या। मइँ एक अइसा दिन चाहत हउँ जब तू दुःखी लोगन क अजाद कइ द्या। मोका एक दिन अइसा चाही जब तू ओनके काँधन स भार उतारि द्या।</verse>
				<verse number="7">मइँ चाहत हउँ कि तू भुखान लोगन क संग आपन खाइके चिजियन बाँटा। मइँ चाहत हउँ कि अइसे गरीब लोगन क हेरा जेनके लगे घर नाहीं अहइँ अउर मोर इच्छा अहइ कि तू ओनका आपन घरन मँ लइ आवा। तू जब कउनो अइसे मनई क लखा, जेनके लगे ओढ़ना न होइ तउ ओका आपन ओढ़ना दइ डावा। ओन लोगन क मदद स मुँह जिन मोड़ा, जउन तोहार आपन होइँ।”</verse>
				<verse number="8">जदि तू एन बातन क करब्या तउ तोहार प्रकास प्रभात क प्रकास क समान चमकइ लागी। तोहार जखम भर जइहीं। तोहार “नेकी” (परमेस्सर) तोहरे आगे-आगे चलइ लागी अउर यहोवा क महिमा तोहरे पाछे-पाछे चली आइ।</verse>
				<verse number="9">तू तबइ यहोवा क जब पुकरब्या, तउ यहोवा तोहका जवाब देइ। जब तू यहोवा क गोहरउब्या तउ उ कही, “मइँ हिआँ हउँ।” परमेस्सर क लोगन क नेकी करइ चाही तोहका लोगन्क दमन करब अउर लोगन क दुःख देब तजि देइ चाही। तोहका लोगन स कउनो बातन बरे कड़ुआ सब्द बोलब अउर ओन पइ लांछन लगाउब तजि देइ चाही।</verse>
				<verse number="10">तोहका भूखन क भूख बरे दुःख क अनुभव करत भए ओनका भोजन देइ चाही। दुःखी लोगन क सहायता करत भए तोहका ओनकर जरूरत क पूरा करइ चाही। जब तू अइसा करब्या तउ अँधियारा मँ तोहार रोसनी चमक उठी अउर तोहका कउनो दुःख नाहीं रहि जाइ। तू अइसे चमक उठब्या जइसे दुपहर क समय धूप चमकत ह।</verse>
				<verse number="11">यहोवा सदा तोहार अगुवाई करी। रेगिस्तान मँ भी उ तोहरे मने क पियास बुझाई। यहोवा तोहार हाड़न क मजबूत बनाई। तू एक अइसे बाग क समान होब्या जेहमाँ पानी क बहुतायत अहइ। तू एक अइसे झरना क नाई होब्या जेहमाँ सदा पानी रहत ह।</verse>
				<verse number="12">बहोत बरिसन पहिले तोहार नगर उजाड़ दीन्ह ग रहेन। एन नगरन क तू नवा सिरे स बसउब्या। एन नगरन क निर्माण तू एकर पुरान नेबंन पइ तू करब्या। “तू टूटे भए परकोटे क बनावइवाले कहवउब्या अउर तू मकानन अउर रास्ट्रन क बहाल करइवाले कहवउब्या।”</verse>
				<verse number="13">अइसा उ समय होइ जब तू सबित क बारे मँ परमेस्सर क नेमन क तोड़इ छोड़ देब्या, जब तू जात्रा करइ अउर अइसा करइ क जइसा तू चाहत ह आराम क दिन मँ छोड़ देब्या। सबित क दिन क तोहका खुसी क साथ यहोवा क आदर करइ चाही, तोहका जात्रा नाहीं करइ चाही, तोहका उ काम नाहीं करइ चाही जेका तू आपन खुसी बरे करत ह, या तोहका दूसर लोगन क आपन बरे काम करइ क आदेस नाहीं देइ चाही।</verse>
				<verse number="14">तब तू यहोवा मँ खुसी पउब्या, अउर मइँ यहोवा धरती क ऊँच-ऊँच ठउरन पइ, तोहका लइ जाब। मइँ तोहार पेट भरब। मइँ तोहका अइसी ओन वस्तुअन क देब जउन तोहार बाप याकूब क लगे हुआ करत रहिन। इ सबइ बातन यहोवा बताए रहा।</verse>
			</chapter>
			<chapter number="59">
				<verse number="1">लखा, तोहार रच्छा बरे यहोवा क सक्ति काफी अहइ। जब तू मदद बरे ओका गोहरावत ह तउ उ तोहार सुन सकत ह।</verse>
				<verse number="2">किन्तु तोहार पचन्क पाप तू पचन्क परमेस्सर स अलग करत हीं अउर इहइ बरे उ तोहरे पचन्क तरफ स कान बन्द कइ लेत ह।</verse>
				<verse number="3">तोहार पचन्क हाथ गन्दा अहइँ, उ सबइ खून स सने भए अहइँ। तोहार पचन्क अँगुरियन अपराधन स भरी अहइँ। आपन मुँहे स तू पचे झूठ बोलत अहा। तोहार पचन्क जिभियन बुरी बातन करत हीं।</verse>
				<verse number="4">दूसर मनइ क बारे मँ कउनो मनई फुरइ नाहीं बोलत। लोग अदालत मँ एक दूसर क खिलाफ मुकद्दमा करत हीं। आपन मुकद्दमा जीतइ बरे उ पचे झूठे तर्कन पइ आसरा करत हीं। उ पचे एक दूसर क बारे मँ परस्पर झूठ बोलत हीं। उ पचे कस्ट क गर्भ मँ धारण करत हीं अउर बुराइयन क जनम देत हीं।</verse>
				<verse number="5">उ पचे सरप क बिख भरे अण्डन क समान बुराई क सेवत हीं। अगर ओनमाँ स तू एक अण्डा भी खाइ ल्या तउ तोहार मउत होइ जाइ अउर अगर तू ओनमाँ स एक अण्डा फोड़ द्या तउ एक जहरीला नाग बाहेर निकरि पड़इ। लोग झूठ बोलत हीं। इ झूठ मकड़ी क जालन जइसी कपड़े नाहीं बन सकतेन।</verse>
				<verse number="6">ओन जालन स तू आपन क ढाँपि नाहीं सकतेन। कछू लोग बदी करत हीं अउर आपन हाथन स दूसरन क नोस्कान पहोंचावत हीं।</verse>
				<verse number="7">अइसी लोग आपन गोड़न क प्रयोग बदी क लगे पहोंचइ बरे करत हीं। इ सबइ लोग निर्दोख मनइयन क मारि डावइ क जल्दी मँ रहत हीं। उ पचे बुरे विचारन मँ पड़े रहत हीं। उ पचे जहाँ जात हीं बिनास अउ बिध्वंस फइलावत हीं।</verse>
				<verse number="8">अइसे लोग सान्ति क मारग नाहीं जानतेन। ओनकर जिन्नगी मँ नेकी तउ होत ही नाहीं। ओनकर रास्तन ईमानदारी क नाहीं होतेन। कउनो भी मनई जउन ओनके जइसा जिन्नगी जिअत ह, आपन जिन्नगी मँ कबहुँ सान्ति नाहीं पाई।</verse>
				<verse number="9">एह बरे परमेस्सर क निआव अउर मुक्ति हम स दूर अहइ। हम प्रकास क बाट जोहत अही। पर बस केवल अन्धकार फइला अहइ। हमका चमकत प्रकास क आसा अहइ। किन्तु हम अँधियारा मँ चलत अही।</verse>
				<verse number="10">हम अइसे लोग अही जेनके लगे आँखिन नाहीं अहइँ। नेत्रहीन लोगन क तरह हम देवारन क टटोरित चलत अही। हम ठोकर खात अही अउर गिर जात अही जइसे इ रात होइ। दिन क प्रकास मँ भी हम मुर्दन क भाँति गिर पड़ित ह।</verse>
				<verse number="11">हम सब बहोत दुःखी अही। हम सब अइसे कराहत अही जइसे कउनो रीछ अउर कउनो कबूतर कराहत ह। हम अइसे उ समय क बाट जोहत अही जब लोग निस्पच्छ होइहीं किन्तु अबहिं तलक तउ कतहूँ भी नेकी नाहीं अहइ। हम उद्धार क बाट जोहत अही किन्तु उद्धार बहोत-बहोत दूर अहइ।</verse>
				<verse number="12">काहेकि हम आपन परमेस्सर क विरोध मँ बहोत पाप किहे अही। हमार पाप बतावत हीं कि हम बहोत बुरे अही। हमका एकर पता अहइ कि हम एन बुरे करमन क करइ क अपराधी अही।</verse>
				<verse number="13">हम पाप किहे रहे अउर हम आपन यहोवा स मुँह मोड़ लिहे रहे। यहोवा स हम विमुख भए अउर ओका तजि दीन्ह। हम बुरे करमन क जोजना बनाए रहे। हम अइसी ओन बातन क जोजना बनाए रहे जउन हमरे परमेस्सर क विरोध मँ रही। हम पचे उ सबइ बातन सोचे रहे अउर दूसरन क सतावइ क जोजना बनाए रहे।</verse>
				<verse number="14">हमसे नेकी क पाछे ढकेला गवा। निस्पच्छता दूर ही खड़ी रही। गलियन मँ सच्चाई गिर पड़ी रही माना नगर मँ अच्छाई क प्रवेस नाहीं भवा।</verse>
				<verse number="15">सच्चाई चली गइ अउर उ सबइ लोग लूटे गएन जउन भला करइ चाहत रहेन। यहोवा हेरे रहा किन्तु कउनो भी, कहीं भी अच्छाई न मिल पाई।</verse>
				<verse number="16">यहोवा हेर लखेस किन्तु ओका कउनो मनई नाहीं मिला जउन लोगन क संग खड़ा होइ अउर ओनका सहारा देइ। एह बरे खुद आपन सक्ति क अउर खुद आपन नेकी क प्रयोग किहस अउर यहोवा लोगन क बचाइ लिहस।</verse>
				<verse number="17">यहोवा नेकी क कवच, उद्धार क सिरस्त्रण (टोप), दण्ड क वस्त्र, अउर आपन मज़बूत पिरेम क चोगा पहिरेस।</verse>
				<verse number="18">यहोवा आपन दुस्मन पइ कोहान अहइ तउ यहोवा ओनका अइसा दण्ड देइ जइसा ओनका मिलइ चाही। यहोवा आपन दुस्मनन स कोहान अहइ तउ यहोवा सबहिं दूर-दूर क देसन क लोगन क सजा देइ। यहोवा ओनका वइसा दण्ड देइ जइसा ओनका मिलइ चाही।</verse>
				<verse number="19">फुन पच्छिम क लोग यहोवा क नाम क आदर देइहीं अउर पूरब क लोग यहोवा क महिमा स भय विम्हित होइ जइहीं। यहोवा अइसे ही हाली आइ जाइ जइसे तेज नदी बहत भइ आइ जात ह। इ उ तेज हवा क रप्तार सा होइ जेका यहोवा उ नदी क तूफान बहावइ बरे पठवत ह।</verse>
				<verse number="20">तब सिय्योन पर्वत पइ एक छुड़ावइवाला आइ। उ याकूब क ओन लोगन क लगे आइ जउन पाप तउ किहे रहेन, किन्तु जउन परमेस्सर कइँती लउटि आए रहेन। यहोवा इ सबइ बातन क कहेस।</verse>
				<verse number="21">यहोवा कहत ह, “मइँ ओन लोगन क संग एक वाचा करब। मइँ बचन देत हउँ मोर आतिमा अउर मोरे सब्द जेनका मइँ तोहरे मुखे मँ रखत हउँ तोहका कबहुँ नाहीं छोड़िहीं। उ पचे तोर संतानन अउर तोहार बच्चन क बच्चन क संग रहिहीं। उ पचे आजु तोहरे साथ रहिहीं अउर सदा-सदा तोहरे साथ रहिहीं।”</verse>
			</chapter>
			<chapter number="60">
				<verse number="1">“हे यरूसलेम, हे मोर प्रकास, तू उठि जागा। तोहार प्रकास (परमेस्सर) आवत रहा बाटइ। यहोवा क मिहिमा तोहरे ऊपर चमकी।</verse>
				<verse number="2">आजु अँधियारा सारा जहान अउर ओकरे लोगन क ढक रखे अहइ। मुला यहोवा क तेज परगट होइ अउर तोहरे ऊपर चमकी। ओकर तेज तोहरे ऊपर देखाई देइ।</verse>
				<verse number="3">उ समय सबहिं देस तोहरे प्रकास क लगे अइहीं। राजा तोहरे भव्य तेज क लगे अइहीं।</verse>
				<verse number="4">आपन चारिहुँ कइँती लखा। लखा, तोहरे चारिहुँ कइँती लोग एकट्ठा होत अहइँ अउर तोहरी सरण मँ आवत अहइँ। इ सबइ सबहिं लोग तोहार पूत अहइँ जउन दूर बहोत दूर स आवत अहइँ अउर ओनके संग तोहार बिटियन आवत अहइँ।</verse>
				<verse number="5">“अइसा भविस्स मँ होइ अउर अइसे समय मँ जब तू आपन लोगन क लखब्या तब तोहार मुँह खुसी स चमक उठिहीं। पहिले तू उत्तेजित होब्या किन्तु फुन आनन्दित होब्या। समुद्र पार देसन क सारी धन दौलत तोहरे समन्वा धरी होई। तोहरे लगे देसन क सम्पत्तियन अइहीं।</verse>
				<verse number="6">मिद्यान अउर एपा देसन क ऊँटत क झुण्ड तोहार धरती क ढाँपि लेइहीं। सिबा क देस स ऊँटन क लम्बी कतारन तोहरे हिआँ अइहीं। उ पचे सोना अउर सुगन्ध लइहीं। लोग यहोवा क खुसी क गीत गइहीं।</verse>
				<verse number="7">केदार क भेड़िन एकट्ठी कीन्ह जइहीं अउर तोहका दइ दीन्ह जइहीं। नबायोत क मेढ़न तोहरे बरे लिआवा जइही। उ पचे मोर वेदी पइ स्वीकार करइ क लायक बलियन बनिहीं अउर मइँ आपन अद्भुत मन्दिर अउर जियादा सुन्नर बनाउबउँ।</verse>
				<verse number="8">एन लोगन क लखा! इ सबइ तोहरे लगे जल्दी मँ आवत अहइँ जइसे मेघ अकास क जल्दी पार करत हीं। इ सबइ अइसे देखात अहइँ जइसे आपन घोंसलन कइँती उड़त भए कपोत होइँ।</verse>
				<verse number="9">सुदूर देस मोरी प्रतीच्छा मँ अहउँ। तर्सीस क बड़के बड़के जलयान जाइ क तत्पर अहइँ। इ सबइ जलयान तोहरे संतानन क दूर-दूर देसन स लिआवइ क तत्पर अहइँ। अउर एन जहाजन पइ ओनकर सुवर्ण ओनके संग आई अउर ओनकर चाँदी भी इ सबइ जहाज लिअइहीं। अइसा एह बरे होइ कि तोहार परमेस्सर यहोवा क आदर होइ। अइसा एह बरे होइ कि इस्राएल क पवित्तर अद्भुत काम करत ह।</verse>
				<verse number="10">दूसर देसन क संतानन तोहार ढ़ेवारन फुन उठइहीं अउर ओनकर सासक तोहार सेवा करिहीं। “जब मइँ तोहसे कोहान रहेउँ, मइँ तोहका दुःख दिहेउँ किन्तु अब मोर इच्छा अहइ कि तोह पइ कृपालु बनउँ। एह बरे मइँ तोहका चैन देबउँ।</verse>
				<verse number="11">तोहार दुआर हमेसा ही खुला रहिहीं। उ सबइ दिन अथवा राति मँ कबहुँ बन्द नाहीं होइहीं। देस अउर राजा तोहरे पास धन लिअइहीं।</verse>
				<verse number="12">कछू जाति अउर कछू राज्ज तोहार सेवा नाहीं करिहीं किन्तु उ सबइ जातियन अउर राज्ज नस्ट होइ जइहीं।</verse>
				<verse number="13">लबानोन क सबहिं महा वस्तुअन तोहका अर्पित कीन्ह जइहीं। लोग तोहरे लगे देवदार, तालीसपत्र अउर सरन क बृच्छ लिअइहीं। इ ठउर मोरे सिंहासन क समन्वा एक चौकी सा होइ अउर मइँ एका बहोत मान देबउँ।</verse>
				<verse number="14">उ सबइ ही लोग जउन पहिले तोहका दुःख दिया करत रहेन, तोहरे समन्वा निहुरिहीं। उ सबइ ही लोग जउन तोहसे घिना करत रहेन, तोहरे चरणन मँ निहुर जइहीं। उ सबइ ही लोग तोहका कहिहीं, ‘यहोवा क नगर,’ ‘सिय्योन नगर इस्राएल क पवित्तर क बाटइ।’ नवा इस्राएल सान्ति क देस</verse>
				<verse number="15">“फुन तोहका अकेल्ला नाहीं छोड़ा जाइ। फुन कबहुँ तोहसे घिना नाहीं होइ। तू फुन स कबहुँ भी उजड़बिउ नाहीं। तू महान रहबिउ, तू हमेसा अउर सर्वदा आनन्दित रहबिउ।</verse>
				<verse number="16">तोहार जरूरत क चिजियन तोहका जातियन प्रदान करिहीं। इ एतना ही सहल होइ जइसे दूध मुँह बच्चा क महतारी क दूध मिलत ह। वइसे ही तू सासकन क सम्पत्तियन ‘पिउबीउ।’ तब तोहका पता चली कि इ मइँ यहोवा हउँ जउन तोहार रच्छा करत ह। तोहका पता चल जाइ कि उ याकूब क महामहिम तोहका बचावत ह।</verse>
				<verse number="17">“फिलहाल तोहरे पास ताँबा अहइ परन्तु एकरी नगह मइँ तोहका सोना देब। अबहिं तउ तोहरे लगे लोहा अहइ, पर ओकर जगह तोहका चाँदी देब। तोहार लकड़ी क जगह मइँ तोहका ताँबा देबउँ। तोहार पाथरन क जगह तोहका लोहा देबउँ अउर तोहका दण्ड देइ क जगह मइँ तोहका सुख चैन देबउँ। जउन लोग अबहिं तोहका दुःख देत हीं उ सबइ ही लोग तोहरे बरे अइसा काम करिहीं जउन तोहका सुख देइहीं।</verse>
				<verse number="18">तोहरे देस मँ हिंसा अउर तोहरी सबइ सीमा मँ तबाही अउर बरबादी कबहुँ नाहीं सुनाई पड़ी। तोहरे देस मँ लोग फुन कबहुँ तोहार वस्तुअन नाहीं चोरइहीं। तू आपन परकोटन क नाउँ ‘उद्धार’ रखब्या अउर तू आपन दुआरन क नाउँ ‘स्तुति’ रखब्या।</verse>
				<verse number="19">“दिन क समय मँ तोहरे बरे सूरज क प्रकास नाहीं होइ अउर रात क समय मँ चाँद क प्रकास तोहार रोसनी नाहीं होइ। काहेकि यहोवा ही सदैव तोहरे बरे प्रकास होइ। तोहार परमेस्सर तोहार महिमा बनी।</verse>
				<verse number="20">तोहार ‘सूरज’ फुन कबहुँ भी नाहीं छुपी। तोहार ‘चाँद’ कबहुँ भी करिआ नाहीं पड़ी। काहेकि यहोवा क प्रकास सदा सर्वदा तोहरे बरे होइ अउर तोहार दुःख क समय खतम होइ जाइ।</verse>
				<verse number="21">“तोहार सबहिं लोग उत्तिम बनिहीं। ओनका सदा बरे धरती मिलि जाइ। मइँ ओन लोगन क रचा ह। उ सबइ अद्भुत पउधन मोर आपन ही हाथन स लगाए भए अहइँ।</verse>
				<verse number="22">छोटा स छोटा भी बिसाल घराना बन जाइ। छोटा स छोटा भी एक सक्तीसाली रास्ट्र बन जाइ। जब उचित समय आइ, मइँ यहोवा हाली ही आइ जाब अउर मइँ इ सबइ बातन घटित कइ देबउँ।”</verse>
			</chapter>
			<chapter number="61">
				<verse number="1">यहोवा क सेवक कहत ह, “मोर सुआमी यहोवा मोहमाँ आपन आतिमा धरेस ह। उ मोका एक खास करइ बरे अभिसेक किहेस ह। उ मोका विनम्र लोगन क अच्छी खबर देइ बरे, टुटे हिरदइवालन क उत्साह बढ़ावइ बरे, बन्दी क आजाद करइ बरे, अउर कैदी क मुक्त करइ बरे पठएस ह।</verse>
				<verse number="2">उ समय क घोसणा करब जब यहोवा आपन करुणा परगट करी; उ समय क घोसणा करब जब हमार परमेस्सर दुस्टन क दण्ड देइ; दुःखी लोगन क पुचकारब;</verse>
				<verse number="3">सिय्योन क दुःखी लोगन क आदर देब (अबहिं तउ ओनके लगे बस राखी अहइ); सिय्योन क लोगन क खुसी क स्नेह प्रदान करब; (अबहिं तउ ओनके पास बस दुःख अहइ) सिय्योन क लोगन क परमेस्सर क स्तुति क गीत प्रदान करब (अबहिं तउ ओनके लगे बस ओनके दर्द अहइँ); सिय्योन क लोगन क उत्सव क ओढ़ना देब (अबहिं तउ ओनके लगे बस ओनकर दुःख ही अहइँ।) ओन लोगन क ‘उत्तिमता क बृच्छ’ क नाउँ देब; ओन लोगन क ‘यहोवा क अद्भुत बृच्छ क संज्ञा देब।’</verse>
				<verse number="4">“उ समय, ओन पुरान नगरन क जेनका उजाड़ दीन्ह गवा रहा, फुन स बसावा जाइ। ओन नगरन क वइसे ही नवा बनाइ दीन्ह जाइ जइसे उ पचे सुरु मँ रहेन। उ सबइ नगर जेनका बरिसन पहिले हटाइ दीन्ह गवा रहा, नवे जइसे बनाइ दीन्ह जइहीं।</verse>
				<verse number="5">“फुन तोहार पचन्क दुस्मन तोहरे पचन्क लगे अइहीं अउर तोहार पचन्क भेड़िन चरावा करिहीं। तोहार पचन्क सत्रुअन क सन्तानन तोहरे पचन्क खेतन अउर तोहरे पचन्क बगियन मँ काम किया करहीं।</verse>
				<verse number="6">तू पचे ‘यहोवा क याजक’ कहवउब्या। तू पचे ‘हमरे परमेस्सर क सहायक’ कहवउब्या। धरती क सबहिं देसन स आई भइ सम्पत्ति क तू प्राप्त करब्या अउर तू पचन्क इ बात क गर्व होइ कि उ तोहार सम्पत्ति अहइ।</verse>
				<verse number="7">“बीते समय मँ लोग तू पचन्क लज्जित करत रहेन अउर तोहरे पचन्क बारे मँ बुरी बुरी बातन बनावा करत रहेन। तू पचे एतना लजान रह्या जेतना अउर कउनो दूसर मनई नाहीं रहा। एह बरे तू पचे आपन धरती मँ दूसर लोगन स दुगुना हींसा प्राप्त होइ। तू पचे अइसी खुसी पउब्या जेकर कबहुँ अंत नाहीं होइ।</verse>
				<verse number="8">अइसा काहे घटित होइ? काहेकि मइँ यहोवा हउँ अउर मोका नेकी स पिरेम अहइ। मोका चोरी स अउर हर उ बात स, जउन अनुचित अहइ, घिना अहइ। एह बरे लोगन क, जउन ओनका मिलइ चाही, उ भुगतान मइँ देबउँ। आपन लोगन क संग सदा सदा बरे मइँ इ वाचा करत हउँ कि</verse>
				<verse number="9">सबहिं देसन क हर कउनो मनई मोर लोगन क जान जाइ। मोर जाति क बंसजन क हर कउनो जान पाइ। हर कउनो मनई जउन ओनका लखी, जान जाइ कि यहोवा ओनका आसीर्वाद देत अहइ।”</verse>
				<verse number="10">“यहोवा मोका बहोत खुस करत ह। मोर संपूर्ण व्यवितत्व परमेस्सर मँ टिका अहइ अउर खुसी मँ मगन अहइ। यहोवा उद्धार क ओढ़ना स मोका ढाँपि लिहेस। उ पचे अइसे ही भव्य अहइँ जइसे भव्य वस्त्र कउनो मनसेधू आपन सादी क मौके पइ पहिरत ह। यहोवा मोका नेकी क चोगा स ढकि लिहेस ह। इ चोगा वइसा ही सुन्नर अहइ जइसा सुन्नर कउनो नारी क विवाहे क वस्त्र होत ह।</verse>
				<verse number="11">धरती पउधन उगावत ह। लोग बगियन मँ बिआ डावत हीं अउर उ बगिया ओन बिअन क उगावत ह। वइसे ही यहोवा नेकी क उगाई। इ तरह मोर सुआमी सबहिं जातियन क बीच स्तुति क बढ़ाई।”</verse>
			</chapter>
			<chapter number="62">
				<verse number="1">“मोका सिय्योन स पिरेम अहइ। एह बरे मइँ ओकरे समर्थन मँ बोलत रहब। मोका यरूसलेम स पिरेम अहइ, एह बरे मइँ चुप न होबउँ। मइँ उ समय तलक बोलत रहब जब तलक नेकी क चीन्ह चमकत भइ जोति सी नाहीं चमकी। मइँ उ समय तलक बोलत रहब जब तलक उद्धार आगी क लपट सा भव्य बनिके नाहीं धधकी।</verse>
				<verse number="2">फुन सबहिं देस तोहरी नेकी क लखिहीं। तोहरे सम्मान क सब राजा लिखहीं। तबहिं तू एक नवा नाम पउब्या। खुद यहोवा तू लोगन बरे उ नवा नाम पाई।</verse>
				<verse number="3">यहोवा क तू लोगन पइ बहोत गर्व होइ। तू पचे यहोवा क हाथन मँ सुन्नर मूकुट क समान होब्या।</verse>
				<verse number="4">फुन तू पचे कबहुँ अइसे जन नाहीं कहवउब्या, ‘परमेस्सर क तजे भए लोग।’ तोहार पचन्क धरती कबहुँ अइसी धरती नाहीं कहवाइ जेका परमेस्सर उजाड़ेस। तू लोग ‘परमेस्सर क प्रिय जन’ कहवउब्या। तोहार पचन्क धरती ‘परमेस्सर क दुलहिन’ कहवाई। काहेकि यहोवा तू पचन्स पिरेम करत ह अउर तोहार पचन्क धरती ओकर होइ जाइ।</verse>
				<verse number="5">जइसे एक युवक कुँवारी क बीहत ह। वइसे ही तोहार पचन्क पूत तोहका बियाह लेइहीं। अउर जइसे दूल्हा आपन दुलहिन क संग आनन्दित होत ह वइसे ही तोहार पचन्क परमेस्सर तोहरे पचन्क संग खुस होइ।” परमेस्सर आपन बचन पाली</verse>
				<verse number="6">यरूसलेम क चारदीवारी पइ मइँ रखवारे (नवी) बइढाइ दिहेउँ ह कि ओकर धियान रखइँ। इ सबइ रखवारे मूक नाहीं रहिहीं। इ सबइ रखवारे यहोवा क तोहरी पचन्क जरूरतन क याद दियावत हीं। हे रखवारो, तू पचन्क चुप नाहीं होइ चाही।</verse>
				<verse number="7">तू पचन्क यहोवा स पराथना करब बन्द नाहीं करइ चाही। तू पचन्क सदा ओकर पराथना करत ही रहइ चाही। जब तलक उ फुन स यरूसलेम क निर्माण न कइ दे, तब तलक तू पचे ओकर पराथना करत रहा। यरूसलेम एक अइसा नगर अहइ जेकर धरती क सबहिं लोग जस गइहीं।</verse>
				<verse number="8">यहोवा खुद आपन सक्ति क प्रमाण बनावत भए वाचा कइँती यहोवा आपन सक्ति क प्रयोग स ही उ वाचा क पाली। यहोवा कहे रहा, “मइँ तू पचन्क बचन देत हउँ कि मइँ तोहरे पचन्क खइया क कबहुँ तोहरे पचन्क दुस्मनन क न देबउँ। मइँ तू पचन्क बचन देत हउँ कि तोहार पचन्क बनाई दाखरस तोहार पचन्क दुस्मनन कबहुँ नाहीं लइ पाई।</verse>
				<verse number="9">जउन मनई खाना जुटावत ह, उहइ ओका खाई अउर उ मनई यहोवा क गुण गाई। उ मनई जउन अंगूर बीनत ह, उहइ ओन अंगूरन क बनी दाखरस पिई। मोर पवित्तर धरती पइ अइसी बातन हुआ करिहीं।”</verse>
				<verse number="10">दुआरे स होत भए आवा। लोगन बरे राहन साफ करा। मारग क तइयार करा। राहे पइ क पाथर हटाइ द्या, लोगन बरे संकेत क रूप मँ झण्डा उठाइ द्या।</verse>
				<verse number="11">यहोवा सबहिं दूर देसन बरे बोलत अहइ। “सिय्योन क लोगन स कहि द्या, ‘लखा, तोहार पचन्क उद्धारकर्ता आवत अहइ। उ तोहार पचन्क प्रतिफल लिआवत अहइ। उ अपने संग तोहरे बरे प्रतिफल लिआवत अहइ।’”</verse>
				<verse number="12">ओकर लोग बोलावइ जाइ: “पवित्तर जन,” “यहोवा क सुरच्छित लोग।” यरूसलेम बोलावइ जाइ: “उ नगर जेसे यहोवा पिरेम करत ह,” “उ नगर जेका अउर तजि नाहीं जाइ।”</verse>
			</chapter>
			<chapter number="63">
				<verse number="1">इ कउन अहइ जउन एदोम स आवत अहइ? इ बोस्रा क नगरी स लाल धब्बन स युक्त ओढ़ना पहिरे आवत अहइ। उ आपन ओढ़नन मँ अति भव्य देखात अहइ। उ लम्बे डग बढ़ावत भवा आपन महासक्ति क साथ आवत अहइ अउर मइँ सच्चाई स बोलत हउँ।</verse>
				<verse number="2">“तू अइसे वस्त्र जउन लाल धब्बन स युक्त अहइँ, काहे पहिरत अहा? तोहार वस्त्र अइसे लाल काहे अहइँ जइसे उ मनई क जउन अंगुर स दाखरस बनावत ह”</verse>
				<verse number="3">उ जवाब देत ह, “दाखरस क कुण्डे मँ मइँ अकेले ही दाख रौंदेउँ। कउनो भी मोका मदद नाहीं दिहस। मइँ कोहान रहेउँ अउर मइँ लोगन क रौंढेउँ जइसे अंगूर दाखरस बनावइ बरे रौंदा जात हीं। रस छिटके मोरे ओढ़ना मँ लाग।</verse>
				<verse number="4">मइँ रास्ट्रन क दण्ड देइ बरे एक समय चुनेउँ। मोर उ समय आइ गवा कि मइँ आपन लोगन क बचाउँ अउर ओनकर रच्छा करउँ।</verse>
				<verse number="5">मइँ चकित भएउँ कि कउनो भी मनई मोर समर्थन नाहीं किहस। एह बरे मइँ आपन सक्ति क प्रयोग आपन लोगन क बचावइ बरे किहेउँ। खुद मोर आपन किरोध ही मोर समर्थन किहस।</verse>
				<verse number="6">जब मइँ कोहान रहा, मइँ लोगन क रौंद दिहे रहेउँ। जब मइँ किरोध मँ पागल रहा, मइँ ओनका दण्ड दिहेउँ। मइँ ओनकर लहू धरती पइ उड़ेर दिहेउँ।”</verse>
				<verse number="7">इ मइँ याद राखब कि यहोवा दयालु अहइ अउर मइँ यहोवा क स्तुति करब याद राखब। यहोवा इस्राएल क घराने क बहोत स वस्तुअन प्रदान किहस। यहोवा हमरे बरे बहोत ही कृपालु रहा। यहोवा हमरे बरे दाया देखॉएस।</verse>
				<verse number="8">यहोवा कहे रहा, “इ सबइ मोर लोग अहइँ। इ सबइ बच्चन कबहुँ झूठ नाहीं कहत हीं।” एह बरे यहोवा ओन लोगन क बचाइ लिहस।</verse>
				<verse number="9">ओनका सब संकटन स कउनो भी सरगदूत नाहीं बचाए रहा। उ खुद ही आपन पिरेम अउर आपन दाया स ओनका छुटकारा दिआए रहा।</verse>
				<verse number="10">किन्तु उ सबइ लोग यहोवा स मुँह मोड़ चलेन। उ पचे ओकर पवित्तर आतिमा क बहोत दुःखी किहस। तउ यहोवा ओनकर दुस्मन बन गवा। यहोवा ओन लोगन क विरोध मँ जुद्ध किहस।</verse>
				<verse number="11">किन्तु यहोवा अब भी पहिले क समय याद करत ह। यहोवा मूसा क अउर ओकर लोगन क याद करत ह। यहोवा उहइ रहा जउन लोगन क सागर क बीच स निकारि के लिआवा। यहोवा आपन भेड़िन क अगुवाई क बरे आपन चरवाहन क प्रयोग किहस। किन्तु अब उ यहोवा कहाँ अहइ जउन आपन आतिमा क मूसा मँ रख दिहे रह्या।</verse>
				<verse number="12">यहोवा आपन दाहिन हाथे स मूसा क अगुवाई किहस। यहोवा आपन अद्भुत सक्ति स मूसा क राह देखाएस। यहोवा जल क चीर दिहे रहा। जेहसे लोग सागर क पैदल पार कइ सके रहेन। इ अद्भुत कार्य क कइके यहोवा आपन नाउँ प्रसिद्ध किहे रहा।</verse>
				<verse number="13">यहोवा लोगन गहिर सागर क बीच स पार किहेस। उ पचे अइसे चला रहेन जइसे रेगिस्तान क बीच स घोड़ा बिना लड़खड़ाए चला जात ह।</verse>
				<verse number="14">जइसे मवेसी घाटियन स उतरत अउर आराम क ठउर पावत हीं वइसे ही यहोवा क प्राण हमका विस्राम क जगहिया दिहेस ह। हे यहोवा, इ ढंग स तू आपन लोगन क राह देखाया अउर तू आपन नाउँ अद्भुत कइ दिहा।</verse>
				<verse number="15">हे यहोवा, तू अकासे स खाले लखा ओन बातन क लखा जउन घटत अहइँ। तू हमका आपन महान पवित्तर घरे स जउन अकासे मँ अहइ, खाले लखा। तोहार सुदृढ़ पिरेम हमरे बरे कहाँ अहइँ? तोहार सक्तिसाली कार्य कहाँ अहइ? तोहार हिरदय क पिरेम कहाँ अहइ? मोरे बरे तोहार कृपा कहाँ अहइ? तू आपन करूण पिरेम मोहसे कहाँ छुपाइ रखा अहइ?</verse>
				<verse number="16">लखा, तू हमार पिता अहा! होइ सकत ह इब्राहीम हम पच क नाहीं पहिचान सकी। होइ सकत ह इस्राएल हमका नाहीं जान सकी कि हम पचे कउन अहउँ। किन्तु यहोवा तू हमार पिता अहा। तू उहइ यहोवा अहइ जउन हमका सदा छोड़ाएस ह!</verse>
				<verse number="17">हे यहोवा, तू हमका आपन स दूर काहे ढकेलत अहा? तू हमरे बरे आपन अनुसरण करइ क काहे कठिन बनावत अहा? यहोवा तू हमरे लगे लउटि आवा। हम तउ तोहार दास अही। हमरे पास आवा अउर हमका सहारा द्या। हमार परिवार तोहार अहइँ।</verse>
				<verse number="18">थोड़े समय बरे हमार दुस्मनन तोहार पवित्तर लोगन पइ कब्जा कइ लिहे रहेन। हमार दुस्मनन तोहरे मन्दिर क कुचरि दिहे रहेन।</verse>
				<verse number="19">कछू लोग तोहार अनुसरण नाहीं करत हीं। उ पचे तोहरे नाउँ क धारण नाहीं करत हीं। जइसे उ सबइ लोग हम भी वइसे हुआ करत रहे।</verse>
			</chapter>
			<chapter number="64">
				<verse number="1">जदि तू अकास चीरिके धरती पइ खाले उतरि आवा तउ सब कछू ही बदल जाइ। तोहरे समन्वा पर्वत टेघर जाइ।</verse>
				<verse number="2">पहाड़न मँ लपट उठिहीं। उ सबइ अइसे बरिहीं जइसे झाड़ियन बरत हीं। पहाड़ अइसे उबलिहीं जइसे उबलत पानी आगी पइ रखा गवा होइ। तब तोहार दुस्मन तोहरे बारे मँ समुझिहीं। जब सबहिं जातियन तोहका लखिहीं तब उ पचे भय स थर-थर काँपिहीं।</verse>
				<verse number="3">किन्तु हम फुरइ नाहीं चाहित ह कि तू अइसे कामन क करा कि तोहरे समन्वा पहाड़ पिघल जाइ।</verse>
				<verse number="4">फुरइ तोहार ही लोग तोहार कबहुँ नाहीं सुनेन। जउन कछू तू बातन कहया फुरइ तोहार ही लोग ओनका कबहुँ नाहीं सुनेन। तोहार जइसा परमेस्सर कउनो भी नाहीं लखेस। कउनो भी दूसर परमेस्सर नाहीं, बस सिरिफ तू ही अहा। जदि लोग धीरा धइके तोहरे सहारे क बाट जोहत रहइँ, तू ओनके बरे बड़े काम कइ देब्या।</verse>
				<verse number="5">जेनका अच्छे काम करइ मँ मजा आवत ह, तू ओन लोगन क संग अहा। उ सबइ लोग तोहरे जिन्नगी क रीति क याद करत हीं। पर लखा, बीते दिनन मँ हम तोहरे विरूद्ध पाप किहा ह। एह बरे तू हमके कोहाइ ग रह्या। अब भला कइसे हमार रच्छा होइ?</verse>
				<verse number="6">हम सबहिं पाप स मैला अही। हमार सब “नेकी” पुरान गन्दे कपड़न स अहइ। हम झुरान मुरझाए पत्तन स अही। हमार पाप हमका आँधी स उड़ाये अहइ।</verse>
				<verse number="7">हम तोहार उपासना नाहीं करित ह। हम का तोहरे नाउँ मँ बिस्सास नाहीं अहइ। हम मँ स कउनो तोहार अनुसरण करइ क उत्साही नाहीं अहइ। एह बरे तू हमस मुँह मोड़ लिहा ह। काहेकि हम पाप स भरा अही एह बरे हम तोहरे समन्वा असमर्थ अही।</verse>
				<verse number="8">किन्तु, यहोवा तू हमार पिता अहा। हम माटी क लौंदा अही अउर तू कोमहार अहा। तोहरे ही हाथन हम सबक रचा ह।</verse>
				<verse number="9">हे यहोवा, तू हमेसा कुपित जिन बना रहा। तू हमरे पापन क सदा ही याद जिन रखा। कृपा कइके तू हमरी कइँती लखा। हम तोहार ही लोग अही।</verse>
				<verse number="10">तोहार पवित्तर नगरियन उजड़ी भई अहइँ। आजु उ सबइ नगरियन अइसी हो गइ अहइँ जइसे रेगिस्तान होइँ। सिय्योन रेगिस्तान होइ गवा अहइ। यरूसलेम ढल गवा अहइ।</verse>
				<verse number="11">हमार पवित्तर मन्दिर भसम होइ ग अहइ। उ मन्दिर हमरे बरे बहोत ही महान रहा। हमार पूर्वज हुवाँ तोहार उपासना करत रहेन। अउर हम लोगन क सबइ बहुमुल्य वस्तुअन नास होइ ग अहइ।</verse>
				<verse number="12">का इ सबइ वस्तुअन सदैव तोहका आपन पिरेम हम पइ परगट करइ स दूर रखिहीं। का तू कबहुँ कछु नाहीं कहब्या? का तू अइसे ही चुप रह जाब्या? का तू सदा हमका दण्ड देत रह्ब्या?</verse>
			</chapter>
			<chapter number="65">
				<verse number="1">यहोवा कहत ह, “मइँ ओन लोगन क भी सहारा दिहेउँ ह जउन उपदेस ग्रहण करइ बरे कबहुँ मोरे लगे नाहीं आएन। जउन लोग मोका प्राप्त कइ लिहन, उ पचे मोरी खोज मँ नाहीं रहेन। मइँ एक अइसी जाति स बात किहेउँ जउन मोर नाउँ धारण नाहीं करत रही। मइँ कहे रहेउँ, ‘मइँ हिआँ हउँ। मइँ हिआँ हउँ।’</verse>
				<verse number="2">“जउन लोग मोहसे मुँह मोड़ गए रहेन, ओन लोगन क अपनावइ बरे मइँ तत्पर रहेउँ। मइँ इ बात क प्रतीच्छा करत रहेउँ कि उ सबइ लोग मोरे लगे लउटि आवइँ। किन्तु उ पचे जिन्नगी क एक अइसी राह पइ चलत रहेन जउन अच्छी नाहीं अहइ। उ पचे आपन मन क मुताबिक काम करत रहेन।</verse>
				<verse number="3">उ सबइ लोग मोरे समन्वा रहत हीं अउर सदा मोका गुस्सैल करत रहत हीं। आपन बिसेस बागन मँ उ पचे लोग मिथ्या देवतन क बलियन क अर्पन करत हीं अउर अगरबत्ती बारत हीं।</verse>
				<verse number="4">उ सबइ लोग कब्रन क बीच बइठत हीं अउर मरे भए लोगन स संदेस पावइ क प्रतीच्छा करत रहत हीं। हिआँ तलक कि उ पचे मुर्दन क बीच रहा करत हीं। उ पचे सुअर क माँस खात हीं। ओनकर पियालन मँ अपवित्तर वस्तुअन क सोरबा अहइ।</verse>
				<verse number="5">किन्तु उ सबइ लोग दूसर लोगन स कहा करत हीं, ‘मोरे लगे जिन आवा, मोका उ समय तलक जिन छुआ, जब तलक मइँ तू पचन्क पवित्तर न कइ देउँ।’ मोर आँखिन मँ उ सबइ लोग धुएँ क जइसे अहइँ अउर ओनकर आगी हर समय बरा करत ह।”</verse>
				<verse number="6">“लखा, इ एक हुण्डी अहइ जेका पुन: भुगतान जरूर करइ क होइ। इ हुण्डी बतावत ह कि तू आपन पापन बरे अपराधी अहा। मइँ उ समय तलक चुप नाहीं होबउँ जब तलक इ हुण्डी क भुगतान न कइ देउँ। अउर मइँ इ हुण्डी क भुगतान नेम क अनुसार करब।</verse>
				<verse number="7">तोहार पचन्क पाप अउर तोहार पचन्क पुरखन एक ही जइसे अहइँ। तोहार पचन्क पुरखन जब पहाड़न मँ धूप अगरबत्तियन बारे रहेन, तबहि एन पापन क किहे रहेन। ओन पहाड़न पइ उ पचे मोका लज्जित किहे रहेन अउर सबसे पहिले मइँ ओनका दण्ड दिहेउँ। जउन दण्ड ओनका मिलइ चाही रहा, मइँ ओनका उहइ दण्ड दिहेउँ।” परमेस्सर इस्राएल क पूरी तरह नष्ट नाहीं करी</verse>
				<verse number="8">यहोवा कहत ह, “अंगूरन मँ जब नई दाखरस हुवा करत ह, तब लोग ओका निचोड़ लिया करत हीं, किन्तु उ पचे अंगूरन क पूरी तरह नस्ट तउ नाहीं कइ डउतेन। उ पचे एह बरे अइसा करत हीं कि अंगूरन क उपयोग तउ फिन भी किया जाइ सकत ह। आपन सेवकन क साथ मइँ अइसा ही करब। मइँ ओनका पूरी तरह नस्ट नाहीं करब:</verse>
				<verse number="9">इस्राएल क कछू लोग क मइँ बचाए रखब। यहूदा क कछू लोग मोरे पर्वतन क प्राप्त करिहीं। मोरे सेवकन क हुवाँ निवास होइ। मोर चुने भए लोगन क धरती मिली।</verse>
				<verse number="10">फुन तउ सारोन क घाटी हमार भेड़ी-बोकरियन क चरागाह होइ तथा आकोर क तराई हमरे मवेसियन क आराम करइ क जगह बन जाइ। इ सबइ सब बातन मोरे लोगन क बरे होइहीं। ओन लोगन बरे जउ मोर खोज मँ अहइँ।</verse>
				<verse number="11">“किन्तु तू लोग, जउन यहोवा क तजि दिहेन ह, दण्डित कीन्ह जाब्या। तू अइसे लोग जउन मोरे पवित्तर पर्वत क बिसराइ दिहन ह। तू अइसे लोग अहा जउन भाग्य क मिथ्या देवता क पूजा करत अहा। तू पचे भाग्यरूपी लबार देवता क सहारे रहत अहा।</verse>
				<verse number="12">किन्तु तोहरे पचन्क भाग्य क निर्धारन तउ मइँ करत हउँ। मइँ तरवार स तोहका दण्ड देबउँ। जउन तू पचन्क दण्ड देइ। तू पचे सबहिं ओकरे अगवा मिमिआइ लगब्या। मइँ तू पचन्क गोहराएउँ किन्तु तू पचे कउनो जवाब नाहीं दिहा। मइँ तू पचन्स बातन किहेउँ किन्तु तू पचे सुन्या तलक नाहीं। तू पचे ओन कामन क ही करत रह्या जेनका मइँ बुरा कहे रहेउँ। तू पचे ओन कामन क करइ क ही ठान लिहा जउन मोका नीक नाहीं लागत रहेन।”</verse>
				<verse number="13">तउ मोर सुआमी यहोवा इ सबइ बातन कहेस। “मोर दास भोजन पइहीं, किन्तु तू पचे भूखा मरब्या। मोर दास पीहीं किन्तु अरे दुस्टो, तू पचे पियासा मरब्या। मोर दास खुस होइहीं किन्तु अरे ओ दुस्टो, तू पचे लज्जित होब्या।</verse>
				<verse number="14">मोरे दासन क मन खरे अहइँ एह बरे उ सबइ खुस होइहीं। किन्तु अरे ओ दुस्टो, तू पचे रोया करब्या काहेकि तोहरे पचन्क मने मँ पीरा बसी। तू पचे आपन टूटे भए मन स बहोत दुःखी रहब्या।</verse>
				<verse number="15">तोहार पचन्क नाउँ मोरे लोगन क बरे गालियन क जइसे होइ जइहीं।” मोर सुआमी यहोवा तू पचन्क मारि डाइ अउर उ आपन दासन क एक नवे नाउँ स बोलाया करी।</verse>
				<verse number="16">जब लोग दूसर क आसीस देइ, उ पचे धरती क नाउँ लइ के आसीस देइ। किन्तु अगवा आवइवाले दिनन मँ उ पचे दूसर क बिस्सासी परमेस्सर क नाउँ लेइ के आसीस देइ। अबहिं लोग धरती क सक्ति क भरोसे रहा करत हीं जब उ पचे कउनो बचन देत हीं। किन्तु भविस्स मँ, उ सबइ बिस्सासी परमेस्सर क भरोसे रहा करिहीं। काहेकि पिछले दिनन क सबहिं विपत्तियन भुलाइ दीन्ह जइहीं। लोग फुन ओन पिछली विपत्तियन क याद नाहीं करिहीं।</verse>
				<verse number="17">“लखा, मइँ एक नवे सरग अउर नई धरती क रचना करब। लोग मोरे लोगन क पिछली बात याद नाहीं रखिहीं। ओनमाँ स कउनो बात याद मँ नाहीं रही।</verse>
				<verse number="18">मोर लोग दुःखी नाहीं रहिहीं। नाहीं, उ पचे आनन्द मँ रहिहीं अउर उ पचे सदा खुस रहिहीं। मइँ जउन बातन रचब जउन आनन्द स परिपूर्ण होइ अउर मइँ ओनका एक प्रसन्न जाति बनाउब।</verse>
				<verse number="19">“फुन मइँ यरूसलेम स खुस रहब। मइँ आपन लोगन स खुस रहब। तब उ नगरी मँ फुन कबहुँ विलाप अउर कउनो दुःख नाहीं होइ।</verse>
				<verse number="20">उ नगरी मँ कउनो बच्चा अइसा नाहीं होइ जउन पइदा होइके पाछे कछू दिन जिई। उ नगरी क कउनो भी मनई आपन छोटी उमर मँ नाहीं मरी। हर पैदा भवा बच्चा लम्बी उमर जिई अउर उ नगरी क प्रत्येक बुढ़वा मनई एक लम्बे समय तलक जिअत रही। हुवाँ सौ साल क मनई भी जवान कहा जाइ। किन्तु कउनो भी अइसा मनई जउन सौ साल स पहिले मरी अभिसप्त कहा जाइ।</verse>
				<verse number="21">“लखा, उ नगरी मँ अगर कउनो मनई आपन घर बनाई तउ उ मनई आपन घरे मँ बसी। अगर कउनो मनई हुवाँ अंगूरे क बाग लगाई तउ उ आपन बाग क अंगूर खाई।</verse>
				<verse number="22">हुवाँ अइसा नाहीं होइ कि कउनो आपन घर बनावइ अउर कउनो दूसर निवास करइ। अइसा भी नाहीं होइ कि बाग कउनो दूसर लगावइ अउर उ बाग क फल कउनो दूसर खाइ। मोर लोग एतना जीइहीं जेतना इ सबइ बृच्छ जिअत हीं। अइसा मनई जेनका मइँ चुनेउँ ह, ओन सबहिं वस्तुअन क आनंद लेइहीं जेनका उ पचे बनाए अहइँ।</verse>
				<verse number="23">फुन लोग बियर्थ क परिस्रम नाहीं करिहीं। लोग अइसे ओन बच्चन क जन्म नाहीं देइहीं जेनके बरे उ पचे मने मँ डेरइहीं कि उ पचे कउनो अचानक बिपत्ति क सिकार न होइँ। मोर सबहिं लोग यहोवा क आसीस पइहीं। मोर लोग अउर ओनकर संतानन आसीर्बाद पइहीं।</verse>
				<verse number="24">मोका ओन सबहिं वस्तुअन क पता होइ जाइ जेनकर जरूरत ओनका होइ, एहसे पहिले कि उ पचे ओनका मोसे माँगइँ। एहसे पहिले कि उ पचे मोहसे मदद क पराथना पूरी कइ पइहीं, मइँ ओनका मदद देब।</verse>
				<verse number="25">बिगवन अउर मेमनन एक संग चरत फिरिहीं। सिंह भी मवेसियन क जइसे ही भूसा खाइहीं अउर भुजंगन क भोजन बस माटी ही होइ। मोरे पवित्तर पर्वत पइ कउनो केउ क भी नोस्कान नाहीं पहोंचाइ अउर न ही ओनका नस्ट करी।” इ यहोवा कहेस ह।</verse>
			</chapter>
			<chapter number="66">
				<verse number="1">यहोवा इ कहत ह, “अकास मोर सिंहासन अहइ। धरती मोरे पाँव क चौकी बनी अहइ। तउ का तू इ सोचत अहा कि तू मोरे बरे भवन बनाइ सकत अहा? नाहीं, तू नाहीं बनाइ सकत्या। का तू मोका बिस्राम क जगह दइ सकत ह नाहीं, तू नाहीं दइ सकत्या।</verse>
				<verse number="2">मइँ खुद ही सारी वस्तुअन रचेउँ ह। इ सबइ सारी वस्तुअन हिआँ टिकी अहइँ काहेकि ओनका मइँ बनाएउँ ह।” यहोवा इ सबइ बातन कहे रहा। “मोका बतावा कि मइँ कइसे लोगन क चिन्ता किया करत हउँ? मोका दीन हीन लोगन क चिन्ता अहइ। इ सबइ ही उ सबइ लोग अहउँ जउन बहोत दुःखी रहत हीं। अइसे ही लोगन क चिन्ता मइँ किया करत हउँ। जउन मोरे बचनन क पालन किया करत हीं।</verse>
				<verse number="3">मोका बलि क रूप मँ अर्पित करइ क कछू लोग बर्धा क बध किया करत हीं किन्तु उ सबइ लोगन स मारपीट भी करत हीं। मोका अर्पित करइ क इ सबइ भेड़िन क मारत हीं किन्तु इ सबइ कुकुरन क गर्दन भी तोड़न हीं अउर सुअरन क लहू इ सबइ मोह पइ चढ़ावत हीं। अइसे लोगन क धूप स बारइ क याद बनी रहा करत ह किन्तु उ सबइ बियर्थ क आपन सबइ प्रतिमा स पिरेम करत हीं। अइसे इ सबइ लोग आपन मनचीती राहन पइ चला करत हीं, मोरी राहन पइ नाहीं। उ पचे पूरी तरह स आपन घिनौने मूरति क पिरेम मँ बूड़ा अहइँ।</verse>
				<verse number="4">एह बरे मइँ इ निहचय किहेउँ ह कि मइँ ओनकर जूती ओनहीं क सिर करब। मोर इ मतलब अहइ कि मइँ ओनका दण्ड देब ओन वस्तुअन क काम मँ लिआवत भए जेनसे उ पचे बहोत डेरात हीं। मइँ ओन लोगन क गोहराए रहेउँ किन्तु उ पचे नाहीं सुनेन। मइँ ओनसे बोले रहेउँ किन्तु उ पचे सुनेन ही नाहीं। एह बरे अब मइँ भी ओनके संग अइसा ही करब। उ सबइ लोग ओन सबहिं बुरे कामन क करत रहत हीं जेनका मइँ बुरा बताए रहेउँ। उ पचे अइसा काम करइ क चुनेन जउन मोका नाहीं भावत रहेन।”</verse>
				<verse number="5">हे लोगो, यहोवा क भय विम्हय मानइवालो अउर यहोवा क हुकुमन क अनुसरण करइवालो, ओन बातन क सुना। यहोवा कहत ह, “तोहसे तोहार पचन्क भाइयन घिना किहेन काहेकि तू पचे मोरे पाछे चला करत रह्या, उ पचे तोहरे पचन्क विरूद्ध होइ गएन। तोहार पचन्क बंधु कहा करत रहेन, ‘जब यहोवा सम्मानित होइ हम पचे तोहरे सबन्क पाछे होइ लेव। फुन तोहरे सबन्क साथ मँ हम भी खुस होइ जाब।’ अइसे ओन लोगन क सजा दीन्ह जाइ।</verse>
				<verse number="6">“सुनन तउ, नगर अउर मन्दिर स एक ऊँच आवाज सुनाइ देत अहइ। यहोवा क जरिये आपन विरोधियन क, जउन दण्ड दीन्ह जात अहइ। उ आवाज उहइ क अहइ। यहोवा ओनका उहइ दण्ड देत अहइ जउन ओनका मिलइ चाही।</verse>
				<verse number="7">“अइसा तउ नाहीं भवा करत रहा कि प्रसव पीरा स पहिले ही कउनो मेहरारू बच्चा पइदा करत होइ। अइसा तउ कबहुँ नाहीं भवा कि कउनो मेहरारू कउनो पीरा क अनुभव करइ स पहिले ही आपन पूत क पइदा भवा लखे होइ। अइसा कबहुँ नाहीं भवा। इहइ प्रकार कउनो भी मनई एक दिन मँ कउनो नवा संसार आरम्भ होत भए नाहीं लखेस। कउनो भी मनई कउनो अइसी नई जाति क नाउँ कबहुँ नाहीं सुने होइ जउन एक ही दिन मँ सुरू होइ गई होइ। धरती क बच्चा जनई क दर्द जइसी पीरा निहचय ही पहिले सहइ क होइ। इ प्रसव पीरा क पाछे ही उ धरती आपन संतानन-एक नई जाति क जनम देइ।</verse>
				<verse number="8"></verse>
				<verse number="9">जब मइँ कउनो मेहरारू क बच्चा जनइ क पीरा देत हउँ तउ उ बच्चा क जनम दइ देत ह।” तोहार पचन्क यहोवा कहत ह, “मइँ तू पचन्क बच्चा जनइ क पीरा मँ डाइके तोहार पचन्क गर्भद्वार बंद नाहीं कइ देत। मइँ तू पचन्क इहइ तरह एन विपत्तियन मँ बिना एक नई जाति प्रदान किए, नाहीं डाउब।”</verse>
				<verse number="10">हे यरूसलेम, खुस रहा। हे लोगो, यरूसलेम क प्रेमियो, तू पचे निहचय ही खुस रहा। यरूसलेम क संग संग दुःख क बातन घटी रहिन एह बरे तू पचन्मँ स कछू लोग भी दुःखी अहइँ। किन्तु अब तू पचन्क चाही कि तू पचे बहोत बहोत खुस होइ जा।</verse>
				<verse number="11">काहेकि अब तू पचन्क दाया अइसी मिली जइसे छाती स दूध मिला जाया करत ह। तू पचे यरूसलेम क वैभव क सच्चा आनंद पउब्या।</verse>
				<verse number="12">यहोवा कहत ह, “लखा, मइँ तू पचन्क सान्ति देब। इ सान्ति तू पचन तलक अइसे पहोंची जइसे कउनो महानदी बहत भी पहुँच जात ह। सब धरती क रास्ट्रन क धन-दौलत बहत भइ तू पचन्तलक पहोंच जाइ। इ धन-दौलत अइसे बहत भए आई जइसे कउनो बाढ़ क धारा। तू पचे नान्ह बच्चन स होब्या, तू पचे ‘दूध’ पीब्या, तू पचन्क उठाइ लीन्ह जाइ अउर गोदी मँ थाम लीन्ह जाइ, तू पचन्क घुटनन पइ उछारा जाइ।</verse>
				<verse number="13">मइँ तू पचन्क दुलारब जइसे महतारी आपन बच्चा क दुलारत ह। अउर तू पचे यरूसलेम क भीतर चैन पउब्या!”</verse>
				<verse number="14">तू पचे उ वस्तुअन क लखब्या जेनमाँ तू पचन्क रस आवत ह तू पचे अजाद होइके घास क तरह बढ़ब्या। यहोवा क सक्ति क ओकर लोग लखिही, किन्तु यहोवा क दुस्मन ओकर किरोध देखिहीं।</verse>
				<verse number="15">लखा, आगी क साथ यहोवा आवत अहइ। धूरि क बादलन क साथ यहोवा क फउजन आवति अहइँ। यहोवा आपन किरोध स ओन मनइयन क सजा देइ। यहोवा जब कोहाइ जाइ तउ ओन मनइयन क दण्ड देइ बरे आगी क लपटन क प्रयोग करी।</verse>
				<verse number="16">यहोवा लोगन क निआत करी अउर फिन आगी अउर आपन तरवार स उ अपराधी लोगन क नस्ट कइ डाइ। यहोवा ओन बहोत स लोगन क नस्ट कइ देइ। उ आपन तरवार स ल्हास न क अम्बार लगा देइ।</verse>
				<verse number="17">यहोवा क कहब अहइ, “उ सबइ लोग जउन आपन बगीचन क पूजइ बरे स्नान कइके पवित्तर होत हीं अउर एक दूसर क पाछे परिक्रमा करत हीं, उ पचे जउन सुअर क गोस खात ही अउर मूस जइसे घिनौने जीव जन्तुअन क खात हीं, एन सबहिं लोगन क नास होइ।” यहोवा इ सबइ बातन कहे रहा।</verse>
				<verse number="18">“बुरे बिचारन मँ पड़े भए उ सबइ लोग बुरे काम किया करत हीं। एह बरे ओनका सजा देइ क मइँ आवत हउँ। मइँ सबहिं जातियन अउर सबहिं लोगन क बटोरब। परस्पर एकट्ठा भए सबहिं लोग मोर सक्ति लखिहीं।</verse>
				<verse number="19">कछू लोगन पइ मइँ एक चीन्हा लगाइ देब, मइँ ओनकर रच्छा करब। एन रच्छा कीन्ह लोगन मँ स कछू लोगन क मइँ तर्सीस लिब्या अउर लूदी क लोगन क पास पठउब। (एन देसन क लोग धनुर्धारी हुआ करत हीं।) तुबाल, यूनान अउर सबहिं दूर देसन मँ मइँ ओनका पठउब। दूर देसन क ओन लोग मोर उपदेस कबहुँ नाहीं सुनेन। ओन लोग मोरी महिमा क दर्सन भी नाहीं किहेन ह। तउ उ सबइ बचाए गए लोग ओन जातियन क मोरी महिमा क बारे मँ बतइहीं।</verse>
				<verse number="20">उ पचे तोहार पचन्क सबहिं भाइयन अउर बहनन क सबहिं देसन स हिआँ लइ अइहीं। तोहार पचन्क भाइयन अउर बहनन क उ पचे मोर पवित्तर पर्वत पइ यरूसलेम मँ लइ अइहीं। तोहार पचन्क भाई बहिन हिआँ घोड़न, खच्चरन, ऊँटन, रथन अउर पालकियन मँ बइठिके अइहीं। तोहार पचन्क उ सबइ भाई बहिन उहइ प्रकार स उपहार क रूप मँ लिआवा जइहीं जइसे इस्राएल क लोग सुद्ध थालन मँ रखिके यहोवा क मन्दिर मँ उपहार लिआवत हीं।</verse>
				<verse number="21">एन लोगन मँ स कछू लोगन क याजकन अउर लेवियन क रूप मँ चुन लेब। इ सबइ बातन यहोवा बताए रहा।</verse>
				<verse number="22">“मइँ एक नये संसार क रचना करब। इ सबइ नवे अकास अउर नई धरती सदा-सदा टिकी रहिहीं अउर उहइ प्रकार तोहार पचन्क नाउँ अउर तोहार पचन्क बंसजन भी सदा मोरे संग रहिहीं।</verse>
				<verse number="23">हर सबित क दिन अउर महीने क पहिले दिन उ सबइ सबहिं लोग मोर उपासना बरे आवा करिहीं।” इ सबइ बातन यहोवा बताए रहा।</verse>
				<verse number="24">“इ सबइ लोग मोर पवित्तर नगरी मँ होइहीं अउर कबहुँ उ पचे नगर स बाहेर जइहीं, तउ ओनका ओन लोगन क ल्हासन देखाई देइहीं जउन मोरे विरुद्ध पाप किहेन ह। ओन ल्हासन मँ किरवन पड़ा हुवा होइहीं अउर उ सबइ किरवन कबहुँ नाहीं मरिहीं। ओन देहन क आगी बारि डाई अउर उ आगी कबहुँ खतम नाहीं होइ।”</verse>
			</chapter>
		</book>
		<book number="24">
			<chapter number="1">
				<verse number="1">यिर्मयाह क इ सबइ सँदेस अहइ। यिर्मयाह हिल्कय्याह नाउँ क मनई क पूत रहा। यिर्मयाह ओन याजकन क परिवार स रहा जउन अनातोत नगर मँ रहत रहेन। उ नगर उ पहँटा मँ अहइ जउन बिन्यामीन परिवारे क रहा।</verse>
				<verse number="2">यिर्मयाह यहोवा क वचन ओन दिनन प्राप्त कइ सुरू किहस जब आमोन नाउँ क राजा क पूत योसिय्याह यहूदा रास्ट्र क राजा रहा। यिर्मयाह योसिय्याह क राज्जकाल क तेरहवें बरिस मँ यहोवा क वचन प्राप्त करइ सुरू किहेस।</verse>
				<verse number="3">योसिय्याह क पूत अउर यहोयाकीम क राज्जकाल मँ यिर्मयाह यहोवा क वचन प्राप्त करत रहा। यहोवा क वचन, यहूदा क अगला राजा योसिय्याह क पूत क सिदकिय्याह क राज्जकाल क ग्यारह बरिस तलक, अउर सिदकिय्याह क राज्जकाल क ग्यारहवें बरिस क पाँचवें महीना मँ यरूसलेम मँ रहत रहे लोगन क देस-निकारा जाइ तलत प्राप्त होत रहा।</verse>
				<verse number="4">मइँ यिर्मयाह इ सँदेस यहोवा स प्राप्त कइ रहा:</verse>
				<verse number="5">“तोहरी महतारी क गरभ मँ रखइ क पहिले मइँ तोहका जान लिहेउँ। तोहरे जनम लेइ क पहिले, मइँ तोहका बिसेस कारज बरे चुने रहेउँ। मइँ तोहका रास्ट्रन क नबी होइ क चुने रहेउँ।”</verse>
				<verse number="6">तब मइँ अर्थात यिर्मयाह कहेउँ, “मुला सर्वसक्तिमान यहोवा, मइँ तउ बोलब भी नाहीं जानत। मइँ तउ अबहिं बालक ही रहेउँ।”</verse>
				<verse number="7">मुला यहोवा मोहसे कहेस, “जिन कहा, ‘मइँ बालक ही हउँ।’ तोहका हर ओन ठउरन पइ जाब अहइ जहाँ मइँ पठवउँ। तोहका उ सब कहब अहइ जेका मइँ कहइ क कहउँ।</verse>
				<verse number="8">कउनो स जिन डेराअ। मइँ तोहरे संग अहउँ, अउर मइँ तोहार रच्छा करब।” इ सँदेसा यहोवा क अहइ।</verse>
				<verse number="9">तब यहोवा आपन हाथ बढ़ाएस अउर मोरे मुँह क छुइ लिहस। यहोवा मोहसे कहेस, “यिर्मयाह, मइँ आपन सब्द तोहरे मुँहे मँ देत अहइँ।</verse>
				<verse number="10">आजु मइँ तोहका राज्जन अउ रास्ट्रन क अधिकारी, एनका उखाड़ा अउ उजाड़ फेंकइ बरे, एका नस्ट अउ उठाइ फेंकइ बरे, एका निर्माण करइ अउ रोपन बरे नियुक्त किहउँ।”</verse>
				<verse number="11">यहोवा क सँदेसा मोका मिला। इ सँदेसा यहोवा क रहा: “यिर्मयाह, तू का लखत अहा?” मइँ जवाब दिहेउँ, “मइँ बादाम क काठे क एक छड़ी लखत हउँ।”</verse>
				<verse number="12">यहोवा मोहसे कहेस, “तू बहोत ठीक लख्या। काहेकि मइँ आपन बचन क होइ बरे ओहे पइ नज़र रखत अहउँ।”</verse>
				<verse number="13">यहोवा क सँदेसा मोका फुन मिला। इ सँदेसा इ तरह रहा: “यिर्मयाह, तू का लखत अहा?” मइँ जवाब दिहेउँ, “मइँ खउलत पानी क एक बर्तन लखत हउँ। इ बर्तन उत्तर कइँती स टपकत अहइ।”</verse>
				<verse number="14">यहोवा मोहसे कहेस, “उत्तर कइँती स कछू भयानक चिजियन ओन लोगन बरे जउन इ देस मँ रहत हीं आइ।</verse>
				<verse number="15">बहोत ही जल्दी मइँ उत्तर क राज्जन क सबहिं लोगन क बोलाउबा,” यहोवा कहत ह। “ओन राज्जन क राजा लोगन अइहीं। उ पचे यरूसलेम क दुआर क समन्वा आपन सिंहासन जमइहीं। उ पचे यरूसलेम क सबहिं नगर देवारन पइ आक्रमन करिहीं। उ पचे यहूदा क एलाके क सबहिं नगरन पइ आक्रमन करिहीं।</verse>
				<verse number="16">अउर मइँ यहूदा क लोगन क जरिये कीन्ह गवा बुरे करम क बिरुद्ध आपन निर्णय क घोसना करब। मोर लोग मोका छोड़एन। उ पचे दूसर देवतन क बलि चढ़ाएन जेका उ पचे आपन हाथन स बनाएस।</verse>
				<verse number="17">“यिर्मयाह, जहाँ तलक तोहार बात अहइ, उठा, तइयार होइ जा अउर लोगन स उ सब कछू कहा, जेका मइँ तोहका हुकुम देत हउँ। लोगन स जिन डेराअ। वरना तउ मइँ ओन लोगन क समन्व तोहका तबाह कइ देब।</verse>
				<verse number="18">जहाँ तलक मोर बात अहइ, मइँ आजु ही तोहका एक दृढ़ नगर, एक लौह खम्भा, एक ठु काँसा क देवार बनावइ जात हउँ। तू देस मँ हर एक क खिलाफ खड़ा होइ क जोग्ग होब्या, यहूदा देस क राजा लोगन क खिलाफ, यहूदा क याजकन क खिलाफ अउर यहूदा देस क लोगन क खिलाफ भी।</verse>
				<verse number="19">उ सबइ लोग तोहरे खिलाफ लड़िहीं, मुला उ पचे तोहका हरावइ क नाहीं करिहीं। काहेकि मइँ तोहरे संग हउँ, अउर मइँ तोहार रच्छा करब।” इ सँदेसा यहोवा क अहइ।</verse>
			</chapter>
			<chapter number="2">
				<verse number="1">यहोवा क सँदेसा यिर्मयाह क मिला। यहोवा क सँदेसा इ रहा:</verse>
				<verse number="2">“यिर्मयाह, जा अउर यरूसलेम क लोगन क सँदेसा द्या। ओनसे कहा: “‘जउने समय तू नवा रास्ट्र रह्या, तू मोर बिस्सास क जोग्ग रह्या। तू मोर अनुसरण नई दुलहिन जइसा किहा। तू मोर अनुसरण रेगिस्तान मँ स होइके किहा, उ प्रदेस मँ अनुसरण किहा जेका कबहुँ खेती क भूमि न बनावा गवा रहा।</verse>
				<verse number="3">इस्राएल क लोग यहोवा बरे एक पवित्तर भेंट रहेन। उ पचे ओकर फसल क पहिला फल रहेन। कउनो भी व्यक्ति जउन ओनका खाइ क जतन किहे रहेन ओका कसूरवार घोसित कीन्ह ग रहेन। ओन पइ बुरी आपत्तियन अइहीं,’” यहोवा कहत ह।</verse>
				<verse number="4">याकूब क परिवार, यहोवा क सँदेसा सुना। इस्राएल क तू सबहिं परिवार समूहों, सँदेसा सुना।</verse>
				<verse number="5">जउन यहोवा कहत ह, उ इ अहइ: “तोहार पुरखन बरे मइँ का गलत किहउँ कि तोहार पुरखन मोहसे दूर होइ गएन? तोहार पुरखन निरर्थक देव मूरतियन पूजेन। अउर उ पचे खुद निरर्थक होइ गएन।</verse>
				<verse number="6">तोहार पुरखन इ नाहीं कहेन, ‘यहोवा हमका मिस्र स निकारेस। यहोवा मरूभूमि मँ हमार अगुअइँ किहेस। यहोवा हमका झुरान चट्टानी प्रदेस स लइके आवा, यहोवा हमका अँधियारा स पूर अउर भय से भरे देसन मँ राह देखाएस। कउनो भी लोग हुआँ नाहीं रहतेन। कउनो भी लोग उ देस स जात्रा नाहीं करतेन। मुला यहोवा उ प्रदेस मँ हमार अगुवाई किहेस। एह बरे उ यहोवा अब कहाँ अहइ?’”</verse>
				<verse number="7">यहोवा कहत ह, “मइँ तू पचन्क अनेक चिजियन स भरे उत्तिम देस मँ लाएउँ। मइँ इ किहेउँ जेहसे तू हुआँ उगे भए फल अउर पइदावार क खाइ सका। मुला तू पचे आया अउर मोरे देस क ‘गन्दा’ किहा। मइँ उ देस तू पचन्क दिहे रहेउँ, किन्तु तू पचे ओका बुरा ठउर बनाया।</verse>
				<verse number="8">“याजक लोग नाहीं पूछेन, ‘यहोवा कहाँ अहइ?’ उ लोग जउन व्यवस्था क सिच्छा देत ह उहइ मोका नाहीं जानत ह। इस्राएल क लोगन क प्रमुख मोरे खिलाफ चला गएन। नबी लोग लबार बाल देवता क नाउँ भविस्सवाणी किहन। उ पचे निरर्थक देव मूरतियन क पूजा किहन।”</verse>
				<verse number="9">यहोवा कहत ह, “एह बरे मइँ तू पचन्क फुन दोखी करार देब, अउर तोहरे पचन्क पोतन क दोखी ठहराउब।</verse>
				<verse number="10">समुद्दर पार कित्तियन क द्वीपन क जा अउर लखा कउनो क केदार प्रदेसन क पठवा अउर ओका धियान स लखइ द्या। धियान स लखा का कउनो अइसा काम किहेस:</verse>
				<verse number="11">का कउनो रास्ट्र क लोग कबहुँ आपन पुरान देवतन क नवा देवतन स बदेलन ह? नाहीं। नि:संदेह ओनकर देवतन असल मँ देवतन अहइँ ही नाहीं। मुला मोर लोग आपन यसस्वी परमेस्सर क निरर्थक देव मूरतियन स बदलेन ह।</verse>
				<verse number="12">“आकास, जउन भवा ह ओहसे अपने हिरदइ क आघात पहोंचइ द्या। भय स काँप उठा।” इ सँदेसा यहोवा क रहा।</verse>
				<verse number="13">मोर लोग दुइ पाप किहेन ह। उ पचे मोका तजि दिहन (मइँ ताजा पानी क सोता अहउँ।) अउर उ पचे आपन पानी क निजी हौद खनेन ह, (उ पचे दूसर देवतन क भवत बनेन ह।) किन्तु ओनकर हउज टूटेन ह। ओन हउजन मँ पानी नाहीं रुकी।</verse>
				<verse number="14">“का इस्राएल क लोग दास होइ गएन ह? का उ पचे एक जन्मजात दास स होइ गएन ह? इस्राएल क लोग क सम्पत्ति दूसर लोग काहे लइ लिहेन?</verse>
				<verse number="15">जवान सिंह (दुस्मन) इस्राएल रास्ट्र पइ दहाड़त हीं, गुर्रार्त्त हीं। सिंहन इस्राएल क लोगन क देस उजाड़ दिहेन ह। इस्राएल क नगर बार दीन्ह गएन ह। ओनमाँ कउनो भी नाहीं रहि गवा ह।</verse>
				<verse number="16">नोप अउर तहपन्हेस नगर क लोग तू पचन्क मूँड़े क सीर्स क कुचरि दिहेन ह।</verse>
				<verse number="17">इ परेसानी तोहार पचन्क आपन दोख क कारण अहइ। तू पचे आपन यहोवा परमेस्सर स विमुख होइ गया, जबकि उ सही दिसा मँ तू पचन्क लइ जात रहा।</verse>
				<verse number="18">एकरे बारे मँ सोचा: का तू मिस्र जाइ समइ मँ सहायता पाएहस? का तू पानी पिअइ बरे नील नदी गएहस? नाहीं। क तू अस्सूर जाइ समइ मँ सहायता पाएस? का तू परात नदी क जल पिअइ बरे गएस? नाहीं।</verse>
				<verse number="19">तू पचे बुरे करम किहा, अउर उ सबइ बुरी चिजियन तू पचन्क सिरिफ सजा देवइहीं। बिपदन तू पचन्पइ टूटि पड़िहीं अउर इ सबइ बिपदन तू पचन्क पाठ पढ़इहीं। इ विसय मँ सोचा; तब तू पचे इ समुझब्या कि आपन परमेस्सर स बिमुख होइ जाब केतना बुरा अहइ। मोहसे न डेराब बुरा अहइ।” इ सँदेसा मोर सुआमी सर्वसक्तीमान यहोवा क रहा।</verse>
				<verse number="20">“तू बहोत पहिले आपन जुआ लोकाइ दिहे रह्या। तू उ रस्सियन तोड़ पेंक्या जेका मइँ तू पचन्क अपने लगे धरइ मँ काम मँ लिआवत रह्या। तू मोहसे कह्या, ‘मइँ आप क सेवा नाहीं करब।’ तू रंडी क नाई हर एक ऊँची पहाड़ी पइ अउर हर एक हरियर बृच्छ क नीचे झुटे देवतन क उपासना कइ के तू बेवफाइ किहा।</verse>
				<verse number="21">मइँ तू पचन्क बिसेस अंगूरे क बेल क तरह रोपेउँ। तू सबहिं नीक बिया क समान रह्या। तू उ अलग बेल मँ कइसे बदल्या जउन बुरा फल देत हीं।</verse>
				<verse number="22">अगर तू आपन क सज्जी स भी धोवा, बहोत साबुन भी लगावा, तउ भी मइँ तोहरे दोख क दागे क लख सकत हउँ।” इ सदेस परमेस्सर यहोवा क रहा।</verse>
				<verse number="23">“तू मोका कइसे कहि सकत ह, ‘मइँ अपराधी नाहीं अहउँ। मइँ बाल क मूरतियन क पूजा नाहीं किहेउँ?’ ओन कामन क बारे मँ सोचा जेनका तू घाटी मँ किहा। उ बारे मँ सोचा, तू का कइ डाया ह। तू उ तेज ऊँटिन क नाई अहा जउन कि टेढ़ा-मेढ़ा रास्ता पइ तेज दउड़त ह।</verse>
				<verse number="24">तू उ जंगली गदही क तरह अहा जउन रेगिस्तान मँ रहत ह अउर सहभोग क मौसम मँ जउन हवा क सूँधत ह गन्ध लेत ह। कउनो मनई ओका काम क उत्तेजना क समइ लउटाइके लिआइ नाहीं सकत। सहभोग क समइ हर एक गद्धा जउन ओका चाहत ह, पाइ सकत ह। ओका खोज निकारब सहल अहइ।</verse>
				<verse number="25">देवमूरतियन क पाछे दउड़ब बन्द करा। ओन दूसर देवतन बरे पियास रखाइ बंद करा। मुला तू कहत अहा, ‘इ बियर्थ अहइ। मइँ तजि नाहीं सकत। मइँ ओन दूसर देवतन स पिरेम करत हउँ। मइँ ओनकर पूजा करइ चाहत हउँ।’</verse>
				<verse number="26">“चोर लजात ह जब ओका लोग धइ लेत हीं। उहइ तरह इस्राएल क परिवार लजात ह। राजा अउर प्रमुख याजक अउ नबी लजान अहइँ।</verse>
				<verse number="27">उ पचे लोग काठे क टूकन स बात करत हीं, उ पचे कहत हीं, ‘तू मोर पिता अहा।’ उ सबइ लोग चट्टान स बात करत हीं, उ पचे कहत हीं, ‘तू मोका जन्म दिहा ह।’ उ पचे सबहिं लोग लजाइ जइहीं। उ पचे लोग मोरी कइँती धियान नाहीं देतेन। उ पचे मोहसे पीठ फेरि लिहन ह। किन्तु जब ओन लोगन पइ बिपद आवत ह तब उ पचे मोहसे कहत हीं, ‘आवा अउर हमका बचावा।’</verse>
				<verse number="28">ओन देवमूरतियन क आवइ अउर तोहका बचावइ द्या। उ सबइ देवमूरतियन कहाँ अहइँ जेनका तू अपने बरे बनाया ह? हमका लखइ द्या, का उ सबइ मूरतियन आवत हीं अउर तोहार रच्छा बिपत्ति स करत हीं? यहूदा क लोगो, तू लोगोन क लगे ओतनी मूरतियन अहइँ जेतना नगर।</verse>
				<verse number="29">“तू पचे मोहसे बिबाद काहे करत अहा? तू सबहिं मोरे खिलाफ होइ गवा अहा।” इ सँदेसा यहोवा क रहा।</verse>
				<verse number="30">“मइँ तोहरे गदेलन क दण्ड दिहेउँ, मुला एकर कउनो नतीजा नाहीं निकरा। तू पचे तब लउटिके नाहीं आया जब दण्डित कीन्ह गया। तू पचे ओन नबियन क तरवार क घाट उतार्या जउन तोहरे पचन्क लगे आए रहेन। तू पचे खूखार सिंह क नाईँ रह्या अउर तू पचे नबियन क मार डाया।”</verse>
				<verse number="31">इ पीढ़ी क लोगो, यहोवा क सँदेसा पइ धियान द्या: “का मइँ इस्राएल क लोगन बरे रेगिस्तान जइसा बन गएउँ? का मइँ ओनका बरे अँधियर अउर खउफनाक देस जइसा बन गएउँ? मोर लोग कहत हीं, ‘हम आपन राह जाइ क अजाद अही, यहोवा, हम फुन तोहरे लगे नाहीं लउटब।’ उ पचे ओन बातन क काहे कहत हीं?</verse>
				<verse number="32">का कउनो नउजवान अउरत आपन गहना बिसरत ह? नाहीं। का कउनो दुलहिन आपन रूप-संगार क लिबास बरे आपन दुपटा बिसरि जात ह? नाहीं। मुला मोर लोग मोका अनगिनत दिनन बरे बिसरि गएन ह।</verse>
				<verse number="33">“तू फुरइ पिरेमियन (लबार देवतन) क पाछे पड़ब जानत अहा। तू ओन दूसर लोगन बरे जउन बुरा करम करत ह नमुना बन गवा ह।</verse>
				<verse number="34">तोहार पचन्क हाथ खून स रगां अहइँ। इ गरीब अउ भोले लोगन क खून अहइ। तू पचे लोगन्क मार्या ह अउर उ पचे अइसे चोर भी नाहीं रहेन जेनका तू पचे धर्या ह। तू पचे उ सबइ बुरे काम करत अहा।</verse>
				<verse number="35">किन्तु तू पचे फुन भी कहत रहत अहा, ‘हम निरपराध अही। परमेस्सर मोहे पइ कोहान नाहीं अहइ।’ एह बरे मइँ तू पचन्क झूठ बोलइवाला अपराधी होइ क भी निर्णय देब। काहेकि तू कहत बाट्या, ‘मइँ कछू भी बुरा नाहीं किहेउँ ह।’</verse>
				<verse number="36">तोहरे पचन्क बरे इरादा क बदलब बहोत आसान अहइ। अस्सूर तू पचन्क निरास किहस। एह बरे तू पचे अस्सूर क तज्या अउर मदद बरे मिस्र पहोंच्या। मिस्र तू पचन्क निरास करी।</verse>
				<verse number="37">अइसा होइ कि तू पचे मिस्र भी तजब्या अउ तू पचन्क हाथ लज्जा स तोहार पचन्क आँखिन होइहीं। मुला तू पचन्क ओन देसन स कउनो कामयाबी नाहीं मिली। काहेकि यहोवा ओन देसन्क अस्वीकार कइ दिहस ह।</verse>
			</chapter>
			<chapter number="3">
				<verse number="1">“अगर कउनो मनई आपन पत्नी क तलाक देत ह, अउर उ पत्नी ओका तजि देत ह अउर दूसर मनई बियाह कइ लेत ह तउ का उ मनई आपन पत्नी क लगे फुन आइ सकत ह नाहीं। जदि उ मनई उ मेहरारू क लगे लउटी तउ देस पूरी तरह गन्दा होइ जाइ। यहूदा, तू रण्डी क तरह अनेक पिरेमियन (लबार देवतन) क संग काम किहा अउर अब तू मोरे लगे लउटइ चाहत अहा।” इ सँदेसा यहोवा क रहा।</verse>
				<verse number="2">“खाली पहाड़ी क चोटी क लखा। क कउनो अइसी जगह अहइ जहाँ तोहार आपन पिरेमियन क संग सारीरिक सम्बन्ध नाहीं चला? तू सड़किया क किनारे पिरेमियन क प्रतीच्छा करती बइठी अहा। तू हुआँ रेगिस्तान मँ प्रतीच्छा करत अरब क तरह बइठा। ऍह बरे तू मोहसे बेवफाइ कइ क अउर बहोत सारी ‘बुरा’ करम कइ क धरती क अपवित्तर बना दिहेस ह।</verse>
				<verse number="3">तू पाप किहा एह बरे बर्खा नाहीं आई। बसन्त समइ क कउनो बर्खा नाहीं भइ। मुला अबहिं भी तू लज्जित होइ स इनकार करति अहा। तोहरे मुँहना पइ रण्डी क भाव अहइ जब उ लज्जित होइ स इनकार करति अहा। तू आपन कीन्ह करमन पइ लज्जित होइ स इनकार करति अहा।</verse>
				<verse number="4">मुला अब तू मोका बोलावत अहा। ‘मोर पिता, तू मोर बचपन स मोर प्रिय मीत रहा ह।’</verse>
				<verse number="5">तू इ भी कह्या, ‘परमेस्सर सदैव मोह पइ कोहान नाहीं रही। परमेस्सर क किरोध सदैव बना नाहीं रही।’ “तू इ सब कछू कहत अहा, मुला तू ओतने ही बुराई करति अहा जेतना तू कइ सकत अहा।”</verse>
				<verse number="6">ओन दिनन जब योसिय्याह यहूदा रास्ट्र पइ हुकूमत करत रहा। यहोवा मोहसे बातन किहस। यहोवा कहेस, “यिर्मयाह, तू ओन बुरे करमन क लखा जउन इस्राएल किहस? तू लख्या कि कइसे मोरे संग बिस्ससघात किहस। उ हर एक पहाड़ी क ऊपर अउर हर एक हरियर बृच्छ क खाले झूठी मूरतियन क पूजिके बिभिचार करइ क पाप किहस।</verse>
				<verse number="7">मइँ अपने स कहेउँ, ‘इस्राएल मोरे लगे तब लउटी जब उ आपन बुरे करमन क कइ चुकी।’ किन्तु उ मोरे लगे नाहीं लउटेस अउर ओका अबिस्सासी बहिन यहूदा लखेस कि इस्राएल का किहेस ह?</verse>
				<verse number="8">यहूदा लखेस कि मइँ अबिस्सासी इस्राएल क दूर पठाइ दिहेस ह काहेकि उ बिभिचार किहे रही। मइँ ओका तलाक पत्र लिखिके तलाक देइ दिहा। किन्तु ओकरे अबिस्सासी बहिन यहूदा ओन बातन स नाहीं डेराएस। यहूदा भी निकर गइ अउर उ रण्डी क तरह रहइ लगेस।</verse>
				<verse number="9">यहूदा इ धियान भी नाहीं दिहस कि उ रण्डी क तरह काम करति बाटइ। एह बरे उ आपन देस क गन्दा किहस। उ काठे अउर पाथर क बनी मूरतियन क पूजा कइके बिभिचार क पाप किहस।</verse>
				<verse number="10">इस्राएल क अबिस्सासी बहिन (यहूदा) आपन पूरे हिरदइ स मोरे लगे लउटी नाहीं। उ सिरिफ बहाना बनाएस कि उ मोरे लगे लउटी अहइ।” इ सँदेसा यहोवा क रहा।</verse>
				<verse number="11">यहोवा मोसे कहेस, “इस्राएल मोर मनवइया नाहीं रही। मुला ओकरे लगे कपटी यहूदा क अपेच्छा नीक बहाना रहा।</verse>
				<verse number="12">उत्तर कइँती लखा अउर इ सँदेसा बोला: “‘अबिस्सासी इस्राएल क लोगो तू पचे लउटा।’ यहोवा कहत ह। मइँ तू पचन स आपन मुँह नाहीं फेरब। मइँ दयासागर हउँ, ‘मइँ सदैव तू पचन पइ कोहान नाहीं रहब।’ यहोवा कहत ह।</verse>
				<verse number="13">‘तोहका सिरिफ एतना करब होइ कि तू आपन पापन क स्वीकारा। तू यहोवा अपने परमेस्सर क खिलाफ अपराध किहस, इ तोहार पाप अहइ कि तू दूसर रास्ट्रन क लोगन क देव मूरतियन क आपन पिरेम दिहा। तू आपन देव मूरतियन क पूजा हर एक हरियर बृच्छ क खाले किहा। तू मोर आग्या क पालन नाहीं किहा।’” यहोवा कहत ह।</verse>
				<verse number="14">“अभकत लोगो, मोरे लगे लउटि आवा।” इ सँदेसा यहोवा क रहा। “मइँ तोहार सुआमी अहउँ। मइँ हर एक नगर स एक मनई लेब अउर हर एक परिवार स दुइ मनई अउर तू पचन्क सिय्योन पइ लिआउब।</verse>
				<verse number="15">तब मइँ तू पचन्क नवा सासक देब। उ पचे सासक मोर मनवइयन होइहीं। उ पचे तोहार पचन्क मार्ग दर्सन गियान अउर समुझ स करिहीं।</verse>
				<verse number="16">ओन दिना तू लोग बड़ी गनती मँ देस मँ होब्या।” इ सँदेसा यहोवा क अहइ। “उ समइ लोग फुन इ कबहुँ नाहीं कइहीं, ‘मइँ ओन दिनन क सुमिरत हउँ जब हम लोगन क लगे यहोवा क करार क सन्दूख रहा।’ उ पचे पवित्तर सन्दूख क बारे मँ फुन कबहुँ सोचिहीं भी नाहीं। उ पचे न तउ एका याद करिहीं अउर न ही ओकरे बरे अफसोस करिहीं। उ पचे दूसर पवित्तर सन्दूख कबहुँ नाहीं बनइहीं।</verse>
				<verse number="17">उ समइ, यरूसलेम नगर ‘यहोवा क सिंहासन’ कहा जाइ। सबहिं रास्ट्र एक संग यरूसलेम नगर मँ यहोवा क नाउँ क सम्मान देइ अइहीं। उ पचे आपन हठी अउर बुरे हिरदय क अनुसार अब कबहुँ नाहीं चलिहीं।</verse>
				<verse number="18">ओन दिनन यहूदा क परिवार इस्राएल क परिवार क संग मिलि जाइ। उ पचे उत्तर मँ एक देस स एक साथे अइहीं। उ पचे उ देस मँ अइहीं जेका मइँ ओनकर पुरखन क दिहे रहे रहेउँ।”</verse>
				<verse number="19">मइँ यानी यहोवा अपने स कहेउँ, “मइँ तू पचन स आपन बचवन क नाई बेउहार करइ चाहत हउँ, मइँ तू पचन्क एक सुहावना देस देइ चाहत हउँ। उ देस जउन कउनो भी रास्ट्र स जियादा सुन्नर होइ। मइँ सोचे रहेउँ कि तू पचे मोका ‘बाप’ कहब्या। मइँ सोचे रहेउँ कि तू पचे मोर सदैव अनुसरण करब्या।</verse>
				<verse number="20">मुला तू पचे उ मेहरारू क नाई भया जउन पतिव्रता नाहीं रही। इस्राएल क परिवार, तू पचे मोरे बरे बिस्सासघाती रह्या।” इ सँदेसा यहोवा क रहा।</verse>
				<verse number="21">“तू पचे नंगी पहाड़ियन पइ रोउब सुन सकत ह। इस्राएल क लोग कृपा बरे रोवत रहेन अउर पराथना करत अहइँ। उ पचे बहोत बुरा होइ ग रहेन। उ पचे आपन परमेस्सर यहोवा क बिसरी ग रहेन।</verse>
				<verse number="22">“इस्राएल क अबिस्सासी लोगो, तू पचे मोरे लगे लउटि आवा, अउर मइँ तोहरे पचन्क अबिस्सासी होइ क अपराध क छिमा करब। “लोगन क कहइ चाहीं, ‘हाँ, हम लोग तोहरे लगे आउब तू हमार परमेस्सर यहोवा अहा।</verse>
				<verse number="23">निहचय ही पहाड़ियन पइ देवमूरतियन क पूजा अउर पहाड़न पइ जमा होइ सिरिफ झूठी आसा देत ह। निहचय ही, इस्राएल क मुक्ति, यहोवा आपन परमेस्सर स आवत ह।</verse>
				<verse number="24">उ मुरतियन हमरे पुरखन क हर एक चीज बलि क रूप मँ हम लोगन क बचपन क अमइ स ही खाएस। उ मूरितयन हमरे पुरखन क पसु, भेड़ी, पूत, बिटिया लिहस।</verse>
				<verse number="25">हम पचन्क आपन लाज मँ, माथा टेकइ चाही, लज्जा हम लोगन क कम्बल क नाई ढाँप लाइ। हम अउर हमार पुरखन आपन परमेस्सर यहोवा क खिलाफ पाप किहे अही। हम आपन परमेस्सर यहोवा क आग्या आपन बचपन स ही नाहीं माने अही।’”</verse>
			</chapter>
			<chapter number="4">
				<verse number="1">यहोवा कहत ह, “इस्राएल, जदि तू लउटि आवा चाहत ह तउ तू मोरे लगे जरूर लउटि आवा। जदि तू आपन देवमूरतियन क लोकावा अउर भटकना बन्द करा,</verse>
				<verse number="2">जदि तू मोरे नाउ पइ सच्चाइ स, निआब स अउर ईमानदारी स इ कहत भए प्रतिग्या करब्या, ‘यहोवा क जिन्नगी क किरया,’ तउ रास्ट्र यहोवा क जरिये बरदान पाइहीं अउर उ पचे यहोवा क गर्व स बखान करिहीं।”</verse>
				<verse number="3">यहोवा यहूदा अउर यरुसलेम क निवसियन स कहत ह, “उहइ खेत मँ हर चलावा जेका जोतइ स तू नकार दिहे रहा काँटा क बीच मँ बिया छिरकान बन्द करा!</verse>
				<verse number="4">इ दिखावइ बरे कि तू यहोवा क अहइ खतना करइ लिहा। मोर अर्थ इ अहइ कि आपन आप क पूरी तरह स मोर बरे अर्पित कइ द्या! अउर आपन दिल स खिलरी हटा द्या। जदि तू इ नाहीं करा तउ मइँ बहोतइ कोहान होबउँ। मोर किरोध आगी क नाई फइली अउर मोर किरोध तू पचन्क बारि देइ अउर कउनो मनई उ आगी क बुझाइ नाहीं पाइ। इ काहे होइ? काहेकि तू पचे बुरे करम किहे अहा।”</verse>
				<verse number="5">“यहूदा क लोगन मँ इ सँदेसा क घोसणा करा: यरूसलेम सहर क हर मनई स कहा, ‘सारे देस मँ तुरही बजावा।’ जोर स नरियाअ अउर कहा, ‘एक संग आवा, हम सबहिं रच्छा बरे मजबूत सहरन क भाग निकरी।’</verse>
				<verse number="6">सिय्योन का सूचक झंडा क उठावा, कउनो जगह एक ठू सुरच्छा क जगह खोजा, प्रतीच्छा जिन करा। इ एह बरे करा कि मइँ उत्तर स बिध्वंस लिआवत हउँ। मइँ भयंकर बिनास लिआवत हउँ।”</verse>
				<verse number="7">एक ठु सेर अपनी गुफा स निकरा ह, रास्ट्रन क बिध्वंसक तेज कदम बढ़ाउब सुरू कइ चुका अहइ। उ तोहरे पचन्क देसन क बरबाद करइ आपन घर तजि चुका अहइ। तोहरे पचन्क सहर तहस नहस होइहीं। ओनमाँ रहइवाला कउनो मनई नाहीं बची।</verse>
				<verse number="8">एह बरे टाट क ओढ़ना पहिरा, रोवा, काहेकि यहोवा हम पइ बहोत कोहान अहइ।</verse>
				<verse number="9">इ सँदेसा यहोवा क अहइ, “अइसे समइ इ होत ह। राजा अउर प्रमुख हिम्मत हार जइहीं, याजक डेरइहीं, नबियन क दिल दहली।”</verse>
				<verse number="10">तब मइँ यानी यिर्मयाह कहेउँ, “मोर सुआमी यहोवा, तू फुरइ यहूदा अउ यरूसलेम क लोगन क धोखा मँ राख्या ह। तू ओनसे कहया, ‘तू पचे सान्तिपूर्वक रहब्या।’ किन्तु अब ओनके गटइयन पइ तरवार हइँची भइ अहइ।”</verse>
				<verse number="11">उ समइ एक सँदेसा यहूदा अउ यरूसलेम क लोगन क दीन्ह जाइ: “नंगी पहाड़ियन क चोटी स गरम आँधी चलाति अहइ। इ रेगिस्ताने स मोर लोगन कइँती आवति अहइ। इ उ मन्द हवा नाहीं जेकर उपयोग किसान भूसा स अनाज निकारइ बरे करत हीं।</verse>
				<verse number="12">इ ओहसे जियादा तेज हवा अहइ अउर मोहसे आवति अहइ। अब मइँ यहूदा क लोगन क खिलाफ आपन निआउ क घोसणा करब।”</verse>
				<verse number="13">लखा। दुस्मन बादर क नाई उठत अहइ, ओकर रथ चववात क तरह अहइ। ओकर घोड़ा उकाब स तेज अहइँ। इ हम सब बरे बुरा होइ, हम बरबाद होइ जाब।</verse>
				<verse number="14">यरूसलेम क लोगो, आपन हिरदय स बुराइयन क धोइ डाबा। आपन हिरदय क पवित्तर करा, जेहसे तू बच निकरा। बुरी जोजनन जिन बनावत चला।</verse>
				<verse number="15">दान देस क दूत क वाणी क धियान स सुना। कउनो एप्रैम क पहाड़ी प्रदेस स बुरा खबर क घोसणा करत ह।</verse>
				<verse number="16">“इ रास्ट्र क एकर विवरण द्या। यरूसलेम क लोगन मँ इ खबर क फइलावा। दुस्मन दूर देस स आवत अहइँ। उ सबइ दुस्मन यहूदा क नगरन क विरूद्ध जुद्ध उद्घोस करत अहइँ।</verse>
				<verse number="17">दुस्मन यरूसलेम क अइसे घेरेन ह जइसे खेत क रच्छा करइवाले लोग होइँ। यहूदा, तू मोरे खिलाफ गया, एह बरे तोहरे खिलाफ दुस्मन आवत अहइँ।” इ सँदेसा यहोवा क अहइ।</verse>
				<verse number="18">“जउने तरह तू रह्या अउर तू पाप किहा उहइ स तोह पइ इ बिपत्ति आइ। इ तोहार पाप ही अहइँ जउन जिन्नगी क एतना कठिन बनाएन ह। इ तोहार पाप ही अहइ जउन उ पीरा क लिआएस जउन तोहरे हिरदय क बेधत ह।”</verse>
				<verse number="19">आह, मोर दुःख अउ मोर परेसानी मोरे पेट मँ दर्द करत अहइँ। मोर हिरदय धड़कत अहइ। हाय, मइँ एतना डेरान अहउँ। मोर हिरदय मोरे भीतर तड़पत अहइ। मइँ चुप नाहीं बइठ सकत। काहेकि मइँ तुरही क बजाउब सुनेउँ ह। तुरही सेना क जुद्ध करइ बोलावति अहइ।</verse>
				<verse number="20">ध्वंस क पाछे बिध्वंस आवत ह। पूरा देस नस्ट होइ ग अहइ। अचानक मोर डेरन बरबाद कइ दीन्ह ग अहइँ, मोर परदन फाड़ दीन्ह ग अहइँ।</verse>
				<verse number="21">हे यहोवा मइँ कब तलक जुद्ध पताकन क लखब? जुद्ध क तुरही क केतने समइ सुनब?</verse>
				<verse number="22">परमेस्सर कहेस, “मोर लोग मूरख अहइँ। उ पचे मोका नाहीं जानतेन। बेवकूफ बच्चन अहइँ। उ पचे समुझतेन नाहीं। उ पचे पाप करइ मँ दच्छ अहइँ, किन्तु उ पचे नीक करइ नाहीं जानतेन।”</verse>
				<verse number="23">मइँ धरती क लखेउँ। धरती खाली रही, एह पइ कछू नाहीं रहा। मइँ गगन क लखेउँ, अउर एकर प्रकास चला गवा रहा।</verse>
				<verse number="24">मइँ पर्वतन पइ नजर डाएउँ, अउर उ पचे काँपत रहेन। सबहिं पहाड़ियन लड़खड़ात रहिन।</verse>
				<verse number="25">मइँ धियान स लखेउँ किन्तु कउनो मनई नाहीं रहा, अकासे क सबहिं पंछी उड़ गवा रहेन।</verse>
				<verse number="26">मइँ लखेउँ कि सुहावना प्रदेस रेगिस्तान बन गवा रहा। उ देस क सबहिं नगर नस्ट कइ दीन्ह ग रहेन। यहोवा इ कराएस। यहोवा अउर ओकर प्रचण्ड किरोध इ कराएस।</verse>
				<verse number="27">यहोवा इ सबइ बातन कहत ह। “पूरा देस बरबाद होइ जाइ। मुला मइँ देस क पूरी तरह नस्ट नाहीं करब।</verse>
				<verse number="28">एह बरे इ देस क लोग मरे लोगन बरे रोइहीं। अकास अँधियारा स भरा होइ। मइँ कहि दिहेउँ ह, अउर बदलब नाहीं। मइँ एक निर्णय किहेउँ ह, अउर मइँ आपन बिचार नाहीं बदलब।”</verse>
				<verse number="29">यहूदा क लोग घुड़सवारन अउर धनुर्धारियन क उद्घोष सुनिहीं, अउर लोग पराइ जइहीं। कछू लोग गुफन मँ छिपिहीं; कछू झाड़ियन मँ अउ कछू चट्टानन पइ चढ़ि जइहीं। यहूदा क सबहिं नगर खाली अहइँ। ओनमाँ कउनो नाहीं रहत।</verse>
				<verse number="30">हे यहूदा, तू बरबाद कइ दीन्ह गवा अहा, तू का करत अहा? तू आपन सुन्नरतम लाल ओढ़ना काहे पहिरत अहा? तू आपन सोने का गहना काहे पहिरे अहा? तू आपन आँखिन मँ आँजन काहे लगावत अहा? तू आपन क सुन्नर बनावत अहा, किन्तु इ सब बियर्थ अहइ। तोहार पिरेमी तोहसे घिना करत हीं, उ पचे मार डावइ क जतन करत अहइँ।</verse>
				<verse number="31">मइँ एक चीख सुनत हउँ जउन उ मेहरारू क चीख क तरह अहइ जउन लरिका पइदा करत होइ। इ चीख उ मेहरारू क तरह अहइ जउन पहिलउटी क लरिका क पइदा करत होइ। इ सिय्योन क बिटिया क चीख अहइ। उ आपन हाथ पराथना मँ इ कहत भए उठावति बाटइ, “आह! मइँ मूर्छित होइवाली अहउँ, हत्तियारे मोरे चारिहुँ कइँती अहइँ।”</verse>
			</chapter>
			<chapter number="5">
				<verse number="1">यहूदा कहत ह: “यरूसलेम क सड़कियन पइ ऊपर नीचे जा। चारिहुँ कइँती लखा अउर एन चीजन क बारे मँ सोचा। सहर क सार्वजनिक चौराहन क खोजा, पता करा कि का तू कउनो एक नीक मनई क पाइ सकत ह? अइसे मनई क जउन ईमानदारी स काम करत होइ, अइसा जउन सच क खोज करत होइ। जदि तू एक नीक मनई क हेरिके निकरब्या तउ मइँ यरूसलेम क छिमा कइ देब।</verse>
				<verse number="2">जब लोग प्रतिग्या करत हीं अउर कहत हीं, ‘जइसा कि यहोवा सास्वत अहइ।’ तउ तू निहचय कइ सकत ह कि उ पचे झूठ बोलत रहइ।”</verse>
				<verse number="3">हे यहोवा, मइँ जानत हउँ कि तू लोगन मँ सच्चाई लखइ चाहत अहा। तू यहूदा क लोगन क चोट पहोंचाया, मुला उ पचे कउनो पीरा क अनुभव नाहीं किहन। तू ओनका बर्बाद किहा, मुला उ पचे आपन पाठ सीखइ स इन्कार कइ दिहन। उ पचे बहोत हठी होइ गएन। उ पचे आपन पापन बरे पछताइ स इन्कार कइ दिहन।</verse>
				<verse number="4">मुला मइँ (यिर्मयाह) आपन स कहेउँ, “उ पचे सिरिफ गरीब लोग ही अहइँ जउन मूरख अहइँ। इ सबइ उहइ लोग अहइँ जउन यहोवा क मारग क नाहीं सीख सकेन। गरीब लोग आपन परमेस्सर क सिच्छा क नाहीं जानतेन।</verse>
				<verse number="5">एह बरे मइँ अमीर लोगन क लगे जाब। मइँ ओनसे बातन करब। निहचय ही प्रमुख यहोवा क मारग क समुझत हीं। मोका बिस्सास अहइ कि उ पचे आपन परमेस्सर क सिच्छा क जानत हीं।” किन्तु सबहिं अमीर लोगन यहोवा क सेवा करइ स इन्कार करइ देइन।</verse>
				<verse number="6">उ पचे परमेस्सर क खिलाफ भएन, एह बरे जंगल स एक सेर ओन पइ हमला करी। रेगिस्तान मँ एक ठु बिगवा ओनका मारि डाई। एक ठु तेदुंआ ओनका सहरन क लगे घात लगाए अहइ। सहरन क बाहर जाइवाले कउनो क भी तेदुंआ टूकन मँ चीर डाइ। काहेकि यहूदा क लोग बहोत अपराध किहेन ह। उ पचे यहोवा स दूर भटक गवा अहइँ।</verse>
				<verse number="7">परमेस्सर कहेस, “यहूदा, मोका कारण बतावा कि मोका तोहका काहे छिमा देइ चाही? तोहार सन्तानन मोका तजि दिहेन ह। उ पचे ओन मूरतियन स प्रतिग्या किहन ह जउन परमेस्सर अहइँ ही नाहीं। मइँ तोहरी सन्तानन क हर एक चीज दिहेउँ जेकर जरूरत ओनका रही। किन्तु फुन भी उ पचे बिस्सासघाती रहेन। उ पचे रण्डी क कोठन मँ बहोत समइ बिताएन।</verse>
				<verse number="8">उ पचे ओन घोड़न जइसे रहेन जेनका बहोत खाइ क अहइ, अउर जउन जोड़ा बनावइ क होइ। उ पचे ओन घोड़न जइसे रहेन जउन पड़ोसी क मेहररूअन पइ हिनहिनात रहेन ह।</verse>
				<verse number="9">का मोका यहूदा क लोगन क इ सबइ काम करइ क कारण, सजा देइ चाही?” यहोवा कहत ह, “का मोका ओनका उ दण्ड देइ नाहीं चाही जउन ओका मिलइ चाही?</verse>
				<verse number="10">“आवा, अउर यहूदा क अंगूर क बेलन क कतारन नस्ट करी दिहा बेलन क काट डावा। (किन्तु ओनका पूरी तरह नस्ट जिन करा।) ओनकी सारी डारन क छाँट द्या काहेकि इ सबइ डारन यहोवा क नाहीं अहइँ।</verse>
				<verse number="11">इस्राएल अउर यहूदा क रास्ट्र हर तरह स मोरे बिस्सासघाती रहेन।” यहोवा कहत ह।</verse>
				<verse number="12">“ओ लोग यहोवा क बारे मँ झूठ कहेन ह। उ पचे कहेन ह, ‘यहोवा हमार कछू नाहीं करी। हम लोगन क कछू भी बुरा न होइ। हम कउनो फउज क हमला अपने ऊपर नाहीं लखब। हम कबहुँ भूखा नाहीं मरब।’</verse>
				<verse number="13">झूठे नबी मरे प्राण अहइँ। परमेस्सर क सँदेसा ओनमाँ नाहीं उतरा अहइ। विपत्तियन ओन पइ अइहीं।”</verse>
				<verse number="14">सर्वसवितमान परमेस्सर यहोवा इ सब कहेस, “ओ लोग कहेन कि मइँ ओनका दण्ड नाहीं देब। एह बरे यिर्मयाह, जउन सँदेसा मइँ तोहका देत रहत हउँ, उ आगी जइसा होइ अउर उ सबइ लोग काठे जइसे होइहीं अउ आगी सारी काठी क बार देइ।”</verse>
				<verse number="15">इस्राएल क रास्ट्र, यहोवा कहत ह, “तोह पइ आक्रमण बरे मइँ एक रास्ट्र क बहोत दूर स हाली ही लिआउब। इ एक ताकतवर रास्ट्र अहइ। इ एक पुरानी रास्ट्र अहइ। उ रास्ट्र क लोगन उ भासा बोलत हीं जेका तू नाहीं जानत्या। तू नाहीं समुझ सकत्या कि उ पचे का कहत हीं?</verse>
				<verse number="16">ओनकर तरकस खुली कब्र अहइँ, ओनकर सबहिं लोग वीर सैनिक अहइँ।</verse>
				<verse number="17">उ सबइ सैनिक तोहरे घरे लिआई फसल क खाइ जइहीं। उ पचे तोहार सारा भोजन खाइ जइहीं। उ पचे तोहार पूत-बिटियन क खाइ जइहीं (नस्ट कइ देइहीं)। उ पचे तोहार रेवड़ अउर गोरू क खरका क चट कइ जइहीं। उ पचे तोहार अंगूर अउर अंजीर क चार जइहीं। उ पचे तोहार मजबूत सहरन क आपन तरवारन स नस्ट कइ डइही। जउने सहरन पइ तोहार बिस्सास अहइ ओनका उ पचे नस्ट कइ देइही।”</verse>
				<verse number="18">इ सँदेसा यहोवा क अहइ। “किन्तु कब उ सबइ भयानक दिन आवत हीं, यहूदा मइँ तोहका पूरी तरह नस्ट नाहीं करब।</verse>
				<verse number="19">यहूदा क लोग तोहसे पूछिहीं, ‘यिर्मयाह, हमार परमेस्सर यहोवा हमार अइसा बुरा काहे किहस?’ ओनका इ जवाब द्या, ‘यहूदा क लोगो तू पचे यहोवा क, अउर तू पचे ही आपन देस मँ बिदेसी देव मूरतियन क पूजा किहा ह। तू पचे उ सबइ काम किहा, एह बरे तू पचे अब उ देस मँ जउन तोहार नाहीं अहइ, बिदेसियन क सेवा करब्या।’”</verse>
				<verse number="20">यहोवा कहेस, “याकूब क परिवार मँ, इ सँदेसा क घोसणा करा। इ सँदेसा क यहूदा रास्ट्र मँ सुनावा।</verse>
				<verse number="21">इ सँदेसा क सुना, तू सबइ मूरख लोगो, तू पचन्क समुझ नाहीं अहइ: तू पचे लोगन का आँखिन अहा, किन्तु तू पचे लखल्या नाहीं। तू पचे लोगन क कान अहा, किन्तु तू पचे सुनत्या नाहीं।</verse>
				<verse number="22">का तू मोसे नाहीं डरत ह?” यहोवा कहत ह, “मोरे समन्वा तू पचन्क डर स काँपइ चाही। मइँ ही उ हउँ, जउन समुद्दर क तटन क मर्यादा बनाएउँ। मइँ बालू क अइसी सीमा बनाएउँ जेका पानी तोड़ सकत ह। लहरन तटे क कुचरि सकत ह, मुला उ एका बर्बाद नाहीं करी। चढ़त भइ लहरन गरज सकत हीं, मुला उ सबइ तटे क मर्यादा तोड़ नाहीं सकत।</verse>
				<verse number="23">मुला यहूदा क लोग हठी अहइँ। उ सबइ हमेसा मोरे खिलाफ जाइ क जोजना बनावत हीं। उ पचे मोहसे मुड़ा अहइँ अउर मोहसे दूर चला गवा अहइँ।</verse>
				<verse number="24">यहूदा क लोग कबहुँ आपन स नाहीं कहतेन, ‘हमका आपन परमेस्सर यहोवा स डेराइ अउ ओकर सम्मान करइ चाही। उ हमका ठीक समइ पइ पतझड़ अउ बसन्त क बर्खा देत ह। उ इ निहचित करत ह कि हम ठीक समइ पइ फसिल काटि सकी।’</verse>
				<verse number="25">यहूदा क लोगो, तू पचे अपराध किहा ह। एह बरे इहाँ बर्खा अउर पकी भइ फसिल नाहीं अही। तोहार पचन्क पापन तू पचन्क यहोवा क ओन नीक चीजन क भोग नाहीं करइ दिहस ह।</verse>
				<verse number="26">मोरे लोगन क बीच पापी लोग अहइँ। उ सबइ पापी लोग पंछियन क फँसावइ बरे जाल बनावइवालन क तरह अहइँ। उ पचे लोग आपन जाल बिछावत हीं, मुला उ पचे पंछी क बदले मनइयन क फँसावत हीं।</verse>
				<verse number="27">एन मनइयन क घर झूठ स वइसेन भरा होत हीं, जइसे चिरइयन स भरे पिंजरा होइँ। ओनकर झूठ ओनका धनी अउ सक्तीसाली बनाएस ह।</verse>
				<verse number="28">जउने पापन क उ पचे किहन ह ओनही स उ पचे बड़के अउर मोट भएन ह। जउने बुरे करमन क उ पचे करत हीं ओनकर कउनो अन्त नाहीं। उ पचे अनाथ बच्चन क मामले क पच्छ मँ बहस नाहीं करिहीं, उ पचे अनाथ क सहायता नाहीं करिहीं। उ पचे गरीब लोगन क उचित निआव नाहीं पावइ देइहीं।</verse>
				<verse number="29">का मोका एन करमन क कारण यहूदा क दण्ड देइ चाहीं?” यहोवा कहत ह, “का मोका ओनका उ दण्ड देइ नाहीं चाही जउन ओनका मिलइ चाही?”</verse>
				<verse number="30">यहोवा कहत ह, “यहूदा देस मँ एक खउफनाक अउर हिरदय दहलावइ वाला घटना घटति अहइ। जउन भवा ह उ इ अहइ कि:</verse>
				<verse number="31">नबी झूठ बोलत हीं, याजक अपने हाथे मँ सक्ति लेत हीं। मोर लोग इहइ तरह खुस अहइँ। किन्तु लोगो, तू पचे का करब्या जब सजा दीन्ह जाइ?”</verse>
			</chapter>
			<chapter number="6">
				<verse number="1">बिन्यामीन क लोगो, आपन जान बचाई बरे पराअ, यरूसलेम सहर स भाग चला। जुद्ध क तुरही तकोआ सहर मँ बजावा। बेथेक्केरेम मँ संकेत चिन्ह लगावा। करा काहेकि, उत्तर कइँती स बिपत्ति अउर भयानक विनास आवति अहइ।</verse>
				<verse number="2">सिय्योन क बिटिया, तू एक ठु सुन्नर हरा चरागाह क समान अहा।</verse>
				<verse number="3">मुला गड़रियन आपन खरका क साथ आवत हीं। उ पचे तोहार चारिहुँ कइँती आपन डेरा डावत हीं। हर एक गड़रिया आपन खरका क अगुवाइ आपन हींसा तोहार चरागाह स खाइ बरे करत ह।</verse>
				<verse number="4">“यरूसलेम नगर क खिलाफ लड़इ बरे तइयार होइ जा। उठा, हम लोग दुपहर क सहर पइ हमला करब, किन्तु पहिले ही देर होइ चुकी अहइ। साँझ क छाया लम्बी होत अहइ,</verse>
				<verse number="5">एह बरे उठा! हम सहर पइ राति मँ हमला करब। हम यरूसलेम क मजबूत रच्छा-साधनन क बर्बाद करब।”</verse>
				<verse number="6">सर्वसक्तीमान यहोवा जउन कहत ह, उ अहइ: “यरूसलेम क चारिहुँ कइँती क बृच्छ काट डावा अउर यरूसलेम क खिलाफ घेरा डावइ क टीला बनावा। इ सहर क सजा मिलइ चाही। इ सहर क भीतर दमन करइ क अलावा कछू नाहीं अहइ।</verse>
				<verse number="7">जइसे कुआँ आपन पानी स्वच्छ राखत ह उहइ तरह यरूसलेम आपन दुट्ठता क नवा बनावइ राखत ह। इ सहर मँ हिंसा अउर बिध्वंस सुना जात ह। मइँ सिरफ यरूसलेम क बीमारी अउर दर्द क लख सकत हउँ।</verse>
				<verse number="8">यरूसलेम, इ चितउनी क अनका। जदि तू नाहीं सुनबिउ तउ मइँ आपन पिठिया तोहरी कइँती कइ लेबउँ। मइँ तोहरे प्रदेस क सूना रेगिस्तान कइ देब। कउनो भी मनई हुआँ नाहीं रहि पाई।”</verse>
				<verse number="9">सर्वसक्तिमान यहोवा जउन कहत ह, “उ इ अहइ, ओन इस्राएल क लोगन क बटोरा जउन आपन देस मँ बच गवा रहेन। ओनका इ तरह एकट्ठा करा, जइसे तू अंगूरे क बेल स आखिरी अंगूर बटोरत अहा। अंगूर एकट्ठा करइवाले क तरह हर एक बेल क जाँच करा।”</verse>
				<verse number="10">मइँ केहसे बात करउँ? मइँ केका चितउनी दइ सकत हउँ? मोर कउनो सुनी? इस्राएल क लोग आपन कान क बंद किहेन ह। एह बरे उ पचे मोर चितउनी सुन नाहीं सकतेन। लोग यहोवा क सिच्छा पसन्द नाहीं करतेन। उ पचे यहोवा क सँदेस सुनइ नाहीं चाहतेन।</verse>
				<verse number="11">किन्तु मइँ (यिर्मयाह) यहोवा किरोध स भरा हउँ। मइँ एका रोकत-रोकत थक गवा हउँ। “सड़किया पइ खेलत बच्चन पइ यहोवा क किरोध उड़ेरा। एक संग बटुरे नउजवानन पइ एका उड़ेरा। मनसेधू अउ ओकर मेहरारू दुइनउँ धरा जइहीं। बुढ़वा अउ बहोत बुढ़वा लोग धरा जइहीं।</verse>
				<verse number="12">ओनकर घर दूसर लोगन क दइ दीन्ह जइहीं। ओनकर खेत अउर ओनकर मेहररूअन दूसर क दइ दीन्ह जइहीं। मइँ आपन हाथ उठाउब अउर यहूदा देस क लोगन क सजा देब।” इ सँदेसा यहोवा क रहा।</verse>
				<verse number="13">“इस्राएल क सबहिं लोग धन अउर जियादा धन चाहत हीं। कम महत्त्वपूर्ण स लइके ज्यादा महत्त्वपूर्ण तलक सबहिं निआवहीन धन बरे लालची अहइँ। हिआँ तलक कि याजक अउ नबी झूठ पइ जिअत हीं।</verse>
				<verse number="14">मोर लोग बहोत बुरी तरह चोट खाए भए अहइँ। नबी अउर याजक मोरे लोगन क घाव भरइ क अइसा जतन करत हीं, माना उ पचे नान्ह स घाव होइँ। उ पचे कहत हीं, ‘सान्ति! सान्ति! किन्तु हुआँ सान्ति नाहीं बाटइ।’</verse>
				<verse number="15">नबियन अउ याजकन पइ ओह पइ लजाइ चाही, जउन बुरा उ पचे करत हीं। मुला उ पचे तनिक भी लजानेन नाहीं। एह बरे उ पचे दूसर क संग गिर जाइहीं। जब मइँ ओन लोगन क सजा देब, उ पचे ठोकर खाइहीं।” यहोवा कहत ह।</verse>
				<verse number="16">यहोवा इ सब कहत ह: “चउराहन पइ खड़ा ह्वा अउर लखा। पता करा कि पुरान सड़किया कहाँ रही। पता करा कि अच्छी सड़किया कहाँ बा, अउ उ सड़क पइ चला। जदि तू पचे अइसा करब्या, तू पचन्क आराम मिली। मुला तू लोग कह्या ह, ‘हम, पचे सड़किया पइ नाहीं चलब।’</verse>
				<verse number="17">मइँ तोहार पचन्क चौकसी बरे चौकीदारी चुनेउँ। मइँ ओनसे कहेउँ, ‘जुद्ध-तुरही क अवाजे पइ कान राखा।’ मुला उ पचे कहेन, ‘हम नाहीं सुनब।’</verse>
				<verse number="18">एह बरे तू पचे सबहिं रास्ट्रन, ओन देसन क तू सब लोगो, अनका धियान द्या। उ सबइ सुना जउन मइँ यहूदा क लोगन क संग करब।</verse>
				<verse number="19">पृथ्वी क लोगो इ सुना: मइँ यहूदा क लोगन पइ उ विपत्ति ढावइ जात अहउँ। जउन ओनका दुस्ट जोजनन स पइदा भएस ह। इ होइ काहेकि उ पचे मोरे सँदेसन कइँती धियान नाहीं दिहन। ओ लोग मोरे नेमन क पालन करइ स इन्कार किहेन ह।”</verse>
				<verse number="20">यहोवा कहत ह, “तू पचे सबा देस स मोका सुगन्धि क भेंट काहे लिआवत अहा? तू पचे भेंट क रूप मँ दूर देसन स सुगन्धि काहे लिआवत अहा? तोहार पचन्क होमबलि मोका खुस नाहीं करत। तोहार पचन्क बलि मोका खुस नाहीं करत।”</verse>
				<verse number="21">एह बरे यहोवा जउन कहत ह, “उ इ अहइ: मइँ यहूदा क लोगन क समन्वा सबइ समस्या रखब। उ पचे लोगन क गिरावइवाले पाथर स होइहीं। बाप अउर पूत ओन पइ ठेह खाइके भहरइहीं। मीत अउ पड़ोसी मरिहीं।”</verse>
				<verse number="22">यहोवा जउन कहत ह, “उ इ अहइ: उत्तर क देस स एक ठु फउज आवति अहइ, धरती क दूर ठउरन स एक ठु सक्तीसाली रास्ट्र आवत अहइ।</verse>
				<verse number="23">फउजियन क हाथे मँ धनुस अउ भालन अहइँ, उ पचे क्रूर अहइ। उ पचे कृपा करइ नाहीं जानतेन। उ पचे बहोत सक्तीसाली अहइँ। उ पचे सागर क तरह गरजत हीं, जब उ पचे अपने घोड़न पइ सवार होत हीं। उ फउज जुद्ध बरे तइयार होइके आवति अहइ। हे सिय्योन क बिटिया, फउज तोह पइ हमला करइ आवति अहइ।”</verse>
				<verse number="24">हम पचे उ फउज क बारे मँ खबर पाएउँ ह। हम पचे डर स असहाय अही। हम खुद क बिपत्तियन क जाली मँ पड़ा अनुभव करित ह। हम पचे वइसे ही कस्ट अही, जइसे एक मेहरारू क प्रसव-बेदना होत ह।</verse>
				<verse number="25">खेतन मँ जिन जा, सड़कन पइ जिन निकरा। काहेकि दुस्मन क हाथन मँ तरवार अहइ, काहेकि खतरा चारिहुँ कइँती अहइ।</verse>
				<verse number="26">हे मोर लोगो, टाटे क ओढ़ना पहिर ल्या। राखी मँ लोट-पोटा। फूटि-फूटि रोआ जइसे कि तू एकलउता पूत क खोवइ देइ रह्या। इ सबइ करा काहेकि बिनासक बहोतइ हाली स हमरे खिलाफ अइहीं।</verse>
				<verse number="27">“यिर्मयाह, मइँ (यहोवा) तोहका प्रजा क कच्ची धातु क पारखी बनाएउँ ह। तू हमरे लोगन क जाँच करब्या अउर ओनके बेउहार क चौकसी रखब्या।</verse>
				<verse number="28">मोर लोग मोरे खिलाफ होइ ग अहइँ, अउर उ पचे बहोत हठी अहइँ। उ पचे लोगन क बारे मँ बुरी बातन कहत घूमत हीं। उ पचे काँसा क तरह हठी अउर बेचमक लोहा क तरह अहइँ।</verse>
				<verse number="29">उ पचे उ चाँदी बनावइया क तरह अहइँ जउन धातू क सुद्ध करइ क कोसिस किहेस। ओकर धौकनी तेज चली, आगी भी तेज जरी, मुला आगी स निकरा अउर राँगा रहा। जउन कछू चाँदी बनाइवया किहेस उ सिरिफ समइ क बरबादी रही। ठीक इहइ तरह मोरे लोगन स बुराई दूर करइ क जतन सिरिफ समई क बर्बादी रही।</verse>
				<verse number="30">मोर लोग ‘खोटी चाँदी’ कहा जइहीं। ओनका इ नाउँ मिली काहेकि यहोवा ओनका अंगीकार नाहीं किहस।”</verse>
			</chapter>
			<chapter number="7">
				<verse number="1">इ यहोवा क सँदेसा यिर्मयाह बरे अहइ।</verse>
				<verse number="2">“यिर्मयाह यहोवा क मन्दिर दुआरे क समन्वा खड़ा ह्वा। दुआरे पइ इ सँदेसा घोसित करा: “‘यहूदा रास्ट्र क सबहिं लोगो, यहोवा क उपासना करइ बरे जउन लोग एन दुआरन स होइके आवा, हिआँ यहोवा क सँदेसा रहा।</verse>
				<verse number="3">इस्राएल क लोगन क परमेस्सर यहोवा अहइ। सर्वसक्तीमान यहोवा जउन कहत ह, उ इ अहइ, आपन जिन्नगी बदला अउर नीक काम करा। जदि तू अइसा करब्या तउ मइँ तू पचन्क इ ठउरे पइ रहइ देब।</verse>
				<verse number="4">इ झूठ पइ जिन पतियाअ जउन कछू लोग बोलत हीं। उ पचे कहत हीं, “इ यहोवा क मन्दिर अहइ। यहोवा क मन्दिर अहइ! यहोवा क मन्दिर अहइ!”</verse>
				<verse number="5">जदि तू पचे आपन जीवन बदलब्या अउर नीक करम करब्या, तउ मइँ तू पचन्क इ ठउरे पइ रहइ देब। तू पचन्क एक दूसर पइ निस्ठावान होइ चाही।</verse>
				<verse number="6">तू पचन्क अजनबियन क संग भी निस्ठावान होइ चाही। तू पचन्क राँड़ अउर अनाथ लरिकन बरे उचित काम करइ चाही। निरपराध लोगन क जिन मारा। दूसर देवतन क अनुसरण न करा। काहेकि उ पचे तोहरे पचन्क जिन्नगी क नस्ट कइ देइहीं।</verse>
				<verse number="7">जदि तू पचे मोरी आग्या क पालन करब्या तउ मइँ तू पचन्क इ ठउरे पइ रहइ देब। मइँ इ प्रदेस तोहरे पचन्क पुरखन क अपने लगे सदा ही रखइ बरे दिहेउँ।</verse>
				<verse number="8">“‘किन्तु तू पचे झूठ मँ बिस्सास करत अहा अउर उ झूठ बियर्थ अहइ।</verse>
				<verse number="9">का तू पचे चोरी अउर हत्या करब्या? का तू पचे बिभिचार क पाप करब्या? का तू फाइदा बरे झूठी गवाही देब्या? का तू पचे लबार देवता बाल क पूजा करब्या अउर दूसर देवतन क अनुसरण करब्या जेनका तू पचे नाहीं जानत्या?</verse>
				<verse number="10">जदि तू पचे इ सबइ पाप करत अहा तउ का तू पचे समुझन अहा कि तू पचे उ मन्दिर मँ मोरे समन्वा खड़ा होइ सकत ह जेहसे मोरे नाउँ स गोहरावा जात होइ? का तू पचे सोचत अहा कि तू पचे मोरे समन्वा खड़ा होइ सकत अहा अउर कहि सकत अहा, “हम सुरच्छित अही?” सुरच्छित एह बरे कि जेहसे तू पचे घृणित कार्य कइ सका।</verse>
				<verse number="11">इ मन्दिर मोरे नाउँ स गोहरावा जात ह। का इ मन्दिर तोहरे पचन बरे डकैतन क छिपइ क ठउरे क अलावा दूसर कछू नाहीं अहइ? मइँ तोहार पचन्क चौकसी रखत हउँ।’” इ सँदेसा यहोवा क अहइ।</verse>
				<verse number="12">“‘यहूदा क लोगो, तू पचे अब सीलो नगर क जा। उ ठउरे पइ जा जहाँ मइँ पहिली बार अपने नाउँ क बरे मन्दिर बनाएउँ। जा अउर लखा कि उ ठउरे क मइँ ओन पाप क बरे का किहेउँ जउन एह बरे कि लोग किहन।</verse>
				<verse number="13">तू लोग इ सबइ सब पाप करम करत रह्या। इ सँदेसा यहोवा क रहा। मइँ तू पचन्स बार-बार बातन किहेउँ, मुला तू पचे मोर अनसुनी कइ दिहा। मइँ तू लोगन क पुकारेउँ पर तू पचे जवाब नाहीं दिहा।</verse>
				<verse number="14">एह बरे मइँ आपन नाउँ स गोहरावा जाइवाले यरूसलेम क इ मन्दिर क नस्ट करब। मइँ उ मन्दिर क जेहमाँ तू पचे बिस्सास करत अहा वइसे ही नस्ट करब जइसे मइँ सीलो क नस्ट किहेउँ। अउ मइँ उ ठउरे क नस्ट करब्या जेका मइँ तू पचन्क अउर तोहरे पचन्क पुरखन क दिहेउँ।</verse>
				<verse number="15">मइँ तू पचन्क अपने पास ह वइसे ही दूर लोकाइ देब जइसे मइँ तोहरे सबहिं भाइयन क एप्रैम स लोकाएउँ।’</verse>
				<verse number="16">“यिर्मयाह, जहाँ तलक तोहार बात अहइ, तू यहूदा क एन लोगन बरे पराथना जिन करा। न ओनके बरे याचना करा अउर न ही ओनके बरे पराथना। ओनकर सहायता बरे मोहसे पराथन जिन करा। ओनके बरे तोहरी पराथना क मइँ नाहीं सुनब।</verse>
				<verse number="17">मइँ जानत हउँ कि तू लखत अहा कि उ पचे यहूदा नगर मँ का करत अहइँ। तू लखि सकत अहा कि उ पचे यरूसलेम क सड़कन पइ का करत अहइँ?</verse>
				<verse number="18">यहूदा क लोग जउन करत अहइँ उ इ अहइ: बच्चन लकड़ी बटोरत हीं। पिता लोग उ लकड़ी क उपयोग आगी बारइ मँ करत हीं। मेहररूअन आटा गूँथत हीं अउर सरग क रानी क भेंट बरे रोटियन बनावत हीं। यहूदा क उ सब लोग दूसर देवतन क पूजा बरे पेय भेंट चढ़ावत हीं। उ पचे मोका किरोधित करइ बरे इ करत हीं।</verse>
				<verse number="19">मुला मइँ उ नाहीं हउँ जेका यहूदा क लोग फुरइ चोट पहोंचावत अहइँ।” इ सँदेसा यहोवा क अहइ। “उ पचे सिरिफ आपन क ही चोट पहोंचावत अहइँ। उ पचे आपन क लज्जा क पात्र बनावत अहइँ।”</verse>
				<verse number="20">एह बरे यहोवा इ कहत ह: “मइँ आपन किरोध इ ठउरे क खिलाफ परगट करब। मइँ लोगन तथा जानवरन क सजा देब। मइँ खेते मँ बृच्छन अउ उ भुइँया मँ जमइवाली फसलन क सजा देब। मोर किरोध प्रचण्ड आगी क नाई होइ अउर कउनो मनई ओका रोक नाहीं सकी।”</verse>
				<verse number="21">इस्राएल क परमेस्सर सर्वसक्तिमान यहोवा इ कहत ह, “जा अउर जेतनी भी होमबलि अउर बलि चाहा, भेंट करा। ओन बलियन क गोस खुद खा।</verse>
				<verse number="22">मइँ तोहरे पचन्क पुरखन क मिस्र स बाहेर लिआएउँ। मइँ ओनसे बातन किहेउँ, किन्तु ओनका कउनो आदेस होमबलि अउर बलि क बारे मँ नाहीं दिहस।</verse>
				<verse number="23">मइँ ओनका सिरिफ इ आदेस दिहेउँ, ‘मोरी आग्या क पालन करा अउर मइँ तोहार पचन्क परमेस्सर रहब तथा तू पचे मोर लोग होब्या। जउन मइँ आदेस देत हउँ उकरा, अउर तोहरे पचन्क बरे सब नीक होइ।’</verse>
				<verse number="24">“किन्तु तोहार सबन्क पुरखन मोर एक नाहीं सुनेन। उ पचे मोह पइ धियान नाहीं दिहन। उ पचे हठी रहेन अउर उ पचे ओन कामन क किहन जउन उ पचे करइ चाहत रहेन। उ पचे नीक नाहीं बनेन। उ पचे पहिले स भी जियादा बुरे बनेन, उ पचे पाछे क गएन, अगवा नाहीं बढ़ेन।</verse>
				<verse number="25">ओ दिन स जउने दिन तोहरे सबन्क पुरखन मिस्र तजेन आजु तलक मइँ आपन सेवकन क तोहरे पचन्क लगे पठएउँ ह। मोरे सेवक नबी अहइँ। मइँ ओनका तोहरे सबन्क लगे बराबर पठएउँ।</verse>
				<verse number="26">मुला तोहार पचन्क पुरखन मोर अनसुनी किहन। उ पचे मोह पइ धियान नाहीं दिहन। उ पचे बहोत हठी रहेन, अउर उ पचे बहोत जिद्दी रहेन, अउर उ पचे आपन पुरखन स भी बढ़िके बुराइयन किहन।</verse>
				<verse number="27">“यिर्मयाह, तू यहूदा क लोगन स इ सबइ बातन कहब्या। किन्तु उ पचे तोहार पचन्क एक न सुनिहीं। तू पचे ओनसे बातन करब्या मुला उ पचे तू पचन्क जवाब नाहीं देइहीं।</verse>
				<verse number="28">एह बरे तोहका ओनसे इ सबइ बातन कहइ चाही: ‘इ उ रास्ट्र अहइ जउन यहोवा आपन परमेस्सर क आग्या क पालन नाहीं किहस। इ सबइ लोग परमेस्सर क सिच्छन क अनसुनी किहन। इ सबइ लोग सच्ची सिच्छन क नाहीं जानतेन।’</verse>
				<verse number="29">“यिर्मयाह, अपने बारन क काट डावा अउर एका लोकाइ द्या। पहाड़ी क नंगी चोटी पइ चढ़ा अउर रोवा चिचियाअ। काहेकि यहोवा इ पीढ़ी क लोगन क दुत्कार दिहेस ह। यहोवा एन लोगन स आपन पीठ मोड़ लिहस ह अउर उ किरोध मँ एनका सजा देइ।</verse>
				<verse number="30">इ सबइ करा काहेकि मइँ यहूदा क लोगन क पाप करत लखेउँ ह।” इ सँदेसा यहोवा क अहइ। “उ पचे आपन देवमूर्तियन क स्थापना किहेन ह अउर मइँ ओन देवमूर्तियन स घिना करत हउँ। उ पचे देवमूर्तियन क उ मन्दिर मँ स्थापित किहेन ह जउन मोरे नाउँ स अहइ। उ पचे मोरे मन्दिर क ‘गन्दा’ कइ दिहन ह।</verse>
				<verse number="31">यहूदा क उ सबइ लोग बेन हिन्नोम घाटी मँ तोपेत क उच्च स्थान बनाए अहइँ। ओन ठउरन पइ लोग आपन पूत-बिटियन क मार डावत रहेन, उ पचे ओनका बलि क रूप मँ बार देत रहेन। इ अइसा अहइ जेकरे बरे मइँ कबहुँ आदेस नाहीं दिहेउँ। इ तरह क बात कबहुँ मोरे मन मँ आई ही नाहीं।</verse>
				<verse number="32">एह बरे मइँ तू पचन्क चितउनी देत हउँ। उ सबइ दिन आवत अहइँ।” इ सँदेसा यहोवा क अहइ, “जब लोग इ ठउरे क तोपेत या बेन हिन्नोम क घाटी फुन नाहीं कहिहीं। नाहीं, उ पचे एका हत्याघाटी कहिहीं। उ पचे एका इ नाउँ एह बरे देइहीं कि उ पचे तोपेत मँ एतने मनइयन क दफनइहीं कि ओनके बरे कउनो दूसर क दफनावइ क जगह नाहीं बची।</verse>
				<verse number="33">तब लोगन क ल्हास जमीन क ऊपर पड़ा रइहीं अउर अकासे क पंछियन क चारा होइहीं। ओन लोगन क तने क जंगली जनावर खइहीं। हुआँ ओन पंछियन अउर जनावरन क भगावइ बरे कउनो मनई जिअत नाहीं बची।</verse>
				<verse number="34">मइँ आनन्द अउर खुसी क कहकहन क यहूदा क नगरन अउर यरूसलेम क सड़कियन पइ खतम कइ देब। यहूदा अउ यरूसलेम मँ दुलहिन अउ दुल्हा क हँसी-ठिठोली अब स अगवा नाहीं सुनाई पड़ी। पूरा पहँटा सूना रेगिस्तान बन जाइ।”</verse>
			</chapter>
			<chapter number="8">
				<verse number="1">यहोवा कहत ह: “उ समइ लोग यहूदा क राजा लोग अउर प्रमुख सासक लोग क हड्डियन क कब्रन स निकारि लेइहीं। उ पचे याजकन अउर नबियन क हड्डियन क ओनकर कब्रन स लइ लेइहीं। उ पचे यरूसलेम क सबहिं लोगन क कब्रन स हड्डियन निकारि लेइहीं।</verse>
				<verse number="2">उ सबइ लोग ओन हड्डियन क सूरज, चाँद अउर तारन क पूजा बरे खाले जमीन पइ फइलइहीं। यरूसलेम क लोग सूरज, चाँद अउ तारन क पूजा स पिरेम करत हीं। कउनो भी मनई ओन हड्डियन क बटोरी नाहीं अउर न ही ओनका फुन दफनाई। एह बरे ओन लोगन क हड्डियन गोबर क तरह भुइँया पइ पड़ी रहिहीं।</verse>
				<verse number="3">“मइँ यहूदा क लोगन क आपन घर अउ प्रदेस तजइ पर विवस करब। लोग विदेसन मँ लइ जावा जइहीं। यहूदा क उ सबइ कछू लोग जउन जुद्ध मँ नाहीं मारा जाइ सकेन, चहिहीं कि उ पचे मार डावा गए होतेन।” इ सँदेसा यहोवा क अहइ।</verse>
				<verse number="4">“ओन लोगन स कहा, ‘जउन यहोवा कहत ह उ इ अहइ: “‘तू इ सब जानत अहा कि जउन मनई गिरत ह उ फुन उठत ह। अउर जदि कउनो मनई गलत राहे पइ चलत ह तउ का उ वापस नाहीं आवत ह?</verse>
				<verse number="5">यहूदा क लोग गलत राह चला गवा अहइँ। मुला यरूसलेम क लोग गलत राह चलत ही काहे जात अहइँ? उ पचे आपन झूठ मँ बिस्सास रखत हीं। उ पचे मुड़इ अउर लउटइ स इन्कार करत हीं।</verse>
				<verse number="6">मइँ ओनका धियान स सुनेउँ ह, मुला उ पचे उ नाहीं कहतेन जउन फुरइ अहइ। लोग आपन पापे खातिर पछतातेन नाहीं। लोग ओन बुरे करमन पइ विचार नाहीं करतेन जेनका उ पचे किहेन ह। हर एक अपने राहे पइ वइसे ही चला जात अहइ। उ पचे जुद्ध मँ दउड़त भए घोड़वन क समान अहइँ।</verse>
				<verse number="7">अकासे क पंछी भी काम करइ क ठीक समइ जानत हीं। सारस, कबूतर, खज्जन अउ मइना भी जानत हीं कब ओनका आपन नवे घरे मँ उड़िके जाब अहइ। किन्तु मोर लोग नाहीं जानतेन कि यहोवा ओनसे का कराउब चाहत ह।</verse>
				<verse number="8">“‘तू पचे कइसे कह सकत ह, “हमका यहोवा क नेम मिली अहइ। एह बरे हम बुद्धिमान अही?” किन्तु जउन नेम क सिच्छा देत ह अहइ उहइ एका झुठलाइ दिहेस ह।</verse>
				<verse number="9">ओन “चतुर लोग” यहोवा क सिच्छा अनसुनी किहेन ह एह बरे फुरइ उ पचे असल मँ बुद्धिमान लोग नाहीं अहइँ। उ पचे “चतुर लोग” जाल मँ फँसावा गएन। उ पचे काँप उठेन अउर लज्जित भएन।</verse>
				<verse number="10">एह बरे मइँ ओनकर मेहररूअन क दूसर मनइयन क देब। मइँ ओनके खेते क दूसर मालिकन क दइ देब। इस्राएल क सबहिं लोग जियादा स जियादा धन चाहत हीं। कम महत्त्वपूर्ण स लइके ज्यादा महत्त्वपूर्ण सबहिं लोग निआवहीन धन बरे लालची अहइ। हिआँ तलक कि नबी स लइके याजक भी लबार बोलत हीं।</verse>
				<verse number="11">नबी अउर याजक हमरे लोगन क घावन क भरइ क जतन अइसे करत हीं माना उ पचे नान्ह स घाव होइँ। उ पचे कहत हीं, “सान्ति! सान्ति! किन्तु हुआँ सान्ति नाहीं अहइँ।”</verse>
				<verse number="12">ओन लोगन क आपन किए बुरे करमन बरे लज्जित होइ चाही। किन्तु उ पचे बिल्कुल लज्जित नाहीं। एह बरे उ पचे दूसर सबहिं क संग गिर जाइहीं। जब मइँ ओनका सज़ा देब तउ उ पचे ठोकर खाइहीं।’” यहोवा कहत ह।</verse>
				<verse number="13">“‘मइँ आपन लोगन क इकट्ठा करइ बरे आउब्या यहोवा कहत ह: कउनो भी अंगूरे क बेलन मँ कउनो अंगूर नाहीं होइ। कउनो भी अंजीरे क पेड़न पइ कउनो अंजीर नहीं होइ। हिआँ तलक कि पातियन भी सूखिके झड़ि जाइहीं। अउर मइँ इ सारी बातन क ओन लोगन पइ होइ देब।’”</verse>
				<verse number="14">“‘हम हिआँ खाली काहे बइठा अही? आवा, मजबूत सहरन क भाग निकरी। जदि हमार परमेस्सर यहोवा हमका मारइ ही जात अहइ, तउ हम हुअँइ मरी। हम यहोवा क खिलाफ पाप किहा ह एह बरे परमेस्सर हमका पिअइ क पानी जहरीला पानी दिहेस ह।</verse>
				<verse number="15">हम सान्ति क आसा करत रहे, किन्तु कछू भी नीक नाहीं होइ सका। हम अइसे समइ क आसा करित ह, जब उ छिमा कइ देइ। किन्तु बिपत्ति ही आइ पड़ी अहइ।</verse>
				<verse number="16">दान क परिवार समूह क प्रदेस स हम दुस्मन क घोड़न क नथुनन क फड़फड़ावइ क आवाज सुनित ह, ओनकर टापन स धरती काँप उठी अहइ, उ पचे प्रदेस अउर एहमाँ क सारी चीजन क नस्ट करइ आवा अहइँ। उ पचे सहर अउर एकर निवासी सबहिं लोगन क जउन हुआँ रहत हीं नस्ट करइ आवा अहइँ।’”</verse>
				<verse number="17">“यहूदा क लोगो, मइँ तू पचन्क डसइ क जहरीला साँप पठवत अहउँ। ओन साँपन क सम्मोहित नाहीं कीन्ह जाइ सकत। उ सबइ ही साँप तू पचन्क डसिहीं।” इ सँदेसा यहोवा क अहइ।</verse>
				<verse number="18">परमेस्सर, मइँ बहोत दुःखी अउर भयभीत अहउँ।</verse>
				<verse number="19">मोर लोगन क सुना। इ देस मँ उ पचे चारिहुँ कइँती मदद बरे गोहरावत अहइँ। उ पचे कहत अहइँ, “का यहोवा अब भी सिय्योन मँ अहइ? का सिय्योन क राजा अब भी हुआँ अहइँ?” किन्तु परमेस्सर कहत ह, “यहूदा क लोग, आपन देव मूरतियन क पूजा कइके मोका किरोधित काहे करत अहा? उ पचे आपन बियर्थ बिदेसी देव मूरतियन क पूजा किहन ह।”</verse>
				<verse number="20">लोग कहत हीं, “फसल काटइ क समइ अउर गरमी क मौसम चला गवा ह किन्तु हम बचावा नाहीं जाइ सके।”</verse>
				<verse number="21">मोर लोग बीमार अहइँ, एह बरे मइँ बीमार हउँ। मइँ एन बीमार लोगन क चिन्ता मँ दुःखी अउ निरास हउँ।</verse>
				<verse number="22">निहचय ही, गिलाद प्रदेस मँ कछू दवा अहइ। निहचय ही, गिलाद प्रदेस म बैद्य अहइ। तउ भी मोरे लोगन क घाव काहे नीक नाहीं होतेन?</verse>
			</chapter>
			<chapter number="9">
				<verse number="1">कास मोर सिर पानी मँ डूबा होत, अउर मोर आँखिन आँसू क झरना होतिन तउ मइँ आपन नस्ट कीन्ह गए लोगन बरे दिन रात रोवत रहत।</verse>
				<verse number="2">कास मोका रेगिस्तान मँ जगहिया मिल गइ होत जहाँ कउनो घरे मँ यात्री रात बितउतेन, तउ मइँ आपन लोगन क छोड़ सकत रहेउँ। मइँ ओन लोगन स दूर चला जाइ सकत रहेउँ। काहेकि उ पचे सबहिं परमेस्सर क बिस्सासघाती व बिभिचारी होइ गवा अहइँ।</verse>
				<verse number="3">“उ सबइ लोग आपन जीभ क उपयोग धनुस जइसा करत हीं, ओनकर मूँह स झूठ बाण क समान छूटत हीं। उ पचे पूरा देस मँ प्रबल होत ह, उ सबइ लोग एक क बाद दूसर करम करत हीं। उ पचे मोका नाहीं जानतेन।” यहोवा कहत ह।</verse>
				<verse number="4">“आपन पड़ोसियन स सतर्क रहा, आपन निज भाइयन पइ भी बिस्सास जिन करा। काहेकि हर एक भाई ठग होइ गवा अहइ। हर पड़ोसी तोहरे पीठ पाछे बात करत ह।</verse>
				<verse number="5">हर एक मनई आपन पड़ोसी स झूठ बोलत ह। कउनो मनई फुरइ नाहीं बोलत। यहूदा क लोग जीभ क झूठ बोलइ क सिच्छा दिहन ह। उ पचे तब तलक पाप किहन जब तलक कि उ पचे एतने थकेन कि लउट नाहीं सकेन।</verse>
				<verse number="6">तू धोखा क बीच मँ निवास करत ह। लोग मोका अपनावइ स इन्कार कइ दिहन।” यहोवा कहत ह।</verse>
				<verse number="7">एह बरे सर्वसक्तीमान यहोवा कहत ह, “मइँ यहूदा क लोगन क परीच्छा वइसे ही करब जइसे कउनो मनई आगी मँ तपाइके कउनो धातु क परीच्छा करत ह। मोरे लगे दूसर विकल्प नाहीं अहइ। मोर लोग पाप किहन ह।</verse>
				<verse number="8">यहूदा क लोगन क जीभ तेज बाणन क तरह अहइँ। ओनकर मुँहे स झूठ बरसत ह। हर एक मनई आपन पड़ोसी स अच्छा बोलत ह। किन्तु उ छुपे आपन पड़ोसी पइ हमला करइ क जोजना बनावत ह।</verse>
				<verse number="9">का मोका यहूदा क लोगन क एन कामन क करइ बरे सजा नाहीं देइ चाही?” इ सँदेसा यहोवा क अहइ। “तू जानत ह कि मोका इ प्रकार क लोगन क सजा देइ चाही। मइँ ओनका उ दण्ड देब जेकर उ पचे पात्र अहइँ।”</verse>
				<verse number="10">मइँ पर्वतन बरे फूटि फूटिके रोउब। मइँ खाली खेतन बरे सोक गीत गाउब। काहेकि जिअत बस्तुअन छोर लीन्ह गइन। कउनो मनई हुआँ जात्रा नाहीं करत। उ जगह पइ कउनो जनावर क ध्वनि नाहीं सुनाई पड़ सकत। पंछी उड़ गवा अहइँ अउर जनावर चला गवा अहइँ।</verse>
				<verse number="11">“मइँ (यहोवा) यरूसलेम नगर क कूड़े क ढेर बनाइ देब। इ सियारन क माँदन बनी। मइँ यहूदा देस क सहरन क बरबाद करब एह बरे हुआँ कउनो भी नाहीं रही।”</verse>
				<verse number="12">का कउनो मनई अइसा बुदद्धिमान अहइ जउन एन बातन क समुझ सकइ? का कउनो मनई अहइ जेका यहोवा स सिच्छा मिली अहइ? का कउनो यहोवा क सँदेसा क व्याख्या कइ सकत ह? देस काहे नस्ट भवा? इ एक ठू सूने रेगिस्ताने क तरह काहे कइ दीन्ह गवा जहाँ कउनो भी नाहीं जात?</verse>
				<verse number="13">यहोवा एन सवालन क जवाब दिहस। उ कहेस, “इ एह बरे भवा कि यहूदा क लोग मोर सिच्छा पइ चलब तजि दिहन। मइँ ओनका आपन सिच्छा दिहेउँ, किन्तु उ पचे मोर सुनइ स इन्कार किहन। उ पचे मोर उपदेसन क अनुसरण नाहीं किहन।</verse>
				<verse number="14">यहूदा क लोग आपन राह चलेन, उ पचे हठी रहेन। उ पचे लबार देवता बाल क अनुसरण किहन। ओनकर पुरखन ओनका लबार देवतन क अनुसरण करइ क सिच्छा दिहन।”</verse>
				<verse number="15">एह बरे इस्राएल क परमेस्सर सर्वसक्तिमान यहोवा कहत ह, “मइँ हाली ही यहूदा क लोगन क कड़ुवा फल चखाउब। मइँ ओनका जहरीला पानी पिआउब।</verse>
				<verse number="16">मइँ यहूदा क लोगन क दूसर रास्ट्रन मँ छितराइ देब। उ पचे अजनबी रास्ट्रन मँ रहिहीं। उ पचे अउर ओनकर पुरखन ओन देसन क कबहुँ नाहीं जानेन। हवाँ भी मइँ तरवार लिए मनइयन क ओन लोगन क मारि डावइ बरे पठाब। जब तलक उ पचे नस्ट नाहीं होइ जइहीं।”</verse>
				<verse number="17">सर्वसक्तिमान यहोवा जउन कहत ह, “उ इ अहइ: अब एन सबन्क बारे मँ सोचा। अन्त्येस्टि क समइ भाड़ा पइ रोवइवाली मेहररूअन क बोलावा। ओन मेहररूअन क बोलावा जउन बिलाप करइ मँ चतुर होइँ।</verse>
				<verse number="18">लोग कहत हीं, ‘ओन मेहररूअन क हाली स आवइ अउर हमरे बरे रोवइ द्या, तब हमार आँखिन आँसू स भरिहीं अउर पानी क धारा हमरी आँखिन स फूट पड़ी।’</verse>
				<verse number="19">“जोर स रोवइ क अवाजन सिय्योन स सुनी जाति अहइँ। ‘हम फुरइ बर्बाद होइ गए। हम फुरइ लज्जित अही। काहेकि हम अपने देस क तजइ दिहे ह, काहेकि हमार घर नस्ट अउर बर्बाद होइ ग अहइँ।’”</verse>
				<verse number="20">यहूदा क मेहररूओ, अब यहोवा क सँदेसा सुना। यहोवा क मुँहे स निकरे सब्दन क सुनइ बरे आपन कान खोल ल्या। यहोवा कहत ह, “आपन बिटियन क जोर स रोउब सिखाया। हर एक मेहरारू क इ सोक गीत क सीख लेब चाही।”</verse>
				<verse number="21">“मउत हमरी खिड़कियन स चढ़िके आई अहइ। मउत हमरे महलत मँ घुसि गइ अहइ। सड़क पइ खेलइवाले हमरे बच्चन क मउत आइ गइ अहइ। सामाजिक ठउरन मँ मिलइवाले युवकन क मउत होइ गइ अहइ।”</verse>
				<verse number="22">“ओन लोगन स कहा, ‘जउन यहोवा कहत ह, उ इ अहइ: मनइयन क ल्हास खेतन मँ गोबर स पड़ा रहिहीं। ओनकर ल्हास जमीन पइ उ फसल स पड़ा रहिहीं जेनका किसान काट डाएन ह। किन्तु ओनका बटोरइवाला कउनो नाहीं होइ।’”</verse>
				<verse number="23">यहोवा कहत ह, “बुद्धिमान क आपन बुद्धिमान क डींग नाहीं मारइ चाही। ताकतवर क आपन ताकत क बखान नाहीं करइ चाही। धनवान क आपन धने क हवा नाहीं बाँधइ चाही।</verse>
				<verse number="24">किन्तु जदि कउनो डींग मारइ ही चाहत ह तउ ओका एन चीजन क डींग मारइ द्या: ओका इ बात क डींग मारइ द्या कि उ मोका समुझत अउर जानत ह। ओका इ बात क डींग हाँकइ द्या कि उ इ समुझत ह कि मइँ यहोवा हउँ। एका इ बात क हवा बाँधइ द्या कि मइँ कृपालु अउर न्यायी हउँ। ओका इ बात क ढिंढोरा पीटइ द्या कि मइँ पृथ्वी पइ अच्छे काम करत हउँ। मोका एन कामन क करइ स पिरेम अहइ।” इ सँदेसा यहोवा क अहइ।</verse>
				<verse number="25">यहोवा कहत ह, “समइ आवत अहइ, जब मइँ ओन लोगन क सजा देब जउन सिरिफ तने स खतना कराए अहइँ।</verse>
				<verse number="26">मइँ मिस्र, यहूदा, एदोम, अम्मोन अउ मोआब क रास्ट्रन क अउर ओन सबहिं लोगन क बारे मँ बातन करत अहइँ जउन रेगिस्ताने मँ रहत हीं जउन दाढ़ी क किनारन क बालन क काटत हीं। ओन सबहिं देसन क लोग आपन सरीर क खतना नाहीं करवाएन ह। किन्तु इस्राएल क परिवार क लोग हिरदइ स खतना क नाहीं ग्रहण किहन ह, जइसे कि परमेस्सर क लोगन क करइ चाही।”</verse>
			</chapter>
			<chapter number="10">
				<verse number="1">इस्राएल क परिवार, यहोवा क सुना।</verse>
				<verse number="2">जउन यहोवा कहत ह, उ इ अहइ: “अन्य रास्ट्रन क लोगन क तरह जिन रहा। अकासे क खास संकेतन स जिन डेराअ। दूसर रास्ट्र ओन संकेतन स डेरात हीं जेनका उ पचे अकासे मँ लखत हीं। किन्तु तू पचन्क ओन चीजन स नाहीं डेराइ चाही।</verse>
				<verse number="3">दूसर लोगन क रीति रिवाज ब्यर्थ अहइँ। ओनकर देव मूरतियन जंगल क लकड़ी क अलावा कछू नाहीं। ओनकर देव मूरतियन कारीगर क छैनी स बनी अहइँ।</verse>
				<verse number="4">उ पचे आपन देव मूरतियन क सोना चाँदी स सुन्नर बनावत हीं। उ पचे आपन देव मूरतियन क हथौड़न अउर कीलन स लटकावत हीं जेहसे उ सबइ लटके रहइँ, गिर न पड़इँ।</verse>
				<verse number="5">दूसर देसन क देव मूरतियो, ककड़ी क खेते मँ खड़े फूस क पुतले क समान अहइँ। उ सबइ न बोल सकत हीं, अउर न चल सकत हीं। ओनका उठाइके लइ जाब पड़त ह काहेकि उ सबइ चल नाहीं सकतिन। ओनसे जिन डेराअ। उ सबइ न तउ तू पचन्क चोट पहुँचाइ सकत हीं अउर न ही कउनो लाभ।”</verse>
				<verse number="6">यहोवा तू जइसा कउनो दूसर नाहीं अहइ। तू महान अहा। तोहार नाउँ महान अउर सक्तितपूर्ण अहइ।</verse>
				<verse number="7">परमेस्सर, हर एक मनई क तोहार सम्मान करना चाही। तू सबहिं रास्ट्रन क राजा अहा। तू ओनके सम्मान क पात्र अहा। रास्ट्रन मँ अनेक बुद्धिमान मनई अहइँ। किन्तु कउनो मनई तोहरे समान बुद्धिमान नाहीं अहइ।</verse>
				<verse number="8">दूसर रास्ट्रन क सबहिं लोग बेहुदा अउर मूरख अहइँ। ओनकर देवतन क सिच्छा केवल लकड़ी क टुकड़ा अहइँ।</verse>
				<verse number="9">उ पचे आपन मूरतियन क तर्सीस नगर क चाँदी अउर उफाज नगर क सोने क उपयोग कइके बनावत हीं। उ सबइ देव मूरतियन बढ़इयन अउ सुनारन क जरिये बनाई जात हीं। उ पचे ओन देव मूरतियन क अच्छा किसिम क कीमती नीले अउर बैंगनी वस्त्र पहिरावत हीं। इ सबइ “कुसल कारीगरन” दुआरा बनाए गए रहेन।</verse>
				<verse number="10">किन्तु केवल यहोवा ही सच्चा परमेस्सर अहइ। उ एकमात्र परमेस्सर अहइ जउन चेतन अहइ। उ सास्वत सासक अहइ। जब परमेस्सर किरोध करत ह तउ धरती काँप जात ह। रास्ट्रन क लोग ओकरे किरोध क रोक नाहीं सकतेन।</verse>
				<verse number="11">यहोवा कहत ह, “ओन लोगन क इ सँदेसा द्या: ‘ओन लबार देवतन पृथ्वी अउ सरग नाहीं बनाएन अउर उ पचे देवता नस्ट कइ दीन्ह जइहीं, अउर पृथ्वी अउर सरग स लुप्त होइ जइही।’”</verse>
				<verse number="12">उ परमेस्सर एक ही अहइ जउन आपन सक्ति स पृथ्वी बनाएस। परमेस्सर आपन बुद्धि क उपयोग किहस अउर संसार क रचना कइ डाएस। आपन समुझ क अनुसार परमेस्सर पृथ्वी क ऊपर अकास क फइलाएस।</verse>
				<verse number="13">परमेस्सर कड़कत बिजली बनावत ह अउर उ अकास स बड़े जल क बाढ़ क सिरावत ह। उ पृथ्वी क हर एक स्थान पइ, अकासे मँ मेघ क उठावत ह। उ बिजली क बर्खा क साथ पठवत ह। उ आपन गोदामन स पवन क निकारत ह।</verse>
				<verse number="14">लोग एतना बेवकूफ अहइँ। सुनार ओन देव मूरतियन स मूरख बनावा गएन ह जेनका उ पचे खुद बनाएन ह। इ सबइ मूरतियन झूठ क अलावा कछू नाहीं अहइँ, उ सबइ निस्कृय अहइँ।</verse>
				<verse number="15">उ सबइ देव मूरतियन कउनो काम क नाहीं। उ सबइ कछू अइसी अहइँ जेनकर मजाक उड़ावा जाइ सकइ। निआउ क समइ आवइ पइ उ सबइ देव मूरतियन नस्ट कइ दीन्ह जइहीं।</verse>
				<verse number="16">किन्तु याकूब क परमेस्सर ओन देव मूरतियन क समान नाहीं अहइ। परमेस्सर सबहिं वस्तुअन क सृस्टि किहस, अउर इस्राएल उ परिवार अहइ जेका परमेस्सर आपन लोग क रूप मँ चुनेस। परमेस्सर क नाउँ, “सर्वसक्तिमान यहोवा” अहइ।</verse>
				<verse number="17">तू पचे जउन कि सहर रहत ह आपन सबहिं चिजियन जमा कइ ल्या अउर जाइ क तइयार हो जा।</verse>
				<verse number="18">यहोवा कहत ह, “इ समय मइँ यहूदा क लोगन क इ देस स बाहेर लोकाइ देब। मइँ ओनका पीड़ा अउ परेसानी देब। मइँ अइसा करब जेहसे उ सबइ पाठ सीख सकइँ।”</verse>
				<verse number="19">ओह, मइँ बुरी तरह घायल अहउँ। मइँ ठीक नाहीं होइ सकत। तउ भी मइँ खुद स कहेउँ, “इ मोर बेरामी अहइ, मोका एहसे पीड़ित होइ चाही।”</verse>
				<verse number="20">मोर डेरा बर्बाद होइ गवा। डेरे क सारी रस्सियन टूट गइन ह। मोर बच्चन मोका तजि गएन। उ पचे चला गएन। कउनो मनई मोर डेरा लगावइ क नाहीं बचा ह। कउनो मनई मोरे बरे सरण ठउर बनावइ क नाहीं बचा ह।</verse>
				<verse number="21">गड़रियन (प्रमुख) मूर्ख अहइँ। उ पचे यहोवा क पावइ क जतन नाहीं करतेन। उ पचे बुद्धिमान नाहीं अहइँ, एह बरे ओनकर रेवड़न (लोग) बिखर गइन अउर नस्ट होइ गइन ह।</verse>
				<verse number="22">धियान स सुना। एक कोलाहल, कोलाहल उत्तर स आवत अहइ। इ यहूदा क नगरन क नस्ट कइ देइ। यहूदा एक सुनसान रेगिस्तान बन जाइ। इ गीदड़न क माँद बन जाइ।</verse>
				<verse number="23">हे यहोवा, मइँ जानत हउँ कि मनई फुरइ आपन जिन्नगी क मालिक नाहीं अहइ। लोग फुरइ आपन भविस्स क जोजना नाहीं बनाइ सकत हीं। लोग फुरइ नाहीं जानतेन कि कइसे ठीक जिअत रहा जाइ।</verse>
				<verse number="24">हे यहोवा, हमार अनुसान करा, किन्तु निआव स। किरोध मँ हमका सजा जिन द्या। नाहीं तउ तू मोका नस्ट कइ देब्या।</verse>
				<verse number="25">जदि तू कोहान अहा तउ दूसर रास्ट्रन क सजा द्या। उ पचे, न तोहका जानत हीं न ही तोहार सम्मान करत हीं। उ सबइ लोग तोहार आराधना नाहीं करतेन। ओन रास्ट्रन याकूब क परिवारे क नस्ट किहन। उ पचे इस्राएल क पूरी तरह बर्बाद कइ दिहन। उ पचे इस्राएल क जन्मभूमि क नस्ट किहन।</verse>
			</chapter>
			<chapter number="11">
				<verse number="1">इ उ सँदेसा अहइ जउन यिर्मयाह क मिला। यहोवा क इ सँदेसा आवा।</verse>
				<verse number="2">“यिर्मयाह इ करार क सब्दन क सुना। एन बातन क बारे मँ यहूदा क लोगन स कहा। इ सबइ बातन यरूसलेम मँ रहइवाले लोगन स कहा।</verse>
				<verse number="3">ओन लोगन स कहा: इ उ अहइ, जउन इस्राएल क परमेस्सर यहोवा कहत ह, ‘जउन मनई इ करार क पालन नाहीं करी ओह सरापि जाइँ।</verse>
				<verse number="4">इ उ करार रही जेका मइँ तोहरे पुरखन क संग किहेउँ, जब मइँ ओनका मिस्र स बाहेर लिआएउँ। मिस्र अनेक मुसीबतन क जगह रही इ लोहा क टेघराइ देइवाली गर्भ भट्टी क तरह रही।’ मइँ ओन लोगन स कहेउँ, ‘मोर आग्या माना अउर उ सब करा जेकर मइँ तू पचन्क आदेस देउँ। जदि तू पचे इ करब्या तू मोर लोग होब्या अउर मइँ तोहार पचन्क परमेस्सर होब।’</verse>
				<verse number="5">“मइँ इ तोहार पचन्क पुरखन क दीन्ह गए वचन क पूरा करइ बरे करत रहेउँ ह। मइँ ओनका बहोत उपजाउ भुइँया देइ क प्रतिग्या किहेउँ, अइसी भुइँया जेहमाँ दूध अउर सहद की नदी बहत अहइ अउर आजु तू पचे उ देस मँ रहत अहा।” मइँ जवाब दिहेउँ, “हे यहोवा, आमीन।”</verse>
				<verse number="6">यहोवा मोहसे कहेस, “यिर्मयाह, इ सँदेसा क सिच्छा यहूदा क नगरन अउर यरूसलेम क सड़कन पइ द्या। सँदेसा इ अहइ, ‘इ करार क बातन क सुना अउर तब ओन नेमन क पालन करा।</verse>
				<verse number="7">मइँ तोहरे पचन्क पुरखन क मिस्र देस स बाहेर लिआवइ क समइ एक चिताउनी दिहे रहेउँ। मइँ ओनसे आपन आग्या क पालन करइ बरे कहेउँ।</verse>
				<verse number="8">किन्तु तोहरे पचन्क पुरखन मोर एकउ न सुनेन। उ पचे हठी रहेन अउर उहइ किहन जउन ओनकर आपन बुरे हिरदय चाहेन। तउ मइँ उ सबइ बिपत्तियन जउन मोर करार मँ लिखा भवा ह ओह पइ लाएस, जउन कि मोर अवग्या करइ स मिलइ चाही जे उ पचे किहेस ह।’”</verse>
				<verse number="9">यहोवा मोहसे कहेस, “यिर्मयाह, मइँ जानत हउँ कि यहूदा क लोग अउर यरूसलेम क निवासी लोग गुप्त जोजनन बनाइ राखेन ह।</verse>
				<verse number="10">उ सबइ लोग वइसे ही पाप करत अहइँ जेनका ओनकर पुरखन किहन ह। ओनकर पुरखन मोर सँदेस क सुनइ स इन्कार किहेन। उ पचे दूसर देवतन क अनुसरण किहन अउर ओनका पूजेन। इस्राएल क परिवार अउर यहूदा क परिवार उ करार क तोड़ेन ह जेका मइँ ओनके पुरखन क संग किहे रहेेउँ।”</verse>
				<verse number="11">एह बरे यहोवा कहत ह: “मइँ यहूदा क लोगन पइ हाली ही भयंकर विपत्तियन ढाउब। उ पचे बच नाहीं पइहीं अउर जब उ पचे मदद बरे मोका गोहरइहीं। मइँ ओनकर एक न सुनब।</verse>
				<verse number="12">यहूदा क नगरन क लोग अउर यरूसलेम नगर क लोग जइहीं अउर आपन देव मूरतियन स पराथना करिहीं। उ सबइ लोग ओन देव मूरतियन क सुगन्धि यहूदा धूप वारत हीं। किन्तु उ सबइ देव मूरतियन क लोगन क मदद नाहीं कइ पइहीं जब उ भयंकर विपत्ति क समइ आइ।</verse>
				<verse number="13">“यहूदा क लोगो, तोहरे पचन्क लगे बहोत स देवमूरतियन अहइँ, हुआँ ओतनी देवमूरतियन अहइँ जेतना यहूदा नगर मँ अहइँ। तू पचे उ घिनौनी बाल क पूजा बरे बहोत स बेदियन बनाइ राख्या ह यरूसलेम मँ जेतनी सड़कन अहइँ ओतनी ही वेदियन अहइँ।</verse>
				<verse number="14">“यिर्मयाह, जहाँ तलक तोहार बात अहइ, यहूदा क एन लोगन बरे पराथना न करा। ओनके बरे याचना न करा। मइँ ओनका नाहीं सुनब जब उ कस्ट मँ रहिहीं अउ मोहसे मदद बरे गोहारहीं।</verse>
				<verse number="15">“मोर प्रिया (यहूदा) मोरे घरे मँ काहे अहा? ओका हुवाँ रहइ क अधिकार नाहीं अहइ। उ बहोत स बुरे काम किहेन ह, यहूदा का तू सोचति अहा कि खास प्रतिग्यन अउर पसु बलि तोहका बर्बाद होइ स बचाइ लेइहीं? का तू आसा करति अहा कि तू ओका बलि भेट कइके सजा पावइ स बच जाबिउ?”</verse>
				<verse number="16">यहोवा तोहका एक ठु नाउँ दिहे रहा। “उ तोहका हरा भरा जैतून क बृच्छ कहे रहा जेकर सुन्दरता निहारइ क जोग्य अहइ” किन्तु एक प्रबल आँधी क गरज क संग, यहोवा उ बृच्छ क आगी मँ झुलसाई देइ अउर एकर डारन जरि जइहीं।</verse>
				<verse number="17">सर्वसक्तिमान यहोवा तोहका रोपेस, अउर उ इ घोसना किहेस ह कि तोहे पइ बर्बादी डाउब्या। काहेकि इस्राएल क रास्ट्र अउर यहूदा क परिवार बुरे करम किहेन ह। उ पचे बाल क बलि भेंट कइके मोका क्रोधित किहेन ह।</verse>
				<verse number="18">यहोवा मोका देखाएस कि अनातेन क मनई मोरे खिलाफ सड्यंत्र करत अहइँ। यहोवा मोका उ सब देखाएस जउन उ पचे करत अहइँ। एह बरे मइँ जानेउँ कि उ पचे मोरे खिलाफ रहेन।</verse>
				<verse number="19">जब यहोवा मोका देखाएस कि लोग मोरे विरूद्ध अहइँ एकरे पहिले मइँ उ भोले मेमने क समान रहेउँ जउन काट दीन्ह जाइ क प्रतीच्छा मँ होइ। मइँ नाहीं समुझत रहेउँ कि उ पचे मोरे खिलाफ अहइँ। उ पचे मोरे बारे मँ इ कहत रहेन: “आवा, हम लोग पेड़ अउर ओकर फल क नस्ट कइ देइ। आवा हम ओका मारि डाइ। तब लोग ओक बिसरि जइहीं।”</verse>
				<verse number="20">किन्तु यहोवा तू एक निआइ निआवाधीस अहा। तू लोगन क हिरदय अउर मन क परीच्छा करइ जानत अहा। मइँ आपन तर्कन क तोहरे समन्वा प्रस्तुत करब अउर मइँ तोहका ओनका सजा देइ क कहब जेकर उ पचे पात्र अहइँ।</verse>
				<verse number="21">अनातोन क लोग यिर्मयाह क मार डावइ क जोजना बनावत रहेन। ओन लोग यिर्मयाह स कहेन, “यहोवा क नाउँ भविस्सवाणी न करा वरना हम तोहका मार डाउब।” यहोवा अनातोत क ओन लोगन क बारे मँ निर्णय लिहस।</verse>
				<verse number="22">सर्वसक्तिमान यहोवा कहेस, “मइँ हाली ही अनातोत क ओन लोगन क सजा देब। ओनकर नउजवान जुद्ध मँ मारा जइहीं। ओनकर पूत अउर बिटियन भूखन मरिहीं।</verse>
				<verse number="23">अनातोत नगर मँ कउनो भी मनई नाहीं बची। कउनो मनई जिअत नाहीं रही। मइँ ओनका सजा देब। मइँ ओनके संग कछू बुरा घटित होइ देब।”</verse>
			</chapter>
			<chapter number="12">
				<verse number="1">यहोवा। मइँ तोहसे तर्क करत हउँ, तू सदा सही निकरत ह। किन्तु मइँ तोहसे ओन सब क बारे मँ पूछइ चाहत हउँ जउन सही नाहीं लगतिन। दुट्ठ लोग सफल काहे अहइ? जउन तोह पइ बिस्सास नाहीं करतेन, ओनकर जीवन ऍतना सुखी काहे अहइ?</verse>
				<verse number="2">तू ओन दुट्ठ लोगन क हिआँ बसाया ह। जउन मजबूत जरवाले पौधे अहइँ जउन बढ़त अउ फल देत हीं। आपन मूँह स उ पचे तोहका आपन नजदीकी अउर प्रिय कहत हीं। किन्तु आपन हिरदइ स उ पचे असल मँ तोहसे बहोत दूर अहइँ।</verse>
				<verse number="3">मुला मोर यहोवा, तू मोरे हिरदइ क जानत ह। तू मोका अउर मोरे मन क लखत अउर परखत अह, मोर हिरदइ तोहरे संग अहइ। ओन दुट्ठ लोगन क मारी जाइवाली भेड़ी क नाई घसीटा। बलि दिवस बरे ओनका चुना।</verse>
				<verse number="4">कब तलक भुइँया पियासी पड़ी रहब? घास कब तलक झुरान अउ मरी रही? इ भूइँया क जनावर अउर पंछी मर चुका अहइँ अउर उ दुट्ठ लोगन क अपराध अहइ। काहेकि उ सबइ दुट्ठ लोग किहा, “उ हम लोगन क अन्त नाहीं लखिहीं।”</verse>
				<verse number="5">“यिर्मयाह, जदि तू मनइयन क गोड़ दौड़ मँ थक जात ह तउ तू घोड़न क मुकाबले मँ कइसे दउड़ब्या? जदि तू सुरच्छित देस मँ थक जात ह तउ तू यरदन नदी क किनारन पइ उहइ भयंकर कँटीली झाड़ियन मँ पहोंचिके का करब्य?</verse>
				<verse number="6">इ सबइ लोग तोहार आपन भाई अहइँ। तोहरे आपन परिवार क सदस्य तोहरे खिलाफ जोजना बनावत अहइँ। तोहरे आपन परिवार क लोग तोह पइ चिचियात अहइँ। जदि उ सबइ मीत जइसा बोलइँ, ओन पइ बिस्सास जिन करा।”</verse>
				<verse number="7">“मइँ (यहोवा) आपन घर तजि दिहे हउँ। मइँ आपन बिरासत अस्वीकार कइ दिहे हउँ। मइँ जेहसे (यहूदा) पियार किहे हउँ, ओका ओकरे दुस्मनन क दइ दिहे हउँ।</verse>
				<verse number="8">मोर आपन लोग मोरे बरे जंगली सेर बन गवा अहइँ। उ पचे मोह पइ गरजत हीं, एह बरे मइँ ओनसे घिना करत हउँ।</verse>
				<verse number="9">मोर आपन लोग गीधन स घेरा भवा, मरत भवा जनावर बन गवा अहइँ। उ सबइ पंछी ओह पइ मँडरात अहइँ। जंगली जनावरो आवा। अगवा बढ़ा, खाइ क कछू पावा।</verse>
				<verse number="10">अनेक गड़रियन मोरे अंगूरे क खेतन क नस्ट किहेन ह। अउ मोरे खेत क पौधन क रौंदेन ह। ओन गड़रियन मोर सुन्नर खेत क सुनसान रेगिस्तान मँ बदलेन ह।</verse>
				<verse number="11">उ पचे मोरे खेत क रेगिस्तान मँ बदल दिहन ह। इ झुराइ गवा अउर मरि गवा। कउनो भी मनई हुवाँ नाहीं रहत। पूरा देस ही सुनसान रेगिस्तान अहइ। उ खेते क देखभाल करइवाला कउनो मनई नाहीं बचा ह।</verse>
				<verse number="12">अनेक फउजी ओन सूनी पहाड़ियन क रौंदत गएन ह। यहोवा ओन फउजन क उपयोग उ देस क सजा देइ बरे किहस। समस्त देस बार्बाद रगिस्तान अहइ, किन्तु एकर देख-रेख करइवाला कउनो नाहीं अहइ।</verse>
				<verse number="13">लोग गोहूँ बोइहीं, किन्तु उ पचे सिरिफ काँटा ही कटिहीं। उ सबइ बहोत जियादा थकइ तलक काम करिहीं, किन्तु उ पचे आपन सारे कामन क बदले कछू भी नाहीं पइहीं। उ पचे आपन फसल पइ लजाइ जइहीं। यहोवा क किरोध इ सब कछू किहस।”</verse>
				<verse number="14">यहोवा जउन कहत ह, उ इ अहइ: “मइँ तू पचन्क बताउब कि मइँ इस्राएल देस क चारिहुँ कइँती रहइवाले सबहिं लोगन बरे का करब। उ सबइ लोग बहोत दुट्ठ अहइँ। उ पचे उ देस क नस्ट किहेन जेका मइँ इस्राएल क लोगन क दिहे रहेउँ। मइँ ओन दुट्ठ लोगन क उखाड़ब अउर ओनके देस स ओनका बाहेर लोकाइ देब। अउ मइँ यहूदा क ओकर बीच स उखाड़ देब।</verse>
				<verse number="15">किन्तु ओन लोगन क ओनके देस स उखाड़ फेकइ क पाछे मइँ ओनके बरे अफसोस करब। मइँ हर एक परिवार क ओनकर आपन सम्पत्ति अउर आपन भुइँया पइ वापस लिआउब।</verse>
				<verse number="16">मइँ चाहत हउँ कि उ सबइ लोग अब मोरे लोगन क तरह रहब सीख लेइँ। बीते समइ मँ ओन लोग हमरे लोगन क सपथ खाइ बरे बाल क नाउँ क उपयोग करब सिखाएन। अब, मइँ चाहत हउँ कि उ सबइ लोग सीखइ ल्या कि मोर नाउँ कइसे उपयोग करइ होइ। मइँ चाहत हउँ कि उ सबइ लोग कहइँ, ‘काहेकि यहोवा सास्वत अहइ।’ जदि उ सबइ लोग वइसा करत हीं तउ मइँ ओनका सफल होइ देब अउर ओनका आपन लोगन क बीच रहइ देब।</verse>
				<verse number="17">किन्तु जदि कउनों रास्ट्र मोरे सँदेसा क अनसुना करत ह तउ मइँ ओका पूरी तरह नस्ट कइ देब।” यहोवा कहत ह।</verse>
			</chapter>
			<chapter number="13">
				<verse number="1">जउन यहोवा मोहसे कहेस उ इ अहइ: “यिर्मयाह, आवा अउर एक ठु सन (कीमती सूती कपड़ा) क अधोवस्त्र बेसहा। तब एक आपन कमर मँ लपेटा। अधोवस्त्र क गीला न होइ द्या।”</verse>
				<verse number="2">एह बरे मइँ एक ठु सन क अधोवस्त्र बेसहेउँ, जइसा कि यहोवा करइ क कहे रहा अउर मइँ एका आपन कमर मँ लपेटेउँ।</verse>
				<verse number="3">तब यहोवा क सँदेसा मोरे लगे दुबारा आवा।</verse>
				<verse number="4">सँदेसा इ रहा: “यिर्मयाह आपन बेसहा गए अधोवस्त्र क ल्या अउर परात क जा। अधोवस्त्र क चट्टानन क दराइ मँ छिपाइ द्या।”</verse>
				<verse number="5">एह बरे मइँ परात गएउँ अउर जइसा यहोवा कहे रहा, मइँ अधोवस्त्र क हुवाँ छुपाइ दिहेउँ।</verse>
				<verse number="6">कइउ दिनन बाद यहोवा मोहसे कहेस, “यिर्मयाह, अब तू परात जा। उ अधोवस्त्र क ल्या जेका मइँ छुपावइ क कहे रहेउँ।”</verse>
				<verse number="7">एह बरे मइँ परात क गएउँ अउर मइँ खोदके अधोवस्त्र क निकारेउँ, मइँ ओका चट्टानन क दरार स निकारेउँ जहाँ मइँ ओका छुपाइ राखे रहेउँ। किन्तु अब मइँ अधोवस्त्र क पहिर नाहीं सकत रहेउँ काहेकि उ गलि चुका रहा, उ कउनो भी काम क नाहीं रह गवा रहा।</verse>
				<verse number="8">तब यहोवा क सँदेसा मोका मिला।</verse>
				<verse number="9">यहोवा जउन कहेस, उ इ अहइ: “अधोवस्त्र गल चुका बा अउर कउनो भी काम क नाहीं रह गवा ह। इहइ प्रकार मइँ यहूदा अउर यरूसलेम क घमण्डी लोगन क बर्बाद करब।</verse>
				<verse number="10">उ पचे मोरे सँदेसन क सुनइ स इन्कार किहेन ह। उ पचे हठी अहइँ अउर उ पचे सिरिफ उ करत हीं जउन उ पचे करइ चाहत हीं। उ पचे दूसर देवतन क अनुसरण अउर ओनकर पूजा करत हीं। उ पचे यहूदा क लोग इ सने क अधोवस्त्र क तरह होइ जइहीं। उ पचे बर्बाद होइहीं अउर कउनो काम क नाहीं रइहीं।</verse>
				<verse number="11">अधोवस्त्र मनई क कमर स कसिके लपेटा जात ह। उहइ तरह मइँ पूरे इस्राएल अउर यहूदा क परिवारन क आपने चारिहुँ कइँती लपेटेउँ।” इ सँदेसा यहोवा क हिआँ स अहइ। “मइँ वइसा एह बरे किहेउँ कि उ सबइ लोग मोर लोग होइहीं। तब मोर लोग मोका जस, तारीफ अउर प्रतिस्ठा प्रदान करिहीं। किन्तु मोर लोग मोर एक नाहीं सुनेन।”</verse>
				<verse number="12">“यिर्मयाह, यहूदा क लोगन स कहा: ‘इस्राएल क परमेस्सर यहोवा जउन कहत ह, उ इ अहइ: हर एक दाखरस क मसक दाखरस स भरी जाइ चाही।’ उ सबइ लोग हँसिहीं अउर तोहसे कहिहीं, ‘निहचय ही हम जानित ह कि हर एक दाखरस क मसक दाखरस स भरी जाइ चाही।’</verse>
				<verse number="13">तब तू ओनसे कहब्या, ‘यहोवा जउन कहत ह उ इ बाटइ: मइँ इ देस क हर एक निवासी क ओन राजा क जउन दाऊद क सिंहासने पइ बइठत हीं, याजकन, नबियन अउर सबहिं लोगन क मदमत्त क नाई बेसहारा करब।</verse>
				<verse number="14">मइँ यहूदा क लोगन क ठोकर खाइ अउर एक दूसरे पइ महराइ देब। पिता अउ पूत एक दूसर पइ भहरइहीं।’ इ सँदेसा यहोवा क अहइ। ‘मइँ ओनके बरे अफसोस नाहीं करब अउर न ओन पइ द्या। मइँ करूणा क, यहूदा क लोगन क नस्ट करइ स रोकइ नाहीं देब।’”</verse>
				<verse number="15">सुना अउ धियान द्या। यहोवा तू पचन्क सँदेस दिहे अहइ। घमण्डी जिन बना।</verse>
				<verse number="16">आपन परमेस्सर यहोवा क सम्मान करा, ओकर स्तुति करा नाहीं तउ उ अँधियारा लाई। अँधेरी पहाड़ियन पइ लड़खड़ाइ अउर गिरइ स पहिले ओकर स्तुति करा। यहूदा क लोगो, तू पचे प्रकास क आसा करत अहा। किन्तु यहोवा प्रकास क घोर अँधियारा मँ बदली। यहोवा प्रकास क बहोत गहिर आँधियारा स बदल देई।</verse>
				<verse number="17">यहूदा क लोगो, जदि तू पचे यहोवा क अनसुनी करत अहा तउँ मइँ छुपि जाब अउर रोउब। तोहार पचन्क घमण्ड मोका रोवाई। मइँ फूटि-फूटिके रोउब। मोर आँखिन आँसुअन स भरि जइहीं। काहेकि यहोवा क रेवड़ धरी जाइ।</verse>
				<verse number="18">इ सबइ बातन राजा अउर ओकर रानी स कहा, “आपन सिंहासनन स उतरा। तोहार पचन्क सुन्नर मुकुट तोहरे पचन्क मूँड़न स गिर चुका अहइँ।”</verse>
				<verse number="19">नेगव रेगिस्ताने क नगरन मँ ताला पड़ चुका अहइ, ओनका कउनो खोल नाहीं सकत। यहूदा क लोगन क देस निकारा दिया जाइ चुका बाटइ। ओन सबहिं क बंदी क रूप मँ लइ जावा गवा अहइ।</verse>
				<verse number="20">यरूसलेम, धियान स लखा। दुस्मनन क उत्तर स आवत लखा। तोहार पचन्क रेवड़ कहाँ अहइँ? परमेस्सर तू पचन्क सुन्नर रेवड़ दिहे रहा। तू पचन्स उ रेवड़ क देखरेख क आसा रही।</verse>
				<verse number="21">जब यहोवा उ रेवड़ क हिसाब तू पचन्स माँगी तउ तू पचे ओका का जवाब देब्या? तू पचन्स आसा रही कि तू पचे परमेस्सर क बारे मँ लोगन क सिच्छा देब्या। तोहरे पचन्क नेता लोगन स लोगन क अगुवई करइ क आसा रही। लेकिन उ पचे इ कारज नाहीं किहन। एह बरे तू पचन्क बहोत दुःख व पीरा भुगतइ होइ।</verse>
				<verse number="22">तू पचे आपन स पूछ सकत अहा, “इ बुरी बिपत्ति मोह पइ काहे आइ?” इ सबइ बिपत्तियन तोहरे पचन्क अनेक अपराधन क कारण आई। तू पचन्क निर्वस्त्र कीन्ह गवा अउर तोहार संग हिसंक अउर सरमनाक बेउहार कीन्ह गवा।</verse>
				<verse number="23">एक ठु करिया मनई आपन चमड़ी क रंग बदल दिहस। अउर कउनो चीता आपन धब्बन नाहीं बदल सकत। ओ यरूसलेम, उहइ तरह तू भी बदल नाहीं सकत्या, नीक काम नाहीं कइ सकत्या। तू सदा ही बुरे करम करत अहा।</verse>
				<verse number="24">“मइँ तू पचन्क आपन घर तजइ क मजबूर करब, जब तू पचे पराब्या तब हर दिसा मँ दउड़ब्या। तू पचे उ भूसे क तरह होब्या जेका रेगिस्ताने क हवा उड़ाइ लइ जात ह।</verse>
				<verse number="25">इ सबइ उ सबइ चीजन अहइँ जउन तोहरे पचन्क संग होइहीं, इ मोर जोजना क तोहार पचन्क हींसा अहइ।” इ सँदेसा यहोवा क अहइ। “इ काहे होइ? काहेकि तू पचे मोका बिसरि गया, तू पचे लबार देवतन पइ बिस्सास किहा।</verse>
				<verse number="26">यरूसलेम मँ, मइँ तोहरे पचन्क वस्त्र उतारब लोग तोहार नंगा होइ के देखिहीं अउर तू पचे लज्जा स गड़ जाब्या।</verse>
				<verse number="27">मइँ ओन खउफनाक कामन क लखेउँ जउन तू किहा। मइँ तोहका हँसत अउर आपन पिरेमियन क संग तने क सम्बन्ध करत लखेउँ। मइँ जानत हउँ कि तू रण्डी क तरह दुस्कर्म किहे ह। मइँ तोहका पहाड़ियन अउर खेतन मँ लखेउँ ह। यरूसलेम, इ तोहरे बरे बहोत बुरा होइ। तू कब तलक आपन गंदे पापन क करत रहब्या?”</verse>
			</chapter>
			<chapter number="14">
				<verse number="1">इ यिर्मयाह क सूखा क बारे मँ यहोवा क सँदेस अहइ:</verse>
				<verse number="2">“यहूदा रास्ट्र ओन लोगन बरे रोवत अहइ जउन मरि गवा अहइँ। यहूदा नगर क लोग दुर्बल, अउर दुर्बल होत जात अहइँ। उ सबइ लोग भुइँया पइ लोटिके सोक मनावत हीं। यरूसलेम नगर स एक चीख परमेस्सर क लगे पहोंचत अहइ।</verse>
				<verse number="3">लोगन क प्रमुख आपन सेवकन क पानी लिआवइ बरे पठवत हीं। सेवक कुंडन पइ जात हीं। किन्तु उ पचे कछू भी पानी नाहीं पउतेन। सेवक खाली बर्तन लइके लउटत हीं। एह बरे उ पचे लज्जित अउर परेसान अहइँ। उ पचे अपने मूँड़ क लज्जा स ढाँकि लेत हीं।</verse>
				<verse number="4">कउनो भी फसल बरे भूँइया तइयार नाहीं करत। भूइँया पइ बर्खा नाहीं होत, किसान हतास अहइँ। एह बरे उ पचे आपन सिर लज्जा स ढाँपि लेत हीं।</verse>
				<verse number="5">हिआँ तलक कि हिरनी भी आपन नवा जन्मत बच्चा क खेत मँ अकेल्ला छोड़ देत ह। उ वइसा करत ह काहेकि हुआँ घास नाहीं अहइ।</verse>
				<verse number="6">जंगली गदहन नंगी पहाड़ी पइ खड़ा होत हीं। उ पचे सियार क तरह हवा सूँघत हीं। किन्तु ओनकर आँखिन क कउनो चरइ की चीज नाहीं देखाइ पड़त। काहेकि चरइ जोग्ग हुवाँ कउनो पौधन नाहीं अहइँ।</verse>
				<verse number="7">“हम जानित ह कि इ सब कछू हमरे अपराध क कारण अहइ। अउर हम पचे एकर अधिकारी अहइ किन्तु हे यहोवा, आपन अच्छे नाउँ बरे हमार मदद करा। हम अंगीकार करित ह कि हम लोग तोहका कइउ दाई तजा ह। हम लोग तोहरे खिलाफ पाप किहा ह।</verse>
				<verse number="8">परमेस्सर, तू इस्राएल क आसा अहा। विपत्ति क दिनन मँ तू इस्राएल क बचाया। किन्तु अब अइसा लागत ह कि तू इ देस मँ अजनबी अहा। अइसा प्रतीत होत ह कि तू उ यात्री अहा जउन एक रात हिआँ ठहरा होइ।</verse>
				<verse number="9">तू उ मनई क समान लगत अहा जेह पइ अचानक हमला कीन्ह गवा होइ। तू उ फउजी सा लगत अहा जेकरे लगे कउनो क बचावइ क ताकत न होइ। किन्तु हे यहोवा, तू हमरे संग अहा। हम तोहरे नाउँ स गोहरावा जात अही, एह बरे हमका बेसहारा जिन तजा।”</verse>
				<verse number="10">यहूदा क लोगन क बारे मँ यहूदा जउन कहत ह, उ इ अहइ: “यहूदा क लोग फुरइ मोका तजइ मँ खुस अहइँ। उ सबइ लोग मोका तजब अब भी बन्द नाहीं करतेन। एह बरे अब यहोवा ओनका नाहीं अपनाई। अब यहोवा ओनके बुरे करमन क याद राखी जेनका उ पचे करत हीं। यहोवा ओनका ओनके पापन बरे सजा देइ।”</verse>
				<verse number="11">तब यहोवा मोहसे कही, “यिर्मयाह, यहूदा क लोगन बरे कछू अच्छा होइ, एकर पराथना जिन करा।”</verse>
				<verse number="12">यहूदा क लोग उपवास कइ सकत हीं अउर मोहसे पराथना कइ सकत हीं। मुला मइँ ओनकर पराथनन नाहीं सुनब। हिआँ तलक कि इ सबइ लोग होमबलि अउर अन्न भेट चढ़इहीं तउ भी मइँ ओन लोगन क नाहीं अपनाउब। मइँ यहूदा क लोगन क जुद्ध मँ नस्ट करब। मइँ ओनकर खइया क छोर लेब अउर यहूदा क लोग भूखन मरिहीं अउर मइँ ओनका भयंकर बीमारियन स बर्बाद करब।</verse>
				<verse number="13">किन्तु मइँ यहोवा स कहेउँ, “हमार सुआमी यहोवा। नबी लोगन स कछू अउर कहत रह्या। उ पचे यहूदा क लोगन स कहत रहेन, ‘तू लोग दुस्मन क तरवार स दुःख नाहीं उठउब्या। तू लोगन क कबहुँ भूख स कस्ट नाहीं होई। यहोवा तू पचन्क इ देस मँ सान्ति देइ।’”</verse>
				<verse number="14">तब यहोवा मोहसे कहेस, “यिर्मयाह, उ सबइ नबी मोरे नाउँ पइ झूठा उपदेस देत अहइँ। मइँ ओन नबियन क नाहीं पठएउँ मइँ ओनका कउनो आदेस या कउनो बात नाहीं किहेउँ उ सबइ नबी लबार कल्पनन, ब्यर्थ जादू अउर आपन झूठे दर्सन क उपदेस करत अहइँ।</verse>
				<verse number="15">एह बरे ओन नबियन क बारे मँ जउन मोरे नाउँ पइ उपदेस देत अहइँ, मोर कहब इ अहइ। मइँ ओन नबियन क नाहीं पठएउँ। ओन नबियन कहेन, ‘कउनो भी दुस्मन तरवार स इ देस पइ हमला नाहीं करी। इ देस मँ भुखमरी कबहुँ नाहीं होइ।’ उ सबइ नबी भूखन मरिहीं अउर दुस्मन क तरवारे घाट उतारा जइहीं।</verse>
				<verse number="16">अउर जउन लोगन स उ सबइ नबी बात करत हीं यरूसलेम क गलियन पइ लोकाइ दीन्ह जइहीं। उ सबइ लोग भूखन मरिहीं अउर दुस्मन क तरवारे क घाट उतारा जइहीं। कउनो मनई ओनका या ओनकर मेहररूअन या ओनकर पूतन या ओनकर बिटियन क दफनावइ बरे जिन्दा नाहीं रही। मइँ ओनका ओनकइ बुरा करम बरे सजा देब।</verse>
				<verse number="17">“यिर्मयाह, इ सँदेसा यहूदा क लोगन क द्या: ‘मोर आँखिन आँसुअन स भरी अहइँ। मइँ बिना रूके दिन-रात रोउब। मइँ आपन कुँमारी बिटिया बरे रोउब। मइँ आपन लोगन बरे रोउब। काहेकि कउनो ओन पइ प्रहार किहस अउर ओनका कुचर डाएस। उ पचे बुरी तरह घायल कीन्ह गवा अहइँ।</verse>
				<verse number="18">जदि मइँ खेत मँ जात हउँ तउ मइँ ओन लोगन क लखत हउँ जउन तरवार क घाट उतारि गवा अहइँ। जदि मइँ नगर मँ जात हउँ मइँ बहोत स बीमारियन लखत हउँ, काहेकि लोगन क लगे भोजन नाहीं अहइ। याजक अउ नबी दुइनउँ ही आपन सेवन क बेचत हीं, किन्तु उ ना समझ अहइ।’”</verse>
				<verse number="19">हे यहोवा, का तू पूरी तरह यहूदा रास्ट्र क तजि दिहा ह यहोवा, का तू सिय्योन स घिना करत ह तू एका बुरी तरह स चोट किहा ह कि हम फुन स नीक नाहीं बनाइ जाइ सकित। तू वइसा काहे किहा? हम सान्ति क आसा रखत रहे, किन्तु कछू भी नीक नाहीं भवा। हम लोग घाव भरइ क समइ क प्रतीच्छा करत रहे, किन्तु सिरिफ त्रास आवा।</verse>
				<verse number="20">हे यहोवा, हम जानित ह कि हम बहोत बुरा लोग अही, हम जानित ह कि हमरे पुरखन बुरे करम किहेन। हाँ, तोहरे खिलाफ पाप किहा।</verse>
				<verse number="21">हे यहोवा, आपन नाउँ क अच्छाई बरे तू हमका धक्का दइके दूर न करा। आपन सम्माननीय सिंहासने क गौरव क न हटावा। हमरे संग कीन्ह गइ करार क याद राखा अउर एका जिन तोड़ा।</verse>
				<verse number="22">विदेसी देवमूरतियन मँ बर्खा लिआवइ क सक्ति नाहीं अहइ, अकासे मँ पानी बरसावइ क सक्ति नाहीं अहइ। सिरिफ तू ही हमार आसा अहा, एक मात्र तू ही अहा जउन इ सब कछू बनाया ह।</verse>
			</chapter>
			<chapter number="15">
				<verse number="1">यहोवा मोहसे कहेस, “यिर्मयाह, जदि मूसा अउ समूएल भी यहूदा क लोगन बरे पराथना करइवाले होतेन, तउ भी मइँ एन लोगन बरे अफसोस नाहीं करत। यहूदा क लोगन क मोहसे दूर पठवा। ओनसे जाइ क कहा।</verse>
				<verse number="2">उ सबइ लोग तोहसे पूछ सकत हीं, ‘हम लोग कहाँ जाब?’ तू ओनसे कहा, यहोवा जउन कहत ह, उ इ अहइ: “‘मइँ कछू लोगन क मरइ बरे निहचित किहेउँ ह। उ सबइ लोग मरिहीं। मइँ कछू लोगन क तरवार क घाट उतारब निहचित किहेउँ ह, उ सबइ लोग तरवार क घाट उतारा जइहीं। मइँ कछू क भूख स मरइ क निहचित किहेउँ ह उ सबइ भूख स मरिहीं। मइँ कछू लोगन क बन्दी होब अउर बिदेस लइ जाब निहचित किहेउँ ह। उ सबइ लोग ओन बिदेसन मँ बन्दी रइहीं।</verse>
				<verse number="3">यहोवा कहत ह कि मइँ चार तरह क बिनासकारी सक्तितयन ओनके खिलाफ पठउब।’ इ सँदेसा यहोवा क अहइ। ‘मइँ दुस्मन क तरवार क संग मारइ बरे पठउब। मइँ कूकुरन क ओनकर ल्हास घसीट लइ जाइ क पठउब। मइँ हवा मँ उड़त पंछियन अउर जंगली जनावरन क ओनकर ल्हास खाइ अउर बर्बाद करइ क पठउब।</verse>
				<verse number="4">मइँ यहूदा क लोगन क अइसा दण्ड देब कि धरती क लोग एका देखिके काँप जइहीं। मइँ यहूदा क लोगन क संग इ, मनस्से यरूसलेम मँ जउन कछू किहेस, ओकरे कारण करब। मनस्से, राजा हिलकिय्याह क पूत रहा। मनस्से यहूदा रास्ट्र क एक राजा रहा।’</verse>
				<verse number="5">“यरूसलेम, तोहरे ऊपर कउनो दाया नाहीं करी। न कउनो विलाप करिहीं या नाहीं रोइहीं। कउन तोहार कुसल छेम अउर काम क बरे पूछइ तोहरे लगे नाहीं आइ।</verse>
				<verse number="6">यरूसलेम, तू मोका तज्या।” यहोवा कहत अहइ। “तू मोका बार-बार तज्या। एह बरे मइँ तोहका सजा दिहेस अउर तोहका बर्बाद किहेस। मइँ तोह पइ दाया करत थक गवा हउँ।</verse>
				<verse number="7">मइँ आपन सूप स यहूदा का लोगन क फटक देब। मइँ देस क नगर दुआर पइ ओनका बिखेर दिहेस। मइँ आपन लोगन क बर्बाद कइ लिहेस अउर बच्चन क लइ लिहेन फिर भी मोर लोगन बदलेस नाहीं।</verse>
				<verse number="8">अनेक मेहररूअन आपन भतारन क खोइ देइहीं। सगरे क बालू स जियादा हुवाँ राँड़ होइहीं। मइँ एक बिनासक क दुपहरी मँ लिआउब। बिनासक यहूदा क नउ जवानन क महतरियन पइ हमला करी। मइँ यहूदा क लोगन क पीरा अउ डर देब। मइँ एका घटित किहेस।</verse>
				<verse number="9">दुस्मन तरवारे स हमला किहेस अउर लोगन क मार डाइएस। उ पचे यहूदा बचे लोगन क मारि डइहीं। एक मेहरारू क सात ठु पूत होइ सकत हीं, किन्तु उ पचे सबहिं मारा गवा। उ रोवत, अउर रोवत रही, जब तलक उ साँस लेइ बरे भी बहोत दुर्बल होइ गएन उ लज्जा अउर बिना निहचित मँ होइ, ओकर उजले दिन दुःखे स करिया होइ गएन।”</verse>
				<verse number="10">हाय महतारी, तू मोका जन्म काहे दिहा? मइँ उ मनई हउँ जउन पूरे देस क दोखी कहइ अउर आलोचना करइ। मइँ न कछू उधार दिहे हउँ अउर न ही लिहे हउँ। किन्तु हर एक मनई मोका अभिसाप देत ह।</verse>
				<verse number="11">यहोवा कहेस मइँ तोहका अच्छी तरह तइयार किहेस ह। तोहर सुत्रन दुआरा लावइ गइ विपत्तियन क समइ मइँ तोहार बरे बीच मँ दखल दिहेस ह।</verse>
				<verse number="12">“तू जानत अहा कि कउनो मनई लोहा काँसा उत्तर वाले लोहे क सुत्रन क चकनाचूर नाहीं कइ सकत्या।</verse>
				<verse number="13">यहूदा क लोगन क लगे सम्पत्ति अउर खज़ानन अहइँ। मइँ उ सम्पत्ति क दूसर लोगन क देब। ओन दूसर लोगन क उ सम्पत्ति बेसहइ नाहीं पड़ी। मइँ ओनका उ सम्पत्ति देब। काहेकि यहूदा बहोत पाप किहेस ह। यहूदा देस क हर एक भाग मँ पाप किहेस ह।</verse>
				<verse number="14">यहूदा क लोगो, मइँ तोहका तोहरे दुस्मनन क दास बनाउब। तू उ देस मँ दास होब्या जेका तू कबहुँ नाहीं जान्या। मइँ बहोत कोहान हउँ। मोर किरोध तपत आगी जइसा अहइ अउर तू बारि दीन्ह जाब्या।”</verse>
				<verse number="15">हे यहोवा, तू मोका समुझत ह। मोका याद राखा अउर मोर देखरेख करा। लोग मोका चोट पहोंचावत हीं। ओन लोगन क उ सजा द्या जेकर उ पात्र अहइँ। तू ओन लोगन बरे सहनसील अहा। किन्तु ओनके बरे सहनसील रहत समइ मोका बर्बाद न कइ द्या। मोरे बारे मँ सोचा। यहोवा उ पीरा क सोच जउन मइँ तोहरे बरे सहन हउँ।</verse>
				<verse number="16">तोहार सँदेसा मोका मिला अउर मइँ मोका निगल गवा। तोहार सँदेसा मोका बहोत खुस कइ दिहस। मइँ खुस रहेउँ कि मोका तोहरे नाउँ स गोहरावा जात ह। तोहार नाउँ यहोवा सर्वसक्तिमान अहइ।</verse>
				<verse number="17">मइँ कबहुँ ओकरे साथ नाहीं बइठा जउन उत्सव मनावत अउ मज़ा करत ह। अपने उपर तोहरे प्रभाव क कारण मइँ अकेला बइठा। तू मोरे चारिहुँ कइँती बुराइयन पइ मोका किरोध स भर दिहा।</verse>
				<verse number="18">मइँ नाहीं समुझ पावत कि मइँ काहे अब तलक घायल हुउँ? मइँ नाहीं समुझ पावत कि मोर घाव नीक काहे नाहीं होत अउर भरत काहे नाहीं? हे यहोवा, मइँ समुझत हउँ कि तू बदल गवा अहा। तू सोता क उ पानी क तरह अहा जउन झुराइ गवा होइ। तू उ सोता क तरह अहा जेकर पानी झुराइ गवा होइ।</verse>
				<verse number="19">तबइ यहोवा कहेस, “जदि तू लउट आइ तउ मइँ तोहका आपन लगे वापिस लउटाउब। अउर तू मोरे लगे खड़ा होब्या। जदि तू महत्वपूर्ण बात कहत ह अउर उ बेकार बातन क नाहीं कहब्या, तउ तू मोरे बरे कहि सकत ह। यहूदा क लोगन क बदलइ चाही अउर तोहरे लगे ओनका आवइ चाही। किन्तु तू जिन बदला अउर ओनकी तरह न बना।</verse>
				<verse number="20">मइँ तोहका सक्तिसाली बनाउब। उ सबइ लोग सोचिहीं कि तू काँसे क बनी देवार जइसी सक्तिसाली अहा यहूदा क लोग तोहरे खिलाफ लड़िहीं, किन्तु उ पचे तोहका हरइहीं नाहीं। काहेकि मइँ तोहरे साथ हउँ। मइँ तोहार सहायता करब, तोहार उद्धार करब।” इ सँदेसा यहोवा क अहइ।</verse>
				<verse number="21">“मइँ तोहार उद्धार ओन बुरे लोगन स करब। उ सबइ लोग तोहका डेरावत हीं। किन्तु मइँ तोहका ओन लोगन स बचाउब।”</verse>
			</chapter>
			<chapter number="16">
				<verse number="1">यहोवा क सँदेसा मोका मिला।</verse>
				<verse number="2">“यिर्मयाह, तोहका बियाह नाहीं करइ चाही। तोहका इ ठउरे पइ बेटा या बिटिया नाहीं पइदा करइ चाही।”</verse>
				<verse number="3">यहूदा देस मँ जन्म लेइवाले बेटा-बिटियन क बारे मँ यहोवा इ कहत ह, अउर ओन बच्चन क बाप-महतारी क बारे मँ जउन यहोवा कहत ह, उ इ अहइ:</verse>
				<verse number="4">“उ सबइ लोग भयंकर मउत क सिकार होइहीं। ओन लोगन बरे कउनो रोई नाहीं। कउनो भी मनई ओनका दफनाइ नाहीं। ओनकर ल्हासन जमीन पइ गोबरे क नाई पड़ी रहिहीं। उ सबइ लोग दुस्मन क तरवार क घाट उतरिहीं या भूखन मरिहीं। ओनकर ल्हास अकासे क पंछियन अउर भुइँया क जंगली जनावरन क भोजन बनिहीं।”</verse>
				<verse number="5">एह बरे यहोवा कहत ह, “ओन घरन मँ न जा जहाँ लोग आखिरी क्रिया क्रम क दावत खात रहत हीं। हुवाँ रोवइ या आपन सोक परगट करइ जिन जा। इ सबइ सब काम जिन करा। काहेकि मइँ आपन सान्ति वापस लइ लिहेउँ ह। मइँ यहूदा क एन लोगन पइ दाया नाहीं करब,” यहोवा कहत ह।</verse>
				<verse number="6">“यहूदा देस मँ महत्वपूर्ण लोग अउर साधारन लोग मरिहीं। कउनो मनई ओन लोगन क न दफनइहीं न ही ओनके बरे रोइ। एन लोगन बरे सोक परगट करइ क न तउ कउनो आपन क काटी अउर न ही आपन मूँड़े क बार साफ कराई।</verse>
				<verse number="7">कउनो मनई ओन लोगन बरे भोजन नाहीं लिआई जउन मरे बरे रोवत रहा होइहीं। जेनकर महतारी-बाप मर गए होइहीं लोगन क कउनो मनई समझाई बुझाई नाहीं। जउन मरे बरे रोबत रहा होइहीं ओनका सान्त करइ बरे कउनो मनई दाखरस नाहीं पिआई।”</verse>
				<verse number="8">“यिर्मयाह, उ घरे मँ न जा जहाँ लोग दावत खात रहत होइँ। उ घरे मँ न जा अउर ओनके संग बइठिके न खा न दाखरस पिआ।</verse>
				<verse number="9">इस्राएल क परमेस्सर सर्वसक्तिसाली यहोवा कहत ह: ‘मजा उड़ावइ वाले लोगन क सोर क हाली ही मइँ बंद कइ देब। बियाहे क दावत मँ लोगन क हँसी मजाक क किलकारियन क मइँ बन्द कइ देब। इ तोहरे जीवनकाल मँ ही होइ। मइँ इ सबइ काम हाली स करब।’</verse>
				<verse number="10">“यिर्मयाह, तू यहूदा क लोगन क इ सबइ बातन बतउब्या अउर लोग तोहसे पूछिहीं, ‘यहोवा हम लोगन बरे एतनी भयंकर बातन काहे कहेस ह हम का गलत काम कीन्ह ह हम लोग यहोवा आपन परमेस्सर क खिलाफ कउन-सा पाप किहा ह’</verse>
				<verse number="11">तू पचन्क ओन लोगन स इ कहइ चाही, ‘तू पचन्क संग भयंकर घटनन घटिहीं काहेकि तोहार पचन्क पुरखन मोर अनुसरण करब तजेन अउर दूसर देवतन क अनुसरण करब तथा सेवा करब सुरू किहन। उ पचे ओन दूसर देवतन क पूजा किहन। तोहार पुरखन मोका तजेन अउर मोर नेमन क पालन करब तजेन।</verse>
				<verse number="12">किन्तु तू लोग आपन पुरखन स भी जियादा बुरे करम किहा ह। तू लोग बहोत हठी अहा अउर तू सिरिफ उहइ करत अहा जेका तू करइ चाहत अहा। तू मोर आग्या क पालन नाहीं करत अहा।</verse>
				<verse number="13">एह बरे मइँ तोहका पचन्क इ देस स बाहेर निकारि फेंकब। मइँ तोहका पचन्क बिदेस मँ जाइके मजबूर करब। तू पचे अइसे देस मँ जाब्या जेका तू अउर तोहार पुरखन कबहुँ नाहीं जानेन। उ देस मँ तू पचे ओन सबहिं लबार देवतन क दिन अउ रात पूजा कइ सकत ह। अउर न ही मइँ तोहरे बरे कउनो सहानुभूति देखाउब।’</verse>
				<verse number="14">“लोग प्रतिग्या करत हीं अउर कहत हीं, ‘यहोवा निहचय ही सास्वत अहइ। केवल उहइ अहइ जउन इस्राएल क लोगन क मिस्र देस स बाहेर लिआवा।’ किन्तु समइ आवत अहइ,” “जब लोग अइसा नाहीं कहिहीं। इ सँदेसा यहोवा क अहइ।</verse>
				<verse number="15">लोग कछू नवा कहिहीं। उ पचे कहिहीं, ‘निहचय ही यहोवा सास्वत अहइ। उ ही केवल अइसा अहइ जउन इस्राएल क लोगन क उत्तरी देस स लइ आवा। उ ओनका ओन सबहिं देसन स लइ आवा जेहमाँ उ ओनका पठए रहा।’ लोग इ सबइ बातन काहे कहिहीं? काहेकि मइँ इस्राएल क लोगन क उ देस मँ वापिस लिआउब जेका मइँ ओनके पुरखन क दिहे रहेउँ।</verse>
				<verse number="16">“मइँ हाली ही अनेकन मछुआरन क इ देस मँ आवइ बरे बोलाउब।” इ सँदेसा यहोवा क अहइ। “उ सबइ मछुआरन यहूदा क लोगन क धइ लेइहीं। इ होइ क पाछे मइँ बहोत स सिकारियन क इ देस मँ आवइ बरे बुलाउब। उ सबइ सिकारी यहूदा क लोगन क सिकार हर एक पहाड़, पहाड़ी अउर चट्टानन क दरारन मँ करिहीं।</verse>
				<verse number="17">मइँ उ सब कछू जउन उ पचे करत हीं, लखत हउँ। यहूदा क लोग ओन कामन क मोहसे छुपाइ नाहीं सकतेन जेनका उ पचे करत हीं। ओनकर पाप मोहसे छुपा नाहीं अहइँ।</verse>
				<verse number="18">मइँ यहूदा क लोग जउन बुरे करम किहेन ह, ओकर बदला चुकाउब। मइँ हर एक पाप क बरे दुइ दाई ओनका सजा देब। मइँ इ करब काहेकि उ पचे मोरे देस क ‘गन्दा’ बनाएन ह। उ पचे मोरे देस क भयंकर मूरतियन स ‘गन्दा’ किहेन ह। मइँ ओन देवमूरतियन स घिना करत हउँ। किन्तु उ पचे मोरे देस क आपन देवमूरतियन स भरि दिहेन ह।”</verse>
				<verse number="19">हे यहोवा, तू मोर सक्ति अउर गढ़ अहा। बिपत्ति क समइ पराइके बचइ क तू सुरच्छित सरण अहा। सारे संसार स रास्ट्र तोहरे लगे अइहीं। उ पचे कहिहीं, “हमार पिता लबार देवता राखत रहेन। उ पचे ओन बियर्थ देवमूरतियन क पूजा किहन, किन्तु ओन देवमूरतियन ओनकर कउनो मदद नाहीं किहन।</verse>
				<verse number="20">का लोग अपने बरे सच्चे देवता बनाइ सकत हीं? नाहीं, उ पचे देवमूरतियन बनाइ सकत हीं, किन्तु उ सबइ देवमूरतियन फुरइ देवता नाहीं अहइँ।”</verse>
				<verse number="21">“एह बरे मइँ ओन लोगन क सबक सिखाउब, जउन देवमूरतियन क देवता बनावत हीं। अब मइँ सोझ आपन सक्ति अउर प्रभुता क बारे मँ सिच्छा देब। तब उ पचे समुझिहीं कि मइँ परमेस्सर हउँ। उ पचे जनिहीं कि मोर नाउँ यहोवा अहइ।</verse>
			</chapter>
			<chapter number="17">
				<verse number="1">“यहूदा क लोगन क पाप हुआँ लिखा अहइ जहाँ स ओका मिटावा नाहीं जाइ सकत। उ सबइ पाप लोहे क कलम स पाथरन पइ लिखे ग रहेन। ओनकर पाप हीरे क नोकवाली कलम स लिखा ग रहेन, अउर उ पाथर ओनकर हिरदय अहइ। उ सबइ पाप ओनकर वेदी क सीगंन क बीच काटे ग रहेन।</verse>
				<verse number="2">ओनकर बच्चन लबार देवतन क अर्पित कीन्ह गइ वेदिन क याद राखत हीं।</verse>
				<verse number="3">उ पचे ओन चीजन क खुले ठउरे क पहाड़न पइ याद करत हीं। यहूदा क लोगन क लगे सम्पत्ति अउर खजानन अहइँ। मइँ ओन चीजन क दूसर लोगन क देब। मइँ तोहरे देस क सबहिं उच्च ठउरन क नस्ट करब। तू ओन ठउरन पइ पूजा कइके पाप किहा ह।</verse>
				<verse number="4">तू उ भूइँया क खोउब्या जेका मइँ तोहका दिहेउँ ह। मइँ तोहरे दुस्मनन क तोहका ओनके दास क तरह उ भूइँया मँ लइ जाइ देब जेकरे बारे मँ तू नाहीं जानत्या। काहेकि मइँ बहोत कोहान हउँ। मोर किरोध तपत आगी जइसा अहइ, अउर जउन कि सदैव जरिहीं।”</verse>
				<verse number="5">यहोवा इ सब कहत ह, “जउन लोग केवल दूसर लोगन मँ बिस्सास करत हीं ओनकर बुरा होइ। जउन सक्ति बरे सिरिफ दूसर क सहारे रहत हीं ओनकर बुरा होइ। काहेकि ओन लोग यहोवा पइ बिस्सास करब तजि दिहन ह।</verse>
				<verse number="6">उ सबइ लोग रेगिस्ताने क झाड़ी क तरह अहइँ। उ झाड़ी उ भूइँया पइ अहइ जहाँ कउनो नाहीं रहत। उ झाड़ी गरम अउ झुरान भुइँया मँ अहइ। उ झाड़ी खराब माटी मँ अहइ। उ झाड़ी ओन अच्छी चीजन क नाहीं जानत जेनका परमेस्सर दइ सकत ह।</verse>
				<verse number="7">“किन्तु जउन मनई यहोवा मँ बिस्सास करत ह, उ धन्य अहइ। सिरिफ यहोवा ही ओका बिस्सास होइहीं।</verse>
				<verse number="8">उ मनई उ बृच्छ क तरह होइ जउन पानी क पास लगावा गवा होइ। उ बृच्छ क लम्बी जउन होत हीं जउन पानी पावत हीं। उ बृच्छ गर्मी क दिनन स नाहीं डरत। ऍकर पातियन सदा हरी रहत हीं। इ बरिस क ओन दिनन मँ परेसान नाहीं होत जब बर्खा नाहीं होत। उ बृच्छ मँ सदा फल आवत हीं।</verse>
				<verse number="9">मनई क दिमाग बड़ा कपटी होत ह। दिमाग बहोत बीमार भी होइ सकत ह अउर कउनो भी मनई दिमाग क ठीक-ठाक नाहीं समुझत।</verse>
				<verse number="10">किन्तु मइँ यहोवा हउँ अउर मइँ मनई क हिरदय क जान सकत हउँ। मइँ मनई क दिमाग क जाँच कइ सकत हउँ। एह बरे मइँ निर्णय कइ सकत हउँ कि हर एक मनई क का मिलइ चाही। मइँ हर एक मनइ क ओकर बरे ठीक भुगतान कइ सकत हउँ जउन उ करत ह।</verse>
				<verse number="11">कबहुँ कबहुँ उ एक ठु चिरइया उ अण्डे स बच्चा निकारत ह जेका उ नाहीं दिहस। उ मनई क आधी उमर खतम होइ तउ उ उ धने क खोइ देइ। आपन जिन्नगी क आखीर मँ इ स्पस्ट होइ जाई कि उ एक मूर्ख मनई रहा।”</verse>
				<verse number="12">सुरू ही स हमार मन्दिर परमेस्सर बरे एक ठु गौरवसाली सिंहासन रहा। इ एक बड़ा महत्व क स्थान अहइ।</verse>
				<verse number="13">हे यहोवा, तू इस्राएल क आसा अहा। हे यहोवा, तू अमृत जल क सोते क तरह अहा। जदि कउनो तोहार अनुसरण करब तजी तउ ओकर जिन्नगी बहोत घटि जाइ।</verse>
				<verse number="14">हे यहोवा, जदि तू मोका तन्दुरूस्त करत ह, मइँ फुरइ तन्दुरूस्त होइ जाब। मोर रच्छा करा, अउर मोर फुरइ रच्छा होइ जाइ। हे यहोवा, मइँ तोहार स्तुति करत हउँ।</verse>
				<verse number="15">यहूदा क लोग मोहसे सवाल करत रहत हीं, “यिर्मयाह, यहोवा क हिआँ क सँदेसा कहाँ अहइ? हम लोग देखाइँ कि संदेसा फुरइ साबित होत ह?”</verse>
				<verse number="16">हे यहोवा, मइँ तोहसे दूर नाहीं भागा, मइँ तोहार अनुसरण किहेउँ ह। तू जइसा चाह्या वइसा गड़रिया मइँ बना। मइ नाहीं चाहत कि भयंकर दिन आवइ। यहोवा तू जानत अहा जउन कछू मइँ कहेउँ। जउन होत अहइ, तू सब लखत ह।</verse>
				<verse number="17">हे यहोवा, तू मोका बर्बाद जिन करा। मइँ बिपत्ति क दिनन मँ तोहरे सहारे हउँ।</verse>
				<verse number="18">लोग मोका चोट पहोंचावत अहइँ। ओन लोगन क लज्जित करा। किन्तु मोका निरास जिन करा। ओन लोगन क भयभीत होइ द्या। मोर दुस्मनन पइ भयंकर बिनास क दिन लिआवा ओनका तोड़ा अउर ओनका फुन तोड़ा।</verse>
				<verse number="19">यहोवा मोहसे इ सबइ बातन कहेस, “यिर्मयाह, जा अउर यरूसलेम क जन-दुआरे पइ खड़ा होइ जा, जहाँ स यहूदा क राजा भीतर आवत अउर बाहेर जात हीं। मोर लोगन क मोर सँदेसा द्या अउर तब यरूसलेम सबहिं दुआरन पइ जा अउर इहइ काम करा।”</verse>
				<verse number="20">ओन लोगन स कहा: “यहोवा क सँदेसा सुना। यहूदा क राजा लोगो, सुना। यहूदा क तू सबहिं लोगो सुना। इ दुआर स यरूसलेम मँ आवइवाले सबहिं लोगो, मोर बात सुना।</verse>
				<verse number="21">यहोवा इ बात कहत ह: ‘इ बात मँ सावधान रहा कि सबित क दिन बोझा लइके जिन चला अउर यरूसलेम क दुआरन स सबित क दिन बोझा न लिआवा।</verse>
				<verse number="22">सबित क दिन आपन घरन स बोझा बाहेर न लइ जा। उ दिन कउनो काम न करा। मइँ इहइ आदेस तोहार पुरखन क दिहे रहेउँ।</verse>
				<verse number="23">मुला तोहार पुरखन मोरे इ आदेस क पालन नाहीं किहन। उ पचे मोरी कइँती धियान नाहीं दिहन। तोहार पुरखन बहोत हठी रहेन। मइँ ओनका सजा दिहेउँ मुला एकर कउनो अच्छा फल नाहीं निकरा। उ पचे मोर एक नाहीं सुनेन।</verse>
				<verse number="24">मुला तोहका मोर आग्या क पालन करइ मँ सावधान रहइ चाही।’” इ सँदेसा यहोवा क अहइ। “‘तोहका सबित क दिन यरूसलेम क दुआरन स बोझा नाहीं लिआवइ चाही। तोहका सबित क दिन क पवित्तर बनावइ चाही। तू इ, उ दिन कउनो भी काम न कइके, करब्या।</verse>
				<verse number="25">“‘जदि तू इ आदेस क पालन करब्या तउ राजा जउन दाऊद क सिहांसने पइ बइठिहीं, यरूसलेम क दुआरन स अइहीं। उ सबइ राजा आपन रथन अउर घोड़न पइ सवार होइके अइहीं। यहूदा अउर इस्राएल क लोगन क प्रमुख ओन राजा लोगन क साथ होइहीं। यरूसलेम नगर मँ सदैव रहइवाले लोग हिआँ होइहीं। अउर यरूसलेम क नगर हमेसा बरे रहब्या।</verse>
				<verse number="26">यहूदा क नगरन स लोग यरूसलेम अइहीं। लोग यरूसलेम क ओन नान्ह-नान्ह गाँवन स अइहीं जउन एकरे चारिहुँ कइँती अहइँ। लोग उ पहँटा स अइहीं जहाँ बिन्यामीन क परिवार समूह रहत ह। लोग पच्छिमी पहाड़े क तराइयन अउर पहाड़ी प्रदेसन स अइहीं अउर लोग नेगव स अइहीं। उ पचे सबहिं लोग होमबलि, बलि अन्नबलि, सुगन्धि अउ धन्यवाद भेट लइके अहहीं। उ पचे ओन भेटन अउर बलियन क यहोवा क मन्दिर मँ लिअइहीं।</verse>
				<verse number="27">“‘किन्तु जदि तू मोर बात नाहीं सुनत्या अउर मोर आदेस क नाहीं मानत्या तउ बुरी घटनन होइहीं। जदि तू सबित क दिन यरूसलेम क दुआरे स बोझा लइ जात ह तब तू ओका पवित्तर दिन नाहीं रखत्या। इ दसा मँ मइँ अइसे आगी लगाउब जउन बुझाई नाहीं जाइ सकत। उ आगी यरूसलेम क दुआरन स सुरू होइ अउर महलन क भी जराइ देइ।’”</verse>
			</chapter>
			<chapter number="18">
				<verse number="1">इ यहोवा क उ सँदेसा अहइ जउन यिर्मयाह क मिला:</verse>
				<verse number="2">“यिर्मयाह, कोमहारे क घरे जा। मइँ आपन सँदेसा तोहका कोमहारे क घर देब।”</verse>
				<verse number="3">एह बरे मइँ कोमहारे क घर गएउँ। मइँ कोमहार क चाके पइ माटी स बर्तन बनावत लखेउँ।</verse>
				<verse number="4">उ एक ठु बर्तन माटी स बनावत रहा। मुला बर्तन मँ कछू दोख रहा। एह बरे कोमहार उ माटी क उपयोग फुन किहस अउर उ दूसर बर्तन बनाएस। उ आपन हाथन क उपयोग बर्तन क उ रूप देइ बरे किहस जउन रूप उ देइ चाहत रहा।</verse>
				<verse number="5">तब यहोवा स सँदेसा मोरे लगे आवा,</verse>
				<verse number="6">“इस्राएल क परिवार, तू जानत अहा कि मइँ (परमेस्सर) वइसा ही तोहरे साथ कइ सकत हउँ। तू कोमहार क हाथ क माटी क समान अहा अउर मइँ कोमहार क तरह हउँ।</verse>
				<verse number="7">अइसा समइ आइ सकत ह, जब मइँ एक रास्ट्र या राज्ज क बारे मँ बातन करउँ। मइँ इ कहि सकत हउँ कि मइँ उ रास्ट्र क उखाड़ फेकब या इ भी होइ सकत ह कि मइँ कहउँ कि मइँ उ रास्ट्र क उखाड़ गिराउब अउर उ रास्ट्र या राज्ज क नस्ट कइ देब।</verse>
				<verse number="8">किन्तु उ रास्ट्र क लोग आपन हिरदय अउर जीवन क बदल सकत हीं। उ रास्ट्र क लोग बुरे करम करब तजि सकत हीं। तब मइँ आपन इरादे क बदल देब। मइँ उ रास्ट्र पइ बिपत्ति ढावइ क आपन जोजना क अनुसरण करब तजि सकत हउँ।</verse>
				<verse number="9">कबहुँ अइसा दूसर आइ सकत ह जब मइँ कउनो रास्ट्र क बारे मँ बातन करउँ मइँ इ कहि सकत हउँ कि मइँ उ रास्ट्र क निर्माण करब अउर ओका स्थिर करब।</verse>
				<verse number="10">किन्तु मइँ इ लख सकत हउँ कि मोर आग्या क पालन न कइके उ रास्ट्र बुरा करम करत अहइ। तब मइँ उ अच्छाई क बारे मँ फुन सोचब जेका देइ क जोजना मइँ उ रास्ट्र बरे बनाइ राखेउँ ह।</verse>
				<verse number="11">“एह बरे यहूदा अउ यरूसलेम मँ जउन लोग रहत हीं ओनसे कहा, ‘यहोवा जउन कहत ह उ इ अहइ: अब मइँ सोझ तू लोगन बरे बिपत्ति क निर्माण करत हउँ। मइँ तू लोगन क खिलाफ जोजना बनावत हउँ। एह बरे ओन बुरे करमन क करब बन्द करा जउन तू करत अहा। हर एक मनई क बदलइ चाही अउर अच्छा काम करब सुरू करइ चाही।’</verse>
				<verse number="12">किन्तु क लोग जवाब देइहीं, ‘अइसी कोसिस करइ स कछू नाहीं होइ। हम उहइ करत रहब जउन हम करइ चाहित ह। हम लोगन मँ हर एक उहइ करी जउन हठी अउर बुरा हिरदय करइ चाहत ह।’”</verse>
				<verse number="13">ओन बातन क सुना जउन यहोवा कहत ह, “दूसर रास्ट्र लोगन स इ सवाल करा: ‘का तू कबहुँ कउनो क उ अइसा बुराई करत सुन्या ह जउन इस्राएल किहेस ह।’</verse>
				<verse number="14">तू जानत अहा कि चट्टानन कबहुँ खुद ही मैदान नाहीं तजितेन। तू जानत अहा कि लबानोन क पहाड़न ऊपर बर्फ कबहुँ नाहीं टेघरत। तू जानत अहा कि सीतल बहइवाले झरना कबहुँ नाहीं झुरातेन।</verse>
				<verse number="15">मुला मोर लोग मोका बिसरि चुका अहइँ, उ पचे बियर्थ देवमूरतियन क बलि चढ़ावत हीं। मोरे लोगन क ऊबड़ खाबड़ सड़कियन अउर तुच्छ राजमार्गन पइ चलब जियादा पसन्द अहइ, एकरे अपेच्छा कि उ पचे मोर अनुसरण अच्छी सड़किया पइ करइँ।</verse>
				<verse number="16">एह बरे यहूदा देस एक सूना रेगिस्तान बनी। एकरे पास स गुजरत लोग हर दाई सीटी बजइहीं अउर मूँड़ि हिलइहीं। इ बात स चकित होइहीं कि देस कइसे बरबाद कीन्ह गवा।</verse>
				<verse number="17">मइँ यहूदा क लोगन क ओनके दुस्मनन क समन्वा बिखराउब जइसा कि प्रबल पूर्वी आँधी बिखेरब। उ समइ उ पचे आपन मदद बरे कउनो क भी आवत नाहीं लखिहीं। नाहीं, उ पचे मोका आपन क तजत लखिहीं।”</verse>
				<verse number="18">तब यिर्मयाह क दुस्मनन कहेन, “आवा, हम यिर्मयाह क खिलाफ सड्यन्त्र रची। निहचय ही, याजक क जरिये दीन्ह गइ बिवस्था क सिच्छा मिटी नाहीं अउर बुद्धिमान लोगन क सलाह अब भी हम लोगन क मिली। हम लोगन क नबियन क सँदेस भी मिलिहीं। एह बरे हम लोग ओकरे बारे मँ झूठ बोली। ओहसे उ बर्बाद होइ। उ जउन कहत हम कउनो पर भी धियान नाहीं देब।”</verse>
				<verse number="19">हे यहोवा, मोर सुना अउर मोरे बिरोधियन क सुना, तब तय करा कि कउन ठीक अहइ।</verse>
				<verse number="20">याद करा मइँ कइसन तोहार समन्वा खड़ा होइके यहूदा क निवासियन क भलाई बरे अउर ओहइ पइ स तोहार गुस्सा उतारइ बरे बोले रहा। किन्तु अब उ पचे उल्टे बदले मँ बुराई देत अहइँ। उ पचे मोका फँसावत अहइँ। उ पचे मोका धोखा दइके फँसावइ अउर मार डावइ क जतन करत अहइँ।</verse>
				<verse number="21">एह बरे अब ओनके बच्चन क अकाले मँ भूखन मरइ द्या। ओनके दुस्मनन क ओनका तरवार स हराइ डावइ द्या। ओनकर मेहररूअन क बगैंर गदेला क होइ द्या। यहूदा क लोगन क मउत क घाट उतर जाइ द्या। ओनकर मेहररूअन क राँड़ होइ द्या। यहूदा क लोगन क मउत क घाट उतर जाइ द्या। नउ जवानन क जुद्ध मँ तरवार क घाट उतार दीन्ह जाइ द्या।</verse>
				<verse number="22">ओनकर घरन मँ रोउब-पिटब मचइ द्या। ओनका तब रोवइ द्या जब तू अचानक ओनके खिलाफ दुस्मनन क लिआया। एका होइ द्या काहेकि हमरे दुस्मनन मोका धोका दइके फँसावइ क कोसिस किहेन ह। उ पचे मोरे फँसइ बरे गुप्त जाल डाएन ह।</verse>
				<verse number="23">हे यहोवा, मोका मार डावइ क ओनकर जोजना क तू जानत अहा। ओनकर अपराधन क तू छिमा जिन करा। ओनकर पापन क जिन धोवा। मोरे दुस्मनन क बर्बाद करा। किरोधित रहत समइ ही ओन लोगन क सजा द्या।</verse>
			</chapter>
			<chapter number="19">
				<verse number="1">यहोवा मोहसे कहेस: “यिर्मयाह, जा अउर कउनो कोमहार स एक ठु माटी क सुराही बेसहा।</verse>
				<verse number="2">ठीकरा-दुआरे समन्वा क लगे बेन हिन्नोम घाटी क जा। अपने संग लोगन क अग्रजन अउर कछू याजकन क ल्या। उ ठउरे पइ ओनसे इ कहा जउन मइँ तोहसे कहत हउँ।</verse>
				<verse number="3">अपने संग क लोगन स कहा, ‘यहूदा क राजा लोग अउर इस्राएल क लोगो, यहोवा क हिआँ स इ सँदेसा सुना। इस्राएल क लोगन क परमेस्सर सर्वसक्तिमान यहोवा जउन कहत ह, उ इ अहइ: मइँ इ ठउरे पइ हाली ही एक खउफनाक घटना घटित कराउब। हर एक मनई जउन एका सुनी, चकित अउर भयभीत होइ।</verse>
				<verse number="4">मइँ इ सबइ काम करब काहेकि यहूदा क लोग मोर अनुसरण करब तजि दिहेन ह। उ पचे एका बिदेसी देवतन क ठउर बनाइ दिहेन ह। यहूदा क लोग इ ठउरे पइ दूसर देवतन बरे बलियन बारेन ह। उ हियाँ बेकुसूर लोगन क खून बहावत रहा। ओनकर पुरखन या ओनकर राजा ओन देवतन क नाहीं पूजत रहेन।</verse>
				<verse number="5">उ पचे बाल देवता का पूजा करइ बरे जगहन क चुनेस ह। उ पचे ओन ठउरन क उपयोग आपन पूतन क आगी मँ बारइ बरे किहेन। उ पचे आपन पूतन क बाल बरे होमबलि क रूप मँ बारेन। मइँ ओनका इ करइ क नाहीं कहेउँ। मइँ तोहसे इ नाहीं माँगा कि तू आपन पूतन क बलि क रूप मँ भेट करा। मइँ कबहुँ इ सम्बंध मँ सोचेउँ भी नाहीं।</verse>
				<verse number="6">अब लोग उ ठउरे क हिन्नोम क घाटी तोपेत कहत हीं। किन्तु मइँ तोहका इ चितउनी देतहउँ, उ सबइ दिन आवत अहइँ। इ सँदेसा यहोवा क अहइ, जब लोग इ ठउरे क बध क घाटी कहिहीं।</verse>
				<verse number="7">इ ठउरे पइ मइँ यहूदा अउर यरूसलेम क लोगन क जोजनन क बर्बाद करब। दुस्मन एन लोगन क पाछा करिहीं अउर मइँ इ ठउरे पइ यहूदा क लोगन क तरवार क घाट उतरि जाइ देब अउर मइँ ओनकर ल्हासन क पंछियन अउर जंगली जनावरन क भोजन बनाउब।</verse>
				<verse number="8">मइँ इ नगर क पूरी तरह बर्बाद करब। जब लोग यरूसलेम स गुजरिहीं तउ सीटी बजइहीं अउर मूँड़ि हिलइहीं। ओनका विस्मय होइ जब उ पचे लखिहीं कि नगर कउने तरह ध्वस्त कीन्ह गवा अहइ।</verse>
				<verse number="9">दुस्मन आपन फउज क सहर क चारिहुँ कइँती लिआइ। उ फउज लोगन क भोजन लेइ बाहेर नाहीं आवइ देइ। एह बरे सहर मँ लोग भूखन मरिहीं। उ पचे एतना भूखा होइ जइहीं कि आपन पूत अउर बिटियन क तने क खाइ लगिहीं अउर तब उ पचे एक दूसर क खाइ लगिहीं।’</verse>
				<verse number="10">“यिर्मयाह, तू इ सबइ बातन लोगन क कहब्या अउर जब उ पचे लखत रहत होइँ तबहिं तू उ सुराही क तोड़्या।</verse>
				<verse number="11">उ समइ, तू इ कहया, सर्वसक्तिमान यहोवा कहत ह, ‘मइँ यहूदा रास्ट्र अउ यरूसलेम नगर क वइसे ही तोड़ब जइसे कउनो माटी क सुराही तोड़त ह। इ सुराही फुन जोड़के नाहीं बनाई जाइ सकत। यहूदा रास्ट्र बरे भी इहइ सब होइ। मरे लोग इ तोपेत मँ तब तलक दफनावा जइहीं जब तलक हिआँ जगह नाहीं रहि जाइ।</verse>
				<verse number="12">मइँ इ एन लोगन अउर इ ठउरे क संग अइसा करब। मइँ इ नगर क तोपेत क तरह कइ देब।’ इ सँदेसा यहोवा क अहइ।</verse>
				<verse number="13">‘यरूसलेम क घर तथा राजा क महल तोपेत क इ जगह क नाईं असुद्धता स भरि जाब। काहेकि लोग ओन घरन क छत पइ लबार देवतन क पूजा किहन। उ पचे ग्रह-नछत्रन क पूजा किहन अउर ओनके सम्मान मँ बलि बारेन। उ पचे लबार देवतन क पेय भेंट दिहन।’”</verse>
				<verse number="14">तब यिर्मयाह तोपेत क तजेस जहाँ यहोवा उपदेस देइ क कहे रहा। यिर्मयाह यहोवा क मन्दिर क गवा अउर ओकरे आँगन मँ खड़ा भवा। यिर्मयाह सबहिं लोगन स कहेस,</verse>
				<verse number="15">“इस्राएल क परमेस्सर सर्वसक्तिमान यहोवा इ कहत ह: ‘मइँ कहेउँ ह कि मइँ कि मइँ यरूसलेम अउर ओकरे चारिहुँ कइँती क गाँवन पइ अनेक विपत्तियन ढाउब। मइँ एनका हाली घटित कराउब। काहेकि लोग बहोत हठी अहइँ उ पचे मोर सुनइ अउर मोर आग्या क पालन करइ स इन्कार करत हीं।’”</verse>
			</chapter>
			<chapter number="20">
				<verse number="1">पसहूर नाउँ क एक मनई याजक रहा। उ यहोवा क मन्दिर मँ उच्चतम अधिकारी रहा। पसहूर इम्मेर नाउँ क मनई क पूत रहा। पसहूर यिर्मयाह क मन्दिर क आँगन मँ ओन बातन क उपदेस करत सुनेस।</verse>
				<verse number="2">एह बरे उ यिर्मयाह नबी क पिटवाएस अउर उ बिन्यामीन क ऊपरी दुआरी पई ओका काठेक लट्ठन क बीच मँ जकड़ दिहेस।</verse>
				<verse number="3">अगले दिन पसहूर यिर्मयाह क काठे क लट्ठन क बीच स निकारेस। तब यिर्मयाह पसहूर स कहेस, “यहोवा क दीन्ह तोहार नाउँ पसहूर नाहीं अहइ। अब यहोवा कइँती स तोहार नाउँ ‘सर्वत्र आतंक’ अहइ।</verse>
				<verse number="4">इहइ तोहार नाउँ अहइ, काहेकि यहोवा कहत ह, ‘मइँ हाली ही तोहका अपने आप बरे आतंक बनाउब। मइँ हाली ही तोहका तोहरे मीतन बरे आतंक बनाउब। तू दुस्मनन क जरिये आपन मीतन क तरवारे क घाट उतारत लखब्या। मइँ यहूदा क सबहिं लोगन क बाबुल क राजा क दइ देब। उ यहूदा क लोगन क बाबुल देस क लइ जाइ। अउर ओकर फउज यहूदा क लोगन क आपन तरवार क घाट उतारी।</verse>
				<verse number="5">यहूदा क लोग चीजन क बनावइ मँ कठिन परिस्रम किहन अउर धनी होइ गएन। किन्तु मइँ उ सबइ सारी चीजन ओनके दुस्मनन क दइ देब। यरूसलेम क राजा क लगे बहोत स धन भण्डार अहइ। किन्तु मइँ ओन सबइ धन-भण्डारन क दुस्मन क दइ देब। दुस्मन ओन चीजन क लेइ अउर ओनका बाबुल देस क लइ जाइ।</verse>
				<verse number="6">अउर पसहूर तू अउर तोहरे घरे मँ रहइवाले सबहिं लोग हिआँ स लइ जावा जाब्या। तोहका जाइ क अउर बाबुल देस मँ रहइ क मजबूर कीन्ह जाइ। तू बाबुल मँ मरब्या अउर तू उ बिदेस मँ दफनावा जाब्या। तू आपन मीतन क झूठा उपदेस दिहा। तू कहया कि इ सबइ घटनन नाहीं घटिहीं। किन्तु तोहार सबहिं मीत भी मरिहीं अउर बाबुल मँ दफनाया जइहीं।’”</verse>
				<verse number="7">हे यहोवा, तू मोका बहका दिहा अउर मइँ निहचय ही बहक गएउँ। तू मोहसे जियादा सक्तिसाली रहा एह बरे तू मोका हराइ दिहा। मइँ मजाक बनिके रहि गवा हउँ। लोग मोह पइ हँसत हीं अउर सारा दिन मोर मजाक उड़ावत हीं।</verse>
				<verse number="8">जब मइँ भी बोलत हउँ, चीख पड़त हउँ। मइँ लगातार हिंसा अउर तबाही क बारे मँ चिल्लात रहत हउँ। मइँ लोगन क उ सँदेसा क बारे मँ बतावत हउँ जेका मइँ यहोवा स प्राप्त किहेउँ। किन्तु लोग सिरिफ मोर अपमान करत हीं अउर मोर मजाक उड़ावत हीं।</verse>
				<verse number="9">कबहुँ-कबहुँ मइँ आपन स कहत हउँ: “मइँ यहोवा क बारे मँ बिसरि जाब। मइँ अब आगे यहोवा क नाउँ पइ नाहीं बोलाब।” किन्तु जदि मइँ अइसा कहत हउँ तउ यहोवा क सँदेसा मोरे भीतर भड़कत ज्वाला स होइ जात ह। मोका अइसा लागत ह कि इ अन्दर मोरे हाड़न क बारत अहइ। मइँ अपने भीतर यहोवा क सँदेसा क रोकइ क जतन मँ थक जात हउँ अउर आखीर मँ मइँ एका अपने भीतर रोकइ मँ समर्थ नाहीं पावत हउँ।</verse>
				<verse number="10">मइँ अनेक लोगन क दबी जबान अपने खिलाफ बातन करत सुनत हउँ। सर्वत्र मइँ उ सब सुनत हउँ जउन मोका भयभीत करत हीं। हिआँ तलक कि मोरे मीत भी मोरे खिलाफ बातन करत हीं। चला हम अधिकारियन क एकरे बारे मँ सूचित करी। लोग सिरिफ इ प्रतीच्छा मँ अहइँ कि मइँ कउनो गलती करउँ। उ पचे कहत अहइँ, “आवा हम झूठ बोली अउ कही कि उ कछू बुरे करम किहे अहइ। संभव अहइ हम यिर्मयाह क धोखा दइ सकी। तब उ हमरे संग होइ। आखीर मँ हम ओहसे छुटकारा पाउब। तब हम ओका दबोच लेब अउर ओहसे आपन बदला लेब।”</verse>
				<verse number="11">किन्तु यहोवा मोरे संग अहइ। यहोवा एक ठु मजबूत फउजी जइसा अहइ। एह बरे जउन लोग मोर पाछा करत ही मुँहे क खइहीं। उ सबइ लोग मोका पराजित नाहीं कइ सकिहीं। उ सबइ लोग असफल होइहीं। उ सबइ निरास होइहीं। उ सबइ लोग लज्जित होइहीं अउर लोग उ लज्जा क कबहुँ नाहीं बिसरिहीं।</verse>
				<verse number="12">सर्वसक्तिमान यहोवा तू अच्छे लोगन क परीच्छा लेत ह। तू मनई क दिल अउर दिमाग क गहराई स लखत ह। मोका भरोसा अहइ कि इ मोका निआव देब्या। कृप्या कइके मोका उ तोहार सज़ा लखत देई जेनकर उ पचे पात्र अहइँ।</verse>
				<verse number="13">यहोवा बरे गावा। यहोवा क स्तुति करा। यहोवा गरीब क जिन्नगी क रच्छा करत ह। उ ओनका दुट्ठ लोगन क सक्ति स बचावत ह।</verse>
				<verse number="14">उ दिना क धिक्कार अहइ जउने दिन मोर जनम भवा। उ दिना क बधाई जिन द्या जउने दिन मइँ महतारी क कोख मँ आएउँ।</verse>
				<verse number="15">उ मनई क अभिसाप द्या जउन मोरे बाप क इ सूचना दिहस कि मोर जनम भवा ह। उ कहे रहा, “तोहार लड़का भवा ह, उ एक लड़का अहइ।” उ मोरे बाप क बहोत खुस किहे रहा उ ओनसे इ कहे रहा।</verse>
				<verse number="16">उ मनई क वइसा ह होइ द्या जइसे उ पचे सहर जेनका यहोवा बर्बाद किहे रहा। यहोवा ओन नगरन पइ कछू भी दाया नाहीं किहेस। उ मनई क सबेरे जुद्ध क उद्घोस सुनइ द्या, अउर दुपहरे क जुद्ध की चीख सुनइ द्या।</verse>
				<verse number="17">तू मोका महतारी क पेट मँ ही, काहे नाहीं मार डाया? तब मोर महतारी क कोख कब्र बन जात, अउर मइँ कबहुँ जनम नाहीं लइ सका होत।</verse>
				<verse number="18">मोका महतारी क पेट स बाहेर काहे आवइ क पड़ा? जउन कछू मइँ पाएउँ ह उ परेसानी अउर दुःख अहइ अउर मोर जिन्नगी क आखीर लज्जा जनक होइ।</verse>
			</chapter>
			<chapter number="21">
				<verse number="1">इ यहोवा क उ सँदेसा अहइ जउन यिर्मयाह क मिला। इ सँदेसा तब आवा जब यहूदा क राजा सिदकिय्याह मल्किय्याह क पूत पसहूर नाउँ क एक मनई अउ याजक मासयाह क पूत सपन्याह नाउँ क एक मनई क यिर्मयाह क लगे पठएस। उ पचे कहेस:</verse>
				<verse number="2">पसहूर अउ सपन्याह यिर्मयाह स कहेन, “यहोवा स हम लोगन बरे पराथना करा। यहोवा स पूछा कि का होइ? हम जानइ चाहित ह काहेकि बाबुल क राजा नबूकदनेस्सर हम लोगन पइ हमला करत अहइ। होइ सकत ह यहोवा हम लोगन बरे वइसे ही महान कारज करइ जइसा उ बीते समइ मँ किहेस। होइ सकत ह कि यहोवा नबूकदनेस्सर क हमला करइ स रोक देइ या ओका चला जाइ दे।”</verse>
				<verse number="3">तब यिर्मयाह पसहूर अउर सपन्याह क जवाब दिहेस। उ कहेस, “राजा सिदकिय्याह स कहा,</verse>
				<verse number="4">इस्राएल क परमेस्सर यहोवा जउन कहत ह, इ उ अहइ: ‘तोहरे पचन्क हाथन मँ जुद्ध क अस्त्र-सस्त्र अहइँ। तू पचे ओन अस्त्र सस्त्रन क उपयोग अपनी सुरच्छा बरे बाबुल क राजा अउर कसदियन क खिलाफ करत रह्या। किन्तु मइँ ओन अस्त्रन क बियर्थ कइ देब। “‘बाबुल क फउज सहर क चारिहुँ कइँती घेर लिहे अहइ। उ फउज सहर क चारिहुँ ओर अहइ। हाली ही मइँ उ फउज क यरूसलेम मँ लइ आउब।</verse>
				<verse number="5">मइँ खुद यहूदा तू लोगन क खिलाफ लड़ब। मइँ आपन सक्तिसाली हाथन स तोहरे पचन्क खिलाफ लड़ब। मइँ तू पचन्कइ बहोत जियादा कोहान अहउँ, एह बरे मइँ आपन सक्तिसाली बाहन स तोहरे पचन्क खिलाफ लड़ब। मइँ तोहरे पचन्क खिलाफ घोर जुद्ध करब अउर देखाउब कि मइँ केतना कोहान हउँ।</verse>
				<verse number="6">मइँ यरूसलेम मँ रहइवाले लोगन क मार डाउब। मइँ लोगन अउर जनावरन क मारि डाउब। उ पचे उ भयंकर बीमारी स मरिहीं जउन पूरे नगर मँ फइल जाइ।</verse>
				<verse number="7">जब इ होइ जाइ तब ओकरे पाछे,’” इ सँदेसा यहोवा क अहइ। “‘मइँ यहूदा क राजा सिदकिय्याह क बाबुल क राजा नबूकदनेस्सर क देब। मइँ सिदकिय्याह क अधिकारियन क भी नबूकदनेस्सर क देब। यरूसलेम क कछू लोग भयंकर बीमारी स नाहीं मरिहीं। कछू लोग तरवार क घाट नाहीं उतारा जइहीं। ओनमाँ स कछू भूखन नाहीं मरिहीं किन्तु मइँ ओन लोगन क नबूकदनेस्सर क देब। मइँ यहूदा क दुस्मनन क बिजयी बनाउब। नबूकदनेस्सर क फउज यहूदा क लोगन क मार डावा चाहत ह। एह बरे यहूदा अउर यररूसलेम क लोग तरवार क घाट उतार दीन्ह जइहीं। नबूकदनेस्सर कउनो दाया नाहीं देखाइ। उ ओन लोगन बरे अफसोस नाहीं करी।’</verse>
				<verse number="8">“यरूसलेम क लोगन स इ सबइ बातन भी कहा। यहोवा इ सबइ बातन करत ह, ‘मइँ तोहका एक चुनाव देत हउँ: जिअई या मरइ एक क चुन्या।</verse>
				<verse number="9">कउनो भी मनई जउन यरूसलेम मँ ठहरी, मरी। उ मनई तरवार, भूख या भयंकर बीमारी स मरी किन्तु जउन मनई यरूसलेम क बाहेर जाइ अउर बाबुल क फउज क समन्वा आत्म समर्पण करी, जिअत रही। उ आपन जिन्नगी क जुद्ध क लूट क माल क नाईं जीत लेब।</verse>
				<verse number="10">मइँ यरूसलेम नगर पइ विपत्ति ढावइ क निहचइ कइ लिहेउँ ह। मइँ सहर क मदद नाहीं करब।’” इ सँदेसा यहोवा क अहइ। “‘मइँ यरूसलेम क नगर क बाबुल क राजा क देब। उ एका आगी स बारी।’</verse>
				<verse number="11">“यहूदा क राज परिवार स इ कहा, यहोवा सँदेसा क सुना।</verse>
				<verse number="12">दाऊद क परिवार यहोवा इ कहत ह, “‘तू पचन्क रोज लोगन क निस्पच्छ निआव करइ चाही। अपराधियन स ओनके सिकारन क रच्छा करा। जदि तू पचे अइसा नाहीं करत्या तउ मइँ बहोत किरोधित होबउँ। मोर किरोध अइसे आगी क तरह होइ जेका कउनो मनई बुझाइ नाहीं सकत। इ घटित होइ काहेकि तू बुरे करम किहा ह।’</verse>
				<verse number="13">“यरूसलेम, मइँ तोहरे बिरुद्ध हउँ। तू पर्वते क चोटी पइ बइठी अहा। तू इ घाटी क ऊपर एक रानी क तरह बइठी अहा। यरूसलेम क लोगो, तू पचे कहत अहा, ‘कउनो भी हम पइ आक्रमण नाहीं कइ सकत। कउनो भी हमरे मजबूत नगर मँ घुस नाहीं सकत।’” किन्तु यहोवा क हिआँ स उ सँदेस क सुना:</verse>
				<verse number="14">“तू पचे उ सजा पउब्या जेकर पात्र तू पचे अहा। मइँ तोहरे पचन्क बनन मँ आगी लगाउब। उ आगी तोहरे चारिहुँ ओर क हर एक चीज बारि देइ।”</verse>
			</chapter>
			<chapter number="22">
				<verse number="1">यहोवा कहेस, “यिर्मयाह राजा क महल क जा। यहूदा क राजा क लगे जा अउर हुआँ ओका उ सँदेसा क उपदेस द्या।</verse>
				<verse number="2">‘यहूदा क राजा, यहोवा क हिआँ स सँदेसा सुना। तू दाऊद क सिंहासन स सासन करत अहा, एह बरे सुना। राजा, तू पचन्क अउर तोहरे अधिकारियन क इ अच्छी तरह सुनइ चाही। यरूसलेम क दुआरन स आवइवाले सबहिं लोगन क यहोवा क सँदेसा सुनइ चाही।</verse>
				<verse number="3">यहोवा कहत ह: उ सबइ काम करा जउन नीक अउ निआव स पूर्ण होइँ। उ मनई क रच्छा करा जेका डाकूअन क जरिय लूट लीन्ह ग होइ। प्रवासी, अनाथ बच्चन अउ राँड़न क जिन दुःख द्या। बेगुनाह लोगन क जिन मारा।</verse>
				<verse number="4">जदि तू एन आदेसन क पालन करत अहा तउ जउन घटित होइ उ इ अहइ: जउन राजा दाऊद क सिंहासने पइ बइठिहीं, उ पचे यरूसलेम नगर मँ इ महल क दुआरन स आवत रहिहीं। उ पचे राजा, ओनकर उत्तराधिकारी अउर ओनकर लोग रथन अउर घोड़न पइ चढ़िके अइहीं।</verse>
				<verse number="5">किन्तु जदि तू एन आदेसन क पालन नाहीं करब्या तउ यहोवा कहत ह: मइँ प्रतिग्या करत हउँ कि राजा क महल ध्वस्त कइ दीन्ह जाइ इ ध्वस्त जगह क तरह रहि जाइ।’”</verse>
				<verse number="6">यहोवा ओन महलन क बारे मँ इ कहत ह जेनमाँ यहूदा क राजा रहत हीं: “गिलाद वन क तरह इ महल ऊँचा अहइ। इ लबानोन पर्वत क समान ऊँचा अहइ। किन्तु मइँ ऍका फुरइ रेगिस्ताने सा बनाउब। इ महल उ नगर क तरह सूना होइ जेहमाँ कउनो मनई न रहत होइ।</verse>
				<verse number="7">मइँ लोगन क महल क नस्ट करइ पठउब। हर एक मनई क लगे आपन औजार होइहीं। उ सबइ लोग तोहार सबन्त उत्तिम देवदार सहतीर क काट डइहीं। अउर ओका आगी मँ लोकाइ देइहीं।</verse>
				<verse number="8">“अनेक रास्ट्रन स लोग इ नगर स गुजरिहीं। उ पचे एक दूसर स पूछिहीं, ‘यहोवा इ महान नगर यरूसलेम क संग अइसा भयंकर काम काहे किहस?’</verse>
				<verse number="9">उ सवाल क जवाब इ होइ, ‘परमेस्सर यरूसलेम क नस्ट किहेस, काहेकि यहूदा क लोग यहोवा आपन परमेस्सर स संग कीन्ह गइ करार क मानब तजि दिहस। ओन लोग दूसर देवतन क पूजा अउर सेवा किहन।’”</verse>
				<verse number="10">उ राजा बरे जिन रोआ जउन मरि गवा। ओकरे बरे जिन रोवा। किन्तु उ राजा बरे फूट-फूट के रोआ जउन हिआँ स जात अहइ। ओकरे बरे रोआ, काहेकि उ फुन कबहुँ वापस नाहीं आइ। सल्लूम (यहोसाहाज) आपन जन्मभूमि क फुन कबहुँ नाहीं लखी।</verse>
				<verse number="11">यहोवा योसिय्याह क पूत सल्लूम क बारे मँ जउन कहत ह, उ इ अहइ (सल्लूम आपन बाप योसिय्याह क मउत क पाछे यहूदा क राजा भवा।) “सल्लूम यरूसलेम स दूर चला गवा। उ फुन यरूसलेम क वापस नाहीं लौटी।</verse>
				<verse number="12">सल्लूम हुवँइ मरी जहाँ ओका मिस्री लइ जइहीं। उ इ भुइँया क फुन नाहीं लखी।”</verse>
				<verse number="13">“राजा यहोयाकीम बरे इ बहोत बुरा होइ। उ बुरे करम करत अहइ एह बरे उ आपन महल बनाइ लेइ। उ लोगन क ठगत अहइ, एह बरे उ ऊपर कमरन बनाइ सकत ह। उ आपन लोगन स बेगार लेत अहइ। उ ओनके काम क मजदूरी नाहीं देत अहइ।</verse>
				<verse number="14">“यहोयाकीम कहत अहइ, ‘मइँ अपने बरे एक ठु बिसाल महल बनाउब। मइँ दूसर मंजिल पइ बिसाल कमरन बनाउब।’ एह बरे उ बिसाल खिड़कियन वाला महल बनावत अहइ। उ देवदार क कड़ियन क दीवारन पइ मढ़ावत बाटइ अउर एन पाइ लाल रंग चढ़ावत अहइ।</verse>
				<verse number="15">“यहोयाकीम, आपन घरे मँ देवदार क जियादा लकड़ी क उपयोग तोहका महान सम्राट नाहीं बनावत। तोहार बाप योसिय्याह भोजन पान पाइके सतुंट्ठ रहा। उ उ किहस जउन ठीक अउर निआवपूर्ण रहा। योसिय्याह उ किहस, एह बरे परमेस्सर ओका आसीस दिहा।</verse>
				<verse number="16">योसिय्याह दीन-दीन लोगन क मदद दिहस। योसिय्याह उ किहस, एह बरे ओकरे बरे सब कछू अच्छा भवा। यहोयाकीम ‘परमेस्सर क जानइ’ क का अरथ होत ह? मोका जानइ क अरथ, ठीक रहब अउर निआवपूर्ण होब अहइ। इ सँदेसा यहोवा क अहइ।</verse>
				<verse number="17">“यहोयाकीम, तोहार आँखिन सिरिफ तोहार आपन लाभ क लखत हीं, तू सदा ही आपन बरे जियादा स जियादा पावइ क सोचत अहा। तू निरपराध लोगन क मारइ बरे इच्छुक रहत अहा। तू दूसर लोगन क चीजन क चोरी करइ क इच्छुक रहत अहा।”</verse>
				<verse number="18">एह बरे योसिय्याह क पूत यहोयाकीम स यहोवा जउन कहत ह, उ इ अहइ: “यहूदा क लोग यहोयाकीम बरे रोइहीं नाहीं। उ पचे आपुस मँ इ नाहीं कहिहीं, ‘हे मोर भाई यहोयाकीम क बारे मँ एतना दुःखी हउँ। हे मोर बहिन, मइँ यहोयाकीम क बारे मँ एतना दुःखी हउँ।’ उ पचे ओकरे बरे रोइहीं नाहीं। मइँ उ पचे ओकरे बारे मँ नाहीं कहिहीं, ‘हे स्वामी, हम एतने दुःखी अही। हे राजा, हम एतने दुःखी अही।’</verse>
				<verse number="19">यरूसलेम क लोग यहोयाकीम क एक ठु मरे गदहे क तरह दफनइहीं। इ पचे ओकरे ल्हास क दूर घसीट लइ जइहीं अउर उ पचे ओकरे ल्हास क यरूसलेम स दुआरे क बाहेर एक खेत मँ लोकाइ देइहीं।</verse>
				<verse number="20">“यहूदा, लबानोन क पहाड़न पइ जा अउर चिल्लाअ। बासान क पहाड़न मँ आपन रोउब सुनाई पड़इ द्या। अबारीम क पहाड़न मँ जाइके चिल्लाअ। काहेकि तोहार सबहिं ‘प्रेमी’ नस्ट कइ दीन्ह जइहीं।</verse>
				<verse number="21">“हे यहूदा जब तू आपन क सुरच्छित समुझा, किन्तु मइँ तोहका चिताउनी दिहेउँ, परन्तु तु सुनइ स इन्कार किहा अउर यहूदा जब स तू युवती रहिउ, तू मोर आग्या क पालन नाहीं किहा।</verse>
				<verse number="22">हे यहूदा, मोर सजा आँधी क तरह आइ अउर इ तोहार सबहिं गड़रियन (प्रमुखन) क उड़ाइ लइ जाइ। तोहार प्रेमियन क बन्दी बना लीन्ह जाइ। तब तू लज्जित होउबिउ। तू जउन कछू बुरे करम किहा, ओनके कारण अपमानित होउबिउ।</verse>
				<verse number="23">“हे राजा, तू लबानोन स लीन्ह भवा ऐस व आराम क सामन स घेरा भवा सुरच्छित रहत ह। किन्तु तू फुरइ तब कराह उठब्या जब तोहका सजा मिली। तू बच्चा पइदा करत मेहरारू क तरह पीड़ित होब्या।”</verse>
				<verse number="24">इ सँदेसा यहोवा क अहइ: “मइँ आपन जिन्नगी क किरिया खात हउँ यहोयाकीम क पूत अउर यहूदा क राजा कोनयाह (यहोयाकीन) बरे कि जदि तू मोरे दाहिने हाथ क मुहर क अँगूठी (राजमुद्रा) होतेन तउ भी मइँ तोहका बाहेर निकार फेंकतेन।</verse>
				<verse number="25">कोन्याह मइँ तोहका बाबुल अउ कसदियन क राजा नबूकदनेस्सर क देब। उ पचे ही लोग अइसे अहइँ जेनसे तू डेरात ह। उ सबइ लोग तोहका मार डावइ चाहत हीं।</verse>
				<verse number="26">मइँ तोहका अउर महतारी क अइसे देस मँ लोकाउब कि जहाँ तू दुइनउँ मँ स कउनो भी पइदा नाहीं भवा रहा। तू अउर तोहार महतारी उहइ देस मँ मरिहीं।</verse>
				<verse number="27">उ पचे आपन भुइँया मँ जाइ क इच्छा करब्या, किन्तु उ पचन्क कबहुँ लउटइ नाहीं दीन्ह जाइ।”</verse>
				<verse number="28">कोन्याह उ टूट बर्तन क तरह अहइ जेका कउनो लोकाइ दिहेस ह। उ अइसे बर्तन क तरह अहइ जेका कउनो मनई नाहीं चाहत। कोन्याह अउर ओकर सन्तानन काहे बाहेर लोकाइ दीन्ह जइहीं? उ पचे कउनो भी बिदेस मँ काहे लोकावा जइहीं?</verse>
				<verse number="29">भुइँया, भुइँया, यहूदा क भुइँया। यहोवा क सँदेसा सुना।</verse>
				<verse number="30">यहोवा कहत ह, “कोन्याह क बारे मँ इ लिख ल्या: ‘उ अइसा मनई अहइ जेका भविस्स मँ अब बच्चन नाहीं होइहीं। कोन्याह आपन जिन्नगी मँ सफल नाहीं होइ। ओकर सन्तान मँ स कउनो भी यहूदा पइ सासन नाहीं करी।’”</verse>
			</chapter>
			<chapter number="23">
				<verse number="1">“यहूदा क गड़रियो क बरे इ बहोत बुरा होइ। उ सबइ गड़रियन भेड़िन क नस्ट करत अहइँ। उ पचे भेड़िन क मोर चरागाह स चारिहुँ कइँती भगावत अहइँ।” इ यहोवा क सँदेसा अहइ।</verse>
				<verse number="2">उ सबइ गड़रियन मोरे लोगन बरे उत्तरदायी अहइँ अउर इस्राएल क परमेस्सर यहोवा ओन गड़रियन स इ कहत ह, “गड़रियो, तू मोर भेड़िन क चारिहुँ कइँती भगाया ह। तू ओनका चला जाइ क मजबूर किहा ह। तू ओनकर देखरेख नाहीं रख्या ह। किन्तु मइँ तू लोगन क लखब, मइँ तू पचन्क बुरे करमन बरे सजा देब जउन तू किहा ह।” इ सँदेसा यहोवा क हिआँ स अहइ।</verse>
				<verse number="3">“मइँ आपन भेड़िन (लोगन) क अलग-अलग देसन मँ पठउब। किन्तु मइँ आपन ओन भेड़िन क एक संग बटोरब जउन बची रहि ग अहइँ अउर मइँ ओनका ओनकर चरागाह (देस) मँ लिआउब। जब मोर भेड़िन अपनी चरागाह मँ वापस अइहीं तउन ओनकर बहोत बच्चन होइहीं अउर ओनकर संख्या बढ़ि जाइ।</verse>
				<verse number="4">मइँ आपन भेड़िन बरे नवे गड़रियन राखब उ सबइ गड़रियन मोरे भेड़िन क देखरेख करिहीं अउर मोर भेड़िन भयभीत या डेरइहीं नाहीं। मोर भेड़िन मँ स कउनो हेरइहीं नाहीं।” इ सँदेसा यहोवा क अहइ।</verse>
				<verse number="5">यहोवा कहत ह: “समइ आवत अहइ जब मइँ दाऊद क कुल मँ एक ठु सच्चा ‘अंकुर’ उगाउब। उ अइसा राजा होइ जउन बुद्धिमानी स सासन करी अउर उ उहइ करी जउन देस मँ उचित अउर निआउपूर्ण होइ।</verse>
				<verse number="6">उ सच्चे अंकुर क समइ मँ यहूदा क लोग सुरच्छित रहिहीं अउर इस्राएल सुरच्छित रही। ओकर नाउँ इ होइ यहोवा हमार सच्चाई अहइ।”</verse>
				<verse number="7">यहोवा कहत ह: “एह बरे समइ आवत अहइ जब लोग पुरान प्रतिग्या नाहीं करिहीं। जउन उ पहिले किया करत रहेन उ कहत रहे: ‘यहोवा क किरिया, जउन इस्राएल क लोगन क मिस्र देस स बाहेर लिआए रहा।’</verse>
				<verse number="8">किन्तु अब लोग कछू नवा कहिहीं, ‘यहोवा जिअत अहइ, यहोवा ही उ अहइ जउन इस्राएल क लोगन क उत्तर क देस स बाहेर लिआवा। उ ओनका ओन सबहिं देसन स बाहेर लिआवा जेनमाँ उ ओनका पठए रहा।’ तब इस्राएल क लोग आपन देस मँ ही रहिहीं।”</verse>
				<verse number="9">नबियन बरे सँदेस अहइ: “मइँ बहोत दुःखी हउँ, मोर हिरदय विदीर्ण होइ ग अहइ। मोर सारी हड्डियन काँपत अहइँ। मइँ (यिर्मयाह) मतवाला क तरह अहउँ। काहे? यहोवा अउर ओकर पवित्तर सँदेसा क कारण।</verse>
				<verse number="10">यहूदा अइसे लोगन स भरा अहइ जउन परमेस्सर बरे बिस्सासघाती अहइँ। यहोवा भुइँया क अभिसाप दिहस अउर इ बहोत झुराइ गइ। पौधन चरागाहन मँ झुरात अहइँ अउर मरत अहइँ। खेत रेगिस्ताने जइसा होइ ग अहइँ। नबियन बुरा करम करत ह अउर ओनकर सक्ति नकली अहइ।</verse>
				<verse number="11">नबी अउर याजक तलक भी पापी अहइँ। मइँ ओनका आपन मँन्दिर मँ पाप करत लखेउँ ह। इ सँदेसा यहोवा क अहइ।</verse>
				<verse number="12">एह बरे मइँ ओनका आपन सँदेस देब बन्द करब। इ अइसा होइ माना उ पचे अंधकार मँ चलइ क मजबूर कीन्ह ग होइँ। इ अइसा होइ माना नबियन अउर याजकन बरे फिसलइवाली सड़किया होइ। उ अँधियारी जगह मँ उ सबइ नबी अउ याजक गिरिहीं। मइँ ओन पइ बिपत्तियन ढाउब। उ समइ मइँ ओन नबियन अउर याजकन क सजा देब।” इ सँदेसा यहोवा क अहइ।</verse>
				<verse number="13">“मइँ सोमरोन क नबियन क कछू बुरा करत लखेउँ। मइँ ओन नबियन क लबार बाल देवता क नाउँ भविस्सवाणी करत लखेउँ। ओन नबियन इस्राएल क लोगन स दूर भटकाएन।</verse>
				<verse number="14">मइँ यहूदा क नबियन क यरूसलेम मँ बहोत भयानक करम करत लखेउँ। एन नबियन बिभिचार करइ क पाप किहन। उ पचे झूठी सिच्छन पइ बिस्सास किहन, अउर ओन लबार उपदेसन क कबूल किहन। उ पचे दुट्ठ लोगन क पाप करत रहइ क बरे उत्साहित किहन। एह बरे लोग पाप करब नाहीं तजेन। उ पचे सबहिं लोग एदोप नगर क तरह अहइँ। यरूसलेम क लोग मोरे बरे अमोरा नगर क तरह अहइ।”</verse>
				<verse number="15">एह बरे सर्वसक्तिमान यहोवा नबियन क बारे मँ इ बातन कहत ह, “मइँ आव नबियन क दण्ड देब। उ सजा बिख स भरा भोजन पानी खाइ पिअइ जइसा होइ। नबियन आध्यात्मिक बीमारी पइदा किहन अउर उ बीमारी पूरे देस मँ फइल गइ। एह बरे मइँ ओन नबियन क सजा देब। उ बीमारी यरूसलेम मँ नबियन स आइ।”</verse>
				<verse number="16">सर्वसक्तिमान इ सब कहत ह: “उ पचे नबी तू पचन स जउन कहइँ ओकर अनसुनी करा। उ पचे तू पचन्क मूरख बनावइ क जतन करत अहइँ। उ पचे नबी अन्तदर्सन करइ क बात करत हीं। किन्तु उ पचे आपन अन्त दर्सन मोहसे नाहीं पाउतेन। ओनकर अन्तदर्सन ओनकर मन क उपज अहइ।</verse>
				<verse number="17">कछू लोग यहोवा क सच्चे सँदेसा स घिना करत हीं। एह बरे उ सबइ नबी ओन लोगन स अलग-अलग कहत हीं। उ पचे कहत हीं, ‘तू सान्ति स रहब्या।’ कछू लोग बहोत हठी अहइँ। उ पचे उहइ करत हीं जउन उ पचे करइ चाहत हीं। एह बरे उ सबइ नबी कहत हीं, ‘तोहार पचन्क कछू भी बुरा नाहीं होइ।’</verse>
				<verse number="18">किन्तु एन नबियन मँ स कउनो भी स्वर्गीय परिषद मँ सामिल नाहीं भवा ह। ओनमाँ स कउनो भी यहोवा क सँदेसा क न लखेस ह न ही सुनेस ह। ओनका स कउनो भी यहोवा क सँदेसा पइ गंभीरता स धियान नाहीं दिहेस ह।</verse>
				<verse number="19">अब यहोवा क हिआँ स सजा आँधी क तरह आइ। यहोवा क किरोध बौंड़र क तरह होइ। इ ओन दुट्ठ लोगन क मूँड़न क कुचरत भवा आइ।</verse>
				<verse number="20">यहोवा क किरोध तब तलक नाहीं रूकी जब तलक उ पचे जउन करइ चाहत हीं, पूरा न कइ लेइँ। जब उ दिन चला जाइ तब तू पचे एका ठीक ठीक समुझब्या।</verse>
				<verse number="21">मइँ ओन नबियन क नाहीं पठएउँ। किन्तु उ पचे आपन सँदेसा देइ दउड़ पड़ेन। मइँ ओनसे बातन नाहीं किहेउँ। किन्तु उ पचे मोर नाउँ क उपदेस दिहन।</verse>
				<verse number="22">जदि उ पचे मोर स्वर्गीय परिषद मँ सामिल भए होतेन तउ उ पचे यहूदा क लोगन क मोर सँदेसा दिए होतेन। उ पचे लोगन क बुरे करम करइ स रोक दिए होतेन। उ पचे लोगन क पाप करम करइ स रोक दिए होतेन।”</verse>
				<verse number="23">इ सँदेसा यहोवा क अहइ। “मइँ परमेस्सर हउँ, हिआँ हुआ अउर सर्वत्र। मइँ बहोत दूर नाहीं हउँ।</verse>
				<verse number="24">कउनो मनई कउनो छिपइ क ठउरे मँ आपन क मोहसे छिपावइ जतन कइ सकत ह। किन्तु ओका लखि लेब मोरे लिए सहल अहइ। काहेकि मइँ सरग अउ धरती दुइनउँ पइ सर्वत्र हउँ।” यहोवा इ सबइ बातन कहेस।</verse>
				<verse number="25">“अइसे नबी अहइँ जउन मोरे नाउँ पइ लबार उपदेस देत हीं। उ पचे कहत हीं, ‘मइँ एक सपन लखेउँ ह! मइँ एक सपन लखेउँ ह।’ मइँ ओनका उ सबइ बातन करत सुनेउँ ह।</verse>
				<verse number="26">इ कब तलक चलत रही? उ सबइ नबी झूठ ही क चिन्तन करत हीं अउर तब उ पचे उ झूठ क उपदेस लोगन क देत हीं।</verse>
				<verse number="27">इ सबइ नबी जतन करत हीं कि यहूदा क लोग मोर नाउँ बिसरि जाइँ। उ पचे इ काम क, आपुस मँ एक दूसर स कल्पित सपन कहिके करत अहइँ। इ सबइ लोग मोरे लोगन स मोर नाउँ वइसे ही बिसराइ देइ क जतन करत अहइँ जइसे ओनकर पुरखन मोका बिसरि गए रहेन। ओनकर पुरखन मोका बिसरि गएन अउर उ पचे लबार देवता बाल क पूजा किहन।</verse>
				<verse number="28">भूसा उ नाहीं अहइ जउन गोहूँ अहइ। ठीक उहइ तरह ओन नबियन क सपन मोर सँदेसा नाहीं अहइँ। जदि कउनो मनई आपन सपनन क कहइ चाहत ह तउ ओका कहइ द्या। किन्तु उ मनई क मोरे सँदेसा क सच्चाई क कहइ द्या जउन मोरे सँदेसा क सुनत ह।</verse>
				<verse number="29">मोर सँदेसा ज्वाला क तरह अहइ। इ उ हथौड़े क तरह अहइ जउन चट्टान क चूर्ण करत ह।” इ सँदेसा यहोवा क अहइ।</verse>
				<verse number="30">“एह बरे मइँ लबार नबियन क खिलाफ हउँ। काहेकि उ पचे मोरे सँदेसा क एक दूसर स चोरावइ मँ लगा रहत हीं।” इ सँदेसा यहोवा क अहइ।</verse>
				<verse number="31">“उ पचे आपन बात कहत हीं अउर देखावा इ करत हीं कि उ यहोवा सँदेसा अहइ।</verse>
				<verse number="32">मइँ ओन लबार नबियन क खिलाफ हउँ जउन सपन क उपदेस देत हीं।” इ सँदेसा यहोवा क अहइ। “उ पचे आपन झूठ अउ झूठे उपदेसन स मोरे लोगन क भटकावत हीं। मइँ ओन नबियन क लोगन क उपदेस देइ बरे नाहीं पठएउँ। मइँ ओनका आपन बरे कछू करइ क आदेस कबहुँ नाहीं दिहेउँ। उ पचे यहूदा क लोगन क सहायता बिल्कुल नाहीं कइ सकतेन।” इ सँदेसा यहोवा क अहइ।</verse>
				<verse number="33">“यहूदा क लोग, नबी अथवा याजक तू पचन्स पूछ सकत हीं, ‘यहोवा क बोझ का अहइ?’ तू पचे ओनका जवाब द्या, ‘तू पचे बोझ अहइ अउर मइँ तोहसे छुटकारा पाउब।’ यहोवा कहत ह।</verse>
				<verse number="34">“कउनो नबी या याजक अथवा सायद लोगन मँ स कउनो कह सकत ह, ‘इ यहोवा स बोझ अहइ।’ उ मनई इ झूठ कहेस, एह बरे मइँ उ मनई अउर ओकरे पूरे परिवार क सजा देब।</verse>
				<verse number="35">जउन तू आपुस मँ एक दूसर स कहब्या उ इ अहइ: ‘यहोवा का जबाव दिहस?’ या ‘यहोवा का कहेस?’</verse>
				<verse number="36">किन्तु तू पचे फुन इ भाव क कबहुँ नाहीं दुहरउब्या। यहोवा क ‘बोझ’ काहेकि ‘बोझ’ लोगन क खुद क सब्द अहइ। ऍह बरे तू पचे मोरे परमेस्सर, सजीव परमेस्सर, सर्वसक्तिमान यहोवा क सब्द क ‘बोझ’ बदल ह।</verse>
				<verse number="37">“जदि तू परमेस्सर क सँदेसा क बारे मँ जानइ चाहत अहा तब कउनो नबी स पूछा, ‘यहोवा तोहका का जवाब दिहस?’ या ‘यहोवा का कहेस?’</verse>
				<verse number="38">किन्तु इ न कहा, ‘यहोवा क हिआँ स बोझ का अहइ?’ जदि तू एन सब्दन क उपयोग करब्या तउ यहोवा तोहसे इ सब कही, ‘तोहका मोरे सँदेसा क यहोवा क हिआँ स बोझ नाहीं कहइ चाही रहा।’ मइँ तोहसे ओन सब्दन क उपयोग न करइ क कहे रहेउँ।</verse>
				<verse number="39">किन्तु तू मोरे सँदेसा क बोझइ कहा, ‘एह बरे मइँ तोहका एक बोझ क तरह उठाउब अउर आपन स दूर पटक देब। मइँ तोहरे पुरखन क यरूसलेम नगर दिहे रहेउँ। किन्तु अब मइँ तोहका अउर उ नगर क आपन स दूर लोकाइ देब।</verse>
				<verse number="40">मइँ सदा ही तोहका कलंकित बनाइ देब। तू कबहुँ आपन लज्जा क नाहीं बिसरब्या।’”</verse>
			</chapter>
			<chapter number="24">
				<verse number="1">यहोवा मोका इ सबइ चिजियन देखाइस: यहोवा क मन्दिर क समन्वा मइँ सजी भइ दुइ ठु अंजीर क टोकरियन लखेउँ। (मइँ इ अन्तदर्सन क बाबुल क राजा नबूकदनेस्सर क जरिये यकोन्याह क बन्दी बनाइ लीन्ह जाइ क पाछे लखेउँ। यकोन्याह राजा यहोयाकीम क पूत रहा। यकोन्याह अउ ओकर बड़के अधिकारी यरूसलेम स दूर पहोंचाइ दीन्ह ग रहेन। उ पचे बाबुल पहोंचावा ग रहेन। नबूकदनेस्सर यहूदा क सबहिं बढ़इयन अउ धातुकारन क लइ गवा रहा।)</verse>
				<verse number="2">एक ठु टोकरी मँ बहोत नीक अंजीर रहेन। उ सबइ ओन अंजीरन क तरह रहेन जउन मौसम क सुरूआत मँ पकत हीं। किन्तु दूसर टोकरी मँ सड़े गले अंजीर रहेन। उ सबइ एतने सड़े गले रहेन कि ओनका खावा नाहीं जाइ सकत रहा।</verse>
				<verse number="3">यहोवा मोहसे कहेस, “यिर्मयाह, तू का लखत अहा?” मइँ जवाब दिहेउँ, “मइँ अंजीर लखत हउँ। नीक अंजीर बहोत नीक अहइँ। अउर सड़े गले अंजीर बहोत ही सड़े गले अहइँ। उ सबइ एतने सड़े गले अहइँ कि खावा नाहीं जाइ सकतेन।”</verse>
				<verse number="4">तब यहोवा क सँदेसा मोका मिला।</verse>
				<verse number="5">इस्राएल क परमेस्सर यहोवा कहेस, “यहूदा क लोग आपन देस स लइ जावा गएन। ओनकर दुस्मन ओनका बाबुल लइ गवा। उ सबइ लोग एन नीक अंजीरन क तरह होइहीं। मइँ ओन लोगन पइ दाया करब।</verse>
				<verse number="6">मइँ ओनकर रच्छा करब। मइँ ओनका यहूदा देस मँ वापस लिआउब। मइँ ओनका चरिके लोकाउब नाहीं, मइँ फुन ओनकर निर्णय करब। मइँ ओनका उखाड़ब नाहीं अपितु रोपब जेहसे उ सबइ बाढ़इँ।</verse>
				<verse number="7">मइँ ओनका आपन क समुझइ क इच्छा रखइवाला बनाउब। उ पचे समझिहीं कि मइँ यहोवा हउँ। उ सबइ मोर लोग होइहीं अउर मइँ ओनकर परमेस्सर। मइँ इ करब काहेकि उ पचे बाबुल क बन्दी पूरे हिरदय स मोर सरण मँ अइहीं।</verse>
				<verse number="8">“किन्तु यहूदा क राजा सिदकिय्याह ओन अंजीरन क तरह अहइ जउने ऍतने सड़े गले अहइँ कि खावा नाहीं जाइ सकतेन। अउर ओकर बड़के अधिकारी, जउन यरूसलेम अउ मिस्र मँ रहत अहइँ ओन सड़े गले अंजीरन क तरह होइहीं।</verse>
				<verse number="9">मइँ ओन लोगन क सजा देब। उ सजा पृथ्वी क सबहिं लोगन क हिरदय दहताइ देइ। लोग यहूदा क लोगन क मजाक उड़इहीं। लोग ओनके बारे मँ हसी उड़इहीं। लोग ओनका ओन सबहिं ठउरन पइ सराप देइहीं जहाँ ओनका मइँ बिखेरब।</verse>
				<verse number="10">मइँ ओनके विरूद्ध तरवारन, भुखमरी अउर बीमारियन पठउब। मइँ ओन पइ तब तलक हमला करब जब तलक कि उ पचे सबहिं मर नाहीं जातिन। तब उ पचे भविस्स मँ उ भुइँया पइ नाहीं रहिहीं जेका मइँ एनका तथा एनकर पुरखन क दिहे रहेउँ।”</verse>
			</chapter>
			<chapter number="25">
				<verse number="1">इ उ सँदेसा अहइ, जउन यहूदा क सबहिं लोगन स सम्बन्धित, यिर्मयाह क मिला। इ सँदेसा यहोयाकीम क यहूदा मँ राज्जकाल क चउथे बरिस मँ आवा। यहोयाकीम योसिय्याह क पूत रहा। राजा क रूप मँ ओकरे राज्जकाल क चउथा बरिस उहइ रहा जउन बाबुल मँ नबूकदनेस्सर क पहिला बरिस रहा।</verse>
				<verse number="2">इ उहइ सँदेसा अहइ जेका यिर्मयाह नबी यहूदा क लोगन अउर यरूसलेम क लोगन क दिहस।</verse>
				<verse number="3">मइँ एन बीते तेईस बरिसन मँ यहोवा क सँदेसन क तोहका बार-बार दिहेउँ ह। मइँ यहूदा क राजा आमोन क पूत योसिय्याह क राज्जकाल मँ तेरहवाँ बरिस स नबी अहउँ। मइँ सुबह होत ही यहोवा क सँदेसन क तोहका दिहेउँ ह। किन्तु तू पचे ओका अनसुना किहा ह।</verse>
				<verse number="4">यहोवा आपन सेवक नबियन क तोहरे पास बार-बार पठएस ह। किन्तु तू ओनका अनसुना किहा ह। तू ओनकी कइँती तनिक भी धियान नाहीं दिहा ह।</verse>
				<verse number="5">ओन नबियन कहेन, “आपन जिन्नगी क बदला। ओन बुरे कामन क करब तजा। जदि तू बदल जाब्या, तउ तू उ भुइँया पइ वापस लउट अउर रह सकब्या जेका यहोवा तोहका अउर तोहरे पुरखन क बहोत पहिले दिहे रहा। उ इ भुइँया तोहका सदैव रहइ क दिहस।</verse>
				<verse number="6">दूसर देवतन क अनुसरण न करा। ओनकर सेवा या ओनकर पूजा न करा। इ सबइ कइके मोका किरोधित न करा, मोका तोहका सज़ा मत देइ द्या।”</verse>
				<verse number="7">“किन्तु तू मोर अनसुनी किहा।” यहोवा कहत ह। “आपन करम स तू मोका आपन ही चोट बरे किरोधित किहा ह।”</verse>
				<verse number="8">एह बरे सर्वसक्तिमान यहोवा इ कहत ह, “तू मोरे सँदेसा क अनसुना किहा ह।</verse>
				<verse number="9">एह बरे मइँ उत्तर क सबहिं परिवार समूहन क हाली बोलाउब।” इ सँदेसा यहोवा क अहइ। “मइँ हाली ही बाबुल क राजा नबूकदनेस्सर क पठउब। उ मोर सेवक अहइ। मइँ ओन लोगन क यहूदा देस अउर यहूदा क लोगन क खिलाफ बोलाउब। मइँ ओनका तोहरे चारिहुँ कइँती क पड़ोसी रास्ट्रन क खिलाफ भी लिआउब। मइँ ओन सबहिं देसन क नस्ट करब। मइँ ओन देसन क सदैव बरे सूना रेगिस्तान बनाइ देब। लोग ओन देसन क लखिहीं अउर जउन बुरी तरह उ सबइ बर्बाद भएन ह ओह पइ सीटी बजइहीं।</verse>
				<verse number="10">मइँ ओन ठउरन पइ सुख अउर आनन्द क किलोलन क बन्द कइ देब। हुआँ भविस्स मँ दुलहा-दुलहिनन क उमंग भरी हँसी ठिठोली न होइ। मइँ चक्की चलावइ लोगन क गीतन क दूर कइ देब। मइँ दीयकन क उजाला खतम करब।</verse>
				<verse number="11">उ समूचा पहँटा ही सूना रेगिस्तान बन जाइ। उ पचे सारे लोग बाबुल क राजा क सत्तर बरिस तलक दास होइहीं।</verse>
				<verse number="12">“किन्तु जब सत्तर बरिस बीत जइहीं तउ मइँ बाबुल क राजा क सजा देब। मइँ बाबुल रास्ट्र क सजा देब।” इ सँदेसा यहोवा क अहइ। “मइँ कसदियन क देस क ओनके पाप बरे दण्ड देब। मइँ उ देस क सदेव बरे रेगिस्तान बनाउब।</verse>
				<verse number="13">मइँ कहेउँ ह कि बाबुल पइ अनेक विपत्तियन अइहीं। उ सबइ बातन घटित होइहीं। यिर्मयाह ओन बिदेसी रास्ट्रन क बारे मँ उपदेस दिहे रहा अउर उ सबइ चितउनियन इ पुस्तक मँ लिखी अहइँ।</verse>
				<verse number="14">हाँ बाबुल क लोगन क कइउ रास्ट्रन अउर कइउ बड़के राजा लोगन क सेवा करइ पड़ी। मइँ ओनका ओकरे बरे ओनके उचित दण्ड देब जउन सब उ पचे करिहीं।”</verse>
				<verse number="15">इस्राएल क परमेस्सर यहोवा इ सब कहेस, “यिर्मयाह, इ दाखरस क पियाला मोरे हाथन स ल्या। इ मोर किरोध क दाखरस अहइ। मइँ तोहका अलग-अलग रास्ट्रन मँ पठवत अहउँ। ओन सबहिं रास्ट्रन क इ पियाला स पिआवा।</verse>
				<verse number="16">उ पचे इ दाखरस क पीइहीं। तब उ पचे उलटी करिहीं अउर पागलन सा बेउहार करिहीं। उ पचे इ ओन तरवारन क कारण अइसा करिहीं जेनका मइँ ओनके खिलाफ हाली पठउब।”</verse>
				<verse number="17">एह बरे मइँ यहोवा क हाथ स पियाला लिहेउँ। मइँ ओन रास्ट्रन मँ गएउँ अउर ओन लोगन क उ पियाले स पिलाएउँ।</verse>
				<verse number="18">मइँ दाखरस क यरूसलेम अउ यहूदा क लोगन क बरे ढालेउँ। मइँ यहूदा क राजा लोगन अउर प्रमुखन क इ पियाले स पियाएउँ। मइँ इ एह बरे किहेउँ कि इ ठउर ऍतनी बुरी तरह स बर्बाद होइ जाइ कि लोग एकरे बारे मँ सीटी बजावइँ अउर इ ठउर क सराप देइँ अउर इ भवा, यहूदा अब उहइ तरह क अहइ।</verse>
				<verse number="19">मइँ मिस्र क राजा फिरौन क भी पियाले स पियाएउँ। मइँ ओनकर अधिकारियन, ओकर बड़के प्रमुखन अउर ओकर सबहिं लोगन क यहोवा क किरोध क पियाले स पियाएउँ।</verse>
				<verse number="20">मइँ सबहिं मिस्रित रास्ट्रन अउर अज़ देस क सबहिं राजा लोगन क उ पियाले स पियाएउँ। मइँ पलिस्ती देस क सबहिं राजा लोगन क उ पियाले स पियाएउँ। इ सबइ अस्कलोन, अज्जा, एक्रोन अउर असदोद नगर क बचे भाग क राजा रहेन।</verse>
				<verse number="21">तब मइँ एदोम, मोआब अउर अम्मोन क लोगन क उ पियाले स पियाएउँ।</verse>
				<verse number="22">मइँ सोर अउ सीदोन क राजा लोगन क उ पियाले स पियाएउँ। मइँ बहोत दूर क देसन क राजा लोगन क भी उ पियाले स पियाएउँ।</verse>
				<verse number="23">मइँ ददान, तेमा अउर बूज क लोगन क उ पियाले स पियाएउँ। मइँ ओन सब क उ पियाले स पियाएउँ जउन आपन गाल क बारन क काटत हीं।</verse>
				<verse number="24">मइँ अरब क सबहिं राजा लोगन क उ पियाले स पियाएउँ। इ सबइ राजा रेगिस्ताने मँ रहत हीं।</verse>
				<verse number="25">मइँ जिम्री, एलाम अउर मादै क सबहिं राजा लोगन क उ पियाले स पियाएउँ।</verse>
				<verse number="26">मइँ उत्तर क सबहिं निचके अउ दूर क राजा लोगन क उ पियाले स पियाएउँ। मइँ एक क पाछे एक दूसर क पियाएउँ। मइँ पृथ्वी पइ क सबहिं राज्जन क यहोवा क किरोध उ पियाले स पियाएउँ। किन्तु बाबुल क राजा एन सबहिं दूसर रास्ट्रन क पाछे इ पियाले स पीइ।</verse>
				<verse number="27">“यिर्मयाह, ओन रास्ट्रन स कहा कि इस्राएल क लोगन क परमेस्सर सर्वसक्तिमान यहोवा जउन कहत ह, उ इ अहइ: ‘मोर किरोध क इ पियाला क पिआ। ओकी पीइके मत्त होइ जा अउर उलटियन करा। भहराइ पड़ा अउ उठा नाहीं, काहेकि तोहका मार डावइ क मइँ तरवार पठवत हउँ।’</verse>
				<verse number="28">“उ सबइ लोग तोहरे हाथे स पियाला लेइ स इन्कार करिहीं। उ पचे ऍका पिअइ स इन्कार करिहीं। किन्तु तू ओनसे इ कहब्या, ‘सर्वसक्तिमान यहोवा इ बातन बतावत ह: तू निहचय हीं इ पियाला स पीब्या।</verse>
				<verse number="29">मइँ आपन नाउँ पइ गोहरावा जाइवाले यरूसलेम नगर पइ पहिले ही बुरी विपत्तियन ढावइ जात हउँ। होइ सकत ह कि तू लोग सोचा कि तू पचन्क सजा नाहीं मिली। किन्तु तू पचे गलत सोचत अहा। तू पचन्क सजा मिली। मइँ पृथ्वी पइ सबहिं लोगन पइ हमला करइ बरे तरवार मँगावइ जात हउँ।’” इ सँदेसा यहोवा क अहइ।</verse>
				<verse number="30">“यिर्मयाह, तू ओनका इ सँदेसा देब्या: ‘यहोवा ऊँच अउ पवित्तर मन्दिर स गरजत बाटइ। यहोवा आपन चरागाह क खिलाफ चिचियाइके कहत अहइ। ओकर चिल्लाहट वइसी ही ऊँच अहइ, जइसे ओन लोगन क, जउन अगूंरन क दाखरस बनावइ बरे गोड़न स कुचरत हीं।</verse>
				<verse number="31">उ चिल्लाहट पृथ्वी क सबहिं लोगन तलक जात ह। यहोवा क रास्ट्र क खिलाफ सिकायत अहइ। उ सबहिं लोगन क खिलाफ कानूनी दोख दर्ज करत ह। उ कसूरवार क तरवार स मउत क सज़ा देब।’” यहोवा कहत ह।</verse>
				<verse number="32">सर्वसक्तिमान यहोवा इ कहत ह: “एक देस स दूसर देस तलक हाली ह बरबादी आइ। उ सक्तिसाली आँधी क तरह पृथ्वी क सबहिं बहोत दूर क देसन मँ आइ।”</verse>
				<verse number="33">ओन लोगन क ल्हासन एक देस क सिरे स दूसर सिरे क पहोंचहीं। कउनो भी ओन मरन बरे नाहीं रोइ। कउनो भी यहोवा क जरिये मारे गए ओनकर ल्हासन क बटोरी नाहीं अउर बटोरी नाहीं। उ पचे गोबरे क नाई भुइँया पइ पड़े तजि दीन्ह जइहीं।</verse>
				<verse number="34">गड़रियो, जोर स चिल्लाब सुरू करा। भेड़िन क प्रमुखो, पीरा स तड़पत भए जमीन पइ लोटा। काहेकि अब तोहरे सबन्क मउत क घाट उतारा जाइ क समइ आवत अहइ। मइँ तू सबइ क टूट घड़न क ठीकरन क तरह चारिहुँ कइँती बिखरिहीं।</verse>
				<verse number="35">गड़रियो क छुपइ बरे कउनो ठउर नाहीं होइ। उ सबइ प्रमुख बचिके नाहीं निकरि पइहीं।</verse>
				<verse number="36">मइँ गड़रियन क सोर मचाउब सुनत हउँ। मइँ भेड़िन क प्रमुखन क रोउब सुनत हउँ। यहोवा ओनकर चरागाह (देस) क नस्ट करत अहइ।</verse>
				<verse number="37">उ सबइ सान्त चरागाहन सूना रेगिस्तान जइसा अहइँ। इ भवा, काहेकि यहोवा बहोत कोहान अहइ।</verse>
				<verse number="38">यहोवा आपन माँद तजत भए सेर क तरह खतरनाक अहइ। यहोवा कोहान अहइ। यहोवा क किरोध ओन लोगन क चोट पहोंचाइ। ओनकर देस सूना रेगिस्तान बन जाइ।</verse>
			</chapter>
			<chapter number="26">
				<verse number="1">योसिय्या राजा क पूत यहोयाकीम क यहूदा पइ राज्ज करइ क पहिले बरिस यहोवा क इ सँदेसा मिला।</verse>
				<verse number="2">यहोवा कहेस, “यिर्मयाह, यहोवा क मन्दिर क आँगन मँ खड़ा ह्वा। यहूदा क ओन सबहिं लोगन क इ सँदेसा द्या जउन यहोवा क मन्दिर मँ पूजा करइ आवत अहइँ। तू ओनसे उ सब कछू कहा जउन मइँ तोहसे कहइ क कहत हउँ। मोरे सँदेसा क कउनो हींसा क जिन तजा।</verse>
				<verse number="3">होइ सकत ह उ पचे मोरे सँदेसा क सुनइँ अउर ओकरे अनुसार चलइँ। होइ सकत ह उ पचे अइसी बुरी जिन्नगी बिताउब तजि देइँ। जदि तू पचे बदल जाइँ तउ मइँ ओनका सजा देइ क जोजना क बारे मँ, आपन निर्णय क बदल सकत हउँ। मइँ ओनका उ सजा देइ क जोजना बनावत हउँ काहेकि उ पचे अनेक बुरे करम किहेन ह।</verse>
				<verse number="4">तू ओनसे कहब्या, ‘यहोवा जउन कहत ह, उ इ अहइ: मइँ आपन उपदेस तू पचन्क दिहेउँ। तू पचन्क मोर आग्या क पालन करइ चाही अउर मोर उपदेसन पइ चलइ चाही।</verse>
				<verse number="5">तू पचन्क मोरे सेवकन क उ सबइ बातन सुनई चाही जउन उ पचे तोहसे कहइँ। (नबी मोर सेवक अहइँ) मइँ नबियन क बार-बार तोहरे पचन्क लगे पठ एउँ ह किन्तु तू पचे ओनकर अनसुनी कइ दिहा ह।</verse>
				<verse number="6">जदि तू पचे मोर आग्या क पालन नाहीं करत्या तउ मइँ आपन यरूसलेम क मन्दिर क सीलो क पवित्तर तम्बू क तरह कइ देब। समूची दूनिया क लोग दूसर नगरन बरे बिपत्ति माँगइ क समइ यरूसलेम क बारे मँ सोचिहीं।’”</verse>
				<verse number="7">याजकन, नबियन अउर सबहिं लोग यहोवा क मन्दिर मँ यिर्मयाह क इ सबइ कहत सुनेन।</verse>
				<verse number="8">यिर्मयाह उ सब कछू कहब पूरा किहेस जेका यहोवा लोगन स कहइ क आदेस दिहे रहा। तब याजकन, नबियन अउ लोग यिर्मयाह क धइ लिहेन। उ पचे कहेन, “अइसी भयंकर बातन करइ क कारण तू मरब्या।</verse>
				<verse number="9">यहोवा क नाँउ पइ अइसी बातन करइ क हिम्मत तू कइसे करत अहा? तू इ कइसे कहइ क साहस करत अहा कि इ मन्दिर सीलो क मन्दिर क तरह नस्ट होइ? तू इ कहइ क हिम्मत कइसे करत अहा कि यरूसलेम बिना कउनो निवासी क रेगिस्तान बन जाइ।” सबहिं लोग यिर्मयाह क चारिहुँ कइँती यहोवा क मन्दिर मँ बटुर गएन।</verse>
				<verse number="10">इ तरह यहूदा क सासक लोग ओन सारी घटनन क सुनेन जउन घटित होत रहीं। एह बरे उ पचे राजा क महल स बाहेर आएन। उ पचे यहोवा क मन्दिर क गएन। हुआँ उ पचे यहोवा क मन्दिर क नवे फाटक क प्रवेस क ठउरे पइ बइठ गएन। नवा फाटक उ फाटक अहइँ जहाँ स यहोवा क मन्दिर क जात हीं।</verse>
				<verse number="11">तब याजकन अउर नबियन सासक लोगन अउ सबहिं लोगन स बातन किहन। उ पचे कहेन, “यिर्मयाह मार डावा जाइ चाही। इ यरूसलेम क बारे मँ बुरा कहेस ह। तू ओसे बातन कहत सुन्या।”</verse>
				<verse number="12">तब यिर्मयाह यहूदा क सबहिं सासकन अउ दूसर सबहिं लोगन स बात किहस। उ कहेस, “यहोवा मोका इ मन्दिर अउर इ नगर क बारे मँ बातन कहइ बरे पठएस। जउन सब तू पचे सुन्या ह उ यहोवा क हिआँ स अहइ।</verse>
				<verse number="13">तू लोगन क आपन जिन्नगी बदलइ चाही। तोहका पचन्क नीक काम करब सुरू करइ चाही। तू पचन्क आपन यहोवा परमेस्सर क आग्या मानइ चाही। जदि तू पचे अइसा करब्या तउ यहोवा आपन इरादा बदल देइ। यहोवा उ सबइ बुरी विपत्तियन नाहीं लिआइ। जेनके घटित होइ क बारे मँ उ कहेस।</verse>
				<verse number="14">जहाँ तलक मोर बात अहइ, मइँ तू पचन्क बस मँ हउँ। मोरे संग उ करा जउन तू नीक अउ ठीक समुझत अहा।</verse>
				<verse number="15">किन्तु जदि तू मोका मार डउब्या तउ एक बात निहचित समझा। तू एक निरपराध मनई क मारइ क अपराधी होब्या। तू इ नगर अउर एहमाँ जउन रहत हीं ओनका भी अपराधी बनउब्या। फुरइ, यहोवा मोका तोहरे पचन्क लगे पठएस ह। जउन सँदेसा तू सुन्या ह, फुरइ, यहोवा क अहइ।”</verse>
				<verse number="16">तब सासक अउर सबहिं लोग बोल पड़ेन। ओन लोग याजकन अउ नबियन स कहेन, “यिर्मयाह, नाहीं मारा जाइ चाही। यिर्मयाह जउन कछू कहेस ह उ हमरे यहोवा परमेस्सर क ही वाणी अहइ।”</verse>
				<verse number="17">तब अग्रजन मँ स कछू खड़े भएन अउर उ पचे सब लोगन स बातन किहन।</verse>
				<verse number="18">उ पचे कहेन, “मीकायाह नबी मोरसोती नगर क रहा। मीकायाह ओन दिनन नबी रहा जउने दिनन हिजकिय्याह यहूदा क राजा रहा। मीकायाह यहूदा क सबहिं लोगन स इ कहेस: ‘सर्वसक्तिमान यहोवा इ कहत ह: सिय्योन एक ठु जुता भवा खेत बनी। यरूसलेम चट्टानन क ढेर होइ। जउने पहाड़ी पइ मन्दिर बना अहइ ओह पइ बृच्छ उगिहीं।’</verse>
				<verse number="19">“हिजकिय्याह यहूदा क राजा रहा अउर हिजकियाह मीकाय्याह क नाहीं मारेस। यहूदा क कउनो मनई मीकायाह क नाही मारेन। तू पचे जानत अहा हिजकिय्याह यहोवा क सम्मान करत रहा। उ यहोवा क खुस करइ चाहत रहा। यहोवा कह चुका रहा कि उ यहूदा क बुरा करी। किन्तु हिजकिय्याह यहोवा स पराथना किहस अउर यहोवा आपन इरादा बदल दिहस। यहोवा उ सबइ बुरी विपत्तियन नाहीं आवइ दिहस। जदि हम लोग यिर्मयाह क चोट पहोंचाउब तउ हम लोग अपने उपर विपत्तियन बोलाउब अउर उ सबइ बिपत्तियन हम लोगन क अपने दोख क कारण होइहीं।”</verse>
				<verse number="20">अतीत काल मँ एक दूसर मनई रहा जउन यहोवा क सँदेसा क उपदेस देत रहा। ओकर नाउँ ऊरिय्याह रहा। उ समाय्याह नाउँ क मनई क पूत रहा। ऊरिय्याह, किर्यत्यारीम नगर क रहा। ऊरिय्याह इ नगर अउर देस क बिरुद्ध उहइ उपदेस दिहस जउन यिर्मयाह दिहेस ह।</verse>
				<verse number="21">राजा यहोयाकीम ओकर सेना अधिकारी अउर यहूदा क प्रमुख लोग ऊरिय्याह क उपदेस सुनेन। उ पचे कोहाइ गएन। राजा यहोयाकीम ऊरिय्याह क मार डावइ चाहत रहा। किन्तु ऊरिय्याह क पता चला कि यहोयाकीम ओका मार डावइ चाहत ह। ऊरिय्याह डेराइ गवा अउर उ मिस्र देस क पराइ निकरा।</verse>
				<verse number="22">किन्तु यहोयाकीम एलनातान नाउँ क एक मनई तथा कछु लोगन क मिस्र पठएस। एलनातान अकबोर नाउँ क मनई क पूत रहा।</verse>
				<verse number="23">उ सबइ लोग ऊरिय्याह क मिस्र स वापस लइ आएन। तब उ सबइ लोग ऊरिय्याह क राजा यहोयाकीम क लगे लइ गएन। यहोयाकीम ऊरिय्याह क तरवारे क घाट उतार देइ क आदेस दिहस। ऊरिय्याह क ल्हास उ कब्रिस्तान मँ लोकाइ दीन्ह गवा जहाँ गरीब लोग दफनाया जात रहेन।</verse>
				<verse number="24">किन्तु साफान क पूत अहीकाम यिर्मयाह क साथ दिहेस अउ ओका लोगन क हाथ स मरइ स बचाएस।</verse>
			</chapter>
			<chapter number="27">
				<verse number="1">यहोवा क सँदेसा यिर्मयाह क मिला। यहूदा क राजा सिदकिय्याह क राज्जकाल क चउथे बरिस उ आवा। सिदकिय्याह राजा योसिय्याह क पूत रहा।</verse>
				<verse number="2">यहोवा मोहसे जउन कहेस, उ इ अहइ: “यिर्मयाह छड़ अउर चमड़े क पट्टियन स जुआ बनावा। उ जुआ क आपन गटइया पइँ रखा।</verse>
				<verse number="3">तब एदोम, मोआब, अम्मोन सोर अउर सीदोन क राजा लोगन क कइँती ओनका पठवा। इ सबइ सँदेसन एन राजा लोगन क राजदूतन क जरिये पठवा जउन यहूदा क राजा सिदकिय्याह स मिलइ यरूसलेम आवा अहइँ।</verse>
				<verse number="4">ओन राजदूतन स कहा कि उ पचे सँदेसा आपन सुआमियन क द्या। ओनसे इ कहा कि इस्राएल क परमेस्सर सर्वसक्तिमान यहोवा इ कहत ह: ‘आपन सुआमियन स कहा कि</verse>
				<verse number="5">मइँ पृथ्वी अउर ऍह पइ रहइवाले सबहिं लोगन क बनाएउँ। मइँ पृथ्वी क सबहिं जनावरन क बनाएउँ। मइँ इ आपन बड़की सक्ति अउर सक्तिसाली भुजा स किहेउँ। मइँ इ पृथ्वी कउनो क भी चाहउँ दइ सकत हउँ।</verse>
				<verse number="6">इ समइ मइँ बाबुल क राजा नबूकदनेस्सर क इ सबइ भुइँया दइ दिहेउँ। उ मोर सेवक अहइ। मइँ जंगली जनावरन क भी ओकरे आग्याकारी बनाउब।</verse>
				<verse number="7">सबहिं रास्ट्र नबूकदनेस्सर ओकर पूत अउर ओकर पौत्र क सेवा करिहीं। तब बाबुल क पराजय क समइ आइ। कइउ रास्ट्र अउर बड़के सम्राट बाबुल क आपन सेवक बनइहीं।</verse>
				<verse number="8">“‘किन्तु इ समइ कछू रास्ट्र या राज्ज बाबुल क राजा नबूकदनेस्सर क सेवा करइ स इन्कार कइ सकत हीं। उ पचे ओकरे जुआ क आपन गटइया पइ धरइ स इन्कार कइ सकत हीं। जदि अइसा होत ह तउ जउन मइँ करब उ इ अहइ: मइँ उ रास्ट्र क तरवार, भूख अउर भयंकर बीमारी क सजा देब,’” यहोवा कहत ह। “‘मइँ उ तब तलक करब जब तलक मइँ उ रास्ट्र क नस्ट न कइ देउँ। मइँ नबूकदनेस्सर क उपयोग उ रास्ट्र क नस्ट करइ क बरे करब जउन ओकरे बिरुद्ध करत ह।</verse>
				<verse number="9">एह बरे आपन नबियन क एक स सुना। ओन मनइयन क एक न सुना जउन भविस्स क घटनन क जानइ बरे जादू क उपयोग करत हीं। ओन लोगन क एक न सुना जउन इ कहत हीं कि हम सपन क फल बताइ सकित ह। ओन मनइयन क एक न सुना जउन मरन स बात करत हीं या उ सबइ लोग जउन जादूगर अहइँ। उ पचे सबहिं तू पचन्स बातन करत हीं, “तू पचे बाबुल क राजा क दास नाहीं बनब्या।”</verse>
				<verse number="10">किन्तु उ सबइ लोग तू पचन्स झूठ बोलत हीं। मइँ तू पचन्क तोहरे पचन्क जन्मभूमि म दूर जाइ पइ बिबस करब अउर तू पचे दूसर देस मँ मरब्या।</verse>
				<verse number="11">“‘किन्तु उ सबइ रास्ट्र जउन बाबुल क राजा क जुआ क आपन कंधन पइ धरिहीं अउर ओकर आग्या मानिहीं, जिअत रहिहीं। मइँ ओन रास्ट्रन क ओनके आपन देस मँ रहइ देब।’ इ सँदेसा यहोवा क अहइ। ‘ओन रास्ट्रन क लोग आपन भुइँया पइ रहिहीं अउर ओह पइ खेती करिहीं।’”</verse>
				<verse number="12">मइँ यहूदा क राजा सिदकिय्याह क भी इहइ सँदेसा दिहउँ। मइँ कहेउँ, “सिदकिय्याह, तोहका बाबुल क राजा क जुआ क खाले आपन गटइ देइ चाही अउर ओकर आग्या मानइ चाही। जदि तू बाबुल क राजा अउर ओकर लोगन क सेवा करब्या तउ तू रहि सकब्या।</verse>
				<verse number="13">जदि तू बाबुल क राजा क सेवा करब कबूल नाहीं करत्या तउ तू अउर तोहार लोग दुस्मन क तरवार क घाट उतारा जइहीं, तथा भूख अउर भयंकर बीमारी स मरिहीं। यहोवा कहेस कि इ सबइ घटनन होइहीं।</verse>
				<verse number="14">किन्तु लबार नबी कहत अहइँ: ‘तू बाबुल क राजा क दास कबहुँ नाहीं होब्या।’ “ओन नबियन क एक न सुना। काहेकि उ पचे तोहका झूठा उपदेस देत अहइँ।</verse>
				<verse number="15">‘मइँ ओन नबियन क नाहीं पठएउँ ह।’ इ सँदेसा यहोवा क अहइ। ‘उ पचे झूठ उपदेस देत अहइँ अउर कहत अहइँ कि उ सँदेसा मोरे हिआँ स अहइ। एह बरे यहूदा क लोगो, मइँ तोहका पचन्क दूर पठउब। तू पचे मरब्या अउर उ सबइ नबी भी जउन झूठ उपदेस देत अहइँ मरिहीं।’”</verse>
				<verse number="16">तब मइँ (यिर्मयाह) याजक अउर ओन सबहिं लोगन स कहेस, “यहोवा कहत ह: ‘उ पचे लबार नबी कहत अहइँ, कसदियन बहोत स चिजियन यहोवा क मन्दिर स लिहन। उ सबइ चिजियन हाली ही वापस लिआइ जइहीं।’ ओन नबियन क एक न सुना काहेकि उ पचे तू पचन्क झूठ उपदेस देत अहइँ।</verse>
				<verse number="17">ओन नबियन क एक न सुना। बाबुल क राजा क सेवा करा अउर तू पचे जिअत रहब्या। तोहरे पचन्क बरे कउनो कारण नाहीं कि तू पचे यरूसलेम सहर क बर्बाद करवाआ।</verse>
				<verse number="18">जदि उ सबइ लोग नबी अहइँ अउर ओनके लगे यहोवा क सँदेसा अहइ तउ ओनका पराथना करइ द्या। ओन चीजन क बारे मँ ओनका पराथना करइ द्या जउन अबहिं तलक राजा क महल मँ अहइँ अउर ओनका ओन चिजियन क बारे मँ ओनका पराथना करइ द्या जउन अबहिं तलक राजा क महल मँ अहइँ ओनका ओन चिजियन क बारे मँ पराथना करइ द्या जउन अब तलक यरूसलेम मँ अहइँ। ओन नबियन क पराथना करइ द्या ताकि उ पचे सबहिं चिजियन बाबुल नाहीं लइ जाइ जाइँ।</verse>
				<verse number="19">“सर्वसक्तिमान यहोवा ओन सबइ चिजियन क बारे मँ इ कहत ह जउन अबहिं तलक यरूसलेम मँ बची रहि गइ अहइँ। मन्दिर मँ खम्भा, काँसा क बना सागर, हटावइ जोग्ग आधार अउर दूसर चिजियन अहइँ। बाबुल क राजा नबूकदनेस्सर ओन चिजियन क यरूसलेम मँ तजि दिहन।</verse>
				<verse number="20">नबूकदनेस्सर जब यहूदा क राजा यकोन्याह क बन्दी बनाइके लइ गवा तब ओन चिजियन क नाहीं लइ गवा। यकोन्याह राजा यहोयाकीम क पूत रहा। नबूकदनेस्सर यहूदा अउर यरूसलेम क दूसर बड़के लोगन क भी लइ गवा।</verse>
				<verse number="21">इस्राएल क लोगन क परमेस्सर सर्वसक्तिमान यहोवा मन्दिर मँ बची, राजमहल मँ बची अउर यरूसलेम मँ बची चिजियन क बारे मँ इ कहत ह, “उ सबइ चिजियन भी बाबुल लइ जाइ जइहीं।</verse>
				<verse number="22">‘उ सबइ चिजियन बाबुल मँ तब तलक रहिहीं जब तलक उ समइ आइ कि मइँ ओनका लेइ जाब।’ इ सँदेसा यहोवा क अहइ। ‘तब मइँ ओन चिजियन क वापस लिआउब। मइँ ओन चिजियन क इ ठउरे पइ वापस रखब।’”</verse>
			</chapter>
			<chapter number="28">
				<verse number="1">यहूदा मँ सिदकिय्याह क राज्जकाल क चउथे बरिस क पाँचवे महीना मँ अज्जू क पूत, गिबोन क हनन्याह नबी मोहसे बात किहस। हनन्याह यहोवा क मन्दिर मँ याजक अउर दूसर लोगन क समन्वा मोहसे बात किहेस। हनन्याह जउन कहेस उ इ अहइ:</verse>
				<verse number="2">“इस्राएल क लोगन क परमेस्सर सर्वसक्तिमान यहोवा इ कहत ह, ‘मइँ उ जुए क तोड़ डाउब जेका बाबुल क राजा यहूदा क लोगन पइ रखा ह।</verse>
				<verse number="3">दुइ बरिस पूरा होइ क पहिले मइँ ओन चिजियन क वापस लइ आउब जेनका बाबुल क राजा नबूकदनेस्सर यहोवा क मन्दिर स बाबुल लइ गवा ह।</verse>
				<verse number="4">मइँ यहूदा क राजा यकोन्याह क भी वापस हिआँ स लइ आउब। यकोन्याह, यहोयाकीम पूत अहइ मइँ ओन सबहिं यहूदा क लोगन क वापस लि आउब जेनका नबूकदनेस्सर आपन घर तजइ अउर बाबुल जाइ क मजबूर किहस।’ इ सँदेसा यहोवा क अहइ। ‘एह बरे मइँ उ जुए क तोड़ देब जेका बाबुल क राजा यहूदा क लोगन पइ रखेस ह।’”</verse>
				<verse number="5">तब यिर्मयाह नबी हनन्याह नबी स यहोवा मन्दिर मँ याजकन अउर ओन सबहिं लोगन क समन्वा जउन यहोवा क मन्दिर मँ उपस्थित रहब, कहब्या।</verse>
				<verse number="6">यिर्मयाह हनन्याह स कहेस, “आमीन! मोका आसा अहइ कि यहोवा निहचय ही अइसा करी। मोका आसा अहइ कि यहोवा उ सँदेसा क फुरइ घटित करी जउन तू देत अहा। मोका आसा अहइ कि यहोवा आपन मन्दिर क चिजियन क बाबुल स उ ठउरे पइ वापस लिआइ अउर मोका आसा अहइ कि यहोवा ओन सबहिं लोगन क इ ठउरे पइ वापस लिआइ जउन आपन घरन क तजइ क बिवस कीन्ह ग रहेन।</verse>
				<verse number="7">“किन्तु हनन्याह उ सुना जउन मोका कहइ चाही। उ सुना जउन मइँ सबहिं लोगन स कहत हउँ।</verse>
				<verse number="8">हनन्याह हमरे अउर तोहरे नबी होइ के बहोत पहिले भी नबी रहेन। उ पचे भविस्सवाणी किहे रहेन कि जुद्ध, भुखमरी अउर भयंकर बीमारियन अनेक देसन अउर राज्जन मँ अइहीं।</verse>
				<verse number="9">मुला उ नबी क जाँचा इ जानइ बरे होइ चाही कि ओका यहोवा फुरइ पठएस ह जउन इ कहत ह कि हम लोग सान्ति क साथ रहब। जदि उ नबी क सँदेसा फुरइ घटित होत ह तउ लोग समुझ सकत हीं कि फुरइ ही उ यहोवा क जरिये पठवा गवा ह।”</verse>
				<verse number="10">यिर्मयाह आपन गटइ पइ एक जुआ धरे रहा। तब हनन्याह नबी उ जुआ क यिर्मयाह क काँधन स उतार लिहस। हनन्याह उ जुआ क तोड़ डाएस।</verse>
				<verse number="11">तब हनन्याह सबहिं लोगन क समन्वा बोला। उ कहेस, “यहोवा कहत ह, ‘इहइ तरह मइँ बाबुल क राजा नबूकदनेस्सर क जुआ क तोड़ देब। उ उ जुआ क दुनिया क सबहिं रास्ट्रन पइ धरेस ह। किन्तु मइँ उ जुआ क दुइ बरिस बीतइ स पहिले ही तोड़ देब।’” हनन्याह क उ कहइ क बाद यिर्मयाह मन्दिर क तजिके चला गवा।</verse>
				<verse number="12">तब यहोवा क सँदेसा यिर्मयाह क मिला। इ तब भवा जब हनन्याह यिर्मयाह क गटइ स जुआ क उतार लिहे रहा अउर ओका तोड़ डाए रहा।</verse>
				<verse number="13">यहोवा यिर्मयाह स कहेस, “जा अउर हनन्याह स कहा, ‘यहोवा जउन कहत ह, उ इ अहइ: तू एक ठु काठे क जुआ तोड़्या ह। किन्तु मइँ काठ क जगह एक ठु लोहा क जुआ बनाउब।’</verse>
				<verse number="14">इस्राएल क परमेस्सर सर्वसक्तीमान यहोवा कहत ह, ‘मइँ एन सबहिं रास्ट्रन क गटइ पइ लोहा क जुआ धरब। मइँ इ बाबुल क राजा नबूकदनेस्सर क ओनसे सेवा कराबइ बरे करब अउर उ पचे ओकर दास होइहीं। मइँ नबूकदनेस्सर क जंगली जनावरन पइ भी सासन क अधिकार देब।’”</verse>
				<verse number="15">तब यिर्मयाह नबी हनन्याह नबी स कहेस, “हनन्याह, सुना! यहोवा तोहका नाहीं पठएस। यहोवा तोहका नाहीं पठएस किन्तु तू यहूदा क लोगन क झूठ मँ बिस्सास कराया।</verse>
				<verse number="16">एह बरे यहोवा जउन कहत ह, उ इ अहइ, ‘हनन्याह मइँ तोहका हाली ही इ संसार स उठाइ लेब। तू इस बरिस मरब्या। काहेकि तू लोगन क यहोवा क खिलाफ जाइ क सिच्छा दिहा ह।’”</verse>
				<verse number="17">हनन्याह उहइ बरिस क सतएँ महीने मरि गवा।</verse>
			</chapter>
			<chapter number="29">
				<verse number="1">यिर्मयाह बाबुल मँ बन्दी यहूदियन क एक पत्र पठएस। उ एका अग्रजन, याजकन, नबियन अउर बाबुल मँ रहइवाले सबहिं बन्दी यहूदियन क पठएस। इ सबइ उ पचे लोग रहेन जेनका नबूकदनेस्सर यरूसलेम मँ पकड़े रहा अउर बाबुल लइ गवा।</verse>
				<verse number="2">(इ पत्र राजा यकोन्याह, राजमाता, अधिकारी, यहूदा अउर यरूसलेम क प्रमुख, बढ़ई अउर ठठेरन क यरूसलेम स लइ जावा जाइ क पाछे पठवा गवा रहा।)</verse>
				<verse number="3">सिदकिय्याह एलासा अउर गमर्याह क राजा नबूकदनेस्सर क लगे पठएस। सिदकिय्याह यहूदा क राजा रहा। एलासा सापान क पूत रहा अउर गमर्याह हिल्किय्याह क पूत रहा। यिर्मयाह उ पत्र क ओन लोगन क बाबुल लइ जाइ बरे दिहस। पत्र मँ जउन लिखा रहा उ इ अहइ:</verse>
				<verse number="4">इस्राएल क लोगन क परमेस्सर सर्वसक्तिमान यहोवा इ सबइ बातन ओन सबहिं लोगन स कहत ह जेनका बन्दी क रूप मँ उ यरूसलेम स बाबुल पठए रहा:</verse>
				<verse number="5">“घर बनावा अउर ओहमाँ रहा। उस देस मँ बस जा। पौधन लगावा अउर आपन आइ भइ फसल स भोजन पावा।</verse>
				<verse number="6">बियाह करा अउ बेटा-बिटिया पइदा करा। आपन पूतन बरे मेहररूअन हेरा अउर आपन बिटियन क बियाह करा। इ एह बरे करा जेहसे ओनके भी लरकन अउ लड़कियन होइँ बहोत स बच्चन पइदा करा अउर बाबुल मँ आपन गिनती बढ़ावा। आपन गिनती जिन घटावा।</verse>
				<verse number="7">मइँ जउने नगर मँ तू पचन्क पठउँ ओकरे बरे नीक काम करा। जउने नगर मँ तू पचे रहा ओकरे बरे यहोवा स पराथना करा। काहेकि जदि उ नगर मँ सान्ति रही तउ तू पचन्क भी सान्ति मिली।”</verse>
				<verse number="8">इस्राएल क लोगन क परमेस्सर सर्वसक्तिमान यहोवा कहत ह, “आपन नबियन अउर जादूगरन क आपन क मूरख मत बनावइ द्या। ओनकर ओन सपनन क बारे मँ न सुना जेनका उ पचे लखत हीं।</verse>
				<verse number="9">उ पचे झूठा उपदेस देत हीं अउर उ पचे इ इ कहत हीं कि ओनकर सँदेसा मोरे हिआँ स अहइ। किन्तु मइँ ओका नाहीं पठएउँ।” इ सँदेसा यहोवा क अहइ।</verse>
				<verse number="10">यहोवा जउन कहत ह, उ इ अहइ: “बाबुल सत्तर बरिस तलक सक्तिसाली रही। ओकरे पाछे बाबुल मँ रहइवाले लोगो, मइँ तोहरे पचन्क लगे आउब। मइँ तोहका पचन्क वापस यरूसलेम लिआवइ क सच्ची प्रतिग्या पूरी करब।</verse>
				<verse number="11">मइँ इ एह बरे कहत हउँ काहेकि मइँ ओन आपन जोजनन क जानत हउँ जउन तोहरे पचन बरे अहइँ। मइँ तू पचन्क चोट पहोंचावइ क जोजना नाहीं बनावत हउँ। मइँ तू पचन्क आसा अउर उज्ज्वल भविस्स देइ क जोजना बनावत हउँ।</verse>
				<verse number="12">तब तू लोग मोर नाउँ लेब्या। तू लोग मोरे लगे अउब्या अउर मोर पराथना करब्या अउर मइँ तोहार पचन्क बातन पइ धियान देब।</verse>
				<verse number="13">तू लोग मोर खोज करब्या अउर तू पचे मोका पउब्या काहेकि तू इमानदरी स मोर खोज करब्या।</verse>
				<verse number="14">मइँ आपन क तू पचन्क प्राप्त होइ देब।” इ सँदेसा यहोवा क अहइ। “मइँ तू पचन्क तोहरे सबन्क बन्दीखाने स वापस लिआउब। मइँ तू पचन्क इ ठउर तजइ क विवस किहस। किन्तु मइँ तू पचन्क ओन सबहिं रास्ट्रन अउ ठउरन स एकट्ठा करब जहाँ मइँ तू पचन्क पठएउँ ह।” इ सँदेसा यहोवा क अहइ। “मइँ तू पचन्क इ ठउरे पइ वापस लिआउब।”</verse>
				<verse number="15">तू लोग इ कहि सकत ह, “किन्तु यहोवा हमका हिआँ बाबुल मँ नबी दिहेस ह।”</verse>
				<verse number="16">किन्तु यहोवा तोहरे पचन्क ओन सबंधियन क बारे मँ जउन बाबुल नाहीं लइ जावा गए इ कहत ह: मइँ उ राजा क बारे मँ बात कहत हउँ जउन इ समइ दाऊद स राजसिंहासन पइ बइठा अहइ अउर ओन सबहिं दूसर लोगन क बारे मँ जउन अब भी यरूसलेम नगर मँ रहत हीं।</verse>
				<verse number="17">सर्वसक्तिमान यहोवा कहत ह, “मइँ हाली ही तरवार, भूख अउर भयंकर बीमारी ओन लोगन क खिलाफ पठउब जउन अब भी यरूसलेम मँ अहइँ अउर मइँ ओनका उ सबइ ही सड़े गले अंजीर बनाउब जउन खाइ जोग्ग नाहीं।</verse>
				<verse number="18">मइँ ओन लोगन क पाछा जउन अभी भी यरूसलेम मँ अहइँ, तरवार, भूख अउर भयंकर बीमारी स करब अउर मइँ एका अइसा कइ देब कि पृथ्वी क सबहिं राज्ज इ लखिके डेराब कि एन लोगन क संग का घटित होइ ग अहइ। उ सबइ लोग बर्बाद कइ दीन्ह गएन। लोग जब ओन घटित घटनन क सुनिहीं तउ अचरज स सिसकारी भरिहीं अउर जब लोग कउनो लोगन बरे अभिसाप करिहीं तउ उ पचे एका उदारहण रूप मँ उपयोग करिहीं। मइँ ओन लोगन क जहाँ कहूँ जाइ क बिबस करब, लोग हुआँ ओनकर अपमान करिहीं।</verse>
				<verse number="19">मइँ ओन सबहिं घटनन क घटित कराउब काहेकि यरूसलेम क ओन लोग मोरे सँदेसा क अनसुना किहन ह।” इ सँदेसा यहोवा क अहइ। “मइँ आपन सँदेसा ओनके लगे बार-बार पठएउँ। मइँ आपन सेवक नबियन क ओन लोगन क आपन सँदेसा देइ क पठएउँ। किन्तु लोग ओनका अनसुना किहन।” इ सँदेसा यहोवा क अहइ।</verse>
				<verse number="20">“तू लोग बन्दी ह्वा। मइँ तू पचन्क यरूसलेम तजइ अउर बाबुल जाइ क मजबूर किहेउँ। एह बरे यहोवा सँदेसा सुना।”</verse>
				<verse number="21">सर्वसक्तिमान यहोवा कोलायाह क पूत अहाब अउर मासेयाह क पूत सिदकिय्याह क बारे मँ इ कहत ह: “इ दुइनउँ मनई तू पचन्क लबार उपदेस देत अहइँ। उ पचे कहेन ह कि ओनकर सँदेसा मोरे हिआँ स अहइ। किन्तु उ पचे झूठ बोलत रहेन। ओन दुइनउँ नबियन क बाबुल क राजा नबूकदनेस्सर क दइ देब अउर नबूकदनेस्सर बाबुल मँ बन्दी तू सबहिं लोगन क समन्वा ओन नबियन क मार डाइ।</verse>
				<verse number="22">सबहिं यहूदी बन्दी ओन लोगन क उपयोग उदाहरण बरे तब करिहीं जब उ पचे दूसर लोगन क बुरा होइ क माँग करिहीं। उ सबइ बन्दी कहिहीं, ‘यहोवा तोहरे पचन्क संग सिदकिय्याह अउर अहाव क नाई बेउहार करइ। बाबुल क राजा ओन दुइनउँ क आगी मँ बार दिहेस।’</verse>
				<verse number="23">ओन दुइनउँ नबियन इस्राएल क लोगन क संग घृणित कर्म किहे रहेन। उ पचे आपन पड़ोसी क मेहरारू क घिनौना करम किहे रहेन। उ पचे झूठ भी बोलेन ह अउर कहेन ह कि उ सबइ झूठ यहोवा क हिआँ स अहइ। मइँ ओनसे उ सब करइ क नाहीं कहेउँ। मइँ जानत हउँ कि उ पचे का किहेन ह मइँ साच्छी हउँ।” इ सँदेसा यहोवा क अहइ।</verse>
				<verse number="24">समायाह क भी एक सँदेसा द्या। समायाह नेहलामी परिवार स अहइ।</verse>
				<verse number="25">इस्राएल क परमेस्सर सर्वसक्तिमान यहोवा कहत ह, “समायाह, तू यरूसलेम क सबहिं लोगन क पत्र पठएस अउर तू यासेयाह क पूत याजक सपन्याह क पत्र पठया। तू सबहिं याजकन क पत्र पठया। तू ओन पत्रन क आपन नाउँ स पठया अउर यहोवा क सत्ता क नाउँ पइ नाहीं।</verse>
				<verse number="26">समायाह, तू आपन सपन्याह क आपन पत्र मँ जउन लिखे रह्या उ इ अहइ: ‘सपन्याह यहोवा यहोयादा क ठउरे पइ तोहका याजक बनाएस ह। तू यहोवा क मन्दिर क अधिकारी अहा। तोहका उ कउनो क कैद कइ लेइ चाही जउन पागल क तरह काम करत ह अउर नबी क तरह बेउहार करत ह। तोहका उ मनई क गोड़न क लकड़ी क बड़े टूकन क बीच रखइ चाही अउर ओकरे गले मँ लौह-कटक पहिरइ चाही।</verse>
				<verse number="27">अब यिर्मयाह नबी क तरह काम करत ह। एह बरे तू ओका बन्दी काहे नाहीं बनाया?</verse>
				<verse number="28">यिर्मयाह हम लोगन क इ सँदेसा बाबुल मँ दिहे रहा: बाबुल मँ रहइवाले लोगो, तू हुआँ लम्बे समइ तलक रहब्या। एह बरे आपन मकान बनावा अउर हुवँइ जाइ बसा। बाग लगावा अउर उ खा, जउन उपजावा।’”</verse>
				<verse number="29">याजक सपन्याह यिर्मयाह नबी क पत्र सुनाएस।</verse>
				<verse number="30">तब यिर्मयाह क लगे यहोवा क सँदेसा आवा।</verse>
				<verse number="31">“यिर्मयाह, बाबुल क सबहिं बन्दियन क इ सँदेसा पठवा: ‘नेहलामी परिवार क समायाह क बारे मँ जउन यहोवा कहत ह, उ इ अहइ: समायाह तोहरे समन्वा भविस्सवाणी किहस, किन्तु मइँ ओका नाहीं पठएउँ। समायाह तोहका झूठ मँ बिस्सास कराएस ह। समायाह इ किहेस ह।</verse>
				<verse number="32">एह बरे यहोवा जउन कहत ह उ इ अहइ: नेहलामी परिवार क समायाह क मइँ हाली सजा देब। मइँ ओकरे परिवार क पूरी तरह नस्ट करब अउर मइँ आपन लोगन बरे जउन नीक करब ओहमाँ ओकर कउनो हींसा नाहीं होइ।’” इ सँदेसा यहोवा क अहइ। “‘मइँ समायाह क सजा देब काहेकि उ लोगन क यहोवा क बिरुद्ध जाइ क सिच्छा दिहेस ह।’”</verse>
			</chapter>
			<chapter number="30">
				<verse number="1">इ सँदेसा यहोवा क अहइ जउन यिर्मयाह क मिलइ।</verse>
				<verse number="2">इस्राएल क लोगन क परमेस्सर यहोवा इ कहेस, “यिर्मयाह, मइँ जउन सँदेसा दिहेउँ ह, ओनका एक ठु किताबे मँ लिख ड़ावा। इ किताबे क अपने बरे लिखा।”</verse>
				<verse number="3">इ सँदेसा यहोवा क अहइ। “इ करा, काहेकि उ सबइ दिन अइहीं जब मइँ आपन लोगन इस्राएल अउर यहूदा क देस निकारइ स वापस लिआउब।” इ सँदेसा यहोवा क अहइ। “मइँ ओन लोगन क उ देस मँ वापस लि आउब जेका मइँ ओनके पुरखन क दिहे रहेउँ। तब मोर लोग उ देस क फुन अपना बनइहीं।”</verse>
				<verse number="4">यहोवा इ सँदेसा इस्राएल अउर यहूदा क लोगन क बारे मँ दिहस</verse>
				<verse number="5">यहोवा जउन कहेस, उ इ अहइ: “हम भय स रोवत लोगन क रोउब सुनित ह। लोग डेरान अहइँ। कहूँ सान्ति नाहीं।</verse>
				<verse number="6">“इ सवाल पूछा एह पइ विचार करा: का कउनो पुरूख बच्चा क जन्म दइ सकत ह निहचय ही नाहीं। तब मइँ हर एक सक्तिसाली मनई क पेट धरे काहे लखत हउँ माना उ पचे पइदा करइवाली मेहरारू क पीरा सहत होइँ? काहे हर एक मनई क मुँह ल्हास सा सफेद होत अहइ? काहेकि लोग बहोत भयभीत अहइँ?</verse>
				<verse number="7">“इ याकूब बरे बहोत महत्वपूर्ण समइ अहइ। इ बड़की बिपत्ति क समइ अहइ। इ तरह क समइ फुन कबहुँ नाहीं आइ। किन्तु याकुब बच पाइ।”</verse>
				<verse number="8">इ सँदेसा यहोवा क अहइ: “उ समइ, मइँ इस्राएल अउर यहूदा क लोगन क गटइ स जुआ क तोड़ डाउब अउर तोहका जकड़इवाली रस्सियन क मइँ तोड़ देब। विदेसन क लोग मोरे लोगन क फुन कबहुँ दास होइ बरे बिवस नाहीं करिहीं।</verse>
				<verse number="9">इस्राएल अउर यहूदा क लोग दूसर देसन क भी सेवा नाहीं करिहीं। नाहीं, उ पचे तउ आपन परमेस्सर यहोवा क सेवा करिहीं अउर उ पचे आपन राजा दाऊद क सेवा करिहीं। मइँ उ राजा क ओनके लगे पठउब।</verse>
				<verse number="10">“एह बरे मोर सेवक याकूब डेराअ नाहीं।” इ सँदेसा यहोवा क अहइ। “इस्राएल, डेराअ नाहीं। मइँ उ बहोत दूर क ठउरे स तोहका बचाउब। तू उ बहोत दूर क देस मँ बन्दी अहा, किन्तु मइँ तोहरी सन्तानन क उ देस स बचाउब। याकूब फुन सान्ति पाइ। याकूब क लोग तंग नाहीं करिहीं। मोरे लोगन क भयभीत करइवाला कउनो दुस्मन नाहीं होइ।</verse>
				<verse number="11">इस्राएल अउर यहूदा क लोगो, मइँ तोहरे संग हउँ।” यहोवा कहत ह, “अउर मइँ तोहका बचाउब। मइँ तोहका ओन रास्ट्रन मँ पठएउँ। किन्तु मइँ ओन सबहिं रास्ट्रन क पूरी तरह नस्ट करब। किन्तु मइँ तोहका नस्ट नाहीं करब। किन्तु मइँ तोहका निआवपूर्ण अनुसासित करब ओन बुरे कामन क सजा जरूर मिली जेनका तू किहा।”</verse>
				<verse number="12">यहोवा कहत ह, “इस्राएल अउर यहूदा क तू लोगन क एक घाव अहइ जउन नीक नाहीं कीन्ह जाइ सकत। तोहका एक चोट अहइ जउन नीक नाहीं होइ सकत।</verse>
				<verse number="13">तोहरे घावत क ठीक करइवाला कउनो मनई नाहीं अहइ। एह बरे तू तन्दुरूस्त नाहीं होइ सकत्या।</verse>
				<verse number="14">तू अनेक रास्ट्रन क मीत बना अहा, किन्तु उ पचे रास्ट्र तोहार परवाह नाहीं करतेन। तोहार ‘मीत’ तोहका बिसरि गवा अहइँ। मइँ तोहका दुस्मन जइसी चोट पहोंचाएउँ। मइँ तोहका कठोर सजा दिहेउँ। मइँ इ तोहरे बड़के अपराध बरे किहेउँ।</verse>
				<verse number="15">इस्राएल अउर यहूदा तू आपन घाव क बरे मँ काहे चिल्लात अहा? तोहार घाव कस्ट देइवाला अहइ अउर एकर कउनो उपचार नाहीं अहइ। मइँ, यहोवा तोहार बड़के अपराधन क कारण तोहका इ सबइ किहेउँ। मइँ इ सबइ कछू तोहार अनेक पापन क कारण किहेउँ।</verse>
				<verse number="16">ओन रास्ट्र तोहका नस्ट किहन। किन्तु अब उ सबइ नस्ट कीन्ह जइहीं। इस्राएल अउर यहूदा तोहार सत्रु बन्दी होइहीं। ओन लोग तोहार चिजियन चोराएन। किन्तु दूसर लोग ओनकर चिजियन चुराइहीं। ओन लोग तोहार चिजियन जुद्ध मँ लिहेन। किन्तु दूसर लोग ओनसे चिजियन जुद्ध मँ लेइहीं।</verse>
				<verse number="17">मइँ तोहरी तन्दुरूस्ती क लउटाउब अउर मइँ तोहरे घावन क भरब।” इ सँदेसा यहोवा क अहइ। “काहेकि दूसर लोग कहेन कि तू जाति-बहिस्कृत अहा। ओन लोग कहेन, ‘कउनो भी सिय्योन क परवाह नाहीं करत।’”</verse>
				<verse number="18">यहोवा कहत ह: “याकूब क लोग अब बन्दी अहइँ। किन्तु उ पचे वापस अइहीं। अउर मइँ याकूब क परिवारन पइ दाया करब। सहर अब बर्बाद इमारतन स ढका एक पहाड़ी सिरिफ अहइ। किन्तु इ नगर फुन बनी अउर राजा क महल भी हुआँ फुन बनी जहाँ एका होइ चाही।</verse>
				<verse number="19">ओन ठउरन पइ लोग स्तुतिगान करिहीं। हुआँ हँसी ठठा भी सुनाइ पड़ी। मइँ ओनका बहोत सी सन्तानन देब। इस्राएल अउ यहूदा नान्ह नाहीं रहिहीं। मइँ ओनका सम्मान देब। कउनो मनई ओनकर अनादर नाहीं करी।</verse>
				<verse number="20">याकूब क परिवार प्राचीनकाल क परिवारन सा होइ। मइँ इस्राएल अउर यहूदा क लोगन क सक्तिसाली बनाउब अउर मइँ ओन लोगन क सजा देब जउन ओन पइ चोट करिहीं।</verse>
				<verse number="21">ओनहीं मँ स एक ओनकर अगुवा होइ। उ सासक मोरे लोगन मँ स होइ। उ मोरे निचके तबइ आइ जब मइँ ओनसे अइसा करइ क कहब। एह बरे मइँ अगुवा क आपन लगे बोलाउब अउर उ मोरे निअरे होइ।</verse>
				<verse number="22">तू पचे मोर लोग होब्या अउर मइँ तोहार पचन्क परमेस्सर होब।”</verse>
				<verse number="23">यहोवा बहोत कोहान रहा। उ लोगन क सजा दिहस अउर सजा प्रचण्ड आँधी क तरह आइ। सजा एक चववात सा, दुट्ठ लोगन क खिलाफ आइ।</verse>
				<verse number="24">यहोवा तब तलक कोहान रही जब तलक उ पचे लोगन क सजा देब पूरा नाहीं करत उ तब तलक कोहान रही जब तलक उ आपन जोजना क अनुसार सजा नाहीं दइ लेत। जब उ दिन आइ तउ यहूदा क लोगो, तू पचे समुझ जाब्या।</verse>
			</chapter>
			<chapter number="31">
				<verse number="1">यहोवा इ सबइ कहेस: “उ समइ मइँ इस्राएल क पूरे परिवार समूहन क परमेस्सर होब अउर उ पचे मोर लोग होइहीं।”</verse>
				<verse number="2">यहोवा कहत ह, “जउन लोग दुस्मन क तरवार स बच गएन, उ सबइ लोगन क रेगिस्ताने मँ आराम मिला। इस्राएल आराम क खोज मँ रहा।”</verse>
				<verse number="3">बहोत दूर स यहोवा आपन लोगन क समन्वा परगट भवा। यहोवा कहत ह, लोगो, “मइँ तोहसे पिरेम करत हउँ अउर मोर पिरेम सदैव रही। मइँ सदैव तोहरे बरे सच्चा रहब।</verse>
				<verse number="4">मोर दुलहिन, इस्राएल मइँ तोहका फुन बनाउब्या। तू फुन लोगन स भरा सुन्नर देस बनबिउ। तू आपन तम्बूरा फुन सँभलबिउ। तू बिनोद करइवाले दूसर सबहिं लोगन क संग नचबिउ।</verse>
				<verse number="5">इस्राएल क किसानो, तू अंगूरे क बगिया फुन लगउब्या। तू सोमरोन सहर क चारिहुँ कइँती ओन पहाड़ी पइ ओन अंगूरन क बाग लगउब्या अउर किसान लोग ओन अंगूरन क बागन क फलन क आनन्द लेइहीं।</verse>
				<verse number="6">उ समइ आइ जब एप्रैम क पहाड़ी प्रदेस क चौकीदार इ सँदेसा घोसित करी: ‘आवा, हम आपन परमेस्सर यहोवा क उपासना करइ सिय्योन चली।’ एप्रैम क पहाड़ी प्रदेस क चौकीदार भी अहइ सँदेसा क घोसणा करिहीं।”</verse>
				<verse number="7">यहोवा कहत ह, “खुस ह्वा अउर याकूब बरे गावा। सर्वस्रेस्ठ रास्ट्र इस्राएल क बरे उद्घोस करा। आपन स्तुतियाँ करा। इ उद्घोस करा, ‘यहोवा आपन लोगन क रच्छा किहस ह। उ इस्राएल रास्ट्र क जिअत बचे भए लोगन क रच्छा किहस ह।’</verse>
				<verse number="8">मइँ उत्तर क प्रदेस स इस्राएल क लिआउब। मइँ पृथ्वी क बहोत दूर ठउरन स इस्राएल क लोगन क बटोरब। ओन मनइयन मँ स कछू आँधर अउर लँगड़ा अहइँ। कछू मेहररूअन गर्भवती अहइँ अउ बच्चन क जन्म देइहीं। असंख्य लोग वापस अइहीं।</verse>
				<verse number="9">लउटत समइ उ सबइ लोग रोवत रहा होइहीं। किन्तु मइँ ओनकर अगुवाई करब अउर ओनका आराम देब। मइँ ओन लोगन क पानी क नालन क संग लिआउब। मइँ ओनका बढ़िया रास्तन स लिआउब जेहसे उ पचे ठोकर खाइके न गिरइँ। मइँ ओनका इ तरह लिआउब काहेकि मइँ इस्राएल क बाप हउँ अउर एप्रैम मोर पहिलौटी क बेटा अहइ।</verse>
				<verse number="10">“रास्ट्रन, यहोवा क इ सँदेसा सुना। सागर क किनारे क दूर देसन क इ सँदेसा द्या कहा: ‘जउन इस्राएल क लोगन क बिखेरेस, उहइ ओनका एक संग वापस लिआइ अउर उ गड़रिया क तरह आपन झुंड (लोग) क देखरेख करी।’</verse>
				<verse number="11">यहोवा याकूब क वापस लिआइ यहोवा आपन लोगन क रच्छा ओन लोगन स करी जउन ओनसे जियादा बलवान अहइँ।</verse>
				<verse number="12">इस्राएल क लोग सिय्योन क ऊँचाइयन अइहीं, अउर उ पचे आनन्द घोस करिहीं। ओनकर मुँह यहोवा क जरिये दीन्ह गइ नीक चिजियन क कारण खुसी स झूमि उठी। यहोवा ओनका अन्न, नई दाखरस, तेल, नई भेड़िन अउ गइयन देइ। उ पचे उ बगीचे क तरह होइहीं जेहमाँ प्रचुर जल होइ अउर इस्राएल क लोग भविस्स मँ तंग नाहीं कीन्ह जाइँ।</verse>
				<verse number="13">तब इस्राएल क जुवतियन खुस होइहीं अउर नचिहीं। जुवा, बुढ़वा मनई भी उ नाच मँ भाग लेइहीं। मइँ ओनके दुःख क सुख मँ बदल देब। मइँ इस्राएल क लोगन क आराम देब। मइँ ओनकर उदासी क खुसी मँ बदल देब।</verse>
				<verse number="14">याजकन बरे जरूरत स जियादा बलि भेंट दीन्ह जाइ अउर मोर लोग एहसे भरे पूरे अउर संतुट्ठ होइहीं जउन अच्छी चिजियन मइँ ओनका देब।” इ सँदेसा यहोवा क अहइ।</verse>
				<verse number="15">यहोवा कहत ह, “रामा मँ एक चिल्लाहट सुनाई पड़ी। इ कटु चिल्लाहट अउर जियादा उदासी भरी भवी अही। राहेल आपन बच्चन बरे जोर-जोर स रोवत भवा ह। सान्त्वना पावइ स इन्कार करी, काहेकि ओकर बच्चन मर गएन ह।”</verse>
				<verse number="16">किन्तु यहोवा कहत ह: “रोउब बन्द करा, आपन आँखिन आँसू स न भरा। तोहका आपन कामे क पुरस्कार मिली।” इ सँदेसा यहोवा क अहइ। “इस्राएल क लोग आपन सत्रु क देस स वापस अइहीं।</verse>
				<verse number="17">एह बरे इस्राएल, तोहरे बरे आसा अहइ।” इ सँदेसा यहोवा क अहइ। “तोहर बच्चन आपन देस मँ वापस लौटिहीं।</verse>
				<verse number="18">मइँ एप्रैम क रोवत सुनेउँ ह। मइँ एप्रैम क इ कहत सुनेउँ ह: ‘हे यहोवा, तू फुरइ ही, मोका सजा दिहा ह अउर मइँ आपन पाठ सीख लिहेउँ ह। मइँ उ बछवा क तरह रहेउँ जेका कबहुँ प्रसिच्छन नहीं मिला मेहरबानी कइके मोका सजा देब बन्द करा, मइँ तोहरे लगे वापस आउब। तू फुरइ ही मोर परमेस्सर यहोवा अहा।</verse>
				<verse number="19">हे यहोवा, मइँ तोहका भटक गवा रहा। किन्तु मइँ जउन बुरा किहेउँ ओहसे सिच्छा ल्या। एह बरे मइँ आपन हिरदय अउर जीवन क बदल डाएउँ। जउन मइँ जवानी क उमिर मँ मूरखता स भरे काम किहेउँ ओकरे बरे मइँ परेसान अउर लज्जित हउँ।’”</verse>
				<verse number="20">परमेस्सर कहत ह: “तू जानत अहा कि एप्रैम मोर पियारा पूत अहइ। मइँ उ बचवा स पियार करत हउँ। हाँ, मइँ अक्सर एप्रैम क खिलाफ बोलत हउँ, किन्तु फुन भी मइँ ओका याद राखत हउँ। मइँ ओहसे बहोत पियार करत हउँ। मइँ फुरइ ही, ओका आराम पहोंचावइ चाहत हउँ।” इ सँदेसा यहोवा क अहइ।</verse>
				<verse number="21">“इस्राएल क लोगो, सड़कन क संकेतन क लगावा। ओन संकेतन क लगावा जउन तोहका घरे क मारग बतावइँ। सड़किया क धियान स लखा। उ सड़किया पइ धियान राखा जेहसे तू जात्रा करत अहा। मोर दुलहिन इस्राएल घर लउटा, आपन नगरन क लउटि आवा।</verse>
				<verse number="22">अबिस्सासी बिटिया कब तलक तू चारिहुँ कइँती मँडरात रहबिउ? तू कब घरे अउबिउ?” यहोवा एक नबी चीज धरती पइ बनावत ह, एक ठु मेहरारू, मनई क चारिहुँ कइँती।</verse>
				<verse number="23">इस्राएल क परमेस्सर सर्वसक्तिमान यहोवा कहत ह: “मइँ यहूदा क लोगन बरे जउन बन्दी बनाए गए रहेन, फुन अच्छा काम करब। उ समइ यहूदा देस अउर ओकरे नगरन क लोग एन सब्दन क उपयोग फुन करिहीं। ‘ऐ जहाँ पइ सच्चा निवास अहइ, ए पवित्तर पर्वत यहोवा तोहका आसीर्वाद देइ।’</verse>
				<verse number="24">“यहूदा क सबहिं नगरन मँ लोग एक साथ सान्तिपूर्वक रहिहीं। किसान अउर उ मनई जउन आपन भेड़िन क खरकन क संग चारिहुँ कइँती घूमत हीं, यहूदा मँ सान्ति स एक संग रहिहीं।</verse>
				<verse number="25">मइँ ओन लोगन क आराम अउर सक्ति देब जउन थके अउर कमजोर अहइँ।”</verse>
				<verse number="26">इ सुनइ क पाछे मइँ जगेउँ अउर आपन चारिहुँ ओर लखेउँ। उ बड़की आनन्द दायी नींद रही।</verse>
				<verse number="27">“उ सबइ दिन आवत अहइँ जब मइँ यहूदा अउर इस्राएल क परिवारन क बढ़ाउब।” इ सँदेसा यहोवा क अहइ। “मइँ ओनकर बच्चन अउर जानवरन क बढ़इ मँ भी मदद करब। इ पौधा क रोवइ अउर देखरेख करइ जइसा होइ।</verse>
				<verse number="28">पुराने जमाने मँ मइँ इस्राएल अउर यहूदा पइ धियान दिहेउँ, किन्तु मइँ उ समइ ओनका फटकारइ क निगाह स धियान दिहेउँ। मइँ ओनका उखाड़ फेंकेउँ। मइँ ओनका नस्ट किहेउँ। मइँ ओन पइ अनेक विपत्तियन ढाएउँ। किन्तु अब मइँ ओन पइ ओनका बनावइ अउ ओनका सक्तिसाली करइ क दृस्टि स धियान देब।” इ सँदेसा यहोवा क अहइ।</verse>
				<verse number="29">“उ समइ लोग इ कहावत क कहब बन्द कइ देइहीं: ‘पुरखन खट्टे अंगूर खाएन अउर बच्चन एकर कारण विपत्तियन झेलेन।’</verse>
				<verse number="30">मुला हर मनई आपन पाप बरे मरी। जउन मनई खट्टे अंगूर खाई उहइ एकर कारण विपत्तियन झेलिहीं।”</verse>
				<verse number="31">यहोवा इ सब कहेस, “उ समइ आवत अहइ जब मइँ इस्राएल क परिवार अउ यहूदा क परिवार क संग नवी करार करब।</verse>
				<verse number="32">इ उ करार क तरह नाहीं होइ जेका मइँ ओनके पुरखन क संग किहे रहेउँ। मइँ उ करार तब किहेउँ जब मइँ ओनकर हथवा धरेउँ अउर ओनका मिस्र स बाहेर लिआएउँ। मइँ ओनकर सुआमी रहेउँ अउर उ पचे करार तोड़ेन।” इ सँदेसा यहोवा क अहइ।</verse>
				<verse number="33">“भविस्स मँ इ करार मइँ इस्राएल क लोगन क संग करब।” इ सँदेसा यहोवा क अहइ। “मइँ आपन सिच्छन क ओनके दिमाग मँ रखब अउर ओनकर हिरदइ पइ लिखब। मइँ ओनकर परमेस्सर होब अउर उ पचे मोर लोग होइहीं।</verse>
				<verse number="34">लोगन क यहोवा क जानइ क बरे आपन पड़ोंसियन अउ रिस्तेदारन क, सिच्छा देइ नाहीं पड़ी। काहेकि सबस बड़के स लइके सबस छोटे तलक सबहिं मोका जनिहीं।” इ सँदेसा यहोवा क अहइ। “जउन बुरा काम उ पचे कइ दिहन ओका मइँ छिमा करब। मइँ ओनकर पापन क याद नाहीं राखब।”</verse>
				<verse number="35">यहोवा सूरज क दिन मँ चमकावत ह अउर यहोवा चाँद अउ तारन क राति मँ चमकावत ह। यहोवा सगरे क चंचल करत ह जेहसे ओकर लहरन किनारे स टकरात हीं। ओकर नाउँ सर्वसक्तिमान यहोवा अहइ।</verse>
				<verse number="36">यहोवा इ करार करत ह, “जइसा मइँ सूरज, चाँद, तारन अउर समद्दर पइ नियन्तत्रन रखत हउँ, वइसा ही मइँ इस्राएल क सन्तानन क ख्याल रखब।”</verse>
				<verse number="37">यहोवा कहत ह: “मइँ इस्राएल क सन्तान क कबहुँ तियाग नाहीं करब। इ तबहिं संभव अहइ जदि लोग ऊपर आसमान क नापइ लागइँ अउर खाले धरती क समूचइ रहस्यन क जान जाइँ। जदि लोग उ सबइ कइ सकिहीं तबहिं मइँ इस्राएल क संतानन क तजि देब। तब मइँ ओनका, जउन कछू उ पचे किहन, ओकरे बरे तजब।” इ सँदेसा यहोवा क अहइ।</verse>
				<verse number="38">इ सँदेसा यहोवा क अहइ: “उ सबइ दिन आवत अहइँ जब यरूसलेम नगर यहोवा बरे फुन बनी। पूरा नगर हननेल क खमम्भा स कोनेवाले फाटक तलक फुन बनी।</verse>
				<verse number="39">नाप क जंजीर कोनेवाले फाटक स सोझइ गारेब क पहाड़ी तलक बिछी अउर तब गोआ नाउँ क ठउरे तलक फइली।</verse>
				<verse number="40">पूरी घाटी जहाँ ल्हास अउर राखी बहाइ जात ह। यहोवा बरे पवित्तर होइ अउर ओनमाँ किद्रोन घाटी तलक क सबहिं टीलन पूरब मँ घोड़ा-दुआर क कोने तलक सामिल होइहीं। सारा छेत्र यहोवा बरे पवित्तर होइ। यरूसेलम क नगर भविस्स मँ न ध्वस्त होइ, न ही बर्बाद कीन्ह जाइ।”</verse>
			</chapter>
			<chapter number="32">
				<verse number="1">सिदकिय्याह क यहूदा राज्ज मँ राज्जकाल क दसएँ बरिस, यिर्मयाह क यहोवा क इ सँदेसा मिला। सिदकिय्याह क दसवाँ बरिस नबूकदनेस्सर क अठारहवाँ बरिस रहा।</verse>
				<verse number="2">उ समइ बाबुल क राजा स सेना यरूसलेम नगर क घेरे भए रही अउर यिर्मयाह रच्छक आँगन मँ बन्दी रहा। इ आँगन यहूदा राजा क महल मँ रहा।</verse>
				<verse number="3">(यहूदा क राजा सिदकिय्याह उ ठउरे पइ यिर्मयाह क बन्दी बनाइ राखे रहा। सिदकिय्याह यिर्मयाह क भविस्सबाणियन क पसन्द नाहीं करत रहा। यिर्मयाह कहेस, “यहोवा इ कहत ह: ‘मइँ यरूसलेम क हाली ही बाबुल क राजा क दइ देब। नबूकदनेस्सर इ सहर पइ अधिकार कइ लेइ।</verse>
				<verse number="4">यहूदा क राजा सिदकिय्याह कसदियन क फउज स बचिके निकर नाहीं पाइ। किन्तु उ निहचइ ही बाबुल क राजा क दीन्ह जाइ अउर सिदकिय्याह बाबुल क राजा स आमने-सामने बातन करी। सिदकिय्याह ओका आपन आँखिन स लखी।</verse>
				<verse number="5">बाबुल क राजा सिदकिय्याह क बाबुल लइ जाइ। सिदकिय्याह तब तलक हुआँ ठहरी जब तलक मइँ ओका सजा नाहीं दइ देत।’ इ सँदेसा यहोवा क अहइ। ‘जदि तू पचे कसदियन क फउज स लड़ब्या, तू पचन्क कामयाबी नाहीं मिली।’”)</verse>
				<verse number="6">जउने समइ यिर्मयाह बन्दी रहा, उ कहेस, “यहोवा क सँदेसा मोका मिला। उ सँदेसा इ रहा:</verse>
				<verse number="7">‘यिर्मयाह, तोहार चचेरा भाइ हननेल हाली ही तोहरे लगे आइ। उ तोहार चाचा सल्लूम क पूत अहइ। हननेल तोहसे इ कही, “यिर्मयाह, अनातोत नगर क लगे मोर खेत बेसहि ल्या। एका बेसहि ल्या काहेकि तू मोर सबसे निचके क रिस्तेदार अहा। उ खेते क खरीदब तोहार अधिकार अउर तोहार जिम्मेदारी अहइ।”’</verse>
				<verse number="8">“तब इ वइसा भवा जइसा यहोवा कहे रहा। मोर चचेरा भाई रच्छक आँगन मँ मोरे लगे आवा। हननेल मोहसे कहेस, ‘बिन्यामीन परिवार समूह क पहँटा मँ अनातोत नगर क लगे मोर खेत बेसहि ल्या। उ भुइँया क तू अपने बरे बेसहा काहेकि इ तोहार अधिकार अहइ अउर जिम्मेदारी अहइ कि तू एका आपन बरे बेसहा।’” एह बरे मोका मालूम भवा कि इ यहोवा क सँदेसा अहइ।</verse>
				<verse number="9">मइँ आपन चचेरा भाई हननेल स अनातोत मँ भुइँया बेसहि लीन्ह। मइँ ओकरे बरे सत्रह सेकेल चाँदी तउली।</verse>
				<verse number="10">मइँ पट्टे पइ हस्ताक्षर किहेउँ अउर मोका पट्टा क एक प्रति मुहरबन्द मिली अउर जउन मइँ किहे रहेउँ ओकर साच्छी क रूप मँ स कछू लोगन क बोलाइ लिहेउँ अउर मइँ तराजू पइ चाँदी तउली।</verse>
				<verse number="11">तब मइँ पट्टे क मुहरबन्द प्रति अउ मुहर रहित प्रति पाएउँ।</verse>
				<verse number="12">अउर मइँ ओका बारूक क दिहेउँ। बारूक नोरिय्याह क पूत रहा। नोरिय्याह महसेयाह क पूत रहा। मुहरबन्द पट्टा मँ मोर बेसहइ क सबहिं सर्तन अउर सीमा रहीं। मइँ आपन चचेरा भाई हननेल अउर दूसर गवाहन क समन्वा उ पट्टा बारूक क दिहेउँ। ओन गवाहन भी उ पट्टे पइ हस्ताक्षर किहेन। उ समइ यहूदा क बहोत स मनई आँगन मँ बइठा रहेन जउन मोका बारूक क पट्टा देत लखेन।</verse>
				<verse number="13">“सबहिं लोगन क साच्छी कइके मइँ बारूक स कहेउँ,</verse>
				<verse number="14">इस्राएल क परमेस्सर सर्वसक्तिमान यहोवा इ कहत ह, ‘मुहरबन्द अउर मुहर रहित दुइनउँ पट्टन क प्रतियन क ल्या अउर एका माटी क घड़े मँ धइ द्या। इ करा एह बरे काम बहोत अधिक समइ तलक रहइ।’</verse>
				<verse number="15">इस्राएल क परमेस्सर सर्वसक्तीमान यहोवा कहत ह, ‘भविस्स मँ मोर लोग एक दाई फुन घर, खेत अउ अंगूरे क बगिया इस्राएल देस मँ बेसहीं।’”</verse>
				<verse number="16">नेरिय्याह क पूत बारूक क पट्टा देइ क पाछे मइँ यहोवा स पराथना किहेउँ। मइँ कहेउँ:</verse>
				<verse number="17">“परमेस्सर यहोवा, तू पृथ्वी अउ आकास बनाया। तू ओनका आपन महान सक्ति स बनाया। तोहरे बरे कछू भी करब बहोत कठिन नाहीं अहइ।</verse>
				<verse number="18">यहोवा, तू हजारन मनइयन क बिस्सास पात्र अउर ओन पइ दयालु अहा। किन्तु तू मनइयन क ओनके पुरखन क पापन बरे सजा देत अहा। महान अउर सक्तिसाली परमेस्सर, तोहार नाउँ सर्वसक्तिमान यहोवा अहइ।</verse>
				<verse number="19">हे यहोवा, तू महान कारजन क जोजना बनावत अउर ओनका करत ह। तू उ सब लखत ह जेनका लोग करत हीं अउर ओनका पुरस्कार देत ह जउन अच्छे काम करत हीं तथा ओनका सजा देत ह जउन बुरे काम करत हीं, तू ओनका उ देत ह जेनकर उ पचे पात्र अहइँ।</verse>
				<verse number="20">हे यहोवा, तू मिस्र देस मँ अत्यन्त प्रभावसाली चमत्कार किहा। तू आजु तलक भी प्रभावसाली चकत्कार किहा ह। तू इ सबइ चमत्कार इस्राएल मँ देखाया अउर तू एनका हुवाँ भी देखाया जहाँ कहूँ मनई रहत हीं। तू एन चमत्कारन बरे प्रसिद्ध अहा।</verse>
				<verse number="21">हे यहोवा, तू प्रभावसाली चमत्कारन स आपन लोग क मिस्र स बाहेर लइ आएन। तू आपन चमत्कारन स आपन ताकत अउर अद्भुत सक्ति दिखाइ।</verse>
				<verse number="22">“हे यहोवा, तू इ धरती इस्राएल क लोगन क दिहा। इ उहइ धरती अहइ जेका तू ओनके पुरखन क देइ क बचन बहोत पहिले दिहे रह्या। इ अइसा धरती अहइ जहाँ दूध अउर सहद क नदी बहत हीं।</verse>
				<verse number="23">इस्राएल क लोग इ धरती मँ आएन अउर उ पचे एका आपन बनाइ लिहन। मुला ओन लोग तोहार आग्या नाहीं मानेन। उ पचे तोहरे उपदेसन क अनुसार चलेन। उ पचे उ नाहीं किहेन जेकरे बरे तू आदेस दिहा। एह बरे तू इस्राएल क लोगन पइ उ सबइ भयंकर विपत्तियन ढाया।</verse>
				<verse number="24">“अब दुस्मन नगर पइ घेरा डाएस ह। उ सबइ ढाल बनावत अहइँ ताकि उ पचे यरूसलेम क चहारदीवारी पइ चढ़ सकइँ। आपन तरवारन क उपयोग कइके तथा भूख अउ भयंकर बीमारी क कारण बाबुल क सेना यरूसलेम नगर क हराइ। बाबुल क फउज अब नगर पइ हमला करति अहइ। यहोवा तू कहे रह्या कि इ होइ, अउर अब तू लखत अहा कि इ घटित होत अहइ।</verse>
				<verse number="25">“मोर सुआमी यहोवा, उ सब सबहिं बुरी घटनन घटित होत अहइँ। किन्तु अब तू मोहसे कहत अहा, ‘यिर्मयाह, चाँदी स खेत बेसहा अउ बेसहइ क साच्छी बरे कछू लोगन क चुना।’ तू इ उ समइ कहत अहा जब बाबुल क सेना नगर पइ अधिकार करइ क तइयार अहइ। मइँ आपन धन क उ तरह बर्बाद काहे करउँ?”</verse>
				<verse number="26">तब यहोवा क सँदेसा यिर्मयाह क मिला:</verse>
				<verse number="27">“यिर्मयाह, मइँ यहोवा हउँ। मइँ पृथ्वी क हर एक मनई क परमेस्सर हउँ। यिर्मयाह, तू जानत अहा कि मोरे बरे कछू असंभव नाहीं अहइ।”</verse>
				<verse number="28">यहोवा इ भी कहेस, “मइँ हाली ही यरूसलेम नगर क बाबुल क सेना अउ बाबुल क राजा नबूकदनेस्सर क दइ देब। उ सेना नगर पइ अधिकार कइ लेइ।</verse>
				<verse number="29">बाबुल क सेना पहिले स ही यरूसलेम नगर पइ हमला करत अहइ। उ पचे हाली ही नगर मँ प्रवेस करिहीं अउर आगी लगाइ देइहीं। उ पचे इ नगर क बारिके राखी कइ देइहीं। इ नगर मँ अइसे मकान अहइँ जेनमाँ यरूसलेम क लोग लबार देवता बाल क छतन पइ बलि भेंट दइके मोका किरोधित किहन ह अउ लोग दूसर देवमूरतियन क दाखरस भेंट चढ़ाएन। बाबुल क सेना ओन मकानन क बारि देइ।</verse>
				<verse number="30">मइँ इस्राएल अउ यहूदा क लोगन पइ नगर रखेउँ ह। उ पचे जउन कछू करत हीं; बुरा अहइ। उ पचे तब स बुरा करत अहइँ जब स उ पचे नउ जवान रहेन। इस्राएल क लोग मोका किरोधित किहेन। उ पचे मोका किरोधित किहेन काहेकि ओन मूरतियन क पूजा किहन जेनका उ पचे आपन हाथन स बनाएन।” इ सँदेसा यहोवा क अहइ।</verse>
				<verse number="31">“जब स यरूसलेम सहर बसा तब स अब तक इ नगर क लोग मोका किरोधित किहेन ह कि मोका एका आपन नजर क समन्वा स दूर कइ देइ चाही।</verse>
				<verse number="32">यहूदा अउर इस्राएल क लोग जउन बुरा काम किहन ह, ओकरे बरे, मइँ यरूसलेम क नस्ट करब। जन साधारण ओनकर राजा, प्रमुख, ओनकर याजक अउ नबी यहूदा क मनई अउ यरूसलेम क लोग, सबहिं मोका किरोधित किहेन ह।</verse>
				<verse number="33">“ओन लोगन क मदद बरे मोरे लगे आवइ चाही रहा। लेकिन उ पचे मोहसे आपन पीठ मोर कइँती मोड़ेन। मइँ ओन लोगन क बार-बार सिच्छा देइ चाही किन्तु उ पचे मोर सुनइ स इन्कार कई दिहन।</verse>
				<verse number="34">ओन लोग आपन देवमूरतियन बनाएन ह अउर मइँ ओन देवमूरतियन स घिना करत हउँ। उ पचे ओन देवमूरतियन क उ मन्दिरे मँ रखत हीं जउन मोरे नाउँ पइ अहइ। इ तरह उ पचे मोरे मन्दिर क अपवित्तर किहन ह।</verse>
				<verse number="35">“बेनहिन्नोम क घाटी मँ ओन लोग लबार देवता बाल बरे ऊँची जगह बनाएन। उ पचे लबार देवता मोलेक क पूजा बरे ठउर क आपन बेटवा-बिटियन क सिसु बलि भेंट क रूप मँ जराइ सकइ बरे बनाएन। मइँ ओनका कबहुँ अइसे भयानक काम करइ बरे आदेस नाहीं दिहेउँ। मइँ इ कबहुँ सोचेउँ तलक नाहीं कि यहूदा क लोग अइसा भयंकर पाप करिहीं।</verse>
				<verse number="36">“तू सबहिं लोग कहत अहा, ‘बाबुल क राजा यरूसलेम पर अधिकार कइ लेइ। उ तरवार, भुखमरी अउर भयंकर बीमारी क उपयोग इ सहर क पराजित करइ बरे करी।’ किन्तु यहोवा इस्राएल क लोगन क परमेस्सर कहत ह,</verse>
				<verse number="37">‘मइँ इस्राएल अउर यहूदा क लोगन क आपन देस तजइ क मजबूर किहेउँ ह। मइँ ओन लोगन पइ बहोत कोहान रहा। किन्तु मइँ ओनका इ ठउरे पइ वापस लिआउब। मइँ ओनका ओन देसन स बटोरब जेनमाँ जाइ क बरे मइ ओनका मजबूर किहेउँ। मइँ ओनका इ देस मँ वापिस लिआउब। मइँ ओनका सान्तिपूर्वक अउर सुरच्छित रहइ देब।</verse>
				<verse number="38">इस्राएल अउर यहूदा क लोग मोर आपन लोग होइहीं अउर मइँ ओनकर परमेस्सर होब।</verse>
				<verse number="39">उ पचे एक उद्देस्स रखिहीं फुरइ ही, जिन्नगी भइ मोर उपासना करइ चहिहीं। ओनके बरे सुभ होइ अउर ओनके पाछे ओनकर परिवारन बरे भी सुभ होइ।</verse>
				<verse number="40">“‘मइँ इस्राएल अउ यहूदा क लोगन क संग एक करार करब। इ करार सदैव बरे होइ। इ करार क अनुसार मइँ लोगन स कबहुँ दूर नाहीं जाब। मइँ ओनके बरे सदैव अच्छा रहब। मइँ ओनका, आपन आदर करइ बरे इच्छूक बनाउब। तब उ पचे मोहसे कबहुँ दूर नाहीं हटिहीं।</verse>
				<verse number="41">उ पचे मोका खुस करिहीं। मइँ ओनकर भला करइ मँ आनन्दित होब अउर मइँ, निहचय ही, ओनका इ धरती मँ बसाउब अउर ओनका बढ़ाउब। इ मइँ आपन पूरे हिरदय अउर आतिमा स करब।’”</verse>
				<verse number="42">यहोवा जउन कहत ह, उ इ अहइ, “मइँ इस्राएल अउर यहूदा क लोगन पइ इ बड़की बिपत्ति ढाएउँ ह। इहइ तरह मइँ ओनका अच्छी चिजियन देब। मइँ ओनका अच्छी चिजियन करइ क बचन देत हउँ।</verse>
				<verse number="43">तू लोग इ कहत अहा, ‘इ देस सूना रेगिस्तान अहइ। हिआँ कउनो मनई अउर कउनो जनावर नाहीं अहइ। बाबुल क फउज इ देस क पराजित किहस।’ किन्तु भविस्स मँ लोग फुन इ देस मँ भुइँया खरीदहीं।</verse>
				<verse number="44">लोग आपन धने क उपयोग करिहीं अउर खेत बेसहिहीं। उ पचे आपन सबइ करार पइ हस्ताच्छर क साच्छी होइहीं। लोग उ प्रदेस मँ फुन खेत बेसहिहीं जेहमाँ बिन्यामीन परिवार समूह क लोग रहत हीं। उ पचे यरूसलेम छेत्र क चारिहुँ ओर खेत बेसहिहीं। उ पचे यहूदा प्रदेस क नगरन, पहाड़ी प्रदेस, पच्छिमी पर्वत चरण, अउर दक्खिनी रेगिस्तान क पहँटा मँ खेत बेसहिहीं। इ होइ, काहेकि मइँ तोहरे लोगन क वापस लिआउब।” इ सँदेसा यहोवा क अहइ।</verse>
			</chapter>
			<chapter number="33">
				<verse number="1">यिर्मयाह क दूसरी दाईं यहोवा क सँदेसा मिला। यिर्मयाह अबहिं भी रच्छक आँगन मँ ताला क भीतर बन्दी रहा।</verse>
				<verse number="2">“यहोवा पृथ्वी क बनाएस अउर ओकर उ रच्छा करत ह। ओकर नाउँ यहोवा अहइ। यहोवा कहत ह,</verse>
				<verse number="3">‘मोहसे पराथना करा अउर मइँ तोहका देई। मइँ तोहका महत्वपूर्ण रहस्य बताउब। तू ओनका कबहुँ नाहीं सुन्या ह।’</verse>
				<verse number="4">इस्राएल क परमेस्सर यहोवा यरूसलेम क मकानन अउर यहूदा क राजा लोग क महलन क बारे मँ जउन सत्रुन दुआरा ढाल बनाइके हमला कइके तबाह कइ दीन्ह गवा ह, इ कहत ह।</verse>
				<verse number="5">“‘यरूसलेम क लोग बहोत बुरे काम किहन ह। मइँ ओन लोगन पइ कोहान हउँ। मइँ ओनके बिरुद्ध होइ गवा हउँ। एह बरे हुवाँ मइँ असंख्य लोगन क मार डाउब। बाबुल क सेना यरूसलेम क बिरुद्ध लड़इ बरे आइ। यररूसलेम क इ घरन मँ असंख्य ल्हास होइहीं।</verse>
				<verse number="6">“‘मुला ओकरे पाछे मइँ उ नगर मँ लोगन क तन्दुरूस्त बनाउब। मइँ ओन लोगन क सान्ति अउर सुरच्छा क आनन्द लेइ देब।</verse>
				<verse number="7">मइँ इस्राएल अउर यहूदा मँ फुन स सब कछू अच्छा घटित होइ देब। मइँ ओन लोगन क पुराने जमाने क तरह बरिआर बनाउब।</verse>
				<verse number="8">उ पचे मोर बिरुद्ध पाप किहेन, किन्तु उ पाप क मइँ धोइ देब। उ पचे मोरे बिरुद्ध लड़ेन, किन्तु मइँ ओनका छमा कइ देब।</verse>
				<verse number="9">तब यरूसलेम आस्चर्यचकित करइवाला ठउर होइ जाइ। लोग सुखी होइहीं अउर दूसर रास्ट्रन क लोग एकर तारीफ करिहीं। उ लोग ओन अच्छे कामन क बारे मँ सुनब्या जे मइँ यरूसलेम बरे कइ रहत हउँ अउर उ लोग मोर महानता क कारण डर स काँपिहीं।’</verse>
				<verse number="10">“तू लोग इ करत रह्या ह, ‘हमार देस सूनी रेगिस्तान, अहइ। हुआँ कउनो मनई या कउनो जनावर जिअत नाहीं रहेन।’ अब यरूसलेम क सड़कियन अउर यहूदा क नगरन मँ निर्जन सान्ति अहइ। किन्तु हुआँ हाली ही चहल-पहल होइ।</verse>
				<verse number="11">हुआँ सुख अउर आनन्द क किलोलन होइहीं। हुआँ दुल्हा-दुलहिन क उमँग भरी चहल होइ। हुआँ यहोवा क मन्दिर मँ आपन भेंट लिआवइवालन क मधुर वाणी होइ। उ पचे कहिहीं, ‘सर्वसक्तिमान यहोवा क स्तुति करा। यहोवा दयालु अहइ। यहोवा क दाया सदा बनी रहत ह।’ लोग इ सबइ बातन कहिहीं काहेकि मइँ फुन यहूदा बरे नीक काक करब। इ वइसा ही होइ जइसा सुरू मँ रहा।” यहोवा कहत ह।</verse>
				<verse number="12">सर्वसक्तिमान यहोवा कहत ह, “इ ठउर अब सुना अहइ। हिआँ कउनो लोग या जनावर नाहीं रहि रहेन। किन्तु अब यहूदा क सबहिं नगरन मँ लोग रहिहीं। हुआँ गड़रियन होइहीं अउर चरागाहन होइहीं जहाँ उ पचे आपन खरकन क आराम करइ देइहीं।</verse>
				<verse number="13">गड़रियन आपन भेड़िन क तब गनत हीं जब भेड़िन ओनके अगवा चलत हीं। लोग आपन भेड़िन क पूरे देस मँ चारिहुँ कइँती पहाड़ी प्रदेस, पच्छिमी पर्वत चरण, नेगव अउर यहूदा क सबहिं नगरन मँ गिनिहीं।”</verse>
				<verse number="14">इ सँदेसा यहोवा क अहइ: “मइँ इस्राएल अउर यहूदा क लोगन क बिसेस बचन दिहेउँ ह। उ समइ आवति बाटइ जब मइँ उ करब जेका करइ क बचन मइँ दिहेउँ ह।</verse>
				<verse number="15">उ समइ मइँ दाऊद क परिवारे स एक ठु नीक ‘साखा’ पइदा करब। उ नीक साखा उ सब करी जउन देस बरे अच्छा अउर उचित होइ।</verse>
				<verse number="16">इ साखा क समइ यहूदा क लोगन क रच्छा होइ जाई। लोग यरूसलेम मँ सुरच्छित रहिहीं। उ साखा क नाउँ ‘यहोवा हमार धार्मिकता अहइ।’”</verse>
				<verse number="17">यहोवा कहत ह, “दाऊद क परिवार क कउनो न कउनो मनई सदा ही सिहांसने पइ बइठी अउर इस्राएल क परिवार पइ सासन करी</verse>
				<verse number="18">अउर लेवी क परिवार स याजक सदा ही होइहीं। उ सबइ याजक मोरे समन्वा सदा रहिहीं अउर मोका होमबलि, अन्नबलि अउर बलि भेट करिहीं।”</verse>
				<verse number="19">यहोवा क इ सँदेसा यिर्मयाह क मिला।</verse>
				<verse number="20">यहोवा कहत ह, “मइँ राति अउर दिन स करार कीन्ह ह। मइँ करार कीन्ह कि उ सदा ही रही। तू उ करार क बदल नाहीं सकत्या। दिन अउर राति सदा ठीक समइ पइ अइहीं। जदि तू उ करार क बदल सकत ह</verse>
				<verse number="21">तउ तू दाऊद अउर लेवी क साथ कीन्ह गइ मोर करार क भी बदल सकत अहा। तब दाऊद अउर लेवी क परिवारे क संतान राजा अउर याजक नाहीं होइ सकिहीं।</verse>
				<verse number="22">किन्तु मइँ आपन सेवक दाऊद क अउर लेवी क परिवार समूह क अनेक संतान देब। उ पचे ओतने ही होइहीं जेतना अकासे मँ तारे अहइँ, अउर अकासे क तारन क कउनो गन नाहीं सकत अउर उ पचे एतना होइहीं जेतना सागर किनारे पइ बालू कण होत हीं अउर ओन बालू क कणन क कउनो गन नाहीं सकत।”</verse>
				<verse number="23">यहोवा क इ सँदेसा यिर्मयाह प्राप्त किहस:</verse>
				<verse number="24">“यिर्मयाह, का तू सुन्या ह कि लोग का कहत अहइँ? उ सबइ लोग कहत अहइँ: ‘यहोवा इस्राएल अउर यहूदा क दुइ परिवारन क अस्वीकार कइ दिहस ह। यहोवा ओन लोगन क चुने रहा, किन्तु अब उ ओनका रास्ट्र क रूप मँ भी अंगीकार नाहीं करत।’”</verse>
				<verse number="25">यहोवा कहत ह, “जदि मोर करार दिन अउर राति क संग बनी नाहीं रहत, अउर जदि मइँ अकास अउ पृथ्वी क बरे नेम नाहीं बनावत, तबहिं संभव अहइ कि मइँ ओन लोगन क तजउँ।</verse>
				<verse number="26">तबहिं इ संभव होइ कि मइँ याकूब क संतानन स दूर हटि जाउँ अउर तबहिं होइ सकत ह कि मइँ दाऊद क संतानन क इब्राहीम, इसहाक अउ याकूब क संतानन पइ सासन करइ न देउँ। किन्तु दाऊद मोर सेवक अहइ अउर मइँ ओन लोगन पइ दाया करब अउर मइँ फुन ओन लोगन क ओनकर धरती पइ वापस लउटाइ लाउब।”</verse>
			</chapter>
			<chapter number="34">
				<verse number="1">यहोवा क इ सँदेसा यिर्मयाह क मिला। इ सँदेसा उ समइ मिला जब बाबुल क राजा नबूकदनेस्सर यरूसलेम अउर ओकरे चारिहुँ ओर क सबहिं नगरन स जुद्ध करत रहा। नबूकदनेस्सर अपने सारी फउज अउर सासित राज्जन अउ साम्राज्य क लोगन क मिलाए भए रहा।</verse>
				<verse number="2">सँदेसा इ रहा: “यहोवा इस्राएल क लोगन क परमेस्सर जउन कहत ह, उ इ अहइ: यिर्मयाह, यहूदा क राजा सिदकिय्याह क लगे जा अउर ओका इ सँदेसा द्या: ‘सिदकिय्याह, यहोवा जउन कहत ह, उ इ अहइ: मइँ यरूसलेम नगर क बाबुल क राजा क हाली ही दइ देब अउर उ ओका जराइ डाइ।</verse>
				<verse number="3">सिदकिय्याह, तू बाबुल क राजा स बचिके निकरि नाहीं पउब्या। तू निहचय ही पकड़ा जाब्या अउर ओका दइ दीन्ह जाब्या। तू बाबुल क राजा क आपन आँखिन स लखब्या। उ तोहसे आमने सामने बातन करी अउर तू बाबुल जाब्या।</verse>
				<verse number="4">किन्तु यहूदा क राजा सिदकिय्याह यहोवा क दीन्ह ग वचन क सुना। यहोवा तोहरे बारे मँ जउन कहत ह, उ इ अहइ: तू तरवारे स नाहीं मारा जाब्या।</verse>
				<verse number="5">तू सान्ति पूर्वक मरब्या। तोहार स पहिले जउन राजा राज्ज करत रहेन ओन पुरखन क सम्मान क बरे लोग आगी तैयार किहन। उहइ तरह तोहरे सम्मान बरे लोग आगी बनइहीं। उ पचे तोहरे बरे रोइहीं। उ पचे सोक मँ बूड़ा भवा कहिहीं, “हे स्वामी,” मइँ खुद तोहका इ बचन देत हउँ,’” यहोवा कहत ह।</verse>
				<verse number="6">एह बरे यिर्मयाह यहोवा क सँदेसा यरूसलेम मँ सिदकिय्याह क दिहेस।</verse>
				<verse number="7">इ उ समइ भवा जब बाबुल क राजा क सेना यरूसलेम क खिलाफ लड़त रही। बाबुल क फउज यहूदा क ओन नगरन क खिलाफ भी लड़त रही जेन पइ अधिकार नाहीं होइ सका रहा। उ सबइ लाकीस अउ अजेका नगर रहेन। उ सबइ ही सिरिफ किलाबंद नगर रहेन जउन यहूदा प्रदेस मँ बचा रहेन।</verse>
				<verse number="8">सिदकिय्याह यरूसलेम क सबहिं निवासियन स इ करार किहे रहा कि मइँ सबहिं यहूदी दासन क मुक्त कइ देब। जब सिदकिय्याह उ करार कइ लिहेस, ओकरे पाछे यिर्मयाह क यहोवा क इ सँदेसा मिला।</verse>
				<verse number="9">हर मनई स आसा कीन्ह जात ह कि उ आपन यहूदी दासन क अजाद करइ। सबहिं यहूदी दास-दासी अजाद कीन्ह जाब रहेन। यहूदा क परिवार समूह क कउनो भी मनई क दास रखइ क संभावना कउनो भी मनई स नाहीं कीन्ह जाइ सकत रही।</verse>
				<verse number="10">एह बरे सबहिं प्रमुखन अउर यहूदा क सबहिं लोग इ करार क अंगीकार किहे रहेन। हर एक मनई आपन दास-दासियन क अजाद कइ देइ अउर ओनका अउर जियादा समइ तलक दास क रूप मँ नाहीं राखी। हर एक मनई सहमत रहा अउर इ तरह सबहिं दास अजाद कइ दीन्ह गएन।</verse>
				<verse number="11">किन्तु ओकरे पाछे ओन लोग जेनके लगे दास रहेन, आपन निर्णय क बदलाइ दिहन। एह बरे उ पच अजाद कीन्ह गए लोगन क फुन धइ लिहन अउर ओनका दास बनाएन।</verse>
				<verse number="12">तब यहोवा क सँदेसा क यिर्मयाह क मिला:</verse>
				<verse number="13">“यिर्मयाह, यहोवा इस्राएल क लोगन क परमेस्सर जउन कहत ह उ इ अहइ: ‘मइँ तोहरे पचन्क पुरखन क मिस्र स बाहेर लाएउँ जहाँ उ पचे दास रहेन। जब मइँ अइसा किहेउँ तब मइँ ओनसे एक करार किहेउँ।</verse>
				<verse number="14">मइँ तोहरे पचन्क पुरखन स कहेउँ, “हर एक सात बरिस क आखीर मँ प्रत्येक मनई क आपन यहूदी दासन क अजाद कइ देइ चाही। जदि तोहरे पचन्क हिआँ तोहार पचन्क अइसा यहूदी साथी अहइ जउन आपन क तोहरे पचन्क हाथ बेच चुका अहइ तउ तोहका ओका छ: महीना सेवा क पाछे अजाद कइ देइ चाही।” मुला तोहार पचन्क पुरखन न तउ मोर सुनेन, न ही ओह पइ धियान दिहेन।</verse>
				<verse number="15">कछू समइ पहिले तू पचे आपन हिरदय क, जउन उचित अहइ, ओका करइ बरे बदला। तू पचन्क मँ स हर एक ओन यहूदी साथियन क अजाद किहेस जउन दास रहेन अउर तू पचे मोर समन्वा उ मन्दिर मँ जउन मोरे नाउँ पइ अहइ एक करार भी किहा।</verse>
				<verse number="16">मुला अब तू पचे आपन इरादा बदल दिहे अहा। तू पचे इ परगट किहे अहा कि तू पचे मोरे नाउँ क सम्मान नाहीं करत्या। तू पचे इ कहेस किहा? तू पचन्मँ स हर एक आपन दास दासियन क वापस लइ लिहस ह जेनका तू पचे अजाद किहे रह्या। तू लोग ओनका फुन दास होइ बरे मजबूर किहा ह।’</verse>
				<verse number="17">“एह बरे जउन यहोवा कहत ह, उ इ अहइ: ‘तू लोग मोर आग्या क पालन नाहीं किहा ह। तू पचे आपन साथी यहूदियन क अजादी नाहीं दिहा ह। काहेकि तू पचे इ करार पूरी नाहीं किहा ह, एह बरे मइँ तोहका अजादी देब। इ यहोवा क सँदेसा अहइ। तरवार स, भयंकर बीमारी स अउर भूख स मारे जाइ क अजादी मइँ देब। मइँ तोहका पचन्क अइसा कर देब कि जब उ पचे तोहरे पचन्क बारे मँ सुनिहीं तउ पृथ्वी क समूचइ राज्ज भयभीत होइ उठिहीं।</verse>
				<verse number="18">मइँ ओन लोगन क दूसर लोगन क हाथ देब जउन मोर करार क तोड़ेन ह अउर उ प्रतिग्या क पालन नाहीं किहन जेका उ पचे मोरे समन्वा किहन ह। एन लोग मोरे समन्वा एक ठु बछवा क दुइ टुकन मँ काटेन अउर उ पचे दुइ टुकन क बीच स गुजरेन।</verse>
				<verse number="19">जउन उ समइ बछवा क टूकन बीच स गुजरेन जब उ पचे मोरे संग करार किहे रहेन: उ यहूदा अउ यरूसलेम क प्रमुख, कचहरी क बड़के अधिकारी, याजकन अउ उ देस क लोग।</verse>
				<verse number="20">एह बरे मइँ ओन लोगन क ओनकर दुस्मन क देब जउन ओनका मारि डावइ चाहत हीं। ओन मनइयन क ल्हास हवा मँ उड़इवाले पंछियन अउर पृथ्वी पइ क जँगली जनावरन क भोजन बनिहीं।</verse>
				<verse number="21">मइँ यहूदा क राजा सिदकिय्याह अउर ओकर प्रमुखन क ओनकर दुस्मनन अउर जउन ओनका मारि डावइ चाहत हीं, क देब। मइँ सिदकिय्याह अउर ओनके लोगन क बाबुल क राजा क फउज क तब भी देब जब उ फउज यरूसलेम क तजि चुकी होइ।</verse>
				<verse number="22">मुला मइँ कसदी फउज क यरूसलेम मँ फुन लउटइ क आदेस देब।’ इ सँदेसा यहोवा क अहइ। ‘उ फउज यरूसलेम क खिलाफ लड़ी। उ पचे एह पइ अधिकार करिहीं, एहमाँ आगी लगइहीं अउ एका बारि डइहीं अउर मइँ यहूदा क नगरन क बर्बाद कइ देब। उ सबइ नगर सूना रेगिस्तान होइ जइहीं। हुआँ कउनो मनई नाहीं रही।’”</verse>
			</chapter>
			<chapter number="35">
				<verse number="1">जब यहोयाकीम यहूदा क राजा रहा तब यहोवा क सँदेसा यिर्मयाह क मिला। यहोयाकीम राजा योसिय्याह क पूत रहा। यहोवा क सँदेसा इ रहा:</verse>
				<verse number="2">“यिर्मयाह, रेकाबी परिवार क लगे जा। ओनका यहोवा क मन्दिर क बगल क कमरन मँ स एक मँ आवइ बरे निमन्त्रित करा। ओनका पिअइ बरे दाखरस द्या।”</verse>
				<verse number="3">एह बरे मइँ (यिर्मयाह) याजन्याह स मिलइ गएउँ। याजन्याह उ यिर्मयाह नाउँ क एक मनई क पूत रहा जउन हबस्सिन्याह नाउँ क मनई क पूत रहा अउर मइँ याजन्याह क सबहिं भाइयन अउ पूतन स मिलेउँ। मइँ पूरे रेकाबी परिवार क एक संग बटोरेउँ।</verse>
				<verse number="4">तब मइँ रेकाबी परिवार क यहोवा क मन्दिर मँ लइ आएउँ। हम लोग उ कमरे मँ गए जउन परमेस्सर क मनई यिग्दल्याह क पूत हानान क पूतन क नाउँ स जाना जात ह। इ उ कमरा स अगला कमरा रहा जेहमाँ राजा क अधिकारी ठहरत रहेन। इ सल्लूम क पूत मासेयाह क कमरा क ऊपर रहा। मासेयाह मन्दिर मँ दुआरपाल रहा।</verse>
				<verse number="5">तब मइँ (यिर्मयाह) रेकाबी परिवार क समन्वा कछू पियालन क संग दाखरस स भरे कछू कटोरन धरेउँ अउ मइँ ओनसे कहेउँ, “थोड़ी दाखरस पिआ।”</verse>
				<verse number="6">किन्तु रेकाबी लोगन जवाब दिहन, “हम दाखरस कबहुँ नाहीं पीइत। हम ऍह बरे नाहीं पीइत काहेकि हमार पुरखा रेकाबी क पूत योनादाब इ आदेस दिहे रहा: ‘तू पचन्क अउर तोहरे सन्तानन क दाखरस कबहुँ नाहीं पिअइ चाही।</verse>
				<verse number="7">तू पचन्क कबहुँ घर बनावइ, पौधन रोपब अउर अंगूरे क लता कबहुँ नाहीं लगावइ चाही। तू पचन्क ओनमाँ स कछू भी नाहीं करइ चाही। तू पचन्क सिरिफ तम्बूअन मँ रहइ चाही। जदि तू पचे अइसा करब्या तउ उ पहँटा मँ जियादा समइ रहब्या जहाँ तू पचे एक ठउर स दूसर ठउरे पइ घूमत रहत ह।’</verse>
				<verse number="8">एह बरे हम रेकाबी लोग ओन सब चीजन क पालन करित ह जेनका हमरे पुरखा योनादाब हमका आदेस दिहस ह। हम अउर हमार मेहररूअन अउर गदेलन दाखरस कबहुँ नाहीं पीतेन।</verse>
				<verse number="9">हम रहइ बरे घर कबहुँ नाहीं बनाइत अउर हम लोगन क अंगूरे क बगिचा या खेत कबहुँ नाहीं होतेन अउर हम फसलन कबहुँ नाहीं उगाइत।</verse>
				<verse number="10">हम तम्बूअन मँ रहत अही अउर उ सब माना ह जउन हमरे पुरखा योनादाब आदेस दिहेन ह।</verse>
				<verse number="11">किन्तु जब बाबुल क राजा नबूकदनेस्सर यहूदा देस पइ हमला किहस तब हम लोग यरूसलेम क गए। हम लोग आपुस मँ कहा, ‘आवा हम यरूसलेम नगर मँ सरण लेइ जेहसे हम कसदी अउर अरामी फउज स बचि सकी।’ एह बरे हम लोग यरूसलेम मँ ठहर गए।”</verse>
				<verse number="12">तब यिर्मयाह क यहोवा क सँदेसा मिला:</verse>
				<verse number="13">“इस्राएल क लोगन क परमेस्सर सर्वसक्तीमान यहोवा कहत ह: यिर्मयाह, जा यहूदा अउ यरूसलेम क लोगन क इ सँदेसा द्या: ‘लोगो, तू पचन्क सबक सीखइ चाही अउर मोरे सँदेसा क पालन करइ चाही।’ इ सँदेसा यहोवा क अहइ।</verse>
				<verse number="14">‘रेकाब क पूत योनादाब आपन पूतन क आदेस दिहस कि उ पचे दाखरस न पिअइँ, अउर उ आदेस क पालन भवा ह। आजु तलक योनादाब क संतान आपन पुरखन क आदेस क पालन किहस ह। उ पचे दाखरस नाहीं पीतेन। किन्तु मइँ तउ यहोवा हउँ अउर यहूदा क लोगो, मइँ तू पचन्क बार बार सँदेसा दिहेउँ ह, मुला तू पचे ओकर पालन नाहीं किहा।</verse>
				<verse number="15">इस्राएल अउर यहूदा क लोगो, मइँ आपन सेवक नबियन क तू पचन्क लगे पठएउँ। मइँ ओनका तोहरे पचन्क लगे बार-बार पठएउँ। ओन नबियन तू पचन्स कहेन, “इस्राएल अउर यहूदा क लोगो, तू सबन्क बुरा करब तजि देइ चाही। तू पचन्क अच्छा होइ चाही। दूसर देवतन क अनुसरण न करा। ओनका न पूजा, न ही ओनकर सेवा करा। जदि तू पचे मोर आग्या क पालन करब्या तउ तू पचे उ देस मँ होब्या जेका मइँ तू पचन्क अउर तोहरे पचन्क पुरखन क दिहेउँ ह।” किन्तु तू लोग मोरे सँदेसे पइ धियान नाहीं दिहा।</verse>
				<verse number="16">किन्तु योनादाब क सन्तानन आपन पुरखन क आदेस क, जउन उ दिहस मान ल्या। मुला यहूदा क लोग मोर आग्या क पालन नाहीं किहन।’</verse>
				<verse number="17">“एह बरे इस्राएल क परमेस्सर सर्वसक्तीमान यहोवा करत ह: ‘मइँ कहेउँ कि यहूदा अउ यरूसलेम बरे बहोत स बुरी घटनन घटिहीं। मइँ ओन बुरी घटनन क हाली ही घटित कराउब। मइँ इ करब काहेकि मइँ ओन लोगन क बात किहस, किन्तु उ पचे मोर एक न सुनेन। मइँ ओनका पुकारेउँ, किन्तु उ पचे जवाब नाहीं दिहन।’”</verse>
				<verse number="18">तब यिर्मयाह रेकाबी परिवार क लोगन स कहेस, “इस्राएल क परमेस्सर सर्वसक्तिमान यहोवा कहत ह, ‘तू लोग आपन पुरखा योनादाब क आदेस क पालन किहा ह। तू पचे योनादाब क सारी सिच्छन क अनुसरण किहा ह। तू पचे उ सब किहा ह जेकरे बरे उ आदेस दिहे रहा।’</verse>
				<verse number="19">एह बरे इस्राएल क परमेस्सर सर्वसक्तिमान यहोवा कहत ह: ‘रेकाब क पूत योनादाब क सन्तानन मँ स एक अइसा सदैव होइ जउन मोर सेवा करी।’”</verse>
			</chapter>
			<chapter number="36">
				<verse number="1">यहोवा क सँदेसा यिर्मयाह क मिला। इ योसिय्याह क पूत यहोयाकीम क यहूदा मँ राज्जकाल क चउथे बरिस भवा। यहोवा क सँदेसा इ रहा:</verse>
				<verse number="2">“यिर्मयाह, पत्रक ल्या अउर ओन सँदेसन क ओह पइ लिख डावा जेनका मइँ तोहसे कहेउँ ह। मइँ तोहसे इस्राएल अउर यहूदा क अउर बाकी रास्ट्रन क बारे मँ बातन किहेउँ ह। जब स योसिय्याह राजा रहा तब स अब तलक मइँ जउन सँदेसा तोहका दिहेउँ ह, ओनका लिख डावा।</verse>
				<verse number="3">सायद, यहूदा क परिवार इ सुनइ कि मइँ ओनके बरे का करइ क जोजना बनावत हउँ अउर सायद उ पचे बुरा काम करब तजि देइँ। जदि उ पचे अइसा करिहीं तउ मइँ ओनका, जउन बुरे करम उ पचे किहन ह, ओकरे बरे छिमा कइ देब।”</verse>
				<verse number="4">एह बरे यिर्मयाह नेरिय्याह क पूत बारूक नाउँ क एक मनई क बोलाएस। यिर्मयाह ओन सँदेसन क कहेस जेनका यहोवा ओका दिहे रहा। जउने समइ यिर्मयाह ऊँची आवाज़ मँ सँदेसा देत रहा उहइ समय बारूक ओनका पत्रक पर लिखत रहा।</verse>
				<verse number="5">तब यिर्मयाह बारूक स कहेस, “मइँ यहोवा क मन्दिर मँ नाहीं जाइ सकत। मोका हुआँ जाइ क आग्या नाहीं अहइ।</verse>
				<verse number="6">एह बरे मइँ चाहत हउँ कि तू यहोवा क मन्दिर मँ आवा। हुआँ उपवास क दिन जा अउर पत्रक स लोगन क सुनावा। ओन सँदेसन क जेनका यहोवा तोहका दिहस अउर जेनका तू पत्रक मँ लिख्या, ओनका लोगन क समन्वा बाँचा। ओन सँदेसन क यहूदा क सबहिं लोगन क समन्वा बाँचा जउन आपन रहइ क सहरन स यरूसलेम मँ आएन।</verse>
				<verse number="7">सायद, उ सबइ लोग यहोवा स मदद क याचना करइँ। होइ सकत ह हर एक मनई बुरा काम करब तजि देइ। यहोवा इ घोसित कइ दिहस ह कि उ ओन लोगन पइ किरोधित अहइ।”</verse>
				<verse number="8">एह बरे नेरिय्याह क पूत बारूक क सबइ किहस जेका यिर्मयाह नबी करइ क कहेस। बारूक उ पत्रक जोर स बाँचेस जेहमाँ यहोवा क सँदेसन लिखा रहेन। उ एका यहोवा क मन्दिर मँ बाँचेस।</verse>
				<verse number="9">यहोयाकीम क राज्जकाल क पँचए बरिस क नवे महीना मँ यहोवा क पराथना बरे एक उपवास घोसित भवा। इ आग्या रही कि यरूसलेम मँ रहइवाले सबहिं लोग अउर यहूदा क नगरन स यरूसलेम मँ आवइवाले लोग यहोवा क समन्वा उपवास रखिहीं।</verse>
				<verse number="10">उ समइ बारूक उ पत्रक क जेहमाँ यिर्मयाह क कथन रहेन उ सबहिं लोगन क समन्वा जउन यहोवा क मन्दिर मँ बाँचेस रहेन। बारूक ऊपरी आँगन मँ यमरिया क कमरा मँ खड़ा भवा रहा जब उ पत्रक स पढ़त रहा। (इ कमरा सापान क पूत यमरिया क रहा। उ मन्दिर मँ सास्त्री रहा अउर उसका कमरा मन्दिर क नया प्रवेस दुआर क लगे रहा।)</verse>
				<verse number="11">मीकायाह नाउँ क एक मनई यहोवा क ओन सारे सँदेसन क सुनेस जेनका बारूक पत्रक स बाँचेस। मीकायाह उ गमर्याह क पूत रहा जउन सापान क पूत रहा।</verse>
				<verse number="12">जब मीकायाह पत्रक स सँदेसा क सुनेस तउ उ राजा क महल मँ सचिव क कमरा मँ गवा। राजकीय सबहिं अधिकारी राजमहल मँ बइठा रहेन। ओन अधिकारियन क नाउँ इ सबइ अहइँ: सचिव एलीसामा, समायाह क पूत दलायाह, अबबोर क पूत एलनातान, सापान क पूत गमर्याह, हनन्याह क पूत सिदकिय्याह अउर दूसर सबहिं अधिकारी भी हुआँ रहेन।</verse>
				<verse number="13">मीकायाह ओन अधिकारियन स उ सबइ कहेस जउन उ बारूक क पत्रक स बाँचन सुने रहा।</verse>
				<verse number="14">तबइ ओन अधिकारियन बारूक क लगे यहूदी नाउँ क मनई क पठएन। (यहूदी सेलेम्याह क पूत नतन्याह क पूत रहा। सेलेम्याह कूसी क पूत रहा।) यहूदी बारूक स कहेस, “उ पत्रक तू लिआवा जेका तू बाँच्या अउर मोरे संग चला।” नेरिय्याह क पूत बारूक पत्रक क लिहस अउर यहूदी क संग अधिकारियन क लगे गवा।</verse>
				<verse number="15">तब ओन अधिकारियन बारूक स कहेन, “बइठा अउर पत्रक क हम लोगन क समन्वा बाँचा।” एह बरे बारूक उ पत्रक क ओनका सुनाएस।</verse>
				<verse number="16">ओन राजकीय अधिकारियन उ पत्रक स सबहिं सँदेसा सुनेन। अउर डेराइ गएन। उ पचे बारूक स कहेन, “हमका पत्रक क सँदेसा क बारे मँ राजा यहोयाकीम स कहब होइ।”</verse>
				<verse number="17">तब अधिकारियन बारूक स एक सवाल किहन। उ पचे पूछेन, “बारूक इ बतावा कि तू इ सबइ सँदेसन कहाँ स पाया जेनका तू इ पत्रक पइ लिख्या? का तू ओन सँदेसन क लिख्या जेनका यिर्मयाह तोहका बताएस?”</verse>
				<verse number="18">बारूक जवाब दिहस, “हाँ, यिर्मयाह कहेस अउर मइँ सारे सँदेसन क सियाही स इ पत्रक पइ लिखेउँ।”</verse>
				<verse number="19">तब राजकीय अधिकारियन बारूक स कहेन, “तोहका अउर यिर्मयाह क कहूँ जाइके छुप जाइ चाही। कउनो न जिन बतावा कि तू कहाँ लुकान अहा।”</verse>
				<verse number="20">तब राजकीय अधिकारियन सास्त्री एलीसामा कमरा मँ पत्रक क रखेन। उ पचे राजा यहोयाकीम क लगे गएन अउर पत्रक क बारे मँ ओका सब कछू बताएन।</verse>
				<verse number="21">एह बरे राजा यहोयाकीम यहूदी क पत्रक लेइ पठएस। यहूदी सास्त्री एलीसामा क कमरा स पत्रक क लिआवा। तब यहूदी राजा अउर ओकरे चारिहुँ कइँती खड़े सेवकन क पत्रक बाँचिके सुनाएस।</verse>
				<verse number="22">इ जउने समय भवा, नवाँ महीना रहा, एह बरे राजा यहोयाकीम सीतकालीन महल खण्ड मँ बइठा रहा। राजा क समन्वा अंगीठी मँ आगी जरत रही।</verse>
				<verse number="23">यहूदी पत्रक स पढ़ब सुरू किहस। मुला जब उ दुइ या तीन पंकितयन बाँचत, राजा यहोयाकीम पत्रक क उससे धइ लेता अउर उ भाग क जउन अभी पढ़ा गवा रहा एक नान्ह चाकू स काट डारत रहा अउर ओनका आग मँ डाइ देत रहा। आखिर मँ पूरा पत्रक आगी मँ जराइ दीन्ह गवा</verse>
				<verse number="24">जब राजा यहोयाकीम अउर ओकर सेवकन पत्रक स सँदेसा सुनेन तउ उ पचे डेरानेन नाहीं। उ पचे आपन ओढ़ना इ परगट करइ बरे नाहीं फाड़ेन कि ओनका आपन बुरे कर्मन बरे दुःख अहइ।</verse>
				<verse number="25">एलनातान, दलइया अउर यिर्मयाह राजा यहोयाकीम स पत्रक क न जरावइ बरे बात करइ क जतन किहस। किन्तु राजा ओनकर एक न सुनेस</verse>
				<verse number="26">अउर राजा यहोयाकीम कछू मनइयन क आदेस दिहस कि उ पचे सास्त्री बारूक अउर यिर्मयाह नबी क बन्दी बनावइँ। इ सबइ मनई राजा क एक ठु पूत अज्राएल क पूत सरायाह अउर अब्देल क पूत सेलेम्याह रहेन। किन्तु उ सबइ मनई बारूक अउर यिर्मयाह क न ढूँढ़ि सकेन काहेकि यहोवा ओनका छुपाइ दिहे रहा।</verse>
				<verse number="27">यहोवा क सँदेसा यिर्मयाह क मिला। इ तब भवा जब यहोयाकीम यहोवा क ओन सबहिं सँदेसनवाले पत्रक क जराइ दिहे रहा, जेनका यिर्मयाह बारूक स कहे रहा अउर बारूक सँदेसन क पत्रक पइ लिखे रहा। यहोवा क जउन सँदेसा यिर्मयाह क मिला, उ इ रहा:</verse>
				<verse number="28">“यिर्मयाह, दूसर पत्रक तइयार करा। एह पइ ओन सबहिं सँदेसन क लिखा जउन पहिले पत्रक पइ रहेन। यानि उहइ पत्रक जेका यहूदा क राजा यहोयाकीम जराइ दिहे रहा।</verse>
				<verse number="29">यिर्मयाह, यहूदा क राजा यहोयाकीम स इ भी कहा, यहोवा जउन कहत ह, उ इ अहइ: ‘यहोयाकीम तू उ पत्रक क जराइ दिहा। तू कहया, “यिर्मयाह काहे लिख्या कि बाबुल क राजा निहचइ ही आइ अउर इ देस क बर्बाद करी? उ काहे कहत ह कि बाबुल क राजा इ देस क लोगन अउर जनावरन दुइनउँ क बर्बाद करी?”</verse>
				<verse number="30">एह बरे यहूदा क राजा यहोयाकीम क बारे मँ जउन यहोवा कहत ह, उ इ अहइ: यहोयाकीम क संतान दाऊद क राज सिंहासन पइ नाहीं बइठहीं। जब यहोयाकीम मरी ओका राजा जइसे अन्त्येस्टि नाहीं दीन्ह जाइ, बल्कि ओकर अर्थी भुइँया पइ पेंक दीन्ह जाइ। ओकर अर्थी दिन क गर्मी मँ अउर रात क ठंडे पाले मँ छोड़ दीन्ह जाइ।</verse>
				<verse number="31">मइँ, यहोयाकीम, ओकर सन्तान अउ ओकरे अधिकारियन क ओनकइ दुट्ठ करम बरे सजा देब। मइँ यरूसलेम क लोगन पइ अउर यहूदा क लोगन पइ भयंकर विपत्ति ढावइ क प्रतिग्या किहेउँ ह। मइँ आपन प्रतिग्या क अनुसार ओन पइ सबहिं बुरी विपत्तियन ढाउब काहेकि उ पचे मोर चिताउनी नाहीं सुनेन।’”</verse>
				<verse number="32">तब यिर्मयाह दूसर पत्रक लिहस अउर ओका नेरिय्याह क पूत सास्त्री बारूक क दिहस। जइसे यिर्मयाह बोलत जात रहा वइसे ही बारूक ओनही सँदेसन क पत्रक पइ लिखत जात रहा जउन उ पत्रक पइ रहेन जेका राजा यहोयाकीम आगी मँ जराइ दिहे रहा अउर ओनहीं सँदेसन क तरह बहोत सी दूसर बातन दूसर पत्रक मँ जोरी गइन।</verse>
			</chapter>
			<chapter number="37">
				<verse number="1">नबूकदनेस्सर बाबुल क राजा रहा। नबूकदनेस्सर यहोयाकीम क पूत यकोन्याह क ठउरे पइ सिदकिय्याह क यहूदा क राजा तैनात किहस। सिदकिय्याह राजा योसिय्याह क पूत रहा।</verse>
				<verse number="2">किन्तु सिदकिय्याह यहोवा क ओन सँदेसन पइ धियान नाहीं दिहस जेनका यहोवा यिर्मयाह नबी क उपदेस देइ बरे दिहे रहा अउर सिदकिय्याह क सेवकन तथा यहूदा क लोग यहोवा क सँदेसा पइ धियान नाहीं दिहन।</verse>
				<verse number="3">राजा सिदकिय्याह यहूकल नाउँ क एक मनई अउर याजक सपन्याह क यिर्मयाह नबी क लगे एक ठु सँदेसा लइके पठएस। यहूकल सेलेम्याह क पूत रहा। याजक सपन्याह मासेयाह क पूत रहा। जउन सँदेसा उ पचे यिर्मयाह क बरे लिआए रहेन उ इ अहइ: “यिर्मयाह, हमार परमेस्सर यहोवा स हम लोगन बरे पराथना करा।”</verse>
				<verse number="4">(उ समइ तलक, यिर्मयाह जेल मँ नाहीं डावा गवा रहा, एह बरे जहाँ कहूँ उ जाइ चाहत रहा, जाइ सकत रहा।</verse>
				<verse number="5">उ समइ ही फिरौन क फउज मिस्र स यहूदा क प्रस्थान कइ चुकी रही। बाबुल फउज पराजित करइ बरे, यरूसलेम सहर क चारिहुँ कइँती घेरा डाइ रखे रहा। तब उ पचे मिस्र स ओनकी कइँती कूच कइ चुकी भई फउज क बारे मँ उ सुन चुका रहा। एह बरे बाबुल क फउज मिस्र स आवइवाली फउज स लड़इ बरे, यरूसलेम स हट गइ रही।)</verse>
				<verse number="6">यहोवा क सँदेसा यिर्मयाह नबी क मिला:</verse>
				<verse number="7">“इस्राएल क लोगन क परमेस्सर यहोवा जउन कहत ह, उ इ अहइ: ‘मइँ जानत हउँ कि यहूदा क राजा सिदकिय्याह तोहका मोरे लगे यहोवा स सलाह पूछइ बरे पठएस ह। राजा सिदकिय्याह क इ जवाब द्या, फिरौन क फउज हिआँ तोहार मदद बरे आवत ह, किन्तु उ फउज मिस्र क वापिस लौट जाइ।</verse>
				<verse number="8">ओकरे पाछे बाबुल क फउज हिआँ लउटी। इ यरूसलेम पइ हमला करी। तब बाबुल क उ फउज यरूसलेम पइ अधिकार करी अउर ओका बारि डाइ।’</verse>
				<verse number="9">यहोवा जउन कहत ह, उ इ अहइ: ‘यरूसलेम क लोगो, आपन क मूर्ख जिन बनावा। तू पचे आपुस मँ जिन कहा, “बाबुल क फउज निहचइ ही, हम लोगन क सान्त छोड़ देइ।” उ नाहीं छोड़ी।</verse>
				<verse number="10">यरूसलेम क लोगो, जदि तू पचे बाबुल क उ सारी फउज क ह काहे न हराइ द्या जउन तू पचन पइ हमला करत अहइ, तउ भी ओनके डेरन मँ कछू घायल मनई बच जइहीं। उ पचे थोड़े घायल मनई भी आपन डेरन स बाहेर निकरिहीं अउर यरूसलेम क जराइके राख कइ देइहीं।’”</verse>
				<verse number="11">जब बाबुल फउज मिस्र क फिरौन क सेना क संग जुद्ध करइ बरे यरूसलेम क छोड़ेस,</verse>
				<verse number="12">तब यिर्मयाह यरूसलेम स बिन्यामीन प्रदेस क जात्रा करइ चाहत रहा। हुआँ उ आपन परिवार क कछू सम्पत्ति क बटवारे मँ भाग लेइ जात रहा।</verse>
				<verse number="13">मुला जब यिर्मयाह यरूसलेम क बिन्यामीन क दुआर पइ पहोंचा तब रच्छन क अधिकारी कप्तान ओका बन्दी बनाइ लिहन। कप्तान क नाउँ यिरिय्याह रहा। यिरिय्याह सेलेम्याह क पूत रहा। सेलेम्याह हनन्याह क पूत रहा। इ तरह कप्तान यिरिम्याह यिर्मयाह क बन्दी बनाएस अउर कहेस, “यिर्मयाह, तू हम लोगन क बाबुल पच्छ मँ मिलइ बरे, छोड़त अहा।”</verse>
				<verse number="14">यिर्मयाह यिरिय्याह स कहेस, “इ फुरइ नाहीं अहइ। मइँ कसदियन क संग मिलइ बरे नाहीं जात हउँ।” मुला यिरिय्याह यिर्मयाह क एक न सुनेस। यिरिय्याह यिर्मयाह क बन्दी बनाएस अउर ओका यरूसलेम क राजकीय अधिकारियन क लगे लइ गवा।</verse>
				<verse number="15">उ सबइ अधिकारी यिर्मयाह पइ बहोत कोहान रहेन। उ पचे यिर्मयाह क पीटइ क आदेस दिहन। तब उ पचे यिर्मयाह क जेल मँ डाइ दिहन। जेल योनातान नाउँ क मनई क घर मँ रहा। योनातान यहूदा क राजा क सास्त्री रहा। योनातान क घर जेल बनाइ दीन्ह गवा रहा।</verse>
				<verse number="16">ओन लोग यिर्मयाह क योनातान क घर क एक कोठरी मँ रखेन। उ कोठरी जमीन क खाले कूप-गृह रही। यिर्मयाह ओहमाँ लम्बे समइ तलक रहा।</verse>
				<verse number="17">तब राजा सिदकिय्याह यिर्मयाह क बोलवाएस अउर ओका राजमहल मँ लावा गवा। सिदकिय्याह यिर्मयाह स एकान्त मँ बातन किहस। उ यिर्मयाह स पूछेस, “का यहोवा क कउनो सँदेसा अहइ?” यिर्मयाह जवाब दिहस, “हाँ, यहोवा क सँदेसा अहइ। सिदकिय्याह, तू बाबुल क राजा क हाथ मँ दइ दीन्ह जाब्या।”</verse>
				<verse number="18">तब यिर्मयाह राजा सिदकिय्याह स कहेस, “मइँ कउन सा अपराध किहे हउँ? मइँ कउन सा अपराध तोहरे, तोहरे अधिकारियन या यरूसलेम क खिलाफ किहे हउँ? तू मोका जेल मँ काहे बाँध्या?</verse>
				<verse number="19">राजा सिदकिय्याह, तोहार नबी अब कहाँ अहइँ? ओन नबियन तोहका झूठा सँदेसा दिहन। उ पचे कहेन, ‘बाबुल क राजा तोह पइ या यहूदा देस पइ हमला नाहीं करी।’</verse>
				<verse number="20">मुला अब मोर यहोवा, यहूदा क राजा, कृपा कइके मोर सुना। कृपा कइके मोर निवेदन अपने तलक पहोंचइ द्या। मइँ आप स एतना माँगत हउँ। सास्त्री योनातन क घर मोका वापस जिन पठवा। जदि आप मोका हुआँ पठउब्या मइँ हुअँइ मरि जाब।”</verse>
				<verse number="21">एह बरे राजा सिदकिय्याह यिर्मयाह बरे आँगन मँ रच्छकन क संरच्छन मँ रहइ क आदेस दिहस कि यिर्मयाह क सड़क पइ रोटी बनावइवालन स रोटियन दीन्ह जाइ चाही। यिर्मयाह क तब तक रोटी दीन्ह जात रही जब तलक नगर मँ अउर रोटी नाहीं रहे। इ तरह यिर्मयाह आँगन मँ रच्छक क संरच्छन मँ रहा।</verse>
			</chapter>
			<chapter number="38">
				<verse number="1">कछू राजकीय अधिकारियन यिर्मयाह क जरिये दीन्ह जात उपदेस क सुनेन। उ पचे मत्तान क पूत सपन्याह, पसहूर क पूत गदल्याह, सेलेम्याह क पूत यहूकल अउर मल्किय्याह क पूत पसहूर रहेन। यिर्मयाह सबहिं लोगन क इ सँदेसा देत रहा।</verse>
				<verse number="2">“जउन यहोवा कहत ह, उ इ अहइ: ‘जउन कउनो भी यरूसलेम मँ रहिहीं उ पचे सबहिं तरवार, भूख, भयंकर बीमारी स मरिहीं। किन्तु जउन भी बाबुल क सेना क आत्मसमर्पण करी, जिअत रही। उ सबइ लोग जिअत बचा जाइँ।’</verse>
				<verse number="3">अउर यहोवा इहइ कहत ह, ‘इ यरूसलेम नगर बाबुल क राजा क फउज क निहचइ ही, दीन्ह जाइ। उ इ नगर पइ अधिकार करी।’”</verse>
				<verse number="4">तब जउन राजकीय अधिकारियन यिर्मयाह क उ कथन क सुनेन जेका उ लोगन स कहत रहा, उ सबइ राजा सिदकिय्याह क लगे गएन। उ पचे राजा स कहेन, “यिर्मयाह क जरूर मार डावइ चाही। उ ओन सैनिकन क भी हतोत्साहित करत अहइ जउन अब तलक नगर मँ अहइँ। यिर्मयाह जउन कछू कहत अहइ ओहसे उ हर एक क साहस तोड़त अहइ। यिर्मयाह यरूसलेम क लोगन क मदद करइ मँ नाहीं बल्कि दुःखी करइ मँ रूची क दिखावत ह।”</verse>
				<verse number="5">एह बरे राजा सिदकिय्याह ओन अधिकारियन स कहेस, “यिर्मयाह तू लोगन ह हाथ मँ अहा। मइँ तू पचन्क रोकइ बरे कछू नाहीं कइ सकत।”</verse>
				<verse number="6">एह बरे ओन अधिकारियन यिर्मयाह क लिहन अउर ओका राजकुमार मल्किय्याह क हउज मँ डाइ दिहन। उ हउज आँगन मँ रहा जहाँ राजा क रच्छक ठहरत रहेन। ओन अधिकारियन यिर्मयाह क हउज मँ उतारइ बरे लसुरी क उपयोग किहन। हउज मँ पानी बिल्कुल नाहीं रहा, ओहमा सिरिफ कीचड़ रही अउर यिर्मयाह कीचड़ मँ धँसना सुरू होइ गवा।</verse>
				<verse number="7">किन्तु कूस क निवासी, खोजा एबेदमेलेक नाउँ क एक मनई सुनेस कि अधिकारियन यिर्मयाह क हउज मँ डाइ दिहेन ह। राजा सिदकिय्याह बिन्यामीन दुआरे पइ बइठा रहा। एह बरे एबेदमेलेक राजमहल स निकरा अउर राजा स बातन करइ उ दुआरे पइ पहोंचा।</verse>
				<verse number="8">एबेदमेलेक कहेस, “मोर सुआमी अउ राजा उ अधिकारियन नबी क हउज मँ डाइके एक ठू भयंकर काम किहेन ह। उ पचे ओका हुवाँ छोड़ दिहन ह कि उ मरइ जाई अउर सहर मँ रोटी बाकी नाहीं बची।”</verse>
				<verse number="9"></verse>
				<verse number="10">तब राजा सिदकिय्याह कूसी एबेदमेलेक क आदेस दिहस। आदेस इ रहा: “एबेदमेलेक राजमहल स तू तीन मनई अपने संग ल्या। जा अउर मरइ स पहिले यिर्मयाह क हउज स निकारा।”</verse>
				<verse number="11">एह बरे एबेदमेलेक अपने संग मनइयन क लिहस। किन्तु पहिले उ राजमहल क भंडारगृह क एक कमरा मँ गवा। उ कछू पुरान कम्बल अउ फटा पुरान कपड़ा उ कमरा स लिहस। तब उ ओन कम्बल क लसुरी क सहारे हउज मँ यिर्मयाह क लगे पहोंचाएस।</verse>
				<verse number="12">कूसी एबेदमेलेक यिर्मयाह स कहेस, “एन पुरान कम्बलन अउर चिथड़न क अपनी कखरी क खाले लगावा। जब हम लोग तोहका हींचब तउ इ सबइ तोहरी बाँहन क खाले गद्दी बनिहीं। तब लसुरियन तोहका चुभिहीं नाहीं।” एह बरे यिर्मयाह उहइ किहस जउन एबेदमेलेक कहेस।</verse>
				<verse number="13">ओन लोग यिर्मयाह क लसुरियन क मदद स ऊपर क बाहेर निकार लिहन यिर्मयाह रच्छकन क आँगन मँ रच्छकन क संरच्छन मँ रहा।</verse>
				<verse number="14">तब राजा सिदकिय्याह कउनो क यिर्मयाह नबी क लिआवइ पठएस। उ यहोवा मन्दिर क तीसरे दुआर पइ यिर्मयाह क मँगवाएस। तब राजा कहेस, “यिर्मयाह, मइँ तोहसे कछू पूछत हउँ। मोहसे कछू भी जिन छुपावा, मोका सब ईमानदारी स बतावा।”</verse>
				<verse number="15">यिर्मयाह सिदकिय्याह स कहेस, “जदि मइँ आप क जवाब देब तउ संभव अहइ आप मोका मारी डावइँ अउर जदि मइँ आप क सलाह भी देब तउ आप ओका नाहीं मानिहीं।”</verse>
				<verse number="16">मुला राजा सिदकिय्याह यिर्मयाह स किरिया खाएस। सिदकिय्याह इ गुप्त रूप स किहस। इ उ अहइ जउन सिदकिय्याह किरिया खाएस, “यिर्मयाह जइसा कि यहोवा सास्वत अहइ, जउन हम क परान अउर जिन्नगी दिहस ह यिर्मयाह। मइँ तोहका मारब नाहीं अउर मइँ प्रतिग्या करत हउँ कि मइँ तोहका ओन अधिकारियन क नाहीं देब जउन तोहका मार डावइ चाहत हीं।”</verse>
				<verse number="17">तब यिर्मयाह राजा सिदकिय्याह स कहेस, “इ उ अहइ जेका सर्वसक्तिमान परमेस्सर यहोवा इस्राएल क लोगन क परमेस्सर कहत ह, ‘जदि तू बाबुल क राजा क अधिकारियन क आत्मसमर्पण करब्या तोहार जिन्नगी बचि जाइ अउर यररूसलेम जराइके राख नाहीं कीन्ह जाइ, तू अउर तोहार परिवार जिअत रही।</verse>
				<verse number="18">किन्तु जदि तू बाबुल क राजा क अधिकारियन क आत्मसमर्पण करइ स इन्कार करब्या तउ यरूसलेम बाबुल फउज क दइ दीन्ह जाइ। उ पचे यरूसलेम क जराइके राख कइ देइहीं अउर तू खुद ओनसे बचिके नाहीं निकर पउब्या।’”</verse>
				<verse number="19">तब राजा सिदकिय्याह यिर्मयाह स कहेस, “किन्तु मइँ यहूदा क ओन लोगन स डेरात हउँ जउन पहिले ही बाबुल फउज स जाइ मिला अहइँ। मोका डर अहइ कि फउजी मोका यहूदा क ओन लोगन क दइ देइहीं अउर उ पचे मोरे संग बुरा बेउहार करिहीं अउर चोट पहोंचइहीं।”</verse>
				<verse number="20">किन्तु यिर्मयाह जवाब दिहस, “फउजी तोहका यहूदा क ओन लोगन क नाहीं देइहीं। सादा सिदकिय्याह, जउन मइँ कहत हउँ ओका कइके, यहोवा क आग्या क पालन करा। तब सबहिं कछू तोहरे भले बरे होइ अउर तोहार जिन्नगी बच जाइ।</verse>
				<verse number="21">किन्तु यदि तू बाबुल क फउज क समन्वा आत्मसमर्पण करइ स इन्कार करत अहा तउ यहोवा मोका देखाइ दिहेस ह कि का होइ। इ उ अहइ जउन यहोवा मोहसे कहेस ह:</verse>
				<verse number="22">उ पचे सबहिं मेहररूअन जउन यहूदा क राजमहल मँ रहि गई अहइँ बाहेर लिआई जइहीं। उ पचे बाबुल क राजा क बड़के अधिकारियन क समन्वा लिआइ जाइहीं। तोहार मेहररूअन एक ठु गीत क जरिये तोहार खिल्ली उड़इहीं। जउन कछू मेहररूअन कहिहीं उ इ अहइ: ‘तोहार अच्छे मीत तोहका गलत राह लइ गएन अउर उ पचे तोहसे जियादा बरिआर रहेन। उ पचे अइसे मीत रहेन जेन पइ तोहार बिस्सास रहा। तोहार पाँव कीचड़ मँ फँसा रहेन। तोहार मीतन तोहका छोड़ दिहन ह।’</verse>
				<verse number="23">“तोहार सबहिं मेहररूअन अउर तोहार बच्चन बाहेर लिआवा जइहीं। उ पचे बाबुल फउज क दइ दीन्ह जइहीं। तू खुद बाबुल क फउज स बचिके नाहीं निकर पउब्या। तू बाबुल क राजा क जरिये धरा जाब्या अउर यरूसलेम जराइके राख कइ दीन्ह जाइ।”</verse>
				<verse number="24">तब सिदकिय्याह यिर्मयाह स कहेस, “कउनो मनई स इ जिन कहया कि मइँ तोहसे बातन करत रहा। जदि तू कहब्या तउ तू मारा जाब्या।</verse>
				<verse number="25">अगर उ सबइ अधिकारियन क पता चला कि मइँ तोहसे बातन किहेउँ। तब उ पचे तोहरे लगे अइहीं अउर तोहसे कहिहीं, ‘यिर्मयाह, इ बतावा कि तू राजा सिदकिय्याह स का कहया अउर उ तोहसे का कह्या? हम लोगन बरे ईमानदार रहा अउर हमका सब कछू बताइ द्या, नाहीं तउ हम तोहका मार डाउब।’</verse>
				<verse number="26">जदि उ पचे तोहसे अइसा कहइँ तउ ओनसे कहया, ‘मइँ राजा स पराथना करत रहेउँ कि उ पचे मोका योनातन क घर क खाले कूप-गृह मँ वापस न पठवइँ। जदि मोका हुआँ वापस जाइ पड़ा तउ मइँ मरि जाब।’”</verse>
				<verse number="27">अइसा भवा कि राजा क उ सबइ अधिकारी यिर्मयाह स पूछइ ओकरे लगे आइ गएन। एह बरे यिर्मयाह उ सब कहेस जेका कटइ क आदेस राजा दिहे रहा। तब ओन अधिकारियन यिर्मयाह क अकेले छोड़ दिहन। कउनो मनई क पता नाहीं चला कि यिर्मयाह अउर राजा का बातन किहन।</verse>
				<verse number="28">इ तरह यिर्मयाह रच्छकन क संरच्छन मँ आँगन मँ उ दिन तलक रहा जउने दिन यरूसलेम पइ अधिकार कइ लीन्ह गवा।</verse>
			</chapter>
			<chapter number="39">
				<verse number="1">यरूसलेम पइ जउने तरह अधिकार भवा उ इ अहइ: यहूदा क राजा सिदकिय्याह क राज्जकाल क नवे बरिस क दसएँ महीने मँ बाबुल क राजा नबूकदनेस्सर आपन पूरी फउज क साथ यरूसलेम क खिलाफ वूच किहस।</verse>
				<verse number="2">उ हरावइ बरे नगर क डेरा डाएस अउ सिदकिय्याह क ग्यारहवे बरिस क चउथे महीने क नौंवे दिन यरूसलम क चहरदीवारी टूटी।</verse>
				<verse number="3">तब बाबुल क राजा क सबहिं राजकीय अधिकारी यरूसलेम नगर मँ घुस आएन। उ पचे अन्दर आएन अउर बीच वाले दुआर पइ बइठ गएन। ओन अधिकारियन क इ सबइ नाम अहइँ: समगर जिले प्रसासक नेर्गलसरेसेर एक बहोत उच्च अधिकारी नेबो-सर्सकीम दूसर उच्च अधिकारी अउर बहोत स दूसर बड़के अधिकारी भी हुवाँ रहेन।</verse>
				<verse number="4">यहूदा क राजा सिदकिय्याह बाबुल क ओन पदाधिकारियन क लखेस, एह बरे उ अउर ओकर फउजी हुवाँ स पराइ गएन। उ पचे रात मँ यरूसलेम क तजेन अउर राजा क बाग स होइके बाहेर निकरेन। उ पचे उ दुआर स गएन जउन दुइ दीवारन क बीच रहा। तब उ पचे रेगिस्तान कइँती बढ़ेन।</verse>
				<verse number="5">मुला बाबुल क फउज सिदकिय्याह अउर ओकरे साथ क फउज क पाछा किहस। कसदियन क फउज यरीहे क मइदान मँ सिदकिय्याह क जाइ धरेस उ पचे सिदकिय्याह क धरेन अउर मोका बाबुल क राजा नबूकदनेस्सर क लगे लइ गएन। नबूकदनेस्सर हमात प्रदेस क रिबला नगर मँ रहा। उ ठउरे पइ नबूकदनेस्सर सिदकिय्याह क बरे निर्णय सुनाएस।</verse>
				<verse number="6">हुवाँ रिबला नगर मँ बाबुल क राजा सिदकिय्याह क पूतन क ओकरे सामने मार डाएस अउर सिदकिय्याह क समन्वा ही नबूकदनेस्सर यहूदा क सबहिं राजकीय अधिकारियन क मार डाएस।</verse>
				<verse number="7">तब नबूकदनेस्सर सिदकिय्याह क आँखिन निकार लिहस। उ सिदकिय्याह क काँसा क जंजीर स बाँधेस अउर ओका बाबुल लइ गवा।</verse>
				<verse number="8">बाबुल क सेना राजमहल अउर यरूसलेम क लोगन क घरन मँ आगी लगाइ दिहस अउर उ पचे यरूसलेम क दीवारन गिराइ दिहन।</verse>
				<verse number="9">नबूजरदन नाउँ क एक मनई बाबुल क राजा क बिसेस रच्छकन क अधिनायक रहा। उ ओन लोगन क लिहस जउन यरूसलेम मँ बचि ग रहेन अउर ओनका कैदी बनाइ लिहस। नबूजरदन ओन लोगन क लिहेस जउन यरूसलेम मँ रहत रहेन ओन लोगन क भी लिहस जउन पहिले ही ओका आत्मसमर्पण कइ चुके रहेन। अउर ओकर पाछे उ ओन सबइ क बन्दी बनाइके बाबुल भेज दिहेस।</verse>
				<verse number="10">मुला बिसेस रचच्छकन क अधिनायक नबूजरदान यहूदा क कछू गरीब लोगन क आपन पाछे छोड़ दिहस। उ पचे अइसे लोग रहेन जेनके लगे कछू नाहीं रहा। इ तरह उ दिन नबूजरदान ओन यहूदा क गरीब लोगन क अंगूर क बाग अउर खेत दिहस।</verse>
				<verse number="11">किन्तु नबूकदनेस्सर नबूजरदान क यिर्मयाह क बारे मँ कछू आदेस दिहस। नबूजरदान, नबूकदनेस्सर क बिसेस रच्छकन क अधिनायक रहा। आदेस इ सबइ रहेन:</verse>
				<verse number="12">“यिर्मयाह क हेरा अउर ओकर देख-रेख करा। ओका चोट न पहोंचावा। ओका उ सब द्या, जउन उ माँगइ।”</verse>
				<verse number="13">एह बरे राजा क बिसेस रच्छकन क अधिनायक नबूनरदान बाबुल क फउज क एक मुख्य पदाधिकारी नबूसजबान एक ऊँचा अधिकारी नेर्गलसरेसेर अउर बाबुल क फउज क दूसर सबहिं अधिकारी यिर्मयाह क खोज मँ पठए गएन।</verse>
				<verse number="14">ओन लोग यिर्मयाह क आँगन स निकारेन जहाँ उ यहूदा क राजा क रच्छकन क संरच्छन मँ पड़ा रहा। कसदी सेना क ओन अधिकारी लोग यिर्मयाह क सपान क पूत अहीकाम, अहीकाम क पूत गदल्याह क सुपुर्द किहन। गदल्याह क आदेस रहा कि उ यिर्मयाह क ओकरे घर वापस लइ जाइ। एह बरे यिर्मयाह आपन घरे पहोंचाइ दीन्ह गवा अउर उ आपन लोगन मँ रहइ लाग।</verse>
				<verse number="15">जउने समइ यिर्मयाह रच्छकन क संरच्छन मन्दिर क आँगन मँ रहा, ओका यहोवा क एक सँदेसा मिला। सँदेसा इ रहा:</verse>
				<verse number="16">“यिर्मयाह, जा अउर कूस क एबेदमेलेक क इ सँदेसा द्या: इ उ सँदेसा अहइ, जेका सर्वसक्तीमान यहोवा इस्राएल क लोगन क परमेस्सर देत ह: ‘बहोत हाली ही मइँ इ यरूसलेम नगर सम्बन्धी आपन सँदेसन क फुरइ घटित करब। मोर सँदेसा बिनास लाइके फुर होइ। नीक बातन क लाइके नाहीं। तू सबहिं इ फुरइ क घटित होत भवा आपन आँखिन स देखब्या।</verse>
				<verse number="17">किन्तु एबेदमेलेक उ दिन मइँ तोहका बचाउब।’ इ यहोवा क सँदेसा अहइ। ‘तू ओन लोगन क नाहीं दीन्ह जाब्या जेनसे तोहका डर अहइ।</verse>
				<verse number="18">एबेदमेलेक मइँ तोहका बचाउब। तू तरवारे क घाट नाहीं उतारा जाब्या, अपितु बच निकरब्या अउर जिअत रह्ब्या। अइसा होइ, काहेकि तू मोह पइ बिस्सास किहा ह।’” इ सँदेसा यहोवा क अहइ।</verse>
			</chapter>
			<chapter number="40">
				<verse number="1">रामा सहर मँ अजाद कीन्ह जाइ क पाछे यिर्मयाह क यहोवा क सँदेसा मिला। बाबुल क राजा क बिसेस रच्छकन क अधिनायक नबुनरदान क यिर्मयाह रामा मँ मिला। यिर्मयाह जंजीरन मँ बँधा रहा। उ यरूसलेम अउर यहूदा क सबहिं कैदियन क संग रहा। उ पचे कैदी बाबुल क बन्धुआइ मँ लइ जात रहेन।</verse>
				<verse number="2">जब अधिनायक नबूजरदान क यिर्मयाह मिला तउ उ ओहसे बातन किहस। उ कहेस, “यिर्मयाह तोहार परमेस्सर यहोवा इ घोसित किहे रहा कि इ बिपत्ति इ जगहिया पइ आइ उ</verse>
				<verse number="3">अउर अब यहोवा सब कछू उ कइ दिहेस ह जेका उ करइ क कहे रहा। इ बिपत्ति एह बरे आइ कि यहूदा क तू सब लोगन यहोवा क खिलाफ पाप किहा। तू लोग यहोवा क आग्या नाहीं मान्या।</verse>
				<verse number="4">किन्तु यिर्मयाह, अब मइँ तोहका अजाद करत हउँ। मइँ तोहरी कलाइयन स जंजीर उतारत हउँ। जदि तू चाहा तउ मोरे संग बाबुल चला अउर मइँ तोहार अच्छी देख-रेख करब। किन्तु जदि तू मोरे संग चलब नाहीं चहत्या तउ न चला। लखा पूरा देस तोहरे बरे खुला अहइ। तू जहाँ चाहा चला जा।</verse>
				<verse number="5">या सापान क पूत अहीकाम क पूत गदल्याह क लगे लउटि जा। बाबुल क राजा यहूदा क नगरन क प्रसासक गदल्याह क चुनेस ह। जा अउर गदल्याह क संग लोगन क बीच रहा या तू जहाँ चाहा जाइ सकत ह।” तब नबूजरदान यिर्मयाह क कछू भोजन अउर भेंट दिहस तथा ओका बिदा किहस।</verse>
				<verse number="6">इ तरह यिर्मयाह अहीकाम क पूत गदल्याह क लगे मिस्पा गवा। यिर्मयाह गदल्याह क संग ओन लोगन क बीच रहा जउन यहूदा देस मँ छोड़ दीन्ह ग रहेन।</verse>
				<verse number="7">यहूदा क फउज क कछू फउजी, अधिकारी अउर ओनकर लोग, जब यरूसलेम नस्ट होत रहा, खुला मैदान मँ रहेन। ओन फउजियन सुनेन कि अहीकाम क पूत गदल्याह क बाबुल क राजा प्रदेस मँ बचे लोगन क प्रसासक तैनात किहस ह। बचे भए लोगन मँ उ पचे सबहिं मेहररूअन, मनसेधुअन अउर बच्चन रहेन जउन बहोत जियादा गरीब रहेन अउर कैदी बनाइके बाबुल नाहीं पहोंचावा गए रहेन।</verse>
				<verse number="8">एह बरे उ सबइ फउजी गदल्याह क लगे मिस्पा मँ आएन। उ सबइ फउजी नतन्याह क पूत इस्माएल, योहानन अउ ओकर भाई योनातान, कारेह क पूत तन्हूसेत क पूत सरायाह, नतोयवासी एथै क पूत माकावासी क पूत याजन्याह अउर ओकरे साथ स मनसेधुअन रहेन।</verse>
				<verse number="9">सापान क पूत अहीकाम क पूत गदल्याह ओन फउजियन अउर ओनके लोगन क जियादा सुरच्छित अनुभव करावइ क किरिया खाएस। गदल्याह जउन कहेस, उ इ अहइ: “फउजियो तू लोग कसदी लोगन क सेवा करइ स भयभीत जिन ह्वा। इ प्रदेस मँ बस जा अउर बाबुल क राजा क सेवा करा। जदि तू पचे अइसा करब्या तउ तोहार पचन्क सब कछू भला होइ।</verse>
				<verse number="10">मइँ खुद मिस्पा मँ रहब। मइँ ओन कसदी लोगन स तोहरे पचन्क बरे मँ बातन करब जउन हिआँ अइहीं। तू लोग इ काम मोह पइ छोड़ा। तू पचन्क दाखरस गर्मी क फल अउर तेल पइदा करइ चाही। जउन तू पचे पइदा करा ओका आपन बटोरइ बरे घड़न मँ भरा। ओन नगरन मँ रहा जेह पइ तू पचे अधिकार किहे अहा।”</verse>
				<verse number="11">यहूदा क सबहिं लोग, जउन मोआब, अम्मोन, एदोम अउर दूसर सबहिं प्रदेसन मँ रहेन, सुनेन कि बाबुल क राजा यहूदा क कछू लोगन क उ देस मँ छोड़ दिहेस ह अउर उ पचे इ सुनेन कि बाबुल क राजा सापान क पोता अउ अहीकाम क पूत गदल्याह क ओनकर प्रसासक तइनात किहेस ह।</verse>
				<verse number="12">जब यहूदा क लोग इ खबर पाएन, तउ उ पचे यहूदा प्रदेस मँ लउटि आएन। उ पचे गदल्याह क लगे ओन सबहिं देसन स मिस्पा लउटेन, जेनमाँ उ पचे बिखेर ग रहेन। एह बरे उ पचे लउटेन अउर उ पचे दाखरस अउर गर्मी क बड़ी फसल काटेन।</verse>
				<verse number="13">कारेह क पूत योहानन अउ यहूदा क फउज क सबहिं अधिकारी, जउन अबहिं तलक खुले प्रदेसन मँ रहेन, गदल्याह क लगे आएन। गदल्याह मिस्पा नगर मँ रहा।</verse>
				<verse number="14">योहानन अउर ओकरे साथ क अधिकारियन गदल्याह स कहेन, “का तोहका मालूम अहइ कि अम्मोनी लोगन क राजा बालीस तोहका मार डावइ चाहत ह उ नतन्याह क पूत इस्माएल क तोहका मार डावइ पठएस ह।” मुला अहीकाम क पूत गदल्याह ओन पइ बिस्सास नाहीं किहस।</verse>
				<verse number="15">तब कारेह क पूत योहानन मिस्पा मँ गदल्यह स गुप्त बाचचीत किहस। योहानन गदल्याह स कहेस, “मोका जाइ द्या अउर नतन्याह क पूत इस्माएल क मार डावइ द्या। कउनो भी मनई इ बारे मँ नाहीं जानी। हम लोग इस्माएल क तोहका मारइ नाहीं देब। उ यहूदा क ओन सबहिं लोगन क जउन तोहरे लगे बटुरा भए अहइँ, विभिन्न देसन मँ फुन स बिखेर देइ अउर एकर इ अरथ होइ कि यहूदा क थोड़ा स बचे-खुचे लोग भी नस्ट होइ जइँहीं।”</verse>
				<verse number="16">किन्तु अहीकाम क पूत गदल्याह कारेह क पूत योहानान स कहेस, “इस्माएल क न मारा। इस्माएल क बारे मँ जउन तू कहत अहा, उ फुरइ नाहीं अहइ।”</verse>
			</chapter>
			<chapter number="41">
				<verse number="1">सतएँ महीना मँ नतन्याह (एलीसामा क पूत) क पूत इस्माएल, अहीकाम क पूत गदल्याह क लगे आवा। इस्माएल आपन दस मनइयन क संग आवा। उ सबइ लोग मिस्पा नगर मँ आए रहेन। इस्माएल राजा परिवार क सदस्य रहा। उ यहूदा राजा क अधिकारियन मँ स एक रहा। इस्माएल अउर ओकर लोग गदल्याह क संग खइया क खाएन।</verse>
				<verse number="2">जब उ पचे साथ भोजन करत रहेन तबहिं इस्माएल अउर ओकर दस मनई उठेन अउर अहीकाम क पूत गदल्याह क तरवारे स मार दिहन। उ इ एह बरे किहेन काहेकि बाबुल क राजा ओका यहूदा क राज्जपाल नियुक्त किहे रहा।</verse>
				<verse number="3">इस्माएल यहूदा क ओन सबहिं लोगन क भी मार डाएस जउन मिस्पा मँ गदल्याह क संग रहेन। इस्माएल ओन कसदी फउजियन क भी मार डाएस जउन उ समइ मिस्पा मँ रहेन।</verse>
				<verse number="4">गदल्याह क हत्या क एक दिन बाद अस्सी मनई मिस्पा आएन। उ पचे अन्नबलि अउर सुगन्धि यहोवा क मन्दिर बरे लिआवत रहेन। ओन अस्सी मनइयन आपन दाढ़ी मुड़वाइ राखी रही, आपन ओढ़वा फाड़ डावे रहेन अउर आपन क काट राखे रहेन। उ पचे सकेम, सीलो अउर सोमरोन स आए रहेन। एनमाँ स कउनो भी इ नाहीं जानत रहा कि गदल्याह क हत्या कइ दीन्ह गई अहइ।</verse>
				<verse number="5"></verse>
				<verse number="6">इस्माएल मिस्पा नगर स ओन अस्सी मनइयन स मिलइ गवा। ओनसे मिलत जात समइ उ रोवत रहा। इस्माएल ओन अस्सी मनइयन स मिला अउर उ कहेस, “अहीकाम क पूत गदल्याह स मिलइ मोरे संग चला।”</verse>
				<verse number="7">उ पचे अस्सी मनई मिस्पा नगर मँ गएन। तब इस्माएल अउर ओकर मनइयन ओनमाँ स सत्तर लोगन क मार डाएन। इस्माएल अउर ओकर मनइयन ओन सत्तर मनइयन क अरिथियन क एक ठु गहिर हउज मँ डाइ दिहस।</verse>
				<verse number="8">मुला बचे भए दस मनइयन इस्माएल स कहेन, “हमका जिन मारा। हमरे लगे गोहूँ अउर जौ अहइ अउर हमरे लगे तेल अउर सहद अहइ। हम लोग ओन चिजियन क एक खेते मँ छिपाइ राखी ह।” एह बरे ओन मनइयन क छोड़ दिहा। उ दूसर लोगन क संग ओनका नाहीं मारेस।</verse>
				<verse number="9">(उ हउज जेहमाँ इस्माएल ल्हासन क फेंकेस बहोत बड़ा रहा इ यहूदा क आसा नाउँ क राजा क जरिये बनवावा गवा रहा। ओका एह बरे बनाए रहा कि जुद्ध कि दिनन मँ जब इ इस्राएल क राजा बासा स लड़त रहा तउ नगर क ओहसे पानी मिलत रहइ। इस्माएल उ हउज मँ एतनी ल्हासन डाएस कि उ भर गवा।)</verse>
				<verse number="10">इस्माएल मिस्पा नगर क दूसर सबहिं लोगन क भी धरेस। (ओन लोगन मँ राजा क बिटियन अउर उ सबइ दूसर लोग रहेन जउन हुवाँ बच गए रहेन। उ पचे अइसे लोग रहेन जेनका नबूजरदान गदल्याह पइ नजर रखइ बरे चुने रहा। नबूजरदान बाबुल क राजा क खास रच्छकन क अधिनायक रहा। एह बरे इस्माएल ओन लोगन क धरेस अउर अम्मोनी लोगन क देस मँ जाइ बरे बढ़ब सुरू किहस।)</verse>
				<verse number="11">कारेह क पूत योहानन अउर ओकर साथी क सबहिं फउजी अधिकारियन ओन सबहिं दुराचारन क सुनेन जउन इस्माएल किहेस।</verse>
				<verse number="12">एह बरे योहानन अउर ओकरे संग क फउजी अधिकारियन आपन मनइयन क लिहन अउ नतन्याह क पूत इस्माएल स लड़इ गएन। उ पचे इस्माएल क उ बड़के पानी क हउज क लगे धरेन जउन गिबोन नगर मँ अहइ।</verse>
				<verse number="13">ओन मनइयन जेनका इस्माएल बन्दी बनाए रहा, योहानन अउ फउजी अधिकारियन क लखेन। उ सबइ लोग बहोत खुस भएन।</verse>
				<verse number="14">तब उ पचे सबहिं लोग जेनका इस्माएल मिस्पा मँ बन्दी बनाए रहा, कारेह क पूत योहानन क लगे दउड़ पड़ेन।</verse>
				<verse number="15">किन्तु इस्माएल अउ ओकर आठ मनई योहानन स बच निकरेन। उ पचे अम्मोनी लोगन क लगे पराइ गएन।</verse>
				<verse number="16">एह बरे कारेह क पूत योहानन अउ ओकर सबहिं फउजी अधिकारियन बन्दीयन क बचाइ लिहन। इस्माएल गदल्याह क हत्या किहे रहा अउ ओन लोगन क मिस्पा स धइ लिहे रहा। बचे भए लोगन मँ फउजी, मेहररूअन, बच्चन अउर अदालत क अधिकारी रहेन। योहानन ओनका गिबोन नगर स वापस लिहस।</verse>
				<verse number="17">योहानन अउ दूसर फउजी अधिकारी कसदियन स भयभीत रहेन। बाबुल क राजा गदल्याह क यहूदा क प्रसासक चुने रहा। किन्तु इस्माएल गदल्याह क हत्या कइ दिहे रहा अउ योहानन क डर रहा कि कसदी कोहान होइहीं। एह बरे उ पचे मिस्र क पराइ निकरइ क निहचइ किहस। मिस्र क रास्ते मँ उ पचे गेरथ किम्हाम मँ रूकेन। गेरथ किम्हान बेतलेहेम नगर क लगे अहइ।</verse>
				<verse number="18"></verse>
			</chapter>
			<chapter number="42">
				<verse number="1">जब उ पचे गेरथ किम्हाम मँ रहेन योहानान अउ होसायाह क पूत याजन्याह यिर्मयाह नबी क लगे गएन। योहानन अउ याजन्याह क संग सबहिं फउजी अधिकारी गएन। जियादा महत्त्वपूर्ण स लइके कम महत्त्वपूर्ण तलक सबहिं मनई यिर्मयाह क लगे गएन।</verse>
				<verse number="2">ओन सबहिं लोग ओहसे कहेस, “यिर्मयाह, कृपा कइके सुना जउन हम कहत अही। आपन परमेस्सर यहोवा स, यहूदा क परिवार क एन सबहिं बचे मनइयन बरे पराथना करा। यिर्मयाह, तू लख सकत अहा कि हम लोगन मँ बहोत जियादा नाहीं बचा अहइँ। कउने समइ हम बहोत जियादा रहे।</verse>
				<verse number="3">यिर्मयाह, आपन परमेस्सर यहोवा स इ पराथना करा कि उ बतावइ कि हमका कहाँ जाइ चाही अउ हमका का करइ चाही।”</verse>
				<verse number="4">तब यिर्मयाह नबी जवाब दिहेस, “मइँ समुझत हउँ कि तू मोहसे का करावइ चाहत अहा। मइँ तोहार परमेस्सर यहोवा स उहइ पराथना करब जउन तू मोहसे करइ क कहत अहा। मइँ हर एक बात, जउन यहोवा कही बताउब। मइँ तोहसे कछू भी नाहीं छिपाउब।”</verse>
				<verse number="5">तब ओन लोग यिर्मयाह स कहेन, “जदि तोहार परमेस्सर यहोवा जउन तोहार जरिये हम पचन्क कहत ह ओका हम नाहीं करित तउ हमका आसा अहइ कि यहोवा ही सच्चा अउ बिस्सास क जोग्ग गवाह हमरे खिलाफ होइ।</verse>
				<verse number="6">एकर कउनो महत्व नाहीं कि हम सँदेसा क पसन्द करित ह या नाहीं। हम लोग आपन परमेस्सर, यहोवा क आग्या क पालन करब। हम लोग तोहका यहोवा क हिआँ ओहसे सँदेस लेइ बरे पठवत अही। हम ओकर पालन करब जउन उ कही। तब हम लोगन बरे उ नीक होइ। हाँ, हम आपन परमेस्सर यहोवा क आग्या क पालन करब।”</verse>
				<verse number="7">दस दिन बीतइ क पाछे यहोवा क हिआँ स यिर्मयाह क सँदेसा मिला।</verse>
				<verse number="8">तब यिर्मयाह कारेह क पूत योहानन अउर ओकरे संग क फउजी अधिकारियन क एक संग बोलाएस। यिर्मयाह बहोत नान्ह मनई स लइके बहोत बड़के मनई तलक क भी एक संग बोलाएस।</verse>
				<verse number="9">तब यिर्मयाह ओनसे कहेस, “जउन इस्राएल क लोगन क परमेस्सर यहोवा कहत ह, उ इ अहइ: तू मोका ओकरे लगे पठया। मइँ यहोवा स उ पूछेउँ, जउन तू लोग मोहसे पूछइ चाहत रह्या। यहोवा इ कहत ह:</verse>
				<verse number="10">‘जदि तू लोग यहूदा मँ रहब्या तउ मइँ तोहार निर्माण करब मइँ तोहका नस्ट नाहीं करब। मइँ तोहका रोपब अउर मइँ तोहका उखाड़ब नाहीं। मइँ इ एह बरे करब कि मइँ ओन भयंकर बिपत्तियन बरे दुःखी हउँ जेनका मइँ तू लोगन पइ घटित होइ दीन्ह।</verse>
				<verse number="11">इ समइ तू पचे बाबुल क राजा स भयभीत अहा। बाबुल क राजा स भयभीत न ह्वा,’ यहोवा कहत ह। ‘काहेकि मइँ तोहरे पचन्क संग हउँ। मइँ तोहका पचन्क बचाउब। मइँ तू पचन्क खतरे स बाहेर निकारब।</verse>
				<verse number="12">मइँ तू पचन्पइ दयालु रहब अउर बाबुल क राजा भी तू पचन्क संग दाया क बेउहार करी अउर उ तू पचन्क तोहरे पचन्क देस वापस लिआइ।’</verse>
				<verse number="13">किन्तु तू पचे इ कहि सकत ह, ‘हम यहूदा मँ नाहीं ठहरब।’ जदि तू पचे अइसा कहब्या तउ तू पचे आपन परमेस्सर यहोवा क आग्या क उल्लंघन करब्या।</verse>
				<verse number="14">तू पचे इ भी कहि सकत ह, ‘नाहीं हम लोग जाब अउर मिस्र मँ रहब। हमका उ ठउरे पइ जुद्ध क परेसानी नाहीं होइ। हम हुआँ जुद्ध क तुरही नाहीं सुनब अउर मिस्र मँ हम भूखा नाहीं रहब।’</verse>
				<verse number="15">अगर तू पचे इ सब कहत अहा, तउ यहूदा क बचे लोगो यहोवा क इ सँदेसा क सुना। इस्राएल क लोगन क परमेस्सर सर्वसक्तीमान यहोवा इ कहत ह: ‘अगर तू पचे मिस्र मँ रहइ बरे जाइ क निर्णय करत अहा तउ इ सब घटित होइ:</verse>
				<verse number="16">तू पचे जुद्ध क तरवार स डेरात अहा, किन्तु इहइ तोहका पचन्क पराजित करी अउर तू पचे भूख स परेसान अहा किन्तु तू पचे मिस्र मँ भूखा रहब्या। तू पचे हुआँ मरब्या।</verse>
				<verse number="17">हर एक उ मनई तरवार, भूख अउर भयंकर बीमारी स मरी जउन मिस्र मँ रहइ बरे जाइ क निर्णय करी। जउन लोग मिस्र जइहीं ओनमाँ स कउनो भी जिअत नाहीं बची। ओनमाँ स कउनो भी ओन भयंकर बिपत्तियन स नाहीं बची जेनका मइँ ओन पइ ढाउब।’</verse>
				<verse number="18">“इस्राएल क सर्वसक्तीमान यहोवा, इ कहत ह: ‘मइँ आपन किरोध यरूसलेम क खिलाफ परगट किहेउँ ह। मइँ ओन लोगन क सजा दिहेउँ जउन यरूसलेम मँ रहत रहेन।। उहइ प्रकार मइँ आपन किरोध हर एक उ मनई पइ उड़ेरब जउन मिस्र जाइ। लोग तू पचन्क स लज्जित होइहीं। तू पचे अभिसाप वाणी क समान होब्या। तू पचन्पइ जउन कछू भवा ओका लखिके लोग भयभीत होइहीं। लोग तोहार पचन्क अपमान करिहीं अउर तू पचे फुन कबहुँ इ देस क नाहीं लखि पउब्या।’</verse>
				<verse number="19">“यहूदा क बचे भए लोगो, यहोवा तू पचन्स कहेस, ‘मिस्र जिन जा।’ मइँ तू पचन्क साफ चिताउनी देत अहइँ।</verse>
				<verse number="20">तू लोग एक बड़ी भूल करत अहा, जेकरे कारण तू मरब्या। तू लोग यहोवा आपन परमेस्सर क लगे मोका पठया। तू मोहसे कहया, ‘परमेस्सर यहोवा स हमरे बरे पराथना करा। हर बात हमका बतावा जउन यहोवा करइ क कहत ह। हम यहोवा क आग्या क पालन करब।’</verse>
				<verse number="21">एह बरे आजु मइँ यहोवा क सँदेसा तोहका दिहेउँ ह। किन्तु तू पचे आपन परमेस्सर यहोवा क आग्या क पालन नाहीं किहा। तू पचे उ सब नाहीं किहा ह जेका करइ बरे कहइ क उ मोका पठएस ह।</verse>
				<verse number="22">तू लोग रहइ बरे मिस्र जाइ चाहत अहा अब निहचइ ही तू पचे इ समुझ गवा होब्या कि मिस्र मँ तू पचन्पइ इ घटी: तू पचे तरवार स या भूख स, या भयंकर बीमारी स मरब्या।”</verse>
			</chapter>
			<chapter number="43">
				<verse number="1">इ तरह यिर्मयाह लोगन क यहोवा ओकरे परमेस्सर क सँदेसा देब पूरा किहस। यिर्मयाह लोगन क उ सब कछू बताइ दिहस जेका लोगन स कहइ बरे यहोवा ओका पठए रहा।</verse>
				<verse number="2">होसाया क पूत अजर्याह, कारेह क पूत योहानन अउर कछू दूसर लोग घमण्डी अउर हठी रहेन। उ सबइ लोग यिर्मयाह पइ किरोधित होइ गएन। ओन लोगन यिर्मयाह स कहेन, “यिर्मयाह, तू झूठ बोलत अहा। हमार परमेस्सर यहोवा तोहसे हमका इ कहइ क नाहीं पठएस, ‘तू लोगन क मिस्र मँ रहइ बरे नाहीं जाइ चाही।’</verse>
				<verse number="3">यिर्मयाह, हम समझित अही कि नेरिय्याह क पूत बारूक तोहका हम लोगन क बिरुद्ध होइ बरे हुस्कावत अहइ। उ चाहत ह कि तू हमका कसदी लोगन क हाथ मँ दइ द्या। उ इ एह बरे चाहत ह जेहसे उ पचे हमका मारि डावइँ या उ तोहसे इ एह बरे चाहत ह कि उ पचे हमका कैदी बनाइ लेइँ अउर बाबुल लइ जाइ।”</verse>
				<verse number="4">एह बरे योहानन फउजी अधिकारी अउर सबहिं लोग यहोवा क आग्या क उल्लंघन किहन। यहोवा ओनका यहूदा मँ रहइ क आदेस दिहे रहा।</verse>
				<verse number="5">किन्तु यहोवा क आग्या मानइ क जगह पइ योहानन अउर फउजी अधिकारी ओन लोगन क भी आपन संग लइ गएन जउन यहूदा मँ रहइ बरे आए रहेन। पहिले उ पचे सत्रुअन दुआरा दूसर रास्ट्रन मँ लेइ जवा गएन रहेन, किन्तु अब उ पचे वापिस यहूदा आइ गए रहेन।</verse>
				<verse number="6">अब योहानन अउ सबहिं फउजी अधिकारी, सबहिं मनसेधू, मेहररूअन अउर बच्चन क मिस्र लइ गएन। ओन लोगन मँ राजा क बिटियन रहिन। (नबूजरदान गदल्याह क ओन लोगन क प्रसासक तैनात किहे रहा नबूजरदान बाबुल क राजा क खास रच्छकन क अधिनायक रहा।) योहानन यिर्मयाह नबी अउर नेरिय्याह क पूत बारूक क भी साथ लइ गवा।</verse>
				<verse number="7">ओन लोग यहोवा क एक न सुनेन। एह बरे उ पचे सबहिं लोग मिस्र गएन। उ पचे तहपन्हेस नगर क गएन।</verse>
				<verse number="8">तहपन्हेस नगर मँ यिर्मयाह यहोवा स इ सँदेसा पावा,</verse>
				<verse number="9">“यिर्मयाह, कछू बड़के पाथर ल्या। ओनका ल्या अउर ओनका तहपन्हेस मँ फिरौन क राजमहल क प्रवेस दुआर क ईटंन क चबूतरन क लगे माटी मँ गाड़ा।</verse>
				<verse number="10">इ तब करा जब यहूदा क लोग तोहका अइसा करत लखत रहा अहा, ‘इस्राएल क परमेस्सर सर्वसक्तीमान यहोवा जउन कहत ह, उ इ अहइ: मइँ बाबुल क राजा नबूकदनेस्सर क हिआँ आवइ बरे बोलावा पठउब। उ मोर सेवक अहइ अउर मइँ ओकर राज सिंहासन क एन पाथरन पइ रखब जेनका मइँ हिआँ गाड़ा ह। नबूकदनेस्सर आपन चँदोवा एन पाथरन क ऊपर फैलाई।</verse>
				<verse number="11">नबूकदनेस्सर हिआँ आइ अउर मिस्र पाइ हमला करी। उ कछू लोगन मारिहीं अउर कछू क लोगन क कैदी बनावइ जाइ अउर उ कछू लोगन क तरवारे क घाट उतारी।</verse>
				<verse number="12">नबूकदनेस्सर मिस्र क लबार देवतन क मन्दिरन मँ ओन देवतन क संग आगी लगाइ देइ। उ ओनका बार देइहीं अउ ओनका बन्दी बनाइ लेइहीं। नबूकदनेस्सर मिस्र क भुइँया क सबहिं चिजियन क वइसेन ही लइ लेत ह जइसे गड़ेरिया आपन ओढ़ना स चिल्लर क चुन-चुन कइ बाहेर फेंकत ह। अउर तउ उ सुरच्छा स मिस्र क तजि देइहीं।</verse>
				<verse number="13">नबूकदनेस्सर ओन सुमिरन-पाथरन क नस्ट करी जउन मिस्र मँ सूर्य देवता क मन्दिर मँ अहइ उ मिस्र क लबार देवन क मन्दिरन क जराइ देइ।’”</verse>
			</chapter>
			<chapter number="44">
				<verse number="1">यिर्मयाह क यहोवा क एक ठु सँदेसा मिला। इ सँदेसा मिस्र मँ रहइवाले यहूदा क सबहिं लोगन बरे रहा। इ सँदेसा यहूदा क ओन लोगन बरे रहा जउन मिग्दोल, तहपन्हेस, नोप अउर दक्खिनी मिस्र मँ रहत रहेन। सँदेसा इ रहा:</verse>
				<verse number="2">“इस्राएल क परमेस्सर सर्वसक्तिमान यहोवा कहत ह, ‘तू लोग ओन भयंकर घटनन क लख्या जेनका मइँ यरूसलेम नगर अउर यहूदा क दूसर सबहिं नगरन क बिरुद्ध लाएउँ। उ सबइ नगर आजु पाथरन क ढेर अहइँ। हुवाँ कउनो नाहीं रहत ह।</verse>
				<verse number="3">उ सबहिं जगह नस्ट कीन्ह गएन काहेकि तू अउर ओनमाँ रहइवाले दूसर लोग बुरे करम किहन। ओन लोग दूसर देवतन क बलि भेंट किहन, जेका तोहार लोग अउर तोहार पुरखन पहिले नाहीं जानत रहेन। अउर मोका किरोधित किहस।</verse>
				<verse number="4">मइँ आपन नबी ओन लोगन क बार-बार पठएउँ। उ सबइ नबी मोर सेवक रहेन। ओन नबियन मोर सँदेसा दिहन अउर लोगन स कहेन, “इ भयंकर काम जिन करा जेहसे मइँ घिना करत हउँ। काहेकि तू पचे देवमूरतियन क पूजा करत अहा।”</verse>
				<verse number="5">किन्तु ओन लोग नबियन क एक न सुनेन। उ पचे ओन नबियन पइ धियान नाहीं दिहन। ओन लोग दुट्ठता भरे करम करब नाहीं तजेन। उ पचे दूसर देवतन क बलि भेंट करब बन्द नाहीं किहेन।</verse>
				<verse number="6">एह बरे मइँ आपन किरोध ओन लोगन क बिरुद्ध परगट किहेउँ। मइँ यहूदा क नगरन अउर यरूसलेम क सड़कियन क सजा दिहेउँ। मोर किरोध यरूसलेम अउ यहूदा क नगरन क सूना पाथरन क ढेर बनाएस, जइसे उ सबइ आजु अहइँ।’</verse>
				<verse number="7">“एह बरे इस्राएल क परमेस्सर सर्वसक्तिमान यहोवा इ कहत ह: ‘तू पचे मनइयन, मेहररूअन, गदेलन अउर नान्ह गदेलन क यहूदा क धरती स दूर ले जाइके अउर हिआँ पइ कउनो क धोड़िके आपन क चोट काहे पहोंचावत अहा।</verse>
				<verse number="8">लोगो देवमूरतियन बनाइके तू पचे मोका काहे किरोधित करब चाहत अहा? अब तू पचे मिस्र मँ रहत अहा अउर अब मिस्र क लबार देवतन क भेंट चढ़ाइके तू पचे मोका किरोधित करत अहा। लोगो तू पचे आपन क नस्ट कइ डउब्या। इ तोहार पचन्क आपन दोख क कारण होइ। तू पचे आपन क कछू अइसा बनाइ लेब्या कि दूसर रास्ट्रन क लोग, तोहार पचन्क बुराई करिहीं अउर पृथ्वी क दूसर रास्ट्रन क लोग तोहार पचन्क मजाक उड़इहीं।</verse>
				<verse number="9">का तू पचे ओन दुट्ठता भरे करमन क बिसरि चुका अहा जेनका तोहार पुरखन किहन? का तू पचे ओन दुट्ठता स भरे कामन क बिसरि चुका अहा जेनका यहूदा क राजा अउर रानियन किहन? का तू पचे ओन दुट्ठता स भरे करमन क बिसरि चुका अहा जेनका तू पचे अउर तोहार मेहररूअन यहूदा क धरती पइ अउर यरूसलेम क गलियन पइ किहन?</verse>
				<verse number="10">आज भी यहूदा क लोगन आपन क विनम्र नाहीं बनाएन। उ पचे मोका कउनो सम्मान नाहीं दिहन अउर ओन लोग मोर सिच्छन क अनुसरण नाहीं किहन। उ पचे ओन नेमन क पालन नाहीं किहन जेनका मइँ तू पचन्क अउर तोहरे पचन्क पुरखन क दिहेउँ।’</verse>
				<verse number="11">“एह बरे इस्राएल क परमेस्सर सर्वसक्तीमान यहोवा जउन कहत ह, उ इ अहइ: ‘मइँ तू पचन्पइ भयंकर बिपत्ति ढावइ क निहचइ किहे हउँ। मइँ यहूदा क पूरे परिवार क नस्ट कइ देब।</verse>
				<verse number="12">यहूदा क थोड़ा स लोग ही बचा रहेन। उ सबइ लोग हिआँ मिस्र मँ आएन ह। किन्तु मइँ यहूदा परिवार क ओन कछू बचे लोगन क नस्ट कइ देब। उ सबइ तरवारे क घाट उतरिहीं या भूख स मरिहीं। उ सबइ कछू अइसा होइहीं कि दूसर रास्ट्रन क लोग ओनके बारे मँ बुरा कहिहीं। दूसर रास्ट्र ओहसे भयभीत होइहीं जउन लोगन क संग घटित होइ। उ सबइ लोग अभिसाप बाणी बन जइहीं। दूसर रास्ट्र यहूदा क ओन लोगन क अपमान करिहीं।</verse>
				<verse number="13">मइँ ओन लोगन क सजा देब जउन मिस्र मँ रहइ चला गवा अहइँ। मइँ ओनका सजा देइ बरे तरवार, भूख अउर भयंकर बीमारी क उपयोग करब। मइँ ओन लोगन क वइसे ही सजा देब जइसे मइँ यरूसलेम नगर क सजा दिहेउँ।</verse>
				<verse number="14">एन थोड़े बचे भएन मँ स, जउन मिस्र मँ चला गवा अहइँ, कउनो भी मोरी सजा स नाहीं बची। ओनमाँ स कउनो भी यहूदा वापस आवइ बरे नाहीं बच पाई। उ सबइ लोग यहूदा वापस लउटब अउर हुआँ रहब चाहत हीं किन्तु ओनमाँ स एक भी मनई सायद कछू बचि निकरइ वालन क अलावा वापस नाहीं लउटी।’”</verse>
				<verse number="15">मिस्र मँ रहइवाली यहूदा क मेहररूअन मँ स अनेक दूसर देवतन क बलि भेंट करत रहीं। ओनकर भतारन एका जानत रहेन किन्तु ओनका रोकत नाहीं रहेन। हुआँ यहूदा क लोगन क मिस्र मँ एक बिसाल समूह बटुरा होत रहा। ओन सबहिं मनइयन यिर्मयाह स कहेन,</verse>
				<verse number="16">“हम यहोवा क सँदेसा क नाहीं सुनब जउन तू पचे देब्या।</verse>
				<verse number="17">हम सरगे क रानी क बलि भेंट करइ प्रतिग्या कीन्ह ह अउर हम उ सब करब जेकर हम प्रतिग्या कीन्ह ह। हम ओकर पूजा मँ बलि चढ़ाउब अउर पेय भेंट देब। इ हम अतीत मँ कीन्ह अउर हमार पुरखन, राजा लोग अउर हमार पदाधिकारियन पुराने जमाने मँ इ किहस। हम सब यहूदा क नगरन अउर यरूसलेम क सड़कियन पइ इ किहस। जउने दिन हम सरगे क रानी क पूजा करत रहे हमरे लगे बहोत अन्न होत रहा। हम सफल होत रहे। हम लोगन क कछू भी बुरा नाहीं भवा।</verse>
				<verse number="18">किन्तु तबहिं हम लोग सरग क रानी पूजा तजि दीन्ह हम ओका पेय भेंट देब बन्द कइ दीन्ह। जब स हम ओकर पूजा मँ उ पचे काम बन्द किहन तब स ही सबइ समस्या पइदा भइन ह। हमार लोग तरवार अउ भूख स मरे अहइँ।”</verse>
				<verse number="19">तब मेहररूअन बोल पड़ी। उ पचे यिर्मयाह स कहेन, “हमरे भतारन जानत रहेन कि हम का करत रहे। हम सरग क रानी क बलि देइ बरे ओनसे मंजूरी लीन्ह रहे। दाखरस भेंट चढ़ावइ बरे हम ओनकर मंजूरी पाए रहे। हमरे भतारन इ भी जानत रहेन कि हम एक अइसी खास रोटी बनावत रहे जउन ओनके तरह देखाई पड़त रही।”</verse>
				<verse number="20">तब यिर्मयाह ओन सबहिं मेहररूअन अउर मनसेधुअन स बातन किहस। उ ओन लोगन स बातन किहस जउन उ सबइ बातन अबहिं कहे रहेन।</verse>
				<verse number="21">यिर्मयाह ओन लोगन स कहेस, “यहोवा क याद रहा कि तू पचे यहूदा नगर अउर यरूसलेम क सड़कियन पइ बलि भेंट किहे रह्या। तू पचे अउर तोहार पुरखन, तोहार राजा लोग, तोहार अधिकारियन अउर देस क लोग ओका किहन। यहोवा क याद रहा अउर उ तोहरे पचन्क कीन्ह गए करमन क बारे मँ सोचेस।</verse>
				<verse number="22">एह बरे यहोवा तोहरे पचन्क अउर जियादा चुप नाहीं रहि सका। यहोवा ओन भयंकर करमन स घिना किहेस जउन तू पचे किहा। इहइ बरे यहोवा तू पचन्क देस क सूना रेगिस्तान बनाइ दिहस। अब हुआँ कउनो मनई नाहीं रहत। दूसर लोग उ देस क बारे मँ बुरी बातन कहत हीं।</verse>
				<verse number="23">उ सबइ सबहिं बुरी घटनन तोहरे पचन्क संग घटित काहेकि तू पचे दूसर देवतन क बलि भेंट किहा। तू पचे यहोवा क खिलाफ पाप किहा। तू पचे यहोवा क आग्या क पालन नाहीं किहा। तू पचे ओकरे उपदेसन या ओकर दीन्ह नेमन क अनुसरण नाहीं किहा। तू पचे ओकरे संग कीन्ह गइ करार क पालन नाहीं किहा।”</verse>
				<verse number="24">तब यिर्मयाह ओन सबहिं मनसेधुअन अउ मेहररूअन स बातन किहस। यिर्मयाह कहेस, “मिस्र मँ रहइवाले यहूदा क तू सबहिं लोगो यहोवा क हिआँ स सँदेसा सुना:</verse>
				<verse number="25">इस्राएल क लोगन क परमेस्सर सर्वसक्तीमान यहोवा कहत ह: ‘मेहररूओ, तू पचे उ किहा जउन तू पचे करइ क कहया। तू पचे कहिउ, “हम पचे जउन प्रतिग्या कीन्ह ह ओकर पालन हम करब। हम प्रतिग्या कीन्ह ह कि हम सरग क देवी क बलि भेंट करब अउर पेय भेंट डाउब।” एह बरे अइसा करति रहा। उ करा जउन तू पचे करइ क प्रतिग्या किहा ह। आपन प्रतिग्या क पूरा करा।’</verse>
				<verse number="26">किन्तु मिस्र मँ रहइवाले सबहिं लोगो यहोवा क सँदेसा सुना: ‘मइँ आपन बड़े नाउँ क उपयोग करत भए इ प्रतिग्या कीन्ह ह: मइँ प्रतिग्या करत हउँ कि अब मिस्र मँ रहइवाला यहूदा क कउनो भी मनई प्रतिग्या करइ बरे मोरे नाउँ क उपयोग कबहुँ नाहीं कइ पाइ। उ पचे फुन कबहुँ नाहीं कहिहीं, “जइसा कि यहोवा सास्वत अहइ…।”</verse>
				<verse number="27">मइँ यहूदा क ओन लोगन पइ नजर रखत हउँ। किन्तु मइँ ओन पइ नजर ओनकर देखरेख बरे नाहीं रखत हउँ। मइँ ओन पइ चोट पहोंचावइ बरे नजर रखत हउँ। मिस्र मँ रहइवाले यहूदा क लोग भूख स मरिहीं अउर तरवार स मारा जइहीं। उ पचे तब तलक मरत चला जइहीं जब तलक उ पचे खतम नाहीं होतेन।</verse>
				<verse number="28">यहूदा क कछू लोग तरवार स मरइ स बचि निकरिहीं। उ पचे मिस्र स यहूदा वापस लउटिहीं। किन्तु बहोत थोड़ा स यहूदा क लोग बचि निकरिहीं। तब यहूदा क बचे भए उ पचे लोग जउन मिस्र मँ आइके रहिहीं इ समझिहीं कि केकर सँदेसा घटित होत ह। उ पचे जानिहीं कि मोर सँदेसा अथवा ओनकर सँदेसा सच निकरत ह।</verse>
				<verse number="29">लोगो मइँ तू पचन्क एकर प्रमाण देब’ इ यहोवा क हिआँ स सँदेसा अहइ कि ‘मइँ तू पचन्क मिस्र मँ सजा देब। तब तू पचे निहचइ ही समुझ जाब्या कि तू पचन्क चोट पहोंचावइ क मोर प्रतिग्या, फुरइ ही घटित होइ।</verse>
				<verse number="30">जउन मइँ कहत हउँ, इ उ अहइ, होप्रा फिरौन मिस्र क राजा अहइ। ओकर दुस्मन ओका मार डावइ चाहत हीं। मइँ होप्रा फिरौन क ओकरे दुस्मन क देब। सिदकिय्याह यहूदा क राजा रहा। नबूकदनेस्सर सिदकिय्याह क दुस्मन रहा अउर मइँ सिदकिय्याह क ओकरे दुस्मन क दिहेउँ। उहइ तरह मइँ होप्रा फिरौन क ओकरे दुस्मन क देब।’”</verse>
			</chapter>
			<chapter number="45">
				<verse number="1">यहोयाकीम योसिय्याह क पूत रहा। यहोयाकीम क यहूदा मँ राज्जकाल क चउथे बरिस यिर्मयाह नबी नेरिय्याह क पूत बारूक स इ कहेस। बारूक एन तथ्यन क पत्रक पइ लिखेस। यिर्मयाह बारूक स जउन कहेस, उ इ अहइ:</verse>
				<verse number="2">“इस्राएल क परमेस्सर यहोवा जउन तोहसे कहत ह, उ इ अहइ:</verse>
				<verse number="3">‘बारूक, तू कहया ह: इ मोरे बरे बहोत बुरा अहइ। यहोवा मोर पीरा क संग मोका सोक दिहस ह। मइँ बहोत थक गवा हउँ। आपन कस्टन क कारण मइँ छीन होइ गवा हउँ। मइँ आराम नाहीं पाइ सकत।’”</verse>
				<verse number="4">यहोवा कहेन, “यिर्मयाह, बारूक स इ कहा: ‘यहोवा जउन कहत ह, उ इ अहइ: मइँ ओका ध्वस्त कइ देब जेका मइँ बनाएउँ ह। मइँ जेका रोपेउँ ह ओका मइँ उखाड़ फेंकब। मइँ पूरे यहूदा क ध्वस्त करब।</verse>
				<verse number="5">बारूक, तू अपने बरे कछू बड़की बात होइ क आसा करत अहा। किन्तु ओन चिजियन क आसा न करा। ओनकी कइँती नजर न राखा काहेकि मइँ सबहिं लोगन क बरे कछू भयंकर बिपत्ति पइदा करब।’ इ सबइ बातन यहोवा कहेस, ‘तोहका अनेक जगहन पइ जाब पड़ी। किन्तु तू चाहे जहाँ जा मइँ तोहका जिअत बचिके निकर जाइ देब।’” रास्ट्रन क बारे मँ यहोवा क सँदेसा</verse>
			</chapter>
			<chapter number="46">
				<verse number="1">यिर्मयाह नबी क इ सँदेसन मिलेन। इ सँदेसन अलग-अलग रास्ट्रन बरे अहइँ।</verse>
				<verse number="2">इ सँदेसा मिस्र क बारे मँ अहइ। इ सँदेसा निको फिरौन क फउज क बारे मँ अहइ। निको मिस्र क राजा रहा। ओकर फउज कर्कमीस नगर मँ पराजित भइ रही। कर्कमीस परात नदी पइ अहइ। यहोयाकीम क यहूदा पइ राज्जकाल क चउथे बरिस बाबुल क राजा नबूकदनेस्सर निको फिरौन क फउज क कर्कमीस मँ पराजित किहस। यहोयाकीम राजा योसिय्याह क पूत रहा। मिस्र बरे यहोवा क सँदेसा इ अहइ:</verse>
				<verse number="3">“आपन बिसाल अउर छोटकी ढालन क तइयार करा। जुद्ध बरे कुच कइ द्या।</verse>
				<verse number="4">घोड़न क तइयार करा। फउजियन, आपन घोड़न पइ बइठ। जुद्ध बरे आपन जगहिया जा अउर आपन टोप पहन ल्या। आपन भालन क तेज करा। आपन कवच पहिर ल्या।</verse>
				<verse number="5">मइँ इ का लखत हउँ? फउज डर गइ बाटइ। फउजी परात अहइँ। ओनकर वीर फउजी पराजित होइ ग अहइँ। उ पचे हाली परात अहइँ। उ पचे पाछे मुड़िके नाहीं लखतेन। सर्वत्र डर छावा अहइ।” यहोवा इ सबइ बातन कहेस।</verse>
				<verse number="6">“तेज धावक पराइके निकरि नाहीं सकतेन। ताकतवर फउजी बचिके पराइ नाहीं सकत। उ पचे सबहिं ठोकर खइहीं अउर उत्तर मँ परात नदी क किनारे पइ गिरब्या।</verse>
				<verse number="7">नील नदी क नाई कउन उमड़त आवत अहइ? उ बलवती अउ तेज नदी क नाई कउन बढ़त बाटइ?</verse>
				<verse number="8">इ मिस्र अहइ जउन उमड़त नील नदी जइसा आवति अहइ। इ मिस्र अहइ जउन बलवती तेज नदी जइसा आवत अहइ। मिस्र कहत ह: ‘मइँ आउब अउर पृथ्वी क पाट देब, मइँ नगरन अउर ओनकर लोगन क बर्बाद कइ देब।’</verse>
				<verse number="9">घुड़सवारो, जुद्ध मँ टूट पड़ा। सारथियो, तेज हाँका। वीर फउजियो, अगवा बढ़। वूस अउर पूत क फउजियो, आपन ढालन ल्या। लूदीया क फउजियो, आपन धनुस सँभारा।</verse>
				<verse number="10">“किन्तु उ दिन, हमार सुआमी सर्वसक्तीमान यहोवा बिजयी होइ। उ समइ उ ओन लोगन क सजा देइ जेनका सजा मिलत ह। यहोवा क दुस्मन उ सजा पइहीं जउन ओनका मिलइ क अहइ। तरवार तब काटी जब तलक उ गोंठिल नाहीं होइ जात। तरवार तब तलक मारी जब तलक एकर खून क पियास बुझ नाहीं जात। इ होइ, काहेकि इ सबइ हमार सुआमी सर्वसक्तीमान यहोवा बरे बलि भेंट होत ह। उ बलि मिस्र क फउज अहइ जउन परात नदी क किनारे उत्तरी पहँटा मँ अहइ।</verse>
				<verse number="11">“मिस्र, गिलाद क जा अउर कछू दवाइयन लिआवा। तू अनेक दवाइयन बनउब्या, किन्तु उ सबइ सहायक नाहीं होइहीं। तू तन्दुरूस्त नाहीं होब्या।</verse>
				<verse number="12">रास्ट्र तोहार सर्मनाक हार लखब्या। तोहार रोउब समूचइ पृथ्वी पइ सुना जाइ। एक ‘वीर सिपाही’ दूसर ‘सिपाही’ पइ टूट पड़ी अउर दुइनउँ ‘वीर’ फउजी साथ भहरइहीं।”</verse>
				<verse number="13">इ उ सँदेसा अहइ जेका यहोवा यिर्मयाह नबी क दिहस। इ सँदेसा नबूकदनेस्सर क बारे मँ अहइ जउन मिस्र पइ हमला करइ आवत अहइ।</verse>
				<verse number="14">“मिस्र मँ इ सँदेसा क घोसणा करा, एकर उपदेस मिग्दोल नगर मँ द्या। एकर उपदेस नोप अउर तहपन्हेस नगर मँ भी द्या। ‘जुद्ध बरे तइयार ह्वा। काहेकि तोहरे चारिहुँ ओर तरवारन स मारा जात अहइँ।’</verse>
				<verse number="15">मिस्र, तोहार ताकतवर फउजी काहे मारा जइहीं? उ पचे मुकाबले मँ नाहीं टिकिहीं काहेकि यहोवा ओनका खाले धक्का देइ।</verse>
				<verse number="16">उ सबइ फउजी बार-बार ठोकर खइहीं, उ पचे एक दूसर पइ भहरइहीं। उ पचे कहिहीं, ‘उठा, हम फुन आपन लोगन मँ चली, हम आपन देस चली। हमार दुस्मन हमका पराजित करत अहइ। हमका जरूर पराइ निकरइ चाही।’</verse>
				<verse number="17">उ सबइ फउजी आपन देस मँ कहिहीं, ‘मिस्र क राजा फिरौन सिरिफ एक नाउँ क गूँज अहइ। ओकरे गौरव क समइ गवा।’”</verse>
				<verse number="18">राजा क इ सँदेसा अहइ। राजा सर्वसक्तीमान यहोवा अहइ। “जदि मोर जिअब फुर अहइ तउ एक ताकतवर पत्र दर्सक आइ। उ सगरे क निअरे ताबोर अउर कर्मेल पहाड़न क नाईं महान होइ।</verse>
				<verse number="19">मिस्र क लोगो, आपन चिजियन क बाँधा, बन्दी होइ का तइयार होइ जा। काहेकि नोप एक बर्बाद सूना पहँटा बन जाइ नगर नस्ट होइहीं अउर कउनो भी मनई ओनमाँ नाहीं रही।</verse>
				<verse number="20">“मिस्र एक सुन्नर गइया जइसा अहइ। किन्तु ओका पीड़ित करइ क उत्तर स एक गोमक्खी आवति अहइ।</verse>
				<verse number="21">मिस्र क फउज मँ भाड़े क फउजी मोटके बछवन जइसा अहइँ। उ सबइ सबहिं मुड़िके पराइ खड़ा होइहीं। उ पचे हमला क खिलाफ मजबूती स खड़ा नाहीं रहिहीं। ओनकर बर्बादी क समइ आवत अहइ। उ पचे हाली ही सजा पइहीं।</verse>
				<verse number="22">मिस्र साँप क जइसा फुँफकार क आवाज करत ह अउ आगे बढ़त ह। दुस्मन निचके स निचके आवत जात अहइ अउर मिस्री फउज पराइ क जतन करति अहइ। दुस्मन मिस्र क खिलाफ कुल्हाड़ियन क संग आइ, उ सबइ लकड़हारन क तरह अहइ।”</verse>
				<verse number="23">यहोवा इ सबइ कहत ह, “दुस्मन मिस्र क बन क काट गिराइ। बन मँ असंख्य बृच्छ अहइँ, किन्तु उ सबइ काट डावा जइहीं। दुस्मन क सिपाही टिड्डी दल स भी जियादा अहइँ। उ पचे एतेन जियादा फउजी अहइँ कि ओनका कउनो गन नाहीं सकत।</verse>
				<verse number="24">मिस्र लज्जित होइ उत्तर क दुस्मन ओका पराजित करी।”</verse>
				<verse number="25">इस्राएल क परमेस्सर सर्वसक्तीमान यहोवा कहत ह: “मइँ बहोत हाली, थीबिस क देवता आमोन क सजा देब अउर मइँ फिरौन, मिस्र अउर ओकर देवतन क सजा देब। मइँ मिस्र क राजा लोगन क सजा देब। मइँ फिरौन पइ आखित लोगन क सजा देब।</verse>
				<verse number="26">मइँ ओन सबहिं लोगन क ओनकर दुस्मनन स पराजित होइ देब अउर उ पचे दुस्मन ओनका मार डावइ चाहत हीं। मइँ बाबुल क राजा नबूकदनेस्सर अउर ओकर सेवकन क हाथ मँ ओन लोगन क देब। “बहोत पहिले मिस्र सान्ति स रहा अउर एन सब बिपत्तियन क समइ मिस्र फुन सान्तिपूर्वक रही।” यहोवा इ सबइ बातन कहेस।</verse>
				<verse number="27">“मोरे सेवक याकूब, भयभीत न ह्वा। इस्राएल, आतंकित न ह्वा। मइँ निहचइ ही तोहका ओन दूर-दराज क देसन स बचाउब। मइँ तोहरे बच्चन क हुआँ स बचाउब जहाँ उ पचे बन्दी अहइँ। याकूब क पुनःसुरच्छा अउर सान्ति मिली अउर कउनो मनई ओका भयभीत नाहीं करी।”</verse>
				<verse number="28">यहोवा इ सब कहत ह: “याकूब मोर सेवक, डेराअ जिन। मइँ तोहरे संग हउँ। मइँ तोहका अलग-अलग जगहन मँ दूर पठएउँ अउर मइँ ओन सबहिं रास्ट्रन क पूरी तरह बर्बाद करब। किन्तु मइँ तोहका पूरी तरह बर्बाद नाहीं करब। तोहका ओकर सजा मिलइ चाही जउन तू बुरे काम किहा ह। एह बरे मइँ तोहका सजा स बच निकारइ नाहीं देब। मइँ तोहका अनुसासन मँ लिआउब, किन्तु मइँ उचित ही करब।”</verse>
			</chapter>
			<chapter number="47">
				<verse number="1">इ सँदेसा यहोवा क अहइ जउन यिर्मयाह नबी क मिला। इ सँदेसा पलिस्ती लोगन क बारे मँ अहइ। इ सँदेसा, जब फिरौन गज्जा नगर पइ हमला किहस, ओहसे पहिले आवा।</verse>
				<verse number="2">यहोवा कहत ह: “धियान द्या, दुस्मन क फउजी उत्तर मँ एक संग मोर्चा लगावत अहइँ। उ पचे तटन क बारेत तेज नदी क तरह अइहीं उ पचे देस क बाढ़ सा ढकि लेइहीं। उ पचे नगरन अउर ओनमाँ रह रहे निवासियन क ढकि लेइहीं। उ देस क हर एक रहइवाला मदद बरे चिल्लाई।</verse>
				<verse number="3">उ सबइ धावत घोड़न क अवाज सुनिहीं, उ पचे रथन क घरघराहट सुनिहीं। उ पचे पहियन क घरघराहट सुनिहीं। पिता आपन बच्चन क सुरच्छा करइ मँ मदद नाहीं कइ सकिहीं। उ पचे पिता मदद करइ मँ एकदम असमर्थ होइहीं।</verse>
				<verse number="4">सबहिं पलिस्ती लोगन क नस्ट करइ क समइ आइ ग अहइ। सोर अउर सिदोन क बचे सहायकन क नस्ट करइ क समइ आइ ग अहइ। यहोवा पलिस्ती लोगन क हाली नस्ट करी। कप्तोर द्वीप मँ बचे लोगन क उ नस्ट करी।</verse>
				<verse number="5">गज्जा क लोग सोक मँ बूड़िहीं अउर आपन सिर मुड़ँइहीं। अस्कलोन क लोग चुप कइ दीन्ह जइहीं। घाटी क बचे लोगो, कब तलक तू पचे आपन क काटत रहब्या?</verse>
				<verse number="6">“ओ! यहोवा क तरवार, तू रूकिउ नाहीं तू कब तलक मार करति रहबिउ? आपन म्यान मँ लउटि जा, रूका, सान्त ह्वा।</verse>
				<verse number="7">किन्तु यहोवा क तरवार कइसे बिस्राम लेइ? यहोवा एका आदेस दिहस ह। यहोवा एका इ आदेस दिहस ह कि इ अस्कलोन नगर अउर समुद्र तट पइ हमला करइँ।”</verse>
			</chapter>
			<chapter number="48">
				<verse number="1">इ सँदेसा मोआब देस क बारे मँ अहइ। इस्राएल क लोगन क परमेस्सर सर्वसक्तीमान यहोवा जउन कहेस, उ इ अहइ: “नबो पहाड़ क बुरा होइ, नबो पहाड़ नस्ट होइ। किर्यातैम नगर लज्जित होइ। एह पइ अधिकार होइ। सक्तीसाली जगह लज्जित होइ। इ बिखरि जाइ।</verse>
				<verse number="2">मोआब क पुन: तारीफ नाहीं होइ। हेसबोन नगर क लोग मोआब क पराजय क जोजना बनइहीं। उ पचे कहिहीं, ‘आवा हम उ रास्ट्र क अन्त कइ देइ।’ मदमेन तू भी चुप कीन्ह जाब्या, तरवार तोहार पाछा करी।</verse>
				<verse number="3">होरोनौम नगर स रूदन अनका, उ पचे बहोत घबराहट अउर बिनास क चीखेन ह।</verse>
				<verse number="4">मोआब नस्ट कीन्ह जाइ। ओकर नान्ह बच्चन मदद क पुकार करिहीं।</verse>
				<verse number="5">मोआब क लोगो लूहीत क मारग तलक जा। उ पचे जात भए फूटि फूटिके रोवत अहइँ। हेरोनौम नगर तलक जाइवाली सड़किया स पीरा अउर कस्ट क रूदन सुना जाइ सकत ह।</verse>
				<verse number="6">पराइ चला, जिन्नगी बरे पराअ। जइसा झाड़ी रेगिस्ताने मँ उड़त ह वइसा उड़ा।</verse>
				<verse number="7">“तू आपन बनाई चिजियन अउर आपन धन पइ बिस्सास करत अहा। एह बरे तू बन्दी बनाई लीन्ह जाब्या। कमोस देवता कैदी बनावा जाइ अउर ओकर याजक अउर पदाधिकारी ओकरे संग जइहीं।</verse>
				<verse number="8">बिध्वंसक हर एक नगर क खिलाफ आइ, कउनो नगर नाहीं बची। घाटी बर्बाद होइ। उच्च मैदान नस्ट होइ। यहोवा इ कहेस ह, एह बरे इ होइ।</verse>
				<verse number="9">मोआब क खेतन मँ नमक फइलावा। देस सूना रेगिस्तान बनी। मोआब क नगर खाली होइहीं। ओनमाँ कउनो भी मनई न रही।</verse>
				<verse number="10">जदि मनई उ नाहीं करत जेका यहोवा कहत ह जदि उ आपन तरवार क उपयोग ओन लोगन क मारइ बरे नाहीं करत, तउ उ मनई क बुरा होइ।</verse>
				<verse number="11">मोआब क कबहुँ बिपत्ति स पाला नाहीं पड़ी। मोआब सान्त होइ बरे छोड़ी गइ दाखरस सा बाटइ। मोआब एक गगरी स दूसर गगरी मँ डाला नाहीं गवा। उ कबहुँ कैदी नाहीं बनावा गवा। एह बरे ओकर सुआद पहिले क नाई अहइ अउर ओकर गन्ध बदली नाहीं अहइ।”</verse>
				<verse number="12">यहोवा इ सब कहत ह, “किन्तु मइँ लोगन क हाली ही तोहका तोहरी गगरी स ढालइ पठउब। उ सबइ लोग मोआब क गगरी क छूँछ कइ देइहीं अउर तब उ पचे ओन गगरियन क चकनाचूर कइ देइहीं।”</verse>
				<verse number="13">तब मोआब क लोग आपन असत्य देवता कमोस क बरे लज्जित होइहीं। इस्राएल क लोगन बेतेल मँ लबार देवतन पइ बिस्सास किहे रहेन अउर इस्राएल क लोगन क उ समइ ग्लानि भइ रही जब उ लबार देवता ओनकर मदद नाहीं किहे रहा। मोआब वइसा ही होइ।</verse>
				<verse number="14">“तू कइसे कह सकत ह, ‘हम बढ़िया फउजी अही। हम जुद्ध मँ बहादूर मनसेधू अहइ?’</verse>
				<verse number="15">दुस्मन मोआब पइ हमला करी। दुस्मन ओन नगरन मँ आइ अउर ओनका नस्ट करी। नरसंहार मँ ओकर स्रेस्ठ जुवक मारा जइहीं।” इ सँदेसा राजा क अहइ। उ राजा क नाउँ सर्वसक्तीमान यहोवा अहइ।</verse>
				<verse number="16">“मोआब क अन्त निचके अहइ। मोआब हाली ही नस्ट कइ दीन्ह जाइ।</verse>
				<verse number="17">मोआब क चारिहुँ कइँती बसइया लोगो, तू सबहिं उ देस बरे रोउब्या। तू लोग जानत ह कि मोआब केतना प्रसिद्ध अहइ। एह बरे एकरे बरे रोआ। कहा, ‘सासक क ताकत भंग होइ गइ। मोआब क ताकत अउ प्रतिस्ठा चली गइ।’</verse>
				<verse number="18">“दीबोन मँ रहइवाले लोगो आपन प्रतिस्ठा क जगह स बाहेर निकरा। धूरि मँ जमीन पइ बइठा। काहेकि मोआब क बिध्वंसक आवत अहइ अउर उ तोहरे मजबूत नगरन क नस्ट कइ देइ।</verse>
				<verse number="19">“अरोएर क बसइया लोगो, सड़क क सहारे खड़ा ह्वा अउर सावधानी स रहा। मनई क परात लखा, मेहरारू क परात लखा, ओनसे पूछा क भवा ह</verse>
				<verse number="20">“मोआब बर्बाद होइ अउर लज्जा स गड़ि जाइ। मोआब रोइ अउर रोइ। अनोर्न नदी पइ घोसित करा कि मोआब नस्ट होइ गवा।</verse>
				<verse number="21">ऊँच मैदान क लोग सजा पाइ चुके होलोन, यहसा अउर मेपात नगरन क निआव होइ चुका।</verse>
				<verse number="22">दीबोन, नबो अउर बेतदिबलातैम,</verse>
				<verse number="23">किर्य्यातैम, बेतगामूल अउर बेतमोन।</verse>
				<verse number="24">करिय्योत बोस्रा अउ मोआब क निचके अउ दूर क सबहिं नगरन क संग निआउ होइ चुका।</verse>
				<verse number="25">मोआब क ताकत काट दीन्ह गइ, मोआब क बाँहन टूट गइ।” यहोवा इ सब कहेस।</verse>
				<verse number="26">“मोआब समझे रहा उ यहोवा स भी जियादा महान अहइ। एह बरे मोआब क सख्त पागल जइसा सजा द्या। मोआब गिरी अउ आपन उलटी मँ चारिहुँ कइँती लउटी। लोग मोआब क मजाक उड़इहीं।</verse>
				<verse number="27">“मोआब तू आपन इस्राएल क मजाक उड़ाए रह्या। इस्राएल चोरन क गिरोह क जरिये धरा गवा। हर दाई तू इस्राएल क बारे मँ कहत रह्या। तू आपन मूँड़ हिलावत रह्या अइसा अभिनय करत रह्या माना तू इस्राएल स स्रेस्ठ अहा।</verse>
				<verse number="28">मोआब क लोगो, आपन नगरन क तजा। जा अउर पहाड़ियन पइ रहा, उ कबूतर क तरह रहा जउन आपन झोंझ गुफा क मुँहे पइ बनवत ह।”</verse>
				<verse number="29">“हम मोआब क गर्व क सुनि चुका अही, उ बहोत घमण्डी रहा। उ समुझे रहा कि उ बहोत बड़ा अहइ। उ हमेसा आपन मुँह मियाँ मिटठू बनत रहा। उ बहोत जियादा घमण्डी रहा।”</verse>
				<verse number="30">यहोवा कहत ह, “मइँ जानत हउँ कि मोआब हाली ही कोहाइ जात ह अउर आपन तारीफ क गीत गावत ह। मुला ओकर सेखी झूठ अहइँ। उ जउन करइ क कहत ह, कइ नाहीं सकत।</verse>
				<verse number="31">एह बरे मइँ मोआब बरे रोवत हउँ। मइँ मोआब मँ हर एक बरे रोवत हउँ। मइँ कीर्हेरेस क लोगन बरे रोवत हउँ।</verse>
				<verse number="32">मइँ सिबमा क लोगन बरे याजेर स लोगन स जियादा रोवत हउँ। सिबमा पुराने जमाना मँ तोहार अंगूर क बेलन सागर तलक याजेर जेतनी दूर तलक फइली रहिन। मुला बिध्वंसक तोहार फल अउर अंगूर लइ लिहन।</verse>
				<verse number="33">मोआब क बिसाल अंगूर क बगियन स सुख अउर आनन्द बिदा होइ गएन। मइँ दाखरस निकारइ वाली जगहन स दाखरस क बहब रोक दिहे हउँ। अब दाखरस बनावइ बरे अंगूरन पइ चलइवालन क नाच-गाना नाहीं रहि गवा अहइँ। खुसी क सोर गुल सबहिं खतम होइ गवा अहइ।</verse>
				<verse number="34">“हेसबोन अउ एलाले नगरन क लोग रोवत अहइँ। ओनकर रूदन दूर यहस क नगर मँ भी सुनाई पड़त अहइ। ओनकर रूदन सोआर नगर स सुनाई पड़त अहइ अउर हेरोनैम अउ सेलिसिया क दूर नगरन तलक पहोंचत अहइ। हिआँ तलक कि निम्रीम क भी पानी झुराइ गवा ह।</verse>
				<verse number="35">मइँ मोआब क उच्च ठउरन पइ होमबलि चढ़ावइ स रोक देब। मइँ ओनका आपन देवतन क बलि चढ़ावइ स रोकब।” यहोवा इ सब कहेस।</verse>
				<verse number="36">“मोका मोआब बरे बहोत दुःख अहइ। सोक गीत छेड़इवाली बाँसूरी क धुन क तरह मोर हिरदय रूदन कइ रहा अहइ। मइँ कीर्हेरेस क लोगन बरे दुःखी हउँ। ओनकर धन अउ सम्पत्ति सबहिं लइ लीन्ह ग अहइँ।</verse>
				<verse number="37">हर एक आपन मूँड़ मुड़ाए अहइ। हर एक स दाढ़ी साफ होइ ग अहइ। हर एक क हाथ कटा अहइँ अउ ओनसे रक्त निकरत अहइ। हर एक आपन कमर मँ सोक स ओढ़ना लपेटे अहइ।</verse>
				<verse number="38">मोआब मँ लोग घरन क छतन अउर हर एक सार्वजनिक चउराहन मँ सर्वत्र मरे भएन बरे रोवत अहइँ। हुआँ सोक अहइ काहेकि मइँ मोआब क छूँछ गगरी क तरह फोड़ डाएउँ ह।” यहोवा इ सब कहेस।</verse>
				<verse number="39">“मोआब बिखरि गवा अहइ। लोग रोवत अहइँ। मोआब आत्मसमर्पण किहेस ह। अब मोआब लजान अहइ। लोग मोआब क मजाक उड़ावत हीं, किन्तु जउन कछू भवा ह उ ओनका भयभीत कइ देत ह।”</verse>
				<verse number="40">यहोवा कहत ह, “लखा, एक उकाब अकासे मँ खाले टूट पड़त अहइ। इ आपन परन क मोआब पइ फइलावत अहइ।</verse>
				<verse number="41">मोआब क नगरन पइ अधिकार होइ। छुपइ क सुरच्छित ठउर पराजित होइहीं। उ समइ मोआब क फउजी वइसे ही आतंकित होइहीं जइसे प्रसव करत मेहरारू।</verse>
				<verse number="42">मोआब क रास्ट्र नस्ट कइ दीन्ह जाइ। काहेकि उ पचे समुझत रहेन कि उ पचे यहोवा स भी जियादा महत्वपूर्ण अहइँ।”</verse>
				<verse number="43">यहोवा इ सब कहत ह: “मोआब क लोगो, भय गहिर गड़हन अउर जाल तोहरी प्रतीच्छा मँ अहइँ।</verse>
				<verse number="44">लोग डेरइहीं अउर भाग खड़ा होइहीं, अउर उ पचे गड़हन मँ गिरिहीं। जदि कउनो गहिर गड़हा स निकरी तउ उ जाल मँ फँसी। मइँ मोआब पइ सजा क बरिस लिआउब।” यहोवा इ सब कहेस।</verse>
				<verse number="45">“ताकतवर दुस्मन स लोग भाग चला अहइँ। उ पचे सुरच्छा बरे हेसबोन नगर मँ परातेन। किन्तु हुआँ सुरच्छा नाहीं रही। सिहोन (हेसबोन) क नगर मोआबियन क बिरुद्ध होइ गवा अउर उ मोआब क प्रमुखन क नस्ट करइ लाग। इ ओन घमण्डी लोगन क नस्ट करइ लाग।</verse>
				<verse number="46">मोआब इ तोहरे बरे, बहोत बुरा होइ। कमोस क लोग नस्ट कीन्ह जात अहइँ। तोहार पूत अउ बिटियन बन्दी अउ कैदी क रूप मँ लइ जावा जात अहइँ।</verse>
				<verse number="47">मोआब क लोग कैदी क रूप मँ दूर पहोंचावा जइहीं। किन्तु आवइवाले दिनन मँ मइँ मोआब क लोगन क वापस लिआउब।” इ सँदेसा यहोवा क अहइ। हिआँ मोआब क संग निआव खतम होत ह।</verse>
			</chapter>
			<chapter number="49">
				<verse number="1">इ सँदेसा अम्मोनी लोगन क बारे मँ अहइ। यहोवा कहत ह, “अम्मोनी लोगो, का तू पचे सोचत अहा कि इस्राएली लोगन क बच्चन नाहीं अहइँ? का तू पचे समुझत अहा कि हुवाँ महतारी-बाप क मरइ क पाछे ओनकर भूइँया लेइवाला कउनो नाहीं? फिर भी तू पचे मल्कोम देवता क नाउँ पइ इस्राएल स गाद क भुइँया लेइ क निहचय किहेन।”</verse>
				<verse number="2">यहोवा कहत ह, “उ समइ आइ जब रब्बा अम्मोन क लोग हमला स बचइ बरे तुरही बजाइहीं। रब्बा अम्मोन नस्ट कीन्ह जाइ। इ नस्ट इमारतन स ढकी पहाड़ी बनी अउर एका चारिहुँ कइँती क नगर बारि दीन्ह जइहीं। ओन लोग इस्राएल क लोगन क उ भूमि तजइ क बिवस करी। अब इस्राएल क लोग ओनका अम्मोन देस तजइ बरे बिवस करिहीं,” यहोवा कहत ह।</verse>
				<verse number="3">“हेसबोन क लोगो, रोवा। काहेकि इ सबइ नगर नस्ट कइ दीन्ह ग अहइ। रब्बा अम्मोन क मेहररूओ, रोवा। आपन सोक ओढ़ना क पहिरा अउर रोवा। सुरच्छा बरे नगर क पराअ। काहेकि दुस्मन आवत अहइ। उ पचे मल्कान देवता क लइ जइहीं अउर उ पचे मल्कान क याजकन अउ अधिकारियन क लइ जइहीं।</verse>
				<verse number="4">तू आपन सक्ति क डींग मारत अहा। किन्तु आपन ताकत क खोवत अहा? तोहका बिस्सास अहइ कि तोहार धन तोहका बचाइ। तू समुझत अहा कि तोह पइ कउनो हमला करइ क सोच भी नाहीं सकत।”</verse>
				<verse number="5">किन्तु सर्वसक्तिमान यहोवा इ कहत ह, “मइँ हर कइँती स तोह पइ बिपत्ति ढाउब। तू सब पराइ खड़ा होब्या, फुन कउनो भी तू पचन्क एक संग लिआवइ मँ समर्थ नाहीं होइ।”</verse>
				<verse number="6">“अम्मोनी लोग कैदी बनाइके दूर पहोंचावा जइहीं। किन्तु समइ आइ जब मइँ अम्मोनी लोगन क वापस लिआउब।” इ सँदेसा यहोवा क अहइ।</verse>
				<verse number="7">इ सँदेसा एदोम क बारे मँ अहइ: सर्वसक्तीमान यहोवा कहत ह, “का तोमान नगर मँ बुद्धि बची नाहीं रह गई अहइ? का एदोम क बुद्धिमान लोग अच्छी सलाह देइ क जोग्य नाहीं रहेन? का उ पचे आपन बुद्धिमानी खोइ चुका अहइँ?</verse>
				<verse number="8">ददान क निवासियो, भागा छुपा। काहेकि मइँ एसाव क ओकर कामन बरे सजा देब।</verse>
				<verse number="9">“जदि अंगूर तोड़इवाले आवत हीं अउर आपन अंगूर क बगियन स अंगूर तोड़त हीं अउर बेलन पइ कछू अंगूर छोड़ ही देत हीं। जदि चोर रात क आवत हीं तउ उ पचे ओतना ही लइ जात हीं जेतना ओनका चाही सब नाहीं।</verse>
				<verse number="10">किन्तु मइँ एसाव स हर चीज लइ लेब। मइँ ओकर सबहिं छुपइ क जगह ढूँढ़ि डाउब। उ मोहसे छुपा नाहीं रह सकत। ओकर, बच्चन, रिस्तेदार अउर पड़ोसी मरिहीं।</verse>
				<verse number="11">कउनो भी मनई मनई ओनकर बच्चन क देख-रेख बरे नाहीं बची। ओनकर मेहररूअन कउनो भी बिस्सासपात्र क नाहीं पइहीं।”</verse>
				<verse number="12">इ उ अहइ जउन यहोवा कहत ह, “कछू मनई सजा क पात्र नाहीं होतेन, किन्तु ओनका कस्ट होत ह। किन्तु एदोम तू सजा पावइ क जोग्ग अहा, एह बरे फुरइ तोहका सजा मिली। जउन सजा तोहका मिलइ चाही, ओहसे तू बचिके नाहीं निकर सकत्या। तोहका सजा मिली।”</verse>
				<verse number="13">यहोवा कहत ह, “मइँ आपन सक्ति स इ प्रतिग्या करत हउँ, मइँ प्रतिग्या करत हउँ कि बोस्रा नगर नस्ट कीन्ह जाइ। उ नगर बर्बाद चट्टानन क ढेर बन जाइ। जब लोग दूसर नगरन क बुरा होइ चहिहीं तउ उ पचे इ नगर क उदारहण क रूप मँ याद करिहीं। लोग उ नगर क अपमान करिहीं अउर बोस्रा क चारिहुँ ओर क नगर सदा ही बर्बाद होइ जइहीं।”</verse>
				<verse number="14">मइँ एक सँदेसा यहोवा स सुनेउँ। यहोवा रास्ट्रन क सँदेसा पठएस। सँदेसा इ अहइ: “आपन फउजन क एक संग बटोरा। जुद्ध बरे तइयार होइ जा। एदोम रास्ट्र क खिलाफ कूच करा।</verse>
				<verse number="15">एदोम, मइँ तोहका महत्वहीन बनाउब। हर एक मनई तोहसे घिना करी।</verse>
				<verse number="16">एदोम, तू दूसर रास्ट्रन क आतंकित किहा ह। एह बरे तू समझा कि तू महत्वपूर्ण अहा। किन्तु तू मूरख बनावा गवा रह्या। तोहार घमण्ड तोहका धोखा दिहस ह। एदोम, तू ऊँच पहाड़ियन पइ बसा अहा, तू बड़की चट्टानन अउर पहाड़ियन क जगहन पइ सुरच्छित अहा। किन्तु जदि तू आपन निवास उकाब क झोंझ क ऊँचाई पइ ही काहे न बनावा, तउ भी मइँ तोहका पाइ लेब अउर मइँ हुआँ स खाले लइ आउब।” यहोवा इ सबइ कहेस।</verse>
				<verse number="17">“एदोम नस्ट कीन्ह जाइ। लोगन क नस्ट नगरन क लखिके दुःख होइ। लोग नस्ट नगरन पइ अचरज स सीटी बजइहीं।</verse>
				<verse number="18">सदोम अउर अमोरा मँ तब स कउनो नाहीं रहत ह बहोत पहिले जब स उ नस्ट कीन्ह गए रहेन, उहइ तरह एदोम क सहर मँ कउनो नाहीं रहब्या जब मइँ ओका तबाह करब,” यहोवा कहत ह।</verse>
				<verse number="19">“कबहुँ यरदन नदी क निचके क घनी झाड़ियन स एक ठु सेर निकरी अउ उ सेर ओन खेतन मँ जाइ जहाँ लोग आपन भेड़िन अउर आपन पसु रखत हीं। मइँ उ सेर क समान हउँ। मइँ एदोम जाब अउर मइँ ओन लोगन क आतंकित करब। मइँ ओनका भगाउब। कउनो भी मोरे समान नाहीं अहइ। कउनो भी मोका चुनौती नाहीं देइ। ओनकर गड़रियन (प्रमुखन) मँ स कउनो भी हमरे बिरुद्ध खड़ा नाहीं होइ।”</verse>
				<verse number="20">एह बरे यहोवा एदोम क खिलाफ जउन जोजना बनाएस ह ओका सुना। तेमान मँ लोगन क संग जउन करइ क निहचइ यहोवा किहस ह ओका सुना। उ पचे जउन कछू किहन ओहसे एदोम क चरागाह खाली होइ जइहीं।</verse>
				<verse number="21">एदोम क पतन क धमाका स पृथ्वी काँप उठी। ओनकर रूदन लगातार लाल सागर तलक सुनाई पड़ी।</verse>
				<verse number="22">यहोवा उ उकाब क तरह मँडराइ जउन आपन सिकार पइ टूटत ह। यहोवा बोस्रा नगर पइ आपन पखना फइलाइके उकाब क नाई अहइ। उ समइ एदोम क फउजी बहोत आतंकित होइहीं। उ पचे बच्चा पइदा करत मेहरारू क तरह डर स रोइहीं।</verse>
				<verse number="23">इ सँदेसा दमिस्क नगर क बरे अहइ: “हमात अउ अर्पद नगर भयभीत अहइँ। उ पचे डेरान अहइँ काहेकि उ पचे बुरी खबर सुनेन ह। उ पचे साहसहीन होइ गएन ह। उ पचे परेसान अउ आतंकित अहइँ।</verse>
				<verse number="24">दमिस्क नगर दुर्बल होइ ग अहइ। लोग पराइ जाइ चाहत अहइँ। लोग भय स तैयार बइठा अहइँ। बच्चा पइदा करत मेहरारू क तरह पीरा अउ कस्ट महसूस करत अहइँ।</verse>
				<verse number="25">“दमिस्क नगर प्रसिद्ध अउ बहोत खुस अहइ। अब इ केतॅना अलग अहइ।</verse>
				<verse number="26">एह बरे दमिस्क क जवान लोगन इ नगर क सार्वजनिक चउराहे मँ मरिहीं। उ समइ ओकर सबहिं फउजी मार डावा जइहीं,” सर्वसक्तिमान यहोवा कहत ह।</verse>
				<verse number="27">“मइँ दमिस्क क देवारन मँ आगी लगाइ देब। उ आगी बेन्नहदद क मजबूत दुर्गन पूरी तरह बारिके खाक कइ देइ।”</verse>
				<verse number="28">इ सँदेसा केदार क परिवार समूह अउ हासोर क सासकन क बारे मँ अहइ। बाबुल क राजा नबूकदनेस्सर ओनका पराजित किहे रहा। यहोवा कहत ह, “जा अउर केदार क परिवार समूह पइ हमला करा। पहिले क लोगन क नस्ट कइ द्या।</verse>
				<verse number="29">ओनकर डेरन अउ भेड़िन क खरकन लइ लिहा। ओनकर डेरन अउर सबहिं चिजियन क आपन समझकर लेइ जा। ओनकर ऊँटन क आपन जगह पइ लेइ जा। लोग ओनके समन्वा चिल्लइहीं: ‘हमार चारिहुँ ओर भयंकर घटनन घटति अहइँ।’</verse>
				<verse number="30">हाली ही पराइ निकरा। हासोर क लोगो, छुपइ क ठउर हेरा।” इ सँदेसा यहोवा क अहइ। “नबूकदनेस्सर तोहरे खिलाफ जोजना बनाएस ह। उ तू पचन्क पराजित करइ क चुस्त जोजना बनाएस ह।</verse>
				<verse number="31">“एक रास्ट्र अहइ, जउन खुसहाल अहइ। उ रास्ट्र क बिस्सास अहइ कि उ कउनो क नाहीं हराइ। उ रास्ट्र क लगे सुरच्छा बरे दुआर अउ रच्छा प्राचीर नाहीं अहइ। उ सबइ लोग अकेल्ले रहत हीं। यहोवा कहत ह, ‘उ रास्ट्र पइ हमला करा।’</verse>
				<verse number="32">दुस्मन ओनकर ऊँटन अउर पसुअन क बड़के झुण्डन क चोराइ लेइ। मइँ ओन लोगन क पृथ्वी क हर हींसा मँ पराइ जाइ पइ मजबूर करब जउन आपन बालन क कोनन क कटाइ राखे अहइँ। अउर मइँ ओनके बरे चारिहुँ ओर भयंकर बिपत्तियन लिआउब,” यहोवा कहत ह।</verse>
				<verse number="33">“हासोर क प्रदेस जंगली कुकुरन क रहइ क ठउर बनी। इ सदा ही क बरे सूना रेगिस्तान बनी। कउनो मनई हुआँ नाहीं रही कउनो मनई उ ठउरे पइ नाहीं रही।”</verse>
				<verse number="34">जब सिदकिय्याह यहूदा क राजा रहा तब ओकरे राज्जकाल क सुरूआत मँ यिर्मयाह नबी यहोवा क एक सँदेसा प्राप्त किहस। इ सँदेसा एलाम रास्ट्र क बारे मँ अहइ।</verse>
				<verse number="35">सर्वसक्तीमान यहोवा कहत ह, “मइँ एलाम क धनुस बहोत हाली तोड़ देब। धनुस एलाम क सब स सक्तीसाली अस्त्र अहइ।</verse>
				<verse number="36">मइँ एलाम पइ चतुर्दिक तूफान लिआउब। मइँ ओनका अकासे क चारिहुँ दिसा स लिआउब। मइँ एलाम क लोगन क पृथ्वी पइ सर्वत्र पठउब जहाँ चतुर्दिक आँधियन चलत हीं अउर एलाम क कैदी हर रास्ट्र मँ जइही।</verse>
				<verse number="37">मइँ एलाम क ओनके समन्वा तोड़ब गाजो ओनका मारि डावइ चाहत हीं। मइँ ओनपइ भयंकर बिपत्तियन लिआउब। मइँ ओनका देखाउब कि मइँ ओन पइ केतना कोहान हउँ,” यहोवा कहत ह। “मइँ एलाम क पाछा करइ बरे तरवार पठउब। तरवार ओनकर पाछा तब तलक करी जब तलक मइँ ओन सब क मारि नाहीं डाउब।</verse>
				<verse number="38">मइँ एलाम क देखाउब कि मइँ व्यवस्थापक हउँ अउर मइँ ओकर राजा लोग तथा पदाधिकारियन क नस्ट कइ देब।” उ सँदेसा यहोवा क अहइ।</verse>
				<verse number="39">“किन्तु भविस्स मँ मइँ एलाम बरे सब नीक घटित होइ देबउँ।” इ सँदेसा यहोवा क अहइ।</verse>
			</chapter>
			<chapter number="50">
				<verse number="1">इ सँदेसा यहोवा क अहइ जेका उ बाबुल रास्ट्र अउ बाबुल क लोगन बरे दिहस। यहोवा इ सँदेसा यिर्मयाह क जरिये दिहस।</verse>
				<verse number="2">“हर एक रास्ट्र क इ घोसित कइ द्या। झण्डा उठावा अउर सँदेसा सुनावा। पूरा सँदेसा सुनावा अउर कहा, ‘बाबुल रास्ट्र पइ अधिकार कीन्ह जाइ। बेल देवता लज्जा क पात्र बनी। मरोदेक देवता बहोत डेराइ जाइ। बाबुल क देवमूरतियन लज्जा क पात्र बनहीं ओकर मूर्ति देवता भयभीत होइ जइहीं।’</verse>
				<verse number="3">उत्तर स एक रास्ट्र बाबुल पइ हमला करी। उ रास्ट्र बाबुल क सूना रेगिस्तान स बनाइ देइ। कउनो मनई हुआँ नाहीं रही। मनई अउ पसु दुइनउँ हुआँ स पराइ जइहीं।”</verse>
				<verse number="4">यहोवा कहत ह, “उ समइ, इस्राएल क अउर यहूदा क लोग एक संग होइहीं। उ पचे एक संग बराबर रोवत रहिहीं अउर एक संग ही उ पचे आपन यहोवा परमेस्सर क खोजइ जइहीं।</verse>
				<verse number="5">उ सबइ लोग पूछिहीं सिय्योन कइसे जाइँ उ पचे उ दिसा मँ चलब सुरू करिहीं। लोग कहिहीं, ‘आवा, हम यहोवा स जाइ मिलइँ, हम एक अइसी करार करी जउन सदा ही रहइ। हम लोग एक ठु अइसी करार करी जेका हम कबहुँ न बिसरी।’</verse>
				<verse number="6">“मोर लोग हेरान भेड़िन क तरह होइ ग अहइँ। ओनकर गड़रियन ओनका गलत राहे पइ लइ गवा अहइँ। ओनकर मार्गदर्सकन ओनका पहाड़न अउर पहाड़ियन मँ चारिहुँ कइँती भटकाएन ह। उ पचे बिसरि गएन कि ओनकर बिस्राम क ठउर कहाँ अहइ।</verse>
				<verse number="7">जउन भी मोरे लोगन क पाएस, चोट पहोंचाएस अउर ओन कहेन, ‘हम कछू गलत नाहीं कीन्ह। वे लोग ही यहोवा क खिलाफ पाप किहेन। यहोवा ओनकर बिस्राम क ठउर अहइ। अउर परमेस्सर जेह पइ ओकर पुरखन पतियानेन।’</verse>
				<verse number="8">“बाबुल स पराइ निकरा। कसदी लोगन क देस क तजि द्या। ओन बोकरन क तरह बना जउन झूण्ड क राह देखावत हीं।</verse>
				<verse number="9">मइँ बहोत स रास्ट्रन क उत्तर स एक संग लिआउब। रास्ट्रन क इ समूह बाबुल क बिरुद्ध जुद्ध बरे तइयार होइ। बाबुल उत्तर क लोगन क जरिये अधिकार मँ लिआवा जाइ। उ सबइ रास्ट्र बाबुल पइ अनेक बाण चलइहीं अउर उ सबइ बाण ओन फउजियन क समान होइहीं जउन जुद्ध भूइँया स खाली हाथ नाहीं लउटेन।</verse>
				<verse number="10">दुस्मन कसदी लोगन स सारा धन लेइ। उ सबइ दुस्मन फउजी जउन चहिहीं, लेइहीं।” इ सबइ यहोवा कहत ह।</verse>
				<verse number="11">“बाबुल, तू उत्तेजित अउ खुस ह्वा। तू मोर देस लिहा। तू अनाज क चारिहुँ कइँती गइया क तरह नाचत अहा। तोहार हँसी घोड़न क हिनहिनाहट जइसी अहइ।</verse>
				<verse number="12">अब तोहार महतारी बहित लजाइ तोहका जन्म देइवाली महतारी क ग्लानि होइ बाबुल सबहिं रास्ट्रन क तुलना मँ सब स कम महत्व क होइ। उ एक सूना रेगिस्तान होइ।</verse>
				<verse number="13">यहोवा आपन किरोध परगट करी। एह बरे कउनो मनई हुआँ नाहीं रही। बाबुल नगर पूरी तरह खाली रही। बाबुल स गुजरइवाला हर एक मनई डेराइ। उ पचे आपन मूँड़ हिलइहीं जब उ पचे लखिहीं कि इ कउने बुरी तरह नस्ट भवा ह।</verse>
				<verse number="14">“बाबुल क खिलाफ जुद्ध क तइयारी करा। सबहिं फउजियन आपन धनुस स बाबुल पइ बाण चलावा। आपन बाणन क न बचावा। बाबुल यहोवा क खिलाफ पाप किहस ह।</verse>
				<verse number="15">बाबुल क चारिहुँ ओर क फउजियो, जुद्ध क उद्घोस करा। अब बाबुल आत्म समर्पण किहेस ह। ओकर दीवारन अउर गुम्बदन क गिराइ दीन्ह ग अहइ। यहोवा ओन लोगन क उ सजा देत अहइ जउन ओनका मिलइ चाही। रास्ट्रो तू बाबुल क उ सजा द्या जउन मिलइ चाही। ओकर संग उ करा जउन उ दूसर रास्ट्रन क संग किहस ह।</verse>
				<verse number="16">बाबुल क लोगन क ओनकर फसलन न उगावइ द्या। ओनका फसलन न काटइ द्या। बाबुल क फउजी आपन नगर मँ अनेकन कैदी लियाएन ह। अब दुस्मन क फउजी आइ गवा अहइँ, एह बरे उ पचे कैदी आपन घर लउटत अहइँ। उ सबइ कैदी आपन देसन क वापस परात अहइँ।</verse>
				<verse number="17">“इस्राएल भेड़ी क तरह अहइ जेका सेरन पाछा कइके भगाइ दिहन ह। ओका खाइवाला पहिला सेर अस्सूर क राजा रहा। ओकर हाड़न क चूर करइवाला आखिरी सेर बाबुल क राजा नबूकदनेस्सर रहा।</verse>
				<verse number="18">एह बरे सर्वसक्तीमान यहोवा, इस्राएल क परमेस्सर कहत ह: ‘मइँ हाली ही बाबुल क राजा अउर ओकर देस क सजा देब। मइँ ओका वइसे ही सजा देब जइसे मइँ अस्सूर क राजा क सजा दिहेउँ।</verse>
				<verse number="19">“‘मुला इस्राएल क मइँ ओकरे खेतन मँ वापस लिआउब। उ उहइ भोजन करी जउन कर्मेल पर्वत अउर बासान क भुइँया क उपज अहइ। उ भोजन करी अउर भरा पूरा होइ। उ एप्रैम अउर गिलाद भुइँया मँ पहाड़ियन पइ खाइ।’”</verse>
				<verse number="20">यहोवा कहत ह, “उ समइ लोग इस्राएल क अपराध क जानइ चहिहीं। किन्तु कउनो अपराध नाहीं होइ। लोग यहूदा क पापन क जानइ चहिहीं किन्तु कउनो पाप नाहीं मिली। काहेकि मइँ इस्राएल अउ यहूदा क कछू बचे भएन क बचावत अहउँ अउर मइँ ओनकर सबहिं पापन बरे ओनका छिमा करत हउँ।”</verse>
				<verse number="21">यहोवा कहत ह, “मरातैम देस पइ हमला करा। पकोद क पहँटा क निवासियन पइ हमला करा। ओन पइ हमला करा, ओनका मार डावा अउर ओनका पूरी तरह नस्ट कइ द्या। उ सब करा जेकरे बरे मइँ आदेस देत हउँ।</verse>
				<verse number="22">“जुद्ध क घोस समूचइ देस मँ सुना जाइ सकत ह। इ बहोत जियादा बिध्वंस क सोर अहइ।</verse>
				<verse number="23">बाबुल ‘पूरी भुइँया क हथौड़ा’ रहा। किन्तु अब हथौड़ा टूट गवा बिखराइ गवा अहइ। बाबुल सबन मँ सब स जियादा बर्बाद रास्ट्रन मँ स एक अहइ।</verse>
				<verse number="24">बाबुल, तू एक जाल बिछाएउँ, किन्तु खुद ही तू एहमाँ आइ फँसा अउर तू लख भी नाहीं पाएस कि उ आवत रहा। तू यहोवा क खिलाफ लड़्या, एह बरे तू मिल गया अउर धरा गया।</verse>
				<verse number="25">यहोवा आपन भण्डार खोल दिहस ह। अउर आपन किरोध क अस्त्र-सस्त्र निकारेस ह। सर्वसक्तीमान परमेस्सर यहोवा ओन अस्त्र-सस्त्र क निकारेस ह काहेकि ओका कसदी लोगन क देस मँ काम करब अहइ।</verse>
				<verse number="26">“बहोत दूर स बाबुल क खिलाफ आवा, ओकर अन्न भण्डार घरन क तोड़िके खोला। बाबुल क पूरी तरह नस्ट करा अउर कउनो क जिअत न छोड़ा। ओनकर ल्हासन क अनाजे क बड़के ढेर क तरह एक ढेर मँ लगावा।</verse>
				<verse number="27">बाबुल क सबहिं नउ जवानन क मार डावा। ओनकर नरसंहार होइ द्या। ओनकर पराजय क समय आइ गवा अहइ। एह बरे ओनके बरे बहोत बुरा होइ। इ ओनके बरे दण्डित होइ क समइ अहइ।</verse>
				<verse number="28">लोग बाबुल देस स परात अहइँ, उ पचे उ देस स बच निकरत अहइँ। उ सबइ लोग सिय्योन क आवत अहइँ अउर उ पचे सबहिं स उ सब कहत अहइँ जउन यहोवा करत अहइ। उ सबइ कहत अहइँ कि बाबुल क, जउन सजा मिलइ चाही यहोवा ओका देत अहइ। बाबुल यहोवा क मन्दिर क नस्ट किहस, एह बरे अब यहोवा बाबुल क नस्ट करत अहइ।</verse>
				<verse number="29">“धनुर्धारियन क बाबुल क खिलाफ बोलावा। ओन लोगन स नगर पइ हमला करइ क कहा। कउनो क बच निकरइ जिन द्या। जउन उ किहस ह ओकर उल्टा भुगतान करा। ओकरे संग उहइ करा जउन उ दूसर रास्ट्रन क संग किहेस ह। बाबुल यहोवा क सम्मान नाहीं किहेस। बाबुल इस्राएल क पवित्तरतम क बरे बड़ा घमण्डी रहा। एह बरे बाबुल क सजा द्या।</verse>
				<verse number="30">बाबुल क नउ जवान सड़कन पइ मारा जइहीं, ओह दिन सबहिं फउजी मर जइहीं।” इ सबइ यहोवा कहत ह।</verse>
				<verse number="31">“बाबुल, तू बहोत गर्वीला अहा, अउर मइँ तोहरे खिलाफ हउँ।” हमार सुआमी सर्वसक्तीमान यहोवा इ सब कहत ह। “मइँ तोहरे खिलाफ हउँ अउर तोहरे दण्डित होइ क समइ आइ गवा ह।</verse>
				<verse number="32">गर्वीला बाबुल ठोकर खाइ अउ गिरी अउर कउनो मनई ओका उठावइ मँ मदद नाहीं करी। मइँ ओकरे नगरन मँ आगी लगाउब, उ आगी ओकरे चारिहुँ कइँती क सबहिं क पुरी तरह बारि देइ।”</verse>
				<verse number="33">सर्वसक्तीमान यहोवा कहत ह, “इस्राएल अउ यहूदा क लोग दास अहइँ। दुस्मन ओनका लइ गवा अउर दुस्मन इस्राएल क निकरि जाइ नाहीं देइ।</verse>
				<verse number="34">मुला परमेस्सर ओन लोगन क वापस लिआइ। ओकर नाउँ सर्वसक्तिमान परमेस्सर यहोवा अहइ। उ दृढ़ सक्ति स ओन लोगन क रच्छा करी। उ ओनकर रच्छा करी जेहसे उ पृथ्वी क बिस्राम दइ सकइ। किन्तु उ बाबुल क लोगन क बिस्राम नाहीं देइ।”</verse>
				<verse number="35">यहोवा कहत ह, “बाबुल क लोगन क तरवार स मार द्या। बाबुल क राजकीय अधिकारियन अउ ग्यानियन क भी तरवार स मर जाइ द्या।</verse>
				<verse number="36">बाबुल क याजकन क तरवार स मार द्या। उ सबइ याजक मूरख लोगन क तरह होइहीं। बाबुल क फउजियन क तरवार स मर जाइ द्या, उ सबइ फउजी त्रास स भरि जइहीं।</verse>
				<verse number="37">बाबुल क घोड़न अउर रथन क तरवार क घाट उतरइ द्या। दूसर देसन क भाड़े क फउजियन क तरवार स कट जाइ द्या। उ सबइ फउजी भयभीत अबला होइहीं। बाबुल क खजाने क खिलाफ तरवार उठइ द्या, उ सबइ खजानन लइ लीन्ह जइहीं।</verse>
				<verse number="38">बाबुल क नदियन सूख जाइँ। उ सबइ नदियन सूख जइहीं। बाबुल देस मँ असंख्य देवमूरतियन अहइँ। उ सबइ मूरतियन परगट करत हीं कि बाबुल क लोग मूरख अहइँ। एह बरे ओन लोगन क संग बुरी घटनन घटिहीं।</verse>
				<verse number="39">बाबुल फुन लोगन स नाहीं भरी जंगली कुकुरन, सुतुरमुर्ग अउर दूसर रेगिस्तान क जनावर हुआँ रहिहीं। किन्तु हुआँ कबहुँ कउनो मनई नाहीं रही।</verse>
				<verse number="40">परमेस्सर सदोम, अमोरा अउ ओनके चारिहुँ कइँती क नगरन क पूरी तरह स नस्ट किहे रहा अउर जब ओन नगरन मँ कउनो नाहीं रहत। इहइ तरह बाबुल मँ कउनों नाहीं रही अउर कउनो मनई हुआँ रहइ कबहुँ नाहीं जाइ।</verse>
				<verse number="41">“लखा, उत्तर स लोग आवत अहइँ, उ पचे एक सक्तीसाली रास्ट्र स आवत अहइँ। पूरे संसार क चारिहुँ ओर स एक संग बहोत स राजा आवत अहइँ।</verse>
				<verse number="42">ओनकी फउज क लगे धनुस अउर भालन अहइँ, फउजी कूर अहइँ, ओनमाँ दाया नाहीं अहइ। फउजी आपन घोड़न पइ सवार आवत अहइँ, ओकर दोड़इ क आवाज समुद्दर क गरजन क तरह अहइ। उ पचे आपन जगहियन पइ जुद्ध बरे तइयार अहइँ। बाबुल नगर उ पचे तोह पइ हमला करइ क तत्पर अहइँ।</verse>
				<verse number="43">बाबुल क राजा ओन फउजन क बारे मँ सुनेस, अउर उ आतंकित होइ गवा। उ एतना डर गवा ह कि ओकर हाथ हल नाहीं सकतेन। ओकरे डर स ओकरे पेट मँ अइसी पीरा होत अहइ, जइसे उ बच्चा पइदा करइवाली मेहरारू होइ।”</verse>
				<verse number="44">यहोवा कहत ह, “कबहुँ यरदन नदी क निचके क घनी झाड़ियन स एक ठु सेर निकरी। उ सेर ओन खेतन मँ आइ जहाँ लोग आपन जनावरन रखत हीं अउर सब जनावर पराइ जइहीं। मइँ उ सेर क तरह होब। मइँ बाबुल, स ओकर देस छोड़ाउब। इ करइ बरे मइँ केका चुनब? मइँ जेका चाहब चुनब। काहेकि अइसा कउनो मनई नाहीं जउन मोका चुनौती दइ सकइ। कउनो गड़रिया मोर समन्वा खड़ा नाहीं होइ सकत।”</verse>
				<verse number="45">बाबुल क संग यहोवा जउन कछू करइ क जोजना बनाएस ह, ओका सुना। “बाबुल लोगन बरे यहोवा जउन करइ क निर्णय लिहस ह ओका सुना। दुस्मन बाबुल क लोगन क खींच लेइ जाब्या जइसा एक बछड़ा क झुण्ड स खींच लइ जाइ जात ह। उ बाबुल क एक खाली खेत मँ बदल देब।</verse>
				<verse number="46">बाबुल क पतन होइ, अउर उ पतन पृथ्वी क कँपकँपाइ देइ। सबहिं रास्ट्रन क लोग बाबुल क बिध्वंस होइ क बारे मँ सुनिहीं।”</verse>
			</chapter>
			<chapter number="51">
				<verse number="1">यहोवा कहत ह, “मइँ एक प्रचण्ड आँधी उठाउब। मइँ एका बाबुल अउ बाबुल क लोगन के खिलाफ बहाउब।</verse>
				<verse number="2">मइँ बाबुल क ओसावइ बरे लोगन क पठउब। उ पचे बाबुल क ओसाइ देइहीं। उ सबइ लोग बाबुल क सूना बनाइ देइहीं। फउजन नगर क घेर डइहीं अउ भयंकर बिध्वंस होइ।</verse>
				<verse number="3">बाबुल क फउजी आपन धनुस-बाण क उपयोग नाहीं कइ पइहीं। उ सबइ फउजी आपन कवच भी नाहीं पहिर सकिहीं। बाबुल क नउ जवानन बरे दुःख महसूस जिन करा। ओनकर फउजे क पूरी तरह नस्ट करा।</verse>
				<verse number="4">बाबुल क फउजी कसदियन क भुइँया मँ मारा जइहीं। उ सबइ बाबुल क सड़कियन पइ बुरी तरह घायल होइहीं।”</verse>
				<verse number="5">सर्वसक्तीमान यहोवा इस्राएल व यहूदा क लोगन क राँड़ सा अनाथ नाहीं छोड़ेस ह। परमेस्सर ओन लोगन क नाहीं छोड़ेस। नाहीं उ सबइ लोग इस्राएल क पवित्तरतम क छोड़इ क अपराधी अहइँ। उ पचे ओका छोड़ेन किन्तु उ एनका नाहीं छोड़ेस।</verse>
				<verse number="6">बाबुल स पराइ चला। आपन जिन्नगी बचावइ बरे पराअ। बाबुल क पापन क कारण हुआँ जिन ठहरा अउर मारा न जा। इ समइ अहइ जब यहोवा बाबुल क लोगन क ओन बुरे करमन क सजा देइ जउन उ पचे किहन। बाबुल क सजा मिली जउन ओका मिलइ चाही।</verse>
				<verse number="7">बाबुल यहोवा क हाथ क सुनहरा पियाला जइसा रहा। बाबुल पूरी पृथ्वी क मतवाला बनाइ डाएस। रास्ट्रन बाबुल क दाखरस पिएन। एह बरे उ सबइ पागल होइ उठेन।</verse>
				<verse number="8">बाबुल क पतन होइ अउर उ अचानक टूट जाइ। ओकरे बरे रोआ। ओकर पीरा क दवाई लिआवा। सायद उ तन्दुरूस्त होइ जाइ।</verse>
				<verse number="9">हम बाबुल क तन्दुरूस्त करइ क जतन किहेउँ, किन्तु हम कामयाब न भवा। एह बरे हम ओका तजि देइ अउर आपन देसन क लउटि चली। बाबुल क सजा अकासे क परमेस्सर निहचित करी, उ निर्णय करी कि बाबुल क का होइ।</verse>
				<verse number="10">यहोवा हम लोगन बरे बदला लिहस। आवा इ बारे मँ सिय्योन मँ बताइ। हम यहोवा हमार परमेस्सर जउन कछू हमार बरे किहस ह, ओकरे बारे मँ बताइ।</verse>
				<verse number="11">बाणन क तेज करा। ढाल ओढ़ा। यहोवा मादी क राजा लोगन क जगाइ दिहस ह। उ ओनका जगाएस ह काहेकि उ बाबुल क नस्ट करइ चाहत ह। यहोवा बाबुल क लोगन क उ सजा देइ जेकर पचे पात्र अहइँ। बाबुल क फउज यरूसलेम मँ यहोवा क मन्दिर क ध्वस्त किहे रही। एह बरे यहोवा ओनका उ सजा देइ जउन ओनका मिलइ चाही।</verse>
				<verse number="12">बाबुल क देवारन क खिलाफ झण्डन उठाइ ल्या। अधिक रच्छक लिआवा। चौकीदारन क ओनके जगह पइ रखा। एक ठु गुप्त हमला बरे तइयार होइ जा। यहोवा उ करी जउन उ जोजना बनाएस ह। यहोवा उ करी जउन उ बाबुल क लोगन क खिलाफ करइ क कहेस।</verse>
				<verse number="13">बाबुल तू प्रभूत जल क निअरे अहा। तू खजाना स पूर्ण अहा। किन्तु रास्ट्र क रूप मँ तोहार अन्त आइ ग अहइ। इ तोहका बर्बाद करइ क समइ अहइ।</verse>
				<verse number="14">सर्वसक्तीमान यहोवा इ प्रतिग्या आपन नाउँ लइके किहेस ह: “बाबुल मइँ तोहका निहचइ ही असंख्य सत्रु सेना स भरि देब। उ पचे टिड्डी दल क नाई होइहीं। उ सबइ फउजी तोहरे खिलाफ जितिहीं अउर उ पचे तोहरे ऊपर खड़ा होइहीं अउर बिजय घोस करिहीं।”</verse>
				<verse number="15">यहोवा आपन महान सक्ति क उपयोग किहस अउर पृथ्वी क बनाएस। उ दुनिया क बनावइ बरे आपन बुद्धि क उपयोग किहस। उ आपन समुझ क उपयोग अकास क फइलावइ मँ किहस।</verse>
				<verse number="16">जब उ गरजन ह तब अकासे क जल गरज उठत ह। उ समूची पृथ्वी स बादरन क ऊपर पठवत ह। उ बर्खा क संग बिजली क पठवत ह। उ आपन भण्डार घर स हवा क लिआवत ह।</verse>
				<verse number="17">मुला लोग बेववूफ अहइँ। उ पचे नाहीं समुझतेन कि परमेस्सर का किहेस ह। मूर्तिकार मूरतियन बनावत हीं। उ पचे सिरिफ लबार देवता अहइँ। एह बरे उ सबइ परगट करत हीं कि उ मूर्तिकार केतना मूरख अहइँ। उ सबइ देवमूरतियन सजीब नाहीं अहइँ।</verse>
				<verse number="18">उ सबइ देवमूरतियन बियर्थ अहइँ। लोग ओन देवमूरतियन क बनाएन ह अउर उ पचे मजाक क अलावा कछू नाहीं अहइँ। ओनकर निआव क समइ आइ अउर उ सबइ देवमूरतियन नस्ट कइ दीन्ह जइहीं।</verse>
				<verse number="19">किन्तु परमेस्सर याकूब क हींसा ओन बियर्थ देवमूरतियन जइसा नाहीं अहइ। लोग परमेस्सर क नाहीं बनाएन, परमेस्सर लोगन क बनाएस। इस्राएल ओकर खास सम्पत्ति अहई। परमेस्सर ही सब कछू बनाएस। ओकर नाउँ सर्वसक्तीमान यहोवा अहइ।</verse>
				<verse number="20">यहोवा कहत ह, “बाबुल तू मोर जुद्ध क हथियार ह्वा, मइँ तोहार उपयोग रास्ट्रन क कुचरइ बरे करत हउँ। मइँ तोहार उपयोग राज्जन क बर्बाद करइ बरे करत हउँ।</verse>
				<verse number="21">मइँ तोहार उपयोग घोड़ अउ घुड़सवार क कुचरइ बरे करत हउँ।</verse>
				<verse number="22">मइँ तोहार उपयोग मेहररूअन क कुचरइ बरे करत हउँ। मइँ तोहार उपयोग बूढ़ा अउ नउजवान क कुचरइ बरे करत हउँ। मइँ तोहार उपयोग नउजवानन अउर नउ जुवतियन क कुचरइ बरे करत हउँ।</verse>
				<verse number="23">मइँ तोहार उपयोग गड़रियन अउ ओनकर भेड़िन क खरकन बरे करत हउँ। मइँ तोहार उपयोग किसानन अउ बर्धन क कुचरइ बरे करत हउँ। मइँ तोहार उपयोग प्रसासकन अउर बड़के अधिकारियन क कुचरइ बरे करत हउँ।</verse>
				<verse number="24">मुला मइँ बाबुल क अउर बाबुल क सबहिं लोगन क उल्टा भुगतान करब। मइँ ओनका सिय्योन बरे उ पचे जउन बुरा किहन, ओन सब क भुगतान करब। मइँ ओनका उल्टा भुगतान करब जेहसे सबहिं ओका लखि सका,” यहोवा कहत ह।</verse>
				<verse number="25">यहोवा कहत ह, “बाबुल, तू पहाड़ क गिरावत अहा अउर मइँ तोहरे खिलाफ हउँ। बाबुल, तू पूरा देस नस्ट किहा ह अउर मइँ तोहरे बिरुद्ध हउँ। मइँ तोहरे बिरुद्ध आपन हाथ बढ़ाउब। मइँ तोहका चट्टानन स लुढ़काउब। मइँ तोहका जरा भवा पर्वत कइ देब।</verse>
				<verse number="26">लोगन क कोने क पाथर बनावइ जोग्ग बड़का पाथर नाहीं मिली। उ पचे इमारतन क नेंव बरे कउनो भी चट्टान नाहीं लाइ सकिहीं। काहेकि तोहार नगर सदा ही क बरे बेकार पाथरन क ढेर बन जाइ,” यहोवा कहत ह।</verse>
				<verse number="27">“देस मँ जुद्ध क झण्डा उठावा। सबहिं रास्ट्रन मँ तुरही बजाइ द्या। रास्ट्रन क बाबुल क खिलाफ जुद्ध बरे तइयार करा। अरारात मिन्नी अस्कनज राज्जन क बाबुल क खिलाफ जुद्ध बरे बोलावा। ओकरे खिलाफ सेना संचालन बरे सेनापति चुना। सेना क ओकरे खिलाफ पठवा। एतने जियादा घोड़न क पठवा कि उ पचे टिड्डी दल जइसा हो जाइँ।</verse>
				<verse number="28">ओकरे खिलाफ रास्ट्रन क जुद्ध बरे तइयार करा। मादी क राजा लोगन क तइयार करा। ओनकर प्रसासकन अउर बड़के अधिकारियन क तइयार करा। ओनसे सासित सबहिं देसन क बाबुल क खिलाफ जुद्ध बरे लिआवा।</verse>
				<verse number="29">देस क तरह काँपत ह माना पीरा भोगत होइ। इ काँपी जब यहोवा बाबुल बनाई जोजना क पूरा करी। यहोवा जोजना बाबुल क सूना रेगिस्तान बनावइ क अहइ। कउनो मनई हुआँ नाहीं रही।</verse>
				<verse number="30">कसदी फउजियन लड़ब बन्द कइ दिहन ह। उ पचे आपन दुर्गन मँ ठहरा अहइँ। ओनकर ताकत छीन होइ ग अहइ। उ पचे भयभीत अबला क नाई होइ गएन ह। बाबुल क घर बरत अहइँ। ओकर फाटकन क अवरोध टूट गवा अहइँ।</verse>
				<verse number="31">एक क पाछे दूसर राजदूत आवत अहइ। राजदूत क पाछे राजदूत आवत अहइँ। उ पचे बाबुल क राजा क खबर सुनावत अहइँ कि ओकरे पूरे नगर पइ अधिकार होइ गवा।</verse>
				<verse number="32">उ पचे जहाँ स नदियन क पार कीन्ह जात ह अधिकार मँ कइ लीन्ह गवा अहइँ। दलदली भुइँया बरत अहइ बाबुल क सबहिं फउजी भयभीत अहइँ।”</verse>
				<verse number="33">इस्राएल क परमेस्सर सर्वसक्तीमान यहोवा इ कहत ह: “बाबुल नगर एक ठु खरिहान जइसा अहइ। बाबुल क पीटइ क समइ हाली आवत अहइ।”</verse>
				<verse number="34">“बाबुल क राजा नबूकदनेस्सर पुराने जमाने मँ हमका नस्ट किहेस। पुराने जमाने मँ नबूकदनेस्सर हमका चोट पहोंचाएस। पुराने जमाने मँ उ हमरे लोगन क लइ गवा अउर हम खाली गगरी स होइ गए। उ हमार सर्वोत्तम चिजियन लिहस। उ बिसाल दानव क तरह रहा जउन तब तलक सब कछू खात रहा जब तलक ओकर पेट न भरा। उ सर्वोत्तम चिजियन लइ गवा, अउर हम लोगन क दूर लोकाइ दिहस।</verse>
				<verse number="35">बाबुल हमका चोट पहोंचावइ बरे भयंकर करम किहस अउर अब मइँ चाहत हउँ बाबुल क संग वइसा ही घटित होइ।” सिय्योन मँ रहइवाले लोगन इ कहेन, “बाबुल हमरे लोगन क मारइ क अपराधी अहइ अउर अब उ पचे बुरे करमन बरे सजा पावत अहइँ जउन उ पचे किहे रहेन।” यरूसलेम नगर इ सब कहेस।</verse>
				<verse number="36">एह बरे यहोवा कहत ह, “यहूदा मइँ तोहार रच्छा करब। मइँ इ निहचइ लखब कि बाबुल क सजा मिलइ। मइँ बाबुल क समुद्रर क झुराइ देब अउर मइँ ओकरे पानी क सोतन क सुखाइ देब।</verse>
				<verse number="37">बाबुल बर्बाद इमारतन क ढेर बन जाइ। बाबुल जंगली कुकुरन क तरह क ठउर बनी। लोग चट्टानन क ढेर क लखिहीं अउर चकित होइहीं। लोग बाबुल क बारे मँ आपन मूँड़ि हिलइहीं। बाबुल अइसी जगह होइ जाइ जहाँ कउनो भी नाहीं रही।</verse>
				<verse number="38">“बाबुल क लोग गरजत भए जवान सेर क तरह अहइँ। उ पचे सेर क बच्चन क तरह गुर्रात हीं।</verse>
				<verse number="39">उ सबइ लोग उत्तेजित सेरन क सा काम करत अहइँ। मइँ ओनका दावत देब। मइँ ओनका मत्त बनाउब। उ पचे हँसिहीं अउर आनन्द क समइ बितइहीं अउर तब उ पचे सदा ही क बरे सोइ जइहीं। उ पचे कबहुँ नाहीं जागिहीं।” यहोवा इ सबइ कहेस।</verse>
				<verse number="40">“मइँ बाबुल क लोगन क मार डावा जाइ बरे लइ जाब। बाबुल मारा जाइ क प्रतीच्छा करइवाली भेड़िन, मेमनन अउर बोकरियन जइसा होइ।</verse>
				<verse number="41">“सेसक पराजित होइ। सारी पृथ्वी क उत्तिम अउ सब स जियादा गर्वीला देस कैदी होइ। दूसर रास्ट्रन क लोग बाबुल पइ निगाह डइहीं अउर जउन कछू उ पचे लखिहीं ओहसे उ पचे भयभीत होइ उठिहीं।</verse>
				<verse number="42">बाबुल पइ सागर उमड़ि पड़ी। ओकर गरजत तरंगन ओका ढकि लेइहीं।</verse>
				<verse number="43">तब बाबुल क नगर बर्बाद अउर सूना होइ जइहीं। बाबुल एक झुरान रेगिस्तान बन जाइ। इ अइसा देस बनी जहाँ कउनो मनई नाहीं रही, लोग बाबुल स जात्रा भी नाहीं करिहीं।</verse>
				<verse number="44">मइँ बेल देवता क बाबुल मँ सजा देब। मइँ ओकरे जरिये लील लीन्ह मनइयन क उगलावाउब। दूसर रास्ट्र बाबुल मँ नाहीं अइहीं बाबुल नगर क चहारदीवारी गिर जाइ।</verse>
				<verse number="45">मोर लोगो, बाबुल नगर स बाहेर निकरा। आपन जिन्नगी बचावइ भाग चला। यहोवा क तेज किरोध स बचिके पराअ।</verse>
				<verse number="46">“मोरे लोगो, दुःखी जिन ह्वा। अफवाहन उड़िहीं किन्तु डेराअ जिन। इ बरिस एक अफवाह उड़ति ह। अगले बरिस दूसर अफवाह उड़ी। देस मँ भयंकर जुद्ध क बारे मँ अफवाहन उड़िहीं। सासकन क दूसर सासकन क खिलाफ जुद्ध क बरे मँ अफवाहन उड़िहीं।</verse>
				<verse number="47">निहचइ ही उ समइ आइ जब मइँ बाबुल क लबार देवतन क सजा देब अउर पूरा बाबुल देस लज्जा क पात्र बनी। उ नगर क सड़कियन पइ अनगिनत मरे मनई पड़ा होइहीं।</verse>
				<verse number="48">तब पृथ्वी अउर अकास अउ ओकरे भीतर क सबहिं चिजियन बाबुल पइ खुस होइके गावइ लगिहीं, उ पचे जय जयकार करिहीं, काहेकि सेना उत्तर स आई, अउर बाबुल क खिलाफ लड़ी।” इ सब यहोवा कहेस ह।</verse>
				<verse number="49">“बाबुल इस्राएल क लोगन क मारेस। बाबुल सारी पृथ्वी पइ भी लोगन क मारेस।</verse>
				<verse number="50">लोगो, तू तरवार क घाट उतरइ स बच निकर्या, तू पचन्क हाली करइ चाही अउर बाबुल क छोड़इ चाही। प्रतीच्छा न करो। तू पचे दूर देस मँ अहा। किन्तु जहाँ कहूँ रहा यहोवा क सुमिरा अउर यरूसलेम क सुमिरा।”</verse>
				<verse number="51">“यहूदा क हम लोग लज्जित अही। हम लज्जित अही काहेकि हमार अपमान भवा। काहेकि बिदेसी यहोवा क मन्दिर क पवित्तर ठउरन मँ प्रवेस कइ चुका अहइँ।”</verse>
				<verse number="52">यहोवा कहत ह, “समइ आवत अहइ जब मइँ बाबुल क देवमूरतियन क सजा देब। उ समइ उ देस मँ सर्वत्र घायल लोग पीरा स रोइहीं।</verse>
				<verse number="53">बाबुल उठत चला जाइ जब तलक उ अकास स छुइ लेइ। बाबुल आपन किलन क मजबूत बनाई। किन्तु मइँ उ नगर क खिलाफ लड़इ बरे लोगन क पठउब अउर उ सबइ लोग ओका नस्ट कइ देइहीं।” इ सबइ यहोवा कहेस।</verse>
				<verse number="54">“हम बाबुल मँ लोगन क रोउब सुन सकित ह। हम कसदी लोगन क देस मँ चिजियन क नस्ट करइवाले लोगन क सोर सुनि सकित ह।</verse>
				<verse number="55">यहोवा बहोत हाली बाबुल क नस्ट करी। उ नगर क गरजना क चुप कइ देइ। दुस्मन सागरे क गरजत तरंगन क तरह टूट पड़िहीं। चारिहुँ कइँती क लोग उ गरज क सुनिहीं।</verse>
				<verse number="56">फउज आइ अउर बाबुल क नस्ट करी। बाबुल क फउजी धरा जइहीं। ओनकर धनुस टूटिहीं। काहेकि यहोवा ओन लोगन क सजा देत ह जउन बुरा करत हीं। यहोवा ओनका पूरी सजा देत ह जेकर उ पचे पात्र अहइँ।</verse>
				<verse number="57">मइँ बाबुल क बड़के पदाधिकारियन अउर बुद्धिमान लोगन क मत्त कइ देब। ओकर प्रसंसकन, अधिकारियन अउर फउजियन क भी मत्त करब। तब उ पचे सदा ही क बरे सोइ जइहीं, उ पचे कबहुँ नाहीं जागिहीं।” राजा इ कहेस ओकर नाउँ सर्वसक्तीमान यहोवा अहइ।</verse>
				<verse number="58">सर्वसक्तीमान यहोवा कहत ह, “बाबुल क मोटकी अउ मजबूत देवार गिराइ दीन्ह जाइ। एकर ऊँच दुआर जराइ दीन्ह जइहीं। बाबुल क लोग कठिन मेहनत करिहीं पइ ओकर कउनो लाभ नाहीं होइ। उ पचे नगर क बचावइ क जतन मँ बहोत थक जइहीं, किन्तु उ पचे लपटन क सिरिफ ईर्धन होइहीं।”</verse>
				<verse number="59">इ उ सँदेसा अहइ जेका यिर्मयाह नबी महसेयाह क पूत नेरिय्याह, नरेय्यिह क पूत सरायाह नाउँ क अधिकारी क दिहस। सरायाह यहूदा क राजा सिदकिय्याह क संग बाबुल गवा रहा। यहूदा क राजा सिदकिय्याह क राज्जकाल क चउथे बरिस मँ इ भवा। सरायाह कर क अधिकारी रहा।</verse>
				<verse number="60">यिर्मयाह पत्रक पइ ओन सब भयंकर घटनन क लिखत रहा जउन बाबुल मँ घटइवाली रहिन। उ इ सब बाबुल क बारे मँ लिखत रहा।</verse>
				<verse number="61">यिर्मयाह सरायाह स कहेस, “सरायाह, बाबुल जा। निहचइ करा कि इ सँदेसा तू इ तरह बाँचा कि सबहिं लोग सुनि लेइँ।</verse>
				<verse number="62">एकरे पाछे कहा, ‘हे यहोवा तू कहया ह कि तू इ बाबुल नाउँ क जगह क नस्ट करब्या। तू एक अइसे नस्ट करब्या कि कउनो मनई या जानवर हिआँ नाहीं रही। इ सदा ही क बरे सूना अउर बर्बाद ठउर होइ जाइ।’</verse>
				<verse number="63">जब तू पत्रक बाँच चुका तउ एहसे एक ठु पाथर बाँधा। तब इ पत्रक क परात नदी मँ डाइ द्या।</verse>
				<verse number="64">तब कहा, ‘बाबुल इहइ तरह बूड़ी। बाबुल फुन कबहुँ नाहीं उठी। बाबुल बूड़ी काहेकि मइँ हुआँ भयंकर बिपत्तियन ढाउब।’” यिर्मयाह क सब्द हिआँ खतम भएन।</verse>
			</chapter>
			<chapter number="52">
				<verse number="1">सिदकिय्याह जब यहूदा क राजा भवा, उ इक्कीस बरिस क रहा। सिदकिय्याह यरूसलेम मँ गियारह बरिस तलक राज्ज किहस। ओकर महतारी क नाउँ हमूतल रहा जउन यिर्मयाह क बिटिया रही। हमूतल क परिवार लिब्ना नगर क रहा।</verse>
				<verse number="2">सिदकिय्याह बुरे करम किहस, ठीक वइसने ही जइसे यहोयाकीम किहे रहा। यहोवा सिदकिय्याह क जरिये ओन बुरे करमन क करब पसन्द नाहीं करत रहा।</verse>
				<verse number="3">यरूसलेम अउ यहूदा क संग भयंकर घटनन घटिन, काहेकि यहोवा ओन पइ कोहान रहा। आखीर मँ यहोवा आपन समन्वा स यहूदा अउ यरूसलेम क लोगन क दूर लोकाइ दिहस। सिदकिय्याह बाबुल क राजा क खिलाफ होइ गवा।</verse>
				<verse number="4">एह बरे सिदकिय्याह क हुकूमत क समइ मँ नवें बरिस क दसएँ महीने क दसएँ दिन बाबुल क राजा नबूकदनेस्सर फउज क संग यरूसलेम क कूच किहस। नबूकदनेस्सर आपन संग आपन पूरी फउज लिहे रहा। बाबुल क फउज यरूसलेम क बाहेर डेरा डाएस। एकरे पाछे उ पचे नगर-प्रार्चार क चारिहुँ ओर माटी क टीला बनाएस जेहसे उ पचे ओन देवारन पइ चढ़ि सकइँ।</verse>
				<verse number="5">सिदकिय्याह क राज्जकाल क गियारहवे बरिस तलक यरूसलेम नगर पइ घेरा पड़ा रहा।</verse>
				<verse number="6">उ बरिस क चउथे महीने क नौंवें दिन तलक भुखमरी क हालत बहोत खराब रही। नगर मँ खाइ बरे कछू भी खइया क नाहीं रहि गवा रहा।</verse>
				<verse number="7">उ दिन बाबुल क फउज यरूसलेम मँ प्रवेस कइ गइ। यरूसलेम क फउजी पराइ गएन। उ पचे राति क नगर तजिके परानेन। उ पचे दुइ देवारन क बीच क दुआरे स गएन। दुआर राजा क बगीचा क निचके रहा। जद्यपि बाबुल क फउज यरूसलेम नगर क घेर रखे रही तउ भी यरूसलेम क फउजी पराइ निकरेन। उ पचे रेगिस्तान कइँती परानेन।</verse>
				<verse number="8">किन्तु बाबुल क फउज सिदकिय्याह क पाछा किहस। उ पचे ओका यरीहो क मइदान मँ धरेन। सिदकिय्याह क सबहिं फउजी पराइ गएन।</verse>
				<verse number="9">बाबुल क फउज राजा सिदकिय्याह क धइ लिहस। उ पचे रिबला नगर मँ ओका बाबुल क राजा लगे लइ गएन। रिबला हमात देस मँ अहइ। रिबला मँ बाबुल क राजा सिदकिय्याह क बारे मँ आपन निर्णय सुनाएस।</verse>
				<verse number="10">हुआँ रिबला नगर मँ बाबुल क राजा सिदकिय्याह क पूतन क मारि डाएस। सिदकिय्याह क आपन पूतन क मारा जाब लखइ क मजबूर कीन्ह गवा। बाबुल क राजा यहूदा क राजकीय पदाधिकारियन क भी मार डाएस।</verse>
				<verse number="11">तब बाबुल क राजा सिदकिय्याह क आँखिन निकारि लिहस। उ ओका काँसा क जंजीर पहिराएस। तब उ सिदकिय्याह क बाबुल लइ गवा। बाबुल मँ उ सिदकिय्याह क जेलि मँ डाइ दिहस। सिदकिय्याह आपन मरइ क दिन तलक बन्दी घर मँ रहा।</verse>
				<verse number="12">बाबुल क राजा क खास रच्छकन क अधिनायक नबूजरदान यरूसलेम आवा। नबूकदनेस्सर क राज्जकाल क उन्नीसवें बरिस क पाँचए महीने क दसएँ दिन इ भवा। नबूजरदान बाबुल क महत्वपूर्ण अधिनायक रहा।</verse>
				<verse number="13">नबूजरदान यहोवा क मन्दिर क जराइ डाएस। उ राजमहल तथा यरूसलेम क दूसर घरन क भी बारि दिहस। उ यरूसलेम क हर एक महत्वपूर्ण इमारत क बारि दिहस।</verse>
				<verse number="14">पूरी कसदी फउज यरूसलेम क चहारदीवारी क तोड़ गिराएस। इ फउज उ समइ राजा क बिसेस रच्छकन क अधिनायक क अधीन रही।</verse>
				<verse number="15">अधिनायक नबूजरदान अब तलक यरूसलेम मँ बचे लोगन क भी कैदी बनाइ लिहस। उ ओनका भी लइ गवा जउन पहिले ही बाबुल क राजा क आत्मसमर्पण कइ दिहे रहा। उ ओन कुसल कारिगरन क भी लइ गवा जउन यरूसलेम मँ बचा रहि गए रहेन।</verse>
				<verse number="16">मुला नबूजरदान कछू बहोत गरीब लोगन क देस मँ पाछे छोड़ दिहे रहा। उ ओन लोगन क अंगूर क बागन अउर खेतन मँ काम करइ बरे छोड़े रहा।</verse>
				<verse number="17">कसदी फउज मन्दिर क काँसा क खम्भन क तोड़ दिहस। उ पचे यहोवा क मन्दिर क काँसा क तालाब अउर ओकरे आधार क भी तोड़ेस। उ पचे उ सारे काँसे क बाबुल लइ गएन।</verse>
				<verse number="18">बाबुल क फउज एन चिजियन क भी मन्दिर स लइ गइ: बर्तन, बेलचन, दिया बारइ क जन्त्र, बड़के खोरन, कड़ाहियन अउर काँसा क उ सबइ चिजियन जेनकर उपयोग मन्दिर क सेवा मँ होत रहा।</verse>
				<verse number="19">राजा क खास रच्छकन क अधिनायक एन चिजियन क लइ गवा: चिलमची, अँगीठियन, बड़कन खोरन, बर्तन, डीबट, कड़ाहियन अउर दाखरस क बरे काम मँ आवइवाले बड़के पियालन। उ ओन सबहिं चिजियन क जउन सोने अउर चाँदी क बनी रहिन, लइ गवा।</verse>
				<verse number="20">दुइ स्तम्भ सागर अउ ओकर खाले क बारह काँसा क बैल अउ सरकइवाले आधार बहोत भारी रहेन। राजा सुलैमान यहोवा क मन्दिर बरे इ सबइ चिजियन बनाए रहा। उ काँसा जेहसे उ सबइ चिजियन बनी रहिन, एतना भारी रहा कि तौला नाहीं जाइ सकत रहा।</verse>
				<verse number="21">काँसा क हर एक खम्भा अट्ठारह हाथ क ऊँचा रहा। हर एक खम्भा बारह हाथ परिधि वाला रहा। हर एक खम्भा खोखला रहा। हर एक खम्भा क देवार चार ईंच मोटी रही।</verse>
				<verse number="22">पहिले खम्भा साढ़े सात हाथ ऊँच रहा। इ चारिहुँ कइँती जाल क सजावट अउर काँसे क अनार स सजा रहा। दूसर खम्भन पइ भी अनार रहेन। इ पहिले खम्भा क तरह रहा।</verse>
				<verse number="23">खम्भन क बगल मँ छियान्नवे अनार रहेन। खम्भन क चारिहुँ कइँती बने जाल क सजावट पइ सब मिलाइके सौ अनार रहेन।</verse>
				<verse number="24">राजा क खास रच्छकन क अधिनायक सरायाह अउर सपन्याह क कैदी क रूप मँ लइ गवा। सरायाह महायाजक रहा अउर सपन्याह ओहसे दूसर। तीन चौकीदार भी कैदी बनाए गएन।</verse>
				<verse number="25">राजा क खास रचच्छन क अधिनायक लड़इवाले मनइयन क अधीच्छक क भी लइ गवा। उ राजा क सात सलाहकारन क भी कैदी बनाएस। उ सबइ लोग उ समइ तलक यरूसलेम मँ रहेन। उ सास्त्री क भी लिहस जउन मनइयन क फउज मँ रखइ क अधिकारी रहा अउर उ साठ साधारण मनइयन क भी लिहस जउन तब तलक नगर मँ रहेन।</verse>
				<verse number="26">अधिनायक नबूजरदान ओन सबहिं अधिकारियन क लिहस। उ ओनका बाबुल क राजा क समन्वा लिआएस। बाबुल क राजा रिबला नगर मँ रहा। रिबला हमात देस मँ अहइ। हुआँ उ रिबला नगर मँ राजा ओन अधिकारियन क मारि डावइ क आदेस दिहस। इ तरह यहूदा क लोग आपन देस स लइ जावा गएन।</verse>
				<verse number="27"></verse>
				<verse number="28">इ तरह नबूकदनेस्सर बहोत स लोगन क कैदी बनाइके लइ गवा। राजा नबूकदनेस्सर क सासन क सतएँ बरिस मँ: यहूदा क तीन हजार तेइस पुरूस।</verse>
				<verse number="29">नबूकदनेस्सर क सासन क अट्ठारहवे बरिस मँ: यरूसलेम क आठ सौ बत्तीस लोग।</verse>
				<verse number="30">नबूकदनेस्सर क सासन क तेईसवे बरिस मँ नबूजरदान यहूदा क सात सौ पैंतालीस मनई कैदी बनाएस। नबूजरदान राजा क खास रच्छकन क अधिनायक रहा। सब मिलाइके चार हजार छ: सौ लोग कैदी बनावा ग रहेन।</verse>
				<verse number="31">यहूदा क राजा यहोयाकीम सैंतीस बरिस तलक बाबुल क जेलि मँ रहा। ओकर कैदी रहइ क सैंतीसवे बरिस बाबुल क राजा एबीलमरोद क यहोयाकीम पइ बहोत दयालु रहा। उ यहोयाकीम क उ बरिस जेलि स बाहेर निकारेस। इ उहइ बरिस रहा जब एबीलमरोदक बाबुल क राजा भवा। एबीलमरोदक यहोयाकीम क बारहवे महीने क पन्तीसवे दिन जेलि स छोड़ दिहस।</verse>
				<verse number="32">एबीलमरोदक यहोयाकीम स रहम स बातन किहस। उ यहोयाकीम क ओन दूसर राजा लोगन क ऊँच सम्मान क ओहदा दिहस जउन बाबुल मँ ओकरे संग रहेन।</verse>
				<verse number="33">एह बरे यहोयाकीम आपन कैदी क ओढ़ना उतारेस। बाकी जिन्नगी मँ उ नेम स राजा क मेज पइ भोजन करत रहा।</verse>
				<verse number="34">बाबुल क राजा प्रतिदिन ओका स्वीकृत धन देत रहा। इ तब तलक चला जब तलक यहोयाकीम मरा नाहीं।</verse>
			</chapter>
		</book>
		<book number="25">
			<chapter number="1">
				<verse number="1">यरूसलेम क अकेल्ला काहे छोड़ दीन्ह ग ह, इ नगर जउन कि एक समइ लोगन क भीड़ स भरी पड़ा रहेन? एक समइ उ रहा जब देसन क बीच यरूसलेम महान नगरी रही। किन्तु आजु उहइ अइसी होइ गइ अहइ जइसी कउनो राँड़ होत ह। उ समइ रहा जब देसन क बीच उ एक ठु राजकुमारी स देखात रहे। किन्तु आजु उहइ नगरी दास बनाइ दिन्ह ग अहइ।</verse>
				<verse number="2">राति मँ उ बुरी तरह रोवत ह अउर ओकर आँसू गालन पइ टिके भए अहाइँ। किन्तु ओकर कउनो भी प्रेमी ओका दिलासा नाहीं देत ह। ओकर सबहि मीतन ओका दागा दिहस ह। ओकर मीत ओकर दुस्मन बन गएन।</verse>
				<verse number="3">बहोत कस्ट सहइ क पाछे यहूदा बँधुआ बन गइ। यहूदा दूसर देसन क बीच रहत ह, किन्तु उ आराम नहीं पाएस ह। जउन लोग ओकरे पाछे पड़ा रहेन, उ पचे ओका धइ लिहन। उ पचे ओका सँकरी घाटियन क बीच मँ पकड़ लिहन।</verse>
				<verse number="4">सिय्योन क राहन बहोत दुःख स भरी अहइँ। उ पचे बहोत दुःखी अहउँ काहेकि अब उत्सव क दिनन क बरे कउनो भी मनई सिय्योन पइ नाहीं जात ह। सिय्योन क सारे दुआर नस्ट कइ दीन्ह गएन ह। सिय्योन क सबइ याजक कराहत हीं। सिय्योन क चारिहूँ कइँती क गाँव खाली अहइँ। सबहिं लोगन क बंदी बना लीन्ह गएन ह। सिय्योन गहिर दुःख मँ अहइ।</verse>
				<verse number="5">यरूसलेम क दुस्मन विजयी अहइँ। ओकर दुस्मन सफल होइ गवा अहइँ, काहेकि यहोवा, ओका ओकर बहोत सारी पापन बरे दण्ड दिहस। दुस्मन ओकर सन्तान क बंदी बना लीन्ह ह।</verse>
				<verse number="6">सिय्योन क बिटिया क खुबसूरती जात अहइ। ओकर सबइ राजकन्या हरिनी सी भइन जेनके लगे चरह क चरागाह नाहीं होत। उ पचे बेसहारा होइके ओहेसा पराइ गएन जउन ओनकर पाछा किहे रहेन।</verse>
				<verse number="7">यरूसलेम बीती बात सोचा करत ह, ओन दिनन क बातन जब ओह पइ प्रहार भावा रहा अउर उ बेघर-बार भइ रहो। ओका बीते दिनन क सुख याद आवत रही। उ पचे पुराने दिनन मँ जउन नीक चिजियन ओकरे लगे रहिन, ओका याद आवत रहिन। उ अइसे उ समइ क सुमिरत ह जब ओकर लोग दुस्मनन क जरिये बंदी कीन्ह गएन। उ अइसे उ समइ क याद करत ह जब ओका सहारा देइ क कउनो भी मनई नाहीं रहा। जब दुस्मन ओका लखत रहेन, उ पचे ओकर हँसी उड़ावत रहेन। उ पचे ओकर हँसी उड़ावत रहेन काहेकि उ उजर चुकी रही।</verse>
				<verse number="8">यरूसलेम भयंकर पाप किहे रहा। आपन पाप क कारण ओका तबाह कीन्ह गएन ह। ओन पइ लोग आपन मूँड़ हिलाइके मजाक उड़ावत रहेन काहेकि उ पचे ओकर नंगापन क लख लिहस रहेन। यरूसलेम कराहत ह अउर आपन मुँहना लाज स फेरि लेत ह।</verse>
				<verse number="9">यरूसलेम क वस्त्र गन्दा रहेन। उ नाहीं सोचे रहा कि ओकरे संग का कछू घटी। ओकर पतन अजूबा रहा, ओकरे लगे कउनो नाहीं रहा जउन ओका सान्ति देत। उ कहा करत ह “हे यहोवा, लखा मइँ केतना दुःखी अहउँ। लखा मोर दुस्मन कइसा सोचत अहइ कि उ केतना महान अहइ।”</verse>
				<verse number="10">दुस्मन हाथ बढ़ाएस अउर ओकर सब उत्तिम वस्तु लूट लिहस। वास्तव मँ, उ पराये देस क अपने पवित्र ठउरे मँ घुसत भए लखेस। हे यहोवा, इ हुकुम तू ही दिहे रहया कि उ सबइ लोग तोहरी सभा मँ प्रवेस नाहीं करिहीं।</verse>
				<verse number="11">यरूसलेम क सबहिं लोग कराहत अहइँ, ओकर सबहिं लोग खइया क खोज मँ अहइँ। उ सबइ खइया जुटावइ क आपन कीमती चिजियन बेंचत अहइँ। उ पचे अइसा करत हीं ताकि ओनकर जिन्नगी बनी रहइ। यरूसलेम कहत ह, “लखा यहोवा, तू मोका लखा। लखा, लोग मोका कइसे घिना करत हीं।</verse>
				<verse number="12">मारग स होत भए जब तू सबहिं लोग मोरे लगे स गुजरत अहा तउ अइसा लगत ह जइसे धियान नाहीं देत अहा। किन्तु मोह पइ निगाह डावा अउर जरा लखा, का कउनो अइसी पीरा अहइ जइसी पीरा मोका अहइ? का अइसा कउनो दुःख अहइ जइसा दुःख मोह पइ परा अहइ? का अइसा कउनो कस्ट अहइ जइसा कस्ट क दण्ड यहोवा आपन भयंकर किरोध क दिन पइ मोका दिहस ह।</verse>
				<verse number="13">यहोवा ऊपर स आगी क पठएस ह अउर उ आगी मोरी हाड़न क छेद दिहस। उ मोरे गोड़न क बरे एक फंदा फेंकेस अउर उ मोका पाछे ढकेल इदहस ह। उ मोका वीरान कइ डाएस ह अउर मइँ बीमार रहत हउँ।</verse>
				<verse number="14">“मोर पाप मोह पइ जुए क नाई कसा गएन। यहोवा क हाथन क जरिये मोर पाप मोह पइ कसे गएन। यहोवा क जुआ मोरे कँधन पइ अहइ। यहोवा मोका दुर्बल बनाइ दिहस ह। यहोवा मोका ओन लोगन क सौंपेस जउन ओतना जियादा सक्तीसाली अहइ कि मइँ ओकरे संग लराइ नाहीं कइ सकत।</verse>
				<verse number="15">मोर सबहिं वीर जोधा क नगर क भीतर ठहिरइ क रहेन काहेकि यहोवा ओनका मदद नाहीं किहस किन्तु नकार दिहेस। यहोवा मोरे विरोध मँ फुन एक भीड़ पठएस, उ मोर युवा फउजी क मरवावइ ओन लोगन क लिआए रहा। यहोवा यरूसलेम क नोकरानियन क वइसे ही कुचर दिहस जइसे लोग अंगूर कोल्हू मँ कुचरत ह।</verse>
				<verse number="16">“एन सबहिं बातन क लइके मइँ चिल्लाएउँ। मोर नैन जल मँ बूड़ि गएन। मोरे लगे कउनो नाहीं मोका चैन देइ। मोरे लगे कउनो नाहीं जउन मोका तनिक सान्ति देइ। मोर संतानन अइसी बनिहीं जइसे उजाड़ होत ह। उ पचे अइसे भवा कि दुस्मन जीत गवा रहा।”</verse>
				<verse number="17">सिय्योन मदद बरे आपन हाथ पसारे अहइ। कउनो अइसा मनई नाहीं रहा जउन ओका ढाढ़स देत। यहोवा याकूब क दुस्मनन क ओका घेर लेइ क आग्या दिहे रहा। यहोवा यरूसलेम असुद्ध मेहरारु क नाईं होइ गइ रहीं।</verse>
				<verse number="18">यरूसलेम कहा करत ह, “मइँ यहोवा क खिलाफ बिद्रोह किहस हउँ यह बरे उ जउन बात मोहे बरे करत ह उ उत्तिम बाटइ। तउ, हे सबहिं लोगो, सुना। तू मोर कस्ट लखा। मोर जवान मेहरारू अउर मनसेधू बन्दी बनाइ लइ गवा अहइँ।</verse>
				<verse number="19">मइँ आपन पिरेमियन क गोहराएउँ। किन्तु उ पचे मोका धोका दिहस। नगर क याजक अउर बुजुर्ग मर गएन काहेकि उ पचे खइया खोजेस किन्तु कछु नाहीं पाएन।</verse>
				<verse number="20">“हे यहोवा, मोका लखा। मइँ दुःखे मँ पड़ी अहउँ। मोर अन्तरंग बेचैन अहइ। मोर हिरदइ दुःखे मँ अहइ काहेकि मइँ बिद्रोह किहा रहिउँ। गलियन मँ मोरे गदेलन क तरवार काट डाए अहइ। घरन क भितरे मउत क बास रहा।</verse>
				<verse number="21">“मोर सुना, काहेकि मइँ कराहत हउँ। मोरे लगे कउनो नाहीं अहइ जउन मोक ढाढ़रस देइ, मोर सब दुस्मनन मोरे दुःखन क बात सुनि लिहेन ह। उ पचे बहोत खुस अहइँ काहेकि तू मोरे संग अइसा सलूक किहस। अब उ दिन क लइ आवा जेकर तू घोसणा किहे रह्या। उ दिन तू मोरे दुस्मनन क वइसा ही बनाइ द्या जइसी मइँ अब ही अहउँ।</verse>
				<verse number="22">“मोरे दुस्मनन क बुरा करम क आपन समन्वा आवइ द्या। फिन ओनके संग तू वइसा ही करब्या जइसा मोरे अपराध क बदले मँ तू मोरे संग किहा। अइसा करा काहेकि बार बार कराहत रहेउँ। अइसा करा काहेकि मोर हिरदइ निरास अहइ।”</verse>
			</chapter>
			<chapter number="2">
				<verse number="1">लखा यहोवा सिय्योन क बिटिया क कइसे बादर मँ ढाँपि दिहेस ह। उ इस्राएल क महिमा स्वर्ग स धरती पइ लोकाइ दिहेस ह। यहोवा आपन किरोध क दिन मँ आपन धरती पइ निवास स्थान बरे कउनो परवाह नाहीं किहेस।</verse>
				<verse number="2">यहोवा याकूब क चिरागाह क बिना दया क लील लिहेस। उ आपन प्रिय यहूदा क सबहिं गढ़ियन क भरिके किरोध मँ मेटेस। यहोवा यहूदा क राज्ज क धरती पइ पटक दिहेस अउर ओकरे नेता लोगन क बर्बाद कइ दिहस।</verse>
				<verse number="3">यहोवा किरोध मँ भरिके इस्राएल क सारी सक्ति उखाड़ फेंकेस। उ ओका ओकर दुस्मन स अउर सुरच्छा नाहीं किहेस। उ याकूब मँ धधकत भइ आगी स भड़की। उ एक अइसी आगी रहो जउन आस-पास क सब कछू चट कइ जात ह।</verse>
				<verse number="4">यहोवा सत्रु क नाई आपन धनुस खींचे रहा। ओकरे दाहिन हाथे मँ ओकरे तरवारे क मूठा रहा। उ आपन दुस्मन पइ वार करइ बरे तैयार रहा। उ यहूदा क सबहिं आकर्सक लोगन क मारि डाएस। यहोवा आपन किरोध क जंगल क आगी क नाईं सिय्योन क खेमन पइ बरसाएस।</verse>
				<verse number="5">यहोवा दुस्मन होइ गवा रहा अउर उ इस्राएल क लील लिहस। ओकर सबहिं महलन क उ लील लिहस ओकर सबहिं गढ़ियन क लील लिहे रहा। उ आपन प्रिय यहूदा बरे बहोत जियादा रुलाएस अउर बहोत विलाप कराएस।</verse>
				<verse number="6">यहोवा आपन ही मन्दिर नस्ट किहे रहा जइसे उ कउनो उपवन होइ, उ उ ठाँव क नस्ट किहेस जहाँ लोग ओकर उपासना करइ बरे जमा होत रहेन। यहोवा लोगन क अइसा बनाइ दिहस कि उ पचे सिय्योन मँ खास मिलन अउर आराम क खास दिनन क बिसरि जाइँ। यहोवा याजक अउ राजा क नकार दिहस। उ बड़े किरोध मँ भरिके ओनका नकारेस।</verse>
				<verse number="7">यहोवा आपन ही वेदी क नकार दिहस अउर उ आपन उपासना क पवित्तर ठउरे क नकार दिहे रहा। यरूसलेम क महलन क देवारन क उ दुस्मन क सौंपि दिहस। यहोवा क मन्दिर मँ दुस्मन सोर करत रहा। उ पचे अइसे सोर करत रहेन जइसे कउनो छूट्टी क दिन होइ।</verse>
				<verse number="8">उ सिय्योन क बिटिया क देवार नस्ट करब सोचेस ह। उ कउनो नापइ क डोरी स ओह पइ निसान डाएस ह। उ खुद क इका बिनास करइ स नाहीं रोकस। उ दुःख मँ भरिके फसीलन अउर देवार क रोवाइ दिहस।</verse>
				<verse number="9">यरूसलेम क दरवाजन टुटिके धरती पइ बइठ गएन। फाटक क सलाखन क तोड़िके ओका तहस-नहस कइ दिहस। सिय्यन क राजा अउर नेता लोगन दुसर देसन मँ बिखेर दीन्ह गएन। ओनके बरे आजु कउनो धार्मिक सिच्छा ही नाहीं रही। नबी भी यहोवा स कउनो दिव्य दर्सन नहीं पउतेन।</verse>
				<verse number="10">सिय्योन क बुजुर्ग अब धरती पइ बइठत हीं। उ पचे धरती पइ बइठत हीं अउर चुप रहत हीं। आपन माथन पइ फूल मलत हीं अउर सोक वस्त्र पहिरत हीं। यरुसलेम क जुवतियन दुःख मँ आपन माथा धरती पइ नवावत हीं।</verse>
				<verse number="11">जब मइँ रोवत हउँ तउ मोर नैन मँ दर्द होत ह। मोर अंतरंग बियाकुल अहइ। मोरे लोगन क बिनास क कारण मोर मन क अइसा लागत ह जइसे उ बाहर निकरिके धरती पइ गिरा होइ। गदेलन अउर दूध पइ वाले बच्चे गलियन मँ बेहोस पड़ा अहइँ।</verse>
				<verse number="12">उ पचे बिलाखत भए आपन महतरियन स पुछत हीं, “कहाँ बाटइ महतारी, कछू क खइया अउर पिअइ क?” उ पचे इ सवाल अइसे पूछत हीं जइसे जख्मी सिपाही सहर क गलियन मँ गिरत प्राणन क तजत, उ पचे इ सवाल पूछत हीं। उ पचे आपन महतरियन क गोदी मँ लोटत भए प्राणन क तजत हीं।</verse>
				<verse number="13">हे यरूसलेम क बिटिया, मइँ केहसे तोहार तुलना करउँ? तोहका केकरे समान कहउँ? हे सिय्योन क कुवाँरी कन्या, तोहका केहसे तुलना करउँ? तोहका कइसे ढाढ़स बँधावउँ? तोहार जख्म सगरे जइसा बिसाल अहइ। अइसा कउनो भी नाहीं जउन तोहार उपचार करइ।</verse>
				<verse number="14">तोहार नबियन तोहरे बरे दिब्ब दर्सन लिहे रहेन। किन्तु उ पचे सबहिं बियर्थ अउर लबार सिद्ध भएन। उ पचन्क तोहका बिनास स दूर रखइ बरे, तोहरे पापन क खिलाफ उपदेस दिन्ह चाही रहेन। किन्तु उ पचे अइसा नाहीं किहन। उ पचे तोहका झूटे चिजियन क सिच्छा दिहन जउन कि तोहका भटकइ दिहेस।</verse>
				<verse number="15">बटोही राह स गुजरत भए स्तब्ध होइके तोह पइ ताली बजावत हीं। यरूसलेम क बिदिया पइ उ पचे सीटियन बजावत अउर माथा नयावत हीं। उ सबइ लोग पुछत हीं, “का इहइ उ नगरी अहइ जेका लोग कहा करत रहेन, ‘एक संपूर्ण सुन्नर नगर’ तथा ‘समुचइ संसार क आनन्द’?”</verse>
				<verse number="16">तोहार सबहिं दुस्मन तोह पइ आपन मुँह खोलत हीं। तोह पइ सीटियन बजावत हीं अउर तोह पइ दाँत पीसत हीं। उ पचे कहा करत हीं, “हम ओनका लील लीन्ह। फुरइ इहइ उ दिन अहइ जेकर हमका प्रतीच्छा रही। अउर अब हम पचे एँका घटत भए लाखि लीन्ह।”</verse>
				<verse number="17">यहोवा वइसा ही किहस जइसी ओकर जोजना रही। उ वइसा ही किहस जइसा उ करइ बरे कहे रहा। बहोत दिनन पहिले जइसा उ आदेस दिहे रहा, वइसा ही कइ दिहस। उ बर्बाद किहस, ओहका दाया तलक नाहीं आइ। उ तोहरे दुस्मनन क खुस किहस कि तोहारे संग अइसा घटा। उ तोहारे दुस्मनन क ताकत बढ़ाइ दिहस।</verse>
				<verse number="18">ओनका दिल यहोवा क पुकारेस। सिय्योन क देवार आँसुअन क नदी क नाई बहइ दया। दिन अउर रात आपन आँसुअन क गिरइ द्या। तू ओनका जिन रोका।</verse>
				<verse number="19">जाग उठा। राति मँ विलाप करा। राति क हर पहर क सुर मँ विलाप करा। आँसुअन मँ आपन मन बाहेर निकार द्या जइसा उ पानी होइ। आपन मन यहोवा क समन्वा निकार राख। यहोवा क पराथना मँ आपन हाथ ऊपर उठावा। ओहसे आपन संतानन क जीवन माँगा। ओहसे तू ओन संतानन क जीवन माँग ल्या जउन भूख स हर कुचे गली मँ बेहोस होइके गिर जात ह।</verse>
				<verse number="20">हे यहोवा, मोह पइ निगाह करा। लखा कउन अहइ उ जेकर संग तू अइसा किहा। तू मोहका इ सवाल पूछइ दया: का महतारी क ओन गदेलन क खाइ जा नीक अहइ जेनका उ जनत ह का महतारी क ओन गदेलन क खाइ जा नीक अहइ जेनका उ पोसत रही ह का यहोवा क मन्दिर मँ याजक अउ नबियन क प्राणन क लीन्ह जा नीक अहइ?</verse>
				<verse number="21">लरिकन अउ बुजुर्गन नगर क गलियन मँ धरती पइ पड़ा रहइँ। मोर जवान मेहररुअन अउर जवान मनसेधू तरवारे क धार उतारे गए रहेन। हे यहोवा, तू आपन किरोध क दिन पइ ओनकर बध किहा ह। तू ओनका बगैर कउनो करुणा क मारा ह।</verse>
				<verse number="22">तू मोह पइ हर एक जगह स दुःख व मुसीबत अइसे बोलाया जइसे इ पर्व क दिन होइ। ओह दिन जब यहोवा किरोध किहस अइसा कउनो मनई नाहीं रहा जउन बचिके भाग पाया होइ। जेनका मइँ बढ़ाए रहेउँ अउर मइँ पालेउँ, पोसेउँ ओनका मोर दुस्मनन मारि डाएन ह।</verse>
			</chapter>
			<chapter number="3">
				<verse number="1">मइँ एक अइसा मनई हउँ जउन बहोतेरी यातना भोगी हउँ, यहोवा क किरोध क तले मइँ बहोतेरी दण्ड यातना भोगी हउँ।</verse>
				<verse number="2">यहोवा मोका लइके चला अउर उ मोका अँधियारा क भीतर लावा न कि प्रकासे मँ।</verse>
				<verse number="3">यहोवा आपन हाथ मोरे बिरोध मँ कइ दिहस। अइसा उ बारम्बार सारे दिन किहस।</verse>
				<verse number="4">उ मोर आस, मोर चाम नस्ट कइ दिहस। उ मोर हाड़न क तोड़ दिहस।</verse>
				<verse number="5">यहोवा मोरे विरोध मँ, कडुआहट अउ आपदा फइलाएस ह। उ मोरे चारिहुँ कइँती कड़ुआहट अउ बिपत्ति फइलाइ दिहस।</verse>
				<verse number="6">उ मोका अधियारा मँ बइठाइ दिहे रहा। उ मोका उ उ मनई सा बनाइ दिहे रहा जउन कउनो बहोत दिनन पहिले मरि चुका होइ।</verse>
				<verse number="7">यहोवा मोका भितरे बंद किहेस, एहसे मइँ बाहेर आइ न सकेउँ। उ मोह पइ भारी जंजीरन घेर रहा।</verse>
				<verse number="8">हिआँ तलक कि जब मइँ चिल्लाइके दोहाइ देत हउँ, यहोवा मोर विनती क नाहीं अनकत ह।</verse>
				<verse number="9">उ पथरे स मोरी राह क मुँद दिहस ह। उ मोर राह क टेढ़ा कइ दिहेस ह।</verse>
				<verse number="10">यहोवा उ भालू सा भवा जउन मोह पइ आक्रमण करइ क तत्पर अहइ। उ उ सिंहसा भवा ह जउन कउनो ओटे मँ छिपा भवा अहइ।</verse>
				<verse number="11">यहोवा मोका मोरी राहे स हटाइ दिहस। उ मोर धज्जियन उड़ाइ दिहस। उ मोका बर्बाद कइ दिहस ह।</verse>
				<verse number="12">उ आपन धनुस तैयार किहस। उ मोका आपन बाणन क निसाना बनाइ दिहे रहा।</verse>
				<verse number="13">मोरे पेट मँ बाण मार दिहस। मोह पइ आपन बाणन स प्रहार किहे रहा।</verse>
				<verse number="14">मइँ आपन लोगन क बीच हँसी क यात्र बन गएउँ। उ पचे दिन भइ मोर गीत गाइ-गाइके मोर मजाक बनावत हीं।</verse>
				<verse number="15">यहोवा मोका करवाहट स भर दिहेस ह। उ मोका जहर पिलवाएस ह।</verse>
				<verse number="16">उ मोर दाँत पाथरे क भुइँया मँ गडाइ दिहेस। उ मोका माटी मँ मिलाइ दिहस।</verse>
				<verse number="17">मइँ अब अउर सान्ति योग्य नाहीं अहउँ। अच्छी भली बातन क मइँ बिसरि गवा रहेउँ।</verse>
				<verse number="18">खुद अपने आप स मइँ कहइ लागे रहेउँ, “मोका तउ बस अब अउर आस नाहीं अहइ कि यहोवा कबहुँ मोका सहारा देइ।”</verse>
				<verse number="19">मइँ आपन दुखिया पन क, मोर घर नहीं अहइ एका कड़वे जहर क,</verse>
				<verse number="20">अउर मोर सारी यातना क याद कइ क मइँ बहोत ही दुःखी हउँ।</verse>
				<verse number="21">किन्तु उहइ समइ जब मइँ सोचत हउँ, तउ मोका आसा होइ लागत ह। मइँ अइसा सोचा करत हउँ।</verse>
				<verse number="22">यहोवा क पिरेम अउ करूणा क अंत कबहूँ नाहीं होत। यहोवा क सबइ कृपा कबहुँ खतम नाहीं होत।</verse>
				<verse number="23">हर भिन्सारे उ सबइ नवा होइ जात हीं। हे यहोवा, तोर सच्चाई महान अहइ।</verse>
				<verse number="24">मइँ आपन स कहा करत हउँ, “यहोवा मोरे हीसां मँ अहइ। इहइ कारण स मइँ आसा रखब।”</verse>
				<verse number="25">यहोवा ओनके बरे उत्तिम अहइ जउन ओकर बाट जोहत हीं। यहोवा ओनके बरे उत्तिम अहइ जउन ओकर खोज मँ रहा करत हीं।</verse>
				<verse number="26">इ उत्तिम अहइ कि कउनो मनई चुपचाप यहोवा क प्रतीच्छा करइ कि उ ओकर रच्छा करी।</verse>
				<verse number="27">इ उत्तिम अहइ कि कउनो मनई यहोवा क जुए क धारण करइ, उ समइ स ही जब उ युवक होइ।</verse>
				<verse number="28">मनई क चाही कि उ अकेल्ला चुप बइठे ही रहइ जब यहोवा आपन जुए क ओह पइ धरत ह।</verse>
				<verse number="29">उ मनई क चाही कि यहोवा क समन्वा उ दण्डवत प्रणाम करइ। होइ सकत ह कि कउनो आस बची होइ।</verse>
				<verse number="30">उ मनई क चाही कि उ आपन गाल कइ देइ, उ मनई क समन्वा जउन ओह पइ प्रहार करत होइ। उ मनई क चाही कि उ अपमान झेलइ क तत्पर रहइ।</verse>
				<verse number="31">उ मनई क चाही उ याद राखइ कि यहोवा कउनो क भी सदा-सदा बरे नाहीं बिसरावत।</verse>
				<verse number="32">यहोवा दण्ड दण्ड देत भए भी आपन कृपा बनाए राखत ह। उ आपन पिरेम अउ दया क कारण आपन कृपा राखत ह।</verse>
				<verse number="33">यहोवा कबहुँ भी नाहीं चाहत कि लोगन क दण्ड देइ। ओका नाहीं भावत कि लोगन क दुःखी करइ।</verse>
				<verse number="34">यहोवा क इ सबइ बातन नाहीं भावत हीं: ओका नाहीं भावत कि कउनो मनई आपन गोड़न क तले धरती क सबहिं बंदियन क कुचरी डावइ।</verse>
				<verse number="35">ओका नाहीं भावत ह कि कउनो मनई कउनो मनई क छलइ। कछु लोग ओकरे मुकदमे मँ परम प्रधान परमेस्सर क समन्वा ही अइसा किया करत हीं।</verse>
				<verse number="36">ओका नाहीं भावत कि कउनो मनई अदालत मँ कउनो स छल भरइ। यहोवा क एनमाँ स कउनो भी बात नाहीं भावत ह।</verse>
				<verse number="37">जब तलक खुद यहोवा ही कउनो बात क होइ क आग्या नाहीं देत, तब तलक अइसा कउनो भी मनई नाहीं अहइ कि कउनो बात कहइ अउर ओका पूरा करवाइ लेइ।</verse>
				<verse number="38">बुरी-भली बातन सबहिं सर्वोच्च परमेस्सर क मुँहे स ही आवत हीं।</verse>
				<verse number="39">कउनो जिअत मनई सिकाइत कइ नाहीं सकत जब यहोवा उहइ क पापन क दण्ड ओका देत ह।</verse>
				<verse number="40">आवा, हम आपन करमन क परखइँ अउर लखइँ, फुन यहोवा क सरन मँ लौट आवइँ।</verse>
				<verse number="41">आवा, अपना पराथना करइ बरे सरग क परमेस्सर क समन्वा हम आपना हाथ उठाइ।</verse>
				<verse number="42">आवा, हम ओहसे कही, “हम पाप कीन्ह ह अउर हम जिद्दी बना रही अउर एह बरे तू छमा नाहीं किहा।</verse>
				<verse number="43">तू किरोध स अपने क ढाँप लिहा, हमार पीछा तू करत रहा ह, तू हम पचन्क बेरहमी स मार दिहा।</verse>
				<verse number="44">तू आपन क बदरे स ढाँप लिहा। तू अइसा एह बरे किहे रहया कि कउनो भी विनती तोह तलक पहोंचे ही नाहीं।</verse>
				<verse number="45">तू हम पचन्क दूसर देसन क तुलना मँ कुड़ा करकट क नाईं बना दिहेस।</verse>
				<verse number="46">हम पचन्क सबहिं दुस्मन हम पचन स घमण्ड मँ बोलत ही।</verse>
				<verse number="47">हम डेरान भए अही, हम गर्त मँ गिर गवा ही। हम बुरी तरह नोस्कान पावा ह। हम पचे टूटि चुका ही।”</verse>
				<verse number="48">मोर नैन स आसूँअन क नदी बही ही। मइँ विलाप करत हउँ काहेकि मोर लोग तबाह होइ गवा ह।</verse>
				<verse number="49">मोर नैन बिना रुके बहत रहिहीं। मइँ हमेसा विलाप करत रहब।</verse>
				<verse number="50">हे यहोवा, मइँ तब तलक विलाप करत रहब जब तलक तू दृस्टि न करा अउ हमका लखा। मइँ तब तलक विलाप हो करत रहब जब तलक तू सरग स हम पइ दृस्टि न करा।</verse>
				<verse number="51">जब मइँ लखा करत हउँ जउन कछू मोर नगरी क जुवतियन क संग घटा तब मोर नैन मोका दुखी करत हीं।</verse>
				<verse number="52">जउन लोग बियर्थ मँ ही मोर दुस्मन बना हीं, उ पचे घूमत हीं मोरे सिकारे क फिराक मँ, माना मइँ कउनो चिड़िया हउँ।</verse>
				<verse number="53">जिअत जी उ पचे मोका गढ़ा मँ लोकाएन अउर मोह पइ पाथर लुढ़काए रहेन।</verse>
				<verse number="54">मोरे मूँड़े पइ पानी गुजर गवा। मइँ आपन आप मँ कहाँ, “मोर नास भवा।”</verse>
				<verse number="55">हे यहोवा, मइँ तोहार नाउँ गोहराएउँ। उ गड़हा क तल स मइँ तोहार नाउँ गोहराएउँ।</verse>
				<verse number="56">तू मोर अवाज क सुन्या। तू कान नाहीं मूँद लिहा। तू बचावइ स अउर मोर रच्छा करइ स नकार्या नाहीं।</verse>
				<verse number="57">जब मइँ तोहार दोहाइ दिहेउँ, उहइ दिन तू मोरे लगे आइ गवा रह्या। तू मोहसे कहे रह्या, “भयभीत जिन ह्वा।”</verse>
				<verse number="58">हे यहोवा, मोरे अभियोग मँ तू मोर पच्छ लिहा। मोरे बरे तू मोर प्राण वापस लइ आया।</verse>
				<verse number="59">हे यहोवा, तु मोर विपत्तियन लख्या ह, अब मोरे बरे तू मोर नियाव करा</verse>
				<verse number="60">तू खुद लख्या ह कि दुस्मनन मोरे संग केतन अनियाव किहन। तू खुद लख्या ह ओन समूचइ सड्यंत्रन क जउन उ पचे मोहसे बदला लेइ क मोरे खिलाफ रचे रहेन।</verse>
				<verse number="61">हे यहोवा, तु सुन्या ह कि मोर अपमान कइसे करत हीं तू सुन्या ह ओन सड्यंत्रन क जउन उ पचे मोरे खिलाफ रचाएन।</verse>
				<verse number="62">मोरे दुस्मनन क बचन अउ बिचार सारे दिन ही मोरे खिलाफ रहेन।</verse>
				<verse number="63">लखा यहोवा, चाहे उ पचे बइठे होइँ, चाहे उ पचे खड़ा होइँ, कइसे उ पचे हँसी उड़ावत हीं।</verse>
				<verse number="64">हे यहोवा, ओनके संग वइसा ही करा जइसा ओनके संग करइ चाही। ओनके करमन क फल ओनका दइ द्या।</verse>
				<verse number="65">ओनकर मन हठीला कइ द्या। फिन आपन अभिसाप ओन पइ डाइ द्या।</verse>
				<verse number="66">किरोध मँ भरिके तू ओनकर पाछा करा। ओनका बर्बाद कइ द्या। हे यहोवा, तू ओनका इ धरती स खतम कइ द्या।</verse>
			</chapter>
			<chapter number="4">
				<verse number="1">लखा, कउने तरह सोना चमक रहित होइ गवा। लखा, सारा सोना कइसे खोट होइ गवा। चारिहुँ कइँती हीरा-जवाहरात बिखड़ा पड़ा अहइँ। हर गली क सिर पइ इ सबइ रतन पसरा अहइँ।</verse>
				<verse number="2">सिय्योन क लोग अइसे ही मुल्यवान रहेन, जइसे ओनका वजन सोना क बराबर रहा। किन्तु अब ओनके संग दुस्मन अइसे बर्ताव करत हीं जइसे उ पचे कोमहार क बनाए माटी क पात्र होइँ।</verse>
				<verse number="3">हिआँ तलक कि सियार भी आपन बच्चन क थन देत ह, उ आपन बच्चन क दूध पिअइ देत ह। किन्तु मोर लोग निर्दय होइ ग अहइँ। उ पचे अइसे होइ गएन जइसे मरुभूमि मँ निवासी-सुतुर्मुग।</verse>
				<verse number="4">पिआस क मारे आबोध गदेलन क जीभ तालु स चिपकति अहइ। इ सबइ नान्ह लरिकन रोटी क तरिसत हीं। किन्तु कउनो भी ओनका कछू भी खाई क बरे देत नाहीं।</verse>
				<verse number="5">अइसे लोग जउन सुआदिस्ट भोजन खावा करत रहेन, आजु भूख स गलियन मँ मरत अहइँ। अइसे लोग जउन उत्तिम ओढ़ना पहिरत भए पले बढ़े रहेन, अब कुड़न क ढेरन पइ बिनत फिरत अहइँ।</verse>
				<verse number="6">मोरे लोगन क पाप सदोम अउ अमोरा क पापन स बड़ा रहा। सदोम अउ अमोरा क एकाएक नस्ट कीन्ह गवा। ओनके बिनासे मँ कउनो भी मानव क हाथ नाहीं रहा।</verse>
				<verse number="7">यहूदा क लोग परमेस्सर क समर्पित रहेन, उ पचे बरफ स उज्जर रहेन, दूधे स धोवा रहेन। ओनकर तन मूँगा स जियादा लात रहिन। ओनकर डाढ़ी नीलम स करिया रहिन।</verse>
				<verse number="8">किन्तु ओनकर मुहँ अब धुआँ स करिआ होइ गवा अहइँ। हिआँ तलक कि गलियन मँ ओनका कउनो भी नाहीं पहिचान सकत ह। ओनकर ठठरी पइ अब झुर्रियन पड़ि गइ अहइँ। ओनकर चाम अब लकड़ी जइसा होइ गवा अहइ।</verse>
				<verse number="9">अइसे लोग जेनका तरवारे क घाट उतावा गवा ओनसे जियादा भाग्गवान रहेन जउन लोग भूख-मरी क मउत मरेन। खइया क कमी स मरिइ स खून क कमी स मरि जान बहतर अहइ</verse>
				<verse number="10">ओन दिन अइसी मेहररुअन भी जउन बहोत अच्छी हुवा करत रहिन, आपन ही बच्चन क माँस पकाए रहिन। उ सबइ गदेलन आपन महतारी क आहार बनेन। अइसा तब भवत रहा जब मोरे प्रिय लोगन क बिनास भवा रहा।</verse>
				<verse number="11">यहोवा आपन सब किरोध क प्रयोग किहेस; आपन समूचा किरोध उ उड़ेर दिहस। सिय्योन मँ जउन आग भड़काएस, सिय्योन क नेवन क खाले तलक बार दिहे रहेन।</verse>
				<verse number="12">जउन कछू घटा रहा, धरती क कउनो भी राजा क ओकर बिस्सास नाहीं रहा। जउन कछु घटा रहा, धरती क कउनो भी लोगन क ओकर बिस्सास नाहीं रहा। यरूसलेम क दुआरन स होइके कउनो भी दुस्मन भीतर आइ सकत ह, एकर कउनो क भी बिस्सास नाहीं रहा।</verse>
				<verse number="13">किन्तु अइसा ही भवा, काहेकि यरूसलेम क नबी लोग पाप किहे रहेन। अइसा भवा काहेकि यरूसलेम क याजक बुरे काम किया करत रहेन। यरूसलेम क नगर मँ उ पचे नीक लोगन क खून बहावा करत रहेन।</verse>
				<verse number="14">याजक अउ नबी गलियन मँ आँधे लोगन जइसे घुमत रहेन। उ पचे रकत स रिती क अनुसार गंदे होइ ग रहेन। यह बरे कउनो भी ओनकर ओढ़ना तलक नाहीं छुअत रहा।</verse>
				<verse number="15">लोग ओन लोगन पइ चिचिआइके कहत रहेन, “दूर हटा! तू पचे अपवित्तर अहा, दूर हटा, दूर हटा! हमका जिन छुआ!” उ सबइ लोग बिना घर-बार क भटकत रहेन। दूसर देसन क लोग कहा करत रहेन, “हम नाहीं चाहि कि उ पचे हमरे लगे रहेन।”</verse>
				<verse number="16">उ सबइ लोग खुद यहोवा क जरिये ही बिखेर दीन्ह गए रहेन। उ ओनकी कइँती फुन कबहुँ नाहीं लखेन। उ याजकन क आदर नाहीं दिहन। यहूदा क मुखिया लोगन क संग उ दोस्ती स नाहीं रहा।</verse>
				<verse number="17">मदद पावइ क बाट जोहत-जोहत आपन आँखिन काम करब बंद किहन, अउर अब हमार आँखिन थक गइन ह। किन्तु कउनो भी सहायता नाहीं आई। हम प्रतीच्छा करत रहे कि कउनो अइसी जाति आवइ तउ हमका बचाइ लेइ। हम आपन निगरानी बुर्जा स लखत रहि गए। किन्तु कउनो भी हमका बचाएस नाहीं।</verse>
				<verse number="18">हर समइ दुस्मन हमरे पाछे पड़े रहेन हिआँ तलक कि हम बाहेर गली मँ भी निकर नाहीं पाए। हमार अंत निअरे आवा। हमार समय पुरा होइ चुका रहा। हमार अंत आइ गवा।</verse>
				<verse number="19">हम लोगन क पाछा करइवालन क गति उकाब क गति स तेज रही। ओ लोग पहाड़न क भीतर हम पचन्क पाछा किहना। उ पचे हमका धरइ क रेगिस्तान मँ लुका-छिपा रहेन।</verse>
				<verse number="20">उ राजा जउन हमरी नाकन क भीतर हमार प्राण रहा, गडढा मँ फँसाइ लीन्ह गवा रहा, उ राजा अइसा मनई रहा जेका यहोवा खुद चुने रहा। राजा क बारे मँ हम कहे रहे, “ओकरी छत्र-छाया मँ हम जिअत रहब, ओकरी छाया मँ हम जातियन क बीच जिअत रहब।”</verse>
				<verse number="21">एदोम क लोगो, खुस रहा अउर आनन्द मँ रहा। हे ऊज क निवासी लोगो, खुस रहा। किन्तु सदा याद रखा, तोहरे पास भी यहोवा क किरोध क पियाला आइ। जब तू ओका पीब्या, धुत होइ जाब्या अउर खुद क नंगा कइ डउब्या।</verse>
				<verse number="22">सिय्योन, तोहार दण्ड पुरा भावा। अब फुन स तू कबहुँ बंधन मँ नाहीं पड़बिउ। किन्तु हे एदोम क लोगो, यहोवा तोहरे पापन क दण्ड देइ। तोहरे पापन क उ उघाड़ देइ।</verse>
			</chapter>
			<chapter number="5">
				<verse number="1">हे यहोवा, हमरे संग जउन घटा ह ओका याद राखा। हे यहोवा, हमरे तिरस्कार क लखा।</verse>
				<verse number="2">हमार धरती परायन क हाथन मँ दइ दीन्ह गइ। हमार घर परदेसियन क हाथन मँ दीन्ह गएन।</verse>
				<verse number="3">हम अनाथ होइ गएन। हमार कउनो पिता नाहीं। हमार महतरियन विधवा स होइ गइन ह।</verse>
				<verse number="4">पानी पिअइ तलक हमका मोल देब पड़त ह, ईधन क लकड़ी तलक बेसहब पड़त ह।</verse>
				<verse number="5">आपन काँधन पइ हमका जुए क बोझा उठाउब पड़त ह। हम थकिके चूर होत ह किन्तु अराम तनिकउ हमका नाहीं मिलत।</verse>
				<verse number="6">हम पचन्क मिस्र अउर अस्सुर स खइया लेइ होब्या काहेकि हम पचन्क लगे खइया नाहीं अहइ।</verse>
				<verse number="7">हमार पुरखन तोहरे खिलाफ मँ पाप किहे रहेन। आजु उ पचे मर चुका अहइँ। किन्तु ओनका बदले मँ हम पचन विपत्तयन भोगत अहइँ।</verse>
				<verse number="8">हमार दास हो सुआमी बना अहइँ। हिआँ कउनो अइसा मनई नाहीं जउन हमका ओनसे बचाइ लेइ।</verse>
				<verse number="9">बस भोजन पावइ क हमका आपन जिन्नगी दाँव पइ लगावइ पड़त ह। रेगिस्तान मँ अइसे लोगन क कारण, जेनके लगे तरवार अहइ हमका आपन जिन्नगी दाँव पइ लगाउब पड़त ह।</verse>
				<verse number="10">हमार खाल तन्दूर सी तपत अहइ, हमार खाल तपत रही उ भूख क कारण जउन हमका लगी ह।</verse>
				<verse number="11">सिय्योन क मेहररुअन क संग कुकर्म कीन्ह गवा ह। यहुदा क नगरियन क कुँवरियन क संग कुकर्म कीन्ह गवा अहइँ।</verse>
				<verse number="12">हमार राज कुमार फाँसी पइ चढ़ावा गएन, उ पचे हमरे अग्रजन क आदर नाहीं किहन।</verse>
				<verse number="13">हमार दुस्मनन हमरे नउजवान मनसेधुअन स चक्की मँ आटा पिसवाएन। हमार नउजवान मनसेधुअन काठे क बोझ तरे ठोकर खाएन।</verse>
				<verse number="14">हमार बुजुर्गन अब नगर क दुआरन पइ बइठा नाहीं करतेन। हमार युवक अब संगीत मँ हींसा नाहीं लेतेन।</verse>
				<verse number="15">हमरे मने मँ अब कउनो खुसी नाहीं अहइ। हमार खुसी मरे भए लोगन क विलाप मँ बदल गवा अहइ।</verse>
				<verse number="16">हमार महिमा अउर हमरार मान संमान खतम होइ गवा अहइ। हम पचन्क सज़ा दीन्ह गएन ह।</verse>
				<verse number="17">एह बरे हमार मन रोगी भए हँ, एन ही बातन स हमार आँखिन मधिम भई हँ।</verse>
				<verse number="18">सिय्योन क पहाड़ वीरान होइ गवा ह। सिय्योन क पहाड़े पइ अब सियार घूमत हीं।</verse>
				<verse number="19">किन्तु हे यहोवा, तोहार राज्ज तउ अमर अहइ। तोहार महिमा स पूर सिंहासन सदा-सदा बना रहत ह।</verse>
				<verse number="20">हे यहोवा, तू हम पचन्क क सदा बरे काहे भूला देब्या? तू हम पचन्क क अकेल्ला लम्बे समइ बरे काहे तजि देब्या?</verse>
				<verse number="21">हे यहोवा, हम लोगन क तू अपनी कइँती वापिस ल्या, अउर हम लोग लउटि आउब। हमार दिन फेर द्या जइसे उ पहिले रहेन।</verse>
				<verse number="22">का तू हम लोगन क पूरी तरह नकार दिहा ह? तू हम लोगन स बहोत कोहान रहा ह।</verse>
			</chapter>
		</book>
		<book number="26">
			<chapter number="1">
				<verse number="1">मइँ बूजी क पूत याजक यहेजकेल हउँ। मइँ देस स निकारा गवा रहेउँ। मइँ उ समइ बाबुल मँ कबार नदी पइ रहेउँ जब मोरे बरे सरग खुला अउर मइँ परमेस्सर क दर्सन किहेउँ। इ तीसवे बरिस क चउथे महीने जुलाई क पाँचवा दिन रहा। राजा यहोयाकीम क देस स निकारे गए पँचएँ बरिस अउर महीना क पँचए दिन यहेजकेल क यहोवा क सँदेसा मिला। उ ठउरे पइ ओकरे ऊपर यहोवा क सक्ति आइ।</verse>
				<verse number="2"></verse>
				<verse number="3"></verse>
				<verse number="4">मइँ (यहेजकेल) एक आँधी उत्तर स आवत लखेउँ। इ एक बिसाल बादर रहा अउर ओहमाँ स आगी चमकत रही। एकरे चारिहुँ कइँती प्रकास जगमगात रहा। इ आगी मँ चमकत तपत धातु क तरह देखात रहा।</verse>
				<verse number="5">बादरे क भीतर चार प्राणी रहेन। उ पचे मनइयन क तरह देखात रहेन।</verse>
				<verse number="6">किन्तु हर एक प्राणी क चार मुँह अउर चार पखना रहेन।</verse>
				<verse number="7">ओनकर गोड़ सोझ रहेन। ओनकर गोड़ बछवा क गोड़ जइसे देखात रहेन अउर उ पचे झलकत भए पीतर क तरह चमकत रहेन।</verse>
				<verse number="8">ओनकर पखना क खाले मनई क हाथ रहेन। हुआँ चार प्राणी रहेन अउर हर एक प्राणी क चार मुँह अउर चार पखना रहेन।</verse>
				<verse number="9">ओनकर पखना एक दूसर क छुअत रहेन। जब प्राणियन चलत रहेन तउ उ पचे मुड़त नाहीं रहेन। उ सबइ उ दिसा मँ चलत रहेन जेका लखत रहेन।</verse>
				<verse number="10">हर एक प्राणी क चार मुँह रहेन। समन्वा कइँती ओनकर चेहरा मनई क रहा। दाई कइँती सेर क चेहरा रहा। बाई कइँती बर्धा क चेहरा रहा अउर पाछे कइँती उकाब क चेहरा रहा।</verse>
				<verse number="11">प्राणियन क पखना ओनके ऊपर फइले भए रहेन। उ सबइ दुइनउँ पखनन स अपने लगे क प्राणी क दुइ पखनन क छुए भए रहेन अउ दुइ क आपन तन क ढाँपइ बरे उपयोग मँ लिहे रहेन।</verse>
				<verse number="12">उ सबइ प्राणी जब चलत रहेन तउ मुड़त नाहीं रहेन। उ सबइ उ दिसा मँ चलत रहेन जेका उ पचे लखत रहेन। उ पचे हुँवइ जात रहेन जहाँ आतिमा ओनका लइ जात रही।</verse>
				<verse number="13">हर एक प्राणी इ तरह देखात रहा। ओन प्राणियन क बीच क जगह मँ बरत भइ कोयला क आगी सा देखात रही। इ आगी नान्ह-नान्ह मसालन क तरह ओन प्राणियन क बीच चलत रही। आगी बड़के प्रकास क संग चमकत रही अउर बिजुरी क तरह कौंधत रही।</verse>
				<verse number="14">उ सबइ प्राणी बिजुरी क तरह तेजी स पाछे अउ अगवा कइँती दउड़त रहेन।</verse>
				<verse number="15">जब मइँ प्राणियन क लखेउँ तउ चार चक्र लखेउँ। हर एक प्राणी बरे एक ठु चक्र रहा। चक्र भुइयाँ क छुअत रहेन अउर सबइ चक्र एक तरह क रहेन। चक्र अइसे देखात रहेन माना पिअर सुद्ध मणि क बना होइँ। उ सबइ अइसे देखात रहेन माना एक चक्र क भीतरे दूसर चक्र होइ।</verse>
				<verse number="16"></verse>
				<verse number="17">उ सबइ चक्र कउनो भी दिसा मँ घूम सकत रहेन। किन्तु उ सबइ प्राणी जब चलत रहेन तउ मुड़त नाहीं रहेन।</verse>
				<verse number="18">ओन चक्रन क घेरन ऊँच अउर डेरावइवाला रहेन। ओन चारिहुँ चक्रन क घेरन मँ आँखिन ही आँखिन रहिन।</verse>
				<verse number="19">चक्र हमेसा प्राणियन क संग चलत रहेन। जदि प्राणी ऊपर हवा मँ जातेन तउ चक्र भी ओनके संग जातेन।</verse>
				<verse number="20">उ सबइ हुवँइ जातेन, जहाँ आतिमा ओनका लइ जात चाहत अउर चक्र ओनके संग जात रहेन। काहेकि प्राणियन क आतिमा चक्र मँ रही।</verse>
				<verse number="21">एह बरे जदि प्राणी चलत रहेन तउ चक्र भी चलत रहेन। जदि प्राणी रूक जात रहेन तउ चक्र भी रूक जात रहेन। जदि चक्र हवा मँ ऊपर जातेन तउ प्राणी ओनके संग जात रहेन। काहेकि आतिमा चक्र मँ रही।</verse>
				<verse number="22">प्राणियन क मूँड़ि क ऊपर एक अचरज करइवाली चीज रही। उ एक ठु उल्टे खोरे क नाई रही। खोरा बिल्लोर की नाईं स्वच्छ रहेन।</verse>
				<verse number="23">इ खोरा क खाले हर एक प्राणी क सोझ पखना रहेन जउन दूसर प्राणी तलक पहोंचत रहेन। हर एक क दूसर दुइ ठु पखना रहेन जउन ओकर तने क ढाँपत रहेन।</verse>
				<verse number="24">जब कबहुँ उ सबइ प्राणी चलत रहेन, ओनकर पखना बड़की तेज अवाज करत रहेन। मइँ उ अवाज क सुनेस। इ समुद्दर क गर्जना जइसी पइदा होत रही। उ सर्वसक्तीमान परमेस्सर क निचके स निकरइ क वाणी क नाई रही। उ कउनो फउजे क जन-समूह क सोर क तरह रही। जब उ प्राणी चलब बन्द करत रहेन तउ उ पचे आपन पखनन क आपन बगल मँ नीचे कइ लेत रहेन।</verse>
				<verse number="25">ओन प्राणियन चलब बन्द किहेन अउर आपन पखनन क समेटेन अउर हुवाँ फुन भीसन अवाज भइ। उ अवाज उ खोरे स भइ जउन मूँड़ि क ऊपर रहा।</verse>
				<verse number="26">उ खोरे क ऊपर हुवाँ कछू रहा जउन एक सिहांसन क तरह देखात रहा। इ नीलमणि क तरह नीला रहा। हुवाँ कउनो रहा जउन उ सिहांसने पइ बइठा भवा एक ठु मनई क तरह देखात रहा।</verse>
				<verse number="27">अउर मइँ ओका ओकर कमर क ऊपर लखेउँ। वह तप्त धातु की तरहा दिखा, मानो ओकरे चारिहुँ कइँती आगी होइ। अउर नीचे स कमर तलक उ आगी क नाईं दिखावइ देत रहा। अउर ओकरे चारिहुँ कइँती प्रकास जगमग करत रही।</verse>
				<verse number="28">ओकरे चारिहुँ कइँती चमकत प्रकास बादरन मँ इन्दर धनुस जइसा रहा। इ यहोवा क महिमा जइसा देखात रहा। जइसेन ही मइँ उ लखेउँ, मइँ धरती पइ भहराइ गएउँ। मइँ धरती पइ आपन माथा टेकेउँ। तब मइँ एक अवाज सम्बोधित करत भए सुनेउँ।</verse>
			</chapter>
			<chapter number="2">
				<verse number="1">उ वाणी कहेस, “मनई क पूत, खड़ा होइ जा अउर मइँ तोहसे बातन करब।”</verse>
				<verse number="2">तब आतिमा मोका गोड़न पइ सोझ खड़ा कइ दिहस अउर मइँ ओका सुनेउँ जउन मोहसे बातन करत रहा।</verse>
				<verse number="3">उ मोहसे कहेस, “मनई क पूत, मइँ तोहका इस्राएल क परिवार स कछू कहइ बरे पठवत हउँ। उ सबइ लोग कइउ दाईँ मोरे खिलाफ भएन। ओनकर पुरखन भी मोरे खिलाफ भएन। उ पचे मोरे खिलाफ कइउ दाईँ पाप किहेन अउर उ पचे आजु तलक मोरे खिलाफ अब भी पाप करत अहइँ।</verse>
				<verse number="4">मइँ तोहका ओन लोगन स कछू कहइ बरे पठवत हउँ। किन्तु उ पचे बहोत हठी अहइँ। उ पचे बड़के कठोर चित्तवाले अहइँ। किन्तु तोहका ओन लोगन स बातन करब अहइ। तोहका कहइ चाही, ‘हमार सुआमी यहोवा इ सबइ बातन बतावत ह।’</verse>
				<verse number="5">उ सबइ लोग तोहार सुनिहीं या न भी सुनिहीं। काहेकि उ पचे बहोत बिद्रोही लोग अहइँ, उ पचे सदा मोरे खिलाफ होइ जात हीं। मुला तोहका उ सबइ बातन कहइ चाही जेहसे उ पचे समुझ सकइँ कि ओनके बीच मँ कउनो नबी रहत बाटइ।</verse>
				<verse number="6">“मनई क पूत ओन लोगन स डेराअ नाहीं। जउन उ पचे कहइँ ओहसे डेराअ नाहीं। इ फुरइ अहइ कि उ पचे तोहरे खिलाफ होइ जइहीं अउर तोहका चोट पहोंचाउब चइहीं। तू अइसा सोचब्या कि तू बीछियन क बीच रहत अहा। मुला उ पचे जउन कहइँ ओनसे डेराअ नाहीं। उ पचे बिद्रोही लोग अहइँ। किन्तु ओनसे डेराअ नाहीं।</verse>
				<verse number="7">तोहका ओनसे उ बात कहइ चाही जउन मइँ कहत हउँ। चाहे उ पचे तोहार सुनि या ना सुनि। काहेकि उ पचे बिद्रोही लोग अहइँ।</verse>
				<verse number="8">“मनई क पूत, तोहका ओन बातन क सुनइ चाही जेनका मइँ तोहसे कहत हउँ। ओन बिद्रोही लोगन क तरह मोरे खिलाफ जिन जा। आपन मुँह खोला जउन बात मइँ तोहसे कहत हउँ, अंगीकार करा अउर ओन बचनन क लोगन स कहा। एन बचनन क खाइ ल्या।”</verse>
				<verse number="9">तब मइँ (यहेजकेल) एक भुजा क आपन कइँती बढ़त लखेउँ। उ एक ठु गोल कीन्ह भवा लम्बा पत्र जेह पइ बचन लिखे रहेन, धरे भए रहा।</verse>
				<verse number="10">मइँ उ गोल कीन्ह भए पत्र क खोलेउँ अउर ओह पइ समन्वा अउ पाछे बचन लिखे रहेन। ओहमाँ सबहिं तरह क करूण गीत, सबइ कथा अउर चितउनियन रहिन।</verse>
			</chapter>
			<chapter number="3">
				<verse number="1">परमेस्सर मोहसे कहेस, “मनई क पूत, जउन तू लखत अहा ओका खाइ जा। इ गोल कीन्ह गए पत्र क खाइ जा अउर तब जाइके इस्राएल क लोगन स इ सबइ बातन कहा।”</verse>
				<verse number="2">एह बरे मइँ आपन मुँह खोलेउँ अउर उ गोल कीन्ह गए पत्र क मुँह मँ रखेस।</verse>
				<verse number="3">तब परमेस्सर कहेस, “मनई क पूत, मइँ तोहका इ गोल कीन्ह गए पत्र क देत अहउँ। एक लील जा। इ गोल कीन्ह गए पत्र क आपन तने मँ भर जाइ द्या।” एह बरे मइँ गोल कीन्ह गए पत्र क खाइ गएउँ। इ मोरे मुँह मँ सहद क तरह मीठा रहा।</verse>
				<verse number="4">तब परमेस्सर मोहसे कहेस, “मनई क पूत, इस्राएल क परिवार मँ जा। मोर कहे भए बचन ओनसे कहा।</verse>
				<verse number="5">मइँ तोहका कउनो बिदेसियन मँ नाहीं पठवत हउँ जेनकर बातन तू समुझ न सका। तोहका दूसर भाखा सीखइ नाहीं पड़ी। मइँ तोहका इस्राएल क परिवार मँ पठवत हउँ।</verse>
				<verse number="6">मइँ तोहका बहोत स रास्ट्र मँ नाहीं पठवत हउँ जहाँ लोग अइसी भाखा बोलत हीं कि तू समुझ नाहीं सकत्या। जदि तू ओन लोगन क लगे जाब्या अउर ओनसे बातन करब्या तउ उ पचे तोहार सुनिहीं। किन्तु तोहका ओन कठिन सबइ भाखा क नाहीं समुझब अहइ।</verse>
				<verse number="7">नाहीं। मइँ तउ तोहका इस्राएल क परिवार मँ पठवत हउँ। केवल वे ही लोग ही कठोर चित्त चाले अहइँ-उ पचे बहोत हठी अहइँ अउर इस्राएल क लोग तोहार सुनइ स इन्कार कइ देइहीं। उ पचे मोर सुनब नाहीं चाहतेन।</verse>
				<verse number="8">मुला मइँ तोहका ओतना ही हठी बनाउब जेतना उ पचे अहइँ। तोहार चित्त ठीक ओतना ही कठोर होइ जेतना ओनकर।</verse>
				<verse number="9">हीरा आगी क चट्टान से भी जियादा कठोर होत ह। उहइ तरह तोहार चित्त ओनकर चित्त स जियादा कठोर होइ। तू ओनसे जियादा हठी होब्या। एह बरे तू ओन लोगन स नाहीं डेराअ। तू ओन लोगन स नाहीं डेराब्या जउन हमेसा मोरे खिलाफ जात हीं।”</verse>
				<verse number="10">तब परमेस्सर मोहसे कहेस, “मनई क पूत, तोहका मोर हर एक बात, जउन मइँ तोहसे कहत हउँ, सुनइ क होइ अउर तोहका ओन बातन क याद रखब होइ।</verse>
				<verse number="11">तब तू आपन ओन सबहिं लोगन क बीच जा जउन देस-निकारा अहइँ। ओनके लगे जा अउर कहा, ‘हमार सुआमी यहोवा इ सबइ बातन कहत ह,’ उ पचे मोर नाहीं सुनिहीं अउर उ पचे पाप करब बन्द नाहीं करिहीं। किन्तु तोहका इ सबइ बातन कहब अहइ।”</verse>
				<verse number="12">तब आतिमा मोका ऊपर उठाएस। तब मइँ आपन पाछे एक आवाज सुनेउँ। इ बिजुरी क कड़क क तरह बहोत तेज रही। उ कहेस, “ओकरे स्थान स यहोवा क महिमा क गुनगान करा।”</verse>
				<verse number="13">तब प्राणियन क पखना हिलब सुरू भएन। पखनन, जब एक दूसर क छुएन, तउ उ पचे बड़की तेज अवाज क अउर ओनके समन्वा क चक्र बिजुरी क कड़क क तरह प्रचण्ड घोस करइ लागेन।</verse>
				<verse number="14">आतिमा मोका उठाएन अउर दूर लइ गइ। मइँ उ जगह तजेउँ। मइँ बहोत दुःखी रहेउँ अउर मोर आतिमा बहोत असान्त रही किन्तु यहोवा क सक्ति मोरे भीतर प्रबल रही।</verse>
				<verse number="15">मइँ इस्राएल क ओन लोगन क लगे गएउँ जेका तेलाबीब मँ कबार नदी क किनारे रहइ क मजबूर कीन्ह ग रहेन। मइँ ओन लोगन क बीच मँ सात दिना तलक सोक मँ बइठा रहा।</verse>
				<verse number="16">सात दिना पाछे यहोवा क सँदेसा मोका मिला। उ कहेस,</verse>
				<verse number="17">“मनई क पूत, मइँ तोहका इस्राएल क सन्तरी बनावत हउँ। मइँ ओन बुरी सबइ घटना क बताउब जउने ओनके संग घटित होइहीं अउर तोहका इस्राएल क ओन सबइ घटना क बारे मँ चितउनी देइ चाही।</verse>
				<verse number="18">जदि मइँ कहत हउँ, ‘इ बुरा मनई मरी।’ तउ तोहका इ चितउनी ओका देइ चाही। तोहका ओहसे कहइ चाही कि उ आपन जिन्नगी बदलइ अउर बुरा करम करब बन्द करइ। जदि तू उ मनई क चितउनी नाहीं देब्या तउ उ मरि जाइ। उ मरी काहेकि उ पाप किहस। किन्तु मइँ तोहका भी ओकर मउत क बरे उत्तरदायी बनाउब। काहेकि तू ओकरे लगे नाहीं गया अउर ओकरे जिन्नगी क नाहीं बचाया।</verse>
				<verse number="19">“इ होइ सकत ह कि तू कउनो मनई क चितउनी देब्या, ओका ओकरे जिन्नगी क बदलइ बरे समुझउब्या अउर बुरा काम न करइ क कहब्या। जदि उ मनई तोहार अनसुनी करत ह तउ मरि जाइ। उ मरी काहेकि उ पाप किहे रहा। किन्तु तू ओका चितउनी दिहा, एह बरे तू आपन जिन्नगी बचाइ लिहा।</verse>
				<verse number="20">“या इ होइ सकत ह कि कउनो नीक मनई अच्छा बनब रहइ तज देइ। मइँ ओकरे समन्वा कछू अइसा लाइके रख देउँ कि उ ओकर पतन करइ। उ बुरे करम करब सुरू करी। एह बरे उ मरी। उ मरी, काहेकि उ पाप करत अहइ अउर तू ओका चितउनी नाहीं दिहा। मइँ तोहका ओकर मउत बरे जिम्मेदार बनाउब, अउर लोग ओकरे जरिये कीन्ह गए सबहिं नीक कार्यन क याद नाहीं करिहीं।</verse>
				<verse number="21">“किन्तु जदि तू उ नीक मनई क चितउनी देत अहा अउर ओका पाप करब बन्द करइ क कहत अहा, अउर जदि उ पाप करब बन्द कइ देत ह, तब उ नाहीं मरी। काहेकि तू ओका चितउनी दिहा अउर उ तोहार सुनेस। इ तरह तू आपन जिन्नगी बचाया।”</verse>
				<verse number="22">तब यहोवा क सक्ति मोरे ऊपर आई। उ मोहसे कहेस, “उठा अउर घाटी मँ जा। मइँ तोहसे उ ठउरे पइ बात करब।”</verse>
				<verse number="23">एह बरे मइँ खड़ा भएउँ अउर बाहेर घाटी मँ गएउँ। यहोवा क महिमा हुआँ परगट भइ ठीक वइसेन ही, जइसा मइँ ओका कबार नदी क सहारे लखे रहेउँ। एह बरे मइँ धरती पइ आपन मूँड़ि निहुराएउँ।</verse>
				<verse number="24">किन्तु “आतिमा” आइ अउर उ मोका उठाइके मोरे गोड़न पइ खड़ा कइ दिहेस। उ मोहसे कहेस, “घर जा अउर आपन क अपने घरे क ताले क भीतर बन्द कइ ल्या।</verse>
				<verse number="25">मनई क पूत, लोग रस्सी क संग अइहीं अउर तोहका बाँध देइहीं। उ पचे तोहका लोगन क बीच बाहेर जाइ नाहीं देइहीं।</verse>
				<verse number="26">मइँ तोहार जीभ क तोहरे तालु स चिपकाइ देब, तू बात करइ जोग्ग नाहीं रहब्या। एह बरे तू लोगन क ओनकर मार्ग क सुधारइ बरे कछू कहइ क जोग्य नाहीं रहब्या। काहेकि उ पचे लोग सदा मोरे खिलाफ जात अहइँ।</verse>
				<verse number="27">किन्तु मइँ तोहसे बातचीत करब तब मइँ तोहका बोलइ देब। किन्तु तोहका ओनसे कहइ चाही, ‘हमार सुआमी यहोवा इ सबइ बातन कहत ह।’ जदि कउनो मनई सुनइ चाहत ह तउ इ बहोत अच्छा अहइ। जदि कउनो मनई एका नाहीं सुनइ चाहत, तउ न सुनइ। किन्तु उ सबइ लोग सदा मोरे खिलाफ जात रहेन।</verse>
			</chapter>
			<chapter number="4">
				<verse number="1">“मनई क पूत, एक ठु ईंटा ल्या। एह पइ एक चित्र खींचा। एक नगर क, अर्थात यरूसलेम क एक ठु चित्र बनावा</verse>
				<verse number="2">अउर तब उ तरह कार्य करा माना तू उ नगर क घेरा डाए भए फउज अहा। नगर क चारिहुँ कइँती एक ठु माटी क देवार एह पइ हमला करइ मँ मदद बरे बनावा। नगर क देवार तलक पहोंचइ वाली एक ठु ढलान बनावा। तोड़ फोड़ करइवाले लट्ठन क लिआवा अउर नगर क चारिहुँ कइँती फउजी डेरन क खड़ा करा</verse>
				<verse number="3">अउर तब तू एक ठु लोहा क कड़ाही ल्या अउर एका आपन अउर नगर क बीच रखा। इ एक लोहा क देवार क तरह होइ, जउन तोहका अउर नगर क अलग करी। इ तरह तू इ प्रदर्सित करब्या कि तू उ नगर क खिलाफ अहा। तू उ नगर क घेरब्या अउर ओह पइ हमला करब्या। काहेकि इ इस्राएल क परिवार बरे एक ठु उदाहरण होइ। इ प्रदर्सित करी कि मैं (परमेस्सर) यरूसलेम क नस्ट करब।</verse>
				<verse number="4">“तब तोहका आपन बाईं करवट ओलरइ चाही। तउ तू इस्राएल क लोगन क पापन्क क घोसणा करा। तू ओनकइ पाप क सारे दिनन तलक ढोउब्या जेतने दिनन तलक तू आपन बाईं करवट ओलरब्या।</verse>
				<verse number="5">तू इ तरह इस्राएल क पाप क तीन सौ नब्बे दिनन तलक घोसणा करब्या। इ तरह मइँ तोहका बतावत हउँ कि इस्राएल, एक दिन एक बरिस क बराबर क केतने लम्बे समय तलक दण्डित होइ।</verse>
				<verse number="6">“उ समइ क पाछे तू आपन दाहिन करवट चालीस दिनन तलक ओलरब्या। इ समइ क दौरान तू यहूदा क पापन्क बरे घोसणा करब्या। इ तरह स मइँ तोहका बतावत हउँ कि यहूदा क केतने लम्बे बरिस बरे दण्ड देइ चाही। एक दिन एक बरिस क होइ।”</verse>
				<verse number="7">परमेस्सर फिन बोला। उ कहेस, “अब, आपन आस्तानन क मोड़ ल्या अउर आपन हाथन क ईंटा क ऊपर उठावा। अइसा देखावा माना तू यरूसलेम नगर पइ हमला करत अहा। एका इ देखावइ बरे करा कि तू मोर नबी क रूप मँ लोगन स बातन करत अहा।</verse>
				<verse number="8">एँह पइ धियान राखा, मइँ तोहका लसुरियन स बाँधत अहउँ। तू तब तलक एक बगल स दूसरी बगल करवट नाहीं लइ सकत्या जब तलक तोहरे नगर पइ हमला खतम नाहीं हो।”</verse>
				<verse number="9">परमेस्सर इ भी कहेस, “तोहका रोटी बनावइ बरे कछू अन्न लिआवइ चाही। कछू गोहूँ, जौ, सेम, मसूर, तिल, बजरी अउर कठिया गोहूँ लिआवा। इ सबहिं क एक ठु खोरा मँ मिलावा अउर ओनका पीसिके आटा बनावा। तोहका इ आटे क उपयोग रोटी बनावइ बरे करइ क होइ। तू सिरिफ इहइ रोटी क तीन सौ नब्बे दिनन तलक आपन बगल क सहारे ओलरे भए खाब्या।</verse>
				<verse number="10">तोहका सिरिफ एक पियाला उ आटा रोटी बनावइ बरे प्रतिदिन उपयोग करइ क होइ। तू उ रोटी क पूरे दिन मँ समइ-समइ पइ खाब्या।</verse>
				<verse number="11">अउर तू सिरिफ तीन पियाला पानी प्रतिदिन पी सकत ह।</verse>
				<verse number="12">तोहका प्रतिदिन आपनी रोटी बनावइ चाही। तोहका मनई क झुरान मैला लिआइके बारइ चाही। तब तोहका उ जरत मैला पइ आपन रोटी पकावइ चाही। तोहका इ रोटी क लोगन क समन्वा खाइ चाही।”</verse>
				<verse number="13">तब यहोवा कहेस, “इ प्रदर्सित करी कि इस्राएल क परिवार विदेसन मँ अपवित्तर रोटियन क खाइ अउर मइँ ओनका इस्राएल क तजइ अउर ओन देसन मँ जाइ क बिवस किहे रहेउँ।”</verse>
				<verse number="14">तब मइँ (यहेजकेल) अचरज स कहेउँ, “किन्तु मोरे सुआमी यहोवा, मइँ अपवित्तर खइया क कबहुँ नाहीं खाएउँ। मइँ कबहुँ उ जनावरे क माँस नाहीं खाएउँ, जउन कउनो रोग स मरा होइ या जंगली जनावर मारि डाए होइ। मइँ बचपन स लइके अब तलक कबहुँ अपवित्तर माँस नाहीं खाएउँ ह। मोरे मुँहे मँ कउनो भी वइसा बुरा माँस कबहुँ नाहीं गवा ह।”</verse>
				<verse number="15">तब परमेस्सर मोहसे कहेस, “ठीक बाटइ। मइँ तोहका रोटी पकावइ बरे गइया क झुरान गोबर उपयोग मँ लिआवइ देब। तोहके मनई क झुरान मैला क उपयोग नाहीं करब होइ।”</verse>
				<verse number="16">तब परमेस्सर मोहसे कहेस, “मनई क पूत, मइँ यरूसलेम क रोटी क आपूर्ति क नस्ट करत हउँ। लोगन क लगे खाइ बरे रोटियन नाहीं क बराबर होइहीं। उ पचे आपन भोजन आपूर्ति बरे बहोत परेसान होइहीं अउर ओनके बरे पानी नाहीं क बराबर अहइ। उ पचे उ पानी क पिअत समइ बहोत भयभीत होइहीं।</verse>
				<verse number="17">काहेकि लोगन बरे पर्याप्त भोजन अउ पानी नाहीं होइ। लोग एक दूसर क लखिके भयभीत होइहीं काहेकि उ पचे आपन पापन क कारण एक दूसर क नस्ट होत भवा लखिहीं।</verse>
			</chapter>
			<chapter number="5">
				<verse number="1">“मनई क पूत आपन उपवास क समइ क पाछे तोहका इ सबइ काम करइ चाही। तोहका एक तेज तरवार लेइ चाही। उ तरवार क उपयोग नाऊ क उस्तरे क तरह करा। तू आपन बार अउ दाढ़ी ओहसे काट ल्या। बारन क तराजू मँ धरा अउ तउला। आपन बारन क तीन हींसा मँ बाँटा। आपन बारन क एक तिहाई हींसा उ ईंटा पइ धरा जेह पइ नगर क चित्र बना ह। उ ‘नगर’ मँ ओन बारन क जरावा। इ प्रदर्सित करत ह कि कछू लोग नगर की भीतर मरिहीं। तब तरवार क उपयोग करा अउर आपन बारन क एक तिहाई क नान्ह-नान्ह टूकन मँ काट डावा। ओन बारन क उ नगर क चारिहुँ कइँती धरा। इ प्रदर्सित करी कि कछू लोग ‘नगर’ क बाहेर मरिहीं। तब आपन बारन क एक तिहाई क हवा मँ उड़ाइ द्या। एनका हवा क दूर उड़ाइ लइ जाइ द्या। इ प्रदर्सित करी कि मइँ आपन तरवार निकारब अउर कछू लोगन क पाछा कइके ओनका दूर देसन मँ भगाइ देब।</verse>
				<verse number="2"></verse>
				<verse number="3">किन्तु तब तोहका जाइ चाही अउर ओन बारन मँ स कछू क लिआवइ चाही। ओन बारन क लिआवा, ओनका ढका अउर ओनकर रच्छा करा। इ प्रदर्सित करी कि मइँ आपन मँ स कछू क बचाउब</verse>
				<verse number="4">अउर तब ओन उड़े भए बारन मँ स कछू अउर जियादा बारन क लिआवा। ओन बारन क आगी मँ झोंकि द्या। इ प्रदर्सित करत ह कि आगी हुवाँ सुरू होइ अउर इस्राएल क पूरे खानदान क बारिके नस्ट कइ देइ।”</verse>
				<verse number="5">तब मोर सुआमी यहोवा मोहसे कहेस, “उ ईटां यरूसलेम अहइ, मइँ इ यरूसलेम नगर क दूसर रास्ट्रन क बीच रखा ह, इ समइ इस्राएल क चारिहुँ ओर दूसर देस अहइँ।</verse>
				<verse number="6">यरूसलेम क लोग मोरे आदेसन क बरे विद्रोह किहन। उ पचे दूसर कउनो रास्ट्र स जियादा बुरे रहेन। उ पचे मोरे नेमन क ओहसे भी जियादा तोड़ेन जेतना ओनके चारिहुँ कइँती क कउनो भी देस क लोग तोड़ेन। उ पचे मोरे आदेसन क सुनइ स इनकार कइ दिहन। उ पचे मोर व्यवस्था क पालन नाहीं किहन।”</verse>
				<verse number="7">एह बरे मोर सुआमी यहोवा कहेस, “मइँ तू लोगन पइ भयंकर विपत्तियन लिआउब। काहेकि तू मोर आदेसन क पालन नाहीं किहा। तू लोग मोरे नेमन क आपन चारिहुँ कइँती रहइवाले लोगन स भी जियादा तोड़या। तू लोग उ सबइ काम भी किहा जेनका उ सबइ लोग भी गलत कहत हीं।”</verse>
				<verse number="8">एह बरे मोर सुआमी यहोवा कहत ह, “एह बरे मइँ भी तोहरे पचन्क विरूद्ध हउँ, मइँ तू पचन्क इ तरह दण्ड देब जेहसे दूसर लोग भी लखि सकइँ।</verse>
				<verse number="9">मइँ तू लोगन क संग उ करब जेका मइँ पहिले कबहुँ नाहीं किहेउँ। मइँ ओन भयानक कामन क फिन कबहुँ नाहीं करब। काहेकि तू पचे ऍतना जियादा भंयकर काम किहा।</verse>
				<verse number="10">यरूसलेम मँ लोग भूख स एतना तड़पिही कि महतारी-बाप आपन गदेलन क खाइ जइहीं अउर गदेलन आपन महतारी-बाप क खाइ जइहीं। मइँ तू पचन्क कइउ तरह स दण्ड देब अउर जउन लोग जिअत बचा अहइँ, ओनका मइँ हवा मँ बिखेर देब।”</verse>
				<verse number="11">मोर सुआमी यहोवा कहत ह, “यरूसलेम, मइँ आपन जिन्नगी क किरिया खाइके कहत हउँ कि मइँ तू पचन्क दण्ड देब। मइँ प्रतिग्या करत हउँ कि मइँ तू पचन्क दण्ड देब। काहेकि तू पचे मोर ‘पवित्तर ठउर’ क खिलाफ भयंकर पाप किहा। तू पचे उ सबइ भयानक काम किहा जउन एका गन्दा बनाइ दिहन। मइँ तू पचन्क दण्ड देब। मइँ तू पचन्क पइ दाया नाहीं करब। मइँ तू पचन बरे दुःख क अनुभव नाहीं करब।</verse>
				<verse number="12">तोहार पचन्क एक तिहाई लोग नगर क भीतर रोग अउ भूख स मरिहीं। तोहार पचन्क एक तिहाई लोग नगर क भीतर रोग अउ भूख स मरिहीं। तोहार पचन्क एक तिहाई लोग जुद्ध मँ नगर क बाहेर मरिहीं अउर तोहार लोगन क एक तिहाई क मइँ आपन तरवार निकारिके ओनकर पाछा कइके ओनका दूर देसन मँ खदेड़ देब।</verse>
				<verse number="13">सिरिफ तब मइँ तोहरे लोगन पइ किरोधित होब बन्द करब। मइँ समुझ लेब कि उ पचे ओन बुरे कामन क बरे दण्डित भएन ह जउन उ पचे मोर संग किहे रहेन अउर उ पचे समुझिहीं कि मइँ यहोवा हउँ अउर मइँ ओन लोगन क बिरोध मँ आपन गैरत क कारण बात किहेउँ।”</verse>
				<verse number="14">परमेस्सर कहेस, “यरूसलेम मइँ तोहका नस्ट करब तू पाथरन क ढ़ेर क अलावा दूसर कछू नाहीं रहि जाब्या। तोहरे चारिहुँ कइँती लोग तोहार हँसी उड़ाइ हीं। हर एक मनई जउन तोहरे लगे स गुजरी तोहार हँसी उड़ई।</verse>
				<verse number="15">तोहरे चारिहुँ कइँती क लोग तोहार हँसी उड़इहीं, किन्तु ओनके बरे तू एक सबक भी बनब्या। उ पचे लखिहीं कि मइँ कोहान रहा अउर मइँ तोहका दण्ड दिहेउँ। मइँ बहोत कोहान रहा। मइँ तोहका चितउनी दिहे रहेउँ। मोका, यहोवा तोहसे कहे रहा कि मइँ का करउँ।</verse>
				<verse number="16">मइँ कहे रहेउँ कि मइँ तोहरे लगे भयंकर भुखमरी क समइ पठउब। मइँ तोहसे कहे रहेउँ, मइँ ओन चीजन क पठउब जउन तोहका नस्ट करिहीं अउर तोहसे कहे रहा कि मइँ तोहार भोजन क आपूर्ति छोर लेब, अउर उ भूखमरी क उ समइ बार-बार आवा।</verse>
				<verse number="17">मइँ तोहसे कहे रहेउँ कि मइँ तोह पइ भूख अउ जंगली पसु पठउब, जउन तोहरे लरिकन क मारि डइहीं। मइँ तोहसे कहे रहेउँ कि पूरे नगर मँ रोग अउर मउत क राज्ज होइ अउर मइँ ओन दुस्मन-फउजियन क तोहरे खिलाफ लड़इ बरे लिआउब। मोका यहोवा इ कहे रहा, इ सबइ बातन घटित होइहीं अउर सबहिं घटित भइन।”</verse>
			</chapter>
			<chapter number="6">
				<verse number="1">तब यहोवा क बचन मोरे लगे फुन आवा।</verse>
				<verse number="2">उ कहेस, “मनई क पूत इस्राएल क पर्वतन कइँती मुड़ा। उनके बिरूध नबूवत करा।</verse>
				<verse number="3">ओन पर्वतन स इ कहा: ‘इस्राएल क पर्वतो, मोर सुआमी यहोवा कइँती स इ सँदेसा सुना। मोर सुआमी यहोवा पहाड़ियन, पर्वतन, घाटियन अउर खार-खड्डन स इ कहत ह। धियान द्या। मइँ (परमेस्सर) दुस्मन क तू सबन्क खिलाफ लड़इ बरे लिआवत हउँ। मइँ तोहार सबन्क उच्च ठउरन क नस्ट कइ देब।</verse>
				<verse number="4">तोहार सबन्क वेदियन क तोरिके टूका-टूका कइ दीन्ह जाइ तोहार सबन्क सुगन्धि चढ़ावइ क वेदियन ध्वस्त कइ दीन्ह जइहीं। अउर मइँ तोहार सबन्क ल्हासन क तोहार सबन्क गन्दी मूरतियन क समन्वा लोकाउब।</verse>
				<verse number="5">मइँ इस्राएल क लोगन क ल्हासन क ओनकर देवतन क गन्दी मूरतियन क समन्वा लोकाउब। मइँ तोहार सबन्क हाड़न क तोहरे पचन्क वेदियन क चारिहुँ ओर बिखेरब।</verse>
				<verse number="6">जहाँ कहूँ तोहार लोग रहिहीं ओन पइ विपत्तियन अइहीं। ओनकर नगर पाथरन क ढेर बनिहीं। ओनकर उच्च ठउरन नस्ट कीन्ह जइहीं। काहे एह बरे कि ओन पूजा ठउरन क उपयोग दुबारा न होइ सकइ। उ सबइ सबहिं वेदियन नस्ट कइ दीन्ह जइहीं। लोग फुन कबहुँ ओन गन्दी मूरतियन क नाहीं पूजिहीं। ओन सुगन्धि वेदियन क ध्वस्त कीन्ह जाइ। जउन चिजियन तू पचे बनावत ह उ सबइ पूरी तरह नस्ट कीन्ह जइहीं।</verse>
				<verse number="7">तोहार लोग मारा जइहीं अउर तब तू जनब्या कि मइँ यहोवा हउँ।’”</verse>
				<verse number="8">परमेस्सर कहेस, “किन्तु मइँ तोहरे कछू लोगन क बच निकरइ देब। उ पचे थोड़े समइ तलक विदेसन मँ रहिहीं। मइँ ओनका बिखेरब अउर दूसर देसन मँ रहइ बरे मजबूर करब।</verse>
				<verse number="9">तब उ पचे बचे भए लोग बन्दी बनावा जइहीं। उ पचे बिदेसन मँ रहइ क मजबूर कीन्ह जइहीं। किन्तु उ पचे बचे भए लोग मोका याद रखिहीं। मइँ ओनकर आतिमा क खण्डित किहेउँ। जउने पापन क उ पचे किहेन, ओकरे बरे उ पचे खुद ही घिना करिहीं। बीते समइ मँ उ पचे मोहसे विमुख भए रहेन। अउर दूर होइ ग रहेन। उ पचे आपन गन्दी मूरतियन क पाछे लगे भए रहेन। उ पचे उ समइ मेहरारू क नाई रहेन जउन आपन भतार क तजिके, कउनो दूसर मनई क पाछे धावइ लाग। उ पचे बड़े भयंकर पाप किहन।</verse>
				<verse number="10">किन्तु उ पचे समुझ जइहीं कि मइँ यहोवा हउँ अउर उ पचे इ जनिहीं कि जदि मइँ कछू करइ बरे कहब तउ मइँ ओका करब। उ पचे समुझ जइहीं कि उ पचे सब विपत्तियन जउन ओन पइ आई अहइँ, मइँ डाएउँ ह।”</verse>
				<verse number="11">तब मोर सुआमी यहोवा मोहसे कहेस, “हाथन स ताली बजावा अउर आपन गोड़ पीटा। ओन सबहिं भयंकर चिजियन क खिलाफ कहा जेनका इस्राएल क लोग किहन ह। ओनका चितउनी द्या कि उ सबइ रोग अउ भूख स मारा जइहीं। ओनका बतावा कि उ पचे जुद्ध मँ मारा जइहीं।</verse>
				<verse number="12">दूर क लोग रोग स मरिहीं। समीप क लोग तरवार स मारा जइहीं। जउन लोग नगर मँ बचा रहिहीं, उ पचे भूख स मरिहीं। मइँ तबहिं किरोध करब तजब,</verse>
				<verse number="13">अउर सिरिफ तबहिं तू जनब्या कि मइँ यहोवा अहउँ। तू इ तब समुझब्या जब तू आपन ल्हासन क गन्दी मूरतियन क समन्वा अउर वेदियन क चारिहुँ कइँती लखब्या। तोहार पूजा क ओन हर ठउरन क निचके, हर एक ऊँच पहा़ड़ी, पर्वत तथा हर एक हरिअर बृच्छ अउर पत्तेवाले हर एक बाँझ बृच्छ क नीचे, उ सबइ ल्हास होइहीं। ओन सबहिं ठउरन पइ तू आपन बलि-भेंट किहा ह। उ पचे तोहार गन्दी मूरतियन बरे मधुर गन्ध रहिन।</verse>
				<verse number="14">किन्तु मइँ आपन हाथ तू लोगन पइ उठाउब अउर तोहका तोहरे लोगन क जहाँ कहूँ उ पचे रहेन, सजा देब। मैं तोहरे देस क नस्ट करब। इ दिबला रेगिस्तान स भी जियादा सूनी होइ। तब उ पचे जनिहीं कि मइँ यहोवा हउँ।”</verse>
			</chapter>
			<chapter number="7">
				<verse number="1">तब यहोवा क बचन मोका मिला।</verse>
				<verse number="2">उ कहेस, “मनई क पूत, अब मोर सुआमी यहोवा क इ सँदेसा अहइ। इ सँदेसा इस्राएल देस बरे अहइ: “अन्त! अन्त आइ ग अहइ। पूरा देस नस्ट होइ जाइ।</verse>
				<verse number="3">अब तोहार अन्त आइ ग अहइ। मइँ देखाउब कि मइँ तोह पइ केतना कोहान हउँ। मइँ तोहका ओन बुरे कामन बरे दण्ड देब जउन तू किहा। जउन भयंकर काम तू किहा ओनके बरे मइँ तोहसे भुगतान कराउब।</verse>
				<verse number="4">मइँ तोहरे ऊपर तनिक भी दाया नाहीं करब। मइँ तोहरे बरे अफसोस नाहीं करब। मइँ तोहका तोहरे बुरे कामन बरे दण्ड देत हउँ। तू भयानक कामन क किहा ह। अब तू समुझ जाब्या कि मइँ यहोवा हउँ।”</verse>
				<verse number="5">मोर सुआमी यहोवा इ सबइ बातन कहेस। “एक क बाद एक बिपत्तियन अइहीं।</verse>
				<verse number="6">अन्त आवत अहइ अउर इ बहोत हाली आइ।</verse>
				<verse number="7">इस्राएल क लोगो, का तू सीटी सुन्या ह दुस्मन आवत अहइ। उ दण्ड क समइ हाली आवत अहइ। दुस्मन क सोरगुल पर्वतन पइ जियादा स जियादा बढ़त जात अहइ।</verse>
				<verse number="8">मइँ हाली ही देखाइ देब कि मइँ केतना कोहान हउँ। मइँ तोहरे खिलाफ आपन पूरे किरोध क परगट करब। मइँ ओन बुरे कामन बरे दण्ड देब जउन तू किहा। मइँ ओन सबहिं भयानक कामन बरे तोहसे भुगतान कराउब जउन तू किहा।</verse>
				<verse number="9">मइँ तोह पइ तनिक भी दाया नाहीं करब मइँ तोहरे बरे अफसोस नाहीं करब। मइँ तोहका तोहरे बुरे कामन बरे दण्ड देत हउँ। तू जउन भयानक काम किहा ह, अब तू जानब्या कि मइँ यहोवा हउँ अउर मइँ दण्ड भी देत हउँ।</verse>
				<verse number="10">“दण्ड क उ समइ आइ गवा। का तू सीटी सुनत अहा? परमेस्सर संकेत दिहस ह। दण्ड आरम्भ होत अहइ। डारी अकुंरित होइ लाग अहइ। घमण्डी राजा (नवूकदनेस्सर) पहिले स ही जियादा सक्तिसाली होत जात रहा।</verse>
				<verse number="11">उ हिंसक मनई ओन बुरे लोगन क दण्ड देइ बरे तैयार अहइ। इस्राएल मँ लोगन क गिनती बहोत अहइ, किन्तु उ ओनमाँ स नाहीं अहइ। उ उ भीड़ क मनई नाहीं अहइ। उ ओन लोगन मँ स कउनो महत्वपूर्ण प्रमुख नाहीं अहइ।</verse>
				<verse number="12">“उ दण्ड क समइ आइ ग अहइ। उ दिन आइ पहोंचा। जउन लोग चिजियन खरीदन हीं, प्रसन्न नाहीं होइहीं अउर जउन लोग चिजियन बेचत हीं, उ पचे ओनका बेचइ मँ बुरा नाहीं मानिहीं। काहेकि उ भयंकर दण्ड हर एक मनई बरे होइ।</verse>
				<verse number="13">जउन लोग आपन स्थायी सम्पत्ति बेचिहीं उ पचे ओका कबहुँ नाहीं पइहीं। जदि कउनो मनई जिअत नाहीं भी बचा रही तउ भी उ आपन स्थायी सम्पत्ति वापस नाहीं पाइ सकत। काहेकि इ दर्सन लोगन क पूरे समूह क बरे अहइ। कउनो भी मनई अन्याय कइके आपन क बलवान नाहीं कइ पाइहीं।</verse>
				<verse number="14">“उ सबइ लोगन क चितउनी देइ बरे तुरही बजइहीं। लोग जुद्ध बरे तइयार होइहीं। किन्तु उ पचे जुद्ध करइ क बरे नाहीं निकरिहीं। काहेकि मइँ पूरे जन-समूह क देखाउब कि मइँ केतना कोहान हउँ।</verse>
				<verse number="15">तरवार लिए भए दुस्मन नगर क बाहेर अहइँ। रोग अउर भूख नगर क भीतर अहइँ। जदि कउनो जुद्ध क मइदान मँ जाइ तउ सत्रु क फउजी ओका मारि डइहीं। जदि उ नगर मँ रहत ह तउ भूख अउर रोग ओका नस्ट करिहीं।</verse>
				<verse number="16">“किन्तु कछू लोग बचि निकरिहीं। उ पचे बचे लोग पराइके पहाड़न मँ चला जइहीं। किन्तु उ सबइ लोग सुखी नाहीं होइहीं। उ पचे आपन पापन क कारण दुखी होइहीं। उ पचे चिजियइहीं अउर कबूतरन क तरह दुःख भरी आवाज निकारिहीं।</verse>
				<verse number="17">लोग एतने थके अउर खिन्न होइहीं कि आपन हाथन भी नाहीं उठाइ पइहीं। ओनकर गोड़ पानी क तरह ढीला होइहीं।</verse>
				<verse number="18">उ पचे सोक वस्त्र पहिरहीं अउर भयभीत रहिहीं। तू पचे हर मुँहे पइ लज्जा पउब्या। उ पचे सोक प्रदर्सन बरे आपन बार मुड़वाइ लेइहीं।</verse>
				<verse number="19">उ पचे आपन चाँदी क देव मूरतियन क सड़कन पइ फेंक देइहीं। उ पचे आपन सोने क मूरतियन क गन्दा चिथरन क तरह समुझिहीं। काहेकि जब यहोवा आपन किरोध परगट किहस उ सबइ मूरतियन ओनका बचाइ नाहीं सकिन। उ सबइ मूरतियन लोगन बरे पतन क जालि के अलावा दूसर कछू नाहीं रहिन। उ सबइ मूरतियन लोगन क भोजन नाहीं देइहीं उ सबइ मूरतियन ओनके पेट मँ अन्न नाहीं पहोंचइहीं।</verse>
				<verse number="20">“ओन लोग आपन सुन्नर आभूसण क उपयोग किहन अउर मूरति बनाएन। ओनका आपन मूरति पइ गर्व रहा। उ पचे आपन भयानक मूरतियन बनाएन। ओन लोग ओन गन्दी चिजियन क बनाएन। एह बरे मइँ (परमेस्सर) ओनका गन्दा चिथरन क तरह लोकाइ देब।</verse>
				<verse number="21">मइँ ओनका अजनबियन क लेइ देब। उ सबइ अजनबी ओनका लूट लेइहीं। उ सबइ, अजनबी, आपन मने क मुताबिक सबइ कछू लइ लेइहीं अउ पवित्तर स्थान अपवित्तर कइ देइहीं।</verse>
				<verse number="22">मइँ ओनसे आपन मुँह फेर लेब, मइँ ओनकर कइँती नाहीं लखब। उ सबइ अजनबी मोरे मन्दिर क नस्ट करिहीं, उ सबइ उ पवित्तर भवन क गोपनीय हींसन मँ जइहीं अउर ओका अपवित्तर करिहीं।</verse>
				<verse number="23">“बन्दियन खातिर जंजीर बनावा। काहेकि बहोत स लोग दूसर लोगन क मारइ क कारण दण्डित होइहीं। नगर क हर ठउरन पइ हिंसा भड़की।</verse>
				<verse number="24">मइँ दूसर रास्ट्रन स बुरे लोगन क लिआउब अउर उ सबइ लोग इस्राएल क लोगन क सबहिं घरन क लइ लेइहीं। मइँ तू बरिआर लोगन क गर्बीला होइ स रोक देब। दूसर रास्ट्रन क उ सबइ लोग तोहरे पूजा ठउरन क अपवित्तर कइ देइहीं।</verse>
				<verse number="25">“तू लोग भय स थर्राइ उठब्या। तू लोग सान्ति चहब्या, किन्तु सान्ति नाहीं मिली।</verse>
				<verse number="26">तू पचे एक क पाछे दूसर दुःख कथा क सुनब्या। तू पचे बुरी खबरियन क अलावा कछू नाहीं सुनब्या। तू नबी क खोज करब्या अउर ओहसे दर्सन पुछब्या। किन्तु कउनो मिली नाहीं। याजक क लगे तू पचन्क सिच्छा देइ क कछू भी नाहीं होइ अउर अग्रजन क लगे तू पचन्क कउनो नीक सलाह नाहीं होइ।</verse>
				<verse number="27">तोहार पचन्क राजा ओन लोगन बरे रोइ अउर मरि गएन। प्रमुख सोक-वस्त्र पहिरहीं। साधारण लोग बहोत डेराइ जइहीं। काहेकि मइँ ओकर बदल देब जउन उ पचे किहन। मइँ ओनकर दण्ड निहचित करब। अउर मइँ ओनका दण्ड देब। तब उ सबइ समुझिहीं कि मइँ यहोवा हउँ।”</verse>
			</chapter>
			<chapter number="8">
				<verse number="1">एक दिना मइँ (यहेजकेल) अपने घरे मँ बइठा रहेउँ अउर यहूदा क अग्रज हुवाँ मोरे समन्वा बइठे रहेन। इ देस-निकारे क छठएँ बरिस क छठएँ महीने क पचँए दिन भवा। अचानक मोर सुआमी यहोवा क सक्ति मोहमाँ उतरी।</verse>
				<verse number="2">मइँ कछू लखेउँ जउन आगी क नाई रहा। इ एक मनई क सरीर जइसा देखाइ पड़त रहा। करिहाउँ स खाले उ आगी जइसा रहा। करिहाउँ स ऊपर उ आगी मँ तपत धातु क तरह चमकत अउर कान्तिवाला रहा।</verse>
				<verse number="3">तब मइँ कछू अइसा लखेउँ जउन बाहु क तरह रहा। उ बाहु बाहेर बढ़ी अउर उ मोरे मुँड़ि क बारन स मोका धइ लिहस। तब आतिमा मोका हवा मँ उठाइ लिहस अउर परमेस्सर क दर्सन मँ उ मोका यरूसलेम क लइ गइ। उ मोका उत्तर कइँती भीतर फाटक पइ लइ गइ। उ देवमूर्ति, जेहसे परमेस्सर क ईर्स्या होत ह, उ फाटक क सहारे अहइ।</verse>
				<verse number="4">किन्तु इस्राएल क परमेस्सर क तेज हुवँइ रहा। उ तेज वइसा ही देखात रहा जइसा दर्सन मइँ घाटी क किनारे कबार नहर क लगे लखे रहेउँ।</verse>
				<verse number="5">परमेस्सर मोहसे कहेस। उ कहेस, “मनई क पूत, उत्तर कइँती लखा।” एह बरे मइँ उत्तर कइँती लखेउँ। अउर हुवाँ प्रवेस मार्ग क सहारे वेदी-दुआर क उत्तर मँ उ देवमूर्ति रही जेकरे बरे परमेस्सर क ईर्स्या होत रही।</verse>
				<verse number="6">तब परमेस्सर मोहसे कहेस, “मनई क पूत का तू लखत अहा कि इस्राएल क लोग कइसा भयंकर काम करत अहइँ? हिआँ उ पचे उ चीज क मोरे मन्दिर क ठीक बगल मँ मोका इ स दूर हटाइ बरे बनाएन ह। जदि तू मोरे संग अउब्या तउ तू अउर भी जियादा भयंकर चिजियन लखब्या।”</verse>
				<verse number="7">एह बरे मइँ अँगने क प्रवेस दुआर पइ गएउँ अउर मइँ देवार मँ एक ठु छेद लखेउँ।</verse>
				<verse number="8">परमेस्सर मोहसे कहेस, “हे मनई क पूत। उ देवारे क छेद क चारिहुँ कइँती खोदेन।” एह बरे मइँ देवार क उ छेद स होइके गएउँ अउर हुवाँ एक दरवाजा लखेउँ।</verse>
				<verse number="9">तब परमेस्सर मोहसे कहेस, “अन्दर जा, अउर ओन भयानक दुट्ठ चिजियन क लखा जेनका लोग हुवाँ करत अहइँ।”</verse>
				<verse number="10">एह बरे मइँ अन्दर गएउँ अउर मइँ लखेउँ। मइँ हर एक प्रकार क रेंगइवाले जन्तु अउर जनावरन क देवमूरतियन क लखेउँ जेनके बारे मँ सोचइ स तोहका घिना होत ह। उ सबइ देवमूरतियन अउ गन्दी मूरतियन रहिन जेनका इस्राएल क लोग पूजत रहेन। हुवाँ ओन जनावरन क तस्बीर हर देवारे पइ चारिहुँ कइँती खुदा भए रहेन।</verse>
				<verse number="11">तब मइँ एह पइ धियान दिहेउँ कि सापान क पूत याजन्याह अउर इस्राएल क सत्तर अग्रज उ ठउर पइ पूजा करइवालन क साथ रहेन। हुवाँ पइ उ पचे, लोगन क ठीक समन्वा रहेन, अउर हर एक प्रमुख क हाथे मँ आपन सुगन्धि क थाल रहा। बरत सुगन्धि क धुवाँ हवा मँ उठत रहा।</verse>
				<verse number="12">तब परमेस्सर मोहसे कहेस, “हे मनई क पूत का तू लखेस ह कि इस्राएल क नेता लोग अँधियारा मँ का करति आवत हीं? हरेक मनई क आपन लबार देवता बरे बिसेस कमरा अहइँ। उ पचे आपुस मँ इ बातन करत ह, ‘यहोवा हम लोगन क नाहीं लखइ सकब्या। यहोवा इ रास्ट्र क तजि दिहस ह।’”</verse>
				<verse number="13">तब परमेस्सर न मोह स कहेस, “यदि तुम मोरे संग आउब्या तउ तू ओन लोगन अउर भी जियादा भयानक काम करत भए लखब्या!”</verse>
				<verse number="14">तब उ मोका यहोवा क मन्दिर क प्रवेस-दुआर पइ लइ गवा। इ दुआर उत्तर कइँती रहा। हुवाँ मइँ मेहररूअन क बइठे अउर रोवत भए लखेउँ। उ पचे लबार देवता तम्मूज क बारे मँ सोक मनावत रहिन।</verse>
				<verse number="15">परमेस्सर मोहसे कहेस, “मनई क पूत, का तू एन भयंकर चिजियन क लखत अहा? मोरे संग आवा अउर तू एनसे भी बुरे करम लखब्या।”</verse>
				<verse number="16">तब उ मोका मन्दिरे क भीतरी अँगना मँ लइ गवा। उ ठउरे पइ मइँ पच्चीस मनइयन क खाले निहुरे भए अउर पूजा करत लखेउँ। उ पचे पवित्तर स्थान अउर वेदी क बीच रहेन, किन्तु उ पचे गलत दिसा मँ मुँह किए खड़े रहेन। ओनकर पीठ पवित्तर ठउरे कइँती रहिन। उ पचे सूरज क पूजा करइ बरे खाले निहुरा रहेन।</verse>
				<verse number="17">तब परमेस्सर कहेस, “मनई क पूत, का तू एका लखत अहा? यहूदा क लोग मोरे मन्दिर क एतना महत्वहीन समुझत हीं कि उ पचे मोरे मन्दिर मँ इ भयंकर करम करत हीं। इ देस हिंसा स भरा भवा अहइ। उ पचे लगातार मोका पागल करइवाला काम करत हीं। लखा, उ पचे आपन नाकन मँ लबार देवता क तरह चन्द्रमा क सम्मान करइ बरे बालियन पहिर रखिन ह।</verse>
				<verse number="18">मइँ ओन पइ आपन किरोध परगट करब। मइँ ओन पइ कउनो दाया नाहीं करब। मइँ ओनके बरे दुःख क अनुभव नाहीं करब। उ पचे मोका जोर स गोहरइहीं, किन्तु मइँ ओनका सुनइ स इन्कार कइ देब।”</verse>
			</chapter>
			<chapter number="9">
				<verse number="1">तब परमेस्सर जोर स पुकारेस, नगर क जल्लादन क आवइ द्या। हर एक क आपन हाथन मँ बिध्वंसकारी हथियार लेइ चाही।</verse>
				<verse number="2">तब मइँ ऊपरी दुआरे स छ: मनइयन क सड़के पइ आवत लखेउँ। इ दुआर उत्तर कइँती अहइ। हर एक मनई आपन घातक सस्त्र क आपन हाथे मँ लिहे रहा। ओन मनइयन मँ स सूती ओढ़ना पहिर रखे रहा। ओकरे लगे करिहाउँ मँ लिपिक क एक ठु कलम अउ सियाही रही। उ सबइ लोग मन्दिर स काँसे क बेदी क लगे गएन अउर हुवाँ खड़ा भएन।</verse>
				<verse number="3">तब इस्राएल क परमेस्सर क तेज करूब सरगदूतन क ऊपर स, जहाँ उ रहा उठा। तब उ तेज मन्दिर क दुआर पइ गवा। जब उ ड्योढ़ी पइ पहोंचा तउ उ रूक गवा। तब उ तेज उ मनई क बोलाएस जउन सूती ओढ़ना कलम अउ स्याही धारन किए भए रहा।</verse>
				<verse number="4">तब यहोवा ओहसे कहेस, “यरूसलेम नगर स होइ के निकरा। जउन लोग उ नगर मँ लोगन क जरिये कीन्ह गइ घिनौना करम क बरे मँ गोहरावत अउर रोवत ह अहइँ, ओन हर एक क ललाट पइ एक चीन्हा अंकित करा।”</verse>
				<verse number="5">तब मइँ परमेस्सर क दूसर लोगन स कहत सुनेउँ कि “तू लोग पहिले मनई क अनुसरण करा। तू पचे ओन सबहिं मनइयन क मार डावा। जेनके ललाट पइ चीन्हा नाहीं अहइ। तू पचे एह पइ धियान नाहीं द्या कि उ पचे अग्रज जुवक, जुवतियन, गदेलन या महतरियन अहइँ। तू पचन्क आपन सस्त्रन क उपयोग करब अहइ, ओन हर एक क मार डाउब अहइ जेनके ललाट पइ चीन्हा नाहीं अहइ। कउनो दाया जिन देखावा। कउनो मनई बरे अफसोस न करा। हिआँ मोरे मन्दिर मँ सुरू करा।” एह बरे उ पचे मन्दिर क समन्वा क अग्रजन स सुरू किहा।</verse>
				<verse number="6"></verse>
				<verse number="7">परमेस्सर ओनसे कहेस, “इ जगह क अपवित्तर बनाइ द्या। इ अँगने क ल्हासन स भरि द्या।” एह बरे उ पचे गएन अउर उ पचे नगर मँ लोगन क मारि डाएन।</verse>
				<verse number="8">जब उ सबइ लोग, लोगन क मारइ गएन, तउ मइँ हुवँइ रूका रहेउँ। मइँ भुइँया पइ आपन माथा टेकत भए कहेउँ, “हे मोर सुआमी यहोवा, यरूसलेम क खिलाफ आपन किरोध परगट करइ बरे, का तू इस्राएल मँ बचे भए सबहिं लोगन क मारत अहइ?”</verse>
				<verse number="9">परमेस्सर कहेस, “इस्राएल अउ यहूदा क परिवार बहोत जियादा बुरे पाप किहेन ह। इ देस मँ सर्वत्र लोगन क हत्तिया होत रहत अहइँ अउर इ नगर अपराध स भरा पड़ा अहइ। काहेकि लोग खुद कहत हीं, ‘यहोवा इ देस क तजि दिहेस। उ ओन कामन क नाहीं लखि सकत जेनका हम करत अहइँ।’</verse>
				<verse number="10">अउर मइँ दाया नाहीं देखाउब। मइँ ओन लोगन बरे अफसोस अनुभव नाहीं करब। उ पचे खुद एका बोलाएन ह, मइँ एन लोगन क सिरिफ दण्ड दइ देत हउँ जेकर इ सबइ पात्र अहइँ।”</verse>
				<verse number="11">तब सूती ओढ़ना, लिपिक क कलम अउर स्याही धारण करइवाला मनई बोला। उ कहेस, “मइँ उ कइ दिहेउँ जउन तोहार आदेस रहा।”</verse>
			</chapter>
			<chapter number="10">
				<verse number="1">तब मइँ उ खोरे क लखेउँ जउन करूब सरगदूतन क मूँड़िन क ऊपर रहा। खोरे नीलमणि क तरह स्वच्छ नीला देखात रहा। हुवाँ खोरे क ऊपर कछू सिंहासन क तरह देखात रहा।</verse>
				<verse number="2">तब उ मनई जउन सिंहासने पइ बइठा रहा, सन क ओढ़ना पहिरे भए मनई स कहेस, “तूफानी बादरे मँ आवा। करूब सरगदूतन क पहँटा मँ आवा। करूब सरगदूतन क बीच स कछू अंगारन आपन हाथे मँ ल्या। आपन हाथे मँ ओन कोइलन क लइ ल्या अउर जाइके ओनका यरूसलेम नगर पइ लोकाइ द्या।” उ मनई मोरे पाछे चला।</verse>
				<verse number="3">करूब सरगदूत उ समइ मन्दिर क दक्खिन क पहँटा मँ खड़ा रहेन, जब उ मनई बादरे मँ घुसा। बादर भीतरी अँगना मँ भरि गवा।</verse>
				<verse number="4">तब यहोवा क तेज करूब सरगदूत स अलग होइके मन्दिर क दुआरे पइ चला गवा। तब बादर मन्दिर मँ भरि गवा अउर यहोवा क तेज क प्रखर जोति पूरे अँगना मँ भरि गइ।</verse>
				<verse number="5">तब मइँ करूब सरगदूतन क पंखनन क फड़फड़ाहट पूरे बाहरी अँगना मँ सुनी जाइ सकत रही। बाहरी अँगना मँ फड़फड़ाहट बड़की प्रचण्ड रही, वइसी ही जइसी सर्वसक्तीमान परमेस्सर क गरजत वाणी होत ह, जब उ बातन करत ह।</verse>
				<verse number="6">परमेस्सर सन क ओढ़ना पहिरे भए मनई क आदेस दिहे रहा। परमेस्सर ओका “तूफानी-बादर” मँ घुसुरइ क बरे कहेस अउर करूब सरगदूतन क बीच स कछू अंगारन लेइ क कहेस। एह बरे उ मनई तूफानी बादर मँ घुस गवा अउर गोल चक्रन मँ स एक क सहारे खड़ा होइ गवा।</verse>
				<verse number="7">करूब सरगदूतन मँ स एक आपन हाथ बढ़ाएस अउर करूब सरगदूतन क पहँटा क बीच स कछू अंगारन क लिहस। उ अंगारन क उ मनई क हाथन मँ धइ दिहस अउर उ मनई हुवाँ स चला गवा।</verse>
				<verse number="8">(करूब सरगदूतन क पंखन क नीचे कछू ऐसा रहा जउन मनई क बाहन क तरह देखात रहा।)</verse>
				<verse number="9">तब मइँ लखेउँ कि हुवाँ चार गोल चक्र रहेन। हर एक करूब सरगदूत क बगल मँ एक ठु चक्र रहा, अउर चक्र स्वच्छ पिअर रतन क तरह देखात रहेन।</verse>
				<verse number="10">उ सबइ चार चक्र रहेन अउर सब चक्र एक समान प्रतीत होत रहेन। उ सबइ अइसेन देखात रहेन माना एक चक्र दूसर चक्रन मँ होइ।</verse>
				<verse number="11">जब उ सबइ चलत रहेन तउ कउनो भी दिसा मँ जाइ सकत रहेन। जब कबहुँ उ सबइ चलत रहेन उ सबइ चारिहुँ एक संग चलत रहेन। किन्तु ओनके चलइ क संग करूब सरगदूत साथ-साथ चक्कर नाहीं लगावत रहेन। उ सबइ उ दिसा मँ चलत रहेन, जेहर ओनकर मुँह होत रहा। जब उ सबइ चलत रहेन, तउ उ सबइ उ सबइ एहर-ओहर नाहीं मुड़त रहेन।</verse>
				<verse number="12">ओनकर पूरे बदन पइ आँखिन रहिन। ओनकर पीठ, ओनकर बाँह, ओनकर पखना अउर ओनकर चक्र मँ आँखिन रहिन। हाँ, चारिहुँ चक्रन मँ आँखिन रहिन।</verse>
				<verse number="13">मइँ ओन लोगन क पहिया क “चक्र कहत भवा सुना।”</verse>
				<verse number="14">हर एक करूब सरगदूत चार मुँहेवाला रहा। पहिला मुँह करूब सरगदूत क रहा। दूसर मुँह मनई क रहा। तीसर सिंह क मुँह रहा अउर चउथा उकाब क मुँह रहा।</verse>
				<verse number="15">(तब मइँ जानेउँ कि इ सबइ करूब सरगदूत उ जनावर रहेन जेनका मइँ कबार नदी क दर्सन मँ लखे रहेउँ।) तब करूब सरगदूत हवा मँ उठेन।</verse>
				<verse number="16">ओनके संग चक्र उठेन। चक्रन आपन दिसा उ समइ नाहीं बदलेन जब करूब सरगदूत पखना खोलेन अउर उ सबइ हवा मँ उड़ेन।</verse>
				<verse number="17">जब करूब सरगदूत हवा मँ उड़त रहेन तउ चक्र ओनके संग उड़ जात रहेन। जदि करूब सरगदूत सान्त खड़ा रहत रहेन तउ चक्र भी वइसा ही करत रहेन। काहेकि ओनमाँ जीवधारियन क आतिमा क सक्ति रही।</verse>
				<verse number="18">तब यहोवा क तेज मंदिर क डेवढ़ी स उठा, करूब सरगदूतन क ठउरे पइ ऊपर गवा अउ हुवाँ ठहर गवा।</verse>
				<verse number="19">तब करूब सरगदूतन आपन पखना खोलेन अउर हवा मँ उड़ गएन। मइँ ओनका मन्दिर क तजत लखेउँ। चक्र ओनके संग चलेन। तब उ पचे यहोवा क मन्दिर क पूर्बी दुआर पइ ठहरेन। इस्राएल क परमेस्सर क तेज हवा मँ ओनके ऊपर रहा।</verse>
				<verse number="20">तब मइँ इस्राएल क परमेस्सर क तेज क नीचे प्राणियन क कबार नदी क दर्सन मँ याद किहेउँ अउर मइँ अनुभव किहेउँ कि उ सबइ प्राणी करूब सरगदूत रहेन।</verse>
				<verse number="21">हर एक प्राणी क चार मुँह रहेन, चार पखना रहेन अउर पखनन क खाले कछू अइसा रहा जउन मनई क बाँहन क तरह देखात रहा।</verse>
				<verse number="22">करूब सरगदूतन क उहइ चार मुँह रहेन जउन कबार नदी क दर्सन क प्राणियन क रहेन अउर उ सबइ सोझे अगवा उ दिसा मँ देखात रहेन, जेहर उ सबइ जात रहेन।</verse>
			</chapter>
			<chapter number="11">
				<verse number="1">तब आतिमा मोका यहोवा क मन्दिर क पूर्बी दुआर पइ लइ गवा जहाँ सूरज निकरत ह। मइँ इ फाटक क प्रवेस दुआर पइ पच्चीस मनई लखेउँ। अज्जूर क पूत याजन्याह ओन लोगन्क संग रहा अउर बनायाह क पूत पलत्याह हुआँ रहा। उ पचे लोगन क प्रमुख रहेन।</verse>
				<verse number="2">तब परमेस्सर मोहसे कहेस। उ बताएस, “मनई क पूत, इ सबइ उ सबइ मनई अहइँ जउन इ नगर मँ बुरी योजना बनावत हीं। इ सबइ हमेसा लोगन क बुरे काम करइ क कहत हीं।</verse>
				<verse number="3">उ सबइ लोग कहत हीं, ‘हम लोग हाली ही फुन स आपन मकान नाहीं बनाउब। हम लोग बर्तन मँ धरे माँस क तरह इ नगर मँ सुरच्छित अही।’</verse>
				<verse number="4">उ पचे इ झूठ फइलावत अहइँ। एह बरे तोहका मोरे बरे लोगन स बात करइ चाही। मनई क पूत! जा अउर लोगन क बीच भविस्सवाणी करा।”</verse>
				<verse number="5">तब यहोवा क आतिमा मोहमाँ आइ। उ मोहसे कहेस, “ओनसे कहा कि यहोवा इ सब कहेस ह: इस्राएल क परिवार, तू पचे बड़की योजना बनावत अहा। किन्तु मइँ जानत हउँ कि तू पचे का सोचत अहा।</verse>
				<verse number="6">तू पचे इ नगर मँ बहोत स लोगन क मारि डाया ह। तू पचे सड़कियन क ल्हासन स पाटि दिहा ह।</verse>
				<verse number="7">अब हमार सुआमी यहोवा, इ कहत ह, ‘उ सबइ ल्हास माँस अहइँ अउर इ नगर पात्र अहइ। किन्तु नबूकदनेस्सर आइ अउर तू पचन्क इ सुरच्छित पात्र स निकारि लइ जाइ।</verse>
				<verse number="8">तू पचे तरवारे स भयभीत अहा। किन्तु मइँ तू पचन्क खिलाफ तरवार लिआवत हउँ।’” हमार सुआमी यहोवा इ सब कहेस ह। एह बरे इ सबइ घटित होइहीं।</verse>
				<verse number="9">परमेस्सर इ भी कहेस, “मइँ तू लोगन क इ नगर स बाहेर लइ जाब अउर मइँ तू पचन्क अजनबियन क सौंप देब। मइँ तू लोगन क सजा देब।</verse>
				<verse number="10">तू पचे तरवारे क चाट उतरब्या। मइँ तू पचन्क हिआँ इस्राएल मँ सजा देब जेहसे तू पचे समुझब्या कि उ मइँ हउँ जउन तू पचन्क सजा देत हउँ। मइँ यहोवा हउँ।</verse>
				<verse number="11">इ जगह बासन नाहीं होब्या, अउर नाहीं इ मँ तू मांस होब्या। मइँ तू पचन्क हिआँ इस्राएल मँ सजा देब।</verse>
				<verse number="12">तब तू पचे जनब्या कि मइँ यहोवा हउँ। उ मोर नेम रहा जेका तू पचे तोड़्या ह। तू पचे मोरे आदेसन क पालन नाहीं किहा। तू पचे आपन चारिहुँ कइँती क रास्ट्रन क तरह रहइ क निर्णय किहा।”</verse>
				<verse number="13">जइसेन ही मइँ परमेस्सर कइँती बोलब खतम किहेउँ, बनायाह क पूत पलत्याह मरि गवा। मइँ धरती पइ भहराइ पड़ेउँ। मइँ धरती पइ माथा टेकेउँ अउर कहेउँ, “हे मोर सुआमी यहोवा, तू का इस्राएल क सबहिं बचे भएन क पूरी तरह नस्ट कहइ पइ तुला अहा।”</verse>
				<verse number="14">मुला तब यहोवा क वचन मोका मिला। उ कहेस,</verse>
				<verse number="15">“हे मनई क पूत, तोहार रिस्तेदार अर्थात इस्राएल क पूरा घर जउन कि तोहार संग जलावतन मँ ह। तोहार भाइयन अहइ। यरूसलेम मँ रहइवाले लोग ओन लोगन स कहेन, ‘यहोवा क पास से दूर होइ जा। इ भुइयाँ वरासत क रूप मँ हमका दीन्ह गइ अहइ।’</verse>
				<verse number="16">“एह बरे ओन लोगन स इ सब कहा: हमार सुआमी यहोवा, कहत ह, ‘इ फुरइ अहइ कि मइँ आपन लोगन क बहोत दूर क देसन मँ जाइ बरे मजबूर किहेउँ। मइँ ही ओनका बहोत स देसन मँ बिखेरेउँ अउर उ भुइँया मँ जहाँ उ पचे गएन ह ओनकरे बरे थोड़े समइ बरे पवित्तर मन्दिर ठहरब।</verse>
				<verse number="17">एह बरे तू पचन्क ओन लोगन स कहइ चाही कि ओनकर सुआमी यहोवा, ओनका वापस लिआइ। मइँ तू पचन्क, बहोत स देसन मँ बिखेर दिहेउँ ह। किन्तु मइँ तू लोगन क एक संग बटोरब अउर ओन रास्ट्रन स तू पचन्क वापस लिआउब। मइँ इस्राएल क पहँटा तू पचन्क वापस देब।</verse>
				<verse number="18">अउर जब हमार लोग लौटिहीं तउ उ पचे ओन सबहिं भयंकर गन्दी देवमूरतियन क, जउन अब हिआँ अहइ, नस्ट कइ देइहीं।</verse>
				<verse number="19">मइँ ओनका एक संग लिआउब अउर ओनका एक ठु मनई सा बनाउब। मइँ ओनमा नई आतिमा भरब। मइँ ओनकर पाथर क हिरदय क दूर करब अउर आनके जगह पइ सच्चा हिरदय देब।</verse>
				<verse number="20">तब उ पचे मोरे नेमन क पालन करिहीं। उ पचे मोरे आदेसन क पालन करिहीं, उ पचे उ कारज करिहीं जेनका मइँ करइ क कहब। उ पचे फुरइ मोर लोग होइहीं अउर मइँ ओनकर परमेस्सर होबउँ।’”</verse>
				<verse number="21">तब परमेस्सर कहेस, “किन्तु इ समइ ओनकर हिरदय भयंकर गन्दी देवमूरतियन क होइ चुका अहइ। मोका ओन लोगन क ओन बुरे करमन बरे सजा देइ चाही जउन उ पचे किहेन ह।” मोर सुआमी यहोवा इ कहेस ह।</verse>
				<verse number="22">तब करूब सरगदूत आपन पखनन क खोलेस अउर हवा मँ उड़ गएन। चक्र ओनके संग गएन। इस्राएल क परमेस्सर क तेज ओनके ऊपर रहा।</verse>
				<verse number="23">यहोवा क तेज ऊपर हवा मँ उठा अउर उ यरूसलेम क तजि दिहस। उ छिन भर क बरे यरूसलेम क पूरब पहाड़ी पइ ठहरा।</verse>
				<verse number="24">तब आतिमा मोका हवा मँ उठाएस अउर वापस बाबुल मँ पहोंचाइ दिहस। उ मोका ओन लोगन क लगे लौटाएस, जउन इस्राएल तजइ बरे मजबूर कीन्ह ग रहेन। तब परमेस्सर क आतिमा मोका हवा मँ उठाएस अउर मोका तजि दिहेस। मइँ ओन सबहिं चीजन क परमेस्सर क दर्सन मँ लखेउँ।</verse>
				<verse number="25">तब मइँ निर्वासित लोगन स बातन किहेउँ। मइँ उ सबइ बातन बनाएउँ जउन यहोवा मोका देखाए रहा।</verse>
			</chapter>
			<chapter number="12">
				<verse number="1">तब यहोवा क बचन मोका मिला। उ कहेस,</verse>
				<verse number="2">“मनई क पूत, तू विद्रोही लोगन क संग रहत अहा। उ पचे सदा ही मोरे खिलाफ होइ ग अहइँ। लखइ बरे ओनकर आँखिन अहइँ जउन कछू मइँ ओनके बरे किहेउँ ह। किन्तु उ पचे ओन चिजियन क नाहीं लखतेन। सुनई बरे ओनकर कान अहइँ, ओन चिजियन क जउन मइँ ओनका करइ क कहेउँ ह। किन्तु उ पचे मोरे आदेसन क नाहीं सुनतेन। काहेकि उ पचे विद्रोही लोग अहइँ।</verse>
				<verse number="3">उ एह बरे, मनई क पूत आपन सामान बाँध ल्या। अइसा बेउहार करा माना तू कउनो दूर देस क जात अहा। इ इ प्रकार करा कि लोग तोहका देखत रहइँ। होइ सकत ह, कि उ पचे लोग तोहे पइ धियान देइँ, किन्तु उ सबइ लोग बड़के बिद्रोही लोग अहइँ।</verse>
				<verse number="4">“दिन क समइ तू आपन सामान इ तरह बाहर लइ आवा कि लोग तोहका लखत रहइँ। तब साँझ क अइसा देखावा करा, कि तू दूर देस मँ एक बन्दी क तरह जात अहा।</verse>
				<verse number="5">लोगन क आँखिन क समन्वा देवार मँ एक छेद बनावा अउर उ देवार क छेदे स बाहेर आवा।</verse>
				<verse number="6">राति क आपन सामान काँधे पइ धरा अउर उ ठउर क तजि द्या। आपन मुँह क ढाँपि ल्या जेहसे तू इ न लखि सका कि तू कहाँ जात अहा। एन कामन क तोहका इ तरह करइ चाही, कि लोग तोहका लखि सकउँ। काहेकि मइँ तोहका इस्राएल क परिवार क बरे एक ठु उदाहरण क रूप मँ बइपरत हउँ।”</verse>
				<verse number="7">एह बरे मइँ (यहेजकेल) आदेस क अनुसार किहेउँ। दिन क समइँ मइँ आपन सामान उठाएउँ अउर अइसा देखावा किहेउँ माना मइँ कउनो दूर देस क जात हउँ। उ साँझ मइँ आपन हाथन क उपयोग किहेउँ अउर देवार मँ एक छेद बनाएउँ। राति क मइँ आपन सामान काँधे पइ धरेउँ अउर चल पड़ेउँ। मइँ इ सब इ प्रकार किहेउँ कि सबहिं लोग मोका लखि सकइँ।</verse>
				<verse number="8">अगले भिन्सारे मोका यहोवा बचन मिला। उ कहेस,</verse>
				<verse number="9">“मनई क पूत, का इस्राएल क ओन विद्रोही लोगन तोहसे पूछेन कि तू का करत अहा?</verse>
				<verse number="10">ओनसे कहा कि ओनकर सुआमी यहोवा इ सबइ बातन बताएस ह। इ दुःखद बचन यरूसलेम क प्रमुखन अउर हुवाँ रहइवाले इस्राएल क सबहिं लोगन क बारे मँ अहइ।</verse>
				<verse number="11">ओनसे कहा, ‘मइँ (यहेजकेल) तू सबहिं लोगन बरे एक ठु उदाहरण हउँ। जउन कछू मइँ किहेउँ ह उ तू लोगन बरे फुरइ होइ।’ तू पचे फुरइ बन्दी क रूप मँ दूर देस मँ जाइ बरे मजबूर कीन्ह जाब्या।</verse>
				<verse number="12">तोहार पचन्क प्रमुख देवारे मँ छेद करी अउर राति क गुप्त रूप मँ निकरि भागी। उ आपन मुँहना क ढाँपि लेइ जेहसे लोग ओका पहिचनिहीं नाहीं। ओकर आँखिन, इ लखइ लायक नाहीं होइहीं कि उ कहाँ जात अहइ।</verse>
				<verse number="13">उ भाग निकरइ क जतन करी। किन्तु मइँ (परमेस्सर) ओका धइ लेब। उ मोर जालि मँ फँस जाइ अउर मइँ ओका बाबुल लिआउब जउन कसदियन क लोगन क देस अहइ। किन्तु उ उ भुइँया क लखि नाहीं पाई कि जहाँ उ जात अहइ। अउर उ हुँआ मर जाइ।</verse>
				<verse number="14">मइँ राजा क लोगन क मजबूर करब कि इस्राएल क चारिहुँ कइँती बिदेसन मँ रहइँ। मइँ ओकरी फउज क तितर-बितर कइ देब अउर दुस्मन क सैनिक ओनकर पाछा करिहीं।</verse>
				<verse number="15">तब उ सबइ लोग समुझिहीं कि मइँ यहोवा हउँ। उ पचे समुझिहीं कि मइँ ओनका रास्ट्रन मँ बिखेरेउँ। उ पचे समुझ जइही कि मइँ ओनका दूसर देसन मँ जाइ बरे मजबूर किहेउँ।</verse>
				<verse number="16">“किन्तु मइँ ओन लोगन मँ स थोड़ा स लोगन क जिअत रखब। उ सबइ रोग, भूख अउ जुद्ध स नाहीं मरिहीं। मइँ ओन लोगन क एह बरे जिअत रहइ देब, कि उ पचे रास्ट्रन मँ लोगन स जहाँ पइ उ पचन्क क बिखर दीन्ह ग रहेन ओन भयंकर कामन क बारे मँ कहि सकइँ, जउन उ पचे मोरे बिरुद्ध किहेन। तब उ पचे जनिहीं कि मइँ यहोवा हउँ।”</verse>
				<verse number="17">तब यहोवा क बचन मोरे लगे आवा। उ कहेस,</verse>
				<verse number="18">“मनई क पूत! तोहका अइसा करइ चाही माना तू बहोत डेरान अहा। जब तू खइया खाब्या तब तोहका काँपइ चाही। तोहका पानी पिअइ क समइ चिन्तित अउर डेरान होइ क देखावा करइ चाही।</verse>
				<verse number="19">तोहका इ धरती क लोगन स कहइ चाही। तोहका कहइ चाही, ‘हमार सुआमी यहोवा यरूसलेम क लोगन अउर इस्राएल क दूसर हींसन क लोगन स इ कहत ह। लोगो, तू भोजन करत समइ बहोत परेसान होब्या। तू पानी पिअत समइ डेरान होब्या। काहेकि तोहरे पचन्क देसन मँ सबहिं कछू नस्ट होइ जाइ। हुवाँ रहइवाले सबहिं लोगन बरे दुस्मन बहोत क्रूर होइ।</verse>
				<verse number="20">तोहरे पचन्क नगरन मँ इ समइ बहोत लोग रहत हीं, किन्तु उ सबइ सहर नस्ट होइ जइहीं। तोहार पचन्क पूरा देस नस्ट होइ जाइ। तब तू पचे समुझब्या कि मइँ यहोवा हउँ।’”</verse>
				<verse number="21">तब यहोवा क बचन मोका मिला। उ कहेस,</verse>
				<verse number="22">“हे मनई क पूत, इस्राएल क प्रदेस क बारे मँ लोग इ कहावत काहे सुनावत ही: ‘विपत्ति हाली न आई, हर एक दर्सन घटित होइ स विफल होइ गवा।’</verse>
				<verse number="23">“ओन लोगन स कहा कि तोहार पचन्क सुआमी यहोवा तोहार सबन्क इ कहावत क कहइ बन्द कइ देइ। उ पचे इस्राएल क बारे मँ इ कहावत क अउर नाहीं कहिहीं। अब उ पचे इ कहावत सुनइहीं: ‘बिपत्ति हाली आई दर्सन घटित होइहीं।’</verse>
				<verse number="24">“इ फुरइ अहइ कि इस्राएल मँ कबहुँ भी झूठे दर्सन नाहीं घटित होइहीं। अब अइसे जादूगर भविस्स मँ नाहीं होइहीं जउन अइसी भविस्सवाणी करिहीं जउन फुरइ नाहीं होइ।</verse>
				<verse number="25">काहेकि मइँ यहोवा अहउँ। मइँ उहइ कहब, जउन मइँ कहइ चाहब अउर उ चीज घटित होइ अउर मइँ घटना कल क लम्बा नाहीं खींचइ देब। उ सबइ विपत्तियन हाली आवति अहइँ। तोहरे पचन क आपनी ही जिन्नगी मँ। विद्रोही लोगो! जब मइँ कछू कहत हउँ तउ मइँ ओका घटित करत हउँ।” मोर सुआमी ओन बातन क कहेस।</verse>
				<verse number="26">तब यहोवा क वचन मोका मिला। उ कहेस,</verse>
				<verse number="27">“मनई क पूत, इस्राएल क लोग समुझत हीं कि जउन दर्सन मइँ तोहका देत हउँ, उ सबइ बहोत दूर क भविस्स मँ घटित होइहीं। उ पचे समुझत हीं, कि जउन विपत्तियन क बारे मँ तू बातन करत अहा, उ सबइ आजु स बहोत बरिसन क पाछे घटित होइहीं।</verse>
				<verse number="28">एह बरे तोहका ओनसे इ कहइ चाही, ‘मोर सुआमी यहोवा कहत ह: मइँ अउर जियादा विलम्ब नाहीं कइ सकत। जदि मइँ कहत हउँ, कि कछू घटित होइ तउ उ घटित होइ।’” मोर सुआमी यहोवा ओन बातन क कहेस।</verse>
			</chapter>
			<chapter number="13">
				<verse number="1">तब यहोवा क वचन मोका मिला।</verse>
				<verse number="2">“मनई क पूत, तोहका इस्राएल क नबियन स मोरे बरे बातन करइ चाही। उ पचे नबी असल मँ मोरे बरे बातन नाहीं करत अहइँ। उ पचे नबी उहइ कछू कहत अहइँ जउन उ पचे कहइ चाहत हीं। एह बरे तोहका ओनसे बातन करइ चाही। ओनसे इ सबइ बातन कहा, ‘यहोवा क हिआँ स मिले इ वचन क सुना।</verse>
				<verse number="3">मोर सुआमी इ वचन देत ह। मूरख नबियो! तू लोग गत पइ बिपत्तियन अहइ। तू लोग आपन आतिमा क अनुसरण करत अहा। तू लोगन स उ नाहीं कहत अहा जउन तू पचे फुरइ दर्सन मँ लखत अहा।</verse>
				<verse number="4">“‘इस्राएलियो, तोहार पचन्क नबी सून्य खण्डहरन मँ दउड़ लगावइवाली लोखरियन जइसे होइहीं।</verse>
				<verse number="5">तू पचे नगर क टूटी देवारन क निअरे फउजी क नाहीं रख्या ह। तू पचे इस्राएल क परिवार क रच्छा बरे देवारन नाहीं बनाया ह। एह बरे यहोवा बरे, जब तोहका पचन्क सजा देइ क समइ आई तउ तू पचे जुद्ध मँ हार जाब्या।</verse>
				<verse number="6">“‘लबार नबी लोग कहेन, कि उ पचे दर्सन लखेन ह। उ पचे आपन जादू किहन अउर कहेन कि सबइ घटना होइहीं, किन्तु उ पचे झूठ बोलेन। उ पचे कहेन कि यहोवा ओनका पठएस किन्तु उ पचे झूठ बोलेन। उ पचे आपन झूठ क फुरइ होइ क प्रतीच्छा अब तलक करत अहइँ।</verse>
				<verse number="7">“‘लबार नबियो, जउन दर्सन तू पचे लख्या, उ सबइ फुरइ नाहीं रहेन। तू पचे आपन जादू किहा अउर कहया कि कछू घटित होइ किन्तु तू लोग झूठ बोल्या। तू कहत अहा कि इ यहोवा क कथन अहइ, किन्तु मइँ तू लोगन स बातन नाहीं किहेउँ।’”</verse>
				<verse number="8">एह बरे मोर सुआमी यहोवा अब फुरइ क छू कही, उ कहत ह “तू पचे झूठ बोल्या। तू पचे उ सबइ दर्सन लख्या जउन फुरइ नाहीं रहेन। एह बरे मइँ (परमेस्सर) अब तोहरे पचन्क खिलाफ अहउँ।” मोर सुआमी यहोवा इ सबइ बातन कहेस।</verse>
				<verse number="9">यहोवा कहेस, “मइँ ओन नबियन क सजा देब जउन लबार दर्सन लखेन अउर जउन झूठ बोलेन। मइँ ओनका आपन लोगन स अलग करब। ओनकर नाउँ इस्राएल क परिवार क सूची मँ नाहीं रहिहीं। उ पचे फुन इस्राएल प्रदेस मँ कबँहु नाहीं अइहीं तब तू पचे जनब्या कि मइँ यहोवा अउर सुआमी अहउँ।</verse>
				<verse number="10">“ओन लबार नबियन बार-बार मोर लोगन स झूठ बोलेन। नबियन कहेन कि सान्ति रही किन्तु हुआँ कउनो सान्ति नाहीं अहइ। जब कउनो कमज़ोर देवार बनावत ह, तउ उ पचे देवार क खामी छुपाइ बरे ओकरे ऊपर पतली लेप चढ़ावत ह।</verse>
				<verse number="11">ओन लोगन स कहा कि मइँ ओलन अउ मूसलाधार बर्खा (सत्रु-सेना) पठउब। प्रचण्ड आँधी चली अउर बौंड़र आई। तब देवार भहराइ जाइ।</verse>
				<verse number="12">देवार खाले भहराइ जाइ। लोग नबियन स पूछिहीं, ‘उ लेप क का भवा, जेका तू देवार पइ चढ़ाए रह्या?’”</verse>
				<verse number="13">मोर सुआमी यहोवा कहत ह, “मइँ कोहान अहउँ अउर मइँ तू लोगन क खिलाफ एक तूफान पठउब। मइँ कोहान हउँ अउर मइँ आकास स ओलन बरसाउब अउर तू पचन्क पूरी तरह बर्बाद करब।</verse>
				<verse number="14">तू पचे लेप देवारे पइ चढ़ावत अहा। किन्तु मइँ पूरी देवार क नस्ट कइ देब। मइँ एका धरासायी कइ देब। देवार तोहे पइ भहराइ अउर तू पचे जनब्या कि मइँ यहोवा अहउँ।</verse>
				<verse number="15">मइँ, देवार अउर ओह लेप चढ़ावइवालन क खिलाफ आपन किरोध पूरी तरह देखाउब। तब मइँ कहब, ‘अब कउनो देवार नाहीं रही अउर न ही अब कउनो मजदूर जो एह पइ लेप चढ़ावइवाला अहइ।’</verse>
				<verse number="16">“इ सबइ कछू इस्राएल क लबार नबियन बरे होइ। उ सबइ नबी यरूसलेम क लोगन स बातचीत करत हीं। उ पचे नबी कहत हीं कि सान्ति होइ, किन्तु कउनो सान्ति नाहीं अहइ।” मोर सुआमी यहोवा ओन बातन क कहेस।</verse>
				<verse number="17">परमेस्सर कहेस, “मनई क पूत इस्राएल मँ मेहरारू नबियन क हेरा। उ सबइ मेहरारू नबी मोरे बरे नाहीं बोलतिन। उ सबइ उहइ कहत हीं जउन उ पचे कहइ चाहत हीं। एह बरे तू पचन्क मोरे बरे ओनके खिलाफ कहइ चाही। तू पचन्क ओनसे इ कहब चाही।</verse>
				<verse number="18">‘मोर सुआमी यहोवा कहत ह: मेहररूओ, तू पचन्पइ बिपत्ति आई। तू लोगन क भूजन पइ पहिरइ बरे कपड़न क बाजूबन्द सिअति अहा। तू लोगन क मूँड़ि पइ बाँधइ बरे खास दुपट्टा बनावति अहा। तू पचे कहति अहा कि उ सबइ चिजियन लोगन क जिन्नगी क नियन्त्रित करइ क जादुई सक्ती राखत हीं। तू पचे सिरिफ आपन क जिअत रखइ बरे ओन लोगन क जाल मँ फँसावत अहा।</verse>
				<verse number="19">तू पचे लोगन क अइसा समुझावति अहा कि मइँ महत्वपूर्ण नाहीं अहउँ। तू पचे ओनका मूठी जौ अउर रोटी क कछू टुकड़न बरे मोरे खिलाफ करति अहा। तू पचे मोरे लोगन स लबार बोलति अहा। उ सबइ लोग लबार सुनब पसन्द करत हीं। तू पचे ओन मनइयन क मार डावति अहा जेनका जिअत रहइ चाही अउर तू पचे अइसे लोगन क जिअत रहइ देइ चाहति अहा जेनका मरि जाइ चाही।</verse>
				<verse number="20">एह बरे यहोवा अउर सुआमी तू पचन स इ कहत ह: तू पचे ओन कपड़न बाजूबन्दन क लोगन क जालि मँ फँसावइ बरे बनावति अहा-किन्तु मइँ ओन लोगन क अजाद करब। मइँ तोहार पचन्क भुजन क ओन बाजूबन्दन क फाड़ लोकाउब अउर लोग तू पचन्स अजाद होइ जइहीं। उ पचे जाल स मुक्त पंछियन क तरह होइहीं।</verse>
				<verse number="21">मइँ ओन बाजूबन्दन क फारि डाउब अउर आपन लोगन क तोहार पचन्क सक्ति स बचाउब। उ सबइ लोग तोहार पचन्क जालि स पराइ निकारिहीं अउर तू पचे समुझबिउ कि मइँ यहोवा हउँ।</verse>
				<verse number="22">“‘मेहरारू नबियो। तू पचे लबार बोलति अहा। तोहार पचन्क झूठ नीक लोगन क कस्ट पहोंचावत ह, मइँ ओन लोगन क कस्ट पहोंचाउब नाहीं चाहत हउँ। तू पचे बुरे लोगन क मदद करति अहा। तू पचे ओनका आपन जिन्नगी बदलइ बरे नाहीं कहतिउ। तू पचे ओनके जिन्नगी क रच्छा नाहीं करइ चाहतिउ।</verse>
				<verse number="23">तू पचे अब भविस्स मँ लबार दर्सन नाहीं लखबिउ। तू पचे भविस्स मँ अउर कउनो जादू नाहीं करबिउ। मइँ आपन लोगन क तोहार पचन्क सक्ति स बचाउब अउर तू पचे जान जाबिउ कि मइँ यहोवा हउँ।’”</verse>
			</chapter>
			<chapter number="14">
				<verse number="1">इस्राएल क कछू अग्रज मोरे लगे आएन। उ पचे मोहसे बात करइ बइठि गएन।</verse>
				<verse number="2">यहोवा क वचन मोका मिला। उ कहेस,</verse>
				<verse number="3">“मनई क पूत, इ सबइ मनई तोहसे बातन करइ आएन ह। उ पचे चाहत रहेन कि तू पचे मोहसे राय ल्या। किन्तु उ सबइ मनई अब तलक आपन गन्दी देवमूरतियन क राखे अहइँ। उ पचे ओन चीजन क रखत हीं जउन ओनसे पाप करावत हीं। उ पचे अब तलक ओन मूरतियन क पूजा करावत हीं। एह बरे मोरे लगे राय लेइ काहे आवत ह का मोका ओनकर सवालन क उत्तर देइ चाही? नाहीं।</verse>
				<verse number="4">किन्तु मइँ ओनका उत्तर देब। तू पचन्क ओन लोगन्स इ कहि देइ चाही, ‘मोर सुआमी यहोवा कहत ह: जदि कउनो इस्राएली मनई जउन गन्दी देवमूरतियन क रखत ह जउन ओहसे पाप करावत ह अउर आपन हिरदय मँ ओन मूतियन क पूजा करत ह, नबी क लगे मोहसे राय पावइ बरे आवत ह तउ उ मनई क सवाल क जवाब मइँ खुद देब। मइँ ओका कहब, तू मदद पावइ बरे आपन ढेर सारे गन्दी देवमूरतियन क लगे जा।</verse>
				<verse number="5">काहेकि मइँ ओनकर हिरदय क छुअइ चाहत हउँ। मइँ देखावइ चाहत हउँ कि ओनकर गन्दी देवमूरतियन ओन लोगन क मोसे दूर कइ दिहस ह।’</verse>
				<verse number="6">“एह बरे इस्राएल क परिवार स इ सबइ कहा। ओनसे कहा, ‘मोर सुआमी यहोवा कहत ह। मोरे लगे वापस आवा अउर आपन गन्दी देवमूरतियन क तजि द्या। ओन भयंकर लबार देवतन स मुँह मोड़ ल्या।</verse>
				<verse number="7">जदि कउनो इस्राएली या इस्राएल मँ रहइवाला विदेसी मोरे लगे राय लेइ आवत ह, तउ मइँ ओका जवाब देब। मइँ ओका तब भी जवाब देब जदपि उ उ गन्दी देवमूरतियन क रखेस ह, जदि उ ओन चिजियन क रखत ह जउन ओहसे पाप करावत हीं अउर जदि उ तब तलक ओन मूरतियन क पूजा करत ह अउर इ जवाब अहइ जेका मइँ ओका देब।</verse>
				<verse number="8">मइँ उ मनई क खिलाफ होबउँ। मइँ ओका नस्ट करब। उ दूसर लोगन बरे एक ठु उदाहरण बनी। लोग ओकर हँसी उड़इही। मइँ ओका आपन लोगन स निकार बाहेर करब। तब तू पचे जनब्या कि मइँ यहोवा अहउँ।</verse>
				<verse number="9">जदि नबी एतना मूरख अहइ कि उ आपन जवाब देत ह तउ मइँ ओका देखाँइ देब कि उ केतँना बड़का मूरख अहइ, मइँ ओकरे खिलाफ आपन सक्ति क उपयोग करब। मइँ ओका नस्ट करब अउर आपन लोगो, इस्राएल स ओका निकार बाहेर करब।</verse>
				<verse number="10">इ तरह उ मनई जउन राय बरे आवा अउर नबी जउन जवाब दिहस दुइनउँ एक ही दण्ड पइहीं।</verse>
				<verse number="11">काहेकि इ तरह उ सबइ नबी मोरे इस्राएली लोगन क मोहसे दूर लइ जाब बन्द कइ देइहीं। इ प्रकार मोरे लोग आपन अपराधन स गन्दा होब बन्द कइ देइहीं। तब उ पचे मोर बिसेस लोग होइहीं अउर मइँ ओनकर परमेस्सर होब।’” मोर सुआमी यहोवा उ सबइ बातन कहेस।</verse>
				<verse number="12">तब यहोवा क वचन मोका मिला। उ कहेस,</verse>
				<verse number="13">“मनई क पूत, मइँ आपन उ रास्ट्र क दण्ड देब जउन मोका तजत ह अउर मोरे विरूद्ध पाप करत ह। मइँ ओनकर भोजन आपूर्ति बन्द कइ देब। मइँ अकाल क समइ उत्पन्न कइ सकत हउँ अउर उ देस स मनइयन अउर पसुअन क बाहर कइ सकत हउँ।</verse>
				<verse number="14">मइँ उ देस क दण्ड देब चाहे इ तीनहुँ मनई नूह, दानिय्येल अउर अय्यूब हुआँ कहान रहत ह। उ सबइ लोग केवल आपन जिन्नगी आपन अच्छाइयन स बचाइ सकत हीं, किन्तु उ पचे पूरे देस क नाहीं बचाइ सकतेन।” मोर सुआमी यहोवा इ सबइ कहेस।</verse>
				<verse number="15">परमेस्सर कहेस, “या मइ उ पूरे प्रदेस मँ जंगली जनावरन क पठइ सकत हउँ अउर उ सबइ जनावर सबहिं लोगन क मारि सकत हीं। जंगली जनावरन क कारण उ देस स होइके कउनो मनई जात्रा नाहीं करी।</verse>
				<verse number="16">जदि नूह, दानिय्येल अउर अय्यूब हुवाँ रहे होतेन, तउ उ तीनहुँ धर्मी मनई केवल स्वंय आपन जिन्नगी ही बचाइ सकतेन। किन्तु मइँ आपन जिन्नगी क किरिया खाइके कहत हउँ कि उ सबइ दूसर लोगन क जिन्नगी नाहीं बचाइ सकतेन हिआँ तलक कि आपन पूत-बिटियन क जिन्नगी भी नाहीं। उ बुरा देस नस्ट कइ दीन्ह जाइ।” मोर सुआमी यहोवा इ सबइ कहेस।</verse>
				<verse number="17">परमेस्सर कहेस, “या, उ देस क खिलाफ लड़इ बरे मइँ दुस्मन क फउज क पठइ सकत हउँ। उ सबइ फउजी उ देस क नस्ट कइ देइहीं। मइँ उ देस स सबहिं लोगन अउर जनावरन क निकार बाहेर करब।</verse>
				<verse number="18">जदि नूह, दानिय्येल अउर अय्यूब हुवाँ रहतेन, तउ उ तीनहुँ धर्मी मनई केवल आपन जिन्नगी ही बचाइ सकतेन। किन्तु मइँ आपन जिन्नगी क किरिया खाइके कहत हउँ कि दूसर लोगन क जिन्नगी उ पचे बचाइ सकतेन हिआँ तलक कि आपन पूत-बिटियन क जिन्नगी भी नाहीं। उ बुरा देस नस्ट कइ दीन्ह जाइ।” मोर सुआमी यहोवा इ सबइ कहेस।</verse>
				<verse number="19">परमेस्सर कहेस, “या, मइँ उ देस क खिलाफ महामारी पठइ सकत हउँ। मइँ ओन लोगन पइ आपन किरोध क बर्खा करब। मइँ सबहिं मनइयन अउर जनावरन क उ देस स हटाइ देब।</verse>
				<verse number="20">जदि नूह, दानिय्येल अउर अय्यूब हुवाँ रहतेन, तउ उ तीनहुँ धर्मी मनई केवल आपन जिन्नगी ही बचाइ सकतेन। किन्तु मइँ आपन जिन्नगी क किरिया खाइके कहत हउँ कि दूसर लोगन क जिन्नगी उ पचे नाहीं बचाइ सकत रहेन हिआँ तलक कि आपन पूत-बिटियन क जिन्नगी भी नाहीं।” मोर सुआमी यहोवा इ सबइ कहेस।</verse>
				<verse number="21">तब मोर सुआमी यहोवा कहेस, “एह बरे सोचा कि यरूसलेम बरे इ केतना बुरा होइ, मइँ उ नगर क विरूद्ध ओन चारिहुँ दण्डन क पठउब। मइँ सत्रु-सेना, भूखमरी, महामारी अउर जंगली जनावरन क निकारि बाहेर करब।</verse>
				<verse number="22">उ देस स कछू लोग बचि निकरिहीं। उ पचे आपन पूत-बिटियन क लइहीं अउर तोहरे पचन्क लगे सहायता क बरे अइहीं। तब तू पचे जनब्या कि उ सबइ लोग फुरइ केतना बुरा अहइँ। तू पचे ओन विपत्तियन क सम्बंध मँ उचित होइक धारणा बनउब्या जेनका मइँ यरूसलेम पइ लिआउब।</verse>
				<verse number="23">तू पचे ओनके रहइ क ढंग अउर जउन बुरे काम उ पचे करत हीं, ओनका लखब्या। तब तू पचे समुझब्या कि ओन लोगन क सजा देइ क उचित कारण मोरे बरे रहा।” मोर सुआमी इ सबइ बातन कहेस।</verse>
			</chapter>
			<chapter number="15">
				<verse number="1">तब यहोवा क वचन मोका मिला। उ कहेस,</verse>
				<verse number="2">“मनई क पूत, का अंगूरे क बेल क लकड़ी जंगले क कउनो बृच्छ क कटी नान्ह डार स जियादा नीक होत ह नाहीं।</verse>
				<verse number="3">का तू अंगूरे क बेल क लकड़ी कउनो उपयोग मँ लाइ सकत ह नाहीं। का तू ओहसे तस्तरियन लटकावइ बरे खूँटयन वनाइ सकत ह? नाहीं।</verse>
				<verse number="4">लोग उ लकड़ी क सिरिफ आगी मँ डावत हीं। कछू झुरान लकड़ियन सिरन स जरब सुरू करत हीं, बीच क हींसा आगी स करिया पड़ जात ह। किन्तु लकड़ी पूरी तरह बरत नाहीं। का तू उ लकड़ी स कउनो चीज बनाइ सकत ह?</verse>
				<verse number="5">जदि बरइ क पहिले तू उ लकड़ी स कउनो चीज नाहीं बनाइ सकत ह, तउ निहचय ही, ओकर बरइ क पाछे ओहसे कउनो चीज नाहीं बनाइ सकत्या।</verse>
				<verse number="6">अंगूरे क बेल क लकड़ी क टूकन क जंगल क कउनो पेड़ क लकड़ी क टूकन स जियादा बारइ बरे उपयोग कीन्ह जात ह। लोग उ लकड़ी क टूकन क आगी मँ डावत हीं, अउर आगी ओनका बारत ह। उहइ तरह, मइँ यरूसलेम क निवासियन क आगी मँ लोकाउब।” मोर सुआमी यहोवा इ सबइ बातन कहेस।</verse>
				<verse number="7">“मइँ ओन लोगन क दण्ड देब। जदपि ओन मँ स कछू लोगन बच निकर आएस ह तउ पइ भी आगी ओनका भस्म कइ देब। तू लखब्या कि मइँ एन लोगन क दण्ड देब अउर तू समुझब्या कि मइँ यहोवा हउँ।</verse>
				<verse number="8">मइँ उ देस क नस्ट करब काहेकि लोग मोका लबार देवतन क पूजा बरे तजेन।” मोर सुआमी यहोवा इ सबइ बातन कहेस।</verse>
			</chapter>
			<chapter number="16">
				<verse number="1">तब यहोवा क बचन मोका मिला। उ कहेस,</verse>
				<verse number="2">“मनई क पूत, यरूसलेम क लोगन क ओन भयंकर बुरे कामन क समुझावा जेनका उ पचे किहेन ह।</verse>
				<verse number="3">तोहका कहइ चाही, ‘मोर सुआमी यहोवा यरूसलेम क लोगन क इ सँदेस देत ह: आपन इतिहास लखा। तू कनान मँ पइदा भवा रह्या। तोहार पिता एमोस रहा। तोहार महतारी हित्ती रही।</verse>
				<verse number="4">यरूसलेम, जउने दिन तू पइदा भवा रह्या, तोहार बोड़री-नाल क काटइवाला कउनो नाहीं रहा। कउनो तोह पइ नून नाहीं डाएस अउर तोहका स्वच्छ करइ बरे नहवाएस नाहीं। कउनो तोहका ओढ़ना मँ नाही लपेटेस।</verse>
				<verse number="5">यरूसलेम, तू सब तरह स अकेल्ले रह्या। कउनो न तोहरे बरे खेद परगट करत रहा न ही धियान देत रहा। यरूसलेम, जउने दिन तू पइदा भया, तोहार महतारी बाप तोहका मैदाने मँ डाइ दिहन। तू तब तलक रक्त अउ झिल्ली मँ लपटा रह्या।</verse>
				<verse number="6">“‘तब मइँ (परमेस्सर) ओहर स गुजरेउँ। मइँ तोहका हुआँ रक्त स लथपथ पड़ा पाएउँ। तू खूने मँ सनी रहिउ, किन्तु मइँ कहेउँ, “लम्बी जिन्नगी जिअत रहा।” हाँ, तू खूने मँ सनी रहिउ, किन्तु मइँ कहेउँ, “जिअत रहा।”</verse>
				<verse number="7">मइँ तोहार मदद खेते मँ पौधन क तरह बढ़इ मँ किहेउँ। तू बढ़त ही गइउ। तू एक जुवती विनउ, तोहार ऋतु-धरम सुरू भवा, तोहार वृच्छ-स्थल बढ़ेन, तोहार केस बढ़व सुरू भएन। किन्तु तू तब तलक वस्त्रहीन अउ नंगी रहिउ।</verse>
				<verse number="8">मइँ तोह पइ निगाह डाएउँ। मइँ लखेउँ कि तू पिरेम बरे तइयार रहिउ। एह बरे मइँ तोहरे ऊपर आपन ओढ़ना डाएउँ अउर तोहर नंगा होइ क ढाकेउँ। मइँ तोहसे बियाह करइ क बचन दिहेउँ। मइँ तोहरे संग वाचा किहेउँ अउर तू मोर बनिउ।’” मोर सुआमी यहोवा इ सबइ बातन कहेस।</verse>
				<verse number="9">“‘मइँ तोहका पानी स नहवाएउँ। मइँ तोहरे रक्त क धोएउँ अउर मइँ तोहार चमड़ी पइ तेल मलेउँ।</verse>
				<verse number="10">मइँ तोहका एक ठु सुन्नर पहिरावा अउर नरम चामे क पनही दिहेउँ। मइँ तोहका एक महीन मलमल अउर एक रेसमी ओढ़ना दिहेउँ।</verse>
				<verse number="11">तब मइँ तोहका कछू आभूसन दिहेउँ। मइँ तोहरी बाहन मँ बाजूबन्द पहिराएउँ अउर तोहरे गले में हार पहिराएउँ।</verse>
				<verse number="12">मइँ तोहका एक ठु नथ, कछू काने का बालियन अउर सुन्नर मुकुट तोहार मुँड़े पइ पहिरइ दिहेउँ।</verse>
				<verse number="13">तू आपन सोना चाँदी क आभूसणन, आपन मलमल अउर रेसमी वस्त्रन अउर कढ़ाई कीन्ह पहिरावे मँ सुन्नर देखात रहिन। तू उत्तिम आटा, मधु अउर तेल क भोजन किहा। तू बहोत जियादा सुन्नर रहिउ अउर तू रानी बनिउ।</verse>
				<verse number="14">तू आपन सुन्नर होइ बरे बिख्यात भएउ। इ सब कछू एह बरे भवा काहेकि मइँ तोहका एतना जियादा सुन्नर बनाएउँ।’” मोर सुआमी यहोवा इ सबइ बातन कहेस।</verse>
				<verse number="15">परमेस्सर कहेस, “किन्तु तू आपन सुन्नर होइ पइ बिस्सास करब सुरू किहेउ। तू आपन जस क दुरूपयोग किहेउ। तू एक रण्डी क तरह काम किहेउ। तू आपन क उ हर मनई क अर्पित किहेउ जउन हुआँ आवा।</verse>
				<verse number="16">तउ उ आपन सुन्नर वस्त्रन क लिहस अउर आपन आराधना ठउरे क सजाएस। अउर ओन ठउरन पइ तू रण्डी क नाईं हरकत किहस। इहइ तरह क कार्य पहिले कबहुँ नाहीं कीन्ह ग रहेन अउ न ही आवइवाले समइ मँ कबहुँ होब।</verse>
				<verse number="17">तब मोर दीन्ह गवा सुन्नर आभूसण तू लिहेउ अउर तू उ सोना-चाँदी क उपयोग मनइयन क मूरतियन बनावइ बरे किहेउ। तू ओनके संग भी यौन-सम्बन्ध किहेउ।</verse>
				<verse number="18">तब तू सुन्नर वस्त्र लिहेउ अउर ओन मूरतियन बरे पहिरावा बनाएउ। तू इ तेल अउ धूप बत्ती क लिहेउ जउन मइँ तोहका दिहे रहेउँ अउ ओका ओन देवमूरतियन क समन्वा चढ़ाएउ।</verse>
				<verse number="19">मइँ तोहका रोटा, मधु अउर तेल दिहेउँ। किन्तु तू भोजन आपन देवमूरतियन क दिहेउ। तू ओका आपन लबार देवतन क प्रसन्न करइ बरे सुगन्धि क रूप मँ भेंट किहेउ। तू ओन लबार देवतन क संग रण्डी जइसा बेउहार किहेउ।” मोर सुआमी यहोवा इ सबइ बातन कहेस।</verse>
				<verse number="20">परमेस्सर कहेस, “तू आपन पूत-बिटियन लइके जेनका तू मोरे बरे जन्म दिहेउ, ओन मूरतियन क बलि चढ़ाएउ। का तू इ नाहीं सोच्या कि तोहार बिभिचारी काफी नाहीं रहा कि तोहका इ भयंकर पाप क भी करइ क रहा?</verse>
				<verse number="21">तू मोर पूतन क हत्तिया किहेउ अउर ओनका आगी क जरिये ओन लबार देवतन पइ चढ़ाएउ।</verse>
				<verse number="22">तू मोका तजिउ अउर उ सबइ भयानक काम किहेउ अउर तू आपन उ समइ कबहुँ याद नाहीं किहेउ जब तू बच्ची रहिउ। तू याद नाहीं किहेउ कि जब मइँ तोहका पाएउँ तबइ तू नंगी रहिउ अउर रक्त मँ छटपटात रहिउ।</verse>
				<verse number="23">“ओन सबहिं बुरी चीजन क पाछे, ओह यरूसलेम, इ तोहरे बरे बहोत बुरा होइ।” मोर सुआमी यहोवा इ सबइ बातन कहेस।</verse>
				<verse number="24">“ओन सबइ बातन क पाछे तू उ लबार देवतन क पूजा बरे उ टीला बनाएउ। तू हर एक सड़क क मोड़ पइ लबार देवतन क पूजा बरे उ ठउरन क बनाएउ।</verse>
				<verse number="25">तू आपन टीलन हर एक सड़क क छोर पइ बनाएउ। तब तू आपन सुन्नरता क मान घटाएउ। तू एकर हर लगे स गुजरइ वाले क फँसावइ बरे किहेउ। तू आपन अधोवस्त्र क ऊपर उठाएउ जेहसे उ सबइ तोहार टाँगन लखि सकइँ अउर तब तू ओन लोगन क संग एक ठु रण्डी क नाई होइ गइउ।</verse>
				<verse number="26">तब तू उ पड़ोसी मिस्र क लगे गइउ जेकर यौन अंग बिसाल रहा। तू मोका कोहाइ बरे ओकरे संग कइउ दाई यौन-सम्बंध कायम किहेउ।</verse>
				<verse number="27">एह बरे मइँ तोहका सजा दिहेउँ। मइँ तोहका अनुमोदित कीन्ह गइ भुइँया क एक हींसा लइ लिहेउँ। मइँ तोहार दुस्मन पलिस्तिनियन क बिटियन (नगरन) क उ करइ दिहेउँ जउन उ पचे तोहार करइ चाहत रहिन। जउन पाप तू किहा ओहसे उ पचे भी लज्जित भएन।</verse>
				<verse number="28">किन्तु तू कबहुँ संतुस्ट नाहीं भए रहा। एह बरे बिभिचारी करइ बरे अस्सूर गएन, किन्तु तउ पइ तू पचे संतुस्ट नाहीं भए रहेन।</verse>
				<verse number="29">एह बरे तू बइपारियन क भुइँया बाबुल कइँती मुड़ेस। किन्तु तबहुँ भी तोहका सन्तुस्टी नाहीं भएन।</verse>
				<verse number="30">तू ऍतनी कमजोर अहा। तू ओन सबहिं मनइयन क पाप करइ मँ लगइ दिहा। तू ठीक एक ठु रण्डी क तरह काम किहा।” उ सबइ बातन मोर सुआमी यहोवा कहेस।</verse>
				<verse number="31">यहोवा कहेस, “तू आपन टीला हर एक सड़किया क छोर पइ बनाया अउर तू आपन पूजा क ठउरे हर सड़क क मोड़ पइ बनाया। तू ओन सारे मनइयन स सारीरिक सम्बंध किहे रहा। तू आपन बिभिचारी स कउनो लाभ नाहीं चाहा। तू पैसा लइ स इन्कार किहेस।</verse>
				<verse number="32">तू बिभिचारिणी मेहरारू। तू आपन पति क तुलना मँ अजनबियन क संग सरीर क सम्बंध करब जियादा नीक मानिउ।</verse>
				<verse number="33">अधिकांस रण्डियन सरीर क सम्बंध बरे मनई क भुगतान करइ बरे मजबूर करत हीं। किन्तु तू आपन प्रेमियन क लुभावइ बरे खुद भेंट देति अहा अउर ओनका सरीर क सम्बंध बरे आमन्त्रित करति अहा। तू आपन चारिहुँ ओर क सबहिं लोगन क अपने संग सरीर क सम्बंध बरे आमन्त्रित किहा।</verse>
				<verse number="34">तू जियादातर रण्डियन क ठीक भिन्न अहा। अधिकांस रण्डियन मनइयन क आपन भुगतान बरे मजबूर करति अहा। किन्तु तू मनइयन क अपने संग सरीर क सम्बंध क भुगतान करति अहा।”</verse>
				<verse number="35">हे रण्डी, यहोवा स आए बचन क सुना।</verse>
				<verse number="36">मोर सुआमी यहोवा इ सबइ बातन कहत ह: “तू आपन मुद्रा खर्च कइ दिहा ह अउर आपन पिरेमियन अउर गन्दा देवतन क आपन नंगा सरीर लखइ दिहा ह अउर आपन संग सरीर क सम्बंध करइ दिहा ह। तू आपन बच्चन क मार्या ह अउर ओकर खून बहाया ह। उ ओन लबार देवतन क तोहार भेंट रहिन।</verse>
				<verse number="37">एह बरे मइँ तोहरे सबहिं पिरेमियन क एक संग बटोरत हउँ। मइँ ओन सबहिं क लिआउब जेनसे तू पिरेम किहा अउर जउने मनइयन स घिना किहा। मइँ सबहिं क एक संग लइ आउब अउर ओनका तोहका नंगा लखइ देब। उ पचे तोहका पूरी तरह नगन लखिहीं।</verse>
				<verse number="38">तब मइँ तोहका दण्ड देब। मइँ तोहका कउनो हत्यारिन अउर उ मेहरारू क तरह दण्ड देब जउन बिभिचार क पाप किहेस। तू वइसे ही दण्डित होउबिउ माना कउनो कोहान अउ इर्स्यालु भतार दण्ड देत होइ।</verse>
				<verse number="39">मइँ ओन सबहिं पिरेमियन क तोहका प्राप्त कइ लेइ देब। उ पचे तोहार टीलन क नस्ट कइ देइहीं। उ पचे तोहार पूजा ठउरन क जराइ उइहीं। उ पचे तोहार ओढ़ना फाड़ि डइहीं अउर तोहार सुन्नर आभूसण लइ लेइहीं। उ पचे तोहका वइसे वस्त्रहीन अउर नंगी छोड़ देइहीं जइसे तू तब रहिउ जब मइँ तोहका पाए रहेउँ।</verse>
				<verse number="40">उ पचे आपन संग बिसाल जन-समूह लइहीं अउर तोहका मारि डावइ बरे तोहार ऊपर पाथर फेंकिहीं। तब आपन तरवार स उ पचे तोहका टूका-टूका कइ डइहीं।</verse>
				<verse number="41">उ पचे तोहार घर जराइ देइहीं। उ पचे तोहका इ तरह दण्ड देइहीं कि सबहिं दूसर मेहररूअन लखि सकइँ। मइँ तोहार रण्डी क तरह रहब बन्द कइ देब। मइँ तोहका आपन पिरेमियन क धन देइ स रोक देब।</verse>
				<verse number="42">तब मइँ कोहान अउर इर्स्यालु होब छोड़ देब। मइँ सान्त होइ जाब। मइँ फुन कबहुँ नाहीं कोहाब।</verse>
				<verse number="43">इ सबइ सारी बातन काहे होइ? काहेकि तू उ याद नाहीं रख्या कि तोहरे संग तोहार युवावस्था मँ का घटित भवा रहा। तू उ सबइ सबहिं बुरे पाप किहा अउर मोका किरोधित किहा। एह बरे ओन बुरे पापन बरे मोका तोहका सजा देइ क रहा। अउर का ओन सबइ भयंकर बुरा करमन स भी बुरा जेका तू किहा करम करइ जोजना नाहीं बनावत रहेन।” मोर सुआमी यहोवा इ सबइ बातन कहेस।</verse>
				<verse number="44">“तोहरे बारे मँ बात करइवाले सब लोगन क लगे एक ठु अउर बात भी कहइ बरे होइ। उ पचे कहिहीं, ‘महतारी क तरह बिटिया भी अहइ।’</verse>
				<verse number="45">तू आपन महतारी क बिटिया अहा। तू आपन पति या बच्चन क धियान नाहीं राखति अहा। तू ठीक आपन बहिन क समान अहा। तू दुइनउँ आपन भतारन अउर बच्चन स घिना किहा। तू ठीक आपन महतारी-बाप क तरह अहा। तोहार महतारी हित्ती रही अउर तोहार पिता एमोरी रहा।</verse>
				<verse number="46">तोहार बड़की बहिन सोमरोन रही। जउन तोहरे उत्तर मँ आपन बिटियन क संग रहत रही अउर तोहार छोटकी बहिन सदोम रही। उ आपन बिटियन क संग तोहरे दक्खिन मँ रहत रही।</verse>
				<verse number="47">तू पचे उ सबहिं भयंकर पाप किहा जउन उ पचे किहेन। किन्तु तू उ सबइ काम भी किहा जउन ओनसे भी बुरे रहेन।</verse>
				<verse number="48">मइँ यहोवा अउर सुआमी अहउँ। मइँ सदा जिअत हउँ अउर आपन जिन्नगी क किरिया खाइके कहत हउँ कि तोहार बहन सदोम अउर ओकर बिटियन कबहुँ ओतने बुरे काम नाहीं किहेन जेतना तू अउर तोहार बिटियन किहेन।”</verse>
				<verse number="49">परमेस्सर कहेस, “तोहार बहन सदोम अउर बिटियन घमण्डी रहिन। ओकरे लगे जरूरत स जियादा खाइ क रहा अउर ओकरे लगे बहोत जियादा समइ रहा। उ पचे दीन-असहाय लोगन क मदद नाहीं करत रहिन।</verse>
				<verse number="50">सदोम अउर ओकर बिटियन बहोत जियादा घमण्डी होइ गइन अउर मोरे समन्वा भयंकर कार्य किहस। जब मइँ इ लखेस तउ मइँ ओनका नास कइ द्या।”</verse>
				<verse number="51">परमेस्सर कहेस, “सोमरोन ओन पापन क आधा किहरा जउन तू किहा। तू सोमरोन क अपेच्छा बहोत जियादा पाप किहा। तू आपन बहन क अपेच्छा बहोत जियादा भयंकर पाप किहा ह। सदोम अउर सोमरोन क तुलना करइ पइ, उ पचे तोहसे नीक लागत हीं।</verse>
				<verse number="52">एह बरे तोहका लज्जित होइ चाही। तू आपन बहिनन क, तुलना मँ आपन स नीक लगइवाली बनाया ह। तू भयंकर पाप किहा ह एह बरे तोहका लज्जित होइ चाही।”</verse>
				<verse number="53">परमेस्सर कहेस, “मइँ सदोम अउर ओकरे चारिहुँ ओर क नगरन क नस्ट किहेउँ। मइँ सोमरोन अउर एकरे चारिहुँ कइँती क नगरन क नस्ट किहेउँ। यरूसलेम, मइँ तोहका नस्ट करब। किन्तु मइँ ओन नगरन क फुन स बनाउब। यरूसलेम, मइँ तोहका भी फुन स बनाउब</verse>
				<verse number="54">मइँ तोहका आराम देब। तब तू ओन भयंकर पापन क याद करब्या जउन तू किहा अउर तू लज्जित होब्या।</verse>
				<verse number="55">इ तरह तू अउर तोहार बहिन समरिया फुन स बनाई जइहीं। सदोम अउर ओकरे चारिहुँ कइँती क नगर फुन स बनावा जइहीं।”</verse>
				<verse number="56">परमेस्सर कहेस, “अतीतकाल मँ तू घमण्डी रहिउ अउर बहिन सदोम क हँसी उड़ावत रहिउ। किन्तु तू वइसा फुन नाहीं कइ सकबिउ।</verse>
				<verse number="57">तू अइसा दण्डित होइ स पहिले अउर आपन पड़ोसियन क जरिये हँसी उड़ाउब सुरू कीन्ह जाइ स पहिले किहे रह्या। अराम क बिटियन अउ पलिस्ती अब तोहार हँसी उड़ावत अहइँ।</verse>
				<verse number="58">अब तोहका ओन भयंकर पापन बरे कस्ट उठावइ पड़ी जउन तू किहा।” यहोवा इ सबइ बातन कहेस।</verse>
				<verse number="59">मोर सुआमी यहोवा, इ सबइ चिजियन कहेस, “तू आपन बियाह क प्रतिग्या भंग किहेउ। तू हमरी वाचा क आदर नाहीं किहा। अब मइँ तोहार बरे भी उहइ करब।</verse>
				<verse number="60">किन्तु मोका उ वाचा याद अहइ जउन उ समइ कीन्ह गइ रही जब तू बच्ची रहिउ। मइँ तोहरे संग वाचा किहे रहेउँ जउन सदा चलइवाली रही।</verse>
				<verse number="61">मइँ तोहरी बहिनियन क तोहरे लगे लिआउब अउर मइँ ओनका तोहार बिटियन बनाउब। इ हमरी वाचा मँ नाहीं रहा, किन्तु मइँ इ तोहरे बरे करब। तब तू ओन भयंकर पापन क याद करबिउ, जेनका तू किहा अउर तू लजाइ जाबिउ।</verse>
				<verse number="62">एह बरे मइँ तोहरे संग वाचा करब, अउर तू जानबिउ कि मइँ यहोवा अहउँ।</verse>
				<verse number="63">मइँ तोहरे बरे नीक रहब जेहसे तू मोका याद करबिउ अउर ओन पापन बरे लज्जित होइ जउन तू किहा। मइँ तोहका सुद्ध करब अउर तोहका फुन कबहुँ लज्जित नाहीं होइ पड़ी।” मोर सुआमी यहोवा इ सबइ बातन कहेस।</verse>
			</chapter>
			<chapter number="17">
				<verse number="1">तब यहोवा क वचन मोका मिला। उ कहेस,</verse>
				<verse number="2">“मनई क पूत, इस्राएल क परिवार क इ कहानी सुनावा। ओनसे पूछा कि एकर का मतलब अहइ?</verse>
				<verse number="3">ओनसे कहा मोर सुआमी यहोवा इ कहत ह: “‘एक ठु बिसाल उकाब (नबूकदनेस्सर) बिसाल पखना सहित लबानोन मँ आवा। उकाब क रंग बिरंगे पखना रहेन। उ देवदार क बृच्छ क चोटी क तोड़ दिहस।</verse>
				<verse number="4">उ उकाब उ विसाल देवदार बृच्छ क साखा, क माथे क तोड़ डाएस अउर ओका ब्यापारीयो देस को लइ गवा। उकाब बइपारियन क नगर मँ उ साखा क राखेस।</verse>
				<verse number="5">तब उकाब तोहार भुइँया क कछू बीजन क लिहस। उ ओनका उपजाऊ भुइँया मँ बोएस। तब उ ओनका हुआँ बोएस जहाँ पानी बहोत रहा, उहइ तरह स जइसे तू बैत क बृच्छ बगावत ह।</verse>
				<verse number="6">बिआ उगेन अउर उ सबइ अंगूर क बेल बनेन। इ बेल अच्छी रही। बेल ऊँची नाहीं रही। किन्तु इ बड़के छेत्र क ढकइ बरे फइल गइ। बेल क तने बनेन अउर नान्ह बेलन बहोत लम्बी होइ गइ।</verse>
				<verse number="7">तब दूसर पखनावाला उकाब अंगूरे क बेल क लखेस। उकाब क लम्बे पखना रहेन। अंगूरे क बेल चाहत रही कि इ नवा उकाब ओकर देख-भाल करइ। एह बरे इ आपन जड़न क उ उकाब कइँती फइलाएस। एकर साखन इ उकाब कइँती फइलिन। एकर साखन उ खेत स फइलिन जहाँ इ बोइ गइ रही। अगूंर क बेल चाहत रही कि नवा उकाब ओका पानी देइ।</verse>
				<verse number="8">अंगूरे क बेल अच्छे खेते मँ बोइ गइ रही। इ प्रभूत जले क लगे बोइ गइ रही। इ साखन अउ फल पइदा कइ सकत रहिन। इ एक बहोत अच्छी अंगूरे क बेल होइ सकत रही।’”</verse>
				<verse number="9">मोर सुआमी यहोवा इ सबइ बातन कहेस, “का तू समुझत अहा कि बेल सफल होइ? नाहीं। नवा उकाब बेल क जमीन स उखाड़ि देइ। अउ पंछी बेल क जड़न क तोड़ देइ। उ सारे अंगूरन क खाइ जाइ। तबइ नई पत्तियन झुरइहीं अउर मरि जइहीं। उ बेल बहोत कमजोर होइ। इ बेल क जड़ स उखाड़इ बरे सक्तीसाली अस्त्र अउ सस्त्र या सक्तीसाली रास्ट्र क जरूरत नाहीं होइ।</verse>
				<verse number="10">का इ बेल हुवाँ बढ़ी जहाँ बोइ गइ अहइ? नाहीं, गरम पुरवाई चली अउर बेल झुराई अउर मरि जाई। इ हुवँइ मरी जहाँ इ बोई गइ रही।”</verse>
				<verse number="11">यहोवा क वचन मोका मिला। उ कहेस,</verse>
				<verse number="12">“इ कहानी क बियाख्या इस्राएल क लोगन क बीच करा, उ पचे सदा मोरे खिलाफ जात हीं। ओनसे इ कहा: पहिला उकाब बाबुल क राजा अहइ। इ यरूसलेम आवा अउर राजा तथा दूसर प्रमुखन क लइ गवा। उ ओनका बाबुल लिआवा।</verse>
				<verse number="13">तब नबूकदनेस्सर राजा क परिवार क एक मनई क संग सन्धि किहस। नबूकदनेस्सर उ मनई क प्रतिग्या करइ बरे मजबूर किहस। इ तरह इ मनई नबूकदनेस्सर बरे राजभक्त रहइ क प्रतिग्या किहस। नबूकदनेस्सर इ मनई क यहूदा क नवा राजा बनाएस। तब उ सबहिं सक्तिसाली मनइयन क यहूदा स बाहरे निकारेस।</verse>
				<verse number="14">इ तरह यहूदा एक दुर्बल राज्ज बन गवा, जउन राजा नबूकदनेस्सर क खिलाफ नाहीं उठ सकत रहा। यहूदा क नवा राजा क संग नबूकदनेस्सर जउन सन्धि किहे रहा ओकर पालन करइ बरे लोग मजबूर कीन्ह गएन।</verse>
				<verse number="15">किन्तु इ नवा राजा कउनो भी तरह नबूकदनेस्सर क खिलाफ बिद्रोह करइ क जतन किहस। उ मदद माँगइ बरे मिस्र क दूत पठएस। नवा राजा बहोत स घोड़न अउर फउजी माँगेस। इ दसा मँ, का तू समुझत अहा कि यहूदा क राजा सफल होइ? का तू समुझत अहा कि नवा राजा क लगे पर्याप्त सक्ति होइ कि उ सन्धि क तोड़िके दण्ड स बचि सकी?”</verse>
				<verse number="16">मोर सुआमी यहोवा कहत ह, “मइँ आपन जिन्नगी क किरिया खाइके वचन देत हउँ कि इ नवा राजा बाबुल मँ मरी। नबूकदनेस्सर इ मनई क यहूदा क नवा राजा बनाएस। किन्तु इ मनई नबूकदनेस्सर क संग कीन्ह भइ आपन प्रतिग्या तोड़ेस। इ नवा राजा सन्धि क उपेच्छा किहस।</verse>
				<verse number="17">मिस्र क राजा यहूदा क राजा क रच्छा करइ मँ समर्थ नाहीं होइ। उ बड़की गनती मँ फउज पठइ सकत ह किन्तु मिस्र क महान सक्ति यहूदा क रच्छा नाहीं कइ सकी। नबूकदनेस्सर क फउजन नगर पइ अधिकार बरे कच्ची सड़कियन अउर माटी क बनइहीं।</verse>
				<verse number="18">किन्तु यहूदा क राजा बचिके निकर नाहीं सकी। काहेकि उ आपन सन्धि क उपेच्छा किहस। उ नबूकदनेस्सर क दीन्ह आपन बचन क तोड़ेस।”</verse>
				<verse number="19">मोर सुआमी यहोवा इ वचन देत ह, “मइँ आपन जिन्नगी क किरिया खाइके प्रतिग्या करत हउँ कि मइँ यहूदा क राजा क दण्ड देब। काहेकि उ मोर चितउनियन क उपेच्छा किहस। उ हमार सन्धि क तोड़ेस।</verse>
				<verse number="20">मइँ आपन जाल फइलाउब अउर उ एहमा फँसी। मइँ ओका बाबुल लिआउब तथा मइँ ओका उ जगह मँ दण्ड देब। मइँ ओका दण्ड देब काहेकि उ मोरे खिलाफ उठा।</verse>
				<verse number="21">मइँ ओकर फउज क नस्ट करब। मइँ ओकर सर्वोत्तम फउजियन क नस्ट करब अउर बचे भए लोगन क हवाँ मँ उड़ाइ देब। तब तू जानब्या कि मइँ यहोवा हउँ अउर मइँ इ सबइ बातन तोहसे कहे रहिउँ।”</verse>
				<verse number="22">मोर सुआमी यहोवा इ सबइ बातन कहे रहा: “मइँ लम्बे देवदार क बृच्छ स एक डार लेब। मइँ बृच्छ क चोटी स एक नान्ह डार लेब। अउर मइँ खुद ओका बहोत ऊँच पहाड़े पइ बोउब।</verse>
				<verse number="23">मइँ खुद एका इस्राएल मँ ऊँच पहाड़े पइ लगाउब। इ डार एक बृच्छ बन जाइ। एकर डारन निकरिहीं अउर एहमाँ फल लगिहीं। इ एक सुन्नर देवदार बृच्छ बन जाइ। अनेक पंछी एकर डारन पइ बइठा करिहीं। अनेक पंछी एकर डारन क खाले छाया मँ रहिहीं।</verse>
				<verse number="24">“तब दूसर बृच्छ ओका जनिहीं कि मइँ ऊँच बृच्छन क भुइँया पइ गिरावत हउँ। अउर मइँ नान्ह बृच्छन क बढ़ावत अउर ओनका लम्बा बनावत हउँ। मइँ हरे बृच्छन क झुनाइ देत हउँ। अउर मइँ झुरान बृच्छन क हरा करत हउँ। मइँ यहोवा हउँ। जदि मइँ कहउँ कि मइँ कछू करब तउ मइँ ओका जरूर करब।”</verse>
			</chapter>
			<chapter number="18">
				<verse number="1">यहोवा क बचन मोका मिला। उ कहेस,</verse>
				<verse number="2">“तू लोग इ कहावत क दोहरावत रहत ह। काहे तू कहत ह: ‘पुरखन खट्टा अंगूर खाएन, किन्तु बच्चन क खट्टा स्वाद मिला’।”</verse>
				<verse number="3">किन्तु मोर सुआमी यहोवा कहत ह, “मइँ आपन जिन्नगी क किरिया खाइके प्रतिग्या करत हउँ कि इस्राएल क लोग अब भविस्स मँ इ कहावत क अब कबहुँ उपयोग नाहीं करब्या।</verse>
				<verse number="4">मइँ सबहिं मनइयन क संग समान बेउहार करब। इ महत्वपूर्ण नाहीं होइ कि उ मनई महतारी बाप अहइ अथवा सन्तान। जउन मनई पाप करी उ मनई मरी।</verse>
				<verse number="5">“जदि कउनो मनई भला अहइ, तउ उ जिअत रही। उ मनई लोगन क संग नीक बेउहार करत ह।</verse>
				<verse number="6">उ भला मनई पर्वतन पइ नाहीं जात अउर लबार देवतन क चढ़ाए गए भोजन मँ कउनो हींसा नाहीं बाँटत। उ इस्राएल मँ ओन गन्दे देवतन क मूरतियन क स्तुति नाहीं करत। उ आपन पड़ोसी क मेहरारू क संग बिभिचार क पाप नाहीं करत। उ आपन मेहरारू क संग, ओकरे मासिक धरम क समय, सरीर क सम्बंध नाहीं करत।</verse>
				<verse number="7">उ भला मनई लोगन स अनुचित लाभ नाहीं उठावत। जदि कउनो मनई ओहसे मुद्रा रिण लेत ह तउ उ भला मनई गिरवी धइके दूसर मनई क मुद्रा देत ह अउर जब उ मनई ओका भूगतान कइ देत ह तउ भला मनई ओका गिरवी वस्तु वापस कइ देत ह। भला मनई भूखे लोगन क भोजन देत ह अउर उ ओन लोगन क वस्त्र देत ह जेनकर ओनका जरूरत अहइ।</verse>
				<verse number="8">जदि कउनो मुद्रा रिण लेइ चाहत ह तउ भला मनई ओका उ रिण देत ह। उ रिण क ब्याज नाहीं लेत। भला मनई कुटिल होइ स इन्कार करत ह। उ हर मनई क बरे सदा भला रहत ह। लोग ओह पइ बिस्सास कइ सकत हीं।</verse>
				<verse number="9">उ मोरे नेमन क पालन करत ह। उ मोरे निर्णयन क समुझत ह अउर भला एव बिस्सास क जोग्य होब सीखत ह। काहेकि उ भला मनई अहइ, एह बरे उ जिअत रही। यहोवा परमेस्सर इ कहत ह।</verse>
				<verse number="10">“किन्तु उ मनई क कउनो अइसा पूत होइ सकत ह, जउन ओन नीक कामन मँ स कछू भी न करत होइ। पूत चिजियन क चुराइ सकत ह अउर लोगन क हत्तिया कइ सकत ह।</verse>
				<verse number="11">पूत एन बुरे कामन मँ स कउनो भी करम कइ सकत ह। उ पहाड़न पइ जाइ सकत ह अउर लबार देवतन क चढ़ाए गए भोजन मँ हींसा बटाइ सकत ह। उ पापी पूत आपने पड़ोसी क मेहरारू क संग बिभिचार करइ क पाप कइ सकत ह।</verse>
				<verse number="12">उ गरीब अउर बेसहारा लोगन क संग बुरा बेउहार कइ सकत ह। उ लोगन स अनुचित लाभ उठाइ सकत ह। उ गिरवी चीज क तब्बइँ न लउटावइ जब कउनो मनई आपन रिण क भुगतान कइ चुका होइ। उ पापी पूत ओन गन्दी देवमूरतियन क पराथना कइ सकत ह अउर दूसर भयंकर पाप भी कइ सकत ह।</verse>
				<verse number="13">जब उ लोगन क ऋण पइ धन देत ह तउ उ बियाज लेत ह। एह बरे उ पापी पूत जिअत नाहीं रही। उ भयंकर पाप किहेस एह बरे मार दीन्ह जाइ अउर आपन मउत बरे उ खुद ही जिम्मेदार अहइ।</verse>
				<verse number="14">“होइ सकत ह उ पापी पूत क भी एक पूत होइ। किन्तु इ पूत आपन बाप क जरिये कीन्ह गए पापन क लखि सकत ह अउर उ आपन पिता क तरह रहइ स इन्कार कइ सकत ह। उ मनई लोगन क संग भला बेउहार करत ह।</verse>
				<verse number="15">उ मनई पहाड़न पइ नाहीं जात, न ही लबार देवतन क चढ़ाए गए भोजन मँ हींसा बटावत ह। उ इस्राएल मँ ओन गन्दी देवमूरतियन क पराथना नाहीं करत। उ आपन पड़ोसी क मेहरारू क संग बिभिचार क पाप नाहीं करत।</verse>
				<verse number="16">उ मनई लोगन स अनुचित लाभ नाहीं उठावत। जदि कउनो मनई ओहसे रिण लेत ह तब भला पूत चीज गिरवी धरत ह अउर उ मनई क मुद्रा देत ह अउर जब उ मनई वापस भुगतान करत ह तउ भला मनई गिरवी चीज वापस कइ देत ह। भला मनई भूखन क भोजन देत ह अउर उ ओन लोगन क वस्त्र देत ह जेनका ओकर आवश्यकता अहइ।</verse>
				<verse number="17">उ गरीबन क सहायता करत ह जदि कउनो मनई रिण लेइ चाहत ह तउ भला पूत ओका मुद्रा उधार दइ देत ह अउर उ उ रिण पइ बियाज नाहीं लेत। भला पूत मोर नेमन क पालन करत ह और मोरे नेमन क मुताबिक चलत ह। उ भला पूत आपन पिता क पापन क कारण मारा नाहीं जाइ। उ भला पूत जिअत रही।</verse>
				<verse number="18">पिता लोगन क चोट पहोंचाइ सकत ह अउर चिजियन चुराइ सकत ह। उ आपन लोगन क बीच कबहुँ कछू नीक कारज नाहीं किहस। उ बाप आपन पापन क कारण मरी। किन्तु पूत आपन पिता क पापन बरे दण्डित नाहीं होइ।</verse>
				<verse number="19">“तू पूछ सकत ह, ‘बाप क पाप बरे पूत दण्डित काहे नाहीं होइ?’ एकर कारण इ अहइ कि पूत भला करत ह अउर निआव क कार्य करत ह। उ बहोत सावधानी स मोरे नेमन क पालन करत ह। एह बरे उ जिअत रही।</verse>
				<verse number="20">जउन मनई पाप करत ह उहइ मनई मारि डावा जात ह। एक पूत आपन पिता क पापन बरे दण्डित नाहीं होइ अउर एक पिता आपन पूत क पापन बरे दण्डित नाहीं होइ। एक भले मनई क भलाई क प्रतिफल दीन्ह जाब्या अउर बुरे मनई क बुराई क दण्ड दीन्ह जाब्या।</verse>
				<verse number="21">“इ स्थिति मँ जदि कउनो बुरा मनई आपन जीवन क्रम बदल देत ह तउ उ जिअत रही, मरी नहीं उ मनई आपन किए करमन क फुन करब छोड़ सकत ह। उ बहोत होसियारी स मोर सबहिं नेमन क पालन करब सुरू कइ सकत ह। उ निआउ प्रिय अउर भला होइ सकत ह।</verse>
				<verse number="22">परमेस्सर ओकर ओन सबहिं पापन क याद नाहीं राखी जेनका उ किहेस। परमेस्सर सिरिफ ओकर भलाई क याद करी, एह बरे उ मनई जिअत रही।”</verse>
				<verse number="23">मोर सुआमी यहोवा कहत ह, “मइँ बुरे लोगन क मरइ देब नाहीं चाहत। मइँ चाहत हउँ कि उ पचे आपन जिन्नगी क बदलइँ, जेहसे उ पचे जिअत रहि सकइँ।</verse>
				<verse number="24">“अइसा भी होइ सकत ह, कि भला मनई न रहि जाइ। उ आपन जिन्नगी क बदल सकत ह अउर ओन भयंकर पापन क करब सुरू कइ सकत ह जेनका बुरे लोग बीते जमाने मँ किहे रहेन। का इ मनई जिअत रहब? नाहीं! एह बरे जदि उ भला मनई बदलन ह अउर बुरा बन जात ह तउ परमेस्सर उ मनई क कीन्ह नीक कामन क याद नाहीं राखी। परमेस्सर इहइ याद राखी कि उ मनई ओकरे खिलाफ होइ गवा अउर उ पाप करब सुरू किहस। एह बरे उ मनई आपन पापन क कारण मरी।”</verse>
				<verse number="25">परमेस्सर कहेस, “तू लोग कहि सकत ह, ‘परमेस्सर हमार सुआमी निआव स पूर्ण नाहीं अहइ।’ किन्तु इस्राएल क परिवारो, सुना। का इ मोर रास्ता अहइ जउन कि सही नाहीं अहइ? नाहीं! तोहार रास्ता सही नाहीं अहइ।</verse>
				<verse number="26">जदि एक भला मनई बदलत ह अउर पापी बनत ह तउ ओका आपन कीन्ह गए बुरे कामन क कारण मरब ही चाही।</verse>
				<verse number="27">जदि कउनो मनई बदलत ह अउर भला अउ निआउ क प्रिय होत ह तउ उ आपन जिन्नगी क बचाई। उ जिअत रही।</verse>
				<verse number="28">उ मनई लखेस कि उ केतना बुरा रहा अउर मोरे लगे लउटा। उ ओन बुरे पापन्क करब तजि दिहस जउन उ भूतकाल मँ किहे रहा। एह बरे उ जिअत रही। उ मरी नाहीं।”</verse>
				<verse number="29">इस्राएल क लोग कहेन, “इ निआउ स पूर्ण नाहीं अहइ। मोर सुआमी यहोवा निआउ स पूर्ण नाहीं अहइ।” परमेस्सर कहेस, “का इ मोर रास्ता अहइ जउन कि सही नाहीं अहइ? नाहीं! तोहार रास्ता सही नाहीं अहइ।</verse>
				<verse number="30">एह बरे इस्राएल क परिवार, मइँ हर एक मनई क संग निआउ सिरिफ ओनके ओन क करमन क अनुसार करब जेनका उ मनई करत ह। एह बरे मोर लगे वापिस आ अउर अपने सब अपराध स पस्चाताप करा अउर ओनका करइ बन्द करा। ओन भयंकर चिजियन क आपन बिनास क कारण बनइ नाहीं द्या।</verse>
				<verse number="31">ओन सबहिं भयंकर मूरतियन क लोकाइ द्या जेनका तू पचे बनाया, उ सबइ तोहसे सिरिफ पाप करवावत हीं। आपन हिरदय अउर आतिमा क बदला। इस्राएल क लोगो, तू पचे आपन क काहे मरि जाइ देइ चाहत अहा?</verse>
				<verse number="32">मइँ तू पचन्क मारइ नाहीं चाहत हउँ। तू पचे हमारे लगे आवा अउर रहा।” उ सबइ बातन मोर सुआमी यहोवा कहेस।</verse>
			</chapter>
			<chapter number="19">
				<verse number="1">यहोवा मोहसे कहेस, “तू पचन्क इस्राएल क प्रमुखन क बारे मँ इ करूण गीत क गावइ चाही।</verse>
				<verse number="2">“‘कइसी सिंहिनी अहइ तोहार पचन्क महतारी? उ सिंहन क बीच एक ठु सिंहिनी रही। उ जवान सिहंन मँ घिरी रहत रही अउर आपन बचवन क लालन-पालन करत रही।</verse>
				<verse number="3">उ आपन बच्चन मँ स एक ठु क लालन-पालन किहेस। उ एक ठु जवान सिंह होइ गवा ह। उ आपन भोजन पाउव सीख लिहस ह। उ एक मनई क मारेस अउर खाइ लिहेस।</verse>
				<verse number="4">“‘लोगन ओका गरजत सुनेन अउर उ पचे ओका आपन जालि मँ फँसाइ लिहस। उ पचे ओकरे मुँहे मँ नकेल डाएन अउर जवान सिंह क मिस्र लइ गएन।</verse>
				<verse number="5">“‘सिंह महतारी क आसा रही कि सिंह बच्चा प्रमुख बनी। किन्तु अब ओकर सारी आसा लुप्त होइ गइन। एह बरे आपन बच्चन मँ स उ एक दूसर क लिहस। ओका उ सिंह होइ क प्रसिच्छण दिहस।</verse>
				<verse number="6">उ जवान सिंहन क संग सिकार क निकरा। उ एक ठु बलवान जवान सिंह बना। उ आपन भोजन क धरब सीखेस। उ एक ठु मनई क मारेस अउर ओका खाएस।</verse>
				<verse number="7">उ महलन पइ हमला किहस। उ नगरन क बर्बाद किहस। उ देस क हर एक मनई तब भय स अवाक होत रहा। जब उ ओकर गरजत सुनत रहा।</verse>
				<verse number="8">तब ओकरे चारिहुँ कइँती रहइवाले लोग ओकरे बरे जालि बिछाएन अउर उ पचे ओका आपन जालि मँ फँसाइ लिहन।</verse>
				<verse number="9">उ पचे ओह पइ नकेल लगाएन अउर ओका बंद कइ दिहन। उ पचे ओका अपने जालि मँ बंद रखेन। इ तरह ओका उ पचे बाबुल क राजा क लगे लइ गएन। अब, तू पचे इस्राएल क पर्वतन पइ ओकर गरजब सुन नाहीं सकत्या।</verse>
				<verse number="10">“‘तोहार पचन्क महतारी एक ठु अंगूरे क बेल जइसी रही, जेका पानी क लगे बोवा गवा रहा। ओकरे पास काफी पानी रहा, एह बरे उ अनेक सक्तीसाली बेलन पइदा किहस।</verse>
				<verse number="11">तब उ एक बड़की डार पइदा किहस, उ डार टहरइ क छड़ी जइसी रही। उ डार राजा क राजदण्ड जइसी रही। बेल ऊँची, अउर ऊँच होत गइ। एकर ढेर डारन रहिन अउर उ बादरन क छुअइ लाग।</verse>
				<verse number="12">किन्तु बेल क जड़ स उखाड़ दीन्ह गवा, अउर ओकर भुइँया पइ बहाइ दीन्ह गवा। गरम पुरवइया हवा चली अउर ओकरे फलन क झुराइ दिहस सक्तीसाली डारन टूट गइन, अउर ओनका आगी मँ फेंक दीन्ह गवा।</verse>
				<verse number="13">“‘किन्तु उ अंगूरे क बेल अब रेगिस्ताने मँ बोइ गइ अहइ। इ बहोत झुरान अउर पियासी धरती अहइ।</verse>
				<verse number="14">बिसाल डारे स आगी फइली। आगी ओकर सारी टहनियन अउर फलन क बारि दिहस। एह बरे कउनो सहारा क सक्तिसाली कुबरी नाहीं रही। कउनो राजा क राजदण्ड नाहीं रहा।’ इ मउत क बारे मँ करूण-गीत रहा अउर इ मउत क बारे मँ करूणगीत क रूप मँ गावा गवा रहा।”</verse>
			</chapter>
			<chapter number="20">
				<verse number="1">एक दिन इस्राएल क अग्रजन मँ स कछू मोरे लगे यहोवा क राय पूछइ आएन। इ देस-निकारे क सतवाँ बरिस क पाँचवा महीना क दसवाँ दिन रहा। अग्रज मोरे समन्वा बइठेन।</verse>
				<verse number="2">तब यहोवा क बचन मोरे लगे आवा। उ कहेस,</verse>
				<verse number="3">“मनई क पूत, इस्राएल क अग्रजन स बात करा। ओनसे कहा, ‘मोर सुआमी यहोवा, इ सबइ बातन बतावत ह: का तू लोग मोर सलाह माँगइ आए रह्या? जदि तू लोग आवा हवा तउ मइँ तू पचन्क इ नाहीं देब। मोर सुआमी यहोवा इ बात कहेस।’</verse>
				<verse number="4">हे मनई क पूत! का तू ओन लोगन क निर्णय करब? का तू ओन लोगन क परखब? तोहका ओनका ओन भयंकर पापन क बारे मँ बतावइ चाही जउन ओनकर पुरखन किहे रहेन।</verse>
				<verse number="5">तोहका ओनसे जरूर कहइ चाही, ‘मोर सुआमी यहोवा इ कहत ह: जउने दिने मइँ इस्राएल क चुनेउँ, मइँ आपन हाथ याकूब क परिवार क ऊपर उठाएउँ। मइँ आपन-आपन क ओन पइ परगट किहेउँ। अउर मइँ मिस्र मँ ओनसे एक ठु प्रतिग्या किहेउँ। मइँ आपन हाथ उठाएउँ अउर कहेउँ: “मइँ तोहार परमेस्सर यहोवा अहउँ।”</verse>
				<verse number="6">उ दिन मइँ तू पचन्क मिस्र स बाहेर लिआवइ के उ देस मँ लाएउँ जेका क बचन दिहे रहेउँ मइँ तू पचन्क देइ चाहत रहेउँ। उ एक सुन्नर देस रहा जउन दुध अउर मधु स भरा रहा। इ सबहिं देसन स जियादा सुन्नर रहा।</verse>
				<verse number="7">“‘मइँ, इस्राएल क परिवार स ओनकर भयंकर देवमूरतियन के लोकावइ बरे कहेउँ। मइँ, ओन मिस्र क गन्दी देवमूरतियन क संग ओनका गन्दा न होइ बरे कहेउँ। “मइँ तोहार पचन्क परमेस्सर यहोवा अहउँ।”</verse>
				<verse number="8">किन्तु उ सबइ मोरे विरूद्ध होइ गएन अउर उ पचे मोर एक न सुनेन। उ पचे आपन भयंकर देवमूरतियन क नाहीं लोकाएन। उ पचे मिस्र क आपन घिनौनी देवमूरतियन नाहीं छोड़ेस। एह बरे मइँ (परमेस्सर) ओनका मिस्र मँ नस्ट करइ क निर्णय किहेउँ अर्थात मइँ आपन किरोध क पूरी सक्ति क ओनका अनुभव करवाइ चाहत रहेउँ।</verse>
				<verse number="9">किन्तु मइँ ओनका नस्ट नाहीं किहेउँ। मइँ लोगन स जहाँ उ पचे रहत रहेन पहिले ही कहि चुके रहेउँ कि मइँ आपन लोगन क मिस्र स बाहेर लइ जाबउँ। मइँ आपन अच्छे नाउँ क समाप्त नाहीं करइ चाहत, एह बरे मइँ ओन लोगन क समन्वा इस्राएलियन क नस्ट नाहीं किहेउँ।</verse>
				<verse number="10">मइँ इस्राएल क परिवार क मिस्र स बाहेर लिआएउँ। मइँ ओनका रेगिस्ताने मँ लइ गएउँ।</verse>
				<verse number="11">तब मइँ ओनका आपन नेम दिहेउँ। मइँ ओनका सारे नेम बताएउँ। जदि कउनो मनई ओन नेमन क पालन करी तउ उ जिअब।</verse>
				<verse number="12">मइँ ओनका विस्राम क सबहिं बिसेस दिनन क बारे मँ भी बताएउँ। उ सबइ पवित्तर दिन ओनके अउ मोरे बीच बिसेस प्रतीक रहेन। उ सबइ इ संकेत करत रहेन कि मइँ यहोवा हउँ अउर मइँ ओनका आपन बिसेस लोग बनावत हउँ।</verse>
				<verse number="13">“‘किन्तु इस्राएल क परिवार रेगिस्ताने मँ मोरे खिलाफ उठ खड़ा भवा। उ पचे मोरे नेमन क अनुसरण नाहीं किहन। उ पचे मोरे नेमन क पालन करइ स इनकार किहन अउर उ सबइ नेम नीक अहइँ। जदि कउनो मनई ओनकर पालन करी तउ उ जिअब। उ पचे मोर विसेस विस्राम क खास दिनन क दूसित किहस माना ओनकर कउनो महत्व न होइ। उ पचे ओन दिनन क अनेकन दाईं दूसित करत रहेन। मइँ रेगिस्ताने मँ ओनका नस्ट करइ क निहचइ किहेउँ अर्थात आपन किरोध क पूरी सक्ति क अनुभव ओनका करावइ चाहेउँ।</verse>
				<verse number="14">किन्तु मइँ ओनका नस्ट नाहीं किहेउँ। दूसर रास्ट्रन मोका इस्राएल क मिस्र स बाहेर लिआवत लखेन। मइँ आपन अच्छे नाउँ क खतम नाहीं करइ चाहत रहेउँ, एह बरे मइँ ओन रास्ट्रन क समन्वा इस्राएल क नस्ट नाहीं किहेउँ।</verse>
				<verse number="15">मइँ रेगिस्ताने मँ ओन लोगन क एक अउर वचन दिहेउँ कि मइँ ओनका उ प्रदेस मँ नाहीं लिआउब जेका मइँ ओनका देत रहत हउँ। उ एक सुन्नर भुइँया रहा जहाँ दूध अउर सहद क नदी बहत रहा। इ सबहिं देसन स जियादा सुन्नर रहा।</verse>
				<verse number="16">“‘इस्राएल क लोग मोरे नेमन क पालन करइ स इनकार किहन। उ पचे मोरे नेमन क अनुसरण नाहीं किहन। उ पचे मोरे विस्राम क दिनन क अइसे लिहन माना उ पचे महत्व नाहीं रखतेन। उ पचे इ सबइ काम एह बरे किहन कि ओनका हिरदय ओन गन्दी देवमूरतियन क होइ चुका रहा।</verse>
				<verse number="17">किन्तु मोका ओन पइ करूणा आइ, एह बरे मइँ ओनका नस्ट नाहीं किहेउँ। मइँ ओनका रेगिस्ताने मँ पूरी तरह नस्ट नाहीं किहेउँ।</verse>
				<verse number="18">मइँ रेगिस्तान मँ ओनकर बच्चन स बातन किहेउँ। मइँ ओनसे कहेउँ, “आपन महतारी बाप जइसे न बना। ओनकर गन्दी देवमूरतियन स आपन आप क दूसित न करा। ओनकर नेमन क अनुसरण न करा। ओनकर आदेसन क पालन क करा।</verse>
				<verse number="19">मइँ यहोवा हउँ। मइँ तोहार पचन्क परमेस्सर हउँ। मोर नेमन क पालन करा। मोरे आदेसन क माना। उ काम करा जउन मइँ कहउँ।</verse>
				<verse number="20">इ प्रदर्सित करा कि मोर विस्राम क दिन तोहरे बरे महत्वपूर्ण अहइँ। याद राखा कि उ सबइ तोहरे अउर हमरे बीच विसेस प्रतीक अहइँ। मइँ यहोवा अहउँ अउर उ सबइ पवित्तर दिन इ संकेत करत हीं कि मइँ तोहार पचन्क परमेस्सर अहउँ।”</verse>
				<verse number="21">“‘किन्तु उ सबइ बच्चन मोरे विरूद्ध होइ गएन। उ पचे मोर नेमन क पालन नाहीं किहन। उ पचे मोर आदेस नाहीं मानेन। उ पचे उ सबइ काम नाहीं किहेन जउन मइँ ओनसे कहेउँ उ सबइ नीक नेम रहेन। जदि कउनो ओनकर पालन करी तउ उ जिअब। उ पचे मोर बिस्राम क बिसेस दिनन क दूसित किहेस माना ओनकर कउनो महत्व न होइ। एह बरे मइँ ओनका रेगिस्तान मँ पूरी तरह नस्ट करइ क निहचइ किहेउँ जेहसे उ पचे मोर किरोध क पूरी सक्ति क महसूस कइ सकइँ।</verse>
				<verse number="22">लेकिन मइँ आपन क रोक लिहेउँ। दूसर रास्ट्रन मोका इस्राएल क मिस्र स बाहेर लिआवत देखेन। इसलिए मइँ इस्राएल क बिनास नाहीं किहेउँ एह बरे दूसर रास्ट्रन क समवन्वा मोर नाउँ अपवित्तर नाहीं होइ।</verse>
				<verse number="23">एह बरे मइँ रेगिस्ताने मँ ओनका एक अउर बचन दिहेउँ। मइँ ओनका अलग-अलग रास्ट्रन मँ बिखेरइ अउ दूसर अनेक देसन मँ पठवइ क प्रतिग्या किहेउँ।</verse>
				<verse number="24">“‘इस्राएल क लोग मोरे आदेसन क पालन नाहीं किहेन। उ पचे मोरे नेमन क मानइ स इनकार कइ दिहेन। उ पचे मोर विस्राम क दिनन क अइसे लिहन माना उ पचे महत्व न रखत होइ। उ पचे आपन पुरखन क गन्दी देवमूरतियन क पूजेन।</verse>
				<verse number="25">एह बरे मइँ ओनका उ सबइ नेम दिहेउँ जउन नीक नाहीं रहेन। मइँ ओनका उ सबइ आदेस दिहेउँ जउन ओनका सजीव नाहीं कइ सकत रहेन।</verse>
				<verse number="26">मइँ ओनका आपन भेंटन स अपने आप क गन्दा बनावइ दिहेउँ। उ पचे आपन पहिलउटी क पइदा गदेला तलक क बलि चढ़ाउब सुरू कइ दिहन। इ तरह मइँ ओन लोगन क नस्ट करइ चाहेउँ। तब उ पचे समुझेन कि मइँ यहोवा अहउँ।’</verse>
				<verse number="27">एह बरे मनई क पूत, अब इस्राएल क परिवार स कहा। ओनसे कहा ‘मोर सुआमी यहोवा इ सबइ बातन कहत ह: इस्राएल क लोग मोरे खिलाफ बुरी बातन किहन अउर मोरे खिलाफ बुरी जोजनन बनाएन।</verse>
				<verse number="28">किन्तु मइँ एकरे होत भए भी, ओनका उ प्रदेस मँ लिआएउँ जेका देइ क बचन मइँ दिहे रहेउँ। उ पचे ओन पहाड़ियन अउर हरिअर बृच्छन क लखेन एह बरे उ पचे ओन सबहिं ठउरन पइ पूजा करइ गएन। उ पचे आपन ओन बलियन क लिहेन जउन मोका किरोधित करत ह अउर ओन सबइ ठउरन पइ चढ़ाएन। उ पचे आपन उ सबइ बलियन चढ़ाएन जउन मधुर गन्धवाली रहिन अउर उ पचे आपन पेय भेंटन ओन ठउरन पइ चढ़ाएन।</verse>
				<verse number="29">मइँ इस्राएल क लोगन स पूछेउँ कि उ पचे ओन ऊँच ठउरन पइ काहे जात अहइँ। एह बरे आजु तलक उ ऊँचे स्थान कहलावत हीं।’”</verse>
				<verse number="30">परमेस्सर कहेस, “इस्राएल क लोग ओन सबहिं बुरे कामन क किहन। एह बरे इस्राएल क लोगन स बात करा। ओनसे कहा, ‘मोर सुआमी यहोवा इ कहत ह: तू लोग ओन कामन क कइके अपने क गन्दा बनाइ लिहा ह जेनका तोहार पुरखन किहन। तू पचे एक ठु रण्डी क नाई काम किहा ह। तू पचे ओन भयंकर देवतन क संग मोका तजि दिहा ह जेनकर पूजा तोहार पचन्क पुरखन करत रहेन।</verse>
				<verse number="31">तू पचे उहइ तरइ क भेंट चढ़ावत अहा। तू पचे आपन बच्चन क आगी मँ लबार देवतन क भेंट क रूप मँ डावत अहा। तू पचे अपने क आजु भी गन्दी देवमूरतियन स गन्दा बनावत अहा। का तू पचे फुरइ सोचत अहा कि मइँ तू पचन्क अपने लगे आवइ देब अउर आपन सलाह माँगइ देब? मइँ यहोवा अउर सुआमी हउँ। मइँ आपन जिन्नगी क किरिया खाइके प्रतिग्या करत हउँ कि मइँ तोहरे पचन्क प्रस्नन क जवाब नाहीं देबउँ अउर तू पचन्क सलाह नाहीं देबउँ।</verse>
				<verse number="32">तू पचे कहत ह कि तू पचे दूसर रास्ट्रन क तरह होवइ चाहत ह अउर काठ अउ पाथर क खण्डन क पूजा करत अहा। इ नाहीं होइ चाही।’”</verse>
				<verse number="33">मोर सुआमी यहोवा कहत ह, “आपन जिन्नगी क किरिया खाइके मइँ प्रतिग्या करत हउँ कि मइँ तोहरे पचन्क ऊपर राजा क तरह सासन करब। मइँ आपन सक्तीसाली भुजन क उठाउब अउर तू पचन्क दण्ड देब। मइँ तोहरे पचन्क बिरूद्ध आपन किरोध परगट करब।</verse>
				<verse number="34">मइँ तू पचन्क एन दूसर रास्ट्रन स बाहेर लिआउब। मइँ तू लोगन क ओन रास्ट्रन मँ बिखेरेउँ। किन्तु मइँ तू लोगन क एक संग बटोरब अउर एन रास्ट्रन स वापस लउटाउब। किन्तु मइँ आपन सक्तीसाली भुजन उठाउब अउर तू पचन्क दण्ड। मइँ तोहरे पचन्क खिलाफ आपन किरोध परगट करब।</verse>
				<verse number="35">मइँ पहिले क तरह तू पचन्क रेगिस्ताने मँ लइ चलब। किन्तु इ उ ठउर होइ जहाँ दूसर रास्ट्र रहत हीं। हम आमने-सामने खड़ा होब अउर मइँ तोहरे पचन्क संग निआउ करब।</verse>
				<verse number="36">मइँ तोहरे पचन्क संग वइसा ही निआउ करब जइसा मइँ तोहरे पचन्क पुरखन क संग मिस्र क मरूभूमि मँ किहे रहेउँ।” मोर सुआमी यहोवा इ सबइ बातन कहेस।</verse>
				<verse number="37">“मइँ तोहका आपन भेंड़ क नाईं आपन सज़ा क छड़ी क तेल स गुजारउब। मइँ तोहका आपन करार क पालन करइ बरे मज़बूर करब।</verse>
				<verse number="38">मइँ ओन सबहिं लोगन क दूर करब जउन मोरे खिलाफ खड़े भएन अउर जउन मोरे खिलाफ पाप किहेन। मइँ ओन लोगन क तोहरे पचन्क जन्मभूमि स दूर करब। उ सबइ इस्राएल देस मँ कबहुँ नाहीं लउटिहीं। तब तू पचे जनब्या कि मइँ यहोवा हउँ।”</verse>
				<verse number="39">इस्राएल क परिवार, अब सुना मोर सुआमी यहोवा इ कहत ह, “जदि कउनो मनई मोरे सुनइ क बजाए आपन गन्दी देवमूरतियन क पूजा करइ चाहत ह तउ ओका उहइ करइ द्या। किन्तु तू पचे प्रतिस्ठा क भविस्स मँ आपन गन्दी देवमूरतियन क भेंट देब जारी रखइ क अउर जियादा नास नाहीं कइ सकब्या।”</verse>
				<verse number="40">मोर सुआमी यहोवा कहत ह, “लोगन क मोर सेवा बरे मोर पवित्तर पर्वत इस्राएल क ऊँच पर्वत पइ आवइ चाही। इस्राएल क सारा परिवार आपन भुइँया पइ होइ उ पचे हुवाँ अपने देस मँ होइहीं। इ उ जगह अहइ जहाँ तू पचे आइ सकत ह अउर तू पचन्क उ ठउरे पइ मोका आपन भेंट चढ़ावइ आउब चाही। तू पचन्क आपन फसल क पहिला भाग हुवाँ उ ठउरे पइ लिआवइ चाही। तू पचन्क आपन सबहिं पवित्तर भेंटन हुवँइ लिआवइ चाही।</verse>
				<verse number="41">तब तोहार पचन्क मधुर गन्ध स मइँ खुस होबउँ। इ सबइ होइ जब मइँ तू पचन्क वापस लिआउब। मइँ तू पचन्क अलग-अलग रास्ट्रन मँ बिखेरे रहेउँ। किन्तु मइँ तू पचन्क एक संग बटोरब अउर तू पचन्क फुन स आपन बिसेस लोग बनाउब।</verse>
				<verse number="42">तब तू पचे समुझब्या कि मइँ यहोवा अहउँ। तू पचे इ तब जनब्या जब मइँ तू पचन्क इस्राएल देस मँ वापस लिआउब। इ उहइ देस अहइ जेका मइँ तोहरे पचन्क पुरखन क देइ क बचन दिहे रहेउँ।</verse>
				<verse number="43">तउ तू ओन सबइ बुरे करमन क याद रखब्या जेनका तू किहस ह अउर जउन तोहका दूसित कइ दिह ह। अउर तू आपन आप स ही घिना करब ओन सबइ बुरे करम जेनका तू किहस ह।</verse>
				<verse number="44">इस्राएल क परिवार! तू पचे बहोत बुरे काम किहा अउर तू पचे लोगन्क बुरे कामन क कारण नस्ट कइ दीन्ह जाइ चाही। किन्तु आपन नाउँ क रच्छा क बरे मइँ उ दण्ड तू लोगन क नाहीं देबउँ जेकर पात्र तू लोग अहा। तब तू पचे जनब्या कि मइँ यहोवा अहउँ।” मोर सुआमी यहोवा इ सबइ बातन कहेस।</verse>
				<verse number="45">तब यहोवा क बचन मोका मिला। उ कहेस,</verse>
				<verse number="46">“मनई क पूत, दक्खिन कइँती लखा। नेगव-वन क विरूद्ध कछू कहा।</verse>
				<verse number="47">नेगव-वन स कहा, ‘यहोवा क संदेस क सुना। मोर सुआमी यहोवा इ सबइ बातन कहेस: धियान द्या, मइँ तू पचन्क वन मँ आगी लगावइ वाला अहउँ। आगी हर एक हरिअर बृच्छ अउ हर एक झुरान बृच्छ क नस्ट करी। जउन लपटा जरिहीं ओनका बुझावा नाहीं जाइ सकी। दक्खिन स उत्तर तलक सारा देस आगी स जराइ दीन्ह जाइ।</verse>
				<verse number="48">तब लोग जनिहीं कि मइँ अर्थात यहोवा आगी लगाएउँ ह। आगी बुझाई नाहीं जाइ सकी।’”</verse>
				<verse number="49">तब मइँ (यहेजकेल) कहेउँ, “हे मोर सुआमी यहोवा। जदि मइँ एन बातन क कहत हउँ तउ लोग कहिहीं कि मइँ ओनका सिरिफ कहानियन सुनावत हउँ। उ पचे नाहीं सोचिहीं कि इ फुरइ घटित होइ।”</verse>
			</chapter>
			<chapter number="21">
				<verse number="1">एह बरे यहोवा क बचन मोका फुन मिला। उ कहेस,</verse>
				<verse number="2">“मनई क पूत, यरूसलेम कइँती लखा अउर ओकरे पवित्तर ठउरन क खिलाफ कछू कहा। मोरे बरे इस्राएल देस क बिरूद्ध कछू कहा।</verse>
				<verse number="3">इस्राएल देस स कहा, ‘यहोवा इ सबइ बातन कहेस ह: मइँ तू पचन्क खिलाफ हउँ। मइँ आपन तरवार मियान स बाहेर निकारब। मइँ सबहिं लोगन क तोहसे दूर करब, नीक अउ बुरे दुइनउँ क।</verse>
				<verse number="4">मइँ नीक अउ बुरे दुइनउँ प्रकार क मनइयन क तू पचन्स अलग करब। मइँ आपन तरवार मियान स निकारब अउर दक्खिन स उत्तर तलक क सबहिं लोगन क बिरूद्ध ओकर उपयोग करब।</verse>
				<verse number="5">तब सबहिं लोग जनिहीं कि मइँ यहोवा हउँ अउर उ पचे जान जइहीं कि मइँ आपन तरवार मियान स निकारि लिहेउँ ह। मेर तरवार मियान मँ फुन स नाहीं लउटी।’”</verse>
				<verse number="6">परमेस्सर मोहसे कहेस, “मनई क पूत, टूट हिरदइवाले मनई क तरह सिसका। लोगन क समन्वा कराहा।</verse>
				<verse number="7">तब उ पचे तोहसे पूछिहीं, ‘तू काहे कराहत अहा?’ तब तोहका कहइ चाही, ‘काहेकि कछू कस्टदायक खबर मिलइवाली अहइ, एह बरे हर एक हिरदय भय स पिघल जाइ। सबहिं हाथ कमजोर होइ जइहीं।’ हर एक अन्तात्मा कमजोर होइ जाइ। हर एक घुटना पानी जइसे होइ जइहीं। धियान द्या, उ बुरी खबर आवति बाटइ। इ सबइ घटनन घटित होइहीं।” मोर सुआमी यहोवा इ सबइ बातन कहेस।</verse>
				<verse number="8">परमेस्सर क बचन मोका मिला। उ कहेस,</verse>
				<verse number="9">“मनई क पूत, मोरे बरे लोगन स बातन करा। इ सबइ बातन कहा, ‘मोर सुआमी यहोवा इ कहत ह: “‘धियान द्या, एक तरवार, एक तेज तरवार अहइ, अउर तरवार चमकाई गइ अहइ।</verse>
				<verse number="10">तरवार क जान लेइ क बरे तेज कीन्ह गवा रहा। बिजुरी क समान चकाचौंध करइ बरे एका चमकइ गवा रहा। या का हम लोग आपन पूत क राजदण्ड पइ खुसी बनाउब? उ तरवार काठे क बना भवा हरेक हथयार स जियादा मज़बूत अहइ।</verse>
				<verse number="11">एह बरे तरवार क झलकावा गवा अहइ। अब इ प्रयोग कीन्ह जाइ सकी। तरवार तेज कीन्ह गइ अउर झलकाइ गइ रही। अब इ मानइवाले क हाथन मँ दीन्ह जाइ सकी।</verse>
				<verse number="12">“‘मनई क पूत, चिचिआइ अउर नरियाअ। काहेकि तरवार क उपयोग मोरे लोगन अउर इस्राएल क सबहिं सासकन क खिलाफ होइ। उ सबइ सासक जुद्ध चाहत रहेन, एह बरे उ पचे हमरे लोगन क संग तब होइहीं जब तरवार आइ। एह बरे आपन जाँघन क पीटा अउर आपन दुःख परगट करइ बरे सोर मचावा।</verse>
				<verse number="13">काहेकि परीच्छा आवत अहइ। तू काठे क छड़ी स दण्डित होइ स इन्कार किहा का उ ओका आवइ स रोकब?’” मोर सुआमी यहोवा इ सबइ बातन कहेस।</verse>
				<verse number="14">परमेस्सर कहेस, “मनई क पूत, तालियन बजावा अउर मोरे बरे लोगन स इ सबइ बातन करा: दुइ दाई तरवार क वार करइ द्या, हाँ तीन दाई। इ तरवार लोगन क मारइ बरे अहइ। इ तरवार अहइ, बड़के नर-संहार बरे। इ तरवार लोगन क धार पइ राखी।</verse>
				<verse number="15">ओनकर हिरदय भय स टेघर जइहीं अउर बहोत स लोग गिरिहीं। बहोत स लोग आपन नगर-दुआर पइ मरिहीं। हाँ, तरवार बिजुरी क तरह चमकी। इ लोगन क मारइ बरे झलकराइ गइ अहइ।</verse>
				<verse number="16">तरवार, धारदार बना। तरवार दाहिन काटा, सोझे समन्वा काटा, बाएँ कइँती काटा, जा हर एक ठउरे मँ जहाँ तोहार धार, जाइ बरे चुनी गइ।</verse>
				<verse number="17">“तब मइँ ताली बजाउब अउर आपन किरोध परगट करब बन्द कइ देब। मइँ यहोवा कहि चुका हउँ।”</verse>
				<verse number="18">यहोवा क बचन मोका मिला। उ कहेस,</verse>
				<verse number="19">“मनई क पूत, दुइ सड़कन क नक्सा बनावा। जेनमाँ स बाबुल क राजा क तरवार इस्राएल आवइ बरे एक क चुन सकइ। दुइनउँ सड़किया उहइ बाबुल देस स निकरिहीं। तब नगर क पहोंचावइवाली सड़क क सिरे पइ एक चीन्हा बनावा।</verse>
				<verse number="20">चीन्हा क उपयोग इ देखावइ बरे करा कि कउन स सड़क क उपयोग तरवार करी। एक सड़क अम्मोनी नगर रब्बा क पहोंचावत ह। दूसर सड़क यहूदा, सुरच्छित नगर, यरूसलेम क पहोंचावत ह।</verse>
				<verse number="21">इ स्पस्ट करत ह कि बाबुल क राजा उ सड़क क जोजना बनावत अहइ जेहसे उ छेत्र पइ हमला करइ। बाबुल क राजा उ बिन्दु पइ आइ चुका अहइ जहाँ दुइनउँ सड़कन अलग होत हीं। बाबुल क राजा जादू क संकेतन क उपयोग भविस्स क जानइ बरे किहेस ह। उ कछू बाण हिलाएस, उ परिवारे क देवमूरतियन स सवाल पूछेस, उ गुर्दे क लखेस जउन उ जनावरे क रहा जेका उ मारे रहा।</verse>
				<verse number="22">“संकेत ओका बतावत हीं कि उ उ दाई सड़क क धरइ जउन यरूसलेम पहोंचावत ह। उ अपने संग बिध्वंसक लट्ठन क लिआवइ क जोजना बनाएस ह। उ आदेस देइ अउर ओकर फउजी जान स मारब सुरू करिहीं। उ पचे जुद्ध-घोस करिहीं। तब उ पचे एक माटी क देवार सहर क चारिहुँ ओर बनइहीं। उ पचे एक माटी क सड़क देवार तलक पहोंचावइ वाली बनइहीं। उ सबइ नगर पइ हमला बरे लकड़ी का मीनार बनइहीं।</verse>
				<verse number="23">उ सबइ जादुई क चीन्हा इस्राएल क लोगन बरे कउनो अरथ नाहीं रखतेन। उ सबइ ओन बचनन क पालन करत हीं जउन उ पचे दिहेन ह। किन्तु यहोवा ओनकर पाप याद राखी। तब इस्राएली लोग बन्दी बनावा जइहीं।”</verse>
				<verse number="24">मोर सुआमी यहोवा इ कहत ह, “तू पचे बहोत स बुरे काम किहा ह। तोहार पचन्क पाप पूरी तरह स्पस्ट अहइँ। तू पचे मोका इ याद रखइ क मजबूर किहा कि तू पचे दोखी अहा। एह बरे दुस्मन तू पचन्क आपन हाथन मँ कइ लेइ</verse>
				<verse number="25">हे इस्राएल क बुरे लोगो, तू पचे मारा जाब्या। तोहरे पचन्क दण्ड क समइ आइ पहोंचा अहइ। अब अन्त निअरे अहइ।”</verse>
				<verse number="26">मोर सुआमी यहोवा इ संदेस देत अहइ, “पगड़ी उतारा। मउर उतारा। परिवर्तन क समइ आइ पहोंचा अहइ। महत्वपूर्ण प्रमुख खाले लिआवा जइहीं अउर जउन लोग महत्वपूर्ण नाहीं अहइँ, उ सबइ महत्वपूर्ण बनिहीं।</verse>
				<verse number="27">मइँ उ नगर क पूरी तरह नस्ट करब। किन्तु इ तब तलक नाहीं होइ जब तलक उपयुक्त मनई नवा राजा नाहीं होत। तब मइँ ओका नगर पइ अधिकार करइ देब।”</verse>
				<verse number="28">परमेस्सर कहेस, “मनई क पूत, मोरे बरे लोगन स कहा। उ सबइ बातन कहा, ‘मोर सुआमी यहोवा इ सबइ बातन अम्मोन क लोगन अउर ओनकर लज्जाजनक देवता स कहत ह: “‘धियान द्या एक तरवार एक ठु तरवार आपन मियान स बाहेर अहइ। तरवार झलकाइ गइ अहइ। तरवार मारइ बरे तइयार अहइ। बिजुरी क तरह चमकइ बरे एका झलकावा गवा रहा।</verse>
				<verse number="29">“‘तोहार दर्सन बियर्थ अहइँ। तोहार जादू तोहार मदद नाहीं करिहीं। इ सिरिफ झूठ क गुच्छा अहइ। अब तरवार पापियन क गर्दन पइ अहइ। उ पचे हाली ही मुर्दा होइ जइहीं। ओनकर अन्त समइ आइ पहोंचा अहइ। ओनकर पाप क समाप्ति क समइ आइ गवा अहइ।</verse>
				<verse number="30">“‘अब तू तरवार क मियान मँ वापस राखा। बाबेल, मइँ तोहरे संग निआउ, तू जहाँ बना हवा उहइ ठउरे पइ करब अर्थात उहइ देस मँ जहाँ तू पइदा भवा ह।</verse>
				<verse number="31">मइँ तोहरे खिलाफ आपन किरोध क बर्खा करब। मोर किरोध तू पचन्क तपत हवा क तरह जराइ। मइँ तू पचन्क क्रूर मनइयन क हाथन मँ देब। उ सबइ मनई मनइयन क मार डावइ मँ कुसल अहइँ।</verse>
				<verse number="32">तू पचे आगी बरे ईधंन बनब्या। तोहार पचन्क खून भुइँया मँ गहिर बहि जाइ अर्थात् लोग तू पचन्क फुन याद नाहीं करिहीं। मइँ अर्थात यहोवा इ कहि दिहेउँ ह।’”</verse>
			</chapter>
			<chapter number="22">
				<verse number="1">यहोवा क बचन मोका मिला। उ कहेस,</verse>
				<verse number="2">“मनई क पूत, का तू निआउ करब्या? का तू हलिसारन क नगर का संग निआउ करब्या? का तू ओहसे ओन सब भयंकर बातन क बारे मँ कहब्या जउन उ किहेस ह</verse>
				<verse number="3">तू पचन्क कहइ चाही, ‘मोर सुआमी यहोवा इ कहत ह: नगर हत्तियारन स भरा अहइ। एह बरे ओकरे बरे दण्ड क समइ आइ। उ अपने बरे गन्दी देवमूरतियन क बनाएस अउर एन देवमूरतियन ओका असुद्ध बनाएन।</verse>
				<verse number="4">“‘हे यरूसलेम क लोगो, तू पचे बहोत लोगन क मार डाया। तू पचे गन्दी देवमूरतियन बनाया। तू पचे दोखी अहा अउर तू पचन्क दण्ड देइ क समइ आइ गवा अहइ। तोहार पचन्क अन्त आइ गवा अहइ। दूसर रास्ट्र तोहार मजाक उड़इहीं। उ सबइ देस तोह पइ हँसिहीं।</verse>
				<verse number="5">दूर अउर निअरे क लोग तोहार पचन्क मजाक उड़इहीं। तू आपन नाउँ बदनाम किहा ह। तू हिंसा स भरा भवा अहइ।</verse>
				<verse number="6">“‘धियान द्या। यरूसलेम मँ इस्राएल क हर एक सासक अपने क सक्तिसाली बनइ द्या जेहसे उ रक्तपात कइ सकइ।</verse>
				<verse number="7">यरूसलेम क लोग आपन महतारी-बाप क सम्मान नाहीं करतेन। उ पचे उ नगर मँ विदेसियन क सतावत हीं। उ पचे अनाथन अउर रांड़ मेहररूअन क उ ठउरे पइ ठगत हीं।</verse>
				<verse number="8">तू लोग मोर पवित्तर चिजियन स घिना करत ह। तू पचे मोरे विस्राम क दिनन क अइसे लेत ह माना उ पचे महत्वपूर्ण न होइँ।</verse>
				<verse number="9">यरूसलेम क लोग दूसर लोगन क बारे मँ झूठ बोलत हीं। उ पचे ओन भोले लोगन क मार डावइ बरे अइसा करत हीं। लोग पर्वतन पइ लबार देवतन क पूजा करइ जात हीं अउर उ पचे तोहार संग बूरी चिजन क करइ बरे एक संग जोजना बनावत हा। “‘यरूसलेम मँ लोग अनेक यौन-संबन्धी पाप करत हीं।</verse>
				<verse number="10">यरूसलेम मँ लोग आपन पिता क पत्नी क संग बिभिचार करत हीं। यरूसलेम मँ लोग मासिक धर्म क समइ मँ भी नारियन स बलात्कार करत हीं।</verse>
				<verse number="11">कउनो आपन पड़ोसी क पत्नी के विरूद्ध भी अइसा भयंकर पाप करत ह। कउनो आपन पतोहू क संग तने क सम्बन्ध करत ह अउर ओका अपवित्तर करत ह अउर कउनो आपन पिता क बिटिया अर्थात आपन बहिन क संग तने क सम्बंध करत ह।</verse>
				<verse number="12">यरूसलेम मँ, तू लोग, लोगन क मार डावइ क बरे धन लेत ह। तू लोग रिण देत ह अउर ओह रिण पइ बियाज लेत ह। तू लोग तनिक धन क पावइ बरे आपन पड़ोसी क ठगत ह अउर तू लोग मोका बिसर गया ह।’” मोर सुआमी यहोवा इ सबइ बातन कहेस।</verse>
				<verse number="13">परमेस्सर कहेस, “‘अब धियान द्या। मइँ आपन हाथ तोह पइ उठाउब। मइँ तू पचन्क लोगन क धोखा देइ अउर मार डावइ बरे दण्ड देब।</verse>
				<verse number="14">का तब भी तू पचे वीर बना रहब्या? का तू पचे पर्याप्त बलवान रहब्या जब मइँ तू पचन्क दण्ड देइ आउब? नाहीं। मइँ यहोवा हउँ। मइँ इ कहि दिहे हउँ अउर मइँ उ करब जउन मइँ करइ क कहेउँ ह।</verse>
				<verse number="15">मइँ तू पचन्क रास्ट्रन मँ बिखेर देब। मइँ तू पचन्क बहोत स देसन मँ जाइ क मजबूर करब। मइँ नगर क गन्दी चिजियन क पूरी तरह नस्ट करब।</verse>
				<verse number="16">किन्तु यरूसलेम तू आपन क दूसित अउर दूसर रास्ट्रन एन घटनन क होत लखिहीं। तब तू जनब्या मइँ यहोवा अहउँ।’”</verse>
				<verse number="17">यहोवा क बचन मोह तलक आवा। उ कहेस,</verse>
				<verse number="18">“मनई क पूत, काँसा, लोहा, सीसा अउ टीन, चाँदी क तुलना मँ बेकार अहइ। कारीगर चाँदी क सुद्ध करइ बरे आगी मँ डावत ह। चाँदी गल जात ह अउर कारीगर एका कचरा स अलग करत ह। इस्राएल रास्ट्र उ बेकार कचरे क तरह होइ गवा ह।</verse>
				<verse number="19">एह बरे यहोवा तथा सुआमी इ कहत ह, ‘तू सबहिं लोग बेकार कचरे क तरह होइ गवा अहा। एह बरे मइँ तू पचन्क इस्राएल मँ बटोरब।</verse>
				<verse number="20">कारीगर चाँदी, काँसा, लोहा, सीसा अउर टीन क आगी मँ डावत हीं। उ सबइ आगी क जियादा गरम करइ बरे फुँकत हीं। तब धातुअन क गलब सुरू होइ जात ह। इहइ तरह मइँ तू पचन्क आपन आगी मँ डाउब अउर तू पचन्क टेघराउब। उ आगी मोर गरम किरोध अहइ।</verse>
				<verse number="21">मइँ तू पचन्क उ आगी मँ डाउब अउर मइँ आपन किरोध क आगी क फूँकन मारब अउर तोहार पचन्क टेघरब सुरू होइ जाइ।</verse>
				<verse number="22">चाँदी आगी मँ टेघरत ह अउर कारीगर चाँदी क ढालत हीं तथा बचावत हीं। इहइ तरह तू पचे नगर मँ टेघरब्या। तब तू पचे जनब्या कि मइँ यहोवा हउँ अउर तू पचे समुझब्या कि मइँ तोहरे पचन्क खिलाफ किरोध क उड़ेरेउँ ह।’”</verse>
				<verse number="23">यहोवा क बचन मोका मिला। उ कहेस,</verse>
				<verse number="24">“मनई क पूत, इस्राएल स बातन करा। ओहसे कहा कि उ पचन्क एक भुइँया अहइ जेका सुद्ध नाहीं कीन्ह गवा अहइ। मइँ उ देस पइ कोहान हउँ एह बरे उ देस आपन बर्खा नाहीं पाएस ह।</verse>
				<verse number="25">यरूसलेम मँ नबी बुरे जोजना बनावत अहइँ। उ पचे उ सिंह क तरह अहइँ जउन उ समइ गजरत ह जब उ आपन धरे भए जनावर क खात ह। ओन नबियन बहोत स जीवन नस्ट किहेन ह। उ पचे अनेक कीमती चिजियन लिहेन ह। उ पचे यरूसलेम मँ अनेक मेहररूअन क राँड़ बनाएन।</verse>
				<verse number="26">“याजकन फुरइ मोरे उपदेसन क नोस्कान पहोंचाएन ह। उ पचे मोर पवित्तर चिजियन क दूसित किहेन। उ पचे पवित्तर चिजियन अउ पवित्तर चिजियन मँ भेद नाहीं करत हीं। उ पचे लोगन क सुद्ध अउर असुद्ध चिजियन क बीच क भेद क बारे मँ सिच्छा नाहीं देतेन। उ पचे मोर पवित्तर विस्राम क दिनन पइ धियान नाहीं देत ह। एह बरे मइँ ओन लोगन क जरिये दूसित कीन्ह गवा हउँ।</verse>
				<verse number="27">“यरूसलेम मँ प्रमुख ओन भेड़ियन क समान अहइँ जउन आपन धरे जनावर क खात अहइ। उ पचे प्रमुख केवल आपन क धनवान बनावइ बरे आक्रमण करत हीं अउर लोगन क मारि डावत हीं।</verse>
				<verse number="28">“नवी, लोगन क चितउनी नाहीं देतेन, उ पचे फुरइ क ढाँक देत हीं। उ पचे ओन कारीगरन क समान अहइँ जउन दीवार क ठीक-ठीक मजबूत नाहीं बतउतेन उ पचे केवल छेदन पइ लेप कइ देत हीं। ओनकर धियान सिरिफ झूठ पइ होत ह। उ पचे आपन जादू क उपयोग भविस्स जानइ बरे करत हीं, किन्तु उ पचे केवल झूठ बोलत हीं। उ पचे कहत हीं, ‘मोर सुआमी यहोवा इ सबइ बातन कहेस। किन्तु उ पचे सिरिफ झूठ बोलत अहइँ-यहोवा ओनसे बातन नाहीं किहेस।’</verse>
				<verse number="29">“सामान्य जनता एक दूसर क लाभ उठावत हीं। उ पचे एक दूसर क धोखा देत अउर चोरी करत हीं। उ पचे गरीब अउर असहाय मनई क संग अइसा बेउहार करत हीं। उ पचे बिदेसियन क भी धोखा देत रहेन, माना ओनके खिलाफ कउनो नेम न होइ।</verse>
				<verse number="30">“मइँ लोगन स कहेउँ कि तू लोग आपन जिन्नगी बदला अउर आपन देसन क रच्छा करा। मइँ लोगन क देवारन क मजबूत करइ बरे कहेउँ। मइँ चाहत रहेउँ कि उ पचे देवारन क छेदन पइ खड़ा रहइँ अउर आपन नगर क रच्छा करइँ। किन्तु कउनो मनई मदद बरे नाहीं आवा।</verse>
				<verse number="31">एह बरे मइँ आपन किरोध परगट करब, मइँ ओनका पूरी तरह नस्ट करब। मइँ ओनका ओन बुरे कामन बरे दण्डित करब जेनका उ पचे किहेन ह। इ सबइ ओनकर दोख अहइ।” मोर सुआमी यहोवा इ सबइ बातन कहेस।</verse>
			</chapter>
			<chapter number="23">
				<verse number="1">यहोवा क बचन मोका मिला। उ कहेस,</verse>
				<verse number="2">“मनई क पूत, सोमरोन अउर यरूसलेम क बारे मँ इ कहानी क सुना। दुइ बहिन रहिन। उ पचे एक ही महतारी क बिटियन रहिन।</verse>
				<verse number="3">उ पचे मिस्र मँ तब रण्डियन होइ गइन जब छोटी लड़कियन ही रहिन। मिस्र मँ उ पचे पहिले पिरेम किहन अउर लोगन क आपन चुचुक अउर आपन नवोदित स्तनन क धरइ दिहन।</verse>
				<verse number="4">बड़की बिटिया ओहोला नाउँ क रही अउर ओकरी बहिन क नाउँ ओहोलीबा रहा। उ पचे मोर होइ र गइन अउर ओनके बेटवा बिटियन पइदा भइन (ओहोला असल मँ सोमरोन अहइ अउर ओहोलीबा असल मँ यरूसलेम अहइ।)</verse>
				<verse number="5">“तब ओहोला मोर बरे पतिव्रता नाहीं रहि गइ। उ एक रण्डी क तरह रहइ लाग। उ आपन पिरेमियन क चाह राखइ लाग। उ अस्सूर क फउजियन क ओनकर</verse>
				<verse number="6">नीली वर्दियन मँ लखेस। उ पचे सबहिं मन चाहे नव जवान घुड़सवार रहेन। उ पचे प्रमुख अउर अधिकारी रहेन</verse>
				<verse number="7">अउर ओहोला आपन क ओन सबहिं लोगन क रण्डी क रूप मँ अर्पित किहस। उ पचे सबहिं अस्सूर क सेना मँ चुना भवा विसिस्ट सिपाही रहेन अउर उ ओन सबहिं क मोहित कइ लिहेस। उ ओनकर गन्दी देवमूरतियन क संग असुद्ध होइ गइन।</verse>
				<verse number="8">एकरे अलावा उ मिस्र स आपन पिरेम-ब्यापार क भी बन्द नाहीं किहस। मिस्र ओहसे तब पिरेम किहेस जब उ किसोरी रही। मिस्र पहिला पिरेमी रहा जउन ओकर नवजात स्तनन क छुएस। मिस्र ओह पइ आपन झूठ पिरेम क बर्खा किहेस।</verse>
				<verse number="9">एह बरे मइँ ओकर पिरेमियन क ओका भोगइ दिहेउँ। उ अस्सूर क चाहत रही, एह बरे मइँ ओका ओनका दइ दिहेउँ।</verse>
				<verse number="10">उ पचे ओकरे संग बलात्कार किहेस। उ पचे ओकरे बच्चन क लिहेस अउर उ पचे तरवार चलाएन अउर ओका मार डाएन। उ पचे ओका दण्ड दिहेन अउर मेहररूअन अब तलक ओकर बातन करत हीं।</verse>
				<verse number="11">“ओकर छोटकी बहिन ओहोलीबा एन सबहिं घटनन क घटित होत लखेन। किन्तु ओहोलीबा आपन बहिन स भी जियादा पाप किहेस। उ आपन बहिन ओहोला क तुलना मँ जियादा बिभिचारी किहा।</verse>
				<verse number="12">इ अस्सूर क प्रमुखन अउर अधिकारियन क चाहत रही। उ नीली वर्दी मँ घोड़ा पइ सवार ओन फउजिन क चाहत रही। उ पचे सबहिं चाहइ जोग्य जुवक रहेन।</verse>
				<verse number="13">मइँ लखेउँ कि उ पचे दुइनउँ मेहररूअन एक ही गलती स आपन जिन्नगी नस्ट करइ जात रहिन।</verse>
				<verse number="14">“ओहोलीबा अपने बिभिचारी क जारी राखेस। उ बाबुल क देवारन पइ खुदा भवा मनइयन क तस्बीरन क लखेस। उ सबइ तस्बीरन कसदी लोगन क तस्बीरन ओनकर लाल पोसाकन मँ रहिन।</verse>
				<verse number="15">उ पचे करिहाउँ मँ पेटियन बाँध राखे रहिन अउर ओनके मूँड़ि पइ लम्बी पगड़ियन रहिन। उ पचे सबहिं रथ का अधिकारियन का तरह देखात रहेन। उ पचे सबहिं बाबुल क जन्मभूमि मँ उत्पन्न पुरूस मालूम होत रहेन।</verse>
				<verse number="16">ओहोलीबा ओनका चाहेस। उ ओनका आमन्त्रित करइ बरे दूत पठएस।</verse>
				<verse number="17">एह बरे उ पचे बाबुल क लोग ओकर पिरेम-सय्या पइ ओकरे संग तने क सम्बन्ध करइ आएन। उ पचे ओकर उपयोग किहन अउर ओका एतना गन्दा कइ दिहन कि उ ओनसे घिना करइ लाग।</verse>
				<verse number="18">“ओहोलीबा भी बार-बार आपन नंगा सरीर क एक बिभिचारियन क नाईं अर्पित किहेस। उ बहोत सारे मनइयन क आपन नंगा सरीर स आनन्द लेइ दिहेस कि मोका ओहसे वइसा ही घिना होइ गवा जइसा ओकरे बहिन स होइ ग रही।</verse>
				<verse number="19">उ बार-बार आपन बिभिचारी क बढ़ाएस। अउर तब उ आपन पिरेम-ब्यापार क याद किहस जउन उ युवा अवस्था मँ मिस्र मँ किहे रहा।</verse>
				<verse number="20">उ आपन पिरेमियन पइ मोहित भएस जेनका लिंग गधन क लिंग क नाईं रहेन, अउर जेनका वीर्य क प्रवाह घोड़न क वीर्य क प्रवाह क नाईं रहेन।</verse>
				<verse number="21">“ओहोलीबा, तू आपन ओन दिनन क याद किहा जब तू जुवती रहिउ, जब तोहार पिरेमी तोहार चूचुक क छुअत रहेन अउर तोहार नव जात स्तनन क धरत रहेन।</verse>
				<verse number="22">एह बरे ओहोलीबा, मोर सुआमी यहोवा इ कहत ह: ‘तू आपन पिरेमियन स घिना करइ लागिउ। किन्तु मइँ तोहार पिरेमियन क हिआँ लिआउब। उ पचे तोहका घेर लेइहीं।</verse>
				<verse number="23">मइँ ओन सबहिं लोगन क बाबुल स, खासकर कसदी लोगन क लिआउब। मइँ पकोद, सो अउर कोआ स लोगन क लिआउब अउर मइँ ओन सबहिं लोगन क अस्सूर स लिआउब। इ तरह मइँ सबहिं प्रमुखन अउ अधिकारियन क लिआउब। उ पचे सबहिं चाहइ जोग्ग, रथपति खास जोग्यता बरे चुने घुड़सवार रहेन।</verse>
				<verse number="24">ओन लोगन क भीड़ तोहरे लगे आइ। उ पचे आपन घोड़न पइ सवार अउर आपन रथन पइ अइहीं। लोग बड़की तादाद मँ होइहीं। ओनके लगे ओनकर भालन, ओनकर ढालन अउर ओनके मूँड़े क सुरच्छा कबच होइहीं। उ पचे तोहरे चारिहुँ कइँती बटुरिहीं। मइँ ओनका बताउब कि तू मोरे संग का किहा अउर उ पचे आपन तरह स तोहका पचन्क सजा देइहीं।</verse>
				<verse number="25">मइँ तू पचन्क देखाउब कि मइँ केतना ईर्स्सालु अहउँ। उ पचे बहोत कोहान होइहीं अउर तू पचन्क चोट पहोंचइहीं। उ पचे तोहार पचन्क नाक अउर तोहार पचन्क कान लेइहीं। उ पचे तरवार चलइहीं अउर तू पचन्क मार डइहीं। तब उ पचे तोहरे पचन्क बच्चन क लइ जइहीं अउर तोहार पचन्क जउन कछू बचा होइ ओका बार देइहीं।</verse>
				<verse number="26">उ पचे तोहार नीक ओढ़ना गहना लइ लेइहीं</verse>
				<verse number="27">अउर मिस्र क साथ भए तोहरे पिरेम बइपार क सपना क मइँ रोक देब। तू फून कबहुँ मिस्र क याद नाहीं करिबिउ।’”</verse>
				<verse number="28">मोर सुआमी यहोवा कहत ह, “मइँ तोहका ओन लोगन क देत अहउँ, जेहसे तू घिन करति अहा। मइँ तोहका ओन लोगन क देत अहउँ जेनसे तू घिना करइ लागिउ रही</verse>
				<verse number="29">अउर उ पचे देखइहीं कि उ पचे तोहसे केतनी घिना करत हीं। उ पचे तोहार हर एक चीज लइ लेइहीं जउन तू कमाया ह। उ पचे तोहका खाली अउ नंगा छोड़ देइहीं। लोग तोहरे पापन्क स्पस्ट लखिहीं। उ पचे समुझिहीं कि तू एक रण्डी क तरह बेउहार किहन अउर बुरे सपनन लखेन।</verse>
				<verse number="30">तू उ बुरे करम तब किहा जब तू मोका ओन दूसर रास्ट्रन क पाछा करइ बरे तजे रह्या। तू ओन बुरे करम तब किहा जब तू ओनकर गन्दी देवमूरतियन क पूजा करब सुरू किहा।</verse>
				<verse number="31">तू आपन बहिन क अनुसरण किहा अउर उहइ क तरह रहिउ। एह बरे मइँ ओकर पियाला तोहार हाथ मँ दिहस। एह बरे तू उहइ सज़ा झेलब जउन उ झेलत रहेन।”</verse>
				<verse number="32">मोर सुआमी यहोवा इ कहेस, “तू आपन बहिन क बिख क पियाला क पीबिउ। इ बिख क पियाला लम्बा-चौड़ा अहइ। उ पिआले मँ बहोत बिख आवत ह। लोग तोहे पइ हँसिहीं अउ व्यगं करिहीं।</verse>
				<verse number="33">तू मदमस्त होइहीं अउर सोक स भरि जाइहीं। इ पियाला बिनास अउ बिध्वंस क अहइ। इ उहइ पिआले क तरह अहइ जेका तोहार बहिन पिएस।</verse>
				<verse number="34">तू उहइ पिआले मँ बिख पीबिउ। तू ओकर आखिरी बूँद तलक ओका पीबिउ। तू गिलासे क लोकउबिउ अउर ओकर टूकन कइ डउबिउ। अउर तू पीरा स आपन छाती विदीर्ण करबिउ। इ होइ काहेकि मइँ यहोवा अउ सुआमी हउँ अउर मइँ उ सबइ बातन कहेउँ।</verse>
				<verse number="35">“इ तरह, मोर सुआमी यहोवा इ सबइ बातन कहेस, ‘यरूसलेम, तू मोका बिसरि गया। तू मोका दूर लोकाया अउर मोका पाछे छोड़ दिहा। एह बरे तोहका मोका तजइ अउर रण्डी क तरह सजा भोगइ चाही। तोहका आपन दुट्ठ सपनन बरे कस्ट जरूर पावइ चाही।’”</verse>
				<verse number="36">मोर सुआमी यहोवा कहत ह, “मनई क पूत, का तू ओहोला अउर ओहोलीबा क निआउ करब्या? तब ओनका ओन भयंकर बातन क बतावा जउन उ पचे किहेन।</verse>
				<verse number="37">उ पचे बिभिचार क पाप किहन ह। उ पचे हत्तिया क अपराधी अहइँ। उ पचे वेस्या क तरह काम किहन, उ पचे आपन गन्दी देवमूरतियन क संग रहइ बरे मोका तजेन। उ पचे मोरे बरे बच्चे पइदा किहेन किन्तु तउ उ पचे ओनका आगी मँ होमबलि क रूप मँ चढ़ाएन। उ पचे आपन देवमूरतियन क भोजन देइ बरे इ किहस।</verse>
				<verse number="38">उ पचे मोर बिस्राम क दिनन अउर पवित्तर ठउरन क अइसे लिहन माना उ पचे महत्वपूर्ण न होइँ।</verse>
				<verse number="39">उ पचे आपन भयंकर देवमूरतियन बरे आपन बच्चन क बलि चढ़ाएन। अउर तब उ पचे मोरे पवित्तर ठउर पइ गएन अउर ओका भी गन्दा बनाएन। उ पचे इ मोरे मन्दिर क भीतर किहन।</verse>
				<verse number="40">“उ पचे बहोत दूर क ठउरन स मनइयन क बोलाएन ह। एन मनइयन क तू एक दूत पठया अउर उ सबइ लोग तोहका लखइ आएन। तू ओनके बरे नहाइउ, आपन आँखिन क सजाइउ अउर आपन गहनन क पहिरिउ।</verse>
				<verse number="41">तू सुन्नर बिछउना पइ बइठिउ जेकरे समन्वा मेज धरी रही। तू मोर सुगन्ध अउ मोरे तेल क इ मेजे पइ धरिउ।</verse>
				<verse number="42">“यरूसलेम मँ सोर अइसा सुनाइ पड़त रहा माना दावत उड़ावइवाले लोगन क होइ। दावत मँ बहोत लोग आएन। उ पचे रेगिस्तान स बहोत सराबी लोगन क लइ आएन। उ पचे मेहररूअन क बाजूबन्द अउ सुन्नर मुकुट देत रहेन।</verse>
				<verse number="43">तब मइँ एक ठु मेहरारू स बातन किहेउँ, जउन बिभिचार स ढीली होइ ग रही। मइँ ओहसे कहेउँ, ‘का उ पचे ओकरे संग बिभिचार करत रहि सकत हीं, अउर उ ओनके संग करत रहि सकत ह’</verse>
				<verse number="44">किन्तु उ पचे ओकरे लगे वइसे ही जात रहेन जइसे उ पचे कउनो रण्डी क लगे जात रहे होइँ। हाँ, उ पचे ओन दुट्ठ मेहररूअन ओहोला अउर ओहोलीबा क लगे बार-बार गएन।</verse>
				<verse number="45">“किन्तु अच्छे लोग ओनकर निआउ अपराधी क रूप मँ करिहीं। उ पचे ओन मेहररूअन क निआउ बिभिचार करइवालिन अउ हत्तियारिन क रूप मँ करिहीं। काहेकि ओहोला अउ ओहोलीबा बिभिचार क काम किहेस ह अउर उ रक्त स ओनकर हाथ अबहुँ भी रंगे अहइँ जेनका उ पचे मार डाए रहेन।”</verse>
				<verse number="46">मोर सुआमी यहोवा इ सबइ बातन कहेस, “लोगन क संग बटोरा। तब ओन लोगन क ओहोला अउर ओहोलीवा क दण्ड देइ द्या। लोगन क इ समूह ओन दुइनउँ मेहररूअन क दण्डित करी तथा एनकर मजाक उड़ाइ।</verse>
				<verse number="47">तब उ समूह ओनका पाथर मारी अउर ओनका मारि डाइ। तब उ समूह आपन तरवारन स मेहररूअन क टूकन करी। उ सबइ मेहररूअन क बच्चन क मार डइहीं अउर ओनकर घर बारि डइहीं।</verse>
				<verse number="48">इ तरह मइँ देस क लज्जा क धोउब अउर सबहिं मेहररूअन क चितउनी दीन्ह जाइ कि उ पचे उ लज्जाजनक करम न करइँ जउन तू किहा ह।</verse>
				<verse number="49">उ पचे तोहका ओन दुट्ठ कामन बरे दण्डित करिहीं जउन तू पचे किहा अउर तू पचन्क आपन गन्दी देवमूरतियन क पूजा बरे दण्ड मिली। तब तू पचे जनब्या कि मइँ यहोवा अउर सुआमी अहउँ।”</verse>
			</chapter>
			<chapter number="24">
				<verse number="1">मोर सुआमी यहोवा क वचन मोका मिला। इ देस-निकारे क नवें क दसयें महीने क दसवाँ दिन रहा। उ कहेस,</verse>
				<verse number="2">“मनई क पूत, आजु क तारीख अउ इ टिप्पणी क लिखा: ‘आजु बाबुल क राजा क फउज यरूसलेम क घेरेस।’</verse>
				<verse number="3">इ कहानी उ परिवार स कहा जउन आग्या मानइ स इन्कार करइ। ओनसे इ सबइ बातन कहा। ‘मोर सुआमी यहोवा इ कहत ह: “‘पात्र क आगी पइ राखा, पात्र क रखा अउर ओहमा पानी डावा।</verse>
				<verse number="4">ओहमाँ माँस क बोटिन डावा, हर नीक बोटिन क डावा, जाँघन अउ कंधन। पात्र क सर्वोत्तम हड्डियन स भरा।</verse>
				<verse number="5">झुण्ड क सबस बढ़िया जनावर क उपयोग करा, पात्र क खाले ईंधन क ढेर लगावा, अउर माँस क बोटिन क पकावा। शोरबा क तब तलक पकावा जब तलक हड्डियन भी न पक जाइँ।</verse>
				<verse number="6">“‘इ तरह मोर सुआमी यहोवा इ कहत ह: इ यरूसलेम बरे बुरा होइ। इ हत्तियारन स भरे नगर बरे बुरा होइ। यरूसलेम उ पात्र क तरह अहइ जेह पइ जंग क दाग होइँ, अउर उ सबइ दाग दूर न कीन्ह जाइ सकइँ। उ पात्र सुद्ध नाहीं अहइ, एह बरे माँस क हर एक बोटी, पात्र स बाहेर निकाला। उ माँस क खावइ बरे कउनो क जिन द्या। याजकन क उ बेकार माँस मँ स कउनो बोटी जिन चुनइ द्या।</verse>
				<verse number="7">यरूसलेम एक जंग लगे पात्र क तरह अहइ, काहेकि हत्तियन क रकत हुवाँ अब तलक अहइ। उ रकत क खुली चट्टानन पइ डाएस ह। उ रक्त क भुइँया पइ नाहीं डाएस अउर एका माटी स नाहीं ढाँकेस।</verse>
				<verse number="8">मइँ ओनकर रक्त क खुली चट्टान पइ डावा। एह बरे उ ढका नाहीं जाइ। मइँ इ कहेउँ, जेहसे लोग किरोधित होइँ, अउ ओका निरपराध लोगन क हत्तिया क दण्ड देइँ।’</verse>
				<verse number="9">“‘यह बरे मोर सुआमी यहोवा इ कहत ह: हत्यारन स भरे इ नगर क बुरा होइ। मइँ आगी बरे बहोत स काहे क ढेर बनाउब</verse>
				<verse number="10">पात्र क खाले बहोत सा ईंधन डावा। आगी बारा। अच्छी तरह माँस क पकावा। मसाला मिलावा अउर हड्डियन क जरि जाइ द्या।</verse>
				<verse number="11">तब पात्र क अंगारन पइ खाली छोड़ द्या। एका एतना तय जाइ द्या कि एकर दाग चमकइ लागइँ। सबइ दाग पिघल जाइ। अउर जंग जर जाइहीं।</verse>
				<verse number="12">“‘यररूसलेम आपन दागन क धोवइ क कठोर जतन कइ सकत ह। किन्तु उ ‘जंग’ दूर नाहीं होइ। सिरिफ आगी उ जंग क दूर करी।</verse>
				<verse number="13">“‘तू मोरे खिलाफ पाप किहा अउर पाप स कलंकित भइउ। मइँ तोहका नहवाउब चाहेउँ अउर तोहका स्वच्छ करइ चाहेउँ। किन्तु दाग छुटेन नाहीं। मइँ तोहका फुन नहवावइ नाहीं चाहेउँ। जब तलक मोर तपत किरोध तोहरे बरे खतम नाहीं होत।</verse>
				<verse number="14">“‘मइँ यहोवा हउँ। मइँ कहेउँ, तोहका सजा मिली, अउर मइँ एका दिआउब। मइँ सजा क रोकब नाहीं। मइँ तोहरे बरे दुःख क अनुभव नाहीं करब। मइँ तोहका ओन बुरे पापन्क क बरे सजा देब जउन तू किहा। मोर सुआमी यहोवा इ कहेस।’”</verse>
				<verse number="15">तब यहोवा क बचन मोका मिला। उ कहेस,</verse>
				<verse number="16">“हे मनई क पूत, तू आपन पत्नी स बहोत पिरेम करत अहा किन्तु मइँ ओका तोहसे दूर करत हउँ। तोहार पत्नी एकाएक मरी। किन्तु तोहका आपन सोक परगट नाहीं करइ चाही। तोहका जोर स नाहीं रोवइ चाही। तोहका रोवइ नाहीं चाही अउर तोहार आँसू गिरि नाहीं चाही।</verse>
				<verse number="17">किन्तु तोहका आपन सोक रूदन बहोत धीमा रखइ चाही। आपन मरी मेहरारू बरे जोर स न रोआ। तोहका साधारण रोज क ओढ़ना पहिरइ चाही। आपन पगड़ी अउ आपन जूता पहिरा। आपन सोक क परगट करइ बरे आपन मोंछन जिन ढाँका अउर उ भोजन जिन करा जउन अक्सर कउनो क मरे पइ लोग करत हीं।”</verse>
				<verse number="18">अगले भिन्सारे मइँ लोगन क बताएउँ कि परमेस्सर का कहेस ह। उहइ साँझ मोर मेहरारू मरी। अगले भिन्सार मइँ उहइ किहेउँ जउन परमेस्सर आदेस दिहे रहा।</verse>
				<verse number="19">तबई लोग मोहसे कहेन, “तू इ काम काहे करत अहा? एकर मतलब का अहइ?”</verse>
				<verse number="20">मइँ ओनसे कहेउँ, “यहोवा क बचन मोका मिला। उ मोहसे,</verse>
				<verse number="21">इस्राएल क परिवार क कहेस। मोर सुआमी यहोवा कहेस, ‘धियान द्या, मइँ आपन पवित्तर ठउर क बर्बाद करब। तू लोगन क ओह पइ गर्व अहइ अउर तू लोग ओकर तारीफ क गीत गावत अहा। तोहका उ ठउरे क लखइ क पिरेम अहइ। तू फुरइ उ ठउरे स पिरेम करत अहा। किन्तु मइँ उ ठउर क नस्ट करब अउर तोहरे पाछे छुटे भए तोहार गदेलन जुद्ध मँ मारा जइहीं।</verse>
				<verse number="22">किन्तु तू उहइ करब्या जउन मइँ आपन मरी मेहरारू क बारे मँ किहेउँ ह। तू आपन सोक परगट करइ बरे आपन मोछँन नाहीं ढकब्या। तू उ भोजन नाहीं करब्या जउन लोग अक्सर कउनो क मरइ पइ खात हीं।</verse>
				<verse number="23">तू आपन पगड़ियन अउर आपन जूतन पहिरब्या। तू आपन सोक नाहीं परगट करब्या। तू रोउब्या नाहीं। किन्तु तू आपन पाप क कारण बर्बाद होत रहब्या। तू चुपचाप आपन आहन एक दूसर क समन्वा भरब्या।</verse>
				<verse number="24">एह बरे यहेजकेल एक उदाहरण अहइ। तू उहइ सब करब्या जउन इ किहेस। सजा क इ समइ आइ अउर तब तू जनब्या कि मइँ यहोवा अहउँ।’”</verse>
				<verse number="25">“मनई क पूत, मइँ आपन सरणस्थल यरूसलेम क लोगन स लइ लेब। उ सुन्नर ठउर ओनका आनन्दित करत ह। ओनका उ ठउर लखइ क पिरेम अहइ। उ पचे फुरइ उ ठउर स पिरेम करत हीं। किन्तु उ समइ मइँ नगर अउर ओनकर गदेलन क ओन लोगन स लइ लेब।</verse>
				<verse number="26">उहइ समइ बचइवाले लोगन मँ स एक यरूसलेम क बारे मँ बुरा सँदेसा लइके तोहरे लगे आइ।</verse>
				<verse number="27">उ समइ तू उ मनई स बातन कइ सकब्या। तू अउर जियादा चुप नाहीं रहि सकब्या। इ तरह तू ओनके बरे उदाहरण बनब्या। तब उ पचे जनिहीं कि मइँ यहोवा हउँ।”</verse>
			</chapter>
			<chapter number="25">
				<verse number="1">यहोवा क बचन मोका मिला। उ कहेस,</verse>
				<verse number="2">“मनई क पूत, अम्मोन क लोगन क कइँती लखा अउर मोरे बरे ओनके खिलाफ कछू बोला।</verse>
				<verse number="3">अम्मोन क लोगन स कहा, ‘मोर सुआमी यहोवा क कथन सुना। मोर सुआमी यहोवा कहत ह: तू तब खुस रह्या जब मोर पवित्तर ठउर नस्ट भवा रहा। तू लोग तब इस्राएल देस क खिलाफ रह्या जब इ दूसित भवा रहा। तू यहूदा क परिवार क खिलाफ रह्या जब उ सबइ लोग बन्दी बनाइके लइ जावा गएन।</verse>
				<verse number="4">एह बरे, मइँ तू पचन्क पूरब क लोगन क देब। उ पचे तोहार सबन्क भुइँया लेइहीं। ओनकर फउजन तोहरे देस मँ आपन डेरा डइहीं। उ पचे तोहरे पचन्क बीच रहिहीं। उ पचे तोहार पचन्क फल खइहीं अउर तोहार पचन्क दूध पीइहीं।</verse>
				<verse number="5">“‘मइँ रब्बा अम्मोन नगर क ऊँटन बरे चिरागाह मँ बदल देब अउर अम्मोन लोगन क देस भड़ियन क चिरागाह क बनाउब। तब तू पचे समुझब्या कि मइँ यहोवा हउँ।</verse>
				<verse number="6">यहोवा इ कहत ह: तू पचे खुस रह्या कि यरूसलेम नस्ट भवा। तू पचे तालियन बजाया अउर गोड़न पइ थिरक्या। तू पचे इस्राएल प्रदेस क अपमानित करइवालन क मजाक किहा।</verse>
				<verse number="7">एह बरे मइँ तू पचन्क दण्ड देब। तू पचे कइसी कीमती चिजियन क तरह होब्या जेनका फउजी जुद्ध मँ पावत हीं। तू पचे आपन उत्तराधिकार खोइ देब्या। तू पचे दूर देसन मँ मरब्या। मइँ तोहरे पचन्क देस क नस्ट करब। तबइ तू पचे जनब्या कि मइँ यहोवा अहउँ।’”</verse>
				<verse number="8">मोर सुआमी यहोवा इ कहत ह: “मोआब अउ सेईर कहत हीं, ‘यहूदा क परिवार ठीक कउनो दूसर रास्ट्र क तरह अहइ।’</verse>
				<verse number="9">मइँ मोआब क काँचे पइ प्रहार करब, मइँ एकरे ओन नगरन क लेब जउन एकर सीमा पइ प्रदेस क गौरव बेत्यसीमोत, बालमोन अउर किर्यातैम अहइँ।</verse>
				<verse number="10">तब मइँ एन नगरन क पूरब क लोगन क देब। उ पचे तोहार प्रदेस लेइहीं अउर मइँ पूरब क लोगन क अम्मोन क नस्ट करइ देब। तब हर एक मनई बिसरि जाई कि अम्मोन क लोग एक रास्ट्र रहेन।</verse>
				<verse number="11">इ तरह मइँ मोआब क दण्ड देब। तब उ पचे जनिहीं कि मइँ यहोवा हउँ।”</verse>
				<verse number="12">मोर सुआमी यहोवा इ कहत ह, “एदोम क लोग यहूदा क परिवार क खिलाफ उठ खड़े भएन अउर ओहसे बदला लेइ चाहेन। एदोम क लोग दोखी अहइँ।”</verse>
				<verse number="13">एह बरे मोर सुआमी यहोवा कहत ह: “मइँ एदोम क दण्ड देब। मइँ एदोम क लोगन अउ जनावरन क नस्ट करब। मइँ एदोम क पूरे देस क तेमान स ददान तलक नस्ट करब। एदोमी जुद्ध मँ मारा जइहीं।</verse>
				<verse number="14">मइँ आपन लोगन, इस्राएल क उपयोग करब अउर एदोम क खिलाफ भी होब। इ तरह इस्राएल क लोग मोरे किरोध क एदोम क लोगन क खिलाफ परगट करिहीं। तब एदोम क लोग समुझिहीं कि मइँ ओनका दण्ड दिहेउँ।” मोर सुआमी यहोवा इ कहेस।</verse>
				<verse number="15">मोर सुआमी यहोवा इ कहेस, “पलिस्तिनियन भी बदला लेइ क जतन किहन। उ पचे बहोत क्रूर रहेन। उ पचे आपन किरोध क अपने भीतर बहोत जियादा समइ तलक जरत रखेन।”</verse>
				<verse number="16">एह बरे मोर सुआमी यहोवा कहेस, “मइँ पलिस्तिनियन क दण्ड देब। हाँ, मइँ करेत स ओन लोगन क नस्ट करब। मइँ समुद्रर तट पइ रहइवाले ओन लोगन क पूरी तरह नस्ट करब।</verse>
				<verse number="17">मइँ ओन लोगन क दण्ड देब, मइँ ओनसे बदला लेब। मइँ आपन किरोध क जरिये ओनका एक पाठ सिखाउब तब उ पचे जनिहीं कि मइँ यहोवा हउँ।”</verse>
			</chapter>
			<chapter number="26">
				<verse number="1">देस-निकारे क गियारहवें बरिस मँ, महीना क पहिला दिन, यहोवा क बचन मोका मिला। उ कहेस,</verse>
				<verse number="2">“मनई क पूत, सोर यरूसलेम क खिलाफ बुरी बातन कहेस: ‘आहा! लोगन क रच्छा करइवाला नगर-दुआर नस्ट होइ गवा ह। नगर-दुआर मोरे बरे खुला ह। नगर नस्ट होइ गवा ह, एह बरे मइँ एहसे बहोत स बहुमूल्य चिजियन लइ सकत हउँ।’”</verse>
				<verse number="3">एह बरे मोर सुआमी यहोवा कहत ह: “सोर, मइँ तोहरे खिलाफ हउँ। मइँ तोहरे खिलाफ लड़इ बरे कइउ रास्ट्रन क लिआउब। उ सबइ समुद्रर तट क लहरन क तरह बार-बार अइहीं।”</verse>
				<verse number="4">परमेस्सर कहेस, “दुस्मन क उ सबइ फउजी सोर क देवारन क नस्ट करिहीं अउर ओनके खम्भन क गिराइ देइहीं। मइँ भी ओकर भुइँया स ऊपर क माटी क खुरच देब। मइँ सोर क चट्टान मात्र बनाइ डाउब।</verse>
				<verse number="5">सोर समुद्रर क किनारे मछरियन क जालन क फइलावइ क ठउर मात्र रहि जाइ। मइँ इ कहि दिहे हउँ।” मोर सुआमी यहोवा कहत ह, “सोर ओन बहुमूल्य वस्तुअन क तरह होइ जेनका फउजी जुद्ध मँ पावत हीं।</verse>
				<verse number="6">मुख्य भूइँया पइ सोर क चारिहुँ कइँती क गाँव जुद्ध मँ तबाह कीन्ह जाइहीं। तब उ पचे जनिहीं कि मइँ यहोवा हउँ।”</verse>
				<verse number="7">मोर सुआमी यहोवा इ कहत ह, “मइँ सोर क खिलाफ उत्तर स एक दुस्मन लिआउब। बाबुल क महान राजा नबूकदनेस्सर दुस्मन अहइ। उ एक बिसाल फउज लिआइ। ओहमाँ घोड़न, रथ, घोड़सवार फउजी, अउर बहोत जियादा गिनती मँ दूसर फउजी होइहीं। उ सबइ फउजी विभिन्न रास्ट्रन स होइहीं।</verse>
				<verse number="8">नबूकदनेस्सर मूल-प्रदेस मँ तोहार बिटियन (छोटे नगरन) क मारि डाइ। उ तोहरे नगरन पइ हमला करइ बरे मीनारन बनाई। उ तोहरे नगर क चारिहुँ कइँती कच्ची सड़क बनाई। उ एक कच्ची सड़क देवार तलक पहोंचावइ वाली बनाइ।</verse>
				<verse number="9">उ तोहार देवारन क तोड़इ बरे लट्ठन लिआइ। उ कुदारियन क उपयोग करी अउर तोहार मीनारन क तोड़ गिराइ।</verse>
				<verse number="10">ओकर घोड़न एतनी बड़ी गिनती मँ होइहीं कि ओकर टापन स उठी धूरि तोहका ढक लेइ। तोहार देवारन घोड़सवार फउजियन, बन्द गाड़ियन अउ रथन क आवाज स काँप उठी। जब बाबुल क राजा नगर-दुआर स नगर मँ प्रवेस करी। हाँ, उ पचे तोहरे नगर मँ अइहीं काहेकि एकर देवारन गिराई जइहीं।</verse>
				<verse number="11">बाबुल क राजा तोहरे नगर स घोड़ा पइ सवार होइके निकरी। ओकर घोड़न क टाप तोहार सड़कन क कुचरत भइ आइ। उ तोहरे लोगन क तरवार स मारि डाइ। तोहरे नगर क मजबूत खम्भे क कतारन धरासाई होइहीं।</verse>
				<verse number="12">नबूकदनेस्सर क फउजी तोहार सम्पत्ति लइ जइहीं। उ पचे ओन चिजियन क लइ जइहीं जेनका तू बेचइ चाहत अहा। उ पचे तोहार देवारन क ध्वस्त करिहीं अउर तोहार सुन्नर भवनन क नस्ट करिहीं। उ पचे तोहार पाथरन अउ लकड़ियन क घरन क कूड़े क तरह समुद्र मँ लोकाइ देइहीं।</verse>
				<verse number="13">इ तरह मइँ तोहार आनन्द गीतन क स्वर क बन्द कइ देब। लोग तोहार वीणा क भविस्स मँ नाहीं सुनिहीं।</verse>
				<verse number="14">मइँ तोहका नंगी चट्टान मात्र कइ देब। तू समुद्दर क किनारे मछरियन क जालिन क फइलावइ क ठउर रहि जाब्या। तोहार निर्माण फुन नाहीं होइ। काहेकि मइँ यहोवा इ कहेउँ ह।” मोर सुआमी यहोवा उ सबइ बातन कहेस।</verse>
				<verse number="15">मोर सुआमी यहोवा सोर स इ कहत ह: “भूमध्य सागर क तट स लगे देस तोहरे पतन क आवाज स काँपि उठिहीं। इ तब होइ जब तोहार लोग चोट खइहीं अउर मारा जइहीं।</verse>
				<verse number="16">तब समुद्रर तट क देसन क सबहिं प्रमुख आपन सिहांसने स उतरिहीं अउर आपन दुख परगट करिहीं। उ पचे आपन खास पोसाक उतरिहीं। उ पचे आपन सुन्नर वस्त्रन क उतरिहीं। तब उ पचे आपन काँपइ क ओढ़ना पहिरिहीं। उ पचे भुइँया पइ बइठिहीं अउर भय स काँपिहीं। उ पचे एह पइ ‘सोकग्रस्त’ होइहीं कि तू एतना जल्दी कइसे नस्ट होइ गया।</verse>
				<verse number="17">उ पचे तोहरे बारे मँ इ करूण गीत गइहीं: “‘हे सोर, तू मसहूर नगर रह्या समुद्र पार स लोग तोह पइ बसइ आएन। तू मसहूर रह्या, किन्तु अब तू कछू नाहीं अहा। तू सागर पइ सक्तीसाली रह्या, अउर वइसे ही तोहमाँ निवास करइवाले मनई रह्या। तू मुख्य भुइँया पइ रहइवाले सबहिं लोगन क भयभीत किहा।</verse>
				<verse number="18">अब जउने दिन तोहार पतन होत ह, समुद्रर तट स लगे देस भय स काँपित होइहीं। तू समुद्रर तट क सहारे कइउ उपनिवेस बनाया, अब उ सबइ लोग भयभीत होइहीं, जब तू नाहीं रहब्या।’”</verse>
				<verse number="19">मोर सुआमी यहोवा इ कहत ह, “सोर, मइँ तोहका नस्ट करब अउर तू एक पुराना नगर होइ जाब्या। हुवाँ कउनो नाहीं रही। मइँ समुद्रर क तोहरे ऊपर बहाउब। बिसाल समुद्रर तोहका ढकि लेइ।</verse>
				<verse number="20">मइँ तोहका खाले उ गहिर अधोगर्त मँ पठउब, जउने जगह पइ मरे भए लोग अहइँ। तू ओन लोगन स मिलब्या जउन बहोत पहिले मर चुकेन। मइँ तोहका ओन सबहिं प्राचीन अउर खाली नगरन क तरह पाताल लोक मँ पठउब। तू ओन सबहिं दूसर लोगन क संग होब्या जउन कब्र मँ जात हीं। तोहरे संग तब कउनो नाहीं रही। तू फुन कबहुँ जीवितन क पहँटा मँ नाहीं रहब्या।</verse>
				<verse number="21">दूसर लोग ओहसे डेरइहीं जउन तोहरे संग भवा। तू खतम होइ जाब्या। लोग तोहका हेरिहीं, किन्तु तोहका कबहुँ नाहीं पइहीं।” मोर सुआमी यहोवा इहइ कहत ह।</verse>
			</chapter>
			<chapter number="27">
				<verse number="1">यहोवा क बचन मोका फुन मिला। उ कहेस,</verse>
				<verse number="2">“मनई क पूत, सोर क बारे मँ इ करूण-गीत गावा।</verse>
				<verse number="3">सोर क बारे मँ इ कहा: ‘तू समुद्रर क दुआर अहा। तू अनेक रास्ट्रन बरे बियापारी अहा, तू समुद्रर तट क सहारे क अनेक देसन क जात्रा करत अहा। मोर सुआमी यहोवा इ कहत ह: “‘हे सोर तू सोचत अहा कि तू एतना जियादा सुन्नर अहा। तू सोचत अहा कि तू पूरी तरह सुन्नर अहा!</verse>
				<verse number="4">भूमध्य सागर तोहरे नगर क चारिहुँ ओर चउहद्दी बनावत ह। तोहार निर्माता लोग तोहका पूरी तरह सुन्नर बनाएन।</verse>
				<verse number="5">तोहार निर्माता लोग, सनीर पर्वत स सनौवर क पेड़न क उपयोग, तोहरे सबहिं पल्लन क बनावइ बरे किहन। उ पचे लबानोन स देवदार क बृच्छन क उपयोग, तोहरे मस्तूल क बनावइ बरे किहन।</verse>
				<verse number="6">उ पचे बासान स ओक बृच्छ क उपयोग तोहरे पतवारन क बनावइ बरे किहन। उ पचे सनौवर स चीड़ बृच्छ क उपयोग, तोहरे जहाज क भूईंया क कमरे बरे किहन, अउर उ पचे इ निवास क हाथी-दाँत स सजाएन।</verse>
				<verse number="7">तोहरे पाल बरे उ पचे मिस्र मँ बने रंगीन सूती ओढ़ना क उपयोग किहन। पाल तोहार झंडा रहा। कमरे बरे तोहार पर्दा नीले अउ बैंगनी रहेन। उ एलीसा क समुद्रर तट स आवत रहेन।</verse>
				<verse number="8">सीदोन अउ अर्वद क मनईयन तोहरे बरे तोहरी नावन क खेएन। सोर तोहार बुद्धिमान मनई तोहरे जहाजन क चालक रहेन।</verse>
				<verse number="9">गबल क अग्रज प्रमुख अउर बुद्धिमान मनई जहाज क तखतन क बीच कल्किन लगावइ मँ मदद बरे जहाजे पइ रहेन। समुद्रर क सारे जहाज अउर ओनकर चालक तोहरे संग बियापार अउर वाणिज्य करइ आवत रहेन।</verse>
				<verse number="10">“‘फारस, लूद अउर पूत क मनईयन तोहरी फउज मँ रहेन। उ पचे तोहरे जुद्ध क फउजी रहेन। उ पचे आपन ढालन अउ मूँड़े क कवच तोहरी देवारन पइ लटकाए रहेन। उ पचे तोहरे नगर बरे सम्मान अउ जस कमाएन।</verse>
				<verse number="11">अर्वद क मनईयन तोहरे नगर क चारिहुँ ओर क देवार पइ रच्छक क रूप मँ खड़े रहेन। गम्मत क मनई तोहार मीनारन मँ रहेन। उ पचे तोहरे नगर क चारिहुँ ओर क देवारन पइ आपन ढालन टाँगेन। उ पचे तोहार सुन्नरता क पूर्ण किहन।</verse>
				<verse number="12">“‘तर्सीस तोहरे सर्वोत्तम ग्राहकन मँ स एक रहा। उ पचे तोहार सबहिं वस्तुअन क बदले सोना, चाँदी, लोहा, टीन अउ सीसा देत रहेन।</verse>
				<verse number="13">यावान, तूबल, मेसेक अउ काले सागर क चारिहुँ ओर क छेत्र क लोग तोहरे संग बियापार करत रहेन। उ पचे तोहार बिक्रम चिजियन क बदले गुलाम अउ काँसा देत रहेन।</verse>
				<verse number="14">तोगर्मा रास्ट्र क मनईयन घोड़न, जुद्ध घोड़ा अउ खच्चर ओन चिजियन क बदले मँ देत रहेन जेनका तू बेचत रह्या।</verse>
				<verse number="15">ददान क मनईयन तोहरे संग बियापार करत रहेन। उ पचन्क तोहार चिजियन क आपन जगहन प बेचत रह्या। लोग तोहका भुगतान करइ बरे हाथी दाँत अउर आबनूस क लकड़ी लिआवत रहेन।</verse>
				<verse number="16">एदोम तोहरे संग बियापार करत रहा काहेकि तोहरे लगे बहोत स अच्छी चिजियन रहिन। एदोम क लोग नीलमणि, बैंगनी कपड़ा, बारीक कढ़ाई क काम, बारीक सूती, मूँगा अउर लाल तोहार बिक्रय क चिजियन क बदले देत रहेन।</verse>
				<verse number="17">“‘यहूदा अउर इस्राएल क मनईयन तोहारे संग बियापार किहस। उ पचे तोहार बिक्रय चिजियन क बरे भुगतान मँ गोहूँ, जैतून, अगाती, अंजीर सहद तेल अउर मरहम दिहेस।</verse>
				<verse number="18">दमिस्क एक ठु नीक गाहक रहा। उ पचे तोहरे लगे क अद्भूत चिजियन बरे बियापार करत रहेन अउर ओन चिजियन बरे हेलबोन के दाखरस अउर सफेद ऊन देत रहेन।</verse>
				<verse number="19">ऊजल स वादान अउर यूनानी लोग तोहार माल खरीदेस। ओन चिजियन क भुगतान मँ लोहा, तैजपात, सुगन्धी अउर गन्ना देत ह।</verse>
				<verse number="20">ददान अच्छा बइपार करत रहेन। उ पचे तोहार संग घोड़सवारी बरे जीन (काठी) क ओढ़ना क बइपार करत रहेन।</verse>
				<verse number="21">अरब अउर केदार क सबहिं प्रमुख मेमनन, भेड़ी अउर बोकरियन तोहार बिक्रय कीन्ह गइ वस्तुअन देत रहेन।</verse>
				<verse number="22">सबा अउ रामा क बइपारी तोहरे संग बइपार करत रहेन। उ पचे सर्वोत्तम मसालन हर तरह क रतन अउर सोना तोहार विक्रय क चिजियन बरे देत रहेन।</verse>
				<verse number="23">हारान, कन्ने, एदेन तथा सबा, अस्सूर, कलमद क बइपारी तोहरे संग बियापार करत रहेन।</verse>
				<verse number="24">उ पचे सर्वोत्तम कपड़न, बारीक कढ़े भए अउ नीले ओढ़ना, रंग बिरंग कालीन, अच्छी बटी रस्सियन अउर देवदार क लकड़ी स बने सामान भुगतान मँ दिहन। इ सबइ उ सबइ चिजियन रहिन जेनसे उ पचे तोहरे संग बइपार किहन।</verse>
				<verse number="25">तर्सीस क जहाज ओन चिजियन क लइ जात रहेन जेनका तू बेचत रह्या। “‘एह बरे सोर, तू ओन बइपारी बेड़न मँ स एक क तरह अहा, तू समुद्रर पइ बहुमूल्य वस्तुअन स लदे भरा अहा।</verse>
				<verse number="26">उ सबइ मनई जउन तोहार नावन क खेवत रहेन। तोहका बिसाल अउर सक्तीसाली समुद्ररन क पार लइ गएन। किन्तु सक्तीसाली पुरवइया तोहरे जहाजन क समुद्र मँ नस्ट करी।</verse>
				<verse number="27">अउर तोहार सारी सम्पत्ति समुद्रर मँ बूड़ि जाइ। तोहार सम्पत्ति, तोहार बइपार, अउर बिक्रय चिजियन, तोहार मल्लाह अउर तोहार चालक, तोहार मनई जउन, तोहरे जहाजे पइ तख्तन क बीच मँ कल्किन लगावत हीं, तोहार मल्लाह अउर तोहरे नगर क सबहिं फउजी अउर तोहार मल्लाह सारे समुद्दर मँ बूड़ जई। इ उहइ दिन होइ जउने दिन तू नस्ट होब्या।</verse>
				<verse number="28">“‘तोहार आपन बइपारियन क बहोत दूर क ठउरन मँ पठएस। उ सबइ ठउर भय स काँपि उठिहीं, जब उ पचे तोहरे चालकन क चिल्लाब सुनिहीं।</verse>
				<verse number="29">तोहार सारे नाविक जहाजे स कूदिहीं। मल्लाह अउ चालक जहाज स कूदिहीं, अउर तट पइ तैर अइहीं।</verse>
				<verse number="30">उ पचे तोहरे बारे मँ बहोत दुःखी होइहीं। उ पचे रोइ पड़िहीं। उ पचे आपन मूँड़न पइ धूरि डइहीं। उ पचे राखी मँ लोटिहीं।</verse>
				<verse number="31">उ पचे तोहरे बरे मूड़ पइ उस्तरा फिरइहीं। उ पचे सोक ओढ़ना पहिरहीं। उ पचे तोहरे बरे रोइहीं-चिल्लिइहीं। उ पचे कउनो अइसे रोवत भए क समान होइहीं, जउन कउनो क मरइ पइ रोवत ह।</verse>
				<verse number="32">“‘उ पचे आपन फूट-फूट क रोवइ क समइ तोहरे बारे मँ इ सोक-गीत गइहीं अउर रोइहीं: “‘कउनो सोर क तरह नाहीं अहइ। सोर नस्ट कइ दीन्ह गवा, समुद्रर क बीच मँ।</verse>
				<verse number="33">तोहार बइपारी समुद्ररन क पार गएन। तू बहोत सारे रास्ट्रन क आपन बियोल सम्पत्ति अउर आपन माल स सन्तुट्ठ किहा। तू भुइँया क राजा लोगन क धनी बनाएस।</verse>
				<verse number="34">मुला अब तू समुद्दरन क जरिये टूटा अहा अउर गहिर जल क जरिये भी। सबहिं चिजियन जउन तू बेचत अहा, अउर तोहार सबहिं मनई नस्ट होइ चुका अहइँ।</verse>
				<verse number="35">समुद्रर तट क निवासी सबहिं मनई तोहरे बरे दुःखे मँ बूड़ा अहइँ। ओनकर राजा भयानक रूप स डेरान अहइँ। ओनकर चेहरा स सोक झाँकत अहइ।</verse>
				<verse number="36">दूसर रास्ट्रन क बइपारी तोह पइ सुसकारत हीं। जउन घटनन तोहरे साथ घटिन, लोगन क भयभीत करिहीं। काहेकि तू अब खतम होइ गवा अहा। तू भविस्स मँ नाहीं रहब्या।’”</verse>
			</chapter>
			<chapter number="28">
				<verse number="1">यहोवा क बचन मोका मिला। उ कहेस,</verse>
				<verse number="2">“हे मनई क पूत, सोर क राजा स कहा। ‘मोर सुआमी यहोवा इ कहत ह: “‘तू आपन बरे बहोत उच्च सोचत ह अउर तू कहत अहा, “मइँ परमेस्सर अहउँ! मइँ समुद्रर क मध्य मँ देवतन क आसन पइ बइठन हउँ।” “‘किन्तु तू मनई अहा, परमेस्सर नाहीं। तू सिरिफ सोचत अहा कि तू परमेस्सर अहा।</verse>
				<verse number="3">तू सोचत अहा तू दानिय्येल स बुद्धिमान अहा। तू समुझत अहा कि तू सारे रहस्यन क जानि लेब्या।</verse>
				<verse number="4">आपन बुद्धि अउ आपन समुझ स। तू सम्पत्ति खुद कमाया ह अउर तू आपन कोसागार मँ सोना चाँदी राख्या ह।</verse>
				<verse number="5">आपन तीब्र बुद्धि अउ बइपार स तू आपन सम्पत्ति बढ़ाया ह, अउर अब तू उ सम्पत्ति क कारण गर्वीला अहा।</verse>
				<verse number="6">“‘एह बरे मोर सुआमी यहोवा इ कहत ह: सोर, तू सोच्या तू परमेस्सर क तरह अहा।</verse>
				<verse number="7">मइँ अजनबियन क तोहरे खिलाफ लड़इ बरे लिआउब। उ पचे रास्ट्रन मँ बड़े भयंकर अहइँ। उ पचे आपन तरवारन बाहेर खिंचिहीं अउर ओन सुन्नर चिजियन क खिलाफ चलइहीं जेनका तोहार बुद्धि कमाएस। उ पचे तोहरे गौरव क मटियामेट करिहीं।</verse>
				<verse number="8">उ पचे तोहका गिराइके कब्र मँ पहोंचइही। तू उ मल्लाह क तरह होब्या जउन समुद्रर मँ मरा।</verse>
				<verse number="9">उ मनई तोहका मारि डाइ। का अब भी तू कहब्या, “मइँ परमेस्सर हउँ?” उ समइ उ तोहका अपने अधिकार मँ करी। तू समुझ जाब्या कि तू मनई अहा, परमेस्सर नाहीं।</verse>
				<verse number="10">तू अजनबियन क हाथ बिदेसियन क जइसा मारि डावइ जाइहीं। इ घटनन होइहीं काहेकि मोरे लगे आदेस-सक्ति अहइ।’” मोर सुआमी यहोवा इ सबइ बातन कहेस।</verse>
				<verse number="11">यहोवा क बचन मोका मिला। उ कहेस,</verse>
				<verse number="12">“मनई क पूत, सोर क राजा क बारे मँ करूण गीत गावा। ओहसे कहा, ‘मोर सुआमी यहोवा इ कहत ह: “‘तू सम्पूर्णता क आदर्स रह्या। तू बुद्धिमानी स परिपूर्ण रह्या, तू पूरी तरह सुन्नर रह्या,</verse>
				<verse number="13">तू परमेस्सर क बगीचा एदेन मँ रह्या। तोहरे लगे हर एक बहुमूल्य रतन रहेन जइसे: लाल, पुखराज, हीरा, फिरोजा, गोमेद, जस्पर नीलम, हरितमणि अउ नीलमणि। अउर इ सबइ हर एक रतन सोने मँ जुड़ा रहेन। तोहका इ सुन्नरता प्रदान कीन्ह गइ रही जउने दिन तोहार जनम भवा रहा। परमेस्सर तोहका सक्तीसाली बनाएस।</verse>
				<verse number="14">तू चुने भए करूब सरगदूत रह्या। तोहार पखना मोरे सिंहासने पइ फइला रहेन अउर मइँ तोहका परमेस्सर क पवित्तर पर्वत पइ धरेउँ। तू ओन रत्नन क बीच चल्या जउन आगी क तरह कौंधत रहेन।</verse>
				<verse number="15">तू नीक अउ ईमानदार रह्या जब मइँ तोहका बनाएउँ। किन्तु एकरे पाछे तू बुरे बन गया।</verse>
				<verse number="16">तोहार बइपार तोहरे लगे बहोत सम्पत्ति लिआवत रहा। किन्तु उ भी तोहरे भीतर क्रूरपन पइदा किहेस अउर तू पाप किहा। एह बरे मइँ तोहरे संग अइसा बेउहार किहेउँ माना तू गन्दी चीज ह्वा। मइँ तोहका परमेस्सर क पर्वत स लोकाइ दिहेउँ। तू खास करूब सरगदूतन मँ स एक रह्या, तोहार पखना फइला रहेन मोरे सिंहासने पइ किन्तु मइँ तोहका आगी क तरह कौंधइवाले रतनन क तजइ क मजबूर किहेउँ।</verse>
				<verse number="17">तू आपन सुन्नरता क कारण घमण्डी होइ गया, तोहार गौरव तोहार बुद्धिमानी क नस्ट किहेउ, एह बरे मइँ तोहका धरती पइ लिआइ लोकाएउँ, अउर अब दूसर राजा तोहका आँखिन फाड़िके लखत हीं।</verse>
				<verse number="18">तू अनेक गलत काम किहा, तू बहोत कपटी बइपारी रह्या। इ तरह तू पवित्तर ठउरन क अपवित्तर किहा, एह बरे मइँ तोहरे ही भीतर आगी लिआएउँ, इ तोहका जराइ दिहस, तू भुइँया पइ राखी होइ गया। अब हर कउनो तोहार लज्जा लखि सकत ह।</verse>
				<verse number="19">“‘अन्य रास्ट्रन मँ सबहिं लोग, जउन तोह पइ घटित भवा, ओकरे बारे मँ दुःखी भए रहेन। जउन तोहका भवा, उ लोगन क भयभीत करी। तू खतम होइ गवा अहा।’”</verse>
				<verse number="20">यहोवा क बचन मोका मिला। उ कहेस,</verse>
				<verse number="21">“मनई क पूत, सीदोन पइ धियान द्या अउर मोरे बरे उ ठउरे क बिरूद्ध कछू कहा।</verse>
				<verse number="22">कहा, ‘मोर सुआमी यहोवा इ कहत ह: “‘सीदोन, मइँ तोहारे खिलाफ हइँ! तोहरे लोग मोरे सम्मान करब सिखिहीं, मइँ तोहार सीदोन क सजा देब, तब लोग समुझिहीं कि मइँ यहोवा हउँ। तब उ पचे समुझिहीं कि मइँ पवित्तर हउँ।</verse>
				<verse number="23">मइँ सीदोन मँ रोग अउर मउत पठउब, ओकरे नगर मँ मउत उ समइ आइ जब मइँ ओकरे खिलाफ चारिहुँ कइँती स तरवार लिआउब। तब उ पचे समुझिहीं कि मइँ यहोवा अहउँ।</verse>
				<verse number="24">“‘पुराने जमाने मँ इस्राएल क चारिहुँ ओर क देस ओहसे घिना करत रहेन। किन्तु उ दूसर देसन क बरे बुरी घटनन घटिहीं। कउनो भी तेज काँटन या कँटेहरी झाड़ी इस्राएल क परिवार क घाएल करइवाली नाहीं रहि जाइ। तब उ पचे जानिहीं कि मइँ ओनकर सुआमी यहोवा हउँ।’”</verse>
				<verse number="25">मोर सुआमी यहोवा इ कहत ह, “मइँ इस्राएल क लोगन क अन्य रास्ट्रन मँ बिखेर दिहेउँ। किन्तु मइँ फुन इस्राएल क परिवार क एक संग बटोरब। तब उ सबइ रास्ट्र समुझिहीं कि मइँ पवित्तर हउँ। उ समइ इस्राएल क लोग आपन देस मँ रहिहीं अर्थात् जउने देस क मइँ आपन सेवक याकूब क दिहेउँ।</verse>
				<verse number="26">उ पचे उ देस मँ सुरच्छित रहिहीं। उ पचे घर कइहीं अउर अंगूरे क बेलन लगइहीं। मइँ ओकरे चारिहुँ ओर क रास्ट्रन क दण्ड देब जउन ओहसे घिना किहन। तब इस्राएल क लोग सुरच्छित रहिहीं। तब उ पचे समुझिहीं कि मइँ ओनकर परमेस्सर यहोवा हउँ।”</verse>
			</chapter>
			<chapter number="29">
				<verse number="1">देस निकारे क दसएँ बरिस क दसएँ महीने क बारहवें दिन मोर सुआमी यहोवा क बचन मोका मिला। उ कहेस,</verse>
				<verse number="2">“मनई क पूत, मिस्र क राजा फिरौन कइँती धियान द्या, मोरे बरे ओकर तथा मिस्र क बिरूद्ध कछू कहा।</verse>
				<verse number="3">कहा, ‘मोर सुआमी यहोवा इ कहत ह: “‘हे मिस्र क राजा फिरौन, मइँ तोहरे खिलाफ हउँ। तू नील-नदी क किनारे विस्राम करत भए बिसाल मगरमच्छ अहा। तू कहत रह्या, “इ मोर नदी अहइ। मइँ इ नदी बनाएउँ ह।”</verse>
				<verse number="4">“‘किन्तु मइँ तोहरे जबड़न मँ हुक डालउब। नील नदी क मछरियन तोहरी चमड़ी स चिपक जइहीं। मइँ तोहका तोहार मछरियन क तोहरी नदियन स बाहेर कइके झुरान भुइँया पइ लोकाइ देब,</verse>
				<verse number="5">तू धरती पइ गिरब्या, अउर कउनो न तोहका उठाई, न ही दफनाई। मइँ तोहका जंगली जनावरन अउ पंछियन क देब, तू ओनकर भोजन बनब्या।</verse>
				<verse number="6">तब मिस्र मँ रहइवाले सबहिं लोग जनिहीं कि मइँ यहोवा हउँ। “‘मइँ एन कामन क काहे करब? काहेकि इस्राएल क लोग सहारे बरे मिस्र पइ भरोसा किहस। किन्तु मिस्र सिरिफ दुर्बल घास क तिनका निकरा।</verse>
				<verse number="7">इस्राएल क लोग सहारे बरे मिस्र पइ आस्रित रहेन अउर मिस्र सिरिफ ओनके हाथन अउ काँधन क छेद किहेस। उ पचे सहारे बरे तोह पइ आस्रित रहेन। किन्तु तू ओनकर पीठ क तोड़्या अउर मरोड़ दिहा।’”</verse>
				<verse number="8">एह बरे मोर सुआमी यहोवा इ कहत ह: “मइँ तोहरे खिलाफ तरवार लिआउब। मइँ तोहरे सबहिं लोगन अउर जनावरन क नस्ट करब।</verse>
				<verse number="9">मिस्र खाली अउ नस्ट होइ जाई। तब उ पचे समुझिहीं कि मइँ यहोवा हउँ।” परमेस्सर कहेस, “मइँ उ सबइ काम काहे करब? काहेकि तू कहया, ‘इ मोर नदी अहइ। मइँ इ नदी क बनाएउँ।’</verse>
				<verse number="10">एह बरे मइँ तोहरे विरूद्ध हउँ। मइँ तोहार नील नदी कइउ साखन क विरूद्ध हउँ। मइँ मिस्र क पूरी तरह नस्ट करब। मिग्दोल स सवेन तलक तथा जहाँ तलक कूस क सीमा अहइ, हुवाँ तलक नगर खाली होइहीं।</verse>
				<verse number="11">कउनो मनई या जनावर मिस्र स नाहीं गुजरी। कउनो मनई या जनावर मिस्र मँ चालीस बरिस तलक नाहीं रही।</verse>
				<verse number="12">मइँ मिस्र देस क उजाड़ कइ देब अउर ओकर नगर चालीस बरिस तलक उजाड़ रहिहीं। मइँ मिस्रियन क रास्ट्रन मँ बिखेर देब। मइँ ओनका बिदेस मँ बसाइ देब।”</verse>
				<verse number="13">मोर सुआमी यहोवा इ कहत ह, “मइँ मिस्र क लोगन क कइउ रास्ट्रन मँ बिखेरब। किन्तु चालीस बरिस क अन्त मँ फिर मइँ ओन लोगन क एक संग बटोरब।</verse>
				<verse number="14">मइँ मिस्र क बंदियन क वापस लिआउब। मइँ मिस्रियन क पत्रास क प्रदेस मँ, जहाँ उ पचे पइदा भए रहेन, वापस लिआउब। किन्तु ओनकर राज्ज महत्वपूर्ण नाहीं होइ।</verse>
				<verse number="15">इ सबसे कम महत्वपूर्ण राज्ज होइ। मइँ एका फुन दूसर रास्ट्रन स ऊपर कबहुँ नाहीं उठाउब। मइँ ओनका एतना घोटका कइ देब कि उ पचे रास्ट्रन पइ सासन नाहीं कइ सकिहीं।</verse>
				<verse number="16">अउर इस्राएल क परिवार फुन कबहुँ मिस्र पइ आस्रित नाहीं रही। इस्राएली आपन पापन क याद रखिहीं। उ पचे याद रखिहीं कि उ पचे मदद बरे मिस्र कइँती मुड़ेन, परमेस्सर कइँती नाहीं अउर उ पचे समुझिहीं कि मइँ यहोवा अउ सुआमी अहउँ।”</verse>
				<verse number="17">देस निकारे क सत्ताइसवें बरिस क पहिले महीने क पहिले दिन यहोवा क बचन मोका मिला। उ कहेस,</verse>
				<verse number="18">“मनई क पूत, बाबुल क राजा नबूकदनेस्सर सोर क खिलाफ आपन फउज क भीसण जुद्ध मँ लगाएस। उ पचे हर एक फउजी क बार कटवाइ दिहेन। भारी वजन ढोवइ क कारण हर एक वंधा रगड़ स नंगा होइ गवा। नबूकदनेस्सर अउर ओकर फउज सोर क हरावइ बरे कठिन जतन किहस। किन्तु उ पचे ओन कठिन जतनन स कछू पाइ न सकेन।”</verse>
				<verse number="19">एह बरे मोर सुआमी यहोवा कहत ह, “मइँ बाबुल क राजा नबूकदनेस्सर क मिस्र देस देब अउर नबूकदनेस्सर मिस्र क लोगन क लइ जाइ। नबूकदनेस्सर मिस्र क कीमती चिजियन क लइ जाइ। इ नबूकदनेस्सर क फउज क मजदूरी होइ।</verse>
				<verse number="20">मइँ नबूकदनेस्सर क मिस्र देस ओकर कठिन जतन के पुरस्कार क रूप मँ दिहेउँ ह। काहेकि उ पचे मोरे बरे काम किहन।” मोर सुआमी यहोवा इ कहेस।</verse>
				<verse number="21">“उ दिन मइँ इस्राएल क परिवार क सक्तीसाली बनाउब अउर मइँ तोहका ओन लोगन क बीच मँ बोलइ क अवसर देब। तब उ पचे जानिहीं कि मइँ यहोवा हउँ।”</verse>
			</chapter>
			<chapter number="30">
				<verse number="1">यहोवा क बचन मोका मिला। उ कहेस,</verse>
				<verse number="2">“मनई क पूत, मोरे बरे कछू कहा। कहा, ‘मोर सुआमी यहोवा इ कहत ह: “‘रोआ अउर कहा, “उ भयंकर दिन आवत अहइ।”</verse>
				<verse number="3">उ दिन समीप अहइ। हाँ, निआउ करइ क यहोवा क दिन समीप अहइ। इ एक दूदिन होइ। इ रास्ट्रन क संग निआउ करइ क समइ होइ।</verse>
				<verse number="4">मिस्र क विरूद्ध तरवार आइ। कूस क लोग भय स काँपि उठिहीं, जउने समइ मिस्र क पतन होइ। बाबुल क सेना मिस्र क लोगन क बन्दी बनाइके लइ जाइ। मिस्र क नींब उखड़ि जाइ।</verse>
				<verse number="5">“‘अनेक लोग मिस्र स सान्ति-सन्धि किहेन। किन्तु वूस, पूत, लूद, समस्त अरब अउर लिबया नस्ट होइहीं।’”</verse>
				<verse number="6">मोर सुआमी यहोवा इ कहत ह: “हाँ, जउन लोग मिस्र क मदद करत हीं मिस्र क पतन होइ। ओकर सक्ति क घमण्ड खतम होइ। मिस्र क लोग मिग्दोल स लइके सवेन तलक जुद्ध मँ मारा जइहीं।” मोर सुआमी यहोवा उ सबइ बातन कहेस।</verse>
				<verse number="7">मिस्र ओन देसन मँ मिलि जाइ जउन नस्ट कइ दीन्ह गएन। मिस्र ओन खाली देसन मँ स एक होइ।</verse>
				<verse number="8">मइँ मिस्र मँ आगी लगाउब अउर ओकर सबहिं सहायक नस्ट होइ जइहीं। तब उ पचे जानिहीं कि मइँ यहोवा हउँ!</verse>
				<verse number="9">“‘उ समइ मँ दूतन क पठउब। उ पचे जहाजन मँ कूस क बुरी खबरन पहोंचावइ बरे जइहीं। कूस अब आपन क सुरच्छित समुझत ह। किन्तु कूस क लोग भय स तब काँपि उठिहीं जब मिस्र दण्डित होइ। उ समइ आवत अहइ।’”</verse>
				<verse number="10">मोर सुआमी यहोवा इ कहत ह: “मइँ बाबुल क राजा नबूकदनेस्सर क उपयोग करब अउर मइँ मिस्र क लोगन क नस्ट करब।</verse>
				<verse number="11">नबूकदनेस्सर अउर ओकर लोग रास्ट्रन मँ सब स जियादा भयंकर अहइँ। मइँ ओनका मिस्र क नस्ट करइ बरे लिआउब। उ पचे मिस्र क विरूद्ध आपन तरवारन निकरिहीं। उ पचे पहँटा क ल्हासन स पाट देइहीं।</verse>
				<verse number="12">मइँ नील नदी क झुरान भुइँया बनाइ देब। तब मइँ झुरान भुइँया क बुरे लोगन क बेच देब। मइँ अजनबियन क उपयोग उ देस क खाली करइ बरे करब। मइँ यहोवा, इ कहेउँ ह।”</verse>
				<verse number="13">मोर सुआमी यहोवा इ कहत ह: “मइँ मिस्र मँ देवमूतरियन क नस्ट करब। मइँ मूरतियन क नोप स बाहेर करब। मिस्र देस मँ कउनो भी प्रमुख भविस्स बरे नाहीं होइ, अउर मिस्र मँ भय भर देब।</verse>
				<verse number="14">मइँ पत्रोस क खाली कराइ देब। मइँ सोअन मँ आगी लगाइ देब। मइँ ‘नो’ क दण्ड देब।</verse>
				<verse number="15">अउर मइँ सीन नाउँ क मिस्र क किले क विरूद्ध आपन किरोध क बर्खा करब! मइँ ‘नो’ क लोगन क नस्ट करब।</verse>
				<verse number="16">मइँ मिस्र मँ आगी लगाउब। सीन नाउँ क सहर डर स काँपिहीं, नो नगर मँ दुस्मन टूटि पड़िहीं अउर मेम्फिस पइ दिना क समइ हमला कीन्ह जाब्या।</verse>
				<verse number="17">आवेन अउ पीवेसेत क युवक जुद्ध मँ मारा जइहीं अउर मेहररूअन धरी जइहीं अउर लइ जाई जइहीं।</verse>
				<verse number="18">तहपन्हेस क इ काला दिन होइ, जब मइँ मिस्र क अधिकार क खतम करब मिस्र क गर्वाली सक्ति खतम होइ। मिस्र क दूर्दिन ढक लेइ अउर ओकर बिटियन धरी अउ लइ जाइ जइहीं।</verse>
				<verse number="19">इ तरह मइँ मिस्र क दण्ड देब। तब उ पचे जनिहीं कि मइँ यहोवा हउँ।”</verse>
				<verse number="20">देस निकारे क गियारहवें बरिस मँ पहिले महीने क सतएँ दिन यहोवा क बचन मोका मिला। उ कहेस,</verse>
				<verse number="21">“मनई क पूत, मइँ मिस्र क राजा फिरौन क भुजा तोड़ डाएउँ ह। कउनो भी ओकर भुजा पइ पट्टी नाहीं लपेटी। ओकर घाव नाहीं भरी। एह बरे ओकर भुजा तरवार धरइ जोग्य सक्तीसाली नाहीं होइ।”</verse>
				<verse number="22">मोर सुआमी यहोवा इ कहत ह, “मइँ मिस्र क राजा फिरौन क विरूद्ध हउँ। मइँ ओकर दुइनउँ भुजन, सक्तीसाली भुजा अउर पहिले स टूटी भुजा क तोड़ डाउब। मइँ ओकर हाथे स तरवार क गिराइ देब।</verse>
				<verse number="23">मइँ मिस्रियन क रास्ट्र मँ बिसेर देब।</verse>
				<verse number="24">मइँ बाबुल क राजा क भुजन क सक्तीसाली बनाउब। मइँ आपन तरवार ओकरे हाथे मँ देब। किन्तु मइँ फिरौन क भुजा क तोड़ देब। तब फिरौन पीरा स चीखी, राजा क चीख एक मरत भए मनई क चीख स होइ।</verse>
				<verse number="25">एह बरे मइँ बाबुल क राजा क भुजन क सक्तीसाली बनाउब, किन्तु फिरौन क भुजन कटिके गिरिहीं। तब उ पचे जानिहीं कि मइँ यहोवा हउँ। “मइँ बाबुल क राजा क हाथन मँ तरवार देब। तउ उ आपन तरवार क संग दाखिल होइहीं अउर मिस्र क ऊपर तरवार चलाइहीं।</verse>
				<verse number="26">मइँ मिस्रियन क रास्ट्रन मँ बिखेरब। तब उ पचे समुझिहीं कि मइँ यहोवा हउँ।”</verse>
			</chapter>
			<chapter number="31">
				<verse number="1">देस निकारे क गियारहवें बरिस मँ तीसरे महीने क पहिले दिन यहोवा क सँदेसा मोका मिला। उ कहेस,</verse>
				<verse number="2">“मनई क पूत, मिस्र क राजा फिरौन अउ ओकरे लोगन स इ कहा: “‘तोहरी बड़कई मँ कउन तोहरे समान अहइ?</verse>
				<verse number="3">मइँ तोहार तुलना लबानोन क देवदार क बृच्छ क संग कइ सकत हउँ। एकर सुन्नर डारन अहइ जउन कि लगभग पूरे वन क छाया देत ह। इ बहोत लम्बा अहइ। एकर सिखर बादर भेदी अहइ।</verse>
				<verse number="4">जल बृच्छ क उगावत रहा। गहिर नदियन बृच्छ क ऊँचा करत रहिन। नदियन ओन ठउर क चारिहुँ कइँती बहत रहिन, जहाँ बृच्छ लगा रहेन। केवल एकर धारन ही खेत क दूसर बृच्छन तलक बहत रहिन।</verse>
				<verse number="5">एह बरे खेते क सबहिं बृच्छन स ऊँच बृच्छ उहइ रहा अउर इ कइउ साखन उगाइ राखी रहिन। हुवाँ काफी जल रहा। एह बरे बृच्छ साखन बाहर फइली रहिन।</verse>
				<verse number="6">बृच्छ क साखन मँ संसार क सबहिं पंछियन घोंसलन बनाए रहेन। बृच्छ क साखन क नीचे खेत क सबहिं जनावर बच्चन क जनम देत रहेन। सबहिं बड़े रास्ट्र उ बृच्छ क छाया मँ रहत रहेन।</verse>
				<verse number="7">एह बरे बृच्छ आपन बड़कइ अउर आपन लम्बी साखन मँ सुन्नर रहा। काहेकि एकर जड़न यथेस्ट जले तलक पहोंची रहिन।</verse>
				<verse number="8">परमेस्सर क बगीचा क देवदारू बृच्छ भी, ओतने बड़े नाहीं रहेन जेतना इ बृच्छ। सनौवर क बृच्छ ऍतना जियादा साखन नाहीं रखतेन, चिनार बृच्छ भी अइसी साखन नाहीं रखतेन, परमेससर क बगीचे क कउनो भी बृच्छ, एतना सुन्नर नाहीं रहा जेतना इ बृच्छ।</verse>
				<verse number="9">मइँ अनेक साखन सहित इ बृच्छ क सुन्नर बनाएउँ अउर परमेस्सर क बगीचा अदन क सबहिं बृच्छ एहसे जलन रखत रहेन।’”</verse>
				<verse number="10">एह बरे मोर सुआमी यहोवा इ कहत ह, “बृच्छ ऊँच होइ गवा ह। इ आपन सिखरन क बादरन मँ पहोंचाइ दिहस ह। बृच्छ गर्वीला अहइ काहेकि इ ऊँच अहइ।</verse>
				<verse number="11">एह बरे मइँ एक सक्तीसाली राजा क इ बृच्छ क लेइ दिहेउँ। उ सासक बृच्छ क ओकरे बुरे कामन बरे दण्ड दिहस। मइँ उ बृच्छ क आपन उद्यान स बाहेर किहेउँ ह।</verse>
				<verse number="12">अजनबी-बहोत जियादा भयंकर रास्ट्रन एका काट डाएन अउर छोड़ दिहन। बृच्छ क साखन पर्वतन अउ सारी घाटी मँ गिरिन। उ प्रदेस मँ बहइवाली नदियन मँ उ सबइ टूट अंग बहि गएन। बृच्छ क खाले कउनो छाया नाहीं रहि गइ, एह बरे सबहिं लोग ओका छोड़ दिहन।</verse>
				<verse number="13">अब उ गिरे बृच्छ मँ पंछी रहत हीं अउर एकर गिरी साखन पइ जंगली जनावर चलत हीं।</verse>
				<verse number="14">“अब उ जल लगे कउनो भी, बृच्छ गर्वीला नाहीं होइ। उ पचे बादरन तलक पहोंचइ नाहीं चहिहीं। कउनो भी सक्तीसाली बृच्छ, जउन उ जल क पिअत ह, ऊँच होइ क आपन तारीफ नाहीं करी। काहेकि ओन सबहिन क मउत क सामना करइ क होइ। उ सबइ कब्र मँ जाइहीं।”</verse>
				<verse number="15">मोर सुआमी यहोवा इ कहत ह, “उ दिन जब तलक बृच्छ सेओल क गवा मइँ लोगन स सोक मनवाएउँ। मइँ गहिर जल क, ओकरे बरे, सोक स ढक दिहेउँ। मइँ बृच्छ क नदियन क रोक दिहेउँ अउर बृच्छ बरे जल क बहब रूक गवा। मइँ लबानोन स एकरे बरे सोक मनवाएउँ। खेते क सबहिं बृच्छ क सोक स रोगी होइ गएन।</verse>
				<verse number="16">मइँ बृच्छ क गिराएउँ अउर बृच्छ क गिरइ क ध्वनि क डर स रास्ट्र काँप उठेन। मइँ बृच्छ क मउत क ठउरे पइ पहोंचाएउँ। इ खाले ओन लोगन क संग रहइ गवा जउन उ नरक मँ नीचे गिरे भए रहेन। अतीत मँ एदेन क सबहिं बृच्छ अर्थात लबानोन क सर्वोत्तम बृच्छ उ पानी क पिअत रहेन। ओन सबहिं बृच्छ पाताल लोक मँ सान्ति प्राप्त किहेन।</verse>
				<verse number="17">हाँ, उ सबइ बृच्छ भी बड़के बृच्छ क संग मउत क जगह पइ गएन। उ पचे ओन मनइयन क संग धरेन जउन जुद्ध मँ मर गए रहेन। उ बड़का बृच्छ दूसर बृच्छन क सक्तीसाली बनाएस। उ सबइ बृच्छ, रास्ट्रन मँ, उ बड़के बृच्छ क छाया मँ रहत रहेन।</verse>
				<verse number="18">“एक बरे मिस्र, एदेन मँ बहोत स बिसाल अउ सक्तीसाली बृच्छ अहइ। ओनमाँ स एक बृच्छ क संग मइँ तोहार तुलना करब। तू एदेन क बृच्छन क संग पाताल लोक क जाब्या। मउत क जगह मँ तू ओन बिदेसियन अउ जुद्ध मँ मारे गए मनइयन क साथ मँ ओलरब्या। “हाँ, इ फिरौन अउ ओकर सबहिं लोगन क संग होइ।” मोर सुआमी यहोवा इ सबइ कहे रहा।</verse>
			</chapter>
			<chapter number="32">
				<verse number="1">देस निकारे क बारहवें बरिस क बारहवें महीने क पहिले दिन यहोवा क बचन मोरे लगे आवा। उ कहेस,</verse>
				<verse number="2">“मनई क पूत, मिस्र क राजा फिरौन क बारे मँ इ करूण गीत गावा। ओहसे कहा: “‘रास्ट्रन मँ गर्व क संग टहरत भए तू सोचे रह्या तू सक्तीसाली युवा सेर अहा। किन्तु फुरइ समुद्रर क दैत्य जइसे अहा। तू नदी प्रवाह क ढकेल के राह बनावत अहा, अउर आपन गोड़न स जल क मटमैला करत अहा। तू मिस्र क नदियन क उद्वेलित करत अहा।’”</verse>
				<verse number="3">मोर सुआमी यहोवा इ कहत ह: “मइँ बहोत स लोगन क एक संग बटोरेउँ ह। अब मइँ तोहरे ऊपर जालि फेंकब। तब उ सबइ लोग तोहका हींच लेइहीं।</verse>
				<verse number="4">तब मइँ तोहका झुरान भुइँया पइ गिराइ देब। मइँ तोहका खेते मँ लोकाउब। मइँ सबहिं पंछियन क तोहका खाइके बोलावाउब। मइँ हर जगह स जंगली जनावरन क तोहका खाइ अउर पेट भरइ बरे बोलवाउब।</verse>
				<verse number="5">मइँ तोहरे बदन क पर्वतन पइ बिखेरब। मइँ तोहरे ल्हास स घाटियन क भरि देब।</verse>
				<verse number="6">मइँ तोहार रक्त पर्वतन पइ डाउब अउर धरती एका सोखी। नदियन तोहसे भरि जइहीं।</verse>
				<verse number="7">मइँ तोहका लुप्त कइ देब। मइँ नभ क ढक देब अउर नछत्रन क करिया कइ देब। मइँ सूरज क बादर स ढकि देब अउर चन्दा नाहीं चमकी।</verse>
				<verse number="8">मइँ सबहिं चमकत जोतियन क नभ मँ तोहरे ऊपर काला बनाउब। मइँ तोहरे सारे देस मँ अँधेरा कइ देब।”</verse>
				<verse number="9">“बहोत सारे रास्ट्र किरोधित होइहीं। जब उ पचे सुनिहीं कि तोहका नस्ट करइ बरे मइँ एक दुस्मन क लिआएउँ। रास्ट्र जेनका तू जानत भी नाहीं, तिलमिलाइ जइहीं।</verse>
				<verse number="10">मइँ बहोत स लोगन क तोहार कारण विस्मित कइ देब। जब मइँ आपन तरवार ओन लोगन क समन्वा चलाउब तउ ओनकर राजा लोग तोहार कारण डर स काँपिहीं। जउने दिन तोहार पतन होइ उहइ दिन, हर एक छिन, राजा लोग भयभित होइहीं। हर एक राजा आपन जिन्नगी बरे भयभित होइ।”</verse>
				<verse number="11">काहेकि मोर सुआमी यहोवा इ कहत ह: “बाबुल क राजा क तरवार तोहरे विरूद्ध जुद्ध करइ आई।</verse>
				<verse number="12">मइँ ओन फउजियन क उपयोग तोहरे लोगन क जुद्ध मँ मार डावइ मँ करब। उ सबइ फउजी रास्ट्रन मँ सबस भयंकर रास्ट्र आवत हीं। उ सबइ ओन चीजन क नस्ट कइ देइहीं ओनकर गर्व मिस्र अहइ। मिस्र क लोग नस्ट कइ दीन्ह जइहीं।</verse>
				<verse number="13">मिस्र मँ नदियन क सहारे बहोत स जनावर अहइँ। मइँ एन जनावरन क भी नस्ट करब। लोग भविस्स मँ, आपन गोड़न स पानी क गंदा नाहीं करिहीं। गइयन क खुर भविस्स मँ पानी क मइला नाहीं करिहीं।</verse>
				<verse number="14">इ तरह मइँ मिस्र मँ पानी क सान्त बनाउब। मइँ ओनकर नदियन क मन्द बहाउब उ सबइ तेल क तरह बहिहीं।” मोर सुआमी यहोवा इ सबइ कहेस,</verse>
				<verse number="15">“मइँ मिस्र देस क खाली कइ देब। उ हर चीज स रहित होइ। मइँ मिस्र मँ रहइवाले सबहिं लोगन क दण्ड देब। तब उ पचे जनिहीं कि मइँ यहोवा अउर सुआमी हउँ।</verse>
				<verse number="16">“इ एक करूणागीत अहइ जेका लोग मिस्र बरे गइहीं। दूसर रास्ट्रन मँ बिटियन मिस्र क बारे मँ इ करूण-गीत क गइही। उ पचे एका, मिस्र अउर ओकर सबहिं लोगन क बारे मँ करूण-गीत क रूप मँ गइहीं।” मोर सुआमी यहोवा इ कहे रहा।</verse>
				<verse number="17">देस निकारे क बारहवें बरिस मँ, उ महीने क पन्द्रहवें दिन, यहोवा क सँदेसा मोका मिला। उ कहेस,</verse>
				<verse number="18">“मनई क पूत, मिस्र क लोगन बरे रोआ। मिस्र क सक्तीसाली रास्ट्रन ओन बिटियन क, संग पाताल तलक पहोंचावा। ओनका उ पाताल लोक मँ पहोंचावा जहाँ उ पचे ओन मनइयन क संग होइहीं जउन उ गड़ा मँ गएन।</verse>
				<verse number="19">“मिस्र, तू कउनो दूसर स अच्छा नाहीं अहा। मउत क ठउरे पइ चले जा। जा अउर ओन बिदेसियन क संग लेटा।</verse>
				<verse number="20">“मिस्र क ओन सबहि दूसर लोगन क संग रहइ क होइ जउन जुद्ध मँ मारे ग रहेन। दुस्मन ओका अउर ओकरे सबइ लोगन क घसीट लिहस ह।</verse>
				<verse number="21">“मजबूत अउ सक्तीसाली मनई जुद्ध मँ मारे गएन। उ सबइ बिदेसी मउत क ठउर पइ गएन। उ ठउरे स उ सबइ लोग मिस्र अउ ओकरे सहायकन स बातन करिहीं। उ सबइ जउन जुद्ध मँ मारा ग रहेन।</verse>
				<verse number="22">“अस्सूर अउ अउर ओकर सारी फउज हुवाँ मउत क ठउर पइ अहइ। ओनकर कब्रन खाले गहिर नरक मँ अहइँ। उ सबइ सबहिं अस्सूर क फउजी जुद्ध मँ मारा गएन।</verse>
				<verse number="23">ओकर कब्रन ओकरी कब्र क चारिहुँ ओर अहइँ। जब उ पचे जिअत रहेन तब उ पचे लोगन का भय भीत करत रहेन। किन्तु अब उ पचे सबहिं पूर्ण सान्त अहइँ उ पचे सबहिं जुद्ध मँ मारा गएन।</verse>
				<verse number="24">“एलाम हुआँ अहइ अउर एकर सारी फउज ओकर कब्र क चारिहुँ ओर अहइ। उ सबइ सबहिं जुद्ध मँ मारा गएन। उ पचे बिदेसी गहिर खाले धरती मँ गएन। जब उ पचे जिअत रहेन, उ सबइ लोगन क भयभीत करत रहेन। किन्तु उ पचे आपन लज्जा क अपने संग उ गहिर नरक मँ लइ गएन।</verse>
				<verse number="25">उ पचे एलाम अउर ओकर फउजियन बरे, जउन जुद्ध मँ मारे गएन ह, बिछावन लगाइ दिहन ह। एलाम क सारी फउज ओकरी कब्र क चारिहुँ ओर अहइँ। इ सबइ सबहिं बिदेसी जुद्ध मँ मारा ग रहेन। जब उ पचे जिअत रहेन, उ पचे लोगन क डेरावत रहेन। किन्तु उ पचे लज्जा क आपन संग उ गहिर नरक मँ लइ गएन। उ पचे ओन सबहिं लोगन क संग रखे गएन, जउन मारे ग रहेन।</verse>
				<verse number="26">“मेसेक, तूबल अउर ओनकर सारी फउजन हुवाँ अहइँ। ओनकर कब्रन एनके चारिहुँ ओर अहइँ। उ सबइ खतनाहीन मनइयन रहेन जउन जुद्ध मँ मारे गए रहेन। जब उ पचे जिअत रहेन तब उ पचे लोगन क भयभीत करत रहेन।</verse>
				<verse number="27">किन्तु अब उ पचे सक्तीसाली मनइयन क संग ओलरा अहइँ जउन बहोत पहिले मर चुके रहेन। उ पचे आपन जुद्ध क अस्त्र-सस्त्रन क संग दफनावा गएन। ओनकर तरवारन ओनके मूँड़े क खाले रखी जइहीं। किन्तु ओनकर पाप ओनकर हड्डियन पइ अहइँ। काहेकि जब उ पचे जिअत रहेन, उ पचे लोगन क डेराए रहेन।</verse>
				<verse number="28">“मिस्र, तू भी नस्ट होब्या। तू ओन बिदेसियन क संग ओलरब्या। तू ओन दूसर फउजियन क संग ओलरब्या जउन जुद्ध मँ मारे जाइ चुका अहइँ।</verse>
				<verse number="29">“एदोम भी हुवँइ अहइ। ओकर राजा अउर दूसर प्रमुख ओनके संग हुवाँ रहेन। उ सबइ सक्तीसाली फउजी भी रहेन। किन्तु अब उ पचे ओन दूसर लोगन क संग ओलरा रहेन। जउन जुद्ध मँ मारे गए रहेन। उ पचे ओन विदेसियन क संग आलग रहेन। उ पचे ओन मनइयन क संग खाले नरक मँ चले गएन।</verse>
				<verse number="30">“उत्तर क सबहिं सासक हुवाँ अहइँ। हुवाँ सीदोन क सबहिं फउजी अहइँ। ओनकर सक्ति लोगन क डेरावत रही। किन्तु उ पचे अब लज्जित अहइँ। उ सबइ बिदेसी ओन दूसर मनइयन क संग ओलरा अहइँ जउन जुद्ध मँ मारे गए रहेन। उ पचे आपन लज्जा अपने संग उ गहिर नरक मँ लइ गएन।</verse>
				<verse number="31">“फिरौन ओन लोगन क लखी जउन मउत पइ गएन ओकर सबइ सेना बरे ओका सान्तवना दीन्ह जाइ काहेकि फिरौन अउर ओनकर सारी सेना जंग मँ मारि जाइ।” मोर सुआमी यहोवा इ कहे रहा।</verse>
				<verse number="32">“जब फिरौन जिअत रहा तब मइँ लोगन क ओहसे भयभित कराएस। किन्तु अब उ ओन बिदेसियन क संग ओलरी। फिरौन अउ ओकर फउज ओन दूसर फउजियन क संग ओलरी जउन जुद्ध मँ मारे गए रहेन।” मोर सुआमी यहोवा इ कहे रहा।</verse>
			</chapter>
			<chapter number="33">
				<verse number="1">यहोवा क बचन मोका मिला। उ कहेस,</verse>
				<verse number="2">“मनई क पूत, आपन लोगन स बातन करा। ओनसे कहा, ‘मइँ दुस्मन क फउजियन क उ देस क खिलाफ जुद्ध बरे लइ जाइ सकत हउँ। जब अइसा होइ तउ लोग एक मनई क पहरेदार क रूप मँ चुनिहीं।</verse>
				<verse number="3">जदि पहरेदार दुस्मन क फउजियन क आवत देखत ह, तउ उ तुरही बजावत ह अउर लोगन क सावधान करत ह।</verse>
				<verse number="4">जदि लोग उ चितउनी क सुनइँ किन्तु अनसुनी करइँ तउ दुस्मन ओनका धरी अउर ओनका बन्दी क रूप मँ लइ जाइ। उ मनई आपन मउत बरे खुद जिम्मेदार होइ।</verse>
				<verse number="5">उ तुरही सुनेस, पर चितउनी अनसुनी किहेस। एह बरे आपन मउत बरे उ खुद दोखी अहइ। जदि उ चितउनी पइ धियान दिए होत तउ उ आपन जिन्नगी बचाइ लिए होत।</verse>
				<verse number="6">“‘किन्तु इ होइ सकत ह कि पहरेदार दुस्मन क फउजियन क आवत लखत ह, किन्तु तुरही नाहीं बजावत। उ पहरेदार लोगन क चितउनी नाहीं दिहस। दुस्मन ओनका धरी अउर ओनका बन्दी बनाइके लइ जाइ। उ मनई लइ जावा जाइ काहेकि उ पाप किहेस। किन्तु पहरेदार भी उ आदमी क मउत क जिम्मेदार होइ।’</verse>
				<verse number="7">“अब, मनई क पूत, मइँ तोहका इस्राएल क परिवार क पहरेदार चुनत हउँ। जदि तू मोरे मुँह स कउनो सँदेसा सुना तउ तोहका मोरे बरे लोगन क चितउनी देइ चाही।</verse>
				<verse number="8">मइँ तोहसे कहि सकत हउँ, ‘इ पापी मनई मरी।’ तब तोहका उ मनई क लगे जाइके मोरे बरे ओका चितउनी देइ चाही। जदि तू उ पापी मनई क चितउनी नाहीं देत्या अउर ओका आपन जिन्नगी बदलइ क नाहीं कहत्या, तउ उ पापी मनई मरी, काहेकि उ पाप किहेस। किन्तु मइँ तोहका ओकर मउत क जिम्मेदार बनाउब।</verse>
				<verse number="9">किन्तु जदि तू उ बुरे मनई क आपन जिन्नगी बदलइ बरे अउर पाप तजइ बरे चितउनी देत अहा अउर जदि उ पाप करब तजइ स इन्कार करत ह तउ उ मरी काहेकि उ पाप किहेस, किन्तु तू आपन जिन्नगी बचाइ लिहा।”</verse>
				<verse number="10">“एह बरे मनई क पूत, इस्राएल क परिवार स मोरे बरे कहा। उ सबइ लोग कह सकत हीं, ‘हम लोग पाप किहा ह अउर नेमन क तोड़ा ह। हमार पाप हमरी सहनसक्ति क बाहर अहइँ। हम ओन पापन्क कारण मारा होत अही। हम जिअत रहइ बरे का कइ सकित ह।’</verse>
				<verse number="11">“तोहका ओनसे कहइ चाही, ‘मोर सुआमी यहोवा कहत ह: मइँ आपन जिन्नगी क किरिया खाइके बिस्सास दिआवत हउँ कि मइँ लोगन क मरत लखिके आनन्दित नाहीं होत हउँ, हिआँ तलक कि बुरे लोगन बरे भी नाहीं। मइँ नाहीं चाहत कि उ पचे मरइँ। मइँ चाहत हउँ कि उ बुरे लोग आपन जिन्नगी क बदलइँ जेहसे उ पचे जिअत रहि सकइँ। एह बरे बुरे काम करब तजा। इस्राएल क परिवार, तोहका मरब ही काहे चाही?’</verse>
				<verse number="12">“मनई क पूत, आपन लोगन स कहा, ‘जदि कउनो मनई पुराने समइ मँ पूण्य कर्म किहेस ह तउ ओहसे ओकर जिन्नगी नाहीं बचिहीं जदि उ अपराध पाप करब सुरू करइ। जदि कउनो मनई पुराने समइ मँ पाप किहेस, तउ उ नस्ट नाहीं कीन्ह जाइ, जदि उ पाप स दूर हटि जात ह। एह बरे याद राखा, एक मनई क जरिये पुराने समइ मँ कीन्ह गए पुण्य कर्म ओकर रच्छा नाहीं करिहीं, जदि उ पाप करब सुरू करत ह।’</verse>
				<verse number="13">“इ होइ सकत ह कि मइँ कउनो नीक मनई क बरे कहउँ कि उ जिअत रही। किन्तु इ होइ सकत ह कि उ नीक मनई इ सोचब सुरू करइ कि पुराने समइ मँ उसके जरिये कीन्ह गए करम ओकर रच्छा करिहीं। एह बरे उ बुरे करम करब सुरू कइ सकत ह। किन्तु मइँ ओकर पुराने समइ क पुण्य क याद नाहीं राखब। नाहीं, उ ओन पापन्क कारण मरी जेनका उ करब सुरू करत ह।</verse>
				<verse number="14">“या इ होइ सकत ह कि मइँ कउनो दुस्ट मनई क बरे कहउँ कि उ मरी। किन्तु उ आपन जिन्नगी क बदल सकत ह। उ पाप करब तजि सकत ह। उ नीक अउ उचित होइ सकत ह।</verse>
				<verse number="15">उ उ गिरवी क चीज क लउटाइ सकत ह जेका उ रिण मँ मुद्रा देत समइ रखे रहा। उ ओन चिजियन क भुगतान कइ सकत ह जेनका उ चोराए रहा। उ ओन नेमन क पालन कइ सकत ह जउन जीवन देत हीं। उ बुरे काम करब छोड़ देत ह। तब उ मनई निहचय इ ही जिअत रही। उ मरी नाहीं।</verse>
				<verse number="16">मइँ ओकरे पुराने समइ क पापन्क याद नाहीं करब। काहेकि उ अब ठीक-ठाक रहत ह अउर उचित बेउहार रखत ह। एह बरे उ जिअत रही।</verse>
				<verse number="17">“किन्तु तोहार लोग कहत हीं, ‘इ उचित नाहीं अहइ। यहोवा मोर सुआमी वइसा नाहीं होइ सकत।’ “परन्तु उ सबइ ही लोग अहइँ जउन उचित नाहीं अहइँ। उ सबइ ही लोग अहइँ, जेनका बदलइ चाही।</verse>
				<verse number="18">जदि नीक मनई पुण्य करब बन्द कइ देत ह अउर पाप करब सुरू करत ह तउ उ अपने पापन्क कारण मरी।</verse>
				<verse number="19">अउर जदि कउनो पापी पाप करब छोड़ देत ह अउर ठीक-ठाक तथा उचित रहब सुरू करत ह तउ उ जिअत रही।</verse>
				<verse number="20">किन्तु तू लोग अब भी कहत अहा कि मइँ उचित नाहीं अहउँ। किन्तु मइँ फुरइ कहित हउँ। इस्राएल क परिवार, हर एक मनई क संग निआउ, उ जउन करत ह, ओकरे अनुसार होइ।”</verse>
				<verse number="21">देस निकारे क बारहवें बरिस मँ, दसएँ महीने क पँचए दिन एक मनई मोर लगे यरूसलेम स आवा। उ हुवाँ क जुद्ध स बच निकरा रहा। उ कहेस, “यरूसलेम पइ अधिकार होइ गवा।”</verse>
				<verse number="22">अइसा भवा कि जउने दिन उ मनई मोरे लगे आवा ओकर पूर्व साँझ क, मोर सुआमी यहोवा क सक्ति मोह पइ उतरी। परमेस्सर मोका जउने समइ उ मनई मोरे लगे आवा स पहिले सुहब मँ बोलइ जोग्य बनाएस यहोवा मोर मुँह खोल दिहे रहा अउर फुन स मोका बोलइ दिहस।</verse>
				<verse number="23">तब यहोवा क बचन मोका मिला। उ कहेस,</verse>
				<verse number="24">“मनई क पूत, इस्राएल क ध्वस्त नगरन मँ इस्राएली लोग रहत अहइँ। उ सबइ लोग कहत अहइँ, ‘इब्राहीम केवल एक मनई क रहा अउर परमेस्सर ओका इ सारी भुइँया दइ दिहस। अब हम अनेक लोग अही। एह बरे निहचय ही इ भुँइया क हम लोग आपन विरासत क रूप मँ हासिल करब।’</verse>
				<verse number="25">“तोहका ओनसे कहइ चाही कि मोर सुआमी यहोवा इ कहत ह, ‘तू लोग खून स सना माँस खात अहा। तू लोग आपन देवमूरतियन स मदद क आसा करत अहा। तू लोगन क मारि डावत अहा। एह बरे मइँ तू लोगन क इ भुइँया काहे देउँ।</verse>
				<verse number="26">तू पचे आपन तरवार पइ भरोसा करत अहा। तू पचन्मँ स हर एक भयंकर पाप करत ह। तू पचन्मँ स हर एक आपन पड़ोसी क पत्नी क संग बिभिचार करत ह। एह बरे तू भुइँया पाइ नाहीं सकत्या।’</verse>
				<verse number="27">“‘तू पचन्क कहइ चाही कि सुआमी यहोवा इइ कहत ह, “मइँ आपन जिन्नगी क किरिया खाइके प्रतिग्या करत हउँ, कि जउन लोग ओन ध्वस्त नगरन मँ रहत हीं, उ पचे तरवार क घाट उतारे जइहीं। जदि कउनो उ देस स बाहेर होइ तउ मइँ ओका जनावरन स मरवाउब अउर खिआउब। जदि लोग किले अउर गुफन मँ छिपे होइहीं तउ पचे रोग स मरिहीं।</verse>
				<verse number="28">मइँ भुइँया क खाली अउर बर्बाद करब। उ देस ओन सबहिं चिजियन क खोइ देइ जेन पइ ओका गर्व रहा। इस्राएल क पर्वत खाली होइ जइहीं। उ ठउरे स कउनो गुजरी नाहीं।</verse>
				<verse number="29">ओन लोग अनेक भयंकर पाप किहेन ह। एह बरे मइँ उ देस क खाली अउ बर्बाद करब। तब उ सबइ लोग जनिहीं कि मइँ यहोवा हउँ।”</verse>
				<verse number="30">“‘अब तोहरे बारे मँ, मनई क पूत, तोहार लोग देवारन क सहारे निहुरे भए अउर आपन दरवाजन मँ खड़े अहइँ अउर उ पचे तोहरे बारे मँ बात करत हीं। उ पचे एक दूसर स कहत हीं, “आवा, हम जाइके सुनी जउन यहोवा कहत ह।”</verse>
				<verse number="31">एह बरे उ पचे तोहरे पचन्क लगे वइसे ही आवत हीं जइसे उ पचे मोर लोग होइँ। इ लोग तोहरे पचन्क समन्वा अइसे बइठत ह जइसे उ पचे मोर लोग अहइ। उ पचे तोहार सँदेसा सुनत ह। किन्तु उ पचे उ नाहीं करिहीं जउन तू कहब्या। उ पचे सिरिफ उ करइ चाहत हीं जउन अनुभव करइ मँ अच्छा होइ। उ पचे लोगन क धोखा देइ चाहत हीं अउर अधिक धन कमावइ चाहत हीं।</verse>
				<verse number="32">“‘तू एन लोगन क दृस्टि मँ प्रेमगीत गावइवाले गायक स जियादा नाहीं अहा। तोहार स्वर अच्छा अहइ। तू आपन बाजा अच्छा बजावत अहा। उ पचे तोहार सँदेसा सुनिहीं किन्तु उ पचे उ नाहीं करिहीं जउन तू कहत अहा।</verse>
				<verse number="33">किन्तु जिन चिजियन क बारे मँ ओन लोगन स कहत अहा, उ सबइ फुरइ घटित होइहीं अउर तब लोग समझिहीं कि ओनके बीच फुरइ एक ठु नबी रहत रहा।’”</verse>
			</chapter>
			<chapter number="34">
				<verse number="1">यहोवा क बचन मोका मिला। उ कहेस,</verse>
				<verse number="2">“मनई क पूत, मोरे बरे इस्राएल क गड़रियन (प्रमुखन) क बिरूद्ध बातन करा। ओनसे मोरे बरे बातन करा। ओनसे कहा कि सुआमी यहोवा इ कहत ह: ‘इस्राएल क गड़ेरियो तू पचे सिरिफ आपन पेट भरत अहा। इ तोहरे बरे बहोत बुरा होइ। का गड़ेरियन क भेड़िन क पेट नाहीं भरइ चाही?</verse>
				<verse number="3">तू मनई पनीर खावत अहा। अउर आपन ओढ़ना बनावइ बरे भेड़िन ऊन क प्रयोग करत अहा। तू पचे मोटी भेड़ी क मारत अहा, किन्तु भेड़िन क धियान नाहीं रखत ह।</verse>
				<verse number="4">तू पचे दुर्बल क बलवान नाहीं बनाया। तू पचे रोगी भेड़ी क परवाह नाहीं किहा ह। तू पचे चोट खाइ भइ भेड़िन क पट्टी नाहीं बाँध्या। कछू भेड़िन भटकिके दूर चली गइन अउर तू पचे ओनका हेरइ अउर ओनका वापस लेइ नाहीं गया। नाहीं, तू पचे क्रूर अउर कठोर रह्या, इहइ राह रही जउने पइ तू भेड़िन क लइ जाइ चाह्या।</verse>
				<verse number="5">“‘अउर अब, भेड़िन बिखरि गइ अहइँ काहेकि उ पचन्क कउनो गड़रिया नाहीं रहा। उ पचे हर एक जंगली जनावर क भोजन बनी। एह बरे उ सबइ बिखरि गइन।</verse>
				<verse number="6">मोर भेड़िन क झुण्ड सबहिं पर्वतन अउ ऊँच पहाड़ियन पइ भटकिन। मोर भेड़िन क झुण्ड धरती क सारी सतह पइ बिखरि ग अइन। कउनो भी ओनकर खोज अउ देखरेख करइवाला नाहीं रहा।’”</verse>
				<verse number="7">एह बरे तू गड़रियो, यहोवा क बचन सुना। मोर सुआमी यहोवा कहत ह,</verse>
				<verse number="8">“मइँ आपन जिन्नगी क किरिया खाइके तू पचन्क इ बिस्सास दियावत हउँ। जंगली जनावरन मोर भेड़िन क धरेन। हाँ, मोर भेड़िन क झुण्ड सबहिं जंगली जनावरन क भोजन बन गइन। काहेकि ओनकर कउनो ठीक गड़रिया नाहीं रहा। मोर गड़रियन मोर भेड़िन क झुण्ड क खोज नाहीं किहन। ओन गड़रियन खुद ही भेड़िन क मारेन अउर खुद खाएन। उ पचे मोर भेड़िन क चारा नाहीं दिहन।”</verse>
				<verse number="9">एह बरे तू पचे गड़रियो, यहोवा क सँदेसा क सुना।</verse>
				<verse number="10">यहोवा कहत ह, “मइँ ओन गड़रियन क विरूद्ध हउँ। मइँ ओनसे आपन भेड़िन माँगब। मइँ ओन पइ हमला करब। उ पचे भविस्स मँ मोर गड़रियन नाहीं रहिहीं। मइँ ओनकर मुँहे स आपन भेड़िन क झुण्ड क बचाउब। तब मोर भेड़िन ओनकर भोजन नाहीं होइहीं।”</verse>
				<verse number="11">मोर सुआमी यहोवा कहत ह, “मइँ खुद ओनकर गड़रिया बनब। मइँ आपन भेड़िन क खोज करब। मइँ ओनका हेरब।</verse>
				<verse number="12">जदि कउनो गड़रिया आपन भेड़िन क संग उ समइ अहइ जब ओकर भेड़िन दूर भटकइ लगी होइँ तउ उ ओनका हरेइ जाइ। उहइ तरह मइँ आपन भेड़िन क खोज करब। मइँ आपन भेड़िन क बचाउब। मइँ ओनका ओन ठउरन स लउटाउब जहाँ उ पचे उ बदरी अउर अँधेरा मँ भटक गइ रहिन।</verse>
				<verse number="13">मइँ ओनका ओन रास्ट्रन स वापस लिआउब। मइँ ओन देसन स ओनका बटोरब। मइँ ओनका ओनके आपन देस मँ, लिआउब। मइँ ओनका इस्राएल क पर्वतन पइ, जल स्रोतन क सहारे, ओन सबहिं ठउरन मँ जहाँ लोग रहत हीं, खियाउब।</verse>
				<verse number="14">मइँ ओनका घासवाले खेतन मँ लइ जाब। उ पचे इस्राएल क सबन्त ऊँचे पर्वतन पइ जइहीं। हुवाँ उ पचे अच्छी चिरागाह पइ सोइहीं अउ अच्छी घास खइहीं। उ पचे इस्राएल क पर्वत पइ भरी-पूरी घास-वाली भुइँया मँ चरिहीं।</verse>
				<verse number="15">हाँ, मइँ आपन झुण्ड क खिआउब अउर ओनका विस्राम क ठउर पइ लइ जाब।” मोर सुआमी यहोवा इ कहे रहा।</verse>
				<verse number="16">“मइँ खोइ भेड़ी क खोज करब। मइँ ओन भेड़िन क वापस लिआउब जउन बिखर गइ रहिन। मइँ ओन भेड़िन क पट्टी करब जेनका चोट लगी रही। मइँ कमजोर भेड़ी क मजबूत बनाउब। अउर मइँ मोटा अउ सक्तीसाली भेड़िन स ओनकइ रच्छा करब। मइँ ओनकर चरवाही निआवपूर्ण तरीका स करब।”</verse>
				<verse number="17">मोर सुआमी यहोवा इ कहत ह, “अउर तू, मोर झुण्ड, मइँ हर एक भेड़ी क संग निआउ करब। मइँ भेड़न अउर बोकरन क बीच निआउ करब।</verse>
				<verse number="18">तू अच्छी भुइँया पइ उगी घास खाइ सकत ह। तू उ घासे क काहे कुचरत अहा जेका दूसर भेड़िन खाइ चाहत हीं? तू काफी मात्रा मँ स्वच्छ जल पी सकत ह। तउ तू उ जल क हिलाइके गन्दा काहे करत अहा, जेका दूसर भेड़िन पिअइ चाहत हीं?</verse>
				<verse number="19">अब मोर भेड़िन क झुण्ड उ घास क खाइ चाही जेका तू आपन गोड़न स कुचर्या अउर उ पानी पीअइ चाही जेका तू आपन गोड़न स हिलाइके गन्दा कइ दिहा।”</verse>
				<verse number="20">एह बरे मोर सुआमी यहोवा ओनसे कहत ह: “मइँ खुद मोटी अउ पतरी भेड़िन क संग निआउ करब।</verse>
				<verse number="21">तू आपन बगल स अउर आपन काँधन स धक्का दइके अउर आपन सींगन स सबहिं कमजोर भेड़िन क तब तलक मार गिरावत ह, जब तलक तू ओनका दूर चले जाइ बरे मजबूर नाहीं करत्या।</verse>
				<verse number="22">एह बरे मइँ आपन भेड़िन क झुण्ड का बचाउब। उ सबइ भविस्स मँ जंगली जनावरन स नाहीं धरी जइहीं। मइँ हर एक भेड़ी क संग निआउ करब।</verse>
				<verse number="23">तब मइँ ओनके ऊपर एक गड़रिया आपन सेवक दाऊद क राखब। उ ओनका अपने आप खिआई अउर ओनकर गड़रिया होइ।</verse>
				<verse number="24">तब मइँ यहोवा अउर सुआमी, ओनकर परमेस्सर होब अउर मोर सेवक दाऊद ओनकर सासक होब। मइँ यहोवा इ कहेउँ ह।</verse>
				<verse number="25">“मइँ आपन भेड़िन क संग एक ठु सान्ति-सन्धि करब। मइँ नोस्कान पहोंचावइवाले जनावरन क देस स बाहेर कइ देब। तब भेड़िन रेगिस्ताने मँ सुरच्छित रहिहीं अउर जंगल मँ सोइहीं।</verse>
				<verse number="26">मइँ आपन भेड़िन क आपन पहाड़ी क चारिहुँ ओर क ठउरन क आसीर्बाद देब। मइँ ठीक समइ पइ बर्खा करब। अउर बर्खा ओनकर बरे आसीर्बाद होइहीं।</verse>
				<verse number="27">खेतन मँ उगइवाले बृच्छ आपन फल देइहीं। भुइँया आपन फसल देइ। एह बरे भेड़िन आपन प्रदेस मँ सुरच्छित रहिहीं। मइँ ओनके ऊपर रखे जुअन क तोड़ डाउब। मइँ ओनका ओन लोगन क सक्ति स बचाउब जउन दास बनाएन। तब उ पचे जनिहीं कि मइँ यहोवा हउँ।</verse>
				<verse number="28">“उ पचे जनावरन क तरह भविस्स मँ दूसर रास्ट्रन क जरिये बन्दी नाहीं बनावा जइहीं। उ सबइ जनावर ओनका भविस्स मँ नाहीं खइहीं। अपितु अब उ सबइ सुरच्छित रहिहीं। कउनो ओनका आतंकित नहीं करी।</verse>
				<verse number="29">मइँ ओनका कछू अइसी भुइँया देब जउन एक अच्छा बगीचा बनी। तब उ पचे उ देस मँ भूख स पीड़ित नाहीं होइहीं। उ पचे भविस्स मँ रास्ट्रन स अपमानित होइ क कस्ट पइहीं।</verse>
				<verse number="30">तब उ पचे समुझिहीं कि मइँ ओनकर परमेस्सर यहोवा हउँ। तब उ पचे समुझिहीं कि मइँ ओनके संग हउँ। इस्राएल क परिवार समुझी कि उ सबइ मोर लोग अहइँ।” मोर सुआमी यहोवा इ कहे रहा।</verse>
				<verse number="31">“तू मोर भेड़िन, मोर चरागाह क भेड़िन, तू सिरिफ मनई अहा अउर मइँ तोहार परमेस्सर हउँ।” मोर सुआमी यहोवा इ कहेस।</verse>
			</chapter>
			<chapter number="35">
				<verse number="1">मोका यहोवा क बचन मिला। उ कहेस,</verse>
				<verse number="2">“मनई क पूत, सेईर पर्वत कइँती धियान द्या अउर मोरे बरे एक खिलाफ कछू कहा।</verse>
				<verse number="3">एहसे कहा, ‘मोर सुआमी यहोवा इ कहत ह: “‘सेईर पर्वत, मइँ तोहरे खिलाफ हउँ। मइँ तोहका दण्ड देब। मइँ तोहका खाली बरबाद छेत्र कइ देब।</verse>
				<verse number="4">मइँ तोहरे नगरन क नस्ट करब, अउर तू खाली होइ जाब्या। तब तू समुझब्या कि मइँ यहोवा हउँ।</verse>
				<verse number="5">“‘काहेकि तू सदा मोरे लोगन क बिरूद्ध रह्या। तू इस्राएल क बिरूद्ध आपन तरवारन क उपयोग ओकर बिपत्ति क समइ मँ किहा, ओनकर आखिर दण्ड क समइ मँ।’”</verse>
				<verse number="6">एह बरे मोर सुआमी यहोवा कहत ह, “मइँ आपन जिन्नगी क किरिया खाइके प्रतिग्या करत हउँ कि मइँ तोहरे बरे रक्तपात लिआउब। रक्त तोहार पिछा करिहीं। तोहका लोगन क रक्त बहावइ मँ घिना नाहीं भएस। एह बरे रक्त तोहार पाछा करी।</verse>
				<verse number="7">मइँ सेईर पर्वत क खाली बरबाद कइ देब। मइँ उ हर एक मनई क मार डाउब जउन उ नगर स आई अउर मइँ उ हर मनई क मार डाउब जउन उ नगर मँ जाइ क जतन करी।</verse>
				<verse number="8">मइँ ओकर पर्वतन क ल्हासन स ढक देब। उ सबइ ल्हास तोहार सारी पहाड़िन, तोहार घाटी अउर तोहार सारे नालन मँ फइले होइहीं।</verse>
				<verse number="9">मइँ तोहका सदा बरे नस्ट कइ देब। तोहरे पचन्क नगरन मँ कउनो जिअत नाहीं रही। तब तू समुझब्या कि मइँ यहोवा हउँ।”</verse>
				<verse number="10">तू कहया, “इ दुइनउँ रास्ट्र अउर देस (इस्राएल अउ यहूदा) मोर होइहीं। हम ओनका आपन बनाइ लेब।” किन्तु यहोवा हुवाँ अहइ।</verse>
				<verse number="11">मोर सुआमी यहोवा कहत ह, “तू मोरे लोगन बरे ईर्स्यालु रह्या। तू ओन पइ कोहान रह्या अउर तू मोहसे घिना करत रह्या। एह बरे आपन जिन्नगी क किरिया खाइके मइँ प्रतिग्या करत हउँ कि मइँ तोहका वइसे ही दण्डित करब जइसे तू ओनका चोट पहोंचाया। मइँ तोहका सजा देब अउर आपन लोगन क समुझइ देब कि मइँ ओनके संग हउँ।</verse>
				<verse number="12">तब तू भी समुझब्या कि मइँ तोहरे सबहिं अपमानन क सुनेउँ ह। तू इस्राएल पर्वत क खिलाफ बहोत स बुरी बातन किहा ह। तू कहया, ‘इस्राएल नस्ट कइ दीन्ह गवा ह। हम लोग ओनका भोजन क तरह चबाइ जाब।’</verse>
				<verse number="13">तू पचे गर्वीला रह्या अउर मोरे खिलाफ बातन किहा। तू अनेक दाइँउ कह्या अउर जउन तू कहया, ओकर हर एक सब्द मइँ सुनेउँ। हाँ, मइँ तू पचन्क सुनेउँ।”</verse>
				<verse number="14">मोर सुआमी यहोवा इ कहत ह, “उ समइ सारी धरती खुस होइ जब मइँ तोहका नस्ट करब।</verse>
				<verse number="15">तू तब खुस रह्या जब इस्राएल देस नस्ट भवा। मइँ तोहरे संग वइसा ही बेउहार करब। सेइर पर्वत अउर एदोम क पूरा देस नस्ट कइ दीन्ह जाइ। तब तू समुझब्या कि मइँ यहोवा हउँ।”</verse>
			</chapter>
			<chapter number="36">
				<verse number="1">“मनई क पूत, मोरे बरे इस्राएल क पर्वतन स कहा। इस्राएल क पर्वतन क यहोवा क बचन सुनइ क कहा।</verse>
				<verse number="2">ओनसे कहा कि सुआमी यहोवा इ कहत ह, ‘दुस्मन तोहार बिरुद्ध बोलेस ह। उ लोग कहेस, वाह! अब प्राचीन पर्वत हमार होइ।’</verse>
				<verse number="3">“एह बरे मोरे बरे इस्राएल क पर्वतन स कहा। कहा कि सुआमी यहोवा इ कहत ह, ‘दुस्मन तोहका खाली किहस। उ पचे तोहका चारिहुँ ओर स कुचल डाएन ह। उ पचे अइसा किहेन। एह बरे तू दूसर रास्ट्रन क अधिकार मँ गया। तब तोहरे बारे मँ लोग बातन अउ कानाफूसी किहन।’”</verse>
				<verse number="4">एह बरे इस्राएल क पर्वतो, मोर सुआमी यहोवा क बचन सुना। मोर सुआमी यहोवा पर्वतन, पहाड़ियन, धारन, घाटियन, खाली खण्डहरन अउ छोड़े गए नगरन स, जउन चारिहुँ कइँती क दूसर रास्ट्रन क जरिये लूटेन अउ मजाक उडाए गएन कहत ह</verse>
				<verse number="5">मोर सुआमी यहोवा कहत ह: “मइँ किरिया खात हउँ कि मइँ आपन जलजलाहट क अपने बरे बोलइ देब। मइँ एदोम अउर दूसर रास्ट्रन क आपन किरोध क अनुभवा कराउब। ओन रास्ट्रन मोर भुइँया पइ कबजा कइ लिहेन। उ पचे उ देस क लइके बड़े खुस भएन। उ पचे उ भुइँया क लूटिके बहोत खुस भएन।”</verse>
				<verse number="6">“एह बेरे इस्राएल देस क बारे मँ इ सबइ कहा। पर्वतन, पहाड़ियन, धारन अउ घाटियन स कहा। इ कहा कि मोर सुआमी यहोवा कहत ह, ‘मइँ आपन जलन अउ किरोध क आपन बरे बोलइ देब। काहेकि एन रास्ट्रन स तोहका अपमान क पीरा मिली ह।’”</verse>
				<verse number="7">एह बरे मोर सुआमी यहोवा इ कहत ह, “मइँ प्रतिग्या करत हउँ कि मइँ आपन हाथ उठाउब तोहरे चारिहुँ कइँती क रास्ट्र अपमान क कस्ट भोगिहीं।”</verse>
				<verse number="8">“किन्तु इस्राएल क पर्वतो, तू मोरे इस्राएल क लोगन बरे नए बृच्छ उगउब्या अउर फल पइदा करब्या। मोर लोग हाली लउटिहीं। मइँ तोहरे संग हउँ।</verse>
				<verse number="9">मइँ तोहार मदद करब अउर तोहार देख-रेख करब। लोग तोहार भुइँया जोतिहीं। लोग बिआ बोइहीं।</verse>
				<verse number="10">तोहरे ऊपर अनगिनत लोग लहिहीं। इस्राएल क सारा परिवार अउर सबहिं लोग हुआँ रहिहीं। नगरन मँ, लोग रहइ लगिहीं। नस्ट ठउर नवे जगहन क तरह बनिहीं।</verse>
				<verse number="11">मइँ तोहका बहोत स लोग अउर जनावरन देब। उ पचे बढ़िहीं अउर ओनके बहोत गदेलन होइहीं। मइँ तोहारे ऊपर रहइवाले लोगन क वइसे ही प्राप्त कराउब, जइसे तू पहिले किहे रह्या। मइँ एका तोहरे बरे सुरूआत क बनिस्बत नीक बनाउब। तू फुन कबहुँ ओनका, ओनकर सन्तान स बंचित नाहीं करब्या। तब तू जनब्या कि मइँ यहोवा हउँ।</verse>
				<verse number="12">हाँ, मइँ आपन लोग, इस्राएल क तोहरी भुइँया पइ चलाउब। उ पचे तोह पइ अधिकार करिहीं अउर तू ओनकर होब्या। तू ओनका बगैर बच्चन क फुन कबहुँ नाहीं बनउब्या।”</verse>
				<verse number="13">मोर सुआमी यहोवा इ कहत ह, “हे इस्राएल देस लोग तोहसे बुरी बातन कहत हीं। उ पचे कहत हीं कि तू आपन लोगन क नस्ट किहा ह। उ पचे कहत हीं कि तू बच्चन क दूर लइ गया।</verse>
				<verse number="14">अब भविस्स मँ तू लोगन क नस्ट नाहीं करब्या। तू भविस्स मँ बच्चन क दूर नाहीं लइ जाब्या।” मोर सुआमी यहोवा इ सबइ बातन कहे रहा।</verse>
				<verse number="15">“मइँ ओन रास्ट्रन क तोहका, अउर जियादा अपमानित नाहीं होइ देब। तू ओन लोगन स अउर जियादा चोट नाहीं खाब्या। तू ओनका गदेलन स रहित फुन कबहुँ नाहीं करब्या।” मोर सुआमी यहोवा इ सबइ बातन कहेस। यहोवा आपन अच्छे नाउँ क रच्छा करी</verse>
				<verse number="16">तब यहोवा क बचन मोका मिला। उ कहेस,</verse>
				<verse number="17">“मनई क पूत, इस्राएल क परिवार आपन देस मँ रहत रहा। किन्तु उ पचे उ देस क आपन कामन स दुसित बनाइ दिहन जउन उ पचे किहन। मोरे बरे उ पचे अइसी मेहरारू क समान रहेन जउन आपन मासिक धरम स असुद्ध होइ गइ होइ।</verse>
				<verse number="18">उ पचे जब उ देस मँ लोगन क हत्या किहन तउ उ पचे धरती पइ खून फइलाएन। उ पचे आपन देवमूरतियन स देस क गन्दा किहन। एह बरे मइँ ओनका देखाएउँ कि मइँ केतना कोहान रहेउँ।</verse>
				<verse number="19">मइँ ओनका रास्ट्रन मँ बिखेरेउँ अउर सबहिं देसन मँ फइलाएउँ। मइँ ओनका दण्ड उ बुरे काम बरे दिहेउँ जउन उ पचे किहन।</verse>
				<verse number="20">उ पचे ओन दूसर रास्ट्रन क गएन अउर ओन देसन मँ भी उ पचे मोर अच्छे नाउँ क बदनाम किहेन। कइसे? हुवाँ रास्ट्रन ओनके बारे मँ बातन किहन। उ पचे कहेन, ‘इ सबइ यहोवा क लोग अहइँ किन्तु इ पचे ओकर देस तजि दिहन तउ जरूर यहोवा मँ कछू खराबी होइ।’</verse>
				<verse number="21">“इस्राएल क लोग मोरे पवित्तर नाउँ क जहाँ कहीं उ पचे गएन, बदनाम किहन। मइँ आपन नाउँ बरे दुःख अनुभव किहेउँ।</verse>
				<verse number="22">एह बरे इस्राएल क परिवार स कहा कि सुआमी यहोवा इ कहत ह, ‘इस्राएल क परिवार, तू जहाँ गया हुआँ तू मोरे पवित्तर नाउँ क बदनाम किहा। एका रोकइ बरे मइँ कछू करइ जात हउँ। मइँ इ तोहरे बरे नाहीं करब। इस्राएल, मइँ एका आपन पवित्तर बरे करब।</verse>
				<verse number="23">मइँ ओन रास्ट्रन क देखाउब कि मोर महान नाउँ सच मँ पवित्तर अहइ। तब उ सबइ रास्ट्र जनिहीं कि मइँ यहोवा हउँ।’” मोर सुआमी यहोवा इ सबइ कहे रहा।</verse>
				<verse number="24">परमेस्सर कहेस, “मइँ तोहका ओन रास्ट्रन स बाहेर निकारब, एक संग बटोरब अउर तोहका तोहरे देस मँ लिआउब।</verse>
				<verse number="25">तब मइँ तोहरे उपर सुद्ध जल छिछकारब अउर तोहका सुद्ध करब। मइँ तोहार सारी गन्दगियन क धोइ डाउब अउर ओन घृणित देवमूरतियन स पइदा भइ गन्दगी क धोइ डाउब।”</verse>
				<verse number="26">परमेस्सर कहेस, “मइँ तोहमें नई आतिमा भी भरब अउर तोहरे सोचइ क ढंग क बदलब। मइँ तोहरे तने स कठोर हिरदय क बाहेर करेब अउर तोहका एक कोमल मानवी हिरदइ देब।</verse>
				<verse number="27">मइँ तोहरे भीतर आपन आतिमा प्रतिस्ठित करब। मइँ तोहका बदलब जेहसे तू मोरे नेमन क पालन करब्या। तू सावधानी स मोरे आदेसन क पालन करब्या।</verse>
				<verse number="28">तब तू उ देस मँ रहब्या जेका मइँ तोहरे पुरखन क दिहे रहेउँ। तू पचे मोरे लोग रहब्या अउर मइँ तोहार परमेस्सर रहब।”</verse>
				<verse number="29">परमेस्सर कहेस, “मइँ तोहका पचन्क बचाउब भी अउर तोहका पचन्क असुद्ध होइ स रोकब। मइँ अन्न क उगइ बरे आदेस देब। मइँ तोहरे पचन्क भुखमरी समइ नाहीं लिआउब।</verse>
				<verse number="30">मइँ तोहरे बृच्छन स फलन क बड़की फसलन अउर खेतन स अन्न क फसलन देब। तब तू दूसर देसन मँ भूखे रहइ क लज्जा फुन कबहुँ महसूस नाहीं करब्या।</verse>
				<verse number="31">तू पचे ओन बुरे कामन क याद करब्या जउन तू पचे स किहा। तू पचे याद करब्या कि उ सबइ काम नीक नाहीं रहेन। तब तू पचे आपन पापन अउर जउन भयंकर करम किहा ओनके बरे तू खुद अपने स घिन करब्या।”</verse>
				<verse number="32">मोर सुआमी यहोवा इ कहत ह, “मइँ चाहत हउँ कि तू इ याद राखा: मइँ तोहरी भलाई बरे इ सबइ कामन नाहीं करत हउँ। मइँ ओनका आपन नीक नाउँ करत हउँ। इस्राएल क परिवार, तोहका आपन रहइ क ढंग पइ लज्जित अउ बियाकुल होइ चाही।”</verse>
				<verse number="33">मोर सुआमी यहोवा इ कहत ह, “जउने दिन मइँ तोहरे पापन्क धोउब, मइँ लोगन्क वापस तोहरे नगरन मँ लिआउब। उ सबइ नगर फुन बनावा जइहीं।</verse>
				<verse number="34">खाली पड़ी भुइँया फुन जोती जाइ। हिआँ स गुजरइवाले हर एक क इ बरबादियन क ढेर क रूप मँ नाहीं देखाइ।</verse>
				<verse number="35">उ पचे कहिहीं, ‘पुराने समइ मँ इ देस नस्ट होइ ग रहेन। लेकिन इ सबइ अदन क बगीचे जइसे अहइँ। नगर नस्ट होइ गए रहेन। उ पचे बर्बाद अउर खाली रहेन। किन्तु अब उ सबइ सुरच्छित अहइँ ओनमाँ लोग रहत हीं।’”</verse>
				<verse number="36">परमेस्सर कहेस, “तब तोहरे चारिहुँ ओर क रास्ट्र समझिहीं कि मइँ यहोवा हउँ अउर मइँ ओन नस्ट ठउरन क फुन बसाएउँ। मइँ इ पहँटा मँ जउन खाली पड़ा रहा पेड़न क रोपेस। मइँ यहोवा हउँ। मइँ इ कहेउँ अउर मइँ एका घटित कराउब।”</verse>
				<verse number="37">मोर सुआमी यहोवा इ कहत ह, “जब इस्राएल क मनई मोहसे इ चिजियन करइ बरे कहब तउ मइँ सकारात्मक उत्तर देउब। मइँ ओनका असंख्य लोग बनाउब। उ पचे भेड़िन क झुण्डन क तरह होइहीं।</verse>
				<verse number="38">यरूसलेम मँ बिसेस त्यौहार क अवसर क समइ (बोकरियन, भेड़िन क खरकन क तरह, लोग होइहीं।) नगर अउर बरबाद ठउर, लोगन क झुण्ड स भरि जइहीं। तब उ पचे समुझिहीं कि मइँ यहोवा हउँ।”</verse>
			</chapter>
			<chapter number="37">
				<verse number="1">यहोवा क सक्ति मोह पइ आयी। यहोवा क आतिमा मोका नगर क बाहेर लइ गई अउर खाले एक घाटी क बीच मँ राखेस। घाटी मरे लोगन क हाड़न क भरी रही।</verse>
				<verse number="2">घाटी मँ अनगिनत हाड़न भुइँया पइ पड़े रहेन। यहोवा मोका हाड़न क चारिहुँ कइँती घुमाएस। मइँ लखेउँ कि हाड़न बहोत झुरान अहइँ।</verse>
				<verse number="3">तब मोर सुआमी यहोवा मोहसे कहेस, “मनई क पूत, का इ हाड़न जीवित होइ सकत ही?” मइँ जवाब दिहेउँ, “मोर सुआमी यहोवा, उ सवाल क जवाब सिरिफ तू जानत अहा।”</verse>
				<verse number="4">मोर सुआमी यहोवा मोहसे कहेस, “ओन हाड़न स मोरे बरे बातन करा। ओन हाड़न स कहा, ‘झुरान हाड़ो यहोवा क वचन सुना!</verse>
				<verse number="5">मोर सुआमी यहोवा तू झुरान हाड़न स कहत ह: मइँ तू सबइ क अन्दर साँस दाखिल करब। अउर तू पचे जीवित होइ जाब्या।</verse>
				<verse number="6">मइँ तोहरे पचन्क ऊपर नसन अउर माँस पेसियन चढ़ाउब अउर मइँ तोहका पचन्क चमड़ी स ढक देब। तब मइँ तोहार अन्दर साँस फूँकब। अउर तू पचे फुन जीवित होइ उठब्या। तब तू पचे समुझब्या कि मइँ यहोवा हउँ।’”</verse>
				<verse number="7">अत: मइँ यहोवा बरे ओन हाड़न स वइसे ही बातन किहेउँ कि जइसा उ कहेस। जब मइँ अभी बात करत ही रहेउँ तबहिं मइँ प्रचण्ड ध्वनि सुनेउँ। हाड़न खड़खड़ाइ लागिन अउर हाड़न हाड़न स एक संग जुड़िन।</verse>
				<verse number="8">हुवाँ मोर आँखिन क समन्वा नसन, माँस पेसियन अउर चमड़ी हाड़न क ढकब सुरू किहस। किन्तु ओनमाँ साँस नाहीं रहा।</verse>
				<verse number="9">तब मोर सुआमी यहोवा मोहसे कहेस, “साँस स मोरे बरे कहा। मनई क पूत, मोरे बरे साँस स बातन करा। साँस स कहा कि सुआमी यहोवा इ कहत अहइ: ‘हे साँस, हर दिसा स आवा अउर एन ल्हासन मँ साँस भरा। ओनमा साँस भरा अउर उ पचे फुन जीवित होइ जाइहीं।’”</verse>
				<verse number="10">इ तरह मइँ यहोवा बरे साँस स बातन किहेउँ जइसा उ कहेस अउर ल्हासन मँ साँस आइन। उ पचे जी उठेन अउर खड़े होइ गएन। हुआँ बहोत स मनसेधू रहेन, उ पचे एक ठु बड़की फउज रहेन।</verse>
				<verse number="11">तब मोर सुआमी यहोवा मोहसे कहेस, “मनई क पूत, इ सबइ हाड़न इस्राएल क पूरे परिवार क दर्सावत अहइँ। इस्राएल क लोग कहत हीं, ‘हमार हाड़न झुराइ गइ अहइँ, हमार आसा समाप्त अहइ। हम पूरी तरह नस्ट कीन्ह जाइ चुकी अहइँ।’</verse>
				<verse number="12">एह बरे ओनसे मोरे बरे बातन करा। ओनसे कहा सुआमी यहोवा इ कहत ह, ‘मोर लोगो, मइँ तोहार पचन्क कब्रन खोलब अउर तू सबइ पचन्क कब्रन क स बाहेर लिआउब। तब मइँ तू पचन्क इस्राएल क भुइँया पइ लिआउब।</verse>
				<verse number="13">मोरे लोगो, मइँ तोहार पचन्क कब्रन खोलब अउर तोहार पचन्क कब्रन स तू पचन्क बाहेर लिआउब। तब तू पचे समुझब्या कि मइँ यहोवा हउँ।</verse>
				<verse number="14">मइँ आपन साँस तू पचन्मँ डाउब अउर तू पचे फुन स जीवित होइ जाब्या। तब तू पचन्क मइँ तोहरे पचन्क देस मँ वापस लिआउब। तब तू पचे जनब्या कि मइँ यहोवा हउँ। तू पचे जनब्या कि मइँ इ सबइ बातन कहेउँ अउर ओनका घटित कराया।’” यहोवा इ कहे रहा।</verse>
				<verse number="15">मोका यहोवा क बचन फुन मिला। उ कहेस,</verse>
				<verse number="16">“हे मनई क पूत, एक कुबरी ल्या अउर ओह पइ इ सँदेसा लिखा: ‘इ कुबरी यहूदा अउर ओकर मीतन, इस्राएल क लोगन क अहइ।’ तब दूसर कुबरी ल्या अउर एह पइ लिखा, ‘एप्रैम क इ कुबरी यूसुफ अउर ओकर मीत, इस्राएल क लोगन क अहइ।’</verse>
				<verse number="17">तब दुइनउँ कुबरियन क एक संग जोर द्या। तोहरे हाथे मँ उ सबइ एक कुबरी होइ।</verse>
				<verse number="18">“तोहार लोग इ स्पस्ट करइ क कहिहीं, कि एकर अरथ का अहइ।</verse>
				<verse number="19">ओनसे कहा कि सुआमी यहोवा कहत ह, ‘मइँ यूसुफ क कुबरी लेब जउन कि एप्रैम अउर ओकर मीत इस्राएल क काबिल क हाथन मँ अहइ। तब मइँ उ कुबरी क यहूदा क कुबरी क संग रखब अउर एनकर एक ठु कुबरी बनाउब। उ पचे मोरे हाथे मँ एक ठु कुबरी होइ।’</verse>
				<verse number="20">“ओनकर आँखिन क समन्वा ओन कुबरियन क आपन हाथन मँ धरा। तू उ सबइ नाउँ पइ ओन कुबरियन पइ लिखे रह्या।</verse>
				<verse number="21">लोग स कहा कि सुआमी यहोवा इ कहत ह: ‘मइँ इस्राएल क लोगन क ओन रास्ट्रन स लिआउब, जहाँ उ पचे गवा अहइँ। मइँ ओनका चारिहुँ कइँती स बटोरब अउर ओनके अपने देस मँ लिआउब।</verse>
				<verse number="22">मइँ ओनका इस्राएल क पर्वतन क प्रदेस मँ एक रास्ट्र बनाउब। ओन सबहिं क सिरिफ एक राजा होइ। उ पचे दुइ रास्ट्र नाहीं बना रहिहीं। उ पचे भविस्स मँ राज्जन मँ नाहीं बाँटा जाइ सकतेन।</verse>
				<verse number="23">उ पचे आपन देवमूरतियन अउ भयंकर मूरतियन या आपन दूसर कउनो पापन स आपन आपका अउर दूसित नाहीं करिहीं। किन्तु मइँ ओन लोगन क ओनकर सबहिं पापन स जउन उ पचे किहे रहा बचाउब, अउर मइँ ओनका सबहिं ठउरन जहाँ उ पाप किहे रहेन एक संग बटोरब। मइँ ओनका पवित्तर बनाउब। उ सबइ मोर लोग होइहीं। अउर मइँ ओनकर परमेस्सर रहब।</verse>
				<verse number="24">“‘मोर सेवक दाऊद ओनके ऊपर राजा होइ। ओन सबहिं क सिरिफ एक गड़रिया होइ। उ पचे मोर नेमन क सहारे होइहीं अउर मोरे विधियन क पालन करिहीं। उ पचे उ काम करिहीं जउन मइँ कहब।</verse>
				<verse number="25">उ पचे उ भुइँया पइ रहिहीं जउन मइँ आपन सेवक याकूब क दिहेउँ। तोहार पुरखन उ ठउर पइ रहत रहेन अउर मोर लोग हुवाँ रहिहीं। उ पचे, ओनकर गदेलन अउर ओनकर पोतन-पोतियन हुवाँ हमेसा रहिहीं अउर मोर सेवक दाऊद ओनकर प्रमुख सदा रही।</verse>
				<verse number="26">मइँ ओनके संग एक सान्ति सन्धि करब। इ सन्धि सदा बनी रही। मइँ ओनका ओनकर देस देब मंजूर करब। मइँ ओनका बहुसंख्यक लोग बनाउब मंजूर करब। मइँ आपन पवित्तर ठउर हुवाँ ओनक संग सदा बरे रखब मजूंर करत हउँ।</verse>
				<verse number="27">मोर पवित्तर तम्बू हुवाँ ओनके बीच रही। हाँ, ओनकर परमेस्सर अउर उ पचे मोर लोग होइहीं।</verse>
				<verse number="28">तब दूसर रास्ट्र समुझिहीं कि मइँ यहोवा हउँ अउर उ पचे जानिहीं कि मइँ इस्राएल क, ओनके बीच सदा बरे आपन पवित्तर ठउर रखिके, आपन खास लोग बनावत हउँ।’”</verse>
			</chapter>
			<chapter number="38">
				<verse number="1">यहोवा क सँदेसा मोका मिला। उ कहेस,</verse>
				<verse number="2">“मनई क पूत, मागोग प्रदेस मँ गोग पइ धियान द्या। उ मेसेक अउर तूबल रास्ट्रन क सर्वाधिक महत्वपूर्ण प्रमुख अहइ। गोग क विरूद्ध मोरे बरे कछू कहा।</verse>
				<verse number="3">उ ओहसे कहा कि सुआमी यहोवा इ कहत ह ‘गोग तू मेसेक अउ तूबल रास्ट्रन क सर्वाधिक महत्वपूर्ण प्रमुख अहा। किन्तु मइँ तोहरे खिलाफ हउँ।</verse>
				<verse number="4">मइँ तोहका धरब अउर तोहार पूरी फउज क संग वापस लिआउब। मइँ तोहार फउज क सबहिं मनसेधुअन क वापस लिआउब। मइँ सबहिं घोडन अउर घुड़सवारन क वापस लिआउब। मइँ तोहरे जबड़न मँ हुक डालब अउर तू सबहिं क वापस लिआउब। सबहिं फउजी आपन सबहिं तरवारन अउर ढालन क संग आपन फउजी पोसाक मँ होइहीं।</verse>
				<verse number="5">फारस, कूस अउ पूत क फउजी ओनके संग होइहीं। उ पचे सबहिं आपन ढालन अउर मूँड़े क कवच धारन किहे होइहीं।</verse>
				<verse number="6">हुआँ आपन फउजियन क सबहिं समूहन क संग गोमेर भी होइ। हुवाँ दूर उत्तर स आपन फउजियन क सबहिं समूहन क संग तोगर्मा क रास्ट्र भी होइ। तोहार संग अनेक लोग होइहीं।</verse>
				<verse number="7">“‘तइयार होइ जा। हाँ, आपन क तइयार करा अउर आपन संग मिलइवाली सेना क भी। तोहका निगरानी रखइ चाही अउर तइयार रहइ चाही।</verse>
				<verse number="8">बहोत लम्बे समइ क पाछे तू काम पइ बोलावा जाब्या। आगे आवइवाले बरिसन मँ तू उ प्रदेस मँ अउब्या जउन जुद्ध क बाद फुन निर्मित होइ। उ देस मँ लोग इस्राएल क पर्वत पइ आवइ बरे बहोत स रास्ट्रन स एकट्ठा कीन्ह जइहीं। अतीत मँ इस्राएल क पर्वत बार-बार नस्ट कीन्ह गवा रहा। किन्तु इ सबइ लोग ओन दूसर रास्ट्रन स वापस लउटे होइहीं। उ पचे सबहिं सुरच्छित होइहीं।</verse>
				<verse number="9">किन्तु तू ओन पइ आक्रमण करइ अउब्या। तू तूफान क तरह अउब्या। तू देस क ढकत भए गरजत मेघ क तरह अउब्या। तू अउर बहोत स रास्ट्रन क तोहरे फउजियन क समूह, एन लोगन पइ आक्रमण करइ अइहीं।’”</verse>
				<verse number="10">मोर सुआमी यहोवा इ कहत ह: “उ समइ तोहरे दिमागे मँ एक विचार उठी। तू एक बुरी जोजना बनाउब सुरू करब्या।</verse>
				<verse number="11">तू कहब्या, ‘मइँ उ देस पइ हमला करइ जाब जेकर नगर बगैर देवार क अहइँ (इस्राएल)। उ सबइ लोग सान्तिपूर्वक रहत हीं। उ पचे समुझत हीं कि उ पचे सुरच्छित अहइँ। ओनकर रच्छा बरे ओनकर नगरन क चारिहुँ कइँती कउनो देवार नाहीं अहइ। ओनके दरवाजन मँ तालन नाहीं अहइँ, ओनके दरवाजे भी नाहीं अहइँ।</verse>
				<verse number="12">मइँ एन लोगन क हराउब अउर ओनकर सबहिं कीमती चिजियन ओनसे छोर लेब। मइँ ओन ठउरन क खिलाफ लड़ब जउन नस्ट होइ चुका रहेन, किन्तु अब लोग ओनमाँ रहइ लागेन ह। मइँ ओन लोगन (इस्राएल) क खिलाफ लड़ब जउन दूसर रास्ट्रन स एकट्ठा भए रहेन। अब उ सबइ लोग मवेसी अउ सम्पत्ति वाले अहइँ। उ सबइ संसार क चउराहे पइ रहत हीं जउने ठउर मँ सक्तीसाली देसन क दूसर सक्तीसाली सबहिं देसन तलक जाइ बरे जात्रा करइ पड़त ह।’</verse>
				<verse number="13">“सबा, ददान अउ तर्सीस क बइपारी अउर सबहिं नगर जेनके संग उ पचे बइपार करत हीं, तोहसे पूछिहीं, ‘का तू कीमती चिजियन पइ अधिकार करइ आया ह का तू आपन फउजियन क समूहन क संग, ओन नीक चिजियन क हड़पइ अउर चाँदी, सोना मवेसी तथा सम्पत्ति लइ जाइ आवा रह्या?’”</verse>
				<verse number="14">परमेस्सर कहेस, “मनई क पूत, मोरे बरे गोग स कहा। ओहसे कहा कि सुआमी यहोवा इ कहत ह, ‘तू हमरे लोगन पइ तब हमला करइ अउब्या जब उ पचे सान्तिपूर्वक अउर सुरच्छित रहत अहइँ।</verse>
				<verse number="15">तू दूर उत्तर क आपन ठउर स अउब्या अउर तू बहुसंख्यक लोगन क साथ लउब्या। उ पचे सबहिं घुड़सवार होइहीं। तू एक बिसाल अउर ताकतवर फउज होब्या।</verse>
				<verse number="16">तू मोरे लोग इस्राएल क विरूद्ध लड़इ अउब्या। तू देस क गरजत मेघ क तरह ढकइवाले होब्या। मइँ बाद मँ, आपन देस क विरूद्ध लड़इ बरे तोहका लिआउब। तब हे गोग, रास्ट्र जनिहीं कि मइँ केतना ताकतवर हउँ। उ पचे मोर सम्मान करिहीं अउर समुझिहीं कि मइँ पवित्तर हउँ। उ पचे लखिहीं कि मइँ तोहरे संग का करब।’”</verse>
				<verse number="17">यहोवा इ कहत ह, “उ समइ लोग याद करिहीं कि मइँ पुराने जमाने मँ तोहरे बारे मँ जउन कहेउँ। उ पचे याद करिहीं कि मइँ आपन सेवकन इस्राएल क नबियन क उपयोग किहेउँ। उ पचे याद करिहीं कि इस्राएल क नबी लोग मोरे बरे पुराने जमाने मँ बातन किहन अउर कहेन कि मइँ तोहका ओनके खिलाफ लड़इ बरे लिआउब।”</verse>
				<verse number="18">मोर सुआमी यहोवा कहेस, “उ समइ, गोग इस्राएल देस क विरूद्ध लड़इ आइ। मइँ आपन किरोध परगट करब।</verse>
				<verse number="19">किरोध अउ जलजलाहट मँ मइँ इ प्रतिग्या करत हउँ, अउर इ कहत हउँ कि इस्राएल मँ एक प्रबल भूकम्प आई।</verse>
				<verse number="20">उ समइ सबहिं सजीव प्राणी भय स काँप उठिहीं। समुद्र मँ मछरियन, अकासे मँ पंछी, खेतन मँ जंगली जनावरन अउर उ सबइ सबहिं परानी जउन धरती पइ रेगंत हीं, भय स काँप उठिहीं। पर्वत भहराइ पड़िहीं अउर सिखर ध्वस्त होइहीं। हर एक देवार धरती पइ आइ गिरिहीं।”</verse>
				<verse number="21">मोर सुआमी यहोवा कहत, “इस्राएल क पर्वतन पइ, मइँ गोग क विरूद्ध हर प्रकार क भय उत्पन्न करब। ओकर फउजी एतना भयभीत होइहीं कि उ पचे एक दूसर पइ हमला करिहीं अउर आपन तरवार स एक दूसर क मार डइहीं।</verse>
				<verse number="22">मइँ गोग क रोग अउर मउत स दण्ड देब। मइँ ओह पइ, ओकर सेना पइ अउर अनेक रास्ट्रन क लोगन पइ जउन कि ओकर संग अहइँ। ओलन, आगी अउर गंधक क बर्खा करब।</verse>
				<verse number="23">तब मइँ देखाउब कि मइँ केतना महान हउँ, मइँ प्रमाणित करब कि मइँ पवित्तर हउँ। बहोत स रास्ट्र मोका इ सबइ काम करत लखिहीं अउर उ पचे जनिहीं कि मइँ कउन हउँ। तब उ पचे जनिहीं कि मइँ यहोवा हउँ।”</verse>
			</chapter>
			<chapter number="39">
				<verse number="1">“मनई क पूत, गोग क विरूद्ध मोरे बरे कहा। ओहसे कहा कि सुआमी यहोवा इ कहत ह, ‘गोग, तू मेसेक अउर तूबल देसन क सर्वाधिक महत्वपूर्ण प्रमुख अहा। किन्तु मइँ तोहरे विरूद्ध हउँ।</verse>
				<verse number="2">मइँ तोहका घुमा देब अउर तोहार गवाइ करब अउर तोहका सुदूर उत्तर स लिआउब। मइँ तोहका इस्राएल क पर्वतन क खिलाफ जुद्ध करइ बरे लिआउब।</verse>
				<verse number="3">किन्तु मइँ तोहार धनुस तोहरे बाएँ हाथ स झटक के गिराइ देब। मइँ तोहरे दाएँ हाथ स तोहार बाण झटकिके गिराइ देब।</verse>
				<verse number="4">तू इस्राएल क पर्वतन पइ मारा जाब्या। तू, तोहार फउजी अउर तोहरे संग क दूसर सबहिं रास्ट्र जुद्ध मँ मारा जइहीं। मइँ तोहका भोजन क रूप मँ सबइ सिकारी पच्छियन वन जनावरन क देब।</verse>
				<verse number="5">तू खुले मइदानन मँ मारा जाब्या। मइँ इ कहि दिहे हउँ।’” मोर सुआमी यहोवा इ कहेस।</verse>
				<verse number="6">परमेस्सर कहेस, “मइँ मागोग अउ ओन मनइयन क, जउन समुद्रर-तट पइ सुरच्छित रहत हीं, विरूद्ध आगी पठउब। तब उ पचे जानिहीं कि मइँ यहोवा हउँ।</verse>
				<verse number="7">मइँ आपन पवित्तर नाउँ इस्राएल क लोगन मँ परगट करब। भविस्स मँ, मइँ आपन पवित्तर नाउँ क, लोगन क जरिये अउर जियादा दूसित नाहीं करइ देब। रास्ट्र जनिहीं कि मइँ यहोवा इस्राएल क परम पवित्तर हउँ।</verse>
				<verse number="8">उ समइ आवत अहइ। इ घटित होइ।” यहोवा इ सबइ बातन कहेस। “इ उहइ दिन अहइ जेकरे बारे मँ मइँ कहत हउँ।</verse>
				<verse number="9">“उ समइ, इस्राएल क नगरन मँ रहइवाले लोग ओन खेतन मँ जइहीं। उ पचे दुस्मन क अस्त्र-सस्त्रन क एकट्ठा करिहीं अउर ओनका जराइ देइहीं। उ पचे सबहिं ढालन, धनुसन अउर बाणन सबइ गदा अउ भालन क जलइहीं। उ पचे ओन अस्त्र-सस्त्रन क उपयोग सात बरिस तलक ईंधन क रूप मँ करिहीं।</verse>
				<verse number="10">ओनका मइदानन स काठ एकट्ठी नाहीं करइ पड़ी या जगूंलन स बृच्छ नाहीं काटइ पड़ी, काहेकि उ पचे अस्त्र-सस्त्रन क उपयोग ईंधन क रूप मँ करिहीं। उ पचे ओन फउजियन क ल्हास क लूट लेइहीं जउन कि ओनसे चोरावइ बरे आए रहेन। उ पचे ओन फउजियन स अच्छी चिजियन लेइहीं जउन ओनसे नीक चिजियन लइ लिहेन।” मोर सुआमी यहोवा इ कहेस।</verse>
				<verse number="11">परमेस्सर कहेस, “उ समइ मँ गोग क दफनावइ बरे इस्राएल मँ एक ठउर चुनब। उ मृत सागर क पूरब मँ जात्रियन क घाटी मँ दफनावा जाइ। इ जात्रियन क मारग क रोकी। काहेकि गोग अउ ओकर सारी फउज उ ठउर मँ दफनाई जाइ। लोग एका ‘गोग क सेना क घाटी’ कहिहीं।</verse>
				<verse number="12">इस्राएल क परिवार देस क सुद्ध करइ बरे सात महीने तलक ओनका दफनाई।</verse>
				<verse number="13">देस क साधारण लोग दुस्मन क फउजियन क दफनइहीं। इस्राएल क लोग उ दिन प्रसिद्ध होइहीं जउने दिन मइँ अपने बरे सम्मान पाउब।” मोर सुआमी यहोवा इ कहेस।</verse>
				<verse number="14">परमेस्सर कहेस, “लोग मजदूरन क, ओन मरे फउजियन क दफनावइ बरे पूरे समइ क नौकरी देइहीं। इ तरह उ पचे देस क पवित्तर करिहीं। उ सबइ मजदूर सात महीने तलक कार्य करिहीं। उ पचे ल्हासन क हेरत भए चारिहुँ ओर जइहीं।</verse>
				<verse number="15">उ सबइ मजदूर चारिहुँ कइँती हरेत फिरिहीं। जदि ओनमाँ स कउनो एक हाड़ लखी तउ उ ओकरे पास एक ठु चीन्हा बनाइ देइ। चीन्हा हुवाँ तब तलक रही जब तलक कब्र खोदइवाला आवत नाहीं अउर गोग क सेना क घाटी मँ उ हाड़ क दफनावत नाहीं।</verse>
				<verse number="16">उ मृतक लोगन क नगर (कब्रिस्तान) हमोना कहवाई। इ तरह उ सबइ देस क सुद्ध करिहीं।”</verse>
				<verse number="17">मोर सुआमी यहोवा इ कहेस, “हे मनई क पूत, मोरे बरे सबइ पंछियन अउ सबइ जंगली जानवरन स बात करा। ओनसे कहा, ‘हिआँ आवा। हिआँ आवा। इ बलि क चारिहुँ कइँती एकट्ठा भवा जउन मइँ तोहरे बरे इस्राएल क पर्वतन पइ तइयार किहेउँ। आवा, माँस खा अउर खून पिआ।</verse>
				<verse number="18">तू ताकतवर फउजियन क सरीर क माँस खाउब्या। तू संसार क प्रमुखन क खून पीब्या। उ पचे बासान क भेड़न, मेमनन, बोकरन अउर मोटे बइलन क समान होइहीं।</verse>
				<verse number="19">तू जेतना चाहा, ओतनी चर्बी खाइ सकत ह अउर तू उ समइ तलक खून पी सकत ह जब तलक कि तू नसा मँ नाहीं आवत ह। तू मोर बलि स खाब्या अउर पीब्या जेका मइँ तोहारे बरे गारेउँ।</verse>
				<verse number="20">तू मोरे मेज पइ तब तलक खाउब्या जब तलक तू सन्तुट्ठ नाहीं होइ जाब्या। हुवाँ घोड़न अउर रथ सारथी, सक्तीसाली फउजी अउर दूसर सबहिं लड़इवाले मनई होइहीं।’” मोर सुआमी यहोवा इ कहेस।</verse>
				<verse number="21">परमेस्सर कहेस, “मइँ दूसर रास्ट्रन क देखाउब कि मइँ का किहेउँ ह। उ सबइ रास्ट्र मोर सम्मान करब आरम्भ करिहीं। उ सबइ मोर उ सक्ति लखिहीं जउन मइँ दुस्मन क विरूद्ध उपयोग किहेउँ।</verse>
				<verse number="22">तब उ दिन क पाछे, इस्राएल क परिवार जानी कि मइँ ओकर परमेस्सर यहोवा हउँ।</verse>
				<verse number="23">रास्ट्र इ जान जइहीं कि इस्राएल क परिवार काहे दूसर देसन मँ बन्दी बनाइके लइ जावा गवा रहा। उ पचे जनिहीं कि मोर लोग मोरे विरूद्ध होइ उठा रहेन। एह बरे मइँ ओनसे दूर हट गवा रहेउँ। मइँ ओनके दुस्मनन क ओनका हरावइ दिहेउँ। एह बरे मोर लोग जुद्ध मँ मारा गएन।</verse>
				<verse number="24">उ पचे पाप किहेन अउर आपन क गन्दा बनाएन। एह बरे मइँ ओनका ओन कामन बरे दण्ड दिहेउँ जउन उ पचे किहन। एह बरे मइँ ओनसे आपन मुँह फेर लिहेउँ ह।”</verse>
				<verse number="25">एह बरे मोर सुआमी यहोवा इ कहत ह, “अब मइँ याकूब क परिवार क बन्धुवाई स निकारब। मइँ पूरे इस्राएल क परिवार पइ दया किहेउँ ह। मइँ आपन पवित्तर नाउँ क बरे बिसेस भावना परगट करब।</verse>
				<verse number="26">लोग आपन लज्जा अउर मोरे विरूद्ध विद्रोह क सारे समइ क बिसरि जइहीं। उ पचे आपन देस मँ सुरच्छा क संग रहिहीं। कउनो भी ओनका भयभीत नाहीं करी।</verse>
				<verse number="27">मइँ आपन लोगन क दूसर देसन स वापस लिआउब। मइँ ओनका ओनके दुस्मनन क देसन स एकट्ठा करब। तब बहोत स रास्ट्र समुझिहीं कि मइँ केतना पवित्तर हउँ।</verse>
				<verse number="28">उ पचे समुझिही कि मइँ यहोवा ओनकर परमेस्सर हउँ। काहेकि मइँ ओनसे ओनकर घर छोड़वाएउँ अउर दूसर देसन मँ बन्दी क रूप मँ पठएउँ अउर तब मइँ ओनका एक संग एकट्ठा किहेउँ अउर ओनका आपन देस मँ वापस लिआएउँ। मइँ ओनमाँ स कउनो हवाँ अउर नाहीं छोड़ब।</verse>
				<verse number="29">मइँ इस्राएल क परिवार पइ आपन आतिमा उड़ेरब अउर ओकरे पाछे, मइँ फुन आपन मुहँ आपन लोगन स नाहीं छुपाउब।” मोर सुआमी यहोवा इ कहे रहा।</verse>
			</chapter>
			<chapter number="40">
				<verse number="1">हम लोगन क बन्दी क रूप मँ लइ जावा जाइके पच्चीसवें बरिस मँ, बरिस क सुरुआत मँ प्रथम महीने क दसएँ दिन, यहोवा क आतिमा मोह पइ आई। यरूसलेम क जीतइ क पाछे इ चउदहवाँ बरिस रहा। उहइ दिना यहोवा क सक्ति मोका हुवाँ लइ गवा।</verse>
				<verse number="2">दर्सन मँ परमेस्सर मोका इस्राएल देस लइ गवा। उ मोका एक बहोत ऊँचे पर्वत क समीप उतारेस। पर्वत पइ एक भवन रहा जउन नगर क समान देखात रहा।</verse>
				<verse number="3">यहोवा मोका हुवाँ लइ गवा। हुवाँ एक मनई रहा जउन चमचमात गए काँसे क तरह चमकत भवा देखात रहा। उ मनई एक कपड़ा नापइ क फीता अउर नापइ क एक छड़ आपन हाथे मँ लिहे रहा। उ फाटक स लगा खड़ा रहा।</verse>
				<verse number="4">उ मनई मोहसे कहेस, “मनई क पूत, आपन आँखिन अउ आपन कान क उपयोग करा। एन चिजियन पइ धियान द्या अउर मोर सुना। जउन मइँ तोहका देखावत हउँ ओह पइ धियान द्या। काहेकि तू हिआँ लाए गवा अहा, एह बरे मइँ तोहका एन चिजियन क देखाइ सकत हउँ। तू इस्राएल क परिवार स उ सबइ बतावा जउन तू हिआँ लखा।”</verse>
				<verse number="5">मइँ एक देवार लखेउँ जउन मन्दिर क बाहर चारिहुँ कइँती स घेरत रहिन। उ मनई क हाथे मँ चिजियन क नापइ क एक छड़ रही। इ एक छे हाथ लम्ब रहा। (प्रत्येक हाथ साधारण हाथ स चार अगुँल लम्बा रहा।) एह बरे उ मनई देवार क मोटाइ नापेस उ एक छड़ मोटी रही। उ मनई देवार की ऊँचाई नापेस। इ एक छड़ ऊँची रही।</verse>
				<verse number="6">तब मनई पूरबी दुआर क गवा। उ मनई ओकर सीढ़ियन पइ चढ़ेस अउर फाटक क डेवढ़ी क नापेस। इ एक छड़ चौड़ी रही।</verse>
				<verse number="7">रच्छकन क कमरन एक छड़ लम्बे अउर एक छड़ चौड़े रहेन। कमरन क बीच क देवारन क मोटाई पाँच हाथ रही। भीतर क ओर फाटक क डेवढ़ी जउन कच्छ क बगल मँ रहा एक छड़ चौड़ी रही।</verse>
				<verse number="8">तब उ मनई मन्दिर स लगे फाटक क प्रवेस कच्छ क नापेस। इ एक छड़ चौड़ा रहा।</verse>
				<verse number="9">तब उ मनई फाटक क प्रवेस कच्छ क नापेस। इ आठ हाथ लम्बा रहा। उ मनई फाटक क दुइनउँ बगल क देवारन क नापेस। हर एक बगल देवार दुइ हाथ चौड़ा रहा। फाटक क ओसारा दरवाजा क भीतर क कइँती रहा।</verse>
				<verse number="10">फाटक क हर कइँती तीन नान्ह कमरन रहेन। इ सबइ तीनहुँ नान्ह कमरन हर कइँती स एक नाप क रहेन। दुइनउँ कइँती क दुआर खम्भन एक नाप क रहेन।</verse>
				<verse number="11">उ मनई फाटक क प्रवेसद्वार क चौड़ाई नापेस। इ दस हाथ चौड़ी अउर फाटक क लम्बाइ तेरह हाथ रही।</verse>
				<verse number="12">हर एक कमरा क सामने एक नीची देवार रही। इ देवार एक हाथ ऊँची अउर एक हाथ मोटी रही। कमरन वर्गाकार रहेन अउर हर कइँती स छ: हाथ लम्बे रहेन।</verse>
				<verse number="13">उ मनई फाटक क हर कमरे क छत स दूसर कमरे क छत तलक नापेस। इ पच्चीस हाथ लम्बा रहा। एक दुआर दूसर दुआर क ठीक विपरीत रहा।</verse>
				<verse number="14">उ मनई प्रवेस कच्छ क नापेस। इ साठ हाथ चउड़ा रहा। प्रवेस कच्छ क चारिहुँ ओर आँगन रहा।</verse>
				<verse number="15">प्रवेस कच्छ क फाटक पूरे बाहर स, फाटक क भीतर तलक नाप मँ पचास हाथ रहा।</verse>
				<verse number="16">रच्छकन क कमरन मँ चारिहुँ कइँती खिड़कियन रहिन। प्रेवेस क कइँती खिड़िकियन बहोत जयादा पातर हो ग रहिन। अउर अन्दर क कइँती चउड़ा रहेन। प्रवेस कच्छ मँ भी चारिहुँ कइँती उहइ प्रकार क खिड़कियन रहिन। हर एक दुआर खम्भन पइ खजूर क बृच्छ खुदा रहेन।</verse>
				<verse number="17">तब उ मनई मोका बाहरी आँगन मँ लिआवा। मइँ कमरन अउर पक्के भूईंया क लखेस। उ पचे आँगन क चारिहुँ कइँती रहेन। पक्के भूईंया पइ सामने तीस कमरन रहेन।</verse>
				<verse number="18">पक्का रास्ता फाटक क बगल स गवा। पवका फर्स ओतना ही लम्बा रहा जेतने फाटक रहेन। इ खाले क रास्ता रहा।</verse>
				<verse number="19">तब उ मनई खाले फाटक क सामने भीतर कइँती स लइके आँगन क देवार क समन्वा भीतर कइँती तलक नापेस। इ पूरब अउर उत्तर क अउर सौ-सौ हाथ रहेन।</verse>
				<verse number="20">उ मनई बाहरी आँगन, जेकर सामना उत्तर कइँती अहइ, क फाटक क लम्बाई अउ चौड़ाइ क नापेस।</verse>
				<verse number="21">एकरे हर एक कइँती तीन कमरा अहइँ। एकर दुआर खम्भन अउर प्रवेस-दुआर क नाप उहइ रही जउन पहिले फाटक क रही। फाटक पचास हाथ लम्बा अउर पच्चीस हाथ चौड़ा रहा।</verse>
				<verse number="22">एकर खिड़कियन एकर ओसारा अउर एकर खजूर क बृच्छन क नक्कासी क नाप उहइ रही जउन पूरब कइँती मुखवाले फाटक क रही। फाटक तलक सात सीढ़ियन रहिन। फाटक क प्रवेस कच्छ भीतर रहा।</verse>
				<verse number="23">भीतरी आँगन मँ उत्तर क फाटक तलक पहोंचइवाला एक फाटक रहा। इ पूरब क फाटक क नाई रहा। उ मनई एक फाटक स दूसर तक नापेस। इ एक फाटक स दूसर फाटक तलक सौ हाथ रहा।</verse>
				<verse number="24">तब उ मनई मोका दक्खिन कइँती लइ गवा। मइँ दक्खिन मँ एक दुआर लखेउँ। उ मनई दुआर खम्भन अउर प्रवेस कच्छ क नापेस। उ पचे नाप मँ ओतने ही रहेन जेतने दूसर फाटक।</verse>
				<verse number="25">दुआरा रास्ता अउर एकर ओसारा पचास हाथ लम्बा अउर पच्चीस हाथ चउड़ा रहा। एकर चारिहुँ कइँती दूसर फाटकन क नाईं खिड़कियन रहेन।</verse>
				<verse number="26">सात पैड़ियन इ फाटक तलक पहोंचावत रहिन। एकर प्रवेस कच्छ भीतर क रहा। हर एक कइँती एक-एक दुआर-खम्भा पइ खजूर क नवकासी रही।</verse>
				<verse number="27">भीतरी आँगन क दक्खिन कइँती एक फाटक रहा। उ मनई दक्खिन कइँती एक फाटक स दूसर फाटक तलक नापेस। इ सौ हाथ चउड़ा रहा।</verse>
				<verse number="28">तब उ मनई मोका दविखन फाटक स होइके भीतर आँगन मँ लइ गवा। दविखन क फाटक क नाप ओतनी ही रही जेतनी दूसर फाटकन क।</verse>
				<verse number="29">दक्खिन फाटक क कमरन, दुआर-खम्भा अउर प्रवेस दुआर क नाप ओतनी ही रही जेतनी दूसर फाटकन क रही। खिड़कियन, फाटक अउर प्रवेस कच्छ क चारिहुँ ओर रहिन। फाटक पचास हाथ लम्बा अउर पच्चीस हाथ चउड़ा रहा।</verse>
				<verse number="30">ओकरे चारिहुँ कइँती प्रवेस कच्छ रहेन। प्रवेस कच्छ पच्चीस हाथ लम्बा अउ पाँच हाथ चउड़ा रहा।</verse>
				<verse number="31">दक्खिन फाटक क प्रवेस कच्छ क समन्ना बाहरी आँगन कइँती रहा। एकरे दुआर खमम्भन पइ खजूरे क बृच्छन क नक्कासी रही। एकर सीढ़ी क आठु पैड़ियन रहिन।</verse>
				<verse number="32">उ मनई मोका पूरब कइँती क भीतरी आँगन मँ लिआवा। उ फाटक क नापेस। ओकर नाप उहइ रही जउन दूसर फाटकन क।</verse>
				<verse number="33">पूरबी दुआर क कमरन, दुआर खम्भा अउ प्रवेस कच्छ क नाप उहइ रहेन जउन अन्य फाटकन क। फाटक अउ प्रवेस कच्छ क चारिहुँ कइँती खिड़कियन रहिन। पूरबी फाटक पचास हाथ लम्बा अउ पच्चीस हाथ चउड़ा रहा।</verse>
				<verse number="34">एकर प्रवेस कच्छ क सामना बाहरी आँगन कइँती रहा। हर कइँती क दुआर-खम्भन पइ खजूरे क बृच्छन क नक्कासी रही। एकरी सीढ़ी मँ आठ पैड़ियन रहिन।</verse>
				<verse number="35">तब उ मनई मोका उत्तरी दुआरे पइ लिआवा। उ एका नापेस। एकर नाप उ रही जउन दूसर फाटकन क नाप क समान रहि</verse>
				<verse number="36">एकर दुआरपाल क कमरन, खम्भन, प्रवेस कच्छ अउर ओसारा भी रहेन। फाटक क चारिहुँ ओर खिड़कियन रहिन। इ पचास हाथ लम्बा अउर पच्चीस हाथ चउड़ा रहा।</verse>
				<verse number="37">दुआर खम्भन क सामना बाहरी आँगन कइँती रहा। हर एक कइँती क दुआर खम्भन पइ खजूरे क बृच्छन क नवकासी रहिन अउर एकर सीढ़ी क आठ पैड़ियन रहिन।</verse>
				<verse number="38">एक कमरा रहा जेकर दरवाजा फाटक क प्रवेस कच्छ क लगे रहा। इ हुवाँ रहा जहाँ याजक होमबलि बरे जनावरन क नहवावत हीं।</verse>
				<verse number="39">फाटक क प्रवेस कच्छ क दुइनउँ कइँती दुइ मेजन रहिन। होमबलि पाप बरे भेंट अउर अपराध बरे भेंट क जनावरन ओनहीं मेजन पइ मारा जात रहेन।</verse>
				<verse number="40">प्रवेस कच्छ क बाहर, जहाँ उत्तरी फाटक खुलत ह, दुइ मेजन रहिन अउर फाटक क प्रवेस कच्छ क दूसर कइँती दुइ मेजन रहिन।</verse>
				<verse number="41">फाटक क भीतर चार मेजन रहिन। चार मेजन फाटक क बाहेर रहिन। सब मिलाइके आठ मेजन रहिन। याजक एन मेजन पइ बलि बरे जनावरन क मारत रहेन।</verse>
				<verse number="42">होमबलि बरे कटी सिला क चार मेजन रहिन। इ सबइ मेजन डेढ़ हाथ लम्बी, डे़ढ़ हाथ चउड़ी अउर एक हाथ ऊँची रहिन। योजक होमबलि अउर बलिदानन बरे जउन जनावरन क मारा करत रहेन, ओनका मारइ क अउजारन क एन मेजन पइ धरत रहेन।</verse>
				<verse number="43">तीन इंच लम्बा हुक पूरे मन्दिर मँ लगाए गए रहेन। भेंट बरे माँस मेजन पइ रखइ रहत रहा।</verse>
				<verse number="44">प्रमुखन के लिए भीतरी आँगन क फाटक क दुइ कमरन रहेन। एक उत्तरी फाटक क साथ रहा। एकर सामना दक्खिन क रहा। दूसर कमरा दक्खिन क फाटक क साथ रहा। एकर सामना उत्तर क रहा।</verse>
				<verse number="45">उ मनई मोहसे कहेस, “इ कमरा, जेकर सामना दक्खिन क अहइ, ओन याजक क बरे अहइ जउन काम पइ अहइँ अउर मन्दिर मँ सेवा करत अहइँ।</verse>
				<verse number="46">किन्तु उ कमरा जेकर सामना उत्तर क अहइ, ओन याजकन बरे अहइ जउन आपन काम पइ अहइँ अउर वेदी पइ सेवा करत अहइँ। इ सबहिं याजक सादोक क बंसज अहइँ। सादोक क बंसज ही लेवी बंस क एकमात्र मनई अहइँ जउन यहोवा क सेवा ओनके लगे बलि लाइके कइ सकत हीं।”</verse>
				<verse number="47">उ मनई आँगन क नापेस। आँगन पूर्ण वर्गाकार रहा। इ सौ हाथ लम्बा अउर सौ हाथ चउड़ा रहा। वेदी मन्दिर क समन्वा रही।</verse>
				<verse number="48">उ मनई मोका मन्दिर क ओसारा मँ लिआवा अउर दुइनउँ कइँती क हरे क नापेस। ओन मँ हर एक पाँच-पाँच हाथ मोटा अउर तीन-तीन हाथ चउड़ा रहा। प्रवेस क चउड़ाइ चौदह हाथ रहा।</verse>
				<verse number="49">प्रवेस कच्छ बीस हाथ लम्बा अउर बारह हाथ चउड़ा रहा। प्रवेस कच्छ तलक दस सीढ़ियन पहोंचावत रहिन। दुआर खम्भा क सहारे दुइनउँ ओर खम्भा रहेन।</verse>
			</chapter>
			<chapter number="41">
				<verse number="1">उ मनई मोका मन्दिर क बीच क कमरा मँ लिआवा। उ कमरा क दुइनउँ कइँती क देवारन क नापेस। उ सबइ मँ स हर एक, हर कइँती छ: हाथ मोटा रहेन।</verse>
				<verse number="2">दरवाजा दस हाथ चउड़ा रहा। दुआर क बगलन पाँच हाथ हर कइँती रहिन। उ मनई बाहरी पवित्तर ठउरे क नापेस। इ चालीस हाथ लम्बा अउर बीस हाथ चउड़ा रहा।</verse>
				<verse number="3">तब उ मनई अन्दर गवा अउर हर एक दुआर खम्भा क नापेस। हर एक दु आर खम्भा दुइ हाथ मोटा रहा। इ छ: हाथ ऊँचा रहा। दुआर सात हाथ चउड़ा रहा।</verse>
				<verse number="4">तब उ मनई कमरा क लम्बाई नापेस। इ बीस हाथ लम्बा अउर बीस हाथ चउड़ा रहा। इ (प्रथम) परिसुद्ध कमरे क बाद रहा। उ मनई कहेस, “इ परम पवित्तर ठउर अहइ।”</verse>
				<verse number="5">तब उ मनई मन्दिर क देवार नापेस। इ छ: हाथ चउड़ी रही। बगल क कमरन चार हाथ चउड़न मन्दिर क चारिहुँ कइँती रहेन।</verse>
				<verse number="6">बगल क कमरन तीन अलग-अलग मंजिलन पइ रहेन। उ सबइ एक दूसर क ऊपर रहेन। हर एक मंजिल पइ तीस कमरन रहेन। बगल क कमरन चारिहुँ कइँती क देवार पइ टिके भए रहेन। एह बरे मन्दिर क देवार खुद कमरन क टेकाए भए नाहीं रहिन।</verse>
				<verse number="7">मन्दिर क चारिहुँ ओर क कमरन क मंजिल क खाले क मंजिल स अधिक चउड़ी रहिन। मन्दिर क चारिहुँ ओर ऊँच चबूतरा हर मंजिल पइ मन्दिर क हर एक कइँती फइला भवा रहा। एह बरे सब स ऊपर क मंजिल पइ कमरन अधिक चउड़ा रहेन। दूसर मंजिल स होइके एक सीढ़ी सब स नीचे क मंजिल स सब स ऊँच मंजिल तलक गइ रही।</verse>
				<verse number="8">मइँ इ भी लखेउँ कि मन्दिर क चारिहुँ कइँती उठा भवा चबूतरा रहा। बगल क कमरन क नेंव एक समन्वा छड़ अरर्थात छ: हाथ क पूरे छड़ क रहा।</verse>
				<verse number="9">बगल क कमरन क बाहरी देवार पाँच हाथ मोटी रही। मन्दिर क बगल क कमरन</verse>
				<verse number="10">अउर याजक क कमरन क बीच खुला छेत्र मन्दिर क चारिहुँ ओर रहा। इ खुला छेत्र मन्दिर क चारिहुँ कइँती बीस हाथ रहा।</verse>
				<verse number="11">बगल क कमरन क दरवाजन खुला छेत्र क नेंव पइ खुलत रहेन जउन देवार क हींसा नाहीं रहिन। एक दरवाजा क मुँह उत्तर कइँती रहा अउर दूसर क दक्खिन कइँती। खुला छेत्र चारिहुँ कइँती स पाँच हाथ चउड़ी रहिन।</verse>
				<verse number="12">पच्छिमी कइँती मन्दिर क आँगन क सामने क भवन सत्तर हाथ रहा। भवन क देवार चारिहुँ ओर पाँच हाथ मोटी रही। इ नब्बे हाथ लम्बी रही।</verse>
				<verse number="13">तब उ मनई मन्दिर क नापेस। इ सौ हाथ लम्बा रहा। भवन अउ एकर देवार क संग आँगन भी सौ हाथ लम्बे रहेन।</verse>
				<verse number="14">मन्दिर क पूर्वी मुँह अउर आँगन सौ हाथ चउड़ा रहा।</verse>
				<verse number="15">उ मनई उ भवन क लम्बाई क नापेस जेकर सामना मन्दिर क पाछे क आँगन कइँती रहा तथा जेकर देवारन दुइनउँ कइँती रहिन। इ सौ हाथ लम्बा रहा। बीच क कमरे क भीतरी कमरे (सबन त पवित्तर ठउर)</verse>
				<verse number="16">अउ आँगन क प्रवेस कच्छ पइ तखता लगी रहिन। तीनहुँ पइ ही चारिहुँ कइँती जालीदार खिड़कियन रहिन। मन्दिर क चारिहूँ कइँती डेवढ़ी स लगे, फर्स स खिड़कियन तलक काठे क तखता जड़ी भइ रहिन। खिड़कियन ढकी भइ रहिन।</verse>
				<verse number="17">दुआरे क ऊपर क देवार, भीतरी कमरन अउर बाहेर तलक, सारी लकड़ी क चौखटन स मढ़ी गइ रहिन। मन्दिर क भीतरी कमरन तथा बाहरी कमरन क सबहिं देवारन पइ</verse>
				<verse number="18">करूब सरगदूतन अउर खजूर बृच्छन क नक्कासी कीन्ह गइ रही। करूब सरगदूतन क बीच एक खजूर क बृच्छ रहा। अउर हर एक करूब क दुइ मुख रहेन।</verse>
				<verse number="19">एक मुँह मनई क रहा जउन एक कइँती खजूरे क बृच्छ क लखत रहा। दूसर मुँह सेर क रहा जउन दूसर कइँती खजूर क बृच्छक लखत रहा। उ पचे मन्दिर क चारिहुँ कइँती उकेरा ग रहेन।</verse>
				<verse number="20">बीच क कमरन पवित्तर ठउर क सबहिं देवारन पइ करूब सरगदूत अउर खजूरे क बृच्छ उकेरे ग रहेन।</verse>
				<verse number="21">पवित्तर स्थान क दुआर ज ढाँचा वर्गाकार रहेन। सब स जियादा पवित्तर ठउरे क समन्वा अइसा कछू रहा जउन</verse>
				<verse number="22">वेदी क नाई काठे क बना देखात रहा। इ तीन हाथ ऊँच अउर दुइ हाथ लम्बा रहा। एकर कोनन, नेंव अउ पच्छ काठे क रहेन। उ मनई मोहसे कहेस, “इ मेज अहइ जउन यहोवा क समन्वा अहइ।”</verse>
				<verse number="23">बीच क कमरा (पवित्तर ठउर) अउर परम पवित्तर ठउर दुइ दरवाजनवाला रहेन।</verse>
				<verse number="24">एक दरवाजा दुइ नान्ह दरवाजन स बना रहा। हर एक दरवाजा फुरइ दुइ हिलत भए दरवाजन स रहा।</verse>
				<verse number="25">बीच क कमरन (पवित्तर ठउर) क दरवाजन पइ करूब सरगदूत अउ खजूर क बृच्छ उकेरे ग रहेन। उ सबइ वइसे ही रहेन जइसे देवारन पइ उकेरे गवा रहेन। बाहेर कइँती प्रवेस कच्छ क बाहरी हीसें पइ काठे क नक्कासी रही।</verse>
				<verse number="26">बाहेर तंग खिड़कियन अउर अन्दर चउड़ी खिड़कियन रहेन। अउर प्रवेस कच्छ क दुइनउँ कइँती, मन्दिर क बगल कमरन अउर देहली पइ खजूर क बृच्छ क तस्बीरन रहेन।</verse>
			</chapter>
			<chapter number="42">
				<verse number="1">तब उ मनई मोका बाहरी आँगन मँ लइ गवा जेकर सामना उत्तर क रहा। उ ओन कमरन मँ लइ गवा जउन मन्दिर स आँगन क आर-पार अउर उत्तर क भवनन क आर-पार रहेन।</verse>
				<verse number="2">उत्तर कइँती क भवन सौ हाथ लम्बा अउ पचास हाथ चउड़ा रहा।</verse>
				<verse number="3">हुआँ भीतरी आँगन क आगे बीस हाथ लम्बा खुला छेत्र अउर बाहरी आँगन क आगे पक्का गल्यारा रहेन। ओन भवनन पइ तीन तीन छज्जन रहेन। उ सबइ एक दूसर क आमने-समने रहेन।</verse>
				<verse number="4">कमरन क समन्वा एक बिसाल कच्छ रहा। उ भीतर पहोंचत रहा। इ दस हाथ चउड़ा, सउ हाथ लम्बा रहा। ओकर दरवाजन उत्तर कइँती रहेन।</verse>
				<verse number="5">ऊपर क कमरन जियादा पातर रहेन काहेकि छज्जत बीच अउ निजली मंजिल स जियादा जगह घेरे रही।</verse>
				<verse number="6">कमरन तीन मंजिलन पइ रहेन। बाहरी आँगन खम्भन क तरह ओनकर खम्भन नाहीं रहेन। एह बरे ऊपर क कमरन बीच अउ खाले क मंजिल क कमरन स जियादा पाछे रहेन।</verse>
				<verse number="7">बाहेर एक देवार रही। इ कमरन क समानान्तर रही। इ कमरन क समन्वा बाहरी आँगन तलक रहेन। इ पचास हाथ लम्बा रहा।</verse>
				<verse number="8">कमरन क कतार जउन कि बाहेरी आँगन कइँती गएन रहा पचास हाथ लम्बी रही। मन्दिर क समन्वा क कमरन क कुल लम्बाई सौ हाथ रहेन।</verse>
				<verse number="9">एन कमरन क निचे एक प्रवेसपथ रहा जउन बाहरी आँगन स होत भवा पूरब क लइ जात रहा।</verse>
				<verse number="10">पूरब क कइँती क आँगन क देवारन मँ, सटा भवा आँगन अउर भवन क आपने-सामेन कमरन रहेन।</verse>
				<verse number="11">हुआँ एक बिसाल कच्छ रहा। उ सबइ उत्तर क कमरन क नाईं रहेन। ओन सबइ क लम्बाइ अउ चउड़ाइ समान रहेन अउर उहइ तरह दरवाजन रहेन।</verse>
				<verse number="12">दक्खिन क कमरन क खाले एक दुआर रहा जउन पूरब कइँती जात रहा। इ बिसाल कच्छ मँ पहोंचावत रहा। दक्खिन क कमरन क आर-पार एक विभाजक देवार रही।</verse>
				<verse number="13">उ मनई मोहसे कहेस, “आँगन क आर-पार वाले दक्खिन क कमरन अउ उत्तर क कमरन पवित्तर कमरन अहइँ। इ सबइ ओन याजकन क कमरन अहइँ जउन यहोवा क बलि-भेंट चढ़ावत हीं। उ सबइ याजक एन कमरन मँ सबनत पवित्तर भेंट क खइहीं। उ पचे सब स जियादा पवित्तर भेंट क हुवाँ रखिहीं। काहेकि इ जगह पवित्तर अहइ। सब स जियादा पवित्तर भेंटन इ सबइ अहइँ: अन्न भेंट, पाप बरे भेंट अउर अपराध भेंट।</verse>
				<verse number="14">याजक पवित्तर छेत्र मँ प्रवेस करिहीं। किन्तु बाहरी आँगन मँ जाइ क पहिले उ पचे आपन सेवा-वस्त्र पवित्तर ठउर मँ रख देइहीं। काहेकि इ समइ वस्त्र पवित्तर अहइँ। जदि याजक चाहत ह कि उ मन्दिर क उ भाग मँ जाइ जहाँ दूसर लोग अहइँ तउ ओका ओन कमरन मँ जाइ चाही अउर दूसर वस्त्र पहिर लेइ चाही।”</verse>
				<verse number="15">उ मनई जब मन्दिर क बाहारी आगँन क नाप लेइ खतम कइ चुका, तउ उ मोका उ फाटक स बाहेर लिआवा जउन पूरब क रहा। उ मन्दिर क बाहेर चारिहुँ कइँती नापेस।</verse>
				<verse number="16">उ मनई नापदण्ड स, पूरब क सिरा क नापेस। इ पाँच सौ छड़ लम्बा रहा।</verse>
				<verse number="17">उ उत्तर क सिरे क नापेस। इ पाँच सौ छड़ लम्बा रहा।</verse>
				<verse number="18">उ दक्खिन क सिरे क नापेस। इ पाँच सौ छड़ लम्बा रहा।</verse>
				<verse number="19">उ पच्छिम क तरफ चारिहुँ कइँती गवा अउर एका नापेस। इ पाँच सौ छड़ लम्बा रहा।</verse>
				<verse number="20">उ मन्दिर क चारिहुँ ओस स नापेस। देवार मन्दिर क चारिहुँ ओर गइ रही। देवार पाँच सौ छड़ लम्बी अउर पाँच सौ छड़ चउड़ी रही। इ पवित्तर स्थान क साधारण स्थान अलागावइ बरे हुवाँ रही।</verse>
			</chapter>
			<chapter number="43">
				<verse number="1">उ मनई मोका फाटक तलक लइ गवा, उ फाटक जउन पूरब क खुलत रहा।</verse>
				<verse number="2">हुवाँ पूरब स इस्राएल क परमेस्सर क महिमा उतरी। परमेस्सर क अवाज क सोरमचावत भवा अधिक पानी आवाज़ क समान तेज रही। परमेस्सर क महिमा स भुइँया प्रकास स चमक उठी।</verse>
				<verse number="3">उ दर्सन वइसा ही रहा जउन मइँ उ समइ लखेउँ जब उ नगर विनास करइ बरे आवा रहा वइसा ही रहा। जइसा दर्सन मइँ कबार नदी क किनारे लखे रहेउँ। अउर मइँ मुहँ क बल धरती पइ गिर पड़इ गवा।</verse>
				<verse number="4">यहोवा क महिमा, मन्दिर मँ उ फाटक स आइ जउन पूरब क खुलत ह।</verse>
				<verse number="5">तब आतिमा मोका ऊपर उठाएस अउर भीतरी आँगन मँ लइ गइ। यहोवा क महिमा मन्दिर क भर दिहस।</verse>
				<verse number="6">मइँ मन्दिर क भीतर स कउनो क मोरे संग बातन करत सुनेउँ। मनई मोर बगल मँ खड़ा रहा।</verse>
				<verse number="7">मन्दिर मँ एक अवाज मोका कहेस, “मनई क पूत, इहइ ठउर मोरे सिंहासन अउ पदपीठ अहइ। मइँ इ ठउर पइ इस्राएल क लोगन मँ सदा रहब। इस्राएल क परिवार मोरे पवित्तर नाउँ क फिन अपमान नाहीं करी। राजा अउर ओनकर लोग मोरे पवित्तर नाउँ क बिभिचारी स अउर आपन-आपन उच्च ठउरे पइ राजा लोगन क ल्हासन दफनाइके लज्जित नाहीं करिहीं।</verse>
				<verse number="8">उ पचे मोरे नाउँ क, आपन डवेढ़ी क मोर डवेढ़ी क संग बनाइके अउर दुआर खम्भा क मोरे दुआर खम्भा क संग बनाइके लज्जित नाहीं करिहीं। पुराने जमाने मँ सिरिफ एक देवार मोरे घरे क ओनॅस अलग करत रही। एह बरे उ पचे हर समइ जब कबहुँ भी पाप अउर भयंकर कामन क किहेन तब मोरे पवित्तर नाउँ क लज्जित किहन। इहइ कारण रहा कि मइँ कोहाइ गएउँ अउर ओनका नस्ट किहेउँ।</verse>
				<verse number="9">अब ओनका बिभिचार क दूर करइ द्या अउर अपने राजा लोगन क ल्हासन क मोका बहोत दूर लइ जाइ द्या। तब मइँ ओनके बीच सदा रहब।</verse>
				<verse number="10">“अब मनई क पूत, इस्राएल क परिवार स मन्दिर क बारे मँ कहा। तब उ पचे आपन पापन पइ लज्जित होइहीं। उ पचे मन्दिर क जोजना क बारे मँ सिखिहीं।</verse>
				<verse number="11">उ पचे ओन बुरे कामन बरे लज्जित होइहीं जउन उ पचे किहेन ह। ओनका मन्दिर क आकृति समुझइ द्या। ओनका इ सीखइ द्या कि उ कइसे बनी, ओकर प्रवेस दुआर, निकास दुआर अउर एह पइ क सारी रूपकृतियन कहाँ होइहीं। ओनका एकर सबहिं नेमन अउर विधियन क बारे मँ सिखावा अउर एनका लिखा जेहसे उ पचे सबहिं एनका लखि सकइँ। तब उ पचे मन्दिर क सबहिं नेमन अउर विधियन क पालन करिहीं। तब उ पचे इ सब कछू कइ सकत हीं।</verse>
				<verse number="12">मन्दिर क नेम इ अहइ: पर्वत क चोटी पइ सारा छेत्र सब स जियादा पवित्तर अहइ। इ मन्दिर क नेम अहइ।</verse>
				<verse number="13">“वेदी क नाप, लम्बा हाथ क नाप क अनुसार इ अहइ: हाथ का नाप साधारण हाथ स चार अंगुल बड़ा राह। वेदी क नेंव क चारिहुँ कइँती एक गन्दा नाला रहा। इ एक हाथ गहिर अउर एक हाथ चउड़ा रहा। किनारा क चारिहुँ कइँती एक बीत्ता ऊँचा पट्टी रहा। वेदी केतनी ऊँची रही, उ इ रही।</verse>
				<verse number="14">भुइँया स निचली किनारी तलक, नेवं क नाप दुइ हाथ अहइ। इ एक हाथ चउड़ी रही। छोटी किनारी स बड़ी किनारी तलक एकर नाप चार हाथ रही। इ दुइ हाथ चउड़ी रही।</verse>
				<verse number="15">वेदी पइ आगी क जगह चार हाथ ऊँच रही। वेदी क चारिहुँ कोने सीगंन क आकार क रहेन।</verse>
				<verse number="16">वेदी पइ आगी क जगह बारह हाथ लम्बी अउर बारह हाथ चउड़ी रही। इ पूरी तरह वर्गाकार रहा।</verse>
				<verse number="17">किनारा भी वर्गाकार रही अउर चौदह हाथ लम्बी अउर चउदह हाथ चउड़ी रही। एकरे चारिहुँ ओर आधा हाथ चउड़ी एक पट्टी रही। (नेंव क चारिहुँ कइँती गन्दी नाली एक हाथ चउड़ी रही।) वेदी तलक जाइवाली सीढ़ियन पूरब दिसा मँ रहिन।”</verse>
				<verse number="18">तब उ मनई मोहसे कहेस, “मनई क पूत, सुआमी यहोवा इ कहत ह: ‘वेदी बरे इ सबइ नेम अहइँ। जउने दिन इ होमबलि चढ़ावइ बरे अउर एह पइ खून बहावइ बरे तइयार होइ जाइ तउ,</verse>
				<verse number="19">तोहका लेवी कबीला क याजकन क जउन कि सदोक क सन्तानन अहइ एक ठु जवान साँड़ देइ चाही। उ पचे ओन लोग अहइ जउन कि मोर बरे भेंट क जराइके मोर सेवा किहेस।’” मोर सुआमी यहोवा इ कहेस।</verse>
				<verse number="20">“तू बैल क कछू खून लेब्या अउर वेदी क चारिहुँ सींगन पइ, किनारे क चारिहुँ कोनन पइ अउर पट्टी क चारिहुँ ओर डउब्या। इ तरह तू वेदी क पवित्तर करब्या अउर एकरे बरे प्रायस्चित अदा करब्या।</verse>
				<verse number="21">तू बैल क पाप बलि क रूप मँ लेब्या। बैल, पवित्तर छेत्र क बाहेर, मन्दिर क खास जगह पइ जरावा जाइ।</verse>
				<verse number="22">“दूसर दिन तू बोकरा भेंट करब्या जेहमाँ कउनो दोख नाहीं होइ। इ पाप बलि होइ। याजक वेदी क उहइ तरह पवित्तर करी जउने तरह उ बैल स ओका पवित्तर किहस।</verse>
				<verse number="23">जब तू वेदी क पवित्तर करब समाप्त कइ चुका तब तोहका चाही कि तू एक दोख रहित जवान बैल अउर एक दोख रहित भेड़ा बलि चड़ावा।</verse>
				<verse number="24">तब याजक ओन पइ नून छिछकारिहीं। तब याजक बैल अउर भेड़ा क यहोवा क होमबलि क रूप मँ बलि चढ़इहीं।</verse>
				<verse number="25">तू एक बोकरा हर रोज सात दिन तलक, पाप बलि क बरे तइयार करब्या। तू एक नवा बैल अउ झुण्ड स एक भेड़ा भी तइयार करब्या। बैल अउ भेड़न मँ कउनो दोख नाहीं होइ चाही।</verse>
				<verse number="26">सात दिन तलक याजक वेदी क पवित्तर करत रहिहीं। तब याजक वेदी क समर्पित करिहीं।</verse>
				<verse number="27">उ सबइ सात दिन पूरा होइ जइहीं। अठएँ दिन अउर ओकरे आगे याजक क तोहार होमबलि अउ मेलबलि वेदी पइ चढ़ाइ चाही। तब मइँ तोहका अंगीकार करब।” मोर सुआमी यहोवा इ कहेस।</verse>
			</chapter>
			<chapter number="44">
				<verse number="1">तब उ मनई मोका मन्दिर क बाहरी फाटक, जेकर सामना पूरब क अहइ, वापस लिआवा। अउर बाहरी दुआर बन्द रहा।</verse>
				<verse number="2">यहोवा मोहसे कहेस, “इ फाटक बन्द रही। इ खोला नाहीं जाई। कउनो भी एहसे होइके प्रवेस नाहीं करी। काहेकि इस्राएल क परमेस्सर यहोवा एहसे प्रवेस कइ चुका अहइ। एह बरे इ बंद रहइ चाही।</verse>
				<verse number="3">उ लोगन क सासक इ जगह पइ तब बइठी जब उ यहोवा क संग रोटी खाइ। उ फाटक क संग क प्रवेस कच्छ क दुआर स प्रवेस करी तथा उहइ रास्ते स बाहेर जाइ।”</verse>
				<verse number="4">तब उ मनई मोका उत्तरी दुआर स मन्दिर क समन्वा लिआवा। मइँ निगाह डाएउँ। अउर यहोवा क महिमा क यहोवा क मन्दिर मँ भरत लखेउँ। मइँ मुँहे क बल धरती पइ गिरि गवा।</verse>
				<verse number="5">यहोवा मोहसे कहेस, “मनई क पूत, बहोत सावधानी स लखा। आपन आँखिन अउर कानन क उपयोग करा। एन चिजियन क लखा। मइँ तोहका मन्दिर क बारे मँ सबहिं नेम-विधि बतावत हउँ। सावधानी क साथ मन्दिर क प्रवेस-दुआर अउर पवित्तर ठउर स सबहिं निकासन क लखा।</verse>
				<verse number="6">तब इस्राएल क ओन लोगन क इ सँदेसा द्या जउन मोर आग्या क पालन करइ स इन्कार कइ दिहे रहेन। ओनसे कहा, मोर सुआमी यहोवा इ कहत ह, ‘इस्राएल क परिवार, मइँ तोहरे जरिये कीन्ह गइ भयंकर करमन क जरूरत स जियादा सहन किहेउँ ह।</verse>
				<verse number="7">तू बिदेसियन क मोरे मन्दिर मँ लिआया अउर ओन लोगन क फुरइ खतना नाहीं भवा रहा। उ पचे पूरी हिरदय स मोरे बरे समर्पित नाहीं रहेन। इ तरह तू मोरे मन्दिर क अपवित्तर किहे रह्या। तू हमार करार क तोड़या, भयंकर काम किहा अउ तब तू आपन देवमूरतियन क मोर रोटी, चर्बी अउ खून चढ़ाएस। किन्तु इ मोरे मन्दिर क गन्दा बनाएस।</verse>
				<verse number="8">तू मोर पवित्तर चिजियन क देखभाल नाहीं किहा। नाहीं, तू बिदेसियन क मोरे मन्दिर बरे उत्तरदायी बनाया।’”</verse>
				<verse number="9">मोर सुआमी यहोवा इ कहत ह, “एक बिदेसी क जेकर खतना न भवा होइ, मोरे मन्दिर मँ नाहीं आवइ चाही, ओन बिदेसियन क भी नाहीं, जउन इस्राएल क लोगन क बीच स्थायी रूप स रहत हीं। ओकर खतना जरूर होइ चाही अउर ओका मोरे बरे पूरी तरह समर्पित होइ चाही, एकरे पूरब कि उ मोरे मन्दिर मँ आवइ।</verse>
				<verse number="10">पुराने जमाने मँ, लेबीबंसियन मोका तब छोड़ दिहन, जब इस्राएल मोरे खिलाफ होइ गवा रहा। इस्राएल मोका आपन देवमूरतियन क अनुसरण करइ बरे छोड़ेस। लेवी बंसी आपन पाप बरे दण्डित होइहीं।</verse>
				<verse number="11">लेवी बंसी मोरे पवित्तर ठउर मँ सेवा करइ बरे चुने ग रहेन। उ पचे मन्दिर क फाटक क चौकीदारी किहन। उ पचे मन्दिर मँ सेवा किहन। उ पचे बलियन तथा होमबलियन क जनावरन क लोगन बरे मारेन। उ पचे लोगन क मदद करइ अउर ओनकर सेवा बरे चुने गए रहेन।</verse>
				<verse number="12">किन्तु ओन लेवी बंसियन मोरे विरूद्ध पाप करइ मँ लोगन क सहायता किहन। उ पचे लोगन क देवमूरतियन क पूजा करइ मँ सहायता किहन। एह बरे मइँ ओनके विरूद्ध प्रतिग्या करत हउँ, ‘उ पचे आपन पाप बरे दण्डित होइहीं।’” मोर सुआमी यहोवा इ बात कहेस ह।</verse>
				<verse number="13">“एह बरे लेवीबंसी याजकन क रूप मँ मोर लगे भेंट नाहीं लइहीं मोर सेवा करइहीं। उ पचे मोर कउनो भी पवित्तर चीज या सब स जियादा पवित्तर वस्तु क नाहीं चढ़ाइहीं। उ पचे आपन लज्जा क, जउन बुरे काम उ पचे किहन, ओकरे कारण ढोइहीं।</verse>
				<verse number="14">किन्तु मइँ ओनका मन्दिर क देखभाल करइ देब। उ पचे मन्दिर मँ काम करिहीं अउर उ सबइ काम करिहीं जउन एहमाँ कीन्ह जात हीं।</verse>
				<verse number="15">“सबहिं याजक लेवी क परिवार समूह स अहइँ। किन्तु जब इस्राएल क लोग मोरे विरूद्ध मोहसे दूर गएन तब केवल सादोक परिवार क याजकन मोरे पवित्तर ठउर क देखभाल किहेन। एह बरे केवल सादोक क बंसज ही मोका भेंट लइहीं। उ पचे मोरे समन्वा खड़े होइहीं अउर आपन बलि चढ़ाए गए जनावरन क चर्बी अउर खून मोका भेंट करिहीं।” मोर सुआमी यहोवा इ कहेस।</verse>
				<verse number="16">“उ पचे मोर पवित्तर ठउर मँ प्रवेस करिहीं। उ पचे मोर मेज क लगे मोर सेवा करइ अइहीं। उ पचे ओन चिजियन क देखभाल करिहीं जेनका मइँ ओनका दिहेउँ।</verse>
				<verse number="17">जब उ पचे भीतरी आँगन क फाटकन मँ प्रवेस करिहीं तब उ पचे सन क वस्त्र पहिरहीं। जब उ पचे भीतरी आँगन क फाटक अउर मन्दिर मँ सेवा करिहीं, तब उ पचे ऊनी वस्त्र निहचित ही नाहीं पहिरहीं।</verse>
				<verse number="18">उ पचे सन क पगड़ी अपने मूँड़े पइ धारण करिहीं, अउर उ पचे सन क जाँघिया पहिरहीं। उ पचे अइसा कछू नाहीं पहिरहीं जेहसे पसीना आवइ।</verse>
				<verse number="19">उ पचे मोर सेवा करत समइ क वस्त्र क, बाहरी आँगन मँ लोगन क लगे जाइ क पहिले, उतारिहीं। तब उ पचे दूसर वस्त्र पहिरहीं। इ तरह उ पचे लोगन क ओन पवित्तर वस्त्रन क छुअइ नाहीं देइहीं।</verse>
				<verse number="20">“उ पचे याजकन क आपन मूँड़े क बाल मुड़वाइ नाहीं चाही अउर न ही आपन बालन क बहोत बढ़इ देइ चाही। याजक आपन मूँड़े क बालन क सिरिफ छँटाई कइ सकत हीं।</verse>
				<verse number="21">कउनो भी याजक उ समइ दाखरस नाहीं पी सकत जब उ पचे भीतरी आँगन मँ जात ह।</verse>
				<verse number="22">याजक क बिधवा स या तलाक मिली मेहरारू स बियाह नाहीं करइ चाही। नाहीं, उ पचे क सिरिफ इस्राएल क परिवार क कुँवारी कन्या स बियाह करइ चाही। या उ पचे कउनो याजकन क बिधवा स बियाह कइ सकत ह।</verse>
				<verse number="23">“याजक मोरे लोगन क पवित्तर चिजियन अउर जउन चिजियन पवित्तर नाहीं अहइँ, क बीच अन्तर क बारे मँ भी सिच्छा देइहीं। उ पचे मोरे लोगन क, जउन सुद्ध अउर जउन सुद्ध नाहीं अहइ, क जानकारी करइ मँ मदद देइहीं।</verse>
				<verse number="24">याजक कचहरी मँ निआउ क जज होइ। उ पचे लोगन क संग निआउ करत समइ मोरे नेम क अनुसरण करिहीं। उ पचे मोर बिसेस दावतन क समइ मोरे नेम-विधियन क पालन करिहीं। उ पचे मोर बिसेस विस्राम क दिनन क सम्मान करिहीं अउर ओनका पवित्तर रखिहीं।</verse>
				<verse number="25">उ पचे मनई क ल्हास क लगे जाइके आपन क अपवित्तर करइ नाहीं जइहीं। किन्तु उ पचे तब अपने क अपवित्तर कइ सकत हीं जदि मरइवाला मनई पिता, माता, पूत, बिटिया, भाई या बिन ब्याही बहिन होइ। इ सबइ याजक क अपवित्तर बनाई।</verse>
				<verse number="26">सुद्ध कीन्ह जाइ क पाछे याजक क सात दिन तलक प्रतीच्छा करइ चाही।</verse>
				<verse number="27">तब इ पवित्तर ठउर क लउट सकत ह। किन्तु जउने दिन उ भीतरी आँगन क पवित्तर ठउर मँ सेवा करइ जाइ, ओका पाप बलि अपने बरे चढ़ावइ चाही” मोर सुआमी यहोवा इ कहेस।</verse>
				<verse number="28">“लेवीबंसियन क आपन भुइँया क बारे मँ: मइँ ओनकर सम्पत्ति हउँ। तू लेवीबंसियन क कउनो सम्पत्ति इस्राएल मँ नाहीं देब्या। मइँ इस्राएल मँ ओनकर हीसंन मँ हउँ।</verse>
				<verse number="29">उ पचे अन्नबलि, पापबलि, दोखबलि खाइ क बरे पइहीं। जउन कछू इस्राएल क लोग यहोवा क देइहीं, उ ओनकर होइ।</verse>
				<verse number="30">हर तरह क तइयार फसल क पहिला भाग याजकन बरे होइ। तू आपन साने आटे क पहिला हींसा भी याजक क देब्या। इ तोहरे परिवार पइ आसीर्वाद क बर्खा करी।</verse>
				<verse number="31">याजक क उ पंछी या जनावर नाहीं खाइ चाही जेकर अपने आप मउत होइ या जउन जंगली जनावर क जरिये टूका टूका कइ दीन्ह ग होइ।</verse>
			</chapter>
			<chapter number="45">
				<verse number="1">“तू इस्राएल क परिवार समूह बरे भुइँया क विभाजन पाँसा लोकाइके करब्या। उ समइ तू भुइँया क एक हींसा अलग करब्या। इ यहोवा बरे पवित्तर हींसा होइ। भुइँया पच्चीस हजार हाथ लम्बी अउर दस हजार हाथ चउड़ी होइ। इ पूरी भुइँया पवित्तर होइ।</verse>
				<verse number="2">पाँच सौ हाथ लम्बा अउर पाँस सौ हाथ चउड़ा वर्गाकार भुइँया मन्दिर बरे होइ। मन्दिर क चारिहुँ कइँती पचास हाथ चउड़ा क एक ठु खुला छेत्र होइ।</verse>
				<verse number="3">बहोत पवित्तर ठउर मँ तू पचीस हजार हाथ लम्बा अउर दस हजार हाथ चउड़ा नपब्या। मन्दिर इ छेत्र मँ होइ। मन्दिर क छेत्र सब स जियादा पवित्तर ठउर होइ।</verse>
				<verse number="4">“इ भुइँया क पवित्तर भाग मन्दिर क सेवक याजकन बरे होइ जहाँ उ पचे परमेस्सर क समीप सेवा करइ आवत हीं। इ याजकन क घरन अउर मन्दिर बरे होइ।</verse>
				<verse number="5">दूसर छेत्र पच्चीस हजार हाथ लम्बा अउर दस हजार हाथ चउड़ा ओन लेवीबंसियन क बरे होइ जउन मन्दिर मँ सेवा करत हीं। इ भुइँया भी लेवीबंसियन क, ओनके रहइ क नगरन बरे, होइ।</verse>
				<verse number="6">“तू नगर क पाँच हजार हाथ चउड़ा अउर पच्चीस हजार हाथ लम्बा छेत्र देब्या। इ पवित्तर छेत्र क सहारे होइ। इ इस्राएल क पूरे परिवार बरे होइ।</verse>
				<verse number="7">सासक पवित्तर ठउर अउ नगर क आपन भुइँया क दुइनउँ कइँती क भुइँया अपने लगे रखी। इ परित्र छेत्र अउ नगर क छेत्र क बीच मँ होइ। इ उहइ चउड़ाई क होइ जउन चउड़ाई परिवार समूह क भुइँया क अहइ। इ लगातार पच्छिमी सीमा स पूर्वी सीमा तलक जाइ।</verse>
				<verse number="8">इ भुइँया इस्राएल मँ सासक क सम्पत्ति होइ। इ तरह सासक क मोर लोगन क जीवन क भविस्स मँ कस्ट देइवाला बनावइ क जरूरत नाहीं होइ। किन्तु उ पचे भुइँया क इस्राएलियन क बरे ओनके परिवार समूहन क देइहीं।”</verse>
				<verse number="9">मोर सुआमी यहोवा इ कहेस, “इस्राएल क सासको, बहोत होइ चुका। क्रूर होब अउर लोगन स चिजियन चुराउब, छोड़ा। निआउवाला बना अउर अच्छे काम करा। हमरे लोगन क आपन घरन स बाहेर जाइ बरे बलपूर्वक मजबूर न करा।” मोर सुआमी यहोवा इ कहेस।</verse>
				<verse number="10">“लोगन क ठगब बन्द करा। सही बाटन अउ आपन क उपयोग करा।</verse>
				<verse number="11">एपा (सूखी चिजियन क बाट) अउ बथ (दूत क मापक) एक ही तरह होइ चाही। एक बथ अउ एपा दुइनउँ एक क दसवाँ भाग होमर क बराबर होइ चाही। उ सबइ मापक होमर पइ आधारित होइहीं।</verse>
				<verse number="12">एक सेकेल बीस गेरा क बराबर होइ चाही। एक मिना साठ सेकेल क बराबर होइ चाही। इ बीस सेकेल जमा पचीस सेकेल जमा पन्द्रह सेकेल क बराबर होइ चाही।</verse>
				<verse number="13">“इ खास भेंट अहइ जेका तोहका देइचाही। एक क छठा भाग एपा गोहूँ क हर एक होमर गोहूँ बरे अउर एक क छठा भाग एपा जउन क हर एक होमर जौ क बरे देइ चाही।</verse>
				<verse number="14">एक बथ क दसवाँ हींसा जइतून क तेल, हर एक कोर जइतून क तेल क बरे द्या। (याद राखा दस बथ क एक होमरा अउर एक होमर क एक कोर होत ह।)</verse>
				<verse number="15">एक ठु भेड़, हर एक दुइ सौ भेड़िन स इस्राएल क सबन्त अच्छा घास क मनइयन स। “इ सबइ बिसेस भेंटन अन्नबलि, होमबलि अउर मेलबलि क बरे अहइँ। इ सबइ भेंटन लोगन क प्रायस्चित बरे अहइँ।” मोर सुआमी यहोवा इ कहेस।</verse>
				<verse number="16">“देस क हर एक मनई इस्राएल क सासक क बरे इ भेंट देइ।</verse>
				<verse number="17">किन्तु सासक क विसेस पवित्तर दिनन बरे जरूरी चिजियन देइ चाही। सासक क होमबलि, अन्नबलि अउर पेय भेंट क बियवस्था दावत क रिन, नवचन्द्र सबित अउ इस्राएल क परिवार क सबहिं बिसेस दावतन बरे करइ चाही। सासकन क सबहिं पापबलि, अन्नबलि, होमबलि, मेलबलि जउन इस्राएल क परिवार क पवित्तर करइ बरे उपयोग कीन्ह जात ह क समेत सबहिं बलियन देइ चाही।”</verse>
				<verse number="18">मोर सुआमी यहोवा इ सबइ बातन बताएस, “पहिले महीने मँ, महीने क पहिले दिन तू एक दोख रहित भवा जवान बैल लेब्या। तोहका उ बैल क उपयोग मन्दिर क पवित्तरीकरण करइ बरे करइ चाही।</verse>
				<verse number="19">याजक कछू खून पाप बरे भेंट स लेइ अउर एका मन्दिर क दुआर खम्भन अउर वेदी क किनारी क चारिहुँ कोनन अउ भीतरी आँगन क फाटक क खम्भन पइ डाइ।</verse>
				<verse number="20">तू इहइ काम महीने क सतएँ दिन उ मनई बरे करब्या जउन गल्ती स या अनजाने मँ पाप कइ दिहे होइ। इ तरह तू मन्दिर बरे प्रायस्चित करब्या।”</verse>
				<verse number="21">“पहिले महीने क चौदहवें दिन तोहका सात दिन तलक फसह पर्व मनावई चाही। उ समइ मँ बेखमीरी रोटी खाइ चाही।</verse>
				<verse number="22">उ समइ सासक एक बैल अपने बरे तथा इस्राएल क लोगन क बरे भेंट करी। बैल पापबलि बरे होइ।</verse>
				<verse number="23">दावत क सात दिन तक सासक दोख रहित सात बैल अउ सात भेड़न भेंट करी। उ पचे यहोवा क होमबलि होइहीं। सासक उत्सव क सात दिन हर रोज एक बैल भेंट करी अउर उ पाप बलि बरे हर एक दिन एक बोकरा भेंट करी।</verse>
				<verse number="24">सासक एक एपा जौ हर एक बैल क संग अन्नबलि क रूप मँ, अउर एक एपा जौ हर एक भेड़ा क साथ भेंट करी। सासक क एक हीन तेल हर एक एपा अन्न क बरे देइ चाही।</verse>
				<verse number="25">सातवें महीनें के पन्द्रहवें दिन स सरण क उत्सव अहइ। किन्तु सासक क इहइ काम उत्सव क सात दिन तलक करइ चाही। इ सबइ भेंटन पापबलि, होमबलि, अन्नबलियन अउ तेल-भेंटन जरूर चढ़ावइ चाही।”</verse>
			</chapter>
			<chapter number="46">
				<verse number="1">मोर सुआमी यहोवा इ कहत ह, “भीतरी आँगन क पूर्वी फाटक काम क छ: दिनन मँ बन्द रही। किन्तु इहइ सबित क दिन अउर नवचन्द्र क दिन खुली।</verse>
				<verse number="2">सासक फाटक क प्रवेस कच्छ स अन्दर आइ अउर उ फाटक क खम्भा क सहारे खड़ा होइ। तब याजक क होमबलि अउ मेलबलि चढ़ाई। सासक फाटक क डेवढ़ी पइ उपासना करी। तब उ बाहेर जाई। किन्तु फाटक साँझ होइ तलक बन्द नाहीं होइ।</verse>
				<verse number="3">उ देस क लोग भी यहोवा क सम्मुख जहाँ फाटक सबित क दिन अउर नवचन्द्र क दिन खुलत ह, उहइँ उपासना करी।</verse>
				<verse number="4">“सासक सबित क दिन यहोवा क होमबलि चढ़ाई। ओका दोख रहित छ: मेमनन अउर दोख रहित एक भेड़ा देइ चाही।</verse>
				<verse number="5">ओका एक एपा अन्नबलि भेड़ा क साथ देइ चाही। सासक ओतनी अन्नबलि मेमनन क साथ देइ, जेतनी उ दइ सकत ह। ओका एक हिन जैतून क तेल हर एक एपा अन्न क साथ देइ चाही।</verse>
				<verse number="6">“नवचन्द्र क दिन ओका एक बैल भेंट करइ चाही, जेहमाँ कउनो दोख न होइ। उ छ: मेमनन अउ एक भेड़ा, जेहमाँ कउनो दोख न होइ, भी भेंट करी।</verse>
				<verse number="7">सासक क, बैल क संग एक एपा अन्नबलि अउर एक एपा अन्नबलि भेड़ा क साथ देइ चाही। सासक क हरेक मेमना क संग जेतना होइ सकइ देइ चाही तथा हर एक एपा अन्न बरे एक हिन तेल ओका जरूर चढ़ावइ चाही।</verse>
				<verse number="8">“सासक पूर्बी फाटक ओसारा स होइके अन्दर जाइ चाही अउर उहइ रास्ता स होइके वापिस बाहर जाइ चाही।</verse>
				<verse number="9">“जब देस क लोग बिसेस त्यौहार पइ यहोवा मिलइ बरे आइहीं तउ जउन कउनो भी उत्तर फाटक स उपासना करइ बरे अन्दर आवत हीं तउ ओका दक्खिन फाटक स होइके बाहेर जाइ चाही। अउर जउन कउनो दक्खिन फाटक स उपासना करइ बरे आवत हीं तउ ओका उत्तर फाटक स होइके बाहेर जाइ चाही। कउनो भी उहइ मार्ग स नाहीं लउटि जेहसे उ प्रवेस किहे रहेन। हरेक मनई क सोझे आगे बढ़इ चाही।</verse>
				<verse number="10">जब लोग अन्दर जइहीं तउ सासक अन्दर जाइ। जब उ पचे बाहेर अइहीं तब सासक बाहेर जाइ।</verse>
				<verse number="11">“दावतन अउ बिसेस बइठकन क अवसर पइ एका एपा अन्नबलि हर बैल क संग चढ़ाई जाइ चाही। एक एपा अन्नबलि हर भेड़ा क संग चढ़ाई जाइ चाही अउ हर एक मेमना क संग ओका जेतना जियादा उ दइ सकइ देइ चाही। ओका एक हिन तेल हर अन्न क एक एपा क बरे देइ चाही।</verse>
				<verse number="12">“जब सासक यहोवा क स्वेच्छा भेंट करत ह, इ होमबलि, मेलबलि या स्वेच्छा भेंट होइ सकत ह, चढ़ाई तउ उसके बरे पूर्व क फाटक खुली। तब उ आपन होमबलि अउर आपन मेलबलि क सबित क दिन क तरह चढ़ाई। जब उ जाई ओकरे पाछे फाटक बन्द होई।</verse>
				<verse number="13">“तू दोख रहित एक बरिस का एक मेमना देब्या। इ प्रतिदिन यहोवा क होम बलि बरे होइ। प्रत्येक भिन्सारे तू एका देब्या।</verse>
				<verse number="14">तू हर एक भिन्सारे मेमना क संग अन्नबलि भी चढ़उब्या। तू एक क छठा भाग एपा आटा अउ एक क तीसरा भाग हिन तेल नीक आटा क चिकना करइ बरे, देब्या। इ यहोवा क हमेसा अन्नबलि होइ।</verse>
				<verse number="15">इ तरह उ पचे सदा ही मेमना, अन्नबलि अउ तेल, होमबलि बरे हर भिन्सारे देत रहिहीं।”</verse>
				<verse number="16">मोर सुआमी यहोवा इ कहत ह, “जदि सासक आपन भुइँया क कउनो हींसा क आपन पूतन क मीरास क रूप मँ देत ह तउ उ ओकर पूतन क होइ। इ ओनकर सम्पत्ति अहइ।</verse>
				<verse number="17">किन्तु जदि कउनो सासक आपन भुइँया क कउनो भाग क आपन गुलाम क मीरास क रूप मँ देत ह तउ उ मीरास ओकरे पास जुबली क बरिस तलक होइ। तब ओकरे पाछे मीरास सासक क वापस होइ जाइ। सिरिफ राजा क पूत ही ओकरी भुइँया क मीरास क अपने लगे रख सकत ही।</verse>
				<verse number="18">अउर सासक लोगन क भुइँया क कउनो भी हींसा नाहीं लेइ अउर न ही ओनका आपन भुइँया छोड़इ क मजबूर करी। ओका आपन भुइँया क कछू हींसा आपन पूतन क देइ चाही। इ तरह स हमार लोग आपन भुइँया स बंचित होइ बरे मजबूर नाहीं कीन्ह जइहीं।”</verse>
				<verse number="19">उ मनई मोका दुआर स फाटक क बगल मँ लइ गवा। उ मोका याजकन क उत्तर मँ पवित्तर कमरन कइँती लइ गवा। मइँ हुवाँ बहोत दूर पच्छिम मँ एक ठउर लखेस।</verse>
				<verse number="20">उ मनई मोहसे कहेस, “इहइ उ ठउर अहइ जहाँ याजक दोखबलि अउ पाप बलि क पकइहीं। हिअँइ पइ याजक अन्नबलि क पकइहीं। काहे जेहसे ओनका ओन भेंटन क बाहरी आँगन मइ लइ जाइ क जरूरत न रहइ। इ तरह उ पचे ओन पवित्तर चिजियन क बाहेर नाहीं लइहीं जहाँ साधारण लोग होइहीं।”</verse>
				<verse number="21">तब उ मनई मोका बाहरी आँगन मँ लिआवा। उ मोका आँगन क चारिहुँ कोनन मँ लइ गवा। आँगन क हर एक कोने मँ एक नान्ह आँगन रहा।</verse>
				<verse number="22">आँगन क कोनन मँ नान्ह आँगन रहेन। हर एक नान्ह आँगन चालीस हाथ लम्बा अउर तीस हाथ चउड़ा रहा। चारिहुँ कोनन क नाप समान रही।</verse>
				<verse number="23">भीतर एन नान्ह आँगनन क चारिहुँ कइँती ईंटन क एक देवार रही। हर एक देवार मँ भोजन पकावइ क ठउर बरे रहेन।</verse>
				<verse number="24">उ मनई मोहसे कहेस, “इ सबइ रसोइयाँ अहइँ जहाँ उ पचे लोग जउन मन्दिर क सेवा करत ही, लोगन बरे बलि पकइहीं।”</verse>
			</chapter>
			<chapter number="47">
				<verse number="1">उ मनई मन्दिर क दुआर पइ मोका वापस लइ गवा। मइँ मन्दिर क पूर्वी डेवढ़ी क खाले स पानी आवत लखेउँ। (मन्दिर क सामना मन्दिर क पूर्वी कइँती अहइ।) पानी मन्दिर क दक्खिनी छोर क खाले स वेदी क दक्खिन मँ बहत रहा।</verse>
				<verse number="2">उ मनई मोका उत्तर फाटक स बाहेर लिआवा अउर बाहरी फाटक क पूरब तरफ चारिहुँ कइँती लइ गवा। दक्खिन कइँती स पानी बहत रहा।</verse>
				<verse number="3">उ मनई पूरब कइँती हाथ मँ नापइ क फीता लइके बढ़ा। उ एक हजार हाथ नापेस। तब उ मोका उ जगह स पानी स होइके चलइ क कहेस। हुवाँ पानी सिरिफ मोरे टकने तलक गहिर रहा। उ मनई दूसर एक हजार हाथ नापेस। तब उ उ जगह पइ पानी स होइके चलइ क कहेस। हुवाँ पानी मोरे घुटना तलक आवा।</verse>
				<verse number="4">तब उ मनई दूसर एक हजार हाथ नापेस तउ उ मोका उ जगह पइ पानी स होइके चलइ क कहेस। हुवाँ पानी मोरे घुटनन तलक रहा। तउ मनई दूसर एक हजार हाथ नापेस अउर मोका उ जगह पइ पानी स होइके चलइ क कहेस। हुआँ पानी मोरे कमर तलक रहा।</verse>
				<verse number="5">उ मनई दूसर एक हजार हाथ नापेस। किन्तु हुवाँ पानी एतना गहिर रहा कि पार न कीन्ह जाइ सकइ। इ एक नदी बन गवा। पानी तैरइ बरे पर्याप्त गहिर रहा। इ नदी एतनी गहिर रही कि पार नाहीं कइ सकत रहेन।</verse>
				<verse number="6">तब उ मनई मोहसे कहेस, “मनई क पूत, का तू जउन चिजियन क लखेस, ओन पइ गहराई स धियान दिहेस?” तब उ मनई नदी क किनारे क साथ मोका वापस लइ गवा।</verse>
				<verse number="7">जइसे मइँ नदी क किनारे स वापस चला, मइँ पानी क दुइनउँ कइँती बहुत जियादा बृच्छ लखेउँ।</verse>
				<verse number="8">उ मनई मोहसे कहेस, “इ पानी पूरब क अरबा घाटी क तरफ खाले बहत ह। पानी मृत सागर मँ पहोचत ह। उ सागर मँ पानी स्वच्छ अउ ताज होइ जात ह।</verse>
				<verse number="9">इ नदी जहाँ भी बहत ह, जिन्नगी लावत ह। इ पानी मँ बहोत मछरियन अहइँ अउर जहाँ इ नदी जात ह हुवाँ बहोत प्रकार क जानवर रहत हीं।</verse>
				<verse number="10">तू मछूआरन क लगातार एनगदी स एनेग्लेम तलक खड़ देख सकत ह। तू ओनका आपन मछरी क जाल फेंकत अउर कईउ तरह क मछरियन धरत लख सकत ह। मृत सागर मँ ओतनी ही प्रकार क मछरियन अहइँ जेतने प्रकार क भूमध्य सागर मँ।</verse>
				<verse number="11">किन्तु दलदल अउ गड़हन क पहँटा क प्रदेस क नान्ह छेत्र अनुकूल नाहीं बनाइ जाइ सकतेन। उ पचे नमक बरे छोड़े जइहीं।</verse>
				<verse number="12">हर तरह क फलदार बृच्छ नदी क दुइनउँ ओर उगत हीं। एनकर पत्तन कबहुँ झुरातेन अउ मरतेन नाहीं। एन बृच्छन पइ फल लगब कबहुँ रूकत नाहीं। बृच्छ हर महीने फल पैदा करत हीं। काहेकि बृच्छन बरे पानी मन्दिर स आवत ह। बृच्छन क फल भोजन बनी, अउर ओनकर पातियन औसधियन होइहीं।”</verse>
				<verse number="13">मोर सुआमी यहोवा इ कहत ह, “इ सबइ सीमन इस्राएल क बारह परिवार समूहन मँ भुइँया क बरे अहइँ। यूसुफ क दुइ भाग मिलिहीं।</verse>
				<verse number="14">तू भुइँया क बराबर बँटब्या। मइँ इ भुइँया क तोहरे पुरखन क देइ क बचन दिहे रहेउँ। एह बरे मइँ इ भुइँया क तोहका देत रहत हउँ।</verse>
				<verse number="15">“हिआँ भुइँया क दुइ सीमा अहइँ। उत्तर कइँती इ सीमा भूमध्य सागर स हेतलोन होइके जात ह जहाँ सड़क हमात अउ सदाद तलक</verse>
				<verse number="16">बेरोता, सिब्रैम (जउन दमिस्क अउ हमात क सीमा क बीच अहइ) अउर हसर्हत्तीकोन जउन हौसन क सीमा पइ अहइ, कइँती मुड़त ह।</verse>
				<verse number="17">एह बरे सीमा समुद्रर स हसरेनोन तलक जाइ जउन दमिस्क अउर हमात क उत्तरी सीमा पइ अहइ। इ उत्तर कइँती होइ।</verse>
				<verse number="18">“पूरब कइँती, सीमा हसरेनोन स हौरान अउ दमिस्क जाइ अउ यरदन नदी क सहारे गिलाद अउर इस्राएल क भुइँया क बीच पूरबी समुद्रर तलक लगातार, तामार तलक जाइ। इ पूरबी सीमा होइ।</verse>
				<verse number="19">“दक्खिन कइँती, सीमा तामार स लगातार मरीबोत कादेस क नखलिस्तान तलक जाइ। तब इ मिस्र क नाले क सहारे भूमध्य सागर तलक जाइ। इ दक्खिनी सीमा होइ।</verse>
				<verse number="20">“पच्छिमी कइँती, भूमध्य सागर लगातार हमात क समन्वा क छेत्र तलक सीमा होइ। इ तोहार पच्छिमी सीमा होइ।</verse>
				<verse number="21">“इ तरह तू इ भुइँया क इस्राएल क परिवार क समूहन मँ बँटब्या।</verse>
				<verse number="22">तू एका आपन सम्पत्ति अउर आपन बीच रहइवाले विदेसियन क सम्पत्ति क रूप मँ जेनकर गदेलन तोहरे बीच रहत हीं, बँटब्या। इ सबइ बिदेसी निवासी होइहीं, इ सबइ स्वाभाविक जनम स इस्राएली होइहीं। तू कछू भुइँया इस्राएल क परिवार समूहन मँ स ओनका बँटब्या।</verse>
				<verse number="23">कउनो भी कबीला जेहमाँ बिदेसी नागरिकन निवास करिहीं, ओनका ओनकर मीरास मिलइ चाही। मोर सुआमी यहोवा इ कहेस ह।</verse>
			</chapter>
			<chapter number="48">
				<verse number="1">“उत्तरी सीमा भूमध्य सागर स पूरब हेतलोन स हमात दर्सा अउ तब लगातार हसेसोन तलक जात ह। इ दमिस्क अउर हमात क सीमन क बीच अहइ। परिवार समूहन मँ स इ समूह क भुइँया एन सीमन क पूरब स पच्छिम क जाइ। उत्तर स दक्खिन, इ छेत्र क परिवार-समूह अहइँ, दान, आसेर, नप्ताली, मनस्से, एप्रैम, रूबेन यहूदा।</verse>
				<verse number="2"></verse>
				<verse number="3"></verse>
				<verse number="4"></verse>
				<verse number="5"></verse>
				<verse number="6"></verse>
				<verse number="7"></verse>
				<verse number="8">“भुइँया क अगला छेत्र खास उपयोग बरे होइ। इ भुइँया यहूदा क भुइँया क दक्खिन मँ अहइ। इ छेत्र उत्तर स दक्खिन तलक पच्चीस हजार हाथ लम्बा अहइ अउर पूरब स पच्छिम तलक, इ ओतना चउड़ा होइ जेतना दूसर परिवार समूहन क होइ मन्दिर भूइँया क इ विभाग क बीच होइ।</verse>
				<verse number="9">तू इ भुइँया क यहोवा क समर्पित करब्या। इ पच्चीस हजार हाथ लम्बा अउर दस हजार हाथ चउड़ा होइ।</verse>
				<verse number="10">भुइँया क इ खास छेत्र याजकन अउ लेविबंसियन मँ बँटी। “याजक इ छेत्र क एक हींसा पइहीं। इ भुइँया उत्तर कइँती पचीस हजार हाथ लम्बी, पच्छिम कइँती दस हजार हाथ चउड़ी, पूरब कइँती दस हजार हाथ चउड़ी अउर दक्खिन कइँती पचीस हजार हाथ लम्बी होइ। भुइँया क इ छेत्र क बीच यहोवा क मन्दिर होइ।</verse>
				<verse number="11">इ भुइँया सादोक क बंसजन क बरे अहइ। इ सबइ मनई मोर पवित्तर याजक होइ बरे चुने ग रहेन। काहेकि इ पचे तब भी मोर सेवा करब जारी राखेस जब इस्राएल क दूसर लोग मोका छोड़ दिहन। सादोक क परिवार मोका लेवी परिवार-समूह क दूसर लोगन क तरह नाहीं छोड़ेस।</verse>
				<verse number="12">इ पवित्तर भू-भाग क खास हींसा बिसेस रूप स एन याजकन क होइ। इ लेवीबंसियन क भुइँया स लगा भवा होइ।</verse>
				<verse number="13">“याजकन क भुइँया स लगी भूमि क लेवीबंसी आपन हींसा क रूप मँ पइहीं। इ पच्चीस हजार हाथ लम्बी, दस हजार हाथ चउड़ी होइ। उ पचे उ पूरी भुइँया क जउन पच्चीस हजार हाथ लम्बी अउ दस हजार हाथ चउड़ी होइ पइहीं।</verse>
				<verse number="14">लेवीबंसी इ भुइँया क कउनो हींसा न तउ बेचिहीं, न ही बइपार करिहीं। उ पचे इ भुइँया क कउनो भी हींसा क बेचइ क अधिकार नाहीं रखतेन। उ पचे इ भुइँया क कउनो भी हींसा क अदल बदल नाहीं कइ सकत ह। एका दूसर क हाथन क हस्तान्तरित नाहीं होवइ चाही। काहेकि इ भुइँया यहोवा क अहइ। इ सब स परम पवित्तर अहइ।</verse>
				<verse number="15">“भुइँया क एक छेत्र पाँच हजार हाथ चउड़ा अउर पचीस हजार हाथ लम्बा होइ जउन याजकन अउ लेवीबंसियन क दीन्ह गइ भुइँया स अतिरिक्त होइ। इ भुइँया नगर, पसुअन क चरागाह अउ घर बनावइ बरे होइ सकत ह। साधारण लोग एकर उपयोग कइ सकत हीं। नगर एकरे बीच मँ होइ।</verse>
				<verse number="16">नगर क नाप इ अहइ: उत्तर कइँती इ साढ़े चार हजार हाथ होइ। पूरब कइँती इ साढ़े चार हजार हाथ होइ। दक्खिन कइँती इ साढ़े चार हजार हाथ होइ। पच्छिम कइँती इ साढ़े चार हजार हाथ होइ।</verse>
				<verse number="17">नगर क चरागाह होइ। इ सबइ चरागाहन ढाई सौ हाथ उत्तर कइँती, ढाई सौ हाथ दक्खिन कइँती होइ। उ सबइ ढाई सौ हाथ पूरब कइँती तथा ढाई सौ हाथ पच्छिम कइँती होइ।</verse>
				<verse number="18">पवित्तर छेत्र क संग जउन हींसा बची, उ दस हजार हाथ पूरब मँ अउर दस हजार हाथ पच्छिम मँ होइ। इ भुइँया पवित्तर छेत्र क बगल मँ होइ। इ भुइँया नगर क मजदूरन बरे अन्न पइदा करी।</verse>
				<verse number="19">नगर क मजदूर एहमाँ खेती करिहीं। मजदूर इस्राएल क सबहिं परिवार समूहन मँ स होइहीं।</verse>
				<verse number="20">“इ भुइँया क बिसेस छेत्र वर्गाकार होइ। इ पचीस हजार हाथ लम्बा अउर पचीस हजार हाथ चउड़ा होइ। इ पवित्तर छेत्र अहइ, जेहमाँ नगर बरे दीन्ह गवा हींसा सामिल अहइ।</verse>
				<verse number="21">“इ खास भुइँया क एक हींसा देस क सासक क बरे होइ। इ बिसेस भुइँया क छेत्र वर्गाकार अहइ। इ पचीस हजार हाथ लम्बा अउर पचीस हजार हाथ चउड़ा अहइ। एकर एक हींसा याजकन बरे, एक हींसा लेवीबंसियन बरे अउर एक हींसा मन्दिर बरे अहइ। मन्दिर इ भुइँया छेत्र क बीच मँ अहइ। सेस भुइँया देस क सासक क अहइ। सासक बिन्यामीन अउर यहूदा क भुइँया क बीच क भुइँया पाइ।</verse>
				<verse number="22"></verse>
				<verse number="23">“बिसेस छेत्र क दक्खिन मँ उ परिवार-समूह क भुइँया होइ जउन यरदन नदी क पूरब मँ रहत रहा। हर परिवार-समूह उ भुइँया क एक हींसा पाइ जउन पूर्वी सीमा स भूमध्य सागर तलक गइ अहइ। उत्तर स दक्खिन क इ सबइ परिवार-समूह अहइँ: बिन्यामीन, सिमोन, इस्साकर, जबूलून अउ गाद।</verse>
				<verse number="24"></verse>
				<verse number="25"></verse>
				<verse number="26"></verse>
				<verse number="27"></verse>
				<verse number="28">“गाद क भुइँया क दक्खिनी सीमा तामार स मरीबोत-कादेस क नखलिस्तान तलक जाइ। तब मिस्र क नाले स भूमध्य सागर तलक पहोंची।</verse>
				<verse number="29">अउर इहइ उ भुइँया अहइ जेका तू इस्राएल क परिवार मँ बटँब्या। उहइ हर एक परिवार-समूह पाई।” मोर सुआमी यहोवा इ कहेस।</verse>
				<verse number="30">“नगर क इ सबइ फाटक अहइँ। फाटकन क नाउँ इस्राएल क परिवार समूहन क नाउँ पइ होइहीं। “उत्तर कइँती नगर साढ़े चार हजार हाथ लम्बा होइ।</verse>
				<verse number="31">ओहमाँ तीन फाटक होइहीं। रूबेन क फाटक, यहूदा क फाटक अउर लेवी क फाटक।</verse>
				<verse number="32">“पूरब कइँती नगर साढ़े चार हजार हाथ लम्बा होइ। ओहमाँ तीन फाटक होइहीं: यूसुफ क फाटक, बिन्यामीन क फाटक अउर दान क फाटक।</verse>
				<verse number="33">“दक्खिन कइँती नगर साढ़े चार हजार हाथ लम्बा होइ। ओहमाँ तीन फाटक होइहीं। सिमोन क फाटक, इस्साकर क फाटक अउर जबूलून क फाटक।</verse>
				<verse number="34">“पच्छिम कइँती नगर साढ़े चार हजार हाथ लम्बा होइ। एहमाँ तीन फाटक होइहीं: गाद क फाटक, आसेर क फाटक अउर नप्ताली क फाटक।</verse>
				<verse number="35">“नगर क चारिहुँ ओर क दूरी अट्ठारह हजार हाथ होइ। अब स आगे नगर क नाउँ होइ: यहोवा हिआँ अहइ।”</verse>
			</chapter>
		</book>
		<book number="27">
			<chapter number="1">
				<verse number="1">नबूकदनेस्सर बाबुल क राजा रहा। नबूकदनेस्सर यरूसलेम क चारिहुँ कइँती स घेर लिहस। इ तब भवा जब यहूदा क राजा यहोयाकीम क हुकूमत क तीसर बरिस चलत रहा।</verse>
				<verse number="2">यहोवा यहूदा क राजा यहोयाकीम क नबूकदनेस्सर क जरिये पराजित कराइ दिहस। नबूकदनेस्सर परमेस्सर क मन्दिर क कछू बर्तनन क भी हथियाइ लिहस। नबूकदनेस्सर ओन वस्तुअन क बाबुल लइ गवा। नबूकदनेस्सर ओन वस्तुअन क उ मन्दिर मँ रखवाइ दिहस जेहमाँ ओकर देवतन क मूरतियन रहिन।</verse>
				<verse number="3">एकरे पाछे राजा नबूकदनेस्सर असपनज क एक हुकूम दिहस। (असपनज राजा क हिंजड़े-नौकरन क प्रधान रहा।) राजा असपनज क कछू इस्राएली लड़कन क ओकरे महल मँ लिआवइ क कहे रहा। नबूकदनेस्सर चाहत रहा कि प्रमुख परिवारन अउ इस्राएल क राजा क परिवार क कछू इस्राएली लड़कन क हुवाँ लिआवा जाइ।</verse>
				<verse number="4">नबूकदनेस्सर क सिरिफ हट्टे कटे नउजवान इस्राएली लड़कन ही चाही रहा। राजा क बस अइसे नउजवान लड़कन क चाही रहा जेकरे तने पइ कउनो खरोंच या ओनकर तन कउनो भी तरह क दोख स रहित होइ। राजा सुन्नर, चुस्त अउ बुध्दिमान नउजवान लड़कन ही चाहत रहा। जउन बातन क हाली स अउ आसानी स सीखइ मँ समरथ होइँ। राजा क अइसे नउजवान लड़कन क जरूरत रही जउन ओकरे महल मँ सेवा क काम कइ सकइँ। राजा असपनज क हुकूम दिहेस कि ओन इस्राएली नउजवान लड़कन क कसदियन क भाखा अउ लिपि क सिच्छा दीन्ह जाइ।</verse>
				<verse number="5">राजा नबूकदनेस्सर ओन नउजवानन क हररोज एक निहचित मात्रा मँ भोजन अउ दाखरस देत रहत रहा। इ भोजन उहइ तरह क होत रहा, जइसा खुद राजा खावा करत रहा। राजा क इच्छा रही कि इस्राएल क ओन नउजवानन क तीन बरिस तलक प्रसिच्छण दीन्ह जाइ अउ तीन बरिस क पाछे उ सबइ नउजवान राजा क सेवक बन सकइँ।</verse>
				<verse number="6">ओन नउजवानन मँ दानिय्येल, हनन्याह, मीसाएल अउ अजर्याह सामिल रहेन। इ सबइ नउजवान यहूदा क परिवार समूह स रहेन।</verse>
				<verse number="7">तउ एकरे पाछे यहूदा क ओन नउजवानन क असपनज नवा नाउँ रख दिहेस। दानिय्येल क बेलतसस्सर क नवा नाउँ दीन्ह गवा। हनन्याह क नवा नाउँ रहा सद्रक। मीसाएल क नवा नाउँ दीन्ह गवा मेसक अउ अजर्याह क नवा नाउँ रखा गवा अबेदनगो।</verse>
				<verse number="8">दानिय्येल राजा क उत्तिम भोजन अउ दाखरस क ग्रहण करइ नाहीं चाहत रहा। दानिय्येल नाहीं चाहत रहा कि उ उ भोजन अउ उ दाखरस स अपन आप क असुद्ध कइ लेइ। तउइ तरह अपन आप क असुद्ध होइ स बचावइ बरे असपनज स बिनती किहेस।</verse>
				<verse number="9">परमेस्सर ने असपनज क अइसा बनाइ दिहस कि उ दानिय्येल क बरे कृपालु अउर नीक विचार करइ लाग।</verse>
				<verse number="10">किन्तु असपनज दानिय्येल स कहेस, “मइँ आपन सुआमी, राजा स डेरात हउँ। राजा मोका हुकुम दिहेस ह कि तोहका इ भोजन अउर इ दाखरस दीन्ह जाइ। जदि तू इ भोजन क नाहीं खात अहा तउ तू दुर्बल अउ रोगी देखाइ लगब्या। तू आपन उमिर क दूसर नउजवानन स भद्दा देखाइ देब्या। राजा एका लखी अउ मोह पइ किरोध करी। होइ सकत ह, तू मोर मुड़ँ कटवाइ देइ। जबकि इ दोख तोहार होइ।”</verse>
				<verse number="11">एकरे पाछे दानिय्येल आपन देखभाल करइवालन से बातचीत किहेस। असपनज उ रखवारे क दानिय्येल, हनन्याह, मीसाएल अउ अजर्याह क ऊपर धियान रखइ क कहा भवा रहा।</verse>
				<verse number="12">दानिय्येल उ रखवारे स कहेस, “कृपा कइके तू दस दिन तलक हमार परीक्षा ल्या। हमका खाइ क साग-सब्जी अउर पिअइ क पानी क अलावा कछू जिन द्या।</verse>
				<verse number="13">फुन दस दिन क पाछे ओन दूसर नउजवानन क संग तू हमार तुलना कइके लखा, जउन राजा क भोजन करत हीं अउर फुन अपने आप लखा कि अधिक तन्दुरुस्त कउन देखाइ देत ह। फिन तू अपने-आप यह निर्गया कर्या कि तू हमरे संग कइसा बेउहार करइ चाहत ह। हम तउ तोहार सेवक अही।”</verse>
				<verse number="14">तउ उ रखवारा दानिय्येल, हनन्याह, मीसाएल अउ अजर्याह क परीच्छा लिहेस।</verse>
				<verse number="15">दस दिना क पाछे दानिय्येल अउ ओकर मीत ओन सबहिं नउजवानन स जियादा हट्टा-कट्टा देखाँइ देइ लागेन जउन राजा क खइया क खात रहेन।</verse>
				<verse number="16">तउ उ रखवारा ओनका राजा क उ खास भोजन अउ दाखरस देब बंद कइ दिहस अउर उ दानिय्येल, हनन्याह, मीसाएल अउ अजर्याह क उ खाइ क जगह पइ साग-सब्जियन देइ लाग।</verse>
				<verse number="17">परमेस्सर दानिय्येल, हनन्याह, मीसाएल अउ अजर्याह क बुध्दि प्रदान किहस अउ ओनक अलग-अलग तरह क लिपियन अउ विग्यानन क सीखइ क जोग्गता प्रदान किहस। दानिय्येल तउ हर तरह क दर्सनन अउ सपनन क भी समुझ सकत रहा।</verse>
				<verse number="18">राजा चाहत रहा कि ओन सबहिं जवानन क तीन बरिस तलक प्रसिच्छन दीन्ह जाइ। प्रसिच्छन क समइ पूरा होइ पइ असपनज ओन सबहिं जवानन क राजा नबूकदनेस्सर क लगे लइ गवा।</verse>
				<verse number="19">राजा ओनसे बातन किहस। राजा पाएस कि ओनमाँ स कउनो भी जवान ओतना नीक नाहीं रहा जेतना दानिय्येल, हनन्याह, मिसाएल अउ अजर्याह रहेन। तउ उ सबइ चारिहुँ जवान राजा क सेवक बनाइ दीन्ह गएन।</verse>
				<verse number="20">राजा हर दाईं ओनसे कउनो महत्वपूर्ण बात क बारे मँ पूछत अउ उ पचे आपन प्रचुर गियान अउ समुझ-बूझ क परिचय देतेन। राजा लखेस कि उ पचे चारिउँ ओकर राज्ज क सबहिं जादुगरन अउ बुध्दिमान लोगन स दस गुणा जियादा उत्तिम अहइँ।</verse>
				<verse number="21">तउ राजा कुसू क सासन काल क पहिले बरिस तलक दानिय्येल राजा क सेवकाई करत रहा।</verse>
			</chapter>
			<chapter number="2">
				<verse number="1">नबूकदनेस्सर आपन सासन क दूसर बरिस मँ एक सपना लखेस। उ सपना स बेचैन होइ गवा अउर सोइ नाहीं सका।</verse>
				<verse number="2">तउ राजा आपन जादूगरन, ओझन, भविस्स क बात बताइवालन अउर कसदियन क आपन सपना क अरथ बतावइ बरे बुलाएन। एह बरे उ सबइ आएन अउर राजा क समन्वा खड़ा होइ गएन।</verse>
				<verse number="3">तब राजा ओन लोगन स कहेस, “मइँ एक सपना लखेउँ ह जेहसे मइँ बियाकुल हउँ। मइँ इ जानइ चाहत हउँ कि उ सपना क अरथ का बाटइ?”</verse>
				<verse number="4">यह पइ ओन कसदियन राजा स उत्तर देत भए कहेन। उ सबइ अरामी भाखा मँ बोलत रहेन। “राजा चिरंजीव रहइँ। हम पचे तोहार दास अही। तू आपन सपन हमका बतावा। फिन हम तोहका ओकर अरथ बताउब।”</verse>
				<verse number="5">एह पइ राजा नबूकदनेस्सर ओन लोगन स कहेस, “नाहीं। उ सपना का रहा, इ भी तोहका ही बताउब अहइ अउर उ सपन क अरथ का अहइ, इ भी तोहका ही बताउब अहइ अउर जदि तू अइसा नाहीं कइ पाया तउ मइँ तोहार टूकन टूकन कइ डावइ क आग्या देब। मइँ तोहरे घरन क तोरिके मलवा क देर अउ राखी मँ बदल डावइ क आग्या भी दइ देब।</verse>
				<verse number="6">अउ जदि तू मोका मोर सपना बताइ देत अहा अउर ओकर व्याखिया कइ देत अहा तउ मइँ तोहका अनेक उपहार, बहोत स पुरस्कार अउ महान आदर प्रदान करब। तउ तू मोका मोर सपना क बारे मँ बतावा अउर बतावा कि ओकर अरथ का अहइ?”</verse>
				<verse number="7">ओन बुध्दिमान मनइयन राजा स फुन कहेन, “हे राजा, कृपा कइके हमका सपना क बारे मँ बतावा अउर हम तोहका इ बताउब कि उ सपना क फल का अहइ।”</verse>
				<verse number="8">एक पइ राजा नबूकदनेस्सर कहेस, “मइँ जानत हउँ, तू लोग अउर जियाद समइ लेइ क जतन करत अहा। तू जानत अहा कि मइँ जउन कहेउँ, उहइ मोर अरश अहइ।</verse>
				<verse number="9">तू इ जानत अहा कि जदि तू मोका मोर सपना क बारे मँ नाहीं बताया तउ तोहका दण्ड दीन्ह जाइ। एह बरे तू पचे आपुस मँ जोजना बाएस क कि मोहसे झूठ बोलइ अउर गलत व्याखाय करब जब तलक कि स्थिति बदल न जाइ। अब बतावा कि मोका का सपना आवा रहा। इहइ एक रास्ता बाटइ पता करइ बरे कि का तू मोका मोरे सपना क सही अरथ बताइ सकत।”</verse>
				<verse number="10">कसदियन राजा क उत्तर देत भए कहेन, “हे राजा धरती पइ कउनो अइसा मनई नाहीं जउन अइसा कइ सकइ जइसा आप करइ क आग्रह करत ह। बुध्दिमान मनइयन स या जादूगरन स या कसदियन स कउनो भी महान अउर सक्तिसाली राजा कबहुँ भी अइसा करइ क नाहीं कहेस।</verse>
				<verse number="11">महाराज, आप उ काम करइ क कहत अहा, जउन संभव नाहीं अहइ। बस राजा क ओकरे सपना क बारे मँ अउर ओकरे फल क बारे मँ देवता ही बताइ सकत हीं। किन्तु देवता तउ लोगन क बीच नाहीं रहतेन।”</verse>
				<verse number="12">जब राजा इ सुनेस तउ ओका बहोत किरोध आवा अउर उ बाबुल क सबहिं बुद्धिमान मनइयन क मरवा डावइ क हुकुम दइ दिहस।</verse>
				<verse number="13">राजा क आदेस लागू होइ चुका रहेन। सबहीं बुध्दिमान मनइयन क मारा जाब रहा, एह बरे दानिय्येल अउ ओकर मीतन क भी मरवाइ डावइ बरे ओनकर खोज मँ राज पुरुस पठइ दीन्ह गएन।</verse>
				<verse number="14">अर्योक राजा क रच्छकन क नायक रहा। उ बाबुल क बुध्दिमान मनइयन क मार अवइ बरे जात रहा, किन्तु दानिय्येल ओहसे बातचीत किहस। दानिय्येल अर्योक स बुध्दिमानी क साथ नम्र होइके बात किहेस।</verse>
				<verse number="15">दानिय्येल अर्योक स पूछेस, “राजा एतना कठोर दण्ड देइके आग्या काहे दिहेस ह” एह पइ अर्योक राजा क सपनावाली सारी कहानी कहि सुनाएस, दानिय्येल ओका समुझ गवा।</verse>
				<verse number="16">दानिय्येल जब इ कहानी सुन लिहेस तउ उ राजा नबूकदनेस्सर क लगे गवा। दानिय्येल राजा स बिनती किहेस कि उ ओका तनिक समइ अउर देइ। उ राजा स ओकार सपना क अरथ समेत बतावइ क वादा किहेस।</verse>
				<verse number="17">एकरे पाछे दानिय्येल अपने घर क चल दिहस। उ आपन मीत हनन्याह, मीसाएल अउ अजर्याह क उ सारी बातन कहि सुनाएस।</verse>
				<verse number="18">दानिय्येल आपन मीतन स सरग क परमेस्सर स पराथना करइ क कहेस। दानिय्येल ओनसे कहेस कि उ पचे परमेस्सर स पराथना करइँ कि उ ओन पइ दयालु होइ अउर इ रहस्स क समुझइ मँ ओनकर मदद करइ जेहसे बाबुल क दूसर विवेकी मनइयन क संग दानिय्येल अउ ओकर मीत भी घाट न उतारि दीन्ह जाइँ।</verse>
				<verse number="19">राति क समइ परमेस्सर एक दर्सन मँ दानिय्येल क उ रहस्स समुझाइ दिहस। एह पइ सरग क परमेस्सर क स्तुति करत भए।</verse>
				<verse number="20">दानिय्येल कहेस: “परमेस्सर क नाउँ क सदा प्रसंसा करा। सक्ति अउ बुद्धिमान ओहमाँ ही होत ह।</verse>
				<verse number="21">उ ही समइ बुद्धिमान क बदलत ह। उहइ राजा लोगन क हटावत ह अउर उहइ राजा लोगन क नियुक्त करत ह। उहइ बुध्दि देत ह अउर लोग बुध्दिमान बन जात हीं। उहइ लोगन क गियान देत ह अउर लोग गियानी बन जात हीं।</verse>
				<verse number="22">उ गहिर अउ छुपे रहस्सन क जानत ह जेका समुझ पाउब कठिन अहइ। प्रकास ओकरे संग रहत ह। तउ उ जानत ह कि अँधियारा मँ अउ रहस्स भरे स्थानन मँ का अहइ।</verse>
				<verse number="23">हे मोरे पुरखन क परमेस्सर, मइँ तोहका धन्यवाद देत हउँ अउ तोहार गुण गावत हउँ। तू ही मोका गियान अउ बुद्धिमत्ता दिहा। जउन बातन मइँ पूछे रहे ओकरे बारे मँ तू मोका बताया। तू हमका राजा क सपना क बारे मँ बताया।”</verse>
				<verse number="24">एकरे पाछे दानिय्येल अर्योक क लगे गवा। राजा नबूकदनेस्सर अर्योक क बाबुल क बुध्दिमान मनइयन क हत्तिया बरे नियुक्त कीन्ह रहा। दानिय्येल अर्योक स कहेस, “बाबुल क बुध्दिमान मनइयन क हत्तिया जिन करा। मोका राजा क लगे लइ चला, मइँ ओका ओकर सपना अउ उ सपना क फल बताउब।”</verse>
				<verse number="25">तउ अर्योक दानिय्येल क हाली ही राजा क लगे लइ गवा। अर्योक राजा स कहेस, “यहूदा क बन्दियन मँ मइँ एक अइसा मनई हेर लिहेउँ ह जउन राजा क ओकर सपना क मतलब बताइ सकत ह।”</verse>
				<verse number="26">तउ राजा दानिय्येल (बेलतसस्सर) स एक सवाल पूछेस, “का तू मोका मोर सपना अउ ओकर अरथ क बारे मँ बताइ सकत ह?”</verse>
				<verse number="27">दानिय्येल जवाब दिहस, “हे राजा नबूकदनेस्सर, तू जउन रहस्स क बारे मँ पूछत अहा, ओका तोहका न तउ कउनो बुद्धिमान व्यक्ति न कउनो तान्त्रिक अउर न कउनो भविस्यवक्ता क बताइ सका ह।</verse>
				<verse number="28">किन्तु सरग मँ एक परमेस्सर अइसा अहइ जउन भेद भरी बातन क रहस्स बतावत ह। परमेस्सर राजा नबूकदनेस्सर क आगे क होइवाला अहइ, इ दर्सावइ बरे सपना दिहस ह। आपन बिछउना मँ सोते भए तू सपना मँ जउन बातन लखे रह्या, उ सबइ इ सब अहइँ,</verse>
				<verse number="29">हे राजा। तू अपने बिछउना मँ सोवत रह्या। तू भविस्स मँ घटइवाली बातन क बारे मँ सोचब सुरू किहेस। परमेस्सर लोगन क रहस्सपुर्ण बातन क बारे मँ बताइ सकत ह। तउ उ भविस्स मँ जउन घटइवाला अहइ, उ तोहका दर्साइ दिहस।</verse>
				<verse number="30">परमेस्सर उ रहस्स मोका भी बताइ दिहस ह। अइसा एह बरे नाहीं भवा कि मोरे लगे दूसर लोगन स कउनो जियादा बुद्धि अहइ। बल्कि मोका परमेस्सर इ भेद क एह बरे बताएस ह कि राजा क ओकर सपना क फल पता चल जाइ अउर इ तरह हे राजा, तोहरे मने मँ जउन बातन आवति अहइँ, ओनका तू समुझ जा।</verse>
				<verse number="31">“हे राजा, सपना मँ तू अपने समन्वा खड़ा एक ठु बिसाल मूरति लख्या ह, उ मूरति बहोत बड़ी रही, उ चमकदार रही अउर प्रभाव स पूरी रही। इ देखइ मँ डराउनी रही।</verse>
				<verse number="32">उ मूरति क सिर सुद्ध सोना क बना रहा। ओकर छाती अउ सबइ भुजा चाँदी क बनी रहिन। ओकर पेट अउर जाँघन काँसा क बनी रहिन।</verse>
				<verse number="33">उ मूरति क गोड़न लोहा क बनी रहिन। उ मूरति क पैर थोड़ा लोहा अउ थोड़ा माटी क बने रहेन।</verse>
				<verse number="34">जब तू उ मूरति कइँती लखत रह्या, तउ तू एक ठु चट्टान लख्या जउन कउनो मनई क मेहनत क कटी रहेन अउर आइके मूरती क लोहे अउर मिट्टी क बनी गोड़न स टकरा गएन। उ चट्टान क कराण ओन मूरतियन क गोड़ चकनाचूर होइ गएन।</verse>
				<verse number="35">फुन फउरन ही लोहा, माटी, काँसा, चाँदी अउ सोना सब चूर-चूर होइ गवा अउ उ चूरा गर्मियन क दिनन मँ खरिहाने क भूसा जइसा होइ गवा। ओन टूकन क हवा उड़ाइ लइ गइ। हुआँ कछू भी तउ नाहीं बचा। कउनो इ नाहीं कहि सकत रहा कि हुआँ कबहुँ मूरति रही भी। फुन उ चट्टान जउन मूरति स टकराइ रही, एक बिसाल पर्वत क रूप मँ बदल गइ अउ सारी धरती पइ छाइ गइ।</verse>
				<verse number="36">“आपका सपना तउ इ रहा। अब हम राजा क इ बतावत अही कि इ सपना क फल का अहइ?</verse>
				<verse number="37">हे राजा, आप बहोत जियादा महत्वपूर्ण राजा अहइँ। सरग क परमेस्सर तोहका राज्ज दिहे सह। सक्ति दिहेस ह। सामरथ अउ महिमा दिहस ह।</verse>
				<verse number="38">आप क परमेस्सर नियन्त्रण क सक्ति दिहेस ह अउर आप, लोगन पइ, बन क पसुअन पइ अउ पंछियन पइ सासन करत अहा। उ सबइ चाहे कहूँ भी रहत होइँ, ओन सबन पइ परमेस्सर तोहका सासक ठहराएस ह। हे राजा नबूकदनेस्सर, उ मूरति क ऊपर जउन सोने क मू़ँड़ रहा, उ आप ही अहइँ।</verse>
				<verse number="39">“आप क पाछे जउन दूसर राजा आई, उहइ उ चाँदी क हीसां अहइ। किन्तु उ राज्ज तोहरे राज्ज क समान बिसाल नाहीं होइ। एकरे पाछे धरती पइ एक तीसर राज्ज क सासन होइ। उहइ उ काँसे वाला भाग अहइ।</verse>
				<verse number="40">एकरे पाछे एक चउथा राज्ज आइ, उ राज्ज लोहा क समान मजबूत होइ। जइसे लोहे स वस्तुअन टूटिके चकनाचूर होइ जात ही, वईसे ही चउथा राज्ज दूसर राज्जन क भंग कइके चकनाचूर करी।</verse>
				<verse number="41">“तू लखे रह्या कि उ मूरति क गोड़न अउर पंजन थोड़े माटी क अउर थोड़े लोहे क बना अहइँ, ओकर मतलब इ अहइ कि उ चउथा राज्ज एक ठु बटा भवा राज्ज होइ। एहमाँ कछू लोहा क सक्ति होइ काहेकि तू माटी मिला लोहा लख्या ह।</verse>
				<verse number="42">उ मूरति क गोड़न क पंजे क अगले हींसा जउन थोड़ा लोहा अउ थोड़ा माटी क बना रहेन, एकर अरथ इ अहइ कि उ चउथा राज्ज थोड़ा तउ लोहा क समान सक्तिसाली होइ अउर थोड़ा माटी क समान दुर्बल।</verse>
				<verse number="43">आप लोहा क माटी स मिला भवा लखे रह्या किन्तु जइसे लोहा अउ माटी पूरी तरह कबहुँ आपुस मँ नाहीं मिलतेन, उ चउथे राज्ज क लोग वइसे ही मिले जुले होइहीं। किन्तु एक जाति क रूप मँ उ सबइ लोग आपुस मँ एक जुट नाहीं होइहीं</verse>
				<verse number="44">“चउथे राज्ज क ओन राजा लोगन क समय मँ ही सरग क परमेस्सर एक दूसर राज्ज क स्थापना कइ देइ। इ राज्ज क कबहुँ अन्त नाहीं होइ अउर इ सदा-सदा बना रही। इ एक अइसा राज्ज होइ जउन कबहुँ कउनो दूसर समूह क लोगन क हाथ मँ नाहीं जाइ। इ राज्ज ओन दूसर राज्ज क कुचर देइ। इ ओन राज्जन क बिनास कइ देइ। किन्तु उ राज्ज अपने आप सदा-सदा बना रही।</verse>
				<verse number="45">“हे राजा नबूकदनेस्सर, आपन पहाड़ स उखड़ी भइ चट्टान तउ लखेउँ। कउनो मनई उ चट्टान क उखाड़ेस नाहीं। उ चट्टान लोहा क, काँसा क, माटी क, चाँदी क अउर सोने क टूका-टूका कइ दिहे रहा। इ प्रकार स महान परमेस्सर आप क उ देखाएस ह जउन भविस्स मँ होइवाला अहइ। इ सपना सच्चा अहइ अउर आप सपना क इ व्याख्या पइ भरोसा कइ सकत हीं।”</verse>
				<verse number="46">एकरे पाछे राजा नबूकदनेस्सर दानिय्येल क निहुरिके नमस्कार किहेस। राजा दानिय्येल क बड़कई किहेस। राजा इ आग्या दिहेस कि दानिय्येल क सम्मानित करइ बरे एक भेंट अउ सुगन्ध प्रदान कीन्ह जाइ।</verse>
				<verse number="47">फुन राजा दानिय्येल स कहेस, “मोका निहचय पूर्वक गियान होइ गवा ह कि तोहार परमेस्सर सब स जियादा महत्वपूर्ण अउ सक्तिसाली परमेस्सर अहइ। उ सबहिं राजा लोगन क परमेस्सर अहइ। उ लोगन क ओन बातन क बारे मँ बतावत ह, जेनका उ पचे नाहीं जान सकतेन। मोका पता अहइ कि इ सच अहइ। काहेकि तू मोका भेद क इ सबइ गुप्त बातन क बताइ सका।”</verse>
				<verse number="48">एकरे पाछे उ राजा दानिय्येल क आपन राज्ज मँ एक बहोत महत्वपुर्ण पद प्रदान किहेस तथा राजा बहोत स बहुमूल्य उपहार भी दानिय्येल क दिहेस। नबूकदनेस्सर दानिय्येल क बाबुल क समूचे प्रदेस क सासक नियुक्त कइ दिहेस। अउ उ दानिय्येल क बाबुल क सबहिं पण्डितन क प्रधान बनाइ दिहेस।</verse>
				<verse number="49">दानिय्येल राजा स बिनति किहेस कि उ सद्रक, मेसक अउ अबेदनगो क बाबुल प्रदेस क महत्वपूर्ण हाकिम बनाइ देइँ। तउ राजा वइसा ही किहेस जइसा दानिय्येल चाहे रहा। दानिय्येल खुद ओन महत्वपूर्ण मनइयन मँ होइ गवा रहा जउन राजा क निअरे रहा करत रहेन।</verse>
			</chapter>
			<chapter number="3">
				<verse number="1">राजा नबूकदनेस्सर सोना क एक ठु प्रतिमा बनवाइ रखी रही। उ प्रतिमा साठ हाथ ऊँची अउ छ: हाथ चउड़ी रही। नबूकदनेस्सर उ प्रतिमा क बाबुल प्रदेस क दूरा क मैदान मँ स्थापित कइ दिहेस।</verse>
				<verse number="2">अउर फुन राजा राज्ज क राज्जपालन, मुखिया लोगन, अधिपतियन, सलाहकारन, खजांचियन, निआवधीसन, सासकन अउ दूसर सबहिं छेत्र क अधिकारियन क आपन राज्ज मँ आइके बटुरइ बरे बुलवाइ पठएस। राजा चाहत रहा कि उ पचे सबहिं लोग प्रतिमा क प्रतिस्ठा महोत्सव मँ सामिल होइँ।</verse>
				<verse number="3">एह बरे पूरा राज्ज स राज्जपाल, नेत, सलाहकार, खजानची, निआवधीस, प्रबंधक अउर बाकी सभी प्रान्तीय अधिकारी समर्पन समारोह मँ आएन अउ उ प्रतिमा क अगवा खड़े होइ गएन जेका राजा नबूकदनेस्सर स्थापित कराए रहा।</verse>
				<verse number="4">फुन उ डँडोरची, जउन राजा क सबइ सूचना क घोसणा प्रसारित करत रहा, ऊँचे अवाजे मँ कहस, “सुना, सबहिं लोगन, जातियन अउर भासा सुना। तू पचन क जउन करइ क आग्या दीन्ह गइ अहइ, उ इ अहइ,</verse>
				<verse number="5">तू पचे जब सबहिं नरसिंहन, बाँसुरियन, सितारन सात तारवाले बाजन वीणा अउ सहनाई तथा दूसर सबहिं प्रकार क बाजन क आवाज सुना, तउ तू पचन्क इ सोना क मूरती क जरूर पूजा करइ चाही जउन राजा नबूकदनेस्सर दुआरा स्थापित कीन्ह गवा ह।</verse>
				<verse number="6">जदि कउनो मनई इ सोना क प्रतिमा क निहुरिके प्रणाम नाहीं करी अउ एका नाहीं पूजी तउ उ मनई क तुरंतइ धधकत भई भट्ठी मँ झोक दीन्ह जाइ।”</verse>
				<verse number="7">तउ, जइसे ही उ पचे नरसिंहन, बाँसुरियन, सितारन, सात तारउ वाले बाजन, सहनाइयन अउ दूसर तरह क संगीत बाजन क सुनेन, सभी लोगन, जातियन अउर हर भाखा क लोग राजा नबूकदनेस्सर क जरिये रखा गवा सोना क उ मूरति क निहुरेन अउर पूजा किहेन।</verse>
				<verse number="8">एकरे पाछे, कछू कसदी लोग राजा क लगे आएन। ओन लोग यहूदियन क विरोध मँ राजा क कान भरेन।</verse>
				<verse number="9">राजा नबूकदनेस्सर स उ पचे कहेन, “हे राजा, आप चिरंजीवी ह्वा।</verse>
				<verse number="10">हे राजा, आप एक ठु आदेस दिहे रहेन आप कहे रहेन कि हर उ मनई जउन नरसिंहन, बाँसुरियन, सितारन, सात तारउवाले बाजन, सबइ वीणा मसक सहनाइयन अउर दूसर सबहिं तरह क वाद्य-यन्त्रन क ध्वनि क सुनत ह, उ सोना क प्रतिमा क अगवा निहुरिके ओकर पूजा करइ चाही।</verse>
				<verse number="11">आप इ भी कहे रहेन कि जदि कउनो मनई सोना क प्रतिमा क अगवा निहुरिके ओकर पूजा नाहीं करी तउ ओका कउनो धधकत भट्ठी मँ झोंक दीन्ह जाइ।</verse>
				<verse number="12">हे राजा, हिआँ कछू अइसे यहूदी अहइँ जउन आपक आदेस पइ धियान नाहीं देतेन। आप ओन यहूदियन क बाबुल प्रदेस मँ महत्वपूर्ण हाकिम बनाए भवा अहा। अइसे लोगन क नाम अहइँ सद्रक, मेसक अउ अबेदनगो। इ सबइ लोग आप क देवतन क पूजा नाहीं करतेन अउ जउन सोना क प्रतिमा क आप स्थापित किहेन ह, उ सबइ न तउ ओकरे अगवा निहुरत हीं अउर ही ओकर पूजा करत हीं।”</verse>
				<verse number="13">एह पइ नबूकदनेस्सर किरोध मँ आग-बबूला होइ उठा। उ सद्रक, मेसक अउ अबेदनगो क बोलवाइ पठएस। तउ ओन लोगन क राजा क समन्वा लावा गवा।</verse>
				<verse number="14">राजा नबूकदनेस्सर ओन लोगने स कहेस, “सद्रक, मेसक अउ अबेदनगो। का इ फूर अहइ कि तू मोर देवतन क पूजा नाहीं करत्या? अउर का इ भी सच अहइ कि तू मोरे जरिये स्थापित कराइ गइ सोना क प्रतिमा क अगवा न तउ निहुरत अहा, अउर न ही ओकर पूजा करत अहा?</verse>
				<verse number="15">अब लखा, तू जब नरसिंहन, बाँसुरियन, सितारन, सात तार क बाजन, वीणा, सहनाइयन तथा हर तरह क दूसर वाद्य-यन्त्रन क ध्वनि सुना तउ तोहका सोना क प्रतिमा क अगवा निहुरिके ओकर पूजा करइ चाही। जदि तू मोरे जरिये बनवाइ गइ उ मूरति क पूजा करइ क तइयार अहा, तब तउ नीक अहइ किन्तु जदि ओकर पूजा नाहीं करत अहा तउ तोहका फउरन धधकत भइ भट्ठी मँ झोंक दीन्ह जाइ। अउर कउनो भी देवता तोहका मोहस बचाइ नाहीं सकत्या।”</verse>
				<verse number="16">सद्रक, मेसक अउ अबेदनगो उत्तर देत भए राजा स कहेन, “हे नबूकदनेस्सर, हमका तोहका इ बिसय मँ जवाब देइ क जरूरत नाहीं अहइ।</verse>
				<verse number="17">जदि, हमार परमेस्सर जेकर हम उपासना करित ह ओकर अस्तित्व अहइ तउ उ इ बरत भइ भट्ठी स हमका बचाइ लेइ मँ समर्थ अहइ। तउ राजा, उ हमका मोरी ताकत स बचाइ लेइ।</verse>
				<verse number="18">किन्तु राजा, हम इ चाहित ह कि तू एतना जान ल्या कि जदि परमेस्सर हमार रच्छा न भी करइ तउ भी हम तोहरे देवतन क सेवा स इन्कार करित ह। सोना क जउन प्रतिमा तू स्थापित कराया ह हम ओकर पूजा नाहीं करिब।”</verse>
				<verse number="19">एह पइ तउ नबूकदनेस्सर किरोध स भड़क उठा। उ सद्रक, मेसक अउ अबेदनगो कइँती घिना स लखा। उ आग्या दिहेस की जेतना उ तपा करत ह, ओका ओहसे सात गुणा जियादा दहकावा जाइ।</verse>
				<verse number="20">एकरे पाछे नबूकदनेस्सर आपन सेना क कछू बहोत मजबूत फउजियन क आग्या दिहेस कि उ पचे सद्रक, मेसक अउ अबेदनगो क बाँध लेइँ। राजा ओन फउजियन क आग्या दिहस कि उ पचे सद्रक, मेसक अउ अबेदनगो क धधकत भट्ठी मँ झोंक देइँ।</verse>
				<verse number="21">तउ सद्रक, मेसक अउ अबेदनगो क बाँध दीन्ह गवा अउ फुन धधकत भट्ठी मँ धकेल दीन्ह गवा। उ पचे ओकर कमीज़न, पतलूनन अउ टोप तथा दूसर ओढ़नन पहिर रखे रहेन।</verse>
				<verse number="22">जउनो समइ राजा इ आग्या दिहे रह्या उ समइ उ बहोत कोहान रहा, एह बरे उ फउरन ही भट्ठी क बहोत तपाइ लिहस। आगी एतना जियादा भड़कत रही कि ओकर लपटन मँ स उ सबइ सक्तिसाली फउजी जर गएन, जब उ पचे सद्रक, मेसक अउ अबदेनगो क भट्टी मँ ढकेले रहा।</verse>
				<verse number="23">सद्रक, मेसक अउ अबेदनगो आगी मँ भहराइ गए रहेन। ओनका बहोत कसिके बाँधा भवा रहा।</verse>
				<verse number="24">एह पइ राजा नबूकदनेस्सर उछरिके आपन गोड़न, पइ खड़ा होइ गवा। ओका बहोत अचरज होत रहा। उ आपन मंत्रियन स पूछेस, “इ ठीक अहइ न कि हम तउ बस तीन मनइयन क बँधवाए रहे अउर आगी मँ ओनहीं तीन क डलवाए रहे।” ओकर मंत्रियन जवाब दिहन, “हाँ, महाराज।”</verse>
				<verse number="25">राजा बोला, “लखा, मोका तउ आगी क भीतरे इधर-उधर घुमत भए चार ठु मनई देखाई देत अहइँ। उ सबइ बंधे भए नाहीं अहइँ अउर आगी ओनका कछू नाहीं बिगाड़ बिगाड़ेस ह। लखा, उ चउथा मनई देवता क पूत जइसा देखाई देत अहइ।”</verse>
				<verse number="26">एकरे पाछे नबूकदनेस्सर उ बरत भइ भट्ठी क मुँहे पइ गवा। उ जोर स गोहराइके कहेस, “सद्रक, मेसक अउ अबेदनगो, बाहेर आवा। सर्वोच्च परमेस्सर क सेवको बाहेर आवा।” तउ सद्रक, मेसक अउ अबेदनगो आगी स बाहेर निकरि आएन।</verse>
				<verse number="27">तब उ पचे बाहेर आएन तउ प्रान्त क राज्जपालन, हाकिमन, अधिपतियन अउ राजा क मंत्रियन ओनके चारिहुँ तरफ भीड़ लगाइ दिहन। उ पचे देख पावत रहेन कि उ आगी सद्रक, मेसक अउ अबेदनगो क छुआ तलक नाहीं अहइ। ओनकर तन तनिकउ भी नाहीं जरा रहेन। ओनकर बार झुलसा तलक नाहीं रहेन। ओनकर ओढ़नन क आँच तलक नाहीं आई रहिन। ओनकर तन स अइसी गंध तलक नाहीं निकरत रही जइसे उ पचे आगी क आस-पास भी गवा होइँ।</verse>
				<verse number="28">फुन नबूकदनेस्सर कहेस, “सद्रक, मेसक अउ अबेदनगो क परमेस्सर क स्तुति करा। ओनकर परमेस्सर आपन सरगदूत क पठइके, आपन सेवकन क आगी स रच्छा किहेस ह। एन तीनहुँ पूरखन क आपन परमेस्सर मँ आस्था रही। इ सबइ मोरे आदेस क मानइ स मना कइ दिहेन अउर दूसर कउनो देवता क सेवा या पूजा करइ क बजाय उ पचे मरब कबूल किहेन।</verse>
				<verse number="29">तउ आजु स मइँ इ नेम बनावत हउँ: कउनो भी लोगन जातियन अउर भासा बोलइवाला कउनो मनई जदि सद्रक, मेसक अउ अबेदनगो क परमेस्सर क विरोध मँ कछू कही तउ ओकर टूकन-टूकन कइ दीन्ह जइहीं अउ ओकर घर क उ समइ तलक तोड़ा-फोड़ा जाइ जब तलक उ मलवा अउ राखी क ढेर मात्र न रहि जाइ। कउनो भी दूसर देवता आपन लोगन क इ तरह नाहीं बचाइ सकता।”</verse>
				<verse number="30">एकरे पाछे राजा सद्रक, मेसक अउ अबेदनगो क बाबुल क प्रदेस मँ अउर जियादा महत्वपूर्ण पद प्रदान कइ दिहन।</verse>
			</chapter>
			<chapter number="4">
				<verse number="1">राजा नबूकदनेस्सर सबइ लोगन, जाति अउर भाखा क, जउन सारी दुनिया मँ बसे भए रहेन, इ पत्र पठएस तू सबइ क अधिक सान्ति मिली।</verse>
				<verse number="2">सर्वोच्च परमेस्सर मोर संग जउन अचरज भरी अद्भूत बातन किहेस ह, ओकरे बारे मँ तोहका बतावत भए मोका बहोत खुसी अहइ।</verse>
				<verse number="3">ओकरे कार्य केतॅना अद्भुत अहइ। ओकरे चमत्कार केतॅना सक्तिसाली अहइ। परमेस्सर क राज्ज सदा टिका रहत ह; परमेस्सर क सासन पीढ़ी दर पीढ़ी बना रहत ह।</verse>
				<verse number="4">मइँ, नबूकदनेस्सर, आपन महल मँ रहेउँ। मइँ प्रसन्न अउ सफल रहेउँ।</verse>
				<verse number="5">मइँ एक सपना लखेउँ जउन मोका डेराइ दिहेस। मइँ आपन बिछउना मँ सोवत रहेउँ। मइँ तस्वीर अउर दर्सनन क लखेउँ। जउन कछू मइँ लखे रहेउँ उ मोका बहोत डेराइ दिहस।</verse>
				<verse number="6">तउ मइँ इ आग्या दिहेउँ कि बाबुल क सबहिं बुध्दिमान लोगन क मोरे लगे, लिआवा जाइ ताकि उ पचे मोका सपन क फल बतावइँ।</verse>
				<verse number="7">जब जादगर तान्त्रिक, कसदी अउर भविस्यवक्ता मोरे लगे आबइँ तउ मइँ ओनका आपन सपना क बारे मँ बताएउँ। किन्तु उ सबइ लोग मोका मोरे सपन क अर्थ नाहीं बताइ पाएन।</verse>
				<verse number="8">अंत मँ दानिय्येल मोरे लगे आवा (मइँ आपन देवता क सम्मानित करइ बरे दानिय्येल क बेलेतसस्सर नाउँ दिहे रहेउँ। पवित्तर देवतन क आतिमा क ओहमाँ निवास अहइ।) दानिय्येल क मइँ आपन सपन कहि सुनाएउँ।</verse>
				<verse number="9">मइँ ओहसे कहेउँ, “हे बेलतसस्सर, तू सबहिं तान्त्रिकन मँ सब स बड़का अहा। मोका पता अहइ कि तोहमाँ पवित्तर देवतन क आतिमा बास करत अहइ। मइँ जानत हउँ कि कउनो भी रहस्स क समुझब तोहरे बरे कठिन नाहीं अहइ। मइँ जउन सपना लखे रहेउँ, उ इ अहइ। तू मोका एकर अरथ समुझावा।</verse>
				<verse number="10">जब मइँ आपन बिछउना मँ ओलरा भवा रहेउँ तउ मइँ दिव्य दर्सन लखे रहेउँ। मइँ लखेउँ कि मोरे समन्वा धरती क बीचउ-बीच एक बृच्छ खड़ा अहइ। उ बृच्छ बहोत लम्बा अहइ।</verse>
				<verse number="11">बृच्छ बड़ा होत भवा एक बिसाल मजबूत बृच्छ बन गवा। बृच्छ क चोटी अकास छुअइ लाग। उ बृच्छ क धरती पइ कहूँ स भी लखा जाइ सकत रहा।</verse>
				<verse number="12">बृच्छ क पातियन सुन्नर रहिन। बृच्छ पइ बहोत नीक फल बहोतयात मँ लगे रहेन अउर उ बृच्छ पइ हर कउनो क लिए भरपूर खाइ क रहा। जंगली जनावर बृच्छ क नीचे आसरा पाए भए रहेन अउर बृच्छ क डारन पइ चिरइयन क बसेरा रहा। हर पसु पच्छी उ बृच्छ स ही भोजन पावत रहा।</verse>
				<verse number="13">“अपने बिछउना पइ ओलरे-ओलरे दर्सन मँ मइँ ओन वस्तुअन क लखत रहेउँ अउर तबहिं एक पवित्तर सरगदूत क मइँ सरग स नीचे उतरत भए लखेउँ।</verse>
				<verse number="14">उ बड़े ऊँचे सुर मँ बोला। उ कहेस, ‘बृच्छ क कांट लोकावा। एकर टहनियन क काट डाला। एकर पातियन क नोंच डावा। एकर फलन क चारिहुँ ओर बिखेर द्या। इ बृच्छ क नीचे आसरा पाए भए पसु कहूँ दूर पराइ जाइँ। एकर आरन पइ बसेरा किए भए पंछी कहूँ उड़ जाइँ।</verse>
				<verse number="15">किन्तु एकर तना अउर एकर जड़न क धरती मँ रहइ द्या। एकरे चारिहुँ ओर लोहा अउ काँसे क एक बंधेज बाँध द्या। अपने आस-पास उगी घास क संग एकर तना अउर एकर जड़न धरती मँ रहिहीं। जंगली पसुअन अउ पेड़ पौधन क बीच इ खेतन मँ रही। ओस स उ नम होइ जाइ।</verse>
				<verse number="16">उ जियादा समइ तलक मनई क तरह नाहीं सोची। ओकर मन पसु क मन जइसा होइ जाइ। ओकर अइसा ही रहत भए सात ऋतु चक्र (बरिस) बीत जाई।’</verse>
				<verse number="17">“एक पवित्तर सरगदूत इ दण्ड क घोसणा किहे रहा ताकि धरती क सबहिं लोगन क इ पता चल जाइ कि मनइयन क राज्जन क ऊपर परम प्रधान परमेस्सर सासन करत ह। परमेस्सर जेका भी चाहत ह। एन राज्जन क दइ देत ह अउर परमेस्सर ओन राज्जन पइ सासन करइ बरे विनम्र मनइयन क चुनत ह।</verse>
				<verse number="18">“बस मइँ (राजा नबूकदनेस्सर) सपना मँ इहइ लखेउँ ह। अब हे बेलतसस्सर। तू मोका इ बतावा कि इ सपना क अरथ का अहइ? मोरे राज्ज क कउनो भी बुध्दिमान मनई मोका इ सपना क फल नाहीं बताइ पावत अहइ। किन्तु हे बेलतसस्सर, तू मोरे इ सपना क व्याख्या कइ सकत ह काहेकि तोहमाँ पवित्तर परमेस्सर क आतिमा निवास करत अहइ।”</verse>
				<verse number="19">तब दानिय्येल (जेकर नाउँ बेलतसस्सर भी रहा) थोड़ी देर बरे एक दम चुप होइ गवा। जिन बातन क उ सोचत रहा, उ सबइ ओका बियाकुल किहे डावत रहिन। तउ राजा ओहसे कहेस, “हे बेलतसस्सर, तू उ सपना या उ सपना क फल स भयभीत जिन ह्वा।” एह पइ बेलतसस्सर राजा क उत्तर दिहेस, “हे मोर सुआमी, कास इ सपना तोहरे दुस्मनन चइ पड़इ अउर एकर फल, जउन तोहरे विरोधी अहइँ, ओनका मिलइ।”</verse>
				<verse number="20">तू आपन सपना मँ एक बृच्छ लखे रहेउँ। उ बृच्छ बड़ा भवा अउर मजबूत बन गवा। बृच्छ क चोटी आसमान छुअत रही। धरती मँ हर कहूँ स उ बृच्छ देखाई देत रहा।</verse>
				<verse number="21">ओकर पातियन सुन्नर रहित अउर ओह पइ बहोतायत मँ फल लगे रहेन। ओन फलन स हर कउनो क पर्याप्त भोजन मिलत रहा। जंगली पसुअन क तउ उ घर ही रहा अउर ओकर डारन पइ चिरइयन बसेरा किया भए रहेन। तू सपना मँ अइसा बृच्छ लखे रह्या।</verse>
				<verse number="22">हे राजा, उ बृच्छ आप ही अहइँ। आप महान अउर सक्तिसाली बन चुका अहइँ। आप उ ऊँच बृच्छ क समान अहइँ जउन अकास छुइ लिहेस ह अउर आप क सक्ति धरती क सुदूर भागन तलक पहुँची भई अहइँ।</verse>
				<verse number="23">“हे राजा, आप एक पवित्तर सरगदूत क अकासे स नीचे उतरत लखे रह्या। सरगदूत कहे रहा ‘बृच्छ क काट डावा अउर ओका नस्ट करा। बृच्छ क तना पइ लोहा अउ काँसे क बंधज डाइ द्या अउर एकर तना अउ जड़न क धरती मँ ही छोड़ द्या। खेत मँ घास क बीच एका रहइ द्या। ओस स ही इ नमी लेत रही। उ कउनो जंगली पसु क रूप मँ रहा करी। एकर रहइ हाल मँ सात ऋतु-चक्र बीत जइहीं।’</verse>
				<verse number="24">“हे राजा, आपक सपन क फल इहइ अहइ। सर्वोच्च परमेस्सर मोर सुआमी राजा क बरे एन बातन क घटइ क आदेस दिहस ह।</verse>
				<verse number="25">हे राजा नबूकदनेस्सर, प्रजा स दूर चला जाइ क बरे आप क मजबूर कीन्ह जाइ। जंगली पसुअन क बीच आप क रहइ क होइ। मवेसियन क तरह आप घास स पेट भरिहीं अउर ओस स भिगिहीं। सात ऋतु चक्र बीत जइहीं अउर फुन ओकरे बाद तू इ स्वीकार करब्या कि सर्वोच्च परमेस्सर मनइयन क साम्राज्यन पइ सासन करत ह अउर उ जेका भी चाहत ह, ओका राज्ज दइ देत ह।</verse>
				<verse number="26">“बृच्छ क तना अउ ओकर जड़न क धरती मँ छोड़ देइ क आदेस क अरथ इ अहइ कि आप क साम्राज्य आप क वापस मिलि जाइ। किन्तु इ उहइ समइ होइ जब तू इ जान जाब्या कि तोहरे राज्ज पइ सर्वोच्च परमेस्सर क ही सासन अहइ।</verse>
				<verse number="27">एह बरे हे राज, आप कृपा कइके मोर सलाह माना। मइँ आप क इ सलाह देत हउँ कि आप पाप करब तजि देइँ अउर जउन उचित अहइ, उहइ करइँ। कुकरमन क त्याग कइ देइँ। गरीबन पइ दयालु होइँ। तबहिं आप सफल बना रहि सकिहीं।”</verse>
				<verse number="28">इ सबहिं बातन राजा नबूकदनेस्सर क संग घटिन।</verse>
				<verse number="29">इ सपना क बारह महीना बाद जब राजा नबूकदनेस्सर बाबुल मँ आपन महल क छत पइ घूमत समइ,</verse>
				<verse number="30">तउ उ आपन आप स किहा, “उ मइँ हउँ जउन कि इ महान बाबुल क निर्माण किहेउँ ह। इ महल मोर अहइ। मइँ आपन सक्ति स इ बिसाल नगर क निर्माण किहेउँ ह। इ ठउर क निर्माण मइँ इ देखाइ बरे किहेउँ ह कि मइँ केतना खुस हउँ।”</verse>
				<verse number="31">इ सबइ सब्द अबहिं ओकरे मुँह मँ ही रहेन कि एक अकासवाणी भई। अकासवाणी कहेस, “राजा नबूकदनेस्सर, तोहरे संग इ सबइ बातन घटिहीं। राजा क रूप मँ तोहसे तोहार सक्ति छोर लीन्ह गइ अहइ।</verse>
				<verse number="32">तोहका आपन लोगन स दूर जाब होइ। जंगली पसुअन क संग तोहार निवास होइ। तू ढोरन क तरह घास खाब्या। एहसे पहिले कि तू सबक सीखा कि मनई क राज्जन पइ सर्वोच्च परमेस्सर सासन करत ह अउर सर्वोच्च उ जेका चाहत ह, ओका राज्ज दइ देत ह सात ऋतु-चक्र बीत जइहीं।”</verse>
				<verse number="33">फुन फउरन ही इ सबइ बातन घट गइन। नबूकदनेस्सर क लोगन स दूर जाइ बरे मज़बूर कीन्ह गवा। उ गाइयन क तरह घास खाब सुरू कइ दिहस। उ ओस मँ भीगा। कउनो उकाब क पंखन क तरह ओकर बार बढ़ गएन अउर ओकर नाखून अइसे बढ़ गएन जइसे कउनो पंछी क पंजन क नाखून होत हीं।</verse>
				<verse number="34">फुन उ समइ क अंत मँ मइँ, नबूकदनेस्सर ऊपर सरग क कइँती लेखा अउर मोर सोचइ समुझइ क बुद्धि फिर स ठीक होइ गवा। तउ मइँ सर्वोच्च परमेस्सर क स्तुति किहेउँ, जउन सदा अमर अहइ, मइँ ओका आदर प्रदान किहेउँ अउर ओका गुनगान किहेउँ। परमेस्सर सासन हमेसा करत ह। ओकर राज्ज पीढ़ी दर पीढ़ी बना रहत ह।</verse>
				<verse number="35">इ धरती क सबइ लोग महत्वपूर्ण नाहीं अहइँ। परमेस्सर सरग क सक्तियन अउर धरती क लोगन क संग जउन चाहत ह उहइ करत ह। उ जउन करइ चाहत ह ओका उ करइ स कउनो भी नाहीं रोक सकत ह। ओकर ससक्त हाथ जउन कछू उ करत ह ओह पइ कउनो नाहीं सवाल करत ह।</verse>
				<verse number="36">तउ, उ औसर पइ परमेस्सर मोका मोर बुद्धि फुन दइ दिहेस अउर उ एक राजा क रूप मँ मोर बड़ा मान, सम्मान अउ सक्ति भी वापस लउटाइ दिहस। मोर मंत्री अउर मोर राजकीय लोग फुन मोरे लगे आवइ लागेन। मइँ फुन स राजा बन गएउँ। मइँ पहिले स भी जियादा महान अउ सक्तिसाली होइ गवा रहेउँ।</verse>
				<verse number="37">लखा, अब मइँ, नबूकदनेस्सर सरग क राजा क स्तुति करत हउँ तथा ओकर उपासना करत हउँ, ओका आदर देत हउँ अउर ओकरे गुनगान करत हउँ। उ जउन कछू करत ह, ठीक करत ह। उ हमेसा निआव स पूर्ण अहइ। ओहमाँ अहंकारी लोगन क विनम्र बनाइ देइ क छमता अहइ।</verse>
			</chapter>
			<chapter number="5">
				<verse number="1">राजा बेलसस्सर आपन एक हजार अधिकारियन क एक बड़की दावत दिहेस। राजा ओकरे संग दाखरस पिअत रहा।</verse>
				<verse number="2">राजा बेलसस्सर दाखरस पिअत भए आपन सेवकन क सोना अउ चाँदी क पियाला लिआवइ क कहेस। इ सबइ उ सबइ पियालन रहेन जेनका ओकर पिता नबूकदनेस्सर यरूसलेम क मन्दिर स लिहे रहा। राजा बेलसस्सर चाहत रहा कि ओकर साही लोग, ओकर मेहररूअन अउ ओकर उप पत्नियन इन पियालन स दाखरस पिअइँ।</verse>
				<verse number="3">तउ सोना क उ सबइ पियालन लिआवा गएन जेनका यरूसलेम मँ परमेस्सर क मन्दिर स उठावा गवा। फुन राजा अउ ओकर अधिकारियन, ओकर रानियन तथा ओकर उप पत्नियन, ओन पियालन स दाखरस पिया किहेन।</verse>
				<verse number="4">दाखरस पिअत भए उ पचे आपन देवतन क मूरतियन क स्तुति करत रहेन। उ पचे ओन देवतन क स्तुति किहेन जउन देवता सोना, चाँदी, काँसा, लोहा, काठ अउ पाथर क मूरति पात्र रहेन।</verse>
				<verse number="5">उहइ समइ एकाएक कउनो मनई क एक हाथ परगट भवा अउ देवार पइ लिखइ लाग। ओकर अँगुरियन देवार क लेप क कुरेदत भइ सब्द लिखइ लागिन। देवार क लगे राजा क महल मँ उ हाथ देवार पइ लिखेस। हाथ जब लिखत रहा तउ राजा ओका लखत रहा।</verse>
				<verse number="6">राजा बेलसस्सर बहोत भयभीत होइ उठा। डर स ओकर मुँह पिअर पड़ गवा अउर ओकर घुटनन इ तरह काँपइ लागेन कि उ सबइ आपुस मँ टकरात रहेन। ओकर गोड़ एतना बलहीन होइ गएन कि उ खड़ा भी नाहीं रहि पावत रहा।</verse>
				<verse number="7">राजा तान्त्रिकन अउ कसदियन क अपने लगे बोलवाएस अउर ओनसे कहेस, “मोका जउन कउनो भी इ लिखावट क पढ़कर बताइ अउर मोका ओकर अरथ समुझाइ देइ, मइँ ओका पुरस्कार देब। उ मनई क मइँ बैंगनी पोसाक भेटं करब। मइँ ओकरे गले मँ सोना क हार पहिराउब अउर मइँ ओका आपन राज्ज क तीसर सबसे बड़ा सासक बनाइ देब।”</verse>
				<verse number="8">तउ राजा क सबहिं बुध्दिमान मनई हुवाँ आइ गएन किन्तु उ सबइ उ लिखावट क नाहीं पढ़ि सकेन। उ पचे समुझ ही नाहीं सकेन कि ओकर अरथ का अहइँ।</verse>
				<verse number="9">राजा बेलसस्सर क हाकिम चक्कर मँ पड़े भए रहेन अउर राजा तउ अउर भी जियादा भयभीत अउर चिंतित रहा। ओकर मुँह डर स पीला पड़ा भवा रहा।</verse>
				<verse number="10">तबहिं जहाँ उ दावत चलत रही, हुवाँ राजा क महतारी आइ। उ राजा अउर ओकर राजकीय अधिकारियन क आवाजन सुन रिहे रहिन, उ कहेस, “हे राजा, चिरंजीव रहा। डेरा जिन। तू आपन मुँह क डर स एतना पीला जिन पड़इ द्या।</verse>
				<verse number="11">लखा, तोहरे राज्ज मँ एक अइसा मनई अहइ जेहमाँ पवित्तर देवतन क आतिमा बसत ह। तोहरे बाप क दिनन मँ इ मनई इ दर्साये रहा कि ओकरे लगे देवतन क बुद्धि क नाईं बुद्धि अउर समुझ अहइ। तोहार पिता नबूकदनेस्सर इ मनई क सबहिं बुध्दिमान मनइयन पइ, तान्त्रिकन अउ कसदियन पइ मुखिया नियुक्त किहे रहा।</verse>
				<verse number="12">मइँ जउन मनई क बारे मँ बातन करत हउँ ओकर नाउँ दानिय्येल अहइ। किन्तु राजा ओका बेलतसस्सर क नाउँ दइ दिहे रहा। बेलतसस्सर बहुत चुस्त अहइ अउर बहुत स बातन जानत ह। उ सपनन क व्याख्या कइ सकत ह। पहेलियन क समझाइ सकत ह। अउर कठिन स कठिन हलन क सुलझाइ सकत ह। तू दानिय्येल क बोलवा। देवारे पइ जउन लिखा बाटइ, ओकर अरथ तोहका उहइ बताई।”</verse>
				<verse number="13">तउ उ सबइ दानिय्येल क राजा क लगे लइ आएन। राजा दानिय्येल स कहेस, “का तोहार नाउँ दानिय्येल अहइ? मोर पिता महाराज यहूदा स जिन लोगन क बंदी बनाइके लिआए रहेन, का तू ओनमाँ स एक अहा?</verse>
				<verse number="14">मइँ सुनेउँ ह, कि देवता क आतिमा क तोहमाँ निवास अहइ अउर मइँ इ भी जानेउँ ह कि तोहमाँ महान अन्तदृस्टि अहइ। तू बहोत चुस्त अउ बुध्दिमान अहा।</verse>
				<verse number="15">बुध्दिमान मनई अउ तान्त्रिकन क इ देवार क लिखावट क समुझावइ बरे मोरे लगे लिआवा गवा। मइँ चाहत रहेउँ कि उ सबइ लोग उ लिखावट क अरथ बतावइँ। किन्तु देवार पइ लिखी इ लिखावट क व्याख्या उ पचे मोका नाहीं दइ पाएन।</verse>
				<verse number="16">मइँ तोहरे बारे मँ सुनेउँ ह कि तू बातन क अरथ क व्याख्या कइ सकत ह अउर तू अत्यन्त कठिन समस्यन क उत्तर भी ढूढ़ सकत ह। जदि देवार क इ लिखावट क तू पढ़ द्या अउर एकर अरथ तू मोका समुझाइ द्या तउ मइँ तोहका उ सबइ चिजियन देब। मइँ तोहका बैंगनी रंग क पोसाक प्रदान करब, तोहरे गले मँ सोना क हार पहिराउब। फुन तउ तू इ राज्ज क तीसर सब स बड़का सासक बन जाब्या।”</verse>
				<verse number="17">एकरे पाछे दानिय्येल राजा क उत्तर देत भए कहेस, “हे राजा बेलसस्सर, तू आपन उपहार अपने लगे रखा, अथवा चाहा तउ ओनका कउनो अउर क दइ द्या। मइँ तोहका वइसे ही देवार क लिखावट पढ़ देब अउर ओकर अरथ का अहइ, इ तोहका समुझाइ देब।</verse>
				<verse number="18">“हे राजा, सर्वोच्च परमेस्सर तोहार पिता नबूकदनेस्सर क एक महान सक्तिसाली राजा बनाए रहेउँ। परमेस्सर ओनका बहोत अधिक स अधिक महत्वपूर्ण बनाए रहा।</verse>
				<verse number="19">सबइ रास्ट्र नबूकदनेस्सर स डरा करत रहेन काहेकि सर्वोच्च परमेस्सर ओक एक बहोत बड़का राजा बनाए रहा। जदि नबूकदनेस्सर कउनो क मार डावइ चाहत तउ ओका मार दीन्ह जात रहा अउर जदि उ चाहत कि कउनो मनई जिअत रहइ तउ ओका जिअत रहइ दीन्ह जात रहा। ओनका जेका उ उन्नती देइ चाहत रहा तउ ओका उन्नती देइ दीन्ह जात रहा। ओनका जेका उ विनम्र बनाइ चाहत रहा तउ ओका विन्रम बनाइ दीन्ह जात रहा।</verse>
				<verse number="20">“किन्तु नबूकदनेस्सर क अभिमान होइ गवा अउर उ हठीला बन गवा। तउ परमेस्सर क जरिये ओहसे ओकर सक्ति छोर लीन्ह गइ। ओका ओकर राज सिंहासन स उतार पंका गवा अउ ओका महिमा विहीन बनाइ दीन्ह गवा।</verse>
				<verse number="21">एकर पाछे लोगन स दूर पराइ जाइ क बरे नबूकदनेस्सर क मजबूर कीन्ह गवा। ओकर सोचइ समुझइ क बुद्धि कउनो पसु क बुद्धि जइसी होइ गइ। उ जंगली गदहन क बीच रहइ लगा अउर डोरन क तरह घास खात रहा। उ ओस मँ भीगा। जब तलक ओका सबक नाहीं मिल गवा, ओकरे संग अइसा ही होत गवा। फिन ओका इ गियान होइ गवा कि मनई क राज्ज पइ सवोर्च्च परमेस्सर क ही सासन अहइ। अउर साम्राज्जन क ऊपर सासन करइ बरे उ जउन कउनो क भी चाहत ह, नियुक्त कइ देत ह।</verse>
				<verse number="22">“किन्तु हे बेलसस्सर, तू तउ एन बातन क जानत ही अहा। तू नबूकदनेस्सर क पूत अहा किन्तु फुन भी तु अपने आप क विनम्र नाहीं बनाया।</verse>
				<verse number="23">नाहीं तू विनम्र तउ नाहीं भया अउ उल्टे सरग क सुआमी क खिलाफ होइ गया। तू ओकरे मन्दिर क पात्रन अउर पिआलन क अपने लगे लिआवइ क आग्या दिहा अउर फुन तू, तोहरे साही हाकिमन, तोहार मेहरूअन, तोहार उप पत्नियन ओन पिआलन मँ दाखरस पिएन। तू चाँदी, सोना, काँसा, लोहा, काठ अउर पाथर क देवतन क गुण गाया। उ पचे फुरइ क देवता नाहीं अहइँ। उ पचे लख नाहीं सकतेन, सुन नाहीं सकतेन तथा उ पचे कछू समुझ भी नाहीं सकतेन। उ पचे जानइ क सामर्थ नाहीं अहइ कि तू ओनका स्तुति करत ह। तू उ परमेस्सर क आदर नाहीं दिहा, जेकर जिन्नगी या जउन कछू भी तू करत अहा, ओह पइ अधिकार अहइ।</verse>
				<verse number="24">तउ एह बरे, परमेस्सर उ हाथे क पठएस जउन देवार पइ लिखेस।</verse>
				<verse number="25">देवार पइ जउन सब्द लिखा गवा अहइँ, उ सबइ इ सबइ अहइँ: मने, मने तकेल, ऊपर्सीन।</verse>
				<verse number="26">“एन सब्दन क अरथ अहइ, मने: अर्थात् परमेस्सर तोहरे सासन क दिन गन लिहेस ह अउर उ ओकरे अन्त लिआएस ह।</verse>
				<verse number="27">तकेल: अर्थात् तराजू पइ तोहका तौल लीन्ह गवा ह अउर तू पूरा नाहीं उतरा ह।</verse>
				<verse number="28">ऊपर्सीन: अर्थात् तोहसे तोहार राज्ज छोरा जात अहइ अउर ओकर बँटवारा होत अहइ। इ राज्ज मादियन अउ फारसिदन क लोगन क दइ दीन्ह जाइ।”</verse>
				<verse number="29">एकरे पाछे बेलसस्सर आग्या दिहेस कि दानिय्येल क बैंगनी बेसभूसा पहिराइ जाइ। ओकरे गले मँ सोने क हार पहिराइ दीन्ह जाइ अउर इ घोसणा कइ दीन्ह गइ कि उ राज्ज मँ तीसरा सबस बड़कवा सासक होइ।</verse>
				<verse number="30">उहइ रात, बेलसस्सर, बाबुल क प्रजा क राजा बध कइ दीन्ह गवा।</verse>
				<verse number="31">मादे क रहइवाला एक मनई जेकर नाउँ दारा रहा अउर जेकर आयु कउनो बासठ बरिस क रही, हुवाँ क नवा राजा बना।</verse>
			</chapter>
			<chapter number="6">
				<verse number="1">दारा राज्ज पइ हुकुमत करइ बरे ओकर मदद बरे एक सौ बीस प्रान्तीय अधिकारियन क नियुक्त करइ क निहचय किहा।</verse>
				<verse number="2">अउर एकरे बरे उ एक सौ बीस प्रान्त-अधिपतियन क ऊपर हुकुमत करइ बरे तीन ठु मनइयन क अधिकारी नियुक्त कइ दिहस। इ तीनहुँ देख-रेख करइवालन मँ एक रहा दानिय्येल। एन तीन मनइयन क नियुक्ति राजा एह बरे किहे रहा कि कउनो ओकरे संग छल न कइ पावइ अउर ओकर राज्ज क कउनो भी हानि न होइ।</verse>
				<verse number="3">दानिय्येल इ कइ देखाएस कि उ दूसर पर्यवेच्छकन स जियादा उत्तिम अहइ। दानिय्येल इ काम आपन उत्तम मानिसक जागतन अउर महान अन्तदृस्टि क कारण सम्पनन कइ सकेस। राजा दानिय्येल स एतना जियादा प्रभावित भवा कि उ दानिय्येल क सारी हुकुमत क हाकिम बनावइ क सोचेस।</verse>
				<verse number="4">किन्तु जब दूसर पर्यवेच्छकन अउ प्रान्त अधिपतियन एकरे बारे मँ सुनेन तउ ओनका दानिय्येल स जलन होइ लाग। उ पचे ओका कोसइ क बरे कारण ढूँढइ क जतन करइ लागेन। किन्तु फुन भी उ पचे ओकरे काम मँ कउनो दोख या कउनो भ्रस्ट नाहीं ढूँढ पाएन। तउ उ पचे ओह पइ कउनो गलत काम करइ क दोख नाहीं लगाइ सकेन। काहेकि दानिय्येल बहोत ईमानदार अउ भरोसेमन्द मनई रहा। उ पचे ओहमाँ कउनो दोख नाहीं ढूँढ पाएन।</verse>
				<verse number="5">आखिरकार ओन लोग कहेन, “दानिय्येल पइ कउनो बुरा काम करइ क दोख लगावइ क वजह हम कबहुँ नाहीं ढूंढ़ पाउब। एह बरे हमका सिकाइत क बरे कउनो अइसी बात ढूँढ़इ चाही जउन ओकर परमेस्सर क नेमन स सम्बन्ध रखत होइ।”</verse>
				<verse number="6">तउ उ पचे दुइनउँ पर्यवेच्छक अउर उ सबइ प्रान्त-अधिपति टोली बनाइके राजा क लगे गएन। उ पचे कहेन, “हे राजा दारा, तू अमर रहा।</verse>
				<verse number="7">हम सबहिं पर्यवेच्छक, हाकिम, प्रान्त-अधिपति, मंत्री अउर राज्जपाल एक बात पइ सहमत अहइ कि राजा क इ नेम बनाइ देइ चाही अउर हर मनई क इ नेम क पालन करइ चाही। उ नेम इ अहइँ, जदि अगले तीस दिनन तलक कउनो भी मनई, आपक तजिके कउनो अउर देवता या मनई क पराथना करइ तउ उ मनई क सेरन क माँद मँ डाइ दीन्ह जाइ।</verse>
				<verse number="8">अब हे राजा! जउने कागज पइ नेम लिखा अहइ, तू ओह पइ हस्ताच्छर कइ द्या। इ तरह स इ नेम कबहुँ बदला नाहीं जाइ सकी। काहेकि मीदियन अउ फारसियन क नेम न तउ बदले जाइ सकत हीं।”</verse>
				<verse number="9">तउ राजा दारा इ नेम बनाइके ओह पइ हस्ताच्छर कइ दिहेस।</verse>
				<verse number="10">हर दिन तीन दाईं दानिय्येल अपने घुटनन क बल निहुरिके आपन परमेस्सर क पराथना करत रहेन अउर आपन परमेस्सर क सुकरिया अदा किहेन। दानिय्येल जब इ नवे नेम क बारे मँ सुनेस तउ उ अपने घर चला गवा। दानिय्येल आपन मकान क छत क ऊपर, आपन कमरा मँ चला गवा। दानिय्येल ओन खिड़कियन क लगे गवा जउन यरूसलेम क तरफ खुलत रहिन। फिन उ आपन घुटनन क बल निहुरा अउर जइसे सदा किया करत रहा, उ वइसे ही पराथना किहेस।</verse>
				<verse number="11">फिन उ सबइ लोग झुण्ड बनाइके दानिय्येल क हिआँ जाइ पहुँचेन। हुवाँ उ पचे दानिय्येल क पराथना करत अउ परमेस्सर स दाया माँगत पाएन।</verse>
				<verse number="12">बस फुन का रहा। उ सबइ लोग राजा क लगे पहुँचेन अउर उ पचे राजा स उ नेम क बारे मँ बात किहन जउन उ बनाए रहा। उ पचे कहेन, “हे राजा दारा, आप एक नेम बनाए रहेन। जेकरे अनुसार अगले तीस दिनन तलक जदि कउनो मनई कउनो देवता स या तोहरे अलावा कउनो मनई स पराथना करत ह तउ, हे राजा, ओका सेरन क माँद मँ फेंकवाइ दीन्ह जाइ। बतावइँ का आप इ नेम पइ हस्ताच्छर नाहीं किहे रहेन?” राजा जवाब दिहस, “हाँ, मइँ उ नेम पइ हस्ताच्छर किहे रहेउँ अउर मादियन अउ फारसियन क नेम अटल होत हीं। न तउ उ सबइ बदले जाइ सकत हीं, अउर न ही मिटावा, जाइ सकत हीं।”</verse>
				<verse number="13">एह पइ ओन राजा स कहेन, “दानिय्येल नाउँ क उ मनई आप क बात पइ धियान नाहीं देत अहइ। दानिय्येल यहूदा क बन्दियन मँ स एक अहइ। जउने नेम पइ आप हस्ताच्छर किहेन ह, उ ओह पइ धियान नाहीं देत अहइ। दानिय्येल अबहुँ भी हर दिन तीन दाईं अपने परमेस्सर क पराथना करत ह।”</verse>
				<verse number="14">राजा जब इ सुनेस तउ उ बहोत दुःखी अउ बियाकुल होइ उठा। राजा दानिय्येल क बचावइ चाहत रहा। एह बरे ओका बचावइ क कउनो उपाय सोचत सोचत राजा सारा दिन बिताइ दिहेस अउर साम होइ गइ।</verse>
				<verse number="15">एकरे बाद उ सबइ लोग एक झुण्ड बनाइके राजा क लगे पहोंचने। उ पचे राजा स कहेन, “हे राजा, मादियन अउ फारसियन क ब्यवस्था क अनुसार या हुकूम पइ राजा हस्ताच्छर कइ देइ, उ न तउ कबहुँ बदला जाइ सकत ह अउर न ही कबहुँ मिटावा जाइ सकत ह।”</verse>
				<verse number="16">तउ राजा दारा आदेस दइ दिहेस। उ सबइ लोग दानिय्येल क धइ लाएन अउर ओका सेरन क माँद मँ लोकाइ दिहेन। राजा दिनिय्येल स कहेस, “मोका आसा अहइ कि तू जउन परमेस्सर क हमेसा उपासना करत ह, उ तोहार रच्छा करी।”</verse>
				<verse number="17">एक बड़ा सा पाथर लिआवा गवा अउर ओका सेरन क माँद क दुआर पइ भेड़ दीन्ह गवा। फुन राजा आपन अँगूठी लिहेस अउर उ पाथर पइ आपन मुहर लगाइ दिहस। साथ ही उ आपन हाकिमन क अंगूठियन क मुहरन भी उ पाथर पइ लगाइ दिहस। एकर इ अभिप्राय रहा कि उ पाथर क कउनो भी हटाइ नाहीं सकत अउर सेरन क उ माँद स दानिय्येल क बाहेर नाहीं लाइ सकत रहा।</verse>
				<verse number="18">एकरे पाछे राजा दारा आपन महल क वापस चला गवा। उ पूरी रात उपवास किहेस। उ नाहीं चाहत रहा कि कउनो ओकरे लगे आवइ अउर ओकर मन बहलावइ। राजा सारी रात सोइ नाहीं पाएस।</verse>
				<verse number="19">दूसरे दिन भिन्सारे जइसे ही सूरज रोसनी फइलइ लाग, राजा दारा जाग गवा अउ सेरन क माँद कइँती दउड़ा।</verse>
				<verse number="20">राजा बहोत चिंतित रहा। राजा जब सेरन क माँद क लगे गवा तउ हुवाँ उ दानिय्येल क जोर स अवाज लगाएस। राजा कहेस, “हे दानिय्येल, हे जिअत परमेस्सर क सेवक, का तोहार परमेस्सर, जेकर तू हमेसा उपासना करत ह, तोहका सेरन स बचावइ मँ सामर्थ भवा ह”</verse>
				<verse number="21">दानिय्येल जवाब दिहेस, “राजा, अमर रहइँ।</verse>
				<verse number="22">मोर परमेस्सर मोका बचावइ बरे सरगदूत पठए रहा। उ सरगदूत सेरन क मुँह बन्द कइ दिहेस। सेरन मोका कउनो हानि नाहीं पहोंचाएन काहेकि मोर परमेस्सर जानत ह कि मइँ निरपराध हउँ। मइँ राजा क बरे कबहुँ कउनो बुरा नाहीं किहेउँ ह।”</verse>
				<verse number="23">राजा दारा बहोत खुस रहा। राजा आपन सेवकन क हुकूम दिहेस कि उ पचे दानिय्येल क सेरन क माँद स बाहेर हींच लेइँ। जब दानिय्येल क सेरन क माँद स बाहेर लिआवा गवा तउ ओका ओह पइ कउनो जखम नाहीं देखाइ दिहस। सेरन दानिय्येल क कउनो भी तरह क हानि नाहीं पहोंचाए रहा। काहेकि उ आपन परमेस्सर पइ बिस्सास किहेस।</verse>
				<verse number="24">एकरे पाछे राजा ओन लोगन क जउन दानिय्येल पइ अभियोग लगाइके ओका सेरन क माँद मँ डलवाए रहेन, बोलवावइ क आदेस दिहस अउर ओन लोगन क, ओनकर मेहररूअन क अउर ओनके गदेलन क सेरन क माँद मँ फेंकवाइ दिहे रहा। एहसे पहिले कि उ पचे सेरन क माँद मँ धरती पइ गिरतेन, सेरन ओनका दबोच लिहन। सेर ओनके तनन क खाइ गएन अउर फुन ओनकर हाड़न क चूर-चूर कइ दिहेन।</verse>
				<verse number="25">एह पइ राजा दारा सारी धरती क लोगन, दूसर जाति क अलग-अलग भासा बोलइवालन क इ पत्र लिखेस: सुभकामनाऐं</verse>
				<verse number="26">मइँ एक ठु नेम बनावत हउँ। मोरे राज्ज क हर भाग क लोगन क बरे इ नेम होइ। तू पचे सबहिं लोगन क दानिय्येल क परमेस्सर क भय मानइ चाही अउर ओकर आदर करइ चाहीं। दानिय्येल क परमेस्सर जिअत अहइ। परमेस्सर सदा-सदा अमर रहत ह। साम्राज्ज कबहुँ ओकर खतम नाहीं होइ ओकरे सासन क अंत कबहुँ नाहीं होइ</verse>
				<verse number="27">परमेस्सर लोगन क बचावत ह अउर रच्छा करत ह। सरग मँ अउ धरती क ऊपर परमेस्सर अद्भूत अचरजे स भरा करम करत ह। परमेस्सर दानिय्येल क सेरन स बचाइ लिहेस।</verse>
				<verse number="28">इ तरह जब दारा क राज रहा अउर जिन दिनन फारसी राजा कुसू क हुकूमत रही, दानिय्येल सफलता प्राप्त किहस।</verse>
			</chapter>
			<chapter number="7">
				<verse number="1">बेलसस्सर क बाबुल पइ सासन काल क पहिले बरिस दानिय्येल क एक ठु सपना आवा सपने मँ आपन पलंग पइ ओलरे भए दानिय्येल, इ सबइ दर्सन लखेन। दानिय्येल जउन सपना लखे रहा, ओका लिख लिहस।</verse>
				<verse number="2">दानिय्येल बताएस, “राति मँ मइँ सपना मँ एक दर्सन पाएउँ। मइँ लखेउँ कि चारिहुँ दिसा स हवा बहत अहइ अउर ओन हवा स सागर उफनइ लाग।</verse>
				<verse number="3">फुन मइँ तीन पसुअन क लखेउँ। हर पसु दूसर पसु स भिन्न रहा। उ पचे चारिहुँ पसु समुद्रर मँ स उभरिके बाहर निकरे रहेन।</verse>
				<verse number="4">“ओनमाँ स पहिला पसु सिहं क समान देखाइ देत रहा अउर उ सिहं क उकाब क जइसे पंख रहेन। मइँ उ पसु क लखेउँ। फुन मइँ लखेउँ कि ओकर पंख उखाड़ फेंका गवा अहइँ। धरती पइ स उ पसु क इ तरह उठावा गवा जेहसे उ कउनो मनई क समान आपन दुइ गोड़न पइ खड़ा होइ गवा। ऍका मनई क दिमाग दइ दीन्ह गवा रहा।</verse>
				<verse number="5">“अउर फुन मइँ लखेउँ कि मोरे समन्वा एक अउर दूसर पसु मौजूद अहइ। इ पसु एक भालू क नाईं रहा। उ आपन एक बगल पइ उठा भवा रहा। उ पसु क मुहँ स दाँतन की बीच तीन पसलियन रहिन। उ भालू स कहा गवा रहा, ‘उठा अउर तोहका जेतना चाही ओतना माँस खाइ ल्या।’</verse>
				<verse number="6">“एकरे पाछे, मइँ लखेउँ कि मोरे समन्वा एक अउर पसु खड़ा अहइ। इ पसु चीते जइसा लगत रहा अउर उ चीता क पिठिया पइ चार पंख रहेन। पंख अइसे लगत रहेन, जइसे उ पचे कउनो चिरइया क पंख होइँ। इ पसु क चार ठु सिर रहेन, अउर ओका हुकूमत क अधिकार दीन्ह गवा रहा।</verse>
				<verse number="7">“एकरे पाछे, सपना मँ रात क मइँ लखेउँ कि मोरे समन्वा एक अउर चौथा जनावर खड़ा अहइ। इ जनावर बहोतइ खूँखार अउर भयानक लगत रहा। उ बहोत मजबूत देखाई देत रहा। ओकरे लोहे क लम्बे-लम्बे दाँत रहेन। इ जनावर अपने सिकारन क कुचर कइके खाइ डावत रहा अउर सिकार क खाइ चुकइ क पाछे जड़न कछू बचि रहत, उ ओका आपन गोड़न क तरे कुचरि डावत रहा। इ पसु स पहिले मइँ सपना मँ जउन पसु लखे रहेउँ, उ चउथा पसु ओन स अलग रहा। इ पसु क दस ठु सींग रहेन।</verse>
				<verse number="8">“अबहिं मइँ ओन सींगन क बारे मँ सोच ही रहेउ कि ओन सींगन क बीच एक ठु अउर सींग जमि आवा। इ सींग बहोत छोट रहा। इ छोटे सींग पइ आँखिन रहिन, अउर उ सबइ आँखिन कउनो मनई क आँखिन जइसी रहिन। इ छोटके सींग मँ एक मुँह भी रहा अउर उ खुद क प्रसंसा करत रहा। इ छोटका सींग दूसर सींगन मँ स तीन ठु सींग उखाड़ फेकेस।</verse>
				<verse number="9">“मोर लखत ही लखत, ओनकी जगह पइ सिंहासन रखे गएन अउर उ सनातन राजा सिंहासन पर बिराज गवा। ओकर ओढ़ना बहोतइ उज्जर रहेन, उ सबइ ओढ़नन बर्फ जइसे सफेद रहेन। ओकर सिंहासन आगी क बना रहा अउर ओकर पहियन लपटन स बना रहेन।</verse>
				<verse number="10">प्राचीन राजा क समन्वा एक आगी क नदी बहत रही। लाखों करोड़ों लोग ओकर सेवा मँ रहेन। ओकरे समन्वा करोड़न दास खड़ा रहेन। निआवधीस ओकर समन्वा बइठेस अउर पुस्तकन खोली गइ होइँ।</verse>
				<verse number="11">“मइँ लखत क लखत रहि गएउँ काहेकि उ छोटका सींग डीगंन मारत रहा। मइँ उ समइ तलक लखत रहेउँ जब अन्तिम रूप स चउथे पसु क हत्तिया कइ दीन्ह गइ। ओकरी देह क नस्ट कइ दीन्ह गवा अउर ओका धधकत आगी मँ डाइ दीन्ह गवा।</verse>
				<verse number="12">दूसर पसुअन क सक्ति अउर राजसत्ता ओहसे छीन लीन्ह गएन। किन्तु एक निहचित समइ तक ओनक जिअत रहइ दीन्ह गवा।</verse>
				<verse number="13">“राति क मइँ आपन दिव्व सपन मँ लखेउँ कि मोर समन्वा कउनो खड़ा अहइ, जउन मनई जइसा देखाई देत रहा। उ अकास मँ बादरन पइ सवार होइके आवत रहा। उ उ सनातन राजा क लगे आवा रहा। तउ ओका ओकरे समन्वा लइ आवा गवा।</verse>
				<verse number="14">“उ जउन मनई क समान देखाई देत रहा, ओका अधिकार, महिमा अउर सम्पूर्ण सासन सत्ता सौंप दीन्ह गइ। सबहिं लोग, सबहिं जातियन अउर प्रत्येक भासा-भासी लोग ओकर आराधना करिहीं। ओकर राज्ज अमर रही। ओकर राज्ज सदा बना रही। उ कबहुँ नस्ट नाहीं होइ।</verse>
				<verse number="15">“मइँ, दानिय्येल बहुत विकल अउ चिंतित रहेउँ। उ सबइ दर्सन जउन मइँ लखे रहेउँ, उ सबइ मोका विकल बनाए भए रहेन।</verse>
				<verse number="16">मइँ जउन हुवाँ खड़ा रहेउँ, ओनमाँ स एक क लगे पहोंचेउँ। मइँ ओहसे पूछेउँ, “इ सब कछू क अरथ का अहइ? तउ उ बताएस, उ मोका समुझाएस कि एन बातन क मतलब का अहइ।</verse>
				<verse number="17">उ कहेस, ‘उ पचे इ चार बड़के पसु, चार राज्ज अहइँ। उ सबइ चारिहुँ राज्ज धरती स उ मरिहीं।</verse>
				<verse number="18">किन्तु परमेस्सर क पवित्तर लोग उ राज्ज क प्राप्त करिहीं जउन एक अमर राज्ज होइ।’</verse>
				<verse number="19">“फुन मइँ इ जानइ चाहेउँ कि उ चउथा पसु का रहा अउर ओकर का अभिप्राय रहा? उ चउथा पसु सबहिं दूसर पसुअन स भिन्न रहा। उ बहोत भयानक रहा। ओकर दाँत लोहे क रहेन, अउर पंजे काँसे क रहेन। उ पसु रहा, जउन आपन सिकार क चकनाचूर कइके पूरी तरह खाइ लिहे रहा, अउर आपन सिकार क खाइ क पाछे जउन कछू बचा रहा, ओका आपन गोड़वन क तले रौंद डाए रहा।</verse>
				<verse number="20">उ चउथे पसु क सिर पइ जउन दस सींग रहेन, मइँ ओनके बारे मँ जानइ चाहेउँ अउर मइँ उ सींग क बारे मँ जानइ चाहेउँ जउन हुवाँ सींगन मँ स तीन ठु सींग उखाड़ि फेंके रहेन। उ सींग दूसर सींगन स जियादा बड़का देखाई देत रहा। ओकर आँखिन रहिन अउर उ आपन डींग हाँके चला जात रहा।</verse>
				<verse number="21">मइँ लखत ही रहेउँ कि उ सींग परमेस्सर क पवित्तर लोग क विरुद्ध युद्ध अउर ओन पइ हमला करब सुरू कइ दिहेस ह अउर उ सींग ओनका मारि डावत अहइ।</verse>
				<verse number="22">परमेस्सर क पवित्तर लोग क उ सींग उ समइ तलक मारत रहा जब तलक सनातन राजा आइके उ सींग क निर्णय नाहीं किहस। उ निर्णय परमेस्सर क पवित्तर लोग क पच्छ मँ रहा। अउर ओनका ओनके आपन राज्ज क प्राप्ति होइ गइ।</verse>
				<verse number="23">“अउर फुन उ सपना क मोका इ तरह समुझाएस कि उ चउथा पसु, ‘उ चउथा राज्ज अहइ जउन धरती पइ आई। उ राज्ज दूसर सबहिं राज्जन स अलग होइ। उ चउथा राज्ज ससांर मँ सब कहूँ लोगन क बिनास करी। संसार क सबहिं देसन क उ आपन गोड़न तले रौदी अउर ओनकर टूका-टूका कइ देइ।</verse>
				<verse number="24">उ सबइ दस सींग उ सब दस राजा अहइँ, जउन इ चउथे राज्ज मँ अइहीं। एन दसन राजा लोगन क चले जाइ क पाछे एक ठु अउर राजा आई। उ राजा अपने स पहिले क राजा लोगन स अलग होइ। उ ओनमाँ स तीन दूसर राजा लोगन क पराजित करी।</verse>
				<verse number="25">इ बिसेस राजा सर्वोच्च परमेस्सर क विरुद्ध बातन करी तथा उ राजा परमेस्सर क पवित्तर लोगन क नोस्कान पहोंचाइ अउर ओनकर बध करी। जउन पवित्तर उत्सव अउर जउन नेम इ समइ प्रचलन मँ अहइँ उ राजा ओनका बदलइ क जतन करी। परमेस्सर क पवित्तर लोग साढ़े तीन बरिस तलक उ राजा क सक्ति क अधीन रहिहीं।</verse>
				<verse number="26">“‘किन्तु जउन कछू होब अहइ, ओकर निर्णय निआवालय करी अउर उ राजा स ओकर सक्ति छोरि लीन्ह जाइ। ओकरे राज्ज क पूरी तरह अन्त होइ।</verse>
				<verse number="27">फिन परनेस्सर क पवित्तर लोग उ राज्ज क हुकूमत चलइहीं। धरती क सबहिं राज्जन क सबहिं लोगन पइ सासन होइ। इ राज्ज सदा सदा अटल रही, अउर दूसर सबहिं राज्जन क लोग ओनका आदर देइहीं अउर ओनकर सेवा करिहीं।’</verse>
				<verse number="28">“इ तरह उ सपना क अंत भवा। मइँ, दानिय्येल तो बहोत डेराइ गवा रहेउँ। डर स मोर मुँह पीला पड़ गवा रहा। मइँ जउन बातन लखे रहेउँ अउर सुने रहेउँ, मइँ ओनके बारे मँ दूसर लोगन क नाहीं बताएउँ।”</verse>
			</chapter>
			<chapter number="8">
				<verse number="1">बेलसस्सर क सासन काल क तीसरे बरिस मइँ इ दर्सन लखेउँ। इ उ पहिले वाल दर्सन क बाद क दर्सन रहा।</verse>
				<verse number="2">मइँ लखेउँ कि मइँ सूसन नगर मँ हउँ। सूसन, एलाम प्रान्त क राजधानी रही। मइँ ऊलै नदी क किनारे पइ खड़ा रहेउँ।</verse>
				<verse number="3">मइँ आँखिन ऊपर उठाएउँ तउ लखेउँ कि ऊलै नदी क किनारे पइ एक भेड़ा खड़ा अहइ। उ भेड़ा क दुइ लम्बे सींग रहेन। जदपि ओकर दुइनउँ ही सींग लम्बे रहेन। पर एक सींग दूसर स लम्बा रहा। लम्बा वाला सींग छोटेवाले सींग क बाद मँ जमा रहा।</verse>
				<verse number="4">मइँ लखेउँ कि उ भेड़ा कबहुँ पच्छिम कइँती दउड़त रहा तउ कबहुँ उत्तर कइँती, अउर कबहुँ दक्खिन कइँती अउर सींग मारत फिरत रहा। उ भेड़ा क कउनो भी पसु रोक नाहीं पावत अहइ अउर न ही कउनो दूसर पसुअन क बचाइ पावत अहइ। उ भेड़ा सब कछू कइ सकत रहा, जउन कछू उ करइ चाहत रहा। इ तरह स उ भेड़ा बहोतइ सक्तिसाली होइ गवा।</verse>
				<verse number="5">मइँ उ भेड़ा क बारे मँ सोचइ लगा। मइँ अबहिं सोचत ही रहत रहा कि पच्छिम कइँती स मइँ एक बोकरा क आवत लखेउँ। इ बोकरा धरती पइ दौड़ गवा। किन्तु उ बोकरा क गोड़ धरती पइ छुए तलक नाहीं। इ बोकरा क एक लम्बा सींग रहा। जउन साफ-साफ दिखत रहा, उ सींग बोकरा क दुइनउँ आँखिन क बीचउ-बीच रहा।</verse>
				<verse number="6">फिन उ बोकरा उ दुइ सींगवाले भेड़न क लगे आवा। (इ उहइ भेड़ा रहा जेका मइँ ऊलै नदी क किनारे खड़ा लखे रहेउँ।) उ बोकरा किरोध स भरा भवा रहा। तउ उ भेड़ा क तरफ लपका।</verse>
				<verse number="7">बोकरा क उ भेड़े क तरफ परात भए मइँ लखेउँ। उ बोकरा गुस्सा मँ आग बबूला होत रहा। तउ उ भेड़ा क दुइनउँ सींग तोड़ डाएस। भेड़ा बोकरा क रोक नाहीं पाएस। बोकरा भेड़ा क धरती पइ पछाड़ दिहस अउर फुन उ बोकरा उ भेड़ा क गोड़न तले कुचर दिहस। हुआँ उ भेड़ा क बोकरा स बचावइ वाला कउनो नाहीं रहा।</verse>
				<verse number="8">तउ बोकरा बहोत सक्तिसाली बन बइठा। किन्तु जब उ सक्तिसाली बना, ओकर बड़का सींग टूट गवा अउर फुन उ बड़के सींग क तरह चार सींग अउर निकरि आएन। उ सबइ चारिहुँ सींग आसानी स देखाई पड़त रहेन! उ सबइ चार सींग अलग-अलग दिसा कइँती मुड़े भए रहेन।</verse>
				<verse number="9">फुन ओन चारिहुँ सींगन मँ स एक छोटा सींग अउर निकरि आवा। उ छोटा सींग बढ़इ लाग अउर बढ़त-बढ़त बहोत बड़ा होइ गवा। इ सींग दक्खिन-पूरब कइँती बढ़ा। इ सींग सुन्नर धरती कइँती बढ़ा।</verse>
				<verse number="10">उ छोटा सींग बढ़िके बहोत बड़ा होइ गवा। उ बढ़त बढ़त अकास छुइ लिहेस। उ नान्ह सींग, हिआँ तलक कि कछू तारन क भी धरती पइ पटक दिहस अउर ओन सबहिं तारन क गोड़न तले मसल दिहस।</verse>
				<verse number="11">उ नान्ह सींग बहोत मजबूत होइ गवा अउर फुन उ तारन क सासक (परमेस्सर) क विरुद्ध हो गवा। उ नान्ह सींग उ सासक क अर्पित कीन्ह जाइवाली बलियन क रोक दिहस। उ ठउर जहाँ लोग उ सासक क उपासना किया करत रहेन, उ ओका उजाड़ दिहस</verse>
				<verse number="12">अउर ओनकर फउज क भी हराइ दिहस अउर एक विद्रोही कार्य क रूप मँ उ नान्ह सींग दैनिक बलियन क ऊपर अपने आप क स्थापित कइ दिहस। उ सच क धरती पइ पटक दिहस। उ नान्ह सींग जउन कछू किहस उ सब कछू मँ सफल होइ गवा।</verse>
				<verse number="13">फुन मइँ कउनो पवित्तर जन क बोलत सुनेउँ अउर ओकरे पाछे मइँ सुनेउँ कि कउनो दूसर पवित्तर मनई उ पहिले पवित्तर मनई क जवाब देत अहइ। पहिला पवित्तर मनई कहेस, “इ दर्सन दर्सावत ह कि दैनिक बलियन क का होइ? इ उ भयानक पाप क बारे मँ अहइ जउन बिनास डावत ह। इ दर्सावत ह कि जब लोग उ सासक क पूजा स्थल क तोड़ डइहीं तब का होइ? इ दर्सन दर्सावत ह कि जब लोग उ समूचे ठउर क गोड़न तले रौदिहीं तब का होइ। इ दर्सन दर्सावत ह कि जब लोग तास क ऊपर गोड़ धरहीं तब का होइ? किन्तु इ सबइ बातन कब तलक होत रइहीं?”</verse>
				<verse number="14">दूसर पवित्तर मनई कहेस, “दुइ हजार तीन सौ दिन तलक अइसा ही होत रही अउर ओकरे पाछे पवित्तर ठउर क फुन स स्थापित कइ दीन्ह जाइ।”</verse>
				<verse number="15">मइँ, दानिय्येल इ दर्सन लखे रहेउँ, अउर इ प्रयत्न किहेउँ कि ओकर अरथ समुझ लेउँ। अबहिं मइँ इ दर्सन क विसय मँ सोच ही रहे रहेउँ कि मनई क जइसा देखाइवाला कउनो अचानक आइके मोरे समन्वा खड़ा होइ गवा।</verse>
				<verse number="16">एकरे पाछे मइँ कउनो मनई क वाणी सुनेउँ। इ वाणी ऊलै नदी क ऊपर स आवति रही। उ अवाज कहेस, “जिब्राएल, इ मनई क एकर दर्सन क अरथ समुझाइ द्या।”</verse>
				<verse number="17">तउ जिब्राएल जउन कउनो मनई क समान देखाँत रहा, जहाँ मइँ खड़ा रहेउँ, हुआँ आइ गवा। उ जब मोरे लगे आवा तउ मइँ बहोत डेराइ गएउँ। मइँ धरती पइ भहराइ पड़ेउँ। किन्तु जिब्राएल मोहसे कहेस, “अरे मनई, समुझ ल्या कि इ दर्सन अंत समइ बरे अहइ।”</verse>
				<verse number="18">अबहिं जिब्राएल बोलत ही रहत रहा कि मोका नीदं आइ गइ। नीदं बहोतइ गहरी रही। मोर मुख धरती कइँती रहा। फुन जिब्राएल मोका छुएस अउर मोहसे मोर गोड़न पइ खड़ा कइ दिहस।</verse>
				<verse number="19">जिब्राएल कहेस, “लखा, मइँ तोहका अब, उ दर्सन क समझावत हउँ। मइँ तोहका बताउब कि परमेस्सर क किरोध क समइ क बाद मँ का कछू घटी।</verse>
				<verse number="20">“तू दुइ सींगनवाला भेड़ा लखे रह्या। उ सबइ दुइ सींग अहइँ मादी अउ फारस क दुइ देस।</verse>
				<verse number="21">इ बोकरा युनान क राजा अहइ। ओकर दुइ आखिन क बीच क बड़ा सींग उ पहिला राजा अहइ।</verse>
				<verse number="22">उ सींग टूट गवा अउ ओकरे ठउर क चार सींग निकरि आएन। उ सबइ चार सींग चार राज्ज अहइँ। उ सबइ चार राज्ज, उ पहिले राजा क रास्ट्र स परगट होइहीं किन्तु उ सबइ चारिहुँ राज्ज उ पहिले राजा क स मजबूत नाहीं होइहीं।</verse>
				<verse number="23">“जब ओन राज्जन क अंत ओन लोगन क जरिये बुरा करम करइ क पाछे निकट होइ, तब हुवाँ एक हटी राजा जउन कि पहेलियन क समुझ सकत ह उठ खड़ा होइ।</verse>
				<verse number="24">इ राजा बहोत सक्तिसाली होइ किन्तु ओकर सक्ति ओकर आपन नाहीं होइ। इ राजा भयानक तबाहीं मचाइ देइ। उ जउन कछू करी ओहमाँ ओका सफलता मिली। उ सक्तिसाली लोगन-हिआँ तलक कि परमेस्सर क लोग क भी नस्ट कइ देइ।</verse>
				<verse number="25">“इ राजा बहोत चुस्त अउ मक्कार होइ। उ आपन कपट अउ झूठन क बल पइ सफलता पाइ। उ अपने आप क सब स बड़कवा समुझी। लोगन क उ बिना कउनो चितउनी क नस्ट करवाइ देइ। हिआँ तलक कि उ राजा लोगन क राजा (परमेस्सर) स भी जुद्ध क जतन करी किन्तु उ जफाकस राजा क सक्ति क खतम कइ दीन्ह जाइ अउर ओकर अंत कउनो मनई क हाथन नाहीं होइ।</verse>
				<verse number="26">“अउर साम अउ सुबह कर दर्सन फुरइ अहइँ। किन्तु इ दर्सन पइ तू मुहर लगाइके रख द्या। काहेकि उ सबइ बातन अबहिं बहोत सारे समइ तलक घटइवाली नाहीं अहइ।”</verse>
				<verse number="27">उ दिब्ब दर्सन क बाद मँ मइँ दानिय्येल, बहोत कमजोर होइ गवा अउर बहोत दिनन तलक बीमार पड़ा रहा। फुन बेरामी स उठिके मइँ लउटिके राजा क कामकाज करब सुरू कइ दिहस किन्तु उ दिब्ब दर्सन क कारण मँ बहोत बियाकुल रहा करत रहा। मइँ उ दर्सन क अरथ समुझ ही नाहीं पाए रहेउँ।</verse>
			</chapter>
			<chapter number="9">
				<verse number="1">मादी दारा क हुकूमत क पहिले बरिस मँ, जउन छयर्स राजा क पूत रहा जउन कसदियन क राजा रहा।</verse>
				<verse number="2">दारा क राजा क पहिले बरिस मँ मइँ, दानिय्येल कछु किताबन पढ़त रहेउँ। ओन किताबन मँ मइँ लखेउँ कि यहोवा यिर्मयाह क इ बताएस ह कि यरूसलेम क पुन: निर्माण कितने बरिस बाद होइ। यहोवा कहे रहा कि एहसे पहिले कि यरूसलेम फुन स बसइ, सत्तर बरिस बीत जइहीं।</verse>
				<verse number="3">फुन मइँ आपन सुआमी परमेस्सर कइँती मुड़ेउँ अउर ओहसे पराथना करत भए मदद क याचना किहेउँ। मइँ भोजन करब तजि दिहेउँ अउर अइसे ओढ़ना पहिर लिहेउँ जेहसे इ लागइ कि मँइ दुःखी हउँ। मइँ अपने मूँड़ पइ धूरि डाल दिहेउँ।</verse>
				<verse number="4">मइँ आपन परमेस्सर यहोवा स पराथना करत भए ओका आपन सबहिं पाप बताइ दिहेउँ। मइँ कहेउँ, “हे यहोवा, तू महान अउ भयजोग्ग परमेस्सर अहा। जउन लोग तोहसे पिरेम करत हीं, जउन तोहरे आदेसन क पालन करत हीं, तू ओनके संग आपन पिरेम अउ दयालुता क करार क निभावत ह।</verse>
				<verse number="5">“मुला हे यहोवा, हम पचे पापी अही। हम पचे बुरा किहे अही। हम पचे कुकरम किहे अही। हम पचे तोहार विरोध किहा ह। तोहार निस्पच्छ निआत अउर तोहरे आदेसन स हम पचे दूर भटक गए अही।</verse>
				<verse number="6">हम पचे नबियन क बात नाहीं सुनित। नबी तउ तोहार सेवक अहइँ। उ पचे तोहरे बारे मँ हमारे राजा लोगन, सासकन अउ धरती क सारे लोगन क बारे मँ भी बात किहेस।</verse>
				<verse number="7">“हे यहोवा, तू नीक अहा, अउर तोहमाँ नेकी अहइ। जबकि आजु हम आपन बुरे करम स लज्जित अही। यरूसलेम अउ यहूदा क लोग लज्जित अहइँ-इस्राएल क सबहिं लोग लज्जित अहइँ। उ सबइ लोग जउन निआरे अहइँ अउर उ सबइ लोग जउन बहोत दूर अहइँ। हे यहोवा, तू ओन लोगन क बहोत स देसन मँ फइलाइ दिहा। ओन सबहिं देसन मँ बसे इस्राएल क लोगन क लज्जा आवइ चाही। हे यहोवा, ओन सबहिं बुरी बातन क बरे, जउन उ पचे तोहर विरुद्ध किहेन ह, ओनका लज्जित होइ चाही।</verse>
				<verse number="8">“हे यहोवा, हम सब क लज्जित होइ चाही। हमरे सबहिं राजा लोगन अउ मुखिया लोगन क लज्जित होइ चाही। अइसा काहे अइसा एह बरे कि हे यहोवा, हम तोहरे विरुद्ध पाप किहे अही।</verse>
				<verse number="9">“किन्तु हे यहोवा, तू दयालु अहा। लोग, जउन बुरे करम करतेन तउ तू ओनका, छमा कइ देत ह। हम असल मँ तोहसे मुँह फेर लिहा ह।</verse>
				<verse number="10">हम आपन यहोवा परमेस्सर क आग्या क पालन नाहीं कीन्ह। यहोवा आपन सेवकन, आपन नबियन क जरिये हमका व्यवस्था क विधान प्रदान किहस। किन्तु हम पचे ओकर व्यवस्थन क नाहीं माना।</verse>
				<verse number="11">इस्राएल क कउनो भी मनई तोहरी सिच्छन पइ नाहीं चला। उ पचे सबहिं राह स भटक ग रहेन। उ पचे तोहरे आदेसन क पालन नाहीं किहन। मूसा, जउन परमेस्सर क सेवक रहा क ब्यवस्था अउर विधान मँ सरापन अउ गम्भीर चिताउनी क उल्लेख भवा ह। उ सबइ सराप अउ चिताउनी ब्यवस्था अउर विधान पइ नाहीं चलइ क दण्ड क बखान करत हीं अउर उ सबइ सबहिं बातन हमरे संग घट चुकी अहइँ काहेकि हम यहोवा क विरोध मँ पाप किहा ह।</verse>
				<verse number="12">“परमेस्सर बताए रहा कि हमरे संग अउ हमरे मुखिया लोगन क संग उ सबइ बातन घटिहीं अउर उ ओनका घटाइ दिहस। उ हमरे संग भयानक बातन घटाइ दिहस। यरूसलेम क जेतना कस्ट उठावइ क पड़ा, कउनो दूसर नगर नाहीं उठाएस।</verse>
				<verse number="13">उ सबइ सबहिं भयानक बातन जउन मूसा क व्यवस्था क विधान मँ लिखा अहइँ हमरे संग भी घटिन। किन्तु हम अबहुँ भी यहोवा हमरे परमेस्सर स मदद माँगइ नाहीं परत ह। हम अबहुँ भी आपन पाप करब नाहीं तजा ह। अबहुँ तलक भी हम तोहस सच्चाई क अनुसार रहना सीखइ मँ रूची नाहीं रखत हउँ।</verse>
				<verse number="14">यहोवा उ सबइ खौफनाक बातन तइयार रख छोड़े रहिन अउर उ हमरे संग ओन बातन क घटाइ दिहस। हमार परमेस्सर यहोवा अइसा एह बरे किहे रहा कि उ तउ जउन कछू भी करत ह, निआव ही करत ह। किन्तु हम अबहुँ भी ओकर नाहीं सुनित।</verse>
				<verse number="15">“हे सुआमी हमार परमेस्सर, तू आपन महान सक्ति क प्रयोग किहा अउर हमका मिस्र स बाहेर निकारि लिआया। हम तउ तोहार आपन लोग अही। आजु तलक उ घटना क कारण तू जाना जात अहा। हे सुआमी, हम पाप किहा ह। हम खौफनाक पाप किहा ह।</verse>
				<verse number="16">हे सुआमी, यरूसलेम पइ किरोध करब तजि द्या। यरूसलेम तोहार पवित्तर पर्वतन पइ टिका अहइ। तू जउन करत अहा, ठीक ही करत अहा। एह बरे यरूसलेम पइ किरोधित होब तजि द्या। हमरे आसपास क लोग हमार अपमान करत हीं अउर हमरे लोगन क हँसी उड़ावत हीं। हम लोगन क पाप अउर हम लोगन क पुरखन क पापन क कारण इ सबइ कछू भएस ह।</verse>
				<verse number="17">“अब, हे यहोवा, तू मोर पराथना सुनि ल्या। मइँ तोहार दास हउँ। मदद बरे मोर बिनती सुन ल्या। आपन पवित्तर ठउर बरे तू अच्छी बातन करा। उ भवन नस्ट कइ दीन्ह गवा रहा। किन्तु हे यहोवा, तू खुद आपन भले बरे इ भली बातन क करा।</verse>
				<verse number="18">हे मोर परमेस्सर, हम लोगन क सुना। जरा आपन आँखिन खोला अउर हमरे संग जउन खौफनाक बातन घटी अहइँ, ओनका लखा। उ नगर जउन तोहरे नाउँ स गोहरावा जात रहा, लखा ओकरे संग का होइ गवा ह। मइँ इ नाहीं कहत हउँ कि हम अच्छे लोग अही। मइँ पराथना करत हउँ काहेकि मइँ जानत हउँ कि तू बहोत दयालु अहा।</verse>
				<verse number="19">हे सुआमी मोर सुना, हे यहोवा, हमका छिमा करा। हे सुआमी, हम पइ धियान द्या, अउर फुन कछू करा। अब अउर प्रतीच्छा जिन करा। इहइ समइ कछू करा। ओका तू खुद अपने भले बरे करा। हे सुआमी, अब तउ आपन नगर अउर आपन ओन लोगन क बरे, जउन तोहरे नाउँ स गोहरावा जात हीं कछू करा।”</verse>
				<verse number="20">मइँ परमेस्सर स पराथना करत भए इ सबइ बातन कहत रहेउँ। मइँ इस्राएल क लोगन क अउर आपन पापन क बारे मँ बतावत रहेउँ। मइँ यहोवा हमार परमेस्सर क पवित्तर पर्वत पइ पराथना करत रहेउँ।</verse>
				<verse number="21">मइँ अबहिं पराथना करत ही रहेउँ कि जिब्राएल मोरे लगे आवा। जिब्राएल उहइ सरगदूत रहा जेका मइँ दर्सन मँ लखे रहेउँ। जिब्राएल हाली स मोरे लगे आवा। उ साँझ क बलि क समइ आवा रहा।</verse>
				<verse number="22">मइँ जउन बातन क समुझइ चाहत रहा, ओन बातन क समुझइ मँ जिब्राएल मोर मदद किहेस। जिब्राएल कहेस, “हे दानिय्येल, मइँ तोहका बुद्धि प्रदान करइ अउ समुझइ मँ तोर सहायता क आवा हउँ।</verse>
				<verse number="23">जब तू पहिले पराथना आरंभ किहे रही, आदेस देइ दीन्ह गवा रहा अउ लखा मइँ तोहका बतावइ आइ गवा हउँ। परमेस्सर तोहका बहोत पिरेम करत ह। इ आदेस तहोरी समुझ मँ आइ जाइ अउर तू उ दर्सन क अरथ जान लेब्या।</verse>
				<verse number="24">“हे दानिय्येल, परमेस्सर तोहार प्रजा अउ तोहार पवित्तर नगरी बरे सत्तर हफ्तन क समइ निहचित किहेस ह। सत्तर हफ्तन क समइ एह बरे निहचित कीन्ह गवा ह ताकि बुरे करम खत्म कइ दीन्ह जाइँ, अउर पाप करब बन्द कइ दीन्ह जाइ, पापन बरे प्रायस्चित कीन्ह जाइ, हमेसा बरे निआव स्थापित कीन्ह जाइ। सब लोगन क सुद्ध कीन्ह जाइ, सदा-सदा बनी रहइवाली नेकी क लिआवा जाइ, दर्सन अउ नबियन पइ मोहर लगाइ दीन्ह जाइ, अउर पवित्तर ठउरे क समर्पित कीन्ह जाइ।</verse>
				<verse number="25">“दानिय्येल, तू एन बातन क समुझ ल्या। एन बातन क गियान रखा। जब वापस आवइ अउ यरूसलेम क पुनःनिर्माण करइ क आदेस दीन्ह गवा रहा क समइ स लइके अभिसिक्त कीन्ह गवा क आवइ क समइ तलक सात हफ्ता लगिहीं। सर्वजिनिक बाजार क निर्माण अउ नगर क रच्छा करइ बरे नगर क चारिहुँ कइँती खाई खोदइ क संग नगर क बासठ हफ्तन मँ निमार्ण कीन्ह जाइहीं। बासठ हफ्ता तलक यरूसलेम क बसावा जाइ।</verse>
				<verse number="26">बासठ हफ्तन पाछे उ अभिसिक्त मनई क हत्तिया कइ दीन्ह जाइ। उ अउर नाहीं रहब्या। फुन होइवाले नेता क लोग नगर क अउर उ पवित्तर ठउरे क तहस-नहस कइ देइहीं। उ अंत अइसे आइ जइसे बाड़ आवत ह। अंत तलक जुद्ध होत रही। उ ठउरे क पूरी तरह तहस-नहस कइ देइ क परमेस्सर आदेस दइ चुका ह।</verse>
				<verse number="27">“एकरे पाछे उ भावी सासक बहोत स लोगन क संग एक करार करी। उ करार एक हफ्ता तलक चली। भेंटन अउ बलियन आधे हफ्ता क पाछे रुकी रहिहीं अउर फुन एक विनासकर्ता आई। उ बहोत सारा घृणित काम करिहीं। किन्तु ओनकर पूरा करइ स पहिले, जउन आदेस दीन्ह गवा ह उ विध्वंस करइवालन क खिलाफ कीन्ह जाइहीं।”</verse>
			</chapter>
			<chapter number="10">
				<verse number="1">कुसू फारस क राजा रहा। कुसू क सासनकाल क तीसरे बरिस दानिय्येल क एन बातन क दैवी संदेस मिला। (दानिय्येल क ही दूसर नाउँ बेलतसस्सर रहा) इ सबइ बातन फुरइ रहेन किन्तु समुझइ बरे बहोत कठिन रहेन। किन्तु दानिय्येल ओन क समुझ गवा। उ सबइ बातन एक दर्सन मँ ओका समुझाई गई रहिन।</verse>
				<verse number="2">दानिय्येल क कहब अहइ, उ समइ, मइँ दानिय्येल, तीन हफ्तन तलक बहोत दुःखी रहा।</verse>
				<verse number="3">ओन तीन हफ्तन क दौरान, मइँ कउनो भी उत्तम खाना नहीं खाएउँ। मइँ दाखरस नाहीं पिएउँ। कउनो भी तरह क तेल मइँ आपन मुँड़े पइ नाहीं डाएउँ। तीन हफ्ता तलक मइँ अइसा कछू भी नाहीं किहेउँ।</verse>
				<verse number="4">बरिस क पहिले महीने क चउबीसवें दिन मइँ हिद्देकेल महानदी क किनारे खड़ा रहेउँ।</verse>
				<verse number="5">हुवाँ खड़े-खड़े जब मइँ ऊपर कइँती लखेउँ तउ हुँवा मइँ एक मनई क आपन समन्वा खड़ा पाएउँ। उ सन क कपड़ा भवा रहा। ओकर करिहाउँ मँ निखालिस सोना क बनी भइ कमर बंर रही।</verse>
				<verse number="6">ओकर बदन चमचमात पाथर क जइसे रही। ओकर मुँह बिजुरी क समान उज्जर रहा। ओकर बाँहन अउर ओकर गोड़ चमकदार पीतर स झिलमिलात रहेन। ओकर अवाज एतनी ऊँच रही जइसे लोगन क भीड़ क अवाज होत ह।</verse>
				<verse number="7">इ दर्सन बस मोका, दानिय्येल क भवा। जउन लोग मोरे संग रहेन, उ सबइ जदपि उ दर्सन क नाहीं लखि पाएन किन्तु उ सबइ फुन डर गए रहेन। उ पचे एतना डर गएन कि पराइके कहूँ जाइ छिपेन।</verse>
				<verse number="8">तउ मइँ अकेल्ला छूटि गएउँ। मइँ उ दर्सन क लखत रहेउँ अउर उ दृस्य मोका भयभीत कइ डाए रहा। मोर सक्ति जात रही। मोर मुहँ अइसे पिअर पड़ गवा जइसे माना उ कउनो मरे भए मनई क मुँह होइ। मइँ बेवस रहा।</verse>
				<verse number="9">फुन दर्सन क उ मनई क मइँ बात करत सुनेउँ। मइँ ओकर अवाज क सुनत ही रहेउँ कि मोका गहिर नींद घेरि लिहस। मइँ धरती पइ औधें मुँह पड़ा रहेउँ।</verse>
				<verse number="10">फिन एक हाथ मोका छुइ लिहस। अइसा होइ पइ मइँ आपन हाथन अउ आपन घुटनन क बल खड़ा होइ गवा। मइँ डर क मारे थर-थर काँपत रहेउँ।</verse>
				<verse number="11">दर्सन क उ मनई मोहसे कहेस, “दानिय्येल, तू परमेस्सर क बहोत पियारा अहा। जउन सब्द मइँ तोहसे कहउँ ओह पइ तू सावधानी से पियार करा। खड़ा ह्वा। मोका तोहरे लगे पठवा गवा ह।” जब उ अइसा कहेस तउ मइँ खड़ा होइ गवा। मइँ अबहुँ भी थर-थर काँपत रहेउँ काहेकि मइँ डेरान भवा रहा।</verse>
				<verse number="12">एकरे बाद दर्सन क उ मनई फुन बोलन सुरू किहेस। उ कहेस, “दानिय्येल, जिन डेराअ। पहिले ही दिन स तू इ निहचइ कइ लिहे रह्या कि तू परमेस्सर क समन्वा विवेक पूर्ण अउर विनम्र रहब्या। परमेस्सर तोहार पराथनन क सुनत रहत ह। तू पराथना करत रहा ह, मइँ एह बरे तोहरे लगे आवा हउँ।</verse>
				<verse number="13">किन्तु फारस क जुवराज (सरगदूत) इक्कीस दिन तलक मोर संग लड़त रहा अउर मोका तंग करत रहा। एकरे बाद मिकाएल जउन एक बहोतइ महत्व पूर्ण जुवराज रहा। मोर मदद बरे मोरे लगे आवा काहेकि मइँ हुवाँ फारस क राजा क संग अरइ भवा रहा।</verse>
				<verse number="14">हे दानिय्येल, अब मइँ तोहरे लगे तोहका उ बतावइ क आवा हउँ जउन भविस्स मँ तोहरे लोगन क संग घटइवाला अहइ। कहा सपना आवइवाले भविस्स क बारे मँ अहइ।”</verse>
				<verse number="15">अबहिं उ मनई मोहसे बात ही करत रहा कि मइँ धरती क तरफ़ खाले मुँह निहुराइ लिहेउँ। मइँ बोल ही नाहीं पावत रहा।</verse>
				<verse number="16">फुन कउनो जउन मनई क जइसा देखाइ देत रहा, मोरे होठन क छुएस। मइँ आपन मुहँ खोलेउँ, अउ बोलब सुरू किहेउँ। मोरे समन्वा जउन खड़ा रहा, ओहसे मइँ कहेउँ, “महोदय, मइँ दर्सन मँ जउन लखे रहेउँ, मइँ ओहसे बियावुल अउ भयभीत अहउँ। महँ अपने क बेसहारा समुझत हउँ।</verse>
				<verse number="17">मइँ तोहार दास हउँ। मइँ तोहसे कइसे बात कर सकत हउँ? मोर सक्ति जात रहत ह। मोहसे तउ साँस भी नाहीं लीन्ह जात ह।”</verse>
				<verse number="18">मनई जइसे देखात भए उ मोका फुन छुएस। ओकरे छुअत स मइँ मज़बूत बनि गवा।</verse>
				<verse number="19">फुन उ बोला, “दानिय्येल, डेराअ जिन। परमेस्सर तोहसे बहोत पिरेम करत ह। तोहका सान्ति प्राप्त होइ। अब तू सुदृढ़ होइ जा। सुदृढ़ होइ जा।” उ मोहसे जब बात किहेस तउ मइँ अउर जियादा सक्तिसाली होइ गवा। फुन मइँ ओहसे कहेउँ, “सुआमी! आप तउ मोका सक्ति दइ दिहा ह। अब आप बोल सकत हीं।”</verse>
				<verse number="20">तउ उ फुन कहेस, “दानिय्येल, का तू जानत अहा, मइँ तोहरे पास काहे आवा हउँ? फारस क जुवराज स जुद्ध करइ क बरे मोका फुन वापस जाब अहइ। मोरे चले जाइ क बाद युनान क जुवराज हिआँ आइ।</verse>
				<verse number="21">किन्तु दानिय्येल आपन जाइ स पहिले तोहका सब स पहिले मोका इ बताउब अहइ कि सच क पुस्तक मँ का लिखा अहइ। ओन बुरे राजकुमारन क विरोध मँ मीकाएल सरगदूत क अलावा मोरे संग कउनो नाहीं खड़ा होत। मीकाएल उ राजकुमार अहइ जउन तोहरे लोगने पइ हुकूमत करत ह।</verse>
			</chapter>
			<chapter number="11">
				<verse number="1">“मादी राजा दारा क सासनकाल के पहिले बरिस मीकाएल क फारस क जुवराज क विरुद्ध जुद्ध मँ सहारा देइ अउर ओका ससक्त बनावइ क मइँ उठ खड़ा भवा।</verse>
				<verse number="2">“अब लखा, दानिय्येल मइँ, तोहसे सच्ची बात बतावत हउँ। फारस मँ तीन राजा लोगन क सासन अउर होइ। इ एकरे पाछे एक चउथा राज्ज आइ। इ चउथा राज्ज अपने पहिले क फारस क दूसर राजा लोगन स कहूँ जियादा धनवान होइ। उ चउथा राजा सक्ति पावइ बरे आपन धन क प्रयोग करी। उ हर कउनो क युनान क विरोध मँ कइ देइ।</verse>
				<verse number="3">एकर पाछे एक बहोत जियादा सक्तिसाली राजा आइ, उ बड़की सक्ति क संग सासन करी। उ जउन चाही उहइ करी।</verse>
				<verse number="4">राजा क अवाई क पाछे ओकर राज्ज क टूका-टूका होइ जइहीं। ओकर राज्ज चारिहुँ कइँती तितर बितर होइ जाइ। ओकर राज्ज ओकर पूत पोतन क बीच नाहीं बँटी। जउन सक्ति ओहमा रही, उहइ सक्ति ओकरे राज्ज मँ नाहीं होइ। अइसा काहे होइ? अइसा एह बरे होइ कि ओकर राज्ज उखाड़ दीन्ह जाइ अउर ओका दूसर लोगन क दइ दीन्ह जाइ।</verse>
				<verse number="5">“दक्खिन क राजा सक्तिसाली होइ जाइ। किन्तु एकरे पाछे ओकर एक सेनापति ओह स भी जियादा सक्तिसाली होइ जाइ। उ सेना नायक हुकूमत करइ लागी अउर बहोत बलसाली जोइ जाइ।</verse>
				<verse number="6">“फुन कछू बरिसन बाद एक समझोता होइ अउर दक्खिनी राजा क बिटिया उत्तरी राजा स बियाही जाइ। उ सान्ति कायम करइ बरे अइसा करी। किन्तु उ अउर दक्खिनी राजा पर्याप्त सक्तिसाली नाहीं होइहीं। फुन लोग ओकरे अउर उ मनई क जउन ओका उ देस मँ लाए रहा, खिलाफ होइ जइहीं अउर उ सबइ लोग ओकरे बच्चे क अउर उ मेहरारू क हिमाइती मनई क भी खिलाफ होइ जइहीं।</verse>
				<verse number="7">“कन्तु उ मेहरारू क परिवार क एक मनई दक्खिनी राजा क ठउर क लेइ बरे आई। उ उत्तर क राजा क फउजन पइ हमला करी। उ राजा क सुदृढ़ किले मँ प्रवेस करी। उ जुद्ध करी अउर विजयी होइ।</verse>
				<verse number="8">उ ओनके देवतन क मूरतियन क लइ लेइ। उ ओनक धातु क बने मूरतियन अउर ओनकर चाँदी-सोने क बहुमूल्य वस्तुअन क हुवाँ स मिस्र लइ जाइ। फुन कछू बरिसन तलक उ उत्तर क राजा क तंग नाहीं करी।</verse>
				<verse number="9">उत्तर क राजा दक्खिन क राज्ज पइ हमला करी। किन्तु पराजित होइ अउर फुन अपने देस क लउटि जाइ।</verse>
				<verse number="10">“उत्तर क राजा क पूतन जुद्ध क तइयारी करिहीं। उ पचे एक बिसाल फउज जुटइहीं। उ सेना एक सक्तिसाली बाड़ क तरह बड़ी तेजी स धरती पइ अगवा बड़त चली जाइ। उ सेना दक्खिन क राजा क सुदृढ़ दुर्ग तलक सारे रास्ते जुध्द करत जाइ।</verse>
				<verse number="11">फिन दक्खिन क राजा किरोध स तिलमिलाइ उठी। उत्तर क राजा स जुद्ध करइ बरे उ बाहेर निकरि आइ। उत्तर क राजा जदपि एक बहोत बड़ी सेना जुटाइ किन्तु जुद्ध मँ हार जाइ।</verse>
				<verse number="12">“उत्तर क सेना पराजित होइ जाइ, अउर ओन फउजियन क कहूँ लइ जावा जाइ। दक्खिनी राजा क बहोत अभिमान होइ जाइ अउर उ उत्तरी सेना क हजारन-हजार फउजियन क मउत क घाट उतारि देइ। किन्तु उ जुद्ध करइ बरे लगातार नाहीं रहिहीं।</verse>
				<verse number="13">उत्तर क राजा एक अउर सेना जुटाइ। इ सेना पहिली सेना स जियादा बड़ी होइ। कई बरिसन पाछे उ हमला करी। उ सेना बहोत बिसाल होइ अउर ओकरे लगे बहोत स हयियार होइहीं।</verse>
				<verse number="14">“ओन दिनन बहोत स लोग दविखन क राजा क विरोध मँ होइ जाइहीं। कछू तोहार आपन लोग, जेनका जुद्ध प्रिय अहइ, दक्खिन क राजा क खिलाफ बगावत करिहीं। उ पचे जितिहीं तउ नाहीं किन्तु अइसा करत भए उ दर्सन क फुरइ सिध्द करिहीं।</verse>
				<verse number="15">फुन ओकरे बाद उत्तर क राजा आई अउर उ नगर क परकोटे पइ ढलवाँ चउतरा बनाइके उ सुदृढ़ नगर पइ कब्जा करी। दक्खिन क राजा क सेना जुद्ध क उत्तर नाहीं दइ पाई। हिआँ तलक कि दक्खिनी सेना क सर्वोत्तम सैनिक भी एतने सक्तिसाली नाहीं होइहीं कि उ पचे उत्तर क सेना क रोक पावइँ।</verse>
				<verse number="16">“उत्तर क राजा जइसा चाही, वइसा करी। ओका कउनो भी रोक नाहीं पाई। उ इ सुन्नर धरती पइ नियन्त्रन कइके सक्ति पाइ लेइ। ओका इ प्रदेस नस्ट करइ क सक्ति पाइ लेइ।</verse>
				<verse number="17">फुन उत्तर क राजा दविखन क राजा स जुद्ध करइ बरे आपन सारी सक्ति का उपयोग करइ क निहचइ करी। उ दक्खिन क राजा संग एक सन्धि करी। उत्तर क राजा दक्खिन राजा स आपन एक बिटिया क बियाह कइ देइ। उत्तर क राजा अइसा एह बरे करी कि उ दक्खिन क राजा क हराई सकइ। किन्तु ओकर उ सबइ योजना फली भूत नाहीं होइहीं। एन सबइ योजना स ओका कउनो मदद नाहीं मिली।</verse>
				<verse number="18">“एकरे आगे उत्तर क राजा भूमध्य-सागर क तट स लगत भए देसन पइ आपन धियान लगाई। उ ओन देसा मँ स बहोत स देसन क जीत लेइ। किन्तु फुन एक सेनापति उत्तर क राजा क उ अहंकार अउर उ बगावत क अंत कइ देइ। उ सेनापति उ उत्तर क राजा क लज्जित करी।</verse>
				<verse number="19">“अइसा घटइ क पाछे उत्तर क उ राजा खुद आपन देस क सुदृढ़ किलन कइँती लउटि जाइ। किन्तु उ दुर्बल होइ चुका होइ अउर ओकर पतन होइ जाइ। फुन ओकर पता भी नाहीं चली।</verse>
				<verse number="20">“उत्तर क उ राजा क पाछे एक नवा सासक आइ। उ सासक कउनो कर वसूलइ वालन क पठइ। उ सासक अइसा एह बरे करी कि उ सम्पन्नता क संग जिन्नगी बितावइ बरे पर्याप्त धन जुटाइ सकइ। किन्तु थोड़े ही बरिसा मँ उ सासक क अंत होइ जाइ। किन्तु उ जुद्ध मँ नाहीं मारा जाइ।</verse>
				<verse number="21">“उ सासक क पाछे एक बहोत क्रूर एवं घृणा जोग्ग मनई आइ। उ मनई क राज परिवार क बंसज होइ क गौरव प्राप्त नाहीं होइ। उ चालाकी स राजा बनी। जब लोग अपने क सुरच्छित समुझे हुए होइहीं, उ तबहिं राज्ज पइ आक्रमण करी अउर ओह पइ कब्जा कइ लेइ।</verse>
				<verse number="22">उ बिसाल सक्तिसाली फउजन क हराई देइ। उ समुझौते क मुखिया क संग सन्धि करइ पइ भी ओका पराजित करइ।</verse>
				<verse number="23">बहोत स रास्ट्र उ क्रूर एवं घिना जोग्ग राजा क संग सन्धि करिहीं किन्तु उ ओनसे मिथ्या स भरी चालाकी बरती। उ मज़बूत होइ जाई किन्तु बहोत थोड़े स लोग ही ओकर पच्छ मँ होइहीं।</verse>
				<verse number="24">“जब उ प्रदेस क सर्वाधिक धनी छेत्र आपन क सुरच्छित अनुभव करत रहे होइहीं; उ क्रूर एवं घिना स भरे सासक ओन पइ हमला कइ देइ। उ ठीक समइ पइ हमला करी अउर हुवाँ सफलता प्राप्त करी जहाँ ओकरे पुरखन क सफलता नाहीं मिली रही। उ जउन देसन क पराजित करी ओनकर सम्पत्ति छोरिके आपन पिछलगुअन क देइ। उ सुदृढ़ नगरन क पराजित करइ क सबइ योजना रची। उ कामयाबी तउ पाई किन्तु बहोत थोड़े स समइ बरे।</verse>
				<verse number="25">“उ क्रूर एवं घिना जोग्ग राजा क लगे एक बिसाल फउज होइ। उ उ फउज क उपयोग आपन सक्ति अउर आपन साहस क प्रदर्सन बरे करी अउर एहसे उ दक्खिन क राजा पइ हमला करी। तउ दविखन क राजा भी एक बहोत बड़की अउर सक्तिसाली फउज जुटाइ अउर जुद्ध बरे वूच करी।</verse>
				<verse number="26">किन्तु उ सबइ लोग जउन दक्खिन क राजा क मीत समुझा जात रहेन छुपे-छुपे सबइ योजना रचिहीं अउर ओका पराजित करइ क जतन करिहीं। ओकर फउज पराजित कइ दीन्ह जाइ। जुद्ध मँ ओकर बहोत स फउजी मारा जइहीं।</verse>
				<verse number="27">ओन दुइनउँ राजा लोगन क मन इहइ बात मँ लगी कि एक दूसर क नोस्कान पहोंचावा जाइ। उ पचे एक ही मेज पइ बइठिके एक दूसर स झूठ बोलिहीं किन्तु ओहसे ओन दुइनउँ मँ स कउनो क भला नाहीं होइ, काहेकि परमेस्सर ओनकर अंत आवइ क समइ निर्धारित कइ दिहेस ह।</verse>
				<verse number="28">“बहोत स धन दौलत क संग, उ उत्तर क राजा अपने देस लउटि जाइ। फिन उ पवित्तर वाचा क बरे उ बुरे करम करइ क निर्णय लेइ। उ आपन जोग्गता क अनुसार काम करी अउ फुन आपन देस लउटि जाइ।</verse>
				<verse number="29">“फुन उत्तर क राजा ठीक समइ पइ दक्खिन क राजा पर हमला कइ देइ। किन्तु इ बार उ पहिले क तरह कामयाब नाहीं होइ।</verse>
				<verse number="30">पच्छिम क जहाज अइहीं अउर उत्तर क राजा क विरुद्ध जुद्ध करिहीं। उ ओन जहाजन क आवत लखिने डर जाइ। फुन वापस लउटिके पवित्तर वाचा पइ आपन किरोध उतारी। उ लउटिके, जउन लोग पवित्तर वाचा पइ चलब छोड़ दिहे रहा, ओनकर मदद करी।</verse>
				<verse number="31">फुन उत्तर क राजा यरूसलेम क मन्दिर क असुद्ध करइ बरे आपन फउज पठइ। उ सबइ लोगन क दैनिक बलि समर्पित करइ स रोकिहीं। एकरे पाछे उ सबइ हुवाँ कछू अइसा भयानक घिनौनी वस्तु स्थापित करिहीं जउन फुरइ विनास करइवाला होइ। उ पचे अइसा खौफनाक काम करिहीं जउन विनास क जनम देत ह।</verse>
				<verse number="32">“उ उत्तरी राजा लबार अउ चिकनी चपड़ी बातन स ओन यहूदियन क छली जउन पवित्तर वाचा क पालन करब तजि चुका अहइँ। उ पचे यहूदी अउर बुरे पाप करइ लगिहीं किन्तु उ सबइ यहूदी, जउन परमेस्सर क जानत हीं, अउर ओकर अनुसरण करत हीं, अउर जियादा सुदृढ़ होइ जइहीं। उ सबइ पलटिके जुद्ध करिहीं।</verse>
				<verse number="33">“उ सबइ यहूदी जउन विवेकपूर्ण अहइँ जउन कछू घट रहा होइ, दूसर यहूदियन क ओका समुझइ मँ मदद देइहीं। किन्तु जउन विवेकपूर्ण होइहीं ओनका तउ मृत्यु दण्ड तलक झेलइ होइ। कछू समइ तलक ओनमाँ स कछू यहूदियन क तरवार क घाट उतारा जाइ अउर कछू आगी मँ झोकं दीन्ह जाइ। अथवा बन्दी गृहन मँ डाइ दीन्ह जाइ। ओनमाँ स कछू यहूदियन क घर बार अउर धन दौलत छोर लीन्ह जइहीं।</verse>
				<verse number="34">जब उ पचे यहूदी दण्ड भोग रहे होइहीं तउ ओन विवेकपुर्ण यहूदियन साथ देइहीं, बहोत स केवल देखावा क होइहों।</verse>
				<verse number="35">कछू विवेकपूर्ण यहूदी मार दीन्ह जइहीं। अइसा एह बरे होइ कि उ पचे अउर जियादा सुदृढ़ बनइँ, स्वच्छ बनइँ अउ अंत समइ क आवइ तलक निर्दोस रहइँ। फुन ठीक समइ पइ अंत होइ क समइ आइ जाइ।</verse>
				<verse number="36">“उत्तर क राजा जउन चाही, सो करी। उ आपन बारे मँ डींग हाँकी। उ आत्म प्रसंसा करी अउ सोची कि उ कउनो देवता स भी अच्छा अहइ। उ अइसी बातन करी जउन कउनो कबहुँ सुनी तलक न होइहीं। उ देवतन क परमेस्सर क विरोध मँ अइसी बातन करी। उ उ समइ तलक कामयाब होत चला जाइ जब तलक उ पचे सबहिं बुरी बातन घट नाहीं जातिन। किन्तु परमेस्सर जउन योजना रची ह, उ तउ पूरी होइ ही।</verse>
				<verse number="37">“उत्तर क उ राजा ओन देवतन क उपेच्छा करी जेनका ओकर पुरखन पूजा करत रहेन। ओन देवतन क मूरतियन क उ परवाह नाहीं करी जेनकर पूजा मेहररूअन करत हीं। उ कउनो भी देवता क परवाह नाहीं करी बल्कि उ खुद आपन तारीफ करत रही अउर अपने आप क कउनो भी देवता स बड़का मानी।</verse>
				<verse number="38">अपने पुरखन क देवता क अपेच्छा किले क देवता क पूजा करी उ सोना, चाँदी, बहुमूल्य हीरे जवाहरात अउर दूसर उपहारन स एक अइसे देवता क पूजा करी जेका ओकर पुरखन जानत तलक नाहीं रहेन।</verse>
				<verse number="39">“इ विदिसी देवता क मदद स उ उत्तर क राजा सुदृढ़ गढ़ियन पइ हमला करी। उ ओन लोगन क सम्मान देइ जेनका उ बहोतइ पसन्द करी। उ बहोत स लोगन क ओनके अधीन कइ देइ। अउर उ ओनका भुइँया बाँट देइहीं जउन ओका एकर बरे पैसा भुगतान करिहीं बरे ओनसे भुगतान लिया करी।</verse>
				<verse number="40">“अंत आवइ क समइ उत्तर क राजा, उ दक्खिन क राजा क संग जुद्ध करी। उत्तर क राजा ओह पइ हमला करी। उ रथन, घुड़सवारन अउर बहोत स बिसाल जलयानन क लइके ओह पइ चड़ाई करी। उत्तर क राजा बाड़ क नाईं वेग स उ धरती पइ चढ़ आई।</verse>
				<verse number="41">उत्तर क राजा ‘सुन्नर धरती’ पइ हमला करी। उत्तरी राजा क जरिये बहोत स देस पराजित होइहीं किन्तु एदोम, मोआब अउ अम्मोनियन क मुखिया लोगन क ओहसे बचा लीन्ह जाइहीं।</verse>
				<verse number="42">उत्तर क राजा बहोत स देसन मँ आपन सक्ति देखाइ। मिस्र क भी ओकर सक्ति क पता चल जाइ।</verse>
				<verse number="43">उ मिस्र क सोने चाँदी क खजानन अउ ओकर समूची सम्पत्ति क छोरि लेइ। लूबी अउर कूसी लोग भी ओकरे अधीन होइ जइहीं।</verse>
				<verse number="44">किन्तु उत्तर क उ राजा क पूरब अउ उत्तर स एक समाचार मिली जेहसे उ भयभीत होइ उठी अउर ओका किरोध आइ। उ बहोत स देसन क तबाह कइ देइ क बरे उठी।</verse>
				<verse number="45">उ आपन राजकीय तम्बू समुद्रर अउ सुन्नर पवित्तर पर्वत क बीच लगवइ। किन्तु आखिरकार उ बुरा राजा मरि जाइ। जब ओकर अंत आइ तउ ओका सहारा देइवाला हुवाँ कउनो नाहीं होइ।”</verse>
			</chapter>
			<chapter number="12">
				<verse number="1">दर्सनवाला मनई कहेस, “हे दानिय्येल, तउ उ समइ मीकाएल नाउँ क सरगदूत तोहार लोगन क रच्छा करइ बरे उठ खड़ा होइ। फुन एक बिपत्तिपूर्ण समइ आइ। उ समइ सबन त भयानक होइ, जेतना भयानक उ धरती पइ, जब स कउनो जाति अस्तित्व मँ आई बाटइ, कबहुँ नाहीं आइ होइ। किन्तु हे दानिय्येल, उ समइ तोहरे लोगन मँ स हर उ मनई जेकर नाउँ, पुस्तक मँ लिखा मिली, बच जाइ।</verse>
				<verse number="2">धरती क उ सबइ अनगिनत लोग जउन मरि चुका अहइँ अउर जेनका दफनावा जाइ चुका अहइ, उठ खड़ा होइहीं अउर ओनमाँ स कछू अनन्त जीवन जिअइ बरे उठि जइहीं। किन्तु कछू एह बरे जागिहीं कि ओनका कबहुँ नाहीं समाप्त होइवाली लज्जा अउर घिना प्राप्त होइ।</verse>
				<verse number="3">अकासे क भव्यता क नाई बुध्दिमान पुरुस चमक उठिहीं। अइसे बुध्दिमान पुरुस जउन दूसरन क अच्छी जिन्नगी क राह देखाए रहेन, अनन्त काल बरे तारन क समान चमकइ लगिहीं।</verse>
				<verse number="4">“किन्तु हे दानिय्येल! इ सन्देस क तू छिपाइके रख द्या। तोहका इ पुस्तक बन्द कइ देइ चाही। तोहका अंत समइ तलक इ रहस्स क छुपाइके रखब अहइ। सच्चा गियान पावइ बरे बहोत स लोग एहर-ओहर दउड़ करिहीं अउर इ तरह सच्चे गियान क विकास होइ।”</verse>
				<verse number="5">फुन मइँ, दानिय्येल निगाह उठाएउँ अउर दुइ अलग-अलग मनइयन क लखेउँ। ओनमाँ स एक मनई नदी क हरेक किनारे खड़ा भवा रहा।</verse>
				<verse number="6">उ मनई जउन सन क ओढ़ना पहिर रखे रहा, नदी मँ पानी क बहाव क विरुद्ध खड़ा रहा। ओन दुइनउँ मँ स कउनो एक ओहसे पूछेस, “एन अचरजे स पूर्ण बातन क खतम होइ मँ अबहुँ केतना समइ लागी?”</verse>
				<verse number="7">उ मनई जउन सन क ओढ़ना धारण किहे भवा रहा अउर जउन नदी क जल क बहाव क विरुद्ध खड़ा भवा रहा, उ आपन दाहिन अउ बायाँ-दुइनउँ हाथ अकासे कइँती उठाएस। मइँ उ मनई क अमर परमेस्सर क नाउँ क प्रयोग कइके एक किरिया बोलत भए सुना। उ कहेस, “इ साढ़े तीन बरिस तलक घटी। पवित्तर जन क सक्ति टूट जाइ अउर पुन इ सबइ बातन अंतिम रूप स खतम होइ जइहीं।”</verse>
				<verse number="8">मइँ इ उत्तर सुनेउँ तउ रहा किन्तु वास्तव मँ मइँ ओका समुझेउ नाहीं। तउ मइँ पूछेउँ, “हे महोदय, एन सबहिं बातन क फुरइ निकरइ क पाछे का होइ?”</verse>
				<verse number="9">उ उत्तर दिहस, “दानिय्येल, तू आपन जिन्नगी जिअइ जा। इ सँदेसा गुप्त अहइ अउर जब तलक अंत समइ नाहीं आइ, इ गुप्त ही बना रही।</verse>
				<verse number="10">बहोत स लोगन क सुद्ध कीन्ह जाइ। उ लोग खुद अपने आप क स्वच्छ करिहीं किन्तु दुस्ठ लोग, दुस्ठ ही बना रहिहीं उ सबइ दुस्मन लोग एका नाहीं समुझिहीं। किन्तु बुद्धिमान लोग एका समुझिहीं।</verse>
				<verse number="11">“उ दिना स लइके बलि रोक दीन्ह जाब्या एक हजार दुइ सौ नब्बे दिन होइ जाब्या जब तलक खउफनाक चीज़ जउन तबाह करत अहइ स्थापित कीन्ह जाब्या।</verse>
				<verse number="12">उ मनई जउन प्रतीच्छा करत भए एन एक हजार तीन सौ पैंतीस दिनन क समइ क अंत तलक पहोंची, उ बहोत अधिक भाग्गसाली होइ।</verse>
				<verse number="13">“हे दानिय्येल! जहाँ तलक तोहार बात अहइ, जा अउर अंत समइ तलक आपन जिन्नगी जिआ। तोहका तोहार बिस्राम प्राप्त होइ अउर अंत मँ तू आपन हींसा पावइ बरे मौत स फुन उठ खड़ा होब्या।”</verse>
			</chapter>
		</book>
		<book number="28">
			<chapter number="1">
				<verse number="1">इ यहोवा क उ सन्देस अहइ, जउन बेरी क पूत होसे क जरिये मिला रहा। इ सन्देस उ समइ आवा रहा जब यहूदा मँ उज्जियाह, योताम, आहाज अउ हिजकिय्याह क राज्ज रहा। इ ओन दिनन क बात अहइ जब इस्राएल क राजा योआस क पूत यारोबाम क समइ रहा।</verse>
				<verse number="2">होसे बरे इ यहोवा क पहिला सन्देस रहा। यहोवा कहेस, “जा, अउर एक रण्डी स बियाह कइ ल्या जउन आपन रण्डीबाजी स संतान रखेस ह। काहेकि इ देस क लोग रण्डी क तरह बेउहार करत अहइँ। उ पचे यहोवा बरे अबिस्सासी रहेन ह।”</verse>
				<verse number="3">तउ होसे दिबलैम क बिटिया गोमेर स बियाह कइ लिहस। गोमेर गर्भवती भइ अउर उ होसे बरे एक ठु पूत क जनम दिहस।</verse>
				<verse number="4">यहोवा होसे स कहेस, “एकर नाउँ यिज्रेल राखा। काहे? काहेकि मइँ हाली ही यिज्रेल घाटी मँ कीन्ह गइन हत्या बरे येहू क परिवार क सजा देब फिन एकरे पाछे इस्राएल क बंस क राज्ज क खतम कइ देबउँ।</verse>
				<verse number="5">उहइ समइ यिज्रेल घाटी मँ, मइँ इस्राएल क धनुस क तोड़ देब।”</verse>
				<verse number="6">एकरे पाछे गोमेर फुन गर्भवती भइ अउर एक ठु कन्या क जन्म दिहस। यहोवा होसे स कहेस, “इ कन्या क नाउँ लोरुहामा राखा। काहेकि मइँ अब इस्राएल क लोगन पइ अउर जियादा दाया नाहीं देखाउब। मइँ ओनका छिमा नाहीं करब।</verse>
				<verse number="7">मुला मइँ तउ यहोवा क राज्ज पइ दाया देखाउब। मइँ यहूदा क लोगन क रच्छा करब। मुला ओकरी रच्छा बरे मइँ न तउ धनुस अउर तरवार क प्रयोग करब अउर न ही जुद्ध क घोड़न अउर फउजियन क। मइँ, यहोवा, खुद आपन सक्ती स ओनका बचाउब।”</verse>
				<verse number="8">गोमेर अबहीं लोरुहामा क दूध पिआउब तजे ही रही कि उ फुन गर्भवती होइ गइ। तउ उ एक ठु पूत क जनम दिहस।</verse>
				<verse number="9">एकरे पाछे यहोवा कहेस, “एकर नाउँ लोअम्मी धरा। काहेकि तू पचे मोर प्रजा नाहीं अहा अउर मइँ तोहार परमेस्सर नाहीं अहउँ।”</verse>
				<verse number="10">“तउ पइ भी, भविस्स मँ, इस्राएल मँ अनगिनत लोग होइहीं जइसा सागरे क रेत क कन जउन न तउ नापी जाइ सकत ह अउर न ही जेकर गनती कीन्ह जाइ सकत ह। अउर उहइ जगह पइ जहाँ ओनसे इ कहा ग रहा, ‘तू पचे मोर लोग नाहीं अहा।’ उ पचन्क कहा जाईहीं, ‘तू पचे जिअत परमेस्सर क संतान अहा।’</verse>
				<verse number="11">“तउ फुन यहूदा अउ इस्राएल क लोग एक संग ऍकट्ठा होइ जइहीं। उ पचे आपन खातिर एक सासक क चुनाव करिहीं अउर ओकरे लगे आपन पहँटा होइहीं। यिज़्रेल क दिन असल मँ एक महान दिन होइ।”</verse>
			</chapter>
			<chapter number="2">
				<verse number="1">“आपन भाइयन स कहा: ‘हम पचे एक ही लोग अहइ’ (अम्मी) अउर आपन बहिनियन क कहा, ‘यहोवा हम पचन पइ दयालु (रूहामा) अहइ।’”</verse>
				<verse number="2">“आपन महतारी क खिलाफ एक सिकायत करा, काहेकि उ मोर पत्नी नाहीं अहइ अउर न ही मइँ ओकर भतार अहउँ। ओका अदालत मँ लइ जा, तउ उ रण्डी जइसा बेउहार करइ छोड़ देइ अउर ओकरे प्रेमियन क ओकरे छातियन क बीच स दूर हटाइ देइ।</verse>
				<verse number="3">अगर उ आपन इ रण्डीबाजी क छोड़इ स इन्कार करी, तउ मइँ ओका एकदम्मइ नंगा कइ देब। मइँ ओका वइसा ही प्रदर्सित करब जइसा उ पइदा भए का दिना रहेन। मइँ ओका सूखा रेगिस्तान क जइसा बनाब अउर मइँ ओका पिआसा मार देब।</verse>
				<verse number="4">मइँ ओकरी संतानन पइ कउनो दाया नाहीं देखाउब काहेकि उ पचे रण्डीबाजी क संतान होइहीं।</verse>
				<verse number="5">ओनकर महतारी रण्डी क नाई आचरण किहस ह। उ जउन ओनका गरभधारन किहेस ह मोर बरे लज्जा लिआएस, काहेकि उ कहेस, ‘मइँ आपन प्रेमियन क संग चलब जउन मोका उ सबइ चिजियन देब जेकर मोका जरूर अहइँ। उ पचे मोका रोटी, पानी, ऊन, अउर सन, तेल अउ दाखरस देत हीं।’</verse>
				<verse number="6">“एह बरे, मइँ तोहार रास्ता काँटन स बन्द करब! मइँ ओकरे रास्ता क रोकइ बरे एक ठु देवार खड़ी करब, जेहसे उ आपन रस्ता ही नाहीं पाइ सकिहीं।</verse>
				<verse number="7">जदपि उ आपन प्रेमियन क पाछे भागिहीं, लेकिन उ ओन तक नाहीं पहोंच सकिहीं। जदपि उ ओनका हेरिहीं, लेकिन उ ओनका नाहीं पाइ सकिहीं। फुन उ कहिहीं, ‘मइँ आपन पहिले क भतार क लगे लौटि जाब काहेकि मोर पहिले क जिन्नगी मोजूदा जिन्नगी स बहोत अच्छा रहेन।’</verse>
				<verse number="8">“किन्तु उ नाहीं जानत रही कि उ मइँ ही रहा जउन ओका अन्न, दाखरस अउ तेल देत रहेउँ। मइँ ओका बहोत सारा चाँदी अउ सोना देत रहत रहेउँ, किन्तु ओकर प्रयोग बाल क मूर्तियन बनावइ मँ किहन।</verse>
				<verse number="9">एह बरे मइँ वापस आउब अउर आपन अनाज क उ समइ लइ लेब जब उ काटइ बरे तइयार होइ अउर मइँ आपन दाखरस क काटइ क मोसम मँ लेब। अउर मइँ आपन ऊन अउ सन क ओढ़ना क भी वापस लइ लेब जेका मइँ ओकरे नंगेपन क ढकि बरे दिहे रहेन।</verse>
				<verse number="10">अब मइँ ओका बेवस्त्र कइके नंगा कइ देब ताकि ओकर सबहिं पिरेमी ओका देखि सकइँ। कउनो भी मनई ओका मोर सक्ति स बचाइ नाहीं पाई।</verse>
				<verse number="11">मइँ ओहसे ओकर सारी हँसी खुसी छीन लेब। मइँ ओकर सालाना उत्सवन, नवा चाँद क दावतन अउ हफ्ता क साबित क उत्सवन क खतम मँ लइ आउब। मइँ ओकर सबहिं खास दावतन क रोक देब।</verse>
				<verse number="12">मइँ ओकर सबइ अंगूर क बेल अउर अंजीर क बृच्छन क भी नस्ट कइ देब। उ कहे रहेस, ‘इ सबइ चिजियन मोर पिरेमी लोगन मोका दिहे रहेन।’ मुला अब मइँ ओकरे बगियन क रेगिस्तान बदल देब। ओन बृच्छन स जंगली जानवर आइके आपन भूख मिटावा करिहीं।</verse>
				<verse number="13">“उ बाल क सेवा किया करत रही, एह बरे मइँ ओका दण्ड देब। उ बाल देवतन क अगवा धूप बारत रही। उ गहनन स सजत अउर नथुनी पहिरा करत रही। फिन उ आपन पिरेमियन क लगे जात रही अउ मोका बिसर जात रही।” इ उ अहइ जउन यहोवा कहे रहा।</verse>
				<verse number="14">“एह बरे, मइँ ओका लुभावइ बरे जात हउँ। मइँ ओका रेगिस्तान मँ लइ जाब अउर मइँ खुद ओह पइ जीतब।</verse>
				<verse number="15">मइँ ओन रेगिस्तान मँ ओकरे बरे अंगूरे क बगियन बनाउब। मइँ आकोर क घाटी क आसा क दुआर बनाइ देब। फुन उ मोका उहइ तरह उत्तर देइ जइसे उ समइ दिया करत रही जब उ जवान रही अउर जब मइँ ओका मिस्र स बाहेर लिआए रहेस।”</verse>
				<verse number="16">यहोवा कहत ह: “उ अवसर पइ, तू मोका ‘मोर भतार’ कहिके पुकरब्या। तब तू जियादा समइ तलक मोका ‘मोर सुआमी’ नाहीं कहबू।</verse>
				<verse number="17">मइँ बाल देवतन क नामन क ओकरे मुँह पइसे दूर हटाइ देब। फुन एक भी मनई बाल देवतन क नाउँ नाहीं लिया करिहीं।</verse>
				<verse number="18">“फुन, मइँ इस्राएल क लोगन बरे जंगल क जनावरन, आकासे क पंछियन, अउर धरती पइ रेंगइवालन प्राणियन क संग एक वाचा करब। मइँ धनुस, तलवार अउर जुद्ध क अस्त्रन क तोड़ पेंकब। कउनो अस्त्र-सस्त्र उ भुइँया पइ नाहीं बचि रहइँ। मइँ उ भुइँया क सुरच्छित बनाइ देब जेहसे इस्राएल क लोग सान्ति क संग विस्राम कइ सकिहीं।</verse>
				<verse number="19">मइँ तोहका सदा-सदा बरे आपन दुलहिन क रूप मँ लइ लेब। मइँ प्रतिग्या करत हउँ कि तोहका नेकी, खरेपन, पिरेम अउर दयालुता क संग आपन दुलहिन बनाइ लेब।</verse>
				<verse number="20">मइँ तोहका आपन बिस्सासी दुलहिन बनाइ लेब अउर मइँ तोहार बिस्सासी होइ बरे प्रतिग्या करब। तब तू सचमुच यहोवा क जान जाबू।”</verse>
				<verse number="21">यहोवा कहत ह, “उ दिना मइँ आकास क उत्तर देब अउर आकास धरती क उत्तर देब्या।</verse>
				<verse number="22">धरती अन्न, नवा दाखरस अउर उत्तिम तेल स उत्तर देइहीं। उ पचे यिज्रेल क उत्तर देइहीं।</verse>
				<verse number="23">मइँ भूइँया मँ इस्राएल क आपन बरे लगाउब। मइँ लोरुहामा पइ दाया देखॅाउब: मइँ लोअम्मी स कहब, ‘तू मोर प्रजा अहा।’ अउर उ पचे मोहसे कहिहीं, ‘तू हमार परमेस्सर अहा।’”</verse>
			</chapter>
			<chapter number="3">
				<verse number="1">तउ यहोवा मोसे कहेस: “फुन जा अउर उ बिभिचारी मेहरारू स पिरेम कर जउन कउनो दूसर क प्रेमी अहइ। ठीक इसी तरह यहोवा इस्राएलियन क परिम करत ह भले ही उ पचे दूसर देवतन क तरफ मुरत हीं अउर किसमिस देइ पसंद करत हीं।”</verse>
				<verse number="2">यह बरे मइँ ओका पन्द्रह चाँदी क सिक्कन अउर तीन सौ किलोग्राम जौ देइके खरीद लिहेस ह।</verse>
				<verse number="3">तउ मइँ ओसे कहा: “तोहका मोरे संग बहोत अधिक समइ तलक रहइ चाही। तोहका कउनो रण्डी जइसा हरकत नाहीं करइ चाही अउर कउनो दूसर मनइ क संग नाहीं रहइ चाही। मइँ अकेल्ला ही तोहार भतार होब।”</verse>
				<verse number="4">इहइ तरह, इस्राएल क लोग बहोत दिनन तलक बिना कउनो राजा या मुखिया क रइहीं। उ पचे बिना कउनो बलिदान क रहिहीं अउर उ पचे कउनो पाथर क खम्भा खड़ा नाहीं करिहीं। उ पचे भविस्सवाणी करइ बरे कउनो एपोद क प्रयोग नाहीं करिहीं अउर ओनकर लगे कउनो गृह देवता भी नाहीं होइहीं।</verse>
				<verse number="5">ऍकरे बाद इस्राएल क लोग वापस लउटि अइहीं अउ यहोवा आपन परमेस्सर क खोजिहीं अउर आपन राजा जउन राजा दाऊद क परिवार समूह स आएस, खोज करिहीं। भविस्य मँ, उ पचे आपन आपका यहोवा समर्पित करिहीं अउर ओकरे आसीर्बादन क लेइहीं।</verse>
			</chapter>
			<chapter number="4">
				<verse number="1">हे इस्राएल क लोगो, यहोवा क सँदेस क सुना। यहोवा इ देस मँ रहइवालन क अदालत लइ जात हीं काहेकि उ पचे परमेस्सर संग कीन्ह भवा करार क प्रति विस्सासी अउ वफ़ादार नाहीं रहेस ह। वास्तव मँ इ देस क लोगन परमेस्सर क जानतेन ही नाहीं।</verse>
				<verse number="2">उ पचे सराप, झूठ, चोरी, बिभिचारी, अहिंसा अउर रक्तपात मँ मसगूल अहइँ।</verse>
				<verse number="3">परिणाम, भुइँया विलाप करब्या, अउर एकरे सबहिं निवासियन नस्ट कीन्ह जाब्या। जंगल क जनावरन, आकास क पंछियन अउर सागर क मछरियन तलक भी नस्ट कीन्ह जाब्या। पापी याजकता क खिलाफ यहोवा क बिरोध</verse>
				<verse number="4">मइँ कउनो दूसर पइ आरोप जिन लगावत हउँ! हे याजकन, मइँ इ सबइ बातन बरे तोह पइ आरोप लगात हउँ। इहइ कारण मोर मुकद्दमा तोहार खिलाफ अहइ।</verse>
				<verse number="5">हे याजकन, तू दिना मँ ठोकर खाउब्या, किन्तू तू अउर नबी दुइनउँ रात क समइ मँ ठोकर खाउब्या। तू आपन लोगन क ही बर्बाद कइ दिहेस ह।</verse>
				<verse number="6">“मोर प्रजा क बिनास भवा काहेकि ओन लोग मोका यहोवा क रूप मँ स्वीकार नाहीं किहेस, कारण याजक मोका स्वीकार करइ स इन्कार किहेस। यह बरे मइँ तोहका आपन याजक क रूप मँ स्वीकार नाहीं करब। तू आपन परमेस्सर क बिसरि दिहा ह एह बरे मइँ तोहरी संतानन क बिसरि जाब।</verse>
				<verse number="7">उ पचे मोर खिलाफ जेतॅना पाप किहेस ओतॅना ही घमण्डी होइ गएन। यह बरे मइँ ओनकर महिमा क लज्जा मँ बदल देब।</verse>
				<verse number="8">“याजक क रूप मँ, उ पचन्क लोगन क पाप भेंटन क खाएस ह। उ पचे चाहेस कि लोग जियादा स जियादा पाप करी।</verse>
				<verse number="9">याजकन अउर लोगन क संग एक ही तरह क बेउहार कीन्ह जाब्या। मइँ ओनका ओकरे पाप क कारण सजा देबउँ। मइँ ओनसे ओनकर बुरे करमन क बदला लेबउँ।</verse>
				<verse number="10">उ पचे खइहीं मुला उ पचे संतुट्ठ न होइ। उ पचे रण्डीबाजी करिहीं, मुला ओनकइ आबादी न बढ़िहीं। काहेकि उ पचे यहोवा क तजेन ह, अउर उ पचे अबिस्सासी होइके आपन क दूसर देवतन क समर्पित कइ दिहेस ह।</verse>
				<verse number="11">“नई दाखरस अउर पूराना दाखरस ओन लोगन स ओनकर तर्क-सक्ति क लइ लेत ह।</verse>
				<verse number="12">मोर लोग काठे क मूरती स राय माँगत हीं। ओकर बिस्सास अहइँ कि जादूई छड़ी ओकरे भविस्य क बारे मँ बताई सकत ह। ओन देवतन क संग ओकरे बिभिचारी ओनका भटकइ दिहस ह। उ पचे रण्डी क रहइ बरे उ पचे आपन परमेस्सर क तजि दिहेन।</verse>
				<verse number="13">उ पचे पहाड़न क चोटियन पइ बलि चढ़वत ह। उ पचे बलूत, चिनार अउ दूसर लम्बा बृच्छन क तरे धूप बारत ह। ओन बृच्छन क तरखाले क छाया नीक दॅखाँत रही। एह बरे तोहार बिटियन ओन बृच्छन क तरे खूद रण्डीबाजी करइ बरे सोअत ह अउर तोहार बहुअन हुआँ पापे स भरा यौनाचार करत हीं।</verse>
				<verse number="14">“मइँ तोहार बिटियन अउ बहुअन क एह बरे सज़ा नाहीं देब कि उ पचे रण्डी क जइसा रहइ के बिभिचारी क काम किहेन ह। काहेकि मनइयन खुद ही रण्डियन क संग यौन सम्बंध बनाएस ह अउर मंदिर क रण्डियन दुआरा बलि चढ़ावत हीं। यह बरे इ कहावत सच अहइ: उ रास्ट्र जउन समझ नाहीं राखत ह ओका बर्बाद कइ दीन्ह जाब्या।</verse>
				<verse number="15">“हे इस्राएल, तउ प भी तू एक ठु रण्डी क नाई रहत अहा, मोका आसा अहइ कि यहूदा कसूरवार भि नाहीं होइ। यहूदा, तू गिलगाल मँ दाखिल जिन भवा अउर बेतावेन तलक जिन जा। यहोवा क नाउँ पइ किरिया जिन खा इ जिन कहा: ‘यहोवा क जिन्नगी क किरिया, मइँ प्रतिग्या करत हउँ।’</verse>
				<verse number="16">इस्राएल एक ठु जवान हट्टी गाय क नाईं बिद्रोह किहेन ह। हाली ही यहोवा ओनका चरागाह मँ गरेड़िया क नाईं लेइ जाइहीं आपन मेमना क बिसाल घास क मइदान मँ चरइ देत ह।</verse>
				<verse number="17">“एप्रैम भी ओकर मूरतियन मँ ओकर संगी बन गवा। तउ ओका अकेल्ले तजि द्या।</verse>
				<verse number="18">जब उ पचे दाखरस पिअइ खतम कइ देब, उ पचे आपन रण्डीपन क प्रथा जारी राखब; उ पचे आपन लज्जावाला कामन स बहोत खुस होब।</verse>
				<verse number="19">एक बवण्डर इस्राएल क आपन पाखन मँ उड़ाइ लेइ जाब, अउर ओका लेइ जाब काहेकि उ मूर्तियन क भेंट किहेस ह।</verse>
			</chapter>
			<chapter number="5">
				<verse number="1">“याजकन, सुना! इस्राएल क परिवार, धियान दे! साही परिवार, सुना! “जदपि तू पचे अइसा लुकान रहा जइसा कि मिसपा क फंदा मँ अहा अउर तू पचे ताबोर क धरती पइ फइलावा गवा फँदन क तरह अहा, मइँ तू सबइ क खिलाफ निआव करब।</verse>
				<verse number="2">मइँ तू सबन क सजा देबउँ जदपि तू पचे सित्तम क गहरा खाई क नाईं होइ।</verse>
				<verse number="3">एप्रैम, मइँ जानत हउँ तू का करत ह। इस्राएल, तू मोसे छिपा भवा नाहीं बा। एप्रैम लखा, इस्राएल अपवित्तर अहइ काहेकि उ रण्डी क नाईं हरकत करत आवत ह।</verse>
				<verse number="4">इस्राएल इ सबइ कुकरम कइके आपन क परमेस्सर क लगे लउटइ स रोकत अहइँ। उ पचे मूरती पूजा करइ क मज़बूत इच्छा रखत ह उ पचे यहोवा क नाहीं जनतेन।</verse>
				<verse number="5">जउन बातन इस्राएल क गोरव बनावत रही उ ही ओकरे बरे लज्जा लाइहीं। इस्राएल आपन अपराध क कारण ठोकर खावत ह। यहूदा भी ओकरे संग ठोकर खावत ह।</verse>
				<verse number="6">“इस्राएल क लोग ‘भेड़िन’ अउर ‘गइयन’ क साथ लइके यहोवा क बलि चढ़ावइ बरे हेरइ बरे निकरि। मुला उ पचे ओका नाहीं पाइ सकिहीं। तउ जान जाइहीं कि उ ओनसे दूर चला गवा अहइँ।</verse>
				<verse number="7">यहोवा ओन पइ बिस्सास किहेन, मुला उ पचे ओकर संग धोखा किहेस। लखा, उ पचे अवैध गदेलन क जन्म दिहेस ह। हाली ही यहोवा ओनकर समुचइ फसलन क एक ठु महीना मँ ही दुस्मन क जरिये खतम करइ देब्या।”</verse>
				<verse number="8">“गिबाह मँ नरसिंगहा बजावा; रामा मँ तू तुरही बजावा। बेतावेन मँ जोरदार आवाज़ करा। हे बिन्यामीन, लखा!</verse>
				<verse number="9">जब सज़ा क समइ आइ, एप्रैम पूरी तरह स बर्बाद कीन्ह जाब्या। तू निहचय होइ सकत ह कि मइँ इस्राएल क कबीला क बीच स जउन बोलत हउँ इ फुरइ अहइ।</verse>
				<verse number="10">यहूदा क मुखिया उ मनई क तरह होइ जउन दूसर लोगन क भइँया क लेइ बरे चउहद्दी क निसान क पाथरन खिसकावत ह। तउ मइँ ओह पइ आपन किरोध पानी क तरह उण्डेलब।</verse>
				<verse number="11">एप्रैम क सजा दीन्ह जाइ, ओका कुचरि दीन्ह अउ मसरि दीन्ह जाइ जइसे अंगूरे क पीस दीन्ह जात ह। काहेकि उ निकम्मा क अनुसरण करइ क निहचइ किहेस ह।</verse>
				<verse number="12">मइँ एप्रैम क अइसे नस्ट करब जइसे कउनो घुन कउनो काठे क नस्ट करत ह। अउर मइँ यहूदा क वइसे नस्ट करब जइसे जंग कउनो धातू क नस्ट करत ह।</verse>
				<verse number="13">एप्रैम जान लिहेस कि उ रोगग्रस्त अहइ; यहूदा आपन घाव लखेस। एप्रैम अउर यहूदा अस्सूर क ‘महान राजा’ क लगे मदद बरे गएन। किन्तु महान राजा तोहार रोग क नीक करइ मँ या तोहार घाव भरि मँ असमर्थ रहेन।</verse>
				<verse number="14">मइँ एप्रैम बरे एक सेर क नाईं होब। मइँ यहूदा क संग एक जवान सेर क नाईं हरकत करब। मइँ ओनका टुका मँ चीड़ देब अउर ओनका दूर लइ जाब। कउनो भी ओनका मोसा बचाइ नाहीं पाइ।</verse>
				<verse number="15">फुन मइँ आपन जगह रहइ बरे लउट जाब जब तलक कि उ पचे आपन कसूर स्वीकार न करइ लेइ अउर मोका हेरत भए न आ जाइ। जब उ पचे विपदन मँ होइ, उ पचे मोका, मोह स मदद लेइ बरे हेरइहीं।”</verse>
			</chapter>
			<chapter number="6">
				<verse number="1">“आवा, हम यहोवा कइँती लउटि आइ। जदपि उ हमका टुका मँ चीड़ दिहेस ह, किन्तु उ हमका चंगा करी। जिस तरह उ हमका चोट किहेस, उहइ तरह उ हमार घावन पइ मरहम भी लगाई।</verse>
				<verse number="2">दुइ दिना मँ उ हमार जिन्नगी वापिस देइ सकत ह। तीसरे दिन उ हमका आपन गोड़ मँ खड़ा करी, तउ हम ओकर मोजूदगी मँ रहब।</verse>
				<verse number="3">आवा, ओका परमेस्सर क रूप मँ स्वीकार करा; आवा, उ सबइ करी जेसे हम यहोवा स्वीकार कइ सकत हीं। ओकर आवइ ओतॅना ही निहचइ ह जेतॅना कि भोर क आवइ। ओकर आवइ ओतना ही निहचय अहा जेतॅना क जाड़ा क बोछार। अवस्य ही उ वइसे ही आई जइसे कि बसंत क बर्खा आवति अहइ जउन धरती क सींच देत ह।”</verse>
				<verse number="4">“हे एप्रैम, तोहार संग मोका का करइ चाही? हे यहूदा, तोहरे संग मोका का करइ चाही? तोहार पिरेम ऍतना तेजी स गुजर गएन जइसा भिंसारे क कोहरा अउर भिंसारे क ओस तेजी स खत्म होइ जात ह।</verse>
				<verse number="5">मइँ नबियन क प्रयोग किहेउँ अउर मनइयन बरे नेम बनाइ दिहेउँ। मोरे आदेस पइ मनइयन क कतल कीन्ह गवा मुला इ सबइ फइसलन स भली बातन पइदा होइहीं।</verse>
				<verse number="6">मोका विस्सासी पिरेम खुस करइ सकत ह, बलियन नाहीं जब लोग मोका परमेस्सर क रूप मँ जानत ह तउ इ मोका होमबलि स जियादा आनन्दित करत ह।</verse>
				<verse number="7">उ जगह पइ जउन आदम कहलावत अहइ उ पचे करार तोड़ दिहस। उ भुइँया मँ उ पचे मोरे बरे अबिस्सासी रहेन।</verse>
				<verse number="8">गिलाद ओन लोगन क नगरी अहइ जउन पाप किया करत हीं। हुआँ क लोग चालबाज अहइँ अउर उ पचे अउरन क हत्या करत हीं।</verse>
				<verse number="9">याजक लोग भयानक अपराध किहेन। डाकूअन क दल जइसा कउने पइ हमला करइ बरे घात मँ छुपा रहत हीं। लटेरन क जइसा उ पचे सकेम लोगन क राहे पइ हत्या किहेन।</verse>
				<verse number="10">मइँ इस्राएल क मन्दिर मँ घृणित बात क लखेउँ ह। उहइ जगह पइ एप्रैम रण्डीबाजी किहेन अउर इस्राएल आपन क अपवित्तर किहेस।</verse>
				<verse number="11">हे यहूदा, तोहार बरे भी फइसला क एक दिन तय कीन्ह ग अहइ।</verse>
			</chapter>
			<chapter number="7">
				<verse number="1">“जब मइँ आपन लोगन क सज़ा देइ बन्द करब अउर जब मइँ ओनका बन्दी स वापिस लिआउब अउर इस्राएल क चंगा करब। तब लोग एप्रैम क पाप जान लेइहीं। अउर हरकोइ सोमरोन मँ लोगन क कीन्ह भवा बुरा कामन क बारे मँ जानइ लेइहीं: उ पचे लबार देवतन बनाएन, चोरन घरे मँ घुसेन, लुटेरन क दल गलियन मँ लोगन क लुटेन।</verse>
				<verse number="2">उ पचे इ नाहीं जान पावत ह कि मइँ ओनकर बुरा कामन क याद रखत हउँ। ओका बिस्सास नाहीं करत ह कि हर एक चीज जउन उ किहेस मइँ ओका साफ-साफ लखेत हउँ।</verse>
				<verse number="3">उ पचे आपन कुकरमन स आपन राजा क खुस करत हीं। ओकर लबार ओकरे मुखियन क खुस करत हीं।</verse>
				<verse number="4">रोटी पकावइवाला रोटी बरे आटा मढ़त ह। मुला उ आगी क तब तलक नाहीं दहकावत जब तक कि गोंधा भवा आटा फूल न जाइ। मुला इस्राएल क लोग उ रोटी पकावइवाला क नाईं नाहीं अहइ, उ पचे आपन उमंग हर समइ दहकावत ह।</verse>
				<verse number="5">ओकरे राजा क उत्सव क दिन मँ, राजकुमार दाखरस पिअइ सुरु कइ दिहेस। राजा ओन लोगन क संग समझौता करत ह जउन ओकरे संग हँसी-मजाक करत हीं।</verse>
				<verse number="6">उ पचे ओकरे लगे आवत ह। उ पचे ओनकर खिलाफ खुफिया साज़ि रचत ह। अउर उ तंदूर क नाईं दहकत रहत हीं। सारी रात ओकर गुस्सा धीरे-धीरे पाकत ह, अउर भिंसार होत होत उ भभकत भवा आगी क नाईं तेज होइ जात ह।</verse>
				<verse number="7">उ पचे मूँड़ भभकत भए तन्दूर क जइसा अहइँ; उ पचे आपन ही मुखियन क नस्ट कइ दिहेन ह। ओनकर सबइ राजा लोगन्क पतन एक ही तरह स भवा रहा, मुला ओनमाँ स कउनो भी परमेस्सर क मदद बरे कोहाइ क जतन नाहीं किहे रहेन।”</verse>
				<verse number="8">“एप्रैम दूसर जातियन क संग घुल-मिल गएन, मुला इ अइसा होइ जइसा कि रोटी सिरिफ एक ही तरफ स सेंका गवा ह।</verse>
				<verse number="9">बिदेसयन एप्रैम क ताकत निगल गएस ह, किन्तु उ ओका नाहीं जान पाए। ओकरे बार भी सफेद होइ लाग, किन्तु ओका एकर पता नाहीं चला।</verse>
				<verse number="10">इस्राएल क आपन क घमंड ही ओह पइ इलज़ाम लगावत ह, लेकिन फिर भी उ यहोवा आपन परमेस्सर क लगे नाहीं लउट ह। जदपि इ सबइ बात घटिहीं, तउ प भी उ यहोवा क नाहीं खोजिहीं।</verse>
				<verse number="11">एप्रैम उ भोला कबूतरे क नाई बन गवा अहइ जेकरे लगे कछू भी समुझ नाहीं होत ह। लोग मिस्र स मदद माँगेन अउर लोग अस्सूर क सरण मँ गएन।</verse>
				<verse number="12">जहाँ कहूँ भी उ जाई, मइँ ओका आपन जाले मँ फँसाउब अउर मइँ ओनका अइसे खाले हींच लेबउँ जइसे अकासे क पंछी हींच लीन्ह जात हीं।</verse>
				<verse number="13">ओह प हाय, काहेकि कि उ पचे मोका तजि दिहेस ह। उ पचे नस्ट होइ काहेकि उ मोर खिलाफ बिद्रोह किहेन ह। मोका ओनका बचाइ बरे कछू धन दीन्ह जाइ चाही रही अउर ओकर धियान दीन्ह जाइ चाहत रही, मुला उ पचे मोर बरे झूठ बोलत हीं।</verse>
				<verse number="14">उ पचे पराथना मँ कबहुँ मोका पूरा हिरदइ स नाहीं गोहॅरान। उ पचे आपन बिछउना मँ अनाज अउर दाखरस बरे गोहॅरावत हीं, अउर उ पचे दूसर देवतन बरे रीतियन क पूरा करत ह तउ आपन सरीर क घायल करत ह। उ पचे अपने पीठियन क मोर कइँती मोड़ दिहेस हीं।</verse>
				<verse number="15">मइँ ओनका अनुसासन दिहे रहेउँ ह अउर ओनकर भुजा बलवान बनाए रहेउँ ह, मुला उ पचे मोरे विरोध मँ बुरा सड्यंत्र रचेन।</verse>
				<verse number="16">उ पचे पूजा बरे झूठे देवन कइँती मुड़ा भवा धनुस क नाई जउन फेंकइ क पस्चात वापस आवत हीं, क तरह मुड़ गएन ह। ओनकर मुखिया लोग आपन ही सक्ति क सेखी बघारत रहेन, मुला ओनका एक तरवार मउत क घाट उतारा जाइ। मिस्र मँ हर कोइ ओन पइ हँसिहीं।</verse>
			</chapter>
			<chapter number="8">
				<verse number="1">“तुरही क आपन होंठन लगावा। यहोवा क भवन क ऊपर गिद्ध जइसा बनि जा, काहेकि उ पचे मोर करार क तोड़ दिहन जउन ओकरे संग किहे रहेन। उ पचे मोर नेमन क खिलाफ अपराध किहेन ह।</verse>
				<verse number="2">उ पचे गोहरावत, ‘हे इस्राएल क परमेस्सर, मइँ तोहका जानत हउँ।’</verse>
				<verse number="3">मुला इस्राएल हाय! उ भली बातन क नकार दिहस। इहइ स दुस्मन ओकरे पाछे पड़ि गवा ह।</verse>
				<verse number="4">उ पचे बिना मोसा सम्पर्क किए भए आपन राजा चुनेन। मइँ उ मुखियन क अनुमोदन नाहीं किहा जेका उ पचे चुने रहा। ओकर मुखियन ओकरे बरे सोना अउ चाँदी स मूरतियन बनाए रहेन। एह बरे उ पचे नास कीन्ह जाब।</verse>
				<verse number="5">हे सोमरोन, तोहरे बछवा-मूरती मोर बरे घृणित अहइ। मइँ एकर कारण बहोतइ कोहाइ हउँ। तू पचन्क एकरे कारण केतॅना देरी तलक इ पाप क दोखी रहब?</verse>
				<verse number="6">बछवा-मूरती इस्राएल क एक कारीगर दुआर बना ग रहेन अउर इ परमेस्सर नाहीं, एह बरे सोमरोन क बछवा-मूरती क टूकन-टूकन मँ तोर दीन्ह जाइ।</verse>
				<verse number="7">उ पचे बोइहीं जब हवा बहत हीं, अउर उ पचे काहिहीं जब चक्रवात चलिहीं। खेतन अनाज उगाइ मँ असमर्थ होइ। एह बरे हुवाँ खाइ बरे रोटी नाहीं होइ। अगर भुइँया थोड़ बहोत अनाज उग भी तउ ओका दुस्मन आइ अउर निगल जाइहीं।</verse>
				<verse number="8">“इस्राएल क रास्ट्रन क जरिये निगल लीन्ह गवा ह। ऍकर लोग एक ठु अइसा बेकार क पात्र क नाईं अहइ जउन बाहेर फेंक दीन्ह ग अहइ। रास्ट्रन क बीच स छितराइ दीन्ह गवा अहइ।</verse>
				<verse number="9">इस्राएल ‘अस्सूर’ जाइ बरे अइसा बल देत ह जइसे कउनो जंगली गदहा स्वंय ही भटकत फिरत ह। एप्रैम जातियन क बीच रण्डी क धन दिहेन।</verse>
				<verse number="10">काहेकि इस्राएल जातियन क बीच रण्डी क धन दिहेन, अब मइँ सबन क आपुस मँ कछू समई बरे अस्सूर सम्राज क मातेहत ओकरे अत्याचार क झेलइ बरे बटोरब।</verse>
				<verse number="11">“जदपि पाप स छुकारा बरे एप्रैम जियादा स जियादा वेदियन क बनाए रहा, मुला उ पचे इ वेदियन क प्रयोग जियादा पाप करइ बरे करिहीं।</verse>
				<verse number="12">जदपि मइँ एप्रैम क बहोत साफ-साफ नेमन लिख दिहे रहेउँ, तउ भी इ ओकरे बरे बिचित्र लागत ह।</verse>
				<verse number="13">उ पचे ओसे बलि भेंट किहेन जउन मइँ ओनका दिहे रहा। उ पचे बलि भेंट किहेन अउर ओका खाएन जउन उ बलि दिहे रहेन। यहोवा इ लोगन स खुस नाहीं अहइ। उ पचे ओकरे पापन क याद राखब, एह बरे उ ओका सज़ा देइहीं। ओनका बन्दी क रूप मँ मिस्र लइ जावा जाइ।</verse>
				<verse number="14">इस्राएल आपन निर्माता क बिसरि गवा। इस्राएल जियादा स जियादा महल क बनाइहीं जब यहूदा गढ़वाले अनेक नगर बनाएन। एह बरे मइँ यहूदा क नगरी मँ ओकर महलन क बर्बाद करइ बरे ओकर खिलाफ आगी पठउब।”</verse>
			</chapter>
			<chapter number="9">
				<verse number="1">हे इस्राएल, दूसर जातियन क तरह बहोत जियादा उत्सव पसन्द जिन करा। काहेकि तू मोर प्रति अविस्सासी होइ गवा ह अउर तू आपन परमेस्सर क दूर खड़ा होइ गवा ह। तू पचे लबार देवतन क वाचा क हर खरिहाने क धरती पइ पूरा करइ चाहत ह।</verse>
				<verse number="2">मुला ओन खरिहानन स मिला भवा अनाज इस्राएल क पर्याप्त भोजन नाहीं दइ पाइ। इस्राएल बरे पर्याप्त दाखरस भी नाहीं रही।</verse>
				<verse number="3">इस्राएल क लोग यहोवा क धरती पइ नाहीं रहि पइहीं। एप्रैम मिस्र क लउटि जाइ। अस्सूर मँ ओनका वइसा खइया क खाइ पड़ी जइसा ओनका नाहीं खाइ चाही।</verse>
				<verse number="4">उ पचे यहोवा बरे अउर दाखरस क चढ़ावा नाहीं चढ़इहीं। ओनकर बलियन ओका खुस नाहीं करब, उ पचे दाह-संस्कार क रोटी क नाई होइहीं जउन एका खइहीं अपवित्तर होइ जइहीं। ओनकर रोटी सिरिफ ओकर भूख मिटाहीं, मुला यहोवा क मन्दिर मँ बलि नाहीं होइहीं।</verse>
				<verse number="5">नियत पर्व क दिन अउर यहोवा क उत्सव क दिन तू पचे का करिहीं?</verse>
				<verse number="6">इस्राएल क लोग पूरी तरह स नस्ट होइ क डरे स अस्सूर क ग रहेन मुला मिस्र ओनका बटोरि क लइ लेइ। मोप क लोग ओनका गाड़ देइहीं। चाँदी स भरे ओनके खजानन पइ खरपतवार उगि आइ। ओनकर डेरन मँ, काँटेदार झाड़ी उगि अइहीं।</verse>
				<verse number="7">निआव क दिन आइ गवा! सज़ा क दिन आइ गवा! इस्राएल क एका जरूर जानइ चाही! मुला उ पचे सोचत हीं कि नबी मूरख अहइ अउर आतिमा स प्रेरित जन पागल अहइ। तू आपन बहोत सारे पापन क कारण अउर काहेकि तू नबी क संदेस स घिना करत ह तू अइसा सोचत ह।</verse>
				<verse number="8">नबी क कारज परमेस्सर बरे अइसा ही अहइ जइसा कउनो पहरेदार एप्रैम बरे पहरेदारी करत ह। मुला रस्ता अनेक फँदन स भरा भवा अहइ, काहेकि परमेस्सर क लोग तउ प भी हम स घिना करत हीं।</verse>
				<verse number="9">उ पचे बहोत भरस्ट होइ गवा ह, ठीक वइसा ही जइसा गिबा क दिनन मँ होत रहेन। बहरहाल यहोवा ओनकर अपराध क याद रखत ह अउर ओनकर पाप क सज़ा देत ह।</verse>
				<verse number="10">“जब मइँ इस्राएल क पाएस, मइँ यहोवा बहोत खुस भाव जइसा कउनो मनई रेगिस्ताने मँ अंगूर पाएस ह। जब मइँ तोहार पुरुखन क लेखस, मइँ महसूस किह्या कि जइसा कि ऋतु क सुरुआत मँ अंजीर क बृच्छ पइ कउनो क अंजीर क पहिले फल मिलत हीं। मुला उ पचे तउ बाल-पेआँर क लगे चला गएन अउर बाल देवतन क भक्त होइ गएन। उ पचे घृणित देवतन क जइसा होइ गएन जेका उ पिरेम करत रहेन।</verse>
				<verse number="11">“एप्रैम क महिमा एक चिड़िया क नाईं उड़त हीं। उ पचे एकर पाछे न कउनो गरभ धारण करी, या न गरभवती होइ, या न कउनो गदेलन जन्म देइहीं।</verse>
				<verse number="12">मुला भले ही इस्राएली आपन गदेलन पाल भी लेइहीं तउ भी सब बेकार होइ जाइ। मइँ ओनसे ओनकर गदेलन छोर लेब। ओकर लगे सिरिफ मुसीबतन ही रहइ काहेकि मइँ ओनसे मु़डि जाब।”</verse>
				<verse number="13">मइँ लखत हउँ कि एप्रैम आपन सन्तानन क एक फँदा कइँती लइ जात अहइ। एप्रैम आपन गदेलन क इ हत्यारा क लगे बाहेर लइ जात अहइ।</verse>
				<verse number="14">हे यहोवा, तू ओनका का देइ चाहत अहइ? ओनका अइसा गरभ द्या, जेका गरभपात होइ जात ह। ओनका अइसेन थन दइ द्या जउन दूध नाहीं देइ सकी।</verse>
				<verse number="15">उ पचे गिलगल मँ बहोत सारा बुरा काम किहेन रहेन! मइँ ओनसे ओकरे काम क कारण घिना करइ सुरू किहे रहेउँ। मइँ ओनका आपन घरे स निकरि फेंकब, मइँ ओनसे अब पिरेम नाहीं करत रहब। ओनकर सबहिं मुखिया लोग मोर खिलाफ मुड़ि गवा अहइँ।</verse>
				<verse number="16">एप्रैम पइ मसीबत आएस ह। उ पचे पूरी तरह उपजहीन होइ जाई। जदपि उ कउनो गदेलन क जन्म देइँ, मइँ ओकरे कीमती गदेलन क मार डाउब जइसे ही उ ओका जन्म देब्या।</verse>
				<verse number="17">मोर परमेस्सर ओका अस्वीकार करिहीं, काहेकि उ पचे मोका नाहीं सुनिही। इहइ कारण अहइ कि उ पचे जातियन क बीच मँ भटकत रहिहीं।</verse>
			</chapter>
			<chapter number="10">
				<verse number="1">इस्राएल एक ठु अइसी दाख-लता अहइ जेह पइ बहोत सारा फल लागत हीं। उ जेतना फल देत हीं ओतना ही वेदियन बनत ही। जब भूइँया नीक फसल पइदा करत ह, तउ इस्राएल जियादा स जियादा महँगा स्मृति पाथर लबार देवतन क मान देइ बरे लगावत ह।</verse>
				<verse number="2">इस्राएल क लोग आपन हिरदयन मँ परमेस्सर क धोखा देइ क जतन किहेस, यह बरे ओका ओकरे पाप क बदले मँ जरूर सज़ा दीन्ह जाइ चाही। यहोवा खुद ही ओकार वेदियन क तोड़े देब अउर उ ओनकर स्मृति-स्तूपन क तहस-नहस करब।</verse>
				<verse number="3">अब इस्राएल क लोग कहा करत हीं, “न तउ हमार कउनो राजा अहइ अउर न ही हम यहोवा क मान करित ह। अउर ओकर राजा हमार कछू बिगारि नाहीं सकत ह।”</verse>
				<verse number="4">ओकर बचन सिरिफ एक सब्दन अहइँ। उ आपन प्रतिग्या क पूरा नाहीं किहेस अउर करार क तोड़ दिहेस। हिआँ बहोत स अदालत क मुकद्दमा अहइँ जइसा खेत मँ उगा भवा खरपतवार।</verse>
				<verse number="5">सोमरोन क लोग बेतावेन मँ बछवन क पूजा करत हीं अइसे लोग क असलियत मँ विलाप करिहीं। ओन याजक लोग असलियत मँ विलाप करिहीं काहेकि ओकर सुन्नर मूरति खो गइ अहइ। काहेकि ओकर महिमामय मूरतियन क लइ लीन्ह जाब।</verse>
				<verse number="6">उ पचे अस्सूर राजा क लगे उपहार क रूप लइ लेइ जाब्य जउन हमेसा ओकर संग जुद्ध करत हीं। एप्रैम लज्जित होइहीं, अउर इस्राएल आपन मूरतियन पइ लजाइ।</verse>
				<verse number="7">सोमरोन क लबार देवतन क बर्बाद कइ दीन्ह जाइ। उ पानी पइ उतरात भए कउनो काठे क टूका जइसा होइ जाइ।</verse>
				<verse number="8">जउन ठउरन पइ इस्राएल पाप किहेस नस्ट कीन्ह जाब्या। ओनकर वेदियन पइ काँटन अउ घास-फूस उगिहीं। उ पचे पहाड़न स कइहीं, “हमका ढाँपि ल्या” अउर पहाड़िन स कइहीं, “हम पइ भहराइ पड़ा।”</verse>
				<verse number="9">“हे इस्राएल, तू गिबा क समइ स ही पाप करत आया, अउर तू पचे वइसा ही हुआँ भी सुरु कइ दिहेस ह। का गिबा क जउन लोगन बुरा काम किहे रहेन फुरइ जुद्ध क चपेटे मँ नाहीं आहइँ?</verse>
				<verse number="10">मइँ आउब अउर ओनका सज़ा देब। मइँ जातियन क ओनके खिलाफ बटोरब अउर ओनका ओकरे दुई ठू पापन कारण जंजीर स बाँधिहीं।</verse>
				<verse number="11">“एप्रैम एक ठू जवान प्रसिच्छत गइया क नाई अहइ जउन खरिहाने मँ अनाज माँड़इ पसन्द करत अहइँ। मइँ ओकरे गटइ पइ जुआ राखब। किन्तु अब मइँ ओका खेत जोताई मँ जियादा कठिन काम देब। मइँ ओह पइ लसुरी लगाउब। यहूदा भुइँया जोतब अउर याकूब कठोर धरती क फोड़ब।”</verse>
				<verse number="12">तोहका आपन प्रतिग्या क पूरा कइके नीक करम बोइ चाही, तउ तू सच्चा पिरेम क फसल काटब्या। इ तोहार बरे नई बात होब्या। इ अइसे धरती क जोतइ क जइसा होइ जेका तू फसल बरे कबहूँ उपयोग नाहीं किहेस। यहोवा क आसीर्बाद लेइ क समइ अहइ जब तक कि उ तोह पइ बर्खा क रूप मँ नीक चिजियन नाहीं देइ।</verse>
				<verse number="13">मुला तू तउ बदी क एक बिआ बोया ह; तू पचे आपन झूठ क फल भोग्या ह। अइसा एह बरे भवा कि तू आपन रथन पइ निर्भर रह्या अउर आपन फउजियन पइ बिस्सास किहा।</verse>
				<verse number="14">जुद्ध क सोर तोहार लोगन क खिलाफ जियादा स जियादा बढ़िहीं। तोहार सारे गढ़ियन वइसी भहराइ जइसे बेतअरबेल सहर क जुद्ध क समइ सल्मन बर्बाद कइ दीन्ह ग रहा। दुइनउँ महतारी अउर गदेलन क टूका कीन्ह ग रहा।</verse>
				<verse number="15">हे बेतेल, इ तोहार संग होइ काहेकि तू बहोत स कुकर्म किहा ह! भिंसारे ही इस्राएल क राजा क पूरी तरह विनास कीन्ह जाब्या।</verse>
			</chapter>
			<chapter number="11">
				<verse number="1">“जब इस्राएल अबहीं गदेला रहा, मइँ, (यहोवा) ओहसे पिरेम किहे रहेउँ। मइँ आपन गदेला क मिस्र स बाहेर बोलाइ लिहे रहेउँ।</verse>
				<verse number="2">मुला मइँ ओका जेतना जियादा बोलाएउँ उ पचे मोहसे ओतना ही जियादा दूर होइ गए रहेन। उ पचे बाल देवतन क बलियन चढ़ाए रहेन अउर मूरतियन क अगवा धूप बारे रहेन।</verse>
				<verse number="3">“उ मइँ ही अहउँ जउन एप्रैम चलब सिखाएस। मइँ इस्राएल क आपन बाँहन मँ लिहे रहेउँ, मुला उ नाहीं जानत ह कि कउन ओका तन्दुरुस्त किहेस ह।</verse>
				<verse number="4">मइँ ओनका पिआर अउ स्नेह क ‘लसुरी’ स अगुवाइ किहे रह्या। मइँ ओकरे गटइ स जुआ क हटाइ दिहेस अउर विनम्रता स खिलाएस ह।</verse>
				<verse number="5">“मुला उ पचे मोर कइँती नाहीं मुड़ब्या! नाहीं, उ पचे मिस्र चला गएन या आपन राजा अस्सूर क राजा क लगे गएन। उ पचे मोर कइँती वापिस आवइ स इन्कार करत ह।</verse>
				<verse number="6">ओनकर सहरन क ऊपर लटकत भवा तरवार ओनकर सबइ ताकतवार मनइयन क ओनकर बुरे जोजना क कारण बर्बाद कइ देइहीं।</verse>
				<verse number="7">“मोर लोग मोह स मुड़ि जाब अउर उ एका नाहीं रोक सकब। उ पचे आपन मदद बरे बाल देवता क पुकारेस, का उ ओका बचा सकेस?”</verse>
				<verse number="8">“हे एप्रैम, मइँ तोहका तजि देइ नाहीं चाहत हउँ। हे इस्राएल, मइँ चाहत हउँ कि मइँ तोहार रच्छा करउँ। मइँ तोहका अदमा क तरह नाहीं कइ देइ चाहत हउँ। मइँ नाहीं चाहत हउँ कि तोहका सबोर्याम जइसा बनाइ देउँ। मइँ आपन मन बदलत हउँ तोहरे बरे पिरेम बहोत गहिर अहइ।</verse>
				<verse number="9">मइँ आपन भयंकर किरोध क जीतइ नाहीं देब। मइँ फुन एप्रैम क बर्बाद नाहीं कइ देब। मइँ तउ परमेस्सर अहउँ, मइँ कउनो मनई नाहीं। मइँ तउ उ पवित्तर हउँ, मइँ तोहरे संग हउँ। मइँ आपन किरोध क नाहीं देखाउब।</verse>
				<verse number="10">मइँ सेर क दहाड़ स गर्जन करब। मइँ गर्जन करब अउर मोरी संतानन निचके अइहीं अउर मोरे पाछे चलिहीं। मोर संतानन जउन डर स थर-थर काँपति अहइँ, पच्छिम स अइहीं।</verse>
				<verse number="11">उ पचे कँपकँपात चिड़ियन स मिस्र स अइहीं। उ पचे काँपत कबूतरे क नाई अस्सूर क धरती स अइहीं अउर मइँ ओनका ओनके घर वापस लइ जाब।” यहोवा इ कहे रहा।</verse>
				<verse number="12">“एप्रैम मोर बरे बहोत सारा लबार बोलेस; इस्राएल क घर मोर बरे बहोत सारा गलत बातन बोलेस। मुला अबहीं भी यहूदा परमेस्सर क सेवा करत रहेन अउर उ पवित्तर क बरे विस्सासी अहा।”</verse>
			</chapter>
			<chapter number="12">
				<verse number="1">एप्रैम हवा पकड़इ क जतन करत ह। उ पचे सारे दिन पूर्वी हवा क पाछा करत रहत ह। सारा रास्ट्र बेईमानी अउर हिंसा मँ व्यस्थ अहइ, उ पचे अस्सूर क संग संधि किहेन। उहइ समइ नज़राना क रूप मँ मिस्र क तेल भेजत ह।</verse>
				<verse number="2">यहोवा कहत ह, “इस्राएल क खिलाफत मँ मोर एक अभियोग अहइ। याकूब जउन करम किहेन ह, ओका ओनके बरे सजा दीन्ह जाइ चाही। आपन किए भए कुकरमन बरे ओका निहचइ ही सजा दीन्ह जाइ चाही।</verse>
				<verse number="3">अबहीं याकूब आपन माता क गरभ मँ ही रहा कि उ आपन भाई क संग चालबाजी करब सुरू कइ दिहस। याकूब एक ठु सक्तीवाला युवक रहा अउर उ समइ उ परमेस्सर क संग कुस्ती लड़े रहा।</verse>
				<verse number="4">याकूब परमेस्सर क सरगदूत स कुस्ती लड़ेस अउ ओका जीत लिहस। उ गोहराएस अउर कृपा करइ बरे बिनती किहस। इ बेतेल मँ भवा रहा। उ जगह पइ उ ओहसे बातचीत किहे रहा।</verse>
				<verse number="5">हाँ, यहोवा फउजन क परमेस्सर अहइ। ओकर नाउँ यहोवा अहइ।</verse>
				<verse number="6">तउ आपन परमेस्सर कइँती लउटि आवा। ओकरे बरे वफ़ादार रहा। निआव अउर दयालुता कायम रखा। हमेसा आसावादी रहा कि परमेस्सर आपन वाचा क पूरा करब्या।</verse>
				<verse number="7">“याकूब अइसा व्यापारी क तरह अहइ जउन लोगन स छल करइ बरे गलत तराजू क उपयोग करत ह।</verse>
				<verse number="8">एप्रैम कहेस, ‘मइँ धनवान हउँ। मइँ सच्ची सम्पत्ति पाइ लिहे अहउँ। मोरे अपराधन क कउनो मनई क पता ही नाहीं चली। मोरे पापन क कउनो मनई जान ही नाहीं पाई।’</verse>
				<verse number="9">“मुला मइँ तउ तबहिं स तोहार परमेस्सर यहोवा हउँ जब तू मिस्र क धरती स आवा रहा, जब मइँ तोहका रेगिस्तान मँ तम्बुअन मँ राखे रहा, ठीक वइसा ही जइसा कि पनाह क त्यौहार क समइ मँ रहा करत रहेन।</verse>
				<verse number="10">मइँ नबियन स बात किहेउँ। मइँ ओनका अनेक दर्सन दिहेउँ। मइँ नबियन क तू पचन्क आपन पाठ पढ़ावइ क बहोत स तरिका दिहेउँ।</verse>
				<verse number="11">मुला गिलाद मँ अबहुँ भी पाप अहइ। हुआँ बियर्थ देवतन अहइँ। गिलगाल मँ लोग बर्धन क बलियन क अर्पण करत हीं। हुवाँ बहुत स वेदियन मँ जोते भए खेते क कतारन क नाईं अहइँ।</verse>
				<verse number="12">“याकूब आराम क भुइँया कइँती भाग गवा। उ पचे दास क नाईं काम किहेन जे आपन दुई ठू पत्नियन पावइ खातिर भेड़िन क निगरानी किहेस।</verse>
				<verse number="13">तब यहोवा एक ठु नबी क जरिये इस्राएल क मिस्र स बाहेर लाएस, अउर पाछे दूसर नबी दुआरा इस्राएल क सुरच्छा किहेस।</verse>
				<verse number="14">मुला एप्रैम यहोवा क बहोत जियादा गुस्साइ दिहस, एह बरे परमेस्सर यहोवा एका आपन अपराधन बरे भुगतवाएस। ओकर सुआमी (परमेस्सर) ओहसे ओकर लज्जा बरदास्त करइ देइ।”</verse>
			</chapter>
			<chapter number="13">
				<verse number="1">“एप्रैम बंसज इस्राएल क तमाम जातियन क बीच मँ बहोत जियादा सक्तीसाली बनि गवा। एप्रैम जब बोला करत रहा, तउ लोग काँपात रहेन। मुला एप्रैम मरि गवा, कहेकि उ बाल देवता क पूजइ क कारण पाप किहे रहा।</verse>
				<verse number="2">अउर अब उ पचे अपने बरे मूरतियन बनाइके लगातार पाप किहेन। ओकर कुसल कारीगर आपन सबसे अच्छा कुसला स ओकर चित्रन क तरासइ लागेन। तउ उ पचे ओन चित्रन स बातन करइ लागेन अउर उ सबइ लोग ओन बछवा क चित्रन चूमइ लागेन।</verse>
				<verse number="3">इहइ कारण उ पचे भिंसारे क उ कोहरा अउ भिंसारे क ओस क नाईं नज़र स ओझल होइ जाइहीं। जउन गायब होइ जात ह। उ पचन्क उ भूसा क तरह उड़ा लेजाइ चाही जेका खरिहाने स उड़ावा जात ह। उ पचे उ धुआँ क समान होइहीं जउन कउनो चिमनी स उठत ह अउर लुप्त होइ जात ह।</verse>
				<verse number="4">“तू लोग जब मिस्र मँ भवा करत रह्या, मइँ तबहिं स तोहार परमेस्सर यहोवा अहउँ। मोका तजिके तू पचे कउनो परमेस्सर क नाहीं जानत रह्या। मोर इलावा तोहका कउनो नाहीं बचाइ सकत ह।</verse>
				<verse number="5">बयाबान मँ, हाँ, सूखा रेगिस्ताने मँ जहाँ पानी नाहीं होइ, मइँ तू सबन्क धियान दिहे रह्या।</verse>
				<verse number="6">मइँ इस्राएलियन क खाइ क दिहेउँ। उ पचे उ भोजन खाएन। आपन पेट भरिके उ पचे तृप्त होइ गएन। ओनका घमंड होइ गवा अउर उ पचे मोका बिसरि गएन।</verse>
				<verse number="7">“मइँ इहइ बरे सरे क तरह होइ जाबउँ। मइँ राहे पइ घात लगाए भए चीता जइसा होइ जाब।</verse>
				<verse number="8">मइँ ओन पइ उ रीछनीं क तरह झपट पड़ब, जेहसे ओकर गदेलन छोर लीन्ह गवा होइँ। मइँ ओन पइ हमला करब। मइँ ओनकर छातियन क चीर फाड़ देबउँ। मइँ उ सेर या कउनो दूसर अइसे हिसंक पसु क तरह होइ जाबँउ जउन आपन सिकार क फारिके खात रहत होत ह।</verse>
				<verse number="9">“हे इस्राएल, मइँ तोहार रच्छा किहे रहेउँ, मुला तू मोसे मुँह मोड़ लिहा। तउ अब मइँ तोहार नास करब</verse>
				<verse number="10">तोहार राजा कहाँ बाटइ जउन तोहरे सबहिं नगरन मँ तोहका बचाइ? कहाँ बाटइ तोहार सासक जेहसे तू आपन जरूरत क मागत ही कि ‘मोका एक राजा अउर राजकुमार द्या।’</verse>
				<verse number="11">मइँ कोहाइ गएउँ अउर मइँ तू पचन्क एक राजा दइ दिहेउँ। मइँ अउर जियादा कोहाइ गएउँ अउर मइँ तू पचन्स ओका छोरि लिहेउँ।</verse>
				<verse number="12">“एप्रैम आपन अपराध छुपावइ क जतन किहस, उ सोचे रहा कि ओकर पाप गुप्त अहइँ। मुला ओन बातन बरे ओका सजा दीन्ह जाइ।</verse>
				<verse number="13">ओकर सज़ा अइसी होइ जइसे कउनो मेहरारू एक बच्चा क जमन देइ क जतन करत अहइ, मुला उ बच्चा बुद्धिमान नाहीं होइ। हिआँ तलक कि जब समइ आइ, उ गरभ स बाहेर नाहीं निकरी।</verse>
				<verse number="14">“का मइँ ओनका गढ़ा स बचाइ लेब? नाहीं, मइँ नाहीं बचाब! का मइँ ओनका मउत क पकड़ स बचाइ लेब? नाहीं! मइँ नाहीं बचाब! हे मउत, आपन महामारियन ओन पइ लावा! हे कब्र, आपन तबाही ओन पइ लावा! मइँ ओह पइ कउनो दया नाहीं देखाउब।</verse>
				<verse number="15">सायद उ कछू समइ क लिए सरकण्डा क पउधा क नाईं बढ़इ जारी रखिहीं। मुला गरम पुर्बी हवा आउब्या, अउर यहोवा क कइँती स, रेगिस्तान स आउब्या। परिणाम ओकर झरना सूख जाई; अउर पानी क स्रोत सूख जाई। उ हवा ओकर सबइ खज़ाना उड़ा लेजाइहीं जेका उ आपन गोदाम मँ जमा किहे रह्या ह।</verse>
				<verse number="16">सोमरोन क सजा दीन्ह जाइ काहेकि उ आपन परमेस्सर स मुँह फेरे रहा। इस्राएलियन तरवारे स मार दीन्ह जइहीं। ओनकर संतानन क चिथरा उड़ाइ दीन्ह जाइ। ओनकर गाभिन मेहररुअन चीरिके खोल दीन्ह जइहीं।”</verse>
			</chapter>
			<chapter number="14">
				<verse number="1">हे इस्राएल, तोहार पतन भवा अउर तू परमेस्सर क खिलाफ पाप किहा। एह बरे अब तू पचे आपन परमेस्सर यहोवा कइँती लौटि आवा।</verse>
				<verse number="2">यहोवा कइँती लौटि आवा अउर आपन जिन्नगी क बदल दे! यहोवा स कहा, “हमरे तमाम पापन माफ़ करा, मोर पराथना क सुना। बलिदान क जगह पइ हम पचे आपन मुँहे स तोहार स्तुति कइके तोहका भेंट करत हउँ।</verse>
				<verse number="3">अस्सूर हमका बचाइ नाहीं सकब, हम पचे जुद्ध क घोड़न पइ सवार नाहीं होब्या। हम पचे तोहसे प्रतिग्या करत हउँ कि तोहका ‘उ मूरतियन’ क जइसा नाहीं समुझब जेका हम आपन ही हाथन स बनाएस ह। काहेकि तू उहइ पमेस्सर अहइ जउन अनाथ बच्चन पइ दाया देखॉवइवाला ह तू हम पचन पइ भी दाया देखाउब।”</verse>
				<verse number="4">यहोवा कहत ह, “उ पचे मोका तजि दिहन। मइँ ओनका एकरे बरे छिमा कइ देब। मइँ ओनसे मुक्त भाव स पिरेम करबउँ। मइँ अब ओन पइ कोहान नाहीं अहउँ।</verse>
				<verse number="5">मइँ इस्राएल बरे ओस क नाईं होइ जाब। चमेली क नाईं खिलब। उ लबानोन क देवदार बृच्छन नाइ बढ़ब्या।</verse>
				<verse number="6">उ नवा डारन निकारइ सुरू करब्या। उ जइतून क बृच्छ क नाईं सुन्नर होब्या। अउ ओकर सुगंध देवदार बृच्छन क नाईं होब्या।</verse>
				<verse number="7">इस्राएल फुन स उ लोगन क सहारा देइ जेका मदद क जरूरत अहइ। उ पचे अन्न क नाईं या अंगूरे क बेल क नाईं जउन कि बृच्छ क छाया मँ बढ़त ह। इस्राएल लबानोन क दाखरस क तरह प्रसिद्ध होइहीं।</verse>
				<verse number="8">“हे एप्रैम, मोका मूरतियन क बराबर जिन समुझा। उ मइँ ही अहउँ जउन सरग मँ स तोहका बचाएस। मइँ एक सदाबहार सनोवार क बृच्छ क नाईं हउँ। तोहार फल मोहसे ही आवत हीं।”</verse>
				<verse number="9">बुद्धिमान कउन अहइ? ओन व्यक्ति क एन बातन समुझइ द्या! कउनो समुझ रहत ह उ व्यक्ति क सच्चाइ क समुझइ द्या। काहेकि यहोवा क राहन नीक अहइँ। अच्छे लोग ओन पइ चलिहीं, लेकिन बिद्रोही लोग ओह पइ ठोकर खाइहीं।</verse>
			</chapter>
		</book>
		<book number="29">
			<chapter number="1">
				<verse number="1">पतूएल क पूत योएल यहोवा स इ सँदेसा क पाएस:</verse>
				<verse number="2">मुखिया लोगो, इ सँदेसा क सुना। हे इ देस क बसइया लोगो, तू पचे सबहिं मोर बात सुना। का तु पचन्क सारी जिन्नगी मँ पहिले कबहुँ कउनो अइसी बात घटी ह का तू पचन्क पुरखन क जिन्नगी मँ कबहुँ कउनो अइसी बात घटी ह</verse>
				<verse number="3">इ बातन क बारे मँ तू पचे आपन लरिकन क बतावा करब्या अउर तोहार पचन्क लरिकन इ सबइ बातन आपन लरिकन क बतइहहीं अउर तोहार पचन्क नाती पोतन इ सबइ बातन अगवा क पीढ़िन क बतइहीं।</verse>
				<verse number="4">कुतरत भइ टिड्डियन स जउन कछू भी बच गवा, ओका भिन्नात भइ टिड्डियन खाइ लिहन अउर भिन्नात भइ टिड्डियन स जउन कछू बचा, ओका फुदकत भइ टिड्डियन खाइ लिहन ह अउर फुदकत भइ टिड्डियन स जउन कछू रहि गवा, ओका बिनास करइवाली टिड्डियन चट कइ डाइन ह।</verse>
				<verse number="5">ओ नसाबाज लोगो, जाग्ग, उठा अउ विलाप करा। ओ सबहिं दाखमधु पिवइया लोगो, विलाप करा। काहेकि तू लोगन क लगे अब अउर कबहुँ पिवइ बरे मीठ दाखमधु नाहीं होब्या।</verse>
				<verse number="6">एक सक्तिसाली रास्ट्र क नाईं जउन आपन अंगिनत सिपाहियन क संग होइ भयंकर टिड्डियन क मोरे देस पइ हमला करइ बरे आएस। ओनकर दाँत सेर क दाँत क नाई रहेन, ओनकर जबरा सेरनी क जबरा क नाई रहेन।</verse>
				<verse number="7">उ सबइ “टिड्डन” मोर अंगूरे क बगियन क बर्बाद कइ दिहस। उ पचे मोरे अंजीरे क बृच्छ क तोड़ दिहस। उ पचे मोरे बृच्छन टहनियन क छाल लक उधेड़ लिहेस अउर ओनका भुइँया पइ लोकाइ दिहेस।</verse>
				<verse number="8">अब तू उ जवान दुलहन जइसा जउन आपन होइवाली मनसेधू (मंगेतर) जउन कि सादी स पहिले ही मारा गएस ह क कारण सोक क ओढ़ना पहिरे होइ अहइ, रोआ।</verse>
				<verse number="9">हे याजक लोगो! हे यहोवा क सेवक लोगो, विलाप करा। काहेकि यहोवा क मंदिर मँ स तू अब अउर न तउ अन्न क भेंट अउर न ही पेय भेंट पाउब्या।</verse>
				<verse number="10">खेत बर्बाद होइ गवा अहइँ। हिआँ तलक कि धरती भी रोअत ह काहेकि अन्न बर्बाद होइ गवा ह। नवा दाखमधु नाहीं होब्या काहेकि अंगूर क फसल बर्बाद होइ गवा ह अउर जइतून क बृछ तेल दइ क काबिल नाहीं होब्या।</verse>
				<verse number="11">हे किसान लोगो, तू पचे लाज करा। हे अंगूरे क बागबान लोगो, जोर स विलाप करा। तू पचे गोहूँ अउर जउ बरे भी विलाप करा। काहेकि खेते क फसल बर्बाद होइ गवा ह।</verse>
				<verse number="12">अंगूरे क बेलन झुराइ गइ अहइँ अउर अंजीर क बृच्छ मुरझात अहइँ। अनारे क बृच्छ, खजूरे क बृच्छ अउ सेब क बृच्छ, बगियन क इ सबइ बृच्छ झुराइ ग अहइँ। लोगन क बीच खुसी मरि गइ अहइ।</verse>
				<verse number="13">हे याजक लोगो, सोक क ओढ़ना पहिरा, जोर स बिलाप करा। हे वेदी क सेवक लोगो, जोर स बिलाप करा। हे मोरे परमेस्सर क दास लोगो, आपन सोक ओढ़ना मँ तू पचे सोइ जाब्या। काहेकि अब हुआँ अन्न अउ पेय भेंटन परमेस्सर क मंदिर मँ नाहीं होइहीं।</verse>
				<verse number="14">उपवास करइ बरे रास्ट्र क कहा, सभी लोगन क एक खास सभा बुलाइ ल्या। सभी बुर्जुग लोगन अउर देस क सभी निवासियन क एक साथ बटोर ल्या। ओनका आपन यहोवा परमेस्सर क मंदिर मँ बटोर ल्या।</verse>
				<verse number="15">यहोवा क भयंकर दिन हम लोगन क नजदीक आ गवा ह। उ दिन सर्वसक्तिमान परमेस्सर तबाही लाइ। यह बरे तोहका जरुर सोक मनाइ चाही।</verse>
				<verse number="16">हमार खइया क हमरे लखत-लखत चट होइ ग अहइ। हमरे परमेस्सर क मंदिर स आन्नद अउ खुसी जात अहइ।</verse>
				<verse number="17">हम पचे खेत मँ बिया तउ बोए रहे, मुला उ झुराइके मरि गवा अहइँ यह बरे कोठियन खाली अहइ। हमार खिलहान खाली पड़ा अहइँ काहेकि फसल झुराइ गवा अहइँ।</verse>
				<verse number="18">हमार गोरू भूख स कराहत अहइँ। हमार गोरू खोवा-खोवा ऍह कइँती ओह कइँती भटकत अहइँ। ओनके लगे खाइ क घास नाहीं अहइ। भेड़िन मरति अहइँ।</verse>
				<verse number="19">हे यहोवा, मइँ तोहार दोहाइ देत अहउँ। काहेकि हमरी चरागाहन क आगी रेगिस्तान बनाइ दिहे अहइ। बगियन क सबहिं बृच्छन लपटन स झउँसि गवा अहइँ।</verse>
				<verse number="20">जंगली पसु भी तोहार लगे हाँपत भवा आइहीं काहेकि नदियन झुराइ ग अहइँ। आगी हमार हरी-भरी चरागाहन क रेगिस्ताने मँ बदल दिहस ह।</verse>
			</chapter>
			<chapter number="2">
				<verse number="1">सिय्योन पइ नरसिंहा फूँका। मोरे पवित्तर पर्वते पइ चिताउनी सुनावा। ओन सबहिं लोगन क जउन इ धरती पइ रहत हीं, तू पचे डर स कँपाइ द्या। यहोवा क बिसेस दिन आवत अहइ। इ बहोत ही लगे अहइ।</verse>
				<verse number="2">उ दिन अँधियारा भरा होइ, उ दिन उदासी अउर सोक क होइ, उ दिन करिया होइँ अउर उ दिन दूदिनर्न होइ। भोरे क पहिली किरन क संग तू पचन्क पहाड़े पइ फउज फइलत भइ देखाँइ देइ। उ फउज बिसाल अउर सक्ति होइ। तू अइसा फउज पहिले तउ कबहुँ भी नाहीं लखा रहा अउ अगवा भी कबहुँ भविस्स काल मँ अइसा नाहीं लखी।</verse>
				<verse number="3">उ फउज इ धरती क धधकत आगी जइसे तहस-नहस कइ देइ। जब फउज उ धरती स होइ क आगे बढ़इ तउ उ धरती जउन कि एदेन क बगीचा जइसा रहा उ एक उजड़ भवा रेगिस्तान मँ बदल जाइ। ओनसे कछू भी नाहीं बचि पाइ।</verse>
				<verse number="4">टिडिय घोड़न क तरह देखइ जात अहइ अउर अइसे दउड़त हीं जइसे सिपाही दोड़त हीं।</verse>
				<verse number="5">का तू इ आवाज क सुनत ह। इ पहाड़े पइ चढ़त भए रथन क खड़-खड़ क आवाज क नाई आवाज करत ह। इ आवाज अइसा अहइ जइसे जलत भइ भूसा क चटपट आवाज। उ सबइ लोग सक्तिवाले अहइँ। उ पचे जुद्ध बरे तइयार अहइँ।</verse>
				<verse number="6">इ फउज क अगवा लोग डर स काँपत हीं। ओनकर मुँर डर स पिअर पड़ि जात हीं।</verse>
				<verse number="7">उ सबइ फउजी बहोत तेज दउड़न हीं। उ सबइ फउजी देवारन पइ चढ़त हीं। हर एक फउजी सोझइ ही अगवा बढ़ि जात ह। उ पचे आपन रास्ता स तनिकउ भी नाहीं हटतेन।</verse>
				<verse number="8">उ पचे एक दूसर क आपुस मँ नाहीं धकियउतेन। हर एक अपने राहे पइ चलत ह। अगर कउनो फउजी जखमी हो अउर गिरि जात ह तउ भी उ पचे आपन राहे स नाहीं मुरत ह।</verse>
				<verse number="9">उ पचे आचानक ही सहरे पइ चढ़इ जाब। उपचे सहरे क देवार पाइ दोरब। उ पचे खिड़कियन स होइके भवनन भितरे घुस जात हीं जइसे कउनो चोर घुसि जाइ।</verse>
				<verse number="10">धरती अउ अकासे तलक ओनके समन्वा थर्रात हीं। सूरज अउ चाँद भी करिया पड़ि जात हीं अउर तारा चमकब तजि देत हीं।</verse>
				<verse number="11">यहोवा जोर सँ अपनी फउज क बुलावत ह। ओकर छावनी बिसाल अहइ उ फउज ओकरे हुकुमन क मानब्या। उ फउज बहोतइ सक्तीसाली अहइ। यह बरे यहोवा क बिसेस दिन महान अउ खउफनाक अहइ। कउनो भी मनई ओक आइ स रोक नाहीं सकत।</verse>
				<verse number="12">किन्तु अब भी यहोवा क सँदेसा इ अहइ: “पुरे मन स मोरे लगे वापस आवा। विलाप करा अउ चीख व पुकार करा अउर उपवास करा।</verse>
				<verse number="13">अरे आपन ओढ़ना क बदले, तू पचे आपन सोक व दुःख क देखाइ बरे आपन दिल क ही फारि डावा।” तू पचे आपन परमेस्सर यहोवा क लगे लउटि आवा। उ दयालु अउ करूणा स पूर्ण अहइ। ओका हाली किरोध नाहीं आवत ह। ओकर पिरेम महान अहइ। होइ सकत ह जउन किरोध उ तू पचन्क बरे सोचे होइ, ओकरे बरे उ आपन मन बदल लेइ।</verse>
				<verse number="14">कउन जानत ह, होइ सकत ह यहोवा आपन मन बदल लेइ अउर इ भी होइ सकत ह कि उ तू पचन क बरे कउनो वरदान छोड़ जाइ। फुन तू पचे आपन परमेस्सर यहोवा क अन्नबलि अउ पेय भेंट अर्पण कइ पावा।</verse>
				<verse number="15">सिय्योन पइ नरसिंहा फूँका। उ बिसेस सभा बरे बोलावा द्या। उ उपवास क खास समइ क बोलावा द्या।</verse>
				<verse number="16">तू पचे, लोगन क बटोरा। बिसेस सभा बरे ओनका बोलावा। तू पचे बुढ़वा मनइयन क बटोरा अउर लरिकन क भी संग मँ बटोरा। उ सबइ नान्ह गदेलन भी लिआवा जउन अब भी महतारी क दूध पिअत अहइँ। नई दुलहिन क अउर दुलहा लोगन क ओनकर ओलरइ-कमरा स बोलावा।</verse>
				<verse number="17">हे यहोवा क सेवक, याजक लोगो आँगन अउ वेदी क बीच विलाप करा। ओन सबहिं लोगन क इ परथना करइ द्या: “हे यहोवा आपन लोगन पइ दया करा। तू पचे आपन लोगन क लजाइ जिन द्या। दूसर रास्ट्र क हम लोगन पइ हँसत भए इ कहइ क मौका जिन द्या कि ‘ओनकर परमेस्सर कहाँ अहइ?’”</verse>
				<verse number="18">तउ यहोवा क आपन देस क बारे जलन होइ गवा। अउर आपन लोगन क बरे मँ अफसोस परकट किया।</verse>
				<verse number="19">ओनके परथना क उत्तर मँ यहोवा आपन लोगन स कहेस।, “मइँ तोहरे पचन्क बरे भरपूर अन्न, दाखमधु अउर तेल पठउब। मइँ अब दूसर रास्ट्रन क तू पचन्क पइ हँसइ नाहीं देब।</verse>
				<verse number="20">मइँ उत्तर क हमलाआवर फउजन क तू पचन्क धरती स वापस भेज देब। मइँ ओनका झुरान अउ उजड़ी भइ धरती पइ पठाउब। ओनमाँ स कछू पूरब क समूद्दरे मँ अउ ओनमाँ स कछू पच्छिम समूद्दरे मँ जइहीं। उ पचे मरि भए होइ ओनके सड़त भइ दुर्गन्ध आकासे तलक जाइ काहेकि उ पचे बहोत ही खउफनाक करम किहस। परमेस्सर बहोत महान काम किहेउँ ह।”</verse>
				<verse number="21">हे धरती, तू डर स जिन काँपा। खुस होइ जा अउर आनन्द स भरि जा। यहोवा बहोत महान काम किहेउँ ह।</verse>
				<verse number="22">ओ मैदान क पसुओ, तू पचे जिन डरा। रेगिस्तान क चरागाहन मँ घास उगइहीं। फल क बृच्छ फल देइ लागिही। अंजीर क बृच्छ सबन्त नीक फल अउर अंगूरे क बेलन भरपूर फसल देइहीं।</verse>
				<verse number="23">तउ, हे सिय्योन क लोगो, खुस रहा। आपन परमेस्सर यहोवा मँ आनन्द स भरि जा। काहेकि उ तू पचन्क संग भला करी अउर तू पचन्क बर्खा देइ। उ तू पचन्क अगवा क बर्खा देइ। अउर उ तू पचन्क पाछे क भी बर्खा देइ जइसे पहिले देत रहा।</verse>
				<verse number="24">तोहार पचन्क इ सबइ खरिहान गोहूँ स भरि जइहीं अउर तू पचन्क कुप्पे दाखमधु अउर जइतून क तेल स उफनाइ लागिहीं।</verse>
				<verse number="25">“उ सबइ भिनभिनात भइ टिड्डियन, फुदकत भइ टिड्डियन, बिनास करइवाली टिड्डियन अउ कुतरत भइ टिड्डियन जउन कि तोहार पचन्क चिजियन खाइ गएन मइँ ही पठए रहेउँ। मुला मइँ यहोवा ओन मुसीबतन क बरिसन क बदला तू पचन्क चुका देब।</verse>
				<verse number="26">तू पचे भरपूर खाइब्या अउर खाइ क सन्तुट्ठ होइ जाब्या। आपन परमेस्सर यहोवा क नाउँ क तू पचे गुणगान करब्या काहेकि उ तू पचन्क बरे अद्भुत बातन किहेस ह। अब मोर लोग फुन कबहुँ लज्जित न होइहीं।</verse>
				<verse number="27">तू पचन्क पता लग जाइ कि मइँ इस्राएली लोगन्क साथ हउँ तू पचन्क पता लगि जाइ कि मइँ तोहार सबन्क परमेस्सर यहोवा हउँ। अउर कउनो दूसर परमेस्सर नाहीं अहइ। मोर लोग फुन कबहुँ लजइहीं नाहीं होइहीं।”</verse>
				<verse number="28">“एकरे पाछे मइँ तू सबन्पइ आपन आतिमा उडेरबउँ। तोहार पचन्क बेटवन-बिटियन भविस्सवाणी करिहीं। तोहार पचन्क बूढ़े सपनन लखिहीं अउर तोहार पचन्क नउजवान दर्सन लखिहीं।</verse>
				<verse number="29">उ समइ मइँ आपन आतिमा तोहार दास-दासियन तलक पइ भी उडेरब।</verse>
				<verse number="30">धरती पइ अउ अकासे मँ जउन घटित होहीं ओकरे बरे मँ मइँ चेतावनी देब्या। हुआँ खून, आगी अउ गहिर धुआँ क स्तम्भ होइ।</verse>
				<verse number="31">सूरज अँधियारे मँ बदल जाइ अउर चाँद खून क रंग मँ बदली। तउ फुन यहोवा क दिन जउन कि सचमुच मँ महान अउ भयानक दिन अहइ आइ।</verse>
				<verse number="32">तब कउनो भी मनई जउन यहोवा स ओकरे नाउ लइ क परथना करइ ओका बचा लइ जाइ। काहेकि यहोवा वादा किहेस ह कि सिय्योन क पर्वते पइ अउर यरूसलेम मँ उ सबइ लोग होइहीं जेका बचावा गवा अहइँ। सिरिफ उहइ लोग बचिहीं जेका यहोवा बुलावत ह।</verse>
			</chapter>
			<chapter number="3">
				<verse number="1">“हाँ इ सच अहइ कि मइँ उ समइ, मइँ यहूदा अउ यरूसलेम क लोगन क बंधन स आजाद कराइके वापिस लइ आउबउँ।</verse>
				<verse number="2">मइँ सबहिं रास्ट्रन यहोसापात क घाटी मँ बटोरब। अउर हुअँइ मइँ ओनका निआब करबउँ। काहेकि ओन रास्ट्रन मोरे इस्राएली लोगन क तितर-बितर कइ दिहे रहा अउर ओनका दूसर रास्ट्रन क बीच रहइ बरे मजबूर किहे रहेन। मइँ ओन रास्ट्रन क सजा देबउँ जउन मोर धरती क बँटवारा कइ दिहे रहेन।</verse>
				<verse number="3">उ पचे मोर धरती क आपन लोगन क बीच बँटवारा करइ बरे पाँसा लोकाए रहेन। उ पचे लरिकन क बेंचिके ओकरे बदले रण्डी खरीदेन अउर दाखमधु खरीदइ बरे लड़कियन बेंचि डाएन अउर इ दाखमधु पी लिहेन।</verse>
				<verse number="4">“हे सोर, सीदोन अउर पलिस्तीन क सबहिं प्रदेसो। तू पचे मोरे बरे कउनो महत्व नाहीं राखत्या। का तू पचे मोरे कउनो बुरे करम बरे सजा देत रहत अहा? होइ सकत ह तू पचे इ सोचत अहा कि तू पचे मोका सजा देत रहत अहा मुला हाली ही मइँ तू पचन्क सजा देइवाला अहउँ।</verse>
				<verse number="5">तू पचे मोर चाँदी, सोना लूट लिहा। मोर बहोतइ कीमती खजानन क लइके तू पचे आपन मन्दिरे मँ धइ दिहा।</verse>
				<verse number="6">“यहूदा अउ यरूसलेम क लोगन क तू पचे यूनानियन क हाथे बेंच दिहा अउ इ तरह तू पचे ओनका धरती स बहोतइ दूर लइ गया।</verse>
				<verse number="7">तू पचे मोरे लोगन क सुदूर देस मँ बेच दिहा। मुला मइँ ओनका लउटाइके वापिस लिआउब अउर तू पचे जउन कछू किहा ह, ओकर बरे तू पचन्क सजा देब।</verse>
				<verse number="8">मइँ यहूदा क लोगन्क लगे तू पचन्क बेटवन-बिटियन क बेच देबउँ। अउर फुन उ पचे ओनका सबाइ लोगन्क बेच देइहीं जउन कि बहोत दूर रहत एहेन” इ सबइ बात होब्या काहेकि यहोवा इ सबइ बातन कहे रहा।</verse>
				<verse number="9">लोगन क इ बताइ द्या जुद्ध क तइयार रहा। सपहसालार लोगन क जगावा, सारे जोधन क नजदीक आइ द्या। ओनका हियाँ आइ द्या।</verse>
				<verse number="10">आपन हरे क फारन क पीटिके तरवार बनावा अउ आपन हँसुआ क भाला मँ बदल द्या। दुर्बल लोग जरुर कहइ लागइँ कि “मइँ एक ठु सूरबीर हउँ।”</verse>
				<verse number="11">हे सबहिं रास्ट्र क लोगो, हाली आवा। एक ठु जगह पइ बटुर जा। ये यहोवा, तू भी आपन बरिआर सिपाहियन क लइ आवा।</verse>
				<verse number="12">हे रास्ट्र जागा! यहोसापात क घाटी मँ आ जा। मइँ सबहिं रास्ट्रन क जउन कि मोरे धरती क आसपास रहत अहइँ क निआउ करइ बरे बइठिहीं।</verse>
				<verse number="13">तू पचे आपन संग हँसुआ लइ आवा, काहेकि फसल पक गवा ह। आवा, तू पचे अंगूर रौंदा काहेकि अगूंर क कोल्हू भरा भवा अहइ। घड़न भरि भवा अइहीं अउर बाहेर उफनिहीं काहेकि रास्ट्रन क पाप बहोत बड़का अहइ।</verse>
				<verse number="14">उ फैसला क घाटी मँ बहोत-बहोत सारे लोग अहइँ काहेकि उ फैसले क घाटी मँ यहोवा क दिन आवइवाला अहइ।</verse>
				<verse number="15">सूरज चाँद करिया पड़ि जइहीं। तारे चमकब तजि देइहीं।</verse>
				<verse number="16">परमेस्सर यहोवा सिय्योन स गरजी। उ यरूसलेम स गरजी, अकास अउ धरती काँप-काँप जइहीं मुला आपन लोगन बरे परमेस्सर यहोवा सरण क ठउर होइ। उ इस्राएल क लोगन क सुरच्छा ठउर होइ।</verse>
				<verse number="17">“तब तू पचे जान जाब्या कि मइँ तोहार पचन्क परमेस्सर यहोवा हउँ। मइँ सिय्योन पइ बसत हउँ जउन मोर पवित्तर पर्वत अहइ। यरूसलेम पवित्तर बनि जाइ। फुन पराये लोग कबहुँ भी ओहमाँ स होइके नाहीं जाइ पइहीं।</verse>
				<verse number="18">“उ दिन मधुर दाखमधु पहाड़न स टपकी। पहाड़न स दूधे क नदियन बहइहीं अउर यहूदा क सबहिं झुराइ नदियन बहत भए जले स भरि जइहीं। यहोवा क मन्दिर स एक फौआरा फूटी जउन सित्तीम क घाटी क पानी स सींची।</verse>
				<verse number="19">मिस्र उजाड़ होइ जाइ अउर एदोम एक उजाड़ भुइँया मँ बदल जाइ। काहेकि उ पचे यहूदा क लोगन क संग निर्दयी रहेन। उ पचे ओनके ही देस मँ निरपराध लोगन क जान स मारि रहेन।</verse>
				<verse number="20">मुला यहूदा मँ लोग हमेसा ही बसा रइहीं अउर यरूसलेम मँ लोग पीढ़ी दर पीढ़ियन तलक रइहीं।</verse>
				<verse number="21">ओ लोग मरे लोगन क बध किहे रहेन एह बरे निहचय ही मइँ ओन लोगन स बदला लेब। मइँ कसूरवार लोगन क सजा दइ बिना नाहीं जाइ देब!” काहेकि सिय्योन यहोवा क निवासे क ठउर अहइ।</verse>
			</chapter>
		</book>
		<book number="30">
			<chapter number="1">
				<verse number="1">आमोस क सँदेसा। आमोस तकोइ नगर क गड़रिया रहा। यहूदा क राजा उज्जिय्याह क सासन काल अउ इस्राएल क राजा योआस क पूत यारोबाम क सासन काल मँ आमोस क इस्राएल क बारे मँ दर्सन भवा। इ भूकम्प क दुइ बरिस पहिले भवा।</verse>
				<verse number="2">आमोस कहेस: “यहोवा सिय्योन मँ सेर क तरह दहाड़ी। यहोवा क दहाड़ यरूसलेम मँ होइ। गड़रियन क हरिअर मइदान झुराइ जइहीं। हिआँ तलक कि कर्मेल पर्वत भी झुराई।”</verse>
				<verse number="3">इ सबइ यहोवा कहत ह: “मइँ दमिस्क क लोगन क ओनके जरिये कीन्ह गए अपराधन क सजा जरूर देब। काहेकि उ पचे गिलाद क, अन्न भूसा स अलग करइवाले लोहा क औजारन स पीटेस।</verse>
				<verse number="4">एह बरे मइँ हजाएल क घर (सिरिया) मँ आगी लगाउब, अउर उ आगी बेन्हदद क ऊँच किलन क नस्ट करी।</verse>
				<verse number="5">“मइँ दमिस्क क दुआर क मजबूत छड़न क भी तोड़ देब। आवेन क घाटी मँ सिंहासन पइ बइठइवाले मनई क भी मइँ नस्ट करबउँ। अराम क लोग हार जइहीं। लोग ओनका बंदी बनाइके कीर देस मँ लइ जइहीं। यहोवा उ सबइ कहेस।”</verse>
				<verse number="6">यहोवा इ कहत ह: “मइँ निहचइ ही अज्जा क लोगन क जरिये कीन्ह गए अनेक पापन बरे ओनका सजा देब। काहेकि उ पचे लोगन क एक समूचे रास्ट्र क पकड़ेन अउ दास क रूप मँ एदोम क पठए रहेन।</verse>
				<verse number="7">एह बरे मइँ अज्जा सहर क देवारे पइ आगी लगाउब। इ आगी अज्जा क महत्व स भरे भए किलन क नस्ट करी।</verse>
				<verse number="8">मइँ असदोद मँ राजसिंहासन पइ बइठइवाले मनई क नस्ट करबउँ। मइँ अस्कलोन मँ राजदण्ड धारण करइवाले राजा क नस्ट करब। मइँ एक्रोन क लोगने क सजा देबउँ। तब अबहिं तलक जिअत बचे भए पलिस्ती मरिहीं।” परमेस्सर यहोवा इ सब कहेस।</verse>
				<verse number="9">यहोवा इ सब कहत ह: “मइँ निहचइ ही सोर क लोगन क ओनके जरिये कीन्ह गए अनेक अपराधन बरे सजा देब। काहेकि उ पचे लोगन्क एक समूचे रास्ट्र क पकड़ेन अउर एदोम क दास क रूप मँ पठए रहेन। उ पचे उ वाचा क याद नाहीं रखेन जेका उ पचे आपन भाइयन (इस्राएल) क संग किहे रहेन।</verse>
				<verse number="10">एह बरे मइँ सोर क देवारन पइ आगी लगाउब। उ आगी सोर क ऊँच मीनारन क नस्ट करी।”</verse>
				<verse number="11">यहोवा इ सब कहत ह: “मइँ निहचइ ही एदोम क लोगन क ओनके जरिये कीन्ह गए अनेक अपराधन बरे सजा देबउँ। काहेकि एदोम आपन भाई क पाछा तरवार लइके किहस। एदोम तनिक भी दाया नाहीं देखाँएस। एदोम क किरोध बराबर बना रहा। उ जंगली जनावर क तरह इस्राएल क चीर-फाड़ करत रहा।</verse>
				<verse number="12">एह बरे मइँ तेमान मँ आगी लगाउब। उ आगी बोस्रा क ऊँच किलन क नस्ट करी।”</verse>
				<verse number="13">यहोवा इ सबइ कहत ह: “मइँ निहचइ ही अम्मोन क लोगन क ओनके जरिये कीन्ह गए अनेक अपराधन बरे सजा देब। काहेकि उ पचे गिलाद मँ गर्भवती मेहररूअन क मार डाएन। अम्मोनी लोगन एह बरे किहन कि उ पचे उ देस क लइ सकइँ अउर आपन देस क बड़का कइ सकइँ।</verse>
				<verse number="14">एह बरे मइँ रब्बा क देवार पइ आगी लगाउब। इ आगी रब्बा क ऊँच किलन क नस्ट करी। जुद्ध क दिन इ आगी लागी। इ आगी एक अइसे दिन लागी जब तुफानी दिन मँ आँधियन चलत रही होइहीं।</verse>
				<verse number="15">तब एनकर राजा अउर प्रमुख धइ लीन्ह जइहीं। उ सबइ एक संग बंदी बनाइके लइ जावा जइहीं।” यहोवा उ इ सब कहेस ह।</verse>
			</chapter>
			<chapter number="2">
				<verse number="1">यहोवा इ सब कहत ह: “मइँ मोआब क लोगन क एनके जरिये कीन्ह गए अपराधन क जरूर सजा देबउँ। काहेकि मोआब एदोम क राजा क हड़्डियन क बारिके चूना बनाएस।</verse>
				<verse number="2">एह बरे मइँ मोआब मँ आगी लगाउब अउर उ आगी करिय्योत क ऊँच किलन क नस्ट करी। हुआँ खउफनाक चिचियाहट अउ तुर्रही क अवाज होइ, अउर मोआब मरि जाइ।</verse>
				<verse number="3">एह बरे मइँ मोआब क राजा लोगन क समाप्त कइ देबउँ अउर मोआब क सबहिं प्रमुखन क मारि डाउब।” यहोवा उ सबइ कहेस।</verse>
				<verse number="4">यहूदा इ कहत ह: “मइँ यहूदा क ओकरे जरिये कीन्ह गए अनेक अपराधन बरे जरूर सजा देबउँ। काहेकि उ पचे यहोवा क आदेसन क माइन स इन्कार किहन। उ पचे ओनके आदेसन क नाहीं मानेन। ओनकर पुरखन झूठ पइ बिसवास किहेन अउर ओन लबार बातन यहूदा क लोगन स परमेस्सर क अनुसरण करब छोड़ाएन।</verse>
				<verse number="5">एह बरे मइँ यहूदा मँ आगी लगाउब अउर इ आगी यरूसलेम क ऊँच किलन क नस्ट कइ देइ।”</verse>
				<verse number="6">यहोवा इ कहत ह: “मइँ इस्राएल क ओनके जरिये कीन्ह गए अपराधन बरे सजा जरूर देबउँ। काहेकि उ पचे चाँदी क टूकन बरे नीक अउ भोले-भाले लोगन क दास क रूप मँ बेचेस। उ पचे एक जोड़ी जूता खातिर गरीब लोगन क बेचेन।</verse>
				<verse number="7">उ पचे गरीब लोगन क धक्का दइके मुँहे क बले गिराएन अउर उ पचे ओनका कुचरत भए गएन। उ पचे कस्ट भोगन भए लोगन क एक ठु नाहीं सुनेन। पिता लोगन अउ पूतन एक ही जवान मेहरारु क संग तने स संबंध कायम किहेन, उ पचे मोरे पवित्तर नाउँ क अपवित्तर किहेन ह।</verse>
				<verse number="8">उ पचे गरीब लोगन क ओढ़नन क लिहन अउ उ पचे ओन पइ गलीचन क तरह तब तलक बइठेन जब तलक उ पचे वेदी पइ पूजा करत रहेन। उ पचे गरिबन क ओनकर ओढ़नन क रेहन रखिके सिक्कन उधार दिहन। उ पचे लोगन क जुर्माना देइ क मजबूर किहन अउर उ जुर्माने क रकम स आपन परमेस्सर क मन्दिर मँ पिअइ बरे दाखरस खरीदेन।</verse>
				<verse number="9">“मुला मइँ ही ओनकर पहिले एमोरियन क नस्ट किहे रहेउँ। एमोरी लोग ऊँच बरगदे क बृच्छ क नाई रहेन। उ पचे ओतने सक्तिवाले रहेन जेतने बांज क बृच्छ। मुला मइँ ओनके ऊपरे क फल अउ ओनके खाने क जड़न क नस्ट किहेउँ।</verse>
				<verse number="10">“उ मइँ ही रहेउँ जउन तू पचन्क मिस्र देस स निकारिके वाएउँ। चालीस बरिस तलक मइँ तू पचन्क रेगिस्ताने स होइके लाएउँ। मइँ तू पचन्क एमोरियन क भुइँया पइ कब्जा कइ लेइ मँ मदद दिहेउँ।</verse>
				<verse number="11">मइँ तू पचन्क कछू पूतन क नबी बनाएउँ। मइँ तोहरे सबन्क नउजवानन मँ स कछू क नाज़ीर बनाएउँ। इस्राएल क लोगो, इ फुरइ अहइ।” यहोवा इ सबइ कहेस।</verse>
				<verse number="12">“मुला तू लोग नाज़ीर लोगन क दाखरस पियाया। तू पचे नबियन क भविस्सवानी करइ स रोक्या।</verse>
				<verse number="13">तू लोग मोरे बरे भारी बोझा क नाई अहा। मइँ उ गाड़ी क तरह हउँ जउन बहोतइ जियादा अनाजे से लदी होइके कारण निहुरी होइ।</verse>
				<verse number="14">कउनो भी मनई बचिके नाहीं निकरि पाइ, हिआँ तलक कि सब स जियादा दौड़इवाला भी। सक्तिवाले मनसेधू भी काफी सक्तिवाला नाहीं रहिहीं। फउजियन आपन क बचाइ नाहीं पइहीं।</verse>
				<verse number="15">धनुस अउ बानवाले भी नाहीं बचि पइहीं। तेज दउड़इवाले भी नाहीं बचि पइहीं। घुडसवार भी जिअत पराइ नाहीं पइहीं,</verse>
				<verse number="16">उ समइ, बहोतइ बीर जोधा भी नंगे हाथन भाग खड़ा होइहीं। ओनका आपन ओढ़ना तलक पहिरइ तलक क समइ भी नाहीं मिली।” यहोवा इ सबइ कहेस ह।</verse>
			</chapter>
			<chapter number="3">
				<verse number="1">इस्राएल क लोगो, इ संदेसा क सुना। यहोवा तोहरे पचन्क बारे मँ इ सब कहेस ह। इ सँदेसा ओन सबहिं इस्राएलि परिवारन बरे अहइ जेनका मइँ मिस्र देस स बाहेर लियाएउँ ह।</verse>
				<verse number="2">“धरती पइ अनेक परिवार अहइँ। मुला तू पचे अकेल्ले अहा जेका मइँ बिसेस धियान देइ बरे चुनेउँ। मुला तू पचे मोरे खिलाफ होइ गया। एह बरे मइँ तू पचन्क सबहिं पापन्बरे सजा देबउँ।”</verse>
				<verse number="3">दुइ मनइयन एक संग नाहीं चल सकतेन जब तलक उ पचे कउनो वाचा नाही करइँ।</verse>
				<verse number="4">जंगल मँ सेर आपन सिकार क धरइ क पाछे ही गरजत ह। अगर कउनो जवान सेर आपन माँद मँ ही गरज होइ तउ ओकर सकेत इहइ अहइ कि उ आपन सिकार क धइ लिहस ह।</verse>
				<verse number="5">कउनो चिरइया भुइँया पइ जालि मँ तब तलक नाहीं पड़ी जब तलक ओहमाँ कउनो चुग्ग न होइ अउर अगर जालि बन्द होइ जाइ तउ उ चिरइया क फँसाइ लेइ।</verse>
				<verse number="6">अगर कउनो तुर्रही खतरा क चितउनी देइ तउ लोग डर स जरूर काँपि उठिहीं। अगर कउनो मुसीबत कउनो सहर मँ आवइ तउ ओका यहोवा पठएस।</verse>
				<verse number="7">मोर सुआमी यहोवा कछू भी करइ क निहचइ कइ सकत ह। मुला कछू भी करइ स पहिले उ आपन सेवक नबियन क आपन छुपी योजना बनाइ।</verse>
				<verse number="8">अगर कउनो सेर दहाड़ी तउ लोग डेराइ जइहीं। अगर यहोवा कछू भविस्सवक्ता स कही तउ भविस्सवाणी करी।</verse>
				<verse number="9">असदोद अउ मिस्र क ऊँच किलन पइ जा अउर इ सँदेसा क घोसणा करा: “सोमरोन क पर्वतन पइ जा। हुआँ तू पचे बहोत गड़बड़ी पउब्या। काहेकि लोग नाहीं जानतेन कि धर्मी कइसे रहा जात ह। उ पचे दूसर लोगन क बरे क्रूर रहेन। उ पचे दूसर लोगन स चिजियन लेत रहेन अउर ओन चिजियन क आपन ऊँच किलन मँ छुपावत रहेन। ओनकर खजानन चोरी अउर जबर दस्ती लीन्ह गइ ओनकर चिजियन स भरा अहइँ।”</verse>
				<verse number="10"></verse>
				<verse number="11">एह बरे यहोवा कहत ह, “उ देस मँ दुस्मन आइ। उ दुस्मन तोहार पचन्क सक्ति लइ लेइ। उ ओन चिजियन क लइ लेइ जेनका तू पचे आपन किलन मँ छुपाइ रख्या ह।”</verse>
				<verse number="12">यहोवा इ कहत ह, “जइसे जब कउनो सेर कउनो मेमना पइ झपट्टा मारत ह तउ गड़रिया उ मेमना क सिरिफ कउनो हींसा ही बचाइ सकत ह। उ सेर क मुँहे स ओकर दुइ गोड़, या ओकर काने क एक हींसा क ही खेच सकत ह। ठीक इहइ तरह इस्राएल क जियादा लोग नाहीं बचाइ जाइ सकिहीं। सामरिया मँ रहइवाले लोग आपन बिछौना क कउनो कोना या आपन चौकी क पाया ही बचाइ पइहीं।”</verse>
				<verse number="13">मोर सुआमी सर्वसक्तीमान परमेस्सर यहोवा इ कहत ह: “याकूब (इस्राएल) क परिवारे क लोगन क इ सबइ बातन क चिताउनी द्या।</verse>
				<verse number="14">इस्राएल पाप किहेस अउर मइँ ओनकर पापन बरे ओनका सजा देब। मइँ बेतेल क वेदी क भी नस्ट करब। वेदी क सींगन काटि दीन्ह जइहीं अउर उ सबइ भुइँया पइ भहराइ जइहीं।</verse>
				<verse number="15">मइँ गर्मी क घरे क संग सर्दी क मौसम क घरे क भी नस्ट करब। हाथी दाँत स सजा घर भी नस्ट होइहीं। अनेक घर नस्ट कीन्ह जइहीं।” यहोवा इ सबइ कहत ह।</verse>
			</chapter>
			<chapter number="4">
				<verse number="1">सोमरोन क पहाड़े पइ मोटी गइयन मोर बात सुना। तू पचे गरीब लोगन क दबावत अहा। तू पचे ओन गरीबन के ऊपर गुज़र जात ह। तू पचे आपन भतारन स कहति अहा, “पिअइ बरे हमरे बरे कउनो दाखमधु लिआवा।”</verse>
				<verse number="2">मोर सुआमी यहोवा आपन पवित्तर नाउँ स प्रतिग्या किहेस, कि तू पचन पइ मुसीबतन अइहीं। दुस्मन तोहमाँ स हर एक मछरी क नाईं लेइ जाब्या जेका काँटन स पकरइ जाइ तलक कछू पता नाहीं रहत ह।</verse>
				<verse number="3">उ तोहार पचन्क सहर नस्ट होइ। तू पचे देवारन क छेदन स सहर क बाहेर जाब्या। तू पचे आपन आपका ल्हासन क ढेरन पइ लोकउब्या। यहोवा इ सबइ कहत ह:</verse>
				<verse number="4">“बेतेल जा अउ पाप करा। गिलान जइ अउर जियादा पाप करा। आपन बलियन क भेंट भिंसारे करा। तीन दिन वाले पवित्तर दिनन मँ अपनी फसल क दसवाँ हींसा लिआवा।</verse>
				<verse number="5">अउर खमीर क संग बनी धन्यवाद भेंट चढ़ावा। हर एक क स्वेच्छा भेंट क बारे मँ बताया। इस्राएल, तू पचे ओनका करब पसन्द करत अहा। एह बरे जा अउर उहइ करा।” यहोवा इ कहेस</verse>
				<verse number="6">“मइँ तू पचन्क अपने लगे बोलावइ बरे कई काम किहेउँ। मइँ तू पचन्क खाइ क कछू नाहीं दिहेउँ। तू पचन्क कउनो भी सहर मँ खइया क नाहीं रहा। मुला तू पचे मोरे लगे वापस नाहीं लउट्या।” यहोवा इ सबइ कहेस।</verse>
				<verse number="7">“मइँ बर्खा भी बन्द किहेउँ अउर इ फसल पाकइ क तीन महीना पहले भवा। एह बरे कउनो फसल नाहीं भइ। तब मइँ एक सहर पइ बर्खा होइ दिहेउँ मुला दूसर सहर पइ नाहीं। बर्खा देस क एक हींसा मँ भइ। मुला देस क दूसर हींसन मँ भुइँया बहोत सुखाइ गइ।</verse>
				<verse number="8">एह बरे दो या तीन सहरन स लोग पानी लिआवइ बरे दूसर सहरन क लड़खड़ात भए गएन। मुला हुआँ भी हर एक मनई बरे काफी जल नाहीं मिला। तउ भी तू पचे मोरे लगे मदद बरे नाहीं आया।” यहोवा इ सबइ कहेस।</verse>
				<verse number="9">“मइँ तू पचन्क फसलन क गर्मी अउ बेरामी स मारि डाएउँ। मइँ तू पचन्क बागन अउ अंगूरे क बगीचन क नस्ट किहेउँ। टिड़्डयन तू पचन्क अंजीरे क बृच्छन अउ जइतून क बृच्छन क खाइ डाएन। मुला फुन भी तू पचे मोरे लगे मदद क नाहीं आया।” यहोवा इ सबइ कहेस।</verse>
				<verse number="10">“मइँ तू पचन्क खिलाफ महामारियन वइसे ही पठएउँ जइसे मइँ मिस्र मँ पठए रहेउँ। मइँ तू पचन्क नउजवानन क तरवार क घाट उतारि दिहेउँ। मइँ तू पचन्क घोड़न लइ लिहेउँ। मइँ तू पचन्क डेरन क ल्हासन क दुर्गन्ध स भरेउँ। मुला तबहुँ भी तू पचे मोरे लगे मदद क वापस नाहीं लउट्या।” यहोवा इ सबइ कहेस।</verse>
				<verse number="11">“मइँ तू पचन्क वइसे ही नस्ट किहेउँ जइसे मइँ सदोम अउ अमोरा क नस्ट किहेउँ। इ दुइनउँ सहरन पूरी तरह नस्ट किन्ह गए रहेन। तू लोगन मँ स बचा भवा आगी स हींची गइ बरत छड़ी तरह रह्या। मुला तउ पइ भी तू पचे फुन भी मदद बरे मोरे लगे नाहीं लउट्या।” यहोवा इ सबइ कहेस।</verse>
				<verse number="12">“एह बरे इस्राएल मइँ तोहेर सबन्क संग इ सब करब। मइँ तोहरे साथ इ करब। इस्राएल आपन परमेस्सर स मिलइ बरे तइयार होइ जा।”</verse>
				<verse number="13">मइँ कउन हउँ? मइँ उहइ हउँ जउन पर्वतन क बनाएउँ। मइँ तोहार परान बनाएउँ। मइँ लोगन क आपन विचार बताएउँ। मइँ ही भिंसारे क साँझे मँ बदलत हउँ। मइँ धरती क ऊपर क पर्वतन पइ चलत हउँ। मइँ कउन हउँ? मोर नाउँ यहोवा, फउजन क परमेस्सर अहइ।</verse>
			</chapter>
			<chapter number="5">
				<verse number="1">इस्राएल क लोगो, इ सँदेसा क सुना, इ सोक सँदेसा तोहेर पचन्क बारे मँ अहइ।</verse>
				<verse number="2">इस्राएल क कुँवारी गिर गइ अहइ। उ अब कबहुँ नाहीं उठी। उ धूरि मँ पड़ी अकेल्ली तजि दीन्ह ग अहइ। ओका उठावइवाला कउनो मनई नाहीं अहइ।</verse>
				<verse number="3">मोर सुआमी यहोवा इ कहत ह: “हजार फउजियन क संग सहर स जाइवाले अफसर सिरिफ सउ फउजियन क संग लउटिहीं। सउ फउजियन क संग सहर तजइवाले अफसर सिरिफ दस फउजियन क संग लउटिहीं।”</verse>
				<verse number="4">यहोवा इस्राएल क घराने स इ कहत ह: “मोर खोज करत आवा अउ जिअत रहा।</verse>
				<verse number="5">मुला बेतेल मँ न खोजा। गिल्गाल जिन जा। सीमा क पार न करा अउर बेर्सेबा न जा। गिल्गाल क लोग बन्दी क रूप मँ लइ जावा जइहीं अउर बेतेल नस्ट कीन्ह जाइ।</verse>
				<verse number="6">यहोवा क लगे जा अउर जिअत रहा। अगर तू पचे यहोवा हिआँ नाहीं जाब्या, तउ यूसुफ क घरे मँ आगी लगी। आगी यूसुफ क परिवारे क नस्ट करी अउर बेतेल मँ कउनो भी रोक नाहीं पाई।</verse>
				<verse number="7">तू पचन्क मदद बरे यहोवा क लगे जाइ चाही। इ उहइ अहइ जउन कचपचिया अउ मृगसिरा क बनाएस। उ अँधियारा क भिंसोर प्रकास मँ बदल दत ह। उ दिन क अँधेरी रात मँ बदल देत ह। उ समुद्दर द जल क उठाइके ओका पृथ्वी पइ बरसावत ह। ओकर नाउँ यहोवा अहइ उ सक्तीवाले सहरन क मजबूत किलन क ढहाइ देत ह।” लोगो, तू पचन्क बरे इ बहोतइ बुरा होइ। तू पचे अच्छाई क कड़ुवाहट मँ बदल दिहा। तू पचे अच्छाई क मार डाया अउर एका धूरि मँ मिलाइ दिहा।</verse>
				<verse number="8"></verse>
				<verse number="9"></verse>
				<verse number="10">नबी समाज क ठउरन पइ जात हीं अउर ओन बुरे करमन क खिलाफ बोलत हीं जेनका लोग करत रहत हीं। मुला लोग ओन नबियन स घिना करत हीं। नबी फुरइ कहत हीं, मुला लोग ओन नबियन स घिना करत हीं।</verse>
				<verse number="11">तू पचे गरीबन स गैर मुनासिब कर वसूलत अहा। तू पचे ओनसे ढेर क गोहूँ लेत ह अउ इ धने क उपयोग तू पचे तरासे भए पाथरन स सुन्नर महल बनावइ मँ करत अहा। मुला तू पचे ओन महलन मँ नाहीं रहब्या। तू पचे अंगूरन क बेलन क सुन्नर खेत बनावत अहा। मुला तू पचे ओनसे पाई दाखरस क नाहीं पीब्या।</verse>
				<verse number="12">कहेकि मइँ तू पचन्क अनेक पापन्क जानत हउँ। तू पचे, फुरइ ही, कछू बुरे करम किह्या ह। तू पचे मुनासिब काम करइवालन क चोट पहोंचाया। तू पचे घूस क रूप मँ धन लिहा। गरीब लोगन क संग अनेक मुकदमन मँ तू पचे निआव नाहीं किह्या।</verse>
				<verse number="13">उ समइ बुद्धिमान चुप रइहीं। काहे काहेकि इ बुरा समइ अहइ।</verse>
				<verse number="14">तू पचे कहत अहा कि परमेस्सर मोरे संग अहइ। एह बरे नीक करम करा, बुरा नाहीं। तब तू पचे जिअन रहब्या अउ सर्वसक्तीमान परमेस्सर यहोवा फुरइ ही तोहेर सबन्क संग होइ।</verse>
				<verse number="15">बुराई स घिन करा। अच्छाई स पिरेम करा। कचहरी मँ निआव वापस लिआवा अउ तब संभव अहइ कि सर्वसक्तीमान परमेस्सर यहोवा यूसुफ परिवारे क बचे भए लोगन पइ दयालु होइ।</verse>
				<verse number="16">इहइ कारण अहइ कि मोर सुआमी सर्वसक्तीमान परमेस्सर इ कहत अहइ, “लोग सबहिं समाज क ठहरन मँ रोइहीं, लोग सड़कियन पइ रोइहीं। लोग पेसेवर रोवइवालन क भाड़ा पइ रखिहीं।</verse>
				<verse number="17">लोग अंगूरे क सबहिं खेतन मँ रोइहीं। काहेकि मइँ हुआँ स निकरब अउर तू पचन्क सजा देबउँ।” यहोवा इ सब कहेस ह।</verse>
				<verse number="18">तू पचन मँ स कछू यहोवा क निआव क खास दिन क लखइ चाहत हीं। तू पचे उ दिन क काहे लखइ चाहत अहा? यहोवा क खास दिन तोहरे पचन्क बरे अँधियारा लिआई उजियारा नाहीं।</verse>
				<verse number="19">तू पचे कउनो सेरे क समन्वा स बचिके पराइ निकरइवाले अइसे मनई क नाईं होब्या जेह पइ भागत समइ रीछ हमला कइ देत ह अउर फुन जब उ रीछ स भी बचिके निकरिके कउनो घरे मँ जाइ घुसत ह तउ हुआँ देवारे पइ हथवा धरत ही, साँप डसि लेत ह।</verse>
				<verse number="20">एह बरे यहोवा क खास दिन अँधियारा लिआई, उजियारा नाहीं, इ सोक क समइ होइ उल्लास क नाहीं।</verse>
				<verse number="21">“मइँ तोहार पचन्क पवित्तर दिनन स घिना करत हउँ। मइँ ओनका कबूल नाहीं करब। मइँ तोहार पचन्क धर्म क सभन क आनन्द नाहीं लेतेउँ।</verse>
				<verse number="22">अगर तू पचे होमबलि अउ अन्नबलि अउ भी देब्या तउ मइँ अँगीकार नाहीं करब। तू पचे जउन मोटवार जनावरन क सान्ति-भेंट क रूप मँ देब्या ओनका मइँ भी लखब भी नाहीं।</verse>
				<verse number="23">तू पचे हिआँ स सोरगुलवाले गीतन क दूर करा। मइँ तोहरी पचन्क वीणा क संगीत क नाहीं सुनब।</verse>
				<verse number="24">तू पचन्क आपन सोर देस मँ निआव क नदी क तरह बहइ देइ चाही। अच्छाई क सदा नदी क धारा क नाई बहइ द्या जउन कबहुँ झुरात नाहीं।</verse>
				<verse number="25">इस्राएल, तू पचे चालीस बरिस तलक रोगिस्ताने मँ मोका बलि अउ भेंट नाहीं चढ़ाया।</verse>
				<verse number="26">तू पचे आपन देवता सक्कुथ अउ नछत्र देवता कैवन क मूर्तियन क लइके चल्या। एन देवतन क मूर्तियन क तू पचे अपने बरे बनाये रह्या।</verse>
				<verse number="27">एह बरे मइँ तू पचन्क बन्दी बनाइके दमिस्क क पार पहोंचाउब।” इ सब यहोवा कहत ह। ओकर नाउँ सर्वसक्तीमान परमेस्सर अहइ।</verse>
			</chapter>
			<chapter number="6">
				<verse number="1">सिय्योन क तू पचन्क मँ स कछू क जिन्नगी बहोत अराम क अहइ। सामरिया पर्वत क कछू लोग अपने क सुरच्छित महसूस करत हीं। मुला तू पचन पइ अनेक मुसीबतन अइहीं। रास्ट्रन क सब स उत्तिम नगर क तू पचे सम्मानित लोग अहा। “इस्राएल क लोग” निआव पावइ बरे तोहरे पचन्क लगे आवत हीं।</verse>
				<verse number="2">जा अउ कलने क लखा। हुआँ स बिसाल नगर हमात क जा। पलिस्ती सहर गत क जा। का तू पचे इ सबइ राज्यन स बढ़िया अहा? नाहीं। ओनकर पहँटा तोहरे पचन्क देसे स बड़का अहइँ।</verse>
				<verse number="3">जब तू हिंसा क जरिये सासन करत ह तउ तू सज़ा क दिना बरे सोचइ स इन्कार करत जउन कि आवत ह।</verse>
				<verse number="4">मुला तू पचे सबहिं बिलासन क भोगा करत अहा। तू पचे हाथी दाँते क सेज पइ सोवत अहा अउर अपने बिछौना पइ आराम करत अहा। तू पचे गोरूअन क झुण्ड मँ स नरम मेमनन अउ बाड़न मँ स नवा बछवा खात अहा।</verse>
				<verse number="5">तू पचे आपन वीणन क बजावत अहा अउर राजा दाऊद क नाईं संगीत क धन बनावत ह।</verse>
				<verse number="6">तू पचे सुन्नर पिआलन मँ दाखरस पिआ करत अहा। तू पचे सब स उत्तिम तेलन मँ स आपन मालिस करत अहा अउर तू पचन्क एकरे बरे घबराहट भी नाहीं कि यूसुफ क परिवार नस्ट कीन्ह जात अहइ।</verse>
				<verse number="7">उ सबइ लोग अब बिछउना पइ अराम करत अहइँ। मुला ओनकर नीक समइ खतम होइ। उ पचे बन्दी क रूप मँ विदेसन मँ पहोंचावा जइहीं अउर उ पचे पहिले पकड़ा जाइवालन मँ स कछू होइहीं।</verse>
				<verse number="8">मोर सुआमी यहोवा आपन नाउँ स इ प्रतिग्या किहे रहा। सर्वसक्तीमान परमेस्सर यहोवा प्रतिग्या किहस ह: “मइँ ओन बातन स घिना करत हउँ जेन पइ याकूब क गर्व अहइ। मइँ ओकर मजबूत मीनारन स घिना करत हउँ। एह वरे मइँ दुस्मन क सहर अउर सहर क हर एक चीज लेइ देबउँ।”</verse>
				<verse number="9">उ समइ, कउनो घरे मँ अगर दस मनई जिअत बचिहीं तउ भी उ पचे मरि जइहीं।</verse>
				<verse number="10">जब कउनो मरि जाइ तब कउनो संबंधी ल्हास लेइ आइ, जेहसे उ ओका बाहेर लइ जाइ सकइ अउर बारि सकइ। संबंधी घरे मँ हाड़न क लेइ आइ। लोग कउनो भी उ मनई स जउन घरे क भितरे छुपा होइ, पूछिहीं, “का तोहरे पचन्क लगे कउनो दूसर ल्हास अहइ?” उ मनई जवाब देइ, “नाहीं…” तब मनई क संबंधी कइहीं, “चुप। हम पचन्क यहोवा क नाउँ नाहीं लेइ चाही।”</verse>
				<verse number="11">लखा, परमेस्सर यहोवा हुकुम देइ अउर बिसाल महल टूका-टूका कीन्ह जइहीं अउर नान्ह घर नान्ह नान्ह टूकन मँ तोरा जइहीं।</verse>
				<verse number="12">का घोड़न सिलाखंडन पइ दउड़त हीं? नाहीं। का लोग समुदर क बर्धन स जोत सकत हीं? नाहीं। तउ भी तू पचे हर चीज क उलट-पलट देत अहा। तू पचे अच्छाई अउ निआव क जहर मँ बदल देत अहा।</verse>
				<verse number="13">तू पचे लौ-देवरे मँ खुस अहा, तू पचे कहत अहा, “हम पचे करनैम क आपन सक्ति स जीता ह।”</verse>
				<verse number="14">“किन्तु इस्राएल, मइँ तू पचन्क खिलाफ एक रास्ट्र क पठउब। उ रास्ट्र तोहरे पचन्क समूचे देस क, लेबो-हमात स लइके अराबा नाले तलक मुसीबते मँ डइहीं।” सर्वसक्तीमान परमेस्सर यहोवा उ सबइ कहेस।</verse>
			</chapter>
			<chapter number="7">
				<verse number="1">यहोवा मोका इ देखाएस: उ दूसर फसिल उगर क समइ टिडडी दलन क बनउब सुरू किहेस। राजा क जरिये पहिली फसल काट लीन्ह जाइके पाछे इ दूसर फसल रही।</verse>
				<verse number="2">टिड्डियन देस क सारी घास खाइ डाएन। ओकरे पाछे मइँ कहेउँ, “मोर सुआमी यहोवा, मइँ पराथना करत हउँ, हम पचन क छिमा करा। याकूब जी नाहीं सकत, ओकर लगे बहोत सक्ति नाहीं अहइ।”</verse>
				<verse number="3">तब यहोवा एकरे बारे मँ विचार बदलेस। यहोवा कहेस, “अइसा नाहीं होइ।”</verse>
				<verse number="4">मोर सुआमी यहोवा मोका इ चिजियन देखाएस: मइँ लखेउँ कि यहोवा परमेस्सर आगी क नाई बरसइ बरे बोलावत बाटइ। आगी बिसाल गहिर समुद्दर क नस्ट कइ दिहस। आगी भुइयाँ क चट करइ लाग।</verse>
				<verse number="5">मुला मइँ कहेउँ, “हे परमेस्सर यहोवा, मइँ तोहसे पराथना करत हउँ, ठहरा। याकूब बच नाहीं सकत। उ बहोतइ नान्ह अहइ।”</verse>
				<verse number="6">तब यहोवा एकरे बारे मँ आपन विचार बदलेस। परमेस्सर यहोवा कहेस, “अइसा नाहीं होइ।”</verse>
				<verse number="7">यहोवा मोका इ देखाएस: यहोवा एक ठु देवारे क सहारे एक साहुल हाथे मँ लइके खड़ा भवा रहा। (देवार साहुल स सोझ कीन्ह गइ रही।)</verse>
				<verse number="8">यहोवा मोसे कहेस, “आमोस, तू का लखत अहा?” मइँ कहेउँ, “साहुल।” तब मोर सुआमी कहेस, “लखा मइँ आपन इस्राएल क लोगन पइ साहुल क उपयोग करब। मइँ अब अउर अगवा ओनकर टेढ़ेपने क नजरन्दाज नाहीं करब। मइँ ओन ‘बुरे हींसन’ क काट लोकाउब।</verse>
				<verse number="9">इसहाक क ऊँच ठउर नस्ट कीन्ह जइहीं। इस्राएल क पवित्तर ठउर चट्टाने क ढेर मँ बदल दीन्ह जइहीं। मइँ हमला करब अउर यारोबाम क परिवारे क तरवारे क घाट उतारब।”</verse>
				<verse number="10">बेतेल क याजक अमस्याह इस्राएल क राजा यारोबाम क इ सँदेसा पठएस: “आमोस तोहरे खिलाफ सडयंत्र रचत अहइ। उ इस्राएल क लोगन क तोहरे खिलाफ जुद्ध बरे भड़कावत ह। उ एतना जियादा कहत अहइ कि ओकर सब्द पूरा देस मँ भी समाइ नाहीं सकतेन।</verse>
				<verse number="11">आमोस कहेस ह, ‘यारोबाम तरवारे क घाट उतरी अउ इस्राएल क लोगन क बन्दी बनाइके आपन देस स बाहेर लइ जावा जइहीं।’”</verse>
				<verse number="12">अमस्याह भी आमोस स कहेस, “हे दर्सी यहूदा जा अउर हुअँइ आपन भोजन करा। आपन उपदेस हुअँइ द्या।</verse>
				<verse number="13">मुला हिआँ बेतेल मँ अउर जियादा उपदेस जिन द्या। इ यारोबाम क पवित्तर ठउर अहइ। इ इस्राएल क मंदिर अहइ।”</verse>
				<verse number="14">तब आमोस अमस्याह क जवाब दिहस, “मइँ पेसेवर नबी नहीं हउँ अउर मइँ नबी क परिवार क नाहीं हउँ। मइँ गोरू पालत हउँ अउर गूलर क बृच्छन क देखरेख करत हउँ।</verse>
				<verse number="15">मइँ गड़रिया रहेउँ अउर यहोवा मोका भेड़िन क चरावइ स अजाद किहेस। यहोवा मोहसे कहेस, ‘जा मोर लोग इस्राएलियन मँ भविस्सवाणी करा।’</verse>
				<verse number="16">एह बरे यहोवा क सँदेस क सुना। तू मोहसे कहत अहा, ‘इस्राएल क खिलाफ भविस्सवाणी जिन करा। इसहाक क परिवारे क खिलाफ उपदेस जिन द्या।’</verse>
				<verse number="17">मुला यहोवा कहत ह, ‘तोहार पत्नी सहर मँ रण्डी होइ हीं। तोहार पूतन अउ बिटियन तरवारे स मारा जइहीं। दूसर लोग तोहार भुइँया क खिलाफ आइहीं अउर एका कब्जा कइ लेइहीं। अउर आपुस मँ बँटिहीं अउर तू बिदेस मँ मरब्या। इस्राएल क लोग निहचइ ही, इ देस स बन्दी क रूप मँ लइ लीन्ह जइहीं अउर देस स निस्कासित कीन्ह जाइ।’”</verse>
			</chapter>
			<chapter number="8">
				<verse number="1">यहोवा मोका इ देखाएस: मइँ गर्मी क फलन क एक टोपा लखेउँ:</verse>
				<verse number="2">यहोवा पुछेस, “आमोस तू का लखत अहा?” मइँ कहेउँ, “गर्मी क फलन स भरा भवा एक ठु टोकरी।” तब यहोवा मोहसे कहेस, “मोर लोग इस्राएलियन क अंत आइ मँ अहइ। मइँ ओनके पापन क अउर बर्दास्त नाहीं कइ सकतेउँ।</verse>
				<verse number="3">मन्दिर क गीत सोक गीत बन जइहीं। मोर सुआमी यहोवा इ सब कहेस। सब जगह ल्हासन ही होइहीं। सन्नाटे मँ लोग ल्हासन क लइ जइहीं अउर ओनकर ढेर लगाइ देइहीं।”</verse>
				<verse number="4">मोर सुना। लोगो तू पचे बेसहारा क कुचरत अहा। तू पचे इ देस क गरीबन क नस्ट करइ चाहत अहा।</verse>
				<verse number="5">बइपारियो तू पचे कहत अहा, “नवा चंदा कब बीती जेहसे हम पचे अन्न बेचि सकी? सबित कब बीती, जेहसे हम पचे आपन गोहूँ बेचइ क लिआइ सकी? हम कीमतन क बढ़ाइ सकी, बाटन क हल्का कइ सकी, अउर हम पचे तराजुअन क अइसा इंतजाम कइ लेइ कि लोगन क ठगि सकी।</verse>
				<verse number="6">गरीब आपन कर्जा वापस नाहीं कइ सकतेन। एह बरे हम ओनका दास क रूप मँ खरीदब। हम ओन गरीबन क एक जोड़ी पनही क कीमत मँ खरीदब। अहो! हम पचे ओन खराब गोहूँ क भी बेचि सकित ह, जउन फर्स पइ छितराइ गवा होइ।”</verse>
				<verse number="7">यहोवा प्रतिग्या किहेस। उ “याकूब क गर्व” क आपन नाउँ बरे उपयोग किहेस अउर इ प्रतिग्या किहेस कि: “मइँ ओन लोगन क कीन्ह करमन बरे ओनका छिमा नाहीं कइ सकत।</verse>
				<verse number="8">तोहार ओन करमन क कारण पूरा देस काँपि जाइ। इ देस क हर एक निवासी मरे भए के लिए रोइ। पूरा देस मिस्र मँ उड़त होइ नील नदी क तरह कपकपाहीं। पूरा देस उठिहीं अउर फुन गरिहीं।”</verse>
				<verse number="9">यहोवा इ सबइ बातन भी कहेस: “उ समइ मइँ सूरज दुपहर मँ ही बूड़ि देब। मइँ उजियारा भरे दिन मँ पृथ्वी क अंधियारा स भरि देब।</verse>
				<verse number="10">मइँ तोहार पचन्क पवित्तर दिनन क मरे भए लोगन बरे सोक दिवस मँ बदलब। तोहार पचन्क सबहिं मरे भए लोगन बरे सोक गीत बनिहीं। मइँ हर एक क सोक ओढ़ना पहिराउब। मइँ हर एक क मूँड़ मुड़वाइ देब। मइँ अइसा गहिर सोक स भरा रोउब बनाउब माना उ एकलौती क पूत क होइ। इ एक कड़ुआ अन्त होइ।”</verse>
				<verse number="11">यहोवा कहत ह: “लखा मइँ देस मँ भुखमरी लिआउब अउर उ सबइ दिन निचके आवत अहइँ। इ रोटी या पानी क भुखमरी नाहीं होइहीं बल्कि यहोवा क बचन क भुखमरी होइहीं।</verse>
				<verse number="12">लोग एक सागरे स दूसर सागर तलक भटकिहीं। उ पचे उत्तर स दक्खिन तलक भटकिहीं। उ सबइ लोग यहोवा क सँदेसा बरे अगवा बढ़िहीं पाछे हटिहीं, मुला उ पचे ओका पइहीं नाहीं।</verse>
				<verse number="13">उ समइ सुन्नर मेहररूअन अउ नउजवान पिआव क कारण बेहोस होइ जइहीं।</verse>
				<verse number="14">ओन लोग सोमरोन क पाप क नाउँ पइ प्रतिग्यन किहेन। उ पचे कहेन, ‘दान तोहरे पचन्क देवता क सत्ता निहचइ फुरइ बाटइ, एहसे हम पचे प्रतिग्या करत अही, अउर बेर्शेवा क सत्ता क सत्ता निहचइ फुरइ बाटइ, एहसे हम पचे प्रतिग्या करत अही’ एह बरे ओन लोगन क पतन होइ अउर उ पचे फुन कबहुँ उठिहीं नाहीं।”</verse>
			</chapter>
			<chapter number="9">
				<verse number="1">मइँ आपन सुआमी क वेदी क सहोर खड़ा लखेउँ। उ कहेस, “खम्भन क सिरे पइ प्रहार करा, अउर पूरी इमारत क डेहरी तलक कँाप उठी। कम्भन क मनइयन क मूँड़े पइ गिरावा। अगर कउनो जिअत बचइ, तउ ओका तरवारे स मारा। कउनो मनई पराइ सकत ह, मुला उ बचि नाहीं सकी। मनइयन मँ स कउनो भी मनई बचिके नाहीं निकरी।</verse>
				<verse number="2">अगर उ पचे पाताल मँ खनिके जइहीं, मइँ ओनका हुआँ स हींच लेबउँ। अगर उ पचे ऊपर आकासे मँ जइहीं मइँ ओनका हुआँ स खाले लिआउब।</verse>
				<verse number="3">अगर उ पचे कर्मेल क घाटी पइ जाइके छुपिहीं, मइँ ओनका हुआँ हेरब अउर मइँ ओनका उ जगहिया पइ लइ आउब। अगर उ पचे समुद्दर क तले मँ छुपइ चाहत हीं, मइँ सरप क हुकुम देब अउर उ ओनका डसि लेइ।</verse>
				<verse number="4">अगर उ पचे धरा जइहीं अउर आपन दुस्मन क जरिये लइ जावा जइहीं, मइँ आपन तरवार क हुकुम देब अउर उ ओनका हुअँइ मारी। हाँ, मइँ ओन पइ सावधानी पूर्वक निगाह रखब उहइ दौरान मइँ ओन पइ मुसीबत लिआवइ बरे रास्ता खोजब। ओनके बरे नीक काम करइ क तरीकन पइ नाहीं।”</verse>
				<verse number="5">मोर सुआमी सर्वसक्तीमान यहोवा, उ पहँटा क छुइ अउर उ टेघर जाइ तब उ देस क सबहिं निबासी मरे भए लोगन बरे रोइहीं। इ पहँटा मिस्र क नील नदी क नाई ऊपर उठी अउर खाली गिरी।</verse>
				<verse number="6">यहोवा आपन ऊपर क निवास अकासे क ऊपर बनाएस। उ आपन आकास क पृथ्वी पइ धरेस। उ सागरे क जल क बोलाइ लेत ह, अउर देस पइ ओकर बर्खा करत ह। ओकर नाउँ यहोवा अहइ।</verse>
				<verse number="7">यहोवा इ कहत ह: “इस्राएल तू मोरे बरे कूसियन क नाई अहा। मइँ इस्राएल क मिस्र स निकारिके लाएउँ। मइँ पलिस्तियन क भी कप्तोर स लाएउँ अउर अरामियन क भी कीर स।”</verse>
				<verse number="8">मोर सुआमी यहोवा पापे स भरा राज्ज पइ दृस्टि रखे अहइ। यहोवा इ कहत ह, “मइँ पृथ्वी पइ स इस्राएल क नस्ट करब। मुला मइँ याकूब क परिवार क पूरी तरह नस्ट नाहीं करब।</verse>
				<verse number="9">मइँ इस्राएल क घराना क तितर-बितर कइके दूसर रास्ट्रन मँ छितरावइ क आदेस देत अहउँ। इ उहइ तरह होइ जइसे कउनो मनई अनाजे क छननी स छान देत ह। नीक आटा ओहसे निकरि जात ह, मुला बुरा अंस फँस जात ह। याकूब क परिवारे क संग अइसा ही होइ।</verse>
				<verse number="10">“मोरे लोगन क बीच पापी कहत हीं, ‘हम लोगन क संग कछू भी बुरा नाहीं घटित होइ।’ मुला उ पचे सबहिं लोग तरवार स मारि दीन्ह जइहीं।”</verse>
				<verse number="11">“दाऊद क डेरा गिर गवा ह, मुला उ समइ इ डेरे क मइँ फुन खड़ा करब। मइँ देवारन क छेदन क भरि देब। मइँ नस्ट इमारतन क फुन स बनाउब। मइँ एका अइसा बनाउब जइसा इ पहिले रहा।</verse>
				<verse number="12">फुन उ पचे एदोम मँ जउन लोग बचि गवा अहइँ, ओनका अउर ओन जातियन क जउन मोरे नाउँ स जानी जात हीं, लइ जाइ।” यहोवा इ सबइ बातन कहेस, अउर उ सबइ ओनका घटित कराई।</verse>
				<verse number="13">यहोवा कहत ह, “उ समइ आवत अहइ, जब हर तरह क भोजन क बहोतयात होइ। अबहिं लोग पूरी तरह फसल काटि नाहीं पाए होइहीं कि जोताइ क समइ आइ जाइ। लोग अबहिं अंगूरन क रस निकारि ही रहा होइहीं कि अंगूरन क रोपाइ क समइ फुन आइ पहोंची। पर्वतन स दाखरस क धार बही अउर उ पहाड़ियन स बरसी।</verse>
				<verse number="14">मइँ आपन लोगन इस्राएलियन क देस निकारइ स वापस लिआउब। उ पचे नस्ट भए सहरन क फुन स बनइहीं अउर ओन सहरन मँ रइहीं। उ पचे अंगूरे क बेलन क बाग लगइहीं अउर उ पचे ओन बागन स मिला भवा दाखरस पीइहीं। उ पचे बाग लगइहीं अउर उ पचे ओन बागन क फलन क खइहीं।</verse>
				<verse number="15">मइँ आपन लोगन क ओनकी भुइँया पइ जमाउब अउर उ पचे फुन उ देस स उखाड़ा नाहीं जइही जेका मइँ ओनका दिहेउँ ह।” यहोवा तोहार पचन्क परमेस्सर इ सबइ बातन कहेस।</verse>
			</chapter>
		</book>
		<book number="31">
			<chapter number="1">
				<verse number="1">इ ओबद्याह क दर्सन अहइ। मोर सुआमी यहोवा एदोम क बारे मँ इ कहत ह: हम यहोवा परमेस्सर स इ संदेस पाइ गए ह। रास्ट्रन क एक ठु दूत पठवा गवा ह। उ कहेस, “हम पचन क एदोम क खिलाफ लड़इ बरे चलइ द्या।”</verse>
				<verse number="2">“एदोम, मइँ तोहार सबन त नान्ह रास्ट्र बनाइ देब। लोग तोहसे बहोत घिना करिहीं।</verse>
				<verse number="3">तू आपन घमण्ड क जरिये छला गवा अहा। तू उँचकी पहाड़ियन क गुफन मँ रहत बाट्या। तोहार घर पहाड़ियन मँ उँचाई प बाटइ। तू आपन मने मँ कहत अहा, ‘मोका कउनो भी धूरी नाहीं चटाइ सकत।’”</verse>
				<verse number="4">परमेस्सर यहोवा इ कहत ह: “जदपि तू उकाब क तरह ऊपर उड़ा, अउर आपन घोसला तारन क बीच बनाइ ल्या, तउ भी मइँ तोहका हुआँ स खाले उतारबउँ।</verse>
				<verse number="5">तू फुरइ बरबाद होइ जाब्या। देखा। कउनो चोर तोहरे हिआँ आवत हीं। जब, राति मँ डाकू आवत ही। तउ उ पचे भी ओतना ही चोराइके या लूटिके लइ जात ही जेतँना लइ जाइ सकत ही। तोहार बगियन मँ जब मजदूर अंगूर तोरइ आवत हीं तउ अंगूर तोरइ क पाछे उ पचे कछू न कछू अंगूर छोड़िके जात हीं।</verse>
				<verse number="6">मुला हे एदोम। तोहसे तोहार सब कछू छोर लीन्ह जाइ। लोग तोहरे सबहिं खजानन क हेरि लेइहीं अउर हथियाइ लेइही।</verse>
				<verse number="7">उ सबइ लोग जउन तोहार मीत अहइँ, तोहका देस स बाहेर जाइ का मजबूर करिहीं। तोहार संग सान्ति स रहइवालन तोहका धोखा देइही अउर तोहका हरइहीं। उ सबइ लोग जउन तोहार रोटिन्क तोहार संग खावात ह तोहार बरे फंदा डावइ क जोजना बनात ह। ‘तू ऍका नाहीं समुझ सकब्या।’”</verse>
				<verse number="8">यहोवा कहत ह: “ओह दिन, मइँ सदोम क बुद्धिमान लोगन्क बरबाद करब अउ मइँ एसाव पहाड़े स समुझदारी क नास करब।</verse>
				<verse number="9">तबहिं, हे तेमान, तोहार सक्तीसली लोग भयभीत होइहीं अउर एसाव पहाड़े क हर मनई मारि जाब्या।</verse>
				<verse number="10">तू सरम स धँसि जाब्या, अउर तू हमेसा बरे बरबाद होइ जाब्या। काहेकि आपन भाई याकूब बरे तू पचे ऍतना क्रूर निकरया।</verse>
				<verse number="11">ओह समइ, तू इस्राएल क दुस्मन होइ गवा। अजनबी याकूब क खजाना लइ गया। बिदेसी लोग इस्राएल क नगर-दुआर मँ घुसेन। उ बिदेसी लोग गोट डाइके इ निहचय किहेन कि उ पचे यरूसलेम क कउन स हींसा लेइही। तउ उ समइ तू ओन लोगन क दुस्मनन क नाईं रह्या।</verse>
				<verse number="12">तू आपन भाई क बिपत काल मँ हँस्या, तू इ नाही करइ चाही रह्या तू पचे तबहिं खुस रह्या जबहिं लोग यहूदा क बरबाद किहेन। तू वइसा नाहीं करइ चाही रह्या। ओनकर बिपत क समइ तू ओनकर खिल्ली ओड़ॉया।</verse>
				<verse number="13">तू मोरे लोगन्क नगर-दुआर मँ घुस्या अउर ओनकर समस्यन पइ हँस्या। अउर तोहका अइसा नाहीं करइ क चाही रहा। तोहका ओकरे खजानन क दूसर दुस्मनन क नाईं नाहीं लेइ चाही रहा।</verse>
				<verse number="14">तोहका ओन लोगन्क चोराहे पइ नाहीं धइ चाही जउन बचिके निकरत चाहत रहा अउर तोहका ओका ओकरे दुस्मनन क वापिस नाहीं देइ चाही रहा।</verse>
				<verse number="15">सबहिं रास्ट्रन पइ हाली ही यहोवा क दिन आवत अहइ। तू दूसर लोगन क संग बुरा किहा। उ सबइ ही बुरइयन तोहार संग घटिहीं। उ सबइ बुरइयन तू तोहार कपारे पइ उतरि अइही।</verse>
				<verse number="16">काहेकि तू दाखरस पीके मोरे पवित्तर पहाडे पइ खुसी मनाया। वइसेन ही सबहिं जातियन लगातार मोरे सजा क पीइहीं अउर ओका निगरि जइही अउ ओनकर लोप होइ जाइ।</verse>
				<verse number="17">सिय्योन पहाड़ी पइ रहत रहा जिअत बचा भवा लोग मोर खास लोग होब्या। याकूब क रास्ट्र ओन चिजियन क वापस पाई जउन ओकर रहिन।</verse>
				<verse number="18">याकूब क परिवार बरत आगी जइसा होई। यूसुफ क रास्ट्र बरत लपटन जइसा बनि जाइ। सिरिफ एसाव क रास्ट्र राखी क नाई होइ। यहूदा क लोग एदोमी लोगन क बरबाद करिहीं। एसाव क रास्ट्रन मँ कउनो जिअत नाही रही।” काहेकि परमेस्सर यहोवा अइसे कहेस।</verse>
				<verse number="19">तब नेगव क लोग एसाव पर्वते पइ रइही अउर पर्वतन क तराइयन क लोग पलिस्ती प्रदेस क लइ लेइही। परमेस्सर क उ सबइ लोग एप्रैम अउ सोमरोन क भुइँया पइ रइही। गिलाद, बिन्यामीन क होइ।</verse>
				<verse number="20">इसाएल क लोग जउन आपन घर तजि देइ क मजबूर कीन्ह ग रहेन कनान क भूइँया पइ सारपत तलक कब्जा करिहीं। यरूसलेम क लोगन जउन कैद कीन्ह ग रहेन अउर सपाराद लई गए रहेन उ पचे नेगेव सहर पइ कब्जा करिहीं।</verse>
				<verse number="21">बिजयी लोग सिय्योन पर्वते पइ होइही। उ सबइ लोग एसाव पहाड़े क बसइयन पइ सासन करिही अउर राज्ज यहोवा क होइ।</verse>
			</chapter>
		</book>
		<book number="32">
			<chapter number="1">
				<verse number="1">अमित्तै क पूत योना स यहोवा कहेस। यहोवा कहेस,</verse>
				<verse number="2">“नीनवे एक ठु बड़का नगर अहइ। हुआँ क लोग जउन पाप करम करत अहइँ, ओनमाँ बहोत स पापन क बारे मँ मइँ सुनेउँ ह। एह बरे तू उ सहरे मँ जा अउर हुआँ क लोगन्क बतावा कि उ पचे ओन बुरे पापन करब तजि देइँ।”</verse>
				<verse number="3">योना परमेस्सर क बात नाहीं मानइ चाहत रहा, तउ योना परमेस्सर स कहूँ दूरि पराइ बरे जतन किहेस। तउ योना यापो कइँती चला गवा। योना एक ठु नाव लिहेस जउन सुदूर सहर तर्सीस कइँती जात रही। योना आपन जात्रा बरे धन दिहस अउर उ नाव पइ जाइके चढ़ा। योना चाहत रहा कि इ नाव पइ उ लोगन्क संग तसीर्स चला जाइ अउर कहूँ दूरि पराइ जाइ।</verse>
				<verse number="4">मुला यहोवा सागरे मँ एक ठु खउफनाक तूफान उठाइ दिहस। आँधी सागरे क बहोत असान्त कइ दिहेन इ अइसा लागत रहा कि जहाज क टूका-टूका होइ जाब्या।</verse>
				<verse number="5">तूफान ऍतना प्रबल रहा कि नाव क बूड़इ स बचावइ बरे ओका तनिक हलका कइ दीन्ह जाइके निर्णय कीन्ह गएस। तउ मल्लाह नाव क सामान क उठाइके सागरे मँ बहावइ लागेन। उ पचे बहोतइ ससाइ ग रहेन। हर मनई अपने अपने देवतन स पराथना करइ लागेन। योना सोवइ बरे नाव मँ खाले तलघरा चला गवा रहा, अउर उ सोवत रहा।</verse>
				<verse number="6">नाव क प्रमुख खेवइया योना क इ रूपे मँ लखिके कहेस, “उठा! तू काहे सोवत अहा? आपन परमेस्सर स पराथना करा। होइ सकत ह, तोहार परमेस्सर तोहार पराथना सुनि लेइ अउर हम पचन्क बचाइ लेइ।”</verse>
				<verse number="7">मनइयन फुन आपुस मँ कहइ लागेन, “हम पचन्क इ जानइ बरे कि हम पचन्पइ बिपदा कउने कारण पड़ति अहइँ, हम पचन्क पाँसन लोकाँवइ चाही।” तउ लोगन पासन्क लोकाँएन। पाँसन्स इ परगट भवा कि बिपदन योना क कारण आइ अहइँ।</verse>
				<verse number="8">एह पइ मनइयन योना स कहेन, “इ केकर दोख अहइ, जेकरे कारण इ सबइ बिपदन हम पचन पइ पड़ी अहइँ? हम पचन्क बतावा तोहार काम धंधा का अहइ? तू कहाँ स आवत अहा? तोहार देस कउन स बाटइ? तोहार आपन लोग कउन अहइँ?”</verse>
				<verse number="9">योना मनइयन स कहेस, “मइँ एक ठु हिब्रू अहउँ अउर सरगे क परमेस्सर यहोवा क उपासना करत हउँ, उ उहइ परमेस्सर अहइ, जउन सागरे अउ धरती क दुइनउँ क रचेस ह।”</verse>
				<verse number="10">योना मनइयन स कहेस कि उ यहोवा स दूरि भागत अहइ। जब मनइयन क इ क पता लगि तउ उ पचे बहोतइ ससाइ गएन। मनइयन योना स कहेन, “तू इ पाप आपन परमेस्सर क खिलाफ काहे किह्या ह”</verse>
				<verse number="11">ओहर आँधी अउ तूफान अउर समुद्दर क लहरियन तेज स तेज होत भइ जात रहिन। तउ मनइयन योना स कहेन, “समुद्दर क सान्त करइ बरे हम पचन्क तोहरे संग का करइ चाही?”</verse>
				<verse number="12">योना मनइयन स कहेस, “मइँ जानत हउँ कि मोरे कारण ही समुद्दर मँ इ तूफान आवा ह। तउ तू पचे मोका समुद्दरे मँ लोकाइ द्या। एहसे तूफान सान्त होइ जाइ।”</verse>
				<verse number="13">मुला उ पचे योना क समुद्दर मँ लोकावइ नाहीं चाहत रहेन। मल्लाह नइया क किनारे वापस लिआवइ बरे ओका खेवइ क जतन करइ लागेन। मुला उ पचे वइसा नाहीं कइ पाएन, काहेकि आँधी, तूफान अउ समुद्दर क लहरियन बहोत ताकतवर रहिन। अउर उ सबइ तेज स तेज होत जात रहिन।</verse>
				<verse number="14">तउ मनइयन यहोवा क गोहँरावत भए कहेस, “हे यहोवा, इ मनई क हम पचे एकर ओन बुरे करमन बरे समुद्दर मँ लोकावत अही, जउन इ किहेस ह। किरपा कइके, तू हम पचन्क कउनो बेकसूर मनई क हत्तियारा जिन कहया। एकरे हत्तिया बरे तू हम पचन्क जिन मारि डाया। हम पचे जानित ह कि तू यहोवा अहा अउर तू जइसा चहब्या, वइसा ही करब्या। मुला किरपा कइके तू हम पचन्प दयालु ह्वा।”</verse>
				<verse number="15">तउ मनइयन योना क समुद्दरे मँ लोकाँइ दिहन। तूफान थम गवा, समुद्दर सान्त होइ गवा।</verse>
				<verse number="16">जब मनइयन इ लखेन, तउ पचे यहोवा स डेराइ लागेन अउ ओकर सम्मान करइ लागेन। मनइयन एक ठु बलि दिहन, अउर यहोवा स बिसेस मन्नतन क माँगेन।</verse>
				<verse number="17">योना जब समुद्दर मँ गिरा, तउ यहोवा योना क लील जाइ बरे एक ठु बहोत बड़की मछरी पठएस। योना तीन दिन अउ तीन राति तलक ओ मछरी क पेटे मँ रहा।</verse>
			</chapter>
			<chapter number="2">
				<verse number="1">योना जब मछरी क पेटे मँ रहा, तउ उ आपन परमेस्सर यहोवा क पराथना किहेस। योना कहेस,</verse>
				<verse number="2">“मइँ गहिर विपदा मँ रहेउँ। मइँ यहोवा क दोहाई दिहेउँ अउर उ मोका जवाब दिहस। मइँ गहिर कब्र क बीचउ बीच रहेउँ। हे यहोवा, मइँ तोहका गोहॅराएउँ अउर तू मोर पुकार सुन्या!</verse>
				<verse number="3">“तू मोका समुद्दरे मँ लोकॉइ दिहे रह्या। तोहार ताकतवर लहरियन मोका थपेड़ा मारेन, मइँ समुद्दरे क बीच मँ मइँ गहिरा स गहिरा उतरन चला गएउँ। मोरे चारिहुँ कइँती सिरिफ पानी ही पानी रहा।</verse>
				<verse number="4">फुन मइँ सोचेउँ, ‘अब मइँ, जाइ क मजबूर हउँ, जहाँ तोहार दृस्टि मोका देख नाहीं पाइ।’ मुला मइँ सहायता पावइ क तोहरे पवित्तर मन्दिर कइँती निहारत रहब।</verse>
				<verse number="5">“समुद्दर क जल मोका लील लिहेस ह। पानी मोर मुँह बंद कइ दिहस, अउर मोर साँस घुटि गइ। मइँ गहिर समुद्दरे क बीच उतरत चला गएउँ मोरे मूँड़े क चारिहुँ ओर खरपतवार लपट गएन ह।</verse>
				<verse number="6">मइँ समुद्दरे क तलहटी पइ पड़ा रहेउँ, जहाँ पर्वत जन्म लेत हीं। मोका अइसा लाग, जइसे इ बन्दीघरे क बीच सदा सर्वदा बरे मोह पइ ताला जड़ा अहइँ। मुला हे मोर परमेस्सर यहोवा, तू मोका मोर इ कब्र स निकारि लिहा। हे परमेस्सर, तू मोका जिन्नगी दिहा।</verse>
				<verse number="7">“जब मइँ बेहोस होत रहेउँ। तब मइँ यहोवा क सुमरन किहेउँ हे यहोवा, मइँ तोहसे बिनती किहेउँ अउर तू मोर पराथनन आपन पवित्तर मन्दिर मँ सुन्या।</verse>
				<verse number="8">“लोग जउन बेकार मूरतियन क पूजा करत हीं यहोवा क छोड़ दिहेस जउन कि ओन लोगन बरे दयालु रहेन।</verse>
				<verse number="9">मुक्ति तउ बस सिरिफ यहोवा स आवत ह! हे यहोवा, मइँ तोहका सबइ बलि देब, अउर तोहार गुन गाउब। मइँ तोहार धन्यवाद करब। मइँ तोहार मन्नतन माँगब अउर आपन मन्नतन क पूरा करब।”</verse>
				<verse number="10">फुन यहोवा उ मछरी स कहेस अउर उ योना क झुरान धरती पइ आपन पेटे स बाहेर उगलि दिहस।</verse>
			</chapter>
			<chapter number="3">
				<verse number="1">एकरे पाछे यहोवा योना स फुन कहेस। यहोवा कहेस,</verse>
				<verse number="2">“तू नीनवे क बड़के नगर मँ जा अउर हुआँ जाइके, जउन बातन मइँ तोहका बतावत हउँ, ओनकर सिच्छा द्या।”</verse>
				<verse number="3">तउ यहोवा क आग्या मानिके योना नीनवे क चला गवा। निनवे एक ठु विसाल नगर रहा। उ ऍतना विसाल रहा, कि उ नगरे मँ एक किनारे स दूसर किनारे तलक मनइयन क पैदल चलिके तीन दिन क समइ लागत रहा।</verse>
				<verse number="4">तउ योना सहर क जात्रा सुरू किहस अउर सारे दिन उपदेस दिहस। योना कहेस, “चालीस दिन पाछे नीनवे तबाह होइ जाइ।”</verse>
				<verse number="5">परमेस्सर कइँती मिले भए इ सँदेस पइ, नीनवे क लोग बिस्सास किहन अउर उ सबइ लोग कछू समइ बरे खइया तजिके पापन पइ सोच-बिचार करइ क निर्णय लिहन। लोग आपन दुःख परगट करइ बरे खास तरह क ओढ़ना धारण किहेन। सहरे क सबहिं लोग चाहे उ पचे बड़कवा या बहोतइ छोट होइँ, अइसा ही किहन।</verse>
				<verse number="6">नीनवे क राजा इ सबइ बातन सुनेन अउर उ भी आपन बुरे करमन क सोक मनाएन। एकरे बरे राजा आपन सिंहासन तजि दिहस। उ आपन राजसी वस्त्र हटाइ दिहस अउर आपन दुःख परगट करइ बरे सोक वस्त्र धारण कइ लिहस। एकरे पाछे उ राजा धूरि मँ बइठि गवा।</verse>
				<verse number="7">राजा एक खास सँदेस लिखवाएस अउर उ सँदेस क सारे सहर मँ ढिंढोरा पिटवाएस: राजा अउर ओकर बड़कन सासक लोगन कइँती स आदेस रहा: लोगन क कउनो समूह क अउ न ही कउनो जनवारन क झुण्ड क चरागाहे मँ जाइ दीन्ह जाइ। अउर न ही कछू खइहीं अउर न जल पिइहीं।</verse>
				<verse number="8">बल्कि हर मनई अउ हर गोरू टाट पहिरही जेहसे इ देखाँइ देइ कि उ सबइ दुःखी अहइँ। लोग ऊँची अवाज मँ परमेस्सर क गोहरइहीं। हर मनई क आपन जिन्नगी बदलइ क होइ अउर ओका चाही कि उ बुरे करमन क तजि देइ।</verse>
				<verse number="9">तब होइ सकत ह कि परमेस्सर क इच्छा बदलि जाइ अउर उ जउन योजना रचे बाटइ, वइसी बात न करइ। होइ सकत ह कि परमेस्सर क इच्छा बदलि जाइ अउर कुपित न होइ। तब होइ सकत ह कि हम पचन्क सजा न दीन्ह जाइ।</verse>
				<verse number="10">लोग जउन बातन किहे रहेन, ओनका परमेस्सर लखेस। परमेस्सर निहारेस ह कि लोग बुरा करम करब बंद कइ दिहेन। तउ परमेस्सर आपन मन बदल दिहस अउर जइसा करइ क उ योजना रचे रहा, वइसा नाहीं किहस। परमेस्सर लोगन क सजा नाहीं दिहस।</verse>
			</chapter>
			<chapter number="4">
				<verse number="1">योना इ बात पइ खुस नाहीं रहा कि परमेस्सर नगर क बचाइ लिहे रहा। योना कोहाइ गवा।</verse>
				<verse number="2">उ यहोवा स सिकायत करत भवा कहेस, “मइँ जानत रहेउँ कि अइसा ही होइ। मइँ तउ अपने देस मँ रहेउँ, अउर तू ही मोहसे हिआँ आवइ क कहे रह्या। उहइ समइ मोका इ पता रहा कि तू इ पापी नगर क लोगन क छिमा कइ देब्या। मइँ एह बरे तर्सीस जाइ क सोचे रहेउँ। मइँ जानत रहेउँ कि तू एक दयालु परमेस्सर अहा! मइँ जानत रहेउँ कि तू करूणा देखाँवत ह अउ मनइयन क सजा देइ नाहीं चहत्या। मोका पता रहा कि तू करूणा स पूर्ण अहा। मोका गियान रहा कि इ सबइ लोग पाप करब तजि दिहेन तउ तू एँनकर बिनास क योजनन क बदल देब्या।</verse>
				<verse number="3">तउ हे यहोवा, अब मइँ तोहसे इहइ माँगत हउँ, कि तू मोका मारि डावा। मोरे बरे जिअत रहइ स मरि जाब उत्तिम अहइ।”</verse>
				<verse number="4">एह पइ यहोवा कहेस, “का तू सोचत अहा कि बस एह बरे कि मइँ ओन लोगन क कस्ट नाहीं दीन्ह, तोहार किरोध करब नीक बाटइ?”</verse>
				<verse number="5">इ सबइ बातन स योना अबहुँ कोहान रहा। तउ उ सहर क बाहेर चला गवा। योना एक ठु अइसे जगह पइ चला गवा जउन सहर क पूरब प्रदेस क निअरे रहा। योना हुआँ आपन बरे एक पड़ाव बनाइ लिहस। फुन ओकर छाया मँ हुवँइ बइठे-बइठे उ इ बाते क बाट जोहइ लाग कि देखी इ सहरे क साथ का घटति ह।</verse>
				<verse number="6">ओहर यहोवा रेंडीं क एक ठु अइसा पउधा लगाएस जउन बहोत तेजी स बाढ़ि गवा अउ योना पइ छाइ गवा। एँहसे योना क बइठे बरे एक ठंडी जगह बनाइ दिहस। योना क एहसे अउर जियादा आराम मिला। इ पउधे क कारण योना बहोत खुस रहा।</verse>
				<verse number="7">अगले दिन भिंसारे उ पउधे का एक ठु हींसा खाइ लेइ बरे परमेस्सर एक ठु किरवा पठएस। किरवा उ पउधे क खाब सुरू कइ दिहस अउर उ पउधा मुरझाइ गवा।</verse>
				<verse number="8">सूरज जब अकासे मँ ऊपरि चढ़ि चुका रहा, परमेस्सर पुरवइया क गरम हवा चलाइ दिहस। योना क मूँड़े पइ सूरज चमकत रहा, अउर योना एक दम्मइ निर्बल होइ गवा रहा। योना परमेस्सर स चाहेस कि उ ओका मउति दइ देइ। योना कहेस, “मोरे बरे जिअत रहइ स नीक बाटइ कि मइँ मरि जाउँ।”</verse>
				<verse number="9">मुला परमेस्सर योना स कहेस, “बतावा, तोहरे विचार मँ का सिरिफ एह बरे इ पउधा झुराइ गवा अहइ, तोहार किरोध करब उचित अहइ?” योना जवाब दिहस, “हाँ, मोर किरोध करब उचित ही बाटइ। मोका एँतना किरोध आवत ह कि जइसे बस मइँ आपन परान ही दइ देउँ!”</verse>
				<verse number="10">एह पइ यहोवा कहेस, “लखा, उ पउधे बरे तू तउ कछू भी नाहीं किहा! तू ओका उगाइ दिहा तलक नाहीं। उ राति मँ फूटि गवा रहा अउर अगले दिना उ नस्ट होइ गवा अउर अब तू पउधे बरे एँतना दुःखी अहा।</verse>
				<verse number="11">अगर तोहका उ पउधे बरे ऍतना चिन्ता अहइ तउ का मोका नीनवे जइसा बड़ा सहर पइ दाया नाहीं राखी चाही जेहमाँ बहोत स लोग अउर बहोत स जनावरन रहत हीं? जहाँ 1,20,000 स जियादा लोग रहत हीं, जउन इ भी नाहीं जानतेन कि का उ पचे गलत काम करत अहइँ? का मोका ओन लोगन क बचाइ नाहीं चाही?”</verse>
			</chapter>
		</book>
		<book number="33">
			<chapter number="1">
				<verse number="1">यहोवा क सँदेस मीका लगे राजा योताम, आहाज अउ हिजकिय्याह क समइ मँ आवा। इ सबइ पुरुस यहूदा क राजा रहेन। मीका मोरेसेती स रहा। मीका सोमरोन अउर यरूसलेम क बारे मँ इ सबइ दर्सन देखेन।</verse>
				<verse number="2">हे लोगो, तू पचे सबहिं सुन ल्या! हे धरती अउर जउन कछू धरती पइ अहइ, सुना। मोर सुआमी यहोवा इ पवित्तर मन्दिर स आइ। मोर सुआमी तोहरे विरोध मँ एक साच्छी क रूप मँ आइ।</verse>
				<verse number="3">लखा, यहोवा आपन जगह स बाहेर जात अहइ। उ धरती क ऊँच जगहियन पइ चलइ बरे उतरिके तरखाले आवत अहइ।</verse>
				<verse number="4">परमेस्सर यहोवा क गोड़े क नीचे पहाड़ टेघर जइहीं, घाटियन चरमराइ जइहीं। जइसे आगी क समन्वा मोम टेघर जात ह, जइसे ढालू जगह स पानी उतरत भवा बहत ह।</verse>
				<verse number="5">अइसा काहे होई? इ एह बरे होई कि याकूब अपराध किहेस ह। काहेकि इस्राएल क लोग पाप किहेस ह। कउन याकूब स पाप कराए रहेन? इ सोमरोन अहइ! यहूदा मँ कउन ऊँच ठउरन अहइ? उ सबइ यरूसलेम मँ अहइ।</verse>
				<verse number="6">एह बरे मइँ सोमरोन क खाली मइदान अउर खंडहरन क ढेर बनाउब। इ अइसी जगह क नाईं होइ जब जेहमाँ अंगूर क बाग लगावा जात हीं। मइँ सोमरोन क पाथरन क घाटी मँ फेंकि देब। मइँ ओकरी सबहिं नेंव क प्रदर्सित कइ देब।</verse>
				<verse number="7">ओकर सबइ मूरतियन टूकन मँ तोरि दीन्ह जइहीं। सारा धन जेका इ रण्डीबाज़ी दुआर कमाएस ह, आगी स भसम होइ अउर मइँ एकर लबार देवतन क मूरतियन क नस्ट कइ देब। काहेकि उ सबइ लाभ रण्डीबाज़ी दुआरा हासिल किहेन ह, अउर ठीक वइसा ही रण्डी क मजूरी मँ खर्च कीन्ह जाब।</verse>
				<verse number="8">मइँ इ हाली आवइवाला बिनास क कारण बियाकूल होबउँ अउर हाय-हाय करिहउँ। मइँ पनही न पहिरब अउर न ओढ़ना धारण करब। सियारन क जइसे मइँ जोर स चिल्लाब। मइँ विलाप करब जइसे सुतुर्मुर्ग करत हीं।</verse>
				<verse number="9">सोमरोन क घाव नाहीं भर सकत ह। ओकर बियाधि यहूदा तलक फइलि गवा अहइ। इ मोर लोगन्क नगर-दुआर तलक पहोंच गवा बल्कि इ तउ यरूसलेम तलक आइ गवा ह।</verse>
				<verse number="10">एकर बात गात क नगरी मँ जिन करा। अको मँ जिन रोआ। विलाप करा अउर बेत-आप्रा क माटी मँ लोटा।</verse>
				<verse number="11">हे सापीर क निवासिन, तू अपने राहे नंगी अउर लज्जा होइके चली जा। उ सबइ लोग, जउन सानान क बसइया अहइँ, बाहेर नाहीं निकरिहीं। बेतेसेल क लोग रोवत बिलखिहीं अउर तू पचन्स सहारा लेइहीं।</verse>
				<verse number="12">अइसा उ मनई जउन मारोत क बसइया अहइ, सुसमाचार आवइ क बाट जोहत भवा दुर्बल होत जात अहइ। काहेकि यहोवा स तरखाले यरूसलेम क मगर-दुआर पइ विपद उतरि अहइ।</verse>
				<verse number="13">हे लाकीस क बसइयो, तेज घोड़न क रथन मँ जोरा। सिय्योन क पाप लाकीस मँ सुरू भए रहेन। काहेकि तू इस्राएल क पापन्क पाछे चलति अहा।</verse>
				<verse number="14">तउ तोहका गात मँ मोरेसेत क बिदाई क उपहार देइ क अहइ। अकजीब क घराना इस्राएल क राजा लोगन क निरास करिहीं।</verse>
				<verse number="15">हे मारेसा क बसइयो, तू पचन्क विरोध मँ मइँ एक ठु मनई क लिआउब जउन तू पचन्क सबइ चिजियन्क छोरि लेइ। इस्राएल क महिमा अदुल्लाम मँ आइ।</verse>
				<verse number="16">एह बरे तू पचे आपन बार कटवाइ ल्या अउर तू गंजा बनि जा। काहेकि तू पचे आपन गदेलन बरे जेनसे तू पचे पियार करत रह्या रोउब्या चिल्लउब्या। आपन मुड़ँन क गिद्ध क नाईं गंजा होइ द्या। काहेकि उ पचे तू पचन्क छोड़ि देइ अउर बाहेर निकरि जाइ बरे मजबूर होइ जइहीं।</verse>
			</chapter>
			<chapter number="2">
				<verse number="1">ओन लोगन क बुरा होइ, जउन पाप स भरी योजना क बनावत हीं। अइसे लोग बिछउना मँ सोवत भए सड्यंत्र रचत हीं अउर पौ फाटत ही आपन सड्यंत्रन पइ चलइ लागत हीं। काहेकि ओनके लगे ओनका पूरा करइ क सक्ति अहइ।</verse>
				<verse number="2">ओनका खेत चाही तउ उ पचे ओन सबन्क लइ लेत हीं। ओनका घर चाही तउ उ पचे ओन सबन्क लइ लेत हीं। उ पचे कउनो मनई क छलत हीं अउ ओकर घर छोरि लेत हीं। उ पचे कउनो मनई क छलत हीं अउ ओसे ओकर चिजियन छोरि लेत हीं।</verse>
				<verse number="3">इहइ कारण अहइ कि यहोवा इ बातन क कहत ह: “देखा, मइँ इ परिवारे पइ बिपदन ढावइ क योजना रचत हउँ। तू पचे आपन सुरच्छा नाहीं कइ पउब्या। तू पचे घमण्ड स चलि छोड़ देब्या। काहेकि उ एक बुरा समइ होइ।</verse>
				<verse number="4">उहइ समइ लोग तू पचन्क हँसी उड़इहीं। तू तोहार बारे मँ लोग करुणा क गीत गइहीं अउर उ पचे कइहीं: ‘हम पचे बर्बाद होइ गए। यहोवा मोरे लोगन्क धरती छोरि लिहस ह अउर ओका दूसर लोगन्क दइ दिहस ह। हाँ उ मोर धरती क मोसे छोरि लिहस ह। यहोवा हमार धरती हमरे दुस्मनन क बीच बाँटि दिहस ह।</verse>
				<verse number="5">यहोवा क परिसद मँ कउनो मनई अइसा नाहीं होइ जउन भुइँया क बाँटइ बरे पासा फेंकिहीं।’”</verse>
				<verse number="6">लोग कहा करत हीं, “तू हम पचन्क उपदेस जिन द्या। ओनका अइसे नाहीं कहइ चाही, हम पइ कउनो भी बात बुरी नाहीं परी।”</verse>
				<verse number="7">याकूब क लोगो, का तू आपन-आप स कहत अहइ, का यहोवा हमार संग आपन सब्र खो रहा अहइ? अगर उ सही मँ अइसा करत ही? किन्तु मोर सब्द उ लोगन बरे नीक होइ जउन उचित तरीका स जिअत ह। का उ नाहीं अहइँ?</verse>
				<verse number="8">मुला अबहीं अबहीं, मोर ही लोग मोर दुस्मन होइ गवा अहइँ। तू पचे राहगीरन क ओढ़ना उतारत अहा। जउन लोग सोचत हीं कि उ पचे सुरच्छित अहइँ, मुला तू पचे ओनसे ही चिजियन क छोरि लेत ह जइसे उ पचे जुद्ध बंदी होइँ।</verse>
				<verse number="9">मोरे मनइयन क मेहररूअन क तू पचे ओनके घरन स निकरि जाइके मजबूर किहा जउन घर सुन्नर अउ आरामदेह रहेन। तू पचे मोरी महिमा क ओनके नान्ह नान्ह गदेलन स हमेसा-हमेसा बरे छोरि लिहा ह।</verse>
				<verse number="10">उठा अउर हिआँ स भागा। इ आराम क जगह नाहीं अहइ। काहेकि इ ठउर असुद्ध होइ ग अहइ, इ बर्बाद होइ जाइ। इ खउफनाक विनास होइ।</verse>
				<verse number="11">अगर कउनो लबार नबी आवइ अउर उ लबार बोलइ, “तउ मइँ तोहका दाखरस अउर मदिरा क बारे मँ उपदेस देब तउ उ तरह उ ओकर नबी बन जाइ।”</verse>
				<verse number="12">हे याकूब क लोगो, मइँ तू सबन्क बटोरब। मइँ निहिचइ ही तू सबन क एक जगह बटोरब। मइँ इस्राएल क बचे भए लोगन क बटोरब। मइँ ओनका वइसा बटोरब जइसे बाड़ा मँ भेड़िन बटोरी जात हीं। तउ उ पचे एक बड़ा भीड़ स जियादा हल्ला-गुल्ला करिहीं।</verse>
				<verse number="13">तब कउनो एक जउन रास्ता खोलत ह लोगन क समन्वा जाइ। उ दुआरन तोड़ब अउर इ सबइ लोगन क नेतृत्व करब। उ सबइ लोग अजाद होइके उ सहर क तजिके निकरिहीं। ओनके समन्वा ओनकर राजा चली। लोगन्क समन्वा ओनकर यहोवा होइ।</verse>
			</chapter>
			<chapter number="3">
				<verse number="1">फुन मइँ कहेउँ, “हे याकूब क मुखिया लोगो, अब सुन ल्या। हे इस्राएल क प्रजा क सासक लोगो, अब सुन ल्या। तू पचन्क जानइ चाही कि निआव का होत ह।</verse>
				<verse number="2">किन्तु तू पचन्क नेकी स घिना अहइ अउर तू पचे लोगन्क खाल तलक उतारि लेत अहा। तू पचे लोगन्क हाड़न स माँस नोच लइ लेत अहा।</verse>
				<verse number="3">तू पचे मोरे लोगन्क बर्बाद करत अहा। तू पचे ओनकर खाल तलक ओनसे उतारत अहा अउर ओनकर हाड़ तलक तोड़त अहा। तू पचे ओनकर हाड़न अइसे तोड़त अहा जइसे हाँड़ी मँ माँस चढ़ावइ बरे।</verse>
				<verse number="4">तू पचे यहोवा स बिनती करब्या मुला उ तू पचन्क जवाब नाहीं देइ। नाहीं, यहोवा आपन मुँहना तू पचन्स छुपाइ। काहेकि तू पचे बुरा करम किहे अहा।”</verse>
				<verse number="5">इ उ अहइ जेका यहोवा लबार नबियन क बारे मँ बतावत ह जउन ओकर लोगन क गलत तरीका स निर्देसित करत ह: “अगर लोग ऍन नबियन क खाइ क देत हीं, उ पचे ओकरे बरे सान्ति क कामना करी। मुला अगर लोग ओनका खाइके नाहीं देतेन, तउ उ पचे ओकरे बरे जुद्ध क कामना करी।</verse>
				<verse number="6">“एह बरे इ तू पचन बरे राति सा होइ। तू पचे कउनो दर्सन नाहीं लख पउब्या। तउ तू पचे इ अचरज कारज नाहीं करइ पाउब्या। एह बरे इ तू पचन्क अँधियारा जइसा लागी। नबियन पइ सूरज छुप जाइ अउर ओनके ऊपर दिन करिया पड़ि जाइ।</verse>
				<verse number="7">भविस्स क द्रस्टा लजाइ जइहीं। उ सबइ लोग, जउन भविस्स लखत हीं, ओनकर मुँहना करिया होइ जइहीं। हाँ, उ सबइ सबहिं आपन मुँहना बंद कइ लेइहीं काहेकि हुआँ परमेस्सर कइँती स कउनो जवाब नाहीं होइ!”</verse>
				<verse number="8">मुला यहोवा क आतिमा मोका सक्ति, नेकी अउर सामरथ स भरि दिहेस रहा। मइँ याकूब क ओकर अपराधन क बताउब। मइँ इस्राएल क ओकरे पापन क बारे मँ कहब।</verse>
				<verse number="9">हे याकूब क मुखिया लोगो, इस्राएल क सासक लोगो, तू पचे मोर बात सुना! तू पचे निआव स घिना करत अहा। जउन चीज सोझ होइ तू पचे ओका टेढ़ी कइ देत अहा।</verse>
				<verse number="10">तू पचे सिय्योन क निर्माण लोगन क हत्तिया कइके किहा; तू पचे यरूसलेम क भयंकर अपराधन क जरिये बनाए रह्या।</verse>
				<verse number="11">यरूसलेम क निआवधीस झूठे फैसले देइ बरे घूस लेत रहेन। यरूसलेम क याजकन क धन देइ पड़त ह, ऍकरे पहिले कि उ पचे लोगन्क सीख देइँ। लोगन्क नबी लोगन्क धन देइ पड़त ह। ऍकरे पहिले कि उ पचे भविस्स मँ झाँकइ अउर फुन भी उ सबइ मुखिया सोचत हीं कि ओन पइ कउनो दण्ड नाहीं पड़ सकत। उ सबइ सोचा करत हीं, यहोवा ओनका बचाइ लेइ अउर उ पचे कहत हीं, “यहोवा हमरे बीच मँ रहत ह। एह बरे हमरे संग कउनो बुरी बात नाहीं घटि सकत ह।”</verse>
				<verse number="12">हे मुखिया लोगो, तू पचन्क कारण सिय्योन क बिनास होइ। इ कउनो जोते भए खेत क तरह सपाट होइ जाइ। यरूसलेम पाथरन क टीला बन जाइ अउर मन्दिर क पहाड़ झाड़ियन स ढका भवा एक ठु सूनी पहाड़ी होइ।</verse>
			</chapter>
			<chapter number="4">
				<verse number="1">अगवा आवइवाली समइ इ घटना घटी। यहोवा क मन्दिर क पहाड़ सबहिं पहाड़न मँ बहोत ही महत्व स भरा भवा होइ जाइ। ओका पहाड़न क ऊपर उठाइ दीन्ह जाइ। दूसर देसन क लोग ऍकरी कइँती उमड़ि पड़िहीं।</verse>
				<verse number="2">अनेक दूसर रास्ट्र आइहीं अउर कइहीं, “आवा! यहोवा क पहाड़े पइ ऊपर चलइँ। याकूब क परमेस्सर क मन्दिर चलइँ। परमेस्सर हम पचन्क आपन राह सिखाइ। तउ हम पचे ओकरे पथ पइ चलब।” काहेकि परमेस्सर क नेमन सिय्योन स आइ अउर यहोवा क बचन यरूसलेम स आइ।</verse>
				<verse number="3">परमेस्सर बहोत स जातियन क निआव करी। परमेस्सर ओन ससक्त देसन क फइसला करी, जउन बहोत-बहोत दूर अहइँ अउर फुन उ सबइ आपन तरवारन गलाइके अउर ओनका पीटिके हरे क फार मँ बदल देइहीं। उ सबइ देस आपन भालन क पीटि पीटिके अइसे औजारन मँ बदलि देइहीं, जेनसे बृच्छन क काट छाँट होत रहत ह। देस तरवारन क उठाइके आपुस मँ नाहीं लड़िहीं। अब उ सबइ जुद्ध क सबइ विद्या अउर जियादा नाहीं सीखिहीं।</verse>
				<verse number="4">मुला हर कउनो आपन अंगूरे क बेलन क तरखाले अउर अंजीर क पेड़ क नीचे बइठा करी। कउनो भी मनई ओनका डेराइ नाहीं पाइ। काहे काहेकि सर्वसक्तीमान यहोवा इ कहेस ह।</verse>
				<verse number="5">दूसर देसन क सबहिं लोग आपन देवतन क अनुसरण करत हीं। मुला हम पचे आपन परमेस्सर यहोवा क सदा-सर्वदा अनुसरण करत हीं।</verse>
				<verse number="6">यहोवा कहत ह, “उ समइ मँ मइँ जउन लँगड़ा होइ गवा ह एक संग बटोरब। मइँ ओन लोगन क बटोरब जउन भेजा ग अहइ अउर ओन लोगन क जेकरे संग मइँ बुरा काम किहे रहउँ ह।</verse>
				<verse number="7">“उ ‘ध्वस्त’ नगरी क लोग बचा भवा लोग होइहीं। उ सहर क लोगन क तजिके भाग जाइके मजबूर कीन्ह गवा रहा। मुला मइँ ओनका एक ठु सुदृढ़ जाति क रूप मँ बनाउब।” यहोवा ओनकर राजा होइ अउर उ सिय्योन क पहाड़े पइ स सदा सासन करी।</verse>
				<verse number="8">हे रेवड़ क पहरा क मीनार, हे ओपेल, सिय्योन क पहाड़ी, तू फुन स सरकार क जगह पइ बइठब्या। हे बिटिया यरूसलेम, उ राज्ज तोहमाँ ही रहब जइसा अतीत मँ रहा।</verse>
				<verse number="9">अब तू पचे काहे ऍतनी ऊँच आवाज मँ गोहरावत अहा? का तोहाँर सबन क राजा जात रहा बाटइ? का तू पचे आपन मुखिया खोइ दिहा ह तू पचे अइसे तड़पत अहा जइसे कउनो मेहरारू बच्चा पइदा करइ क समइ मँ तड़पत ह।</verse>
				<verse number="10">सिय्योन क बिटिया, तू पीरा क झेला। तू उ मेहरारू जइसा होइ जा जउन बच्चा पइदा करइ क समइ मँ फड़फड़ात ह। काहेकि अब तोहका नगर (यरूसलेम) क तजइ क बाटइ। तोहका खुले मइदान मँ रहइ क बाटइ। तोहका बाबुल जाइ क होइ किन्तु उ जगह स तोहार रच्छा होइ जाइ। यहोवा हुँआ आइ अउर उ तोहका तोहरे दुस्मनन स वापिस लइ आइ।</verse>
				<verse number="11">तोहसे लड़इ बरे अनेक जाति अइहीं। उ पचे कहत हीं, “सिय्योन क लखा। ओह पइ हमला करा!”</verse>
				<verse number="12">लोगन्क ओनकर आपन जोजनन अहइँ, मुला ओनका अइसी ओन बातन क पता नाहीं जेनके बारे मँ यहोवा योजना बनावत अहइ। यहोवा ओन लोगन्क कउनो खास प्रयोजन बरे हिआँ लिआवा। उ सबइ लोग वइसे कुचुर दीन्ह जइहीं जइसे खरिहाने मँ अनाज क पूरी कुचरी जात हीं।</verse>
				<verse number="13">“हे सिय्योन क बिटिया, खड़ी होइ जा अउर तू ओन क कुचरि द्या। मइँ तोहका सक्तीसाली बनाउब। तू अइसी होउबिउ जइसे तोहरे सींग लोहा क अउर तोहरे खुर काँसा क होइँ। तू बहोत स जातियन क नस्ट करब्या। तू ओनके धने क यहोवा क अर्पित करा। तू ओनकर खजानन क समूची धरती क सुआमी क समर्पित करब्या।”</verse>
			</chapter>
			<chapter number="5">
				<verse number="1">हे सुदृढ़ सहर, अब तू आपन फउजियन क बटोरा। दुस्मन हमला करइ क हम पचन्क घेरत अहइँ। उ पचे इस्राएल क जज क मुँहना पइ आपन सोंटा स प्रहार करिहीं।</verse>
				<verse number="2">हे बेतलेहेम एप्राता, तू यहूदा क छोटा सहर अहा अउर तोहार परिवार गनती मँ बहोत कम अहइ। किन्तु “इस्राएल क सासक” मोर बरे तोहसे आइ। बहोत पहिले सुदूर पुराने जमाने मँ ओकरे घराने क जड़न बहोत पहिले स होइहीं।</verse>
				<verse number="3">यहोवा आपन लोगन्क ओनकर दुस्मनन क हाथे मँ सौंपि देइ। उ पचे उ समइ तलक हुअँइ पइ बना रइहीं जब तलक उ मेहरारू आपन लरिका क नाहीं जन्म देत। फुन ओकरे बचा भवा भाईयन इस्राएल क लोगन्क लगे लउटिके अइहीं।</verse>
				<verse number="4">तब इस्राएल क सासक खड़ा होइ अउर भेड़िन क झुंड क चराइ। यहोवा क सक्ति स उ ओनका राह देखाँइ। उ यहोवा आपन परमेस्सर क अजूबा नाउँ क सक्ति स ओनका राह देखाँइ। हुआँ सान्ति होइ, काहेकि उ समइ मँ ओकर महानता धरती क छोरन तलक पहोंच जाइ।</verse>
				<verse number="5">हुआँ सान्ति होइ, अउर अस्सूर क सेना हमार बिसाल भवन तोड़ी, तउ इस्राएल क सासक सात ठु गड़रियन चुनी। नाहीं, हम पचे आठ मुखिया लोगन्क पाउब।</verse>
				<verse number="6">उ पचे अस्सूर क लोगन पइ आपन तरवारन स हुकूमत करिहीं। ओनका राज्ज तरवारन क सक्ति स नम्रोद क धरती पइ सासन करिहीं। फुन इस्राएल क सासक हम पचन्क अस्सूर क उ सबइ लोगन्स बचाइ जउन हमरी धरती पइ अइहीं अउर उ पचे हमरी चउहद्दी क आपन पैड़ तले रौंदिहीं।</verse>
				<verse number="7">फुन बहोत स रास्ट्रन क बीच मँ याकूब क बची भइ सन्तान ओस क बूँदन जइसी होइहीं जउन यहोवा कइँती स आइ होइँ। उ पचे घासे क बरखा जइसी होइहीं। उ पचे लोगन पइ आसरा नाहीं रखिहीं। उ पचे कउनो मनई क इंतजार नाहीं करिहीं।</verse>
				<verse number="8">बहोत स लोगन क बीच याकूब क बचे भए लोग उ सेर जइसे होइहीं जउन जंगल क पसुअन क बीच होत ह। जब सेर बीच स गुजरत ह तउ उ हुवँइ जात ह, जहाँ उ जाइ चाहत ह। उ पसू पइ टूटि पड़त ह अउर उ पसू क कउनो बचाइ नाहीं सकत ह। ओकर बचे भए लोग अइसे ही होइहीं।</verse>
				<verse number="9">मइँ तू पचन क हाथ तोहारे दुस्मनन क खिलाफ उठउब अउर तू पचे ओनकर बिनास कइ डउब्या।</verse>
				<verse number="10">यहोवा कहत ह: “उ समइ मइँ तू पचन्स तोहार सबन्क घोड़ा छोरि लेबउँ। तोहार सबन्क रथन क बर्बाद कइ देबउँ।</verse>
				<verse number="11">तोहार सबन्क नगरन उजारि देबउँ। मइँ तोहार सबन्क सबहिं गढ़न क ढहाइ देबउँ।</verse>
				<verse number="12">मइँ तोहार जादूगरन क नस्ट कइ देब। अउर तोहार लगे अइसा एक भी मनई नाहीं होब्या जउन भविस्सवक्ता होइ।</verse>
				<verse number="13">मइँ तोहार पचन्क लबार देवतन क मूर्तियन क बर्बाद करब। ओन लबार देवन क पाथरन क स्मृति-स्तंभ मइँ उखारिके लोकाँउबउ जेनका तू पचे आपन हाथन स बनाया ह। तू पचे ओनकर पूजा नाहीं कइ पउब्या।</verse>
				<verse number="14">मइँ असेरा क पूजा क खम्भन क नस्ट कइ देबउँ। मइँ तू पचन्क नगरन क तहस-नहस कइ देबउँ।</verse>
				<verse number="15">मइँ आपन बदला किरोध स लेबउँ अउर ओह पइ तीव्र होबउँ जउन मोर नाहीं सुनिहीं।”</verse>
			</chapter>
			<chapter number="6">
				<verse number="1">जउन यहोवा कहत ह ओह पइ तू पचे कान द्या। “तू पचे पहाड़न क समन्वा खड़ा होइ जा अउर आपन मुकद्दमा क पेस करा। पहाड़न क तोहार सिकायत सुनइ द्या।</verse>
				<verse number="2">यहोवा क आपन लोगन स सिकाइत अहइ। पहाड़ो, तू सबइ यहोवा क सिकाइत क सुना। धरती क नेंव, यहोवा क सिकाइत क सुना। उ साबित करी कि इस्राएल दोखी अहइ।”</verse>
				<verse number="3">यहोवा कहत ह: “हे मेरे लोगो, का मइँ कबहुँ तोहार सबन्क कउनो बुरा किहेउँ ह? मइँ कइसे तोहार सबन्क जिन्नगी कठिन किहेउँ ह? मोका बतावा, मइँ तोहरे सबन्क संग का किहेउँ ह?</verse>
				<verse number="4">मइँ तू पचन्क बतावत हउँ जउन मइँ तोहरे सबन्क संग किहेउँ ह, मइँ तू पचन्क मिस्र क धरती स निकारि लियाएउँ, मइँ तू सबन्क गुलामी स मुक्ति दियाएउँ रहे। मइँ तू पचन्क निअरे मूसा, हारून अउ मरियम क पठए रहेउँ।</verse>
				<verse number="5">हे मोर लोगो, मोआब क राजा बालाक क बुरा जोजना क सुमिरा। उ सबइ बातन क सुमिरा जउन बोर क पूत बिलाम बालाक स कहे रहेन। उ सबइ बातन क सुमिरा जउन सित्तीम स गिल्गाल तलक घटी रहिन। तबहिं समुझ पउब्या कि यहोवा उचित अहइ।”</verse>
				<verse number="6">जब मइँ यहोवा क समन्वा जाबउँ अउर परणाम करँउ, तउ परमेस्सर क समन्वा आपन संग का लइके जाबउँ? का यहोवा क समन्वा एक बरिस क बछवा क होमबलि लइके जाबउँ?</verse>
				<verse number="7">का यहोवा एक हजार भेड़न स या दस हजार तेल क नदियन स खुस होइ? का आपन पापे क बदले मँ मोका आपन पहली संतान क अर्पित करइ चाही? का मोका पइदा होआ बच्चा आपन पापन क बदले मँ दे देइ चाही?</verse>
				<verse number="8">हे मनई, यहोवा तू पचन्क उ बातन बताएन ह जउन उत्तिम अहइँ। इ सबइ उ सबइ बातन अहइँ, जेनकर यहोवा क तू सबन्स अपेच्छा अहइ: उ सब करा जउन दूसर लोगन बरे नीक रहा। दयालु रहा, अउर आपन जिन्नगी परमेस्सर क संग विनम्रता स आगे बढ़ावा।</verse>
				<verse number="9">यहोवा क वाणी यरूसलेम क गोहरावत अहइ। “बुद्धिमान मनई यहोवा क नाउँ क मान देत हीं। सजा क डण्डा पइ धियान द्या। ओह पइ धियान द्या जउन भाग्य अहइ!</verse>
				<verse number="10">का अबहुँ भी दुट्ठ आपन चोरॉए खाजाना क छुपावत अहइँ? का उ पचे अबहुँ भी तउल मँ ओन खोटा टोकरियन क प्रयोग करत हीं, जेसे यहोवा घिना करत हीं?</verse>
				<verse number="11">का मइँ ओन दुट्ठ लोगन क दोस मुक्त कइ देबउँ जउन अबहुँ भी गलत बाँटन अउर खोट तराजू लोगन क ठग लेइ क कामे मँ लियावत हीं? का मइँ ओन दुट्ठ लोगन क दोस मुक्त कइ देबउँ, जउन अबहुँ भी अइसी गलत तउल क इस्तेमाल करत हीं?</verse>
				<verse number="12">उ सहर क धनी मनई अबहुँ भी क्रूर करम करत ही। उ सहर क बसइया अबहुँ भी झूठ बोला करत हीं। हाँ, उ पचे लोग मनगढ़ंत झूठ क बोला करत हीं।</verse>
				<verse number="13">तउ मइँ तू पचन्क सजा देब सुरू कइ दिहेउँ ह। मइँ तू पचन्क तोहार पचन्क पापन बरे बर्बाद कइ देबउँ।</verse>
				<verse number="14">तू पचे खइया क खाब्या मुला तोहार पेट नाहीं भरी। तू पचे फुन भी भूखा रहब्या। तू लोगन्क सुरच्छित जगह पइ लियावइ बरे जतन करब्या किन्तु मइँ ओनका तोहारे दुस्मनन क तरवारे क देब।</verse>
				<verse number="15">तू पचे आपन बिया बोउब्या किन्तु तू पचे ओका नाहीं काटब्या। तू पचे घानी मँ पेरिके आपन जइतून क तेल निचोरब्या, मुला तू पचन्क उ तेल क इस्तेमाल नाहीं करिहीं। तू पचे आपन अंगूरन क खूँदिके निचोरब्या मुला तू दाखरस नाहीं पिअइहीं।</verse>
				<verse number="16">अइसा काहे होइ? काहेकि तू पचे ओम्री क नेमन पर चलत अहा। तू पचे ओन बुरी बातन क करत अहा जेनका आहाब क परिवार करत रहा। तू पचे ओनकर सिच्छन पइ चलत रहत अहा ऍह बरे मइँ तू पचन्क नस्ट भ्रस्ट कइ देबउँ। तू पचन्क सहरे क लोग क हँसी होइ। तू पचन्क दूसर राज्जन क घिना झेलइ क पड़ी।”</verse>
			</chapter>
			<chapter number="7">
				<verse number="1">मइँ बियाकुल अहइँ। काहेकि मइँ गरमी क उ फले जइसा अहउँ जेका अबहुँ तलक बिन लीन्ह ग अहइ। मइँ ओन अंगूरन जइसा अहउँ जेनका तोरि लीन्ह ग अहइ। अब हुआँ कउनो अंगूर खाइ क नाहीं बचा अहइ। सुरूआती क अंजीर जउन मोका भावत हीं, एक भी नाहीं बची अहइँ।</verse>
				<verse number="2">एकर इ अरथ अहइ सबहिं सच्चे लोग जात रहत अहइँ। कउनो भी सज्जन मनई इ पहँटा मँ नाहीं बचा अहइ। हर मनई कउनो दूसर क मारइ क घात मँ रहत ह। हर मनई आपन ही भाई क फँदा मँ फँसावइ क जतन करत बाटइ।</verse>
				<verse number="3">लोग दुइनउ हाथन स बुरा करइ मँ होसियार अहइँ। अधिकारी लोग रिसवत माँगत हीं। निआव क जज अदालतन मँ फइसला बदलइ बरे घूस लेत रहत हीं। “महत्वपूर्ण मुखिया” खरा अउ निस्पच्छ निर्णय नाहीं लेतेन। ओनका जइसा भावत ह उ पचे वइसा ही काम करत हीं।</verse>
				<verse number="4">हिआँ तलक कि ओनकर सर्वोच्च काँटन क झाड़ी जइसा होत ह। हिआँ तलक कि ओनकर सबन त जियादा धर्मी मनई भी काँटन क झाड़ी स जियादा टेंढ़ होत ह। उ दिना जेका तू अपेच्छा किहे रहा जउन तोहार सज़ा बरे होइ, आवत हीं। अब तू पचन उलझ जाब्या।</verse>
				<verse number="5">तू पचे आपन पड़ोसी क भरोसा जिन करा। तू पचे मित्र क भरोसा जिन करा आपन पत्नी तलक स खुलिके बात जिन करा।</verse>
				<verse number="6">आपन ही घरे क लोग एक दूसरे क संग दुस्मन जइसा बेउहार करिहीं। पूत आपन बाप क आदर नाहीं करी। बिटिया आपन मताहरी क खिलाफ होइ जाइ। पतोहू आपन सास क खिलाफ होइ जाइ।</verse>
				<verse number="7">मइँ मदद बरे यहोवा क निहारब। मइँ परमेस्सर क इंतजार करब कि उ मोका बचाइ लेइ। मोर परमेस्सर मोर सुनी।</verse>
				<verse number="8">मोर पतन भवा ह। मुला हे मोरे दुस्मन, मोर हँसी जिन उड़ावा। मइँ फुन स खड़ा होइ जाबउँ। यदपि आजु मइँ अँधियारा मँ बइठा हउँ यहोवा मोरे बरे प्रकास होइ।</verse>
				<verse number="9">यहोवा क खिलाफ मइँ पाप किहे रहेउँ। एँह बरे उ मोह पइ कोहान रहा। मुला अदालत मँ उ मोरे अभियोग क वकालत करी। उ, इ सबइ ही काम करी जउन मोरे बरे उचित अहइ। फुन उ मोका बाहेर प्रकास मँ लइ आइ अउर मइँ ओकरे छुटकारा का लखब।</verse>
				<verse number="10">फुन मोर बैरिन इ लखी अउर लजाइ जाइ। मोर बैरिन इ मोसे कहे रही, “तोहार परमेस्सर यहोवा कहाँ बा?” उ समइ, मइँ ओह पइ हँसब। लोग ओका अइसे कुचरि डइहीं जइसे गलियन मँ कीचं कुचरि डाइ जात हीं।</verse>
				<verse number="11">उ समइ आइ, जब तोहरे देवारन क फुन निर्माण होइ। एक दिना तोहार देवार बहोत दूर तलक बढ़िहीं।</verse>
				<verse number="12">तोहार लोग तोहरी धरती पइ लउटि अइहीं। उ सबइ लोग अस्सूर स अइहीं अउर उ सबइ लोग मिस्र क सहरन स अइहीं। तोहार लोग मिस्र स अउर परात नदी क दूसरी छोर स अइहीं। उ सबइ पच्छिम क समुद्दर स अउर पूरब क पहाड़ी स अइहीं।</verse>
				<verse number="13">धरती ओन लोगन क कारण जउन एकर बसइयन रहेन बर्बाद भइ रही, ओन करमन क कारण जेनका उ पचे करत रहेन।</verse>
				<verse number="14">आपन लोगन ऊपर आपन साही राजदण्ड स हुकूमत करा। आपन लोगन क रेवड़ पई हुकूमत करा। लोगन क उ रेवड़ जंगलन मँ अउर कर्मेल क पहाड़े पइ अकेल्ले रहत ह। उ रेवड़ बासान मँ रहत ह अउर गिलाद मँ बसत ह जइसे उ पहिले रहा करत रहा।</verse>
				<verse number="15">जब मइँ तू पचन्क मिस्र स निकारिके लइ आए रहेउँ, तउ मइँ बहोत स चमत्कार किहे रहेउँ। वइसेन ही अउर चमत्कार मइँ तू पचन्क देखाँउब।</verse>
				<verse number="16">उ सबइ चमत्कारन क सबइ जाति लखिहीं अउर लजाइ जइहीं उ सबइ जातियन लखिहीं कि ओनकर “सक्ति” मोरे समन्वा कछू नाहीं अहइ। उ सबइ चकित रहि जइहीं अउर उ सबइ आपन मुँहे पइ हाथ रखिहीं। उ पचे कान क ढाँपि लेइहीं अउर कछू नाहीं अनकिहीं।</verse>
				<verse number="17">उ पचे धूरि चाटत साँपन क नाईं अउर रेंगत भए जीव क नाईं धरती पइ रहइँ। उ पचे अइसे किरवन नाईं रेगंत रहइँ आपन बिलन स निकरत हीं। उ पचे डेरात-काँपत भए हमरे परमेस्सर यहोवा क लगे जइहीं। परमेस्सर, उ पचे तोहरे समन्वा डेरइहीं।</verse>
				<verse number="18">तोहरी नाई कउनो परमेस्सर नाहीं अहइ। तू पापी लोगन्क छिमा कइ देत अहा। तू आपन बचे भए लोगन क पापन क छिमा करत अहा। यहोवा सदा कोहान नाहीं रही, काहेकि ओका तउ दयालु ही रहब भावत ह।</verse>
				<verse number="19">ओका हम पचन पई फुन दया करि द्या। ओका हमरे पापन स छुटकारा पावइ द्या। उ हमरे पापन क दूर गहिर सागरे मँ लोकाइ देब्या।</verse>
				<verse number="20">याकूब बरे तू फुरइ रहब्या। इब्राहीम बरे तू दयालु रहब्या। तू अइसी ही प्रतिग्या बहोत पहिले हमरे पुरखन क संग किहे रह्या।</verse>
			</chapter>
		</book>
		<book number="34">
			<chapter number="1">
				<verse number="1">इ नीनवे क बारे मँ एक ठु दुःखद समाचार अहइ। इ किताब नहूम क दर्सन क किताब अहइ। नहूम एल्कोस स रहा।</verse>
				<verse number="2">यहोवा ईस्यालु अउर प्रतिसोधी परमेस्सर अहइ। यहोवा बदला लेत ह। यहोवा बहोतइ कोहान अहइ। यहोवा आपन दुस्मनन क खिलाफ बदला लेत ह। उ आपन दुस्मनन पइ कोहात रहत ह।</verse>
				<verse number="3">यहोवा धीरा राखत ह। मुला उ बहोतइ सक्तीसाली अहइ। यहोवा अपराधी लोगन क सजा देत ह। उ ओनका आजाद चला जाइ नाहीं देइ। लखा, यहोवा दुट्ठ लोगन क सजा देइ आवत ह। उ आपन सक्ति देखॉवइ बरे चक्रवात अउर तूफानन क काम मँ लिआब। बादर ओकरे गोड़न क नीचे धूरि क समान अहइ।</verse>
				<verse number="4">जदि यहोवा सागर क घुड़कइ तउ सागर भी झुराइ जाइ। उ सारी नदियन क झुराइ सकत ह। बासान अउ कर्मेल क हरी-भरी भुइँया झुराइके मरि जात हीं। लबानोन क फूल मुरझाइके गिरि पड़त हीं।</verse>
				<verse number="5">यहोवा क अवाई होइ अउर पहाड़ डर स कँपिहीं अउर इ सबइ पहाड़ियन टेघराइके बहि जइहीं। यहोवा क अवाई होइ अउर इ धरती डर स काँपि उठी। इ जगत अउर जउन कछू एहमाँ अहइ जउन जिअत अहइ, डर स काँपी।</verse>
				<verse number="6">यहोवा क महाकोप क मुकाबला कउनो नाहीं कइ सकत, कउनो भी ओकर भयानक कोप नाहीं सहि सकत। ओकर किरोध आगी क नाई धधकी। जबहिं उ पधारी तबहिं चट्टानन चटकि जइहीं।</verse>
				<verse number="7">यहोवा संकट क काले मँ उत्तिम अहइ। उ सुरच्छित सरन अइसे ओन लोगन क अहइ जउन ओकरे भरोसे अहइँ। उ ओनकर देख-रेख करत ह।</verse>
				<verse number="8">मुला उ आपन दुस्मनन क पूरी तरह बर्बाद कइ देइ। उ ओनक बाढ़ क तरह बहाइ के लइ जाइ। अँधियारा क बीच उ आपन दुस्मनन क पाछा करी।</verse>
				<verse number="9">का तू पचे यहोवा क खिलाफ सड्यंत्र रचत अहा? उ तोहार पचन क अंत कइ देइ। फुन अउर कउनो दूसरी दाईं कबहुँ यहोवा का खिलाफत नाहीं करी।</verse>
				<verse number="10">तोहरे पचन्क दुस्मन अरझ गए काँटन स बर्बाद होइहीं। उ पचे झुरान घासे जइसे हाली ही जरि जइहीं।</verse>
				<verse number="11">हे अस्सूर, एक मनई तोहसे ही आवा अहइ। जउन यहोवा क खिलाफ सड्यंत्र रचेस अउर पापे स भरी सलाह दिहस।</verse>
				<verse number="12">यहोवा यहूदा स इ सबइ बातन कहे रहा: “अस्सूर क जनता पूरी सक्तीसाली अहइ। ओकरे लगे बहोत स फउजी अहइँ। मुला ओन सबन्क काटिके लोकाइ दीन्ह जाइ। सबन्क अन्त कीन्ह जाइ। हे मोर लोगो, मइँ तू पचन्क बहोत स कस्ट दिहेउँ मुला अब आगे तू पचन्क अउर कस्ट नाहीं देबउँ।</verse>
				<verse number="13">अब मइँ तोहरे पचन क काँधे स उ जुआ उतारि देब। तोहार सबन्क जंजीरन जेनमाँ मँ तू पचे बँधा अहा मइँ अब तोरि देब।”</verse>
				<verse number="14">हे अस्सूर क राजा, तोहरे बारे मँ यहोवा इ आदेस दिहस ह: “तोहार नाउँ लेवइया कउनो भी संतान न रही। तोहार खुदी भइ मूर्तियन अउ धातु क मूर्तियन क मइँ बर्बाद कइ देब जउन तोहरे देवतन क मन्दिरन मँ रखा भवा अहइँ। मइँ तोहरे बरे कब्र बनावत हउँ काहेकि तोहार अंत आवति अहइ।”</verse>
				<verse number="15">लखा यहूदा। लखा हुआँ, पहाड़े क ऊपर स कउनो आवत अहइ। कउनो हरकारा सुसंदेस लइकि आवत अहइ। लखा उ कहत अहइ कि हिआँ पइ सान्ति अहइ। यहूदा, तू आपन खास छुट्टी क दिन मनाइ ल्या। यहूदा, तू आपन मन्नतन मनाइ ल्या। अब फुन कबहुँ दुर्जन तोह पइ वार न करिहीं अउर उ पचे फुन तोहका हराइ न पइहीं। ओन सबहिं दुर्जनन क अन्त कइ दीन्ह ग अहइ।</verse>
			</chapter>
			<chapter number="2">
				<verse number="1">नीनवे, बिनासकारी तोहरे खिलाफ जुद्ध करइ बरे आवत अहइ। आपन सहर क मज़बूत ठउर सुरच्छित कइ ल्या! राहन पइ आँखी धरा, जुद्ध बरे तइयार रहा, लड़ाई क तइयारी करा।</verse>
				<verse number="2">काहेकि यहोवा याकूब क महिमा लउटावत अहइ जइसे इस्राएल क महिमा। अस्सूर क लोग इस्राएल क प्रजा क नास किहेन अउर ओनकर अंगूरे क बेलन क रौंदि डाएन ह।</verse>
				<verse number="3">ओन जोधन क ढार लाल बाटइ। ओकरे फउजियन क वदिर्यन चमकीला लाल कपड़ा स बना अहइँ। जब उ जुद्ध बरे तइयार होत हीं, ओकरे रथन पौलिस कीन्ह भवा लोहा क जइसा चमकत अहइँ। ओनकर भालन जुद्ध बरे तइयार रहत अहइँ।</verse>
				<verse number="4">ओनकर रथन गलियन मँ बहोत तेजी स भागत परात अहइँ। उ सबइ नगर क चउराहन मँ आगे पीछे भागत हीं। उ सुलगत मसालन स देखाँत हीं अउर अइसे लगात हीं जइसे बिजुरी हिआँ-हुवाँ चमकत होइ।</verse>
				<verse number="5">राजा आपन ओन फउजियन क बोलावत अहइ जउन सर्वश्रेष्ठ अहइँ। मुला उ पचे आपन रास्ते मँ ठोकर खात अहइँ। उ पचे किला क कइँती दउड़त अहइँ, अउर उ पचे सुरच्छा अवरण बनावत अहइँ।</verse>
				<verse number="6">मुला उ सबइ दुआर जउन नदियन क किनारे अहइँ, खुला अहइँ। दुस्मन ओनमाँ स जात अहइ अउर राजा क महल क गलाइके बैठाइ देत ह।</verse>
				<verse number="7">लखा, इ दुस्मन रानी क उठाइ लइ जात ह अउर ओकर दासियन बिलखत हीं जइसेन दुःखे स भरी भइन कबूतरिन होइँ। उ पचे आपन दुःख परगट करइ बरे आपन छाती पीटति अहइँ।</verse>
				<verse number="8">नीनवे अइसे तलाब जइसा होइ ग अहइ जेकर पानी बहिके बाहेर निकरत होइ। उ सबइ लोग पुकारिके कहत अहइँ, “रुका! रुका! ठहरे रहा, कहूँ पराइ जिन जा।” मुला कउनो न ही रुकत बाटइ अउर न ही कउनो ओन पइ धियान देत ह!</verse>
				<verse number="9">हे फउजियो, तू पचे जउन नीनवे क बिनास करत अहा। तू पचे चाँदी लइ ल्या अउर इ सोना लइ ल्या। हिआँ पइ लेइके बहुतेरी चिजियन अहइँ। हिआँ पइ बहोत स खजाना भी अहइँ!</verse>
				<verse number="10">अब नीनवे खाली अहइ, सब कछू लुटि ग अहइ। सहर बर्बाद होइ ग अहइ। लोग आपन हिम्मत खोइ दिहे बाटेन। ओनकर मन डर स टेघरत बाटेन, ओनकर घुटना आपुस मँ टकरात अहइँ। ओनकर तन काँपत अहइ, ओनकर मुँहना डरे स पिअर पड़ि गवा अहइँ।</verse>
				<verse number="11">नीनवे जउन कबहुँ सिंह क माँद रहा, अब उ कहाँ अहइ? जहाँ सिंह अउ सिंहिनी रहा करत रहेन। ओनकर बच्चन बेडर रहेन।</verse>
				<verse number="12">जउन सिंह (नीनवे क राजा) आपन बच्चन अउ सबइ मादा क तृप्ति देइ बरे केतना ही सिकार मारे रहा। उ माँद अउर आपन गुफा क ओसे भरेस जेनका मारे रहा।</verse>
				<verse number="13">सर्वसक्तीमान यहोवा कहत ह, “नीनवे, मइँ तोहरे खिलाफ हउँ। मइँ तोहरे रथन क जुद्ध मँ बारि देब। जुद्ध मँ मइँ तोहरे ‘जवान सिंहन’ क हत्या करब। तू फुन कबहुँ इ धरती पइ कउने भी आपन सिकार नाहीं मारि पाइ। लोग फुन कबहुँ तोहरे सँदेसवाहकन क वाणियन क नाहीं सुनिहीं।”</verse>
			</chapter>
			<chapter number="3">
				<verse number="1">उ हत्तियारन क सहर क धिक्कार अहइ। नीनवे अइसा सहर अहइ, जउन लबारन स भरा अहइ। इ दूसर देसन क लूट क माले स भरा अहइ। इ ओन बहोत सारे लोगन स भरा अहइ जेनकर उ पाछा किहस अउर जेनका इ मारि डाएस ह!</verse>
				<verse number="2">लखा, कोड़न क फटकार, पहियन क सोर, अउर घोड़न क टाप सुर्नाइ देति अहइँ, अउर साथ-साथ उछरत रथन क सब्द सुनाइ देत अहइ।</verse>
				<verse number="3">घोड़सवार हमला करत अहइँ अउर ओनकर तरवारन चमचमाति अहइँ। केतॅना ही लोग मरि गएन। ल्हासन क ढेर लगि गवा अहइँ। लोग अनगिनत ल्हासन पइ भहराइ भहराइके चलत बाटेन।</verse>
				<verse number="4">इ सब कछू नीनवे क कारण घटा अहइ। नीनवे उ रण्डी जइसी अहइ जउन कबहुँ अघात नाहीं, ओका अउर जियादा, अउर जियादा चाहे रहा। उ आपन क ढेर सारे देसन क बोचे दिहे रहा अउर उ ओनका आपन दास बनावइ क जादू चलाए रहा।</verse>
				<verse number="5">सर्वसक्तीमान यहोवा कहत ह, “हे नीनवे, मइँ तोहरे खिलाफ अहउँ। मइँ तोहरे ओढ़ना क तोहरे मुँहना तलक उठाइ देब। तोहरी नंगी देह क सारे देसन क देखाउब। मइँ तोहार लज्जा राज्जन क देखाउब।</verse>
				<verse number="6">मइँ तोहरे ऊपर घिनौनी चीज लोकाउब। मइँ तोहसे घिना क संग बर्ताव करब। लोग तोहका लखिहीं अउर तोह पइ हँसिही।</verse>
				<verse number="7">जउन कउनो भी तोहका लखी तोहसे दूर पराई। उ पचे कहब, ‘नीनवे नस्ट होइ गवा, मुला कउन ओकरे बरे रोब्या?’ मइँ कहाँ देखउँ जउन तोहका सुख चैन देइ?”</verse>
				<verse number="8">नीनवे, का तू नील नदी क किनारे पइ बसी नौ अमोन स उत्तिम अहा? नाहीं अमोन क चारिहुँ कइँती भी पानी हुआ करत रहा। नाहीं अमोन इ पानी क इस्तेमाल खुद क दुस्मन स बचावइ बरे खाई क रूप मँ करत रहत रहा। इ पानी क उपयोग उ एक ठु किला क रूप मँ भी करत रहा।</verse>
				<verse number="9">क्रूस अउ मिस्र अमोन क बहोत सक्ति प्रदान करत रहा। ओका पूत अउ लोबी क भी समर्थन मिला रहा।</verse>
				<verse number="10">मुला नाहीं अमोन हार गवा। ओकरे लोगन क बंदी बनाइके कउनो पराए देस मँ लइ जावा गवा। गली क हर कोना पइ फउजियन ओकरे नान्ह गदेलन क पीटि पीटिके मार डाएन। उ पचे पाँसा लोकाइ इ लखेन कि कउन महत्वपूर्ण मनई क कउन अपने हिआँ दास बनाइके राखइ। उ पचे सबहिं महत्वपूर्ण मनइयन क जंजीरन डाइ दिहे रहेन।</verse>
				<verse number="11">तउ नीनवे, तोहार भी कउनो नसे मँ धुत मनई क तरह, पतन होइ। तू लुकात फिरब्या। दुस्मन स दूर, तू कउनो सुरच्छित जगह हेरत फिरब्या।</verse>
				<verse number="12">मुला नीनवे, तोहार सबहिं मजबूत गढ़ अंजीरे क पेड़े जइसा होइ जइहीं। नई अंजीरन पाकत हीं। एक ठु मनई आवत ह अउर पेड़ क झकझोर देत ह तउ अंजीरन उ मनई क मुँहे मँ गिरत हीं।</verse>
				<verse number="13">नीनवे, तोहार लोग तउ मेहररूअन जइसे अहइँ अउर दुस्मन क फउजी ओनका लइ लेइके बरे तइयार बइठा अहइँ। तोहरी धरती क दुआर खुला पड़ा अहइँ कि तोहार दुस्मन भितरे आइ जाइ। तोहरे दुआरन मँ काठे स बनी आँगल क आगी बारिके बर्बाद कइ दिहस ह।</verse>
				<verse number="14">आपन सहरे क भितरे पानी जमा कइ ल्या, काहेकि दुस्मन क फउजी तोहरे सहर क घेरि लेइहीं। आपन सुरच्छा क मजबूत बनावा। ईंटा बनावइ बरे जियादा माटी लिआवा। गारा बनावा अउर ईंटा बनावइ बरे साँचा लिआवा।</verse>
				<verse number="15">तू पचे इ सबइ काम कइ सकत ह। मुला फुन भी आगी तोहका पूरी तरह बर्बाद कइ देइ अउर तरवार तोहका मारि डाइ। तोहार धरती अइसे देखाँइ देइ जइसे कउनो टिड्डियन क दल ओका चट कइ गवा ह। आपन आप क टिड्डियन क दल जइसा बढ़ावा। फुन अइसा होइ जा जइसे टिड्डियन क झुण्ड।</verse>
				<verse number="16">तोहरे हिआँ अनेक अनेक बइपारी होइ गएन जउन अनेक ठउरन पइ जाइके चिजियन खरीदा करत रहेन। उ पचे ऍतना अनगिनत होइ गएन जेतना अकास मँ तारा अहइँ। उ पचे टिड्डी दल क जइसे होइ गएन, जउन खात ह, अउर सब कछू क उ समइ तलक खात रहत ह जब तलक उ खतम नाहीं होइ जातिन अउर फुन छोड़िके चला जात ह।</verse>
				<verse number="17">तोहरे सरकारी अधिकारी भी टिड्डियन जइसा ही अहइँ। इ पचे ओन टिड्डियन क नाई अहइँ जउन ठण्डा क दिन एक ठु चट्टाने पइ बइठि जात हीं, मुला जब सूरज चढ़इ लागत ह अउर चट्टान गरम होइ लागत ह तउ उ कहूँ दूरि उड़ जात ह। कउनो नाहीं जानत, उ पचे कहाँ चली गइन। तोहार अधिकारी भी अइसा होइहीं।</verse>
				<verse number="18">हे अस्सूर क राजा, तोहार चरवाहन (मुखिया लोग) सोइ गएन। उ सबइ सक्तीसाली मनई नीदं मँ पड़ा अहइँ। अउर तोहार भेड़िन (परजा) अब पहाड़न पइ भटकत अहइँ। ओनका वापस लिआवइवाला कउनो नाहीं अहइ।</verse>
				<verse number="19">नीनवे, तू बुरी तरह घायल भवा ह अउर अइसा कछू नाहीं अहइ जउन तोहरे घाव क भरि सकइ। हर कउनो जउन तोहरे बिनास क खबर सुनत ह, ताली बजावत ह। उ पचे सबइ खुस अहइँ। काहेकि ओ सबइ उ पीरा क महसूस किहन ह, जेका तू सदा ओनका पहोंचावा करत रह्या।</verse>
			</chapter>
		</book>
		<book number="35">
			<chapter number="1">
				<verse number="1">इ उ संदेस अहइ जउन हबक्कूक नबी क दीन्ह ग रहा।</verse>
				<verse number="2">हे यहोवा, मइँ लगातर तोहार दोहाइ देत रहत हउँ। तू मोर कब सुनब्या? मइँ इ हिंसा क बारे मँ तोहरे अगवा नरियात रहत हउँ मुला तू कछू नाहीं किहा।</verse>
				<verse number="3">लोग लूट लेत हीं अउर दूसर लोगन क नोस्कान पहोंचावत हीं। लोग तहत्तुक करत हीं अउर झगड़त हीं। हे यहोवा! तू अइसी भयानक बातन मोका काहे देखॉवत अहा?</verse>
				<verse number="4">व्यवस्था बगैर सहारा क होइ चुकी अहइ अउर लोगन क संग निआव नाहीं कइ पावति अहइ। दुट्ठ लोग सज्जन लोगन क संग आपन लड़ाइयन जीतन बाटेन। तउ, व्यवस्था अब निस्पच्छ नाहीं रहि गई बा।</verse>
				<verse number="5">यहोवा जवाब दिहस, “दूसर जातियन क लखा। ओनका धियान स देखा। तू अचरज होइ जाब्या। मइँ तोहरी जिन्नगी क समइ मँ कछू अइसा करब जउन तोहका चकित कइ देइ। अगर तोहका ओकरे बारे मँ बतावा जाइ तउ तू ओह पइ भरोसा नाहीं कइ पउब्या।</verse>
				<verse number="6">मइँ बाबुल क लोगन क एक ठु बलवान जाति बनाइ देबउँ। उ सबइ लोग बड़कवा दुट्ठ अउर सक्तीसाली जोधा अहइँ। उ पचे अगवा बाढ़त भए सारी धरती पइ छाइ जइहीं। उ पचे ओन घरन अउ ओन सहरन पइ कब्जा कइ लेइहीं जउन ओनकर नाहीं अहइँ।</verse>
				<verse number="7">बाबुल क लोग दूसर लोगन क ससाइ देइहीं। बाबुल क लोग जउन चइहीं, तउन करिहीं अउर जँहा चहिहीं, हुआँ जइहीं।</verse>
				<verse number="8">ओनकर घोड़न चीतन स भी तेज दउड़इवाला होइहीं अउर सूरज क लुकाइ जाइ क पाछे बड़का कूकुर स भी जियादा खूँखार होइहीं। ओनकर घोड़सवार फउजी सुदूर ठउरन स अइहीं। उ पचे आपन दुस्मनन पइ वइसे टूटि पड़िहीं जइसे अकासे स कउनो भूखा गिद्ध झपट्टा मारत ह।</verse>
				<verse number="9">उ पचे सबहिं हिंसा करइ बरे आइहीं। ओनकर फउज रेगिस्तान क हवा क तरह नाके क सोझ मँ अगवा बढ़िहीं। बाबुल क फउजी अनगिनत लोगन क बंदी बनाइके लइ जइहीं। ओनकर गिनती ऍतनी जियादा होई जेतॅनी रेत क कणन क होत ह।</verse>
				<verse number="10">“बाबुल क फउजी दूसर देसन क राजा लोगन क हँसी उड़इहीं। दूसर देसन क राजा ओनके बरे चुटकुला बन जइहीं। बाबुल क फउजी ऊँचा सुदृढ़ मीनारवाले सहरन पइ हँसिहीं। उ पचे ओन किलन क बदले मँ बालु क रास्ता बनाइके ओन सहरन क आसानी स हराइ देइहीं।</verse>
				<verse number="11">फुन उ पचे दूसर जगहन पइ जुद्ध बरे ओन जगहन क तजिके अइसेन ही अगवा बढ़ि जइहीं जइसे आँधी आवति अहइ अउर अगवा बढ़ि जात ह। बाबुल क उ सबइ लोग बस आपन सक्ति क ही पूजिहीं।”</verse>
				<verse number="12">फुन हबक्कूक कहेस, “हे यहोवा, तू अमर अहा। तू मोर पवित्तर परमेस्सर अहा। तू नाहीं मरब्या। हे यहोवा, तू बाबुल क लोगन क दूसर लोगन क सजा देइ क रच्या ह। हे हमार चट्टान, तू ओनका यहूदा क लोगन क सजा देइ क रच्या ह।</verse>
				<verse number="13">तोहार भली आँखिन कउनो दोख नाहीं लखति हीं। तू पाप करत भए लोगन क नाहीं लखि सकत ह। तउ तू ओन पापियन क जीत कइसे लख सकत ह? तू कइसे लख सकत ह कि सज्जन क दुर्जन हराइ देइ।</verse>
				<verse number="14">“तू ही लोगन क अइसे बनाया ह जइसे सागरे क अनगिनत मछरियन जउन सागर छोटा जीव अहइँ बगइर कउनो मुखिया क।</verse>
				<verse number="15">दुस्मन हुक अउ जालि डाइके ओनका पकड़ि लेत ह। आपन जालि मँ फँसाइके दुस्मन ओनका हींच लइ जात ह। दुस्मन बहोत खुस होत ह जउन उ पकड़त ह।</verse>
				<verse number="16">इ फंदा अउर जाल ओकरे बरे अइसी जिन्नगी मँ जउन धनवान क होत ह अउर उत्तिम भोजन खाइ मँ ओकर सहायक बनत हीं। एह बरे उ दुस्मन आपन ही जाल अउ फंदन क पूजत ह। उ ओनका मान देइ बरे सबइ बलि देत ह अउर उ ओनके बरे धूप बारत ह।</verse>
				<verse number="17">का उ आपन जाल स इहइ तरह लगातार पकड़त रहब? का बाबुल क फउज इहइ तरह निर्दय होइके जातियन क नास करत रहब?</verse>
			</chapter>
			<chapter number="2">
				<verse number="1">“मइँ पहरे क मीनारे पइ जाइके खड़ा होबउँ। मइँ हुआँ आपन जगह लेब अउर रखवारी करब। मइँ इ लखइ क इंतजार करब कि उ मोसे का कहत ह। मइँ इंतजार करब अउर इ जान लेब कि मोरे सिकाइत क बारे मँ मोका का जवाब देइ चाही।”</verse>
				<verse number="2">यहोवा मोका जवाब दिहस, “मइँ तोहका कछू देखावत हउँ, तू ओका लिख ल्या। सूचना पट्टी पइ एका साफ़-साफ़ लिख द्या ताकि लोग आसानी स ओका बाँचि सकइँ।</verse>
				<verse number="3">इ संदेस अगवा आवइवाला एक खास समइ क बारे मँ अहइ। इ सँदेस आखिरी समइ क बारे मँ अहइ अउ इ सच्च सिद्ध होइ। अइसा लग सकत ह कि वइसा समइ तउ कबहुँ आइ हीं नाहीं। मुला धीरा क संग ओकर इंतजार करा। उ समइ आइ अउर ओका देर नाहीं लागी।</verse>
				<verse number="4">इ संदेस ओन लोगन क मदद नाहीं कइ पाइ जउन एह पइ कान देइ स इनकार करत हीं। मुला सज्जन इ संदेस पइ बिस्सास करी अउर आपन बिस्सास क कारण सज्जन जिअत रही।”</verse>
				<verse number="5">परमेस्सर कहेस, “दाखरस मनई क गुमराह कइ सकत ह। इहइ तरह कउनो सक्तीसाली मनई क ओकर घमण्ड मूरख बनाइ देत ह। उ मनई क सान्ति नाहीं मिली। मउत क नाई कबहुँ ओकर पेट नाहीं भरत उ हर समइ जियादा स जियादा इच्छा करत रहत ह अउर मउत क नाई ही ओका कबहुँ तृप्ति नाहीं मिली। उ दूसर देसन क हरावत रही। उ दूसर देसन क ओन लोगन क आपन परजा बनावत रही।</verse>
				<verse number="6">निहचय ही, इ सबइ लोग ओकर हँसी मसखरी उड़ावत भए इ कहिहीं, ‘ओह पइ हाथ पड़इ जउन एतने दिनन तलक लूटत रहा ह। जउन अइसे ओन चिजियन क हथियावत रहा ह जउन ओकर नाहीं रहिन। जउन केतने ही लोगन क आपन कर्जे क बोझे तरे दबावत रहा ह।’</verse>
				<verse number="7">“का तू नाहीं जानत कि उ सबइ जउन तोहका ऋण दिहेस ह तोहार खिलाफ उठिके खड़ा होइहीं? उ पचे उठिहीं अउर तोहका क कपाइहीं अउर उ तोहार चिजियन मँ स जउन कछू उ चाहत ह लेइ जाइहीं।</verse>
				<verse number="8">तू बहोत स देसन क चिजियन लूट्या ह। तउ उ पचे तोहसे अउर जियादा लेइहीं। तू बहोत स लोगन क हत्तिया किहा ह। तू खेतन अउर सहरन क बर्बाद किहा ह। तू हुआँ सबहिं लोगन क मार डाया ह।</verse>
				<verse number="9">“सुना! जउन गलत तरीके स धन जमा किहेस ह! ओनका ओकर परिणाम भुगतइ क होइ। तू पचे सोचा करत ह कि तू आपन चिजियन चोरावइ स दूसर मनई क रोक सकत ह। मुला इ तोहार बरे बहोत बुरा होइ।</verse>
				<verse number="10">तू बहोत स लोगन्क नास करइ क जोजना बनाइ रख्या ह। ऐसे तोहार आपन लोगन ही लज्जित होइ अउर तोहका भी आपन जान स हाथ धोवइ क पड़ी।</verse>
				<verse number="11">तोहरे घरे क देवारन क पाथर तोहरे खिलाफ गवाही देइहीं। हिआँ तलक कि तोहार घरे क छते क सहतीरन भी इ घोसणा करइहीं कि तू बुरा महई अहा।</verse>
				<verse number="12">“हाय लागइ उ बुरे अधिकारी पइ जउन खून बहाइके एक सहर क निर्माण करत ह अउर दुट्ठता क जरिये चहारदीवारे स मिला एक ठु सहर क सुदृढ़ बनावत ह।</verse>
				<verse number="13">सर्वसक्तीमान यहोवा इ ठान लिहस ह कि उ लोग जउन कछू बनाए रहेन, उ सब कछू क एक ठु आगी भसम कइ देइ। ओनकर समूचा स्रम बेकार होइ जाइ।</verse>
				<verse number="14">फुन सब कहूँ क लोग यहोवा क महिमा क जान जइहीं अउर एक खबर अइसे सँचर जाइ जइसे समुद्दरे मँ पानी फइला होइ।</verse>
				<verse number="15">तू जउन आपन पड़ोसियन क दाखरस पिलावत ह, सुना! तू आपन ज़हर क मिलावत ह अउ ओका पिलावत ह ताकि तू ओकरे नग्नता क लखि सकीं।</verse>
				<verse number="16">“तू पचे सम्मान क जगह लज्जा स भरि जाब्या। तू पचे जरूर पीउब्या तउ तू पचे आपन नग्नता क प्रदर्सित करब्या। “उ पियाले स पिआ जउन यहोवा क दाहिने हाथे मँ अहइ। तउ तू पचे सम्मान क जगह पई लज्जा पाउब्या।</verse>
				<verse number="17">लबानोन मँ तू बहोत स लोगन क हत्तिया किहा ह। तू हुआँ बहोत स गोरु लूट्या ह। तउ जउन लोग मारा गवा रहेन, तू ओनसे ससाइ जाब्या अउर तू उ देस बरे जउन बुरी बातन किहेन, ओनके कारण तू डेराइ जाब्या। ओन सहरन क संग अउर ओन सहरन मँ बसइयन क संग जउन कछू तू किह्या ह, ओनसे तू डेराइ जाब्या।”</verse>
				<verse number="18">ओकर इ लबार देवता, ओकर रच्छा नाहीं कइ पाइ काहेकि उ तउ बस एक अइसी मूर्ति अहइ जेका कउनो मनई धातु स मढ़ दिहेस ह। उ सिरिफ एक ठु मूरति अहइ। एह बरे जउन मनई खुद ओका बनावत ह, ओसे मदद क अपेच्छा नाहीं कइ सकत। उ मूर्ति तउ बोल तलक नाहीं सकत।</verse>
				<verse number="19">धिक्कार अहइ उ मनई क जउन एक ठु काठपुतरी स कहत ह, “ओ देवता, जागि उठा।” उ मनई क धिक्कार अहइ जउन एक ठु अइसी पाथर क मूरति स बोल तलक नाहीं पावत, कहत ह, “ओ देवता, उठि बइठा।” काहे उ कछू बोली अउर ओका राह देखाइ। उ मूरति चाहे सोना स मढ़ी होइ, चाहे चाँदी स, मुला ओहमाँ परान तउ बाटइ ही नाहीं।</verse>
				<verse number="20">मुला यहोवा एहसे अलग अहइ। यहोवा अपने पवित्तर मँदिर मँ रहत ह। एह बरे यहोवा क समन्वा संपूर्ण पृथ्वी क चुपचाप रहिके ओकरे बरे आदर परगट करइ चाही।</verse>
			</chapter>
			<chapter number="3">
				<verse number="1">हबक्कूक नबी बरे सिग्योनीत पराथना:</verse>
				<verse number="2">हे यहोवा, मइँ तोहरे बारे मँ सुनेउँ ह। हे यहोवा, बीत गए समइ मँ जउन सक्ति स भरा कारज तू किहे ह, ओन पइ मोका अचंभा अहइ। अब मोर तोसे बिनती बाटइ कि हमरे समइ मँ तू फुन ओनसे बड़का कारज करा। मुला तू गुस्सा मँ भी हम पचन पइ दाया क देखाउब सुमिरा।</verse>
				<verse number="3">परमेस्सर तेमान कइँती स आवत अहइ। उ पवित्तर परान क पहाड़े स आवत अहइ। ओकर महिमा आकासे क छाइ लेई। ओकर स्तुति धरती क भरि देइ।</verse>
				<verse number="4">उ महिमा अइसी अहइ जइसे कउनो उज्जर जोति होइ। ओकरे हाथे स जोति क किरणन फूटति अहइँ अउर ओकरे हाथे मँ ओकर सक्ति लुकान अहइ।</verse>
				<verse number="5">ओकरे समन्वा सबइ महामारी चलत हीं अउर ओकरे पाछे बिध्वंसक नास चला करत ह।</verse>
				<verse number="6">यहोवा खड़ा भवा अउर धरती क निआव किहस। उ दूसर जातिन क लखेन अउर उ पचे काँपि उठेन। अतीत कालीन पहाड़न ढही गएन अउर चकनाचूर होइ गएन। पुरान बहोतइ पुरान पहाड़ ढहि गएन। परमेस्सर सदा अइसा ही करत ह।</verse>
				<verse number="7">मइँ कुसान क तम्बुअन क दुःख मँ लखत ह। मिद्यान क तम्बुअन क पर्दन काँपत रहेन।</verse>
				<verse number="8">हे यहोवा, का तू नदियन पइ कोहान अहइ? का जलधारन पइ तोहका किरोध आवा ह का समुद्दर तोहार किरोध क पात्र बन गवा? जब तू आपन बिजय क घोड़न पइ आवत रहा अउर विजय क रथन पइ चढ़ा रहा, का तू किरोध स भरा रह्या?</verse>
				<verse number="9">तू आपन धनुस तान लिहा अउर तीरन आपन लच्छ क भेध दिहन। जल क धारन क चीरइ बरे फूट पड़िन।</verse>
				<verse number="10">पहाड़न तोहका निहारेन अउर उ सबइ काँपि उठेन। जल धरती क फोरिके बहइ लाग। धरती स ऊँचा फव्वारा जोर स गर्जत भए फूटइ लागेन।</verse>
				<verse number="11">सूरज अउ चाँद आपन प्रकास तजि दिहन। उ पचे जब तोहार भालन बिजुरी क तरह चमकत लखेन, तउ चमकब तजि दिहन। बिजुरियन क उ सबइ चमकन बिजुरियन अइसी रहिन जइसे भालन अउ तीरन हवा मँ लटकत अहइँ।</verse>
				<verse number="12">तू धरती पइ किरोध मँ चलेन अउर तू आपन किरोध मँ जातियन क रौंद दिहेन।</verse>
				<verse number="13">तू ही एक अहइ जउन आपन लोगन क बचावइ रह्या। तू ही आपन चुना भए राजा क मार्गदर्सक रह्या। तू प्रदेस क हर बुरा परिवारे क मुखिया लोगन क, सबन्त कम महत्व वाले मनई स लइके बहोत महत्व स भरा मनई तलक मार डाया।</verse>
				<verse number="14">दुस्मन क सिपाहियन हम लोगन क खिलाफ लड़इ बरे सक्तीसाली आँधी क तरह आएन। उ पचे खुसी मँ सोचत रहेन क उ पचे एक बेसहारा मनई पइ हमला करइ क जइसा जब न कउनो एका लखत ह अउर न ही कउनो ओकरे मदद बरे आवत ह, क नाईं हम लोगन क आसानी स हरा सकत ह। मुला तू ओनका मूँड़े क आपन भाला स छेद कइ दिहेन।</verse>
				<verse number="15">मुला तू सागरे प आपन घोड़न पइ सवार होइके चलत रह्या, सक्तीसाली जल क उत्तेजित कइ दिह्या।</verse>
				<verse number="16">मइँ इ सबइ बातन सुनेउँ अउर मोर पेट डर स काँपि उठी। जब मइँ इ आवाज़ क सुनेउँ, मोर होंठ काँपइ लागेन। मोर हड्डियन दुर्बल होइ गइन। मोर टाँगियन काँपइ लागिन। एह बरे मइँ बिनासे क दिन क बाट जोहब जउन ओन लोगन पइ आई जउन हम पई हमला किहेस।</verse>
				<verse number="17">अंजीर क बृच्छ चाहे अंजीर न उपजावइँ, अंगूरे क बेलन पइ चाहे अंगूर न उपजावइँ, जइतून क बृच्छ चाहे जइतून न पइदा करइँ, अउर चाहे इ सबइ खेत अनाज पइदा न करइँ, बाड़न मँ चाहे एक भी भेड़ न रहइ अउर चाहे पसुसाला मँ एक भी पसु न रहइँ।</verse>
				<verse number="18">मुला फुन भी मइँ यहोवा मँ मगन रहबउँ। मइँ आपन रच्छक परमेस्सर मँ आनन्द लेबउँ।</verse>
				<verse number="19">यहोवा, जउन मोर सुआमी अहइ। मोका सक्ति स भर दिहस ह। उ मोका हिरना क नाई पराइ मँ सहायता देत ह। उ मोका सुरच्छा क संग पहाड़न क ऊपर लइ जात ह। संगीत निर्देसन बरे मोर तारदार उपकरणन क संग।</verse>
			</chapter>
		</book>
		<book number="36">
			<chapter number="1">
				<verse number="1">इ सँदेसा अहइ जेका यहोवा सपन्याह क दिहस। सपन्याइ इ सँदेसा तब पाएस जब आमोन क पूत योसिय्याह यहूदा क राजा रहा। सपन्याह कूसी क पूत रहा। कूसी गदल्याह क पूत रहा। गदल्याह अमर्याह क पूत रहा। अमर्याह हिजकिय्याह क पूत रहा।</verse>
				<verse number="2">यहोवा कहत ह, “मइँ देस क हर चीज क पूरी तरह नस्ट कइ देबउँ।</verse>
				<verse number="3">मइँ सबहिं लोगन क अउर सबहिं जनावरन क नस्ट करबेउँ। मइँ अकास क चिरइयन अउ सागरे क मछरियन क नस्ट करबेउँ। मइँ पापी लोगन क अउर ओन सबहिं चीजन क जमीन पइ स नाउँ निसान मेट देबउँ।” यहोवा इ सब कहेस।</verse>
				<verse number="4">यहोवा कहेस, “मइँ यहूदा अउ यरूसलेम क वासिइयन क खिलाफ आपन हाथ उठाउब। मइँ इ जगहन स उ सबइ क हटाइ देब जउन अबहुँ तलक लबार देवता बाल क पूजा करत ह। अउर उ याजकन क नाउँ क जउन बाल क सेवा करत ह।</verse>
				<verse number="5">मइँ ओन सबहिं लोगन क हटाइ देब जउन आपन छते स तारन क पूजा करत ह, अउर उ लोगन क जउन यहोवा क नाउँ क किरिया खात हउँ, किन्तु फुन उ पचे लबार देवता मोलेक क किरिया खात ह।</verse>
				<verse number="6">कछू लोग यहोवा स विमुख होइ गएन। उ पचे मोरे पाछे रहब तजि दिहेन। उ पचे यहोवा स मदद माँगब भी बंद कइ दिहेन। एह बरे मइँ ओन लोगन क उ जगहिया स हटाउब।”</verse>
				<verse number="7">मोर सुआमी यहोवा क समन्वा चुप रहा! काहेकि लोगन क निआव करइ बरे यहोवा क दिन हाली ही आवत अहइ। यहोवा आपन भेंट बलि तइयार कइ लिहस ह अउर उ आपन बोलाए भए मेहमानन क तइयार कइ लिहस ह।</verse>
				<verse number="8">यहोवा कहेस, “यहोवा क बलि क दिन, मइँ राज पुत्रन अउर दूसर प्रमुखन क राजा देबउँ। मइँ दूसर देसन क ओढ़नन क पहिरइ वालन क सबहिं लोगन क सजा देबउँ।</verse>
				<verse number="9">उ दिना मइँ ओन सबहिं लोगन क सजा देबउँ जउन अन्धविस्सास क देहलीज़ पइ कूदत हीं। मइँ ओन लोगन क सजा देबउँ जउन सुआमी क घरे क कपट अउर हिंसा स बटोरे भए धने स भरत हीं।”</verse>
				<verse number="10">यहोवा इ भी कहेस, “उ दिना, लोग यरूसलेम मँ मछरी-दुआरे पइ मदद बरे गोहरावत रहा होइहीं। सहर क दूसर हींसन मँ लोग नरियात रहा होइहीं अउर लोग सहर क चारिहुँ कइँती क पहाड़ियन मँ चिजियन क नास होइ क जोरदार आवाज अनकत रहा होइहीं।</verse>
				<verse number="11">तू खाले नगर क निवासियो विलाप करा! काहेकि बइपारियन क रोक दीन्ह जाइहीं। अउ धनी बइपारी बरबाद कइ दीन्ह जइहीं।</verse>
				<verse number="12">“उ समइ, मइँ दिआ लइके समूचई यरूसलेम मँ ओनका खोजत रहब। मइँ ओन सबहिं लोगन क हेरब जउन कि दाखरस क तलछट क नाईं अहइँ। उ पचे कहत ह, ‘यहोवा कछू नाहीं करत ह, न अच्छा अउर न ही बुरा।’</verse>
				<verse number="13">तब दूसर लोग ओनकर सारी सम्पत्ति लइ लेइहीं अउर ओनकर घरन क बरबाद करिहीं। उ समइ जउन लोग घर बनाए होइहीं, उ पचे ओनमाँ नाहीं रइहीं अउर जउन लोग अंगूरे क बेलन क खेते मँ रोपे होइहीं, उ पचे ओन अगूंरन क दाखरस नाहीं पीइहीं, ओन चीजन क दूसर लोग लइ लेइहीं।”</verse>
				<verse number="14">यहोवा क निआव क दिन हाली आवति अहइ। उ दिन निअरे अहइ, अउर तेजी स आवति अहइ। यहोवा क निआव क खास दिन लोग चिचिआन भवा सुर सुनिहीं। हिआँ तलक कि वीर जोधा भी चिचिअइहीं।</verse>
				<verse number="15">उ समइ परमेस्सर आपन किरोध परगट करी। उ खौफनाक विपत्तियन क समइ होइ। उ विध्वंस क समइ होइ। उ करिआ, भए बादर अउर तूफानी दिन क अँधियारा क समइ होइ।</verse>
				<verse number="16">इ दिन सैनिकन क किलाबंध नगरन अउर रच्छा-मीनारन पइ हमला क तुरही स भरा भवा होब्या।</verse>
				<verse number="17">यहोवा कहेस, “मइँ लोगन क जिन्नगी बहोत दूभर कइ देबउँ। लोग ओन आँधरन क नाई चारिहुँ कइँती जइहीं जेनका इ भी मालूम नाहीं कि उ पचे कहाँ जात अहइँ? काहेकि उ सबइ लोग यहोवा क खिलाफ पाप किहेन। अनेक लोग मारि डावा जइहीं। ओनकर खून जमीने पइ बही। ओनकर ल्हासियन गोबरे क नाई भुइँया पइ पड़ी भई सड़त रही।</verse>
				<verse number="18">ओनकर सोना चाँदी ओनकर मदद नाहीं कइ पाई। उ समइ, यहोवा बहोतइ छुब्ध अउ कोहान होइ। यहोवा पूरे संसार क आपन किरोध क आगी मँ बारिके बरबाद कइ देइ। यहोवा पूरी तरह भुइँया पइ सब कछू बरबाद कइ देइ।”</verse>
			</chapter>
			<chapter number="2">
				<verse number="1">निर्लज्ज लोगो, मुरझात अउ मरत फूलन क नाई होइ क पहिले,</verse>
				<verse number="2">आपन जिन्नगी क बदलि द्या। दिन क गर्मी मँ कउनो फूल मुरझाई अउर मरि जाइ। तू पचे वइसेन होब्या जब यहोवा आपन खउफनाक किरोध परगट करी। एह बरे आपन जिन्नगी क, यहोवा क जरिये तोहरे पचन क खिलाफ किरोध परगट करइ क पहिले, बदल डावा।</verse>
				<verse number="3">तू सबहिं विनम्र लोगो, यहोवा क लगे आवा। ओकर नेमन क माना। नीक काम करब सीखा। विनम्र होइ सीखा। होइ सकत ह तब तू पचे सुरच्छित रहि सकब्या जब यहोवा आपन किरोध परगट करी।</verse>
				<verse number="4">अज्जा सहरे मँ कउनो भी नाहीं बची। अस्कलीन बरबाद कइ दीन्ह जाइ। दोपहरे तलक लोग असदोद तजइ क मजबूर कइ दीन्ह जइहीं। एक्रोन सूना होइ।</verse>
				<verse number="5">हे समुद्‌दर-तट पइ बसइया लोगो अउर करेती लोगो, यहोवा क इ संदेसा सिरिफ तोहरे बरे अहइ। हे कनान देस, पलिस्ती देस, मइँ तू पचन्क बर्बाद कइ देब। हुआँ कउनो नाहीं रही।</verse>
				<verse number="6">समुद्दर क किनारे क तोहार पचन क भुइँया बिना किसी नगरन या खेतन क बंजर रहीं। तोहार भुइँया सिरफ गड़ेरियन अउ भेड़िन बरे खुला चरागाह रहीं।</verse>
				<verse number="7">तब उ भुइँया यहूदा क बचे भए लोगन क बरे होइ। यहोवा यहूदा क ओन लोगन क याद रखी। सबइ लोग बिदेस मँ बंदी अहइँ। मुला यहोवा ओनका वापस लिआइ। तब यहूदा क लोग ओन खेतन मँ अपनी भेड़िन क घास चरइ देइहीं। साँझ क उ पचे अस्कलोन क खाली घरन मँ ओलरिहीं।</verse>
				<verse number="8">यहोवा कहत ह, “मइँ जानत हउँ कि मोआब अउ अम्मोन क लोग का किहेन। उ सबइ लोग हमरे लोगन क लज्जित किहेन। उ सबइ लोग आपन देस क अउर जियादा बड़वार करइ बरे ओनकर भुइँया लिहेन।</verse>
				<verse number="9">एह बरे जइसा कि मइँ सदोम अउर अमोरा क सज़ा दिहेस ह। मइँ मोआबी अउ अम्मोनी क भी सज़ा देब। मइँ सर्वसक्तीमान यहोवा, इस्राएल क परमेस्सर अहउँ। मइँ प्रतिग्या करत हउँ कि उ सबइ देस सदा क खातिर पूरी तरह बरबाद कइ दीन्ह जइहीं। ओनकर भुइँया मँ जंगली घास जमिहीं। ओनकर भुइँया मृत सागर क नोन स ढकी भइ भुइँया जइसी होइ। मोरे लोगन मँ स बची भइ उ भुइँया क अउ एहमाँ तजी गइ हर चीज क लेइहीं।”</verse>
				<verse number="10">उ सबइ बातन, मोआब अउ अम्मान बरे घटित होइहीं काहेकि उ पचे सर्वसक्तीमान यहोवा क लोगन क लज्जित किहेन।</verse>
				<verse number="11">उ सबइ लोग यहोवा स डेरइहीं। काहेकि यहोवा ओनकर देवतन क बरबाद करी। तब सबहिं दूर-दराज क देस यहोवा क उपासना करिहीं।</verse>
				<verse number="12">कूस क लोगो, एकर अरथ तू पचे भी अहा। यहोवा क तरवार तोहरे लोगन क मारि डाइ।</verse>
				<verse number="13">अउर यहोवा उत्तर कइँती आपन हाथ बढ़ाई अउ अस्सूर क सजा देइ। उ नीनवे क बरबाद करी, उ सहर खाली झुरान रेगिस्तान जइसा होइ।</verse>
				<verse number="14">तब सिरिफ भेड़िन अउ जंगली जनावर उ बरबाद सहर मँ रइहीं। कुचकुचवा अउर कउआ ओन खंभन पइ बइठिहीं जाउन खड़ भएन तजि दीन्ह ग अहइँ। ओनकर आवाज खिड़कियन स आवति भइ सुनाइ पड़ी। कउअन, दुआरे क सीढ़ियन पइ बइठिहीं। ओन सूने घरन मँ करिआ पंछी बइठिहीं।</verse>
				<verse number="15">नीनवे एन दिनन ऍतना जियादा घमण्डी अहइ। उ अइसा खुस सहर अहइ। लोग समुझत हीं कि उ पचे सुरच्छित अहइँ। उ पचे समुझत हीं कि नीनवे संसार मँ सब से बड़का ठउर बाटइ। मुला उ सहर बर्बाद कीन्ह जाइ। इ एक ठु सूनी जगहिया होइ, जहाँ सिरिफ जंगली जनावर आराम करइ जात हीं। जब लोग ओहर स गुजरिहीं अउर लखिहीं कि केतनी बुरी तरह सहर बरबाद कीन्ह ग अहइ, तब उ पचे सीटी बजइहीं अउर मूँड़ि हिलइहीं।</verse>
			</chapter>
			<chapter number="3">
				<verse number="1">यरूसलेम, तोहार पचन क लोग परमेस्सर क खिलाफ लड़ेन। तोहार पचन क लोग दूसर लोगन क चोट पहोंचाएन अउर तू पचे पापे स कलंकित अहा।</verse>
				<verse number="2">तोहार लोग मोर एक ठु नाहीं सुनतेन। उ पचे मोर सिच्छा क अंगीकार नाहीं करतेन। यरूसलेम यहोवा मँ बिस्सास नाहीं राखत। यरूसलेम आपन परमेस्सर क लगे नाहीं आवत ह।</verse>
				<verse number="3">यरूसलेम क प्रमुख गुर्रात भवा सिंहन जइसेन अहइँ। एकर निआव क जज अइसे भुखान भेड़ियन क तरह अहइँ जउन भेड़िन पइ हमला करइ साँझ क आवत ह, अउर भिंसारे कछू बचा नाहीं रहत।</verse>
				<verse number="4">ओकर नबियन जिम्मेदार अउर बिस्सासयोग्य नाहीं अहइ। ओकर याजकन पवित्तर चिजियन क अपवित्तर करत हीं। उ पचे परमेस्सर क नेम बरे हिंसा किहेन ह।</verse>
				<verse number="5">मुला परमेस्सर अबहुँ भी उ सहर मँ बाटइ अउ उ ओनके बरे लगातर निआव स भरा रहा ह। परमेस्सर कछू भी बुरा नाहीं करत। उ अपने लोगन क भलाइ करता चला आवत ह। लगातार हर भिंसारे उ आपन लोगन क संग निआव करत ह। मुला बुरे लोग आपन कीन्ह भए बुरे करमन बरे लज्जित नाहीं होतेन।</verse>
				<verse number="6">परमेस्सर कहत ह, “मइँ समूचे रास्ट्रन क बरबाद कइ दिहेउँ ह। अइँ ओनकर रच्छा-मीनारन क नस्ट किहेउँ ह। मइँ ओनकर सबइ सड़क क नस्ट किहेउँ ह अउर अब हुआँ कउनो नाहीं जात। ओनकर नगरन सूना अहइँ, ओनमाँ अब कउनो नाहीं रहत।</verse>
				<verse number="7">मइँ तू पचन्स इ एह बरे कहत हउँ ताकि तू पचे सिच्छा ल्या। अगर तू पचे अइसा करब्या तउ तोहार पचन क घर नस्ट नाहीं होइ। अगर तू पचे अइसा करब्या तउ मइँ आपन बनाई भइ योजना क अनुसार तू पचन क सजा नाहीं देबउँ।” मुला उ पचे बुरे लोग वइसेन ही बुरे करमन अउर जियादा करइ चाहत हीं जेनका उ पचे पहिले ही कइ रखे अहइँ।</verse>
				<verse number="8">यहोवा कहेस, “एह बरे तनिक प्रतीच्छा करा। मोर खड़ा होइ अउ निआव कीन्ह जाइ स पहिले मोर प्रतीच्छा करा। अनेक रास्ट्रन स लोगन क लिआवइ अउ तू पचन क सजा देइ बरे ओनकर उपयोग आपन किरोध तू पचन क खिलाफ परगट करइ बरे करब। मइँ ओनकर उपयोग इ देखावइ बरे करबउँ कि मइँ केतना छुब्ध हउँ, अउर यहूदा क समूचा प्रदेस नस्ट होइ।</verse>
				<verse number="9">तब मइँ दूसर रास्ट्रन क लोगन क बदल देब एह बरे उ साफ-साफ बोलइ सकब अउर यहोवा क नाउँ क तारीफ कर सकब। उ पचे सबइ एक संग मोर अराधना करब।</verse>
				<verse number="10">लोग कूस मँ दूसर कइँती स पूरी राह तय कइके अइहीं। मोरे बिखरे भए लोग मोरे लगे अहइ। मोर उपासक मोरे लगे अइहीं अउर आपन भेंट लइहीं।</verse>
				<verse number="11">“यरूसलेम, तब तू अगवा चलिके ओन बुरे करमन बरे लजाब होइ बंद कइ देब्या। काहेकि मइँ यरूसलेम स ओन सबहिं बुरे लोगन क निकारिके बाहेर करब। मइँ ओन सबहिं घमण्डी लोगन क दूर कइ देबउँ। ओन घमण्डी लोगन मँ स कउनो भी मोरे पवित्तर पर्वते पइ नाहीं रही पाइ।</verse>
				<verse number="12">मइँ सिरिफ सोझ अउ विनम्र लोगन क आपन सहर मँ रहइ देबउँ अउर उ पचे यहोवा क नाउँ मँ बिस्सास करिहीं।</verse>
				<verse number="13">इस्राएल क बचे भए लोग बुरे करम नाहीं करिहीं। उ पचे लबार नाहीं बोलिहीं। उ पचे लबार बोलिके लोगन क ठगइ नाहीं चइहीं। उ पचे ओन भेड़िन क नाई होइहीं जउन खात हीं अउर सान्त ओलरत हीं, अउर कउनो भी ओनका तंग नाहीं करी।”</verse>
				<verse number="14">हे यरूसलेम, गावा अउ खुस ह्वा! हे इस्राएल, खुसी स घोस करा! यरूसलेम, प्रसन्न ह्वा, तमासा करा।</verse>
				<verse number="15">काहेकि यहोवा तोहार पचन क सजा रोकि दिहस। उ पचे तोहरे पचन क दुस्मनन क वापिस मोड़ द्या जउन तोहार तरफ आवत रहेन। हे इस्राएल क राजा, यहोवा तोहरे संग अहइ। अब तू पचन्क अउर कउनो बुरी घटना बरे चिन्ता क जरूरत नाहीं।</verse>
				<verse number="16">उ समइ, यरूसलेम स कहा जाइ, “मजबूत बना, डेराअ जिन!</verse>
				<verse number="17">तू पचन क परमेस्सर यहोवा तू पचन क संग अहइ। उ सक्तीसाली फउजी क नाई अहइ। उ तू पचन क रच्छा करी। उ देखाई कि उ तू पचन स केतना पियार करत ह। उ देखाई कि उ तू पचन स केतना प्रसन्न अहइ। उ हँसी अउर तू पचन क बारे मँ अइसे खुस होइ।</verse>
				<verse number="18">जइसे लोग दावत मँ होत हीं। यहोवा कहेस, “मइँ तू पचन्क लज्जा क दूर करब। मइँ तू पचन्क दुर्भाग्य क तू पचन्स दूर करब।</verse>
				<verse number="19">उ समइ, मइँ ओन लोगन्क सजा देबउँ जउन तू पचन्क चोट पहोंचाएन। मइँ आपन घायल लोगन्क रच्छा करब। मइँ ओन लोगन्क वापस लिआउब, जउन पराइ क बेबस कीन्ह ग रहेन अउर मइँ ओनका प्रसिद्ध करब। लोग सब जगह ओनकर तारीफ करिहीं।</verse>
				<verse number="20">उ समइ, मइँ तू पचन्क वापस लिआउब। मइँ तू पचन्क एक साथ वापस लिआउब। मइँ तू पचन्क प्रसिद्ध बनाउब। सब जगह लोग तू पचन्क तारीफ करिहीं। इ तब होइ जब मइँ तू पचन्क अँखियन क समन्वा तू सबइ बन्दी लोगन्क लिआउब।” यहोवा इ सबइ कहेस।</verse>
			</chapter>
		</book>
		<book number="37">
			<chapter number="1">
				<verse number="1">परमेस्सर यहोवा क सँदेसा नबी हाग्गै क जरिये सालतीएल क पूत यहूदा क सासक जरुब्बाबेल अउर यहोसादाक क पूत महायाजक यहोसू क मिला। इ सँदेसा फारस क राजा दारा क दूसर बरिस क छठएँ महीना क पहिले दिन मिला रहा। इ सँदेसा मँ कहा गवा रहा:</verse>
				<verse number="2">सर्वसक्तीमान यहोवा इ कहत ह, “इ सबइ लोग कहत हीं कि यहोवा क मंदिर क पुनःनिमार्ण क समइ नाहीं आवा अहइ।”</verse>
				<verse number="3">तबहिं एकरे बारे मँ यहोवा इ निम्न लिखित सँदेसा हाग्गै नबी क जरिये स पठाएस ह, जेहमाँ कहा गवा रहा,</verse>
				<verse number="4">“का इ तू पचन क खुद खातिर काठे स मढ़ा मकानन मँ रहइ क समइ अहइ जबकि इ मंदिर अबहिं खाली पड़ा अहइ?</verse>
				<verse number="5">इहइ कारण अहइ कि सर्वसक्तीमान यहोवा कहत ह: ‘जउन कछू तोहरे पचन क संग घटत बाटइ ओकरे बारे मँ सोचा।</verse>
				<verse number="6">तू पचे बोवा बहोत ह, मुला तू पचे काटत्या नाहीं क बराबर। तू पचे खात अहा, मुला तोहार पचन क पेट भरत नाहीं। तू पचे पिअत अहा, पर तू पचन्क नसा होत नाहीं। तू पचे ओढ़ना पहिरत अहा, किन्तु तू पचन्क काफी गरमाहट मिलत नाहीं। तू पचे जउन थोड़ा बहोत कमात अहा पता नाहीं कहाँ चला जात ह; लागत इ जइसे जेबन मँ छेद होइ ग होइ।’”</verse>
				<verse number="7">सर्वसक्तीमान यहोवा कहत ह, “जउन कछू तू पचन क संग घटत बाटइ ओकरे बारे मँ सोचा।</verse>
				<verse number="8">पर्वते पइ चढ़ा। लकड़ी लिआवा अउर मंदिर बनावा। तब मइँ मंदिर स प्रसन्न होबउँ, अउर सम्मानित होबउँ।” यहोवा इ सब कहत ह।</verse>
				<verse number="9">सर्वसक्तीमान यहोवा कहत ह, “तू पचे बहोतइ जियादा पावइ क चाह मँ रहत ह, मुला तू पचन्क नाहीं क बराबर मिलत ह। तू पचे जउन कछू भी घरे पइ लिआवत अहा मइँ एका उड़ाइ लइ जात हउँ। काहेकि मोर मंदिर खंडहर पड़ा अहइ। मुला तू लोगन मँ हर एक क आपन-आपन घरे क पड़ी बा।</verse>
				<verse number="10">इहइ कारण बाटइ कि आसमान आपन ओस तक लइ लेत ह, अउर इहइ कारण भुइँया आपन फसल नाहीं देत। अइसा तू पचन क कारण होत ह।”</verse>
				<verse number="11">यहोवा कहत ह, “मइँ धरती अउ पर्वतन बरे सूखा पड़इ क हुकुम दिहेउँ ह। अनाज, दाखरस, जइतून क तेल अउर उ सबइ कछू जेका इ धरती पइदा करत ह, बरबाद होइ जाइ। सबइ लोग अउर सबइ जनावरन क कारज कउनो चीज नाहीं पइदा करइ सकीं।”</verse>
				<verse number="12">तब सालतीएल क पूत जरुब्बाबेल अउ यहोसादाक क पूत महायाजक यहोसू अउर सबइ दूसर लोगन यहोवा आपन परमेस्सर क सँदेसा अउर ओकर पठए भए हाग्गै नबी क बचनन क अंगीकार किहेस। अउर लोग यहोवा स डेराइ गएन।</verse>
				<verse number="13">परमेस्सर यहोवा क सँदेसा वाहक हाग्गै लोगन क यहोवा क सँदेसा दिहस। “उ इ कहेस, ‘मइँ तोहरे संग हउँ।’”</verse>
				<verse number="14">तब परमेस्सर यहोवा सालतीएल क पूत यहूदा क सासक जरुब्बाबेल क प्रेरणा दिहस अउ परमेस्सर यहोवा यहोसादाक क पूत महायाजक यहोसू क भी प्रेरणा दिहस अउ परमेस्सर यहोवा बाकी सबहिं लोगन क प्रेरणा दिहस। तब उ पचे आएन अउ आपन सर्वसक्तीमान परमेस्सर यहोवा क मंदिर क निर्माण मँ काम करइ लागेन।</verse>
				<verse number="15">उ पचे इ परसिया क राजा दारा क दूसरे बरिस क छठएँ महीना क चौबीसवें दिन किहन।</verse>
			</chapter>
			<chapter number="2">
				<verse number="1">यहोवा क सँदेसा सतएँ महीना क इक्कीसवे दिना हाग्गै क मिला। सँदेसा मँ कहा गवा,</verse>
				<verse number="2">“अब यहूदा क सासक सालतीएल क पूत जरूब्बाबेल, यहोसादाक क पूत महायाजक यहोसू स बातन करा अउ जउन लोग बचा अहइँ ओनसे कहा:</verse>
				<verse number="3">‘का तू पचन मँ कउनो अइसा बचा अहइँ जउन उ मंदिर क आपन पहिले क बैभव मँ देखेस ह। अब तू पचन्क कइसा लागत ह का खण्डहर भवा इ मन्दिर ओ पहिले बैभववाला मंदिर क मुकाबले कहूँ ठहर पावत ह</verse>
				<verse number="4">मुला जरूब्बाबेल, “अब तू हिम्मती बना!” अउर यहोसादाक क पूत महायाजक यहोसू, “तू भी हिम्मती बना।” अउर तू सबइ लोग जउन हिआँ रहत ह, हिम्मती बना। यहोवा इ भी कहत ह, “काम करा, काहेकि मइँ तोहारे संग अहउँ।” सर्वसक्तीमान यहोवा इ कहत ह।’”</verse>
				<verse number="5">यहोवा कहत ह, “‘जहाँ तलक मोरी प्रतिग्या क बान अहइ, जउन मइँ तू पचन क मिस्र स बाहेर निकारइ क समइ तू पचन स किहेउँ, उ मोर आतिमा तू पचन मँ अहइ। डेराअ जिन।’</verse>
				<verse number="6">काहेकि सर्वसक्तीमान यहोवा इ कहत ह: ‘एक दाई फुन मइँ हाली ही भुइँया अउ आसमान अउ समुद्दर अउ सूखी भुइँया क कँपकँपाइ देबउँ।</verse>
				<verse number="7">मइँ सबहिं रास्ट्रन क कँपाइ देब, अउर उ सबहिं रास्ट्र आपन सम्पत्तियन क संग तू पचन क लगे अइहीं। तब मइँ इ मन्दिर क महिमा स भरि देबउँ।’ सर्वसक्तीमान यहोवा इ कहत ह।</verse>
				<verse number="8">‘ओनकर चाँदी मोर अहइ अउर ओनकर सोना मोर अहइ।’ सर्वसक्तीमान यहोवा इहइ कहत ह।</verse>
				<verse number="9">‘इ मंदिर क परवर्ती गौरव पहिले मंदिर क गौरव स बढ़िके होइ।’ सर्वसक्तीमान यहोवा इ कहत ह अउर इ ठउर पइ मइँ सान्ति क ठहराउब। सर्वसक्तीमान यहोवा इ कहत ह।”</verse>
				<verse number="10">यहोवा क सँदेसा दारा क दूसर बरिस क नौवें महीना क चउबीसवें दिना नबी हाग्गै क मिला। सँदेसा मँ कहा ग रहा,</verse>
				<verse number="11">“सर्वसक्तीमान यहोवा इ कहत ह, अब याजक स पूछा कि इ बिसय क बारे मँ व्यवस्था का कहत ह।</verse>
				<verse number="12">‘होइ सकत ह कउनो मनई आपन ओढ़नन क तहन मँ पवित्तर मांस लइ चलइ। होइ सकत ह कि उ ओढ़ना जउन मँ उ पवित्तर मांस लइ जात रहा होइ, रोटी या पका भोजन, दाखरस, तेल या कउनो दूसर भोजन क छुइ लेइ। का उ चीज जेकर छुअब ओढ़ना स होत ह पवित्तर होइ जाइ?’” याजकन जवाब दिहस, “नाहीं।”</verse>
				<verse number="13">तब हाग्गै पूछेस, “का होइ अगर कउनो मनई कउनो जउन कि ल्हासे क छुइ क कारण असुद्ध होइ गवा ह, इ चिजियन मँ स कउनो चीज क छुवत ह का इ भी अपवित्तर होइ जाब?” तब याजकन जवाब दिहस, “हाँ, उ अपवित्तर होइ जाइ।”</verse>
				<verse number="14">तब हाग्गै जवाब दिहस, “परमेस्सर यहोवा कहत ह, ‘मोर नज़र मँ, इ ऍन लोगन अउर इ रास्ट्र बरे नेम अहइ। जउन कछू उ करी अउर जउन कछू उ मोका भेंट करिहीं उ अपवित्तर होइ।</verse>
				<verse number="15">“‘अब सोचा आज क पहिले का भवा। यहोवा परमेस्सर क मन्दिर मँ तोहार जरिये एक पाथर पइ दूसर पाथर रखइ स पहिले चिजियन कइसा रहेन?</verse>
				<verse number="16">एक मनई बीस माप अनाज क ढेर क निअरे आवत ह, मुला हुआँ ओका सिरिफ दस ही मिलत ह अउर जब तलक एक मनई दाखरस क पीपा क निअरे पचास माप निकारइ आवत ह तउ हुआँ उ सिरिफ बीस ही पावत ह!</verse>
				<verse number="17">मइँ, तू पचन क अउर तू पचन क काम क सजा दिहन। मइँ तोहार पउधन क नास करइ बरे जेका तू उगाएस ह बेरामियन क भेजा हउँ। मइँ फपूँदी अउर ओलन क भेजेस जउन कि तोहार सारे पइदावान क तबाह कइ दिहेस। मुला तू पचे फुन भी मोरे लगे नाहीं आया।’ यहोवा इ कहत ह।</verse>
				<verse number="18">“यहोवा कहत ह, ‘इ दिना स अगवा सोचा अर्थात नौवाँ महीना क चौबीसवें दिन जउने दिन यहोवा, क मंदिरे क नेंव तइयार कीन्ह गइ। सोचा।</verse>
				<verse number="19">का बिआ अबहुँ भी भण्डार-गृह मँ बाटइ? का अंगूरे क बेलन, अंजीर क बृच्छ, अनार अउ जइतून क बृच्छ अब तलक फल नाहीं दइ पावत अहइँ? नाहीं। मुला आजु क दिन स, अगवा क बरे मइँ तू पचन क आसीर्वाद देबउँ।’”</verse>
				<verse number="20">तब महीन क चौबीसवे दिन हाग्गै क दूसरी दाई यहोवा क सँदेसा मिला। सँदेसा मँ कहा गवा,</verse>
				<verse number="21">“यहूदा क प्रसासक जरुब्बाबेल स कहा, मइँ आसमान अउ भुइँया क कँपावइ जात हउँ</verse>
				<verse number="22">अउर मइँ राज्जन क सिंहासनन क लोकाइ देबउँ अउ रास्ट्रन क राज्जन क सक्ति क बरबाद कइ देबउँ अउर मइँ रथन अउर ओनके सवारियन क नीचे फेंक देबउँ। तब घोड़न अउर ओनके घुड़सवार भहरइहीं। भाई, भाई क दुस्मन होइ जाइ।”</verse>
				<verse number="23">सर्वसक्तीमान यहोवा कहत ह, “मइँ उ दिना सालतीएल क पूत, आपन सेवक, जरुब्बाबेल क लेबउँ। यहोवा इ कहत ह अउर मइँ तू पचन क मुंद्रा स छापी भइ अंगूठी बनाउब। काहेकि मइँ तू पचन क चुनेउँ ह।” सर्वसक्तीमान यहोवा इ सब कहेस ह।</verse>
			</chapter>
		</book>
		<book number="38">
			<chapter number="1">
				<verse number="1">दारा क राज्जकाल क दूसर बरिस क अठएँ महीना मँ, यहोवा क सँदेसा बेरेक्याह क पूत जकर्याह नबी क लगे आवा। (बेरेक्याह इद्दो क पूत रहा।) सँदेसा इ अहइ:</verse>
				<verse number="2">यहोवा तोहरे पुरखन पइ बहोत कोहान रहा।</verse>
				<verse number="3">एह बरे लोगन स कहा: इ उहइ अहइ जउन सर्वसक्तिमान यहोवा कहत ह: “मोरे लगे वापस आवा अउर मइँ तोहार लगे वापस आउब।” इ उहइ अहइ जउन सर्वसक्तिमान यहोवा कहेस।</verse>
				<verse number="4">यहोवा कहेस, “आपन पुरखन क नाई न बना जेनका बीते भए समइँ मँ नबी उपदेस दिहेस। उ पचे कहेन, ‘सर्वसक्तिमान यहोवा चाहत ह कि तू पचे आपन बुरा रहन-सहन क तजि द्या। बुरा काम बंद कइ द्या।’ मुला तोहार पचन्क पुरखन मोर नाहीं सुनेन।” यहोवा इ सबइ बातन कहेस।</verse>
				<verse number="5">परमेस्सर कहेस, “अब तोहार पचन्क पुरखन कहाँ बाटइ? का नबी हमेसा जिअत रहतेन?</verse>
				<verse number="6">नबी मोर सेवक रहेन। मइँ ओनकर उपयोग तोहरे पचन्क पुरखन क आपन व्यवस्था अउर आपन सिच्छा देइ बरे किहेस। आखिरकार तोहार पुरखन सिच्छा ग्रहण किहेन। उ पचे पस्चाताप किहेन अउर कहेन, ‘सर्वसक्तिमान यहोवा हमार मारग अउ कामन क अनुसार ठीक वइसा ही जइसा उ निर्णय किहे रहा, किहेस ह।’ इ तरह उ पचे परमेस्सर क लगे वापस लउटेन।”</verse>
				<verse number="7">दारा क दूसर बरिस क सबित क ग्यारहनें महीना क चउबीसवें दिन यहोवा क इ सँदेसा बेरेक्याह क पूत जकर्याह नबी क लगे आवा। (बेरेक्याह इद्दो क पूत रहा।)</verse>
				<verse number="8">रात मँ मइँ लखेउँ कि एक मनई लाल घोड़े पइ सवार अहइ। उ एक घाटी मँ कछू मेंहदियन क बृच्छ क बीच खड़ा रहा। ओकरे पाछे लाल, भूरा अउ सफेद रंग क घोड़न रहेन।</verse>
				<verse number="9">मइँ पूछेउँ, “महोदय इ सबइ घोड़न क का मतलब अहइँ?” सरगदूत जउन मोहसे बात करत रहा, मोका जवाब दिहेस, “मइँ तू पचन्क देखाउब कि ओकर का मतलब अहइँ।”</verse>
				<verse number="10">एह बरे मेंहदियन क बृच्छ क बीच रहत भवा मनई जवाब दिहेस, “इ सबइ यहोवा दुआरा धरती प गस्त लगाइ बरे पठएस ह।”</verse>
				<verse number="11">तब उ पचे यहोवा क सरगदूतन जउन मेंहदियन क बृच्छ क बीच खड़ा भवा रहा कहेन, “हम पचे धरती गस्त लगाइ चुका अहइ। फुरइ समूचा धरती सान्त अउ सुख-चैन मँ अहइ।”</verse>
				<verse number="12">तब यहोवा क सरगदूत कहेस, “हे सर्वसक्तीमान यहोवा, आप यरूसलेम अउ यहूदा क सहरन पइ केतॅना दिना तलक दाया नाहीं करब जेकर संग तू सत्तर बरिस तलक किरोधित रहा ह।”</verse>
				<verse number="13">तब यहोवा नीक अउ सान्तिदायक सब्दन स उ सरगदूत क जवाब दिहेस जउन मोसे बात करत रहा।</verse>
				<verse number="14">एह बरे सरगदूत जउन मोसे बात करत रहा मोसे कहेस, इ घोसणा करा:सर्वसक्तीमान यहोवा इ कहत ह: “मइँ यरूसलेम अउ सिय्योन स बहोत पिरेम अहइ।</verse>
				<verse number="15">अउर मइँ ओन रास्ट्रन पइ बहोतइ कोहान हउँ जउन आपन क ऍतना सुरच्छित अनुभव करत हीं। हालांकि मइँ कछू कोहाइ गवा हउँ, ओकर जगह उ सबइ रास्ट्र तोड़ा जियादा झेलस ह।”</verse>
				<verse number="16">इसलिए, यहोवा इ तरह कहत ह: “मइँ दाया क संग यरूसलेम मँ लउटब।” सर्वसक्तीमान यहोवा कहत ह, “यरूसलेम क निर्माण फुन होइ। अउर हुआँ मोर मन्दिर स्थापित होइ।”</verse>
				<verse number="17">सरगदूत कहेस, “लोगन स इ भी कहा: सर्वसक्तीमान यहोवा कहत ह, ‘मोर सहर फुन संपन्न होइहीं, मइँ सिय्योन क आराम देब। मइँ यरूसलेम क आपन खास नगर चुनब।’”</verse>
				<verse number="18">तब मई ऊपर नजर उठाएउँ अउर चार सींगन क दिखेउँ।</verse>
				<verse number="19">तब मइँ उ सरगदूत पूछेस कउनो मोसे बातन करत रहा, “इ सींगन क अरथ का अहइ?” उ जवाब दिहेस, “इ सबइ उ सब सींगन अहइँ, जउन इस्राएल, यहूदा अउ यरूसलेम क लोगन क रास्टन क बीच छितराइ दीन्ह गवा ह।”</verse>
				<verse number="20">तब यहोवा मोका चार सिल्पकारन क देखाएस।</verse>
				<verse number="21">मइँ ओनसे पूछेउँ, “इ सबइ का करइ बरे आवत अहइँ?” उ जवाब दिहेस, “सींगन यहूदा क अइसा तितर-बितर कइ दिहे रहा कि कउनो आपन सिर न उठाइ सकी। परन्तु कारिगर ओका आतंकित करइ बरे अउ ओन जातियन क सींगन क काटन बरे आव ह जउन यहूदा लोगन देस क विरुद्ध आपन सींगन एह बरे उठाएस ह कि उ तितर-बितर हो जाइ।”</verse>
			</chapter>
			<chapter number="2">
				<verse number="1">तब मइँ आपन निगाह उठाएउँ अउर मइँ एक मनई क लखेउँ, अउ उ आपन हाथ मँ नापइ क डोरी लिए भए रहेन।</verse>
				<verse number="2">तउ मइँ पूछेउँ, “तू कहाँ जात अहा?” उ मोका जवाब दिहेस, “मइँ यरूसलेम क नापइ बरे जात हउँ कि उ केतॅना लम्बा अउ केतॅना चउड़ा बाटइ।”</verse>
				<verse number="3">तब उ सरगदूत जउन मोसे बातन करत रहा, चल गवा अउर ओसे बातन करइ बरे दूसर सरगदूत बाहेर आवत रहा।</verse>
				<verse number="4">उ ओसे कहेस, “दउड़िके जा, नउजवान स बात करा। अउर ओसे कहा यरूसलेम ऍतना बिसाल बाटइ कि ओका नापा नाहीं जाइ सकत। ओसे इ कहा, ‘यरूसलेम बगैर चहारदीवारी क सहर क नाईं निवास करी काहेकि हुआँ असंख्य लोग अउर जनावर रइहीं।’</verse>
				<verse number="5">यहोवा कहत ह, ‘एकर जगह पइ मइँ खुद ओकर चारिहुँ कइँती आगी क देवार रहब, अउ मइँ ओकरे बीच मँ गौरव रहब।’” यहोवा कहत ह,</verse>
				<verse number="6">“उठा! उठा! उत्तर भूइँया स दउड़ जा। काहेकि मइँ तू पचन्क चारिहुँ कइँती बिखेरेउँ।</verse>
				<verse number="7">सिय्योन क लोगो, तू पचे बाबुल मँ बन्दी रह्या। मुला अब पराइ निकरा। उ सहर स पराइ जा।” काहेकि सर्वसक्तीमान यहोवा कहत ह (इ महिमा क मोका पठइ क पाछे) उ रास्ट्रन क बारे मँ जउन तोहका लूटेस ह।</verse>
				<verse number="8">“उ तू पचन्क प्रतिस्ठा देइ क मोका पठएस ह। मुला ओकरे पाछे, यहोवा मोका ओनके खिलाफ पठइ। काहेकि अगर उ पचे तू पचन्क चोट पहोंचइहीं तउ तउ यहोवा क आँखी क पुतरी क चोट पहोंचावइ क होइ। ओन रास्ट्र आपन सम्मान पाएन।</verse>
				<verse number="9">काहेकि फुरइ मइँ ओन लोगन्क खिलाफ आपन हाथ उठाउब अउर उ पचे आपन दास लूट लेइ जाइहीं। तब तू पचे जान जाब्या कि सर्वसक्तीमान यहोवा मोका पठएस ह।”</verse>
				<verse number="10">यहोवा कहत ह, “सिय्योन, प्रसन्न ह्वा। काहेकि मइँ आवति हउँ अउर मइँ तोहरे सहर मँ रहब।</verse>
				<verse number="11">उ समइ अनेक रास्ट्रन क लोग यहोवा क लगे अइहीं। उ पचे मोर लोग होइहीं। किन्तु सिय्योन, मइँ तोहार बीच रहब।” तउ तू पचे जान जाब्या कि जउन मोका तोहमाँ पठएस ह सर्वसक्तीमान यहोवा अहइ।</verse>
				<verse number="12">यहोवा यहूदा क पवित्तर भूइँया मँ आपन निवासी बनाउब। अउर उ फुन दोबारा यरूसलेम क चुनब।</verse>
				<verse number="13">हे सब प्राणियन, यहोवा क समन्वा चपु रहा। काहेकि उ आपन पवित्तर निवास स्थान स जागकर निकालेस ह।</verse>
			</chapter>
			<chapter number="3">
				<verse number="1">तब उ मोका महायाजक यहोसू क दिखाया। उ यहोवा क सरगदूत क समन्वा खड़ा भवा रहा। सइतान हुआँ यहोसू क जरिये कीन्ह गए बुरे करमन बरे दोख देइ बरे ओकर दहिना कइँती खड़ा रहा।</verse>
				<verse number="2">तब यहोवा क सरगदूत कहेस, “सइतान, यहोवा तोहका फटकारइ। यहोवा जउन यरूसलेम क चुने रहा, तोहका फटकारइ। का इ मनई आगी स निकरा भवा बरत काठे क नाईं नाहीं बाटइ?”</verse>
				<verse number="3">यहोसू सरगदूत क समन्वा खड़ा रहा अउर ओकरे ओढ़नन गन्दा रहेन।</verse>
				<verse number="4">तब आपन निअरे खड़े भए दूसर सरगदूतन स सरगदूत कहेस, “यहोसू स गन्दा ओढ़नन क उतारि ल्या।” तब सरगदूत यहोसू स बातन किहेस। उ कहेस, “मइँ तोहरे अपराधन क छोरि लिहेउँ ह अउर मइँ तोहका नवा ओढ़ना देइउँ ह।”</verse>
				<verse number="5">तब उ कहेस, “ओकरे मूँड़ी पइ एक ठु साफ पगड़ी रखइ द्या।” यह बरे जब यहोवा क सरगदूत हुवाँ खड़ा रहा, उ पचे एक ठु साफ पगड़ी ओकरे मुँड़ी पइ रखेस अउर उ पचे ओका नवा ओढ़ना पहिराएन।</verse>
				<verse number="6">तब यहोवा क सरगदूत यहोसू स अधिकार क संग कहेन:</verse>
				<verse number="7">इ उहइ अहइ जउन सर्वसक्तीमान यहोवा कहत ह: “अगर तू मोर आदेसन क पालन करब्या अउर ओन बातन क करब्या जेका मइँ आदेस दिहेउँ ह, तउ तू मोर घरे पइ सासन करब्या अउर तू मोर मन्दिर क आँगन क अधिकारी होब्या। अउर मइँ तोहका ओन लगोन मँ आवइ-जावइ देब्या जउन हिआँ खड़ा अहइँ।</verse>
				<verse number="8">हे महायाजक यहोसू, सुना! तू अउर तोहका मीतन जउन तोहार समन्वा बइठा अहइ इ बात क प्रतीक अहइ कि इ सबइ बात होब्या! सच ही, मइँ आपन सेवक क लइ आउब जउन ‘साख’ कहा जात ह।</verse>
				<verse number="9">उ पाथर हिआँ अहइ जेका मँ यहोसू क समन्वा राखेउँ। इ पाथर मँ सात आँखन अहइँ। मइँ एह पइँ एक लेख खोदब। एक दिना मइँ ओह भूइँया प स पापन क खत्म करब” सर्वसक्तीमान यहोवा इ सब कहत ह।</verse>
				<verse number="10">सर्वसक्तीमान यहोवा कहत ह, “उ दिना तोहमाँ स प्रत्येक आपन पड़ोसियन क आपन दाख-लता अउर अंजीर क बृच्छ क नीचे आमंत्रित करब्या।”</verse>
			</chapter>
			<chapter number="4">
				<verse number="1">तब ओकर पाछे जउन सरगदूत मोहसे बातन करत रहा, वापिस आएस अउर मोका जगाएस। मोका अइसा लाग जइसा कउनो क नींद जगाया जात ह।</verse>
				<verse number="2">उ मोसे पूछेस, “तू का लखत अहा?” मइँ जवाब दिहेउँ, “मइँ एक ठु ठोस सोना क डीबट लखत हउँ। हुवाँ ओकरे सिरे पइ एक ठु पिआला अहइ। पिआले मँ स सात ठु दीपक अहइँ। इ सबइ दीपक डीबट पइ अहइ अउर उ सबइ नाली क जुड़ा भवा अहइ।</verse>
				<verse number="3">अउर दुइ जइतून क पेड़ पिआला क पीछे मँ अहइ एक ठु पिआल दाहिने तरफ अउर दूसरा पियाले क बाये तरफ अहइ।”</verse>
				<verse number="4">तब मइँ, उ सरगदूत स जउन पूछेस जउन तोह स बातन करत रहा, “महोदय, एन सबन्क अरथ का अहइ?”</verse>
				<verse number="5">तब सरगदूत जउन मोहसे बातन करत रहा जवाब दिहेस, “का तू नाहीं जानत्या कि इ सबइ चिजियन का अहइँ?” मइँ कहेउँ, “नाहीं, महोदय।”</verse>
				<verse number="6">तब उ मोहसे कहेस, “इ यहोवा क सँदेसा जरूब्बाबेल बरे बाटइ: ‘तोहरी सक्ति अउ प्रभुता स मदद नाहीं मिली। वरना तोहका मदद मोरी आतिमा स मिली।’ सर्वसक्तीमान यहोवा इ सब कहत ह।</verse>
				<verse number="7">उ ऊँचके महान पर्वत, तू का अहइ? जरूब्बाबेल समन्वा तू एक समतल भुइँया क नाईं अहइ। उ मंदिर क बनाई। जब आखिरी पाथर इ पइ रखा जाइ तब लोग नरियाइ उठिहीं, ‘वाह केतॅना सुन्नर, वाह बहोत सुन्नर!”</verse>
				<verse number="8">तउ यहोवा वचन मोर लगे आवा,</verse>
				<verse number="9">“जरूब्बाबेल क हाथन इ मंदिर क नींव पाथर राखब्या अउर ओकर हाथन इ मन्दिर क पूरा करब्या। हे लोगो तब तू पचे समुझब्या कि सर्वसक्तीमान यहोवा मोका तू लोगन क लगे पठएस ह।</verse>
				<verse number="10">जउन कउनो भी जउन उ दिन क मजाक उड़ावत ह जब छोटे स्तर पइ निर्माणकारी कार्य सुरू कीन्ह गवा रहा तउ जब उ पचे जरूब्बाबेल क हाथ मँ समारोह क पाथर जउन कि अन्तिम पाथर होइ तउ आन्दित होइ। इ सात दीपक यहोवा क आँख अहइ। सचमुच भुइँया पइ खोजइ बरे उ पचे आगे पीछे फिरत।”</verse>
				<verse number="11">तब मइँ ओहसे कहेउँ, “इ दुइ ठु जइतून क बृच्छ अहइँ। एक दीपाधार क दाईं अउर एक बाईं कइँती अहइ। इ सबइ का अहइँ?”</verse>
				<verse number="12">मइँ ओहसे इ भी कहेउँ, “मइँ जइतून क दुइनउँ साखा सोने क रंग क तेल लइ जात, सोना क नलन क सहारे लखेउँ। एन चिजियन क अरथ का अहइ?”</verse>
				<verse number="13">तब सरगदूत मोसे कहेस, “का तू नाहीं जानत्या कि एन चिजियन क अरथ का अरथ का बा?” मइँ कहेउँ, “नाहीं महोदय।”</verse>
				<verse number="14">एह बरे उ जवाब दिहेस, “इ दुइ अभिसिक्त कीन्ह भवा मनई क प्रस्तुत करत ह जउन कि समूचइ धरती क सुआमी क बगल मँ खड़ा अहइ।”</verse>
			</chapter>
			<chapter number="5">
				<verse number="1">मइँ फुन निगाह ऊँच किहेउँ अउर मइँ एक ठु उड़त भवा लपटा पत्रक लखेउँ।</verse>
				<verse number="2">सरगदूत मोहसे पूछेस, “तू का लखत अहा?” मइँ जवाब दिहेउँ, “मइँ एक ठु उड़त भवा लपटा पत्रक लखत हउँ जउन तीस फुट लम्बा अउ पन्द्रह फुट चउड़ा अहइ।”</verse>
				<verse number="3">तब्बइ उ मोहसे कहेस, “उ लपटा पत्रक पइ एक सराप लिखा बा जउन पूरा धरती पइ फेंलिहीं। लपटा पत्रक क एक कोना मँ लिखा अहइ, ‘हर कउनो जउन चोर अहइ भेज दीन्ह जाब्या।’ दूसर कइँती लिखा भवा अहइ, हर कउनो जउन लबार प्रतिग्या करिही भेज दीन्ह जाब्या।</verse>
				<verse number="4">सर्वसक्तीमान यहोवा कहत ह, ‘मइँ इ सराप भेजेउँ ह। इ मोर नाउँ लेइके हर चोरन क घरे अउर ओन लोगन क घरे जउन गलत प्रतिग्या करत ह, घुसब। इ सराप ओकरे घरे मँ रहब अउर ओकरे घरे क पाथर अउ काठ दुइनउँ क बरबाद करब।’”</verse>
				<verse number="5">तब मोर संग बात करइवाला सरगदूत बाहेर आवा। उ मोहसे कहेस, “नज़र उठा अउ लखा। का तू जानत ह कि हमार कइँती का अवात ह”</verse>
				<verse number="6">मइँ कहेउँ, “इ का अहइ?” उ कहेस, “उ मापक टोकरी अहइ।” तउ उ कहेस, “उ टोकरी समुचइ धरती क दोख क प्रस्तुत करब।”</verse>
				<verse number="7">तब टोकरी क ढकना जउन सीसा बना रहा उठावा गवा, अउर हुवाँ टोकरी क भितरे एक मेहरारू बइठी रहा।</verse>
				<verse number="8">अउर उ कहेस, “इ मेहरारू बुराई प्रस्तुत करत अहइ।” एह बरे उ ओका टोकरी मँ धकेल दिहस अउ सीसा क ढकना स ओकरे मुँहे बन्द कइ दिहेस।</verse>
				<verse number="9">तब मइँ नज़र उठाएस अउ लखेस कि दुइ मेहररूअन हमार कइँती आवत हीं। उ सारस क नाईं पखना रखेत रहा। उ पचे आपन पखनन क हवा क पड़करइ बरे फइलाएस। उ पचे टोकरी क लिए भए हवा मँ उड़त रहिन।</verse>
				<verse number="10">तब मइँ सरगदूत स पूछेउँ कि कउन मोसा बात किहे रहेन, “उ पचे टोकरी क कहाँ लइ जात अहइँ?”</verse>
				<verse number="11">उ मोहसे कहेस, “उ सबइ एका सिनार मँ लइ जात ह। हुवाँ उ पचे एक ठु घर बनाब। जब घर तइयार होइ जाइ, तउ उ पचे उ टोकरी क ओकरे जगह पइ धरिहीं।”</verse>
			</chapter>
			<chapter number="6">
				<verse number="1">तब फुन मइँ घूमाएउँ अउ आपन निगाह क उठाएउँ अउर मइँ चार रथन क लखेउँ। उ सबइ काँसे क दुइँ ठु पर्वतन क बीच स निकरत रही।</verse>
				<verse number="2">प्रथम रथ क लाल घोड़न हीचंत रहेन। दूसर रथ क करिया घोड़न हीचंत रहेन।</verse>
				<verse number="3">तीसर रथे क उज्जर घोड़न हींचत रहेन।</verse>
				<verse number="4">तब मइँ सरगदूत स पूछेउँ कि कउन मोस बात किहेस।, “महोदय, एन चिजियन क तात्पर्य का अहइ?”</verse>
				<verse number="5">सरगदूत कहेस, “इ सबइ चारिहुँ दिसा क ह्वा क प्रतीक अहइँ। उ सबइ सबहिं सारे संसार क सुआमी क हिआँ स आएन हँ।</verse>
				<verse number="6">करिया घोड़न उत्तर कइँती जइहीं। लाल घोड़न पूरब कइँती जइहीं। उज्जर घोड़न पच्छिम क जइहीं अउर भोरा धब्बादार घोड़न दविखन क जइहीं।”</verse>
				<verse number="7">तब ताकतवर घोड़न बाहेर आएन। उ सबइ धरती क गस्त लगाइ बरे उत्सुक रहेन। एह बरे उ ओनसे कहेस, “जा, धरती क गस्त लगावा!” एह बरे, उ पचे धरती क गस्त किहेन।</verse>
				<verse number="8">तब उ जोर स गोहरात भए कहेस, “लखा, उ सबइ जउन उत्तर कइँती जात रहेन। उ सबइ उत्तर कइँती मँ मोर आतिमा क सान्त कइ दिहन।”</verse>
				<verse number="9">अउर यहोवा क बचन मोर लगे आएस, उ कहेस:</verse>
				<verse number="10">“ओन लोगन स चाँदी अउर सोना ल्या जेनका बन्दी बना गवा अहइ। हेल्दै, तोबिय्याह अउर यदायाह स ल्या जउन बालेल स आवा रहा। अउर उहइ दिन सपन्याह क पूत योसियाह क घर जा।</verse>
				<verse number="11">सोना अउर चाँदी ल्या अउर एक ठु मुकुट बनावा। अउर उ मुकुट क यहोसादाक क पूत महा याजक यहोसू क मूँड़े पइ राखा।</verse>
				<verse number="12">अउर तू ओसा कहा, इ उहइ अहइ जउन सर्वसक्तीमान यहोवा कहत ह: ‘हिआँ एक मनई अहइ जेकर नाउँ “साख” अहइ। ओका साख कहा गवा काहेकि उ हुवाँ स जहाँ उ अहइ साखा निकारब अउर यहोवा क एक मन्दिर बनाई।</verse>
				<verse number="13">उ उहइ अहइ जउन यहोवा क मन्दिर क बनाई अउर उ उहइ अहइ जउन सम्मान पाई। उ आपन राजसिंहासन पइ बइठी, अउ सासन करिहीं। अउर हुवाँ ओकरे सिंहासन क बगल मँ एक ठु याजक होइ अउर इ दुइनउँ मनई एक संग सदभवना क साथ काम करिहीं।’</verse>
				<verse number="14">उ मुकुट यहोवा क मन्दिर हेल्दै, तोबिय्याह, यदायाह अउ सपन्याह क पूत योसियाह बरे स्मृति चिन्ह होइ।”</verse>
				<verse number="15">लोग जउन दूर रहिहीं यहोवा क मन्दिर क निर्माण करइ बरे आइहीं। तउ तू पचे समुझब्या कि सर्वसक्तीमान यहोवा मोका तू लोगन क लगे पठएस ह। इ सब कछू घटित होइ जदि तू पचे यहोवा आपन परमेस्सर क ठीक तरह स पालन करब्या।</verse>
			</chapter>
			<chapter number="7">
				<verse number="1">फारस मँ दारा क राज्जकाल क चउथे बरिस, जकर्याह क यहोवा क एक सँदेसा मिला। इ नउवे महीना (अर्थात् किस्लव) क चउथा दिन रहा।</verse>
				<verse number="2">बेतेल क लोग सरेसेर, रेगेम्लेक अउ आपन साथियन क यहोवा स एक ठु सवाल पूछइ क पठएस।</verse>
				<verse number="3">उ पचे यहोवा क मंदिर मँ नबियन अउ याजकन क लगे गएन। ओन लोग ओनसे इ सवाल पूछेन: “हम लोग कई बरिस तलक मंदिर क नेस्त नाबूद होइ क सोक मनाए अही। हर बरिस क पाँचवें महीना मँ, रोवइ अउर उपवास राखइ क हम लोगन क खास समइ रहा। का हमका एका करत रहइ चाही?”</verse>
				<verse number="4">तब सर्वसक्तीमान यहोवा क इ बचन मोह पइ आएस अउ कहेस:</verse>
				<verse number="5">“याजकन अउ इ देस क अन्य लोगन स इ कहा: ‘जउन उपवास अउर सोक पाछे क सत्तर बरिस स बरिस क पाँचवे अउ सातवें महीना मँ तू पचे करत आवत अहा का उ उपवास, सच ही, मोरे बरे रहा? नाहीं।</verse>
				<verse number="6">अउर जब तू पचे खाया अउ पिया, आपन बरे जिन खाया अउ पिया रहा।</verse>
				<verse number="7">का इ उहइ बचन नाहीं अहइ जेका यहोवा आपन पहिले क नबियन दुआरा उ समइ घोसना किहे रहेन जब यरूसलेम आबाद रहा, अउर अपन चरिहुँ कइँती क नगरन सहित समृद्ध रहा, अउर जब नेगव सकेला अर्थात् नीचे क देस भी आबाद रहा?’”</verse>
				<verse number="8">जब यहवा बचन जकर्याह आवा अउ कहा:</verse>
				<verse number="9">“इ उहइ अहइ जउन सर्वसक्तीमान यहोवा कहत ह: ‘जब तू निआव करी सही फइसला देइ। एक दूसर बरे दयालु अउ करूणा दिखावा।</verse>
				<verse number="10">राँड़ अउरतन, अनाथन, बिसेसियन या दीन लोगन पइ अत्याचार जिन करा। एक दूसर क बुरा करइ क विचार भी हिरदइ मँ न आवइ द्या।’”</verse>
				<verse number="11">मुला उ पचे अनसुनी किहेन। उ पचे बिद्रोह किहेन अउ आपन पीठ घुमाइ दिहेन। उ पचे सुनइ स आपन कान बंद कइ लिहेन।</verse>
				<verse number="12">उ पचे बड़का हठी रहेन। उ पचे परमेस्सर क व्यवस्था क पालन करब नामंजूर कइ दिहन। आपन आतिमा क सक्ति स यहोवा नवियन क जरिये आपन लोगन क सँदेसा पठएस। मुला लोग ओका नाहीं सुनेन, एह बरे सर्वसक्तीमान यहोवा नबियन क जरिये आपन लोगन क सँदेसा पठएस। मुला लोग ओकर नाहीं सुनेन, एह बरे सर्वसक्तीमान यहोवा बहोत कोहाइ गवा।</verse>
				<verse number="13">“जब ओनका पुकारेउँ उ पचे नाहीं सुनेन। एह बरे ठीक इसी तरह मइँ भी ओनका नाहीं सुनब जब उ मोका पुकारब्या। यहोवा सर्वसक्तीमान परमेस्सर इ कहत ह।</verse>
				<verse number="14">तब मइँ ओनका जातियन क बीच तितर-बितर कइ दिहेस। उ पचे जेकर बारे मँ नाहीं जानतेन। ओकर अनुपस्थित मँ भुइँया क अइसा उजाड़ दीन्ह ग रहा, ताकि न कउनो आ सकतेन अउर न ही कउनो जा सकतेन। उ पचे इ सुहावना देस घटिया भुइँया बनाइ दिहेन।”</verse>
			</chapter>
			<chapter number="8">
				<verse number="1">फुन सर्वसक्तीमान यहोवा क बचन मोर लगे आएन अउ कहेन:</verse>
				<verse number="2">इ उहइ अहइ जउन सर्वसक्तीमान यहोवा कहत ह: “सिय्योन बरे मोका अत्यधिक जलन भवा। मइँ ओहसे बहोत जियादा जलन करत हउँ।”</verse>
				<verse number="3">इ उहइ अहइ जउन यहोवा कहत ह: “मइँ सिय्योन क लगे वापस आवत हउँ अउर मइँ यरूसलेम मँ रहबउँ। यरूसलेम बिस्सास सहर कहा जाइ। मोर पर्वत, पवित्तर पर्वत कहा जाइ।”</verse>
				<verse number="4">इ उहइ अहइ जउन सर्वसक्तीमान यहोवा कहत ह: “एक बार फुन एक बूढ़ मनसेधु अउर एक बूढ़ा मेहरारू यरूसलेम क चौराहे पइ बइठब। लोग ऍतनी लम्बी उमर तलक जिअत रइहीं कि ओनके सहारे क छड़ी क जरूरत होइ।</verse>
				<verse number="5">सहर क चौराहे लरिकन अउ लड़िकियन स भरा होइ।”</verse>
				<verse number="6">इ उहइ अहइ जउन यहोवा सर्वसक्तीमान कहत ह: “भले ही इ जिअत लोगन क नज़र मँ असम्भव लगे, का एका मोर नज़र मँ भी असम्भव लगइ चाही? यहोवा सर्वसक्तीमान कहत ह।”</verse>
				<verse number="7">इ उहइ अहइ जउन सर्वसक्तीमान यहोवा कहत ह, “लखा, मइँ पूरब अउ पच्छिम क देसन स आपन लोगन क बचाउब,</verse>
				<verse number="8">अउर मइँ ओनका यरूसलेम मँ रहइ बरे लिआउब। उ पचे मोर लोग होइहीं अउर मइँ ओनकर बढ़िया अउ बिस्सास क जोग्ग परमेस्सर होबउँ।”</verse>
				<verse number="9">सर्वसक्तीमान यहोवा कहत ह, “उ जउन इ सब्दन क नबी क मुँहे स सुन्या ह, सक्तीसाली बना! तू पचे उ नबियन स सुने रहा जउन जब सर्वसक्तीमान यहोवा आपन मंदिर क फुन स बनावइ बरे नेवं डाएस। इ मन्दिर सर्वसक्तीमान यहोवा क अहइ।</verse>
				<verse number="10">अउर उ समइ क पहिले, हुवाँ लोगन क या जानवर क किराया पइ लेइ बरे धन नाहीं रहा। हुवाँ दुस्मनन क कारण आवागमन सुरच्छित नाहीं रहा। कहेकि उ मइँ रहा जउन एक दूसरे क खिलाफ कइ दिहे रहेउँ।</verse>
				<verse number="11">मुला अब मइँ वइसा नाहीं करब जइसा इ बचा भवा लोगन क संग बीते दिना मँ किहे रहेउँ ह,” सर्वसक्तीमान यहोवा इ सबइ कहेस ह।</verse>
				<verse number="12">“काहेकि हुवाँ सान्तिपूवर्क खेती-बारी होइहीं। अंगूरे क लता फल देइहीं: भुइँया अच्छी पइदावार देइ, अउ अकास आपन ओस देइहीं। मइँ इ सबहिं चिजियन लोगन क देब जउन जिअत रहब।</verse>
				<verse number="13">हे यरूसलेम अउ यहूदा लोग, मइँ तोहका बचाउब। बीते समइ मँ तू लोग जातियन क बीच मँ सराप क उदाहरण बनि ग रहेन। मुला अब मइँ तू लोगन क जातियन क बीच मँ आसीर्बाद क उदाहरण बाउब। जिन डेराअ। सक्तीसाली बना।”</verse>
				<verse number="14">फुरइ इ उहइ अहइ जउन सर्वसक्तीमान यहोवा कहत ह: “जब तू सबन क पुरखन मोका कोहाइ दिहन, मइँ ओन पइ विपत्तियन लावइ क जोजना बनाएउँ, अउर मइँ आपन इरादा क न बदलेउँ।” सर्वसक्तीमान यहोवा इ सब कहत ह,</verse>
				<verse number="15">“ठीक उहइ तरह, अब मइँ यरूसलेम अउ यहूदा क लोगन बरे नीक करइ क जोजना किहेउँ ह। जिन डेराअ।</verse>
				<verse number="16">मुला तू सबन क इ करइ चाही, एक दूसर क संग तोहका सिरफ फुरइ बोलइ चाही: जब तू पचे आपन अदालतन मँ निर्णय ल्या, तउ लोगन क उचित निआव प्रदान करा।</verse>
				<verse number="17">अपन हिरदइ मँ दूसर बरे बुरा योजना जिन बनावा अउर लबार प्रतिग्या जिन करा। काहेकि मइँ ओन बातन स घिना करत हउँ।” यहोवा इ सबइ कहेस।</verse>
				<verse number="18">सर्वसक्तीमान यहोवा क इ सँदेसा मोर लगे फुन आएन अउर कहेन:</verse>
				<verse number="19">इ उहइ अहइ जउन सर्वसक्तीमान यहोवा कहत ह: “चउथे महीना पचाँए महीना सतएँ महीना मँ तोहार सोक मनावइ अउर उपवास क दिन यहूदा क लोगन बरे गावइ, अनन्द मनाइ, अउ खुस होइ क होइ। एह बरे तू पचन्क सच्चाई क अउ सान्ति क पिरेम करइ चाही।”</verse>
				<verse number="20">इ उहइ अहइ जउन सर्वसक्तीमान यहोवा कहत ह: “भविस्स मँ, जातियन अउ अनेक सहरन स लोग यरूसलेम अइहीं</verse>
				<verse number="21">अउर एक सहर क निवासी दूसर सहर क निवासियन लगे जाइहीं, अउर कइहीं, ‘हम लोगन क सर्वसक्तीमान यहोवा क लगे परार्थना करइ बरे’ अउर ओहसे मदद माँगइ बरे अउर ओकर उपासना करइ बरे चलइ चाही। दूसर मनई कहिहीं ‘मइँ भी आउब।’”</verse>
				<verse number="22">अनेक लोग अउ अनेक सक्तीसाली रास्ट्र यरूसलेम आहहीं अउ सर्वसक्तीमान यहोवा क उपासना करिहीं अउ उ पचे ओसे मदद मागिहीं।</verse>
				<verse number="23">इ उहइ अहइ जउन सर्वस्कतीमान यहोवा कहत ह: “उ दिना मँ, अलग-अलग रास्ट्रन स अलग-अलग भाखन क बोलइया दस ठु मनई एक ठु यहूदी क कोट क पल्ला धरिहीं अउर कइहीं, ‘हम पचे तोहार संग आवइ चाहत हउँ, काहेकि हम पचे सुना ह कि परमेस्सर तू पचन्क संग अहइ।’”</verse>
			</chapter>
			<chapter number="9">
				<verse number="1">एक ठु भविस्सबाणी: यहोवा क सँदेसा हद्राक क देस अउ ओकर राजधानी दमिस्क क खिलाफ अहइ। इ सँदेसा इ बिदेसी देस क बारे मँ दीन्ह ग रहा। काहेकि न सिरफ इस्राएल क परिवार समूह बल्कि सबइ मानव जाति यहोवा क मदद बरे ओकरी कइँती लखत अहइँ।</verse>
				<verse number="2">इ भविस्सबाणी भी हामात क खिलाफ अहइ जउन हद्राक क चउहद्दी मँ अहइ। इ भविस्सबाणी सोर तथा सीदोन क भी खिलाफ अहइँ भले ही उ बहोत बुद्धिमान अहइँ।</verse>
				<verse number="3">सोर एक ठु किला क नाई बना अहइ। हुआँ क लोग चाँदी ऍतना बटोर लिहे अहइँ, कि उ धूलि क नाईं सुलभ बाटइ अउर सोना ऍतना साधारण अहइ जइसे माटी।</verse>
				<verse number="4">मुला अब यहोवा ओकरे सबइ अधिकार क लेइ बरे जात ह। उ पचे ओकर सक्तीसाली नौसेना क नस्ट करी अउर उ सहर आगी स नस्ट होइ जाइ।</verse>
				<verse number="5">अस्कलोन मँ रहइवाले लोग इ सबइ घटना क लखिहीं अउ उ पचे डेरइहीं। अज्जा क लोग काँप उठिहीं अउ एक्रोन क लोग समूची आसा क तजि देइहीं, जब उ पचे ओन घटनन क होब होत लखिहीं। अज्जा मँ कउनो राजा बचा नाहीं रही। कउनो भी मनई अब अस्कलोन मँ नाहीं रही।</verse>
				<verse number="6">अस्दाद मँ बहोत सारा लोग इ भी नाहीं जानिहीं कि ओनकर पिता कउन अहइँ, “अउ मइँ पलिस्ती लोगन घमण्ड क हटाइ देब।</verse>
				<verse number="7">मइँ उ पचन्क मुँह स उ पचन्क गोस क लइ लेब जेहमाँ खून अहइ; मइँ उ पचन्क क उ घृणित भोजन क लइ लेब जउन ओकर दाँतन क बीच होइ। सबइ जिअत बचा भवा प्राणियन मोर परमेस्सर स सम्बन्धित होइ। तउ उ यहूदा क बंसज क नाईं होइ जाब्या, अउर एक्रोन क लोग यबूसी लोग क जइसा होइ जाइ।</verse>
				<verse number="8">मइँ आपन मन्दिर पइ सिबिर लगाउब। मइँ ओकर रच्छा सिपाही ह रूप मँ ओन लोगन स करब जउन आइ अउर हमला करइ बरे जाइ। कउनो अत्याचारी मोर लोगन क खिलाफ अउर नाहीं बढ़ सकब, काहेकि मइँ ओका निहारत हउँ।”</verse>
				<verse number="9">हे बिटिया सिय्योन, खुश ह्वा! हे बिटिया यरूसलेम, आनन्द स चिल्लावा! लखा, तोहार राजा तोहरे लगे आवत बाटइ। उ विजय पावइवाला नीक अहइ। उ विनम्र स गदहा पइ, एक ठु गदहा क बच्चा पइ सवार अहइ।</verse>
				<verse number="10">राजा कहत ह, “मइँ एप्रैम मँ रथन क अउ यरूसलेम मँ घुड़सवारन क बर्बाद किहेउँ। मइँ जुद्ध मँ प्रयोग कीन्ह गए धनुसन क नस्ट किहेउँ।” दूसर रास्ट्र सान्ति-सन्धि क बातन सुनेन। उ राजा सागर स सागर तलक राज्ज करी। उ नदी स लइके धरती क दूरतम जगहियन पइ राज्ज करी।</verse>
				<verse number="11">यरूसलेम हम आपन वाचा क खून स मूहरबन्द किहेउँ। एह बरे मइँ तोहरे पचन्क बन्दियन क अजाद कइ दिहेउँ, तोहार लोग अब सूनी जेल मँ अब नाहीं रहि गएन।</verse>
				<verse number="12">बन्दियो, अपने घरे जा। अब तोहरे लगे आसा करइ बरे कछू अहइ। अजु मइँ तू पचन्क दुई गुणा आसीर्बाद देब।</verse>
				<verse number="13">यहूदा, मइँ तोहार पचन्क उपयोग एक धनुस-जइसा करब। एप्रैम मइँ पचन्क उपयोग बाणन जइसा करब। इस्राएल, मइँ तोहार पचन्क उपयोग यूनान स लड़इ बरे मजबूत तरवार जइसा करब।</verse>
				<verse number="14">यहोवा ओह पइ परगट होइ, अउर ओकर बाण बिजुली की तरह चलाई। यहोवा, मोर सुआमी तुरही बजाई। फउज मरुभूमि क तूफान क नाईं आगे बढ़ी।</verse>
				<verse number="15">सर्वसक्तीमान यहोवा ओनकर रच्छा करी। फउजी पाथर अउ गुलेल क उपयोग दुस्मन क हरावइ मँ करिहीं। उ पचे आपन दुस्मनन क खून बहइहीं, उ दाखरस जइसा बही। इ वेदी क कोनन पइ पेके गए खून जइसा होइ।</verse>
				<verse number="16">उ समइ, ओनकर परमेस्सर यहोवा आपन लोगन क वइसेन ही बचाइ, जइसे गड़रिया भेड़िन क बचावत ह। उ पचे ओकरे बरे बहोत मूल्यवान होइहीं। उ पचे ओनके हाथन मँ जगमगात रतन स होइहीं।</verse>
				<verse number="17">हर एक चीज नीक अउ सुन्नर होइ। हुआँ अद्भुत फसल होइ, मुला हुआँ केवल अन्न अउ दाखरस नाहीं होइ। हुआँ युवक अउ युवतियन होइहीं।</verse>
			</chapter>
			<chapter number="10">
				<verse number="1">बसन्त ऋतु मँ यहोवा स बरखा बरे पराथना करा। यहोवा बिजुरी पठइ अउ बरखा होइ। उ हर एक मनई क खेते मँ अनाजन उगाइ।</verse>
				<verse number="2">मूर्तियन स प्राप्त कीन्ह गवा सँदेस बेकार अहइ जादूगर लबार दर्सन रखत हीं; सपन दर्सी व्यर्थ बात करत हीं; उ पचे कउनो एक क भी आराम नाहीं पहोंचाइ सकत। एह बरे परमेस्सर क लोग भेड़िन क तरह एहर-ओहर भटकत अहइँ अउर ओनका राह देखावइवाला कउनो गड़रिया नाहीं।</verse>
				<verse number="3">यहोवा कहत ह, “मइँ गड़रियन (प्रमुखन) पइ बहोत कोहान अहउँ। मइँ ओन प्रमुखन क आपन भेड़िन क (लोगन) देखरेख क जिम्मेदारी सौंपे रहेउँ।” (यहूदा क लोग परमेस्सर क खरका अहइँ अउर सर्वसक्तीमान यहोवा, फुरइ, आपन खरका क देखरेख करत ह। उ ओनकर अइसी देखरेख करत ह, जइसे कउनो फउजी आपन घोड़ा क राखत ह।)</verse>
				<verse number="4">“कोने क पाथर, डेरा क खूँटी, युद्ध क धनुस अउ अगवा बाढ़त फउजी सबहिं यहूदा स एक संग अइहीं।</verse>
				<verse number="5">जुद्ध मँ उ पचे जोद्धन क समान होइ जउन दुस्मनन क गलियन क कींच मँ रौंद देत हीं। उ पचे युद्ध करिहीं, अउर यहोवा ओनके संग अहइ। एह बरे उ पचे घोड़सवारन क भी हरइहीं।</verse>
				<verse number="6">मइँ यहूदा क लोगन क सक्तीसाली बनाउब अउ मइँ यूसुफ क लोगन क रच्छा करब। मइँ ओनका वापिस लइ आउब काहेकि मइँ ओह पइ दाया महसूस करत हउँ। मइँ ओकर संग अइसा बेउहार करब जइसा कि मइँ कभी ओका नाहीं तजेउँ ह। काहेकि मइँ यहोवा, ओनकर परमेस्सर हउँ अउर मइँ ओनकर पराथना क जवाब देब।</verse>
				<verse number="7">एप्रैम क लोग जोद्धन क नाईं होइ। उ पचे आपन हिरदइ मँ अइसा खुसी महसूस करब जइसा कि उ दाखरस स भरा गवा अहइ। ओनकर सन्तानन एका लखेहीं अउर उ पचे आनंद मनइहीं अउर ओनकर हिरदइ यहोवा मँ खुस होइ।</verse>
				<verse number="8">“मइँ ओनका सीटी दइके सबन क एक संग बोलाउब। काहेकि मइँ ओनकर रिहाई बरे धन देइ चुका अहउँ, उ सबइ लोग अनगिनत होइ जइहीं जइसा उ पहिले रहेन।</verse>
				<verse number="9">मइँ सबहिं रास्ट्रन क बीच मँ स ओका छिरताइ देब, मुला मोका दूर क देसन मँ याद करिहीं। उ पचे अउर ओनकर सन्तानन बची रइहीं। अउर उ पचे वापस अइहीं।</verse>
				<verse number="10">मइँ ओनका मिस्र वापस लिआउब अउर मइँ ओनका अस्सूर मँ एकट्ठा करब। मइँ ओनका गिलाद अउ लबानोन क भूइँया मँ लिआउब अउर हुआँ ओन लोगन बरे काफी जगहिया नाहीं होइ।”</verse>
				<verse number="11">उ गुर्रात भवा समुद्दर क पार करब अउ लहरन पइ चोट करब। तब नील नदी क सबइ घहरा भाग सूख जाई, अस्सूर क घमण्ड नीचा होइ जाई, अउ मिस्र सक्ति छीन लीन्ह जाई।</verse>
				<verse number="12">यहोवा आपन लोगन क सक्तीसाली बनाइ अउर उ पचे ओनके अउ ओनके नाउँ बरे जिअत रइहीं। यहोवा इ सब कहेस।</verse>
			</chapter>
			<chapter number="11">
				<verse number="1">लबानोन, आपन दुआर खोला, काहेकि आगी भितरे आइ अउर उ तू पचन क देवरारू क बृच्छन क बारि देइ।</verse>
				<verse number="2">साइप्रस क बृच्छ रोइहीं काहेकि देवदारू क बृच्छ भहराइ गएन। बासान क ओक बृच्छ रोवा काहेन जंगल जउन काटि डावा गवा।</verse>
				<verse number="3">रोवत गड़रियन क सुना! काहेकि ओनकर भव्य चरागाह तबाह कइ दीन्ह गएन। सुना! सेरन दहाड़त हीं काहेकि यरदन नदी किनारे क जंगल-झाड़ी नस्ट कीन्ह गवा अहइ।</verse>
				<verse number="4">इ उहइ अहइ जउन यहोवा मोर परमेस्सर कहत ह: “ओन भेड़िन क झुण्ड क चरवाहा होइ जा जेनका बलि करइ बरे नियुक्त कीन्ह गवा रहा।</verse>
				<verse number="5">जउन लोग ओनका खरीद लेत हीं अउर ओनका ज़बह कइ देत हीं अउर उ सज़ा नाहीं पावत हीं। अउर जउन उ भेड़ियन क बेचत हीं कहत ह, ‘यहोवा क धन्य होइ काहेकि हम पचे धनी होइ गवा हउँ।’ ओनका आपन गड़रियन ओह पइ दाया नाहीं करतेन</verse>
				<verse number="6">एह बरे मइँ इ देस मँ रहइवालन पइ कछू दाया नाहीं करब।” यहोवा कहत ह। “लखा, मइँ हर एक क ओकर पड़ोसी अउ राजा क हाथ पकड़वाइ देब। उ पचे ओकर भूइँया रौंद देइहीं, लेकिन कउनो एक क भी ओकर सक्ती स मुक्त नाहीं करब।”</verse>
				<verse number="7">एह बरे मइँ ओन भेड़िन क देखरेख किहेउँ, जेनका बलि करइ क वास्ते बेचइ बरे रहेन। सचमुच मँ मइँ ओन बेचारा भेड़ियन क चरवाही किहा तउ मइँ दुइ ठु छड़ियन लिहेस: एक ठु छड़ी क नाउँ “अनुग्रह” राखेउँ अउ दूसर छड़ी क नाउँ “एकता” राखेउँ अउर तब मइँ भेड़िन क देखरेख किहेउँ।</verse>
				<verse number="8">एक महीने मँ मइँ ओकरे तीनउँ गड़ेरियन क हटाइ दिहे रहा, काहेकि मइँ ओन स आपन धैर्य खो दिहे रहा, अउर उ मोसे घिना भी किहे रहा।</verse>
				<verse number="9">एह बरे मइँ कहेउँ, “मइँ तू पचन्क अउर गड़ेरिया नाहीं रहब। भेड़ जउन मरह ह, मरि द्या; भेड़ जउन नस्ट होइ बरे जात ह, नस्ट होइ द्या। भेड़ जउन बचिहीं, ओनका एक दूसर क गोस खाईके मरि जाई द्या।”</verse>
				<verse number="10">तब मइँ अनुग्रह नाउँ क छड़ी लिहेउँ अउर एक तोड़ दिहेउँ। मइँ इ बात क परगट करइ बरे किहेउँ कि सबहिं रास्ट्रन क संग परमेस्सर क वाचा टूट गइ।</verse>
				<verse number="11">एह बरे इ उ दिना तोड़ दीन्ह ग रहा। ओन बेचारे भेड़िन जउन मोर कइँती लखत रहिन, जान लिहन कि इ सँदेसा यहोवा क अहइ।</verse>
				<verse number="12">तब मइँ ओसे कहेउँ, “अगर इ तोहार नज़र मँ ठीक बाटइ, तउ मोका मोर भुगतान करा; अगर इ तोहार नज़र मँ ठीक नाहीं बाटइ, तउ मोका भुगतान जिन करा।” एह बरे उ पचे मोका चाँदी क तीस टूकन मजदूरी क रूप मँ दिहन।</verse>
				<verse number="13">तब यहोवा मोहसे कहेस, “उ बड़का धन क जेका उ पचे मोरे बरे कीमत ठेहराएस ह खजाना मँ डाइ द्या।” एह बरे मइँ चाँदी क तीस टूकन क लिहेउँ अउर ओनका यहोवा क मन्दिर क खजाना मँ डाइ दिहेउँ।</verse>
				<verse number="14">तब मइँ “एकता” नाउँ क दूसर छड़ी क इ परगट करइ बरे कि इस्राएल अउ यहूदा क बीच क एकता टूटि जाई, तोड़ि दिहेन।</verse>
				<verse number="15">तब यहोवा मोहसे कहेस, “एक बार फुन मूरख गड़ेरिया क समान लइ ल्या।</verse>
				<verse number="16">काहेकि मइँ इ भुइँया मँ एक गड़ेरिया नियुक्त करइ बरे जात हउँ। उ एक अइसा गड़ेरिया होब जउन खोया भवा क चिन्ता न करब, जउन जवान क न खोजब, जउन घायल क चंगा न करब, जउन तन्दुरुस्त क खाइया न खिलाब। एकर जगह पइ, उ मोटे भेड़िन क गोस्त खाउब, अउर जउन ओकरे खुरन क तोड़ देब।”</verse>
				<verse number="17">हे मोर व्यर्थ गड़ेरिया, कउन झुण्ड क तजि दिहा! तरवार क ओकर भुजा अउ दाहिनी आँखी पइ चोट करइ द्या! ओकर दाहिनी भूजा क झूरान होइ जाइ द्या! ओकर दाहिनी आँखी क पूरी तरह स आँधर होइ द्या!</verse>
			</chapter>
			<chapter number="12">
				<verse number="1">एक भविस्सबाणी: इ इस्राएल क बारे मँ यहोवा क सँदेसा अहइ: इ उहइ अहइ जउन यहोवा कहत ह, कउन आकसे क बनाएस, कउन धरती क स्थापना किहेस, कउन मनई क भीतर आतिमा क रचेस,</verse>
				<verse number="2">“लखा, मइँ यरूसलेम क पिअइ क ज़हरीला पिआला बनाइ बरे जावत हउँ जउन कि ओकरे चारिहुँ कइँती क रास्ट्रन बरे मूसीबत झेलइ क कारण होइ। यहूदा क भी ओन रास्ट्रन क बीच जउन कि यरूसलेम क घेरत ह होवइ बरे मजबूर कीन्ह जाब्या।</verse>
				<verse number="3">उ दिना मइँ यरूसलेम क सबइ जातियन बरे भारी चट्टान क नाईं बनाउब। अउर जउन कउनो एका उठावइ क कोसिस करी जोर स चोट खाइ, अउर धरती क सारे रास्ट्रन यरूसलेम क खिलाफ होइहीं।</verse>
				<verse number="4">यहोवा कहत ह, उ दिना मँ, मइँ हरेक घोड़न क डराउब अउर हरेक घोड़सवार क पागल बनाइ देब; किन्तु मइँ यहूदा क लोगन पइ धियान देब, अउर मइँ जातियन क सबइ घोड़न आँधर कइ देब।</verse>
				<verse number="5">तब यहूदा क प्रमुखन आपन आप स कहिहीं, ‘यरूसलेम क निवासिन सर्वसक्तीमान यहोवा का करण मज़बूत अहइ अउर उ ओकर परमेस्सर अहइ।’</verse>
				<verse number="6">उ दिना मँ, मइँ यहूदा क प्रमुखन क काठ मँ बरत भइ अंगठी, अउ बारत भवा अनाज क गुच्छा क नाईं बनाइ देब। उ पचे आपन चारिहुँ कइँती क जातियन क नस्ट कइ देब साथ ही जउन ओकर दाहिनी तरफ अउ जउन ओकर बाइ तरह होइ। किन्तु यरूसलेम क निवासी फुन यरूसलेम क जगह पइ होइहीं।”</verse>
				<verse number="7">पहिले यहोवा यहूदा क परिवार समूहन क विजय दिलाइ, एह बरे दाऊद क परिवार समूह क महिमा अउ यरूसलेम क निवासियन क महिमा यहूदा क बंसज स जियादा होइ।</verse>
				<verse number="8">उ दिना मँ, यहोवा यरूसलेम क निवासियन बरे ढाल होइहीं। जउन कउनो आदमी ओनकर बीच मँ दृढ़ता स रही उ दाऊद क समान बड़वार जोधा बन जाइ। लोगन क समन्वा, दाऊद क परिवार देवता क समान या यहोवा क आपन सरगदूतन क नाईं होइहीं।</verse>
				<verse number="9">“उ दिना मँ, मइँ ओन रास्ट्रन क नस्ट करइ बरे रवाना होब जउन यरूसलेम क खिलाफ जुद्ध करइ बरे आवत अइहीं।</verse>
				<verse number="10">मइँ दाऊद क परिवार पइ अउ यरूसलेम क निवासियन पइ महिमा क आतिमा अउ पराथना क उड़ेर देब। उ पचे मोर कइँती लखिहीं, जेनका उ पचे छेद डाए रहेन। उ पचे ओकरे बरे अइसा रोवइ जइसा उ अपने इकलौता पूत क मउत पइ रोवइवत ह। उ पचे अइसा गहिरा दुःख मँ होइ जइसा व्यक्ति आपन पहिलौटी पूत क मउत पइ रोवइवत होइ।</verse>
				<verse number="11">उ दिना मँ, यरूसलेम मँ विलाप बहोत भयंकर होइहीं, इ उ समइ क नाईं होइ, जब मगिद्दो घाटी मँ हदद्मिन क मउते पइ विलाप होत रहेन।</verse>
				<verse number="12">सम्पूर्ण भूइँया खुद ही विलाप करिहीं, अउर हरेक परिवार खुद ही विलाप करिहीं; दाऊद क परिवार खुद ही रोइहीं, अउर ओनकर पत्नियन खुद ही रइहीं। अउर ओनकर पत्नियन आपन आप ही विलाप करिहीं।</verse>
				<verse number="13">लेवी क परिवार खुद ही विलाप करिहीं, अउर ओनकर पत्नियन आपन आप ही विलाप करिहीं; सिमाइ क परिवार क खुद ही विलाप करिहीं, अउर ओनकर पत्नियन आपन आप ही विलाप करिहीं।</verse>
				<verse number="14">सबहिं परिवार समूहन क हर कउनो जउन जिअत ह खुद ही विलाप करिहीं, अउर पत्नियन आपन आप स विलाप करिहीं।”</verse>
			</chapter>
			<chapter number="13">
				<verse number="1">उ दिना, दाऊद क परिवार अउ यरूसलेम मँ रहइवाला लोगन बरे एक ठु सोता ओकरे पापन बरे क धोइ देइ अउर लोगन क सुद्ध करइ बरे फूटब।</verse>
				<verse number="2">सर्वसक्तीमान यहोवा कहत ह, “उ दिना, मइँ धरती प स सबहिं मूर्तियन क नाउँ हटाइ देब। अउर लोग ओनकर नाउँ भी याद नाहीं रखिहीं। अउर मइँ लबार नबियन अउर असुद्ध आतिमा क इ भुइँया स हटाइ देब।</verse>
				<verse number="3">जदि कउनो मनई भविस्सबानी करत ह तउ ओका सजा मिली। हिआँ तलक कि ओकरे माता-पिता, ओकर आपन महतारी अउर आपन बाप ओहसे कइहीं, ‘तू यहोवा क नाउँ झूठ बोल्या ह। एह बरे तोहका मरि जाइ चाही।’ ओकर आपन महतारी अउर ओकर आपन बाप भविस्सवाणी करइ क कारण ओका छूरी भोकं देइहीं।</verse>
				<verse number="4">उ समइ नबी आपन भविस्सवाणी अउर आपन दर्सन क खातिर लज्जित होइ जइहीं। उ पचे लोगन क धोखा देइ बरे रोंएदार चो़गा नाहीं पहरिहीं।</verse>
				<verse number="5">उ सबइ लोग कइहीं, ‘मइँ नबी नाहीं हउँ मइँ एक किसान हउँ। मइँ बचपना स किसान क रूप मँ काम किहेउँ ह।’</verse>
				<verse number="6">दूसर लोग कइहीं, ‘मुला तोहरे हाथन पइ घाव कइसे अहइँ?’ उ कही, ‘इ चोट मोका अपने मित्र के घरे लगी।’”</verse>
				<verse number="7">सर्वसक्तीमान यहोवा कहत ह, “तरवार, गड़रिया पइ चोट करा। मोरे मित्र क मारा। गड़रिया पइ वार करा अउर भेड़िन पराइ जइहीं अउर मइँ ओन छोटन क सजा देब।”</verse>
				<verse number="8">सर्वसक्तीमान यहोवा करत ह, “पूरी धरती क दुइ तिहाई लोग हटाइ जाइहीं अउर उ पचे मरिहीं, मुला एक तिहाई लोग बचा रइहीं।</verse>
				<verse number="9">मइँ इ एक तिहाई लोगन क आगी मँ डाइ देब। मइँ ओका उहइ तरह स सुद्ध करब जइसा चाँदी क सुद्ध कीन्ह जात ह। मइँ ओका अइसा परखब जइसा सोना क जाँचा जात ह। तउ उ पचे मोका आपन नाउँ स पुकारिहीं अउर मइँ ओका जवाब देब। मइँ कहब, ‘उ पचे मोर लोग अहा,’ अउर उ पचे कइहीं, ‘यहोवा मोर परमेस्सर अहइ।’”</verse>
			</chapter>
			<chapter number="14">
				<verse number="1">लखा, यहोवा क एक दिन आवत ह जब तोहार कीमती चीज तोहरे समन्वा तोड़ि जाइहीं।</verse>
				<verse number="2">मइँ सबहिं रास्ट्रन क यरूसलेम क खिलाफ लड़इ बरे एक संग लिआउब। सहर पइ अधिकार कीन्ह जाब्या, घरन क लूट लीन्ह जाब्या, मेहररुअन क बलात्कार होब्या; आधा लोग बन्दी क रूप मँ देस निस्कासन मँ जाइहीं, किन्तु बचा भवा लोग सहर स हटावा नाहीं जाब्या।</verse>
				<verse number="3">तब यहोवा जाब अउ ओन रास्ट्रन क विरुद्ध वइसा ही जुद्ध करब जइसा उ पहले किहे रहेन।</verse>
				<verse number="4">उ दिना, उ जइतून क पहाड़ पइ खड़ा होइ, जउन यरूसलेम क पूरब अहइ। जइतून क पर्वत एक गहिरा घाटी क दुआरा दुइ ठु हींसा मँ पूरब स पच्छिम तलक बटि जाइँ। एह बर आधा पर्वत उत्तर कइँती अउर आधा दक्खिन कइँती बढ़िहीं।</verse>
				<verse number="5">जइसे-जइसे उ पहाड़ी घाटी तू पचन क निगचे आइ, तू पचे पराइ जाइ क जतन करब्या। तू पचे उहइ समइ क नाईं पराब्या, जइसे तू पचे यहूदा क राजा उज्जियाह क सासन क समइ मँ भुइँडोल स पराइ ग रह्या। जब यहोवा, मोर परमेस्सर आइ, अउर ओकर सबहि पवित्तर ओकरे संग होइहीं।</verse>
				<verse number="6">उ दिना न गर्मी या न ठंडा या न ही पाला होइ।</verse>
				<verse number="7">उ लगातार दिन होइ। एक दिन जउन सिरिफ यहोवा ही जानत ह। हुवाँ न ही दिन होइ न रात। हुवाँ हमेसा उजियारा होइ हिवाँ तलक कि साँझ मँ भी।</verse>
				<verse number="8">उ समइ, यरूसलेम स लगातार पानी बही। उ धार बँटि जाइ अउर एक हींसा पूरब कइँती बही अउर एक हींसा पच्छिम क भूमध्म सागर तलक जाइ अउर पूरे साल गर्मी अउ सर्दी मँ बही</verse>
				<verse number="9">अउर यहोवा उ समइ संसार क राजा होइ। यहोवा एक अहइ। ओकर नाउँ “एक” अहइ।</verse>
				<verse number="10">समूचई भूइँया गेब स लइके रिम्मोन तलक जउन यरूसलेम क दक्खिन कइँती बाटइ, रब्बा मइदान क नाईं सपाट होइ जाब। किन्तु यरूसलेम आपन ऊँचा जगह पइ ही बिन्यामीन दुआर स पहिले दुआर, (जउन कोना क दुआर अहइ) अउर हननेल क मीनार स राजा क दाखरस निकारइवाला तलक रहब्या।</verse>
				<verse number="11">प्रतिबंध उठाइ लीन्ह जाइ अउर लोग हुआँ आपन घर बनइहीं। यरूसेलम सुरच्छित होइ।</verse>
				<verse number="12">मुला यहोवा ओन रास्ट्रन क सजा देइ जउन यरूसलेम क खिलाफ लड़ेन। उ ओनका भयंकर बीमारी लगाइ देइ। खड़ा खड़ा ओनकर बदन गलि जाइ। ओनकर आँखिन ओनके कोटरे मँ गलिहीं अउर ओनकर जीभ ओनके मुँहना मँ गली।</verse>
				<verse number="13">उ खउफनाक बेरामी दुस्मनन क डेरन मँ होइ अउर ओनकर घोड़न, खच्चरन, ऊँटन अउर गदहन क ड खउफनाक बेरामी लगि जाइ। उ समइ, उ सबइ लोग, फुरइ, यहोवा स डेरइहीं। उ पचे एक दूसर क गटइ दबइहीं। उ पचे एक दूसर पइ वार करइ बरे हथवा उठइहीं। यहूदा क लोग यरूसलेम मँ जुद्ध करिहीं, मुला उ पचे सहर क चारिहुँ कइँती क रास्ट्रन स धन पइहीं। उ पचे बहोत जियादा सोना, चाँदी अउर ओढ़ना पइहीं।</verse>
				<verse number="14"></verse>
				<verse number="15"></verse>
				<verse number="16">अउर सबइ रास्ट्रन स बचा भवा कछू लोग जउन यरूसलेम क खिलाफ जुद्ध करइ अइहीं, हर बरिस उ पचे राजा क अराधना करइ बरे, सर्वसक्तीमान यहोवा क उपासना क करइ बरे जइहीं, कुटीर क त्यौहार मनावइ जाइहीं।</verse>
				<verse number="17">अउर अगर धरती क कउनो परिवार क लोग राजा क, सर्वसक्तीमान यहोवा क उपासना करइ यरूसलेम नाहीं जइहीं, तउ उ पचे बर्खा स बंचित होइ जाइहीं।</verse>
				<verse number="18">अउर जदि मिस्र क कउनो परिवार नाहीं उठिहीं अउर नाहीं आइहीं, तउ ओनका उहइ महामारी जउन यहोवा दूसर रास्ट्रन बरे भेजे रहा जउन कुटीर क त्यौहार मनावइ बरे नाहीं आवत रहा, कस्ट पहोंचाउब।</verse>
				<verse number="19">इ सज़ा मिस्र बरे होइहीं अउर इ सज़ा उ समूचइ रास्ट्र बरे जउन कुटीर क त्यौहार मनावइ नाहीं आइ।</verse>
				<verse number="20">उ दिना, “यहोवा बरे पवित्तर” घोड़ा क घंटियन पइ भी खुदा होइ। अउर यहोवा क मन्दिर पकावइ क बर्तन वेदी क समन्वा रखा भवा पियाला क समान होइ।</verse>
				<verse number="21">यहूदा अउ यरूसलेम क हर बर्तन सर्वसक्तीमान यहोवा बरे पवित्तर होइ। जउन कउनो बलिदान चढ़ावइ बरे आइ ओनमाँ स लेइ लेब अउर ओह मँ ही पकाउब्या। उ दिना, सर्वसक्तीमान यहोवा क मन्दिर कउनो बइपारी नाहीं होइ।</verse>
			</chapter>
		</book>
		<book number="39">
			<chapter number="1">
				<verse number="1">परमेस्सर क सँदेसा। इ सँदेसा यहोवा क अहइ। इ सँदेसा क मलाकी इस्राएल क दिहस।</verse>
				<verse number="2">यहोवा कहेस, “लोगो, मइँ तू पचन्स पिरेम करत हउँ।” मुला तू कह्या, “कइसे पता लागइ कि तू हम स पिरेम करत अहा?” यहोवा कहेस, “एसाव याकूब क भाई रहा। ठीक? मुला मइँ याकूब क चुनेउँ</verse>
				<verse number="3">अउर मइँ एसाव क अंगीकार नाहीं किहेउँ। मइँ एसाव क पहाड़ी प्रदेस क नस्ट किहेउँ। एसाव क देस नस्ट कीन्ह गवा अउर अब हुआँ सिरिफ जंगली कूकुर रहत हीं।”</verse>
				<verse number="4">संभव अहइ एदोम क लोग कहइँ, “हम पचे नस्ट कीन्ह गएन। मुला हम लोग वापस जाब अउर आपन सहरन क फुन बनाउब।” मुला सर्वसक्तीमान यहोवा कहत ह, “अगर उ पचे ओन सहरन क फुन बनावत हीं तउ मइँ ओनका फुन नस्ट करब।” लोग एदोम स कहब, दुट्ठ प्रदेस अउर लोग जेहसे यहोवा सदा बरे घिना करत रहेन।</verse>
				<verse number="5">हे लोगो, तू पचे इ सबइ लखब्या अउर कहब्या, “यहोवा इस्राएल स बाहेर भी समानित भएस ह।”</verse>
				<verse number="6">सर्वसक्तीमान यहोवा कहेस, “गदेलन आपन बाप क सम्मान करत हीं। नउकरन आपन सुआमियन क सम्मान करत हीं। मइँ तोहरे बाप क जइसा हउँ, किन्तु उ सम्मान कहाँ बाटइ जेका तोहका मोका देइ चाही? मइँ तोहार सुआमी हउँ, किन्तु उ सम्मान कहाँ बाटइ जेका तोहका मोका देइ चाही? यहोवा इ सबइ प्रस्न ओन याजकन स पूछेस जउन ओकरे नाउँ क अपमान किहेस। “मुला तू पचे कहत अहा, ‘हम पचे का कीन्ह ह, जउन परगट करत ह कि हम पचे तोहरे नाउँ क सम्मान नाहीं करत्या?’”</verse>
				<verse number="7">यहोवा कहेस, “तू पचे मोर वेदी पइ असुद्ध रोटी क भेंट चढ़ाइके मोर अपमान किहेस ह। “मुला तू पचे कहत अहा, ‘उ रोटी असुद्ध कइसे बाटइ?’” यहोवा कहेस, “तू पचे मोर वेदी क सम्मान नाहीं करत्या।</verse>
				<verse number="8">तू पचे आँधर जनावर बलि बरे लिआवत ह अउर इ गलत अहइ। तू पचे बलि बरे रोगी अउ बिकलांग जनावर लिआवत ह। इ गलत बाटइ। तू पचे आपन सासन करइवालन क ओग रोगी जनावरन क भेंट देइ क जलन करा। का उ एन जनावरन क भेंट क रूप मँ अंगीकार करी? नाहीं। उ ओन भेंटन क अंगीकार नाहीं करी।” सर्वसक्तीमान यहोवा इ सब कहत ह।</verse>
				<verse number="9">“याजक लोगो! तू पचन्क यहोवा स हमरे बरे नीक बना रहइ क पराथना करइ चाही। मुला उ तोहार पचन्क नाहीं सुनी अउर इ सारा दोख तोहार सबन्क अहइ।” सर्वसक्तीमान यहोवा इ सब कहेस।</verse>
				<verse number="10">“तोहका मोर मन्दिर क दुआरन क बन्द कइ देइ चाही रहा अउर मोरे वेदी पइ बेकार मँ, बलि क आगी क जराइ बन्द कइ देइ चाही रहा! काहेकि तउ मइँ तू लोगन स खुस नाहीं हउँ अउर न ही तोहार भेंट अंगीकार करब।” सर्वसक्तीमान यहोवा इ सब कहत ह।</verse>
				<verse number="11">“संसार मँ सब जगह लोग मोरे नाउँ क सम्मान करत हीं। संसार मँ सब जगह लोग मोरे बरे नीक भेंट लिआवत हीं। उ पचे अच्छी सुगन्धि मोरे बरे भेंट क रूप मँ बारत हीं। काहेकि मोर नाउँ ओन सबहिं लोगन बरे महत्व स भरा अहइ।” सर्वसक्तीमान यहोवा इ सब कहेस।</verse>
				<verse number="12">“मुला लोगो! तू पचे इ सब परगट करत अहा कि तू पचे मोरे नाउँ क सम्मान नाहीं करत्या। तू पचे कहत अहा कि यहोवा क वेदी पवित्तर नाहीं अहइ।</verse>
				<verse number="13">अउर तू पचे उ मेज स खइया क खाब पसंद नाहीं करत्या। तू पचे भोजन क सूँघत अहा अउर ओका खाइ स इनकार करत अहा कि इ बुरा अहइ। मुला इ फुरइ नाहीं। तू पचे रोगी, विकलांग अउ चोट खाए भए जनावर मोरे बरे लिआवत अहा। तू पचे रोगी जनावर क मोका बलि क रूप मँ भेंट करइ क जतन करत अहा। मुला मइँ तू पचन्स ओन रोगी जनावरन क अंगीकार नाहीं करब।</verse>
				<verse number="14">कछू लोग मोरे लगे नीक जनावर क बलि देइ क प्रतिग्या करत हीं। किन्तु उ पचे छिपे रूप स ओन नीक जनावरन क बदल देत हीं अउर मोका रोगी जनावर देत हीं। ओनकर संग बुरी बातन घटिहीं। मइँ महान राजा हउँ। संसार मँ सब जगह लोग मोर सम्मान करत हीं।” सर्वसक्तीमान यहोवा इ सब कहेस।</verse>
			</chapter>
			<chapter number="2">
				<verse number="1">“याजक लोगो! इ नेम तोहरे पचन्क बरे बाटइ। मोर सुना। जउन मइँ कहत हउँ ओह पइ धियान द्या। मोर नाउँ क सम्मान करा।</verse>
				<verse number="2">अगर तू पचे मोरे नाउँ क सम्मान नाहीं करत्या तउ तोहरे सबन्क संग बुरा घटित होइ। तू पचे आसीर्बाद देब्या, मुला उ पचे अभिसाप बनिहीं। मइँ बुरा घटइ क कराउब काहेकि तू पचे मोरे नाउँ क सम्मान नाहीं करब्या।” सर्वसक्तीमान यहोवा इ सब कहेस।</verse>
				<verse number="3">“लखा, मइँ तू पचन्क बंस मँ जनम लेइवालन क सजा देब। याजक लोगो, तू पचे पवित्तर दिनन क मोका बलि भेंट करत अहा। तू पचे गोबर अउ मरे जनावरन क अंतड़ियन क लेत अहा अउर ओन हीसंन क लोकाइ देत अहा। मुला मइँ ओन गोबर क तू पचन्क चेहरन पइ मलब अउर तू पचे एकरे संग लोकाइ दीन्ह जाब्या।</verse>
				<verse number="4">तब तू पचे समुझब्या कि तू पचन्क इ आदेस काहे देत हउँ? मइँ तू पचन्क इ सबइ बातन एह बरे बतावत हउँ कि लेवी क संग मोर वाचा चलत रही।” सर्वसक्तीमान यहोवा इ सब कहेस।</verse>
				<verse number="5">यहोवा कहेस, “मइँ इ वाचा लेवी क संग किहेउँ। मइँ ओका सान्ति स भरि जिन्नगी देइ क प्रतिग्या किहेउँ अउर मइँ ओका उ दिहेउँ। लेवी मोका सम्मान दिहेस। उ मोरे नाउँ क सम्मान दिहस।</verse>
				<verse number="6">लेवी सच्ची सिच्छा दिहस। लेवी लबार उपदेस नाहीं दिहस। लेवी ईमानदार अउ सान्ति चाहइवाला मनई रहा। लेवी मोर अनुसरण किहस अउर अनेक मनइयन क पाप करमन स बचाएस।</verse>
				<verse number="7">याजक क परमेस्सर क उपदेसन क जरूर जानइ चाही। लोगन क याजक क लगे परमेस्सर क उपदेसन सुनइ बरे जाइ क जोग्ग होइ चाही। याजक क लोगन बरे परमेस्सर क दूत होइ चाही।”</verse>
				<verse number="8">यहोवा कहेस, “याजक लोगो, तू पचे मोर अनुसरण करब तजि दिहा। तू पचे सिच्छन क उपयोग लोगन स बुरा करम करावइ बरे किहा। तू पचे लेवी क संग कीन्ह गए वाचा क भ्रस्ट किहा।” सर्वसक्तीमान यहोवा इ सब कहेस।</verse>
				<verse number="9">“काहेकि तू मोरे आदेसन क पालन नाहीं किहे अउर तू लोगन क बिस्सास स मोर नेम क सिच्छा नाहीं दिहेस एह बरे तू पचन्क बिना महत्व क बनाउब। लोग तोहार पचन्क सम्मान नाहीं करिहीं।”</verse>
				<verse number="10">हम सबइ क एक ही परमेस्सर अहइ। उहइ परमेस्सर हम सबन्क बनाएस। एह बरे लोग आपन भाइयन क ठगत हीं? उ सबइ लोग परगट करत हीं कि उ पचे वाचा क सम्मान नाहीं करतेन। उ पचे उ वाचा क सम्मान नाहीं करतेन जेका हमार पुरखन परमेस्सर क संग किहन।</verse>
				<verse number="11">यहूदा क लोग दूसर लोगन क ठगेन। यरूसलेम अउ इस्राएल क लोग खउफनाक काम किहन। यहूदा क निवासी लोग यहोवा क पवित्तर मंदिर क सम्मान नाहीं किहन। परमेस्सर उ जगह स पिरेम करत ह। यहूदा क लोग ओन बिदेसी मेहररूअन स बियाह किहन जउन लबार देवतन क पूजा करत रहिन।</verse>
				<verse number="12">यहोवा ओन लोगन क यहूदा क परिवार स दूर कइ देइ। उ सबइ लोग यहोवा क लगे भेंट लिआइ सकत हीं, मुला ओहसे कउनो मदद नाहीं मिली।</verse>
				<verse number="13">तू पचे रोइ सकत ह अउर यहोवा क वेदी क आँसुअन स ढाँकि सकत ह, मुला यहोवा तोहार सबन क भेंट अंगीकार नाहीं करी। यहोवा ओन चिजियन स खुस नाहीं होइ, जेनका तू पचे ओकरे लगे लिअउब्या।</verse>
				<verse number="14">तू पचे पूछत अहा, “हमार भेंटन यहोवा क जरिये अंगीकार काहे नाहीं कीन्ह जातिन?” काहेकि यहोवा तोहरे सबन्क बुरे करमन क लखेस, उ तोहरे सबन्क खिलाफ गवाह अहइ। उ लखेस कि तू पचे आपन पत्नियन बरे अविस्सासी रहा ह। तू पचे उ आपन पत्नी क संग तबहिं स ब्याहा अहा जब स तू पचे जवान भए रह्या। उ तोहार प्रेमिका रही। तब तू पचे आपुस मँ एक दूसर बरे किरिया खाए रहा। अउर उ तोहार पत्नी होइ गइ। मुला तू ओकरे बरे अबिस्सासी रहा ह।</verse>
				<verse number="15">परमेस्सर चाहत ह कि मनसेधू अउ मेहरारू एक बदन अउ एक आतिमा होइ जाइँ। काहे ताकि ओनकर गदेलन पवित्तर होइँ। एह बरे उ आध्यात्मिक एकता क रच्छा करा। आपन पत्नी क बिसस्साघाती जिन बना। उ तोहार पत्नी तब स अहइ जब स तू जवान भवा।</verse>
				<verse number="16">इस्राएल क परमेस्सर यहोवा कहत ह, “मइँ बियाह-विच्छेद स घिना करत हउँ। मइँ मनसेधुअन क क्रूर करमन स घिना करत हउँ। एह बरे आतिमा क एका क सुरच्छा करा। आपन पत्नी का धोखा जिन द्या।”</verse>
				<verse number="17">तू पचे गलत सिच्छा दिहा ह। अउर ओन गलत सिच्छन यहोवा क बहोत दुःखी किहन ह। तू पचे इ सिच्छा दिहा कि परमेस्सर ओनका पसंद करत ह जउन बुरे करम करत हीं। तू पचे कह्या कि परमेस्सर ओनका नीक लोग समुझत ह अउर तू पचे इ सिच्छा दिहा कि परमेस्सर लोगन क बुरा करम करइ बरे सजा नाहीं देत।</verse>
			</chapter>
			<chapter number="3">
				<verse number="1">सर्वसक्तीमान यहोवा कहत ह, “लखा, मइँ आपन दूत पठवत हउँ। उ मोरे बरे मारग तइयार करी। यहोवा जेकरी खोज मँ तू पचे अहा, उ एकाएक आपन मंदिर मँ आइ। वाचा क सँदेसा लेवइया फुरइ आवत बा!</verse>
				<verse number="2">“कउनो मनई उ समइ बरे तइयारी नाहीं कइ सकत। कउनो मनई ओकरे खिलाफ खड़ा नाहीं होइ सकत, जब उ आइ। उ बरत आगी क नाई होइ। उ बढ़िया रेह क तरह होइ जेका लोग चिजियन क स्वच्छ करइ उपयोग मँ बइपरत हीं।</verse>
				<verse number="3">उ लेवीबंस क संतानन क पवित्तर करी। उ ओनका अइसे सुद्ध करी जइसे आगी चाँदी क सुद्ध करत ह। उ ओनका सुद्ध सोना अउ चाँदी क समान बनाइ। तब उ पचे यहोवा क भेंट लइहीं अउर उ पचे ओन करमन क ठीक तरिके स करिहीं।</verse>
				<verse number="4">तब यहोवा यहूदा अउ यरूसलेम मँ भेंटन क अंगीकार करी। इ बीते काल क समान रही। इ पुरान लम्बा समइ क तरह होइ।</verse>
				<verse number="5">तब मइँ तोहरे लगे निआव बरे आउब। मइँ उ गवाह क तरह होब जउन लोगन क जरिये कीन्ह गए बुरे करमन क बारे मँ निआव क जज स कहत ह। कछू लोग बुरा जादू करत हीं। कछू लोग बिभिचार क पाप करत हीं। कछू लोग झूठी प्रतिग्यन करत हीं। कछू लोग आप मजदूरन क उगत हीं। उ पचे आपन वाचा क कीन्ह गइ रकम नाहीं देतेन। कछू लोग विधवा अउरत अउर अनाथन क मदद नाहीं करतेन। कछू लोग बिदेसियन क मदद नाहीं करतेन। कछू लोग मोसे नाहीं डरतेन अउर मोर सम्मान नाहीं करतेन।” सर्वसक्तीमान यहोवा इ सब कहेस।</verse>
				<verse number="6">“मइँ यहोवा हउँ, अउर मइँ बदलत नाहीं। तू पचे याकूब क सन्तान अहा। सिरिफ मोर बिस्सासहीनता क कारण तू पचे पूरी तरह स नस्ट नाहीं कीन्ह जात्या।</verse>
				<verse number="7">मुला तू पचे मोरे नियमन क कबहुँ अनुपालन नाहीं किह्या। हिआँ तक कि तोहार सबन्क पुरखन मोर अनुसरण करब बंद कइ दिहन। मोरे लगे वापस लउटा अउर मइँ तोहरे पचन्क लगे वापस लउटब।” सर्वसक्तीमान यहोवा इ सब कहेस। “तू पचे कहत अहा, ‘हम पचे वापिस कइसे लउटि सकित ह’</verse>
				<verse number="8">“परमेस्सर क लूटब बंद करा। लोगन्क परमेस्सर क चिजियन नाहीं चोरावइ चाही! “‘मुला तू पचे मोर चिजियन चोराया?’ “तू पचन्क मोका आपन चिजियन क दसवाँ हींसा देइ चाही रहा। तू पचन्क मोका खास भेंट देइ चाही रही। मुला तू पचे उ सबइ चिजियन मोका नाहीं दिहा।</verse>
				<verse number="9">इ तरह तोहार पचन्क समूचा रास्ट्र मोर चिजियन क चोराएस ह। ऍहसे तू पचन्क समूचा रास्ट्र मोर चिजियन क चोराएस ह। ऍहसे बुरी सबइ घटना तू पचन्क संग घटति अहइँ।” सर्वसक्तीमान यहोवा इ सबइ कहत ह।</verse>
				<verse number="10">सर्वसक्तीमान यहोवा कहत ह, “इ परीच्छा क जाँचा। आपन चिजियन क दसवाँ हींसा मोका लिआवा। ओन चिजियन क खजाने मँ रखा। मोरे घरे खइया क लिआवा। एहका परखिके तउ लखा। तू पचे अगर ओन करमन क करब्या तउ मइँ, फुरइ ही, तू पचन्क आसीर्बाद देब। तू पचन्क लगे नीक चिजियन वइसे ही होइ जइहीं जइसे गगन स बर्खा होत ह। तू पचे हर चीज जरूरत स जियादा पउब्या।</verse>
				<verse number="11">मइँ कीड़न क तू पचन्क फसलन क नस्ट नाहीं करइ देब। तोहरे पचन्क अंगूरे क सबहिं बेलन अंगूर पइदा करिहीं।” सर्वसक्तीमान यहोवा इ सबइ कहत ह।</verse>
				<verse number="12">“दूसर रास्ट्रन क लोग तू पचन्क बरे भले रइहीं। तोहार सबन्क देस फुरइ अचरजे स भरा देस होइ।” सर्वसक्तीमान यहोवा इ सबइ कहत ह।</verse>
				<verse number="13">यहोवा कहत ह, “तू पचे मोहसे ओछी बातन कहया।” मुला तू पचे पूछत अहा, “हम पचे तोहरे बारे मँ का कहा?”</verse>
				<verse number="14">तू पचे कह्या, “यहोवा क उपासना बेकार अहइ। हम पचे उ सबइ करम किहेन जउन यहोवा करइ क कहेस, मुला हम लोगन्क कछू नाहीं मिला। हम पचे आपन पापन बरे वइसे ही दुःखी रहेन जइसे मइयत मँ रोवत लोग। मुला एहसे कछू काम नाहीं निकरा।</verse>
				<verse number="15">हम समुझत रहेन कि घमंडी लोग सुखी रहत हीं। दुस्ट लोग सफल होत हीं। उ पचे परमेस्सर क धीरज क परीच्छा करइ बरे बुरे करम करत हीं, अउर परमेस्सर ओनका सजा नाहीं देत।”</verse>
				<verse number="16">उ लोगन क बीच मँ जउन ओकरे नाउँ क सम्मान किहेन आपुस मँ बतियानेन अउर यहोवा ओनका सुनेन। ओकरे समन्वा एक पुस्तक अहइ। उ किताबे म उ लोगन क नाउँ अहइ जउन यहोवा क नाउँ क सम्मान करत हीं।</verse>
				<verse number="17">यहोवा कहेस, “उ सबइ लोग मोर अहइँ। मइँ ओन पइ कृपालु रहब। मनई आपन ओन लरिकन पइ जियादा कृपालु रहत ह जउन ओकर आग्याकारी होत हीं। उहइ तरह मइँ आपन मनवइयन पइ कृपालु रहब।</verse>
				<verse number="18">हे लोगो, तू पचे मोरे निअरे वापिस लउटब्या अउर तू पचे नीक लोगन अउ बुरे लोगन क फरक जानब्या। तू पचे परमेस्सर क लोगन अउर दूसर लोगन क बीच क फरक समुझब्या।</verse>
			</chapter>
			<chapter number="4">
				<verse number="1">“निआव क समइ आवत ह। इ गरम भट्ठी जइसा होइ। सबहिं घमण्डी मनई उ समइ सजा पइहीं। उ पचे सबहिं बुरा करम करइवाले लोग सूखी घास क तरह बरिहीं। उ पचे उ पेड़ क जइसा बरत होइहीं, जउन सिखर स ठुँठ तलक बिना कछू छोड़े बारत हीं” सर्वसक्तीमान यहोवा इ सब कहेस।</verse>
				<verse number="2">“मुला, तू सबइ जउन मोर नाउँ क सम्मान किहेस ह, तू पचन पइ अच्छाई उदय होत भए सूरज क तरह चमकी। इ सूरज क किरणन क तरह तन्दुरुस्ती लिआब्या। तू पचे अइसे ही अजाद अउ खुस होब्या जइसे अपने थान स अजाद भए बछवन।</verse>
				<verse number="3">तब तू पचे ओन बुरे लोगन्क कुचरि डउब्या, उ पचे तोहरे सबन क गोड़े क नीचे राखी जइसे होइहीं। मइँ निआव क समइ इ सबइ घटना क घटित कराउब।” सर्वसक्तीमान यहोवा इ सब कहेस।</verse>
				<verse number="4">“मूसा क व्यवस्था क सुमिरा अउर अनुपालन करा। मूसा मोर सेवक रहा। मइँ होरेब पर्वते पइ ओन कानूनन अउ नेमन क ओका दिहेउँ। उ सबइ नेम इस्राएल क सबहिं लोगन बरे अहइँ।”</verse>
				<verse number="5">यहोवा कहेस, “लखा, मइँ नबी एलिय्याह क तोहरे लगे पठउब। उ यहोवा क हिआँ स उ महान अउ खउफनाक निआव क समइ स पहिले आइ।</verse>
				<verse number="6">एलिय्याह महतारी-बाप अउर गदेलन क बीच पुन: रिस्ता कायम करी। वरना, मइँ, परमेस्सर आउब अउर तोहरे सबन क देस क पूरी तरह नस्ट करब।”</verse>
			</chapter>
		</book>
	</testament>
	<testament name="New">
		<book number="40">
			<chapter number="1">
				<verse number="1">इ ईसू मसीह क बंसज बृच्छ अहइ। इब्राहीम क बंसज दाऊद क पूत ईसू मसीह अहइ।</verse>
				<verse number="2">इब्राहीम क बेटवा इसहाक। इसहाक क बेटवा याकूब। याकूब क बेटवन यहूदा अउर ओकर भाइयन।</verse>
				<verse number="3">यहूदा क बेटवन फिरिस अउर जोरह। (ओनकर महतारी तामार।) फिरिस बेटवा हिस्रोन। हिस्रोन बेटवा एराम।</verse>
				<verse number="4">एराम क बेटवा अम्मीनादाब। अम्मीनादाब क बेटवा नहसोन। नहसोन क बेटवा सलमोन।</verse>
				<verse number="5">सलमोन क बेटवा बोअज। (बोअज की महतारी राहब।) बोअज क बेटवा ओबेद। (ओबेद की महतारी रूथ।) ओबेद क बेटवा यिसै।</verse>
				<verse number="6">यिसै क बेटवा दाऊद राजा। दाऊद क बेटवा सुलैमान। (सुलैमान की महतारी उरिय्याह क पत्नी।)</verse>
				<verse number="7">सुलैमान क बेटवा रहबाम। रहबाम क बेटवा अबिय्याह। अबिय्याह क बेटवा आसा।</verse>
				<verse number="8">आसा क बेटवा यहोसाफात। यहोसाफात क बेटवा योराम। योराम क बेटवा उज्जियाह।</verse>
				<verse number="9">उज्जियाह क बेटवा योताम। योताम क बेटवा आहाज। आहाज क बेटवा हिजकियाह।</verse>
				<verse number="10">हिजकियाह क बेटवा मनस्से। मनस्से क बेटवा आमोन। आमोन क बेटवा योसिय्याह।</verse>
				<verse number="11">योसिय्याह क बेटवन यकुन्याह अउर ओकर भाइयन। (इस्राएल क मनइयन क कइदी बनाइ के बेबीलोनलइ जात क समइउ दुइनउँ जनमेन।)</verse>
				<verse number="12">बेबीलोन मँ लइ जाए क पाछे: यकुन्याह क बेटवा सालतिएल। सालतिएल क बेटवा जरुब्बाबिल।</verse>
				<verse number="13">जरुब्बाबिल क बेटवा अबीहूद। अबीहूद क बेटवा इल्याकीम। इल्याकीम क बेटवा अजोर।</verse>
				<verse number="14">अजोर क बेटवा सदोक। सदोक क बेटवा अखीम। अखीम क बेटवा इलीहूद।</verse>
				<verse number="15">इलीहूद क बेटवा एलीआजर। एलीआजर क बेटवा मत्तान। मत्तान क बेटवा याकूब।</verse>
				<verse number="16">याकूब क बेटवा यूसुफ। यूसुफ मरियम क पति। ईसू क महतारी मरियम। ईसू मसीह कहा गवा।</verse>
				<verse number="17">इ तहर इब्राहीम स दाऊद ताई चउदह पीढ़ी बीत गइन। अउर दाऊद स लइके कइदी बनाइके बेबीलोन पठए जाइ तलक चउदह पीढ़ी। अउर कइदी बनाइ के बेबीलोन पठए जाइ स मसीह क जनम ताईं चउदह पीढ़ी अउर भइन।</verse>
				<verse number="18">ईसू मसीह क जनम इ तरह भवा: जब ओकर महतारी मरियम क यूसुफ क साथ बरिच्छा भइ तउ बियाहे स पहिले ही पता लगि गवा कि उ पवित्तर आतिमा क सक्ति स ओकर गोड़ भारी होइ ग।</verse>
				<verse number="19">मुला होइवाला ओकर भतार यूसुफ एक ठु बढ़िया मनई रहा। उ इ बात क खोलिके बतावइ स बदनाम नाहीं होइ चाहत रहा। तउ उ मने मँ ठान लिहेस कि उ बरिच्छा क चुप्पे स पक्का न होइ दे।</verse>
				<verse number="20">फिन जबहिं उ इ बारे मँ सोचत रहा कि उ सपने मँ आपन समन्वा पर्भू क दूत परगट होत ओसे कहेस, “हे यूसुफ, दाऊद क बेटवा, मरियम क पत्नी बनवइ स जिन डेरआ काहेकि जउन बचवा ओकरे गरभ मँ अहइ, उ पवित्तर आतिमा क अहइ।</verse>
				<verse number="21">उ एक पूत क जनमी। तू ओकर नाउँ ईसू धार्‌या काहेकि उ आपन मनइयन क पापन स उद्धार देई।”</verse>
				<verse number="22">इ सब कछू इ बरे भवा ह कि पर्भू नबी स जउन कछू कहवाएस, पूरा होइ:</verse>
				<verse number="23">“सुना, कुँआरी कन्या गोड़े स भारी होइके एक बेटवा क जनमी। ओकर नाउँ इम्मानुएल रक्खा जाई।” (जेकर अरथ अहइ, “परमेस्सर हमरे लगे बाटइ।”)</verse>
				<verse number="24">जब यूसुफ नींदे स जागि गवा तउ उ उहइ किहेस जउन जेका करइ क पर्भू क दूत ओका हुकुम दिहेस। उ मरियम क बियाही के आपन घरे लइ आइ।</verse>
				<verse number="25">मुला उ जब ताईं उ पूत क जनम नाहीं दिहेस तब ताईं यूसुफ ओकरे लगे सोएस नाहीं। यूसुफ बेटवा क नाउँ ईसू राखेस।</verse>
			</chapter>
			<chapter number="2">
				<verse number="1">यहूदिया क बैतलेहम मँ अब ईसू क जनम भवा तबहिं हेरेदेस राज्य करत रहा। कछू समइ बीत जाइ क पाछे कछू विद्वान जउन नछत्रन क बारे मँ पढ़त रहेन पूरब स यरूसलेम आएन।</verse>
				<verse number="2">उ पचे पूछेन, “नवा पइदा भवा बचवा कहाँ बाटइ जउन यहूदियन क राजा अहइ? हम ओकर नछत्र क अकासे मँ देखा ह। एह बरे हम पूछत अही। हम पचे ओकर आराधना करइ आइ अही।”</verse>
				<verse number="3">जबहिं राजा हेरोदेस इ सुनेस तउ उ बहोतइ बेचइन भवा। ओकरे साथे यरूसलेम क सब मनइयम फिकिर करइ लागेन।</verse>
				<verse number="4">तउ उ यहूदी समाज सब मुख्य याजकन अउर धरम सास्तिरियन क ऍकट्ठा कइके उ पचेन स पूछेस कि मसीह क जनम कहाँ होइ क अहइ?</verse>
				<verse number="5">उ पचे ओका बताएन, “यहूदीया क बैतलहम मँ काहेकि नबी पवित्तर सास्तरन मँ इ तरह लिखा बाटइ:</verse>
				<verse number="6">‘ओ यहूदा क धरती प टिका अहा बैतलेम, तू यहूदा क अधिकारियन मँ कउनो तरह स छोट नाहीं काहेकि तोसे एक ठु राजा परगट होई जउन मोरे मनइनयम, इस्राएल क देखभाल करी।’”</verse>
				<verse number="7">तब हेरोदेस तारा गियान क पण्डितन क बोलाएस अउर ओनसे पूछेस, कि उ तारा ठीक समइ प कब देखॅाइ पड़ा?</verse>
				<verse number="8">फिन उ ओनका बैतलहम पठएस अउर कहेस, “जा, उ बचवा क बारे मँ नीक नीक पता लगावा अउर जब उ तू पचेन क मिलि जाइ तउ मोका बतावा जेहबरे मइँ भी आइके ओकर आराधना कइ सकउँ।”</verse>
				<verse number="9">फिन उ पचे राजा क बात सुनिके चल दिहेन। उ तारा जेका उ पचे अकासे मँ निकरा निहारे रहेन उ ओनके अगवा अगवा तब तलक गवा जब तलक उ ठउर पइ पहुँच नाहीं गएन जहाँ उ बचवा रहा।</verse>
				<verse number="10">जब उ पचे तारा क देखेन तउ उ सबइ आनंद स झूमि उठेन।</verse>
				<verse number="11">उ सबइ उ पचे घरवा क भीतर गएन अउर बचवा क अउर ओकरी महतारी मरियम क संग दरसन किहन। उ पचे सास्टांग दण्डवत करेन अउर ओकर आराधना करेन। फिन आपन कीमती चीजन्क पिटारी स सोना, लोहबान अउर इत्र क भेंट चढ़ाएन।</verse>
				<verse number="12">मुला परमेस्सर ओनका सपने मँ होसियार कइ दिहस कि उ पचे हेरोदेस क पास लौटि क न जाइँ। तउ उ सबइ एक दुसरे राहे स आपन देस लौट गएन।</verse>
				<verse number="13">जब उ पचे चल दिहन तउ यूसुफ क सपने मँ पर्भू क दूत परगट होइके कहेस, “उठा, बचवा क अउर ओकर महतारी क चुप्पे स लइके मिस्र भागि जा। जब ताई मइँ तोसे न कहउँ, हुवाँ ठहर्‌या। काहेकि हेरोदेस इ बचवा क जान स मरवावई बरे खोजी।”</verse>
				<verse number="14">तउ यूसुफ खड़ा भवा अउर बचवा अउर ओकर महतारी क रातोरात मिस्र क बरे चलि पड़ा।</verse>
				<verse number="15">फिन हुवाँ हेरोदेस क मउत तलक रुकि गवा। इ एह बरे भवा कि पर्भू जउन नबी स कहवाए रहा, उ पूरा होइ जाइ, “मइँ आपन पूत क मिस्र स बाहेर आवइ बरे कहेउँ।”</verse>
				<verse number="16">हेरोदेस जबहिं इ देखेस कि तारा गियानी ओकरे संग इ चाल चलेन ह, तउ उ बहोत गुस्साइ गवा। जइसा तारा गियान क पण्डितन क बताइ भए क अनुसार उ हुकुम दिहस कि बैतलहम अउर ओकरे नगिचे क पहँटा मँ दुइ साल या एसे छोटवार लरिकन क जान स मरिवाइ दीन्ह जाइ।</verse>
				<verse number="17">नबी यिर्मयाह क कहा भवा बचन पूरा होइ ग:</verse>
				<verse number="18">“रामाह मँ दुःख भरा सब्द सुना गवा, रोवइ अउर विलपइ क सुना। राहेल रोवत रही आपन बचवन बरे उ नाहीं चाहेस कि कउनो धीरा धखावइ काहेकि ओकर सबइ बचवन मरि गवा रहेन।”</verse>
				<verse number="19">फिन हेरोदेस क मउत क पाछे मिस्र मँ यूसुफ क सपन आवा ओहमाँ पर्भू क एक ठु दूत परगट भवा।</verse>
				<verse number="20">अउर सरगदूत ओसे कहेस, “उठि जा, बचवा अउर ओकर महतारी क लइके इस्राएल क धरती प जा काहेकि जउन बचवा क मार डावइ चाहत रहेन उ सबइ मर बिलाइ गएन।”</verse>
				<verse number="21">तब यूसुफ उठि गवा अउर बचवा अउर ओकर महतारी क लइके इस्राएल गवा।</verse>
				<verse number="22">मुला यूसुफ जब इ सुनेस कि यहूदिया प आपन बाप हेरोदेस क जगह प अरखिलाउस राज्य करत अहइ तउ उ हुवाँ जाइ स डेराइ गवा। किन्तु सपने मँ परमेस्सर स हुकुम मिले क पाछे उ गलील पहँटा बरे चल दिहस</verse>
				<verse number="23">अउर हुवाँ नासरत नाउँ क नगर मँ घर बनाइके रहइ लाग; एह बरे नबियन क कहा भवा बचन पूरा होइ जाइ, “उ नासरी” कहा जाइ।</verse>
			</chapter>
			<chapter number="3">
				<verse number="1">उ दिनन बपतिस्मा देइवाला यूहन्ना यहूदिया क बियाबान उसरे मँ उपदेस देत भवा हुवाँ आवा।</verse>
				<verse number="2">उ इ प्रचार करइ लाग, “मन फिरावा काहेकि सरग क राज्य जल्दी आवइ क अहइ।”</verse>
				<verse number="3">इ उहइ यूहन्ना बाटइ जेकरे बारे मँ नबी यसायाह बात बतावत कहेस ह: “उसरे मँ एक पुकारैवाला क सब्द अहइ: ‘पर्भू बरे रास्ता तइयार करा अउर ओकरे बरे सोझ रस्ता बनवा।’”</verse>
				<verse number="4">यूहन्ना क ओढ़ना ऊँटे क ऊन स बना रहा अउर करिहाउँ प चमड़ा क पेटी बाँधे रहा। ओकर खइया क टिड्डन अउर जंगली सहद रहा।</verse>
				<verse number="5">उ समइ यरूसलेम, समूचा यहूदिया छेत्र अउर यरदन नदी क नगिचे मनई ओकरे लगे ओका सुनइ ऍकट्ठा भएन।</verse>
				<verse number="6">उ पचे आपन पापन्क कबूलेन्ह अउर यरदन नदी मँ ओकरे जरिये बपतिस्मा दीन्ह गवा।</verse>
				<verse number="7">जब उ लखेस कि ढेर फरीसियन अउर सदूकियन ओकरे लगे बपतिस्मा लेइ आवत अहइँ तउ उ ओनसे कहेस, “ओ सरप क बच्चा लोग! तू पचन क कउन चिताउनी दिहस ह कि परमेस्सर क होइवाला किरोध स बच जा?</verse>
				<verse number="8">तोहका इ बात क प्रमान देइ पड़ी कि तू पचे फुरे फुरे मनफिराया ह।</verse>
				<verse number="9">अउर इ जिन सोचा कि खुद अपने स कहे बिना इ बात काफी होइ जाई, ‘हम पचे इब्राहीम क संतान अही’। मइँ तोसे कहत हउँ कि परमेस्सर इब्राहीम बरे इ पथरन स बचवन क पइदा कइ सकत ह।</verse>
				<verse number="10">बृच्छन क जरे प कुल्हाड़ा रखा बाटइ अउर हर एक बृच्छ जउन फर पइदा नाहीं करतेन, उ काटिके गिराइ दीन्ह जइहीं; अउर फिन कोका आडी मँ झोंकि दीन्ह जाई।</verse>
				<verse number="11">“मइँ तउ तू पचन क तोहरे मनफिराव बरे पानी स बपतिस्मा देत हउँ; मुला उ जउन मोरे पाछे आवइवाला अहइ उ मोसे जियादा बरिआर अहइ। मइँ तउ ओकर पनही खोलइ क जोग्ग नाहीं। उ तू पचन क पवित्तर आतिमा अउर आगी स बपतिस्मा देइ।</verse>
				<verse number="12">ओकरे हाथ मँ सूप अहइ, जेहसे उ अनाजे क भूसा स अलग करी। अपने खरिहाने स उ साफ कीन्ह अनाजे क उठाइ क, ऍकट्ठा कइके कोठिला मँ भरि देइ अउर भूसा क अइसी आगी मँ नाइ दीन्ह जाई कि बुझाए प न बुझी।”</verse>
				<verse number="13">उ समइ ईसू गलील स चलिके यरदन क किनारे यूहन्ना क नगिचे ओसे बपतिस्मा लेइ बरे आवा।</verse>
				<verse number="14">मुला यूहन्ना ईसू क निर्नय बदले क जतन करत कहेस, “मोका तउ खुद तोसे बपतिस्मा लेइ क दरकार अहइ फिन तू काहे मोरे नगिचे आया ह।”</verse>
				<verse number="15">ईसू जवाबे मँ ओसे कहेस, “अबाहिन तउ ऍका अइसे होइ द्या। जउन परमेस्सर चाहत अहइ, हमका उ पूरा करब नीक बाटइ।” फिन उ वइसे होइ दिहस।</verse>
				<verse number="16">अउर तबहिं ईसू बपतिस्मा लइ लिहस। जइसे उ पानी स बाहेर आवा, अकास खुलि गवा। उ परमेस्सर क आतिमा क एक ठु कबूतरे क नाईं खाले उतरत अउर ऊपर आवत देखेस।</verse>
				<verse number="17">तबहिन अकासवाणी भइ: “इ मोर पिआरा पूत अहइ। जेसे मइ खूब खुस हउँ।”</verse>
			</chapter>
			<chapter number="4">
				<verse number="1">फिन आतिमा ईसू क उसरे मँ लइ गइ, काहेकि सइतान क जारिये ओका परखा जाइ सकइ।</verse>
				<verse number="2">चालीस दिन अउर चालीस रात भुखिया क पाछे जब ओका भूख तड़पावइ लाग।</verse>
				<verse number="3">तउ ओका ललचावइ वाला ओकरे लगे आवा अउर कहेस, “जदि तू परमेस्सर क पूत बाट्या तउ इ सबइ पथरन स कहा कि इ सब रोटी बन जाईं।”</verse>
				<verse number="4">ईसू जवाब दिहस, “पवित्तर सास्तरन मँ लिखा वाटइ: ‘मनई सिरिफ रोटी स नाहीं जिअत मुला उ हर एक सब्द स जिअत ह जउन परमेस्सर क मुँहे स निकरत ह।’”</verse>
				<verse number="5">फिन सइतान ओका यरूसलेम क पवित्तर सहर मँ लइ गवा। हुआँ मंदिर क सब स ऊँचे बुर्ज प खड़ा होइके</verse>
				<verse number="6">उ ओसे कहेस, “जदि तू परमेस्सर क पूत बाट्या, तउ नीचे कूदि जा काहेकि पवित्तर सास्तरन मँ लिखा बाटइ: ‘उ तोहरे रखवारी बरे आपन दूतन क हुकुम देइ अउर उ पचे तोहका हाथन स उठाइहीं जेह बरे तोहरे गोड़े मँ कउनो पाथर ताईं न लगई।’”</verse>
				<verse number="7">ईसू जवाब दिहेस, “मुला पवित्तर सास्तरन इहइ कहत ह, ‘अपने पर्भू परमेस्सर क परीच्छा मँ जिन डावा।’”</verse>
				<verse number="8">फिन सइतान ईसू क बहुतइ ऊँच पहाड़े प लइ गवा। अउर ओका इ संसार क सब राज्य अउर ओनकइ माया वैभव देखाएस।</verse>
				<verse number="9">सइतान तब ओसे कहेस, “इ सब चीजन्क मइँ तोहका दइ देब जदि तू मोरे अगवा दण्डवत करा अउर मोर आराधना करा।”</verse>
				<verse number="10">फिन ईसू ओसे कहेस, “सइतान! दूर होइ जा। पवित्तर सास्त्र कहत ह: ‘आपन पर्भू परमेस्सर क आराधना अउर सिरिफ ओकर सेवा करा।’”</verse>
				<verse number="11">फिन सइतान ओका छाँड़ि के चला गवा। अउर सरगदूतन आइके ओकर सेवा करइ लागेन।</verse>
				<verse number="12">जब ईसू सुनेस कि यूहन्ना पकड़ लीन्ह गवा ह, तउ उ गलील लौटि आवा।</verse>
				<verse number="13">मुला उ नासरत मँ नाहीं रुका अउर जाइके कफरनहूम मँ रहइ लाग जउन जबूलून अउर नप्ताली क पहटा मँ गलील झीले के नगिचे रहा।</verse>
				<verse number="14">इ एह बरे भवा कि परमेस्सर क नबी यसायाह जउन कहेस ह, उ पूरा होइ जाइ:</verse>
				<verse number="15">“जबूलून अउर नप्ताली क देस सागर क राहे प, यरदन नदी क पच्छिम मँ गैर यहूदियन क देस गलील मँ</verse>
				<verse number="16">जउन मनई आँधियारे मँ जिअत रहेन उ सबइ एक भारी जोति देखेन अउर जउन मउत क परिछाइँ क देस मँ रहत रहेन, ओन प ज्योति क भिन्सारे क रोसनी फैलि गइ।”</verse>
				<verse number="17">उ समई स ईसू सुसमाचार क प्रचार सुरू कइ दिहस, “मनफिराव करा काहेकि सरगे क राज्य नगिचे बाटइ।”</verse>
				<verse number="18">जब ईसू गलील झिलिया क नगिचे स जात रहा, उ दुइनउँ भाइयन क निहारेस समौन (जउन पतरस कहा गवा।) अउर ओकर भाइ आन्द्रियास। उ पचे झिलिया मँ जाल डारत रहेन। उ पचे मछुवारा रहेन।</verse>
				<verse number="19">ईसू ओनसे कहेस, “मोरे पाछे आवा, मइँ तोहका सिखाउब कि लोगन्क बरे मछरी पकड़इ क बजाय मनई रूप मँ मछरी कइसे बटोरी जात हीं?”</verse>
				<verse number="20">उ सबइ तुरतहिं आपन जाल छाँड़ि दिहन अउर ओकरे पाछे होइ गएन।</verse>
				<verse number="21">फिन उ हुवाँ स आगे चला गवा। उ देखेस कि जब्दी क बेटवा याकूब अउर ओकर भाई यूहन्ना आपन बाप क संग नाउँ मँ बैठिके आपन जालन्क मरम्मत करत रहेन। ईसू ओनका बोलाएस।</verse>
				<verse number="22">अउर उ पचे फउरन नाउ अउर बाप क छाँड़िके ओकरे पाछे चल दिहन।</verse>
				<verse number="23">ईसू समुच्चइ गलील पहँटा मँ यहूदी आराधनालय मँ सरगे क राज्य क सुसमाचार क उपदेस देत अउर हर तरह के बेरामी अउर घोर कस्टन क दूर करत घूमइ लाग।</verse>
				<verse number="24">समुच्चइ सीरिया देस मँ ओकरे बारे मँ खबर संचर गइ। यह बरे लोग अइसे मनइयन जउन खुब बेरमिया रहेन या जउन तरह के बेरामी अउर भारी बेदनन स पीड़ित रहेन। जेह प दुस्ट आतिमान सवार रहीं जेका मिर्गी आवत रही अउर जउन सुखंडी रहेन, ओनका ओकर पास लिआवइ लागेन। ईसू ओनका चंगा किहेस।</verse>
				<verse number="25">एह बरे गलील, दिकापुलिस, यरूसलेम, यहूदिया अउर यरदन नदी क उ पार मनइयन क भारी भीड़ पाछे पाछे होइ लाग।</verse>
			</chapter>
			<chapter number="5">
				<verse number="1">ईसू जब भारी भीड़ देखेस उ एक पहाड़े प चला गवा। हुवाँ उ बैठि गवा अउर ओकर चेलन ओकरे नगिचे आएन।</verse>
				<verse number="2">तबहिं ईसू उपदेस देत भवा कहेस:</verse>
				<verse number="3">“धन्य अहइँ उ पचे जउन दीन अहइँ, काहेकि सरगे क राज्य अहइ ओनके बरे।</verse>
				<verse number="4">धन्य अहइँ उ सबइ जउन सोक करत हीं काहेकि परमेस्सर ओनका धीरज बँधावत ह।</verse>
				<verse number="5">धन्य अहइँ उ सबइ जउन नम्र अहइँ काहेकि इ धरती ओनही क अहइ।</verse>
				<verse number="6">धन्य अहइँ उ सबइ जउन नीति क बरे भूखा अउर पियासा जउन रहत ही। काहेकि परमेस्सर ओनका संतोस देइ, अउर तृप्ति देइ।</verse>
				<verse number="7">धन्य अहइँ जउन दयालु अहइँ काहेकि ओन पइ अकास स दया बरसी।</verse>
				<verse number="8">धन्य अहइँ जउन हिरदय स सुद्ध अहइँ काहेकि उ सबइ परमेस्सर क दरसन करिहीं।</verse>
				<verse number="9">धन्य अहइँ जउन सान्ति बरे काम काज करत हीं काहेकि उ सबइ परमेस्सर क पूत कहा जइहीं।</verse>
				<verse number="10">धन्य अहइँ जउन धर्म क कारण सतावा जात हीं काहेकि सरगे क राज्य ओनही क अहइ।</verse>
				<verse number="11">“अउर तू पचे धन्य अहा काहेकि जब लोग तोहका पचन्क बेज्जत करइँ, तोहका पचन्क सतावइँ अउर मोरे बरे तोहरे खिलाफ सब प्रकार क झूठी बातन कहइँ बस एह बरे तू सबइ मोर मनवइया अहा।</verse>
				<verse number="12">तब तू सबइ खुस रह्या, आनन्द मँ रह्या, काहेकि सरगे मँ तोहका पचन्क एकरे बरे अच्छा होई। इ वइसे ही बाटइ जइसे तोहरे पहिले क नबियन क मनइयन सताएन ह।</verse>
				<verse number="13">“तू सबइ समुच्चइ मानवता बरे नमक अहा। मुला जदि नोन नोनखार न होइ तउ ओका फिन नोन कइसे बनाइ जाइ सकत ह। उ फिन कउनो कामे क न रही। सिरिफ एह बरे कि ओका मनई क गोड़वा तले फेंक दीन्ह जाइ।</verse>
				<verse number="14">“तू संसार क प्रकास अहा। एक ठु अइसा सहर जउन पहाड़े क चोटी प बसा अहइ, उ छिपाए स छिप नाहीं सकत।</verse>
				<verse number="15">लोग दिया बारि के ओका बाल्टी तले नाहीं रखतेन मुला ओका डीबट प धइ देत हीं। अउर उ घरे क सब मनइयन क प्रकास देत ह।</verse>
				<verse number="16">मनई क समन्वा तोहार प्रकास अइसा चमकइ कि उ पचे तोहरे नीक कामन्क निहारइँ अउर सरगे मँ बइठा भवा तोहरे परमपिता क महिमा बखानइ।”</verse>
				<verse number="17">“इ जिन सोचा कि मइँ मूसा क व्यवस्था या नबियन क लिखा भवा क नस्ट करइ आइ हउँ। मइँ ओन सबन्क नस्ट करइ नाहीं आइ हउँ मुला ओनके पूरा पूरा अरथ क समझावइ आइ अहउँ।</verse>
				<verse number="18">मइँ तोहसे सच कहत हउँ कि जब ताईं इ धरती अउर अकास नस्ट नाहीं होइ जातेन, व्यवस्था क एक एक सब्द अउर एक एक अच्छर बना रही, उ तब ताईं बना रही जब ताईं उ पूरा नाहीं होइ जात।</verse>
				<verse number="19">“एह बरे जउन एन हुकुमन स इ छोटवार स छोटवार हुकुमन क तोड़त ह अउर लोगन्क वइसा ही करइ सिखावत ह, उ सरगे क राज्य मँ कउनो का बड़कई न पाई। मुला जउन ओह पइ चलत ह अउ दूसरन मनइनयन क ओनपइ चलइ क उपदेस देत ह, उ सरगे क राज्य मँ बड़क्का समुझा जाई।</verse>
				<verse number="20">मइँ तोहसे सच कहत हउँ कि जब ताईं तू पचे धरमसास्तिरयन अउर फरीसियन क धरम मानइ स अगवा जिन जा, कि तू सरगे क राज्य मँ घुसइ न पउब्या।</verse>
				<verse number="21">“तू पचे सुन चुक्या ह कि हमरे पूर्वजन स कहा गवा रहा, ‘हत्या जिन करा अउर जदि कउनो हत्या करत ह तउ ओका अदालत मँ जवाब दिहे होई।’</verse>
				<verse number="22">मुला मइँ तोहसे कहत हउँ कि जउन मनई आपन भाई प किरोध करी, ओहका भी अदालत मँ एकरे बरे जवाब दिहे होई। अउर जउन आपन भाई क बेज्जत करी ओका सबते ऊँच अदालत मँ जवाब दिहे होई। जदि कउनो आपन भाई स कहइ, ‘अरे जाहिल, मूर्ख’ तउ नरके क आगी क बीच ओह पइ एका जवाब दिहे होई।</verse>
				<verse number="23">“एह बरे जदि तू वेदी प आपन भेंट चढ़ावत ह अउर हुवाँ तोहका याद आइ जाइ कि तोहरे मन मँ तोहरे भाई खातिर कउनो खिलाफ बात बाटइ</verse>
				<verse number="24">तउ तू उपासना भेंट क वेदी के सामने छाँड़ि द्या अउर पहिले जाइके आपन भाई स सुलह कइ ल्या अउर फिन आइके भेंट चढ़ावा।</verse>
				<verse number="25">“जब ताईं तू मुद्दई क संग रस्ता मँ रहा, झटपट ओसे मेल कइ ल्या। कहूँ अइसा न होइ कि उ तोहका हाकिम स सौंप देइ अउर हाकिम तोहका सिपाही क। फिन तू जेल मँ धाँध दीन्ह जा।</verse>
				<verse number="26">मइँ तोहका सच सच बतावत हउँ कि जब तक तू पाई-पाई क हिसाब न कइ देब्या तब तलक तू जेल स न छूटि पउब्या।</verse>
				<verse number="27">“तू सुनि लिहा कि इ कहा गवा अहइ, ‘व्यभिचार जिन करा।’</verse>
				<verse number="28">मुला मइँ तोहसे कहत हउँ कि जदि कउनो स्त्री क बुरी निगाह स देखत ह तउ उ आपन मन मँ पहिले ही ओकरे संग संभोग कइ चुका अहइ।</verse>
				<verse number="29">यह बरे जदि तोहार दाहिन आँख तोसे पाप करवावइ तउ ओका निकारि क फेंक द्या। काहेकि तेरे बरे इ नीक बाटइ कि तोहरे बदन क एक ठु अंग नस्ट होइ जाइ एकरे बजाय तोहार सारा बदन नरक मँ नाइ दीन्ह जाइ।</verse>
				<verse number="30">अउ जदि तोहार दाहिन हाथ तोहसे पाप करवावइ तउ ओका काटिके फेंकि डारा। काहेकि तोहरे बरे इ नीक अहइ कि तोहरे बदन क एक अंग नस्ट होइ जाइ बजाए कि तोहार समूचा बदन नरक मँ जाइ।</verse>
				<verse number="31">“कहा गवा अहइ, ‘जबहि कउनो आपन पत्नी क तलाक देत ह तउ आपन पत्नी क लिखिके तलाक देइ चाही।’</verse>
				<verse number="32">मुला मइँ तोहसे कहत हउँ कि हर मनई जउन आपन पत्नी क तलाक देत ह, जदि उ तलाक ओकरे व्यभिचारी करइ क कारण नाहीं दिहेस तउ जब उ पत्नी दूसरा बियाह करत ह, तउ समुझ ल्या कि उ मनई ओसे व्यभिचार करत ह। अउर जउन कउनो उ छोड़ी भई स्त्री स बियाह करत ह तउ भी व्यभिचार करत ह।</verse>
				<verse number="33">“तू सबइ इहउ सुन्या ह क हमरे पूर्वजन स कहा गवा रहा, ‘तू सपथ जिन तोड़ा मुला पर्भू स कीन्ह सपथन पूरा करा।’</verse>
				<verse number="34">मुला मइँ तू सबन स कहत हउँ सपथ जिन ल्या। सरगे क सपथ जिन खा काहेकि उ परमेस्सर क सिंहासन अहइ।</verse>
				<verse number="35">धरती की सपथ जिन खा काहेकि उ ओकरे गोड़वा क चौकी बाटइ। यरूसलेम क सपथ जिन खा काहेकि इ महाराजाधिराजा क सहर बाटइ।</verse>
				<verse number="36">आपन मूँड़ क सपथ जिन खा, काहेकि तू एक ठू बारे तक द सफेद या करिया नाहीं कइ सकत्या।</verse>
				<verse number="37">जदि तू हाँ चाहत ह तउ सिरिफ ‘हाँ’ कहा अउर ना चाहत ह तउ सिरिफ ‘ना’। काहेकि जउन कछू ऍसे जिआदा होत अहइ उ दुस्ट (सइतान) स आवत अहइ।</verse>
				<verse number="38">“तू पचे सुन्या ह कि कहा बाटइ, ‘आँखी क बदले आँखी अउर दाँत बदले दाँत’</verse>
				<verse number="39">मुला मइँ तोहसे कहत हउँ कि कउनो बुरा मनई क विरोध जिन करा। मुला कउनो तोहरे दाहिन गाले प थप्पड़ लगावइ तउ दूसर गाले क ओकरे कइँती घुमाइ द्या।</verse>
				<verse number="40">जदि कउनो तोह प मुकदमा चलाइ के तोहार कुर्ता उतरवावइ चाहइ तउ तू ओका आपन चोगा तलक दइ द्या।</verse>
				<verse number="41">जदि कउनो तोहका बेगार मँ एक मील चलावइ तउ तू ओकरे संग दुइ मील जा।</verse>
				<verse number="42">जदि कउनो तोसे कछू माँगइ तउ ओका उ दइ द्या। जउन तोसे उधार लेइ चाहइ, ओका मना जिन करा।</verse>
				<verse number="43">“तू पचे सुन्या ह कि कहा गा बाटइ, ‘तू आपन पड़ोसी स पिरेम करा अउर दुस्मन स घिना कर।’</verse>
				<verse number="44">मुला मइँ कहत हउँ आपन दुस्मन स भी पिरेम करा। जउन तोहका सतावत हीं, ओनके बरे भी पराथना करा।</verse>
				<verse number="45">काहेकि सरगे मँ बसइया आपन परमपिता क संतान होइ सका। उ सूरज क प्रकास बुरा अउर भला सब पइ चमकावत ह। उ पापी अउर धर्मी सब पइ बसकाला मँ पानी बरसावत ह।</verse>
				<verse number="46">इ मइँ यह बरे कहत हउँ कि जदि तू ओनही स पिरेम करब्या जउन तोहसे पिरेम करत हीं तउ तोहका का फल मिली? का अइसा तउ चुंगी (टैक्स) क उगाहिया भी नाहीं करतेन?</verse>
				<verse number="47">जदि तू आपन मीतन क बरे नीक बाट्या तउ दूसर मनई स नीक नाहीं बाट्या। का अइसा विधर्मी भी नाहीं करतेन?</verse>
				<verse number="48">यह बरे आपन मँ परिपूर्ण बना जइसे तोहार सरगे क परमपिता परिपूर्ण बाटइ।</verse>
			</chapter>
			<chapter number="6">
				<verse number="1">“होसियार रहा! अउ परमेस्सर चाहत ह कि उ सब काम काजन्क मनई क समन्वा दिखावा जिन करा। नाहीं तउ तू आपन परमपिता स फल न पउब्या जउन सरगे मँ बाटइ।</verse>
				<verse number="2">“एह बरे जब तू कउनो दीन दुखिया क दान दच्छिना देत ह तउ ओकर ढिंढ़ोरवा पीटा जिन। जइसा कि आराधनालयन मँ अउर गलियन मँ कपटी मनई औरन स बड़कइ पावई बरे करत हीं। मइँ तोसे सच कहत हउँ कि ओनका तउ ऍकर पूर-पूर फल पहिले ही दीन्ह जाइ गवा अहइ।</verse>
				<verse number="3">मुला जबहिं तू कउनो दीन दुखिया क देत ह तउ तोहार बावाँ हाथ न जान पावइ कि तोहार दाहिन हाथ का करत बाटइ?</verse>
				<verse number="4">काहेकि तोहार दान गुपुत रहइ। तोहार उ परमपिता जउन छिपाइ क करत ह, तोहका ओकरे बदले मँ फल देई।</verse>
				<verse number="5">“जब तू पराथना करा तउ कपटी क नाईं जिन करा। काहेकि उ पचे आराधनालयन मँ अउर गलियन क नुक्कड़ प खड़ा होइ क पराथना करइ चाहत हीं। जैसे मनइयन ओनका निहार सकइँ। मइँ तोसे सच सच कहत हउँ कि ओनका तउ ओकरे बदले मँ फल पहिले ही मिल चुका बाटइ।</verse>
				<verse number="6">मुला जब तू पराथना करा, आपन कोठरी मँ चला जा अउर फटकवा बंद कइके परमपिता स पराथना करा। फिन तोहार परमपिता जउन तोहार करम क छिपिके निहारत ह, तोहका ओनके बदले फल देई।</verse>
				<verse number="7">“जब तू पराथना करत रहा, तउ विधर्मी क नाईं फिजूल बातन क यों ही बार बार जिन दोहरावा। उ सबइ इ सोचत हीं कि ओनके बहोत बोले स ओनकइ सुनि लीन्ह जाइ।</verse>
				<verse number="8">यह बरे ओनके जइसा जिन होइ जा काहेकि तोहरे परमपिता तोहारे माँगइ स पहिले जानत ह कि तोहार का जरूरत अहइ।</verse>
				<verse number="9">यह बेर इ प्रकार पारथना करा: ‘सरग मँ रहइ वाले हमार परमपिता, पवित्तर अहइ तोहार नाउँ</verse>
				<verse number="10">जग मँ तोहार राज्य आवइ जउन चाहा तू वइसे पूर होइ इ धरती प जइसे पूर होत रहत तोहार इच्छा सदा सरग मँ।</verse>
				<verse number="11">आज तू हमका दिन भर क खइया द्या</verse>
				<verse number="12">हमार पापन क छमा करा जइसे हम छमा कीन्ह आपन अपराधिनक।</verse>
				<verse number="13">जिन ल्या कठिन परिच्छा भारी हमका ओसे बचावा जउ उन दुस्ट (सइतान) स अहइ।’</verse>
				<verse number="14">यह बरे जदि तू लोगन्क अपराधे क छमा करब्या तउ तोहार सरगे क परमपिता भी तोहरे पाप छमा करी।</verse>
				<verse number="15">मुला अगर तू लोगन्क छमा न करब्या तउ तोहार सरगे क परमपिता भी तोहरे पापन्क छमा न करी।</verse>
				<verse number="16">“जब तू उपवास राखा तउ कपटी क नाईं दुःखी मुँह बनाइके जिन रहा। काहेकि उ पचे तरह स मुह्रँ बिसवत हीं ताकि लोगन्क इ मालूम होइ जाइ कि उ सबइ उपवास करत अहइँ। मइँ तोहसे सच कहत हउँ कि ओनका तउ बदले मँ फल मिलि चुका अहइ।</verse>
				<verse number="17">मुला जब तू उपवास राखा तउ आपन मूँड़ प जैतून क तेल लगावा अउर आपन मुँहना धोवा।</verse>
				<verse number="18">जेसे लोग इ न भाँप सकइँ कि तू उपवास करत अहा। मुला तोहार परमपिता जेका तू निहार नाहीं सकत्या देखइ कि तू उपवास करत अहा। तबहिं तोहार परमपिता जउन तोहरे छमा भवा कामे क देखत रहत ह, उ तोहका ओकरे बदले मँ फल देई।</verse>
				<verse number="19">“आपन बरे धरती प भंडारा जिन भरा। काहेकि ओका किरवा अउर जंग नास कइ देइहीं। चोर सेंध लगइहीं अउर चोराय लइ जइहीं।</verse>
				<verse number="20">बजाए एँकरे सरग मँ भंडारा भरा। हुवाँ किरवा अउर जंग नास न कइ पइहीं। अउर चोर भी हुवाँ सेंधिया लगाइके नास न कइ पइहीं।</verse>
				<verse number="21">याद रखा जहाँ तोहार भंडार होई, हुँवई तोहार जिअरा लागी।</verse>
				<verse number="22">“देह बरे प्रकास क सोत आँखी अहइ। एह बरे तोहार आँखी नीक अहइ तउ तोहार देह प्रकास करत रही।</verse>
				<verse number="23">मुला जदि तोहार आँखी खराब होइ जाइ तउ तोहार सब देह अँधियर होइ जाइ। यह बरे उ सिरिफ प्रकास जउन तोहरे भीतर अहइ जदि अँधियर होइ जाइ तउ उ केतना गहिर होई।</verse>
				<verse number="24">“कउनो भी साथ साथ दुइ सुआमी क नउकर नाहीं होइ सकत काहेकि उ एक स तउ उ घिना करी अउर दूसर स पिरेम। या एक बरे उ न्यौछावर करी अउर दूसरे क धिक्कारी। तू धन अउर परमेस्सर दुइनउँ क सेवा नाहीं कइ पउब्या।</verse>
				<verse number="25">“यह बरे मइँ तोहसे सच कहत हउँ कि अपने जिअइ बरे खाइ पिअइ क चिंता तजि द्या। आपन तने क ओढ़ना क फिकिर जिन करा। सचमुच जिन्नगी खइया स अउर तने क ओढ़ना स जिआदा बड़कई क अहइ।</verse>
				<verse number="26">लखा! अकासे क पंच्छी न तउ बोआँई करत हीं अउर न कटाई, न ही उ पचे कोठिला मँ अनाज भरि देत हीं मुला तोहार स्वर्गीय पिता ओनकइ भी पेटवा भरत ह। का तू ओनसे जिआदा बड़कवा नाहीं बाट्या?</verse>
				<verse number="27">तू सबन मँ का कउनो अइसा अहइ कि फिकिर कइके आपन जिन्नगी मँ एक घड़ी भी अउ बढ़ाइ सकत ह?</verse>
				<verse number="28">“अउ तू आपन ओढ़ना क बार मँ काहे सोचत ह? सोचा, जंगले क फूलन क बारे मँ कि उ सबइ कइसे खिल जात हीं? उ सबइ न कउनो काम करत हीं अउर न आपन बरे ओढ़ना बनावत हीं।</verse>
				<verse number="29">यह बरे मइँ तोहसे कहत हउँ कि सुलैमान भी आपन समूची धन दौलत क संग ओहमा स कउनो एक नाईं नाहीं सज सका।</verse>
				<verse number="30">तउ जउन जंगली पौधा जउन आज जिअत अहइँ मुला जेनका भियान भारे मँ झोंक दीन्ह जाब अहइ, परमेस्सर अइसा ओढ़ना पहिरावत ह तउ अल्प बिसवास क करवइया मनइयो! का उ तोहका अउर जिआदा बढ़िया ओढ़ना न पहिराई?</verse>
				<verse number="31">“यह बरे चिंता करत करत इ जिन कहा, ‘हम का खाबइ’ या ‘हम का पिअब’ या ‘का पहिरब?’</verse>
				<verse number="32">मनई जउन परमेस्सर क नाहीं जनतेन इ सब चीजन्क पाछे दौड़त रहत हीं मुला सरग क बसइया तोहार परमपिता जानत ह कि तोहका इ सब चीजन्क जरूरत अहइ।</verse>
				<verse number="33">यह बरे सब ते पहिले परमेस्सर क राज्य अउर तोहसे जउन धरम की खोज उ चाहत ह, ओकर फिकिर करा। इ सब चीजन तउ तोहका खुद ही घेलइया मँ दइ दीन्ह जइहीं।</verse>
				<verse number="34">भियान क फिकिर जिन करा, काहेकि भियान क तउ अउर आपन चिंता होइहीं। हर दिन क आपन-आपन परेसानी होत रहत ह।</verse>
			</chapter>
			<chapter number="7">
				<verse number="1">“दूसर प दोख लगावइ क आदत जिन डावा काहेकि तोहरे प दोख न लगावा जाइ।</verse>
				<verse number="2">काहेकि तोहार निआव उहइ फैसला प टिका होई, जउन फैसला तू दूसर क निआव प दिहे रहा अउर परमेस्सर तोहका उहइ नपना स नापी जउने नपना स तू दूसर क नाप्या ह।</verse>
				<verse number="3">“तू आपन भाई बंद क आँखी क किरकरी तक क काहे लखत ह? जब कि तोहका आपन आँखी क लट्ठा तलक नाहीं देखाइ पड़त?</verse>
				<verse number="4">जबहिं तोहरे आँखी मँ लट्ठा बाटइ तब तू आपन भाई स कइसे कहि सकत ह, ‘तू मोका तोहरी आँखी क किरकिरी निकारइ द्या।’</verse>
				<verse number="5">अरे कपटी! पहिले आपन आँखी क लट्ठा निकार, फिन तू नीक नीक देख पउब्या अउर आपन भाई क आँखी क किरकिरी निकार पउब्या।</verse>
				<verse number="6">“कूकुरन क पवित्तर चीज जिन द्या अउर सुअरन क अगवा मोती जिन बिखरावा। नाहीं तउ उ पचे आपन गोड़ी क तले रौदिहइँ अउर कूकुरन पलटि क तोहरे ऊपर चढ़ी बैठिहीं।</verse>
				<verse number="7">“परमेस्सर स माँगत रहा, तोहका दीन्ह जाइ। खोजत रहा, तोहका मिली। खटखटावत रहा, तोहरे बरे दरवाजा खोलि दीन्ह जाई।</verse>
				<verse number="8">काहेकि हर कउनो जउन माँगत ह, पावत ह। जउन ढूँढत ह, पावत ह। जउन खटखटावत रहत ह ओकर बरे दरवाजा खोलि दीन्ह जाई।</verse>
				<verse number="9">“तू सबन मँ स अइसा बाप कउन सा अहइ जेकर बेटवा रोटी माँगइ अउर उ बेटवा क पाथर देइ?</verse>
				<verse number="10">या जब उ मछरी माँगइ तउ उ ओका साँप दइ देइ। बतावा का कउनो देई? अइसा कउनो न करी!</verse>
				<verse number="11">एह बरे चाहे तू बुरा काहे न ह्वा, जानत ह कि आपन गदेलन क नीक भेंट कइसे दीन्ह जात ही। वइसे हीं सचमुच सरगे क बसइया तोहार परमपिता माँगइवालन क नीक नीक चीचन्क जरूर देइ।</verse>
				<verse number="12">“एह बरे जइसा बेवहार आपन बरे तू दूसर लोगन्स चाहत ह, वइसा बेवहार तू भी ओनसे करा। यही मूसा क व्यवस्था अउर नबियन दुआरा बतावा गवा बा।</verse>
				<verse number="13">“सँकरे राह स घुसा! इ मइँ तोहका यह बरे कहत हउँ काहेकि चौड़ा दुआर अउर बड़की राह तउ बिनासे कइँती लइ जात ह। बहोत स मनई उ राहे प चलत हीं।</verse>
				<verse number="14">मुला केतॅना सँकरा अहइ उ दुआर अउर केतॅना छोटकी अहइ उ राह जउन जिन्नगी कइँती लइ जात ही अउर कठिन अहइँ उ सबइ मनइयन जउन ओका पावत अहइँ।</verse>
				<verse number="15">“झूठे नबियन स होसियार रहा। उ पचे तोहरे लगे निर्छल भेड़िन क भेस मँ आवत हीं मुला भीतर उ सबइ खूँखार बड़का कूकुर होत हीं।</verse>
				<verse number="16">तू ओनके करमन क फल स पहिचान लेब्या। कउनो कँटेहरी झाड़ी स न तउ अंगूर एकट्ठा कइ पावत ही अउ न गोखरु स अंजीर।</verse>
				<verse number="17">अइसे ही बड़िया बिरवा प नीक फल लागत हीं मुला बेकार बिरवा प बेकार फल लागत हीं।</verse>
				<verse number="18">एक नीक बिरवा बुरे फल नाहीं पइदा करत अउर न कउनो बेकार बिरवा नीक फल पइदा कइ सकत ह।</verse>
				<verse number="19">हर उ बिरवा जेह प नीक फल नाहीं लगतेन, ओका काटि के आगी मँ झोकि दीन्ह जात ह।</verse>
				<verse number="20">एह बरे मइँ तू सबन क दुबारा कहत हउँ कि उ लोगन क तू ओनके करमन क फले स पहिचान लेब्या।</verse>
				<verse number="21">“पर्भू, पर्भू कहइवाला हर मनई सरगे क राज्य मँ घुस न पाई मुला उहइ सरग जउन सरगे मँ बसा अहइ मोरे परमपिता क इच्छा प चलत ह उहइ ओहमाँ घुसि पाई।</verse>
				<verse number="22">उ आखिरी दिना मँ बहोत स मनई मोसे पुछिहीं, ‘पर्भू! पर्भू! का हम तोहरे नाउँ स भविस्सबाणी नाहीं कीन्ह? का तोहरे नाउँ स हम सबन दुस्ट आतिमन क नाहीं निकारा अउर का हम पचे तोहरे नाउँ स अद्भुत कारजन नाहीं कीन्ह?’</verse>
				<verse number="23">तबहिं मइँ ओनसे साफ साफ कहियउँ कि मइँ तू सबन्क नाहीं जानत हउँ, ‘हे कुकरमी मनइयो! हियाँ स भागि जा।’</verse>
				<verse number="24">“यह बरे जउन मोर सब्दन क सुनत ह अउर उ एन प चलत ह ओकर तुलना उ बुद्धिमान स कीन्ह जाई जउन आपन घर चट्टाने प बनएस।</verse>
				<verse number="25">बरखा भइ, बाढ़ आइ, आँधी चली अउइ सबई उ घरे स टक्कराइ गएन, मुला घर गिरा नाहीं। काहेकि ओकर नेंव चट्टाने प धरी गइ रही।</verse>
				<verse number="26">“मुला उ जउन मोरे सब्दन क सुनत ह मुला ओन प चलत नाहीं, उ मूर्ख मनई क नाईं अहइ जउन आपन घर रेते प बनाएस।</verse>
				<verse number="27">बरखा भइ, बाढ़ आइ अउर आँधी चली अउर उ घरे स टकराइ गएन, जेहसे उ घर आवाज कइके समूचइ गिर गवा।”</verse>
				<verse number="28">नतीजा इ भवा कि जबहिं ईसू इ बतियन क कहिके पूरी किहेस, तउ ओकरे उपदेसन प भीड़ क लोगन क अचरज भवा।</verse>
				<verse number="29">काहेकि उ धरम सास्तिरियन क नाईं नाहीं मुला एक अधिकारी क नाईं उपदेस देत रहा।</verse>
			</chapter>
			<chapter number="8">
				<verse number="1">ईसू जबहिं पर्वते स खाली उतरा तउ बहोत बड़ी मनइयन क भीड़ ओकरे पाछे होइ चली।</verse>
				<verse number="2">हुँवई एक कोढ़ी भी रहा। उ ईसू क लगे आइ अउर निहुरिके बोला, “पर्भू, जदि तू चाहा तउ मोका चंगा कइ सकत ह।”</verse>
				<verse number="3">ऍह प ईसू आपन हथवा बढ़ाइके कोढ़ी क छुएस अउर कहेस, “मइँ चाहत हउँ; चंगा होइ जा!” अउर फउरन कोढ़ी क कोढ़ पराइ गवा।</verse>
				<verse number="4">फिन ईसू ओसे कहेस, “देखा ऍकरे बारे मँ कउनो स कछू जिन कह्या। मुला याजक क लगे जाइके ओका आपन क देखावा। फिन मुसा क हुकुम क मुताबिक भेंट चढ़ावा जैसे लोगन्क तोहरे चंगा होइ क साच्छी मिलि जाइ।”</verse>
				<verse number="5">फिन ईसू जब कफरनहूम गवा, तउ एक फऊजी नायक ओकरे नगिचे आवा अउर ओसे मदद बरे बिनती करत बोला,</verse>
				<verse number="6">“पर्भू, मोर एक सेवक मोरे घरवाँ मँ बिछउना प ओलरा बाटइ। ओका लकवा मारे बाटइ। ओका बहोत दर्द होत अहइ।”</verse>
				<verse number="7">तबहिं ईसू फऊजी नायक स कहेस, “मइँ आइके ओका चंगा करिहउँ।”</verse>
				<verse number="8">फऊजी नायक जवाब दिहेस, “पर्भू, मइँ इ जोग्ग नाहीं हउँ कि तू मोरे घर मँ आवा। यह बरे हुकुम दइ द्या। बस मोर नउकर चंगा होइ जाई।</verse>
				<verse number="9">इ मइँ जानत हउँ कि मइँ एक बड़का अधिकारी क नीचे काम करत अहउँ अउर मोरे नीचे दूसर सिपाही अहइँ। जबहि मइँ एक ठु सिपाही स कहत हउँ, ‘जा’ तउ उ चला जात ह अउर दूसर सिपाही स कहत हउँ, ‘आ’ तउ उ आइ जात ह। मइँ आपन सेवक स कहत हउँ, ‘इ करा’ तउ उ ओका करत ह।”</verse>
				<verse number="10">जब ईसू इ सुनेस तउ उ अचरजे मँ पड़ि गवा। जउन मनइयन ओकरे पाछे पाछे आवत रहेन ईसू ओनसे कहेस, “मइँ तोहसे सच कहत हउँ मइँ ऍतना गहरा बिसवास इस्राएल मँ भी कउनो मँ नाहीं पाएउँ।</verse>
				<verse number="11">मइँ तोहका इ अउ बतावत हउँ कि बहोत स पूरब अउर पच्छिम स अइहीं अउर उ सबइ भोजे मँ इब्राहीम, इसहाक अउर याकूब क संग सरगे क राज्य मँ आपन आपन ठउर प बैठ जइहीं।</verse>
				<verse number="12">मुला राज्य क आदिम प्रजा बाहेर आँधियारे मँ ढकेल दीन्ह जाई जहाँ उ पचे चिचियाइके नरियाइके दाँत पीसत रइहीं।”</verse>
				<verse number="13">तब ईसू उ फउजी नायक स कहेस, “जा वइसा ही तोहरे बरे होइ जइसा तोहार बिसवास अहइ।” अउर ओकर नउकर फउरन चंगा होइ गवा।</verse>
				<verse number="14">जब ईसू पतरस क घरे पहुँच गवा, उ ओकरे सास क बुखार स दुःखी बिछउना प ओलरी देखेस।</verse>
				<verse number="15">तब ईसू ओका आपन हथवा स छुएस अउर ओकर बुखार उतर गवा। फिन उ उठी अउर ईसू क सेवा करय लाग।</verse>
				<verse number="16">जइसे साँझ होइ गइ तउ लोग ओकरे नगिचे बहोतन मनइयन क लइ आएन जेहमाँ दुस्ट आतिमन रहत रहीं। आपन एक ही हुकुम स उ दुस्ट आतिमन क निकारि दिहस। इ तरह स उ सबइ बेरमियन क नीक कइ दिहस।</verse>
				<verse number="17">इ यह बरे भवा कि परमेस्सर नबी यसायाह स जउन कछू कहेस, उ पूरा होइ जाइ: “उ हमरे बेरमियन क लइ लिहस अउर हमरे संतापे क ओढ़ लिहस।”</verse>
				<verse number="18">जब ईसू आपन चारिहुँ कइँती भीड़ देखेस तउ उ आपन चेलन क हुकुम दिहेस कि उ सबइ झिलिया क ओह पार किनारे चलइँ।</verse>
				<verse number="19">तब एक धरम सास्तरी ईसू क निअरे आवा अउर कहेस, “गुरु, जहँ तहँ तू जाब्या, मइँ तोहरे पाछे चलब।”</verse>
				<verse number="20">ऍह प ईसू ओसे कहेस, “लोखरी क बिल अउर अकास क पंछीयन क घोंसला होत हीं मुला मनई क पूत क लगे मूँड़ टेकावइ क कउनो ठउर नाहीं।”</verse>
				<verse number="21">ओकर चेलन मँ स एक ठु ईसू स कहेस, “पर्भू, मोका पहिले जाइके आपन पिता क गाड़इ क हुकुम द्या।”</verse>
				<verse number="22">मुला ईसू ओसे कहेस, “मोरे पाछे चला आवा अउर मरा भवा मुर्दन क आपन खुद गाड़इ द्या।”</verse>
				<verse number="23">तब ईसू एक नाउ प बइठि गवा। ओकर चेलन भी पाछे पाछे गएन।</verse>
				<verse number="24">उहइ समइया झील मँ ऍतना भयंकर तूफान उठि गवा कि नाउ लहरन स दबी जात रही पर ईसू सोवत रहा।</verse>
				<verse number="25">तबहिं ओकर चेलन ओकरे लगे पहुँचेन अउर ओका जगाइके कहेन, “पर्भू, हमार रच्छा करा। हम पचे मरि जाब।”</verse>
				<verse number="26">तबहिं ईसू ओनसे कहेस, “अरे कम बिसवास करइवालो। तू पचे काहे ऍतना भयभीत अहा?” तब उ खड़ा होइके तूफान अउर झिलिया क डाटेस अउर चारिहुँ कइँती सांति छाइ गइ।</verse>
				<verse number="27">मनइयन अचरजे मँ पड़ि गएन। उ सबइ कहेन, “इ कइसा मनई बाटइ? अँधड़ तूफान अउर झिलिया तक ऍकर बतिया मानत हीं!”</verse>
				<verse number="28">जब ईसू झील क उ पार, गदरेनियोन क देस पहुँच गवा, तउ ओका कब्रे स निकरि के दुइ मनई आवत भए मिलेन, जेहमाँ दुस्ट आतिमन रहिन। उ पचे ऍतना खोफनाक रहेन कि उ रस्ता स कउनो निकरि तक नाहीं सकत रहा।</verse>
				<verse number="29">उ पचे चिचियानेन, “हे परमेस्सर क पूत! तू मोसे का चाहत बाट्या? का तू हियाँ ठीक समइ स पहिले हमका दंड देइ आइ अहा?”</verse>
				<verse number="30">हुवाँ तनिक दूरी प बहोत स सुअरन क झुँड चरत रहा।</verse>
				<verse number="31">तउ उ दुस्ट आतिमन ओसे बिनती करत भए कहेन, “जदि तोहका हम पचन क बाहेर निकारब ही बाटइ, तउ हमका सुअरन क झुंडे मँ पठइ द्या।”</verse>
				<verse number="32">तउ ईसू ओनसे कहेस, “चला जा!” तब उ सबइ ओन मनइयन मँ स बाहेर निकरि आइन अउर सुअरन मँ घुसि गइन। फिन समूचा झुंड ढलाने स लुढ़कत पुढ़कत पराइके ढालू किनारे स झिलिया मँ गिरि गवा अउ सबहिं सुअरन पानी मँ बूड़िके मर गएन।</verse>
				<verse number="33">सुअरन क झुंड क रखवालन भागत भागत हुआँ स सहर आएन अउर सुअरन क साथ तथा दुस्ट आतिमन स ग्रस्त ओन मनइयन क साथ जउन कछू भवा, कहिके सुनाएन।</verse>
				<verse number="34">फिन तउ सहर क सबइ मनइयन ईसू स भेंटइ बरे निकर पड़ेन। जब उ पचे ईसू क देखेन तउ ओसे बिनती किहेन कि उ ओनके हियाँ स कहुँ अउर ठउर चला जाइ।</verse>
			</chapter>
			<chapter number="9">
				<verse number="1">फिन ईसू एक नाउ प चढ़ा अउर झिलिया क पार आपन सहर आइ गवा।</verse>
				<verse number="2">मनइयन लकुआ क मरीजे क खटिया प ओलराइके ओकरे नगिचे लइ आएन। ईसू जबहि ओकरे बिसवास क देखेस तउ लकुआ क रोगी स कहेस, “हे बालक ढाढ़स रखा। तोहार पापन्क छमा कीन्ह गवा।”</verse>
				<verse number="3">तबहि कछू यहूदी धरम सास्तिरियन आपस मँ कहइ लागेन, “इ मनई (ईसू) अपने सब्दन स परमेस्सर क बेज्जत करत ह।”</verse>
				<verse number="4">ईसू जानत रहा कि उ पचे का सोचत विचारत अहइँ: ईसू ओनसे बोला, “तू सब आपन मन मँ काहे बुरा बिचार आवइ देत ह?</verse>
				<verse number="5">जिआदा सहल का बाटइ? इ कहब, ‘तोहार पापन्क छमा कीन्ह गवा।’ या इ कहब, ‘खड़ा ह्वा अउर चलि पड़ा?’</verse>
				<verse number="6">काहेकि तू सब इ जान पावा कि धरती प पापन्क छमा करइ क सक्ती मनई क पूत मँ अहइ।” ईसू लकुआ क रोगी स कहेस, “खड़ा ह्वा, आपन बिछउना उठावा अउ घरे चला जा।”</verse>
				<verse number="7">उ लकुआ क मरीज खड़ा होइके आपन घर चला गवा।</verse>
				<verse number="8">जबहि भीड़े मँ मनइयन इ निहारेन कि तउ उ सबइ गहरी भक्ती स अचरजे मँ पड़ि गएन अउर परमेस्सर क गुन गावइ लागेन जउन मनई क अइसी सक्ती दिहेस।</verse>
				<verse number="9">ईसू जब हुआँ स जात रहा तउ उ महसूले क चुंगी क चौकी प बइठा भवा एक मनई क देखेस। ओकर नाउँ मत्ती रहा। ईसू ओसे कहेस, “मोरे पाछे चला आवा।” ऍह प मत्ती खड़ा भवा अउर ओकरे पाछे होइ गवा।</verse>
				<verse number="10">अइसा भवा कि जब ईसू मत्ती क घर बहोत स चुंगी उगहियन अउर पापी मनइयन क संग आपन मनवइयन क साथ लइके जेंवत रहा।</verse>
				<verse number="11">तउ ओका फरीसियन देखेन अउर ओनके चेलन स पूछइ लागेन, “तोहार गुरु चुंगी क उगहिया अउर बुरा मनइयन क संग खइया के काहेखात ह?”</verse>
				<verse number="12">इ सुनिके ईसू ओनसे कहेस, “हिट्ठ पुट्ठ मनई क नाहीं मुला बेरमियन क एक बैद्य (डाक्टर) क जरूरत होत ह।</verse>
				<verse number="13">एह बरे तू सबइ जा अउर समझा कि सास्तरे क बचन क अरथ का अहइ? ‘मइँ बलिदान नाहीं चाहत हउँ मुला द्या चाहता हउँ।’ मइँ धर्मी क नाहीं मुला पापियन क बुलावइ आइ हउँ।”</verse>
				<verse number="14">फिन बपतिस्मा क देवइया यूहन्ना क चेलन ईसू क लगे गएन अउर पूछेन, “हम सबइ अउर फरीसियन पुनि पुनि उपवास काहे करत हीं परन्तु तोहार चेलन काहे नाहीं करतेन?”</verse>
				<verse number="15">फिन ईसू ओनका समझाएस, “का दूल्हा क साथी जब ताईं दूल्हा ओनके संग अहइ, सोक मनाइ सकत हीं? मुला उ दिनन अइहीं जब दूल्हा ओनसे छीन लीन्ह जाई फिन उ समइया मँ उ सबइ दुखी होइहीं अउर उपवास करिहीं।</verse>
				<verse number="16">“बे सिकुड़ा भवा नवा कपरा क पइबंद पुरान पोसाके प कउनो लगावत नाहीं काहेकि इ पइबंद पोसाके क अउर जिआदा फाड़ देइ अउ कपरा क खोंच अउर बाढ़ जाई।</verse>
				<verse number="17">नई दाखरस पुरान मसकन मँ भरी नाहीं जात। नाहीं तउ मसकन क फोरि देइ अउर दाखरस बहिके फैलि जाई। एह बरे लोग नई दाखरस नई मसकन मँ भरत हीं जइसे दाखरस अउर मसकन दुइनउँ बचा रहइँ।”</verse>
				<verse number="18">ईसू ओन मनइयन क जब इ बतिया बतावत रहा, तबहि यहूदी आराधनालय क एक मुखिया ओकरे लगे आवा अउर ओकरे समन्वा निहुरिके बिनती करत भवा बोला, “अबहीं अबहीं मोर बिटिया मरी गइ अहइ। तू चलिके जदि ओह प आपन हाथ रख द्या तउ उ फिन जी जाई।”</verse>
				<verse number="19">ऍह प ईसू खड़ा होईके आपन चेलन क संग ओकरे साथ चल दिहेस।</verse>
				<verse number="20">हुवाँ एक ठु स्त्री रही जेका बारह बरिस स खून बहत रहा। उ पाछे स ईसू क नगिचे आइ, ओकरे ओढ़ना क मुहरी छुइ लिहस।</verse>
				<verse number="21">उ आपन मनवा मँ सोचत रही, “जदि मइँ तनिकउ भी एकर ओढ़ना छुइ पावउँ, तउ नीक होबउँ।”</verse>
				<verse number="22">घूमिके निहारत भवा ईसू कहेस, “बिटिया, खुस रहा। तोहार बिसवास तोहका चंगा किहेस ह।” अउर उ स्त्री तुंरतहि उहइ छन चंगा होइ गइ।</verse>
				<verse number="23">ओह कइँती ईसू जब आराधनालय क मुखिया क घरवा पहुँचा तउ उ देखेस कि सोक धुन बजावत बाँसुरी क बजवइया अउर हुवाँ ऍकट्ठा भए मनइयन लरकी क मउत प सोक करत रहेन।</verse>
				<verse number="24">तबहि ईसू लोगन्स कहेस, “हियाँ स बाहेर जा। लरकी मरी नाहीं बा, उ तउ सोवति अहइ।” ऍह प मनई ओकर हँसी ठट्ठा करह लागेन।</verse>
				<verse number="25">फिन जब भिरिया क मनइयन क बाहेर पठएस तउ ईसू लरकी क कोठरी मँ जाइके ओकर हथवा पकड़ेस अउर उ उठि गइ।</verse>
				<verse number="26">ऍकर खबरिया उ समूचइ पहँटा मँ संचर गइ।</verse>
				<verse number="27">ईसू जब हुवाँ स जाइ लाग तउ दुइ आँधर ओकरे पाछे होइ गएन। उ दुइनउँ चिल्लात रहेन, “हे दाऊद क पूत, हम प दाया करा।”</verse>
				<verse number="28">ईसू जइसे घरवा क भीतर पहुँच गवा तउ उ पचे आँधर ओकरे लगे आएन। तबहिं ईसू ओनसे कहेस, “का तोहका बिसवास अहइ कि मइँ, तोहका फिन आँखिन दइ सकत हउँ?” उ पचे जवाब दिहेन, “हाँ पर्भू।”</verse>
				<verse number="29">ऍह पर ईसू ओनकइ आँखिन क छुअत कहेस, “तोहरे बरे वइसा होइ जइसा तोहार बिसवास अहइ।”</verse>
				<verse number="30">अउर आँधरन क जोति मिल गइ। फिन ईसू ओनका चिताउनी देत कहेस, “ऍकरे बारे मँ कउनो क पता नाहीं लागइ चाहीं।”</verse>
				<verse number="31">मुला उ पचे हुवाँ स जाइके इ खबरिया क उ पहॅटा मँ चारिहुँ कइँती फैलाइ दिहन।</verse>
				<verse number="32">जब उ दुइनउँ हुवाँ स जात रहेन तउ कछू लोग ईसू क लगे एक ठु गूंगा क लइ आएन। गूंगा मँ दुस्ट आतिमा क सवारी रही अउर यह बरे उ कछू बोल नाहीं पावत रहा।</verse>
				<verse number="33">जब उ दुस्ट आतिमा क निकारि दिहस तउ उ गूंगा, जउन पहिले कछू नाहीं बोल सकत रहा, बोलइ लाग। तबहि भिरिया क लोग अचरजे मँ कहेन, “इस्राएल मँ अइसी घटना कबहुँ नाहीं देखी गइ।”</verse>
				<verse number="34">मुला फरीसियन कहत रहेन, “उ दुस्ट आतिमन क सइताने क मदद स बाहेर खदेरत ह।”</verse>
				<verse number="35">ईसू यहूदी आराधनालय मँ उपदेस देत, परमेस्सर क राज्य क सुसमाचार क प्रचार करत, मनइयन क बेरामी अउर हर तरह क दारून दुःख हरत उ समूचइ पहँटा क गाउँ गाउँ अउर सहर सहर घूमत रहा।</verse>
				<verse number="36">ईसू जब कउनो भिरिया क देखततउ ओनके बरे करुना स भरि जात काहेकि उ पचे सतावा भवा अउर बेसहारा रहेन, जइसें भेड़ रहिन अउ ओनकइ कउनो गड़रिया नाहीं रहा।</verse>
				<verse number="37">तबहिं ईसू आपन चेलन स कहेस, “तइयार खेत तउ बहोत अहइँ मुला मजदूर कम बाटेन।</verse>
				<verse number="38">यह बरे फसल क परमेस्सर स बिनती करा कि उ, आपन फसल काटइ बरे मजदूर पठवइ।”</verse>
			</chapter>
			<chapter number="10">
				<verse number="1">तउ ईसू आपन बारहु चेलन क लगे बोलवाइके ओनका दुस्ट आतिमन क बाहेर खदेरइ, अउर हर तरह क रोगन अउर दारुन दु:खन क दूर करइ क सक्ती दिहेस।</verse>
				<verse number="2">उ सबइ बारहु प्रेरितन क नाउँ इ अहइँ सबते पहिले समौन, (जउन पतरस कहा गवा), अउर ओकर भाई आन्द्रियास, जब्दी क बेटवा याकूब अउर ओकर भाई यूहन्ना।</verse>
				<verse number="3">फिलिप्पुस, बरतुल्मै, थोमा, चुंगी (टैक्स) क उगहिया मत्ती, जल्फै क बेटवा याकूब अउर तद्दै।</verse>
				<verse number="4">समौन कनानी अउर यहूदा इस्करियोती (जे ओका धोखा दइके पकड़वाए रहा)।</verse>
				<verse number="5">ईसू इन बारहु प्रेरितन क बाहेर पठवत हुकुम दिहेस कि उ सबइ, “गैर यहूदियन क पहँटा मँ न जाइँ अउर कउनो सामरी सहर मँ न घुसइँ।</verse>
				<verse number="6">मुला उ सबइ इस्राएल क परिवारे क हेराइ गइ भेड़न क नगिचे जाइँ</verse>
				<verse number="7">अउर ओनका उपदेस देइँ, ‘सरगे क राज्य नगिचे अहइ।’</verse>
				<verse number="8">उ सबइ बेरमियन क नीक करइँ, मरे भएन क जिन्नगी देइँ, कोढ़िन क नीक करइँ अउर दुस्ट आतिमन क खदेरइँ। तू सबइ बे कछू देए भए पर्भू क असीस अउर सक्ती पाए अहा, एह बरे दुसरउँ क बे कछू लिए अजादी स बाँटा।</verse>
				<verse number="9">आपन बटुआ मँ सोना, चाँदी अउर ताँबा जिन रखा।</verse>
				<verse number="10">जात्रा बरे कउनो झोला तक जिन रखा। कइसो फालतू कुर्ता, चप्पल अउर छड़ी जिन ल्या। काहेकि मजदूर क ओकरे खइया प हक अहइ।</verse>
				<verse number="11">“तू पचे जब कबहुँ कउनो सहर या गाउँ मँ जा तउ पता करा कि हुवाँ बिसवास क लायक कउन अहइ। फिन तब ताईं हुवाँ ठहरि जा जब ताई हुवाँ स चल न द्या।</verse>
				<verse number="12">जबहि तू उ कउनो क घरे मँ जा तउ उ परिवार क मनइयन क मान सम्मान करत कहा, ‘तोहका सांति मिलइ।’</verse>
				<verse number="13">जदि घरे क मनई सुपात्र होइहीं तउ तोहार असीस ओनके संग रही अउर जदि ओकरे जोग्ग नाहीं होइहीं तउ तोहार असीस तोहरे लगे लौटि आई।</verse>
				<verse number="14">जदि कउनो तोहार अगवानी न करइ या तोहार बतियन क न सुनइ तउ उ घरवा या सहर क तजि द्या। अउर आपन गोड़वा मँ लागी माटी क हुवँइ झाड़ि द्या।</verse>
				<verse number="15">मइँ तोहसे सच कहत हउँ कि जब निआव होई तब उ सहर क दसा सदोम अउर अमोरा सहरन क दसा कहूँ जिआदा बढ़िया होई।</verse>
				<verse number="16">“होसियार! मइँ तोहका बिगवन मँ भेड़न क नाई बाहेर पठवत अहउँ। कीरा क नाई चालाक अउर कबूतरे क नाईं भोला बना रहा।</verse>
				<verse number="17">मनइयन स होसियार रह्या काहेकि उ पचे तोहका बंदी बनाइके यहूदी पंचायत क दइ देइहीं अउर तोहका आपन आराधनालयन मँ कोड़ा स धुनवइहीं।</verse>
				<verse number="18">तोहका हुकूमत क सासक अउर राजा क समन्वा हाजिर करिहीं, काहेकि तू सबहीं मोर चेलन अहा। तोहका इ औसर दीन्ह जाई कि तू ओनका अउर गैर यहूदियन क मोरे बारे मँ साच्छी द्या।</verse>
				<verse number="19">जब उ पचे तोहका धरइँ तउ फिकिर जिन कर्‌या कि तोहका का कहइ क बाटइ अउर कइसे कहइ क अहइ। काहेकि उ समइ प तोहका बताइ दीन्ह जाई कि तोहका का कहइ क अहइ।</verse>
				<verse number="20">याद रखा कि बोलवइया तू नाहीं अहा, मुला तोहरे परमपिता क आतिमा तोहरे भीतर बोली।</verse>
				<verse number="21">“भाई आपन भाइयन क धरवाइ क मरवइहीं, महतारी बाप आपन गदेलन क पकड़वइहीं अउर बचवन आपन महतारी बाप क खिलाफ होइ जइहीं। उ पचे ओनका मरवाइ देइहीं।</verse>
				<verse number="22">मोरे नाउँ क कारण मनई तोहसे घिना करिहीं। मुला आखिर तक जउन टिका रही उहइ क उद्धार होई।</verse>
				<verse number="23">उ सबइ अब तोहका सहर मँ सतावइँ तउ तू दूसर सहर मँ पराइ जाया। मइँ तोहसे सच सच कहत हउँ अइसे पहिले तू इस्राएल क सबइ ही सहरन क चक्कर लगाइ ल्या, मनई क पूत दुबारा आइ जाई।</verse>
				<verse number="24">“चेला आपन गुरु ते बड़वार नाहीं होतेन अउर न ही कउनो नउकर आपन मालिक ते बड़वार होत ह।</verse>
				<verse number="25">चेला क गुरु क नाईं होइ मँ अउर नउकरे क मालिक क नाई होइ मँ संतोख करइ चाही। जब उ घरे क मालिक क बेल्जाबुल (सइतान) कहइँ तउ, ओकरे घरे क दूसर लोगन क संग तउ अउ भी बुरा बेवहार करिहीं!”</verse>
				<verse number="26">“एह बरे ओनसे डेराअ जिन काहेकि जउन छुपी अहइ, सब खुलि जाई। अउर हर चीज जउन छुपी अहइ, परगट होइ जाई।</verse>
				<verse number="27">मइँ अँधियारे मँ जउन कछू तोसे कहत हउँ, मइँ चाहित ह कि तू उजियारे मँ कहा। मइँ जउन कछू तोहरे कनवा मँ कहेउँ तू ओकरे मकाने क छत्तियापर चढ़िके, एलान करा।</verse>
				<verse number="28">ओनसे जिन डेराअ, जउन तोहरे देह क नास कइ डइहीं मुला तोहरे आतिमा क नाहीं मारि सकतेन। बस उ परमेस्सर स डेराअ जउन तोहार देह अउर आतिमा क नरके मँ नाइ के नास कइ सकत ह।</verse>
				<verse number="29">एक ठु पइसा क दुइ चिड़िया बेसहे मँ स भी एक तोहरे परमपिता क बे जाने भए अउर ओकर बिना इच्छा स धरती प नाहीं गिर सकत।</verse>
				<verse number="30">अरे तोहरे मूँड़े क एक एक बार तक गिना भवा बाटइ।</verse>
				<verse number="31">यह बरे डेराअ जिन, तोहार कीमत तउ वइसी बहोत स चिड़ियन ते जिआदा बाटइ।</verse>
				<verse number="32">“जउन कउनो मोका सब मनइयन क समन्वा अपनाई, मइँ भी ओका सरगे मँ बसा आपन परमपिता क समन्वा अपनियाउब।</verse>
				<verse number="33">मुला जउन कउनो मोका सब मनइयन क समन्वा न अपनियाई, मइँ भी ओका आपन परमपिता क समन्वा न अपनियाउब।</verse>
				<verse number="34">“इ जिन सोचा कि मइँ धरती प सांति लइ आवइ आइ हउँ। सांति नाहीं मुला एक तरवारे क लइ आइ हउँ।</verse>
				<verse number="35">मइँ तउ: ‘बेटवा क बाप क खिलाफ, बिटिया क महतारी खिलाफ, दुलहिन क सासे क खिलाफ करइ आइ हउँ।</verse>
				<verse number="36">मनई क बैरी ओकरे घरे क मनई ही होइहीं।’</verse>
				<verse number="37">“जउन आपन महतारी बाप स मोसे जिआदा पिरेम करत ह, उ मोर होइ क जोग्ग नाहीं जउन अपने बेटवा अउर बिटिया से मोसे जिआदा पिरेम करत ह, उ मोर होइके जोग्ग नाहीं।</verse>
				<verse number="38">उ जउन क्रूसे (यातना) उठाइके मोरे पाछे होत नाहीं, मोर होइके जोग्ग नाहीं।</verse>
				<verse number="39">उ जउन आपन प्राण बचावा चाहत ह, आपन प्राण खोइ देइ। मुला जउन मोरे बरे आपन प्राण दइ देइ, उ जिन्नगी पाई।</verse>
				<verse number="40">“जउन तू पचन क अपनावत ह, उ मोका अपनावत ह अउर जउन मोका अपनावत ह, उ उहइ परमेस्सर क अपनावत ह, जउन मोका पठएस ह।</verse>
				<verse number="41">जउन कउनो नबी क यह बरे अपनावत ह कि उ नबी अहइ, ओका उहइ ओकरे बदले मँ फल मिली जउन कि नबी क मिलत ह। अउ जदि तू कउनो धर्मी क यह बरे अगवानी करत ह कि उ धर्मी बाटइ, ओका सच उहइ बदले मँ फल मिली जउन कउनो धर्मी क मिलत ह।</verse>
				<verse number="42">अउर जदि कउनो मोर इ भोला भाला चेलन मँ स कउनो एक क एक लोटा ठंडा पानी तक दइ दे कि उ मोर चेला अहइ, तउ मइँ तोसे सच कहत हउँ कि ओका ऍकरे बदले मँ फल सचमुच बे मिले भए न रही।”</verse>
			</chapter>
			<chapter number="11">
				<verse number="1">अइसा भवा कि ईसू आपन बारहु चेलन क इ तरह समझाइके हुवाँ स चला गवा अउर गलील देस क सहरन मँ उपदेस देत अउर प्रचार करत लाग।</verse>
				<verse number="2">यूहन्ना जब जेल मँ मसीह क काम क बारे मँ सुनेस तउ उ आपन चेलन स संदेस पठइके पूछेस,</verse>
				<verse number="3">“का तू उहइ अहा, जउन आवइवाला रहा या हम पचे कउनो अउर आवइवाला क बाट जोही?”</verse>
				<verse number="4">ईसू जवाबे मँ ओनसे कहेस, “जउन कछू तू सबइ सुनत अहा, अउर देखत अहा, जाइके यूहन्ना क बतावा कि,</verse>
				<verse number="5">अँधरे क आँखी मिलति अहइँ, लूला लगँड़ा चल पावत अहइँ, कोढ़ी चंगा होत अहइँ, बहिर सुनत अहइँ अउ मुर्दा जिआइ जात अहइँ अउर गरीबन मँ सुसमाचार क प्रचार कीन्ह जात अहइ।</verse>
				<verse number="6">उ धन्य अहइ जउन मोका अपनाइ सकत ह।”</verse>
				<verse number="7">जब यूहन्ना क चेलन हुवाँ स जात रहेन तउ ईसू भीड़ मँ यूहन्ना क बारे मँ कहइ लाग, “तू पचे इ उसरे मँ का निहारइ आइ अहा? का कउनो सरपत? जउन हवा स उड़ि जात बा।</verse>
				<verse number="8">नाहीं, तउ फिन का देखइ आइ अहा? का एक मनई? जउन बहोत बढ़िया ओढ़ना पहिरे बा? देखा जउन उत्तिम बस्तर पहिरत हीं, उ सबइ तउ राजा क महले मँ मिलत हीं।</verse>
				<verse number="9">तउ तू सबइ का निहारइ आइ अहा? का कउनो नबी? हाँ, मइँ तोहका बतावत हउँ कि जेका तू देख्या ह उ कउनो भी नबी स जिआदा अहइ।</verse>
				<verse number="10">इ उहइ अहइ जेकरे बारे मँ पवित्तर सास्तर मँ लिखा बाटइ: ‘देखा, मइँ तोहसे पहिले ही आपन दूत पठवत हउँ। उ तोहरे बरे राह बनाई।’</verse>
				<verse number="11">“मइँ तोहसे सच कहत हउँ बपतिस्मा देवइया यूहन्ना त बड़वार कउनो मनई पइदा नाहीं भवा। फिन भी सरगे क राज्य मँ छोट त छोट मनई भी यूहन्ना स बड़कवा अहइ।</verse>
				<verse number="12">बपतिस्मा क देवइया यूहन्ना क समइ स आज तलक सरगे क राज्य खौफनाक हमला झेलत रहा अहइ अउ हिंसा करवइया ओका छीन इ क जतन करत हीं।</verse>
				<verse number="13">यूहन्ना क आवइ तलक सारे नबियन अउर मूसा क व्यवस्था इ भविस्सबाणी किहेन,</verse>
				<verse number="14">अउर जदि तुम व्यवस्था अउर नबियन जउन कछू कहइ, ओका स्वीकार करने क तैयार ह तउ जेकरे आने की भविस्सबाणी की गयी थी इ यूहन्ना उहइ एलिय्याह बाटइ।</verse>
				<verse number="15">जउन सुनि सकत होइ, उ सुनि लेइ।</verse>
				<verse number="16">“आजु क इ पीढ़ी क तुलना मइँ कउने स करउँ? उ सबइ बाजारे मँ बइठा भवा ओन गदेलन क नाईं अहइँ जउन एक दूसर क नरियाइके कहत रहेन,</verse>
				<verse number="17">‘हम तोहरे बरे बाँसुरी बजावा, मुला तू नाच्या नाहीं। हम पचे सोकगीत गावा, मुला तू रोया नाहीं।’</verse>
				<verse number="18">बपतिस्मा देवइया यूहन्ना आवा। जउन अउरन क नाईं नखात रहा अउर न पिअत रहा। मुला लोग कहे रहेन, ‘ओहमा दुस्ट आतिमा समाइ गइ अहइ।’</verse>
				<verse number="19">फिन मनई क पूत आवा। जउन अउरन क नाईं खात-पिअत ह, मुला मनई कहत हीं, ‘इ मनई क देखा, ई पेटू अहइ, पिअक्कड़ बाटइ। इ चुंगी क उगहिया अउर पापी क मीत अहइ।’ मुला बुद्धि क चमत्कार काम स सिद्ध होइ जात ही।”</verse>
				<verse number="20">फिन ईसू ओन नगरन क धिक्कारेस, जेहमाँ उ ढेर अद्भुत कारजन किहेस। काहेकि हुवाँ क मनइयन आपन पाप करबँ नाहीं छोड़ेन अउर मनफिराव नाहीं करेन।</verse>
				<verse number="21">ईसू कहेस, “अरे अभगे खुराजीन अरे अभगे बैतसैदा जउन अद्भुत कारजन तोहमा कीन्ह गएन जदि उ सबइ काम सूर अउ सैदा मँ कीन्ह जातेन तउ हुवाँ क मनई बहोत पहिले टाट क कपरा ओढ़िके सोक बरे अउर देह प राखि लगाइके दुख क परगट करत मनफिराव कइ चुका होतेन।</verse>
				<verse number="22">मुला मइँ तू सब लोगन स कहत हउँ कि निआव क दिन सूर अउर सैदा क दसा तोहसे जिआदा सहइ बरे जोग्ग होई।</verse>
				<verse number="23">“अउर अरे कफरनहूम का तू सोचत ह कि तोहका सरगे क महिमा तलक ऊँचे उठावा जाई? तू तउ अधोलोक मँ नरक तलक जाब्या। काहेकि जउन अद्भुत कारजन तोहमा कीन्ह गएन, जदि उ सबइ सदोम मँ कीन्ह जातेन तउ उ नगर आज तलक टिका होत।</verse>
				<verse number="24">मुला मइँ तोहका बतावत हउँ कि निआव क दिन तोहरे मनइयन क दसा ते सदोन क दसा कहूँ नीक होई।”</verse>
				<verse number="25">उ समइया प ईसू कहेस, “परमपिता, तू सरग अउर धरती क पर्भू अहा, मइँ तोहार गुन गावत हउँ काहेकि तू इन बातन क, ओनमाँ स जउन गियानी अउर समझदार अहइँ, छुपाइके रखे अहा। अउ जउन भोला भाला अहइँ ओनके बरे परगट किए अहा।</verse>
				<verse number="26">हाँ परमपिता इ यह बरे भवा काहे कि तू ही एका अच्छे स जानत अहा।</verse>
				<verse number="27">“मोर परमपिता सब कछू मोका सौंप दिहेस अउर असिल मँ परमपिता क बजाय कउनो भी पूत क नाहीं जानत। अउर हर उ मनई परमपिता क जानत ह, जेकरे बरे पूत ओका परगट करइ चाहत ह।</verse>
				<verse number="28">“अरे, ओ थका माँदा, बोझन स दबान मनइयन मोरे लगे आवा। मइँ तोहका सुख चइन देब।</verse>
				<verse number="29">मोर जुआ ल्या अउर आपन उपर धरा। फिन मोसे सीखा काहेकि मइँ सहल हउँ अउर मोर मनवा कोमल अहइ। तोहका भी आपस बरे सुख-चइन मिली।</verse>
				<verse number="30">काहेकि उ जुआ जउन मइँ तोहका देइत ह बहोत सहल बाटइ। अउर उ बोझावा जउन मइँ तोह पर डारत अही, हल्का बाटइ।”</verse>
			</chapter>
			<chapter number="12">
				<verse number="1">लगभग उहइ समइया ईसू सबित क दिन अनाजे क खेतन स होइके जात रहा। ओकरे चेलन क भूख लाग अउ गोहूँ क बाल तोड़ि क चबाइ लागेन।</verse>
				<verse number="2">फरीसियन अइसा होत देखिके कहेन, “देख! तोहार चेलन उ करत अहइँ जेकर सबित क दिन करब मूसा क व्यवस्था क माफिक नाहीं।”</verse>
				<verse number="3">ऍह प ईसू ओनसे पूछेस, “का तू नाहीं पढ्या कि दाऊद अउर ओकर साथी, जब ओनका भूख लाग, का किहे रहेन?</verse>
				<verse number="4">उ परमेस्सर क घरे मँ घुसिके ओनके बरे चढ़ाई गइ पवित्तर रोतिन क कइसे खाए रहेन? तउ भी ओका अउर ओनके साथी संगी क ओकर खाब मूसा क व्यवस्था क खिलाफ रहा। ओका सिरिफ याजकन ही खाइ सकत रहेन।</verse>
				<verse number="5">मूसा क व्यवस्था मँ तू इ नाहीं पढ़्या कि सबित कि दिन मंदिर क याजक ही असिल मँ सबित क दिन बिगार देत हीं अउर फिन ओनका कउनो कछू नाहीं कहत।</verse>
				<verse number="6">मुला मइँ तोसे कहत हउँ, हियाँ जउन कउनो बाटइ उ मंदिर ते बड़वार बाटइ।</verse>
				<verse number="7">जदि तू पवित्तर सास्तर मँ जउन लिखा अहइ, ओका जानत ह, ‘मइँ मनइयन मँ दाया चाहत हउँ, पसुबलिदान नाहीं’ तउ तू ओनका दोखी नाहीं ठहरउत्या जउन निर्दोख अहइँ।</verse>
				<verse number="8">“हाँ, मनई क पूत सबित क दिन क भी सुआमी अहइ।”</verse>
				<verse number="9">फिन उ हुवाँ स चला गवा अउर उनके आराधनालय मँ पहुँच गवा।</verse>
				<verse number="10">हुवाँ एक ठु मनई रहा, जेकर हाथ सुखंडी रहा। तउ मनइयन ईसू स पूछेन, “मूसा क व्यवस्था क माफिक सबित क दिन का कउनो क नीक करब ठीक अहइ?” उ सबई एह बरे ओसे पूछेन कि, उ पचे ओह प दोख लगाइ सकइँ।</verse>
				<verse number="11">मुला उ ओनका जबाव दिहेस, “मान ल्या, तोहमाँ स कउनो क लगे एक ही भेड़ बाटइ, अउर उ भेड़ सबित क दिन कउनो गड़हा मँ गिरि जात ही, तउ तू का ओका बाहेर न निकरब्या?</verse>
				<verse number="12">सच मनई तउ एक भेड़े स जिआदा बढ़के अहइ। यह बरे सबित क दिन मूसा क व्यवस्था भलाई करइ बरे अनुमति देत ह।”</verse>
				<verse number="13">तब ईसू उ सुखंडी हाथवाला मनई स कहेस, “आपन हथवा आगे बढ़ावा।” उ पूरी तरह स चँगा होइ गवा। ठीक उहइ तरह जइसे ओकर दूसर हाथ रहा।</verse>
				<verse number="14">तब फरीसियन हुवाँ स चला गएन अउर ओका मार डावइ क तरकीब गूंथइ मथइ लागेन।</verse>
				<verse number="15">ईसू इ जान गवा अउर हुवाँ स चला गवा। भारी भीड़ पाछे पाछे होइ गइ। उ ओनका चंगा करत</verse>
				<verse number="16">चिताउनी दिहस कि ओकरे बारे मँ मनइयन क कछू न बतावइँ।</verse>
				<verse number="17">इ एह बरे भवा कि नबी यसायाह पर्भू क बारे मँ जउन कछू कहेस ह, उ पूरा होइ जाइ:</verse>
				<verse number="18">“इ मोर सेवक अहइ, मइँ जेका चुनेउ हउँ। इ मोर पिआरा अहइ, ऍहसे मइँ आनंद मँ हउँ आपन आतिमा ऍह प मइँ रखियउँ सब देसन क सब मनइयन क इ निआव क एलान करी।</verse>
				<verse number="19">इ कबहुँ नाहीं चिचिआई, या झगड़ी ही मनइयन ऍका गली कूचा मँ न सुनिहइँ</verse>
				<verse number="20">उ सरते क न उ तोड़ीन इ बुझत दिया तलक उ न बुझाई डटा रही तब ताई जब ताईं निआव क जीत न होइ जाई।</verse>
				<verse number="21">तब फिन सबइ लोग आपन आसा ओहमाँ बँधिहीं, फिन उहइ नाउँ मँ।”</verse>
				<verse number="22">फिन मनइयन ईसू क लगे एक अइसे अँधरे क लइ आएन जउन गूँगा भी रहा काहेकि ओहॅ प दुस्ट आतिमा क सवारी रही। ईसू ओका चांगा किहेस अउर एह बरे इ गूँगा अउर आँधर बोलइ अउर देखइ लाग।</verse>
				<verse number="23">ऍह प सबइ मनइयन अचरजे मँ पड़ि गएन अउर उ सबइ कहइ लागेन, “का इ मनई दाऊद क पूत होइ सकत ह?”</verse>
				<verse number="24">जबहिं फरीसियन इ सुनेन तउ उ पचे कहेन, “इ दुस्ट आतिमन क ओनके सरदार बेल्जाबुल क सहारा स बाहरे निकारत ह।”</verse>
				<verse number="25">ईसू ओनके मनवा क बात जानि गवा अउर ओनसे कहेस, “हर राज्य जेहमाँ फूट परि जात ह, ओकर नास होइ जात ह। वइसे ही हर सहर या परिवार जेहमाँ फूट परि जात ह उ टिकइ नाहीं पावत।</verse>
				<verse number="26">तउ सइतान ही खुद आपन क बाहेर कइसे निकारी फिन तउ ओहमाँ आपन खिलाफ फूट पड़ि जाई। तउ ओकर राज्य कइसे बना रहि पाई।</verse>
				<verse number="27">अगर इ सच अहइ कि मइँ बेल्जाबुल क सहारा स दुस्ट आतिमन क खदेरत हउँ तउ तोहार मनवइया कउने सहारा स ओनका बाहेर खदेरत हीं? तउ तोहार आपन मनवइया ही सिद्ध करिहीं कि तू गलत अहा।</verse>
				<verse number="28">मइँ दुस्ट आतिमन क परमेस्सर क आतिमा क सक्ती स निकारत हउँ। ऍहसे इ सिद्ध होत ह कि परमेस्सर क राज्य तोहरे निअरे आइ ग अहइ।</verse>
				<verse number="29">फिन कउन कउनो जबरा क घरवा मँ घुसिके ओकर माल कइसे चोरॉइ सकत ह, जब तलक उ जबरा क पहिले बाँध न देइ। तबहिं उ ओकरे घरवा क लूटि सकत ह।</verse>
				<verse number="30">जउन मोर संग नाहीं उ हमरे खिलाफ बाटइ। अउर जउन अलगाइ भई भेड़न क बटोरइ मँ मोर मदद नाहीं करत, उ ओनका अलगावत ह।</verse>
				<verse number="31">“एह बरे मइँ तोहसे कहत हउँ कि सब मनइयन क किस्म किस्म क निन्दा अउर पापन्क छमा कइ दीन्ह जाइ मुला पवित्तर आतिमा क निन्दा क छमा किन्ह न जाई।</verse>
				<verse number="32">कउनउ मनई क पूत क खिलाफ जदि कछू कहत ह तउ ओका छमा कीन्ह जाइ सकत ह, मुला पवित्तर आतिमा क खिलाफ कउनो कछू कहइ तउ ओका छमा न कीन्ह जाई। न तउ इ युग मँ अउर न आवइवाला युगे माँ।</verse>
				<verse number="33">“तू लोग जानत ह कि बढ़िया फरे बरे तोहका बढ़िया बृच्छ रोपइ चाही। मुला बृच्छ बुरा अहइ तउ बुरा फर देइ। काहेकि बृच्छ आपन फरे स जाना जात ह।</verse>
				<verse number="34">अरे हे कीरा क बचवन! जब तू खुदइ बुरा अहा तउ नीक बातन कइसे कहि सकत ह? मनई क सब्द जउन ओकरे मनवा मँ भरा अहइ, उहइ स निकरत ही।</verse>
				<verse number="35">एक नीक मनई मनवा क नीक भंडारे स नीक बातन निकारत ह अउर बुरा मनई बुरी बातन क निकारत ह जउन मनवा क भंडारे मँ एकट्ठा रहत हीं।</verse>
				<verse number="36">अउ मइँ तू सब जने के बतावन हउँ कि निआव क दिन हर मनई क लापरवाही स बोली गइ बातन क हिसाब देइ क होई।</verse>
				<verse number="37">तोहरे बातन क ऊपर तोहका निर्दोख अउर दोखी ठहराइ जाई।”</verse>
				<verse number="38">फिन कछू धरम सास्तिरियन अउर फरीसियन ओसे कहेन, “गुरु, हम पचे तोसे अद्भुत चीन्हा परगट करइ चाहित ह।”</verse>
				<verse number="39">ईसू ओनसे जवाबे मँ कहेस, “इ जुग क बुरा अउर दुराचारी पीढ़ी क मनई अद्भुत चीन्हा देखा चाहत हीं। नबी योना क अद्भुत चीन्हा तजिके ओनका अउर कउनो अद्भुत चीन्हा न दीन्ह जाई।</verse>
				<verse number="40">अउ जइसे योना तीन दिना अउर तीन रात उ समुद्री जीव क पेटवा मँ रहा, वइसे ही मनई क पूत तीन दिन अउर तीन रात धरती क अन्दर मँ रही।</verse>
				<verse number="41">निआव क दिन निनेवा क रहइवाले आज क पीढ़ी क मनई क संग खड़ा होइहीं अउर दोखी ठहरइहीं। काहेकि निनेवा क मनई योना क उपदेस स मनफिराव करे रहेन अउर हियाँ तउ कउनो योना स बड़वार हाजिर अहइँ।</verse>
				<verse number="42">“निआव क दिन दक्खिन क रानी इ पीढ़ी क मनइयन क संग खड़ी होई अउर ओनका दोखी ठहराई, काहेकि उ धरती क दूसर छोर स सुलैमान क उपदेस सुनइ बरे आइ रही अउर हियाँ तउ कउनउ सुलैमान स भी बड़वार हाजिर अहइ।</verse>
				<verse number="43">“जब कउनउ दुस्ट आतिमा कउनो मनई क छोड़ देत ह तउ उ आराम खोजइ बरे झुरान धरती प ढूँढ़त फिरत ह, मुला उ ओका मिल नाहीं पावत।</verse>
				<verse number="44">तब उ कहत ह, ‘जउन घरे क मइँ छोड़ दिहेउँ, मइँ फिन उहइँ लौटि हउँ।’ तउ उ लौटत ह अउर ओका अब ताईं खाली अउ साफ सूथर अउर सजा भवा पावत ह।</verse>
				<verse number="45">फिन उ लौटत ह अउ आपन संग सात अउ दुस्ट आतिमन क लइ आवत ह जउन ओसे भी बुरी होत हीं। फिन उ सबइ आइके हुवाँ रहइ लागत हीं। अउर उ मनई क हालत पहिले स जिआदा खौफनाक होत ह। आज क इ खराब पीढ़ी क मनइयन क दसा अइसी बाटइ।”</verse>
				<verse number="46">ईसू अबहिं भिड़िया क मनइयन स बातन कर रहा कि ओकर महतारी अउर भाइयन हुवाँ अइके बाहेर खड़ा होइ गएन। उ पचे ईसू स बात करइ बरे इंतजार करत रहेन।</verse>
				<verse number="47">कउनो ईसू स कहेस, “सुना तोहार महतारी अउर तोहार भाइयन खड़ा बाटेन अउर तोसे बात करइ चाहत हीं।”</verse>
				<verse number="48">जवाबे मँ ईसू बात करइवालन स कहेस, “कउन अहइ मोर महतारी, अउ कउन अहइ मोर भाइयन?”</verse>
				<verse number="49">फिन आपन हथवा स चेलन कइँती सनकावत कहेस, “इ अहइँ मोर महतारी अउर मोर भाइयन।</verse>
				<verse number="50">हाँ सरगे मँ रहवइया मोरे परमपिता क इच्छा प जउन कउनो चलत ह, उहइ मोर भाई, बहिन अउर महतारी अहइ।”</verse>
			</chapter>
			<chapter number="13">
				<verse number="1">उहइ दिन ईसू उ घरवा क छोड़िके झिलिया क किनारे उपदेस देइ जाइ बइठा।</verse>
				<verse number="2">बहोत मिला ओकरे चारिउँ कइँती ऍकट्ठा होइ गएन। तउ एक दिन उ नाउ प चढ़िके बइठि गवा। अउ भीड़ किनारे खड़ी रही।</verse>
				<verse number="3">उ ओनका दिस्टान्त क सहारा लेत भवा बहोत सी बात बताएस। उ कहेस, “एक किसान बिआ बोअइ निकरा।</verse>
				<verse number="4">उ जब बोआई करत रहा तउ कछू बिआ राहे क किनारे जाइ गिरेन। चिड़ियन आइन अउर चुन गइन।</verse>
				<verse number="5">तनिक बिआ चट्टान क धरती प जाइ गिरेन। हुआँ क माटी उथली रही। बिआ फउरन उगेन, काहेकि माटी गहिर नाहीं रही।</verse>
				<verse number="6">यह बरे जइसे सूरज निकरा तउ उ पउधन झुराइ गएन। अउर काहेकि उ सबइ जिआदा जर पकड़े नाहीं रहेन एह बरे झुराइके गिर गएन।</verse>
				<verse number="7">बिआ क एक हींसा कँटहरी झाड़िन मँ जाइ गिरा, झाड़िन बाढ़िन, अउर उ सबइ उ पउधन क दहबोच लिहेन।</verse>
				<verse number="8">मुला थोड़ा बिआ जउन बढ़िया धरती प गिरा रहेन, बढ़िया फसल देइ लागेन। फसल, जेतना बोइ ग रही, ओसे कउनो तीस गुनी, साठ गुनी, या सौ गुनी स भी जिआदा भई।</verse>
				<verse number="9">जउन सुन सकत ह, उ सुनि लेई!”</verse>
				<verse number="10">फिन ईसू क चेलन ओकॅरे लगे जाइके पूछेन, “तू ओनसे बात करत भए दिस्टान्त कथा क प्रयोग काहे करत ह?”</verse>
				<verse number="11">जवाबे मँ उ ओनसे कहेस, “सरगे क राज्य क भेद क जानइ क अधिकार सिरिफ तोहका दीन्ह ग अहइ, ओनका नाहीं।</verse>
				<verse number="12">काहेकि जेकरे लगे थोड़ा बहोत बाटइ, ओका अउर भी दीन्ह जाई अउर ओकरे लगे ढेर होइ जाई। मुला जेकरे लगे कछू भी नाहीं अहइ, ओहसे जेतना स ओकरे लगे बाटइ, उ भी छोर लीन्ह जाइ।</verse>
				<verse number="13">एह बरे मइँ ओनसे दिस्टान्त कथा क प्रयोग करत कहत हउँ। काहेकि अगर उ सबइ निहारत हीं मुला असल मँ ओनका कछू देखॉई नाहीं देत, उ पचे अगर सुनत हीं, मुला असल मँ उ सबइ न सुनत हीं, न समझत हीं।</verse>
				<verse number="14">इ तरह ओन प यसायाह की भविस्सबाणी खरी उतरत ही: ‘तू सुनब्या अउर सुनतइ ही रह्ब्या मुला तोहरे कछू भी समुझ न आई तू लखत ह, बस देखतइ ही रह्ब्या मुला तोहका तउ कछू सूझ ना पाई,</verse>
				<verse number="15">काहेकि ओनके अकिल प पाथर पड़ा हइ सबइ आपन कान मूँद लिहेन, अउर आँखी बंद कई राखी अहइँ जेसे आपन आँखिन स उ सबइ कछू न निहारइँ अउर उ सबइ कनवा स कछू सुनि न पावइँ या आपन हिरदय स कबहुँ बूझइँ अउ मुड़िकइ कबहुँ मोरी कइँती आवइँ अउर जेसे मइँ ओनका उद्धार करउँ।’</verse>
				<verse number="16">मुला तोहार आँखी अउर कान धन्य अहइँ काहेकि उ सबइ देख सुन सकत हीं।</verse>
				<verse number="17">मइँ सच कहत हउँ बहोतन नबियन अउर धर्मी जउन बातन क देखइ चाहत रहेन, ओनका तू देखत अहा। उ पचे ओनका नाहीं देखि सकतेन। अउ जउन बातन क उ सबइ सुनइ चाहत रहेन, ओनका तू सुनत बाट्या। उ सबइ ओनका नाहीं सुन सकेन।</verse>
				<verse number="18">“तउ बिआ बोअइ क दिस्टान्त क अरथ सुन ल्या।</verse>
				<verse number="19">“उ बिआ जउन राह क किनारे गिर गवा रहा, ओकर अरथ अहइ कि जबहिं कउनो सरगे क राज्य क उपदेस सुनावत ह अउर समझत नाहीं तउ दुस्ट आइके, ओकरे मनवा मँ जउन उगा रहा, उखाड़ लइ जात ह।</verse>
				<verse number="20">“उ सबइ बिआ जउन पथरही धरती प छितराइ ग रहेन, ओकर अरथ अहइ उ मनई जउन उपदेस सुनत ह, ओका खुसी होइके फउरन अपनावत ह</verse>
				<verse number="21">मुला आपन भीतर ओनकइ जड़ नाहीं जमइ देत, उ तनिक देर ठहर पावत ह, जब उपदेस क कारण ओह प कस्ट अउर यातना आवत हीं तउ उ फउरन डगमगाइ जात ह।</verse>
				<verse number="22">“कँटवन मँ छितराइ गवा बिआ क मतलब अहइ, उ मनई जउन उपदेस क तउ सुनत ह, मुला संसार क फिकिर अउर धन क लालच उपदेस क दहबोच लेत ह अउर उ मनई सफल नाहीं होइ पावत।</verse>
				<verse number="23">“नीक धरती प छितरान बिआ क अरथ अहइ उ मनई जउन उपदेस क सुनत ह अउर समझत ह। उ सफल होत ह। ओकर सफलता तीस गुनी, साठ गुनी या सौ गुनी तक होत ह।”</verse>
				<verse number="24">ईसू ओनके समन्वा एकठू अउर दिस्टान्त कथा राखेस, “सरगे क राज्य उ मनई क नाईं अहइ जउन आपन खेतवा मँ नीक बिआ बोएस।</verse>
				<verse number="25">मुला जब मनइयन सोवत रहेन, उ मनई क दुस्मन आवा अउर गोहूँ क बीचउबीच खरपतवार बोइ गवा।</verse>
				<verse number="26">जइसे गोहूँ अँखुवान अउर ओह प बालन आइन तउ खरपतवार देखाइ लाग।</verse>
				<verse number="27">तइसेन खेते क मालिक क लगे आइके ओकर नउकरन ओसे कहेन, ‘मालिक, तू तउ खेतवा मँ बढ़िया बिआ बोए रहा, बोए रह्या न? फिन ई खरपतवार कहाँ ते आइ गवा?’</verse>
				<verse number="28">“तब उ ओनसे कहेस, ‘इ कउनो दुस्मने क काम अहइ।’ “ओकर नउकरन ओसे पूछेन, ‘का तू चाहत ह कि हम सबइ जाइके खरपतवार उखाड़ देइ?’</verse>
				<verse number="29">“उ बोला, ‘नाहीं काहेकि जब तू खरपतवार उखड़ब्या तउ ओनके संग तू गोहूँ भी उखाड़ देब्या।</verse>
				<verse number="30">जब ताईं फसल पाकइ, दुइनउँ क साथ साथ बाढ़इ द्या, फिन कटनी क समइ फसल क कटइयान स कहब कि पहिले खरपतबारे क गट्ठर बनाइके ओनका जराइ द्या अउर गोहूँ बटोरिके मोरे खरिहाने मँ धइ द्या।’”</verse>
				<verse number="31">ईसू ओनके समन्वा अउर दिस्टान्त कथन्क राखेस: “सरग क राज्य राई क बिआ क छोटवार बिआ क नाईं अहइ, जेका कउनो लइके खेते मँ बोई दिहे होय।</verse>
				<verse number="32">ई बिआ नान्ह स नान्ह होत ह मुला बड़वार होए प इ बगिया क सबइ पउधन स बड़वार होइ जात ह। इ पेड़ बनत ह अउर अकासे क पंछी आइके ऍकर डारन प सरन लेत हीं।”</verse>
				<verse number="33">ईसू ओनका एक दिस्टान्त कथा अउ कहेस, “सरगे क राज्य खमीर क नाई अहइ, जेका जउनो स्त्री तीन अढ़इया आटा मँ मिलाएस अउर तब ताई ओका राखि दिहेस जब तलक उ सबइ क सबइ खमीर नाहीं भवा।”</verse>
				<verse number="34">ईसू लोगन्स सब कछू दिस्टान्त कथन स बताएस। असिल मँ उ ओनसे दिस्टान्त कथा क बिना कछू नाहीं कहत रहा।</verse>
				<verse number="35">अइसा एह बरे भवा कि परमेस्सर नबी स जउन कछू कहवाए रहा पूरा होइ जाइ: परमेस्सर कहेस, “मइँ दिस्टांत कथन स आपन मुँहना खोलिहउँ। सृस्टि क सुरू स जउन बात छुपी रहिन, ओनका परगट करब।”</verse>
				<verse number="36">फिन ईसू उ भीड़ क बिदा कइके घर आइ गवा। तब्बइ ओकर चेलन आइके ओसे कहेन, “खेते क खरपतवार क दिस्टान्त क अरथ हमका समझाइ द्या।”</verse>
				<verse number="37">जवाबे मँ ईसू बोला, “जउन उत्तिम बिआ बोए रहा, उ अहइ मनई क पूत।</verse>
				<verse number="38">अउर खेत इ संसार अहइ। नीक बिआ क अरथ अहइ, सरगे क राज्य क मनई। खरपतवार क अरथ अहइ, दुस्ट (सइतान) क संतान।</verse>
				<verse number="39">उ दुस्मन जउन खरपतवारे क बोएस, सइतान अहइ, अउर कटनी क समइ अहइ, इ संसार क अंत अउर कटइया अहइँ परमेस्सर क दूतन।</verse>
				<verse number="40">“तउ ठीक उहइ जइसे खरपतवारे क ऍकट्ठा कइके आगी मँ जराइ दीन्ह ग, वइसे ही संसार क अंत होई।</verse>
				<verse number="41">मनई क पूत आपन दूतन क पठइ अउर उ सबइ ओनके राज्य स सबइ पापिन क अउ ओनक जउन पाप बरे मनइयन क भड़कावत हीं,</verse>
				<verse number="42">ऍकट्ठा कइके धधकत भट्ठी मँ झोक देइहीं जहाँ बस दाँतन क पीसब अउर रोउब ही रोउब होई।</verse>
				<verse number="43">तब धर्मी आपन परमपिता क राज्य मँ सूरज क नाई चमकिहीं। जउन सुनि सकत ह, सुनि लेइ।</verse>
				<verse number="44">“सरग क राज्य खेत मँ गड़ा भवा खजाना क नाईं अहइ, जेका कउनो मनई पाएस अउर फिन ओका हुवँई गाड़ दिहेस। उ ऍतना खुस भवा कि ओकरे लगे जउन कछू रहा उ ओका बेंच दिहस अउर उ खेत बेसहि लिहस।</verse>
				<verse number="45">“सरग क राज्य एक अइसे बेवपारी क नाईं अहइ कि जउन बढ़िया मोती क खोज मँ होइ।</verse>
				<verse number="46">जइसेन ओका एक अनमोल मोती मिला तउ जाइके जउन कछू ओकरे पास रहा, उ बेंच डाएस अउर मोती वेसहि लिहस।</verse>
				<verse number="47">“सरगे क राज्य मछरी पकड़इ बरे झीले मँ फेंक गवा जाल क नाईं भी अहइ। जेहमाँ किसिम किसिम क मछरी पकड़ लीन्ह गइन।</verse>
				<verse number="48">जब उ जाले मँ मछरी मुचामुच भरि गइन तउ किनारे ओका हींच लीन्ह गवा अउर हुवाँ बैठिके नीक मछरी छाँटिके टोकरिन मँ भरि लीन्ह गइन मुला बेकार मछरी फेंकि दीन्ह गइन।</verse>
				<verse number="49">सृस्टि क अंत मँ अइसे ही होई। सरगदूतन अइहीं अउर धर्मियन मँ स दुस्ट मनइयन क छाँटिके</verse>
				<verse number="50">धधकत भट्ठी मँ झोकि देइहीं। हुवाँ बस रोउब अउर दाँत पीसब होई।”</verse>
				<verse number="51">ईसू आपन चेलन स पूछेस, “का तू सबइ इ बातन क समझत ह” उ पचे जबाव दिहन, “हाँ।”</verse>
				<verse number="52">फिन उ ओनसे कहेस, “देखा, एह बरे हर धरम सास्तरी जउन सरग क राज्य क जानत ह, एक अइसे ग्रिहस्त क नाई अहइ, जउन आपन बखरी स नई पुरानी चीजन्क बाहेर निकारत ह।”</verse>
				<verse number="53">इ सबन दिस्टान्त कथा क पूरा कइके उ हुवाँ स चला गवा।</verse>
				<verse number="54">अउर आपन देस आइ गवा। फिन उ आराधनालय मँ उपदेस देब सुरू करेस। ऍसे हर कउनो अचरजे मँ पड़िके कहइ लाग, “ऍका अइसी सूझबूझ अउर अद्भुत कारजन क सक्ती कहाँ त मिल गइ?</verse>
				<verse number="55">का इ उहई बढ़ई क बेटवा नाहीं अहइ? का ऍकर महतारी क नाउँ मरियम नाहीं अहइ? याकूब, यूसुफ, समौन अउर यहूदा इहई क भाई अहइँ न?</verse>
				<verse number="56">ऍकर सबहिं बहिनियन हमरे बीच मँ नाहीं अहइँ? तउ फिन ओका इ सब कहाँ त मिली गवा?”</verse>
				<verse number="57">तउ उ सबइ ओका मानेन नाहीं। फिन ईसू कहेस, “कउनो नबी इ आपन गाँव अउर घरवा क छाँड़िके, सब मनइयन इज्जत करत हीं।”</verse>
				<verse number="58">तउ ओनके बिसवास न होइके कारण उ हुवाँ जिआदा अद्भुत कारजन नाहीं किहेस।</verse>
			</chapter>
			<chapter number="14">
				<verse number="1">उ समइ गलील क राजा हेरोदेस जब ईसू क बारे मँ सुनेस</verse>
				<verse number="2">तउ उ आपन नउकरन स कहेस, “इ बपतिस्मा देइवाला यूहन्ना अहइ जउन मरि गएन मँ जी गवा बाटइ। अउर इहइ बरे इ सक्तिन ओहमाँ करत बाटिन जेसे इ इन अद्भुत कारजन क करि डावत ह।”</verse>
				<verse number="3">इ उहइ हेरोदेस रहा जउन यूहन्ना क गिरपतार कइके, जंजीरे स बाँधि, जेल मँ धाँध दिहस। इ उ हिरोदियास क कहे प किहेस, जउन पहिले ओकरे भाई फिलिप्पुस क पत्नी रही।</verse>
				<verse number="4">यूहन्ना ओसे अक्सर कहत रहत रहा: “तोहका ऍकरे साथ नाहीं रहइ चाही।”</verse>
				<verse number="5">ऍह प हेरोदेस ओका मार डावइ चाहत रहा, मुला उ मनइयन स डेरात रहा काहेकि मनई यूहन्ना क नबी मानत रहेन।</verse>
				<verse number="6">मुला जब हेरोदेस क जन्म दिन आवा तउ हिरोदियास क बिटिया हेरोदेस अउर ओकर मेहमनवन क समन्वा नाचिके हेरोदेस क ऍतना खुस किहेस कि सपथ खाइके ओका देइ बरे बचन दिहेस कि उ जउन कछू चाही।</verse>
				<verse number="7"></verse>
				<verse number="8">आपन महतारी क उस्कावे मँ आइके उ कहेस, “मोका टाठी मँ धइके बपतिस्मा देइवाला यूहन्ना क मूँड़ द्या।”</verse>
				<verse number="9">तउ भी राजा बहोत दुखी रहा मुला आपन सपथ अउर आपन मेहमानन क कारण उ ओकर मंसा पूरी होइके हुकुम दिहेस।</verse>
				<verse number="10">उ जेल मँ यूहन्ना क मूँड़ काटइ बरे मनई पठएस।</verse>
				<verse number="11">तउ यूहन्ना क मूँड़ टाठी मँ धइके लइ आवा गवा अउर लरकी क दइ दीन्ह गवा। उ ओका आपन महतारी क लगे लइ गइ।</verse>
				<verse number="12">यूहन्ना क चेलन आएन अउर ओकरे धड़े क गाड़ दिहन अउर फिन उ पचे आइके ईसू क बताइ दिहन।</verse>
				<verse number="13">जब ईसू ऍकरे बारे मँ सुनेस तउ उ हुवाँ स नाउ मँ बइठिके निर्जन जगहिया मँ अकेॅल्ले चला गवा। मुला जब भीड़ क ऍकरे बारे मँ मालूम भवा तउ आपन सहरन स पइयाँ पइयाँ ओकरे पाछे होइ गएन।</verse>
				<verse number="14">ईसू जब नाउ स निकरि के किनारे आवा तउ उ बड़ी भीड़ देखेस। ओका ओन प दाया आइ अउर ओनके बेरमियन क नीक किहेस।</verse>
				<verse number="15">जब साँझ भई तउ ओकर चेलन ओकरे लगे आइके कहेन, “इ निर्जन जगह अहइ अउर बहोत देर होइ गइ अहइ, तउ भीड़ क बिदा कइ द्या, जेसे उ सबइ गाउँ मँ जाइके आपन बरे खइया बेसहि लेइँ।”</verse>
				<verse number="16">मुला ईसू ओनसे कहेस, “ऍनका कहूँ जाइ क जरूरत नाहीं बा। तू एनका कछू खाइके दइ द्या।”</verse>
				<verse number="17">उ पचे ओसे कहेन, “हमरे लगे पाँच ठु रोटी अउर दुइ मछरिन क छोड़िके अउर कछू नाहीं अहइ।”</verse>
				<verse number="18">ईसू कहेस, “ओका मोरे लगे लइ आवा।”</verse>
				<verse number="19">उ भिड़िया क मनइयन स कहेस कि उ पचे घास प बइठि जाइँ। फिन उ पाँच ठु रोटी अउर दुइ मछरिन क लइके सरग कइँती देखेस अउर भोजन बरे परमेस्सर क धन्यबाद दिहेस। फिन रोटी क टुकड़न मँ तोड़ेस अउर ओनका आपन चेलन क दिहेस। उ चेलन टुकड़न क मनइयन मँ बाँटेन।</verse>
				<verse number="20">सबइ जिअरा भरि के जेंएन। ओकरे बाद खियाए स बचा भवा टुकड़न स चेलन बारह झउआ भरि दिहेन।</verse>
				<verse number="21">स्त्रियन अउर गदेलन क तजिके हुवाँ खवइया कउनो पाँच हजार रहेन।</verse>
				<verse number="22">ऍकरे तुरंतइ पाछे ईसू आपन चेलन क नाउ प बइठाएस अउर जब ताईं उ भिड़िया क बिदा करइ, ओसे पहिले आपन चेलन स गलील झील क उ पार जाइ क कहेस जइसे उ सबइ ईसू क जाइ स पहिले पहुँच जाईं।</verse>
				<verse number="23">उ भीड़ क बिदा कइके पराथना करइ अकेल्ले पहाड़ी प चला गवा। साँझ होइ प उ हुवाँ अकेला रहा।</verse>
				<verse number="24">तब ताईं नाउ किनारे मीलन दूर तलक जाइ चुकी रही अउर लहरन क हिलोर स नाउ डोलय लाग काहेकि आँधी उल्टी चलत रही।</verse>
				<verse number="25">भिन्सारे तीन अउर छः बजे क बीच मँ ईसू झील प चलत ओनके लगे आवा।</verse>
				<verse number="26">ओकर चेलन जब ओका झीले प चलत देखेन तउ घबराइके आपुस मँ कहइ लागेन, “इ तउ कउनो भूत अहइ।” उ पचे डेराइ के चिचियाने।</verse>
				<verse number="27">ईसू फउरन ओनसे बात करत भवा कहेस, “हिम्मत राखा! इ मइँ हउँ, अब अउ जिन डेराअ!”</verse>
				<verse number="28">पतरस जबाव देत ओसे कहेस, “पर्भू, अगर तू अहा, तउ मोका पानी प चलिके आपन लगे आवइ क कहा।”</verse>
				<verse number="29">ईसू कहेस, “पतरस, चला आवा।” पतरस नाउ स निकरिके पानी प इसू कइँती चल पड़ा।</verse>
				<verse number="30">जबहिं उ जोर क आँधी देखेस उ घबराइ गवा। उ बूड़ई लाग अउर नरियान, “पर्भू, मोर रच्छा करा!”</verse>
				<verse number="31">ईसू तुरंतहि ओकरे नगिचे पहुँचिके ओका थाम लिहेस अउर ओसे कहेस, “अरे, कम बिसवास करइया, तू संदेह काहे किहा?”</verse>
				<verse number="32">अउर उ सबइ नाउ प चढ़ि आएन। आँधी पटाइ गइ।</verse>
				<verse number="33">नाउ क मनइयन ईसू का आराधना किहेन अउर कहेन, “तू सच परमेस्सर क पूत अहा।”</verse>
				<verse number="34">तउ झील पार कइके उ सबइ गन्नेसरत क किनारे उतरि आएन।</verse>
				<verse number="35">जब हुवाँ क रहइवाला ईसू क पहिचानेन तउ उ पचे ओकरे अवाई क खबर आसपास क सबहिं ठउरन मँ पठइ दिहन। जेसे मनई जउन बेरमिया रहेन, उ सबन क हुवाँ लइ आएन।</verse>
				<verse number="36">अउर ओसे पराथना करइ लागेन उ ओनका आपन ओढ़ना क छोर छुअइ दे। अउर जउन छुइ लिहेन, उ सबइ पूरंपूर चंगा होइ गएन।</verse>
			</chapter>
			<chapter number="15">
				<verse number="1">फिन कछू फरीसियन अउर धरमसास्तिरियन यरूसलेम स ईसू क लगे आएन अउर ओसे पूछेन,</verse>
				<verse number="2">“तोहार चेलन हमरे पूर्वजन क रीति रिवाज क काहे नाहीं मनतेन? उ पचे खइया खाइ स पहिले आपन हथवन क काहे नाहीं धोउतेन!”</verse>
				<verse number="3">जबावे मँ ईसू ओनसे पूछेस, “आपन रीति रिवाजन क कारण तू परमेस्सर क हुकुम क काहे टारत ह</verse>
				<verse number="4">काहेकि परमेस्सर तउ कहेस, ‘तू आपन महतारी बाप क इज्जत करा’ अउर जउन कउनो, ‘महतारी बाप क बेज्जत करइ, ओका जरूर मार डावइ चाही।’</verse>
				<verse number="5">मुला तू कहत ह कि अगर कउनो आपन महतारी बाप स कहइ, ‘मइँ आपन सब कछू परमेस्सर क अर्पन कइ दिहे हउँ, एह बरे तोहार मदद नाहीं कइ सकत हउँ।’</verse>
				<verse number="6">इ तरह ओका आपन बाप क मानइ क जरूरत नाहीं। एह तरह तू आपन रीति रिवाजे क कारण परमेस्सर क हुकुम क नाहीं मान्या।</verse>
				<verse number="7">अरे कपटी मनइयो! तोहरे बारे मँ यसायाह ठीक ही भविस्सबाणी किहेस। उ कहे रहा:</verse>
				<verse number="8">‘इ सबइ सिरिफ ओंठन स कि हमार मान करत हीं, मुला रहत ऍनकइ मन मोसे सदा दूर</verse>
				<verse number="9">अर्पन भइ आराधना मोका ऍनकी बगैर कामे की काहेकि सिखउतेन इ सबइ मनइयन क कहिके आपन धरम क उपदेस बनवा नेम मनई क।’”</verse>
				<verse number="10">उ भिड़िया क आपन नगिचे बोलाऍस अउर ओनसे कहेस, “सुना अउर समझ ल्या कि</verse>
				<verse number="11">मनई क मुँहे स जउन भीतर जात ह उ ओका अपवित्तर नाहीं करत, मुला ओकरे मुँहना स निकरा सब्द ओका अपवित्तर करत ह।”</verse>
				<verse number="12">तब ईसू क चेलन ओकरे निअरे आएन अउर बोलेन, “का तोहका पता बाटई कि तोहरे बात क फरीसियन बहोत बुरा मान गएन?”</verse>
				<verse number="13">ईसू जबाव दिहेस, “हर पउधा जेका सरगे मँ बसा मोर परमपिता नाहीं लगाएन, ओका उजाड़ दीन्ह जाई।</verse>
				<verse number="14">ओनका तजि द्या, उ सबइ तउ आँधरन क नेता अहइँ। जदि एक आँधर दुसरे आँधर क राह देखावत ह, तउ उ दुइनउँ गड़हा मँ गिरि जात हीं।”</verse>
				<verse number="15">जबावे मँ पतरस ओसे कहेस, “हम पचन क पवित्तर न होइ क बारे मँ पहिले दीन्ह मँ दिस्टान्त क समझावा।”</verse>
				<verse number="16">ईसू कहेस, “का तू अबहूँ नाहीं समझया?</verse>
				<verse number="17">का तू नाहीं जानत अहा कि जउन कछू कउनो क मुँहे मँ जात ह, उ ओकरे पेटे मँ पहुँचत ह अउर फिन टट्टी स निकर जात ह</verse>
				<verse number="18">मुला जउन मनई क मुँहे स बाहेर आवत ह, उ ओकरे मने स निकरत ह। इहइ ओका अपवित्तर करत ह।</verse>
				<verse number="19">काहेकि बुरा बिचार, कतल, व्यभिचार, बुरी चाल, चोरी, झूठ अउर निन्दा सबइ बुराई मनवा स ही आवत हीं।</verse>
				<verse number="20">इहइ अहइँ जेसे कउनो अपवित्तर बनत ह। बे हाथ धोए खाइ स कउनो अपवित्तर नाहीं होत।”</verse>
				<verse number="21">फिन ईसू उ ठउर क तजिके सूर अउ सैदा कइँती चला गवा।</verse>
				<verse number="22">हुवाँ क एक कनानी स्त्री आइ अउर चिचियाइ लाग, “हे पर्भू, दाऊद क पूत मोहे प दाया करा। मोरी बिटिया प दुस्ट आतिमा बुरी तरह स सवार अहइ।”</verse>
				<verse number="23">ईसू ओसे एक सब्द भी नाहीं कहेस, तउ ओकर चेलन ओकरे लगे आएन अउर बिनती करइ लागेन, “इ हमरे पाछे चिचिआत भई आवति अहइ। ऍका दूर हटावा।”</verse>
				<verse number="24">ईसू जवाब दिहेस, “मोका सिरिफ इस्राएल क लोगन क भटक गई भेड़न क बजाय कउनो अउर बरे नाहीं पठवा ग अहइ।”</verse>
				<verse number="25">तब उ स्त्री ईसू क समन्वा निहुरिके बिनती करेस, “हे पर्भू, मोर सहायता करा!”</verse>
				<verse number="26">जवाबे मँ ईसू कहेस, “इ ठीक नाहीं कि गदेलन क खइया लइके ओका कुकुरन क अगवा नाईं दीन्ह जाइ।”</verse>
				<verse number="27">उ बोली, “इ ठीक बाटइ पर्भू, मुला आपन मालिक क मेजे स गिरि गवा चूर चरावा मँ स थोड़ बहोत तउ घरे क कुकुर खाइ लेत ही।”</verse>
				<verse number="28">तब ईसू कहेस, “बिटिया, तोहार बिसवास बहोत मजबूत क अहइ। जउन तू चाहत ह, पूर होइ जाइ।” अउ फउरन ओकर बिटिया चंगी होइ गइ।</verse>
				<verse number="29">फिन ईसू हुवाँ स चल पड़ा अउर गलील झीले क किनारे पहुँच गवा। उ एक पहाड़े प चढ़िके बइठ गवा।</verse>
				<verse number="30">बहोत बड़ी भीड़ लँगड़ा, लूला, आँधर, अपाहिज, बहिरा, गूँगा अउर अइसे दूसर बेरमिया क लइके ओकरे लगे आवइ लागेन। भिड़िया ओकरे गोड़वा प भुइयाँ प डाइ दिहेस अउ ईसू ओन पचेन क चंगा किहेस।</verse>
				<verse number="31">ऍहसे भीड़ क मनइयन क, इ लखिके बहिर, गूँगा बोलत अहइँ, अपाहिज नीक होइ गएन, लँगड़ा लूला चलइ फिरइ लागेन अउ आँधर अब देख पावत हीं, बड़ा अचरज भवा। उ सबइ इस्राएल क परमेस्सर क सराहना करइ लागन।</verse>
				<verse number="32">ईसू तब आपन चेलन क आपन नगिचे बोलाएस अउ कहेस, “मोका इ भीड़े पर तरस आवत अहइ काहेकि इ मनइयन तीन दिना स बराबर मोर संग अहइँ अउर ऍनके लगे कछू खइया के भी नाहीं बाटइ। मइँ ऍनका भूखा ही नाहीं पठवइ चाहत हउँ काहेकि होइ सकत ह कि कहूँ उ पचे रस्ता मँ चक्कर खाइके गिरि जाइँ।”</verse>
				<verse number="33">तबहि ओकर चेलन कहेन, “ऍतनी बड़वार भीड़ बरे अइसी दूर कर ठउर मँ ऍतना ढेर खइया क कहाँ स मिली?”</verse>
				<verse number="34">तब ईसू ओनसे पूछेस, “तोहरे लगे केतॅनी रोटी अहइँ?” उ सबइ कहेन, “सात रोटी अउर कछू नान्ह नान्ह मछरिन।”</verse>
				<verse number="35">ईसू भिड़िया स भुइयाँ प बइठइ क कहेस।</verse>
				<verse number="36">अउर ओन सात रोटी अउर मछरियन क लइके उ परमेस्सर क धन्यबाद दिहेस अउ रोटिनक तोड़ेस अउर आपन चेलन क देइ लाग। फिन ओकर चेलन लोगन क बाँटि दिहेन।</verse>
				<verse number="37">सब लोग तब तलक खात रहेन जब अघाइ नाहीं गएन। फिन ओकर चेलन बचा भवा टुकड़न स सात झउआ भरेन।</verse>
				<verse number="38">स्त्रियन अउर बचवन क छाँड़िके हुवाँ चार हजार पुरुसन खइया क खाएन।</verse>
				<verse number="39">भीड़े क बिदा कइके ईसू नाउ मँ आवा अउर मगदन क छेत्र मँ चला गवा।</verse>
			</chapter>
			<chapter number="16">
				<verse number="1">फिन फरीसियन अउर सदूकियन ईसू क लगे आएन। उ पचे ओका परखा चाहत रहेन तउ उ सबइ ओका कउनो अद्भुत कारज करइ क कहेन, काहेकि मालूम होइ जाइ कि उ परमेस्सर क बाटइ।</verse>
				<verse number="2">ईसू जवाब दिहेस, “सूरज बूड़इ क समइ तू पचे कहत ह मौसम बढ़िया रही कहेकि अकास ललछउँड़ अहइ।</verse>
				<verse number="3">अउर सूरज निकरे प तू कहत ह, ‘आज अँधड़ आई काहेकि अकास धूँधुर अउ ललछउँड़ अहइ।’ त अकासे क लच्छन पढ़इ जानत ह, मुला आपन समइ क लच्छन क नाहीं पढ़ सकत्या।</verse>
				<verse number="4">अरे दुस्ट अउर पापी पीढ़ी क मनई कउनो अद्भुत चीन्हा देखइ चाहत हीं मुला ओनके बजाय योना क अद्भुत चीन्हा क कउनो अउ दूसर अद्भुत चीन्हा नाहीं देखाइ जाई।” फिन उ ओनका तजि क चला गवा।</verse>
				<verse number="5">ईसू अउर ओनकइ चेलन झीले क पार चला गएन पर उ पचे रोटिया लइ आउब बिसरि गएन।</verse>
				<verse number="6">ऍह पइ ईसू ओनसे कहेस, “चउकन्ना रह्या अउर फरीसियन अउ सदूकियन क खमीरे स बचि रह्या।”</verse>
				<verse number="7">उ पचे आपुस मँ तजबीजइ लागेन अउर बोलने, “इ होई कि उ यह बदे कहेस कि हम पचे कउनो रोटी संग नाहीं लइ आएन।”</verse>
				<verse number="8">उ पचे का बिचारत रहेन, ईसू इ जानत रहा, तउ उ बोला, “अरे कमती बिसवास क मनइयो! तू सबइ आपुस मँ काहे सोचत बिचारत अहा कि तोहरे लगे रोटी नाहीं।</verse>
				<verse number="9">का तू पचे अबहुँ नाहीं समुझ पाया अउर तोहका याद नाहीं अहइ कि पाँच हजार मनइयन बरे उ पाँच रोटी अउर फिन केतना झउआ भरिके तू सबइ उठाया ह?</verse>
				<verse number="10">अउर का तोहका याद नाहीं चार हजार मनइयन बरे सात रोटी अउर फिन केतना झउआ भरि के तू पचे उठाए रह्या?</verse>
				<verse number="11">काहे नाहीं समझत्या कि मइँ तोहसे रोटियन क बारे मँ बात नाहीं कहेउँ? मइँ तउ तोहका फरीसियन अउर सदूकियन क खमीरे स दूर रहइ को कह्यो ह।”</verse>
				<verse number="12">तबहि उ पचे समुझ गएन कि रोटिया क खमीरे स नाहीं अरथ रहा मुला फरीसियन अउर सदूकियन क सिच्छा स चौकस रहइ क अरथ रहा।</verse>
				<verse number="13">जबहि ईसू कैसरिया फिलिप्पी क पहँटा मँ आइ तउ उ आपन चेलन स पूछेस, “मनइयन का कहत बाटेन, कि मइँ मनई क पूत कउन हउँ?”</verse>
				<verse number="14">उ पचइ कहेन, “कछू मनइयन कहत हीं तू यूहन्ना अहा बपतिस्मा देइवाला। दूसर मनइयन कहत हीं कि तू एलिय्याह अहा अउ कछू मिला कहत हीं कि तू यिर्मय्याह या नबियन मँ स कउनो एक अहा।”</verse>
				<verse number="15">ईसू आपन चेलन स कहेस, “अउर तू का कहत ह कि मइँ कउह हउँ?”</verse>
				<verse number="16">समौन पतरस जबाव दिहस, “तू मसीह अहा, साच्छात परमेस्सर क पूत।”</verse>
				<verse number="17">जवाबे मँ ईसू ओसे कहेन, “योना क पूत समौन। तू धन्य अहा काहेकि तोहका इ बात कउनो मनई नाहीं, मुला सरगे मँ बसा भवा मोर परमपिता देखाएस ह।</verse>
				<verse number="18">मइँ तोहसे कहत हउँ कि तू परतस अहा। अउर इहइ चट्टाने प मइँ आपन कलीसिया बनउव। मउत क सक्ती ओह प परबल नाहीं होइ।</verse>
				<verse number="19">मइँ तोहका सरगे क राज्य क कुंजी देत हउँ। काहेकि भुइयाँ प जउन कछू तू बँधब्या उ परमेस्सर क जारिये सरग मँ बाँध दीन्ह जाइ अउर धरती पर जेका तू न बंधब्या ओका सरगे मँ भी न बांधा जाई।”</verse>
				<verse number="20">फिन उ आपन चेलन क कर्रा हुकुम दिहेस कि उ सबइ कउनो क इ न बतावइँ कि उ मसीह अहइ।</verse>
				<verse number="21">उ समइया ईसू आपन चेलन क बतावइ लाग कि, ओका यरूसलेम जाइ चाही। जहाँ ओका धरम सास्तिरियन, बुजुर्ग यहूदी नेतन अउर मुख्ययाजकन क जरिए यातनायें दइके मरवाइ दीन्ह जाई। फिन तीसर दिन उ मरा भवा मँ जी जाई।</verse>
				<verse number="22">तबहि पतरस ओका अलगइ लइ गवा अउर ओकर डांट-डपट करत ओसे कहेस, “ओ पर्भू! परमेस्सर तोह पइ दाया करी। तेरे संग अइसा कबहुँ न होई!”</verse>
				<verse number="23">फिन ईसू ओकरे कइँती मुड़ि गवा अउर बोला, “पतरस मोरे समन्वा स हटि जा, सइतान! तू मोरे बरे एक रोड़ा अहा। काहेकि तू परमेस्सर क नाईं नाहीं मनई क नाईं सोचत बिचारत ह।”</verse>
				<verse number="24">फिन ईसू आपन चेलन स कहेस, “जदि कउनो मोरे पाछे आवा चाहत ह, तउ उ आपन क बिसराइ के, आपन क्रूस उठाइ लेइ अउर मोरे पाछे होइ जा।</verse>
				<verse number="25">जउन कउनो आपन जिन्नगी क बचावइ चाहत बा, उ ओका हेराइ देइ। मुला जउन कउनो मोरे बरे आपन जिन्नगी तजि देइ, उहइ ओका बचाइ सकत ह।</verse>
				<verse number="26">जदि कउनो आपन जिन्नगी दइके समूचा संसार भी पाइ जाइ तउ ओका ओसे कउन फायदा? आपन जिन्नगी क फिन स पावइ बरे कउनो भला का दइ सकत ह</verse>
				<verse number="27">मनई क पूत सरगदूतन क संग आपन परमपिता क महिमा क संग आवइवाला अहइ, जउन हर कउनो क ओकर करम क फल देई।</verse>
				<verse number="28">मइँ तोहसे सच कहत हउँ, हिआँ कछू अइसे लोग खड़ा अहइँ जउन तब तलक नाहीं मरिहीं जब तलक उ पचे मनई क पूत क ओकरे राज्य मँ आवत न निहारि लेइँ।”</verse>
			</chapter>
			<chapter number="17">
				<verse number="1">छः दिना पाछे ईसू, पतरस, याकूब अउर ओकर भाई यूहन्ना क संग लइके अकेल्ले मँ उँचके पहाड़े प गवा।</verse>
				<verse number="2">हुवाँ ओनके समन्वा ओकर रूप बदल गवा। ओकर मुँहना सूरज क नाई चमचमाइ लाग अउर ओढ़ना अइसे दमकइ लागेन जइसे रोसनी।</verse>
				<verse number="3">फिन एकाएक ओनके समन्वा मूसा अउर एलिय्याह परगट गएन अउर ईसू स बतियाइ लागेन।</verse>
				<verse number="4">इ लखिके पतरस ईसू स बोला, “पर्भू नीक बाटइ कि हम हियाँ अही। अगर तू चाहा तउ मइँ हियाँ तीन तम्बू बनाइ देई एक ठू तोहरे बरे, एक मूसा बरे अउर एक एलिय्याह क।”</verse>
				<verse number="5">पतरस अबहिं बात करत रहा कि चमचमात बादर आइके ओका ढाकि लिहेस अउर बदरे स अकासबाणी भइ, “इ मोर पिआरा पूत अहइ। जैसे मइँ खूब खुस हउँ। एकर सुना!”</verse>
				<verse number="6">जब चेलन इ सुनेन तउ उ सबइ ऍतना ससाइ गएन कि धरती प मुँहना उलटि के गिरि गएन।</verse>
				<verse number="7">तबहिं ईसू ओनके लगे गवा अउर ओनका छुअत भवा बोला, “डेराअ जिन, खड़ा ह्वा।”</verse>
				<verse number="8">जब उ पचे आँखी क ऊपर करेन तउ हुआँ कहूँ अउर का नाहीं बरन ईसू क पाएन।</verse>
				<verse number="9">जब उ सबइ पहाड़े स उतरत रहेन तउ ईसू ओनका हुकुम दिहेस, “जउन कछू तू देख्या ह, तब ताईं कउनो क जिन बतावा जब ताईं मनई क पूत क मरा भवा मँ स फिन जी न जाइ।”</verse>
				<verse number="10">फिन ओकर चेलन ओसे पूछेन, “धरम सास्तिरियन फिन काहे कहत हीं कि एलिय्याह क पहिले तू आउब तय अहइ?”</verse>
				<verse number="11">जवाब देत भवा ईसू ओनसे कहेस, “एलिय्याह आवत अहइ, उ हर चीज क तरकीबे स ठीक कइ देइ।</verse>
				<verse number="12">मुला मइँ तोहसे कहत हउँ कि एलिय्याह जउन अब तलक आइ चुका अहइ। मुला मनइयन ओका पहिचानेन नाहीं। अउर ओकरे संग जइसा चाहेन वइसा किहेन। ओनके जरिए मनई क पूत क भी वइसे ही सतावइ जाइवाला अहइ।”</verse>
				<verse number="13">तबहिं ओकर चेलन समुझ पाएन कि उ ओनसे बपतिस्मा क देवइया यूहन्ना क बारे मँ कहे रहा।</verse>
				<verse number="14">जब ईसू भीड़ मँ वापस आइ गवा तउ एक मनई ओकरे पास आवा। अउर ओका दंडवत कइके</verse>
				<verse number="15">बोला, “हे पर्भू, मोरे बेटवा प दाया करा। ओका मिर्गी आवत ह। उ बहोत तड़फड़ात ह। उ आगी या पानी मँ अक्सर गिरि पड़त ह।</verse>
				<verse number="16">मइँ ओका तोहरे चेलन क लगे लइ आवा, मुला उ सबइ ओका चंगा नाहीं कइ पाएन।”</verse>
				<verse number="17">जवाबे मँ ईसू कहेस, “अरे भटका भवा अबिसवासी मनइयन! मइँ केतॅना समइ तोहरे संग अउर रहब? केतॅना समइ मइँ अइसे ही तोहार सहब जात रहब? ओका हियाँ मोरे लगे लिआवा।”</verse>
				<verse number="18">फिन ईसू दुस्ट आतिमा क हुकुम दिहेस अउर उ ओहमा स बाहेर निकर आइ अउ उ लरिका फउरन नीक होई गवा।</verse>
				<verse number="19">फिन ओकर चेलन अकेल्ले मँ ईसू क लगे जाइ क पूछेन, “हम इ दुस्ट आतिमा क काहे नाहीं निकार पाए?”</verse>
				<verse number="20">ईसू ओनका बताएस, “काहेकि तोहमाँ बिसवास क कमी अहइ। मइँ तोहसे सच कहत हउँ, जदि तोहमाँ सरसों क बिया जेतॅना बिसवास अहइ तउ तू इ पर्वत स कहि सकत ह, ‘हियाँ स हटि के हुवाँ चल जा’ अउर उ चला जाई। तोहरे बरे असंभव कछू भी नाहीं होई।”</verse>
				<verse number="21">अइसी दुस्ट आतिमा सिरिफ पराथना अउ उपवास करइ स निकरत ह।</verse>
				<verse number="22">जब ईसू क चेलन आएन अउर गलील मँ ओकरे साथ मिलेन तउ ईसू ओनसे कहेस, “मनई क पूत, मनइयन क जरिये पकड़वाइ जाइवाला अहइ,</verse>
				<verse number="23">अउर उ ओका मार डइहीं। मुला तीसरे दिना उ फिन जी जाई।” ऍह प ईसू क चेलन बहोत बिआकुल होइ गएन।</verse>
				<verse number="24">जब ईसू अउर ओकर चेलन कफरनहूम मँ आएन तउ मन्दिर क दुइ दरम क चुंगी उगहिया वालेन पतरस क लगे आएन अउर बोलेन, “का तोहार गुरु दुइ दरम क मन्दिर क चुंगी नाहीं देत?”</verse>
				<verse number="25">पतरस जबाव दिहस, “हाँ, उ देत ह।” अउर उ घरवा मँ आवा जहाँ ईसू रहा। पतरस क बोलइ स पहिले ईसू बोल उठा, “समौन, तोहार का बिचार अहइ? धरती क राजा केहसे चुंगी लेत हीं? खुद अपने बचवन स, या दूसर क बचवन स?”</verse>
				<verse number="26">पतरस जबाव दिहस, “बाहिर क मनइयन स।” तबहिं ईसू ओसे कहेस, “यानी ओकरे आपन बचवन क छूट मिलत ह।</verse>
				<verse number="27">मुला हम पचे ओन मनइयन क कोहाय न देइ। एह बरे झिलिया प जा अउर आपन कटिया फेंक द्या अउर फिन जउन मछरी धरे मँ आइ जाइ ओकर मुँहना खोल द्या। तोहका चारि दरम क सिक्का मिली। ओका लइके मोरे अउ आपन बरे ओनका दइ दिहा।”</verse>
			</chapter>
			<chapter number="18">
				<verse number="1">तब ईसू क चेलन ओकरे लगे आइके पूछेन, “सरगे क राज्य मँ सबते बड़कवा कउन अहइ?”</verse>
				<verse number="2">उहइ घड़ी ईसू एक ठु गदेला क अपने लगे बोलॉएस अउर ओका ओकरे समन्वा खड़ा कइके</verse>
				<verse number="3">उ कहेस, “मइँ तोहसे सच कहत हउँ जब ताईं कि तू सबइ मनवा क फिरउब्या नाहीं अउर गदेलन क नाईं नाहीं बनि जाब्या, सरगे क राज्य मँ घुसि न सकब्या।</verse>
				<verse number="4">एह बरे आपन खुद क जउन कउनो इ बचवा क नाईं आपन क नवावत ह, सरगे क राज्य मँ उहइ सबते बड़कवा अहइ।</verse>
				<verse number="5">“अउर जउन कउनो अइसे गदेलन जइसे मनई क मोरे नाउँ मँ मान लेत ह उ मोका मान लेत ह।</verse>
				<verse number="6">“मुला जउन मोह मँ बिसवास करइया मोरे कउनो अइसे गदेला क रस्ते क रोड़ा बनि जात ह, नीक होइ कि ओकरे गटइया मँ एक ठु जाँत क पाट लटकाइके गहिरे समुद्दर मँ बोर दीन्ह जाइ।</verse>
				<verse number="7">संसार क मनइयन बरे ठोकर क कारण मोका दुःख बाटइ मुला ठोकर तउ सदा आवत रइहीं। किंतु दुख तउ ओहॅ प अहइ जोकरे जरिये ठोकर आइ जात हीं।</verse>
				<verse number="8">“एह बरे तोहार हाथ या गोड़ तोहरे बरे मुसीबत बन जाइँ तउ ओका काटि के फेंक द्या काहेकि सरगे मँ बगैर हाथ या बे गोड़ क अनन्त जीवन मँ घुस जाइ पाउब तोहरे बरे जियादा नीक अहइ। ऍकरे बजाय कि दुइनउँ हाथ अउर गोड़वन क साथे तोहका नरके मँ न बुझइवाली आगी मँ नाइ दीन्ह जाइ।</verse>
				<verse number="9">जदि तोहार आँखी तोहरे बरे बियाध बन जाइ तउ तू ओका बाहेर निकारि क डाइ द्या, काहेकि सरगे मँ काना होइके अनन्त जीवन मँ घुसि पाउब तोहरे बरे जिआदा बढ़िया बा, बजाय ऍकर कि दुइनउँ आँखिन क संग तोहका नरके मँ डाइ दीन्ह जाइ।</verse>
				<verse number="10">“तउ देखा, मोर ऍन गदेलन मँ स कउनो क तुच्छ जिन समझ्या। मइँ तोहका बतावत हउँ कि सरगे मँ बसइ मोरे परमपिता क लगे ओकर रच्छा करइवालन सरगदूतन क पहुँच सदा रहत ह।</verse>
				<verse number="11">मनई क पूत भटक गवा मनइयन क उद्धार बरे आइ अहइ।</verse>
				<verse number="12">“बतावा तू का गूंथत मथत अहा? जदि कउनो क लगे सौ भेड़ होइँ अउर ओहमाँ स एक भटक जाइ तउ का दूसर निन्नान्बे क पहड़िया प तजिके उ एक ठु भटक गई भेड़ क ढूँढ़इ न जाई?</verse>
				<verse number="13">अउर ओका उ मिल जाई मइँ तोहसे सच सच कहत हउँ कि निन्नान्बे क बजाय जउन खोई नाहीं रहिन, ओका पाइके खूब खुस होई।</verse>
				<verse number="14">इ तरह सरगे मँ बसा तोहार परमपिता का नाहीं चाहत कि मोर इ अबोध चेलन मँ स कउनो एक भी भटकि जाइ।</verse>
				<verse number="15">“जदि तोहार भाई तोहरे संग कउनो बुरा बेवहार करइ तउ अकेल्ले मँ जाइके आपुस मँ ही ओकर दोख बताइ द्या। जदि उ तोहार सुनि लेइ तउ तू आपन भाई क फिन जीत लिहा।</verse>
				<verse number="16">मुला जदि उ तोहार न सुनइ तउ एक दुइ क आपन संग लइ जा काहेकि हर बाते क दुइ तीन साच्छी होइ जाइ।</verse>
				<verse number="17">जदि उ ओनकी भी न सुनइ तउ कलीसिया क बताइ द्या। अउर जदि उ कलीसिया क भी न मानइ तउ फिन तू ओसे अइसा बेवहार करा जइसे उ विधर्मी होइ जाइ या चुंगी क उगहिया।</verse>
				<verse number="18">“मइँ तोहसे सच बतावत हउँ जउन कछू तू धरती प बँधब्या सरग मँ पर्भू क जरिये बाँधि दीन्ह जाई अउर जउन कउनो क तू धरती प न बँधब्या, ओका सरगे मँ परमेस्सर क जरिये न बान्धा जाई।</verse>
				<verse number="19">मइँ तोहसे इ भी बतावत हउँ कि इ धरती प जदि तोहमाँ स कउनो दुइ क बिचार मेल खात होइँ तउ एक होइ क सरगे मँ मोरे परमपिता स कछू माँगब्या तउ उ तोहरे बरे ओका पूरा करी</verse>
				<verse number="20">काहेकि जहाँ मोरे नाउँ प दुइ या तीन मोरे मनवइयन क रूप मँ एकट्ठा होत हीं, हुवाँ मइँ ओनके संग हउँ।”</verse>
				<verse number="21">फिन पतरस ईसू क लगे गवा अउर बोला, “पर्भू, मोका आपन भाई क केतॅनी दाईं आपन खिलाफ जुर्म करइ प छमा कइ देइ चाही? जदि उ सात दाई जुर्म करइ तउ भी?”</verse>
				<verse number="22">ईसू कहेस, “न सिरिफ सात दाईं, मुला मइँ तोहसे बतावत हउँ तोहका ओका सतहत्तर दाईं तलक छमा करत जाइ चाही।”</verse>
				<verse number="23">“सरगे राज्य क तुलना ओ राजा स कीन्ह जाइ सकत ह जउन आपन नउकरन स हिसाब अदा करइ क बिचारे रहा।</verse>
				<verse number="24">जब उ हिसाब लेब सुरु करेस तउ ओकरे समन्वा एक अइसे मनई क लइ आवा गवा जेहॅ प दसउ लाख रुपया निकरत रहा।</verse>
				<verse number="25">मुला ओकरे लगे चुकाइ देइ क कउनो उपाय नाहीं रहा। ओकर मालिक हुकुम दिहेस कि उ नउकर क, ओकर पत्नी, ओकर बाल बचवन अउर जउन कछू माल असबाब अहइ, सब समेट के बेचे स कर्ज अदा कइ दीन्ह जाइ।</verse>
				<verse number="26">“ऍह प ओकर नउकर ओकरे गोड़वा प गिरिके गिड़गिड़ाइ लाग, ‘धीरा धरा, मइँ सब कछू चुकाइ देइहउँ।’</verse>
				<verse number="27">तब जाइके मालिक क तरस आवा अउर ओकर कर्जा माफ कइ दिहस।</verse>
				<verse number="28">“फिन जब उ नउकर हुवाँ स जात रहा तउ ओका ओकर एक साथी नउकर मिला जेका सउ दिनारी देइ क रहा। उ ओकर ढोंढ़ा पकड़िके गटइया क दबावत कहेस, ‘जउन तोहका मोर देइ क अहइ, लउटाइ द्या!’</verse>
				<verse number="29">“ऍह प ओकर साथी नउकर गोड़वा प गिरि गवा अउर बीसउ नह जोड़ेस, ‘धीरा धरा, मइँ तोहका दइ देब।’</verse>
				<verse number="30">“मुला उ मना कइ दिहस। ऍतना ही नाहीं उ ओका तब तलक बरे, जब तलक उ ओकर कर्ज अदा न कइ देइ, जेल मँ पठएस।</verse>
				<verse number="31">दूसर संगी नउकरन देखेन कि का भवा, उ सबइ बहोत दुखी भएन। जउन कछू भवा रहा, सब आपन मालिक क जाइके बताइ दिहन।</verse>
				<verse number="32">“तब ओकर मालिक ओका बोलाएस अउर कहेस, ‘अरे नीच नउकर, मइँ तोहार सारा कर्ज माफ कइ दिहउँ काहेकि तइ कहेस कि दाया क भीख द्या।</verse>
				<verse number="33">का तोहका आपन संगी नउकर प दाया नाहीं करइ चाही जइसे मइँ तोह प दाया किहउँ?’</verse>
				<verse number="34">तउ ओकर मालिक कोहाइ गवा अउर ओका तब ताईं सजा भुगतइ बरे सुपुर्द करेस जब ताईं समूचा कर्ज अदा न होइ जाइ।</verse>
				<verse number="35">“तउ जब तलक तू आपन भाई बंद क आपन मनवा स छमा नाहीं कइ दिहा मोर सरगे क परमपिता भी तोहरे साथ वइसा ही बेवहार करी।”</verse>
			</chapter>
			<chapter number="19">
				<verse number="1">इ बातन बताइ के ईसू गलील स लउटिके यहूदिया क पहँटा मँ यरदन नदी क पार गवा।</verse>
				<verse number="2">हुवाँ एक ठु भारी भीड़ ओकरे पाछे होइ गइ। उ बेरमिया मनई क चंगा किहेस।</verse>
				<verse number="3">कछू फरीसियन ओका परखइ बरे ओकरे निअरे पहुँचेन अउर बोलेन, “का इ ठीक बाटइ कि कउनो आपन पत्नी क कउने भी कारण स तलाक दइ सकत ह?”</verse>
				<verse number="4">जवाब देत ईसू कहेस, “का तू पवित्तर सास्तरन मँ नाहीं बाँच्या कि जबहि संसार क रचइया ऍका रचेस, सुरुआत मँ, ‘उ एक पुरुस अउर एक स्त्री बनाएस?’</verse>
				<verse number="5">अउर परमेस्सर कहे रहा, ‘इहइ कारण आपन महतारी बाप क तजिके पुरुस आपन पत्नी क संग होत भवा भी एक तन होइके रही।’</verse>
				<verse number="6">तउ उ सबइ दुइ नाहीं रहतेन मुला एक रूप होइ जात हीं। एह बरे जेका परमेस्सर जोड़ेस ह ओका कउनो मनई क अलगावइ नाहीं चाही।”</verse>
				<verse number="7">उ फरीसियन बोलेन, “फिन मूसा इ काहे ठहराएन ह कि कउनो पुरुस आपन पत्नी क तलाक दइ सकत ह। सर्त इ अहइ कि उ ओका तलाकनामा लिखि के दइ देइ।”</verse>
				<verse number="8">ईसू ओनसे कहेस, “तोहरे मन की कठोरता क कारण मूसा पत्नी क तलाक देने की अनुमति तोहका दिहेस। मुला सुरुआत मँ अइसी रीति नाहीं रही।</verse>
				<verse number="9">तउ मइँ तोहसे कहत हउँ कि जउन व्यभिचार क तजिके आपन पत्नी क कउनो अउर कारण स तलाक देत ह अउर कउनो दूसर स्त्री क बीहत ह तउ उ व्यभिचार करत ह।”</verse>
				<verse number="10">ऍह प ओकर चेलन ओसे कहेन, “जदि एक स्त्री अउर एक पुरुस क बीच अइसी बात होइ तउ कउनो क बिआह नाहीं करइ क चाही।”</verse>
				<verse number="11">फिन ईसू ओनसे कहेस, “हर कउनो तउ इ उपदेस क नाहीं मानत। ऍका बस उहइ मान सकत ह जेका ऍकर छमता प्रदान की गइ अहइ। परमेस्सर स ताकत मिलि गइ अहइ।</verse>
				<verse number="12">कछू अइसेन बाटेन जउन महतारी क गर्भ स नपुंसक पइदा भएन। अउर कछू एसे अहइ जउन लोगोन द्वारा नपुंसक बना दिन्हा अहइँ। अउर आखिर मँ कछू अइसे भी बाटेन जउन सरगे क राज्य क कारण बिआह नाहीं करइ क फइसला कइ लिहन। इ उपदेस क जउन लइ सकत होइ, लइ ले।”</verse>
				<verse number="13">फिन मनइयन कछू गदेलन क ईसू क लगे लइ आएन कि उ ओनके मुँड़वा प हथवा धइके ओनका आसीर्बाद देइ अउ ओनके बरे पराथना करइ। मुला ओकर चेलन ओका डाटेन।</verse>
				<verse number="14">ओह प ईसू कहेस, “गदेलन क रहइ द्या, ओनका जिन रोका, मोरे लगे आवइ द्या काहेकि सरगे क राज्य अइसेन क अहइ।”</verse>
				<verse number="15">फिन उ गदेलन प आपन हाथ रखेस अउर हुवाँ स चला गवा।</verse>
				<verse number="16">हुवाँ एक मनई रहा। उ ईसू क लगे आवा अउर कहेस, “गुरु अनन्त जीवन पावइ बरे मोका का नीक काम करइ चाही?”</verse>
				<verse number="17">ईसू ओसे कहेस, “नीक का अहइ, ऍकरे बारे मँ मोसे काहे पूछत अहा? काहेकि नीक तउ सिरिफ एक ही बाटइ। फिन भी तू अगर अनन्त जिन्नगी मँ घुसइ चाहत ह, तउ तू हुकुमन क मान ल्या।”</verse>
				<verse number="18">उ ईसू स पूछेस, “कउन स हुकुम?” तब ईसू कहेस, “कतल जिन करा। व्यभिचार जिन करा। चोरी जिन करा। झूठी साच्छी जिन द्या।</verse>
				<verse number="19">आपन बाप अउर आपन महतारी क इज्जत करा अउर ‘जइसे तू आपन खुद क पिआर करत ह, वइसे ही आपन पड़ोसी स पिआर करा।’”</verse>
				<verse number="20">नउजवान ईसू स पूछेस, “मइँ एन सब बातन क पालन किहेउँ ह। अब मोहमाँ कउने बात क कमी अहइ?”</verse>
				<verse number="21">ईसू ओसे कहेस, “जदि तू सिद्ध बनइ चाहत अहा तउ जा अउर जउन कछू तोहरे लगे बा, ओका बेचिके धन गरीबन क दइ द्या जेहसे सरग मँ तोहका धन मिल सकइ। फिन आवा अउर मोरे पाछे होइ जा।”</verse>
				<verse number="22">मुला जब उ नउजवान मनई इ सुनेस तउ उ दुखी होइके चला गवा काहेकि उ बहोत धनी रहा।</verse>
				<verse number="23">ईसू आपन चेलन स कहेस, “मइँ तोहसे सच कहत हउँ कि धनी क सरगे क राज्य मँ घुसि पाउब मुस्किल बाटइ।</verse>
				<verse number="24">हाँ मइँ तोहसे कहत हउँ कि कउनो धनी मनई क सरग क राज्य मँ घुसि पाउब स एक ऊँटे क सुई क छेद स निकर जाब सहल बा।”</verse>
				<verse number="25">जब ओकर चेलन सुनेन तउ अचरज मँ आइके पूछेन, “फिन केकर उद्धार होइ सकत ह?”</verse>
				<verse number="26">ईसू ओनका देखत भवा कहेस, “मनइयन बरे इ असम्भव बाटइ मुला परमेस्सर बरे सब कछू होइ सकत ह।”</verse>
				<verse number="27">जबावे मँ पतरस ओसे कहेस, “देखा, हम पचे कछू तजिके तोहरे पाछे होई गएन ह। तउ हमका का मिली?”</verse>
				<verse number="28">ईसू ओनसे कहेस, “मइँ तू सबन स सच कहत हउँ कि नवा जुग मँ जब मनई क पूत आपन प्रतापी सिंहासने प बिराजी तउ तू भी, जउन मोरे पाछे अहा, बारह सिंहासन प बइठिके इस्राएल क बारह कबीले क निआव करब्या।</verse>
				<verse number="29">अउर मोरे बरे जेतना भी घर-बार या भाइयन या बहिनियन या बाप या महतारी या बचवन या खेतन क तजि दिहे अहा, उ सब सौ गुना जिआदा पाइ अउर अनन्त जीवन क हकदार होई।</verse>
				<verse number="30">मुला बहोत स जउन अब पहिले अहइँ, पिछला होइ जइहीं अउर जउन पिछला अहइँ उ पहिले होइ जइहीं।</verse>
			</chapter>
			<chapter number="20">
				<verse number="1">“सरगे क राज्य एक जमींदार क नाईं बाटइ जउन भिन्सारे आपन अंगूरे क बगीचा बरे मजदूर लइ आवइ निकरा।</verse>
				<verse number="2">उ चाँदी क एक रुपया प मजदूर क लगाइके ओनके आपन अंगुरे क बगिया मँ काम करइ पठएस।</verse>
				<verse number="3">“नौ बजे क करीब जमींदार फिन घरवा स निकरा अउर उ देखेस कि कछू मनई बजारे मँ ऍहर ओहर अइसे ही बेकार खड़ा रहेन।</verse>
				<verse number="4">तब उ ओनसे कहेस, ‘तू पचे भी मोरे अंगूरे क बगीचा मँ जा, मइँ तोहका जउन कछू ठीक अहइ, देब।’</verse>
				<verse number="5">तउ उ पचे भी बगीचा मँ काम करइ गएन। “फिन करीब बारह बजे अउर दुबारा तीन बजे क करीब, उ वइसा ही किहेस।</verse>
				<verse number="6">करीब पाँच बजे उ फिन आपन घरवा स गवा अउर कछू मनइयन क बजारे मँ ऍह कइँती ओह कइँती खड़ा देखेस। उ ओनसे पूछेस, ‘तू हियाँ दिन भइ बेकार ही काहे खड़ा होइ रह्या?’</verse>
				<verse number="7">“उ सबइ ओसे कहेन, ‘काहेकि हम सबन क कउनो मजूरी प नाहीं राखेस।’ “उ ओनसे कहेस, ‘तू भी मोरे अंगूर क बगीचा मँ चला जा।’</verse>
				<verse number="8">“जब साँझ भइ तउ अंगूर क बगीचा क मालिक आपन प्रधान करमचारी क कहेस, ‘मजूरन क बोलाइके अखिरी मजूरे स सुरू कइके जउन पहिले लगावा ग रहेन ओन सबन क मजूरी दइ द्या।’</verse>
				<verse number="9">“तउ उ पचे जउन पाँच बजे लगावा रहेन, आएन अउ ओहमाँ स हर एक क बस एक ही चाँदी क रूपया मिला।</verse>
				<verse number="10">फिन जउन पहिले लगावा ग रहेन, उ आएन उ सोचेन ओनका कछू जियादा मिली मुला ओनमा हर कउनो क एक ठु चाँदी क रूपया मिला।</verse>
				<verse number="11">रूपया तउ उ सबइ लइ लिहन मुला जमींदारे स सिकाइत करत</verse>
				<verse number="12">उ सबइ कहेन, ‘जउन पाछे लगावा रहेन, उ पचे बस एक ही घंटा भइ काम किहेन अउ तू हम पचेन क ओतॅना ही दिहा जेतॅना ओनका। जब कि हम पचे दिन भइ चिलचिलात धूपे मँ मेहनत कीन्ह।’</verse>
				<verse number="13">“उ जवाबे मँ ओहमाँ स कउनो एक स जमींदारे कहेस, ‘मीत, मइँ तोहरे साथ कउनो अनिआव नाहीं कर्‌यों ह। का हम पचे तय नाहीं कीन्ह कि मइँ तोहका चाँदी क एक ठु रूपया देब?</verse>
				<verse number="14">जउन तोहार होत ह, ल्या अउर चला जा। मइँ सबते पाछे रखा गवा इ मजदूर क ओतॅना ही मजूरी देइ चाहब जेतॅना तोहका देत अही।</verse>
				<verse number="15">का मोका अधिकार नाहीं कि जउन मइँ आपन धने क चाहूँ, कइ सकउँ? मइँ अच्छा हउँ का तू ऍसे मने मँ जरत ह?’</verse>
				<verse number="16">“इ तरह आखिरी पहिले होइ जइहीं अउर पहिले आखिरी होइ जइहीं।”</verse>
				<verse number="17">जब ईसू आपन बारहु चेलन क संग यरूसलेम जात रहा तउ उ ओनका एक कइँती लइ गवा अउर चलत चलत ओनसे बोला,</verse>
				<verse number="18">“सुना, हम यरूसलेम पहुँचइ क अही। मनई क पूत हुवाँ मुख्ययाजकन अउर धरम सास्तिरियन क हाथे मँ दइ दीन्ह जाई। उ पचे ओका मृत्युदण्ड क काबिल ठहरइहीं।</verse>
				<verse number="19">फिन ओकर हँसी हँसारत करवावइ अउर कोड़न स पिटवावइ बरे ओका गैर यहूदियन क दइ देइहीं। फिन ओका क्रूस प चढ़ाइ दीन्ह जाई। मुला तिसरे दीन उ फिन जी उठी।”</verse>
				<verse number="20">फिन जब्दी क पूतन की महतारी आपन पूतन क संग ईसू क नगिचे गई अउर उ निहुरिके पराथना करत ओसे कछू माँगेस।</verse>
				<verse number="21">ईसू ओसे पूछेस, “तू का चाहति अहा?” उ बोली, “मोका बचन द्या कि मोर इ दुइनउँ बेटवन तोहरे राज्य मँ एक तोहरे दाहिन अउर दूसर तोहरे बाईं कइँती बइठँइ।”</verse>
				<verse number="22">ईसू जबाव दिहस, “तू नाहीं जानत अहा कि तू का माँगत बाट्या? का तू यातनाओं क कटोरा पिउ सकत अहा, जेहका मइँ पिअइवाला हउँ?” उ सबइ ओसे कहेन, “हाँ पिउ सकित ह।”</verse>
				<verse number="23">ईसू ओनसे बोला, “तू पचे सचमुच उ पिआला पीब्या। मुला मोर दाहिन अउर बाएँ कइँती हक क देवइया मइँ नाहीं हउँ। हियाँ बइठइ क हक तउ ओनही का बा, जेनके बरे इ मोर परमपिता क जारिये रक्खा गवा अहइ।”</verse>
				<verse number="24">जब बाकी दसउ चेलन इ सुनेन कि तउ उ पचे दुइनउँ भाइयन प बहोत कोहाय गएन।</verse>
				<verse number="25">तब्बइ ईसू ओनका आपन नगिचे बोलाइके कहेस, “तू जानत ह कि गैर यहूदियन राजा, प्रजा प आपन सक्ती देखावा चाहत हीं अउर ओनके खास नेता, मनइयन प आपन हक जमावा चाहत हीं।</verse>
				<verse number="26">मुला तोहरे बीच अइसा न होइ चाही। मुला तो हम स जउन बड़वार बनब चाही, तोहार नउकर बनइ।</verse>
				<verse number="27">अउ तोहमाँ जउन कउनो पहिला बनब चाही, ओका तोहार गुलाम जरूर बनइ क होई।</verse>
				<verse number="28">तोहका मनई क पूत जइसा होइ क चाही जउन आपन सेवा करावइ नाहीं, मुला सेवा करइ अउर बहोतन क छुटौती बरे आपन प्रान क फिरौती देइ आवा अहइ।”</verse>
				<verse number="29">जब उ सबई यरीहो सहर स जात रहेन भारी भीड़ ईसू क पाछे होइ गइ।</verse>
				<verse number="30">हुवाँ सरक क किनारे दुइ आँधर बइठा रहेन। जब उ सबइ सुनेन कि ईसू हुवाँ स जात बाटइ, उ पचे नरियानेन, “पर्भू, दाऊद क पूत! हम प दाया कर!”</verse>
				<verse number="31">ऍह प भीड़ ओनका धमकावत चुप रहइ क कहेस। पर उ पचे अउ जिआदा चिल्लानेन, “पर्भू, दाऊद क पूत। हम प दाया कर।”</verse>
				<verse number="32">फिन ईसू रूकि गवा अउ ओनका बोलाएस। उ कहेस, “तू का चाहत अहा, मइँ तोहरे बरे का करउँ?”</verse>
				<verse number="33">उ पचे ओसे कहेन, “पर्भू, हम चाहित ह कि फिन स निहारइ लागी।”</verse>
				<verse number="34">ईसू क ओन प दाया आइ। उ ओनकइ अँखियन क छुएस, अउर तुरंतहि उ पचे फिन लखइ लागेन। उ पचे ओकरे पाछे होइ गएन।</verse>
			</chapter>
			<chapter number="21">
				<verse number="1">ईसू अउर ओकर चेलन जब यरूसलेम क लगे जैतून पहाड़े क नगिचे बैतफगे पहुँच गएन।</verse>
				<verse number="2">तउ ईसू आपन दुइ चेलन क इ हुकुम दइके पठएस, “आपन सोझइ समन्वा क गाउँ मँ जा अउर हुवाँ जात भए ही तोहका एक गदही बाँधी मिली। ओकरे लगे ओकर बच्चा भी मिली। ओनका बाँधिके मोरे लगे लइ आवा।</verse>
				<verse number="3">जदि कउनो तोहसे कछू कहइ तउ ओसे कह्या, ‘पर्भू क ऍकर जरूरत अहइ। उ फउरन ही लउटाइ देई।’”</verse>
				<verse number="4">अइसा यह बरे भवा कि नबी अइसा कहे रहा:</verse>
				<verse number="5">“सिय्योन क नगरी स कहि द्या, ‘देखा तोहार राजा तोहरे लगे आवत बा। उ नमनसील अहइ, अउर गदहे प सवार अहइ हाँ गदहे क बच्चा प जउन एक लादइवाला पसु क बच्चा अहइ।’”</verse>
				<verse number="6">तउ ओकर चेलन चला गएन अउ वइसा ही किहेन जइसा ओनका ईसू बताए रहा।</verse>
				<verse number="7">उ पचे गदही अउर ओकरे बच्चा क लइ आएन। अउर ओन प आपन ओढ़ना डार दिहन काहेकि ईसू क बइठब रहा।</verse>
				<verse number="8">बहोत मिला आपन ओढ़ना राहे मँ दसाइ दिहेन अउ दूसर मनइयन बृच्छ क टहनी काटेन अउर ओनका राहे प बिछाइ दिहन।</verse>
				<verse number="9">जउन मनई ओकरे आगे चलत रहेन अउर जउन मनई पाछे चलत रहेन, सब पुकारि क कहत रहेन: “दाऊद क पूत क होसन्ना! ‘धन्य अहइ जउन पर्भू क नाउँ प आवत बाटइ!’ सरगे मँ बिराजेस परमेस्सर क होसन्ना!”</verse>
				<verse number="10">तउ जब उ यरूसलेम मँ घुसा तब समूचा सहर मँ हड़बड़ाइ गवा। लोग पुछइ लागेन, “इ कउन अहइ?”</verse>
				<verse number="11">लोग ही जवाब देत रहेन, “इ गलील क नासरत क नबी ईसू अहइ।”</verse>
				<verse number="12">फिन ईसू मन्दिर क अहाते मँ आवा अउर उ मन्दिर क अहाते मँ जउन बेंचत बेसहत रहेन, ओन सबन क बाहेर खदेरेस। उ पइसा क लेवइया देवइया क चउकी उलटि दिहस अउ कबूतरे क दुकानदार क तखता पलटेस।</verse>
				<verse number="13">उ ओनसे कहेस, “पवित्तर सास्तरन मँ कहत बा, ‘मोर घर पराथना घर कहा जाई।’ मुला तू सबइ ऍका ‘डाकुअन क अड्डा’ बनावत अहा।’ ”</verse>
				<verse number="14">मन्दिर मँ कछू आँधर, लँगड़ा लूला ओकरे लगे आएन। जेनका उ नीक किहेस।</verse>
				<verse number="15">जब मुख्ययाजकन अउर धरम सास्तिरियन ओकर अचरज कारजन क लखेन जउन उ किहे रहा अउर मन्दिर मँ गदेलन क ऊँची आवाजे मँ कहत सुनेन: “दाऊद क पूत क होसन्ना।”</verse>
				<verse number="16">तउ उ पचे कोहाइ गएन अउ ओसे पूछेन, “तू सुनत अहा इ सबन का कहत अहइँ?” ईसू ओनसे कहेस, “हाँ सुनत अही। का पवित्तर सास्तर मँ तू बचन नाहीं पढ़्या, ‘तू गदेलन अउर दूधमुँहन बचवन स स्तुति कराया ह।’ ”</verse>
				<verse number="17">फिन उ ओनका हुवँइ तजिके यरूसलेम सहर स बाहेर बैतनिय्याह चला गवा। जहाँ उ राति बिताएस।</verse>
				<verse number="18">दूसर दिन अलख भिन्सारे जब उ सहर लउटत रहा तउ ओका भूख लागि।</verse>
				<verse number="19">रस्ता क किनारे अंजीर क बिरवा क लखेस तउ उ ओकरे नगिचे गवा, मुला ओका ओह प पातन क छोड़िके कछू नाहीं मिल सका। तब उ बिरवा स कहेस, “तोह प आगे कछू फल न लागइ।” अउर अंजीरे क बृच्छ फउरन झुराइ गवा।</verse>
				<verse number="20">जइसेन चेलन इ निहारेन तउ अचरजे मँ आइके पूछेन, “इ अंजीरे क बिरवा ऍतनी हाली कइसे झुराइ गवा?”</verse>
				<verse number="21">ईसू जवाब देत भवा ओन पचेन स कहेस, “मइँ तोहसे सच कहत हउँ जदि तोहरे मँ बिसवास अहइ अउ तू संदेस नाहीं करत बाट्या तउ तू न सिरिफ उ कइ सकत ह जउन मइँ अंजीरे क बृच्छ कीन्ह, मुला जदि तू इ पहाड़े स कहि द्या, ‘उठा अउर आपन क सगरे मँ बोर द्या’ तउ उहइ होइ जाई।</verse>
				<verse number="22">अउर पराथना करत तू जउन कछू मंगब्या, जदि तोहका बिसवास बा तउ तू पउब्या।”</verse>
				<verse number="23">ईसू जब जाइके मन्दिर मँ उपदेस देत रहा। मुख्ययाजकन अउर बुजुर्ग यहूदी नेतन ओसे पूछेन, “अइसी बातन क तू कउने हक स करत ह? अउर इ हक तोहका कउन दिहस?”</verse>
				<verse number="24">जवाबे मँ ईसू ओनसे कहेस, “मइँ तोहसे भी एक सवाल पूछत हउँ, जदि तू ओकर जवाब मोका दइ द्या तउ मइँ तोहका बताइ देब कि मइँ इन बातन क कउने हक स करत हउँ।</verse>
				<verse number="25">बतावा यूहन्ना क बपतिस्मा कहाँ ते मिला रहा? परमेस्सर स या मनई स?” उ सबइ आपुस मँ सोच बिचारिके कहइ लागेन, “जदि हम पचेन कहत अही, ‘परमेस्सर स’ तउ इ हमसे पूछी, ‘फिन उ ओह प बिसवास काहे नाहीं करत्या?’</verse>
				<verse number="26">किन्तु जदि हम कहित ह, ‘मनई स’ तउ हमका मनइयन क डर बाटइ काहेकि उ पचे यूहन्ना क एक नबी मानत हीं।”</verse>
				<verse number="27">तउ जबावे मँ उ सबइ ईसू स कहेन, “हमका पता नाहीं।” ऍह प ईसू ओनसे बोला, “ठीक बा तउ फिन मइँ भी तोहका नाहीं बतावत हउँ कि इ बातन क मइँ कउने हक स करत हउँ।</verse>
				<verse number="28">“अच्छा बतावा तू पचे ऍकरे बारे मँ का सोचत अहा? एक मनई क दुइ बेटवा रहेन। उ बड़के क लगे गवा अउर बोला, ‘बेटवा आज मोरे अंगूर क बगिया मँ जा अउर काम करा।’</verse>
				<verse number="29">“मुला बेटवा जवाब दिहस, ‘मोर मन नाहीं बा,’ मुला पाछे ओकर मन फिरि गवा अउर उ चला गवा।</verse>
				<verse number="30">“फिन उ बाप दुसरे बेटवा क लगे गवा अउर ओसे भी बइसे ही कहेस। जवाबे मँ बेटवा कहेस, ‘जी हाँ,’ मुला उ गवा नाहीं।</verse>
				<verse number="31">“बतावा इन दुइनउँ मँ स जउन बाप चाहत रहा, कउन किहेस?” यहूदी नेतन कहेन, “बड़कवा।” ईसू ओनसे कहेस, “मइँ तोहसे सच कहत हउँ। चुंगी उगहिया अउर वेस्यन परमेस्सर क राज्य मँ तोहसे पहिले जइहीं।</verse>
				<verse number="32">इ मइँ यह बरे कहत हउँ काहेकि बपतिस्मा देवइया यूहन्ना तोहका जिन्नगी क सही रस्ता देखॉवइ आइ अउर तू ओहमाँ बिसवास नाहीं किहा। मुला चुंगी उगहिया अउर वेस्यन ओहमाँ बिसवास किहेन। तू जब इ देख्या तउ पाछे न मन फिरावा किहा अउ न ओहे प बिसवास।</verse>
				<verse number="33">“एक ठु अउर दिस्टान्त कथा सुना: एक जमींदार रहा। उ अंगूरे क बगिया लगाएस। ओकरे चरिउँ कइँती बाड़ा लगाएस। फिन अंगूरे क रस निकारइ बरे कोल्हू बनवइ क एक गड़हा खोदेस अउर रखवारी बरे एक गुंबद बनवाएस। फिन ओका बटाई प दइके जात्रा प चला गवा।</verse>
				<verse number="34">जब अंगूरे क फसल क समइ आइ तउ बगिया क मालिक नउकरन क लगे आपन गुलामन क पठएस जेसे आपन हींसा क अंगूर लइ आवइँ।</verse>
				<verse number="35">“मुला किसानन ओकरे नउकरन क धइ लिहन। कउनो क पीटेन, कउने प पाथर उछारेन अउर कउनो क तउ मारि डाएन।</verse>
				<verse number="36">“एक दाईं फिन पहिले स अउ जिआदा नउकरन क पठएस। उ किसानन ओनके संग भी वइसा ही बर्ताव किहेन।</verse>
				<verse number="37">पाछे उ ओनके लगे आपन बेटवा क पठाएस। उ कहेस, ‘उ सबइ मोरे बेटवा क मान रखिहइँ जरूर।’</verse>
				<verse number="38">“मुला उ किसानन जब ओकरे बेटवा क देखेन तउ उ सबइ आपुस मँ कहइ लागेन, ‘इ तउ ओकर वारिस अहइ, आवा ऍका मारि डाई अउर ओकर वारिस क हक हथियाइ लेई।’</verse>
				<verse number="39">ऍह प उ पचे ओका धइके बगिया क बाहेर ढकेलेन अउर मार डाएन।</verse>
				<verse number="40">“तू का सोचत बाट्या हुवाँ जब अंगूरे क बगिया क मालिक आई तउ किसानन क संग का करी?”</verse>
				<verse number="41">उ यहूदी याजकन अउ नेतन ओसे कहेन, “काहेकि उ सबइ निरदयी रहेन यह बरे उ ओनका निरदयी होइके मारि डाई अउर अंगूरे क बगिया क दूसर किसानन क बटाई प दइ देइ जउन फसल आवइ प ओका ओकर हींसा देइहीं।”</verse>
				<verse number="42">ईसू ओनसे कहेस, “का तू सबइ पवित्तर सास्तरन क बचन कभी नाहीं पढ्या: ‘जउने पाथर क मकान क बनवइयन बेकार समझेन, उहइ कोने क सबते जिआदा महिमा क पाथर बन गवा’ ‘अइसा पर्भू क जारिये कीन्ह गवा, जउन हमरी निगाह मँ अजूबा बाटइ।’</verse>
				<verse number="43">“एह बरे मइँ तोहसे कहत हउँ परमेस्सर क राज्य तोहसे छीन लीन्ह जाई अउर उ ओन मनइयन क दइ दीन्ह जाई जउन ओकरे राज्य क रीति स बर्ताव करिहइँ।</verse>
				<verse number="44">जउन इ चट्टाने प गिरी, चूर चूर होइ जाई अउ इ चट्टान कउनो प गिरी तउ उ ओका रउँद डाई।”</verse>
				<verse number="45">जब मुख्ययाजकन अउर फरीसियन ईसू क दिस्टान्त कथन क सुनेन तउ उ पचे समुझ लिहन कि उ ओनके बारे मँ कहत रहा।</verse>
				<verse number="46">तउ उ सबइ ओका धरइ क जतन किहन मुला उ पचे मनइयन स डेरात रहेन काहेकि लोग ईसू क नबी मानत रहेन।</verse>
			</chapter>
			<chapter number="22">
				<verse number="1">एक दाई फिन ईसू ओनसे दिस्टान्त कथन क कहइ लाग। उ बोला,</verse>
				<verse number="2">“सरगे क राज्य उ राजा क नाईं अहइ जउन आपन बेटवा क बियाहे प भोज दिहेस।</verse>
				<verse number="3">राजा आपन नउकरन क पठएस कि उ पचे ओन मनइयन क बोलाइ लियावईं जेका बियाहे क भोज प न्यौता दीन्ह गवा रहा। मुला उ पचे नाहीं आएन।</verse>
				<verse number="4">“उ आपन नउकरन क फिन पठएस, उ कहेस कि जउन मनइयन क बियाह क भोजे प बोलावा गवा ह, ओनसे कहि द्या, ‘देखा मोर भोज तइयार बा। मोर सॉड़ अउर मोटवार ताजा पसू क काटा जाइ चुका बाटइ। सब कछू तइयार अहइ। बियाहे क भोज मँ आइ जा।’</verse>
				<verse number="5">“मुला न्यौतहरी ओह प कउनो धियान नाहीं दिहेन अउर उ सबइ चले गएन। कउनो आपन खेत मँ काम करइ चला गवा तउ दूसर मिला आपन आपन काम धंधा पा।</verse>
				<verse number="6">अउ कछू मिला तउ राजा क नउकरन क धइके ओकरे साथे मार-पीट किहेन अउ ओनका मार डाएन।</verse>
				<verse number="7">तउ राजा कोहाइके आपन फउज पठएस। उ सबइ ओन हत्यारन क मउत क घा पहुँचाइ दिहस अउर ओनके सहर मँ आगी बार दिहेन।</verse>
				<verse number="8">“फिन राजा क नउकरन स कहेस, ‘बियाह क भोज तइयार बाटइ मुला जेकॉ बोलॉई गवा रहा, उ सबइ अजोग्ग माना गएन,</verse>
				<verse number="9">एह बरे गलियन क नोक्कड़ प जा अउर तू जेका पावा, बियाहे क भोज प बोलॉई लिआवा।’</verse>
				<verse number="10">फिन नउकरन गलियन मँ गएन अउ जउन भी भला अउर बुरा मनई भेंटेन उ पचे ओनका बटोरि लियाएन। अउ सादी क महल मेहमानन स भरि गवा।</verse>
				<verse number="11">“मुला जब जेवन्हार क लखइ राजा आवा तउ हुवाँ उ एक अइसा मनई क निहारेस जउन बियाहे क ओढ़ना नाहीं पहिरे रहा।</verse>
				<verse number="12">राजा ओसे कहेस, ‘मितउ, बियाहे क वस्तर पहिरे बिना हियाँ भीतर कइसे आइ गया?’ पर उ मनई खमोस रहा।</verse>
				<verse number="13">ऍह प राजा आपन नउकरन स कहेस, ‘ऍकर हाथ गोड़ छाँदिके बाहेर अँधियारे मँ नाइ द्या। जहाँ मनई रोवत अउर दँतवा कटकटावत होइहीं।’</verse>
				<verse number="14">“काहेकि बोलावा तउ बहोत गवा अहइँ मुला चुना भवा थोड़के अहइँ।”</verse>
				<verse number="15">तब फरीसियन जाइके एक सभा बोलॉएन जेसे उ इ बात क फरियाइ सकइँ कि ईसू क ओकरे आपन ही कही भई बात मँ कइसे फँसावइ।</verse>
				<verse number="16">उ पचे अपने चेलन क हेरोदियन क संग ओकरे लगे पठएन, उ मनइयन ईसू स कहेन, “गुरु हम जानत अही कि तू सच्चा अहा। तू सचमुच परमेस्सर क राहे क सिच्छा देत अहा। अउर तू, कउनो का सोचत ह, ऍकइ चिंता नाहीं करत्या काहेकि तू कउनो मनई क हैसियत प नाहीं जात्या।</verse>
				<verse number="17">तउ हमका बतावा तोहार का बिचार बा कि सम्राट कैसर क चुंगी चुकाउब ठीक अहइ कि नाहीं?”</verse>
				<verse number="18">ईसू ओनकइ बुरा बिचार क समुझ गवा, तउ उ बोला, “अरे कपटियो! तू पचे मोका काहे परखब चाहत बाट्या?</verse>
				<verse number="19">मोका कउनो दीनार देखावा जेसे तू चुंगी अदा करत ह।” तउ सबइ ओकरे लगे एक दीनार लइ आएन।</verse>
				<verse number="20">तब उ ओनसे कहेस, “ऍह प केकर मूरत अउर लिखाई खुदी बा?”</verse>
				<verse number="21">उ पचइ ओसे कहेन, “कैसर क।” तब उ ओनसे कहेस, “अच्छा तउ फिन जउन कैसर क अहइ, ओका कैसर क द्या, अउर जउन परमेस्सर क अहइ, ओका परमेस्सर क।”</verse>
				<verse number="22">इ सुनिके उ पचइ अचरजे स भरि गएन अउर ओका छोड़िके चला गएन।</verse>
				<verse number="23">उहइ दिन कछू सदूकियन जउन पुनरुत्थान क नाहीं मनतेन, ओकरे लगे आएन।</verse>
				<verse number="24">अउ ओसे पूछेन, “गुरु, मूसा क उपदेस क अनुसार जदि बिना बे बाल बच्चा क कउनो मरि जाइ तउ ओकर भाई, निचके क नातेदार होइ क नाते ओकरे विधवा स बियाह करइ अउर आपन भाई क बंस चलावइ बरे संतान पइदा करइ।</verse>
				<verse number="25">अब मान ल्या हम पचे सात ठु भाई अही। पहिलौठा बेटवा का बियाह भवा अउर पाछे ओकर मउत होइ गइ। फिन काहेकि ओकरे कउनो संतान नाहीं भइ, यह बरे ओकर भाई आपन भउजी क आपन पत्नी बनइ लिहस।</verse>
				<verse number="26">तब दुसर का भाई मरि गवा। उहइ घटना तिसरेक क संग भइ। जब तलक सातहु भाइयन मरि नाहीं गएन वइसन भवा।</verse>
				<verse number="27">अउर सब क पाछे उ स्त्री भी मर गई।</verse>
				<verse number="28">अब हमार पूछब इ अहइ कि पुनरुत्थान मँ ओन सातउ मँ स कउने क पत्नी होई काहेकि सातउ ओका आपन बनाएन?”</verse>
				<verse number="29">जवाब देत ईसू ओनसे कहेस, “तू बगद गया काहेकि तू पचे पवित्तर सास्तरन अउर परमेस्सर क सक्ती क नाहीं जनत्या।</verse>
				<verse number="30">तोहका समझइ चाही कि पुनरुत्थान मँ लोग न तउ बियाह करिहीं अउर न ही कउनो सादी मँ दीन्ह जाई। मुला उ पचे सरगे क दूतन क नाईं होइहीं।</verse>
				<verse number="31">इहइ सिलसिला मँ तोहरे फायदा बरे परमेस्सर मरा भवा क पुनरुत्थान क बारे मँ जउन कहेस ह, का तू कबहुँ नाहीं पढ्या? उ कहे रहा,</verse>
				<verse number="32">‘मइँ इब्राहीम क परमेस्सर हउँ, इसहाक क परमेस्सर हउँ अउर याकूब क परमेस्सर हउँ।’ उ मरा हुअन क नाहीं मुला जिन्दा क परमेस्सर अहइ।”</verse>
				<verse number="33">जब मनइयन इ सुनेन तउ ओकरे उपदेस प उ सबइ बहोत अचम्भा मँ पड़ि गएन।</verse>
				<verse number="34">जब फरीसियन इ सुनेन कि ईसू आपन जवाबे स सदूकियन क चुप कराइ दिहस तब उ सबइ ऍकट्ठा भएन।</verse>
				<verse number="35">ओहमाँ क एक फरीसी ईसू क परीच्छा क बिचार स ओसे पूछेन,</verse>
				<verse number="36">“गुरु, व्यवस्था मँ सबन ते बड़का हुकुम कउन स बाटइ?”</verse>
				<verse number="37">ईसू ओसे कहेस, “‘तोहका आपन सारे मनवा स, सारी आतिमा स अउर सारी बुद्धि स आपन परमेस्सर पर्भू क पिरेम करइ चाही।’</verse>
				<verse number="38">इ सब ते पहिला अउर सब ते बड़ा हुकुम अहइ।</verse>
				<verse number="39">फिन अइसा ही दूसर हुकुम इ अहइ: ‘आपन पड़ोसी स वइसा ही पिरेम करा जइसा तू अपने स खुद करत ह।’</verse>
				<verse number="40">सारी व्यवस्था अउर नबियन क किताबन इन दुइनउँ हुकुमन प टिका बाटइ।”</verse>
				<verse number="41">जब फरीसियन अबहीं एकट्ठा ही रहेन, कि ईसू ओनसे एक ठु प्रस्न पूछेस,</verse>
				<verse number="42">“मसीह क बारे मँ तू का बिचारत ह कि उ केकर बेटवा अहइ?” उ फरीसियन ओसे कहेन, “मसीह दाऊद क पूत ह।”</verse>
				<verse number="43">ईसू ओसे पूछेस, “फिन आतिमा क बसे मँ होइके दाऊद ओका ‘पर्भू’ कहत इ काहे कहेस:</verse>
				<verse number="44">‘पर्भू मोरे पर्भू (ईसू) स कहेस: मोरे दाहिन बइठिके राज्य करा जब ताई कि मइँ दुस्मनन क तोहरे गोड़वा तले न कइ देउँ।’</verse>
				<verse number="45">फिन जब दाऊद ओका ‘पर्भू’ कहेस तउ उ ओकर बेटवा कइसे होइ सकत ह?”</verse>
				<verse number="46">जवाबे मँ कउनो भी ओसे कछू नाहीं कहि पावा। अउर न ही उ दिना क पाछे कउनो क ओसे पूछइ क हिम्मत भवा।</verse>
			</chapter>
			<chapter number="23">
				<verse number="1">ईसू फिन आपन चेलन अउर भीड़ स कहेस।</verse>
				<verse number="2">उ कहेस, “धरम सास्तिरियन अउर फरीसियन मूसा क व्यवस्था क अरथ बतावइ क हकदार अहइँ।</verse>
				<verse number="3">एह बरे जउन कछू उ सबइ कहइँ ओह प चलत रहा अउर ओनका मानके करत रहा। मइँ इ कहत हउँ काहेकि उ पचे बस कहत रहत हीं मुला करतेन नाहीं।</verse>
				<verse number="4">उ पचे मनई क काँधे प एतना बोझा लादि देत हीं कि उ सबइ ओका उठाइके चल न सकइँ अउर लोगन्प दबाव डारत हीं कि ओका लइके चलइँ। मुला उ सबइ खुद ओहमाँ स कउनो प भी चलइ बरे आपन अंगुरी तलक नाहीं हिलउतेन।</verse>
				<verse number="5">“उ सबइ नीक काम यह बरे करत हीं कि लोग ओनका लखइँ। असिल मँ उ सबइ आपन ताबीज अउर पोसाक क झलरे क यह बरे बड़ा स बड़कवा करत रहत हीं कि लोग ओनका धर्मात्मा समझइँ।</verse>
				<verse number="6">उ सबइ जेवनार मँ सबते जिआदा खास जगह पावा चाहत हीं। आराधनालयन मँ ओनका प्रमुख आसन चाही।</verse>
				<verse number="7">बजारे मँ उ पचे मान क साथ पैलगी करावा चाहत ही। अउ चाहत हीं कि लोग ओनका ‘गुरु’ कहिके पुकारइँ।</verse>
				<verse number="8">“मुला तू पचे मनइयन स आपन क ‘गुरु’ जिन कहवावा काहेकि तोहार सच्चा गुरु तउ बस एक अहइ। अउर तू सबइ सिरिफ भाई बहिन अहा।</verse>
				<verse number="9">धरती प मनइयन क आपन मँ स कउनो क भी ‘पिता’ जिन कहइ द्या। काहेकि तोहार ‘पिता’ तउ बस एक ही अहइ, अउ उ सरगे मँ बा।</verse>
				<verse number="10">न ही तू मनइयन क आपन बरे ‘स्वामी’ कहइ द्या काहेकि तोहार स्वामी तउ बस एक ठु बाटइ अउ उ अहइ मसीह।</verse>
				<verse number="11">तोहमाँ सब ते बड़कवा मनई उहइ होई जउन तोहार नउकर बनी।</verse>
				<verse number="12">जउन आपन खुद क ऊँचा उठाई ओका नंवई क होई। अउर जउन आपन खुद नवाई ओका ऊँचा उठाइ जाइ।</verse>
				<verse number="13">“हे कपटी धरम सास्तिरियो अउ फरीसियो! तोहका धिक्कार अहइ। तू सबइ सरगे क राज्य क दुआर ढाँपि दिहा ह। न तउ तू पचे ओहमाँ घुसि पउब्या अउर न ही ओनका जाइ देब्या जउन घुसइ बरे जतन करत हीं।</verse>
				<verse number="14">अरे कपटा धरम सास्तिरियन अउ फरीसियन तू पचे विधवा क धन दौलत हड़पत ह। देखाँवा बरे बड़ी बड़ी पराथना करत ह। एकरे बरे तोहका करर् सजा मिली।</verse>
				<verse number="15">“अरे कपटी धरम सास्तिरियो अउ फरीसियो! तोहका धिक्कार अहइ। तू कउनो क आपन मत मँ लइ आवइ बरे धरती अउर समुद्दर पार कइ जात ह। अउ उ तोहरे नेम धरम मँ आइ जात ह तउ तू ओका आपन स भी दुइ गुना नरक क काबिल बनाइ देत ह।</verse>
				<verse number="16">“अरे कपटी धरम सास्तिरियो अउ फरीसियो! तोहका धिक्कार अहइ। तोहका धिक्कार अहइ जउन कहत ह, ‘जदि कउनो मन्दिर क सपथ खात ह तउ ओका सपथ क खाब जरूरी नाहीं मुला अगर कउनो मन्दिरे क सोने सपथ खात ह तउ ओका सपथ क मानब जरूरी अहइ!’</verse>
				<verse number="17">अरे आँधर मूर्ख लोगो! बड़का कउन अहइ? मन्दिर क सोना या उ मन्दिर जउन उ सोना क पवित्तर बनएस।</verse>
				<verse number="18">“तू सबइ इ भी कहत ह, ‘जदि कउनो वेदी क सपथ खात ह तउ कछू नाहीं, मुला जदि कउनो वेदी प धरा चढ़ावा क सपथ खात ह तउ आपन सपथ स बँधा भवा अहइ।’</verse>
				<verse number="19">अरे आँधर लोगो! कउन बड़कवा अहइ? वेदी प धरा चढ़ावा या उ वेदी जेसे उ चढ़ावा पवित्तर बनत ह</verse>
				<verse number="20">यह बरे जदि कउनो वेदी क सपथ लेत ह तउ उ वेदी क साथे वेदी प जउन धरा बाटइ, उ सबन क सपथ खात ह।</verse>
				<verse number="21">उ जउन मन्दिर अहइ, ओकर भी सपथ लेत ह उ मंदिर क संग जउन मंदिर क भितरे बा, ओकर भी सपथ खात ह।</verse>
				<verse number="22">अउर उ जउन सरगे क सपथ खात ह, उ परमेस्सर क सिंहासने क संग जउन उ सिंहासने प बिराजत बा ओकर भी सपथ खात ह।</verse>
				<verse number="23">“अरे कपटी धरम सास्तिरियो अउ फरीसियो! तोहका धिक्कार अहइ। तोहरे लगे जउन कछू अहइ, तू ओकर दसवाँ, हींसा, हीयाँ तलक कि आपन पुदीना, सौंफ अउर जीरा तक क दसवाँ हींसा परमेस्सर क देत ह। फिन भी तू व्यवस्था क खास बातन, निआव, दाया अउर बिसवास क धकियाइ दिहा। तोहका इ चाहत रहा कि ओन बातन क बगैर छोड़े भए इन बातन क करत जात्या।</verse>
				<verse number="24">अरे आँधर अगुवा लोगो! तू आपन पिअइ क पानी स मच्छर तउ छान लेत ह पर ऊँटे क लील जात ह।</verse>
				<verse number="25">“अरे कपटी धरम सास्तिरियो अउ फरीसियो! तोहका धिक्कार अहइ। तू आपन खोरा अउर टाठी बाहेर स धोइके फर्छइ करत ह पर ओकरे भितरे तू जउन चाल चपेट या आपन बरे रियायत मँ पाया ह, भरा बाटइ।</verse>
				<verse number="26">अरे आँधर फरीसियो! पहिले आपन खोरा क भितरे स माँज ल्या जेसे भितरे क साथ साथ उ बाहेर स भी चमकइ लगाइ।</verse>
				<verse number="27">“अरे कपटी धरम सास्तिरियो अउ फरीसियो! तोहका धिक्कार अहइ। तू लीपी पोती भई समाधि क नाईं अहा जउन बाहेर स तउ सुन्नर देखाति अहइ मुला भितरे स मरे हुअन क हाड़ अउर हर किसिम क मलिनता स ठूँसी रहत ह।</verse>
				<verse number="28">अइसे ही बाहेर स तउ धर्मी देखॉइ देत ह मुला भितरे स चाल चपेट अउर अनभले स बुरा अहा।</verse>
				<verse number="29">“अरे कपटी धरम सास्तिरियो अउ फरीसियो! तोहका धिक्कार अहइ। तू नबियन क बरे मकबरा बनावत ह अउर धर्मीयन क कब्र क सिंगार करत ह।</verse>
				<verse number="30">अउ कहत बाट्या, ‘जदि तू आपन पूर्वजन क समइ मँ पइदा होत्या तउ नबियन क मरवावइ मँ ओनकइ साथ न देत्या।’</verse>
				<verse number="31">अइसे प तू खुद ही साच्छी देत अहा, कि तू मानत बाट्या कि तू ओनकइ बाल-बच्चा अहा जउन नबियन क हत्यारन रहेन।</verse>
				<verse number="32">तउ तू जउन तोहार पुरखन सुरु करेन, ओका पूरा कइ द्या।</verse>
				<verse number="33">“अरे कीरा अउर नाग संतान। तू सबइ कइसे सोच लिहा कि तू नरक भोगइ स छूट जाब्या।</verse>
				<verse number="34">यह बरे मइँ तोहका बतावत हउँ कि मइँ तोहरे लगे नबियन, बुद्धिमानन अउर गुरुअन क पठवत हउँ। तू पचे ओनमाँ स बहोतन क मार डउब्या अउर बहोतन क क्रूसे प चढ़उब्या। कछू मनइयन क तू सबइ आपन आराधनालयन मँ कोड़न स पिटवउब्या अउर एक सहर स दूसर सहरे ताईं ओनकइ पाछा करत खदरेब्या।</verse>
				<verse number="35">“आखिर निरीह हाबिल स लइके बिरिक्याह क बेटवा जकरयाह ताईं जेका तू मन्दिरे क गरभ घर अउर वेदी क बीच मारि डाए रह्या हर धर्मी मनई क कतल क सजा तोह प होई।</verse>
				<verse number="36">मइँ तोहसे सच कहत हउँ कि इ सब कछू बरे इ पीढ़ी क मनइयन क सजा भोगे होई।</verse>
				<verse number="37">“यरूसलेम, ओ यरूसलेम! तू उ अहा जउन नबियन क कतल करत ह अउर परमेस्सर क पठए गए दूतन क पाथर मारत ह। मइँ केतनी दाईं चाह्यो ह कि जइसे कउनो मुर्गी आपन चूजन क आपन पंखा तरे बटोर लेत ह वइसे ही तोहरे गदेलन क बटोर लेउँ। मुला तू पचन नाहीं चाह्या।</verse>
				<verse number="38">तोहार घर समूचइ उजड़ जाई।</verse>
				<verse number="39">मइँ तोहका सच बतावत हउँ तू मोका तब ताईं फिन नाहीं देखब्या जब ताईं तू नाहीं कहब्या, ‘धन्य अहइ उ जउन पर्भू क नाउँ मँ आवत ह।’ ”</verse>
			</chapter>
			<chapter number="24">
				<verse number="1">मंदिर क छोड़िके ईसू जब हुवाँ स होइके जात रहा तउ ओकर चेलन ओका मँदिर क इमारत देखॉवइ ओकरे लगे आएन।</verse>
				<verse number="2">एह प ईसू ओनसे कहेस, “तू पचे इ इमारतन क सोझ खड़ी देखत अहा? मइँ तोहका सच सच कहत हउँ, हिआँ तलक एक पाथर प दूसर पाथर टिक नाहीं पाई। एक एक गिराइ दीन्ह जाई।”</verse>
				<verse number="3">ईसू जब जैतून पहाड़ प बइठा रहा तउ अकेल्ले मँ ओकर चेलन लगे आएन अउर बोलेन, “हमका बतावा इ कब होई? जब तू लउटि अउब्या अउर इ संसारे क अंत होई तउ कइसे संकेत परगट होइहीं?”</verse>
				<verse number="4">जवाबे मँ ईसू ओनसे कहेस, “होसियार! तू पचन क कउनो भरमाइ न पावइ।</verse>
				<verse number="5">मइँ इ यह बरे कहत हउँ कि अइसे बहोतन अहइँ जउन मोरे नाउँ स अइहीं अउर कइहीं, ‘मइँ मसीह हउँ’ अउर उ सबइ बहोतन क भरमइहीं।</verse>
				<verse number="6">तू सबइ नगीचे क जुद्ध क बातन या दूरि क जुद्ध क अफवाह सुनब्या पर देखा तू घबराया जिन। अइसा तउ होइ मुला अबहिं अंत नाहीं आवा अहइ।</verse>
				<verse number="7">हर रास्ट्र दूसर रास्ट्र क खिलाफ अउर एक राज्य दूसर राज्य क खिलाफ खड़ा होई। अकाल पड़ी। हर कतहूँ भुँइडोल आई।</verse>
				<verse number="8">मुला इ सब बातन उहइ तरह अहइ जइसे नया पइदा होय क पहले की सुरुआती पीडा।</verse>
				<verse number="9">“उ समइ उ पचे तोहका सजा देवॉवइ बरे पकड़वइहीं अउर उ पचे तोहका मरवाइ देइहीं। काहेकि तू सबइ मोर चेलन अहा। सबहिं रास्ट्र क लोग तोहसे घिना करिहीं।</verse>
				<verse number="10">उ समइ बहोत मनइयन क मोह टूटी जाई अउर ओहहि समइ बहुत स बिसवासियन क बिसवास डिग जाई। उ पचे एक दूसर क अधिकारियन क हाथे मँ दइ देइहीं अउ आपस मँ घिना करिहीं।</verse>
				<verse number="11">बहोत स झूठे नबियन खड़ा होइ जइहीं, अउर मनइयन क ठगिहीं।</verse>
				<verse number="12">काहेकि बुराई क बाढ़ आइ जाए स पिरेम घटि जाई।</verse>
				<verse number="13">मुला जउन अंत तक टिका रही ओकर उद्धार होई।</verse>
				<verse number="14">सरगे क राज्य क इ सुसमाचार समूचे संसार मँ साच्छी रूप मँ प्रचार कीन्ह जाई। ऍसे सब राजन क साच्छी रही अउर तबहीं अंत होइ जाई।</verse>
				<verse number="15">“एह बरे जबहिं तू लोग ‘खौफनाक बिनास करइवाली चीज’ क पवित्तर स्थान प खड़ा होइके देखा, जेकरे बारे मँ दानिय्येल नबी बताएन ह, (पढ़इया खुद समुझ जाई कि एकर अरथ का बाएइ।)</verse>
				<verse number="16">तब जउन मनई यहूदिया मँ होइँ, ओनका पहाड़े प भाग जाइ चाही।</verse>
				<verse number="17">जउन आपन घरे क छत प होईं, उ घरवा स बाहेर कछू भी लइ जाइके तर खाले न आवइँ।</verse>
				<verse number="18">अउ जउन बाहेर खेतन मँ काम करत होइँ, उ पाछे मुड़िके आपन ओढ़ना तक न लेइँ।</verse>
				<verse number="19">“ओन स्त्रियन बरे जेकरे कोखे मँ गरभ होइ या जेकर लरिकन दूध पिअत होइँ, उ दिनन कस्टे क होइहीं।</verse>
				<verse number="20">पराथना करा कि तोहका जाड़े क दिनन मँ या सबित क दिन पराइ क न पड़इ।</verse>
				<verse number="21">उ दिनन मँ अइसी बिपत आई जइसी जबते परमेस्सर सृस्टि रचेस ह, आजु तक कबहुँ नाहीं आइ अउ न कबहुँ आई।</verse>
				<verse number="22">“अउर जदि परमेस्सर उ दिनन क घटावइ क पक्का इरादा न कइ लिहे होत तउ कउनो भी न बच पावत किन्तु चुना भएन क कारण उ दिनन मँ कमती कइ देइ।</verse>
				<verse number="23">“उ दिनन मँ जदि कउनो तू पचन स कहइ, देखा, इ रहा मसीह या उ राह मसीह। तउ ओकर बिसवास जिन किहा।</verse>
				<verse number="24">मइँ इ कहत हउँ काहेकि कपटी मसीह अउप कपटी नबी खड़ा होइहीं अउर अइसे अचरज कारजन देखइहीं अउर अद्भुत कारजन करिहइँ कि बन पड़इ तउ चुने भएन क भी चकमा दइ देइँ।</verse>
				<verse number="25">देखा, मइँ तोहका पहिले ही चेतावनी दइ चुका अहउँ।</verse>
				<verse number="26">“तउ जदि उ सबइ तोहसे कहइँ, ‘देखा, मसीह जंगल मँ बा!’ फन हुवाँ जिन जाया अउर जदि उ कहइँ, ‘देखा उ पचे कोठरी मँ छुपा बाटइ!’ तउ ओनकइ बिसवास जिन कर्‌या।</verse>
				<verse number="27">मइँ इ कहत हउँ काहेकि जइसे बिजुली पुरब मँ सुरू होइके पच्छिम क अकासे तक चमक जात इ वइसे ही मनई क पूत भी परगट होई।</verse>
				<verse number="28">जहाँ कहूँ ल्हास होई हुआँ गिद्ध एकट्ठा होइहीं।</verse>
				<verse number="29">“उ दिनन जउन मुसीबत पड़ी, ओकरे फउरन बाद: ‘सूरज करिया पड़ि जाई, चन्दा स चाँदनी न निकसी, अकासे स तारा टुटिहीं, अउ अकास मँ आसमानी सक्ति झकझोर दीन्ह जइहीं।’</verse>
				<verse number="30">“उ समइ मनई क पूत क आवइ क चीन्हा अकास मँ परगट होई। तबहिं भुइयाँ प सब जातिन क मनइयन फूटि फूटि क रोइहीं अउर उ सबइ मनई क पूत क सक्ती अउर महिमा क संग सरग क बदरन मँ परगट होत देखिहीं।</verse>
				<verse number="31">उ ऊँच सुर क तुरूही क संग आपन दूतन क पठइ। फिन उ पचे सरग क एक छोर स दूसर छोर तलक सब कहूँ स आपन चुना भवा मनइयन क ऍकट्ठा करी।</verse>
				<verse number="32">“अंजीरे क बृच्छ स उपदेस ल्या। जइसे ही ओकर टहनियन सुऋुवार होइ जात हीं अउर कोंपर फूटइ लागत हीं। तू लोग जान जात ह कि गर्मी आवइ क अहइ।</verse>
				<verse number="33">वइसे ही जब तू इ सब घटत देख्या तउ समुझ लिहा कि उ समइ नगिचे आइ ग बाटइ, मुला ठीक दुआर तलक।</verse>
				<verse number="34">मइँ तू लोगन्स सच कहत हउँ कि इ पीढ़ी क खतम होइ क पहिले इ सब बातन होइ जइहीं।</verse>
				<verse number="35">धरती अउर अकास तउ मिट सकत हीं मुला मोर बचन कबहुँ न मिटी।”</verse>
				<verse number="36">“उ दिना या घड़ी क बारे मँ कउनो कछू न जानत! न सरगे क दूतन अउर न खुद पूत। सिरिफ परमपिता जानत ह।</verse>
				<verse number="37">“जइसे नूह क दिना मँ भवा, वइसे ही मनई क पूत क अवाई भी होई।</verse>
				<verse number="38">वइसे ही जइसे मनई जल बाढ आवइ स पहिले क दिनन ताईं खात पिअत रहेन, बियाह सादी करावत रहेन जब तलक नूह नाउ प नाहीं चढ़ गवा।</verse>
				<verse number="39">ओनका तब ताईं कछू पता नाहीं लगि सका जब ताईं प्रलय नाहीं आइ गइ अउर ओन सबन क बहाइके नाहीं लइ गइ। “मनई क पूत क अवाई भी अइसे ही होई।</verse>
				<verse number="40">उ समइ खेते मँ काम करत दुइ मनइयन मँ स एक क लइ लीन्ह जाई अउर एक क हुवँइ छोड़ि दीन्ह जाई।</verse>
				<verse number="41">चकरी पीसत दुइ स्त्रियन मँ एक क धइ लीन्ह जाई अउ एक हुवँइ पाछे छोड़ि दीन्ह जाई।</verse>
				<verse number="42">“तउ तू लोग होसियार रहा काहेकि तू नाहीं जनत्या कि तोहार स्वामी कब आई।</verse>
				<verse number="43">याद राखा अगर घरे क स्वामी जानत होत कि राति क कउनो घड़ी मँ चोर आइ जाई तउ उ जागत रहत अउर चोरे क आपन घरवा मँ सेंध नाही लगावइ देत।</verse>
				<verse number="44">एह बरे तू भी तइयार रहा काहेकि जब तू पचे सोच भी नाहीं रहब होब्या, मनई क पूत आइ जाई।</verse>
				<verse number="45">“तब सोचा उ भरोसामंद अउ समझदार सेवक कउन बाटइ, जेका स्वामी आपन घरवा क सेवक क ऊपर ठीक समइ प ओनका खइया क देइ बरे लगाएस ह।</verse>
				<verse number="46">धन्य अहइ उ सेवक जेका ओकर स्वामी जब आवत ह तउ ओका दियाभया काज करत पावत ह।</verse>
				<verse number="47">मइँ तोहसे सच कहत हउँ उ स्वामी ओका आपन समूचे धन दौलत क अधिकारी बनाईं देई।</verse>
				<verse number="48">“दूसर कइँती सोचा एक ठु बुरा सेवक अहइ, जउन अपना मनवा मँ कहत ह मोर स्वामी बहोत दिना स लुटि क नाहीं आवत ह।</verse>
				<verse number="49">अइसे उ आपन संगी साथी सेवकन स मारपीट करइ लागत ह अउर सराबियन क संग खाब पिअब सुरू कइ देत ह।</verse>
				<verse number="50">तउ ओकर स्वामी अइसे दिन आइ जाई जउने दिन उ ओकरे अवाई क सोचत तलक नाहीं अउ जेकर ओका पत तलक नाहीं।</verse>
				<verse number="51">अउर ओकर स्वामी ओका बुरे ढंग स सजा देई अउर कपटियन क बीचउबीच ओकर ठउर ठहराई जहाँ लोग रोवत होइहीं अउर दँतवन क किड़किड़ावत रइहीं।</verse>
			</chapter>
			<chapter number="25">
				<verse number="1">“उ दिन सरग का राज्य ओन दस कुँवारियन क नाईं होई जउन मसाल लइके दुलहन स भेंटइ निकरिन।</verse>
				<verse number="2">ओनमाँ स पाँच मूरख रहीं अउ पाँट ठु चउकस।</verse>
				<verse number="3">पाँच उ मूरख कुँवारियन आपन मसाल तउ थाम लिहन मुला ओनके साथे तेल नाहीं लिहन।</verse>
				<verse number="4">ओहँर चउकस कुँवारियन मसाले क साथ कुप्पियन मँ तेल भी लइ लिहन।</verse>
				<verse number="5">काहेकि दुलहन क अवाई मँ देर होत रही। सबहीं कुँवारियन थके स ओंघाइ लागिन अउर ओलर क सोइ गइन।</verse>
				<verse number="6">“पर आधी राति मँ धूम मच गइ। ओ हो, ‘दुलहा आवत बा। ओसे भेंटइ बाहर जा!’</verse>
				<verse number="7">“उहइ छिन उ सबइ कुँवारियन उठि गइन अउर आपन मसाल तइयार किहेन।</verse>
				<verse number="8">मूरख कुँवारियन चउकस कुँवारियन स कहेन, ‘हमका आपन तनिक तेल दइ द्या, हमर मसालन बुझि जात अहइँ।’</verse>
				<verse number="9">“जवाबे मँ सबइ चउकस कुँवारियन बोलिन, ‘नाहीं हम नाहीं दइ सकित। काहेकि फुन इ हमरे बरे पूर न होई अउर न तोहरे बरे। तउ तू पचे तेली क लगे जाइके आपन खातिर बेसहि ल्या।’</verse>
				<verse number="10">“जब उ पचे बेसहइ जात रहिन कि दुलहा आइ पहोंचा। फिन उ कुँवारियन जउन तइयार रहिन, उ सबइ ओनके संग भोजे मँ भीतर घुसिन अउर फिन कउनो फाटक बंद कइ दिहस।</verse>
				<verse number="11">“आखिर मँ उ सबइ बाकी कुँवारियन भी गइन अउर बोलिन, ‘स्वामी, हे स्वामी, दरवाजा खोलि द्या, हमका भीतर आवइ द्या।’</verse>
				<verse number="12">“मुला उ जबाव देत भवा कहेस, ‘मइँ तोहसे सच सच कहत हउँ: मइँ तोहका नाहीं जानत हउँ।’</verse>
				<verse number="13">“तउ होसियार रहा। काहेकि तू न उ दिना क जानत ह, न घड़ी क, जब मनई क पूत लउटी।</verse>
				<verse number="14">“सरग का राज्य उ मनई क नाई होई जउन जात्रा प जात भवा आपन नउकरन क बोलाइके अपने समान क रखवारा बनाएस।</verse>
				<verse number="15">उ एक क चाँदी स भरी पाँच ठु थैली दिहस। दुसरे क दुइ अउ तिसरे क एक दिहस। उ हर एक क ओकर जोग्गता होइ क मुताबिक दइके जात्रा प निकरि गवा।</verse>
				<verse number="16">जेका चाँदी क रूपया स भरी पाँच ठु थैली मिलीं, उ फउरन उ पइसे क धंधा मँ लगाइ दिहस फिन पाँच थैली अउर कमाएस।</verse>
				<verse number="17">अइसे ही जेका दुइ थैली मिलिन, उ भी दुइ अउर कमाइ लिहस।</verse>
				<verse number="18">मुला जेका एक मिली रही उ कहूँ जाइके भुइँया मँ गड़हा खोदेस अउर स्वामी क धने क गाड़ दिहस।</verse>
				<verse number="19">“बहोत समइ बीत जाए क पाछे ओन सेवकन क स्वामी लउटि आवा अउर हर कउनो स लेखा जोखा लेइ लाग।</verse>
				<verse number="20">उ मनई जेका चाँदी क पाँच थैली मिलिन, आपन स्वामी क लगे गवा अउर चाँदी क पाँच अउर थैली लइ जाइके ओसे बोला, ‘स्वामी, तू मोका पाँच थैली दिहे रहा। ‘चाँदी क इ पाँच थैली अउर अहइँ जउन मइँ कमायउँ ह।’</verse>
				<verse number="21">“ओकर स्वामी ओहसे कहेस, ‘साबास! तू भरोसा क बढ़िया नउकर अहा। तनिक क रकम क बारे मँ तू बिसवास क जोग्ग रह्या मइँ तोहका अउर जिआदा हक देब। भितरे जा अउर आपन स्वामी क खुसी मँ खुसी मनावा।’</verse>
				<verse number="22">“फिन जेका चाँदी क दुइ थैली मिली रहीं, आपन स्वामी क लगे गवा अउर बोला, ‘स्वामी तू मोका चाँदी क दुइ थैली दिहे रहा, चाँदी क इ दुइ थैली अउ अहइँ जेका मइँ कमायो ह।’</verse>
				<verse number="23">“ओकर स्वामी ओसे कहेस, ‘साबास! तू भरोसा क लायक बढ़िया नउकर अहा। तनिक रकम क बारे मँ तू बिसवास क जोग्ग रह्या। मइँ तोहका अउर जिआदा हक देब। भितरे जा अउर आपन स्वामी क खुसी मँ खुसी मनावा।’</verse>
				<verse number="24">“फिन उ जेका चाँदी क एक थैली मिली रही, आपन स्वामी क लगे आवा अउर बोला, ‘स्वामी, मइँ जानत हउँ तू बहोत कठोर मनई अहा। तू हुवाँ काटत ह जहाँ तू बोया नाहीं रहा, अउर जहाँ तू कउनो बिआ नाहीं छिटकाया तू हुवाँ स फसिल बटोरब्या।</verse>
				<verse number="25">यह बरे मइँ डेराइ गवा रहे। तउ मइँ जाइके चाँदी क थैलिया क भुइँया मँ गाड़ दीन्ह। इ लइ ल्या जउन तोहार अहइ इ बाटइ, लइ ल्या।’</verse>
				<verse number="26">“जवाबे मँ ओकर मालिक ओसे कहेस, ‘तू एक बुरा आलसी सेवक अहा, तू जानत ह कि मइँ बिन बोए कटनी करत हउँ, हुवाँ स फसिल बटोरत हउँ।</verse>
				<verse number="27">तउ तोहका मोर धन साहूकार क लगे जमा कइ देइ चाही रहा। फिन जब मइँ आइत तउ जउन मोर रहा बियाज क साथ लइ लेइत।’</verse>
				<verse number="28">“एह बरे ऍसे चाँदी क एक थैली लइ ल्या अउर जेकरे लगे चाँदी क दस थैली अहइँ, ऍका उहइ क दइ द्या।</verse>
				<verse number="29">काहेकि हर उ मनई क जो जउन कछू ओकरे लगे रहा ओकर सही प्रयोग किहेस ओका अउ जिआदा दीन्ह जाई। अउर जेतॅनी ओका जरूरत अहइ, उ ओसे जिआदा पाई। मुला ओसे, जो जउन कछू ओकरे लगे रहा ओकर सही प्रयोग नाहीं किहेस, सब कछू ओकरे लगे रहा ओकर सही प्रयोग नाहीं किहेस, सब कछू छोर लीन्ह जाई।</verse>
				<verse number="30">तउ उ बेकार क नउकर क बाहेर अँधियरे मँ धकियाइ द्या जहाँ लोग रोइहीं अउर आपन दाँत पिसिहीं।</verse>
				<verse number="31">“मनई क पूत जब आपन सरगे क महिमा क संग आपन सबही दूतन क संग आपन सानदार सिंहासने प बइठी</verse>
				<verse number="32">तउ संसार क सबहिं लोग ओकरे समन्वा ऍकट्ठ होइ जइहीं अउर एक दूसर क वइसे ही अलगाइ देइ, जइसे एक गड़रिया आपन बोकरियन स भेड़न क अलगाइ देत ह।</verse>
				<verse number="33">उ भेड़न क दाहिन कइँती अउर बकरियन क बाई कइँती राखी।</verse>
				<verse number="34">“फिन उ राजा, जउन ओकरे दाहिन अहइ, ओनसे कही, ‘मोरे परमपिता स असीस पाए मनइयो, आवा अउर जउन राज्य तोहरे बरे संसार क सृस्टि स पहिले तइयार कीन्ह ग अहइ, ओकर अधिकारी बनि जा।</verse>
				<verse number="35">इ राज्य तोहार अहइ काहेकि मइँ भुखान रह्यों अउ तू मोका कछू खाइके द्या, मइँ पिआसा रह्यों अउर तू मोका कछू पिअइ क दिहा। मइँ नगिचे स जात भवा अनजान रह्यों, अउर तू मोका भितरे लइ गया।</verse>
				<verse number="36">मइँ बेवस्तर रह्यों, तू मोका ओढ़ना पहिराया। मइँ बेरमिया रह्यों, अउर तू मोर सेवा किहा। मइँ गिरफ्तार रह्यों, अउन तू मोरे लगे आया।’</verse>
				<verse number="37">“फिन जवाबे मँ धर्मी मनई ओसे पुछिहइँ, ‘पर्भू, हम पचे तोहका कब भुखान लखा ह अउर खिआवा या पिआसा लखा अउर पिअइ क दिहा?</verse>
				<verse number="38">तोहका हम कब नगिचे स जात भवा अजनबी लखा अउर भितरे लइ गएन, या बेवस्तर के लखिके तोहका ओढ़ना पहिरावा?</verse>
				<verse number="39">अउ हम कब तोहका बेरमिया या गिरपतार लखा अउर तोहरे लगे आएन?’</verse>
				<verse number="40">“फिन राजा जवाबे मँ ओनसे कही, ‘मइँ तोहसे सच कहत हउँ जब कबहुँ तू मोर भोले भाले मनइयन मँ स कउनो एक बरे भी कछू किहा तउ उ तू मोरे बरे किहा।’</verse>
				<verse number="41">“फिन उ राजा आपन बाँई कइँती क मनइयन स कही, ‘अरे अभागे लोगो मोरे नगिचे स चला जा, अउ जउन आगी सइतान अउर ओकरे दूतन बरे तइयार कीन्ह गइ अहइ, उ अंनत आगी मँ जाइके कूद जा।</verse>
				<verse number="42">इहइ तोहार सजा अहइ काहेकि मइँ भुखान रह्यो पर तू मोका खाइके कछू नाहीं दिहा,</verse>
				<verse number="43">मइँ अनजान रहा पर तू मोका भितरे नाहीं लइ गया। मइँ बिन ओढ़ना क बेवस्तर रहा, पर तू मोका ओढ़ना नाहीं पहिराया। मइँ बेरमिया अउर गिरफ्तार रहा, पर तू मोरे कइँती धियान नाहीं दिया।’</verse>
				<verse number="44">“फिन उ सबइ भी जवाबे मँ ओसे पुछिहइँ, ‘पर्भू, हम तोहका भूखा या पिआसा या अनजान या बिना ओढ़ना क बेवस्तर या बेरमिया या गिरप्तार कब लखा अउर तोहार सेवा नाहीं कीन्ह?’</verse>
				<verse number="45">“फिन उ जवाबे मँ ओनसे कही, ‘मइँ तोहसे सच कहत हउँ जब कबहुँ तू मोर इन भोले भाले मनवइयन मँ स कउनो एक क बरे लापरवाही बरत्या अउर नाहीं किहा उ मोरे बरे भी कछू करइ मँ लापरवाही बरती।’</verse>
				<verse number="46">“फिन इ सबइ बुरे लोग अनन्त सजा पइही अउ धर्मी मनई अनन्त जीवन मँ चला जइहीं।”</verse>
			</chapter>
			<chapter number="26">
				<verse number="1">इ सब बातन क कहि चुकइ क पाछे ईसू आपन चेलन स बोला,</verse>
				<verse number="2">“तू पचे जानत ह कि दुइ दिना पाछे पसह क त्यौहार बाटइ। अउर मनई क पूत दुस्मनन क हाथन स क्रूसे प चढ़ाइ जाइ बरे पकड़वाइ जाइवाला अहइ।”</verse>
				<verse number="3">तब मुख्ययाजकन अउर बुजुर्ग यहूदी नेतन कैफ़ा नाउँ क महायाजक क घरे क आँगन मँ ऍकट्ठा भएन।</verse>
				<verse number="4">अउर उ पचे कउनो चाल स ईसू क धरइ अउर मार डावइ क छल करेन।</verse>
				<verse number="5">फिन भी उ सबइ कहत रहेन, “हमका इ फसह क त्यौहार क दिनन मँ नाहीं करइ चाही। नाहीं तउ होइ सकत ह मनई दंगा फसाद कइ बइठइँ।”</verse>
				<verse number="6">ईसू जब बैतनिय्याह मँ समौन कोढ़ी क घरे रहा।</verse>
				<verse number="7">तबही एक स्त्री चिकना, स्फटिक क सीसी मँ बहोत महँग इतर भरिके लइ आई अउर ओका ओकरे मूँड़े प उड़ेल दिहस। उ समइ उ पटरा प टेक लगाइके निहुरा बइठा रहा।</verse>
				<verse number="8">जब ओकर चेलन इ देखन तउ उ सबइ किरोध मँ आइके बोलेन, “इतर क अइसी बर्बादी काहे कीन्ह गइ?</verse>
				<verse number="9">इ इतर तउ महँग दामे मँ बिक सकत रहा अउर फिन उ धने क दीन दुखियन मँ बाँटि जाइ सकत रहा।”</verse>
				<verse number="10">ईसू जानि गवा कि उ सबइ क कहत अहइँ। तउ ओनसे बोला, “तू इ स्त्री क काहे तंग करत अहा? उ तउ मोरे बरे एक सुन्नर काम करेस ह?</verse>
				<verse number="11">काहेकि दीन-दुखी तउ हमेसा तोहरे पास रइहीं पर मइँ तोहरे साथ हमेसा नाहीं रहब।</verse>
				<verse number="12">उ मोरे सरीर पइ सुगंधि छिरकिके मोरे गाड़ा जाइके तइयारी करेस ह।</verse>
				<verse number="13">मइँ तोहसे सच कहत हउँ समूची दुनिया मँ जहँ कहूँ भी सुसमाचार क प्रचार अउर फइलाव कीन्ह जाइ, हुवँइ ऍकर याद मँ जउन कछू इ किहेस ह, ओकर चर्चा होई।”</verse>
				<verse number="14">तब यहूदा इस्करियोती जउन ओकर बारहु चेलन मँ एक रहा, मुख्ययाजकन क लगे गवा अउर ओसे बोला,</verse>
				<verse number="15">“यदि मइँ ईसू क तोहका पकरवाइ देउँ तउ तू मननई मोका का देब्या?” तब उ पचे यहूदा क चाँदी क तीस रूपया देइ बरे इच्छा परगट किहेन।</verse>
				<verse number="16">उहइ समइ स यहूदा ईसू क धिखा दइ के पकड़वावइ क ताक मँ रहइ लाग।</verse>
				<verse number="17">बिना खमिरे क रोटी क त्यौहार स पहिले दिन ईसू क चेलन आइके पूछेन, “तू का चाहत ह कि हम तोहरे खाइके बरे फसह भोज क तइयारी कहाँ जाइके करी?”</verse>
				<verse number="18">ईसू कहेस, “गाउँ मँ उ मननई क लगे जा अउर ओसे कहा, कि गुरु कहेस ह, ‘मोर तय भई घरी निगचे बाटइ, मइँ तोहरे घर आपन चेलन क संग फसह क त्यौहार मनावइ वाला अहउँ।’”</verse>
				<verse number="19">फिन चेलन वइसा ही करेन जइसा ईसू बताए रहा अउर फसह क त्यौहार क तइयारी किहन।</verse>
				<verse number="20">दिन बूड़त ईसू आपन बारहु चेलन क संग पटरे पइ निहुरा बइठा रहा।</verse>
				<verse number="21">तबहीं ओनके खइया क खात उ बोला, “मइँ सच कहत हउँ तोहमाँ स एक मोका धोखे स पकरवाई।”</verse>
				<verse number="22">उ सबइ बहोत दुःखी भएन अउ ओनमाँ स हर कउनो आपुस मँ पूछइ लागेन, “पर्भू उ मइँ तउ नाहीं हउँ। बतावा का मइँ अहउँ।”</verse>
				<verse number="23">तब ईसू जवाब दिहस, “उहइ जउन मोरे संग एक टाठी मँ खात बा मोका धोखा स पकड़वाई।</verse>
				<verse number="24">मनई क पूत तउ जाई ही, अइसा कि ओकरे बारे मँ पवित्तर सास्तरन मँ लिखा बाटइ। मुला उ मनई क धिक्कार बा जउन मनई क जारिये मनई क पूत पकड़वाइ जात अहइ। उ मनई बरे केतॅना नीक होत कि ओकर जन्म ही न भवा रहत।”</verse>
				<verse number="25">तब ओका धोखे स पकरवावइ वाला यहूदा बोलि उठा, “हे गुरु, उ मइँ नाहीं हउँ। का मइँ हउँ?” ईसू ओसे कहेस, “हाँ अइसा ही अहइ जइसा तू कह्या ह।”</verse>
				<verse number="26">जब उ पचे खइया क खात ही रहेन, ईसू रोटी लिहस, ओका असीसेस अउर फिन तोड़ेस। फिन ओका चेलन क देत भवा उ बोला, “ल्या ऍका भकोसा, इ मोर देह अहइ।”</verse>
				<verse number="27">फिन उ दाखरस क खोरा उठाएस अउर धन्यबाद देइ क पाछे ओका ओन पचेन क देत भवा कहेस, “तू पचे एहमाँ स तनिक तनिक पिआ।</verse>
				<verse number="28">काहेकि इ मोर खून अहइ जउन एक नवा वाचा की सुरुआत अहइ। इ बहोतन लोगन बरे बहाइ जात ह। जेसे ओनके पापन्क छमा करब संभउ होइ सकइ</verse>
				<verse number="29">मइँ तोहसे सच कहत हउँ उ दिना तक दाखरस न चीखब जब ताईं आपन परमपिता क राज्य मँ तोहरे साथ नवा दाखरस न पिउ लेउँ।”</verse>
				<verse number="30">फिन उ पचे फसह क भजन गाइके जैतून पहाड़े प गएन।</verse>
				<verse number="31">फिन ईसू ओनसे कहेस, “आज राति तू पचन क मोह मँ बिसवास डुग जाई। काहेकि पवित्तर सास्तरन मँ लिखा अहइ: ‘मइँ गड़रिया क मारब अउर झुंड क भेड़न तितराइ बितराइ जइहीं।’</verse>
				<verse number="32">पर फिन स जी जाए प मइँ तोहसे पचन्स पहिले गलिल चला जाब।”</verse>
				<verse number="33">परतस जवाब दिहस, “चाहे सब मिला तोहमाँ बिसवास डुगाइ देइँ, मुला मइँ कबहूँ न खोउब।”</verse>
				<verse number="34">ईसू ओसे कहेस, “मइँ तोहसे सच कहत हउँ आज इहइ राति मुर्गा क बाँग देइ स पहिले तू तीन दाईं मोका नकार जाब्या।”</verse>
				<verse number="35">तब पतरस ओसे कहेस, “अगर मोका तोहरे संग मरि जाइ क होइ तउ भी तोसे मइँ कबहूँ न मुकरब।” बाकी सब चेलन इहइ कहेन।</verse>
				<verse number="36">फिन ईसू ओकरे संग उ जगह प आवा जउन गतसमनी कहा जात रहा। अउर उ आपन चेलन स कहेस, “जब ताईं मइँ हुवाँ जाउँ अउर पराथना करउँ, तू सबे हियइँ बइठा।”</verse>
				<verse number="37">फिन ईसू पतरस अउर जब्दी क दुइनउँ बेटवन क आपन संग लइ गवा। अउर दुख अउ घबराहट महसूस करइ लाग।</verse>
				<verse number="38">फिन उ ओनसे कहेस, “मोर मन बहोत दुखी बा, जइसे मोर प्रान निकरि जइहीं। तू मोरे संग हिअँई ठहर जा अउर होसियार रहा।”</verse>
				<verse number="39">फिन तनिक अगवा बढ़इ क बाद उ धरती प निहुरिके पराथना करइ लाग। उ कहेस, “हे, मोर परमपिता, जदि होइ सकइ तउ यातना क कटोरा मोसे टरि जाइ। फिन भी जइसा मइँ चाहत हउँ वइसा नाहीं मुला जइसा तू चाहत ह वइसा ही कर।”</verse>
				<verse number="40">ओकरे पाछे उ आपन चेलन क लगे गवा अउर ओनका सोवत पाएस। उ परतस स कहेस, “तउ तू पचे मोर संग एक घंटा भी नाहीं जागि सक्या।</verse>
				<verse number="41">जागत रहा अउर पराथना करा जेसे तू परिच्छा मँ न पड़ि जा। तोहार आतिमा तउ उहइ करब चाहत ह जउन चंगा बा, मुला तोहार सरीर दुर्बल अहइ।”</verse>
				<verse number="42">एक दाईं फिन उ जाइके पराथना किहेस अउर कहेस, “हे मोर परमपिता, जदि यातना क कटोर मोरे बगैर पिए टर नाहीं सकत तउ तोहार इच्छा पूरी होइ जाइ।”</verse>
				<verse number="43">तब उ आवा अउ ओनका फिन सोवत पावा। उ पचेन क आँखन थकी रहिन।</verse>
				<verse number="44">तउ उ ओनका छोड़िके फिन गवा अउर तिसरी दाईं भी पहिले क नाईं ओनही सब्दन मँ पराथना करेस।</verse>
				<verse number="45">फिन ईसू आपन चेलन क लगे गवा अउर ओनसे पूछेस, “का तू अबहुँ आराम स सोवत अहा? सुना, समइ आइ ग अहइ, जब मनई क पूत पापी मनइयन क हथवन मँ दइ दीन्ह जाई।</verse>
				<verse number="46">उठा, आवा चली। देखा मोका धरइवाला इ बा।”</verse>
				<verse number="47">ईसू जब बोलत रहा, यहूदा जउन बारहु चेलन मँ एक रहा, आवा। ओकरे संग तरवारन अउर लाठियन स लइस मुख्ययाजकन अउर बुजुर्ग यहूदी नेतन क पठई एक भारी भीड़ भी रही।</verse>
				<verse number="48">यहूदा जउन ओका पकड़वावइ वाला रहा, ओनका एक इसारा बतावत भवा कहेस, “जउन कउनो क मइँ चुमउँ, उहइ होई, ओका धइ लिहा।”</verse>
				<verse number="49">फिन उ सीधे ईसू क लगे गवा अउ बोला, “हे गुरु!” अउर बस उ ईसू क चूम लिहेस।</verse>
				<verse number="50">ईसू ओसे कहेस, “मीत, जउन काज बरे तू आइ अहा, ओका करा।” फिन भिड़िया क लोग लगे जाइके ईसू क दहबोच कइ गिरफ्तार कइ लिहन।</verse>
				<verse number="51">फिन जउन मिला ईसू क संग रहेन, ओनमाँ स एक तरवार हींच लिहस अउर वार कर महायाजक क नउकर क कान काट लिहस।</verse>
				<verse number="52">तब ईसू ओसे कहेस, “आपन तरवार क मियान मँ घुसेड़ द्या। जउन तरवार चलावत हीं उ पचे तरवारे स मार डावा जइहीं।</verse>
				<verse number="53">का तू नाहीं सोचत अहा कि मइँ आपन परमपिता क बोलाइ सकत हउँ अउ उ फउरन सरगे क दुतन क बारहु फउजन स भी जिआदा मोरे लगे पठइ देई?</verse>
				<verse number="54">मुला मइँ अइसा करउँ तउ पवित्तर सास्तरन मँ लिखी बात कइसे पूर होइ जाई कि सब कछू अइसे ही होइ क अहइ?”</verse>
				<verse number="55">उहइ समइ ईसू भीड़े स कहेस, “तू पचे तरवारन, लाठियन क संग मोका धरवावइ अइसे काहे आइ अहा जइसे कउनो डाकू क धरइ आवत हीं? मइँ हर दिन मन्दिर मँ बइठा उपदेस देत रहत हउँ अउर तू पचे मोका नाहीं धर्‌या।</verse>
				<verse number="56">मुला इ सब कछू घटि गवा कि नबियन क लिखा पूर होइ।” फिन ओकर चेलन ओका तजि क पराय गएन।</verse>
				<verse number="57">ईसू क जउन धरे रहेन, उ पचे ओका कैफ़ा नाउँ क महायाजक क समन्वा लइ गएन। हुवाँ धरम सास्तिरियन अउर बुजुर्ग यहूदी नेतन भी ऍकट्ठा भएन।</verse>
				<verse number="58">पतरस ओसे दूर-दूर रहत ओकरे पाछे-पाछे महायाजक क अंगना क भितरे तलक चला गवा। अउर फिन अंत देखइ हुवाँ पहरेदारन क संग बइठ गवा।</verse>
				<verse number="59">मुहायाजकन समूची यहूदी महासभा क संग ईसू क मउत क सजा देइ बरे ओकरे खिलाफ कउनो झूठा जुर्म ढूँढ़इ बरे जतन करत रहेन।</verse>
				<verse number="60">मुला ढूँढ नाहीं पाएन। जदपि बहोत स झूठे गवाहन अगवा बढ़िके झूठ बोलेन। आखिर मँ दुइ मनई अगवा आएन।</verse>
				<verse number="61">अउर बोलेन, “इ कहे रहा, ‘मइँ परमेस्सर क मंदिर क तहस नहस कइ सकत हउँ अउर तीन दिना मँ फिन बनाइ सकत हउँ।’”</verse>
				<verse number="62">फिन महायाजक खड़ा होइके ईसू स पूछेस, “का जवाबे मँ तोहका कछू नाहीं कहइ क अहइ कि इ मनइयन तोहरे खिलाफ इ का साच्छी देत अहइँ?”</verse>
				<verse number="63">मुला ईसू खमोस रहा। फिन महायाजक ओसे पूछेस, “मइँ तोहका साच्छात परमेस्सर क सपथ देत हउँ, हमका बतावा का तू परमेस्सर क पूत मसीह अहा?”</verse>
				<verse number="64">ईसू जवाब दिहस, “हाँ, मइँ अहउँ। मुला मइँ तोहका बतावत हउँ कि तू पचे मनई क पूत क उ परम सक्तीवाला क दाहिन कइँती बइठा अउर सरगे क बदखन प आवत हालि ही देखब्या।”</verse>
				<verse number="65">महायाजक इ सुनिके ऍतना गुस्साइ गवा कि आपन ओढ़ना फाड़त भवा बोला, “इ जउन बातन कहेस ह उ सब परमेस्सर प कलंक लगाएस ह। अब हमका अउर जिआदा साच्छी न चाही। तू पचे ऍका परमेस्सर क खिलाफ कहत सुन्या ह।</verse>
				<verse number="66">तू पचे का सोचत अहा?” जवाबे मँ उ पचे बोलेन, “इ अपराधी अहइ। ऍका मरि जाइ चाही।”</verse>
				<verse number="67">फिन उ सबइ ओकरे मुँहना प थूकेन अउ ओका घूँसा स मारेन। कछू थप्पड़ दिहेन।</verse>
				<verse number="68">अउर कहेन, “हे मसीह! भविस्सबाणी करा कि उ कउन अहइ जउन तोहका थोकरेस ह।”</verse>
				<verse number="69">पतरस अबहीं अंगना मँ बाहेर बइठा रहा कि एक ठु नउकरानी लगे आइ अउर बोली, “तू भी तउ उहइ गलील क ईसू क संग रह्या।”</verse>
				<verse number="70">मुला सबइ क समन्वा पतरस मुकर गवा। उ कहेस, “मोका पता नाहीं तू का कहति अहा।”</verse>
				<verse number="71">फिन उ ड्यौढ़ी तलक गवा ही रहा कि एक दूसर मेहरारू देखेस अउर जउन मनई हुवाँ रहेन, ओनसे बोली, “इ मनई नासरत क ईसू क संग रहा।”</verse>
				<verse number="72">एक दाईं फिन पतरस इन्कार करेस अउर सपथ खात भवा कहेस, “मइँ उ मनई क नाहीं जानत हउँ।”</verse>
				<verse number="73">तनिक देर पाछे हुवाँ खड़ा लोग पतरस क लगे गएन अउर ओसे बोलेन, “तोहार बोलइ क लहजा स साफ लागत ह कि तू असिल मँ ओनही मँ स एक अहा।”</verse>
				<verse number="74">तब पतरस आपन क धिक्कारइ लाग अउर सपथ खाएस, “मइँ उ व्यक्ति क नाहीं जानत हउँ!” तबहिं मुर्गा बाँग दिहस।</verse>
				<verse number="75">तब्बइ पतरस क उ याद होइ आवा जउन ईसू ओसे कहे रहा, “मुर्गा क बाँग देइ स पहिले तू तीन दाईं मोका नकार देब्या।” तब पतरस बाहेर चला गवा अउ फूट फूट क रोवइ लाग।</verse>
			</chapter>
			<chapter number="27">
				<verse number="1">दूसर दिन बड़े भिन्सारे सबइ ही मुख्य याजकन अउर बुजुर्ग यहूदी नेतन ईसू क मरवाइ डावइ क एक चाल चलेन।</verse>
				<verse number="2">फिन उ पचे ओका बाँधि के लइ गएन अउर राज्यपाल पिलातुस क सौपं दिहन।</verse>
				<verse number="3">ईसू क धरवावइ वाला यहूदा जब देखेस कि ईसू क दोखी ठहराइ दीन्ह ग अहइ, तउ उ बहोत पछतावा। अउर उ याजकन तथा यहूदी नेतन क चाँदी क तीस सिक्कान लउटाइ दिहस।</verse>
				<verse number="4">उ कहेस, “मइँ एक वे अपराधी क मार डावइ बरे धरावइ क पाप कीन्ह ह।” ऍह प मनई कहेन, “हम पचेन क का! इ तोहार आपन मामिला अहइ।”</verse>
				<verse number="5">ऍह प यहूदा चाँदी क ओन सिक्कान क मन्दिर क भितरे लोकाएके चला गवा अउर फिन बाहेर जाइके आपन क फाँसी लगाएस।</verse>
				<verse number="6">मुख्ययाजकन उ सब चाँदी क सिक्कन क उठाइ लिहन अउर कहेन, “हमरे व्यवस्था क मुताविक इ धन क मन्दिर क खजाना मँ धरब नीक नाहीं काहेकि ऍकर प्रयोग कउनो क मार डावइ बरे कीन्ह ग रहा।”</verse>
				<verse number="7">एह बरे उ पचे उ सिक्कान क यरूसलेम मँ बाहेर स आवइ वाले मनइयन क मरि जाए प गाड़इ बरे कोहारे क खेत खरीदै क फैसला किहन।</verse>
				<verse number="8">एह बरे आजु ताईं इ खेत “लहू क खेत” क नाउँ स जाना जात ह।</verse>
				<verse number="9">इ तरह परमेस्सर क नबी यिर्मयाह क कहा भवा बचन पूर होइ ग: “उ पचे चाँदी क तीस सिक्कान बरे, उ रकम जेका इस्राएल क मनइयन ओकरे बरे देब तइ किहे रहेन।</verse>
				<verse number="10">अउ पर्भू क जारिये मोका दीन्ह गवा हुकुम क मुताबिक ओसे कोंहारे क खेत खरीदेन।”</verse>
				<verse number="11">ऍकरे बीच मँ ईसू राज्यपाल क समन्वा पेस भवा। राज्यपाल ओसे पूछेस, “का तू यहूदियन क राजा अहा?” ईसू कहेस, “हाँ, मइँ हउँ।”</verse>
				<verse number="12">दुसरी कइँती जब प्रमुखयाजकन अउर बुजुर्ग यहूदी नेतन ओह प दोख लगाव रहेन तउ उ कउनो जवाब नाहीं दिहस।</verse>
				<verse number="13">तब पिलातुस ओसे पूछेस, “का तू नाहीं सुनत अहा कि उ सबइ तोह प केतॅता दोख लगावत अहइँ?”</verse>
				<verse number="14">मुला ईसू पिलातुस क कउनो भी दोख क जवाब नाहीं दिहस। पिलातुस क ऍह प बहोत अचरज भवा।</verse>
				<verse number="15">फसह क त्यौहार क अउसर प राज्यपाल क रीति रही कि उ कउनो भी एक कैंदी क, जेका भीड़ चाहत रही, ओनके बरे छोड़ दीन्ह जात रहा।</verse>
				<verse number="16">उहइ समइया बरअब्बा नाउँ क एक बदनाम कैदी हुवाँ रहा।</verse>
				<verse number="17">तउ जब भीड़ आइके एकट्ठी होइ गइ तउ पिलातुस ओसे पूछेस, “तू का चाहत बाट्या, मइँ तोहरे बरे केका छोड़ि देउँ, बरअब्बा क या उ ईसू क, जउन मसीह कहा जात ह?”</verse>
				<verse number="18">पिलातुस जानत रहा कि उ पचे ओका मने मँ डाह क कारण धरवाइ दिहेन ह।</verse>
				<verse number="19">पिलातुस जब निआव क सासन प बइठा रहा तउ ओकर पत्नी ओकरे लगे एक संदेसा पठएस: “उ सीधा साँच मनई क संग कछू जिन कइ बइठ्या। मइँ ओकरे बारे मँ एक ठु सपन देखिउँ ह जेसे मइँ आज सारा दिन भइ बेचइन रही।”</verse>
				<verse number="20">मुला प्रमुख याजकन अउर बुजुर्ग यहूदी नेतन भीड़े क बगदाएन, फुसलाएन कि उ पिलातुस स बरअब्बा क छोरि देइ क अउर ईसू क मरवाइ डावइ बरे कहेन।</verse>
				<verse number="21">जवाबे मँ राज्यपाल ओसे पूछेस, “दुइनउँ कैदियन मँ स कउनो एक बरे केका मोसे छुरवावइ बरे तू पचे चाहत बाट्या?” उ पचे जवाब दिहन, “बरअब्बा क।”</verse>
				<verse number="22">जब पिलातुस ओसे पूछेस, “तउ मइँ, जउन मसीह कहा जात बा उ ईसू क का करउँ?” उ सबइ कहेन, “ओका क्रूस प चढ़ावा!”</verse>
				<verse number="23">पिलातुस पूछेस, “काहे, उ कउन अपराध किहेस ह” मुला उ सबइ तउ अउर जिआदा चिचियानेन, “ओका क्रूस प चढ़ाइ द्या।”</verse>
				<verse number="24">पिलातुस देखेस कि अब कउनो फायदा नाहीं। मुला दंगा भड़कइ क बा। तउ उ तनिक पानी लिहस अउर भीड़े क समन्वा आपन हाथ धोएस, उ बोला, “इ मनई क लहू स हमार कउनो जिम्मेदारी नहीं। यह तोहार मामिला बा!”</verse>
				<verse number="25">जवाबे मँ सब लोगन कहेन, “एक्करे मउत क जबावदेही हम अउ हमार लरिकन मान लेत हँ।”</verse>
				<verse number="26">तब पिलातुस ओनके बरे बरअब्बा क छोरि दिहस अउर ईसू क कोड़वा स पिटवाइ क क्रूस प चढ़ावइ बरे सौंपि दिहस।</verse>
				<verse number="27">फिन राज्यपाल क सिपारी ईसू क राज्यपाल निवास क भितरे लइ गएन। हुवाँ ओकरे चारिहुँ कइँती सिपाहियन क फउज ऍकट्ठी होइ गइ।</verse>
				<verse number="28">उ पचे ओकर ओढ़ना उतार दिहन अउ चटकीले लाल रंग क ओढ़ना पहिराइ क</verse>
				<verse number="29">काँटे स बनवा एक ताज ओकरे सिरे प ढाँपि दिहस। ओकरे दाहिन हाथ मँ ए ठु नरकट थमाइ दिहन अउर ओकर समन्वा अपने घुटनन पइ निहुरिके क ओकरे हँसी करत बोलेन, “यहूदियन क राजा अमर रहइ!”</verse>
				<verse number="30">फिन उ पचे ओकरे मुँहना पर थूकेन, डंडी छोरेन अउर ओकरे मुँड़वा प सुटकइ लागेन।</verse>
				<verse number="31">जब उ पचे ओकर हँसी उड़ाइ चुकेन तउ ओकर पोसाक उतारेन अउर ओका ओकर आपन ओढ़ना पहिराइ क क्रूसे प चढ़ावइ बरे लइ चलेन।</verse>
				<verse number="32">जब उ पचे बाहेर ही रहेन तउ ओनका कुरैन क निवासी समौन नाउँ क एक मनई मिलि गवा। उ पचे ओह प जोर डाएन कि उ ईसू क क्रूस उठाइके चलइ।</verse>
				<verse number="33">फिन जब उ पचे गुलगुता नाउँ क जगह (जेकर अरथ अहइ “खोपड़ा क ठउर।”) पहुँचेन।</verse>
				<verse number="34">तउ उ पचे ईसू क अंगूर क रस मँ पित्त नाइ क पिअइ बरे दिहन। मुला जब ईसू ओका चखेस तउ पिअइ स मना किहस।</verse>
				<verse number="35">तउ उ सबइ ओका क्रूसे प चढ़ाइ दिहन अउर ओकरे ओढ़ना क आपुस मँ बाँटइ बरे पाँसा खेलिके आपन हींसा लिहन।</verse>
				<verse number="36">ऍकरे पाछे हुवाँ बइठिके ओह प पहरा देइ लागेन।</verse>
				<verse number="37">उ पचे ओकर जुर्म पत्थर लिखिके ओकरे मूड़े पर लटकाइ दिहेन, “इ यहूदियन क राजा ईसू अहइ।”</verse>
				<verse number="38">इहइ समइ ओकरे संग दुइ डाकु भी क्रुसे प चढ़ाइ जात रहेन एक ठु ओकरे दाहिन अउर दूसर ओकरे बाईं कइँती।</verse>
				<verse number="39">नगिचे स होइ क जात मनइयन आपन मूँड़ी झमकावत ओका बेज्जत करत रहेन।</verse>
				<verse number="40">उ पचे कहत रहेन, “अरे मन्दिर क गिराइके तीन दिना ओका फिन स बनवइया, आपन क तउ बचावा। जदि तू परमेस्सर क पूत अहा तउ क्रूसे स तरखाले उतरि आवा।”</verse>
				<verse number="41">अइसे ही मुख्ययाजकन, धरम सास्तिरियन अउर बुजुर्ग यहूदी नेतन क संग ओकर इ कहिके हँसउआ करत रहेन:</verse>
				<verse number="42">“दूसर क उद्धार करइया इ आपन उद्धार नाहीं कइ सकत। इ इस्राएल क राजा अहइ। इ क्रूसे स अबहिं तरखाले उतरइ तउ हम पचे ऍका मान लेइ।</verse>
				<verse number="43">इ परमेस्सर मँ बिसवास करत ह। तउ जदि परमेस्सर चाहइ अब ऍका बचाइ लेइ। आखिर इ तउ कहत भी रहा, ‘मइँ परमेस्सर क पूत हउँ।’”</verse>
				<verse number="44">उ सबइ लुटेरन भी जउन ओकरे संग क्रूसे प चढ़ाइ गएन रहा, ओकर अइसा ही हँसउआ भवा।</verse>
				<verse number="45">फिन समूची धरती प दुपहर स तीन बजे तलक अँधियारा छावा रहा।</verse>
				<verse number="46">कउनो तीन बजे क लगभग ईसू ऊँच अवाजे मँ चिल्लान, “ एली, एली, लमा सबक्तानी? ” अरथ, “मोरे परमेस्सर, हे मोरे परमेस्सर, तू मोका काहे बिसार दिहा ह?”</verse>
				<verse number="47">हुवाँ खड़ा भवा मनइयन मँ स कछू इ सुनिके कहइ लागेन, “यह एलिय्याह क पुकारत अहइ।”</verse>
				<verse number="48">फिन फउरन ओनमाँ स एक मनई धावत सिरका मँ बोरा भवा स्पंज एक डंडी पइ लटकाइ क लइ आवा अउर ओका ईसू क चूसइ बरे दिहस।</verse>
				<verse number="49">मुला दूसर लोग कहत रहेन, “छोड़ द्या, देखित ह कि एलिय्याह ऍका बचावइ आवत ह कि नाहीं।”</verse>
				<verse number="50">ईसू फिन एक दाईं ऊँच सुरे मँ चिल्लाइ क प्राण तजि दिहस।</verse>
				<verse number="51">उहइ समइया मन्दिरे क परदा ऊपर स तरखाले तलक फाटिके दुइ टुकड़न मँ बाँटि गवा। धरती डोल उठी। चट्टानन फाट पड़िन।</verse>
				<verse number="52">हियाँ तलक कब्रन खुलि गइन अउर परमेस्सर क मरा भएन भक्तन क बहोतन सरीर जी उठेन।</verse>
				<verse number="53">उ पचे कब्रन स निकरि आएन अउर ईसू क जी जाइ क पाछे पवित्तर नगर मँ जाइके बहोतन क देखाइॅ दिहेन।</verse>
				<verse number="54">रोम क फऊजी नायक अउर ईसू क पहरुअन भूँइडोल अउर वइसी ही दूसर घटनन क लखिके डेराअ गएन। उ पचे बोलेन, “ईसू असिल मँ परमेस्सर क पूत रहा!”</verse>
				<verse number="55">हुवाँ ढेरि के स्त्रियन खड़ी रहिन जउन दूरे स लखत रहिन। उ पचे ईसू क देखभाल बरे गलील स ओकरे पाछे पाछे आवत रहिन।</verse>
				<verse number="56">ओनमाँ स मरियम मगदलीनी, याकूब अउर यूसुफ क महतारी मरियम तथा जब्दी क बेटवन की महतारी रही।</verse>
				<verse number="57">सांझ क समइ अरिमतियाह सहर स यूसुफ नाउँ क एक धनवान आवा उ खुद ही ईसू क चेला होइ गवा। यूसुफ पिलातुस क लगे गवा अउर ईसू क ल्हास माँगेस।</verse>
				<verse number="58">तबहिं पिलातुस हुकुम दिहस कि सब ओका दइ दीन्ह जाइ।</verse>
				<verse number="59">यूसुफ ल्हास लई लिहस अउर ओका एक नई चदरे मँ लपेटिके</verse>
				<verse number="60">आपन खुद क नई कब्र मँ धइ दिहस। जेका उ चट्टाने मँ काटि के बनवाए रहा। फिन उ चट्टाने क दरवाजे प एक बड़का सा पाथर लुढ़काएस अउर चला गवा।</verse>
				<verse number="61">मरियम मगदलीनी अउर दूसर स्त्री मरियम हुवाँ कब्रे क समन्वा बइठी रहिन।</verse>
				<verse number="62">अगले दिन जब सुक्रवार बीत गवा तउ प्रमुख याजकन अउर फरीसियन पिलातुस स मिलइ गएन।</verse>
				<verse number="63">उ पचे कहेन, “महासय हमका याद बा कि इ छलिया, जब उ जिअत रहा, कहे रहा, ‘तिसेर दिन मइँ फिन जी उठब।’</verse>
				<verse number="64">तउ हुकुम द्या कि तिसरे दिन तलक कब्रे प चौकसी कीन्ह जाइ। जेसे अइसा न होइ कि ओकर चेलन आइके ओकर ल्हास चोरॉइ लइ जाइँ अउर मनइयन स कहइँ, उ मरे भवा मँ स जी गवा। इ दूसर छल पहिले छल से जिआदा बुरा होई।”</verse>
				<verse number="65">पिलातुस ओसे कहेस, “तू पहरा बरे सिपाही लइ जाइ सकत ह। जा जइसी चौकसी कइ सकत ह, करा।”</verse>
				<verse number="66">तब उ पचे चला गएन अउर उ पाथर प मोहर लगाइके अउर पहरुअन क हुवाँ बइठाइ के कब्र क हिफाजत करइ लागेन।</verse>
			</chapter>
			<chapter number="28">
				<verse number="1">सबित क बाद जब रविवार क भिन्सारे पउ फाटत रही, मरियम मगदलीनी अउर दूसर स्त्री मरियम कब्र क जाँच करइ आइन।</verse>
				<verse number="2">काहेकि सरगे स पर्भू क एक दूत हुवाँ उतरा रहा, एह बरे उ सबइ बहोत बड़का भुइँडोल आवा। सरगदूत हुवाँ आइके पाथर क लुढ़काएस अउर ओह पर बइठ गवा।</verse>
				<verse number="3">ओकर रूप अकासे क बिजरी क नाईं चमचमात रहा अउर ओकर ओढ़ना बरफ जइसे उज्जर रहेन।</verse>
				<verse number="4">उ सिपाहियन जउन कब्रे प पहरा देत रहेन, डर क कारण डेरानेन अउर अइसा होइ गएन जइसे मरि गवा होइँ।</verse>
				<verse number="5">तब सरगदूत बोला अउर उ ओन स्त्रीयन स कहेस, “डेराअ जिन, मइँ जानत हउँ कि तू ईसू क खोजति अहा जेका, क्रूस प चढ़ाइ दीन्ह गवा रहा।</verse>
				<verse number="6">उ हियाँ नाहीं बा। जइसा कि उ कहे रहा। उ मउत क पाछे फिन जिआइ दीन्ह जाई। आवा, उ ठउरे क लखा, जहाँ उ ओतरा रहा।</verse>
				<verse number="7">अउ फिन तुरंत जा अउर ओकरे चेलन स कहा, ‘उ मरे हुअन मँ स जिआइ दीन्ह जाई अउर अब उ तोहसे पहिले गलील क जात अहइ। तू ओका हुवाँ देखब्या इहइ मइँ तोहका बतावइ आवा हउँ, ओका याद राखा।’”</verse>
				<verse number="8">उ स्त्रियन फउरन ही कब्र क तजि दिहन। उ पचे डर अउर आनंद स खुस होइ गइन। फिन ईसू क चेलन क इ बतावइ उ पचे धाएन।</verse>
				<verse number="9">एकाएक ईसू ओनसे भेंटेस अउर बोला, “अरे तू!” उ पचे ओकरे लगे आइन, उ पचे ओकर गोड़वा धइ लिह अउर ओकर आराधना करेन।</verse>
				<verse number="10">तब ईसू ओनसे कहेस, “डेराअ जिन, मोरे भाइयन क लगे जा, अउर ओनसे कहा कि उ पचे गलील बरे रवाना होइ जाइँ, हुवँइ उ सबइ मोका देखिहइँ।”</verse>
				<verse number="11">अबहिं उ स्त्रीयन आपन राहे मँ ही रहिन कि कछू सिपाही जउन पहरुअन मँ रहेन, सरह मँ गएन अउर जउन कछू भवा, उ सब क खबर प्रमुख याजकन क जाइके सुनाएन।</verse>
				<verse number="12">तउ उ सबइ बुजुर्ग यहूदी नेतन मिलिके एक चाल चलेन। उ पचे सिपाहियन क बहोतइ धन दइके।</verse>
				<verse number="13">कहेन कि उ पचे मनइयन स कहइँ, “ईसू क चेलन राति क आएन अउ जब हम सबइ सोवत रहेन ओकरे ल्हास क चुराइ लइ गएन।</verse>
				<verse number="14">जदि तोहार इ बात राज्यपाल तक पहुँचत ह तउ हम ओका समझाइ लेब अउर तोहरे प कउनो आँच न आवइ पाई।”</verse>
				<verse number="15">पहरूअन धन लइके वइसा ही करेन, जइसा ओनका बतावा ग रहा। अउ इ कहानी यहूदियन मँ आज तलक इहइ रूप मँ सँचर गउ अहइ।</verse>
				<verse number="16">फिन ग्यारहु चेलन गलील मँ उ पहाड़ी प पहुँचेन जहाँ जाइके बरे ईसू कहे रहा।</verse>
				<verse number="17">जब उ पचे ईसू के निहारेन तउ ओकर आराधना करेन। जदपि कछूक मनवा मँ सक रहा।</verse>
				<verse number="18">फिन ईसू ओनके लगे जाइके कहेस, “सरगे मँ अउ धरती प सबइ हक मोका दइ दीन्ह गवा अहइँ।</verse>
				<verse number="19">तउ, जा अउर सब देसन क मनइयन क मोर चेलन बनावा। तोहका इ काम परमपिता क नाउँ मँ, पूत क नाउँ म अउर पवित्तर आतिमा क नाउँ मँ, ओनका बपतिस्मा दइके पूर करब अहइ।</verse>
				<verse number="20">उ सबइ हुकुम जउन मइँ तोहका दिहे हउँ, ओनका ओन प चलब सिखावा। अउर याद राखा इ सृस्टि क अंत ताईं मइँ हमेसा तोहरे संग रहब।”</verse>
			</chapter>
		</book>
		<book number="41">
			<chapter number="1">
				<verse number="1">परमेस्सर क पूत ईसू मसीह क सुसमाचार क सुरुआत।</verse>
				<verse number="2">जइसा अगवा होई, यसायाह नबी क किताब मँ लिखा अहइ: उ कहेस, “सुन ल्या! मइँ (परमेस्सर) अपने सहायक क तोसे पहिले पठवत अही। उ तोहरे बरे रस्ता बनाई।”</verse>
				<verse number="3">“एक ठु मनई के चिल्लाय क अवाज उसरे मँ सुनि लीन्ह: ‘पर्भू क बरे रस्ता बनवा अउर सोझ रस्ता तइयार करा।’”</verse>
				<verse number="4">यूहन्ना उसरे मँ बपतिस्मा देत आइ। उ लोगन स बपतिस्मा लेने क कहेस कि उ आपन मनफिराव क दिखा सकइँ। अउर ओनके पापन्क छमा होइ।</verse>
				<verse number="5">यरूसलेम अउ यहूदिया देस क सब जने ओकरे निअरे गएन। जइसे उ सब आपुन्हि पापन्क कबूलेन्ह, उ सब यरदन नदिया मँ ओसे बपतिस्मा पाएन।</verse>
				<verse number="6">यूहन्ना ऊँटन्क बारेन्स बनवा बस्तर पहिरत रहा, अउर करिहाउँ प खालि क पेटी बाँधत रहा। उ टिड्डन्क अउर जंगली सहद खात रहा।</verse>
				<verse number="7">उ इ बात क प्रचार करत रहा: “मोरे पाछे मोसे जिआदा एक ठु बरिआर मनई आई। मइँ ऍतना जोग्य नाहीं कि ओकरे सोझे खड़ा होइके अउर निहुरिके ओकरे बधियउरी क फीता तलक खोलि सकउँ।</verse>
				<verse number="8">मइँ तू पचन्क पानी स बपतिस्मा देत अही मुला उ तू पचन्क पवित्तर आतिमा स बपतिस्मा देई।”</verse>
				<verse number="9">उ समइ ईसू नासरत स गलील आवा। हुवाँ यूहन्ना रहा। ईसू ओसे यरदन नदिया मँ बपतिस्मा लिहस।</verse>
				<verse number="10">जइसे ही पानी स बाहेर आवत रह, उ खुला भवा अकास देखेस। अउर पवित्तर आतिमा कबूतरे क नाईं ओह प उतरी।</verse>
				<verse number="11">फिन अकासबानी भइ: “तू मोर पूत, जेहका मइँ पियार करत हउँ। मइँ तोहसे बहोत खुस हउँ।”</verse>
				<verse number="12">तब तुरंतहि आतिमा ईसू क उसरे मँ पठएस।</verse>
				<verse number="13">अउ उ उसरे मँ चालीस दिन तइँ रहा। उहइ समइया मँ सइतान ओका भरमावत भवा रहा। हुवाँ ईसू जंगली जनावर क संग रहा। जहाँ सरगदूतन आइ क ओकर सेवा किहेन।</verse>
				<verse number="14">ओकरे बाद यूहन्ना जेली मँ धाँध दीन्ह गवा। फिन ईसू गालील मँ गवा अउर परमेस्सर क सुसमाचार क प्रचार करत रहा।</verse>
				<verse number="15">उ कहेस, “समइ पूरा होइ गवा परमेस्सर क राज्य नगिचे अहइ। सब जने मनफिरावा अउर सुसमाचार मँ बिसवास करा।”</verse>
				<verse number="16">जब ईसू गलील झील क निअरे स होइ के जात रहा। उ समौन अउर समौन क भाई अन्द्रियास क निहारेस। उ दुइनउँ मछुआरा रहेन, एह बरे उ सब जलिया क झीले मँ डारत रहेन।</verse>
				<verse number="17">ईसू ओनसे कहेस, “आवा, अउर मोरे पाछे आवा। मइँ तू पचन क कइसे मनई बटोरा जात हीं इ बात सिखाउब।”</verse>
				<verse number="18">तबहिं फउरन उ सब आपनि जालिन्ह क छाँड़ि दिहन अउर ओकरे पाछे आएन।</verse>
				<verse number="19">तबहिं ईसू तनिक आगे झिलिया क तीरे चलत-चलत जब्दी क बेटवा याकूब अउर ओकर भाई यूहन्ना क निहारेस। उ सबइ आपन नाउ मँ आपन जालि क मरम्मत करत रहेन।</verse>
				<verse number="20">उ तबहिं फउरन उ सबन्क बोलॉएस। एह बरे कि उ सबइ नाउ मँ आपन बाप जब्दी क छाँड़ि कइ ओके संग ओकरे पाछे आएन।</verse>
				<verse number="21">ओकरे बाद उ पचे कफरनहूम गएन। फुन अगवा ईसू आवइवाला सबित क दिन आराधनालय मँ जाइके लोगन्क सिच्छा देइ लाग।</verse>
				<verse number="22">सिरिफ धरम सास्तिरियन क जानइवाला क तरह नाहीं मुला एक ठु मुड्ढ क नाईं सिच्छा देत रहा। एह बरे उ सब मनइयन ओकरे सिच्छा स अचरजे मँ पड़ि गएन।</verse>
				<verse number="23">ओनकर यहूदी पराथना सभा मँ एक ठू अइसा मनई रहा जेका दुस्ट आतिमा धरे रही। उ मनई चिचिअन अउर कहेस,</verse>
				<verse number="24">“मोसे तू का चाहत बाट्या, नासरत क ईसू? का हम पचन्क बरिबाद करइ क आइ बाट्या? मइँ जानत हउँ तू का अहा, तू अहा परमेस्सर क पवित्तर मनई!”</verse>
				<verse number="25">मुला एह पइ ईसू पटकारेस, “खामोस रह, ओहका छाँड़िके चला आव।”</verse>
				<verse number="26">तबहिं दुस्ट आतिमा उ मनई क हिलाइस अउर खूब जोर स चिचिआन। फिन ओहमाँ स बाहेर आइ गइ।</verse>
				<verse number="27">ऍहसे हर मनई अचरज मँ पड़ि गवा। सब मनइयन आपुस मँ पूछइ पछोरे लागेन, “हिआँ इ कावा? इ मनई एक ठु नई सिच्छा देत बाटइ। उ मुड्ढ गियान स सिखवत अहइ। उ दुस्ट आतिमा क हुकुम देत हय अउर उ पचे ओहका मानत हीं।”</verse>
				<verse number="28">एह बरे गलील अउ ओह के चारिउँ कइँती ईसू क नाउँ तुरंतइ फइल गइ।</verse>
				<verse number="29">ईसू अउर ओकर चेलन आराधनालय तजि दिहन अउर सोझे याकूब अउ यूहन्ना क संग समौन अउर अन्द्रियास क घरे गएन।</verse>
				<verse number="30">समौन क सास बोखॉरे स बिछउना प पहुड़ी रही। तउ उ सब तुरंतहि ईसू क ओकरे बारे मँ बताऍन।</verse>
				<verse number="31">तइसेन उ ओकरे नगिचे गवा। ओकर हथवा पकरि के ओका उठाएस। बोखॉर ओहका छाँड़ि दिहस अउर उ सबन्क सेवॅकाई करइ लाग।</verse>
				<verse number="32">सूरज बूड़े क बाद सांझ होइ जाए प उ सब लोग ढेर बेरमियन्क अउर जेनका दुस्ट आतिमन बियाधत रहा, ईसू क नगिचे लिवाइ लाऍन।</verse>
				<verse number="33">अउर समूचा सहर दुआरे प जम गवा।</verse>
				<verse number="34">उ तरह तरह क रोग स बेरमिया रहेन ओन सबन्क बेमारी स जरटुट किहेस अउर बहोत स दुस्ट आतिमन भगाय दिहस। उ दुस्ट आतिमन क नाहीं बोलइ दिहस, एह बरे कि उ सब ओहका जान गइन।</verse>
				<verse number="35">बड़े भिन्सारे जब मुँह अँधियार रहा, ईसू जागि गवा। ओकरे बाद घरवा स बाहेर अकेल्ले मँ अउर उजाड़े मँ गवा, हुवाँ उ पराथना करेस।</verse>
				<verse number="36">पाछे समौन अउ ओकर साथी ईसू क हेरत-हेरत बाहेर गएन।</verse>
				<verse number="37">उ पचे ओहका हेरि के ओसे कहेन, “हर मनई तोहका हेरत अहइ।”</verse>
				<verse number="38">फिन ईसू ओनसे कहेस, “हमका दूसर क नगरन मँ जाइही चाही। तबहिं उ सबन ठउरन मँ मइँ उपदेस दइ सकत हउँ। एह बरे मइँ आइ हउँ।”</verse>
				<verse number="39">अइसे उ गलील क सब ठउरन मँ ओनके आराधनालयन मँ उपदेस देत अउर संग दुस्ट आतिमा क भगावत रहा।</verse>
				<verse number="40">फिन एक ठु कोढ़ी ओकरे निअरे आवा अउर उ निहुरि क ईसू स बिनती किहेस, “जउ तू चाहा, तू मोका चंगा कइ सकत ह।”</verse>
				<verse number="41">ओकर जिअरा दाया स भरि गवा। फिन उ आपन हथवा फइलावत ओका छुइके कहेस, “मइँ चाहत हउँ, तू नीक ह्वा।”</verse>
				<verse number="42">तबहिं फउरन ओकर कोढ़ जरटुट होइ ग अउर उ नीक होइ ग।</verse>
				<verse number="43">ईसू ओका जाइक बरे कहेस मुला ओका एक करी चिताउनी दिहेस,</verse>
				<verse number="44">“देखा, तू ऍकरे बारे मँ कउनो स कछुहि जिन कह्या। फिन याजक क लगे जा अउर ओका आपन क देखावा। परमेस्सर क भेंट द्या जेह बरे तू नीक होइ गया। अउर जइसा मूसा क व्यवस्था बताएस, वइसा आपन नीक होइ क भेंट द्या। जइसे इ एक सनद रहइ।”</verse>
				<verse number="45">फिन उ मनई चला गवा, अउर बेधड़क बतावइ लाग अउर खबरिया क प्रचार करइ लाग। ऍहसे ईसू अजादी स कस्बन मँ जाइ न सका। आखिर उ अकेल्लले मँ अउर उजड़े ठउरन मँ टिकइ लाग। सब मिला ठउर ठउर सा ओकरे नगिचे आवत रहेन।</verse>
			</chapter>
			<chapter number="2">
				<verse number="1">कछू दिन पाछे ईसू कफरनहूम फिन आइ गवा। तउ इ खबर फैलि गइ कि उ घरे मँ बा।</verse>
				<verse number="2">ऍतना ढेर क मजमा ओका सुनइ बरे जमा भवा कि ओकर घरवा भरि गवा। हुआँ तिल धरइ क ठउर नाहीं रहा अउर दुआरे क बाहेर भी नाहीं रहा। उ मनइयन क उपदेस देत रहा।</verse>
				<verse number="3">कछू लोग लकुआ क रोगी क ईसू क निअरे लाएन। लकवा क रोगी का चार मनई लाद कर लावत रहेन।</verse>
				<verse number="4">पर उ लोग उ मनई का ईसू के पास न लाइ पायन काहेकि घरवा लोगन स भरा रहा। एह बरे जहाँ ईसू रहा, ओकरे ऊपर क छत्तिया प गएन अउर छत्तिया क खोदि के एक ठो धोंधका बनाएन। तबहिं उ पचे बिछउना इ तरखाले कइ दिहन, जेह प लकुआ क बेरमिया ओलरा रहा।</verse>
				<verse number="5">जब ईसू देखेस कि उ सब केतॅना गहरा बिसवास रखत हीं, उ लकवा क रोगी स कहेस, “बेटवा! तोहार पापन्क छमा कर दीन्ह।”</verse>
				<verse number="6">हुवाँ कछू धरम सास्तिरियन बइठा रहेन। उ पचे आपन आपन मनवा मँ गूँथत मथत रहेन।</verse>
				<verse number="7">“काहे इ मनई अइसे कहत बाटइ? उ परमेस्सर क दुरिआवत बाटइ। सिरिफ परमेस्सर क छाँड़ि क कउन पापन क छमा करी?”</verse>
				<verse number="8">ईसू आपन आतिमा मँ फउरन जानि गवा कि इ मन ही मन सास्तिरियन ओकरे बारे मँ का बिचारत अहइँ। तउ ईसू ओनसे कहेस, “तू सब आपन जिअरा मँ इ सब काहे बिचारत अहा?</verse>
				<verse number="9">जिआदा असान का अहइ इ लकुआ क बेरमिया क कहब, ‘तोहार पापन्क छमा दइ दीन्ह’ या कहब, ‘उठा! आपन बिछउना उठावा अउर चला?’</verse>
				<verse number="10">मुला मइँ तोहका प्रमाणन देब कि मनई क पूत क भुइयाँ प पापन्क छमा करइ क हक अहइ।” फिन ईसू लकुआ क बेरमिया स कहेस,</verse>
				<verse number="11">“मइँ तोहका कहत अही, उठा। आप बिछउना उठावा अउर घरे जा।”</verse>
				<verse number="12">एह पइ उ उठि गवा अउर आपन बिछउना हालि हालि उठाएस अउ मनइयन क देखतइ देखत उ बइठका स चल दिहस। एह बरे, उ सब अचरजे मँ पड़ि गएन अउर परमेस्सर क प्रसंसा किहेन “हम पचे अस जइसा कबहुँ न देखा।”</verse>
				<verse number="13">एक दाईं ईसू फिन उ झिलिया क तीरे गवा, हुवाँ ढेर मिला ओकरे पाछे होइ गएन। ईसू ओनका उपदेस दिहस।</verse>
				<verse number="14">जइसे उ झिलिया क किनारे जात रहा, चुंगी क उगहिया हलफई क बेटवा लेवी क निहारेस उ चुंगी घरे मँ बइठा रहा। ईसू लेवी स कहेस, “मोरे पाछे आवा।” तउ उ उठि खड़ा भवा अउर ओकरे पाछे गवा।</verse>
				<verse number="15">उ दिना क बाद ईसू आपन चेलन क लइ के ढेर चुंगी क उगहियन अउर पापियन क संग राति क खइया खात रहा। जेहमाँ ओकर चेलन ढेर जने रहेन जउन ओकरे पाछे पाछे चले आएन।</verse>
				<verse number="16">जब फरीसियन क कछू धरम सास्तिरियन लखेन कि ईसू चुंगी क उगहियन अउर पापियन क संग जेंवत रहा। उ पचे ईसू क चेलन स पूछेन, “उ काहे चुंगी क उगहियन अउर पापियन क संग जेंवत अहइ?”</verse>
				<verse number="17">ईसू अनकेस अउर ओनसे कहेस, “जउन हिट्ठ पुट्ठ मनई अहइँ, का ओनका बैद्य चाही? मुला जउन बेरमिया अहइँ, ओनका बैद्य चाही। मइँ धर्मी बरे नाहीं मुला पापियन लोगन्क बोलॉबइ आइ हउँ।”</verse>
				<verse number="18">यूहन्ना क चेलन अउर फरीसियन लोग उपास करत रहेन। कछू मनइयन ईसू क लगे आइके पूछेन, “काहे बरे यूहन्ना क चेलन अउर फरीसियन क चेलन उपास धांस करत हीं, मुला तोहार चेलन काहे उपास नाहीं करतेन?”</verse>
				<verse number="19">एह पइ ईसू जवाब दिहस, “जब बियाह मँ बराती जब तलक ओनसे उपवास करइ क उम्मीद नाहीं कीन्ह जात। जब तलक दुल्हा ओनके संग अहइ दुल्हा संग रहत हीं जब तलक उ पचे उपास नाहीं करतेन।</verse>
				<verse number="20">लेकिन समइ आई जबहिं दुल्हा ओनसे अलगाइ दीन्ह जाई अउर बराती दुखी रहि हीं। तबइ उ सब उपास रखिहीं।</verse>
				<verse number="21">“केउ कउनो पुरान कपरा प बेसिकुरा नवा कपरा क पइबंद नाहीं लगावत। यदि उ अइसा करत ह, उ नवा कपरा क पइबंद पुरान कपरा क लई बइठत ह। अइसे फटा कपरा क खोंच अउर बढ़ जात हीं।</verse>
				<verse number="22">मनई कबहुँ पुरान मसकन मँ नई दाखरस भरतेन नाहीं। काहे नई दाखरस पुरान मसकन क फोरि देई। अउर ऐहसे नई दाखरस अउर मसकन बरिवाद होइ जइहीं। एह बरे मनई मई दाखरस क नई मसकन मँ धरत ह।”</verse>
				<verse number="23">अइसा भवा कि ईसू सबित क दिन अनाजे क खेतन्से होत भवा जात रहा। अउर ओकर चेलन संग संग जात रहेन। ओकर चेलन जात जात अनाजे क बलिया खाइ बरे नोचेन।</verse>
				<verse number="24">फरीसियन देखेन अउर ईसू स कहेन, “देखा सबित क दिन ओ पचे काहे अइसा करत अहइँ। अइसा करब इ दिन क व्यवस्था क माफिक नाहीं।”</verse>
				<verse number="25">एह पइ ईसू ओनसे कहेस, “तू सबइ दाऊद क बारे मँ पढ़या ह कि उ का करेस ह। जब उ अउर ओकर साथी संगी क भूख लाग अउर ओनका खइया क जरूरत भइ?</verse>
				<verse number="26">का तू पढ्या नाहीं कि जब अबियातार एक महायाजक रहा, तब दाऊद कइसे परमेस्सर क मन्दिर मँ गवा अउर चढ़वा मँ चढ़ी रोटी खाएस जउन परमेस्सर क चढ़ाई गइ रही। जउन मूसा क व्यवस्था क माफिक कउनो क बरे नाहीं मुला याजकन क खाइ क बरे रहीं। दाऊद सबन्क कछू रोटिन्क दिहस जउन ओकरे संग रहेन?”</verse>
				<verse number="27">ईसू ओनसे कहेस, “सबित क दिन मनई बरे बनवा ग रहा, मुला मनई सबित क दिन बरे नाहीं।</verse>
				<verse number="28">एह बरे मनई क पूत सबित क पर्भू भी।”</verse>
			</chapter>
			<chapter number="3">
				<verse number="1">एक दाईं फिन ईसू आराधनालय मँ गवा। हुवाँ एक ठो मनई रहा जेकर हाथ सुखंडी होइ गवा रहा।</verse>
				<verse number="2">कछू यहूदी अँखिया गड़ाइ के ईसू क निहारत रहेन कि का उ रोगी क सबित क दिन नीक करी। जदि गलती भए प ओका दोखी कहइँ।</verse>
				<verse number="3">ईसू सुखंडी हाथे क मनई स कहेस, “हिआँ खरा होइ जा जइसे सब जने तोहका निहारि सकइँ।”</verse>
				<verse number="4">तब ईसू ओनसे कहेस अउर लोगन पूछा, “सबित क दिन का करइ क नीक बाटइ? या भलाई करब या बुराई? का ई नीक बाटइ जीउ क बचाउब या मारब?” जबावे मँ ईसू स उ पचे कछू नाहीं कहेन।</verse>
				<verse number="5">उ गुस्सा मँ ओन पचन क देखेस। ओनके मन क कठोर भए स उ दुखी भवा। फिन उ मनई स कहेस, “आपन हथवा आगे कइँती फइलाव।” उ मनई हथवा ईसू कइँती फइलाएस अउर पहिले जइसा नीक होइ ग।</verse>
				<verse number="6">तबहिं सबहिं फरीसियन हुवाँ स चल दिहन, अउर तुरंतहि हेरोदियन स मिलि के ओकरे खिलाफ जाल बिछावइ लागेन कि कइसे ओका जान स मारि सकिहीं।</verse>
				<verse number="7">ईसू आपन चेलन क संग गलील छील गवा। गलील क बहुत स लोग ओके पाछे होइ लिहेन।</verse>
				<verse number="8">बहुत स लोग यहूदिया, यरूसलेम, इदूमिया अउर यरदन नदिया क पार क पहँटा सूर अउर सैदा स आएन। ई मनइयन एह बरे आएन कि ओकरे काम क बारे मँ सुनि लिहन जउन उ करत रहा।</verse>
				<verse number="9">भिड़िया क मारे उ आपन चेलन स कहेस, “ऍक छोटॅकी नाउ तइयार करा, जेह बरे भीड़ ओका कुचर न डावइ।”</verse>
				<verse number="10">उ बहोतन क नीक किहेस इ नाते उ सब जेनका बेरामी रही, ईसू क छुवइ क बरे भिड़िया क धाकियावत भए रस्ता बनवत चला आवत रहेन।</verse>
				<verse number="11">कछू मनई आपन भीतर दुस्ट आतिमन धरे रहेन। जब कबहुँ दुस्ट आतिमन ओका निहारत रहीं, उ सबइ ओकरे सोझे दण्डवत करेन अउर चिचिआनिन, “तू परमेस्सर क पूत अहा!”</verse>
				<verse number="12">मुला उ दुस्ट आतिमन क कर्री चिताउनी देत रहा, अइसा न बतावइ क उ कउन अहइ।</verse>
				<verse number="13">फिन ईसू पहाड़ी प गवा अउर उ ओनहीं मनइयन क बोलाएस जेका उ चाहत रहा। उ सब ओकरे लगे गएन।</verse>
				<verse number="14">जेहमाँ स उ बारहु क चुनेस अउर ओनका प्रेरितन क ओहदा दिहेस। उ ओनका एह बरे चुनेस कि उ सब ओकरे संग रहइँ अउर उपदेस प्रचार बरे बाहेर पठइ सकइ।</verse>
				<verse number="15">अउर उ पचे दुस्ट आतिमन क खदेरइ क हक रक्खइँ।</verse>
				<verse number="16">एहि तरह बारहु मनइयन क उ चुनेस? समौन (जेका उ पतरस क नाउँ दिहेस),</verse>
				<verse number="17">जब्दी क बेटवा याकूब अउर यूहन्ना (जेकर नाउँ क बूअनरगिस दिहेस, जेकर अरथ अहइ “गर्जन क बेटवा”),</verse>
				<verse number="18">अन्द्रियास, फिलिप्पुस, बरतुल्मै, मत्ती, थोमा, हलफई क बेटवा याकूब, तद्दै समौन कनानी</verse>
				<verse number="19">अउर यहूदा इस्करियोती (जउन पाछे ओका धोखा दिहेस)।</verse>
				<verse number="20">तब ईसू घरे गवा। एक दाईं फिन एक भारी भीर घेर लिहस। अइसा भवा कि ईसू अउर ओकर चेलन खइया के नाहीं खाए पाएन।</verse>
				<verse number="21">जबहिं ओकरे परिवारे क निअम्बर ऍकरे बारे मँ सुनि लिहन तबहिं उ सब ओका लेवॉवइ चलेन। इ सोचिके सब मनइयन कहत बाटेन कि ओकर मन ठेकाने नाहीं।</verse>
				<verse number="22">यरूसलेम स आइ भएन धरम सास्तिरियन कहेन, “ओहमाँ बालजबूल (सइतान) घुसि ग अहइ। दुस्ट आतिमन क सरदार क ताकत स उ दुस्ट आतिमन क मनई स भगावत अहइ।”</verse>
				<verse number="23">ईसू ओन पचे क एकट्ठइ बोलाएस अउर दिस्टान्त दइ के कहइ लाग, “कइसे सइतान मनई स सइतान क भगाइ देई?</verse>
				<verse number="24">जदि एक ठु राज्य मँ आपन खिलाफ फूट परि जाइ तउन उ राज्य टिक सकत नाहीं।</verse>
				<verse number="25">जदि एक परिवार आपस मँ बँटि जाइ तउ उ बचि सकत नाहीं।</verse>
				<verse number="26">जदि सइतान खुद आपन खिलाफ होइ जाइ अउर फूट डारी तउ उ बचि पावत नाहीं। आखिर मँ उ बरिबाद होइ जाई।</verse>
				<verse number="27">“जदि कउनो बरिआर मनई क घरे मँ घुसिके लइके सब असबाब ढोइ सकत नाहीं; जब तलक पहिले सब ते बरिआर मनई बाँध न देइ। तब इ उ घरवा क लूटि लेइ।</verse>
				<verse number="28">“मइँ तोसे सच सच कहत अहउँ। लोगन्क हर किसिम क पापन अउ कच्ची पक्की बात जउन उ सब एक दूसर क बोलेन ह, उ सबन्क छमा कीन्ह जाइ सकत ह।</verse>
				<verse number="29">मुला जउन पवित्तर आतिमा क बेज्जती करी ओका छमा कबहुँ न होई। एकरे बजाय न खतम होइवाला पाप क उ भागी होई।”</verse>
				<verse number="30">एह बरे ईसू कहत रहा कि धरम सास्तिरियन कहत रहेन कि ओहमाँ दुस्ट आतिमा सवार अहइ।</verse>
				<verse number="31">तबहिं ईसू क महतारी अउर ओकर भाइयन आएन। उ सब बाहेर खरा भएन अउर कउनो एक क ओकरे निअरे बाहेर आइ क पठएन।</verse>
				<verse number="32">ओकरे चारिहुँ कइँती भी बइठी रही। उ ओसे कहेस, “देखा! तोहार महतारी भाइयन तोहका पूछत अहइँ।”</verse>
				<verse number="33">जवाबे मँ ईसू ओनसे कहेस, “कउन मोर महतारी अउ कउन मोर भाइयन अहइँ?”</verse>
				<verse number="34">ईसू आपन क चारिहुँ कइँती बइठे मनइयन प देखिके कहेस, “ई अबहिं मोर महतारी अउर मोर भाइयन।</verse>
				<verse number="35">जउन परमेस्सर क इच्छा पूरी करी उ मोर भाई, बहिन अउर महतारी अहइँ।”</verse>
			</chapter>
			<chapter number="4">
				<verse number="1">फिन ईसू झील क तीरे उपदेस देइ लाग। ओकरे चारिहुँ ओर भारी भीर जमा होइ गइ। ऍसे उ झील मँ डारी भई नाउ प जाइके बइठा। सभई लोग झील क तीरे धरती प ठाड़ रहेन।</verse>
				<verse number="2">उ ओनका ढेर कइ बतिया दिस्तान्त क संग सिकाएस। आपन उपदेस मँ कहेस,</verse>
				<verse number="3">“सुन ल्या! एक ठु किसान आपन बिया बोवइ गवा।</verse>
				<verse number="4">जब उ बिया बोवत रहा कछू बिया राह क किनारे गिर गवा। चिरियन आइन अउर चुन लिहन।</verse>
				<verse number="5">कछू बिया पथरही भुमियाँ प गिरा, जहँ थोड़ माटी रही। हाली स अँखुवाइ गवा काहेकि माटी गहरी नाहीं रही।</verse>
				<verse number="6">जब सूरज निकरा, उ सबइ पउधन झुराइ गएन। जर न पकड़ि पवावइ क कारण कुम्हिलाइ गएन।</verse>
				<verse number="7">अउर कछू बिआ काँटन मँ जाइ गिरेन। कँटही झाड़ी बाढ़ी अउर ओनका दहबोच लिहन। ऍहमाँ दाना नाहीं पइदा भवा।</verse>
				<verse number="8">कछू बिया बढ़िया खेतन मँ बिखराइ गएन। इ बढ़िया खेतनमाँ जामेन, बाढ़ेन अउर दाना पइदा करेन। इ बिया तीस गुना, साठ गुना अउर हिआँ तलक कि सउ गुना फसल भइ।”</verse>
				<verse number="9">तबइ उ कहेस, “तोहरे पास जेकरे कान होइ तउ उ सुन लेइ।”</verse>
				<verse number="10">फिन जब अकेल्ला रहा, तउ बारहु प्रेरितन अउर दूसर मनइयन ओकरे चारिहुँ कइँती रहेन, उ सबइ ओसे दिस्टान्त क बारे मँ पूछेन।</verse>
				<verse number="11">ईसू ओनसे कहेस, “तू सबन्क परमेस्सर क राज्य भेद बताइ दीन्ह। मुला ओनके बरे जउन बाहेर क अहइँ सब बातन दिस्टान्त दीन्ह गइ अहइँ।</verse>
				<verse number="12">एह बरे, ‘उ सब देखइँ अउर देखॅतई रहा मुला कछू सुझइ नाहीं, सुनि लेइँ अउर सुनतइ रहइँ, मुला कछू बूझाइ नाहीं। नाहीं तउ, उ सब घूमि जाइँ अउर छमा कइ दीन्ह जाइ।’”</verse>
				<verse number="13">उ ओनसे कहेस, “का तू इ दिस्टान्त क समझ पउत्या नाहीं तउ अउ कउनो दिस्टान्त क कइसे समझ पउब्या?</verse>
				<verse number="14">बिया क बोवइया जउन बोवत ह, उ परमेस्सर क उपदेस अहइ।</verse>
				<verse number="15">कछू जने राहे क उ सब बिया क तरह अहइँ, जहाँ उपदेस बोइ गवा रहा। जब उ सुनत हीं, सइतान तुरंत ही आवत ह उ उपदेस क लइ जात ह, जउन बिया बोवा रहा।</verse>
				<verse number="16">“कछू जने उ बिया क तरह अहइँ जउन पथरही धरती मँ बोएन। बिया जब उ उपदेस सुनत हीं, उ पचे फउरन उपदेस खुसी स अपनाइ लेत हीं।</verse>
				<verse number="17">लेकिन उ सब आपन मँ जर नाहीं धरतेन उ सब तनिक समइया मँ रह पावत हीं। पाछे जब उपदेस क कारण बिपत आवत ह अउर खूबइ सतावा जात हीं उ पचे फउरन बिसवास खोइ देत हीं।</verse>
				<verse number="18">“अउर दूसर मिला कँटही झाड़ी मँ बिया क बोवइ क तरह अहइँ। ई मनइयन उपदेस क सुनत हीं।</verse>
				<verse number="19">मुला जिन्नगी क चिन्ता धन, लालच अउर दूसर चीजन्क इच्छा ओनके मनवा मँ आवत ही उपदेस क दबोच लेत हीं। फिन ओन प फर लागत नाहीं।</verse>
				<verse number="20">“दूसर उ बिया क तरह अहइँ जउन बढ़िया भुइँया प बोइ ग अहइँ। ई पचे उ अहीं जउन बचन सुनत ही अउर अंगीकार करत हीं। ओन प फर लागत ह-कहुँ तीस कहुँ साठ अउर कहुँ सउ गुना या जिआदा।”</verse>
				<verse number="21">फिन ईसू ओनसे कहेस, “का कहुँ दिया एह बरे लियाइ जात ह कि एक खोरा या बिछउना क नीचे धरा जाइ? का ऍका डिवटे प धरइ बरे नाहीं लिआइ जात?</verse>
				<verse number="22">अइसे अइसा कछू नाहीं गुप्त अहइ जेका छिपाइ क धरा जाइ अइसा कउनो रहस्य नाहीं जउन खुलि न सकइ। हर छिपाइ गइ बात खुलि के समन्नवा आई।</verse>
				<verse number="23">तोहरे पास जेकरे कान होइ तउ उ सुन लेइ।</verse>
				<verse number="24">धिआन द्या जउन तू सुनत अहा। जउन नपना तू दूसर बरे बइपरत अहा, तउन नपना स तू नापा जाब्या। लेकिन तोहरे बरे कछू अउ जोरि दीन्ह जाइ।</verse>
				<verse number="25">जेकरे पास अहइ ओका अउर दीन्ह जाई अउर जे धरे नाहीं, जउनहुँ कछू धरे होइ ओसे उहइ लइ लीन्ह जाई।”</verse>
				<verse number="26">फिन ईसू कहेस, “परमेस्सर क राज्य अइसा अहइ कउनो मनई खेतन मँ बिया छितरावइ।</verse>
				<verse number="27">रतिया मँ सोवइ अउर दिनवा मँ जागइ। बिया अँखुवाइ, इ सबइ बाढ़ई। उ जानत नाहीं, इ कइसे होत अहइ।</verse>
				<verse number="28">भुइँया खुदइ दाना उ पजाइ देत ह। पहिले अँखुवा, तब बाले फि बाले मँ समुचइ दाना।</verse>
				<verse number="29">जब दनवा पकि जात ह, तबहिं फउरन हसुआ काटइ बरे धरत ह। एह बरे कि फसल काटइ क अहइ।”</verse>
				<verse number="30">फिन ईसू कहेस, “मइँ कउने तरह बताई कि परमेस्सर क राज्य अइसे अहइ? मइँ ओका समझावइ क बरे कउन स दिस्टान्त बइपरी?</verse>
				<verse number="31">उ सरसों क दाना क नाईं अइसा अहइ। इ सबते छोट अहइ जब तू भुइँया मँ बोवत ह।</verse>
				<verse number="32">जबहिं तू ऍका रोपि देत ह, इ बाढ़ छोड़िके बगिया क पउधन मँ सब ते बड़वार होइ जात ह। ऍहमाँ बड़ी बड़ी डारि आवत हीं। ऍसे चिरिया आपन घोंसला छाया मँ बइठइ बरे बनावत हीं।”</verse>
				<verse number="33">एकरे तरह ढेर ठु दिस्टान्त स उ उपदेस दिहेस, जेतना उ पचे समझि सकत रहेन।</verse>
				<verse number="34">ईसू उनसे बगइर दिस्टान्त क कछू नाहीं कहेस। मुला जब उ अकेल्ला मँ आपन चेलन क संग अकेल्ला होत, उ सब बातन ओनसे खोलिके समुझाएस।</verse>
				<verse number="35">उ दिन जब सांझ भइ, ईसू ओनसे कहेस, “मोरे साथ झिलिया क ओह पार आवा।”</verse>
				<verse number="36">जइसेन ईसू अउर ओकर चेलन भिरिया क छोड़ि दिहन अउर जउनी हालत मँ ईसू रहा, बइसेन ओहका चेलन नाउ मँ लइ चलेन। हुवाँ दूसर नाउन ओकरे संग रहीं।</verse>
				<verse number="37">एक ठु भारी बौंड़र आवा अउर लहरन नाउन क धकियावत अउर नाउ क भीतर आवत रहीं। ऍसे ओहमाँ पानी भरि जाइवाला रहा।</verse>
				<verse number="38">लेकिन ईसू नाउ क पाछे भाग मँ तकिया लगाइ क सोवत रहा। चेलन ओका जगाइन अउर ओसे कहेन, “हे गुरु, का तोहका धियान नाहीं बा कि हम पचे बूड़त अही।”</verse>
				<verse number="39">तबहिं ईसू जागा अउर हवा क फटकारेस अउर लहरन स कहेस, “सान्त! थमि जा!” तइसे बौंड़र पटाइ गवा अउर खूबइ सान्ति आइ गइ।</verse>
				<verse number="40">फिन ईसू ओनसे कहेस, “तू काहे डेरात बाट्या? का अब तलक तोहका बिसवास नाहीं भवा?”</verse>
				<verse number="41">मुला उ पचे बहोतइ डराइ गएन अउर उ पचे आपस मँ एक दूसर स कहइ लागेन, “आखिर इ अहइ कउन बा कि आँधि अउर पानी ओकर हुकुम मानत हीं।”</verse>
			</chapter>
			<chapter number="5">
				<verse number="1">फिन उ सब झिलिया क ओह पार गिरासेनियान क देसे मँ पहुँच गएन।</verse>
				<verse number="2">जब ईसू नाउ स बाहेर आवा, तबहिं एक मनई जेहमाँ दुस्ट आतिमा रही, कब्रे मँ स ईसू स फउरन भेंटइ आइ।</verse>
				<verse number="3">इ मनई कब्रन मँ रहत रहा। अउर कउनो ओका बाँधि सकत नाहीं रहा, हियाँ तलक जंजीरउ नाहीं बाँधि सकेस।</verse>
				<verse number="4">जबहिं ओकर गोड़वा बेड़ी अउर जंजीर स बाँधा जात, उ जंजीरिया क तोरि डारत अउ बेड़ियन्क चकनाचूर। कउनो ओका काबू मँ नाहीं लिआइ पावा।</verse>
				<verse number="5">कब्रन मँ अउर पहाड़ियन एकदम्मइ दिन-रात हर समइ उ चीखत चिचिआत रहा अउर आपन क पाथर स पीटत रहा।</verse>
				<verse number="6">जब उ ईसू क दूर स देखेस, ओके निअरे धावा अउर ओकरे समन्वा दण्डवत करेस।</verse>
				<verse number="7">फिन बड़ जोर स चिचिआन अउर कहेस, “तू मोसे का चाहत ह, सबन ते ईसू सर्वोच्च परमेस्सर क पूत? मोर बिनती अहइ तोहका परमेस्सर क सपथ कि तू मोका दंड न देइ।” ईसू ओसे कहत रहा, “अरी दुस्ट आतिमा, तू इ मनई स बाहेर आवा।”</verse>
				<verse number="8"></verse>
				<verse number="9">तब ईसू ओसे पूछेस, “तोहार क नाउँ अहइ?” फिन उ ईसू स कहेस, “मोर नाउँ सेना अहइ, काहेकि हम बहोत स अही।”</verse>
				<verse number="10">उ मनई बार बार ओसे बिनती करेस कि उ पचेनक उ पहँटा स जिन निकारा!</verse>
				<verse number="11">हुवाँ पहाड़िया के पास सुअरन क झुंड चरत रहा।</verse>
				<verse number="12">दुस्ट आतिमन ईसू स कहत बिनती करेन, “हमका सुअरिअन मँ पठइ द्या, जेहसे हम ओहमाँ घुसि जाई।”</verse>
				<verse number="13">तब उ ओनका हुकुम दिहेस। तबइ दुस्ट आतिमन मनई स बाहेर आइके सुअरिअन मँ गइँन। अउर उ झुंड जेहमाँ करीब दुइ हजार सुअर रहेन, ढलवाँ किनारे स नीचे कइँती लिढ़कत-पुदकत भागत परात झील मँ जाइ गिरा अउ बूड़ गएन।</verse>
				<verse number="14">जउन लोग सुअरिअन क रच्छा करत रहेन, पराय गएन उ पचे सहर अउर गाउँ मँ इ खबर फइलायन। अउर सब मनइयन देखइ आएन कि का भवा।</verse>
				<verse number="15">उ सब ईसू क नगिचे पहुँचेन। उ सब दुस्ट आतिमन क सवार भइ मनई प देखेन। उ कपरा पहिरे रहा अउर दिमागे स नीक होइ गवा। इ उहइ मनई रहा जेहमाँ बहुत स दुस्ट आतिमन क सवारी रही अउर उ सब डेराइ गएन।</verse>
				<verse number="16">जउन इ घटना क देखे रहेन उ मनइयन क नीके स समुझाइन कि जेहमाँ दुस्ट आतिमन क सवारी रही, अउर सुअरन क का भवा।</verse>
				<verse number="17">तब मनइयन ईसू स बिनती करइ लागेन कि उ ओनके पहँटा स चला जाइ।</verse>
				<verse number="18">जइसे उ नाउ मँ चढ़इ लाग, तबहिं जउने मनई मँ दुस्ट आतिमन आइ रहीं, ईसू स बिनती संग जाइ बरे किहेस।</verse>
				<verse number="19">ईसू आपन संग जाइ बरे हुकुम नाहीं दिहस, लेकिन कहेस, “आपन लोगन्क बीच घरे जा अउर ओनका इ सब बतावा जउन पर्भू तोहरे बरे किहेस ह। अउर ओनका इ ही बतावा कि दाया कइसे पर्भू करेस ह।”</verse>
				<verse number="20">तउ उ मनई चला गवा अउर दिकापुलिस क मनइयन क कहइ लाग कि केतॅना ढेरि क ईसू ओकरे बरे किहस ह। एसे सब मनई अचरजे मँ पड़ि गएन।</verse>
				<verse number="21">ईसू अब फिन झिलिया क उ पार गवा। ओकरे चारिहुँ कइँती बहोत भारी भीर जमा होइ गइ। उ झिलिया क तीरे रहा।</verse>
				<verse number="22">तबहिं आराधनालय क अधिकारी जेकर याईर नाउँ रहा, हुवाँ आइ अउर ईसू क देखेस फिन ओकरे गोड़वा पर गिरि गवा।</verse>
				<verse number="23">वॅइसे चिरउरी बिनती करत कहेस, “मोर छोट बिटिया मरइ क अहइ। मोर बिनती अहइ कि तू मोरे संग आवा अउर आपन हथवा ओकरे मूँड़े प धइ द्या। ऍसे उ नीक होइ जाइ अउर जी जाई।”</verse>
				<verse number="24">तउ ईसू ओकरे साथे गवा। बहोत भारी भीर ओका पछुआवत रही, जेसे उ दबा जात रहा।</verse>
				<verse number="25">हुवाँ एक ठु स्त्री रही, जेकर बारह बरिस स लहू जारी रहा।</verse>
				<verse number="26">उ बैद्ययन स दवाई करवावत करवावत बहोतइ तकलीफ उठाइस। उ सब कछू खरिच कइ डाइस जउन उ धरे रही। मुला उ तनिकउ जिआदा नीक नाहीं होत रही; ओकर हालत जिआदा बिगड़त जात रही।</verse>
				<verse number="27">जइसे उ ईसू क बारे मँ सुनेस, वॅइसे उ पाछे भिरिया मँ आइ अउर ओकर ओढ़ना छुइ लिहस।</verse>
				<verse number="28">आपन मानव मँ उ सोचत रहीं, “जदि मइँ ओकर ओढ़ना छुइ पाई तउ मइँ नीक होइ जाब।”</verse>
				<verse number="29">अउर तुरंतहि खुनवा बहइ क जगह सुखाइ गइ। आपन तन मँ अइसा जानेस कि ओकर दिकदारी नीक होइ ग।</verse>
				<verse number="30">अउर ईसू फउरन महसूस करस कि ओसे सक्ति निकर गइ। उ भिरिया कइँती घुमेस अउर पूछेस, “कउन मोर ओढ़ना छुएस?”</verse>
				<verse number="31">ओकर चेलन ओका बतएन, “तू देखत अहा कि भिरिया तोहका घेरित अहइ। यह पइ तू पूछत अहा, ‘कउन मोका छुएस?’”</verse>
				<verse number="32">उ चारिहुँ कइँती निहारत रहा कि कउन अइसा करेस ह।</verse>
				<verse number="33">तब्बइँ एक ठु स्त्री इ जानत भइ कि ओहका का भवा ह, डर स काँपत आइ अउर ओकरे समन्वा गोड़वा प गिर पड़ी अउ उ सबइ सच सच कबूलेस।</verse>
				<verse number="34">तबहिं ईसू ओसे कहेस, “बिटिया! तोहार बिसवास तोका बचाएस। चइन स रहा, अउर दिकदारी स बची रहा।”</verse>
				<verse number="35">जब उ बोलतइ रहा याईर, आराधनालय क अधिकारी क घरे स कछू लोग आएन अउर ओसे कहेन, “तोहार बिटिया मरि गइ। अब गुरु (ईसू) क बेफजूल काहे क तकलीफ देत अहा?”</verse>
				<verse number="36">ईसू अनकेस कि उ पचे का कहेन अउर आराधनालय क अधिकारी स कहेस, “डरा जिन, मुला बिसवास करा।”</verse>
				<verse number="37">फिन ईसू सबन्क छाँड़िके सिरिफ पतरस, याकूब अउर याकूब क भाई यूहन्ना क संग लइके</verse>
				<verse number="38">आराधनालय क अधिकारी क घरे गवा। उ निकारेस कि हुवाँ खलवली मची बाटइ। उ मनइयन क जोर स चिचियाब पुपुआब अउर रोवत देखेस।</verse>
				<verse number="39">उ भीतर गवा अउर ओनसे बोला, “काहे का इ सब खलबली अउर रोउब पीटब? बचनी मरी नाहीं बा, उ सोवति अहइ।”</verse>
				<verse number="40">उ सब ओह पइ हँसेन। ईसू सबन्क बाहेर खदेरेस। बिटिया क बाप, महतारी अउर जउन ओकरे संग रहेन, सिरिफ ओनका आपन संग रखेस।</verse>
				<verse number="41">उ बिटिया क हथवा पकड़ेस फिन ओसे कहे, “ तलीता कूमी ” (अरथ अहइ “छोट बिटिया मइँ तोहसे उठइ क कहत हउँ।”)</verse>
				<verse number="42">छोटवार बिटिया फउरन उठि गइ अउर ऍहर ओहॅर टहरइ लाग। (उ बिटिया बारह बरिस क रही।) सगतइ आलिम अचरज मँ पूरी तरह आइ गवा।</verse>
				<verse number="43">ईसू ओनका कर्रा हुकुम दिहेस कि कउनो ऍकरे बारे मँ पता न चलइ। फिन उ बोलेस कि उ बिटिया क कछू खइया क द्या।</verse>
			</chapter>
			<chapter number="6">
				<verse number="1">फिन ईसू उ जगहिया छोड़ि के आपन सहर मँ आइ गवा। पाछे ओकर चेलन भी गएन।</verse>
				<verse number="2">जइसे सबित क दिन आवा, उ आराधनालय मँ उपदेस देइ लाग। जइसे उ पचे ओका सुनेन। ढेर क मिला अचरज मँ पड़ि गएन। उ सब कहेन, “इ मनई क कहाँ ते इ सब बातन मिलि गइन। इ कइसी बुद्धि अहइ जउन ऍका दीन्ह गइ अहइ। इ सइसा अद्भुत कारजन आपन हथवा स कइसे करत ह?</verse>
				<verse number="3">का इ उहई बढ़ई नाहीं, जउन मरियम क बेटवा अहइ अउर का इ याकूब, योसेस, यहूदा अउर समौन का भाई नाहीं? का जउन हमरे संग हिआ बाटइँ, उ ओकर बहिनियन नाहीं?” एहि बरे ओनका ईसू क मानइ मँ असमंजस होत रहा।</verse>
				<verse number="4">ईसू तब ओनसे कहेस, “आपन जनम भूमि, आपन नातेदार अउर आपन परिवारे क छोड़ि के, एक नबी कतहुँ बेइज्जत होत नाहीं।”</verse>
				<verse number="5">हुवाँ ईसू कउनो अद्भुत कारजन करेस नाहीं: बजाय ऍके उ कछू बेरमियां प हथवा धइके ओनके चंगा कइ दिहेस।</verse>
				<verse number="6">ईसू क ओनके बिसवास न भए पइ ओका अचरज भवा। तउ ईसू गाउँ गाउँ मँ उपदेस देत घूमत रहा।</verse>
				<verse number="7">उ बारहु चेलन आपन निअरे बोलाएस, अउर दुइ दुइ ऍकउट के पठवइ लाग अउर ओनका दुस्ट आतिमन प कब्जियावइ क कहेस।</verse>
				<verse number="8">उ ओनका सुझाएस कि उ पचे जात्रा मँ लठिया छोड़िक कछू न लेइँ: रोटी नाहीं, बिछउना नाहीं अउर आपन बटुआ मँ पइसा हू नाहीं।</verse>
				<verse number="9">उ सबइ बधियउरी पहिन सकत हीं मुला एक ठु जियादा से बंडी भी नाहीं।</verse>
				<verse number="10">फिन उ ओनसे कहेस, “जउने घर मँ तू जा, हुवाँ तब तलक जगहिया न छोड़ा जब तलक तू नगर मँ रुका रहा।</verse>
				<verse number="11">अगर कउनो जगह तोहार सुआगत न होइ अउर हुवाँ क मनई तोहका न सुनइँ तउ हुवाँ स तु चल द्या। आपन गोड़वा क धूरि झाड़ द्या, जइसे ओनके खिलाफ सनद रहइ।”</verse>
				<verse number="12">फिन उ पचे हुवाँ स बाहेर गएन। उ सबइ उपदेस दिहन कि उ पचे, मनफिरावइँ।</verse>
				<verse number="13">उ सबइ ढेर दुस्ट आतिमन क भगाइ दिहन अउर ढेर बेरमियन क जैतून क तेले स मालिस करत नीक किहेन।</verse>
				<verse number="14">राजा हेरोदेस ऍकरे बारे मँ सुनेस कि ईसू क नाउँ का जस हर कइँती बिआपि गवा। कछू लोग कहत रहेन, “बपतिस्मा देइवाला यूहन्ना मउत स जी गवा, अउर इहि कारण अद्भुत कारजन सक्ति काज करति अहइँ।”</verse>
				<verse number="15">अउर लोग कहत रहेन, “उ ईसू एलिय्याह अहइ।” अउर मनई कहत रहेन, “इ नबी अहइ की ईसू पुराने जमाने क नबियन क नाईं एक ठु नबी अहइ।”</verse>
				<verse number="16">जब हेरोदेस इ सुनेस, उ कहेस, “यूहन्ना जेकर मइँ गटइया कटवाएउँ ह, उ मउत स उठि गवा।”</verse>
				<verse number="17">हेरोदेस अपुनहि यूहन्ना क जेलिया मँ बंद होइ क अउर ओका गिरफतार होइ क हुकुम दिहेसि। आपन भाई फिलिप्पुस क पत्नी हेरोदियास क कारण जेहसे उ बियाह करेस, उ अइॅसा कइ डाएस।</verse>
				<verse number="18">यूहन्ना हेरोदेस स कहत रहा कि इ तोहका सोहत नाहीं कि तू आपन भाई क पत्नी स बियाह किहा।</verse>
				<verse number="19">हेरोदियास यूहन्ना क खिलाफ मनवा मँ डाह राखत रही अउर ओका मारइ चाहत रही, मुला ओका मार पावत नाहीं रहा।</verse>
				<verse number="20">अइसे हेरोदेस यूहन्ना स डेरात रहा अउर ओका मालूम रहा कि यूहन्ना सही अउर पवित्तर क मनई अहइ। एह बरे उ रच्छा करत रहा। हेरोदेस जब यूहन्ना क बारे मँ सुनत रहा तउ उ जिआदा अकुलाइ जात रहा। तउने प ही ओका यूहन्ना क बारे मँ बातन सुनइ क सोहॉत रहा।</verse>
				<verse number="21">तबहिं संजोग स बढ़िया अउसर आवा। हेरोदेस आपन जन्मदिन पइ बड़वार अधिकारी, आपन सेना क नायक अउर गलील क बड़े लोगन क भोज दिहस।</verse>
				<verse number="22">अउर जब हेरोदियास क बिटिया भितरे आइके नाचेस। ओसे उ हेरोदेस अउर भोज मँ आए मेहमनवन क रिझाइ लिहेस। यह पइ राजा हेरोदेस लरकीवा स कहेस, “जउन तू चाहा तउन माँग ल्या। मइँ तोका जरूर देब।”</verse>
				<verse number="23">राजा ओका अकेल्ले सपथ खाइके कहेस, “जउन तू माँगा मइँ तोहका जरूर देब। हियाँ तक आपन राज्य क आधा हींसा।”</verse>
				<verse number="24">इ सुनि के उ आपन महतारी क निअरे गइ अउर कहेस, “मोका का माँगइ चाही?” तउने प महतारी कहेस, “बपतिस्मा देइवाला यूहन्ना क मूँड़ी माँगा।”</verse>
				<verse number="25">अउर उ लरिकी फउरन राजा क नगिचे भीतर गइ अउर पूछेस, “मोका चाही कि तू ताबड़तोर बपतिस्मा देइवाला यूहन्ना क मूँड़ टाठी मँ धइ द्या।”</verse>
				<verse number="26">ऍसे राजा क बहोत दुःख भवा। मुला एह बरे ओकर सपथ अउर भोजे प मेहमनवन क कारण उ ओका मना करब नाहीं चाहेस।</verse>
				<verse number="27">तब राजा झटपट एक ठु जल्लाद ओकर मूँड़ काटि लिआवइ क पठएस। उ गवा अउर जेल मँ ओकर मूँड़ काटि लिहस।</verse>
				<verse number="28">फिन ओकर मुँड़ावा काट कइ टाठी मँ लइ आइ अउर बिटिया क दिहस। उ ऍका आपन महतारी क दिहस।</verse>
				<verse number="29">जब यूहन्ना क चेलन ऍकरे बारे मँ सुनेन तउ उ पचे आएन अउर ओकर ल्हास उठाएन अउ कब्र मँ धइ दिहन।</verse>
				<verse number="30">ईसू क चारिहुँ कइँती सुसमाचार क प्रचार करइवाले प्रेरितन ईसू क पास जमा भएन। जउन उ पचे किहेन अउर सिखाएन सब कछू बताएन।</verse>
				<verse number="31">तब ईसू ओनसे कहेस, “तू पचे खुदइ मोरे संग एकांत जगहिया मँ आवा अउर तनिक आराम करा।” फिन हुवाँ बहोत मनई क आउब जाब लाग रहा। ऍसे उ सब खाइ क समइ नाहीं पाएन।</verse>
				<verse number="32">एह बरे उ सब मिलिके खुदइ नाउ स एकांत जगहिया मँ गएन।</verse>
				<verse number="33">मुला बहोत जने ओनका जात भवा देखेन अउर पहिचानेन कि उ सब कउन रहेन। इ कारण उ लोग सबहिं सहरन स हुवाँ धरतिया प धावत गएन अउर उ पचे ओनसे पहिले पहुँचेन।</verse>
				<verse number="34">जबहिं ईसू नाउ स उतरा, उ एक भारी भीर देखेस। तबहिं उ ओनके बरे दुःखी भवा, इ कारण कि उ सबइ बिना गड़रिया क भेड़ नाहीं रहेन। अइसे उ बहोत बातन सिखावइ लाग।</verse>
				<verse number="35">तब तलक साँझ होइ गइ। एह बरे ओकर चेलन ओकरे नगिचे आएन अउर बोलेन, “इ एकांत जगह अहइ अउर दिनवा ढरि ग अहइ।</verse>
				<verse number="36">मनइयन क पठवा, जइसे उ पचे नगिचे खेतन अउर गाउँन मँ जाइ सकइँ अउ आपन बरे कछू खाइके बेसहि लेइँ।”</verse>
				<verse number="37">मुला जवाबे मँ ईसू ओनसे कहेस, “तू ओनका कछू खाइके द्या।” उ सब ओहसे कहेन, “का हम पचे जाई अउर दुई सौ दीनार क बराबर रोटी बेसही अउर ओनके खाइ क बाँटी?”</verse>
				<verse number="38">ईसू ओनसे कहेस, “केतॅनी रोटी तोहरे पास अहइ? जा अउर देखा।” जब उ पचे पता पाएन, उ पचे कहेन, “हमरे पाँच ठु रोटी अउर दुइ मछरी अहइँ।”</verse>
				<verse number="39">फिन ईसू चेलन क हुकुम देहेस, “हर एक क हरिअर घसिया प पंगत मँ बइठइ बरे कहा।”</verse>
				<verse number="40">तबहिं उ सब सउ सउ अउर पचास पचास क पंगत मँ बइठ गएन।</verse>
				<verse number="41">तइसेन ईसू पाँच रोटिन्यक अउर दुइ मछरिन्क उठाइ के सरग क ओर निहारत भवा धन्यबाद दिहेस अउर रोटिन्क तोड़ेस। उ आपन चेलन क ओनका बाँटइ बरे दिहस।</verse>
				<verse number="42">उ सबइ भरपेट खाएन अउर उ सबइ अघाइ गएन।</verse>
				<verse number="43">ओकरे बाद उ सब रोटी अउर मछरी क बचा भवा बाहर टुकरन क झउआ मँ उठाएन।</verse>
				<verse number="44">पुरुसन क गनती जउन खइया क खाएन पाँच हजार रही।</verse>
				<verse number="45">फिन तुरंत ईसू आपन चेलन नाउ मँ बइठाएस जेहसे उ सबइ जब भिरिया क बिदाई पहिले झील क ओह पार बैतसैदा चला जाइँ।</verse>
				<verse number="46">ईसू भीर क बिदाई क बाद पहाड़ी प पराथना बरे गवा।</verse>
				<verse number="47">जब सांझ भइ, नाउ झिलिया क मँझधर मँ रही अउर उ भुइयाँ प अकेल्ले रहा।</verse>
				<verse number="48">उ ओनका नाउ खेवत क मुसीबते मँ देखेस, काहेकि हवा ओनके खिलाफ बहत रही। लगभग तीन स छ बजे क समइ भिंसारेउ ओनके निअरे झिलिया प चलत आवा। जइसे हि ओनके निअरे स जाइ क भवा,</verse>
				<verse number="49">उ पचे ओका पानी प चलत भवा निहारेन। उ सब अंजाद लगाएन कि कउनो बड़वार दुस्ट आतिमा अहइ। ऍसे उ पचे डेरात भए चिचिआनेन।</verse>
				<verse number="50">मुला उ पचे ओका निहारेन अउर उ सब ससाइ गएन। तुरंतहि उ ओनसे बोला, “हिम्मत रखा। इ मइँ हउँ जिन डेराअ।”</verse>
				<verse number="51">फिन उ ओनके संग नाउ प चढ़ि गवा, तब आँधी पटाइ गइ। ऍसे उ सबइ अचरज मँ पड़ि गएन।</verse>
				<verse number="52">उ पचे रोटियन क अद्भुत कारज क बारे मँ समझ पाएन नाहीं। ओनके दिमाग कठोर होइ गवा।</verse>
				<verse number="53">जब उ सब झील पार कइ लिहन तउ गन्नेसरत क घाटे प आएन अउर नाउ क बाँध लिहन।</verse>
				<verse number="54">जबहिं उ पचे नाउ क छाँड़ि क उतर आएन, मनइयन ईसू क पहिचान लिहन।</verse>
				<verse number="55">उ पचे समूचे पहंटा मँ भागत फिरेन अउर बेरमियन क बिछउना प जहाँ कहूँ उ पचे सुनेन कि ईसू हुवाँ बा, लादि क लइ जाइ लागेन।</verse>
				<verse number="56">जहाँ कहूँ उ गाउँ मँ कस्बन मँ या खेतन मँ जात रहा, उ पचे आपन बेरमियन क हाटन मँ बइठाइ देतेन अउर उ पचे ईसू स बिनती करतेन कि उ आपन ओढ़ना क एक हींसा छुअइ दे। अउर सबइ जउन ऍका छुएन नीक होइ गएन।</verse>
			</chapter>
			<chapter number="7">
				<verse number="1">तबहिं कछू फरीसियन अउर कछू धरमसास्तिरियन जउन यरूसलेम स आएन ओनके चारिहुँ कइँती एकट्ठा भएन।</verse>
				<verse number="2">अउर उ सबइ ओनके कछू चेलन बिना साफ किए हथवा स खात देखेन। (बिना साफ किया स मतलब इ अहइ कि उ पचन फरीसियन क बताए भए तरीके स हथवा नाहीं धोवत रहेन।)</verse>
				<verse number="3">फरीसियन अउर दूसर यहूदियत खाइका नाहीं खातेन जब तलक उ सबइ आपन हथवा क पूर्वजन क रीति स न धोइ लेइँ।</verse>
				<verse number="4">इहइ तरह उ सब बजारे स खाइ क बरे लावा भवा कउनो चीज तब तक नाहीं खातेन, जब तलक ओहका खास तरीके स न धोइ लेइँ। इहइ तरह अउ बहोत स रितियन अहइँ, जेका उ सबइ करत आवत हइँ जइसे खोरा, गगरी, ताँवा क बासन अउर गद्देदार कुर्सी क धोउब।</verse>
				<verse number="5">एह बरे फरीसियन अउर धरम सास्तिरियन ओसे पूछेन, “काहे तोहार चेलन पूर्वजन क रीतिन्क करतेन नाहीं, मुला आपन मइले हाथन स खइया क खात हीं?”</verse>
				<verse number="6">ईसू ओनसे कहेस, “यसायाह तू जइसे कपटिन क बारे मँ पहिले भविस्सबाणी कइ दिहस, जइसा कि लिखा बाटइ: ‘इ मनइयन ओंठवा स मोर इज्जत करत हीं मुला ओनके मनवा ओसे दूर अहइँ।</verse>
				<verse number="7">मोका एनकर उपासना अर्पित अहइ बिना काम क अउर इ सबइ बेकार उपासना करत हीं। काहेकि इ सबइ लोग मनई क बनए सिद्धान्त अउर नेम काहे कइके सिखावत हीं।’</verse>
				<verse number="8">तू पचे परमेस्सर क आदेस न उठाइ क एक कइँती धइ दिहा अउर मनई क रीतिन्क परिपाटी क सहारा लइके चलावत अहा।”</verse>
				<verse number="9">ईसू ओनसे कहेस, “तू आपन पचन क बहोत चलाक समझत अहा। तू परमेस्सर क आदेसन ऐहि बरे टारइ चाहत ह, जेहसे आपन रीतन्क चलाइ सका।</verse>
				<verse number="10">उदाहरण बरे जइसे मूसा कहेस, ‘आपन महतारी बाप क इज्जत द्या।’ अउर ‘जउन मनई महतारी बाप क बुरा भला कहइ ओका मार डावा।’</verse>
				<verse number="11">तू पचन सिखावत ह, ‘जदि कउनो मनई महतारी बाप स कहत ह कि मोरे जेहि चीज स तोहका फायदा मिल सकत ह, उ परमेस्सर क दइ दीन्ह।’</verse>
				<verse number="12">तउ तू ओनकर महतारी बाप बरे कछू करइ क मना करत ह।</verse>
				<verse number="13">इ नाई तू आपन रीति रिवाज स परमेस्सर क बचन क बेकार बनइ देत ह, अउर अइसी बहोत स बातन तू करत ह।”</verse>
				<verse number="14">ईसू फिन भिरिया क बोलाएस अउर ओनसे कहेस, “हर मनई मोरउ बात सुना अउर समझा।</verse>
				<verse number="15">अइसी कउनो चीज नाहीं जउन मनई क बाहेर स आवइ अउर ओका भीतर जाइके असुद्ध करइ। मुला जउन चीज मनई क भीतर स आवत हीं, उ ही ओका असुद्ध करत हीं।”</verse>
				<verse number="16"></verse>
				<verse number="17">फिन ईसू भीर क छोड़ि कइ घर गवा तउ ओकर चेलन ओसे इ दिस्टान्त क बारे मँ सवाल करेन।</verse>
				<verse number="18">तब ईसू ओनसे कहेस, “का तू पचे कछू नाहीं समुझ पाया? कउनो बात जउन बाहेर ते मनई क भीतर आवत हीं, का उ ओका असुद्ध कइ सकी?</verse>
				<verse number="19">एह बरे उ सोझाई मनई क हिरदइ मँ जात नाहीं। उ पेटवा मँ जात ह अउर इ गुह मँ होइ क निकर जात ही।” (अइसा कहत उ सबइ खइया क चीजन्क सुद्ध कहेस।)</verse>
				<verse number="20">अउर ईसू कहेस, “इ उही अहइ जउन मनई क हिरदइ स आवत ह अउर ओका असुद्ध करत ह।</verse>
				<verse number="21">मनई क हिरदइ स बुरा बिचार आवत हीं अउर अनैतिक करम, चोराउब, कतल करब,</verse>
				<verse number="22">व्यभिचार, लालच, दुस्टता, चाल चपेट, बेहूदगी, जलन, चुगुलखोरी, घमण्ड अउर बेवकूफी</verse>
				<verse number="23">ई सब बुरी चीज भीतर स आवत हीं अउ मनई क असुद्ध बहइ देत हीं।”</verse>
				<verse number="24">ईसू उ जगहिया छोड़ि दिहस अउ सूर (सहर क नाउँ अहइ) क आसपास क पहँटा मँ गवा। हुवाँ उ एक घरवा मँ गवा अउर नाहीं चाहेस कि कउनो ओकरे आवइ क बारे मँ जानइ। मुला उ आपन क नाहीं छुपाए पाएस।</verse>
				<verse number="25">असिल मँ एक ठु स्त्री जेके बिटिया क दुस्ट आतिमा घेरि लिहे रही, ईसू क बारे मँ सुनिके फउरन ओकरे पास आई, अउर गोड़वा प गिर पड़ी।</verse>
				<verse number="26">इ यूनानी क स्त्री रही अउर सीरियाक फिनीकी मँ पइदा भइ रही। उ आपन बिटिया स दुस्ट आतिमा भगावइ क ईसू स बिनती करेस।</verse>
				<verse number="27">ईसू ओसे कहेस, “पहिले बचवन क अघाइ जाइ द्या। इ नीक नाहीं कि बचवन क रोटी छीन लेइ अउर कुकुरन क फेंक देइ।”</verse>
				<verse number="28">तब उ ओका जबाव दिहस, “पर्भू! कुकुरन हु तउ मेजिया क तरखाले गिरा खइया क चूर चराबा खात हीं।”</verse>
				<verse number="29">तब ईसू ओसे कहेस, “इ जवाबे क कारण तू आपन घर चइन स जाइ सकत ह। दुस्ट आतिमा तोहरे बिटिया क छोड़ि दिहस।”</verse>
				<verse number="30">ऍह पइ उ घर गइ अउर आपन बिटिया क बिछउन प ओलरा पाइस तब तलक दुस्ट आतिमा ओसे निकर गइ।</verse>
				<verse number="31">तब ईसू सूर क चारिहुँ कइँती स लौटि आइ अउर दिकापुलिस माने दस नगर क डगर स सिदोन जात भवा गलील झील डाइ गवा।</verse>
				<verse number="32">हुवाँ कछू लोग ईसू क नगिचे एक मनई क लइ आएन जउन बहिरा रहा अउर मुस्किल स बोल पावत रहा। अउर उ पचे ईसू स ओह पइ हथवा धरइ क बिनती करेन।</verse>
				<verse number="33">ईसू भिरिया स दूर एक कइँती लइ गवा। ईसू आपन अँगुरिया मनई क कनवा मँ डाइस। फिन उ कनवा मँ थूक कइ, ओकर जिभिया छुइस।</verse>
				<verse number="34">उ सरग क निहारेस, गहरी संसिया भरेस अउर ओसे कहेस, “ इप्फत्तह! ” (अरथ अहइ “खुलि जा।”)</verse>
				<verse number="35">अउर ओकर कनवन खुलि गएन अउर जिभिया क गंठिया खुलि गइ। फिन उ साफ साफ बोलाइ लाग।</verse>
				<verse number="36">ईसू ओनका हुकुम दिहेस कि कउनहुँ क न बतावइँ। जेतना जिआदा उ ओनका हुकुम दिहेस उ पचे ओतनइ जिआदा बताइन।</verse>
				<verse number="37">उ सबइ लोग पूरपूर अचरज मँ पड़ि गएन अउर कहेन, “ईसू हर काम नीक करत ह। उ हियाँ तलक बहिरन क सुनइ क सक्ति देत ह अउर गूँगन क बोलावत ह।”</verse>
			</chapter>
			<chapter number="8">
				<verse number="1">ओनही दिनन मँ दूसर अउसर प भारी भीर जमा होइ गइ अउर ओनके पास खाइ क कछू नाहीं रहा। उ आपन चेलन क निअरे बोलाएस अउर ओनसे कहेस,</verse>
				<verse number="2">“मोका इन मनइयन प तरिस आवत ह, अइसे कि उ पचे मोरे साथ पहिले क तीन दिनन स अहइँ। ओनेके लगे खाइ क कछू नाहीं।</verse>
				<verse number="3">उ जदि मइँ ओनका घरे भूखा पठवत हउँ, उ सबइ राहे मँ मर बिलाय जइहीं। ओहमाँ स कछू तू ढेर दूरी स आइ अहइँ।”</verse>
				<verse number="4">अउर ओकर चेलन जवाब दिहन, “इ जंगल मँ एनका खिआवइ क बरे कतहूँ का कउनो खूब खाइ क पाइ सकत ह, जेहसे एनका खियाइ दीन्ह जाइ?”</verse>
				<verse number="5">उ ओनसे पूछेस, “तोहरे पास केतनी रोटी अहइँ?” “सात ठु” उ पचे जवाब दिहेन।</verse>
				<verse number="6">तब ईसू हुकुम दिहेस-भीर मइदान मँ बैठि जाइ। उ सात रोटी लिहस, फिन परमेस्सर क धन्यवाद दिहस। उ ओनका तोड़ेस। ओकरे बाद आपन चेलन क बाँटइ बरे दिहस। अउर उ पचे भिड़िया क लोग क बाँटेन।</verse>
				<verse number="7">ओनके लगे नान्ह नान्ह थोड़ी स मछरी भी रही। अउर उ धन्यबाद दइके ओनका बाँटइ बरे कहेस।</verse>
				<verse number="8">मनइयन अघाइ गएन अउर बचा खुचा रोटी क टुकड़न स सात झउआ उ पचे एकट्ठा करेन।</verse>
				<verse number="9">हुवाँ करीब चार हजार पुरुसन रहेन। तब उ ओनका बिदा करेस।</verse>
				<verse number="10">अउर तुरंतहिं उ चेलन्क लइ क नाउ मँ बइठि के दलमनूता पहँटा मँ गवा।</verse>
				<verse number="11">फिन फरीसियन आएन अउर ओसे सवाल करइ लागेन। उ सब ओसे एक ठु अद्भुत कारज बरे कहेन। उ पचे ओका परखइ बरे अइसा किहन।</verse>
				<verse number="12">आपन मनवा मँ गहरी सांस भरत ईसू कहेस, “काहे ई पीढ़ी क मनई अद्भुत चीन्ह चाहत हीं? मइँ तोहका सच सच कहत हउँ। कउनो अद्भुत चीन्ह क पीढ़ी क न दीन्ह जाई।”</verse>
				<verse number="13">तबहिं उ ओनका छोड़ि दिहस। फिन नाउ मँ बइठ गवा, अउर झील क उ पार गवा।</verse>
				<verse number="14">ईसू क चेलन खइया क जिआदा लइ आउब बिसर गएन। ओनके लगे एक ठु रोटी क बजाय कछू नाहीं रहा।</verse>
				<verse number="15">ईसू ओनका चितावनी देत कहेस, “हुसियार! फरीसियन अउर हेरोदेस क खमीर स बचा रहा।”</verse>
				<verse number="16">“हमरे लगे एक ठु रोटी नाहीं इस प उ पचे आपुस मँ छानबीन करइ लागेन।”</verse>
				<verse number="17">उ सबइ का कहत अहइँ इ जानत भवा ईसू ओनसे कहेस, “रोटी नाहीं होइ क कारण तू सबइ काहे सोचत बिचारत अहा? का तू अबहुँ समझत बुझत नाहीं बाट्या? का तोहार बुद्धि जड़ अहइ?</verse>
				<verse number="18">तोहरे आँखिन अहइँ, का तू देखि सकत्या नाहीं? तोहरे कान अहइँ, का तू सुन सकत्या नाहीं? का तोहका याद नाहीं?</verse>
				<verse number="19">जबहिं मइँ पाँच रोटिन्क पाँच हजार मनइयन मँ तोड़िउँ। केतना झउआ रोटी क टुकड़न स भरा भवा तू बटोर्या?” उ पचे कहेन, “बारह।”</verse>
				<verse number="20">“अउर जबहिं मइँ सात रोटिन्क क चार हजार बरे तोड़यों। कइ झउआ रोटिन्क टुकड़न क तू बटोर्या?” उ सबई कहेन, “सात।”</verse>
				<verse number="21">तबहिं उ ओनसे पूछेस, “का तू पचे अबहुँ नाहीं बूझया?”</verse>
				<verse number="22">उ पचे बैतसैदा गएन। हुँवा कछू लोग ओकरे पास एक ठो आँधर पकड़ि ले आइन अउर उ सबइ ईसू स ओका छुअइ क बिनती करेन।</verse>
				<verse number="23">उ आँधर मनई क हथवा पकड़ेस अउर ओका गाउँ क बाहेर लइ गवा। ईसू आँधर क आँखिन प थूकेस, “का तू कउनो चीज निहारत ह?”</verse>
				<verse number="24">आँधर मनई निहारेस अउर कहेस, “मइँ मनइयन क देखात हउँ, उ सबई बिरवा क नाईं आसि पासि चलत देखत अहइँ।”</verse>
				<verse number="25">तबहिं ईसू आपन हथवा मनई क आँखिन प पुनि धरेस। फिन उ आपनि आँखिन पूरी पूरी खोलि दिहेस। ओका आँखिन क जोती मिलि गइ। अउर उ सबहुँ क नीक-नीक निहारइ लाग।</verse>
				<verse number="26">तब ईसू ओका घरे पठइ दिहस, इ कहत कहत, “गाउँ मँ जिन जा।”</verse>
				<verse number="27">अउर ईसू अउर ओकर चेलन कैसरिया फिलिप्पी क पड़ोसी गाउँन मँ चलेन। ईसू राहे मँ चेलन स पूछेस, “लोग का कहत हीं कि मइँ कउन हउँ?”</verse>
				<verse number="28">अउर उ सबई जवाब दिहेन, “बपतिस्मा देइवाला यूहन्ना। मुला दूसर कछू लोग एलिय्याह अउर दूसर कछू तोहका नबियन मँ एक नबी कहत हीं।”</verse>
				<verse number="29">फिन उ ओनसे पूछेस, “तू का कहत ह मइँ कउन हउँ?” पतरस ओसे जवाब दिहेन, “तू मसीह अहा।”</verse>
				<verse number="30">तबहिं ईसू ओन चेलन क चितावनी दिहेस, कि ओकरे बारे मँ कउनो स जिन कहइँ।</verse>
				<verse number="31">अउर उ ओनका समझाउब सुरु करेस, “मनई क पूत क बहोत दुःख झेलइ पड़इ क होइ अउर बुजुर्ग यहूदी नेतन, मुख्ययाजकन अउर धरम सास्तिरियन स धकियाइ दीन्ह जाइ। अउर उ निहचइ ही मारि डावा जाइ अउर फिन उ तिसरे दिन जी उठी।”</verse>
				<verse number="32">ईसू ओनका इ बात सच सच बताइ दिहस। फिन पतरस ओका एक कइँती लइ गवा अउर फटकारइ लाग।</verse>
				<verse number="33">मुला ईसू पाछे घूमि के आपन चेलन निहारेस अउर पतरस क फटकारि के कहेस, “सइतान! मोसे पाछे जा। परमेस्सर क बातन स तोहका कउनो मतलब नाहीं, मुला मनई क बातन्क तोहका मतलब अहइ।”</verse>
				<verse number="34">तब उ भीर क चेलन संग निअरे बोलाएस अउर उ ओनसे कहेस, “जदि कउनो मोरे पाछे आवा चाहत ह तउ उ आपन सब कछू तजि दे। ओका आपन क्रूस उठाइ लेइ चाही अउर ओका मोरे पाछे होइ चाही।</verse>
				<verse number="35">मुला जउन आपन जिन्नगी क बचावा चाहत ह, उ एका खोइ देइ। अउर जउन आपन जिन्नगी मोका अउर सुसमाचार बरे खोई उ एका बचावा चाही।</verse>
				<verse number="36">अगर कउनो मनई आपन आतिमा खोइ के समूची दुनिया लइ लेत ह, तउ ओसे का फाइदा?</verse>
				<verse number="37">अइसे कउनो मनई कउनो ठो चीज क बदले आतिमा नाहीं पाइ सकत।</verse>
				<verse number="38">जदि कउनो व्यभिचार अउर पापी पीढ़ी मँ मोर नाउँ अउर उपदेस क कारण सर्मात ह तउ मनई क पूत जब पवित्तर सरगदूतन क संग आपन परमपिता क महिमा लइ के आई तउ उहउ सर्माइ जाई।”</verse>
			</chapter>
			<chapter number="9">
				<verse number="1">अउर ईसू ओनसे कहेस, “मइँ सबन क सच सच बताउब, जउन हियाँ खड़ा अहइँ, ओहमाँ स कछू परमेस्सर क राज्य सक्ति क संग आवइ स पहिले देखिहीं अउर मरइ क अंजाद न करिहीं।”</verse>
				<verse number="2">छः दिना पाछे ईसू सिरिफ पतरस, याकूब अउर यूहन्ना सबक संग लइके एक ऊँच पर्वत प खुद गवा। हुवाँ उ ओनके समन्वा आपन भेस बदल लिहस।</verse>
				<verse number="3">ओकर ओढ़ना चमचमाइ लागेन एकदम्मइ उजिअर। धरती प कउनो धोबी ओतना उजिअर ओसे जिआदा नाहीं धोइ सकत रहा।</verse>
				<verse number="4">एलिय्याह अउर मूसा भी ओनके संग परगट भएन। अउर उ सबइ ईसू स बतियात रहेन।</verse>
				<verse number="5">तब पतरस बोल उठा अउर ईसू स कहेस, “गुरु, इ भल भवा कि हम हियाँ अही। हमका तीन तम्बू लगावइ द्या, एक तोहरे बरे, एक ठु मूसा बरे अउर एक ठु एलिय्याह बरे।”</verse>
				<verse number="6">पतरस इ एह बरे कहेस जइसे उ जानत नाहीं रहा कि उ का बोली। इ तरह उ पचे डेराइ गएन।</verse>
				<verse number="7">एक बादर आवा अउर ओनका आपन छाया स ढाँकि लिहस। बदरा स एक आवाज कहत भइ होइ गइ, “इ मोर पियारा पूत अहइ। ओका सुना!”</verse>
				<verse number="8">अउर फउरन उ पचे चारिहुँ कइँती निहारेन। सिरिफ ईसू क छाँड़िके उ पचे कउनो क देखेन नाहीं।</verse>
				<verse number="9">जइसे उ सब पहाड़ स तरखाले उतरत रहेन, ईसू ओनका हुकुम दिहस कि कउनो क न बतावइँ जउन उ सब निहारेन ह, जब तलक मनई क पूत मरि गए लोगन्स जी न जाइ।</verse>
				<verse number="10">अउर उ सबइ इ बतिया क आपन जिअरा मँ छिपाइ रहेन मुला उ सबइ आपुस मँ सोचत बिचारत रहेन कि “मरिके जी उठब” क अरथ का बाटइ।</verse>
				<verse number="11">फिन उ पचे ईसू स पूछेन, “धरम सास्तिरियन काहे कहत हीं कि एलिय्याह सबस पहिले आई?”</verse>
				<verse number="12">ईसू ओनसे कहेस, “हाँ! सब बातन क ठीक करइ बरे एलिय्याह सबन्स पहिले आवत ह। मुला इ काहे मनई क पूत क बारे मँ पवित्तर सास्तर अहइ कि उ बहोत स दुःख भुगुती अउर उ घिना स दुत्कार जाई।</verse>
				<verse number="13">मुला मइँ तू सबन क बतावत अही, एलिय्याह आइ चुका अहइ। जउन जउन उ पचे चाहेन, ओकरे साथ उ पचे वइसे किहन; जइसा ओकरे बारे मँ पवित्तर सास्तरन मँ बाटइ।”</verse>
				<verse number="14">अउर जबहिं उ सबइ दूसर चेलन क लगे आएन तउ उ पचे एक भारी भीर क जमघट ओनके चारिहुँ कइँती देखेन कि धरम सास्तियिन ओनसे तहत्तुक करत रहेन।</verse>
				<verse number="15">जइसे ही सब मनइयन ओका निहारेन, उ पचे विस्मय मँ पड़ि गएन अउर ओका भेंटइ बरे ओकरे कइँती उ सबइ भागेन।</verse>
				<verse number="16">उ ओनसे पूछेस, “तू सबइ ओनसे काहे क बारे मँ विवाद करत ह?”</verse>
				<verse number="17">एह पइ एक मनई भिरिया स जबाव दिहस, “गुरु, मइँ आपन बेटवा तोहरे लगे लिआइ अही। ओह पइ एक ठु दुस्ट आतिमा सवारि अहइ, जउन ओका बोलावइ देत नाहीं।</verse>
				<verse number="18">जब कबहुँ दुस्ट आतिमा ऍका पकरि लेत ह, उ ऍका फेंकि देत ह अउर ऍकरे मुँहना स झागि निकारइ लगत ह। ओकरे बाद उ दँतवन क पीसत ह अउर उ अकड़ि जात ह। मइँ तोहरे चेलन स कह्यों कि ओका भगावा, मुला उ सबइ करि सकेन नाहीं।”</verse>
				<verse number="19">तबहिं ईसू जवाबे मँ ओनसे कहेस, “अरे! बिसवास न करइवाले मनइयो! कब तलक मइँ तोहरे लगे रइहउँ? कब ताई तोहरे लगे सहब? लरिकवा क मोरे लगे लिआवा।”</verse>
				<verse number="20">फिन उ सबइ लरिकवा क ओकरे लगे लेवाइ लिआएन। जबहिं दुस्ट आतिमा ईसू क देखेस। फउरन उ लोरिकवा क अइँठ दिहस। लरिकवा भुइँया प गिरि गवा अउर मुँहे स झाग निकारत चारिहुँ ओर लोटइ पोटइ लाग।</verse>
				<verse number="21">तब्बइ ईसू लरिका क बाप स पूछेस, “इ अइसा कब स लरिकवा क होत अहइ?” तब बाप कहेस, “अइसा बचपन स होत आवत अहइ।</verse>
				<verse number="22">दुस्ट आतिमा ऍका कइउ दाई आगी मँ अउर कबहुँ पानी मँ मारइ खातिर नाइ देत ही। लेकिन का तू कछू कइ सकत ह? हम पइ दया करा अउर हमार मदद करा।”</verse>
				<verse number="23">ईसू ओसे कहेस, “तू कह्या जदि तू कछू कइ सका? जउन बिसवास करी, ओका बरे सब कछू होइ जाई।”</verse>
				<verse number="24">तुरंतहीं लरिका क बाप चिचिआन अउर कहेस, “मइँ जरूर बिसवास करत हउँ। तू हमार अबिसवास हटावा।”</verse>
				<verse number="25">जब ईसू देखेस कि भारी भीर ओकरे लगे निचकात अहइ, उ दुस्ट आतिमा क ललकारेस अउर ऍका कहेस, “ओ दुस्ट आतिमा! तू इ बचवा क गूँगा बहिरा करइवाली मइँ तोका हुकुम देत अही। ओसे बाहेर आव, ओहमाँ फिन स घुस जिन।”</verse>
				<verse number="26">तब उ दुस्ट आतिमा चिचिआन अउर लरिकवा क झपटिके अँइठेसि अउर ओसे बाहेर गइ। अइसन लगा कि लरिकवा मर गवा अहइ। बहुत स लोग कहेन, “उ मर गवा!”</verse>
				<verse number="27">फिन ईसू ओकर हाथ पकरि क उठाएस अउर ओका गोड़वन प खड़ा करेस अउ लरिका खड़ा होइ ग।</verse>
				<verse number="28">ओकरे पाछे उ घर मँ गवा अउर ओकर चेलन अकेल्ले मँ पूछेन, “काहे क हम दुस्ट आतिमा क भगाइ नाहीं सकेन?”</verse>
				<verse number="29">ऍह पइ ईसू जबाव दिहेस, “इ तरह दुस्ट आतिमा बगैर पराथना क बाहेर नाहीं आवत।”</verse>
				<verse number="30">उ सबइ हुवाँ छोड़ि चलेन अउर गलील होइ क जात रहेन अउ ईसू नाहीं चाहत रहा कि कउनो एका जानइ कि उ सब कहाँ बाटन?</verse>
				<verse number="31">एह बरे उ आपन चेलन क सिच्छा देत रहा। उ ओनसे कहेस, “मनई क पूत मनइयन क हाथन स पकड़वाइ जाई अउर उ सबइ ओका मारि डइहीं। मारि डाए क तीन दिना क पाछे उ जिन्दा होइ जाइ।”</verse>
				<verse number="32">मुला चेलन इ न समझेन कि ईसू का मतलब अहइ अउर उ ओसे ऍकरे बारे मँ पूछइ क डेरात रहेन।</verse>
				<verse number="33">ईसू चेलन क साथ कफरनहूम आएन। उ सबइ एक घरे मँ गएन। उ ओनसे पूछेस, “राहे मँ तू सबइ का बतियात रह्या?”</verse>
				<verse number="34">मुला उ सबइ खमोस होइ गएन। एह बरे उ सबइ राहे मँ एक दुसरे स सोचेन बिचारेन कि कउन सबस बड़कवा अहइ।</verse>
				<verse number="35">तउ उ बैठि गवा। उ बारहु प्रेरितन आपन नगिचे बोलाएस अउर ओनसे कहेस, “जदि कउनो सब स बड़का होइ चाहत ह, तउ ओका सब स छोट होइ क परी अउर उ सबन क नउकर होइ।”</verse>
				<verse number="36">अउर एक बचवा क लइके सब क समन्वा खड़ा किहेस। ओका आपन कोरा मँ लेत भवा ईसू ओनसे कहेस,</verse>
				<verse number="37">“जउन एकउ इन बचवन मँ एकउ क मोरे नाउँ स आपनावत ह, उ हमार सुआगत करत अहइ, उ न सिरिफ मोका अपनावत ह, मुला उहउ क अपनावत ह, जउन मोका पठएस ह।”</verse>
				<verse number="38">यूहन्ना ईसू स कहेस, “गुरु हम तोहरे नाउँ स कउनो क दुस्ट आतिमन क बाहेर निकारत देखेन ह। हम ओका रोकब चाहा, मुला उ हम पचन मँ नाहीं रहा।”</verse>
				<verse number="39">फिन ईसू कहेस, “ओका रोका जिन। इ नाते जउनहुँ मोरे नाउँ स अद्भुत कारजन चाहत बाटइ, उ फउनर मोरे बरे भद्दी बात न कहि पाई।</verse>
				<verse number="40">जउन मोरे खिलाफ नाहीं, उ हमरे कइँती अहइ।</verse>
				<verse number="41">जउनहुँ तोहका एक लोटा पानी भरि के देइ कि तू मसीह क बाट्या, मइँ तोहका सच सच बतावत हउँ, उ जरूर सुफल होइ जाए बिना न रही।</verse>
				<verse number="42">“जउन इन नान्ह अबोध बचवन मँ स कउनो क जउन मोरे मँ बिसवास करत हीं, ओनसे पाप करावत हीं, तउ ओकरे बरे इ नीक होइ कि ओकरे गटइया मँ चकिया क पाट बाँधिके ओका समुद्दर मँ झोंकि देई।</verse>
				<verse number="43">जदि तोहार हाथ तोसे पाप करवावत ह, तू ऍका काट द्या। हथ कटा होइ क अनन्त जीवन मँ प्रवेस करना नीक अहइ। बजाऍ ऍहके कि दुइ हाथ धरइ अउर नरक मँ नाइ दीन्ह जाइ, जहाँ अगिया कबहुँ न बुझत।</verse>
				<verse number="44"></verse>
				<verse number="45">जदि तोहार गोड़ तोसे पाप करावत ह, ओका काट द्या। लँगड़ा होइ क अनन्त जीवन मँ प्रवेस करना जिआदा नीक होइ, बजाय ऍकरे कि दुइनइँ गोड़वा धइ क नरके मँ नाइ दीन्ह जाइ।</verse>
				<verse number="46"></verse>
				<verse number="47">जदि तोहार आँख तोसे पाप करावत ह, ओका निकारि डावा। काना होइके परमेस्सर क राज्य मँ घुसब जिआदा नीक अहइ, बजाय कि दुइ आँखिन वाला होइके नरक मँ नाइ दीन्ह जाइ।</verse>
				<verse number="48">जहाँ कि किरवा मरतेन नाहीं। हुवाँ आगी कबहुँ बुझत नाहीं।</verse>
				<verse number="49">“हर मनई क आगी प नोनखार कीन्ह जाई।</verse>
				<verse number="50">“नोन नीक होत ह जदि नोन आपन सोवाद तजि देइ, तउ ऍका नोनखार फिन कइसे बनउब्या? आपन मँ नोन राखा। एक दूसर क संग सांति स रहा।”</verse>
			</chapter>
			<chapter number="10">
				<verse number="1">फिन ईसू उ जगह छोड़ि दिहस अउर यहूदिया क पहँटा अउर यरदन नदी क पार गवा। फिन भीर प भीर ओकरे नगिचे आवइ लाग। जउसे ओकर रीति रही, ईसू ओनका उपदेस देइ लाग।</verse>
				<verse number="2">अउर कछू फरीसियन ओकरे लगे आएन अउर उ सबइ ओसे पूछेन, “का इ कनून पुरुस क लिये नीक बाटइ कि उ आपन पत्नी क तलाक देइ दे?” उ सबइ ओसे ओका जाँचइ बरे पूछेन।</verse>
				<verse number="3">ईसू ओनका जबाव दिहेस, “मूसा तोहका का आदेस दिए बाटेन?”</verse>
				<verse number="4">उ सबइ कहेन, “मूसा पुरुस क एक ठु तलाक क त्याग पत्र लिखिवाइ आपन पत्नी क तलाक बरे हुकुम देहेस।”</verse>
				<verse number="5">ईसू ओनसे कहेस, “मूसा इ आदेस एह बरे लिखेस कि तू सबइ नासमुझ अहा।</verse>
				<verse number="6">सृस्टि क सुरुआत स, ‘परमेस्सर पुरुस अउर स्त्री बनाएस।’</verse>
				<verse number="7">‘एह बरे पुरुस आपन महतारी बाप क छोड़ि देइ अउर आपन पत्नी क संग रही।’</verse>
				<verse number="8">दुइनउँ एक तन होइ जइहीं। तइसे उ दुइनउँ अलग नाहीं, मुला एक ठु अहइँ।</verse>
				<verse number="9">एह बरे जेकर परमेस्सर जोरि दिहे अहइँ, ओहका मनई क अलग नाहीं करइ चाही।”</verse>
				<verse number="10">जब उ सबइ गरवा मँ फिन स आएन, तउ चेलन ऍकरे बारे मँ ओसे पूछेन।</verse>
				<verse number="11">अउर ईसू ओनसे पूछेस, “जउन आपन पत्नी क तलाक दइ देत ह, अउर दूसर स्त्री स बियाह करत ह, उ ओकरे खिलाफ व्यभिचार करत ह।</verse>
				<verse number="12">अगर स्त्री आपन पति क तजि देत ह अउर दूसर पुरुस स बियाह करत ह, तो उ व्यभिचारी ह।”</verse>
				<verse number="13">फिन मनइयन गदेलन क ओकरे लगे लइ आवइ लागेन, इ नाते कि उ ओनका छुइ लेइ अउर आसीर्बाद देइ मुला चेलन ओनका फटकारि दिहन।</verse>
				<verse number="14">जब ईसू इ देखेस, उ कोहाय ग अउर उ ओनसे कहेस, “गदेलन क मोरे निअरे आवइ द्या। ओनका जिन रोका, इ नाते परमेस्सर क राज्य अइसन स नाता जोरत ह।</verse>
				<verse number="15">मइँ तोहका सच सच बतावत हउँ, जउन परमेस्सर क राज्य क गदेलन क नाईं सुआगत न करी, उ राज्य मँ कबहुँ न घुसी।”</verse>
				<verse number="16">ईसू आपन कोरा मँ गदेलन क उठाएस। उ आपन हथवा ओनके ऊपर धरेस अउर आसीर्बाद दिहेस।</verse>
				<verse number="17">जइसे उ जात्रा प जाइ क रहा, एक मनई ओकरे लगे आइ अउर घुटुनवा टेकिके बोला अउ ओसे पूछेस, “उत्तम गुरु! अनन्त जीवन पावइ क हक बरे ओका का करइ क चाही?”</verse>
				<verse number="18">ईसू ओसे कहेस, “तू मोका उत्तम काहे कहत ह? सिरिफ परमेस्सर क छोड़िके कउनो उत्तम नाहीं।</verse>
				<verse number="19">तू आदेस क जानत ह। ‘जीउ जिन मारा, व्यभिचार जिन करा, चोरी जिन करा, झूठी गवाही जिन द्या, ठगी जिन करा, आपन महतारी बाप क इज्जत करा।’”</verse>
				<verse number="20">उ मनई ओसे कहेस, “गुरु मइँ आपन लरिकइँ स इन सब बातन पर चलत आवत हउँ।”</verse>
				<verse number="21">ईसू ओका निहारेस। ओकरे बरे पिरेम भाउ रखेस अउर ओसे कहेस, “तोहमाँ ऍक बात क कमी अहइ जा अउर बेंचि आवा जउन तू धरे अहा। तब एक गरीबे क द्या। ओकरे बाद तू सरगे मँ खजाना रखब्या। तब्बई तू आवा अउर मोरे पाछे चला।”</verse>
				<verse number="22">अइसे बयान पर ओकर मुँह उतर गवा अउर निरास होइ के चला गवा। इ नाते कि उ धनवान रहा।</verse>
				<verse number="23">ईसू चारिहुँ कइँती देखेस अउर आपन चेलन स कहेस, “केतना मुस्किल बाटइ ओनके बरे जउन धनी होइके परमेस्सर क राज्य मँ घुसइ चाहत अहइँ।”</verse>
				<verse number="24">चेलन इ बचनन प अचरजि मँ परि गएन। तउ फिन ईसू ओनसे कहेस, “मोर गदेलन! परमेस्सर क राज्य मँ घुसब केतना मुस्किल अहइ।</verse>
				<verse number="25">ऊँट क सुई क नोंके स घुसरब असान अहइ, बजाय एक धनी मनई क परमेस्सर क राज्य मँ जाब!”</verse>
				<verse number="26">ओनका अउ जिआदा अचरज भवा, अउर आपुस मँ एक दुसरे स बतियाइ लागेन, “तब कउने क उद्धार होई?”</verse>
				<verse number="27">ओनका लखत, ईसू कहेस, “मनई अइसा कबहुँ नाहीं कइ सकत, मुला इ परमेस्सर बरे अइसा नाहीं।”</verse>
				<verse number="28">पतरस ओसे कहइ लाग, “देखा, हम सब कछू तजि दिहन अउर तोहरे पाछे होइ गएन!”</verse>
				<verse number="29">ईसू कहेस, “मइँ तोसे सच सच कहत हउँ, कउनो अइसा नाहीं जउन मोरे बरे अउर सुसमाचार बरे घर-दुआर, भाइयन, बहिनियन, महतारी, बाप, गदेलन, खेत अउर क तजि देइ,</verse>
				<verse number="30">जउन इ जुगे मँ घरन भाइयन, बहिनियन, महतारीयन, गदेलन अउर खेतन क संग सताव सउ गुना जिआदा न पाइ, अउर आवइवाला जुग मँ अनन्त जीवन।</verse>
				<verse number="31">मुला बहोत जने जउन आज सबते पाछे अहइँ, उ सबते पहिले होइहीं। जउन सबते पहिले अहइँ, उ सबइ पाछे होइहीं।”</verse>
				<verse number="32">फिन उ सबइ यरूसलेम जात जात रस्ता मँ रहेन, ओनमें ईसू सबते आगे चलत जात रहा। उ सबइ खुबइ अचिरजे मँ डेरानेन। जउन पाछे रहेन, उ पचे ससान रहेन। ईसू बारहु प्रेरितन क एक कइँती लइ गवा अउर ओनका बतावइ लाग कि ओकरे संग का घटइवाला अहइ।</verse>
				<verse number="33">“सुन, हम पचे यरूसलेम जात अही, अउर मनई क पूत क दुराव स मुख्ययाजकन अउर धरम सास्तिरियन पकड़वाइ के दइ देइहीं। अउर उ सबइ ओका मउत क सजा देइके गैर यहूदी क दइ देइहीं।</verse>
				<verse number="34">जउन ओकर हँसी करिहीं अउर उ पचे ओह पइ थुकिहीं। उ सबइ ओका कोड़ा स पिटहीं अउर मारि डइहीं। तीन दिना क पाछे उ जी जाई।”</verse>
				<verse number="35">फिन जब्दी क बेटवन याकूब अउर यूहन्ना ओका लगे आएन अउर ओसे कहेन, “गुरु, हम चाहित ही कि हम जउन तोसे करइ क कही, ओका तू हमरे बरे कइ द्या।”</verse>
				<verse number="36">ईसू ओनसे कहेस, “तू मोसे आपन बरे का करवावइ क चाहत ह?”</verse>
				<verse number="37">उ सबइ ओसे कहेन, “तू आपन महिमा मँ हम पचेन क बइठइ क अधिकार द्या। हम पचेन मँ एक ठु तोहरे दाएँ अउर एक ठु तोहरे बाएँ बइठइ।”</verse>
				<verse number="38">ईसू ओनसे कहेस, “तू जानत ह नाहीं कि तू सबइ का कहत ह। जउन लुटिया मइँ पिअइ जात हउँ, का तू पी सकत ह? का जउन बपतिस्मा मइँ लेवइ क हउँ, का तू पचे उ बपतिस्मा क लइ सकत ह?”</verse>
				<verse number="39">उ पचे ओसे कहेन, “हम वइसा करि सकित ह।” फिन ईसू ओनसे कहेस, “का तू सबइ लुटिया भरि के पीब्या जउन मइँ करि सकत हउँ? जउन बपतिस्मा मइँ लेइ का हउँ, का तू सबइ लइ सकत ह?</verse>
				<verse number="40">मुला मोरे दाँए अउर बाँए बइठइ का जगहिया देब मोर अधिकार नाहीं अहइ। इ जगहियन ओनही मनइयन क बरे अहइँ, जेनके बरे उ सबइ तइयार कीन्ह ग अहइँ?”</verse>
				<verse number="41">जब बाकि दसहु ऍकरे बारे मँ सुनेन तउ उ पचे याकूब अउर यूहन्ना प गुस्सा करेन।</verse>
				<verse number="42">फिन ईसू आपन लगे ओनका बोलाएस अउर ओनसे कहेस, “तू जानत ह कि जउन गैर यहूदियन प राज करत हीं, उ हुकुम ओन पइ चलावत हीं अउर ओनका अउर ओनके मुख्य नेतन क ओन प प्रभाव बाटइ।</verse>
				<verse number="43">मुला तोहरे संग अइसा नाहीं बाटइ। तू सबन मँ जउन बड़वार होइ चाहत ह, उ तोहार नउकर बनइ।</verse>
				<verse number="44">अउर तू पचन मँ जउन मुखिया बना चाहइ उ तोहार गुलाम बनइ।</verse>
				<verse number="45">मनइँ क पूत हु सेवा करावइ नाहीं आइ अहइ मुला उ सेवा करइ आइ अहइ अउर आपन जीउ क बहोतन क छुटकारा बरे आइ अहइ।”</verse>
				<verse number="46">फिन उ सबइ यरीहो आएन अउर जब ईसू एक भारी भीर क संग आपन चेलन क लइके यरीहो जात रहा तउ तिमाई क बेटवा बरतिमाई नाउँ क एक ठो आँधर भिखमंगा सरक क किनारे बइठा रहा।</verse>
				<verse number="47">जब उ सुनेस कि नासरत क ईसू अहइ, उ चिचिआइ क कहइ लाग, “ईसू, दाऊद क पूत! मो पर दाया कर!”</verse>
				<verse number="48">अउर बहोत मिला ओका डाटेन अउर ओका चुप रहइ क कहेन। तब ओकर अवाज ऊँच स ऊँच होत गइ, “दाऊद क पूत! मो प दाया कर!”</verse>
				<verse number="49">तउ ईसू रुका अउ कहेस, “ओका मोरे लगे बोलॉवा।” एह पइ उ सबइ आँधर क बोलाएन अउर ओसे कहेन, “मनवा क मजबूत करा खरा ह्वा। ईसू तोहका बोलावत ह।”</verse>
				<verse number="50">उ आँधर आपन लबादा फेंकि दिहस अउर उछरि पड़ा अउर फिन ईसू क लगे गवा।</verse>
				<verse number="51">तब ईसू ओसे कहेस, “तू मोसे आपन बरे का करवावइ चाहत ह?” आँधर ओसे कहेस, “हे गुरु, मइँ पुनि देखइ चाहत हउँ।”</verse>
				<verse number="52">तउ ईसू ओनसे कहेस, “जा। तोहरे बिसवास स तोहार उद्धार भवा।” अउर उ फउरन देखइ लायक होइ सका। फिन उ ईसू का पाछे सरक प होइ गवा।</verse>
			</chapter>
			<chapter number="11">
				<verse number="1">फिन जइसे यरूसलेम क नगिचे जैतून क पहाड़ी प बैतफगे अउर बैतनिय्याह पहुँचेन, उ आपन चेलन मँ दुइ क पठएस।</verse>
				<verse number="2">अउर ओसे कहेस, “जा गाउँ मँ जइसे तू हुवाँ घुसब्या, तू एक ठु गदही क बच्चा बाँधा भवा पउब्या, जेह प पहिले कबहुँ नाहीं कउनो चढ़ा होई। ओका खोल द्या अउर हियाँ लिआवा।</verse>
				<verse number="3">जदि तोसे कउनो पूछइ कि तू अइसे काहे करत अहा, तउ तू कह्या, ‘प्रर्भू क ऍकर जरूरत अहइ, फिन उ ऍका फउरन पठइ देइ।’”</verse>
				<verse number="4">तउ उ पचे चलि पड़ेन। उ गदही क बच्चा क बँधा भवा दुआर क नगिचे खुली मँ पाएन। उ पचे ओका छोरि दिहन।</verse>
				<verse number="5">कछू मनई जउन हुवाँ खरा रहेन ओनसे पूछेन, “उ गदहिया क बच्चा क काहे तू पचे छोरिके का करत बाट्या?”</verse>
				<verse number="6">उ पचे ओनका बताएन जरुन ईसू कहेस। तउ उ सबइ ओनका जाइ दिहेन।</verse>
				<verse number="7">उ पचे गदहिया का बच्चा क ईसू क लगे लइ आएन। अउर उ पचे आपन ओढ़ना ओह प डारि दिहन। फिन ईसू ओह प बइठा।</verse>
				<verse number="8">बहोत मिला आपन लबादा क सरकिया प डारि दिहन अउर दूसर खेते स टहनियन क काटि लिहन अउर हुवाँ बिछाइ दिहन।</verse>
				<verse number="9">उ मनइयन जउन ईसू क अगवा अउर पाछे चलत रहेन, उ पचे पुकार रहेन: “‘होसन्ना!’ ‘धन्य अहइ उ जउन पर्भू क नाउँ प आवत ह!’</verse>
				<verse number="10">“धन्य अहइ हमार पिता दाऊद क राज्य क अवाई, जउन आवत अहइ, होसन्ना सरग मँ!”</verse>
				<verse number="11">तब ईसू यरूसलेम घुसा अउर मन्दिर मँ घुसा। उ हर चीज क चारिहुँ कइँती निहारेस। एह बरे दिन ओनवत देर होइ गइ। उ बारहु प्रेरितन क संग बैतनिय्याह चला गवा।</verse>
				<verse number="12">दूसरे दिन जब उ सबइ बैतनिय्याह स निकसत रहेन, ओनका भूखि लाग।</verse>
				<verse number="13">तनिक दूरी प ओका एक ठु हरिअर अंजीर क पेड़ देखान। उ देखइ गवा कि ओका कछू खाइके ओह प मिल जाइ। जब उ पेड़े क लगे आवा, उ पातिन छोड़िके कछू नाहीं पाएस, काहेकि इ रितु अंजीर क नाहीं रही।</verse>
				<verse number="14">तबहिं उ बिरवा स कहेस, “अब तोसे कबहुँ कउनो तोहार फल फिन न चखी।” ओकर चेलन इ सुनेन।</verse>
				<verse number="15">तबहिं उ सबई यरूसलेम गएन अउर उ पचे मन्दिर मँ घुसेन तउ ईसू ओनका निकारइ लाग जउन मन्दिर मँ बेसहत अउर खरीदत रहेन। उ पइसे क लेब देब करइया महाजनन क चउकियन क पलट दिहस अउर कबूतरे क बेचवइयाँ क बिंचिया पलटेस।</verse>
				<verse number="16">उ मन्दिर मँ स कउनो क कउनो क कछू नाहीं लइ जाइ दिहस।</verse>
				<verse number="17">तबहिं उ ओनका उपदेस देइ लाग। फिन उ ओनसे कहेस, “का इ पवित्तर सास्तरन मँ लिखा नाहीं बाटइ कि, ‘मोर घर पराथना घर कहा जाई?’ मुला तू पचे ऍका ‘चोरन क अड्डा बनइ दिहा।’ ”</verse>
				<verse number="18">जबहि मुख्ययाजकन अउर धरम सास्तिरियन इ बात सुनेन, उ सबइ ओका मारि डारइ क तरकीब सोचइ लागेन। अइसे उ पचे डेरानन, काहेकि ईसू क उपदेस स सब मनइयन अचरजि मँ पड़ि गएन।</verse>
				<verse number="19">फिन जब सांझ भइ तउ उ सबइ सहर स बाहेर गएन।</verse>
				<verse number="20">दुसरे दिन भिंसारे जबहिं ईसू आपन चेलन क संग जात रहा तबइ उ पचे उ अंजीर क बिरवा क जड़े स झुराइ गवा देखेन।</verse>
				<verse number="21">तइसे पतरस याद कइके ईसू स कहेस, “हे गुरु, जउने अंजीर क बिरवा क तू सराप्या ह, उ झुराइ गवा ह।”</verse>
				<verse number="22">ईसू ओनका जबाव दिहेस, “परमेस्सर मँ बिसवास राखा।</verse>
				<verse number="23">मइँ तोसे सच सच कहत हउँ: जदि कउनो इ पहाड़े स कही ‘तू उठि जा अउर समुद्दर मँ फाट पड़ा।’ अउर ओकरे मनवा मँ रचिकउ संदेह नाहीं रही मुला बिसवास होई कि जइसा उ कहेस ह, वइसा होइ जाइ तउ ओकरे बरे वइसा होई।</verse>
				<verse number="24">एह बरे मइँ तोहका बतावत अही कि तू पराथना मँ जउन मंगब्या बिसवास करा उ तोहका मिलि गवा ह अउर उ तोहरा होइ ग अहइ।</verse>
				<verse number="25">अउर जब कबहुँ तू पराथना करत खड़ा होइ जा तउ कउनो कि खिलाफ तोहका सिकाइत होई तउ ओका तू छमा कइ द्या जइसे सरगे मँ स्थित तोहार परमपिता तोहरे पापन्क छमा कइ देई।”</verse>
				<verse number="26"></verse>
				<verse number="27">फिन उ पचे यरूसलेम लउट आएन। ईसू जब मन्दिर मँ टहरत रहा तउ मुख्ययाजकन, धरम सास्तिरियन, बुजुर्ग यहूदी नेतन ईसू क लगे आएन।</verse>
				<verse number="28">उ पचे ईसू स कहेन, “हमका बतावा! तू इ कामन क कउने अधिकार स करत बाट्या? कउन तोहका अधिकार दिहेस ह?”</verse>
				<verse number="29">ईसू ओनसे कहेस, “मइँ तोहसे एक सवाल पूछत हउँ। तू मोरे सवाल क जबाव द्या? तउ मइँ तोहका बताउब कि कउने अधिकारे स मइँ इ काम करत हउँ।</verse>
				<verse number="30">मोका बतावा: यूहन्ना जउन बपतिस्मा देत रहा, का ओहका सोझे सरगे स या मनई स मिला रहा?”</verse>
				<verse number="31">ईसू क सवाले प उ सब बिचारत बिचारत आपुस मँ कहइ लागेन कि, “जदि हम पचे इ कहित ह, ‘ओका इ सरगे स मिला रहा,’ तउ ईसू कही, ‘फिन तू पचे ओह प बिसवास काहे नाहीं करत्या?’</verse>
				<verse number="32">अउर जदि हम पचे इ कही, ‘उ मनई स पाए रहा’ तउ सब मनई हम प रिसियाइ जइहीं।” (ई नेतन लोग मनइयन स डेरात रहेन। सब मनइयन क बिसवास रहा कि यूहन्ना नबी अहइ।)</verse>
				<verse number="33">एह बरे यहूदी नेतन ईसू स कहेन, “हम पचे जानित नाहीं।” ऍह पइ ईसू ओनसे कहेस, “तउ फिन मइँ तोहका नाहीं बतावत अही कि इ काज मइँ कउने अधिकारे स करत हउँ।”</verse>
			</chapter>
			<chapter number="12">
				<verse number="1">ईसू दिस्टान्त कथा खोलि के समझावत ओनसे कहइ लाग: “एक मनई अंगूरे क बाग लगाएस अउर ओकरे चारिहुँ कइँती चहरदेवार बनाएस। फिन उ अंगूरे क रस धरइ बरे एक गड़हा खोदेस अउर ओकरे बाद एक ठु बुर्ज खड़ा करेस। फिन उ कछू किसानन क लगाने प दिहस अउ जात्रा प चला गवा।</verse>
				<verse number="2">“फिन अंगूर पकइ क रितु मँ उ एक ठु नउकर पठएस जेसे उ किसानन स जउन अंगूर पक गवा अहइँ, ओहमाँ स ओकर हींसा लइ आवइ।</verse>
				<verse number="3">उ मुला उ सबइ नउकर क पकरिके पीटेन, ओका खालि हाथे भगाइ दिहन।</verse>
				<verse number="4">उ एक ठु अउ नउकर हुवाँ पठएस। उ किसानन ओकर मुड़वा फोड़त ओका बेज्जत करेन।</verse>
				<verse number="5">उ फिन एक ठु अउ नउकर पठएस, जेकर उ सब कतल कइ दिहन। उ इ तरह कई ठु नउकरन क पठएस, जेनका उ सब मारेन पीटेन अउर केतनन क मारि डारेन।</verse>
				<verse number="6">“अब ओकरे लगे पठवइ क आपन पियारा बेटवा ही बचा रहि गवा। आखिर उ ओनके लगे इ कहत पठएस, ‘उ पचे मोरे बेटवा क मान सम्मान जरूर कहि रहीं।’</verse>
				<verse number="7">“उ किसानन एक दुसरे स कहेन, ‘इ तउ ओकर वारिस अहइ। आवा, ऍका मारि डाइ। अइसे हम पचे एकर वारिस होई जाब।’</verse>
				<verse number="8">उ सबइ ओका पकरिके मारि डाएन अउर ओका अंगूर क बागे स बाहेर फेंके दिहन।</verse>
				<verse number="9">“एह पइ अंगूर क बगिया क मालिक का करी? उ आइके किसानन क मारि डाई अउर बगिया क दुसरे क दइ देई।</verse>
				<verse number="10">का तू पचे पवित्तर सास्तर का बचन नहीं बांच्या: ‘उ पाथर जेका राजगीर बेकाम क समझेन उहइ कोने क पाथर बनि गवा।</verse>
				<verse number="11">इ पर्भू करेस, जउन हमरे निगाहे मँ अजूबा बाटइ।’”</verse>
				<verse number="12">उ सबइ जान गएन कि जउन दिस्टान्त उ दिहेस ह उ ओकरे खिलाफ रहा। तउ उ पचे ओका गिरफतार करइके कउनो कुचाल खोजइ लागेन, मुला उ पचे मनइयन स डेरात रहेन। एह बरे ओका तजि के गएन।</verse>
				<verse number="13">तब यहूदी नेतन ईसू क बातन मँ फँसावइ क बरे कछू फरीसियन अउर हेरोदियन क ओकरे नगिचे पठएन।</verse>
				<verse number="14">जउन ओकरे निअरे फरीसियन अउर हेरोदियन रहेन उ सबइ कहेन, “गुरु, हम पचे जानित ह कि तू बहोतइ ईमानदार मनई अहा अउर तू इ बात क रचिकउ फिकिर करत्या नाहीं कि दूसर मनई का सोचत हीं। तू मनई क हैसियत या ओकर रुतबा क ध्यान न देत परमेस्सर क राहे क सीख देत ह। तउ बतावा न कि कैसर क कर देब ठीक बाटइ की नाहीं। हम ओका कर अदा कइ देइ कि नाहीं?”</verse>
				<verse number="15">ईसू ओनकइ चाल चपेट जानि गवा। उ ओनसे कहेस, “तू मोका काहे परखत ह? एक ठु दीनार लिआवा काहेकि ओका मइँ लखि सकउँ।”</verse>
				<verse number="16">तउ उ पचे एक ठु दीनार लइ आएन। फिन ईसू ओनसे पूछेस, “यह पइ केकर चेहरा अउर नाउँ लिखा बाटइ?” उ पचे कहेन, “कैसर क।”</verse>
				<verse number="17">तब ईसू ओनका समझाएस, “जउन कैसर क अहइ, ओका कैसर क द्या अउर जउन परमेस्सर क अहइ ओका परमेस्सर क द्या।” तउ उ पचे अचरजि मँ पड़ि गएन।</verse>
				<verse number="18">फिन कछू सदूकियन पुनरुत्थान क नाहीं मनतेन, ओकरे नगिचे आएन अउर उ पचे ओसे पूछेन,</verse>
				<verse number="19">“गुरु, मूसा हमरे बरे लिखेस कि जदि कउनो क भाई मरि जाए अउर ओकरे पत्नी क कउनो लरिका न होइ तउ ओकरे भाई क चाही कि उ ओसे बियाह करइ अउर फिन आपन भाई क बंस क चलावई।</verse>
				<verse number="20">एक दाई क बात अहइ कि सात ठु भाई रहेन। सबते बड़का भाई बियाह करेस अउर निपूत होइके मरि गवा।</verse>
				<verse number="21">फिन दूसर भाई उ स्त्री स बियाह करेस, पर उहउ निपूत होइके मरि गवा। तिसरका भाई भी वइसे करेस।</verse>
				<verse number="22">सातहु भाइयन मँ कउनो क कउनो संतान नाहीं भइ। आखिर उ स्त्री भी मरि गइ।</verse>
				<verse number="23">मउत क बाद जबहिं उ पचे जी उठिहीं, तउ बतावा उ स्त्री केकर पत्नी भई? काहेकि उ सातहु ओका आपन पत्नी क तरह राखे रहेन।”</verse>
				<verse number="24">ईसू ओनसे कहेस, “तू पचे न तउ पवित्तर सास्तरन क जानत ह अउर न परमेस्सर क ताकत क। का इ कारण नाहीं जेसे तू पचे भटक गवा बाट्या?</verse>
				<verse number="25">काहेकि उ सबइ जबहिं मरे भए स जी उठिहीं, तउ ओनकइ बियाह न होई मुला सबइ सरग मँ दूतन क तरह रइहीं।</verse>
				<verse number="26">मरे भए स जी उठइ क बातन मँ का तू पचे नाहीं बाँच्या जउन मूसा क कितबिया मँ झाड़ी क बाबत लिखा बाटइ? हुवाँ परमेस्सर मूसा स कहेस, ‘मइँ इब्राहीम क परमेस्सर, इसहाक क परमेस्सर अउर याकूब क परमेस्सर हउँ।’</verse>
				<verse number="27">उ मरे भए क परमेस्सर नाहीं मुला जउन जिअत अहइँ ओनकइ परमेस्सर अहइ। तू पचे बहोतइ भारी भूलि मँ पड़ि गवा ह।”</verse>
				<verse number="28">फिन एक ठु धरम सास्तरि आइ अउर ईसू ओनका चरिचा करत सुनेस। जबहिं उ सास्तरि देखेस कि ईसू ओनका कउने बढ़िया तरकीबे स जबाव दिहेस, उ ईसू स पूछेस, “कउन हुकुम सबते जिआदा बड़कई क अहइ?”</verse>
				<verse number="29">ईसू जबाव दिहेस, “सबते बड़कई क हुकुम इ अहइ: ‘ओ इस्राएली सुना, सिरिफ हमार पर्भू परमेस्सर एक ठु पर्भू अहइ।</verse>
				<verse number="30">तू आपन पूर मन स समुचइ जिन्नगी स, समुचइ बुद्धि स अउर आपन पूरी ताकत स तोहका आपन परमेस्सर पर्भू स पिरेम करइ चाही।’</verse>
				<verse number="31">दूसर हुकुम इ अहइ ‘आपन पड़ोसी स वइसइ पिरेम करा जइसे तू आपन स करत ह।’ इ सब हुकुमन ते बड़ा अउर कउनो हुकुम नाहीं।”</verse>
				<verse number="32">एह पइ धरम सास्तरी ओसे कहेस, “गुरु तू नीक कह्या। तोहार इ कहब नीक अहइ कि परमेस्सर एक अहइ, ओकरे बजाय अउर दूसर कउनो नाहीं।</verse>
				<verse number="33">आपन पूरा मन स, समुचइ समझि-बुझि स, पूरी ताकत स परमेस्सर स पिरेम करब अउर आपन भाई आपन पड़ोसी स पिरेम करब सबइ बलि समर्पित भेंट अउर भेंटेन जेकरे बारे मँ कहा अहइ, ओसे जिआदा बड़कइ अहइ।”</verse>
				<verse number="34">जबहिं ईसू लखेस कि उ मनई समझि के जबाव देत बाटइ तउ ईसू मनई स कहेस, “तू परमेस्सर क राज्य स दूर नाहीं बाट्या।” ओकरे बाद कउनो दूसर मनई ओसे कउनो अउर सवाल पूछइ क हिम्मत नाहीं किहेस।</verse>
				<verse number="35">फिन ईसू मन्दिर मँ उपदेस देत भवा कहेस, “कइसे धरम सास्तिरियन कहत बाटेन कि मसीह दाऊद क पूत अहइ?</verse>
				<verse number="36">दाऊद खुद पवित्तर आतिमा स प्रेरित होइके कहेस: ‘पर्भू परमेस्सर मोर पर्भू (मसीह) कहेस: मोरे दाहिन कइँती बइठा, जब तलक मइँ तोहरे दुस्मनन क तोरे गोड़वा तरे न कइ देउँ।’</verse>
				<verse number="37">दाऊद खुदइ ओका ‘पर्भू’ कहत बाटइ। फिन मसीह दाऊद क पूत कइसे होइ सकत ह?” भारी भीड़ ओका खुस होत होत सुनत रही।</verse>
				<verse number="38">उ आपन उपदेस मँ कहेस, “धरम सास्तरी लोगन्स होसियार रहा। उ पचे आपन लंबा लंबा लबादा पहिरि क ऍहर ओहॅर फिरब पंसद करत ही। ओनका हाटन मँ आपन्क पैलगी कराउब सोहात ह।</verse>
				<verse number="39">अउर आराधनालयन मँ बड़कवा क आसन पइ बइठब चाहत हीं, उ पचे भोजे मँ बड़कावा क आसन पावइ क इच्छा रखत हीं।</verse>
				<verse number="40">उ पचे विधवन क मिल्कियत हड़प लेत हीं। उ पचे देखावइ बरे लंबी लंबी पराथना बोलत हीं। इ पचन क कर्री स कर्री सजा मिली।”</verse>
				<verse number="41">ईसू दानपात्र क समन्वा बइठा देखत रहा कि मनई कउने तरह दानपात्र मँ पइसा नावत हीं। बहोतन धनी मनइयन बहोत धन नाइ दिहन।</verse>
				<verse number="42">फिन हुवाँ एक ठु गरीब विधवा आइ अउर उ ओहमाँ दुइ दमड़ी नाएस जउन उ एक पइसा क बराबर भी नाहीं रहा।</verse>
				<verse number="43">फिन उ आपन चेलन क नगिचे बोलाएस अउर कहेस, “मइँ तू पचन स सच सच कहत हउँ, धनी लोगन स इ दाने पात्रे मँ नावा एक ढेर क नावा दान स जिआदा बड़कवा दान इ गरीब अउर बेसुहागिन विधवा क अहइ।</verse>
				<verse number="44">काहेकि उ पचे जउन धन फालतू धरे रहेन उ सब ऍहमा नाइ दिहन, मुला इ आपन गरीबी मँ स जउन ऍकरे लगे रहा, उ सब नाइ दिहस। ऍकरे लगे ऍतना ही धन जुरा रहा जउन ऍकरे जिन्नगी क सहारा रहा।”</verse>
			</chapter>
			<chapter number="13">
				<verse number="1">जब उ मन्दिर स जात रहा, ओकर एक ठु चेला ओसे कहेस, “गुरु, लखा इ सबइ पाथर अउर इमारतन केतॅना अजूबा अहइँ।”</verse>
				<verse number="2">तउ ईसू ओनसे कहेस, “तू इन भारी इमारत क देखत बाट्या? हिआँ एक पाथर प दूसर पाथर टिकाइ कइ रखा बाटइ। एक एक ठु पाथर ढकेल दीन्ह जाई।”</verse>
				<verse number="3">जबहिं उ मन्दिर क समन्वा जैतून क पर्वत प बइठा रहा तउ पतरस, याकूब, यूहन्ना अउर अन्द्रियास अकेल्ले मँ पूछेन,</verse>
				<verse number="4">“हमका बतावा, इ सब कछू कब घटी? जब इ सब कछू पूरा होइ जाई तउ कउन निसान देखॉइ देइहीं?”</verse>
				<verse number="5">ऍह पइ ईसू कहइ लाग, “होसियार! कउनो तोहका न छली।</verse>
				<verse number="6">मोरे नाउँ स बहोत लोग अइहीं अउर इ दावा करिहीं, ‘मइँ उहइ हउँ।’ उ पचे बहोतन क छलिहीं।</verse>
				<verse number="7">जब तू जुद्ध अउर जुद्धन क अफवाह क बारे मँ सुन्या तउ घबराया जिन अइसा तो होइ मुला अबहिं अंत नाहीं बाटइ।</verse>
				<verse number="8">एक रास्ट्र दूसर रास्ट्र क खिलाफ अउर एक ठु राज्य दूसर राज्य क खिलाफ खड़ा होइहीं। बहोतन स ठउरन प भूइँडोल अइहीं अउर अकाल पड़ी। ई उ पीरा क सुरुआत होइ।</verse>
				<verse number="9">“आपन बारे मँ होसियार रहा। उ पचे तोहका अदालत मँ पेस करिहीं अउर फिन तोहका आराधनालयन मँ पीटा जाई अउर मोरे कारण तोहका सासक राजा लोगन क समन्वा खड़ा होइ क होई जइसे ओनका प्रमाण मिलि जाइ।</verse>
				<verse number="10">लेकिन इ जरूरी अहइ कि पहिले स हि सबन्क क सुसमाचार सुनाइ दीन्ह जाइ।</verse>
				<verse number="11">जब कबहुँ तोहका पकरि के तोहरे प मुकदमा चलइहीं तउ पहिले स इ फिकिर जिन कर्या कि तोहका का कहइ क अहइ। उ समइ प जउन कछू तोहका बतावा जाइ, उहइ बोल्या काहेकि इ सबइ तू पचे नाहीं जउन तू बोलत ह, मुला बोलइवाला पवित्तर आतिमा अहइ।</verse>
				<verse number="12">“भाई, भाई क धोखा दइके पकड़ावावत मरवाइ देइ। बाप, बेटवा क धोखा दइ के पकड़वाई अउर बाल-बच्चे आपन महतारी अउर बाप के खिलाफत मँ खड़ा होइके मरवइहीं।</verse>
				<verse number="13">मोरे कारण सब जने तोसे घिना करिहीं मुला जउन अंत समइ तलक धीरज धरी, ओकर उद्धार होई।</verse>
				<verse number="14">“जब तू पचे ‘घृनित खउफनाक अउर बिनास करइवाली चीजन्क,’ जहाँ उ सबन क न होइ चाही, हुवाँ खड़ा देख्या।” (पढ़वइया खुद समझि लेई कि ऍकर का अरथ अहइ।) “तब जउन लोग यहूदिया मँ होइहीं, ओनका पर्वत प पराय जाइ चाही।</verse>
				<verse number="15">अउर जउन लोग आपन घरवा क छतवा प होइहीं, उ पचे घरवा मँ घुसुरि क कछू भी लइ आवइ क तरखाले न उतरइ।</verse>
				<verse number="16">अउर जउन बाहेर मैदान मँ होई, उ पचे पाछे घूमि के आपन ओढ़ना तलक न लेई।”</verse>
				<verse number="17">उ स्त्रियन बरे जेकर पैर भारी होइ अउर जेकर दूध पिअइया बचवन गोदी मँ होइहीं, उ दिनन बहोतई खउफनाक होइहीं।</verse>
				<verse number="18">पराथना करा कि इ सब कछू सर्दी क रितु मँ न होइ।</verse>
				<verse number="19">उ दिनन अइसी बिपत आई जइसी आजु तक नाहीं इ जबहिं ते परमेस्सर इ संसार क रचि दिहन ह, आजु तक नाहीं आइ अउ कबहुँ अगवा न आई।</verse>
				<verse number="20">अउर जदि परमेस्सर उ दिनन क कमती कइ न दिहेस होत तउ कउनो न बच पावत। मुला उ खात रूप स चुना गवा मनइयन क कारण जेनका उ चुनेस, उ उ समइ क कब कम दिहस ह।</verse>
				<verse number="21">“उ दिनन मँ जदि कउनो तोसे कहइ कि, ‘देखा, इ रहा मसीह!’ या ‘उ अहइ मसीह।’ तू ओकर बिसवास न कर्या।</verse>
				<verse number="22">काहेकि झूठे मसीहन अउर झूठे नबियन देखॉइ देइहीं अउर उ सबइ अइसा अद्भुत चीन्हन देखइहीं अउर अचरज कारजन करिहीं कि जदि होइ जाए तउ उ पचे चुना गएन मनइयन क भी अड़पेंचे मँ डाइ देइहीं।</verse>
				<verse number="23">एह बरे तू सब होसियार रहा। मइँ समइ स पहिले ही तो पचन्क सब कछू बताइ दीन्ह।</verse>
				<verse number="24">“उ दिनन मँ दारून कस्ट क समइ क पाछे: ‘सूरज करिया पड़ि जाई, चंदा स ओकर चाँदनी न निकसी।</verse>
				<verse number="25">अकास स तारे टूटइ लगिहीं, अउर अकासे मँ बड़वार सक्ती झकाझोरि दीन्ह जइहीं।’</verse>
				<verse number="26">“तब्बइ मनइयन मनई क पूत क महासक्ती अउर महिमा क संग बदरवन मँ निहरिही।</verse>
				<verse number="27">फिन उ आपन दूतन क पठइके चारहु दिसा मँ धरती क छोरे स दूसर छोरे तक सब कइँती स आपन चुना भवा मनइयन क जमा करी।</verse>
				<verse number="28">“अंजीरे क बिरवा स उपदेस ल्या कि जबहिं ओकर टहनियन नरम अउर हरिअर होइ जात हीं तउ ओह पइ कोंपर फूटइ लागत हीं। तउ तू पचे जान लेत ह्या कि गर्मी क रितु आवइ क अहइ।</verse>
				<verse number="29">अइसे ही जबहिं तू पचे इ सब कछू होत लख्या तउ समझ लिहा कि उ समइ नगिचे आइ ग अहइ, मुला ठीक स दरवज्जे प।</verse>
				<verse number="30">मइँ तोसे सच-सच कहत हउँ कि इ सब घटना इत मनइयन क जिअते जी होइहीं.</verse>
				<verse number="31">धरती अउर अकास बरबाद होइ जइहीं लेकिन मोर बचन कबहुँ न टारे टरी।</verse>
				<verse number="32">“उ दिन या उ घड़ी क बारे मँ कउनो कछू गियान नाहीं, न सरग क दूतन अउर न अबहिं मनई क पूत क, सिरिफ परमपिता जानत बाटइ।</verse>
				<verse number="33">होसियार! जागत रहा काहेकि तू नाहीं जनत्या कि उ समइया कब आइ जाई।</verse>
				<verse number="34">“ई अइसे अहई कि जइसे कउनो मनई कउनो जात्रा प जात जात आपन नउकरन प आपन घरवा छोड़ि जाए अउर हर मनई क ओकर आपन आपन काम बाँटि दे अउर चौकीदार क हुकुम दइ जाए कि तू जागत रहा।</verse>
				<verse number="35">एह बरे तू जागत रहा काहेकि घरे क मालिक न जानी कब आइ जाए। चाहे सांझ होई, की आधी रात की मुर्गन क बाँग क समइ की फिन दिन निकरि आवइ।</verse>
				<verse number="36">जदि उ अचानक आइ जा तउ अइसा करा कि जेसे उ तोहका सोवत न पावइ।</verse>
				<verse number="37">जउन मइँ तोसे कहत हउँ, उहइ सबते कहत हउँ, ‘जानत रहा!’”</verse>
			</chapter>
			<chapter number="14">
				<verse number="1">फसह क त्यौहार अउर वे खमीरे क रोटी क त्यौहार स दुइ दिन पहिले की बात अहइ कि मुख्ययाजकन अउर धरम सास्तिरियन कउनो अइसा कुचाल चलत रहेन कि जउने चलाकी स ओका गिरफतार कइ लेइँ अउर जान स मारि डावइँ।</verse>
				<verse number="2">उ सबइ इ कहत रहेन, “मुला हम पचेन क त्यौहार क दिन अइसा नाहीं करइ चाही, नाहीं तउ मनइयन दंगा कइ लेइहीं।”</verse>
				<verse number="3">जब ईसू बैतनिय्याह मँ समौन कोढ़ी क घरे खाना खाइके बइठा, तबहिं एक ठु स्त्री उज्जर अउर चीकन स्फटिक मनि क बासन मँ सुद्ध बाल छड़े क इतर लइ आइ। उ स्त्री बासने को तोड़ेस अउर ओसे निकसत इतरे क ईसू क मुँड़वा प उड़ेरेस।</verse>
				<verse number="4">ऍसे हुवाँ कछू चेलन बिगड़ के आपुस मँ कहइ लागेन, “इतरे क अइसी बर्बाद काहे कीन्ह गइ अहइ?</verse>
				<verse number="5">इ इतर तउ तीन सउ दीनारे स जिआदा मँ बेंच जाइ सकत ह अउर फिन उ धने क कंगालन मँ बाँटि जाइ सकत रहा।” उ पचे उ स्त्री क निन्दा करेन।</verse>
				<verse number="6">तब ईसू कहेस, “काहे क ओका तंग करत ह? ओका छोड़ा। उ मोर बरे एक बढ़िया काज करेस ह।</verse>
				<verse number="7">काहेकि कंगालन तू हमेसा तोहरे लगे रइहीं अउर तउ तू जब चाहा ओनकइ मदद कइ सकत ह, मुला मइँ तोहरे साथे हमेसा न रहिउँ।</verse>
				<verse number="8">इ स्त्री उहइ किहस जउन उ कइ सकत रही। उ समइ स पहिले मोरे दफनावइ बरे, मोरे बदन पइ इतर छिरकि के ओका तइयार किहेस ह।</verse>
				<verse number="9">मइँ तोसे सच-सच कहत हउँ समूचे संसारे मँ जहाँ कहूँ भी इ सुसमाचार क परचार कीन्ह जाई, हुवँई ऍकरे यादे मँ जउन कछू इ स्त्री करेस ह, ओकर चर्चा होई।”</verse>
				<verse number="10">तब यहूदा इस्करियोती, जउन ऍकरे बारहु प्रेरितन मँ एक ठु रहा, मुख्ययाजकन क नगिचे ईसू क धोखा दइ के पकड़वावइ बरे गवा।</verse>
				<verse number="11">उ पचे ओकर बतियन सुनिके बहोत खुस भएन अउर उ पचे ओका धन देइ क वादा करेन। एह बरे फिन यहूदा ईसू क धोखा दइ क पकड़वाव क तलास मँ रहइ लाग।</verse>
				<verse number="12">बे खमीरे क रोटी क त्यौहार स एक दिन पहिले, जब फसह मेमना क बलिदान दीन्ह जात रही। ओकरे चेलन ओसे पूछेन, “तू का चाहत बाट्या कि हम पचे कहाँ जाइके तोहरे खइया बरे फसह क भोज तैयारी करी?”</verse>
				<verse number="13">तब उ आपन दुइ ठो चेलन क इ कहिके पठएस, “सहर मँ जा, जहाँ तोहका एक ठु मनई पानी क गगरी धरे भेंटइ, तउ ओकरे पाछे होइ जा।</verse>
				<verse number="14">फिन जहाँ कहूँ भी उ भीतर जाइ, उ घरे क मालिक स कह्या, ‘गुरु पूछेस ह, भोजन क उ बैठका कहाँ बाटइ, जहाँ मइँ आपन चेलन क संग फसह क भोज खाइ सकउँ।’</verse>
				<verse number="15">फिन उ तोहका ऊपर एक बड़का सजा भवा बैठका देखाई, हुवँइ हमरे बरे तैयारी करा।”</verse>
				<verse number="16">तब ओकर चेलन हुवाँ स सहर क चेलन जहाँ उ पचे हर बात वइसी निहारेन जइसी ईसू ओनका बताएस। तबहिं उ पचे फसह क भोज तैयार करेन।</verse>
				<verse number="17">दिन ओनवत क आपन बारहु प्रेरितन क संग ईसू हुवाँ पहुँच गवा।</verse>
				<verse number="18">जब उ पचे बइठके खइया के खात रहेन, तबहिं ईसू कहेस, “मइँ सच कहत हउँ, तोहरे मँ स एक ठु जउन मोरे संग खइया क खात अहइ, उहइ मोका धोका दइके पकड़वाई।”</verse>
				<verse number="19">ऍसे उ पचे दुखी होइ के एक दुसरे स कहइ लागेन, “सचमुच उ मइँ नाहीं हउँ।”</verse>
				<verse number="20">तब ईसू ओनसे कहेस, “उ बारहु मँ स उहइ एक बाटइ, जउन मोरे संग एकहि थारी मँ खात अहइ।</verse>
				<verse number="21">मनई क पूत क तउ जाइ क अहइ, जइसा कि ओकरे बारे मँ लिखा बाटइ। मुला उ मनई क धिक्कार अहइ, जउन स मनई क पूत पकड़वावइ जाइ केतना नीक इ होत कि उ मनई पइदा न भवा होत।”</verse>
				<verse number="22">जब उ पचे खइया क खात रहेन, ईसू रोटी लिहस, धन्यबाद दिहस, रोटी क तोड़ेस अउर ओका उ पचन्क देत देत कहेस, “ल्या, इ मोर बदन अहइ।”</verse>
				<verse number="23">फिन उ कटोरा क उठाएस, धन्यबाद दिहस अउर ओनका दिहस अउर उ सबन ओहमाँ स पियेन।</verse>
				<verse number="24">तबहिं ईसू बोल पड़ा, “इ मोर लहू (मउत) बाटइ जउन एक नवा करार क सुरुआत अहइ यह बहुतन क बरे बहावा जात अहइ।</verse>
				<verse number="25">मइँ तू पचन स सच सच कहत हउँ कि मइँ उ दिना तक दाखरस पिअब जब तलक परमेस्सर क राज्य मँ नवा दाखरस न पिअउँ।”</verse>
				<verse number="26">तबहिं उ सब एक स्तुति गाना गाइके जैतून क पर्वत प गएन।</verse>
				<verse number="27">ईसू ओनसे कहेस, “तोहार पचे क बिसवास खोइ जाइ। काहेकि लिखा बाटई: ‘मई गड़रियवा क मारब अउ भेड़न छिटकाइ जइहीं।’</verse>
				<verse number="28">मुला फिन स जी उठे क पाछे मइँ तोसे पहिले ही गलील चला जाब।”</verse>
				<verse number="29">जब पतरस बोलि उठा, “चाहे सब मिला आपन बिसवास खोइ दें, मुला मइँ न खोउब।”</verse>
				<verse number="30">एह पइ ईसू ओसे कहेस, “मइँ तोसे सच कहत हउँ। आजु, इहइ राते मँ मुर्गा क दुइ बार बाँग देइ स पहिले तू तीन दाई मोका नकार चुका होब्या।”</verse>
				<verse number="31">एह पइ पतरस अउर जोर देत भवा कहेस, “जदि मोका तोर संग मरइ पड़इ तबहुँ मइँ तोहका कबहुँ न नकारब!” तबहिं अउ बाकी चेलन भी अइसा ही कहेन।</verse>
				<verse number="32">फिन उ पचे एक अइसे ठउरे प आएन जेका गतसमनी कहा जात हरा। हुवाँ ईसू आपन चेलन स कहेस, “जब तलक मइँ पराथना करत हउँ, तू पचे हियँइ बइठा।”</verse>
				<verse number="33">अउर पतरस, याकूब अउर यूहन्ना क उ आपन संग लइ गवा। उ बहोतइ दुःखी अउर बियाकुल होत रहा।</verse>
				<verse number="34">उ ओनसे कहेस, “मोर मन दुःखी बाटइ, जेसे मोर प्रान निकरि जइहीं। तू हियँई ठहरा अउर होसिआर रहा।”</verse>
				<verse number="35">फिन रचिके अगवा बढ़ि के उ धरती प निहुरि के पराथना करइ लाग कि जदि होइ सकइ तउ घड़ी मोसे टरि जाइ।</verse>
				<verse number="36">फिन उ कहेस, “हे अब्बा परमपिता! तोहरे बरे सब कछू संभव अहइ। इ कटोरा क मोसे दूर करा। फिन जउन कछू मइँ चाहत हउँ, उ नाहीं मुला जउन तू चाहत ह, उहइ करा।”</verse>
				<verse number="37">फिन उ लौटा तउ आपन चेलन क सोवत भवा निहारि के पतरस स कहेस, “समौन क तू सोवत अहा? का तू एक घड़ी भी जाग नाहीं सक्या?</verse>
				<verse number="38">जागत रहा अउर पराथना करा जेसे तू कउनो परिच्छा मँ न फँसा। आतिमा तउ चाहत ह मुला सरीर निर्बल अहइ।”</verse>
				<verse number="39">उ फिन चला गवा अउर वइसे ही बचन बोलत बोलत उ पराथना किहेस।</verse>
				<verse number="40">जब उ दुबारा लौटा तउ उ फिन ओका सोवत पाएस। ओकरी आँखिन मँ नींद चाँपे रही। ओका कछू सूझत नाहीं रहा कि उ का जवाब देइ।</verse>
				<verse number="41">उ तिसरी दाई फिन लौटा अउर ओसे बोला, “का तू अबहुँ अरामे स सोवत अहा? अच्छा, तउ सोवत रहा। उ घड़ी आइ गइ अहइ जब मनई क पूत धोखा स पकड़वाइ जाइ के पापी मनइयन क हथवा मँ दइ दीन्ह जात अहइ।</verse>
				<verse number="42">खड़ा होइ जा! आवा चली। देखा, इ आवत अहइ, मोका धोखा दइ के पकड़वइया मनई।”</verse>
				<verse number="43">ईसू बोलत रहा कि ओकरे बारहु प्रेरितन मँ स एक यहूदा हुवाँ दिखाइ दिहस। ओकरे लगे लठियन अउर तरवारन क लिहे भीड़ रही, जेका मुख्ययाजकन, धरम सास्तिरियन अउर बुजुर्ग यहूदी नेतन पठएन रहेन।</verse>
				<verse number="44">धोखा दइ के पकड़वइया ओनका ई इसारा बताइ के राखे रहा, “जेका मइँ चूम लेउँ, उहइ उ अहइ। ओका हिरासत मँ लइ ल्या अउर पकड़ि के सुरच्छित स लइ जा।”</verse>
				<verse number="45">तउ जइसे ही यहूदा हुआँ आवा, उ ईसू क नगिचे जाइ के कहेस, “गुरु!” अउर ओका चूमि लिहेस।</verse>
				<verse number="46">फिन तुरंतहि उ पचे ओकर हाथ पकड़िके हिरासते मँ लइ लिहन।</verse>
				<verse number="47">ओकर चेला जउन नगिचे खड़ा रहा, आपन तरवार खींचेस अउर महायाजक क एक ठु नउकरे प मारि दिहस, जेसे ओकर कान कट गवा।</verse>
				<verse number="48">फिन ईसू ओनसे कहेस, “का मइँ कउनो अपराधी हउँ जेका पकड़इ तू सबइ लाठी अउर तरवार लइके आइ अहा?</verse>
				<verse number="49">रोज मन्दिर मँ उपदेस देत मइँ तोहरे साथे रहा मुला तू पचे मोका नाहीं पकड़या। अब इ भवा जेसे सास्तरन क बचन पूरा होइ जाइ।”</verse>
				<verse number="50">फिन ओकर सब चेलन ओका अकेला तजि के पराइ गएन।</verse>
				<verse number="51">आपन उघार देहे प केवल चदरिया लपेटि के एक ठु नउजवान पाछे पाछे आवत रहा। उ पचे ओका पकड़इ चाहेन।</verse>
				<verse number="52">मुला उ आपन चदरिया छोड़ि क नंगा पराइ गवा।</verse>
				<verse number="53">उ सबइ ईसू क महायाजक क नगिचे लइ गएन। फिन सबइ मुख्ययाजकन, बुजुर्ग यहूदी नेतन अउर धरम सास्तिरियन जमा भएन।</verse>
				<verse number="54">पतरस ओसे दूरइ दूर रहत भवा ओकरे पाछे पाछे महायाजक क अंगना मँ भीतर तलक चला गवा अउर हुवाँ क पहरेदारन क साथ बइठके आगी तापइ लाग।</verse>
				<verse number="55">समूची यहूदी महासभा अउर मुख्ययाजकन ईसू क मउत की सजा देइ बरे ओकरे खिलाफत मँ प्रमान खोजइ क जतन करत रहेन मुला ढूँढ नाहीं पाएन।</verse>
				<verse number="56">बहोतन ओकरे खिलाफत मँ झूठी साच्छी दिहन, मुला उ सबइ साच्छी आपुस मँ एक दूसर क खिलाफ रहीं।</verse>
				<verse number="57">फिन कछू लोग खड़े भएन अउर ओकरे खिलाफ मँ झूठी साच्छी देत भए कहइ लागेन,</verse>
				<verse number="58">“हम पचे ऍका इ कहत सुनेन ह, ‘मनइयन क हथवा स बना भवा इ मन्दिर क मइँ ढहाइ देइहउँ अउर फिन तीन दिना क भीतर दूसर बनाइ देइहउँ, जउन हाथन स बना न होइ।’”</verse>
				<verse number="59">लेकिन इन सबन मँ ओ पचेन क साच्छियन एक नाई नाहीं रही।</verse>
				<verse number="60">तब ओनके समन्वा महायाजक ठाड़ होइके ईसू स पूछेस, “इ सब लोग, तोहरे खिलाफत मँ इ कउन साच्छियन देत बाटेन? का जवाबे मँ तोहका कछू नाहीं कहइके?”</verse>
				<verse number="61">यह पइ ईसू चुप्पी साधेस। उ कउनो जबाव नाहीं दिहस। महायाजक फिन ओसे पूछेस, “का तू धन्य (परमेस्सर) का पूत मसीह अहा?”</verse>
				<verse number="62">ईसू बोला, “हाँ, मइँ परमेस्सर क पूत हउँ। अउर तू सब मनई क पूत क उ सर्वसक्तिमान क दाई ठाउँ बइठा अउर सरगे क बदरवन मँ आवत देखब्या।”</verse>
				<verse number="63">महायाजक आपन ओढ़ना क फाड़त भवा कहेस, “हमका अउ साच्छियन क अब का जरूरत अहइ!</verse>
				<verse number="64">तू इ सब बेज्जत बातन क कहत सुन्या, अब तोहार का विचार अहइ?” उ सबइ ओका अपराधी ठहराइके कहेन, “ऍका मउत क सजा मिलइ चाही।”</verse>
				<verse number="65">तब कछू मिला ओह पइ थूकत मुँहना क ढकत, घूँसा मारत अउर कछू ओकर हँसी दिल्लगी करत कहइ लागेन, “भविस्सबाणी करा!” अउ फिर पहरेदरवन ओका पीटेन।</verse>
				<verse number="66">पतरस अबहीं नीचे अँगने मँ बइठा रहा कि महायाजक क एक ठु नउकरानी आइ।</verse>
				<verse number="67">जबहिं उ पतरस क आगी तापत देखेस तउ बड़े धियान स बोली, “तुहउँ तउ ईसू नासरी क संग रह्या।”</verse>
				<verse number="68">मुला पतरस मुकरि गवा अउर कहइ लाग, “मइँ नाहीं जानित या मोरी समझ मँ नहीं आवत अहइ कि तू का कहति अहा।” इ कहत उ ड्योढ़ी तक चला गवा। तबहिं मुर्गा बाँग दिहस।</verse>
				<verse number="69">उ नउकरानी जब ओका दोबॉरा देखेस तउ हुवाँ खड़े मनइयन स फिन कहइ लाग, “इ मनई भी ओनमाँ स एक अहइ।”</verse>
				<verse number="70">पतरस फिन मुकर गवा, अउ फिन थोड़ी देर मँ उहाँ खडेन्ह लोगन्ह पतरस स कहेन, “निस्चय ही तू ओनमे स एक अहा, काहेकि तोहू गलील का अहा।”</verse>
				<verse number="71">तब पतरस आपन क धिक्कारइ अउर सपथ खाइ लाग। “जेकरे बारे मँ तू बात करत अहा, उ मनई क मइँ नाहीं जानित!”</verse>
				<verse number="72">फउरन मुर्गा दूसर बाँग दिहस। पतरस क उहइ समइया उ सब्दन याद होइ आएन जउन ओहमाँ स ईसू कहे रहा, “एसे पहिले कि मुर्गा दुइ दाई बाँग देइ, तू मोका तीन दाई नकरब्या।” तब पतरस जइसे टूटि गवा होइ। वह फूट फूट कइ रोवइ लाग।</verse>
			</chapter>
			<chapter number="15">
				<verse number="1">जइसे ही भिंसार भवा, मुख्ययाजकन, धरम सास्तिरियन, बुजुर्ग यहूदी नेतन अउर समूची यहूदी महासभा एक ठु खाका बनाएन। उ पचे ईसू क बाँधिके लइ गएन अउर ओका पिलातुस क सौंप दिहेन।</verse>
				<verse number="2">पिलातुस ओसे पूछेस, “का तू यहूदियन क राजा अहा?” ईसू जबाव दिहेस, “अइसा ही अहइ। तू खुदइ कहत अहा।”</verse>
				<verse number="3">फिन मुख्ययाजकन ओह पइ बहोत स दोख मढ़ेस।</verse>
				<verse number="4">पिलातुस ओसे फिन पूछेस, “का तोहका जबाव नाहीं देइ क अहइ? देखा, उ पचे केतॅनी बातन क दोख तोह पइ लगावत अहइँ।”</verse>
				<verse number="5">मुला ईसू अबहुँ कउनो जबाव नाहीं दिहस। एह पइ पिलातुस क बहोतइ अचरज भवा।</verse>
				<verse number="6">फसह क त्यौहार क मउके प पिलातुस कउनो एक बंदी क जेका मनइयन चाहत रहेन, ओनका छोड़ देत रहा।</verse>
				<verse number="7">बरअब्बा नाउँ क एक बन्दी उ विद्रोह करवइयन क संग जेले मँ रहा जउन दंगा मँ कतल करेन।</verse>
				<verse number="8">मनइयन आएन अउर पिलातुस स कहइ लागेन कि उ जइसा हमेसा स करत आइ ह, वइसा ही करा।</verse>
				<verse number="9">पिलातुस ओनसे पूछेस, “का तू पचे चाहत बाट्या कि मइँ तोहरे बरे यहूदियन क राजा क अजाद कइ देउँ?”</verse>
				<verse number="10">पिलातुस इ एह बरे कहेस कि उ जानत ह कि मुख्ययाजकन जलन क कारण ओका पकड़वाएन ह।</verse>
				<verse number="11">मुला मुख्ययाजकन भीड़े क हुसकाएन कि उ ओकरे बजाय ओनके बरे बरअब्बा क छोड़ि देइ।</verse>
				<verse number="12">मुला पिलातुस ओनसे फिन पूछेस, “जेका तू यहूदियन क राजा कहत बाट्या ओकर मइँ का करउँ बतावा तू का चाहत बाट्या?”</verse>
				<verse number="13">जबावे मँ उ पचे चिल्लानन, “ओका क्रूस प चढ़ावा!”</verse>
				<verse number="14">जब पिलातुस ओसे पूछेस, “काहे, उ कउन अइसा अपराध किहेस ह?” मुला उ पचे अउर जोर स चिचिआइके कहेन, “ओका क्रूस प चढ़ावा।”</verse>
				<verse number="15">पिलातुस भीड़ क खुस करइ चाहत रहा, एह बरे उ ओनका बरे बरअब्बा क छोड़ेस अउर ईसू क कोड़वा स पिटवाइ क क्रूस पर चढ़ावइ के सौप दिहस।</verse>
				<verse number="16">फिन सिपाही ओका रोम क राजपाल क निवास मँ लइ गएन। उ पचे सिपाही क पूरी पलटन बोलॉइ लिहन।</verse>
				<verse number="17">फिन उ सबइ ईसू क बैगनी रंगे क ओढ़ना पहिराएन अरु काँटन क ताज बनाइ के ओकरे मुँड़वा प धरेन।</verse>
				<verse number="18">फिन ओका सलामी देइ लागेन, “यहूदियन क राजा क सुआगत अहइ।”</verse>
				<verse number="19">उ सबइ ओकरे मुँड़वा प नरकटे स मारत जात रहेन। उ पचे ओह पइ थूकत जात रहेन अउर घुटनवन प निहुरिके ओकरे अगवा दण्डवत करत रहेन।</verse>
				<verse number="20">इ तरह जब उ सबइ ओकर मसखरी उड़ाइ चुकेन तउ उ सबइ बैगनी ओढ़ना उतारेन अउर ओका आपन ओढ़ना पहिराइ दिहन अउर फिन ओका क्रूस प चढ़ावइ बरे, बाहेर लइ आएन।</verse>
				<verse number="21">उ पचेन क कुरेनी क रहवइया समौन नाउँ क एक मनई, राहे मँ भेंटेस। उ गाउँ स आवत रहा। उ सिकन्दर अउर रूफुस क बाप रहा। सिपहियन ओह पइ दबाव डारेन कि ईसू क क्रूस उठाइ क चलइँ।</verse>
				<verse number="22">फिन उ पचे ईसू क गुलगुता नाउँ क ठाउँ प लइ गएन (जेकर अरथ अहइ “खोपड़ी ठाउँ।”)</verse>
				<verse number="23">फिन उ पचे ओका लोहबान नाइ के दाखरस पिअइ क दिहेन। मुला उ ओका नाहीं लिहेस।</verse>
				<verse number="24">फिन ओका क्रूसे पइ चढ़ाइ दीन्ह गवा। ओकर ओढ़ना उ पचे बाँटि लिहेन अउर इ देखइ क बरे कि कउनो का लेइ, उ पचे पासा फेंकेन।</verse>
				<verse number="25">दिना क नउ बजेन, जब उ पचे ओका क्रूस प चढ़ाएन।</verse>
				<verse number="26">ओकरे खिलाफ एक लिखा भवा मुकदमा क पत्तर ओह पइ लगावा रहा, “यहूदियन क राजा।”</verse>
				<verse number="27">ओकरे संग दुइ ठु डाकू भी क्रूस प चढ़ाइ गएन। एक ठु ओकरे दाई अउर दूसर वाईं कइँती।</verse>
				<verse number="28"></verse>
				<verse number="29">ओकरे लगे स निकरि के जात मनइयन ओका निन्दा करत रहेन। आपन मूँड़ी झमकाइ झमकाइ के उ पचे कहत रहेन, “अरे वाह। तू उहइ अहइ जउन मंदिर क ढहाइ के तीन दिना मँ फिन बनावइवाला रहा।</verse>
				<verse number="30">अब क्रूस स तरखाले आइके अउर खुदइ आपन क तउ बचाव।”</verse>
				<verse number="31">इ तरह मुख्ययाजकन अउर धरम सास्तिरियन भी ईसू क मसखरी उड़ाएन। उ पचे आपुस मँ कहइ लागेन, “इ अउरन क बचावत अहइ, मुला खुद आपन क नाहीं बचाइ सकत।</verse>
				<verse number="32">अब इ मसीह अउर इस्राएल क राजा क क्रूस प स तरखाले उतरइ दे जेसे हम पचे इ देखि के ओहमाँ बिसवास करि सकी।” अउर उ दुइनउँ भी, जउन ओकरे साथ क्रसे प चढ़ाइ गवा रहेन, ओकर बेज्जती करेन।</verse>
				<verse number="33">फिन समूची धरती पइ दुपहरे तक अँधियार छावा रहा। इ अँधियारा दोपहर तीन बजे तक रहा।</verse>
				<verse number="34">दिना क तीन बजे ईसू ऊँची आवाज मँ चिल्लाइके कहेस, “ इलोई, इलोई, लमा सबकतनी! ” अरथ अहइ “मोरे परमेस्सर, मोरे परमेस्सर, तू मोका काहे बिसारि दिहा?”</verse>
				<verse number="35">जउन नगिचे ठाड़ रहेन, ओनमाँ स कछू जब इ सुनेन तउ उ पचे बोलेन, “सुना इ एलिय्याह क पुकारत अहइ।”</verse>
				<verse number="36">तब एक मनई दौड़ि के सिरका मँ बोरि के एक ठु मोटा कपरा क भीजि के डंडा प धइ के ईसू क पिअइ बरे दिहस अउ कहेस, “ठहरि जा, हम पचे निहारत अही कि ऍका नीचे उतारइ क बरे एलिय्याह आवत ह कि नाहीं।”</verse>
				<verse number="37">फिन ईसू ऊँची आवाज मँ चिल्लाइके प्राण तजि दिहस।</verse>
				<verse number="38">तबहिं मंदिर क पट ऊपरि स तरखाले तक फाटिके दुइ टुकरन मँ बँटि गवा।</verse>
				<verse number="39">सेना क एक ठु अधिकारी जउन ईसू क समन्वा ठाड़ रहा, ओका प्रान तजत देखेस। उ कहेस, “इ मनई असल मँ परमेस्सर क पूत रहा।”</verse>
				<verse number="40">कछू स्त्रियन हुवाँ दूर ते ठाड़े भइ निहारत रहीं, जेहमाँ मरियम मगदलीनी, छोटका याकूब अउर योसेस क महतारी मरियम अउर सलोमि रही।</verse>
				<verse number="41">जब ईसू गलील मँ रहा तउ इ स्त्रियन ओकर चेलन रहीं जउन ओकर सेवा करत रही। हुवाँ अउर भी बहोत स स्त्रियन रहीं जउन ओकरे साथ यरूसलेम तक आइ रहीं।</verse>
				<verse number="42">सांझ होइ गइ अउर सबित क पहिले क, उ तैयारी क दिन रहा।</verse>
				<verse number="43">एह बरे अरिमतिया क यूसुफ आइ। उ यहूदी महासभा क सम्मानित सदस्य रहा अउर परमेस्सर क राज्य आवइ क बाट जोहत रहा। हिम्मत क साथ उ पिलातुस क नगिचे गवा अउर ओसे ईसू क सरीर माँगेस।</verse>
				<verse number="44">पिलातुस क भारी अचरज भवा कि उ ऍतनी हाली कइसे मरि गवा। उ सेना क अधिकारी क बोलाएस अउर ओसे पूछेस, का ओका मरे भए ढेर देर होइ ग अहइ?</verse>
				<verse number="45">फिन जब उ सेना क अधिकारी स बयान सुनि लिहस तउ यूसुफ क सरीर दइ दिहस।</verse>
				<verse number="46">फिन यूसुफ सने मलमल क थोड़ स कपरा बेसहेस, ईसू क क्रूस स तरखाले उतारेस, ओकरे सरीरे क कपरा मँ लपेटेस अउर ओका कब्र मँ रख दिहेस जेका चट्टाने क काटि क बनावा गवा रहा। अउर फिन कब्रे क मुँहे प एक बड़वार पाथर ढकेलिके टिकइ दिहेस।</verse>
				<verse number="47">मरियम मगदलीनी अउर योसेस क महतारी निहारत रहीं कि ईसू क कहाँ रखा ग अहइ।</verse>
			</chapter>
			<chapter number="16">
				<verse number="1">सबित क दिन बीत गए प मरियम मगदलीनी, सलोमी अउर याकूब क महतारी मरियम क सरीरे पर लगावइ बरे सुगन्धि खरीदेस।</verse>
				<verse number="2">हफता क पहिले दिन भिंसारे सूरज निकरत ही उ पचे कब्र प गइन।</verse>
				<verse number="3">उ पचे आपुस मँ कहत रहीं, “हमरे बरे कब्र क दुआरे स कउन पथरवा क सरकाइ?”</verse>
				<verse number="4">फिन जब उ पचे आँखियाँ खोलि के निहारेन कि उ बहोतइ बड़वार पाथर हुवाँ स टरि गवा अहइ। तब उ देखिन कि पाथर हुआँ स दूर लुढ़क गवा।</verse>
				<verse number="5">फिन जब उ पचे कब्र क भीतर गइन तो निहारेन कि उज्जर कपरा पहिरे एक नउजवान दाहिन कइँती बइठा अहइ। वे पचे डेराइ गइन।</verse>
				<verse number="6">फिन नउजवान ओनसे कहेस, “जिन डेरा, तु सबइ जउन नासरी क ईसू खोजति अहा, जेका क्रूस प चढ़ाइ गवा अहइ, उ जी उठा बाटइ। उ हियाँ नाहीं बाटइ। इ ठउर क लखा जहाँ उ पचे ओका धरेन ह।</verse>
				<verse number="7">अब तू जा अउर ओनके चेलन क अउर पतरस स कहा, ‘उ तोसे पहिले गलील जात बाटइ। जइसा कि उ तोसे कहे रहा, उ तोहका हुवँइ मिली।’”</verse>
				<verse number="8">तब डर अउर अचरजि मँ आइके उ पचे कब्र स बाहेर निकरिके पराइ गइन। उ सबइ कउनो क कछू नाहीं बताएन काहेकि उ पचे बहोतइ घबराइ गइ रहिन।</verse>
				<verse number="9">हफ्ता क पहिले दिन भिंसारे जी उठइ क पाछे उ सबन त पहिले मरियम मगदलीनी क समन्वा परगट भवा जेका उ सात दुस्ट आतिमन स छोड़वाएस।</verse>
				<verse number="10">उ ईसू क संगिन जउन सोक मँ बूड़ा रहेन, खुबइ रोवत रहेन, जाइके बताएस।</verse>
				<verse number="11">जब उ पचे सुनेन कि ईसू जीवित अहइ अउर उ ओका देखेस ह तउ पचे बिसवास नाहीं किहेन।</verse>
				<verse number="12">ऍकरे पाछे ओनमाँ स दुइनउँ क समन्वा जब उ पचे खेतन मँ जात जात राहे मँ रहेन, एक ठु दूसर रूप धइके परगट भवा।</verse>
				<verse number="13">उ पचे लौटि के दूसर चेलन क भी ऍकर खबर दिहन मुला उ सबइ ओकर बिसवास नाहीं किहेन।</verse>
				<verse number="14">पाछे, जब ओकर गियारह प्रेरितन खाना खात रहेन, उ ओनके समन्वा परगट भवा अउर उ ओनके बिसवास न करइ के अउर मनवा क जर होइ जाइ के डाटेस फटकारेस काहेकि इ पचे ओकर बिसवास नाहीं किएन जउन ओका जी उठइ के बाद लखेन।</verse>
				<verse number="15">फिन उ ओनसे कहेस, “जा अउर समूची दुनिया क मनइयन क सुसमाचार क उपदेस द्या।</verse>
				<verse number="16">जउन कउनो बिसवास करत ह अउर बपतिस्मा लेत ह, ओकर बचावा होई अउर जउन बिसवास न करी, उ दोखी माना जाइ।</verse>
				<verse number="17">जउन मोरे मँ बिसवास करिहीं, ओनमाँ इ चीन्हा होइहीं; उ मोरे नाउँ प दुस्ट आतिमन क बाहेर खदेरिहीं उ सबइ नई नई भाखा बोलिहीं।</verse>
				<verse number="18">उ पचेन आपन हाथन स सांपन क पकरि लेइहीं अउर जदि उ पचे बिख पी जइहीं तउ ओनका नेसकान न होई, उ पचे रोगिन्प आपन हाथ धरिहीं अउर उ पचे चंगा होइ जइहीं।”</verse>
				<verse number="19">इ तरह जब पर्भू ईसू ओनसे बात कइ चुकेस तउ ओका सरगे मँ उठा लीन्ह गवा। उ परमेस्सर क दाहिन कइँती बइठ गवा।</verse>
				<verse number="20">ओकर चेलन बाहेर जाइके सब ठउरन मँ सुसमाचार दिहन कि ओनके संग पर्भू काम करत रहा। पर्भू बचन क अद्भुत कारजन करइ क सक्ति क संग लइके सच साबित किहेस।</verse>
			</chapter>
		</book>
		<book number="42">
			<chapter number="1">
				<verse number="1">बहोत स मनई हमरे बीच होइजाइ वाली घाटना क ब्यौरा लिखइ क कोसिस करेन ह।</verse>
				<verse number="2">उहइ बातन हमका उ सबइ मनइयन क जरिये जान पड़िन जउन उ पचे सुरुआत स घटत देखेन अउर जउन सुसमासार क प्रचार करत रहेन।</verse>
				<verse number="3">हे मान्यवर थियुफिलुस! काहेकि मइँ सुरुआत स सब कछू होसियारी स पढ़ेउँ ह। एह बरे मोका इ नीक जान पड़त ह कि तोहरे बरे एक ठु एक क बाद एक एक घटना क लिखेउँ।</verse>
				<verse number="4">जेसे तू सब इन बातन क बेफिकिर होइके जान ल्या जउन तोहका सिखाइ ग अहइँ।</verse>
				<verse number="5">उ समइया मँ जब यहूदिया प हेरोदेस क राज्य रहा। हुवाँ जकरयाह नाउँ क एक याजक रहत रहा। जउन याजकन क अबिय्याह दल क रहा अउर ओकर पत्नी इलीसिबा हारून बंस क रही।</verse>
				<verse number="6">उ दुइनउँ परमेस्सर क निगाह मँ धर्मी रहेन। उ पचे बिना कउनो दोख क पर्भू क सबइ हुकुमन अउर बिधानन क पालन करत रहेन।</verse>
				<verse number="7">मुला ओनके कउनो संतान नाहीं रही, काहेकि इलीसिबा बाँझ रही अउर उ दुइनउँ बहोत बुढ़वा होइ ग रहेन।</verse>
				<verse number="8">जब जकरयाह क आपन दले क मन्दिर मँ याजक क काम खातिर बारी आइ, अउर उ परमेस्सर क समन्वा आराधना बरे हाजिर भवा।</verse>
				<verse number="9">तउ याजकन मँ चली भइ रीति रिवाजे क तरह पर्ची डाइके ओका चुना गवा कि उ पर्भू क मन्दिर मँ जाइके धूप जरावइ।</verse>
				<verse number="10">जब धूप जरावइ क समइ आइ तउ बाहेर ऍकट्ठा भवा मनई पराथना करत रहेन।</verse>
				<verse number="11">उहइ समइया जकरयाह क समन्वा एक ठु पर्भू का दूत परगट भवा। उ दूत धूप क वेदी क दाहिन कइँती खड़ा रहा।</verse>
				<verse number="12">जकरयाह जइसे उ दूत क निहारेस तउ उ घबराइ गवा अउर डर जइसे ओका जकड़ि लिहस।</verse>
				<verse number="13">फिन सरगदूत ओसे कहेस, “जकरयाह जिन डेराअ, तोहार पराथना सुनि लीन्ह गइ अहइ। एह बरे तोहार पत्नी इलीसिबा एक बेटवा क जनम देई, अउर तू ओकर नाउँ यूहन्ना धर्या।</verse>
				<verse number="14">उ तोहका आनंद अउर खुसी देइ, साथे ओकरे जनम स अउर भी बहोत स मनइयन क खुसी होई।</verse>
				<verse number="15">काहेकि उ पर्भू क निगाहे मँ महान होई। उ कबहुँ कउनो दाखरस या कउनो मदिरा क न पिई। आपन जन्म स पवित्तर आतिमा स भरपूर होई।</verse>
				<verse number="16">“उ इस्राएल क बहोतन मनइयन क ओनकइ पर्भू परमेस्सर कइँती लौटइ बरे फेरी।</verse>
				<verse number="17">उ एलिय्याह क आतिमा अउर सामर्थ मँ होइके परभू क अगवा अगवा चली। उ बापन क हिरदय ओनके संताने कइँती मोड़ देइ अउर आज्ञा न मानइवालन क मने क बदल देइ जेहसे उ पचे धर्मी मनइयन क नाई सोचइ लागइ। इ सबइ, उ मनइयन क पर्भू बरे तइयार करइ क करी।”</verse>
				<verse number="18">तबहीं जकरयाह दूत स कहेस, “मइँ इ कइसे जान लेउँ कि इ सच अहइ? काहेकि मइँ एक बुढ़वा हउँ अउर मोर पत्नी बुढ़िया होइ ग अहइ।”</verse>
				<verse number="19">तबहिं सरगदूत जवाब देत ओसे कहेस, “मइँ जिब्राईल हउँ। मइँ उहइ हउँ जउन परमेस्सर क अगवा खड़ा रहत हउँ। मोका तोसे बात करइ अउर इ सुसमाचार क बतावइ बरे पठवा ग अहइ।</verse>
				<verse number="20">मुला देखा, काहेकि तू मोरे सब्दन प, जउन निस्चित समइ क आइ प सच सिद्ध होइहीं, बिसवास नाहीं किहा, यह बरे तू गूँगा होइ जाब्या अउर उ दिना तलक नाहीं बोल पउब्या जबहिं ताई इ घटित न होइ जाइ।”</verse>
				<verse number="21">ओहर बाहेर मनई जकरयाह क इंतजार करत रहेन। ओकना अचरज भवा कि उ ऍतनी देर मन्दिर मँ काहे ठहर गवा।</verse>
				<verse number="22">फिन जब उ बाहेर आवा अहइ तउ उ ओनसे बोल नाहीं पावत रहा। ओनका इ लाग कि जइसे मन्दिर क भीतर कउनो दर्सन होइ गवा अहइ। उ गूँगा होइ ग अउर सिरिफ इसारा करत रहा।</verse>
				<verse number="23">अउर फिन अइसा भवा कि जब ओकर आराधना क काम होइ गवा तउ जकरयाह वापस आपन घर लौटि गवा।</verse>
				<verse number="24">थोड़े दिना बाद ओकर पत्नी इलीसिबा गर्भवती भइ। पाँच महीना तलक उ सबन स अलगइ रही। उ कहेस,</verse>
				<verse number="25">“अब आखिर मँ जाइके इ तरह पर्भू मोर मदद करेस ह। मनइयन क बीच मोर लाज राखइ बरे उ मोर सुधि लिहस ह।”</verse>
				<verse number="26">इलीसिबा क छठा महीना चलत रहा, गलील क एक सहर नासरत मँ परमेस्सर क दूत जिब्राईल क एक कुँवारी कन्या क लगे पठएस जेकर यूसुफ नाउँ क एक मनई स गोदी भरि दीन्ह गइ। उ दाऊद क बंस मँ जनमा रहा अउर उ कुँवारी कन्या क नाउँ मरियम रहा।</verse>
				<verse number="27"></verse>
				<verse number="28">जिब्राईल ओकरे लगे आइ अउर कहेस, “तोह पइ अनुग्रह भइ अहइ, तोहार जय होइ। पर्भू तोहरे संग बा।”</verse>
				<verse number="29">इ बचन सुनिके उ बहोत घबरान, उ सोच मँ पड़ि गइ, “एकर का अरथ होइ सकत ह?”</verse>
				<verse number="30">तब सरगदूत ओसे कहेस, “मरियम तू जिन डेराअ, तोसे परमेस्सर खुस अहइ।</verse>
				<verse number="31">सुना! तू गोड़वा स भारी होब्या अउर एक पूत क जनम देबू अउर ओकर नाउँ ईसू रखबिउ।</verse>
				<verse number="32">उ महान होई अउर उ सबन त सर्वोच्च (परमेस्सर) क पूत कहवावा जाई। पर्भू परमेस्सर ओका ओकरे बाप दाऊद क सिंहासन दइ देई।</verse>
				<verse number="33">उ अनन्त समइया ताई याकूब क घराने प राज करी। ओकर राज्य क नास कबहुँ न होई।”</verse>
				<verse number="34">एह पइ मरियम सरगदूत स कहेस, “इ सच कइसे होइ सकत ह? काहेकि मइँ तउ अबहुँ कुँवारी हउँ।”</verse>
				<verse number="35">जवाबे मँ सरगदूत ओसे कहेस, “तोहरे लगे पवित्तर आतिमा आई अउर सर्वोच्च (परमेस्सर) क सक्ती तोहका आपन परिछाहीं मँ लइ लेई। इ तरह उ जनम लेइवाला पवित्तर पूत परमेस्सर क पूत कहवावा जाई।</verse>
				<verse number="36">अउर इ भी सुनि ल्या कि तोहरे कुनबा क इलीसिबा क कुनबे मँ बुढ़ौती क गरभ मँ एक बेटवा अहइ अउर ओकरे कोखी क इ छठा महीना चलत बा। लोग कहत रहेन कि उ बाँझ बा!</verse>
				<verse number="37">मुला परमेस्सर बरे कछू न होइ सकइ, अइसा नाहीं!”</verse>
				<verse number="38">मरियम कहेस, “मइँ पर्भू क दासी हउँ जइसा तू मोरे बरे कह्या ह, वइसा ही होइ!” अउर तब उ सरगदूत ओकरे लगे स चला गवा।</verse>
				<verse number="39">उहइ समइया मरियम तइयार होइके यहूदिया क पहाड़ी पहँटा मँ बसा एक ठु सहर क फउरन चली गइ।</verse>
				<verse number="40">फिन उ जकरयाह क घरे गइ अउर उ इलीसिबा क अभिवादन किहेस।</verse>
				<verse number="41">इ भवा कि जबइ इलीसिबा मरियम क अभिवादन सुनेस तउ जउन बचवा ओकरे पेटवा मँ रहा, उछरि गवा अउर इलीसिबा पवित्तर आतिमा स सराबोर होइ गइ।</verse>
				<verse number="42">ऊँची आवाजे मँ चिल्लात भइ उ कहेस, “तू स्त्रियन मँ सबते जिआदा बड़भागी अहा अउर जउने बचवा क तू जनम देबू उ धन्य बा।</verse>
				<verse number="43">मुला इ ऍतनी बड़ी बात मोरे संग काहे घटि गई कि मोरे पर्भू क महतारी मोरे नियरे आइ।</verse>
				<verse number="44">काहेकि तोहरे पैलगी क सब्द जइसेन मोरे कनवा मँ आइ, मोरे पेटवा मँ बचवा खुसी स उछरि गवा।</verse>
				<verse number="45">तू धन्य अहा जउन इ बिसवास किहेस कि पर्भू जउन कछू कहेस उ होइके रही।”</verse>
				<verse number="46">तबहीं मरियम कहेस, “मोर प्रान पर्भू (परमेस्सर) क स्तुति करत ह।</verse>
				<verse number="47">मोर आतिमा मोरे उद्धारकर्ता परमेस्सर मँ खुस भइ।</verse>
				<verse number="48">उ आपन दीन दास की बिटिया क सुधि लिहेस अउर अब हाँ आजु क बाद सबहिं मोका धन्य कइहीं।</verse>
				<verse number="49">काहेकि उ सक्तीवाला मोरे बरे बड़कवा कारज किहेस ह। ओकर नाउँ पवित्तर अहइ।</verse>
				<verse number="50">जउन ओसे डेरात हीं उ ओन पइ पीढ़ी दर पीढ़ी दाया करत ह।</verse>
				<verse number="51">उ आपन बाँहन क सक्ती देखाइस। उ घमंडी मनइयन क ओनके डींग हाँकइवालन क बिचारन क छितराइ दिहेस।</verse>
				<verse number="52">उ राजन क सिंहासने स तरखाले उतार दिहस। दीनन क ऊँचा उठाएस।</verse>
				<verse number="53">उ भुखान मनइयन क नीक चीजे स भरपूर कइ देई अउर धनी लोगन क निकारि देई।</verse>
				<verse number="54">उ आपन सेवकन इस्राएलियन क दाया कइर आवा अउर हमरे पूर्वजन क बचन क मुताबिक।</verse>
				<verse number="55">ओका इब्राहीम अउर ओकर संताने प सदा दाया देखॉवइ क याद रही।”</verse>
				<verse number="56">मरियम कउनो तीन महीने ताई इलीसिबा क संग ठहरी रही अउर फिन आपन घरवा लौटि आइ।</verse>
				<verse number="57">फिन इलीसिबा क बचवा पइदा करइ क समइ आइ अउर ओकरे एक बेटवा पइदा भवा।</verse>
				<verse number="58">जब ओकर पड़ोसी अउर ओकर नातेदार सुनेन कि पर्भू ओह प दाया देखाइस ह तउ सबइ साथे मिलिके खुसी मनाएन।</verse>
				<verse number="59">अउर फिन अइसा भवा कि अठवें दिन बचवा क खतना खातिर मनइयन हुवाँ आएन। उ पचे ओकरे बाप क नाउँ क मुताबिक ओकर नाउँ जकरयाह धरइ जात रहेन,</verse>
				<verse number="60">तबहीं ओकरे महतारी बोल पड़ी, “नाहीं एकर नाउँ यूहन्ना रखा जाब अहइ।”</verse>
				<verse number="61">तब उ पचे ओहसे बोलेन, “तोहरे कउनो भी नातेदार का इ नाउँ नाहीं बा।”</verse>
				<verse number="62">अउर फिन उ पचे इसारन मँ ओकरे बाप स पूछेन, “उ ओका का नाउँ देइ चाहत ह?”</verse>
				<verse number="63">एह प जकरयाह ओनसे एक ठु तख्ती माँगेस अउर लिखेस, “एकर नाउँ अहइ यूहन्ना।” एह पइ उ सबइ अचरजे मँ पड़ि गएन।</verse>
				<verse number="64">तबहीं फउरन ओकर मुँह खुलि गवा अउर ओकर बाका फूटि गवा। उ बोलइ लाग अउर परमेस्सर क स्तुति करइ लाग।</verse>
				<verse number="65">ऍहसे सबइ पड़ोसी डेराइ गएन अउर यहूदिया क समूचइ पहाड़ी पहँटा मँ मनइयन ऍकरे बारे मँ बतियाई लागेन।</verse>
				<verse number="66">जउन कउनो भी इ बात सुनेस, अचरजे मँ पड़िके कहइ लागेन, “इ गदेला का बनी?” काहेकि पर्भू क हाथ ओह प अहइ।</verse>
				<verse number="67">तब ओकर बाप जकरयाह पवित्तर आतिमा स सराबोर होइ गवा अउर उ भविस्सवाणी किहेस:</verse>
				<verse number="68">“इस्राएल क पर्भू परमेस्सर क आसीस होइ काहेकि उ आपन मनइयन क मदद बरे आवा अउर ओनका आजाद कराएस।</verse>
				<verse number="69">उ हमरे बरे आपन सेवक दाऊद क परिवार स एक उद्धारकर्ता दिहस।</verse>
				<verse number="70">जइसा कि उ बहोत पहिले आपन पवित्त नबी स वचन देवॉएस।</verse>
				<verse number="71">उ हमका हमार दुस्मनन स अउर ओन सब क हथवन स, जउन हम स घिना करत रहेन, हमका छोड़ावइ क वचन दिहस।</verse>
				<verse number="72">हमरे पूर्वजन प दाया देखावइ क अउर आपन पवित्तर बचन क याद रखइ क।</verse>
				<verse number="73">ओकर बचन रहा एक उ सपथ जउन हमरे पूर्वजन इब्राहीम क संग लीन्ह गइ रहिन,</verse>
				<verse number="74">कि हमार दुस्मनन क हथवन स हमार छुटकारा अउर बेडर क पर्भू क सेवा करइ क हुकुम दीन।</verse>
				<verse number="75">अउर आपन जिन्नगी भर हर रोज ओकरे समन्वा हम पचे पवित्तर अउर धर्मी रहि सकी।</verse>
				<verse number="76">“हे बालक! अब तू सर्वोच्च (परमेस्सर) क बड़ा नबी कहा जाइ काहेकि तू पर्भू क अगवा अगवा चलिके ओकरे बरे राह तइयार करी।</verse>
				<verse number="77">अउर ओकरे मनइयन स कही कि ओनके पापन क छमा स उ ओनके लोगन क उद्धार का गियान देबा।</verse>
				<verse number="78">“हमरे परमेस्सर क नरम अनुग्रह स एक नवा दिन क भोर हम पइ ऊपर स उतरी।</verse>
				<verse number="79">ओन प चमकइ बरे जउन मउत क गहरी छाया मँ जिअत अहइँ काहेकि हमरे गोड़वन सांति क राहे प सीधा जाइँ।”</verse>
				<verse number="80">इ तरह उ लरिका बाढ़इ लाग अउर ओकर आतिमा मजबूत स मजबूत होइ लाग। उ मनइयन मँ परगट होइ स पहिले निर्जन जगहिया मँ रहत रहा।</verse>
			</chapter>
			<chapter number="2">
				<verse number="1">उ दिना औगुस्तुस कैसर कइँती स एक हुकुम निकरा कि समूचइ रोम क राज्य मँ जनगणना दर्ज कीन्ह जाइ।</verse>
				<verse number="2">इ पहली जनगणना रही। इ ओन दिनन भइ जब सीरिया क राज्यपाल विवरिनियुस रहा।</verse>
				<verse number="3">एह बरे जनगणना खारित हर कउनो आपन सहर आवा।</verse>
				<verse number="4">यूसुफ भी, गलील क नासरत सहर स यहूदिया मँ दाऊद क सहर बैतलहम क आवा काहेकि उ दाऊद क परिवार अउर बंस क सदस्य रहा।</verse>
				<verse number="5">उ हुवाँ आपन होइवाली स्त्री मरियम क संग जउन गर्भवती रही, आपन नाउँ लिखावावइ ग रहा।</verse>
				<verse number="6">अबहिं जब उ पचे हुवाँ रहेन, मरियम क बचवा पइदा करइ क समइ आइ गवा।</verse>
				<verse number="7">अउर उ आपन पहिलौटी पूत (ईसू) क जनम दिहस। काहेकि हुवाँ सराय क भीतरे उ पचन क कउनो ठउर नाहीं मिल पावा। ऍह बरे उ ओका ओढ़ना मँ लपेटिके चरही मँ लोटाएस।</verse>
				<verse number="8">तबहीं हुवाँ उ पहँटा मँ बाहेर खेत मँ कछू गड़रियन रहेन जउन राति क समइ आपन आपन झूंड क रखवारी करत रहेन।</verse>
				<verse number="9">उहइ समइया पर्भू क एक दूत परगट भवा अउर ओनकइ चारिहुँ कइँती पर्भू क तेज फूटइ लाग। उ सबइ सहमि गएन।</verse>
				<verse number="10">तबहीं सरगदूत ओनसे कहेस, “डेराअ जिन, मइँ सुसमाचार लइ आवा हउँ, जेसे सबइ मनइयन क महान आनंद होई।</verse>
				<verse number="11">काहेकि आज दाऊद क सहर मँ तोहार उद्धारकर्ता मसीह पर्भू क जनम भ अहइ।</verse>
				<verse number="12">तोहका ओका पहिचानइ क चीन्ह होइ कि तू एक ठु बचवा क ओढ़ना मँ लपेटा भवा, चरही मँ ओलरा पउब्या।”</verse>
				<verse number="13">उहइ समइया एकाएक उ सरगदूते क संग ढेरि क अउर सरगदूतन हुवाँ हाजिर भएन। उ पचे इ कहत भए परमेस्सर क गुन गावत रहेन:</verse>
				<verse number="14">“सरगे मँ परमेस्सर क महिमा होइ अउर धरती प ओन मनइयन क सांति मिलइ जेहसे उ खुस होइ।”</verse>
				<verse number="15">अउर जब सरगदूतन ओनका तजिके सरग लौटि गएन तउ उ सबइ गड़रियन आपुस मँ कहइ लागेन, “आवा हम बैतलहम चली अउर जउन घटना भइ अहइ अउर जेकॉ पर्भू हमका बताएन ह, ओका देखी।”</verse>
				<verse number="16">तउ उ पचे जल्दी गएन अउर हुवाँ मरियम अउर यूसुफ क पाएन अउर निहारेन कि बचवा चरही मँ लोटा बा।</verse>
				<verse number="17">गड़रियन जब ओका निहारेन तउ इ बचवा क बारे मँ जउन संदेसा ओनका दीन्ह ग रहा, उ पचे ओनका सबइ क बताइ दिहन।</verse>
				<verse number="18">जउन कउनो भी ओनका सुनेन, उ पचे गड़रियन क कही बातन प अचरज करइ लागेन।</verse>
				<verse number="19">मुला मरियम इ सबइ बातन क आपन मनवा मँ राखि लिहेस अउर उ ओन प सोचइ बिचारइ लाग।</verse>
				<verse number="20">अउर ओहर उ सबइ गड़रियन जउन कछू सुनेन अउर देखे रहेन, ओके बरे परमेस्सर स्तुति अउर धन्यवाद देत अपने घरन क लौटि गएन। इ सब अइसेन घटा जइसेन कि ओनका बतावा गवा रहा।</verse>
				<verse number="21">अउर जब बचवा क खतने क खातिर अठवाँ दिन आइ तउ ओकर नाउँ ईसू रखेन। ओका इ नाउँ ओकरे गरभ मँ आवइ स पहिले सरगदूत दइ दिहन।</verse>
				<verse number="22">अउर जब मूसा क व्यवस्था क मुताबिक पइदा भए बचवा क सूतक क दिन पूरा होइ गवा अउर सुद्ध होइ क समइ आइ तउ उ पचे ईसू क पर्भू क अरपन करइ बरे यरूसलेम लइ गएन।</verse>
				<verse number="23">पर्भू क लिखे भइ व्यवस्था क मुताबिक, “हर पहिलौटी क बेटवा पर्भू क बरे ‘बिसेस मान जाई।’”</verse>
				<verse number="24">अउर पर्भू क व्यवस्था कहत ह, “एक जोड़ी कबूतर या पड़ुँकी क दुइ नवा बचवा क बलिदान देइ चाही।” तउ उ पचे पर्भू क व्यवस्था क मुताबिक बलि चढ़ावइ लइ गएन।</verse>
				<verse number="25">यरूसलेम मँ समौन नाउँ क एक धर्मी अउर भगत रहा। उ इस्राएल क सुख चइन क बाट जोहत रहा। पवित्तर आतिमा ओकरे साथ रही।</verse>
				<verse number="26">पवित्तर आतिमा ओका परगट किए रही कि जब तलक उ पर्भू क मसीह क दर्सन नाहीं कइ लेइ, मरी नाहीं।</verse>
				<verse number="27">उ पवित्तर आतिमा क साथ मन्दिर मँ आवा अउर जब व्यवस्था क मुताविक कारज बरे बालक ईसू क ओकर महतारी बाप मन्दिर मँ लइ आएन।</verse>
				<verse number="28">तउ समौन ईसू क आपन गोदी मँ उठाइके परमेस्सर क स्तुति करत बोला:</verse>
				<verse number="29">“पर्भू अब तू आपन बचन क मुताबिक मोका आपन दास क सांति क साथ मुक्ती द्या</verse>
				<verse number="30">काहेकि मइँ आपन आँखिन स तोहरे उ उद्धार क दर्सन कइ लीन्ह ह।</verse>
				<verse number="31">जेका तू सबहिं मनइयन क उपस्थिति मँ तइयार किए अहा।</verse>
				<verse number="32">इ बचवा गैर यहूदियन बरे तोहरे राहे का देखावय बरे ज्योति क सोता अहइ अउर तोहरे इस्राएल क मनइयन बरे इ महिमा अहइ।”</verse>
				<verse number="33">ओकर महतारी बाप ईसू क बारे मँ कही गइ इ बातन स अचरजे मँ पड़ि गएन।</verse>
				<verse number="34">फिन समौन ओनका आसीर्बाद दिहस अउर ओकर महतारी मरियम स कहेस, “इ बचवा इस्राएल मँ बहोतन क गिरावइ या उठावइ क कारण बनइ अउर एक अइसा चीन्ह ठहरावा जाइ बरे तय कीन्ह ग अहइ जेकर खिलाफत कीन्ह जाइ।</verse>
				<verse number="35">अउर मनइयन जेका गूढ़ समझिहीं, उ लोगन क पता लगि जाई जेहसे तोहरे हिरदय क दुख होइ।”</verse>
				<verse number="36">हुवँइ हन्नाह नाउँ क एक ठु महिला नबिया रही। उ असेर कबीले क फनूएल क बिटिया रही। उ बहोत बुढ़िया रही। आपन बियाहे क सिरिफ सात बरिस पाछे तलक उ आपन भतारे क साथे रही।</verse>
				<verse number="37">अउर फिन चौरासी बरिस तलक उ विधवा रही। उ मन्दिर कबहुँ नाहीं तजेस। उपवास अउर पराथना करत भइ उ रात-दिन आराधना करत रही।</verse>
				<verse number="38">उहइ समइ उ उहाँ महतारी बाप क लगे आइ। उ परमेस्सर क धन्यवाद दिहस अउर जउन मनइयन यरूसलेम क छुटकारा क बाट जोहत रहेन, उ ओन सबन्क छोड़ावइ क बारे मँ बताएस।</verse>
				<verse number="39">अउर जब उ पचे पर्भू क व्यवस्था क मुताबिक सब कछू पूरा कइ लिहेन तउ उ सबइ गलील मँ आपन सहर नासरत लौटि आएन।</verse>
				<verse number="40">अउर उ बालक बाढ़इ लाग अउर हिट्ठ पुट्ठ होइ लाग। उ बहोत बुद्धिमान रहा अउर ओह प परमेस्सर क अनुग्रह रही।</verse>
				<verse number="41">फसह क त्यौहार प हर बरिस ओकर महतारी बाप यरूसलेम जात रहेन।</verse>
				<verse number="42">जब उ बारह बरिस क रहा तउ सदा क नाई उ पचे त्यौहार प गएन।</verse>
				<verse number="43">जब त्यौहार खतम भवा अउर उ सबइ घरवा लौटत रहेन तउ बालक ईसू यरूसलेम मँ रुकि गवा मुला महतारी बाप क ऍकर जानकारी नाहीं होइ पाइ।</verse>
				<verse number="44">इ बिचारत भए कि उ दले मँ कहूँ होई, उ सबइ दिन भर जात्रा करत रहेन। फिन उ सबइ ओका आपन नातेदारन अउर नजदीकी मीतन मँ हेरइ लागेन।</verse>
				<verse number="45">अउर जब उ ओनका नाहीं मिल पावा तउ उ सबइ हेरत हेरत उ पचे यरूसलेम लौटि आएन।</verse>
				<verse number="46">अउर फिन भवा ई कि तीन दिना बाद उ ओहका मन्दिर मँ पाएन। उ उपदेस देइ वालेन क साथ बइठ के ओनका सुनत रहा अउर ओनसे सवाल पूछत रहा।</verse>
				<verse number="47">उ सबहिं जउन ओसे सुने रहेन, ओकर समझ बूझ अउर ओकरे सवाले क जवाब स अचरजे मँ पड़ि गएन।</verse>
				<verse number="48">जब ओकर महतारी बाप ओका निहारेन तउ दंग रहि गएन। ओकर महतारी ओसे पूछेस, “बेटवा, तू हमरे साथ अइसा काहे किहा? तोहार बाप अउर मइँ तोहका हेरत बहोतइ फिकिर मँ रहेन।”</verse>
				<verse number="49">तब ईसू ओनसे कहेस, “तू मोका काहे हेरत रह्या? का तू नाहीं जनत्या कि मोका मोरे बाप क घरे मँ होइ चाही?”</verse>
				<verse number="50">मुला ईसू ओनका जउन जबाव दिहस, उ पचे ओकरे बचन क न समुझ सकेन।</verse>
				<verse number="51">फिन उ ओनके संग नासरत लौटि आवा अउर ओनकइ हुकुम क मानत रहा। ओकर महतारी इ सब बतियन क आपन मने मँ राखत जात रही।</verse>
				<verse number="52">ओह कइँती ईसू बुद्धि मँ, डील डौल मँ अउर परमेस्सर अउर मनइयन क पिरेम मँ बाढ़इ लाग।</verse>
			</chapter>
			<chapter number="3">
				<verse number="1">तिबिरियुस कैसर क राज्य क पन्द्रहवाँ बरिस मँ जब: यहूदिया क राज्यपाल पुन्तियुस पीलातुस रहा; अउर उ पहँटा क चउथाई भाग क राजन मँ हेरोदेस गलील क, ओकर भइया फिलिप्पुस इतूरैया अउर त्रखोनितिस क; अउर लिसनियास अबिलेने क मातहत राजा रहा।</verse>
				<verse number="2">अउर हन्ना अउर काइफा महायाजक रहेन, तबहीं परमेस्सर क बचन जकरयाह क बेटवा यूहन्ना क लगे रेगिस्तान मँ पहुँचा।</verse>
				<verse number="3">तउ यरदन नदी क नगिचे क समूचे पहँटा मँ गवा, उ पापन क छमा बरे मनफिराय क खातिर बपतिस्मा क प्रचार करइ लाग।</verse>
				<verse number="4">नबी यसायाह क बचन क किताबे मँ जइसा लिखा बा: “कउनो क रेगिस्तान मँ चिल्लात भवा सब्द: ‘पर्भू क बरे रास्ता तइयार करा अउर ओकरे बरे रास्ता सोझ बनवा।</verse>
				<verse number="5">हर घाटी भरि दीन्ह जाई अउर हर पहाड़ अउर पहाड़ी सपाट होइ जइहीं टेढ़ मेंढ़ स्थान सीधे अउर ऊबड़ खाबड़ रास्ता चौरस कइ दीन्ह जाई।</verse>
				<verse number="6">अउर सबइ मनई परमेस्सर क उद्धार क दर्सन करिहीं।’”</verse>
				<verse number="7">यूहन्ना बपतिस्मा लेइ आएन मनइयन क भीड़ स कहत रहा, “अरे सँपोला, तू पचन क कउन चेताएस ह कि तू आवइवाले किरोध स बच जा?</verse>
				<verse number="8">फल क जरिये तोहका प्रमाण देइ क होई कि असल मँ तोहका अपने पापन क पछतावा अहइ। अउर आपुस मँ इ कहब जिन सुरू करा, ‘इब्राहीम हमार बाप अहइ।’ मइँ तोहसे कहत हउँ कि परमेस्सर इब्राहीम बरे इन पाथरन स भी बचवन पइदा कइ सकत ह।</verse>
				<verse number="9">बृच्छन क जड़े प कुल्हाड़ा धरा गवा अहइ अउर हर उ बृच्छ जउन नीक फर नाहीं पइदा करत, काटिके गिराइ दीन्ह जाई अउर फिन ओका आगी मँ झोंकि दीन्ह जाई।”</verse>
				<verse number="10">तब भीड़ ओसे पूछेस, “तउ हमका का करइ चाही?”</verse>
				<verse number="11">जवाबे मँ उ ओनसे कहेस, “जउन कउनो क लगे दुइ कुरता होइ, उ ओनका जेकरे लगे न होइ, ओनके संग बाँटि लेइँ। अउर जेकरे लगे खइया क होइ, उ भी अइसा ही करइ।”</verse>
				<verse number="12">कछू चुंगी (टैक्स) त उगहिया ओकरे लगे बपतिस्मा बरे आएन अउर फिन उ पचे ओसे पूछेन, “गुरु, हमका का करइ क चाही?”</verse>
				<verse number="13">ऍह पइ उ ओनसे कहेस, “जेतॅना चाही ओसे जिआदा जिन वसूला।”</verse>
				<verse number="14">कछू सिपाही ओसे पूछेन, “अउर हमका का करइ चाही?” तउ उ ओनका समझाएस, “जोर अउर दबाव स कउनो स धन जिन ल्या। कउनो प झूठ दोख जिन लगावा। आपन पगार स संतोख करा।”</verse>
				<verse number="15">लोग बड़की आसा स बाट जोहत रहेन अउर यूहन्ना क बारे मँ आपन मने मँ इ बिचारत रहेन कि कहूँ, “इ तउ मसीह नाहीं बा।”</verse>
				<verse number="16">तबहीं यूहन्ना इ कहत भवा उ सबन क उत्तर दिसह, “मइँ तउ तोहका जले स बपतिस्मा देत हउँ मुला उ जउन मोसे जिआदा बरियार बा, आवत अहइ। मइँ ओकरे पनही क फीता तलक खोलइ क जोग्ग नाहीं हउँ। उ तोहका पवित्तर आतिमा अउर आगी स बपतिस्मा देइ।</verse>
				<verse number="17">ओकरे हाथ मँ ओसावइ क पाँचा अहइ, जइसे उ दाना क भूसा अलगाइ क आपन खरिहाने मँ उठाइके धरत ह। मुला उ भूसा क अइसी आगी मँ झोंकी जउन कबहुँ नाहीं बुताइवाली अहइ।”</verse>
				<verse number="18">इ तरह अइसे ही अउर बहोत स सब्दन स उ ओनका समझावत भवा सुसमाचार सुनावत रहत रहा।</verse>
				<verse number="19">(पाछे यूहन्ना उ चौथाई पहँटा क मातहत राजा हेरोदेस क ओकर भाई क पत्नी हिरोदियास क संग ओकर गलत संबंध अउर ओकर दूसर कुकरम बरे डाटेस फटकारेस।</verse>
				<verse number="20">एह पइ हेरोदेस यूहन्ना क बंदी बनाइके, जउन कछू कुकरम उ किहे रहा, ओहमाँ एक अउर जोर दिहस।)</verse>
				<verse number="21">अइसा भवा कि जब सब लोग बपतिस्मा लेत रहेन तउ ईसू भी बपतिस्मा लिहेस। अउर जब ईसू पराथना करत रहा, तबहिं अकास खुलि गवा</verse>
				<verse number="22">अउर पवित्तर आतिमा एक ठु कबूतरे क देह धइके ओह प तरखाले ओतरा। अउर अकासबाणी भइ, “तू मोर पियारा पूत अहा, मइँ तोहसे बहोत खुस हउँ।”</verse>
				<verse number="23">ईसू जब आपन सेवा सुरू किहेस तउ उ लगभग तीस बरिस क रहा। अइसा बिचारा गवा कि उ यूसुफ क बेटवा रहा, एली क बेटवा यूसुफ,</verse>
				<verse number="24">मत्तात क बेटवा एली, लेवी क बेटवा मत्तात, मलकी क बेटवा लेवी। यन्ना क बेटवा मलकी, यूसुफ क बेटवा यन्ना,</verse>
				<verse number="25">मत्तित्याह क बेटवा यूसुफ, आमोस क बेटवा मत्तित्याह, नहूम क बेटवा आमोस, असल्याह क बेटवा नहूम, नोगह क बेटवा असल्याह,</verse>
				<verse number="26">मात क बेटवा नोगह, मत्तित्याह क बेटवा मात, सिमी क बेटवा मत्तित्याह, योसेख क बेटवा सिमी, योदाह क बेटवा योसेख,</verse>
				<verse number="27">योनान क बेटवा योदाह, रेसा क बेटवा योनाह, जरुब्बाबिल क बेटवा रेसा, सालतियेल क बेटवा जरुब्बाबिल, नेरी क बेटवा सालतियेल,</verse>
				<verse number="28">मलकी क बेटवा नेरी, अद्दी क बेटवा मलकी, कोसान क बेटवा अद्दी, इलमोदाम क बेटवा कोसाम, एर क बेटवा इलमोदाम,</verse>
				<verse number="29">यहोसुआ क बेटवा एर, एलीएजेर क बेटवा यहोसुआ, योरीम क बेटवा एलीएजेर, मत्तात क बेटवा योरीम, लेवी क बेटवा मत्तात,</verse>
				<verse number="30">समौन क बेटवा लेवी, यहूदा क बेटवा समौन, यूसुफ क बेटवा यहूदा, योनान क बेटवा यूसुफ, एलियाकीम क बेटवा योनान,</verse>
				<verse number="31">मेलिआ क बेटवा एलियाकीम, मिन्ना क बेटवा मेलिआ, मत्ताता क बेटवा मिन्ना, नातान क बेटवा मत्तात, दाऊद क बेटवा नातान,</verse>
				<verse number="32">यिसै क बेटवा दाऊद, ओबेद क बेटवा यिसै, बोअज क बेटवा ओबेद, सलमोन क बेटवा बोअज, नहसोन क बेटवा सलमोन,</verse>
				<verse number="33">अम्मीनादाब क बेटवा नहसोन, आदमीन क बेटवा अम्मीनादाब। अरनी क बेटवा आदमीन, हिस्रोन क बेटवा अरनी, फिरिस क बेटवा हिस्रोन, यहूदाह क बेटवा फिरिस,</verse>
				<verse number="34">याकूब क बेटवा यहूदाह, इसहाक क बेटवा याकूब, इब्राहीम क बेटवा इसहाक, तिरह क बेटवा इब्राहीम, नाहोर क बेटवा तिरह,</verse>
				<verse number="35">सरूग क बेटवा नाहोर, रऊ क बेटवा सरूग, फिलिग क बेटवा रऊ, एबिर क बेटवा फिलिग, सेलाह क बेटवा एबिर,</verse>
				<verse number="36">केनान क बेटवा सेलाह, अरफच्छद क बेटवा केनान, सेम के बेटवा अरफच्छद, नूह क बेटवा सेम, लिमिक क बेटवा नूह।</verse>
				<verse number="37">मथूसिलह क बेटवा लिमिक, हनोक क बेटवा मथूसिलह, यिरिद क बेटवा हनोक, महललेल क बेटवा यिरिद, केनान क बेटवा महललेल,</verse>
				<verse number="38">एनोस क बेटवा केनान, सेत क बेटवा एनोस, आदम क बेटवा सेत, अउर परमेस्सर क पूत आदम रहा।</verse>
			</chapter>
			<chapter number="4">
				<verse number="1">पवित्तर आतिमा स भरा भवा ईसू यरदन नदी स लौटि आवा। आतिमा ओका ऊसरे मँ राह देखॉवत रही।</verse>
				<verse number="2">हुवाँ सइतान चालीस दिन ताईं ओकर परीच्छा लिहस। ओ दिनन मँ ईसू बे खइया क खाए रहा। फिन जब समइ पूर भवा तउ ईसू भुखान।</verse>
				<verse number="3">एह बरे सइतान ओसे कहेस, “जदि तू परमेस्सर क पूत अहा तउ इ पथरे स रोटी बनइ बरे कहा।”</verse>
				<verse number="4">ऍह पइ ईसू जवाब दिहस, “पवित्तर सास्तरन मँ लिखा बा: ‘मनई सिरिफ रोटी प नाहीं जिअत।’”</verse>
				<verse number="5">फिन सइतान ओका बहोत ऊँच लइ गवा अउर छिन भर मँ समूचे संसार क राज्य ओका देखॉवत बोला,</verse>
				<verse number="6">अउर सइतान ओहसे कहेस, “मइँ इन राज्यन क तोहका हुकूमत अउर धन दौलत दइ देइहउँ अउर मइँ जेका चाहउँ ओका दइ सकत हउँ।</verse>
				<verse number="7">एह बरे जदि तू मोर आराधना करब्या तउ इ सब तोहार होइ जाई।”</verse>
				<verse number="8">ईसू ओका जवाब देत भवा बोला, “पवित्तर सास्तरन मँ लिखा बा: ‘तोहका सिरिफ आपन पर्भू परमेस्सर क ही आराधना करइ चाही। तोहका सिरिफ उहइ क सेवा करइ चाही!’”</verse>
				<verse number="9">तब उ ओका यरूसलेम लइ गवा अउर हुवाँ मन्दिर क सबते ऊँची चोटी प लइ जाइके खड़ा कइ दिहस। अउर उ ओसे बोला, “जदि तू परमेस्सर क पूत अहा तउ हिआँ स अपने आपक तरखाले गिरइ द्या।</verse>
				<verse number="10">पवित्तर सास्तर मँ लिखा अहइ: ‘उ आपन सरगदूतन क तोहरे बारे मँ हुकुम देई कि उ पचे तोहार रच्छा करइँ।’</verse>
				<verse number="11">अउर लिखा अहइ: ‘उ पचे तोहका आपन बाँहे मँ अइसे उठइहीं कि तोहार गोड़ कउनो पाथर स न टकराई।’”</verse>
				<verse number="12">ईसू जवाब देत भवा कहेस, “पवित्तर सास्तरन मँ इ भी लिखा बा, ‘तोहका आपन पर्भू परमेस्सर क परीच्छा मँ नाहीं नावइ चाही।’”</verse>
				<verse number="13">तउ जब सइतान ओकर सबइ तरह क परीच्छा लइके हारि गवा तउ दूसरइ समइ तलक ओका तजिके चल दिहस।</verse>
				<verse number="14">फिन ईसू आतिमा क समर्थ स भरा भवा गलील लौटि आवा अउर उ समूचे पहँटा मँ ओकर चर्चा फैलि गइ।</verse>
				<verse number="15">उ ओनके आराधनालय मँ उपदेस दिहेस। सबइ ओकर प्रसंसा करत रहेन।</verse>
				<verse number="16">फिन उ नासरत आवा जहाँ उ पला अउर बड़ा भवा। आपन आदत क मुताबिक सबित क दिन उ आराधनालय मँ गवा। जबहिं उ पाठ बाँचइ खड़ा भवा।</verse>
				<verse number="17">तउ यसायाह नबी क किताब ओका दीन्ह गई। जब उ किताब खोलेस तउ ओका जगह मिला जहाँ लिखा रहा कि:</verse>
				<verse number="18">“पर्भू क आतिमा मोरे मँ समाइ गइ अहइ काहेकि किहेस ह उ मोर अभिसेक कि दीनउँ क सुसमाचार सुनाउब मइँ, उ मोका पठएस ह बंदीयन क इ बतावइ कि उ पचे अजाद अहइँ। आँधर क आँखिन मँ जोति सरसावइ, अउर दलितन क छुटकारा देवॉवइ;</verse>
				<verse number="19">पर्भू क अनुग्रह क समइ बतावइ क भेजा अहइ!”</verse>
				<verse number="20">फिन उ किताब क बंद कइके परिचारक क हथवा मँ दइ दिहस अउर बैठ गवा। आराधनालय मँ सबइ क आँखिन ओका निहारत रहिन।</verse>
				<verse number="21">तब उ ओनसे कहब सुरु किहेस, “आज इ बचन तोहरे काने मँ पूर भवा!”</verse>
				<verse number="22">हर कउनो ओकरे बारे मँ अच्छी बातन कहत रहेन। ओकरे मुँहना स जउन सुन्दर बचन निकरत रहेन, ओन प सबन क अचरज भवा। उ पचे कहेन, “का इ यूसुफ क बेटवा नाहीं अहइ?”</verse>
				<verse number="23">फिन ईसू ओनसे कहेस, “तू पचे जरूर मोका इ कहावत सुनउब्या, ‘अरे वैद्य खुद आपन इलाज करा।’ कफरनहूम मँ तोहरे जउन काजे क बारे मँ हम पचे सुना ह, उ काजे क हिआँ आपन खुद क सहर मँ भी कइ डावा!”</verse>
				<verse number="24">ईसू तब ओनसे कहेस, “मइँ तोहसे सच कहत हउँ कि आपन सहर मँ कउनो नबी क स्वागत नाहीं होत।</verse>
				<verse number="25">“मइँ तोहसे सच कहत हउँ इस्राएल मँ एलिय्याह क समइ मँ जब अकास जइसे मुँद गवा रहा अउर साढ़े तीन बरिस तलक पूरी धरती मँ खौफनाक अकाल पड़ि गवा, तउ हुवाँ बहुत विधवन रहेन। मुला सैदा पहँटा के सारपत सहर क एक विधवा क तजिके एलिय्याह क कउनो अउर क लगे नाहीं पठवा गवा रहा।</verse>
				<verse number="26"></verse>
				<verse number="27">“अउर नबी एलीसा क समइया मँ इस्राएल मँ ढेर कोढ़ी रहेन मुला ओहमाँ स सीरिया क बसइया नामान क तजिके अउर कउनो क सुद्ध नाहीं कीन्ह गवा रहा।”</verse>
				<verse number="28">तउ जबहिं आराधनालय मँ मनइयन इ सुनेन तउ सबहिं बहोत क्रोध स भर गएन।</verse>
				<verse number="29">तउ उ पचे खड़ा भएन अउर ओका सहर स बाहेर ढकेल दिहेन। उ सबइ ओका पहाड़े क उ चोटी प लइ गएन जेह प ओकर सहर बसा रहा जेसे उ पचे हुवाँ तरखाले झोंकि देइँ।</verse>
				<verse number="30">मुला उ ओनके बीच स निकरिके कहूँ आपन राहे प चला गवा।</verse>
				<verse number="31">फिन उ गलील क एक सहर कफरनहूम गवा अउर सबित क दिन मनइयन क उपदेस देइ लाग।</verse>
				<verse number="32">मनई ओकरे उपदेस स अचरज मँ पड़ि गएन काहेकि ओकर संदेस मुड्ढ विद्वान क तरह रहा।</verse>
				<verse number="33">हुवँई एक ठु मनई आराधनालय मँ रहा जेहमाँ एक दुस्ट आतिमा क सवारी रही। उ जोर स चिल्लान,</verse>
				<verse number="34">“हे नासरत क ईसू! तु हमसे का चाहत बाट्या? का तू हमार नास करइ आइ अहा? मइँ जानत हउँ तू कउन अहा तू परमेस्सर क पवित्तर मनई अहा!”</verse>
				<verse number="35">ईसू झिड़कत भवा ओसे कहेस, “चुप रहा। एहमाँ स बाहेर निकरि आवा!” एह पइ दुस्ट आतिमा उ मनई क लोगन्क समन्वा दइ मारेस अउर ओका बे नसकान किए ओसे बाहेर निकरि गइ।</verse>
				<verse number="36">सबइ कोउ अचरजे मँ पड़ि गएन। उ सबइ एक दूसर स बतियात कहेन, “इ कइसा सन्देस बा? हक अउर सक्ती क संग इ दुस्ट आतिमन क हुकुम देत ह अउर उ सबइ बाहेर निकरि जात हीं।”</verse>
				<verse number="37">उ पहँटा मँ लगे हर ठउरे प ओकरे बारे मँ खबर सँचर गइ।</verse>
				<verse number="38">तब ईसू आराधनालय क तजिके समौन क घर चला गवा। समौन क सासे क बहोत बोखार चढ़ा रहा। उ पचे ईसू स मदद बरे बिनती किहेन।</verse>
				<verse number="39">ईसू ओकरे सिरहाने खड़ा भवा अउर बोखारे क डाटेस। बोखार ओहका छोड़ि दिहस। उ फउरन खड़ी होइ गइ अउर ओनकर सेवा करइ लाग।</verse>
				<verse number="40">जब सूरज ओनवबत रहा तउ जेकरे हिआँ किसिम किसिम क बेमारी स पीड़ित रहेन, उ सबइ ओनका ओकरे लगे लइ आएन। अउर उ आपन हथवा ओहमाँ स हर एक पर रखत भए ओनका चंगा किहे।</verse>
				<verse number="41">ओहमाँ बहोतन मँ दुस्ट आतिमन चिचियात भइ इ कहत बाहेर निकरि आइन, “तू परमेस्सर क पूत अहा।” मुला उ ओनका डाँटेस अउर बोलइ नाहीं दिहस, काहेकि उ सबइ जानत रहिन कि “उ मसीह अहइ।”</verse>
				<verse number="42">जब भिनसार भवा तउ हुवाँ स उ कउनो एकांत ठउर चला गवा। मुला भीड़ ओका हेरत हेरत हुवँइ जाइके पहोंच गइ जहाँ उ रहा। उ पचे ओका ओनका छोड़िके न जाइ स रोकेन।</verse>
				<verse number="43">मुला उ ओनसे कहेस, “परमेस्सर क राज्य क बारे मँ सुसमाचार मोका दूसर सहरन मँ भी पठवइ क बा काहेकि मोका यह बरे पठवा ग अहइ।”</verse>
				<verse number="44">अउर इ तरह उ यहूदिया क आराधनालय मँ लगातार उपदेस देत रहा।</verse>
			</chapter>
			<chapter number="5">
				<verse number="1">अइसा भवा कि भीड़ मँ मनइयन ईसू क चारिहुँ कइँती स घेरिके जब परमेस्सर क बचन सुनत रहेन अउर उ गन्नेसरत नाउँ क झिलिया क किनारे खड़ा रहा।</verse>
				<verse number="2">तबहिं उ झीले क किनारे दुइ नाउ देखेस। मछुआरा ओहमाँ स निकरिके आपन जाल साफ करत रहेन।</verse>
				<verse number="3">ईसू ओहमाँ स एक नाउ प जउन समौन क रही, चढ़ि गवा अउर उ नाउ क किनारे स हटावइ बरे कहेस। फिन उ नाउ प बइठि गवा अउर हुवँई नाउ प स मनइयन क भीड़े क उपदेस देइ लाग।</verse>
				<verse number="4">जब उ उपदेस देब बंद किहेस तउ उ समौन स कहेस, “गहिर पानी कइँती बढ़ा अउर मछरी धरइ क आपन जालि डावा।”</verse>
				<verse number="5">समौन कहेस, “स्वामी हम सारी राति बहोत मेहनत कीन्ह ह, मुला हमका कछू नाहीं मिला। तउ भी तू कहत बाट्या, यह बरे मइँ जालि नाइ देत हउँ।”</verse>
				<verse number="6">जब उ पचे जलिया डारि दिहन तउ ढेर मछरी धरी गइन। ओनकइ जालि जइसे फाटत रहिन।</verse>
				<verse number="7">तउ उ पचे दूसर नाउन मँ बइठन आपन साथी संगी क इसारा कइके मदद बरे बोलाएन। उ सबइ आइ गएन अउर उ सबइ दुइनउँ नाउन प ऍतनी ढेरि क मछरी लादि दिहन कि माना उ पचे बूड़इ लागेन।</verse>
				<verse number="8">जब समौन पतरस इ निहारेस तउ उ ईसू क गोड़वा मँ गिरिके बोला, “मोसे दूर रहा, काहेकि हे पर्भू मइँ एक पापी मनई हउँ।” उ इ एह बरे कहेस कि ऍतनी मछरी बटोर पावइ क कारण ओका अउर ओकॅरे सबहीं साथी क बहोत अचरज होत रहा।</verse>
				<verse number="9"></verse>
				<verse number="10">जब्दी क बेटवा याकूब अउर यूहन्ना क भी, जउन समौन क साथी रहेन, इ तरह बहोत अचरज भवा। तउ ईसू समौन स कहेस, “डेराअ जिन, काहेकि अबहिं स तू मनइयन क बटोरब्या।”</verse>
				<verse number="11">फिन उ पचे आपन नाउन क किनारे लइ आएन अउर सब कछू तजिके ईसू क पाछे होइ गएन।</verse>
				<verse number="12">तउ अइसा भवा कि जब ईसू एक नगर मँ रहा तबहीं हुवाँ कोढ़ स बिआपा एक ठु मनई रहा। उ जइसेन ईसू क निहारेस तउ दण्डवत प्रणाम कइके ओसे बिनती किहेस, “पर्भू, जदि तू चाहा तउ मोका चंगा कइ सकत ह।”</verse>
				<verse number="13">ऍह पइ ईसू आपन हाथ बढ़ाइके कोढ़ी क इ कहत भवा छुएस, “मइँ चाहत हउँ, चंगा होइ जा!” अउर फउरन ओकर कोढ़ जात रहा।</verse>
				<verse number="14">फिन ईसू ओका हुकुम दिहेस, “ऍकरे बारे मँ उ कउनो स कछू न कहइ। मुला याजक क लगे जा अउर अपने सुद्ध होइ बरे मूसा क हुकुम क मुताबिक भेंट चढ़ाइ द्या जइसे मनइयन क तोहरे चंगा होइ क प्रमाण मिलइ।”</verse>
				<verse number="15">मुला ईसू क बारे मँ खबर अउर जिआदा रफ्तार स संचरइ लाग। अउर मनइयन क झुंड क झुंड ऍकट्ठा होइके ओका सुनइ अउर आपन बेरामी स जरटुट होइ बरे ओकरे नगिचे आवत रहेन।</verse>
				<verse number="16">मुला ईसू अक्सर कहूँ एकान्त जंगल मँ चला जात रहा अउर उहाँ पराथना करत रहा।</verse>
				<verse number="17">अइसा भवा कि एक दिना जब उ उपदेस देत रहा तउ हुवाँ फरीसियन अउर धरम सास्तिरियन भी बइठा रहेन। उ सबइ गलील अउर यहूदिया क हर सहर अउर यरूसलेम स आए रहेन। मनइयन क चंगा करइ क पर्भू क सक्ती ओकरे साथे रही।</verse>
				<verse number="18">तबहीं कछू मनई खटिया प लकवा क एक बेरमिया क ओकरे लगे लइ आएन। उ पचे ओका भितरे लइ आइके ईसू क समन्वा धरइ क जतन करत रहेन।</verse>
				<verse number="19">मुला भीड़ क कारण भीतर जाइके रस्ता न मिल पावइ स उ सबइ छत प चढ़ि गएन अउर उ पचे ओका बिछउना क साथ छत क बीचोबीचे स खपरैल टारिके भोर के बीच मँ ईसू क समन्वा उतार दिहन।</verse>
				<verse number="20">ओनके बिसवास क लकत भवा ईसू कहेस, “अरे तोहार, पाप छमा होइ गएन।”</verse>
				<verse number="21">तब धरम सास्तिरियन अउर फरीसियन आपन मँ सोचइ लागेन, “इ कउन बा जउन परमेस्सर बरे अइसे बेज्जती स बोलत ह? परमेस्सर क तजिके दूसर कउन अहइ जउन पाप छमा कइ सकत ह?”</verse>
				<verse number="22">मुला ईसू ओनकइ सोचब बिचारब क ताड़ लिहस। फिन जवाबे मँ उ ओनसे कहेस, “तू पचे आपन मने मँ अइसा काहे सोचत अहा?</verse>
				<verse number="23">जिआदा असान क बाटइ? इ कहब, ‘तोहार पाप छमा हुआ’ या इ कहब, ‘उठा अउर चला’? मुला एह बरे कि तू जान ल्या कि मनई क पूत क धरती प छमा करइ क हक अहइ।” उ लकवा क बेरमिआ स कहेस, “मइँ तोहसे कहत हउँ खड़ा ह्वा! आपन बिछउना उठावा अउर घरे जा।”</verse>
				<verse number="24"></verse>
				<verse number="25">तउ उ तुरंतहि खड़ा भवा अउर ओनके लखत लखत जउने बिछउना प उ ओलरा रहा, ओका उठाइके परमेस्सर क स्तुति करत भवा आपन घर चला गवा।</verse>
				<verse number="26">उ पचे जउन हुवाँ रहेन सब चकित होइके परमेस्सर क बड़कई करइ लागेन। उ पचे स्रद्धा अउर अचरज स भरि गएन अउर बोलेन, “आजु हम पचे कछू अजूवा निहारा ह!”</verse>
				<verse number="27">एकरे पाछे ईसू चला गवा। तबहीं उ चुंगी क चौकी पइ बइठा लेवी नाउँ क चुंगी उगहिया क लखेस। उ ओसे कहेस, “मोरे पाछे चला आवा!”</verse>
				<verse number="28">तउ उ खड़ा भवा अउर सब कछू तजिके ओकरे पाछे होइ गएन।</verse>
				<verse number="29">फिन लेवी आपन घरे प ईसू क मान बरे एक ठु स्वागत जेवनार दिहस। हुवाँ चुंगी क उगहिया अउर दूसर मनइयन क बड़का जमघट मिलिके ओकरे संग जेवंत रहा।</verse>
				<verse number="30">तब फरीसियन अउर धरम सास्तिरियन लोग ओकरे चेलन स इ कहत भए सिकाइत किहन, “तू चुंगी उगहिया अउर पापी मनइयन क संग काहे खात पिअत ह?”</verse>
				<verse number="31">जवाबे मँ ईसू ओनसे कहेस, “हिट्ठ पुट्ठ क नाहीं, मुला बेरमियन क वैद्य (डाक्टर) क जरूरत होत ह।</verse>
				<verse number="32">मइ मनफिराव बरे धर्मी लोगन क नाहीं मुला पापी मनइयन क बोलावइ आवा हउँ।”</verse>
				<verse number="33">उ पचे ईसू स कहेन, “यूहन्ना क चेलन अक्सर उपास राखत हीं अउर पराथना करत हीं। अउर अइसा ही फरीसियन क मनवइयन भी करत हीं मुला तोहार मनवइयन तउ खात पिअत रहत हीं।”</verse>
				<verse number="34">ईसू ओनसे पूछेस, “का दुल्हा क संग मेहमान जब तलक दुल्हा क लगे रहत हीं, उपास करत हीं?</verse>
				<verse number="35">मुला उ सबइ दिनन अबहिं जबहिं दुल्हा ओनसे छीन लीन्ह जइहीं। फिन उ दिनन मँ उ पचे उपास करिहीं।”</verse>
				<verse number="36">उ ओनसे एक दिस्टान्त कथा अउर कहेस, “कउनो भी नवा पोसाके स टुकड़ा फाड़िके ओका पुरान पोसाके प नाहीं लगावत अउर जदि कउनो अइसा करत ह तउ ओकर नवा पोसाक तउ फाटि जाई, ओकरे संग उ नवा पइबंद भी पुरान क साथ मेल न खाई।</verse>
				<verse number="37">कउनो भी पुरान मसकन मँ नई दाखरस नाहीं भरत अउर जदि भरि देत ह तउ नई दाखरस पुरान मसकन क फोरि देई, उ फैलि जाई अउर मसकन क फोरि देई।</verse>
				<verse number="38">मनई हमेसा नई दाखरस नई मसकन मँ ही धरत ह।</verse>
				<verse number="39">पुरान दाखरस पीके कउनो भी नई का नाहीं चाहत काहेकि उ कहत ह, ‘पुरान उत्तिम अहइ।’”</verse>
			</chapter>
			<chapter number="6">
				<verse number="1">अब अइसा भवा कि सबित क एक दिन ईसू जब अनाजे क खेतन्स जात रहा तउ ओनकर चेलन अनाजे क बलिया तोड़तेन, हथेली प रगड़ितेन अउर ओनका चबात जात रहेन।</verse>
				<verse number="2">तबहीं कछू फरीसियन कहेन, “जेका सबित क दिन कीन्ह जाब नीक नाहीं बा, ओका तू पचे काहे करत अहा?”</verse>
				<verse number="3">जवाब देत भवा ईसू ओनसे पूछेस, “का तू पचे नाहीं पढ़्या जब दाऊद अउर ओकर साथी भुखान रहेन, तब दाऊद का किहेस?</verse>
				<verse number="4">का तू नाहीं बाँच्या कि उ परमेस्सर क घरे मँ घुसिके, परमेस्सर क चढ़ाई गइ रोटिन क उठाइके खाइ लिहस अउर ओनका भी दिहेस जउन ओकरे संग रहेन? जब कि याजकन क तजिके ओकर खाब कउनो बरे नीक नाहीं।”</verse>
				<verse number="5">उ अगवा फिन कहेस, “मनई क पूत सबित क दिन क भी पर्भू अहइ।”</verse>
				<verse number="6">दूसर सबित क दिना अइसा भवा कि उ आराधनालय मँ जाइके उपदेस देइ लाग। हुवँई एक अइसा मनई रहा जेकर दाहिन हाथ सुखंडी होइ गवा रहा।</verse>
				<verse number="7">हुवँई धरम सास्तिरियन अउर फरीसियन इ ताक मँ रहेन कि उ सबित क दिन कउनो चंगा किहे होइ तो ओह प दोख लगावइ क कउनो कारण पाइ जाइँ।</verse>
				<verse number="8">उ ओनके बिचारन क जानत रहा। यह बरे उ सुखंडी हथवावाले मनई स कहेस, “उठा अउर सबन क समन्वा खड़ा होइ जा।” उ उठि गवा अउर हुवाँ खड़ा होइ गवा।</verse>
				<verse number="9">तब ईसू मनइयन स कहेस, “मइँ तोहसे पूछत हउँ-सबित क दिन कउनो क भला करब चंगा अहइ या कउनो क नोसकान करब, कउनो क जिन्नगी बचाउब नीक बा या कउनो क जिन्नगी क नास करब।”</verse>
				<verse number="10">ईसू चारिहुँ कइँती ओन सबन क निहारेस अउर फिन ओसे कहेस, “आपन हथवा सोझ फइलावा।” उ वइसा ही किहेस अउर ओकर हाथ फिन स चंगा होइ ग।</verse>
				<verse number="11">मुला ऍह पइ उ पचे आपुस मँ तहत्तुक करत कोहाइ गएन अउर बिचारइ लागेन, “ईसू क का कीन्ह जाइ?”</verse>
				<verse number="12">उ दिनन मँ अइसा भवा कि ईसू पराथना करइ बरे एक पहाड़े प गवा अउर सारी राति परमेस्सर क पराथना करइ मँ बिताएस।</verse>
				<verse number="13">फिन मोर भवा तउ उ आपन मनवइयन क लगे बोलॉएस। ओहमाँ स उ बारहु क चुनेस, जेनका उ “प्रेरितन” क नाउँ दिहस।</verse>
				<verse number="14">समौन जेका उ पतरस का नाउँ दिहेस, अउर ओकर भइया अन्द्रियास, याकूब अउर यूहन्ना, फिलिप्पुस, बरतुलमै,</verse>
				<verse number="15">मत्ती, थोमा, हलफई क बेटवा याकूब अउर समौन जिलौती,</verse>
				<verse number="16">याकूब क बेटवा यहूदा अउर यहूदा इस्करियोती जउन दगाबाज होइ गवा।</verse>
				<verse number="17">फिन ईसू ओनके संग पहाड़ी स तरखाले उतरिके समथर भुइयाँ प खड़ा भवा। हुवँई ओकरे चेलन क भारी जमघट रहा। एकरे साथ समूचइ यहूदिया, यरूसलेम, सूर अउर सैदा क समुद्दर किनारे स अनगिनत आलम हुवाँ आइके ऍकट्ठा भवा।</verse>
				<verse number="18">उ पचे ओका सुनइ अउर बेरामी स छुटकारा पावइ हुवाँ आए रहेन। जउन दुस्ट आतिमा स सतावा रहेन, उ पचे भी हुवाँ आइके चंगा भएन।</verse>
				<verse number="19">समूची भीड़ ओका छुइ भरि लेइ क जतन मँ रही काहेकि ओहमाँ स सक्ती निकरत रही अउर ओन सबन क बेरामी स दूर करत रही।</verse>
				<verse number="20">फिन उ आपन चेलन क निहारत भवा बोला, “धन्य अहा तू दीन जनन काहेकि परमेस्सर क राज्य तोहार अहइ।</verse>
				<verse number="21">धन्य अहा तू, जउन अबहीं भूखा अहा काहेकि तृप्ति तउ होइ तोहार, धन्य अहा तू, जउन आजु आँसू बहावत अहा, काहेकि तू आगे हँसब्या।</verse>
				<verse number="22">“धन्य अहा तू, जब मनई क पूत क कारण लोग तोहसे घिना करइँ, अउर तोहका निकारि देइँ; अउर करइँ तोहार बुराई, नाउँ तलक क दुस्ट कहिके, काटि देइँ उ पचे।</verse>
				<verse number="23">तब उहइ दिन तू मगन होइके खुसी मँ उछर्या काहकेइ सरग मँ तोहार प्रतिफल महान अहइ। काहेकि ओनके पूर्वजन भी नबियन क संग अइसा ही किहन ह।</verse>
				<verse number="24">“हाय! धिक्कार अहइ तोहका ओ धनी मनइयो, काहेकि तोहका मिल गवा सुख चनइ भरपूर।</verse>
				<verse number="25">अहइ तोहका धिक्कार, जउन भरपेट अहा अब काहेकि तू भूखा रहब्या। अहइ तोहका धिक्कार, जउन अबहिन हँसत अहा, काहेकि तू आँसू बहउब्या अउर सोक करब्या।</verse>
				<verse number="26">“बा धिक्कार तोहका, जब सबन दुआरा तोहार बड़कई होइ काहेकि ओनके पूर्वजन भी इही ब्यौहार झूठे नबियन क संग किहे रहेन।</verse>
				<verse number="27">“ओ सुनवइया लोगो, मइँ तोहसे कहत हउँ आपन बैरी स भी पिरेम करा। जउन तोहसे घिना करत हीं ओनके संग भलाई करा।</verse>
				<verse number="28">ओनका भी आसीर्बाद द्या जउन तोहका सरापत हीं। ओनके बरे पराथना करा जउन तोहरे संग नीक ब्यौहार नाहीं करतेन।</verse>
				<verse number="29">जदि कउनो तोहरे एक गाले प थप्पड़ियावइ तउ तू दूसर गाल भी ओकरे अगवा कइ द्या। जदि कउनो तोहार कोट तोहसे लइ लेइ तउ ओहका कुर्ता भी लइ लेइ द्या।</verse>
				<verse number="30">जदि कउनो तोसे माँगइ, ओका द्या। जदि कउनो तोहार कछू राखि लेइ तउ ओसे ओका वापस जिन माँगा।</verse>
				<verse number="31">तू आपन बरे जइसा ब्यौहार दूसरन स चाहत बाट्या, तोहका वइसा ही दूसर क संग ब्यौहार करइ चाही।</verse>
				<verse number="32">“जदि तू बस ओनही क पिआर करत ह, जउन तोहका पिआर करत हीं, तउ ऍहमा तोहार कउन बड़कई? काहेकि आपन स पिरेम करइवालन स पिरेम तउ पापी मनई तलक करत हीं।</verse>
				<verse number="33">जदि तू बस ओनहीं क भला करत ह, जउन तोहार भला करत हीं, तउ तोहार कउन बड़कई? अइसा तउ पापी तलक करत हीं।</verse>
				<verse number="34">जदि तू सिरिफ ओनही क उधार देत ह, जेनसे तोहका वापस मिल जाइ क आसा बा, तउ तोहार कउन बड़कई? अइसे तउ पापी भी पापी मनइयन क देत हीं कि ओनका ओनकी पूरी रकम वापस मिलि जाइ।</verse>
				<verse number="35">“मुला आपन दुस्मन स भी पिआर करा, ओनके संग भलाई करा। कछू भी वापस मिलि जाइके आसा तजिके उधार द्या। इ तरह तोहार फल महान होइ जाई अउर तू सर्वोच्च (परमेस्सर) क संतान बनब्या काहेकि परमेस्सर एहसाने क मानइवालन अउर दुस्ट मनइयन प भी दाया करत ह।</verse>
				<verse number="36">जइसे तोहार परमपिता दयालु बा, वइसे ही तू दयालु बना।</verse>
				<verse number="37">“कओ क दोखी जिन कहा तउ तोहका भी दोखी नाहीं कहा जाइ। कओ क नोक्तचीनी जिन करा तउ तोहार भी नोक्ताचीनी नाहीं कीन्ह जाइ। छमा करा, तोहका छमा मिली।</verse>
				<verse number="38">द्या तोहका भी दीन्ह जाइ। उ पचे तोहरे झोरी मँ पूरा नाप दबाइ दबाइ के, हलाइके बाहेर निकसत भइ उड़ेरिहीं काहेकि जउने नापे स तू दूसरन क नापत ह, उहइ स तोहका नापा जाइ।”</verse>
				<verse number="39">उ ओनसे एक ठु दिस्टान्त कथा अउर कहेस: “का कउनो आँधर कउने दूसरे आँधर क राह देखाइ सकत ह? का उ सबइ दुइनउँ ही कउनो गड़हा मँ नाहीं भहरइहीं?</verse>
				<verse number="40">कउनो भी पढ़वइया आपन पढ़ावइवालन स बड़वार नाहीं होइ सकत, मुला जबहिं कउनो मनई पूरी तरह हुसियार होइ जात ह तउ उ आपन गुरु क नाई होइ जात ह।</verse>
				<verse number="41">“तू आपन भाई क आँखी मँ कउनो ढेंढ़ा काहे लखत ह अउर आपन आँखी क लट्ठा भी तोहका नाहीं चोंधरात।</verse>
				<verse number="42">तउ आपन भाई स तू कइसे कहि सकत ह ‘भाई तू अपन आँखी क तिनका मोका निकारइ द्या।’ जब तू आपन आँखी क लट्ठा क नाहीं निहरत्या। अरे कपटी, पहिले आपन आँखी क लट्ठा दूर करा, तब तोबका आपन भाई क आँखी क ढेढ़ा बाहेर निकारइ बरे देखॉइ पड़ी।</verse>
				<verse number="43">“कउनो भी अइसा उत्तिम बृच्छ नाहीं अहइ जेह पइ बुरा फर लागत होइ। न ही कउनो अइसा बुरा बृच्छ बाटइ, जेइ पइ उत्तिम फर आवति होइ।</verse>
				<verse number="44">हर बृच्छ आपन फर स पहिचाना जात ह। मनइयन कँटेहरी झारी स अंजीर नाहीं बटोरतेन। न ही कउनो झरबेली स मनई अंगूर बटोरत हीं।</verse>
				<verse number="45">एक नीक मनई क मन मँ अच्छाइ क भंडार बाटइ। अउर एक खोटा मनई, जउ ओकरे मने मँ बुराई बाटइ, उहइ स बुराई पइदा करत ह। काहेकि एक मनई मुँहना स उहइ बोलत ह, जउन ओकरे हिरदइ मँ उफनाइ के बाहेर आवत ह।</verse>
				<verse number="46">“तू मोका, ‘पर्भू पर्भू’ काहे पुकारत ह अउर जउन मइँ कहत हउँ, ओह प नाहीं चलत्या।</verse>
				<verse number="47">हर कउनो जउन मोरे लगे आवत ह अउर मोर उपदेस सुनि लेत ह अउर ओह पर आचरण करत ह, उ कउने तरह क होत ह, मइँ तोहका बताउब।</verse>
				<verse number="48">उ उहइ मनई क नाई अहइ जउन मकान बनावत बाटइ। उ गहिर खुदाई किहेस अउर चट्टानें प नेंव डाएस। फिन जब बाढ़ आइ अउर नदी मकाने प टकरान तउ ओका हलाइ नाहीं पाएस, काहेकि उ बहोत अच्छी तरह स बना रहा।</verse>
				<verse number="49">“मुला जउन मोर उपदेस सुनत ह अउर ओहॅ प चलत नाहीं उ ओ मनई क नाई अहइ जउन बे नेंव धरे धरती प मकान बनाएस। नदी ओसे टकरान अउर उ फउरन ढहाइ गवा अउर पूरी तरह बरबाद होइ गवा।”</verse>
			</chapter>
			<chapter number="7">
				<verse number="1">ईसू मनइयन क जउन सुनावा चाहत रहा, ओका कहि चुकइ क पाछे उ कफरनहूम चला गवा।</verse>
				<verse number="2">हुवाँ एक फऊजी नायक रहा जेकर नउकर ऍतना बेरमिया रहा कि मरइ के नगीचे रहा। उ नउकर ओकर बहोत पियारा रहा।</verse>
				<verse number="3">फऊजी नायक जब ईसू क बारे मँ सुनेस तउ उ कछू बुजुर्ग यहूदी नेतन क इ बिनती करइ क ओकरे लगे पठएस कि उ आइके ओकरे नउकर क प्राण बचाइ लेइ।</verse>
				<verse number="4">जब उ पचे ईसू क नगीचे पहुँच गएन तउ उ सबइ सच्चे मने स बिनती करत भए कहेन, “उ इ जोग्ग अहइ कि तू ओकरे बरे अइसा करा।</verse>
				<verse number="5">काहेकि उ हमरे मनइयन स पिरेम करत ह। उ हमरे बरे आराधनालय क बनवाएस ह।”</verse>
				<verse number="6">ऍह पर ईसू ओनके संग चल दिहेस। अबहिं जब उ घरे स जिआदा दूर नहीं रहा, उ फऊजी नायक ओकरे लगे आपन मीतन क इ कहइ बरे पठएस, “पर्भू आपन क कस्ट जिन द्या काहेकि मइँ ऍतना नीक मनई नाहीं कि तू मोरे घरवा आवा।</verse>
				<verse number="7">एह बरे मइँ तोहरे लगे आवइ तलक नाहीं सोचेउँ। मुला तू बस कहि भर द्या, मोर नउकर नीक होइ जाई।</verse>
				<verse number="8">मइँ खुद कउनो अधिकारी क मातहत काम करत हउँ अउर मोरे मातहत भी कछू सिपाही अहइँ। मइँ जब कउनो स कहत हउँ, ‘जा’ तउ उ चला जात ह। अउर जब मइँ आपन नउकर स कहत हउँ, ‘आवा’ तउ उ आइ जात ह अउर जब मइँ आपन नउकर स कहत हउँ, ‘इ करा’ तउ उ ओका करत ह।”</verse>
				<verse number="9">ईसू जब इ सुनेस तउ ओका ओह प बहोत अचरज भवा। जउन भारी मनइयन क भीड़ ओकरे पाछे चली आवत रही, ओनके कइँती मुड़िके ईसू कहेस, “मइँ तोहका बतावत हउँ अइसा बिसवास मोका इस्राएल मँ भी कहूँ नाहीं मिला।”</verse>
				<verse number="10">फिन पठए भए उ पचे जब वापस घरे पहुँचेन तउ उ सबइ उ नउकरे क बेरामी स जरटुट पाएन।</verse>
				<verse number="11">फिन अइसा भवा कि ईसू नाइन नाउँ क एक सहर चला गवा। ओकर चेलन अउर भारी आलम ओकरे संग रहा।</verse>
				<verse number="12">उ जइसे ही सहर दुआरे क नगिचे आवा तउ हुवाँ स एक मुर्दा क लइ जात रहेन। उ आपन विधवा महतारी क इकलौता बेटवा रहा। तउ सहर क अनगिनत मनइयन क भीड़ ओकरे संग रही।</verse>
				<verse number="13">जइसे पर्भू ओका निहारेस तउ ओकर हिरदय दया स भर गवा। उ उससे बोला, “जिन रोवा।”</verse>
				<verse number="14">फिन उ अगवा बढ़ा अउर उ ताबूत क छुइ लिहस उ पचे जउन ताबूते क लइ जात रहेन, हुवँइ ठहर गएन। ईसू कहेस, “नउ जवान! मइँ तोहसे कहत हउँ खड़ा ह्वा!”</verse>
				<verse number="15">तउ उ मुर्दा मनई बइठ गवा अउर बोलइ लाग। ईसू ओका ओकरी महतारी क वापस लौटाएस।</verse>
				<verse number="16">अउर फिन उ सबइ स्त्रद्धा अउर अचरज मँ पड़ि गएन। अउर इ कहत भएन परमेस्सर क महिमा बखनइ लागेन, “हमरे बीच एक महान नबी परगट भवा अहइ!” अउर कहइ लागेन, “परमेस्सर आपन मनइयन क मदद करइ बरे आइ ग अहइ।”</verse>
				<verse number="17">ईसू क समाचार यहूदिया अउर आस-पास क देसन मँ सब कहूँ कइँती फैलि गइ।</verse>
				<verse number="18">इ सबइ बातन क बारे मँ यूहन्ना क मनवइयन ओका सब कछू बताइ दिहन। तउ यूहन्ना आपन दुइ चेलन क बोलाइ के</verse>
				<verse number="19">ओनका पर्भू स इ पूछइ बरे पठएस, “का तू उहइ अहा, जउन आवइवाला अहइ या हम पचे कउनो अउर क बाट जोही?”</verse>
				<verse number="20">फिन उ मनइयन ईसू क लगे पहुँचेन तउ उ पचे कहेन, “बपतिस्मा क देवइया यूहन्ना हमका तोहसे इ पूछइ पठएस ह: ‘का तू उहइ अहा जउन आवइवाला अहइ या हम सबइ कउनो अउर क बाट जोही।’”</verse>
				<verse number="21">उहइ समइ उ बहोत स बेरमिया क नीक किहेन अउर ओनका करुण दुख अउर दुस्ट आतिमन स छुटकारा दियाएस। अउर बहोत स आँधर न क आँखिन दिहेस।</verse>
				<verse number="22">फिन उ ओनका जवाब दिहस, “जा अउर यूहन्ना स जउन तू निहार्या ह अउर सुन्या ह, ओका बतावा कि आँधर फिन स लखत अहइँ, लँगड़ा लूला चलत फिरत अहइँ अउर कोढ़ी सुद्ध होइ ग अहइँ। बहिरन सुनि पावत हीं अउर मुरदा फिन जिआवा जात अहइँ। गरीब मनइयन क सुसमाचार सुनाई जात अहइ।</verse>
				<verse number="23">उ मनई धन्य अहइ जेका मोरे क स्वीकार करइ मँ कउनो हिचक नाहीं।”</verse>
				<verse number="24">जब यूहन्ना क संदेस लइ आवइवालन चला गएन तउ ईसू भीड़े मँ मनइयन क यूहन्ना क बारे मँ बताउब सुरु किहेस: “तू पचे बियाबान जंगल मँ का लखइ गवा रह्या? का हवा मँ झूलत कउनो सरपत लखे गवा रइया? नाहीं?</verse>
				<verse number="25">फिन तू का लखइ गवा रह्या? का कउनो पुरुस क मँहगा ओढ़ना पहिरे क लखइ गवा रह्या? नाहीं, उ पचे जउन उत्तिम ओढ़ना पहिरत हीं अउर जउन भोग बिलास क जिन्नगी मँ जिअत हीं, उ सबइ तउ रजवाड़ा मँ पाइ जात हीं।</verse>
				<verse number="26">मुला बतावा तू का देखइ गवा रह्या? का कउनो नबी? हाँ, मइँ तोहका बतावत हउँ कि तू जेका लख्या ह, उ कउनो नबी स कहीं जिआदा बा।</verse>
				<verse number="27">इ उहइ अहइ जेकरे बारे मँ लिखा अहइ: ‘देखा! तोहसे पहिले मइँ आपन दूत पठवत अही, उ तोहसे पहिले ही राह तइयार करी।’</verse>
				<verse number="28">मइँ तोहका बतावत हउँ कि कउनो स्त्रियन स पइदा भएन मँ यूहन्ना स महान कउनो नाहीं अहइ। मुला फिन भी परमेस्सर क राज्य क छोटा स छोटा मनई भी ओस बड़का बा।”</verse>
				<verse number="29">(तबहिं हर कउनो, हियाँ तलक कि चुंगी (टैक्स) उगहिया भी यूहन्ना क सुनिके ओकर बपतिस्मा लइके इ मान लिहेन कि परमेस्सर क रस्ता सच्चा अहइ।</verse>
				<verse number="30">मुला फरीसियन अउर धरम सास्तिरियन ओकर बपतिस्मा न लइके ओनके बारे मँ परमेस्सर क इच्छा क टारि दिहन।)</verse>
				<verse number="31">“तउ फिन इ पीढ़ी क मनइयन क उपमा मइँ कउने स करउँ कि उ पचे कइसे बाटेन?</verse>
				<verse number="32">उ पचे बजारे मँ बइठेन ओन बचवन क नाईं अहइँ जउन एक दूसर क पुकारिके कहत हीं: ‘हम तोहरे बरे बाँसुरी बजावा मुला तू नाच्या नाहीं। हम तोहरे बरे सोक गवनिया गावा मुला तू रोया नाहीं।’</verse>
				<verse number="33">काहेकि बपतिस्मा क देवइया यूहन्ना आवा जउन न तउ रोटी खात रहा अउर न ही दाखरस पिअत रहा अउर तू कहत ह, ‘ओहमाँ दुस्ट आतिमा समाइ गइ अहइ।’</verse>
				<verse number="34">फिन खात पिअत भवा मनई क पूत आवा, मुला तू कहत अहा, ‘देखा, इ पेटार अहइ। पियक्कड़ अहइ, चुंगी उगहियन अउर पापी मनइयन क मीत अहइ।’</verse>
				<verse number="35">बुद्धि क उत्तिम होब ओकरे फल स सिद्ध होत ह।”</verse>
				<verse number="36">फरीसियन मँ एक ठु फरीसी आपन संग खइया प ओका न्योत दिहस। तउ उ फरीसी क घर गवा अउर ओकरे हियाँ भोजन करइ बइठा।</verse>
				<verse number="37">हुवँई सहर मँ एक पापी स्त्री रही, ओक जब इ पता चलि गवा कि उ एक फरीसी क घर भोजन करत अहइ तउ उ स्फटिक क एक पथरी मँ इतर लइके आइ।</verse>
				<verse number="38">उ ओकरे पाछे ओकरे गोड़वा क लगे खड़ी रही। उ रोवत रही। आपन आँसुअन स उ ओकर गोड़ भिजवइ लाग। फिन उ गोड़वा क आपन बाले स पोंछेस अउर गोड़वा क चूमिके ओन प इतर उड़ेरेस।</verse>
				<verse number="39">उ फरीसी जउन ईसू क आपन घर बोलाएस, इ लखिके मनवा मँ सोचेस, “जदि इ मनई नबी होत तउ जान लेत कि ओका छुवइवाली स्त्री कउन अहइ अउर कइसी अहइ? उ जान लेत कि इ तउ पापिन अहइ।”</verse>
				<verse number="40">जवाबे मँ ईसू ओसे कहेस, “समौन मोका तोहसे कछू कहइ क अहइ।” उ बोला, “हे गुरु, कहा।”</verse>
				<verse number="41">ईसू कहेस, “कउनो साहूकारे क दुइ करजदार रहेन। एक प ओकरे पाँचसौ चानी क सिक्का निकरत रहेन अउर दूसर प पचास।</verse>
				<verse number="42">काहेकि उ दुइनउँ करजा नाहीं पाट पाएन। यह बरे उ दाया कइके दुइनउँ क करजा माफ कइ दिहस। अब बतावा दुइनउँ मँ स ओका जिआदा पिरेम कउन स करी?”</verse>
				<verse number="43">समौन जवाब दिहस, “मोर बिचार बा, उहइ जेका उ जिआदा करजा छोड़ दिहस।” ईसू कहेस, “तू नीक सोच्या ह।”</verse>
				<verse number="44">फिन उ स्त्री कइँती मुड़िके उ समौन स कहेस, “तू इ स्त्री क लखत अहा? मइँ तोहरे घरवा आवा अही, तू मोड़े गोड़वा धोवइ क पानी नाहीं दिहा मुला इ मोरे गोड़वा क अँसुअन स धोइ दिहस अउर फिन आपन बरवा स पोंछेस।</verse>
				<verse number="45">तू स्वागत मँ मोका नाहीं चूम्या मुला इ जब तलक मइँ भितरे गवा हउँ, मोरे गोड़वा क लगातार चूमत बाटइ।</verse>
				<verse number="46">तू मोरे मूड़े प तेल नाहीं मल्या, मुला इ मोरे गोड़वा प इतर छिड़केस।</verse>
				<verse number="47">एह बरे मइँ तोहका बतावत हउँ कि ऍकर अगाध पिरेम दर्सित करत ह कि ऍकर पाप छमा कइ दीन्ह ग अहइँ। मुला उ जेका तनिक पापन क छमा मिली, उ थोड़ा पिरेम करत ह।”</verse>
				<verse number="48">तब ईसू उ स्त्री स कहेस, “तोहार पाप छमा कइ दीन्ह ग अहइँ।”</verse>
				<verse number="49">फिन जउन ओकरे संग जेंवत रहेन, उ सबइ मने मँ सोचइ लागेन, “इ कउन अहइ, जउन पापन क छमा कइ देत ह?”</verse>
				<verse number="50">तब उ स्त्री स ईसू कहेस, “तोहार बिसवास तोहार रच्छा किहेस ह। सांति स जा।”</verse>
			</chapter>
			<chapter number="8">
				<verse number="1">ऍकरे बाद अइसा भवा कि ईसू परमेस्सर क राज्य क सुसमाचार मनइयन क सुनावत भवा सहर-सहर अउर गाउँ गाउँ घूमइ लाग। ओकर बारहु प्रेरितन भी ओकरे संग होत रहेन।</verse>
				<verse number="2">ओकरे संग कछू स्त्रियन भी होत रहीं जेनका उ बेरामी अउर दुस्ट आतिमन स छुटकारा दियावत रहा। एनमाँ मरियम मगदलीनी नाउँ क एक स्त्री रही जेका सात दुस्ट आतिमन स छुटकारा मिला रहा।</verse>
				<verse number="3">हेरोदेस क संरकाम अफसर खोजा क पत्नी योअन्ना भी एनहीं मँ रहिन। साथ ही सूसन्नाह अउर ढेर क स्त्रियन भी रहिन। इ स्त्रियन आपन जतन स ईसू अउर ओकरे प्रेरितन क सेवा क संरजाम करत रहिन।</verse>
				<verse number="4">जब सहर-सहर स आइके मनइयन क बड़ी भीड़ ऍकट्ठा होत रही, तउ उ ओनसे एक दिस्टान्त कथा कहेस,</verse>
				<verse number="5">“एक किसान आपन बिआ बोवइ निकरा। जब उ बिआ बोएस कछू बिआ राह क किनारे जाइके गिरेन अउर गोड़े तरे रौंद गएन। अउर चिड़ियाँ ओनका चुग लिहेन।</verse>
				<verse number="6">कछू बिआ पथरही धरती प गिरेन, उ सबइ जब उगेन तउ ओद न होइ स मुरझाइ गएन।</verse>
				<verse number="7">कछू बिआ कँटेहरी झाड़िन मँ गिरेन। काँटन क बाढ़इ क संग संग उ भी बाढ़ेन अउर कँटवन ओनका दबोच लिहन।</verse>
				<verse number="8">अउर कछू बिआ धरती प गिरेन। उ उगेन अउर उ सबइ सउ गुना फसल दिहेन।” इ बातन क बतावत भवा उ पुकारिके कहेस, “जेकरे लगे कान अहइँ, उ सबइ सुनि लेइँ।”</verse>
				<verse number="9">ओकर चेलन ओसे पूछेन, “इ दिस्टान्त कथा क अरथ का अहइ?”</verse>
				<verse number="10">तउ उ बताएस, “परमेस्सर क राज्य क भेद जानइ क सुविधा तोहका दीन्ह गइ अहइ मुला दूसर क इ भेद दिस्टान्त कथा स दीन्ह ग अहइँ जेहसे: ‘उ पचे देखत भी न देख पावइँ अउर सुनते हुए भी न समुझ पावइँ।’</verse>
				<verse number="11">“इ दिस्टान्त कथा क अरथ इ अहइ: बिआ परमेस्सर क उपदेस अहइ।</verse>
				<verse number="12">उ बिआ जउन राह क किनारे गिरा रहेन, उ मनइयन उपदेस जउन अब उपदेस सुनत हीं, सइतान आवत ह अउर उपदेस क ओनके मने स निकार लइ जात ह जेहसे उ सबइ पतिआय न पावइँ अउर ओनकइ उद्धार न होइ सकइ।</verse>
				<verse number="13">उ बिआ जउन पथरही भुइयाँ प गिरा रहेन ओनकइ अरथ अहइ ओन मनइयन स जउन उपदेस सुनत हीं तउ ओका खुसी स तउ अपनावत हीं। मुला बिआ ओनके भितरे जम नाहीं पावत उ सबइ कछू समइ बरे बिसवास करत हीं मुला परीच्छा क घड़ी मँ डुग जात हीं।</verse>
				<verse number="14">“अउर जउन बिआ काँटन मँ गिरेन ओकर अरथ अहइ, ओन मनइयन स जउन उपदेस सुनत हीं, मुला जब उ पचे आपन राहे प चलइ लागत हीं। तउ फिकिर, धन दौलत अउर जिन्नगी क भोग बिलास ओका दहबोचि लेत हीं, जेहसे ओन प कबहुँ फसल पाकत नाहीं।</verse>
				<verse number="15">अउर बढ़िया भुइयाँ प गिरा भवा बिआ क अरथ अहइ ओन मनइयन स जउन अच्छा अउर सच्चा मन स जब उपदेस क सुनत हीं तउ ओका धारण भी करत हीं। फिन आपन धीरज क संग उ पचे उत्तिम फल देत हीं।</verse>
				<verse number="16">“कउनो दीया ढकना स ढाकइ बरे नाही जलावत। या ओका बिछउना तरे नाहीं धरत। मुला उ ओका डीबट प धरत ह काहेकि जउन भीतर आवइँ, रोसनी देखि सकइँ।</verse>
				<verse number="17">काहेकि कछू भी अइसा छुपा नाहीं अहइ जउन उजागर न होई अउर कछू भी अइसा छुपा नाहीं बा जउन जाना न जाई अउर परगट न होई।</verse>
				<verse number="18">एह बरे धियान स सुना काहेकि जेकरे लगे बा ओका भी दीन्ह जाई अउर जेकरे लगे नाहीं अहइ, ओसे भी ओकरे नगिचे देखात ह, उ भी लइ लीन्ह जाई।”</verse>
				<verse number="19">तबहीं ईसू क महतारी अउर ओकर भाइयन ओकरे लगे आएन मुला उ पचे भीड़ क कारण ओकरे नगिचे नाहीं जाइ सकेन।</verse>
				<verse number="20">यह बरे ईसू स इ कहा गवा, “तोहार महतारी अउर तोहार भाइयन बाहेर खड़ा अहइँ। उ पचे तोसे भेंटइ चाहत हीं।”</verse>
				<verse number="21">मुला ईसू ओनका जवाब दिहस, “मोर महतारी अउर मोर भाइयन तउ इ सबइ अहइँ जउन परमेस्सर क उपदेस सुनत हीं अउर ओह प चलत हीं।”</verse>
				<verse number="22">तब्बइ एक दिन अइसा भवा कि उ आपन चेलन क संग एक नाउ प चढ़ा अउर ओनसे “आवा, झिलिया क उ पार चली।” तउ उ पचे पाल खोलि दिहन।</verse>
				<verse number="23">उ पचे जब नाउँ खेवत रहेन, ईसू सोइ गवा। झिलिया प आन्धी अउर तूफान उतर आवा। ओनके नाउ मँ पानी भरइ लाग। उ पचे खतरा मँ रहेन।</verse>
				<verse number="24">ऍहसे उ सबइ ओकरे लगे आएन अउर ओका जगाइके कहइ लागेन, “स्वामी! स्वामी! हम बूड़त अही!” फिन उ खड़ा भवा अउर उ आन्धी, अउर लहरन क फटकारेस। उ सबइ थम गइन अउर हुवाँ सान्ति होइ गइ।</verse>
				<verse number="25">फिन उ ओनसे पूछेन, “तोहार बिसवास कहाँ गवा?” मुला उ पचे डेरान रहेन अउर अचरज मँ पड़ा रहेन। उ पचे आपुस मँ एक दूसरे स कहेन, “आखिर इ अहइ कउन जउन हवा अउर पानी दुइनउँ क हुकुम देत ह अउर उ सबइ ओका मानत हीं!”</verse>
				<verse number="26">फिन उ पचे गिरासेनियन लोगन क पहँटा मँ पहुँचेन जउन गलील झीले क समन्वा रहा।</verse>
				<verse number="27">जइसेन ही उ किनारे प उतरा, सहर क एक मनई ओका मिला। ओहमा दुस्ट आतिमन क सवारी रहिन। बहोत दिना स उ न तउ ओढ़ना पहिरत रहा, न ही उ घरे मँ रहत रहा, मुला उ कबरे मँ रहत रहा।</verse>
				<verse number="28">उ जब ईसू क लखेस तउ चिचियात भवा ओकरे समन्वा गिरिके ऊँची अवाज मँ बोला, “हे सर्वोच्च परमेस्सर क पूत ईसू तू मोसे का चाहत ह? मइँ बिनती करत हउँ मोका पीरा जिन द्या।” उ दुस्ट आतिमा क उ मनई मँ स बाहेर निकरइ क हुकुम दिहेस, काहेकि उ दुस्ट आतिमा उ मनई क बहोत दाई पकड़े रही। अइसेन अवसरन प ओका हथकड़ी बेड़ी स बाँधि के पहरुअन क बीच राखि जात रहा। मुला उ हमेसा जंजीरे क तोरि डावत अउर दुस्ट आतिमा ओका वीरान जगहन मँ भगावत रहत!</verse>
				<verse number="29"></verse>
				<verse number="30">तउ ईसू ओसे पूछेस, “तोहार नाउँ का अहइ?” उ कहेस, “सेना।” (काहेकि बहोत स दुस्ट आतिमन ओहमा समाई रहिन।)</verse>
				<verse number="31">उ सबइ ईसू स बहस मोबहसा क संग बिनती करत रहेन कि ओनका गहिर गड़हा मँ जाइके हुकुम न देइँ।</verse>
				<verse number="32">अब देखा, तबहिं हुआँ पहाड़ी प सुअरन क झुण्ड चरत रहा। दुस्ट आतिमन ओसे बिनती किहेन कि उ ओनका सुअरिअन मँ जाइ देइँ। तउ उ ओनका जाइके हुकुम दिहेस।</verse>
				<verse number="33">ऍह प उ सबइ दुस्ट आतिमन उ मनई मँ स बाहेर निकरीं अउर ओन सुअरिअन मँ घुस गइन। अउर सुअरिअन क झुण्ड तरखाले उ ढालू तट स लुढ़कत पुढ़कत अउर दउड़त भवा झीले मँ जाइके गिरि गवा अउर बूड़ गवा।</verse>
				<verse number="34">सुअरिअन क झुण्ड क बहोरिया, जउन कछू भवा रहा, ओका निहारिके हुवाँ स परानेन। अउर ऍकर खबर उ पचे सहर अउर दिहात मँ सुनाएन।</verse>
				<verse number="35">फिन हुवाँ क मनइयन जउन कछू घटा रहा ओका लखइ बाहेर आएन। उ सबइ ईसू स भेंटेन। अउर उ पचे उ मनई क जेहमाँ स दुस्ट आतिमन निकरी रहिन, ईसू क गोड़वा प बइठा पाएन। उ मनई ओढ़ना पहिरे रहा अउर ओकर दिमाग एकदम सही रहा। ऍहसे उ सबहिं डेराइ गएन।</verse>
				<verse number="36">जउन निहारेन, उ पचे बताएन क दुस्ट आतिमन क सवारीवाला मनई कइसे नीक भवा।</verse>
				<verse number="37">गिरासेन पहँटा के सबहीं वसइया ओसे बिनती किहेन कि उ हुवाँ स चला जाइ काहेकि सबहिं बहोत डेरान रहेन। तउ ईसू नाउ मँ आवा अउर लौटि गवा।</verse>
				<verse number="38">मुला जउने मनई स दुस्ट आतिमन निकरी रहिन, उ ईसू स आपन क संग लइ जाइके बिनती करत रहा। ऍह पइ ईसू ओका इ कहत भवा लौटाइ दिहस,</verse>
				<verse number="39">“घर जा अउर जउन कछू परमेस्सर तोहरे बरे किहे अहइ ओका बतावा।” तउ उ लौटिके ईसू ओकरे बरे जउन कछू किहस ह, ओका सारे नगर मँ कहत फिरा।</verse>
				<verse number="40">अब लखा जब ईसू लौटा तउ मनइयन क भीड़ ओकर अगवानी किहेस, काहेकि उ सबइ ओका जोहत रहेन।</verse>
				<verse number="41">तबहीं याईर नाउँ क एक मनई हुवाँ आइ। उ हुवाँ क आराधनालय क मुखिया रहा। उ ईसू क गोड़वा मँ गिरि गवा अउर ओसे आपन घरे जाइके बिनती करइ लाग। काहेकि ओकर बारह बरिस क एक इकलौती बिटिया रही, उ मरइ क रही। तउ ईसू जब जात रहा तउ भीड़ ओका कुचरि देत रही।</verse>
				<verse number="42"></verse>
				<verse number="43">हुवाँ एक स्त्री रही जेकर बारह बरिस स खून बहत रहा। जउन कछू ओकरे लगे रहा, उ बैद्य पर खरिच कइ दिहस, मुला उ कउनो स नीक नाहीं होइ पाइ।</verse>
				<verse number="44">उ ओकरे पाछे आइ अउर ओकरे चोंगा क मोहरी छुएस अउर तुरंतहि ओकर लहू बहब रुकि गवा।</verse>
				<verse number="45">तब ईसू पूछेस, “उ कउन अहइ जउन मोका छुएस ह?” जब सबहिं मुकरइ लागेन कि उ पचे ईसू क नाहीं छुएन तउ पतरस कहेस, “स्वामी तोहका भिड़िया घेरे अहइ अउर तोहका दबावति अहइ।”</verse>
				<verse number="46">मुला ईसू कहेस, “कउनो मोका छुएस ह काहेकि मोका लागत अहइ कि मोसे सक्ती निकरी गइ होइ।”</verse>
				<verse number="47">जब उ स्त्री देखेस कि मइँ छुप नाहीं सकित तउ उ काँपत काँपत आइ अउर ईसू क समन्वा गिरि गइ। हुवाँ सबहीं मनइयन क समन्वा उ बताएस कि मइँ तोहका कउने कारण स छुए हउँ अउर कइसे फउरन नीक होइ गइ।</verse>
				<verse number="48">ऍह प ईसू ओसे कहेस, “बिटिया तोहरे पतियाये स तोहार उद्धार भवा ह। चइन स जा।”</verse>
				<verse number="49">उ अबहीं बोलत रहा कि आराधनालय क मुखिया क घरे स कउनो आवा अउर बोला, “तोहार बिटिया मरि गइ अहइ। तउ गुरु क अब अउर कस्ट जिन द्या।”</verse>
				<verse number="50">ईसू इ सुनि लिहस। तउ उ ओसे बोला, “डेराअ जिन! बिसवास राखा। उ बचि जाई।”</verse>
				<verse number="51">जब ईसू उ घरे मँ आवा उ आपन संगे पतरस, यूहन्ना, याकूब अउर बिटिया क महतारी बाप क तजिके कउनो अउर क आपन संग भितरे नाहीं लइ गवा।</verse>
				<verse number="52">सबहीं मनइयन उ लरकी बरे रोवत रहेन अउर बिलाप करत रहेन। ईसू कहेस, “रोउब बंद कइ द्या। इ मरी नाहीं बा, मुला सोवति अहइ।”</verse>
				<verse number="53">ऍह पइ मनइयन ओकर हँसी उड़ाएन। काहेकि उ जानत रहेन कि लरकी मरि चुकी बा।</verse>
				<verse number="54">मुला ईसू ओकर हथवा पकड़ेस अउर चिल्लाइके कहेस, “बच्ची, खड़ी होइ जा!”</verse>
				<verse number="55">ओकर आतिमा लौटि आइ, अउर उ फउरन उठि गइ। ईसू हुकुम दिहेस, “ऍका कछू खइया क दीन्ह जाइ।”</verse>
				<verse number="56">ऍह पइ लरकी क महतारी बाप क बहोत अचरज भवा मुला ईसू ओनका हुकुम दिहेस कि जउन भवा अहइ, ओका उ पचे कउनो क न बतावइँ।</verse>
			</chapter>
			<chapter number="9">
				<verse number="1">फिन ईसू बारहु प्रेरितन क एक साथे बोलॉएस। अउर ओनका दुस्ट आतिमन स छुटकारा दियावइ क सामर्थ अउर हक दिहेस। उ ओनका बेरामी दूर करइके सामर्थ दिहेस।</verse>
				<verse number="2">फिन उ ओनका परमेस्सर क राज्य क सुसमाचार का घोसना किहेस अउर बेरमियन क नीक करइ बाहेर पठएस।</verse>
				<verse number="3">उ ओनसे कहेस, “आपन जात्रा बरे कछू संग न लेइँ, न लाठी, न झोरा, न रोटी, चाँदी अउर न कउनो अउर ओढ़ना।</verse>
				<verse number="4">तू जउन कउनो घरे क भितरे जा, हुवँइ ठहरा। अउर जब तलक बिदा न ह्वा, हुवइँ ठहरा रहा।</verse>
				<verse number="5">अउर जहाँ कहूँ मनई तोहार अगवानी न करइँ तउ जब तू उ सहर क तजि द्या अउर ओनके खिलाफ सनद क रूप मँ गोड़वा क धूरि झाड़ि द्या।”</verse>
				<verse number="6">तउ हुवाँ स चलिके उ सबइ हर कतहूँ सुसमाचार क उपदेस देतेन अउर मनइयन क चंगा करत सबहीं गाउँन स फिरत भए जात्रा करइ लागेन।</verse>
				<verse number="7">अब जबहिं एक चउथाई देस क राजा हेरोदेस जउन कछू भवा रहा, ओकरे बारे मँ सुनेस तउ उ भरम मँ पड़ि गवा काहेकि कछू मनइयन इ कहत रहेन, “यूहन्ना क मरे हुअन मँ स जिआइ दीन्ह ग अहइ।”</verse>
				<verse number="8">दूसर कहत रहेन, “एलिय्याह परगट भवा अहा।” कछू अउर कहत रहेन, “पुरान जुग क कउनो नबी जी उठा बा।”</verse>
				<verse number="9">मुला हेरोदेस कहेस, “मइँ तउ यूहन्ना क गटइ कटवाइ दिहे रहेउँ। फिन इ अहइ कउन जेकरे बारे मँ मइ अइसी बात सुनत रहत हउँ?” तउ हेरोदेस ओका देखइ क जतन करइ लाग।</verse>
				<verse number="10">फिन जब प्रेरितन लौटिके आएन तउ उ पचे जउन कछू किहे रहेन, सब ईसू क बताएन। तउ उ ओनका हुवाँ स आपन संग लइके चुप्पे बैतसैदा नाउँ क सहर चला गवा।</verse>
				<verse number="11">मुला भीड़ क पता लग गवा तउ उ भी ओनके पाछे होइ गइ। ईसू ओनकइ सुआगत किहेस अउ परमेस्सर क राज्य क बारे मँ ओनका बताएस। अउर जेनका दवाई क जरूरत रही ओनका नीक किहेस।</verse>
				<verse number="12">जब दिन ओनवइ लाग तउ उ पचे बारहु ओकरे लगे आएन अउर बोलेन, “भीड़ क बिदाई दइ द्या जइसे उ सबइ नगिचे क गाउँन अउर खेतन मँ जाइके ठहरइ क ठिकाना अउर खइया क पाइ सकइँ काहेकि हम हिआँ बहोत दूर सुनसान जगह मँ अही।”</verse>
				<verse number="13">मुला उ ओनसे कहेस, “तू ही ऍनका खइया क द्या।” उ पचे बोलेन, “हमरे लगे बस पाँच रोटी अउर दुइ मछरी क छोड़िके अउर कछू भी नाहीं अहइ। या तू इ तउ नाहीं चाहत अहा कि हम पचे जाई अउर इ सबन बरे खइया के मोल क लइ आई।”</verse>
				<verse number="14">(हुवाँ करीब पाँच हजार पुरुसन रहेन।) मुला ईसू आपन चेलन स कहेस, “ओनका पचास पचास क दल मँ बइठाइ द्या।”</verse>
				<verse number="15">तउ उ पचे वइसा ही किहेन अउर हर कउनो क बइठाइ दिहन।</verse>
				<verse number="16">फिन ईसू पाँच रोटी अउर दुइ मछरी क लइके सरगे कइँती लखत भवा ओनके बरे धन्यबाद दिहेस अउर फिन ओनके टुकड़न मँ तोरत भवा ओनका आपन चेलन क दिहस कि उ पचे मनइयन क परोस देइँ।</verse>
				<verse number="17">मनइयन खुब जिअरा भरिके खाएन अउर बचा भवा टुकड़न स ओकर चेलन बारह झउआ भरेन।</verse>
				<verse number="18">इ भवा कि ईसू जब अकेल्ले मँ पराथना करत रहा तउ ओकर चेलन भी ओकरे संग रहेन। तउ ईसू ओनसे पूछेस, “मनइयन का कहत हीं कि मइँ कउन हउँ?”</verse>
				<verse number="19">उ पचे जवाब दिहन, “बपतिस्मा देवइया यूहन्ना कछू कहत हीं एलिय्याह मुला कछू दूसर कहत हीं पुरान जुग क कउनो नबी उठि खड़ा भवा बा।”</verse>
				<verse number="20">ईसू ओनसे कहेस, “अउर तू का कहत ह कि मइँ कउन हउँ?” पतरस जवाब दिहस, “परमेस्सर क मसीह।”</verse>
				<verse number="21">मुला इ बारे मँ कउनो क भी न बतावइ क चिताउनी देत भवा ईसू ओनसे कहेस,</verse>
				<verse number="22">“इ तइ अहइ कि मनई क पूत ढेरि क कस्ट उठाई अउर उ बुजुर्ग यहूदी नेतन, मुख्ययाजकन अउर धरम सास्तिरियन क मना कइ दिहे स मारि डावा जाई फिन तिसरे दिन जी जाई।”</verse>
				<verse number="23">फिन उ ओन सबन स कहेस, “जदि कउनो मोरे साथ चलत चाहत ह तउ ओका खुद आपन क नकारइ क होई। अउर हर दिन ओका आपन क्रूस (यातना) उठावइ क होई। अउर मोर अनुसरन करइ क होइ।</verse>
				<verse number="24">काहेकि जउन कउनो आपन जिन्नगी बचाउब चाहत ह, उ ओका खोइ बइठी मुला जउन कउनो मोरे बरे आपन जिन्नगी क तजि देइ, उहइ ओका बचाई।</verse>
				<verse number="25">काहेकि ऍहम कउनो मनई का का लाभ अहइ कि उ समूचे संसार क लइ लेइ मुला खुद आपन क नास कइ देइ या खोइ देइ।</verse>
				<verse number="26">जउन कउनो भी मोरे या मोरे सब्दन बरे लजात ह, ओकरे बरे मनई क पूत भी जब आपन महिमा मँ, आपन परमपिता अउर पवित्तर सरगदूतन क महिमा मँ परगट होई तउ ओकरे बरे लजाइ जाई।</verse>
				<verse number="27">मुला मइँ तोसे सच कहत हउँ, हिआँ कछू खड़ा अहइँ, जउन जब तलक मउत क सेवाद नाहीं लेइहीं, जब ताई परमेस्सर क राज्य क ना लखि लेइँ।”</verse>
				<verse number="28">इ सब्दन के कहइ क लगभग आठ दिना बाद उ पतरस, यूहन्ना अउर याकूब क संग लइके पराथना बरे पहाड़े प गवा।</verse>
				<verse number="29">फिन अइसा भवा कि पराथना करत भए ओकरे मुँहना क रूप तनिक अलग होइ गवा अउर ओकर ओढ़ना चमचमात सफेद होइ गएन।</verse>
				<verse number="30">हुबँई ओसे बतियात दुइ मनई परगट भएन। उ सबइ मूसा अउर एलिय्याह रहेन।</verse>
				<verse number="31">जउन आपन महिमा क संग परगट भ रहेन अउर ईसू क मउत क बारे मँ बात करत रहेन जेका ओका यरूसलेम मँ पूरा करइ क रहा।</verse>
				<verse number="32">मुला पतरस अउर जउन ओनके संग रहेन ओनका नींद आइ गइ। तउ जब उ पचे जागेन उ पचे ईसू क महिमा क लखेन अउर उ सबइ उ दुइ मनइयन क लखेन जउन ओकरे संग खड़ा रहेन।</verse>
				<verse number="33">अउर फिन भवा अइसा कि जइसे ही उ पचे ईसू स बिदाई लेत रहेन, पतरस ईसू स कहेस, “स्वामी अच्छा बा कि हम हिआँ अही, हमका तीन माँड़ब बनवइ क अहइँ एक तोहरे बरे, एक मूसा बरे अउर एक एलिय्याह बरे।” (उ नाहीं जानत रहा, उ का कहत अहइ।)</verse>
				<verse number="34">उ इ कहत रहा कि एक बादर उमड़ा अउर उ ओनका आपन छाया मँ घेरि लिहस। जइसे ही ओन प बादर छावा, उ पचइ घबराइ गएन।</verse>
				<verse number="35">तबहीं बदरे स अकासबाणी भइ, “इ मोर पूत अहइ, ऍका मइँ चुन्यों ह, एकर सुना।”</verse>
				<verse number="36">जब अकासबाणी होइ गइ तउ उ पचे उहाँ ईसू क अकेल्लन पाएन। उ पचे ऍकरे बारे मँ चुप रहेन। उ सबइ जउन कछू लखेन, ओकरे बारे मँ उ समइ कउनो स कछू नाहीं कहेन।</verse>
				<verse number="37">अगवा दिन अइसा भवा कि जब उ पचे पहाड़ी स तरखाले उतरेन तउ ओनका एक बड़ी भीड़ मिलि गइ।</verse>
				<verse number="38">तबहीं भीड़ मँ स एक मनई चिचियान, “गुरु, मइँ पराथना करत हउँ कि मोरे बेटवा प दया दृस्टि करा। उ मोरे इकलौती संतान अहइ।</verse>
				<verse number="39">एकदम्मई एक दुस्ट आतिमा ओका जकरि लेत ह अउर चिचिआत ह। ओका दुस्ट आतिमा अइसे अइँठत ह कि ओकरे मुँहे स झाग निकरइ लागत ह। उ ओका बराबर सतावत रहत ह अउर कउनो तरह नाहीं छोड़त।</verse>
				<verse number="40">मइँ तोहरे चेलन स पराथना किहा ह कि ओका बाहेर खदेर देइँ मुला उ पचे अइसा नाहीं कइ सकेन।”</verse>
				<verse number="41">तब ईसू जवाब दिहेस, “अरे अबिसवासियो अउर भटक गवा मनइयो, मइँ अउर केतना दिन तोहरे संग रहब अउर कब ताईं तोहार सहत रहब? आपन बेटवा क हिआँ लिआवा।”</verse>
				<verse number="42">अबहीं उ लरिका अउतइ रहा कि दुस्ट आतिमा ओका पटकनी दिहस अउर अइँठेसि। मुला ईसू दुस्ट आतिमा क फटकारेस अउर लरिका क रोग स जरटूट कइके बाप क सौंपि दिहस।</verse>
				<verse number="43">उ सबइ परमेस्सर क इ बड़कई स अचरजे मँ पड़ि गएन। ईसू जउन कछू करत रहा ओखा लखिके मनइयन जब अचरज करत रहेन तबहीं ईसू आपन चेलन स कहेस,</verse>
				<verse number="44">“अब मइँ जउन तोहसे कहत हउँ, ओन बातन प धियान द्या। मनई क पूत मनइयन क हाथे स धरावइ जाइवाला अहइ।”</verse>
				<verse number="45">मुला उ पचे इ बात क नाहीं समुझ सकेन। इ ओनसे छुपी रही। तउ उ सबइ ओका पहिचान नाहीं पाएन। अउर उ पचे उ बात क बारे मँ ओसे पूछइ स ससान रहेन।</verse>
				<verse number="46">एक दाईं ईसू क चेलन क बीच इ बाते प झगड़ा भवा कि ओनमाँ स सब स बड़कबा कउन बाटइ?</verse>
				<verse number="47">ईसू जानि गवा कि ओनके मने मँ का बिचार अहइँ। तउ उ गदेला क लिहस अउर ओका अपने लगे ठाड़ कइके</verse>
				<verse number="48">ओनसे बोला, “जउन कउनो इ गदेला क मोरे नाउँ मँ ग्रहण करत ह, उ माना मोर ग्रहण करत बाटइ। अउर जउन कउनो मोर ग्रहण करत ह, उ ओकर (परमेस्सर) ही ग्रहण करत बाटइ जउन मोका पठएस ह। एह बरे जउन तू सबन मँ सब स नान्ह बाटइ, उहइ सबइ त बड़कवा अहइ।”</verse>
				<verse number="49">यूहन्ना आपन प्रतिक्रिया परगट करत भवा कहेस, “स्वामी, हम पचे तोहरे नाउँ प एक ठु मनई क दुस्ट आतिमन क निकारत लखा ह। हम सबइ ओखा रोकइ थामइ क जतन कीन्ह ह काहेकि उ हम पचन मँ स कउनो नाहीं अहइ, जउन तोहरे पाछे पाछे चलत हीं।”</verse>
				<verse number="50">ऍह पइ ईसू यूहन्ना स कहेस, “ओका जिन रोका काहेकि जउन तोहरे बिरुद्ध मँ नाहीं अहइ, उ तोहरे पच्छ मँ ही बाटइ।”</verse>
				<verse number="51">अब अइसा भवा कि जब ओका ऊपर सरगे मँ लइ जाइके समइ आइ तउ उ यरूसलेम जाइके मन पक्का कइके चला गवा।</verse>
				<verse number="52">उ आपन दूतन क पहिले ही पठइ दिहस। उ पचे चलेन अउर ओकरे बरे तइयारी करइ क सामरी लोगन क गाउँ मँ पहुँचेन।</verse>
				<verse number="53">मुला सामरी मनइयन हुवाँ ओकर सुआगत मान नाहीं किहेन काहेकि उ यरूसलेम जात रहा।</verse>
				<verse number="54">जब ओकर चेलन याकूब अउर यूहन्ना इ देखेन तउ उ पचे बोलेन, “पर्भू का तू चाहत ह कि हम हुकुम देई कि अकासे स आगी बरिसइ अउर ओनका भसम कइ देइ?”</verse>
				<verse number="55">ऍह प उ ओनकी कइँती मुड़ा अउर ओनका डाटेस फटकारेस।</verse>
				<verse number="56">फिन उ सबइ दूसर गाउँ चला गएन।</verse>
				<verse number="57">जब उ सबइ सड़क पइ जात रहेन कउनो ओसे कहेस, “तू कतहूँ भी जा मइँ तोहरे पाछे चलब।”</verse>
				<verse number="58">ईसू ओसे कहेस, “लोखरिन क लगे बिल होत ही अउर अकासे क चिरइयन क घोंसला होत हीं मुला मनई क पूत क मूँड़ धरइ क कउनो ठउर नाहीं।”</verse>
				<verse number="59">उ दूसर स कहेस, “मोरे पाछे होइ जा।” मुला उ मनई बोला, “पर्भू पहिले मोका जाइ द्या काहेकि मइँ आपन बाप क दफनियाइ आवउँ।”</verse>
				<verse number="60">तब ईसू ओसे कहेस, “मरे भवा लोगन क आपन मुर्दा गाड़इ द्या, तू जा अउर परमेस्सर क राज्य क ऍलान करा।”</verse>
				<verse number="61">फिन कउनो अउर भी कहेस, “हे पर्भू, मइँ तोहरे पाछे चलब मुला पहिले मोका आपन घरे क मनइयन स बिदाइ कइ देइ द्या।”</verse>
				<verse number="62">ऍह प ईसू ओसे कहेस, “अइसा कउनो भी जउन हरे प हाथ धरे क बाद पाछे देखत ह, परमेस्सर क राज्य क जोग्ग नाहीं।”</verse>
			</chapter>
			<chapter number="10">
				<verse number="1">इ सबइ घटि जाइके पाछे पर्भू बहत्तर अउर मनइयन क तैनात किहस अउर फिन जउन जउन सहरन अउर ठिकानन प ओका खुद जाइके रहा, दुइ दुइ कइके उ ओनका उ आपन स अगवा पठएस।</verse>
				<verse number="2">उ ओनसे बोला, “फसल खूब जिआदा बा, मुला काम क करइया मजूर कम अहइँ। एह बरे फसल क पर्भू स बिनती करा कि उ आपन फसल मँ मजूर पठवइ।</verse>
				<verse number="3">“जा अउर सुमिरत रहा, मइँ तोहका बिगवन क बीच भेड़ क मेमनन क नाईं पठवत अहउँ।</verse>
				<verse number="4">कउनो बटुआ आपन संग जिन ल्या, न थैला अउर न ही पनही। राहे मँ कउनो स पैलगी तलक जिन करा।</verse>
				<verse number="5">जउनो घरवा मँ जा, सब ते पहिले कहा, ‘इ घरवा क सान्ति मिलइ।’</verse>
				<verse number="6">जदि हुवाँ कउनो सान्ति क मनई होई तउ तोहार सान्ति ओका मिली। मुला जदि उ मनई सान्ति क न होई तउ तोहार सान्ति लौटि आई।</verse>
				<verse number="7">जउन कछू उ पचे तोहका देइँ। ओका खात पिअत उहइ घरवा मँ ठहरा। काहेकि मजूरी प मजूर क हक अहइ। घर घर जिन फिरा।</verse>
				<verse number="8">“अउर जब कबहूँ तू कउनो सहर मँ जा अउर उ सहर क मनई तोहार सुआगत करइँ तउ जउन कछू तोहका परसई, बस उहइ खा।</verse>
				<verse number="9">उ सहर क बेरमियन क बीमार स जरटुट करा अउर ओनसे कहा, ‘परमेस्सर क राज्य तोहरे नगिचे आइ पहुँचा बा!’</verse>
				<verse number="10">“अउर जब कबहूँ तू कउनो अइसे सहर मँ जा जहाँ क मनई तोहार मानसम्मान न करइँ, तउ हुवाँ क गलियन मँ जाइके कहा,</verse>
				<verse number="11">‘इ सहर क उ धूरि तलक जउन हमरे गोड़े मँ चिपकी रही, हम तोहरे खिलाफ हिआँ झार देत अही। फिन भी इ धियान रहइ कि परमेस्सर क राज्य नगिचे आइ गवा बा।’</verse>
				<verse number="12">मइँ तोहसे कहत हउँ कि उ दिन उ सहर क लोगन स सदोम क लोगन क दसा कहूँ नीक होइ।</verse>
				<verse number="13">“अरे खुराजीन, अरे बैतसैदा, तोहका धिक्कार अहइ काहेकि जउन अद्भुत कारजन तोहमाँ कीन्ह गएन, जदि ओनका सूर अउर सैदा मँ कीन्ह जात तउ न जानी कबहूँ उ टाट क कपरा पहिरि के राखि प बइठिके मनफिराव कइ लेतेन।</verse>
				<verse number="14">कछू भी होइ निआव क दिन सूर अउर सैदा क हालत तोहसे कहूँ नीक होई।</verse>
				<verse number="15">अरे कफरनहूम का तू सर्ग क ऊँचाई क तरह ऊँचा उठब्या? तू तउ तरखाले नरक मँ जाब्या।</verse>
				<verse number="16">“चेलो! जउन कउनो तोहका सुनत ह, मोका सुनत ह, अउर जउन कउनो तोहका दुरियावत ह, उ मोका दुरियावत ह जउन मोका पठएस ह। अउर जउन मोका नकारत ह उ उसे नकारत ह जउन मोका पठएस ह।”</verse>
				<verse number="17">फिन उ सबइ बहत्तर आनन्दित होइके वापस लउटेन अउर बोलेन, “हे पर्भू, दुस्ट आतिमन तलक तोहरे नाउँ मँ हमार हुकुम मानत हीं!”</verse>
				<verse number="18">ऍह पइ ईसू ओनसे कहेस, “मइँ सइतान क अकास स बिजरी क नाईं गिरत लखेउँ ह।</verse>
				<verse number="19">सुना, कीरा अउर बीछी क गोड़े तरे रौंदब अउर सइतान क समूची सक्ती प हावी होइ क सामर्थ मइँ तोहका दिहे अही। तोहका कउनो नसकान नाहीं पहुँचाइ पाई।</verse>
				<verse number="20">मुला इ बात प खुस जिन ह्वा कि आतिमन तोहरे बसे मँ अहइँ बल्कि एह पइ खुस होइ जा कि तोहार नाउँ सरगे मँ लिखा बाटइ।”</verse>
				<verse number="21">उहइ छिन उ पवित्तर आतिमा मँ रहिके आनंद मँ रहा अउर बोला, “हे परमपिता हे सरग अउर धरती क पर्भू! मइँ तोहार स्तुति करत हउँ कि तू इ बातन क चतुर अउर बुद्धिमान मनइयन स छुपाइ के राखत भवा भी गदेलन बरे ओनका परगट कइ दिहा ह। हे परमपिता! सचमुच ही तू अइसा ही करब चाहत रह्या।</verse>
				<verse number="22">“मोका मोरे परमपिता क जरिये सब कछू दीन्ह ग अहइ अउर परमपिता क अलावा कउनो नाहीं जानत कि पूत कउन अहइ अउर पूत क अलावा कउनो नाहीं जानत कि परमपिता कउन अहइ या ओकरे अलावा जेका पूत ऍका परगट करइ चाहत ह।”</verse>
				<verse number="23">फिन चेलन कइँती मुड़िके ईसू चुप्पे स कहेस, “धन्य अहइँ उ आँखिन जउन तू देखत अहा, ओका देखत हीं।</verse>
				<verse number="24">काहेकि मइँ तोहका बतावत हउँ कि उन बातन क बहोत स नबी अउर राजा देखइ चाहत रहिन, जेनका तू देखत रह्या, मुला देखि नाहीं सक्या। जउन बातन क तू सुनत रहत ह, उ सबइ ओनका सुनइ चाहत रहेन, मुला उ पचे सुन नाहीं पाएन।”</verse>
				<verse number="25">तब एक धरम सास्तरी खड़ा भवा अउर ईसू क परीच्छा लेइ बरे ओसे पूछेस, “गुरु, अनन्त जीवन पावइ बरे मइँ का करउँ?”</verse>
				<verse number="26">ऍह पइ ईसू ओनसे कहेस, “व्यवस्था मँ का लिखा बाटइ? तू हुवाँ का पढ़त ह?”</verse>
				<verse number="27">धरम सास्तरी उत्तर दिहस, “‘तू आपन समूचा मन, सारी आतिमा, सारी सक्ती अउर सारी बुद्धि क संग आपन पर्भू स पिरेम करा।’ अउर ‘आपन पड़ोसी स भी वइसे ही पिआर करा, जइसे तू आपन खुद स करत ह।’”</verse>
				<verse number="28">तब ईसू ओसे कहेस, “तू ठीक जवाब दिहा ह। तउ तू अइसा ही करा अउर ऍहसे तू जीवित रहब्या।”</verse>
				<verse number="29">मुला उ आपन ताई निआव स जुरा भवा ठहरावइ क इच्छा करत भवा ईसू स कहेस, “अउर मोर परोसी कउन अहइ?”</verse>
				<verse number="30">ईसू जवाबे मँ कहेस, “देखा, एक मनई यरूसलेम स यरीहो जात रहा कि उ डाकुअन स घिरि गवा। उ पचे सब कछू मुच्छ कइ ओका नंगा कइ दिहन अउर मार पीटिके ओका अधमरा छोड़ि के उ पचे चल दिहन।</verse>
				<verse number="31">“अब संजोग स उहइ रस्ता स एक यहूदी याजक जात रहा। जब उ एका निहारेस तउ दूसर कइँती चला गवा।</verse>
				<verse number="32">उहइ रस्ता स गुजरत भवा, एक लेवी भी हुवाँ आवा। उ ओका देखेस अउर उ भी दूसरी कइँती चला गवा।</verse>
				<verse number="33">“मुला एक सामरी भी जात भवा हुवँई आइ गवा जहाँ उ ओलार दीन्ह ग रहा। उ जब उ मनई क देखेस तउ ओकरे बरे ओकरे मन मँ करुना आइ।</verse>
				<verse number="34">तउ उ ओकरे नगिचे आवा ओकरे घाउन प तेल अउर दाखरस डाइके पट्टी बाँधेस। फिन उ ओका आपन पसु प लदिके एक ठु सराय मँ लइ गवा अउर ओका देखइ भालइ लाग।</verse>
				<verse number="35">दूसरे दिन उ दुइ दीनार निकारेस अउर ओनका भटियारा क देत भवा कहेस, ‘ऍकर धियान रख्या अउर ऍसे जिआदा जउन कछू खरच होइ, जब मइँ लौटिहउँ, तोहका चुकाइ देबूँ।’</verse>
				<verse number="36">“बतावा तोहरे बिचार स डाकुअन क बीच घिरे भए मनई क पड़ोसी इ तीनउँ मँ स कउन भवा?”</verse>
				<verse number="37">धरम सास्तरी कहेस, “उहइ जउन ओहॅ प दाया किहेस।” ऍह पइ ईसू ओनसे कहेस, “जा अउर वइसा ही करा जइसा उ किहेस ह।”</verse>
				<verse number="38">जब ईसू अउर ओकर चेलन आपन राहे प जात रहेन तउ ईसू एक गाउँ मँ पहुँचा। एक स्त्री, जेकर नाउँ मार्था रहा, दिल खोलिके ईसू क अगवानी अउर सम्मान किहेस।</verse>
				<verse number="39">मार्था क बहिन मरियम नाउँ क रही जउन ईसू क गोड़वा मँ बैठि गई अउर जउन कछू उ कहत रहा, ओका सुनत रही।</verse>
				<verse number="40">ओहॅर तरह तरह क तइयारी मँ लाग मार्था बियाकुल होइके आइ अउर बोली, “पर्भू, का तोहका चिंता नाहीं कि मोर बहिन सारा काम बस मोहे प डाइ दिहे अहइ? एह बरे ओसे मोर मदद करइ क कहा?”</verse>
				<verse number="41">पर्भू ओका जवाब दिहेस, “मार्था अरी मार्था! तू बहोत स बातन क बरे चिंता मँ बूड़ी अउर बियाकुल रहत ह।</verse>
				<verse number="42">मुला बस एक ही बात जरूरी अहइ। मरियम आपन बरे उहइ उत्तिम हींसा क चुने बाटइ, तउ उ ओसे छीना नाहीं जाई।”</verse>
			</chapter>
			<chapter number="11">
				<verse number="1">अब अइसा भवा कि ईसू कहूँ पराथना करत रहा। जब उ पराथना खतम कइ चुका तउ ओकर एक चेला ओसे कहेस, “पर्भू हमका सिखावा कि हम पराथना कइसे करी। जइसा कि यूहन्ना आपन चेलन क सिखाए रहा।”</verse>
				<verse number="2">ऍह पइ उ ओसे कहेस, “तू पराथना करा, तउ कहा: ‘परमपिता, तोहार नाउँ पवित्तर होइ, आवइ तोहार राज्य,</verse>
				<verse number="3">हर दिन क बरे जरूरी रोटी हमका द्या।</verse>
				<verse number="4">हमार अपराध छमा करा, काहेकि हमहूँ छमा कीन्ह ह आपन अपराधी क, कठिन परीच्छा मँ हमें जिन डावा।’”</verse>
				<verse number="5">फिन ईसू कहेस, “मान ल्या तोहमाँ स कउनो क एक मीत अहइ तउ तू आधीरात ओकरे लगे आइके कहत ह, ‘मीत, मोका तीन रोटी द्या। काहेकि एक मीत अबहिं अबहिं जात्रा प मोरे लगे आवा ह अउर मोरे लगे ओकरे समन्वा परसइ क कछू भी नाहीं बा।’</verse>
				<verse number="6"></verse>
				<verse number="7">अउर मान ल्या उ मनई भितरे स जवाब दिहस, ‘मोका तंग जिन करा, दुआर बंद होइ चुका अहइ बिछउना प मोरे साथ गदेलन अहइँ, एह बरे तोहका कछू देइ मँ खड़ा नाहीं होइ सकित।’</verse>
				<verse number="8">मइँ तोहका बतावत हउँ उ अगर न उठी अउर तोहका कछू न देई, मुला फिन भी काहेकि उ तोहार मीत बा, तउ तोहरे लगातार बे सरमाये क माँगत रहइ स उ खड़ा होई अउर तोहार जरूरत भर तोहका देई।</verse>
				<verse number="9">अउर एह बरे मइँ तोहसे कहत हउँ माँगा, तोहका दीन्ह जाई, ढूँढ़ा तू पउब्या खटखटावा, तोहरे बरे दुआर खोलि दीन्ह जाई।</verse>
				<verse number="10">काहके हर कउनो जउन माँगत ह, पावत ह। जउन ढूँढ़त ह, ओका मिलत ह। अउर जउन खटखटावत ह, ओकरे खातिर दुआर खोलि दीन्ह जात ह।</verse>
				<verse number="11">तोहरे मँ अइसा बाप कउन होई जउन जदि ओकर बेटवा मछरी माँगइ, तउ मछरी क जगह प ओका कीरा थमाइ दीन्ह जाइ।</verse>
				<verse number="12">अउर जदि उ अण्डा माँगइ तउ ओका बीछी दइ देइ।</verse>
				<verse number="13">तउ बुरा होत भवा जब तू जानत ह कि आपन गदेलन क उत्तिम भेंट कइसे दीन्ह जात हीं, तउ स्वर्गीय पिता जउन ओसे माँगत हीं, ओनका पवित्तर आतिमा केतना ढेरि क देई।”</verse>
				<verse number="14">फिन ईसू जब एक गूँगा बनइ डावइवाली दुस्ट आतिमा क निकारत रहा तउ अइसा भवा कि जइसा ही दुस्ट आतिमा बाहेर निकरी, तउ उ गूँगा बोलइ लाग। भीड़ क मनई ऍसे बहोतइ अचरजे मँ पड़ि गएन।</verse>
				<verse number="15">मुला ओहमाँ स कछू कहेन, “इ सइतान क सासक बाल्ज़ाबुल क मदद स दुस्ट आतिमन क खदेरत ह।”</verse>
				<verse number="16">मुला अउर मनइयन ओका परखइ बरे कउनो सरग क चीन्ह क माँग किहेन।</verse>
				<verse number="17">लेकिन ईसू जानत रहा कि ओनके मनवा मँ का बाटइ? उ ओनसे कहेस, “उ राज्य जेहमाँ आपन भीतर ही फूट परि जाइ, ओकर नास होइ जात ह अउर अइसे ही कउनो घरे क फूट परे प नास होइ जात ह।</verse>
				<verse number="18">जदि सइतान आपन खिलाफ होइ जाइ तउ ओकर राज्य कइसे टिक सकित ह? इ मइँ तोहसे यह बरे पूछत हउँ काहेकि तू कहत ह कि मइँ बाल्ज़ाबुल क मदद स दुस्ट आतिमन क निकारत हउँ।</verse>
				<verse number="19">मुला जदि मइँ बाल्ज़ाबुल क मदद स दुस्ट आतिमन क निकारत हउँ तउ तोहार मनवइयन ओनका केकरी मदद स निकारत ही? तउ तोहार आपन मनई ही तोहका गलत बतइहीं</verse>
				<verse number="20">मुला जदि मइँ परमेस्सर क सक्ती स बुरी आतिमा को निकारत हउँ तउ इ साफ बा कि परमेस्सर क राज्य तू ताई आइ गवा अहइ।</verse>
				<verse number="21">“जब एक सक्तीसाली मनई पूरी तरह हथियार टेइके आपन घरे क रच्छा करत ह तउ ओकरे धन दौलत क रच्छा होत ह।</verse>
				<verse number="22">मुला जब कबहूँ कउनो ओसे जिआदा बरिआर ओह प हमला कइके ओका हराइ देत ह तउ उ ओकरे सबहीं हथियारन क, जउने प ओका भरोसा रहा, ओसे छीन लेत ह अउर लूट क माल क उ पचे अपने दोस्तन मँ बाट लेत हीं।</verse>
				<verse number="23">“जउन मोर संग नाहीं अहइँ, मोर खिलाफत मँ बाटेन। उ जउन मोरे संग बटोरत नाहीं अहइ, छितरइहीं।</verse>
				<verse number="24">“जब कउनो दुस्ट आतिमा कउनो मनई स बाहेर निकरत ह तउ अराम क ढूँढ़त सूखे ठउरन मँ स होत जात ह अउर जब ओका अराम नाहीं मिलत तउ उ कहत ह, ‘मइँ आपन उहइ जगह लौटब जहाँ स गइ हउँ।’</verse>
				<verse number="25">अउर वापस जाइके उ ओका साफ सूथर अउर तरकीबे मँ बसी पावत ह।</verse>
				<verse number="26">फिन उ जाइके आपन स भी जिआदा दुस्ट दूसर सात जिआदा दुस्ट आतिमन क हुवाँ लइ आवत ह। फिन उ सबइ ओहमाँ जाइके रहइ लागत हीं। इ तरह उ मनई क पाछे क दसा पहिले स जिआदा खराब होइ जात ह।”</verse>
				<verse number="27">फिन अइसा भवा कि जइसे ही ईसू इ बातन कहेस, भिरिया मँ स एक स्त्री उठी चिल्लाइके बोली, “उ गरभ धन्य अहइ, जउन तोहका धारण किहेस ह। अउर उ चूची धन्य अहइ, जेका तू चुस्या ह।”</verse>
				<verse number="28">ऍह प उ कहेस, “धन्य तउ मुला उ पचे बाटेन जउन परमेस्सर क बचन सुनत हीं अउन ओह प चलत हीं!”</verse>
				<verse number="29">जइसे जइसे भिरिया बढ़त रही, उ कहइ लाग, “इ एक दुस्ट पीढ़ी अहइ। इ कउनो अद्भुत चीन्हा लखइ चाहत ह। मुला ऍका योना क चीन्ह क अलावा अउर कउनो चीन्हा नाहीं दीन्ह जाइ।</verse>
				<verse number="30">काहेकि जइसे निनवे क मनइयन बरे योना चीन्हा बन गवा, वइसे ही इ पीढ़ी बरे मनई क पूत भी चीन्हा बनी।</verse>
				<verse number="31">“दक्खिन क रानी निआव क दिन परगट होइके इ पीढ़ी क मनइयन क दोखी ठहराई, काहेकि उ धरती दूसर कोने स सुलैमान क गियान सुनइ बरे आइ अउर अब लखा हिआँ तउ कउनो सुलैमान स भी बड़कवा अहइ।</verse>
				<verse number="32">नीनावे क मनइयन निआव क दिना इ पीढ़ी क मनइयन क खिलाफ खड़ा होइके ओन पइ दोख लगइहीं काहेकि उ पचे योना क उपदेस क सुनिके मनफिराव करि लिहन ह। अउर देखा अब तउ योना स भी महान कउनो हिआँ नाहीं बा!</verse>
				<verse number="33">“दिया बारिके कउनो भी ओका कउनो छुपा ठउर या कउनो भाँड़ी क भीतर नाहीं राखत, मुला ओका डीबट प धरत ह जेहसे जउन भितरे आवइँ, ज्योति लखि सकइँ।</verse>
				<verse number="34">तोहरे देह क दिया तोहार आँखिन अहइँ, तउ जदि आँखी नीक अहइँ तउ समूची देह ज्योति स भरि गइ बाटइ मुला, जदि इ सबइ खराब अहइँ तउ तोहार देह अँधियार होइ जात ह।</verse>
				<verse number="35">तउ धियान राखा! कि तोहरे भीतर ज्योति अहइ, अँधियारा नाहीं।</verse>
				<verse number="36">एह बरे जदि तोहार समूची देह ज्योति स भरपूर अहइ अउर ऍकर कउनो भी अंग अँधियारा नाहीं तउ उ पूरी तरह अइसे चमकी मान ल्या कउनो दिया तोह पइ आपन किरण स प्रकासित होत ह।”</verse>
				<verse number="37">ईसू जब आपन बात पूरी किहस तउ एक फरीसी ओसे अपने साथ खाइ बरे हठ किहेस। तउ उ भितरे जाइके खइया क खाइ बैठि गवा।</verse>
				<verse number="38">मुला उ फरीसी जब इ देखेस कि खइया स पहिले उ आपन हाथ नाहीं धोएस तउ ओका बड़ा अचरज भवा।</verse>
				<verse number="39">ऍह पइ पर्भू ओनसे कहेस, “अब लखा तू फरीसियन टाठी अउर खोरा क बस बाहेर स तउ माँजत ह मुला तोहरे भीरत लालच अउर दुस्टता भरी अहइ।</verse>
				<verse number="40">अरे मूढ़ मनइयो! का जउन बाहरी अंग क बनाएस ह, उ भीतरी अंग क नाहीं बनाएस।</verse>
				<verse number="41">ऍह बरे जउन कछू भितरे अहइ, ओका दीनन क दइ द्या। फिन तोहरे बरे सब कछू पवित्तर होइ जाइ।</verse>
				<verse number="42">“अरे फरीसियन! तोहका धिक्कार अहइ काहेकि तू आपन पुदीना अउर सुदाब बूटी अउर हर कउनो जरी बूटि क दसवाँ हींसा तउ चढ़ाइ देत ह मुला परमेस्सर बरे पिरेम अउर निआव क टारि देत ह। मुला इ बातन क तोहका उ बातन क बगैर टारि देइ क करइ चाही।</verse>
				<verse number="43">“अरे फरीसियन! तोहका धिक्कार अहइ। काहेकि तू सबइ आराधनालय मँ बहोत ही प्रमुख आसन चाहत बाट्या अउर बजारन मँ मान मर्जादा क संग पैलगी तोहका सोहात ह।</verse>
				<verse number="44">तोहका धिक्कार अहइ काहेकि तू पचे बिना कउनो चीन्हा क कब्र क नाई अहा जेह प मनई चलत हीं मुला उ सबइ नाहीं जानत हीं।”</verse>
				<verse number="45">तब एक धरम सास्तिरि ईसू स कहेस, “गुरु, जब तू अइसी बातन कहत ह तउ हम भी बेज्जत होइत ह।”</verse>
				<verse number="46">ऍह प ईसू कहेस, “अरे धरम सास्तिरियो! तोहका धिक्कार अहइ। काहेकि तू सबइ मनइयन प अइसा बोझा लादे बाट्या जेका उठाउब मुस्किल अहइ। अउर तू खुद ओन बोझन क एक ठु अँगुरी भर स छुअइ नाहीं चाहत ह।</verse>
				<verse number="47">तोहका धिक्कार अहइ काहेकि तू नबियन बरे मकबरा क बनवत ह, जेनकइ कतल कीन्ह गवा अउर ओनकर कतल करइया तोहार पूर्वजन रहेन।</verse>
				<verse number="48">ऍसे तू सबइ इ देखावत ह कि तू आपन पूर्वजन क उ कामे क अँगीकार करत ह। काहेकि उ पचे तउ ओनका मारेन ह अउर तू पचे ओनकइ मकबरा क बनाया ह।</verse>
				<verse number="49">एह बरे परमेस्सर क गियान भी कहेस, ‘मइँ नबियन अउर प्रेरितन क भी ओनके लगे पठउब। फिन कछू क तो उ पचे मारि डइहीं अउर कछू क सजा देइहीं।’</verse>
				<verse number="50">“एह बरे संसार क सुरुआत स जेतॅना भी नबियन क लहू बहाइ दीन्ह ग अहइ, ओनकइ हिसाब इ पीढ़ी क मनइयन स चुकाइ जाइ।</verse>
				<verse number="51">यानी हाबिल क कतल स लइके जकरयाह क कतल क हिसाब जउन परमेस्सर क मन्दिर अउर वेदी क बीच कीन्ह गवा रहा। हाँ, मइँ तोहसे कहत हउँ इ पीढ़ी क मनइयन क ऍकरे बरे लेखा जोखा देइ क होइ।</verse>
				<verse number="52">“ओ धरम सास्तिरियो! तोहका धिक्कार अहइ, काहेकि तू सबइ गियान क कुंजी तउ लइ लिहा ह। मुला ओहमाँ न तउ खुद घुसि पाया अउर न घुसइ क कउनो जतन करत रह्या। ओनका भी तू अड़ंगा डाया जे अइसा करइ चाहेन।”</verse>
				<verse number="53">अउर फिन जब ईसू हुवाँ स चला गवा तउ उ सबइ धरम सास्तिरियन अउर फरीसियन ओसे घोर दुस्मनी राखइ लागेन। बहोत स बातन क बारे मँ ओसे सोझ सवाल करइ लागेन।</verse>
				<verse number="54">काहेकि उ सबइ ओका ओकर कही कउनो बात स घात करइ बरे टोहत रहेन।</verse>
			</chapter>
			<chapter number="12">
				<verse number="1">अउर फिन जब हजारन मनइयन क भारी भीड़ जुटि गइ तउ एक दुसरे क रौंदे जात रही तब ईसू पहिले आपन चेलन स कहइ लाग, “फरीसियन क खमीरे स, जउन ओनकइ कपट बा, बचा रहा।</verse>
				<verse number="2">कछू छुपा नाहीं अहइ जउन परगट नाहीं कइ दीन्ह जाइ। अइसा कछू अनजाना नाहीं अहइ जेका बतावा नाहीं दीन्ह जाइ।</verse>
				<verse number="3">एह बरे हर उ बात जेका तू अँधियारे मँ कह्या ह, उजिआरे मँ सुनी जाइ। अउर एकांत खोली मँ जउन कछू भी तू चुप्पे स कउनो क काने मँ कह्या ह, घरे क छते स ऍलान कइ दीन्ह जाइ।”</verse>
				<verse number="4">“मुला मोर मीतो, मइँ तोहसे कहत हउँ ओनसे जिन डेराअ जउन तोहरे तन क मारि डाइ सकत हीं अउर ओकरे पाछे अइसा कछू नाहीं अहइ जउन ओनके बस मँ होइ।</verse>
				<verse number="5">मइँ तोहका देखाउब कि तोहका कउनो स डेराइ चाही। ओसे (परमेस्सर) डेराअ अउर तोहका मारिके नरक मँ नावइ क सक्ती राखत ह। हाँ, मइँ तोहका बतावत हउँ, बस उहइ स डेराअ।</verse>
				<verse number="6">“का दुइ पइसा मँ पाँच ठु चिरइयन नाहीं बिकतिन? फिन भी परमेस्सर ओहमाँ स एक क भी नाहीं बिसरत।</verse>
				<verse number="7">अउर लखा तोहरे मूँड़े प क एक एक बारि तलक गना भवा अहइँ। डेराअ जिन तू बहोत सी चिरइयन स कहूँ जिआदा कीमत क अहा।”</verse>
				<verse number="8">“मुला मइँ तोहसे कहत हउँ जउन कउनो मनई सबहीं क समन्वा मोका मानत ह, मनई क पूत भी उ मनई क परमेस्सर क दूतन क समन्वा मानी।</verse>
				<verse number="9">मुला ज जउन मोका दुसरे क समन्वा न मानी, ओका परमेस्सर क दूतन क समन्वा इन्कार कइ दीन्ह जाइ।</verse>
				<verse number="10">“अउर हर उ मनई क तो छमा कइ दीन्ह जाइ जउन मनई क पूत क खिलाफ कउनो सब्द बोलत ह, मुला जउन पवित्तर आतिमा क बुराई करत ह, ओका छमा नाहीं कीन्ह जाइ।</verse>
				<verse number="11">“तउ जब उ पचे तोहका आराधनालय मँ, राज्य क करइवालन अउर अधिकारियन क समन्वा लइ जाइँ तउ फिकिर जिन कर्या काहे तू आपन क कइसे बचउब्या या तोहका का कछू कहे होइ।</verse>
				<verse number="12">चिंता जिन करा काहेकि पवित्तर आतिमा तोहका सिखाइ कि उ समइया तोहका का बोलइ चाही।”</verse>
				<verse number="13">फिन भीड़ मँ स ओसे कउनो कहेस, “गुरु, मोरे भइया स मोरे बाप क धन दौलत क हींसा बाँटइ बरे कहि द्या।”</verse>
				<verse number="14">ऍह प ईसू ओसे कहेस, “अरे भले मनई, मोका तोहरे बरे निआववाला या पंच कउन बनएस ह”</verse>
				<verse number="15">तउ ईसू ओनसे कहेस, “होसियारी क संग आपन क लालच स दूर राखा। काहेकि जरूरत स जिआदा धन-दौलत होइ प जिन्नगी क आधार ओकर संग्रह नाहीं होत।”</verse>
				<verse number="16">फिन उ ओनका एक दिस्टान्त कथा सुनाएस: “कउनो धनी मनई क धरती प खूब पैदावार भइ।</verse>
				<verse number="17">उ आपन मनवा मँ सोचत भवा कहइ लाग, ‘मइँ का करुँ, मोरे लगे फसिल क रखइ बरे ठउर तउ अहइ नाहीं।’</verse>
				<verse number="18">“फिन उ बोला, ‘ठीक अहइ मइँ इ करब कि आपन अनाज क कोठिला गिराइके बड़का कोठा बनवाउब अउर आपन समूचा अनाज क अउर सामान हुवाँ रखब।</verse>
				<verse number="19">फिन आपन आतिमा स कहब, अरे मोर आतिमा अब बहोत स उत्तिम बस्तु, बहोत स बरिस बरे तोहरे लगे ऍकट्ठी अहइँ। घबरा जिन, खावा, पिआ अउर मउज उड़ावा!’</verse>
				<verse number="20">“मुला परमेस्सर ओसे बोला, ‘अरे मूर्ख! इहइ राति मँ तोहार आतिमा तोहसे लइ लीन्ह जाइ। जउन कछू तू तइयार किहे अहा, ओका कउन लेइ?’</verse>
				<verse number="21">“लखा, उ मनई क संग भी कछू अइसा ही भवा ह, उ अपने बरे बटोरत ह मुला परमेस्सर क निगाह मँ उ धनी नाहीं।”</verse>
				<verse number="22">तब उ आपन चेलन स कहेस, “एह बरे मइँ तोहसे हउँ, आपन जिन्नगी क फिकिर जिन करा कि तू का पहिनब्या?</verse>
				<verse number="23">काहेकि जिन्नगी खइया स अउर तन ओढ़ना स जिआदा जरूरी अहइ।</verse>
				<verse number="24">कउअन क लखा, न उ पचइ बोवत हीं, न ही उ पचे काटत हीं। न ओनके लगे भण्डारा बा अउर न आजु अन्न क कोठिला, फिन भी परमेस्सर ओनका भोजन देत ह। तू तउ चिरइयन स केतॅना जिआदा कीमती अहा।</verse>
				<verse number="25">चिन्ता कइके, तू पचन मँ स कउन अइसा अहइ, जउन आपन उमिर मँ एक घड़ी भी अउर जोर सकत ह?</verse>
				<verse number="26">काहेकि तू जदि छोटका काम क भी नाहीं कइ सकत्या तउ बाकी बरे काहे फिकिर करत ह?</verse>
				<verse number="27">“कोका बेली क लखा, उ कइसे उगत हीं? न उ सबइ मेहनत करत हीं, न कताई, फिन भी मइँ तोहसे कहत हउँ कि सुलैमान आपन समूचे धन दौलत क संग ओहमाँ स कउनो एक क नाई नाहीं सज पाएस।</verse>
				<verse number="28">एह बरे जब मैदान क घास क, जउन आज हिआँ बा अउर भियान ही ओका भार मँ झोंक दीन्ह जाइ, परमेस्सर अइसे ओढ़नन स सजावत ह तउ अरे ओ कम बिसवास करइया मनइयो! तोहका तउ उ केतॅना अउर जिआदा ओढ़ना पहिराइ।</verse>
				<verse number="29">“अउर फिकिर जिन करा कि तू का खाब्या अउर का पीब्या। ऍनके बरे जिन सोचा।</verse>
				<verse number="30">काहेकि संसार क अउर सबहीं मनई चीजन्क क पाछे धावत अहइँ मुला तोहार परमपिता तउ जानत ही अहइ कि तोहका इ चीजन्क जरूरत अहइ।</verse>
				<verse number="31">मुला तू तउ परमेस्सर क राज्य क चिन्ता करा। इ चीजन तउ तोहका दइ दीन्ह जइहीं।</verse>
				<verse number="32">“हे भोली भेड़ी क झुण्ड! जिन डेराअ, काहेकि तोहार परमपिता तोहका राज्य देइ क तइयार अहइ।</verse>
				<verse number="33">तउ आपन धन दौलत बेंचिके धन गरीबन मँ बाँटि द्या। आपन लगे अइसी झोरी राखा जउन पुरान न होई अरथ बा कबहुँ न टूटइवाला सरगे मँ खजाना जहाँ ओह तलक कउनो चोर क पहुँच न होइ। अउर न ओका न किरवा नास कइ पावइँ।</verse>
				<verse number="34">काहेकि जहाँ तोहार खजाना अहइ, हुवँई तोहार मनवा भी रही।</verse>
				<verse number="35">“काम करइ क सदा तइयार रहा। अउर आपन दिया बारे रहा।</verse>
				<verse number="36">अउर ओ मनइयन जइसा बना जउन बियाह क भोज स लौटिके आवत आपन स्वामी क जोहत होइँ जेहसे उ जब आवइ अउर दुआर खटखटावइ तउ उ पचे फउरन खोलि सकइँ।</verse>
				<verse number="37">उ नउकर धन्य अहइँ जेका स्वामी वापस आइके जागत अउर तइयार पइहीं। मइँ तोहसे सच कहत हउँ कि उ भी ओनकर सेवा बरे करिहाउँ बाँधि लेइ अउर ओनका खइया क पीढ़ा प जेवइं बरे बइठाई। उ आई अउर ओनका जेंवाइ।</verse>
				<verse number="38">उ चाहे आधी राति स पहिले आवइ अउर चाहे आधी राति क पाछे जदि उ ओनका तइयार पावत ह तउ उ सबइ धन्य अहइँ।</verse>
				<verse number="39">“इ बात बरे निस्चित रहा कि जदि घरे क स्वामी क इ पता होइ कि चोर कउनो घड़ी आवत अहइ, तउ उ ओका आपन घरे मँ सेंध नाहीं लगावइ देइ।</verse>
				<verse number="40">तउ तू भी तइयार रहा काहेकि मनई क पूत अइसी घड़ी मँ आई जेका तू सोच नाहीं सकत्या।”</verse>
				<verse number="41">तब पतरस पूछेस, “पर्भू इ दिस्टान्त कथा तू हमरे बरे कहत अहा या सब बरे?”</verse>
				<verse number="42">ऍह प पर्भू कहेस, “तउ फिन अइसा बिसवास क जोग्ग, बुद्धिमान संरजाम अधिकारी कउन होइ जेका पर्भू आपन नउकरन क ठीक समइ प खइया क चीज देइ बरे ठहराइ?</verse>
				<verse number="43">उ नउकर धन्य अहइ जेका ओकर स्वामी जब आवइ तउ ओका वइसा ही करत पावइ।</verse>
				<verse number="44">मइँ सच कहत हउँ कि उ ओका आपन सबहिं धन दौलत क अधिकारी ठहराइ।</verse>
				<verse number="45">“मुला उ नउकर आपन मनवा मँ सोचइ कि मोर स्वामी तउ आवइ मँ देर करत अहइ अउर उ दूसर पुरुस अउर स्त्री नउकरन क मारब पीटब सुरु कइ देइ अउर खाइ पिअइ अउर नसा मँ चूर होइ।</verse>
				<verse number="46">तउ उ जउकर क स्वामी अइसे दिन आइ जाइ जेका उ सोचत नाहीं। एक ठु अइसी घरी जेकरे बारे मँ निसाखातिर अहइ। फिन भी ओकर टुकरा टुकरा कइ डाइ अउर ओका न बिसवास करइयन क बीच ठउर देइ।</verse>
				<verse number="47">“उ नउकर जउन आपन स्वामी क इच्छा जानत ह अउर ओकरे बरे तइयार नाहीं होत या जइसा ओकर स्वामी चाहत ह, वइसहु नाहीं करत, तउ नउकर प जमिके मार परी।</verse>
				<verse number="48">मुला उ जेका आपन स्वामी क इच्छा क ग्यान नाहीं अउर कउनो अइसा काम कइ डावइ जउन मार खाइ काबिल होइ तउ उ नउकर प हल्की मार परी। काहेकि उ हर मनई स जेका बहोत जिआदा दीन्ह ग अहइ, जिआदा माँगा जाइ। उ मनई जेका ढेर सौंपा ग अहइ ओसे जिआदा ही माँगा जाइ।”</verse>
				<verse number="49">“मइँ धरती प एक आगी बारइ आवा हउँ मोर केतॅनी इच्छा अहइ कि उ साइद अबहुँ ताई बरि जात।</verse>
				<verse number="50">मोरे लगे एक बपतिस्मा अहइ जउन मोका लेब बा जब ताईं उ पूरा नाहीं होइ जात, मइँ केतॅना बियाकुल हउँ।</verse>
				<verse number="51">तू का सोचत बाट्या कि मइँ इ धरती प सान्ति लइ आवइ क बरे आवा हउँ? नाहीं, मइँ तोहका बतावत हउँ, मइँ अलगावइ आवा हउँ।</verse>
				<verse number="52">काहेकि अब स आगे एक घरे क पाँच आदमी एक दूसर क खिलाफ बँटि जइहीं। तीन दुइ क बिरोध मँ अउर दुइ तीन क बिरोध मँ होइ जइहीं।</verse>
				<verse number="53">बाप बेटवा क बिरोध मँ, अउर बेटवा बाप क बिरोध मँ, महतारी बिटिया क बिरोध मँ, अउर बिटिया महतारी क बिरोध मँ, सास दुलहिन क बिरोध मँ अउर दुलहिन सास क बिरोध मँ होइ जइहीं।”</verse>
				<verse number="54">फिन उ भीड़ स बोला, “जब तू पच्छूँ कइँती कउनो बदरे क उठत भइ लखत ह तउ कहि देत ह, ‘बरखा आवति अहइ।’ अउर फिन अइसा ही होत ह।</verse>
				<verse number="55">अउर फिन जब दखिनी हवा चलत ह, तू कहत ह, ‘गरमी पड़ी’ अउर अइसा ही होत ह।</verse>
				<verse number="56">अरे कपटी मनइयो! तू धरती अउर अकासे क रूपे क समझाउब तउ जानत बाट्या, फिन अइसा काहेकि इ जुग क बारे मँ समझउत्या नाहीं?”</verse>
				<verse number="57">“जउन नीक अहइ, ओकर फैसला करइवाला तू खुद काहे नाहीं बनत्या?</verse>
				<verse number="58">जब तू आपन बैरी क संग न्यायाधीस क लगे जात रहब्या तउ रास्ता मँ ही ओकरे संग समझौता करइ क जतन करया। नाहीं तउ कहूँ अइसा न होइ कि उ तोहका न्यायाधीस क लगे खैंच लइ जाइँ अउर न्यायाधीस एक अधिकारी क सौंपि देइ। अउर अधिकारी तोहका जेलि मँ धाँध देइ।</verse>
				<verse number="59">मइँ तोहका बतावत हउँ, तू हुवाँ स तब ताईं छूटि नाहीं पउब्या जब तलक आखिरी दमड़ी तक न चुकाइ द्या।”</verse>
			</chapter>
			<chapter number="13">
				<verse number="1">उ समइया हुवाँ हाजिर कछू मनइयन ईसू क ओन गलीलियन क बारे मँ बताएस जेनकइ लहू पिलातुस ओनके बलिदान क संग मिलाइ दिहे रहा।</verse>
				<verse number="2">तउ ईसू ओनसे कहेस, “तू का सोचत ह कि सबइ गलीलियन दूसर सबइ गलीलियन स जिआदा पापी रहेन काहेकि ओनका इ सबइ बातन भीजे पड़ी?</verse>
				<verse number="3">नाहीं! मइँ तोहका बतावत हउँ, जदि तू भी मनफिरावा नाहीं करब्या तउ तू भी वइसी ही मउत स मरब्या जइसी उ सबइ मरे रहेन!</verse>
				<verse number="4">या ओन अट्ठारह मनइयन क बारे मँ तू का सोचत ह जेनके ऊपर सीलोह क बुर्ज गिरिके ओनका मारि डाएस। का सोचत ह, उ सबइ यरूसलेम मँ बसइया दूसर सबइ ही मनइयन स जिआदा अपराधी रहेन?</verse>
				<verse number="5">नाहीं! मइँ तोहका बतावत हउँ कि जदि तू मनवा न फिरउब्या तउ तू भी वइसे ही मरब्या!”</verse>
				<verse number="6">फिन उ इ दिस्टान्त कथा कहेस: “कउनो मनई आपन अँगूरे क बारी मँ एक ठु अंजीरे क बृच्छ रोपे रहा। तउ उ ओह पइ फल ढूँढ़इ आवा पर ओका कछू नाहीं मिल पावा।</verse>
				<verse number="7">ऍह पइ उ माली स कहेस, ‘अब लखा मइँ तीन बरिस स अँजीरे क बृच्छ प फल टटोरत आवत हउँ मुला मोका एक ठु भी नाहीं मिलि पावा। एह बरे ऍका काटि डावा। इ धरती क अइसी ही वृथा काहे करत रहइ?’</verse>
				<verse number="8">माली ओका जवाब दिहेस, ‘स्वामी ऍका इ बरिस तब ताईं तजि द्या, जब तलक मइँ ऍकरे चारिहुँ कइँती खनिके एहमाँ पाँस नउबउँ।</verse>
				<verse number="9">फिन जदि उ अगवा बरिस फल देइ तउ नीक बा अउर जदि नाहीं देत तउ तू ऍका काटि डाइ सकत ह।’”</verse>
				<verse number="10">कउनो आराधनालय मँ सबित क दिन ईसू जब उपदेस देत रहा।</verse>
				<verse number="11">तउ हुवँई एक अइसी स्त्री रही जेहमाँ दुस्ट आतिमा समाइ ग रही। जउन ओका अट्ठारह बरिस स पंगु बनाइ दिहे रही। उ निहुरिके कुबड़ी होइ गइ अउर तनिकउ सोझ नाहीं होइ सकत रही।</verse>
				<verse number="12">ईसू ओका जब निहारेस तउ आपन लगे बोलाएस अउर कहेस, “हे स्त्री, तोहका आपन बेरामी स छुटकारा मिलि गवा!” इ कहत भवा</verse>
				<verse number="13">ओह पइ आपन हाथ रखेस। अउर उ फउरन सीध होइ गइ। उ परमेस्सर क गुन गावइ लाग।</verse>
				<verse number="14">ईसू काहेकि सबित क दिन ओका बेरामी स जरटुट किहेस, एह बरे आराधनालय क नेता किरोध मँ आइके मनइयन स कहेस, “काम करइ क बरे छ: दिन होत हीं तउ ओनही दिनम मँ आवा अउर आपन बेरामी क दूर करावा पर सबित क दिन नीरोग होइ बरे जिन आवा।”</verse>
				<verse number="15">पर्भू जवाब देत भवा ओसे कहेस, “अरे कपटियो! का तोहमाँ स हर कउनो सबित क दिन आपन बर्धा अउर गदहा क बारा स निकारिके कहूँ पानी पिआवइ नाहीं लइ जात ह?</verse>
				<verse number="16">अब इ स्त्री जउन इब्राहीम क बिटिया अहइ अउर जेका सइतान अट्ठारह बरिस स जकरिके राखे बा, का ऍका सबित क दिन ऍका बंधन स छुटकारा नाहीं देइ क चाही?”</verse>
				<verse number="17">जब उ इ कहेस तउ ओकर खिलाफत करइवालन सबइ सर्माइ गएन। ओह कइँती समूची भीड़ ओकरे अचरजे स भरे कामन स जेनका उ किहे रहा, खुस होइ गइ।</verse>
				<verse number="18">तउ ईसू कहेस, “परमेस्सर क राज्य का अहइ अउर मइँ ऍकर तुलना कइसे करउँ?</verse>
				<verse number="19">उ सरसई क दाना क नाई अहइ, जेका कउनो लइके आपन बगिया मँ बोएस। उ बड़ा भवा अउर एक बृच्छ होइ गवा। फिन अकासे क चिरइयन ओकर डारी प घोंसला बनाइ लिहन।”</verse>
				<verse number="20">उ फिन ईसू कहेस, “परमेस्सर क राज्य क बरोबरी मइँ कइसे करउँ?</verse>
				<verse number="21">इ उ खमीरे क नाई अहइ जेका एक स्त्री तीन हींसा पिसान मँ सान दिहेस अउर उ समूचा पिसान खमीरे स भरि गवा।”</verse>
				<verse number="22">ईसू जब सहरन अउर गाँउन स होत भवा उपदेस देत भवा यरूसलेम जात रहा।</verse>
				<verse number="23">तबहीं ओसे कउनो पूछेस, “पर्भू क केवल कछू मनइयन क ही उद्धार होइ?” ईसू कहेस,</verse>
				<verse number="24">“साँकर दुआरे स घुसइ क होइ सकइवाला जतन करा, काहेकि मइँ तोहका बतावत हउँ कि भीतर जाइ क जतन बहोत स करिहीं पर जाइ न पइहीं।</verse>
				<verse number="25">जब एक दाईं घरे क स्वामी उठिके दुआर बंद कइ देत ह, तउ तू बाहेर ही खड़ा दुआर खटखटावत कहब्या, ‘महासय, हमरे बरे खोलि द्या!’ मुला उ तोहका जवाब देइ, ‘मइँ नाहीं जानत तू कहाँ ले आवा बाट्या?’</verse>
				<verse number="26">तब तू कहइ लगब्या, ‘हम तोहर संग खावा ह, तोहर संग पिआ ह, तू हमरी गलियन मँ हमका सीख दिहा ह।’</verse>
				<verse number="27">पर उ तोसे कही, ‘मइँ नाहीं जानत तू कहाँ स आवा अहा? अरे कुकर्मी मनइयो! मोरे लगे स पराइ जा!’</verse>
				<verse number="28">“जब तू इब्राहीम, इसहाक, याकूब अउर दूसर सबहीं नबियन क परमेस्सरे क राज्य मँ निहरब्या मुला तोहका बाहेर ढकेल दीन्ह जाइ। तउ हुवाँ बस रोउब अउर दाँत पीसब होई।</verse>
				<verse number="29">फिन पूरब अउर पच्छूँ, उत्तर अउर दक्खिन स मनइयन परमेस्सर क राज्य मँ आइ आइके खइया क चउकी प आपन आसन ग्रहण करिहीं।</verse>
				<verse number="30">धियान रहइ कि हुवाँ जउन आखिरी अहइ पहिले होइ जइहीं अउर जउन पहिले अहइँ उ पचे आखिरी होइ जइहीं।”</verse>
				<verse number="31">उहइ समइ ईसू क लगे कछू फरीसियन आएन अउर ओसे बोलेन, “हेरोदेस तोहका मारि डावइ चाहत ह, एह बरे हुवाँ स कहूँ अउर चला जा।”</verse>
				<verse number="32">तब उ ओनसे कहेस, “जा अउर उ लोखरी स कहा, ‘मइँ मनइयन मँ स दुस्ट आतिमन क निकारब, मइँ आज ही चंगा करब अउर भियान भी। फिन तीसर दिन मइँ आपन काम पूरा करब।’</verse>
				<verse number="33">फिन भी मोका आजु, भियान अउर परउँ चलत ही रहइ क अहइ। काहेकि कउनो नबियन बरे इ नीक नाहीं कि उ यरूसलेम स बाहेर प्रान तजि देइ।</verse>
				<verse number="34">“यरूसलेम अरे ओ यरूसलेम! तू नबियन क कतल करत ह अउर परमेस्सर जेका तोहरे लगे पठएस ह, ओन प पाथर बरिसावत ह। मइँ केतॅनी दाईं तोहरे मनइयन क वइसे ही आपुस मँ बटोरइ चाहा ह जइसे एक ठु मुर्गी आपन बचवन क आपन पखना तरे बटोरत ह। मुला तू नाहीं चाह्या।</verse>
				<verse number="35">लखा तोहरे बरे तोहार घर तोहरे लिए उजरा पड़ा अहइ। मइँ तोहका बतावत हउँ तू मोका उ समइया तलक फिन नाहीं देखब्या। जब ताईं उ समइ न आइ जाइ जब तू कहब्या, ‘धन्य अहइ उ, पर्भू क नाउँ प जउन आवत बा।’”</verse>
			</chapter>
			<chapter number="14">
				<verse number="1">एक दाईं सबित क दिन मुख्य फरीसियन मँ स कउनो क घर ईसू खइया बरे गवा। ओहर उ पचे नगिचे स आँखि गड़ाइके लखत रहेन।</verse>
				<verse number="2">हुवाँ ओकरे समन्वा जलंधर स दुःखी एक ठु मनई रहा।</verse>
				<verse number="3">ईसू धरम सास्तिरियन अउर फरीसियन स पूछेस, “सबित क दिन कउनो क चंगा करब उचित अहइ या नाहीं?”</verse>
				<verse number="4">मुला उ पचे खमोस रहेन। तउ ईसू उ मनई क लइके चंगा कइ दिहस अउर फिन ओका कहूँ पठइ दिहस।</verse>
				<verse number="5">फिन उ ओनसे पूछेस, “जदि तोहमाँ स कउनो क लगे आपन बेटवा अहइ या बर्धा अहइ, उ कुआँ मँ गिरि पड़त ह तउ सबित क दिन भी तू ओका फउरन नाहीं निकरिब्या?”</verse>
				<verse number="6">उ पचे ऍह पइ ओकर बात नाहीं काटि सकेन।</verse>
				<verse number="7">काहेकि ईसू इ लखेस कि मेहमान आपन बरे बइठइ क कउनो खास ठउर ढँढत रहेन, तउ उ ओनका एक दिस्टान्त कथा सुनाएस। उ बोला:</verse>
				<verse number="8">“जब तोहका कउनो बियाहे क भोज प बोलावइ तउ हुवाँ कउनो सम्मान क ठउर प जिन बइठा। काहेकि होइ सकत ह हुवाँ कउनो तोहसे जिआदा बड़कवा मनई क उ बोलॉए होइ।</verse>
				<verse number="9">फिन तू दुइनउँ क बोलॉवइवाला तोहरे लगे आइके तोसे कही, ‘आपन इ जगह इ मनई क दइ द्या।’ अउर फिन लजाइके तोहका सबन क तले क ठउरे प बइठइ क होइ।</verse>
				<verse number="10">“तउ जब तोहका बोलॉवा जात ह तउ जाइके सबन त तले क जगह ग्रहण कइ ल्या जइसे जब तोहका न्यौता देइवाला आवइ तउ तोहसे कही, ‘मीत उठा, ऊपर बइठा।’ फिन उ सबन क समन्वा, जउन तोहरे लगे हुवाँ मेहमान होइहीं, तोहार मान बाढ़ी।</verse>
				<verse number="11">काहेकि हर कउनो जउन आपन क उठाई ओका निहुराइ दीन्ह जाई अउर जउन आपन क निहुराई, ओका ऊँचा कीन्ह जाई।”</verse>
				<verse number="12">फिन जउन ओका बोलाए रहा, ओसे उ बोला, “जब कबहुँ तू कउनो दिन या राति क भोज द्या तउ आपन धनी पड़ोसियन क जिन बोलावा काहेकि ऍकरे बदले मँ तोहका बोलइहीं अउर इ तरह तोहका ओकर फल मिलि जाई।</verse>
				<verse number="13">मुला जब तू कउनो भोज द्या तउ दीन दुखियन, अपाहिजन, लंगड़न अउर अँधरन क बोलावा।</verse>
				<verse number="14">फिन काहेकि ओनके लगे वापस लउटावइ कछू नाहीं अहइ, तउ इ तोहरे बरे आसीर्वाद बनि जाई। ऍकर बदले क फल तोहका धर्मी मनई क जी उठइ प दीन्ह जाई।”</verse>
				<verse number="15">फिन ओकरे संग खइया क खात रहेन मनइयन मँ स एक इ सुनिके ईसू स कहेस, “हर उ मनई धन्य अहइ, जउन परमेस्सर क राज्य मँ जेंवत ह!”</verse>
				<verse number="16">तब ईसू ओसे कहेस, “एक मनई कउनो बड़के भोज क तइयारी करत रहा, उ बहोत स मनइयन क न्यौत दिहस।</verse>
				<verse number="17">फिन दावत क समइ जेनका न्यौत दिहस, नउकरे क पठइके इ कहवाएस, ‘आवा! काहेकि भोजन तइयार अहइ।’</verse>
				<verse number="18">उ सबइ एक तरह आनाकानी करइ लागेन। पहिला ओसे कहेस, ‘मइँ एक खेत बेसहे अहउँ, मोका जाइके ओका देखब अहइ, कृपा कइके मोका छमा करइँ।’</verse>
				<verse number="19">फिन दूसर कहेस, ‘मइँ पाँच जोड़ी बर्धा मोल लिहे अहउँ, मइँ तउ सिरिफ ओनका परखइ जात हउँ, कृपा कइके मोका छमा करइँ।’</verse>
				<verse number="20">एक अउर भी बोला, ‘मइँ अबहिं बियाह किए हउँ। इ कारण स नाहीं आइ सकत हउँ।’</verse>
				<verse number="21">“तउ जब उ नउकर लौटिके आवा तउ उ आपन स्वामी क इ बातन बताइ दिहस, ऍह पइ उ घरे क स्वामी बहोत कोहाइ गवा अउर आपन नउकरे स कहेस, ‘हाली ही! सहर क गली कूचा मँ जा अउर गरीब गुरबा, अपाहिज, आँधर अउर लँगड़न क हिआँ लइ आवा।’</verse>
				<verse number="22">“उ नउकर स कहेस, ‘स्वामी तोहार हुकुम पूरी कइ दीन्ह गइ अहइ मुला अबहिं भी ठउर बाकी अहइ।’</verse>
				<verse number="23">फिन स्वामी नउकरे स कहेस, ‘सड़कन प अउर खेतन क मेड़े ताई जा अउर हुवाँ स मनइयन स चिरौरी कइके हिआँ बुलाइ लिआवा जेसे मोर घर भरि जाइ।</verse>
				<verse number="24">अउर मइँ तोहसे कहत हउँ जउन पहिले बोलाइ गवा रहेन ओहमाँ स एक भी भोज न चिखइ सकेन!’”</verse>
				<verse number="25">ईसू क संग भारी भीड़ जात रही। उ ओनके कइँती मुड़ि गवा अउर बोला,</verse>
				<verse number="26">“जदि मोरे लगे कउनो आवत ह अउर आपन बाप महतारी, पत्नी अउर बचवा, आपन भाइयन अउर बहिनियन अउर हिआँ ताईं कि आपन जिन्नगी तलक स मोसे जिआदा पिरेम राखत ह, उ मोर चेला नाहीं होइ सकत।</verse>
				<verse number="27">जउन आपन क्रूस (यातना) उठाइके मोरे पाछे नाहीं चलत ह, उ मोर चेला नाहीं होइ सकत।</verse>
				<verse number="28">“जदि तोहमाँ स कउनो बुर्ज बनावइ चाहइ तउ का उ पहिले स बइठिके ओकरे दामे क, इ लखइ बरे कि ओका पूरा करइके ओकरे लगे काफी कछू बा कि नाहीं, हिसाब न लगाई?</verse>
				<verse number="29">नाहीं तउ उ नेंव तउ खनि देइ अउर ओका पूरा न कइ पावइ स, जउन ओका सुरु होत लखेन ह, सबहिं ओकर मसखरी उड़इहीं अउर कइहीं,</verse>
				<verse number="30">‘अरे लखा इ मनई बनाउब तउ सुरु कहेस ह मुला इ ओका पूर नाहीं कइ सका!’</verse>
				<verse number="31">“या कउनो राजा अइसा होइ जउन कउनो दूसर राजा क खिलाफ जुद्ध छेड़इ जाइ अउर पहिले बैठिके इ न बिचारइ कि आपन दस हजार सैनिकन क संग का उ बीस हजार सैनिकन आपन बैरी क मुकाबला कइ भी सकी कि नाहीं?</verse>
				<verse number="32">अउर जदि उ समर्थ नाहीं होत तउ ओकर बैरी अबहीं राहे मँ होइहीं तबहिं उ आपन प्रतिनिधि मंडल क पठइके सांति मिलाप क सुझाई।</verse>
				<verse number="33">“तउ फिन इहइ तरह तोहमाँ स कउनो भी जउन आपन सबहिं धन दौलत क तजि नाहीं देत, मोर चेला नाहीं होइ सकत।</verse>
				<verse number="34">“नोन उत्तिम अहइ मुला जदि ओकर स्वाद बिगर जाइ तउ ओका फिन स नमकीन नाहीं बनावा जाइ सकता।</verse>
				<verse number="35">न तउ उ माटी क लायक नही अउर न पाँस क कूड़ा क। मनई सिरिफ ओका यूँ ही बहाइ देइहीं। “जेकरे लगे सुनइ क कान अहइँ, ओका सुनइ द्या!”</verse>
			</chapter>
			<chapter number="15">
				<verse number="1">अब चुंगी (टैक्स) क उगहिया अउर पापी सबहिं ओका सुनइ बरे ओकरे लगे आवइ लाग रहेन।</verse>
				<verse number="2">तउ फरीसियन अउर धरम सास्तिरियन बड़बड़ करत भए कहइ लागेन, “इ मनई तउ पापी मनइयन क अगवानी करत ह अउर ओनके संग जेवंत ह।”</verse>
				<verse number="3">ऍह पइ ईसू ओनका इ दिस्टान्त कथा सुनाएस:</verse>
				<verse number="4">“मान ल्या तोहमाँ स कउनो क लगे 100 भेड़ अहइँ अउर ओहमाँ स कउनो एक हेराइ जाइ तउ उ का 99 क खुली जगह मँ तजिके हेरान भेड़ क पाछे न धाई जब ताई उ ओका पाइ न जाइ।</verse>
				<verse number="5">फिन जब ओका भेड़ मिलि जात ह तउ उ ओका खुसी क साथ आपन काँधे प उठावत ह।</verse>
				<verse number="6">अउर जब घर लौटत ह तउ आपन मीतन अउर पड़ोसियन क नगिचे बोलॉइके कहत ह, ‘मोर संग खुसी मनावा काहेकि मोका हेरान भेड़ मिलि गइ अहइ।’</verse>
				<verse number="7">मइँ तोहसे कहत हउँ, इहइ तरह कउनो एक क मनफिरावइवाला पापी बरे, ओन निनावे धर्मी मनइयन स, जेनका मनफिराव करइ क जरूरत नाहीं, सरगे मँ कहूँ जिआदा खुसी मनाइ जइ।</verse>
				<verse number="8">“या सोचि ल्या कउनो स्त्री अहइ जेकरे लगे दस चाँदी क सिक्का बाटेन अउर ओकर एक ठु सिक्का हेराइ जात ह तउ का उ दिया बारिके घरे क तब ताई न बहारी अउर होसियारी स नाहीं ढूँढ़त रही जब तलक उ ओका न मिलि जाइ?</verse>
				<verse number="9">अउर जब उ जब ओका पाइ जात ह तउ आपन मीतन अउर पड़ोसियन क लगे बोलॉइके कहत ह, ‘मोरे संग खुसी मनावा काहेकि मोर सिक्का जउन हेराइ ग रहा, मिलि गवा।’</verse>
				<verse number="10">मइँ तोहसे कहत हउँ इ तरह एक पापी बरे जउन मनफिराव ह, परमेस्सर क दूतन क हाजरी मँ हुआँ खुसी मनाइ जाइ।”</verse>
				<verse number="11">फिन ईसू कहेस, “एक मनई क दुइ बेटवा रहेन।</verse>
				<verse number="12">तउ छोटका बेटवा आपन बाप स कहेस, ‘पिताजी, जउन धन दौलत मोरे हींसा मँ आवइ, ओका मोका दइ द्या!’ तउ बाप उन दुइनउँ क आपन धन बाँट दिहेस।</verse>
				<verse number="13">“अबहीं कउनो जिआदा समइ नाहीं बीता रहा, कि छोटका बेटवा आपन समूचा धन दौलत बटोरेस अउर कउनो दूर देस क चला गवा। अउर हुवाँ जंगली क तरह रहत भवा आपन सारा धन बर्बाद कइ डाएस।</verse>
				<verse number="14">जबहिं ओकर समूचा धन खतम होइ गवा तबहीं उ देस मँ सबहिं कइँती एक ठु भयानक अकाल पड़ि गवा अउर ओका जरूरत क चीजन क कमती पड़इ लाग।</verse>
				<verse number="15">एह बरे उ देस क कउनो मनई क हिआँ जाइके उ मजूरी करइ लाग। उ ओका आपन खेते मँ सुअर चरावइ पठइ दिहस।</verse>
				<verse number="16">हुवाँ उ सोचत साइद कैरब क फरी पेट भरइ बरे मिलि जाइँ जेका सुअरन खात रहेन मुला कउनो ओका एक फरी नाहीं दिहेस।</verse>
				<verse number="17">“फिन जब ओकर होस ठिकाना मँ आइ गवा तउ उ बोला, ‘मोरे बाप क लगे केतॅना ही अइसे मजूर अहइँ जेनके लगे खाइ क पाछे भी भोजन बचा रहत ह। अउर मइँ हिआँ भूख स मरत हउँ।</verse>
				<verse number="18">तउ मइँ हिआँ स उठिके आपन बाप क लगे जाब अउर ओनसे कहब: पिताजी, मइँ परमेस्सर अउर तोहरे खिलाफ पाप किहे हउँ।</verse>
				<verse number="19">अब अगवा स तोहार बेटवा कहवावइ क जोग्ग नाहीं अहउँ। मोका आपन रोजिन्दा क मजूर क नाई बनइ ल्या।’</verse>
				<verse number="20">तउ उ उठिके आपन बाप क लगे चला गवा। “अबहिं उ जिआदा दूरी प ही रहा कि ओकर बाप ओका निहारेस अउर ओकरे बाप क दाया आइ। तउ दौड़िके उ ओका आपन बाँहे मँ गहियाह लिहस अउर चूमेस।</verse>
				<verse number="21">बेटवा बाप स कहेस, ‘पिताजी, मइँ तोहरी निगाहे मँ अउर परमेस्सर क खिलाफ पाप किहे हउँ, मइँ अब अउर जिआदा तोहार बेटवा कहवावइ क जोग्ग नाहीं हउँ।’</verse>
				<verse number="22">“मुला बाप आपन नउकरन स कहेस, ‘हाली! उत्तिम ओढ़ना निकारि लइ आवा अउर ओनका ऍका पहिरावा। ऍकरे हाथे मँ अँगूठी अउर गोड़वा मँ जूतियाँ पहिरावा।</verse>
				<verse number="23">कउनो मोट बछवा लइ आइके मारि डावा अउर आवा ओका हम पचे खाइके खुसी मनाई।</verse>
				<verse number="24">काहेकि मोर इ बेटवा जउन मरि गवा रहा अब जइसे फिन स जिउ उठा बा। इ हेरॉइ गवा रहा, मुला अब इ मिलि गवा अहइ।’ तउ उ पचे खुसी मनावइ लागेन।</verse>
				<verse number="25">“अब ओकर बड़का बेटवा जउन खेते मँ रहा, जब आवा अउर घरे क लगे पहुँच गवा त उ गावइ नाचइ क सुर सुनेस।</verse>
				<verse number="26">उ आपन एक ठु नउकर क बोलाइके पूछेस, ‘इ सब का होत अहइ?’</verse>
				<verse number="27">नउकर ओसे कहेस, ‘तोर भाई आइ गवा अहइ अउर तोर बाप ओका हिफाजत मँ अउर मोटमर्दा पाइके एक ठु मोट बछवा कटवाएस ह!’</verse>
				<verse number="28">“बड़का भाई कोहाइ गवा, उ भितरे जाइ तलक नाहीं चाहत रहा। तउ ओकर बाप बाहेर आइके ओका समझाएस बुझाएस।</verse>
				<verse number="29">मुला उ बाप क जवाब दिहस, ‘देखा बरिसन स तोहार सेवा मइँ करत रहेउँ। मइँ तोहरे कउनो हुकुम क खिलाफत नाहीं किहेउँ, मुला तू मोका तउ कबहूँ एक बोकरी तलक नाहीं दिहा कि मइँ आपन मीतन क संग कउनो खुसी मनाइ सकित।</verse>
				<verse number="30">मुला जब तोहार इ बेटवा आवा जउन वेस्यन मँ तोहार धन फूँकेस, ओकरे बरे तू मोट बछवा कटवाया।’</verse>
				<verse number="31">“बाप ओसे कहेस, ‘मोर बेटवा, तू हमेसा ही मोरे लगे अहा अउर जउन कछू मोरे लगे बा, सब तोहार अहइ।</verse>
				<verse number="32">मुला हमका खुस होइ चाही अउर जलसा मनावइ चाही काहेकि इ भाई, जउन मरि ग रहा, अब फिन जिन्ना होइ, ग अहइ। इ हेराइ ग रहा, अब मिलि गवा बा।’”</verse>
			</chapter>
			<chapter number="16">
				<verse number="1">फिन ईसू आपन चेलन स कहेस, “एक धनी मनई रहा। ओकर एक प्रबन्धक रहा। उ प्रबन्धक प लांछन लगाइ गवा कि उ ओकर धन दौलत क नासत रहा।</verse>
				<verse number="2">तउ उ ओका बोलाएस अउर कहेस, ‘तोहरे बारे मँ इ मइँ का सुनत रहत हउँ? आपन संरजाम क हिसाब किताब द्या काहेकि अब अगवा तू प्रबन्धक नाहीं रहि सकत्या।’</verse>
				<verse number="3">“ऍह पइ प्रबन्धक मन ही मन मँ कहेस, ‘मोर स्वामी मोसे मोर प्रबन्धक क नउकरी छीनत अहा, तउ अब मइँ का करउँ? मोहमाँ अब ऍतनी ताकत भी नाहीं बा कि मइँ खेते खोदाई अउर गोंड़ाई क काम तलक कइ सकउँ। अउर माँगइ मँ तउ मोका लाज आवति बाटइ।</verse>
				<verse number="4">ठीक, मोरी समझ मँ आइ गवा कि मोका का करइ चाही जेहॅसे जब मइँ प्रबन्धक क ओहदा स हटाइ दीन्ह जाउँ तउ मनई आपन घरे मँ मोर सुआगत करइँ।’</verse>
				<verse number="5">“तउ उ स्वामी क हर देनदार क बोलाएस। पहिले मनई स उ पूछेस, ‘तोहका मोरे स्वामी क केतॅना देब अहइ?’</verse>
				<verse number="6">उ कहेस, ‘3,000 लीटर जौतून क तेल।’ ऍह पइ उ ओसे बोला, ‘इ ल्या आपन बही खाता अउर बैठिके हाली 1,500 लीटर कइ द्या।’</verse>
				<verse number="7">“फिन उ दूसर स कहेस, ‘अउर तोह प केतनी देनदारी अहइ?’ उ बताएस, ‘270 क्विंटल गोहूँ।’ उ ओसे बोला, ‘इ ल्या आपन बही अउर 225 क्विंटल कइ द्या।’</verse>
				<verse number="8">“ऍह प ओकर स्वामी उ बेइमान प्रबन्धक क सराहेस काहेकि उ होसियारी स काम लिहे रहा। संसारे मँ रहइवाला मनई आपन जइसे मनइयन स ब्यौहार करइ मँ परमेस्सर क जोतिवाला स जिआदा चालाक अहइ।</verse>
				<verse number="9">“मइँ तोहसे कहत हउँ संसारे क धन दौलत स आपन बरे मीत बनावा। काहेकि जब उ धन दौलत खतम होइ जाइ, उ पचे अनंत निवासे मँ तोहार सुआगत करिहीं।</verse>
				<verse number="10">उ सबइ जेनॅ पइ तनिक बरे बिसवास कीन्ह जाइ सकत ह, ओन पइ जिआदा बरे भी बिसवास कीन्ह जाइ अउर इहइ तरह जउन तनिक बरे बेइमान होइ सकत हीं उ जिआदा बरे बेइमान होइहीं।</verse>
				<verse number="11">इ तरह जदि तू संसारे क धन दौलत बरे तू बिसवासनीय नाहीं रह्या तउ साँच धने क बारे मँ तोह पइ कउन भरोसा करी?</verse>
				<verse number="12">जदि जउन कउनो दूसर क अहइ, तू ओकरे बरे बिसवास क जोग्ग नाहीं, बाट्या, तउ जउन तोहार अहइ, ओका तोहरा कउन देइ?</verse>
				<verse number="13">“कउनो भी नउकर दुइ मालिक क सेवा नाहीं कइ सकत। उ या तो एक स घिना करी अउर दूसर स पिरेम या उ एक क बरे न्यौछावर करी अउर दूसर क दुरियाई। तू धने अउर परमेस्सर दुइनउँ क सेवा एक संग नाहीं कई सकत्या।”</verse>
				<verse number="14">अब फरीसियन जउन धन क लोभी रहेन, जब इ सब सुनेन तउ उ पचे ईसू क बहोत बुराई किहेन।</verse>
				<verse number="15">ऍह पइ उ ओनसे कहेस, “तू पचे उ सबइ अहा जउन मनइयन क इ जताइ देइ चाहत ह कि तू बहोत नीक अहा मुला परमेस्सर तोहरे मन क जानत ह। मनई जेका बहोत कीमती समझत हीं, परमेस्सर बरे उ तुच्छ अहइ।</verse>
				<verse number="16">“यूहन्ना तलक व्यवस्था अउर नबियन क समइ रहा। ओकरे पाछे परमेस्सर क राज्य क सुसमाचार क प्रचार होत रहा अउर हर कउनो बड़ी तेजी स ऍकर कइँती हींचा चला आवत रहा।</verse>
				<verse number="17">फिन सरग अउर धरती क डुग जाब तउ सहल बा मुला व्यवस्था क एक एक बिन्दु क अमान्य होब नाहीं।</verse>
				<verse number="18">“उ हर कउनो जउन आपन पत्नी क तजत ह अउर दूसर स्त्री क बियाहत ह, व्यभिचार करत ह। अइसे ही आपन पति स तलाकी गइ, कउनो मनई स बियाहत ह, उ भी व्यभिचार करत ह।”</verse>
				<verse number="19">“अब देखा एक मनई रहा जउन बहोत धनी रहा। उ बैंजनी रंग क ओढ़ना पहिरत रहा अउर हर रोज अमीरी ठाट बाट स रहत आनन्द लेत रहा।</verse>
				<verse number="20">हुँवई लाजर नाउँ क दीन दुखिया ओकरे दुआरे ओलरा रहत रहा। ओकर देह घाउन स भरि गइ रही।</verse>
				<verse number="21">उ धनी मनई क जूठे स ही उ आपन पेटवा भरइ क तरसत रहा। हिआँ तलक कि कूकुर भी अउतेन अउर ओकरे घाउ क चाट जातेन।</verse>
				<verse number="22">“अउर फिन अइसा भवा कि उ दीन हीन मनई मरि गवा। तउ सरगदूतन लइ जाइके ओका इब्राहीम क गोदी मँ बइठाइ दिहन। फिन उ धनी मनई भी मरि गवा अउर ओका दफनियावा गवा।</verse>
				<verse number="23">नरके मँ तड़पत भवा उ जब आँखी खोलिके लखेस तउ इब्राहीम ओका बहोत दूर देखाइ गवा मुला लाजर उ ओकरी गोदी मँ लखेस।</verse>
				<verse number="24">उ तब्बइ पुकारके कहेस, ‘बाप इब्राहीम, मोहे प दाया करा अउर लाजर क पठवा कि उ पानी मँ अगुँरि क नोक बोरिके मोर जीभ ठंढी कइ देइ, काहेकि मइँ इ आगी मँ तड़पत हउँ!’</verse>
				<verse number="25">“मुला इब्राहीम बोला, ‘मोर बेटहना, याद राखा, तू आपन जिन्नगी मँ आपन नीक चीजन्क पाइ गया मुला लाजर क बुरी चीज मिलि पाइँ। तउ अब हिआँ उ आनन्द भोगत बा अउर तू दारूण दुःख।</verse>
				<verse number="26">अउर इ सब क अलावा हमरे अउर तोहरे बीच एक बड़की खाई डाइ दीन्ह ग अहइ काहेकि हिआँ स जदि कउनो तोहरे लगे जाइ चाहइ, उ जाइ नाहीं सकत अउर हुवाँ स कउनो हिआँ आइ न सकइँ।’</verse>
				<verse number="27">“उ धनी मनई कहेस, ‘अइ बाप! मइँ तोहसे पराथना करत हउँ कि तू लाजर क मोरे बाप क घर पठइ द्या</verse>
				<verse number="28">काहेकि मोरे पाँच भाइयन अहइँ। उ ओनका चिताउनी देइ ताकि ओनका इ दारुण दुःख क ठउर मँ न आवइ क होइ।’</verse>
				<verse number="29">“मुला इब्राहीम कहेस, ‘ओनके लगे मूसा क व्यवस्था अहइ अउर नबियन क लिखा अहइँ। ओ पचेन क ओनका सुनइ द्या।’</verse>
				<verse number="30">“धनी मनई कहेस, ‘नाहीं बाप इब्राहीम, जदि कउनो मरे हुअन मँ स ओनके लगे जाइ तउ उ पचे मनफिराव करिहीं।’</verse>
				<verse number="31">“इब्राहीम ओसे कहेस, ‘जदि उ सबइ मूसा अउर नबियन क नाहीं अनकतेन तउ, जदि कउनो मरे हुअन मँ स उठिके ओनके लगे आवइ तउ भी कोउ काम क न होई, काहेकि उ ओनका भी न सुनिहीं।’”</verse>
			</chapter>
			<chapter number="17">
				<verse number="1">ईसू आपन चेलन स कहेस, “जेनसे मनइयन भटकत हीं, अइसी बातन तउ होइहीं ही मुला धिक्कार उ मनई क अहइ जेकरे जरिये उ सबइ होइँ।</verse>
				<verse number="2">ओकरे बरे जिआदा नीक इ होत कि बजाय ऍकरे कि उ इन छोटकन मँ स कउनो क पाप करइ क हुस्कारि देइ, ओकरे गटइया मँ चकरी क पाट टाँगिके ओका समुद्दर मँ ढकेल दीन्ह जात।</verse>
				<verse number="3">होसियार रहा! “जदि तोहार भाई पाप करइ तउ ओका डाटा अउर जदि उ आपन किहे प पछताइ तउ ओका छमा कइ द्या।</verse>
				<verse number="4">अगर हर दिना उ सात दाईं पाप करइ अउर सातहु दाई लौटिके तोहसे कहइ कि मोका पछतावा अहइ तो तू ओका छमा कइ द्या।”</verse>
				<verse number="5">ऍह पइ प्रेरितन पर्भू स कहेन, “हमरे बिसवास क बढ़ोतरी करा!”</verse>
				<verse number="6">पर्भू कहेस, “जदि तोहमाँ सरसों क दाना क तरह बिसवास होत तो तू इ सहतूत क बृच्छ स कहि सकत ह ‘उखड़ि जा अउर समुद्दर मँ जाइके लगा।’ अउर उ तोहार बात मान लेत।</verse>
				<verse number="7">“मान ल्या तोहमाँ स कउनो क लगे एक दास अहइ जउन हर जोतत या भेड़न क चरावत ह। उ जब खेते स लौटिके आवइ तउ का ओकर स्वामी ओसे कही, ‘तुरन्त आवा अउर खइया क खाइ बैठि जा?’</verse>
				<verse number="8">मुला बजाय ऍकरे का उ ओसे न कही, ‘मोर भोजन तइयार करा, आपन ओढ़ना पहिरा अउर मोर खात पिअत क खइया परसा, तबहिं ऍकरे पाछे तू भी खाइ पी सकत ह।’</verse>
				<verse number="9">का उ आपन हुकुम पूरा करइ प का उ सेवक क बिसेस धन्यबाद देत ह? नाहीं।</verse>
				<verse number="10">तोहरे संग भी अइसा ही अहइ। जउन कछू करइ क तोहसे कहा ग अहइ, ओका कइ डाए क पाछे तोहका कहइ चाही, ‘हम नालायक दास अही हमका कउन बड़कई न चाही। हम तउ आपन कर्तब कीन्ह ह।’”</verse>
				<verse number="11">फिन जब ईसू यरूसलेम जात रहा तउ उ सामरिया अउर गलील क बीच क चउहद्दी क लगे स निकरा।</verse>
				<verse number="12">उ जब एक गाउँ मँ जात रहा तबहिं दस कोढ़ी ओका मिलेन। उ सबइ कछू दूरी प खड़ा रहेन।</verse>
				<verse number="13">उ पचे ऊँच आवाज मँ बोलेन, “हे ईसू! हे स्वामी! हम प दाया करा!”</verse>
				<verse number="14">फिन जब उ ओनका लखेस तउ उ बोला, “जा अउर आपन खुद क याजकन क देखावा।” उ सबइ जात ही रहेन कि कोढ़ स छुटकारा पाएन।</verse>
				<verse number="15">मुला ओहमाँ स एक जब इ देखेस कि उ चंगा होइ ग अहइ, तउ उ वापस लौटा अउर ऊँच आवाज मँ परमेस्सर क गुन गावइ लाग।</verse>
				<verse number="16">उ मुँहना धइके ईसू क गोड़वा पर गिरि गवा अउर ओकर ऍहसान मानेस। (उ एक सामरी रहा।)</verse>
				<verse number="17">ईसू ओसे पूछेस, “का सबहिं दस क दसउ कोढ़ स छुटकारा नाहीं पाएन? फिन उ सबइ नौ कहाँ बाटेन?</verse>
				<verse number="18">का केवल सामरी क तजिके ओहमाँ स कउनो भी परमेस्सर क स्तुति करइ वापस नाहीं लौटा?”</verse>
				<verse number="19">फिन ईसू ओसे कहेस, “खड़ा ह्वा अउर चला जा, तोहार बिसवास तोहका चंगा किहेस ह।”</verse>
				<verse number="20">एक दाईं जब फरीसियन ईसू स पूछेन, “परमेस्सर क राज्य कब आई?” तउ उ ओनका जवाब दिहस, “परमेस्सर क राज्य अइसे परगट होइके नाहीं आवत।</verse>
				<verse number="21">मनइयन इ न कइहीं, ‘उ हिआँ अहइ!’ या ‘उ हुवाँ अहइ!’ काहेकि परमेस्सर क राज्य तउ तोहरे भीतर ही अहइ।”</verse>
				<verse number="22">मुला चेलन उ बोलाएस, “अइसा समइ आइ जब तू मनई क पूत क दिनन मँ स एक दिन क भी तरसब्या मुला, ओका न लख पउब्या।</verse>
				<verse number="23">अउर मनइयन तोहसे कइहीं, ‘देखा, हिआँ!’ या ‘देखा, हुवाँ!’ तू हुवाँ जिन जा या ओकर पाछे जिन जा।</verse>
				<verse number="24">“वइसे ही जइसे बिजुरी चमकिके एक छोर स दूसर छोर मँ चमकत ह, वइसे ही मनई क पूत भी आपन दिन मँ परगट होइ।</verse>
				<verse number="25">मुला ओका पहिले बहोत स दारुण दुःख झेलइ क होइ अउर इ पीढ़ी क जरिए उ जरूर ही न मान्न होइ।</verse>
				<verse number="26">“वइसे ही जइसे नूह क दिनन मँ भवा रहा, मनई क पूत क दिनन मँ भी होइ।</verse>
				<verse number="27">उ दिना तलक जब नूह नाउ मँ बइठा, मनई खात पिअत रहेन, बियाह करत रहेन, अउर बियाह मँ दीन्ह जात रहेन। फिन जल परलइ आइ अउर उ सबन क नास कइ दिहस।</verse>
				<verse number="28">“इहइ तरह होइ जइसे लूत क दिना मँ भी भवा रहा। मनइयन खात पिअत रहेन, बेसहत रहेन, बेचत रहेन अउर खेती अउर घर बनवत रहेन।</verse>
				<verse number="29">मुला उ दिन जब लूत सदोम स बाहेर निकरा तउ अकास स आगी अउर गंधक बरसइ लाग अउर उ सबइ बर्बाद होइ गएन।</verse>
				<verse number="30">उ दिना भी जब मनई क पूत परगट होइ, ठीक अइसे ही होइ।</verse>
				<verse number="31">“उ दिन जदि कउनो मनई छते प होइ अउर ओकर सामान घरे क भीतर होइ तउ ओका उठावइ बरे तरखाले न उतरइ। इहइ तरह जदि कउनो मनई खेते मँ होइ तउ उ पाछे न लौटइ।</verse>
				<verse number="32">लूत क पत्नी क याद करा,</verse>
				<verse number="33">“जउन कउनो आपन जिन्नगी बचावइ क जतन करी, उ ओका खोइ देइ अउर जउन आपन जिन्नगी खोइ, उ ओका बचाइ लेइ।</verse>
				<verse number="34">मइँ तोहका बतावत हउँ, उ राति एक खटिया प जउन दुइ मनई होइहीं, ओहमाँ स एक उठाइ लीन्ह जाइ अउर दूसर छोर दीन्ह जाइ।</verse>
				<verse number="35">दुइ स्त्रियन एक संग चकरी चलावत होइहीं, ओहमाँ स एक उठाइ लीन्ह जाइ अउर दूसर स्त्री छोर दीन्ह आइ।”</verse>
				<verse number="36"></verse>
				<verse number="37">फिन ईसू क चेलन ओसे पूछेन, “हे पर्भू, अइसा कहाँ होइ?” उ ओनसे कहेस, “जहाँ ल्हास पड़ी होइ, गिद्ध भी हुवँइ एकट्ठा होइहीं।”</verse>
			</chapter>
			<chapter number="18">
				<verse number="1">फिन ईसू चेलन क इ बतावइ बरे एक दिस्टान्त कथा सुनाएस कि उ पचे लगातार पराथना करत रहइँ अउर निरास न होइँ। उ इ दिस्टान्त कथा कहेस:</verse>
				<verse number="2">“कउनो सहर मँ एक न्यायाधीस होत रहा। उ न तो परमेस्सर स डेरात रहा अउर न ही मनइयन क परवाह करत रहा।</verse>
				<verse number="3">उहइ सहर मँ, अब लखा एक ठु विधवा भी रहत रही। अउर उ ओनके लगे बार बार आवत अउर कहत, ‘देखा, मोरे बरे कीन्ह गवा अनिआउ क खिलाफ निआउ मिलइ चाही!’</verse>
				<verse number="4">तउ एक लम्बा समइ तलक तउ उ न्यायाधीस नाहीं चाहत रहा मुला आखिर मँ उ आपन मने मँ सोचेस, ‘चाहे मइँ परमेस्सर स न डेरात हउँ अउर न मनइयन क परवाह करत हउँ।</verse>
				<verse number="5">तउ भी काहेकि इ विधवा स मोर कान पक ग अहइँ तउ मइँ देखिहउँ कि ओका निआउ मिलि जाइ जेहसे इ मोरे लगे कइउ दाइँ आइके कहूँ मोरे नाक मँ दम करि देइ!’”</verse>
				<verse number="6">फिन पर्भू कहेस, “देखा! उ दुस्ट न्यायाधीस का कहे रहा।</verse>
				<verse number="7">तउ का परमेस्सर आपन चुना भए मनइयन प धियान न देइ कि ओनका, जउन ओका राति दिन टेरत हीं, निआव मिलइ? का उ ओनकइ मदद करइ मँ देर लगाई?</verse>
				<verse number="8">मइँ तोहसे कहत हउँ कि उ ओनका जल्दी निआव देई। फिन भी जब मनई क पूत आइ तउ का उ धरती प बिसवास पाई?”</verse>
				<verse number="9">फिन ईसू ओन मनइयन बरे जउन आपन क नेक तउ मानत रहेन, अउर कउनो क कछू नाहीं समझतेन, इ दिस्टान्त कथा सुनाएस:</verse>
				<verse number="10">“मन्दिर मँ दुइ मनई पराथना करत रहेन, एक फरीसी रहा अउर दूसर चुंगी (टैक्स) क उगहिया।</verse>
				<verse number="11">उ फरीसी अलग खड़ा होइके इ पराथना करइ लाग, ‘हे परमेस्सर मइँ तोहार धन्यबाद करत हउँ कि मइँ दूसर मनइयन जउन डाकू, ठग अउर व्यभिचार नाहीं हउँ अउर न ही इ चुंगी उगहिया जइसा हउँ।</verse>
				<verse number="12">मइँ हप्ता मँ दुइ दाई उपास राखत हउँ अउर आपन समूची आमदनी क दसवाँ हींसा दान मँ दइ देत हउँ।’</verse>
				<verse number="13">“मुला उ चुंगी उगहिया जउन दूर खड़ा रहा अउर हिआँ तलक कि सरगे कइँती आपन आँखिन उठाइके नाहीं लखत रहा, आपन छतिया पीटत भवा बोला, ‘हे परमेस्सर, मोहे पापी प द्या कर!’</verse>
				<verse number="14">मइँ तोहका बतावत हउँ, इहइ मनई धर्मी कहवाइके आपन घरे लौट गवा, न कि उ दूसर। काहेकि हर उ मनई जउन आपन खुद क बड़का समझी, ओका छोटका बनइ दीन्ह जाइ अउर जउन दीन मानी, ओका बड़का बनइ दीन्ह जाइ।”</verse>
				<verse number="15">मनई आपन गदेलन तलक ईसू क लगे लइ आवत रहेन कि उ ओनका छू भरि देइ। मुला जब ओकर चेलन इ लखेन तउ ओनका झड़पेन।</verse>
				<verse number="16">मुला ईसू गदेलन क लगे बोलाएस अउर चेलन स कहेस, “इ नान्ह गदेलन क मोरे लगे आवइ द्या, ऍनका जिन रोका, काहेकि परमेस्सर क राज्य अइसन क अहइ।</verse>
				<verse number="17">मइँ सच कहत हउँ कि जउन परमेस्सर क राज्य इ गदेलन क नाई ग्रहण नाहीं करत ह, ओहमाँ कबहुँ घुसि न पाई।”</verse>
				<verse number="18">फिन कउनो यहूदी नेता ईसू स पूछेस, “उत्तिम गुरु, अनन्त जीवन क हक पावइ बरे मोका का करइ चाही?”</verse>
				<verse number="19">ईसू ओसे कहेस, “तू मोका उत्तिम काहे कहत अहा? सिरिफ परमेस्सर क तजिके अउर कउनो भी उत्तिम नाहीं अहइ।</verse>
				<verse number="20">तू परमेस्सर क हुकुम क तो जानत अहा: ‘व्यभिचार जिन करा, कतल जिन करा, चोरी जिन करा, झूठी साच्छी जिन द्या, आपन बाप अउर महतारी क आदर करा।’”</verse>
				<verse number="21">उ यहूदी नेता बोला, “मइँ इन बातन क आपन लरिकाई स मानत आवा हउँ!”</verse>
				<verse number="22">ईसू जब इ सुनेस तउ उ ओसे बोला, “अबहीं एक बात अहइ जेकर तोहमाँ कमी अहइ। तोहरे लगे जउन कछू अहइ, सब कछू क बेंचि डावा अउर फिन जउन मिलइ, ओका गरीबन मँ बाँटा। ऍहसे तोहका सरगे मँ भण्डारा मिली। फिन आवा अउर मोरे पाछे होइ जा।”</verse>
				<verse number="23">तउ जब यहूदी नेता सुनेस तउ उ बहोत दुःखी भवा, काहेकि उ बहुत अमीर रहा।</verse>
				<verse number="24">ईसू जब ई देखेस कि उ बहोत दुःखी अहइ तउ उ कहेस, “ओन मनइयन बरे जेनके लगे धन बा, परमेस्सर क राज्य मँ घुसि पाउब केतना मुस्किल अहइ।</verse>
				<verse number="25">हाँ, कउनो ऊँट बरे सुई क नोंक स निकरि जाब तउ सहज बा मुला कउनो धनी मनई क परमेस्सर क राज्य मँ घुस पाउब सहल नाहीं अहइ!”</verse>
				<verse number="26">उ मनइयन जउन इ सुनेन, बोलेन, “फिन भला उद्धार केकर होइ?”</verse>
				<verse number="27">ईसू कहेस, “उ बातन जउन मनइयन बरे नाहीं होइ सकतीं, परमेस्सर बरे होइ सकत हीं!”</verse>
				<verse number="28">फिन पतरस कहेस, “देखा, तोहरे पाछे चलइ बरे हम उ सब कछू तजि दीन्ह ह जउन हमरे पास रहा!”</verse>
				<verse number="29">तब ईसू ओनसे बोला, “मइँ तोहसे सच कहत हउँ, अइसा कउनो नाहीं जउन परमेस्सर क राज्य बरे घर-बार, पत्नी या भाइयन या महतारी बाप या संतान क तजि दिहे होइ,</verse>
				<verse number="30">अउर ओका इहइ जुग मँ कइउ कइउ गुना जिआदा न मिलइ अउर आवइवाला समइ मँ उ अनन्त जीवन क न पाइ जाइ।”</verse>
				<verse number="31">फिन ईसू ओन बारहु क एक कइँती लइ जाइके ओनसे बोला, “सुना, हम यरूसलेम जात अही। मनई क पूत क बारे मँ नबियन क जरिये जउन कछू लिखा गवा अहइ, उ पूर होइ।</verse>
				<verse number="32">हाँ, उ गैर यहूदियन क सौंप दीन्ह जाइ, ओकर मसखरी उड़ाइ जाइ, उ कोसा जाइ अउर ओह पइ थूक दीन्ह जाइ।</verse>
				<verse number="33">फिन उ सबइ ओका पिटिहीं अउर मारि डइहीं अउर तीसर दिन फिन जी जाई।”</verse>
				<verse number="34">एहमाँ स कउनो भी बात उ सबइ नाहीं समुझ सकेन। इ कहब ओनसे छुपा ही रही गवा कि उ कउने बारे मँ बतावत रहा।</verse>
				<verse number="35">ईसू जब यरीहो क लगे पहुँचा रहा तउ भीख माँगत भवा एक आँधर, हुवँई राह किनारे बइठा रहा।</verse>
				<verse number="36">आँधर जब मनइयन क जाइ क आवाज सुनेस तउ उ पूछेस, “का होत अहइ?”</verse>
				<verse number="37">तउ मनइयन ओसे कहेन, “नासरत क ईसू हिआँ स जात अहइ।”</verse>
				<verse number="38">तउ आँधर इ कहत भवा पुकार उठा, “दाऊद क पूत, ईसू। मोहे प द्या करा!”</verse>
				<verse number="39">उ जउन अगवा चलत रहेन उ पचे ओसे खमोस रहइ क कहेन, मुला उ अउर जिआदा पुकारइ लाग, “दाऊद क पूत मोरे प द्या करा!”</verse>
				<verse number="40">ईसू थम गवा अउर उ हुकुम दिहेस कि आँधर क ओकरे लगे लइ आवा जाइ! तउ जब उ नगिचे आवा तउ ईसू ओसे पूछेस,</verse>
				<verse number="41">“तू का चाहत ह, मइँ तोहरे बरे का करउँ?” उ कहेस, “पर्भू, मइँ फिन स देखइ चाहत हउँ।”</verse>
				<verse number="42">ऍह पइ ईसू कहेस, “तोहका जोति मिलइ, तोहार बिसवास स तोहार उद्धार भवा ह।”</verse>
				<verse number="43">अउर फउरन ही ओका आँखिन मिल गइन। उ परमेस्सर क महिमा क बखान करत भवा ईसू क पाछे होइ गवा। जब सब मनइयन इ देखेन तउ उ पचे परमेस्सर क स्तुति करइ लागेन।</verse>
			</chapter>
			<chapter number="19">
				<verse number="1">फिन ईसू यरीहो मँ घुसिके जब हुवाँ स जात रहा।</verse>
				<verse number="2">तो हुवाँ जक्कई नाउँ क एक मनई भी हाजिर रहा। उ चुंगी (टैक्स) उगहियन मुखिया रहा। तउ उ बहोत धनी रहा।</verse>
				<verse number="3">उ इ देखइ क जतन करत रहा कि ईसू कउन अहइ, मुला भिड़िया क कारण उ देख नाहीं पावत रहा काहेकि ओकर कद छोटवार राह।</verse>
				<verse number="4">तउ उ सबन क अगवा धावत भवा एक ठु गुलरी क बृच्छ प जाइ चढ़ा जेहसे, उ ओका निहारि सकइ काहेकि ईसू क उहइ रास्ता स होइके निकरइ क रहा।</verse>
				<verse number="5">फिन जब ईसू उ ठउरे प आवा तउ उ ऊपर लखत भवा जक्कई स कहेस, “जक्कई, हाली स नीचे उतरि आवा काहेकि मोका आजु तोहरे ही घरे प रुकइ चाही।”</verse>
				<verse number="6">तउ उ तड़फड़ नीचे उतरिके खुसी क संग ओकर अगवानी किहेस।</verse>
				<verse number="7">जब सबहिं मनइयन इ लखेन तउ उ पचे बड़बड़ाइ लागेन अउर बोलेन, “अरे इ एक पापी क घर मेहमान बनइ जात अहइ।”</verse>
				<verse number="8">मुला जक्कई खड़ा भवा अउर पर्भू स बोला, “हे पर्भू देखा, मइँ आपन सारी धन दौलत क आधा हींसा गरीब गुरबन क दइ देब अउर जदि मइँ कउनो क छल कइके कछू भी छीना ह तउ ओका चौगुना कइके लौटाइ देब!”</verse>
				<verse number="9">ईसू ओसे कहेस, “इ घरे प आज उद्धार आइ गवा ह, काहेकि इ मनई भी इब्राहीम क ही संतान अहइ।</verse>
				<verse number="10">काहेकि मनई क पूत भी जउन कउनो हेराइ गवा अहइ, ओका ढूँढ़इ अउर ओकर उद्धार करइ आवा ह।”</verse>
				<verse number="11">जब उ मनइयन इ बातन क सुनत रहेन तउ ईसू ओनका एक दिस्टान्त कथा सुनाएस काहेकि ईसू यरूसलेम क नगिचे रहा अउर उ पचे सोचत रहेन कि परमेस्सर क राज्य तुरंत ही परगट होइ जात अहइ।</verse>
				<verse number="12">तउ ईसू कहेस, “एक ऊँच कुल क मनई राजा क पद पावइ बरे कउनो परदेस मँ गवा।</verse>
				<verse number="13">तउ उ आपन दस नउकरन क बोलाएस अउर ओनमाँ स हर एक क एक एक थैली दिहस अउर ओनसे कहेस, ‘जब ताईं मइँ लौटउँ, ऍसे कउनो बियापार करा।’</verse>
				<verse number="14">मुला सहर क दूसर मनई ओसे घिना करत रहेन, एह बरे उ पचे ओकर पाछे इ कहइ क एक प्रतिनिधि मण्डत पठएस, ‘हम नाहीं चाहित कि इ मनई हम पइ राज करइ।’</verse>
				<verse number="15">“मुला उ राजा क पदवी पाइ गवा। फिन जब उ वापस लौटा तउ जउन नउकरन क उ धन दिहे रहा ओनका इ जानइ बरे कि उ सबइ कउन लाभ कमाइ लिहन ह, उ बोलॉवा पठएस।</verse>
				<verse number="16">पहिला आइ अउर बोला, ‘स्वामी, तोहार थैलियन स मइँ दस अउर थैली कमाउँ ह!’</verse>
				<verse number="17">ऍह पइ ओकर स्वामी ओसे कहेस, ‘उत्तिम नउकर तू नीक किहा ह। काहेकि तू इ छोटकी सी बात प बिसवास क जोग्ग रहा। तू दस सहरन क अधिकारी होब्या!’</verse>
				<verse number="18">“फिन दूसर नउकर आवा अउर बोला, ‘स्वामी तोर थैलियन स मइँ पाँच अउर थैली कमायउँ ह!’</verse>
				<verse number="19">फिन उ ऍहसे कहेस, ‘तू पाँच सहरन क ऊपर राज करब्या!’</verse>
				<verse number="20">“फिन एक दूसर नउकर आवा अउर बोला, ‘स्वामी इ रही तोहार थैली जेका मइँ अँगौछा मँ बाँधिके कहूँ रख दिहे रहेउँ।</verse>
				<verse number="21">मइँ तोहसे डेरात रहत हउँ, काहेकि तू एक कठोर मनई अहा। तू जउन रख्या नाहीं ह तू ओका भी लइ लेत ह अउर जउन तू बोया नाहीं ओका काटत ह!’</verse>
				<verse number="22">“मालिक ओसे कहेस, ‘अरे दुस्ट नउकर! मइँ तोहरे आपन सब्दन क ऊपर तोहार निआव करब। तू तो जानत ही ह कि मइँ जउन राखत नाहीं हउँ, ओका भी लइ लेइवाला अउर जउन बोवत नाहीं ओका बी काटइवाला कठोर मनई हउँ?</verse>
				<verse number="23">तउ फिन तू मोर धन बियाज प काहे नाहीं लगाया ताकि मइँ अबहुँ वापस आवत होतउँ तउ बियाज क साथ ओका लइ लेतउँ।’</verse>
				<verse number="24">फिन लगे खड़ा मनइयन स उ कहेस, ‘ऍकर थैली ऍहसे लइ ल्या अउर जेकरे लगे दस थैली अहइँ ओका दइ द्या।’</verse>
				<verse number="25">“ऍह पइ उ सबइ ओसे बोलेन, ‘मालिक, ओकरे लगे तउ दस थैली अहइँ!’</verse>
				<verse number="26">“मालिक कहेस, ‘मइँ तोहसे कहत हउँ हर एक उ मनई क जेकरे लगे अहइ अउर जिआदा दीन्ह जाइ अउर जेकरे पास नाहीं अहइ, ओसे जउन ओकरे लगे अहइ, उ भी छीन लीन्ह जाइ।</verse>
				<verse number="27">मुला मोर उ बैरी जउन नाहीं चाहतेन कि मइँ ओन पइ हुकूमत करउँ जेनका हिआँ मोरे समन्वा लावा अउर मारि डावा।’”</verse>
				<verse number="28">इ बातन कहि चुके क पाछे ईसू अगवा चलत भवा यरूसलेम कइँती बढ़इ लाग।</verse>
				<verse number="29">अउर फिन जब उ बैतफगे अउर बैतनिय्याह मँ उ पहाड़ी क नगिचे पहुँचा जउन जैतून क पर्वतन कही जात रहीं तउ उ आपन दुइ चेलन क इ कहिके पठएस कि</verse>
				<verse number="30">“इ जउन गाउँ तोहरे समन्वा अहइ, हुवाँ जा। जइसे ही तू हुवाँ घुसब्या, तोहका गदही क बच्चा हुवाँ बाँधा भवा मिली। जेहॅ पइ कउनो कबहूँ सवारी नाहीं किहे होइ, ओका खोलिके हिआँ लिआवा।</verse>
				<verse number="31">अउर जदि कउनो तोहसे पूछइ तू ऍका काहे खोलत अहा, तो तोहका ओसे इ कहब अहइ, ‘पर्भू क चाही।’”</verse>
				<verse number="32">फिन जेनका पठवा ग रहा, उ पचे गएन अउर ईसू जइसा ओनका बताए रहा, ओनका बइसा ही मिला।</verse>
				<verse number="33">तउ जब उ सबइ बचवा क खोलत ही रहेन, ओकर मालिक लोगन ओनसे पूछेन, “तू इ बचवा क काहे खोलत बाट्या?”</verse>
				<verse number="34">उ पचे कहेन, “इ पर्भू क चाही।”</verse>
				<verse number="35">फिन उ पचे ओका ईसू क लगे लइ आएन। उ पचे आपन ओढ़ना उ बच्चा प ओढ़ाइ दिहेन अउर ईसू क ओह पइ बइठाइ दिहन।</verse>
				<verse number="36">ईसू जब जात रहा तउ मनइयन आपन ओढ़ना सड़क पइ बिछावत जात रहेन।</verse>
				<verse number="37">अउर फिन जब उ जैतून क पर्वतन स तलहटी क लगे आवा तउ चेलन क समूची भीड़ ओन सबहिं अजूबा कामे बरे, जउन उ पचे लखे रहेन, ऊँच आवाज मँ खुसी स परमेस्सर क स्तुति करइ लागेन।</verse>
				<verse number="38">उ पचे पुकारेन; “राजा उ धन्य अहइ, आवत ह जउन नाउँ मँ पर्भू (परमेस्सर) क! सरगे मँ सान्ति होइ, अउर अकास मँ महिमा होइ परमेस्सर क!”</verse>
				<verse number="39">भिड़िया मँ खड़ा भएन कछू फरीसियन ओसे कहेन, “गुरु, चेलन क मना करा!”</verse>
				<verse number="40">तउ उ जवाब दिहस, “मइँ तोहसे कहत हउँ जदि इ सबइ खामोस होइ जाइँ तउ उ सबइ पाथर चिचियइहीं।”</verse>
				<verse number="41">जब उ नगिचे आइके सहर क लखेस तउ उ ओह प रोइ पड़ा।</verse>
				<verse number="42">अउर बोला, “जदि तू बस आजु इहइ जानत होत्या कि कउन तोहका सान्ति देइ मुला अब उ तोहरी आँखी स ओझर होइ गवा बा।</verse>
				<verse number="43">उ दिनन तोहे प अइहीं जब तोहरे बैरी चारिहुँ कइँती अड़चन खड़ी कइ देइहीं। उ सबइ तोहका घेरि लेइहीं अउर सब कइँती स तोह पइ दबाव डइहीं।</verse>
				<verse number="44">उ सबइ तोहका धूरी मँ मिलइहीं। तोहका अउर तोहरे दीवार क भीतर रहइवालन गदेलन क। तोहरी चहरदीवारे क भीतर उ सबइ तोहरे मकाने क एक पथरा भी ना छोड़िहइँ। काहेकि जब परमेस्सर तोहरे लगे आइ, तू उ घड़ी क नाहीं पहिचान्या।”</verse>
				<verse number="45">फिन ईसू मंदिर मँ घुसा अउर जउन हुवाँ दुकानदारी करत रहेन ओनका बाहेर निकारइ लाग।</verse>
				<verse number="46">उ ओनसे कहेस, “पवित्तर सास्तर मँ लिखा ग अहइ, ‘मोर घर पराथना घर होइ।’ मुला तू पचे ऍका ‘डाकुअन क अड्डा बनए अहा।’”</verse>
				<verse number="47">अब तो हर दिन मंदिर मँ उपदेस देइ लाग। मुख्ययाजकन, धरम सास्तिरियन अउर मुखिया मनइयन ओका मार डावइ क ताक मँ रहइ लागेन।</verse>
				<verse number="48">मुला ओनका अइसा कइ डावइ क कउनो अउसर न मिल पावा काहेकि मनइयन ओकरे बचन क बहोत मान्नता देत रहेन।</verse>
			</chapter>
			<chapter number="20">
				<verse number="1">एक दिन जब ईसू मंदिर मँ मनइयन क उपदेस देत भवा सुसमाचार सुनावत रहा तउ मुख्ययाजकन अउर धरम सास्तिरियन, बुजुर्ग यहूदी नेतन क संग ओकरे लगे आएन।</verse>
				<verse number="2">उ पचे ओसे पूछेन, “हमका बतावा तू इ काम कउनो अधिकार स करत अहा? उ कउन अहइ जउन तोहका इ अधिकार दिहे अहइ?”</verse>
				<verse number="3">ईसू ओनका जवाब दिहस, “मइँ भी तोहसे एक सवाल पूछत हउँ, तू मोका बतावा</verse>
				<verse number="4">यूहन्ना क बपतिस्मा देइ क अधिकार सरग स मिला रहा या मनई स?”</verse>
				<verse number="5">ऍह पइ आपुस मँ बिचार क चर्चा करत भवा उ पचे बोलेन, “जदि हम कहित ह, ‘सरग स’ तउ इ कही, ‘तउ तू ओह प बिसवास काहे नाहीं किहा?’</verse>
				<verse number="6">अउर अगर हम कही, ‘मनई स’ तउ सबहीं मनई हम पइ पाथर फेंकिहीं। काहेकि उ सबइ इ मानत हीं कि यूहन्ना एक नबी रहा।”</verse>
				<verse number="7">तउ उ सबइ जवाब दिहेन कि उ पचे नाहीं जानतेन कि उ अधिकार कहाँ स मिला।</verse>
				<verse number="8">फिन ईसू ओनसे कहेस, “तउ मइँ भी तोहका नाहीं बताउब कि इ चीज मइँ कउनो अधिकारे स करत हउँ!”</verse>
				<verse number="9">फिन ईसू मनइयन स आपन दिस्टांत कथा कहइ लाग: “कउनो मनई अंगूरे क बगिया लगाइके ओका कछू किसानन क लगाने प दिहस अउर उ बहोत दिना तक कहूँ चला गवा।</verse>
				<verse number="10">जब फसल काटइ क समइ आइ, तउ उ एक नउकर क किसानन क लगे पठाएस ताकि उ पचे ओका अंगूरे क बगिचा क कछू फल दइ देइँ। मुला किसानन ओका मार पीटिके खाली हाथ लौटाइ दिहन।</verse>
				<verse number="11">उ तब एक नउकर हुवाँ पठएस। मुला उ पचे ओकर ठोंकाइ कइ डाएन। उ सबइ ओकरे संग बहोत बुरा ब्यौहार किहेन। अउर ओका भी खाली हाथे लौटाइ दिहन।</verse>
				<verse number="12">ऍह पइ उ एक तिसरा नउकर पठएस मुला उ पचे ऐके भी घायल कइके बाहेल ढकेल दिहन।</verse>
				<verse number="13">“तब तउ बगिया क मालिक कहइ लाग, ‘मोका का करइ चाही? मइँ आपन पियारे बेटवा क पठउब साइद उ पचे ओकर इज्जत करिहइँ!’</verse>
				<verse number="14">मुला किसानन जब ओकरे बेटवा का लखेन तउ आपुस मँ सोच बिचारि करत भए बोलेन, ‘इ तउ बारिस अहइ, आवा ऍका मारि डाइ जेहसे बारिस हमार होइ जाइ!’</verse>
				<verse number="15">अउर उ पचे ओका बगिया स बाहेर खदेरके मारि डाएन। “तउ फिन बगिया क मालिक ओनके संग का करी?</verse>
				<verse number="16">उ आइ अउर ओन किसानन क मारि डाई अउर अंगूरे क बगिया अउरन क सौंपि देइ।” उ पचे जब इ सुनेन तउ उ सबइ बोलेन, “अइसा कबहूँ न होइ चाही!”</verse>
				<verse number="17">तब ईसू ओनकइ कइँती निहारत भवा कहेस, “तउ फिन इ जउन लिखा अहइ ओकर अरथ का अहइ: ‘जउने पाथर क राजगीर बेकार समझ लिहे रहेन उहइ कोनवा क प्रमुख पाथर बन गवा’?</verse>
				<verse number="18">हर कउनो जउन उ पाथर प गिरी चूर चूर होइ जाइ अउर जेहॅ पइ उ गिरी चकनाचूर होइ जाइ!”</verse>
				<verse number="19">धरम सास्तिरियन अउर मुख्ययाजकन कउनो रास्ता ढूँढ़ीके ओका पकड़ि लेइ चाहत रहेन काहेकि उ ताड़ ग रहेन कि उ इ दिस्टान्त कथा ओनके खिलाफ कहेस ह। मुला उ पचे मनइयन स डेरात रहेन।</verse>
				<verse number="20">तउ उ पचे होसियारी स ओह प निगाह राखइ लागेन। उ पचे अइसे खुफिया पठएन जउन ईमानदार होइ क सुआंग रचत रहेन। (ताकि उ सबइ ओकर कही भइ कउनो बातन मँ फँसाइके राज्यपाल क सक्ती व अधिकारे क मातहत कर देइँ।)</verse>
				<verse number="21">तउ उ पचे ओसे पूछत भए कहेन, “गुरु, हम जानित ह कि जउन नीक अहइ अउर उहइ क तू कहत अउर उपदेस देत अहा अउर न ही कउनो क पच्छ लेत ह। मुला तू सचाई स परमेस्सर क रास्ता क उपदेस देत अहा।</verse>
				<verse number="22">तउ बतावा कैसर क हमका चुंगी (टैक्स) देब नीक बा या नाहीं चुकाउब?”</verse>
				<verse number="23">ईसू ओनकइ चाल क ताड़ गवा रहा। तउ उ ओनसे कहेस,</verse>
				<verse number="24">“मोका एक दीनार देखावा, ऍह पइ मूरति अउर लिखाइ केकर अहइ?” उ सबइ कहेन, “कैसर का।”</verse>
				<verse number="25">ऍह पइ उ ओनसे बोला, “तउ फिन जउन कैसर क अहइ, ओका कैसर क द्या। अउर जउन परमेस्सर क अहइ ओका परमेस्सर क।”</verse>
				<verse number="26">उ पचे ओकरे जवाबे प चकित होइके चुप रहि गएन अउर उ मनइयन क समन्वा जउन कछू कहे रहा, ओह पइ ओका पकड़ नाहीं पाएन।</verse>
				<verse number="27">अब देखा कछू सदूकियन ओकरे लगे आएन। (इ सबइ सदूकियन उ रहेन जउन फिन स जी उठब का नाहीं मनतेन।) उ पचे ओसे पूछत भए कहेन,</verse>
				<verse number="28">“गुरु, मूसा हमरे बरे लिखा बा कि जदि कउनो क भाई मरि जाइ अउर ओकरे कउनो बचवा न होइ अउर ओकर पत्नी होइ तउ ओकर भाई विधवा स बियाहिके आपन मरे भए भाई बरे, ओसे संतान पइदा करइ।</verse>
				<verse number="29">अब देखा, सात भाइयन रहेन। पहिला भाइ कउनो स्त्री स बियाह किहेस अउर उ बे संतान क ही मरि गवा।</verse>
				<verse number="30">फिन दूसर भाई ओसे बियाहेस,</verse>
				<verse number="31">अउर अइसे ही तीसर भाई ओसे बियाहेस। सबन क संग एक जइसा ही भवा। उ पचे बे संताने क मर गएन।</verse>
				<verse number="32">पाछे उ स्त्री भी मरि गइ।</verse>
				<verse number="33">अब बतावा, फिन स जी उठे प उ केकर पत्नी होइ काहेकि ओसे तउ सातहु ही बियाहे रहेन?”</verse>
				<verse number="34">तब ईसू ओसे कहेस, “इ जुग क मनई बियाह करत हीं अउर बियाह कइके बिदा होत हीं।</verse>
				<verse number="35">मुला उ मनइयन जउन मरे भएन मँ स जी जाइ बरे अउर आवइवाले जुग मँ भाग लेइ क जोग्य ठहराइ दीन्ह ग अहइँ, उ पचे न तउ बियाह करिहीं अउर न ही बियाह कइके बिदा कीन्ह जइहीं।</verse>
				<verse number="36">अउर उ फिन कबहुँ मरिहीं भी नाहीं, काहेकि उ पचे सरगदूतन क नाई अहइँ, उ पचे परमेस्सर क संतान अहइँ काहेकि उ पचे पुनरुत्थान क पूत अहइँ।</verse>
				<verse number="37">मूसा तलक झाड़ी स जुड़ा भवा अनुच्छेद मँ देखाएस ह कि उ पचे मरे भएन मँ स जिआवा ग अहइँ, जबकि उ कहेस पर्भू, ‘इब्राहीम क परमेस्सर, इसहाक क परमेस्सर अउर याकूब क परमेस्सर’ अहइ।</verse>
				<verse number="38">उ मरे भएन क नाहीं मुला जिअत क परमेस्सर अहइ। उ सबइ मनइयन जउन ओकर अहइँ, जिअत अहइँ।”</verse>
				<verse number="39">कछू धरम सास्तिरियन कहेन, “गुरु, नीक कह्या।”</verse>
				<verse number="40">काहेकि फिन ओसे कउनो अउर सवाल पूछइ क हिम्मत नाहीं कइ सकेन।</verse>
				<verse number="41">ईसू ओसे कहेस, “उ पचे कहत हीं कि मसीह दाऊद क पूत अहइ। इ कइसे होइ सकत ह?</verse>
				<verse number="42">काहेकि भजन संहिता क किताब मँ दाऊद खुद कहत ह: ‘पर्भू (परमेस्सर) मोरे पर्भू (मसीह) स कहेस; मोरे दाहिन हाथ बइठा,</verse>
				<verse number="43">जब तलक कि मइँ तोहरे बैरियन क तोहरे गोड़ धरइ क चउकी न बनाइ देउँ।’</verse>
				<verse number="44">इ तरह जब दाऊद मसीह क ‘पर्भू’ कहत ह तउ मसीह दाऊद क पूत कइसे होइ सकत ह”</verse>
				<verse number="45">सबहीं मनइयन क सुनत उ आपन मनवइयन स कहेस,</verse>
				<verse number="46">“धरम सास्तिरियन स होसियार रहा। उ लम्बा चोगा पहिरिके इज्जत क संग बाजारन मँ सुआगत सम्मान पावइ चाहत हीं। अउर आराधनालय मँ ओनका सबस जिआदा प्रमुख आसन क ललक रहत ह। दाउतन मँ उ सबइ इज्जत स भरा आसन चाहत हीं।</verse>
				<verse number="47">उ पचे विधवन क अकसर धोखा देत हीं अउर ओनकर मकान लइ लेत हीं। देखॉवा बरे उ पचे बड़ी बड़ी पराथना करत हीं। इन मनइयन क कड़ी स कड़ी सजा भुगुतइ पड़ी।”</verse>
			</chapter>
			<chapter number="21">
				<verse number="1">ईसू आपन अँखिया उठाइके देखेस कि धनी लोग दान पात्र मँ आपन आपन भेंट चढ़ावत अहइँ।</verse>
				<verse number="2">तबहीं उ एक गरीब विधवा क ओहमाँ, ताँबे क दुइ नान्ह सिक्का नावत भइ लखेस।</verse>
				<verse number="3">उ कहेस, “मइँ तोहसे सच कहत हूँ कि दूसर सबहीं मनइयन स इ विधवा जिआदा दान दिहेस ह।</verse>
				<verse number="4">इ मइँ इ बरे कहत हउँ काहेकि इ सबहीं मनइयन आपन उ धने मँ स जेकर ओनका जरूरत नाहीं रही, दान दिहे रहेन मुला इ विधवा गरीब होत भइ जिन्ना रहइ बरे जउन कछू ओकर लगे रहा, सब कछू दइ डाएस।”</verse>
				<verse number="5">कछू चेलन मन्दिर क बारे मँ बतियात रहेन कि उ मंदिर सुन्नर पथरन अउर परमेस्सर की दीन्ह गइ मनौती क भेंट स कइसे सजाना ग बा!</verse>
				<verse number="6">तबहिं ईसू कहेस, “अइसा समइ आइ जब, इ जउन कछू तू देखत अहा, ओहमाँ एक पाथर दूसर पाथर टिक न रह पाइ। उ सबइ ढहाइ दीन्ह जइहीं!”</verse>
				<verse number="7">उ पचे ओसे पूछत भए बोलेन, “गुरु, इ बातन कब होइहीं? अउर इ बातन जउन होइवाली अहइँ, ओकर कउन चीन्हा होइहीं?”</verse>
				<verse number="8">ईसू कहेस, “होसियार रहा, कहूँ कउनो तोहका छल न लेइ। काहेकि मोरे नाउँ स बहोत मनइयन अइहीं अउर कइहीं, ‘मइँ मसीह अहउँ’ अउर ‘समइ आइ पहुँचा अहइ।’ ओनके पाछे जिन जा।</verse>
				<verse number="9">परन्तु जब तू जुद्ध अउर दंगा क बात सुना तउ जिन डेराअ काहेकि इ बातन तउ पहिले घटि जइहीं। अउर ओनकइ अंत फउरन न होइ।”</verse>
				<verse number="10">उ ओनसे फिन कहेस, “एक जाति दूसर जाति क खिलाफ खड़ी होइ अउर एक राज्य दूसर राज्य क खिलाफ।</verse>
				<verse number="11">बड़ा बड़ा भुइँडोल अइहीं अउर अनेक जगहन प अकाल पड़िहीं अउर महामारी आइ। अकासे मँ खौफनाक घटना घटिहीं अउर भारी चीन्हा परगट होइहीं।</verse>
				<verse number="12">“मुला इ सबन घटना स पहिले तोहका बंदी बनइ डइहीं अउर तोहका दारुण दुःख देइहीं। उ सबइ तोह प जुर्म लगावइ बरे तोहका आराधनालय क सौंपिहीं अउर फिन तोहका जेल पठइ दीन्ह जाइ। अउर फिन मोरे नाउँ क कारण उ पचे तोहका राजा लोग अउर राज्यपाल क समन्वा लइ जइहीं।</verse>
				<verse number="13">ऍसे तोहका मोरे बारे मँ साच्छी देइ क अउसर मिली।</verse>
				<verse number="14">एह बरे पहिले स ही ऍकर फिकिर न करइ क निहचइ कइ ल्या कि आपन बचाव कइसे करब्या।</verse>
				<verse number="15">काहेकि अइसी बुद्धि अउर सब्द तोहका मइँ देब कि तोहार कउनो भी बैरी तोहार सामना अउर तोहार खण्डन नाहीं कइ सकी।</verse>
				<verse number="16">मुला तोहार महतारी बाप, भाई, बन्धु, नातेदार अउर मीत भी तोहका धोखा स पकड़वइहीं अउर तोहमाँ स कछू क तउ मरवाइ ही डइहीं।</verse>
				<verse number="17">मोरे कारण सब तोसे बैर रखिहीं।</verse>
				<verse number="18">मुला तोहरे मूँड़े क एक बार बाँका नाहीं होइ।</verse>
				<verse number="19">तोहार सहइ क सक्ती, तोहरे प्रान क रच्छा करी।</verse>
				<verse number="20">“अब लखा जब यरूसलेम क तू फऊज स घिरा देखब्या तउ समुझ लिहा कि ओकर तहस नहस होइ जाब नगिचे अहइ।</verse>
				<verse number="21">तब तउ जउन यहूदिया मँ होइँ, ओनका चाही कि उ पचे पहाड़न प पराइ जाइँ अउर उ सबइ जउन सहर क भीतर होइँ, बाहेर निकर आवइँ अउर उ पचे जउन गाउँ मँ होइँ ओनका सहर मँ नाहीं जाइ चाही।</verse>
				<verse number="22">काहेकि उ दिनन सजा क होइहीं। ऍहसे जउन लिखा ग बाटइ, उ सबहीं पूर होइ।</verse>
				<verse number="23">उ स्त्रियन बरे, जउन पेटवा स भारी होइहीं अउर ओनके बरे जउन दूध पिआवत होइहीं, उ दिनन केतॅना खौफनाक होइहीं। काहेकि उ दिनन धरती प बहोत बड़की बिपत आइ इ मनइयन प परमेस्सर कोहाइ जाइ।</verse>
				<verse number="24">उ सबइ तरवारे क धार स गिरा दीन्ह जइहीं अउर कैदी बनइके सब देसन मँ पहुँचाइ दीन्ह जइहीं। अउर यरूसलेम बे यहूदियन क गोड़वा तरे तब तलक रौंद जाइ जब तलक गैर यहूदियन क समइ पूर नाहीं होइ जात।</verse>
				<verse number="25">“सूरज चाँद अउर तारन मँ चीन्हा परगट होइहीं अउर धरती प क सबहिं रास्ट्रन प बिपत आई अउर उ सबइ समुद्दर क आवाज अउर उधर-पुथर स घबराइ उठिहीं।</verse>
				<verse number="26">मनइयन डर अउर संसार प आवइ वाली बिपत क भय से बेहोस होइ जइहीं काहेकि आकास क सक्ती हलोर दीन्ह जाइ।</verse>
				<verse number="27">अउर तबहिं उ पचे मनई क पूत क आपन सक्ती अउर महान महिमा क एक बादर आवत भवा देखिहीं।</verse>
				<verse number="28">अब देखा, इ बातन जब घटइ लागइँ तउ खड़ा होइके तू आपन मूँड़ ऊपर उठाइ ल्या। काहेकि तोहार छुटकारा नगिचे आइ रही होइ!”</verse>
				<verse number="29">फिन एक ठु दिस्टान्त कथा कहेस: “अउर सबहिं बृच्छन अउर अंजीरे क बिरवा लखा।</verse>
				<verse number="30">ओहमाँ स जइसे ही कोंपर फूटत हीं, तू आपन आप जान जात ह कि गर्मी क रितु बस आइ ग अहइ।</verse>
				<verse number="31">वइसे ही तू जब इ बातन क घटतइ देख्या तउ जान लिहा कि परमेस्सर क राज्य नगिचे अहइ।</verse>
				<verse number="32">“मइँ तोहसे सच कहत हउँ कि जब तलक इ सब बातन घटि नाहीं जातिन, इ पीढ़ी क अंत नाहीं होइ!</verse>
				<verse number="33">धरती अउर अकास बरिबाद होइ जइहीं, पर मोर बचन हमेसा अटल रही!</verse>
				<verse number="34">“आपन धियान राखा जेहसे तोहार मन कहूँ पिअइ पिआवइ अउर संसारे क फिकिर स पाथर न होइ जाइ। अउर उ दिन एक फंदा क तरह तोह प एकाएक न आइ पड़इ।</verse>
				<verse number="35">सचमुच ही उ इ सारी धरती क बसइयन पइ अइसे ही आइ गिरी।</verse>
				<verse number="36">हर छिन होसियार रहा, अउर पराथना करा कि तोहका इ सब बातन स, जउन घटइवाली अहइँ, बचइ क ताकत मिलइ अउर तू मनई क पूत क समन्वा खड़ा होइ सका।”</verse>
				<verse number="37">हर रोज मंदिर मँ उपदेस देत रहा मुला, राति बीति जाइ प हर साँझ जैतून पर्वत प चला जात रहा।</verse>
				<verse number="38">सबहीं मनई भिन्सारे क तड़के उठत रहेन अउर मंदिर मँ ओकरे लगे जाइके, ओका सुनत रहेन।</verse>
			</chapter>
			<chapter number="22">
				<verse number="1">अब फसइ नाउँ क बे खमीरे क रोटी क त्यौहार आवइ क रहा।</verse>
				<verse number="2">ओहॅर मुख्य याजकन अउर धरम सास्तिरियन काहेकि मनइयन स डेरात रहेन एह बरे कउनो अइसे चाल क ताक मँ रहेन जेहसे उ ईसू क मारि डावइँ।</verse>
				<verse number="3">फिन इस्करियोति कहावइवाला उ यहूदा मँ, जउन उन बारहु मँ एक रहा, सइतान समाइ गवा।</verse>
				<verse number="4">उ मुख्ययाजकन अउर सैनिकन क लगे गवा अउर ओनसे ईसू क कइसे पकड़वाइ सकत ह, इ बारे मँ बातचीत किहेस।</verse>
				<verse number="5">उ सबइ बहोत खुस भएन अउर ओका ऍकरे बरे धन देइ क राजी होइ गएन।</verse>
				<verse number="6">उ भी राजी होइ गवा अउर उ अइसे अउसरे क ताड़ मँ रहइ लाग जब भीड़-बड़ी न होइ अउर उ ईसू का ओकरे हथवा मँ धराइ देइ।</verse>
				<verse number="7">फिन बे खमीर क रोटी क उ दिन आवा जब फसह क मेमने क बलि दीन्ह जात ह।</verse>
				<verse number="8">तउ उ इ कहत भवा पतरस अउर यूहन्ना क पठएस, “जा अउर हमरे बरे फसह क भोज तइयार करा जेसे हम पचे ओका खाइ सकी।”</verse>
				<verse number="9">उ सबइ ओसे पूछेन, “तू हम पचन स ओकर तइयारी कहाँ करावइ चाहत ह?” उ ओनसे कहेस,</verse>
				<verse number="10">“तू जइसे ही सहर मँ घुसब्या तोहका पानी क गगरी लइ जात भवा एक मनई मिली, ओकरे पाछे होइ जाया अउ प जउन घरे मँ उ जाइ तू भी पाछे चला जाया।</verse>
				<verse number="11">अउर घरे क स्वामी स कह्या ‘गुरु, तोहसे पूछेस ह कि उ मेहमान क कमरा कहाँ बा जहाँ मइँ आपन चेलन क संग फसह क भोज क खइया क खाइ सकउँ।’</verse>
				<verse number="12">फिन उ मनई सिढ़ियन क ऊपर तोहका सजा सजावा एक बड़ा कमरा देखॉई, हुवँई तइयारी कर्या।”</verse>
				<verse number="13">उ पचे चल पड़ेन अउर वइसा ही पाएन जइसा उ ओनका बताए रहे। फिन उ पचे फसह क भोज क तइयार किहेन।</verse>
				<verse number="14">फिन उ घड़ी आइ तब ईसू खाइ बरे बइठा अउर प्रेरितन ओनके साथ बइठेन।</verse>
				<verse number="15">उ ओनसे कहेस, “यातना झेलइ स पहिले इ फसह क भोज संग करइ क मोर प्रबल इच्छा रही।</verse>
				<verse number="16">काहेकि मइँ तोहसे कहत हउँ कि जब तलक परमेस्सर क राज्य मँ फसह क भोज का पूरा मतलब न समझ लिया तब तलक मइँ ऍका दूसरी दाई न खाब।”</verse>
				<verse number="17">फिन उ खोरा उठाइके धन्यबाद दिहेस अउर कहेस, “ल्या ऍका आपुस मँ बाँटि ल्या।</verse>
				<verse number="18">काहेकि मइँ तोहसे कहत हउँ आजु क पाछे जब ताई परमेस्सर क राज्य नाहीं आइ जात मइँ कइसी भी दाखरस कबहुँ न पिअब।”</verse>
				<verse number="19">फिन उ तनिक रोटी लिहस अउर धन्यबाद दिहस। उ रोटी का तोड़ेस अउर ओनका देत भवा कहेस, “इ मोर देह अहइ जउन तोहरे बरे दीन्ह ग अहइ। मोरे याद मँ अइसा ही कर्या।”</verse>
				<verse number="20">अइसे ही जब उ पचे भोजन कइ चुकेन तउ उ खोरा उठाएस अउर कहेस, “इ दाखरस मोरे उ लहू क रूप मँ एक नवा करार क प्रतीक अहइ जउन तोहरे बरे उड़ेला गवा अहइ।”</verse>
				<verse number="21">“मुला देखा, मोका जउन धोखा स पकड़वाइ, ओकर हाथ हिअँइ मेजे प मोर संग अहइ।</verse>
				<verse number="22">काहेकि मनई क पूत तउ मारा ही जाइ जइसा कि तइ अहइ मुला धिक्कार उ मनई क अहइ जेकरे जरिए उ पकड़वाइ जाइ।”</verse>
				<verse number="23">ऍह पइ उ आपुस मँ एक दुसरे स सवाल करइ लागेन, “ओहमाँ स उ कउन होइ सकत ह जउन अइसा करइ जात अहइ?”</verse>
				<verse number="24">फिन ओहमाँ इ बात भी उठी कि ओहमाँ स सब स बड़कवा केका समुझा जावइ</verse>
				<verse number="25">मुला ईसू ओनसे कहेस, “गैर यहूदियन क राजा ओन प रुतवा राखत हीं अउर उ सबइ जउन ओन प हुकुम चलावत हीं, खुद मनइयन क ‘उपकारी’ कहवावत हीं।</verse>
				<verse number="26">मुला तू वइसे नाहीं अहा तउ भी तोहमाँ स सब स बड़कावा सब ते छोटकवा जइसा होइ चाही अउर जउन राज करत ह ओका चाकर क नाईं होइ चाही।</verse>
				<verse number="27">काहेकि बड़कवा कउन अहइ: उ जउन खाइ क मेज प बइठा अहइ या उ जउन परसत ह का उहइ नाहीं जउन मेज प अहइँ मुला तोहरे बीच मइँ वइसा हउँ जउन परोसत ह!</verse>
				<verse number="28">“मुला तू उ सबइ अहा जउन मोरी परीच्छा मँ मोर साथ दिहा ह।</verse>
				<verse number="29">अउर मइँ तोहका वइसे ही एक राज्य देत अही जइसे मोर परमपिता ऍका मोका दिहे रहेन।</verse>
				<verse number="30">काहेकि मोरे राज्य मँ तू मोरे मेज प खा अउर पिआ अउर इस्राएल क बारहू जनजातिन क निआव करत भवा सिंहासने प बइठा।</verse>
				<verse number="31">“सुना, तू सबन क गोहूँ क तरह फटकइ बरे सइतान चुन लिहे बा। समौन, ओ समौन!</verse>
				<verse number="32">मइँ तोहरे बरे पराथना कीन्ह ह कि जेहसे की परमेस्सर पर तोहार बिसवास खतम न होइ अउर जब तू वापस आवा तउ तोहरे भाइयन क ताकत बढ़इ।”</verse>
				<verse number="33">मुला समौन ओसे कहेस, “पर्भू, मइँ तोहरे संग जेल जाइ अउर मरइ तलक तइयार अहउँ!”</verse>
				<verse number="34">फिन ईसू कहेस, “पतरस मइँ तोहसे बतावत हउँ कि आजु तब तलक मुर्गा बाँग न देइ जब ताईं तू तीन दाईं मना नाहीं कइ लेब्या कि तू मोका जानत ह!”</verse>
				<verse number="35">फिन ईसू आपन चेलन स कहेस, “मइँ तोहका जब बे बटुआ बे थैली या बे चप्पल क पठए रहेउँ तउ का तोहका कउनो चीजे क कमी रही?” उ पचे कहेन, “कउनो चीजे क नाहीं।”</verse>
				<verse number="36">उ ओनसे कहेस, “मुला अब जउन कउनो क लगे भी कउनो बटुआ अहइ, उ ओका लइ लेइ अउर थैला भी लइ लेइ अउर उ थैला क भी लइके चलइ। जेकरे लगे तरवार न होइ, उ आपन चोगा तलक बेंचिके ओका बेसहि लेइ।</verse>
				<verse number="37">काहेकि मइँ तोहका बतावत हउँ कि पवित्तर सास्तर क इ लिखा मोह प सचमुच ही पूरा होइ जाइ: ‘उ एक अपराधी माना गवा।’ हाँ मोरे बारे मँ लिखी गइ इ बात पूरा होइ जाइ प आवति अहइ।”</verse>
				<verse number="38">उ सबइ कहेन, “पर्भू, देखा हिआँ दुइ तरवार अहइँ!” ऍह प ओनसे कहेस, “बस बहोत अहइ।”</verse>
				<verse number="39">फिन उ हुवाँ स उठिके रोज क तरह जैतून पर्वत प चला गवा। अउर ओकर चेलन भी ओकरे पाछे पाछे होइ गएन। उ जब उ ठउरे प पहुँचा तउ उ ओनसे कहेस, “पराथना करा कि तोहका परीच्छा मँ न पड़इ क होइ।”</verse>
				<verse number="40"></verse>
				<verse number="41">फिन उ ओनसे पाथर फेंकई क तरह पूरी दूरी तक चला गवा। फिन उ घुटना क सहारे निहुरा अउर पराथना करइ लाग,</verse>
				<verse number="42">“हे परमपिता, अगर तोहार इच्छा होइ इ यातना क कटोरा मोहसे दूर हटावा मुला फिन भी नाहीं बल्कि तोहार इच्छा पूरा होई।”</verse>
				<verse number="43">तबहीं एक सरगदूत हुवाँ परगट भवा अउर ओका सक्ती देइ लाग।</verse>
				<verse number="44">ओहर ईसू ब्याकुल होइके बड़े आग्रह पूर्वक पराथना करइ लाग। ओकर पसीना लोहू क बूँदे क नाईं धरती पइ गिरत रहा।</verse>
				<verse number="45">अउर जब उ पराथना स उठिके आपन चेलन क लगे आवा तउ उ ओनका दुःखे मँ थकिके सोवत पावा।</verse>
				<verse number="46">तउ उ ओनसे कहेस, “तू पचे सोवत काहे अहा? उठा अउर पराथना करा कि तू कउनो परीच्छा मँ न पड़ा।”</verse>
				<verse number="47">उ अबहीं बोलत ही रहा कि एक भीड़ जमा होइ गइ। यहूदा नाउँ क एक मनई जउन बारहु मँ स एक रहा, ओनकइ अगुवई करत रहा। उ ईसू क चुम्मा लेइ ओकरे लंगे आवा।</verse>
				<verse number="48">मुला ईसू ओनसे कहेस, “अरे यहूदा का तू एक चुम्मा स मनई क पूत क धोखा दइके पकड़वावइ जात अहा?”</verse>
				<verse number="49">जउन घटइ जात रहा, ओका लखिके ओकरे नगिचे क मनइयन कहेन, “पर्भू का हम पचे तरवारि क वार करी?”</verse>
				<verse number="50">अउर ओहमाँ स एक तउ महायाजक क नउकर प वारि कइके ओकर दाहिन कान काट डाएस।</verse>
				<verse number="51">मुला ईसू फउरन कहेस, “ओनका इ भी करइ द्या।” फिन ईसू ओकर कनवा छुइके चंगा किहेस।</verse>
				<verse number="52">फिन ईसू ओह प चढ़ाई करइ आएन मुख्ययाजकन, मन्दिर क सैनिकन अउर बुजुर्ग यहूदी नेतन स कहेस, “का तू तरवारि अउर लाठिन लइके कउनो डाकू क मुकाबला करइ निकरा अहा?</verse>
				<verse number="53">मन्दिर मँ मइँ हर दिन तोहरे ही संग रहेउँ, मुला तु मोह पइ हाथ नाहीं राख्या। मुला इ समइ तोहार अहइ-अँधियारे (पाप) क हुकुम क काल।”</verse>
				<verse number="54">उ पचे ओका कैदी बनाइ लिहन अउर हुवाँ स लइ गएन। फिन उ सबइ ओका महायाजक क घर लइ गएन। पतरस कछू दूरी प ओकरे पाछे पाछे आवत रहा।</verse>
				<verse number="55">अँगने क बीच उ पचे आगी सुलगएन अउर एक साथे खाले बैठि गएन। पतरस भी हुवँई ओनही मँ बइठा रहा।</verse>
				<verse number="56">आगी क रोसनी मँ एक नउकरानी ओका हुवाँ बइठे लखेस। उ ओह पइ आँखी गड़ावत भइ कहेस, “इ मनई तउ ओकरे साथे भी रहा।”</verse>
				<verse number="57">मुला पतरस इन्कार करत भवा कहेस, “हे स्त्री, मइँ ओका नाहीं जानत हउँ।”</verse>
				<verse number="58">तनिक दरे पाछे एक ठु दूसर मनई ओका लखेस अउर कहेस, “तू भी ओनही मँ स एक अहइ।” मुला पतरस बोला, “भल मनई, मइँ उ नाहीं हउँ।”</verse>
				<verse number="59">कउनो लगभग एक घड़ी बीत भइ होइ कि कउनो अउर भी जोर स कहइ लाग, “सचमुच ही इ मनई ओकरे संग भी रहा। काहेकि लखा उ गलील वासी भी अहइ।”</verse>
				<verse number="60">मुला पतरस बोला, “भल मनई, मइँ नाहीं जानता हउँ तू केकरे बारे मँ बतियात अहा!” उहइ घड़ी, उ अबहीं बातन करत ही रहा कि एक ठु मुर्गा बाँग दिहस।</verse>
				<verse number="61">अउर पर्भू मुड़िके पतरस पइ आँखी गड़ाएस। तबहिं पतरस क पर्भू क उ वचन याद आवा जउन उ ओसे कहे रहा: “आजु मुर्गा क बाँग देइ स पहिले मोका तीन दाई मुकरि जाब्या।”</verse>
				<verse number="62">तब उ बाहेर चला गवा अउर फूटि फूटि को रोवइ लाग।</verse>
				<verse number="63">जउन मनइयन ईसू क धइ राखे रहेन उ पचे ओकर मसखरी अउर ओका ठोंकइ लागेन।</verse>
				<verse number="64">ओकरे आँखी प पट्टी बाँधि दिहन अउर ओसे इ कहत भए पूछइ लागेन, “भविस्सबाणी करा! उ कउन अहइ जउन तोहका मारेस!”</verse>
				<verse number="65">उ सबइ ओका बेज्जत करइ बरे ओसे अउर भी बातन कहेन।</verse>
				<verse number="66">जबहिं दिन भवा कि मुख्ययाजकन अउर धरम सास्तिरियन संग मनइयन क बुजुर्ग नेतन क एक सभा भइ। फिन उ पचे ओका आपन महासभा मँ लइ गएन।</verse>
				<verse number="67">उ सबइ पूछेन, “हमका बतावा का तू मसीह अहा?” ईसू ओनसे कहेस, “जदि मइँ तोहसे कहउँ तउ तू मोर बिसवास नाहीं करब्या।</verse>
				<verse number="68">अउर जदि मइँ पूछउँ तउ तू जवाब नाहीं देब्या।</verse>
				<verse number="69">मुला अब स मनई क पूत सबन स सक्तीवाला परमेस्सर क दाहिन कइँती बइठाइ जाइ।”</verse>
				<verse number="70">उ पचे बोलेन, “तब तउ का तू परमेस्सर क पूत अहा?” उ कहेस, “हाँ, मइँ हउँ।”</verse>
				<verse number="71">फिन उ पचे कहेन, “अब हमका कउनो अउर प्रमाण क जरूरत नाहीं अहइ? हम पचे खुद एकरे आपन मुँहना स इ सुन तउ लिहा ह।”</verse>
			</chapter>
			<chapter number="23">
				<verse number="1">फिन सारा जमघट खड़ा होइ गवा अउर ओका पिलातुस क समन्वा लइ गवा</verse>
				<verse number="2">अउर उ पचे ओह पइ इ दोख लगावइ लागेन। उ सबइ कहेन, “हम पचे इ मनई का हमरे मनइयन क बहकावत भए धरा ह। इ कैसर क चुंगी (टैक्स) चुकावइ बरे खिलाफत करत ह अउर कहत ह इ खुद मसीह अहइ, एक राजा।”</verse>
				<verse number="3">ऍह पइ पिलातुस ओहसे पूछेस, “का तू यहूदियन क राजा अहा?” ईसू ओका जवाब दिहास, “तू ठीक कहत रह्या कि मइँ उहइ हउँ।”</verse>
				<verse number="4">ऍह पइ पिलातुस मुख्ययाजकन अउर भीड़ से कहेस, “मोका इ मनई प कउनो दोख लगावइ क कउनो प्रमाण नाहीं देखॉइ देत।”</verse>
				<verse number="5">मुला उ पचे इ कहत भए दबाव डावत रहने, “इ समूचइ यहूदिया मँ मनइयन क आपन उपदेस स भड़काएस ह। इ ऍका गलील मँ सुरू किहे रहा अउर समूचइ रस्ता पार कइके हिआँ तलक आइ पहुँचा अहइ!”</verse>
				<verse number="6">पिलातुस इ सुनिके पूछेस, “का इ मनई गलील क अहइ?”</verse>
				<verse number="7">फिन जब ओका इ पता लाग कि उ हेरोदेस क अधिकार पहँटा क मातहत अहइ तउ उ ओका हेरोदेस क लगे पठएस जउन उ समइ यरूसलेम मँ ही रहा।</verse>
				<verse number="8">तउ हेरोदेस जब ईसू क निहारेस तउ उ बहोत खुस भवा काहेकि बरिसन स ओका लखइ चाहत रहा। काहेकि उ ओकरे बारे सुनि चुका रहा अउर ओका कउनो अद्भुत कारज करत भवा लखइ क आसा करत रहा।</verse>
				<verse number="9">उ ईसू स ढेर सवाल किहेस मुला ईसू ओका कउनो जवाब नाहीं दिहेस।</verse>
				<verse number="10">मुख्ययाजकन अउर धरम सास्तिरियन हुवँइ खड़ा रहेन अउर उ सबइ ओह प बुरी तरह स जुर्म लगावत रहेन।</verse>
				<verse number="11">हेरोदेस भी आपन सैनिकन क संग ओकर बेज्जत ब्यौहार किहेस अउर ओकर मसखरि उड़ाएस। फिन उ सबइ ओका एक उत्तिम चोगा पहिराइ के पिलातुस क लगे वापस पठइ दिहेस।</verse>
				<verse number="12">उ दिन हेरोदेस अउर पिलातुस एक दूसर क मीत होइ गएन। ऍसे पहिले तउ एक दूसर क बैरी रहेन।</verse>
				<verse number="13">फिन पिलातुस मुख्ययाजकन, यहूदी नेतन अउर मनइयन क एक संग बोलाएस।</verse>
				<verse number="14">उ ओनसे कहेस, “तू इ मनइयन क बहकावइ वाला मनई क रूप मँ हिआँ मोरे लगे लइ आए अहा। अउर मइँ हिआँ अब तोहरे समन्वा ही ऍकर जाँच पड़ताल कइ लीन्ह ह अउर तू ऍह पइ जउन दोख लगाया ह ओकर न तउ कउनो ठोस सबूत मिलि पावा ह।</verse>
				<verse number="15">नाहीं हेरोदेस क काहेकि उ ऍका वापस हमरे लगे पठइ दिहेस ह। जइसा कि तू लखत अहा कि इ अइसा कछू नाहीं किहे अहइ कि इ मउत क काबिल अहइ।</verse>
				<verse number="16">यह बरे मइँ ऍका कोड़ा स पिटवाइ क छोड़ देबूँ।”</verse>
				<verse number="17"></verse>
				<verse number="18">मुला उ सबइ एक संग चिल्लाएन, “इ मनई क लइ जा। हमरे बरे बरअब्बा क तजि द्या।”</verse>
				<verse number="19">(बरअब्बा क सहर मँ मार धाड़ अउर कतल बरे जेल मँ धाँधा गवा रहा।)</verse>
				<verse number="20">पिलातुस ईसू क तजि देइ चाहत रहा, तउ उ ओनका समझाएस।</verse>
				<verse number="21">मुला उ पचे नारा लगावत रहेन, “ऍका क्रूस प चढ़ाइ द्या, ऍका क्रूस प चढ़ाइ द्या!”</verse>
				<verse number="22">पिलातुस ओनसे तिसरी दाईं पूछेस, “मुला इ मनई जुर्म का किहे अहइ? मोका ऍकरे खिलाफ कछू नाहीं मिला बाटइ जउन ऍका मउत क सजा दीन्ह जाइ. एह बरे मइँ कोड़वा लगावाइ के ऍका छोड़ि देइहउँ।”</verse>
				<verse number="23">मुला उ सबइ ऊँच आवाज मँ नारा लगाइके माँग करत रहेन कि ओका क्रूसे प चढ़ाइ दीन्ह जाइ। अउर ओकइ नारा क कुलाहल ऍतना बाढ़ि गवा क</verse>
				<verse number="24">पिलातुस फैसला किहेस कि ओनकइ माँग मान लीन्ह जाइ।</verse>
				<verse number="25">पिलातुस उ मनई क छोड़ दिहस जेकॅा मार धाड़ अउर कतल बरे जेलि मँ धाँधा ग रहा (इ उहइ रहा जेकरे तजि देइ क उ पचे माँग करत रहेन।) अउर ईसू क ओकरे हाथन मँ सौंपि दिहन कि उ सबइ जइसा चाहइँ, करइँ।</verse>
				<verse number="26">जब उ सबइ ईसू क लइ जात रहेन तउ उ पचे कुरेनी क बसइया समौन नाउँ क एक मनई क, जउन आपन खेते स आवत रहा, धइ लिहन, अउर ओह पइ क्रूस लादिके ओका ईसू क पाछे पाछे चलइ क मजबूर कइ दिहन।</verse>
				<verse number="27">मनइयन एक भारी भीड़ ओकरे पाछे चलत रही। एहमां कछू स्त्रियन भी रहिन जउन ओकरे बरे रोवत रहिन अउर बिलापत रहिन।</verse>
				<verse number="28">ईसू ओनके कइँती मुड़ि गवा अउर बोला, “यरूसलेम क स्त्रियो, मोरे बरे जिन बिलापा बल्कि तू पचे आपन बरे अउर आपन बचवन बरे बिलाप करा।</verse>
				<verse number="29">काहेकि अइसे दिनन आवत अहइँ जब मनइयन कइहीं, ‘उ सबइ स्त्रियन धन्य अहइँ, जउन बाँझ बाटिन अउर धन्य अहइँ, उ सबइ कोख जउन कउनो क कबहूँ जनम ही नाहीं दिहन। उ सबइ चूची धन्य अहइँ कबहूँ दूध नाहीं पियाएन।’</verse>
				<verse number="30">फिन उ पचे पहाड़न स कइहीं, ‘हम पइ फाटि पड़ा!’ अउर पहाड़ियन स कइहीं, ‘हमका ढाँकि ल्या!’</verse>
				<verse number="31">काहेकि मनइयन जब बृच्छ हरियर बाटइ, ओकरे संग तब अइसा करत हीं तउ जब पेड़ झुराइ जाइ तब का होइ?”</verse>
				<verse number="32">दुइ अउर मनई, जउन दुइनउँ ही अपराधी रहेन, ओकर संग मउत क सजा दिये बरे लइ जावा जात रहेन।</verse>
				<verse number="33">फिन जब उ पचे उ ठउरे प आएन जउन खोपड़ी कहवावत ह तउ उ पचे ओन दुइउँ अपराधियन क संग ओका क्रूस प चढ़ाइ दिहन, एक अपराधी क ओकरे दाहिन कइँती अउर, दूसर क बाईं कइँती।</verse>
				<verse number="34">ऍह पइ ईसू बोला, “हे परमपिता, ऍनका छमा कर्या काहेकि इ पचे नाहीं जानतेन कि इ सबइ का करत अहइँ।” फिन उ सबइ पॉसा फेंकिके ओकरे ओढ़ना क बाँटि लिहन।</verse>
				<verse number="35">हुवाँ खड़ा भएन मनइयन लखत रहेन। यहूदी नेतन ओकर मसखरी करत भएन बोलेन, “इ दूसरन क उद्धार किहे अहइ। अगर उ परमेस्सर क चुना भवा मसीह अहइ तउ ऍका आपन खुद क रच्छा करइ द्या।”</verse>
				<verse number="36">सैनिकन भी आइके ओकर मसखरी उड़ाएन। उ पचे ओका दाखरस पिअइ क दिहेन</verse>
				<verse number="37">अउर कहेन, “जदि तू यहूदियन क राजा अहा तउ आपन खुद क बचाइ ल्या।”</verse>
				<verse number="38">(ओकरे ऊपर इ खबर छापी गइ “इ अहइ यहूदियन क राजा।”)</verse>
				<verse number="39">हुवाँ लटकावा भवा अपराधियन मँ स एक ओका बेज्जत करत भवा कहेस, “का तू मसीह नाहीं अहइ? हमका अउर आपन खुद क बचाइ ल्या!”</verse>
				<verse number="40">मुला दूसर उ पहिले अपराधी क फटकारत भवा कहेस, “का तू परमेस्सर स नाहीं डेरात्या? तोहका भी उहइ सजा मिलति अहइ</verse>
				<verse number="41">मुला हमार सजा तउ उचित निआव स भरी अहइ काहेकि हम जउन कछू कीन्ह, ओकरे बरे जउन हमका मिलइ चाही रहा, उहइ मिलत बा मुला इ मनई तउ कछू भी बुरा नाहीं किहेस।”</verse>
				<verse number="42">फिन उ बोला, “ईसू, जब तू आपन राज्य मँ आवा तउ मोका याद राख्या।”</verse>
				<verse number="43">ईसू ओसे कहेस, “मइँ तोहसे सच कहत हउँ, आज ही तू सरगलोक मँ मोरे संग होब्या।”</verse>
				<verse number="44">उ समइ दिना क बारह बजा होइ तबहीं तीन बजे तलक समूची धरती प गहिर अँधियारा छाइ गवा।</verse>
				<verse number="45">सूरज भी नाहीं चमकत रहा। ओहर मंदिर मँ परदे क फटे क दुइ टुका होइ गएन।</verse>
				<verse number="46">ईसू ऊँच आवाज मँ पुकारेस, “हे परमपिता, मइँ आपन आतिमा तोहरे हाथे मँ सौंपत हउँ।” इ कहिके उ आखिरी साँस लिहेस।</verse>
				<verse number="47">जब रोम क फऊजी नायक, जउन कछू घटि गवा रहा, उ लखेस तउ परमेस्सर क गुन गावत भवा उ कहेस, “इ सचमुच ही एक नीक मनई रहा!”</verse>
				<verse number="48">जब हुवाँ देखइ आएन एकट्ठा मनइयन, जउन कछू भवा रहा, ओका देखेन तउ आपन छाती पीटत लौटि गएन।</verse>
				<verse number="49">मुला उ सबइ जउन ओका जानत रहेन, ओन स्त्रियन संग, जउन गलील स पाछे पाछे आवत रहिन, इ बातन क लखइ कछू दूरी प खड़ा रहेन।</verse>
				<verse number="50">अब हुवँई यूसुफ नाउँ क मनई रहा जउन यहूदी महासभा क निअम्बर रहा। उ एक नीक धर्मी पुरुस रहा। उ ओनका फैसला अउर ओका काम मँ लावइ बरे राजी नाहीं रहा। उ यहूदियन क एक सहर अरमत्तिया क बसइया रहा। उ परमेस्सर क राज्य क बाट जोहत रहा।</verse>
				<verse number="51"></verse>
				<verse number="52">उ मनई पिलातुस क लगे गवा अउर ईसु क ल्हास माँगेस।</verse>
				<verse number="53">उ ल्हास क क्रूस पइ स नीचे उतरा अउर सने क उत्तिम रेसा क बना कपड़ा मँ ओका लपेट दिहस। फिन उ ओका चट्टान मँ काटी गइ एक कब्र मँ धइ दिहस, जेहमाँ पहिले कबहुँ कउनो क भी नाहीं राखा गवा रहा।</verse>
				<verse number="54">उ सुकरवार क दिन रहा, अउर सबित सुरू होइ क रहा।</verse>
				<verse number="55">उ सबइ स्त्रियन जउन गलील स ईसू क साथे आइ रहिन, यूसुफ क पाछे होइ चलिन। उ पचे उ कब्र देखिन अउर लखेन कि ओकर ल्हास कब्र मँ कइसे धरी गइ।</verse>
				<verse number="56">फिन उ पचे घर लौटिके खुसबूदार सामग्री अउर लेप तइयार किहेन। सबित क दिन व्यवस्था क मुताबिक उ पचे आराम किहेन।</verse>
			</chapter>
			<chapter number="24">
				<verse number="1">हफ्ता के पहिले दिन बहोत भिन्सारे उ सबइ स्त्रियन कब्र पइ खुसबूदार सामग्री क, जेका उ पचे तइयार किहेन, लइके आइन।</verse>
				<verse number="2">ओनका कब्र पइ स लुढ़कि गवा पाथर मिला।</verse>
				<verse number="3">तउ उ पचे भीतर चली गइन मुला हुवाँ पर्भू ईसू क ल्हास नाहीं मिली।</verse>
				<verse number="4">उ सबइ ऍह पइ अबहीं असमंजस मँ ही पड़ी रहिन कि, ओनके लगे चमचमात ओढ़ना पहिरे दुइ मनई (सरगदूतन) खड़ा भएन।</verse>
				<verse number="5">डर स उ पचे धरती कइँती मुँहना लटकाए रहिन। उ दुइ मनइयन ओनसे कहेन, “जउन जिअत अहइ, ओका तू मुर्दवन क बीच काहे हेरति अहा?</verse>
				<verse number="6">उ हिआँ नाहीं अहइ। उ जी उठा बा। याद कर जब उ अबहीं गलील मँ रहा, उ तोहसे का कहे रहा।</verse>
				<verse number="7">उ कहे रहा कि मनई क पूत क पापी मनइयन क हाथ सौंप दीन्ह जाब तय अहइ। फिन उ क्रूस पइ चढ़ाइ दीन्ह जाइ अउर तिसरे दिन ओका फिन स जीवित कइ देब तय अहइ।”</verse>
				<verse number="8">तब ओन स्त्रियन क ओकर सब्द याद होइ गएन।</verse>
				<verse number="9">उ पचे कब्र स लौटि आइन अउर उ सबइ सब बातन ओन ग्यारहु चेलन अउर दूसर सबन क बताएन।</verse>
				<verse number="10">इ पचे स्त्रियन रहिन, मरियम मगदलीनी, योअन्ना अउर याकूब क महतारी मरियम। उ सबइ अउर ओनके साथे क दूसर स्त्रियन इ बातन क प्रेरितन स कहत रहिन।</verse>
				<verse number="11">मुला ओनके सब्द प्रेरितन क बृथा जानि पड़ेन। तउ उ सबइ ओनका बिसवास नाहीं किहेन।</verse>
				<verse number="12">मुला पतरस खड़ा भवा अउर कब्र कइँती पराइ गवा। उ खाले निहुरिके लखेस मुला ओका सन क उत्तिम रेसम स बना कफन क अलावा कछू नाहीं देखाँइ दिहे रहा। फिन आपन मन ही जउन कछू भ रहा, ओहँ प अचरज करत भवा उ चला गवा।</verse>
				<verse number="13">उहइ दिना ओकर चेलन मँ स दुइ, यरूसलेम स कउनो सात मील दूर बसा भवा इम्माऊस नाउँ क गाउँ क जात रहेन।</verse>
				<verse number="14">जउन घटना घटी रहिन, ओन सब प उ सबइ आपुस मँ बतियात रहेन।</verse>
				<verse number="15">जबहिं उ सबइ ओन बातन प बातचीत अउर सोच विचार करत रहेन तबहीं खुद ईसू हुवाँ हाजिर भवा अउर साथे साथे चलइ लाग।</verse>
				<verse number="16">(मुला ओनका ओका पहिचानइ स टोका गवा।)</verse>
				<verse number="17">ईसू ओनसे कहेस, “चलत चलत एक दुसरे स तू कउनो बातन प बतियत रह्या?” उ पचे चलत चलत थम गएन। उ पचे दुःखी देखॉइ देत रहेन।</verse>
				<verse number="18">ओहमाँ स किलयोपास नाउँ क एक मनई ओसे कहेस, “यरूसलेम मँ रहइवाला अकेल्ला तू ही अइसा मनई होब्या जउन पिछले दिनन जउन बातन घटी अहइँ, ओका नाही जानत्या।”</verse>
				<verse number="19">ईसू ओनसे पूछेस, “कउन सी बातन?” उ पचे ओसे कहेन, “सब नासरत क ईसू क बारे मँ अहइँ। इ एक अइसा मनई रहा जे जउन किहेस अउर कहेस ओहसे परमेस्सर अउर सबहीं मनइयन क समन्वा इ देखॉइ दिहस कि उ एक महान नबी रहा।</verse>
				<verse number="20">अउर हम इ बारे मँ बातन करत रहेन कि हमरे मुख्ययाजकन अउर नेतन ओका कइसे मउत क सजा देइ बरे सौंपि दिहेन। अउर उ पचे ओका क्रूस प चढ़ाइ दिहन।</verse>
				<verse number="21">हमार आसा रही कि इहइ रहा उ जउन इस्राएल क अजाद करावत। “अउर इ सब कछू क अलावा इ घटना क भए आजु तीसर दिन अहइ</verse>
				<verse number="22">अउर हमरी टोली क कछू स्त्रियन हमका अचरजे मँ डाइ दिहन ह। आजु भोर मँ भिन्सारे उ पचे कब्र प गइन।</verse>
				<verse number="23">मुला ओनका ल्हास नाही मिली। उ सबइ लौटि आइन अउर हमका बताएन कि उ पचे सरगदूतन क दर्सन पाइ गइन ह जउन कहे रहेन कि उ जीवित अहइ।</verse>
				<verse number="24">फिन हम पचन मँ स कछू कब्र प गएन अउर जइसा स्त्रियन बताए रहिन, उ पचे हुवाँ वइसा ही पाएन उ सबइ ओका नाहीं देखेन।”</verse>
				<verse number="25">तब ईसू ओनसे कहेस, “तू पचे केतना मूरख अहा अउर नबियन जउन कछू कहेन, ओह प बिसवास करइ मँ केतॅना धीमे अहा।</verse>
				<verse number="26">का मसीह बरे इ जरूरी नाही रहा कि उ इ दारूण दुःखन क झेलइ अउर इ तरह आपन महिमा मँ घुसि जाइ?”</verse>
				<verse number="27">अउर इ तरह मूसा स सुरू कइके सबहिं नबियन तलक अउर पवित्तर सास्तरन मँ ओकरे बारे मँ जउन कहा गवा रहा, उ ओका खोलिके ओनका समझाएस।</verse>
				<verse number="28">उ पचे जब उ गाउँ क लगे आएन, जहाँ जात रहेन, ईसू अइसा बर्ताव किहेस, जइसे ओका अगवा जाइके होइ।</verse>
				<verse number="29">मुला उ पचे ओसे जबरदस्ती हठ करत भए कहेन, “हमरे साथ ठहर जा काहेकि करीब करीब साँझ होइ गइ अहइ अउर अब दिन ओनवइ क रहा।” तउ उ ओकरे संग ठहरइ भीतर आइ गवा।</verse>
				<verse number="30">जब ओनके संग उ खइया क मेजे प रहा तबहीं उ रोटी उठाएस अउर धन्यवाद दिहस। फिन ओका तोड़िके जब उ ओनका देत रहा</verse>
				<verse number="31">तबहीं ओनकइ आँखी खोलि दीन्ह गइ अउर उ पचे ओका पहिचान लिहन। मुला उ ओनके समन्वा स अन्तर्धान होइ गवा।</verse>
				<verse number="32">फिन उ आपुस मँ बोलेन, “रास्ता मँ जब उ हमसे बात करत रहा अउर हमका पवित्तर सास्तरन क समझावत रहा तउ का हमरे हिरदइ क भीरत आगी भी नाहीं भड़क गइ?”</verse>
				<verse number="33">फिन उ तुरंत खड़ा भएन अउर वापस यरूसलेम क चल दिहेन। हुवाँ ओनका ग्यारहवाँ प्रेरित अउर दूसर ओनके संग ऍकट्ठा मिलेन,</verse>
				<verse number="34">जउन कहत रहेन, “पर्भू, असल मँ जी उठा अहइ। उ समौन (पतरस) क दर्सन दिहेस ह।”</verse>
				<verse number="35">फिन उ दुइनउँ राह मँ जउन भवा रहा, ओकर ब्यौरा दिहन अउर बताएन कि जब उ रोटी क कउर लिहेस, तब उ सबइ ईसू क पहिचान लिहन।</verse>
				<verse number="36">अबहीं उ पचे ओनका इ बातन बताइ ही रहत रहेन कि उ खुद ओनके बीच आइ खड़ा भवा अउर ओनसे बोला, “तोहका सान्ति मिलइ।”</verse>
				<verse number="37">मुला उ पचे चौंकिके सहम गएन। उ पचे सोचेन जइसे उ सबइ कउनो भूत लखत होइँ।</verse>
				<verse number="38">मुला उ ओनसे बोला, “तू अइसे घबरान काहे अहा? तोहरे मनवा मँ सन्देह काहे उठति अहइ?</verse>
				<verse number="39">मोरे हाथन अउर मोरे गोड़े क लखा। तू देख सकत ह कि इ सच मँ मइँ अहउँ। मोका छुआ, अउर लखा कि कउनो भूत क माँस अउर हाड़ नाही होतिन अउर जइसा कि तू लखत अहा कि, मोर उ सबइ अहइँ।”</verse>
				<verse number="40">इ कहत भवा उ हाथ अउर गोड़ ओनका देखाएस।</verse>
				<verse number="41">मुला आपन आनन्द क कारण उ पचे अब भी ओह पइ बिसवास नाही कइ सकेन। उ पचे भउचक्का रहेन। तउ ईसू ओनसे कहेस, “हिआँ तोहरे पास कछू खाइ क अहइ।”</verse>
				<verse number="42">उ पचे पकाइ गइ मछरी क एक टुकड़ा ओका दिहन।</verse>
				<verse number="43">अउर उ ओका लइके समन्वा खाएस।</verse>
				<verse number="44">फिन उ ओनसे कहेस, “ई बातन उ सबइ अहइँ जउन मइँ तोहसे तब कहे रहेउँ, जब मइँ अबहीं तोहरे संग हउँ। हर उ बात जउन मोरे बारे मँ मूसा क व्यवस्था मँ, नबियन क किताबन अउर भजन संहिता मँ लिखी अहइ, पूरी होब ही अहइ।”</verse>
				<verse number="45">फिन पवित्तर सास्तरन क समझइ बरे उ ओनकइ बुद्धि क दुआर खोल दिहस।</verse>
				<verse number="46">अउर उ ओनसे कहेस, “इ उहइ अहइ, जउन लिखा अहइ कि मसीह दारूण दुख भोगी अउर तिसरे दिन मरे हुअन मँ स जी उठी।</verse>
				<verse number="47">अउर पापे क छमा बरे मनफिराव क इ संदेस यरूसलेम स सुरु होइके सब देसन मँ प्रचार कीन्ह जाइ। तू इ बातन क साच्छी अहा।</verse>
				<verse number="48"></verse>
				<verse number="49">अउर अब मोरे परमपिता मोसे जउन सपथ किहेस ह, ओका मइँ तोहरे बरे पठउब। मुला तोहका इ सहर मँ उ समइ तलक ठहरे रहइ क होइ जब तक तू सरगे क सक्ती स जुरा न ह्वा।”</verse>
				<verse number="50">ईसू फिन ओनका बैतनिय्याह तलक बाहेर लइ गवा अउर उ हथवा उठाइके आसीर्बाद दिहेस।</verse>
				<verse number="51">ओनका आसीर्बाद देत देत उ ओनका तजि दिहेस अउर फिन ओका सरगे मँ उठाइ लीन्ह गवा।</verse>
				<verse number="52">तब उ पचे ओकर आराधना किहेन अउर असीम आनन्द लइके यरूसलेम लौटि आएन।</verse>
				<verse number="53">अउर मंदिर मँ परमेस्सर क स्तुति करत भएन उ पचे आपन दिन काटइ लागेन।</verse>
			</chapter>
		</book>
		<book number="43">
			<chapter number="1">
				<verse number="1">जब दुनिया क सुरूआत भइ, तब ओह समइ बचन पहिलेन स रहा। उहइ बचन परमेस्सर क साथ रहा। उहइ बचन परमेस्सर रहा।</verse>
				<verse number="2">उहइ बचन एकदम सुरूआत मँ परमेस्सर क साथ रहा।</verse>
				<verse number="3">समूची दुनिया क सब चीज उहइ स पइदा भइ। ओकरे बिना कउनो चीज बनाईं नाहीं गइ।</verse>
				<verse number="4">उहइ बचन मँ जिन्नगी रही अउर उहइ जिन्नगी पूरी दुनिया क सब मनई क बरे ज्योति (गियान, भलाई) क नाई रहा।</verse>
				<verse number="5">ज्योति आँधियारे मँ चमकत ह अउर आँधियारा ओका जीत न पावा।</verse>
				<verse number="6">परमेस्सर क पठवा एक मनई आवा जेकर नाउँ यूहन्ना रहा।</verse>
				<verse number="7">उ एक साच्छी क नाईं आवा जइसे कि उ सब मनई क ज्योति क बारे मँ अपने बचन मँ बताइ सकइ। अउर जउन उ बतावइ ओहमाँ सब मनई बिसवास कर सकइँ।</verse>
				<verse number="8">उ खुदइ ज्योति नाहीं रहा मुला उ सब मनई क ज्योति क साच्छी देइ आइ रहा।</verse>
				<verse number="9">उ इ बतावइ आइ रहा कि इ ज्योति बिल्कुल सच्ची अहइ, अउर उ इ हर एक मनई क प्रकासित करी। उ इ बतावइ आइ रहा कि सच्चा ज्योति इ दुनिया मँ आवइवाला अहइ।</verse>
				<verse number="10">उ तउ इहइ दुनिया मँ रहा अउर इ दुनिया क उहइ पइदा किहेस मुला दुनिया ओका पहिचान नाहीं पाएस।</verse>
				<verse number="11">उ अपने संसार मँ आवा रहा, मुला ओकर आपन मनई ओका नाहीं अपनाएन।</verse>
				<verse number="12">मुला जउन मनई ओका अपनाइ लिहेन्ह, ओन सबका उ परमेस्सर संतान होइ क अधिकार दिहेस।</verse>
				<verse number="13">परमेस्सर क औलाद क नाई उ कुदरती तौर प न तउ लहू स पइदा भवा, न तउ कउनो तने क इच्छा स, अउर न तउ महतारी-बाप क योजना स। मुला उ परमेस्सर स पइदा भवा।</verse>
				<verse number="14">उहइ बचन देह अपनाइ क हमरे सबके बीच मँ रहइ लाग। हम सब परमपिता क एकइ पूत क नाई ओकरी महिमा क दर्सन कीन्ह। उ बचन अनुग्रह अउर सच्चाई स भरा रहा।</verse>
				<verse number="15">यूहन्ना ओकर साच्छी दिहेस अउर सबका सुनाइ क जोर स कहेस, “इ उहइ अहइ जेकरे बारे मँ मइँ बताए रहेउँ, ‘उ जउन मोरे बाद आवइवाला अहइ, उ मोसे महान अहइ, मोसे आगे अहइ, एह बरे कि उ मोहूँ स पहले मौजूद रहा।’”</verse>
				<verse number="16">ओकरी करूणा अउर सच्चाई क पूर्णता स हमका सबेन्क तमाम अनुग्रह पर अनुग्रह मिला।</verse>
				<verse number="17">हमका सबेन्क जउन व्यवस्था मिली अहइ, उ तउ मूसा क दीन्ह अहइ, मुला जउन अनुग्रह अउर सच्चाई इ दुनिया मँ अहइ, उ ईसू मसीह क दीन्ह अहइ।</verse>
				<verse number="18">परमेस्सर क कबहूँ कउनो आज तलक नाहीं देखे अहइ, मुला परमेस्सर क जउन एकइ पूत अहइ, अउर जउन हमेसा परमपिता क संग रहत ह, ओका हमरे सबके सामने परगट किहेस।</verse>
				<verse number="19">जब यरूसलेम क यहूदियन याजकन अउर लेवियन क यूहन्ना क पास इ पूछइ क बरे भेजेन्ह, “तू कउन अह्या?”</verse>
				<verse number="20">तउ उ इ साच्छी दिहेस अउर बिना कउनो हिचकिचाहट क इ मानेस, “मइँ मसीह न अहउँ।”</verse>
				<verse number="21">तउ उ पचे यूहन्ना स पूछेन्ह, “तउ तू फिन कउन अह्या, का तू एलिय्याह अह्या?” यूहन्ना इ जवाब दिहेस, “नाहीं, मइँ उहइ न अहउँ।” यहूदियन पूछेस, “तउ तू का कउनो नबी अह्या?” उ फिन इन्कार कइ दिहेस, “नाहीं।”</verse>
				<verse number="22">फिन उ पचे ओसे पूछेन्ह, “तउ तू का अह्या? हमका बतावा जइसे कि हम ओनका जवाब दइ देई, जे हमका पचेन्क हियाँ भेजेस ह! तू अपने बारे मँ का कहत अहा?”</verse>
				<verse number="23">यूहन्ना कहेस: “मइँ आवाज अहउँ जउन रेगिस्तान मँ पुकारत अहइ: ‘पर्भू क बरे सोझ सोझ रास्ता बनावा।’”</verse>
				<verse number="24">इन सबन क फरीसियन भेजे रहेन्ह।</verse>
				<verse number="25">उ लोग ओसे पूछेन, “जदि तू न तउ मसीह अह्या, न एलिय्याह अह्या, अउर न तउ नबी अह्या, फिन काहे बरे तू सब लोगन क बपतिस्मा देत अहा?”</verse>
				<verse number="26">यूहन्ना ओन पचेन्क जवाब दिहेस, “मइँ ओन सबेन्ह का पानी स बपतिस्मा देत अहउँ। तोहरे सबन क बीच मँ एक ठु मनई अहइ, ओका तू पचे नाहीं जानत अहा।</verse>
				<verse number="27">उ मोरे बाद आवइवाला उहइ अहइ। मइँ तउ ओकरे पनहीं क फीता खोलइ लायक नाहीं अहउँ।”</verse>
				<verse number="28">इ सब घटना यरदन क पार बैतनिय्याह मँ घटिन ह जहाँ प यूहन्ना बपतिस्मा देत रहा।</verse>
				<verse number="29">ओकरे दूसरे दिन यूहन्ना ईसू क अपने लगे आवत देखेस तउ कहेस, “परमेस्सर क मेमना क देखा जउन दुनिया क सब पाप हर लेत ह।</verse>
				<verse number="30">इ उहइ अहइ जेकरे बावत मइँ बताए रहेउँ, ‘एक मनई मोरे बाद आवइवाला अहइ, जउन मोसे भी महान अहइ, उ मोसे भी आगे अहइ, उ मोसे पहले स मौजूद रहा।’</verse>
				<verse number="31">पहले मइँ खुद ओका नाहीं जानत रहेउँ, मुला मइँ इही बरे बपतिस्मा देत चला आवत अहउँ, जइसे कि इस्राएल क सब मनई ओका जान लेइँ।”</verse>
				<verse number="32">फिन यूहन्ना आपन इ साच्छी दिहेस, “मइँ देखेउँ कि कबुतरे की नाई सरग स नीचे उतरत आतिमा उहइ प आइके टिक गइ। मइँ खुदइ नाहीं जान पाएउँ, कि उ कौन रहा मुला जउन मोका पानी स बपतिस्मा देइ क बरे पठए रहा, उ मोसे कहेस, ‘तू आतिमा क उतरत अउर कउनो क ऊपर ठहरत देखब्या, इ उहइ मनई अहइ जउन पवित्तर आतिमा स बपतिस्मा देत ह।’ मइँ ओका देखे अहउँ अउर मइँ साच्छी देत अहउँ कि उहइ परमेस्सर क पूत अहइ।”</verse>
				<verse number="33"></verse>
				<verse number="34"></verse>
				<verse number="35">दूसरे दिन यूहन्ना अपने दुइ चेलन क साथ फिन उहइ जगह प मौजूद रहा।</verse>
				<verse number="36">जब ईसू क उ अपने पास देखेस तउ कहेस, “देखा! इ इहइ परमेस्सर क मेमना!”</verse>
				<verse number="37">जब उ दुइनउँ चेलन ओनका इ कहत सुनेन तउ उ दुइनउँ ईसू क पाछे चल पड़ेन्ह।</verse>
				<verse number="38">ईसू ओन पचे क जबहिं अपने पाछे आवत देखेस तउ ओसे पूछेस, “तोहका का चाही?” उ पचे जवाब दिहेन, “रब्बी, तू कउन जगह प रहत ह?” (“रब्बी” अर्थात “गुरू”)</verse>
				<verse number="39">ईसू ओनका जवाब दिहेस, “आवा अउर देखा।” ओकरे बाद उ दुइनउँ चेलन ओनके पाछे चल दिहेन। उ पचे फिन ओकर रहइ क जगह देखेन। ओह दिन उ दुइनउँ चेलन ओनके साथ ठहरेन्ह, काहेकि साँझ क करीब चार बज चुका रहा।</verse>
				<verse number="40">जउन दुइनउँ चेलन यूहन्ना क बात सुने रहेन्ह अउर ईसू क पाछे चला गएन, ओनमाँ स एक समौन पतरस क भाई अन्द्रियास रहा।</verse>
				<verse number="41">उ पहले अपने भाई समौन क देखके ओसे कहेस, “हमका मसीह मिल गवा अहइ।”</verse>
				<verse number="42">फिन अन्द्रियास समौन पतरस क ईसू क लगे लियाइ गवा। ओनक देखके ईसू कहेस, “तू यूहन्ना क बेटवा समौन अह्या। तोहका लोग कैफा (अर्थात् पतरस) कहिहइँ।”</verse>
				<verse number="43">दूसरे दिन ईसू गलील जाइके बरे ठान लिहेस। फिन फिलिप्पुस क देखके ईसू ओसे कहेस, “मोरे पाछे चला आवा।”</verse>
				<verse number="44">फिलिप्पुस अन्द्रियास अउर पतरस क नगर बैतसैदा क रहइवाला रहा।</verse>
				<verse number="45">फिलिप्पुस क नतनएल मिला अउर उ ओसे कहेस, “हम पचन्क उ मिल गवा अहइ जेकरे बारे मँ व्यवस्था मँ मूसा अउर तमाम नबियन लिखे अहइँ। उहइ यूसुफ क बेटवा, नासरत क ईसू अहइ।”</verse>
				<verse number="46">फिन नतनएल ओसे पूछेस, “का नासरतउ स कउनो अच्छी चीज पैदा होइ सकत ह?” फिलिप्पुस जवाब दिहेस, “जाइके खुदइ देखि ल्या।”</verse>
				<verse number="47">ईसू नतनएल क अपनी कइँती आवत देखेस अउर ओकरे बारे मँ कहेस, “इ एक सच्चा इस्त्राएली अहइ जेहमाँ कउनो खोट नाहीं बा।”</verse>
				<verse number="48">नतनएल पूछेस, “तू मोका कइसे जानत अहा?” ईसू जवाब दिहेस, “फिलिप्पुस क बोलावइ क पहिले मइँ तोहका अंजीर क पेड़ क नीचे खड़ा देखे रहेउँ।”</verse>
				<verse number="49">नतनएल जवाब दिहेस, “रब्बी (गरू) तू परमेस्सर क पूत अह्या, तू इस्त्राएल क राजा अह्या।”</verse>
				<verse number="50">एकरे जवाब मँ ईसू कहेस, “तू इ बरे बिसवास करत अहा, काहेकि मइँ कहत अहउँ कि तोहका अंजीर क पेड़ क खाले देखे रहेउँ। तू अगवा (बाद मँ) अउर बड़ी बड़ी बातन देखब्या।”</verse>
				<verse number="51">उ ओसे (नतनएल स) फिन कहेस, “मइँ तोहका सही सही बतावत अहउँ कि तू सरग क खुलत अउर परमेस्सर क दूतन क मनई क पूत प उतरत चढ़त देखब्या।”</verse>
			</chapter>
			<chapter number="2">
				<verse number="1">गलील क काना मँ तीसरे दिन कउनो क घरे मँ बियाह रहा। ईसू क महतारी हुवाँ मौजूद रही।</verse>
				<verse number="2">बियाहे मँ ईसू क अउर ओनके चेलन क बोलउवा आइ रहा।</verse>
				<verse number="3">हुवाँ जब दाखरस खतम होइ गवा तउ ईसू क महतारी कहेस, “ओनके पास अब दाखरस नाहीं अहइ, सब खतम होइ ग।”</verse>
				<verse number="4">ईसू ओसे कहेस, “इ तू मोसे काहे बतावत अहा? अबहीं मोर समइ नाहीं आवा अहइ।”</verse>
				<verse number="5">फिन ओकर महतारी ऩउकरन स कहेस, “तू पचे उहइ करा जउन इ तोहसे करइ बरे कहइ।”</verse>
				<verse number="6">हुवाँ पानी भरइ बरे पाथर क छ: मटका धरा रहेन। इ मटकन क यहूदियन पवित्तर स्नान क बरे इस्तेमाल करत रहेन। हर मटका मँ लगभग बीस स तीस गैलन पानी आवत रहा।</verse>
				<verse number="7">ईसू नउकरन स कहेस, “मटकन क पानी स भर द्या।” नउकरन मटकन क लबालब भरि दिहेन।</verse>
				<verse number="8">फिन उ ओनसे कहेस, “अब थोड़ा पानी बाहेर निकाला, अउर दावत क इन्तजाम करइवाला मुखिया क पास लइ जा।” अउर उ पचे थोर क पानी मुखिया क पास लइ गएन।</verse>
				<verse number="9">फिन दावत क इन्तजाम करइवाला मुखिया उ पानी क थोरा स चखेस तउ उ पाएस कि इ पानी तउ दाखरस बनि गवा रहा। उ जानि नाहीं पाएस कि दाखरस कहाँ स आइ गवा। मुला ओन नउकरन क तउ पता रहा, जउन पानी निकारे रहेन।</verse>
				<verse number="10">फिन दावत क मुखिया दुल्हा क बोलाएस अउर ओसे कहेस, “सब मनई पहिले अच्छी दाखरस परोसत हीं अउर जब मेहमानन क मन भरि जात ह तउ घटिया दाखरस देइ लागत हीं। मुला तउ सबसे बढ़िया वाली दाखरस अबहीं तक बचाए रखे अहा।”</verse>
				<verse number="11">ईसू गलील क काना मँ आपन पहिला अदुभुत कारज कइके आपन महिमा परगट किहेस। जेहसे ओकर चेलन ओहमाँ बिसवास करेन्ह।</verse>
				<verse number="12">ओकरे पाछे फिन ईसू आपन महतारी, भाइयन अउर चेलन क साथे कफरनहूम चला गवा, जहाँ प उ पचे कछू दिन ठहरेन्ह।</verse>
				<verse number="13">यहूदियन क फसह क त्यौहार निचके रहा। इ करण ईसू यरूसलेम चला गवा।</verse>
				<verse number="14">हुवाँ मंदिर मँ ईसू देखेस कि तमाम मनई मवेसियन, भेड़न अउर कबूतरन क बेचत रहेन अउर सिक्का बदलइवाले बयपारी अपनी गदूदी प बइठा रहेन।</verse>
				<verse number="15">इ बरे उ रस्सी क एक ठु कोड़ा बनाएस अउर ओन सबका मवेसियन अउर भेड़न समेत बाहर खदेर दिहेस। सिक्का बदलइवाले बयपारियन क सिक्का बिखराइ दिहेस अउर ओनके चौकियन क बिखराइ दिहेस।</verse>
				<verse number="16">कबूतरन क बेचइवालेन स कहेस, “एनका सबका हियाँ स बाहेर लइ जा! मोरे परमपिता क घर बजार जिन बनावा!”</verse>
				<verse number="17">इ सब देखिके ओकरे चेलन क याद आइ गवा कि पवित्तर सास्तर मँ लिखा अहइ: “तोहरे घर बरे मोर लगन मोका खाइ जाई।”</verse>
				<verse number="18">एकरे जवाब मँ यहूदियन ईसू स कहेन, “तू हमका सबेन्ह क कउन अद्भुत चीन्ह क तौर पइ देखाइ सकत ह्या, जइसे इ साबित होइ जाइ कि जउन तू करत अहा, ओकर तू अधिकारी अहा?”</verse>
				<verse number="19">ईसु ओनका जवाब दिहेस, “इ मंदिर क तू पचे गिराइ द्या अउर मइँ एका तीन दिन क अन्दर फिन बनाइ देब।”</verse>
				<verse number="20">इ सुनिके यहूदियन बोलेन, “इ मंदिर क बनावइ मँ छियालिस बरिस लगा रहेन, अउर तू कहत अहा कि ऍका मइँ तीन दिन मँ बनाइ देब?”</verse>
				<verse number="21">मुला ईसू जउने मंदिर क बात करत रहा, उ ओकर आपन देह रही।</verse>
				<verse number="22">बाद मँ जब मउत क बाद ईसू फिन जी उठा तउ ओकरे चेलन क याद आवा कि ईसू ऍका कहे रहा, अब तउ उ पचे पवित्तर सास्तर प अउर ईसू क बात पर बिसवास करइ लागेन।</verse>
				<verse number="23">फसह क त्यौहार क दिनन जब ईसू यरूसलेम मँ रहा, तउ तमाम मनई ओकर अद्भुत कारजन अउर चीन्हन देखिके ओहमाँ बिसवास करइ लागेन।</verse>
				<verse number="24">मुला ईसू अपने आपका ओनके सहारे नाहीं छोड़ेस, काहे स कि उ सबका बखूबी जानत रहा।</verse>
				<verse number="25">ओका इ बात क कउनो जरुरत नाहीं रही कि केहू आइके ओका लोगन क बारे मँ बतावइ, ऍह बरे कि उ अच्छी तरह जानत रहा कि लोगन क मन मँ का अहइ।</verse>
			</chapter>
			<chapter number="3">
				<verse number="1">हुआँ फरीसियन क एक ठु मनई रहा, जेकर नाउँ रहा नीकुदेमुस। उ यहूदियन क नेता रहा।</verse>
				<verse number="2">उ ईसू क लगे रात मँ आवा अउर ओसे बोला, “गुरू, हम जानत अही कि तु गुरू अह्या अउर परमेस्सर तोहका भेजेस, इहइ कारण अहइ कि तू अइसे अइसे अद्भुत कारजन करत अहा। इ सब कारज परमेस्सर क सहायता क बिना कउनो नाहीं करि सकत।”</verse>
				<verse number="3">एकरे जवाब मँ ईसू ओहसे कहेस, “मइँ तोहका एकदम सच सच बतावत अहउँ कि अगर कउनो मनई एकदम स नवा जनम न लेइ तउ उ परमेस्सर क राज्य नाहीं देख सकत।”</verse>
				<verse number="4">नीकुदेमुस ओसे कहेस, “कउनो मनई बुढ़वा होइ क बाद फिन जनम कइसे लइ सकत ह? कउनो अपनी महतारी क कोख मँ घुसि क जनम कहसे लइ सकत ह?”</verse>
				<verse number="5">ईसू जवाब दिहेस, “मइँ तोहका सच बतावत अहउँ। अगर कउनो मनई पानी अउर आतिमा स जनम नाहीं लेत तउ उ परमेस्सर क राज्य मँ घुसइ नाहीं पावत।</verse>
				<verse number="6">जउन सरीर स पइदा होइ सकत ह, उहइ सरीर अहइ जउन आतिमा स पइदा होत ह, उहइ आतिमा अहइ।</verse>
				<verse number="7">मइँ तोहसे जउन बताए अहउँ, ओहमाँ कउनो अचरज करइ क जरुरत नाहीं अहइ, ‘तोहका फिन स जनम लेइ क होई।’</verse>
				<verse number="8">हवा जउने तरफ चाहत ह, उहइ तरफ बहत ह। तू ओकर आवाज तउ सुनि सकत ह, मुला तू इ नाहीं जानि सकत ह कि उ कहाँ स आवत अहइ अउर कहाँ जात अहइ। आतिमा स पइदा भवा हर एक मनई इहइ तरह अहइ।”</verse>
				<verse number="9">एकरे जवाब मँ नीकुदेमुस ओसे कहेस, “इ कइसे होइ सकत ह?”</verse>
				<verse number="10">ईसू ओका जवाब दिहेस, “तू तउ इस्राएलियन क गुरू अह्या मुला तू इ बात नाहीं जानत रह्या?</verse>
				<verse number="11">सच्ची बात मइँ बतावत अहउँ, हम पचे जउन जानत अही, उहइ बतावत अही, जउन हम देखत अही मुला तू पचे हमरी बात मँ कम बिसवास करत अहा।</verse>
				<verse number="12">मइँ तोहका धरती क बात बतावत अहउँ, अउर तू ओका नाहीं मानत अहा, अबहीं जब मइँ तोहका पचे क सरग क बात बतावउँ तउ तू ओका कइसे मान लेब्या?</verse>
				<verse number="13">सरग मँ कबहुँ कउनो नाहीं गवा, केवल ओका छोड़ कर, जउन सरग स उतरके आवा ह – उहइ मनई क पूत।</verse>
				<verse number="14">“जइसे मूसा रेगिस्तान मँ साँप क उठाइ लिहे रहा वइसे मनई क पूत क ऊपर उठाइ लीन्ह जाई।</verse>
				<verse number="15">जइसे कि ओहमाँ बिसवास करइवाले सब मनई अनन्त जीवन पाइ सकइँ।”</verse>
				<verse number="16">परमेस्सर इ दुनिया स इतना पिरेम करत रहा कि अपने एकलौता पूत क दइ दिहेस, जइसे कि ओहमाँ बिसवास करइवाला कउनो मनई क नास न होइ, ओका अनन्त जीवन मिल जाइ।</verse>
				<verse number="17">परमेस्सर आपन पूत इ बरे नाहीं पठएस कि उ दुनिया क अपराधी साबित करइ, उ तउ इ बरे भेजेस अइसे कि समूची दुनिया क उद्धार होइ जाइ।</verse>
				<verse number="18">जउन मनई परमेस्सर क पूत मँ बिसवास करत हीं, ओनका दोसी न ठहरावा जाइ, मुला जे ओनके मँ बिसवास नाहीं करतेन, ओका तउ दोसी ठहरावा जाइ चुका अहइ, काहेकि उ परमेस्सर क एकलौता पूत मँ बिसवास नाहीं करत ह।</verse>
				<verse number="19">इ निरनय क आधार इ बाटइ कि ज्योति इ दुनिया मँ आइ गइ अहइ, मुला कछू मनई अइसे अहइँ कि ज्योति क न देखिके आँधियारे क जियादा महत्व देत अहइँ काहेकि ओनके सब करम बुरा अहइँ।</verse>
				<verse number="20">पाप करइवाला मनई हमेसा ज्योति स घिणा करत ह अउर ओकरे पास कबहूँ नाहीं आवत, एह बरे कि ओकरे पाप क उजागिर होइ क डर बना रहत ह।</verse>
				<verse number="21">मुला जउन मनई सच्चाई क रस्ता प चलत ह उ परमेस्सर क द्वारा ज्योति क किरन क लगे अइहीं जइसे इ उजागिर होइ जाइ कि ओके सब कारज परमेस्सर करावत अहइ।</verse>
				<verse number="22">ओकरे बाद ईसू अपने चेलन क साथ यहूदिया क इलाका मँ चला गवा। हुवाँ ओनके साथ ठहरिके उ सब लोगन्ह क बपतिस्मा देइ लाग।</verse>
				<verse number="23">हुवाँ प सालेम क नजदीक ऐनोन मँ यूहन्ना भी बपतिस्मा देत रहा, एह बरे कि हुवाँ इफरात मँ पानी रहा। तमाम मनई हुवाँ आवत रहेन अउर बपतिस्मा लेत रहेन।</verse>
				<verse number="24">(अब तक यूहन्ना क बंदी नाहीं बनावा ग रहा।)</verse>
				<verse number="25">अब यूहन्ना क कछू चेलन अउर एक ठु यहूदी क बीच स्वच्छताकरण क लइके बहस होइ लाग।</verse>
				<verse number="26">एह बरे उ सब यूहन्ना क लगे आएन अउर कहेन, “गुरु, जउन मनई यरदन क ओहॅ पार तोहरे साथ रहा अउर जेकरे बारे मँ तू बताए रह्या, उ लोगन्ह क बपतिस्मा देत अहइ, अउर सब मनई ओकरे पास जात अहइँ।”</verse>
				<verse number="27">एकरे जवाब मँ यूहन्ना कहेस, “कउनो मनई क तब तक कछू नाहीं मिल सकत जब तक कि ओका परमेस्सर स न दीन्ह ग होइ।</verse>
				<verse number="28">तू पचे इ बात क साच्छी अहा कि मइँ कहे रहेउँ, ‘मइँ मसीह न अहउँ मोका तउ ओकरे बरे रस्ता बनाइ बरे पठवा गवा अहइ।’</verse>
				<verse number="29">दूल्हा तउ उहइ बा, जेका दुलहिन मिलइ। मुला दूल्हा क दोस्त जउन ओकरे अगुवाई मँ खड़ा रहत ह जब दूल्हा क आवाज सुनत ह, तउ बहुत खुस होत ह। इहइ मोर खुसी अहइ जउन अब पूरी भइ।</verse>
				<verse number="30">अब इ जरुरी अहइ कि ओकर महिमा बढ़इ अउर मोर कम होइ।</verse>
				<verse number="31">“जउन ऊपर स आवत ह, उ सबसे महान अहइ। उ जउन घरती स बाटइ, धरती स जुड़ा अहइ। एह बरे उ धरती क चीजन क बारे माँ बात करत ह। जउन सरग स उतरा ह, सबके ऊपर अहइँ,</verse>
				<verse number="32">उ जउन कछू देखे अहइ, अउर सुने अहइ, उ ओकर साच्छी देत ह अउर ओकर साच्छी क कउनो मनई नाहीं चाहत।</verse>
				<verse number="33">जउन ओकरी साच्छी क मानत ह, उ प्रमाणित करत ह कि परमेस्सर सच्चा अहइ।</verse>
				<verse number="34">काहे बरे कि जेका परमेस्सर पठए अहइ, परमेस्सर क बातन करत ह। काहेकि परमेस्सर ओका आतिमा क अनन्त दान दिहे अहइ।</verse>
				<verse number="35">परमपिता अपने पूत क स पिरेम करत ह अउर ओकरे हाथे मँ उ सब कछू क अधिकार सौंपि दिहेस।</verse>
				<verse number="36">एह बरे जउन ओकरे पूत मँ बिसवास करत ह, अनन्त जीवन पइहइँ मुला जे परमेस्सर क पूत क बात नाहीं मानत ओका इ जीवन नाहीं मिली। एकरे बजाय उ परमेस्सर क कोप का भाजन बनी।”</verse>
			</chapter>
			<chapter number="4">
				<verse number="1">अउर जब ईसू क पता चला कि फरीसियन इ सुने अहइँ कि ईसू यूहन्ना स जियादा लोगन क बपतिस्मा देत अहइ अउर ओनका आपन चेलन बनावत अहइ।</verse>
				<verse number="2">(वइसे ईसू खुदइ बपतिस्मा नाहीं देत रहा। बल्कि ओकर चेलन इ कारज करत रहेन्ह।)</verse>
				<verse number="3">उ यहूदिया छोड़िके एक बार फिन गलील लौट ग रहा।</verse>
				<verse number="4">इ दाईं ओका सामरिया होइके जाइका पड़ा।</verse>
				<verse number="5">एह बरे उ सामरिया क एक नगर सूखार मँ आवा। इ नगर उहइ भुइँया क पास रहा। जउने क याकूब अपने बेटवा यूसुफ क दिहे रहा</verse>
				<verse number="6">हुवाँ याकूब क कुआँ रहा। ईसू इ जात्रा मँ एकदम थक ग रहा, एह बरे उ कुआँ क पास बइठ गवा। उ समइ करीब करीब दुपहरिया रही।</verse>
				<verse number="7">एक ठु सामरी स्त्री पानी भरइ क बास्ते आइ! ईसू ओसे कहेस, “मोका पिअइ क पानी दइ द्या।”</verse>
				<verse number="8">उ समइ सब चेलन खाना बेसहइ क बरे सहर चला गवा रहेन।</verse>
				<verse number="9">सामरी स्त्री ओसे कहेस, “तू यहूदी होइके मोसे पानी काहे मांगत अहा, मइँ तउ सामरी स्त्री अहउँ?” (यहूदी तउ सामरियन स कउनो मतलब नाहीं रखत रहेन।)</verse>
				<verse number="10">ओकरे जवाब मँ ईसू ओसे कहेस, “जदी तू ऍतना जनतेउ कि परमेस्सर का दिहेस अउर उ कउन अहइ जउन तोहसे कहत अहइ कि ‘मोका पानी द्या’ तउ तू ओसे खुदइ मँगतिउ, अउर उ तोहका जीवन जल दइ देत।”</verse>
				<verse number="11">उ स्त्री ओसे कहेस, “महासय, तोहरे लगे तउ कउनो बासन तक नाहीं बाटइ अउर कुआँ बहुत गहिर अहइ फिन तोहरे पास जीवन जल कइसे होइ सकत ह?</verse>
				<verse number="12">जरूर तू हमरे पूर्वज याकूब स बड़ा अहा जेक हमका कुआँ दिहेन अउर अपने लड़िकन्ह अउर जानवरन्ह क साथ खुदइ एकर पानी पिए रहेन्ह।”</verse>
				<verse number="13">ईसू एकरे जवाब मँ कहेस, “जउन मनई इ कुआँ क पानी पिअत ह, ओका फिन पियास लगी।</verse>
				<verse number="14">मुला जउन मनई उ पानी क पी लेई जउन पानी मइँ देब, ओका फिन कबहूँ पियासन लगी। मोर दीन्ह पानी ओकरे दिल मँ एक पानी क झरना क नाई बन जाई जउन घुमड़ घुमड़ क ओका अनन्त जीवन देई।”</verse>
				<verse number="15">तब उ स्त्री ओसे कहेस, “हे महासय, मोका उहइ पानी दइ द्या जेहसे कि मइँ कबहूँ पियासी न रही अउर मोका फिन पानी खँइचे क बरे न आवइ क पड़इ।”</verse>
				<verse number="16">इ सुनके ईसू ओसे कहेस, “जा अपने पति क बोलावा अउर हियाँ आवा।”</verse>
				<verse number="17">एकरे जवाब मँ स्त्री कहेस, “मोर कउनो पति नाहीं बाटइ।” ईसू ओसे कहेस, “जब तू कहति अहा कि तोहार कउनो पति नाहीं बाटइ, तउ तू ठीक कहति अहा</verse>
				<verse number="18">तोहरे पाँच पति रहेन अउर जउने पुरूस क साथ तू रहित अहा, उ तोहार पति न अहइ, एह बरे जउन तू कहति अहा उ ठीक अहइ।”</verse>
				<verse number="19">इ सुनिके उ स्त्री ओसे कहेस, “महासय, मोका तउ लागत अहइ कि तू कउनो नबी अहा।</verse>
				<verse number="20">हमरे पूर्वजन इ पर्वत प आराधना किए रहेन्ह मुला तू कहत अहा कि यरूरलेम आराधना क स्थान अहइ।”</verse>
				<verse number="21">ईसू ओसे कहेस, “हे स्त्री मोरी बात माँ बिसवास करा। उ समइ आवइवाला अहइ जब तू परमपिता क आराधना न तउ एहि पर्वत प करइ पउबू अउर न तउ यरूसलेम मँ।</verse>
				<verse number="22">तू सामरी लोगन्ह ओका नाहीं जानत अहइँ जेकर आराधना करति अह। मुला हम यहूदी ओका जानित ह जेकर आराधना करति अहा। सबन क उद्धार यहूदियन स मिली।</verse>
				<verse number="23">मुला उहइ समइ आवत अहइ, ‘अउर आइ ग’ बाटइ जब सच्चे आराधकन परमपिता क आराधना, आतिमा अउर सच्चाई मँ करिहीं। परमपिता अइसे आराधक चाहत ह।</verse>
				<verse number="24">परमपिता आतिमा अहइ अउर एह बरे जउन ओकर आराधना करी ओका आतिमा अउर सच्चाइन मँ आराधना करइ क पड़ी।”</verse>
				<verse number="25">फिन स्त्री ओसे कहेस, “मइँ जानत अहउँ कि मसीह आवइवाला अहइ।” (यानी “ख्रीष्ट”) “जब उ आई तउ हम पचन क सब कछू बताई।”</verse>
				<verse number="26">ईसू ओसे कहेस, “मइँ जउन तोहसे बतियात अहउँ मइँ उहइ अहउँ।”</verse>
				<verse number="27">उहइ समइ ओकर चेलन लौट आएन। अउर ओनका इ देखिके बहुत अचरज भवा कि उ एक ठु स्त्री स बात करत अहइ। मुला कउनो ओह इ नाहीं कहेस, “तोहका इ स्त्री स का मतलब अहइ?” अउर या “ई स्त्री स तू काहे बरे बतियात अहा?”</verse>
				<verse number="28">उ स्त्री आपन पानी भरइवाली गगरी छोड़िके सहर चली गइ अउर मनइयन स कहेस,</verse>
				<verse number="29">“आवा जा अउर देखा, एक ठु अइसा मनई अहइ, जउन मोर कीन्ह सच मोका बताइ दिहेस। का तू इ नाहीं सोचत अहा कि उ मसीह अहइ?”</verse>
				<verse number="30">इ सुनिके सब लोगन्ह सहर छोड़िके ईसू क लगे जाइ पहुँचेन।</verse>
				<verse number="31">उहइ समइ ईसू क चेलन ओसे बिनती करत रहेन्ह, “गुरू कछू खाइ ल्या!”</verse>
				<verse number="32">मुला ईसू ओनसे कहेस, “मोरे पास खाइ बरे, अइसा खाना अहइ जेकरे बारे मँ तू पचे कछू नाहीं जानत अहा।”</verse>
				<verse number="33">इ सुनिके सब चेलन आपस मँ एक दूसरे स पूछइ लागेन, “का ओकरे बरे कउनो खाइ बरे कछू लिआवा होई?”</verse>
				<verse number="34">ईसू ओनसे कहेस, “मोर खाना ओकर (परमेस्सर) इच्छा क पूरी करब अहइ जउन मोका पठएस ह। जउन कारज मोका सौंपा गवा बाटइ, ओका मोका पूरा करइ क अहइ,</verse>
				<verse number="35">तू पचे अक्सर कहत ह, ‘चार महीना बाकी बा तब जाइके फसल आई’ मुला मइँ तोहका पचेन्क बतावत अही कि आपन आपन आँखी खोला अउर खेतन क तरफ देखा उ सब काटइ क बरे तइयार होइ गवा अहइँ। उ जउन कटाई करत अहइ आपन मजूरी पावत अहइ।</verse>
				<verse number="36">अउर अनन्त जीवन क बरे फसल इकट्ठा करत बा, एह बरे कि फसल बोवइवाला अउर ओका काटइवाला दुइनउँ साथे साथे खुस रहइँ।</verse>
				<verse number="37">इ हमार बात एकदम स सच्ची निकरी, ‘एक मनई बोवत ह अउर दूसर मनई ओका काटत ह।’</verse>
				<verse number="38">मइँ तोहका इ फसल काटइ क बरे भेजे अही जेहि पइ तोहार मेहनत नाहीं लागी बाटइ। जेहि पइ दूसरे क मेहनत लगी अहइ अउर ओकरी मेहनत क फल तोहका मिला अहइ।”</verse>
				<verse number="39">उ सहर क तमाम मनइयन ईसू मँ बिसवास किहेन, एह बरे कि उ स्त्री क बात क सच्ची मान लिहेन जउन कहेस, “मइँ जउन कछू करे रहेउँ, उ ओका ओकरे बारे मँ सब बताइ दिहेस।”</verse>
				<verse number="40">जब सामरी ओकरे पास आएन तउ ओन सबे ओसे ठहरइ क बरे चिरौरी करेन्ह ऍकरे बाद उ दुइ दिन हुवाँ ठहर गवा।</verse>
				<verse number="41">ओकरी बात स प्रभावित होइके तमाम जने ओहमाँ बिसवास करइ लागेन।</verse>
				<verse number="42">ओन सब उ स्त्री स कहेन, “अब हम सिरिफ तोहरी साच्छी क नाईं बिसवास ही नाहीं करत अही, मुला अब तउ हम सब खुदइ सुनि अउर देख लीन्ह। अब हम पचे जान लीन्ह कि सचमुच उ मनई संसार क उद्धार करइवाला बाटइ।”</verse>
				<verse number="43">दुइ दिन क बाद उ हुवाँ स गलील क चल दिहेस।</verse>
				<verse number="44">(एक बरे कि ईसू खुद कहे रहा कि कउनो नबी अपने देस मँ कबहुँ आदर नाहीं पावत।)</verse>
				<verse number="45">इ तरह जब उ गलील आवा तउ गलील क रहइवाले ओकर स्वागत करेन्ह काहे बरे उ पचे उ सबइ कछू लखे रहेन्ह जउन कछु फसह क त्यौहार यरूसलेम मँ उ किहे रहा: काहेकि उ पचे सबहिं त्यौहार मँ सामिल रहेन।</verse>
				<verse number="46">ईसू एक बार फिन गलील मँ काना गवा जहाँ उ पानी क दाखरस बनाइ दिहे रहा। अब की दाई कफरनहूम मँ एक ठु राजकर्मचारी रहा जेकर बेटवा बीमार रहा।</verse>
				<verse number="47">जब राजकर्मचारी सुनेस कि यहूदिया स ईसू गलील आवा अहइ तउ उ ओकरे पास आवा अउर इ विनती किहेस कि उ कफरनहूम जाइके ओकरे बेटवा क चंगा कइ दे ओकर बेटवा एकदम मरइ क किनारे आइ गवा रहा।</verse>
				<verse number="48">ईसू ओसे कहेस, “अद्भुत कारजन अउर अचरजे कारजन क देखे बिना तू पचे बिसवास न करब्या।”</verse>
				<verse number="49">राजकर्मचारी ओसे कहेस, “महासय, एकरे पहले कि मोर बेटवा मरि जाइ, तू मोरे साथे घरे चला।”</verse>
				<verse number="50">ईसू जवाब दिहेस, “जा तोहार बेटवा जिअत रही।” ईसू जउन कहे रहा, उ पचे ओह पइ बिसवास किहेस अउर घर चला गवा।</verse>
				<verse number="51">उ घर लौटत ही रास्ते मँ रहा कि ओकर नउकर मिल गएन अउर इ समाचार सुनाएन, “तोहार बेटवा चंगा होइ गवा।”</verse>
				<verse number="52">उ पूछेस, “ओकर हालत कब स ठीक होइ लाग ह?” उ जवाब दिहसे, “कल दुपहरिया मँ एक बजे ओकर बुखार उतर गवा।”</verse>
				<verse number="53">उ लरिका क बाप क इ याद आइ गवा कि इहइ ठीक समइ रहा जब ईसू ओसे कहेस, “तोहार बेटवा जिअत रही।” इ तरीका स ओकर पूरा परिवार ईसू मँ बिसवास करइ लाग।</verse>
				<verse number="54">इ दूसर अद्भुत कारज रहा जउन ईसू यहूदियन क गलील आए क बाद देखाएस।</verse>
			</chapter>
			<chapter number="5">
				<verse number="1">एकरे बाद ईसू यहूदियन क एक उत्सव मँ यरूसलेम गवा।</verse>
				<verse number="2">यरूसलेम मँ भेड़ दरवाजा क पास एक ठु पोखरा अहइ, जेहिका इब्रानी भाखा मँ बेतहसदा कहा जात ह। एकरे किनारे पाँच ठु बरामदा बना अहइँ।</verse>
				<verse number="3">जउने मँ अँधा, लूला, अउर लकवा का मरीज क भीड़ पड़ी रहत ह। अउ उ पचे पानी ह हलइ बरे जोहेन।</verse>
				<verse number="4">कबहूँ पर्भू क दूत पोखरे प आबत रहा अउ पानी क हलावत रहा। सरगदूत क इ करइ क पाछे जउन पहिला मनई पोखरे मँ घुसत रहा उ बेरामी स नीक होइ जात रहा।</verse>
				<verse number="5">ऍनही मरीजन मँ एक अइसा मरीज रहा जउन अड़तीस बरिस स बीमार रहा।</verse>
				<verse number="6">जब ईसू ओका हुवाँ लेटा लखेस अउर इ जानेस की ऍतने लम्बे समइ बीमार अहइ तउ ईसू ओसे कहेस, “का तू चंगा होइ चाहत अहा?”</verse>
				<verse number="7">रोगी जवाब देहेस, “महासय मोरे पास केउ नाहीं अहइ जउन पानी क हिलइ प मोका पोखरा मँ उतार देइ। जउ मइँ पोखरा मँ जावा चाहित ह, तउ हमेसा कउनो दूसर मनई मोसे पहिले ओहमाँ उतर जात ह।”</verse>
				<verse number="8">ईसू ओसे कहेस, “खड़ा होइ जा, आपन बिस्तरा उठावा अउर उ चलइ लागा।”</verse>
				<verse number="9">उ मनई तुरतंहि चंगा होइ गवा। उ आपन बिस्तरा उठाएस अउर चल दिहेस। उ दिन सबित क दिन रहा।</verse>
				<verse number="10">इ देखिके यहूदियन उ मनई जउन चंगा होइ गवा रहा स कहब सुरू किहेन, “आज सबित क दिन अहइ अउर इ हमरे नियम क खिलाफ अहइ कि तू आपन बिस्तरा उठावा।”</verse>
				<verse number="11">इ सुनिके उ जवाब दिहेस, “जउन मोका चंगा किहे बाटइ उ मोसे कहेस, ‘आपन बिस्तरा उठावा अउर चल द्या।’”</verse>
				<verse number="12">उ पचे ओसे पूछेन्ह, “उ कउन मनई अहइ जउन तोहसे कहेस कि आपन बिस्तरा उठावा अउर चला?”</verse>
				<verse number="13">मुला उ मनई जउन चंगा होइ गवा रहा नाहीं जानत रहा कि उ कउन अहइ, काहे? कि हुवाँ बहुत भीड़ रही अउर ईसू चुपचाप हुवाँ स चला गवा।</verse>
				<verse number="14">ऍकरे बाद ईसू उ मनई क मन्दिर मँ देखेस अउर ओसे कहेस, “देखा, अब तू नीक होइ गवा अहा, एह बरे अब तू पाप करब बन्द कइ द्या नाहीं तउ कउनो अउर बड़ा कस्ट तोहरे ऊपर आइ सकत ह!”</verse>
				<verse number="15">फिन उ मनई चला गवा। हुवाँ स चलिके उ यहूदियन स आइ क कहेस की ओका चंगा करइवाला ईसू रहा।</verse>
				<verse number="16">यहूदियन ईसू क सताउब सुरू कइ दिहेन्ह, एह बरे कि उ अइसे काम सबित क दिन किहे रहा।</verse>
				<verse number="17">ईसू ओनका जवाब देत कहेस, “मोर परमपिता कबहुँ? काम करब नाहीं छोड़त, एह बरे मइँ काम करित हउँ।”</verse>
				<verse number="18">यहूदियन ओका मार डावइ क इन्तजाम करइ लागेन्ह। केवल इहइ बरे नाहीं कि उ सबित क तोड़त रहा, मुला इहइ बरे कि उ परमेस्सर क आपन परमपिता कहत रहा। इहइ तरीके स उ अपने क परमेस्सर क बराबर देखॅावत रहा।</verse>
				<verse number="19">जवाब देत ईसू ओनसे कहेस, “मइँ तू सब पचन क सच्ची बात बतावत अहउँ कि पूत अपने आप कछू नाहीं कइ सकत। उ तउ केवल उहइ करत ह जउन करत अपने परमपिता क देखत ह। परमपिता जउन कछू करत ह, पूत उहइ करत ह।</verse>
				<verse number="20">परमपिता अपने पूत स पिरेम करत ह। अउर उ सब कछू देखाइ देत ह जउन उ करत ह। ओन सब कामन स बड़ी-बड़ी बातन क उ ओका देखाई। तउ तू पचे अचरज करब्या।</verse>
				<verse number="21">जइसे परमपिता मरा पूत क उठाइके ओनका नवा जीवन देत ह। वइसे ही भी उन लोगन क जीवन देत ह, जेनका चाहत ह।</verse>
				<verse number="22">“परमपिता केहू क निआव नाहीं करत मुला उ निआव करइके अधिकार अपने पूत क दइ दिहे अहइ।</verse>
				<verse number="23">जेहसे कि सबहीं मनई क पूत क मान सम्मान करइँ जेहसे कि परमपिता क सबहीं आदर करत हीं। जउन पूत क आदर नाहीं करत परमपिता उ क आदर नाहीं करत जउन ओका पठए अहइ।</verse>
				<verse number="24">“मइँ तोहका सच-सच बतावत हउँ जउन मोर बात सुनत ह अउर ओह पइ बिसवास करत ह जउन ओका भेजे अहइ, तउ उ अनन्त जीवन पावत ह। निआव क दंड ओकरे ऊपर नाहीं पड़त। उ मनई मृत्यु स जीवन मँ प्रवेस पाइ जात ह।</verse>
				<verse number="25">मइँ तू पचन क बतावत अहउँ कि उ समइ आवइवाला अहइ, हियाँ तक कि आइ चुका अहइ जबहीं कि जउन मरि चुका अहइँ, परमेस्सर क पूत क बचन सुनिहइँ अउर जे ओका सुनि लेहीं उ पचे जी उठिहीं।</verse>
				<verse number="26">काहेकि जेहसे परमपिता जीवन क स्त्रोत अहइ, वइसे अपने पूतन क जीवन क स्त्रोत बनाए बाटइ।</verse>
				<verse number="27">अउर उ ओका निआव क अधिकार दिहे अहइ। एह बरे कि उ मनई क पूत अहइ।</verse>
				<verse number="28">“इ बात प अचरज करइ क जरूरत नाहीं अहइ कि उ समइ आवइवाला अहइ कि जब जउन अपनी अपनी कब्र मँ अहइ, ओकर बचन सुनिहइँ।</verse>
				<verse number="29">अउर बाहर आइ जइहइँ। जउन मनई नीक कारज किहे अहइँ उ सबइ पुनरूत्थान पाइ जइहइँ। मुला जउन खराब कारज किहे अहइँ ओनका पुनरूत्थान क बाद दंड दीन्ह जाई।”</verse>
				<verse number="30">“मइँ खुदइ अपने आप स कछू नाहीं कइ सकित। मइँ परमेस्सर स जउन सुनित ह उहइ क आधार प निआव करित ह अउर मोर निआव ठीक अहइ काहेकि मइँ अपने मन स कउनो नाहीं करित मुला मइँ ओकरी इच्छा स कारज करित ह जउन मोका पठएस।</verse>
				<verse number="31">“जदि मइँ अपनी तरफ स साच्छी देउँ तउ मोर साच्छी सच नाहीं अहइ।</verse>
				<verse number="32">मोर ताईं साच्छी देइवाला एक ठु अउर अहइ। अउर मइँ जानित ह कि मोरी ताईं जउन साच्छी देत अहइ उ सच्ची अहइ।</verse>
				<verse number="33">“तू पचे लोगन क यूहन्ना क पास पठए रह्या अउर उ सच्चाई क साच्छी दिहेस।</verse>
				<verse number="34">मइँ मनई क साच्छी प भरोसा नाहीं करित मुला मइँ इ बरे कहत हउँ जइसे कि तू पचनक उद्धार होइ जाइ।</verse>
				<verse number="35">यूहन्ना उ दीपक क नाईं रहा जउन जलत भइ रोसनी देत हे। अउर कछू समइ तक तू पचे उ रोसनी स फायदा लेइ चाहत रह्या।</verse>
				<verse number="36">“मुला मोर साच्छी यूहन्ना क साच्छी स बड़ी बाटइ, यह बदे कि परमपिता जउन कारज पूरा करइ क बरे मोका जिम्मेवारी सौंपी अहइ, मइँ उहइ कारज करत अहउँ अउर मोर कीन्ह कारज अपने आपइ इ बात क साच्छी अहइ कि परमपिता मोका पठए अहइ।</verse>
				<verse number="37">परमपिता जउन मोका पठए अहइ, उ खुदइ मोर साच्छी दिहे अहइ। तू पचे ओकर कउनो बचन नाहीं सुन्या अउर न तउ ओकर रूप लखे अहा।</verse>
				<verse number="38">अउर न तउ अपने अन्दर ओकर संदेस धारन करे अहा, काहेकि तू पचे जेका परमपिता भेजे अहइ, ओकरे मँ बिसवास नाहीं करता अहा।</verse>
				<verse number="39">तू पचे पवित्तर सास्तरन क धियान स पढ़त ह काहेकि तोहार इ विचार अहइ कि तोहका उहइ स अनन्त जीवन मिल जाई। मुला इ सब पवित्तर सास्तर मोर साच्छी देत हीं।</verse>
				<verse number="40">एतना होत भए भी तू पचे मोरे पास नाहीं आवा चाहत अहा।</verse>
				<verse number="41">“मइँ मनइयन क कीन्ह प्रसंसा प भरोसा नाहीं करित।</verse>
				<verse number="42">मुला मइँ जानित ह कि तोहार भीतर परमेस्सर क पिरेम नाहीं अहइ।</verse>
				<verse number="43">मइँ अपने परमपिता क नाउँ स आइ अहउँ तबहूँ तू पचे स्वीकार नाहीं करत अहा, अउर अगर कउनो दूसरे नाउँ स कहे आइ जाइ तउ तू ओका स्वीकार करब्या।</verse>
				<verse number="44">तू मोहे मँ बिसवास कइसे करि सकत ह, काहे बरे कि तू पचे एक दूसरे क प्रसंसा करत ह। तू पचे उ प्रसंसा कइँती देखबउ नाहीं करत अहा जउन केवल परमेस्सर क तरफ स आवत अहइ।</verse>
				<verse number="45">तू पचे इ तनिकउ न सोचा कि मइँ तोहका परमपिता क सामने दोखी ठहराऊब। जउन तोहका पचे क दोखी ठहराई, उ मूसा होई जेकरे ऊपर तू पचे आपन आसरा लगाए अहा।</verse>
				<verse number="46">जदि तू सबइ मूसा मँ बिसवास करत्या तउ तू मोहे मँ बिसवास करत्या काहेकि उ मोरे बारे मँ लिखे अहइ।</verse>
				<verse number="47">जबहीं तू ओकरे लिखे मँ बिसवास नाहीं करत अहा, तउ तू मोरे बात मँ बिसवास कइसे करब्या?”</verse>
			</chapter>
			<chapter number="6">
				<verse number="1">ओकरे बाद ईसू गलील क झील यानी कि तिबिरियास क दूसरे पार चला गवा।</verse>
				<verse number="2">अउर ओकरे पाछे पाछे बहुत बड़ी भीड़ चल दिहेस, काहेकि उ सब तमाम मरीजन क नीक होत समइ तमाम अचरज भरा चीन्हन देखे रहेन्ह।</verse>
				<verse number="3">ईसू पहाड़ प चला गवा अउर हुँवा अपने चेलन क साथ बइठ गवा।</verse>
				<verse number="4">यहूदियन क फसह क त्यौहार निचके रहा।</verse>
				<verse number="5">जबहीं ईसू आँख उठाइके देखेस कि एक बहुत बड़ी भीड़ ओकरी तरफ चली आवत अहइ तउ उ फिलिप्पुस स पूछेस, “इ सब लोगन्हे क खइया खियावइ क बरे रोटी कहाँ स खरीदी जाइ सकत ह?”</verse>
				<verse number="6">(ईसू इ बात ओकर परीच्छा लेइ क बरे पूछेस, उ तउ जानत रहा कि उ क करइ जात अहइ।)</verse>
				<verse number="7">फिलिप्पुस जवाब दिहेस, “दुई सौ चाँदी क सिक्कन स ऍतनी रोटी न मिली कि सब मनई क एक टुकड़े स तनिकउ जियादा मिल सकइ।”</verse>
				<verse number="8">ईसू क एक दूसर चेला समौन पतरस क भाई अन्द्रियास कहेस,</verse>
				<verse number="9">“हियाँ एक नान्ह क लरिका क लगे पाँच ठु जौ क रोटी अउर दुइ ठु मछरी अहइँ, मुला खाइवाले तउ बहुत जियादा मनई अहइँ ओनके बरे इ बहुत कम अहइ।”</verse>
				<verse number="10">ईसू जवाब दिहेस, “सब लोगन्ह क बैठावा।” उ जगह प अच्छी खासी घास रही सब मनई हुवाँ बइठ गएन उ सब कुल मिलाइके करीब पांच हजार मनई रहेन्ह।</verse>
				<verse number="11">फिन ईसू रोटी लिहेस, अउर हुवाँ बइठे भए मनइयन क आवस्यकतानुसार सुक्रिया दइके रोटी परोस दिहेस। इहइ तरह जेतना उ सब जेतना चाहत रहेन, ओतनी मछलियन ओनका दइ दिहेस।</verse>
				<verse number="12">जब ओनके सबके पेट भरि गएन तउ ईसू अपने चेलन स कहेस, “जउऩ टुकड़ा बचा अहइँ, ओनका बटोर ल्या जइसे उ बेकार स बरबाद न होइँ।”</verse>
				<verse number="13">फिन चेलन लोगन क परोसी गइ जो क पांच रोटियन क बचे भएन टुकड़न स बारह टोकरी भरि दिहसे।</verse>
				<verse number="14">ईसू क ऍतना अद्भुत कराज क देखिके सब मनइयन कहइ लागेन, “जरूर इ मनई उहइ नबी अहइ जेका इ दुनियाँ मँ आवइ क रहा।”</verse>
				<verse number="15">ईसु जब इ जानेस कि लोग आवइवाला अहइँ अउर ओनका लइ जाइके राजा बऩावा चाहत अहइँ, तउ उ अकेलेही पहाड़ प चला गवा।</verse>
				<verse number="16">जब साँझ क बेला भइ अउर ओनके सब चेलन झील प चला गएन</verse>
				<verse number="17">अउर एक ठु नाव प बइठके वापस झील क पार कफरनहूम क तरफ चला गएन। मजे क अंधेरा होइ ग रहा, मुला ईसू अबहीं तलक लौटिके ओनके सबन क पास नाहीं आवा रहा।</verse>
				<verse number="18">तूफानी हवा बहत रही जेकरे कारण झील मँ लहर खूब तेज होत रहिन्ह।</verse>
				<verse number="19">जब उ पचे करीब पांच-छ: किलोमीटर आगे चला गएन तउ देखेन कि ईसू झील प चलत अहइ अउर नाव क पास आवत रहा। इ देखिके उ पचे डेराइ गएन।</verse>
				<verse number="20">मुला ईसू ओन सबसे कहेस, “इ मइँ अहउ, डेरा जिन।”</verse>
				<verse number="21">फिन उ पचे ओका जल्दी स नाव प चढ़ाइ लिएन्ह अउर नाव जल्दी स हुवाँ पहुँच गइ जहाँ ओका जाइ क रहा।</verse>
				<verse number="22">दूसरे दिन सब मनइयन क भीड़ जउन झील क पार बच गइ रही, इ देखेस कि हुवाँ एक ठु नाव अकेले रही अउर अपने चेलन क साथ ईसू उ नाव प नाहीं सवार भवा बल्कि ओकर चेलन अकेल्ले ही रवाना भएन।</verse>
				<verse number="23">तिबिरियास क कई ठु नाव उ जगह प आइके रूकिन जउने जगह प उ पचे पर्भू क धन्यबाद दिहे क बाद रोटी खाए रहेन।</verse>
				<verse number="24">इ तरह जब उ भीड़ देखेस कि न तउ हुवाँ ईसू अहइ अउर न तउ ओनकइ चेलन अहइँ, तउ उ पचे नाव प चढ़िके अउर ईसू क दूँढ़त कफ़रनहूम क तरफ चल पड़ेन।</verse>
				<verse number="25">जब उ पचे ईसू क झील क दूसरे पार पाएन तउ ओसे कहेन, “हे गुरू, तू हियाँ कब आया?”</verse>
				<verse number="26">ऍकरे जबाव मँ ईसू ओनसे कहेस, “मइँ तोहका सच्ची बात बतावत अहउँ, तू पचे मोका इ बरे नाहीं खोजत अहा कि तू सब अदभुत कारजन देखे अहा, मुला तू पचे इ बरे मोका दूँढ़त अहा, काहेकि तू सब पेट भरिके रोटी खाए अहा।</verse>
				<verse number="27">उ खाना क बरे मेहनत न करइ चाही जउन खराब होइ जाइ मुला ओकरे बरे जतन करइ चाही जउन हमेसा उत्तिम बना रहत ह अउर अनन्त जीवन देत ह, जउन तोहका सबक मनई क पूत देई। काहेकि परमपिता ओका मानके आपन मोहर ओह पइ लगाइ दिहे अहइ।”</verse>
				<verse number="28">मनइयन ईसू स पूछेन, “परमेस्सर क कारज क बरे हम सब का करी?”</verse>
				<verse number="29">ईसू ओनका इ जवाब दिहेस, “जउन परमेस्सर चाहत ह कारज इ अहइ कि तू पचे ओह पइ बिसवास करा जेहिका उ भेजे अहइ।”</verse>
				<verse number="30">तउ उ पचे ओसे कहेन, “फिन तू कउन स अद्भुत कारज देखॉवत अहा जेहिका देखिके हम तोह पर बिसवास करी? तू कउन स कारज देखॉवत अहा?</verse>
				<verse number="31">हमार पूर्वजन रेगिस्तान मँ मन्ना खाएन, जइसे कि पवित्तर सास्तरन मँ लिखा बा, ‘परमेस्सर ओनका खाइ क बरे सरग स रोटी दिहेस।’ ”</verse>
				<verse number="32">एह पइ ईसू ओनसे कहेस, “मइँ तोहका सच बतावत अहउँ कि मूसा नाहीं, मुला मोर परमपिता तोहका सरग स सच्ची रोटी देत ह।</verse>
				<verse number="33">उ रोटी जउन परमेस्सर देत ह, उ सरग स उतरी अहइ, अउर इ संसार क जीवन देत ह।”</verse>
				<verse number="34">तउ उ पचे ओसे कहेन, “हे पर्भू, अब हम पचे क उ रोटी द्या अउर हमेसा देत रहा।”</verse>
				<verse number="35">ईसू ओनसे कहेस, “मइँ उ रोटी अहउँ जउन जीवन देत ह। जउन मनई मोरे पास आवत ह, उ कबहूँ भूखा नाहीं रहत अउर जउन मोरे मँ बिसवास करत ह, उ कबहूँ पियासा नाहीं रहत।</verse>
				<verse number="36">मइँ तोह सबन क पहले स बताइ चुका अहउँ कि तू मोका देख लिए अहा, तबहूँ मोहमाँ बिसवास नाहीं करत्या।</verse>
				<verse number="37">एक एक मनई जेहिका परमपिता मोका सौंपे अहइ, मोरे पास आई जउन मोरे पास आवत ह, मइँ ओका कबहूँ न लौटाउब।</verse>
				<verse number="38">मइँ सरग स अपनी मर्जी स काम करइ नाहीं आइ अहउँ, मइँ तउ ओकर मरजी क पूरा करइ आइ बाटेउँ, जउन मोका हिआँ भेजे अहइ।</verse>
				<verse number="39">अउर उ भेजइवाले क इच्छा इ बाटइ कि जेका जेका उ मोका सौपे अहइ, ओहमाँ म एकउ क न खोइ देउँ अउर आखिरी दिन ओनका सबका जिन्दा कइ देउँ।</verse>
				<verse number="40">इहइ मोरे परमपिता क इच्छा अहइ कि हर एक मनई जउन पूत क देखत ह अउर ओहमाँ बिसवास करत ह, अनन्त जीवन पाई अउर आखिरी दिन मइँ ओका जियाइ देइ।”</verse>
				<verse number="41">इ सुनिके यहूदियन ईसू प बड़बड़ाय लागेन, काहेकि उ कहत रहा, “मइँ उ रोटी अहउँ जउन सरग स उतरी अहउँ।”</verse>
				<verse number="42">अउर उ पचे कहेन, “का इ यूसुफ क पूत ईसू न अहइ का हम एनके महतारी बाप क नाहीं जानित? फिन इ कइसे कहत बा कि ‘मइँ सरग स उतरा हउँ’?”</verse>
				<verse number="43">एकरे जवाब मँ ईसू ओनसे कहेस, “एक दूसरे प बड़बड़ाब छोड़ द्या,</verse>
				<verse number="44">मोरे लगे तब तलक कउनो नाहीं आइ सकत जब तक मोका भेजइवाला परमपिता ओका मोरे तरफ न खींचइ। मइँ आखिरी दिन ओका फिन जियाइ देब।</verse>
				<verse number="45">नबियन लिखे अहइँ, ‘अउर उ सब परमेस्सर दवारा सिखावा भए होइहीं।’</verse>
				<verse number="46">जउन मनई परमपिता क सुनत ह, अउर ओसे सीखत ह, मोरे पास आवत ह। मुला सच-सच जेहिका परमपिता भेजे अहइ, ओका छाँड़िके कउनो नाहीं लखे अहइ। परमपिता क बस उहइ लखे अहइ।</verse>
				<verse number="47">“मइँ तोहसे सच-सच कहत बाटेउँ कि जउन मनई बिसवास करत ह उ अनन्त जीवन पावत ह।</verse>
				<verse number="48">मइँ उ रोटी अहउँ जउऩ जीवन देत ह।</verse>
				<verse number="49">तोहार पचेन्क पूर्वजन रेगिस्तान मँ मन्ना खाए रहेन्ह तबहूँ उ पचे मरि गएन।</verse>
				<verse number="50">इ उ रोटी अहइ जउन सरग स उतरत ह जउने कि मनई ओहमाँ स खात ह उ न मरी।</verse>
				<verse number="51">जीवन क रोटी जउन सरग स उतरी अहइ, उ मइँ अहउँ। जउऩ मनई इ रोटी खाई, उ हमेसा जीवित रही, अउर जउऩ रोटी मइँ दुनिया क जिन्नगी क बरे देब, उ मोर माँस अहइ। इहइ संसार जिअत रही।”</verse>
				<verse number="52">इ सुनिके यहूदियन आपस मँ झगड़ा करइ लागेन कि “कइसे इ मनई हम पचेन्क आपन माँस खाइ क बरे देत ह?”</verse>
				<verse number="53">ईसू ओनसे कहेस, “मइँ तोहसे सच-सच कहत अहउँ, जब तक तू पचे मनई क पूत क माँस न खाब्या अउर ओकर लहू न पीब्या, तब तक तोहरे मँ असली जीवन नाहीं आई।</verse>
				<verse number="54">जउन मोर माँस खात ह अउर हमार लहू पियत ह, अनन्त जीवन उहइ पावत ह अउर आखिरी दिन ओका मइँ फिन जीवित करि देब।</verse>
				<verse number="55">काहेकि मोर माँस सब खाइवाली चीज अहइ अउर मोर लहू सच-सच पियइवाली चीज अहइ।</verse>
				<verse number="56">जउन मोर माँस खात ह अउर मोर लहू पियत ह, उ मोरे मँ रहत ह अउर मइँ ओहमाँ समाइ जाइत हउँ।</verse>
				<verse number="57">“इ बात बिल्कुल उहइ तरह अहइ कि जइसे जिअत-पिता मोका भेजे अहइ, अउर उहइ परमपिता क कारण मइँ जीवित अहउँ ठीक उहइ तरह जउन मनई खात रही, उ मोरे कारण जीवित रही।</verse>
				<verse number="58">इ उहइ रोटी अहइ जउन सरग स उतरी अहइ। इ रोटी वइसे नाहीं अहइ जइसे मोरे पचे क पूर्वजन खाए रहेन। अउर बाद मँ उ सब मरि गएन। जउन मनई इ रोटी क खात रही, उ हमेसा जिन्दा रही।”</verse>
				<verse number="59">ईसू इ सब बात कफरनहूम आराधनालय मँ सिच्छा देत कहे रहा।</verse>
				<verse number="60">जब ईसू क चेलन क इ बात पता चली तउ उ कहेन्ह, “इ सिच्छा बहुतइ कठिन अहइ, एका कउन सुनि सकत ह?”</verse>
				<verse number="61">ईसू क खुदइ पता चलि गवा रहा कि ओनके चेलन क उपदेस क बारे मँ सिकायत रही। एह बरे उ ओनसे कहेस, “का इ उपदेस तोहका ठेस पहुँचावत ह?</verse>
				<verse number="62">अइसी बात अहइ कि तउ तोहका अगर मनई क पूत क जहाँ उ पहिले रहा, हुवाँ फिन लौटत देखइ क पड़इ तउ का होई?</verse>
				<verse number="63">आतिमा उहइ अहइ जउन जीवन देत ह। सरीर क कउनो उपयोग नाहिं बाटइ। जउन बात मइँ तोहसे कहे बाटेउँ, उहइ आतिमा अहइ अउर उहइ जीवन देत ह।</verse>
				<verse number="64">मुला तोहरे पचे क बीच मँ कछू मनई अइसे अहइँ, जउन ओहमाँ बिसवास नाहीं करतेन।” (ईसू तउ सुरू मँ इ जानत रहा कि उ पचे कउन मनई अहइँ, जउन बिसवास नाहीं करत अहइँ अउर उ मनई कउन बा जउन ओका धोखा देइ।)</verse>
				<verse number="65">ईसू फिन कहेस, “इहइ बरे मइँ तोहसे कहे अहउँ, ‘मोरे पास तब तलक कउनो नाहीं आइ सकत जब तलक कि परमपिता ओका मोरे पास आवइ क इजाजत न देइ।’”</verse>
				<verse number="66">इहइ कारण रहा कि ईसू क ढेर चेलन लौट गएऩ। अउर फिन कबहूँ ओकरे पाछे नाहीं चलेन।</verse>
				<verse number="67">फिन ईसू अपने बारहु प्रेरितन स कहेस, “का तू पचे भी जाइ चाहत अहा?”</verse>
				<verse number="68">समौन परतस जवाब दिहेस, “पर्भू हम पचे केहिके लगे जाइ? उ सब्दन तउ तोहरे लगे अहइँ जउन अनन्त जीवन देत ही।</verse>
				<verse number="69">अब हम पचे तोह पर बिसवास करित ह अउर हम जानित ह कि तू सबसे पवित्तर अहा जेहिका परमेस्सर भेजे अहइ।”</verse>
				<verse number="70">ईसू ओनका इ जवाब दिहेस, “का तोहका बारहु प्रेरितन का मइँ नाहीं चुने अहउँ। मुला तोहरे बीचे मँ एक ठु सइतान अहइ।”</verse>
				<verse number="71">उ समौन इस्करियोती क बेटवा यहूदा क बारे मँ कहत रहा, जउन ईसू क धोखा देइवाला रहा। बारह प्रेरितन मँ उहइ एक रहा।</verse>
			</chapter>
			<chapter number="7">
				<verse number="1">ओकरे बाद ईसू गलील चला गवा। उ यहूदिया मँ जात्रा न करइ का निस्चय किहेस। काहेकि यहूदी ओका मारि डावा चाहत रहेन।</verse>
				<verse number="2">यहूदियन क कुटीर क त्यौहार आवइवाला रहा।</verse>
				<verse number="3">इ बरे ईसू क भाइयन ओसे कहेन, “तोहका इ जगहा छोड़िके यहूदिया चला जाइ चाही। जइसे कि तोहार चेलन तोहार अद्भुत कारजन देख पावइँ।</verse>
				<verse number="4">कउनो मनई जउन सब मनइयन क बीच मँ मसहूर होइ चाहत ह, आपन कारज छिपाइ क नाहीं करत। तू तउ अद्भूत कारजन करत ह, इ बरे समूचे संसार मँ अपुना क परगट करा।”</verse>
				<verse number="5">(ईसू क भाइयन ओहमाँ बिसवास नाहीं करत रहेन।)</verse>
				<verse number="6">ईसू ओनसे कहेस, “मोरे बरे अबहीं तब नीक समइ नाहीं आवा बाटइ। मुला तोहरे बरे सबइ समइ नीक अहइ।</verse>
				<verse number="7">इ दुनिया तोहसे घिना नाहीं कइ सकत मोसे तउ घिना करत ह। मोसे घिना करइ क कारण इ बाटइ कि मइँ सब क कहत फिरत हउँ, कि तोहार इ कारज बुरा अहइ,</verse>
				<verse number="8">इ त्यौहार मँ तू पचे जा मइँ एहि बार न जाब, मोर नीक समइ अबहीं नाहीं आइ बाटइ।”</verse>
				<verse number="9">इ कहिके ईसू गलील मँ रूक गवा।</verse>
				<verse number="10">तब ओकर सब भाई त्यौहार मँ चला गएन तब उहउ चला गवा। उ खुलेआम नाहीं गवा मुला छुप छुपके उहइ हुवाँ पहुँच गवा।</verse>
				<verse number="11">यहूदी ओका त्यौहार मँ इ कहत खोजत फिरत रहेन, “उ मनई कहाँ अहइ?”</verse>
				<verse number="12">ईसू क बारे मँ उ भीड़ मँ छिप छिप क तरह तरह क बातन होत रहिन। कछू मनई कहत रहेन, “उ नीक मनई बाटइ” मुला दूसर कछू मनई कहत रहेन, “नाहीं, उ तउ सबका भटकावत अहइ।”</verse>
				<verse number="13">ओकरे बारे मँ कउनो भी खुलिके नाहीं बतियात रहा, काहेकि उ पचे यहूदी क नेता स डेरात रहेन।</verse>
				<verse number="14">जब उ त्यौहार करीब करीब आधा बीत गवा तब ईसू मन्दिर मँ गवा अउर उपदेस देब सुरू कइ दिहेस।</verse>
				<verse number="15">यहूदी क नेता क बहुत अचरज भवा अउर उ पचे कहेन, “इ मनई आज तक कउनो पाठसाला मँ पढ़इ क बरे नाहीं गवा, इ कइसे ऍतनी गियान क बात करत बाटइ?”</verse>
				<verse number="16">ऍकरे जवाब मँ ईसू ओनसे कहेस, “जउन सिच्छा देत अहउँ, उ मोर आपन नाहीं अहइ, इ हुवा स आवत अहइ, जउन मोका भेजेस ह।</verse>
				<verse number="17">अगर मनई उ करइ चाहत ह, जउन परमेस्सर क इच्छा अहइ, तउ उ जान जाई कि जउन सिच्छा मइँ देत अहउँ, उ ओकर अहइ या मइँ अपनी ओर स देत अहउँ</verse>
				<verse number="18">जउन अपनी ओर स बोलत ह, उ अपने बरे प्रसिद्धि चाहत ह, मुला सच्चा उ मनई अहइ जउन खुदइ प्रसिद्धि पावा न लइके ओका देइ क कोसिस करत ह, जउन ओका भेजे अहइ। ओहमाँ फिन कउनो तरह क खोट नाहीं रहत।</verse>
				<verse number="19">का तू पचन क मूसा व्यवस्था क दिहे अहइ? मुला तोहरे मँ स कउनो ओकर पालन नाहीं करत। तू मोका मार डावइ क कोसिस काहे बरे करत अहा?”</verse>
				<verse number="20">उ लोग इ जवाब दिहेन, “तोहरे ऊपर दुस्ट आतिमा चढ़ी अहइ जउन तोहका मार डावइ क कोसिस करत बाटइ।”</verse>
				<verse number="21">एकरे जवाब मँ ईसू कहेस, “मइँ एक चमत्कार करम करेउँ अउर तू पचे चकराइ गया।</verse>
				<verse number="22">इहइ कारण रहा कि मूसा तू पचन क, खतना क नियम दिहे रहा (इ नियम मूसा का नाहीं बरन, इ तउ तोहरे पूर्वजन स चला आवत रहा।) अउर तू सबित क दिन लरिकन क खतना करत ह।</verse>
				<verse number="23">अगर सबित क दिन कउनो क खतना इ बरे करइ जात ह कि मूसा क विधान बचा रहइ, उ टूटइ न पावइ तउ तू पचे मोरे ऊपर काहे गुस्सा करत अहा कि मइँ सबित क दिन एक मनई क एकदम ठीक कइ दीन्ह</verse>
				<verse number="24">जउऩ बात जइसे देखात अहइ, उहइ तरह ओहपइ निआव न करइ चाही, जउन एकदम ठीक बात होइ उहइ क आधार प निआव होय चाही।”</verse>
				<verse number="25">फिन यरुसलेम मँ रहइवाले लोगन मँ स कछू कहेन, “का इहइ तउ उ मनई नाहीं अहइ जेहिका उ लोग मार डावा चाहत अहइँ?</verse>
				<verse number="26">मुला देखा; उ तउ सब मनइयन क बीच मँ बोलत अहइ अउर कउनो ओसे कछू नाहीं कहत अहइँ। का इ बात नाहीं होइ सकत कि यहूदी नेता क पता होइ ग होइ कि इहइ मसीह अहइ।</verse>
				<verse number="27">खैर हम सबका तउ पता होइ ग अहइ कि इ कहाँ स आइ बाटइ। जब असली मसीह आइ जाइ तउ कउनो न जान पाइ कि उ कहाँ स आवा।”</verse>
				<verse number="28">ईसू जब मन्दिर मँ उपदेस देत रहा तउ बड़े जोर स कहेस, “तू पचे मोका जानत अहा अउर इहउ जानत अहा कि मइँ कहाँ स आएउँ। मइँ अपनी कइँती नाहीं आइ अहउँ। मइँ ओकरे पास स आएउँ ह जउन मोका भेजे अहइ, उहइ सच्चा अहइ, तू पचे ओका नाहीं जानत अहा।</verse>
				<verse number="29">मुला मइँ ओका जानत अहउँ, काहेकि मोका उहइ पठएस।”</verse>
				<verse number="30">फिन उ पचे ओका बन्दी बनाइ क जतन करइ लागेन मुला कउनो ओह पइ हाथ नाहीं डाइ पाएस, एह बरे कि ओकर समइ अबहीं पूरा नाहीं भवा रहा।</verse>
				<verse number="31">तमाम मनई ओकरे मँ बिसवास करइ लागेन अउर कहइ लागेन, “जब मसीह आई तउ उ जेतना अद्भुत कारजन इ करत बा ओसे जियादा उ थोड़ा कइ पाई। का उ अइसा करी?”</verse>
				<verse number="32">फरीसियन इ सुनेन कि भीड़ मँ तमाम मनई चुप्पे चुप्पे ईसू क बारे मँ कहत रहेन्ह अउर मुख्ययाजक अउर फरीसियन मन्दिर क सिपाहियन क ईसू क गिरफ्तार करइ बरे भेजेन।</verse>
				<verse number="33">फिन ईसू बोला, “मइँ तू पचेन्क साथ कछू समी तलक अउ रहब, फिन ओकरे पास वापिस लौट जाब, जउन मोका हियाँ भेजे अहइ।</verse>
				<verse number="34">तू पचे मोका ढूँढ़िब्या मुला ढूँढ़ि न पउब्या। काहेकि तू पचे हुवाँ तलक न जाइ पाउब्या जहाँ मइँ रहब।”</verse>
				<verse number="35">ऍकरे बाद यहूदी आपस मँ बतियाइ लागेन, “इ कहाँ जाइवाला अहइ, जहाँ हम पचे एँका न ढूँढ़ि पाऊब। साइत ह हुवाँ तउ नाहीं जात अहइ जहाँ हमार मनइयन यूनानी नगरन मँ तितर बितर होइके रहत हीं। का इ यूनानियन मँ उपदेस देई?</verse>
				<verse number="36">जउन इ कहत अहइ: ‘तू मोका ढूँढ़ि न पउब्या’ अउर ‘जहाँ मइँ रहब, हुवाँ तू पहुँच नाहीं सकत ह।’ ओकर क मतलब अहइ?”</verse>
				<verse number="37">त्यौहार क आखिरी अउर जरूरी दिन ईसू ठाढ़ भवा अउर ऊँची आवाज मँ कहेस, “अगर कउनो पियासा अहइ तउ मोरे पास आवइ अउर पियइ।</verse>
				<verse number="38">जउन मनई मोरे मँ बिसवास करत ह, जइसा कि पवित्तर सास्तर मँ लिखा अहइ, ओकरे पवित्तर आतिमा स जीवन जल क नदियन फूट पड़िहइँ।”</verse>
				<verse number="39">ईसू इ पवित्तर आतिमा क बारे मँ बताए रहा। जेहिका उ पचे पइहीं जउन ओहमा बिसवास करत हीं, उ पवित्तर आतिमा अबहीं तलक नाहीं दीन्ह गइ अहइ, काहेकि ईसू अबहीं तलक महिमावान नाहीं भवा अहइ।</verse>
				<verse number="40">भीड़ क कछू मनई जउन इ सुनेन तउ कहइ लागेन, “इ मनई सच मँ नबी अहइ।”</verse>
				<verse number="41">कछू अउर मनई कहत रहेन, “इहइ मनई मसीह अहइ।” कछू अउर मनई कहत रहेन, “मसीह गलील स न आई। का इ होइ सकत ह?</verse>
				<verse number="42">का पवित्तर सास्तर मँ नाहीं लिखा अहइ कि मसीह दाऊद क लरिका होई अउर बैतलहम स आई जउने सहर मँ दाऊद रहत रहा।”</verse>
				<verse number="43">ऍह तरह स ईसू क मनइयन मँ सब मनइयन क बीच मँ फूट पड़ि गइ।</verse>
				<verse number="44">कछू लोग ओका बन्दी बनावा चाहत रहेन मुला कउनो ओकरे प हाथ नाहीं डाएन।</verse>
				<verse number="45">इ बरे मन्दिर क सिपाही मुख्ययाजक अउर फरीसियन क पास लौट आएन। एहि पइ ओनसे पूछा गवा, “तू ओका पकरिके काहे नाहीं लाया?”</verse>
				<verse number="46">सिपाहियन क जवाब रहा, “कउनो मनई आज तक अइसे नाहीं बोला, जइसे उ बोलत ह!”</verse>
				<verse number="47">ऍहि पइ फरीसियन ओनसे कहेन, “का तू पचे भरमाइ ग अहा?</verse>
				<verse number="48">कउनो यहूदी नेता या फरिसियन ओकरे मँ कबहुँ बिसवास नाहीं करे अहइँ।</verse>
				<verse number="49">मुला जउन मनइयन क व्यवस्था क जानकारी नाहीं अहइ, परमेस्सर ओनका सराप देत ह।”</verse>
				<verse number="50">नीकुदेमुस ओनसे कहेस इ उहइ रहा जउन पहिले ईसू क पास गवा रहा, इ ओन फरीसियन मँ स एक ठु अहइ,</verse>
				<verse number="51">“हमार व्यवस्था क तब तलक कउनो क दोखी नाहीं ठहरावत जब तलक ओका सुनि नाहीं लेत अउर इ पता नाहीं लगाइ लेत कि उ कउन करम करे अहइ।”</verse>
				<verse number="52">ऍकरे जवाब मँ उ पचे ओसे कहेन, “का तू भी गलील क अह्या? सास्तर क पढ़े स पता चलत ह कि गलील स कउनो नबी कबहूँ नाहीं आई।”</verse>
				<verse number="53">फिन उ पचे हुवाँ स अपने घर चला गएन।</verse>
			</chapter>
			<chapter number="8">
				<verse number="1">अउर ईसू जैतून पर्वत प चला गवा।</verse>
				<verse number="2">एकदम सबेरे उ फिन मन्दिर मँ गवा। सब मनई ओकरे पास आएन। ईसू बइठके ओनका सबेन्हका उपदेस देइ लाग।</verse>
				<verse number="3">तबहीं धरम सास्तरी अउर फरीसी लोग व्यभिचार क अपराध मँ एक ठु स्त्री क पकरि लइ आएन। अउर ओका सबके सामने ठाढ़ करि दिहेन्ह।</verse>
				<verse number="4">अउर ईसू स कहेन्न, “हे गुरू, इ स्त्री व्यभिचार करत रंग हाथ पकड़ी गइ अहइ।</verse>
				<verse number="5">मूसा क व्यवस्था हमका पचेन्ह क आदेस देत ह क अइसी स्त्री क पाथर मारइ चाही। अब बतावा तोहार क कहब अहइ?”</verse>
				<verse number="6">ईसू क अजमावइ क बरे उ सबेन्ह पूछत रहेन्ह जइसे कि ओनका सबन्क ओकरे खिलाफ कउनो अभियोग लगावा जाइ सकइ। मुला ईसू नीचे झुका अउर अपनी अंगुरी स जमीन प लिखिइ लाग।</verse>
				<verse number="7">यहूदी नेता पूछत जात रहेन्ह, इ बरे ईसू सोझ सोझ तनि क ठाढ़ि होइ गवा अउर ओनसे कहेस, “तोहरे सब मँ स जउन मनई पापी न होइ, सबसे पहिले उहइ इ स्त्री क पाथर मारइ।”</verse>
				<verse number="8">अउर फिन उ झुक कर जमीन प लिखइ लाग।</verse>
				<verse number="9">जब सब मनई इ सुनेन्ह तउ सबसे पहिले बुढ़वा मनइयन अउर फिन एक एक कइके हुवाँ स खिसकइ लागेन अउर हुवाँ अकेले ईसू बचा रहा। ईसू क सामने उ स्त्री अबहीं तलक ठाढ़ि रही।</verse>
				<verse number="10">ईसू खड़ा भवा अउर उ स्त्री स कहेस, “ऐ स्त्री, उ पचे कहाँ चला गएन। का तोहका कउनो दोखी नाहीं ठहराएस?”</verse>
				<verse number="11">उ स्त्री बोली, “नाहीं महासय! कउनो नाहीं।” ईसू कहेस, “मइँ भी तोहका दण्ड न देब। जा अउर अब फिन कबहूँ पाप न करिउ।”</verse>
				<verse number="12">फिन हुवाँ मौजूद मनइयन स ईसू कहेस, “मइँ दुनिया क ज्योति अहउँ, जउन मोरे पाछे चलत ह, उ कबहुँ अंधेरे मँ नाहीं रहत। ओका तउ उ ज्योति मिली जउन जीवन देत ह।”</verse>
				<verse number="13">इ सुनिके फरीसियन ओनसे कहेन, “तू आपन साच्छी खुदइ देत अहा, इ बरे तोहार साच्छी न मानी जाई।”</verse>
				<verse number="14">एकरे जवाब मँ ईसू ओनसे कहेस, “जदि मइँ आपन साच्छी अपनी कइँती स आप देत अहउँ, तबहूँ मोर साच्छी सही अहइ, काहेकि मइँ इ जाना चाहित ह, कि मइँ कहाँ स आवा अहउँ अउर कहाँ जात अहउँ।</verse>
				<verse number="15">तू पचे मनइयन क बनाए नेमॅन प निआव कहत ह, मइँ कउनो क निआव नाहीं करत अहउँ।</verse>
				<verse number="16">जदि मइँ निआव करी तउ मोर निआव उचित होइ। काहेकि मइँ अकेलि नाहीं अहउँ, बल्कि परमपिता जउन मोका हियाँ भेजे अहइ, दुइनउँ मिलके निआव करित ह।</verse>
				<verse number="17">तोहरे व्यवस्था मँ लिखा अहइ कि दुइ मनइयन क साच्छी सच्ची होत ह।</verse>
				<verse number="18">मइँ आपन साच्छी खुदइ देत अहउँ अउ परमपिता, जउन मोका भेजे अहइ, मोरी ओर स साच्छी देत ह।”</verse>
				<verse number="19">इ सुनिके उ सब मनइयन ओसे कहेन, “तोहार परमपिता कहाँ अहइ?” ईसू जवाब दिहेस, “न तउ तू पचे मोका जानत अहा अउर न तउ मोरे परमपिता क। जदि तू मोका जानत होत्या, तउ मोरे परमपिता क जानि लेत्या।”</verse>
				<verse number="20">मंदिर मँ उपदेस देत भए जउन मनई भेंट पात्रन क पास रहेन, ओनसे इ बात ईसू कहेस। मुला कउनो ओका बन्दी नाहीं बनाएस, काहेकि ओकर समइ अबहीं नहीं रहा।</verse>
				<verse number="21">ईसू ओनसे एक बार फिन कहेस, “मइँ चला जाब अउर तू पचे मोका खोजब्या। मुला तू पचे अपने पापन क कारण मरि जाब्या। जहाँ मइँ जात अही तू पचे हुँवा नाहीं आइ सकत ह।”</verse>
				<verse number="22">फिन यहूदी कहइ लागेन, “का तू इ सोचत अहा। कि उ खुदकुसी करइवाला अहइ? काहेकि उ कहेस ह, ‘तू पचे हुवाँ नाहीं आइ सकत ह जहाँ मइँ जात अहउँ।’”</verse>
				<verse number="23">एह पइ ईसू ओनसे कहेस, “तू पचे नीचे क अहा अउर मइँ ऊपर स आवा हउँ, तू पचे संसारिक अहा अउर मइँ इ दुनिया मँ नाहीं हउँ।</verse>
				<verse number="24">इ बरे मइँ तू सबन स कहत हउँ तू पचे अपने पाप मँ मरि जाब्या। जब तू बिसवास नाहीं करत अहा कि उ मइँ अहउँ। तउ तू अपने पाप मँ मरि जाब्या।”</verse>
				<verse number="25">उ पचे ईसू स फिन पूछेन, “तू कउन अह्या?” ईसू ओनका जवाब दिहेस, “मइँ उहइ अहउँ, जइसे कि सुरूआत मँ मइँ तोहका बताए रहेउँ।</verse>
				<verse number="26">तू पचेन्क बतावइ क बरे अउर तू पचन क निआव करइ क मोरे पास बहुत कछू अहइ। मुला सच्ची बात इ अहइ कि सत्य उहइ अहइ जउन मोका भेजेस। मइँ उहइ बतावत अही जउन मइँ ओसे सुने अहउँ।”</verse>
				<verse number="27">उ पचे इ नाहीं जान पाएन्ह कि ईसू ओनका परमपिता क बाबत बतावत अहइ।</verse>
				<verse number="28">फिन ईसू ओनसे कहेस, “जब तू मनई क पूत क ऊँचा उठाय लेब्या तू जान लेब्या कि उ मइँ अहउँ। मइँ अपनी ओर स कछू नाहीं करत अहउँ। मइँ जउन करत अहउँ, इ उहइ अहइ जउन मोका परमपिता सिखाए अहइ</verse>
				<verse number="29">अउर उ जउऩ मोका इहाँ भेजेस, उ मोरे साथ अहइ। उ कबहूँ मोका अकेले नाहीं छोड़ेस, इ बरे कि मइँ उहइ कारज करित ह जइसा उ चाहत ह।”</verse>
				<verse number="30">ईसू जब इ बात बातवत रहा, तउ बहुत मनई ओकर बिसवासी होइ गएन।</verse>
				<verse number="31">ईसू ओन यहूदियन क बतावइ लाग, जउन ओहमाँ बिसवास करत रहेन, “जब तू पचे मोरे उपदेस प चलब्या तउ तू मोर सच्चा चेलन बन जाब्या।</verse>
				<verse number="32">अउर सच्चाई क जान लेब्या। अउर सच्चाई तोहका मुक्ति दइ देइ।”</verse>
				<verse number="33">इ सुनिके उ सबेन्ह ईसू स पूछेन, “हम सब इब्राहीम क खानदान क अही अउर हम सबे आज तक केहू क गुलामी नाहीं कीन्ह। फिन तू कइसे कहत अहा कि तू पचे छुटकारा पाइ जाब्या?”</verse>
				<verse number="34">ईसू ओनका इ जवाब दिहेस, “मइँ तोहसे सच्चाई का बखान करत अहउँ। जउन मनई पाप करत रहत ह, पाप क दास अहइ।</verse>
				<verse number="35">अउर कउनो दास परिवार के साथे नाहीं रहि सकत। केवल पूत हमेसा परिवार क साथे रहत ह।</verse>
				<verse number="36">इ बरे अगर पूत तोह सबन क छुटकारा देइ सकत ह, तउ तू पचे जरूर छुटकारा पाय जाब्या। मइँ जानत अहउँ तू इब्राहीम क खानदान क अह्या।</verse>
				<verse number="37">मुला तू पचे मोरा मारि डावइ क कोसिस करत अहा। काहेकि तू पचे मोरा उपदेस नाहीं मनत्या।</verse>
				<verse number="38">मइँ उहइ बतावत अहउँ, जउन मोर परमपिता मोका देखॉएस अउर तू उहइ करत अहा। जउन तोहार पिता तोहका करइ क बताएस ह।”</verse>
				<verse number="39">इ सुनिके उ पचे ईसू क जवाब दिहेन, “हमरे पिता इब्राहीम अहीं।” ईसू कहेस, “जब तू इब्राहीम क सन्तान होत्या, तउ तू उहइ कारज करत्या जउन कारज इब्राहीम करत रहा।</verse>
				<verse number="40">मुला तू पचे तउ मोर जइसे मनई का जउन परमेस्सर स सुनि सच्चाई का बतावत अहइ, मारि डावा चाहत अहा। इब्राहीम तउ अइसा कबहूँ नाहीं किहेस।</verse>
				<verse number="41">तू पचे अपने पिता क काम करत अहा।” फिन उ सबेन्ह ईसू स कहेन, “हम सबन उ सबइ गदेलन क तरह नाहीं जउन व्यभिचार क सरूप पइदा भएन ह। हमार केवल एक पिता अहइ, उ अहइ परमेस्सर।”</verse>
				<verse number="42">ईसू ओनका जवाब दिहेस, “जदि परमेस्सर तोहार पिता होतइ तउ तू पचे मोका पियार करत्या, काहेकि मइँ ही परमेस्सर क पास स आइ अहउँ। अउर अबहीं मइँ हियाँ अहउँ। मइँ अपने आप हियाँ नाहीं आइ बाटी, बल्कि मोका परमेस्सर भेजेस।</verse>
				<verse number="43">जउन कछू मइँ बतावत अहउँ ओका तू सबेन्ह काहे नाहीं समझत अहा? एकर कारण इ अहइ कि तू मोर उपदेस नाहीं स्वीकार करत अहा।</verse>
				<verse number="44">तू सबेन्ह अपने पिता सइतान क सन्तान अह्या अउर तू सबेन्ह अपने पिता क इच्छा प चलइ चाहत अहा। उ सुरूआतइ स एक हत्यारा रहा अउर सच्चाई क तरफदारी कबहूँ नाहीं करेस। काहेकि ओहमाँ सच्चाई क कउनो हिस्सा नाहीं रहा। जब उ झूठ बोलत ह तउ सहल भाव स बोलत ह, काहेकि उ झूठा अहइ अउर तमाम झूठ क पइदा करत ह।</verse>
				<verse number="45">“मुला मइँ सच्ची बात कहत अहउँ, तू सबेन्ह इ बरे मोहमाँ बिसवास नाहीं करत अहा।</verse>
				<verse number="46">तोहरे मँ स कउन अइसा मनई अहइ जउन मोरे ऊपर लगावा पाप सिद्ध कइ सकत ह। जदि मइँ सत्य कहत अहउँ तउ तू मोर बिसवास काहे बरे नाहीं करत अहा?</verse>
				<verse number="47">जउऩ मनई परमेस्सर क अहइ, परमेस्सर क वचन क सुनत ह। तू सबेन्ह मोर बात नाहीं सुनत अहा, इ बरे कि तू सबेन्ह परमेस्सर क नाहीं अह्या।”</verse>
				<verse number="48">ईसू क बात क जवाब मँ यहूदियन ईसू स कहेन, “का हमार सबेन्ह क इ बात सच्ची न अहइ कि तू सामरी अह्या अउर तोहरे ऊपर कउनो दुस्ट आतिमा सवार अहइ?”</verse>
				<verse number="49">ईसू जवाब दिहेस, “मोरे ऊपर कउनो दुस्ट आतिमा सवार नाहीं अहइ। मइँ तउ अपने परमपिता क आदर करित ह, मुला तू पचे मोर अपमान करत अहा।</verse>
				<verse number="50">मइँ आपन महिमा नाहीं चाहत अहउँ मुला एक ठु अइसा अहइ जउन मोर महिमा चाहत ह अउर निआव करत ह।</verse>
				<verse number="51">मइँ तोहका सच्ची बात कहत अहउँ कि जउन मनई मोरे उपदेस क अनुसरण करी उ मउत क कबहूँ न देखी।”</verse>
				<verse number="52">इ सुनिके यहूदियन ओसे कहेन, “अब हम पचे जानि गए कि तोहरे अन्दर कउनो दुस्ट आतिमा समाइ गइ अहइ। हियाँ तक कि इब्राहीम अउर नबी दुइनउँ मरि गएन मुला तू कहत अहा कि जउन मनई तोहार उपदेस प चली ओकर कबहूँ मउत न होई।</verse>
				<verse number="53">एहमाँ कउनो सक नाहीं अहइ कि तू मोरे पिता इब्राहीम स बड़ा नाहीं अहा जउऩ कि मर गवा। अउ नबियन क मउत होइ गइ। मुला तू पता नाहीं का सोचत अहा? तू अह्या के?”</verse>
				<verse number="54">ईसू जवाब दिहेस, “जदि मइँ अपनी महिमा क बखान करी, तउ ऊ मोर महिमा कछू न अहइ। जउन मोका महिमा देत ह, उ मोर परमपिता अहइ। जेकरे बारे मँ तू दावा करत अहा कि उ तोहार परमेस्सर अहइ।</verse>
				<verse number="55">तू पचे ओका कबहुँ नाहीं जनत्या। मुला मइँ ओका जानत अहउँ जब मइँ कहउँ कि मइँ भी ओका नाहीं जानत अहउँ तउ तोहरे सबेन्ह क तरह मइँ भी झूठा होइ जाब। मइँ ओका अच्छी तरह स जानित ही अउर जउन उ कहत ह ओका पालन करित ही।</verse>
				<verse number="56">तोहार पिता इब्राहीम इ जानिके कि उ अइसा दिन देखी जब मइँ आउब, तउ उ आनन्द स भरि भवा रहा: उ एका देखेस अउर बहुत खुस भवा।”</verse>
				<verse number="57">फिन यहूदियन ओसे कहेन, “तू अबहीं पचास बरिस क भी नाहीं अहा अउर तू इब्राहीम क लखि लिहा।”</verse>
				<verse number="58">ईसू एकरे जवाब मँ कहेस, “मइँ तोहका सत्य बतावत अहउँ कि इब्राहीम स पहले भी मइँ रह्यो, मइँ अहउँ।”</verse>
				<verse number="59">इ सुनिके उ सबेन्ह ईसू क मारइ क बरे बड़ा बड़ा पाथर उठाइ लिहन मुला ईसू लुकत छिपत मन्दिर स चला गवा।</verse>
			</chapter>
			<chapter number="9">
				<verse number="1">जब उ सबेनह जात रहेन तउ उ एक ठु पैदाइसी आँधर मनई क देखेस।</verse>
				<verse number="2">इ देखि क ईसू क चेलन ओसे पूछेन, “गुरू, इ मनई आँधर पैदा भवा ह मूला केकरे पाप क कारण उ आँधर भवा ह अपने पाप या अपने महतारी बाप क?”</verse>
				<verse number="3">ईसू जवाब दिहेस, “न तउ इ कउनो पाप करे अहइ अउर न एकर महतारी बाप कउनो पाप करे अहइँ। इ एह बरे आँधर पैदा भवा अहइ जइसे कि ऍका नीक कइके परमेस्सर क ताकत देखाई जा सकइ।</verse>
				<verse number="4">ओकर काम जउन मोका भेजे अहइ, दिन रहतइ कइ लेइ चाही, काहेकि जब रात होइ जाइ तउ कउनो काम नाहीं होइ पावत।</verse>
				<verse number="5">जब तलक मइँ इ दुनियाँ मँ अहइ तब तलक मइँ दुनिया क ज्योति अहउँ।”</verse>
				<verse number="6">ऍतना कहिके ईसू जमीन प थूकेस अउर ओसे थोरि क माटी सानेस ओका आँधर मनई क आँखी प मल दिहेस।</verse>
				<verse number="7">अउर ओसे कहेस, “जा अउर सीलोह क पोखरा मँ धोइ आवा।” (सीलोह क मतलब अहइ “भेजा भवा।”) अउर फिन उ आँधर जाइके आपन आँखी धोइ आवा। जब उ लौटा तउ ओका देखॅाइ देइ लाग।</verse>
				<verse number="8">फिन ओकर पड़ोसी अउर उ लोग जउऩ ओका भीख माँगत देखत रहेन, कहेन, “का इ उहइ मनई अहइ जउऩ बइठे-बइठे भीख माँगत रहा?”</verse>
				<verse number="9">कछू लोग कहेन, “इ उहइ अहइ।” दूसर लोग कहेन, “नाहीं, इ उ मनई न अहइ, उहइ क तरह देखॅात अहइ।” इ सुनिके आँधर मनई कहेस, “मइँ उहइ अहउँ।”</verse>
				<verse number="10">इ देखिके उ सबेन्ह ओसे पूछेस, “तोहका आँखी क प्रकास कइसन मिली?”</verse>
				<verse number="11">उ जवाब दिहेस, “ईसू नाउँ क एक मनई माटी सानके मोरी आँखी प मलेस अउ मोसे कहेस, जा अउर सीलोह मँ धोइ आवा अउर मइँ जाइके धोइ आएउँ। मोका उहइ वजह स आँखन क प्रकास मिल गवा।”</verse>
				<verse number="12">फिन उ सबेन्ह ओसे पूछेन, “उ कहाँ अहइ?” उ जवाब दिहेस, “मोका पता नाहीं अहइ।”</verse>
				<verse number="13">उ मनई जउन पहिले आँधर रहा, उ सबेन्ह ओका फरीसियन क पास लइ गएन।</verse>
				<verse number="14">जउने दिन ईसू, माटी सानके अँधरे क आँखी क प्रकास दिहे रहा। उ सबित क दिन रहा।</verse>
				<verse number="15">ऍह तरह फरीसियन ओसे एक बार फिन पूछइ लागेन, “उ अपने आँखिन क प्रकास कइसे पाएस?” उ बताएस, “उ मोरी आँखी प गीली माटी लेपेस अउर मोसे कहेस, जा धोइ ल्या, मइँ धोइ लीन्ह अउर अब देख सकित हउँ।”</verse>
				<verse number="16">कछू फरीसी कहइ लागेन, “इ मनई परमेस्सर क तरफ स न अहइ, एह बरे कि इ सबित क पालन नाहीं करत।” एक क सुनिके दूसर मनई बोलेन, “कउनो पापी मनई भला ऍतना अदूभुत कारजन कइसे कइ सकत ह?” इ तरह स ओनके बीच मँ आपस मँ मतभेत होइ लाग।</verse>
				<verse number="17">फिन यहूदी नेतन उ आँधर मनई स बोलेन, “ओकरे बाबत तू का कहत अहा? एह बरे कि तू जानत अहा कि उ तोका आँखी दिहे अहइ।” तब उ कहेस, “उ नबी अहइ।”</verse>
				<verse number="18">यहूदी नेतन ओह समइ तक ओकरे ऊपर बिसवास नाहीं करत रहेन, कि उ मनई आँधर रहा अउर ओकरे आँखिन का प्रकास मिल गवा। जब तक ओकरे महतारी बाप क बोलाइके</verse>
				<verse number="19">उ पचे इ नाहीं पूछ लिहेन कि, “का इ तोहार बेटवा अहइ जेकरे बारे मँ तू कहत अहा कि वह आँधर रहा। फिन इ कइसे होइ सकत ह कि अब उ देख सकत ह?”</verse>
				<verse number="20">इ सुनिके ओकर महतारी बाप जवाब देत कहेन, “हम जानित ह कि हमार बेटवा अहइ अउर हमार बेटवा पैदाइसी आँधर रहा।</verse>
				<verse number="21">मुला हम इ नाहीं जानित कि अब उ कइसे देख सकत ह अउर न तउ हम इ जानित थी कि एका आँखिन मँ प्रकास के दिहेस। अब इहइ स पूछा, इ काफी बड़ा होइ गवा अहइ। अपने बावत इ खुदइ बताय सकत ह।”</verse>
				<verse number="22">ओकर महतारी बाप इ बात इ बरे कहे रहेन कि उ यहूदी नेतन स डेरात रहेन। काहेकि उ पहिले स निस्चय कइ चुका रहेन कि जउन मनई ईसू क मसीह मानी तउ ओका आराधनालय स निकार दीन्ह जाई।</verse>
				<verse number="23">इ बरे ओकर महतारी बाप कहेन, “उ काफी बड़ा होइ गवा उहइ स पूछा।”</verse>
				<verse number="24">यहूदी नेतन उ मनई क जउऩ आँधऱ रहा दूसरी बार बोलाएन, अउर कहेन, “सही सही बोल, अउर जउन तू नीक होइ ग अहा ओकर महिमा परमेस्सर क द्या। हमका पता अहइ कि इ मनई पापी अहइ।”</verse>
				<verse number="25">इ सुनिके उ जवाब दिहेस, “मइँ इ नाहीं जानित कि उ पापी अहइ कि नाहीं, मइँ तउ इहइ जानित ह कि मइँ आँधर रहेउँ अउर अब मइँ देख सकित ह।”</verse>
				<verse number="26">इ सुनिके उ सबइ ओसे पूछेन, “उ तोहका का किहेस? उ तोहका कइसे आँखी दिहेस?”</verse>
				<verse number="27">उ मनई ओन सबेन्ह क जवाब दिहेस, “मइँ तउ तोहका बताय चुका अहउँ मुला तू मोर बात सुनतइ नाहीं अहा। तू फिन स काहे उहइ बात सुना चाहत अहा? का तू ओकर चेलन बना चाहत अहा?”</verse>
				<verse number="28">इहइ बात प उ पचे ओकर बेइज्जती करेन अउर कहेन, “तू ओकर चेला अहा अउर हम सबेन्ह मूसा क चेलन अही।</verse>
				<verse number="29">हम सब जानित ही कि परमेस्सर मूसा स बतियात रहा, मुला हम सबेन्ह इ नाहीं जानित कि इ मनई कहाँ स आइ बाटइ?”</verse>
				<verse number="30">एकर जवाब देत उ मनई ओनसे कहेस, “बड़ी अचरज की बात अहइ कि तू सबेन्ह इ नाहीं जानत अहा कि उ कहाँ स आइ बाटइ? मुला मोका आँखिन क प्रकास उहइ दिहेस।</verse>
				<verse number="31">हम पचे जानित ह कि परमेस्सर पापियन क नाहीं सुनत, उ तउ ओनकइ सुनत ह जउऩ समर्पित अहइँ अउर उहइ परमेस्सर क जउन इच्छा रहत ह, उहइ करत ह।</verse>
				<verse number="32">आज तलक इ कबहूँ सुना नाहीं ग रहा कि कउनो आँधरे मनई क कहूँ आँखी क प्रकास दिहे रहा। होइ।</verse>
				<verse number="33">जब मनई परमेस्सर क तरफ स नाहीं आइ अहइ तउ उ इ सब कछू नाहीं कइ सकत।”</verse>
				<verse number="34">ऍकरे जवाब मँ उ सबइ कहेन, “तू हमेसा स पापी रह्या, जब स तोहार जनम भवा। अउर आज तू हम सबका सिखावइ चला अहा?” इ कहिके यहूदी नेतन ओका धकियाइके बाहेर निकार दिहेन।</verse>
				<verse number="35">ईसू इ सुनेस कि यहूदी नेतन ओका धकियाइके बाहर निकार दिहेन तउ ओसे मिलके उ कहेस, “का तू मनई क पूत मँ बिसवास करत ह?”</verse>
				<verse number="36">एकरे जवाब मँ उ मनई बोला, “हे प्रर्भू, इ बतावा कि मनई क पूत कउन अहइ? इ बरे कि मइँ ओकरे मँ बिसवास करइ लागाऊँ!”</verse>
				<verse number="37">ईसू ओहसे कहेस, “तू ओका लखि चुका अह अउर उ उहइ मनई अहइ जेहसे तू इ समइ बात करत अहा।”</verse>
				<verse number="38">फिन उ कहेस, “पर्भू, मइँ बिसवास करित हउँ!” अउर उ फिन ओकरे सामने ओनके गोड़वा पइ गिर गवा।</verse>
				<verse number="39">ईसू कहेस, “मइँ इ दुनिया मँ निआव करइ क बरे आइ अहउँ, जइसे कि जउन देखि नाहीं सकत अहइँ, उ देखइ लागइँ अउर जउन देखत अहइँ, उ सबइ आँधर होइ जाइँ।”</verse>
				<verse number="40">कछू फरीसी जउन ईसू क साथे रहेन, इ सुनिके ईसू स कहेन, “हम सब जरूर आँधर नाहीं अही। का हम पचे आँधर अही?”</verse>
				<verse number="41">ईसू ओनसे कहेस, “जदि तू आँधर होत्या तउ तू पापी न होत्या मुला जइसे तू सबेन्ह कहत अहा कि देख सकत अहा, इ बरे तू सबेन्ह जरूर पापी अहा।”</verse>
			</chapter>
			<chapter number="10">
				<verse number="1">ईसू कहेस, “मइँ तोहसे सच्ची बात बतावत अहउँ कि जउऩ मनई भेड़िन क बाड़े मँ दरवाजा स न घुसिके कउनो अउर रस्ते स घुसत ह तउ, उ चोर अहइ, लुटेरा अहइ।</verse>
				<verse number="2">मुला जउन मनई दरवाजे स घुसत ह, उ भेड़िन क चरवाहा अहइ।</verse>
				<verse number="3">दरवाजे क रखवाला ओकरे बरे दरवाजा खोल देत ह, अउर भेड़न क ओकर आवाज सुनत हीं। अपनी भेड़िन क नाउँ लेइ लेइ पुकारत ह अउर ओऩका बाड़े स बाहर निकारत ह।</verse>
				<verse number="4">जब उ आपन सब भेड़ निकार लेत ह तउ ओऩके आगे-आगे चलत ह अउर भेड़िन सब ओका पिछुआय लेति हीं, काहेकि उ ओकर आवाज पहिचानात हीं।</verse>
				<verse number="5">भेड़ कबहूँ कउनो अजनबी मनई क नाहीं पिछुआय लेतिन। ओसे उ दूर भागत हीं, काहेकि उ अजनबी क आवाज नाहीं पहिचनतिन।”</verse>
				<verse number="6">ईसू नजीर देइके ओऩका सबका समझावा चाहत रहा, मुला ओन सबकी समझ मँ इ बात नाहीं आइ कि ईसू ओऩका बतावत अहइ।</verse>
				<verse number="7">तब ईसू ओनसे फिन कहेस, “मइँ तोहका सच्ची सच्ची बात बतावत अहउँ, कि भेड़िन क बरे दरवाजा मइँ अहउँ।</verse>
				<verse number="8">उ सबेन्ह जउन मोसे पहिले आइ रहेन, चोर अउर लुटेरा अहइँ। मुला भेड़िन ओनके बात नाहीं सुनिन।</verse>
				<verse number="9">मइँ दरवाजा अहउँ। जदि कउनो मोसे होइके भीतर घुसइ चाहत ह, तउ ओकर बचाव होइ, उ अन्दर जाइ सकत ह अउर बाहर जाइ सकत ह अउर ओका चारागाह मिल जाई।</verse>
				<verse number="10">चोर केवल चोरी करइ क बरे, कतल करइ क बरे अउर सत्यानास करइ क बरे आवत ह। मुला मइँ इ बरे आइ अहउँ कि सब मनई भरपूर जिन्नगी पाइ सकइँ।</verse>
				<verse number="11">“मइँ अच्छा चरवाहा अहउँ। नीक चरवाहा भेड़िन क बरे आपन जान तक देइ देत ह।</verse>
				<verse number="12">मुला जउन केराए क मजदूर होत ह, उ चरवाहा न होइ क कारण, भेड़िया क आवत देखिके भेड़िन क छाँड़िके भाग जात ह, काहेकि उ भेड़ ओकर तउ रहत नाहीं। भेड़िया ओनके ऊपर हमला कइके ओनका छितराय देत ह।</verse>
				<verse number="13">इ बरे भाग जात ह, काहेकि उ रोजमर्रा की मजूरी पर काम करत ह अउर ओका भेड़िन क गिन क कउनो परवाह नाहीं रहत।</verse>
				<verse number="14">“मइँ नीक चरवाहा अहउँ। आपन भेड़िन क मइँ जानित ह अउर मोर भेड़िन मोका वइसे जानत हीं, जइसे परमपिता मोका जानत ह अउ मइँ परमपिता क जानित ह। अपनी भेड़िन क बरे मइँ आपन जान दइ देइत हउँ।</verse>
				<verse number="15"></verse>
				<verse number="16">मोर अउर भेड़िन अहइँ जउन इ बाड़ा क न अहीं। मोका ओनहूँ क लियावइ क अहइ। ओनहूँ मोर आवाज सुनिहइँ अउर इहइ बाड़ा मँ आइके एकट्ठी होइ जइहीं। फिन एक भेड़िन क समूह क एक चरवाहा रही।</verse>
				<verse number="17">परमपिता मोसे इहइ बरे पिरेम करत ह काहेकि मइँ आपन जान देइ देइत ह। मइँ आपन जिन्नगी इ बरे दइ देइत ह जइसे मइँ एका फिन पाइ जाई। कउनो हमसे ऍका लइ नाहीं लेत</verse>
				<verse number="18">मइँ खुदइ अपनी इच्छा स ऍका दइ देइत ह। मोका ऍका फिन वापस लेइ क अधिकार भी अहइ। इ आदेस मोका परमपिता स मिला अहइ।”</verse>
				<verse number="19">एन सब्दन सुनिके यहूदियन मँ फिन स फूट पैदा होइ गइ।</verse>
				<verse number="20">बहुत इ कहइ लागेन, “इ तउ पगलाइ गवा अहइ। एकरे ऊपर कउनो बुरी दुस्ट आतिमा सवार अहइ। तू सबेन्ह काहे बरे एका सुनत अहा।”</verse>
				<verse number="21">दूसर कछू मनई कहइ लागेन, “इ सब्दन अइसे मनई क नाहीं होइ सकत जेकरे ऊपर दुस्ट आतिमा सवार होइ। कउनो दुस्ट आतिमा कबहूँ कउनो आँधर क आँखी नाहीं दइ सकत।”</verse>
				<verse number="22">फिन यरुसलेम मँ समर्पण क त्यौहार आइ गवा। जाड़ा का दिन रहा।</verse>
				<verse number="23">ईसू मन्दिर मँ सुलैमान क दलान मँ ठहरत रहा।</verse>
				<verse number="24">उहइ समइ यहूदियन ओका घेर लिहेन अउर कहेन, “तू हमका सबेन्ह का कब तलक परेसान करत रहब्या? जदि तू मसीह अह्या तउ साफ साफ बतावा।”</verse>
				<verse number="25">ईसू जवाब दिहेस, “मइँ तोहका बताइ चुका अहउँ अउर तू बिसवास नाहीं करत अहा। उ सबइ काम जउन मइँ पिता क नाउँ प करत अहउँ, खुदइ मोर साच्छी अहइँ।</verse>
				<verse number="26">मुला तू सबेन्ह बिसवास नाहीं करत अहा, काहेकि तू पचे मोरी भेड़िन मँ स न अह्या।</verse>
				<verse number="27">मोर भेड़ मोर आवाज पहिचानत ही अउर मइँ ओनका जानित अहउँ। उ सबइ मोरे पीछे पीछे चलत हीं अउर मइँ ओनका पहिचानित ह।</verse>
				<verse number="28">उ सबइ मोरे पीछे पीछे चलत थीं अउर मइँ ओनका अनन्त जीवन देइत ह। ओनकइ कबहूँ नास नाहीं होतइ, अउर न तउ केहू ओनका मोसे छीन पाई।</verse>
				<verse number="29">मोर परमपिता ओन सबन क दिहे अहइ, जउन सबसे महान अहइ। ओनका मोरे परमपिता स कउनो भी नाहीं छीन सकत।</verse>
				<verse number="30">मोर परमपिता अउर मइँ दुइनउँ एक अही।”</verse>
				<verse number="31">फिन यहूदियन ईसू क मारइ क बरे पाथर उठाइ लिहन।</verse>
				<verse number="32">ईसू ओनसे कहेस, “अपने परमपिता क तरफ स मइँ तू पचे क बहुत नीक नीक कारज देखाएउँ। ओहमाँ स कउने काम क एवज मँ तू सबेन्ह मोका पत्थर मारइ चाहत अहा?”</verse>
				<verse number="33">यहूदियन जवाब दिहेन, “हम पचे तोहरे ओन सभी नीक काम बरे पाथर नाहीं मारत अही, मुला इ बरे अइसा करत अही कि तू परमेस्सर क अपमान करे अहा अउर मनई होत भए खुदइ क परमेस्सर कहत अहा।”</verse>
				<verse number="34">ईसू जवाब दिहेस, “का इ तोहरे व्यवस्था मँ नाहीं लिखा अहइ, ‘मइँ कहेउँ कि तू सब जने परमेस्सर अह्या?’</verse>
				<verse number="35">का हियाँ परमेस्सर ओनका नाहीं कहा ग अहइ जेनका परमेस्सर क सन्देस मिल चुका बाटइ? (अउर पवित्तर सास्तर क बात काटी नाहीं जाइ सकत)</verse>
				<verse number="36">का तू परमेस्सर क अपमान करत अहा ओकरे बरे कहत अहा, जेका परमपिता इ दुनिया मँ अर्पण कइके भेजे अहइ, केवल इ बरे कि मइँ इ कहेउँ, ‘मइँ परमेस्सर क पूत अहउँ?’</verse>
				<verse number="37">जदि मइँ अपने परमपिता क कारज नाहीं करत अहउँ तउ मोर बिसवास जिन करा,</verse>
				<verse number="38">मुला जदि मइँ अपने परमपिता क कारज करत अहउँ, अउर तू मोर बिसवास नाहीं करत अहा, तउ मोरे कारण बिसवास करा जइसे कि तू इ जानि सका कि पिता मोरे अन्दर अहइ अउर मइँ अपने पिता मँ अहउँ।”</verse>
				<verse number="39">इ सुनि क यहूदी एक बार फिन ओका बन्दी बनावइ क कोसिस किहेन मुला ईसू ओनके हाथ स निकरि गवा।</verse>
				<verse number="40">ईसू फिन हुआँ स हट कर यरदन क दूसरे पार उ जगह चला गवा जहाँ प यूहन्ना बपतिस्मा देत रहा। ईसू हुवाँ ठहरा,</verse>
				<verse number="41">तमाम मनई ओकरे पास आएन अउर कहइ लगेन, “यूहन्ना कउनो अद्भुत कारज नाहीं करेस मुला इ मनई क बारे मँ जउऩ कछू कहे रहा, उ बिल्कुल सही निकरा।”</verse>
				<verse number="42">फिन हुवाँ तमाम मनई ईसू मँ बिसवास करइ लागेन।</verse>
			</chapter>
			<chapter number="11">
				<verse number="1">बैतनिय्याह क लाजर नाउँ क एक ठु मनई बीमार रहा। इ उहइ सहर रहा जहाँ प मरियम अउर ओकर बहिन मार्था रहत रहिन।</verse>
				<verse number="2">(मरियम उ स्त्री रही जउऩ पर्भू क ऊपर, इतर डाए रही अउर अपने मूँडे क बारे स ओकर गोड़ पोंछे रही। लाजर नाउँ क रोगी ओकर भाई रहा।)</verse>
				<verse number="3">इ बहिनियन ईसू क लगे समाचार भेजे रहिन, “पर्भू, जेहिका तू मया करत अहा उ बीमार अहइ।”</verse>
				<verse number="4">ईसू जब इ सुनेस तउ बोला, “इ बीमारी जान लेवा नाहीं अहइ। इ तउ परमेस्सर क महिमा परगट करइ क बरे अहइ। इहइ स परमेस्सर क पूत क महिमा मिली।”</verse>
				<verse number="5">(ईसू मार्था ओकर बहिन अउर लाजर क पियार करत रहा)</verse>
				<verse number="6">इ बरे जब उ सुनेस कि लाजर बीमार होइ गवा अहइ, तब जहाँ उ ठहरा रहा, हुवाँ दुइ दिन अउर रूक गवा।</verse>
				<verse number="7">फिन ईसू अपने चेलन स कहेस, “आवत जा हम सब यहूदिया लौटि चली।”</verse>
				<verse number="8">इ सुनिके ओकर चेलन कहेन, “गुरू कछू दिन पहेल यहूदी नेता तोहरे ऊपर पथराव करइ क कोसिस करे रहेन अउर तू फिन हुवाँ जात अहा?”</verse>
				<verse number="9">ईसू जवाब दिहेस, “का एक दिन मँ बारह घंटा नाहीं होतेन। जब कउनो मनई दिन क रोसनी मँ चलत ह तउ उ ठोकर नाहीं खात, काहेकि उ इ दुनिया क रोसनी क देखत ह।</verse>
				<verse number="10">मुला जदि कउनो रात मँ चलत ह तउ ठोकर खाइ क गिर जात ह, काहेकि रोसनी नाहीं रहत।”</verse>
				<verse number="11">उ फिन इ कहेस, “अउर ओनसे बोला, हमार मीत लाजर अबहीं सोवत अहइ मुला मइँ ओका जगावइ जात अहउँ।”</verse>
				<verse number="12">फिन ओकर चेलन ओसे कहेन, “पर्भू, जदि ओका नींद आइ ग अहइ तउ उ नीक होइ जाई।”</verse>
				<verse number="13">ईसू लाजर क मउत क बाबत बतावत रहा मुला ओकर चेलन सोचेन कि उ प्राकृतिक नींद क बारे मँ कहत बाटइ।</verse>
				<verse number="14">इ बरे ईसू ओनसे साफ साफ कहेस, “लाजर मरि गवा अहइ।</verse>
				<verse number="15">मइँ तोहरे बरे खुस अहउँ कि मइँ हुवाँ नाहीं रहेउँ। इ बरे कि अब तू पचे मोरे मँ बिसवास करि सकत ह। आवा अब हम ओकरे पास चली।”</verse>
				<verse number="16">फिन थोमा, जेका लोग दिदुमुस कहत रहेन, दूसरे चेलन स कहेस, “आवा हमहूँ सबइ पर्भू क पास चली जइसे कि हमहूँ सबे उहइ क साथे मर सकी।”</verse>
				<verse number="17">इ तरह स ईसू चला गवा अउर हुवाँ जाइके उ पाएस कि लाजर क कब्र मँ रखे चार दिन होइ चुका रहेन।</verse>
				<verse number="18">(बैतनिय्याह यरूसलेम स करीब तीन किलोमीटर दूर रहा।)</verse>
				<verse number="19">भाई क मउत पर मार्था अउर मरियम क तसल्ली दियावइ क बरे अउर तमाम यहूदी नेता आवा रहेन।</verse>
				<verse number="20">जब मार्था सुनेस कि ईसू आवा अहइ तउ उ ओसे मिलइ क बास्ते गइ। जबकि मरियम घरे मँ रूकी रही</verse>
				<verse number="21">हुआँ जाइके तब मार्था ईसू स कहेस, “पर्भू, जदि तू हियाँ होत्या तउ मोर भाई न मरत।</verse>
				<verse number="22">मुला मइँ जानत अहउँ कि तू अबहूँ अगर परमेस्सर स जउऩ कछू मँगब्या, उ तोहका देई।”</verse>
				<verse number="23">ईसू ओसे कहेस, “तोहार भाई जी उठी।”</verse>
				<verse number="24">मार्था ओसे कहेस, “मइँ जानित ह कि पुनरूत्थान क आखिरी दिन लोग जिवावा जइहीं।”</verse>
				<verse number="25">ईसू ओसे कहेस, “मइँ पुनरूत्थान अहउँ मइँ जीवन अहउँ जउऩ मनई मोहमाँ बिसवास करत ह, जी उठी।</verse>
				<verse number="26">अउर उ मनई जउन जियत ह अउर मोहमाँ बिसवास करत ह, कबहूँ न मरी। का तू ऍहमा बिसवास करति अहा?”</verse>
				<verse number="27">उ ईसू स बोली, “हाँ पर्भू, मइँ बिसवास करित ह कि तू मसीह अह्या, उहइ परमेस्सर क पूत, जउन इ दुनिया मँ आवइवाला रहा।”</verse>
				<verse number="28">फिन ऍतना कहिके उ हुवाँ स चली गइ अउर अपने बहन क अकेले मँ बोलाइके बोली, “गुरू हियाँ अहइ, अउर तोहका बोलावत अहइ।”</verse>
				<verse number="29">जब मरियम इ सुनेस तउ उ तुरन्त उठिके ओसे मिलइ क चलि दिहेस।</verse>
				<verse number="30">ईसू अबहुँ तलक गाँव मँ नाहीं आवा रहा। अबहीं उ उहइ जगह रहा जहाँ मार्था ओसे मिली रही।</verse>
				<verse number="31">फिन जउन यहूदी घरे प ओका तसल्ली देत रहेन, जब मरियम क झटपट उठिके जात देखेन तउ इ सोचेन कि उ कब्र प रोवइ क बरे जात अहइ, इ बरे उ पचे ओकरे पीछे चल दिहेन।</verse>
				<verse number="32">मरियम जब हुवाँ पहुँची, जहाँ ईसू रहा तउ ईसू क देखिके ओकरे गोड़े प गिर पड़ी अउर बोली, “पर्भू जदि तू हियाँ होत्या तउ मोर भाई न मरत।”</verse>
				<verse number="33">ईसू जब ओका अउर ओकरे साथ आए रहेन यहूदियन क रोअत चिल्लात देखेस तउ ओकर आतिमा तड़पइ अउर उ बहुत ब्याकुल होइ लाग। उ बहुत घबराइ गवा।</verse>
				<verse number="34">अउर बोला, “तू ओका कहाँ रखे अहा?” उ पचे ओसे बोलेन्ह, “पर्भू आवा अउर देखा।”</verse>
				<verse number="35">ईसू क फूटि फूटिके रोवइ लाग।</verse>
				<verse number="36">इ देखिके यहूदी कहइ लागेन, “देखा! इ लाजर क बहोत पियार करत ह!”</verse>
				<verse number="37">मुला ओहमाँ स कछू लोग कहेन, “इ मनई जउऩ आँधरे क आँखी दिहेस, का लाजर क मरइ स बचाइ नाहीं सकत?”</verse>
				<verse number="38">तउ ईसू अपने मन मँ एक दाई फिन विचलित होइ गवा अउर कब्र कइँती गवा। उ एक गुफा रही अउर ओकर दरवाजा एक ठु चटूटान स ढका रहा।</verse>
				<verse number="39">ईसू कहेस, “इ चटूटान क हटावा।” जउऩ मनई मरा रहा, ओकर बहिन मार्था कहेस, “पर्भू अब तलक तउ हुवाँ स गन्ध आवइ लाग, काहेकि ओका दफनाए चार दिन होइ गएन।”</verse>
				<verse number="40">ईसू ओसे कहेस, “का मइँ तोह कहे नाहीं कि जदि तू बिसवास करबू तउ परमेस्सर क महिमा का दर्सन पउबू।”</verse>
				<verse number="41">तउ उ पचे उ चट्टान क हटाय दिहेन। अउर ईसू आपन आँखी ऊपर उठाइके कहेस, “परमपिता, मइँ तोहार धन्यबाद करत अहउँ, इ बरे कि तू मोर सुनि लिहा।</verse>
				<verse number="42">मइँ जानित ह कि तू हमेसा मोर बात सुनि लेत ह मुला मइँ हियाँ चारिउँ तरफ इकट्ठा भीड़ स कहे अही जइसे लोग बिसवास कइ लेइ कि मोका तू भेजे अहा।”</verse>
				<verse number="43">इ कहिके उ बड़े जोर की आवाज दइके बोलाएस, “लाजर बाहर आइ जा!”</verse>
				<verse number="44">उ मनइ जउन मरि ग रहा, बाहर आइ गवा। ओकर हाथ गोड़ अबहुँ तक कफन स बंधा रहेन। ओकर मुँह कपरा स लिपटा रहा। ईसू ओऩ लोगन स कहेस, “एका खोल द्या अउर जाइ द्या।”</verse>
				<verse number="45">एकरे बाद मरियम क साथ आए यहूदियन मँ स तमाम ईसू क इ काम देखिके ओह प बिसवास करइ लागेन।</verse>
				<verse number="46">मुला ओहमाँ स कछू फरीसियन क लगे गएन अउर जउऩ कछू ईसू करे रहा, ओऩका बताएऩ।</verse>
				<verse number="47">फिन मुख्याजकन अउर फरीसियन यहूदी महासभा क बैठक बोलाएन अउर कहेन, “हमका सबेन्ह क अब का करइ चाही? इ मनई बहुत अद्भुत कारजन देखॅावत अहइ।</verse>
				<verse number="48">अगर हम पचे एका अइसे करइ देब तउ ओकरे ऊपर सब बिसवास करइ लगिहइँ अउर इ तरह स रोमी लोग हियाँ आइ जइहीं अउर हमरे मन्दिर क अउर हमरे देस क बरबाद कइ देई।”</verse>
				<verse number="49">मुला उ साल क मुख्ययाजक काइफा ओऩसे कहेस, “तू पचे कछू नाहीं जानत अह।</verse>
				<verse number="50">अउर तोहका सबेन्ह क इहउ समझ नाहीं अहइ कि इहइ करइ मँ तोहार फायदा अहइ, अपनी सारी जात क बचावइ क बरे सबके फायदे क बरे एक मनई क मारइ क होई।”</verse>
				<verse number="51">इ बात उ अपनी तरफ स नाहीं कहे रहा, मुला उ साल क मुख्ययाजक होइ क नाते इ भविस्सबाणी किहे रहा, कि ईसू यहूदी रास्ट्र क बरे मरइ जात अहइ,</verse>
				<verse number="52">केवल यहूदी रास्ट्र क बरे नाहीं बल्कि परमेस्सर क सन्तान क बरे जउन तितर-बितर अहइ ओनका इदट्ठा करइ क बदे।</verse>
				<verse number="53">इ तरह स उही दिन स उ पचे ईसू क मारइ क साजिस करइ लागेन।</verse>
				<verse number="54">ईसू फिन यहूदियन क बीच मँ खुलके नाहीं आवा अउर यरूसलेम छोड़के उ निरजन रेगिस्तान क लगे इफ्राईम सहर जाइके अपने चेलन क साथे रहइ लाग।</verse>
				<verse number="55">यहूदियन क फसह क त्यौहार आवइवाला रहा। तमाम मनई अपने अपने गाँव स यरूसलेम चला गएन, जइसे कि फ़सह क त्यौहार क पहले खुद क पवित्तर कइ लेइँ।</verse>
				<verse number="56">उ पचे ईसू क खोजत रहेन। इ बरे जदि उ सबेन्ह मन्दिर मँ खड़ा रहेन तउ आपस मँ एक दूसरे स पूछब, सुरू करेन्ह, “तू सबेन्ह का सोचत अहा, का उ इ त्यौहार मँ न आई?”</verse>
				<verse number="57">फिन मुख्ययाजकन अउर फरिसियन इ आदेस दिहेन कि कउनो क एकर पता लगावा जाइ कि क कउनो जानत ह कि ईसू कहाँ अहइ, तो उ बताइ देइ, जेहसे कि उ ओका बन्दी बनाइ सकइँ।</verse>
			</chapter>
			<chapter number="12">
				<verse number="1">फसह क त्यौहार क छ: दिन पहले ईसू बैतनिय्याह कइँती चल दिहेस। हुवाँ लाजर रहत रहा जेहिका ईसू मरे स जिआइ दिहे रहा।</verse>
				<verse number="2">हुवाँ ईसू क बरे उ पचे खाना बनवाएऩ। मार्था ओका खाना परोसेस। ईसू क साथे खाना खाइवालेन मँ लाजर सामिल रहा।</verse>
				<verse number="3">मरियम जटामॉसी स बनावा आधा आधा लीटर मँहगा इतर ईसू क पैर मँ लगाएस अउर अपने बालन स ओकर पैर पोंछेस। समूचा घर महकइ लाग।</verse>
				<verse number="4">ओकरे चेलन मँ एक यहूदा इस्करियोती रहा, जउन ओका धोखा देइवाला रहा, उ कहेस,</verse>
				<verse number="5">“इ इतर क 300 चाँदी क सिक्कन मँ बेच के गरीबन क पइसा काहे नाहीं दीन्ह गवा?”</verse>
				<verse number="6">ओका गरीबन क कउनो चिन्ता नाहीं रही, इ बरे उ अइसी बात नाहीं कहेस मुला उ खुदइ चोर रहा अउर रूपियन क थैली हमेसा ओकरे पास रहत रही। ओहमाँ जउन रुपिया डावा जात रहा, उ उहइ मँ स चोराइ लेत रहा।</verse>
				<verse number="7">तउ ईसू कहेस, “रहइ द्या। ओका छाँड़ि द्या। उ आज इ सब मोका गाड़े जाइ क तैइयारी क वास्ते करेस।</verse>
				<verse number="8">गरीब लोग तउ हमेसा तोहरे साथे रहिहीं मुला मइँ तोहरे साथे हमेसा न रहब।”</verse>
				<verse number="9">फसह क त्यौहार प आए यहूदियन क तमाम भीड़ क जब पता चला कि ईसू बैतनिय्याह मँ अहइ तउ ओसे मिलइ चल दिहेस। उ भीड़ केवल ईसू स मिलइ क बरे नाहीं आइ रही, मुला लाजर क देखइ क बरे आइ रही। लाजर क मरइ क बाद ईसू फिन जीवित कइ दिहेस रहा।</verse>
				<verse number="10">इही बरे मुख्ययाजकन लाजर क भी मारइ क तरकीब सोचइ लागेन।</verse>
				<verse number="11">काहेकि ओहि क कारण तमाम यहूदी जनता अपने अपने नेता क छोड़िके ईसू मँ बिसवास करइ लाग।</verse>
				<verse number="12">दूसरे दिन फ़सह क त्यौहार प आई भीड़ जब इ सुनेस कि ईसू यरूसलेम आवत अहइ तउ</verse>
				<verse number="13">लोग खजूर क टहनी लइके ओसे मिलइ चल पड़ेन। उ पचे गोहरावत रहेन, “‘होसन्ना! ‘धन्य अहइ उ जउन पर्भू क नाउँ स आवत ह!’ उ जउन इस्त्राएल क राजा अहइ।”</verse>
				<verse number="14">तब ईसू क एक गदहा मिला अउर उ ओकरे ऊपर चढ़ि लिहेस। जइसा कि पवित्तर सास्तर मँ लिखा अहइ:</verse>
				<verse number="15">“सिय्योन क पुत्री डेराअ जिन! देखा! तोहार राजा गदहे क बच्चा प बइठके आवत अहइ।”</verse>
				<verse number="16">पहिला तउ ओकर चेलन ओकरे व्यवहार क नाहीं समझ पाएन्ह लेकिन जब ईसू क महिमा परगट भइ तउ समुझ पाएन कि सास्तर मँ ओकरे बारे मँ सब बात लिखी रहिन अउर तमाम मनई क ओकरे बार मँ अइसा बरताब रहा।</verse>
				<verse number="17">ओकरे साथ जउन भीड़ रही, उ इ साच्छी दिहेस कि उ लाजर क कब्र स बोलाइके मरे स फिन जिआइ दिहेस।</verse>
				<verse number="18">तमाम लोग ओसे मिलइ क बरे इहइ बरे आइ रहेन काहेकि उ पचे सुने रहेन कि इ अद्भुत कारज करइवाला उहइ अहइ।</verse>
				<verse number="19">तउ फरीसी आपुस मँ कहइ लागेन, “सोचा तू सबेन्ह कछू नाहीं कइ पावत अहा अउर देखा पूरी दुनिया ओकरे पीछे पड़ गइ अहइ।”</verse>
				<verse number="20">फसह क त्यौहार प यरूसलेम मँ आराधना करइवालेन मँ कछू यूनानी रहेन।</verse>
				<verse number="21">उ सबेन्ह गलील मँ बैतसैदा क रहइवाले फिलिप्पुस क लगे गएन अउर ओसे विनती करत भए कहइ लागेन, “महासय, हम पचे ईसू क दर्सन करइ चाहत अही।” तउ फिलिप्पुस आइके अन्द्रियास स बाताएस।</verse>
				<verse number="22">फिन अन्द्रियास अउर फिलिप्पुस ईसू क पास आइके कहेन।</verse>
				<verse number="23">ईसू ओनका जवाब दिहेस, “मनई क पूत क महिमावान होइ क समइ आइ ग बाटइ।</verse>
				<verse number="24">मइँ तोहसे सही सही बतावत अहउँ कि जब तलक गोहूँ क एक दाना जमीन प गिरके मर नाहीं जात, तब तक उ एकइ रहत ह, मुला जब उ मरि जात ह तउ अनगिनत दानन क पइदा करि देत ह।</verse>
				<verse number="25">जेका आपन जिन्नगी पियारी अहइ उ ओका खोइ देइ, मुला जेका इ दुनिया मँ अपनी जिन्नगी स पिरेम नाहीं अहइ, उ ऍका अनन्त जीवन क वास्ते रखे रही।</verse>
				<verse number="26">जदि कउनो मोरी सेवा करत ह तउ जरूर मोर पाछा करत ह अउर जहाँ मइँ अही, हुवाँ मोर सेवक भी रही। जब कउनो मोर सेवा करत ह तउ परमपिता ओकर सम्मान करी।</verse>
				<verse number="27">“अब मोर जिअरा घबरात अहइ। मइँ का कहउँ, हे परमपिता, मोका दुःख क इ घड़ी स बचावा? मुला इहइ समइ क बरे तउ मइँ आइ अहउँ।</verse>
				<verse number="28">हे परमपिता, अपने नाम क महिमा दूया!” तउ आकासवाणी भइ, “मइँ एकर महिमा किए अहउँ अउर मइँ फिन ऍकर महिमा करब।”</verse>
				<verse number="29">तउ हुवाँ मौजूद भीड़ जउन एक सुने रहेन, कहइ लाग कि कउनो बादर गरजा बाटइ। दूसर इ कहइ लागेन, “कउनो सरगदूत ओसे बतिआन ह।”</verse>
				<verse number="30">ऍकरे जवाब मँ ईसू कहेस, “इ आकासबाणी मोरे बरे नाहीं भइ, इ तोहरे बरे भइ रही।</verse>
				<verse number="31">अब इ दुनिया क निआव क समइ आइ ग बाटइ। अब इ दुनिया क सासक (हियाँ प मतलब अहइ सइतान) क निकार दीन्ह जाई।</verse>
				<verse number="32">अउर जब मइँ धरती क ऊपर उठाइ लीन्ह जाबइ तउ फिन सब लोगन क अपनी ओर खींचब।”</verse>
				<verse number="33">उ इ बतावइ क बरे अइसा कहत रहा कि उ कइसी मउत मरइ जात अहइ।</verse>
				<verse number="34">इ सुनिके भीड़ ओका जवाब दिहेस, “हम पचे व्यवस्था क इ बात सुने अही कि मसीह हमेसा रही। इ बरे तू कइसे कहत अहा, ‘मनई क पूत क जरूर स ऊपर उठाइ लीन्ह जाई?’ इ ‘मनई क पूत कउन अहइ’?”</verse>
				<verse number="35">तउ ईसू ओनसे कहेस, “तोहरे बीच मँ ज्योति अबे कछू समइ अउर रही। जब तक ज्योति अहइ, चलत रहा, जइसे कि अँधियारा (पाप) तोहका घेर न लेइ, काहेकि जउन मनई अँधेरे मँ चलत ह, उ इ नाहीं जानत कि कहाँ जात अहइ।</verse>
				<verse number="36">जब तक ज्योति तोहरे लगे अहइ, ओहमाँ बिसवास बनाए रखा जइसे कि तू पचे ज्योति क सन्तान होइ सका।” ईसू इ कहिके कहूँ चला गवा अउर ओऩसे छिप गवा।</verse>
				<verse number="37">ईसू ओनके सबके सामने तमाम अद्भुत कारजन परगट किहेस मुला उ पचे ओकरे मँ बिसवास नाहीं किएन्ह</verse>
				<verse number="38">जइसे कि नबी यसायाह क कहब सही होइ सकइ, “पर्भू, मोरे संदेस प कउन बिसवास किहे अहइ? काहेकि ऊपर पर्भू क ताकत केह पइ परगट भइ अहइ?”</verse>
				<verse number="39">इहइ बरे उ सब बिसवास नाहीं कइ सकेन। काहेकि यसायाह फिन केह रहा,</verse>
				<verse number="40">“उ ओनकइ आँखी आँधर अउर ओनकइ हिरदइ कठोर बनाएस जइसे, उ पचे अपनी आँखी स देख न सकइँ अउर बुद्धि स समझ न पावइँ अउर मोरी कइँती न मुड़इँ, जइसे कि मइँ ओऩका चंगा न कइ पाई।”</verse>
				<verse number="41">यसायाह अइसा इ बरे कहे रहा, काहेकि उ ओकर महिमा देखे रहा अउर ओकरे बारे मँ बतियान भी रहा।</verse>
				<verse number="42">तबहूँ तमाम लोग अइसे रहेन, जेहिमाँ तमाम यहूदी नेतन रहेन जे ओहमाँ बिसवास किएन्ह। मुला फरीसियन क डर क मारे अपने बिस्वास क खुलासा नाहीं किएन्ह, नाहीं तउ ओनका सबेन्ह क पराथना क जगह स निकारि देइ क डर रहा।</verse>
				<verse number="43">ओनका सबेन्ह क मनई क दीन्ह सम्मान परमेस्सर क दीन्ह सम्मान स जियादा अच्छा लागत रहा।</verse>
				<verse number="44">ईसू बोलॉइके जोर स कहेस, “उ जउऩ मोरे मँ बिसवास करत ह, उ मोरे मँ नाहीं, बल्कि ओकरे मँ बिसवास करत ह जउन मोका भेजेस।</verse>
				<verse number="45">अउर जउऩ मनई मोका देखत ह, उ ओका देखत ह जउऩ मोका भेजेस।</verse>
				<verse number="46">मइँ दुनिया क रोसनी क तरीके स आवा जइसे कि जउऩ मनई मोरे मँ बिसवास करत ह, उ अँधिरे मँ न रहइ।</verse>
				<verse number="47">“जदि कउऩे मनई मोरे बात सही सुनिके ओका नाहीं मानत तबहुँ मइँ ओका अपराधी ठहरावइ क बरे नाहीं आइ अही, मइँ तउ दुनिया क उद्धार क वास्ते आइ अही।</verse>
				<verse number="48">जउन मनई मोका नाहीं मानत अउर हमरी बातन क नाहीं मानत, ओकरे बरे एक अहइ जउन ओकर निआव करी। उ उहइ अहइ, अपनी बातन स जेहिका मइँ उपदेस दीन्ह। आखिरी दिन उहइ ओकर निआव करी।</verse>
				<verse number="49">काहेकि मइँ अपनी तरफ क कछू नाहीं कहे अही, मइँ परमपिता (परमेस्सर) क आदेस क पालन करत अही, जउन मोका भेजेस, उ मोका बताए अहइ कि मइँ का उपदेस देइ।</verse>
				<verse number="50">अउर मइँ जानित ह कि ओकरे आदेस क मतलब अहइ अनन्त जीवन। इ बरे जउन मइँ बोलित हउँ, उहइ क ठीक उहइ अहइ जउन परमपिता मोसे कहे अहइ।”</verse>
			</chapter>
			<chapter number="13">
				<verse number="1">फसह क त्यौहार क पहिले ईसू देखेस कि इ दुनिया क छोड़इ अउर परमपिता क पास जाइ क ओकर समइ आइ गवा अहइ तउ इ दुनिया मँ जउन आपन रहेन अउर जेका उ पिरेम करत रहा, ओनके ऊपर उ बहुत जियादा पिरेम देखॉएस।</verse>
				<verse number="2">संझा क खाना खावा जात रहा। सइतान अब तलक समौन क बेटवा यहूदा इस्करियोती क मन मँ इ डाइ चुका रहा कि उ ईसू क धोखे स पकड़वाइ देइ।</verse>
				<verse number="3">ईसू इ जानत रहा कि परमपिता सब चीज ओकरे हाथन मँ सौंप दिहे अहइ अउर परमेस्सर स आवा बाटइ, अउर परमेस्सर क पास वापस जात अहइ।</verse>
				<verse number="4">इ बरे उ खाना छोड़के ठाढ़ होइ गवा। उ आपन ऊपर क सब कपरा उतार दिहेस अउर एक ठु अँगौछा अपने चारों तरफ लपेट लिहेस।</verse>
				<verse number="5">फिन एक ठु घड़ा मँ पानी भरेस अउर अपने चेलन क पाँव धोअइ लाग अउर जउन अँगौछा लपेटे रहा, उहइ स सबकइ पाँव पोंछइ लाग।</verse>
				<verse number="6">फिन जब उ समौन पतरस क लगे पहुँचा तउ पतरस ओसे कहेस, “पर्भू, का तू मोरे पाँव धोअइ आवत अहा?”</verse>
				<verse number="7">ऍकरे जवाब मँ ईसू कहेस, “अबहीं तू नाहीं जानत अहा कि मइँ का करत अही, बाद मँ तू जान जाब्या।”</verse>
				<verse number="8">परतस ओसे कहेस, “तू मोर पाँव कबहूँ नाहीं धोउब्या।” ईसू जवाब दिहेस, “जब तोहार पाँव मइँ न धोउब तउ तू मोरे लगे जगह नाहीं पाइ सकत्या।”</verse>
				<verse number="9">समौन पतरस ओसे कहेस, “पर्भू, तू मोर पाँव नाहीं मोर हाथ अउर मुँड़वा क भी धोइ द्या।”</verse>
				<verse number="10">ईसू ओसे कहेस, “जे नहाइ चुका अहइ, ओका पैर धोअइ क अलावा अउर कउनो चीज धोअइ क जरूरत नाहीं अहइ। उ तउ पूरी तरह साफ सुथरा होत ह। तू पचे साफ अहा, मुला सब जने नाहीं।”</verse>
				<verse number="11">उ ओका जानत रहा जउन ओका धोखा स पकड़वावइ चाहत रहा। इ बरे उ कहे रहा, “तोहरे मँ स सब पवित्तर नाहीं अहइँ।”</verse>
				<verse number="12">जब उ सबक पाँव (गोड़) धोइ लिहेस तउ फिन स आपन बाहरी कपड़ा पहिर लिहेस अउ, अपनी जगह प आइके बइठ गवा। अउर ओनसे बोला, “का तोहका मालूम अहइ कि मइँ तोहरे बरे का किहेउँ?</verse>
				<verse number="13">तू पचे मोका ‘गुरू’ अउर ‘पर्भू’ कहत ह, अउर ठीक कहत ह, काहेकि मइँ उहइ अही।</verse>
				<verse number="14">इ बरे जब मइँ पर्भू अउर गुरू होइके तोहार पचे का पाँव धोवा तउ तोहका सबेन्ह क एक दूसरे क पाँव धोवइ चाही। मइँ तोहरे सामने एक उदाहरण पेस करत अहउँ।</verse>
				<verse number="15">तू पचे दूसरे क साथ वइसे करा जइसे मइँ तोहरे साथ करत अही।</verse>
				<verse number="16">मइँ तोहका सच्ची बात बतावत अही कि दास मालिक स बड़ा नाहीं होत अउर संदेस देइवाला ओसे बड़ा नाहीं होत जउन ओका भेजेस।</verse>
				<verse number="17">जब तू पचे इ बात जानत अहा। अउ ओकर पालन करब्या तउ तू पचे सुखी रहब्या।</verse>
				<verse number="18">“मइँ तोहरे सबेन्ह क बारे मँ नाहीं कहत अहउँ। मइँ ओनका जानित ही जेनका मइँ चुने अहउँ। अउर इहउ कि यहूदा बिसवासघाति अहइ मुला मइँ इ बरे चुने अही जइसे कि पवित्तर सास्तर क बचन सही उतरइ, ‘उहइ जउन मोरे साथ रोटी खाएस, मोरे विरोध मँ होइ गवा।’</verse>
				<verse number="19">इ सब घट जाइ क पहले मइँ इ बरे बतावत अहउँ जइसे कि जब इ घटित होइ जाइ तउ तू पचे बिसवास करा कि उ मइँ अहउँ।</verse>
				<verse number="20">मइँ तोहका सही सही बतावत अहउँ कि उ जउन मोरे भेजा गवा क लइ लेत ह, उ मोका स्वीकार कर लेत ह, अउर जउन मोका स्वीकार कर लेत ह, ओका स्वीकार कर लेत ह, जे मोका भेजेस।”</verse>
				<verse number="21">इ कहे क बाद ईसू बहुत घबड़ाइ गवा अउर इ साच्छी दिहेस, “मइँ तोहसे सच्ची बात कहत अहउँ तोहरे मँ स एक ठु मनई धोखा दइके मोका पकड़वाई।”</verse>
				<verse number="22">तब ओकर चेलन एक दूसरे क देखइ लागेन। उ पचे इ तय नहीं कइ पावत रहेन कि उ केहिके बारे मँ बतावत अहइ।</verse>
				<verse number="23">ओकर एक चेला ईसू क लगे बइठा रहा। ईसू ओका बहुत चाहत रहा।</verse>
				<verse number="24">तउ समौन परतस ओका इसारा कइके पूछइ बरे कहेस कि ईसू केकरे बारे मँ बतावत अहइ।</verse>
				<verse number="25">ईसू क चहेता चेला ओकरी छाती प झुकके ओसे पूछेस, “पर्भू उ कउन अहइ?”</verse>
				<verse number="26">ईसू जवाब दिहेस, “रोटी क टुकड़ा कटोरा मँ बोर के जेका मइँ देब, उहइ उ अहइ।” फिन ईसू रोटी क टुकड़ा कटोरा मँ बोर के ओका उठाइके समौन क बेटवा यहूदा इरूकरियोती क दिहेस।</verse>
				<verse number="27">जइसे यहूदा रोटी क टुकड़ा लिहेस ओहमा सइतान समाइ गवा। फिन ईसू ओसे कहेस, “जउन तू करइ जात अहा, ओका जल्दी स कइ ल्या!”</verse>
				<verse number="28">मुला हुवाँ बइठे लोगन मँ स केहू नाहीं समझ पाएस कि ईसू ओसे अइसी बात काहे करत अहइ।</verse>
				<verse number="29">कछू सोचेन कि रूपियन क थैली यहूदा क लगे रहत ह, इ बरे ईसू ओसे कहत अहइ कि त्यौहार क बरे जरूरी सामान खरीद ल्या या इ कहत अहइ कि गरीबन क कछू दइ द्या।</verse>
				<verse number="30">इ बरे यहूदा रोटी क टुकड़ा लइ लिहेस अउर तुरन्त चला गवा। इ रात क समइ रहा।</verse>
				<verse number="31">ओकरे चला जाइ क बाद ईसू कहेस, “मनई क पूत अब महिमावान भवा अहइ। अउर ओसे परमेस्सर क महिमा भइ अहइ।</verse>
				<verse number="32">जदि ओसे परमेस्सर क महिमा भइ अहइ तउ परमेस्सर खुदइ स ओका महिमावान बनाई। अउर उ ओका जल्दी महिमा देइ।</verse>
				<verse number="33">“ऐ मोर चहेता बच्चो! मइँ तनिक देर अउर तोहरे साथ अहउँ। तू पचे मोका ढूँढ़िब्या अउर जइसे कि मइँ यहूदियन स कहे अहउँ, तू सबेन्ह हुवाँ नाहीं जाइ सकत्या, जहाँ मइँ जात अहउँ, वइसे मइँ तोहसे अब कहत अहउँ।</verse>
				<verse number="34">“मइँ तोहका सबेन्ह क एक नवा आदेस देत अहउँ कि तू सबेन्ह एक दूसरे स पिरेम करा। जइसे मइँ तोहसे सबेन्ह स पिरेम करेउँ ह, वइसे तू पचे एक दूसरे स पिरेम करा।</verse>
				<verse number="35">जब तू पचे एक दूसरे स पिरेम करब्या, तबहीं सब जानि पइहीं कि तू सबेन्ह मोर चेलन अह्या।”</verse>
				<verse number="36">समौन पतरस ओसे पूछेस, “पर्भू, तू कहाँ जात अहा?” ईसू जवाब दिहेस, “जहाँ मइँ जात हउँ, अब तू मोरे पाछे नाहीं आइ सकत्या, मुला तू बाद मँ मोरे पाछे अउब्या।”</verse>
				<verse number="37">पतरस ओसे पूछेस, “पर्भू, मइँ तोहरे पाछे काहे बरे नाहीं आइ सकत? मइँ तउ तोहरे बरे आपन जान तक दइ देब!”</verse>
				<verse number="38">ईसू जवाब दिहेस, “तू मोरे लिए आपन जान देब्या? मइँ तोहसे सच्ची बात कहत अहउँ कि जब तलक तू तीन दाई इन्कार न कइ देब्या तब तक एक मुर्गा बाँग न देई।”</verse>
			</chapter>
			<chapter number="14">
				<verse number="1">ईसू कहेस, “तू सबन्क परेसान न होइ चाही। परमेस्सर मँ बिसवास करा अउर मोरे मँ बिसवास बनाए रखा।</verse>
				<verse number="2">मोरे पिता क घरे मँ तमाम कमरा अहइँ। जदि अइसा न होत तउ मइँ तोहसे कहि देइत मइँ तोहरे सबेन्ह क बरे जगह बनावइ जात अहउँ।</verse>
				<verse number="3">अउर जदि मइँ हुवाँ जाई अउर तोहरे बरे जगह बनाईं तउ मइ फिन हिआँ आउब अउर अपने साथ तोहका सबेन्ह क हुवाँ लइ चलब जइसे कि तू पचे हुवाँ रहा, जहाँ मइँ रहब।</verse>
				<verse number="4">अउर जहाँ मइँ जात अहउँ हुवाँ क रास्ता तोहका पता अहइ।”</verse>
				<verse number="5">थोमा ओसे कहेस, “पर्भू, हम नाहीं जानत अही कि तू कहाँ जात अहा। फिन हुवाँ क रास्ता कइसे जान सकित ह?”</verse>
				<verse number="6">ईसू ओसे कहेस, “मइँ रस्ता अहउँ, सच्चाई अहउँ अउर जीवन अहउँ। मोरे बगैर कउनो परमपिता क लगे नाहीं आइ सकत।</verse>
				<verse number="7">जदि तू मोका जान लेत्या तउ तू परमपिता क जान लेत्या। अउर तू ओका जानत अहा अउर ओका देखि चुका अहा।”</verse>
				<verse number="8">फिलिप्पुस ओसे कहेस, “पर्भू हमका परमपिता क दर्सन कराइ द्या। हमका संतोस होइ जाई।”</verse>
				<verse number="9">ईसू ओसे केहस, “फिलिप्पुस मइँ ऍतने जियादा समइ स तोहरे साथ अहउँ अउर तू तबहूँ मोका नाहीं जानत अहा? जे मोका देख लिहेस, उ परमपिता क देख लिहेस। फिन तू कइसे कहत अहा, ‘हमका परमपिता क दर्सन कराइ द्या’</verse>
				<verse number="10">का तोहका इ बिसवास नाहीं अहइ कि मइँ परमपिता मँ अहउँ अउर परमपिता मोरे मँ अहइ? जउऩ बात मइँ तोहसे कहत अहउँ, अपनी तरफ स नाहीं कहत अहउँ। परमपिता जउऩ मोरे मँ रहत ह, आपन काम करत ह।</verse>
				<verse number="11">जदि मइँ कहत अहउँ कि मइँ परमपिता मँ अहउँ अउर परमपिता मोरे मँ अहइ, तउ मोर बिसवास करा अउर जदि नाहीं तउ उ अद्भुत कारजन क कारण बिसवास करा जउऩ मइँ किहेउँ ह।</verse>
				<verse number="12">“मइँ तोहसे सच्ची बात कहत अही, जउन मोरे मँ बिसवास करत ह, उहइ वइसे काम करत ह जइसे मइँ करित ह। उ तउ इ सब कामन स बड़ा काम करी। काहेकि मइँ परमपिता क पास जात अहउँ।</verse>
				<verse number="13">अउर मइँ उ सब कारज करबइ जउऩ तू पचे मोरे नाउँ स मँगब्या, जइसे कि पूत परमपिता क महिमा करइ।</verse>
				<verse number="14">जब तू हमसे मोरे नाउँ स कछू मँगब्या, ओका मइँ करबइ।</verse>
				<verse number="15">“जउ तू मोसे पिरेम करत होब्या, तउ हमरी आग्या क पालन करब्या।</verse>
				<verse number="16">मइँ परमपिता क पराथना करबइ अउर उ तोहका सबेन्ह का एक दूसर सहायक देइ जउन तोहरे साथे हमेसा रही।</verse>
				<verse number="17">एकर मतलब अहइ ‘सच्चाई क आतिमा’ जेहका दुनिया लेइ नाहीं पावत, काहेकि उ न तउ देखत ह अउर न तउ जानत ह। तू सबेन्ह ओका जानत ह, काहेकि उ आज तोहरे साथ रहत ह। अउर आगे तोहरेन मँ साथे रही।</verse>
				<verse number="18">“मइँ तोहका सबेन्ह क अनाथ न छोड़ब। मइँ तोहरे पास आवत अहउँ।</verse>
				<verse number="19">कछू देर क बाद दुनिया मोका अउर न देखी मुला तू पचे मोका देखब्या काहेकि मइँ जिअत अही अउर तू सबेन्ह जिअत रहब्या।</verse>
				<verse number="20">उहइ दिन तू सबेन्ह जानि पउब्या कि मइँ परमपिता मँ अहउँ, तू मोरे अन्दर अहा अउर मइँ तोहरे अन्दर।</verse>
				<verse number="21">जउन मनई मोर आदेसन क जानत हइ अउर ओनकइ पालन करत ह, मोसे पिरेम करत ह। जे मोका पिरेम करत ह ओका परमपिता पिरेम करी। मइँ भी उहइ क पिरेम करब अउर खुदइ क ओकरे ऊपर परगट करबइ।”</verse>
				<verse number="22">यहूदा (यहूदा इस्करियोती नाहीं) ओसे कहेस, “पर्भू, काहे बरे तू खुदइ क हमरे ऊपर परगट करा चाहत ह अउर दुनिया प नाहीं?”</verse>
				<verse number="23">ऍकरे जवाब मँ ईसू ओसे कहेस, “जउन मनई मोरे मँ पिरेम करत ह, उ मोरी बातन क मानत ह, अउर ओसे परमपिता पिरेम करी। मइँ अउर मोर परमपिता ओकरे पास आउब अउर उहइ क साथ रहबइ।</verse>
				<verse number="24">जउन मनई मोसे पिरेम नाहीं करत, उ मोर उपदेस क नाहीं मानत। मइँ जउन उपदेस तोहका देत अही, उ मोर न अहइ उ पिता क उपदेस अहइ, जउन मोका भेजेस।”</verse>
				<verse number="25">“इ सब बात मइँ तोहसे सबेन्ह स तबहीं बताए रहेउँ जब मइँ तोहरे साथ रहेउँ।</verse>
				<verse number="26">मुला उ सहायक (अर्थात पवित्तर आतिमा) जेहिका परमपिता मोरे नाउँ स भेजी, तोहका पचन्क सब कछू बताई। अउर जउन कछू मइँ तोहका पचन्क बताए अहउँ, ओका तोह पचे का याद कराई।”</verse>
				<verse number="27">“मइँ तोहरे बरे आपन सांति छोड़त अहउँ। मइँ तोहका पचन्क खुदइ आपन सांति देत अही। मुला मइँ ऍका वइसे नाहीं देत अहउँ, जइसे दुनिया देत ह। तोहरे मन क घबराइ क जरूरत नाहीं अहइ अउर न तउ ओका डेराइ चाही।</verse>
				<verse number="28">तू मोका कहत सुने अहा, ‘मइँ जात अहउँ अउर तोहरे लगे फिन आउब।’ जदि तू मोसे पिरेम करे होत्या तउ तू खुस होई जात्या, काहेकि मइँ परमपिता क लगे जात अहउँ। काहेकि परमपिता मोसे बड़ा अहइ।</verse>
				<verse number="29">अउर अबहीं इ सब घटित होइ क पहिले मइँ तोहका बताइ दिहे अही, जइसे कि जउ इ घटित होइ जाइ तउ तू पचे बिसवास कइ सका।</verse>
				<verse number="30">“अउर जियादा समइ अब मइँ तोहरे साथ बात न करिब इ बरे कि जगत क सासक आवत अहइ। मोरे ऊपर ओकर बस नाहीं चलत।</verse>
				<verse number="31">मुला इ सब बात इ बरे होत अहइँ जइसे कि दुनिया जान जाइ कि मइँ परमपिता स पिरेम करित ह। अउर परमपिता जइसी आग्या हमका दिहे अहइ, मइँ बइसे करत अही। “अबहीं उठा हम सबेन्ह हिआँ स चल देइ।”</verse>
			</chapter>
			<chapter number="15">
				<verse number="1">ईसू कहेस, “मइँ दाखलता अहउँ अउर मोर परमपिता देख रेख करइवाला माली अहइ।</verse>
				<verse number="2">मोरी उ साखा क पिता काट देत ह जउने मँ फर नाहीं लागत। जउने साखा मँ फर लागत ह, ओका उ छाँट लेत ह, जइसे कि ओहपे अउर जियादा फर लागइँ।</verse>
				<verse number="3">तू पचे मोरे उपदेस क सुने अहा, इ बरे पहिले स सुद्ध अहा।</verse>
				<verse number="4">तू मोरे मँ रहा अउर मइँ तोहरे मँ रहब। वइसेन जइसेन कि कउनो साखा जब तलक दाखलता मँ बनी नाहीं रहत, तब तलक अपने आप फरि नाहीं सकत, वइसेन, तू पचे तब तलक सफल नाहीं होइ सकत्या जब तलक मोरे मँ न रहब्या।</verse>
				<verse number="5">“उ दाखलता मइँ अहउँ अउर तू ओकर साखा अह्या। जे मोरे मँ रहत ह, अउर जेहमा मइँ रहित ह, उ बहुत फरत ह, काहेकि बिना मोरे तू कछू नाहीं कर सकत्या।</verse>
				<verse number="6">जदि कउनो मोरे मँ नाहीं रहत तउ उ टूटी साखा क तरह फेंक दीन्ह जात ह अउर सूख जात ह। फिन उ सूखी लकड़ियन क बटोररिके आगी मँ झोंक दीन्ह जात ह अउर ओनका जलाय दीन्ह जात ह।</verse>
				<verse number="7">जदि तू मोरे मँ रहब्या, अउर मोर उपदेस तोहरे मँ रही, तउ जउन कछू तू चाहत ह, ओका माँगा अउर उ तोहका मिल जाई।</verse>
				<verse number="8">इ मोरे परमपिता क महिमा होत ह कि तू बहुत सफल होइ जा अउर मोर चेलन बन जा।</verse>
				<verse number="9">“जइसे परमपिता मोसे पिरेम करे बाटइ, मइँ भी तोहसे बइसे पिरेम करे अही। मोरे पिरेम मँ बना रहा।</verse>
				<verse number="10">जदि तू मोरे आदेस क पालन करब्या तउ तू मोरे पिरेम मँ बना रहब्या। वइसे ही जइसे कि मइँ अपने पिता क आदेसन क पालन करत भए ओकरे पिरेम मँ बना रहित ह।</verse>
				<verse number="11">मइँ इ सब बात तू पचे स इ बरे बतावत अहइ जइसे कि मोर आनन्द तोहरे मँ बना रहइ अउर तोहार आनन्द पूरा होइ जाइ। इ मोर आदेस अहइ।</verse>
				<verse number="12">कि तू आपस मँ पिरेम करा, जइसे मइँ तू पचे स पिरेम करे अही।</verse>
				<verse number="13">बड़वार स बड़का पिरेम जउऩ कउनो मनई कइ सकत ह, उ अहइ अपने मीतन क बरे आपन प्रान निछावर कइ देब।</verse>
				<verse number="14">जउन आदेस तोहका मइँ देत अही, जदि तू ओन पइ चलत रहब्या तउ तू मोर मीत अह्या।</verse>
				<verse number="15">अबहिं स मइँ तू पचे क ‘दास’ न कहब, काहेकि कउनो दास इ नाहीं जानत कि ओकर मालिक क करत अहइ, मइँ तउ तोहका ‘मीत’ कहत अही। मइँ तू पचे क उ सब बात बताइ दीन्ह जउऩ मइँ अपने परमपिता स सुने रहेउँ।</verse>
				<verse number="16">“तू मोका नाहीं चुने रह्या, मइँ खुदइ तोहका चुने रहेउँ अउर इ निस्चय करे अही कि तू जा अउर सफल होइ जा। मइँ चाहित ह कि तोहका सफलता मिलइ, अउर मोरे नाउँ स जउन कछू तू चाहा परमपिता तोहका दई देइ।</verse>
				<verse number="17">मइँ तोहका इ आदेस देत अही कि तू एक दूसरे स पिरेम करा।</verse>
				<verse number="18">“जदि दुनिया तोहसे दूस्मनी करत ह तउ इ बात तू याद कइ ल्या कि तोहसे पहले हमसे दुस्मनी करत ह।</verse>
				<verse number="19">जदि तू दुनिया क होत्या तउ इ दुनिया तोहसे अपने क नाईं पिरेम करत मुला तू पचे दुनिया क न अह्या अउर इ बरे दुनिया तोहसे दुस्मनी करत ह।</verse>
				<verse number="20">“मोर बचन याद रखा कि एक दास अपने मालिक स बड़ा नाहीं होत। इ बरे जदि उ सबेन्ह मोका कस्ट पहुँचाए अहइँ अउर सतावत अहइँ तउ उ पचे तोहका भी सतइहीं। अउर जदि उ मोर बातन मनिहइँ तउ तोहार बातन भी मनिहइँ।</verse>
				<verse number="21">मुला उ सबेन्ह मोरे कारण तोहरे सबेन्ह क साथ उ सब कछू करिहइँ, काहेकि उ ओका नाहीं जानत अहइ जे मोका भेजेस।</verse>
				<verse number="22">जदी मइँ न आइत अउर ओसे बात न करित, तउ उ सबेन्ह कउनो पाप क दोखी न होतेन। मुला अब ओनके पास अपने पाप स बचइ क कउनो बहाना नाहीं अहइ।</verse>
				<verse number="23">“जउन मनई हमसे दुस्मनी ठान लेत ह, उ परमपिता स दुस्मनी करत ह।</verse>
				<verse number="24">जदि मइँ ओनके बीच मँ काम न करित, जउऩ कि कबहूँ कउनो मनई नाहीं करे रहा, तउ उ सबेन्ह पाप क दोखी न रहतेन, मुला अब जब उ पचे देख चुका अहइँ, तबहूँ मोसे अउर परमपिता स दुस्मनी रखे अहइँ।</verse>
				<verse number="25">मुला इ एह बरे भवा कि ओनके व्यवस्था मँ जउन लिखा अहइ, उ खरा उतरइ। ‘उ पचे बेकार मँ हमसे बैर करेन्ह।’</verse>
				<verse number="26">“जब उ सहायक जउन सत्य क आतिमा बाटइ अउर पिता क तरफ स आइ बा, तोहरे पास आई, जेका मइँ परमपिता क तरफ स भेजब, उ हमरी तरफ स साच्छी देई।</verse>
				<verse number="27">अउर तूहूँ साच्छी देब्या, काहेकि तू सुरूआतइ स मोरे साथ अहा।</verse>
			</chapter>
			<chapter number="16">
				<verse number="1">“इ सब बात मइँ तोहसे इ बरे बतावत अही कि तोहार बिसवास डगमगाय न जाइ।</verse>
				<verse number="2">उ पचे तोहका सबन्क आराधनालय स निकार देइहीं सही-सही तउ उ समइ आवइवाला अहइ जब तोहरे मँ स कउनो क मारके हर एक इहइ सोची कि उ परमेस्सर क सेवा करत अहइ।</verse>
				<verse number="3">उ सबेन्ह अइसा इ बरे करिहइँ, काहेकि उ न तउ परमपिता क जानत हीं अउर न तउ मोका।</verse>
				<verse number="4">मुला मइँ तोहसे इ सब इ बरे कहत अही जइसे कि जब ओनकइ समइ आइ जाइ तउ तोहका इ याद रहइ कि मइँ ओनके बाबत तोहका बताए रहे जब मइँ तोहरे साथ रहेउँ। “सुरआत मँ इ सब बात मइँ तोहका नाहीं बताए रहेउँ, काहेकि मइँ तोहरे साथ रहेउँ।</verse>
				<verse number="5">मुला अब मइँ ओकरे पास जात अही, जे मोका भेजेस अउर तोहरे बीच स कउनो मोसे इ न पूछी, ‘तू कहाँ जात अहा?’</verse>
				<verse number="6">काहेकि मइँ इ बात बताइ दिहे अही, तोहार दिल दुःखी होइ गवा अहइ।</verse>
				<verse number="7">मुला मइँ तोहसे सच्ची सच्ची कहत अही कि एहमाँ तोहरा भलाई अहइ कि मइँ जात अही। काहेकि जदि मइँ न जाउँ तउ सहायक तोहरे पास न आई। जदि मइँ हियाँ स चला जाब तउ मइँ ओका तोहरे पास भेजब।</verse>
				<verse number="8">“अउर जब उ आइ तउ पाप, धार्मिकता अउर निआव क बावत दुनिया क सक दूर करी।</verse>
				<verse number="9">पाप क बावत इ बरे कि उ पचे मोर मँ बिसवास नाहीं करतेन।</verse>
				<verse number="10">धार्मिकता क बावत इ बरे कि अब मइँ परमपिता क पास जात अही। अउर तू सबेन्ह अब अउर जियादा समइ तक मोका न देखब्या।</verse>
				<verse number="11">निआव क बावत, इ बरे कि इ जगत क सासक क अपराधी ठहरावा ग अहइ।</verse>
				<verse number="12">“मोका तोहसे अबहिं तमाम बात बतावइ क अहइ, मुला तू सबेन्ह ओका सह न पउब्या।</verse>
				<verse number="13">मुला जब सच्चाई क आतिमा आई तउ उ तोहका पूरी सच्चाई क राह देखाई काहेकि उ अपनी तरफ स कछू न कही। उ जउन कछू सुनी उहइ बताई। अउर जउन कछू होइवाला अहइ, ओका उजागर करी।</verse>
				<verse number="14">उ मोर महिमा करी, काहेकि जउन मोर अहइ, ओका लइके उ तोहका बताई।</verse>
				<verse number="15">हर चीज जउन परमपिता क अहइ, उ मोर अहइ। इहइ बरे मइँ बताए अहउँ, जउन कछू मोर अहइ, ओका उ लइ लेई अउर तोहका बताई।</verse>
				<verse number="16">“थोड़े समइ क बाद तू पचे मोका अउर नाहीं देख पउब्या। अउर कछू समइ क बाद तू सबेन्ह मोका फिन देखब्या।”</verse>
				<verse number="17">तउ ओके चेलन आपस मँ कहेन, “इ कावा जउन उ मोका बतावत अहइ, ‘तनिक देर क बाद मोका न देख पउब्या अउर तनिक देर क बाद तू पचे फिन मोका देखब्या?’ अउर ‘मइँ परमपिता क पास जात अहउँ?’</verse>
				<verse number="18">फिन उ पचे कहइ लागेन, “इ ‘तनिक’ देर क बाद का मतलब अहइ? जेकरे बावत उ बतावत अहइ? उ का कहत अहइ, हम समझ नाहीं पावत अही।”</verse>
				<verse number="19">ईसू इ समझ गवा कि उ पचे कछू पूछा चाहत अहइँ। इ बरे ईसू ओसे कहेस, “का तू पचे जउन मइँ कहेउँ उहइ पर सोच विचार करत अहा, ‘थोड़ा समइ क पाछे तू मोका अउर जियादा न देख पउब्या अउर फिन थोड़े समइ क बाद तू मोका देखब्या?’</verse>
				<verse number="20">मइँ तोहका सही बतावत अहउँ, तू सबइ रोउब्या अउर सोक पउब्या मुला इ दुनिया खुस होई। तोहका दुःख होई मुला तोहार दुःख आनन्द मँ बदल जाई।</verse>
				<verse number="21">“जब कउनो स्त्री बच्चा पइदा करत ह तउ ओका बड़ी तकलीफ होत ह, काहकि उ दरद क समइ रहत ह। मुला जब उ बच्चा पइदा कइ चुकत ह तउ उ इनता आनन्द होत ह कि एक ठु इन्सान इ दुनिया मँ पइदा भवा अहइ अउर आपन सब दुःख भूल जात ह।</verse>
				<verse number="22">इ बरे तू पचे इ समइ वइसे दुःख अहा, मुला जब मइँ तोहसे फिन मिलबइ तउ तोहार दिल मँ आनन्द होई। अउर तोहार आनन्द तोहरे कउनो भी छीन न पाई।</verse>
				<verse number="23">उ दिन तू पचे हमसे कउनो चीज न पूछ्या। मइँ तोहसे सच्ची बात बतावत अही, मोरे नाम स परमपिता स जउन कछू तू पचे मँगब्या, उ ओका तोहका दइ देई।</verse>
				<verse number="24">अब तक मोरे नाउँ स तू पचे कछू नाहीं मांगे अहा। मांगा, तोहका जरूर मिली। ताकि तोहका भरपूर आनन्द मिलइ।</verse>
				<verse number="25">“इ सब बातिन क मइँ उदाहरण दइके बताए अहेउँ अब उ समइ आवत अहइ जब मइँ तोहसे उदाहरण दइके बात न कर पाउब मुला परमपिता क बावत खुलके तोहसे बतियाब।</verse>
				<verse number="26">उ दिन तू मोरे नाउँ स मँगब्या अउर मइँ तोहसे इ नाहीं कहत अहउँ कि मइँ तोहरे तरफ स परमपिता स पराथना करब।</verse>
				<verse number="27">परमपिता खुदइ तोहरे पिरेम करत ह, काहेकि तू मोसे पिरेम करत ह। अउर यह मान लिहा कि मइँ परमेस्सर स आवा अहउँ।</verse>
				<verse number="28">मइँ परमपिता स परगट भएउँ अउर इ दुनिया मँ आएउँ। अउर अब मइँ इ दुनिया क छोड़के परमपिता क पास जात अही।”</verse>
				<verse number="29">ओकर चेलन कहेन, “देखा अब तू हम पचन क बिना कउनो दिस्टान्त क खोलके बतावत अहा। जउन कठिन सब्द अहइँ ओनका तू नाहीं बइपरत अहा।</verse>
				<verse number="30">अब हम पचे समझ ग अही की तू सब कछू जानत अहा। अब तू नाहीं चाहत अहा कि केहू कउनो प्रस्न पूछइ एसे हमका सबन्ह क बिसवास होइ ग अहइ कि तू परमेस्सर स परगट भवा अहा।”</verse>
				<verse number="31">ईसू ओनसे कहेस, “का तोहका अब इ बिसवास भवा अहइ?</verse>
				<verse number="32">सुना, अब समइ आवत अहइ, हिआँ तक कि आइ ग अहइ, जबहिं तू पचे सब तितर बितर होइ जाब्या अउर तोहरे मँ स सब कउनो अपने अपने घरे चला जाब्या अउर मोका अकेले छोड़ देब्या, मुला मइँ अकेले नाहीं अही, काहेके परमपिता मोरे साथ अहइ।</verse>
				<verse number="33">“इ सब बातन मइँ तोहसे इ बरे बतावत कहेउँ जइसे कि मइँ तोहका सान्ति दइ सकउँ। इ दूनिया तोहका कस्ट देत ह, सतावत ह, मुला हिम्मत रखा, मइँ दुनिया जीत लिहे अही!”</verse>
			</chapter>
			<chapter number="17">
				<verse number="1">इ सब बातन कहिके ईसू अकास कइँती निहारेस अउर बोला, “हे परमपिता, उ घड़ी आइ पहुँची अहइ, अपने पूत क महिमा द्या ताकि तोहार पूत तोहार महिमा करि सकइ।</verse>
				<verse number="2">तू ओका समूची मानव जाति प अधिकार दिहे अहा कि उ सबका हर एक मनई क जेका तू ओका दिहे अहा, अनन्त जीवन देइ।</verse>
				<verse number="3">अनन्त जीवन इ अहइ कि उ सबेन्ह तोहमँ एक ही सच्चा परमेस्सर अउर ईसू मसीह, जेका तू भेजे अहा, जानि सकइँ।</verse>
				<verse number="4">जउन काम तू मोका सौपे रह्या, ओनका पूरा कइके दुनिया मँ मइँ तोहका महिमावान करे अही।</verse>
				<verse number="5">इ बरे अब तू अपने साथ मोहूँ क महिमावान करा। हे परमपिता, उहइ महिमा मोका द्या जउऩ दुनिया स पहले तोहरे साथ मोका मिली रही।</verse>
				<verse number="6">“दुनिया स जउऩ मनइयन क तू मोका दिए अहा, मइँ ओनका तोहरे नाउँ क बोध कराएउँ। उ पचे लोग्ग तोहार रहेन, मुला तू ओनका मोका दिहा अउर उ सबेन्ह तोहरी आग्या क मानेन।</verse>
				<verse number="7">अब उ पचे जानत अहइँ कि उ चीज जउन तू मोका दिए अहा, उ तू ही स पइदा होत ह।</verse>
				<verse number="8">मइँ ओनका उहइ उपदेस दिए अही जउन तू मोका दिए रह्या अउर उ सबेन्ह ओका स्वीकार कइ लिहेन्ह। उ सबेन्ह अच्छी तरह बिसवास करत हीं कि तू मोका पठए अहा।</verse>
				<verse number="9">मइँ ओनके बरे पराथना करत अही। मइँ दुनिया क बरे पराथना नाहीं करत अही, मइँ तउ ओनही क बरे पराथना करत अही, जेका तू मोका दिए अहइ, काहेकि उ सबइ तोहार अहइँ।</verse>
				<verse number="10">सब चिज जउन कछू मोरी अहइँ, उ तोहार अहइँ, अउर जउन तोहार अहइँ, उ मोर अहइँ। अउर मइँ ओनही स महिमा पाए अही।</verse>
				<verse number="11">“मइँ अउर जियादा समइ तलक दुनिया मँ न रहब मुला उ पचे दुनिया मँ अहइँ, अउर मइँ तोहरे पास आवत अही। हे पवित्तर परमपिता अपने उ नाउँ क ताकत स ओनकइ रच्छा करा, जउन तू मोका दिए अहा ताकि मइँ अउर तू एक अहीं, वइसे ओनहू पचे एक होइ जाइँ।</verse>
				<verse number="12">जब मइँ ओनके साथ रहेउँ मइँ तोहरे नाउँ क ताकत स ओनकइ रच्छा कीन्ह, जउन तू मोका दिए रह्या। मइँ रच्छा कीन्ह अउर ओनके मँ स कउनो क नास नाहीं भवा, ओका छोड़के जउने क बिनास क पूत रहा, ताकि पवित्तर सास्तर क बात सच होइ सकइ।</verse>
				<verse number="13">“अब मइँ तोहरे लगे आवत अही, मुला इ सब बात मइँ दुनिया मँ रहि क कहत अही जइसे कि उ सबेन्ह अपने दिलन मँ मोर पूरा आनन्द पाइ सकइँ।</verse>
				<verse number="14">मइँ तोहार बात ओनसे बताइ दिए अही, मुला दुनिया ओनसे नफरत करेस काहेकि उ पचे संसारिक नाहीं अहइँ। वइसेन जइसेन कि मइँ दुनिया क न अही।</verse>
				<verse number="15">“मइँ इ पराथना नाहीं करत अही कि तू ओनका दुनिया स निकार द्या, मुला इ बरे कि तू दुस्ट आतिमा स ओनकर रच्छा करा।</verse>
				<verse number="16">उ पचे दुनिया क न अहीं जइसे कि मइँ दुनिया क न अही।</verse>
				<verse number="17">सच्चाई क जरिए तू ओनका सबेन्ह अपने सेवा मँ लगाइ द्या। तोहार बचन सच्चा अहइ।</verse>
				<verse number="18">जइसेन तू मोका दुनिया मँ भेजे अहा, वइसेन मइँ ओनका इ दुनिया मँ भेजे अही।</verse>
				<verse number="19">मइँ ओनके बरे खुदइ क तोहरी सेवा मँ लगावत अही, जइसे कि ओनहू पचे सच्चाई क जरिए खुद क तोहरी सेवा मँ लगाइ सकइँ।</verse>
				<verse number="20">“मुला मइँ केवल ओनही क बरे पराथना नाहीं करत अही, मुला ओनके बरे पराथना करत अही जउन एनके उपदेस स मोरे मँ बिसवास करिहीं।</verse>
				<verse number="21">उ सबेन्ह एक होइ जाइँ। वइसे जइसे हे परमपिता तू मोरे मँ अहा अउर मइँ तोहरे मँ अही। उ पचे मोरे सबके साथ एक होइ जाइँ। जइसे दुनिया बिसवास कर सकइ कि मोका तू भेजे अहा।</verse>
				<verse number="22">महिमा जउन तू मोका दिए अहा, मइँ ओनका दिए अही, जइसे ओनहू पचे एक होइ सकइँ, जइसे तू अउर मइँ एक अही।</verse>
				<verse number="23">मइँ ओनके मँ रही अउर तू मोरे मँ रहब्या, जइसे कि उ पचे पूरी तरह एक होइ जाइँ अउर इ दुनिया जान जाइ कि मोका तू भेजे अहा अउर तू ओनका वइसेन पिरेम करे अहा जेनता तू मोसे पिरेम करत ह।</verse>
				<verse number="24">“हे परमपिता, जेनका तू मोका सौपे अहा, मइँ चाहित ही कि मइँ रहउँ, उ पचे मोरे साथ ओनहू रहइँ जइसे कि ओनहू पचे मोर उ महिमा देख सकइँ जउन तू मोका दिहे अहा। इ दुनिया क रचना क पहलेन स तू मोका पिरेम करे अहा।</verse>
				<verse number="25">हे धार्मिक परमपिता, इ दुनिया तोहका नाहीं जानत मुला मइँ तोहका जानित ही अउर मोर चेलन जानत हीं कि मोका तू भेजे अहा।</verse>
				<verse number="26">मइँ ओनका तोहरे नाउँ क अकेले जानकारी नाहीं दिए अही, मइँ इ बात क जानकारी देत रहब जइसे कि जउन पिरेम पू मोसे करत ह ओनहू स करा। अउर मइँ खुदइ ओनही मँ स एक रहउँ।”</verse>
			</chapter>
			<chapter number="18">
				<verse number="1">इ कहिकि ईसू अपने चेलन क साथ छोटी नदी किद्रोन क पास जहाँ एक बगीचा रहा, चला गवा।</verse>
				<verse number="2">धोखे स ओका पकड़वावइवाला यहूदा उ जगह क जानत रहा, काहेकि ईसू जियादातर उहइ जगह प अपने चेलन स मिलत रहा।</verse>
				<verse number="3">इ बरे यहूदा रोमी सिपाहिअन क एक टुकड़ी अउर मुख्य याजकन अउर परीसियन क पठएस। मनइयन अउर मन्दिर क पहरेदारन क साथ लइके मसाल, दिया अउर हथिआर लइके, हुवाँ पहुँच गवा।</verse>
				<verse number="4">फिन ईसू जउन सब कछू जानत रहा कि ओकरे साथ का होइ जात अहइ, आगे आवा अउर ओनसे कहेस, “तू पचे केका खोजत अहा?”</verse>
				<verse number="5">उ पचे ओका जवाब दिहेन, “ईसू नासरी क।” ईसू ओनसे कहेस, “उ तउ मइँ अही।” (उ धोखे स पकड़वावइला यहूदी हुवइँ ओनके साथ खड़ा रहा।)</verse>
				<verse number="6">जब उ कहेस, “उ मइँ अहउँ।” तउ उ सबेन्ह पाछे हटेन अउर भुइँया पइ गिर पड़ेन।</verse>
				<verse number="7">इ देखके ईसू फिन एक बार पूछेस, “तू सबेन्ह केका खोजन अहा?” उ बोलन, “ईसू नासरी क।”</verse>
				<verse number="8">ईसू जवाब दिहेस, “मइँ तोहसे कहउँ, उ मइँ अहउँ। जदि तू मोका ढूँढ़त अहा तउ एनका सबेन्ह क जाइ द्या।”</verse>
				<verse number="9">अइसा ईसू इ बरे कहेस, जइसे कि ओकर कही बात सच होइ सकइ, “मइँ ओहमाँ स कउनो क नाहीं खोवा, जेका तू मोका सौंपे रह्या।”</verse>
				<verse number="10">फिन समौन पतरस जेकरे हाथे मँ तरवार रही, आपन तरवार निकारेस अउर मुख्ययाजक क दास क दाहिना कान काटिके ओका घायल कइ दिहेस (उ दास क नाउँ मलखुस रहा)</verse>
				<verse number="11">फिन ईसू पतरस कहेस, “आपन तरवार मिआन मँ धइ ल्या। का मइँ यातना क कटोरा न पी लेई जउन परमपिता मोका दिहे अहइ?”</verse>
				<verse number="12">फिन रोमी टुकड़ी क सिपाहियन अउर ओनके सूबेदारन, अउर यहूदियन क मन्दिर क पहरेदार सब मिलके ईसू क बन्दी बनाइ लिहेन्ह।</verse>
				<verse number="13">अउर ओका बांधके पहिले हन्ना क पास लइ गएन, जउन कि उ बरिस क मुख्य याजक काइफा क ससुर रहा।</verse>
				<verse number="14">इ काइफा उहइ मनई अहइ जउन यहूदी क सलाह दिहे रहा। कि लोगन क भलाई क बरे एक क मर जाब ठीक अहइ।</verse>
				<verse number="15">समौन पतरस अउर एक ठु चेलन ईसू क पीछे चल दिहेन्ह। मुख्य याजक इ चेलन क अच्छी तरह जानत रहा, इ बरे उ ईसू क साथ मुख्य याजक क अंगने मँ घुस गवा।</verse>
				<verse number="16">मुला पतरस बाहेर क दरवाजा क लगे रूक गवा। फिन मुख्य याजक क जान पहचानवाला दूसर चेला बाहेर गवा अउर द्धारपालिन स कहिके पतरस क अन्दर लइ आवा।</verse>
				<verse number="17">उ द्धारपालिन दासी पतरस स कहेस, “होइ सकत ह कि तूहूँ ईसू क चेला होआ?” पतरस जवाब दिहेस, “नाहीं, नाहीं मइँ न अही!”</verse>
				<verse number="18">काहेकि सर्दी बहुत जिआदा रही अउर मन्दिर क पहरेदार आग जलाइ के हुआँ खड़ा तापत रहेन। पतरस उ हुवाँ खड़ा तापत रहा।</verse>
				<verse number="19">फिन महायाजक ईसू स ओकरे चेलन अउर ओकरे उपदेस क बाबत पूछेस।</verse>
				<verse number="20">ईसू ओका जवाब दिहेस, “मइँ हमेसा सब मनइयन क खुलके बातचीत कीन्ह। मइँ हमेसा आराधनालय मँ अउर मन्दिर मँ जहाँ सब यहूदियन इकट्ठा होतहीं, उपदेस दीन्ह। मइँ कबहुँ लुकाइ क छिपाइ क कउनो बात नाहीं कहेउँ।</verse>
				<verse number="21">फिन तू मोसे काहे पूछत अहा? मइँ का कहेउँ, ओनसे पूछा जे मोर बात सुने अहइँ। मइँ जउन कछू कहेउँ, उ सब जानत हीं।”</verse>
				<verse number="22">जब उ इ कहेस तउ मन्दिर क एक पहरेदार जउन हुवाँ खड़ा रहा, ईसू क झापड़ मारेस अउर बोलेस, “महायाजक क सामने जवाब देइ क इ तरीका नाहीं अहइ?”</verse>
				<verse number="23">ईसू ओका जवाब दिहेस, “जब मइँ कउनो झूठ कहे होउँ तउ तू ओका साबित करा अउर इ बतावा कि ओहमाँ कउनो बुराई रही अउर जब मइँ ठीक कहे अहउँ तउ तू काहे मारत अहा?”</verse>
				<verse number="24">फिन हन्ना ओका बंधे भए महायाजक काइफा क लगे भेज दिहेस।</verse>
				<verse number="25">जब समौन पतरस खड़ा होइके आगी तापत रहा तउ ओसे पूछा गवा, “का इ होइ सकत ह कि तू भी एकर चेला अहा?” उ तुरन्तइ मना कइ दिहेस अउर कहेस, “नाहीं मइँ नाहीं अही।”</verse>
				<verse number="26">महायाजक क एक ठु नउकर जउन ओकर रिस्तेदार रहा जेकर पतरस कान काटे रहा, कहेस, “बतावा, का मइँ तोहका ओकरे साथे बगिया मँ नाहीं देखे रहे?”</verse>
				<verse number="27">इ सुनिके पतरस एक दाईं फिन इन्कार किहेस। अउर उहइ समइ मुर्गा बाँग दिहेस।</verse>
				<verse number="28">फिन उ पचे ईसू क काइफा क घरे स रोम क राज्यपाल क महल मँ लइ गएन। ओह समइ सबेर होइ ग रहा। यहूदियन राज्यपाल क भवन मँ खुदइ नाहीं जावा चाहत रहेन, कहूँ उ पचे असुद्ध न होइ जाइँ। अउर फिन फसह क भोज न खाइ पावइँ।</verse>
				<verse number="29">तउ पिलातुस ओनके पास बाहेर आवा अउर बोला, “एकरे ऊपर तू सबेन्ह कउन दोख लगावत अहा?”</verse>
				<verse number="30">जवाब मँ उ पचे ओसे कहेस, “जदि इ अपराधी न होत तउ हम ऍका तोहका न सौंपित।”</verse>
				<verse number="31">एकरे जवाब मँ पिलातुस ओनसे कहेस, “ऍका तू लइ जा अउर अपने व्यवस्था क हिसाब स एकर निआव करा।” यहूदियन ओसे कहेन, “हमका सबेन्ह क मउत क सजा देइ क कउनो अधिकार नाहीं अहइ।”</verse>
				<verse number="32">अइसा इ बरे भवा, जइसे कि ईसू क उ बात सच्ची होइ जाइ जउन उ कहे रहा, कइसी मउत मिली।</verse>
				<verse number="33">तब पिलातुस महल मँ वापस चला गवा। अउर ईसू क बोलाइ क ओसे पूछेस, “का तू यहूदियन क राजा अह्या?”</verse>
				<verse number="34">ईसू जवाब दिहेस, “इ बात तू खुदइ कहत अहा या मोरे बावत दूसर लोग तोहसे कहेन?”</verse>
				<verse number="35">पिलातुस जवाब दिहेस, “का तू सोचत अहा कि मइँ यहूदी अहउँ? तोहार लोग अउर मुख्य याजक तोहका मोरे हवाले करे अहइँ। तू का किहे अहा?”</verse>
				<verse number="36">ईसू जवाब दिहेस, “मोर राज्य इ दुनिया क नाहीं बाटइ। जदि मोर राज्य इ दुनिया क होत तउ मोर प्रजा मोका यहूदियन क सौंपा जाइ स बचावइ क बरे लड़ाई करत। मुला मोर राज्य हिआँ क नाहीं बाटइ।”</verse>
				<verse number="37">अइसा सुनिके पिलातुस ओसे कहेस, “तू तउ राजा अह्या?” ईसू जवाब दिहेस, “तू कहत अहा कि मइँ राजा अही। मइँ इ बरे दुनिया मँ पइदा भवा हउँ अउर आएउँ अउर इहइ प्रयोजन स आएउँ जइसे कि सच्चाई क साच्छी दइ सकउँ। जउऩ मनई सच्चाई क तरफदारी करत ह उ मोरी बात सुनत ह।”</verse>
				<verse number="38">पिलातुस ओसे पूछेस, “सच्चाई का अहइ?” अइसा कहिके फिन उ यहूदी क पास बाहेर गवा अउर ओनसे बोला, “मइँ ओकरे मँ कउनो दोख नाहीं पाएउँ।</verse>
				<verse number="39">अउ तोहार सबन्क रिवाज अहइ कि फसह क त्यौहार प तोहरे सबके बरे एक मनई क छोड़ देइ। तउ का तू पचे चाहत अहा कि इ ‘यहूदी क राजा’ क तोहरे बरे छोड़ देई?”</verse>
				<verse number="40">एक दाईं फिन उ पचे चिल्लाएन, “ऍका नाहीं, मुला बरअब्बा (एक ठु बागी रहा।) क छोड़ द्या!”</verse>
			</chapter>
			<chapter number="19">
				<verse number="1">तब पिलातुस ईसू क पकड़वाइके कोड़ा लगवाएस।</verse>
				<verse number="2">फिन सिपाहियन काँटेदार टहनी क मोड़के मुकुट बनाएन अउर ओकरे मूँड़े प रख दिहेन। अउर ओका बैजनी रंग क कपड़ा पहिराएन।</verse>
				<verse number="3">अउर ओकरे पास आइ आइ क कहइ लागेन, “यहूदियन क राजा जिअत रह!” अउर ओका झापड़ मारइ लागेन।</verse>
				<verse number="4">पिलातुस एक बार फिन बाहेर आवा अउर ओनसे कहेस, “देख! मइँ तोहरे पास ओका फिन बाहर लियावत अही जइसे कि तू जान सका कि मइँ ओहमाँ कउनो खोट नाहीं पावा।”</verse>
				<verse number="5">फिन ईसू बाहेर आवा। उ काँटेन क मुकुट अउर बैजनी रंग क चोगा पहिरे रहा। तब पिलातुस कहेस, “इहइ अहइ उ मनई!”</verse>
				<verse number="6">जब उ पचे ओका देखेन तउ मुख्य याजकन अउर मन्दिर क पहरेदारन चिल्लाई क कहेन, “ऍका क्रूस पर चढ़ाइ द्या! एका क्रूस प चढ़ाइ द्या!” पिलातुस ओनसे कहेस, “तू ऍका लइ जा अउर क्रूस प चढ़ाइ द्या, मइँ एहमाँ कउनो खोट नाहीं पाएउँ?”</verse>
				<verse number="7">यहूदियन जवाब दिहेन, “हमार व्यवस्था कहत ह कि एका मरइ क पड़ी काहेकि अपने क परमेस्सर क पूत होइ क दावा किहे अहइ।”</verse>
				<verse number="8">अब जब पिलातुस ओका इ कहत सुनेस तउ बहुत डेराइ गवा।</verse>
				<verse number="9">अउर फिन राज्यपाल क महल क अन्दर जाइके ईसू स कहेस, “तू कहाँ स आइ अहा?” मुला ईसू कउनो जवाब नाहीं दिहेस।</verse>
				<verse number="10">फिन पिलातुस ओसे कहेस, “का तू हमसे बात नाहीं करइ चाहत अहा? का तोहका पता नाहीं अहइ किइ मोरे अधिकार मँ अहइ कि तोहका मइँ छोड़ देउँ अउर तोहका क्रूस प चढ़ावइ क अधिकार मोका मिला अहइ।”</verse>
				<verse number="11">ईसू ओका जवाब दिहेस, “तोहार मोरे ऊपर अधिकार तब तक नाहीं होइ सकत जब तलक परमेस्सर तोहका उ अधिकार नाहीं देत। इ बरे जउन मनइ तोहका मोरे हवाले किहे अहइ, उ तोहसे भी बड़ा पापी अहइ।”</verse>
				<verse number="12">इ सनिके पिलातुस ओका छोड़इ क कउनो उपाय सोचइ लाग। मुला यहूदियन चिल्लाय लागेन, “जदि तू एका छोड़ देब्या तउ तू कैसर क दोस्त न अह्या कउनो मनई जउन खुदइ क राजा कहइ उ कैसर क विरोधी अहइ।”</verse>
				<verse number="13">जब पिलातुस इ सब्दन क सुनेस तउ उ ईसू क बाहेर उ जगह लइ गवा जउने क “पाथर क चउतरा।” कहा जात रहा। (इब्रानी भाखा मँ ऍका गब्बाता कहा गवा ह।) अउर हुवाँ निआव क आसन प बइठ गवा।</verse>
				<verse number="14">इ दिन फसह क त्यौहार क तैयारी क दिन रहा। दुपहरिया होइवाली रही। पिलातुस यहूदियन स कहेस, “इ रहा तोहार राजा।”</verse>
				<verse number="15">उ सबेन्ह चिल्लाएन, “ऍका लइ जा! ऍका लइ जा! ऍका क्रूस प चढ़ाय द्या!” पिलातुस ओनसे कहेस, “का तू पचे चाहत अहा कि तोहरे राजा क मइँ क्रूस प चढ़ाउँ?” इ सुनिके मुख्ययाजकन जवाब दिहेन, “कैसर क छोड़के हमार कउनो दूसर राजा नाहीं अहइ।”</verse>
				<verse number="16">फिन पिलातुस ओका क्रूस प चढ़ाइ क बरे ओनका सौंपि दिहेस। इ तरीके स ईसू क हिरासत मँ लइ लीन्ह गवा।</verse>
				<verse number="17">आपन क्रूस उठाइके उ अइसी जगह प गवा जेका “खोपड़ी क जगह कहा जात ह।” (इब्रानी भाखा मँ ऍका “गुलगुता” कहा जात ह।)</verse>
				<verse number="18">हुवाँ स उ सबेन्ह ओका दुइ जने क साथे क्रूस प चढ़ाइ दिहेन। एक इ तरफ, दूसर दूसरी तरफ अउर बीज मँ ईसू रहा।</verse>
				<verse number="19">पिलातुस दोखपत्र क्रूस प लगाइ दिहस। जेहमॉ लिखा रहा, “ईसू नासरी, यहूदी क राजा।”</verse>
				<verse number="20">तमाम यहूदियन उ दोखपत्र क पढ़ेन्ह, काहेकि जहाँ ईसू क क्रूस प चढ़ावा ग रहा, उ जगह सहर क लगे रही। अउर उ ऐलान इब्रानी, यूनानी अउर लातीनी भाखा मँ लिखा रहा।</verse>
				<verse number="21">तब मुख्य यहूदी याजकन पिलातुस स कहेन, “‘यहूदी क राजा’ न लिखा। मुला इ लिखा, ‘इ मनई कहे रहा यहूदी क राजा मइँ अहउँ।’”</verse>
				<verse number="22">पिलातुस जवाब दिहेस, “मइँ जउन कछू लिख दीन्ह, तउ लिख दीन्ह।”</verse>
				<verse number="23">जब सिपाही ईसू क क्रूस प चढ़ाइ चुकेन तउ उ सबेन्ह ओकर कपरा लिहेन, अउर ओका चार टुकड़ा मँ बाँट दिहेन। ओकर एक-एक टुकड़ा एक-एक सिपाही लइ लिहेस। उ पचे कुरतउ उतरवाइ लिहेन। इ बरे कि उ कुरता ऊपर स नीचे तक बुना रहा, ओकर सिलाई नाहीं भइ रही।</verse>
				<verse number="24">इ बरे उ पचे आपस मँ कहेन, “ऍका न फाड़ा जाइ, ऍका कउन पावइ, एकरे बरे परची डाली जाइ।” जइसे कि पवित्तर सास्तर क इ बात पूरी होइ जाइ, “उ पचे मोर कपरा आपस मँ बाट लिहेन अउर मोरे अंगिया क बरे परची डाएन।” इ बरे सिपाहियन वइसेन करेन।</verse>
				<verse number="25">ईसू क क्रूस क लगे ओकर महतारी, मउसी क्लोपास क पत्नी मरियम, अउर मरियम मगदलीनी ठाढ़ रहिन।</verse>
				<verse number="26">ईसू जब अपनी महतारी अउर अपने पियारा चेला क पास खड़ा लखेस तउ अपनी महतारी स कहेस, “पिआरी अम्माँ, इ रहा तोहार बेटवा।”</verse>
				<verse number="27">फिन उ अपने चेला स कहेस, “इ अहइ तोहार महतारी।” अउर फिन उहइ समइ उ चेला ओका अपने घरे लइ गवा।</verse>
				<verse number="28">ऍकरे बाद ईसू जान लिहेस कि सब कछू पूरा होइ चुका अहइ। फिन इ बरे कि पवित्तर सास्तर क बात सही उतरइ, उ कहेस, “मइँ पियासा अहउँ।”</verse>
				<verse number="29">हुवाँ सिरका स भरा एक ठु बासन धरा रहा। इ बरे उ सबेन्ह एक स्पंज क सिरका मँ पूरी तरह डुबोइके हिसप (कंटिजर क पेड़) क टहनी प रखेन अउर ऊपर उठाइ क ओकरे मुँह स लगाएन।</verse>
				<verse number="30">फिन जब ईसू सिरका लइ लिहेस तउ उ बोलेस, “पूरा होइ गवा।” तउ उ आपन सिर झुकाइ दिहेस अउर परान छोड़ दिहेस।</verse>
				<verse number="31">अगला दिन फसह क तैयारी क दिन रहा। सबित क दिन ओनकइ लास क्रूस प न लटका रहइ कोहेकि सबित क दिन बहुत महत्व क दिन होत ह ऍकरे बरे यहूदियन पिलातुस स कहेन कि उ आज्ञा देइ कि ओकर टांग तोड़ दीन्ह जाइँ अउर ओकर लास हुवाँ स हटाइ दीन्ह जाइ।</verse>
				<verse number="32">तउ सिपाही आएन अउर सबसे पहले एक मनई क अउर फिन दूसरे क जउने क साथे साथे क्रूस प चढ़ावा ग रहा, टाँग तोड़ डाएन।</verse>
				<verse number="33">मुला जब उ ईसू क लगे आएन, तउ लखेन कि उ तउ पहिलेन मर चुका अहइ। इ बरे ओकर टाँग नाहीं तोड़ेन।</verse>
				<verse number="34">मुला ओहमाँ स एक सिपाही ईसू क पंचरे मँ आपन भाला भोंक दिहेस, जउने मँ स तुरन्त लहू अउर पानी निकरइ लाग।</verse>
				<verse number="35">(जउन एका देखे रहा उ साच्छी दिहेस अउर ओकर साच्छी सच्ची अहइ, उ जानत ह कि उ सच्ची बात कहत अहइ ताकि तू सबेन्ह बिसवास करा।)</verse>
				<verse number="36">इ एह बरे भवा कि पवित्तर सास्तर क बात पूरी होइ सकइ, “ओकर कउनो हड्डी तोड़ी न जाई”</verse>
				<verse number="37">अउर पवित्तर सास्तर मँ लिखा अहइ कि, “जे ओकरे भाला भोंकेस उ पचे ओकरी तरफ तकिहीं।”</verse>
				<verse number="38">ऍकरे बाद अरमतियाह क यूसुफ (जउन ईसू क चेला रहा, मुला यहूदियन क डर क मारे खूद क छिपाए रहत रहा।) पिलातुस स पराथना करेस कि ओका ईसू क ल्हास लइ जाइ क इजाजत दइ देइ। इ बरे उ ओकर ल्हास लइ गवा।</verse>
				<verse number="39">निकुदेमुस, जउन ईसू क लगे रात क पहले आइ रहा, हुवाँ लगभग तीस किलो मिला जुला गंधरस अउर एलवा (जइसे कि ल्हास मँ सड़न न आवइ पावइ) लइके आवा। फिन उ पचे ईसू क ल्हासे क लइ गएन।</verse>
				<verse number="40">अउर यहूदियन क ल्हास गाड़इ क व्यवस्था क अनुसार ओका महकइवाली तमाम चीज क साथ कफन मँ लपेट दिहेन।</verse>
				<verse number="41">जहाँ प ईसू क क्रूस प चढ़ावा ग रहा, हुवाँ एक ठु बगीचा रहा। अउर उ बगीचा मँ एक ठु नई कब्र रही जउने मँ अब तक केउँ क नाहीं रखा ग रहा।</verse>
				<verse number="42">उ दिन सबित क तैयारी क दिन सुक्रवार रहा, अउर उ कब्र बहोतई लगे रही, इ बरे उ सबेन्ह ईसू क उहइ मँ रख दिहेन।</verse>
			</chapter>
			<chapter number="20">
				<verse number="1">सप्ताह क पहिले दिन धुर सबेरे जब थोरि क अँधेरा बचा रहा तउ मरियन मगदलीनी कब्र प आइ। अउर उ देखेस कि कब्र क पाथर हटा अहइ।</verse>
				<verse number="2">फिन उ दौड़के समौन पतरस अउर ईसू क पियारा चेलन क लगे पहुँची। अउर ओनसे बोली, “उ पचे पर्भू क कब्र स निकालके लइ गएन। अउर हमका पचे इ पता नाहीं अहइ कि उ सबेन्ह ओका कहाँ रखेस अहइँ।”</verse>
				<verse number="3">फिन पतरस अउर उ दूसर चेला हुवाँ स कब्र क तरफ चल पड़ेन्ह।</verse>
				<verse number="4">उ दुइनउँ साथे साथे दउड़त रहेन मुला दूसर चेला पतरस स आगे चला गवा अउर कब्र प पहिले पहुँच गवा।</verse>
				<verse number="5">उ नीचे निहुरिके देखेस कि हुवाँ कब्र क कपरा परा अहइ, मुला उ भीतर नाहीं गवा।</verse>
				<verse number="6">उहइ समइ समौन पतरस जउन ओकरे पाछे आवत रहा, उहउ आइ पहुँचा अउर कब्र क अन्दर चला गवा। उ देखेस कि हुवाँ कफन क कपरन परा अहइँ।</verse>
				<verse number="7">अउर उ कपरा जउन गाड़त क समइ ओकरे मुड़े कइँती रहा, उ कफन क साथ नाहीं अहइ, उ अलग स दूसरी जगह प रखा रहा।</verse>
				<verse number="8">फिन दूसर चेला जउन कब्र प पहिले पहुँचा रहा, उहउ भीतर घुसा। उ देखेस अउर बिसवास करेस।</verse>
				<verse number="9">(उ पचे अबहुँ तलक पवित्तर सास्तर क इ बचन नाहीं समझे रहेन कि ओका मरा मनइयन स जी उठब एकदम पक्का अहइ।)</verse>
				<verse number="10">फिन उ दुइनउँ चेलन अपने अपने घरे चला गएन।</verse>
				<verse number="11">मरियम रोवत चिल्लात कब्र क बाहेर खड़ी रहि गइ। रोवत चिल्लात उ कब्र मँ अन्दर झाँकि क बरे नीचे झुकी।</verse>
				<verse number="12">जउने जगह ईसू क ल्हास रखी रही, हुवाँ उ सफेद कपरा पहिरे दुइ ठु सरगदूत बइठा रहेन, ओहमाँ स एक ठु सिरहाने प बइठा रहा अउर दूसर पइताने प बइठा रहा।</verse>
				<verse number="13">उ पचे ओसे पूछेन, “ऐ स्त्री तू काहे क रोअति अहा?” उ जवाब दिहेस, “उ पचे मोरे पर्भू क उठाइ लइ गवा अहइँ अउर मोका इ पता नाहीं बाटइ कि ओका कहाँ रखे अहइँ?”</verse>
				<verse number="14">ऍतना कहिके उ मुड़ी अउर देखेस कि ईसू खड़ा अहइ। मुला उ जानि नाहीं पाएस कि उ ईसू रहा।</verse>
				<verse number="15">ईसू ओसे कहेस, “ऐ स्त्री तू काहे रोवति अहा? तू केका खोजति अहा?” उ इ जानेस कि पूछइवाला माली अहइ, उ ओसे कहेस, “महासय, जदि तू कबहूँ ओका उठाए होया तउ मोका बतावा कि तू ओका कहाँ रखे अहा? मइँ ओका लइ जाबइ।”</verse>
				<verse number="16">ईसू ओसे कहेस, “मरियम!” उ पाछे मुड़ी अउर इब्रानी मँ कहेस, “ रब्बूनी ” मतलब “गुरू।”</verse>
				<verse number="17">ईसू ओसे कहेस, “मोका जिन छुआ काहेकि मइँ अबहिं तलक परमपिता क पास ऊपर नाहीं पहुँचा अही। तू मोरे भाइयन क लगे जाइके बतावा, ‘मइँ अपने परमपिता अउर तोहरे परमपिता तथा अपने परमेस्सर अउर तोहरे परमेस्सर क पास ऊपर जात अही।’”</verse>
				<verse number="18">मरियन मगदलीनी आइके चेलन क समन्वा बताएस, “मइँ पर्भू क देखेउँ!” अउर उ मोका इ बात बताएस।</verse>
				<verse number="19">उहइ दिन संझा क, उ हफ्ता क पहिला दिन रहा ओकर चेलन यहूदियन क डरके मारे आपन दरवाजा बन्द करे रहेन। उहइ समइ प ईसू आइके ओनके बीच मँ खड़ा होइ गवा अउर ओनसे कहेस, “तोहका सबका सान्ति मिलइ।”</verse>
				<verse number="20">ऍतना कहिके उ ओनका सबेन्ह क आपन हाथ अउर आपन बगल देखॉएस। सब चेलन अपने पर्भू क देखके बहुत आनन्द मँ आइ गएन।</verse>
				<verse number="21">तउ ईसू ओनसे फिन कहेस, “तोहका सबका सान्ति मिलइ। वइसेन जइसेन परमपिता मोका भेजेस, मइँ तू पचे क भेजत अही।”</verse>
				<verse number="22">इ कहिके उ ओनके सबके ऊपर फूँक मारेस अउर ओनसे कहेस, “पवित्तर आतिमा क अपनाइ ल्या।</verse>
				<verse number="23">जउने मनई क पाप क तू छमा करत ह, ओनका छमा मिलत ह अउर जउन मनई क पापन क तू छमा नाहीं करत्या, उ सब बिना छमा पाए रहत हीं।”</verse>
				<verse number="24">थोमा जउन बारह मँ एक रहा अउर दिदिमस कहवावा जात रहा, जब ईसू आवा रहा तउ ओकरे साथे नाहीं रहा।</verse>
				<verse number="25">दूसर चेलन ओसे कहत रहेन, “हम पर्भू क देखे अही।” मुला उ ओनसे कहेस, “जब उ तलक मइँ ओकरे हाथन मँ कील क निसानी न देख लेब अउर ओहमाँ आपन अंगुरी न डाइ लेब, तथा ओकरे पंजरे मँ आपन हाथ न डाइ लेब तब तक मइँ बिसवास न करब।”</verse>
				<verse number="26">आठ दिन क बाद ओकर चेलन फिन एक दाईं घरे क भीतर रहेन। अउर थोमा ओऩके साथे रहा। दरवाजा प ताला लगा, रहा, मुला ईसू आवा अउर ओनके बीच मँ खड़ा होइके बोला, “तोहका सबन क सान्ति मिलइ!”</verse>
				<verse number="27">फिन उ थोमा स कहेस, “हाँ आपन अंगुरी अब अउर मोर हाथ देख, आपन हाथ फैलाइके मोरे पंजरे मँ डावा। सन्देह करब छोड़ द्या अउर बिसवास करा।”</verse>
				<verse number="28">एकर जवाब देत थोमा बोला, “मोर पर्भू, हे मोर परमेस्सर!”</verse>
				<verse number="29">ईसू थोमा स कहेस, “तू मोका देखिके बिसवास करे अहा। मुला उ पचे धन्य अहइँ जउन बिना देखे बिसवास करत हीं।”</verse>
				<verse number="30">ईसू अउर तमाम चमत्कार चिन्ह अपने चेलन क देखाएस जउन इ किताब मँ नाहीं लिखी अहइँ।</verse>
				<verse number="31">अउर जउन बात हिआँ लिखी अहइँ। उ इ बरे लिखी अहइँ कि तू बिसवास करा कि ईसू ही परमेस्सर क पूत मसीह अहइ। अउर इही बरे कि बिसवास करत ओकरे नाउँ स तोहका सबन क अनन्त जीवन मिलइ।</verse>
			</chapter>
			<chapter number="21">
				<verse number="1">एकरे बाद झील तिबिरियास प ईसू अपने चेलन क समन्वा फिन खुदइ क परगट किहेस। उ खुदइ क इ तरीके परगट किहेस।</verse>
				<verse number="2">समौन पतरस, थोमा (जउन जुड़ौधा कहवावा जात रहा) गलील क काना क नतनएल, जब्दी क बेटवन अउर ईसू क दुइ ठू चेलन हुवाँ इकट्ठा रहेन।</verse>
				<verse number="3">समौन पतरस ओनसे कहेस, “मइँ मछरी पकड़इ जात अही।” उ पचे ओसे बोलेन, “हमहूँ पचे तोहरे साथे चलत अही।” उ सबेन्ह ओकरे साथे चल दिहेन अउर नाउ प बइठ गएन। मुला उ रात उ पचे कछू नाहीं पकड़ पाएन।</verse>
				<verse number="4">मुला तब तलक सबेर होइ गवा रहा। मुला चेलन क पता नाहीं चल पावा कि हुवाँ ईसू अहइ।</verse>
				<verse number="5">फिन ईसू ओनसे कहेस, “लड़को, तोहरे लगे कउनो मछरी अहइ?” उ पचे जवाब दिहेन, “नाहीं।”</verse>
				<verse number="6">फिन उ कहेस, “नइया क दहिनी तरफ जाल फेंका तउ तोहका कछू मिली।” तउ उ पचे जाल फेंकिन मुला ऍतना जियादा मछरी रहिन कि फिन जाल क वापस नाहीं खींच पाएन।</verse>
				<verse number="7">फिन ईसू क पियारा चेला पतरस स कहेस, “इ तउ पर्भू अहइ।” जब समौन इ सुनेस कि पर्भू अहइ तउ उ आपन बाहेर पहिनइवाला कपरा कस लिहेस (काहेकि उ नंगा रहा।) अउर पानी मँ कूद पड़ा।</verse>
				<verse number="8">मुला दूसर चेलन मछरिअन स भरा जाल खींचत भए नाउ स किनारे आएन (काहेकि उ धरती स जियादा दूर नाहीं रहेन, ओनकाइ दूरी करीब सौ मीटर क रही।)</verse>
				<verse number="9">जब उ पचे किनारे आएन तउ हुवाँ जरत कोयलन क आग देखेन। ओकरे ऊपर मछरी अउर रोटी पकावइ क बरे रखी रही।</verse>
				<verse number="10">ईसू ओसे कहेस, “तू पचे जउन मछरी पकरे अहा, ओहमाँ स कछू लइ आवा।”</verse>
				<verse number="11">फिन समौन पतरस नाउ प गवा अउर एक सौ तिरपन बड़ी मछरिअऩ स भरा जाल किनारे प खींच लिहेस। जाल मँ ऍतनी अधिक मछरी रहिन मुला जाल फटा नाहीं।</verse>
				<verse number="12">ईसू ओनसे कहेस, “हियाँ आवा अउर खाना खा!” ओकरे चेलन मँ स कउनो क हिम्मत नाहीं परी कि ओसे पूछ सकइँ कि “तू कउन मनई अह्या?” काहेकि उ जान ग रहेन कि उ पर्भू अहीं।</verse>
				<verse number="13">ईसू आगे गवा। उ रोटी लिहेस अउर ओनका दइ दिहेस अउर इहइ तरह स मछरियन क दइ दिहेस।</verse>
				<verse number="14">अब इ तीसरी बार रहा जब कि मरे क बाद जी उठिके उ आपने चेलन क समन्वा परगट भवा।</verse>
				<verse number="15">जबहिं उ पचे भोजन कइ चुकेन तउ ईसू समौन पतरस स कहेस, “यूहन्ना क पूत समौन, जेतॅना पिरेम इ सबइ मोसे करत हीं, तू मोसे जियादा पिरेम करत अहा?” पतरस ईसू स कहेस, “हाँ पर्भू, तू जानत अहा कि मइँ तोहसे पिरेम करत हऊँ।” ईसू पतरस स कहेस, “मोरे मेमनन क रखवाली करा।”</verse>
				<verse number="16">उ ओसे दुसरी बार बोला, “यूहन्ना क बेटवा समौन, का तू मोसे पिरेम करत ह?” पतरस ईसू स कहेस, “हाँ पर्भू, तू जानत अहा कि मइँ तोहसे पिरेम करित ह।” ईसू पतरस स कहेस, “मोरी भेंड़न क देखभाल कर।”</verse>
				<verse number="17">ईसू फिन तीसरी दाईं पतरस स कहेस, “यूहन्ना क बेटवा समौन, का तू हमसे पिरेम करत ह?” पतरस दुखी होइ गवा कि ईसू ओसे तीसरी दाईं पूछेस, “का तू मोसे पिरेम करत ह?” इ बरे पतरस ईसू स कहेस, “पर्भू तू सब कछू जानत ह, तू जानत अहा कि मइँ तोहसे पिरेम करित ह!” ईसु ओसे कहेस, “मोरी भेड़न क चरावा।</verse>
				<verse number="18">मइँ तोहसे सत्य कहत अहउँ, जब तू जवान रह्या, तउ तू अपनी कमर प फेंटा कस क जहाँ चाहत रह्या, चला जात रह्या। मुला जब तू बुढ़ाइ जाब्या, तउ हाथ पसरब्या अउर कउनो दूसर तोहका बांधके जहाँ तू नाहीं जाइ चाहब्या, हुवाँ लइ जाई।”</verse>
				<verse number="19">(उ इ दरसावइ क बरे अइसा कहेस कि उ कउनो तरह क मउत स परमेस्सर क महिमा करी।) ऍतना कहिके उ ओसे कहेस, “मोरे पाछे चला आवा!”</verse>
				<verse number="20">पतरस पाछे मुड़ा अउर देखेस कि उ चेलन जेहसे ईसू पिरेम करत रहा, ओनके पाछे आवत अहइ। (इ उहइ रहा जउन भोजन करत ओकरी छाती प झुकके पूछे रहा, “पर्भू, उ कउन अहइ, जउन तोहका धोखे स पकड़वाई?”)</verse>
				<verse number="21">जब पतरस ओका देखेस तउ उ ईसू स बोला, “पर्भू, एकर का होई?”</verse>
				<verse number="22">ईसू ओसे कहेस, “जदि मइँ इ चाही कि जब तलक मइँ आई, इ हिआँ रहइ, तउ तोहसे का मतलब? तू मोरे पाछे चला आवा!”</verse>
				<verse number="23">इ तरह स इ बात भाइयन (मनवइयन) मँ हिआँ तलक फइल गइ कि उ चेला जेका ईसू पियार करत ह न मरी। ईसू इ नाहीं कहे रहा कि उ न मरी, बल्कि उ तउ ऍतना कहे रहा, “जदि मइँ चाही कि जब तलक मइँ आई, इ हिआँ रहइ तउ तोहसे का मतलब?”</verse>
				<verse number="24">इहइ उ चेला अहइ जउन एकइ सबके साच्छी देत ह कि जउन इ सब बात लिखे अहइँ सब सही अहइँ।</verse>
				<verse number="25">ईसू इहइ तरीके बहुत काम करेस। जदि एक एक कइके ओन सबका लिखा जात तउ मइँ सोचित ह कि जउन किताब लिखी जातिन, उ ऍतना जियादा होतिन कि पूरी धरती प न अमातिन।</verse>
			</chapter>
		</book>
		<book number="44">
			<chapter number="1">
				<verse number="1">हे थियुफिलुस, मइँ आपन पहिली किताबे मँ ओन सबइ कामे क बारे मँ लिखेउँ ह जेका सुरू स ईसू किहेस ह अउर</verse>
				<verse number="2">उ दिना तलक उ प्रेरितन क जेनका उ चुनेस जब ताई उ पवित्तर आतिमा क आदेस क अऩुसार उ सरगे मँ ऊपर नाहीं उठाइ लीन्ह गवा।</verse>
				<verse number="3">आपन मउत क पाछे उ आपन क ठोस प्रमाण लइ के ओनके समन्वा परगट भवा कि उ जिअत बा। उ चालीस दिना तलक ओनके अगवा परगट होत रहा अउर परमेस्सर क राज्य क बारे मँ ओनका बतावत रहा।</verse>
				<verse number="4">फिन एक दाई ओनके संग खइया क खात रहा तउ उ ओनका हुकुम दिहेस, “यरूसलेम क जिन तजा अउर मुला जेकरे बारे मँ तोसे कह्यों कि, परमपिता क सपथ पूरा होइ तलक जोहत रहा।</verse>
				<verse number="5">काहेकि यूहन्ना तउ पानी स बपतिस्मा दिहेस, मुला अब तनिक दिना क पाछे पवित्तर आतिमा स बपतिस्मा दीन्ह जाइ।”</verse>
				<verse number="6">तउ जब उ प्रेरितन आपुस मँ भेंटेन, उ पचे पूछेन, “पर्भू! का तू इहइ समइ प इस्राएल क राज्य क फिनस लिआइ देब्या?”</verse>
				<verse number="7">उ ओनसे कहेस, “उ बेलन या तिथियन क जानब तोहार काम नाहीं, जेका परमपिता खुद आपन अधिकार स तय किहे अहइ।</verse>
				<verse number="8">मुला जब पवित्तर आतिमा तोह प आइ, तोहका सक्ती मिलि जाइ। अउर यरुसलेम मँ, समूचइ यहूदिया अउर सामरिया मँ अउर धरती क छोर तलक तू पचे मोर साच्छी होब्या।”</verse>
				<verse number="9">ऍतना कहे क पाछे ओनकइ लखत लखत ओका सरगे मँ ऊपर उठाइ लीन्ह गवा अउर फिन एक बादर ओका आँखी स ओझल कइ दिहेस।</verse>
				<verse number="10">जब उ जात रहा तउ पचे आँखी पसारि के ओका निहारत रहेन। तबहिं फउरन सफेद कपड़ा पहिरिके दुइ मनई ओकरे समन्वा आइके ठाड़ भएन।</verse>
				<verse number="11">अउर बोलेन, “अरे गलीली मनइयो। तू पचे हुवाँ ठाड़ भवा टकटकी काहे लगाए बाट्या? इ ईसू तोहरे बीच स सरगे मँ ऊपर उठाइ लीन्ह गवा, जइसे तू ओका सरगे मँ जात देख्या, वइसे ही उ फिन वापिस लौटि आई।”</verse>
				<verse number="12">फिन उ प्रेरितन जैतून नाउँ क पर्वत स, यरूसलेम लौटि आएन जउन यरुसलेम स कउनो एक किलोमीटर दूर रहा।</verse>
				<verse number="13">अउर हुवाँ पहुँचिके ऊपर क उ कमरा मँ गएन जहाँ उ पचे ठहरा रहेन। इ पचे रहेन-पतरस, यूहन्ना, याकूब, अन्द्रियास, फिलिप्पुस, थोमा, बरतुलमै अउर मत्ती, हलफई क बेटवा याकूब, समौन जेलोतेस अउर याकूब क बेटवा यहूदा।</verse>
				<verse number="14">ऍनके संग कछू स्त्रियन, ईसू क महतारी मरियम अउर ईसू क भाई भी रहेन। इ सबइ आपन क एक संग पराथना मँ चित लगाए राखत रहेन।</verse>
				<verse number="15">फिन इ दिनन मँ पतरस भाई-बन्द क बीच खड़ा होइके, जेकर गनती कउनो एक सउ बीस रही, कहेस,</verse>
				<verse number="16">“मोरे भाइयो, ईसू क गिरफतार करावइ वाले मनइयन क अगुआ यहूदा क बारे मँ, पवित्तर सास्तर कउ लेख जेका दाऊद आपन मुँहे स पवित्तर आतिमा बहोत पहिले ही कहे रही, ओकर पूर होब जरूरी रहा। उ हम पचन मँ गना गवा रहा अउर इ सेवा मँ ओकर हाथ रहा।”</verse>
				<verse number="17"></verse>
				<verse number="18">(इ मनई जउन धन ओका ओकरे नीचपना क कामे बरे मिला रहा, उ धने स एक ठु खेत मोल लिहेस मुला उ पहिले तउ मूँड़े क बल भहरान अउर फिन बदन फाटि गवा अउर ओकर अँतड़ी बाहेर निकरि आइ।</verse>
				<verse number="19">अउर सबइ यरूसलेम क बसइयन क एकर पता लग गवा। य़ह बरे ओनकइ भाखा मँ उ खेत क हक्लदमा कहा गवा जेकर अरथ अहइ “लहू क खेत।”)</verse>
				<verse number="20">पतरस कहेस, “काहेकि भजन संहिता मँ इ लिखा बा, ‘ओकर घर उजरि जाइ अउर ओहमाँ रहइ क कउनो नाँ बचइ।’ अउर, ‘ओकर, मुखियई कउनो दूसर मनई लइ लेइ।’</verse>
				<verse number="21">“यह बरे इ जरुरी अहइ कि जब पर्भू ईसू हमरे बीच रहा तउ जउन मनइयन हमरे संग सदा रहेन, ओहमाँ स कउनो एक क चुना जाए। कहइ क मतलब उ समइ स लइके जब स यूहन्ना मनइयन क बपतिस्मा देब सरू किहेस अउर जब तलक ईसू क हमरे बीच स उठइ लीन्ह गवा रहा। इ मनइयन मँ स कउनो एक क ओकरे फिन स जी उठइ क महरे संग साच्छी होइ चाही।”</verse>
				<verse number="22"></verse>
				<verse number="23">यह बरे उ पचे दुइ मनई न नाउँ दिहेन। एक यूसुफ जेका बरसबा कहा जात रहा। (यूसतुस ऩाउँ स जाना जात रहा) अउर दूसर मत्तियाह।</verse>
				<verse number="24">फिन उ पचे इ कहत भवा पराथना करइ लागेन, “पर्भू! तू सबहि क मनवा क जानत ह, हमका बतावा कि इ दुइनउँ मँ स तू केका चुन्या ह।</verse>
				<verse number="25">जउऩ एक प्रेरित क तरह सेवा करइ बरे इ ओहदा क लइ लेई जेका आपन ठउर पर जाइ बरे ओहदा छोड़िके चला गवा रहा!”</verse>
				<verse number="26">फिन उ पचे एकरे बरे पर्ची नाएन अउर पर्ची मत्तियाह क नाउँ क निकरी। इ तरह गियारह प्रेरितन क दल मँ गना गवा।</verse>
			</chapter>
			<chapter number="2">
				<verse number="1">जब पिन्तेकुस्त क दिन आवा तउ उ पचे एक ठउर प बटुरा रहेन।</verse>
				<verse number="2">तब्बइ हुवाँ एकाएक आकासे स खउफनाक आँधी क सब्द आवा। अउर जउन घरे मँ उ पचे बइठा रहेन, ओहमाँ समाइ गवा।</verse>
				<verse number="3">अउर आगी क उठत लपट जइसी जीभ हुँवा समन्वा देखॉइ देइ लाग। अउर ओनका आगी क उठत लपट जइसी जिभिया देखॉइ लागिन। उ सबइ बँटी भइ जीभ एक क ऊपर आइ ठहरिन।</verse>
				<verse number="4">उ पचे पवित्तर आतिमा स भावित भएन। अउर आतिमा स दीन्ह गए सामर्थ क अनुसार उ सबइ दूसर भाखन मँ बोलइ लागेन।</verse>
				<verse number="5">हुवाँ यरूसलेम मँ अकास क तरे सबहिं देसन स आवा भएन यहूदी भगत रहत रहेन।</verse>
				<verse number="6">जबहिं इ सब्द क आवाज सुनि गई तैसहिं एक भीड़ बटुर गइ। उ पचे अचरज मँ पड़ा रहेन काहेकि हर कउनो ओनका आपन भाखा मँ बोलत सुनेस।</verse>
				<verse number="7">उ पचे अचम्भा मँ घबड़ियाइके बोलेन, “इ सबइ बोलवइया मनइयन गलीली नाहीं अहइँ।</verse>
				<verse number="8">फिन हम पचन मँ स हर कउनो ओनका आपन मातृभाखा मँ बोलत भवा कइसे सनत अहइ?</verse>
				<verse number="9">हुवाँ पारथी, मोदी अउर एलामी, मोसोपोटामिया क बसइया, यहूदिया अउर कप्पूदूकिया, पुन्तुस अउर एसिया।</verse>
				<verse number="10">फ्रूगिया अउर पंफलिया, मिस्त्र अउर कूरेने सहर क निअरे लिबिया क कछू पहँटा क मनइयन, रोम स आवा भएन सैलानी,</verse>
				<verse number="11">जेहमाँ जन्मा भवा यहूदी अउर यहूदी धरम क मनइयन, क्रेती अउर अरबी लोग हम सबइ परमेस्सर क अचरज कारजन क आपन आपन भाखा मँ सुनत अहइँ।”</verse>
				<verse number="12">उ पचे सबइ अचम्भा मँ पड़िके भउचक्का होइके आपुस मँ पूछइ लागेन, “इ का होत अहइ?”</verse>
				<verse number="13">मुला दूसर मनइयन प्रेरितन क मसखरी करत भए बोलेन, “इ सबइ कछू जिआदा दाखरस पिए बाटेन।”</verse>
				<verse number="14">फिन गियारह प्रेरितन क संग पतरस खड़ा भवा अउर ऊँची अवाज मँ मनइयन क गोहराइ क कहइ लाग, “यहूदी भाइयो अउर यरुसलेम क सबहिं बासिंदा, ऍकर अरथ मोका बतावइ द्या। मोरे बचन क धियान स सुना।</verse>
				<verse number="15">इ पचे पिए नाहीं अहइँ, जइसा की तू पचे बूझत अहा। काहेकि अबहिं तउ भिन्सारे क नौ बजा अहइ।</verse>
				<verse number="16">मुला इ बात अहइ जेकरे बारे मँ योएल नबी कहे रहा:</verse>
				<verse number="17">‘परमेस्सर कहत ह: आखिरी दिना मँ अइसा होइ कि मइँ सबहिं मनइयन प अपने आतिमा उड़ेल देब फिन तोहार पूत अउर बिटिया भविस्सबाणी करइ लगिहीं। अउर तोहार जवान मनई दर्सन पइहीं अउर तोहार बुढ़वा लोग सपना देखिहीं।</verse>
				<verse number="18">हाँ उ दिना मइँ आपन नउकर अउर नउकरानी प आपन आतिमा उडेर देब अउर उ पचे भविस्सबाणी करिहीं।</verse>
				<verse number="19">मइँ ऊपर अकासे मँ अचरज कारजन अउर तरखाले भुइयाँ प चीन्हा देखाउब, खून, आगी अउर धुआँ क बादर।</verse>
				<verse number="20">सूरज अँधियारा मँ अउर चाँद रकत मँ बदल जाइ, अउर जब पर्भू क दिव्य अउर महान दिन आइ।</verse>
				<verse number="21">अउर तब हर उ कउनो क बचाव होइ जउन पर्भू क नाउँ पुकारी।’</verse>
				<verse number="22">“ओ इस्राएलियो! इ बचन क सुना: नासरी ईसू एक ठू अइसा मनई रहा जेका परमेस्सर तोहरे समन्वा अद्भुत कारज, अचरज कारजन अउर अद्भुत चीन्हन क साथ जेका परमेस्सर आपन खुद किहे रहा तोहरे बीच ओका परगट किहेस। जइसा कि तू खुद जानत ह।</verse>
				<verse number="23">ई मनई तोहका कउनो तय कीन्ह भइ जोजना अउर पहिले क गियान क अनुसार तोहरे हवाले कीन्ह गवा रहा अउर तू पचे ओका अधर्मियन क हाथे पकड़वाइके क्रूस प चढ़वाया अउर खीला ठोंकवाइके मरवाइ दिहा।</verse>
				<verse number="24">मुला परमेस्सर मउत क दुःखे स अजाद कराइके फिन जिआइ दिहेस। काहेकि ओकरे बरे इ होइवाला नाहीं रहा कि मउत ओका राखि पावत।</verse>
				<verse number="25">जइसा कि दाऊद ओकरे बारे मँ कहेस ह: ‘मइँ हमेसा पर्भू क आपन समन्वा देखेउँ ह। उ मोरे दाहिन कइँती बिराजत अहइ, काहेकि मइँ डुग न पावउँ।</verse>
				<verse number="26">ऍहसे मोर हिरदय खुस अहइ अउर मोर बाणी आनन्द मँ बा; मोर देह भी आसा मँ जिई।</verse>
				<verse number="27">तू मोर आतिमा क अधोलोक मँ न छोड़ब्या। तू आपन पवित्तर जन क नास क अनुभव न होइ देब्या।</verse>
				<verse number="28">तू ही मोरी जिन्नगी क राह क गियान कराइ दिहा ह। अउर तू ही आपन हाजिरी स मोका आनन्द स पूरा कइ देब्या।’</verse>
				<verse number="29">“मोरे भाइयन, मइँ पतिआइके आदि मनई दाऊद क बारे मँ तू पचन्स कहि सकत हउँ कि ओकर मउत होइ गइ अउर ओका माटी दइ दीन्ह गइ। अउर ओकर कब्र हमरे हियाँ आजु तलक मौजूद बा।</verse>
				<verse number="30">मूला काहेकि उ एक नबी रहा अउर जानत रहा परमेस्सर सपथ खाइके ओका बचन दिहेस ह कि उ ओकरे वंस मँ स कउनो एक क सिंहासने प बइठाई।</verse>
				<verse number="31">यह बरे अगवा जउन होइ क बाटइ, ओका दाऊद लखत भए उ सब इ कहे रहा कि: ‘ओका अधोलोक मँ नाहीं छोरा गवा अउर न ही ओकरे देह स सड़ब गलब क अंजाद लगाएस।’ तउ उ मसीह क पुनरूत्थान क बारे मँ ही कहे रहा।</verse>
				<verse number="32">इहइ ईसू क परमेस्सर पुनरूत्थान कइ दिहेस। इ सच्चाई क हम पचे साच्छी अही।</verse>
				<verse number="33">परमेस्सर क दाहिन हाथे कइँती सबन ते उँचका ओहदा पाइके ईसू पिता स सपथ क अनुसार पवित्तर आतिमा पाएस अउर फिन उ इ आतिमा क उड़ेरेस जेका अब तू लखत बाट्या अउर सुनत बाट्या।</verse>
				<verse number="34">दाऊद सरगे मँ नाहीं गवा तउ उ खुद कहत ह: ‘पर्भू (परमेस्सर) मोर पर्भू स कहेस: मोरे दाहिने बइठा, जब ताई मइँ</verse>
				<verse number="35">तोहरे बैरिन क तोहरे गोड़वा तरे गोड़ धरइ क चउकी न बनइ देइ।’</verse>
				<verse number="36">“यह बरे इस्त्राएल क समूचइ मनइयन ठीक तरह स समुझ लेइ कि परमेस्सर इ ईसू क जेका तू पचे क्रूस प चढ़ाइ दिहे रहा, पर्भू अउर मसीह दुइनउँ ठहरावा ग रहेन!”</verse>
				<verse number="37">मनइयन जब इ सुनेन तउ उ पचे घबराइ गएन अउर पतरस अउर दूसर प्रेरितन स कहेन, “तउ भाई, हम सबन क का करइ चाही?”</verse>
				<verse number="38">पतरस ओनसे कहेस, “मनफिराओ अउर आपन पापे क छमा पावइ बरे तू पचन मँ स हर एक क ईसू मसीह क नाउँ स बपतिस्मा लेइ चाही। फिन तू पवित्तर आतिमा क उपहार मँ पउब्या।</verse>
				<verse number="39">काहेकि इ सपथ तोहरे बरे, तोहरे संतान बरे अउर ओन सब कामे बरे अहइ जउन बहोत दूर बाटेन। इ सपथ ओन सब बरे अहइ जेनका हमार पर्भू परमेस्सर आपन लगे बोलावत ह।”</verse>
				<verse number="40">अउर बहोत स बचन स उ ओनका चिताउनी दिहेस अउर समझाय के ओनसे कहेस, “इ कुमार्गी पीढ़ी स आपन खुद क बचावा!”</verse>
				<verse number="41">तउ जउन ओकरे संदेसा क अंगीकार किहेन, ओनका बपतिस्मा दीन्ह गवा। इ तरह उ दिना उ बिसवासियन क झुण्ड मँ कउनो तीनजहार मनई अउर जुड़ गएन।</verse>
				<verse number="42">उ पचे प्रेरितन क उपदेस, संगत, रोटी क तोड़इ अउर पराथना करइ मँ जिअरा लगाइ दिहन।</verse>
				<verse number="43">हर मनई प भय रहा अउर प्रेरितन क जरिये बहुत अचरज कारजन अउर अद्भुत चीन्हन परगट कीन्ह जात रहेन।</verse>
				<verse number="44">सबहिं बिसवासी एक संग बटुरत रहेन अउर ओनके लगे जउन कछू रहा, उ पचे आपुस मँ बाँट लेत रहेन।</verse>
				<verse number="45">उ पचे आपन सबहिं चीजन अउर धन-दौलत बेंचेन अउर ओन सब चिजन्क आपुस मँ बाँटि लिहन, जइसे जेका जरूरत रही।</verse>
				<verse number="46">अउर उ पचे हर दिन मन्दिर मँ एक उदेस्स स मिलि जात रहेन। उ पचे घरे मँ रोटी तोड़ लेतेन अउर आनन्द अउर निर्मल मन स खात रहेन।</verse>
				<verse number="47">उ पचे सब मनइयन क नीक बिचार क आनन्द लेत भए पर्भू क स्तुति गवात रहेन। अउर हर दिन परमेस्सर, जेनकइ उद्धार करत, ओनकइ दल मँ अउर जोरि दीन्ह जात।</verse>
			</chapter>
			<chapter number="3">
				<verse number="1">दुपहरिया क बाद तीन बजे पराथना क समइ पतरस अउर यूहन्ना मन्दिर जात रहेन।</verse>
				<verse number="2">तबहिं एक ठु अइसा मनई जउन जनम स ही लँगड़ा रहा, लइ जावा जात रहा। उ पचे हर दिना ओका मन्दिर क सुन्नर नाउँ क फाटक प बइठाइ देत रहेन। काहेकि उ मन्दिर मँ जाइवाला मनइयन स पइसा माँग सकइ।</verse>
				<verse number="3">ई मनई ने जब देखा यूहन्ना अउर पतरस मन्दिर मँ प्रवेस करयवाला अहइँ तउ ओनसे पइसा मांगेस।</verse>
				<verse number="4">यूहन्ना क संग पतरस ओकरी कइँती लखत भए बोलेन, “हमरी कइँती लखा।”</verse>
				<verse number="5">तउ उ ओनसे कछू मिल जाइ क आसा करत भवा ओनकर कइँती लखेस।</verse>
				<verse number="6">मुला पतरस कहेस, “मोरे लगे सोना या चाँदी तउ अहइ नाहीं मुला जउन कछू अहइ, मइँ तोहका देत हउँ। नासरी ईसू मसीह क नाउँ स ठाड़ ह्वा अउर चला।”</verse>
				<verse number="7">फिन ओकर दाहिन हथवा धइके ओका उठाएस, फउरन ओकरे गोड़वा अउर अखनी मँ जान आइ गइ।</verse>
				<verse number="8">अउर उ फिन आपन गोड़वा क बल उछरा अउर चल दिहस। उ उछरत कूदत चलत अउर परमेस्सर क स्तुति गावत ओनकइ संग मन्दिर मँ घुसा।</verse>
				<verse number="9">सबहिं मनइयन ओका चलत अउर परमेस्सर क स्तूति गावत लखेन। पहिचानेन कि इ उहइ अहइ जउन मन्दिर क सुन्नर दुआरे प बइठा भीख माँगत रहा। ओकरे संग जउन कछू भवा रहा ओह पइ उ पचे अचरज स भरि अउर चकित होइ गएन।</verse>
				<verse number="10"></verse>
				<verse number="11">उ मनई अबहिं पतरस अउर यूहन्ना क संग रहा। तउ सबहिं मनई अचम्भा मँ पड़िके उ ठउर प ओकरे लगे दउड़त दउड़त आएन जउन सुलैमान क ड्यौढ़ी कहवावत रहा।</verse>
				<verse number="12">पतरस जब इ लखेस तउ उ मनइयन स बोला, “हे इस्त्राएल क मनइयन, तू पचे इ बाते प चकित काहे होत बाट्या? अइसे घूरि घूरिके हमका काहे लखत बाट्या, जइसे मान ल्या हम ही आपन सक्ती या बल प इ मनई क चलइ फिरइ जोग्ग बनइ दीन्ह ह।</verse>
				<verse number="13">इब्राहीम, इसहाक अउर याकूब क परमेस्सर, हमरे पूर्वजन क परमेस्सर आपन सेवक ईसू क महिमा स बखानेस। अउर तू पचे ओका मरवावइ बरे धरवाइ दिहा। अउर फिन पिलातुस क जरिए ओका छोर दिहे जाए क जिअरा मँ ठान लेइ स पिलातुस क समन्वा तू पचे ओका मानइ स इनकार कइ दिहा।</verse>
				<verse number="14">ईसू पवित्तर अउर भोला रहा मुला तू ओका मान्या नाहीं अउर माँग्या कि एक हत्तियारा क तोहरे बरे छोर दीन्ह जाइ।</verse>
				<verse number="15">जो मनइयन क जिन्नगी देत रहा ओका तू मारि डाया मुला परमेस्सर मरा भवा मँ स ओका पुनर्जीवन दिहस। हम ऍकर साच्छी अही।</verse>
				<verse number="16">“इ ईसू क सक्ती रही जउन इ लँगड़ा क चंगा किहेस। इ भवा काहेकि हम ईसू क सक्ती मँ पतिआइत ह। तू पचे इ मनई क लख सकत ह अउर तू सबइ ओका जानत ह। उ पूरी तरह स चंगा होइ गवा काहेकि उ ईसू मँ ओकर बिसवास रहा। तू पचे निहर्या कि इ सब कछू भवा।</verse>
				<verse number="17">“हे भाइयो, अब मइँ जानत हउँ कि जइसे अग्याने मँ तू सबइ वइसा ही किहा, वइसा ही तोहार ही नेतन किहेन।</verse>
				<verse number="18">परमेस्सर आपन सबहिं नबियन क मुँहना स बकरवाइ दिहेस कि ओकरे मसीह क दुःख भोगे पड़ी। उ इ तरह पूरा किहेस।</verse>
				<verse number="19">यह बरे तू आपन मनफिरावा अउर परमेस्सर कइँती फिरि आवा काहेकि तोहार पाप धोइ दीन्ह जाँइ।</verse>
				<verse number="20">जेसे पर्भू क हाजिर होइ क समइ आतिमा क सान्ति क समइ आइ जाइ अउर पर्भू तोहरे बरे मसीह क पठवइ जेका उ तोहरे बरे चुन लिहे बा, कहइ क अरथ ईसू मसी।</verse>
				<verse number="21">“मसीह क उ समइ तलक सरग मँ रहइ क होइ जब ताई सबहिं बातन पहिले जइसी न होंइ जेनके बारे मँ बहोत पहिले ही परमेस्सर पवित्तर नबियन क मुँहना स बताइ दिहे रहा।</verse>
				<verse number="22">मूसा कहे रहा, ‘पर्भू परमेस्सर तोहरे बरे, तोहरे आपन लोगन मँ स ही एक मोरे जइसा नबी खड़ा करी। उ तू पचन स जउन कछू कहइ, तू पचे उहइ प चल्या।</verse>
				<verse number="23">अउर जउन मनई उ, इ नबी क बात न सुनी, मनइयन मँ स ओका परमेस्सर क मनइयन स अलग कर दीन्ह जाइ।’</verse>
				<verse number="24">“समूएल अउर ओकरे पाछे आए भए सबहिं नबियन जब कबहुँ कछू कहेन तउ एनही दिनन क एलान किहेन।</verse>
				<verse number="25">अउ तू सबइ तउ ओन नबियन अउर उ करार क उत्तराधिकारी अहा जेका परमेस्सर तोहरे पूर्वजन क संग किहे रहा। उ इब्राहीम स कहे रहा, ‘तोहरे सन्ताने स धरती क सभी रास्ट्र क मनइयन आसीर्बाद पइहीं।’</verse>
				<verse number="26">परमेस्सर जब आपन सेवक क पुनर्जीवित किहेस तउ पहिले पहिले उ तोहरे लगे पठएस काहेकि तू पचन्क तोहरे बुरे राहे स दूर कइके आसीर्बाद देइ।”</verse>
			</chapter>
			<chapter number="4">
				<verse number="1">अबहिं पतरस अउर यूहन्ना मनइयन स बतियात रहेन कि याजक, मन्दिर क सिपाहियन क मुखिया अउर कछू सदूकीयन ओनकइ लगे आएन।</verse>
				<verse number="2">उ पचे ओनसे इ बाते प भिनका रहेन कि पतरस अउर यूहन्ना उपदेस देत भए ईसू क मरे हुएन मँ स जी उठइ क जरिए पुनरूत्थान क प्रचार करत रहेन।</verse>
				<verse number="3">तउ उ पचे ओका बन्दी बनइ लिहेन अउर काहेकि उ समइ साँझ होइ ग रही, ऍह बरे दूसर दिना हौलात मँ राखेन।</verse>
				<verse number="4">मुला उ पचे उ संदेसा सुनेन कि ओनमाँ स बहोतन ओह प बिसवास अउर इ तरह ओनकइ गनती पाँच हजार ताईं पहोंच गइ।</verse>
				<verse number="5">दूसरे दिन यहूदी नेतन बुजुर्ग यहदी नेतन अउर धरम सास्तिरियन यरूसलेम मँ बटुरेन।</verse>
				<verse number="6">महायाजक हन्ना, काइफा, यूहन्ना, सिकन्दर अउर महायाजक क परिवारे क सबहिं मनई भी हुवाँ हाजिर रहेन।</verse>
				<verse number="7">उ सबइ इ प्रेरितन क आपन समन्वा खड़ा कइके पूछइ लागेन, “तू पचे कउने सक्ती या अधिकार स इ काम किहे ह?”</verse>
				<verse number="8">फिन पवित्तर आतिमा क सवार होए स पतरस ओनसे कहेस, “हे मनइयन क नेतन अउर बुजुर्ग नेतन।</verse>
				<verse number="9">जदि आजु हमसे एक बीमार मनई क संग कीन्ह भलाई क बारे मँ इ पूछब पछोरब होत अहइ कि उ नीक कइसे होइ गवा।</verse>
				<verse number="10">तउ तू सबन्क अउर इस्राएल क मनइयन क इ पता होइ जाइ चाही कि इ काम नासरी ईसू मसीह क नाउँ स भवा ह जेका तू पचे क्रूस प चढ़ाइ दिहा ह जेका परमेस्सर मरि जाए प पुनर्जीवित कइ दिहस ह। उहइ क जरिए पूरी तरह स नीक भवा इ मनई तोहरे समन्वा ठाड़ बा।</verse>
				<verse number="11">इ ईसू उहइ ‘पाथर अहइ जेका तू सबइ राजमिस्तरी लोग तुच्छ जान्या रहा, उहइ बहोत खास पाथर बन गवा अहइ।’</verse>
				<verse number="12">कउनो दूसर स उद्धार नाहीं अहइ, संसारे मँ अउर दूसर नाउँ नाहीं अहइ जेहसे मानव जाति बचाई जाय सकइ। हम सब ईसू स ही उद्धार पाउब!”</verse>
				<verse number="13">उ पचे जब पतरस अउर यूहन्ना क निडर होब निहारेन अउर इ समुझेन कि पतरस अउर यूहन्ना अनपढ़ अउर साधारण मनइ रहेन तउ ओनका बहोत अचरज भवा। फिन उ पचे जान गएन कि इ सबइ ईसू क संग रहि चुका बाटेन।</verse>
				<verse number="14">अउर काहेकि उ पचे उ मनई क जउन चंगा भ रहा, ओनकइ संग खड़ा भवा लखत रहेन। तउ ओनकइ लगे तनिकउ बोलइ क कछू नाहीं रहा।</verse>
				<verse number="15">उ पचे ओनसे यहूदी महासभा स निकर जाइ क कहेन अउर फिन उ सबइ इ कहत भए आपुस मँ बिचार करइ लागेन कि,</verse>
				<verse number="16">“इ पचन्क संग कइसा बिवहार कीन्ह जाइ? काहेकि यरूसलेम मँ बसइया हर कउनो जानत ह कि ऍनके जरिये एक ठु अजरज क काम कीन्ह गवा ह अउर हम ओका मना नाहीं कइ सकित।</verse>
				<verse number="17">मुला हम ऍनका चिताउनी दइ देइ कि उ सबइ इ नाउँ क बात कउनो अउर मनई स जिन करइँ काहेकि मनइयन म इ बात क संचरइ क अउर फैलि जाइ स रोक जाइ सकइ।”</verse>
				<verse number="18">तउ पचे ओनका भीतर बोलाएन अउर हुकुम दिहेन कि उ पचे ईसू क नाउँ पन तउ कउनो स कछू बात करइँ अउर न ही उपदेस देइँ।</verse>
				<verse number="19">मुला पतरस अउर यूहन्ना ओनका जवाब दिहेन, “तू पचे ही फरियावा, क परमेस्सर क समन्वा हमरे बरे इ नीक होइ कि परमेस्सर न सुनिके हम तोहार सुनी?</verse>
				<verse number="20">हम, जउन कछू हम पचे लखा ह अउर सुना ह, ओका कहे क आलावा अउर कछू नाहिं कर सकित।”</verse>
				<verse number="21">फिन उ पचे ओनका धमकाए क पाछे छोड़ दिहन। ओनका सजा देइ क कउनो रस्ता नाहीं मिलि सका काहेकि जउन कछू भवा रहा, ओकरे बरे सबहिं मनइयन परमेस्सर क स्तुति करत रहेन। जउने मनई क नीक करइ क इ काम कीन्ह गवा रहा, ओकर उमिर चालीस बरिस स जिआदा रही।</verse>
				<verse number="22"></verse>
				<verse number="23">जब ओनका छोड़ दीन्ह गवा तउ आपन ही मनइयन क लगे आइ गएन अउर ओनसे जउन कछू मुख्ययाजक अउर बुजुर्ग यहूदी नेतन कहेन, उ सब ओनका कहिके सुनावा गवा।</verse>
				<verse number="24">जब उ पचे इ सुनेन तउ मिलिके उँची आवाज मँ परमेस्सर क गोहरावत भवा बोलेन, “स्वामी, तू ही अकास, धरती, समुद्दर अउर ओकरे अंदर जउन कछू अहइ, ओका बनाया ह।</verse>
				<verse number="25">तू ही पवित्तर आतिमा क जरिये आपन सेवक, हमरे पूर्वज दाऊद क मुँहना स कहे रहा: ‘देखाएन इ जानित आपन अहंकार काहे? मनइयन वृथा ही कुचाल काहे किहेन?</verse>
				<verse number="26">इ धरती क राजा लोग आपन क तइयार किहेन ओनके खिलाफ जुद्ध बरे। अउर राजा बटुर गएन पर्भू अउर ओकरे मसीह क खिलाफत मँ।’</verse>
				<verse number="27">हाँ, हेरोदेस अउर पुन्तियूस पिलातुस भी इ सहर मँ गैर यहूदियन अउर इस्त्राएलियन क संग मिलिके तोहरे पवित्तर सेवक ईसू क खिलाफ, जेकर तू मसीह रूप मँ अभिसेक किहे ह, सचमुच उ पचे एक अउट ग रहेन।</verse>
				<verse number="28">उ पचे बटुर गएन काहेकि तोहार सक्ती अउर इच्छा क अनुसार जउन कछू पहिले ही तय होइ चुका रहा उ पूरा होइ।</verse>
				<verse number="29">अउर अबहिं हे पर्भू, ओनकइ धमकिन प धियान द्या अउर आपन सेवक लोगन क निडर होइके ‘तोहार बचन’ सुनावइ क सक्ती द्या।</verse>
				<verse number="30">जब कि चंगा किहे क पाछे आपन हाथ बढ़ाया अउर अद्भुत चीन्हन अउर अद्भुत कारजन तोहरे पवित्तर सेवकन क जरिये ईसू क नाउँ प कीन्ह जात रहत हीं।”</verse>
				<verse number="31">जब उ पचे पराथना कइ चुकेन तउ जउने ठउरे प उ सबइ बटुरा रहेन, उ हल गवा अउर ओन सब मँ “पवित्तर आतिमा” समाइ गवा। अउर उ पचे निडर होइके परमेस्सर क बचन बोलइ लागेन।</verse>
				<verse number="32">बिसवासियन क इ समूचा दल एक मन अउर एक आतिमा स साथ रहा। कउनो भी इ नाहीं कहत रहा कि ओकर कउनो भी चीज ओकर आपन अहइ। ओनकइ लगे जउन कछू होत, उ पचे सब कछू क आपुस मँ बाँट लेतेन।</verse>
				<verse number="33">अउर प्रेरितन पूरी सक्ती क संग पर्भू ईसू क पुनरूत्थान क बारे मँ साच्छी देत रहेन। परमेस्सर क महान बरदान ओन पइ बना रहत।</verse>
				<verse number="34">दले मँ कउनो क कउनो चीज क कमी नाहीं रहत रही। काहेकि जउन कउनो क लगे खेत या घर होत, उ पचे ओका बेच देत रहेन अउर ओसे जउन धन मिलत,</verse>
				<verse number="35">ओका लिआइके प्रेरितन क गोड़वा प धइ देतेन। अउर जेका जेतॅनी जरूरत होत, ओका ओतॅना धन दइ दीन्ह जात।</verse>
				<verse number="36">उदाहरण बरे यूसुफ नाउँ क, साइप्रस मँ पइदा भवा, एक लेवी रहा, जेका प्रेरितन बरनाबास (अर्थात् “सान्ति क पूत”) भी कहा करत रहेन।</verse>
				<verse number="37">उ एक ठु खेत बेंच दिहेस जेकर उ मालिक रहा अउर उ धन लाइके प्रेरितन क गोड़वा प धइ दिहस।</verse>
			</chapter>
			<chapter number="5">
				<verse number="1">हनन्याह नाउँ क एक मनई अउर ओकर पतनी सफीरा मिलिके आपन दौलत क एक हींसा बेंच दिहेन।</verse>
				<verse number="2">अउ आपन पतनी क जानकारी मँ एहमाँ स कछू धन जुरय लिहेन। अउर कछू धन प्रेरितन क गोड़वा प धइ दिहेन।</verse>
				<verse number="3">ऍह पइ पतरस कहेस, “अरे हनन्याह, सइतान क तू आपन मन मँ इ बात नाइ देइ दिहा कि तू पवित्तर आतिमा स झूठ बोल्या अउर धरती क बेंच स मिला धन मँ स तनिक बचाइके धइ लिहा?</verse>
				<verse number="4">ओका बेंचइ स पहिले का उ तोहार ही नाहीं रही? अउर जब तू ओका बेंच दिहा तउ उ धन का तोहरे कब्जा मँ नाहीं रहा? तू इ बात क काहे सोच्या? तू मनइयन स नाहीं, परमेस्सर स झूठ बोल्या ह।”</verse>
				<verse number="5">हनन्याह जबहिं इ सब्दन क सुनेस तउ उ चकराइके गिरि गवा अउर दम तोड़ दिहस। जउन कउनो भी इ बारे मँ सुनेस, सबन प गहिर भय छाइ गवा। फिन जवान पुरूसन उठिके ओका कफन मँ लपेटेन अउर बाहेर लइ जाइके गाड़ दिहेन।</verse>
				<verse number="6"></verse>
				<verse number="7">कउनो तीन घण्टा पाछे, जउन कछू भवा रहा, ओका न जानत भइ ओकर पतनी भितरे आइ</verse>
				<verse number="8">पतरस ओसे कहेस, “बतावा, तू आपन खेत क ऍतने मँ ही बेच्या ह?” तउ उ कहेस, “हाँ, ऍतना मँ ही।”</verse>
				<verse number="9">तबहिं पतरस ओसे कहेस, “तू पचे दुइनउँ पर्भू क आतिमा क परीच्छा बरे काहे मान लिहा? लखा तोहरे भतारे क दफनावइवालन क गोड़ दुआरे ताई आइ ग अहइ अउर उ पचे तोहका भी ढोइ लइ जइहीं।”</verse>
				<verse number="10">तब उ ओकरे गोड़े प गिरि पड़ी अउर मरि गइ। फिन जवान परूसन भितरे आएन अउर ओका मरा पाएन। तउ उ पचे ओका ढोइके ओकरे पति क लगे ओका गाड़ दिहन।</verse>
				<verse number="11">तउ समूचइ कलीसिया अउर जउन कउनो इ बात क सुनेस, ओन सब प गहिरा भय छाइ गवा।</verse>
				<verse number="12">प्रेरितन क जरिये मनइयन क बीच बहोत स अद्भुत कारजन परगट होत रहेन अउर अचरज कारजन कीन्ह जात रहेन। उ पचे सबहिं सुलैमान क ओसारे मँ बटुरा रहेन।</verse>
				<verse number="13">मुला ओनमाँ स कउनो क हिम्मत प्रेरितन मँ मिलइ बरे नाहीं होत रही। मुला मनइयन ओनकइ गुन खूब गावत रहेन।</verse>
				<verse number="14">ओहर पर्भू प बिसवास करइवालन स्त्रियन अउर पुरूसन जिआदा स जिआदा बाढ़त जात रहेन।</verse>
				<verse number="15">ऍकरे कारण मनइयन आपन कछू बीमार लोगन क लइके खटिया अउर बिछौना प गलियन मँ ओलारइ लागेन काहेकि तबहिं पतरस ओहर स निकरा तउ ओनमाँ स कछू प कमती स कमती छाया पड़ि सकइ।</verse>
				<verse number="16">यरूसलेम क आसपास क नगर स लोग आपन बेरमियन अउर दुस्ट आतिमा स सतावा गएन मनइयन क लइके आवइ लागेन। अउर सबहिं चंगा होइ जात रहेन।</verse>
				<verse number="17">फिन महा याजक अउर ओकर संगी यानी सदूकियन क दल, ओनकइ खिलाफ खड़ा होइ गएन। उ पचे मने मँ कुढ़त रहेन।</verse>
				<verse number="18">एह बरे उ पचे प्रेरितन क बंदी बनाइ लिहन अउर ओनका कैदखाना मँ बन्द कइ दिहेन।</verse>
				<verse number="19">मुला राति क समइ पर्भू क एक दूत कैद क फाटक खोल दिहस। उ ओनका बाहेर लइ जाइके कहेस,</verse>
				<verse number="20">“जा, मन्दिर मँ ठाड़ होइ जा अउर इ नई जिन्नगी क बारे मँ मनइयन क सब कछू बतावा।”</verse>
				<verse number="21">जबहिं उ पचे इ सुनेन तउ भोरहिं तड़के मन्दिर मँ घुसि गएन अउर उपदेस देइ लागेन। फिन जब महायाजक अउर ओकर संगी हुवाँ पहोंचेन तउ उ पचे यहूदी संघ अउर इस्राएल क बुजुर्ग क पूरी सभा न्योतेन। उ पचे कैदखाना स प्रेरितन क बोलवावइ पठएन।</verse>
				<verse number="22">किन्तु जब अधिकारी कैदखाना मँ पहुँचेन तउ उ पचे प्रेरितन क हुवाँ नाहीं पाएन। उ पचे लौटिके ऍका बताएन अउर</verse>
				<verse number="23">कहेन, “हम पचे कैदखाना मँ सुरच्छा क लगा भवा ताला अउर दुआरे प तैनात सुरच्छाकारियन क पावा। मुला जब हम दरवाजा खोला तउ हमका भितरे कउनो नाहीं मिला।”</verse>
				<verse number="24">जइसेन मन्दिर क सुरच्छाकारी अउर मुख्य़याजकन इ सब्दन क सुनेन तउ उ पचे चकराइ गएन अउ सोचइ लागेन, “अब का होई।”</verse>
				<verse number="25">ऍतने मँ कउनो दूसर मनई आवा अउर ओनका बताएस, “जेनका तू पचे जेल मँ धाँध दिहा ह, उ पचे मन्दिर मँ खड़ा होइके उपदेस देत बाटेन।”</verse>
				<verse number="26">तउ सुरच्छाकारी आपन अधिकारी संग हुवाँ गवा अउर बिना ताकत क प्रयोग किए ओनका वापस धइ लिआवा काहेकि उ पचे डेरात रहेन कि कहूँ मनई ओनका (मन्दिर क सुरच्छा कर्मी) पाथर स न मारइँ।</verse>
				<verse number="27">उ पचे ओनका भितरे लइ आएन अउर सबन त ऊँचकी यहूदी सभा क समन्वा खड़ा कइ दिहन। फिन महायाजक ओनसे फरियावत भवा पूछेस,</verse>
				<verse number="28">“हम इ नाउँ स उपदेस न देइ बरे तोहका कर्रा हुकुम दिहे रहे। अउर तू पचे फिन भी समूचइ यरूसलेम क आपन उपदेस स भरि दिहा ह। अउर तू पचे इ मनई क मउत क अपराध हम पचे लइ लादइ चाहत बाट्या।”</verse>
				<verse number="29">पतरस अउर दूसर प्रेरितन जवाब दिहेन, “हमका मनइयन क बनिस्बद परमेस्सर क आग्या मानइ चाही।</verse>
				<verse number="30">उ ईसू क हमरे पूर्वन क परमेस्सर मउत स फिन जीवित कइके खड़ा कइ दिहेस ह जेका एक सूली प टाँगिके तू पचे मार डाया।</verse>
				<verse number="31">ओका ही प्रमुख अउर उद्धारकर्त्ता क रूप मँ बड़कइ देत भवा परमेस्सर आपन दाहिन हाथे कइँती बइठाएस काहेकि इस्राएलियन क मनफिराव अउर पाप क छमा दीन्ह जाइ सकइ।</verse>
				<verse number="32">ऍन सबन बातन क हम साच्छी अही अउर वइसे ही पवित्तर आतिमा भी बा उहइ परमेस्सर ओनका दिहेस ह जउन ओकरे आज्ञा क मानत हीं।”</verse>
				<verse number="33">जब उ पचे इ सुनेन तउ उ पचे कोहाइ गएन अउर ओनका मारि डावइ चाहेन।</verse>
				<verse number="34">मुला महासभा मँ स एक गमलिएल नाउँ क फरीसियन जउन धरमसास्तिरी अध्यापक रहा अउर जेकर सब लोग मान सम्मान करत रहेन, ठाड़ भवा अउर हुकुम दिहेस कि ऍनका तनिक देरी बरे बाहेर कइ दीन्ह जाइ।</verse>
				<verse number="35">फिन उ ओनसे कहेस, “इस्राएल क पुरूसो, तू पचे इ मनइयन क संग जउन कछू करइ प उतारू अहा, ओका सोच बिचारिके किहा।</verse>
				<verse number="36">कछू समइ पहिले आपन क बड़कवा एलान करत भवा थियूदास परगट भवा। ओर कउनो चार सौ मनई ओकरे पाछे भी होइ गएन, मुला उ मार डावा गवा अउर ओकर सबहिं मनइयन एहर ओहर छिटक गएन। ओकरे फल कछू नाहीं निकरा।</verse>
				<verse number="37">ओकरे पाछे जनगणना क समइ गलीली क बसइया यहूदा परगट भवा। उ भी कछू मनइयन क आपन पाछे कइँती हैच लिहेस। उ भी मारि डावा गवा। ओकर भी सबहिं एहर ओहर होइ गएन।</verse>
				<verse number="38">यह बरे अबहिं मइँ तू पचन्स कहत हउँ, इ मनइयन स अलग रहा, ऍनका अइसे ही अकेल्ँले छोरि द्या काहेकि ऍनकइ इ चाल या काम मनई कइँती स अहइ तउ खुद नास होइ जाइ।</verse>
				<verse number="39">मुला जदि उ परमेस्सर स अहइ तउ तू पचे ओनका रोक न पउब्या। अउर तब होइ सकत ह तू आपन खुद क ही परमेस्सर क खिलाफ लड़त भिड़त पउब्या!” उ पचे जइसा गेमलिएल कहेस मान लिहेन।</verse>
				<verse number="40">अउर प्रेरितन क भितरे बोलाइके उ पचे कोड़ा लगवाएन अउर इ आज्ञा दइके कि उ पचे ईसू क नाउँ क कउनो चर्चा न करइँ, ओनका जाइ दिहेन।</verse>
				<verse number="41">तउ उ पचे प्रेरितन इ बात क मजा मारत भए कि ओनका ओकरे नाउँ बरे बेज्जत रहइ क जोग्ग गना गवा ह, यहूदी महासभा स बाहिर चला गएन।</verse>
				<verse number="42">फिन मन्दिर अउर घर-घर मँ हर रोज इ सुसमाचार कि ईसू मसीह अहइ उपदेस देब अउर प्रचार करब उ पचे कबहुँ नाहीं तजेन।</verse>
			</chapter>
			<chapter number="6">
				<verse number="1">उ दिनन जबहिं चेलन क गनती बाढ़त रही, तउ यूनानी बोलवइया अउर इब्रानी बोलवइया यहूदियन मँ एक झगड़ा होइ गवा काहेकि रोजाना विधवावन क चीज बाँटइ मँ ओनकइ सुधि नाहीं लीन्ह जात।</verse>
				<verse number="2">तउ बारहुँ प्रेरिन क समूची मण्डली क एक साथे बोलाइके कहेन, “हम सबइ बरे परमेस्सर क बचन क सेवकइ तजिके खिलाने क इन्तजाम करब नीक नाहीं अहइ।</verse>
				<verse number="3">भाइयन, आपन मँ स सात नामी मनइयन क पवित्तर आतिमा अउर सूझबूझ स भरा भवा सात मनइयन क चुनिल्या। हम ओनका इ कामे क हकदार बनइ देइ।</verse>
				<verse number="4">अउर आपन आपका पराथना अउर बचन क सेवा क कामे मँ जिअरा लगाइ क राखब।”</verse>
				<verse number="5">इ सुझावे स समूचइ मण्डली बहोत खुस भइ। तउ उ पचे बिसवास अउर पवित्तर आतिमा स भरा भवा स्तिफनुस नाउँ क मनई क अउर फिलिप्पुस, प्रखुरुस, नीकानोर, तिमोन, परमिनास अउर अन्ताकिया क निकुलाऊस क यहूदी धरम क कबूले रहा, चुन लिहेस।</verse>
				<verse number="6">अउर इ मनइयन क फिन उ पचे प्रेरितन क समन्वा हाजिर कइ दिहन। प्रेरितन पराथना किहेन अउर ओन पइ हाथ धरेन।</verse>
				<verse number="7">इ तरह परमेस्सर क बचन संचरइ लाग अउर यरूसलेम मँ चलेन क गनती बहोत बाढ़इ लाग। याजकन क एक बहोत बड़ा गुट भी इ मत क मानइ लाग।</verse>
				<verse number="8">स्तिफनुस एक अइसा मनई रहा जउन अनुग्रह अउर सामर्थ स भरपूर रहा। उ मनइयन क बीच बड़ा बड़ा अद्भुत कारजन अउर अद्भुत चीन्हन परगट करत रहा।</verse>
				<verse number="9">मुला अजाद कीन्ह भवा अइसा कहवावात मनइयन मँ स कछू लोग जउन कुरेनी अउर सिकन्दरिया, अउर किलिकिया अउर एसिया स आवा भएन यहूदी रहेन, उ पचे ओनकइ खिलाफ बहस करइ लागेन।</verse>
				<verse number="10">मुला उ जउन बुद्धिमानी अउर आतिमा स बोलत रहा, उ पचे ओकरे समन्वा नाहीं टिक पाएन।</verse>
				<verse number="11">फिन उ पचे कछू क लालच दइके कहवाएऩ, “हम पचे मूसा अउर परमेस्सर क खिलाफ एँका बेज्जत स भरा सबद कहत सुना ह।”</verse>
				<verse number="12">इ तरह उ पचे जनता क बुजुर्ग यहूदी नेतन क, अउर धरम सास्तिरियन लोगन्क हुस्काइ दिहेन। फिन उ पचे ओका आइके धइ लिहेन अउर सबन स सर्वोच्च यहूदी महासभा क समन्वा लइ आएन।</verse>
				<verse number="13">उ पचे उ सब लबार गवाह हाजिर किहेन जउन कहेन, “इ मनई इ पवित्तर ठउर अउर व्यवस्था क खिलाफ बोलत बालत कबहुँ रूकत नाहीं बा।</verse>
				<verse number="14">हम ऍका कहत सुना ह कि इ नासरी ईसू इ जगह क नास कइ देइ अउर मूसा जउन रीति-रिवाज क हमका दिहे अहइ ओका बदल देइ।”</verse>
				<verse number="15">फिन सबन स सर्वोच्च यहूदी महासभा मँ बइठा भए सबहिं मनइयन मँ ओका धियान स लखा तउ पावा कि ओकर मुहँना कउनो सरगदूत क नाई देखाई देत रहा।</verse>
			</chapter>
			<chapter number="7">
				<verse number="1">फिन महायाजक कहेस, “का इ बात अइसे ही अहइ?”</verse>
				<verse number="2">उ जवाब दिहस, “भाइयो, अउर बाप क समान बुजुर्गन, मोर बात सुना। हारान मँ बसइ स पहिले अबहिं जब हमार बाप इब्राहीम मेसोपोटामिया मँ रहा, तउ महिमा वाला परमेस्सर ओका दर्सन दिहेस</verse>
				<verse number="3">अउर कहेस, ‘आपन देस अउर आपन रिस्तेदारन क तजिके तू उ धरती प चला जा, जेका तोहॅका मइँ देखॅउब।’</verse>
				<verse number="4">“तउ उ कसदियन क धरती क तजिके हारान मँ बसि गवा जहाँ ते ओकरे पिता क मउत क पाछे परमेस्सर ओका इ देस मँ आवइ क न्योतेस जहाँ तू पचे अबहिं रहत बाट्या।</verse>
				<verse number="5">परमेस्सर हियाँ ओका हेबानामा मँ कछू नाहीं दिहस, डग भइ धरती भी नाहीं। तउ भी ओकरे कउनो पूत नाहीं रहा फिन परमेस्सर ओसे प्रतिग्या किहेस इ देस उ ओका अउर ओकरे बंसज क ओकरी दौलत क तरह देइ।</verse>
				<verse number="6">“परमेस्सर ओसे इ भी कहेस, ‘तोहार बंसज कहूँ विदेस मँ परदेसी होइके रइहीं अउर चार सौ बरिस ताई ओका नउकर बनइके, ओनके संग बहोत बुरा बर्ताव कीन्ह जाइ।’</verse>
				<verse number="7">परमेस्सर कहेस, ‘दास बनइवइवाली उ राष्ट्र क मइँ सजा देब अउर ऍकरे पाछे उ पचे देस स बाहेर आइ जइहीं अउर इ स्थान प मोर सेवा करिहीं।’</verse>
				<verse number="8">“परमेस्सर इब्राहीम क खतना क चीन्हा स करार किहेस। अउर उ इ तरह इसहाक क पिता बना। ओकरे जनम क पाछे अठएँ दिन उ ओकर खतना किहेस। फिन इसहाक स याकूब अउर याकूब स बारहु कुल क पहिला मनई पइदा भएऩ।</verse>
				<verse number="9">“उ पचे पहिलउ मनइयन यूसुफ स जलन राखत रहेन। तउ उ पचे ओका मिस्र मँ दास बनवइ बरे बेंच दिहेन। मुला परमेस्सर ओनके संग रहा।</verse>
				<verse number="10">अउर उ ओका सबहिं मुसीबतन स बचाएस। परमेस्सर यूसुफ क गियान दिहेस अउर ओका इ जोग्ग बऩएस जेसे उ मिस्र क राजा फिरौन क अनुग्रह पात्र बन जाइ। फिरौन ओका मिस्र क राज्यपाल अउर आपन घर-बार क अधिकारी तैनात किहेस।</verse>
				<verse number="11">फिन समूचइ मिस्र अउर कनान देस मँ अकाल पड़ा अउर बड़ा संकट छाइ गवा। हमार पूर्वजन खाइ क कछू नाहीं पाइ सकेन।</verse>
				<verse number="12">“जब याकूब सुनेस कि मिस्र मँ अनाज अहइ, तउ उ हमरे पूर्वजन क हुवाँ पठएस इ पहिला मौका रहा।</verse>
				<verse number="13">ओनकइ दूसर जात्रा क मौका पइ यूसुक आपन भाइयन क बारे़ मँ बताएस अउर तब्बइ फिरौन क भी यूसुफ क परिवार क जानकारी मिली।</verse>
				<verse number="14">तउ यूसुक आपन पिता याकूब अउर परिवार क सबहि लोगन्क, जउन कुल मिलाइके पचहतन रहेन, बोलवाइ पठएस।</verse>
				<verse number="15">तब याकूब मिस्र आइ गवा अउर उ हुवाँ वइसे ही प्राण तजेस जइसेन हमार पूर्वजन हुवाँ प्राण तजे रहेन।</verse>
				<verse number="16">ओनकइ ल्हास हुवाँ स सेकम लइ जावा गएन जहाँ ओनका मकबरा मँ दफनाइ दीन्ह गवा। इ उहइ मकबरा रहा जेका इब्राहीम हमोर क बेटहनन स कछू चान्दी दइके खरीदे रहा।</verse>
				<verse number="17">“जब परमेस्सर क इब्राहीम क जउन बचन दिहे रहा, ओका पूरा होइ क समइ नगिचे आवा तउ मिस्र मँ हमरे मनइयन क गनती बहोत जिआदा होइ गइ।</verse>
				<verse number="18">आखिर मँ मिस्र प एक अइसे राजा क राज्य भवा जउऩ यूसुफ क नाहीं जानत रहा।</verse>
				<verse number="19">उ हमरे मनइयन क छलेस अउर उ हमरे पूर्वजन क निर्दय होइके मजबूर किहेस कि उ पचे आपन गदेलन क बाहेर मरइ क छोरि देइँ जेहसे उ सबइ जिन्दा न रहि पावइँ।</verse>
				<verse number="20">“उहइ समइ मूसा क जन्म भवा। उ बहोत सुन्नर लरिका रहा। उ तीन महीना भर आपन पिता क घर मँ पलत भवा बाढ़त रहा।</verse>
				<verse number="21">फिन जब ओका बाहेर छोरि दीन्ह गवा तउ फिरौन क बिटिया ओका आपन बेटवा बनइके उठाइ लइ गइ। उ आपन बेटवा क नाई ओका पालेस पोसेस।</verse>
				<verse number="22">मूसा क पूरंपूर मिस्रयन क ग्यान क सिच्छा दीन्ह गइ। ओकर सामर्थ बोलइ अउर कामे मँ दुइनउँ मँ रहा।</verse>
				<verse number="23">“जब उ चालीस बरिस क भवा तउ उ इस्राएल क बंसज, आपन भाइयन क निअरे जाइके ठान लिहेस।</verse>
				<verse number="24">तउ जब उ एक दाई लखेस कि ओनमाँ स कउनो एक क संग बुरा व्यवहार कीन्ह जात अहइ तउ उ ओका बचाएस अउर मिस्री मनई क मारिके उ दलित मनई क कसर लिहेस।</verse>
				<verse number="25">उ सोचेस कि ओकर भाई बंधु जान जइहीं कि ओनका छोड़ावइ बरे परमेस्सर ओका बइपरत अहइ। मुला उ पचे ओका नाहीं समझ पाएन।</verse>
				<verse number="26">“दुसरे दिना ओहमाँ स (ओकरे आपन मनइयन मँ स) जब कछू मनई झगड़त रहेन तउ उ ओनकइ निअरे पहोंचा अउर इ कहत भवा ओनमाँ बीच-बचाव करइ लाग, ‘तू पचे आपुस मँ भाई-भाई अहा! एक दूसर क संग बुरा बर्ताव काहे करत अहा?’</verse>
				<verse number="27">मुला उ मनई जउन आपन पड़ोसी क संग झगड़त रहा, मूसा क धकियावत भवा कहेस, ‘तोहका हमार राजा अउर न्यायाधीस के बनएस?</verse>
				<verse number="28">जइसे काल्ह तू उ मिस्रि क हत्या कइ दिहे रहा, का तू वइसे ही मोका मारि डावा चाहत ह?’</verse>
				<verse number="29">मूसा जब इ सुनेस तउ उ हुवाँ स चला गवा अउर मिदयान मँ एक पड़ोसी क रूप मँ रहइ लाग। हुवाँ ओकरे दुइ बेटवा भएन।</verse>
				<verse number="30">“चालीस बरिस बीते क पाछे सिनाई पहाड़े क लगे रेगिस्तान मँ एक बरत भइ झाड़ी क लपट क बीच ओकरे समन्वा एक सरगदूत परगट भवा।</verse>
				<verse number="31">मूसा जब इ लखेस तउ ओका अचरज भवा। जब अउर जिआदा नगिचे स लखइ बरे उ ओकरे लगे गवा तउ ओका पर्भू क बाणी सुनई पड़ी।</verse>
				<verse number="32">‘मइँ तोहरे पूर्वजन क परमेस्सर हउँ इब्राहीम, इसहाक अउर याकूब क परमेस्सर हउँ।’ डर स कँपकँपात भवा मूसा कछू निहारइ क हिम्मत नाहीं कइ पावत रहा।</verse>
				<verse number="33">“तबहि पर्भू ओसे कहेस, ‘आपन गोड़वा क पनही उतार द्या काहेकि जउने ठउर प तू खड़ा अहा, उ पवित्तर भुइँया अहइ।</verse>
				<verse number="34">मइँ मिस्र मँ आपन मनइयन क संग दुर्दसा क लखेउँ ह, परखेउँ ह। मइँ ओनका जोर स विलाप करत भवा सुनेउँ ह। ओनका अजाद करइ बरे नीचे उतरेउँ ह। आवा, अब मइँ तोहका मिस्र पठउब।’</verse>
				<verse number="35">“इ उहइ मूसा अहइ जेका उ पचे इ कहत भवा नकारेन, ‘तोहका राजा अउर न्यायकर्ता कउन बनाएस ह?’ इ उहइ अहइ जेका परमेस्सर उ सरगदूत क जरिये, जउन ओकरे बरे झाड़ी मँ परगट भवा रहा, राजा अउर मुक्ति देइवाला होइ बरे पठएस।</verse>
				<verse number="36">उ ओनका मिस्र क भुइँया अउर लाल सागर अउर रगिस्ताने मँ चालीस बरिस ताई बहुत अचरज कारजन करत भवा अउर अद्भुत चीन्हन दखॅावत भवा बाहेर निकारी लइ आवा।</verse>
				<verse number="37">“इ उहइ मूसा अहइ जउन इस्राएल क लोगन स कहे रहा, ‘तोहरे भाइयन मँ स ही तोहरे बरे परमेस्सर एक मोरे जइसा नबी पठइ।’</verse>
				<verse number="38">इ उहइ अहइ जउन वीरान जगह मँ सभा क बीच हमार पूर्वजन अउर उ सरगदूत क साथे मौजूद रहा जउन सीनै पहाड़े प ओसे बात किहेस। मूसा परमेस्सर स जीवित बचन पाएस जउन हमका जिन्नगी देत हीं।</verse>
				<verse number="39">“मुला हमार पूर्वजन ओका मानइ स इनकार कइ दिहेन। ऍतना ही नाहीं, उ पचे ओका नकार दिहन अउर आपन मने मँ फिन उ पचे मिस्र लौटि गएन।</verse>
				<verse number="40">उ पचे हारून स कहे रहेन, ‘हमरे बरे अइसे देवतन क बनावा जउन हम पचन्क राह सोझॉवइ। इ मूसा क बारे मँ जउऩ मिस्र स बाहेर निकारा गवा रहा, हम नाहीं जानित कि ओकरे संग का कछू घटा।’</verse>
				<verse number="41">ओनही दिनन मँ उ पचे बछवा क तरह एक ठु मूरत गढ़ेन। उ मूरत प उ सबइ बलि चढ़ाएन। अउर जेका उ पचे आपन हाथे स चढ़ाएन, ओह पइ आनन्द मनावइ लागेन।</verse>
				<verse number="42">मुला परमेस्सर ओनसे मुँहना मोड़ि लिहस। उ सबन्क अकासे क ग्रह-नछत्र क आराधना करइ बरे छोड़ दीन्ह गवा। जइसा कि नबियन क किताबे मँ लिखा अहइ: ‘ओ इस्राएल क परिवारे क लोगो, का तू पसु बलि अउर दूसर बलि वीरान मँ मोका नाहीं चढ़ावत रह्या? चालीस बरिस तलक।</verse>
				<verse number="43">तू पचे मोलेक क तम्बू अउर आपन देवता रिफान क तारा भी आपन संग लइ गवा रहे। ओन मूरत क भी लइ गवा रहे जेनका तू पचे आराधना करइ बरे बनए रह्या। यह बरे मइँ तोहका बेबिलान स भी परे पठउब।’</verse>
				<verse number="44">“पवित्तर क तम्बू भी उ वीरान मँ हमरे पूर्वजन क संग रहा। इ तम्बू उहइ नमूने प भी बनवा ग रहा जइसा कि मूसा लखे रहा अउर जइसा कि मूसा स बात करवइया बनावइ बरे ओसे कहे रहा।</verse>
				<verse number="45">हमार पूर्वजन ओका पाइके तबहिं हुवाँ स आए रहेन जब यहोसू क अगुअइ मँ उ पचे उ राष्ट्रन स धरती लइ लिहे रहेन जेनका हमरे पूर्वजन क समन्वा परमेस्सर निकारिके खदेरे रहा। दाऊद क समइ तलक हुवाँ उ रहा।</verse>
				<verse number="46">दाऊद परमेस्सर क अहुग्रह क आनन्द उठाएस। उ चाहत रहा कि उ याकूब क परमेस्सर बरे एक ठु मंदिर बनवाइ सकइ।</verse>
				<verse number="47">मुला उ सुलेमान ही रहा जउन ओकरे बरे मंदिर बनवाएस।</verse>
				<verse number="48">“कछू भी होइ परम परमेस्सर हथवा स बना भवन मँ निवास नाहीं करत। जइसा कि नबी कहे अहइ:</verse>
				<verse number="49">‘प्रभू कहेस, सरग मोर सिंहासन अहइ धरती गोड़वा क चौकी बनी अहइ। कउने तरह क तू बनउब्या मोर घर? अहइ कहूँ अइसी जगह, जहाँ अराम पावउँ?</verse>
				<verse number="50">का सबहिं कछू इ, मोर बनवा नाहीं रहा हाथे का?’”</verse>
				<verse number="51">“अरे हठीले लोग बिना खतना क मन अउर कान वाले जिद्दी मनइयन, तू पचे सदा पवित्तर आतिमा क खिलाफत किहे ह। तू सबइ आपन पूर्वजन जइसा ही अहा!</verse>
				<verse number="52">का कउनो भी अइसा नबी रहा, जेका तोहार पूर्वजन नाहीं सताएन? उ पचे तउ ओनका मारि डाए रह्या। जउन बहोत पहिले स ही उ धर्मी (मसीह) क अवाई क एलान कइ दिहे रहेन, जेका अब तू धोखा दइके पकड़वाइ दिहा अउर मरवाइ डाया।</verse>
				<verse number="53">तू सबइ उहइ अहा जउन सरगदूतन क जरिये दीन्ह गवा व्यवस्था क तउ पाइ लिहा मुला ओह पइ चल्या नाहीं!”</verse>
				<verse number="54">जब उ सबइ इ सुनेन तउ उ पचे किरोध स पगलाइ गएन अउर स्तिफनुस पर दाँत पीसइ लागेन।</verse>
				<verse number="55">मुला पवित्तर आतिमा स भरा स्तिफनुस सरगे कइँती लखत रहा। उ निहारेस परमेस्सर क महिमा क अउर परमेस्सर क दाहिन कइँती खड़ा भवा ईसू क।</verse>
				<verse number="56">तउ उ कहेस, “लखा! मइँ लखत हउँ कि सरग खुला भवा अहइ अउर मनई क पूत परमेस्सर क दाहिन कइँती खड़ा बा!”</verse>
				<verse number="57">एह पइ उ पचे चिचिआत भवा आपन कान ढाँपि लिहेन अउर फिन उ सबइ एक संग टूट पड़ेन।</verse>
				<verse number="58">उ सबइ ओका घेरर्वत भए सहर स बाहेर लइ गएन अउर ओहॅ पइ पाथर बरसावइ लागेन। तबहिं गवाह लोग आपन ओढ़ना उतारि के साऊल नाउँ क एक ठु जवान क गोड़े प धइ दिहेन।</verse>
				<verse number="59">स्तिफनुस प जब स उ पचे पाथर बरसाउब सुरू किहेन, उ इ कहत भवा पराथना करत रहा, “पर्भू ईसू, मोर आतिमा क ग्रहण करा।”</verse>
				<verse number="60">फिन उ घुटना क बल भइराइ गवाँ अउर ऊँचि अवाजे मँ चिल्लान, “पर्भू, इ पाप क ओनकइ खिलाफ जिन ल्या!” ऍतना कहिके उ हमेसा क नींद मँ सोइ गवा।</verse>
			</chapter>
			<chapter number="8">
				<verse number="1">साऊल स्तिफनुस क कतल ठीक बताएस। उहइ दिना स यरुसलेम क कलीसिया प घोर अत्याचार होब सुरू भवा प्रेरितन क तजिके उ पते सबहिं मनइयन यहूदिया अउर सामरिया क गाउँ मँ तितराइ-बितराइके फैलि गएऩ। कछू भगत लोग स्तिफनुस क गाड़ दिहन अउर ओकरे बरे बहोत दुःख मनाएन। साऊल कलीसिया क बरबाद करब सुरू कइ दिहेस। उ घर-घर जाइके स्त्रियन अउर पुरूसन क घेर्रावत भवा जेल मँ धाँधइ लाग।</verse>
				<verse number="2"></verse>
				<verse number="3"></verse>
				<verse number="4">ओहर तितराए बितराए मनई हर ठउरे प जाइके नीक खबर क सुसामाचार देइ लागेन।</verse>
				<verse number="5">फिलिप्पुस सामरिया नगर क चला गवा अउर हुवाँ मनइयन मँ मसीह क बारे मँ प्रचार करइ लाग।</verse>
				<verse number="6">फिलिप्पुस क मनइयन जब सुनेन अउर जउन अद्भुत चीन्हन क उ परगट करत रहा, लखेस, तउ जउन बातन क उ बतावा करत रहा, ओन पइ उ पचे एक चित्त लाइके धियान दिहेन।</verse>
				<verse number="7">बहोत स मनइयन मँ स, जेनमाँ दुस्ट आतिमा समाई रहिन, उ सबई ऊँच अवाजे मँ चिल्लात भइ बाहेर निकरि आइन। बहोत स सुखाड़ी क बेरिमिया अउर अंग भंग नीक होत रहेन।</verse>
				<verse number="8">उ सहर मँ खुसी छाइ रही।</verse>
				<verse number="9">हुवँइ समौन नाउँ क मनई रहत रहा। फिलिप्पुस क अवाई स पहिले उ ढेर समइ स उ सहर मँ जादू टोटका करत रहा। अउर सामरिया क मनइयन क अचरज मँ डाइ देत रहा। उ महा पुरूख होइ क दावा करत रहा।</verse>
				<verse number="10">नान्ह स लइके बड़वारे तलक सबहिं मनइयन ओकरे बात प धियान देतेन अउर कहत रहतेन, “इ मिला परमेस्सर क उहइ सक्ती बा जउन ‘महान सक्ती’ कहवावत ह!”</verse>
				<verse number="11">काहेकि उ ढेर दिनन स ओन पचन्क आपन चमत्कारन क घनचक्कर मँ नाइ देत रहा, यह बरे उ पचे ओह पइ धियान देत रहेन।</verse>
				<verse number="12">मुला उ पचे जब फिलिप्पुस प पतिमानेन काहेकि उ ओनका परमेस्सर क राज्य क सुसामाचार अउर ईसू मसीह क नाउँ बाँचत रहा, तउ उ पचे स्त्रियन अउर पुरूसन दुइनउँ ही बपतिस्मा लेइ लागेन।</verse>
				<verse number="13">अउर खुद समौन ही ओन पइ पतियाइ लाग। अउर बपतिस्मा लेइ क पाछे फिलिप्पुस क संग उ बड़े निचके स बसइ लाग। उ अद्भुत कारजन अउर अद्भुत चीन्हन क जब उ लखेस, तब दंग रहि गवा।</verse>
				<verse number="14">जब यरूसलेम मँ प्रेरितन इ सुनेन कि सामरिया क मनइयन परमेस्सर क बचन क मान लिहे अहइँ तउ उ पचे पतरस अउर यूहन्ना क ओनके लगे पठएन।</verse>
				<verse number="15">जबहिं उ पचे आएऩ, तब उ दुइनउँ सामरियन बरे पराथना किहेन कि ओनका पवित्तर आतिमा मिलि जाइ।</verse>
				<verse number="16">काहेकि अबहुँ तलक पवित्तर आतिमा कउनो प नाहीं ओतरी, ओनका फिन पर्भू ईसू क नाउँ प बपतिस्मा हि दीन्ह गवा रहा।</verse>
				<verse number="17">तउ पतरस अउर यूहन्ना ओन पइ आपन हाथ धरेस अउर ओनका पवित्तर आतिमा मिलि गइ।</verse>
				<verse number="18">जब समौन लखेस कि प्रेरितन क हाथ धरे भइ स पवित्तर आतिमा मिलि गइ तउ ओनके समन्वा धन धरत भवा कहेस,</verse>
				<verse number="19">“इ सक्ती मोका दइ द्या काहेकि जेह पइ मइँ हाथ धरउँ, ओका पवित्तर आतिमा मिलि जाइ।”</verse>
				<verse number="20">पतरस ओसे कहेस, “तोहार अउर तोहरे धने क सतियानास होइ! काहेकि तू इ बिचार्या ह कि तू धने स परमेस्सर क बरदान क मोल लइ सकत ह।</verse>
				<verse number="21">इ बारे मँ तोहार हमार मेल नाहीं खात काहेकि परमेस्सर क समन्वा तोहार हिरदय सही नाहीं बा।</verse>
				<verse number="22">यह बरे आपन इ दुस्टता बरे मनफिराव अउर आपन कुकरम प पछतावा करा अउर पर्भू स पराथना करा। इ होइ सकत ह कि इ बिचार बरे तोहका छमा कइ दीन्ह जाइ जउन तोहरे मने मँ रहा।</verse>
				<verse number="23">मइँ लखत हउँ कि तू परिहँसे स भरा अहा अउर पाप क पंजा मँ फँसा बाट्या।”</verse>
				<verse number="24">यह पइ समौन जवाब दिहेस, “तू पर्भू स मोरे बरे पराथना करा काहेकि तू जउन कहया ह, ओहमाँ स कउनो भी बात मोह प न आइ जाइ!”</verse>
				<verse number="25">फिन प्रेरितन साच्छी दइके अउर पर्भू क बचन सुनाइके, राहे मँ टेर क सामरी गाँवन मँ सुसामाचार क उपदेस देत भएन यरूसलेम लौटि गएऩ।</verse>
				<verse number="26">पर्भू क एक सरगदूत फिलिप्पुस क कहत भवा बताएस, “तइयार होइ जा, अउर सरक प दक्खिन कइँती जा, जउन सरक यरूसलेम स गाजा क जात ह। इ एक निर्जन राह अहइ।”</verse>
				<verse number="27">तउ उ तइयार भवा अउर निकरि गवा। सरक पइ इथियोपिया क मनई क लखेस। उ हिजरा रहा। इथियोपियन क रानी कंदाके क एक अधिकारी रहा जउन ओकरे सारा खजाना क खजांची रहा। उ आराधना करइ यरूसलेम गवा रहा।</verse>
				<verse number="28">लउटत भवा उ आपन रथे मँ बैठिके नबी यसायाह क पोथी बाँचत रहा।</verse>
				<verse number="29">तबहिं उ आतिमा फिलिप्पुस स कहेस, “उ रथे क निचके जा अउर हुवँइ ठहर जा।”</verse>
				<verse number="30">फिलिप्पुस जब उ रथे क निचके दौड़िके गवा तउ उ ओका यसायाह क पढ़त भवा लखेस। तउ उ कहेस, “का तू जेका बाँचत अहा, ओका बूझत भी बाट्या?”</verse>
				<verse number="31">उ कहेस, “मइँ भला कहाँ तलक समुझ बूझ सकत हउँ? जब तलक कउनो मोका एकर अरथ न बतावइ?” फिन उ फिलिप्पुस क ऱथे प आपन संग बइठाएस।</verse>
				<verse number="32">पवित्तर सास्तर क जउन हींसा क उ बाँचत रहा, उ रहा: “उ भेंड़ क नाई जप कइ दीन्ह बरे लइ जावा जात रहा उ ओ मेम्ना क नाई चुप रहा जउन आपन उन क कतरइवाला क समन्वा चुप रहत ह। ठीक वइसे ही उ आपन मुँह खोलेस नाहीं।</verse>
				<verse number="33">अब अइसी दीन दसा मँ ओका निआव स दुरिआवा गवा। ओकरी पीढ़ी क कबहँ गाथा कउन गाई? काहेकि धरती स तउओकर जिन्नगी लइ लीन्ह गइ।”</verse>
				<verse number="34">उ अधिकारी फिलिप्पुस स कहेस, “अनुग्रह कइके बतावा कि इ नबी केकर बारे मँ कहत बाटइ? इ आपन बारे मँ या कउनो अउर क बारे मँ?”</verse>
				<verse number="35">फिन फिलिप्पुस कहब सुरू किहेस अउर इ सास्तर स लइके ईसू क सुसामाचार तलक सब कछू ओका कहिके सुनाएस।</verse>
				<verse number="36">रस्ता मँ आगे बढ़त भए उ सबइ पानी क निचके पहुँचेन। फिन उ अधिकारी कहेस, “लखा! हिआँ पानी बाटइ। अब मोका बपतिस्मा लेइ मँ का बियाधा अहइ?”</verse>
				<verse number="37"></verse>
				<verse number="38">तब उ रथे क रोकइ बरे आग्या दिहेस। फिन फिलिप्पुस अउर उ अधिकारी दुइनउँ ही पानी मँ उतरि गएन अउर फिलिप्पुस ओका बपतिस्मा दिहेस।</verse>
				<verse number="39">अउर फिन जब उ पचे पानी स बाहेर निकसेन तउ फिलिप्पुस क पर्भू क आतिमा छीन लइ गवा। अउर उ अधिकारी फिन ओका कबहुँ नाहीं लखेस। ओहर उ अधिकारी खुसी मनावत आपन राहे प चला गवा।</verse>
				<verse number="40">ओह कइँती फिलिप्पुस खुद क असदोद मँ पाएस अउर कैसरिया पहोंच तलक उ सब नगरन मँ सुसमाचार प्रचार करत रहा।</verse>
			</chapter>
			<chapter number="9">
				<verse number="1">साऊल अबहुँ पर्भू क चेलन क मारि डावइ क धमकी देत रहा। उ महायाजक क लगे गवा।</verse>
				<verse number="2">अउर उ दमिस्क क आराधनालय क नाउँ इ मंसा क चिट्ठी लिहेस कि जेहसे ओका हुवाँ अगर कउनो इ पंथ क चेलन मिलइ, फिन चाहे उ स्त्रियन होइ, चाहे पुरुसन, तउ उ ओका बंदी बनाइ सकइ अउर फिन वापिस यरूसलेम लइ आवइ।</verse>
				<verse number="3">तउ जब चलत चलत उ दमिस्क क निचके पहोंचा, तउ एकाएक ओकरे चारिहुँ कइँती अकासे स रोसनी कउँधी</verse>
				<verse number="4">अउर उ भुइँया प जाइ गिरा। उ एक अवाज अनकेस जउन ओसे कहत रही, “साऊल, अरे ओ साऊल! तू मोका काहे सतावत अहा?”</verse>
				<verse number="5">साऊल कहेस, “पर्भू तू कउन अहा?” उ कहेस, “मइँ ईसू अहउँ जेका तू सतावत बाट्या।</verse>
				<verse number="6">मुला अब तू खड़ा ह्वा अउर नगर मँ जा। हुवाँ तोहका बताइ दीन्ह जाइ कि तोहका का करइ चाही।”</verse>
				<verse number="7">जउन मनई ओकरे संग जात्रा करत रहेन, उ पचे चुपचाप रहि गएऩ। उ पचे अवाज तउ अनकेन मुला कउनो क लखेन नाहीं।</verse>
				<verse number="8">फिन साऊल भुइँया पइ स खड़ा भवा। मुला जब उ आपन आँखी खोलेस तउ उ कछू भी नाहीं निहारि सका। एह बरे उ पचे ओकर हाथ धइके दमिस्क लइ गएन।</verse>
				<verse number="9">तीन दिना तलक उ न तउ कछू निहारि पाएस, अउर न ही कछू खाएस या पीएस।</verse>
				<verse number="10">दमिस्क मँ हनन्याह नाउँ क ईसू क एक चेला रहा। पर्भू दर्सन दइके ओसे कहेस, “हनन्याह!” तउ उ बोला, “पर्भू, मइँ इ हउँ।”</verse>
				<verse number="11">पर्भू ओसे कहेस, “खड़ा ह्वा अउर उ गली मँ जेका सोझ कहवावइ वाली गली कहा जात ह। अउर हुवाँ यहूदी क घरे मँ जाइके तारसी क बसइया साऊल नाउँ क एक मनई क बारे मँ पूछताछ करा काहेकि उ पराथना करत बाटइ।</verse>
				<verse number="12">उ एक दर्सन मँ लखेस ह कि हनन्याह नाउँ क एक मनई घरे मँ आइके ओह प हाथ रखेस ह ताकि उ फिन लखि सकइ।”</verse>
				<verse number="13">हनन्या जवाब दिहेस, “पर्भू, मइँ इ मनई क बारे मँ बहोतन स सुना ह। यरूसलेम मँ तोहरे संत लोगन क संग इ जउन बुरा काम किहेस ह, उ सब मइँ सुनेउँ ह।</verse>
				<verse number="14">अउर हियाँ भी इ मुख्ययाजक स तोहरे नाउँ मँ सबहिं बिसवासी मनइयन क बंदी बनावइ क हुकुम लइ आवा ह।”</verse>
				<verse number="15">मुला पर्भू ओसे कहेस, “तू जा काहेकि इ मनई क विधर्मी मनइयन, राजा लोगन अउर इस्राएल क मनइयन क समन्वा मोर नाउँ लेइ बरे, एक जरिया क रूप मँ मइँ चुनेउँ ह।</verse>
				<verse number="16">मइँ खुद ओका उ सब कछू बताउब, जउन ओका मोरे नाउँ बरे सहइ क होइ।”</verse>
				<verse number="17">तउ हनन्याह चला गवा अउर उ घरे क भितरे पहोंचा अउर साऊल प आपन हाथ रखि दिहेस अउर कहेस, “भाइ साऊल! पर्भू ईसू मोका पठएस ह जउन तोहरे राह मँ तोहरे समन्वा परगट भ रहा जेहसे तू फिन स लखि सका अउर पवित्तर आतिमा स भरि उठा।”</verse>
				<verse number="18">फिन तुरतहि बोकला जइसी कउनो चीज ओकरी आँखिन स टेघरी अउर ओका फिन देखॉइ देइ लाग। उ खड़ा भवा अउर उ बपतिस्मा लिहेस।</verse>
				<verse number="19">ओकरे पाछे फिन तनिक खइया खाए क बाद आपन ताकत पाइ गवा। उ दमिस्क मँ चेलन क संग कछू समइ ठहरा।</verse>
				<verse number="20">फिन इ सोझइ यहूदी आराधनालय मँ पहोंचा अउर ईसू क प्रचार करइ लाग। उ कहेस, “इ ईसू परमेस्सर क पूत अहइ।”</verse>
				<verse number="21">जउन कउनो भी ओका सुनेन, चकित रहि गएन अउर बोलेन, “का इ उहइ नाहीं अहइ, जउन यरूसलेम मँ ईसू क नाउँ मँ बिसवास करइया मनइयन क नास करइ क जतन नाहीं किहेस। अउर का इ ओनका धरवावइ अउर मुख्ययाजक क समन्वा लइ जाइ नाहीं आवा रहा?”</verse>
				<verse number="22">मुला साऊल जिआदा स जिआदा सक्तीसाली होत गवा अउर दमिस्क मँ बसइया यहूदियन क इ सिद्ध करत भवा कि इ ईसू ही मसीह अहइ, हरावइ लाग।</verse>
				<verse number="23">बहोत दिन बीति जाए क पाछे यहूदियन ओका मारि डावइ क षड़यन्त्र किहेन।</verse>
				<verse number="24">मुला ओनकइ चाल क पता साऊल क होइ गवा। उ पचे सहर क दुआरन प घात लगाए रहत रहेन जेहसे ओका मारि डावइँ।</verse>
				<verse number="25">मुला ओकर चेलन ओका राति मँ उठाइ लइ गएन अउर झउआ मँ बइठाइके सहर क चहरदीवार के छेदे स ओका खाले उतारि दिहेन।</verse>
				<verse number="26">फिन जब उ यरूसलेम पहोंचा तउ उ चेलन क संग मिलइ क जतन करइ लाग। मुला उ पचे तउ ओसे ससान रहेन। ओनका इ बिसवास नाहीं रहा कि उ भी ईसू का एक चेलन अहइ।</verse>
				<verse number="27">मुला बरनाबास ओका आपन संग प्रेरितन क लगे लइ गवा अउर उ ओनका बताएस कि साऊल पर्भू क राहे मँ कउने तरह लखेस अउर पर्भू ओसे कइसे बतियान ह। अउर दमिस्क मँ कउने तरह उ बेडर होइके ईसू क नाउँ क प्रचार करइ लाग।</verse>
				<verse number="28">फिन साऊल ओनके संग यरुसलेम मँ अजादी स आवइ जाइ लाग। उ बेडर होइके पर्भू क नाउँ क प्रबचन करत रहा।</verse>
				<verse number="29">उ यूनानी भाखा क बोलवइया क साथ तहत्तुक अउर धरम चर्चा करत रहा मुला उ सबइ तउ ओका मारि डावा चाहत रहेन।</verse>
				<verse number="30">मुला जब भाई लोगन्क इ बात क पता लाग तउ उ पचे ओका कैसरिया लइ गएन अउर फुन ओका तरसुस पहोंचाइ दिहेन।</verse>
				<verse number="31">इ तरह समूचइ यहूदिया, गलील अउर सामरिया क कलीसिया क उ समइ सांति स बीति गवा। उ कलीसिया अउर जिआदा सक्तीसाली होइ लाग। काहेकि उ पर्भू स डेराइके आपन जिन्नगी काटत रही, अउर पवित्तर आतिमा ओका अउर जिआदा हिम्मत देत रही तउ ओकर गनती बाढ़इ लाग।</verse>
				<verse number="32">फिन उ समूचइ पहँटा मँ टहरत घूमत पतरस लुद्दा क संत लोगन स भंटइ पहोंचा।</verse>
				<verse number="33">हुवाँ ओका एनियास नाउँ क एक मनई मिला जउन आठ बरिस स बिछउना प ओलरा रहा। ओका लकुआ मारि गवा रहा।</verse>
				<verse number="34">पतरस ओसे कहेस, “एनियास, ईसू मसीह तोहका चंगा करत ह। खड़ा ह्वा अउर आपन बिछउना सोझ करा!” तउ उ तुरंत खड़ा होइ गवा।</verse>
				<verse number="35">फिन लूद्दा अउर सारोन मँ बसइया सब मनइयन ओका लखेन अउर उ पचे पर्भू कइँती घूमि गएन।</verse>
				<verse number="36">याफा मँ तबीता नाउँ क एक चेली रहत रही (जेकर यूनानी अनुवाद अहइ दोरकास अरथ अहइ “हिरनी”।) हमेसा नीक नीक काम करत अउर गरिबन क दान देत।</verse>
				<verse number="37">ओनही दिनाँ उ बीमार भइ अउर मरि गइ। उ पचे ओकरे ल्हासे क नहवाइके सीढ़ी क ऊपर खोली मँ धइ दिहेन।</verse>
				<verse number="38">लुद्दा याफा क लगे रहा, तउ चेलन जबहिं इ सुनेन कि पतरस लुद्दा मँ बाटइ तउ उ पचे ओकरे लगे दुइ मनई पठएन कि उ सबइ ओसे बिनती करइँ, “अनुग्रह कइके हाली स हाली हमरे लगे आइ जा!”</verse>
				<verse number="39">तउ पतरस तइयार होइके ओनके संग चला गवा। जब पतरस हुवाँ पहोंचा तउ उ पचे ओका सीढ़ी क ऊपर खोली मँ लइ गएन। हुवाँ सबहिं विधवावन छाती पीटिके रोवत भइन अउर उ सबइ कुर्ती अउर ओढ़ना क, जेनका दोरकास बनाए रहा; जबहिं उ पचे ओकरे संग रहिन देखॅावत भइन खड़ी होइ गइन।</verse>
				<verse number="40">पतरस हर कउनो क बाहेर पठएस अउर घुटना क बल निहुरिके ओसे पराथना किहेस। फिन ल्हास कइँती घूमत भवा बोला, “तबीता-खड़ी होइजा!” उ आपन आँखिन उघारेस अउर पतरस क लखतन भइ उठिके बइठी।</verse>
				<verse number="41">ओका आपन हाथ दइके पतरस खड़ा किहेस अउर फिन संत अउर विधवावन क बोलवाइ के ओनका ओका जिन्दा सौप दिहेस।</verse>
				<verse number="42">समूचइ याफा मँ हर कउनो क इ बात क पता लग गवा अउर बहोत स मनइयन पर्भू मँ बिसवास किहेन।</verse>
				<verse number="43">फिन याफा मँ समौन नाउँ क एक चमार क हियाँ पतरस बहोत दिनाँ तक रूका रहा।</verse>
			</chapter>
			<chapter number="10">
				<verse number="1">कुरनेलियुस नाउँ क एक मनई कैसरिया मँ रहा। उ फउज क उ दले क नायक रहा जेका इतालवी कहा जात रहा।</verse>
				<verse number="2">उ परमेस्सर स डेरॅाइवाला भगत रहा अउर वइसा ही ओकर परिवार भी रहा। उ गरीबन क मदद करइ बरे दिल खोलिके दान देत रहा अउर हमेसा ही परमेस्सर क पराथना करत रहत रहा।</verse>
				<verse number="3">दिन क नवे पहर क नगिचे उ एक दर्सन मँ साफ साफ लखेस कि परमेस्सर क एक सरगदूत ओकरे लगे आवा ह अउर ओसे कहत ह, “कुरनेलियुस।”</verse>
				<verse number="4">तउ कुरनेलियुस डेरात भवा सरगदूत कइँती लखत भवा बोला, “हे पर्भू, इ का अहइ?” सरगदूत ओसे कहेस, “तोहार पराथना अउर गरीब गुरबा क दिया भवा तोहार दान एक यादगार क रूप मँ तोहार याद दियावइ बरे परमेस्सर क लगे पहोंचा अहइँ।</verse>
				<verse number="5">तउ कछू मनइयन क याफा पठवा अउर समौन नाउँ क एक मनई क, जउन पतरस कहा जात ह, हिआँ बोलॉइ ल्या।</verse>
				<verse number="6">उ समौन नाउँ क एक चमार क हिआँ रहत ह। ओकर घर समुदूदर क किनारे बा।”</verse>
				<verse number="7">उ सरगदूत जउन ओसे बात करत रहा, जब चला गवा तउ उ आपन दुइ नउकरन अउर आपन खुद क सहायक लोगन मँ स एक भक्त सिपाही क बोलाएस</verse>
				<verse number="8">अउर जउन कछू भवा रहा, ओनका सब कछू बताइके याफा पठइ दिहेस।</verse>
				<verse number="9">अगले दिन जब उ पचे चलतइ चलत सहर क निचके पहोंचइ क ही रहेन, पतरस दुपहरिया मँ पराथना करइ छत्ते प चढ़ा।</verse>
				<verse number="10">ओका भूख लाग, तउ उ कछू खाइ चाहत रहा। उ पचे जब खइयाके तइया करत रहेन तउ ओकर समाधि लग गइ।</verse>
				<verse number="11">अउर उ लखेस कि अकास खुलि गवा अहइ अउर एक बड़वार चद्दर जइसी चीज तरखाले उतरत बा। ओका चारिहुँ कइँती स धइके धरती प उतारा जात बा।</verse>
				<verse number="12">ओह प हर तरह क पसु, धरती प रेंगइ वाला जीव-जंतु अउर अकासे क पंछी रहेन।</verse>
				<verse number="13">फिन एक अवाज ओसे कहेस, “पतरस उठ, मार अउर खा।”</verse>
				<verse number="14">पतरस कहेस, “पर्भू, फुरइ तउ नाहीं, काहेकि मइँ कबहुँ भी अपवित्तर या असुद्ध चीज क नाहीं खाएउँ ह।”</verse>
				<verse number="15">ऍह पइ ओनका दूसरी बार फिन अकासबाणी सुनाई दिहेस, “कउनो भी चीज क जेका परमेस्सर पवित्तर बनाए अहइ, ओनका तू ‘अपवित्तर’ न काह!”</verse>
				<verse number="16">तीन दाई अइसा ही भवा अउर उ पूरी वस्तु फिन अकास मँ वापिस उठाइ लीन्ह गइ।</verse>
				<verse number="17">पतरस जउने दर्सन जेका लखे रहा क अरथ क बारे मँ दुबिधा करत रहा, कुरनेलियुस क पठए भए लोग दुआरे प ठाड़ भवा पूछत रहेन, “समौन क घर कहाँ बा?”</verse>
				<verse number="18">उ सबइ बाहेर गोहरावत भए पूछेन, “का पतरस कहा जाइवाला समौन मेहमान क रूप मँ हियँइ रूका अहइ।?”</verse>
				<verse number="19">पतरस अबहिं उ दर्सन क बारे मँ सोचत ही रहा कि आतिमा ओसे कहेस, “सुना! तोहका तीन मनई हेरत अहइँ।</verse>
				<verse number="20">तउ खड़ा ह्वा, अउर तरखाले उतरिके बेझिझके चला जा, काहेकि ओनका मइँ ही पठएउँ ह।”</verse>
				<verse number="21">इ तरह पतरस तरखाले उतरि आवा अउर ओन मनइयन स बोला, “मइँ उहइ अहउँ, जेका तू हेरत बाट्या। तू काहे आया ह?”</verse>
				<verse number="22">उ पचे बोलेन, “हम सबनक फऊजीनायक कुरनेलियुस पठएस ह। उ अच्छा मनई अहइ अउर सच्चे परमेस्सर क आराधना करत ह। यहूदी मनइयन मँ ओकर बहोत सम्मान अहइ। पवित्तर सरगदूत ओसे तोहका आपन घरे नेउतइ बरे कहे अहइ अउर जउन कछू कहइ ओका सुनइ बरे कहे अहइ।”</verse>
				<verse number="23">ऍह पइ पतरस ओका भितरे बोलाइ लिहस अउर ठहरइ क जगह दिहेस। फिन दूसर दिन तइयार होइके उ ओऩके संग चला गवा। अउर याफा क निवासी कछू अउर बंधु भी ओकरे संग होइ गएऩ।</verse>
				<verse number="24">दूसर दिन उ कैसरिया पहोंच गवा। हुवाँ आपन खास मित्र अउर नातेदार क बोलाइके कुरनेलियुस ओनका जोहत रहा।</verse>
				<verse number="25">पतरस अब भीतर पहोंचा तउ कुरनेलियुस ओसे भेंटइ आवा। कुरनेलियुस श्रद्धा स ओकरे गोड़वा प गिरत भवा ओका प्रणाम किहेस।</verse>
				<verse number="26">मुला ओका उठावत भवा पतरस बोला, “ठाड़ ह्वा! मइँ तउ खुद सिरिफ एक मनई हउँ।”</verse>
				<verse number="27">फिन ओकरे संग बात करत करत उ भितरे चला गवा। अउर हुवाँ उ बहोत म मनइयन क बटोरेस।</verse>
				<verse number="28">उ ओनसे कहेस, “तू सबइ जानत ह कि एक यहूदी बरे गैर यहूदी जाति क मनई क संग कउनो सम्बंध रखब या ओकरे हियाँ जाब विधान क खिलाफ अहइ मुला तउ भी परमेस्सर मोका देखाएस ह कि मइँ कउनो भी मनई क ‘असुद्ध’ या ‘अपवित्तर’ न कहउँ।</verse>
				<verse number="29">यह बरे मोका जब बोलावा गवा तउ मइँ बिना कउनो एतराज क आइ गएउँ। यह बरे मइँ तोहसे पूछत हउँ कि तू मोका काहे बरे बोलाया ह।”</verse>
				<verse number="30">ऍह पइ कुरनेलियुस कहेस, “चार दिन पहिले इहइ समइ दिन क नवें पहर (तीन बजे) मइँ आपन घरे मँ पराथना करत रहेउँ। एकाएक चमचमात ओढ़न मँ एक मनई मोरे समन्वा आइके खड़ा भवा।</verse>
				<verse number="31">अउर बोला, ‘कुरनेलियुस! तोहार बिनती सुनि लीन्ह गइ अहइ अउर गरीब गुरबन क दीन्ह भवा तोहार दान परमेस्सर क समन्वा याद कीन्ह ग अहइँ।</verse>
				<verse number="32">यह बरे याफा पठइके पतरस कहावावइवाला समौन क बोलवाइके पठवा। उ समुद्दर क किनारे चमार समौन क घरे रूका बा।’</verse>
				<verse number="33">यह बरे मइँ तुरंतहि तोहका बोलवावइ पठवा ह अउर हिआँ आवइ क कृपा कइके बहोत नीक किहा ह तउ अब पर्भू जउन कछू आग्या तोहका दिए अहइँ, उ सब कछू सुनइ बरे हम पचे हिआँ परमेस्सर क अगवा हाजिर अही।”</verse>
				<verse number="34">फिन पतरस बोलइ लाग अउर कहेस, “फुरइ अब मइँ समुझ गवा हउँ कि परमेस्सर कउनो भेद-भाव नाहीं राखत</verse>
				<verse number="35">बल्कि हर जाति क कउऩो मनई जउन ओसे डेरात ह अउर नीक काम करत ह, उ ओका अपनावत ह।</verse>
				<verse number="36">इहइ अहइ उ संदेसा जेका उ ईसू मसीह स सांति क सुसमाचार क उपदेस देत भवा इस्राएल क मनइयन क दिहे रहा। उ सबहिं का पर्भू अहइ।</verse>
				<verse number="37">“तू पचे उ बड़की घटना क जानत ह, जउन समूचइ यहूदिया मँ भइ रही। गलील स सुरू होइके यूहन्ना क जरिए बपतिस्मा दीन्ह जाए क पाछे जेकर प्रचार कीन्ह गवा रहा।</verse>
				<verse number="38">तू सबइ नासरी ईसू क बारे मँ जानत ह कि परमेस्सर पवित्तर आतिमा स अउर सक्ती स ओकर अभिसेक कइसे किहे रहा अउर उत्तिम कारज करत भवा अउर ओन सब क जउऩ सइतान क बस मँ रहेन, नीक करत भवा चारिहुँ कइँती उ कइसे घूमत रहा। काहेकि परमेस्सर ओकरे संग रहा।</verse>
				<verse number="39">“अउर हम पचे सब बातन क साच्छी अही जेनका उ यहूदियन क पहँटा अउर यरूसलेम मँ किहे रहा। उ पचे ओका ही एक ठु लकड़ी के सलीब प टाँगिके मारि डाएन।</verse>
				<verse number="40">मुला परमेस्सर तीसरे दिना ओका फिन स जिन्दा कइ दिहेस अउर ओका परगट कराएस।</verse>
				<verse number="41">सब मनइयन क समन्वा नाहीं मुला ओन साच्छियन क अगवा जउन परमेस्सर क हीला स पहिले ही चुन लीन्ह गएन। अरथ अहइ हमरे समन्वा जउन मर भएन मँ स जी जाए क पाछे ओकरे संग खाएन अउर पीएऩ।</verse>
				<verse number="42">“उहइ हमका हुकुम दिहे अहइ कि हम लोगन क उपदेस देइँ अउर सिद्ध करइँ कि इ उहइ, अहइ जउन परमेस्सर क हीला स जिन्दा भएऩ अउर मरे भएऩ मँ स निआव करइवाला मुकर्रर कीन्ह गवा अहइ।</verse>
				<verse number="43">सब नबी लोग ओकरे बारे मँ साच्छी दिहे अहइँ कि ओहमा बिसवास करइवाला हर मनई ओकरे नाउँ क हीला स पापन्क छमा पावत ह।”</verse>
				<verse number="44">पतरस अबहिं इ बातन क करत ही रहा कि ओन सब प पवित्तर आतिमा उतरि आइ जउन सुसमाचार सुने रहेन।</verse>
				<verse number="45">काहेकि पवित्तर आतिमा क बरदान गैर यहूदी प उड़ेरा जात रहा, तउ पतरस क संग आए भए यहूदी अचरज मँ पड़ि गएन।</verse>
				<verse number="46">उ पचे किसिम किसिम क भाखा बोलत रहेन अउर परमेस्सर क स्तुति करत भए अनकत रहेन। तब पतरस बोला,</verse>
				<verse number="47">“का कउनो इ मनइयन क बपतिस्मा देइ बरे, जल आसानी स देइ बरे मना कइ सकत ह? ऍनका भी वइसे ही पवित्तर आतिमा मिलि गवा ह, जइसेन हम पचन क।”</verse>
				<verse number="48">इ तरह उ ईसू मसीह क नाउँ मँ ओनका बपतिस्मा देइ क हुकुम दिहेस। फिन पतरस स उ पचे पराथना किहेन कि कछू दिन ओनकइ संग ठहरइ।</verse>
			</chapter>
			<chapter number="11">
				<verse number="1">समूचइ यहूदिया मँ भाइयन अउर प्रेरितन सुनेन कि परमेस्सर क बचन गैर यहूदी भी मान लिहे अहइँ।</verse>
				<verse number="2">तउ जब पतरस यरुसलेम पहोंचा तउ उ पचे जउन खतना क चाहत रहेन, ओकर नुक्ताचीनी किहेन।</verse>
				<verse number="3">उ सबइ कहेन, “तू खतना क बिना मनइयन क घरे गवा अहा अउर तू ओनकइ संग खइया क खाया ह!”</verse>
				<verse number="4">ऍह पइ पतरस सच जउन भवा रहा, ओका सुनावइ समुझावइ लाग।</verse>
				<verse number="5">“मइँ याफा सहर मँ पराथना करत भवा समाधि मँ एक दर्सन कीन्ह। मइँ निहारेउँ कि एक बड़की चद्दर जइसी कउनो चीज खाले उतरत बा, ओका चारिहुँ कोना स धइके अकासे स धरती प उतारा जात अहइ। फिन उ उतरिके मोरे लगे आइ गइ।</verse>
				<verse number="6">मइँ ओका धियान स लखेउँ कि ओहमाँ धरती क चौपाया जीव-जतुं, जंगली पसु रेंगइ वाला जीव अउर अकासे क पंछी रहेन।</verse>
				<verse number="7">फिन मइँ एक अवाज सुनेउँ, जउन मोसे कहत रही, ‘पतरस उठा, मारा अउर खाइ ल्या।’</verse>
				<verse number="8">“मुला मइँ कहेउँ, ‘पर्भू, निहचय रूप स तउ नाहीं, काहेकि मइँ कबहुँ भी कउनो तुच्छा या समइ क अनुसार कउनो बे पवित्तर अहार क नाहीं खाएउँ ह।’</verse>
				<verse number="9">“अकास स दूसर दाई उ अवाज फिन कहेस, ‘जेका परमेस्सर पवित्तर बनएस ह, ओका तू अपवित्तर जिन समुझा।’</verse>
				<verse number="10">“तीन दाई अइसा ही भवा। फिन उ सब अकास मँ वापिस उठाइ लीन्ह गवा।</verse>
				<verse number="11">उहइ समइ जहाँ मइँ ठहरा रहेउँ, उ घरे मँ तीन मनई आइ गएन। उ पचे मोरे लगे कैसरिया स पठवा ग रहेन।</verse>
				<verse number="12">आतिमा मोका ओनकइ संग बेझिझके चला जाइ बरे कहेस। इ छ: भाई भी मोरे संग गएऩ। अउर हम पचे उ मनई क घरे मँ चला गए।</verse>
				<verse number="13">उ हमका बताएस कि एक सरगदूत क आपन घरे मँ ठाड़ उ कइसे लखेस। जउऩ कहत रहा, ‘याफा पठइके पतरस कहावावइवाला समौन क बोलवाइ ल्या।</verse>
				<verse number="14">उ तोहका बचन सुनाई जेहॅसे तोहार परिवार क उद्धार होइ।’</verse>
				<verse number="15">“जब मइँ प्रबचन सुरु कीन्ह तब पवित्तर आतिमा ओन पइ उतरि आइ। ठीक वइसेन जइसे सुरू मँ हम पइ उतरी रही।</verse>
				<verse number="16">फिन मोका पर्भू क कहा भवा बचन याद होइ गवा, ‘यूहन्ना पानी स बपतिस्मा देत रहा मुला तोहका पवित्तर आतिमा स बपतिस्मा दीन्ह जाइ।’</verse>
				<verse number="17">इ तरह जदि परमेस्सर ओनका ही उहइ बरदान दिहेस जेका उ जब हम पचे पर्भू ईसू मसीह मँ बिसवास कीन्ह, तब्बइ हमका दिहे रहा, तउ खिलाफत करइवाला मइँ कउन होत हउँ?”</verse>
				<verse number="18">बिसवासी मनइयन जब इ सुनेन तउ उ पचे प्रस्न करब बंद कइ दिहेन। उ पचे परमेस्सर क महिमा करत भए कहइ लागेन, “अच्छा, तउ परमेस्सर गैर यहूदी मनइयन तलक क मनफिराववइ बरे उ औसर दिहेस ह, जउन जिन्नगी कइँती लइ जात ह।”</verse>
				<verse number="19">उ पचे जउन स्तिफनुस क समइ मँ दीन्ह जात सबइ यातना क कारण तितराइ बितराइ ग रहेन, दूर-दूर तलक फीनीक, साइप्रस अउर अन्ताकिया तलक चलाग रहेन। इ पचे यहूदियन क तजिके कउनो अउर क सुसामाचार नाहीं सुनावत रहेन।</verse>
				<verse number="20">एनही बिसवासी मनइयन मँ स कछू साइप्रस क अउर कुरेनी क रहेन। तउ जब उ पचे अन्ताकिया आएन तउ यूनानियन क भी प्रबचन देत भए पर्भू ईसू क सुसमाचार सुनावइ लागेन।</verse>
				<verse number="21">पर्भू क सक्ती ओनकइ संग रही। तउ एक बड़ा मनइयन क मजमा बिसवास धइके पर्भू कइँती मुड़ि गवा।</verse>
				<verse number="22">ऍकर खबर जब यरुसलेम मँ कलीसिया क काने तलक पहुँची तउ उ पचे बरनाबास क अन्ताकिया जाइके पठएऩ।</verse>
				<verse number="23">जब बरनाबास हुँवा पहोंचिके परमेस्सर क अनुग्रह क सकारथ होत लखेस तउ उ बहोत खुस भवा अउर उ ओन सबहिं क पर्भू बरे भक्ति भरा हिरदय स बिसवासी बनइ बरे हिम्मत देवॉएस।</verse>
				<verse number="24">काहेकि उ पवित्तर आतिमा अउर बिसवास स भरा भवा एक भरपूर उत्तिम मनई रहा। फिन पर्भू क संग एक बड़वार मनइयन क मजमा जुड़ गवा।</verse>
				<verse number="25">बरनाबास साऊल क हेरइ तरसुस क चला गवा।</verse>
				<verse number="26">फिन उ ओका हेरिके अन्ताकिया लइ आवा। पूरे साल भइ उ पचे कलीसिया स मिलत जुलत अउर बड़का मनइयन क मजमा क उपदेस देत रहेन। अन्ताकिया मँ सबन त पहिले ऍनही चेलन क “मसीही” कहा गवा।</verse>
				<verse number="27">इहइ समइ यरुसलेम स कछू नबी अन्ताकिया आएऩ।</verse>
				<verse number="28">ओनमाँ स अगबुस नाउँ क एक नबी खड़ा होइके पवित्तर आतिमा क जरिये इ भविस्सबाणी किहेस कि सारी दुनिया मँ एक खउफनाक अकाल पड़ी (क्लौदियुस क समइ इ अकाल पड़ा रहा।)</verse>
				<verse number="29">तब हर चेलन आपन ताकत देखिके यहूदिया क बसइयन बंधु क मदद बरे कछू पठवइ क ठान लिहेन।</verse>
				<verse number="30">तउ उ पचे अइसा ही किहेन अउर उ पचे बरनावास अउर साऊल क हाथ स यहूदिया मँ आपन बुजुर्गन क लगे उपहार पठएन।</verse>
			</chapter>
			<chapter number="12">
				<verse number="1">उहइ समइया क लगभग राजा हेरोदेस कलीसिया क कछू निअंबर क सताउब सुरू किहेस।</verse>
				<verse number="2">उ यूहन्ना क भाई याकूब क तरवार स कतल कराइ दिहेस।</verse>
				<verse number="3">उ जब इ लखेस कि इ बात स यहूदी खुस होत हीं तउ उ पतरस क भी गिरफतार करइ बरे सोचेस (इ बे खमीरे क रोटी क उत्सव क दिनन क बात अहइ)</verse>
				<verse number="4">हेरोदेस पतरस क धइके जेलि मँ धाँध दिहेस। ओका चार चार सिपाहियन क कतार क पहरा लगाइ दीन्ह गवा। मतलब इ रहा कि ओह प मुकदमा चलावइ बरे फसह क त्यौहार पाछे ओका मनइयन क समन्वा बाहेर लइ आवा जाइ।</verse>
				<verse number="5">तउ पतरस क जेल मँ रोक दीन्ह गवा। ओहर कलीसिया हिरदय स ओकरे बरे परमेस्सरस पराथना करत रही।</verse>
				<verse number="6">जब हरोदेस मुकदमा चलावइ बरे ओका बाहेर लोगन क सामने लइ आवइ क रहा, उ रात पतरस दुइ सिपाहियन क बीच सोवा रहा। उ दुइ जंजीरे स बँधा रहा अउर दुआर प पहरुआ जेल क रखवारी करत रहेन।</verse>
				<verse number="7">एकाएक पर्भू क सरगदूत हुँवा आइके खड़ा भवा, जेल क खोली रोसनी स जगमगाइ उठी। उ पतरस क बगली थपथपाएस अउर ओका जगावत भवा कहेस, “हाली, खड़ा ह्वा!” जंजीर ओकरे हाथ मँ खुलके गिरि गइ।</verse>
				<verse number="8">तबहिं सरगदूत ओका कहेस, “तइयार ह्वा अउर आपन चप्पल पहिरा।” तउ पतरस वइसा ही किहेस। सरगदूत ओका फिन कहेस, “आपन चोगा पहिरा अउर मोरे पाछे चला आवा।”</verse>
				<verse number="9">फिन ओकरे पाछे-पाछे पतरस बाहेर निकरि आवा। उ समुझ नाहीं पाएस कि सरगदूत जउन कछू करत रहा, उ फुरइ रहा। उ बिचारेस कि उ कउनो दर्सन लखत अहइ।</verse>
				<verse number="10">पहिले अउर दूसर पहरे क छोड़िके आगे बढ़त भवा उ पचे लोहा क उ फाटक प आइ गएन जउन सहर कइँति जात रहा। उ फाटक ओनकइ बरे खुद ही खुलि गवा। अउर उ पचे बाहेर निकरि गएन। उ पचे अबहिं गली क पार किहेन कि उ सरगदूत एकाएक ओका छोड़ि गवा।</verse>
				<verse number="11">फिन पतरस क जइसे होस आवा, उ बोला, “अब मोरी समझ मँ आवा ह कि असल मँ फुरइ अहइ कि पर्भू आपन सरगदूत क पठइके हेरोदेस क पंजा स मोका छुटकारा दियाएस ह। यहूदी लोग मोह प जउन कछू बुरा होइ क सोचत रहेन, ओहसे उहइ मोका बचाएस ह।”</verse>
				<verse number="12">जब उ इ समझ गवा तउ उ यूहन्ना क महतारी मरियम क घर चला गवा। (यूहन्ना जउन मरकुस भी कहवावत ह।) हुँवा ढेर मिला बटुरा रहेन अउर पराथना करत रहेन।</verse>
				<verse number="13">पतरस दुआरे क बाहेर स खटखटाएस ओका लखइ रूदे ऩाउँ क एक दासी हुँवा आइ।</verse>
				<verse number="14">पतरस क अवाज क पहिचान के खुसी क मारे ओकरे बरे फाटक बगैर खोले भए उ उलटिके भीतर दउड़ आइ अउर उ बताएस कि पतरस दुआरे प खड़ा अहइ।</verse>
				<verse number="15">उ पचे ओसे बोलेन, “तू पागल होइ गइ अहा।” मुला उ जोर दइके कहतइ रही कि इ अइसा ही अहइ। ऍह पॅइ उ पचे कहेन, “उ ओकर सरगदूत होइ।”</verse>
				<verse number="16">ओहर पतरस दुआर खटखटावत ही रहा। फिन उ पचे जब दुआर खोलेन तउ उ पचे अचरज मँ पड़ि गएन।</verse>
				<verse number="17">ओनकइ हाथे स चुप रहइ क इसारा करत भए उ खोलिके बताएस कि पर्भू ओका जेलि स कइसे बाहेर निकारेस ह। उ कहेस, “याकूब अउर दूसर भाइयन क इ बारे मँ बताइ दिहा।” अउर तब उ ठहुर क तजिके कउनो दूसर स्थान प चला गवा।</verse>
				<verse number="18">जब भोर भवा तउ पहरुअन मँ बड़ी खलबली मचि गइ। उ पचे अचरज मँ पड़ा सोचत रहेन कि पतरस क संग का भवा होइ।</verse>
				<verse number="19">ऍकरे पाछे हेरोदेस जब ओकर छानबीन कइ चुका अउर उ ओका नाहीं मिला तउ उ आपन पहरुअन स पूछताछ किहेस अउर ओनका मारि डावइ क हुकुम दिहेस। हेरोदेस फिन यहूदिया स जाइके कैसरिया मँ रहइ लाग। हुँवा उ कछू समइ बिताएस।</verse>
				<verse number="20">उ सूर अउर सैदा क मनइयन स बहोत कोहान रहत रहा। उ पचे एक झुण्ड बनइके ओसे भेंटइ आइ रहेन। राजा क खुद क सेवक बलास्तुस क मान मनउवल कइके उ पचे हरोदेस स सांति क पराथना किहेन काहेकि ओनकइ देस क राजा क देस स खाइक मिलत रहा।</verse>
				<verse number="21">एक निहचत दिन हेरोदेस आपन राजसी वेस-भूसा पहिरिके आपन सिंहासन प बइठा अउर मनइयन क बियाख्यान देइ लाग।</verse>
				<verse number="22">लोग चिचियाने, “इ तउ कउनो देवता क बानी अहइ, मनई क नाहीं।”</verse>
				<verse number="23">काहेकि हेरोदेस परमेस्सर क महिमा नाहीं दिहेस, यह बरे फउरन पर्भू क एक दूत ओका बीमार कइ दिहेस। अउर ओहमाँ किरवा परि गएन जउन खाइ लागेन अउर उ मरि गवा।</verse>
				<verse number="24">मुला परमेस्सर क बचन क प्रचार होत रहा अउर उ फइलत जात रहा अउर बिसवासियन की संख्यि बढ़त जात रही।</verse>
				<verse number="25">बरनाबस अउर साऊल आपन काम पूरा कइके मरकुस कहवावइवाला यूहन्ना का भी संग लइके अन्ताकिया लौटि आएऩ।</verse>
			</chapter>
			<chapter number="13">
				<verse number="1">अन्ताकिया क कलीसिया मँ कछू नबी अउर बरनाबास, समौन (नीगर) कहा जाइवाला समौन कुरेनी क लूकियुस, देस क चउथाई हींसा क राजा हेरोदेस क संग पालितयोसित मनाहेम अउर साऊल जइसे कछू सिच्छक रहेन।</verse>
				<verse number="2">उ पचे जब उपवास करत भए पर्भू क आराधना मँ लाग रहेन, तबहिं पवित्तर आतिमा कहेस, “बरनाबास अउर साऊल क जउने काम बरे मइँ बोलाएउँ ह, ओका करइ बरे मोरे नीस्बत, ओनका अलगाइ द्या।”</verse>
				<verse number="3">तउ जब सिच्छक अउर नबी आपन उपवास अउर पराथना पूरी कइ चुकेन तउ उ पचे बरनाबास अउर साऊल प आपन हाथ धरेन अउर ओनका बिदा कइ दिहेन।</verse>
				<verse number="4">पवित्तर आतिमा क जरिए पठए भए उ सबइ सिलूकिया गएऩ जहाँ स जहान मँ बइठिके उ पचे साइप्रस पहोंचेन।</verse>
				<verse number="5">फिन जब उ पचे सलमीस पहोंचेन तउ उ पचे यहूदियन क आराधनालय मँ परमेस्सर क बचन क प्रचार किहेन यूहन्ना सहायक क रूप मँ ओनकइ संग रहा।</verse>
				<verse number="6">उ समूचइ द्वीप क जात्रा करत करत उ पचे पाफुस ताईं जाइ पहोंचेन। हुवाँ ओनका एक जादूगर मिला, उ झूठा नबी रहा। उ यहूदी क नाउँ रहा बार-ईसू।</verse>
				<verse number="7">उ एक बहोत बुद्धिमान पुरुस राज्यपाल सिरगियुस पौलुस क दोस्त रहा जउन फिन परमेस्सर क बचन सुनइ बरे बरनाबास अउर साऊल क बोलवाएस।</verse>
				<verse number="8">मुला इलीमास जादूगर ओनकइ खिलाफत किहेस (इ बार-ईसू क अनुवाद क नाउँ बा।) उ नगर-पति क बिसवास डुगावइ क जतन किहेस।</verse>
				<verse number="9">फिन साऊल जेका पौलुस भी कहा जात रहा, पवित्तर आतिमा स भरपूर होइके इलीमास प पैनी निगाह डारत भवा कहेस,</verse>
				<verse number="10">“सबहिं तरह क छल अउर धूर्तताई स भरा, अरे सइतान क बेटहना, तू हर नेकी क दुस्मन अहा। का तू पर्भू क सोझ सच्चे राह क तोड़ब मरोड़ब न तजब्या?</verse>
				<verse number="11">अब लखा पर्भू क हाथन तोह प आइ पड़ा बा। तू आँधर होइ जाब्या अउर कछू समइ बरे सूरज तक भी नाहीं लख पउब्या।” तुरंतहि एक धूँध अउर अँधियारा होइ पइ छाइ गवा अउर एहर-ओहर टोवइ लाग कि कउनो हथवा धइके ओका चलावइ।</verse>
				<verse number="12">तउ राज्यपाल, जउन कछू भवा रहा, जब ओका लखेस तउ उ बिसवास धरेस। उ पर्भू क बाबत उपदेसन स बहोत होइ गवा।</verse>
				<verse number="13">फिन पौलुस अउर ओकर संगी पाफुस स ऩाउ क जरिये पंफूलिया क पिरगा मँ आइ गएऩ। मुला यूहन्ना ओनका हुँवइ छोड़िके यरूसलेम लौटि आवा।</verse>
				<verse number="14">ओहर उ पचे आपन जात्रा प बढ़त भए पिरगा स पिसिदिया क नजदीक नगर अन्ताकिया मँ आइ गएन। फिन सबित क दिना यहूदी आराधनालय मँ जाइके बइठि गएऩ।</verse>
				<verse number="15">मूसा क व्यवस्था क मुताबिक अउर नबियन क पोथी क पाठ कइ चुके क पाछे यहूदी आराधनालय क अधिकारियन ओनकइ लगे इ संदेसा कहवाइ पठएन, “भाइयो, मनइयन क उपदेसन देइ बरे तोहरे लगे कहइ क प्रोत्साहन क कउनो अउर बचन अहइ जउन ओका सुनावा।”</verse>
				<verse number="16">ऍह पइ पौलुस खड़ा भवा अउर आपन हाथ हिलावत भवा बोलइ लाग, “हे इस्राएल क मनइयो अउर परमेस्सर स डेराइवाले गैर यहूदियो, सुना:</verse>
				<verse number="17">इ इस्राएल क मनइयन क परमेस्सर हमरे पूर्वजन क चुने रहा अउर जब हमार लोग मिस्र मँ ठहरा रहेन, उ ओनका महान बनाए रहा अउर आपन महान सक्ति स उ ओनका उ धरती स बाहेर निकारि लइ आवा रहा।</verse>
				<verse number="18">अउर लगभग चालीस बरिस तलक उ जंगल मँ ओनकइ मदद करत रहा।</verse>
				<verse number="19">अउर कनान देस क सात जातियन क नास कइके उ धरती इस्राएल क मनइयन क वसीयत क रूप मँ दइ दिहेस।</verse>
				<verse number="20">इ सब कछू मँ लगभग साढ़े चार सौ बरिस लगेन। “ऍकरे पाछे समूएल नबी क समइ तलक उ ओनका अनेक निआव क न्यायकर्ता दिहेस।</verse>
				<verse number="21">फिन उ पचे एक राजा क निवेदन किहेन, तउ परमेस्सर बिन्यामीन क गोत क एक मनई कीस क बेटवा साऊल क चालीस बरिस बरे ओनका दइ दिहेस।</verse>
				<verse number="22">फिन साऊल क हटाइके उ ओनकइ राजा दाऊद क बनाएस जेकरे बारे मँ उ इ साच्छी दिहेस, ‘मइँ यिसै क बेटवा दाऊद क एक अइसे मनई क रूप मँ मिला ह, जउन मोरे मन क मुताबिक अहइ। जउन कछू मइँ ओसे करावइ चाहत हउँ, उ उ सब कछू क करी।’</verse>
				<verse number="23">“इ ही मनई क एक बंसज क आपन प्रण क मुताबिक इस्राएल मँ उद्धार करइया ईसू क रूप मँ लाइ चुका अहइ।</verse>
				<verse number="24">ओकरे आवइ स पहिले यूहन्ना इस्राएल क सबहिं मनइयन मँ मनफिराव स बपतिस्मा क प्रचार करत अहइ।</verse>
				<verse number="25">यूहन्ना जब आपन काम क पूरा करइ क रहा, तउ उ कहेस रहा, ‘तू मोका जउन समुझत ह, मइँ उ नाहीं हउँ। मुला एक अइसा अहइ जउन मोरे पाछे आवत अहइ। मइँ जेकर पनही क फीतास खोलइ लायक भी नाहीं अहउँ।’</verse>
				<verse number="26">“भाइयो, इब्राहीम क सन्तानो अउर सच्चे परमेस्सर क आराधक गैर यहूदियो, उद्धार क इ सुसमाचार हमरे बरे ही पठवा ग अहइ।</verse>
				<verse number="27">यरुसलेम मँ बसइयन अउर ओनकइ राजा लोगन ईसू क नाहीं पहिचानेन। अउर ओका दोखा ठहराइ दिहेन। इ तरह उ पचे नबी लोगन क उ बचन क पूरा किहन जेनकइ सबित क दिन पाठ कीन्ह जात ह।</verse>
				<verse number="28">अउर जदि अपि ओनका ओकरे मउत क राजा क कउनो सबूत नाहीं मिला, तउ भी उ पचे पलातुस स ओका मरवाइ डावइ क माँग किहेन।</verse>
				<verse number="29">“ओकरे बारे मँ जउन कछू लिखा रहा, जब उ पचे सब कछू क पूरा कइ चुकेन ओका क्रूस प स खाले उतारेन अउर एक कब्र मँ धइ दिहन।</verse>
				<verse number="30">मुला परमेस्सर ओका मरइ क पाछे फिन जीवित कइ दिहस।</verse>
				<verse number="31">अउर फिन जउन लोग गलील स यरूसलेम तलक ओकरे संग गएन, उ ओनकइ अगवा कइउ दिना ताईं परगट होत रहा। इ सबइ अब मनइयन बरे ओकर साच्छी अहइँ।</verse>
				<verse number="32">“हम तोहका उ प्रण क बारे मँ सुसमाचार सुनावत अही जउन हमरे पूर्वजन क संग कीन्ह गइ रही।</verse>
				<verse number="33">ईसू क, मरि जाए क पाछे फिन जीवित कइके, ओनकइ संताने क बरे परमेस्सर उहइ सपथ क हमरे बरे पूरा किहेस ह। जइसा कि दूसर भजन संहिता मँ लिखा भी अहइ: ‘तु मोर पूत अहा, मइँ तोहका आजु ही जनम दिहेउँ ह।’</verse>
				<verse number="34">अउर उ ओका मरे भएऩ मँ जिआइ के उठाएस जेहॅसे नास होइ स पहिले ओका फिन स लौटब न होइ। उ इ तरह कहे रहा: ‘मइँ तोहका उ सबइ पवित्तर अउर न टरइ क असीस देब जेनका देइ क बचन मइँ दाऊद क दिहेउँ।’</verse>
				<verse number="35">इ तरह एक दूसर भजन मँ उ कहत ह: ‘तू आपन पवित्तर जने क नास क अनुभव नाहीं होइ दिहा।’</verse>
				<verse number="36">“फिन दाऊद आपन जुग मँ परमेस्सर क प्रयोजन क मुताबिक आपन सेवा-काम पूरा कइके मर गवा, ओका ओकरे पूर्वजन क संग दफनाइ दीन्ह गवा अउर ओकर छय भवा।</verse>
				<verse number="37">मुला जेका परमेस्सर मरे भएऩ क बीच क जीवित कइके उठाएस, ओकर छय नाहीं भवा।</verse>
				<verse number="38">तउ भाइयो, तू सबन्क जान जाइ चाही कि ईसू क जरिए ही पाप क छमा क उपदेस तोहका दीन्ह गवा ह। अउर इहइ क जरिए हर कउनो जउन बिसवासी अहइ, ओन पापन्स छुटकारा पाइ सकत ह, जेनसे मूसा क व्यवस्था छुटकारा नाहीं दियाइ सकत रही।</verse>
				<verse number="39"></verse>
				<verse number="40">तउ होसियार रहा, कहूँ नबियन जउन कछू कहे बाटेन, तू सबन प न घटइ:</verse>
				<verse number="41">‘निन्दा करइया लोगो, लखा, होइके भउचक्का मरि जाब्या, काहेकि तोहरे जुग मँ एक कारज अइसा करत हउँ, जेकर चर्चा तलक प तोहका कबहुँ ह बिसवास होई।’”</verse>
				<verse number="42">पौलुस अउर बरनावास जब हुवाँ स जात रहेन मनइयन ओनसे अगले सबित क दिन अइसी ही अउर बातन बतावइ बरे पराथना किहेन।</verse>
				<verse number="43">जब सभा खतम भइ तउ बहोत स यहूदियन अउर बहुत गैर यहूदी भक्तन पौलुस अउर बरनाबास क पाछा किहेन। पौलुस अउर बरनाबास ओनसे बातचीत करत भए बिनती किहेन कि उ सबइ परमेस्सर क अनुग्रह मँ बन रहइँ।</verse>
				<verse number="44">अगले सबित क दिन तउ लगभग समूचा सहर ही पर्भू क बचन सुनइ बरे उमड़ि आवा।</verse>
				<verse number="45">इ बड़का मनइयन क मजमा क जब यहूदियन लखेन तउ उ पचे बहोत जरि भुनि गएन अउर भद्दा सब्द क बइपरत भए पौलुस जउन कछु कहे रहा, ओकर खिलाफत करइ लागेन।</verse>
				<verse number="46">मुला पौलुस अउर बरनाबास निडर होइके, “इ जरुरी रहा कि परमेस्सर क बचन पहिले तोका पढ़ावा जात मुला काहेकि तू पचे ओका नकारत अहा अउर तू सबइ आपन खुद क अनन्त जिन्नगी क जोग्ग नाहीं ठहरउत्या, तउ हम पचे अब गैर यहूदी लोग कइँती मुड़ि जात अही।</verse>
				<verse number="47">काहेकि पर्भू हमका अइसि ही आग्या दिहे अहइ: ‘मइँ जोति बनाएउँ तोहका, ओनकइ बरे जउऩ नाहीं यहूदी, ताकि संसार के सब लोगन का उद्धार करइँ।’”</verse>
				<verse number="48">गैर यहूदियन जब इ सुनेन तउ उ पचे बहोत खुस भएऩ अउर उ पचे पर्भू क बचन क सम्मान किहेन। फिन उ सबइ, जेनका अनन्त जिन्नगी पावइ बरे ठहरावा ग रहा, बिसवास धारण कइ लिहेन।</verse>
				<verse number="49">इ रतह समूचइ पहँटा मँ पर्भू क बचन क प्रचार होत रहा।</verse>
				<verse number="50">ओहर यहूदी लोग ऊँच कुले क धार्मिक स्त्रियन अउर सहर क मुड्ढ मनइयन क उसकाएन अउर पौलुस अउर बरनाबास क खिलाफ अत्याचार करब सुरू कइ दिहेन अउर दबाव डाइके ओनका आपन पहँटा स बाहेर निकरिवाइ दिहेन।</verse>
				<verse number="51">फिन पौलुस अउर बरनाबास ओनकइ खिलाफ आपन गोड़े क धूरि झारिके इकुनियुम क चला गएऩ।</verse>
				<verse number="52">मुला अतीक मँ ओनकइ चेलन आनंद अउर पवित्तर आतिमा स भरपूर होत रहेन।</verse>
			</chapter>
			<chapter number="14">
				<verse number="1">इहइ तरह पौलुस अउर बरनाबास इकुनियुम मँ यहूदी आराधनालय मँ गएऩ। हुवाँ उ पचे इ तरीका स बियाख्यान दिहेन कि यहूदियन क एक बड़का मनइयन क मजमा बिसवास कइ लिहेस।</verse>
				<verse number="2">मुला उ यहूदियन जउन नाहीं पातियानेन, गैर यहूदियन क उसकाएऩ अउर भाई बहनन क खिलाफ दुस्मनी पइदा कइ दिहेन।</verse>
				<verse number="3">तउ पौलुस अउर बरनाबास हुवाँ बहोत दिनॉ तलक ठहरा रहेन अउर पर्भू क बारे मँ बेडर होइके प्रबचन देत रहेन। ओनकइ हीला स पर्भू अद्भुत कारजन अउर अचरज कारजन करवावत भव आपन द्या क संदेसा क मान करावत रहा।</verse>
				<verse number="4">ओहर सहर क मनइयन मँ फूट पड़ि गइ। कछू मिला प्रेरितन कइँती अउर कछू मिला यहूदियन कइँती होइ गएन।</verse>
				<verse number="5">फिन जब गैर यहूदी लोग अउर यहूदी लोग आपन आपन नेता स मिलिके ओनके संग बुरा बेवहार करइ लागेन (गरियाव) अउर ओन प पाथर लोकावइ क बात चली,</verse>
				<verse number="6">तउ पौलुस अउर बरनाबास क ऍकर पता लग गवा अउर पचे लुकाउनिया अउर लुस्त्रा अउर दिरबे जइसे सहरन अउर सासपास क पहँटा मँ परानेन।</verse>
				<verse number="7">उ पचे हुवाँ भी सुसमाचार क प्रचार करत रहेन।</verse>
				<verse number="8">लुस्त्रा मँ एक मनई बइठा भवा रहा। उ आपन गोड़वा स अंपग रहा। उ जन्मत ही लँगड़ा रहा, चल फिन तउ कबहुँ नाहीं पाएस।</verse>
				<verse number="9">इ मनई पौलुस क बोलत भए सुने रहा। पौलुस ओह पइ निगाह गड़ाएस अउर लखेस कि चंगा होइ क बिसवास ओहमाँ बा।</verse>
				<verse number="10">तउ पौलुस ऊँची अवाज मँ कहेस, “अपने गोड़वा प सोझ खड़ा ह्वा।” तउ उ ऊपर उछरा अउर चलइ-फिरइ लाग।</verse>
				<verse number="11">पौलुस जउन कछू किहे रहा, जब भिड़िया ओका लखेस तउ मनइयन लुकाउनिया क भाखा मँ गोहार लगाइके कहइ लागेन, “हमरे बीच मनई क रूप धइके, देवता उतरि आवा अहइँ।”</verse>
				<verse number="12">उ पचे बरनाबास क “जेअस” अउर पौलुस क “हिरमेस” कहइ लागेन। (पौलुस क हिरमेस यह बरे कहा गवा काहेकि उ प्रमुख बोलवइया रहा।)</verse>
				<verse number="13">सहर क सोझइ बाहेर बना जेअस क यहूदियन क मंदिर क पूजारी सहर क दुआरे सॉड़ अउर माल लइके आइ पहोंचा। उ भीड़ क संग पौलुस अउर बरनाबास बरे बलि चढ़ावइ चाहत रहा।</verse>
				<verse number="14">मुला जब प्रेरितन बरनाबास अउर पौलुस इ सुनेन तउ उ पचे आपन ओढ़ना फाड़ि डाएन अउर उ पचे ऊँची अवाज मँ इ कहत भए भीड़ मँ घुसि गएऩ,</verse>
				<verse number="15">“अरे मनइयन, तू पचे इ काहे करत बाट्या? हम पचे भी वइसे मनई अही, जइसे तू पचे अहा। हिआँ हम सबइ तू सबन्क सुसमाचार सुनावइ आइ अही ताकि तू पचे बेकार क बातन स मुँह मोड़िके उ सजीव परमेस्सर कइँती लउटा जउन अकास धरती, समुद्दर अउर एऩमाँ स जउन कछू अहइ, ओकर रचना किहेस ह।</verse>
				<verse number="16">“बीत गए काल मँ उ सबहिं जातियन क आपन आपन राहे प चलइ दिहेस।</verse>
				<verse number="17">मुला तोहका उ खुद आपन साच्छी दिए बगैर नाहीं तजेस। काहेकि उ तोहरे संग भलाई किहेस। उ तू पचन्क अकास स बर्खा दिहेस अउर रितु क मुताबिक फसल दिहेस। उहइ तोहका खइया क देत ह अउर तोहरे मन क आनंद स भरि देत ह।”</verse>
				<verse number="18">इ बचन क पाछे भी उ पचे भिड़िया क ओनकइ बरे बलि चढ़ावइ स अक्सर नाहीं रोक सकेन।</verse>
				<verse number="19">फिन अन्ताकिया अउर इकुनियुस स आए भए यहूदी लोग भीड़ क अपने पच्छ मँ कइके पौलुस प पाथेर लोकाएन अउर ओका मरा जानिके सहर क बाहेर घेर्राइ लइ गएन।</verse>
				<verse number="20">फिन जब ओकर चेलन ओकरे चारिहुँ कइँती बटुरेन, तउ उ उठा अउर सहर मँ चला आवा अउर फिन अगले दिन बरनाबास क संग उ दिरबे बरे चल पड़ा।</verse>
				<verse number="21">उ सहर मँ उ पचे सुसमाचार क प्रचार कइके बहोत स चेलन बनएन। उ सबइ लुस्त्रा, इकुनियुम अउर अनताकिया लउटि आएऩ।</verse>
				<verse number="22">अउर मनवइयन क आतिमन क स्थिर कइके बिसवास मँ रहइ बरे ओनका कहि क हिम्मत बढ़ाएऩ, “हमका बड़ा घोर दुख झेलिके परमेस्सर क राज्य मँ घुसइ क अहइ।”</verse>
				<verse number="23">हर कलीसिया मँ उ पचे ओनका नुयुक्त किहेन उ पर्भू क सौप दिहेन जेहमाँ उ पचे बिसवास करत रहेन।</verse>
				<verse number="24">एकरे पाछे पिसिदिया स होत भए उ पचे पंफूलिया आइ गएऩ।</verse>
				<verse number="25">अउर पिरगा मँ जब सुसमाचार सुनाइ चुकेन तउ इटली मँ आइ गएऩ।</verse>
				<verse number="26">हुवाँ स उ पचे अन्ताकिया क जहाज स गएन जहाँ जउने काम क अबहिं उ पचे पूरा किहेन। उ काम बरे उ सबइ परमेस्सर क अनुग्रह प न्यौछावर होइ गएऩ।</verse>
				<verse number="27">अइसे जब उ पचे पहोंचेन तउ उ पचे कलीसिया क मनइयन क बटोरेन अउर परमेस्सर ओनके द्वारा जउन कछू किहेस, ओकर वृत्तांत कहिके सुनाएऩ। अउर उ पचे एलान किहेन कि परमेस्सर दूसरे देसन क मनइयन बरे बिसवास क दुआर खोले अहइ।</verse>
				<verse number="28">फिन चेलन क संग हुवा बहोत दिनाँ तलक ठहरेन।</verse>
			</chapter>
			<chapter number="15">
				<verse number="1">फिन कछू लोग यहूदिया स आएन अउर भाई लोगन क सिच्छा देइ लागेन, “जदि मूसा क व्यवस्था क मुताबिक तोहार खतना नाहीं भवा अहइ तउ तोहार उद्धार नाहीं होइ सकत।”</verse>
				<verse number="2">पौलुस अउर बरनाबास क बिचार मेल नाहीं खात रहा, तउ ओनमाँ एक बड़ा मत भेद पइदा होइ गवा। यह बरे पौलुस अउर बरनाबास अउर ओनके कछू अउर संगी इ समस्या क हल निकारइ बरे प्रेरितन अउर मुखियन क लगे यरुसलेम पठवइ क ठान लिहेन।</verse>
				<verse number="3">उ पचे कलीसियन क जरिए पठवा गाएऩ अउर फीनीके अउर सामरिया होत भए अधर्मियन क हिरदय बदलत भए भाई बहिनियन क समाचार सुनाइके खुस करत रहेन।</verse>
				<verse number="4">फिन जब उ पचे यरुसलेम पहोंचेन तउ कलिसिया, प्रेरितन अउर बुजुर्ग लोगन अगवानी किहेन। अउर उ पचे ओनके संग परमेस्सर जउन किहे रहा, उ सब कछू ओनका कहिके सुनाएन।</verse>
				<verse number="5">ऍह पइ फरीसियन क दल क कछू बिसवासि खड़ा भएऩ अउर बोलेन, “ओनकइ खतना जरुर कीन्ह जाइ चाही अउर ओनका हुकुम देइ चाही कि उ पचे मूसा क व्यवस्था क पालन करइँ।”</verse>
				<verse number="6">तउ इ सवाल प बिचार करइ बरे प्रेरितन अउर बुजुर्गन आपुस मँ बटुर गएऩ।</verse>
				<verse number="7">एक लम्बी चौड़ी तहत्तुक पाछे पतरस खड़ा भवा अउर ओनसे बोला, “भाइयो, तू पचे जानत ह कि बहोत दिना पहिले तोहमाँ स परमेस्सर एक चुनाव किहे रहा कि मोरे हीला स गैर यहूदियन लोग सुसमाचार क संदेसा सुनइहीं अउर बिसवास करिहीं।</verse>
				<verse number="8">अउर अन्तर्यामी परमेस्सर हमरे ही तरह ओनका भी पवित्तर आतिमा क बरदान दइके, ओकरे बारे मँ आपन समर्थन देखाए रहा।</verse>
				<verse number="9">बिसवास क जरिए ओनकइ हिरदय क पवित्तर कइके हमरे अउर ओनके बेच उ कउनो भेद-भाव नाहीं किहेस।</verse>
				<verse number="10">तउ अब चेलन क गटइया प एक अइसा जुआ लादिके जेका न हम उठाइ सकित अही अउर न हमार पूर्वज तू पचे परमेस्सर क गुस्सा करावइ चाहत ह?</verse>
				<verse number="11">मुला हमार तउ इ बिसवास अहइ कि पर्भू ईसू क अनुग्रह स जइसे हमार उद्धार भवा ह, वइसे ही हमका भरोसा अहइ कि ओनकइ भी बचाव जाई!”</verse>
				<verse number="12">ऍह पइ समूचा दल सन्न मारि गवा अउर बरनाबास अउर पौलुस क बोलब सुनई लागेन। उ पचे, गैर यहूदियन क बीच परमेस्सर ओनकइ हीला स दुइ अद्भुत कारजन परगट किहे रहा, अउर अचरज कारजन किहे रहा, ओकरे बाबत बतावत रहेन।</verse>
				<verse number="13">उ पचे जब बोल चुकेन तउ याकूब कहइ लाग, “भाइयो, मोरउ सुना।</verse>
				<verse number="14">समौन बताए रहा कि परमेस्सर गैर यहूदियन मँ स कछू लोगन्क आपन नाउँ बरे चुनिके सबन ते पहिले कइसे पिरेम परगट किहे रहा।</verse>
				<verse number="15">नबी लोगन्क बचन भी इ बात क समर्थन करत हीं। जइसा कि लिखा बाटइ:</verse>
				<verse number="16">‘अउर जाबइ मइँ एकरे पाछे, फिन स दाऊद क उ घरे क खड़ा करब जउन गिर चुका ह। फिन स ओकर खण्डहर क सँवारब, फिन स पुराने क उद्धार करब।</verse>
				<verse number="17">काहेकि जउन बचा अहइँ उ सबइ गैर यहूदी सबहिं जउन अब मोर कहवावत हीं, पर्भू क हेरइँ।’</verse>
				<verse number="18">‘उहइ पर्भू इ बात क कहत ह, जउन जुग-जुग स इ बातन क परगट करत रहा।’</verse>
				<verse number="19">“इ तरह मोर इ निर्णय अहइ कि हमका ओन मनइयन क, जउन गैर यहूदी होत भए परमेस्सर कइँती घूमा अहइँ, सतावइ नाहीं चाही।</verse>
				<verse number="20">मुला हमका तउ ओऩके लगे लिखिके पठवइ चाहीं। हमका ओनका इ बातन क बतावइ चाही: मूरत क चढ़ावा भवा खइया क जिन खा (ऍहसे खइया क अपवित्तर होत ह।) कउनो तरह क व्यभिचार जिन करा लहू क कबहुँ जिन चखा। गटइ घोटिके मारा गवा गोरू क मांस जिन खा।</verse>
				<verse number="21">ओऩ पचन्क क इ बात न करइ चाही, काहेकि हर सहर मँ मनइयन (यहूदी) बाटेन जउन मूसा क व्यवस्था सिखावत हीं। हर सबित क दिन मूसा क व्यवस्था क तरीका स पाठ आराधनालय मँ बरिसन स होत आवत ह।”</verse>
				<verse number="22">फिन प्रेरितन अउर बुजुर्गन समूचइ कलीसिया क संग इ निहचय किहेन कि ओनमाँ स कछू लोगन क चुनिके पौलुस अउर बरनाबास क संग अन्ताकिया पठवा जाइ। तउ उ पचे बरसब्बा कहा जाइवाला यहूदा अउर सीलास क चुन लिहेन। उ सबइ भाइयन मँ यरूसलेम मँ मान्य रहेन।</verse>
				<verse number="23">उ पचे ओनकइ हाथे स इ चिट्ठी पठएन: तोहरे बंधु, बुजुर्ग अउर प्रेरितन कइँती स, अन्ताकिया, सीरिया अउर किलिकिया क गैर यहूदी भाइयन क नमस्ते पहुँचइ। मोरे भाइयन,</verse>
				<verse number="24">हम पचे जब त इ सुना ह कि हम स कउनो आदेस पाए बिना ही, हम पचन मँ स कछू मनइयन जाइके आपन सब्दन स तोहार जिअर दुखी किहेन हे, अउर तोहरे मन क नाहीं थिरइ दिहेन।</verse>
				<verse number="25">हम पचे आपुस मँ एक मत होइके इ निहचय कीन्ह ह हम सबइ आपन मँ स कछू मनई चुनी अउर आपन पिआरा बरनाबास अउर पौलुस क संग ओनका तोहरे लगे पठई।</verse>
				<verse number="26">इ सबइ उ पचे ही लोग अहइँ जउऩ हमरे पर्भू ईसू मसीह क नाउँ बरे आपन प्राण क बाजी लगाइ दिहे रहे।</verse>
				<verse number="27">हम पचे यहूदा अउर सीलास क पठावत अही। उ सबइ तोहका आपन मुँह स इ सब बातन क बतइहीं।</verse>
				<verse number="28">पवित्तर आतिमा क अउर हमका इ नीक जान पड़ा कि तू सबन प इ जरूरी बात क अलावा क अउर कउनो बात क बोझा न डावा जाइ:</verse>
				<verse number="29">मूरतिन प चढ़ावा गवा भोजन तोहका नाहीं ग्रहण करइ चाही। खून, गटइ घोटिके बधा गवा पसु अउर व्यभिचार स बचा रहा। जदि तू आपन आप क इ बातन स बचाए रखब्या तउ तोहार कल्याण होइ। अच्छा बिदा।</verse>
				<verse number="30">इ तरह ओनका बिदा कइ दीन्ह गवा अउर उ सबइ अन्ताकिया पहोंचेन। हुवाँ उ पचे बिसवासियन क धरम सभा क बोलाएन अउर ओऩका उ चिट्ठी दइ दिहेन।</verse>
				<verse number="31">चिट्ठी बाँचिके जउन उछाह ओनका मिला ओह पइ उ पचे आनंद मनाएन।</verse>
				<verse number="32">यहूदा अउर सीलास, जउन खुद ही दुइनउँ नबी रहेन, आइयन क समन्वा ओनकइ हिम्मत बँधावत भए अउर मजबूती देत भए, एक लम्बा प्रबचन दिहेन।</verse>
				<verse number="33">हुवाँ कछू समइ बिताए क पाछे, भाई लोग ओनका सांति क साथ ओनही क लगे लौटि जाइ बरे बिदा किहेन जउन ओनका पठए रहेन।</verse>
				<verse number="34"></verse>
				<verse number="35">पौलुस अउर बरनाबास अन्ताकिया मँ कछू समइ बिताएन। बहोत स दूसर मनइयन क संग उ पचे पर्भू क बचन क उपदेस देत भए मनइयन मँ सुसमाचार क प्रचार किहेन।</verse>
				<verse number="36">कछू दिनन क बाद बरनाबास स पौलुस कहेस, “आवा, जउन जउन नगरन मँ हम पचे पर्भू क बचन क प्रचार कीन्ह ह, हुवाँ आपन भाई लोगन क लगे बापिस लौटिके इ लखी कि उ पचे का कछू करत बाटेन।”</verse>
				<verse number="37">बरनाबास चाहत रहा कि मरकुस कहवावइवाला यूहन्ना क भी उ पचे संग लइ चलइँ।</verse>
				<verse number="38">मुला पौलुस इहइ ठीक समझेस कि उ पचे ओका आपन संग न लेइँ जउऩ पंफूलिया मँ ओनकइ संग छोड़ दिहे रहा अउर (पर्भू क) काम मँ जउऩ ओनकइ साथ नाहीं दिहेस।</verse>
				<verse number="39">ऍह पइ उ दुइनउँ मँ घोर खिलाफत जन्मी। नतीजा इ भवा कि उ पचे आपुस मँ एक दूसर स अलगाइ गएन। बरनाबास मरकुस क लइके पानी क जहाजे स साइप्रस गवा।</verse>
				<verse number="40">पौलुस सीलास क चुनिके हुवाँ स चला गवा अउर भाइयन ओका पर्भू क छत्रछाया मँ सौंपेन।</verse>
				<verse number="41">तउ पौलुस सीरिया अउर किलिकिया क जात्रा करत भवा हुवाँ क कलीसियन क मजबूत करत रहा।</verse>
			</chapter>
			<chapter number="16">
				<verse number="1">पौलुस दिरबे अउर लुस्त्रा मँ भी आवा। हुवँइ तीमुथियुस नाउँ क एक चेला रहा। उ कउनो बिसवासी यहूदी स्त्री क बेटवा रहा मुला ओकर बाप यूनानी रहा।</verse>
				<verse number="2">लुस्त्रा अउर इकुनियुम क सहर क भाइयन क संग ओकर अच्छा उठब बैठब रहा।</verse>
				<verse number="3">पौलुस तीमुथियुस क जात्रा प लइ जावा चाहत रहा। तउ उ ओका आपन संग लइ लिहेस अउर स्थानन प बसइया यहूदियन क कारण ओकर खतना किहेस; काहेकि उ पचे सबहिं जानत रहेन कि ओकर बाप एक यूनानी रहा।</verse>
				<verse number="4">सहरन स जात्रा करत भवा उ पचे हुवाँ क मनइयन क ओन नियम क बारे मँ बताएन जेनका यरुसलेम मँ प्रेरितन अउर बुजुर्गन तय कइ दिहे रहेन।</verse>
				<verse number="5">इ तरह हुवाँ क कलीसिया क बिसवास अउर मजबूत होत गोवा अउर रोज हर ओनकइ गनती बाढ़त गइ।</verse>
				<verse number="6">तउ उ पचे फ्रूगिया अउर गलातिया क पहँटा स होइके निकरेन काहेकि पवित्तर आतिमा ओनका एसिया मँ पवित्तर बचन क प्रचार क मना कइ दिहे रही।</verse>
				<verse number="7">फिन उ पचे जब मूसिया क सरहदे प पहोंचन तउ उ पचे बितूनिया मँ प्रवेस किहेन। मुला ईसू क आतिमा ओनका हुवाँ भी जाइ नाहीं दिहेस।</verse>
				<verse number="8">तउ उ पचे मूसिया होत भए त्रोआस पहोंचेन।</verse>
				<verse number="9">राति क समइ पौलुस दिब्य दर्सन मँ निहारेस कि मैसीडोनिया क मनई ओसे पराथना करत भवा कहत अहइ, “मैसीडोनिया मँ आवा अउर हमार मदद करा!”</verse>
				<verse number="10">इ दिब्य दर्सन क लखे क पाछे तुरंतहि इ नतीजा निकारत भए कि परमेस्सर ओन मनइयन क बीच सुसमाचार क प्रचार करइ हमका बोलाए अहइ हम पचे मैसीडोनिया जाइ बरे ठान लीन्ह।</verse>
				<verse number="11">इ तरह हम त्रोआस स जल मार्ग क जरिए जाइ बरे आपन नाउ खोलि दीन्ह अउर सोझइ समोथ्राके जाइ पहोंचेन। फिन अगले दिन नियापुलिस चला गएन।</verse>
				<verse number="12">हुवाँ स हम पचे एक रोमी उपनिवेस फिलिप्पी पहुँचेन जउ मैसीडोनिया क उ पहँटा क एक प्रमुख सहर रहा। इ सहर मँ हम कछू दिन बितावा।</verse>
				<verse number="13">फिन सबित क दिन इ बिचारत भए कि पराथना करइ बरे हुवाँ कउनो स्थान होइ हम सहर-दुआरे नदि क तीरे गए। हम पचे हुवाँ बइठे अउर बटुरी भइ स्त्रियन स बातचीत करइ लागे।</verse>
				<verse number="14">हुवँई लुदिया नाउँ क एक स्त्री रही। उ बैगनी रंग क ओढ़ना क बिक्री करत रही। उ परमेस्सर क आराधिका रही। उ बड़ा धियान स हमार बातन क सुनत रही। पर्भू ओकरे हिरदय क दुआर खोल दिहस ताकि, जउन कछू पौलुस कहत रहा, उ ओन बातन प धियान देइ सकइ।</verse>
				<verse number="15">आपन समूचइ परिवार क संग बपतिस्मा लेए क पाछे उ हम सबन स इ कहत भए बिनती किहेस, “जदि तू पचे मोका पर्भू ईसू क सच्चा भगत मानत ह तउ मोरे घरे आवा।” तउ उ हम पचन क जाइ बरे तइयार किहेस।</verse>
				<verse number="16">फिन अइसा भवा कि जब हम पचे पराथना ठउर कइँति जात रहे, हम पचन क एक दासी मिली जेहमाँ एक सगुन बतावइ वाली आतिमा क सवारी रहीं। उ मनइयन क भाग्ग बताइके आपन मालिकन क ढेर धन कमाइके देत रही।</verse>
				<verse number="17">उ हमरे पौलुस क पाछे इ चिचियात भइ होइ गइ “इ पचे परम परमेस्सर क सेवक अहइँ। इ पचे तोहका मुक्ति क रस्ता क संदेसा सुनावत अहइँ।”</verse>
				<verse number="18">उ बहोत दिनाँ तलक अइसा ही करत रहाइ तउ पौलुस परेसान होइ गवा। उ मुड़िके उ आतिमा स कहेस, “मइँ ईसू मसीह क नाउँ प तोहका आदेस देत हउँ, ‘इ बिटिया मँ स बाहेर निकरि आवा!’” तउ उ फउरन ओहमाँ स बाहेर निकरि गइ।</verse>
				<verse number="19">फिन ओकर स्वामी लोगन जब लखेन कि ओनकइ कमाई क आसा स मन टूटि गवा अहइ तउ उ पचे पौलुस अउर सिलास क धइ दहबोचेन अउर ओऩका घेर्रावत भए बजार क बीच नगर क अधिकारियन क समन्वा लइ गएन।</verse>
				<verse number="20">फिन न्यायकर्ता क लगे ओनका लइ जाइके बोलेन, “इ सबइ यहूदियन अहइँ अउर हमरे सहर मँ गड़बड़ी फइलावत बाटेन।</verse>
				<verse number="21">इ पचे अइसी रीति रिवाज क दोहाई देत हीं जेनका अपनाउब या जेन पइ चलब हम रोमी मनइयन बरे निआव क मुताबिक नाहीं बा।”</verse>
				<verse number="22">भीड़ भी खिलाफत मँ मनइयन क संग होइके हमला करइ आइ। दण्डनायक भी ओनकइ ओढ़ना फाड़िके उतरवाइ दिहेन अउर आग्या दिहेन कि ओनकइ कुटुम्मस होइ।</verse>
				<verse number="23">ओन पइ बहोत मारि पड़ चुकइ क पाछे उ पचे ओनका जेल मँ डाइ दिहेन अउर जेल क अधिकारि क आदेस दिहेन कि ओनके बरे कर्रा पहरा बइठाइ दीन्ह जाइ।</verse>
				<verse number="24">अइसा आदेस पाइके उ ओनका जेल क भितरी खोली मँ धाँध दिहेन। उ ओनकइ गोड़वा मँ कठघरा जड़ दिहेन।</verse>
				<verse number="25">लगभग आधी राति बीते प पौलुस अउर सीलस परमेस्सर क भजन गावत भएन पराथना करत रहेन अउर दूसर कैदी ओनका अनकत रहेन।</verse>
				<verse number="26">तब्बइ हुवाँ अचानक एक अइसा खौफनाक भूचाल आवा कि जेल क नींव हल गइ। अउर फउरन जेल क फटक्का खुल गवा। हर कउनो क बेड़ी ढ़ीली होइके फिसल गइ।</verse>
				<verse number="27">जेलि क अधिकारी जागिके जब लखेस कि जेलि क फटक्का खुलि गवा अहइँ तउ उ आपन तरवार हींच लिहेस अउर इ सोचत भए कैदी पराइ गएन बाटेन। उ खुद क मार डावइ वाला रहा तबहिं</verse>
				<verse number="28">पौलुस उँची अवाज मँ चिल्लाइके कहेस, “आपन क नस्कान जिन पहोंचावा काहेकि हम सब हियँइ अही।”</verse>
				<verse number="29">ऍह पइ जेल क अधिकारी मसाल मँगवाएस अउर हल्बुली मँ भितरे गवा। अउर डर स काँपत भवा पौलुस अउर सीलास क समन्वा भहराइ पड़ा।</verse>
				<verse number="30">फिन उ ओनका बाहेर लइ जाइके बोला, “साहेब लोगो, उद्धार पावइ बरे मोका का करइ चाही?”</verse>
				<verse number="31">उ पचे जवाब दिहेन, “पर्भू ईसू प बिसवास करा। ऍहसे तोहार उद्धार होइ-तोहार अउर तोहरे परिवार क।”</verse>
				<verse number="32">फिन ओकरे सारे परिवार क संग उ सबइ ओका पर्भू क बचन सुनाएन।</verse>
				<verse number="33">ओकरे पाछे जेल क अधिकारी उहइ रात अउर उहइ घड़ी ओनका हुवाँ स लइ गवा। उ ओकर घाव धोएस अउर आपन सारे परिवार क संग बपतिस्मा लिहेस।</verse>
				<verse number="34">फिन उ पौलुस अउर सीलास क आपन घर लइ गवा अउर ओनका खइया क खिलाएस। परमेस्सर मँ बिसवास क कारण उ आपन समूचइ परिवार क संग आनन्द मनाएस।</verse>
				<verse number="35">जब भोर भवा तउ हाकिम इ कहइ बरे पिआदा क हुवाँ पठएन कि ओन पचन क छोड़ दीन्ह जाइ।</verse>
				<verse number="36">फिन जेलि क अधिकारी इ बतियाँ पौलुस क बखानेस, “दण्डधिकारी तू पचन क छोड़ि देइ क कहवाइ पठएन ह। यह बरे अब तू बाहेर आवा अउर सांति क साथ चला जा।”</verse>
				<verse number="37">मुला पौलुस ओन सिपाहियन स कहेस, “जद्यपि हम रोमी नागरिक अही, मुला उ पचे हमका बिना अपराधी होए बिना सब मनइयन क समन्वा मारेन पीटेन ह अउर जेलि मँ धाँध दिहेन। अउर अब चुप्पे चुप्पे उ पचे हमका बाहेर पठइ देत चाहत हीं, निहचय ही अइसी नाहीं होइ। होइ तउ इ चाही कि उ पचे खुद ही आइके हम पचन क बाहेर खदेरइँ।”</verse>
				<verse number="38">सिपाही लोग न्याहाधीस क इ सब्द जाइके सुनाएन। न्याहाधीस क जब इ पता लाग कि पौलुस अउर सीलास रोमी आहइँ तउ उ सबइ बहोत ससाइ गएन।</verse>
				<verse number="39">तउ उ पचे हुवाँ आएन अउर ओनसे छमा माँगिके ओनका बाहेर लइ गएन अउर ओनसे सहर क तजि देइ क कहेन।</verse>
				<verse number="40">पौलुस अउर सीलास जेल स बाहेर निकरिके लुदिया क घर पहोंचेन। धर्म बंधुअन स मिलत भए उ पचे ओनकइ हौसला बढ़ाएन अउर फिन हुवाँ स चलि दिहेन।</verse>
			</chapter>
			<chapter number="17">
				<verse number="1">फिर अम्फिपुलिस अउर अपुल्लोनिया क सफर पूरा कइके उ पचे थिस्सलुनीके पहोंच गएऩ। हुवाँ यहूदियन क एक आराधनालय रहा।</verse>
				<verse number="2">आपन साधारण सुभाव क अनुसार पौलुस ओनके लगे गवा अउर तीन सबित क दिन तलक ओनकइ संग सास्तरन प बिचार क लेन-देन करत रहा।</verse>
				<verse number="3">अउर सास्तरन स लइके ओनका समझावत भवा इ सिद्ध करत रहा कि मसीह क यातनाइँ झेलइ क रहा अउर फिन ओका मरा भवन मँ स जी उठब रहा। उ कहत, “इ ईसू ही, जेकर मइँ तोहार बीच प्रचार करत हउँ, मसीह अहइ।”</verse>
				<verse number="4">ओहमाँ स कछू जउन ओकरे मते स मेल खाएन, पौलुस अउर सीलास क मत मँ सामिल होइ गएन। परमेस्सर स डेराइवालन अगिनती यूनानी भी ओहमाँ मिलि गहन। एहमाँ ढेर खास खास स्त्रियन भी मिलि गएन।</verse>
				<verse number="5">मुला यहूदी तउ डाह मँ जरत भूँजत रहेन। उ पचे कछू बाजारू जुण्डन क बटोरेन अउर एक मजमा बनइके सहर मँ दंगा कराइ दिहेन। उ पचे यासोन क घर मँ धावा बोल दिहेन। अउर इ जतन करइ लागेन कि कउनो तरह पौलुस अउर सीलास क मनइयन क समन्वा लइ आवइँ।</verse>
				<verse number="6">मुला जब उ पचे ओनका नाहीं पाइ सकेन तउ यासोन क अउर कछू दूसर भाइयन क सहर क अधिकारी क समन्वा घेर्राइ के लइ आएन। उ पचे चिचियानेन, “इ मनइयन जउन सारी दुनिया मँ उथर पुथर मचाए बाटेन अब उ पचे हियाँ आइ अहइँ।</verse>
				<verse number="7">अउर यासोन सम्मान क संग ओऩका आपन घरवा मँ ठहराए बा। अउर उ पचे सबहिं कैसर क आदेसन क खिलाप काम करत बाटेन। अउर कहत हीं एक राजा अउर अहइ जेकर नाउँ अहइ ईसू।”</verse>
				<verse number="8">जब भीड़ अउर सहर क अधिकारी इ सुनेन तउ उ पचे भड़केन।</verse>
				<verse number="9">अउर इ तरह उ पचे यासोन अउर दूसर मनइयन क जमानती मुचलका लइके छोड़ दिहेन।</verse>
				<verse number="10">फिन तुरंतहि रातउ रात पौलुस अउर सीलास क बिरीया पठइ दिहेन। हुवाँ पहुँचिके उ सबइ यहूदी, आराधनालय मँ गएन।</verse>
				<verse number="11">इ पचे थिस्सलुनीके क मनइयन स जिआदा नीक रहेन। इ मनइयन पूरा चित्त लगाइके बचन क सुनेन अउर हर दिन सास्तरन क उलटत पलटत भएऩ जाँच करत रहेन कि पौलुस जउन बातन क बताएस ह, का उ बातन फुर अहइँ।</verse>
				<verse number="12">एकरे कारण बहोत स यहूदी लोग अउर खास खास यूनानी स्त्री-पुरुसन भी बिसवास धरेन।</verse>
				<verse number="13">मुला जब थिस्सलुनिके क यहूदियन क इ पता लाग कि पौलुस बिरीया मँ भी परमेस्सर क बचन क प्रचार करत बाटइ तउ उ पचे हुवँई आइ धमकेन। अउर हुवाँ भी गल्बा करइ अउर मनइयन क हुस्कावइ सुरू कइ दिहन।</verse>
				<verse number="14">यह बरे तबहिं भाइयन तुरंत पौलुस क समुद्दर क किनारे जाइ क पठएन। मुला सीलास अउर तीमुथियुस हुवइँ ठहरा रहेन।</verse>
				<verse number="15">पौलुस क लइ जाइवालन मनइयन ओका एथेंस पहुँचाइ दिहेन अउर सीलास अउर तीमुथियुस बरे इ हुकुम दइके कि उ पचे हाली स ओकरे लगे आइ जाइँ, हुवाँ स चल दिहेन।</verse>
				<verse number="16">पौलुस एथेंस मँ तीमुथियुस अउर सीलास क जोहत भए सहर क मूरत स भरा भवा लखिके मन ही मने मँ तिलमिलात रहा।</verse>
				<verse number="17">यह बरे हर रोज आराधनालय मँ यहूदियन अउर यूनानी भगतन जउन असली भगवान का पूजत रहेन स बहस-मुबाहसा करत रहा। हुवाँ बजार-हाट मँ जउन कउनो होत उ ओहसे भी हर रोज तर्क करत रहत।</verse>
				<verse number="18">कछू इपीकूरी अउर स्तोईकी दर्सन क ग्यानी भी ओसे सास्तार्थ करइ लागेन। ओहमाँ स कछू कहेन, “इ अंटसंट बोलवइया कहब क चाहत ह?” दूसर लोग कहेन, “इ तउ बिदेसी देवतन क प्रचारक जान पड़त ह।” उ पचे इ यह बरे कहे रहेन कि उ ईसू क बारे मँ उपदेस देत रहा अउर ओकरे फिन स जी उठइ क प्रचार करत रहा।</verse>
				<verse number="19">उ पचे ओका धइके अरियुपगुस क सभा मँ आपन संग लइ गएऩ अउर बोलेन, “का हम जान सक्ति ह कि तू जउन मनइयन क समन्वा रखत बाट्या, उ नई सिच्छा का अहइ?</verse>
				<verse number="20">तू कछू अजूबी बात हमरे काने मँ डावत अहा, तउ हम पचे जानइ चाहित ह कि इ बातन का अरथ का अहइ?”</verse>
				<verse number="21">हुवाँ रहत भए एथेंस क सबहिं मनइयन अउर परदेसि सिरिफ बिल्कुल नवा सुनइ या ओनही बातन क चर्चा क अलावा कउनो भी अउर बातन मँ आपन समइ न लागावत रहेन।</verse>
				<verse number="22">तब पौलुस अरियुपगुस क समन्वा खड़ा होइके कहेस, “हे एथेंस क मनइयन, मइँ लखत हउँ कि तू पचे हर तरह स धार्मिक अहा।</verse>
				<verse number="23">टहरत फिरत तोहार आराधना क चीजन क लखिके मोका एक अइसी वेदी भी मिली जेह पइ लिखा रहा, ‘अनबूझ परमेस्सर बरे’ तउ तू पचे बेजानिके जेकर आराधना करत बाट्या मइँ तोहका उहइ बचन क सुनावत हउँ।</verse>
				<verse number="24">“परमेस्सर, जउऩ इ जगत क अउर इ जगत भितरे जउऩ कछू बा, ओकर रचना किहेस, उहइ धरती अउर अकास क पर्भू अहइ। उ हथवा स बनावा गवा मंदिर मँ नाहीं रहत।</verse>
				<verse number="25">ओकरे लगे कउऩो चीजे क कमी नाहीं बा। ऍहसे मनई क हथवा स ओकर सेवा नाहीं होइ सकत। उहइ सबन क जिन्नगी, साँस अउर दूसर सब कछू देत रहत ह।</verse>
				<verse number="26">एक ही मनई स उ मऩई क सबहिं जातिन क बनएस ताकि उ पसे समूचइ धरती प बसि जाइँ अउर उहइ मनइयन क समइ निश्चय कइ दिहेस अउर उ ठउर क जहाँ उ पचे रहइँ, चउहद्दी बाँधि दिहेस।</verse>
				<verse number="27">“ओकर मतलब इ रहा कि मनई परमेस्सर क हेरइँ। होइ सकत ह कि उ पचे ओका ओकरे ताई पहोंचिक पाई सकइँ। ऍतना होए प भी हम सबन मँ कउनो स भी उ दूर नाहीं बा:</verse>
				<verse number="28">काहेकि उहइ मँ हम पचे रहित ह, उहइ मँ हमारा चलब फिरब बा अउर उहइ मँ हमार थिर रहब बा! इहइ तरह खुद तोहरे ही कछू लिखवइया भी कहेन ह: ‘काहेकि हम पचे ओकर बचवा अही।’</verse>
				<verse number="29">“अउर काहेकि हम परमेस्सर क संतान अही। यह बरे हमका इ कबहुँ नाहीं सोचइ चाही कि उ देउता सोना या चाँदी या पाथर क बनी भइ मानुस कल्पना या कारीगरी स बनी भइ कउनो मूरत जइसी अहइ।</verse>
				<verse number="30">अइसे अगियान क जुग क परमेस्सर धियान नाहीं दिहेस अउर अब हर कतहुँ क मनई क मनफिराव क आदेस देत बाटइ।</verse>
				<verse number="31">उ एक दिन तय किहेस ह जब उ आपन एक मनई क जरिए जेका उ मुकईर किहेस ह निआव स दुनिया क निआव करी। मरे भएन मँ स ओका जिआइके उ हर कउनो क इ बात क परमान दिहेस ह!”</verse>
				<verse number="32">जब उ पचे मरे भएऩ मँ स जी उठइ का बात सुनेन तउ ओहमाँ स कछू तउ ओकर हँसी हसारत करइ लागेन मुला कछू कहेन, “हम सबइ इ विसय प फिन कबहुँ तोहार प्रबचन सुनब।”</verse>
				<verse number="33">तब पौलुस ओनका तजिके चल दिहेस।</verse>
				<verse number="34">कछू मनइयन बिसवास कइ लिहेन अउर ओकरे संग होइ गएन। एहमाँ अरियुपगुस क निअम्बर दियुनुसियुस अउर दमरिस नाउँ क स्त्री अउर ओकरे संगे क अउर मिला भी रहेन।</verse>
			</chapter>
			<chapter number="18">
				<verse number="1">एकरे पाछे पौलुस एथेंस तजिके कुरिन्थुस चला गवा।</verse>
				<verse number="2">हुवाँ उ जउ पुन्तुस मा पइदा भवा रहा अक्विला नाउँ क एक यहूदी स मिला। जउन हाल मँ ही आपन पत्नी प्रिस्किला क संग इटली स आवा रहा उ पचे इटली यह बरे तजेन कि क्लौदियुस सबहिं यहूदियन क रोम स निकरि जाइ क हुकुम दिहे रहा तउ पौलुस ओनसे भेंटइ आवा।</verse>
				<verse number="3">अउर काहेकि ओनकइ धन्धा एक ही रहा तउ उ ओनही क संग ठहरा अउर काम करइ लाग। बइपार स उ पचे तम्बू बनावइवाला रहेन।</verse>
				<verse number="4">हर सबित क दिन उ आराधनालय मँ बाद बिवाद कइके यहूदियन अउर यूनानियन क समुझावइ बुझावइ क जतन करत।</verse>
				<verse number="5">जब उ सबइ मैसीडोनिया स सीलास अउर तीमुथियुस आएन तब पौलुस आपन सारा समइ बचन क प्रचार करइ मँ लगाए रहा। यहूदियन क इ परमान देइ चाहत रहा कि ईसू ही मसीह अहइ।</verse>
				<verse number="6">तउ जब्बहिं उ पचे ओकर खिलाफत किहेन अउर ओसे फूहर पातर कहेन तउ उ ओनकइ खिलाफ ओढ़ना झारत भवा ओनसे कहेस, “तोहार रकत तोहारे मूँडे प पड़इ। ओकर मोसे कउनो मतलब नाहीं बा। अबहिं स अगवा मइँ गैर यहूदियन क लगे चला जाबा”</verse>
				<verse number="7">इ तरह पौलुस हुवाँ स चला गवा अउर तीतुस यूस्तुस नाउँ क एक मनई क घरे गवा। उ परमेस्सर क आराधक रहा। ओकर घर आराधनालय स सटा रहा।</verse>
				<verse number="8">क्रिसिपुस, जउन आराधनालय क प्रधान रहा, आपन समूचइ घराना क संग सत्य पर्भू मँ बिसवास धारण किहेस। साथ ही बहोत स कुरिन्थुस जउन पौलुस क प्रबचन सुने रहेन, बिसवास ग्रहण कइके बपतिस्मा लिहेस।</verse>
				<verse number="9">एक राति सपना मँ पर्भू पौलुस स कहेस, “डेरा जिन, बोलत रहा अउर चुप जिन हवा।</verse>
				<verse number="10">काहेकि मइँ तोहरे संग हउँ। तउ तोहरे प हमला कइके कउनो भी तोहका नस्कान नाहीं पहुँचाइ काहेकि इ सहर मँ मोर ढेर मिला बाटइँ।”</verse>
				<verse number="11">तउ पौलुस, हुवाँ डेढ़ बरिस तलक परमेस्सर क बचन क ओनकइ बीच मँ सिच्छा देत भवा, ठहरा रहा।</verse>
				<verse number="12">जब अखाया क राज्यपाल गल्लियो रहा तबहिं यहूदी लोग एक एक अउरटिके पौलुस प धावा बोलि दिहेन अउर ओका धइके कचहरी लइ आएऩ।</verse>
				<verse number="13">अउर बोलेन, “इ मनई परमेस्सर क आराधना अइसे तरीका स करइ बरे हुस्कावत अहइ हउन व्यवस्था क विधान क खिलाफ बा।”</verse>
				<verse number="14">पौलुस अबहिं आपन मुँहना खोलइ क ही रहा कि गल्लियन यहूदियन स कहेन, “अरे यहूदियो, जदि इ कछू कउनो अनिआव या गहिर अपराध क होत तउ तोहार बात सुनब मोरे बरे निआव क मुताबिक होत</verse>
				<verse number="15">मुला काहेकि इ विसय सब्दन, नाउँ अउर तोहार आपन व्यवस्था क सवाल स जुड़ा अहइ, यह बरे ऍका तू सबइ खुद ही सुलझावा। अइसी बातन क बारे मँ मइँ न्यायाधीस नाहीं बनइ चाहत हउँ।”</verse>
				<verse number="16">अउर फिन उ ओनका कचहरी स बाहेर निकाल दिहिस।</verse>
				<verse number="17">तउ उ पचे आराधनालय क नेता सोस्थिनेस क धइ दहबोचेन अउर अदालत क समन्वा ही ओका पीटइ लागेन। मुला गल्लियन इ बातन प तनिकउ भी धियान नाहीं दिहेन।</verse>
				<verse number="18">बहोत दिनाँ तलक पौलुस हुवाँ ठहरा रहा। फिन भाइयन स बिदा होइके उ नाउ क मारग स सीरिया क चला गवा। ओकरे संग प्रिस्किल्ला अउर अक्विला भी रहेन। पौलुस किंखिया मँ आपन बार कटवाएस काहेकि उ एक ठु मन्नत माने रहा।</verse>
				<verse number="19">फिन उ पचे इफिसुस पहोंचेन अउर पौलुस प्रिस्किल्ला अउर अक्विला क हुवँइ छोर दिहेन। अउर खुद आराधनालय मँ जाइके यहूदियन क संग बहस करइ लाग।</verse>
				<verse number="20">जब हुवाँ क मनइयन ओसे कछू दिन अउर रूक जाइके निवेदन किहेन तउ उ इन्कार कइ दिहेस।</verse>
				<verse number="21">मुला जात भए समइ मँ उ कहेस, “अगर परमेस्सर क इच्छा भइ तउ मइँ तोहरे लगे फिन अउबइ।” फिन उ इफिसुस स नइया स जात्रा किहेस।</verse>
				<verse number="22">फिन कैसरिया पहोंचिके उ यरुसलेम गवा अउर हुवाँ कलीसिया क मनइयन स भेंटेस। फिन उ अन्ताकिया कइँती चला गवा।</verse>
				<verse number="23">हुवाँ कछू समइ बिताए क पाछे उ बिदाई लिहेस अउर गलातिया अउर फ्रूगिया क पहँटा मँ एक ठउर स दूसर ठउर क जात्रा करत भवा सबहि चेलन क बिसवास बढ़ावइ लाग।</verse>
				<verse number="24">हुवँइ अपुल्लोस नाउँ क यहूदी रहत रहा। उ सिकुन्दरिया मँ पइदा भवा रहा। उ बिद्धान बोलवइया रहा। उ इफिसुस मँ आवा। सास्तर क ओका पूरा पूरा ज्ञान रहा।</verse>
				<verse number="25">ओका पर्भू क मारग क दीच्छा भी मिली रही। उ हिरदय मँ उमंग भरिके प्रबचन करत अउर ईसू क बारे मँ बड़ी हुसियारी स उपदेस देत रहा। तउ भी ओका यूहन्ना क बपतिस्मा क गियान रहा।</verse>
				<verse number="26">आराधनालय मँ उ निडर होइके बोलइ लाग। जब प्रिस्किल्ला अउर अक्विला ओका बोलत सुनेन तउ उ पचे ओका एक कइँती लइ गएन अउर जिआदा बारीकी स ओका परमेस्सर क मारग क बियाख्या समझाएऩ।</verse>
				<verse number="27">तउ जब उ अखाया क जाइ चाहेस तउ भाइयन ओकर हिम्मत बढ़ाएन अउर हुवाँ क चेलन क ओकर सुआगत करइ बरे लिखिके पठएन। जब उ हुवाँ पहोंचा तउ ओनकइ बरे बड़कवा सहायक सिद्ध होइ गवा जउन पहमेस्सर क अनुग्रह स बिसवास ग्रहण किहेन।</verse>
				<verse number="28">काहेकि सास्तरन स इ परमान देत भए कि ईसू ही मसीह अहइ, उ यहूदी लोगन क मजमा मँ जोरदार सब्दन स ललकारत भवा सास्तरन मँ पछारे रहा।</verse>
			</chapter>
			<chapter number="19">
				<verse number="1">अइसा भवा कि जब अपुल्लोस कुरिन्थुस मँ रहा तबहि पौलुस भीतर क पहँटा स जात्रा करत भवा इफिसुस मँ आइ पहोंचा। हुवाँ ओका कछू चेलन मिलेन।</verse>
				<verse number="2">अउर उ ओनसे कहेस, “का जब तू पचे बिसवास धारण किहे रहा तब पवित्तर आतिमा क ग्रहण किहे रहा?” उ सबइ जवाब दिहेन, “हम पचे तउ सुना तलक नाहीं कि कउनो पवित्तर आतिमा बाटइ भी!”</verse>
				<verse number="3">तउ उ कहेस, “तउ तू पचे कइसा बपतिस्मा लिहे अहा!” उ सबइ कहेन, “य़ूहन्ना क बपतिस्मा।”</verse>
				<verse number="4">फिन पौलुस कहेस, “यूहन्ना क बपतिस्मा तउ मनफिरावइ क बपतिस्मा रहा। उ मनइयन स कहे रहा कि जउन मोरे पाछे आवत अहइ, ओह पइ अरथ अहइ ईसू प बिसवास धरा।”</verse>
				<verse number="5">इ सुनिके उ पचे पर्भू ईसू क नाउँ क बपतिस्मा लइ लिहेन।</verse>
				<verse number="6">फिन जब पौलुस ओन प हाथ धरेस तउ ओन पइ पवित्तर आतिमा उतरि आइ। अउर उ सबइ अलग अलग भाखा बोलइ अउर भविस्सबाणी करइ लागेन।</verse>
				<verse number="7">कुल जोरिके उ पचे कउनो बारह मनई रहेन।</verse>
				<verse number="8">फिन पौलुस यहूदी आराधनालय मँ चला गवा अउर तीन महीना निडर होइके बोलत रहा। उ यहूदी लोगन क साथ बहस करत भवा ओनका परमेस्सर क राज्य क बारे मँ समझावत रहत रहा।</verse>
				<verse number="9">मुला ओहमाँ स कछू लोग बहोत जिद्दी रहेन। उ पचे बिसवास ग्रहण करइ स इन्कार कइ दिहेन अउर मनइयन क समन्वा भला बुरा कहत रहेन। तउ उ आपन चेलन क संग लइके ओनका तजिके चला गवा। अउर तरन्नुस क पाठसाला मँ हर रोज बिचार करत रहा।</verse>
				<verse number="10">दुइ बरिस तलक अइसा ही होत रहा। एकर नतीजा इ भवा कि सबइ एसिया क बसइया अउर यहूदियन अउर गैर यहूदियन पर्भू क बचन सुनि लिहेन।</verse>
				<verse number="11">परमेस्सर पौलुस क हथवा चमत्कार करम करावत रहा।</verse>
				<verse number="12">हिआँ तलक की ओकर छुआ रुमाल अउर अँगरखा क बेरामियन क लगे लइ जावा जात तउ ओऩकइ बेरामी जरटुट होइ जातिन अउर दुस्ट आतिमा ओहमाँ म पराइ जातिन।</verse>
				<verse number="13">कछू यहूदी लोग, जउन दुस्ट आतिमा क उतारत भए एहर ओहर टहरत डोलत रहेन, जिन मनइयन मँ दुस्ट आतिमन क सवारी होतिन, ओन पइ पर्भू ईसू क नाउँ क बइपरइ क जतन करतेन अउर कहतेन, “मइँ तोहका उ ईसू क नाउँ प जेकर प्रचार पौलुस करत वा, आदेस देत हउँ?” एक स्किबा नाउँ क यहूदी महा याजक क सात ठु बेटवन जब अइसा करत रहेन।</verse>
				<verse number="14"></verse>
				<verse number="15">तउ दुस्ट आतिमा (एक दाँई) ओनसे कहेस, “मइँ ईसू क पहिचानत हउँ अउर पौलुस क बारे मँ भी जानत हउँ, मुला तू पचे कउऩ अहा?”</verse>
				<verse number="16">फिन उ मनई जेह पइ दुस्ट आतिमा सवार रही, ओन प कूदि पड़ी। उ ओन पइ काबू पाइके अउर ओनकर कपरा फाड़ दिहेस। उ ओनका खूबइ पीटेस अउर ओनकइ ओढ़ना फाड़ि डाएस। एहसे उ पचे बेबस्तर होइके अउर चोटाइके परानेन।</verse>
				<verse number="17">इफिसुस मँ बसइया लोग सबहिं यहूदियन अउर यूनानी लोगन क इ बाते क पता लग गवा। उ सबइ लोग बहोतइ डेराइ गएऩ। इ तरह पर्भू ईसू क नाउँ क आदर अउर जिआदा बाढ़त गवा।</verse>
				<verse number="18">ओहमाँ स बहोत स जउऩ बिसवास ग्रहण किहे रहेन, आपन स कीन्ह गवा कुकरम क सबन क समन्वा कबूलत भए हुवाँ आएन।</verse>
				<verse number="19">जादूगर अउर टोनहन मँ स बहोतन आपन-आपन पोथी लइके हुवाँ बटोरि दिहेन अउर सब मनइयन क अगवा बारि दिहेन। ओऩ पोथिन क कीमत 50,000 चाँदी क सिक्का क बराबर कूता गवा।</verse>
				<verse number="20">इ तरइ पर्भू क बचन जिआदा असरदार होत भवा दूर दूर ताई फइल गवा।</verse>
				<verse number="21">इ सब घटित होए क पाछे पौलुस आपन मने मँ मैसीडोनिया अउर अखाया होत भवा यरूसलेम जाइ क निहचय किहेस। उ कहेस, “हुवाँ जाए क पाछे मोका रोम भी लखइ चाही।”</verse>
				<verse number="22">तउ उ आपन तीमुथियुस अउर इरास्तुस नाउँ क दुइ सहायक लोगन क मैसीहोनिया पठएस अउर एसिया मँ तनिक समइ अउर बिताएस।</verse>
				<verse number="23">उ दिनन मँ परमेस्सर के रस्ता का लइके हुवाँ खुब उपद्रप भवा।</verse>
				<verse number="24">हुवाँ देमेत्रियुस नाउँ क एक ठु चाँदी क बनवइया सोनार रहा। उ चाँदी क मन्दिर मूरति देवी अरतिमिस क बनवत रहा। जेहसे कारीगर लोगन क रोजी मिलत रही।</verse>
				<verse number="25">उ ओऩका इ धंधा मँ लगा भएन दूसर कारीगरन क बटोरेस अउर कहेस, “लखा मनइयो, तू पचे जानत ह कि काम स हमका एक बढ़िया आमदनी होत ह।</verse>
				<verse number="26">तू सब लखि सकत ह अउर सुनि सकत ह कि इ पौलुस न सिरिफ इफिसुस मँ मुला करीब करीब एसिया क समूचइ पहँटा मँ मनइयन क अपनी सिच्छा क जरिये बदल दिहे बा। उ कहत बा कि मनई क हथवा क बनावा सच देवता नाहीं अहइँ।</verse>
				<verse number="27">एहसे न सिरिफ इ बात क डर अहइ कि हमार बइपार क नामूसी होइ मुला महान देवी अरतिमिस क मंदिर क इज्जत खोइ जाइ क भी डर बाटइ। अउर जउन देवी क आराधना समूचइ एसिया अउर दुनिया स कीन्ह जात बाटइ, ओकर गरिमा छीन लइ जाइ डर अहइ।”</verse>
				<verse number="28">जब उ पचे इ सुनेन तउ उ पचे बहोत कोहाइ गएन अउर चिचिआइ चिचिआइ क कहइ लागेन, “इफिसियो क देवी अरतिमिस महान बा!”</verse>
				<verse number="29">ओहार सारे सहर मँ गड़बड़ी फैलि गइ। तउ मनइयन मैसीडोनिया स आएन अउर पौलुस क संग जात्रा करत भएन गयुस अउर अरिस्तरखुस क धइ दहबोचेन अउर रंग साला मँ लइ भागेन।</verse>
				<verse number="30">पौलुस मनइयन क समन्वा जाब चाहत रहा मुला चेलन ओका नाहीं जाइ दिहन।</verse>
				<verse number="31">कछू प्रांत क अधिकारी जउऩ ओकर मीत रहेन, ओसे कहवाइ पठइएन कि उ हुवाँ रंगसाला मँ आवइ क दुस्साहस जिन करइ।</verse>
				<verse number="32">लोगन मँ स कछू चिचियात बा, अउर कउनो कछू, काहेकि समूचइ सभा मँ हल्बुली फइली बाटइ। ओहमाँ मू जिआदा स जिआदा इ नाहीं जानत रहेन कि उ पचे हुवाँ बटुरा काहे बाटेन।</verse>
				<verse number="33">यहूदियन सिकन्दर क जेकज नाउँ भीड़ मँ स उ पचे सुझाए रहेन, अगवा ठाड़ कइ रखे रहेन। सिकन्दर आपन हथवा क हिलाइ हिलाइके मनइयन क समन्वा सफाई क बयान देत रहा।</verse>
				<verse number="34">मुला जब ओनका इ पता लाग कु उ एक यहूदी अहइ तउ उ सबइ एक अउटके कछू दुइ घण्टा तलक एक सुर मँ चिचियात भवा कहत रहेन, “इफिसियन क देवी अरतिमिस महान बा।”</verse>
				<verse number="35">फिन सहर क बाबू भीड़ क सान्त करत भवा कहेस, “हे इफिसुस क मनइयो, का दुनिया मँ अइसा कउनो मनई बा जउऩ इ नाहीं जानत कि इफिसियन सहर महान देवी अरतिमिस अउर सरग स गिरी भइ पवित्तर सिला क रखवारा अहइ?</verse>
				<verse number="36">काहेकि इ बातन स इन्कार नाहीं होइ सकता ऍह बरे तोहका सान्त रहइ चाही।</verse>
				<verse number="37">“तू पचे इ मनइयन क धइके हियाँ लाया ह जदि अपि उ सबइ न तउ कउनो मंदिर क लुटेन ह अउर न ही हमरी देवि क बेज्जत किहेन ह।</verse>
				<verse number="38">अगर देमेत्रियुस अउर संगी कारीगरन क कउनो क खिलाफ कउनो सिकाइत अहइ तउ अदालत खुली बाटइँ अउर हुवाँ निरनायकन अहइँ। हुवाँ आपुस मँ एक दूसर प नालिस करइँ।</verse>
				<verse number="39">“मुला जदि तू एहसे कछू जिआदा जानइ चाहत ह तउ ओकर फैसला नेम स चलइवाली सभा मँ कीन्ह जाइ।</verse>
				<verse number="40">जउन कछू अहइ ओकरे मुताबिक हमका इ बाते क डर हइ कि आज क दंगा क कारण हम प दोख न लगावा जाइ। इ दंगा बरे हमरे लगे कउनो भी कारण नाहीं बाटइ जेहसे हम सबइ ऍका ठीक ठहराइ सकी।”</verse>
				<verse number="41">ऍतना कहे क पाछे उ सभा क बिसर्जित कइ दिहेस।</verse>
			</chapter>
			<chapter number="20">
				<verse number="1">फिन जब हुल्लड क सांत होइ गवा, एकरे पाछे पौलुस ईसू क चेलन क बोलाएस अउर ओनकइ हिम्मत बढ़ाइ दिहे क पाछे ओनसे बिदा लिहेस अउर मैसीडोनिया क चला गवा।</verse>
				<verse number="2">उ पहँटा स होइके उ जात्रा किहेस अउर हुवाँ क मनइयन क उछाह क बचन बोलेस। फिन उ यूनान आइ गवा।</verse>
				<verse number="3">उ हुवाँ तीन महीना रूका अउर काहेकि यहूदी लोग ओकरे खिलाफ एक षडयन्त्र रचे रहेन जब उ पानी क मारग स सीरिया क जाइवाला रहा कि उ निस्चय किहेस कि उ मैसीहोनिया क लौटि जाइ।</verse>
				<verse number="4">बिरीया क पुर्रूस क बेटवा, थिस्सलूनीकिया क बसइया लोग अरिस्तर्खुस अउर सिकुन्दुस, दिरबे क निवासि गयूस अउर तिमुथियुस अउर एसिया क पहँटा क तुखिकुस अउर त्रुफिमुस ओकर साथ रहेन।</verse>
				<verse number="5">इ पचे पहिले चला गवा रहेन अउर त्रोआस मँ हमका जोहत रहेन।</verse>
				<verse number="6">बे खमीर क रोटी क दिनन क पाछे हम पचे फिलिप्पी स ऩाउ स चेलन अउर पाँच दिना क पाछे त्रोआस मँ ओनसे जाइ भेंटन। हुवाँ हम सात दिना तक ठहरेन।</verse>
				<verse number="7">हपता क पहिले दिना जब हम पचे रोटी क तोड़इ बरे आपुस मँ बटुरेन तउ पौलुस ओनसइ बतियाइ लाग। ओका भियान ही चला जाइ क रहा तउ उ आधी राति तलक बातचीत करत रहा।</verse>
				<verse number="8">सीढ़ी क ऊपर क खोली मँ जहाँ हम पचे बटुरा रहेन, हुवाँ ढेर क दिया धरा रहेन।</verse>
				<verse number="9">हुवँइ यूतुखुस नाउँ क एक नौजवान खिड़की प बइठा रहा। ओका गहिर नींद चाँपे रही। काहेकि पौलुस ढेर बेला स बोलतइ चला जात रहा तउ ओका गहिर नींद आइ गइ। ऍहसे उ तीसरी मंजिल स तरखाले भहराइ पड़ा अउर जब ओका उठावा गवा तउ उ गुजर चुका रहा।</verse>
				<verse number="10">पौलूस तरखाले उतरा अउर ओह पइ निहुरा। ओका आपन कोरा मँ लइके उ कहेस, “जिन घबराअ काहेकि ओकर प्राण उहइ मँ बा।”</verse>
				<verse number="11">फिन उ ऊपर चला गवा अउर उ रोटी क तोरिके बाँटेस अउर खाएस। उ ओनकइ ढेर देर तलक, भिन्सारे ताई बतियात रहा। फिन उ ओनसे बिदा लिहेस।</verse>
				<verse number="12">उ जिअत मनई क उ पचे घरे लइ आएन। ऍहसे ओनका बहोत चइन मिला।</verse>
				<verse number="13">हम जहाजे प पहिले पहोंचेन अउर अस्सुस कइँती चल दिहेन। हुवाँ पौलुस क हम पचेन क जहाज बइठावइ क रहा। उ अइसी ही योजना बनए रहा। उ खुन पैदर आवइ चाहत रहा।</verse>
				<verse number="14">उ जब अस्सुस मँ हम पचन स भेंटा तउ हम पचा ओका जहाजे प बइठावा अउर हम सबइ मितुलेने कइँती चल पड़ेन।</verse>
				<verse number="15">दूसर दिन हम हुवाँ स चलिके खियूस क समन्वा जाइ पहोंचेन। अउर दूसर दिन ओह पार सामोस आइ गएऩ। फिन ओकरे एक दिन पाछे हम मिलेतुस आइ पहोंचेन।</verse>
				<verse number="16">काहेकि पौलुस जहाँ तलक होइ सका पिन्तेकुस्त क दिन तलक यरूसलेम पहुँच जाइ क हाली करत रहा, तउ उ ठान लिहेस कि उ इफिसुस मँ बे रुके भए अगवा चला जाइ जेहॅसे ओका एसिया मँ समइ जिआदा न बितावइ पड़इ।</verse>
				<verse number="17">उ मिलेतुस स इफिसुस क बुजुर्ग अउर कलीसिया क संदेसा पठइके आपन लगे बोलाएस।</verse>
				<verse number="18">ओनकइ आए प पौलुस ओनसे कहेस, “इ तू सबइ जानत ह कि एसिया पहुँचइ क बाद पहिले दिन स ही हर समइ मइँ तोहरे संग कइसे रहत हउँ।</verse>
				<verse number="19">अउर बड़ा दीन होइके आँसू टपकाइ टपकाइके यहूदी लोगन्क कुचाल क कारण मोह प कइउ परीच्छा मँ भी मइँ दीनता पूर्वक पर्भू क सेवा करत रहेउँ।</verse>
				<verse number="20">तू पचे जानत बाट्या कि मइँ तोहका तोहरे भलाई क कउनो बाते स बतावइ मँ कबहुँ हिचकिचाएउँ नाहीं। अउर मैं तोहका ओन बातन क सबहिं मनइयन क बीच अउर घरे घरे जाइके उपदेस देइ मँ कबहुँ नाहीं झिझक्यों।</verse>
				<verse number="21">यहूदियन अउर यूनानियन क मइँ बराबर क भाव स मनफिराव बरे, परमेस्सर कइँती मोड़इ बरे मँ कहत रहेउँ ह अउर हमार पर्भू ईसू मँ बिसवास बरे ओनका चिताउनी दिहेउँ ह।</verse>
				<verse number="22">“अउर अब पवित्तर आतिमा क अधीन मँ मइँ यरूसलेम जात अहउँ मइँ नाहीं जानत हउँ हुआँ मोरे संग का कछू घटी।</verse>
				<verse number="23">मइँ तउ सिरिफ ऍतना जानत हउँ कि हर सहर मँ पवित्तर आतिमा इ कहत भइ मोका चउकन्ना करत रहत ही कि जेल अउर घोर संकट मोका जोहात बाटेन।</verse>
				<verse number="24">मुला मोरे बरे प्राण क कउनो कीमत नाहीं बा। मइँ तउ बस उ दौड़ धूप अउर उ सेवा क पूरा करइ चाहत हउँ जेका मइँ पर्भू ईसू स ग्रहण करेउँ ह, परमेस्सर क अनुग्रह क सुसमाचार क साच्छी देब।</verse>
				<verse number="25">“अउर अब मइँ जानत हउँ कि तोहमाँ स कउनो भी, जेनकइ मँ मइँ परमेस्सर क राज्य क प्रचार करत घूमेउँ ह, मोर मुँह अगवा कबहुँ न लखि पाइ।</verse>
				<verse number="26">यह बरे आजु मइँ तोहरे समन्वा गोहराइ के कहत हउँ कि तू सबन मँ स कउनो मँ स कोइ खोवाय जाइ त ओकर दोखी मइँ नाहीं अहउँ।</verse>
				<verse number="27">काहेकि मइँ परमेस्सर क पूरी इच्छा क तोहका बतावइ क मँ मइ कबहुँ हिचकिचाएउँ नाहीं।</verse>
				<verse number="28">आपन अउर आपन जात बिरादरी क देख भाल करत रहा। पवित्तर आतिमा ओहमाँ स तोहका ओन प चउकसी करइ बरे बनएस ह जेहसे तू परमेस्सर क कलीसिया क धियान राखा जेहसे उ आपन रकत क बदले बेसहे रहा।</verse>
				<verse number="29">मइँ जानत हउँ कि मोरे बिदा होइ जाए क पाछे सिकारी बिगवा तोहरे बीच अइही अउर उ पचे इ भोला भाला झुंड क न छोरिहीं।</verse>
				<verse number="30">हिआँ तलक कि तोहरे आपन बीच मँ स ही अइसेन मनई भी उठि जइहीं, जउन चेलन क पाछे लगाइ लेइ बरे बात क घुमाइ फिराइ क कइहीं।</verse>
				<verse number="31">यह बरे होसियार रह्या। याद राखा कि मइँ तिन बरिस तलक एक एक क दिन रात रोइ रोइ क चिताउनी देब नाहीं तज्यों रहे।</verse>
				<verse number="32">“अब मइँ तोहका परमेस्सर अउर ओकर सुसमाचार क अनुग्रह क हाथे अर्पण करत हउँ। उहइ तोहका बनइ सकत ह् अउर ओन मनइयन क संग जेनका पवित्तर कीन्ह गवा अहइ, तोहका बारिस बनइ सकत ह।</verse>
				<verse number="33">मइँ कबहुँ कउनो क सोना-चाँदी या ओढ़ना क नाहीं ललचाएउँ ह।</verse>
				<verse number="34">तू सबइ ही जानत ह मोर इ हथवन ही मोर अउर मोरे संगिन की जरूरत क पूरा किहेस ह।</verse>
				<verse number="35">मइँ आपन हर करम स तोहका इ देखॉवा ह कि कर्री मेहनत करत भए हमका निर्बल क मदद कउने तरह करइ चाही अउर हमका पर्भू ईसू क बचन याद रखइ चाही जेहसे उ खुद कहे रहा, ‘लेइ स देइ मँ जिआदा सुख बा।’”</verse>
				<verse number="36">इ कहि चुके क पाछे ओन सबन क संग उ घुटना क बल निहुरा अउर उ पराथना किहेस।</verse>
				<verse number="37">हर कउनो भोंकारा मारिके रोवत रहा। मिलना मिलत भए उ पचे ओका चूमत रहेन।</verse>
				<verse number="38">उ जउन इ कहे रहा कि पचे ओकर मुँहना फिन कबहुँ न लखिहीं, ऍहसे मनई जिआदा दुःखी रहेन। फिन उ पचे ओकर रच्छा करत भए जहाजे तलक पहोंचाइ दिहेन।</verse>
			</chapter>
			<chapter number="21">
				<verse number="1">फिन ओनसे बिदाइ लइके समुद्दर मँ हम पचे आपन नइया खेइ दीन्ह अउर सोझ राहे म कास पहोंच गएन अउर भियान रोदुस। फिन हुवाँ स हम पतरा चला गएन।</verse>
				<verse number="2">हुवाँ हम एक ठु जहाज लीन्ह जउन फिनीके जात रहा।</verse>
				<verse number="3">जब साइप्रस लखइ क आइ गवा तउ हम पचे ओका बाई कइँती छोड़िके सीरिया कइँती मुड़ि गएऩ काहेकि जहाज क सूर मँ माल उतारइ क रहा तउ हम पचे भी हुवँई उतरि गएन।</verse>
				<verse number="4">हुवाँ हम पचन क अनुयायी मिलेन जेनके संग हम सात दिनाँ ताई ठहरेन। उ पचे आतिमा क असर स पौलुस क यरुसलेम जाइ स रोक दिहेन।</verse>
				<verse number="5">फिन हुवाँ ठहरइ क आपन समइ बिताइके हम पचे बिदा भएन आपन जात्रा पर निकरि गएन। आपन स्त्रियन अउर बचवन क संग उ पचे सहर क बाहेर तलक हमरे संग आएऩ। फिन हुवाँ समुद्दर क किनारे हम पचे घुटना क बल निहुरिके पराथना कीन्ह।</verse>
				<verse number="6">अउर एक दूसर स बिदा होइके हम पचे जहाजे प चढ़ि गएऩ। अउर उ पचे आपन-आपन घरन क लौटि आएऩ।</verse>
				<verse number="7">सूर स पानी क रस्ता क जरिए जात्रा करत भए हम पतुलिमयिस मँ उतरेन। हुवाँ भाई लोगन क सुआगत सत्कार करत भए हम पचे ओनकइ संग एक दिन ठहरेन।</verse>
				<verse number="8">दूसर दिन ओनका छोरिके हम कैसरिया आइ गएन। अउर सुसमाचार क प्रचारक फिलिप्पुस, जउन चुना भवा सात सेवकन मँ एक रहा, घर जाइके ओनके संग ठहरेन।</verse>
				<verse number="9">ओकरे चार ठु कुँवारी बिटिया रहिन जउन भविस्सबाणी करत रहिन।</verse>
				<verse number="10">हुवाँ हमरे कछू दिनन ठहरे रहइ क पाछे यहूदिया स अगुबस नाउँ क एक नबी आवा।</verse>
				<verse number="11">हमरे निअरे आवत भवा उ पौलुस क करिहाउँ बाँधिके उठाइके ओसे अपऩइ ही गोड़ अउर हाथ बँधवाइ लिहेस अउर बोला, “इ अहइ जउन पवित्तर आतिमा कहत बा, ‘यानी यरूसलेम मँ यहूदियन, जेकर इ कमर बँध अहइ, ओका अइसे ही बॉधिके गैर यहूदियन क हाथे सौंपि देइही।’”</verse>
				<verse number="12">हम पचे जब इ सुनेन तउ हम हुवाँ क मनइयन ओसे यरूसलेम न आवइ क पराथना किहेन।</verse>
				<verse number="13">यह पइ पौलुस जवाब दिहेस, “इ तरह रोइ रोइके मोर हिरदय तोड़त भए इ तू पचे का करत बाट्या? मइँ तउ यरूसलेम मँ न सिरिफ बाँधा जाइ बरे बल्कि पर्भू मसीह क नाउँ प मरइ तलक सन्नध अही!”</verse>
				<verse number="14">काहेकि हम ओका मना नाहीं कइ पाएन। तउ बस ऍतना कहिके चुप्पी साधि गएन “जइसी पर्भू क इच्छा।”</verse>
				<verse number="15">इ दिनन क पाछे फिन हम तइयारी कइके यरुसलेम चला गएन।</verse>
				<verse number="16">कैसरिया स कछू चेलन भी हमरे संग होइ गएऩ। उ पचे हमका साइप्रस क मनासोन नाउँ क एक मनई क हियाँ लइ गएन जउन ईसू का पहिला चेला रहा। हमका उहइ क संग ठहरइ क रहा।</verse>
				<verse number="17">यरूसलेम पहुँचे प भाई लोगन बड़ा उछाइ स हमार सुआगत सत्कार किहेन।</verse>
				<verse number="18">दूसर दिन पौलुस हमरे संग याकूब स भेंटइ गवा। हुवाँ सबहिं कलीसिया क अगुआ हाजिर रहेन।</verse>
				<verse number="19">पौलुस ओनकइ सुआगत सत्कार किहेस अउर ओन सब कामे क बारे मँ जउन परमेस्सर ओकरे हीला स गैर यहूदियन क बीच करवाए रहा, एक एक कइके कहि सुनाएस।</verse>
				<verse number="20">तउ उ पचे परमेस्सर क स्तुति करत भए बोलेन, “बंधु तू पचे तउ लखत ही अहा हियाँ केतॅना ही हजार यहूदी अइसा अहइँ जउन बिसवास ग्रहण लिहे बाटेन। मुला उ पचे सोचत ही मूसा का व्यवस्था क मानब बहुत जरूरी अहइ।</verse>
				<verse number="21">तोहरे बारे मँ ओनसे कहा गवा बाटइ कि तू पचे गैर यहूदियन क बीच रहइवाला सबहिं यहूदी लोगन क मूसा क सिच्छा क तजइ क सीख देत बाट्या। अउर ओनसे कहत ह कि उ पचे न तउ आपन गदेलन क खतना करावइँ अउर न ही यहूदी रीति रिवाजे प चलइँ।</verse>
				<verse number="22">“तउ का कीन्ह जाइ? उ पचे इ तउ जरुरी ही सुनिहीं कि तू आवा अहा।</verse>
				<verse number="23">यह बरे तू उहइ करा जउन तोहसे हम कहत अही। हमरे संग चार ठु अइसे मनई बाटेन जउन कउनो मन्नत मानेन ह।</verse>
				<verse number="24">इ मनइयन क लइ जा अउर ओनकइ संग सुद्ध होइ क जलसा मँ सामिल होइ जा। ओऩकइ खर्जा दइ द्या उ पचे आपन मूड़ मुड़वाइ लइ लेइँ। ऍहसे सब लोग जान लेइहीं कि उ पचे तोहरे बारे मँ जउऩ सुने अहइँ, ओहमाँ स कउनो सच नाहीं बाटइ मुला तू तउ खुद ही हमरे व्यवस्था क मुताबिक जिन्नगी देत ह।</verse>
				<verse number="25">हियाँ तलक बिसवास ग्रहण करइवाले गैर यहूदियन क सवाल बा, हम पचे ओनका एक ठु चिट्ठि मँ लिखिके पठएऩ ह: ‘उ पचे मूरतियन प चढ़ावा प्रसाद, रकत क भोजन, गटई घोंटि के मारे भएन गोरूअन अउर व्यभिचार स आपने को खुद क दूर राखइँ।’”</verse>
				<verse number="26">इ तरह पौलुस ओन मनइयन क आपन संगे लिहस अउर ओन मनइयन क संग आपन खुद क अगले दिन सुद्ध कइ दिहस। फिन उ मंदिर मँ गवा जहाँ उ गोहराइके कहेस कि सुद्ध होइके दिन कब पूर होइहीं अउर हम पचन मँ स हर एक बरे चढ़ावा कब चढ़ाइ जाइ।</verse>
				<verse number="27">जब उ सात दिना पूर होइवाला रहा, एसिया स आए कछू यहूदी लोग ओका मंदिर मँ लखेन। उ पचे भीड़ मँ सबहिं मनइयन क हुस्काइ दिहेन अउर पौलुस क धइ लिहन।</verse>
				<verse number="28">फिन उ पचे नरियाइके बोलेन, “इस्राएल क मनइयो मदद करा। इ उहइ मनई अहइ जउन हर कहूँ हमार जनता क, मूसा क व्यवस्था क खिलाफ मनइयन क सिखावत बहकावत बा। अउर अब तउ इ गैर यहूदियन क मंदिर मँ लइ आवा अहइ। अउर इ इ तरह इ पवित्तर स्थान क भरभण्ड कइ दिहे अहइ।”</verse>
				<verse number="29">(उ पचे अइसा यह बरे कहे रहेन कि त्रुफिमुस नाउँ क एक इफिसी क सहर मँ उ पचे ओकर संग लखिके अइसा सोचेन कि पौलुस ओका मँदिर मँ लइ गवा अहइ।)</verse>
				<verse number="30">तउ सारा सहर खिलाफ उठि खड़ा भवा। मनई भागि भागिके चढ़ बइठेन अउर पौलुस क धइ लिहेन। फिन उ पचे ओका घिसीटते भए मंदिर स बाहेर लइ गएऩ अउर फउरन फाटक बन्द कइ दिहेन।</verse>
				<verse number="31">उ पचे ओका मारइ क जतन करत ही रहेन कि रोमी फऊज क टुकड़ी क नायक क लगे इ सूचना पहोंची कि समूचइ यरुसलेम मँ खलबली मची बा।</verse>
				<verse number="32">उ सेनानायक कछू सिपाहियन अउर फउज क अधिकारी क आपन संग लिहेस अउर पौलुस प हमला करइवाले यहूदियन कइँती बढ़ा। यहूदियन जब सेना नायक अउर सिपाही लोगन क लखेन तउ उ पचे पौलुस क पीटब बंद किहेन।</verse>
				<verse number="33">तब उ सेनानायक पौलुस क लगे गवा अउर ओका बंदी बनाइ लिहेस। उ ओका दुइ जंजीरे मँ बाँध लेइ क आदेस दिहेस। फिन उ पूछेस, “उ कउन अहइ अउर उ का किहेस ह?”</verse>
				<verse number="34">भिड़िया मँ स कछू मनइयन एक बात कहेन तउ दूसर लोग दूसर बात। इ हो-हल्लड़ मँ काहेकि उ इ नाहीं जान पाएस कु सच्चाई का अहइ, यह बरे उ हुकुम दिहेस कि ओका छावनी मँ लइ चला जाइ।</verse>
				<verse number="35">पौलुस जब सीढ़िन क लगे पहोंचा तउ भिड़िया मँ फइली हिंसा स सिपाहियन क ओका आपन सुरच्छा मँ लइ जाइ पड़ा। काहेकि ओकरे पाछे मनइयन क एक भारी भीड़ इ चिचियात भइ चलत रही, “ऍका मारि डावा!”</verse>
				<verse number="36"></verse>
				<verse number="37">जब उ छावनी क भीतर लइ जावा जाइवाला रहा कि पौलुस सेनानायक स कहेस, “का मइँ तोहसे कछू कहि सकत हउँ?” सेनानायक बोला, “का तू यूनानी बोलत अहा?</verse>
				<verse number="38">तउ तू उ मिस्र क मनई तउ नाहीं अहा न जउन पहिले दंगा सुरु कराए रहा अउर जउन हियाँ रेगिस्तान मँ चार हजार आंतकवादी लोगन क अगुअई करत रहा?”</verse>
				<verse number="39">पौलुस कहेस, “मइँ किलिकिया क तरसुस सहर क एक यहूदी मनई हउँ। अउर एक मसहूर सहर क नागरिक हउँ। मइँ तोहसे चाहत हउँ कि तू मोका इ मनइयन क बीच बोलाइ द्या।”</verse>
				<verse number="40">ओसे आग्या पाइके पौलुस सीढ़ी प खड़ा होइके मनइयन कइँती हाथ हिलावत भवा ओनका सांत होइ क कहेस। जब सब सांत होइ गवा तउ पौलुस इब्रानी भाखा मँ मनइयन स कहइ लाग।</verse>
			</chapter>
			<chapter number="22">
				<verse number="1">पौलुस कहेस, “भाई लोगन अउर बाप क नाई भले मनइयन, मोका आपन बचाव मँ अब जउन कछू कहइ क बाटइ, ओका सुना।”</verse>
				<verse number="2">उ पचे जब ओका इब्रनी भाखा मँ बोलत भए सुनेन तउ उ पचे जिआदा सांत होइ गएऩ। फिन पौलुस बोला,</verse>
				<verse number="3">“मइँ एक यहूदी मनई हउँ। सिलिकिया क तरसुस सहर मँ जनम भवा रहा अउर मइँ इहइ सहर मँ पाला पोसा जाइके बाढ़ गएउँ रहा ह। गमलिएल क गोड़वा प बइठिके हमरे पूर्वजन क व्यवस्था क मुताबिक बड़ी कड़ाई स मोर सिच्छा भइ। परमेस्सर बरे मइँ जिआदा धुन लगावत रहेंउँ। फुरे वइसे ही जइसे आज तू पचे अहा।</verse>
				<verse number="4">इ ईसू के पंथ क मनइयन क मइँ ऍतना सताएँउ ह कि ओनकइ परान तलक उड़ि गएऩ। मइँ पुरूसन अउर स्त्रियन क बंदी बनएउँ ह अउर जेलिया मँ धाँध दिहेउँ।</verse>
				<verse number="5">“खुद महायाजक अउ बुजुर्ग यहूदी नेतन क समूचइ सभा ऍका सिद्ध कइ सकत ह। मइँ दमिस्क मँ ऍनकइ भाइयन क नाउँ चिट्ठी भी लिहेउँ ह अउर इ पंथ क हुवाँ रहइ वालन क धइके बंदी क रूप मँ यरुसलेम लइ आवइ बरे मइँ गवा भी रहे रहा ताकि ओनका सजा दीन्ह जाइ सकइ।</verse>
				<verse number="6">“फिन अइसा भवा कि मइँ जब जात्रा करत करत दमिस्क क लगे पहोंचा तउ लग भग दुपहरिया क समइ अकास स एकाएक एक जोर क प्रकास चारिहुँ कइँती फइला।</verse>
				<verse number="7">मइँ भुइयाँ प भहराइ गवा। तबहिं मइँ एक अवाज सुनेउँ जउन मोसे कहत रही, ‘साउल ओ साउल! तू मोका काहे सतावत अहा?’</verse>
				<verse number="8">“तब मइँ जवाबे मँ कहेउँ, ‘पर्भू, तू कउन अहा?’ उ मोसे कहेस, ‘मइँ अहइ नासरी ईसू अहउँ जेका तू सतावत बाट्या।’</verse>
				<verse number="9">जउन मोरे संग रहेन, उ सबइ भी उ प्रकास निहारेन मुला उ बाणी क जउन मोका गोहराए रहा, उ पचे समुझि नाहीं पाएन।</verse>
				<verse number="10">“मइँ पूछेउँ, ‘पर्भू, मइँ का कररुँ?’ एह पइ पर्भू मोसे कहेस, ‘खड़ाहुवा, अउर दमिस्क क चला जा। हुवाँ तोहका सब कछू बताइ दीन्ह जाइ, जेका करइ बरे तोहका मुकर्रर कीन्ह गवा बा।’</verse>
				<verse number="11">काहेकि मइँ उ जोरदार प्रकास स कछू लखि नाहीं पाएउँ रहा, तउ मोर संगी मोर हथवा धइके मोका लइ चलेन अउर मइँ दमिस्क पहोंचि गएउँ।</verse>
				<verse number="12">“हुवाँ हनन्याह नाउँ क एक मनई रहा। उ व्यवस्था क पालन करइवाला भगत रहा। हुवाँ क बसइया सबहिं यहूदियन क संग ओकर मेलजोल रहा।</verse>
				<verse number="13">उ मोरे लगे आवा अअउ मोरे नगिचे खड़ा होइके बोला, ‘भाई साऊल, फिन स लखइ लगा!’ अउर उहइ छिन मइँ ओका लखइ क जोग्य होइ गवा।</verse>
				<verse number="14">“उ कहेस, ‘हमरे पूर्वजन क परमेस्सर तोहका चुनि लिहे अहइ कि तू ओकर इच्छा क परखा, ओकरे धरम क सरूप क लखा अउर ओकर बाणी सुना।</verse>
				<verse number="15">काहेकि तू जउन लख्या ह अउर जउन सुन्या ह, ओकरे बरे सबहिं मनइयन क समन्वा तू ओकर साच्छी होब्या।</verse>
				<verse number="16">यह बरे अब तू केकर बाट जोहत बाट्या, खड़ा होइ जा बपतिस्मा ग्रहण करा अउर ओकर नाउँ क गोहरावत भए आपन पाप क धोइ डावा।’</verse>
				<verse number="17">“फिन अइसा भवा कि जब मइँ यरुसलेम लौटिके मंदिर मँ पराथना करत रहेउँ तबहिं मोर समाधि लग गइ</verse>
				<verse number="18">अउर मइँ लखेउँ कि ईसू मोसे कहत अहइ, ‘हाली! करा अउर फउरन यरुसलेम स बाहेर जा काहेकि मोरे बारे मँ उ पचे तोहार साच्छी न मनिहीं।’</verse>
				<verse number="19">“उ मइँ कहेउँ, ‘पर्भू इ लोग तउ जानत हीं, कि तोह प बिसवास करइया मनइयन क बंदी बनवत भए अउर पीटत भए मइँ यहूदी आराधनालय मँ टहरत फिरा हउँ।</verse>
				<verse number="20">अउर तउ अउर जब तोहार साच्छी स्तिफनुस क रकत बहावा जात रहा, तब भी मइँ आपन समर्थन देत भए हुवँइ खड़ा रहेउ। जउन ओकर कतल किहे रहेन, मइँ ओनकइ ओढ़ना क रखवाली करत रहेउँ।’</verse>
				<verse number="21">“फिन उ मोसे बोला, ‘तू जा, काहेकि गैर यहूदियन क बीच दूर-दूर ताई पठउब।’”</verse>
				<verse number="22">इ बात तलक उ पचे सुनत रहेन फिन ऊँच अवाजे मँ चिल्लाइ उठेन, “अइसे मनइयन क धरती स अजाद करा। इ जिअइ क जोग्य नाहीं बा।”</verse>
				<verse number="23">उ पचे जब चिचियात रहेन अउर आपन ओढ़ना क उतारि उतारिके लोकावत रहेन अउर अकासे मँ धूरि उछारत रहेन,</verse>
				<verse number="24">तबहिं सेनानायक आदेस दिहेस कि पौलुस क जेले मँ लइ जावा जाइ। उ कहेस कि कोड़ा स मारि मारिके ओसे बकरवावा जाइ ताकि मनइयन क पता लागि कि ओह पइ मनइयन क चिचियाइ क कारण का बाटइ।</verse>
				<verse number="25">मुला जब उ पचे ओका कोड़ा मारइ बरे बाँधत रहेन तबहिं हुवा खड़ा भवा फऊजीनायक स पौलुस कहेस, “कउनो रोमी नागरिक क, जउन अपराधी न पावा गवा होइ, कोड़ा लगाउब का ओका नीक बा?”</verse>
				<verse number="26">फऊजीनायक इ सुनिके सेनानायक क निअरे गवा अउर बोला, “इ आप का करत अहइँ? काहेकि इ तउ रोमी नागरिक अहइ!”</verse>
				<verse number="27">ऍह पइ सेनानायक ओकरे लगे आइके पूछेस, “मोका बतावा, का तू रोमी नागरिक अहा?” पौलुस जवाब दिहेस, “हाँ।”</verse>
				<verse number="28">ऍह पइ सेनानायक जवाब दिहेस, “इ नागरिकता पावइ बरे मोका तउ ढेर का धन खर्च करइ पड़ा रहा।” पौलुस कहेस, “मुला मइँ तउ जनम स रोमी नागरिक हउँ।”</verse>
				<verse number="29">तउ उ पचे जउन ओसे पुछताछ करत रहेन, तुरंत पाछे हटि गएऩ अउर सेनापति भी इ समुझिके कि उ एक रोमी नागरिक अहइ अउर उ ओका बंदी बनाए अहइ, बहोत डेराइ गवा।</verse>
				<verse number="30">काहेकि उ सेनानायक इ बात क ठीकठीक पता लगावइ चाहत रहा कि यहूदियन पौलुस प जुर्म काहे लगाएन, यह बरे उ दूसर दिन बंधन खोल दिहेस। फिन मुख्ययाजक अउर सबन त सर्वोच्च यहूदी महासभा क बोलाइ पठएन अउर पौलुस क ओनकइ समन्वा लाइके खड़ा कइ दिहेस। पौलुस यहूदी महासभा प टकटकी लगाइके निहारत।</verse>
			</chapter>
			<chapter number="23">
				<verse number="1">भवा कहेस, “मोर भाइयो, मइँ परमेस्सर क समन्वा आजु तलक अन्त: मन स जिन्नगी बिताएउँ ह।”</verse>
				<verse number="2">एह पॅइ महायाजक हनन्याह पौलुस क निअरे खड़ा भए मनइयन क आदेस दिहेस कि उ पचे ओकरे मुँहे प थप्पड़ मारइँ।</verse>
				<verse number="3">तब पौलुस ओसे कहेस, “हे सफेदी स पोती भइ दीवार! परमेस्सर क मार तोह पइ पड़ी। तू हिआँ व्यवस्था क मुताबिक कइसा निआब करइ बइठा अहा कि तू व्यवस्था क खिलाफ मोका थप्पड़ मारइ आदेस देत अहा।”</verse>
				<verse number="4">पौलुस क लगे खड़ा भए मनइयन कहेन, “परमेस्सर क महायाजक क बेज्जत करइ क हिम्मत तोहका भवा कइसे!”</verse>
				<verse number="5">पौलुस जवाब दिहेस, “मोका तउ पता नाहीं कि इ महायाजक अहइ। काहेकि लिखा अहइ, ‘तोहका आपन प्रजा क राजा बरे कुभाख बोलइ नाहीं चाहीं।’ ”</verse>
				<verse number="6">फिन जब पौलुस क पता चला कि ओहमाँ स आधा मनई सदूकी अहइँ अउर आधा फरीसी तउ महासभा क बीच उँच अवाज मँ कहेस, “भाइ लोगो, मइँ फरीसी हउँ एक फरीसी क बेटवा हउँ। मरइ क पाछे फिन स जी उठइ बरे मोरी मान्नता क कारण मोह प मुकदमा चलावा जात अहइ!”</verse>
				<verse number="7">ओकरे अइसा कहइ प फरीसियन अउर सदूकियन मँ एक तहत्तुक उठा अउर सभा क बीच फूटि पड़ गइ।</verse>
				<verse number="8">(सदूकियन क कहब अहइ कि पुनरूत्थान नाहीं होत न सरगदूत होत हीं अउर न ही आतिमा। मुला फरीसियन क ऍनके होइ मँ बिसवास करत हीं।)</verse>
				<verse number="9">हुवाँ बहोत सोरगुल भवा। फरीसियन क दल मँ स कछू धरम सास्तरी उठेन अउर खरी बहस करत भए कहइ लोगन, “इ मनई मँ हम पचे कउनो खोट नाहीं पावत अही। जदि कउनो आतिमा या कउनो सरगदूत ऍहसे बात किहेन ह तउ ऍहसे का?”</verse>
				<verse number="10">काहेकि इ तहत्तुक हिंसा क रूप लइ चुका रहा, ऍहसे उ सेनानायक डेराइ गवा कि कहूँ उ पचे पौलुस क बोटी बोटी न कइ डावइँ। तउ उ सिपहियन क आदेस दिहेस कि उ पचे खाले जाइके पौलुस क ओनसे अलगाइके छावनी मँ लइ जाइँ।</verse>
				<verse number="11">अगली राति पर्भू पौलुस क नगिचे खड़ा होइके, ओसे कहेस, “हिम्मत राखा काहेकि तू जइसे मजबूती क संग यरूसलेम मँ मोर साच्छी दिहा ह, वइसे ही रोम मँ तोहका मोर साच्छी देइ क अहइ!”</verse>
				<verse number="12">फिन दिन निकरा। यहूदी लोगन एक कुचाल चलेन। उ पचे किरिया खाएन कि जब तलक उ पचे पौलुस क मार नाहीं डइहीं, न कछू खइहीं, न पिइहीं।</verse>
				<verse number="13">ओनमाँ स चालीस स भी जियादा मनइयन इ कुचाल चलेन</verse>
				<verse number="14">उ पचे मुख्ययाजकन अउर बुजुर्गन क लगे गएन अउर बोलेन, “हम पचे किरिया खावा ह कि हम पचे जब तलक पौलुस क मारि नाहीं डाइत, तब तलक न हम कछू खाब न पिअब।</verse>
				<verse number="15">तउ अब तू अउर यहूदी महासभा, सेनानायक स बिनती करइ चाहत ह कि उ ओका तोहरे लगे लइ आवइ इ बहाना बनावत भए कि तू ओकरे बारे मँ अउर बारीकी स छानबीन करइ चाहत बाट्या। ऍहसे पहिले कि उ हिआँ पहुँचइ, हम पचे ओका मारि डावइ क तइयार अही।”</verse>
				<verse number="16">मुला पौलुस क भैने क इ कुचाल क भनक लग गइ तउ उ छावरी मँ जाइ पहोंचा अउर पौलुस क सब कछू बताइ दिहस।</verse>
				<verse number="17">ऍह पइ पौलुस कउनो एक फऊजीनायक क बोलाइके ओसे कहेस, “इ जवान क सेनानायक क लगे लइ आवा काहेकि ऍहसे कछू कहइ क अहइ।”</verse>
				<verse number="18">तउ उ ओका सेनानायक क लगे लइ गवा अउर बोला, “बंदी पौलुस मोका बोलाएस अउर मोसे उ जवान क तोहरे लगे पहोंचावइ क कहेस काहेकि इ तोहसे कछू कहइ चाहत ह।”</verse>
				<verse number="19">सेनानायक ओकर हथवा धरेस अउर ओका एक कइँती लइ जाइके पूछेस, “बतावा तू मोसे का चाहत बाट्या?”</verse>
				<verse number="20">जवान बोला, “यहूदी इ बात प एक अउट ग अहइँ कि उ पचे पौलुस स अउर बारीकी स पूछताछ करइ क बहाना महासभा मँ ओका लइ जाइ बरे तोहसे पराथना करइँ।</verse>
				<verse number="21">यह बरे ओनकइ जिन सुन्या। कहेकि चालिस स भी जियादा लोग घात लगाइके ओका जोहत अहइँ। उ पचे इ किरिया खाए अहइँ कि जब तलक उ पचे ओका मारि न डावइँ, ओनका न कछू खाब अहइ, न पिअब। बस अब तोहरे आदेस क जोहत उ पचे तइयार बइठा अहइँ।”</verse>
				<verse number="22">फिन सेनानायक जवान क इ आदेस दइके पठएस, “तू इ कउनो क जिन बतावा कि तू मोका एकर खबर दइ दिहे अहा।”</verse>
				<verse number="23">फिन सेनानायक आपन दुइ फऊजीनायकन क बोलवाइ क कहेस, “दुइ सौ सिपाही, सत्तर घुड़सवार दुइ सौ भालावालन क कैसरिया जाइके तइयार राखा। राति क नउ बजे चलइ बरे तइयार रहा।</verse>
				<verse number="24">पौलुस क सवारी बरे घोड़न क बन्दोबस्त राखा अउर ओका सुरच्छा स राज्यपाल फेलिक्स क लगे लइ जा।”</verse>
				<verse number="25">उ एक ठु चिट्ठि लिखेस जेकर विसय रहा:</verse>
				<verse number="26">महामहीम राज्यपाल फेलिक्स क, क्लौदियुस लूसियास क नमस्ते पहोंचइ।</verse>
				<verse number="27">इ मनई क यहूदी लोगन धइ लिहेन अउर उ पचे ऍकर कतल करइ क रहेन कि मइँ इ जानिके कि इ एक रोमी नागरिक अहइ, आपन सिपाहियन क संग जाइके एका बचाइ लिहेउँ।</verse>
				<verse number="28">मइँ काहेकि उ कारण क जानइ चाहत रहेउँ जेहॅस उ पचे ओह पइ दोख लगावत रहेन, ओका ओनकइ महा आराधनालय मँ लइ जावा गवा।</verse>
				<verse number="29">मोका पता लाग कि ओनकइ व्यवस्था स जुड़ा भए सवाल क कारण ओह पइ दोख लगावा ग रहा। मुला ओह प कउनो अइसा जुर्म नाहीं रहा जउन ओका मउत क सजा क जोग्ग या बंदी बनावइ जोग्ग साबित होइ।</verse>
				<verse number="30">फिन जब मोका इत्तला मिली कि हुवाँ इ मनई क खिलाफ कउनो षडयन्त्र रचा गवा अहइ तउ मइँ एका तुरंतहि तोहरे लगे पठइ दीन्ह ह। अउर ऍह प जुर्म लगावाइ वालन क इ आदेस दइ दीन्ह ग ह कि एकरे खिलाफ लगावा गवा जुर्म तोहरे अगवा धरइँ।</verse>
				<verse number="31">तउ सिपाहिन इ आग्या क पूरा किहेन अउर उ पचे राति मँ ही पौलुस क अन्तिपत्रिस क लगे लइ गएऩ।</verse>
				<verse number="32">फिन अगले दिना घुड़-सवारन क ओकरे संग अगवा जाइ बरे छोड़िके उ पचे छावनी लौटि आएन।</verse>
				<verse number="33">जब उ पचे कैसरिया पहुँचेन तउ उ पचे राज्यपाल क उ चिट्ठी देत भए पौलुस क ओका सौंपि दिहेन।</verse>
				<verse number="34">राज्यपाल चिट्ठी बाँचेस अउर पौलुस स पूछेस कि उ कउने पहँटा क रहवइया बा। जबहिं ओका पता लाग कि उ किलकिया क बसइया अहइ</verse>
				<verse number="35">तउ उ ओसे कहेस, “तोह पइ जुर्म लगावइ वालन जब आइ जइहीं, मइँ तबहिं तोर सुनवाइ करब।” उ आग्या दिहेस कि पौलुस क पहरा क भीतर हेरोदेस क महल मँ रख दीन्ह जाइ।</verse>
			</chapter>
			<chapter number="24">
				<verse number="1">पाँच दिना पाछे महायाजक हनन्याह कछू बुजुर्ग यहूदी नेतन अउर तिरतुल्लुस नाउँ क एक वकील संग लइके कैसरिया आवा। उ पचे राज्यपाल क समन्वा पौलुस प जुर्म सिद्ध करइ आइ रहेन।</verse>
				<verse number="2">फेलिक्स क समन्वा पौलुस क पेसी होए पइ मुकदमा क सुनवाई सुरू करत भवा। तिरतुल्लुस बोला, “महासय, तोहरे कारण हम सांति स रहत अही तोहार दूरंदेस होइ स देस मँ बहोत जिआदा सूधार भएऩ ह।</verse>
				<verse number="3">हे महामहिम फेलिक्स। हम बड़े एहसान क साथ ऍका हर तरह स हर कहूँ अंगीकार करित ह।</verse>
				<verse number="4">तोहार अउर जिआदा समइ न लेत भए, मोर पराथना अहइ कि कृपा कइके आप थोड़े मँ हमका सुन लेइँ।</verse>
				<verse number="5">बात इ अहइ कि इ मनई क हम एक उत्पाती क रूप मँ पाएउँ ह। सारी दुनिया क यहूदियन मँ इ दंगा भड़काएस ह। इ नासरी लोगन क पंथ क नेता अहइ।</verse>
				<verse number="6">इ मंदिर क अपवित्तर करइ क जतन किहेस ह। हम पचे ऍका यह बरे धरा ह। हम यह पइ जउन आरोप लगावत अही, ओन सबन क आप खुद ऍसे पूछि पछोरिके जान सकत ह।”</verse>
				<verse number="7"></verse>
				<verse number="8"></verse>
				<verse number="9">इ जुर्म मँ यहूदी भी सामिल होइ गएन। उ पचे जोर दइके कहत रहेन कि इ सब तथ्य फुरि अहइँ!</verse>
				<verse number="10">फिन राज्यपाल जब पौलुस क बोलइ क इसारा किहेस तउ उ जवाब देत भवा कहेस, “तू बहोत दिना स इ देस क न्यायाधीस अहा। इ जानत भए मइँ खुसी क साथ आपन बचाव रखत अहउँ।</verse>
				<verse number="11">तू खुद इ जान सकत ह कि अबहिं आराधना बरे मोका यरुसलेम गए भए बस बारह दिन बीता बाटेन।</verse>
				<verse number="12">हुवाँ मंदिर मँ मोका न तउ कउनो क संग बहस करत भए पावा गवा अहइ अउर न ही आराधनालय या सहर मँ कतहूँ अउर मनइयन क दंगा बरे भड़कावत भवा</verse>
				<verse number="13">अउर तोहरे समन्वा जउन जुर्म इ सबइ मोह प लगावत अहइ ओनका सिद्ध नाहीं कइ सकत बाटेन।</verse>
				<verse number="14">“मुला मइँ तोहरे समन्वा इ बात क अंगीकार करत हउँ कि मइँ आपन पूर्वजन क परमेस्सर क आराधना ईसू के पंथ क मुताबिक करत हउँ, जेका इ पचे एक पंथ कहत हीं। मइँ हर उ बात मँ बिसवास करत हउँ जेका व्यवस्था बतावत ह अउर जउन नबी लोगन क किताबे मँ लिखी बाटइ।</verse>
				<verse number="15">अउर मइँ परमेस्सर मँ वइसेन ही भरोसा राखत हउँ जइसे खुद ई लोग धरत हीं कि धर्मी अउर विधर्मी दुइनउँ क ही फिन उत्थान होइ।</verse>
				<verse number="16">यह बरे मइँ भी परमेस्सर अउर मनइयन क समन्वा हमेसा आपन अन्तारात्मा क सुद्ध बनाए भए बरे जतन करत रहत हउँ।</verse>
				<verse number="17">“कइउ बरिस तलक यरुसलेम स दूर रहे क पाछे मइँ आपन रास्ट्र बरे उपहार लइके अपने मंदिर पर भेंट चढावइ बरे आएउँ ह। जब मइँ इ करत ही रहेउँ रहा उ पचे मोका मंदिर मँ पाएन, तब मँ बिधि क मुताबिक सुद्ध रहेउँ रहा न तउ हुवाँ भीड़ रही अउर न कउनो असांति।</verse>
				<verse number="18"></verse>
				<verse number="19">एसिया स आए कछू यहूदी हुवाँ मौजूद रहेन। अगर मोरे खिलाफ ओनके लगे कछू अहइ तउ उ पचे तोहरे समन्वा हाजिर होइके मोह प जुर्म लगावइ चाही।</verse>
				<verse number="20">या इ लोग जउन हियाँ अहइँ उ सबइ बतावइँ कि जब मइँ यहूदी हमासभा क समन्वा खड़ा रहा, तब उ पचे मोहे मँ का खोट पाएन</verse>
				<verse number="21">सिवाय ऍकरे कि जब मइँ ओनकइ बीच मँ खड़ा रहा तब मइँ ऊँची अवाज मँ कहे रहा, ‘मरे भएऩ मँ स जी जाइ क बारे मँ आजु तोहरे जरिए मोर निआव कीन्ह जात अहइ।’”</verse>
				<verse number="22">फिन फेलिक्स, जउन इ ईसू के पंथ क पूरी जानकारी रखत रहा, मुकदमा क सुनवाई क आगे टारत भवा बोला, “जब सेनानायक लुसियास आइ, मइँ तबहिं तोहरे इ मुकदमे. प आपन फैसला देब।”</verse>
				<verse number="23">फिन उ फऊजी नायक क आदेस दिहेस कि तनिक छूट दइके पौलुस क पहरा क भीतर धरा जाइ अउर ओकरे मीतन क ओकर जरूजत पूरा करइ स न रोका जाइ।</verse>
				<verse number="24">कछू दिना पाछे फेलिक्स आपन पतनी द्रुसिल्ला क संग हुवाँ आवा। उ एक यहूदी स्त्री रही। फेलिक्स पौलुस क बोलवावइ पठएस अउर मसीह ईसू मँ बिसवास क बारे मँ ओसे सुनेस।</verse>
				<verse number="25">मुला जब पौलुस नेकी, खुद क संयम मँ राखइ अउर आवइवाला निआव क बारे मँ बोलत रहा तउ फेलिक्स डेराइ गवा अउर बोला, “इ समइ तू चला जा, मौका मिले प मइँ तोहका फिन बोलवाउब।”</verse>
				<verse number="26">अहइ समइया ओका इ आसा भी रहाई कि पौलुस ओका कछू धन देइ। यह बरे फेलिक्स पौलुस क बातचीत बरे अक्सर बोलवावइ बरे पठवत रहा।</verse>
				<verse number="27">दुइ बरिस अइसे ही बीति जाए क पाछे फेलिक्स क जगइ पुरखिउस फेस्तुस ग्रहण कइ लिहस। अउर काहेकि, फेलिक्स यहूदियन क खुस रखइ चाहत रहा, यह बरे उ पौलुस क जेल मँ ही रहइ दिहेस।</verse>
			</chapter>
			<chapter number="25">
				<verse number="1">फेस्तुस जब उ प्रदेस मॅ राज्यपाल होइ गवा अउर तीन दिना पाछे उ कैसरिया स यरुसलेम क रवाना होइ गवा।</verse>
				<verse number="2">हुवाँ मुख्ययाजकन अउर यहूदियन क मुखिया लोग पौलुस क खिलाफ लगावा गवा जुर्म ओकरे समन्वा रखेन अउर ओसे पराथना किहेन</verse>
				<verse number="3">कि उ पौलुस क यरुसलेम पठवाइके ओनकइ पच्छ लेइ। (उ पचे रस्त मँ ही ओका मारि डावइ क कुचाल बनाए रहेन।)</verse>
				<verse number="4">फेस्तुस जवाब दिहेस कि “पौलुस कैसरिया मँ बंदि अहइ अउर उ ज्लदी ही हुवाँ पहोंचइवाला बाटइ।” उ कहेस,</verse>
				<verse number="5">“तू आपन कछू मुखिया लोगन क मोरे संग पठइ द्या अउर जदि उ मनई अपराध किहे बा तउ उ पचे हुवाँ मोह प जुर्म लगावइ।”</verse>
				<verse number="6">ओनके संग कछू आठ दस दिन बाताइके फेस्तुस कैसरिया चला गवा। अगले ही दिन अदालत मँ निआव क आसन प बैठिके उ आदेस दिहेस कि पौलुस क पेस कीन्ह जाइ।</verse>
				<verse number="7">जब उ पेस भवा तउ यरूसलेम स आए भएन यहूदी लोग ओका घेरिके खड़ा होइ गएन। उ पचे ओह प बहुतेरे भारी दोख लगाएन मुला उ पचे ओके सिद्ध नाहीं कइ सकेन।</verse>
				<verse number="8">पौलुस खुद आपन बचाव करत भवा कहेस, “मइँ न तउ यहूदियन क व्यवस्था क खिलाफ कउनो करम किहेउँ ह, न ही मंदिर क खिलाफ अउर न ही कैसर क खिलाफ।”</verse>
				<verse number="9">मुला काहेकि फेस्तुस यहूदी लोगन क खुस करइ चाहत रहा, जवाब मँ उ पौलुस स कहेस, “तउ का तू यरूसलेम जाइ चाहत ह ताकि मइँ हुवाँ तोह पइ लगावा गवा जुर्म क निआवा कइ सकउँ?”</verse>
				<verse number="10">पौलुस कहेस, “इ समइ मइँ कैसर क अदालत क समन्वा खड़ा हउँ। मोर निआव हिअँइ कीन्ह जाइ चाही। मइँ यहूदियन क संग कछू बुराई नाहीं किहे अही, ऍका तू भी बहोत अच्छी तरह जानत ह।</verse>
				<verse number="11">यदि मइँ कउनो अपराधे क दोखी अहउँ अउर मइँ कछू अइसा स किहे हउँ, जेकर सजा मउत अहइ, तउ मइँ मरइ स बचब न चाहब, मुला जउन लोग मोह प जउन जुर्म लगावत अहइँ, ओहमाँ स कउनो सच नाहीं बा। तउ मोका कउनो भी ऍनका नाहीं सौंपिर सकत। इहइ कैसर स मोर पराथना अहइ।”</verse>
				<verse number="12">आपन परिसद स राय लिहे क पाछे फेस्तुस ओका जवाब दिहेस, “तू कैसर स फिन बिचार बरे पराथना किहा ह, यह बरे तोहका कैसर क समन्वा ही लइ लीन्ह जाइ।”</verse>
				<verse number="13">कछू दिन पाछे राजा अग्रिपा अउर बिरनीके फेस्तुस क सुआगत करइ कैसरिया आएन।</verse>
				<verse number="14">जब उ पचे हुवाँ कई दिन बिताइ चुकेन तउ फेस्तुस राजा क समन्वा मुकदमा क इ तरह समझाएस, “हिआँ एक अइसा मनई अहइ जेका फेलिक्स बंदी क रूप मँ छोड़ गवा रहा।</verse>
				<verse number="15">जब मइँ यरुसलेम मँ रहेउँ, मुख्ययाजक अउर बुजुर्ग यहहूदी नेतन ओकरे खिलाफ मुकदमा दर्ज किहेन अउर माँग किहे रहेन कि ओका समा दीन्ह जाइ।</verse>
				<verse number="16">मइँ ओनसे कहे रहेउँ, ‘रोमी मनइयन मँ अइसी रीति नाहीं कि कउनो मनइ क, जब तलक वादी प्रतिवादी क आमना समन्वा न कइ दीन्ह जाइ, अउर ओह प लगावा भएन जुर्म स ओका बचावइ क मौका न दइ दीन्ह जाइ। ओका सजा बरे, सौपा जाइ।’</verse>
				<verse number="17">“तउ उ सबइ मनइयन जब मोरे संग हिआँ आएन तउ मइँ बिना देर लगाए भए अगले दिना निआव क आसन पबइठिके उ मनई क पेस कीन्ह जाइके हुकुम दिहेस।</verse>
				<verse number="18">जब ओह पइ दोख लगावइ वालन बोलइ खड़ा भएन तउ उ पचे ओह पइ अइसा कउनो दोख नाहीं लगाएन जइसा कि मइँ सोचत रहेउँ।</verse>
				<verse number="19">बल्कि ओनकइ आपन धरम क कछू बातन पर भी अउर ईसू नाउँ क एक मनई प जउन मर चुका बा, ओनमाँ कछू बिचार मँ अलगौझा रहा। तउ भी पौलुस क दावा अहइ कि उ जिअत अहइ।</verse>
				<verse number="20">मइँ समुझ नाहीं पावत हउँ की इ बिसयन क छानबीन कइसे कीन्ह जाइ, यह बरे मइँ ओसे पूछेउँ कि का उ आपन इ जुर्मन क निआव करावइ बरे यरुसलेम जाइ क तइयार अहइ?</verse>
				<verse number="21">मुला पौलुस जब पराथना किहेस कि ओका सम्राट क बरे ही हुवाँ रखा जाइ, तउ मइँ हुकुम दिहेउँ, कि मइँ जब तलक ओका कैसर क लगे न पठइ देउँ, ओका हिअँइ रखा जाइ।”</verse>
				<verse number="22">ऍह पइ अग्रिप्पा फेस्तुस स कहेस, “इ मनई क सुनवाई मइँ खुद कहइ चाहत हउँ।” फेस्तुस कहेस, “तू ओका भियान सुन लिहा।”</verse>
				<verse number="23">तउ भियान भए प राजा अग्रिप्पा अउर बिरनीके बड़ा सजधज क साथ आएन अउर उ पचे फऊजीनायकन अउर सहर क प्रमुख मनइयन क संग सभाभवन मँ घुसा। फेस्तुस हुकुम दिहेस अउर पौलुस क हुवाँ लइ आवा गया।</verse>
				<verse number="24">फिन फेस्तुस बोला, “महाराजा अग्रिप्पा अउर सज्जन लोगो जउन हीआँ अहा! तू पचे इ मनई क निहारत अहा जेकरे बारे मँ समूचा यहूदी समाज, यरूसलेम मँ अउर हिआँ, मोसे चिचिआइ चिचिआइके माँग करत अहइ कि ऍका अब अउर जिन्दा नाहीं रहइ देइ चाही।</verse>
				<verse number="25">मुला मइँ जाँच लिहेउँ ह कि इ अइसा कछू नाहीं किहेस ह कि ऍका मउत क सजा दीन्ह जाइ अउर काहेकि इ खुद सम्राट कैसर स फिन बिचार करइके पराथना किहेस ह कि यह बरे मइँ ऍका हुवाँ पठवइ क निर्णय लिहेउँ ह।</verse>
				<verse number="26">मुला ऍकरे बारे मँ सम्राट कैसर क लगे लिखिके पठवइ क मोरे लगे कउनो तय कीन्ह भइ बात नाहीं अहइ। मइँ ऍका यह बरे आप सबन क समन्वा, अउर खास रूप स हे महाराजा अग्रिप्पा, तोहरे समन्वा लइ आएउँ ह ताकि इ जाँच पड़ताल क पाछे लिखइ क मोरे लगे कछू होइ।</verse>
				<verse number="27">कछू भी होइ मोका कउनो बंदी क ओकर अभियाग पत्र बगैर तइयार किए हुआँ पठउब संगत नाहीं जान पड़त।”</verse>
			</chapter>
			<chapter number="26">
				<verse number="1">अग्रिप्पा पौलुस स कहेस, “तोहका खुद आपन कइँती स बोलइ क अनुमति बाटइ।” ऍह पइ पौलुस आपन हाथ उठाएस अउर आपन बचाव मँ बोलब सुरू किहेस,</verse>
				<verse number="2">“हे राजा अग्रिप्पा, मइँ आपन क भाग्यवान समुझत हउँ कि यहूदियन मोह पइ जउन जुर्म लगाए बाटेन, ओन सब बातन क बचाउ मँ, तोहरे अगवा बोलइ जात हउँ।</verse>
				<verse number="3">खास तरह स इ यह बरे सच अहइ कि तोहका सबहिं यहूदी रीति रिवाज अउर ओनके विवाद क गियान अहइ। यह बरे मइँ तोहसे पराथना करत हउँ कि धीरझ क साथ मोर बात सुनी जाइ।</verse>
				<verse number="4">“सबहिं यहूदी जानत ही कि सुरू स ही खुद आपन देस मँ अउर यरुसलेम मँ भी बचपन स ही मइँ कइसा जिन्नगी जिए अहइ।</verse>
				<verse number="5">उ पचे मोका बहोत समइ स जानत हीं अउर जदि उ पचे चाहइँ तउ इ बात क साच्छी दइ सकत हीं मइँ आपन धरम क एक सबसे जिआदा कट्टर पंथ क मुताबकि एक फरीसी क रूप मँ जिन्नगी बिताएउँ ह।</verse>
				<verse number="6">अउर अब इ मुकदमा क सफाई क हालत मँ खड़ा भए मोका उ बचन क भरोसा अहइ जउन परमेस्सर हमरे पूर्वजन क दिहे रहा।</verse>
				<verse number="7">इ उहइ बचन अहइ जेका हमार बारहु जातिन रात दिन मन लगाइके परमेस्सर क सेवा करत भए, पावइ क भरोसा रखत हीं हे राजन! इहइ भरोसा क कारण मोह प यहूदियन क जरिए जुर्म लगावा जात अहइ।</verse>
				<verse number="8">तू पचन मँ स कउनो क भी इ बात बिसवास क जोग्ग काहे नाहीं लागत बा कि परमेस्सर मरे भए क जिआइ देत ह।</verse>
				<verse number="9">“मइँ भी सोचत रहेउँ नासरी ईसू क नाउँ क खिलाफत करइ क लिए जउन भी बन पड़इ उ बहोत कछू करुँ।</verse>
				<verse number="10">अउर अइसा ही मइँ यरुसलेम मँ किहेउँ भी। मइँ परमेस्सर क बहोत स भगतन क जेलि मँ धाँध दिहेउँ काहेकि मुख्याजक लोगन स ऍकरे बरे मोका हक मिला रहा। अउर जब ओनका मारा गवा तउ मइँ आपन मत ओऩकइ खिलाफ दिहउँ।</verse>
				<verse number="11">आराधनालय मँ स मइँ ओनका अक्सर सजा देत रहेउँ अउर ईसू क निन्दा करइ बरे ओन पइ दबाव डावइ क जतन करत रहेउँ। ओनकइ बरे मोर किरोध ऍतना जिआदा रहा कि ओनका सतावइ बरे मइँ बाहेर क सहर तलक गएउँ।</verse>
				<verse number="12">“अइसी ही एक जात्रा क मौके प जब मइँ मुख्ययाजक स आग्या पाइके दमिस्क जात रहेउँ,</verse>
				<verse number="13">तबहिं दुपहरिया क जब मइँ अबहिं राहे मँ रहेउँ ही कि मइँ हे राजन, सरग स एक प्रकास उतरत भवा लखेउँ। ओकर तेज सूरज स भी जिआदा रहा। उ मोरे अउर मोरे संग क मनइयन क चारिहुँ कइँती चमचमान।</verse>
				<verse number="14">हम पचे धरती प भहराइ गएऩ, फिन मोका एक बानी सुनाइ दिहेस। उ इब्रानी भाखा मँ मोसे कहत रही, ‘साऊल, अरे ओ साऊल, तू मोपर अत्याचार करत अहा? इ तू अहा जो मोरे विरूद्ध लड़ कर मोका सतावत अहा। धार क नोंक प लात मारब तेरे बस क बात नाहीं अहइ।’</verse>
				<verse number="15">“फिन मइँ पूछेउँ, ‘हे पर्भू, तू कउन अहा?’ “पर्भू जवाब दिहेस, ‘मइँ ईसू हउँ जेका तू यातना देत बाट्या।</verse>
				<verse number="16">मुला अब तू उठा अउर आपन गोड़े प खड़ा ह्वा। मइँ तोहरे अगवा यह बरे परगट भएउँ ह कि तोहका एक सेवक क रूप भर्ती करउँ अउर जउऩ कछू मइँ तोहका देखाउब, ओकर तू साच्छी रह्या।</verse>
				<verse number="17">मइँ जउऩ यहूदियन अउर गैर यहूदियन क लगे</verse>
				<verse number="18">ओकर आँखी खोलइ, ओनका अँधियारा स प्रकास कइँती लावइ अउर सइतान क सक्ती स परमेस्सर कइँती मोड़इ बरे, तोहका पठवत हउँ, ओनसे तोहार रच्छा करत्त रहब। ऍहसे उ पचे पापन स छमा पइहीं अउर ओन मनइयन क बीच ठउर पइहीं जउन मोहे मँ बिसवास धरइ क कारण पवित्तर भएन ह।’”</verse>
				<verse number="19">“हे राजन् अग्रिप्पा, यह बरे तबहिं स उ दर्सन क आग्या क कबहुँ भी न उल्लंघन किए भए</verse>
				<verse number="20">बल्कि ओकरे खिलाफ मइँ पहिले ओनका दमिस्क मँ, फिन यरुसलेम मँ अउर यहूदिया क समुचइ पहँटा मँ उपदेस देत रहा। अउर गैर यहूदियन क मनफिराव क मुताबिक करम करइ बरे कहत रहा।</verse>
				<verse number="21">“इहइ कारण जब मइँ हिआँ मंदिर मँ रहा, यहूदी लोग मोका धइ लिहेन अउर मोर कतल क जतन किहेन।</verse>
				<verse number="22">मुला आजु तलक मोका परमेस्सर क मदद मिलत रही ह अउर यह बरे मइँ हिआँ छोट अउर बड़कवा सबहिं लोगन क समन्वा साच्छी देइ बरे खड़ा हउँ। मइँ बस ओन बातन क तजिके अउर कछू नवा नाहीं कहत जउन नबियन अउर मूसा क मुताबिक होइ क रही</verse>
				<verse number="23">कि मसीह क यातना भोगइ क होइ अउर मरे भएऩ मँ पहिला जी जाइवाला होइ अउर उ यहूदियन अउर गैर यहूदियन क जोति क संदेस देइ।”</verse>
				<verse number="24">उ आपन बचाउ मँ जब इ बातन क कहत ही रहाकि फेस्तुस चिल्लाईके कहेस, “पौलुस तोहार दिमाग खराब होइ ग अहइ। तोहार जिआदा पढ़ाई तोहका पगलाइ देति अहइ।”</verse>
				<verse number="25">पौलुस कहेस, “हे परमगुनी फेस्तुस, मइँ पागल नाहीं अहउँ बल्कि जउन बातन क मइँ कहत रहेउँ ह उ सच अहइँ अउर संगत भी अहइँ।</verse>
				<verse number="26">खुद राजा बातन क जानत बा अउर मइँ अजादी क मन स ओसे कहि सकत हउँ। मोर निस्चय अहइ कि एनमाँ स कउनो बात ओकरी आँखिन स, ओझल नाहीं बाटइ। मइँ अइसा यह बरे कहत हउँ कि इ बात कउनो कोने मँ नाहीं कही गइ।</verse>
				<verse number="27">हे राजन् अग्रिप्पा, नबियन जउन लिखे अहइँ का तू ओहमाँ बिसवास रखत ह? मइँ जानत हउँ कि तोहार बिसवास अहइ!”</verse>
				<verse number="28">ऍह पइ अग्रिप्पा पौलुस स कहेस, “का तू इ सोचत ह कि ऍतनी असानी स तू मोका मसीही बनवइ क मनाइ लेब्या?”</verse>
				<verse number="29">पौलुस जवाब दिहेस, “तनिक समइ मँ, चाहे जिआदा समइ मँ, परमेस्सर स मोर पराथना अहइ कि सिरिफ तू बल्कि उ पचे भी, जउन आजु मोका सुनत बाटेन, वइसा ही होइ जाइँ, जइसा मइँ हउँ, सिवाय इ जंजीरन क।”</verse>
				<verse number="30">फिन राजा खड़ा होइ गवा अउर ओकरे संग ही राज्यपाल बिरनिके अउर साथ मँ बइठा भए लोग भी उठिके खड़ा होइ गेएन।</verse>
				<verse number="31">हुवाँ स बाहेर निकरिके उ पचे आपुस मँ बात करत भए कहइ लागेन, “इ मनई तउ अइसा कछू नाहीं किहे बा, जेहसे ऍका मउत क सजा या जेल मिल सकइ।”</verse>
				<verse number="32">अग्रिप्पा फेस्तुस स कहेस, “जदि इ कैसर क समन्वा फिन स बिचार क पराथना न होत, तउ इ मनई क छोड़ जाइ सकत रहा।”</verse>
			</chapter>
			<chapter number="27">
				<verse number="1">जब इ तय होइ गवा कि हमका जहाज स इटली जाइ क अहइ तउ पौलुस अउर कछु दूसर बंदी मनइयन क सम्राट क फउज क यूलियुस नाउँ क एक फऊजीनायक क सौंपि दीन्ह गवा।</verse>
				<verse number="2">अद्रमुत्तियुम स हम पचे एक जहाजे प सवार भए जउन एसिया क तट क पहँटा स होइके जाइवाला रहा अउर समुद्दर क जात्रा प निकरेन। थिस्सलुनीके बसइया एक मैसीडोनि, जेकर नाउँ अरिस्तर्खुस रहा, भी हमरे संग रहा।</verse>
				<verse number="3">अगले दिन हम सैदा मँ उतरे। हुवाँ यूलियुस पौलुस क संग नीक विउहार किहेस अउर मोका ओकरे मीतन स मिलन बरे क अनुमति दइ दीन्ह गइ जेहसे उ ओकर देखभाल कर सकइ।</verse>
				<verse number="4">हुवाँ स हम समुद्दर-रस्ता स फिन चल पड़ेन। हम पचे साइप्रास क ओटे ओटे चलत रहे काहेकि हवा हमरे खिलाफ बहत रही।</verse>
				<verse number="5">फिन हम पचे किलिकिया अउर पंफूलिया क समुद्दर क पार करत भए लूसिया क मूरा पहोंचेन</verse>
				<verse number="6">हुवाँ फऊजीनायक क सिकन्दरिया क इटली जाइवाला एक ठु जहाज मिला। हम पचे ओह पइ सवार भएऩ।</verse>
				<verse number="7">कइउ दिन तलक हम पचे धीमे धीमे आगे बढ़त भए बड़ी तकलीफे स कनिदुस क समन्वा पहोंचेन मुला काहेकि हवा आपन राहे प नहीं रहइ देइ चाहत रही, तउ ह सबइ सलभौने क समन्वा क्रीत क ओट मँ आपन नाउ बढ़ावइ लागे।</verse>
				<verse number="8">क्रीत क किनारे-किनारे बड़ी तकलीफ स नाउ क अगवा अगवा खेवत भए एक अइसे ठउर प पहोंचेन जेकर नाउ रहा सुरच्छित बंदरगाह। हिआँ स लसया नगर लगे ही रहा।</verse>
				<verse number="9">समइ बहोत बीति चुका रहा अउर नाउ क आगे बढ़ाउब भी संकट स भरा रहा काहेकि तब तलक उपवास क दिन बीत चुका रहा। यह बरे पौलुस चिताउनी देत भए ओनसे कहेस,</verse>
				<verse number="10">“अरे मनइयो, मोका लगत ह कि हमार इ सागर जात्रा नास कइ देइ, न सिरिफ माल असबाब अउर जहाजे बरे बल्कि हमरे परान बरे भी।”</verse>
				<verse number="11">मुला पौलुस जउन कहे रहा ओका सुनइ क सिवाय उ फऊजीनायक, जहाज क मालिक अउर कप्तान क बातन प जिआदा बिसवास करत रहा।</verse>
				<verse number="12">अउर काहेकि उ बन्दरगाह सीत रितु बरे चउचक नाहीं रहा, यह बरे जिआदातर मनइयन, जदि होइ सकइ तउ फीनिक्स पहोंचइ क जतन करने क ही ठान लिहेन। अउर जाड़ा हुवँइ काटइ क निस्चय किहेन। फीनिक्स पहोंचाइ क्रीत क अइसा बन्दरगाह अहइ जेकर मुँह दक्खिन पच्छिम अउर उतर पच्छिम दुइनउँ क समन्वा पड़त ह।</verse>
				<verse number="13">जब तनिक तनिक दक्खिन हवा बहइ लाग तउ उ पचे सोचेन कि जइसा उ पचे चाहे रहेन, वइसा ही ओनका मिलि गवा अहइ। तउ उ पचे लंगर उठाइ लिहन अउर क्रीत क किनारे किनारे जहाज अगवा खेवइ लागेन।</verse>
				<verse number="14">मुला अबहिं कउनो जिआदा अहइ नाहीं बीता रहा कि द्वीप क एक कइँती स एक भयानक आँधी उठी अउर आरपार लपेटत चली गइ। इ “उत्तर पूरब” क आँधी कही जात रही।</verse>
				<verse number="15">जहाह तूफान मँ घिरि गवा। उ आँधी क फाड़िके अगवा नाहीं बढ़ सकत रहा तउ हम पचे ओका यों ही छोड़िके हवा क रूख चलइ दीन्ह।</verse>
				<verse number="16">हम क्लोदा नाउँ क एक छोटा स द्वीप क ओटे मँ बहत भए बड़ी तकलीफे स रच्छा नाउ क पाइ सकेन।</verse>
				<verse number="17">फिन जीवन रच्छा-नाउ क उठाए क पाछे जहाज क रस्सा क लपेटि के बाँध दिन्ह गवा अउर कहीं सुरतिस क ऊथल पानी मँ धँस न जाइ, इ डर स उ पचे जहाज क पाल उतारेन अउर जहाज क बहइ दिहेन।</verse>
				<verse number="18">दूसरे दिन तूफान क घातक थपेड़ा खात भए उ पचे जहाज स माल-असबाब लोकावइ लागेन।</verse>
				<verse number="19">अउर तीसर दिन उ पचे आपन ही हाथन स जहाजे प धरा औजार फेंक दिहेन।</verse>
				<verse number="20">फिन बहोत दिना तलक जब न सूरज देखान, न तारा अउर तूफान आपन घातक थपेड़ा मारत ही रहा तउ हमरे बच पावइ क आसा पूरी तरह खतम होइ गइ।</verse>
				<verse number="21">बहोत दिना स कउनो कछू खाएउ नाहीं रहा। तब पौलुस ओनकइ बीच खड़ा होइके कहेस, “अरे अमइयो, अगर क्रीत स रवाना न होइके मोर सलाह मान लिहे होत्या तउ तू पचे इ बिनास अउर हानि स बच जात्या।</verse>
				<verse number="22">मुला मइँ तोहसे अबहुँ तोहसे हठ करत हउँ कि आपन हिम्मत बाँधे रहा। काहेकि तू सबन मँ स कउनो क प्राण नाहीं खोवइ क अहइ। हाँ, बस इ जहाज क नास होइ जाइ</verse>
				<verse number="23">काहेकि पछली रात उ परमेस्सर क एक सरगदूत, जेकर मइँ अहउँ अउर जेकर सेवा करत हउँ, मोरे लगे आइके खड़ा भवा।</verse>
				<verse number="24">अउर बोला, ‘पौलुस, जिन डेराअ। मोका निहचय ही कैसर क समन्वा खड़ा होइ क बाटइ अउर ओऩ सबन क अउर तोहरे संग जात्रा करत अहइँ, परमेस्सर तोहका दइ दिहे अहइ।’</verse>
				<verse number="25">तउ मनइयन, आपन हिम्मत बनाइ राखा काहेकि परमेस्सर मँ मोर बिसवास अहइ, यह बरे जइसा मोका बतावा ग अहइ ठीक वइसेन घटी।</verse>
				<verse number="26">किन्तु हम कउनो टापू क ऊथल पानी मँ जरूर जाइ धँसब।”</verse>
				<verse number="27">फिन जब चउदहवीं रात आइ हम अद्रिया क समुद्दर मँ थपेड़ा खात रहे रहेन तबहिं आधी रातिक लगे जहाज क चालकन क लाग जइसे कउनो किनारा नगिचे अहइ।</verse>
				<verse number="28">उ पचे समुद्दर क गहिराइ नंपेन तउ पाएन कि हुवाँ कउनो अस्सी हाथ गहिराई रही। तनिक बेर क पाछे उ पचे गहराई क फिन टोहेन अउर पा पाएन कि अब गहिराई साठ हाथ रहि गइ रही।</verse>
				<verse number="29">इ डर स कि उ पचे कतहुँ कउनो चट्टानी ऊथल किनारा मँ न फँसि जाइँ, उ सबइ जहाज क पिछले हींसा स चार ठु लंगर बहाएन अउर पराथना करइ लागेन कि कउनो तहर दिन निकरि आवइ।</verse>
				<verse number="30">ओहर जहाज क चलावइ वाला जहाज स पराइ क जतन करत रहेन। उ पचे इ हीला बनावत भए कि उ पचे जहाज क अगले हींसा स कछू लंगर बहावइ जात अहइँ, जीवन रच्छा नाउ क समुद्दर मँ उतारि दिहेन।</verse>
				<verse number="31">तबहिं फऊजीनायक स पौलुस कहेस, “जदि इ सबइ जहाज प नाहीं थामेन तउ तू पचे भी नाहीं बच पउब्या।”</verse>
				<verse number="32">तउ सिपाहियन रस्सा क काटिके जीवन रच्छा नाउ तरखाले गिराइ दिहेन।</verse>
				<verse number="33">भोर होइ स तनिक पहिले पौलुस इ कहत भए सब मनइयन स तनिक खइया खाइके हठ किहेस, “चौदह दिन बीति चुका अहइँ अउर तू पचे लगातर फिकिर क कारण भूखा बाट्या। तू पचे कछू भी नाहीं खाए बाट्या।</verse>
				<verse number="34">मइँ तोहसे कछू खाइके यह बरे हठ करत अही कि तोहरे जिअइ बरे इ जरुरी अहइ। काहेकि तू पचन मँ स कउनो क मूँड़े क एक बार तलक बाँका नाहीं होइ क बा।”</verse>
				<verse number="35">ऍतना कहि चुके क पाछे उ तनिक रोटी लिहेस अउर सबन क समन्वा परमेस्सर क धन्यवाद दिहेस। फिर रोटी क तोरेस अउर खाइ लाग।</verse>
				<verse number="36">ऍहसे ओन सबन क हिम्मत बाढ़ी अउर उ सबइ भी थोड़ा स खाना क खाएन।</verse>
				<verse number="37">(जहाज प कुल बटोरिके हम सबइ दुइ सौ छिहत्तर मनई रहेन।)</verse>
				<verse number="38">पूरा खाना खाइ चुकइ क पाछे उ पचे समुद्दर मँ अनाज बहाइके जहाज क हल्का कइ दिहेन।</verse>
				<verse number="39">जबहिं दिन क प्रकास भवा तउ उ पचे धरती क पहिचान नाहीं पाएन मुला ओनका लाग कि जइसे हुवाँ कउनो किनारा बाली खाड़ी बाटइ। उ पचे तय किहेन कि अगर होइ सकइ तउ जहाज क ठहराइ देइँ।</verse>
				<verse number="40">तउ उ पचे लंगर काटिके ढील दइ दिहेन अउर ओ सबन क समुद्दर मँ तरखले भहराइ दिहेन। उहइ समइ उ पचे पतवारे स बाँधा रस्सा क ढीला कइ दिहेन, फिन जहाज क अगला पतवार चढ़ाइके किनारे कइँती बढ़इ लागेन।</verse>
				<verse number="41">अउर ओऩकइ जहाज रेत मँ टकराइ गवा। जहाज क अगला हींसा ओहमाँ फँसिके जाम होइ गवा। अउर सक्तीवाली लहरन क थपेड़न स जहाज क पछिला हींसा टूटइ फाटइ लाग।</verse>
				<verse number="42">तब्बहिं सिपाही लोग कैदियन क मारि डावइ क कुचाल रचेन ताकि ओहमाँ स कउनो भी तैरके बच न पावइ।</verse>
				<verse number="43">मुला फऊजीनायक पौलुस क बचावा चाहत रहा, यह बरे उ ओनका ओनकइ कुचाल क पूर होइ स रोक दिहेस। उ हुकुम दिहेस कि जउन भी तैर सकत हीं, उ पचे पहिले ही किनारे पहोंच जाइँ</verse>
				<verse number="44">अउर बाकी मनई तख्तम या जहाजे क दूसर टुकड़न क सहारे चला जाइँ। इ तरह हर एक सुरच्छा स किनारे आइ पहोंचा।</verse>
			</chapter>
			<chapter number="28">
				<verse number="1">इ सब कछू स सुरच्छा क साथ बच निकरे क पाछे हम सबन क पता लाग कि उ द्वीप क नाउँ माल्टा रहा।</verse>
				<verse number="2">हुवाँ क मूल-नीवासियन हमरे संग असाधारण रूप स नीक बियूहार किहेन। काहेकि जाड़ा रहा अउर बरखा होइ लाग, यह बरे उ पचे आगी बारेन अउर हम सबन क सुआगत किहेन।</verse>
				<verse number="3">पौलुस लकड़ी क गठरा बनाएस अउर जब उ आगी प लकड़ियन क धरत रहा तबहिं गर्मी लागे स एक बिख स भरा नाग बाहेर निकरा अउर उ ओकरे हाथ क डस लिहेस।</verse>
				<verse number="4">हुवाँ क निवासी जब उ जंतु क ओकरे हाथ स लटकत भवा निहारेन तउ उ पचे आपुस मँ कहइ लागेन, “सचमुच ही इ मनई हत्तियारा अहइ। जदि अपि इ सागर स बचिके निकरा अहइ मुला दिब्ब निआव ऍका जिअइ देत नाहीं बा।”</verse>
				<verse number="5">मुला पौलुस उ नाग क आगी मँ ही पटकेस। पौलुस क कउने तरह क हानि नाहीं भइ।</verse>
				<verse number="6">मनइयन सोचत रहेन कि उ या तउ सूजि जाइ या फिन बरबस धरती प भहराइ के मरि जाइ। मुला बहोत देर तलक जोहे क पाछे अउर लखिके ओका असाधारण रूप स कछू नाहीं भवा अहइ, उ पचे आपन बिचार बदल दिहेन अउर बोलेन, “इ तउ कइनो देवता अहइ!”</verse>
				<verse number="7">उ ठउर क नगिचे ही उ द्वीप क प्रधान मनई पुबलियुस की खेत रहा। उ आपन घरे लइ जाइके हमार सुआगत-सत्कार किहेस। बड़ा खुला मन स तीन दिना तलक उ हमार मेहमानदारी करत रहा।</verse>
				<verse number="8">पुबलियुस क बाप बिस्तर प ओलरा रहा। ओका बोखार अउर पेचिस होत रही। पौलुस ओसे भेंटइ भितरे गवा। फिन पराथना करइ क पाछे उ ओह पार आपन हाथ धरेस अउर उ नीक होइ गवा।</verse>
				<verse number="9">इ घटना क बाद उ द्वीप क बाकी सबहिं बेरमियन हुवाँ आएन अउर उ पचे नीक होइ गएन।</verse>
				<verse number="10">कहइ उपहार स हमार मान बढ़ाएन अउर जब हम हुवाँ स नाउ प आगे चलेन तउ उ पचे सब जरूरी चीज क लइ आइके हमका दइ दिहेन। तीन महीना पाछे सिकन्दरिया क एक जहाज स हम चल पड़ेन। इ द्वीप प जहाज जाड़ा भरे क बरे रूका जहाज क आगे क हींसा मँ जुड़वा भाइयन क चीन्हा बना रहा।</verse>
				<verse number="11"></verse>
				<verse number="12">फिन हम पचे सरकुसा जाइ पहोंचेन जहाँ हम तीन दिना तलक ठहरेन।</verse>
				<verse number="13">हुवाँ स जहाज स हम सबइ रेगियुम पहोंचेन अउर फिन अगले ही दिन दखिनाई हवा चली। तउ अगले दिन हम पुतियुली पहोंचेन।</verse>
				<verse number="14">हुवाँ हमका कछू बंधु मिलेन अउर उ पचे हमका हुवाँ सात दिना ठहरइ क कहेन अउर इ तरह हम रोम पहोंचि आएन।</verse>
				<verse number="15">जब हुवाँ क भाइ लोगन क हमार सूचना मिली तउ उ पचे अप्पियुस क बजार अउर तीन सराय तलक हम पचन स भेंटइ आएन। पौलुस जब ओनका लखेस तु परमेस्सर क धन्यबाद दइके आपना ढ़ाढ़स बढ़ाएस।</verse>
				<verse number="16">जब हम सबइ रोम पहोंचेन तउ एक ठु सिपाही क देखरेख मँ पौलुस क अपने आप अलग रहइ क अनुमति दीन्ह गइ।</verse>
				<verse number="17">तीन बरिस पाछे पौलुस यहूदी नेतन क बोलाएस अउर ओनकइ बटुर जाए प उ ओनसे बोला, “भाइयो, चाहे मइँ आपन रास्ट्र या आपन पूर्वजन क व्यवस्था क खिलाफ कछू भी नाहीं किहेउँ ह, तउ भी यरुसलेम मँ मोका बंदी क रूप मँ रोमी लोगन क हवाले कइ दीन्ह गवा रहा।</verse>
				<verse number="18">उ पचे मोर जाँच पड़ताल किहेन अउर मोका छोड़इ चाहेन काहेकि अइसा कछू मइँ किहेउँ ही नाहीं रहा जउन मउत क सजा क काबिल होत</verse>
				<verse number="19">मुला जब यहूदी लोगन एतराज किहेन तउ मइँ कैसर स फिन बिचार करइ क पराथना करइ क बेबस होइ गएउँ। यह बरे कि नाहीं कि मइँ आपन ही लोगन प कउनो दोख लगावइ चाहत रहेउँ।</verse>
				<verse number="20">इहइ कारण अहइ जेहसे मइ तोहसे मिलइ अउर बातचीत करइ चाहत रहेउँ काहेकि इस्राएल क उ भरोसा ही बाटइ जेकरे कारण मइँ जंजीर मँ बंधा अहउँ।”</verse>
				<verse number="21">यहूदी नेतन पौलुस स कहेन, “तोहरे बारे मँ यहूदिया स न तउ कउनो चिट्ठी ही मिली बाटइ, अउर न ही हुवाँ स आवइवाला कुउनो भी भाई तोहार कइनो खबर दिहेन अउर तोहरे बारे मँ कउनो बुरी बात कहेस।</verse>
				<verse number="22">मुला तोहार का बिचार अहइँ, इ हम तोहसे सुनइ चाहित ह काहेकि हम जानित ह कि लोग सब कछू पंथ क खिलाफ बोलत रहत हीं।”</verse>
				<verse number="23">तउ उ पचे ओकरे साथ एक दिन ठहराएन। अउर फिन जहाँ उ ठहरा रहा, बड़ी गनती मँ ओइके उ लोग बटुर गएन। मूसा क व्यवस्था अउर नबी लोगन क किताबन स ईसू क बारे मँ ओनका समझावइ क जतन करत भए उ परमेस्सर क राज्य क बारे मँ आपन साच्छी दिहेस अउर समुझाएस।</verse>
				<verse number="24">उ जउन कछू कहे रहा, ओहसे कछू मिला तउ बात मान गएन मुला कछू बिसवास नाहीं किहेन।</verse>
				<verse number="25">फिन आपुस मँ एक दूसर स असहमत होत भएन उ पचे हुवाँ स जाइ लागेन। तब पौलुस एक बात अउर कहेस, “यसायाह नबी क जरिया पवित्तर आतिमा तोहरे पूर्वजन स केतॅना ठीक कहे रहा,</verse>
				<verse number="26">‘जाइके इन लोगन स कहि द्या: तू पचे सुनब्या, पर न बुझब्या कबहुँ। लखत ही लखत बस तू रहब्या हज न बुझब्या कबहुँ भी!</verse>
				<verse number="27">काहेकि ऍनकइ हिरदय मूर्खपन स गवा भरि कान ऍनकइ मुस्किल स सुनत हीं अउर कइ लिहन मूँद आँखी आपन इ सबइ, काहेकि अइसा न होइ जाइ कि इ सबइ आँखीन स लखइँ, सुनइँ अउर कान स आपन अउर समुझइँ हिरदय मँ, लौटइँ साइद अउर करइ पड़ब मोका चंगा ओनका।’</verse>
				<verse number="28">“यह बरे तोहका जान लेइ चाही कि परमेस्सर क इ उद्धार बिधर्मियन क लगे पठइ दीन्ह ग अहइ। उ पचे ऍका सुनिहीं।”</verse>
				<verse number="29"></verse>
				<verse number="30">हुआँ किराये क आपन मकान मँ पौलुस पूरा दुइ बरिस तलक ठहरा। जउन कउनो भी ओसे मिलइ आवत, उ ओकर सुआगत करत।</verse>
				<verse number="31">उ परमेस्सर क राज्य क प्रचार करत रहत अउर पर्भू ईसू मसीह क बारे मँ उपदेस देत। उ इ कारज क पूरा बेडर होइके अउर बगेरे कउनो बाधा क मानत भवा करत रहा।</verse>
			</chapter>
		</book>
		<book number="45">
			<chapter number="1">
				<verse number="1">पौलुस जउन मसीह ईसू क दास अहइ, जेका परमेस्सर प्रेरित होइ बरे बोलाएस, अउर उहइ क परमेस्सर क सुसमाचार लोगन क सुनावइ बरे चुना गवा।</verse>
				<verse number="2">इ बात क घोसना नबियन दुआरा पवित्तर सास्तरन मँ पहिलेन स करि दीन्ह ग रही।</verse>
				<verse number="3">इ सुसमाचार परमेस्सर क पूत ईसू मसीह क अहइ। जउन तने स दाऊद क बंसज अहइ। अउर उहइ हमार पर्भू अहइ। सरीर स तो उ दाऊद क बंस मँ जनम लिहे रहा मूला पवित्तर आतिमा स तो उ परमेस्सर क पूत रहा। ओका परमेस्सर क पूत इहइ बरे माना जात रहा। जउन ओकरे भीतर मरि क फिन जी उठइ क समरथ रहा।</verse>
				<verse number="4"></verse>
				<verse number="5">इहइ क जरिये मोका अनुग्रह अउर पेरित होइ क मिला बा जेहसे सबहिं यहूदियन मँ, ओकरे नाउँ स, उ आस्था जउन बिसवास स जनम लेत ह ओहमाँ पइदा कीन्ह जाइ सकइ।</verse>
				<verse number="6">परमेस्सर क जरिये ईसू मसीह क होइ बरे तू पचे बोलावा ग अहा।</verse>
				<verse number="7">उ पत्र मइँ, तू सबन बरे, जउऩ रोम मँ अहइँ अउर परमेस्सर क पियारा अहा, जउन परमेस्सर क पवित्तर जन होइ बरे बोलावा ग अहा, लिखत अहउँ। अब हम इ चाहित ह कि तू लोगन क परमेस्सर अउर हमरे पर्भू ईसू मसीह क अनुग्रह अउर सान्ति मिलइ।</verse>
				<verse number="8">सबसे पहिले तो मइँ ईसू मसीह क जरिये परमेस्सर क धन्यबाद करइ चाहित ह। इ सब तोहरे सब क बरे अहइ काहेकि दुनिया क सब मनई तोहरे सब के बिसवास क बारे मँ बतियात हीं।</verse>
				<verse number="9">पर्भू जेकरे सेवा मइँ जी जान स करित हउँ काहेकि मइँ ओकरे पूत क सुसमाचार क लोगन क सुनावत हउँ। पर्भू मेरा साच्छी दिहा जउन मइँ तोहका हर दम याद करत अहउँ।</verse>
				<verse number="10">अपने पराथना मँ इ मइँ हर दम मनाइत हउँ कि परमेस्सर की चाह स मोर तोहरे लगे आवइ क यात्रा पूरी होइ।</verse>
				<verse number="11">मइँ बहुत दिल स इ चाहित ह कि तू लोगन स मिली अउर तोहका कछू आत्मिक उपहार देइ जइसे तू पचे खूब सक्तिसाली होइ जा।</verse>
				<verse number="12">या मोका कहइ चाही कि जब मइँ तोहरे बीच मँ होब तउ एक दूसर क बिसवास स आपुस मँ प्रोत्साहित होब।</verse>
				<verse number="13">भाइयो अउर बहिनियो! मइँ इ चाहित हउँ कि तू पचे क इ तउ मालूम होइ जाइ कि मइँ तोहरे लगे बार-बार आवइ क योजना बनाइत हउँ। एकर इ कारन इ अहइ कि गैर यहूदियन मँ जइसा फल मोका मिला ह इ उहइ तू लोगन स भी मिलइ। लेकिन अब तलक-न-कउनो बाधा पड़त रही।</verse>
				<verse number="14">अब इ जान ल्या कि जे यूनानियन अहइँ उनके अउर जे गैर यूनानियन अहइँ ओनहूँ क, जे होसियार अहइँ उनके अउर जे बेउकूफ अहइँ ओनहूँ क सबइ क हमरे ऊपर सेवा करइ क रिन अहइ।</verse>
				<verse number="15">यही बरे तू लोगन क जे रोम मँ रहत ह्या ओनका मइँ इ सुसमाचार सुनावइ क तैयार हउँ।</verse>
				<verse number="16">इ सुसमाचार क सुनावइ क मइँ सरमाइत नाहीं काहेकि जउन भी ओहमाँ बिसवास रखत अहइँ ओनके उद्धार बरे परमेस्सर क सामर्थ्य अहइ। ओहमाँ पहिले यहूदियन अउर फिन गैर यहूदियन क।</verse>
				<verse number="17">काहेकि सुसमाचार मँ इ बतावा ग बाटइ कि परमेस्सर मनइयन क अपने ठेकाने कइसे लगावत ह। इ सब कुल बिसवास प अहइ, सास्तरन मँ इ लिखा अहइ, “धर्मी मनई स सदैव जिअत अहइँ”</verse>
				<verse number="18">सरग स परमेस्सर का कोप लोगन क न कहइवालन अउर अधार्मिक काम पइ परगट होत ह जे सत्य का अधरम स दबावत हीं अउर जे बुरे करम करत हीं।</verse>
				<verse number="19">इ बात नाहीं अहइ कि केउ ऐका जानत नाहीं परमेस्सर का सबइ जानत ह काहेकि परमेस्सर सबका जनाइ देत ह।</verse>
				<verse number="20">इ संसार जब स देखाइ पड़ा तबइ स परमेस्सर क अनन्त सक्ति परमेस्सर क साफ देखात ह उहउ क ऍक एहसे जाना जाइ सकत ह जेका परमेस्सर खुदइ बनाइस ह। एहसे लोगन क पास कउनो बहाना नहीं बाटइ उ बुरा काम बरे जेका उ करत ह।</verse>
				<verse number="21">अगर इ सबइ परमेस्सर क जानत हीं तबउ उ पचे परमेस्सर क महिमा क इज्जत नाहीं करत हीं। उनके विचार गलत कामन मँ लग गएन अउर मन मँ अँधियारा छाइ गवा।</verse>
				<verse number="22">उ पचे अपने क बहुत बुद्धिवाला समझत रहेन मुला सब क सब बज्र मूरख रहेन।</verse>
				<verse number="23">अउइ जउऩ परमेस्सर अहइ उ क कबहुँ मर नाहीं सकत मुला इ सबइ ओका मरइवाले लोगन चिरिया, गोरू, अउर साँप क मूरत मँ देखेन अउर समझइ लागेन।</verse>
				<verse number="24">एह बरे परमेस्सर ओनन्ह क बदनियती क हाथे सौंप दिहेस अउर उ पचे दुराचार मँ पड़ि क एक दूसरे क सरीर क साथ खिलवाड़ करइ लागेन।</verse>
				<verse number="25">उ लोगन झूठ क साथे परमेस्सर क सत्य क सौदा किहन अउर वे सृस्टि क बनावइवाले को तजिके अउरन क आराधना करइ लागेन। परमेस्सर धन्य अहइ। आमीन!</verse>
				<verse number="26">इहइ बरे परमेस्सर ओनन्ह का नीच वासना क हाथें सौंप दिहेस। ओनन्ह क स्त्रियन सहज यौनाचार क बजाय अप्राकृतिक यौन करइ लागिन।</verse>
				<verse number="27">एहइ तरह पुरूसन भी सहज सम्भोग छोड़ि क समलैगिकता क चक्कर मँ पड़ि गएन। अउर पुरूस परस्पर एक दूसरे क साथ बुरे करम करइ लागेन। अउर इ सब कुकरमन क फल भी मिलब सुरु होइ गवा।</verse>
				<verse number="28">कारन इ रहा कि ओन्हन परमेस्सर का पहिचानब बन्द कइ दिहेन तो परमेस्सर ओनन्ह का कुबुद्धि क हाथ सौंप दिहेस। अउर उ सब ओनन्ह क करइ सुरु दिहेन जउन ना करइ क चाही।</verse>
				<verse number="29">लोग कुल अधरम दुस्टता, लालच अउर द्वेस स तथा सारी ईर्स्या, हत्या, झगड़े, छल, अउर डाह स भर गएन। बे बकवादी, अउर कहानियन क गढ़त रहेन।</verse>
				<verse number="30">उ सबइ निन्दक अहइँ। परमेस्सर स घिना करत रहत उदण्ड अउर घमण्डी अहइँ, बढ़-बढ़ क बोलत हीं। कुलिन्ह बुराइन का जनम दाता अहइँ। अपने महतारी बाप क कहब नहीं मानत रहेन।</verse>
				<verse number="31">उ पचे मूरख, वचन तोरइ वाले निरदयी अउर वगैर पिरेम क बाटेन।</verse>
				<verse number="32">उ सब परमेस्सर क व्यवस्था क जानत हीं कि इ सब बातन स मउत क जोग्ग अहइँ तउनो पइ ओ सबइ न सिरफ इ सब कुकरम करत हीं बरन अइसा करइवालेन क समर्थन भी करत हीं।</verse>
			</chapter>
			<chapter number="2">
				<verse number="1">अरे वो, सुना ह, मोर मित्र तू सब निआव करत अहा मुला तू उहइ करत अहा जउन बरे दूसरन का सजा देत अहा तू का कउनो बहाना नाहीं चल सकत अहा। उहइ स तू अपने आपको भी अपराधी सिद्ध करत अहा काहेकि तू जिन करमन क निआव करत अहा ओनका आप खुद भी करत अहा।</verse>
				<verse number="2">अब हम पचे इ सब जानइ लागिन कि जे अइसन काम करत ह ओनका परमेस्सर उचित निरनय देत ह।</verse>
				<verse number="3">मुला मोर दोस्त तू सुना, तू का सोचत ह कि जउने बरे तू दूसरन पर निरनय देत अहा अउर अपनउ उहइ काम करत ह तउ तू का समझत अहा कि तू परमेस्सर क निआव स बच सकत ह।</verse>
				<verse number="4">या तू ओकरे अनुग्रह ब सहनसीलता अउर धीरज का हीन समझत बाट्या तू लोगन इ बात क अपेक्षा करत अहा कि परमेस्सर क अनुग्रह तोहार मनफिराव करत अहइ।</verse>
				<verse number="5">मुला तू पचे जान ल्या कि अपने कठोरता अउर कबहुँ न पछताइवाले मन क कारण तू परमेस्सर क गुस्सा का बहोत दिना बरे बटोरत अहा जब परमेस्सर क सचमुच निआव परगट होइ।</verse>
				<verse number="6">परमेस्सर सबन का ओकरे करतब क कारण फल चखाई।</verse>
				<verse number="7">जे अच्छा काम करत बा, परमेस्सर क महिमा आदर अउर अमरता का खोजत बा, उ सब तो अनन्त जीवन पइहीं।</verse>
				<verse number="8">मुला जे अपने स्वारथ स सत्य पर नहीं चलिके बस अधरम करत बाटेन ओन्हन का ओकरे बदले मँ क्रोध व प्रकोप मिली।</verse>
				<verse number="9">उ सब मनइयन पै दुःख अउर संकट आई जे अधरम पर चलत अहइँ। पहले यहूदियन फिन उ लोग जे गैर यहूदियन अहइँ।</verse>
				<verse number="10">इहइ तरह जे कोइ अच्छाई प चलइ ओका महिमा स आदर अउर सान्ति मिली, पहले यहूदियन क फिन गैर यहूदियन अहइँ।</verse>
				<verse number="11">काहेकि परमेस्सर केहू क साथे भेदभाव नाहीं करत।</verse>
				<verse number="12">जे व्यवस्था क पाए बगैर पाप किहेन उ सब व्यवास्था क बाहेर ही उ छिन्न होइ जइहीं अउर जे व्यवस्था मँ रहिके पाप किहेन ओनकइ निपटारा व्यवस्था क अन्दरइ दण्ड दीन्ह जाई।</verse>
				<verse number="13">काहेकि जे कोई सिरफ व्यवस्था क कथा सुनत ह परमेस्सर की दृष्टि मँ धर्मी नाहीं अहइ बल्कि जे व्यवस्था पर चलत अहइँ उही धरमी कहरावा जइही।</verse>
				<verse number="14">सो जब गैर यहूदियन जेनके लगे व्यवस्था नाहीं बा, सुभाव स व्यवस्था क बातन पर चलत ह, तउ चाहे ओनके पास व्यवस्था न भी होइ तउ भी उ आपन व्यवस्था खुद ही अहइँ।</verse>
				<verse number="15">उ लोगन अपने मन प लिखे व्यवस्था क करमन का देखावत बाटेन। ओनके विवेक ओनकइ साच्छी अहइँ। ओनके मानसिक संघर्ष ओनका अपराधी व निरदोस कहत अहइ।</verse>
				<verse number="16">इ सब बातन उ दिना होइही जउने दिना परमेस्सर मनइयन क छुपी बातन क, जउने क मइँ उपदेस देइत हउँ इ उ सुसमाचार क मुताबिक मसीह ईसू निआव करी।</verse>
				<verse number="17">काहेकि जदि तु सब अपने क यहूदी कहत ह अउर व्यवस्था मँ तोहार बिसवास अहइ अउ अपने परमेस्सर प तोहका घमण्ड बाटइ</verse>
				<verse number="18">अउर तू परमेस्सर क इच्छा का जानत आहा अउर उत्तिम बातन का ग्रहण कर सकत ह काहेकि परमेस्सर तोहका इ सब सिखाइस ह</verse>
				<verse number="19">तू इ तउ मानत ह कि तू आंधरे क अगुआ अहा, जे अंधेरे मँ भटकत अहइँ, ओनकइ बरे तू उजियारा अहा,</verse>
				<verse number="20">अबोधन क तू सिखावइवाला अहा, लरिकन क तू उपदेस देइवाला अहा काहेकि व्यवस्था मँ तोहका साच्छात गियान अउर सत्य ठोस रूप स पाइ ग अहा।</verse>
				<verse number="21">जउन तू पचे दुसरन का सिखावत ह ओका आपन क काहे नही सिखउत्या। तू इ उपदेस देत अहा कि चोरी न करा, मुला खुद चोरावत अहा।</verse>
				<verse number="22">तू इ कहत अहा कि व्यभिचार नाहीं करइ क चाही मुला अपुना काहे करत ह। मुरतिइन स तू घिना करत अहा मुला मंदिरन मँ धन काहे छीनत ह?</verse>
				<verse number="23">तू लोग व्यवस्था प गरब करत ह, मुला व्यवस्था का तोरि क परमेस्सर क निरादार काहे करत ह?</verse>
				<verse number="24">अउर इहइ बात पवित्तर सास्तरन मँ लिखी बा, “तू सबन क वजह स परमेस्सर क नाउँ क ओनमा अपमान होत ह जे गैर यहूदियन अहइँ।”</verse>
				<verse number="25">जउ तू लोगन व्यवस्था क मानत अहा अउर ओका पालन करत ह तउ तो खतना क महत्व बाटइ। मुला जदि व्यवस्था क तोड़त अहा तो ओकर मतलब वगैर खतना क बराबर अहइ।</verse>
				<verse number="26">मान ल्या केहू क खतना नाहीं भवा बा अउर उ व्यवस्था क पालन करत ह पवित्तर नियमन प चलत ह, तउ का ओकर खतना न करावइ क बावजूद ओका खतना मँ सामिल न कीन्ह जाइ?</verse>
				<verse number="27">उ मनई जेकर सरीर स खतना नाहीं भवा बा मुला व्यवस्था क पालन करत ह उ तू लोगन का अपराधी सिद्ध कइ देई। वोका जेकरे पास लिखा पढ़ी मँ परमेस्सर क विधान बाटइ अउर जेकर खतना भवा बा अउर जे व्यवस्था क नाहीं मानत।</verse>
				<verse number="28">जे बाहेर स यहूदी अहइँ, उ वास्तव मँ यहूदी नाहीं अहइ। सरीर क खतना असली मँ खतना नाहीं बाटइ।</verse>
				<verse number="29">सच्चा यहूदी उ अहइ जे भीतर स यहूदी होइ, सच्चा खतना तउ आतिमा क जरिये मन क खतना अहइ। नबी न कि लिखी व्यवस्था क। अइसे व्यक्ति क प्रसंसा मनई नाहीं बल्कि परमेस्सर कइँती स कीन्ह जात अहइ।</verse>
			</chapter>
			<chapter number="3">
				<verse number="1">अब यहूदियन होइ क लाभ या अउर खतना क महत्ता केतॅनी बा?</verse>
				<verse number="2">यहूदियन होइ क बड़ी महत्ता अहइ, काहेकि सबसे पहिला इ कि परमेस्सर क उपदेस ओनहिन का सौंपा गवा रहा।</verse>
				<verse number="3">ओन्हन मँ स कछू एक धोखाबाज होइ, अहइ तउ का अहइ? ओन्हन धोखाबाजेन क वजह स परमेस्सर क बिसवास तो नाहीं कम होइ जात?</verse>
				<verse number="4">बिल्कुल नाहीं, सबइ झूठे होइ जाइँ तबउ परमेस्सर सच्चा रही, इ बात पवित्तर सास्तरन मँ लिखी बाटइ: “जब तू बोलब्या तउ तोहका सबइ पतियइहइँ जब तोहार न्याय होई, तउ तू जितब्या।”</verse>
				<verse number="5">अगर मनई क अधार्मिकता मँ परमेस्सर की धार्मिकता सिद्ध करत ह, अइसन मँ हमका का करइ क चाही? का परमेस्सर हम पइ कुपित होइ क मनइयन क दण्ड देत ह? (मइँ मनई क नाई आपन बात कहत हउँ)</verse>
				<verse number="6">बिलकुल नाहीं, नाहीं तो परमेस्सर जगत क निआव कइसे करी?</verse>
				<verse number="7">मुला तू इ कहि सकत ह, “मोरे झूठ बोलइ स परमेस्सर क सच उजागिर होत ह तउ एहसे ओकर महिमा ही होत ह; फिन मोका दोखी (पापी) काहे का बतावत ह?”</verse>
				<verse number="8">इ कहइ क वइसे होई काहे, “अगर हम बुरा काम करी तउ भलाई उजागिर होइ।” अइसेन आरोप हम पचन क ऊपर लोग लगावत हीं। इ सबइ लोग जे इ कहत हीं कि हम पचे ओनका पढ़ाइत ह। अइसे लोग दोखी कहा जाइ लायक अहइँ ओनका सजा देइ चाही।</verse>
				<verse number="9">फिन का भवा? यहूदी अउ गैर यहूदियन मँ कउनो भेद नाहीं बा, जइसेन कि पहले बतावा गवा बा कि चाहे यहूदियन होइँ या गैर यहूदियन सबहीं पाप क बस मँ अहइँ।</verse>
				<verse number="10">पवित्तर सास्तरन कहत हीं: “कउनो धर्मी नाहीं अहइ, एक ठु भी नाहीं!</verse>
				<verse number="11">एकउ भी समझदार नाहीं, एकउ क उ अइसा नाहीं उहइ जे परमेस्सर क वास्तव मँ खोजत ह।</verse>
				<verse number="12">इहाँ प सबइ परमेस्सर स विमुख होइके भटकत अहइँ, सबन खोटे अहइँ। एकउ नाहीं अहइ जे अच्छा काम करत ह एकउ नाहीं!”</verse>
				<verse number="13">“ओनकर मुँह खुली कब्र अहइ, अउर वे अपनी जीभ स धोखा देत अहइँ।” “नाग क बिख क तहर ओनकर ओंठ अहइँ,”</verse>
				<verse number="14">“मुँह पइ सराप व कटुता भरी रहत ह।”</verse>
				<verse number="15">“जान मारइ का तउ हरदम उतावला रहत हीं।</verse>
				<verse number="16">जहाँ कहूँ जात हीं उ पचे नास ही करत हीं, अउर संताप ही देत हीं।</verse>
				<verse number="17">सान्ति का मारग इ नाहीं जनतेन।”</verse>
				<verse number="18">“ओनके आँखिन मँ पर्भू क भय नाहीं बा।”</verse>
				<verse number="19">अब हम पचे इ जानित ही कि व्यवस्था मँ जउऩ कछू कहा गवा बाटइ उ सब ओनके बरे अहइ जे व्यवस्था क अधीन अहइँ। ऍहसे इ होइ कि सबइ का मुँह तोप दीन्ह जाइ अउर परमेस्सर क दण्ड सबइ क मिलइ।</verse>
				<verse number="20">व्यवस्था मँ कउनो काम किहे स कउनो धर्मी न सिद्ध होइ जाइ। केवल व्यवस्था पाप क बोध करावत अहइ।</verse>
				<verse number="21">मुला अब इ देखइ क अहइ कि परमेस्सर एक नए तरीके स मनइयन क व्यवस्था क बगैर कइसे सोझ मारग प लावत ह। व्यवस्था व नबियन इ नए तरीके क साच्छी दिहे बाटेन।</verse>
				<verse number="22">जे केउ परमेस्सर क उ धार्मिकता जउन ईसू मसीह मँ बिसवास क द्वारा इ बिसवास करइवालन क बरे अहइ। एहमाँ कउनो भेदभाव नाहीं बा।</verse>
				<verse number="23">काहेकि सबइ तउ पाप किहे बाटेन अउर सबइ तउ परमेस्सर क महिमा स विहीन बाटेन।</verse>
				<verse number="24">मुला ईसू मसीह का विसेख महिमा क अनुग्रह स उ पचे सेत मेंत मँ उपहार पाइके धर्मी ठहरावा गवा अहइँ।</verse>
				<verse number="25">परमेस्सर ईसू मसीह क मारे लोगन क दिहेस कि लोग ओहमाँ बिसवास करइँ अउर अपने पापन स मुक्ति पाइ जाइँ। उ इ काम ईसू मसीह क बलिदान द्वारा करवाएस। अइसा इ प्रमाणित करइ क बरे कीन्ह गवा कि परमेस्सर बहुत सहनसील अहइ। काहेकि उ पहिले ओनका बिना दण्ड दिहे छोड़ दिहस रहा। आजउ परमेस्सर ईसू को दिहेस हमका इ सिद्ध करइ बरे कि परमेस्सर जउन करत ह उहइ सही बा। परमेस्सर इ किया कि यह देखावइ बरे कि वह सही निरनय लेत ह, अउर उही समइ वह कउनो मनई क ठीक बनाइ सकत ह, जेनकर ईसू मसीह मँ बिसवास अहइ।</verse>
				<verse number="26"></verse>
				<verse number="27">घमण्ड तउ एक दम्मै खतम अहइ। उ अइसेन कि व्यवस्था क मुताबिक करम किहे स नाहीं बहोतउ विधी क अपनाये स जेसे बिसवास कीन्ह गवा अहइ।</verse>
				<verse number="28">मनई व्यवस्था क मुताबिक काम कइके नाहीं मुला बिसवास स धर्मी बनत ह।</verse>
				<verse number="29">का परमेस्सर सिरिफ यहूदियन क अहइ? का उ ओन्हन क ना होइ जे गैर यहूदियन अहइँ? हाँ उ ओन्हून क अहइ जे गैर यहूदियन होइँ।</verse>
				<verse number="30">काहेकि केवल एक ही परमेस्सर अहइ। उ यहूदियन, का ओनकर बिसवास क द्वारा सही बनवाई, अउर उ गैर यहूदियन क भी ओनकर बिसवास क द्वारा सही बनवाई। जे ओहमाँ बिसवास करी उहइ धर्मी कहा जाई।</verse>
				<verse number="31">तउ का मइँ बिसवास क द्वारा व्यवस्था क विफल करत अही? ना बिल्कुलै नाहीं बल्कि हम पचे तउ व्यवस्था का अउर सक्तीवाला बनवत अही।</verse>
			</chapter>
			<chapter number="4">
				<verse number="1">त फिन हम का कही कि हमरे सरीर क पिता इब्राहीम क एहमाँ का मिला?</verse>
				<verse number="2">काहेकि अगर इब्राहीम क ओकरे कामे क कारण धर्मी ठहरवा जात ह त ओका गरब करइ क बात रही। परन्तु परमेस्सर क सामने उ सही मँ गरब नाहीं कइ सकत।</verse>
				<verse number="3">पवित्तर सास्तर का कहत ह, “इब्राहीम तउ परमेस्सर मँ बिसवास किहेस अउर उ ओकर धार्मिकता गना गवा।”</verse>
				<verse number="4">काम करइवालान क मजदूरी देब कउनउ दान नाहीं बा, उ तउ ओनकर अधिकार अहइ।</verse>
				<verse number="5">परन्तु अगर केउ काम करइके बजाय उ परमेस्सर मँ बिसवास करत ह, जउन पापी क केउ छोड़ देत, तउ ओकरे बिसवास ओनकर धार्मिकता क कारण बन जात ह।</verse>
				<verse number="6">अइसे ही दाऊद उ मनई क धन्य मानत ह जेका करमन क आधार क बिना परमेस्सर धर्मी मानत ह। उ जब कहत ह:</verse>
				<verse number="7">“उ धन्य अहइँ जेनके व्यवस्था रहित कामन क छमा मिली अउ जेनके पापन क मूँद दीन्ह गवा।</verse>
				<verse number="8">उ मनई धन्य अहइँ जेनके पापन क परमेस्सर गिनेस नाहीं!”</verse>
				<verse number="9">तब का इ धन्यपन केवल ओनहीं क बरे बा जेनकर खतना भवा। बा, य ओनके बरे उ सबइ जेनकर खतना नाहीं भवा। (हाँ, इ ओनपइ उ लागू होत ह जेनकर खतना नाहीं भवा बा।) काहेकि हम सबइ तउ कहे अही इब्राहीम क बिसवास इ ओकर धार्मिकता गिना गवा।</verse>
				<verse number="10">तउ इ कब गिना गवा जब ओकर खतना होइ चुका रहा। या जब उ बगैर खतना का रहा नाहीं खतना होइके पाछे नाहीं बल्कि खतना होइके स्थिति स पहिले।</verse>
				<verse number="11">अउ फिन एक चिन्ह क रूप मँ उ खतना ग्रहण किहेस। जउन उ बिसवास क परिणाम सरूप धार्मिकता क एक छाप रही जउऩ उ ओह समइ दरसाए रहा जब ओकर खतना नाहीं भवा रहा। इही बरे उ ओन्ही सबन क पिता रहा जउन यद्यपि बिना खतना क रहेन परन्तु बिसवासी अहइँ। (इही बरे उ सबइ धर्मी गिना जइहीं)</verse>
				<verse number="12">अउर उ ओनकर भी पिता अहइ जेनकर खतना भवा बा परन्तु जउन हमार लोगन पूर्वज इब्राहीम क बिसवास क ही मारग क जेका उ खतना होइ स परगट किहे रहेन, अनुसरण करत हीं।</verse>
				<verse number="13">इब्राहीम या ओकर बंसजन क इ बचन कि उ पचे संसार क उत्तराधिकारी होइहीं, व्यवस्था स नाहीं मिला रहा बल्कि उ धार्मिकता स मिला रहा जउन बिसवास क जरिये पैदा होत ह।</verse>
				<verse number="14">अगर जे व्यवस्था क मानत ही, उ जगत क उत्तराधिकारी अहइँ तउ बिसवास क कउनउ मतलब नाहीं रहत ह अउर परमेस्सर की प्रतिग्या बेकार होइ जात ह।</verse>
				<verse number="15">लोगन के जरिये व्यवस्था क पालन न किहे जाइसे परमेस्सर क किरोध उपजत ह परन्तु जहाँ व्यवस्था इ नाहीं बा उहाँ व्यवस्था क तोड़बइ का?</verse>
				<verse number="16">इही बरे सिद्ध अहइ कि परमेस्सर क प्रतिग्या बिसवास क फल अहइ (अउर यह सेंतमेत मँ ही मिलत बाटइ।) सो ओकर प्रतिग्या इब्राहीम क सबहिं बंसजन क बरे सुनिस्चित बा, न केवल ओनके बरे जे व्यवस्था पर बिसवास करत हीं बल्कि ओन सबक बरे भी जउन इब्राहीम क समान बिसवास रखत हीं। उ हम सबका पिता अहइ।</verse>
				<verse number="17">पवित्तर सास्तरन बतावत ह, “मइँ तोहका (इब्राहीम) कइयउ रास्ट्र क पिता बनाएउँ।” उ परमेस्सर क दिस्टी मँ उ इब्राहीम हमार पिता अहइ जेह पर ओकर बिसवास बा। परमेस्सर जउन मरे हुवन क जीवन देत ह, अउर जो वस्तुअन अहइँ ही नहीं, ओनकर नाम अइसे लेत है जइसे मानों उ अहइँ।</verse>
				<verse number="18">सभन मनइयन क आसा क विरुद्ध अपने मने मँ आसा सँजोंए भए इब्राहीम ओहमें बिसवास किहेस इही बरे उ कहा गवा क अनुसार कइयउ रास्ट्र क पिता बना। “तोहार अनगिनत बंसज होइहीं।”</verse>
				<verse number="19">इब्राहीम लगभग एक सौ बरिस क होइ गवा रहा, अउर ओकर सरीर बच्चा पइदा करे जोग्ग नाहीं रहा। सारा भी बच्चा पइदा नाहीं कइ सकत रही। एह बारे सोचेस, लेकिन ओकर बिसवास डगमागात नाहीं।</verse>
				<verse number="20">परमेस्सर क बचन मँ बिसवास बनाए रखेस एतना ही नाहीं बिसवास क अउर मजबूत करत भवा परमेस्सर क महिमा दिहेस।</verse>
				<verse number="21">ओका पूरा भरोसा रहा कि परमेस्सर ओका जउन बचन दइ दिहेस ओका पूरा करइ मँ पूरे तरह समरथ बा।</verse>
				<verse number="22">इही बरे, “इ बिसवास ओकर धार्मिकता गिना गवा।”</verse>
				<verse number="23">पवित्तर सास्तर क इ बचन कि बिसवास ओकर धार्मिकता गिना गवा, केवल ओनके बरे बा</verse>
				<verse number="24">बल्कि हमरे बरे भी बा परमेस्सर हमका, जउन ओहमाँ बिसवास रखत हीं, धार्मिकता स्वीकार करी। काहेकि हम बिसवास करत ह कि उ हमार पर्भू ईसू मसीह क फिन स जिन्दा किहेस।</verse>
				<verse number="25">ईसू, जेका हमरे पापन क बरे मारा जाइ क सौंपा गवा अउर हमका धर्मी बनावइ क बरे, मरा हुवन मँ स फिन स जिन्दा कीन्ह गवा।</verse>
			</chapter>
			<chapter number="5">
				<verse number="1">काहेकि हम अपने बिसवास क कारण परमेस्सर बरे धर्मी होइ ग अही, तउ अपने पर्भू ईसू मसीह क जरिये हमार परमेस्सर स मेल होइ गवा बा।</verse>
				<verse number="2">उही क जरिये बिसवास क कारण ओकरे जउन अनुग्रह मँ हमार स्थिति बा, ओह तलक हमार पहुँच होइ गइ रही। अउर हम परमेस्सर क महिमा क कउनउ आसा पावइ क आनन्द लेइत ह।</verse>
				<verse number="3">ऍतनइ नाहीं हम आपन विपत्तियन मँ आनन्द लेइत ह। काहेकि हम जानित ह कि विपत्ति धीरज क जनम देत ह।</verse>
				<verse number="4">अउर धीरज स खरा चरित्र निकरत ह। खरा चरित्र स आसा क जनम होत ह।</verse>
				<verse number="5">अउर आसा हमका निरास नाहीं होइ देत ह काहेकि पवित्तर आतिमा क जरिये, जउन हमका दीन्ह गवा बा, परमेस्सर क पिरेम हमरे हिरदय मँ उड़ेर दीन्ह गवा बा।</verse>
				<verse number="6">काहेकि हम जब अबहीं कमजोर ही रहेन ठीक समइ पर हम भक्तहीनन बरे मसीह तउ आपन बलिदान दिहेस।</verse>
				<verse number="7">अब देखा केहू धर्मी मनइयन क बरे उ केउ कठिनाइ स मरत ह। केहू धर्मी मनई क बरे आपन परान तियागइ क साहस तउ केउ कई सकत ह।</verse>
				<verse number="8">मुला परमेस्सर तउ हमपे आपन पिरेम देखायेस। जबकि हम तउ पापी ही रहे; परन्तु ईसू त हमरे बरे परान तजि दिहेस।</verse>
				<verse number="9">काहेकि अब जब हम ओकरे लहू क कारण धर्मी होइ ग अही तउ अब ओकरे जरिये परमेस्सर क किरोध स जरूर इ बचावा जइहीं।</verse>
				<verse number="10">काहेकि जब हम ओकर बैरी रहे उ अपने मऊत क जरिये परमेस्सर स हमार मेलमिलाप कराथेस तउ अब तउ जब ते हमार मेलमिलाप होइ चुका बा ओकरे जीवन स हमार अउ केतॅनी जियादा रच्छा होइ।</verse>
				<verse number="11">ऍतनइ नाहीं बा हम अपने पर्भू ईसू मसीह क जरिये परमेस्सर क भक्ति पाइ क अब ओहमाँ आनन्द लेइत ह।</verse>
				<verse number="12">इही बरे एक मनई (आदम) जरिये जइसेन धरती पे पाप आवा अउर पाप स मउत अउ एह तरह मउत सब जने क बरे आइ काहेकि सबहिं पाप किहे रहेन।</verse>
				<verse number="13">अब देखा व्यवस्था क आवइ स पहिले जगत मँ पाप रहा परन्तु जब तक कउनउ व्यवस्था नाहीं होत कउनो क पाप नाहीं गिना जात।</verse>
				<verse number="14">मुला आदम स लइके मूसा क समइ तक मउत सब पर राज करत रही। मउत ओन सबहिं प वइसे ही हावी रही जउन लोग पाप नाहीं किहे रहेन जइसे आदम प। आदम भी वइसा ही रहा जइसा उ जउन (मसीह) क अवाई रही।</verse>
				<verse number="15">परन्तु परमेस्सर क बरदान आदम क अपराध जइसेन नाहीं रहा काहेकि अगर उ एक मनइ क अपराध क कारण सभन लोगन क मउत भइ तउ एक मनई ईसू मसीह क करुणा क कारण परमेस्सर क अनुग्रह अउर बरदान सभन लोगन क भलाई बरे केतॅना कछू अउर जियादा मिला बा।</verse>
				<verse number="16">अउर इ बरदान उ पापी क जरिये लियावा गवा परिणाम क समान नाहीं बा काहेकि सजा क बरे नियाउ क आगमन एक अपराध क पाछे भवा रहा। परन्तु इ बरदान, जउन दोसमुक्ति कइँती लइ जात ह, कइयउ अपराध क पाछे आइ रहा।</verse>
				<verse number="17">अउर अगर एक मनई क उ अपराध क कारण मउत क सासन होइ गावा। तउ जउन परमेस्सर क अनुग्रह अउर ओकरे बरदान क जियादा क-जेहमें धर्मी क निवास बा उपभोग करत बाटेन उ तउ जीवन मँ उहइ एक मनई ईसू मसीह क जरिये अउर जियादा सासन करिहीं।</verse>
				<verse number="18">तउ जइसेन एक अपराध क कारण सभन लोग दोसी ठहरावा गएन ओइसन ही ईसू क एक धरम क काम क जरिये सबके बरे परिणाम मँ अनन्त जीवन बरदान करइवाली धार्मिकता मिली।</verse>
				<verse number="19">अउर जइसेन उ एक मनई क अपराध क कारण सब जने पापी बनाइ दीन्ह गएन वोइसहीनइ उ एक मनई क आग्या मानइ क कारण सब जने धर्मी उ बनाइ दीन्ह जइहीं।</verse>
				<verse number="20">व्यवस्था क आगमन इही बरे भवा कि अपराध बढ़ी पावइँ। परन्तु जहाँ पाप बढ़ा, उहाँ परमेस्सर क अनुग्रह अउर भी जियादा बाढ़इ।</verse>
				<verse number="21">ताकि जइसेन मउत क जरिये पाप राज्य किहेस ठीक वइसेन ही हमरे पर्भू ईसू मसीह क जरिये अनन्त जीवन क लियावइ बरे परमेस्सर क अनुग्रह धार्मिकता क जरिये राज्य करइ।</verse>
			</chapter>
			<chapter number="6">
				<verse number="1">तउ फिन हम का कही? का हम पापइ करत रही ताकि परमेस्सर क अनुग्रह बढ़त रहइ?</verse>
				<verse number="2">निस्चय ही नाहीं। हम जउन पाप क बरे मर चुका अही पाप मँ ह कइसेन जियब?</verse>
				<verse number="3">या का तू नाहीं जातन अहा कि हम, जे मसीह ईसू मँ बपतिस्मा लिहे अही, ओकरी मउत क ही बपतिस्मा लिहे अही।</verse>
				<verse number="4">तउ ओकरी मउत मँ बपतिस्मा लेइ स ही हम हू ओनके साथे गाड़ दीन्ह गवा रहा। ताकि जइसेन परमपिता क महिमामय सक्ति के जरिये मसीह क मरा हुवन मँ स जियाइ दीन्ह गवा रहा, वइसन ही हमहू एक नवा जीवन पावाह।</verse>
				<verse number="5">काहेकि जब हम ओनके मउत मँ ओकरे साथे रहे अही तउ ओकरे जइसेन फिन स उत्थान मँ उ ओकरे साथे रहब।</verse>
				<verse number="6">हम इ जानित ह कि हमार पुराना जीवन मसीह क साथे ही क्रूस प चढ़ाइ दीन्ह गवा रहा ताकि पापमय आतिमा नस्ट होइ जाइ। अउर हम आगे क बरे पाप क दास न बना रही।</verse>
				<verse number="7">काहेकि जउन मर गवा उ पाप क बन्धन स छुटकारा पाइ गवा।</verse>
				<verse number="8">अउर काहेकि हम मसीह क साथे मर गए, तउ हमार बिसवास बा कि हम उही क साथे जियब।</verse>
				<verse number="9">हम जानित ह कि मसीह जेका मरा हुआ मँ स जिन्दा कीहेन रहा गवा अउर फिन नाहीं मर सकत, अमर अहइ। ओह पर मउत क बस कभउँ न चली।</verse>
				<verse number="10">जउन मउत स उ मरा बा, उ एक बार अउर सदा बरे पाप क बरे मरा बा परन्तु जउन जीवन उ जिअत ह, उ जीवन, परमेस्सर क बरे बाटइ।</verse>
				<verse number="11">इही तरह तू अपने बरेऊ सोचा कि तू पाप क बरे मर चुका अहा परन्तु मसीह ईसू मँ परमेस्सर क बरे जिअत अहा।</verse>
				<verse number="12">इही बरे तोहर नास होइवाला सरीरन क उप्पर पाप क बस न चलइ। ताकि तू उन चीजन का गुलाम न बना जेका तोहार पातकी अहम चाहत ह।</verse>
				<verse number="13">अपने सरीर क अंगन क अधर्म क सेवा क बरे पाप क हवाले न कर बल्कि मरा हुवन मँ स जी उठइवालन क समान परमेस्सर क हवाले कइ द्या। अउ अपने सरीर क अंगन क धार्मिकता क सेवा क साधन क रूप मँ परमेस्सर क हवाले कइ द्या।</verse>
				<verse number="14">तोह पे पाप क सासन न होइ काहेकि तू व्यवस्था क सहारे नाहीं जिअत अहा बल्कि परमेस्सर क अनुग्रह क सहारे जिअत अहा।</verse>
				<verse number="15">तउ हम का करी? का हम पाप करी? काहेकि हम व्यवस्था क अधीन नाहीं, बल्कि परमेस्सर क अनुग्रह क अधीन जिअत अही। निस्चय ही नाहीं।</verse>
				<verse number="16">का तू नाहीं जानत अहा कि जब तू कीहीउ क आज्ञा मानइ क बरे अपने आप क दास क रूप मँ ओका सँउपि देत ह तउ तू दास अहा। उ मनई जेकर आज्ञा मानत अहा तोहार स्वामी अहइ! या परमेस्सर क आज्ञा भावा। पाप स आध्यात्मिक मउत होत ह। मुला परमेस्सर क हुकुम मानइ स नेकी कइँती लइ जात ह। फिन चाहे तू पाप क दास बना।</verse>
				<verse number="17">परन्तु पर्भू क धन्यवाद बा कि यद्यपि तू पाप क दास रह्या, तू अपने मन स ओन्हन उपदेसन क रीति क मान्या जउन तोहे सौंपा गवा रहेन।</verse>
				<verse number="18">तोहे पाप स छुटकारा मिलि गवा अउ तू धार्मिकता क सेवक बन गया।</verse>
				<verse number="19">(मइँ एक ठु मानवीय उदाहरण देइत ह जेका सभन लोग समाझि सकइँ काहेकि ओका समझब तू लोगन क बरे कठिन बा।) काहेकि तू अपने सरीर क अंगन क अपवित्तर अउ व्यवस्थाहीनता क आगे ओनके दास क रूप मँ सौंप दिहे रह्या जेसे व्यवस्थाहीनता पैदा भई, अब तू लोग ठीक वइसेन ही अपने सरीर क अंगन क दास क रुप मँ धार्मिकतइ क हाथन मँ सौंप द्या ताकि कुल समर्पण पैदा होइ।</verse>
				<verse number="20">काहेकि तू जब पाप क दास रह्या तउ धार्मिकता कइँती स तोहे प कउनउ बन्धन नाहीं रहा।</verse>
				<verse number="21">अउर देखा ओह समइ तोहे कइसेन फल मिला? जेकरे बरे आजु तू सर्मिन्दा अहा। जेकर अन्तिम परिणाम मउत बा।</verse>
				<verse number="22">परन्तु अब तोहे पाप स छुटकारा मिलि चुका बा अउ परमेस्सर क दास बनाइ दीन्ह अहा गवा अहा तउ जउन खेती तू काटत अहा, तोहे परमेस्सर क बरे कुल समर्पण मँ लइ जाइ। जेकर अन्तिम परिणाम बा अनन्त जीवन।</verse>
				<verse number="23">काहेकि पाप क मूल्य तो बस मृत्यु ही अहइ। जबकि हमार पर्भू मसीह ईसू मँ अनन्त जीवन, परमेस्सर क सेंतमेत क बरदान बाटइ।</verse>
			</chapter>
			<chapter number="7">
				<verse number="1">भाइयो तथा बहिनियो, का तू नाहीं जानत अहा (मइँ ओन्हन सबन स कहत अही जउन व्यवस्था क जानत हीं।) कि व्यवस्था क सासन कीहीउ मनई पे तबहिं तलक बा जब तलक उ जिअत ह?</verse>
				<verse number="2">उदाहरण क बरे एक विवाहिता स्त्री अपने पति क साथे व्यवस्था क अनुसार तबहिं तलक बंधी बा जब तलक उ जिन्दा बा परन्तु अगर ओकर पति मरि जात ह तउ उ बियाह सम्बधी व्यवस्था स छूट जात ह।</verse>
				<verse number="3">पति क जिअत ही अगर कीहीउ दुसरे पुरूस स सम्बन्ध जोड़त ह ओका व्यभिचारिणी कहा जात ह परन्तु अगर ओकर पुरुस मरि जात ह तउ बियाह सम्बन्धी नियम ओह पे नाहीं लागत अउ इहीं बरे अगर उ दुसरे मनई क होइ जात ह तउ उ व्यभिचारिणी नाहीं बा।</verse>
				<verse number="4">मोरे भाइयो तथा बहिनियो, अइसन ही इ मसीह क देह क जरिये व्यवस्था के बरे तुहउँ मरि चुका अहा। इही बरे अब तुहउँ कीहीउ दुसरे स नाता जोड़ि सकत ह। ओसे जेका मरा हुवन मँ स पुर्नजीवित कीन्ह गवा अहइ। ताकि हम परमेस्सर क बरे करमन क अच्छी खेती कइ सकित ह।</verse>
				<verse number="5">काहेकि जब हम मानुस सुभाव क अनुसार जिअत रहे, हमार पाप-पूर्ण वासना जउन व्यवस्था क जरिये आइ रहीं, हमरे अंगन पर हावी रही। ताकि हम करमन क अइसेन खेती करी जेकर अन्त आध्यात्मिक मउत मँ होत ह।</verse>
				<verse number="6">परन्तु अब हमका व्यवस्था स छुटकारा दइ दीन्ह गवा बाटइ काहेकि जउने व्यवस्था क अधीन हमका बन्दी बनावा ग रहा, हम ओकरे बरे मरि चुका आही। अउ अब पुरान लिखित व्यवस्था स नाहीं, बल्कि आतिमा क नई रीति स प्रेरित होइके हम अपने परमेस्सर क सेवा करित ह।</verse>
				<verse number="7">त फिन हम का कही? का हम कही कि व्यवस्था पाप अहइ? निस्चय ही नाहीं। जउन भी होइ, अगर व्यवस्था नाहीं होत तउ मइँ पहिचान नहीं पाइत कि पाप का अहइ? अगर व्यवस्था न बतावत, “जउन उचित नाहीं बा लालच जिन करा तउ निस्चय ही मइँ पहचान नाहीं पाइत कि जउन उचित इच्छा नाहीं अहइ का बा।”</verse>
				<verse number="8">परन्तु पाप मौका पावत ही व्यवस्था का लाभ उठावत भवा मोहमाँ गलत सबइ इच्छा क भर दिहेस जउन अनुचित बरे रहिन।</verse>
				<verse number="9">एकसमइ मइँ बिना व्यवस्था क ही जिन्दा रहेउँ, परन्तु जब व्यवस्था क आदेस आवा तउ पाप जीवन मँ उभरिके आवा।</verse>
				<verse number="10">अउर मइँ मर गएउँ। उहइ व्यवस्था क आदेस जउन जीवन देइ बरे रहा, मोरे बरे मउत लइ आवा।</verse>
				<verse number="11">काहेकि पाप क अउसर मिलि गवा अउर उ उहइ व्यवस्था क आदेस क जरिये मोका छलेस अउर उहइ जरिये मोका मार डाएस।</verse>
				<verse number="12">इही तरह व्यवस्था पवित्तर बा अउर उ आदेस पवित्तर, धर्मी अउर उत्तिम बा।</verse>
				<verse number="13">तउ फिन का एकर मतलब इ बाटइ कि जउन उत्तिम बा, उहइ मोरी मउत क कारण बन गवा निस्चय ही नाहीं? बल्कि पाप उ उत्तिम क जरिये मोरे बरे मउत क कारण एह बरे बना कि पे क पाहिचाना जाइ सकइ। अउर व्यवस्था क जरिये ओकर खौफनाक पाप क पूर्णता देखॉइ दीन्ह जाइ।</verse>
				<verse number="14">काहेकि हम जानित ह कि व्यवस्था तउ आत्मिक अहई अउर मइँ हाड़ माँस क बना भवा भौतिक मनई अहउँ जउन पाप क दासता बरे बिका भआ हउँ।</verse>
				<verse number="15">मइँ नाहीं जानित मइँ का करत हउँ काहेकि मइँ जउन करइ चाहित हउँ नाहीं करत हउँ, बल्कि मोका उ करे पड़त ह, जेसे मइँ घिना करत हउँ।</verse>
				<verse number="16">अउ अगर मइँ उहइ करत हउँ जउन मइँ नाहीं करइ चाहित ह तउ मइँ अंगीकार करत हउँ कि व्यवस्था उत्तम बा।</verse>
				<verse number="17">परन्तु सही मँ उ मइँ नाहीं हउँ जउन इ सब कछू करत बा, बल्कि उ पाप मोरे भितरे बसा पाप बा।</verse>
				<verse number="18">हाँ, मइँ जानित अहइँ कि मोरे मँ भौतिक मानुस सरीर मँ कउनउ अच्छी चीजे क बास नाहीं अहइ। नेकी करइ क इच्छा तउ मोहमाँ अहइ पर नेक काम मोसे नाहीं होत।</verse>
				<verse number="19">काहेकि जउन अच्छा काम मइँ करइ चाहित ह, मइँ नाहीं करित अहउँ बल्कि जउन मइँ नाहीं करइ चाहित, उहइ सबइ मइँ खराब काम करइ नाहीं चाहित ह मइँ नाहीं करित बल्कि जउन मइँ नाहीं करइ चाहित, उहई सब खराब काम मइँ करित हउँ।</verse>
				<verse number="20">अउर अगर मइँ उहइ काम करित ह जेका करइ नाहीं चाहित ह तउ सही मँ ओकर कर्त्ता जउन ओन्हे करत ह, मइँ नाहीं हउँ, बल्कि उ पाप अहइ जउन बसा बा।</verse>
				<verse number="21">इही बरे मइँ अपने मँ इ नियम पाइत ह कि मइँ जब अच्छा करइ चाहित ह, तउ अपने मँ बुराई क ही पाइत ह।</verse>
				<verse number="22">आपन अन्तरात्मा मँ मइँ परमेस्सर क व्यवस्था क खुसी स मानित ह।</verse>
				<verse number="23">पर अपने सरीर मँ मइँ एक दुसरे ही व्यवस्था का काम करित देखित ह इ मोरे चिन्तन पे सासन करइवाली व्यवस्था स युद्ध करत ह अउर मोका पाप क व्यवस्था क बन्दी बनाइ लेत ह। इ व्यवस्था मोरे सरीर मँ त्रिया करत रहत ह।</verse>
				<verse number="24">मइँ एक अभागा इंसान हउँ। मोका एह सरीर स, जउन मउत क निवाला बा, ओसे छुटकारा कउन देवाई?</verse>
				<verse number="25">परमेस्सर मोका बचइहीं। अपने पर्भू ईसू मसीह क जरिये मइँ परमेस्सर क धन्यवाद करित हउँ। तउ अपने हाड़ माँस क सरीर स मइँ पाप क व्यवस्था क गुलाम होत भए उ आपन बुद्धि स परमेस्सर क व्यवस्था क सेवक अहउँ।</verse>
			</chapter>
			<chapter number="8">
				<verse number="1">एह तरह अब ओनके बरे जउन मसीह ईसू मँ स्थित बाटेन ओनके बरे, कउनउ दण्ड नाहीं बा।</verse>
				<verse number="2">काहेकि आतिमा क व्यवस्था त जउन मसीह ईसू मँ जीवन देत ह, मोका पाप क व्यवस्था स जउन मउत क तरफ लइ जात ह, स्वतन्त्र कई दीन्ह बा।</verse>
				<verse number="3">जेका मूसा क उ व्यवस्था जउन मनई क भौतिक सुभाऊ क कारण कमजोर बनाइ दीन्ह गइ रही, नाहीं कई सकी ओका परमेस्सर अपने पूत क हमरेन जइसे सरीर मँ पठइ क जेहसे हम पाप करत ह-ओकर भौतिक देह क पापवाली बवाइ क पाप क खतम कइके पूरा किहेस।</verse>
				<verse number="4">जेहसे कि हमरे जरिये, देहे क भौतिक पातकी अहम स नाही, बल्कि आतिमा क विधि स जिअत हीं व्यवस्था क जरूरत पूरी कई जाइ सकइ।</verse>
				<verse number="5">काहेकि उ सबइ जउन अपने भौतिक मनई सुभाउ क अनुसार जिअत हीं, ओनकर भौतिक मनई सुभाउ क इच्छा पर टिकी रहत ह परन्तु उ जउन आतिमा क अनुसार जिअत हीं, ओनकर बुद्धि जउन आतिमा चाहत ह ओनहिन इच्छा मँ लगी रहत ह।</verse>
				<verse number="6">भौतिक मनई सुभाउ क बस मँ रहइवाला मने क अन्त मउत अहइ, परन्तु आतिमा क बस मँ रहइवाली बुद्धि क परिणाम अहइ जीवन अउ सान्ति।</verse>
				<verse number="7">इही तहर भौतिक मनई सुभाउ स अनुसासित मन परमेस्सर क विरोधी अहइ। काहेकि उ न तउ परमेस्सर क व्यवस्था क अधीन बा अउ न होइ सकत ह।</verse>
				<verse number="8">अउर उ जउन भौतिक मनइ सुभाउ क अनुसार जिअत हीं परमेस्सर क खुस नाहीं कइ सकत हीं।</verse>
				<verse number="9">परन्तु तू पचे भौतिक मनई सुभाउ क अधीन नाहीं अहा, बल्कि आतिमा क अधीन अहा अगर सही मँ तोहसे परमेस्सर क आतिमा क निवास बा। परन्तु अगर कउनो मँ ईसू मसीह क आतिमा नाहीं बा त उ मसीह क नाहीं बा।</verse>
				<verse number="10">दुसरे कइँती अगर तोहमाँ मसीह अहइ तउ चाहे तोहरे देह पाप क बरे मरि चुकी होइ बा पवित्तर आतिमा परमेस्सर क साथे तोहे धार्मिक ठहराइ क खुद तोहरे बरे जीवन बन जात ह।</verse>
				<verse number="11">अउर अगर उ आतिमा जे ईसू क मरे हुवन मँ स जियाए रही, तोहरे भित्तर बास करत ह, तउ उ परमेस्सर जे ईसू क मरे हुवन मँ स जियाए रहा, तोहरे नासमान सरीरन क आपन आतिमा स जउन तोहरे ही भित्तर बसत ह, जीवन देई।</verse>
				<verse number="12">इही बरे भाइयो तथा बहिनियो, हम पे एह भौतिक मनइ सुभाउ तउ अहइ परन्तु अइसेन नाहीं कि हम एकरे अनुसार जिई।</verse>
				<verse number="13">काहेकि अगर तू भौतिक मनइ सुभाव क अनुसार जीब्या तब मरब्या। अगर तू आतिमा क जरिये सरीर क व्यवहारन क अन्त कइ देब्या तउ तू जी जाब्या।</verse>
				<verse number="14">जउन परमेस्सर क आतिमा क अनुसार चलत हीं, उ सबइ परमेस्सर क संतान अहइँ।</verse>
				<verse number="15">काहेकि उ आतिमा जउन तोहे मिली बा, तोहे फिन स दास बनिके डेराइ बरे नाहीं बा, बल्कि उ आतिमा जउन तू पाए अहा तोहे परमेस्सर क संपालित सन्तान बनावत ह। जेसे हम पुकार उठित ह, “ हे अब्बा, हे परमपिता।”</verse>
				<verse number="16">उ पवित्तर आतिमा खुद हमरे आतिमा क साथे मिलिके साच्छी देत ह कि हम परमेस्सर क सन्तान अही।</verse>
				<verse number="17">अउ काहेकि हम ओकर सन्तान अही, हमहूँ उत्तराधिकारी अही, परमेस्सर क उत्तराधिकारी अउर मसीह क साथे हम उत्तराधिकारी अगर सही मँ ओकरे साथे दुःख उठावत अहीं तउ हमका ओकरे साथे महिमा मिली ही।</verse>
				<verse number="18">काहेकि मोरे बिचार मँ एह समइ क हमार सबइ यातना क परगट होइवाली भावी महिमा क आगे कछूउ नाहीं बा।</verse>
				<verse number="19">काहेकि इ सृस्टि बड़ी आसा स ओह समइ क इन्तजार करत बाटइ जब परमेस्सर क संतान क परगट कीन्ह जाई।</verse>
				<verse number="20">इ सृस्टि निःसार रही अपने इच्छा स नाहीं, बल्कि ओकरी इच्छा स जे एका एह परिवर्तन क अधीन किहेस</verse>
				<verse number="21">कि इहउ कभउँ आपन बिनासमान होइ स छुटकारा पाइ क परमेस्सर क सन्तान क सानदार स्वतन्त्रता क आनन्द लेई।</verse>
				<verse number="22">काहेकि हम जानित ह कि आजु तलक समूची सृस्टि प्रसव पीड़ा मँ कराहत अउ तड़पत रही बाटइ।</verse>
				<verse number="23">न केवल इ सृस्टि बल्कि हमहूँ जेका आतिमा क पहिला फल मिला बा, अपने भितर कराहत रहे बाटेन। काहेकि हमका ओकरे जरिये पूरी तरह अपनावा जाइ क इन्तजार अहइ कि हमार देह मुक्त होइ जाइ।</verse>
				<verse number="24">हमार उदूधार भवा बा। इही स हमरे मने मँ आसा बा परन्तु जब हम जेकर आसा करित ह ओका देखि लेइत ह तउ उ आसा नाहीं रहत। जउन देखात बाटइ ओकर आसा कउन कई सकत ह।</verse>
				<verse number="25">परन्तु अगर जेका हम देखत नाहीं अही ओकर आसा करित ह तउ धीरज अउर सहनसीलता क साथे ओकर रस्ता जोहित ह।</verse>
				<verse number="26">अइसन ही जइसेन हम कराहत अही, आतिमा हमरे दुर्बलता मँ हमार सहायता करइ आवत ह काहेकि हम नाहीं जानित ह कि हम केकरे बरे पराथना करी! परन्तु आतिमा खुद अइसेन आह भरिके जेकर सबदन मँ जाहिर नाहीं कीन्ह जाइ सकत हमरे बरे बिनती करत ह।</verse>
				<verse number="27">परन्तु उ जउन लोगन क दिल क देख सकत ह वह जानत ह कि आतिमा क मन्सा का अहइ। काहेकि परमेस्सर क इच्छा स ही उ परमेस्सर क पवित्तर लोग क बरे बीच बिचाऊ करत ह।</verse>
				<verse number="28">अउर हम जानित ह कि हर परिस्थिति मँ उ आतिमा परमेस्सर क भक्तन क साथे मिलिके उ काम करत ह जउन भलाइ ही लियावत हीं ओन्हन सबके बरे जेका ओकरे प्रयोजन क अनुसार इ बोलावा गवा बा।</verse>
				<verse number="29">जेका उ पहिले ही चुनेस ओनका पहिलौटी क पूत क रूप मँ ठहराएस ताकि बहुत स भाइयो तथा बहिनियो! मँ उ पहलौठी बनि सकइ।</verse>
				<verse number="30">जेनका उ पहिले स निस्चित किहेस उहूँ क उ बोलाएस अउर जेनका उ बोलाएस, ओनका उ धर्मी ठहराएस। अउर जेका उ धर्मी ठहराएस, ओनका महिमा प्रदान किहेस।</verse>
				<verse number="31">तउ एका देखत हम का कही? अगर परमेस्सर हमरे पच्छ मँ बा हमरे विरोध मँ कउन होइ सकत ह?</verse>
				<verse number="32">उ जे अपने पूत तलक क नाहीं छोड़ेस बल्कि ओका हम सबके बरे मरइ क सउँप दिहेस। उ भला हमका ओकरे साथ अउर सब कछू काहे न देई?</verse>
				<verse number="33">परमेस्सर क चुना भवा लोगन पे अइसेन कउन बा जउन दोस लगावइ? उ परमेस्सर ही अहइ जउन ओनका धर्मी ठहराता ह?</verse>
				<verse number="34">अइसेन कउन अहइ जउन ओका दोसी ठहरावइ? मसीह ईसू उ अहइ जउन मरि गवा अउर (इहींउँ स जियादा जरूरी इ बा कि) ओका फिन जियावा गवा। जउन परमेस्सर क दहिनी कइँती बइठा अहइ अउर हमरे कइँती स बिनती भी करत ह</verse>
				<verse number="35">कउन अहइ जउन हमका मसीह क पियार स अलग करी? यातना या कठिनाइ या अत्याचार या अकाल या नंगापन या जोखिम या तलवार?</verse>
				<verse number="36">जइसेन कि सास्तर कहत ह: “तोहरे (मसीह) बरे सारा दिन हमका मउत क सौंपा जात ह। हम काटी जाइवाली भेड़ जइसेन समझा जात हीं।”</verse>
				<verse number="37">तबउ ओकरे जरिये जउन हमसे पिरेम करत ह, ऐन सब बातन मँ हम एक सानदार विजय पावत अही।</verse>
				<verse number="38">काहेकि मइँ मान चुका हउँ कि न मउत, न जीवन, न सरगदूतन अउर न सासन करइवाली आतिमन, न वर्तमान क कउनउ चीज अउर न भविस्स क कउनउ चीज, न आत्मिक सक्ति,</verse>
				<verse number="39">न कउनउ हमरे ऊपर क, अउर न हमसे नीचे क, न सृस्टि क कउनउ अउर चीज हमका पर्भू क ओह पिरेम स, जउन हमरे भीतर पर्भू मसीह ईसू बरे बाटइ, हमका अलग कइ सकइ।</verse>
			</chapter>
			<chapter number="9">
				<verse number="1">मसीह मँ मइँ सही कहत हउँ। मइँ झूठ नाही कहित अउर मोर चेतना जउन पवित्तर आतिमा क जरिये प्रकासित बा, मोरे साथ मोरे साच्छी देत ह</verse>
				<verse number="2">कि मोका गहिर दुःख बा अउर मोरे मने मँ मइँ पीड़ा बा।</verse>
				<verse number="3">कास मइँ चाहि सक्ति कि आपन भाइ-बन्धुवन अउर दुनियाबी सम्बन्धन क बरे मइँ मसीह क साप अपने ऊप्पर लइ लेइत अउर ओसे अलग होइ जाइत।</verse>
				<verse number="4">जउन इस्राएली बाटेन अउर जेनका परमेस्सर संपालित संतान होइ क अधिकार बा, जउन परमेस्सर क महिमा क दरसन कइ चुका बाटेन, जउन परमेस्सर क करार क भागीदारे अहइँ। जेनका मूसा क व्यवस्था, सच्ची आराधना अउर बचन प्रदान कीन्ह गवा बा।</verse>
				<verse number="5">पूर्वजन उहीं स सम्बन्ध रखत ह अउर मनई सरीर क दिस्टी स मसीह उहीं मँ पइदा भवा जउन सबक परमेस्सर अहइ अउर हमेसा धन्य बा। आमीन!</verse>
				<verse number="6">अइसेन नाहीं बा कि परमेस्सर आपन बचन पूरा नाहीं किहे बा काहेकि जउन इस्राएल क बंसज बाटेन उ सभन इस्राएली नाहीं अहइँ।</verse>
				<verse number="7">अउर न तउ इब्राहीम क बंसज होइ क कारण उ सब सच्चाइ-मुच्चइ इब्राहीम क संतान अहइँ। बल्कि (जइसेन परमेस्सर कहेस) “तोहार बंसज इसहाक क द्वारा आपन परम्परा बढ़ावइँ।”</verse>
				<verse number="8">मतलब इ नाहीं अहइ कि प्राकृतिक तउर पे सरीर स पैदा होइवाला बच्चा परमेस्सर क बंसज अहइ, बल्कि परमेस्सर क बचन स प्रेरित होइवाले ओनकर बंसज माना जात हीं।</verse>
				<verse number="9">बचन एह तरह कहा गवा रहा: “निस्चित समइ पे मइँ लउटब अउर सारा पुत्रवती होई।”</verse>
				<verse number="10">ऍतनइ नाहीं जब रिबका भी एक मनई, हमार पहिले क पिता इसहाक स गर्भवती भइ</verse>
				<verse number="11">त बेटवन क पैदा होइ स पहिले अउर ओकरे कछू भला बुरा करइ स पहिले कहा गवा रहा जेहसे परमेस्सर क उ प्रयोजन सिद्ध होइ जउन चुनाव स सिद्ध होइ। अउर जउन मनईक क करमन पे नाहीं टिका बल्कि उ परमेस्सर पे टिका बा जउन बोलावइवाला अहइ। रिबका स कहा गवा बा, “बड़का बेटवा छोटे बेटवा क सेवा करी।”</verse>
				<verse number="12"></verse>
				<verse number="13">पवित्तर सास्तर कहत ह, “मइँ याकूब क चुनउँ अउर एसाव क नकार दिहेउँ।”</verse>
				<verse number="14">तउ फिन हम का कही? का परमेस्सर अन्यायी बा?</verse>
				<verse number="15">निस्चय ही नाहीं। काहेकि परमेस्सर मूसा स कहे रहा, “मइँ जउन कउनो पे उ दया करइ क सोचब, दया देखाउब। अउ जउन कउनो पे उ अनुग्रह करइ चाहब, अनुग्रह करब।”</verse>
				<verse number="16">इही बरे न तउ कउनउ क इच्छा अउर प्रयास बल्कि दयालु परमेस्सर पे निर्भर करत ह।</verse>
				<verse number="17">काहेकि सास्तर मँ परमेस्सर तउ फिरौन स कहे रहा: “मइँ तोहका इही बरे खड़ा किहे रहेउँ कि मइँ आपन सक्ति तोहमाँ देखाइ सकी। अउर मोर नाउँ समूची धरती पे घोसित कीन्ह जाइ।”</verse>
				<verse number="18">तउ परमेस्सर जेहका चाहत ह दया करत ह अउ जेका चाहत ह कठोर बनाइ देत ह।</verse>
				<verse number="19">तउ फिन तू सायद मोसे कह्या, “अगर हमरे करमन क नियन्त्रण करइवाला परमेस्सर बा त फिन उ ओहमाँ हमार दोस काहे समझत ह?” आखिरकार ओकरी इच्छा क विरोध कउन कइ सकत ह?</verse>
				<verse number="20">अरे मनई तू कउन होत अहा जे परमेस्सर क उलटि के उत्तर देइ? का कउनउ रचना अपने रचइवालन स पूछ सकत ह कि “तू मोका अइसेन काहे बनाया?”</verse>
				<verse number="21">का कीहीउ कोहार क मिट्टी पे इ अधिकार नाहीं बा कि उ कीहीऊँ एक लँऊदा स एक भाँड़ बिसेस प्रयोजन बरे अउ दूसर हीन प्रयोजन बरे बनावइ?</verse>
				<verse number="22">परन्तु एहमाँ का बा अगर परमेस्सर त आपन किरोध देखॉवइ अउर आपन सक्ति जतावइ क बरे ओन्हन भाँडन क जउन किरोध क पात्र रहेन अउर जेकरे बिनास होइ क रहा, बड़ा धीरज क साथे सही,</verse>
				<verse number="23">उ ओनकइ सहेस ताकि उ भाँडन क लाभ बरे जउन दया क पात्र रहेन अउर जे उ आपन महिमा पावइ बरे बनाए रहा, ओह पे आपन महिमा परगट कइ सकइ।</verse>
				<verse number="24">मतलब हम जेका उ न केवल यहूदियन मँ स बोलाएस बल्कि गैर यहूदीयन मँ स भी</verse>
				<verse number="25">जइसेन कि होसे क किताबे मँ लिखा बा: “जउन लोग मोर लोग नाहीं रहे ओन्हे मइँ आपन कहबइ। अउर उ स्त्री जउन पिआरी नाहीं कही गइ मइँ ओका प्रिया कहबइ।”</verse>
				<verse number="26">अउर “इ उहइ घटी जउने स्थान पे ओनसे कहा गवा रहा, ‘तू पचे मोर परजा नाहीं अहा।’ उहइ उ जिन्दा परमेस्सर क सन्तान कहवइहीं।”</verse>
				<verse number="27">अउर यसायाह इस्राएल क बारे मँ पुकार क कहत ह। “यद्यपि इस्राएल क सन्तान समुद्र क बालू क कणन क समान असंख्या अहइँ तऊँ ओहमाँ स केवल थोड़ क ही बच पइहीं।</verse>
				<verse number="28">काहेकि पर्भू पृथ्वी पे आपन निआव क पूरी तरह स अउ जल्दी ही पूरा करी।”</verse>
				<verse number="29">अउ जइसेन कि यसायाह त भविस्सबाणी किहे रहा: “अगर सर्वसक्तिमान पर्भू हमरे बरे बंसज न छोड़तेन त हम सदोम जइसे अउर अमोरा जइसे ही होइ जाइत।”</verse>
				<verse number="30">त फिन हम का कही? हम इ नतीजा पे पहुँच अही कि गौर यहूदियन क लोग जउन धार्मिकता क खोज मँ नाहीं रहेन, उ धार्मिकता क पाइ गएन। उ पचे जउन बिसवास क कारण ही धार्मिक ठहरावा गएन।</verse>
				<verse number="31">परन्तु इस्राएल क लोग तउ जउन जइसेन व्यवस्था पे चलइ चाहत रहेन जउन ओनका धार्मिक ठहरावत ओकरे अनुसार नाहीं जी सकेन।</verse>
				<verse number="32">काहे नाहीं? काहेकि उ पचे एकर पालन बिसवास स नाहीं, बल्कि अपने करमन स धर्मी बना चाहत रहेन, उ सबइ ओह चट्टान पे ठोकर खाइ गएन, जउन ठोकर दियावत रही।</verse>
				<verse number="33">जइसेन कि पवित्तर सास्तर कहत ह: “देखा, मइँ सिय्योन मँ एक पत्थर रखत हउँ जउन ठोकर दियावत ह अउर एक चट्टान जउन पाप करावत ह। परन्तु उ जउन ओहमाँ बिसवास करत ह, ओका कभउँ निरास न होइ क होई।”</verse>
			</chapter>
			<chapter number="10">
				<verse number="1">भाइयो तथा बहिनियो, मोरे हीये क इच्छा बा अउर मइँ परमेस्सर स ओन्हन सबके बरे पराथना करत हउँ कि ओनकर उद्धार होइ जाइ।</verse>
				<verse number="2">काहेकि मइँ साच्छी देत हउँ कि ओहमाँ परमेस्सर क धुन बा। परन्तु उ ज्ञान पे नाहीं टिकी बा</verse>
				<verse number="3">काहेकि उ पचे उ धार्मिकता क नाहीं जानत रहेन जउन परमेस्सर स मिलत अहइ। अउर उ सबइ आपन निजी धार्मिकता क स्थापना क जतन करत रहेन। तउ उ परमेस्सर क धार्मिकता क नाहीं स्वीकारेन।</verse>
				<verse number="4">मसीह व्यवस्था क अन्त किहेस ताकि हर कउनो क जउन बिसवास करत ह, उ परमेस्सर बरे धार्मिक होइ जाइ।</verse>
				<verse number="5">धार्मिकता क बारे मँ जउन व्यवस्था स मिलत ह, मूसा लिखे बाटइ, “जउन व्यवस्था पे चली, उ ओनके कारण जिन्दा रही।”</verse>
				<verse number="6">परन्तु बिसवास स मिलइवाली धार्मिकता क बरे मँ पवित्तर सास्तर इ कहत ह, “तू अपने स इ न पूछा, ‘सरगे मँ ऊप्पर कउन जाई?’” (यानि “मसीह क नीचे धरती पे लियावइ।”)</verse>
				<verse number="7">“या, ‘नीचे अधोलोक मँ कउन जाई?’” (यानि “मसीह क मरा हुवन मँ स ऊपर लियावइ?”)</verse>
				<verse number="8">पवित्तर सास्तर इ कहत ह: “बचन तोहरे लगे बा, तोहरे ओठन पे बा अउर तोहरे मने मँ बा।” यानि बिसवास क वह बचन जेकर हम प्रचार करत अही,</verse>
				<verse number="9">कि अगर तू अपने मूँहे स घोसित करा, “ईसू मसीह पर्भू अहइ”, अउर तू अपने मने मँ इ बिसवास करा कि परमेस्सर तउ ओका मरा हुवन मँ स जिन्दा किहेस तउ तोहार उद्धार होइ जाई।</verse>
				<verse number="10">काहेकि अपने हृदय क बिसवास स मनई धार्मिक ठहरावा जात ह अउर अपने मुँहे स ओकरे बिसवास क स्वीकार करइ स ओकर उद्धार होत ह।</verse>
				<verse number="11">पवित्तर सास्तर कहत ह, “जउन केऊ ओहमाँ बिसवास रखत ह ओका निरास न होइ पड़ी।”</verse>
				<verse number="12">इ एह बरे बा कि यहूदी अउर गैर यहूदी मँ कउनउ भेद नाहीं कहेकि सब क पर्भू तउ एक्कइ अहइ। अउर ओकर दया ओन्हन सब क बरे, देत ह जउन ओकर नाउँ लेत हीं, अपरम्पार बा।</verse>
				<verse number="13">पवित्तर सास्तर कहत ह, “हर केऊ जउन पर्भू क नाउँ लेत हीं, उद्धार पइहीं।”</verse>
				<verse number="14">परन्तु उ सबइ जउन ओहमाँ बिसवास नाहीं करतेन, ओकर नाउँ कइसे पुकरिहीं? अउर उ पचे जउन ओकरे बारे मँ सुनेन नाहीं, ओहे मँ बिसवास कइसे कइ पइहीं? अउर फिन भला जब तलक केऊ ओनका उपदेस देइवाला न होइ, उ पचे कइसे सुन सकिहीं?</verse>
				<verse number="15">अउ उपदेसक तब तलक उपदेस कइसे दइ पइहीं? जब तलक ओनका भेजा न गवा होइ? जइसेन कि पवित्तर सास्तर मँ कहा बा, “सुसमाचार लियावइ वालन क चरण केतना सुन्दर बाटेन।”</verse>
				<verse number="16">परन्तु सब सुसमाचार क स्वीकार करेन नाहीं। यसायाह कहत ह, “पर्भू हमरे उपदेस क कउन स्वीकार किहेस?”</verse>
				<verse number="17">तउ सुसमाचार क सुनइ स बिसवास उपजत ह अउर सुसमाचार तब सुना जात ह जब केऊँ मसीह क बारे मँ उपदेस देत ह।</verse>
				<verse number="18">परन्तु मइँ कहत हउँ, “का उ पचे हमरे सुसमाचार क नाहीं सुनेन?” हाँ निस्चय ही। पवित्तर सास्तर कहत ह: “ओनकर स्वर समूचा धरती पे फइल गवा अउर ओनकर बचन जगत क एक छोर स दुसरे छोर तलक पहुँचेन।”</verse>
				<verse number="19">परन्तु मइँ पूछित हउँ कि, “का इस्राएली नाहीं समझत रहेन?” मूसा कहत ह: “पहिले मइँ तू लोगन क मन मँ अइसेन लोगन क द्वारा जउन सही मँ कउनउ जाति नाहीं अहइ, डाह पैदा करब। मइँ उ रास्ट्र, जो समझत नाहीं, तोहे किरोध दियाउब।”</verse>
				<verse number="20">फिन यसायाह साहस क साथ कहत ह: “मोका ओन्हन सब पाइ लिहेन जउन मोका नाहीं खोजत रहेन। मइँ ओनव्के बरे परगट होइ गएउँ। जउन मोर खोज खबर मँ नहीं रहेन।”</verse>
				<verse number="21">परन्तु परमेस्सर इस्राएलियन क बारे मँ कहत रहा, “मइँ सब दिना आज्ञा न मानइवालन अउर अपने बिरोधियन क आगे हाथ फइलाए रहेउँ।”</verse>
			</chapter>
			<chapter number="11">
				<verse number="1">तउ मइँ पूछित हउँ, “का परमेस्सर अपने ही लोगन क नकार नाहीं दिहेस?” निस्चय ही नाहीं। काहेकि मइँ भी एक इस्राएली हउँ, इब्राहीम क बंस स अउर बिन्यामीन क परिवार स हउँ।</verse>
				<verse number="2">परमेस्सर अपने लोगन क नाहीं नकारेस जेनका उ पहिलेन स ही चुने रहा। या अउर का तू नाहीं जानत अहा कि एलिय्याह क बारे मँ पवित्तर सास्तर का कहत ह। जब एलिय्याह परमेस्सर स इस्राएल क लोगन क विरोध मँ पराथना करत रहा,</verse>
				<verse number="3">“हे पर्भू, उ पचे नबियन क मार डाएन। तोहरे वेदियन क तोड़ी क गिराइ दिहेन। केवल एक नबी मइँ ही बचा हउँ अउर उ पचे मोका भी मारि डावइ क जतन करत अहइँ।”</verse>
				<verse number="4">परन्तु तब परमेस्सर ओन्हे कइसेन उत्तर दिहे रहा, “मइँ अपने बरे 7,000 लोग बचाइ रखे हउँ जउन लोग बाल क आगे माथा नाहीं टेकेन।”</verse>
				<verse number="5">तउन वइसेन ही आजु काल्हिउ कछू अइसेन लोग बचा बाटेन जउन ओनके अनुग्रह क कारण चुना भआ अहइँ।</verse>
				<verse number="6">अउर अगर इ परमेस्सर क अनुग्रह क परिणाम अहइ तउ लोग जउन करम करत हीं, इ ओन्हन करमन क परिणाम नाहीं बा। नाहीं तउ परमेस्सर क अनुग्रह, अनुग्रह ही नाहीं ठहरत।</verse>
				<verse number="7">तउ ऐहसे का इस्राएल क लोग जेका खोजत रहन, उ सबइ ओका नाहीं पाइ सकेन? परन्तु चुना हुवन क उ मिलि गवा। जब कि बाकी सब क जड़ बनाइ दीन्ह गवा।</verse>
				<verse number="8">पवित्तर सास्तरन कहत ह: “परमेस्सर तउ ओन्हे एक चेतन सून्य कइ दिहेस आतिमा प्रदान किहेस।” “अइसेन आँखी दिहेस जउन देखि नाहीं सकत रहिन अउ अइसेन कान दिहेस जउन सुन नाहीं सकत रहेन। अउर इहइ दसा ठीक आजु तलक बनी भई बा।”</verse>
				<verse number="9">दाऊद कहत ह: “अपनेन भोगन मँ फंसके उ बन्दी बन जाइँ ओनकर पतन होइ अउ ओनका दण्ड मिलइ।</verse>
				<verse number="10">ओनकर आँखी धुँधली होइ जाइँ ताकि उ पचे देख न सकइँ अउ तू ओनकर सब पीड़ाके तले, ओनकर करिहाउँ हमेसा-हमेसा निहुराए रखइ।”</verse>
				<verse number="11">तउ मइँ कहत हउँ का ओ पचे इही बरे ठोकर खाइके उ सब भहराइके नस्ट होइ जाइँ? निस्चय ही नाहीं। बल्कि ओनकर गलती करइ स गैर यहूदियन क छुटकारा मिला ताकि यहूदियन मँ स्पर्द्धा पैदा होइ।</verse>
				<verse number="12">इही तरह अगर ओनकर गलती करइ क मतलब समूचइ संसार क बड़ा लाभ अहइ अउ अगर ओनके भटकइ स गैर यहूदियन क लाभ अहइ तउ ओनकइ पूरी तरह स संपूर्ण होए स बहुत कछू होइ।</verse>
				<verse number="13">इ अब मइँ तोहसे कहत हउँ, जउन यहूदियन नाहीं होइँ काहेकि मइँ विसेस रूप स गैर यहूदियन क बरे प्रेरित हउँ, मइँ अपने काम क बरे पूरा प्रयत्नसील हउँ।</verse>
				<verse number="14">एह आसा स कि मइँ अपने लोगन मँ भी स्पर्द्धा जगाइ सकउँ अउ ओहमाँ स कछू क उद्धार करउँ।</verse>
				<verse number="15">काहेकि अगर परमेस्सर क द्वार ओनके नकार दिहे जाइ स जगत मँ परमेस्सर क साथे मेलमिलाप पैदा होत ह तउ फिन ओनकर अपनावा जाब का मरा हुवन मँ स जियावा जाब न होइ?</verse>
				<verse number="16">अगर हमरी भेंट का एक पहला हिस्सा पवित्तर बा तउ का उ समूचइ पवित्तर नाहीं बा? अगर पेड़ का जड़ पवित्तर बा तउ ओकर सबइ साखा भी पवित्तर बाटिन।</verse>
				<verse number="17">परन्तु अगर कछू साखा तोड़िके फेक दीन्ह गइन अउ तू जउन एक जंगली जैतून क टहनी अहा ओह पे पेबन्द चढ़ाइ दीन्ह जाइ अउ उ जैतून क अच्छा पेड़ का खुराक अउर आधार क हिस्सा बाँटइ लगइ। तू सबइ गैर यहूदियन जंगली साखा क तरह अहा अउर तू पचे पहिले पेड़ (यहूदी) क खुराक अउर जीवन बाँटत अहा।</verse>
				<verse number="18">तउ तोहे ओन्हन टहनियन क आगे, जउन तोड़ी क फेंक दीन्ह गइन, अभिमान न करइ चाही। अउर अगर तू अभिमान करत ह तउ इ याद रखा इ तू नाहीं अहा जे जड़न क पालत बा, बल्कि इ तउ उ जड़ ही अहइ जउन तोहे पालत बाटइ।</verse>
				<verse number="19">अब तू कहब्या, “हाँ परन्तु सबइ साखा एह बरे तोड़ी गई कि मोर पेबन्द चढ़इ।”</verse>
				<verse number="20">इ सत्य अहइ, उ सबइ अपने अबिसवास क कारण तोड़िके फेंक गइन परन्तु तु अपने बिसवास क बल पे आपन जगह टिका रह्या। इही बरे एकर गर्ब न करा बल्कि डेरात रहा।</verse>
				<verse number="21">अगर परमेस्सर प्राकृतिक डारन नाहीं रहइ दिहेस तउ उ तोहका भी न रहइ देइ।</verse>
				<verse number="22">इही बरे तू परमेस्सर क कोमलता क देखा, अउर ओकरे कठोरता प धियान द्या। इ कठोरता ओनके बरे बा जउन गिर गएन परन्तु ओकर करुणा तोहरे बरे बा अगर तू अपने पे ओकर अनुग्रह बना रहइ द्या। नाहीं तउ पेंड़े स तुहउँ काटिके फेंका जाब्या।</verse>
				<verse number="23">अउर अगर उ पचे अपने अबिसवास मँ नाहीं रहेन तउ ओनहूँ फिन पेड़ स जोड़ लीन्ह जाइ काहेकि परमेस्सर समर्थ अहइ कि ओनका फिन स जोड़ देइ।</verse>
				<verse number="24">जब तोहे प्राकृतिक रूप स जंगली जैतून क पेड़े स एक साखा क तरह कटके प्रकृति क विरुद्ध एक अच्छा जैतून क पेड़े स जोड़ दीन्ह गवा, तउ उ जउन ओह पेड़े क अपना डारिन बाटिन, अपनेन ही पेड़ मँ आसानी स, फिन स काहे नाहीं जोड़ दीन्ह जा इहीं।</verse>
				<verse number="25">भाइयो तथा बहिनियो, मइँ तोहे इ छुपा हुआ सत्य स अंजान नाही रखइ चाहित। कि तू अपने आप क बुद्धिमान समझइ लागा। कि इस्राएल क कछू लोग अइसेन ही कठोर बनाइ दीन्ह गवा बाटेन। अउर अइसेनइ ही कठोर बना रइहीं जब तलक कि काफी गैर यहूदी लोग परमेस्सर क परिवार क अंग नाहीं बन जातेन।</verse>
				<verse number="26">अउर एह तरह समूचा इस्राएल क उद्धार होइ जइसेन कि पवित्तर सास्तरन कहत ह: “उद्धारकर्ता सिय्योन स आइ। उ याकूब क परिवार स सबहिन बुराइयन क दूर करी।</verse>
				<verse number="27">मोर इ करार ओकरे साथे तब होइ जब मइँ ओनके पापन के हर लेब।”</verse>
				<verse number="28">जहाँ तलक सुसमाचार क सम्बन्ध बा, उ तोहरे हिते मँ परमेस्सर क सत्रु अहइँ। परन्तु जहाँ तलक परमेस्सर क जरिये ओनके चुना जाइ क सम्बन्ध अहइ, उ पचे ओनके पूर्वजन क दिए भए बचन क अनुसार परमेस्सर क पियारा अहइँ।</verse>
				<verse number="29">काहेकि परमेस्सर जेका बोलावत ह अउर जेका उ देत ह, ओकरे तरफ स अपन मन कभउँ नाहीं बदलत।</verse>
				<verse number="30">काहेकि जइसेन तू लोग पहिले कभउँ परमेस्सर क आज्ञा नाहीं मानत रह्या परन्तु अब तोहे ओकर अवज्ञा क कारण परमेस्सर क द्या मिली बा।</verse>
				<verse number="31">वइसेन ही अब उ पचे ओकर आज्ञा नाहीं मानतेन काहेकि परमेस्सर क द्या तोहे पे बा ताकि अब ओन्हे भी परमेस्सर क दया मिलइ।</verse>
				<verse number="32">काहेकि परमेस्सर सब जने के अवज्ञा क कारागार मँ इही बरे डारि रखे अहइ कि उ ओन सब पर दया देखॉय सकइ।</verse>
				<verse number="33">परमेस्सर क करुणा, बुद्धि अउर ज्ञान केतॅना अपरम्पार अहइ। ओकरे निआव केतॅना गहन बा, ओकर रस्ता केतना गूढ़ बा।</verse>
				<verse number="34">पवित्तर सास्तर कहत ह: “पर्भू क मने क कउन जानत ह? अउर ओका सलाह देइवाला कउन होइ सकत ह?”</verse>
				<verse number="35">“परमेस्सर क केऊ का दिहे अहइ कि उ कउनो क ओकरे बदले कछू देइ।”</verse>
				<verse number="36">काहेकि सब क रचनावाला उहइ बा। उही स सब स्थिर बाटेन अउर उ उही क बरे बा। ओकर हमेसा महिमा होइ। आमीन।</verse>
			</chapter>
			<chapter number="12">
				<verse number="1">इही बरे भाइयो तथा बहिनियो, परमेस्सर क दया क याद देवाइके मइँ तोहसे आग्रह करत हउँ कि अपने जीवन क एक ठु जिन्दा बलिदान क रूप मँ परमेस्सर को प्रसन्न करत भए अर्पित कइ दया। इ तोहार आत्मिक आराधना अहइ जेसे तू सबन क ओका चुकावइ क होइ।</verse>
				<verse number="2">अब अउर आगे इ दुनिया क रीति पे जिन चला बल्कि अपने मने क नवा कइ के अपने आप क बदल डावा ताकि तू सबन क पता चलि जाइ कि परमेस्सर तू पचन क बरे का चाहत ह। यानि जउन उत्तिम बा, जे ओका भावत ह अउर जउन सम्पूर्ण बा।</verse>
				<verse number="3">इही बरे ओकरे अनुग्रह क कारण जउन उपहार उ मोका दिहे अहइ, ओका धियान मँ रखत हुए मइँ तोहमें स हर एक स कहत हउँ, अपने क जइसेन यथा उचित समझा मतलब जेतना बिसवास उ तोहे दिहे अहइ, उही क अनुसार अपने को समझइ चाही।</verse>
				<verse number="4">काहेकि जइसेन हम पचन मँ स हर एक क सरीर मँ बहुत स अंग बाटेन। चाहे सब अंगन क काम एक जइसेन नाहीं बाटेन।</verse>
				<verse number="5">हम अनेक अही परन्तु मसीह मँ हम एक देहे क रूप मँ होइ जाइत ह। एह तरह हर एक अंग हर दुसरे अंग स जुड़ जात ह।</verse>
				<verse number="6">तउ फिन ओकरे अनुग्रह क अनुसार हमका ज्जउन अलग-अलग उपहार मिला बाटेन, हम ओनकर प्रयोग करी। अगर कउनो क भविस्सबाणी क छमता दीन्ह गइ तो ओहका इस्तेमाल कइ देइ, ओकरे बिसवास क आधार पर।</verse>
				<verse number="7">अगर कउनो क सेवा करइ क उपहार मिला बा तउ अपने आप क सेवा क बरे अर्पित करइ, अगर कउनो क उपदेस क उपहार मिला बा तउ ओका उपदेस क प्रचार मँ लगावइ चाही।</verse>
				<verse number="8">अगर केऊ सलाह देइ क अहइ तउ ओका सलाह देइ चाही। अगर कउनो क दान देइ क उपहार मिला बा तउ ओका मुक्त भाउ स दान देइ चाही। अगर कउनो क अगुआई करइ क उपहार मिलत ह तउ लोगन क साथ अगुआई करइ। जेका दया देखावइ क मिली बा, उ खुसी स दया करइ।</verse>
				<verse number="9">तोहार पिरेम सच्चा होइ। बदि स घिना करा। नेकी स जुड़ा।</verse>
				<verse number="10">भाइचारे क साथ एक दूसरे क बरे समर्पित रहा। आपस मँ एक दुसरे क आदर क साथे अपने स जियादा महत्व द्या।</verse>
				<verse number="11">उत्साही बना, आलसी नाहीं, आतिमा क तेज स चमका। पर्भू क सेवा करा।</verse>
				<verse number="12">अपने आसा मँ खुस रहा। विपत्ति मँ धीरज धरा। निरन्तर पराथना करत रहा।</verse>
				<verse number="13">परमेस्सर क जनन क जरूरतन मँ हाथ बटावा। अतिथि सत्कार क अउसर ढूँढ़त रहा।</verse>
				<verse number="14">जउन तू सबन क सतावत होइँ ओन्हे आसीर्बाद द्या, ओन्हे साप न द्या, आसीर्बाद द्या।</verse>
				<verse number="15">जउन खुस अहइँ ओनके साथे खुस रहा। जउन दुखी अहइँ, ओनके दुखे मँ दुखी ह्वा।</verse>
				<verse number="16">मेल मिलाप स रहा। अभिमान न करा बल्कि दीनन क संगत करा। अपने क बुद्धिमान न समझा।</verse>
				<verse number="17">बुराइ क बदला बुराइ स कउनो क न द्या। सभन लोगन क आँखी मँ जउन अच्छा होइ उही क करइके सोचा।</verse>
				<verse number="18">जहाँ तक तोहसे बन पड़इ सब मनइयन क साथे सान्ति स रहा।</verse>
				<verse number="19">कउनो स अपने आप बदला न ल्या। पियारे बन्धुओ, बल्कि एका परमेस्सर क किरोध पे छोड़ द्या काहेकि सास्तर मँ लिखा बा: “पर्भू कहेस ह बदला लेब मोर काम बा। प्रतिदान मइँ देबइ।”</verse>
				<verse number="20">बल्कि तू अगर, “तोहर दुस्मन भूखा बा तउ ओका भोजन करावा, अगर उ पियासा अहइ तउ ओका पीअइके द्या। काहेकि अगर तू अइसेन करत ह तउ उ तोहसे सर्मिन्दा होई।”</verse>
				<verse number="21">बदी स न हारा बल्कि अपने नेकी स बदी क हराइ द्या।</verse>
			</chapter>
			<chapter number="13">
				<verse number="1">हर मनई क प्रधान सत्ता क अधीनता अंगीकार करइ चाही। काहेकि सासन क अधिकार परमेस्सर कइँती स बा। अउर जउन अधिकार मौजूद बा ओन्हे परमेस्सर नियत किहे बा।</verse>
				<verse number="2">इही बरे जउन सत्ता क विरोध करत हीं, उ परमेस्सर क आज्ञा क विरोध करत ह अउर जउन परमेस्सर क आज्ञा क विरोध करत हीं, उ दण्ड पइहीं।</verse>
				<verse number="3">अब देखा कउनउ सासक, उ मनई क, जउन नेकी करत हीं, नाहीं डेरातेन बल्कि उही क डेरावत हीं, जउन खराब काम करत हीं। अगर तू सासन स नाहीं डेराइ चाहत ह, तउ भला काम करत रहा। तोहे सत्ता क प्रसंसा मिली।</verse>
				<verse number="4">जउन सासन मँ अहइँ उ परमेस्सर क सेवक अहइँ उ तोहर भला करइ बरे बा। परन्तु अगर तू खराब करत ह तउ ओहसे डेरा काहे? काहेकि ओकर तलवार बेकार नाहीं बाटइ। उ परमेस्सर का सेवक अहइ अउर जो गलत करत ह, वह परमेस्सर क क्रोध लिआवत ह।</verse>
				<verse number="5">इही बरे समर्पण जरुरी बा। न केवल डर क कारण बल्कि तोहरे अपने चेतना क कारण</verse>
				<verse number="6">इही बरे त तू पचे चुंगी (टिॅक्स) चुकावत ह काहेकि अधिकारी परमेस्सर क सेवक बाटेन जउन अपने कत्तर्व्यन क ही पूरा करइ मँ लागा रहत हीं।</verse>
				<verse number="7">जेह कउनो क तोहका देइ क बा, ओका चुकाइ द्या। जउन कर तोहका देइ क बा। ओका द्या जेकर चुंगी (टिॅक्स) तोहपे निकरत ह, ओका चुँगी द्या। जेहसे तोहे डेराइ चाही, तू ओसे डेरा। जेकर आदर करइ चाही ओकर आदर करा।</verse>
				<verse number="8">आपसी पिरेम क अलावा कउनो क ऋण अपने उप्पर न रखा काहेकि जउन अपने साथियन स पिरेम करत ह, उ एह तरह व्यवस्था क पूरी आज्ञा क मानत ह।</verse>
				<verse number="9">मइँ इ एह बरे कहत हउँ काहेकि, “व्यभिचार न करा, हतिया न करा, चोरी न करा, लालच न रखा” अउ जउनउ दूसरी व्यवस्था होइ सकत ह, इ बचन मँ समाइ जात ह कि, “तोहे अपने साथी क अइसेन ही पियार करइ चाही, जइसेन तू अपने आप क करत ह।”</verse>
				<verse number="10">पिरेम अपने साथी क बुरा कभउँ नाहीं करत। इही बरे पिरेम करब व्यवस्था क पूरा करब बा।</verse>
				<verse number="11">इ सब कछू त एह बरे करा कि जइसेन समइ मँ तू रहत ह, ओका जानत अहा। तू जानत अहा कि तोहरे बरे संकट का समइ अहइ अपने नींद स जगावइ क समइ आइ पहुँचा बा, उ समय क तुलना मँ जब हम पहले बिसवास धारण किहे रहेन तउ हमार उद्धार अब ओसे जियादा लगे बा।</verse>
				<verse number="12">“रात” लगभग पूरी होइ चुकी बा, “दिन” लगे ही बा, इही बरे आवा हम ओन्हन करमन स छुटकारा पाइ लेइ जउन अन्धकार क अहइँ। आवा हम प्रकास क अस्त्रन क धारण करी।</verse>
				<verse number="13">आवा हम वइसेन ही अच्छे रीति स रही जइसेन दिन क समइ दिन रहत ह। बहुत जियादा बेमार क दावत मँ न जात भए खाइ पीइके बुत्त न होइ जा। लुच्चापना दुराचार व्यभिचार मँ न पड़ा। न झगड़ा अउर न ही डाह रखा।</verse>
				<verse number="14">बल्कि पर्भू ईसू मसीह क धारण करा। अउर आपन भौतिक मनई सुभाउ क सबइ इच्छा क पूरा करइ मँ ही न लगा रहा।</verse>
			</chapter>
			<chapter number="14">
				<verse number="1">जेकर बिसवास कमजोर बा, ओकर भी स्वागत करा परन्तु वाद विवाद करइके बरे नाहीं।</verse>
				<verse number="2">केउ मानत ह कि उ सब कछू खाइ सकत ह, परन्तु कउनउ कमजोर मनई बस साग-पात इ खात ह।</verse>
				<verse number="3">जउन हर तरह का खाना खात ह, ओका उ मनइयन क हीन न समझइ चाही जउन कछू चीज नाहीं खातेन अइसेन ही वह जो कछू वस्तुअन नाहीं खात ह, ओका सब कछू खाइवाले क बुरा नाहीं कहइ चाही। काहेकि परमेस्सर उस मनई को स्वीकार कइ लिहे बा।</verse>
				<verse number="4">तू कउनो दूसर घरे क दास प दोस लगावइ वाला कउन होत ह्या? ओकर अनुमोदन या ओका अनुचित ठहरावइ स्वामी पे उ निर्भर करत ह। उ अवलम्बित रही। काहेकि ओका पर्भू तउ अवलम्बित होइके टिका रहइ क सक्ति दिहेस।</verse>
				<verse number="5">अउर फिन कउनउ कीहीउ एक दिन क सब दिना स अच्छा मानत हीं अउर दुसर ओका सब दिनन क बराबर मानत हीं तउ हर कउनो क पूरी तरह अपनी दृढ़ धारणा पर निस्चित रहइ चाही।</verse>
				<verse number="6">जउन कउनो उ विसेख दिन क मानत हीं उ ओका पर्भू क आदर देइ क बरे ही मानत ह। अउर जे सब कछू खात ह उहइ पर्भू क आदर देइ क बरे ही खात ह। काहेकि परमेस्सर क धन्यबाद करत ह। अउर जे कीहीउ चीजन क नाहीं खात, उहउ अइसेन इही बरे नाहीं करत ह काहेकि उहउ पर्भू क ही आदर देइ चाहत ह। उ भी परमेस्सर क ही धन्यवाद देत ह।</verse>
				<verse number="7">हम पचन मँ स कउनउ भी न तउ अपने बरे जिअत ह, अउर न अपने बरे मरत ह।</verse>
				<verse number="8">हम जिअत ह तउ पर्भू क बरे अउर अगर मरित ह तउ पर्भू क बरे। तउन चाहे हम जिई चाहे मरी, हम हई तउ पर्भू क ही।</verse>
				<verse number="9">इही बरे मसीह मरा, अउर इही बरे जी उठा ताकि उ, उ जउन अब मरि चुका अहइ, अउर जउन जीवित अहइ दुइनउँ क पर्भू होइ सकइ।</verse>
				<verse number="10">तउन तू अपने बिसवास मँ टिका भवा अपने भाइ पे दोस काहे लगावत ह? या तू अपने बिसवास मँ कमजोर भाई क हीन काहे मानत ह? हम सभन क परमेस्सर क नियाउ क सिंहासन क आगे होइ क बा।</verse>
				<verse number="11">पवित्तर सास्तरन मँ लिखा बा: “पर्भू कहे बा, ‘मोरे जीवन क कसम’ हर कीहीउ क ‘मोरे सामने घुटना टेइक होई। अउर हर जुबान परमेस्सर क पहिचानी।’”</verse>
				<verse number="12">तउन हममे स हर एक क परमेस्सर क आगे आपन लेखा-जोखा देइ क होई।</verse>
				<verse number="13">तउन हम आपस मँ दोख लगाउब बन्द करी अउर इ निस्चय करी कि अपने भाई क रस्ता मँ हम कउनउ अड़चन खड़ी न करबइ अउर न ही ओका पाप क बरे उकसउबइ।</verse>
				<verse number="14">पर्भू ईसू मँ आस्थावान होइके कारण मइँ मानत हउँ कि अपने आप मँ कउनउ खाना अपवित्तर नाहीं बा। उ केवल ऊही क बरे अपवित्तर बा, जे ओका अपवित्तर मानत ह। ओकरे बरे ओकर खाब अनुचित बा।</verse>
				<verse number="15">अगर तोहर भाई क तोहरे खाना स ठेस पहुँचत ह तउ तू सहीयउ मँ पियार क व्यउहार नाहीं करत अहा। तउ तू अपने खाना स ओका ठेस न पहुँचावा काहेकि मसीह उ तलक क बरे उ आपन प्रान तजेस।</verse>
				<verse number="16">तउन जउन तोहरे बरे अच्छा बा ओका दूसरे लोगन द्वारा निन्दनीय ना बनइ द्या।</verse>
				<verse number="17">काहेकि परमेस्सर क राज्य बस खाब-पीयब नाहीं बा, पर धार्मिकता, सान्ति अउर पवित्तर आतिमा स मिला आनन्द मँ बा।</verse>
				<verse number="18">जउन मसीह क एह तरह सेवा करत ह, ओसे परमेस्सर खुस रहत हीं अउर लोग ओका स्वीकार कहिरीं।</verse>
				<verse number="19">एह बरे हम पचे ओन्हन बातन मँ लगा रही जउन सान्ति क बढ़ावत ह अउर जेहसे एक दूसरे क आत्मिक बढ़ोत्तरी मँ सहायता मिलत ह।</verse>
				<verse number="20">खाना बरे परमेस्सर क काम क न बिगाड़ा। हर तरह क भोजन पवित्तर अहइ किन्तु कउनो भी व्यक्ति क बरे कछू भी खाना ठीक नाहीं अहइ जउन कउनो अउर भाई क पाप क रास्ते पर लइ जाइ।</verse>
				<verse number="21">मांस नाहीं खाब अच्छा बा, दाखरस नाहीं पिअब अच्छा बा अउर कछू अइसेन नाहीं करब अच्छा बा जउन तोहरे भाई को पाप मँ ढकेरत ह।</verse>
				<verse number="22">अपने बिसवास क परमेस्सर अउर अपने बीच मँ ही रखा। उ धन्य अहइ जे जउन उही करत ह, जेका उ उचित समझत ह बिना अपने का दोसी समझत भए।</verse>
				<verse number="23">परन्तु अगर केउ अइसेन चीजी क खात ह, जेकरे खाइ क बरे उ आस्वस्त नाहीं अहइ तउ उ दोसी ठहरत ह। काहेकि ओकर खाब ओनके बिसवास क अनुसार नाहीं बा अउर उ सब कछू जउन बिसवास पे नाहीं टिका बा, पाप अहइ।</verse>
			</chapter>
			<chapter number="15">
				<verse number="1">हम जउन आत्मिक रूप स सक्तिसाली अही, ओन्हे ओनकर कमजोरी सहइ चाही जउन सक्तिसाली नाहीं अहइँ। हम बस अपने आपके उ खुस ना करी।</verse>
				<verse number="2">हम पचन मँ स हर एक, दूसरे क अच्छाइयन बरे इ भावना क साथे कि ओनके समुदाय क आत्मिक बढ़ोत्तरी होइ, ओन्हे खुस करी।</verse>
				<verse number="3">इहाँ तक कि मसीह तउ खुद क खुस नाहीं किहे रहा। बल्कि जइसेन कि मसीह क बारे मँ पवित्तर सास्तरन कहत ह, “ओनकर अपमान जे तोहर अपमान किहे अहइँ, मोह पइ आइ पड़ा बा।”</verse>
				<verse number="4">सब उ बात जउन पवित्तर सास्तरन मँ पहिले लिखी गइ रहिन, हमका उपदेस देइ क बरे रहिन ताकि जउन धीरज अउ बढ़ावा सास्तरन स मिलत ह, हम ओसे आसा पाइ सकी।</verse>
				<verse number="5">अउर समूचा धीरज अउर बढ़ावा क स्रोत परमेस्सर तोहे बरदान देइ कि तू पचे एक दूसरे क साथे ईसू मसीह क इच्छा पे चलत-चलत आपस मँ मिलि-जुलिके क रहा।</verse>
				<verse number="6">ताकि तू सब एक साथे मँ एक सुर स हमरे पर्भू ईसू मसीह क परमपिता, परमेस्सर क महिमा प्रदान करा।</verse>
				<verse number="7">इही बरे एक दूसरे क अपनावा जइसे तोहे मसीह अपनाएस। इ परमेस्सर क महिमा क बरे करा।</verse>
				<verse number="8">मइँ तोहे लोगन क बतावत अही कि इ परगट करइ कि परमेस्सर बिसवासनीय बा ओकरे पूर्वजन क दीन्ह गवा परमेस्सर क बचन क मजबूत करइ क मसीह यहूदियन क सेवक बना।</verse>
				<verse number="9">ताकि गैर यहूदियन उ परमेस्सर क ओकरी दया बरे महिमा प्रदान करइँ। पवित्तर सास्तरन कहत ह: “इही बरे मइँ गैर यहूदियन क बीच तोहे पहिचनबइ अउर तोहरे नाउँ क स्तुति गाउबइ।”</verse>
				<verse number="10">अउर फिन पवित्तर सास्तर इहउ कहत ह, “गैर यहूदियन परमेस्सर क लोगन क साथे खुस रहा।”</verse>
				<verse number="11">अउर फिन पवित्तर सास्तर इहउ कहत ह, “गैर यहूदियन, तू पर्भू क स्तुति करा। अउर सभन लोगन परमेस्सर क स्तुति करा।”</verse>
				<verse number="12">अउर फिन यसायाह भी कहत ह, “यिसै क एक बंजस परगट होई जउन गैर यहूदियन क सासक क रूप मँ उभरी! गैर यहूदी ओहपे आपन आसा लगइहीं।”</verse>
				<verse number="13">सभन आसा का दाता परमेस्सर, तोहे पूरा आनन्द अउर सान्ति स भरि देइ। जइसेन कि ओहमे तोहार बिसवास बा। ताकि पवित्तर आतिमा क सक्ति स तू आसा स भरपूर होइ जा।</verse>
				<verse number="14">मोरे भाइयो तथा बहिनियो, मोका खुदइ तोह पे भरोसा बा कि तू नेकी स भरा अहा अउर ज्ञान स परिपूर्ण अहा। तू एक दूसरे क उपदेस दइ सकत ह।</verse>
				<verse number="15">परन्तु तोहे फिन स याद देवावइ क बरे मइँ कछू विषय क बारे मँ साफ साफ लिखे हउँ। मइँ परमेस्सर क जउन अनुग्रह पाएउँ ह, ओकरे कारण इ किहेउँ ह।</verse>
				<verse number="16">काहेकि मइँ गैर यहूदियन क बरे मसीह ईसू क सेवक बनिके परमेस्सर क सुसमाचार क उपदेस क याजक क रूप मँ काम करउँ ताकि गैर यहूदियन परमेस्सर क आगे स्वीकार करइ योग्य भेंट बन सकइँ अउर पवित्तर आतिमा क द्वारा परमेस्सर क बरे पूरी तरह पवित्तर बनइँ।</verse>
				<verse number="17">तउन मसीह ईसू मँ एक मनई क रूप मँ परमेस्सर क बरे आपन सेवा क मोका गर्व बा।</verse>
				<verse number="18">काहेकि मइँ बस ओन्हीन बातन क कहइ क साहस रखित ह जेका मसीह तउ गैर यहूदियन क परमेस्सर क आज्ञा मानइ क रस्ता देखावइ क काम मोर बचनन, मोर कामन,</verse>
				<verse number="19">अचरज अउ अद्भुत कारजन क सक्ति अउर परमेस्सर क आतिमा क सामर्थ स, मोरे जरिये पूरा कीन्ह गवा। तउन यरुसलेम स लइके इल्लुरिकुम क चारउ ओर मसीह क सुसमाचार क उपदेस क काम मइँ पूरा किहेउँ।</verse>
				<verse number="20">मोरे मने मँ हमेसा इ अभिलासा रही बा कि मइँ सुसमाचार क उपदेस उहाँ देउँ जहाँ क लोग मसीह क नाम नाहीं जानतेन, ताकि मइँ कउनो दूसरे मनइ क नींव पे निर्माण न करउँ।</verse>
				<verse number="21">परन्तु पवित्तर सास्तरन कहत ह: “जेनका ओनके बारे मँ नाहीं बतावा गवा बा, उ पचे देखिहीं। अउर जे सुने तलक नाहीं बा, उ पचे समझिहीं।”</verse>
				<verse number="22">मोर इ सबइ कर्त्तव्य मोका तोहरे पास आबइ स बार बार रोकत रहेन।</verse>
				<verse number="23">परन्तु काहेकि अब इस प्रदेसन मँ कउनउ स्थान नाहीं बचा बा अउ बहुत बरसन स मइँ तोहसे मिलइ का उत्कंठित हउँ।</verse>
				<verse number="24">तउन मइँ जब स्पेन जाब तउ आसा करत हउँ तोहसे मिलबइ। मोका उम्मीद बा कि स्पेन जात तोहसे भेंट होई। तोहरे साथे कछू दिन ठहरइ क आनन्द लेइ क बाद मोका आसा बा कि उहाँ क जात्रा क बरे मोका तोहार मदद मिली।</verse>
				<verse number="25">परन्तु अब मइँ परमेस्सर क पवित्तर लोगन क सेवा मँ यरुसलेम जात हउँ।</verse>
				<verse number="26">काहेकि मैसीडोनिया अउ अखया क कलीसिया क लोगन यरुसलेम मँ परमेस्सर क पवित्तर लोगन मँ स जउन दरिद्र अहइँ, ओनके बरे कछू देइ क निस्चय किहे अहइ।</verse>
				<verse number="27">हाँ, ओनके बरे ओनकइ कर्तव्य इ बनत ह काहेकि अगर गैर यहूदियन यरुसलेम क यहूदियन क आत्मिक कामन मँ हिस्सा बाँटत हीं तउ गैर यहूदियन क भी ओनके बरे भौतिक सुख जुटावइ चाही।</verse>
				<verse number="28">तउन आपन इ काम पूरा कइके अउर इकट्ठा कीन्ह गवा इ धने क सुरच्छा क साथे ओनके हाथे सौंपी क मइँ स्पेन जाब, अउर रस्ते मँ तोहसे मिलब।</verse>
				<verse number="29">अउर मइँ जानित ह कि जब मइँ तोहरे लगे अउबइ तउ तोहरे बरे मसीह क पूरा आसीर्वादन समेत अउबइ।</verse>
				<verse number="30">भाइयो तथा बहिनियो, तोहमाँ स मइँ पर्भू ईसू मसीह कइँती स आतिमा स जउन पिरेम हम पाइत ह, ओकर साच्छी दइ क पराथना करित ह कि तू मोरे कइँती स परमेस्सर क बरे सच्ची पराथना मँ मोर साथे रहब्या।</verse>
				<verse number="31">कि मइँ यहूदिया मँ अबिसबासियन स बचा रहउँ। अउ यरुसलेम क बरे मोरी सेवा क परमेस्सर क पवित्तर लोग स्वीकार करइँ।</verse>
				<verse number="32">ताकि परमेस्सर क इच्छा क अनुसार मइँ खुसी क साथ तोहरे लगे आइके तोहरे साथे आराम करउँ।</verse>
				<verse number="33">पूरी सान्ति क धाम परमेस्सर तोहरे साथे रहइ। आमीन।</verse>
			</chapter>
			<chapter number="16">
				<verse number="1">मइँ किंख्रिया क कलीसिया क बिसेख सेविका हमार बहिन फीबे क तोहसे सिफारिस करत हउँ</verse>
				<verse number="2">कि तू ओका पर्भू मँ अइसेन रीतो स ग्रहण करा जइसेन रीति परमेस्सर क लोगन क बरे उचित बा। ओसे तोहसे जउन कछू अपेच्छित होइ सब कछू स तू ओकर मदद करा काहेकि उ मोरे समेत बहुतन क सहायक रही अहइ।</verse>
				<verse number="3">प्रिस्का अउर अक्विल्ला क मोर नमस्कार। उ मसीह ईसू मँ मोर सहकर्मी अहइ।</verse>
				<verse number="4">उ पचे मोर प्रान बचावइ बरे अपने जीवन क भी दाँव पे लगाइ दिहे रहेन। न केवल मइँ ओनकर धन्यबाद करत हउँ बल्कि गैर यहूदियन क सभन कलीसिया भी ओनकर धन्यबादी अहइँ।</verse>
				<verse number="5">उ कलीसिया क भी मोर नमस्कार जउन ओनके घरे मँ इकठठ् होत ह। मोर पिआरा दोस्त इपैनितुस क मोर नमस्कार जउन एसिया मँ मसीह क अपनावइ वालन मँ पहिला बा।</verse>
				<verse number="6">मरियम क, जे तोहार बहुत महत्वपूर्ण कार्यका अहइ, नमस्कार।</verse>
				<verse number="7">मोर कुटुम्बी अन्द्रनीकुस अउर यूनियास क, जउन मोरे साथे कारागार मँ रहेन, अउर जउन प्रमुख धर्मप्रचारकन अउर जउन मोसे भी पहले मसीह मँ रहेन मोर नमस्कार।</verse>
				<verse number="8">पर्भू मँ मोरे पिआरा दोस्त अम्पलियातुस क नमस्कार।</verse>
				<verse number="9">मसीह मँ मोरे कार्यकर्ता उरबानुस अउर मोरे पिआरा दोस्त इस्तखुस क नमस्कार।</verse>
				<verse number="10">मसीह मँ खरे अउ सच्चा अपिल्लेस क नमस्कार। अरिस्तुबुलुस क परिवार क नमस्कार।</verse>
				<verse number="11">यहूदी साथी हेरोदियोन क नमस्कार। नरकिस्सुस क परिवार क लोगन क नमस्कार जउन पर्भू मँ अहइँ।</verse>
				<verse number="12">त्रुफेना अउर त्रुफोसा क जउन पर्भू मँ मेहनती कार्यकर्ता अहइँ, नमस्कार। मोर पियार परसिस क, जे पर्भू मँ कठिन मेहनत किहे अहइ, मोर नमस्कार।</verse>
				<verse number="13">पर्भू क असाधारण सेवक रूफुस क अउ ओनकी महतारी क, जउन मोर भी महतारी रही अहइ, नमस्कार।</verse>
				<verse number="14">असुंक्रितुस, फिलगोन।, हिर्मेस, पत्रुबास, हिर्मोस अउर ओनके साथी बन्धुवन जउन ओनके साथ अहइँ क नमस्कार।</verse>
				<verse number="15">फिलुलुगुस, यूलिया नेर्युस अउर ओकर बहिन उलुम्पास अउर ओनके सभन साथी सन्तन क नमस्कार।</verse>
				<verse number="16">तू लोग पवित्तर चुंबन द्वारा एक दूसरे क स्वागत करा। तोहे सभन मसीही कलीसियन कइँती स नमस्कार।</verse>
				<verse number="17">भाइयो तथा बहिनियो! मइँ तू पचन स पराथना करत हउँ कि तू पचे जउन सिच्छा पाया ह, ओकरे विपरीत तू सबन मँ जउन फूट डारत हीं अउर दूसर क बिसवास क बिगाड़त हीं। ओनसे होसियार रहा, अउर ओनसे दूर रहा।</verse>
				<verse number="18">काहे कि इ लोग हमरे पर्भू ईसू मसीह क नाहीं बल्कि अपने पेट क सेवा करत हीं। अउ आपन खुसामद भरी चिकनी चुपड़ी बातन स भोला-भाले लोगन क मन को छलत हीं।</verse>
				<verse number="19">तोहार आज्ञाकरितइ क चर्चा बाहर हर कीहीऊ तलक पहुँच चुकी बा। इही बरे तोहसे मइँ बहुत खुस हउँ। परन्तु मइँ चाहित हउँ कि तू नेकी के बरे बुद्धिमान बना रहा अउर बदी क बरे अबोध रहा।</verse>
				<verse number="20">सान्ति क स्रोत परमेस्सर जल्दी ही सइतान क तोहरे गोड़न तले कुचर देइ। हमार पर्भू ईसू मसीह क तोह पे अनुग्रह होइ।</verse>
				<verse number="21">हमार साथी कार्यकर्ता तीमुथियुस अउ मोर यहूदी साथी लूकियुस, यासोन अउर सोसिपत्रुस कइँती स तू सबन क नमस्कार।</verse>
				<verse number="22">इ पत्र क लेखक मोका तिरतियुस क पर्भू मँ तू सबन क नमस्कार।</verse>
				<verse number="23">मोर अउ समूची कलीसिया क आतिथ्य कर्ता गयुस क तू पचन क नमस्कार। इरास्तुस जउन नगर क खजांची अहइ अउ हमार बन्धु कबारतुस क तोहका नमस्कार।</verse>
				<verse number="24"></verse>
				<verse number="25">ओकर महिमा होइ जउन तोहरे बिसवास क अनुसार यानि ईसू मसीह क सुसमाचार क जउन सुसमाचार क मइँ घोषित उपदेस देइत ह ओकरे अनुसार-तोहे सुद्दढ़ बनावइ मँ समरथ अहइ। इ सुसमाचार उ गुप्त सत्य को अभिव्यक्त करत ह जेहका परमेस्सर युगन स छिपाय रखे रहा।</verse>
				<verse number="26">परन्तु जेका अनन्त परमेस्सर क आदेस स नबियन क लेखन द्वारा अब हमका अउ गैर यहूदियन क परगट कइके बताइ दीन्ह गवा बा जेसे बिसवास स पैदा होइवाली आज्ञाकारिता पैदा होइ।</verse>
				<verse number="27">ईसू मसीह क जरिये उ एक मात्र ज्ञानमय परमेस्सर क अनन्त काल तलक महिमा होइ। आमीन!</verse>
			</chapter>
		</book>
		<book number="46">
			<chapter number="1">
				<verse number="1">हमार भाई सोस्थिनेस क साथे पौलुस क अउर जेका परमेस्सर आपन इच्छानुसार मसीह ईसू प्रेरित बनावइ बरे चुनेस।</verse>
				<verse number="2">कुरिन्थुस मँ रही परमेस्सर क ओन्ह कलीसिया क नाउँ अहइ यानि ओन सबन का नाउँ, जउन मसीह ईसू मँ रही परमेस्सर क सेवा करइ बरे नेउछावर रहइ, जेका परमेस्सर पवित्तर मनइयन बनवइ बरे ओकरे साथेन चुनेस। जउन सब जगह पर्भू ईसू मसीह क नाउँ लेत रहत हीं।</verse>
				<verse number="3">हमरे परमपिता कइँती स अउर हमरे पर्भू ईसू मसीह कइँती स तोहे सबन क अनुग्रह अउर सान्ति मिलइ।</verse>
				<verse number="4">तोहे मसीह ईसू मँ जउन अनुग्रह कींहीं गइ बा, ओकरे बरे मइँ तोहरे कइँती स परमेस्सर क हमेसा धन्यबाद करत अहउँ।</verse>
				<verse number="5">तोहरे पचन क ईसू मसीह मँ रहइ क कारण हर तरफ स अउर सब बानी अउर सब गियान स परिपूर्ण किहा गवा बा।</verse>
				<verse number="6">मसीह क बारे मँ हम जउन साच्छी दिहे अही उ तोहरे बीच मँ प्रमाणित भई बा।</verse>
				<verse number="7">अउर एनही क कारण तोहरे लगे ओनके कउनउ इनाम क कमी नाहीं बा। तू हमरे पर्भू ईसू मसीह क परगट होइ बरे इन्तजार करत रहा।</verse>
				<verse number="8">उ तोहे अन्त तक हमेसा मजबूत बनाए रही जेहसे जब ओहि दिन तोहमाँ कोई गलती न होइ, जब ईसू फिनि स आवइ। हमार पर्भू ईसू मसीह क दिनवा एकदम निहकलंक, खरा बनाए रखीन।</verse>
				<verse number="9">परमेस्सर एकदम बिसवासी अहइ। ओनही क कारण तोहे हमरे पर्भू अउर ओकरे बेटवा ईसू मसीह क सत संगति बरे बुलावा गवा बा।</verse>
				<verse number="10">भाइयो तथा बहिनियो, हमरे पर्भू ईसू मसीह क नाउँ मँ मोर तोह सबनस बिनती बा कि तू सभन मँ कउनउ मतभेद न होइ? तू सभे एक साथेन जुटा रहा, अउर तोहार चिन्तन अउर लच्छ एक्कई होइ।</verse>
				<verse number="11">भाइयन तथा बहिनियन, मोका खलोए क घराने क लोगन स पता चला ह कि तोहरे पचन क बीच आपस क झगड़ा बा।</verse>
				<verse number="12">मइँ इ कहत हउँ कि तोहमें स केऊ कहत ह, “मइँ पौलुस क हउँ” तउ केउ कहत ह, “मइँ अपुल्लोस क हउँ।” कीहीउ क मत अहइ, “उ पतरस क अहइ।” त केउ कहत ह, “उ मसीह क अहइ।”</verse>
				<verse number="13">का मसीह बँटि गवा बाटेन? पौलुस तउ तोहरे बरे क्रूस पर नाहीं चढ़ा रह। का वो चढ़ा रहेन? तोहे पौलुस क नाउँ क बपतिस्मा तउ नाहीं दिहा गवा। बतावा का दीहा गवा?</verse>
				<verse number="14">परमेस्सर क धन्यबाद बा कि मइँ तोहमा स क्रिसिपुस अउर गयुस क छोड़िके कउनो अउर क बपतिस्मा नाहीं दिहा।</verse>
				<verse number="15">ताकि कउनउ इ न कहि सकइ कि तू लोगन क हमरे नाउँ क बपतिस्मा दिहा गवा बा।</verse>
				<verse number="16">(मइँ स्तिफनुस क परिवार कभी बपतिस्मा दिहे रउँ मुला जहाँ तलक बाकी क लोगन क बात बा, तउ मोका याद नाहीं कि मइँ कउनो ही अउर क कभउँ बपतिस्मा दिहे होउँ।)</verse>
				<verse number="17">काहेकि मसीह हमका बपतिस्मा देइ क बरे नाहीं, बल्कि बानी क कउनउ तर्क-वितर्क तथा अलंकार क बिना सुसमाचार क प्रचार करइ क बरे पठए रहा ताकि मसीह क क्रूस अइसेन ही व्यर्थ न चला जाइ।</verse>
				<verse number="18">उ जउन भटकत हयेन, ओनके बरे क्रूस क संदेस एक निरी मूरखतइ अहइ। मुला जउन उद्धार पावत हयेन ओनके बरे उ परमेस्सर क सक्ति बा।</verse>
				<verse number="19">पवित्तर सास्तरन मँ लिखा बा “गियानियन क गियान क मइँ नस्ट कइ देबइ, अउर मइँ सब चतुरन क चतुरइ कुंठित करबइ।”</verse>
				<verse number="20">कहाँ अहइ गियानी मनइँ? कहाँ बा विद्वान? अउर एह युगे क सास्त्रार्थी कहाँ अहइ? का परमेस्सर संसारी क बुद्धिमानी क मूर्खता नाहीं सिद्ध किहेस?</verse>
				<verse number="21">इही बरे काहेकि परमेस्सर गियान क जरिये इ संसार अपने बुद्धि बले स परमेस्सर क नाहीं पहिचान सका तउ हम सँदेस क कही भइ मूर्खता क प्रचार करत अही।</verse>
				<verse number="22">यहूदियन लोग त अदभुत चीन्हन क मांग करत हीं अउर गैर यहूदियन विवेक क खोज मँ अहइँ।</verse>
				<verse number="23">मुला हम तउ बस क्रूस पर चढ़ावा गवा मसीह क ही उपदेस देइत अही। एक अइसेन उपदेस जउन यहूदियन क बरे विरोध क कारण अहइ अउर गैर यहूदियन क बरे निरी मूर्खता।</verse>
				<verse number="24">मुला ओनके बरे जेनका परमेस्सर द्वारा बोलॉइ लिहा गवा बा, फिन चाहे ओ यहूदी होइँ या गैर यहूदी, इ उपदेस मसीह अहइ जउन परमेस्सर क सक्ती अहइ, अउर परमेस्सर क विवेक अहइ।</verse>
				<verse number="25">काहेकि परमेस्सर क कही गइ “मूर्खता” मनइयन क गियान स कहूँ जियादा विवेकपूर्ण बा। अउर परमेस्सर क कही गइ “कमजोरी” मनइयन क सक्ती स कहूँ जियादा सच्छम बा।</verse>
				<verse number="26">भाइयो तथा बहिनियो, अब तनिक सोचा कि जब परमेस्सर तउ तू बोलाये रहा तउ तोहमें स बहुत जनेन संसारिक दिस्टी स न तउ बुद्धिमान रहेन अउर न त सक्तिसाली। तोहमें स कइयउ क सामाजिकइ स्तर भी कउनउ ऊँचा नाहीं रहा।</verse>
				<verse number="27">बल्कि परमेस्सर तउ संसार मँ जउन कही गइ मूर्खतापूर्ण रहा, ओका चुनेस ताकि बुद्धिमान लोग लज्जित होइँ। परमेस्सर तउ संमार मँ कमजोरन क चुनेस ताकि जउन मजबूत अहइँ, उ सबइ लज्जित होइँ।</verse>
				<verse number="28">परमेस्सर संसार मँ स इन बातन क चुनेस जउन नीचे रहिन अउर जउन तुच्छ रहिन अउर जउन कछू नाहीं रहिन। परमेस्सर एनका चुनेस ताकि संसार जेका कछू समझत ह, ओका उ खराब कइ सकइ।</verse>
				<verse number="29">ताकि परमेस्सर क सामने कउनउ मनई अभिमान न कइ पावइ।</verse>
				<verse number="30">मुला तू मसीह ईसू मँ उही क कारण स्थित ह्वा, उहइ परमेस्सर क बरदान क रूप मँ हमार बुद्धि बनिगइ अहइ। उही क जरिये हम निर्दोस ठहरावा गएन अउर हम परमेस्सर क समर्पित होइ सकी अउर हमका पापन स छुटकारा मिलि जाइ।</verse>
				<verse number="31">जइसेन कि पवित्तर सास्तरन मँ लिखा बा, “अगर कीहीउ क कउनउ घमण्ड करब बाटइ तउन उ पर्भू मँ घमण्ड करइ।”</verse>
			</chapter>
			<chapter number="2">
				<verse number="1">भाइयो तथा बहिनियो जब मइँ तोहरे लगे आए रहेउँ तउ परमेस्सर क रहस्यपूर्ण सच क, बानी क चतुरता अउर मानुस बुद्धि क साथे उपदेस देत हुए नाहीं आइ रहेउँ</verse>
				<verse number="2">काहेकि मइँ इ निस्चय कइ लिहे रहेउँ कि तोहारे बीच रहत, मइँ ईसू मसीह अउर क्रूस पर भइ ओकर मउत क छोड़िके कउनउ अउर बात क जनबइ तलक नाहीं।</verse>
				<verse number="3">तउन मइँ दीनता क साथे भय स काँपत भवा तोहरे लगे आएउँ ह।</verse>
				<verse number="4">अउर मोर भासण अउर मोर घोसना मानुस बुद्धि क लुभावइवाले सब्दन स मिला नाहीं रहा, बल्कि ओहमें रहा आतिमा क सक्ति क प्रमान</verse>
				<verse number="5">ताकि तोहरे बिसवास मानुस बुद्धि क बजाय परमेस्सर क सक्ति पइ टिक सकइ।</verse>
				<verse number="6">जे समझदार अहइँ, ओनके हम बुद्धि देत अही, काहेकि इ बुद्धि इ जुग क बुद्धि नाहीं बा, न ही ऍह जुगे क ओन्हन सासकन क बुद्धि अहइ जेका बिनास क कगार पर लइ आवा जात बा।</verse>
				<verse number="7">एकरे स्थान पर हम तउ परमेस्सर क ओह रहस्यपूर्ण विवेक क देत हीं जउन छुपा हुआ रहा अउर अनादि काल स परमेस्सर हमार महिमा बरे निस्चित किहे रहा।</verse>
				<verse number="8">अउर जेका ऍह जुगे क कउनउ सासक नाहीं समझेन काहेकि अगर उ सबइ ओका समझ पाए होतेन तउ उ पचे ओह महिमावान पर्भू क क्रूस पर न चढ़उतेन।</verse>
				<verse number="9">मुला पवित्तर सास्तरन मँ लिखा बा: “जेहे नाहीं अंखिया देखेन अउर नाहीं काने स सुनेन तक, जहाँ मानुस क बुद्धि तक कभऊँ नाहीं पहुँचत ऎसी बानी ओनके बरे बनावाइस पर्भू जे ओनकर पिरेमी जन होइ जातेन।”</verse>
				<verse number="10">मुला परमेस्सर इन बातन क आतिमा क जरिये हमरे बरे परगट किहे अहइ। काहेकि आतिमा हर कीहीउ बात क ढूंढ़ निकालत इहाँ तक कि परमेस्सर क छिपी गहरायन तक क।</verse>
				<verse number="11">अइसेन के अहइ जउन दूसरे मनइयन क मन क बात जानि लेइ सिवाय ओह मनई के ओह आतिमा क जउन ओनके अपने भित्तरइ अहइ। एह तरह परमेस्सर क बिचारन केऊँ परमेस्सर क आतिमा क छोड़िके अउर कउन जान सकत ह।</verse>
				<verse number="12">मुला हम संसारिक आतिमा नाहीं बल्कि ऊ आतिमा पाए अही जउन परमेस्सर स मिलत ह ताकि हम उन बातन क जान सकी जेनका परमेस्सर हमका मुक्त रूप स दिहे बाटइ।</verse>
				<verse number="13">ओनही बातन क हम मनइयन बुद्धि क जरिये बिचारा गवा सब्दन मँ नाहीं बोलित बल्कि आतिमा द्वारा बिचारा गवा सब्दन स आतिमा क चीजन क बियाखिया करत बोलत अही।</verse>
				<verse number="14">एक प्राकृतिक मनई परमेस्सर क आतिमा द्वारा प्रकासित सच क ग्रहण नाहीं करत काहेकि ओकरे बरे उ बात खरी मूरखता होत ह, उ ओन्हे समझि नाहीं पावत काहेकि उ आतिमा क आधार पर ही परखी जाइ सकतहीं।</verse>
				<verse number="15">आत्मिक मनई सब बातन क निआव कइ सकत ह, मुला ओकर निआव केऊ नाहीं कइ सकत।</verse>
				<verse number="16">काहेकि पवित्तर सास्तरन कहत हीं: “पर्भू क मन का कउन जान सकत हय? ओका कउन सलाह दइ सकत ह?” मुला हमरे लगे ईसू क मन बा।</verse>
			</chapter>
			<chapter number="3">
				<verse number="1">मुला भाइयो तथा बहिनियो, मइँ तू लोगन स वइसेन ही बात नाहीं कइ सकेउँ जइसे आत्मिक लोगन स करत हउँ। मोका एकरे विपरीत तोहे लोगन स वइसेन बात करइ पड़ी जइसे संसारिक लोगन स कइ जात ह। यानि ओनसे जउन अबहीं मसीह मँ बच्चा अहइँ।</verse>
				<verse number="2">मइँ तोहे पियइ क दूध दिहेउँ, ठोस आहार नाहीं काहेकि तू अबहीं ओका खाइ नाहीं सकत रहे्या अउर न तउ तू एका आजउ खाइ सकत अहा</verse>
				<verse number="3">काहेकि तू अबहिं तलक संसारी अहा। का तू संसारी नाहीं अहा? जबकि तोहमें आपसी इरसा अउर कलह मउजूद बा। अउर तू संसारिक मनइयन जइसा व्यवहार करत अहा।</verse>
				<verse number="4">जब तोहमें स केऊ कहत ह, “मइँ पौलुस स हउँ” अउर दुसर कहत ह, “मइँ अपुल्लोस क हउँ” तउ का तू संसारिक मनइयन क स आचरण नाहीं करत्या?</verse>
				<verse number="5">अच्छा त बतावा अपुल्लोस का अहइ अउर पौलुस का अहइ? हम तउ केवल उ सेवक अही जेकरे द्वारा तू बिसवास किहे अहा। हमरे मँ स हर एक बस उ काम किहेस जउन पर्भू हमका सौंपे रहा।</verse>
				<verse number="6">मइँ बीज बोएउँ, अपुल्लौस तउ ओका सींचेस, मुला ओकर बढ़वार तउ परमेस्सर किहस।</verse>
				<verse number="7">इहइ प्रकार न तउ उ जे बोएस, बड़ा बा, अउर नाहीं उ जउन ओका सींचेस, मुला बड़ा तउ परमेस्सर अहइ जउन एनका बड़ा किहेस।</verse>
				<verse number="8">उ जे बोवत ह अउर उ जउन सींचत ह, दुन्नऊँ क प्रयोजन समान बा। तउन हर एक अपने कामन क परिश्रम क अनुसारइ फल पइहीं।</verse>
				<verse number="9">परमेस्सर क सेवा मँ हम सब सहकर्मी अही। तू परमेस्सर क खेत अहा। अउर तू परमेस्सर क मंदिर अहा।</verse>
				<verse number="10">परमेस्सर क ओह अनुग्रह क अनुसार जउन मोका दिहा गवा रहा, मइँ एक कुसल प्रमुख सिल्पी क रूप मँ नीव डालेउँ मुला ओह पइ निर्माण तउ केऊ अउरइ करत ह, मुला हर एक क सावधानी क साथे धियान रखइ चाही कि उ ओह पर निर्माण कइसे करत बा।</verse>
				<verse number="11">काहेकि जउन नींव डाली गइ बा उ खुद ईसू मसीह ही अहइ अउर ओसे अलग दूसर नींव केऊ बनाइ नाहीं सकत।</verse>
				<verse number="12">अगर लोग ओह नींव पर निर्माण करत ही, फिन चाहे उ पचे ओहमे सोंना लगावइँ, चांदी लगावइँ बहुमूल्य रतन लगावइँ, लकड़ी लगावइ, फूस लगावइँ या तिनका क प्रयोग करइँ,</verse>
				<verse number="13">हर मनई क काम स्पस्ट रूप स देखॉइ देइ। काहेकि उ दिन ओका उजागर कइ देइ। काहेकि उ दिन जुवाला क साथे परगट होइ अउर उहइ जुवाला हर मनई क कामन क परखी कि उ सबइ काम कइसेन बाटेन।</verse>
				<verse number="14">अगर ओह नींव पर कउनउ मनई क करमन क रचना टिकाऊ होइ</verse>
				<verse number="15">तउ उ ओकर प्रतिफल पाइ अउर अगर कीहीउँ क काम ओह जुवाला मँ भसम होइ जाइ तउ ओका हानि उठावइ क होइ। मुला फिन भी उ खुद वइसेनही बचि निकरी जइसे कउनउ आगी स बरत भए भकान स पराइके बचत ह।</verse>
				<verse number="16">का तू नाहीं जानत अहा कि तू पचे खुद परमेस्सर क मंदिर अहा अउर परमेस्सर क आतिमा तोहमें निवास करत ह?</verse>
				<verse number="17">अगर केऊ परमेस्सर क मंदिर क हानि पहुँचावत ह तउ परमेस्सर ओका नस्ट कइ देउ। काहेकि परमेस्सर क मंदिर तउ पवित्तर बा। हाँ, तू ही तउ उ मंदिर अहा।</verse>
				<verse number="18">अपने आपके जिन छला, अगर तोहमें स केउ इ सोचत ह कि इह जुगे क मानदंड क अनुसार उहइ बुद्धिमान बा तउ ओका बस वइसेन ही मूर्ख बना रहइ चाही ताकि उ सही मँ बुद्धिमान बनि जाइ,</verse>
				<verse number="19">काहेकि परमेस्सर क दिस्टी मँ संसारिक चतुराई मूरखता अहइ। पवित्तर सास्तर कहत ह, “उहइ (परमेस्सर!) फँसाइ देत ह बुद्धिमानन क ओनकेन ही चतुराई मँ।”</verse>
				<verse number="20">अउर फिन, “जानत ह पर्भू बुद्धिमानन क बिचार सब केउ काम क न अहइँ।”</verse>
				<verse number="21">इही बरे मनइयन पर कींहीउ क गरब न करइ चाही काहेकि इ सब कछू तोहार तउ अहइँ।</verse>
				<verse number="22">फिन चाहे उ पौलुस होइ, अपुल्लोस होइ या पतरस चाहे संसार होइ, जीवन होइ, या मउत होइ, चाहे इ आज क बात होइ या आवइवाले भियान क। सब कछू तोहरइ ही अहइ।</verse>
				<verse number="23">अउर तू मसीह क अहा अउर मसीह परमेस्सर क।</verse>
			</chapter>
			<chapter number="4">
				<verse number="1">हमरे बारे मँ कीहीउ मनई कएँ तरह सोचइ चाही कि हम लोग मसीह क सेवक अही। परमेस्सर तउ हमका अउर रहस्यमय सत्य सौपे अहइ।</verse>
				<verse number="2">अउर फिन जेका इ रहस्य सौपे अहइ, ओन पर इ दायित्व भी बा कि उ पचे बिसवास क जोग्ग होइँ।</verse>
				<verse number="3">मोका ऍकर तनिकउ चिंता नाहीं बा कि तू लोग मोर निआव करा या मनइयन क कउनउ अउर अदालत। ना मइँ खुद आपन निआव करत हउँ।</verse>
				<verse number="4">काहेकि मोर मन साफ बा। मुला इहइ कारण मइँ छूट नाहीं जाइत। पर्भू उ अहइ जउन निआव करत ह।</verse>
				<verse number="5">इही बरे ठीक समइ आवइ स पहिले मतलब जब तलक पर्भू न आइ जाइ, तब तलक कीहीउ बात क निआव जिन करा। उहइ अंधियारे मँ छिपी बातन क उजागर करी अउर उ मने क प्रेरणा क परगट करी। ओह समइ परमेस्सर कइँती स हर कीहीउ क उपयुक्त प्रसंसा होइ।</verse>
				<verse number="6">भाइयो तथा बहिनियो, मइँ इन बातन क अपुल्लोस पर अउर खुद अपने पर तू लोगन क बरे ही चरितार्थ किहे अहउँ ताकि तू पचे हमार उदाहरण देखत भए इन बातन क परे जिनजा जउन सास्तरन मँ लीख बा। ताकि एक मनई क पच्छ लेत अउर दुसरे क विरोध करत भए अहंकार मँ न भरि जा।</verse>
				<verse number="7">कउन कहत ह कि तू कीहीउ दूसरे स जियादा अच्छा अहा। तोहरे लगे आपन अइसेन का बा? जउन तोहे दिहा नाहीं गवा बा? अउर जब तोहे सब कछू कीहीउ क जरिये दीन्ह गवा बा तउ फिन ऍह रूप मँ अभिमान कउने बात क कि जइसेन तू कउने स कछू पाए ही न अहा।</verse>
				<verse number="8">तू लोग सोचत अहा कि जेह कउनउ चीज क तोहे जरूरत रही, अब उ सब कछू तोहरे लगे बा। तू सोचत ह अब तू सम्पन्न होइ गवा। तू हमरे बिना ही राजा बनि बइठ्या। केतना अच्छा होत कि तू सही मँ राजा होत्या ताकि तोहरे साथे हमहूँ राज्य करित।</verse>
				<verse number="9">काहेकि मोर बिचार बा कि परमेस्सर हम प्रेरितन क करम-छेत्र मँ उन लोगन क समान सबसे अन्त मँ स्थान दिहे अहइ जेनका मउत क सजा दीन्ह जाइ चुकी बा। काहेकि हम पूरा संसार, सरगदूतन अउर लोगन क सामने तमासा बना अही।</verse>
				<verse number="10">हम मसीह क बरे मूरख बना अही मुला तू लोग मसीह मँ बहुत बुद्धिमान अहा। हम कमजोर अही मुला तू तउ बहोत सबल अहा। तू सम्मानित अहा अउर हम अपमानित।</verse>
				<verse number="11">ऍह घड़ी तक हम भूखा पियासा अही। फटा-पुरान चिथड़ा पहिने अही। हमका मारा गवा। हम बेघरे क अही।</verse>
				<verse number="12">आपन हाथन स काम कइके हम मेहनत-मजदूरी करित ह।</verse>
				<verse number="13">गाली खाइके भी हम आसीर्बाद देइत ह। सतावा जाइ प हम ओका सहित ह। जब हमार बदनामी होइ जात ह, हम तब भी मीठा बोलित ह। हम अबहूँ जइसेन एह दुनिया क मल-फेन अउर कूड़ा कचरा बना भआ अही।</verse>
				<verse number="14">तोहे सबन क लज्जित करइ क बरे मइँ इ नाहीं लिखत हउँ। बल्कि आपन पिआरे बच्चन क रूप मँ तोहे सबन क चेतावनी देत हउँ।</verse>
				<verse number="15">काहेकि चाहे तोहरे लगे मसीह मँ तोहरे दसउ हजार सिच्छक मौजूद अहइँ, मुला तोहार पिता तउ अनेक नाहीं अहइ। काहेकि सुसमाचार द्वारा मसीह ईसू मँ मइँ तोहार पिता बना हउँ</verse>
				<verse number="16">इही बरे तोहसे मोर आग्रह बा, मोर अनुकरण करा।</verse>
				<verse number="17">मइँ इही बरे तीमुथियुस क तोहरे लगे भेजे रहेउँ। उ पर्भू मँ स्थित मोर पिआरा अउर बिसबास करइ जोग्ग बेटवा अहइ। मसीह ईसू मँ मोर आचरण क उ तोहे सबन क याद देवाइ। जेका मइँ हर कहूँ, हर कलीसियन मँ उपदेस दिहे हउँ।</verse>
				<verse number="18">कछू लोगन अंधकारे मँ ऍह तहर फूल उठा अहइँ इ सोच कर कि मइँ न आाउब।</verse>
				<verse number="19">अगर परमेस्सर चाहेस तउ जल्दी ही मइँ तोहरे लगे अउबइ अउर फिन अंहकार मँ फूला ओन लोगन क मात्रा वाचालता क नाहीं बल्कि ओनकर सक्ति क देख लेबइ।</verse>
				<verse number="20">काहेकि परमेस्सर क राज्य वाचालता पर नाहीं, सक्ती पर टिका बा।</verse>
				<verse number="21">तू पचे का चाहत अहा: हाथ मँ पिरेम अउर छड़ी थामे आउब मइँ तोहरे लगे, कोमल आतिमा साथे मँ लइ आउब?</verse>
			</chapter>
			<chapter number="5">
				<verse number="1">सहीयउ मँ अइसेन बतावा गवा बा कि तू लोगन मँ दुराचार फइला भआ बा। अइसेन दुराचार-व्यभिचार तउ अधर्मियन तक मँ नाहीं मिलत। जइसेन केऊॅ तउ आपन बिमाता तक क साथ सहवास करत ह।</verse>
				<verse number="2">अउर फिन तू लोग अभिमान मँ फूला भआ अहा। मुला का तोहे एकरे बरे दुखी न होइ चाही? जे केऊ दुराचार करत ह ओका तउ तू पचे अपने बीच स निकाल बाहेर करइ चाही।</verse>
				<verse number="3">मइँ जद्यपि सारीरिक रूप स तोहरे बीच नाहीं अही मुला आत्मिक रूप स तउ हुवँइ हाजिर अही। अउर माना ऊहा हाजिर रहत भआ जे अइसेन खराब काम किहे अहइँ, ओकरे विरुद्ध मइँ आपन इ निर्णय दइ चुका अही</verse>
				<verse number="4">कि जब तू हमरे साथे हमार पर्भू ईसू क नाउँ मँ हमार आतिमा अउर हमार पर्भू ईसू क सक्ति क साथे इकट्ठा होब्या।</verse>
				<verse number="5">तउ अइसेन मनई क ओकर भौतिल मानुस सुभाउ क खराब कइ डालइ बरे सइतान क सौंप दीन्हा जाइँ ताकि पर्भू क दिना ओनके आतिमा क बचावा जाइ सकइ।</verse>
				<verse number="6">तोहार इ बड़बोलापन अच्छा नाहीं बा। तू एह कहावत क त जानतही अहा, “तनिक खमीर आटा क पूरा लउँदा क खमीरमय कइ देत ह।”</verse>
				<verse number="7">पुराने खमीर स छुटकारा पावा ताकि तू आटा क नया लौदा बनि सका। तू तउ बिना खमीरवाली फसह क रोटी क समान ह्वा। हमका पवित्तर करइके बरे मसीह को फसह क मेमने क रूप मँ बलि चढ़ाइ दीन्ह गवा।</verse>
				<verse number="8">इही बरे आवा हम आपन फसह क त्यौहार बुराइ अउर दुस्टतइ स युक्त पुरा खमीर क रोटी स नाहीं बल्कि निस्ठा अउर सत्य स युक्त बिन खमीर क रोटी स मनाई।</verse>
				<verse number="9">अपने पिछले चिठ्ठी मँ मइँ लिखे रहेउँ कि तोहे ओन लोगन स आपन नाता नाहीं रखइ चाही जउन व्यभिचारी अहइँ।</verse>
				<verse number="10">मोर इ प्रयोजन बिल्कूल नाहीं रहा कि तू ऍह दुनिया क व्यभिचारियन, लोभी लोगन, ठगन या मूर्ति पूजकन स कउनउ सम्बन्ध ही जिन रखा। अइसेन होइ पइ तउ तोहे सबन क इ संसार स ही निकरि जाइ क होइ।</verse>
				<verse number="11">मुला मइँ तोहे सबन क जउन लिखेउ ह उ इ अहइ कि कउनउ अइसेन मनई स नाता न रखा जउन अपने आपक मसीही बन्धु कहवाइ क भी व्यभिचारी, लोभी; मूर्ति पूजकन, चुगलखोर, पियक्कड़ या एक ठग अहइँ। अइसेन मनई क साथे त भोजन भी ग्रहण जिन करा।</verse>
				<verse number="12">जउन लोग बाहेर क बाटेन, कलीसिया क नाहीं, ओनकर निआव करइके-भला मोर का काम। का तोहे ओन्हीन क निआव न करइ चाही जउन कलीसिया क भित्तर क अहइँ? कलीसिया क बाहेरवालन क निआव तउ परमेस्सर ही करी। पवित्तर सास्तर कहत ह, “अपने बीच से, तू पापी क निकार बाहर करा।”</verse>
				<verse number="13"></verse>
			</chapter>
			<chapter number="6">
				<verse number="1">का तोहरे मँ स केउ अइसेन बा जउन अपने साथी क साथे केउ झगड़ा होइ पे परमेस्सर क पवित्तर मनइयन क लगे न जाइके अधर्मी लोगन क अदालत मँ जाइके साहस करत होइ?</verse>
				<verse number="2">या का तू पचे इ नाहीं जानत अहा कि परमेस्सर क पवित्तर मनई ही सारे संसार क निआव करिहीं? अउर जब तोहरे जरिये समूचइ संसार क निआव किन्ह जाइ क बाटइ तउ का इन छोट-छोट बातन क निआव करइ जोग्ग तू नाहीं अहा?</verse>
				<verse number="3">का तू नाहीं जानत अहा कि हम सरगदूतन क भी निआव करबइ? फिन इ जीवन क इन रोजमर्रा क छोट-मोट बातन क त कहबइ ही का।</verse>
				<verse number="4">अगर हर दिन तोहरे बीच कउनउ न कउनउ विवाद रहतइ ही रहत ह तउ का न्यायाधीस क रूप मँ तू पचे अइसेन मनइयन क नियुक्ति करब्या जेनकर कलीसीया मँ कउनउ स्थान नाहीं बा।</verse>
				<verse number="5">इ मइँ तोहसे ऍह बरे कहत हउँ कि तोहे सबन क कछू लाज आवइ। का स्थिति ऍतही बिगड़ि चुकि बा कि तोहरे बीच केऊॅ अइसेन बुद्धिमान मनइ अहइ नाहीं जउन अपने मसीही भाइयन क आपसी झगड़ा सुलझाइ सकइ?</verse>
				<verse number="6">का एक भाई कबहूँ अपने दुसरे भाई स मुकद्दमा लड़त रहा! अउर तू तउ अबिसवासियन क सामने अइसा करत रहे रह्या।</verse>
				<verse number="7">असलियत मँ तोहार पराजय तउ इही मँ होइ चुकी कि तोहरे बीच आपस मँ एक दूसरे क खिलाफ कानूनी मुकदमा अहइँ। एकरे स्थान पर तू आपस मँ अनिआव ही काहे नाहीं सही लेत्या? अपने आप क काहे नाहीं लुटि जाइ देत्या।</verse>
				<verse number="8">अरे अनिआव तू तउ खुदइ करत अहा अउर अपने ही मसीही भाइयन क लूटत अहा।</verse>
				<verse number="9">अउर का तू नाहीं जानत अहा कि खराब लोग परमेस्सर क राज्य क उत्तराधिकार न पइहीं? अपने आप को धोखा न द्या। व्यभिचार करइवाला, मूर्तिपूजक, व्यभिचार, गुदा-भंजन करइवाला, लौंडेबाज, लुटेरे, लालची, पियक्कड़ चुगलखोर अउर ठग परमेस्सर क राज्य क उत्तरधिकारीन होइहीं।</verse>
				<verse number="10"></verse>
				<verse number="11">तोहमें स कछू अइसेन ही रहेन। मुला अब तोहे सबन क धोइ-मांजिके पवित्तर कइ दिहे हउँ। तोहे परमेस्सर क सेवाँ मँ अरपित कइ दीन्हा वा बा। पर्भू ईसू मसीह क नाउँ अउर हमरे परमेस्सर क आतिमा क द्वारा ओन्हे धर्मी करार दीन्हा जाइ चुका बा।</verse>
				<verse number="12">“मइँ कछू भी करइ क स्वतन्त्र हउँ” मुला हर कउनउ बात हितकर नाहीं होत। हाँ, “मइँ सब कछू करइ क स्वतन्त्र हउँ” मुला मइँ अपने पर कीहीउ क हावी न होइ देब।</verse>
				<verse number="13">कहा जात ह, “भोजन पेट क बरे बा, अउर पेट भोजन क बरे।” मुला परमेस्सर इन दुन्नउ क ही समाप्त कइ देई। अउर हमरे सारीरीक तउ भी व्यभिचार क बरे नाहीं बा बल्कि पर्भू क सेवा क बरे बा। अउर पर्भू हमार देह क कल्लियान क बरे बा।</verse>
				<verse number="14">परमेस्सर न केवल पर्भू क ही पुनर्जीवित नाहीं किहेस बल्कि आपन सक्ति स उ मउत स हम सबे कभी जियाइ उठाई।</verse>
				<verse number="15">का तू नाहीं जानत अहा कि तोहरे सरीर खुद ईसू मसीह का हिस्सा अहइ? तउ का मोका ओन्हे, जउन मसीह क अंग हयेन, कउनउ वेस्या क अंग बनाइ देइ चाही?</verse>
				<verse number="16">निस्चय ही नाहीं। अउर का तू इ नाही जानत अहा, कि जउन अपने आपके वेस्या स जोड़त ह, उ ओकरे साथे एक देह होइ जात ह। पवित्तर सास्तरन मँ कहा गवा बा: “काहेकि उ दुन्नऊ एक होइ जइ हीं,”</verse>
				<verse number="17">मुला उ जउन आपन लौ पर्भू स लगावत ह, उ आतिमा मँ एकाकर होइ जात ह।</verse>
				<verse number="18">व्यभिचार स दूर रहा। दुसरे सभन पाप जेका एक मनई करत ह, ओकरे सरीर स बाहेर होत हीं मुला अइसेन मनई जउन व्यभिचार करत ह उ तउ अपने सरीर क विरुद्ध पाप करत ह।</verse>
				<verse number="19">अउर का तू नाहीं जानत अहा कि तोहार सरीर ओह पवित्तर आतिमा क मंदिर अहइ जेका तू परमेस्सर स पाए अहा अउर जेका तू आपन बनाइ क न रख सक्या। अउर उ आतिमा तोहार आपन नाहीं बा।</verse>
				<verse number="20">काहेकि परमेस्सर तोहे सबन क कीमत चुकाइ क खरीदे अहइ इही बरे अपने सरीर क द्वारा परमेस्सर क इज्जत कर।</verse>
			</chapter>
			<chapter number="7">
				<verse number="1">अब इन बातन क बारे मँ जउन तू लिखे रह्या: अच्छा इ बा कि कउनउ मनई कीहीउ स्त्री स बियाह न करइ।</verse>
				<verse number="2">मुला यौन अनैतिकता क घटना क सम्भावनावन क कारण हर पुरूस क आपन पत्नी होइ चाही अउर हर स्त्री क आपन पति।</verse>
				<verse number="3">पति क चाही कि पत्नी क रूप मँ जउन कछू पत्नी क अधिकार बनत ह, ओका देइ। अउर इही तरह पत्नी क भी चाही कि पति क ओकर यथोचित प्रदान करइ।</verse>
				<verse number="4">अपने सरीर पर पत्नी क कउनउ अधिकार नाहीं बा, बल्कि ओकरे पति क बा। अउर इही तरह पति क ओकरे अपने सरीर पर कउनउ अधिकार नाहीं बा, बल्कि ओकरे पत्नी क अहइ।</verse>
				<verse number="5">अपने आप क पराथना मँ समर्पित करइ क बरे थोड़े समइ तक एक दूसरे स समागम न करइ क आपसी सहमति क छोड़िके, एक दूसरे क संभोग स वंचित जिन करा। फिन आतिमा संयम क अभाउ क कारण कहूँ सइतान तोहे कउनउ परीच्छा मँ न डालि देइ, इही बरे तू फिन समागम कइ ल्या।</verse>
				<verse number="6">मइँ इ एक छूट क रूप मँ कहत रहत हउँ, आदेस क रूपें मँ नाहीं।</verse>
				<verse number="7">मइँ तउ चाहित हउँ सभन लोग मोरे जइसेन होतेन। मुला हर मनई क परमेस्सर स एक विंशेष बरदान मिला बा। कीहीउ क जिअइ क एक ढंग बात त दुसरे क दूसर।</verse>
				<verse number="8">अब मोका अविवाहितन अउर विधवा क बारे मँ इ कहब बा: अगर उ हमरे समान अकेल ही रहइँ तउ ओकरे बरे इ अच्छा रही।</verse>
				<verse number="9">मुला अगर उ पचे अपने आप पर काबू न रख सकइँ तउ ओन्हे बियाह कइ लेइ चाही, काहेकि वासना क आग मँ जलत रहइ स विआह कइ लेब अच्छा बा।</verse>
				<verse number="10">अब जउन विवाहित अहउँ ओनका हमार ई आदेस बा, यद्यपि इ हमार नाहीं बा बल्कि पर्भू क आदेस बा कि कउनउ पत्नी आपन पति क न तियागइ चाही।</verse>
				<verse number="11">मुला अगर उ ओका छोड़िही देइ तउ ओका फिन अनब्याहा ही रहइ चाही या अपने पति स मेल-मिलाप कइ लेइ चाही। अउर अइसेन ही पती क अपनी पत्नी क छोड़इ न चाही।</verse>
				<verse number="12">अब सेस लोगन स मोर इ कहब बा: (ई मइँ कहत हउँ न कि पर्भू) अगर कि कउनो मसीही भाई क कउनउ अइसी पत्नी बा जउन ऍह मते मँ बिसवास नाहीं रखत अउर ओकरे साथे रहइ क सहमत बा त ओका तियाग देइ चाही।</verse>
				<verse number="13">अइसेन ही अगर कउनो स्त्री क कउनउ अइसेन पति बा जउन पथ क बिसवासी नाहीं अहइ मुला ओकरे साथे रहइ क सहमत बा त ओह स्त्री क भी आपन पति तियागइ न चाही।</verse>
				<verse number="14">काहेकि उ अबिसवासी पति बिसवासी पत्नी क लगे क सम्बन्ध क कारण पवित्तर होइ जात ह अउर इही तरह उ अबिसवासी पत्नी अपने बिसवासी पति क हमेसा साथ रहे स पवित्तर होइ जात ह। नाहीं तउ तोहार सन्तान अस्वच्छ होइ जात मुला अब तउ उ पचे पवित्तर बाटेन।</verse>
				<verse number="15">फिन भी अगर केउ अविसवासी अलग होइ चाहत ह तउ उ अलग होइ सकत ह। अइसन स्थितियन मँ कउनो मसीह भाई या बहिन पर कउनउ बंधन लागू न होई। परमेस्सर हमका सान्ति क साथे रहइ क बोलाए अहइ।</verse>
				<verse number="16">हे पत्नियो, का तू पचे जानत अहा? होइ सकत ह तू अपने अबिसवासी पति क बचाइ ल्या। हे पति, का तू जानत ह? होइ सकत ह तू अपने अबिसवासी पत्नी क बचाइ ल्या।</verse>
				<verse number="17">पर्भू जेका जइसेन दिहे अहइ अउर जेका जेह रूप मँ चुनें अहइ, ओका वइसेन ही जियइ चाही। सभन कलीसियन मँ मइँ इही क आदेस देत हउँ।</verse>
				<verse number="18">जब किहू क परमेस्सर क द्वार बोलावा गवा, तब अगर उ खतना युक्त रहा तब ओका आपन खतना छिपावइ न चाही। अउर किहू क अइसेन दसा मँ बोलावा गवा जब उ बिना खतना क रहा तउ ओकर खतना करावइ न चाही।</verse>
				<verse number="19">खतना तउ कछू नाहीं बाटइ अउर न ही खतना न होब कछू बा। बल्कि परमेस्सर क आदेसन क पालन करब ही सब कछू अहइ।</verse>
				<verse number="20">हरि किहू क उही स्थिति मँ रहइ चाही, जेहमें ओका बोलावा गवा बा।</verse>
				<verse number="21">का तोहे सबन क दास क रूप मँ बोलावा गवा बा? तू एकर चिन्ता जिन करा। मुला अगर तू स्वतंत्र होई सकत ह तउ आगे बढ़ अउर अवसर क लाभ उठावा।</verse>
				<verse number="22">काहेकि जेका पर्भू क दास क रूप मँ बोलावा गवा, उ तउ पर्भू क स्वतंत्र मनई अहइ। इही तरह जेका स्वतंत्र मनई क रूप मँ बोलावा गवा, उ मसीह क दास अहइ।</verse>
				<verse number="23">परमेस्सर कीमत चुकाइके तोहे सबन क खरीदे बाटइ। इही बरे मनइयन क दास न बना।</verse>
				<verse number="24">भाइयो, तोहे जउने स्थिति मँ बोलावा गवा बा, परमेस्सर की सामने उही स्थिति मँ रहा।</verse>
				<verse number="25">अविवाहितन क सम्बन्ध मँ पर्भू कइँती स मोका कउनो आदेस नाहीं मिला बा। इही बरे मइँ पर्भू क दया पाइके बिसवासी होइ क कारण आपन राय देत हउँ।</verse>
				<verse number="26">मइँ सोचत हउँ कि एह वर्तमान संकट क कारण इहइ अच्छा बा कि कउनउ मनई मोरे समान ही अकेला रहइ।</verse>
				<verse number="27">अगर तू विवाहित अहा तउ ओसे छुटकारा पावइ क यत्न जिन करा। अगर तू पत्नी स मुक्त अहा तउ ओका खोजा न।</verse>
				<verse number="28">मुला अगर तोहार जीवन विवाहित बा तउ तू कउनउ पाप नाहीं किहे अहा। अउर अगर कउनउ कन्या बियाह करत ह, तउ कउनउ पाप नाहीं करत ह मुला अइसेन लोग सरीरीक कस्ट उठइहीं जेनसे मइँ तोहे सबन क बचावइ चाहत हउँ।</verse>
				<verse number="29">भाइयो तथा बहिनियो, मइँ तउ इहइ कहत हउँ, समइ बहुत कम बा। इही बरे अब आगे, जेनके लगे पत्नियन अहइँ उ पचे अइसन ही रहइँ, माना उनके पास पत्नियन हइयइ नाहीं हइन।</verse>
				<verse number="30">अउर उ सबइ जउन विलखत अहइँ उ पचे, अइसेन रहइँ, माना कबहूँ दुखही न भवा होइ। अउर जउन आनन्दित हयेन, उ पचे अइसेन रहइँ, माना खुसइ नाहीं भवा रहेन। अउर उ पचे जउन चीज मोल लेत हीं, अइसेन रहइ माना ओनके लगे कछुउ न होइ।</verse>
				<verse number="31">अउर जउन संसारिक सुख-बिलासन क भोग करत हयेन, उ पचे अइसेन रहइँ, माना उ पचे चीज ओनके बरे कउनउ महत्व नाहीं रखत। काहेकि इ संसार अपने वर्तमान सरूप मँ नासवान बा।</verse>
				<verse number="32">मइँ चाहत हउँ आप लोग सबइ चिन्ता स मुक्त रहा। एक अविवाहित मनई पर्भू सम्बधी विसयन क चिन्तन मँ लगा रहत ह कि उ पर्भू क कइसे खुस करइ।</verse>
				<verse number="33">मुला एक विवाहित मनइ संसारिक विसयन मँ ही लिप्त रहत ह कि उ आपन पत्नी क कइसे खुस कइ सकत ह।</verse>
				<verse number="34">एह तरह ओकर व्यक्तित्व बँटि जात ह। अउर अइसेन कउनउ अविवाहित स्त्री या कुंआरी कन्या क जेका बस पर्भू सम्बन्धी विसयन क ही चिन्ता रहत ह। जेहसे उ अपने सरीर अउर आपन आतिमा स पवित्तर होइ सकइ। मुला एक विवाहित स्त्री संसारिक विसय भोगन मँ ऍह तरह लिप्त रहत ह कि उ अपने पति क रिझावत रहि सकइ।</verse>
				<verse number="35">इ मइँ तोहसे तोहरे भले क बरे ही कहत हउँ तोह पर बन्धन लगावे क बरे नाहीं। बल्कि अच्छी व्यवस्था क हित मँ अउर इही बरे कि तू चित्त क चंचलता क बिना पर्भू क समर्पित होइ सका।</verse>
				<verse number="36">अगर केउ सोचत ह कि उ आपन जवान होइ चुकी कुंआरी प्रिया क बरे उचित नाहीं करत बा अउर अगर ओकर काम भावना तेज बा, अउर दुन्नऊ क ही आगे बढ़िके बियाह कइ लेइ क जरूरत बा, तउ जइसन उ चाहत ह, ओका आगे बढ़िके वइसेन ही कइ लेइ चाही उ पाप नाहीं करत बा। ओका बियाह कइ लेइ चाही।</verse>
				<verse number="37">मुला जउन अपने मने मँ बहुत पक्का अहइ अउर जेह पर कउनउ दबावउ नाहीं बा, बल्कि जेकर इच्छन पर पूरा बस बा अउर जे अपने मने मँ पूरा निहचय कइ ललिहे बा कि अपने प्रिया स बियाह न करइ तउ उ अच्छा ही करत बा।</verse>
				<verse number="38">तउ उ जउन आपन प्रिया स बियाह नाहीं करत उ अउर भी अच्छा करत ह।</verse>
				<verse number="39">जब तलक किहउ स्त्री क पति जिन्दा रहत ह, तबउ तलक उ बियाह क बन्धन मँ बंधी होत ह मुला अगर ओकरे पति क मउत होइ जात ह, तउ जेकरे साथे चाहइ बियाह करइ, उ स्वतन्त्र बा मुला केवल पर्भू मँ।</verse>
				<verse number="40">पर अगर जइसेन उ बा वइसेन ही रहत ह, त जियादा खुस रही। इ मोर विचार अहइ। अउर मइँ सोचत अहउँ कि मोहूँ मँ परमेस्सर क आतिमा क ही निवास अहइ।</verse>
			</chapter>
			<chapter number="8">
				<verse number="1">जब मूर्तियन पर चढ़ाइ गइ बलि क बारे मँ: हम इ जानित ह, “हम सबहिं गियानी अही।” “गियान” लोगन क अहंकार स भरि देत ह। मुला पिरेम स मनई अधिक सक्तिसाली बनत ह।</verse>
				<verse number="2">अगर केऊँ सोचइ कि उ कछू जानत ह तउ जेका जानइ चाही ओकरे बारे मँ तउ ऊ अबहुँ कछू जनबइ नाहीं करत।</verse>
				<verse number="3">अगर केउ परमेस्सर क पिरेम करत ह त उ परमेस्सर क जरिये जाना जात ह।</verse>
				<verse number="4">तउन मूरर्तियन पर चढ़ावा गवा भोजन क बारे मँ हम जानत अही कि एह संसारे मँ मूरति का अस्तित्व नाहीं बा। अउर इ कि “परमेस्सर केवल एक्कइ अहइ।”</verse>
				<verse number="5">अउर धरती या आकास मँ जद्यपि अइसेन ही देवता बहुत स अहइँ (बहुत स “देवता” हयेन, बहत स “पर्भू” हयेन।)</verse>
				<verse number="6">मुला हमरे बरे तउ एक्कइ परमेस्सर बा, हमार पिता। उही स सब कछू आवत ही अहइ। अउर ऊही क बरे हम जिअत अही। पर्भू केवल एक अही, ईसू मसीह। उही क द्वारा सब चीजन क आस्तित्व बा अउर ऊही क जरिये हमार जीवन बा।</verse>
				<verse number="7">मुला इ गियान सब कीहीउ क लगे नाहीं अहइ। कछू लोग जउन अब तलक मूर्ति पूजा क आदी अहइँ, अइसेन चीजन खात हीं अउर सोचत हीं जइसेन माना उ चीज मूर्ति क प्रसाद अहइ। ओनके इ करमे स ओनकर आतिमा कमजोर होइ क कारण दूसित होइ जात ह।</verse>
				<verse number="8">मुला उ प्रसाद तउ हमका परमेस्सर क लगे न लइ जाइ। अगर हम ओका नहीं खाइ तउ कछू घटी नाहीं जात अउर अगर खाई तउ कछू बढ़ नाहीं जात।</verse>
				<verse number="9">सावधान रहा। कहूँ तोहर इ अधिकार ओकरे बरे, जउन कमजोर बाटेन, पाप मँ गिरइ क कारण न बन जाइ।</verse>
				<verse number="10">काहेकि कमजोर बिसवास क कउनउ मनई अगर तोहे जइसेन इ बिसय क जानकार क मूर्तिवाला मंदिर मँ खात भआ देखत ह तउ ओकर दुर्बल मन का ओह हद तलक न भटकि जाई कि उ मूर्ति पर बलि चढ़ाइ गइ चीजन क खाइ लागेन।</verse>
				<verse number="11">तोहरे गियान स, कमजोर मने क मनई क तउ नास ही होइ जाइ तोहरे उहीं बन्धु क, जेकरे बरे मसीह तउ जान दइ दिहेस।</verse>
				<verse number="12">इही तरह अपने भाइयन अउर बहिनियन क विरुद्ध पाप करत भए अउर ओनके कमजोर मने क चोट पहुचावत भए तू लोग मसीह क विरुद्ध पाप करत अहा।</verse>
				<verse number="13">ऍह बरे अगर भोजन मोरे भाई क पाप क राह पर बढ़ावत ह तउ मइँ फिन कभउँ माँस न खाबइ ताकि मइँ अपने भाई क बरे, पाप करइ क कारण न बनउँ।</verse>
			</chapter>
			<chapter number="9">
				<verse number="1">का मइँ स्वतन्त्र नाहीं हउँ? का मइँ भी एक प्रेरित नाही हऊँ? का मइँ हमार पर्भू ईसू मसीह क दर्सन नाहीं किहे अहउँ? का तू लोग पर्भू मँ मोर इ करम क उदाहरण नाहीं अहा?</verse>
				<verse number="2">चाहे दुसरन क बरे मइँ प्रेरित न भी होउँ तबउ मइँ तोहरे बरे त प्रेरित हउँ। काहेकि तू एक अइसेन मोहर क समान अहा जउन पर्भू मँ मोरे प्रेरित होइ क प्रमाणित करत ह।</verse>
				<verse number="3">उ लोग जउन मोर जाँच करइ चाहत हीं, ओनके बरे आपन आत्मरच्छा मँ मोर उत्तर इ अहइ:</verse>
				<verse number="4">का हमका खाइ पियइ क अधिकार नाहीं बाटइ?</verse>
				<verse number="5">का हमका इ अधिकार नाहीं कि कउनो बिसवासिनी पत्नी क हम अपने साथे लइ जाइ? जइसेन क दूसर प्रेरित, पर्भू क बन्धु अउर पतरस किहे रहेन।</verse>
				<verse number="6">अउर का बरनाबास अउर मोरे लगे ही इ अधिकार बा कि आपन आजीविका कमाइ क बरे हम कउनउ काम न करीं?</verse>
				<verse number="7">सेना मँ अइसेन के होइ जउन एक सिपाही क रूपे मँ अपने क वेतन देइ। अउर के होइ जउन अंगूर क बगिया लगाइके ओकर फल न चखी? या कउन अइसा अहइ जउन भेड़न क खरका क देखभाल न करत होइ पर ओकर दूध न पीअत होइ?</verse>
				<verse number="8">का हम मानवीय चिन्तन क रूपे मँ ही अइसेन करत हई? आखिरकार का व्यवस्था क विधान भी अइसेन नाहीं कहत?</verse>
				<verse number="9">मूसा क व्यवस्था मँ लिखा बा, “खरिहाने मँ बरधा क मुँह जिन बाँधा।” का परमेस्सर केवल बरधन क बारे मँ बतावत अहइ?</verse>
				<verse number="10">निस्चित रूप स उ एका क हमरे बरे नाहीं बतावत अहइ? हाँ, इ हमरे बरे ही लिखा गवा रहा। काहेकि खेत जोतइवाला कीहीउ आसा स ही खेत जोतइ अउर खरिहाने मँ भूसा स अनाज अलगावइवाला फसल क कछू भाग पावइ क आसा तउ रखी।</verse>
				<verse number="11">फिन अगर हम तोहरे हिते क बरे आत्मिक बिया बोए अही तउ हम तोहसे भौतिक चीजन क फसल काटइ चाहित ह, इ का कउनउ बहुत बड़ी बात बा?</verse>
				<verse number="12">अगर दूसर लोग तोहसे भौतिक चीजन पावइ क अधिकार रखत हीं तउ हमार तउ तोह पइ का अउर भी जियादा अधिकार नाहीं बा? मुला हम इ अधिकार क उपयोग नाहीं किहे अही। बल्कि हम तउ सब कछू सहत रहे ताकि हम मसीह क सुसमाचार क रस्ता मँ कउनउ बाधा न डाली देइ।</verse>
				<verse number="13">का तू नाहीं जानत बाटया कि जउन लोग मंदिर मँ काम करत हीं उ पचे आपन खाना मंदिर स ही पावत हीं। अउर जउन नियमित रूप स वेदी क सेवा करत हीं वेदी क चढ़ावा मँ ओनकर हिस्सा होत ह?</verse>
				<verse number="14">इही तरह पर्भू व्यवस्था दिहे अहइ कि सुसमाचार क प्रचारकन क आजीविका सुसमाचार क प्रचार स ही होइ चाही।</verse>
				<verse number="15">मुला ओन्हन अधिकारन मँ स मइँ एक क कभउँ प्रयोग नाहीं किहेउँ। अउर इ बात मइँ ऍह बरे लिखेउँ नाहीं कि अइसेन कछू मोरे बिसय मँ कीन्हा जाई। बजाय एकरे कि कउनउ मोसे ओह बात केउ छीन लेइ जेकर मोका गरब बा। ऐसे तउ मइँ मरि जाब ही ठीक समझब।</verse>
				<verse number="16">एह बरे अगर मइँ सुसमाचार क प्रचार करित ह तउ एहमाँ मोका गरब करइके कउनउ हेतु नाहीं बा काहेकि मोर त इ कर्तव्य बा। अउर अगर मइँ सुसमाचार क प्रचार न करउँ तउ मोरे बरे इ केतना खराब होइ।</verse>
				<verse number="17">फिन अगर इ मइँ अपने इच्छा स करित ह तउ मइँ एकर पुरस्कार पावइ योग्ग हई, परन्तु अगर आपन इच्छा स नाहीं बल्कि कउनो नियुक्ति क कारण इ काम मोका सौंपा गवा ह।</verse>
				<verse number="18">तउ फिन मोर पुरस्कार काहे क? इही बरे जब मइँ सुसमाचार क प्रचार करीत हउँ बिना कउनउ मूल लिहे ही ओका करउँ। ताकि सुसमाचार क प्रचार मँ जउन कछू पावइ क मोर अधिकार बा, मइँ ओकर कुल उपयोग न करउँ।</verse>
				<verse number="19">जद्यपि मइँ किहू मनई क बन्धन मँ नाहीं हउँ, फन मइँ खुद क तोहरे सबन क गुलाम बनाइ लिहे हउँ। ताकि मइँ अधिकतर लोगन क जीत सकउँ।</verse>
				<verse number="20">यहूदियन क बरे मइँ एक यहूदी जइसेन बनउँ, ताकि मइँ यहूदियन क उद्धार मँ मदद करि सकउँ मइँ खुद व्यवस्था क अधीन नाहीं अहउँ। जउन लोग व्यवस्था क अधीन अहइँ, ओनके बरे मइँ एक अइसेन मनई बरे जउन व्यवस्था क अधीन जइसेन बनेउँ। इ मइँ एह बरे किहे कि मइँ व्यवस्था क अधीनन क उद्धार करवइ मँ मदद कइ सकउँ।</verse>
				<verse number="21">मइँ एक अइसेन मनई बने जउन व्यवस्था क नाहीं मानत। जद्यपि मइँ परमेस्सर क व्यवस्था स रहित नाहीं हउँ बल्कि मसीह क व्यवस्था क अधीन हउँ। तउ कि मइँ जउन व्यवस्था क नाहीं मानत हउँ ओन्हे जीत सकउँ।</verse>
				<verse number="22">जउन मनइयन कमजोर अहइँ, ओनके बरे मइँ कमजोर बनेउँ ताकि मइँ कमजोरन क उद्धार करावइ मँ मदद कइ सकी। हर किहू क बरे मइँ हर किहू जइसेन बनेउँ त कि हर सम्भव उपाय स ओनकर उद्धार कइ सकउँ।</verse>
				<verse number="23">इ सब कछू मइँ सुसमाचार क बरे करत हउँ ताकि एकरे बरदानन मँ मोर भी कछू भाग होइ।</verse>
				<verse number="24">का तू लोग इ नाहीं जानत अहा कि खेल क मैदान मँ दौड़त सबहिं धावक बाटेन मुला इनाम कउनो एक क मिलत ह। अइसेन दउड़ा कि जीत तोहार होइ सकइ।</verse>
				<verse number="25">कउनो खेल प्रतियोगिता मँ हर एक प्रतियोगी क हर तरह क आतिमा संयम करब होत ह। उ एक नासमान कीर्तिमान स सम्मानित होइ क बरे करत हीं मुला हम तउ एक अविनासी मुकुट क पावइ बरे इ करित ह।</verse>
				<verse number="26">एह तरह मइँ ओह मनई क समान दौड़त हउँ जेकरे सामने एक लच्छ बा। मइँ अहइ मुक्केबाज क तरह मुक्का मारत मारत हउँ मुला मइँ हवा मँ मुक्का नाहीं मारत हउँ।</verse>
				<verse number="27">बल्कि मइँ तउ आपन सरीर क कठोर अनुसासन मँ तपाइके, ओका अपने बस मँ करत हउँ। ताकि कहूँ अइसेन न होइ जाइ कि दुसरन क उपदेस देइ क बाद परमेस्सर क जरिये मइँ इ बेकार ठहराइ दीन्ह जाउँ।</verse>
			</chapter>
			<chapter number="10">
				<verse number="1">भाइयो तथा बहिनियो, मइँ चाहित हउँ कि तू जान ल्या हमरे पूर्वजन क का भवा रहा जउन मूसा क व्यवस्था क मानत रहेन। अउर उ सबहिं बादल क छत्र छाया मँ सुरच्छापूर्वक लाल सागर पार कइ ग रहेन।</verse>
				<verse number="2">ओन्हन सब क बादल क नीचे अउर समुद्दर मँ मूसा क अनुयायी क रूप मँ बपतिस्मा दीन्ह गवा रहा।</verse>
				<verse number="3">ओन सभन क समान आत्मिक भोजन खाए रहेन।</verse>
				<verse number="4">अउर उ सबइ समान आत्मिक पेय पिए रहेन काहेकि उ अपने साथे चलत रही उ आत्मिक चट्टान स ही जल ग्रहण करत रहेन। अउर उ चट्टान रही मसीह।</verse>
				<verse number="5">मुला ओहमें स अधिकांस लोगन स परमेस्सर खुस नाहीं रहा, इही बरे उ पचे मरुभूमि मँ मरि गएन।</verse>
				<verse number="6">इ बातन अइसेन घटिन कि हमरे बरे उदाहरण सिद्ध होइ गइन। ऍहसे हम खराब बातन क कामना न करी जइसेन ओन्हन किहे रहेन।</verse>
				<verse number="7">मूर्ति पूजक न बना, जइसेन कि ओहमाँ स कछू रहेन। पवित्तर सास्तरन कहत ह: “मनई खाइ पिअइ क बरे बइठा अउर परस्पर आनन्द मनावइ क बरे उठा।”</verse>
				<verse number="8">तउन आवा हम कभउँ व्यभिचार न करी जइसेन ओनमें स कछू किहे रहेन। इही नाते ओहमें स 23,000 मनई एक्कइ दिन मरि गएन।</verse>
				<verse number="9">आवा हम मसीह क परिच्छा न लेइ, जइसेन कि ओहमे स कछू जने लिहे रहेनन। परिणाम उ लोग साँप द्वारा मारा गएन।</verse>
				<verse number="10">सिकवा सिकायत न करा जइसेन कि ओनमें स कछू करत रहत रहेन अउर इही कारण विनास क सरगदूत क जरिये मार डावा गएन।</verse>
				<verse number="11">इ बात ओनके साथे अइसेन घटी कि उदाहरण बन जाइ। अउर ओन्हे लिख दीन्हा गवा कि हमरे बरे जेह पर युगे क अंत उतरा भवा बा, चेतावनी रहइ।</verse>
				<verse number="12">एह बरे जउन इ सोचत ह कि उ मजबूती स खड़ा अहइ, ओन्हे सावधान रहइ चाही कि उ गिर न पड़इ।</verse>
				<verse number="13">तू पचे कउनो अइसेन परिच्छा मँ नाहीं पड़ा अहा जउन, मनइयन क बरे सामान्य नाहीं बा। परमेस्सर बिसवासनीय अहइ। उ तोहार सक्ति स ज्यादा तोहे परीच्छा मँ न पड़इ देई। परीच्छा क साथे-साथे ओसे बचइ क रस्ताभी तोहे सबन क देइ ताकि तू परीच्छा क उत्तीर्ण कइ सका।</verse>
				<verse number="14">हमर पिआरा दोस्तन, अंत मँ मइँ कहत हउँ मूर्ति पूजा स दूर रहा।</verse>
				<verse number="15">तोहे समझदार समझिके मइँ अइसेन कहत हउँ। जउन मइँ कहत हउँ, ओका अपने आप परखा।</verse>
				<verse number="16">धन्यबाद क उ पियाला जेकरे बरे हम धन्यबाद देत हई, उ का मसीह क लहू (मृत्यु) मँ हमार साझेदारी नाहीं बा? उ रोटी जेका हम तोड़त त हई, का ईसू देह मँ महमार साझेदारी नाहीं बा?</verse>
				<verse number="17">रोटी क होब एक अइसा तथ्य अहइ, जेकर अर्थ बा कि हम सब एक्कइ सरीर स अही। काहेकि ओही रोटी मँ ही हम सब का साझेदारी बाटइ।</verse>
				<verse number="18">ओन्हन इस्राएलियन (यहूदियन) क बारे मँ सोचा, जउन बलि क चीज खात हीं। का ओनकर ओह वेदी मँ साझेदारी नाहीं अहइ?</verse>
				<verse number="19">इ बात क मोरे कहइ क प्रयोजन का बा? का मइँ इ कहई चाहित ह कि मूर्तियन पर चढ़ावा गवा भोजन कछू महत्व क बाटइ? या कि मूर्ति कछू भी नाहीं बाटइ।</verse>
				<verse number="20">बल्कि मइँ इ कहत हउँ कि अधर्मी जउन बलि चढ़ावत हीं, उ पचे परमेस्सर क बरे नाहीं बल्कि दुस्ट आतिमन क बरे चढ़ावत हीं। मइँ नाहीं चाहत हउँ कि तू पचे दुस्ट आतिमन क बरे चढ़ावा। मइँ नाहीं चाहित्त कि तू दुस्ट आतिमन क साझेदार बना।</verse>
				<verse number="21">तू पर्भू क कटोरा अउर सइतान क कटोरा मँ स एक साथ नाहीं पी सकत्या। तू सबइ पर्भू क भोज क चौकी अउर दुस्ट आतिमन क खाना क चौकी, दुइनउँ मँ एक साथे हींसा नाहीं बटाइ सकत्या।</verse>
				<verse number="22">का हम पर्भू क चिढ़ावइ चाहित ह? का जेतना सक्तिसाली उ अहइ, हम ओसे जियादा सक्तिसाली हई?</verse>
				<verse number="23">जइसेन की कहा गवा बा कि, “हम कछू भी करइ क बरे स्वतन्त्र हई।” पर सब कछू हितकारी तउ नाहीं अहइँ। “हम कछू भी करइ क बरे स्वतन्त्र हई।” मुला हर कउनो बात स बिसवास मजबूत तउ नाहीं होत।</verse>
				<verse number="24">केउ क भी मात्र सुवारथ क ही चिन्ता न करइ चाही बल्कि अउरन क भलाई क बारे मँ सोचइ चाही:</verse>
				<verse number="25">बजार मँ जउन्न कछू बिकाइ, अपने अन्तरमने क अनुसार उ सब कछू खा। ओकरे बारे कउनउ प्रस्न न करा।</verse>
				<verse number="26">काहेकि सास्तर कहत ह, “इ धरती अउर एह पर जउन कछू बा, सब पर्भू क अहइ।”</verse>
				<verse number="27">अगर अबिसवासियन मँ स कउनउ मनई तोहे खाना पर बोलावइ अउर तू उहाँ जाइ चाहत अहा तउ तोहरे सामने जउनउ परोसा गवा बा, आपने अर्न्तमने क अनुसार सब खा। कउनउ प्रस्न न पूछा।</verse>
				<verse number="28">मुला अगर केउ तोहे लोगन क इ बतावइ, “इ देवता पर चढ़ावा गवा चढ़ावा अहइ” तउ जे तोहे इ बतावइ, ओकरे कारण अउर अपने अर्न्तमने क कारण ओका न खा।</verse>
				<verse number="29">मइँ जब अर्न्तमन कहत हउँ तउ हमार मतलब तोहरे अर्न्तमने स नाहीं बल्कि ओह दुसरे मनई क अर्न्तमने स बा। एकमात्र इहई कारण अहइ। काहेकि मोर स्वतन्त्रता भला दूसरे मनई क अर्न्तमने क जरिये लीन्ह गए निर्णय स सीमित काहे रहइ?</verse>
				<verse number="30">अगर मइँ धन्यबाद दइके, खाना मँ हिस्सा लेइत ह तउ जेह चीज क बरे मइँ परमेस्सर क धन्यबाद देइत ह, ओकरे बरे मोर आलोचना नाहीं कीन्ह जाइ चाही।</verse>
				<verse number="31">इही बरे चाहे तउ खा, चाहे पिआ, चाहे कछू अउर करा, सब कछू परमेस्सर क महिमा क बरे करा।</verse>
				<verse number="32">यहूदियन क बरे रहा या गैर यहूदियन क बरे जउन परमेस्सर क कलीसिया क अहइँ, ओनके बरे कभउँ बाधा न बना</verse>
				<verse number="33">जइसे मइँ खुद सब तरह स हर कउनो क खुस रखइ क जतन करत अहउँ, अउर बिना इ सोचे कि मोर सुवारथ का अहइ, परमार्थ क सोचत हउँ ताकि ओनकर उद्धार होइ।</verse>
			</chapter>
			<chapter number="11">
				<verse number="1">तऊन तू लोग वइसेन ही मोर अनुसरण करा जइसेन मइँ मसीह का अनुसरण करित हउँ।</verse>
				<verse number="2">मइँ तोहार प्रसंसा करत हउँ। काहेकि तू मोका हर समइ सुमिरत करत रहत ह; अउर जउन सिच्छन मइँ तोहे दिहे हउँ, ओनका सावधानी स पालन करत रह्या।</verse>
				<verse number="3">पर मइँ चाहित ह कि तू इ जान ल्या कि स्त्री क सासक पुरूस अहइ, पुरूस क सासक मसीह अहइ, अउर मसीह क सासक परमेस्सर अहइ।</verse>
				<verse number="4">हम अइसे मनई जउन सिर ढाँकिके पराथना करत ह या परमेस्सर कइँती बोलत ह, उ आपन प्रधान क अपमान करत ह।</verse>
				<verse number="5">पर हर एक अइसी स्त्री जउन बिना सिर ढाँकिके पराथना करत ह या जनता मँ परमेस्सर कइँती बोलत ह, उ अपने प्रधान क अपमानित करत ह। उ ठीक ओह स्त्री क समान अहइ जे आपन सिर मुंडवाइ दिहे अहइ।</verse>
				<verse number="6">अगर कउनउ स्त्री आपन सिर नाहीं ढाँकत तउ उ अपने बालउ काहे नाहीं मुँड़वाइ लेत। मुला अगर स्त्री क बरे बाल मुँड़वाउब लज्जा क बात अहइ तउ ओका आपन्न मूँड़ ढकँइ चाही।</verse>
				<verse number="7">मुला पुरूस क बरे आपन मूँड़ ढकब अच्छा नाहीं बा काहेकि उ परमेस्सर क सरूप अउर महिमा क प्रतिबिम्ब अहइ। मुला एक स्त्री आपन पुरूस क महिमा क प्रतिबिम्ब कहत ह।</verse>
				<verse number="8">हम अइसेन एह बरे कहक हई काहेकि पुरूस कउनो स्त्री स नाहीं, बल्कि स्त्री पुरूस स बनी बाटइ।</verse>
				<verse number="9">पुरूस स्त्री क बरे नाहीं रचा गवा बल्कि स्त्री क रचना पुरूस क बरे कीन्ह गइ बा।</verse>
				<verse number="10">इही बरे परमेस्सर तउ ओका जउन अधिकार दिहे अहइ, ओकर प्रतीक रूप स स्त्री क चाही कि उ आपन मूँड़ ढाकइ। ओका सरगदूत क कारण अइसेन करइ चाही।</verse>
				<verse number="11">फिन भी उ पर्भू मँ न तउ स्त्री पुरूस स स्वतन्त्र अहइँ अउर न तउ पुरूस स्त्री स।</verse>
				<verse number="12">काहेकि जइसेन पुरूस स स्त्री आइ, वइसेन ही स्त्री पुरूस क जनम दिहेस। मुला सब केउॅ परमेस्सर स आवत हीं।</verse>
				<verse number="13">खुद निर्णय करा। का एक स्त्री क मूँड़ उघारे परमेस्सर क पारथना करब अच्छा लागत ह?</verse>
				<verse number="14">का खुद प्रतीक तोहे नाहीं देखॉवत कि अगर केउ पुरूस आपन बाल लम्बा बढ़इ देइ तउ इ ओकरे बरे सरम क बात अहइ,</verse>
				<verse number="15">अउर इ कि एक स्त्री क बरे इहइ ओकर सोभा अहइ? सहीयउ मँ ओका ओकरे लम्बा बाल एक प्राकृतिक ओढ़नी क रूप मँ दीन्ह गवा बा।</verse>
				<verse number="16">अब ऍह पर अगर कउनउ बिबाद करइ चाहइ तउ हमका कहइ क होइ कि न तऊ हमरे इहाँ कउनउ अइसेन प्रथा परमेस्सर क कलीसिया मँ नाहीं बा।</verse>
				<verse number="17">अब इ आदेस देत हउँ मइँ तोहार प्रसंसा नाहीं करत हउँ काहेकि तोहर आपस मँ मिलब तोहार भला करइ क बजाय तोहे हानि पहुँचावत बा।</verse>
				<verse number="18">सबसे पहिले इ कि मइँ सुने हउँ कि तू लोग सभा मँ जब परस्पर मिलत ह्या त तोहरे बीच मतभेद रहत ह। कछू अंस तक मइँ एह पर बिसवास करत हउँ।</verse>
				<verse number="19">(आखिरकार तोहरे बीच मतभेद भी होइहीं। जेहसे कि तोहरे बीच मँ जउन अच्छा ठहरावा गवा बा, उ सामने आइ जाइ।)</verse>
				<verse number="20">तउन जब तू आपस मँ इकट्ठा होत ह तउ सचमुच पर्भू क भोज पावइ क बरे नाहीं एकट्ठा होत्या,</verse>
				<verse number="21">मुला जब तू भोज ग्रहण करत ह त तोहमाँ स हर केऊॅ आगे बढ़ि क अपनेन ही खाना पर टूट पड़त ह। अउर बस केउ मनई तउ भूखइ ही चला जात ह, जब कि कउनउ मनई बहुत जियादा खाइ-पी क मस्त होइ जात ह।</verse>
				<verse number="22">का तोहरे लगे खाइ-पीअइ क बरे आपन घर नाहीं बा। अउर एह तरह तू परमेस्सर क कलीसिया क अनादर नाहीं करत अहा? अउर जउन दीन अहइँ ओनकर तिरस्कार करइ क चेस्टा नाहीं करतेन? मइँ तोहसे का कहीं? एकरे बरे का मइँ तोहर प्रसंसा करउँ। एह बिसय मँ तोहार प्रसंसा न करब।</verse>
				<verse number="23">काहेकि जउन सीख मइँ तोहे सबन क दिहे हउँ, उ हमका पर्भू स मिली रही। पर्भू ईसू त ओह रात, जब ओका मरवाइ डालइ क बरे पकड़वावा ग रहा, उ एक ठु रोटी लिहेस,</verse>
				<verse number="24">अउर धन्यबाद देइ क बाद, उ ओका तोड़ेस अउर कहेस, “इ मोर देह अहइ, जउन तोहरे बरे बा। मोका याद करइ क बरे तू अइसेन ही किहा करा।”</verse>
				<verse number="25">उ भोजन कइ चुकइ क बाद इही तरह उ कटोरा उठाएस अउर कहेस, “इ कटोरा मोरे लहू क जरिये कीन्ह गवा एक नवा करार अहइ। जब कभउँ तू एका पिआय तबहिं मोका याद करइ क बरे अइसेन करा।”</verse>
				<verse number="26">काहेकि जेतॅनी बार उ तू ऍह रोटी क खात ह अउर एह कटोरा क पिअत ह, ओतॅनी बार जब तलक उ आइ नाहीं जात, तू पर्भू क मउत क प्रचार करत रहा।</verse>
				<verse number="27">अत: जब केउ पर्भू क रोटी या पर्भू क कटोरा क अनुचित रूप स खात-पिअत ह, उ पर्भू क देह अउर ओकर लहू क बरे अपराधी होइ।</verse>
				<verse number="28">मनई क चाहे कि उ पहिले अपने क परखइ अउर तब इ रोटी क खाई अउर इ कटोरा क पिअइ।</verse>
				<verse number="29">काहेकि पर्भू क देह क मतलब समझे बिना जउन एह रोटी क खात ह अउर एह कटोरा क पिअत ह, उ एह तरह खाइ-पीके अपने उप्पर सजा क बोलावत ह।</verse>
				<verse number="30">इही बरे तउ तोहमाँ स बहुत लोग कमजोर अहइँ बीमार अहइँ अउर बहुत स त चिरनिद्रा मँ सोइ ग अहइँ।</verse>
				<verse number="31">मुला अगर हम अपने आप क अच्छे तरह स परख लिहे होइत हमका पर्भू क सजा न भोगइ पड़ी।</verse>
				<verse number="32">पर्भू हमका अनुसासित करइ क बरे सजा देत थ। ताकि हमका संसार क साथे दण्डित न कीन्ह जाइ।</verse>
				<verse number="33">एह बरे कि हे मोर भाइयो तथा बहिनियो, जब भोजन करइ त एकट्ठा होत ह तउ परस्पर एक दूसरे क इन्तजार करा।</verse>
				<verse number="34">अगर सहीयउ मँ कउनो क बहुत भूख लगी होइ तउ ओका घरे पर खाइ लेइ चाही ताकि तोहार एकत्र होइ तोहरे बरे दण्ड क कारण न बनइ। अउर, दूसर बातन क जब मइँ अउबइ तबइ सुलझाउब।</verse>
			</chapter>
			<chapter number="12">
				<verse number="1">भाइयो तथा बहिनियो, अब मइँ चाहत हउँ कि तू आतिमा क बरदान क बारे मँ जाना।</verse>
				<verse number="2">तू जानत अहा कि जब तू विधर्मी रह्या तब तोहे गूगी जड़ मूर्तियन कइँती जइसेन भटकावा जात रहा, तू वइसेन ही भटकत रह्य।</verse>
				<verse number="3">तउन मइँ तोहे बतावत हउँ कि परमेस्सर क आतिमा क बोलइ वाला कउनउ इ नाही कहत, “ईसू क स्राप लगइ” अउर पवित्तर आतिमा क बगैर मदद द्वारा कहइवालन क न केउ इ कहि सकई, “ईसू पर्भू अहइ।”</verse>
				<verse number="4">हर एक क आतिमा क अलग-अलग बरदान मिला बा। मुला ओनका देइवाली आतिमा तउ एक्कइ बा।</verse>
				<verse number="5">सेवा कइउ तरह क निस्चित कीन्ह गइ बाटिन मुला हम सब जेकर सेवा करत अही उ पर्भू तउ एक ही अहइ।</verse>
				<verse number="6">काम-काज बहुत स बतावा गवा बाटेन मुला सबहिं क बीच सब कामन क करइवाला उ परमेस्सर तउ एक ही अहइ।</verse>
				<verse number="7">सब कउनो मँ आतिमा केउ न केउ रूपे मँ परगट होत ह जउन हर एक क भलाइ क बरे होत ह।</verse>
				<verse number="8">कउनो क आतिमा क जरिये परमेस्सर क गियान स युक्त भइ बोलइ क योग्यता दीन्ह गइ बा। तउ केउ क उही आतिमा क जरिये दिव्य गियान क प्रबचन क योग्यता।</verse>
				<verse number="9">अउर केउ क उही आतिमा द्वारा बिसवास क बरदान दीहा गवा बा तउ केउ क चंगा करइ क छमता ऊही आतिमा क जरिये दीन्ह गइ बा।</verse>
				<verse number="10">अउर केउ दुसरे मनई क अद्भुत कारजन करइ क सक्ती दीन्ह गइ बा तउ केउ दूसरे क परमेस्सर कइँती स बोलइ क सामर्थ्य दीन्ह गवा बा। अउर केउ क मिली बा भली बुरी आतिमा क अन्तर क पहिचानइ क सक्ती कउनो क अलग-अलग भाखा बोलइ क सक्ती मिली भइ बा: तउ केउ क भाखा क बियाखिया कईके ओकर मतलब निकालइ क सक्ती।</verse>
				<verse number="11">मुला इ उहई एक आतिमा बा जउन जेह-जेह क जइसेन-जइसेन ठीक समझत ह, देत भए इन सब बातन क पूरा कइ सकत ह।</verse>
				<verse number="12">जइसेन हममें स हर एक क सरीर तउ एक्कइ बा, पर ओहमाँ अंग कइयउ बाटेन। अउर यद्यपि अंगन क कइयउ रहत भए ओनसे देह एकइ बनत ह वइसेन ही मसीह अहइ।</verse>
				<verse number="13">काहेकि चाहे हम यहूदी रहा अही, चाहे गैर यहूदी, सेवक होइ य स्वतन्त्र एकइ सरीर क विभिन्न अंग बनी जाइ क बरे हम सब क एकइ आतिमा द्वारा बपतिस्मा दीन्ह गवा अउर पियास बुझावइ क हम सब क एकइ आतिमा दीन्ह गइ बा।</verse>
				<verse number="14">अब देखा, मनई सरीर कउनो एक अंग स ही तउ बना नाहीं होत, बल्कि ओहमाँ बहुत स अंग होत हीं।</verse>
				<verse number="15">अगर गोड़ कहई, “काहेकि मइँ हाथ नाहीं हउँ, इही बरे मोर सरीर स कउनउ सम्बन्ध नाहीं।” तउ इही बरे क उ सरीर क अंग न रही।</verse>
				<verse number="16">इही तरह अगर कान कहइ, “काहेकि मइँ आँख नाहीं हउँ, एह बरे मइँ सरीर क नाहीं हउँ।” तउ का इही कारण स उ सरीर क अंग न रही?</verse>
				<verse number="17">अगर एक आँख ही सब सरीर होत तउ सुना कहाँ स जात? अगर कान ही सब सरीर होत तउ सूँघा कहाँ स जात?</verse>
				<verse number="18">मुला परमेस्सर जइसा ठीक समझेस उ सही मँ सरीर मँ वइसेन ही स्थान दिहेस।</verse>
				<verse number="19">तउ सरीर क सब अंग एक जइसा ही होइ जात तउ सरीर ही कहाँ होत।</verse>
				<verse number="20">मुला स्थिति इ बा कि अंग त कइयउ होत हीं मुला सरीर एक्कइ रहत ह।</verse>
				<verse number="21">आँख हाथे स इ नाहीं कहि सकत, “मोका तोहार जरूरत नाहीं बाटइ!” या अइसे ही सिर, गोड़न स इ नाहीं कहि सकत, “हमका तोहार जरूरत नाहीं!”</verse>
				<verse number="22">एकरे बिलकूल उल्टा सरीर क अंगन क हम कमजोर समझित ह, उ सबइ बहुत जरूरी होत हीं।</verse>
				<verse number="23">अउर सरीर क जउने अंगन क हम कम आदरणीय समझित ह, ओनकर हम जियादा धियान रखित ह। अउर हमार गुप्त अगं अउर जियादा सालीनता पाइ लेत हीं।</verse>
				<verse number="24">जब कि हमरे प्रदर्सनीय अंगन क एह तरह क उपचार क जरूरत नाहीं होत। मुला परमेस्सर तउ हमरे सरीर क रचना एह ढंग स किहेस ह जेहसे ओन अंगन क जउन कम सुन्दर बा अउर जियादा आदर मिलइ।</verse>
				<verse number="25">ताकि देहे मँ कहूँ कउनउ फूट न पड़इ बल्कि देहे क अंग परस्पर एक दुसरे क समान रूप स धियान रखइँ।</verse>
				<verse number="26">अगर सरीर क कउनउ एक अंग दुख पावत ह तउ ओकरे साथे सरीर क अउर सभन अंग दुखी होत हीं। अगर कउनउ एक अंग क मान बढ़वत ह त ओकर खुसी मँ सभन अगं हिस्सा बटाव थीं।</verse>
				<verse number="27">एह तरह तू सभन लोग मसीह क देह अहा अउर अलग-अलग रूप मँ ओकर अंग अहा।</verse>
				<verse number="28">ऍतना ही नाहीं परमेस्सर तउ कलीसिया मँ पहिले प्रेरितन क, दूसरे नबियन क, तीसरे उपदेसकन क फिन अद्भुत कारजन करइ वालन क, चंगा करइ क सक्ती स युक्त मनइयन क, फिन ओनकर जउन दुसरन क सहायता करत हीं, स्थापित किहे अहइ, फिन अगुवाई करइवालन क अउर फिन ओन्हन लोगन क जउन विभिन्न भाखा बोल सकत हीं।</verse>
				<verse number="29">का इ सब लोग प्रेरित अहइँ? का इ सब लोग नबी अहइँ? का इ सब लोग उपदेसक अहइँ? का इ सब लोग अचरज काम करत हीं?</verse>
				<verse number="30">का इ सब लोगन क लगे चंगा करइ क सक्ती बाटइ? का इ सब लोग दूसर भाखा बोलत हीं?</verse>
				<verse number="31">हाँ, मुला आतिमा क अउर बड़ा बरदान पावइ क बरे यत्न करत रहा। अउर इ सबन क बरे अच्छा रस्ता तू पचन क अब मइँ देखउब।</verse>
			</chapter>
			<chapter number="13">
				<verse number="1">अगर मइँ मनइयन अउर सरगदूत क भाखा बोल सकउँ मुला मोहेमाँ पिरेम न होइ, तउ मइँ एक बाजत भआ सिरिफ घड़ियाल या झंकारत भइ झाँझ अहउँ।</verse>
				<verse number="2">अगर मइँ परमेस्सर कइँती स बोलइ क सक्ती क बरदान प्रप्त करउँ अउर जदि मइँ परमेस्सर क सबइ रहस्यन क जानत होउँ अउर समूचा दिव्य गियान मोरे लगे होइ अउर ऍतना बिसवास उ मोका होइ कि पर्वतन क अपने स्थान स सरकाइ सकउँ, मुला मोहेमाँ पिरेम न होइ तउ मइँ कछू नाहीं अहउँ।</verse>
				<verse number="3">अगर मइँ आपन सारी सम्पत्ति थोड़-थोड़ कइके जरूरत मन्द क बरे दान कइ देउँ अउर अब चाहे अपने सरीर तक क जलाइ डालइ क बरे सौंप देउँ मुला अगर मइँ पिरेम नाहीं करित तउ।</verse>
				<verse number="4">एहसे मोर भला होइवाला नाहीं बा। पिरेम धीरजपूर्ण बा, पिरेम दयामय बा, पिरेम मँ ईर्सा नाहीं होत, पिरेम आपन प्रसंसा आप नाहीं करत।</verse>
				<verse number="5">उ अभिमानी नाहीं होत। उ अनुचित व्यवहार कबहुँ नाहीं करत, उ सुवार्थी नाहीं बा, पिरेम कबहुँ झुँझलात नाहीं, उ बुराइयन क कउनउ लेखा-जोखा नाहीं रखत।</verse>
				<verse number="6">बुराइ पर कबहुँ ओका खुस नाहीं होतइ। उ तउ दुसरन क साथे सत्य पर आनंदित होत ह।</verse>
				<verse number="7">उ हमेसा रच्छा करत ह, उ हमेसा बिसवास करत ह। पिरेम हमेसा आसा स भरा रहत ह। उ सहनसील बा।</verse>
				<verse number="8">पिरेम अमर बा। जब कि भविस्सबाणी करइ क सामर्थ तउ समाप्त होइ जाइ, दूसर भाखा क बोलइ क छमता स जुरी भइ जीभ एक दिन चुप होइ जइहीं, दिव्य गियान क उपहार जात रही,</verse>
				<verse number="9">काहेकि हमार गियान तउ अधूरा बा। हमार सब भविस्सबाणी अपूर्ण बाटिन।</verse>
				<verse number="10">मुला जब पूर्णता आई तउ उ अधूरापन चला जाई।</verse>
				<verse number="11">जब मइँ गदेला रहे तउ एक गदेला क तरह ही बोला करत रहे, वइसेन ही सोचत रहे अउर उही तरह सोच विचार करत रहे, मुला अब जब मइँ बाढ़िके मनई बनि गवा हउँ, तउ उ बचपने क बात जात रही बाटइ।</verse>
				<verse number="12">काहेकि अबहिं तउ दरपन मँ हमका एक धुँधली सी छाया देखॉय पड़त रही बा मुला पूरी तरह मिलि जाए पइ हम पूरी तरह आमने-सामने देखब। अबहिं तउ मोर गियान तनिक बा मुला समइ आवइ पर उ पूरा होये। वइसे ही जइसे परमेस्सर मोका पूरी तरह जानत ह।</verse>
				<verse number="13">इही बीच बिसवास, आसा अउर पिरेम तउ बना ही रहइँ अउर इन तीनऊ मँ सबसे महान बाटइ पिरेम।</verse>
			</chapter>
			<chapter number="14">
				<verse number="1">पिरेम क रस्ता पर कोसिस करत रहा। अउर आध्यात्मिक बरदानन क निष्ठा क साथे अभिलास करआ। बिसेस रूप स परमेस्सर क तरफ स बोलइ क।</verse>
				<verse number="2">काहेकि जेका दुसरन क भाखा मँ बोलइ क बरदान मिला ब, उ तउ सही मँ लोगन स नाहीं, बल्कि परमेस्सर स बात करत बाटइ। काहेकि ओका केउ समझ नाहीं पावत, उ त आतिमा क सक्ति स रहस्यमय होइके बानी बोलत बा।</verse>
				<verse number="3">मुला उ जेका परमेस्सर कइँती स बोलइ क बरदान मिला बा, उ लोगन स ओन्हे आतिमा मँ मजबूत प्रोत्साहन अउर चैन पहुँचावइ बरे बोलत बा।</verse>
				<verse number="4">जेका विभिन्न भाखन मँ बोलइ क बरदान मिला बा उ तउ बस आपन आतिमा क ही मजबूत करत ह मुला जेका परमेस्सर कइँती स बोलइ क सामर्थ मिला बा उ समूची कलीसिया क आध्यात्मिक रूप स मजबूत बनावत ह।</verse>
				<verse number="5">अब मइँ चाहत हउँ कि तू सबइ दूसर कइयउ भाखा बोला। मुला एहसे जियादा मइँ इ चाहित हउँ कि तू परमेस्सर कइँती स बोल सका काहेकि कलीसिया क आध्यात्मिक मजबूती क बरे अपने कहे क बियाखिया करइवाले क छोड़िके, दूसरी भाखा बोलइवालन स परमेस्सर कइँती स बोलइवाला बड़ा बा।</verse>
				<verse number="6">तउन भाइयो तथा बहिनियो, अगर दूसरी भाखन मँ बोलत भआ मइँ तोहरे लगे आवउँ तउ हसे तोहार का भला होइ, जब तलक कि तोहरे बरे मइँ कउनउ रहस्य उद्घाटन, दिव्य गियान, परमेस्सर क सन्देस या कउनउ उपदेस न देउँ।</verse>
				<verse number="7">इ बोलब त अइसेन ही होइ जइसे कउनो बाँसुरी या सांरगी जइसेन निर्जीव बाजा क आवाज। अगर कउनो बाजा क स्वरन मँ परस्पर साफ अन्तर न होइ तउ कउनउ कइसे पता लगाइ पाई कि बाँसुरी या सांरगी पर कउन स धुन बजाइ जात बा।</verse>
				<verse number="8">अउर अगर बिगुल स अस्पस्ट आवाज निकलइ लागइ तउ फिन युद्ध क बरे तइयार के होई?</verse>
				<verse number="9">इही तरह कउनो दूसरे क भाखा मँ जब तक कि तू साफ-साफ न बोला, तब तलक केऊॅ कइसेन समझ पाई कि तू का कहे रह्या। काहेकि अइसेन मँ तू बस हवा मँ बोलाइवाला ही रही जाब्या।</verse>
				<verse number="10">एहमाँ कउनउ संदेह नाहीं बा कि संसार मँ भाँति-भाँति क बोली अहइँ अउर ओहमाँ स कउनउ खराब नाहीं अहइ।</verse>
				<verse number="11">तउन अब तलक मइँ ओह भाखा क जानकार नाहीं हउँ, तब तलक बोलइवालन क बरे मइँ एक अजनबी ही रहबइ। अउर उ बोलइवाला मोरे बरे एक ठु अजनबी ही ठहरी।</verse>
				<verse number="12">तोह पइ इ बात लागू होत ह काहेकि तू आध्यात्मिक बरदानन क पावइ बरे उत्सुक अहा। इही बरे ओहमाँ भरपूर होइ क प्रयास करा। जेहसे कलीसिया क आध्यात्मिक मजबूति मिली जाइ।</verse>
				<verse number="13">परिणामसरूप जउन दूसर भाखा मँ बोलत ह, ओका पराथना करई चाही कि उ आपन कहे क मतलब भी बताइ सकइ।</verse>
				<verse number="14">काहेकि अगर मइँ किहींउ अउर भाखा मँ पराथना करउँ तउ मोर आतिमा त पराथना करत रही होत ह मुला मोरे बुद्धि बेकार रहत ह।</verse>
				<verse number="15">तउ फिन का करइ चाही? मइँ आपन आतिमा स तउ पराथना करबइ। मुला ओकरे साथ आपन बुद्धि स भी पराथना करबइ। आपन आतिमा स त ओकर स्तुति करबइ ही मुला आपन बुद्धि स भी ओकर स्तुति करबइ।</verse>
				<verse number="16">काहेकि अगर तू केवल आपन आतिमा स ही कउनउ आसीर्बाद द्या तउ हुवाँ बइठा कउनउ मनई जउन बस सुनत अहइ, तोहरे धन्यबाद पर “आमीन” कइसे कहि देई काहेकि तू जउन कहत अहा, ओका उ जनबइ नाहीं करत।</verse>
				<verse number="17">अब देखा तू तउ चाहे भली-भाँति धन्यबाद देत अहा मुला दूसर मनई क तउ ओसे कउनउ आध्यात्मिक मजबूति नाहीं होत।</verse>
				<verse number="18">मइँ परमेस्सर क धन्यबाद देत हउँ कि मइँ तोसे बढ़कर क विभिन्न भाखा बोलि सकित हउँ।</verse>
				<verse number="19">मुला कलीसिया सभा क बीच कउनो दूसरी भाखा मँ दसहु हजार सब्द बोलइ क अपेच्छा आपन बुद्धि क उपयोग करत हुए पाँच सब्द बोलब अच्छा समझत अहउँ ताकि दूसरे क भी उपदेस दइ सकउँ।</verse>
				<verse number="20">भाइयो तथा बहिनियो, अपने बिचारन मँ गदेलन क नाई रहा बल्कि बुराइयन क बारे मँ अबोध गदेला जइसेन बना रहा। मुला आपन चिन्तन मँ समझदार बना।</verse>
				<verse number="21">व्यवस्था मँ लिखा बा: “उपयोग ओनकर करत भए अउर बोली बोलत जउन, ओनके ही मुँहन क, उपयोग करत भए जउन क पराया मइँ करबइ बात एनसे पर न इ हमार सुनिहीं बात तब भी।” पर्भू अइसेन ही कहत ह।</verse>
				<verse number="22">तउन दूसर भाखा बोलइ क बरदान अबिसवासियन क बरे संकेत अहइ न कि बिसवासियन क बरे अहइ। जब कि भविसबाणी करब अबिसवासियन बरे नाहीं बल्कि बिसवासियन बरे अहइ।</verse>
				<verse number="23">तउन अगर समूचा कलीसिया एकट्ठ होइ अउर हर केऊॅ दूसर-दूसर भाखा मँ बोलत होइ तब भी बाहर क लोग या अबिसबासी भित्तर आइ जाइँ तउ का उ पचे तोहे पागल न कइहीं।</verse>
				<verse number="24">मुला अगर हर केउ परमेस्सर कइँती स बोलत होइँ अउर तब तलक कछू अबिसवासी या बाहर क आइ जाइँ त का सब लोग ओका ओकर पाप क बोध न कराइ देइहीं। सब लोग जे कहत हीं, ऊही पइ ओकर निआव होई।</verse>
				<verse number="25">जब ओकरे मने क भित्तर छिपा भेद खुली जाइ तब तलक उ इ कहत भआ, “सचमुच तोहरे बीच परमेस्सर अहइ।” दण्डवत प्रणाम कइके परमेस्सर क आराधना करिहीं।</verse>
				<verse number="26">भाइयो तथा बहिनियो! तउ फिन का करइ चाही? तू जब एकट्ठा होत ह तोहमाँ स कउनउ भजन, कउनउ उपदेस अउर कउनउ आध्यात्मिक रहस्य क उद्घाटन करत ह। कउनउ केउ अउर भाखा मँ बोलत ह त कउनउ ओकर बियाखिया करत ह। इ सब बात कलीसिया क आध्यात्मिक मजबूती क बरे कीन्ह जाइ चाही।</verse>
				<verse number="27">अगर केउ अउर भाखा मँ बोलत बाटइ तउन जियादा स जियादा दुइ या तीन क ही बोलइ चाही अउर बारी बारी, एक-एक कइके अउर जउन कछू कहा गवा बा, एक-एक क ओकर बियाखिया करइ चाही।</verse>
				<verse number="28">अगर उहाँ बियाखिया करइवाला केउ न होइ तउ बोलइवाले क चाही कि उ सभा मँ चुपइ रहइ अउर फिन ओका अपने आप स अउर परमेस्सर स ही बात करइ चाही।</verse>
				<verse number="29">परमेस्सर कइँती स ओकर दूत क रूप मँ बोलइ क जेनका बरदान मिला बा, अइसेन दुइ या तीन नबियन क ही बोलइ चाही अउर दूसरन क चाही कि जउन कछू उ कहे अहइ, उ ओका परखत रहइँ।</verse>
				<verse number="30">अगर हुवाँ केउ बइठा भआ पर कउने क बात रहस्य उद्घाटन होत ह जउन परमेस्सर कइँती स बोलत अहइ पहिला वक्ता क चुप होइ जाइ चाही।</verse>
				<verse number="31">काहेकि तू एक-एक कइके भविस्सबाणी कइ सकत ह्या ताकि सबहिं लोग सीखइँ अउर प्रोत्साहित होइँ।</verse>
				<verse number="32">नबियन क आतिमन नबियन क बस मँ रहत हीं।</verse>
				<verse number="33">काहेकि परमेस्सर अव्यवस्था नाहीं देत, उ सान्ति देत ह। जइसेन कि सन्तन क सभन कलीसियन मँ होत ह।</verse>
				<verse number="34">स्त्रियन क चाही क उ कलीसियन मँ चुप रहइँ काहेकि ओन्हे सान्त रहइ चाही, बल्कि जइसेन कि व्यवस्था मँ कहा गवा बा, ओनका दबिके रहइ चाही।</verse>
				<verse number="35">अगर उ कछू जानइ चाहत ह तउ ओन्हे घरे पे आपन-आपन पति स पूछइ चाही काहेकि एक स्त्री क बरे सर्मनाक अहइ कि उ सभा मँ बोलइ।</verse>
				<verse number="36">का परमेस्सर क बचन तोहसे पैदा भवा बा? या उ मात्र तोहे तलक पहुँचा? निस्चित नाहीं बा।</verse>
				<verse number="37">अगर केउ सोचत ह कि उ नबी अहइ अउर ओका कछू आध्यात्मिक बरदान मिला बा तउ ओका पहिचान लेइ चाही कि मइँ तोहे जउन कछू लिखत हउँ, उ पर्भू क आदेस बा।</verse>
				<verse number="38">तउन अगर केउ ऍका नहीं पहिचान पावत तउ ओका उ परमेस्सर द्वारा भी नाहीं जाना चाई।</verse>
				<verse number="39">एह बरे मोर भाइयो तथा बहिनियो, परमेस्सर कइँती स बोलइ क तत्पर रहा अउर दूसरा भाखा मँ बोलइ वालन क भी न रोका।</verse>
				<verse number="40">मुला इ सभन बातन सही ढंग स अउर व्यवस्थानुसार कइ जाइ चाही।</verse>
			</chapter>
			<chapter number="15">
				<verse number="1">भाइयो तथा बहिनियो, अब मइँ तोहे सबन क ओह सुसमाचार क याद दिवावइ चाहत हउँ जेका मइँ तोहे सुनाए हउँ अउर तूहउ सबे जेका ग्रहण किहे रह्या अउर जेहमाँ तू हमेसा स्थित बना भवा अहा।</verse>
				<verse number="2">अउर जेकरे जरिये तोहर उद्धार भी होत बा बसर्ते तू ओन्हन सब्दन क जेका मइँ तोहे आदेस दिहे रहेउँ, अपने मँ मजबूती स थामे रखा। (नाहीं तउ तोहर बिसवास धारन करबइ ही बेकार गवा।)</verse>
				<verse number="3">जउन सबसे पहिले बात मोका मिली भइ रही, ओका मइँ तोहे तलक पहुँचाइ दिहेउँ कि पवित्तर सास्तरन क अनुसार, मसीह हमरे पापन क बरे मरा</verse>
				<verse number="4">अउर ओका दफनाइ दीन्ह गवा। अउर पवित्तर सास्तरन क अनुसार फिन तीसरे दिना ओका जियाइके उठाइ दीन्ह गवा।</verse>
				<verse number="5">अउर फिन उ परतस क सामने परगट भवा अउर ओकरे बाद बारह प्रेरितन क उ दर्सन दिहे।</verse>
				<verse number="6">फिन उ पाँच सऊ स भी जियादा भाइयन क एक साथे देखॉइ दिहेस। ओनमाँ स बहुतेरे आज तकल जिन्दा अहइँ। जद्यपि कछू क मउत भी होइ चुकी बा।</verse>
				<verse number="7">एकरे बाद उ याकूब क सामने परगट भवा। अउर तब उ सभी प्रेरितन क फिन दर्सन दिहेस।</verse>
				<verse number="8">अउर सब स अंत मँ ओ मोका भी दर्सन दिहेस। मइँ तउ समइ स पहिले असामान्य जन्मा सतमासा बच्चा जइसेन अहउँ।</verse>
				<verse number="9">काहेकि मइँ तउ प्रेरितन मँ सबसे छोटका हउँ। इहाँ तलक कि मइँ तउ प्रेरित कहवावइ क योग्य नाही हउँ, काहेकि मइँ तउ परमेस्सर क कलीसिया क सतावा करत रहेउँ।</verse>
				<verse number="10">मुला परमेस्सर क अनुग्रह स मइँ वइसेन बना हउँ जइसेन आज अहउँ मोहे पइ ओनकर अनुग्रह बेकार नाहीं गवा। मइँ त ओन सबसे बढ़ी चढ़ी क मेहनत किहे हउँ, जद्यपि उ मेहनत करइवाला मइँ नाहीं रहेउँ, बल्कि परमेस्सर क उ अनुग्रह रहा जउन मोरे साथे रहत रहा।</verse>
				<verse number="11">तउन चाहे तोहे मइँ उपदेस दिहे होइ चाहे ओ, मइँ सब इहई उपदेस देइत ह अउर इही पइ तू बिसवास किहे अहा।</verse>
				<verse number="12">मुला जब कि मसीह क मरे भएन मँ स पुनरुत्थान कीन्ह गवा तउ तोहमाँ स कछू अइसेन काहे कहत बाटेन कि मउत क बाद फिन स जी उठब सम्भव नाहीं बा।</verse>
				<verse number="13">अउर अगर मउत क बाद जी उटब ही नाहीं तउ फिन मसीह क मउत बाद नाहीं जियावा गवा।</verse>
				<verse number="14">जदि मसीह नाहीं जिया तउ हमार उपदेस देब बेकार बा अउर तोहार बिसवास भी बेकार बा।</verse>
				<verse number="15">अउर हमहूँ फिन तउ परमेस्सर क बारे मँ झूठ साच्छी ठहरत अही काहेकि हम तउ परमेस्सर क सामने कसम खाइके इ साच्छी दिहे अही कि उ मसीह क मरे भएन मँ स जियाएस। मुला उनके कहइ क अनुसार अगर मरा भवा जियावा नाहीं जात तउ फिन परमेस्सर मसीह क भी नाहीं जियाएस।</verse>
				<verse number="16">काहेकि अगर मरा भवा नाहीं जियाइ जात ह तउ मसीह क भी नाहीं जियावा गवा।</verse>
				<verse number="17">अउर अगर मसीह क फिन स जिन्दा नाहीं कीन्ह गवा रहा, फिन तउ तोहार बिसवास भी बेकार बा, अउर तू अबहुँ अपने पापन मँ फँसा भवा ह।</verse>
				<verse number="18">हाँ, तउ फिन जे मसीह क बरे आपन प्रान दइ दिहेन, उ सबइ अइसेन ही खतम भएन।</verse>
				<verse number="19">अगर हम केवल अपने भौतिक जीवन क बरे ही ईसू मसीह मँ आपन आसा रखे रही तब तउ हम अउर सबहिं लोगन स जियादा अभागा हई।</verse>
				<verse number="20">मुला अब सहीमँ इ अहइ कि मसीह क मरे भएन स जियावा गवा। उ मरे भएन क फसल क पहिला फल अहइ।</verse>
				<verse number="21">काहेकि जब एक ही मनई क द्वारा मउत आइ तक एक मनई क द्वारा ही मउत स फिन जिन्दा होइ उठा।</verse>
				<verse number="22">काहेकि ठीक वइसेन ही जइसेन आदम क कर्मन क कारण हर किहू क बरे मउत आइ, वइसेन ही मसीह क द्वारा सबक फिन स जियाइ उठावा जाई।</verse>
				<verse number="23">मुला हर एक क ओकरे अपने करम क अनुसार सबसे पहिले मसीह क, जउन फसल क पहिला फल अहइ अउर फिन ओकरे पुन: आवई पर ओनकर, जउन मसीह क अहेन।</verse>
				<verse number="24">एकरे बाद जब मसीह सबन सासकन, अधिकरियन, हर तरह क सक्तियन क अंत कइके राज्य क परमपिता परमेस्सर क हाथन सौंपे देई, तब प्रलय होइ जाई।</verse>
				<verse number="25">मुला जब तलक परमेस्सर मसीह क सत्रुवन क ओकरे परमेस्सर नियन्त्रण मँ न लाइ देइ तब तलक उ अवस्य राज्य करी।</verse>
				<verse number="26">सबसे आखिरी सत्रु क रूपे मँ मउत क नास कीन्ह जाई।</verse>
				<verse number="27">पवित्तर सास्तर कहत ह, “परमेस्सर तउ हर केउ क मसीह क चरनन क अधीन रखे बा।” अब देखा जब सास्तर कहत ह, “सब कछू” क ओकरे अधीन कइ दीन्ह गवा बा, तउ जउन, सब कछू क ओकरे चरनन क अधीन कीन्हा बाटेन, उ खुदइ एकर अपवाद बा।</verse>
				<verse number="28">अउर जब सब कछू मसीह क अधीन कइ दीन्ह गवा बा, तउ इहाँ तलक कि खुद बेटवा केऊ ओह परमेस्सर क अधीन कइ दीन्हा जाई, जे सब कछू क मसीह क अधीन कइ दिहेस ताकि हर केउ पइ पूरी तरह परमेस्सर क सासन होइ।</verse>
				<verse number="29">नाहीं तउ जे अपने परान क दिहे अहइँ, ओनकइ कारण जउन बपतिस्मा लिहे अहइं, उ पचे का करिहीं। अगर मरा हुआ कभउँ फिन स जिन्दा होतेन नाहीं तउ लोगन क ओनकर बरे बपतिस्मा दीन्ह ही काहे जात अहइ?</verse>
				<verse number="30">अउर हमइँ सब घड़ी संकट झेलत रहित ह?</verse>
				<verse number="31">भाइयो, तोहरे बरे मोर उ गरब जेहमाँ हमार पर्भू मसीह ईसू मँ स्थित होइ क नाते रखत हई, ओका साछी कइके कसम खाइके कहत हई कि मइँ हर दिन मरित हउँ।</verse>
				<verse number="32">अगर मइँ इफिसुस मँ जंगली पसुवन क साथे मानवीय स्तर पर ही लड़े रहे तउ ओसे मोका का मिला। अगर मरा भवा स जिआवा नाहीं जानेत तउ, “आवा, खाई, पीई काहेकि काल्हि तउ मरिन जाब।”</verse>
				<verse number="33">भटकब बन्द करा: “खराब संगत स अच्छी आदत खतम होइ जात हीं।”</verse>
				<verse number="34">होस मँ आवा, अच्छा जीवन अपनावा, जइसेन कि तोहे होइ चाही। पाप करब बन्द करा। काहेकि तोहमाँ स कछू तउ अइसेन अहइँ जउन परमेस्सर क बारे मँ कछू भी नाहीं जानतेन। मइँ इ एह बरे कहत हउँ कि तोहे सरम आवइ।</verse>
				<verse number="35">मुला केउ पूछ सकत ह, “मरा भवा कइसे जिआवा जात ह? अउर उ फिन कइसेन देह धारन कइके आवत ह?”</verse>
				<verse number="36">तू केतना मूरख अहा। तू जउन बोअत अहा उ जब तलक पहिले मरि नाहीं जात जिन्दा नाहीं होत।</verse>
				<verse number="37">अउर जहाँ तलक जउन तू बोवत अहा, ओकर प्रस्न बा, तउ जउन पऊधा बिकसित होइ क बा, तू ओह भरा-पूरा पऊधा क तउ धरती मँ नाहीं बोउत्या। बस केवल बीया बोवत अहा, चाहे उ गोहूँ क दाना होइ अउर चाहे कछू अउर क।</verse>
				<verse number="38">फिन परमेस्सर जइसेन चाहत ह, वइसेन रूप ओका देत ह। हर बीज क उ ओकर आपन सरीर प्रदान करत ह।</verse>
				<verse number="39">सबहिं जिन्दा मनइयन क सरीर एक जइसा नाहीं होत। मनइयन क सरीर एक तरह क होत ह जबकि पसुवन क सरीर दूसरे तरह क। चिड़ियन क देह अलग तरह क होत ह अउर मछलियन क अलग।</verse>
				<verse number="40">कछू देह दिव्य होत ह अउर कुछ पार्थिव मुला दिव्य देह क आभा एक तरह क होत ह अउर पार्थिव सरीर क दुसरे प्रकार क।</verse>
				<verse number="41">सूरज क तेज एक तरह क होत ह अउर चाँद क दुसरे तहर क। तारन मँ भी एक भिन्न तरह प्रकास रहत ह। अउर हाँ, तारन क प्रकास भी एक दुसरे स भिन्न रहत ह।</verse>
				<verse number="42">तउन जब मरे भए जी उठिहीं तबऊ अइसेन ही होई। उ देह जेका धरती मँ दफनाइ क “बोवा” गवा बा, नासवान बा मुला उ देह जेकर पुनरुत्थान भवा बा, अबिनासी बाटइ।</verse>
				<verse number="43">उ काया जउन धरती मँ “दफनाई” गइ बा अनादरपूर्ण बा मुला उ काया जेकर पुनरुत्थान भवा बा, महिमा स मंड़ित बा। उ काया जेका धरती मँ “दफनाई” गवा बा, कमजोर बा मुला उ काया जेका फिन स जिन्दा कीन्ह गवा बा, सक्तिसाली बा।</verse>
				<verse number="44">जेह काया क धरती मँ “दफनावा” गवा बा, उ प्राकृतिक बा मुला जेका फिन स जिन्दा कीन्ह गवा बा, उ आध्यात्मिक देह अहइ। अगर प्राकृतिक सरीर होत हीं, तउ आध्यात्मिक सरीरन क भी अस्तित्व बा।</verse>
				<verse number="45">पवित्तर सास्तरन कहत ह: “पहिला मनई (आदम) एक सजीव प्रानी बना।” मुला अंतिम आदम (ईसू) जीवन दाता आतिमा बना।</verse>
				<verse number="46">आध्यात्मिक पहिले नाहीं अउतेन, बल्कि पहिले आवत हीं भौतिक अउर फिन ओकरे बाद ही आवत हीं आध्यात्मिक।</verse>
				<verse number="47">पहिले मनई क धरती क माँटी स बनावा गवा अउर दूसर मनई सरगे स आवा।</verse>
				<verse number="48">जइसेन ओह मनई क रचना माँटी स भइ, वइसेन ही सबन लोग माँटी स ही बेनन। अउर ओह, दिव्य मनई क समान अउर दिव्य मनइयन भी स्वर्गीय बाटेन।</verse>
				<verse number="49">हम उ माटी स बरे मनई क तरह बनाए गयेन ह, तउ ओह स्वर्गीय क रूप भी हम धारन करब।</verse>
				<verse number="50">भाइयो तथा बहिनियो, मइँ तोहे इ बतावत हउँ: लहू अउर माँस क इ पार्थिव सरीर परमेस्सर क राज्य क उत्तराधिकार नाही पाइ सकतेन। अउर न ही जउन बिनासमान अहइँ, उ अविनासी क उत्तराधिकारी होइ सकत हीं।</verse>
				<verse number="51">सुना, मइँ तोहे सबन क एक रहस्यपूर्ण सत्य बतावत हउँ: हम सबन मरबइ न, बल्कि हम सब बदल दिहा जाबइ।</verse>
				<verse number="52">जब अंतिम तुरही बजी तब पलक झपकत एक छन मँ ही अइसेन होइ जाई। काहेकि तुरही बजे अउर मरा हुआ अमर होइके जी उठिहीं अउर हम जउन अबहिं जिन्दा हयेन, बदलि दिहा जइहीं।</verse>
				<verse number="53">काहेकि इ नासवान देह क अविनासी चोला क धारन करब जरूरी बा अउर एह मरनसील काया क अमर चोला धारन कइ लेब जरूरी बा।</verse>
				<verse number="54">तउन जब इ नासवान देह अबिनासी चोला धारण कइ लेई अउर उ मरणसील काया अमर चोला ग्रहण कइ लेई तउ पवित्तर सास्तर क लिखा इ पूरा होइ जाई। “विजय त मऊत क निगल लिहा।”</verse>
				<verse number="55">“अरी ओ मऊत! तोहार बिजय अब कहाँ बा? अरी ओ मऊत! तोहार दंस कहाँ बा?”</verse>
				<verse number="56">पाप मऊत क दंस अहइ अउर पाप क सक्ती मिलत ह व्यवस्था स।</verse>
				<verse number="57">मुला परमेस्सर क धन्यबाद बा जउन पर्भू ईसू मसीह क जरिये हमका बिजय देवावत ह।</verse>
				<verse number="58">तउन मोर पिआरा भाइयो तथा बहिनियो, अटल बना डटा रहा। पर्भू क काम क बरे अपने आपके हमेसा पूरा तरह अर्पित कइ द्या। काहेकि तू त जनतइ अहा कि पर्भू मँ कीन्ह गवा तोहार काम बेकार नाहीं बा।</verse>
			</chapter>
			<chapter number="16">
				<verse number="1">अब देखा! संतन क बरे दान एकट्ठा करइ क बारे मँ मइँ गलातियन क कलीसियन क जउन आदेस दिहे हउँ तुहउँ वइसेन ही करा।</verse>
				<verse number="2">हर रविवार क आपन आय मँ स कछू अपने घरे पर ही एकट्ठा करत रहा। ताकि जब मइँ आउँ ओह समइ दान एकट्ठा न करइ पड़इ।</verse>
				<verse number="3">मोरे ऊहाँ पहुँचइ पर जेह कउनो मनई क तू चाहा, मइँ ओका परिचय पत्र दइके तोहर उपहार यरुसलेम लइ जाइके बरे भेज देबइ।</verse>
				<verse number="4">अउर अगर मोर जाबऊ अच्छा भवा तउ उ पचे मोरे साथेन चला जइहीं।</verse>
				<verse number="5">मइँ जब मैसीडोनिया होइके जाबइ तउ तोहरे लगे भी अउबइ काहेकि मैसीडोनिया स होत भवा जाइके कामे क मइँ निस्चित कइ चुका हउँ।</verse>
				<verse number="6">होइ सकत ह मइँ कछू समइ तोहरे साथे ठहराउँ या जाड़ा ही तोहरे साथे बितावउँ ताकि जहाँ कहूँ मोका जाइ क होइ, तू मोका बिदा कइ सका।</verse>
				<verse number="7">मइँ इ तउ नाहीं चाहित कि उहाँ स जात-जात ही बस तोहसे मिल लेउँ बल्कि मोका तउ आसा बा कि मइँ अगर पर्भू चाही तउ कछू समइ तोहरे साथे रहबइ।</verse>
				<verse number="8">मइँ पिन्तेकुस्त क उत्सव तक इफिसुस स ठहरबउँ।</verse>
				<verse number="9">काहेकि ठोस काम करइ क सम्भावना क भी उहाँ बड़ा दुवार खुला बा अउर फिन उहाँ मोर विरोधी भी त बहुत स अहइँ।</verse>
				<verse number="10">अगर तीमुथियुस आइ पहुँचइ त धियान रख्या ओका तोहरे साथे कस्ट न होइ काहेकि मोरे समान ही उहउ पर्भू क काम करत बा।</verse>
				<verse number="11">इही बरे कउनउ ओका छोट न समझइ। ओका ओकरे इ यात्रा पर सान्ति क साथे बिदा कर्या ताकि उ मोरे लगे आइ पहुँचइ। मइँ दूसरे भाइयन क साथे ओकरी अवाई इ इन्तजार करत हउँ।</verse>
				<verse number="12">अब हमार भाइ अपुल्लोस क बात इ बा कि मइँ ओका दुसरे भाइयन क साथे तोहरे लगे जाइ क बहुत जियादा उत्साहित किहे अहउँ। मुला परमेस्सर क इ इच्छा बिल्कुल नाहीं रही कि उ अबहिं तोहरे लगे आवत। मुला अवसर पउतइ ही उ आइ जाई।</verse>
				<verse number="13">सावधान रहा। मजबूती क साथे आपन बिसवास मँ अटल बना रहा।</verse>
				<verse number="14">साहसी बना, सक्तिसाली बना। तू जउन कछू करा, पिरेम स करा।</verse>
				<verse number="15">तू लोग स्तिफनास क घरान क तउ जनबइ करत ह कि उ अखाया क फसल क पहिला फल अहइ। उ परमेस्सर क लोगन क सेवा क बीड़ा उठाए अहइ। तउन भाइयो तथा बहिनियो, तोहसे मोर निवेदन बा कि।</verse>
				<verse number="16">तू लोग भी अपने आप क अइसेन लोगन क अउर हर ओह मनई क अगुवाई मँ सौंप द्या जउन एह काम स जुड़ा बा अउर पर्भू क बरे मेहनत करत ह।</verse>
				<verse number="17">स्तिफनास, फुरतूनातुस अउर अखइकुस क उपस्थिति स मइँ खुस हउँ। काहेकि मोरे बरे जउन तू नाहीं कइ सक्या, अउर उ पचे कइ देखाएन।</verse>
				<verse number="18">उ पचे मोर अउर तोहार आतिमा क आनन्दित किहे अहइँ। इही बरे अइसेन लोगन क सम्मान करा।</verse>
				<verse number="19">एसिया प्रान्त क कलीसियन कइँती स तोहे पर्भू मँ नमस्कार! अक्विल अउर प्रिस्किल्ला! ओनके घरे पर एकट्ठा होइवाली कलीसिया कइँती स तोहे हार्दिक नमस्कार।</verse>
				<verse number="20">सबन भाइयो तथा बहिनियो, कइँती स तोहे सबन क नमस्कार। पवित्तर चुम्मा क साथे तू आपस मँ एक दुसरे क सत्कार करा।</verse>
				<verse number="21">मइँ पौलुस, तोहे सबन क अपने हाथन स नमस्कार लिखत हउँ।</verse>
				<verse number="22">अगर केउ पर्भू मँ पिरेम नहीं रखतेन तउ ओनका अभिसाप मिलइ। हमार पर्भू अवा!</verse>
				<verse number="23">पर्भू ईसू क अनुग्रह तोहे सबन क मिलइ।</verse>
				<verse number="24">ईसू मसीह मँ तोहरे बरे मोर पिरेम तू सबन क साथे रहई।</verse>
			</chapter>
		</book>
		<book number="47">
			<chapter number="1">
				<verse number="1">परमेस्सर क इच्छा स मसीह ईसू क प्रेरित पौलुस अउर हमरे भाई तीमुथियुस क कइँती स। कुरिन्थुस परमेस्सर क कलीसिया अउर अखाया क पूरे छेत्रन क पवित्तर लोग क नाउँ:</verse>
				<verse number="2">हमार परमपिता परमेस्सर अउर पर्भू ईसू मसीह क कइँती से तू सबन क अनुग्रह अउर सान्ति मिलइ।</verse>
				<verse number="3">हमार पर्भू ईसू मसीह क परमपिता परमेस्सर धन्य अहइ। उ दया क स्वामी अहइ अउर आनन्द क प्रेरणा अहइ।</verse>
				<verse number="4">हमार हर विपत्तिन मँ उ हमका सान्ति देत ह ताकि हमहूँ हर प्रकार क विपत्तिन मँ पड़े लोगन क वइसेनइ सान्ति दइ सकी जइसेन परमेस्सर हमका दिहे अहइ।</verse>
				<verse number="5">काहेकि जइसेन मसीह क सबइ यातना मँ हम सहभागी अही। वइसेनही मसीह क कारण हमार आनन्द भी तोहरे बरे उमड़त बा।</verse>
				<verse number="6">जदि हम कष्ट उठाइत ह तउ उ तोहरे दिलासा अउर उद्धार क बरे बा। अउर हम आनन्दित अही। तउ उ तोहरे दिलासा क बरे बा। ई आनन्द ओनही यातना क जेनका हमहूँ सहत अही। तू सबन क धीरज क साथ सहई बरे प्रेरित करत ह।</verse>
				<verse number="7">तोहरे बिसय मँ हमका पूरी आसा बा। काहेकि हम जानित ह कि जइसे हमरे कस्टन क तू बाँटत ह, बइसेनइ ही हमरे आनन्द मँ तोहार भाग बा।</verse>
				<verse number="8">भाइयो, हम चाहित ह कि तू ओन यातना क बारे मँ जाना जउन हमका एसिया मँ झेलइ क पड़ी रही। उहाँ हम, हमार सहन सक्ति क सीमा स कहूँ बहुत बोझन क तरे दबाइ गवा रहे। इहाँ तक कि हमका जिअइ क कउनउ आसा नाहीं रही ग रही।</verse>
				<verse number="9">हाँ अपने अपने मने मँ हमका अइसेन लागत रह जइसेन हमका मऊत क सजा दीन्ह गइ रही। ताकि हम अपने ऊपर अउर जियादा भरोसा न कइके परमेस्सर पइ भरोसा करी जउन मरे हुए क फिन से जिआई देई।</verse>
				<verse number="10">हमका उ भयंकर मऊत से उहइ बचाएस अउर हमार आजु क परिस्थितियन मँ उहइ हमका बचावत रहा। हमार आसा उहइ पर टिकी बा। उहइ हमका आगेउ बचाइ।</verse>
				<verse number="11">अउर तूहऊ हमरे तरफ स पराथना कइके मदद देब्या तउ हमका बहुत जने क पराथना क कारण परमेस्सर क अनुग्रह मिला बा, ओकरे बरे बहुत मनइयन क हमरे तरफ स धन्यवाद देई बरे मिली जाई।</verse>
				<verse number="12">हमका ऐकर गरब बा कि हम इ बात साफ मने स कहि सकित ह कि हम इ जगत क साथे अउर खासकर तू लोगन क साथे परमेस्सर क अनुग्रह क एकदम्मई उहइ रुप क व्यवहार किहे अही। हम उ सरलपन अउर सच्चाई क साथे बहुत खातिदारी किहे रहेन। जउन परमेस्सर से मिलत ह न कि दुनियावी बुद्धि स।</verse>
				<verse number="13">हाँ! इहीं बरे हम ओका छोड़िके तू सबन क बस अउर कछू नाहीं लिखत अही। जेसे तू मोका एकदंमई वइसेन ही समझ लेब्या।</verse>
				<verse number="14">जइसेन तू हमका थोड़ेन मँ समझे अहा। तू हमरे बरे वइसेन ही गरब कई सकत ह। जब हमार पर्भू ईसू फिन आइ।</verse>
				<verse number="15">अउ इहीं बिसवास क कारण मइँ पहिले तोहरे पास आवइ बरे ठाने रहेउँ। ताकि तोहका दुसरीउ बार से आसीर्बाद क लाभ मिल सकइ।</verse>
				<verse number="16">मइँ सोचित ह कि मैसीडोनिया से लऊटिउँ उ फिन तोहरे पास जाउँ। अउर फिन तोहरे से ही यहूदिया क जाइ बदे बिदा कीन्ह जाउँ।</verse>
				<verse number="17">मइँ जब इ जोजना बनाए रहेउँ, तउ मोका कउनो संदेह नाहीं रहा। का तू बिना अच्छी तरह से सोच्या ह। मइँ जउन जोजना बनाइत ह, ओक ओ संसारी ढंग से बनाइत ह कि एक्कइ समइ “हाँ, हाँ” कहत रही अउर “न, न” कहत रही।</verse>
				<verse number="18">यदि तू परमेस्सर मँ बिसवास कइ सकत ह तउ तू बिसवास कइ सकत ह कि अउर उ ऍनके सास्छी देई कि तोहरे बरे हमार जउन बचन बा एक साथे “हाँ” अउर “ना” नाहीं कहत।</verse>
				<verse number="19">काहेकि तोहरे बिचवा मँ जउन परमेस्सर क पूत ईसू मसीह क हम यानि सिलवानुस, तीमुथियुस अउर मइँ प्रचार किहे अही, उ “हाँ” अउर “ना” दुइनँउ एक साथे नाहीं बल्कि ओनके कारण एक चिरन्तन “हाँ” का घोसणा कही गइ बा।</verse>
				<verse number="20">काहेकि परमेस्सर जउन अनन्त प्रतिज्ञा किहे अहइ उ ईसू मँ सबके बरे “हाँ” बनि जात ह। इही बरे हम ओकरे द्वारा जउन “आमीन” कहत अही उ परमेस्सर क ही महिमा बरे होत ह।</verse>
				<verse number="21">उ जउन तोहका मसीह क मनई क रुप मँ हमरे साथे सुनिस्चित करत ह अउर मइँ क अभिसेक किहे बा उ परमेस्सर ही अहइ।</verse>
				<verse number="22">जउन हम पइ आपन स्वामी क मोहर लगाए अहइ अउर हमरे भीतर बयाना क नाई उ पवित्तर आतिमा दिहेस जउन इ बात क आस्वासन बा कि जउन देइ क बचन उ हमका दिहे अहइ, ओका उ हमका देई।</verse>
				<verse number="23">साच्छी की तरह परमेस्सर क दुहाई देत अउर अपने जीवन क सपथ लेत मइँ कहत अहउँ कि मइँ दुवारा कुरिन्तुस इही बरे नाहीं आए रहेउँ कि मइँ तोहका पीड़ा से बचावई चाहत रहेउँ।</verse>
				<verse number="24">ऐकर मतलब इ नाहीं कि हम तोहरे बिसवासे पर काबू पावई चाहत अही। तू तउ अपने बिसवासे मँ अडिग अहा। बल्कि बाति इ अहइ कि हम तउ तोहरे खुस रहई बरे तोहर कर्मी अही।</verse>
			</chapter>
			<chapter number="2">
				<verse number="1">इही बरे मइँ इ निस्चय कई लिहे रहेउँ कि तोहका फिन स दुख देइ तोहरे लगे न आई।</verse>
				<verse number="2">काहेकि अगर मइँ तोहका दुखी करब तउ फिन भला अइसेन कउन होई जउन मोका सुखी करी? सिवाई तोहका जेका मइँ दुख दिहे अहउँ।</verse>
				<verse number="3">इहइ बात त मइँ तोहका लिखे हउँ कि जब मइँ तोहरे लगे आवउँ तउ जेनसे मोका आनन्द मिलइ चाही ओनके तरफ स मोका दुख न पहुँचावा जाई।</verse>
				<verse number="4">काहेकि तू सबन मँ मोका बिसवास रहा कि मोर खुसी मँ तू सभे खुस होब्या। काहेकि तोहे मइँ दुख भरे मन अउर बेदना क साथे आँसू बहाई-बहाई क ई लिखे अहउँ। पर तोहका दुखी करई बरे नाहीं, बल्कि इही बरे कि तोहरे लिए जउन मोर पिरेम बाटई उ केतना महान बा तू ऍका जान सका</verse>
				<verse number="5">मुला अगर कउनो मोका कउनउ दुख पहुँचावई तउ उ मोका केवल नाहीं, बल्कि कउनो न कउनो मात्रा मँ तू सबन क पहुँचाए बा।</verse>
				<verse number="6">अइसेन मनई क तोहार समुदाय जउन दण्ड दई दिहे अहइ, उहइ परियाप्त बा।</verse>
				<verse number="7">इही बरे तू तउ अब ओकरे विपरीत ओका छमा कई द्या। अउर ओका प्रोत्साहित करा। ताकि उ कहूँ बढ़ाइ चढ़ाइ दुख मँ न डूबि जाई।</verse>
				<verse number="8">इही बरे मोर तोहसे बिनती बा कि तू ओकरे बरे अपने पिरेम क बढ़ावा।</verse>
				<verse number="9">इ मइँ तोहका इ देखई बरे लिखे अही कि तू परिच्छा मँ पूरा आज्ञाकारी ह्वा या नाहीं।</verse>
				<verse number="10">मुला अगर तू कउनो क कउनउ बात क बरे छमा करित ह तउ ओका मइँ भी छमा करत ह अउ जउन कछू छमा किहे अही। अगर कछू मइँ छमा किहे अही तउ उ मसीह हमरे साथ रहा तोहरे बरे किहे अही।</verse>
				<verse number="11">ताकि सइतान हमसे कछू भी न जीत सकइ।</verse>
				<verse number="12">जब मसीह क सुसमाचार क प्रचार करई बरे मइँ त्रोआस आएउँ तउ उहाँ मोरे बरे पर्भू क दुवार खुला रहा।</verse>
				<verse number="13">अपने भाई तितुस क उहाँ न पाइके मोर मन बहुत बियाकुल रहा। तउ ओनसे विदा लइके मइँ मैसीडोनिया क चली दीन्ह।</verse>
				<verse number="14">मुला परमेस्सर धन्य अहइ जउन मसीह क कारण अपने विजय अभियान मँ हमरे हमेसा राह देखॉवत ह। अउर हमरे कारण हर कहूँ अपने गियान क सुगन्धि फैइलावत ह।</verse>
				<verse number="15">काहेकि ओनके बरे जउन अबहीं उद्धार क राह पर अहइँ अउर ओनके बरे जउन बिनास क रस्ता पर अहइँ, हम मसीह क परमेस्सर क समर्पित मधुर भीनी सुगांधित धूप अही।</verse>
				<verse number="16">मुला ओनके बरे जउन खोइ ग अहइँ। इ मऊत क अइसेन दुर्गन्ध अहइ। जउन मऊत कइँती लई जात ह। पर ओनके बरे जउन उद्धार क रस्ता पर बढ़त अहइँ, इ जीवन क अइसेन सुगन्ध अहइ, जउन जीवन क तरफ अग्रसर करत ह। मुला इ काम बरे सुपात्र आदमी कउन बाटेन?</verse>
				<verse number="17">परमेस्सर क बचन क अपने लाभ बरे, ओं मइँ मिलावट कइके बेचईवाले बहुत जने से दुसरे लोगन जइसे हम नाहीं अही। न तउ! हम ते परमेस्सर क समन्वा परमेस्सर क तरफ स भेजा गवा मनइयन क समान मसीह मँ स्थित होकर, सच्चाई क साथे बोलित ह।</verse>
			</chapter>
			<chapter number="3">
				<verse number="1">एहसे का अइसा लागत ह कि हम फिन स आपन प्रसंसा अपने आपइ करइ लागे अही? अउर का हमका तोहरे बरे या तोहसे पहिचान पत्र लेई क जरुरत बा? जइसेन कि कछू लोग करत हीं। निस्चय ही नाहीं</verse>
				<verse number="2">हमार चिठ्ठी त तू खुदइ अहा जउन हमरे मने मँ लिखा बाटइ जेका सब जने जानत हीं अउर पढ़त हीं।</verse>
				<verse number="3">अउर तूहउँ तउ अइसेन देखावत ह। जइसे तू मसीह क चिठ्ठी अहा। जउन हमरे सेवा क फल अहइ जेका स्याहीं से नाहीं बल्कि सजीव परमेस्सर क आतिमा से लिखा गवा बा। जेका पथरीली सिलान पर नाहीं बल्कि मनइयन क हदय पटल पर लिखा गवा बा।</verse>
				<verse number="4">हमका मसीह क कारण परमेस्सर क समन्वा अइसेन दावा करई क भरोसा बा।</verse>
				<verse number="5">अइसेन नाहीं ना कि हम अपने आपन मँ एतना समरथ अही जउन सोचई लगा अहइँ कि हम अपने आपइ से कछू कइ सकित ह। बल्कि हमका समरथ तउ परमेस्सर से मिलत ह।</verse>
				<verse number="6">उहइ हमका एक नवा करार क सेवक बनवइ क जोग्ग ठहराए बाटइ इ कउनउ लिखी संहिता नही अहइ। बल्कि आतिमन क करार अहइ काहेकि लिखी संहिता तउ मारत ह जब कि आतिमा जीवन देत ह।</verse>
				<verse number="7">काहेकि उ सेवा जउन मऊत से जुरी रही (यानी व्यवस्था) जउन पत्थर पर लिखा गवा बा। ओहमें एतना तेज बाटई कि इस्राएल क लोगन मूसा क ओह तेजवाला मुँह क एकटक्कई न देख सकेन। अउ ओकर उ तेज बाद मँ कम होइ गवा।</verse>
				<verse number="8">फिन भला आतिमा से लगी सेवा अउर जियादा तेज काहे न होइ।</verse>
				<verse number="9">अउर फिन जब दोसी ठहरावइ वाली सेवा मँ ऍतना तेज बा तउ सेवा मँ केतॅना जियादा तेज होई। जउन धर्मी लोगन क परमेस्सर स ठहरावइ वाली सेवा क बा।</verse>
				<verse number="10">काहेकि जउन पहिले तेज से भरापूरा रहा उ अब ओह तेज के आगे जउन मँ ओहसे कहूँ जियादा तेज बा, तेज स कम होइ गवा।</verse>
				<verse number="11">काहेकि उ सेवा जेकर तेज बिना होइ जाब निस्चित रहा। उ तेज रही त जउन अमर बा उ केतना तेज होइ।</verse>
				<verse number="12">अपने इहइ आसा क कारण हम ऐतना निरभय अही।</verse>
				<verse number="13">हम उ मूसा क जइसेन नाहीं अही, जउन अपने मुँह पर परदा डाले रहत रहा कि कहूँ इस्राएल क लोग आपन आँख गड़ाइ क जेनकर बिनास निस्चितइ रहा ओह सेवा अन्त क न देखि लेइँ।</verse>
				<verse number="14">मुला ओकर बुद्धि जड़ होइ ग रही काहेकि आज तलक जब उ पुराने करार क पढ़त हीं तउ अबभी उहइ परदा ओनपर बिना हटाए पड़ा रहत रहा। काहेकि उ परदा बस मसीह क कारण ही हटावा जात ह।</verse>
				<verse number="15">आज तलक जब जब मूसा क ग्रन्थ पढ़ा जात रहा। तउ पढ़इवाले क मने पर परदा पड़ा रहत रहा।</verse>
				<verse number="16">मुला जब कउनो क हिरदइ पर्भू क तरफ मुड़त रहत ह तउ परदा हटाइ दीन्ह जात ह।</verse>
				<verse number="17">देखा! जउने पर्भू के ओर मइँ इसारा करत हउँ, उहइ आतिमा अहइ। हुवँइ स्वतन्त्रता अहइ। अउ जहाँ पर्भू क आतिमा बा।</verse>
				<verse number="18">उहाँ छूट बा। त हम सब अपने खुला मुँहे क साथे सीसा मँ पर्भू क तेज क जब धियान करित ह तउ हमका वइसेन भवा लागत ह अउ हमार तेज बहुत अधिक बढ़ा लागत ह। तेज उ पर्भू स मिलत ह, जउन आतिमा अहइ।</verse>
			</chapter>
			<chapter number="4">
				<verse number="1">काहेकि परमेस्सर क दया स इ सेवा हम सबन का मिली बा, इही बरे हम निरास नाहीं होइत।</verse>
				<verse number="2">हम तउ लजाइ वाला छुपा काम क छोड़ दिहे अही। हम कपट नाहीं करित अउर न तउ हम परमेस्सर क बचन मँ मिलावट करित ह बल्कि सत्य क सरल रूपे मँ परगट कइके लोगन क चेतना मँ परमेस्सर क सामने अपने आपके प्रसंसा क जोग्ग ठहराइत ह।</verse>
				<verse number="3">जउन सुसमाचार क हम प्रचार करीत ह, ओह पर य कउनउ परदा पड़ा होइ तउ इ केवल ओनके बरे पड़ा बा। जउन बिनासे क रस्ता पर चलत ही।</verse>
				<verse number="4">एह जुगे क सुवामी (सइतान) एह अबिसवसियन क बुद्धि क आँधर कइ दिहे अहइ। ताकि उ पचे परमेस्सर क साच्छात एकदम्मई वइसेन हीं रूप उ मसीह क महिमा क सुसमाचार स फूटन रह प्रकास (सत्य) क न देख पावइँस।</verse>
				<verse number="5">हम खुद आपमन प्रचार नाहीं करित ह बल्कि पर्भू क रूपवा मँ उ मसीह ईसू क उपदेस देइत ह। अउर अपने बारे मँ त इहइ कहित ह कि हम ईसू क नाते तोहार सेवक अही।</verse>
				<verse number="6">काहेकि उइ परमेस्सर तउ जउन कहे रहा, “अँधियारे स ओजियारे मँ चमकइ।” उहइ हमरे हीये मँ अँजोर भवा बा। ताकि हमका ईसू मसीह क व्यक्तित्व मँ परमेस्सर क महिमा क गियान क ज्योति मिल सकइ।</verse>
				<verse number="7">मुला हम जइसेन माटी क भाँडिन मँ उ सम्पतिन इही बरे रखी गइ बा, अउर इ सिद्ध होइ गवा अहइ कि उ असीमित सक्ति हममे नाहीं उहइ आवत बल्कि परमेस्सर से आवत ह।</verse>
				<verse number="8">हम हर समइ सब प्रकार क कठिन दबाव मँ जियत हइ, मुला हम कुचल नाहीं ग अही। हम घबरान अही मुला निरास नाहीं अही</verse>
				<verse number="9">हमका यातना दीन्ह जात ह, पर हम खतम नाही अही हम झुकाइ दीन्ह जात अही, पर नस्ट नाहीं होइत।</verse>
				<verse number="10">हम हमेसा अपने देह मँ ईसू क हतिया क सब जगहा लिहे रहित ह ताकि ईसू क जीवन उ हमरे देहन मँ स परगट होइ।</verse>
				<verse number="11">ईसू क कारण हम जउन जिअत अही ओनके हमेसा मऊत क हाथे सौंपा जात ह। ताकि ईसू क जीवन नासवान सरीर मँ एकदम्मई उजागर होइ सकइ।</verse>
				<verse number="12">इही बरे मऊत हमरे मँ अउर जीवन तोहरे मँ सत्रिया बा।</verse>
				<verse number="13">सास्तरन मँ लिखा बा, “मइँ बिसवास किहे रहेउँ इही बरे मइँ बोलेउँ।” हमहूँ मँ बिसवास क उहइ आतिमा बा अउर हम भी उही प्रकार क बिसवास करित ह इहीं बरे हमहूँ बोलित ह।</verse>
				<verse number="14">काहेकि हम जानित ह कि जे पर्भू ईसू क मरे रहे मँ जियाइ क उठाएस उ हमहूँ क उही तरह ईसू क साथ जिन्दा करिही। जइसेन क ईसू क जियाएस ह। अउर हमहूँ क तोहरे साथे अपने सामने खड़ा करिही।</verse>
				<verse number="15">इ सब बात तोहरे बरे ही करी जात ह। ताकि जियादा से जियादा लोगन मँ फइलत जात रही परमेस्सर क अनुग्रह परमेस्सर क महिमा चमकावइ वाले जियादा स जियादा धन्यवाद देइ मँ फलि सकइँ।</verse>
				<verse number="16">इही बरे हम निरास नाहीं होइत! जद्यपि हमार भौतिक सरीर कमजोर होत जात बा, तबऊ हमार अन्तरात्मा रोज्जइ नवा से नवा होत जात बा।</verse>
				<verse number="17">हमार पल भरे क इ छोट मोट दुख एक न तुलना कीन्ह जाइवाली अनन्त महिमा पैदा करत बा।</verse>
				<verse number="18">जउन कछू देखा जाइ सकत ह, हमार आँखी ओह पर नाहीं टिकी बा। काहेकि जउन देखा जाइ सकत ह उ बिनासी बा, जब कि जउन नाहीं देखा जाइ सकत ह उ स्थाई बा।</verse>
			</chapter>
			<chapter number="5">
				<verse number="1">काहेकि हम जानित ह कि हमार इ काया मतलब इ तम्बू जेहमें हम इ धरती पर रहित ह गिराइ दीन्ह जाई तउ हमका परमेस्सर क तरफ स सरग मँ एक भवन मिलि जात ह, जउन मनइयन क हाथे बना नाहीं बा अउर यह भवन चिरस्थाई अहइ।</verse>
				<verse number="2">तउ हम जब तलक इह आवास मँ अही, हम रोवत-धोवत रहित ह अउर इहइ चाहित रहित ह कि अपने स्वगीय भवन मँ जाइ बसी।</verse>
				<verse number="3">निस्चित हमार इ धारण अहइ कि हम ओका पउबइ अउर फिन बिना घरे क न रहबइ।</verse>
				<verse number="4">हमरे मँ स उ जउन इहइ तम्बू यानि भौतिक सरीरी मँ स्थित बा, बोझ से दबा कराहत बाटेन। कारण इ अहइ कि हम कबहुँ नंगा न पावा चाहित काहेकि उम्मीद अहइ हम जब संसारिक सरीर छोड़ देब ताकि जउन कछू नासवान बा ओका अनन्त जीवन निगल लेइ।</verse>
				<verse number="5">जे हमका इ प्रयोजन क बरे तइयार किहे अहइ, उ परमेस्सर ही अहइ। उहइ इ आस्वासन क रूपें मँ कि अपने बचन की नाहीं उ हमका देइ। बयाना क तरह हमका आतिमा दिहे बा।</verse>
				<verse number="6">हमका पूरा बिसवास बाटइ, काहेकि हम जानित ह कि जब तक हम अपने देही मँ रहत अही, पर्भू से दूर अही।</verse>
				<verse number="7">काहेकि हम बिसवास क सहारे जिअत अही बस आँखी देखी क सहारे नाहीं।</verse>
				<verse number="8">हमका बिसवास बा इही बरे मइँ कहत हउँ कि हम अपने देही क तियागके, जाइके पर्भू क साथे रहइ बरे अच्छा समझित ह।</verse>
				<verse number="9">इही बरे हमार ई अभिलास बा कि हम चाहे हियाँ अपने सरीर मँ रही अउर चाहे हुआँ पर्भू क साथ, ओका अच्छा लागत रहइ।</verse>
				<verse number="10">हम सब आपन तन मँ स्थित रहिके भला या बुरा, जउन कछू किहे अही, ओकर फल पावई बरे मसीह क निआव आसन क समन्वा उपस्थित जरूर होइ क बा।</verse>
				<verse number="11">सच क स्वीकार करा, कहेकि हम जानित ह कि पर्भू स डराइक, मतलब होत ह। हमरे अउर परमेस्सर क बीच मँ कउनउ परदा नाहीं बा। अउर मोका आसा बा कि तू हमका पूरी तहर से जानत अहा।</verse>
				<verse number="12">हम तोहरे सामने फिन स आपन कउनउ सिफारिस नाहीं करत अही। बल्कि तोह पचन क एक अवसर देत अही कि तू हम प गरब कइ सका। ताकि जउन देखाइवाली चीजन पर गरब करत हीं, तउ ओह प जउन कछू ओनके मने मँ बा, ओनका ओकर उत्तर दइ सकइ।</verse>
				<verse number="13">काहेकि अगर हम दीवाना अही तउ परमेस्सर बरे अही अउर अगर सयान अही तउ उ तोहरे बरे अही।</verse>
				<verse number="14">जउन नियन्ता अहइ हमार तउ मसीह क पिरेम अहइ। काहेकि हम अपने मन मँ इ धई लिहे अही कि उ एक मसीह सब मइइयन क बरे मरा रहा। मतलब सब मरि गएन।</verse>
				<verse number="15">अउर उ सब जने बरे मरा काहेकि जउन लोग जिन्दा अहइँ, उ सब आगे बस अपनेन बरे न जिअत रहइँ। बल्कि ओनके बरे जियइँ जउन मरइ क बाद फिन जिन्दा कइ दिहा गवा।</verse>
				<verse number="16">परिणामसरूप अबहुँ स आगे हम कउनो क मनइयन क संसारी आँखी स नाहीं देखा। जद्यपि एक समइ हम मसीह क संसारी आँखी स देखे रहे। चाहे कछू होइ, अब हम ओका इही तरह स नाहीं देखित ह।</verse>
				<verse number="17">इही बरे अगर कउनो मसीह मँ बाटई तउ अब उ परमेस्सर क नवी स्रिस्टी क अंग अहइ। पुरान बात जात रही अब। सब कछू नवा होइ गवा बा।</verse>
				<verse number="18">अउ फिन उ सब बात ओह परमेस्सर का कारज अहइँ, जउन हमका मसीह क कारण अपने मँ मिलाइ लिहे बा अउर जने क परमेस्सर स मिलवाइ क काम हमका सौंपे बा।</verse>
				<verse number="19">हमार सँदेसा बा कि परमेस्सर लोगन क पापन क अनदेखी करत मसीह क कारण ओका अपने मँ मिलावत ह। अउर उहइ मनइयन क परमेस्सर से मिलवइ क सँदेस हमका सौंपे अहइ।</verse>
				<verse number="20">इहीं बरे हम मसीह क प्रतिनिधि रुप मँ काम करत अही। माना कि खुद परमेस्सर लोगन का बोलॉवत ह हमरे माध्यम स। मसीह क तरफ से हम तोहसे बिनती करत अही कि परमेस्सर क साथे मिलि जा।</verse>
				<verse number="21">जउन मसीह पाप रहित रहा, परमेस्सर ओका हमरे बरे पाप ठहराएस ओक उ इही बरे पाप बली बनाएस कि ओकरे हम कारण परमेस्सर क साथे अच्छा बन जाई।</verse>
			</chapter>
			<chapter number="6">
				<verse number="1">परमेस्सर क काम मँ साथे साथे काम करइ क नाते हम तू लोगन स आग्रह करत अही कि परमेस्सर क जउन अनुग्रह तोहे मिला बा, ओका बेकार न जाइ द्या।</verse>
				<verse number="2">काहेकि उ कहे बा: “तोहार सुन लिहा अच्छे समइ पर मइँ अउर उद्धार क दिना आवा मइँ तोहका सहारा देइ।” देखा! “उचित समइ” इहइ अहइ! देखा! “उद्धार क दिन” इहइ अहइ।</verse>
				<verse number="3">हम कउनो क बरे कउनउ बहुत विरोध उपस्थित नाहीं करित ह जेसे हमरे कामे मँ कउनउ कमी आवइ।</verse>
				<verse number="4">बल्कि परमेस्सर क सेवक क रूप मँ हम सब तरह से अपने क अच्छा सिद्ध करत रहित ह। धीरज क साथे सबकछू सहत सहत सबइ यातना क बीच, बिपत्तियन क बीच, कठिनाइन क बीच</verse>
				<verse number="5">मार खात खात बन्दी घरे मँ रहत रहत भीड़ हमरे खिलाफ अउर हमसे झगड़त रही मेहनत करत करत रातिन रात पलकउ न झपकाइके, भूखा रहिके,</verse>
				<verse number="6">अपने पवित्तर जीवन, गियान अउर धीरज से आपन दया स, अपने पवित्तर आतिमा स, अपने सच्चे पिरेम स</verse>
				<verse number="7">अपने सच्चे सँदेस अउर परमेस्सर क सक्ती स नेकी क अपने दायें बाँए हाथन मँ ढाल क रूप मँ लइके।</verse>
				<verse number="8">हम आदर अउर निरादर क बीच अपमान अउ सम्मान मँ अपने क उपस्थित करत रहित ह। हमका ठग समझा जात ह, हम सच्चा अही</verse>
				<verse number="9">हमका गुमनाम समझा जातह, जब कि हम सच्चा अही हमका मरा हुआ जानत हीं, तबउ देखा हम जिन्दा अहीं। हमका दण्ड भोगईवाला जाना जात ह, तबउ देखउ हम मऊत क नाहीं सौंपा जाइत ह।</verse>
				<verse number="10">हमका सोक से बियाकुल समझा जात ह, जबकि हम तउ हमेसा खुस रहित ह। हम दीन हीन क नाई जाना जाइत ह, जब कि हम बहुत जने क धनी बनावत अही। लोग समझत हीं कि हमरे लगे कछू नाहीं ना, जब कि हमरे लगे तउ सब कछू बा।</verse>
				<verse number="11">हे कुरिन्थियन! हम तोहसे पूरी तरह खुली क बात किहे अही। तोहरे बरे हमार मन फैला बा।</verse>
				<verse number="12">हमरा पिरेम तोहरे बरे कम नाहीं भवा बा। मुला तु हमसे पिरेम करई क बन्द कइ दिहे अहा।</verse>
				<verse number="13">तोहका आपन बच्चा समझत भए मइँ कहत हउँ कि अच्छा प्रतिदान क रूप मँ आपन मन तोहार हमरे बरे पूरी तरह फैला रहइ चाही।</verse>
				<verse number="14">अबिसवासियन क साथे बेमेल संगत जिनकरा काहेकि नेकी अउर बदी क भला कइसेन बराबरी? इ प्रकास अउर अँधारे मँ भाईचारा क कइसेन तालमेल?</verse>
				<verse number="15">अइसे मसीह का बलियाल (सइतान) स का तालमेल अउर अविसवासी क साथे बिसवासी क कइसेन साझा?</verse>
				<verse number="16">परमेस्सर क मंदिर क मूर्तियन स का नाता? काहेकि हम खुदइ उ सजीव परमेस्सर क मंदिर अही, जइसेन की परमेस्सर कहे रहा: “मइँ ओहमे अधिवास करब, चलबई फिरब होब ओनकर परमेस्सर अउर बनिहीं उ मोर लोग।”</verse>
				<verse number="17">“इहीं बरे तू ओहमें स आइ जा बाहेर, अलग करा ओनसे अपने क अब न कबहुँ छुआ तू कछूउ जउन असुद्ध अहइ तब मइँ तोहका अपनउबई।”</verse>
				<verse number="18">“अउ तोहार पिता बनब तू होब्या मोरे बेटवा, मोर बिटिया सर्वसक्तिमान पर्भू इ कहत हीं।”</verse>
			</chapter>
			<chapter number="7">
				<verse number="1">पिआरे मित्रन, काहेकि हमरे लगे इ प्रतिज्ञाँ अहइँ, इही बरे आवा परमेस्सर क बरे स्रद्धा क कारण हम अपने पवित्रता क परिपूरन करत भए अपने बाहेर अउर भीतर सबन दोसन क धोइ डालेन। हमका परिपूर्ण होइ चाही जइसे हम जिअत अही, काहेकि हम परमेस्सर क सम्मान करित ह।</verse>
				<verse number="2">अपने मने मँ हमका स्थान द्या हम कउनो क कछू बिगाड़े नाहीं अही। हम कउनो क कउनउ ठेस नाही पहुँचाए अही। हम कउनो क साथे छल नाहीं किहे अही।</verse>
				<verse number="3">मइँ तोहे दोसी ठहरावइ बरे अइसेन नाहीं करत अही काहेकि मइँ तोहे बताइ चुका अही कि तु तउ हमरे मने मँ बसत। हिआँ तलक कि हम तोहरे साथ मरई क अउर जिअइ क तइयार अही।</verse>
				<verse number="4">मइँ तोहसे खुलकर कहत रहा हउँ कि तोहपे मोका बड़ा गरब बा। मइँ सुख चैन से अहउँ। आपन सब यातना झेलत मोका आनन्द उमड़त रहत ह।</verse>
				<verse number="5">जब हम मैसीडोनिया आइ रहे तबहुँ हमका आराम नाहीं मिल रहा, बल्कि हमका तउ सब तरह से दुख उठावइ पड़ा रहा बाहेर क झगड़न से अउर मन क भितर डर से।</verse>
				<verse number="6">मुला दीन दुखिन क खुस करइवाला परमेस्सर त तीतुस क इहाँ पहुँचाइके हमाका सान्त्वना दिहे अहइ।</verse>
				<verse number="7">अउर उहउ केवल ओनके इहाँ पहुँचेन की नाहीं बल्कि अइसे हमका अउर जियादा सान्त्वना मिली कि तू ओका केतना सुख दिहे अहा। उ हमका बताएस कि हमसे मिलइ क तू केतना बियाकुल अहा। तोहका हमार केतॅना चिन्ता बा। ऐसे हम अउर भी खुस भए।</verse>
				<verse number="8">जद्यपि अपने चिठ्ठी स मइँ तोहका दुख पहुँचाए हउँ मुला फिन भी मोका ओके लिखाई क खेद नाहीं बा। चाहे पहिले मोका एकर दुख भवा मुला अब मइँ देखत अही कि उ चिठ्ठी स तोहे बस पल भरे क दुख पहुँचाइ रहेउँ।</verse>
				<verse number="9">तउ अब मइँ खुस हउँ। एह बरे नाही कि मइँ तोहका दुख पहुँचाए रहेउँ। बल्कि एह बरे कि उही दुखे क कारण से तू पछतावा किहे अहा। तोहका उ दुख भवा जेह तरह कि परमेस्सर चाहत रहा ताकि तोहका हमरे कारण कउनउ हानि न पहुँच पावइ।</verse>
				<verse number="10">काहेकि उ दुख जउन परमेस्सर की इच्छा क अनुसार होत ह एक अइसेन मनफिराव क जन्म देत ह जेहके बरे पछतावई क नाहीं पड़त अउ जउन मुक्ति देवॉवत ह। मुला उ दुख जउन संसारी होत ह, ओहसे तउ बस मउत जनम लेत ह।</verse>
				<verse number="11">देखा! इ दुख जउन परमेस्सर दिहे अहइ, उ तोहमें केतना उत्साह जगाइ दिहे बा। अपने भोलापन क केतॅना प्रतिरच्छा, केतना विरोध केतना आकुलता, हमसे मिलइ क केतनी बेचैनी, केतना साहस, पापी क बरे निआव चुकावइ क कइसेन भावना पैदा कइ दिहे बा। तू हर बाते मँ इ देखइ दिहे अहा कि एह बारे मँ तू केतना निर्दोस रह्या।</verse>
				<verse number="12">तउ इ मइँ तोहे लिखे रहे तउ उ मनई क कारण नाहीं जउन अपराधी रहा अउ न तउ ओकरे कारण जेनके प्रति अपराध किहा गवा रहा। बल्कि एह बरे लिखा गवा रहा कि परमेस्सर क सामने हमरे कारण तोहरे चिन्ता क तोहका बोध होइ जाए।</verse>
				<verse number="13">ऐसे हमका प्रोत्साहन मिला बा। हमरे इ प्रोत्साहन क अलावा तीतुस क आनन्द स हम अउर जियादा आनन्दित भए काहेकि तू सबके कारण ओनके आतिमा क चइन मिला बा।</verse>
				<verse number="14">तोहरे बरे मइँ ओनसे जउन बढ़ चढ़ क बात किहे रहे, ओकरे बरे मोका लजाइ क नाहीं पड़ा रहा। बल्कि हम जइसे तोहसे सबकछू सच सच कहे रहे वइसेन ही तोहरे बारे मँ हमार गरब तीतुस क सामने सच सिद्ध भवा अहइ।</verse>
				<verse number="15">जब इ याद करत हा कि तू सब कउनो तरह ओनकर आगिया माना ह अउर डर क मारे थर थर काँपत भए तू कइसे ओनका सुवागत किहा तउ तोहरे बरे ओनकर पिरेम अउ जियादा बढ़ जात ह।</verse>
				<verse number="16">मइँ खुस अही कि मइँ तोहसे पूरा भरोसा रखी सकित ह।</verse>
			</chapter>
			<chapter number="8">
				<verse number="1">देखा भाइयो, अब हम इ चाहित ह कि तू परमेस्सर क ओह अनुग्रह क बारे मँ जान ल्या मैसिडोनिया छेत्र क कलीसियावन पर कीन्ह गवा बा।</verse>
				<verse number="2">मोर मतलब इ अहइ कि जद्यपि ओनकर कठिन परीच्छा लीन्ह गइ अहइ। तबउ उ पचे खुस रहेन, अउ अपने गहन गरीबी क रहत ओनकर सब उदारता उमड़ी पड़त रही।</verse>
				<verse number="3">मइँ प्रमानित करत हउँ कि उ पचे जेतना दइ सकत हीं दिहेन! एतनई नाहीं बल्कि अपने समरथ से जियादा प्रोत्साहन दइ दिहेन।</verse>
				<verse number="4">उ पचे बड़े आग्रह क साथ परमेस्सर क लोग सहायता करइ मँ हमका सहयोग देइ क विनय करत रहेन।</verse>
				<verse number="5">ओनका जइसेन हमसे आसा रही, वइसेन नाहीं बल्कि पहिले अपने आप क पर्भू क समर्पित किहेन अउर फिन परमेस्सर क इच्छा क अनुकुल उ पचे हमका अर्पित होइ गएन।</verse>
				<verse number="6">इहीं बरे हम तीतुस स पराथना कीन्ह कि जइसेन उ अपने काम क पूरा कइ ही दिहे बाटइ होइ। वइसेन हाँ उ अनुग्रह क काम क तोहरे बरे करी।</verse>
				<verse number="7">अउ जइसेन कि तू सब बाते मँ यनि बिसवासे मँ, बानी मँ, गियान मँ, अनेक प्रकार क उपकार करइ मँ अउर हम तोहका जउनो पिरेम क सिच्छा ह दीन्ह ह उ पिरेम मँ, जउन भरपूर होइ सीख्या ह वइसेन ही अनुग्रह क इ कामें मँ सम्पन्न होइ जा।</verse>
				<verse number="8">इ मइँ आदेस क रूपे मँ नाहीं कहित ह बल्कि अउर मनइयन क मने मँ तोहारे बरे जउन तेजी बा, उ पिरेम क सच्चाई क परख करइ क बरे अइसेन करत इउँ।</verse>
				<verse number="9">काहेकि हमार पर्भू ईसू मसीह क अनुग्रह स तू परिचित अहा। तू इ जानत अहा कि धनी होके तोहरे बरे उ निर्धन बन गवा। ताकि ओनकइ गरीबी स तू मालामाल होइ जा।</verse>
				<verse number="10">इ बिसय मँ मइँ तोहे आपन सलाह देत हउँ, तोहे इ सोभा देत ह। तू पिछले साल न केवल दान देइ क इच्छा मँ सबसे आगे रह्या। बल्कि दान देइ मँ भी सबसे आगे रह्या।</verse>
				<verse number="11">अब दान करइ क उ तेज इच्छा क तू जउन कछू तोहरे पास बा, ओहसे पूरा करा। तू एका ओतनेन लगन से “पूरा करा।” जेतने लगन से तू एका “चाहे” रह्या।</verse>
				<verse number="12">काहेकि अगर दान स देइ क लगन अहइ तउ मनइयन क लगे जउन कछू बा, उहइ क अनुसार ओकर दान ग्रहण करइ क जोग्ग बनत ह। न कि ओनके अनुसार जउन ओनके पास नाहीं बा।</verse>
				<verse number="13">हम इ नाहीं चाहित ह कि दुसरन क तउ सुख मिलई अउर तोहे कस्टन, बल्कि हम तउ बराबरी चाहित ह।</verse>
				<verse number="14">हमार इच्छा बा कि ओनके इ अभाऊ क समइ मँ तोहर सम्पन्नता ओनके अभाव क दूर कइ सकइ आवस्यकता पड़े पर आगे चलिके ओनकी सम्पन्नता भी तोहरे अभाव क दूर करइ, ताकि समता स्थापित हो सकइ।</verse>
				<verse number="15">जइसे कि पवित्तर सास्तर मँ कहा गवा बा: “जे बहुत बटोरेस ओकरे लगे न जियादा रहा, अउर जे कम बटोरेस ओकरे लगे न तनिकउ रहा।”</verse>
				<verse number="16">परमेस्सर क धन्यवाद बा जे तीतुस क मने मँ तोहरे सहायता क बरे वइसेन तीव्र इच्छा भर दिहे बा, जइसेनइ हमरे मने मँ बा।</verse>
				<verse number="17">काहेकि उ हमार पराथना स्वीकार किहेस अउर उ ओकरे बरे विसेस रुप स आपन इच्छा भी क रखत ह। इही बरे उ खुद आपन इच्छा से ही तोहरे लगे आवई बरे बिदा होत बा।</verse>
				<verse number="18">हम ओकरे साथे उ भाई क भेजत अही, जेकर सुसमाचार क प्रचार की उत्सुकता सब कलीसियावन मँ सब जगह जस फइलत बा।</verse>
				<verse number="19">एकरे अलावा इ दयापूर्वक काम मँ कलीसियनन ओका हमरे साथे जात्रा करइ बरे नियुक्त कीन्ह गवा अहइ। इ द्या क काम जेकर प्रबन्ध हमरे कारण कीन्हा जात अहइ। खुद पर्भू क महिमा करइ बरे अउर परोपकार मँ हमार लगन क देखॉवई बरे बा।</verse>
				<verse number="20">हम सावधान रहइ क चेस्टा करत अही इ बड़े भेंट की व्यवस्था करत अही, केऊ हमार बुराई न करइ।</verse>
				<verse number="21">काहेकि हमका आपन अच्छी साख बनबइ रखइ क चिन्ता बा। न केवल पर्भू क आगे बल्कि लोगन क बीच मँ।</verse>
				<verse number="22">अउ ओनके साथे हम आपन उ भाई क भेजत रहे, जेका बहुत बिसय मँ अउ बहुत मौकन पर हमका परोपकार क बरे उत्सुक मनई क रूप मँ प्रभावित किहे अहइ। अउर अब त तोहरे बरे ओहमें जउन असीम बिसवास बा, ओहसे ओहमे सहायता करइ क उत्साह अउर जियादा होइ गवा बा।</verse>
				<verse number="23">जहाँ तलक तीतुस क विसय मँ पूछे बा, तउ तोहरे बीच सहायता क काम मँ मोर साथी अउर साथे साथे काम करइवला रहा। अउर जहाँ तलक हमरे भाइयन क सवाल बाटई, उ सबइ तउ कलीसियन क प्रतिनिधि अउ मसीह क महिमा लावत समान बा।</verse>
				<verse number="24">तउन तू ओन्हे अपने पिरेम क प्रमाण देब अउर तोहरे बरे हम एतना गरब काहे रक्खित ह, ऎका सिद्ध करब ताकि सब कलीसिया ओका देख सकइँ।</verse>
			</chapter>
			<chapter number="9">
				<verse number="1">अब परमेस्सर क लोगन क सेवा क बारे मँ तोहे एह तरह से लिखत चला जाब मोरे बरे जरूरी नाहीं बा।</verse>
				<verse number="2">काहेकि सहायता क बरे तोहर लोगन क मइँ जानत हउँ अउर ओकरे बरे मैसीडोनिया निवासियन क सामने इ कहत मोका गरब बा कि अखाया क लोग तउ, पिछले साल से ही तइयार अहइँ। अउ तोहरे उत्साह तउ ओनमें से जियादातर काम बरे प्रेरणा दिहे अहइँ।</verse>
				<verse number="3">मुला मइँ भाइयन क तोहरे लगे इही बरे भेजत हउँ कि तोहके लइक मइँ जउन गरब करत हउँ, उ ऐह बारे मँ खराब सिद्ध न होई। अउर एह बरे की तू तइयार रहा, जइसेन की मइँ कहत आएउँ ह।</verse>
				<verse number="4">नाहीं तउ जब केउ मैसीडोनिया बासी मोरे साथे तोहरे लगे आवइ अउर उ पचे तोहे तइयार न पावइँ तउ तोहरे ऊपर बिसवास करइ क कारण हमार बदनामी होइ, इहइ नाहीं काहेकि एहमे तोहार बदनामी होइ। (तू अउर जियादा लज्जित होब्या।)</verse>
				<verse number="5">इहीं बरे मइँ भाइयन स इ कहब जरूरी समझा कि उ हमसे पहिले ही तोहरे लगे जाइँ अउर जेन उपहारन क दइ क तू पहिलेन ही बचन दइ चुका अहा ओन्हे पहिलेन से उदारतापूर्वक तइयार रखा। इही बरे इ दान स्वेच्छापूर्वक तइयार रखा जाइ न कि दबाउ क साथे तोहसे छीनी गइ कउनउ चीज के रूप मँ।</verse>
				<verse number="6">एका याद रक्खा। जे छितरा बोवत हीं, उ छितरा ही कटिहीं। अउर जेकर बुआइ सघन बा, उ सघनइ काटी।</verse>
				<verse number="7">सब कउनो बिना कउनउ कस्ट क य बिना कउनउ दबाउ क, उतनइ देइ जेतना उ मने मँ सोचे अहइ। काहेकि परमेस्सर खुस मनइयन से ही पिरेम करत ह।</verse>
				<verse number="8">अउ परमेस्सर तोहपे सब प्रकार क अच्छा बरदानन क वर्सा कइ सकत ह जेसे तू अपने जरूरत क सब चीजन मँ हमेसा खुस होइ सकत ह अउर सब अच्छे कामन क बरे फिन तोहरे लगे जरूरत से जियादा रही।</verse>
				<verse number="9">जइसेन की पवित्तर सास्तर मँ लिखा बा: “मुक्त भाव से ऊ देत हउ देत ह दीन लोगन क अउर बनी रहत ह ओकर हमेसा दया क हमेसा हमेसा बरे।”</verse>
				<verse number="10">उ परमेस्सर ही बोवइवाले क बीज अउर खाइवाले क भोजन देत ह। उहइ तोहे आत्मिक बीज देई अउ ओकर बढ़वार करी। उही से तोहरे नीक क खेती फूली फली।</verse>
				<verse number="11">तू सब प्रकार से सम्पन्न बनावइ जाब्या ताकि तू हर असर पर उदार बन सका। तोहार उदारता परमेस्सर बरे लोगन क धन्यवाद क पैदा करी।</verse>
				<verse number="12">दान क इ पवित्तर सेवा मँ तोहार योगदान से न केवल पवित्तर लोगन क जरुरत पूरी होत ह। बल्कि परमेस्सर बरे बहुत जियादा धन्यवाद क भाउ भी उपजत ह।</verse>
				<verse number="13">काहेकि तोहरे इ सेवा स जउन प्रेरित होकर परगट होत ह, ओसे लोग परमेस्सर क स्तुति करिहीं। काहेकि ईसू मसीह क सुसमाचार मँ तोहरे बिसवासे क घोसणा से पैदा भई तोहार आग्या क कारण अउर अपने क कारण ओनके बरे अउ अपने दयालुपन क कारण क ओनके बरे अउर दुसरे सब लोगन बरे तू दान देत ह।</verse>
				<verse number="14">अउर पचे तोहरे बरे पराथना करत तोहसे मिलइ क बड़ी इच्छा करिहीं। तोहपे परमेस्सर क असीम अनुग्रह क कारण</verse>
				<verse number="15">उ भेंट क बरे जेकर बखान नाहीं कीन्ह सकत ह, परमेस्सर क धन्यवाद अहइ।</verse>
			</chapter>
			<chapter number="10">
				<verse number="1">मइँ पौलुस, अपने तउर पर मसीह क कोमलता अउर सहनसीलता क साच्छी कइके तोहसे निवेदन करत अहउँ। लोगन क कहब अहइ कि मइँ जउन तोहरे बीचवा मँ रहत विनम्र अहउँ। मुला उहइ मइँ जब तोहरे बीच नाहीं अहउँ, तउ तोहरे बरे निर्भय हउँ।</verse>
				<verse number="2">अब मोर तोहसे बिनती बा कि जब मइँ तोहरे बीच होउँ तउ उही बिसवास क साथे वइसेन ही निर्भरता दिखावइ क मोहप दबाव जिन डावा जइसेन कि मोरे विचार से मोका कछू ओन्हन लोगन क विरुद्ध देखावई होइ जउन सोचत हीं कि हम एक संसारी जीवन जिइत ह।</verse>
				<verse number="3">काहेकि जद्यपि हमहूँ इही संसारे मँ रहित ह। मुला हम संसारी लोगन क तरह नाहीं लड़ित ह।</verse>
				<verse number="4">काहेकि जउन सास्तरन स हम लोगन क तर्कन क अउर ऊ हर एक रूकावट जउन परमेस्सर क गियान क विरुद्ध खड़ा अहइँ, खण्डन करत हीं।</verse>
				<verse number="5">सो हम कल्पना क, अउर हर एक उंची बात क, जो परमेस्सर क पहचान क विरोध मँ उठत अहइँ, खण्डन करित ह, अउर हर एक भावना का कैद कहके मसीह क आग्याकारी बनाइ देत अही।</verse>
				<verse number="6">जब तोहमे कुल आग्या करत बाटेन तउ हम सब परोपकार क अनाज्ञा क दण्ड देइ बरे तइयार अही।</verse>
				<verse number="7">तोहरे सामने जउन लच्छ बा ओनहीं क देखा। अगर केउ अपने मने मँ इ मानत ह कि उ मसीह क अहइ, त उ अपने बारे मँ फिन स याद करइ कि उहइ ओतनइ मसीह क अहइ जेतना कि हम अही।</verse>
				<verse number="8">अउर अगर अपने उ अधिकार क विसय मँ कछू अउर गरब करइ जेका पर्भू हमे तोहरे बिनास क बरे नाहीं बल्कि आत्मिक निर्माण क बरे दिहे बा।</verse>
				<verse number="9">तउ एकरे बरे मइँ तोहका इ भावना नाहीं देई चाहित कि मइँ अपने पत्तरन स तोहका घबड़बाइत ह।</verse>
				<verse number="10">मोरे विरोधीन क कहब बा, “पौलुस क चिठ्ठी तउ भारी भरकम अउर प्रभाऊपूरक अहइँ। लेकिन मोर उपस्थित रहब अहइ तउ व्यक्तित्व कमजोर अहइ अउर बानी अर्थहीन बा।”</verse>
				<verse number="11">मुला अइसेन कहइवाले मनइयन क समझ लेइ चाही कि तोहरे बीच मँ न रहत भए, जब हम अपने चिट्टीन मँ कछू लिखित ह तउ ओहमें अउर तोहरे बीच रहत हम जउन करम करित ह ओहमें कउनउ अन्तर नाहीं बा।</verse>
				<verse number="12">हम उ कछू लोगन क साथे हमका तुलना करइ क साहस नाहीं करित ह जउन अपने आपके बहुत महत्वपूर्ण मानत हीं। मुला जब अपने क एक दूसरन से नापत हीं अउर आपन मँ आपन तुलना करत ही तउ उ इ दरसावत ही कि उ पचे नाहीं जानत हीं कि उ पचे केतना मूरख अहइँ।</verse>
				<verse number="13">चाहे जउन होइ, हम अच्छे उचित सीमा से बाहेर बढ़ चढ़ क बात न करब। बल्कि परमेस्सर तउ हमरे सेवा क जउन सीमा हमका सौंपे अहइ, हम उहीं मँ रहित ह, अउर सीमा तोहे तलक पहुँचत ह।</verse>
				<verse number="14">हम अपने सीमा क उल्लंघन नाहीं करत अही, जइसेन कि अगर ह मतोहरे तक नाहीं पहुँच पाइत, तउ होइ जात। मुला तोहे तक ईसू मसीह क सुसमाचार लइके हम तोहरे लगे सबसे पहले पहुँचा अही।</verse>
				<verse number="15">अपने उचित सीमा स बाहेर जइके कउनो अउर दूसरे मनइयन क काम पर हम गरब नाहीं करित ह मुला हमका आसा बा कि तोहार बिसवास जइसे जइसे बढ़ी तउ वइसे वइसे ही हमार गतिबिधियन व्क छेत्र क साथे तोहरे बीच मँ हमहूँ बियापक रूप स फइलब।</verse>
				<verse number="16">अइसे तोहरे छेत्र क अगवा हम सुसमाचार क प्रचार कइ पाउब। कउनो अउर क जउन काम सौंपा गवा बा ओह छेत्र मँ अब तलक जउन काम होइ चुका बा हम ओकरे बरे सेखी नाहीं बघारत अही।</verse>
				<verse number="17">जइसेन की सास्तरन मँ कहा गवा बा: “जेका गरब करइ क बा वो पर्भू जउन कछू किहे अहइ उहइ पर गरब करा।”</verse>
				<verse number="18">काहेकि अच्छा उहइ माना जात ह जेका पर्भू अच्छा स्वीकारत ह, न कि उ जउन अपने आपके खुद अच्छा समझत हीं।</verse>
			</chapter>
			<chapter number="11">
				<verse number="1">कास, तू मोर थोड़क मूरखता सही लेत्या। हाँ तू ओका सहि ल्या।</verse>
				<verse number="2">काहेकि मइँ तोहसे जलन होत ह, इ जलन उ अहइ जउन परमेस्सर से मिलत ह। मइँ तोहार मसीह से सगाई कराइ दिहे हउँ। ताकि तोहे एक पवित्तर कन्निया क समान ओका अर्पित कई सकउँ।</verse>
				<verse number="3">मुला मइँ डेरात अहउँ कि कहूँ जइसेन उ सर्प हव्वा क अपने कपट से भ्रस्ट कइ दिहे रहा। वइसेन ही कहूँ तोहार मन उ एक निस्ठा भक्ति अउर पवित्तरता स, जउन मोका मसीह क लिए रक्खई चाही भटकाई न दीन्ह जाई।</verse>
				<verse number="4">काहेकि जब कउनो तोहरे लगे आइके जे ईसू क बारे मँ जउन कहे रहा, ओका छोड़ी क कउनो दूसरे ईसू क तोहका उपदेस देत ह अउर जउन आतिमा तू ग्रहण किहे अहा, ओसे अलग कउनो अउर आतिमा तू ग्रहण करत ह अउर छुटकारा क जउने सँदेस क तू ग्रहण किहे अहा, ओसे अलग कउनो दूसरे सँदेस क उ ग्रहण करत ह।</verse>
				<verse number="5">तउ तू बहुत खुस होत अहा। पर मइँ अपने आपके तोहरे “बड़ेन प्रेरितन” से बिलकुस छोट नाहीं मानत अहउँ।</verse>
				<verse number="6">होइ सकत ह कि मोर बोलइ क सक्ती सीमित बा मुला मोर गियान तउ असीम बा। इ बाते क हम सबहिं बाते मँ तोहे स्पस्ट रूप से दरसाए हउँ।</verse>
				<verse number="7">अउ फिन मइँ सेंतइ मेंतई मँ सुसमाचार क उपदेस दइके तोहे ऊँचा उठावई बरे अपने आपके झुकावत भए, का कउनउ पाप किहे अहइ?</verse>
				<verse number="8">मइँ दूसरे कलीसियन स आपन मेहनताना लइके ओनका लूटे हउँ ताकि मइँ तोहार सेवा कइ सकउँ।</verse>
				<verse number="9">अउर तब मइँ तोहरे साथे रहेउँ तब जरूरत पड़े प मइँ कउनो प बोझ नाहीं डालेउँ काहेकि मैसीडोनिया स आएन भाइयन मोर जरूरत क पूरा कइ दिहे रहेन। मइँ हर बाते मँ अपने आपके तोहपे न बोझ बनई दिहे हउँ अउर न बनई देब।</verse>
				<verse number="10">अउर काहेकि मोहमाँ मसीह क सच निवास करत ह। इही बरे अखाया क समूचे छेत्रन मँ मोका बढ़ चढ़ क बोलइ स केउ नाहीं रोक सकत ह।</verse>
				<verse number="11">भला काहे? का इही बरे कि मइँ तोहसे पिरेम नाहीं करत हउँ? परमेस्सर जानत ह, मइँ तोहसे पिरेम करत हउँ।</verse>
				<verse number="12">मुला जउन मइँ करत हउँ ओका तउ करतइ रहब, ताकि ओन्हन कही गइ प्रेरितन क गरब क, जउन गरब करइ क कउनउ अइसेन बहाना चाहत हीं। जेसे सबइ ओनहीं कामे मँ हमरे बराबर समझा जाई सकइँ जेनपइ ओनका गरब बा। मइँ ओनके उ गरब क खतम कइ सकउँ।</verse>
				<verse number="13">अइसे लोग नकली प्रेरित अहइँ। ऊ पचे छली अहइँ, उ मसीह क प्रेरित होइ क ढोंग करत हीं।</verse>
				<verse number="14">ऐहमँ कउनउ अचरज नाहीं बा, काहेकि सइतान त परमेस्सर क दूत क रूप धारण कइ लेत ह।</verse>
				<verse number="15">इही बरे अगर ओकर सेवकउ नेकी क सेवकन क स रूप धइ लेइ तउ एहमाँ कउन बड़ी बात बा? मुला अन्त मँ ओनका आपन करनी क अनुसार फल तउ मिलइ क बा।</verse>
				<verse number="16">मइँ फिन दोहरावत अहउँ कि मोका केउ मूरख न समझइ। मुला अगर फिन स तू अइसेन समझत ह तउ मोका मूरख बनाइके ही मंजूर करा। तब मोका स्वीकार कइ ल्या अउ मोका कछू अधिकार द्या। ताकि मइँ कछू गरब कइ सकउँ।</verse>
				<verse number="17">अब इ मइँ कहत अहउँ, उ पर्भू क अनुसार नाहीं कहत ह, बल्कि एक मूरख क रूप मँ गरबपूर्वक बिसवास क साथे कहत हउँ।</verse>
				<verse number="18">काहेकि बहुत लोगन अपने संसारी जीवन पर गरब करत हीं।</verse>
				<verse number="19">फिन तउ मइँ गरब करब। अउर फिन तउ तू ऍतना समझदार अहा कि मूर्खन क बात खुसी क साथे सहि लेत ह।</verse>
				<verse number="20">काहेकि अगर केउ तोहका दास बनावइ, तोहका फँसाइ देत ह, धोखा देत ह अपने क तोहसे बड़ा बनवइ, अउर तोहरे मुँहे पर थप्पड़ मारई त तू ओका सहि लेत ह।</verse>
				<verse number="21">मइँ सरम क साथे कहत हउँ कि हम पचे बहुत कमजोर रहे। अगर कउनउ मनई कउनो चीजन पे गरब करइ क साहस करत ह त ओइसन साहस मइँ भी करब। (मइँ मूर्खतापूर्वक कहत अही।)</verse>
				<verse number="22">इबरानी सबइ तउ नाहीं अहइँ। जदि उ पचे इस्राएली अहइँ, तउ उ मइँ भी अहउँ, जदि उ सबइ इब्राहीम क बंसज अहइँ, तउ उ मइँ भी हउँ।</verse>
				<verse number="23">मइँ अहउँ। इस्राएली उ सबइ तउ नाहीं अहइँ। मइँ ह भी। का उ पचे मसीह क सेवक अहइँ? (एक सनकी की नाहीं मइँ इ कहत ह अहउँ।) कि मइँ ओहसे बड़ा मसीह क सेवक अहउँ। मइँ बार बार जेल गवा हउँ। मोका बार बार मारा गवा बा। कई अवसरन पर मोका मऊत क सामना भवा बा।</verse>
				<verse number="24">पाँच बार मइँ यहूदियन स एक कम चालीस चालीस कोड़ा खाए हउँ।</verse>
				<verse number="25">मइँ तीन तीन बार लाठियन स पीटा गवा हउँ। एक्क बार तउ मोहे पर पत्थराऊँ कीन्ह गवा बा। तीन बार मोर जहाज बूड़ा। एक दिन अउर एक रात मइँ समुंदर क गहिरे पानी मँ बितावा।</verse>
				<verse number="26">मइँ भयानक नदियन, खूँखार डकइतन, खुद आपन लोगन, विधर्मियन, नगरन, गाँवन, समुद्रन अउर देखआवटी बन्धुवन क खतरे क बीचवा मँ कइयऊ यात्रा किहे हउँ।</verse>
				<verse number="27">मइँ कड़ा मेहनत कइके थकावट से चूर होइके जीव जिए हउँ। कई अवसरन पर मइँ सोइ तक नाहीं पाएउँ। भूखा अउर पियासा रहेउँ। अकसर मोका खाई तक क नाहीं मिला। बिना कपड़न क जाड़ा मँ ठिठूरत रहेउँ।</verse>
				<verse number="28">अउर अब अउर जियादा का कही? रोज मोरे ऊपर जिम्मेदारी का भार अहइ अउर मोहे पइ सब कलीसियावन की चिन्ता बनी रहत ह।</verse>
				<verse number="29">कीहीऊ का कमजोरी मोका सक्तिहीन नाहीं कई देत ह अउर केकर पापे मँ होब मोका बैचेन नाहीं बनाई डावत ह। लेकिन मइँ अन्दर से दुखी होइ जात हउँ यदि कउनो प्रलोभन मँ बहक जात ह।</verse>
				<verse number="30">अगर मोका बढ़-चढ़ क बात करई क बा तउ मइँ ओन्हन बातन क करब जउन हमरे कमजोरी क अहइँ।</verse>
				<verse number="31">परमेस्सर अउर पर्भू ईसू क परमपिता जउन हमेसा धन्य अहइँ, जानत हीं कि मइँ कबहुँ झूठ नाहीं बोलत हउँ।</verse>
				<verse number="32">जब मइँ दमिस्क मँ रहेउँ तउ राजा अरितास क राज्यपाल दमिस्क क चारों ओर पहरा बइठा दिहे रहा मोका बन्दी कई लेइक जतन किहे रहा।</verse>
				<verse number="33">मुला मोका नगर क चार दीवारी क छेद से टोकरी मँ बइठाइ क नीचे उतार दीन्हा गवा अउर मइँ ओकरे हाथ स बच निकलउँ।</verse>
			</chapter>
			<chapter number="12">
				<verse number="1">यदि घमण्ड करइ क होइ तउ मोरे बरे ठीक ना होइ, तो भी करइ पड़त ह, तउ मइँ पर्भू क दीन्ह भए दर्सन अउर पर्भू क प्रकासित चरचा करत अहउँ।</verse>
				<verse number="2">मइँ मसीह मँ स्थित क अइसेन मनई क जानत हउँ जेका चौदह साल पहिले (ओकरे सरीर मँ या सरीर क बाहर मइँ नाहीं जानित ह परमेस्सर ही जानत ह।) देह सहित या देह रहित तीसरे सरग मँ उठाई लीन्ह गवा रहा।</verse>
				<verse number="3">अउर मइँ जानित ह कि ऐह मनई क (मइँ बिना सरीर क या सरीर सहित नाहीं जानित हउँ बस परमेस्सर ही जानत ह) सरगलोक मँ उठाई लीन्ह गवा रहा अउर ओ अकथनीय सब्द सुनेस जेका बोलइक अनुमति मनइयन क नाहीं बा।</verse>
				<verse number="4"></verse>
				<verse number="5">हाँ, अइसेन मनइयन पर गरब करबइ, मुला खुद अपने घरे पर अपने दुर्बलतन क छोड़ क गरब न करबइ।</verse>
				<verse number="6">काहेकि इ मइँ सरम करइ क सोची तउ मइँ मूरख न बनबइ काहेकि तब मइँ सच कहबइ। होबइ! मुला तोहका मइँ अइसेन बचाउब ताकि कउनो मोका जइसेन करत देखत ह या कहत सुनत ह, ओसे भी जियादा स्रेय न देइ।</verse>
				<verse number="7">असाधारण प्रकासित क कारण मोका कउनउ गरब न होइ जाइ, इही बरे मोका सालत रहइ वाला काँटउ दइ दिहे अहइ। जउन सइतान क दूत अहइ, मोका मारत रहत ह ताकि मोका बहुत जियादा घमण्ड न होइ जाइ।</verse>
				<verse number="8">काँटा क अहइ समसिया क बारे मँ मइँ पर्भू स तीन बार बिनती किहेउँ काहेकि उ इहइ काँटा क मोसे निकाल लेइ।</verse>
				<verse number="9">मुला उ मोसे कहि दिहे अहइ, “तोहरे बरे मोरे अनुग्रह परियाप्त बा। काहेकि निर्बलता मँ मोर सक्ती सबसे जियादा होत ह।” इही बरे मइँ अपने कमजोरी पे खुसी क साथे गरब करत हउँ। ताकि मसीह क सक्ती मोहमाँ रहइ।</verse>
				<verse number="10">इही तहर मसीह बरे मइँ अपने कमजोरी, अपमानन, कठिनाइयन, जातनन, अउ बाधा मँ आनन्द लेत हउँ काहेकि जब मइँ कमजोर होत हउँ तबइ बलवान होत हउँ।</verse>
				<verse number="11">मइँ मूरखन की तरह बतियात अहउँ मुला अइसा करइ क बरे मोका मजबूर तू किहे अहा। तोहका तउ मोर प्रसंसा करइ चाही, जद्यपि वइसे तउ मइँ कछू नाहीं हउँ, पर तोहरे ओऩ्हन “बड़ेन प्रेरितन” स मइँ कीहीउ तरह छोट नाही हउँ।</verse>
				<verse number="12">कीहीउँ क प्रेरित सिद्ध करइवाला अद्भुत चीन्हा, अचरज कारज, अद्भुत कारज, अउर तोहरे बीच धीरज क साथे परगट कीन्ह गवा अहइँ।</verse>
				<verse number="13">तू दूसरे कलीसियन स कउँने दीस्टी स कम अहा? सिवाय एकरे कि मइँ तोहपे कउनउ तरह क कवहॅ भार नाहीं बना हउँ? मोका एकरे बरे छमा करा।</verse>
				<verse number="14">देखा तोहरे लगे आवई क अब मइँ तीसरी बार तइयार हउँ। पर मइँ तोहपे कउनउ तरह क बोझ न बनब। मोका तोहरे सम्पन्तिन क नाहीं तोहार चाहत अहइ। काहे कि बच्चन क अपने मांई बाप क बरे कउनउ बचत करइ क जरूरत नाहीं होत बल्कि अपने बच्चन क बरे माई बाप क खुद बचत करइ क होत ह।</verse>
				<verse number="15">जहाँ तक मोर बात अहइ, मोर लगे जउन कछू बा तोहरे बरे खुसी क साथे खर्चा करबइ, इहाँ तक कि अपने आपऊ क तोहरे बरे खर्च कई देबई। जदि मइँ तोहसे जियादा पिरेम रखित ह तउ भला तू मोका कम पिरेम कइसे करब्या।</verse>
				<verse number="16">होइ सकत ह कि मइँ तोहपे कउनउ बड़ा बोझ न डावा होइ। मुला तोहर कहब बा मइँ कपटी रहेउँ मइँ तोहका अपने चालाकी स फंसाइ लिहेउँ।</verse>
				<verse number="17">का जउने लोगन क मइँ तोहरे लगे भेजे रहेउँ ओनके जरिये तोहे छला ग रहा? नाहीं!</verse>
				<verse number="18">तीतुस अउर ओनके साथे हमरे भाई क मइँ तोहरे लगे भेजे रहेउँ। का तीतुस तोहे फँसाइ दिहेस? नाहीं का हम उहीं निस्कपट आतिमा स नाहीं चलत रहेन? का हम उही चरनचिन्हन पर नाहीं चलत रहेन?</verse>
				<verse number="19">अब तू का सोचत अहा कि एक लम्बा समइ स हम तोहरे समन्वा आपन पछ रक्खत अही। मुला हम त परमेस्सर क समन्वा मसीह क अनुयायी क रूप मँ बोलत अही। मोर पियारे दोस्तो! हम जउन कछू करत अही उ तोहे आत्मिक रूप स सक्तिसाली बनवइ क बरे बा।</verse>
				<verse number="20">काहेकि मोका भय बाटई कि कहूँ जब मइँ तोहरे लगे आवउँ तउ तोहे वइसेन न पावउँ, जइसेन पावई चाहित ह अउर तू भी मोका वइसेन न पावा जइसेन पावई चाहत ह। मोका भय बा कि तोहरे बीच मोका कहूँ आपसइ मँ झगड़ा, इरसा, गुस्सापूर्वक कहासुनी व्यक्तिगत, षड़यन्त्र, अपमान, कानाफूसी हेकड़पन अउर अव्यवस्था न मिलइ।</verse>
				<verse number="21">मोका डर बा कि जब मइँ फिन तोहसे मिलइ आवउँ तउ तोहरे सामने मोर परमेस्सर कहूँ मोका लज्जित न कइ देइ, अउर मोका ओन्हन बहुतन बरे बिलाप न करइ क पड़इ। जे पहिले पाप किहे बाटेन अउर अपवित्तरन, व्यभिचरियन अउर भोग विलास मँ डूबा रहइ क बरे मनफिराव नाहीं किहे बाटेन।</verse>
			</chapter>
			<chapter number="13">
				<verse number="1">इ तीसर अउसर अहइ जब मइँ तोहरे लगे आवत हउँ सास्तरन कहत हीं: “सब बातन क पुस्टि, दूई या तीन गवाहन क साच्छी पर कीन्ह जाइ।”</verse>
				<verse number="2">जब दूसरी बार मइँ तोहरे साथे रहेउँ मइँ तोहका चेतावनी दिहे रहेउँ अउर अब जब मइँ तोहसे दूर हउँ मइँ तोहका फिन स चेतावनी देत हउँ कि अगर मइँ फिन तोहरे लगे आवउँ त जे जे पाप किहे बाटेन अउर जउन पाप करत अहइँ ओनका अउर शेस दूसरे लोगन क न छोड़बा।</verse>
				<verse number="3">अइसेन मइँ ऍह बरे करत हउँ कि तू इ बाते क प्रमाण चाहत अहा कि मोहमाँ मसीह बोलत ह। उ तोहरे बरे कमजोर नाहीं बा बल्कि। समरथ बा।</verse>
				<verse number="4">इ सच बा कि ओका ओकरे कमजोरी क कारण क्रूस पर चढ़ावा गवा रहा। मुला अब उ परमेस्सर क सक्ती क करण ही जिअत अहइ। इह सच बा कि मसीह मँ स्थित हम कमजोर अही मुला तोहरे लाभ बरे परमेस्सर क सक्ती क कारण हम ओकरे साथे जियब।</verse>
				<verse number="5">इ देखई बरे अपने आप क परखई क बा तू बिसवासपूर्वक जिअत अहा। आपन जाँच पड़ताल करा अउर का तू नाहीं जानत ह कि उ ईसू मसीह तोहरे भित्तरइ बा। जदि अइसना नाहींबा, तउ त इ परीच्छा मँ पूरा न उतरब्या।</verse>
				<verse number="6">मइँ अब आसा करत हउँ कि तू इ जानि जा कि हम इ परीच्छा मँ कउनउ तरह स विफल नाहीं भए।</verse>
				<verse number="7">हम परमेस्सर से पराथना करित ह कि तू कउनउ बुराइ न करा। एह बरे नाहीं कि हम इ परीच्छा मँ खरा देखाई देइ। बल्कि एह बरे कि तू फिन उहइ करा जउन अच्छा बा। चाहे हम इ परीच्छा मँ विफल भए काहे न देखाइॅ देइ।</verse>
				<verse number="8">असलियत मँ हम सत्य क विरुद्ध कछू नाहीं कइ सकित ह। हम जउन करित ह सच क बरे करित ह।</verse>
				<verse number="9">हमार कमजोरी अउर हमार सबलता मोका खुश करत ह अउर हम इही बरे पराथना करित ह की तू मजबूत स मजबूत बना</verse>
				<verse number="10">इही बरे तोहसे दूर रहत मइँ इन बातन क तोहका लिखत हउँ। ताकि जब मइँ तोहरे बीच होउँ तउ मोका पर्भू क जरिये दीन्ह गवा अधिकार स तोहका हानि पहुँचई बरे नाहीं बल्कि तोहरे आत्मिक बिकास बरे तोहरे साथे कठोरता न बरतइ पड़इ।</verse>
				<verse number="11">अब भाइयन, मइँ तोहसे विदा लेत अहउँ। आपन आचरण ठीक रखा। वइसेह करत रहा जइसेन करइ क मइँ कहे रहेउँ। एक जइसेन सोचा। सान्तिपूर्वक रहा। जेसे पिरेम अउर सान्ति क स्रोत परमेस्सर तोहरे साथे रही।</verse>
				<verse number="12">पवित्तर चुम्बन दुवारा एक दूसरे क सुवागत करा। सबन पवित्तर लोगन क तोहे नमस्कार।</verse>
				<verse number="13">तू पर्भू ईसू मसीह क अनुग्रह, परमेस्सर क पिरेम अउर पवित्तर आतिमा स मिलइ वाला भाई-चारा रहइ।</verse>
			</chapter>
		</book>
		<book number="48">
			<chapter number="1">
				<verse number="1">पौलुस क तरफ स, जउन एक प्रेरित अहइ, जे एक अइसेन सेवा बरत धारन किहे अहइ। जउन ओका न तउ मनइयन स मिला बा अउर न कउनो एक मनई क जरिये दीन्ह गवा रहा, बल्कि ईसू मसीह क जरिये उ परमपिता परमेस्सर स, जे ईसू मसीह मरे रहे प फिन स जियाइ दिहे रहा, दीन्ह भवा बा।</verse>
				<verse number="2">अउर मोरे साथे जउन भाइ अहइँ, ओन्हे सब ओर स, गलातिया छेत्र क कलीसियवन क नाउँ:</verse>
				<verse number="3">हमरे परमपिता परमेस्सर अउर पर्भू ईसू मसीह कइँती स तू सबन क अऩुग्रह अउर सान्ति मिलइ।</verse>
				<verse number="4">जे हमरे पापन बरे अपने आपके अर्पित कइ दिहेन ताकि इ पाप पुन्न संसारे स, जेहेमें हम रहत हई, उ हमका छुटकारा देवॉइ सकइ। हमरे परमपिता क इहइ इच्छा अहइ।</verse>
				<verse number="5">उ हमेसा महिमावान होइ। आमीन।</verse>
				<verse number="6">मोका अचरज बा, कि तू सभे ऍतनी जल्दी उ परमेस्सर स मुँह मोड़के, जे मसीह क अनुग्रह द्वारा तू पचन क बोलाए रहा, कउनो दुसरे सुसमाचार क तरफ जात अहा।</verse>
				<verse number="7">कउनउ दुसर सुसमाचार तउ सहीयउ मँ अहइ ही नाहीं ना, मुला कछू जने अइसेन अहइँ जउन तोहे भरमावत अहइँ। अउर मसीह क सुसमाचार मँ हेर-फेर क जतन करत हीं।</verse>
				<verse number="8">मुला चाहे हम होई अउर चाहे केऊ सरगदूत या तू सबन क हमरे कारण सुनावा गवा सुसमाचार स अलग सुसमाचार सुनावत हीं तू ओका धिक्कार बा।</verse>
				<verse number="9">जइसेन की हम पहिले कहिं चुका हई, ओइसेन ही मइँ अब फिन दोहरावत अहउँ कि जदि चाहे हम होइ अउर चाहे केऊ सरगदूत, या तोहरे स स्वीकार कीन्ह गवा सुसमाचार स अलग सुसमाचार सुनावत हीं तउ ओका धिक्कार अहइ।</verse>
				<verse number="10">का एहसे तू सब्बन क अइसेन लागत ह कि मोका मनइयन क स्वीकृति चाही? या इ अउर परमेस्सर की स्वीकृति मिलइ। अउर का मइँ मनइयन क खुस करई क जतन करत हइ? अगर मइँ मनइयन क खुस करित ह तउ मइँ ईसू मसीह क सेवक-सा न होइत।</verse>
				<verse number="11">भाइयो, मइँ तोहका जतावइ चाहित ह कि सुसमाचर जेकर उपदेस तू पचन क मइँ दिहे हउँ उ मनई द्वारा नाहीं बनावा गवा ह।</verse>
				<verse number="12">कउनउ मनई स मिला सुसमाचार नाहीं ना काहेकि न तउ मइँ एका कीहीउ मनई स पाएउँ हउँ अउर न तउ कउनउ मनई एकर उपेदस मोका दिहे बा। ईसू मसीह द्वारा हमरे सामने परगट भवा बा।</verse>
				<verse number="13">यहूदी धरम मँ मइँ पहिले कइसे जिअत रहेउँ ओका तू सुन चुक्या ह, अउर तू इहउ जानत ह कि मइँ परमेस्सर क कलीसिया पर केतॅना अत्याचार किहे हउँ अउर ओका मिटाइ डालइ क कोसिस तक किहे अहइ।</verse>
				<verse number="14">यहूदी धरम क पालइ मँ मइँ अपने जुगे क समकालीन यहूदियन स आगे रहेउँ काहेकि मोर पूर्वजन स जउन परम्परा मोका मिली रहिन, ओहमँ हमार उत्साहरपूरक आस्था रही।</verse>
				<verse number="15">मुला परमेस्सर मोरे जनम स पहिलेन मोका चुन लिहे रहा। अउर आपन अनुग्रह व्यक्त करइ क मोका बोलाइ लिहे रहा।</verse>
				<verse number="16">ताकि उ मोका अपने पूत (ईसू) क गियान कराइ देइ। जेसे मइँ गैर यहूदियन क बीच ओकरे सुसमाचार क प्रचार करउँ। ओह समइ जल्दी स मइँ कउनउ मनई स कउनउ राय नाहीं लिहेउँ।</verse>
				<verse number="17">अउर न तउ मइँ ओन्हन क लगे यरूसलेम गएउँ जउन मोसे पहिले प्रेरितन बना रहेन। बल्कि मइँ अरब गवा रहेउँ अउर फिन उहाँ स दमिस्क लउटि आएउँ।</verse>
				<verse number="18">फिन तीन साल क बाद पतरस स मिलइ बरे मइँ यरूसलम पहुँचेउ अउर ओकरे साथे एक पखवाड़ा ठहरेउँ।</verse>
				<verse number="19">मुला उहाँ मइँ पर्भू क भाई याकूब क देखिके कउनो अउर दुसरे प्रेरितन स नाहीं मिलेउँ।</verse>
				<verse number="20">मइँ परमेस्सर क साच्छी कइके कहत हउँ कि जउन कछू मइँ लिखत हउँ ओहमाँ झूठ नाहीं बा।</verse>
				<verse number="21">ओकरे बाद मइँ सीरिया अउर कलिकिया क देसन मँ गएउँ।</verse>
				<verse number="22">मुला यहूदीयन क मसीह क मानइवाले क कलीसियन अपने रूप स मोका नाहीं जानत रहेन।</verse>
				<verse number="23">मुला उ लोग स कहत सुनत रहेने, “उहइ मनई जउन पहिले हमका सतावत रहत रहा उही बिसवासे यानि उही बिसवास क प्रचार करत रहत ह जेका उ कभउँ खराब करई क कोसिस करे रहा।”</verse>
				<verse number="24">मोरे कारण उ पचे परमेस्सर क स्तुति किहेन।</verse>
			</chapter>
			<chapter number="2">
				<verse number="1">चौदह साल बाद मइँ फिन स यरूसलेम गएऊँ बरनाबास मोरे साथे रहा अउर तीतुस क मइँ अपने साथे लइ लिहे रहेउँ।</verse>
				<verse number="2">मइँ परमेस्सर क दर्सन क कारण उहाँ गवा रहेउँ। मइँ गैर यहूदियन क बीच सुसमाचार क उपदेस देत रहत हउँ, उहइ सुसमाचार क आपन निजी सभा क बीच कलीसिया क मुखियन क सुनाएउँ। मइँ उहाँ ऍह बरे गए रहेउँ कि परमेस्सर खुद मोका दर्साये रहा कि मोका उहाँ जाइ चाही। ताकि जउन काम मइँ पिछले दिनन किहे रहेउँ, या जेका मइँ करत हउँ, उ बेकार न चला जाइ।</verse>
				<verse number="3">परिनाम सरूप तीतुस तक क, जउन हमरे साथे रहा, जद्यपि उ यूनानी अहइ फिन ओका खतना करावइ बरे विवस नाहीं कीन्ह गवा रहा।</verse>
				<verse number="4">मुला ओन झूठे भाइयन क कारण जउन लुके छिपा हमरे बीच गुप्तचर क रूप मँ मसीह ईसू मँ हमार स्वतन्त्रता क पता लगावइ बरे घुस आइ रहेन कि हमका दास बनाइ सकइँ, इ बात उठी।</verse>
				<verse number="5">मुला हम ओनकइ गुलामी मँ एक छन बरे घुटना नाहीं टेका ताकि उ सच जउन सुसमाचार मँ निवास करत ह, तोहरे भित्तर बना रहइ।</verse>
				<verse number="6">मुला जाना-माना सम्मानित लोगन स मोका कछू नाहीं मिला। उ कइसनेउ भी रहेन, मोका अइसेन कउनउ अन्तर नाहीं पड़त। बिना कउनउ भेद भाऊ क सबन मनई परमेस्सर क सामने एक जइसेन अहइँ। मुला ओन सम्मानित लोगन स मोका या मोरे सुसमाचार मँ कछू जोड़ावाइ गवा कउनउ लाभ नाहीं भवा।</verse>
				<verse number="7">मुला एन मुखियन देखेन कि परमेस्सर मोका वइसे ही एक विसेस काम सौंपे अहइ जइसे पतरस क परमेस्सर यहूदियन क सुसमाचार सुनावइ क काम दिहे रहा। मुला परमेस्सर गैर यहूदियन क सुसमाचार सुनावइ क काम मोका दिहे रहा।</verse>
				<verse number="8">परमेस्सर पतरस क एक प्रेरित क रूप मँ काम करइ क सक्ती दिहे रहा। पतरस गैर यहूदियन क बरे एक प्रेरित बा। परमेस्सर मोका भी एक प्रेरित क रूप मँ काम करइ क सक्ती दिहे बाटइ। मुला मइँ ओन मनइयन क प्रेरित अहउँ जउन यहूदी नाहीं अहइँ।</verse>
				<verse number="9">इही तरह उ पचे मोह पइ परमेस्सर क ओह अनुग्रह क समझ लिहेन अउर कलिसिया क स्तम्भ समछइ जाइ वाला याकूब, पतरस अउर यूहन्ना बरनाबस अउर मोसे साझेदारी क चिन्ह क रूप मँ हाथे मिलाए रहा। अउर उ पचे सहमत होइ गएन कि हम विधर्मियन क बीच उपदेस देत रही अउर उ सबइ यहूदियन क बीच।</verse>
				<verse number="10">ओ सबइ हमसे बस ऍतनई कहेन कि हम ओनके गरीबन क धियान रखी। अउर मइँ इही कामँ क न केवल करइ चाहत रहेउँ बल्कि एकरे बरे लालयित रहेउँ।</verse>
				<verse number="11">मुला जब पतरस अन्ताकिया आवा तब मइँ खुलकेओकर विरोध किहेउँ काहेकि उ ठीक नाहीं रहा।</verse>
				<verse number="12">काहेकि याकूब द्वारा भेजा गवा कछू लोगन क इहाँ पहुँचे स पहिले उ गैर यहूदियन क साथे खात पियत रहा। मुला उन लोगन क आवइ क बाद उ गैर यहुदियन स अलग कइ लिहेस। उ ओन्हेन क डर स अइसेन किहेस जउन चाहत रहेन कि गैर यहूदियन क खतना होइ चाही।</verse>
				<verse number="13">दूसरे यहूदियन पतरस क इ देखावा मँ साथ दिहेन। इहाँ तक कि इ देखॉवइ क कारण बरनाबस तक भटक गवा।</verse>
				<verse number="14">मइँ जब इ देखेउँ कि सुसमाचार मँ छिपा हुआ सच क अनुसार उ पचे सीधे रस्ता पर नाहीं चलत रहेन तब सबक सामने पतरस स कहेन, “जब तू यहूदी होइ क भी गैर यहूदियन क जिन्नगी जिअत अहा। तउ गैर यहूदियन क यहूदियन क रीति पर चलइ क बरे विवस कइसे कइ सकत ह?”</verse>
				<verse number="15">हम तउ जनम स यहूदी अही। अउर हमार पापी गैर यहूदीयन स कउनउ सम्बन्ध नाहीं बा।</verse>
				<verse number="16">तबऊ हम इ जानित ह कि कउनो मनई क व्यवस्था क बिसय क पालन करइ क कारण नाहीं बल्कि ईसू मसीह मँ बिसवास क कारण नेक ठहरावा जात ह। मइँ इही बरे मसीह ईसू क बिसवास धारण किहे हई, ताकि इ बिसवासे क कारण हम नेक ठहरावा जाइ, न कि व्यवस्था क पालइ क कारण। काहेकि ओका पालई स तउ केऊ मनई धर्मी नाहीं होत।</verse>
				<verse number="17">मुला अगर हम जउन ईसू मसीह मँ अपने स्थित क कारण धर्मी ठहरावा जाइ चाहित ह। हमहूँ बिधर्मीयन क समान पापी पावा जाइ तउ एकर मतलब का इ नाहीं ना कि मसीह पापे क बढ़ावा देत ह। निस्चय ही नाहीं।</verse>
				<verse number="18">अगर जेकर तियाग मइँ कइ चुका हउँ उ व्यवसथा क फिन स उपदेस देइ लागउँ, तब तउ मइँ आज्ञा क उल्लंघन करइवाला अपराधी बन जाब।</verse>
				<verse number="19">काहेकि व्यवस्था क विधान स मइँ मर गएउँ ह ताकि परमेस्सर क बरे मइँ फिन स जी जाउँ मसीह क साथे मोका क्रूस पर चढ़ाइ दिहा गवा।</verse>
				<verse number="20">इही स अब आगे मइँ जिन्दा नाहीं अहउँ। मुला मसीह मोहमाँ जिन्दा अहइ। तउन एह सरीर मँ अब मइँ जउन जिन्नगी जिअत हउँ, उ हमार जिन्नगी नाहीं अहइ, उ तउ बिसवासे पइ टिका बा। परमेस्सर क ओह पूत (ईसू) बरे बिसवासे पर जउन मोसे पिरेम करत ह। अउर जे अपने आप क मोरे बरे अर्पित कइ दिहेस।</verse>
				<verse number="21">मइँ परमेस्सर क अनुग्रह क नाहीं नकारित ह, मुला अगर धार्मिक व्यवस्था क कारण परमेस्सर स नाता जोडाइ पाउत तउ मसीह बेकारइ आपन जान काहे देत।</verse>
			</chapter>
			<chapter number="3">
				<verse number="1">अरे मूरख गलातियो, तोह पर के जादू कइ दिहे बा? तू सबन क तउ, सबन क समन्वा ईसू मसीह क क्रूस पर कइसे चढ़ावा गवा रहा, एकर पूरा विवरण दइ दीन्ह गवा रहा।</verse>
				<verse number="2">मइँ तू पचन स बस एतना जानइ चाहित ह कि तू पवित्तर आतिमा क बरदान कउन व्यवस्था क पालइ स पाए रह्या, अउर सुसमाचार क सुनइ अउर ओहपे बिसवास करइ स?</verse>
				<verse number="3">का तू पचे ऍतना मूरख होइ सकत ह, जउने जीवन क तू सबइ आतिमा स आरम्भ किहे रह्या-ओका अब हाड़-मांस क सरीर क सक्ती स पूरा करब्या।</verse>
				<verse number="4">तू पचे एतना कस्ट बेकारइ सह्या? आसा बाटइ कि उ पचे बेकार नाहीं भएन।</verse>
				<verse number="5">परमेस्सर जउन तोह पचन क आतिमा देत ह अउर जउन तोहरे सबन बीच अद्भुत कराजन क करत ह, उ इ ऍह बरे करत ह कि तू सबइ व्यवस्था क पालत अहा या ऍह बरे कि तू पचे सुसमाचार क सुने अहा, अउर ओह पर बिसवास किहे अहा।</verse>
				<verse number="6">इ वइसेन ही बा जइसे कि इब्राहीम क बारे मँ पवित्तर सास्तरन कहत हीं: “उ परमेस्सर मँ बिसवास किहेस अउर इ ओकर परमेस्सर मँ धार्मिकता गिनि गइ।”</verse>
				<verse number="7">तउ फिन तू पचे इ जान ल्या कि इब्राहीम सच्चा बंसज ओह सबइ अहइँ जउन बिसवास करत हीं।</verse>
				<verse number="8">पवित्तर सास्तरन पहिलेन बताइ दिहे बाटेन कि परमेस्सर गैर यहूदियन क भी ओनके बिसवास क कारण धर्मी ठहराएस। अउर ओन सब्दन क साथे पहिलेन स ही इब्राहीम क परमेस्सर क जरिये सुसमाचार स सास्तरन क इ सब्दन द्वारा, “परमेस्सर तोहार उपयोग करी, सबहिं राष्ट्रन का आसीसन बरे अवगत कराइ दीन्ह गवा रहा।”</verse>
				<verse number="9">इही बरे उ लोग जउन बिसवास करत हीं बिसवासी इब्राहीम क साथ आसीस पावत हीं।</verse>
				<verse number="10">मुला जब लोग जउन व्यवस्था क पालइ प निर्भर रहत हीं, उ पचे कउनो अभिसाप क अधीन अहइँ। पवित्तर सास्तरन मँ लिखा बा, “अइसेन सब मनइ स्रापित बाटेन जउन व्यवस्था क पुस्तक मँ लिखी सब बातन क लगन क साथे पालन नाहीं करतेन।”</verse>
				<verse number="11">अब इ स्पष्ट बा क व्यवस्था क जरिये परमेस्सर क सामने कउनउ धर्मी नाहीं ठहतर ह। काहेकि पवित्तर सास्तरन क अऩुसार, “धर्मी मनई बिसवास क सहारे अनन्त जीवन जिई।”</verse>
				<verse number="12">मुला व्यवस्था तउ बिसावासे पर नाहीं टिका बल्कि पवित्तर सास्तरन क अनुसार, “जे व्यवस्था क विधान क अनुसार पाली, उ ऊहीं क सहारे जिई।”</verse>
				<verse number="13">मसीह हमरे स्रापे क अपने ऊप्पर लइके व्यवस्था क स्राप स हमका मुक्त कइ दिहेस। पवित्तर सास्तरन कहत हीं, “हर केऊ जउन पेड़ पर टाँगि दीन्ह जात ह, स्रापित बा।”</verse>
				<verse number="14">मसीह हमका ऍह बरे मुक्त किहेस कि इब्राहीम क दीन्ह गइ आसिस ईसू मसीह क जरिये गैर यहूदियन क मिलि सकइ ताकि बिसवास क जरिये हम ओंह पवित्तर आतिमा क पाइ सकी जेकर बचन दीन्ह गवा बा।</verse>
				<verse number="15">भाइयो, अब मइँ तू पचन क दैनिक जीवन स एक उदाहरण देइ जात अहउँ: देखा, जइसेन कउनउ मनई क जरिये कउनउ करार कइ लिहेजाइ प स्वीकृत हो जात ह, न तउ कउनो मनई ओका रद्द कइ सकत ह अउर न ही ओहमे स कछू घटावा जाइ सकत ह। अउर न बढ़ावा,</verse>
				<verse number="16">वइसेन ही इब्राहीम अउर उनके भावी बंसज क साथे कीन्ह गइ प्रतिज्ञा क संदर्भ मँ भी बा। देखा! परमेस्सर इ नाहीं कहत ह, “अउर ओकरे बंसजन क।” (अगर अइसेन होत ह त बहुत लोगन क तरफ संकेत होत। परमेस्सर वचन मँ कहत ह, “अउर तोहरे बंसजन।” जउन मसीह अहइ।)</verse>
				<verse number="17">मोर कहइ क मतलब इ बाटई कि जेह करार क परमेस्सर पहिलेन सुनिस्चित कइ दिहेस ओका चार सौ तीस साल बाद आवइवाली व्यवस्था क विधान नाहीं बदल सकत अउर न तउ ओकरे बचन क अप्रभावित ठहरावा जाइ सकत ह।</verse>
				<verse number="18">काहेकि अगर उत्तराधिकार व्यवस्था पर टिका बा तउ फिह उ बचन पर न टिकी। मुला परमेस्सर उत्तराधिकार बचन क कारण मुक्त रूप स इब्राहीम क दिहे रहा।</verse>
				<verse number="19">फिन भला व्यवस्था क प्रयोजन का रहा? व्यवस्था उल्लंघन क अपराध क कारण व्यवस्था क बचन स जोड़ दीन्ह गवा रहा ताकि जेकरे बरे बचन दीन्ह गवा रहा, ओह बंसज क आवइ तलक उ रहइ। व्यवस्था एक मध्यस्थ क रूप मँ रहइवाला मूसा क सहायता स सरगदूतन स दीन्ह गवा बा।</verse>
				<verse number="20">अब देखा, मध्यस्था क जरूरत नाहीं अहइ, जब केवल एक मनई होत ह। मुला परमेस्सर तउ एक्कई बा।</verse>
				<verse number="21">का एकर इ मतलब बा कि व्यवस्था परमेस्सर क बचन क बिरोधी अहइ? निस्चित रूप स नाहीं। काहेकि अगर अइसेन ही व्यवस्था दीन्ह गइ होत जउन सबन मँ जीवन क संचार कइ सकत तउ व्यवस्था परमेस्सर क आगे धार्मिकता क सिद्ध करई क साधन बन जात।</verse>
				<verse number="22">मुला पवित्तर सास्तरन घोसणा किहे बा कि इ समूचा संसार पाप क सक्ती क अधीन बा। ताकि ईसू मसीह मँ बिसवास क आधार पर जउन बचन दीन्ह गवा बा, उ बिसवासी लोगन क भी मिलइ।</verse>
				<verse number="23">इ बिसवास क आवाई स पहिले, हमका व्यवस्था क देखरेख मँ, इ आवइवाला बिसवास क परगट होइ तलक, बन्दी क रूप मँ रखा गवा बा।</verse>
				<verse number="24">एह तरह व्यवस्था हमका मसीह तक लइ जाइ क बरे एक कठोर अभिभावक रहा ताकि आपन बिसवास क आधार पर हम धर्मी ठहरी।</verse>
				<verse number="25">अब जब इ बिसवास परगट होइ चुका अहइ तउ हम ओह कठोर अभिभावक क अधीन नाहीं अही।</verse>
				<verse number="26">ईसू मसीह मँ बिसवास क कारण तू सबहिं परमेस्सर क सन्तान अहा। काहेकि तू सबइ मसीह क बपतिस्मा लइ लिहे अहा, मसीह मँ समाइ गवा अहा।</verse>
				<verse number="27"></verse>
				<verse number="28">तउन अब किहीउ मँ कउनउ अन्तर नाहीं रहा अउर न कउनउ यहूदी रहा, न गैर यहूदी, न दास रहा, न स्वतन्त्र, न पुरूस रहा, न स्त्री रही, काहेकि मसीह ईसू मँ तू सबहिं एक अहा।</verse>
				<verse number="29">अउर काहेकि तू मसीह क अहा, तउ फिन तू इब्राहीम क बंसजन क अहा। अउर परमेस्सर जउन इब्राहीम क दिहे रहा उहइ बचन क उत्तराधिकारी होइ।</verse>
			</chapter>
			<chapter number="4">
				<verse number="1">मइँ कहत हउँ कि उत्तराधिकारी जब तलक बच्चा बा तउ चाहे सब कछू क स्वामी उहइ होत ह, फिन भी उ दास स जियाद कछू नाहीं रहत।</verse>
				<verse number="2">उ संरच्छकन अउर घरे क सेवकन क तब तक अधीन रहत ह। जब तक ओकरे पिता द्वारा निस्चत समइ नाहीं आई जात।</verse>
				<verse number="3">हमरउ भी अइसेही स्थिति बा। हमहुँ जब बच्चा रहेन तउ संसारी नियमन क दास रहेन।</verse>
				<verse number="4">मुला जब अच्छा समइ आवा त परमेस्सर तउ अपने पूत क भेजेस जउन एक स्त्री स जनमा रहा।</verse>
				<verse number="5">अउर उ व्यवस्था क अधीन जिअत रहा। ताकि उ व्यवस्था क अधीन व्यक्तियन क मुक्त कराइ सकइ जेसे हम परमेस्सर क गोद लीन्ह भए बच्चन बन सकी।</verse>
				<verse number="6">अउर फिन काहेकि तू परमेस्सर क सन्तान अहा, तउन उ सबन क हिरदय मँ पूत क आतिमा क पठए रहा। उहइ आतिमा, “ अब्बा, पिता” कहतइ बोलवावत ह।</verse>
				<verse number="7">इही बरे अब तू दास नाहीं अहा बल्कि परमेस्सर क सन्तान अहा अउर काहेकि तू सन्तान अहा इही बरे तोहका परमेस्सर आपन उत्तराधिकारी बनाए ह।</verse>
				<verse number="8">पहिले तू सभे जब परमेस्सर क नाहीं जानत रह्या, तउ तू सभे देवतन क दास रह्या। उ सच नाहीं अहइ वास्तव मँ उ सबइ परमेस्सर नाहीं रहेन।</verse>
				<verse number="9">मुला अब तू परमेस्सर क जानत अहा, या अइसेन कहइ चाही कि परमेस्सर क जरिये अब तू पचन क पहिचान लीन्हा गवा बा। फिन तू ओनन्ह साररहित, कमजोर नियमन कइँती काहे लउट अहा। तू पचे फिन स ओनके अधीन काहे होइ चाहत ह?</verse>
				<verse number="10">तू पचे कउनो विशेष दिनन महीनन ऋतुवन अउर बरिसन क मानइ लाग अहा। तू पचन क बारे मँ मोका डेर लागत ह कि तू पचन क बरे जउन काम मइँ किहे हउँ उ सबइ कहुँ खराब तउ नाहीं होइ गवा अहइँ।</verse>
				<verse number="11"></verse>
				<verse number="12">हे भाइयो तथा बहिनियो, कृपा कइके तू सब मोरे जइसेन बनि जा। देखा, मोहुँ तउ तू पचन जइसेन बनि गवा हउँ, इ मोर तू पचन स बिनती बा, अइसेन नाहीं कि तू पचे मोरे बरे कउनउ गलती किहे अहा।</verse>
				<verse number="13">तू पचे तउ जनबई करत ह कि आपन सरीरी क व्याधियन क कारण मइँ पहिली दाई तू सबन इ सुसमाचार सुनाए रहेउँ।</verse>
				<verse number="14">अउर तू सब हऊँ तउ, मोरी बीमारी क कारण, जउन तोहार परीच्छा लीन्ही गइ रही, ओहसे मोका छोट नाहीं समझया अउर न तउ मोरे निसेध किह्या। बल्कि तू पचे परमेस्सर क सरगदूत क रूपे मँ मोर सुवागत किहे अहा। माना कि मइँ खुदई ईसू मसीह रहेउँ।</verse>
				<verse number="15">तउन तू सबन क उ खुसी क का भवा? मइँ तोहरे बरे खुदइ इ बाते क साच्छी हउँ कि अगर तू पचे समरथ होत ह्या तउ तू पचे आपन आँखी तक निकाली क मोका दइ देत्या।</verse>
				<verse number="16">तउन का सच बोलइ स ही मइँ तू पचन क दुस्मन होइ गएउँ?</verse>
				<verse number="17">तू पचन क व्यवस्था पर चलावइ बरे चाहइवालन तोहमाँ बड़ी गहिर रूचि लेत हीं। मुला ओनकर उद्देस्य अच्छा नाहीं बा। उ तू सबइ पचन क मोसे अलग करइ चाहत हीं। ताकि तू पचे ओहमाँ गहिर रुचि लइ सका।</verse>
				<verse number="18">कउनउ कीहीउँ मँ हमेसा गहिर रूचि लेत रहइ, इ तउ एक अच्छी बात अहइ। मुला इ कीहीउँ अच्छे क बरे होइ चाही। अउर बस उही समइ नाहीं, जब मइँ तोहरे साथे हउँ।</verse>
				<verse number="19">मोर प्रिय सन्तानों, मइँ तू सबन क बरे एक बार फिन प्रसव वेदना क झेलत हउँ। जब तलक तू पचे मसीह जइसे नाहीं होइ जात्या।</verse>
				<verse number="20">मइँ चाहत हउँ कि अबहीं तू पचन के लगे आइ पहुँचउँ अउर तू सबन क साथे अलग तरह स बात करउँ, काहेकि मइँ समझ नाहीं पावत हउँ कि तू पचन बरे का करा जाइ।</verse>
				<verse number="21">मूसा क व्यवस्था क आधीन रहइ चाहइवालन स मइँ पूछत हउँ का तू पचे व्यवस्था क इ कहब नाहीं सुन्या?</verse>
				<verse number="22">पवित्तर सास्तरन कहत हीं कि इब्राहीम क दुइ बेटवा रहेन। एक क जन्म एक दासी स भवा रहा अउर दुसरे क स्वतन्त्र स्त्री स।</verse>
				<verse number="23">दासी स पइदा भवा बेटवा सहज नियमन मँ पैदा भवा रहा, मुला स्वतन्त्र स्त्री स पइदा बच्चा परमेस्सर क जरिये दीन्ह गयि प्रतिज्ञा क परिणाम अहइ।</verse>
				<verse number="24">इन बातन क प्रतीकात्मक मतलब अहइ-इऩ दुन्नउ स्त्री दुई करारन क चिन्ह अहइँ। एक करार सीनै पर्वत स मिला रहा जे ओन सभन क जनम दिहेस जउन दासता क बरे रहेन। इ करार हाजिरा स सम्बधित बा।</verse>
				<verse number="25">हाजिरा अरब मँ स्थित सीनै पर्वत क चिन्ह अहइ, उ वर्तमान धरती क यरूसलेम क समान अहइ, काहके उ अपने बेटवन क साथे दासता भोगत रही,</verse>
				<verse number="26">मुला सरग मँ स्थित यरूसलेम स्वतन्त्र अहइ। अउर उहइ हमार माता अहइ।</verse>
				<verse number="27">पवित्तर सास्तर कहत हः “बाँझ! मनावा आनन्द, जना तू न कउनो क प्रसव वेदना भइ न तोहका, हर्स नाद कइके अउर खिलखिला हंसी खुसी मँ काहके अनगिनत संतान अहइँ छोड़ी भइ मुला नाहीं ना ओकर ओतनी, जउन सुहागिन।”</verse>
				<verse number="28">तउन भाइयो! अब तू इसहाक क जइसी परमेस्सर क बचन स संतान होवा।</verse>
				<verse number="29">मुला जइसे ओह समझ प्राकृतिक परिस्थितियन क अधीन पैदा भइ आतिमा क सक्ति स उत्पन्न भए क सतावत रहा, वइसेन ही स्थति आज बा।</verse>
				<verse number="30">मुला देखा पवित्तर सास्तर क कहत ह? “इ दासी अउर ओकर बेटवा क निकाल क बाहर करा, काहेकि इ दासी क बेटवा तउ स्वतन्त्र स्त्री क बेटवा क साथे उत्तराधिकारी न होई।”</verse>
				<verse number="31">ऍह बरे भाइयन! हम ओह दासी क सन्दान नाहीं हई, बल्कि हम तउ स्वतन्त्र स्त्री क सन्तान हई।</verse>
			</chapter>
			<chapter number="5">
				<verse number="1">मसीह तउ हमका स्वतन्त्र किहे अहइ ताकि हमउँ स्वतंत्र होइ क आनन्द लइ सकी। इही बरे अपने बिसवास क दृढ़ बनाए रखा। अउर फिन स व्यवस्था क जुआ क बोझ न उठावा।</verse>
				<verse number="2">सुना! खुद मइँ, पौलुस तोहसे कहत रहेउँ कि अगर खतना कराइके तू पचे फिन स व्यवस्था कइँती लउतट ह्या तउ तोहरे मसीह क कउनउ महत्व न रहइ।</verse>
				<verse number="3">आपन खतना कराइ देइवाले हर एक मनई क, मइँ एक दाई फिन स जताए देत हउँ कि ओका पूरा व्यवस्था पर चलब जरुरी बा।</verse>
				<verse number="4">तू सबन मँ स जेतना जने व्यवस्था क पालइ क कारण धर्मी क रूप मँ स्वीकृत होइ चाहत हीं। उ सब मसीह स दूर होइ ग बाटेन अउर परमेस्सर क अऩुग्रह क च्छेत्र स बाहेर अहइँ।</verse>
				<verse number="5">मुला हम बिसवास क कारण परमेस्सर क सामने धर्मी स्वीकार कीन्ह जाइ क आसा करित ह। आतिमा क सहायता स हम एकर बाट जोहत रहेन ह।</verse>
				<verse number="6">काहेकि मसीह ईसू मँ स्थिति क बरे न तउ खतना करावइ क कउनउ महत्व बा अउर न खतना नाहीं करावइ क बल्कि ओहमाँ तउ पिरेम स पइदा होइवाला बिसवास क ही महत्व बा।</verse>
				<verse number="7">तू पचे तउ बहुत अच्छी तरह एक मसीह क जीवन जिअत रह्या। अब तू पचन क, अइसा का अहइ जउन सत्य पर चलइ स रोकत बाटइ।</verse>
				<verse number="8">अइसी बिमति जउन तू पचन क सत्य स दूर करत बाटइ। तू सबन क बोलावइवाले परमेस्सर कइँती स नाहीं आइ बा।</verse>
				<verse number="9">“तनिक खमीर गुंधा भवा समूचा आटा क खमीर स उठाइ लेत ह।”</verse>
				<verse number="10">पर्भू क बरे मोर पूरा भरोसा बा कि तू पचे कउनउ दूसरे मते क न अपनउब्या मुला तू सबन क विचलित करइवाला चाहे कउनउ भी होइ, उचित दण्ड पावइ।</verse>
				<verse number="11">भाइयो तथा बहिनियो, अगर मइँ आजभी, जइसा कि कछू जने मोहपे लांछन लगावत हीं कि मइँ खतना क प्रचार करत हउँ तउ मोका अब तलक यातना काहे दीन्ह जात अहइँ? अउर अगर मइँ अब भी खतना क जरूरत क प्रचार करत हउँ अब तउ मसीह क क्रूस क कारण पइदा भई मोर सब बाधा समाप्त होइ जाइ चाही।</verse>
				<verse number="12">मइँ तउ चाहत हउँ कि उ सबइ जउन तू पचन क डिगावइ चाहत हीं, खतना करावइ क साथ साथ अपने आपक बधिया ही कराइ डालतेन।</verse>
				<verse number="13">मुला भाइयो तथा बहिनियो, तू पचन क परमेस्सर तउ स्वतन्त्र रहइ क चुने अहइ। मुला ओह आजादी क अपने आप पूरे सुभाऊ क पूर्ति क साधन जिन बनइ द्या, एकरे विपरीत पिरेम क कारण परस्पर एक दूसरे क सेवा करा।</verse>
				<verse number="14">काहेकि समूची व्यवस्था क सार संग्रह इ एक आदेस मँ ही बाः “अपने साथियन स वइसेन ही पिरेम करा, जइसेन तू अपने आपस करत ह।”</verse>
				<verse number="15">मुला आपस मँ काट करत भए अगर तू एक दूसरे क खात रहब्या तउ देखा। तू पचे आपस मँ ही एक दूसरे क नास कइ देब्या।</verse>
				<verse number="16">मुला मइँ कहत हउँ कि आतिमा क अनुसासन क अनुसार आचरण करा अउर अपन पाप से भरा भए सुभाऊ स इच्छन क पूर्ति जिन करा।</verse>
				<verse number="17">काहेकि तने क, भौतिक, अभिलास पवित्तर आतिमा क अभिलासन क अउर पवित्तर आतिमा क अभिलासन भौतिक अभिलासन क विपरीत होत हीं। एनकर आपस मँ विरोध बा। इही बरे तउ जउन तू पचे करइ चाहत ह, उ कइ नाहीं सकत्या।</verse>
				<verse number="18">मुला अगर तू आतिमा क अनुशासन मँ चलत ह तउ फिन व्यवस्था क अधीन नाही रहत्या।</verse>
				<verse number="19">अब देखा! हमरे भौतिक मनई सुभाउ क पापे स भरी प्रकृति क कामन क तउ सब जानत हीं। उ पचे अहइँ व्यवभिचार, अपवित्तर, भोग विलास,</verse>
				<verse number="20">मूर्ति पूजा, जादू-टोना, बैरभाऊ, लड़ाई-झगड़ा, डाह, किरोध, स्वार्थीपन, फूट, इरसा,</verse>
				<verse number="21">नसा, लंपटपन या ओइसेही अउर बातन। अब मइँ तू सबन क एनन्ह बातन क बारे मँ वइसेन ही चेतावत हउँ जइसेन मइँ तू सबन क पहिलेन चेताई दिहे रहेउँ कि जउन लोग इन बातन मँ भाग लेइहीं, उ पचे परमेस्सर क राज्य क उतराधिकार न पइहीं।</verse>
				<verse number="22">जबकि पवित्तर आतिमा पिरेम, आनन्द, सान्ति, धीरज, दयालुता, नेकी, बिसवास</verse>
				<verse number="23">नम्रता अउर आत्मसंयम उपजावत ह। इन बातन क विरोध मँ कउनउ व्यवस्था नाहीं बाटइ।</verse>
				<verse number="24">ओ सब लोग जउन मसीह ईसू क अहइँ, अपने पाप स भरा मानुस भौतिक मनइ सुभाऊ क वासना अउर सबइ इच्छा समेत क्रूस पर चढ़ाइ दिहे अहइँ।</verse>
				<verse number="25">काहेकि जब हमरे एक नवे जीवन क स्रोत आतिमा बा तउ आवा आतिमा क ही अनुसार चाली।</verse>
				<verse number="26">हम अभिमानी न बनी। एक दूसरे क न चिढ़ाई। अउर न तउ परस्पर इरसा रखी।</verse>
			</chapter>
			<chapter number="6">
				<verse number="1">भाइयो तथा बहिनियो, तोहरे मँ स अगर कउनउ मनई गलत काम करत पकड़ा जाय तउ आत्मिक लोगन क चाही कि नम्रता क साथे ठीक कइ देइ, धरम क मार्ग पर आवइ मँ सहायता करइँ। अउर खुद अपने बरे सावधानी बरता कि कहीं तू पचे खुदउ कउनो परीच्छा मँ न पड़ि जा।</verse>
				<verse number="2">परस्पर एक दूसरे क भार उठावा। इही तरह तू मसीह क व्यवस्था क पालन करब्या।</verse>
				<verse number="3">अगर केउ मनई महत्वपूर्ण न होत भवा तबउ अपने क महत्वपूर्ण समझत ह, तउ अपने क धोखा देत थ।</verse>
				<verse number="4">अपने करम क आंकलन हर कउनो क खुद करत रहइ चाही। अइसेन करइ पर ही ओका अपने पापे पर कउनो दुसरे क साथे तुलना किहे बिना, गरब करइ क अवसर मिली।</verse>
				<verse number="5">काहेकि आपन दायित्यव हर कउनो क खुदइ उठावइ क बा।</verse>
				<verse number="6">जेका परमेस्सर क बचन सुनावा गवा बा, ओका चाही कि जउन अच्छी चीज ओकरे पास बा, ओहमाँ अपने उपदेस क साच्छी बनवइ।</verse>
				<verse number="7">अपने आपके जिन्न छला। परमेस्सर क केऊ बुद्धू नाहीं बनाइ सकत, काहेकि जउन जइसेन बोई वइसे ही काटी।</verse>
				<verse number="8">जे अपने भौतिक मनई क सुभाऊ बरे बोई, उ अपने काया क बिनास क फसल काटी। मुला जउन आतिमा क खेते मँ बीया बोई उ आतिमा स अनन्त जीवन क फसल काटी।</verse>
				<verse number="9">इही बरे आवा हम भलाई करत कभऊँ न थकी। काहेकि अगर हम भलाई करत ही रहब तउ अच्छा समइ आए प हमका ओकर फल मिली।</verse>
				<verse number="10">जइसेन ही कउन अवसर मिलई, हमका सब क साथ भलाई करइ चाहीं, विसेस कर अपने बिसवासी भाइयन क साथे।</verse>
				<verse number="11">देखा, मइँ तू पचन क खुद अपने हाथे स केतना बड़ा बड़ा अच्छरन मँ लिखे हउँ।</verse>
				<verse number="12">अइसे जने जउन सरीर क रुप स अच्छा देखॉवा करइ चाहत हीं तू पचन प खतना करावइ क दबाउ डालत हीं। मुला उ पचे अइसेन बस इही बरे करत हीं कि ओन्हे मसीह क क्रूस क (सुसमाचार) कारण यातना न सहइ पड़इ।</verse>
				<verse number="13">काहेकि उ सबइ खुदउ नकइ खतना होइ चुका बा, व्यवस्था क पालन नाहीं करतेन मुला फिन भी ओ पचे चाहत हीं कि तू पचे खतना करावा ताकि उ पचे तू सबन क जरिये इही सरीस क प्रथा क अपनाइ जाइ पर डींग मार सकइँ।</verse>
				<verse number="14">मुला जेकरे जरिये मइँ संसार क बरे अउर संसार मोरे बरे भर गवा। पर्भू ईसू मसीह क ओह क्रूस क छोड़िके मोका अउर कउनो प गरब न होइ।</verse>
				<verse number="15">काहेकि न तउ खतना क कउनउ महत्व बा अउर न बिना खतना क। अगर महत्व बा त उ नई सिस्टी क बा।</verse>
				<verse number="16">इही बरे जउन लोग ऍह विधान पर चलिहीं ओन्हन पर। अउर परमेस्सर क इस्राएल पर सान्ति अउर दया होत रहइ।</verse>
				<verse number="17">पत्र क खतम करत मइँ तू सबन स बिनती करत हउँ कि अब मोका कउनउ अउर दुख न द्या। काहेकि मइँ तउ पहिले स अपने सरीर मँ मसीह ईसू क घावन क लिहे घमत रहत अहउँ।</verse>
				<verse number="18">भाइयो तथा बहिनियो, हमरे पर्भू ईसू मसीह क अनुग्रह तू पचन क आतिमन क साथे बना रहई। आमीन!</verse>
			</chapter>
		</book>
		<book number="49">
			<chapter number="1">
				<verse number="1">पौलुस कइँती स, जउन परमेस्सर क इच्छा ईसू मसीह क एक प्रेरित अहइ, इफिसुस क रहइवाले संत जनन अउर ईसू मसीह मँ बिसवास रखइवालन क नाउँ:</verse>
				<verse number="2">तू लोगन क हमरे परमपिता परमेस्सर अउर ईसू मसीह कइँती स अनुग्रह अउर सांति मिलइ। मसीह मँ स्थित लोगन क आध्यात्मिक असीसन।</verse>
				<verse number="3">हमरे पर्भू ईसू मसीह क पिता अउर परमेस्सर धन्य होइ। ओहमाँ हमका मसीह क रूप मँ सरगे क क्षेत्र मँ हर तरह क आसीर्बाद दिहे अहइँ।</verse>
				<verse number="4">संसार क रचना स पहिले ही परमेस्सर हमका, जउन मसीह मँ स्थित बा, आपन सामने पवित्तर अउर निर्देस बनई क बरे चुनेस। हमरे बरे ओकर जउन पिरेम बा उही क कारण उ ईसू मसीह क द्वारा हमका आपन बेटवा क रूप मँ स्वीकार कीन्ह जाइ बरे नियुक्त किहेस। इहइ ओकर इच्छा रही अउर प्रयोजन रहा।</verse>
				<verse number="5"></verse>
				<verse number="6">उ अइसा ऍह बरे किहेस परमेस्सर आपन महिमा अउर अनुग्रह बरे प्रसंसित करइ। उ एका हमका, जउन ओकर पिआरा बेटवा मँ स्थित बा मुक्त भाव स दिहेस।</verse>
				<verse number="7">हमका, ओहमाँ ओकर लहू क द्वारा छुटकारा, अर्थात् हमरे अपराधन क छमा ओकरे अनुग्रह क धन क अनुसार मिली ह। ओकर सम्पन्न अनुग्रह क कारण हमका हमरे पापन क छमा मिलत ह। आपन उही पिरेम क अनुसार जेका उ मसीह क द्वारा हम पर परगट करइ चाहत रहा।</verse>
				<verse number="8">उ हमका आपन इच्छा क रहस्य क बताएस ह।</verse>
				<verse number="9">जइसा कि मसीह क जरिये हमका उ देखॅावइ चाहत रहा।</verse>
				<verse number="10">परमेस्सर क इ योजना रही कि अच्छा समइ पर सरग क अउर पृथ्वी पर क सभन वस्तुअन क मसीह मँ एकत्र करइ।</verse>
				<verse number="11">सब बातन योजना अउर परमेस्सर क निस्चय क अनुसार कीन्ह जात हीं। अउर परमेस्सर आपन निजी प्रयोजन क कारण ही हमका उही मसीह मँ संत बनवई क बरे चुने अहइ। इ ओकरे अनुसार इ भवा जेका परमेस्सर अनादिकाल स सुनिस्चित कइ रखे रहा।</verse>
				<verse number="12">ताकि हम ओकरी महिमा क प्रसंसा क कारण बनि सकी। हम यानी सबसे पहले जे लोग आपन आसा क मसीह पर केन्द्रित कइ दिहे अहइँ।</verse>
				<verse number="13">जब तू उ सत्य क उपदेस सुन्या जउन तू सबन उद्धार क सुसमाचार रहा, अउर जउने मसीह पर तू बिसवास किहे रह्या। तउ जउने पवित्तर आतिमा क बचन दिहे रह्या। मसीह क जरिये स ओकर छाप परमेस्सर क दुआरा तोहे जने पर लगाय गइ।</verse>
				<verse number="14">उ आतिमा हमरे उतराधिकार क भाग क जिम्मेदारी क बयाना क रूप मँ ओह समइ तलक बरे हमका दीन्ह गवा रहा। जब तलक कि उ हमका जउन ओकर आपन अहइँ पूरी तरह उद्धार नाहीं दइ देत। एकरे कारण लोग ओकरे गरिमा क प्रसंसा करिहीं।</verse>
				<verse number="15">इही बरे जब स मइँ पर्भू ईसू मसीह मँ तोहरे बिसवास अउर सभन सन्तन क बरे तू सबन क पिरेम क विसय मँ सुने हउँ। मइँ तू पचन क बरे परमेस्सर क धन्यबाद निरन्तर करत हउँ अउर तू पचन क आपनन पराथना मँ याद करत हउँ।</verse>
				<verse number="16"></verse>
				<verse number="17">मइँ पराथना करत रहत हउँ कि हमार पर्भू ईसू मसीह महिमावान परमपिता क परमेस्सर तू पचन क विवेक अउर दिव्य दर्सन क अइसेन आतिमा क सक्ती प्रदान करइ। जैसे तू पचे ओका अच्छी तरह क जान सका।</verse>
				<verse number="18">मोर बिनती बा कि तोहरे हीये (हृदय) क आँखिन खुल जाइँ अउर तू प्रकास क दर्सन कइ सका ताकि तू पचन क पता चल जाइ कि उ आसा का अहइ जेकरे बरे तू पचन क उ बोलाए अहइ। अउर जेकरे उत्तराधिकार क उ आपन सभन पवित्तर जने क देई। उ केतॅना अदभुत अउर सम्पन्न बाटइ।</verse>
				<verse number="19">अउर हम बिसवासियन क बरे ओकर सक्ती बेमिसाल रूप स केतॅना महान बा। इ सक्ती अपनी महान सक्ती क ओह प्रयोग क समान बा।</verse>
				<verse number="20">जेका उ मसीह मँ तब कामे मँ लिहे रहा जब मरे हुवन मँ स ओका फिन स जियाइ क सरगे क छेत्र मँ आपन दिहिनीं कइँती बइठाइके</verse>
				<verse number="21">सबहुँ सासकन, अधिकारियन समरथन, अउर राजा लोगन, अउर हर कउनो अइसेन सक्तिसालिन पदबी क उप्पर स्थापित किहे रहा। जेका न केवल उ युगे मँ बल्कि आवइवाले युगे मँ किहीउ क दिहा जाइ सकत ह।</verse>
				<verse number="22">परमेस्सर सब कछू तउ मसीह क चरन क नीचे कइ दिहेस अउर उहइ मसीह क कलीसिया क सभी चीजन क सर्वोच्च अधिकारी बनायेस।</verse>
				<verse number="23">कलीसिया मसीह क तन अहइ अउर सब बिधियन स सब कछू क ओकर पूर्णतया ही परिपूर्ण करत ह।</verse>
			</chapter>
			<chapter number="2">
				<verse number="1">एक समइ रहा जब तू लोग उन पराधन अउर पापन क कारण आध्यात्मिक रूप स मरा हुआ रह्या।</verse>
				<verse number="2">जेहमें तू पचे पहिले, संसार क खराब रस्तन पर चलत-चलत अउर वह आतिमा क अनुसरण करत-करत जिअत रह्या। जउन इह धरती क बुरी सक्तियन क स्वामी रही उहइ आतिमा अब उ मनइयन मँ काम करत अहइ जउन परमेस्सर क आज्ञा क नाही मनतेन।</verse>
				<verse number="3">एक समइ हमहूँ ओनही क बीच जिअत रहे अउर आपन पाप-पूर्ण प्राकृतिक भौतिक मनई सुभाऊ क तृप्त करत आपन हीये अउर पाप-पूर्ण इच्छन का जोउ हमार सरीर अउर मन चाहत रहा का पूरन करत भए संसार क दूसरे लोगन क समान परमेस्सर क किरोध क पात्र रहे।</verse>
				<verse number="4">परन्तु परमेस्सर करुना क धनी बाटइ। हमरे बरे आपन महान पिरेम क कारण</verse>
				<verse number="5">उ समइ अवज्ञा क कारण हम आध्यात्मिक रूप स अबहीं मरा ही रहे, मसीह क साथे-साथे उ हमहूँ क जीवन दिहेस (परमेस्सर क अनुग्रह स ही तोहार उद्धार भवा बा।)</verse>
				<verse number="6">अउर काहेकि हम मसीह ईसू मँ अही इही बरे परमेस्सर हमका मसीह क साथेन फिन स जी उठाएस। अउर ओकरे साथ ही सरगे क सिंहासन पर बइठाएस</verse>
				<verse number="7">ताकि उ आवइवाले हर युगे मँ अपन अनुग्रह क अनुपम धन क देखावइ जेका उ मसीह ईसू मँ आपन दया क रूप मँ हम पर दरसाए अहइ।</verse>
				<verse number="8">परमेस्सर क अनुग्रह दुआरा आपन बिसवास क कारण तू बचावा गया ह। इ तू सबन क तोहरी कइँती स मिली नाहीं बा, बल्कि इ तउ परमेस्सर क बरदान अहइ।</verse>
				<verse number="9">इ हमरे किहे कर्मन क परिणाम नाही बा कि हम एकर गरब कइ सकी।</verse>
				<verse number="10">काहेकि परमेस्सर हमार सृजनहार अहइ। उ मसीह ईसू मँ हमार सृस्टि इही बरे किहेस ह कि हम नेक काम करी। जेनका परमेस्सर हमरे बरे तइयार किहे अहइ कि हम ओनहीं क करत भए आपन जीवन बिताई।</verse>
				<verse number="11">इही बरे याद रखा, उ लोग जउन आपन सरीरी मँ मानुस हाथन दुआरा कीन्ह गवा खतना क कारण आपन आप क “खतना सहित” बतावत हीं, विधर्मी क रूप मँ जनमें तोहे लोगन क “खतना रहित” कहत हीं।</verse>
				<verse number="12">ओह समइ तू बिना मसीह क रह्या तू इस्राएल क बिरादरी स बाहेर रह्या। परमेस्सर तउ आपन भक्तन क जउन बचन दिहे रहा उ ओनपर आधारित करार स अनजाना रहा। अउर इ संसार मँ बिना परमेस्सर क बिसवास क, अउर बिना ओका जाने निराश जीवन जिअत रहा।</verse>
				<verse number="13">परन्तु अब तोहे सबन क, जउन कभऊँ परमेस्सर स बहुत दूर रहेन, ईसू मसीह क लहू क दुअरा मसीह ईसू मँ तोहरे स्थिति क कारण, परमेस्सर क लगे लई आवा गवा रहेन।</verse>
				<verse number="14">यहूदियन अउर गैर यहूदियन आपस मँ एक दूसरे स नफ़रत करत रहेन अउर अलग होइ ग रहेन। ठीक अइसेनई जइसे ओनके बीच मँ कउनउ देवार खड़ी होइ। परन्तु मसीह तउ खुद आपन देह क बलिदान दइके नफरत क ओह देवार क गिरइ दिहेस। उ हमरे लिये सान्ति लावा अउर हम दोउन का एक बनाएस।</verse>
				<verse number="15">उ अइसेन तब किहेस जब आपन सभन नियमन अउर व्यवस्था क विधान क खतम कई दिहेस। उ अइसेन एह बरे किहेस कि उ आपन मँ एनन्ह दुन्नऊ क एक मँ मिलाइके एक नए मनुस्य क सृस्टि कइ दिहेस। अउर एह तरह स मिलाप कराइके सान्ति लिआवा। क्रूस पर आपन मउत क द्वारा उ एह घृणा क अंत कई दिहेस। अउर उ दुन्नऊ का परमेस्सर क साथे उहइ एक सरीर मँ मिलाइ दिहेस।</verse>
				<verse number="16">अउर क्रूस पर आपन मउत क जरिये वैरभाव क नास कइके एक्कइ देह मँ ओनन्ह दुन्नऊँ क संयुक्त कइके परमेस्सर स फिन मिलाई दिहेस।</verse>
				<verse number="17">तउन आइके उ तू सबन क, जउन परमेस्सर स बहुत दुर रहेन। अउर परमेस्सर ओनके लगे रहा, ओन्हे सान्ती क सुसमाचार सुनाएन।</verse>
				<verse number="18">काहेकि ओन्ही क द्वारा एक्कइ आतिमा स परमपिता क लगे तलक हम दुन्नऊ क पहुँच भई।</verse>
				<verse number="19">परिणाम सरूप जब तू पचे न अनजान रह्या अउर न ही पराया। बल्कि पवित्तर लोगन क संगी साथी अउर परमेस्सर के कुटुम्ब क बन गया ह।</verse>
				<verse number="20">तू पचे एक अइसेन भवन अहा जउन प्रेरितन अउर नबियन क नींव पर खड़ा बा। अउर खुद मसीह ईसू जेकर अधिक महत्वपूर्ण कोने क पाथर अहइ।</verse>
				<verse number="21">उ पूरी इमारत एक साथ पर्भू ईसू मँ मिली अहइ अउर मसीह ऍका बनावत चलत ह अउ परमेस्सर मँ एक पवित्तर मंदिर बनत जात ह।</verse>
				<verse number="22">जहाँ आतिमा क द्वारा खुद परमेस्सर निवास करत ह अउर, दूसरे लोगन क साथे तोहार निर्माण कीन्ह जात ह।</verse>
			</chapter>
			<chapter number="3">
				<verse number="1">इही बरे मइँ, पौलुस तू गैर यहूदियन क तरफ स मसीह ईसू बरे बंदी बना हउँ।</verse>
				<verse number="2">तोहरे कल्लयान बरे परमेस्सर अनुग्रह क साथे जउन काम मोका संउपे अहइ, ओकरे बारे मँ तू जरुर ही सुने होब्या।</verse>
				<verse number="3">कि उ रहस्यमयी योजना दिव्यदर्सन क द्वारा मोका जनाई गइ रही, जइसेन कि मइँ तू सबन क संक्षेप मँ लिख ही चुका अहउँ।</verse>
				<verse number="4">अउर अगर तू पचे ओका पढ़ब्या तउ मसीह-बिसयक रहस्यपूर्ण सच मँ मोरी अन्तरदृस्टी क समझ तू पचन क होइ जाइ।</verse>
				<verse number="5">इ रहस्यमय सत्य पिछली पीढ़ीक लोगन क वइसेन ही नाहीं जनावा गवा रहा जइसे जब ओकर आपन पवित्तर प्रेरितन अउर नबियन क आतिमा क द्वारा जनावा जाई चुका बा।</verse>
				<verse number="6">इ रहस्यमय सत्य अहइ कि यहूदियन क साथे गैर यहूदियन साथ साथ उत्तराधिकारी अहइँ, एक्कइ सरीर क अंग अहइँ अउर मसीह ईसू मँ जउन बचन हमका दीन्ह गवा बा ओहमन सहभागी बाटेन।</verse>
				<verse number="7">सुसमाचार क कारण मइँ ओह सुसमाचार क प्रचार करइवाला एक सेवक बन गवा अहउँ। जउन ओकर सक्ती क अनुसार परमेस्सर क अनुग्रह क बरदान स्वरूप मोका दीन्ह गवा रहा।</verse>
				<verse number="8">जद्यपि सभन संतजनन मँ मइँ छोट स छोटकवा हउँ परन्तु मसीह क अनन्त धन रूपी सुसमाचार क गैर यहूदियन मँ प्रचार करइ क इ बिसेस अधिकार मोका दीन्ह गवा</verse>
				<verse number="9">कि मइँ सभन जने क बरे ओन रहस्यपूर्ण जोजना क स्पस्ट करउँ जउन सब कछू क सिरजनहार परमेस्सर मँ सिस्टी क प्रारम्भ स ही छुपी रहिन।</verse>
				<verse number="10">ताकि उ सरगे क क्षेत्र क सक्तियन अउर प्रसासकन क अब ओह परमेस्सर क विधी गियान क कलीसिया क द्वारा परगट कई सकइ।</verse>
				<verse number="11">इ ओह सनातन प्रयोजन क अनुसार सम्पन्न भवा जउन ओ हमरे पर्भू मसीह ईसू मँ पूरा किहे रहा।</verse>
				<verse number="12">मसीह मँ बिसवास क कारण हम परमेस्सर तलक भरोसा अउर निडरता क साथे पहुँच रखत अही।</verse>
				<verse number="13">इही बरे मइँ पराथना करत हउँ कि तोहरे बरे मइँ जउन यातना भोगत हउँ, ओनसे आसा जिन छोड़ बइठ्या काहेकि इ यातना मँ तउ तोहर महिमा बा।</verse>
				<verse number="14">इही बरे मइँ परमपिता क आगे निहुरत अहउँ।</verse>
				<verse number="15">उहइ स सरगे मँ या धरती पइ क सभन वंस आपन-आपन नाउँ ग्रहण करत हीं।</verse>
				<verse number="16">मइँ पराथना करत हउँ कि उ महिमा क आपन-धने क अनुसार आपन आतिमा क दुवारा तोहरे भीतर व्यक्तित्व क सक्तिपूर्वक सदृढ करइ।</verse>
				<verse number="17">मइँ पराथना करत हउँ कि बिसवासे क दुआरा तोहरे हीये मँ मसीह क निवास होइ। तोहरे जीवन मँ पिरेम दृढ़ अउर आधारित होइ।</verse>
				<verse number="18">मइँ परातथना करत हउँ कि जेहसे तोहका अउर परमेस्सर क पवित्तर लोगन क साथे इ समझई क सक्ती मिलि जाइ कि मसीह क पिरेम केतना व्यापक, विस्तृत, विसाल अउर गम्भीर बा।</verse>
				<verse number="19">अउर तू मसीह क ओह पिरेम क जान ल्या जउन सभन प्रकार क गियन (सोनों) स परे अहइ ताकि तू परमेस्सर क सभन पूरापन स भरि जा।</verse>
				<verse number="20">अब ओह परमेस्सर क बरे जउन आपन ओह सक्ति स जउन हममें काम करत ब। जेतना हम माँग सकीत अही या जहाँ तलक हम सोच सकीत अही, ओहसे कहूँ अधिक कइ सकत ह।</verse>
				<verse number="21">ओकर कलीसिया मँ अउर ईसू मसीह मँ अनन्त पीढ़ियन तलक हमेसा-हमेसा बरे महिमा होत रहइ। आमीन।</verse>
			</chapter>
			<chapter number="4">
				<verse number="1">तउन मइँ, जउन पर्भू क होई कारण बन्दी बना भवा हउँ। तू लोगन स पराथना करत हउँ कि तू सबन क आपन जीवन वइसे ही जिअइ चाही जइसे न कि सन्तन क अनुकूल होत ह।</verse>
				<verse number="2">हमेसा नम्रता अउर कोमलता क साथे, धीरज क साथ आचरण। अउर एक दूसरे क पिरेम स कहत रहा।</verse>
				<verse number="3">उ सान्ति, जउन तू पचन क आपस मँ बाँधत ह, ओसे उत्पन्न आतिमा क एकता क बनाए रखइ क बरे हर तरह क यत्न करत रहा।</verse>
				<verse number="4">देह एक बा अउर पवित्तर आतिमा भी एक्कइ बा। अइसेन ही जब तोहे बोलॉवा गवा त एक्कई आसा मँ भगीदार होइ क बरे ही बोलावा गवा।</verse>
				<verse number="5">एक्कइ परमेस्सर बा, एक्कइ बिसवास बा अउर बा एक्कइ बपतिस्मा।</verse>
				<verse number="6">परमेस्सर जउन सबका परमपिता अहइ एक्कइ बा। उहइ सब कछू क स्वामी बा, हर कउनो क द्वारा उहइ क्रियासील बा, अउर हर मँ उहइ समावा बाटई।</verse>
				<verse number="7">ईसू हममें स हर कउनो क एक विशेष उपहार दिहे अहइ। हर मनई उहइ पाएस जेका ईसू ओका देइ चाहत रहा।</verse>
				<verse number="8">इही बरे सास्त्रन कहत हीं: “ऊँचा चढ़ा उ अकासे मँ आपन संग बन्दी क लिहेस अउर दिहेस लोगन क आपन आनन्द।”</verse>
				<verse number="9">अब देखा। जब उ कहत ह “ऊँचे चढ़ा” तउ एकर अर्थ एकरे अलावा का बा? कि उ धरती क नीचे हींसा पर उतरा रहा।</verse>
				<verse number="10">जउन नीचे उतरा रहा, उ उहइ अहइ जउन ऊँचे पइ चढ़ा रह ऍतना ऊँचा कि सभन अकासन स उप्पर ताकि उ सब कउनो क आपन संग सम्मूर्ण कइ देइ।</verse>
				<verse number="11">उ लोगन क कछू प्रेरितन होइ क वरदान दिहेस तउ कछू क नबियन होई क तउ कछू क सुसमाचार क प्रचारक होइके तउ कछू क परमेस्सर क जनन क रच्छक गड़ेरिया अउर सिच्छा क।</verse>
				<verse number="12">मसीह तउ ओन्हे इ बरदान परमेस्सर क पवित्तर लोगन क सेवा काम क बरे तइयार करइ दिहेस ताकि हम जउन मसीह क देह अही, आतिमा मँ अउर दृढ़ होइ।</verse>
				<verse number="13">जब तलक कि हम सभन मँ बिसवास मँ अउर परमेस्सर क बेटवा क गियान मँ एकाकार होई क परिपक्क मनई बनई क बरे विकास करत-करत मसीह क पूरा गौरव क ऊँचाई अउर परिपक्कता क न छुइ लेई।</verse>
				<verse number="14">ताकि हम अइसेन गदेलन न बना रहीं जउन हर कउनो क अइसेन नई सिच्छा क हवा स उछली जाई। हम पचे उ जहाजे क तरह मनइयन न बना रही जउन लहर स एक कइँती स दूसरी कइँती चला जात हीं। जउन हमरे रस्ता मँ बहत ह, लोगन क दल स भरा व्यवहार स, अइसेन धूर्तता स, जउन ठगन स भरी सब योजना क प्रेरित करत रही, एहर-ओहर भटकाई दीन्ह जात हीं।</verse>
				<verse number="15">बल्कि हम पिरेम क साथे सच बोलत हर तरह स मसीह क जइसेन बनई क बरे विकास करत जाई। मसीह मस्तक बा अउर हम पचे ओकर देह अही।</verse>
				<verse number="16">जेह पर सबहिं देह निर्भर करत ह। इ देह सबहिं का ओसे जोड़त ह। हर एक सहायक नस स संयुक्त होत ह अउर जब एकर हर अंग जउन काम ओका करई चाहइ, ओका पूरा करत ह। तउ पिरेम क साथे समूची देह क विकास होत ह अउर इ देह खुद मजबूत होत ह।</verse>
				<verse number="17">मइँ इही बरे इ कहत हउँ अउर पर्भू क साच्छी कइके तोहे चेतावनी देत हउँ कि ओन व्यर्थ क विचारन क साथे अधर्मियन क जइसेन जीवन जीअत रहा।</verse>
				<verse number="18">ओनकर बुद्धि अंधकार स भरी बा। उ परमेस्सर स मिलइ वाले जीवन स पूर अहई। काहेकि उ अबोध बा अउर ओनकर मन जड़ होइ गवा बा।</verse>
				<verse number="19">सरम क भावना ओनमें स जात रही। अउर ओ आपन क इन्द्रियन क बुरे काम मँ लगाई दिहेन। बिना कउनउ बन्धन माने ओ सब तरह क अपवित्रता मँ जुटा हयेन।</verse>
				<verse number="20">परन्तु मसीह क बारे मँ तू जउन कछू जाने अहा, उ त अइसेन नाहीं बा।</verse>
				<verse number="21">(मोका कउनउ सन्देह नाहीं बा कि तू ओकरे बारे मँ सुने अहा, अउर उ सच जउन ईसू मँ निवास करत ह, ओकरे अनुसार तोहे ओकर चेलन क रुप मँ सिच्छित कीन्ह गवा बा।)</verse>
				<verse number="22">जहाँ तलक तोहरे पुराने जीवन प्रकार क सम्बन्ध बा, तोहे सिच्छा दीन्ह गइ रही कि तू आपन पुराना व्यत्तित्व जउन जर्जर होइ रहा बाटइ ओका उतारके फेंका जउन ओकर भटकावइवाली इच्छान क कारण भ्रस्ट बना भआ बा।</verse>
				<verse number="23">जेहसे बुद्धि अउर आतिमा मँ तोहे नवा कीन्ह जाइ सकई।</verse>
				<verse number="24">अउर तू उ नवा सरूप क धारण कइ सका जउन परमेस्सर क अनुरूप सचमुस नेक अउर पवित्तर बनवइ बरे रचा गवा बा।</verse>
				<verse number="25">तउन तू पचे झूठ बोलइ क तियाग कइ द्या। आपस मँ सब कउनो क सच बोलई चाही काहेकि हम सब एक सरीर क अंग अही।</verse>
				<verse number="26">जब तू त्रोध करा, तब पाप करइ स बचा। तोर किरोध सूरज अस्त होय तक बना न रहइ।</verse>
				<verse number="27">सइतान क आपन पर हावी न होइ द्या।</verse>
				<verse number="28">जे चोरी करत आवत, उ आगे चोरी न करइ। बल्कि ओका काम करइ चाही, खुद आपन हाथे स उपयोगी काम। ताकि ओकर पास जेकर आवस्यकता बा ओकर साथे बाटइ क कछू होइ सकइ।</verse>
				<verse number="29">तोहरे मुँहे स कउनउ अनुचित शब्द न निकलइ चाही, बल्कि लोगन क विकास क बरे जेकर अपेच्छा बा, अइसेन उतम बातई निकलई चाही, ताकि जे सुनई ओकर ओसे भला होइ।</verse>
				<verse number="30">परमेस्सर क पवित्तर आतिमा क दुःखी न करत रहा काहेकि परमेस्सर क सम्पत्ति क रूप मँ तोह पर छुटकारा क दिना क बरे आतिमा क साथे मोहर लगाई दीन्ह गइ बा।</verse>
				<verse number="31">पूरी कड़वाहट, झुँझलाहट, क्रोध, चीख-चिल्लाहट अउर निन्दा क तू आपन भीतर स सब तरह क बुराई क साथे निकारिके बाहर फेंका।</verse>
				<verse number="32">परस्पर एक दूसरे क बरे दयालु अउर करुनावन बना। अउर आपस मँ एक दूसरे क अपराधन क वइसेन ही छमा करा जइसे मसीह क द्वारा तोहका परमेस्सर छमा किहे अहइ।</verse>
			</chapter>
			<chapter number="5">
				<verse number="1">पिआरे बच्चन क समान परमेस्सर क अनुकरण करा।</verse>
				<verse number="2">पिरेम क साथे जिआ ठीक वइसेन ही जइसे मसीह हमसे पिरेम कीहे अहइ अउर आपन आप क, सुगन्धि सुलगाइके बलि भेंट क रूप मँ हमरे बरे परमेस्सर क अर्पित कइ दिहे अहइ।</verse>
				<verse number="3">तोहरे बीच यौन अनाचार अउर हर कउनो तरह क अपवित्तरता अउर लालच क चर्चा तक न चलइ चाही। जइसेन कि परमेस्सर क पवित्तर जनन क बरे उचित बाटई।</verse>
				<verse number="4">तू न तऊ असलील भाखा क प्रयोग होइ चाही, न मूर्खतापूर्ण बात या भद्दी हँसी ठट्टा। इ तोहरे अनुकूल नाहीं अहइ। बल्कि तोहरे बीच धन्यबाद ही दीन्ह जाइ।</verse>
				<verse number="5">काहेकि तू निस्चय क साथे इ जानत ह कि अइसेन कउनउ भी मनई जउन दुराचारी अहइ, अपवित्तर अहइ अउर लालची अहइ (जउन एक मूर्तिपूजक होइ जइसा अहइ) मसीह क अउर परमेस्सर क, राज्य क उत्तराधिकार नाहीं पाई सकत।</verse>
				<verse number="6">देखा। तोहे कउनउ सब्दन स केउ छल न लेइ। काहेकि बुरी बातन क कारण ही आज्ञा क उल्लंघन करइवालन पर परमेस्सर क कोप होइ क अहइ।</verse>
				<verse number="7">इही बरे ओनकर साथी न बना।</verse>
				<verse number="8">इ मइँ एह बरे कहत हउँ कि एक समइ रहा जब तू अंधकार स भरा रह्या परन्तु अब तू पर्भू क अनुयायी क रूप मँ ज्योति स भरापूरा अहा। इही बारे प्रकासित बेटवन क स आचरण करा।</verse>
				<verse number="9">हर प्रकार क उत्तम जीवन, नेकी अउर सत्य मँ ज्योति का प्रतिफल देखाइ पडत ह।</verse>
				<verse number="10">सब तरह इ जानइ क जतन करत रहा कि परमेस्सर क का भावत ह।</verse>
				<verse number="11">अइसेन काम जउन बुरे बाटेन, अन्धकार मँ लोग करत हीं ओन्हन बेकार क कामन मँ हिस्सा न बटावा बल्कि ओनकर भण्डा-फोड़ करा।</verse>
				<verse number="12">काहेकि अइसेन काम जेका उ पचे गुपचुप करत हीं। ओनके बारे मँ कीन्ह गइ चर्चा तक लाज का बात बा।</verse>
				<verse number="13">ज्योति जब प्रकासित होत ह तउ सब कछू दृस्मान होइ जात ह कि उ का अहइ।</verse>
				<verse number="14">अउर जउन कछू दृस्मान प्रकास क सामने आवत ह, उ खुद ज्योति ही बनि जात ह। इही बरे हमार भजन कहत ह: “जाग अरे, ओ सोवइवाले मउत मँ स जी उठि बइठा, खुद मसीह प्रकासित होई तोहरे ही सिर बइठी।”</verse>
				<verse number="15">इही बरे सावधानी क साथे देखत रहा कि तू कइसा जीवन जिअत अहा। विवेकहीन क स आचरण न करा, बल्कि बद्धिमान क स आचरण करा।</verse>
				<verse number="16">जे हर समइ क अच्छा करम करइ क बरे दीन्ह भए वर्तमान मँ ओकर पूरा उपयोग करत ह, काहेकि इ दिन बुरा बा।</verse>
				<verse number="17">मूर्खता स न रहत रहा बल्कि इ जान ल्या कि पर्भू क इच्छा का अहइ।</verse>
				<verse number="18">मदिरापान कइके मतवाला जिन बना रहा काहेकि इही स कामुकता पइदा होत ह। एकरे विपरीत आतिमा स परिपूर्ण होइ जा।</verse>
				<verse number="19">आपस मँ भजन, स्तुतिगयान अउर आध्यात्मिक गीतन क, परस्पर आदान-प्रदान करत रहा। आपन मने मँ पर्भू क बरे गीत गावत ओकर स्तुति करत रहा।</verse>
				<verse number="20">हर कीहीउँ बात क बरे हमार पर्भू ईसू मसीह क नाउँ पइ हमरे परम पिता परमेस्सर क हमेसा धन्यबाद करा।</verse>
				<verse number="21">मसीह क प्रति सम्मान क कारण एक दूसरे क अरपन कइ द्या।</verse>
				<verse number="22">हे पतनियन, आपन-आपन पतियन क बरे अइसेन समर्पित रहा, जइसेन तू पर्भू क समर्पित होत ह।</verse>
				<verse number="23">काहेकि आपन पत्नी क उप्पर ओकर पति ही प्रमुख अहइ। वइसेन ही जइसे हमार कलीसिया क सिखर मसीह बा। उ खुदई इ देह क उद्धार करत ह।</verse>
				<verse number="24">जइसे कलीसिया मसीह क अधीन बा, वइसेन ही पत्नियन क सब बात मँ आपन-आपन पतियन क बरे समर्पित करइ चाही।</verse>
				<verse number="25">हे पतियन, आपन पत्नियन स पिरेम करा। वइसेन ही जइसे मसीह कलीसिया स पिरेम किहेस अउर आपन आप क ओकरे बरे बलि कई दिहेस।</verse>
				<verse number="26">ताकि उ ओका पर्भू क सेवा मँ जल मँ स्नान कराइके पवित्तर कई हमार घोसना क साथे परमेस्सर क अर्पित कइ देई।</verse>
				<verse number="27">इही तरह उ कलीसिया क एक अइसेन चमचमात दुलहिन क रूप मँ खुद क बरे पेस कइ सकत ह, जउन कलंक अउर पापन स मुक्त होइ, झुरियन स रहित होई, या जेहमाँ अइसेन अउर कउनउ कमन होइ। बल्कि उ पवित्तर होइ अउर हमेसा निर्दोस होइ।</verse>
				<verse number="28">पतियन क आपन-आपन पत्नियन स उही तरह पिरेम करइ चाही जइसे उ खुद आपन देह स करत हीं। जे आपन पत्नी स पिरेम करत ह उ खुद आपन आप स पिरेम करत ह।</verse>
				<verse number="29">केउ आपन देह स तब कभउँ घिरना नाहीं करत, बल्कि उ ओका पालत-पोसत ह अउर ओकर ध्यान रखत ह। वइसेन ही जइसे मसीह आपन कलीसिया क,</verse>
				<verse number="30">काहेकि हमउ त ओकरी काया क अंग अही।</verse>
				<verse number="31">पवित्तर सास्तर कहत ह, “इही बरे एक मनई आपन महतारी बाप क छोड़ि के आपन पत्नी स बंध जात ह अउर दुन्नउ एक देह होइ जात हीं।”</verse>
				<verse number="32">इ रहस्यपूर्ण सच बहुत महत्वपूर्ण बा अउर मइँ तोहे बताइत ह कि इ मसीह अउर कलीसिया पर लागू होत ह।</verse>
				<verse number="33">तउन कछू भी होइ, तोहमाँ स हर कीहीउँ क आपन पत्नी स वइसेन ही पिरेम करई चाही जइसे तू खुद आपन आप क करत अहा। अउर एक पत्नी क आपन पति का डेरात भए आदर करइ चाही।</verse>
			</chapter>
			<chapter number="6">
				<verse number="1">गदेलन, पर्भू मँ आस्था रखत महतारी-बाप क आज्ञा क पालन करा काहेकि इहइ तरीका पर्भू चाहत बा।</verse>
				<verse number="2">“आपन महतारी-बाप क सम्मान करा।” इ पहली आज्ञा अहइ जउन इ परितिसिया स युक्त बा</verse>
				<verse number="3">कि “तोहार भला होई अउर तू धरती पर चिरायु होब्या।”</verse>
				<verse number="4">अउर हे पिता लोगो, तू पचे आपन गदेलन क गुस्सा न दिआवा बल्कि पर्भू स मिली सिच्छा अउर निर्देसन क देत ओनकर पालन-पोसन करा।</verse>
				<verse number="5">हे सेवक लोगो, तू पचे आपन संसारी स्वामियन क आज्ञा निष्कपट हिरदइ स भय अउर आदर क साथे उही तरह माना जइसे तू मसीह क आज्ञा मानत ह।</verse>
				<verse number="6">केवल कीहीउँ क देखत रहत ही रहा काम न करा जइसे तोहे लोगन क समर्थन क आवश्यकता होइ। बल्कि मसीह क सेवक क रूप मँ करा जउन आपन मन लगाइके परमेस्सर क इच्छा पूरी करत हीं।</verse>
				<verse number="7">उत्साह क साथे एक सेवक क रूप मँ अइसेन काम करा जइसे माना तू लोगन, क नाहीं पर्भू क सेवा करत अहा।</verse>
				<verse number="8">याद रखा, तोहमें हर एक चाहे उ सेवक होइ या स्वतंत्र होइ या केउ अच्छा काम करत ह, तउ पर्भू स ओका पुरस्कार मिली।</verse>
				<verse number="9">स्वामियन, तू सबहुँ आपन सेवकन क साथे वइसेन ही व्यहार करा अउर ओनका डरोवइ धमकावइ छोड़ि द्या। याद रखा, ओनकर अउर तोहर स्वामी सरगे मँ अहइ अउर उ कउनउ पच्छपात नाहीं करत।</verse>
				<verse number="10">मतलब इ कि पर्भू मँ स्थित होइके ओकर असीम सक्ती क साथे आपन आपक सक्तिसाली बनावा।</verse>
				<verse number="11">परमेस्सर क सम्पूर्ण कवच क धारण करा। ताकि तू राच्छस (दुस्टन) क सबइ योजन क सामने टिक सका।</verse>
				<verse number="12">काहेकि हमार संघर्ष मनइयन स नाहीं बा, बल्कि सासकन, अधिकारियन, एक अन्धकार भरा जुग क आकास क सक्तियन अउर अम्बर क दुस्टात्मिक सक्तियन क साथे बा।</verse>
				<verse number="13">इही बरे परमेस्सर क सम्पूर्ण कवच क धारण करा ताकि जब बुरा दिन आवइ तउ जउन कछू संभव बा ओका कइ चुकइ क बाद तू दृढतापूर्वक अडिग रहि सका।</verse>
				<verse number="14">तउ आपन करिहाउँ पइ सत्य क फेंटा कसिके नेकी क झिलम पहिन क</verse>
				<verse number="15">अउर गोड़न मँ सान्ति क सुसमाचार सुनावइ क तत्परता क पनही धारण कइके तू लोग अटल खड़ा रहा।</verse>
				<verse number="16">इ सबसे बड़ी बात इ बा कि विस्व क ढाल क रूप मँ लइ ल्या। जेकरे द्वारा तू ओन दुस्टन (सइतान) क समस्त अग्नि बाणन का बुझाई सका, जउन बन्दी क द्वारा छोड़ा गवा अहइँ।</verse>
				<verse number="17">उद्धार क बरे क सिरस्त्राण पहिन ल्या अउर परमेस्सर क सँदेसा रूपी आतिमा क तलवार उठाइ ल्या।</verse>
				<verse number="18">सब तरह क पराथना अउर निवेदन सहित आतिमा क सहायता सब अवसर पर विनती करत रहा। एह लच्छ स सभन प्रकार क यत्न करत सावधान रहा। अउर सभन सन्तन क बरे पराथना करा।</verse>
				<verse number="19">अउर मोरे बरे पराथना करा कि मइँ जब आपन मुँह खोलउँ, मोका एक सुसंदेस मिलइ ताकि निर्भयता क साथ सुसमाचार क रहस्य भरा सच क, परगट कइ साकउँ।</verse>
				<verse number="20">इही बरे मइँ जंजीर मँ जकड़ा भआ राजदूत क समान सेवा करत हउँ। पराथना करा कि, जेह तरह मोका बोलइ चाही उही तरह निर्भयता क साथे सुसमाचार क प्रबचन कइ सकउँ।</verse>
				<verse number="21">तूहउ, मइँ कइसेन हउं अउर का करत हउँ, एका जान जा। सो तुखिकुस तोहे सबन कछू बताइ देई। इ हमार पिआरा बंधु अहइ अउर पर्भू मँ स्थित एक बिसवासपूर्ण सेवक अहइ।</verse>
				<verse number="22">इही बरे मइँ ओका तोहरे लगे भेजत हउँ ताकि तू मोर समाचार जानि सका अउर इही बरे कि उ तोहरे मने क सान्ति देइ सकइ।</verse>
				<verse number="23">भाइयो, तू सबे क परमपिता परमेस्सर अउर पर्भू ईसू मसीह कइँती स सान्ति, पिरेम अउर बिसवास मिलइ।</verse>
				<verse number="24">जउन हमरे पर्भू ईसू मसीह स अमर पिरेम रखत हीं, ओन पइ परमेस्सर क अनुग्रह होत ह।</verse>
			</chapter>
		</book>
		<book number="50">
			<chapter number="1">
				<verse number="1">ईसू मसीह क सेवक पौलुस अउर तीमुथियुस कइँती स, मसीह ईसू मँ स्थित फिलिप्पी क रहइवाले बुजुर्गन संत जनन क नाउँ जउन उहाँ निरीच्छकन अउर कलीसिया क सेवकन क साथे निवास करत थीं:</verse>
				<verse number="2">हमार परमपिता परमेस्सर अउर हमार पर्भू ईसू मसीह कइँती स तू पचन क अनुग्रह अउर सान्ति मिलइ।</verse>
				<verse number="3">मइँ जब-जब तू पचन क याद करत हउँ, तब-तब परमेस्सर क धन्यबाद देत हउँ।</verse>
				<verse number="4">अपने हर पराथना मँ मइँ हमेसा खुशी क साथे तोहरे बरे पराथना करत हउँ।</verse>
				<verse number="5">काहेकि पहिले ही दिना स आज तलक तू सुसमाचार क प्रचार मँ मोर सहयोगी रह्या ह।</verse>
				<verse number="6">मोका इ बात क पूरा भरोसा बाटइ कि उ परमेस्सर जे तोहरे बीच मँ अइसेन अच्छा काम सुरु किहे अहइ, उहइ ओका उहइ दिना तक बनाए रखी, जब ईसू मसीह फिन आइके ओका पूरा करी।</verse>
				<verse number="7">तू सब क बारे मँ मोरे बरे अइसेन सोचब ठीकही बा। काहेकि तू सब मोरे मने मँ बसा भवा अहा। अउर न केवल तब जब तक मइँ जेल मँ हउँ, बल्कि तब भी जब मइँ सुसमाचार क सत्य क रच्छा करत भए, ओकरे प्रतिस्ठा मँ लगा रहेउँ, तू सभे ऍह अनुग्रह मँ मोर सहभागी रह्या ह।</verse>
				<verse number="8">परमेस्सर मोर साछी अहइ कि मइँ मसीह ईसू द्वारा परगट पिरेम स मइँ तू सभन क बरे केतना बियाकुल रहत हउँ।</verse>
				<verse number="9">मइँ इहइ पराथना करत रहत हउँ: पिरेम हमेसा बढ़इ तोहार साथे गियान क, गहन दिस्टि क।</verse>
				<verse number="10">पाइके इ गुन, भला-बुरा मँ भेद कइके, अपनाइ लेब्या हमेसा भले क। अउर एह तरह बन जाब्या तू सुद्ध अकलुस ओह दिना क जब मसीह आइ।</verse>
				<verse number="11">धारमिकता क फल स ईसू मसीह स मिलत ही परिपूर्ण होत जा जेहसे परमेस्सर क महिमा अउर स्तुति होत रह्या।</verse>
				<verse number="12">भाइयो, मइँ तू सबन का जनाइ देइ चाहित हउँ कि मोरे साथे जउन कछू भवा बा, ओसे सुसमाचार क बढ़ावा ही मिला बाटइ।</verse>
				<verse number="13">परिणामसरूप स संसार क पूरी रच्छा दल अउर अन्य दूसरे सबहिं लोगन क इ पता चलि गवा बा कि मोका मसही क बिसवासी होई क कारण ही बन्दी बनावा गवा बाटइ।</verse>
				<verse number="14">एकरे अलावा पर्भू मँ स्थित ज्यादातर भाई मोर बन्दी होइके कराण उत्साह स भरा भवा अहइँ। अउर बहुत जियादा साहस क साथ सुसमाचार क निडरता पूर्वक सुनावत अहइँ।</verse>
				<verse number="15">इ सच अहइ कि ओहमाँ स कछू इरसा अउर बैर क कारण मसीह क उपदेस देत हीं परन्तु दुसरे जने सद्भावना स प्रेरितन होइके मसीह क उपदेस देत हीं।</verse>
				<verse number="16">ये सब जने पिरेम क कारण अइसेन करत हीं काहेकि इ जानत हीं कि परमेस्सर सुसमाचरे क बचाउ करइ बरे ही मोका इहाँ रखे अहइ।</verse>
				<verse number="17">परन्तु कछू अउर जने त सचाई क साथे नाहीं, बल्कि सुवारथ स भरी इच्छा स मसीह क प्रचार करत हीं काहेकि उ सोचित हीं कि एहसे उ पचे बन्दी-घरे मँ मोरे बरे कस्ट पइदा कइ सकिहीं।</verse>
				<verse number="18">परन्तु ऐहसे कउनउ फरक नाहीं पड़त। जरुरी तउ इ बा कि एक ढंग स, या दूसरे ढंग स, चाहे बुरा उद्देस्य होइ, चाहे भला प्रचार तउ मसीह क ही होत ह अउर ऐहसे मोका आनन्द मिलत ह। अउर आनन्द मिलतइ रही।</verse>
				<verse number="19">काहेकि मइँ जानत हउँ कि तू पचन पराथना क द्वारा अउर ओह सहायता स जउन ईसू मसीह क आतिमा स मिलत ह, परिणाम मँ मोका छुटकारा ही मिली।</verse>
				<verse number="20">मोर तेज इच्छा अउर आसा इहइ बा अउर मोका इ बिसवास बा कि मइँ कउनो बाते स निरास नाहीं होब बल्कि सब तरह स निडर होइके जइसे मोरे सरीर स मसीह क महिमा हमेसा होत रही, वइसेन आगेउ होत रही, चाहे मइँ जिअउँ अउर चाहे मरि जाउँ।</verse>
				<verse number="21">काहेकि मोरे जीवन क मतलब अहइ मसीह अउर मउत क मतलब अहइ एक प्राप्ति।</verse>
				<verse number="22">मुला अगर मइँ अपने एह सरीर स जिन्दइ रहउँ तउ एकर मतलब इ होइ कि मइँ अपने कर्मे क परिणामे क आनन्द लेउँ। तउन मइँ नाहीं जानित हउँ कि मइँ का चुनउँ।</verse>
				<verse number="23">दुन्नउ विकल्पे क बीच चुनाव मँ मोका कठिनाई होत बा। मइँ अपने जीवन स विदा होइके मसीह क पास जाइ चाहित ह काहेकि उ अधिक अच्छा होइ।</verse>
				<verse number="24">दूसरी तरफ परन्तु एह सरीर क साथे ही मोर इहाँ रहब तोहरे बरे अधिक जरूरी बा।</verse>
				<verse number="25">अउर काहेकि इ मइँ निस्चय क साथे जानित हउँ कि मइँ इही रहबइ अउर तू सभन क आध्यात्मिक उन्नति अउर बिसवास स पइदा भवा आनन्द बरे तोहरे साथे रहतइ रहब।</verse>
				<verse number="26">ताकि तोहरे लगे मोरे लउटी आवई क परिणाम सहित तू पचन क मसीह ईसू मँ स्थित मोहे प गरब करइ क अउर अधिक आधार मिलि जाई।</verse>
				<verse number="27">परन्तु हर तरह स अइसा करा कि तू सबन आचरण मसीह क सुसमाचार क अनुकूल रहइ। जेहसे चाहे मइँ तोहरे लग आएके तू सबन क देखउँ अउर चाहे तु सबन स दूर रहउँ, तू सबन क बारे मँ इहइ सुनउँ कि तू पचे एक्कई आतिमा मँ मजबूती स टिका ह्वा अउर सुसमाचार स पइदा बिसवासे क बरे एक जुट होइके संघर्ष करत रहा।</verse>
				<verse number="28">अउर मइँ इहउ सुनई चाहित हउँ कि तू पचे अपने विरोधियन स कउनउ तरह स नाहीं डेरात अहा। तू सबन क इ साहस ओनके विनाश क प्रमाण अहइ। तू पचन क मुक्ति का संकेत अहइ जउन स्वयं परमेस्सर कइँती स अइसा ही कीन्ह जाई।</verse>
				<verse number="29">काहेकि मसीह कइँती स तू पचन क न केवल ओहमे बिसवास करइ क बल्कि ओकरे बरे यातना झेलइ क बिसेष अधिकार दीन्ह गवा बा।</verse>
				<verse number="30">तू पचे जानत अहा क तू उही संघर्ष मँ जुटा अहा जेहमे मइँ जुटा रहेउँ अउर जइसेन कि तू सुनत अहा आज तलक मइँ ऊहीं मँ लगा रहउँ।</verse>
			</chapter>
			<chapter number="2">
				<verse number="1">फिन तू लोगन मँ अगर मसीह मँ कउनउ उत्साह बा, पिरेम स पैदा भई कउनउ धीरज बा, अगर आतिमा मँ केउ भागेदारी क, सिहेन क भावना अउर सहानुभूति बा</verse>
				<verse number="2">तउ मोका पूरी तरह स खुस करा। मइँ चाहत हउँ, तू पचे एक तरह स सोचा, परस्पर एक जइसा पिरेम करा आतिमा मँ एका रखा अउर एक जइसेन लच्छ रखा।</verse>
				<verse number="3">ईर्सा अउर मिथ्या अभिमान स कछू न करा। बल्कि नरम बना अउर दुसरेउ क आपने स उत्तिम समझा।</verse>
				<verse number="4">तोहमे स हर एक्के चाही कि केवल अपनई नाहीं, बल्कि दुसरेउ क हिते क धियान रखइ।</verse>
				<verse number="5">आपन चिंतन ठीक वइसा ही रखा जइसे मसीह ईसू क रहा।</verse>
				<verse number="6">जउन परमेस्सर क सरूप मँ होत भए भी उ परमेस्सर क साथे अपने ऍह बराबरी का अधिकार की वस्तु न समझेस।</verse>
				<verse number="7">बल्कि उ तउ आपन सब्ब कछू तियागके एक सेवक क रूप ग्रहण कइ लिहेस अउर मनई क समान बनि गवा। अउर जब उ अपने बाहरी रूप मँ मनई जइसेन बनि गवा।</verse>
				<verse number="8">त उ अपने आप क नवाइ लिहेस अउर परमेस्सर का ऍतना आज्ञाकारी बन गवा कि आपन प्राण तक न्योछोवर कइ दिहेस अउर उहउ क्रुस पर।</verse>
				<verse number="9">इही बरे परमेस्सर भी ओका ऊँचा स ऊँचा स्थान पर उठाएस अउर ओका उ नाम दिहेस जउन सब नामन स ऊप्पर बा</verse>
				<verse number="10">ताकि सब केऊ जब ईसू क नाउँ क उच्चारण होत सुनइ, तउ नीचे निहुरि जाइ। चाहे उ सरगे क होइ, धरती पइ क होइ अउर चाहे धरती क नीचे क होइ।</verse>
				<verse number="11">अउर सब जीभ परमपिता परमेस्सर क महिमा बरे मजूर करइ कि “ईसू मसीह ही पर्भू अहइ।”</verse>
				<verse number="12">एह बरे मोर पिआरे दोस्तो, तू पचे मोरे निर्देशन क जइसेन ओह समइ पालन किहा करत रह्या जब मइँ तू पचन क साथे रहेउँ, अब जब कि मइँ तू पचन क साथे नाहीं हउँ तब तू अउर अधिक लगन स ओकर पालन करा। परमेस्सर बरे पूरा आदर एवं भय क साथे अपने उद्धार क पूरा करइ बरे तू सभे काम करत जा।</verse>
				<verse number="13">काहेकि उ परमेस्सर ही अहइ जउन उ कामना क इच्छा अउर ओन्हे पूरा कररइ क करम, जउन परमेस्सर क भावत ह, तोहमें पइदा करत ह।</verse>
				<verse number="14">बिना कउनउ सिकायत या लड़ाई-झगड़ा किहे सब काम करत रहा।</verse>
				<verse number="15">ताकि तू भोले-भोले अउर पवित्तर बनि जा। अउर इ कुटिल अउर पथभ्रस्ट पीढ़ी क लोगन क बीच परमेस्सर क निहकलंक बालक बनि जा। ओनके बीच अँधियारी दुनिया मं तू पचे ओह समइ तारा बनिके चमका</verse>
				<verse number="16">जब तू ओनका जीवनदायी उपदेस सुनावत ह। तू अइसा ही करत रहा ताकि मसीह क फिन स लउटइ क दिन मइँ इ देखिके कि मोरे जीवन क भाग दौड़ बेकार नाहीं भइ। तू पचन गरब कइ सकी।</verse>
				<verse number="17">तोहार सबन क बिसवास परमेस्सर क सेवा मँ एक बलि क रूप मँ बा अउर अगर मोर लहू तोहरे बलि प दाखरस क समान उँड़ेल दीहा भी जाइ तउ मोका खुसी अहइ। तोहरे सबन क खुसी मँ हमरउ सहभाग बा।</verse>
				<verse number="18">उही तरह तूहउ खुस रहा अउर मोरे साथे आनन्द मनावा।</verse>
				<verse number="19">पर्भू ईसू क सहायता स मोका तीमुथियुस क तू लोगन क लगे जल्दी भेज देइ क आसा बा ताकि तोहरे समाचारन स मोर भी उत्साह बढ़ सकइ।</verse>
				<verse number="20">काहेकि मोरे पास दुसर कउनउ तीमुथियुस अइसा मनई नाहीं बा जेकर भावना मोरी जइसी होइ अउर जउन तोहरे कल्यान क बरे सच्चे मने स चिंतित होइ।</verse>
				<verse number="21">काहेकि अउर सभन अपने अपने कामन मँ लगा बाटेन। ईसू मसीह क कामन मँ केऊ नाहीं लाग बा।</verse>
				<verse number="22">तू पचे ओकरे चरित्र क जानत अहा कि सुसमाचार क प्रचार मँ मोरे साथ उ वइसे ही सेवा क किहे अहइ, जइसे एक बेटवा अपने बापे क साथे करत रहत ह।</verse>
				<verse number="23">तउ मोका जइसेन इ पता चली कि मोरे साथे का कछू होइ जात बा। मइँ ओका तू सबन क लगे भेज देइ क आसा रखत अहउँ।</verse>
				<verse number="24">अउर मोर बिसवास बा कि पर्भु क सहायता स मइँ भी जल्दी ही अउबइ।</verse>
				<verse number="25">मइँ इ जरूरी समझत हउँ कि इपफ्रुदीतुस क तोहरे लगे पठवउँ, जउन मोर भाई अहइ, अउर साथ ही काम करइवाला बा अउर सहयोगी कर्म-वीर अहइ अउर मोका जरूरत पड़इ पइ मोर सहायता बरे तोहार प्रतिनिधि रहा,</verse>
				<verse number="26">काहेकि उ तोहे सबन क बरे बियाकुल रहा करत रहा अउर ऍहसे बहुत खिन्न रहा कि तू इ सुने रह्या कि उ बेमार पड़ि गवा रहा।</verse>
				<verse number="27">हाँ, उ बेमार तउ रहा अउर उहउ ऍतना कि जइसे मरि ही जाई। परन्तु परमेस्सर ओह पर अनुग्रह किहेस (न सिरिफ ओह पइ बल्कि मोपे प भी) ताकि मोका दुखे पर दुख न मिलइ।</verse>
				<verse number="28">इही बरे मइँ ओक अउर उ लगन स पठवत हउँ ताकि जब तू ओका देखा तउ एक बार फिन खुस होइ जा अउर तोहरे बारे मँ चिन्ता करब छोड़ देउँ।</verse>
				<verse number="29">इही बरे पर्भू मँ बड़ी खुसी क साथे ओकर सुवागत करा अउर अइसेन लोगन क जियादा स जियादा आदर करत रहा।</verse>
				<verse number="30">काहेकि मसीह क काम क बरे उ लगभग मरि गवा रहा ताकि तोहरे द्वारा कीन्ह गइ मोर सेवा मँ जउन कमी रही गइ रही, ओका उ पूरा कइ देइ, एकरे बरे उ अपने प्राण क बाजी लगाइ दिहेस।</verse>
			</chapter>
			<chapter number="3">
				<verse number="1">एह बरे स, मोरे भाइयो, तथा बहिनियो, पर्भू मँ आनन्द मनावत रहा। तू सबन क सच सच ओनही बातन क लिखत रहइ स मोका फिन कउनउ कस्ट नाहीं अहइ अउर तोहरे बरे तउ इ तैयार होइ क मदद करी।</verse>
				<verse number="2">एन्हन कुकुरन स सावधान रहा जउन कुकर्मन मँ लगा अहइँ। उ पचे बधिया कइ देइ चाहत हीं।</verse>
				<verse number="3">काहेकि सच्चा खतनावाला मनई तउ हम अही जउन अपने आराधना क परमेस्सर क आतिमा द्वारा अरपण करत अही। अउर मसीह ईसू पर हम होइ बरे गरब करत अही अउर जउन कछू सारीरीक बा, ओह प हम भरोसा नाहीं करत अही।</verse>
				<verse number="4">जद्यपि मइँ खुद जउन कछू सरीरीक बा, ओह पइ मइँ भरोसा नाहीं कइ सकत रहउँ। मुला अगर केऊ अउर अइसेन सोचइ कि ओकरे लगे सरीसी पर बिसवास करइ बरे बा तउ मोरे लगे तउ उ अउर जियादा बा।</verse>
				<verse number="5">जब मइँ आठ दिना क रहेउँ, मोर खतना कइ दीन्ह गवा रहा। मइँ इस्राएली हउँ बिन्यामीन क वंस क हउँ। मइँ इब्रानी माता-पिता स पइदा भवा एक इब्रानी हुउँ। जहाँ तक व्यवस्था क विधान तलक मोरे पहुँच क प्रस्न बा, मइँ फरीसी हउँ।</verse>
				<verse number="6">जहाँ तलक मोरी निस्ठा क प्रस्न बा, मइँ कलीसिया क बहुत सताये रहउँ। जहाँ तलक ओह धार्मिकता क सवाल बा जेका व्यवस्था क विधान सिखावत ह, मइँ निर्दोख रहेउँ।</verse>
				<verse number="7">परन्तु तब जउन मोर लाभ रहा, आज उही क मसीह क बरे मइँ आपन हानि समझत अहउँ।</verse>
				<verse number="8">इहूउँ स बड़ी बात इ बा कि मइँ अपने पर्भू मसीह ईसू क गियान क स्रेष्ठता क कारण आज तलक सब कछु क हीन समझत रहेउँ। उही बरे मइँ सब कछू तियागा कइ दिहेउँ अउर मइँ सब कछू क घिना क परन्तु समझइ लाग हउँ ताकि मसीह क पाई सकउँ</verse>
				<verse number="9">अउर ऊही मँ पावा जाइ सकउँ-मोर उ धरम भाव क कारण नाहीं जउन व्यवस्था क विधान पर टिकी रही, बल्कि ओह धरम भाव क कारण जउन मसीह मँ बिसवासे क कारण मिलत ह। जउन परमेस्सर स मिली बा ओकर आधार बिसवास अहइ।</verse>
				<verse number="10">मइँ मसीह क जानइ चाहत हउँ अउर ओह सक्ती क अऩुभव करइ चाहत हउँ जेसे ओका पुनः जागरण भवा रहा। मइँ ओकरी यातनन का सहभागी होइ चाहत हुँ। अउर उही रूपे क पाइ लेइ चाहत हउँ जेका उ आपन मउत क द्वारा पाए रहा।</verse>
				<verse number="11">एह आसा क साथे कि मइँ भी इही तरह मरा हुआ मँ स उठि क फिन स जी पावउँ।</verse>
				<verse number="12">अइसेन नाहीं अहइ कि मोका आपन प्राप्ति होइ चुकी बा अउर मइँ पूरा सिद्ध बन चुका हउँ। परन्तु मइँ उपलब्धि क पाइ ल्लेइ क बरे बराबर प्रयास करत रहत हउँ जेकरे बरे मसीह ईसू मोका आपन बँधुआ बनाए रहा।</verse>
				<verse number="13">भाइयो, तथा बहिनियो, मइँ इ नाहीं सोचित हउँ कि मइँ ओका पाई चुका हउँ। पर बात इ अहइ कि बीती क बिसराइ द्या, जउन मोरे सामने बा, ओह लच्छ तलक पहुँचइ बरे मइँ संघर्ष करत रहउँ।</verse>
				<verse number="14">मइँ ओह लच्छ क बरे हमेसा प्रयास करत रहउँ कि मइँ अपने ओह इनामें क जीत लेउँ, जेका मसीह ईसू मँ पावई क बरे परमेस्सर तउ मोका उप्पर बोलाए अहइ।</verse>
				<verse number="15">ताकि ओन्हन लोगन क, जउन हमरे मँ पूर्ण मनई बन चुका बाटेन, मन क स्वरूप अइसेन रहइ। परन्तु अगर तू कीहीउ बात क कउनउ अउर ढंग स सोचत ह तउ तोहरे बरे ओकर जाहिर करइके परमेस्सर कइ देई।</verse>
				<verse number="16">जउन सच्चाई तक हम पहुँच चुका अही, हमका उही पे चलत रहइ चाही।</verse>
				<verse number="17">भाइयो, तथा बहिनियो, अउरन क साथे मिलि के मोरे नकल करा जउन उदाहरण हम तोहरे सामने रखे अही, ओकरे अऩुसार जउन जिअत हीं, ओह पर धियान द्या।</verse>
				<verse number="18">काहेकि अइसेन ही बहुत जने अहइँ जउन मसीह क क्रुस स दुस्मनी रखत जिअत हीं। मइँ तोहका बहुत बाह बताए हउँ अउर अब भी मइँ इ बिलखि-बिलखि क कहत हउँ</verse>
				<verse number="19">ओनकर नास ओनकइ नियति अहइ। ओनकर पेट ओनकर भगवान अहइ। अउर जेहपर ओनका लजाई चाही, ओह पर ओ गरब करत हीं। ओनका बस संसारी वस्तुवन क चिन्ता बा।</verse>
				<verse number="20">परन्तु हमार जन्मभूमि तउ सरगे मँ बा। ऊही स हम उद्धारकर्ता पर्भू ईसू मसीह क आवइ क बाट जोहत रहित ह।</verse>
				<verse number="21">आपन ओह सक्ती क द्वारा जेहसे सब वस्तुवन क उ अपने अधीन कइ लेत ह, हमार कमजोर देह क बदल क आपन दिव्य देह जइसेन बनाई देई।</verse>
			</chapter>
			<chapter number="4">
				<verse number="1">हे मेरे भाइयो, तथा बहिनियो, मइँ तू सबन स पिरेम करत हउँ, अउर तू सबन क देखइ का तरसत हउँ। तू पचे खुसी अहा, मोर गौरव अहा। तू पचन क जइसे मइँ बताए हउँ, पर्भू मँ तू सबइ वइसेन ही द्दढ़ बना रहा।</verse>
				<verse number="2">मइँ युओदिया अउर सन्तुखे दुन्नऊ क उत्साहित करत हउँ कि तू पचे पर्भू मँ एक जइसे बिचार बनाए रखा।</verse>
				<verse number="3">मोरे सच्चा साथी तोहसे सबन स मोर बिनती बा कि इन्हन स्त्रियन क सहायता करा। इ क्लेमेन्स अउर मोरे दुसरे सहकर्मियन सहित सुसमाचार क प्रचार मँ मोरे साथे जुटी रहिन। एनके नाउँ जीवन क किताबे मँ लिखा गवा अहइँ।</verse>
				<verse number="4">पर्भू मँ हमेसा आनन्द मनावत रहा।</verse>
				<verse number="5">ऍका मइँ फिन दोहरावत हउँ आनन्द मनावत रहा। तू पछन क सहनसील आतिमा क गियान सब जने क होइ। पर्भू लगे ही बाटइ</verse>
				<verse number="6">कउनउ बाते क चिन्ता न करा, बल्कि सब परिस्थितियन मँ धन्यबाद सहित पराथना अउर बिनय क साथे आपन याचना परमेस्सर क सामने रखत जा।</verse>
				<verse number="7">इही स परमेस्सर कइँती स मिलइवाली सान्ति, जउन समझ स परे बा तोहरे हिरदइ अउर तोहरे बुद्धि क मसीह ईसू मँ सुरच्छित बनाए रखी।</verse>
				<verse number="8">भाइयो, तथा बहिनियो, इन बातन क धियान करा। जउन जरुर सत्य बा, जउन आदर योग्य बा, जउन अच्छा बा। जउन पवित्तर बा, जउन सुन्दर बा, जउन सराहइ योग्य बा या कउनउ अन्य गुन या कउनउ प्रसंसा</verse>
				<verse number="9">जेका तू मोसे सीखे अहा, पाए अहा या सुने अहा या जेका करत मोका देखे अहा। इन बातन क अभ्यास करत रहा। सांति क सोत परमेस्सर तोहरे साथे रही।</verse>
				<verse number="10">तू सबइ निस्चय ही मोरे भलाई बरे सोचत रहत ह परन्तु तू पचन क ओका देखावइ क अवसर नाहीं मिला रहा, परन्तु अब अखिरकार तोहमें मोरे बरे फिन स फिकिर जागी बा। एहसे मइँ पर्भू मँ बहुत आनन्दित भवा हउँ।</verse>
				<verse number="11">कउनउ व्यक्तिगत जरूरत क कारण मइँ इ नाहीं कहत हउँ। काहेकि जइसेन परिस्थिति मँ मइँ रहउँ, मइँ उही मँ सन्तोस करइ सीख लिहे हउँ।</verse>
				<verse number="12">मइँ अभाव क बीच रहई क रहस्य भी जानत हउँ अउर इहउ जानत हउँ कि सप्मन्नता मँ कइसे रहा जात ह। कइसेउ समइ होइ अउर कइसेउ परिस्थिति, चाहे पेट भरा होइ अउर चाहे भूखा, चाहे पास मँ बहुत कछू होइ अउर चाहे कछू भी न होइ, मइँ ओन सबे मँ सुखी रहइ सीख लिहे हउँ।</verse>
				<verse number="13">मसीह क जरिये मइँ सब कछू कइ सकत हउँ काहेकि उ मोका सक्ती देत ह।</verse>
				<verse number="14">कछू भी होइ हमरे कस्टन मँ तू पचे मोरे कामे मँ हाथ बटाई क अच्छा ही किये अहा।</verse>
				<verse number="15">हे फिलिप्पियन! तू पचे तउ जनतइ अहा, सुसमाचार क प्रचार क ओन्हन सुरु क दिनवा मँ जब मइँ मैसीडोनिया छोड़े रहेउँ, तउ लेन-देन क बारे मँ केवल मात्र तोहर कलीसिया क छोड़िके कउनउ अउर कलीसिया तउ मोर हाथ नाही बटाएस।</verse>
				<verse number="16">मई जब थिस्सलुनीके में रहेउँ, मोर जरूरत पूरा करइ बरे तू बार-बार मोका सहायता भेजे रह्या।</verse>
				<verse number="17">अइसेन नाहीं कि मइँ उपहारन क इच्छुक हउँ बल्कि मइँ तउ इ चाहत हउँ कि तोहरे खाता मँ लाभ जुड़त ही चला जाइ।</verse>
				<verse number="18">तू पचे इपफ्रुदीतुस क हाथे जउन उपहार मधुर गंध भेट क रूप मँ मोरे लेग भेजे रह्या, उ सबइ एक अइसेन स्वीकार करइ योग्य बलिदान अहइँ जेहसे परमेस्सर खुस होत ह। ओन्हन उपहारन क कारण मोरे लगे मोरे जरूरत स कहूँ ज्यादा होइ गवा बा, मोका पूरी तरह दिहा गवा बा। बल्कि ओहसे भी जियादा भरपूरा दिहा गवा बा। उ चीजन मधुर गंध भेटे क रूप मँ बाटिन, एक अइसेन स्वीकार करइ योग्य बलिदान जेहसे परमेस्सर खुस होत ह।</verse>
				<verse number="19">मोरे परमेस्सर भी ईसू क महिमा स बहोत धनवान अहइ। उ अपने उस धने क अनुसार तोहार सभन जरूरतन क पूरा करी।</verse>
				<verse number="20">हमरे परमेस्सर अउर परमपिता क हमेसा-हमेसा महिमा होत रहइ! आमीन!</verse>
				<verse number="21">मसीह ईसू क सभन सन्तन क नमस्कार। मोरे साथे जउन भाई अहइँ, तू पचन क नमस्कार करत हीं।</verse>
				<verse number="22">तू सभन संत अउर खासकर कैसर परिवारे क लोगन नमस्कार करत हीं।</verse>
				<verse number="23">तोहमँ स हर एक्क पर हमरे पर्भू ईसू मसीह क अनुग्रह तू पचन क आतिमा क साथ रही।</verse>
			</chapter>
		</book>
		<book number="51">
			<chapter number="1">
				<verse number="1">पौलुस जउन परमेस्सर क इच्छानुसार मसीह ईसू क प्रेरित बा ओकर, अउर हमरे भाई तीमुथियुस कइँती स।</verse>
				<verse number="2">मसीह मँ स्थित कुलुस्से मँ रहइवालान बिसवासी भाइयन तथा बाहिनियन अउर सन्त जनन क नाउँ: हमरे परमपिता परमेस्सर कइँती स तोहे सबन क अनुग्रह अउर सान्ति मिलइ।</verse>
				<verse number="3">जब हम तोहरे बरे पराथना करित ह, हमेसा अपने पर्भू ईसू मसीह क परमपिता परमेस्सर क धन्यबाद करित ह।</verse>
				<verse number="4">काहेकि हम मसीह ईसू मँ तोहरे बिसवासे अउर सभन परमेस्सर जनन क बरे तोहरे पिरेम क बारे मँ सुने हई।</verse>
				<verse number="5">इ ओह आसा क कारण भवा बा जउन तोहरे बरे सरगे मँ सुरच्छित बा अउर जेकरे बारे मँ तू पहिलेन-सच्चा संदेस अर्थात सुसमाचार क सुनि चुका अहा।</verse>
				<verse number="6">सुसमाचार पूरे संसारे मँ सफलता पावत बा। इ वइसेन ही सफल होत बा जइसे तोहरे बीच इ ओह समइ स ही सफल होइ लगा रहा। जब स तू परमेस्सर क अऩुग्रह क बारे मँ सुने रह्या अउर सही-सही ओका समझा जात रहा।</verse>
				<verse number="7">हमार प्रिय साथी दास इपफ्रास स, जउन हमरे बरे मसीह क बिसवासी सेवक अहइ, तू सुसमाचार क सिच्छा पाये रह्या।</verse>
				<verse number="8">पवित्तर आतिमा क द्वारा उत्तेजित-तोहरे पिरेम क बारे मँ उहउ हमका बताए अहइ।</verse>
				<verse number="9">इही बरे जेह दिना स हम एनके बारे मँ सुने हई, हमहूँ तोहरे बरे पराथना करब अउर इ बिनती करब नही छोड़े हई किः परमेस्सर क इछा तोहे पूर्ण ग्यान होइ सब तरह क समझ-बूज जउन आतिमा देत ह, अउर बुद्धि उ पावा करा तू</verse>
				<verse number="10">ताकि उ तरह जी सका, जेहसे परमेस्सर क प्रतिस्ठा होत ह सब तरह स करा खुस हमेसा तू पर्भू क। सदैव अच्छे फल उत्पन्न करइँ। अउर परमेस्सर क गियान हमेसा बढ़ई तोहरा।</verse>
				<verse number="11">अपने महिमा-भरी सक्ती स मजबूत बनवत जाइ तोहे उ ताकि विपत्ती क काल मँ जो कछू रास्ते मँ आवइ खुसी स महाधीरज स तू सब सहि ल्या।</verse>
				<verse number="12">ओह परमपिता क धन्यबाद करा, जेका तोहका एह योग्य बनायेस कि परमेस्सर क उन संत जनन क साथे जउन प्रकासमय जीवन जिअत हीं, तू उनके लोगन क उत्तराधिकार पावइ मँ सहभागी बनि सका।</verse>
				<verse number="13">परमेस्सर तउ अँधियारे क सक्ती स हमार उद्धार किहेस अउर अपने प्रिय बेटवा क राज्य मँ हमार प्रवेश कराएस।</verse>
				<verse number="14">ओह बेटवा क जरिये ही हमका छुटकारा मिला बा आनी हमका मिली बा हमरे पापन क छमा।</verse>
				<verse number="15">उ न देखाइ देइवाला परमेस्सर क देखाइ देइवाल रूप अहइ। उ सभन सिस्टी क ऊपर सासन करत ह।</verse>
				<verse number="16">काहेकि जउन कछू सरगे मँ बा अउर धरती पर बा, उही क सक्ती स पैदा भवा बा। कछूउ चाहे देखाई देइ अउर चाहे न देखाइ देइ चाहे सिंहासन होइ चाहे साम्राज्य, चाहे केउ सासक होइ अउर चाहे अधिकारी, सब कछू उही क द्वारा रचा गवा बा अउर उही बरे रचा गवा बा।</verse>
				<verse number="17">सबसे पहिले उही क मौजूदगी रही। ऊही क सक्ती स सब बस्तु स्थिर बनी रहत हीं।</verse>
				<verse number="18">एह देह अउर कलीसिया क मुखिया उहइ अहई। उहइ आदि अहइ अउर मरेन क फिन स जी उठावइ क उहइ सबसे बड़का अधिकारी भी उही अहई ताकि सब बाते मँ पहिला स्थान उही क मिलइ।</verse>
				<verse number="19">काहेकि परमात्मा क इहइ माया क पूरे जने क साथे परमेस्सर उही मँ वास करइ चाहेस।</verse>
				<verse number="20">उही क जरिये पूरा ब्रह्माण्ड क परमेस्सर तउ अपने स फिन जोड़इ चाहेस। सभन क जउन धरती क हयेन अउर सरगे क हयेन। उही लहू क द्वारा परमेस्सर तउ सान्ति कराएस जेका तउ क्रूस पर बहाए रहा।</verse>
				<verse number="21">एक समइ रहा जब तू अपने बिचारन अउर बुरे कामन क कारण परमेस्सर क बरे अनजान अउर ओकर दुस्मन रहेन।</verse>
				<verse number="22">परन्तु अब जब मसीह अपने भौतिक देहे मँ रहा, तब मसीह क मउत क द्वारा परमेस्सर तउ तोहे खुद अपने आपेन स जोडि लिहेस। ताकि तोहे अपने सम्मुख पवित्तर, निहकलंक अउर निर्दोष बनाइके पेस कीन्ह जाई।</verse>
				<verse number="23">इ तबइ होइ सकत ह जब तू अपने बिसवासे मँ स्थिरता क साथे अटल बना रहा अउर इ सुसमाचर क दुवारा दीन्ह गइ ओह आसा क परित्याग न करा, जेका तू सुने अहा। एह अकास क नीचे हर कीहीउ परानी क ओकर उपदेस कीन्ह गवा था। अउर मइँ पौलुस उही क सेवक बना हउँ।</verse>
				<verse number="24">अब देखा! मइँ तोहरे बरे जउन कस्ट उठाइत ह, ओहमाँ आनन्द क अनुभव करत हउँ अउर मसीह क देह, अउर कलीसिया क बरे मसीह क जातना मँ जउन कछू कमी रहि गइ रही, ओका अपने सरीरी मँ पूरा करत हउँ</verse>
				<verse number="25">परमेस्सर तउ जउन तोहरे सबन क लाभ बरे मोका आदेस दिहे रहा, उही क अनुसार मइँ कलीसिया का एक सेवक ठहरावा गवा हउँ। ताकि मइँ परमेस्सरर क उपदेस क पूरी तरह प्रचार करउँ।</verse>
				<verse number="26">इ सुसमाचार सन्तन का गुप्त सत्य अहइ। जउन आदिकाल स सबहिं आपन लोगन क आँखी स ओझल रहा। परन्तु अब ऐका परमेस्सर द्वारा लोगन प परगट कई दीन्ह गवा बा।</verse>
				<verse number="27">परमेस्सर अपने लोगन क इ परगट कई देई चाहत ह कि उ रहस्यपूर्ण सत्य केतना वैभवपूर्ण बा। ओकरे लगे इ रहस्यपूर्ण सत्य सभन क बरे बा। अउर उ रहस्यपूर्ण सत्य इ अहइ कि मसीह तोहरे भित्तरई रहत ह अउर परमेस्सर क महिमा पावइ बरे उहइ हमार एक मात्र आसा अहइ।</verse>
				<verse number="28">हमका जउन गियान मिला बा ओह पूरा क उपयोग करत भए हम हर कीहीउ क निर्देस अउर सिच्छा प्रदान करत अही ताकि हम ओका मसीह मँ एक पूरा व्यक्तित्व बनि के परमेस्सर क आगे हाजिर कइ सकी।</verse>
				<verse number="29">मइँ इही प्रयोजन स जउन मसीह मोका दिहेस, अउर जउन हममे सक्रिय अहइ, संघर्ष करत भए मइँ कठोर मेहनत करत अहउँ।</verse>
			</chapter>
			<chapter number="2">
				<verse number="1">मइँ चाहत हउँ क तोहे एह बातन क पता चलि जाइ कि मइँ तोहरे बरे, लौदीकिया क रहइवालन क बरे ओन्हन सबके बरे जउन निजी तरह स हमेसा कभउँ नाहीं मिला हयेन। केतना कठोर मेहनत करत हउँ मइँ इ एह बरे करत हउँ।</verse>
				<verse number="2">ताकि ओनेक मने क जोस मिलइ अउर उ परस्पर पिरेम मँ बॅधि जाइँ। अउर बिसवासे क उ सब धन जउन सच्चा गियान स मिलत थ, ओन्हे मिलि जाइ अउर परमेस्सर क रहस्य भरा सच ओन्हे मिलइ उ रहस्य भरा सच खुद मसीह अहइ।</verse>
				<verse number="3">मसीह मँ विवेक अउर गियान क सब निधियन छुपी बांटिन।</verse>
				<verse number="4">अइसेन मइँ एह बरे कहत हउँ कि केउ तोहे ओन तर्क भरी युक्तियन स जेह देखइ मँ अच्छी मीठी देखात ह मुला असत्य अहइँ भरमाइ न देइ।</verse>
				<verse number="5">जद्यपि सरीर रूप स मइँ तोहमें नाहीं हउँ। फिन भी तोहरे मँ आध्यात्मिक रूप स हउँ। मइँ तोहरे जीवन क अऩुसासन अउर मसीह मँ तोहरे बिसवासे क मजबूती क देखिके खुश हउँ।</verse>
				<verse number="6">तउन तू जइसेन क ईसू मसीह अउर पर्भू क रूप मँ ग्रहण किहे हउँ, तू ओहमे वइसेन ही बना रहा।</verse>
				<verse number="7">तोहार जड़ उही मँ होइँ अउर तोहार निर्माण उही पर होइ अउर तू आपने बिसवासे मँ दृढ़ता पात्वत रहा जइसेन कि तोहे सिखावा गवा बा। परमेस्सर क बरे अधिक स अधिक आभारी बना।</verse>
				<verse number="8">धियान रखा कि तोहे अपने उ संसारी बिचारन अउर खोखला परपंच स केउ भरमाइ न लेइ जउन मानुस ज्ञान स मिलत ह, इ मानव परम्परा पर आधारित बाटइ, अउर जउन ब्रह्माण्ड क कब्जा करइवाली सबइ आतिमा क देन अहइ। मसीह स नाहीं आवत। ये विचार निरर्थक अहइ, अउर संसार क लोगन स आवत ह।</verse>
				<verse number="9">काहेकि परमेस्सर मसीह मँ आपन पूरेपने क साथे मँ निवास करत ह। इहाँ तक कि सांसाकरिक जीवन मँ भी</verse>
				<verse number="10">अउर उही मँ रहिके तू पूरा बना अहा। उ सब सासकन अउर आधिकारियन क सिरे क मउर अहइ।</verse>
				<verse number="11">तोहर खतनउ तउ उही मँ भवा बा। इ खतना मनई क हाथे स सम्पन्न नाहीं भवा बल्कि इ खतना जब तोहे तोहर पापपूर्ण मानऊ सुभाऊ क प्रभाव स छुटकारा देवॉइ दीन्ह गवा रहा। तब मसीह का जरिये भवा।</verse>
				<verse number="12">इ एह बरे भवा कि जब तोहे बपतिस्मा मँ ओकरे साथे गाड़ दीन्ह गवा तउ जे परमेस्सर ओका मरन भएन क बीचे स जिआइ दिहे रहा, अउर परमेस्सर क काम मँ तोहरे बिसवासे क कारण मसीह क साथे तोहेउ फिन स जिन्दा कइ दीन्ह गवा।</verse>
				<verse number="13">अपने पापन अउर अपने खतना रहित सरीर क कारण तू मरा भवा रह्या परन्तु तोहे परमेस्सर तउ मसीह क साथे साथे जीवन प्रदान किहेस अउर हमरे सब पापन क मुक्तरूप स छमा कइ दिहेस।</verse>
				<verse number="14">परमेस्सर तउ हमरे ओह उलटा करजा क जेहमन हमरे द्वारा परमेस्सर का नियम तोड़ा गवा नियमन क सूचीबद्ध किहे रहा। जेहका पालन करइ मँ हम असर्मथ रहेन। ओका बेकारइ ठहराइ दिहेस अउर ओका क्रूस पर कीलन मँ गड़िके हमरे राह स दूर हटाइ दिहेस।</verse>
				<verse number="15">परमेस्सर तउ क्रूस क द्वारा आध्यात्मिक सासकन अउर अपने अधिकारियन क साधन बिना कइ दिहेस अउर अपने मँ सार्वजनिक तमासा क रूप मँ विजय अभियान मँ अपने पीछे पीछे चालायेस।</verse>
				<verse number="16">तउन खाई पिअइ क चीजियन अउर पर्व क नवा चाँद क त्यौहार, या सबित क दिना क लइके कउनउ तोहार आलोचना न करइ।</verse>
				<verse number="17">इ त, जउन बात आवइवाली अहइँ, ओनकर छाया भर बाटिन। परन्तु एह छाया क असली काया तउ मसीह क बाटइ।</verse>
				<verse number="18">कउनउ मनई जउन अपने आप क प्रताड़ित करइ क करम सरगदूतन क आराधना क कामन मँ लगा भवा होइ, ओका तू तोहरे प्रतिफल क पावइ मँ अयोग्य न बनइ देइ चाही। अइसेन मनई हमेसा ओन्हन दिव्य दर्सनन क डींग मारत रहत ह जेका उ देखे अहइ अउर अपने दुनियावी सोच क वजह स झूठा तथा निरर्थक धमण्ड स भरा रहत ह।</verse>
				<verse number="19">उ मसीह स नाहीं जुड़त जउन कि सिर मँ अउर जेकर ऊपर पूरे सरीर आधारित अहइ। मसीह क कारण ही सरीर क सब भाग एक दूसर क ध्यान लखत हीं। अउर एक दूसरे क मदद करत हीं। इससे सरीर एक इकाई होत ह, परमेस्सर क इच्छा क अनुसार मजबूत करइ अउर आध्यात्मिक विकास मँ योग्गदान क बरे।</verse>
				<verse number="20">काहेकि तू मसीह क साथे मरी चूका अहा अउर ओन आतिमन स अजात करावा गवा अहा जउन ब्रहमाण्ड क ससान करत हीं एकर मतलब अहइ कि, संसार क व्यर्थ सिच्छन स छुटकारा देवावा जाइ सकत ह त एह तरह क आचरण काहे करत अहा। जइसे तू एह दुनिया क अहा अउर अइसेन नियमन का पालन करत अहा। जइसेः</verse>
				<verse number="21">“एका हाथ न लगावा” “एका जिन चखा” या “एका जिन छुआ”</verse>
				<verse number="22">इ सब चीजन त काम मँ आवत आवत नस्ट होई जाइ क बरे बाटिन। अइसेन आचार व्यवहार क अधीनता कइके तउ तू मनई क बनाए आचार व्यवहार अउर सब सिच्छा क अनुसरण करत अहा।</verse>
				<verse number="23">ये नियम बुद्धिमान क तो देखात ह। ये एक ऐसे धरम क निर्माण करत हीं जउन मानवीय इच्छा पर आधारित अहइँ: अउर सरीर का सेवत अहइँ। लेकिन इ नियमन पापात्मान क ओनके बुरा काम रोकइ मँ मूल्यहीन अहइँ।</verse>
			</chapter>
			<chapter number="3">
				<verse number="1">काहेकि अगर तोहे मसीह क साथे मरा हुआ मँ स जियाइके उठावा गवा अहइ तउ ओन्हन चीजन क बरे कोसिस करत रहा जउन सरगे मँ हयेन जहाँ परमेस्सर क दहिनी कइँती मसीह विराजत ह।</verse>
				<verse number="2">सरगे क चीजन क सम्बन्ध मँ सोचत रहा। संसारी चीजन क सम्बन्ध मँ न सोचा।</verse>
				<verse number="3">काहेकि तू लोगन क पूराना पापी जीव मरि चुका बा अउर तोहर नवा जीवन मसीह क साथे साथे परमेस्सर मँ छिपा बा।</verse>
				<verse number="4">जब मसीह, जउन हमार जीवन अहइ, फिन स परगट होई तउ तूहउ ओनके साथे ओनके महिमा मँ परगट होब्या।</verse>
				<verse number="5">इही बरे तोहमे जउन कछू संसारी बा, ओकर अन्त कइ द्या यौन अनाचार, अपवित्तरता, वासना, बुरी इच्छा अउर लालच जउन मूर्ति पूजा क ही एक्कई रूप अहइ,</verse>
				<verse number="6">एनहीन बातन क कारण परमेस्सर क गुस्सा परगट होई जात बा।</verse>
				<verse number="7">एक समइ रहा जब तूहउ अइसेन करम करत इही तरह क जीवन जिया करत रह्या।</verse>
				<verse number="8">परन्तु अब तोहे इन सब बातन क साथे साथे गुस्सा झुँझलाहट, सत्रुता, निन्दा भाऊ, अउर अपसब्द बोलइ स छुटकारा पाइ लेइ चाही।</verse>
				<verse number="9">आपस मँ झूठ न बोला काहेकि तू अपने पुरानी पापी-जीव, अउर उ तरह जीवन जउन ओकरे साथ जाता ह ओनके उतार फेंके अहा।</verse>
				<verse number="10">अउर नवा जीवन क धारण कइ लिहे अहा। हमेसा नवा होत जात बा जउन अपने रचइता क सरूप मँ स्थित होइके परमेस्सर क सत्य गियान क निमित्त।</verse>
				<verse number="11">परिणाम सरूप उहाँ यहूदी अउर गैर यहूदी मँ कउनउ अन्तर नाहीं रहि गवा बा, न कीहीउ खतना युक्त अउर खतना रहित मँ, न केउ सुसभ्य अउर बर्बर मँ, न दास अउर एक स्वतन्त्र मनई मँ कउनउ अन्तर बा। मसीह सर्वेसर्वा अहइ अउर सब बिसवासियन मँ उही क निवास बाटई।</verse>
				<verse number="12">काहेकि तू परमेस्सर क चुना भवा पवित्तर अउर प्रिय जने अहा इही बरे सहानुभूति, दया नम्रता, कोमलता अउर धीरज क धारण करा।</verse>
				<verse number="13">तोहे आपस मँ जब कभउँ कीहीउ स कउनउ कस्ट होइ तउ एक दुसरे स सहि ल्या अउर परस्पर एक दुसरे क मुक्त भाऊ स छमा कई द्या। यदि केउ ने तोहरे साथ गलत किया अहइ तोहे आपस मँ एक दुसरे क अइसेन ही छमा कई देइ चाही जइसेन परमेस्सर तोहे मुक्त भाउन स छमा कई दिहेस।</verse>
				<verse number="14">इन बातन क अलावा सबसे महत्वपूर्ण अहइ कि तू पिरेम क धारण करा। पिरेम इ सबके आपस मँ बाँधत अउर पूरा करत ह।</verse>
				<verse number="15">तोहरे मने पर मसीह स मिलइवाली सान्ति क सासन होई। इही बरे तोहे उही एक्क देहए मँ बोलावा गवा ह। हमेसा धन्यबाद करत रहा।</verse>
				<verse number="16">अपने सम्पन्नता क साथे मसीह क संदेसा तोहमें वास करइ। ग्यान स एक दूसरे क सिच्छा अउर चेतावनी द्या। भजन, स्तुतियन अउर आतमिक गीतन क गावत भए अपने हिरदय मँ परमेस्सर का धन्यबाद द्या। परमेस्स क मन-मने धन्यबाद देत इहइ गावत रहा।</verse>
				<verse number="17">अउर तू जउन कछू भी करा या सब कहा, उ सब पर्भू ईसू क नाउँ प करा। उही क द्वारा तू हर समइ परमपिता परमेस्सर क धन्यबाद देत रहा।</verse>
				<verse number="18">हे पत्नियन, अपने पतियन क बरे तरह स समपर्ति रहा जइसे पर्भू क अनुयायियन क इ सोभा देत ह।</verse>
				<verse number="19">हे पतियन, अपने पत्नियन स पिरेम करा, ओनके बरे कठोर न बना।</verse>
				<verse number="20">बचवन सब बातन मँ अपने माता-पिता क आज्ञा क पालन करा। काहेकि पर्भू क अनुयायिन क एह व्यवहारे स परमेस्सर खुश होत ह।</verse>
				<verse number="21">हे बाप, अपने बचवन क हतोउत्साह स न भरा। कहूँ अइसेन न होइ कि उ जतन करबई छोड़ देइ।</verse>
				<verse number="22">हे सेवकन, अपने संसारी स्वामियन क सब बातन क पालन करा। केवल लोगन क खुस भर करइ क बरे ऊही समइ नाहीं जब उ देखत रहइ, बल्कि सच्चे मने स ओनका माना। काहेकि तू पर्भू क आदर करत ह।</verse>
				<verse number="23">तू जउन कछू कर अपने पूरे मने स करा। माना कि जउन करा इ मान करा तू ओका लोगन क बरे नाहीं बल्कि पर्भू क बरे करत अहा।</verse>
				<verse number="24">याद रखा कि तोहे पर्भू स उत्ताधिकार क फल-मिलइ। अपने स्वामी मसीह क सेवा करत रहा।</verse>
				<verse number="25">काहेकि जे बुरा करम करइ, ओका ओकर फल मिलइ अउर उहाँ कउनउ पच्छापात नाहीं बा।</verse>
			</chapter>
			<chapter number="4">
				<verse number="1">हे स्वामियन! तू अपने सेवकन क जउन ओनकर बनत ह अउर उचित बा, द्या। याद रखा सरगे मँ तोहार कउनउ स्वामी बा।</verse>
				<verse number="2">पराथना मँ हमेसा लगा रहा। अउर जब तू पराथना करा त हमेसा परमेस्सर क धन्यबाद करत रहा।</verse>
				<verse number="3">साथ ही साथे हमरे बरे आपन संदेस क प्रचार क अउर मसीह स सम्बन्धित सत्य क प्रबचन क अवसर प्रदान करइ काहेकि एकरे कारण ही मइँ बंदीघरे मँ हउँ।</verse>
				<verse number="4">पराथना करा कि मइँ सच्चाई क लगन मँ स्पस्ट कइ देइ जइसेन मोका बतावइ चाही।</verse>
				<verse number="5">बाहर क लोगन क साथे विवेकपून व्यवहार करा। सब अवसरन क पूरा-पूरा अपयोग करा।</verse>
				<verse number="6">तोहर बोली हमेसा मीठी रहइ द्या अउर ओसे बुद्धि क छटा बिखरइ ताकि तोहका एक दूसरे क उत्तर कइसे देइ चाही इ जानइ चाही।</verse>
				<verse number="7">हमार प्यारा बन्धु तुखिकुस जउन एक बिसवासी सेवक अउर पर्भू मँ स्थित साथी दास बा, तोहे मोरे सभन समाचार बताइ देई।</verse>
				<verse number="8">मइँ ओका तोहरे लगे एह बरे भेजत हउँ कि तोहे ओसे हमार हालचाल क पता चलि जाई उ तोहरे हीये क जोस स भरि देइ।</verse>
				<verse number="9">मइँ अपने बिसवासि अउर प्रिय बन्धु उनेसिमुस क भी ओकरे साथे भेजत हउँ जउन तोहरे मँ स एक बा। उ पचे, इहाँ जउन कछू घटत बा, ओका तोहे बतइहीं।</verse>
				<verse number="10">अरिस्तर्खुस क जउन बंदीघरे मँ मोरे साथे रहा बा अउर बरनाबास क बन्धु मरकुस क तोहे नमस्कार, (ओकरे बारे मँ तू निर्देस पाई चुका अहा कि अगर उ तोहरे लगे आवइ तउ ओकर सुवागत करा,)</verse>
				<verse number="11">यूस्तुस कहवावइ वाले ईसू क तोहे नमस्कार पहुँचइ। यहूदी बिसवासी मँ बस इहइ अब परमेस्सर क राज्य क बरे मोरे साथे काम करत अहइँ। इ मोरे बरे आनन्द क कारण रहा बा।</verse>
				<verse number="12">इपफ्रास क तोहे नमस्कार पहुँचइ। उ तोहरे मँ स एक अहइ अउर मसीह ईसू क सेवक अहइ। उ हमेसा बड़ी बेदना क साथे तोहरे बरे लगनपूर्वक पराथना करत रहत ह कि आध्यात्मिक रूप स पूरा बनइ क बरे विकास करत रहा। अउर बिसवास पूर्वक परमेस्सर क इच्छा चाहत अहा।</verse>
				<verse number="13">मइँ ऐकर साच्छी हउँ कि उ तोहरे बरे अउर लौदीकिया अउर हियरापुलिस क रहइ वालन क बरे हमेसा कड़ा मेहनत करत रहा बाटइ।</verse>
				<verse number="14">प्यारे चिकित्सक लूका अउर देमास तोहे नमस्कार भेजत हयेन।</verse>
				<verse number="15">लौदीकिया मँ रहइवाले भाइयन क अउर नुमफास अउर ओहे कलीसिया क जउन ओकरे घरे मँ जुड़त हीं, नमस्कार पहुँचइ।</verse>
				<verse number="16">अउर देखा, चिट्ठी जब तोहरे सामने पढ़ी जाइ चुकइ, तब एह बात क निस्चय कइ लिहा कि एका लौदीकिया क कलीसिया मँ भी पढ़वाइ दीन्ह जाइ। अउर लौदीकिया स मोर जउन चिट्ठी तोहे लिखा मिलइ, ओका तूहँउ पढ़ी लिहा।</verse>
				<verse number="17">अर्खिप्पुस स कहा कि उ एह बात क धियान रखइ कि पर्भू मँ जउन सेवा ओका सँऊपी गइ बा, उ ओका निस्चय क साथे पूरा करइ।</verse>
				<verse number="18">मइँ पौलुस खुद आपन हाथ स इ नमस्कार लिखत हउँ। याद रखा हम कारागार मँ हउँ, परमेस्सर क अनुग्रह तोहरे साथे रहइ।</verse>
			</chapter>
		</book>
		<book number="52">
			<chapter number="1">
				<verse number="1">थिस्सलुनीकियन क परमपिता अउर पर्भू ईसू मसीह मँ स्थित कलीसिया क पौलुस, सिलवानुस अउर तीमुथियुस क तरफ स, परमेस्सर क अनुग्रह अउर सान्ति तोहरे साथे रहइ।</verse>
				<verse number="2">हम तोहे सब जने क बरे हमेसा परमेस्सर क धन्यबाद देत रहित ह अउर अपने पराथनन मँ हमका तोहर याद बनी रहत ह।</verse>
				<verse number="3">पराथना करत भए हम हमेसा तोहरे ओह काम क याद करित ह जउन फल अहइ, बिसवास क, पिरेम स पैदा भइ तोहर कठिन मेहनत क, अउर हमरे पर्भू ईसू मसीह मँ आसा स पैदा तोहर धैर्यपूर्ण सहनशीलता क हमका हमेसा धियान बना रहत ह।</verse>
				<verse number="4">हे परमेस्सर क प्यारा हमार भाइयो तथा बहिनियो, हम जानित ह कि तू ओनकर चुना भवा अहा।</verse>
				<verse number="5">काहेकि हमरे सुसमाचार क प्रचार तोहरे लगे मात्र सब्दन मँ ही नाहीं पहुँचा बा बल्कि पवित्तर आतिमा समरथ अउर गहन स्रद्धा क साथे पहुँचा बा। तू जानत ह कि हम जब तोहरे साथे रहे, तोहरे लाभ क बरे कइसेन जीवन जिअत रहे।</verse>
				<verse number="6">कठोर सब यातना क बीच पू पवित्तर आतिमा स मिलइवाली खुशी क साथे उपदेस क ग्रहण किहा अउर हमार अउर पर्भू क अनुकरण करई लाग्या।</verse>
				<verse number="7">अउर इही बरे मैसीडोनिया अउर अखाया क सभन बिसवासियन क बरे तू एक आदर्स बन गया</verse>
				<verse number="8">काहेकि तू पर्भू क उपदेस क जउन गूँज उठा, उ न केवल मैसीडोनिया अउर अखाया मँ सुना गवा बल्कि परमेस्सर मँ तोहर बिसवास सब कहूँउ जाना माना गवा। तउन हमका कछू कहइ क अब जरूरत नाहीं बाटइ।</verse>
				<verse number="9">काहेकि ओ पचे खुदइ हमरे बारे मँ बतावत हीं कि तू हमार कइसेन सुवागत किहे रह्या अउर सजीव अउर सच्चा परमेस्सर क सेवा करइ क बरे</verse>
				<verse number="10">अउर सरगेस ओकरे बेटवा क आगमन क इन्तजार करइ क बरे तू मूर्तियन क ओर स सजीव अउर सच्चे परमेस्सर कइँती कइसे मुड़ा रह्या। पूत मतलब ईसू क ओ मरे हुवन मँ स फिन स जियाइ उठाए रहा। अउर उहइ परमेस्सर क आवइवाली कोप स हमार रच्छा करत ह।</verse>
			</chapter>
			<chapter number="2">
				<verse number="1">भाइयो तथा बहिनियो, तोहरे लगे हमार आवइ क सम्बन्ध क तू खुदइ जानत ह कि उ निरर्थक नाहीं बाटइ।</verse>
				<verse number="2">तू जानत ह कि फिलिप्पी मँ सब यातना झेलइ अउर दुर्व्यवहार सहइ क बाद उ परमेस्सर क सहायता स हमका कड़ा विरोध क रहत भए परमेस्सर क सुसमाचार क सुनावइ क साहस मिला रहा।</verse>
				<verse number="3">इ निस्चय स जब हम लोगन अपने उपदेसन बरे प्रोत्साहित करित ह एह बरे नाहीं कि हम भटका भए अही। अउर न तउ एह बरे कि हमार उद्देस्य गन्दा अहइ अउर एहबरे की नाहीं कि हम लोगन क छलई क जतन करित ह।</verse>
				<verse number="4">हम सुसमाचार का प्रचार लोगन क खुस करइ क कोसिस नाहीं करित ह बल्कि हम तउ परमेस्सर क खुस करित ह जउन हमरे मने क भेद जानत ह।</verse>
				<verse number="5">निस्चय ही हम कभउँ ठकुर सुहात बानी क साथे तोहरे सामने नाहीं आए। जइसेन क तू जनबइ करत ह, हमार उपदेस कउनउ लोभ क बहाना नाहीं बा। परमेस्सर साच्छी बा</verse>
				<verse number="6">हम लोगन स कउनउ मान सम्मान नाही चाहा। न तोहसे अउर न कीहीउ अउर स।</verse>
				<verse number="7">जद्यपि हम मसीह क प्रेरितन क रूप मँ आपन अधिकार जताइ सकत रहे किन्तु हम तोहरे बीच वइसेन ही नरमी क साथे रही जइसे एक महतारी अपने बचवन क पालन पोषन करत ह।</verse>
				<verse number="8">हम तोहरे बरे वइसेन ही नरमी क अनुभव किहे अही, इही बरे परमेस्सर स मिलइ सुसमाचार क ही नाहीं, बल्कि खुद अपने आपके भी हम तोहरे साथे बाँटी लेइ चाहित ह काहेकि तू हमार प्यारा होइ ग अहा।</verse>
				<verse number="9">भाइयो तथा बहिनियो, तू हमार कठिन मेहनत अउर कठिनाई क याद रखा जउन हम दिन-रात इही बरे किहे अही ताकि हम परमेस्सर क सुसमाचार क सुनावत तोह पर बोझ न बनी।</verse>
				<verse number="10">तू साच्छी अहा अउर परमेस्सर भी साच्छी अहइ कि तू बिसवासियन क प्रति हम केतॅनी आस्था, धार्मिकता अउर दोस रहित क साथे व्यवहार किहे रहेन।</verse>
				<verse number="11">तू जनबइ करत ह कि जइसेन एक पिता अपने बचवन क साथे व्यवहार करत ह</verse>
				<verse number="12">वइसेन ही हम तोहमाँ स हर एक्क क आग्रह क साथे प्रेरित कीन्ह ह अउर आराम दिहे अही। अउर ओह रीति स जाइ क आदेस दिहा ह, जेहसे परमेस्सर, जे तोहका अपना राज्य अउर महिमा मँ बोलाई भेजेस ह, खुस होत ह।</verse>
				<verse number="13">अउर इही बरे हम परमेस्सर क धन्यबाद हमेसा करत रहित ह काहेकि हमसे तू जब परमेस्सर क बचन ग्रहन किहा ह तउ ओका मनवीय संदेस क रूप मँ नाही बल्कि परमेस्सर क संदेस क रूप मँ गहण किहा, जइसेन कि उ सही मँ बा। अउर तू बिसवासियन पर जेकर प्रभाव भी बा।</verse>
				<verse number="14">भाइयो तथा बहिनियो, तू यहूदियन मँ रहिके मसीह ईसू मँ परमेस्सर क कलीसियावन क अनुसरण करत रहे रह्या। तू अपने साथी देस भाइयन स वइसेन ही यातना झेलटे अहा जइसे उ पचे ओन्हन यहूदियन क हाथे झेले रहेन।</verse>
				<verse number="15">यहूदियन पर्भू ईसू क मारि डाएन अउर नबियन क बहरे खदेड़ दिहेन, उ परमेस्सर क खुस नाहीं करतेन उ त सम्मइ मानवता क दुस्मन हयेन।</verse>
				<verse number="16">उ गैर यहूदियन क सुसमाचार क उपदेस देइ मँ बाधा खड़ी करत हीं कि कहूँ ओन्हन पचन क उद्धार न होइ जाई। इ बातेन स उ हमेसा अपने पापन क घड़ा भरत रहत हीं अउर अन्तत: अब त परमेस्सर क प्रकोप ओनपर पूरी तरह स आई पड़त ह।</verse>
				<verse number="17">भाइयो तथा बहिनियो! जहाँ तलक हमार बात बा, हम रचिके समइ क बरे तोहसे बिछुड़ ग रहे। बिचारन स नाहीं, केवल सरीरे स। तउन हम तोहसे मिलइ क बहुत उतावला होइ उठे। हमार इच्छा तेज होइ उठी रही।</verse>
				<verse number="18">हाँ! हम तोहसे मिलइ क बरे बहुत जतन करत रहे। मुझ पौलुस कइय दाई कोसिस किहेस परन्तु सइतान ओहमे बाँधा डाएस।</verse>
				<verse number="19">भला बतावा तु हमार आसा, हमार उल्लास य हमार उ मुकुट जेहपर हमका गरब बा, का अहइ? का उ तूही नाहीं अहा। हमार पर्भू ईसू मसीह क दोबारा अवाई प जब हम ओनके सामने हाजिर होबइ</verse>
				<verse number="20">तउ उहाँ तू हमार महिमा अउर हमारे आनन्द मँ होब्या।</verse>
			</chapter>
			<chapter number="3">
				<verse number="1">काहेकि हम अउर जियादा इन्तजार नाहीं कइ सकित ह, इही बरे हम एथेन्स मँ अकेलइ रुकि जाइक निस्चय कइ लिन्ह। अउर हम हमार परमेस्सर सेवक बन्धु अउर परमेस्सर क बरे मसीह क सुसमाचार क प्रचार मँ अपने सहकर्मी तीमुथियुस तोहे मजबूत बनवइ अउर बिसवास मँ उत्साहित करइ क तोहरे लगे भेजि दीन्ह।</verse>
				<verse number="2"></verse>
				<verse number="3">ताकि एन्हन वर्तमान यातनन स केउ घबराइ न उठइ। काहेकि तू तउ जनबई करत ह कि हम त यातना सहइ क बरे ही निस्चित कीहा ग अही।</verse>
				<verse number="4">सही मँ हम जब तोहरे लगे रहे, तोहे पहिलेन स ही कहा करत रह्या कि हमपे कस्ट आवइवाला बा, अउर इ ठीक वइसेन ही भवा ह। तू तउ इ जनबइ करत ह।</verse>
				<verse number="5">इहीं बरे काहेकि मइँ अउर जियादा इन्तजार नाहीं कइ सकत रहउँ, इही बरे मइँ तोहरे बिसवास क बारे मँ जानइ तीमुथियुस क पठइ दिहेउँ। काहेकि मोका डर रहा कि लुभावइवाला (सइतान) कहूँ तोहे ललचाइ क हमरे कठिन मेहनत क खराब तउ नाहीं कइ दिहे बा।</verse>
				<verse number="6">तोहरे लगे स तीमुथियुस अबहीं-अबहीं हमरे लगे वापस लउटा ह। अउर उ हमका तोहरे बिसवास अउर तोहरे पिरेम क सुभ समाचार दिहेसह। उ हमका बताए बाटइ कि तोहे हमार मधुर याद आवत ह अउर तू हमसे मिलइ क बहुत अधीर अहा। वइसेन जइसे हम तोहसे मिलइ क अधीर भ अही।</verse>
				<verse number="7">तउन भाइयो अउ बहिनियो हमार सबहिं पीड़ा अउर यातना मँ तोहर बिसवास क कारण हमार उत्साह बढ़ा बा।</verse>
				<verse number="8">हाँ जब हम फिन साँस लइ पावत हई काहेकि हम जानि गवा अही कि पर्भू मँ तू अटल खड़ा अहा।</verse>
				<verse number="9">तोहरे बारे मँ तोहरे ही कारण जउन आनन्द हम पचन क मिला बा, ओकरे बरे हम परमेस्सर क सामने ओकर धन्यबाद कइसे करी।</verse>
				<verse number="10">हम रात-दिन खूब लगन स पराथना करत रहित ह कि केह तरह तोह सबन क फिन देखि पाई अउर तोहरे बिसवास मँ जउन कमी रहि गइ बाटइ, ओका पूरा करत भए मजबूत करी।</verse>
				<verse number="11">हमार परमपिता परमेस्सर अउर हमार पर्भू ईसू तोहरे लगे आवइ क हमका रस्ता देखावइँ।</verse>
				<verse number="12">अउर पर्भू एक दुसरे क बरे अउर सभन क बरे तोहसे जउन पिरेम बा, ओकर बढ़ोत्तरी करइ। वइसेन ही जइसे तोहरे बरे हमार पिरेम उमड़ पड़त ह।</verse>
				<verse number="13">एह तरह उ तोहरे हिरदइ क मजबूत करइ अउर ओन्हे हमार परमपिता परमेस्सर क अगवा पर्भू ईसू क आवई पर सभन पवित्तर लोगन क साथे पवित्तर अउर दोस रहित बनाइ देइ।</verse>
			</chapter>
			<chapter number="4">
				<verse number="1">भाइयो तथा बहिनियो, अब हमका तोहे कछू अउर बात बतावइ क बा। पर्भू ईसू क नाउँ पर हम तोहसे पराथना अउर बिनती करत हई कि तू हमसे जेह तरह उपदेस ग्रहण किहे अहा, तोहे परमेस्सर क खुस करइ क बरे उहीं क अनुसार चलइ चाही। जरुर तू उही तरह चलत भी अहा। परन्तु हम तू पचन स वइसेन ही अउर जियादा स जियादा अनुसरण करइ क अनुरोध करत अही।</verse>
				<verse number="2">काहेकि तू इ जानत ह कि पर्भू ईसू क अधिकार स हम तोहे सबन क आज्ञा दिए अही।</verse>
				<verse number="3">अउर परमेस्सर क इहइ इच्छा बा कि तू पचे ओहका अर्पण होइ जा। यौन दुराचार स दूर रहा।</verse>
				<verse number="4">अपने सरीर क सबइ वासना पर नियन्त्रण रखइ सीखा-अइसे ढंग स जउन पवित्तर बा अउर आदर क योग्ग बा।</verse>
				<verse number="5">न कि ओह वासना स भरी इच्छन स जउन परमेस्सर क नाहीं जानइवाले अधर्मियन क जइसी अहइ।</verse>
				<verse number="6">इहउ परमेस्सर क इच्छा बा कि एह बारे मँ केउ अपने भाई क बारे मँ कउनउ अपराध न करइ य कउनउ अनुचित लाभ न उठावइ, काहेकि अइसेन सभन पापन क बरे पर्भू दण्ड दइ जइसे कि हम तोहका बताइ चुका अही अउर तोहे सावधान भी कइ चुका हई।</verse>
				<verse number="7">परमेस्सर तउ हमका पापन मँ रहइ क बरे नाहीं बोलायेस पर पवित्तर जीवन बितावइ क बरे बोलायस ह।</verse>
				<verse number="8">एह बरे जउन इ उपदेस क नकारत हीं कउनउ मनई क नाहीं नकारत ह बल्कि परमेस्सर क ही नकारत ह। ओह परमेस्सर क जउन तोहे सबन क आपन पवित्तर आतिमा देत ह।</verse>
				<verse number="9">अब तोहे तोहरे भाइयन तथा बहिनियन क ईसू मँ पिरेम क बारे मँ लिखा जाइ, एकर तोहे सबन क जरूरत नाहीं बा काहेकि परमेस्सर त खुदइ तोहका एक दुसरे क बरे पिरेम करई क सिच्छा दिहे बाटइ।</verse>
				<verse number="10">अउर सही मँ तू अपने सबहिं भाइयन तथा बहिनियन क साथे समूचा मैसीडोनिया मँ अइसेन ही पिरेम करत अहा। मुला भाइयो तथा बहिनियो, हम तोहसे अइसन ई जियादा स जियादा करइ क कहित ह।</verse>
				<verse number="11">सान्ति स जीअइ क आदर क वस्तु समझा अपने काम स काम रखा। खुद अपने हाथे स काम करा जइसेन कि हम तोहे बताइ चुका हई।</verse>
				<verse number="12">एहसे कलीसिया मँ न बिसवास करइवाले तोहरे जीवन क ढंग क आदर करिहीं। एहसे तोहे कउनो पर निर्भर न रहइ क पड़ी।</verse>
				<verse number="13">भाइयो तथा बहिनियो, हम चाहित ह कि जउन हमेसा हमेसा क नींद मँ सोवत हयेन तू ओनके बारे मँ जाना ताकि तोहे ओन्हन अउरन क समान, जेकरे लगे आसा नाहीं बा, सोक न करइ क पड़इ।</verse>
				<verse number="14">काहेकि अगर हम इ बिसवास करित ह त ईसू क मउत होइ गइ अउर उ फिन स जी उठा, त उही तरह जे ओहमे बिसवास करत भए परान तियाग दिहे अहइँ, ओनके साथेउ परमेस्सर वइसे ही करी। अउर ओनका लइ के ईसू क साथे लउटि जाई।</verse>
				<verse number="15">एहि कारण हम पर्भू क वचन क अनुसार तोहसे कहत अही कि हम जउन जिअत अही, पर्भू क फिन स आवइ तक बचा रहब, हम जे उ समइ तलक जिअबइ पर्भू क संग होइजाब। अउर ओनसे अगवा न निकर पाउब जउन मरि चुका अहइँ।</verse>
				<verse number="16">काहेकि प्रधान सरगदूत क मुखिया जब अपने ऊँचा स्वरे स आदेस देइ फिन जब परमेस्सर क बिगुल बजी तबहिं पर्भू खुदई सरग स उतरी। ओह समइ जे मसीह मँ परान तियागे हयेन, उ पहिले उठिहीं।</verse>
				<verse number="17">ओकरे बाद हम जउन जिन्दा अही, अउर अबउ इहीं हई ओकरे साथे हवा मँ पर्भू स मिलई क बरे बादलन क बीच उप्पर उठाइ लीन्ह जाबइ एह तरह हम हमेसा बरे पर्भू क साथे होइ जाब।</verse>
				<verse number="18">अउर इ सब्दन क साथे एक दुसरे क उत्साहित करत रहा।</verse>
			</chapter>
			<chapter number="5">
				<verse number="1">भाइयो तथा बहिनियो, समइ अउर तिथियन क बारे मँ तोहे लिखइ क कउनउ जरूरत नाहीं बा</verse>
				<verse number="2">काहेकि तू खुदई बहुत अच्छी तरह जानत ह कि जइसे चोर रस्ता स चुप्पे चला आवत ह, वइसेन ही पर्भू क फिन स लउटइ क दिन भी आइ जइहीं।</verse>
				<verse number="3">जब लोग कहत होइहीं कि “सब कछू सांत अउर सुरच्छित बा” तबइ जइसे एक गर्भवती स्त्री क अचानक प्रसव वेदना आइ घेरत ह वइसेन ही ओह पर बिनास उत्तर आइ अउर उ कहूँ बचिके भाग न पावइ।</verse>
				<verse number="4">मुला भाइयो तथा बहिनियो, तू अँधियारे (पाप) क वासी नाहीं अहा कि तोह पर उ दिन अचानक ही चोर की नाई आइ जाइ।</verse>
				<verse number="5">तू सब तउ प्रकास (भलाई) स जुड़ा अहा अउर दिन क संतान स भी। हम न तउ रात या अँधियारा (बुराई) जुड़ा हई।</verse>
				<verse number="6">इही बरे हमका अउरन क नाई सोवत रहत न चाही, बल्कि सावधानी क साथे हमका तउ अपने प नियन्त्रण रखइ चाहीं।</verse>
				<verse number="7">काहेकि जउन सोवत हीं, रात मँ सोवत ही अउर जउन नसा करत हीं, उ रात मँ ही मदमस्त होत हीं।</verse>
				<verse number="8">मुला हम पचे तउ दिने (भलाई) स जुरा हई इही बरे हमका अपने प काबू रखई चाही। आवा बिसवास अउर पिरेम क चिलम धारण कइ लेई अउर उद्धार पावई क आसा क सिरस्त्राण क तरह ओढ़ि लेई।</verse>
				<verse number="9">काहेकि परमेस्सर हमका ओनके प्रकोपे क बरे नाहीं चुनेस ह बल्कि हमार पर्भू ईसू मसीह द्वारा उद्धार पावई क बरे बनाए अहइ।</verse>
				<verse number="10">ईसू तउ हमरे बरे परान तियाग दिहेस ताकि चाहे हम सजीव ओकरे संग होई, इ जरूरी नाहीं कि जब उ आवइ हम जिअत या मरा रही।</verse>
				<verse number="11">इहीं बरे एक दुसरे क सुख पहुँचाव अउर एक दुसरे क आध्यात्मिक रूपे स मजबूत बनावत रहा। जइसेन कि तू करत अहा।</verse>
				<verse number="12">भाइयो तथा बहिनियो, हमार तोहसे निवेदन बा कि जउन लोग तोहरे बीच मेहनत करत हीं अउर पर्भू मँ जउन तोहे राह देखावत हीं, ओनकर आदर करत रहा।</verse>
				<verse number="13">हमार तोहसे निवेदन बा कि ओनके कामे क कारण पिरेम क साथे ओन्हे पूरा आदर देत रहा। परस्पर सान्ति स रहा</verse>
				<verse number="14">अउर भाइयन, हमार तोहसे निवेदन बा आलसियन क चेतावा, डरपोकन क प्रेरित करा, दीनन क सहायता मँ रुचि ल्या, सबके साथे-धीरज रखा।</verse>
				<verse number="15">देखत रहा केउ क बुराई क बदला बुराई स न द्या बल्कि सब जने हमेसा एक दुसरे क साथे भलाई करई क जतन करा।</verse>
				<verse number="16">हमेसा आनन्दित रहा।</verse>
				<verse number="17">पराथना करब कबहुँ न छोड़ा।</verse>
				<verse number="18">हर परिस्थिति मँ परमेस्सर क धन्यबाद द्या, काहेकि मसीह ईसू मँ, तोहरे बरे परमेस्सर क इहइ इच्छा बाटइ।</verse>
				<verse number="19">पवित्तर आतिमा क कार्य क दमन मत करत रहा।</verse>
				<verse number="20">नबियन क संदेसन क कभउँ छोट न जान।</verse>
				<verse number="21">सब बातन क असलियत क परखा, जउन अच्छा बा, ओका ग्रहण किहे रहा</verse>
				<verse number="22">अउर हर तरह क बुराई स बचा रहा।</verse>
				<verse number="23">सान्ति क स्रोत परमेस्सर खुद तोहे पूरे तरह पवित्तर करी। पूरी तरह स ओनका समर्पित होई जा अउर तू अपने पूरा अस्तित्व अर्थात आतिमा, परान अउर देह क हमार पर्भू ईसू मसीह क अवाई तलक सब तरह स दोस रहित बनाए रखा।</verse>
				<verse number="24">उ परमेस्सर जे तोहे बोलाए अहइ, बिसवास क योग्ग बाटइ। निस्चय ही उ अइसनई करी।</verse>
				<verse number="25">भाइयो तथा बहिनियो, हमरे भी बरे पराथना करा।</verse>
				<verse number="26">सब भाइयन अउर बहिनियन क पवित्तर चुम्मा स सत्कार करा।</verse>
				<verse number="27">तोहे पर्भू क सपथ दई क मइँ इ आग्रह करित ह कि इ चिठ्ठी क सब भाइयन क पढ़ाई क सुनावा जाइ।</verse>
				<verse number="28">हमार पर्भू ईसू मसीह क अनुग्रह तोहरे साथे रहइ।</verse>
			</chapter>
		</book>
		<book number="53">
			<chapter number="1">
				<verse number="1">पौलुस, सिलवानुस अउर तीमुथियुस क ओर स, हमरे परमपिता परमेस्सर अउर पर्भू ईसू मसीह मँ स्थित थिस्सलुनीकियन क कलीसिया क नाउँ,</verse>
				<verse number="2">तू सबन क पिता परमेस्सर अउर ईसू मसीह कइँती स अनुग्रह अउर सान्ति मिलइ।</verse>
				<verse number="3">भाइयो तथा बहिनियो, तू पचन क बरे हमका हमेसा परमेस्सर क धन्यबाद करइ चाही: अइसेन करब उचित बा। काहेकि तू पचन क बिसवासे क अचरज भरा रुप स विकास होत बा अउर तोहमाँ आपस इ मँ पिरेम बढ़त बा।</verse>
				<verse number="4">इही बरे परमेस्सर क कलीसियन मँ हम खुद तू सबन प गरब करित अही। तू पचन क यातना क बीच अउर कस्टन क सहत धैर्यपूर्वक सहन करई तू सबन क बिसवासे क परगट करत ह।</verse>
				<verse number="5">इ एह बाते क स्पस्ट प्रमाण बा कि परमेस्सर क निआव सच्चा बा। ओकर उद्देस इहई बा कि तू पचे परमेस्सर क राज्य मँ प्रवेस करइ योग्ग ठहरा। तू सबइ अब उही क बरे तउ कस्ट उठावत अहा।</verse>
				<verse number="6">निस्चय ही परमेस्सर क दिस्टी मँ इ निआव ठीक बा कि तोहे सबन क जउन दुखन देत अहइँ, ओनका बदले मँ दुख हीं दीन्ह जाइ।</verse>
				<verse number="7">अउर तू जउन कस्ट सहत अहा, ओनका हमरे साथे ओह समइ आराम दीन्ह जाई जब पर्भू ईसू अपने समरथ दूतन क साथे सरग स</verse>
				<verse number="8">धधकत आगी मँ परगट होई। अउर जउन परमेस्सर क नाहीं जनतेन अउर हमरे पर्भू ईसू मसीह क सुसमाचार पर नाहीं चलतेन, ओनका दण्ड दीन्ह जाई।</verse>
				<verse number="9">ओन्हे अनंत बिनास क दण्ड दीन्ह जाई। ओन्हे पर्भू अउर ओनकर महिमा भरी सक्ति क सामने स हटाइ दीन्ह जाई।</verse>
				<verse number="10">उ अपने पवित्तर लोगन क साथ महिमा प्राप्त करइ आई, अउर अपने आस्चर्यचकित करइ क अभिव्यक्ति करी ओनके बीच जो उन पर बिसवास करत हीं।</verse>
				<verse number="11">इही बरे हम तोहरे बरे परमेस्सर स हमेसा पराथना करित ह कि हमार परमेस्सर तोहे ओह जीवन क योग्ग समझई जेका जिअइ क बरे तोहे सबन क बोलावा गवा बा। अउर उ तोहार सब सुभ इच्छा क प्रबल रुप स पूरा करइ अउर सब ओह कामे क उ सफल बनावइ जउन तोहरे बिसवासे क प्रमाण अहइ।</verse>
				<verse number="12">इही तरह हमर पर्भू ईसू मसीह क नाउँ तोहरे द्वारा आदर पइहीं। तू पचे ओकरे द्वारा आदर पउब्या। इ सब कछू हमरे परमेस्सर क अउर पर्भू ईसू क अनुग्रह स होइ।</verse>
			</chapter>
			<chapter number="2">
				<verse number="1">भाइयो तथा बहिनियो, अब हम अपने पर्भू ईसू मसीह क फिन स अवाई अउर ओकरे साथे आपस मँ एकट्ठा होइ क बारे मँ निवेदन करत अही</verse>
				<verse number="2">कि तू अचानक अपने विवेक क कउनो भविस्सबाणी कउनो उपदेस अउर कउनो अइसेन चिट्ठ स न खोवा जेकॉ हमरे द्वारा लिखा गवा समझा जात होइ अउर तथाकथित रुप स जेहमाँ बतावा गवा होई कि पर्भू क दिन आई चुका अहइ, तू अपने मने मँ डावॉडोल जिन ह्वा।</verse>
				<verse number="3">तू पचे अपने आपके कउनो क द्वारा कउनउ प्रकार छला न जाइ सका। मइँ अइसेन एह बरे कहत हउँ काहेकि उ दिन ओह समइ तक न आई जब तक कि परमेस्सर स मुँह मोड़ लेइ क समइ नहीं आई जात, अउर दुस्ट मनइ परगट नाहीं होइ जात। ओह दुस्ट-मनइ क नियति तउ नरक बा।</verse>
				<verse number="4">उ अपने क सब चीज स उप्पर कही अउर ओनकर विरोध करी अइसेन चीजन का परमेस्सर का कही जात हीं अउर जउन पूजनीय बा। इहाँ तक कि परमेस्सर क मंदिर मँ जाइ क सिंहासन पर बइठिके इ दावा करी कि उहइ परमेस्सर बा।</verse>
				<verse number="5">का तोहे याद नाहीं बा कि जब मइँ तोहरे साथे रहे तउ तोहे इ सब बतावा गवा रहा</verse>
				<verse number="6">अउर तू तउ अबइ जनतइ अहा कि ओका का अबहीं परगट होइ स रोके अहइ, ताकि उ ऊचित अवसर आए पर ही परगट होइ।</verse>
				<verse number="7">मइँ अइसेन एह बरे कहत हउँ काहेकि दुस्ट मनइ क रहस्य भरी सक्ती जउन बे व्यवस्था क अहइ अबहुँ आपन काम करत बा। अब केउ ऐका रोक रहा बा अउर उ तब तक ऐका रोकत रही, जब तलक, ओका रोके रखइबाले क रस्ता स हटाई न दीन्ह जाइ।</verse>
				<verse number="8">तबइ उ दुस्ट मनइ परगट होई जब पर्भू ईसू आपन महिमा मँ फिन परगट होई तब ओका पर्भू ईसू अपने मुँह क फूँक स मार डाईगा अउर अपने उपस्थिति क तेज स ओका भस्म कर देई।</verse>
				<verse number="9">ओह दुस्ट मनइ सइतान क सक्ती स परगट होइ अउर उ बहुत बड़ी सक्ती, झूठे चमत्कारन, अद्भुत चिन्हन अउर अचरजे कारजन,</verse>
				<verse number="10">अउर सब परकार क पाप स भरा छल-परपंच स भरा होइ। उ एनकर उपयोग मनइय क विरुद्ध करी जउन सर्वनासे क रस्ता मँ खोवा हवा अहइँ। उ भटक गवा हयेन काहेकि ओन्हन सत्य स पिरेम नाहीं किहे बाटेन, कहूँ ओनकर उद्धार न होइ जाइ।</verse>
				<verse number="11">इही बरे परमेस्सर ओहमन एक छली सक्ती क काम मँ कई देई जेहसे उ झूठ मँ बिसवास करइ लाग रहेन। एहसे ओनकर बिसवास जउन झूठ बा, ओह पर होई।</verse>
				<verse number="12">एहसे उ सभन जे सत्य पर बिसवास नाहीं किहेन अउर झूठ मँ आनन्द लेत रहेन, दण्ड पइहीं।</verse>
				<verse number="13">भाइयो तथा बहिनियो, पर्भू तोहका पियार करत ह। तोहरे पचन क बरे हमका हमेसा परमेस्सर क धन्यबाद करइ चाही काहेकि परमेस्सर तउ आतिमा क द्वारा तोहे सबन क पवित्तर कइक अउर सत्य मँ तोहरे बिसवास क कारण उद्धार पावइ क बरे तोहे सबन क चुने अहइ। जेन्हन मनइयन क उद्धार होइ क बा, तू ओह सबन क पहिली फसल क एक हींसा अहा।</verse>
				<verse number="14">अउर इही उद्धार क बरे जेका सुसमाचार क हम तोहे सबन क उपदेस दिहे हई ओकरे द्वारा परमेस्सर तउ तोहे पचन क बोलाएस ताकि तू पचे हमार पर्भू ईसू मसीह क महिमा क धारण कइ सका।</verse>
				<verse number="15">इही बरे भाइयो तथा बहिनियो, अटल बना रहा अउर जउन उपदेस तोहे मौखिक रुप स या हमरे चिटिवयन क द्वारा दीन्ह गवा रहा, ओका थामे रखा।</verse>
				<verse number="16">अब हमार पर्भू खुद ईसू मसीह अउर हमार परमपिता परमेस्सर जे हम पइ आपन पिरेम दर्साए अहइ अउर हमका परम प्रोत्साहन प्रदान किहे अहइ अउर जे हमका अपने अनुग्रह मँ मजबूत आसा प्रदान किहे अहइ तोहरे सबन क हिरदइ क आनन्द देइ अउर सब अच्छी बातन मँ जेका तू कहत ह या करत ह, तोहे प्रोत्साहित बनावइ।</verse>
				<verse number="17"></verse>
			</chapter>
			<chapter number="3">
				<verse number="1">भाइयो तथा बहिनियो, तोहे पचन क कछू अउर बात हमका बतावइ क बाटइ। हमरे करे पराथना करा कि पर्भू क उपदेस तेजी स फइलइ अउर महिमा पावई। जइसेन कि तोहे लोगन क बीच मँ भवा बा।</verse>
				<verse number="2">पराथना करा कि हम बुरे अउर दुस्ट मनइयन स दूर रही। (काहेकि सभन जने क तउ पर्भू मँ बिसवास नाहीं होत ह।)</verse>
				<verse number="3">मुला पर्भू तउ बिसवास स भरा अहइ। उ तोहार सक्ती बढ़ाई अउर तोहे सबन क ओह दुस्ट स बचाइ रखी।</verse>
				<verse number="4">हमका पर्भू मँ तोहार स्थिति क बारे मँ टृढ़ बिसवास बा। अउर हमका पूरा निस्चय बा कि हम तोहे जउन कछू करई क कहे हई, तू वइसेन ही करत अहई अउर करत रहब्या।</verse>
				<verse number="5">पर्भू तोहरे पचन क हिरदइ क परमेस्सर क पिरेम अउर मसीह क धैर्य भरा मजबूती कइँती आगे करइ।</verse>
				<verse number="6">भाइयो तथा बहिनियो, अब तोहे सबन क हमार पर्भू ईसू मसीह क नाउँ मँ इ हुकुम बा कि तू हर ओह भाइयन स दूर रहा जउन अइसेन जीवन जिअत ह जउन अनुचित चाल चलत अहइ।</verse>
				<verse number="7">मइँ इ ऍह बरे कहत हउँ काहेकि तू तउ खुदइ इ जानत बाट्या कि तोहे पचन क हमार अनुकरण कइसे करइ चाही काहेकि तोहरे बीच रहात भए हम कभउँ आलसी नाहीं रही।</verse>
				<verse number="8">हम बिना मूल चुकाए कीहीउँ स भोजन नाहीं ग्रहण कीन्ह, बल्कि जतन अउर मेरनत करत भए हम दिन रात काम मँ जुटा रहे ताकि तोहमाँ स कीहीउँ पर बोझ न पड़इ।</verse>
				<verse number="9">अइसा नाहीं अहइ कि हमका तोहसे सहायता लेइ क कउनउ अधिकार नाहीं बाटइ, बल्कि हम एह बरे कड़ी मेहनत करत अही ताकि तू ओकर अनुसरण कइ सका।</verse>
				<verse number="10">इही बरे हम जब तोहरे साथे रहे, हम तोहे पचन क इ हुकुम दिहे रहे, “अगर केउ काम न करइ चाहइ तउ उ खाना भी न खाइ।”</verse>
				<verse number="11">हमका अइसा बतावा गवा ह कि तोहरे बीच कछू अइसेन भी बाटेन जउन अइसेन जीवन जिअत हीं जउन ओनके अनुकूल नाहीं अहइ। उ कउनउ काम नाहीं करतेन, दुसरेन क बातन मँ टाँग अड़ावत हीं एहर-ओहर घूमत फिरत हीं।</verse>
				<verse number="12">अइसेन लोगन क हम पर्भू ईसू मसीह क नाउँ प समझावत हुकुम देत अही कि उ सान्ति क साथे आपन काम करइ अउर अपने कमाई क ही खाना खाइँ।</verse>
				<verse number="13">मुला भाइयो अउ बहिनियो! जहाँ तक तोहार बात बा, भलाई करत कभउँ न थका।</verse>
				<verse number="14">इ चिट्ठी क माध्यम स दीन्ह गए हमरे हुकुमन पर अगर केउ न चलइ त ओह मनई पर नजर रखा कि उ कउन बाटइ अउर ओनकर संगत स दूर रहा ताकि ओका सरम आवइ।</verse>
				<verse number="15">मुला ओनके साथे सत्रुअन जइसा व्यवहार न करा बल्कि भाई क समान ओका चेतावा।</verse>
				<verse number="16">अब सान्ति क पर्भू खुद तोहे सब समइ, सब तरह स सान्ति देइ। पर्भू तू सबके साथे रहा।</verse>
				<verse number="17">मइँ पौलुस खुद आपन लिखाई मँ इ नमस्कार लिखत हउँ। मइँ एह तरह सब चिट्ठी पर दसखत करत हउँ। मोरी लिखाई क सैली इहइ अहइ।</verse>
				<verse number="18">हमार पर्भू ईसू मसीह क अनुग्रह तोहे सभन पर बना रहइ।</verse>
			</chapter>
		</book>
		<book number="54">
			<chapter number="1">
				<verse number="1">पौलुस कइँती स जउन हमार उद्धारकर्ता परमेस्सर अउर हमार आसा मसीह ईसू क हुकुम स मसीह ईसू क प्रेरित बना बा,</verse>
				<verse number="2">तीमुथियुस क जउन बिसवासे मँ मोर सच्चा बेटवा बा, परमपिता परमेस्सर अउर हमरे पर्भू ईसू मसीह कइँती स अनुग्रह, दया अउर सान्ति मिलइ।</verse>
				<verse number="3">मैसिडोनिया जात समइ मइँ तोह सबन स जउन इफिसुस मँ ठरहा रहइ क कहे रहेउँ, मइँ अबहुँ उही आग्रह-क दोहरावत रहेउँ। ताकि तू उहाँ कुछ लोगन क झूठा उपदेस देत रहइ,</verse>
				<verse number="4">कल्पना स भरी कहानी अउर अनन्त वंसावलिन पर जउन लड़ाई-झगड़ा क बढ़ावा देत हीं, अउर परमेस्सर क ओह प्रयोजन क सिद्ध नाहीं होइ देत हीं, जउन बिसवासे पर टिका बा, धियान देइ स रोक सकइँ</verse>
				<verse number="5">एह आग्रह क प्रयोजन बा उ पिरेम जउन पवित्तर हिरदय, उत्तिम चेतना अउर छल रहित बिसवास स पैदा होत ह।</verse>
				<verse number="6">कछू जने तउ इन बातन स छिटक क भटक गवा अहइँ अउर बेकार क वाद विवादन मँ जाईके फँसा बाटेन।</verse>
				<verse number="7">उ पचे व्यवस्था क उपदेसक तउ बनई चाहत हीं, मुला जउन कछू उ कहत रहेन य जेन्हन बातन पइ वो बहुत बल देत हयेन, ओन्हन तक क ओ सबइ नाहीं समझतेन।</verse>
				<verse number="8">हम अब इ जानित ह कि अगर केउ व्यवस्था क ठीक ठीक तरह स प्रयोग करइ, त व्यवस्था उत्तिम बाटइ।</verse>
				<verse number="9">मतलब इ जानइ क बा कि व्यवस्था धर्मियन क बरे नाहीं बल्कि अबिसवासी, पापी, अउर अपवित्तर अधर्मियन, महतारी बाप क मारी डावइवालन, हतियारन,</verse>
				<verse number="10">व्यभिचारिन, समलिंग कामुकन, सोसण कर्ता लोगन, झूठ क बोलवइयन, कसम तोड़इवालन या अइसेन हीं अन्य कामन क बरे बा, जउन सिच्छा क विरोध मँ बा।</verse>
				<verse number="11">उ सिच्छा परमेस्सर क महिमामय सुसमाचार क अनुसार बा। उ सुधन्य परमेस्सर स मिलत ह। अउर सुसमाचार क मोहका सँउपा गवा बा।</verse>
				<verse number="12">मइँ, हमार पर्भू ईसू मसीह क धन्यबाद करत हउँ। मोका उहइ सक्ती दिहेस ह। उ मोका बिसवासी समझिके अपने सेवा मँ तैनात किहे बाटइ।</verse>
				<verse number="13">जद्यपि पहिले मइँ ओकर अपमान करइवाला, सतावइवाला अउर एक बिनयरहित मनई रहेउँ। मुला मोहे पइ दया कीन्ह गइ काहेकि एक अबिसवासी क रूपे मँ इ नाहीं जानत भए कि मइँ का कछू करत हउँ मइँ सब कछू किहेउँ।</verse>
				<verse number="14">अउर पर्भू इ अनुग्रह मोका बहुतायत स मिला ह अउर साथे ही उ बिसवास अउर पिरेम उ जउन मसीह ईसू मँ बा।</verse>
				<verse number="15">इ कथन सही बा अउर सब केउ क स्वीकार करइ जोग्ग बा कि मसीह ईसू एह संसारे मँ पापियन क उद्धार करइ बरे आई-बाटइ। सच मइँ तउ सबसे बड़ा पापी हउँ।</verse>
				<verse number="16">अउर इही बरे तउ मोहे पइ दया कीन्ह गइ। कि मसीह ईसू एक बड़इका पापी क रूपे मँ मोर उपयोग करत आगे चलिके जउन लोग ओहमाँ बिसवास ग्रहण करिहीं, ओनके बरे अनन्त जीवन मिलइ बरे एक उदाहरण क रूप मँ मोका स्थापित कइके आपन असीम सहनसीलता देखॉइ सकइ।</verse>
				<verse number="17">अब उ अनन्त सम्राट अविनासी, अदृस्य एक मात्र परमेस्सर क युग युगान्तर तक सम्मान अउर महिमा होत रहइ। आमीन।</verse>
				<verse number="18">मोर बच्चा तीमुथियुस! नबियन क बचनन क अनुसार बहुत पहिले स ही तोहरे सम्बन्धे मँ जउन भविस्सबाणियन कइ दीन्ह गइ रहिन, मइँ तोहका इ हुकुम देत अही जम कइ ताकि तू ओनके अनुसार</verse>
				<verse number="19">बिसवास अउर उत्तम चेतना स सहित होइके नेकी क लड़ाई जम कइ लड़ सका। कछू अइसेन हयेन जेनकर उत्तिम चेतना अउर बिसवास रूपी जहाज बूड़ गवा बा।</verse>
				<verse number="20">हुमिनयुस अउर सिकन्दर अइसेन ही हयेन। हम ओनका सइतान क सँउप दिहे हई ताकि ओनका परमेस्सर क विरोध मँ परमेस्सर क निन्दा करइ स रोकई क पाठ पढ़ावा जाइ सकइ।</verse>
			</chapter>
			<chapter number="2">
				<verse number="1">सबसे पहिले मोर बिसेस रूपे स इ निवेदन बा कि सबके बरे आवेदन, पराथना, अनुरोध अउर सब मनइयन कहँती स धन्यबाद दिहा जाइ।</verse>
				<verse number="2">सासकन अउर सभन अधिकरियन क धन्यबाद दिहा जाइ। ताकि हम चैन क साथे सांतिपूर्वक पूरे स्रद्धा अउर परमेस्सर बरे सम्मान स भरा जीवन जी सकी।</verse>
				<verse number="3">इ हमार उद्धारकर्ता परमेस्सर क खुसी करईवाल अहइ। उ उत्तिम अहइ।</verse>
				<verse number="4">उ सभन मनइयन क उद्धार चाहत ह अउर सत्य का गियान चाहत ह।</verse>
				<verse number="5">काहेकि परमेस्सर एक्कई बा। अउर मानुस अउर परमेस्सर क बीच मँ मध्यस्थता एक्कई बा। उ खुदइ एक मानुस अहइ ईसू मसीह।</verse>
				<verse number="6">उ सबन क बरे खुद क फिरौती क रूप मँ दइ डाए अहइ। अउर परमेस्सर क सब लोगन क बचाबै क उदेस्स को व्यक्त किहे अहइ।</verse>
				<verse number="7">अउर इ साच्छी क प्रचार करइ बरे मोका एक प्रचारक अउर प्रेरित रखा गवा (इ मइँ सचइ कहत हउँ, झूठ नाहीं) मोका गैर यहूदियन क बरे बिसवास अउर सत्य के उपदेसक के रूपे मँ ठहरावा गवा।</verse>
				<verse number="8">इन्ही बरे मोर इच्छा बा कि हर कहूँ सब मनइयन पवित्तर हाथन क उप्पर उठाइके परमेस्सर क बरे समर्पित होइ बिना कीहीउँ गुस्सा या मन-मोटाऊ पराथना करइँ।</verse>
				<verse number="9">इही तरह स्त्रियन स भी मइँ इ चाहित हउँ कि उ पचे सीधी-सादी वेस-भूसा मँ सालीनता अउर आतिम संयम क साथे रहइँ। अपने आपे क सजावइ सँवारइ क बरे उ बारे क बेणियन न सजावइँ अउर सोना, मोतियन अउर बहुमूल्य वस्त्रन स सृंगार न करइँ।</verse>
				<verse number="10">बल्कि अइसेन स्त्रियन क जउन अपने आप क परमेस्सर क उपासिका मानत हीं, ओनके बरे उचित इ बा कि वो खुदइ क उत्तिम कामे स सजावइँ।</verse>
				<verse number="11">एक स्त्री क चाही कि उ सांत भाव स सारे समर्पण क साथे सिच्छा ग्रहण करइ।</verse>
				<verse number="12">मइँ इ नाहीं चाहित कि कउनउ स्त्री कउनउ मनई क सिखावइ पढ़ावइ अउर ओह पर सासन करइ। मुला ओका तउ चुपचाप ही रहइ चाही।</verse>
				<verse number="13">काहेकि आदम क पहिले बनावा गवा बा अउर तब पाछे हव्वा क।</verse>
				<verse number="14">आदम क बहकावा नाहीं जाइ सका मुला स्त्री क बहकाइ लिहा गवा अउर उ पापे मँ पतित होइ गइ।</verse>
				<verse number="15">मुला अगर उ मँ जइसन क करतब क निभावत भए बिसवास, पिरेम, पवित्तर अउर परमेस्सर क बरे समर्पण मँ बनी रहइ तउ स्त्रियन क उद्धार तउ जरूर मिल जाई।</verse>
			</chapter>
			<chapter number="3">
				<verse number="1">इ एक बिसवास करइ जोग्ग कथन बा कि अगर केउ निरिच्छक बनइ चाहत ह तउ उ एक अच्छे कामे क इच्छा रखत ह।</verse>
				<verse number="2">अब देखा ओका एक अइसी जिन्नगी जिअइ चाही जेकर लोग निआव स भरी आलोचना न कइ पावइँ। ओकर एकई पत्नी होइ चाही, ओका आत्मसंयमी, सुसील अउर अतिथि सत्कार करइवाला अउर सिच्छा देइ मँ निपुण होइ चाही। ओका पइसा क पिरेमी न होइ चाही।</verse>
				<verse number="3">ओका पियक्कड़ न होइ चाही, न तउ ओका झगड़ालू होइ चाही। ओका तउ सज्जन अउर सान्ति प्रेमी होइ चाही। ओका पैसे का पिरेमी न होइ चाही।</verse>
				<verse number="4">अपने परिवारे क उ अच्छा प्रबन्धक होइ अउर ओनकर बच्चन ओरके कब्जे मँ रहत रहइँ। ओकर पूरा सम्मान करत होइँ।</verse>
				<verse number="5">अगर केउ अपने परिवारे क प्रबन्ध करइ नाहीं जानत तउ उ परमेस्सर क कलीसिया क प्रबन्ध कइसे कइ पाई?</verse>
				<verse number="6">उ एक नवा बिसवासी न होइ चाही ताकि उ अहंकार स फूलि न जाइ। अउर ओका सइतान क जइसा दण्ड पावइ पड़इ।</verse>
				<verse number="7">एकरे अलावा बाहेर क लोगन मँ भी ओकर अच्छी इज्जत होइ चाही ताकि उ कउनउ आलोचना मँ फँसिके सइतान क फंदा मँ न पड़ि जाइ।</verse>
				<verse number="8">इही तरह कलीसिया क सेवकन केउ आदरणीय होइ चाही अउ ओका अउर दु मुँहा न होइ चाही। ओकर मदिरापान मँ रुचि न होई चाही। बुरे रस्तन स ओनका धन कमाइ क इच्छुक न होइ चाही।</verse>
				<verse number="9">ओनका तउ पवित्तर मने स हमरे अभिव्यक्त सत्यन क थामे रखइ चाहे।</verse>
				<verse number="10">ऐन्हेऊ क पहिले निरीच्छकन क समान परखा जाइ चाही फिन अगर ओनके विरोध मँ कछू आपत्ति न होइ तबहिं एनका कलीसिया क सेवकन क न रूप मँ सेवा काम करइ देइ चाही।</verse>
				<verse number="11">इही तरह स्त्रीयन क भी सम्मान क जोग्ग होइ चाही। ओनका निंदक न होइ चाही। बल्कि सालीन अउर सब तरह स भरोसा करइवाली होइ चाही।</verse>
				<verse number="12">कलीसिया क सेवक क केवल एक्कई पत्नी होइ चाही अउर ओका आपन बाल बच्चन अउर अपने घरारन क अच्छा प्रबन्धक होइ चाही।</verse>
				<verse number="13">काहेकि अगर क कलीसिया क अइसेन सेवक क रूप मँ होइहीं जउन अच्छा सेवा प्रदान करत हीं, तउ उ पचे अपने बरे सम्मान स भरा स्थान अर्जित करिहीं। मसीह ईसू क बरे बिसवासे मँ जरूरइ ओनकइ आस्था होई।</verse>
				<verse number="14">मइँ इ आसा क साथे तोहे इ बातन क लिखत हउँ कि जल्दी ही तोहरे लगे आउबइ।</verse>
				<verse number="15">अगर मोका आवइ मँ समइ लग जाइ तउ तोहे सबन क पता रहइ कि परमेस्सर क परिवारे मँ, जउन सजीव परमेस्सर क कलीसिया बा, कउनो क आपन व्यवहार कइसे रखइ चाही। कलीसिया तउ सब क जड़ अउर आधार स्तम्भ अहइ।</verse>
				<verse number="16">बिना संदेह क हमरे भक्ति का रहस्य महान बाटइः उ नर-देह धरे परगट भवा आतिमा द्वारा धर्मी प्रमाणित भवा देखेन ओका सरगदूतन हुआ प्रचारित उ राष्ट्रन मँ, जग तउ ओहपइ बिसवास किहेस, अउर उठावा गवा ओका महिमा मँ उप्पर।</verse>
			</chapter>
			<chapter number="4">
				<verse number="1">पवित्तर आतिमा तउ स्पस्ट रूपे स कहत बाटइ कि आगे चलिके कछू लोग सच्चे बिसवास (उपदेस) पइ बिसवास न करिहीं अउर भटकावइवालन झूठन नबियन अउर दुस्ट आतिमन कि सिच्छा पर धियान देइ लगिहीं जउन झूठ बोलिहीं अउर धोखा देत रइहीं।</verse>
				<verse number="2">ओन झूठन पाखण्डी लोगन क कारण अइसे मनइयन होइहीं जे सच अउर झूठ क विवेक न कइ सकिहीं अउर इ जेनकइ मन माना तपत लोहे स दाग दीन्ह गवा होइ।</verse>
				<verse number="3">उ पचे बियाह क निसेध करिहीं। कछू चीज खाई क मना करिहीं जेका परमेस्सर क बिसवासियन अउर जउन सच क पहिचानत हीं, ओनके बरे धन्यबाद दइके ग्रहण कइ लेइके बनावा गवा बा।</verse>
				<verse number="4">काहेकि परमेस्सर क रची सब चीज अच्छी बा अउर कउनउ चीज तियागइ जोग्ग नाहीं बा बसर्ते ओका धन्यबाद क साथे ग्रहण कीन्ह जाइ।</verse>
				<verse number="5">काहेकि उ परमेस्सर क बचन अउर पराथना स पवित्तर होइ जात ह।</verse>
				<verse number="6">अगर तू भाइयन क इन बातन धियान दियावत रहब्या तउ मसीह ईसू क अइसेन अच्छा सेवक ठहरब्या जेकर पालन-पोसण, बिसवासे क द्वारा अउर ओन्हीं सिच्छा क द्वारा होत ह जेका तू ग्रहण किहे अहा।</verse>
				<verse number="7">मनइयन क स्रद्धा विहीन कल्पित सबइ कथा स दूर रहा अउर परमेस्सर क सेवा क बरे अपने क साधना मँ लगाए रखा।</verse>
				<verse number="8">काहेकि सारीरिक साधना स तउ केवल तनिक ही लाभ होत ह जबकि परमेस्सर क सेवा सब कइँती स मूल्यवान बा काहेकि एहमाँ आज क समइ अउर आवइवाला जीवन क बरे दीन्ह गवा आसीर्वाद समावा बाटइ।</verse>
				<verse number="9">एइ कहावत पूर रूप स सच अहइ। अउर इ पूरी तरह ग्रहण करइ जोग्ग अहइ।</verse>
				<verse number="10">अउर हम सबहिं इही बरे कठिन मेहनत करत जूझत रहित ह। हम आपन आसा सबके विसेस कर बिसवासियन क, उद्धारकर्ता सजीव परमेस्सर पइ टिकाइ दीन्ह ह।</verse>
				<verse number="11">एनही बातन क हुकुम अउर उपदेस द्या।</verse>
				<verse number="12">तू अबहिं जवान अहा। इही स कउनउ तोहे निम्न न समझइ। बल्कि तू आपन बातचीत, चाल चलन, पिरेम-प्रकास, अपने बिसवास अउर पवित्तर जीवन स बिसवाससियन क बरे एक उदाहरण बनि जा।</verse>
				<verse number="13">जब तक मइँ आई तू पवित्तर सास्तरन क सार्वजनिक पाठ करा, उपदेस अउर सिच्छा देई मँ अपने आप क लगाए रखा।</verse>
				<verse number="14">तोहका जउन बरदान मिला बा, तू ओकर उपयोग कइके इ तोहे नबियन क भविस्सबाणी क परिणाम सरूप बुजुर्गन क द्वारा तोहपइ हाथ रखि दीन्ह गवा बा।</verse>
				<verse number="15">इन बातन क कारण पइ पूरा धियान लगाए रखा। एन्ही मँ स्थित रहा ताकि तोहार प्रगति सब लोगन क सामने परगट होइ।</verse>
				<verse number="16">अपने जीवन अउर उपदेस क विसेस धियान रखा। ओनही पर टिका रहा काहेकि ओन पइ चलइ अउर सही रूप स पालन करइ मँ विसेस बल दा। अइसेन आचरण करत रहे स तू खुद अपने आपइ क अउर अपने सुनइवालन क उद्धार करब्या।</verse>
			</chapter>
			<chapter number="5">
				<verse number="1">कउनउ बड़ी आयु क मनई क साथे कठोरता स न बोला, बल्कि ओनहे बापे क रूप मँ देखत ओनके बरे विनम्र रहा। सलाह देत समइ अपन्ने स छोटन क साथे भाइयन जइसा बर्ताव करा।</verse>
				<verse number="2">बड़ी स्त्रियन क महतारी समझा अउर जवान स्त्रियन क आपन बहिन समझिके सब पवित्रतन क साथे बर्ताव करा।</verse>
				<verse number="3">ओन्हन विधवन क विसेस धियान रखा जउन वास्तव मँ अकेले अहइँ।</verse>
				<verse number="4">मुला अगर कउनउ विधवा के बेटवा-बिटिया अउर नाती पोता अहइँ तउ ओन्हे सबसे पहिले अपने धरम पर चलत चलत अपने परिवार क देखभाल करइ सीखइ चाही। ओनका चाही कि ओ पचे अपने महतारी-बापे क पालन पोसन क बदला चुकावइँ काहेकि एहसे परमेस्सर खुस होत ह।</verse>
				<verse number="5">उ विधवा जउन सही मँ विधवा बाटइ अउर जेकर धियान रखइवाला केउ नाहीं बाटइ अउर परमेस्सर तउ जेकर सबइ आसा क सहारा बा उ दिन रात बिनती अउर पराथना मँ लगी रहत हीं।</verse>
				<verse number="6">मुला उ विधवा जे बिसय भोग क दास होइ गइ अहइँ जीते जी मरे भएन क समान बाटिन।</verse>
				<verse number="7">इही बरे बिसवासी लोगन क इन बातन क (ओनके सहायता क) आदेस द्या ताकि कउनउ भी ओनकर आलोचना न कइ पावइ।</verse>
				<verse number="8">मुला अगर केउ आपन रिस्तेदारन, विसेसकर आपन पिरवार क सदस्यन क सहायता नाहीं करत, तउ उ बिसवास स फिन गवा बा अउर कउनो अबिसवासी से भी जियादा खराब बा।</verse>
				<verse number="9">ओन्हन विधवन क विसेस सूची मँ जउन आर्थिक सहायता लेत बाटिन ओनही विधवा क नाउँ लिखा जाइ जउन कम स कम साठ साल क होइ चुकी बाटिन अउर जउन पतिब्रता रही हईन।</verse>
				<verse number="10">अउर जउन बाल बच्चन क पालत करत, अतिथि सत्कार करत भए, परमेस्सर क लोगन क पाउँ धोवत भए दुखियन क सहायता करत-करत, अच्छा कामन क बरे समर्पित होइके सब तरह क अच्छा कामन क बरे जाना-मानी जात रहिन।</verse>
				<verse number="11">मुला सयानी-विधवन क एह सूची मँ सामिल न करा काहेकि मसीह क बरे ओनकर समर्पण पइ जब ओनकर बिसय वासना भरी इच्छा हावी होत ह तउ उ फिन बियाह करइ चाहत ह।</verse>
				<verse number="12">उ सबइ अपराधिन हइन काहेकि ओन्हन आपन मूलभूत प्रतिज्ञा क तोड़े हइन।</verse>
				<verse number="13">एकरे अलावा ओनका आलस क आदत पड़ि जात ह। उ सबइ एक घरे स दुसरे घरे घूमत फिरत हीं अउर उ सबइ न केवल आलसी होइ जात हीं, बल्कि उ बातूनी लोगन क कामन मँ टाँग अड़ावइ लागत हीं अउर अइसेन बात बोलइ लागत हीं जइसे ओंहे न बोलइ चाही।</verse>
				<verse number="14">इही बरे मइँ चाहत हउँ कि जवान-विधवन बियाह कइ लेइँ अउर औलाद क पइदा करत भए अपने घर बारे के देखभल करइँ ताकि हमरे दुस्मनन क हम पर कटाच्छ करइ क कउनउ अवसर न मिलि पावइ।</verse>
				<verse number="15">मइँ इ बरे बतावत हउँ कि कछू जवान विधवन क सइतान द्वारा पहिलेन स ही बहकाई गइ रहिन।</verse>
				<verse number="16">अगर कउनो बिसवासी स्त्री क घरे मँ विधवा हइन तउ ओन्हे ओकर सहायता खुद करइ चाही। अउर कलीसिया प कउनउ भार न डावइ चाहि ताकि कलीसिया सच्ची विधवन क सहायता कइ सकइ।</verse>
				<verse number="17">जउन निरीच्छक कलीसिया क अच्छी अगुआइ करत हीं ओनका दुगना सम्मान क पात्र होइ चाही। विसेस कर उ पचे जेनकर काम उपदेस देब अउर पढ़ाउब बा।</verse>
				<verse number="18">काहेकि पवित्तर सास्तर मँ कहा गवा बा, “बरधा जब खरिहाने मँ होइ तउ ओकर मुँह न बाँधा।” अउर “मजदूर क आपन मजदूरी पावइ क अधिकार बा।”</verse>
				<verse number="19">कउनो निरीच्छन पइ लगावा गवा कउनउ लांछन क तब तक स्वीकार न करा जब तलक दुई य तीन साच्छी न होइँ।</verse>
				<verse number="20">जउन हमेसा पापे मँ लगा रहत हीं ओनका सबके सामने डाटा-फटकारा ताकि बाकि लोग डेराइँ।</verse>
				<verse number="21">परमेस्सर, ईसू मसीह अउर चुना भवा सरगदूतन क सामने हम सचाई क साथे आदेस देत हई कि तू बिना कउनो पूर्वाग्रह क इन बातन क पालन करा। पच्छपात क साथे कउनउ काम न करा।</verse>
				<verse number="22">बिना विचारे केउ क कलीसिया क मुखिया बनवइ क बरे ओह प जल्दी मँ हाथ न रखा। केउ क पापन मँ भागीदारी न बना। अपने क हमेसा पवित्तर रखा।</verse>
				<verse number="23">तीमुथियुस, केवल पानी ही न पिअत रहअ। बल्कि अपने हाजमा अउर बार बार बीमार पड़इ स बचइ क बरे तनिक दाखरास भी लइ लिहा करा।</verse>
				<verse number="24">कछू लोगन क पापन सही रूप स परगट होइ जात हीं अउर निआव क बरे पेस-कई दीन्ह जात ह मुला दुसरे लोगन क पापन बाद मँ परगट होत हीं।</verse>
				<verse number="25">इही तरह अच्छा काम भी सही रूप स परगट होइ जात ह मुला जउन परगट नाहीं होतेन तउ उ पचे भी छुपा नाहीं रह सकतेन।</verse>
			</chapter>
			<chapter number="6">
				<verse number="1">जउन लोग अंधबिसवासी क जुए क नीचे क दास बना अहइँ, ओन्हे अपने स्वामियन क सम्मान क जोग्ग समझइ चाही ताकि परमेस्सर क नाउँ अउर हमरे उपदेसन क निन्दा न होइ।</verse>
				<verse number="2">अउर अइसेन दासन के भी जेनकर स्वामी बिसवासी हयेन, बस इही बरे कि उ पचे ओनकर धरमभाई अहइँ, ओनके बरे कम सम्मान न देखॉवइ चाही, बल्कि ओनका तउ अपने स्वामियन क अउर अधिक सेवा करइ चाही काहेकि जेनका एकर लाभ मिलत बा, उ पचे बिसवासी अहइँ, जेनसे उ पचे पिरेम करत हीं। इन बातन क सिखावत रहा अउर एनकर प्रचार करत रहा।</verse>
				<verse number="3">अगर केउ एनमाँ स अलग बात सिखावत ह अउर हमारा पर्भू ईसू मसीह क ओन्हन सदबचनन क नाहीं मानत ह अउर परमेस्सर क सही तरीके स सेवा करे की सिच्छा स सहमत नाहीं होत ह</verse>
				<verse number="4">तउ उ अहंकार मँ फूला बा अउर कुछ भी नाहीं जानत ह। उ तउ कुतर्क करइ अउर सब्दन क लेइके झगड़इ क रोग स घिरा बाटइ। इन बातन स त ईर्सा, बैर, निन्दा-भाव अउर गाली-गलौज</verse>
				<verse number="5">अउर ओन लोगन क बीच जेकर बुद्धि बिगड़ गइ बा, कबहुँ न खत्म होइवाला मतभेद पैदा होत ह अउर भ्रष्ट दिमाग क अहइ, जउन सत्य क खोइ चुका अहइ। अइसेन लोगन क बिचार बा कि परमेस्सर क सेवा धन कमाइ क ही एक साधन अहइ।</verse>
				<verse number="6">निस्चय ही परमेस्सर क सेवा-भक्ति स ही आदमी बहुत सम्पन्न बनत ह। पर ई ओन्हीं क बरे सत्य बा जउन ओसे संतुस्ट होइ जात ह, जउन ओका मिलत ह।</verse>
				<verse number="7">काहेकि हम संसारे मँ न तउ कछू लइके आइ रहे अउर न ही इहाँ स कछु लइके जाइ पाउब।</verse>
				<verse number="8">तउन अगर हमरे लगे रोटी अउर कपड़ा बा त हम उही मँ सन्तुस्ट हई।</verse>
				<verse number="9">मुला जउन धनवान बनइ चाहत हीं, जे प्रलोभन मँ पड़िके जाल मँ फँसि जात हीं ओनका अइसेन ढेर मूर्खपना अउर बिनास करइवाली इच्छन घेरि लेत हीं जउन ओनकर पतन अउर बिनास होय जात ह।</verse>
				<verse number="10">काहेकि धन क पिरेम सब तरह क बुराइ क जनम देत ह। कछू लोग आपन इच्छन क कारण ही बिसवास स भटकि गवा हयेन अउर अपने क पीड़ित कइके कस्टमय समस्याआ का झेलत बाटेन।</verse>
				<verse number="11">मुला हे परमेस्सर क लोग, तू इन बातन स दूर रहा अउर नेकी, परमेस्सर क सेवा, बिसवास, पिरेम धीरझ, अउर सज्जनता मँ लगा रहा।</verse>
				<verse number="12">हमार बिसवास जउन उत्तिम स्पर्धा क अपेच्छा करत ह, तू उही क बरे संघर्ष करत रहा अउर अपने बरे अनन्त जीवन क अर्जित कइ ल्या। तोहका उही क बरे बोलावा गवा अहा। तू बहुत स लोगन क सामने उस परम सत्य का (ईसू मसीह का) बहुत अच्छे तरह स अंगीकार किहे अहा।</verse>
				<verse number="13">परमेस्सर क सामने, जउन सब क जीवन देत ह अउर ईसू मसीह क सामने जे पुन्तियुस पिलातुस क सामने बहुत अच्छी साच्छी दिहे रहा, मइँ तोहका इ हुकुम देत हउँ कि</verse>
				<verse number="14">जब तलक हमार पर्भू ईसू मसीह परगट होत ह, जब तलक तोहे जउन हुकुम दीन्ह गवा बा, तू उही पर बिना कउनउ कबहुँ छोड़े निर्दोस भाव स चलत रहा।</verse>
				<verse number="15">उ ओह पइ धन्य, एक छत्र, राजा लोगन क राजा अउर सम्राटन क पर्भू क उचित समइ आए पइ घटित करी।</verse>
				<verse number="16">उ अगम प्रकास क निवासी अहइ। ओका न केउ देखे बा, न केउ देखि सकत ह। ओकर सम्मान अउर ओकर अनन्त सक्ति क बिस्तार होत रहइ। आमीन।</verse>
				<verse number="17">वर्तमान युग क चीजन क कारण जउन लोग अमीर बने भए अहइँ, ओन्हे आज्ञा द्या कि उ पचे अभिमान न करइँ। अउर ओह धने स जउन जल्दी चला आई कउनउ आसा न रखइँ। परमेस्सर पर ही आपन आसा टिकावइँ जउन हमका हमार आनन्द क बरे सब कछू भरपूर देत ह।</verse>
				<verse number="18">ओनका आज्ञा देइँ कि उ पचे अच्छा अच्छा काम करइँ। अच्छा कामन स ही धनी बनइँ। उदार रहइँ अउर दूसरन क साथे आपन चीजे बाँटइँ।</verse>
				<verse number="19">अइसेन करई स ही उ पचे एक सरगे क खजाना क संयच करिहीं जउन भविस्य क बरे मजबूत नींव सिद्ध होई। इहीं स उ सच्चा जीवन क थामे रइहीं।</verse>
				<verse number="20">तीमुथियुस! तोहे जउन सँउपा गवा बा, तू ओकर रच्छा करा। बेकार क संसारी बातन स बचा रहा। अउर जउन “झूठा गियान” स सम्बन्धित बेकार क विरोधी बिसवासी हयेन, ओनसे दूर रहा काहेकि</verse>
				<verse number="21">कछू लोग यह दावा करत हीं कि वे इसे “गियान” क जानत अहा, पर उ वास्तव मँ बिसवासे स दूर चला जात हीं। परमेस्सर क अनुग्रह तोहरे साथे रहई।</verse>
			</chapter>
		</book>
		<book number="55">
			<chapter number="1">
				<verse number="1">पौलुस कइँती स जउन परमेस्सर क इच्छा स ईसू मसीह क प्रेरित अहइ। अउर जेका मसीह ईसू मँ जीवन पावइ क प्रतिज्ञा क प्रचार करइ के बरे भेजा गवा बा।</verse>
				<verse number="2">पियारा बेटवा तीमुथियुस क नाउँ: परमपिता अउर हमरे पर्भू मसीह ईसू कइँती स तोहे अनुग्रह दया अउर सान्ति मिलइ।</verse>
				<verse number="3">रात दिन आपन पराथनन मँ हमेसा तोहार याद करत भवा, मइँ ओह परमेस्सर क धन्यबाद करत हउँ, अउर ओकर सेवा अपने पूर्वजन क रीति क अनुसार सुद्ध मने स करत हउँ।</verse>
				<verse number="4">मोरे बरे तू जउन आँसू बहाए अहा, ओकर याद कइके मइँ तोहसे मिलइ क आतुर हउँ, ताकि आनन्द स भर उठउँ!</verse>
				<verse number="5">मोका तोहार उ सच्चा बिसवास भी याद बा जउन पहिले तोहार नानी लोइस अउर तोहर महतारी यूनीके मँ रहा। मोका भरोसा बा कि उहइ बिसवास तोहरे भी मँ बा।</verse>
				<verse number="6">इही बरे मइँ तोहे याद देवावत हउँ कि परमेस्सर क भेट क ओह जुवाला क जलाइ राखा जउन तोहे सब क मिली रही जब तोह प मइँ आपन हाथ रखे रहेउँ।</verse>
				<verse number="7">काहेकि परमेस्सर तउ हमका जउन आतिमा दिहे बाटइ, उ हमका कायर नाहीं बनवत बल्कि हमका सक्ती, पिरेम, अउर आतमसंयम स भरि देत ह।</verse>
				<verse number="8">इही बरे तू हमरे पर्भू या मोर, जउन ओनके बरे बन्दी बना भवा बा, साच्छी देइ स लजा जिन। बल्कि तोहका परमेस्सर जउन सक्ति बाटइ, ओसे परमेस्सर क सक्ती दुआरा जातना झेलइ मँ मोर साथ द्या।</verse>
				<verse number="9">उहइ हमका रच्छा किहेस अउर पवित्तर जीवन क बरे हमका बोलाए अहइ-हमार आपन ओह कीन्ह कर्मन क आधार प नाहीं, बल्कि ओकरे आपन ओह प्रयोजन अउर अनुग्रह क अनुसार जउन परमेस्सर द्वारा मसीह ईसू मँ हमका पहिले ही अनादीकाल स सऊँप दीन्ह गवा बा।</verse>
				<verse number="10">परन्तु अब हमार बचावइवाले ईसू मसीह क परगट होइ क साथे-साथे हमरे बरे प्रकासित कीन्ह गवा बा। उ मउत क अन्त कइ दिहेस अउर जीवन अउर अमरता क सुसमाचार क द्वारा प्रकासित किहे बाटइ।</verse>
				<verse number="11">इही सुसमाचार क फइलावइ क बरे मोका एक प्रचारक, प्रेरित अउर सिच्छक क रूप मँ नियुक्त कीन्ह गवा बा।</verse>
				<verse number="12">अउर इहइ कारण अहइ जेहसे मइँ एन बातन क दुख उठावत अहउँ। अउर फिन भी लज्जित नाहीं हउँ काहेकि जेह प मइँ बिसवास किहे हउँ, मइँ ओका जानत हउँ अउर मइँ इ मानत हउँ कि उ मोका जउन सँऊपे अहइ, उ ओकर रच्छा करइ मँ समर्थ बाटइ जब तलक उ दिन आवइ,</verse>
				<verse number="13">ओह अच्छी सिच्छा क जेका तू मोसे सुने अहा, ओका बिसवास अउर पिरेम मँ, जो मसीह ईसू मँ अहइ ओकर आपन आदर्स सिच्छा बनाए रहा।</verse>
				<verse number="14">हमरे भीतर निवास करइवाली पवित्तर आतिमा क द्वारा तू उ सत्य की रच्छा करा, जउन तोहका सँउप गवा बा।</verse>
				<verse number="15">जइसेन कि तू जानत ह कि उ सभन जउन एसिया मँ रहत हीं, मोका छोड़ ग रहेन। फुगिलुस अउर हिरमुगिनेस ओनहीं मँ स अहइँ।</verse>
				<verse number="16">उनेसिफुरुस क परिवारे प पर्भू दया करइ। काहेकि उ कइयउ अवसरन प मोका सुख पहुँचाए रहा। अउर उ मोरे जेल मँ रहइ स सरमान नाहीं।</verse>
				<verse number="17">बल्कि उ तउ जब रोम आवा रहा, जब तलक मोसे मिल नाहीं लिहेस, जतन स मोका निरन्तर ढूँढ़त रहा।</verse>
				<verse number="18">पर्भू करइ ओका, ओह दिन पर्भू कइँती स दया मिलइ, ओ इफिसुस मँ मोरी तरह-तरह स जउन सेवा किहेस ह कउनो तरह स उ सेवा किहेस ओका तू अच्छी तरह स जानत अहा।</verse>
			</chapter>
			<chapter number="2">
				<verse number="1">जहाँ तक तोहर बात बा, मोर बेटवा! मसीह ईसू मँ मिलइ वाली अनुग्रह स मजबूत होइ जा,</verse>
				<verse number="2">बहुत स लोगन क साच्छी मँ मोसे तू जउन कछु सुने अहा, ओका ओन बिसवास करइ जोग्ग मनइयन क सऊँप द्या जउन दुसरेउ केउ क भी सिच्छा देई मँ समर्थ होइ।</verse>
				<verse number="3">जउन यातना सबइ आवइँ ओनका मिलकर सामना करा। जातना झेलई मँ मसीह ईसू क एक अच्छा सैनिक क समान सेवा करत रहा।</verse>
				<verse number="4">अइसे सबहिं जउन सैनिक क समान सेवा करत हीं अपने आप क साधारण जीवन क जंजाल मँ नाहीं फँसउतेन काहेकि उ अपने सासक अधिकरियन क खुस करई क बरे कोसिस करत रहत हीं।</verse>
				<verse number="5">अउर अइसेनइ अगर केउ कीहीउ दउड़इ वाली प्रतियोगितन मँ हींसा लेत ह अउर नियमन क नमाइन, तउ ओका विजय क मुकुट ओह समइ तलक नाहीं मिलत, जब तलक कि उ नियमन क पालन करत करत प्रतियोगितन मँ भाग नाहीं लेत।</verse>
				<verse number="6">किसान जो मेहनत करत ह इ उपज क सबसे पहिला भाग पावइ क अधिकारी अहइ।</verse>
				<verse number="7">मइँ जउन बताइत हउँ: ओह प बिचार करा। पर्भू तोहे सब कछू समझइ क छमता प्रदान करी।</verse>
				<verse number="8">मसीह इसू क खियाल करत रहा जउन मरे हुअन मँ स फिन स जिन्दा होइ उठा ह अउर जउन दाऊद क बंसज अहइ। इहइ ओह सुसमाचार क सार अहइ जेकर मइँ उपदेस देत हउँ</verse>
				<verse number="9">इही बरे मइँ जातना झेलत अहउँ। इहाँ तलक कि एक अपराधी क नाई मोका जंजीरन स जकड़ दीन्ह गवा बा। परन्तु परमेस्सर क बचन तउ बन्धन रहित बा।</verse>
				<verse number="10">इही कारण परमेस्सर क चुना गवा लोगन के बरे मइँ हर दुख उठावत रहत हउँ ताकि उ पचे भी ईसू मसीह मँ मिलइ वाली महिमामयी अउर अनन्त उद्धार क साथे मिलि सकइँ।</verse>
				<verse number="11">इ बचन बिसवासे क जोग्ग अहइ किः अगर हम ओकरे साथे मरा हई, तउ उही क साथे जिउब,</verse>
				<verse number="12">अगर हम दुख स्वीकार करत अही। त ओकरे साथे सासन भी करब। अगर हम ओका छोड़ तजबइ, तउ तजि देइ उहउ हमका,</verse>
				<verse number="13">हम चाहे बिसवास हीन होइ, प उ बिसवासी हमेसा-हमेसा बिसवास योग्य बना रही काहेकि नाहीं होइ सकत उ आतिमा निसेधी मिथ्यवादी, अपनेन ही बरे।</verse>
				<verse number="14">लोगन क इन बातन क धियान देवावत रहा अउर परमेस्सर क साच्छी कइके ओन्हे सावधान करत रहा कि उ सब्दन क लइक लड़ाई झगड़ा न करा। अइसेन लड़ाई-झगड़ा स कउनउ लाभ नाहीं होत, बल्कि एनका जे सुनत हीं, उहउ का नस्ट कर देत ह।</verse>
				<verse number="15">अपने आप क परमेस्सर द्वारा ग्रहण करइ जोग्ग बनाइके एक अइसे सेवक क रूप मँ पेस करइ क यत्न करत रहा जेहसे कउनउ बात क बरे सरमाई क जरूरत न होइ। अउर जउन परमेस्सर क सत्य बचन क सही ढंग स उपयोग करत ह।</verse>
				<verse number="16">अउर अधार्मिक अउर अर्थहीन बातन स बचा रहत ह काहेकि इ बात लोगन क परमेस्सर स बहुत दूर लइ जात ह।</verse>
				<verse number="17">अइसेन लोगन क सिच्छा नासूर क तरह फइले। हुमिनयुस अउर फिलेतुस अइसेन ही अहइँ।</verse>
				<verse number="18">जउन सच्ची सिच्छा स भटकि गवा हयेन। ओनकर कहब बा कि पुरूत्थान अब तलक होइ चुका बा। इ सबइ कछू लोगन क बिसवास क खराब करत हयेन।</verse>
				<verse number="19">कछू भी होइ परमेस्सर तउ जेह केतॅना ही मजबूत नींव क डाए अहइ, उ मजबूती क साथे खड़ी बा। ओह प अंकित बा, “पर्भू अपने भक्तन क जानत ह” अउर “उ हर एक, जउन कहत ह कि उ पर्भू क अहइ ओका दुस्टता स बचा रहइ चाही।”</verse>
				<verse number="20">एक बड़ाके घरे मँ बस सोना-चाँदी क ही बर्तन त नाहीं होत हीं, ओहमाँ लकड़ी अउर मिट्टी क बरतन भी होत हीं। कछू विसेस उपयोग क बरे होत हीं अउर कछू साधारण उपयोग क बरे।</verse>
				<verse number="21">इही बरे अगर आदमी अपने आपके बुराइयन स साफ कइ लेत ह तउ उ विसेस उपयोग क बनी ह। अउर फिन पवित्तर बनिके अपने सुवामी क बरे उपयोगी सिद्ध होई। अउर कउनउ अच्छा कामे क बरे तइयार रही।</verse>
				<verse number="22">जवानी क बुरी इच्छन स दूर रहा, धार्मिक जीवन, बिसवास, पिरेम अउर सान्ति क बरे ओन्हन सब क साथे जउन सुद्ध मने स पर्भू प बिसवास करत हीं, पुकारत हीं, कोसिस करत रहा।</verse>
				<verse number="23">मूर्खता स भरा, बेकार क तर्क बितर्क स हमेसा बचा रहा। काहेकि तू जानत ह कि एनसे लड़ाई-झगड़ा पैदा होत ह।</verse>
				<verse number="24">अउर पर्भू क सेवक क तउ झगड़इ न चाही। ओका तउ सब प द्या करइ चाही ओका सिच्छा देइ मँ जोग्ग होइ चाही। ओका सहनसील होइ चाही।</verse>
				<verse number="25">ओका अपने विरोधियन क भी विनम्रता क साथे समझइ चाही और परमेस्सर ओनका हिरदइ बदल देइ ताकि ओनका सत्य क गियान होइ जाइ</verse>
				<verse number="26">अउर उ सचेत होइ क सइतान क ओह फन्दा स बचि नकरइँ जेहमाँ सइतान ओनका जकड़ी रखे बाटइ ताकि उ पचे परमेस्सर क इच्छा क अनुसरण कइ सकइँ।</verse>
			</chapter>
			<chapter number="3">
				<verse number="1">याद रखअ अन्तिम दिना मँ हम पे बहुत खराब खराब समइ आइ।</verse>
				<verse number="2">लोग अपसब्द निकारिहीं, महतारी-बाप क अवहेलना करइवाला, निर्दय, अपवित्तर,</verse>
				<verse number="3">पिरेम रहित, छमा-हीन, निन्दक, असंयमी, बर्बर, जउन कछू अच्छा बा ओकर विरोधी,</verse>
				<verse number="4">बिसवासघाती, अविवेकी, अहंकारी अउर परमेस्सर पिरेमी होइ क अपेक्षा सुखवादी होइ जइहीं।</verse>
				<verse number="5">उ धरम क देखावटी रूप क पालन तउ करिहीं परन्तु ओनके भित्तर सक्ती क नकार देइहीं। ओनसे हमेसा दूर रहा।</verse>
				<verse number="6">काहेकि एनमे स कछू अइसेन हयेन जउन घरे मँ घुस पइठि कइके पापी, दुर्बल इच्छा सक्ती क पापसे भरा हर तरह क इच्छन स चलायमान स्त्रियन क वस मँ कइ लेत हीं।</verse>
				<verse number="7">इ सबइ स्त्रियन सीखइ क जतन तउ हमेसा करत रहत हीं, परन्तु सत्य क सभन गियान तलक उ कभउँ नाहीं पहुँच पउतिन।</verse>
				<verse number="8">यन्नेस अउर यम्ब्रेन्स तउ जइसेन मूसा क विरोध किहे रहेन, वइसेन ही इ लोग सच क विरोधी अहइँ। इ लोगन क बुद्धि भ्रस्ट बा अउर बिसवास क अनुसरण करइ मँ ये असफल हयेन।</verse>
				<verse number="9">परन्तु ये अउर जियादा आगे नाहीं बढ़ पइहीं काहेकि जइसे यन्नेस अउर यम्ब्रेन्स क मूर्खता परगट होइ गइ वइसे ही एनकइ मूर्खता भी परगट होइ जाई।</verse>
				<verse number="10">परन्तु, कछू भी होइ मोर सिच्छा क पालन किहे अहा। मोर जीवन की राह, मोरे जीवन क उद्देस, मोर अटल बिसवास, मोर सहनसीलता, मोर पिरेम, मोर धीरज</verse>
				<verse number="11">मोर ओन्हन सबइ यातना अउर सबइ पीड़ा मँ मोर साथ दिहे अहा तू तउ जनबई करत ह कि अन्ताकिया, इकुनियुम अउर लुस्त्रा मँ मोक केतॅना भयानक यातना दीन्ह गइ रही जेका मइँ सहे रहेउँ। परन्तु पर्भू त ओ सबसे मोर रच्छा किहेस।</verse>
				<verse number="12">उ समइ परमेस्सर क इच्छा क अनुसार जउन जिअइ चाहत हीं, सतावा ही जइहीं।</verse>
				<verse number="13">परन्तु पापी अउर ठगन दुसरन क छलत भए अउर खुद छला जात भए खराब स खराब होत चला जइहीं।</verse>
				<verse number="14">परन्तु तू जउने बातन क सीख्या ह अउर मान्या ह, ओन्हे करत जा। तू जानत ह कि ओह पर बिसवास कइ सकत ह जेनसे इ बातन क तू सीखे रह्या।</verse>
				<verse number="15">अउर तोहका पता बा कि तू बचपन स ही पवित्तर सास्तरन क भी जानत अहा। उ पचे तोहका ओह विवेक क दइ सकत हीं जेका मसीह ईसू बिसवास क द्वारा छुटकारा मिलि सकत ह।</verse>
				<verse number="16">हर एक्क पवित्तर सास्तर परमेस्सर क प्रेरणा स रचा गवा बा। उ लोगन क उचित जीवन का संदेस देत ह। उ लोग क सत्य क सिच्छा देइ ओनका सुधारइ ओन्हे ओनकर बुराइयन दर्सावइ अउर पवित्तर तथा सुद्ध जीवन क प्रसिच्छन मँ उपयोगी बा।</verse>
				<verse number="17">जउन परमेस्सर क सेवा सारस्तरन क प्रयोग कइ क करत ह सब तरह क अच्छा कामन क करइ बरे तइयार रहब अउर हरेक नीक काम क करइ बरे जरूरत क हर एक चीज ओकर लगे होइहीं।</verse>
			</chapter>
			<chapter number="4">
				<verse number="1">परमेस्सर क साछी कइके अउर मसीह ईसू क आपन साछी बनाइ क जउन सबहिं जिअत अउर जउन मरि चुका बाटेन, ओनकइ निआउ करइवाला अहइ, अउर काहेकि ओकर फिन स आगमन अउर ओकर राज्य लगे बा, मइँ तोहसे सपथ स हुकुम देत हउँ।</verse>
				<verse number="2">सुसमाचर क प्रचार लगातार करा। चाहे तू पचन क सुविधा होइ या असुविधा आपन कर्तव्य करत रहा। लोगन क का करइ चही, ओनक समझावा। जबहिं उ पचे बुरा काम करइँ ओनका समझावा लोगन क धीरज दइके समझावत भए ओनका प्रोत्साहित करइ चाही। यह सब धीरज और सावधानी स दी गइ सिच्छा द्वारा करा।</verse>
				<verse number="3">मइँ इ एह बरे बतावत हउँ कि एक समइ अइसा आई जब लोग अच्छा उपदेस क सुनब तक न चइहीं उ आपन इच्छन क कारण अपने बरे बहुत स गुरू एकठ्ठा कइ लेइहीं, जउन उहइ सुनइहीं जउन उ पचे सुनइ चाहत हीं।</verse>
				<verse number="4">उ पचे आपन कानन क सत्य स फेर लेइहीं अउर कल्पित सबइ कथा प धियान देइ लगिहीं।</verse>
				<verse number="5">परन्तु तू निस्चय स सब परिस्थितियन मँ संयमी रह्या, सबइ यातना झेला अउर सुसमाचर क प्रचार क काम करा। जउन सेवा तोहका सऊँपी गइ बा, ओका पूरा करा।</verse>
				<verse number="6">जहाँ तक मोर बात बा, मइँ तउ अब अर्घ क समान उँड़ेला जाइ पर हउँ। अउर मोर तउ एह जीवन स विदा लेइ क समइ भी आइ पहुँचा अहइ।</verse>
				<verse number="7">मइँ उत्तम स्पर्धा मँ लगा रहा हउँ। मइँ आपन दउड़-दउड़ चुका हउँ। मइँ बिसवास क रास्ता क रच्छा किहे हउँ।</verse>
				<verse number="8">अब विजय मुकुट मोर प्रतिच्छा मँ बा। जउन अच्छे जीवन क बरे मिलइ क बा। ओह दिना निआउ कर्ता पर्भू मोका विजय मुकुट पहिराई। न केवल मोका, बल्कि ओन्हन सभन क जउन पिरेम क साथे ओकरे परगट होइ क बाट जोहत रहत हीं।</verse>
				<verse number="9">मोसे जेतॅना जल्दी होइ सकइ, मिलइ आवइ क पूरी जतन करा।</verse>
				<verse number="10">काहेकि एह जगत क मोह मँ पड़िके देमास तउ मोका तियाग दिहे अहइ अउर उ थिस्सलुनीके चला गवा बा। क्रेसकेंस गलातिया क अउर तीतुस दलमतिया क चला गवा बा</verse>
				<verse number="11">केवल लूका ही मोरे लगे बा। मरकुस क लगे जाब अउर जब तू आवा, ओका अपने हाथे लइ आवा काहेकि मोर काम मँ उ मोरे बहुत सहायक क होइ सकत ह।</verse>
				<verse number="12">तुखिकुस को मई इफिसुस भेजत अहउँ।</verse>
				<verse number="13">जब तू आवा, तउ ओका कोट के, जेका मइँ त्रोआस मँ करपुस क घरे छोड़ि आइ रहेउँ, लइ आवा। मोर कितबियन, विसेस कर चमड़े क चिटिठ्न क लइ आवा।</verse>
				<verse number="14">ताम्रकार सिकन्दर तउ मोका बहुत हानि पहुँचाए अहइ। उ जइसेन किहे अहइ, पर्भू ओकरे करमन क अनुसार ओका वइसेन फल देई,</verse>
				<verse number="15">तूहऊँ ओसे सचेत रहा काहेकि उ मोर उपदेस क घोर विरोध करत रहा बाटइ।</verse>
				<verse number="16">सुरू मँ जब मइँ आपन बचाव पेस करइ लागउँ तउ मोर पच्छ मँ कउनो सामने नाहीं आवा। बल्कि ओन्हन तउ मोका अकेलइ छोड़ि दिहे रहेन। परमेस्सर करई ओन्हे एकर हिसाब न देइ पड़इ।</verse>
				<verse number="17">मोरे पच्छ मँ त पर्भू खड़ा होइके मोका सक्ती दिहेस। त्ताकि मोरे द्वारा सुसमाचार क भरपूर प्रचार होइ सकइ, जेका सभन गैर यहूदियन सुनि पावइँ। सिंह क मुँह स मोका बचाइ लीन्ह गवा बा।</verse>
				<verse number="18">कीहींउ पाप क भारी हमला स पर्भू मोका बचाई अउर अपने सरग क राज्य मँ सुरच्छा स लइ जाई। ओकर महिमा हमेसा हमेसा होत रहइ। आमीन।</verse>
				<verse number="19">प्रिस्का, अक्किला अउर उनेसिफुरूस क परिवार क नमस्कार कहया।</verse>
				<verse number="20">इरास्तुस कुरिन्थुस मँ ठहर गवा बा। मइँ त्रुफिमुस क ओकरी बीमारी क कारण मीलेतुस मँ छोड़ दिहे अहउँ।</verse>
				<verse number="21">जाड़ा स पहिले आवइ क जतन करा। यूबुलुस, पुदेंस, लिनुस अउर क्लौदिया अउर सभन भाइयन क तोहे नमस्कार पहुँचइ।</verse>
				<verse number="22">पर्भू तोहरे साथे रहइ। तू सब प पर्भू क अनुग्रह होई।</verse>
			</chapter>
		</book>
		<book number="56">
			<chapter number="1">
				<verse number="1">पौलुस कइँती स जेका परमेस्सर क चुना भआ प्रेरित लोगन क ओनका बिसवास मँ सहायता देइ क बरे अउर हमरे धरम क सच्चाई क पूरा गियान क रहनुमाई क बरे भेजा गवा बा, इ सब, लोगन क परमेस्सर की सेवा क मार्ग बताइ।</verse>
				<verse number="2">उ मइँ अइसेन एह बरे करत हुँ कि परमेस्सर क चुने हुअन क अनन्त जीवन क आस बाँधइ। परमेस्सर, जउन कभउँ झूठ नाहीं बोलत, अनादि काल स अनन्त जीवन क बचन दिहे अहइ।</verse>
				<verse number="3">उचिते समइ पइ परमेस्सर अपने सुसमाचार क संसार क जानकारी बरे परगट किहेस। उहइ संदेस हमार उद्धारकर्ता परमेस्सर क आज्ञा स मोका सउँपा गवा बा।</verse>
				<verse number="4">हमार समान बिसवास मँ मोर सच्चा बेटवा तीतुस कः हमरे परमपिता परमेस्सर, अउर उद्धारकर्ता मसीह ईसू कइँती स अनुग्रह अउर सान्ति मिलइ।</verse>
				<verse number="5">मइँ तोहे सबन क क्रीत मँ एह बरे छोड़ रेहउँ कि उहाँ कछू अधूरा रही गवा बा, तू ओका ठीकठाक कइ द्या अउर मोरे आदेस क अनुसार हर नगर मँ बुजुर्गन क नियुक्त करा</verse>
				<verse number="6">बुजुर्ग क नियुक्त तबहिं कीन्ह जाइ जब उ निर्दोस होइ। एक पत्नी ब्रती होइ। ओकर बचवन बिसवासी होइँ अउर अनुसासनहीनता क दोस ओनपर न लगावा जाइ सकइ। अउर उ पचे निरकुंस भी न होइँ।</verse>
				<verse number="7">निरीच्छक निर्दोस अउर कउनउ खराबी स अछूता होइ चाही। काहेकि जेका परमेस्सर क काम सऊँपा गवा बा, ओका अड़ियल, चिड़चिड़ा, बहुत जियादा मदिरा पियइवाला, झगड़ालू, नीच कमाई क लोलुप न होइ चाही।</verse>
				<verse number="8">बल्कि ओका तउ अतिथियन क आवभगत करइवाला, नेकी क चाहइवाला, विवेक स भरा धर्मी, भगत, अउर अपने प नियन्त्रण रखइवाला होइ चाही।</verse>
				<verse number="9">ओका ओह बिसवास करइ जोग्ग संदेसा क मजबूती स धारण किहे रहइ चाही जेकर ओका सिच्छा दीन्ह गइ अहइ, ताकि उ लोगन क सदसिच्छा दइके ओन्हे प्रबोधित कइ सकइ। अउर जउन एनकर विरोधी होइँ, ओनकर खण्डन कइ सकइ।</verse>
				<verse number="10">इ एह बरे इ बहुत जरूरी बा काहेकि उ सबइ बहुत अहइँ अउर उ पचे उपद्रवी होइके व्यर्थ क बात बनावत भए दुसरन क भटकावत हीं। मइँ विसेसरूप स गैर यहूदियन पृष्ठभूमि क लोगन क उल्लेख करत हउँ।</verse>
				<verse number="11">ओनकर तउ मुँह बन्द किन्ह देइ जाइ चाही। काहेकि उ पचे जउन बातन नाहीं सिखावइ क बाटिन, ओन्हे सिखावत भए घर बिगाड़त रहत हीं। खराब रस्तन धन कमाइ क बरे ही ओ अइसेन करत हीं।</verse>
				<verse number="12">एक क्रीत क नबियन त अपने लोगन क बारे मँ खुद कहे बाटइः “क्रीत क निवासी हमेसा झूठ बोलत हीं, उ पचे जंगली पसु अहइँ, उ सबइ आलसी बाटेन, पेटू अहइँ।”</verse>
				<verse number="13">इ कथन सही बा, इही बरे ओनका बलपूर्वक डाँटा-फटकारा ताकि उ सत्य बिसवास क अनुसरण कइ सकइ।</verse>
				<verse number="14">यहूदियन क पुरान कथनन अउर ओन्हन लोगन क हुकुमन पइ, जउन सत्य स भटकि गवा हयेन, कउनउ धियान न द्या।</verse>
				<verse number="15">पवित्तर लोगन क बरे सब कछू पवित्तर बाटइ, मुला जउन पापे स असुद्ध अहइँ अउर जेनमाँ बिसवास नाहीं बा, ओनके बरे कछू भी पवित्तर नाहीं बा। वरन ओनकर मन अउर विवेक दुइनो हीं असुद्ध अहइँ।</verse>
				<verse number="16">उ पचे परमेस्सर क जानइ क दावा करत हीं। मुला ओनकर करम दर्सावत हीं कि ओ पचे ओका जनबइ नाहीं करतेन। उ पचे घृणित अउर आज्ञा क उल्लंघन करइवाला अहइँ। अउर कउनउ अच्छा काम करइ काम क करइ मँ उ असमर्थ अहइँ।</verse>
			</chapter>
			<chapter number="2">
				<verse number="1">मुला तू हमेसा अइसेन बात बोला करा जउन सदसिच्छा क अनुकूल होइँ।</verse>
				<verse number="2">बूढ़े मनइयन क उपदेस द्या कि उ सालीन अउर अपने प नियन्त्रण रखइवाला बनइँ। उ पचे गंभीर, विवेकी, पिरेम अउर सत्य सिच्छा क अनुसरण करइवाला होइँ, अउर धीरज सहित सहनसील होइँ।</verse>
				<verse number="3">इही तरह बुढ़िया स्रियन क सिखावा कि उ पचे पवित्तर जनन क जोग्ग अच्छा व्यवहारवाली बनइँ। निन्दक न बनइँ अउर बहुत जियादा मदिरा पान क लत ओनका न होइ। उ अच्छी-अच्छी बातन सिखावइवाल बनइँ जेहि का उ पचे खुद पालन किए अहइँ।</verse>
				<verse number="4">ताकि युवतियन क अपने अपने बचवन अउर पतियन स पिरेम करइ क सीख देइ सकइँ।</verse>
				<verse number="5">जेहसे उ पचे संयमी, पवित्तर, अपने-अपने घरन क देखभाल करइवाली, दयालु, अपने पतियन की आज्ञा मानइवाली बनइँ। जेका परमेस्सर क बचन क निन्दा न होइ।</verse>
				<verse number="6">इही तरह जवानन क सिखावत रहा कि उ सबइ संयमी बनइँ।</verse>
				<verse number="7">तू अपने आप क अच्छे कामन का उदाहरण बनावा। तोहार उपदेस सुद्ध अउर गम्भीर होइ चाही।</verse>
				<verse number="8">अइसेन सद्वानी क प्रयोग करा, जेकर आलोचना न कीन्ह जाइ सकइ ताकि तोहार विरोधी लज्जित होइँ काहेकि ओनके लगे तोहरे विरोध मँ खराब कहइ क कछू नाहीं होइ।</verse>
				<verse number="9">दासन क सिखावा कि उ सब बात मँ अपने स्वामियन क आज्ञा क पालन करइँ। ओन्हें प्रसन्न करत रहइँ। उलट कर बात न बोलइँ।</verse>
				<verse number="10">चोरी चालाकी न करइँ। बल्कि सभन बिसवासनीयता क प्रदर्सन करइँ। ताकि हमार उद्धारकर्ता परमेस्सर क उपदेस क सब तरह स सोभा बढ़इ।</verse>
				<verse number="11">काहेकि परमेस्सर क अनुग्रह सब मनइयन क उद्धार करइ बरे परगट भवा बा।</verse>
				<verse number="12">एहसे हम सीख मिलत ह कि हम परमेस्सर विहीनता क न नकारी अउर संसारिक इच्छन क निसेध करत-करत अइसेन जीवन जिई। जउन विवेक स भरा नेक, भक्ति स भरपूर अउर पवित्तर होइ। आज क एह संसार मँ</verse>
				<verse number="13">आसा क ओह धन्य दिन क परिपूर्ण करइ क बाट जोहत रही। जब हमार परम परमेस्सर अउर उद्धारकर्ता ईसू मसीह क महिमा परगट होई।</verse>
				<verse number="14">उ हमरे बरे अपने आपेके दइ डाएस। ताकि उ सब तरह क दुस्टतन स हमका बचाइ सकी अउर आपन चुने भए लोगन क रूप मँ अपने बरे हमका सुद्ध कइ ले हमका, जउन अच्छा काम करइ क लालायित अहइ।</verse>
				<verse number="15">इन बातन क पूरे अधिकार क साथ कहत अउर समझावत रहा, उत्साहित करत रहा अउर विरोधियन क झिड़कत रहा। ताकि कोइ तोहार अनसुनी न कइ सकइ।</verse>
			</chapter>
			<chapter number="3">
				<verse number="1">लोगन क याद देवॉवत रहा कि उ पचे राजा लोग अउर अधिकरियन क अधिन रहइँ। ओनके आज्ञा क पालन करइँ। सब तरह क उत्तिम कामन क करइ क बरे तइयार रहइँ।</verse>
				<verse number="2">कीहीउ क निन्दा न करइँ। सान्ति-पिरेम क साथ सभी लोगन स मिलकर रहइँ। अउर सज्जन बनइँ। सब लोगन क साथे नरम व्यवहार करइँ।</verse>
				<verse number="3">इ मइँ एह बरे बतावत हउँ काहेकि हम हूँ, एक समइ रहा, जब मूर्ख रहे। आज्ञा क उल्लंघन करत रहे। भ्रम मँ पड़ा रहे। अउर सबइ वासना अउर सब तरह क सुख-भोग क दास बना रहे। हम स लोग घिना करत ही। अउर हम भी परस्पर एक दूसरन स दुस्टता अउर इर्सा करत रहेन। हम पचन स लोग घिना करत रहेन अउर हम पचे भी ओनसे घिना करत रहेन।</verse>
				<verse number="4">मुला जब हमार उद्धारकर्ता परमेस्सर क मानवता क बरे दया अउर पिरेम परगट भवा</verse>
				<verse number="5">उ हमार उद्धार किहेस। इ हमार निर्दोस ठहराइ जाइके बरे हमार कीहीउ काम द्वारा नाहीं भवा बल्कि ओकरी करूणा द्वारा भवा। उ हमार रच्छा ओह स्नान क द्वारा किहेस जेहमाँ हम फिन पइदा होइत ह अउर पवित्तर आतिमा क द्वारा नवा बनावा जात अहीं।</verse>
				<verse number="6">उ हम प पवित्तर आतिमा क हमार उद्धारकर्ता ईसू मसीह क द्वारा भरपूर उँड़ेरे बा।</verse>
				<verse number="7">अब परमेस्सर हमका आपन करूणा क द्वारा निर्दोस ठहराए बा ताकि जेकर हम आसा करत रहेन ओह अनन्त जीवन क उत्तराधिकार क पाइ सकी।</verse>
				<verse number="8">इ कथन बिसवास करइ क जोग्ग बा। अउर मइँ चाहत हउँ कि तू पचे इन बातन पर डटा रहा ताकि उ पचे जउन परमेस्सर मँ बिसवास करत हीं, अच्छा कामन मँ लगा रहइँ। इ बातन लोगन बरे उत्तिम अउर हितकारी बाटिन।</verse>
				<verse number="9">बंसावली सबन्धी विवादन, व्यवस्था सम्बन्धी झगड़ा-झमेलन अउर मूर्खता भरा मतभेदन स बचा रहअ काहेकि ओनसे कउनउ लाभ नाहीं उ सबइ बेकार अहइँ।</verse>
				<verse number="10">जउन आदमी फूट डालत होइ, ओसे एक या दुइ बार चेतावनी देइके अलग होइ जा।</verse>
				<verse number="11">काहेकि तू जानत अहा कि अइसा मनई रस्ता स भटकि गवा बा अउर पापन क करत बाटइ। उ तउ खुद अपने क दोसी ठहराए बाटइ।</verse>
				<verse number="12">मइँ तोहरे लगे जब अरतिमास य तुखिकुस क भेजउँ तउ मोरे लगे निकुपुलिस आवइ क भरपूर जतन करा काहे कि हम उहइ सर्दी बितावइ क निस्चय कइ रखेउ ह।</verse>
				<verse number="13">वकील जेनास अउर अपुल्लोस क ओनकी जात्रा क बरे जउन कछू आवस्यक होइ, ओकरे बरे तू भरपूर सहायता जुटाइ द्या ताकि ओन्हे कउनउ बात क कउनो कमी न रहइ।</verse>
				<verse number="14">हमरे लोगन क सतकर्मन मँ लगा रहब सीखइ चाही। ओहमाँ स भी जेनका बहुत जियाद जरूरत होइ, ओका पूरा करब ताकि उ पचे विफल न होइँ।</verse>
				<verse number="15">जउन मोरे साथे अहइ, ओ सब क तोहे नमस्कार। हमरे बिसवास क कारण जउन लोग हमसे पिरेम करत हीं, ओन्हेऊ नमस्कार। परमेस्सर क अनुग्रह तू सबके साथे रहइ।</verse>
			</chapter>
		</book>
		<book number="57">
			<chapter number="1">
				<verse number="1">ईसू मसीह क बरे बन्दी बना पौलुस अउर हमार भाई तीमुथियुस कइँती सः हमार प्रिय दोस्त अउर सहकर्मी फिलेमोन,</verse>
				<verse number="2">हमार बहिन अफफिया, हमार साथी सैनिक अर्खिप्पुस अउर तोहरे घरे पर एकट्ठा होइवाली कलीसिया कः</verse>
				<verse number="3">उ हमार परमपिता परमेस्सर अउर पर्भू ईसू मसीह कइँती स तोहे पचन क अनुग्रह अउर सान्ति मिलइ।</verse>
				<verse number="4">आपन पराथना मँ तोहार उल्लेख करत भए मइँ हमेसा अपने परमेस्सर क धन्यबाद करत हउँ।</verse>
				<verse number="5">काहेकि मइँ संत जनन बरे तोहरे ओइॅ पिरेम अउर बिसवास क चर्चा सुनत हउँ, जो पर्भू ईसू अउर समस्त पवित्तर लोगन क प्रति अहइ।</verse>
				<verse number="6">मोर पराथना बा कि तोहरे बिसवास स पइदा उदार सहभागिता लोगन क मार्ग दरसन करइ। जेहसे ओन्हे सभन अच्छी चीजन क गियान होइ जाइ जउन मसीह क उद्देस्स क आगे बढ़ावइ मँ हमरे बीच घटन होत रहिन बाटिन।</verse>
				<verse number="7">हे भाई, तोहर कोसिसन स संत जनन क हीरदइ हरा-भरा होइ ग हयेन, इही बरे तोहरे पिरेम स मोका बहुत आनन्द अउर प्रोत्साहन मिला बा।</verse>
				<verse number="8">इही बरे मइँ बिसवास करत हउँ कि मसीह मँ मोका तोहरे कर्त्तव्यन क बारे मँ हुकुम देइ क अधिकार बा</verse>
				<verse number="9">मुला पिरेम क आधार पर मइँ तोहसे निवेदन करब ही ठीक समझत हउँ। मइँ पौलुस जउन अब बूढ़ाइ होइ चला हउँ अउर मसीह ईसू क बरे अब भी बंदी बना हुआ हउँ। इही उचित अहइ कि तोहसे सबन स आग्रह करउँ।</verse>
				<verse number="10">मइँ उ उनेसिमुस क बारे मँ निवेदन करत हउँ, कि जउन जब तब मोर धरम पुत्र बना रहा जेकर मइँ बंदी गृह मँ रहेउँ।</verse>
				<verse number="11">एक समइ रहा जब उ तोहरे कउनउ काम क नाहीं रहा, मुला अब न केवल तोहरे बरे बल्कि मोरे बरे भी उ बहुत काम क अहइ।</verse>
				<verse number="12">मइँ ओका फिन स तोहरे लगे भेजत हउँ (बल्कि मोका तउ कहइ चाही अपने हिरदइ क ही तोहरे लगे भेजत हउँ)</verse>
				<verse number="13">मइँ ओका इहाँ अपने लगे ही रखइ चाहत रहेउँ, ताकि सुसमाचार क बरे मोह बन्दी क उ तोहरी तरफ स सेवा कइ सकइ।</verse>
				<verse number="14">मुला तोहरी आज्ञा क बिना मइँ कछू भी करइ नाही चाहित ताकि तोहार इ भलाई दबाव स नाहीं बल्कि स्वेच्छा स ही होइ।</verse>
				<verse number="15">होइ सकत ह कि ओका थोड़े समइ क बरे तोहसे दूर रहइ क कारण इहइ होइ कि तू ओका फिन हमेसा बरे पाइ ल्या।</verse>
				<verse number="16">दास क रूपे मँ नाहीं, बल्कि दास स जियादा एक प्रिय बन्धु क रूपे मँ मइँ ओसे बहुत पिरेम करत हउँ किन्तु तू ओका अउर जियादा पिरेम करब्या। केवल एक मनुष्य क रूप मँ ही नाहीं बल्कि पर्भू मँ स्थित एक बन्धू क रूपे मँ भी।</verse>
				<verse number="17">तउ यदि तुम मोका आपन दोस्त क रूप मँ स्वीकार करत ह, तब उनेसिमुस क वापस स्वीकार कइ ल्या। ओकर ऐसा सुआगत करा, जैसा कि तुम मोर सुआगत किहा ह।</verse>
				<verse number="18">अउर अगर उ तोहार कउनो प्रकार स हानि पहुँचाएस अथवा कउने वस्तु बरे तोहार कर्जीदार अहइ। तउ ओका हमरे खाता मँ लिख द्या।</verse>
				<verse number="19">मइँ पौलुस खुद आपन दस्तखत स इहइ लिखत हउँ। ओकर भरपाई तोहका मइँ करबइ। मोका इ बतावइ क जरूरत नाहीं बा कि तोर सम्पूर्ण जीवन ही मोर ऋणी बा।</verse>
				<verse number="20">हाँ भाई मोका पर्भू मँ तोहसे इ लाभ पहुंचइ कि मसीह मँ मोर हिरदय हरा भरा होइ जाइ।</verse>
				<verse number="21">तोह पइ बिसवास रखत इ चिठ्टी मइँ तोहका लिखत हउँ। मइँ जानत हउँ कि तोहसे मइँ जेतना कहत हउँ, तू ओसे कहूँ जियादा करब्या।</verse>
				<verse number="22">साथ ही मँ मोरे बरे निवास का भी प्रबन्ध करा, काहेकि मोर आसा अहइ कि तोहार सब पराथना क परथनावन द्वारा मइँ तोहका सौंप दिया नाउँ।</verse>
				<verse number="23">मसीह ईसू मँ रहई क मोर साथी बन्दी इपफ्रास क तोहे सबन क नमस्कार।</verse>
				<verse number="24">मोर साथी कार्यकर्ता मरकुस, अरिस्तर्खुस, देमास अउर लूका क तोहे नमस्कार पहुँचइ।</verse>
				<verse number="25">पर्भू ईसू मसीह क अनुग्रह तोहरे आतिमा क साथ रहइ।</verse>
			</chapter>
		</book>
		<book number="58">
			<chapter number="1">
				<verse number="1">परमेस्सर त अतीत मँ नबियन क जरिये कइयउ अवसरन प कउनउ तरह स हमरे पूर्वजन स बातचीत किहेस।</verse>
				<verse number="2">मुला इन आखिरी दिने मँ उ हमसे अपने पूत क जरिये बातचीत किहेस, जेका ओ सब कछू क उत्तराधिकारी नियुक्त किहेस अउर जेकरे द्वारा उ समूचे ब्रह्माण्ड क रचना किहेस।</verse>
				<verse number="3">उ पूत परमेस्सर क महिमा क प्रभा-मण्डल अहइ अउर ओकरे प्रकृति क प्रतिलिपि अहइ। उ अपने समर्थ बचन क द्वारा सब चीजन क स्थिति बनाए रखत ह। सबके पापन क धोअइ क उ सरगे मँ ओह महामहिम क दहिने हाथे बइठि गवा।</verse>
				<verse number="4">एह तरह उ सरगदूतन स एतना ही महान बनि गवा जेतॅना कि ओनके उ किहेन। उ सबइ नाउँ स उत्तिम नाउँ बाटइ जउन उ उत्तराधिकार मँ पाए अहइ।</verse>
				<verse number="5">काहेकि परमेस्सर तउ कउनो सरगदूतन स कभी अइसेन नाहीं कहेसः “पूत तू मोर, आजू तोहार बनि गवा हउँ मइँ पिता।” अउर न ही कउनो सरगदूत स उ इ कहेस ह, “पिता ओकर मइँ बनबइ, अउर होइ पूत उ मोर।”</verse>
				<verse number="6">अउर फिन उ जब आपन पहिलौट क लड़का अउर महत्वपूर्ण क संसार मँ लावत ह तउ कहत ह, “परमेस्सर क सरगदूतन सब ओकर नमन करइँ।”</verse>
				<verse number="7">सरगदूतन क बारे मँ बतावत उ कहत ह, “सरगदूतन उ अपने सब पवन बनावइ अउर बनावइ आपन सेवक लपट आगी क।”</verse>
				<verse number="8">मुला अपने पूत क बारे मँ उ कहत हः “हे परमेस्सर, सास्वत तोहर सिंहासन बा, तोहार राजदण्ड बाटइ नेकी;</verse>
				<verse number="9">नेकी ही तोहका पिआरी बा, तोहका घृणा रही पापन स तउन परमेस्सर, तोहर परमेस्सर तउ चुना बा तोहका अउर ओह महान आनन्द दिहेस। तोहका कहूउँ जियादा तोहरे साथियन स।”</verse>
				<verse number="10">उ इहउ कहत ह, “हे पर्भू सृस्टि क जब होत रहा जन्म मँ तुमने सरग तथा धरती क नींव राख्या यह तोहरे हाथ का ही कारज अहइँ।</verse>
				<verse number="11">अउर इ सब नस्ट होइ जइहीं मुला रहेगा तू चिरन्तर पुरान कपड़ा स फटि जइहीं इ सबइ</verse>
				<verse number="12">अउर तू परिधान जइसेन ओनका लपेटब्या बदल उ जइहीं फिन कपड़ा जइसेन। मुला तू तउ अहसेन, जैसा की चाह्या रहब्या तोहरे समइ का कबहुँ न अन्त होई।”</verse>
				<verse number="13">परमेस्सर त कबहूँ कउनो सरगदूत स अइसेन नाहीं कहेसः “बइठा जा तू दहिने मोरे कि ब जब तलक मइँ न तोहरे दस्मनन क चरन क चौकी बनाइ देउँ चरन तल तोहरे।”</verse>
				<verse number="14">का सबहिं सरगदूत उद्धार पावइवालन क सेवा क बरे पठई गईन सहायक आतिमा नाहीं अहइँ।</verse>
			</chapter>
			<chapter number="2">
				<verse number="1">एह बरे हमका अउर जियादा सावधानी क साथे, जउन कछू सुने अही, ओह प धियान देइ चाही ताकि हम भटकइ न पाइ।</verse>
				<verse number="2">काहेकि अगर सरगदूतन द्वारा दीन्ह गवा उपदेस सत्य होत ह अउर ओकरे हर एक उल्लंघन अउर अवज्ञा क बरे उचित सजा दीन्ह गवा तउन अगर हम अइसेन महान उद्धार क अपेच्छा कइ देत अही तउ हम दण्ड स कइसे बची।</verse>
				<verse number="3">एह उद्धार क पहिली घोसना पर्भू क जरिये की गइ रही। अउर फिन जे एका सुने रहेन, उ हमरे बरे एकर पुस्टि किहेस।</verse>
				<verse number="4">परमेस्सर तउ अचरजन, अद्भुत चिन्हन तरह-तरह क अद्भुत कारजन उ पवित्तर आतिमा क उन उपहारन द्वारा जउन ओकर इच्छा क अनुसार बाँटा गवा रहा, एका प्रमाणित किहेस।</verse>
				<verse number="5">ओह भावी संसार क, जेकर हम चरचा करत अही उ सरगदूतन क अधीन नाहीं किहेस,</verse>
				<verse number="6">बल्कि पवित्तर सास्तरन मँ कउनउ स्थान पर कउनो इ साच्छी दिहे अहइः “परमेस्सर का बा मनई जउन तू ओकर सुध लेत अहा? का अहइ हर मनई क पूत जेकर बरे अहा चितिंत तू?</verse>
				<verse number="7">तू सरगदूतन स किंचित ओका कम कीहा तनिक स समइ क रख दिहा ओका सिर महिमा अउर सम्मान क राजमुकुट</verse>
				<verse number="8">अउर ओकरे चरनन तरे ओकरे अधीनता मँ रख दिहा सभन कछू।” सब कछू क ओकरे अधीन रखत भए परमेस्सर तउ कछू भी अइसेन नाही छोड़ेस जउन्न ओकरे अधीन न होइ। फिन भी आजकाल हम हर एक चीज क ओकरे अधीन नाहीं देखत हई।</verse>
				<verse number="9">मुला हम इ देखित हई कि उ ईसू जेका तनिक समइ क बरे सरगदूतन स नीचे कइ दीन्ह गवा रहा, अब ओका महिमा अउर सम्मान क मुकुट पहिनावा गवा बा काहेकि उ मउत क यातना झेले रहा। जे परमेस्सर क अनुग्रह क कारण उ हर एक लोग क बरे मउत क अनुभव किहेस।</verse>
				<verse number="10">परमेस्सर एक ही बाटइ जउन सबहिं चीजन क बनएस। अउर सबहिं चीजन ओकरी महिमा बरे अहइँ। कइयउ बेटवन क महिमा प्रदान करत भवा उ परमेस्सर क बरे जेकर द्वारा अउर जेकरे बरे सब क अस्तित्व बना भवा बा, तउ उ ईसू क पूर्ण बनाएस। ओकरे बेटवन क इ सोभा देत ह कि उ ओनके छुटकारा क विधाता क जातनन क द्वारा पूरा सिद्ध करइ।</verse>
				<verse number="11">उ दुइनउँ ही-उ (ईसू) जउन मनई क पवित्तर बनावत ह अउर उ पचे जउन पवित्र बनावा जात हीं, एक्कई परिवार क अहइँ। इहीं बरे उ (ईसू) ओन्हन क भाइयन तथा बहिनियन कहइ मँ लज्जा नाहीं करत ह।</verse>
				<verse number="12">ईसू कहेस, “आपन भाइयन मँ नाउँ क उद्घोस तोहरे मइँ करबइ सभा क बीच सबके सामने प्रसंसा गीत तोहरे गउबइ मइँ।”</verse>
				<verse number="13">अउर फिन, “मइँ ओकर बिसवास करबइ।” अउर फिन उ कहत ह: “मइँ इहाँ हउँ, अउर उ पचे सन्तान जउन हइन साथे मोरे हई दीन्ह जेनका मोरे परमेस्सर।”</verse>
				<verse number="14">काहेकि संतान माँस अउर लहू स युक्त रही इही बरे ऊहउ ओनकइ इ मानुसता मँ सहभागी होइ गवा ताकि अपने मउत क जरिये उ ओका मतलब सइतान क खतम कइ सकइ जेकरे लगे मारइ का सक्ती बाटइ।</verse>
				<verse number="15">अउर ओन्हन क मुक्त कइ लेइ जेकर सम्पूर्ण जीवन मउत क बरे आपने भय क कारण दासता मँ बीता बा।</verse>
				<verse number="16">काहेकि उ निस्चित बा कि उ सरगदूतन नाहीं बल्कि इब्राहीम क बंसजन क सहायता भी करत अहइ।</verse>
				<verse number="17">इही बरे उ सब तरह स ओकरे भाइयन क जइसा बनावा गवा ताकि उ परमेस्सर क सेवा मँ दयालु अउर बिसवासी महाजायक बनि सकइ। अउर लोगन क ओनके पापन क छमा देवॉवइ क बरे बलि दइ सकइ।</verse>
				<verse number="18">काहेकि उॅ खुदइ ओह समइ, जब ओकर परीच्छा लीन्ह जात रही खूबइ जातना भोगे अहइ। इही बरे जेकर परीच्छा लीन्ह जात बाटइ उ ओकर सहायता करइ मँ समर्थ बा।</verse>
			</chapter>
			<chapter number="3">
				<verse number="1">अतः सरगे क एक बोलावा मँ भागीदार हे पवित्तर भाइयो! आपन ध्यान ओह ईसू प लगाइ रखा जउन परमेस्सर क प्रतिनिधि अउर हमार घोसित बिसवास क अनुसार महायाजक अहइ।</verse>
				<verse number="2">जइसेन परमेस्सर क समूचा घरे मँ मूसा बिसवासी रहा वइसे ही ईसू भी जे ओका नियुक्त किहे रहा ओह परमेस्सर क बरे, बिसवास स भरा रहा।</verse>
				<verse number="3">जइसेन घर क निर्माण करइवाला खुद घर स जियादा आदर पावत ह, वइसेन ईसू मूसा स जियादा आदर का पात्र माना गवा अहइ।</verse>
				<verse number="4">काहेकि हर एक भवन क कउनउ न कउनउ बनावइ वाला होत ह, मुला परमेस्सर तउ सब चीज क सिरजनहार अहइ।</verse>
				<verse number="5">परमेस्सर क समूचा घराना मँ मूसा एक सेवक क समान विसवास पात्र रहा, उ ओन्हन बातन क साच्छी रहा जउन भविस्स मँ परमेस्सर क जरिये कही जाइ क रहिन।</verse>
				<verse number="6">मुला परमेस्सर क घर मँ मसीह तउ एक बेटवा क रूपे मँ निस्ठावान योग्य अहइ अउर अगर हम अपने साहस अउर ओह आसा मँ बिसवास क बनाए रखित तउ हम ही ओकर घराना हई।</verse>
				<verse number="7">एह बरे पवित्तर आतिमा कहत हः “आज अगर ओकर सुना आवाज,</verse>
				<verse number="8">जिन करा आपन हिरदय क जड़ रहेन किहे जइसेन बगावत क दिना मँ जब तू पचे रेगिस्तान मँ परमेस्सर क परखे रह्या</verse>
				<verse number="9">मोका परखेन तोहार पूर्वजन तउ, लिहेन परीच्छा धीरज क मोर ओ सबइ अउर देखेन काम मोर जेन्हे मइँ करत रहेउँ चालीस बरस!</verse>
				<verse number="10">इहइ रहा उ कारण जेसे क्रोधित मइँ ओन्हन लोगन स रहेउँ: अउर फिन मइँ कहे रहेउँ, ‘हिरदय एनकइ भटकत रहत रहेन हमेसा ही का नाहीं इ जानतेन जउन रस्ता मोर’</verse>
				<verse number="11">क्रोध मँ मइँ इही स तब सपथ लइके कहे रहेउँ ‘इ कबहुँ बिस्राम मँ मोरे न सामिल होइहीं।’”</verse>
				<verse number="12">भाइयो तथा बहिनियो, देखत रहा कहूँ तोहमाँ स कउनो क मन मँ पाप अउर अबिसवास न समाइ जाइ जउन तोहे सजीव परमेस्सर से भी दूर भटिकाइ देइ।</verse>
				<verse number="13">जब तलक इ “आजु” क दिना कहवावत ह, तू हर दिन परमेस्सर एक दुसरे क ढॉढ़स बंधावत रहा जइसेन तोहमाँ स कउनउ पाप क छलावा मँ पड़िके जड़ न बनि जाए।</verse>
				<verse number="14">अगर हम अंत तक मजबूती क साथे अपने आरम्भ क बिसवास क थामे रहित ह तउ हम मसीह क भागीदारि बनि जाइत ह।</verse>
				<verse number="15">जइसेन कि कहा भी गवा बाः “आजु अगर ओकर सुना आवाज! न करा आपन हिरदय क जड़ रहे किहे जइसेन कि बगावत क दिनन मँ।”</verse>
				<verse number="16">भला उ पचे कउन रहेन जइसेन उ पचे सुनेन अउर बिद्रोह किहेन? का उ पचे उहइ सब नाहीं रहेन जेन्हे मूसा तउ मिस्र स बचाइ क निकाले रहा?</verse>
				<verse number="17">उ चालीस बरसन तलक केन पइ क्रोधित रहा? का ओनहीं प नाहीं जे पाप किहे रहेन अउर जेनकर ल्हास रेगिस्तान मँ पड़ा रहेन?</verse>
				<verse number="18">परमस्सर कनके बरे सपथ उठाए रहा कि उ पचे ओकर बिस्राम मँ प्रवेस न कर पइहीं? का उ पचे उहइ सब नाहीं रहेन जे ओनके आज्ञा क उल्लंघन किहे रहेन?</verse>
				<verse number="19">एह तरह हम देखित अही कि उ पचे अपने अबिसवासे क कारण ही उहाँ प्रवेस पावइ मँ समर्थ नाहीं होइ सका रहेन।</verse>
			</chapter>
			<chapter number="4">
				<verse number="1">अतः जब ओकरे बिस्राम मँ प्रवेस क प्रतिज्ञा अब तलक बीन भइ बाटइ तउ हमका सावधान रहइ चाही कि तोहरे म स कउनउ अनुपयुक्त सिद्ध न होइ।</verse>
				<verse number="2">काहेकि हमकउ ओनही क समान सुसमाचार क उपदेस दीन्ह गवा बा। मुला जउन उपदेस ओ पचे सुनेन ह, उ ओनके बरे बेकार बा। काहेकि उ पचे जब ओका सुनेन तउ एका बिसवास क साथे धारण नाहीं किहेन।</verse>
				<verse number="3">अब देखा, हम तउ जउन बिसवासी अही ओह बिस्राम मँ प्रवेस पाए अही। जइसेन कि परमेस्सर कहे भी बाटइः “क्रोध मँ मइँ इही स तब सपथ लइके कहे रहेउँ, ‘इ पचे कबहुँ बिस्रामे मँ मोरे नाहीं सामिल होइहीं।’” जब संसार क सृस्टी करइ क बाद ओकर काम पूरा होइ गवा रहा।</verse>
				<verse number="4">उ सतवाँ दिना क सम्बन्ध मँ एन सब्दन मँ कहूँ पवित्तर सात्तरन मँ कहा बाटइ “अउर फिन सतवें दिना आपन सभन कामन स परमेस्सर तउ बिस्राम लिहेस।”</verse>
				<verse number="5">अउर फिन उपरोक्त सन्दर्भ मँ भी उ कहत ह, “उ पचे कबहुँ बिस्राम मँ मोर न सामिल होइहीं।”</verse>
				<verse number="6">जेनका पहिले सुसमाचार सुनावा गवा रहा आपन अनाज्ञाकारिता क कारण उ तउ बिस्राम मँ प्रवेस नाहीं पाइ सकेन मुला अउरन क बरे बिस्राम क दुवार अबऊ खुला बा।</verse>
				<verse number="7">इही बरे परमेस्सर तउ फिन एक बिसेस दिन निस्चित किहेस अउर ओका नाउँ दिहेस, “आजु” कछू बरसन क बाद दाऊद क द्वारा परमेस्सर तउ उ दिन क बारे मँ पवित्तर सास्तर मँ बताए रहा। जेकर उल्लेख हम अबहीं किहे रहेः “आज अगर ओकर सुना आवाज, न करा आपन हिरदय क जड़।”</verse>
				<verse number="8">अतः अगर यहोसु ओनका बिस्रामे मँ लइ गवा होत तउ परमेस्सर बाद मँ कउनउ अउर दिना क बारे मँ न बतउतइ।</verse>
				<verse number="9">तउ खैर जउन भी होइ परमेस्सर क भक्तन क बरे एक वइसी बिस्रन्ति रहत अहइ जइसेन बिस्रान्ति सातवें दिना परमेस्सर क रही।</verse>
				<verse number="10">काहेकि जउन कउनो परमेस्सर क बिस्रान्ति मँ प्रवेस करत ह, अपने करमन स बिस्रान्ति पाइ जात ह। वइसेन ही जइसेन परमेस्सर तउ अपने करमन स बिस्रान्ति पाइ लिहेस।</verse>
				<verse number="11">तउ आवा हमहूँ ओह बिस्रान्ति मँ प्रवेस पावइ क बरे हर एक प्रयत्त करीं। ताकि ओकर अनाज्ञाकारिता क उदाहरण क करत भए कउनो क पतन न होइ।</verse>
				<verse number="12">परमेस्सर क बचन त सजीव अउर क्रियासील बा, उ कउनो दुधारी तलवार से भी जियादा पैना बा। उ आतिमा अउर प्राण, संधियन अउर मज्जा तलक मँ गहिरा बेध जात ह। उ मनक, क वृत्तियन अउर बिचारन क परख लेत ह।</verse>
				<verse number="13">परमेस्सर क दिस्टी स एह समूचे सृस्टि मँ कछू भी ओझल नाहीं बाटइ। ओकरे आँखिन क सामने जेका हमका लेखा-जोखा देइ क बा, हर चीज बिना कउनो आवरण क उघड़ी हुई बाटइ।</verse>
				<verse number="14">एह बरे काहेकि परमेस्सर क पूत ईसू एक अइसेन महान महायाजक अहइ, जउन सरगे मँ स होइके गवा अहइ तउ हमका अपने अंगीकृत अउर घोसित बिसवास क दृढ़ता क साथे थामे रखइ चाही।</verse>
				<verse number="15">काहेकि हमरे लगे जउन महायाजक अहइ, उ अइसेन नाहीं अहइ जउन हमार कमजोरी क साथे सहनुभूति न रख सकइ। ओका हर तरह स वइसेन ही परखा गवा बा जइसेन हमका फिन भी हमेसा पाप रहित बा।</verse>
				<verse number="16">त फिन आवा हम भरोसा क साथे अनुग्रह पावइ परमेस्सर क सिंहासन कइँती बढ़ी ताकि जरूरत पड़इ प हमार सहायता क बरे हम दया अउर अनुग्रह क पाइ सकी।</verse>
			</chapter>
			<chapter number="5">
				<verse number="1">हर एक महायाजक मनइयन स ही चुना जात ह। अउर परमात्मा सम्बन्धी बिसयन मँ लोगन क प्रतिनिधित्व करइ क बरे नियुक्त कइ जात ह ताकि उ पापन क बरे भेंट य बलिदान चढ़ावइ।</verse>
				<verse number="2">काहेकि उ खुद भी कमजोरन क अधीन अहइ, इही बरे उ न समझन अउर भटकन भएन क साथे कोमल व्यवहार कइ सकत ह।</verse>
				<verse number="3">इह बरे ओका अपने पापन क बरे अउर वइसेन लोगन क पापन क बरे बलिदान चढ़ावइ पड़त ह।</verse>
				<verse number="4">एह सम्मान क कउनो अपने प नाहीं लेत। जइसेन कि हारून क समान परमेस्सर कइँती स ठहरावा न जात।</verse>
				<verse number="5">इही तरह मसीह तउ महायाजक बनइ क महिमा क खुद ग्रहण नाहीं किहेस बल्कि परमेस्सर तउ ओसे कहेस, “तू अहा मोर पूत बना हउँ आजु, मइँ तोहार पिता।”</verse>
				<verse number="6">अउर एक उ स्थान प उहउ कहत ह, “तू अहा एक सास्वत याजक, मलिकिसिदक क जइसा।”</verse>
				<verse number="7">ईसू तउ एह धरती पे क जीवन काल मँ जउन ओका मउत स बचाइ सकत ह, ऊँचे सुर मँ पुकारत भए अउर रोबत भए ओसे सबइ पराथना अउर सब बिनती किहे रहा अउर आदरपूर्ण समर्पण क कारण ओकर सुनी गइ।</verse>
				<verse number="8">जद्यपि उ ओकर बेटवा रह फिन भी जातना झेलत हुए उ आज्ञा क पालन करइ सीखेस।</verse>
				<verse number="9">अउर एक दाई सम्पूर्ण बनि जाइ प उ सब क बरे जउन ओकरी आज्ञा क पालन करत हीं उ अनन्त छुटकारा क स्रोत बनि गवा।</verse>
				<verse number="10">अउर परमेस्सर क जरिये मलिकिसिदक क परम्परा मँ ओका महायाजक बनावा गवा।</verse>
				<verse number="11">एकरे बारे मँ हमारे लगे कहइ क बहुत कछू बा, प ओकर ब्याख्या कठिन बा काहेकि तोहार समझ बहुत धीमी बाटइ।</verse>
				<verse number="12">सही मँ एह समइ तलक तउ तोहे सबन क सिच्छा देइ वाला बनि जाइ चाही रहा। परन्तु तोहे पचन क तउ अबहिं कउनउ अइसेन मनई क जरूरत बा जउन तोहे सबन क नवा सिरे स परमेस्सर क उपदेस क आरम्भिक बात ही सिखावइ। तोहे सबन क तउ बस अबहिं दूध ही चाही ठोस आहार नाहीं।</verse>
				<verse number="13">जउन अबहीं दुध-मुँहा बच्चा ही अहइँ ओका धरम क बचन क पहिचान नाहीं होत।</verse>
				<verse number="14">मुला ठोस आहार तउ ओन बड़न क बरे होत ह जे अपने आत्मिक दृस्टि क प्रसिच्छन स भला-बुरा मँ पहिचान करब सीख लिहे अहइँ।</verse>
			</chapter>
			<chapter number="6">
				<verse number="1">अतः आवा, मसीह सम्बन्धी आरम्भिक सिच्छा क छोड़िके हम मजबूती कइँती बढ़ी हमका ओन बातन कइँती अउर न बढ़इ चाही जइसेन हम सुरुआत कीन्ह जइसेन मउत कइँती लइ जाइवाला करमन क बरे मनफिराव, परमेस्सर मँ बिसवास, बपतिस्मावन क सिच्छा, हाथ रखइ, मरइ क बाद फिन स जी उठइ अउर उ निआव जइसेन हमार भावी अनन्त जीवन निस्चित होई।</verse>
				<verse number="2"></verse>
				<verse number="3">अउर अगर परमेस्सर चाहे तउ हम अइसेन ही करबइ।</verse>
				<verse number="4">जेनका एक बार प्रकास मिली चुका अहइ, जउन सर्गीय बरदान क अस्वादन कइ चुका होइँ, जउन पवित्तर आतिमा क सहभागी होइ गवा अहइँ जउन परमेस्सर क बचन क उत्तिमताई अउर आवइवाला जुग क सक्तियन क अनुभव कइ चुका अहइँ, अगर उ भटकि जाइँ तउ ओनका मनफिराव कइँती लउटाइ लेब असम्भव बा। उ पचे जइसेन अपने ढंग स नवा सिरे स परमेस्सर क पूत क फिन स क्रूस पचढ़ाएन अउर ओका सबक सामने आपमान क बिसय बनाएन।</verse>
				<verse number="5"></verse>
				<verse number="6"></verse>
				<verse number="7">उ लोग अइसेन धरती क जइसेन अहइँ जउन हमेसा होइवाली बरखा क जल क सोख लेत ह, अउर जोतइ-बोवइवालन क बरे उपयोगी फसल प्रदान करत ह, उ परमेस्सर क असीस पावत ह।</verse>
				<verse number="8">मुला अगर उ जमीन प कांटा अउर गोखरु उपजावत ह, तउ उ बेकार कअहई। अउर ओका अभिसप्त अहइ क भय बा। अंत मँ ओका जलाइ दीन्ह जाई।</verse>
				<verse number="9">पिआरे दोस्तन, चाहे हम एह तरह कहित ह मुला तोहरे बारे मँ हमका अइसेन अच्छी बातन क बिसवास बा-बातन जउन उद्धार स सम्बन्धित बाटिन।</verse>
				<verse number="10">तू ओनके सब जन क सहायता कइके अउर हमेसा सहायता करत भए जउन पिरेम दरसाए अहा ओका अउर तोहार दूसरे कामन क परमेस्सर कबहुँ न भुलाई। उ अन्यायी नाहीं अहइ।</verse>
				<verse number="11">हम चाहित ह कि तोहमाँ स हर कउनो जीवन भर अइसेन ही दिन भर मेहनत करत रहइ। अगर तू अइसेन करत ह तउ तू निच्चित ही ओका पाइ जाब्या तू आसा करत रहे अहा।</verse>
				<verse number="12">हम इ नाहीं चाहित कि तू आलसी होइ जा। बल्कि तू ओनकर अनुकरण करा जउन बिसवास अउर धीरज क साथे ओन्हन चीजन क पावत अहइँ जेनका परमेस्सर तउ बचन दिहे रहा।</verse>
				<verse number="13">जब परमेस्सर इब्राहीम स प्रतिज्ञा किहे रहा, तब काहेकि खुद ओसे बड़का कउनो अउर नाहीं रहा, जेकर सपथ लीन्ह जाइ सकइ, इही बरे आपन सपथ लेत भवा।</verse>
				<verse number="14">उ कहइ लाग, “निस्चित ही मइँ तोहका आसीर्वाद देबइ अउर मइँ तोहका कइयउ बंसज भी देबइ।”</verse>
				<verse number="15">अउर एह तरह इब्राहीम धीरज क साथे बाटे जोहइके बाद उ इ पाएस जेकर उ प्रतिज्ञा कीन्ह गइ रही।</verse>
				<verse number="16">लोग ओकर सपथ लेतहीं जउन कउनो ओसे महान होत ह अउर उ सपथ सबहिं तर्क-बितर्कत क अन्त कइके जउन कछू कहा जात ह, ओका पक्का कइ देत ह।</verse>
				<verse number="17">परमेस्सर एका ओन्ह पचन क बरे, कुल तरह स्पस्ट कइ देइ चाहत रहा, जेका ओन्हे पावइ क रहा, जेका देइ क उ प्रतिज्ञा किहे रहा कि उ अपने प्रयोजन क कबहुँ न बदलइ। इही बरे अपने बचन क साथे उ आपन सपथ क जोड़ दिहेस।</verse>
				<verse number="18">तउ फिन हियाँ दुइ बात-हइन ओकर प्रतिज्ञा अउर ओकर सपथ-जउन कबहुँ नाहीं बदल सकतिन अउर जेकरे बारे मँ परमेस्सर कबहुँ झूठ नाहीं कहि सकत। इही बरे हम जउन परमेस्सर क लगे सुरच्छा पावइ क आइ अहइ अउर जउन आसा उ हमका दिहे अहइ, ओका थामे भए हई, अउर जियादा उत्साहित अही।</verse>
				<verse number="19">इ आसा क हम आतिमा क सुदृढ़ अउर सुनिस्चित लंगर क रूप मँ धरे अही। इ परदा क पीछे भित्तर स भित्तर अन्तरतम तलक पहुँचत ह।</verse>
				<verse number="20">जहाँ ईसू तउ हमरे कइँती स हमसे पहिले प्रवेस किहेस। उ मलिकिसिदक क परम्परा मँ सदा हमेसा क बरे महा याजक बनि गवा।</verse>
			</chapter>
			<chapter number="7">
				<verse number="1">इ मलिकिसिदक सालेम क राजा रहा अउर सर्वोच्च परमेस्सर क याजक रहा। जब इब्राहीम राजा लोगन क पराजित कइके लउटत रहा त उ इब्राहीम स मिला अउर ओका आसीर्बाद दिहेस।</verse>
				<verse number="2">अउर इब्राहीम तउ ओका उ सब कछू मँ स जउन उ युद्ध मँ जीते रहा ओकर दसवाँ भाग प्रदान किहेस। ओकरे नाउँ क पहिला अर्थ अहइ, “धार्मिकता क राजा” अउर फिन ओकर इ अर्थ अहइ, “सालेम क राजा” मतलब “सान्ति क राजा।”</verse>
				<verse number="3">ओकरे पिता या ओकरी महतारी अउर ओकरे पूर्वजन क कउनो इतिहास नाहीं मिलत ह। ओकर जन्म अउर मउत क कहुँ कउनउ उल्लेख नाहीं बा। परमेस्सर क पूत क समान ही उ हमेसा-हमेसा क बरे याजक बना रहत ह।</verse>
				<verse number="4">तनिक सोचा, उ केतॅना महान रहा। जेका कुल प्रमुख इब्राहीम तलक तउ अपने प्राप्ति क दसवाँ भाग दिहे रहा।</verse>
				<verse number="5">अब देखा व्यवस्था क अनुसार लेवी बंसज जउन याजक बनत हीं लोगन स मतलब अपनी ही भाइयन स दसवाँ भाग लेइँ। जद्यपि ओनकर उ सबइ भाई इब्राहीम क बंसज अहइँ।</verse>
				<verse number="6">फिन उ मलिकिसिदक जउन लेवीबंसी भी नाहीं रहा, इब्राहीम स दसवाँ भाग लिहेस। अउर उ इब्राहीम क आसीर्बाद दिहेस जेकरे लगे परमेस्सर क प्रतिज्ञा रही।</verse>
				<verse number="7">एहमाँ कउनउ संदेह नाहीं रहा कि जउन आसीर्बाद देत ह उ आसीर्बाद लेइवाला स बड़ा होत ह।</verse>
				<verse number="8">जहाँ तलक लेवियन क प्रस्न बा, ओहमाँ दसवाँ भाग ओन्हन मनइयन द्वारा एकट्ठा कीन्ह जात ह, जउन मरणसील हयेन मुला मलिकिसिदक क जहाँ तलुक प्रस्न बा दसवाँ भाग ओकरे दुवारा एकत्र कीहा जात ह, जउन पवित्तर सास्तर क अनुसार अबहुँ जिन्दा अहइँ।</verse>
				<verse number="9">तउ फिन कउनो इहाँ तलक कहि सकत ह कि उ लेवी जउ न दसवाँ भाग एकट्ठा करत ह, उ इब्राहीम क जरिये दसवाँ भाग प्रदान कइ दिहेस।</verse>
				<verse number="10">काहेकि जब मलिकिसिदक इब्राहीम स मिला रहा, तबउ लेवी अपने पर्वजन क सरीर मँ वर्तमान रहा।</verse>
				<verse number="11">अगर लेवी सम्बन्धी याजकता द्वारा पूर्णता पाइ जाइ सकत काहेकि इही क अधार प लोगन क व्यवस्था दीन्ह गवा रहा। त कउनो दुसर याजक क आवइ क जरूरत इ का रही? एक अइसेन याजक क जउन मलिकिसिदक क परम्परा क होइ, न कि हारून क परम्परा क।</verse>
				<verse number="12">काहेकि जब याजकता भी बदलत ह, तउ व्यवस्था मँ भी परिवर्तन होइ चाही।</verse>
				<verse number="13">जेकरे बिषय मँ इ सबइ बात कही गइ बाटिन, उ कउनो दुसरे गोत्र क अहइ, अउर ओह गोत्र क कउनो मनई कबहुँ वेदी क सेवक नाहीं रहा।</verse>
				<verse number="14">काहेकि इ तउ स्पस्ट इ बा कि हमार पर्भू यहूदा क बंसज रहा अउर मूसा तउ ओह-गोत्र क बरे याजकन क बारे मँ कछू नाहीं किहे रहा।</verse>
				<verse number="15">अउर जउन कछू हमहूँ कहे हई अउर उ स्पस्ट बा कि मलिकिसिदक क जइसेन एक दुसर याजक प्रकट होत ह।</verse>
				<verse number="16">उ आपन वंसावली क नियम क आधार प नाहीं बल्कि एक अनन्त जीवन क सक्ती क आधार प याजक बना अहइ।</verse>
				<verse number="17">काहेकि घोसित कीन्ह गवा रहा, “तू अहा एक याजक सास्वत मलिकिसिदक क जइसा।”</verse>
				<verse number="18">पहिला नियम एह बरे रद्द कइ दीन्ह गवा काहेकि उ कमजोर अउर बेकार रहा।</verse>
				<verse number="19">काहेकि व्यवस्था तउ कउनो क सम्पूर्ण सिद्ध नाहीं किहेस अउर एक अच्छी आसा क सूत्रपात किन्ह गवा जेकरे द्वारा हम परमेस्सर क लगे खिंचित ह।</verse>
				<verse number="20">इ बात भी महत्वपूर्ण बा कि परमेस्सर तउ ईसू क सपथ क द्वारा महायाजक बनाए रहा। जबकि अउरन क बिना सपथ कउनो महायाजक बनावा गवा रहा।</verse>
				<verse number="21">मुला ईसू तब एक सपथ स याजक बना रहा, जब परमेस्सर तउ ओसे कहे रहा, “पर्भू तउ लिहे अहइ सपथ अउर उ कबहुँ नाहीं बदली निज मत ‘तू अह एक ठु याजक सास्वत।’”</verse>
				<verse number="22">इ सपथ क कारण ईसू एक अउर अच्छा करार क जमानत बन गवा बा।</verse>
				<verse number="23">अब देखा। अइसेन बहुत स याजक हुआ कतत हीं जेन्हे मउत तउ अपने गोड़े प नाहीं बनइ रहइ दिहेस।</verse>
				<verse number="24">मुला काहेकि ईसू अमर अहइ, इही बरे ओकर याजकपन भी हमेसा-हमेसा बना रहइवाला अहइ।</verse>
				<verse number="25">अतः जउन लोग ओकरे द्वारा परमेस्सर तक पहुँच हीं, उ ओनकर हमेसा क बरे उद्धार करइ मँ समर्थ अहइ, काहेकि उ ओनकर मध्यस्थता क बरे ही हमेसा जिअत ह।</verse>
				<verse number="26">अइसेन ही महायाजक हमार जरूरतन क पूरा कइ सकत ह, जउन पवित्तर होइ, दोस रहित होइ, सुद्ध होइ, पापियन क प्रभाऊ स दूर रहत होइ, सरग से भी जेका ऊँचा उठावा गवा होइ।</verse>
				<verse number="27">जेकरे बरे दुसर याजकन क समान इ जरूरी न अहइ कि उ दिन प्रतिदिन पहिले अपने पापन क बरे अउर फिन लोगन क पापन क बरे बलिदान चढ़ावइ। उ तउ हमेसा-हमेसा क बरे ओनके पापन क बरे खुद अपने आप क बलिदान कइ दिहेस।</verse>
				<verse number="28">काहेकि व्यवस्था दुबर्ल लोगन क याजक क रूप मँ नियुक्त किहेस। मुला सपथ क बचन व्यवस्था क बाद आवा, उस बचन क द्वारा परमेस्सर बेटवा क महायाजक क रूप मँ नियुक्त किहेस जउन हमेसा हमेसा क बरे पूरा बनि गवा।</verse>
			</chapter>
			<chapter number="8">
				<verse number="1">जउन कछू हम कहत अही कि, ओकर मुख्य बात इ बाः निस्चय ही हमरे लगे एक अइसा महायाजक बा जउन सरगे मँ ओह महा महिमावान क सिंहासन क दहिने हाथ बिराजमान अहइ</verse>
				<verse number="2">उ ओह पवित्तर गर्भ गृह मँ यानी स्वर्गिक रावटी, मँ जेका परमेस्सर तउ स्थापित किहे रहा, न कि मनई, सेवा क काम करत ह।</verse>
				<verse number="3">हर एक महायाजक क एह बरे नियुक्त कीन्ह जात ह उ भेंटन अउर बलिदानन-दुन्नऊ क ही अर्पित करइ। अउर इही बरे एह महायाजक क बरे भी जरूरी रहा कि ओकरे लगे भी चढ़ावा क बरे कछू होइ।</verse>
				<verse number="4">अगर उ धरती प होत तउ उ याजक नाहीं होइ पावत काहेकि उहाँ पहिलेन स ही अइसेन मनई अहइँ जउन व्यवस्था क अनुसार भेंट-चढ़ावत हीं।</verse>
				<verse number="5">पवित्तर आराधना स्थान मँ ओनकर सेवा-आराधना सरगे क यथार्थ क एक छाया नकल अहइ। इही बरे जब मूसा पवित्तर रावटी क निर्माण करइवाला रहा, तबइ ओका चेतावनी दइ दीन्ह गइ रहीः “ध्यान रहइ कि तू हर चीज ठीक उही प्रतिरूप क अनुसार बनावा जउन तोहका पर्वत प देखावा गवा रहा।”</verse>
				<verse number="6">मुला जउन सेवा काम ईसू क मिला बा, उ ओनके सेवा काम स स्रेस्ठ बा। काहेकि उ जेह करार क मध्यस्थ अहइ उ पुरान करार स भी उत्तिम अहइ अउर उत्तिम चीजन क सबइ प्रतिज्ञा प अधारित बा।</verse>
				<verse number="7">काहेकि अगर पहिला करार मँ कउनउ खोट नाहीं होत तउ दुसरे करार क बरे कउनउ स्थान इ नाहीं रही जात।</verse>
				<verse number="8">मुला परमेस्सर क ओन्हन लोगन मँ खोट मिला उ कहेसः “पर्भू घोसित करत ह, आवत अहइ उ समइ करबइ, जब मइँ इस्राएल क घराना स यहूदा क घराना स एक नवा करार</verse>
				<verse number="9">इ करार होई न वइसेन जइसेन किहे रहेउँ मइँ ओनके पूर्वजन क साथ ओह समइ जब मइँ ओनकर हाथ मिस्र स निकाल लइयावइ बरे पकड़े रहेउँ काहेकि पर्भू कहत ह, उ मोरे करार मँ बिसवास नाहीं रखत मइँ ओनसे मुहँ फेर लिहेउँ।</verse>
				<verse number="10">इ बा उ करार जेका मइँ इस्राएल क घराना स करबइ। अउर फिन ओनके बाद पर्भू घोसित करत ह ओनके मन मँ निज व्यवस्था बसउबइ मइँ ओनके हिरदय प लिखि देबइ मइँ ओनका परमेस्सर बनबइ अउर उ मोर जन होइहीं।</verse>
				<verse number="11">फिन तउ कबहुँ कउनो जन अपने पड़ोसी क, अइसेन न सिखावइ या कउनो जन न अपने भाइयन स कबहुँ कही तू पर्भू क पहचाना। काहेकि तब त ओ सभन छोट से लइ के बड़न से बड़न मोका जनिहीं तलक।</verse>
				<verse number="12">काहेकि मइँ ओनके दुस्ट करमन क छमा करबइ अउर कबहुँ ओनके पापन क याद न रखबइ।”</verse>
				<verse number="13">एह करार क नवा कहिके उ ओनसे पहिले क व्यवहार क अयोग्य ठहरायेस। अउर जउन पुरान पड़त अहइ अउर व्यवहार क अयोग्य अहइ, उ त फिन जल्दी ही लुप्त होइ जाई। पुराने करार क आराधना</verse>
			</chapter>
			<chapter number="9">
				<verse number="1">अब देखा पहिले करार मँ ही आराधना क नियम रहेन। अउर एक मनई क हाथन क बना आरा़धना घर भी रहा।</verse>
				<verse number="2">एक रावटी बनाइ गइ रही जेकरे पहिले कच्छ मँ दीपाधार रहेन, मेज रहिन, अउर भेंट क रोटी रही। एका पवित्तर स्थान कहा जात रहा।</verse>
				<verse number="3">दुसरे परदा क पीछे एक अउर कमरा रहा जेका परम पवित्तर कहा जात बा।</verse>
				<verse number="4">एहमन सुगंधित सामग्री क बरे सोना क वेदी अउर सोना क मढ़ी करार क पेटी रही। एह पेटी मँ सोना क बना पन्ना क एक पात्र रहा, हारून क उ छड़ी रही जेह पर कोपल फूटी रही अउर करार क पाथर क पतरा रहेन।</verse>
				<verse number="5">पेटी क ऊपर परमेस्सर क महिमामय उपस्थिति क प्रतीक यानि करूब बना रहेन जउन छमा क स्थान पर छाया क करत रहेन। मुला एह समइ हम इन बातन क बिस्तार क साथे चर्चा नाहीं कइ सकित।</verse>
				<verse number="6">सब कछू क एह तरह व्यवस्थित होइ जाइ क बाद याजक बाहरी कच्छ मँ प्रति दिन प्रवेस कइके आपन सेवा क काम करइ लागेन।</verse>
				<verse number="7">मुला भीतर कच्छ मँ केवल महाजाजक ही प्रवेस करत रहा अउर उहऊ साल मँ एक दाई। उ बिना ओह लहू क कबहुँ प्रबेस नाहीं करत रहा जेका उ खुद अपने द्वारा अउर लोगन क द्वारा अनजाना मँ कीन्ह गए पापन क बरे भेंट चढ़ावत रहेन।</verse>
				<verse number="8">एकरे द्वारा पवित्तर आतिमा इ दरसावा करत रहा कि जब तलक अबहिं पहिली रावटी खड़ी भई बा, तब तलक परम पवित्तर स्थान क रस्ता उजागर नाहीं होइ पावत।</verse>
				<verse number="9">इ आजु क जुग क बरे एक प्रतीक अहइ जउन इ दरसावत ह कि भेंट अउर बलिदान जेका अर्पित कीन्ह जात बा, आराधना करइवालन क चेतना क सुद्ध नाहीं कइ सकत।</verse>
				<verse number="10">इ सबइ तउ बस खाइपिअइ अउर कइयउ पर्व बिसेस-स्थानन क बाहेर क नियम अहइँ अउर नइ व्यवस्था क समई तक क बरे ही इ लागू होत हीं।</verse>
				<verse number="11">मुला अब मसीह इ अउर अच्छी व्यवस्था क, जउन अब हमरे लगे बा, महायाजक बनिके आइ गवा बा। उ ओह जियादा अच्छी अउर पूरी रावटी मँ स होइ क प्रवेस किहेस जउन मनइयन क हाथन क बनाइ भइ नाहीं रही। मतलब जउ सांसारिक नाहीं बा।</verse>
				<verse number="12">बकरन अउर बछड़न क लहू क लइके उ प्रवेस नाहीं किहे रहा बल्कि सदा हमेसा क बरे भेंट सरूप अपने ही लहू क लइके परम पवित्तर स्थान मँ ओकर प्रवेस भवा रहा। एह तरह उ हमरे बरे पापन स सदा काल क छुटकारा सुनिस्चित कइ दिहे बा।</verse>
				<verse number="13">बकरन अउर साँड़न क खून अउर बछिया क भभूत क ओनपइ छिड़का जाब, असुद्धन क सुद्ध बनावत ह ताकि उ सबइ बाहरी तउर प स्वच्छ होइ जाइँ।</verse>
				<verse number="14">जब इ सच बा तउ मसीह क लहू केतॅना प्रभावसाली होइ। उ अनन्त आतिमा क द्वारा अपने आपक एक पूरी तरह बलि क रूप मँ परमेस्सर क समपर्ति कइ दिहेस। तउन ओनकर लहू हमरे चेतना क ओन्हन करमन स छुटकारा देवाई जउन मउत क ओर लइ जात हीं ताकि हम सजीव परमेस्सर क सेवा कइ सकी।</verse>
				<verse number="15">इही कारण स मसीह एक नवा करार क बीचउलिया बना ताकि जेनका बोलावा गबा बा, उ उत्तराधिकार क अनन्त आसीर्बाद पाई सकइँ जेनकर परमेस्सर तउ प्रतिज्ञा किहे रहा। अब देखा, पहिले करार क अधीन कीन्ह गएन पापन स ओन्हे छुटकारा दियावइ क बरे फिरौती क रूप मँ उ आपन प्रान तलक दइ चुका अहइ।</verse>
				<verse number="16">जहाँ तलक बसीयतनामा क प्रस्न बा, तउ ओकरे बरे जे ओका लिखे अहइ, ओकरी मउत क प्रमाणित कीन्ह जाब जरुरी बाटइ</verse>
				<verse number="17">काहेकि कउनउ बसीयतनामा केवल तबहिं प्रभावी होत ह जब ओका लिखइवालन क मउत होइ जात ह। जब तलक ओका लिखइवाला जिन्दा रहत ह, उ कबहुँ प्रभावी नाहीं होत।</verse>
				<verse number="18">इही बरे पिहला करार भी बिना एक मउत अउर लहू क गिराए स काम सुरु नाहीं कीन्ह गवा।</verse>
				<verse number="19">मूसा जब व्यवस्था क प्रत्येक आदेस क सब लोगन क घोसना कइ चुका तउ उ जल क साथे बकरन अउर बछड़न क लहु क लाल ऊन अउर हिसप क टहनियन स चर्म पत्रन अउर सभन लोगन पे छिड़क दिहे रहा।</verse>
				<verse number="20">उ कहे रहा, “इ उ करार क लहू अहइ, परमेस्सर जेकरे पालन क आज्ञा तोहे सबन क दिहे अहइ।”</verse>
				<verse number="21">उ इही तरह रावटी आराधना उत्सव मँ काम आवइवाली सब चीज प लहू छिड़के रहा।</verse>
				<verse number="22">सही या व्यवस्था चाहत ह कि अक्सर हर चीज क लहू स सुद्ध कीन्ह जाइ। अउर बिना लहू बहाए छमा हई या नाहीं ही बाटइ।</verse>
				<verse number="23">त फिन इ जरूरी बा कि चीजन जउन सरगे क प्रतिकृति बाटिन, ओन्हे पसुवन क बलिदान स सुद्ध कीन्ह जाइ मुला सरग क चीजन त एनहुँन स अच्छी बलिदानन स सुद्ध कीन्ह जाइ क अपेच्छा करत ह।</verse>
				<verse number="24">मसीह तउ मनइयन क हाथन क बना परम पवित्तर स्थान मँ, जउन सच्चा परम पवित्तर स्थान क एक प्रतिकृति मात्र रहा, प्रवेस नाहीं किहेस। उ तउ खुदइ सरग मँ ही प्रवेस किहेस ताकि अब उ हमरे ओर स परमेस्सर क उपस्थिति म प्रकट होइ।</verse>
				<verse number="25">अउर नाहीं तउ आपन फिन-फिन बलिदान चढ़ावइ क बरे उ सरगे मँ ओह तरह प्रवेस किहेस जइसेन महायाजक उ लहू क साथे, जउन ओकर आपन नाहीं बा, परन पवित्तर स्थान मँ हर साल प्रवेस करत ह।</verse>
				<verse number="26">नाहीं त फिन मसीह क सृस्टि क आदि स ही कइयउ दाई जातना झेलइ क पड़त। मुला अब देखा, इतिहास क चरम बिन्दु पर आपन बलिदान क द्वारा पापन क नास करइ क बरे उ हमेसा हमेसा क बरे एक्कइ बार प्रकट होइ गवा अहइ।</verse>
				<verse number="27">जइसे एक बार मरब अउर ओकरे बाद निआव क सामना करब मनई क नियति बा</verse>
				<verse number="28">तउन वइसेन मसीह क, एक्कइ बार कइयउ मनइयन क पापन क हरि लेइ क बरे बलिदान कइ दीन्ह गवा। अउर उ पापन क बहन करइ क बरे नाहीं बल्कि जउन ओकर बाट जोहत अहइँ, ओनके बरे उद्धार लियावइ क फिन दुसरी दाई प्रकट होइ।</verse>
			</chapter>
			<chapter number="10">
				<verse number="1">व्यवस्था त आवइवाली अच्छी बातन क छाया मात्र प्रदान करत ह। अपने आप मँ उ बात यर्थाथ नाहीं हइन। इही बरे उही बलियन क द्वारा जेन्हे हमेसा हर बरिस अनन्त रूप स दीन्ह जात रहत ह, आराधना क बरे लगे आवइवालन क हमेसा-हमेसा क बरे पूरा सिद्ध नाहीं कीन्ह जाइ सकत।</verse>
				<verse number="2">अगर अइसेन होइ पावत तउ का ओनकर चढ़ावा जाब बन्द न होइ जात? काहेकि फिन तउ आराधना करइवालन एक ही इ बार मँ सदा-हमेसा क बरे पवित्तर होइ जातेन। अउर आपने पापन क बरे फिन कबहुँ खुद क अपराधी न समझतेन।</verse>
				<verse number="3">मुला उ बलिदान तउ बस पापन क एक बरस भरे क स्मृति मात्र अहइँ।</verse>
				<verse number="4">काहेकि साँड़न अउर बकरन क लहू पापन क दूर कइ देइ, इ सम्भव नाहीं बा।</verse>
				<verse number="5">इही बरे जब मसीह एह जगत मँ आइ रहा तउ उ कहे रहाः “तू बलिदान अउर कउनउ भेंट नाहीं चाह्या, मुला मोरे बरे एक देह तइयार किहा।</verse>
				<verse number="6">तू नाहीं कउनउ दग्ध भेंटन स न तउ पाप भेंटन स खुस भया।</verse>
				<verse number="7">तब फिन मइँ कहे रहेउँ, ‘किताबे मँ मोर बरे इ लिखा भी बा मइँ इहाँ अहइ। हे परमेस्सर तोहार इच्छा पूरा करइ क आइ हउँ।’”</verse>
				<verse number="8">उ पहिलेन कहे रहा, “बलिदान अउर भेंटन, दग्ध भेंटन अउर पाप भेंटनन तउ तू चाहत अहा अउर न तउ तू ओसे खुस होत ह।” (यद्यपि व्यवस्था इ चाहत ह कि उ सबइ चढ़ाइ जाइँ)</verse>
				<verse number="9">तब उ कहे रहा, “मइँ इहाँ अहउँ। मइँ तोहार इच्छा पूरी करइ आई हउँ।” त उ दुसरे व्यवस्था क स्थापित करइ क बरे, पहिली क रद्द कइ देत ह।</verse>
				<verse number="10">तउन परमेस्सर क इच्छा स एक बार ही हमेसा-हमेसा क बरे ईसू मसीह क देह क बलिदान द्वारा हम पवित्तर कइ दिन्ह गएन।</verse>
				<verse number="11">हर याजक एक दिना क बाद दुसरे दिन खड़ा होइके अपने धार्मिक कारज क पूरा करत ह। उ पचे फिन-फिन एक जइसेन ही उ बलि चढ़ावत हीं जउन पापन क कबहुँ दूर नाहीं कइ सकतेन।</verse>
				<verse number="12">मुला याजक क रूप मँ मसीह तउ पापन क बरे, हमेसा क बरे एक्कइ बलि चढ़ाइके परमेस्सर क दहिने हाथ जाइ बइठा।</verse>
				<verse number="13">अउर उही समइ स ओका अपने विरोधियन क ओकरे चरण क चौकी बनाइ दीन्ह जाइ क प्रतीच्छा बा।</verse>
				<verse number="14">जउन पवित्तर कीन्ह जात अहइ, ओनका हमेसा-हमेसा क बरे पूरा सिद्ध कइ दिहेस</verse>
				<verse number="15">एकरे बरे पवित्तर आतिमा हमका साच्छी देत ह। पहिले उ बतावत हः</verse>
				<verse number="16">“इ अहइ उ करार जेका मइँ ओनसे करबइ। अउर फिन ओकरे बाद पर्भू घोसित करत निज व्यवस्था मइँ ओनकइ हिरदइ मँ बसबउबइ ओनके मने पर लिखी देबइ.”</verse>
				<verse number="17">उ इहउ कहत हः “ओनके पापन अउर ओनके दुस्करमन क अब मइँ कबहुँ यादत रखब।”</verse>
				<verse number="18">अउर फिन जब पाप छमा कइ दीन्ह गएन त पापन क बरे कउनो बलिदान क कउनउ जरूरत रही ही नाहीं।</verse>
				<verse number="19">इही बरे भाइयो तथा बहिनियो, काहेकि ईसू क लहूक द्वारा हमका ओह परम पवित्तर स्थान मँ प्रवेस करइ क निडर भरोसा बा।</verse>
				<verse number="20">जेका उ परदा क द्वारा, मतलब जउन ओकर सरीरइ, अहइ, एक नवा अउर सजीव रस्ता क माध्यम स हमरे बरे खोलि दिहे अहइ।</verse>
				<verse number="21">अउर काहेकि हमरे लगे एक अइसेन महान याजक अहइ जउन परमेस्सर क घराना क अधिकारी अहइ।</verse>
				<verse number="22">तउ फिन आवा, हम सच्चे हिरदइ, निस्चितपूर्ण बिसवास आपन अपराधपूर्ण चेतना स हमका सुद्ध करइ क बरे कीन्ह गए छिड़क भी स युक्त अपने हिरदइ क लइके सुद्ध जल स धोवा भए अपने सरीरन क साथे परमेस्सर क लगे पहुँचाय अही।</verse>
				<verse number="23">तउ आवअ जेह आसा क हम अंगीकार किहे हई, हम अडिग भाउ स ओह पर डटा रही काहेकि जे हमका बचन दिहे अहइ, उ बिसवासपूर्ण बा।</verse>
				<verse number="24">अउर आवा हम धियान रखी कि हम पिरेम अउर अच्छा करमन क बरे एक दुसरे क कइसेन बढ़ावा दइ सकित ह।</verse>
				<verse number="25">हमरे सबइ सभा मँ आउब जिन छोड़ा। जइसेन कि कछून क तउ उहाँ न आवइ क आदत ही पड़ि गइ बा। बल्कि हमका तउ एक दूसरे क बलवान करइ चाही। अउर जइसेन कि तू देखत अहा कि उ दिन लगे आवत बा-तउन तोहे इ अउर जियादा करइ चाही।</verse>
				<verse number="26">सत्य क गियान पाइ लेइके बाद उ अगर हम जानबूझ क पाप करित ही रहित ह फिन तउ पापन क बरे कउनउ बलिदान बचा नाहीं रहत।</verse>
				<verse number="27">बल्कि फिन त निआव क भयानक प्रतीच्छा अउर भीसण आगी बाकी रहि जात ह जउन परमेस्सर क बिरोधियन क चट कइ जाई।</verse>
				<verse number="28">जउन कउनउ मूसा क व्यवस्था क पालन करइ स मना करत ह, ओका बिना दया देखाए दुइ या तीन साच्छियन क साच्छी प मारि डावा जात ह।</verse>
				<verse number="29">सोचा, उ मनइयन केतना जियादा कड़ा दंड क पात्र अहइँ, जे अपने गोड़न तले परमेस्सर क पूत क कुचलेन, जे करार क उ लहू के, जे ओनका पवित्तर किहे रहा, एक अपवित्तर चीज मानेन अउर अनुग्रह क आतिमा क अपमान किहेन।</verse>
				<verse number="30">काहेकि हम ओनका जानित ह जे कहे रहेने, “बदला लेब काम बा मोर, मइँ हीं बदला लेब।” अउर फिन, “पर्भू अपने लोगन क निआव करी।”</verse>
				<verse number="31">कउनो पापी क सजीव परमेस्सर क हाथन मँ पड़ि जाब एक भयानक बात अहइ।</verse>
				<verse number="32">आरम्भ क उ दिनन क याद करा जब तू प्रकास पाए रह्या, अउर ओकरे बाद जब तू कस्टन क सामना करत भए कठोर संघर्स मँ मजबूती क साथे डटा रह्या।</verse>
				<verse number="33">तब कबहुँ तउ सब लोगन क सामने तोहे अपमानित कीन्ह गवा अउर सताया गवा अउर कबहुँ जेनके साथे अइसेन बर्ताव कीन्ह जात रहा, तू ओनकर साथ दिह्या।</verse>
				<verse number="34">तू, जउन बन्दीघरे मँ पड़ा रह्या, ओनसे सहानुभूति क अउर अपने सम्पत्ति क जब्त कीन्ह जाब सहर्स स्वीकार किह्या काहेकि तू इ जानत रह्या कि खुद तोहरे अपने लगे अच्छी अउर टिकाऊ सम्पत्तियन बाटिन।</verse>
				<verse number="35">तउन अपने साहस बिसवास क जिन तियागा काहेकि एकइ भरपूर प्रतिफल दीन्ह जाई।</verse>
				<verse number="36">तोहे धीरज क जरुरत बा ताकि तू जब परमेस्सर क इच्छा पूरी कइ चुका तउ जेकर बचन उ दिहे अहइ, ओका तू पाइ सका।</verse>
				<verse number="37">काहेकि, “बहुत जल्दी ही, जेका आवइ क बा, उ जल्दी ही आई, अउर देर नाहीं करी।</verse>
				<verse number="38">मोर धर्मी जन जउने बिसवास स अउर अगर उ पीछे हटी तउ मइँ ओनसे खुस न रहबइ।”</verse>
				<verse number="39">मुला हम ओनसे नाहीं हई जउन पीछे हटत हीं अउर खतम होइ जात हीं बल्कि ओनमाँ स अही जउन बिसवास करत हीं अउर उद्धार पावत हीं।</verse>
			</chapter>
			<chapter number="11">
				<verse number="1">बिसवास क मतलब बा, जेकर हम आसा करित ह, ओकरे बरे सुनिस्चित होब। अउर बिसवास क मतलब बा कि हम चाहे कउनो चीज क देखत न अही मुला ओकरे अस्तित्व क बारे मँ सुनिस्चित होब कि उ बा।</verse>
				<verse number="2">इही कारण पुरानन क परमेस्सर क आदर मिला भआ रहा।</verse>
				<verse number="3">बिसवास क आधार पर ही हम इ जानित ह कि परमेस्सर क आदेस स जगत क रचना भइ रही। इही बरे जउन दृस्य बा, उ दृस्य स नाहीं बना बा।</verse>
				<verse number="4">हाबिल तउ बिसवास क कारण ही परमेस्सर क कैन स अच्छी बलि चढ़ाए रहा। बिसवास क कारण ही ओका एक धर्मी मनई क रूप मँ तब सम्मान मिला रहा जब परमेस्सर त ओकरी भेंटन क प्रसंसा किहे रहा। अउर बिसवास क कारण उ आजऊ बोल थीं जद्यपि उ मरी चुका अहइ।</verse>
				<verse number="5">बिसवास क कारण ही हनोक क एह जीवन स उप्पर उठाइ लिहा गवा रहा ताकि ओका मउत क अनुभव न होइ। परमेस्सर तउ काहेकि ओका दूर हटाइ दिहे रहा इही बरे उ पावा नाहीं गवा। काहेकि ओका उठावा जाइ स पहिले परमेस्सर क प्रसन्न करइवाले क रूप मँ ओका सम्मान मिल चुका रहा।</verse>
				<verse number="6">बिसवास के बिना परमेस्सर क खुस करब असम्मभव रहा। काहेकि हरएक उ जउन ओकरे लगे आवत ह, ओकरे बरे इ जरूरी बा कि उ एह बात क बिसवास करइ कि परमेस्सर क अस्तित्व बा अउर उ जउन ओका सच्चाई क साथ खोजत ह, उ ओन्हे ओकर प्रतिफल देत ह।</verse>
				<verse number="7">बिसवास क कारण ही नूह क जब ओन्हन बातन क चेतावनी दीन्ह गइ जउन उ देखे तक नाहीं रहा तउ उ पवित्तर भय स भरा आपन परिवार क बचावइ क बरे एक नाव क निर्माण किहे रहा। अपने बिसवासे स ही उ एह संसार क दोसपूर्ण मानेस अउर ओह धार्मिकता क उतराधिकारी बना जउन बिसवास स आवत ह।</verse>
				<verse number="8">बिसवास क कारण ही, जब इब्राहीम क अइसेन स्थान प जाइके बरे बोलावा गवा रहा, जेका बाद मँ उतराधिकार क रुप मँ ओका पावइ क रहा, जदि उ इ जानत तक नाहीं रहा कि उ कहाँ जात बा, फिन भी उ आज्ञा मानेस अउर उ चला गवा।</verse>
				<verse number="9">बिसवास क कारण ही जउने धरती क देइ क ओका बचन दीन्ह गवा रहा, ओह प उ एका अनाजान परदेसी क समान आपन घरे बनाइके निवास किहेस। उ तम्बुवन मँ वइसेन रहा जइसेन इसहाक अउर याकूब रहत रहेन जउन ओकरे संग परमेस्सर क ओह प्रतिज्ञा क उतराधिकारी रहेन।</verse>
				<verse number="10">उ मजबूत आधारवाली उ नगरी क बाट जोहत रहा जेकर सिल्पी अउर निर्माण कर्ता परमेस्सर अहइ।</verse>
				<verse number="11">बिसवास क कारण ही, इब्राहीम जउन बूढ़ा होइ चुका रहा अउर सारा जउन खुद बाँझ रही, जे बचन दिहे रहा, ओका बिसवासनीय समझिके गर्भवती भइ अउर इब्राहीम क बाप बनाइ दिहेस।</verse>
				<verse number="12">अउर एह तरह इ एक्कइ मनई स जउन मरियल स रहा, अकास क तारन जेतनी असंख्य अउर सागर-तट क रेत-कणन जेतनी अनगिनत संतान भइन।</verse>
				<verse number="13">बिसवास क अपने मन मँ लिए भए इ लोग मरि गएन। जिन चीजन क प्रतिज्ञा दीन्ह गइ रही, उ ओ चीजन क नाहीं पाएन। उ पचे बस ओनका दुर स ही देखेन अउर ओनकर स्वागत किहेन अउर उ इ मानि लिहेन कि ओ पचे इ धरती प परदेसी अउर अनजान अहइँ।</verse>
				<verse number="14">उ लोग जउन अइसेन बात कहत हीं, उ इ देखावत हीं कि उ पचे एक अइसेन देस क खोज मँ अहइँ जउन ओनकर आपन अहइ।</verse>
				<verse number="15">अगर उ पचे ओह देस क बारे मँ सोचतेन जेका उ छोड़ि चुका अहइँ तउ ओनके फिन स लउटइ क अवसर रहत।</verse>
				<verse number="16">मुला ओन्हे तउ सरगे क एक अच्छा प्रदेस क उत्कट अभिलासा बा। इही बरे परमेस्सर क ओनकर परमेस्सर कहवावइ मँ संकोच नाहीं होत काहेकि उ तउ ओनके बरे एक नगर तइयार कइ रखे अहइ।</verse>
				<verse number="17">बिसवास क कारण ही इब्राहीम तउ, जब परमेस्सर ओकर परीच्छा लेत रहा, इसहाक क बलिदान चढ़ाएस। उहइ जेका प्रतिज्ञा मिली भइ रही, अपने एक मात्र बेटवा क जब बलिदान देई बाला रहा। तउ जद्यपि परमस्सर त ओसे कहे रहा, “इसहाक क द्वारा ही तोहरा वंस बाढ़ी।”</verse>
				<verse number="18"></verse>
				<verse number="19">मुला इब्राहीम तउ सोचेस क परमेस्सर मरे भएन क भी जियाइ सकत ह अउर अगर अलंकारित भाखा मँ कहा जाइ तउ उ इसहाक क मउत स फिन वापस पाइ लिहेस।</verse>
				<verse number="20">बिसवास क कारण ही इसहाक तउ याकूब अउर एसाब क ओनके भविस्स क बारे मँ आसीर्बाद दिहेस।</verse>
				<verse number="21">बिसवास क कारण ही याकूब तउ जब उ मरत रहा।</verse>
				<verse number="22">यूसुफ जब ओकर अंत निकट रहा हर बेटवा क आसीर्बाद दिहेस अउर लाठी क उपर सिरे झुकि के सहरा लेत परमेस्सर क आराधना किहेस।</verse>
				<verse number="23">बिसवास क अधार पर ही, मूसा क महतारी-बाप तउ, मूसा क जनम क बाद ओनका तीन महिना तक छुपाये रखेन काहेकि ओ देखि लिहे रहेन कि उ कउनो सामान्य बालक नाहीं रहा अउर उ राजा क आज्ञा स नाहीं डरेन।</verse>
				<verse number="24">बिसवास स ही, मूसा जब बड़ा भवा तउ फिरौन क बिटिया क बेटवा कहवावइ स इन्कार कइ दिहेस। उ पाप क छणिक सुक भोगन क अपेच्छा परमेस्सर क लोगन क साथे दुर्व्यवहार झेलबइ ही चुनेस।</verse>
				<verse number="25"></verse>
				<verse number="26">उ मसीह क बरे अपमान झेलइ क मिस्र क धन भंडारन क अपेच्छा जियादा मूल्यवान मानेस काहेकि उ आपन प्रतिफल पावइ क बाट जोहत रहा।</verse>
				<verse number="27">बिसवास क कारण ही, राजा क क्रोध स न डरत भए उ मिस्र क परित्याग कइ दिहेस। उ डटा रहा, मान ओका अदृस्य परमेस्सर देखात अहइ।</verse>
				<verse number="28">बिसवास स ही, उ फसह क त्यौहार अउर लहू छिड़कइ क पालन किहेस, ताकि पहिलौठा क बिनास करइवाला इस्राएल क पहिलौठा क छू तक न पावइ।</verse>
				<verse number="29">बिसवास क कारण ही, लोग लाल-सागर स अइसेन पार होइ गएन जइसेन उ कउनो सूखी जमीन होइ। मुला जब मिस्र क लोगन अइसेन करइ चाहेन तउ उ पचे डूबि गएन।</verse>
				<verse number="30">बिसवास क कारण ही, यहीहो क नगर-परकोट लोगन क सात दिन तलक ओकरे चारिहुँ कइँती परिक्रमा कइ लेइके बाद ढह गवा।</verse>
				<verse number="31">बिसवास क कारण ही, राहाब नाउँ क बेस्या आज्ञा क उल्लंघन करइवालन क साथे नाहीं मारी गइ रही काहेकि उ गुप्तचरन क स्वागत सत्कार किहे रही।</verse>
				<verse number="32">अब मइँ अउर जियादा का कही। गिदोन, बाराक, सिमसोन, यिफतह, दाऊद, समूएल अउर ओन्हन नबियन क चर्चा करइ क मोरे लगे समइ नाहीं बाटइ।</verse>
				<verse number="33">जे बिसवास स, राज्यन क जीत लिहेस, निआवपूर्ण काम किहेस अउर परमेस्सर जउन देइ क बचन दिहे रहा, ओका पाएस। जे सिंहन क मुँह बन्द कइ दिहेस,</verse>
				<verse number="34">लपलपात लपटन क क्रोध क सान्त किहेस अउर तलवार क धार स बच निकलेन, जेकरे कमजोरी इ सकित मँ बदल गइ, अउर युद्ध मँ जउन सक्तिसाली बनेन अउर जे बिदेसी सेनन क छिन्न-भिन्न कइ डाएन।</verse>
				<verse number="35">स्त्रियन तउ अपने मरन हुवन क फिन स जिन्दा पाएन। बहुतन क सतावा गवा, मुला उ छुटकारा पावइ स मना कइ दिहेन ताकि ओनका एक अउर अच्छा जीवन मँ पुनरूत्थान मिलि सकइ।</verse>
				<verse number="36">कछू क उपहासन अउर कोड़न क सामना करइ पड़ा जबकि कछू क जंजीरन स जकड़िके बन्दी घरे मँ डालि दीन्ह गवा।</verse>
				<verse number="37">कछू पइ पथराऊ कीन्ह गवा। ओनका आरा स चीरके दुइ फाँक कइ दीन्ह गवा, ओनका तलवार स मउत क घाट उतारि दीन्ह गवा। उ पचे गरीब रहेन, ओनका जातना दीन्ही गइ अउर ओनके साथे बुरा व्यवहार कीन्ह गवा! उ पचे भेड़ बकरियन क खाल ओढ़े रहेन अउर एहर ओहर भटकत रहेन।</verse>
				<verse number="38">इ संसार ओनके योग्य नाहीं रहा। उ पचे रेगिस्तानन अउर पहाड़न मँ घूमत रहेन अउर सबइ गुफा अउर धरती मँ बने भए बिलन मँ छुपत-छुपावत फिरेन।</verse>
				<verse number="39">अपने बिसवासे क कारण ही इ लोग सब स सराहा गएन। फिन भी परमेस्सर क जेकर महान बचन ओनका दीन्ह गवा रहा, ओका एनमाँ स कउनो नाहीं पाइ सका।</verse>
				<verse number="40">परमेस्सर क लगे आपन योजना क अनुसार हमरे बरे कूछ अउर जियादा अच्छा रहा जइसेन ओनहूँ बस हमरे साथे ही पूरा सिद्ध कीन्ह जाइ।</verse>
			</chapter>
			<chapter number="12">
				<verse number="1">काहेकि हम साच्छियन क अइसेन एतॅनी बड़ी भीड़ स घिरी भइ अहइ, जउन हमका बिसवास क मतलब का अहइ एकर साच्छी देत ह इही बरे आवा बाधा पहुँचावइवाली हर एक चीज क अउर ओह पाप क जउन सहज इ मँ हमका उलझाइ लेत ह झटकिके फेंका अउर उ दउड़ जउन हमका दउड़इ क बा, आवअ धीरज क साथे ओका दउड़ी।</verse>
				<verse number="2">हमार बिसवास क अगुआ अउर ओका पूरा सिद्ध करइवाला। इसू पे आवा हमका दिस्टी हटवाइ न चाही। जे अपने सामने उपस्थित आनन्द क बरे क्रूस क जातना झेलेन, ओकरी लज्जा क कउनउ चिंता नाहीं किहेस अउर परमेस्सर क सिंहासन क दहिने हाथ विराजमान होइ गवा।</verse>
				<verse number="3">ओकर धियान करा जे पापियन क अइसेन विरोध एह बरे सहन किहेस ताकि थकिके तोहार मन हार न मानि बइठइ।</verse>
				<verse number="4">पाप क बिरुद्ध आपन संघर्स मँ तोहे सबन क एतॅना नाहीं अड़इ पड़ा रहा कि आपन लहू बहावइ पड़ा होइ।</verse>
				<verse number="5">तू उ साहसपूर्ण बचन क भूलि गवा अहा। जउन तोहरे बेटवा नाते सम्बोधित अहइः “मोर बेटवा, पर्भू क अनुसासन क महत्व को समझइ मँ असफल न ह्वा। तिरस्कार जिन करा, ओकरे फटकार क बुरा कबहुँ जिन माना</verse>
				<verse number="6">काहेकि पर्भू ओनका अनुसासन करत ह। उ जेनसे पिरेम करत ह। अउर जइसेन बेटवा बनाइ लेत अहइ, ओनका दंड भी देत ह।”</verse>
				<verse number="7">कठिनाइ क अनुसासन क रूप मँ सहन करा। परमेस्सर तोहरे साथे अपने बेटवा क समान व्यवहार करत ह। अइसा बेटवा के होइ जउन अपने बाप क द्वारा अऩुसासित न भवा होइ?</verse>
				<verse number="8">अगर तोहे अइसेन नाहीं दण्डित कीन्ह गवा होइ जइसेन सबन क दण्ड दीन्ह जात ह तउ तू अपने बाप स पैदा भवा बेटवा नाहीं अहा। तउ सच्चा सन्तान नाहीं अहा।</verse>
				<verse number="9">अउर फिन इहउ कि एन सबन क उ बापउ जे हमरे सरीर क जन्म दिहे अहइ, हमका सिधावत अहइ। अउर एकरे बरे हम ओन्हे मान देइ ह तउ फिन हमका आपन आतिमन क बाप क अनुसासन क तउ केतना जियादा अधीन रहत भए जिअत चाही।</verse>
				<verse number="10">हमार बाप तउ तनिक समइ मँ जइसा उ नीक समझेस, हमका दंडित किहेस। हमका दण्ड, मुला परमेस्सर हमका हमार भलाइ क बरे दण्डित करत ह, जइसेन हम ओकर पवित्रता क सहभागी होइ सकी।</verse>
				<verse number="11">लोगन क जउने समइ सिधावा जात ह, ओह समइ सिधाउब अच्छा नाहीं लागत, बल्कि उ दुखद लागत ह मुला कछू भी होइ, उ जउन एकरे द्वारा सिधावा जाइ चुका बाटेन, ओनके बरे इ आगे चलिके नेकी अउर सान्ति क सुफल प्रदान करत ह।</verse>
				<verse number="12">इही बरे आपन कमजोर भुजा अउर कमजोर घुटनन क सबल बनावा।</verse>
				<verse number="13">अपने गोड़न क बरे रस्ता बनावा तू समतल। तकि जउन लँगड़ा हयेन, उ अपंग नाहीं, वरन चंगा होइ जाइँ।</verse>
				<verse number="14">सभन क साथे सान्ति क साथे रहइ क कोसिस करा अउर पवित्तर होइ क बरे हर तरह स प्रयत्नसील रहा, बिना पवित्तरता क कउनउ पर्भू क दर्सन न कइ पाई।</verse>
				<verse number="15">इ बात क धियान रखा कि परमेस्सर क अऩुग्रह स कउनो बिमुख न होइ जाइ अउर तोहे कस्ट पहुँचावइ अउर बहुत जने क बिकृत करइ क बरे कड़वी जड़ न फूटि पड़इ।</verse>
				<verse number="16">देखा कि कउनउ व्यभिचार न करइ अउर उ एसाव क समान परमेस्सर बिहीन न होइ जाइँ जइसेन सबसे बड़ा बेटवा होइ क नाते उत्तराधिकार पाबइ क अधिकारी रहा मुला जे ओन्हे बस एक जून क खाइ भर क बरे बेचि दिहेस।</verse>
				<verse number="17">जइसेन कि तू जनतइ अहा बाद मँ जब उ इ आसीर्बाद क पावई चाहेस तउ ओका अयोग्य ठहरावा गवा। जद्यपि उ रोइ-रोइके बरदान पावइ चाहेस मुला उ अपने किहे क अनकिहे नाहीं कइ पाएस।</verse>
				<verse number="18">तू आगी स जलत हुआ एह पर्वत क लगे नाहीं आया जेका छुवा जाइ सकत रहा अउर न तउ अंधकार, बिसाद अउर बवंडर क लगे आया होइ।</verse>
				<verse number="19">अउर न तउ तुरही क तेज आवाज अउर कउनउ अइसेन सुर क करीब मँ आया, अउर न बोलत बचन का सुन्या, उ आवाज जेकरे सुने क बाद केउ क सुनइ क जरूरत नाहीं रहत।</verse>
				<verse number="20">काहेकि जउन आदेस दीन्ह गवा रहा, उ पचे ओका झेली नाहीं पाएनः “अगर कउनउ पसु तलक उ पर्वत क छुवइ तउ ओहे पे पथराऊ कीन्ह जाई।”</verse>
				<verse number="21">उ दृस्य एतना भयभीत कइ डावइवाला रहा कि मूसा तउ कहेस, “मइँ भय स थर-थर काँपत हउँ।”</verse>
				<verse number="22">बल्कि तू सिय्योन पर्वत, सजीव परमेस्सर क नगरी, सरगे क यरूसलेम क लगे आइ पहुँचा अहा। तू तउ हजारन-हजार सरगदूतन क आनन्दपूर्ण सभा,</verse>
				<verse number="23">परमेस्सर क पहिलौटी क संतानन, जेनके नाउँ सरग मँ लिखा बाटेन, ओनके सभा क लगे पहुँच चुका अहा। तू सबके निआव कर्ता परमेस्सर अउर ओन्हन धर्मात्मा, पूर्ण मनइयन क सबइ आतिमन,</verse>
				<verse number="24">अउर एक नवा करार क बीचवा मँ ईसू अउर छिड़का भवा उ लहू स लगे आइ चुका अहा जउ न हाबील क लहू क अपेच्छा अच्छा बचन बोलत ह।</verse>
				<verse number="25">धियान रहइ, कि यदि जब परमेस्सर बलत ह ओका सुनइ स जिन करा। जदि उ पचे ओका नकारिके नाहीं बच पाएस जउन ओनकर धरती पे चेतावनी दिहे रहा अगर हम ओनसे मुँह मोड़बइ जउन हमका सरग स चेताउनी देत बा, तउ हम त दण्ड स बिकूलही न बची पउबइ।</verse>
				<verse number="26">ओकर बानी ओह समइ धरती क झकझोर दिहे रही मुला अब उ प्रतिज्ञा किहे अहइ, “एक बार फिन न केवल धरती क ही बल्कि आकासे क भी मइँ झकझोर देबइ।”</verse>
				<verse number="27">“एक बार फिन” इ सब्द उ हर चीज क ओर इंगित करत भवा जउन हिल गवा बा, जब स उ रचा गवा बा। उ सबइ क नास कइ दीन्ह जाई। केवल उहइ चीजन बचिहीं जउन हिलाई न जाइ सकइँ।</verse>
				<verse number="28">अतः काहेकि जब हमका एक अइसेन राज्य मिलत बा, जेका झकझोरा नाहीं जाइ सकत, तउ आवा हम धन्यवादी बनी अउर आदर मिले भए क साथे परमेस्सर क आराधना करी।</verse>
				<verse number="29">काहेकि हमार परमेस्सर भस्म कइ डावइवाली एक आग अहइ।</verse>
			</chapter>
			<chapter number="13">
				<verse number="1">भाई क समान परस्पर पिरेम करत रहा।</verse>
				<verse number="2">अतिथियन क सत्कार करब न भूला, काहे कि अइसेन करत भए कछू लोगन तउ अनजाना मँ ही सरगदूतन क स्वागत सत्कार किहे अहइँ।</verse>
				<verse number="3">बंदियन क इ रूप मँ याद करा जइसेन तूहऊँ ओनके साथी बन्दी रहा ह्वा। जेनके साथे बुरा व्यवहार भवा बा ओनकर एह तरह सुधि ल्या जइसेन माना तू खुद पीड़ित होत अहा।</verse>
				<verse number="4">बियाह क सबके आदर करइ चाही। बियाह क सेज क पवित्तर रखा। काहेकि परमेस्सर व्यभिचारियन अउर दुराचारियन क दण्ड देई।</verse>
				<verse number="5">अपने जीवन क धने क पिरेम स मुक्त रखा। जउन कछू तोहरे लगे बा, उही मँ सन्तोस करा काहेकि परमेस्सर तउ कहे बाटइ, “मइँ तोहका कबहुँ न छोड़ब, अउर तोहका कभी न तजबइ।”</verse>
				<verse number="6">इही बरे हम बिसवास क साथे कहत हई, “पर्भू मोर सहायक, मइँ कबहुँ भयभीत न बनबइ। कउनउ मनइ मोर का करइ?”</verse>
				<verse number="7">अपने नेतन क याद रखा जे तोहे परमेस्सर क बचन सुनाये अहइ। ओनकर जीवन विधि क परिणाम पे बिचार करा अउर ओनके बिसवास क अनुसरण करा।</verse>
				<verse number="8">ईसू मसीह काल्हिउ ही रहा, आजउ वइसेनइ अहइ अउर युग-युगान्तर तलक वइसेन ही रही।</verse>
				<verse number="9">हर तरह क अपरिचित उपदेस स भरमावा न जा। तोहरे मने क बरे अच्छा बा कि उ अऩुग्रह क द्वारा मजबूत बन रहा न कि खाइ-पअइ सम्बन्धी नियमन क मानइ स, जेनसे ओनकर कबहुँ कउनउ भला न भवा होइ, जे ओन्हे मानेन।</verse>
				<verse number="10">हमरे लगे एक अइसेन बेदी अहइ जइसेन प स खाइ क अधिकार ओनका न होइ जउन रावटी मँ सेवा करत हीं।</verse>
				<verse number="11">महाजायक परम पवित्तर स्थानन प पाप बलि क रूप मँ पसुवन क लहू त लइ जात हीं, मुला ओनकर सरीस डेरा स बाहेर जलाइ दीन्ह जात हीं।</verse>
				<verse number="12">इही बरे ईसू तउ खुद अपने लहू स लोगन क पवित्तर करइ क बरे नगर दुवार क बाहेर यातना झेलेस।</verse>
				<verse number="13">तउ फिन आवा हमहूँ इही अपमान क झेलत भए जेका उ झेले रहा, डेरन क बाहेर ओनके लगे चली।</verse>
				<verse number="14">काहेकि इहाँ हमार कउनो स्थायी नगर नाहीं बा बल्कि हम तउ ओह नगरक बाट जोहत अही जउन आवइवाला अहइ।</verse>
				<verse number="15">अतः आवा हम ईसू क द्वारा परमेस्सर क स्तुति रूपी बलिदान करी जउन ओन ओठन क फल अहइ जे ओनके नाउँ क पहिचाने हयेन।</verse>
				<verse number="16">अउर नेकी करब अउर आपन चीजन क अउरन क साथे बाँटब न भूला। काहेकि परमेस्सर अइसेनइ बलिदान स खुस होत ह।</verse>
				<verse number="17">आपने नेतन क आज्ञा माना। ओनके अधीन रहा। उ पचे तोहेप अइसेन चउकसी रखत हीं जइसेन ओन्हन मनइयन प रखी जात ह जेका आपन लेखा-जोखा ओन्हे देइ क बा। ओनकर आज्ञिया मानअ, जेसे ओनकर करम आनन्द बनी जाइ। न कि एक बोझ बनइ। काहेकि ओसे तोहर कउनउ लाभ न होये।</verse>
				<verse number="18">हमरे बरे बिनती करत रहा। हमका निस्चय कि हमार भावना ठीक बा। अउर हम हर तरह स उहइ करइ चाहित ह जउन उचित बा।</verse>
				<verse number="19">मइँ बिसेस रूप स आग्रह करित ह कि तू पराथना करत रहा ताकि जल्दी ही मइँ तोहरे लगे आइ सकउँ।</verse>
				<verse number="20">जे भेड़न क उ महान रखवाला हमार पर्भू ईसू क लहू द्वारा उ सनातन करार पे मोहर लगाइ क मरा भएन मँ स जियाइ उठायेस, उ सान्ति-दाता परमेस्सर आन्तरिक करार प्रभावित करे अहइ। तोहे सभन क अच्छी साधना स सम्पन्न करइ। जइसेन तू ओनकर इच्छा पूरी कइ सका। अउर ईसू मसीह क जरिये उ हमरे भित्तर उ सब कछू क सक्रिय करइ जउन ओनका भावत ह। जुग-जुगान्तर तलक ओनकर महिमा होत रहइ अउर जउन ओका अच्छा लागत रहइ। आमीन!</verse>
				<verse number="21"></verse>
				<verse number="22">भाइयो तथा बहिनियो मोर आग्रह बा कि तू प्रेरणा देइवाला मोरे इ बचन क धारन करा। मइँ तोहे इ पत्र बहुत संछेप मँ लिखे हउँ।</verse>
				<verse number="23">मइँ चाहत अहउँ कि तोहे जानकारी होइ कि हमार भाई तीमुथियुस रिहा कइ दीन्ह गवा अहइ। अगर उ जल्दी ही आइ पहुँचइ तउ मइँ उही क साथे तोहसे मिलइ अउबइ।</verse>
				<verse number="24">अपने सभन अग्रणियन अउर परमेस्सर क लोगन क नमस्कार भेजत कहा। इतालियावाले स आवा सभी लोगन तोहे नमस्कार भेजत अहइँ।</verse>
				<verse number="25">परमेस्सर क अनुग्रह तोहे सभन क साथे रहइ।</verse>
			</chapter>
		</book>
		<book number="59">
			<chapter number="1">
				<verse number="1">याकूब क जउन परमेस्सर अउर पर्भू ईसू मसीह क दास अहइ, संतन क बारह कुलन क नमस्कार पहुँचइ जइन समूचे संसार मँ फइला भवा अहइँ।</verse>
				<verse number="2">मोर भाइयो तथा बहिनियो, जब कबहुँ तू तरह तरह क परीच्छा मँ पड़ा तउ एका बड़ा आनन्द क बात समझा।</verse>
				<verse number="3">काहेकि तू इ जानत अहा कि तोहार बिसवास जब परीच्छा मँ सफल होत ह तउ ओसे धीरजपूर्ण सहन सक्ती पैदा होत ह।</verse>
				<verse number="4">अउर उ धीरजपूर्ण सहन सक्ती एक अइसेन पूर्णता क जनम देत ह जेहसे तू अइसेन सिद्ध अउर पूर्ण बन सकत ह जेहमाँ कउनउ कबहुँ नाहीं रहि जात।</verse>
				<verse number="5">तउन अगर तोहमाँ कछू विवेक क कमी अहइ तउ ओका परमेस्सर स मांग सकत ह। उ सबहिं क उदारता क साथे देत ह। उ सबहिं क उदार होइ क देइ मँ खुस होत ह।</verse>
				<verse number="6">बस बिसवास क साथे माँगा जाइ। तनिकउ भी संदेह न होइ चाही काहेकि जेका संदेह होत ह, उ सागर क ओह लहर क समान बा जउन हवा स उठत ह अउर थरथरात ह।</verse>
				<verse number="7">अइसेन मनई क इ नाहीं सोचइ चाही कि ओका पर्भू स कछू भी मिल पाई। अइसेन मनई क मन तउ दुविधा स ग्रस्त बा। उ अपने सभन करमन मँ अस्थिर रहत ह।</verse>
				<verse number="8"></verse>
				<verse number="9">साधारण परिस्थितियन वाला भाइयन क गरब करइ चाही कि परमेस्सर तउ ओका आतिमा क धन दिहे अहइ।</verse>
				<verse number="10">अउर धनी भाइ क गरब करइ चाही कि परमेस्सर ओका आत्मिक गरीबी देखाए अहइ। काहेकि ओका त घास खिलइवाला फूल क नाई झर जाइ क बा।</verse>
				<verse number="11">सूरज कड़कड़ात धूप लइके उगत ह अउर पउधा क झुराइ डावत ह। ओनकर फूल पत्तियन झर जात हीं अउर सुन्दरता समाप्त होइ जात ह। इही तरह धनी मनई धन बरे योजना बनाने मँ ही समाप्त होइ जात ह।</verse>
				<verse number="12">उ मनई धन्य अहइ जउन परीच्छ मँ अटल रहत ह काहेकि परिच्छा मँ खरा उतरइ क बाद उ जीवन क ओह बिजय मुकुट क धारण करी जेका परमेस्सर अपने पिरेम करइवालन क देइ क बचन दिहे अहइ।</verse>
				<verse number="13">परीच्छा क घड़ी मँ कीहीउ क इ नाहीं कहइ चाही, “परमेस्सर मोर परीच्छा लेत अहइ,” काहेकि खराब बातन स परमेस्सर क कउनउ लेब-देब नाहीं होत। उ कउनो क परीच्छा नाहीं लेत।</verse>
				<verse number="14">हर कउनो आपन ही खराब इच्छन स भ्रम मँ फंसिके परीच्छा मँ पड़त ह।</verse>
				<verse number="15">फिन जब उ इच्छा गर्भवती होत ह तउ पाप पूरा बढ़ जात ह अउर उ मउत क जनम देत ह।</verse>
				<verse number="16">तऊन मोर पिआर भाइयो तथा बहिनियो, धोखा न खा।</verse>
				<verse number="17">हर एक उत्तिम दान अउर परिपूर्ण उपहार उप्पर स मिलत ह। अउर उ सबइ ओह परमपिता क जरिये जे सरगीय प्रकास (सूरज चाँद अउर तारन) क जनम दिहे अहइ, नीचे लइ आवत ह। उ जउन सभन प्रकासन का पिता अहइ। जो न कभउ बदलत ह अउर न छाया स प्रभावित होत ह।</verse>
				<verse number="18">परमेस्सर अपने इच्छा स सत्य क बचन दुआरा हमे जनम दिहेस जेहसे हम ओकरे द्वारा रचे गएन प्रानियन मँ सबसे महत्वपूर्ण सिद्ध होइ सकी।</verse>
				<verse number="19">मोर पिआरे भाइयो तथा बाहिनियो, खियाल रखा, हर कीहीउ क तत्परता क साथे सुनइ चाही, बोलइ मँ जल्दी न करा, अउर जल्दी सा किरोध न करा कर।</verse>
				<verse number="20">काहेकि मनई जब किरोध करत ह तब उ परमेस्सर क द्वारा बनाए भए रस्ता का पालन नाहीं कइ पावत।</verse>
				<verse number="21">सब घिनौना आचरण अउर चारहुँ ओर फइलत दुस्टताई स दूर रहा। अउर नरमी क साथे तोहरे हिरदइ मँ रोपा भवा परमेस्सर क बचन क पालन करा जउन तोहार आतिमन क उद्धार देवाई सकत ह।</verse>
				<verse number="22">परमेस्सर क उपदेस पे चलइ वाला बना, न कि केवल ओका सुनइवाला। अगर तू केवल ओका सुनबइ भर रहत ह तउ अपने आप क छलत अहा।</verse>
				<verse number="23">काहेकि अगर केउॅ परमेस्सर क उपदेस क सुनत तउ बाटइ मुला ओह प चलत नाहीं, तउ उ ओह मनई क समान बाटइ जउन अपने भौतिक मुँहे क दरपन मँ देखतेइ भर बाटइ।</verse>
				<verse number="24">उ खुद क अच्छी तरह देखतइ बा, पर जब उहाँ स चला जात ह तउ तुरन्त भूल जात ह कि उ कइसेन देखॉत रहा।</verse>
				<verse number="25">किन्तु जो परमेस्सर क उहइ सम्पूर्ण व्यवस्था क नजदीक स देखत ह, जेससे स्वतन्त्रता प्राप्त होत ह, अउर उही प आचरण भी करत ह अउर सुनिके ओहका भूले बिना आपन आचरण मँ उतार लेत ह, उही अपने करमन क बरे धन्य होइ।</verse>
				<verse number="26">अगर केऊ सोचत ह कि उ भक्त अहइ अउर अपने जीभ प कसिके लगाम नाहीं लगावत त उ धोखा मँ बा। ओकर भक्ति बेकार बा।</verse>
				<verse number="27">परमेस्सर क सामने सच्चे अउर सुद्ध आराधना ऊहई अहइ: जेहमाँ अनाथ अउर विधवन क ओनके दुख दर्द मँ सुधि लीन्हि जाइ अउर खुद क कउनउ सांसारीक कलंक न लागइ दीन्ह जाइ।</verse>
			</chapter>
			<chapter number="2">
				<verse number="1">मोर पिआर भाइयो तथा बहिनियो, काहेकि महिमावान पर्भू ईसू मसीह मँ तोहार बिसवास बा, उ लोगन क प्रति पच्छपातपूर्ण न होइ।</verse>
				<verse number="2">कल्पना करा तोहरे सभा मँ कउनउ मनई सोना क अगूँठी अउर भव्य कपड़ा धारण कइके आवत ह। अउर तबहिं मइला कुचइला कपड़ा पहिरे एक गरीब मनई आवत ह।</verse>
				<verse number="3">अउर तू जे भव्य कपड़ा धारण किहे अहइ, ओका बिसेस महत्व देत भए कहत अहा, “इहाँ एह उत्तिम आसन प बइठा,” जब कि ओह गरीब मनई स कहत अहा, “उहाँ खड़ा रहा” या “मोरे गोड़न क लगे बइठि जा।”</verse>
				<verse number="4">अइसेन करत भए तू लोगन क बीच भेद भाऊ नाहीं किहा अउर खराब बिचारन क साथे निआवकर्ता नाहीं बनि गया?</verse>
				<verse number="5">मोर पिआरे भाइयो तथा बहिनियो, सुना, का परमेस्सर त संसार क आँखिन मँ ओन्हन गरीबन क बिसवास मँ धनी अउर ओह राज्य क उत्तराधिकारी क रूपे मँ नाहीं चुनेस? जेकर उ, जउन ओका पिरेम करत हीं, देइ क बचन दिहे अहइ।</verse>
				<verse number="6">परन्तु तू तउ ओह गरीब मनई का अपमान किहा ह। का इ धनिक मनइयन उहइ नाहीं हयेन, जउन तोह प नियत्रण करत हीं अउर तोह सबन क कचरहिउ मँ घसीट लइ जात हीं?</verse>
				<verse number="7">का इ उहई नाहीं हयेन, जउन मसीह क ओह अच्छे नाउँ क निन्दा करत हीं, जउन तोहे सबन क दीन्ह गवा बा?</verse>
				<verse number="8">अगर तू पवित्तर सासतरन मँ मिलइवाली एह अच्छी व्यवस्था क सहीयउ मँ पालन करत अहा, “अपने पड़ोसी स भी वइसेन ही पिरेम करअ, जइसे तू अपने आप स करत अहा।” तउ तू अच्छा ही करत अहा।</verse>
				<verse number="9">परन्तु अगर तू पच्छपात देखॅावत अहा तउ तू पाप करत अहा। फिन तोहका व्यवस्था क तोड़इवाला ठहरावा जाई।</verse>
				<verse number="10">काहेकि कउनउ अगर पूरी व्यवस्था क पालन करत ह अउर एक बात मँ चूकि जात ह तउ उ समूची व्यवस्था क उल्लंघन क दोसी होइ जात ह।</verse>
				<verse number="11">काहेकि जे इ कहे रहा, “व्यभिचार न करा।” उहइ तउ इहउ कहे रहा, “हतिया न करा।” तउन अगर तू व्यभिचार नाहीं करत्या परन्तु हतिया करत अहा तउ तू व्यवस्था क तोड़इवाला अहा।</verse>
				<verse number="12">तू उही लोगन क समान बोला अउर ओनही क जइसेन आचरण करा जेकर ओह व्यवस्था क अनुसार निआव होइ जात बा, जेसे छुटकारा मिलत ह।</verse>
				<verse number="13">जउन दयालुता नाहीं देखउतेन ओकरे बरे परमेस्सर क निआव बिना द्या के ही होइ। किन्तु दया निआव प बिजइ पावत ह।</verse>
				<verse number="14">मोर भाइयो तथा बहिनियो, अगर केउ मनई कहत ह कि उ बिसवासी बा त मुला कछू करम नाहीं करत तउ अइसेन स का लाभ जब तलक कि ओकरे करम बिसवास क अनुकूल न होइ? अइसेन बिसवास स का ओकर उद्धार कइ सकत ह?</verse>
				<verse number="15">अगर ईसू मँ लिप्त भाई अउ बहिन क पास कपड़न न होइ, अउर ओनके लगे खाइ तक क कछू भी न होइ,</verse>
				<verse number="16">अउर तोहमाँ सही केउ ओनसे कहइ “सान्ति स जियाअ, परमेस्सर तोहार कल्लियान करइ अपने क गरमावा अउर अच्छे तरह भोजन करा।” अउर तू ओनके सरीरीक जरूरतन क चीजन ओन्हे न द्या तउ फिन एकर का मूल्य बा?</verse>
				<verse number="17">इहइ बात बिसवास क समबन्ध मँ कहि जाउ सकत ह। अउर अगर बिसवास क साथे करम नाहीं बा तउ उ अपने आप मँ बिना प्राण क बाटइ।</verse>
				<verse number="18">परन्तु केउ कहि सकत ह, “तोहरे लगे बिसवास बा, जबकि मोरे लगे करम बा अब तू बिना करमन क आपन बिसवास देखावा अउर मइँ तोहे आपन बिसवास अपने करमन क द्वारा देखाउब।”</verse>
				<verse number="19">का तू बिसवास करत अहा कि परमेस्सर केवल एक बा? अद्भुत! दुस्ट आतिमा इ बिसवास करत ह कि परमेस्सर बा अउर उ काँपत रहत ह।</verse>
				<verse number="20">अरे मूरख! का तोहे प्रमाण चाही कि करम रहित बिसवास बेकार बा?</verse>
				<verse number="21">का हमार पिता इब्राहीम अपने करमन क आधार प ही ओह समइ परमेस्सर धर्मी नाहीं ठहरावा गवा रहा जब उ अपने बेटवा इसहाक क वेदी प अर्पित कइ दिहे रहा?</verse>
				<verse number="22">तू देखा कि ओकर इ बिसवास ओकरे करमन क साथे ही सक्रिय होत रहा। अउर ओकर करमन स ही ओकर बिसवास परिपूर्ण कीन्ह गवा रहा।</verse>
				<verse number="23">एह तरह पवित्तर सास्तर क इ कहा पूरा भवा रहा, “इब्राहीम तउ परमेस्सर प बिसवास किहेस अउर बिसवासे क अधार पे ही उ परमेस्सर का धर्मी ठहरा।” अउर इही स ही उ “परमेस्सर क दोस्त” कहा गवा।</verse>
				<verse number="24">तू देखा कि केवल बिसवासी स नाहीं, बल्कि अपने करमन स ही मनई परमेस्सर क धर्मी ठहरत ह।</verse>
				<verse number="25">इही तरह राहाब बेस्था भी बीका, जब उ परमेस्सर क दूतन क अपने घरे मँ स्वागत किहेस अउर फिन ओन्हे दुसरे रस्ता स कहूँ भेज दिहेस तउ ओह समइ का अपने करमन स परमेस्सर क धर्मी नाहीं ठहराई गइ।</verse>
				<verse number="26">एह तरह जइसेन बिना आतिमा क सरीर मरा हुआ बा, वइसेनइ करम बिना बिसवास क निर्जीव बा।</verse>
			</chapter>
			<chapter number="3">
				<verse number="1">मोर भाइयो तथा बहिनियो, तोहमाँ स बहुतन क सिच्छक बनइ क इच्छा न करइ चाही। तू जनतइ अहा कि हम सिच्छकन क अउर जियादा कड़ाइ क साथे निआव कीन्ह जाई।</verse>
				<verse number="2">काहेकि मइँ सब कइयउ बातन मँ चूक जाइत ह। सभन स बहुत स भूल होतइ रहत हीं। अगर केउ बोलइ मँ कउनउ चूक न करइ तउ उ एक सिद्ध मनई अहइ तउ फिन अउर उ पूरी देह प नियन्त्रण कइ सकत ह?</verse>
				<verse number="3">हम घोड़न क मुँह मँ एह बरे लगाम लगावत अही कि उ हमरे बस मँ रहइ। अउर एह तरह ओनके पूरे सरीर क हम बस मँ कई सकित ह।</verse>
				<verse number="4">अउर जल-यानन क बारे मँ भी इ बात सत्य अहइ। देखा, चाहे उ जहानन केतनउ बड़ा होत हीं अउर सक्तिसाली हवा क द्वारा चलावा जात हीं, परन्तु एक छोटी स पतवार स ओनका नाविक ओन्हे जहाँ कहूँ लइ जाइ चाहत ह। ओह प काबू पाइ क ओन्हे लइ जात ह।</verse>
				<verse number="5">इही तरह जीभ, जउन सरीर क एव्क छोटी स अंग अहइ, तबहुँ बड़ी बड़ी बात कहि डावइ क डींग मारत रहत ह। अब तनिक सोचा एक जरा स लपट पूरा जंगल क जराइ सकत ह।</verse>
				<verse number="6">हाँ, जीभ: एक एक आग क साथ अहइ। इ बुराइ क एक पूरा संसार अहइ। इ जीभ हमरे सरीर क अंग मँ एक अइसेन अंग अहइ, जउन पूरा सरीर क नियन्त्रण मँ रखीके भ्रस्ट कइ डावइत ह अउर हमार पूरा जीवन चक्र मँ ही आग लगाइ देत ह। इ जीभ नरक क आग स धधकत रहत ह।</verse>
				<verse number="7">देखा, हर तरह क हिंसक पसु, पंछी, रेंगइवाला जीव जंतु अउर मछरी प्राणी मनई द्वारा बस मँ कीन्ह जाइ सकत ह अउर कीन्ह भी गवा अहइँ।</verse>
				<verse number="8">परन्तु जीभ क केउ भी मनई बस मँ नाहीं कइ सकत। इ घातक बिस स भरा एक अइसेन बुराइ अहइ जउन कभउँ चैन स नाहीं रहत।</verse>
				<verse number="9">हम इही जीभ स अपने पर्भू अउर परमेस्सर क स्तुति करत अही अउर इही जीभ स लोगन क जउन परमेस्सर क समानता मँ पैदा कीन्ह गवा अहइँ, मनइयन क कोसत अही।</verse>
				<verse number="10">एक्कइ मुँहे स स्तुति अउर अभिसाप दुन्नऊ निकरत हीं! मोर भाइयो तथा बहिनियो, अइसेन तउ न होइ चाही।</verse>
				<verse number="11">सोतन क एक्कइ मुहाने स भला का मीठ अउर खारा दुन्नऊ तरह क जल निकर सकत ह।</verse>
				<verse number="12">मोर भाइयो तथा बहिनियो, का अंजीर क पेड़े पे जइतून क लता प कभउँ अंजीर लगत ह? निस्चय ही नाहीं। अउर न तउ खारा स्रोत स कभउँ मीठ जल निकर पावत ह।</verse>
				<verse number="13">भला तोहमाँ, गियानी अउर समझदार कउन हयेन? जउन हयेन, ओका अपने करमन अपने अच्छे चाल चलन स उ नम्रता स प्रकट करम जउ गियान स उत्पन्न होत ह।</verse>
				<verse number="14">परन्तु अगर तू जउने लोगन क हिरदइ कड़वाहट, ईर्सा अउर सुवारथ भरा हुआ बा, तउन ओनके सामने अपने गियान क ढोल न पीटा। अइसेन कइके त तू सत्य प परदा डावत भए असत्य बोलत अहा।</verse>
				<verse number="15">अइसेन “गियान” तउ परमेस्सर स नाहीं, बल्कि उ त सांसारिक अहइ। आत्मिक नाहीं अहइ। अउर सइतान क अहइ।</verse>
				<verse number="16">काहेकि जहाँ ईर्सा अउर सुवारथ पूर्ण महत्वपूर्ण इच्छा रहत ह, उहाँ अव्यवस्था अउर भरम अउर हर तरह क खराब बात रहत हीं।</verse>
				<verse number="17">परन्तु परमेस्सर आवइवाला गियान सबसे पहिले तउ पवित्तर होत ह, फिन सान्तिपूर्ण, सहज-खुस करुना स भरा होत ह। अउर ओसे अच्छा करमन क फसल उपजत ह। उ पच्छपात रहित अउर सच्चा भी होत ह।</verse>
				<verse number="18">सान्ति क बरे काम करइवाले लोगन क भी धरमपूर्ण जीवन क फल मिली अगर ओका सान्तिपूर्ण तरीके मँ कीन्ह गवा अहइ।</verse>
			</chapter>
			<chapter number="4">
				<verse number="1">तोहरे बीच लड़ाइ-झगड़ा क का कारन बाटेन? का ओनकर कारण तोहरे अपने ही भित्तर का वासना नाहीं बाटइ? तोहार उ भोग बिलासपूर्ण इच्छा भी जउन तोहरे भित्तर हमेसा द्वन्द करत रहत हीं?</verse>
				<verse number="2">तू लोग चाहत अहा परन्तु तोहे मिल नाहीं पावत। तोहमाँ ईर्सा बा अउर तू दुसरे क हतिया करत हया फिन जउन चाहत अहा, पाइ नाहीं सकत्या। अउर इही बरे तू लड़त-झगड़त रहत अहा अउर युद्ध करत अहा। आपन इच्छित चीजन क तू पाइ नाहीं सकत्या काहेकि तू ओन्हे परमेस्सर स नाहीं मँगत्या।</verse>
				<verse number="3">अउर जब मांगत भी अहा लेकिन पउत्या नाहीं काहेकि तोहार उद्देस्स पवित्तर नाहीं होत। काहेकि तू ओन्हे अपने भोग-बिलास मँ ही नस्ट करइ क बरे माँगत अहा।</verse>
				<verse number="4">अरे, बिसवास बिहीन लोगो! का तू नाहीं जानत अहा कि संसार स पिरेम करइ का मतलब होत ह परमेस्सर स घिना करब जइसेन ही बाटइ? जउन कउनउ एह दुनिया स दोस्ती रखइ चाहत ह, उ अपने आपके परमेस्सर क सत्रु बनावत ह।</verse>
				<verse number="5">का तू अइसेन सोचत ह कि पवित्तर सास्तर अइसेन बेकारइ मँ कहत ह, “परमेस्सर तउ हमरे भित्तर जउन आतिमा दिहे अहइ, उ आतिमा केवल अपने बरे ही सोचत ह।”</verse>
				<verse number="6">परन्तु परमेस्सर तउ हम पे बहुत जियादा अनुग्रह दरसाए अहइ, इही बरे पवित्तर सास्तर मँ कहा गवा बा, “परमेस्सर घमंडियन क विरोधी अहइ जबकि विनम्र जनन पे आपन अनुग्रह दरसावत ह।”</verse>
				<verse number="7">इही बरे अपने आपके परमेस्सर क अधीन कइ द्या। सइतान क विरोध करा। उ तोहरे सामने स भागि खड़ा होइ।</verse>
				<verse number="8">पममेस्सर क लगे आवा, उहउ तोहरे लगे आवइ। अरे पापियन, आपन हाथ सुद्ध करा अउर अरे संदेह करइवालन, अपने हिरदइ क पवित्तर करा।</verse>
				<verse number="9">सोक करा, बिलाप करा अउर रोवा। होइ सकत ह तोहरे इ हँसी सोक मँ बदलि जाइ अउर तोहरे इ खुसी बिसाद मँ बदलि जाइ।</verse>
				<verse number="10">पर्भू क सामने खुद क नवावा। उ तोहे ऊँचा उठाई।</verse>
				<verse number="11">भाइयो तथा बहिनियो, एक दुसरे क विरोध मँ बुरा बोलब बन्द करा। जउन अपने ही भाई क विरोध मँ बुरा बोलत हीं, अउर ओका दोसी ठहरावत हीं, उ व्यवस्था क दोसी ठहरत ह। अउर उ व्यवस्था प दोस लगावत अहा अउर यदि तू व्यवस्था प दोस लगावत अहा तउ व्यवस्था क पालन करइवाला नाहीं रहत्या बरन स्वयं ओकरे निआवकर्ता बन जात अहा।</verse>
				<verse number="12">लेकिन व्यवस्था क देइवाला अउर ओकर निआव करइवाला तउ बस एक्कइ बा। अउर उहइ रच्छा कइ सकत ह अउर उहइ खतम करत अहइ। तू फिन अपने साथी क निआव करइवाला तू कउन होत ह्या?</verse>
				<verse number="13">अइसेन कहइवाले सुना, “आजु या काल्हि हम एह या ओह नगर मँ जाइके एक साल भर उहाँ व्यपार मँ धन लगाइके बहुत स पइसा बनाइ लेबइ।”</verse>
				<verse number="14">परन्तु तू त एतनउ नाहीं जनत्या कि काल्हि तोहरे जीवन मँ का होइ! देखा! तू त ओह धुंध क समान अहा जउन रचिके देर बरे देखॉत ह अउर फिन खोइ जात ह।</verse>
				<verse number="15">तउन एकरे स्थान प तोहका तउ हमेसा इहइ कहइ चाही, “यदि पर्भू की इच्छा होइ तउ हम जीवित रहबइ अउर इ या उ काम भी करबइ।”</verse>
				<verse number="16">परन्तु स्थिति तउ इ बा कि तू तउ अपने आडम्बर पइ खुदइ गरब करत ह्या। अइसेन सब गरब बुरा बाटइ।</verse>
				<verse number="17">तउ फिन इ जानत भए इ उचित बा, ओका न करब पाप बा।</verse>
			</chapter>
			<chapter number="5">
				<verse number="1">धनवान लोगो सुना! जउन विपत्तियन तोह प आवइवाली बाटिन, ओकरे बरे रोवा अउर ऊँचा स्वरे मँ बिलाप करा।</verse>
				<verse number="2">तोहर धन सड़ा चुका बा। तोहार पोसाकन कीड़न द्वारा खाइ लीन्ह गइ बा।</verse>
				<verse number="3">तोहार सोना, चाँदी जंग लग जाइसे रंग बिगड़ गवा बा। ओह पे लगी जंग तोहरे विरोध मँ साच्छी देई अउर तोहरे सरीर को आगी की तरह चाट जाई। तू अन्तिम दिनन ब्बरे आपन खजाना बचाइके रक्खो अहा।</verse>
				<verse number="4">सोचा, तोहरे खेतन मँ जउन मजूदरन काम किहेन, तू ओनकर मेहनताना नाहीं दिए अहा ओका रोकि रखे अहा। उहई मेहनताना चीख पुकार करत बाटइ। अउर खेतन मँ काम करइवालन क उ चीख पुकारइ सर्वसक्तिमान पर्भू क कानन तलक जाइ पहुँची बा।</verse>
				<verse number="5">धरती पे तू बिलासपूर्ण व्यर्थ जीवन जिए अहा अउर अपने आपके भोग बिलासन मँ हुबोए रखे अहा। एह तरह तू अपने आपके बध कीन्ह जाइके दिनके बरे पाल पोसी क हिस्ट-पुस्ट कइ लिहे अहा।</verse>
				<verse number="6">तू भोले लोगन क दोसी ठहराइके ओनके कीहीउ प्रतिरोध क अभाव मँ ही ओनकर हतिया कइ डाया ह।</verse>
				<verse number="7">तउन भाइयो तथा बहिनियो, पर्भू क फिन स आवइ तलक धीरज धरा। उ किसान क धियान धरा जउन आपन धरती क मूल्यवान उपज क बरे बाट जोहत रहत ह। एकरे बरे उ सुरु क बरखा स लइके बाद क बरखा तलक हमेसा। धीरज क साथे बाट जोहत रहत ह।</verse>
				<verse number="8">तोहे भी धीरज क साथे बाट जोहइ चाही। अपने हिरदइ क मजबूत बनाए रखा काहेकि पर्भू क द्वारा आउब लगे ही बा।</verse>
				<verse number="9">भाइयो तथा बहिनियो, आपस मँ एक दुसरे क सिकाइत न करा ताकि तोहे अपराधी न ठहरावा जाइ। देखा, निआवकर्ता दरवाजे क ड्योढ़ी प खड़ा बा।</verse>
				<verse number="10">भाइयो तथा बहिनियो, ओन नबियन क याद रखा जे पर्भू क बरे बोलेन ह। उ हमरे बरे जातना झेलइ अउर धीरज स भरी सहनसीलता क उदाहरण हयेन।</verse>
				<verse number="11">धियान रखा, हम ओनकर सहनसीलता क कारण ओनका धन्य मानित अही। तू अय्यूब क धीरज क बारे मँ सुने ही अहा। अउर पर्भू तउ ओका ओकर आखिर मँ कउन परिणाम प्रदान किहेस, काहेकि तू भी जनतइ अहा कि पर्भू केतॅना दयालु अउर करुनापूर्ण अहइ।</verse>
				<verse number="12">मोर भाइयो तथा बहिनियो, सबसे बड़ी बात इ बा कि सरग क अउर धरती क या कीहीउ तरह क कसम खाइ छोड़ि द्या। तोहार “हाँ,” क हाँ होइ चाही, अउर “ना,” क ना होइ चाही। ताकि तोहका दोसी न ठहरावा जाइ सकइ।</verse>
				<verse number="13">अगर तोहमाँ स कउनो विपत्ति मँ पड़ा बा तउ ओका पराथना करइ चाही अउर अगर केउ खुस बा तउ ओका स्तुति-गीत गावइ चाही।</verse>
				<verse number="14">अगर तोहरे बीच कउनो रोगी बा तउ ओका कलीसिया क निरीच्छकन क बोलावइ चाही कि उ ओकरे बरे पराथना करइ अउर ओह प पर्भू क नाउँ मँ तेल मलइ।</verse>
				<verse number="15">बिसवास क साथे कीन्ह गइ पराथना स रोगी निरोगी होत ह। अउर पर्भू ओका उठाइके खड़ा कइ देत ह। अगर उ पाप किहे अहइ त पर्भू ओका छमा कइ देइ।</verse>
				<verse number="16">इही बरे अपने पापन क परस्पर स्वीकार अउर एक दुसरे क बरे पराथना करा ताकि तू भला चंगा होइ जा। अच्छा मनई क पराथना सक्तिसाली अउर प्रभावपूर्ण होत ह।</verse>
				<verse number="17">एलिय्याह एक मनई ही रहा ठीक हमरे जइसा। उ तेजी क साथे पराथना किहेस कि बरखा न होइ अउर साढ़े तीन साल छह महीना तलक धरती प बरखा नाहीं भइ।</verse>
				<verse number="18">उ फिन पराथना किहेस अउर अकास मँ बरखा उमड़ि पड़ी अउर धरती आपन फसल उपजाएस।</verse>
				<verse number="19">मोर भाइयो तथा बहिनियो, तोहमाँ स कउनो अगर सत्य स भटकि जाइ अउर ओका कउनउ फिन लउटाइ लइ आवइ तउ ओका इ पता होइ चाही कि</verse>
				<verse number="20">जउन कीहीउ पापी क पाप क रस्ता स लउटाइ लियावत ह उ ओह पापी क आतिमा क अनन्त मउत स बचावत ह अउर ओकरे कइयउ पापन क छमा कीन्ह जाइ क कारण बनत ह।</verse>
			</chapter>
		</book>
		<book number="60">
			<chapter number="1">
				<verse number="1">पतरस कइँती स, जउन ईसू मसीह क प्रेरित अहइ, परमेस्सर क उ चुने भए लोगन क नाउँ जउन पुन्तुस, गलातिया, कप्पदुकिया, एसिया अउर बिथुनिया क छेत्रन मँ सब कहूँ फैले अहइँ।</verse>
				<verse number="2">तू जेनका परमपिता परमेस्सर क पूर्व गियान क हिसाब स चुना गवा अहइ, जउन अपनी आतिमा क पवित्तर करइ जिनका ओनकइ आज्ञाकारी होइ खातिर अउर जेनपइ ईसू मसीह क लहू छिड़काव स पवित्तर कीन्ह जाइ क खातिर चुना गवा रहा तू पचन्क ऊपर परमेस्सर क अनुग्रह अउर सांति ज्यादा स ज्यादा होत रहइ।</verse>
				<verse number="3">हमरे पर्भू ईसू मसीह क परमपिता परमेस्सर धन्य होइ। मरे भए मँ स ईसू मसीह फिन जिअइ क कारण स ओकर अपार करुणा मँ स सजीव आसा पावइ खातिर उ हमका नवा जनम दिहे अहइ।</verse>
				<verse number="4">जेहिसे सरग मँ सुरच्छित ढंग स रखे भए अजर-अमर अउर जेनका नस्ट नाहीं कीन्ह जाइ सकत सरगे मँ तोहरे बरे सुरच्छित अहइ।</verse>
				<verse number="5">जे आपन बिसवास दुआरा परमेस्सर स सुरच्छित अहइँ ओनका उ उद्धार जउन समइ क अंतिम कोना मँ प्रकट होइ क हइ, मिल जाइ।</verse>
				<verse number="6">एह पइ तू बहुत प्रसन्न अहा। मुला अब तू पचन्क तनिक बरे खातिर तरह तरह क इम्तहान मँ पड़िके दुखी होब जरूरी अहइ।</verse>
				<verse number="7">जेहिसे तू पचन्क जउन परखा नासवान भवा बिसवास अहइ, जउन आगी मँ परखा नासवान सोनो स ज्यादा कीमती अहइ, ओहका जब ईसू मसीह परगट होई, परमेस्सर स प्रसंसा महिमा अउर आदर मिलइ चाही।</verse>
				<verse number="8">तू पचे ईसू मसीह क देखे नाहीं अहा, मुला तू पचे ओसे पिरेम करत अहा। चाहे तू पचे ओका दइ नाहीं पाए रह्या ह, मुला तबउ ओहमाँ बिसवास रखत अहा अउर एक अइसे आनन्द स भरा भवा अहा जउन कहइ लायक नाहीं अहइ एउर महिमावान अहइ।</verse>
				<verse number="9">अउर तू पचे अपने बिसवास क कारण लच्छ तक पहुँच रहे अहा जेहसे आतिमा क तउ उद्धार होइ।</verse>
				<verse number="10">इ उद्धार क बारे मँ उ नबियन बड़े मेहनत स पता लगाइन हइ अउर बड़ी हुसयारी स पता खोजेन हइ, जउन तउ प परगट होइवाले अनुग्रह क भविस्सबाणी क दिहे रहेन।</verse>
				<verse number="11">उ नबियन मसीह क आतिमा स इ जानिन जउन मसीह प होइवाले दुःखन क बतावत रही अउर उ महिमा जउन दुःखन क बाद परगट होई। इ आतिमा ओनका बतावत रही। इ बातन इ दुनिया मँ कब होइहीं अउर तब इ दुनिया मँ का होइ।</verse>
				<verse number="12">ओनका इ देखाइ दीन्ह गवा रहा कि उ बातन क प्रवचन करत भए उ पचे आपन सेवा खुदइ नाही करत रहेन बल्कि तोहार सबन्क करत रहेन। उ बतियन तू सबन्क सरग स पठए गए पवित्तर आतिमा क दुआरा तू पचन क ओन लोगन स जउन सुसमाचार मिला जे तोहरे बरे लिआवत रहेन। अउर उ बातन क जानइ क खातिर सरगदूतन तरसत अहइँ।</verse>
				<verse number="13">इ खातिर आपन दिमाग काम क बरे तइयार रखा अउर अपने ऊपर नियंत्रण रखा। उ बरदान जउन ईसू मसीह क परगट अहइ प तू पचन्क मिलइवाला अहइ, पूरी असा रखा।</verse>
				<verse number="14">आग्या मानइवाले बचवन क नाईं उ समइ क बुरी इच्छन क हिसाब स अपने क न ढाला जउन तू पचन मँ पहिले स रही जब तू पचे अग्यानी रह्या।</verse>
				<verse number="15">बल्कि जइसे तू सबन क उ परमेस्सर जउन सबन्क बोलावत अहइ पवित्तर अहइ उहइ क तरह अपने करमन मँ पवित्तर बना।</verse>
				<verse number="16">पवित्तर सास्तरन मँ लिखा अहइ: “पवित्तर बना, काहेकि मइँ पवित्तर अहउँ।”</verse>
				<verse number="17">अउर अगर तउ प्रत्येक करमन क हिसाब स पच्छपात रहित होइके निआव करइवाले परमेस्सर क हे पिता! कहिके पुकारत अहा तउ उ परमेस्सर सबन क संग बिना भेद-भाव क निआव करत ह। तउ इ परदेसी धरती मँ अपने रहइ वाले दिनन क इज्जत अउर परमेस्सर क डर क संग बितावा।</verse>
				<verse number="18">तू इ जानत अहा कि सोना या चाँदी जइसेन वस्तुअन स तू पचे उ व्यर्थ जीवन स छुटकारा नाही पाइ सकत अहा जउन तू पचन क तोहरे पूर्वजन स मिला बाटइ।</verse>
				<verse number="19">बल्कि उ तउ तू पचन के निर्दोस अउर कलंक रहित मेमने क समान मसीह क कीमती लहू स तू सबन क मिला सकत ह।</verse>
				<verse number="20">इ संसार क बनइ स पहिलेन ओहका चुन लीन्ह गवा रहा मुला तू पचे खातिर अन्तिम दिनन मँ परगट कीन्ह गवा ह।</verse>
				<verse number="21">उ मसीह क कारण तू पचे उ परमेस्सर मँ बिस्सास करत रह्या जउन मरे भएन मँ स जियाइ दिहेस अउर महिमा दिहेस। इ तरह परमेस्सर मँ तोहारे आसा अउर बिस्सास स्थिर अहइ।</verse>
				<verse number="22">अब तू सत्य क पालन करत भए, नीक भाईचारा अउर पिरेम क प्रदर्सित करइ खातिर अपने आतिमा क पवित्तर क लिहे अहा, पवित्तर हिरदय क साथ परस्पर पिरेम क आपन लच्छ बनाइ ल्या।</verse>
				<verse number="23">तू नासमान क बीज स फिन स जीवन प्राप्त नाही किहा ह बल्कि इ उ बीज क परिणाम अहइ जउऩ अमर हइ। तोहार पुनर्जनम परमेस्सर क उ नीक सन्देस स भवा अहइ जउन जिअत अहइ अउर हमेसा अटल रहत ह।</verse>
				<verse number="24">काहेकि पवित्तर सास्तर कहत ह, “प्राणी त सबइ घास बराबर अहइँ, अउर ओनके सज धज सब घास क फूलन जइसी, घास सब सूख जात ह अउर फूल उड़ जात ही।</verse>
				<verse number="25">मुला टिका रहत ह परमेस्सर क इ संदेसा सदा हीं।” इ उहइ नीक संदेसा अहइ जेहका तोहका उपदेस दीन्ह गवा ह।</verse>
			</chapter>
			<chapter number="2">
				<verse number="1">इहइ खातिर सब बुराइयन, छल-छदम पाखण्ड अउर बैर-विरोधन अउर दुसर क दोख मढ़इ स अलग रहा।</verse>
				<verse number="2">नवजात बचवन क तरह सुद्ध आत्मिक दूध खातिर ललचावा करा जेहसे तोहार विकास अउर तोहका बचावा जाइ सकइ।</verse>
				<verse number="3">अब देखा तू पचे तउ परमेस्सर क अच्छाई क स्वाद तउ लइ ही लिहे अहा।</verse>
				<verse number="4">ओह क लगे आवा। उ सजीव “पाथर” अहइ। वहिका संसारी लोगन क नकार दिहे रहा मुला उ परमेस्सर खातिर बहुमूल्य अहइ अउर जउन ओकरे दुआरा चुना गवा अहइ।</verse>
				<verse number="5">तू पचे भी सजीव पाथरन क तरह एक आत्मिक मन्दिर क रूप मँ बनाइ जात अहा। जइसेन पवित्तर याजकन क रूप मँ सेवा कइ सका। जेहमा कर्तव्य अइसेन आत्मिक बलिदानन क समर्पित करब अहइ जउन ईसू मसीह क दुआरा परमेस्सर क ग्रहण करइ लायक होइ।</verse>
				<verse number="6">पवित्तर सास्तर मँ लिखा बा: “देखउ, मइँ राखत हउँ सिय्योन मँ कोने क पाथर एक जउन अहइ बहुमूल्य अउर अहइ चुना गवा अहइ जउन ओह पइ जउन बिस्सास करी ओका कबहुँ क लजाइ न परी।”</verse>
				<verse number="7">एकर मूल्य तउ ओहके बरे अहइ जउन बिस्सास करत ही मुला ओनके खातिर जउन बिस्सास नाही करत अहइँ: “उ पाथर जेका सिल्पियन नकारिन बन गवा सबन त जियादा महत्त्वपूर्ण कोने क पाथर।”</verse>
				<verse number="8">तथा उ बन गवा: “एक पाथर जहाँ लोग ठोकर खाइ अउर अइसी चट्टान जहाँ स मनई फिसल जाइँ।” लोग ठोकर खात हीं काहेकि उ परमेस्सर क वचन क पालन नाही करतेन बस ओनकइ इही नीत रही बाटइ।</verse>
				<verse number="9">मुला तू तउ चुने भए लोग अहा, याजकन क राज्ज, एक पवित्तर रास्ट्र एक अइसेन मनइयन जउन परमेस्सर क आपन अहइँ, जइसेन तउ परमेस्सर क अचरज कारजन क घोसणा कइ सका। उ परमेस्सर जउन तोहका अन्धकार स अद्भुत प्रकास मँ बोलाएस ह।</verse>
				<verse number="10">एक समइ रहा जब तू परमेस्सर क लोग नाही रह्या। मुला अब तू परमेस्सर क लोगन अहा। एक समइ रहा जब दया क पात्र नाही रह्या मुला अब तू सबन प परमेस्सर दया देखाइस ह।</verse>
				<verse number="11">पिआरे बन्धुअन, तू पचे इ संसार मँ अतिथि अउर अजनबी क रूप मँ अहा एह बरे मइँ तू पचन स निवेदन करत अहउँ कि उ सारीरीक इच्छन स दूर रहा जउन तोहारे पचन क आतिमा स जूझत ही।</verse>
				<verse number="12">अबिस्सासियन मँ आपन व्यवहार ऍतना नीक बनाए रहा कि चाहे उ अपराधियन क रूप मँ तोहार सबन क आलोचना करइँ मुला तोहरे नीक कर्मन क परिणाम सरूप परमेस्सर क आवइ क दिन मँ परमेस्सर क महिमा प्रदान करा।</verse>
				<verse number="13">पर्भू खातिर हर मनवीय अधिकारिक क अधीन रहा।</verse>
				<verse number="14">राजा क अधीन रहा। उ सर्वोच्च अधिकारी अहइ। सासकन क अधीन रहा। उ ओनका कुकर्मीमयन क दण्ड देइ खातिर अउर नीक काम क प्रसंसा करइ क खातिर भेजे अहइ।</verse>
				<verse number="15">काहेकि परमेस्सर क इहइ इच्छा अहइ कि उ अपने नीक कर्मन क मूरखन क अगियान भरी बातन क चुप कराइ देइ।</verse>
				<verse number="16">स्वतंत्र मनइयन क तरह जिआ मुला स्वतंत्रता क बुरे कर्मन क आड़ न बनइ द्या। परमेस्सर क सेवक बनके जिआ।</verse>
				<verse number="17">सबन क सम्मान करा। अपने धरम भाइयन तथा बहिनियन स पिरेम करा। परमेस्सर प श्रद्धा रखा। सासक क सम्मान करा।</verse>
				<verse number="18">सेवको, यथोचित आदर क साथ अपने स्वामियन क अधीन रहा। न केवल ओनके जउन नीक बाटेन अउर दूसरे क खातिर चिन्ता करत अहइँ। बल्कि ओनके बरे जउन कठोर अहइँ।</verse>
				<verse number="19">काहेकि जदि कउनो परमेस्सर क उपस्थिति क प्रति सचेत रहत भए यातना सहत ह अउर अन्याय झेलत ह तउ उ प्रसंसनीय अहइ।</verse>
				<verse number="20">मुला अगर बुरे करम क खातिर तोहका पीटा जात ह अउर तू ओका सहत ह तउ एहमाँ प्रसंसा क कउन बात अहइ, मुला अहगर तोहरे कर्मन खातिर तोहका कस्ट दीन्ह जात ह तउ परमेस्सर क सामने उ प्रसंसा क जोग्य अहइ।</verse>
				<verse number="21">परमेस्सर तोहका इ खातिर बोलइस ह काहेकि मसीह हमरे बरे दुःख उठाएस ह अउर इ कइके हमरे बरे एक उदाहरण छोड़ेस ह ताकि मइँ ओहका चरण चिन्हन प चल सकउँ।</verse>
				<verse number="22">“उ (मसीह) कउनो पाप नाही किहेस अउर न ही ओकरे मुँहे स कउनो छल की बात निकरी।”</verse>
				<verse number="23">जब उ अपमानित भवा तउ उ कउनो क अपमान नाही किहेस अउर जब उ दुःख झेलेस, उ कउनो क धमकी नाही दिहस, बल्कि उ सच्चे निआव करइवाले परमेस्सर क आगे आपन क अर्पित कइ दिहेस।</verse>
				<verse number="24">उ क्रूस अपने देह मँ हमरे पापन क ओढ़ लिहेस। जइसेन अपने पापन क प्रति हमार मउत होइ जाइ अउर जउन कछू नेक अहइ मइँ ओकरे बरे जिई, ई उ घावन क कारण भवा ह जेनसे तू पचे चंगे कीन्ह गए रह्या।</verse>
				<verse number="25">काहेकि तू भेड़न क समान भटके रह्या अउर अब तू पचे अपने गड़िया अउर अपनी आतिमन क बचइया लगे लउतटि आए अहा।</verse>
			</chapter>
			<chapter number="3">
				<verse number="1">इहइ तरह पत्नियन अपने पतियन क अधीनता मानत रहइँ। जइसेन यदि ओनमाँ स कउनो परमेस्सर क उपदेस क पालन नाही करतियन तउ उ पचे कछू तोहरे पवित्तर अउर आदरपूर्ण चाल चलन स जीत लीन्ह जाइँ, बिना कउनो बात-चीत क उ सबइ जउने तरह तू पचे अच्छी तरह स रहित अहा।</verse>
				<verse number="2">तोहार पति लोग तोहार पवित्तर जीवन क देखिही जउन तरह तू पचे परमेस्सर क आदर देत भए रहबिउँ।</verse>
				<verse number="3">तोहार साज सिंगार बाहरी न होइ क चाही महतलब जउन बाल क चोटी गुहइ, सोने क आभूसण पहिरइ अउर नीक नीक कपड़ा पहिरइ स होत ह।</verse>
				<verse number="4">बल्कि तोहार सिंगार तउ तोहरे भीतर क व्यक्तित्व होइ चाही जउन कोमल सान्त आतिमा क अविनासी सौन्दर्य स युक्त होइ। परमेस्सर क दृस्टि मँ जउन मुल्यावान होइ।</verse>
				<verse number="5">काहेकि बीते जुग मँ उ सबइ स्त्रियन क, अपने क सजावइ क इहइ ढंग रहा, जइसेन ओनकर सबइ आसा परमेस्सर प टिकी अहइँ उ पचे अपने पति क अधीन रहत रहिन।</verse>
				<verse number="6">जइसेन इब्राहीम क आग्या मानइवाली रहइवाली सारा जउन ओका आपन सुआमी मानत रही। तू पचे भी अगर नीक काम करत अहा अउर डेरात नाही अहा तउ सारा क बिटिया ही अहा।</verse>
				<verse number="7">अइसेन ही तू सबइ पति लोगन, अपनी पत्नियन क साथ समझदारी स रहा, काहेकि वह सारीरीक दृस्टि स कमज़ोर अहइँ। जीवन क बरदान मँ ओनका आपन आपन उत्तराधिकारी माना जइसेन तोहरे पराथना मँ बाधा पड़इ।</verse>
				<verse number="8">आखिर मँ तू पचन क सान्ति स रहइ चाही। एक दूसर क समझइ क कोसिस करा। एक दूसर स भाइयन क तरह पिरेम करा। दयालु अउर नरम बना।</verse>
				<verse number="9">एक बुराई क बदला दूसर बुराई स न द्या कि गाली क बदले गाली द्या। एकरे विपरीत आसीस द्या। काहेकि परमेस्सर तोह पचन क आसीर्बाद देइ बरे बोलाएस ह। इहइ स तू पचन्क परमेस्सर क आसीर्बाद क उत्तराधिकार मिली।</verse>
				<verse number="10">पवित्तर सास्तर कहत ह: “जउन जीवन आनन्द उठाइ चाही जउन समइ की सद्गति क देखइ चाही ओका कि कबहूँ बुरा न बोलइ उ अपने ओठन क छल वाणी स रोकइ</verse>
				<verse number="11">बुराई स अपने क अलग रखइ, उ करइ सदा उ नेक करमन क जउन अहइ नीक चाही ओका कर जतन सान्ति पावइ चाही ओका अनुसरण करइ सान्ति क</verse>
				<verse number="12">पर्भू की आँखियन अहइँ टिकी ओनहियन प जो नीक अहइँ लागे कान पर्भू क ओनकी पराथना प पइ जउन करत अहइँ बुरा करम मुँहना सदा फेरत अहइ पर्भू ओनसे।”</verse>
				<verse number="13">अगर जउन उत्तम अहइ तू पचे उहि क करइ क लालयित रहा तउ भला कउनो तोह सबन क नुकसान पहुँचाइ सकत ह।</verse>
				<verse number="14">मुला अगर तोहका भले क खातिर दुःख उठावइ क पड़इ तउ तू सब धन्य अहा। “इहइ खातिर कउनो क भय स भयभीत न रहा अउर न ही परेसान ह्वा अउर न विचालित।”</verse>
				<verse number="15">अपने मन मँ मसीह क पर्भू क प्रति नरम ह्वा, श्रद्धा स नत ह्वा! तू जउन बिस्सास रखत अहा अगर कउनो ओकरे बार मँ पूछइ तउ सदा उत्तर देइ क तइयार रहा।</verse>
				<verse number="16">मुला विनम्रता अउर आदर क साथ अइसा करा। आपन हिरदइ सुद्ध राखा जइसेन अपने अच्छे मसीह व्यवहार स तोहरे नीक गुणन क निन्दा करइवाले तोहार अपमान करत भए लजाइँ।</verse>
				<verse number="17">अगर परमेस्सर क इहइ इच्छा अहइ कि क अच्छा बाटइ अच्छे काम करत भए दुःख उठावा इ नाहीं कि बुरा करत भए।</verse>
				<verse number="18">काहेकि ईसू मसीह भी हमरे पाप खातिर दुःख उठाइस। मतलब उ निर्दोस रहइ हम सबइ पापियन खातिर एक बार मरि गवा ताकि हमका परमेस्सर क नगीचे लइ जाइ। सरीर क भाव स तउ उ मारा गवा मुला आतिमा मँ जियावा गवा।</verse>
				<verse number="19">आतिमा क स्थिति मँ उ जाइके जउन जेल मँ बंदी आतिमन रहेन ओन बंदी भइयन आतिमन क उपदेस दिहेस।</verse>
				<verse number="20">जउन उ समइ परमेस्सर क आग्या न मानइवाली सबइ आतिमा रहिन जब नूह क नाव बनाई जात रही अउर परमेस्सर बड़े धीरज क साथ प्रतीच्छा करत रहा। उ नाव मँ थोड़ेन-मतलब आठइ मनई पानी स बचावा जाय सेकन।</verse>
				<verse number="21">इ पानी उ बपतिस्मा क तरह अहइ जेहसे अब तोहार उद्धारण होत अहइ। बपतिस्मा सरीर क मैल क छोड़ावइ बरे नाही अहइ, बल्कि सुद्ध अन्तकरण खातिर परमेस्सर स बिनती अहइ। अब तउ बपतिस्मा तोहका ईसू मसीह क पुनरुत्थान क दुआरा बचावत अहइ।</verse>
				<verse number="22">उ ईसू सरग मँ गवा अउर अब परमेस्सर क दाहिने हाथ बिराजमान अहइ अउर अब सरगदूत, अधिकारियन अउर सबइ सक्तियन ओकरे अधीन कइ दीन्ह गइ अहइँ।</verse>
			</chapter>
			<chapter number="4">
				<verse number="1">जब मसीह सारीरीक कस्ट उठाएस तउ तू पचे उहइ मानसिकता क सास्सतर क तरह धारण करा काहेकि जउन सरीर स दुःख उठावत ह उ आपन क छुटकारा पाइ लेत ह</verse>
				<verse number="2">इ बरे फिन मनइयन बुरी इच्छा क अनुसरण न करइँ। बल्कि परमेस्सर क इच्छा क हिसाब क करम करत भए अपने बाकी भौतिक जीवन क सर्मपित कइ देइँ।</verse>
				<verse number="3">काहेकि तू अबहिं तलक अबोध व्यक्तियन क तरह विसय भोग, सब वासना, पियक्कड़पन, उन्माद स भरे गए आमोद-प्रमोद, मधूपान उत्सवन अउर घृणा-पूर्ण मूरति पूजा मँ बहोतइ जियादा समइ बिताइ चुका अहा।</verse>
				<verse number="4">अब जब तू जंगली अउर निरर्थक रहन-सहन मँ साथ नाही देत अहा। तउ ओनका अचरज होत ह। उ पचे तोहार निन्दा करत ही।</verse>
				<verse number="5">ओनका जउन मर चुका अहइँ या जिन्दा अहइँ, अपने व्यवहार क लेखा जोखा मसीह क देइ क पड़ी जउन ओनकइ निआव करइवाला अहइ।</verse>
				<verse number="6">इहइ बरे ओन बिस्सासियन क जउन मर चुका बाटेन सुसमाचार क उपदेस दीन्ह गवा अहइ कि सारीरीक रूप स चाहे निआव मनइयन क स्तर पइ होइ मुला आत्मिक रूप स परमेस्सर क अनुसार रहइँ।</verse>
				<verse number="7">उ समइ निकट अहइ अब सबइ कछू क अन्त होइ जाई। एह बरे समझदार बना अउर अपने प काबू राखा ताकि तोहका पराथना करइ मँ सहायता मिलइ</verse>
				<verse number="8">अउर सबसे बड़ी बात इ अहइ कि एक दूसरे क प्रति लगातार पिरेम बनाए राखा काहेकि पिरेम स अनगिनत पापन क निवारण होत ह।</verse>
				<verse number="9">बिना कछू कहे सुने एक दूसर क स्वागत सत्कार करा।</verse>
				<verse number="10">जउन परमेस्सर कइँती स केउ क बरदान मिला ह, ओका चाही कि परमेस्सर क नीक प्रबन्धकन क सामान, एक दूसरे क सेवा खातिर ओका काम मँ लावइ।</verse>
				<verse number="11">जउन प्रबचन करइ, उ अइसा करइ मानो परमेस्सर स निकरे बचनन क सुने रहा होइ। जउन सेवा करइ उ इ सक्ती स करइ जेहमाँ परमेस्सर प्रदान करत ह जेहसे सबइ बातन मँ ईसू मसीह क दुआरा परमेस्सर क महिमा होइ। महिमा अउर सामर्थ्य सर्वदा उहइ क अहइ। आमीन।</verse>
				<verse number="12">पिआरे बन्धुअन, तोहरे बीच क ई अग्नि परीच्छा क जउन तोहका परखइ खातिर होइ, ऐसे अचरज जिन करा जइसेन तोहरे साथ कउनो अनहोनी घटना घटत होइ।</verse>
				<verse number="13">बल्कि आनन्द मनावा कि तू पचे ईसू मसीह क सबइ यातना मँ हिस्सा बटावत अहा। ताकि जब ओनकइ महिमा परगट तउ तोहमाँ आनन्दित अउर मगन रहि सका।</verse>
				<verse number="14">यदि मसीह क नाउँ प तू पचे अपमानित होत अहा तउ तू ओका सहा काहेकि तउ मसीह क अनुयायी अहा, तू धन्य अहा काहेकि परमेस्सर क महिमावान आतिमा तोहरे साथ बाटइ।</verse>
				<verse number="15">तउ तू पचेन मँ स कउनो हत्यारा चोर, कुकर्मी अथवा दूसरे क काम मँ हस्तक्षेप करइवाला बनके दुःख न उठावइ।</verse>
				<verse number="16">मुला अगर उ मसीही क अनुयायी होइ क कारण दुःख उठावत ह तउ ओका लज्जित न होइ क चाही। ओका तउ परमेस्सर इस नाउँ क बरे धन्यवाद देइ क चाही।</verse>
				<verse number="17">काहेकि परमेस्सर अपनेन परिवार स सुरु होइके निआव सुरु करइ समइ आइ पहुँचा अहइ। अउर अगर इ हमहिन स सुरु होत हतउ जउन परमेस्से क नीक सुसमाचार क स्वीकार नाही कीन्ह होइ। ओनमाँ क होइ।</verse>
				<verse number="18">“यदि इ अच्छे व्यक्ति क उद्धार क पाउब कठिन अहइ तउ परमेस्सर विहीन अउर पापियन क साथे क होई।”</verse>
				<verse number="19">तउ फुन जउन परमेस्सर क इच्छानुससार दुःख उठावत ह, ओनका नीक काम करत भए, उ बिसवासमय, सिस्टी क रचयिता क आपन-आपन आतिमा सौंप देइ क चाही।</verse>
			</chapter>
			<chapter number="5">
				<verse number="1">अब मइँ तोहरे बीच जउन बुजुर्ग अहइँ ओनसे निवेदन करित हउँ मइँ खुद एक बुजुर्ग अहउँ अउर मसीह जउन यातना झेलेस ह, ओके साच्छी हउँ, जउन ओकरे भावी महिमा परगट होई ओकर सहभागी हउँ।</verse>
				<verse number="2">राह देखावइवाले परमेस्सर क जनसमूह तोहरी देख-रेख मँ अहइ अउर निरीच्छक क रूप मँ तू ओकर सेवा करत अहा, कउनो दबाव क कारण नाही बल्कि परमेस्सर क इच्छानुसार अइसा करा कि अपनी इच्छा क कारण तू आपन इ काम धन क लालच मँ नाही बल्कि सेवा करइ क प्रति अपनी ततपरता क कारण करत अहा।</verse>
				<verse number="3">देख-रेख क खातिर नाही जउन तोहका सौंपा गवा अहइ तू ओनके सासक न बना। बल्कि समूह बरे आदर्स बना।</verse>
				<verse number="4">ताकि जब उ प प्रमुख गड़ेरिया परगट होइ तउ तोहका विजय क उ भव्य मुकुट प्राप्त होइ जेकर सोभा कबहूँ नाही घटतइ।</verse>
				<verse number="5">इहइ तरह हे नवजुवको तू पचे अपने अपने धर्मवृद्ध क अधीन रहा। तू पचे दूसरे क प्रति विनम्रता स सेवा करा। काहेकि, “करत ह परमेस्सर विरोध अभिमानी क, मुला दीनन प अनुग्रहसील सदा ह।”</verse>
				<verse number="6">इ खातिर परमेस्सर क सक्तिसाली हाथन क नीचे अपने आपको नवावा। जेहसे ठीक अवसर अवाइ प उ तोहका ऊँचा उठावइ।</verse>
				<verse number="7">तू पचे आपन सबइ चिन्ता ओह पइ छोड़ द्या काहेकि उ तोहरे खातिर चिन्तित अहइ।</verse>
				<verse number="8">आपन प नियंत्रण राखा। सावधान रहा। तोहार सत्रु एक गरजत सेर क तरह इधर उधर घूमत रहत ह अउर इहइ ताक मँ रहत ह कि जउन मिलइ ओका फाड़ खावइ।</verse>
				<verse number="9">तू ओकरे विरोध करा अउर अपने बिसबास प अड़ा रहा काहेकि तू तउ जानत अहा कि सारे संसार मँ तोहरे भाई बहिन इहइ तरह क यातना झेलत अहइँ।</verse>
				<verse number="10">मुला सम्पूर्ण अनुग्रह क स्रोत परमेस्सर जउन तोहका ईसू मसीह मँ अनन्त महिमा क सहभागी होइ खातिर बोकाइस ह, तोहरे तनिक समइ सबइ यातना झेलइ क बाद खुदइ तोहका फिन स स्थापित करी, समर्थ बनाई अउर स्थिरता प्रदान करी।</verse>
				<verse number="11">सबहिं सक्तियन अनन्त तलक ओकरे अधिकार मँ अहइँ। आमीन।</verse>
				<verse number="12">मइँ तोहका इ छोट स पत्र, सिलवानुस क सहयोग स, जेहका मइँ बिसबासपूर्ण भाई मानित हउँ, तोहका प्रोत्साहित करइ खातिर परमेस्सर क सच्चा अनुग्रह उहइ अहइ, इहइ बात क साच्छी देइ क खातिर लिखेउँ, इहइ प अड़े रहा।</verse>
				<verse number="13">बेबीलोन क कलीसिया जउन तोहरे समान परमेस्सर द्वारा चुनी गइ अहइ, तोहका नमस्कार करत अहइ। मसीह मँ मोरे बेटवा मरकुस क तोहका नमस्कार।</verse>
				<verse number="14">पिरेमपूर्ण चुम्बन स एक दूसरे क स्वागत सत्कार करा। तू सबइ क, जउन ईसू मसीह मँ अहइँ, सान्ति मिलइ।</verse>
			</chapter>
		</book>
		<book number="61">
			<chapter number="1">
				<verse number="1">ईसू मसीह क सेवक अउर प्रेरित समौन पतरस कइँती स, उ लोगन क नाउँ जेनका परमेस्सर स हमरे जइसा बिस्सास प्राप्त अहइ। काहेकि हमार अउर उद्धारकर्ता ईसू मसीह निआव क कर्ता अहइ।</verse>
				<verse number="2">तू परमेस्सर अउर हमरे पर्भू ईसू क जान चुका अहा इ खातिर तू सबन्क परमेस्सर क कृपा अउर अनुग्रह बहुतइ जियादा मिली होई।</verse>
				<verse number="3">अपने जिन्नगी क खातिर अउर परमेस्सर क सेवा खातिर जउन कछू हमका चाही तउन सब हमका अपने दिव्य सक्ती अउर अच्छाई दुआरा उ हमका दिहे अहइ। काहेकि हम पचे ओका जानित ह जउन अपने धार्मिकता अउर महिमा क कारण स हमका बोलाएस हवै।</verse>
				<verse number="4">एनहिन क दुआरा उ हमका अइसे महान अउर अमूल्य बरदान दिहे अहइ, जउन देइ क खातिर उ प्रतिग्या करे रहा। जेहसे तू पचे परमेस्सर क दिव्य प्रकृति क साझीदार अउर भ्रस्टाचार स बच सका, जउन लोगन क बुरी इच्छन क कारण स इ संसार मँ बना अहइ।</verse>
				<verse number="5">एही खातिर अपने बिस्सास मँ नीक गुणन क नीक गुणन मँ गियान क,</verse>
				<verse number="6">गियान मँ आत्म-संयम क, आत्म-संयम मँ धीरज क, धीरज मँ परमेस्सर क भक्ती क,</verse>
				<verse number="7">ईसू क भक्ती मँ भाइयन अउर बहिनियन क, भाइयन अउर बहिनियन मँ पिरेम क उदारता क संग बढ़ावत चला।</verse>
				<verse number="8">काहेकि अगर इ गुण तू पचन मँ अहइँ अउर ओनकर विकास होत बाटइ तउन उ पचे तोह सबन क कर्मसील अउर सफल बनाइ देइही अउर ओनसे तू पचे क हमरे पर्भू ईसू मसीह क पूरा गियान मिल जाई।</verse>
				<verse number="9">मुला जेहमाँ, ई गुण नाहीं बाटेन, ओहमाँ दूर-दिस्टी नाही बा, उ आँधर अहइ। अउर उ ई भूल गवा अहइ कि ओकरे पाछे क पापेन क धोइ दीन्ह गवा अहइ।</verse>
				<verse number="10">एही बरे भाइयो तथा बहिनियो, ई दिखावइ खातिर खूब तइयार रहा कि वास्तव मँ तू पचन्क परमेस्सर दुआरा बोलावा गवा अहइ अउर चुना गवा अहइ काहेकि अगर तू पचे इ बातन क करत अहा तउ न कबहूँ ठोकर खाब्या अउर न गिरब्या।</verse>
				<verse number="11">अउर ई तरह स हमरे पर्भू अउर उद्धारकर्त्ता ईसू मसीह क अनन्त राज्ज मँ तू पचन्क महान प्रवेस दइके परमेस्सर आपन उदारता देखाई। उ राज्ज हमेसा हमेसा चलत रही।</verse>
				<verse number="12">इहइ कारण स मइँ तू पचन क, यद्यपि तू पचे ई जानत ही अहा कि जउन सत्य तोहका मिला अहइ, ओह पइ डटे रहा, मइँ ई बातन क सदा याद करावत रहब।</verse>
				<verse number="13">जब तक मइँ काया मँ रहबइ तू सबन्क याद देवाइके सचेत करत इ उचित जानित हउँ।</verse>
				<verse number="14">काहेकि मइँ इ जानित हउँ कि मोका अपने इ काया क जल्दी ही छौड़इ क होई जइसेन हमरे पर्भू ईसू मसीह मोका देखाएस ह।</verse>
				<verse number="15">एही बरे मइँ आपन पूरा प्रयत्न करबइ कि मोरे मरि जाइके बाद भी तू पचे मोरे इ बातन क याद रख सका।</verse>
				<verse number="16">जब हम आपन पर्भू ईसू मसीह क सामरथ क बारे मँ बताए अही अउर ओकरे अवाई क बारे मँ भी कहे अही। तउ हम चालाकी स गढ़ी भइन किस्सन क सहारा नाही लीन्ह काहेकि हम तउ ओहकी महानता क खुदइ गवाहदार अही।</verse>
				<verse number="17">जब परमपिता परमेस्सर स उ सम्मान अउर महिमा पाइ लिहस तउ दिव्य उपस्थिति सही विसिस्ठ वाणी परगट भइ रही, “इ मोर पिआरा बेटवा अहइ, मइँ एहसे प्रसन्न हउँ।”</verse>
				<verse number="18">हम आकास स आई भइ इ वाणी सुने रहेन। तबहिं तउ हम पवित्तर पर्वत पइ ओकरे साथेन रहेन।</verse>
				<verse number="19">हमहूँ क भी नबियन क बचन क पुस्टी पइ अउर जियादा आस्था होइ गइ। इ बात प धियान दइके त पचे इ अच्छा करत अहा काहेकि इ तउ एक प्रकास बाटइ जउन अँधियारे ठाँव मँ तबइ तक चमकत रहत ह जब तलक पौ फाटत ह अउर तोह सबन क हिरदइ मँ भोर क तारा उदय होत ह।</verse>
				<verse number="20">मुला सबसे बड़ी बात इ अहइ कि तू पचन्क जान लेइ चाही कि पवित्तर सास्तरन क कउनउ भविस्सबाणी नबियन क अपने बिचारन क परिणाम न अहइ।</verse>
				<verse number="21">काहेकि कउनउ मनई जउन कहइ चाहत ह ओकरे अनुसार भविस्सबाणी नाही होत बल्कि पवित्तर आतिमा क प्रेरणा स मनई परमेस्सर क बाणी बोलत ह।</verse>
			</chapter>
			<chapter number="2">
				<verse number="1">जइसा भी रहा होइ उ संतान क बीच मँ साइत झूठे नबियन देखाइ देइ लगत रहेन बिल्कुल उहइ तरह झूठे उपदेसकन तू सबन्क बीच मँ भी परगट होइही। उ घातक विचारन क सुरुआत करिही अउर उ सुआमी क नकार देइही जउन ओनका आजादी दिआए रहा। इ प्रकार अइसा कइके उ जल्दी बिनास क न्यौतिहइँ।</verse>
				<verse number="2">बहोत लोगन ओनकइ अनैतिक भोग-विलास क तरीका क पाछे चलिही ओनहिन क कारण स सत्य क मार्ग स बदनाम होई।</verse>
				<verse number="3">लोभ क कारण स उ बनावटी बातन स तोहसे पैसा कमइहइँ। ओनके दंड परमेस्सर क दुआर बहोत पहिलेन स निर्धारित कीन्ह जाइ चुका ह। ओनकर विनास तइयार अहइ अउर ओनकर प्रतीच्छा करत बाटइ।</verse>
				<verse number="4">काहेकि परमेस्सर उ पाप करइवाले दूतन तक क नाही छोड़ेस अउर ओनका पाताल लोक अंधेरे कोठरियन मँ डाइ दिहिस कि उ निआव क दिन तक उहइ पइ पड़ा रहइँ,</verse>
				<verse number="5">उ उ पुरान संसार क भी नाही छोड़ेस मुला नूह क उ समइ रखवारी किहेस जब अधर्मियन क संसार प जलप्रलय भेजी गइ रही। नूह ओन आठ मनइयन मँ रहा जउन जलप्रलय क समइ बचा रहेन। उ जउन उचित अहइ, ओकर उपदेस देत रहा।</verse>
				<verse number="6">सदोम अउर अमोरा ह जइसेन नगरन क बिनास क दण्ड दइके ओनकइ राखी बनाए दीन्ह गवा रहा ताकि अधर्मियन क साथ जउन बाते घटिहइँ, ओनके खातिर इ एक चेताउनी होइ।</verse>
				<verse number="7">परमात्मा लूत क बचाइ लिहेस जउन एक अच्छा मनई रहा। उद्दण्ड मनइयन क अनैतिक आचरण स दुःखी रहत रहा।</verse>
				<verse number="8">उ धर्मी पुरुस ओन लोगन क बीच मँ रहत भवा रोजइ रोज जउन देखत अउर सुनत रहा ओसे ओनके नेक आतिमा तड़पत रही।</verse>
				<verse number="9">एहि प्रकार पर्भू जानत ह कि निआव करत समइ धर्मात्मा मनइयन क कइसे बचावा जात ह अउर दुस्ट लोगन क कउने तरह दण्ड देइ क खातिर कइसे रखा जात ह।</verse>
				<verse number="10">खासकर ओन लोगन क बरे जउन आपन पाप स भरी भइ प्रकृति स बुरे कामन क करत जिअत ही। ओनकइ पापमय मन पर्भू क सत्ता क अवहेलना करत ह। ई पचे उद्दण्ड अउर स्वेच्छा चारी अहइँ इ महिमावान सरगदूतन क अपमानौ करइ स नाही डेरात अहइँ।</verse>
				<verse number="11">जब कि इ सबइ सरगदूतन जउन सक्ती अउर समरथ मँ एनसे बड़े अहइँ, पर्भू क सामने ओन पइ कउनो निन्दापूर्ण दोख नाही लगावत</verse>
				<verse number="12">मुला इ पचे विचारहीन पसुवन क बराबर अहइँ जउन आपन सहजवृती क अनुसार काम करत ही। जेनकइ जनम एही बरे होत ह कि उ पकड़े जाइँ अउर मार डाए जाइँ उ पचे ओन विसयन क विरोध मँ बोलत हीं जेनके बारे मँ इ सबइ अबोध अहँइ। जइसे पसु मार डावा जात अहइँ, वइसेन एनहू क नस्ट कर दीन्ह जाइ।</verse>
				<verse number="13">एनका बुराई क बदला बुराइन स दीन्ह जाई। दिन क प्रकास मँ भोग-विलास करब एनका भावत ह। काहेकि उ पचे अपने छलपूर्ण करजरन क फल भोगत ही। इ लज्जापूर्ण धब्बे अहइँ। जब इ पचे तू पचन क साथ उत्सव मँ सामिल होत ही तउ</verse>
				<verse number="14">इ कउनो अइसेन स्त्री क ताक मँ रहत ही जेहिके साथ व्यभिचार कीन्ह जाइ सकइ। इ तरह स एनकइ आँखी पाप करइ स बाज नाही अउतिन। इ पचे ढुलमुल लोगन क पाप करइ क खातिर फुसलाय लेत ही। इ लोगन क मनवा पूरी तरफ स लालचा मँ अभ्यस्थ अहइँ। इ पचे अभिसाप क लरिका अही।</verse>
				<verse number="15">सीधा-सादा मारग छाँड़िके भटक गए बाटेन। बओर क लरिका बिलाम क मार्ग प इ पचे चलत अहइँ बिलाम ओकर रुचि गलत रस्ता क फले मँ अहइ।</verse>
				<verse number="16">मुला ओकरे दोखन क खातिर एक गदही जउन बोल नाही पावत रही, मनई क बानी मँ बोलिके ओका डाँटिस फटकारिस अउर उ नबियन क उन्मादी कामन क रोकिस।</verse>
				<verse number="17">इ झूठे उपदेसक सूखे जल क सोता अहइँ अउर अइसे जल रहित बादल अहइँ जेनका तूफान उड़ाइ लइ जात ह। इ पचन क खातिर गझिन अन्धेरी जगह इ काम क बरे निहचित कीन्ह गइ अहइ।</verse>
				<verse number="18">इ पचे झूठे उपदेसकन अरथहीन डीगन स उ लोगन को प्रलोगभित कइ देत ही, जे बस अभी ही गलत जीवन बितावइवालन लोगन स अलग आवत ही।</verse>
				<verse number="19">इ झूठे उपदेसकन उनका छुटकारा क बचन देत ही, काहेकि कउनो व्यक्ति जउन ओका जीत लेत ह, उ ओनहिन क दास होइ जात ह।</verse>
				<verse number="20">एहि खातिर अगर इ हमरे पर्भू अउर उद्धाकर्त्ता ईसू मसीह क जान लेइँ अउर संसार क खोट स बच निकरइ क पाछे अगर ओहमाँ फिन फँस जात ही तउ ओनकइ दसा पहिले स भी खराब होइ जात ह।</verse>
				<verse number="21">एहसे तउ नीक भवा होत कि इ उचित मार्ग क जानि न पउतेन बजाए एकरे कि उ पचे इ पवित्तर आग्या स मुँह फेर लेतेन।</verse>
				<verse number="22">उ पचेन क साथे तउ वइसेन घटना घटी जइसेन मसला अहइ, “कुकुर अपने उल्टी क पास ही लोटत ह।” अउर “एक नहाई भइ सुअरी कीचड़ मँ लौटइ खातिर फिन लउट जात ह।”</verse>
			</chapter>
			<chapter number="3">
				<verse number="1">पिआरे बन्धुअन, अब ई दूसर पत्र अहइ जउन मइँ तू पचन क लिखित हउँ। इ दुइनउँ पत्रन मँ लिखिके मइँ तू सबन क सच्चे सोच क जगावइँ क जतन कीन्ह ह।</verse>
				<verse number="2">जेहिसे तू उ पवित्तर नबियन दुआरा पहिले कहे गए बचनन क याद करा अउर हमरे पर्भू अउर उद्धारकर्ता क आदेस क जउन तू सबन क प्रेरितन दुआरा तू पचन क दीन्ह गएन ह, धियान राखा।</verse>
				<verse number="3">सबसे पहिले तू पचन क इ जान लेइ क चाही कि आखिर दिनन मँ स्वेच्छाचारी जउन बुरी इच्छन क अनुसरण करत ही अउर उ पचे तोहरे लगे हँसी उड़ावत भए अइही।</verse>
				<verse number="4">अउर तू सबन स कइही, “का भवा ओकरे फिन आवइ क प्रतिग्या का? काहेकि हमरे पूर्वजन तउ चल बसेन। मुला जब स सृस्टि बनी ह, तइसेन हर बार चलत आवत अहइँ।”</verse>
				<verse number="5">मुला जब उ पचे इ आरोप करत ही तउ उ इ भूल जात ही कि परमेस्सर क वचनन क दुआरा आकास जुगन स विद्यमान अहइ अउर धरती जल प बनी बाटइ अउर जल प स्थिर बा।</verse>
				<verse number="6">अउर इ जल क कारण स उ जुग क संसार जल प्रलय स नस्ट होइ गवा।</verse>
				<verse number="7">मुला इ आसमान अउर पृथिवी जउन अबइ, उहइ आदेस स नस्ट होइ क खातिर सुरच्छित अहइँ। एनका उ दिना खातिर रखा जात ह जब अधर्मियन क निआव होई अउर उ पचे नस्ट कर दीन्ह जइही।</verse>
				<verse number="8">मुला पिआरे बन्धुओ, एक बात क जिन भुला, पर्भू क बरे एक हजार साले एक दिन क समान होत ह अउर एक दिन एक हजार बरस क बराबर होत ह।</verse>
				<verse number="9">पर्भू आपन प्रतिग्या पूरी करइ मँ देर नाही लगावत। जइसेन कछू मनई सोचत ही। बल्कि उ हमरे प्रति धीरज धरत ह काहेकि उ कउनो मनई क नस्ट नाही करइ चाहत ह, बल्कि उ तउ चाहत ह कि सभी मनई मनफिराव क तरफ बढ़इँ।</verse>
				<verse number="10">मुला पर्भू क दिन आई। एक दिना पर्भू चुप्पेचाप चोर सही अहइ। उ दिन एक भयंकर गर्जना क साथे आकास विलीन होइ जाई अउर आकास क नखत भसम होइके नस्ट होइ जइही अउर इ धरती पे रहइवालेन क करम उजागर होइ जइही।</verse>
				<verse number="11">काहेकि जब इ सब चीजन इ तरह स नस्ट होइ जाइही तउ तू सोचा कि तू लोगन क कउनउ तरह क जीवन जियइ क चाही। तोहे सबन्क पवित्तर जीवन जियइ क चाही, पवित्तर जीवन जउन परमेस्सर क अर्पित अहइ अउर सब तरह क उत्तम करम करइ क चाही।</verse>
				<verse number="12">अउर तोहे सबन्क परमेस्सर क दिन क बाट जोहइ क चाही, अउर ओके जल्दी आउब क बरे काम करा। उ दिन अउतइमान आकास लपटन मँ जल क नस्ट होइ जाई आकास क नखत ओकरे ताप सेही पिघल उठिही।</verse>
				<verse number="13">मुला हम पचे परमेस्सर क वचन क अनुसार एक नवा आकास अउर नवी धरती की बाट जोह रहा अहइ जहाँ धार्मिकता रहत ही बाटइ।</verse>
				<verse number="14">इ पिआरे बन्धुओ, काहेकि तू एन बातन क बाट जोहत अहा, पूरा प्रयत्न करा कि पर्भू दुआरा सान्ति मँ निर्दोख अउर कलंक रहित पावा जा।</verse>
				<verse number="15">हमारे पर्भू क धीरज क उद्धार समझा। जइसेन कि हमरे पिआरे बन्धु पौलुस परमेस्सर दुआरा दीन्ह गए विवेक क अनुसार पचन्क लिखेन ह।</verse>
				<verse number="16">अपने दूसर सभी पत्रन क समान उ पत्र मँ भी इ सब बातन क बिसय मँ कहेउँ ह। ओन पत्रन मँ कउनो कउनो बात अइसी अहइ जेकर समझब मुस्किल बा। अग्यिानी अउर अस्थिर लोग ओकरे अरथ क अनर्थ करि डावत ही। दूसरे पवित्तर सास्तरन क साथ भी अइसेन ही करत ही। इ तरह उ अपनेन पैर मँ कुलहाड़ी मारत अहइँ।</verse>
				<verse number="17">पिआरे बन्धुओ, काहेकि तू पचन क इ बातन पहिलेन स पता अहइँ। इ खातिर सावधान रहा अउर व्यवस्थाविहीन मनइयन क दुआरा भटकाए जाए पइ अपने क सुरच्छित स्थान स न डिगवा।</verse>
				<verse number="18">बल्कि हमरे पर्भू तथा उद्धारकर्ता ईसू मसीह क अनुग्रह अउर ग्यान मँ तू पचे आगेन बढ़त जा। अबइ अउर अनंत समइ तक तू ओकर महिमा गावत रहा।</verse>
			</chapter>
		</book>
		<book number="62">
			<chapter number="1">
				<verse number="1">इ दुनिया क सुरुआत स रहा: हम एका सुने अही अपनी आंखन स देखे अही अउर बहुत धियान स निहारे, एका अपने हाथन स खुदइ छुए अही। हम उ बचन (मसीह) क बावत बतावत अही जउन जीवन अहइ।</verse>
				<verse number="2">उही जीवन क ज्ञान हमका करावा गवा। हम ओका देखे अही। हम ओकर साच्छी अही अउर अब हम तोहका पचे क उही अनन्त जीवन क घोसणा करत अही जउन परमपिता क साथे रहा अउर जेकर जानकारी हमका कराई गइ।</verse>
				<verse number="3">हम ओका देखे अउर सुने अही। अब तोहका उही क उपदेस देत अही जइसेन कि तू हमार साथी रहा। हमार इ साथ परमपिता अउर ओनकइ पूत ईसू मसीह क साथे अहइ।</verse>
				<verse number="4">हम इ सब बात तोहरे बरे इ कारण स लिखत अही जइसेन कि तोहार आनन्द पूरा होइ जाइ।</verse>
				<verse number="5">हम ईसू मसीह स जउन सुसमाचार सुने अही, उही क हम तोहका सुनावत अही, परमेस्सर ज्योति अहइ अउर ओहमा तनिकउ अँधेरा नाहीं अहइ।</verse>
				<verse number="6">जदि हम कही कि ओके सहित हमार सहभागिता अहइ, अउर पाप क अँधियारे स भरा जीवन जिअत रही तउ हम झूठ बोलत अही अउर सच्चाई प आचरण नाहीं करत अही।</verse>
				<verse number="7">मुला जदि हम ज्योति मँ आगे बढ़ित अही काहेकि ज्याति मँ परमेस्सर अहइ, अउर एक दुसरे क सहभागी अही। अउर परमेस्सर क पूत ईसू क लहू स हमार सब पापन क सुद्ध कइ देत ह।</verse>
				<verse number="8">जदि हम कहित ह कि हमरे मँ कउनो पाप नाहीं अहइ तउ हम खुदइ अपने आपका ठगत अही अउर हमसे परमेस्सर क सत्य नाहीं अहइ।</verse>
				<verse number="9">जदि हम आपन पाप क मान लेइत ह तउ हमरे पापन क परमेस्सर छमा कइ देत ह, परमेस्सर बिसवासनीय अहइ, अउर उ जउन करत ह उ उचित अहइ। अउर उ हमरे गलत कामन स सुद्ध कर देत ह।</verse>
				<verse number="10">अगर हम कहित ह कि हम कउनो पाप नाहीं करे अही तउ हम परमेस्सर क झूठा बतावत अही अउर ओकर उपदेस हमरे मँ नाहीं अहइँ।</verse>
			</chapter>
			<chapter number="2">
				<verse number="1">मोर पिआरे बच्चो, इ सब बात मइँ इ बरे लिखत अहउँ जइसे तू पचे पाप न करा। मुला जउ कउनो मनई पाप करत ह तउ परमेस्सर क सामने हमरे पाप क बचाव करइवाला एक अहइ अउर उ बाटइ न्यायी ईसू।</verse>
				<verse number="2">उ एक बलिदान बाटइ जउन हमरे पापन क हर लेत ह, उ केवल हमरे पापन क नाहीं हरत उ तउ समूची दुनिया क पाप हर लेत ह।</verse>
				<verse number="3">जदि हम परमेस्सर क हुकुम क पालन करित ह तउ इ उहइ रास्ता अहइ जउने स हम निस्चय करित ह कि हम सचमुच ओका जान लिहे अही।</verse>
				<verse number="4">जदि कउनो कहत ह, “मइँ परमेस्सर क जानित हउँ!” अउर ओकर हुकुमन क पालन नाहीं करत तउ उ झूठा अहइ। ओकरे मन मँ सच्चाई नाहीं अहइ।</verse>
				<verse number="5">मुला जउ कउनो मनई परमेस्सर क उपदेस क पालन करत ह तउ ओहमाँ परमेस्सर क पिरेम आपन पूर्णता क पावत ह इहइ उ रास्ता अहइ जउने स इ निस्चय होत ह कि हम परमेस्सर मँ अही,</verse>
				<verse number="6">जउन इ कहत ह कि उ परमेस्सर मँ बाटइ, ओका अइसा चलइ चाही जइसन ईसू चलत रहा।</verse>
				<verse number="7">पिआरे बन्धुअन, मइँ तोहका कउनो नई हुकुमन नाहीं लिखत अहउँ, इ तउ एक सनातनी हुकुम अहइ, जउन तोहका सुरूआतइ मँ दइ दीन्ह गइ रही। इ पुरानी हुकुम उ उपदेस अहइ जेका तू सुन चुका अहा।</verse>
				<verse number="8">मइँ तोहका अउर दुसर नया हुकुम लिखत अहउँ। इ बात की सच्चाई ईसू क जीवन मँ अउर तोहरे जिन्दगी मँ उजागर भइ अहइ, काहेकि अँधियारा खतम होत अहइ अउर ज्योति चमकत अहइ।</verse>
				<verse number="9">जउन मनई कहत ह, “उ ज्योति मँ स्थित अहउँ।” अउर तबहूँ अपने भाई स नफरत करत ह, तउ उ अबहिं भी उ अंधेर मँ बना अहइ।</verse>
				<verse number="10">जउन अपने भाई स पिरेम करत ह, ज्योति मँ बना रहत ह। ओकरे जिन्दगी मँ अइसी कउनो चीज नाहीं अहइ, जउने स उ ठोकर खाइ।</verse>
				<verse number="11">मुला जउन मनई अपने भाई स नफरत करत ह, उ अंधेरे मँ अहइ। उ अंधेरे स भरा जीवन जिअत अहइ। ओका पता नाहीं अहइ कि उ कहाँ जात अहइ, काहेकि अंधेरा ओका आंधर बनाइ दिहे अहइ।</verse>
				<verse number="12">पिआरे बच्चो, मइँ तोहका इ बरे लिखत अहउँ, काहेकि ईसू मसीह क कारण तोहरे पापन क छमा कइ दीन्ह गवा अहइ।</verse>
				<verse number="13">पिताओ, मइँ तोहका इ बरे लिखत अहउँ, काहेकि तू पचे, जउन अनादि काल स बना अहइ, ओका जानत ह्या। जवानो! मइँ तोहका इ बरे लिखत अहउँ, काहेकि तू उ दुस्ट (सइतान) प जीत हासिल कइ लिह्या ह।</verse>
				<verse number="14">बच्चो, मइँ तोहका इ बरे लिखत अहउँ, काहेकि तू अपने बाप क पहचान लिहे अहा। ओह बाप लोगो, मइँ तोहका इ बरे लिखत अहउँ, काहेकि तू जउन कि संसार क सुरुआतइ स बना अहा, ओका जान लिहे अहा। जवानो, मइँ तोहका इ बरे लिखत अही, काहेकि तू ताकतवर अहा। परमेस्सर क बचन तोहरे अन्दर निवास करत ह, अउर उ दुस्ट (सइतान) पइ जीत हासिल कइ लिये अहा।</verse>
				<verse number="15">दुनिया स अउर दुनिया क तमाम चीजन स पिरेम जिन करा। जउ कउनो मनई दुनिया स पिरेम करत ह तउ ओनके हिरदइ मँ परमेस्सर कइँती पिरेम नाहीं रहत,</verse>
				<verse number="16">काहेकि इ दुनिया क हर चीज: जउन तोहरे भौतिक मनई सुभाउ क अपनी अउर खींचत ह, तोहरी आँखिन क सोहात अउर इ दुनिया क हर उ चीज जउने प लोग घमंड करत हीं। परमपिता कइँती स नाहीं अहइ मुला उ तउ सांसारिक अहइ।</verse>
				<verse number="17">इ दुनिया अपनी चाहत अउर इच्छा सहित खतम होत जात अहइ, मुला जउन मनई परमेस्सर क इच्छा क पालन करत ह, उ हमेसा रहत ह।</verse>
				<verse number="18">मोरे पिआरे बच्चो, आखिरी घड़ी आइ गइ अहइ जइसेन कि तू पचे सुने अहा, मसीह क विरोधी आवत अहइ। इ बरे अब मसीह क तमाम विरोधी प्रकट होइ गवा अहइँ इही बरे हम जानत अही कि आखिरी वक्त आइ ग अहइ।</verse>
				<verse number="19">मसीह क विरोधी हमरेन सबके बीच स निकरा अहइँ, मुला उ सबइ सही हमार सबन क न अही, काहेकि जदि उ पचे सचमुच हमार सबन क होतेन, तउ हमरे सबके साथे रहतेन। मुला उ पचे हम सबक छोड़ दिहेन, जइसेन कि उ दिखाइ सकइँ कि उ हमार सबन्क न अही।</verse>
				<verse number="20">मुला तोहार अभिसेक तो उस पवित्तर स भवा ह, अउर तू सब जानत ह्या।</verse>
				<verse number="21">मइँ तोहका इ बरे नाहीं लिखे अहउँ कि तू पचे सच्चाई क नाहीं जानत अहा, मुला तू पचे तउ ओका जानत अहा। एका जना ल्या कि सच्चाई स कउनो झूठ नाहीं निकर सकत।</verse>
				<verse number="22">मुला जउन मनई कहत ह कि ईसू मसीह नाहीं अहइ, उ मसीह क विरोधी अहइ। उ तउ बाप अउर बेटवा दुइनउ क नकार देत अहइ।</verse>
				<verse number="23">जउन मनई बेटवा क नाहीं मानत, ओकरे पास बापउ नाहीं अहइ, मुला जउन मनई बेटवा क मानत ह, उ बापउ क मानत ह।</verse>
				<verse number="24">जहाँ तलक तोहार बात अहइ, तु सुरुआतइ स जउन सुने अहा, ओका अपने भीतर बनाए राखा। जउन तू आरम्भ स सुने अहा, जउ तोहरे अन्दर बरकरार रहत ह तउ बाप अउर बेटवा दुइनउँ तोहरे अन्दर बरकरार रहत हीं।</verse>
				<verse number="25">उ हमका अनन्त जीवन देइ क वचन दिहे अहइ।</verse>
				<verse number="26">मइँ इ सब बात तोहसे ओनके बावत लिखत अहउँ, जउन तोहका ठगइ क जतन करत अहइँ।</verse>
				<verse number="27">मुला जहाँ तक तोहार बात अहइ, तोहरे मँ तउ उ परम पवित्तर स मिला अभिसेक अहइ, इ बरे तोहका तउ तू जरूरतइ नाहीं अहइ कि कउनो तोहका उपदेस देइ, तोहका तउ उ आतिमा जउने स उ परम पवित्तर तोहार अभिसेक करे अहइ, सब कछू सिखावत अहइ (अउर याद रखा कि उहइ सच्चाई बाटइ, उ झूठ नाहीं बाटइ।) उ तोहका जइसे सिखाए अहइ, वइसेन तू मसीह मँ बना रहा।</verse>
				<verse number="28">इ बरे पिआरे बच्चो, उही मँ बना रहा जइसेन कि जब हमका ओकर जानकारी होइ तउ हम आतिमा-बिसवास पाइ सकउँ। अउर ओकरे फिन स आवइ क वक्त हमका लज्जित न होइ क पड़इ।</verse>
				<verse number="29">जदि तू इ जानत अहा कि उ नेक अहइ तउ तू इहइ जान ल्या कि जउन नेकी प चलत ह उ परमेस्सर क सन्तान अहइ।</verse>
			</chapter>
			<chapter number="3">
				<verse number="1">इ सोचिके देखा कि परमपिता हमका केतॅना पिरेम करत ह जइसेन कि हम पचे बेटी-बेटवा कहवावा जाइ सकी अउर वास्तव मँ उ हमहिं सब अही। इही बरे दुनिया हमका नाहीं पहिचानत, काहेकि उ मसीह क नाहीं पहिचानत।</verse>
				<verse number="2">पिआरे बन्धुअन, अब हम परमेस्सर क सन्तान अही, मुला आगे चलिके हम सब का होबै, एकर जानकारी हमका नाहीं कराई गइ अहइ। जउन कछू होइ, हम इ जानित अही कि मसीह क फिन परगट होइ प हम पचे उही क तरह होइ जाब, काहेकि उ जइसेन अहइ, हम ओका उही तरह देखब।</verse>
				<verse number="3">जउन मनई ओसे अइसी उम्मीद रखत अहइ, उ खुदक वइसे पवित्तर करत ह जइसे मसीह पवित्तर अहइ।</verse>
				<verse number="4">जउन मनई पाप करत ह, उ परमेस्सर क नियम क तोड़त ह, काहेकि नियम क तोड़ब पाप बाटइ।</verse>
				<verse number="5">तू तउ जानत अहा कि मसीह सब मनइयन क पाप क नास करइ क वास्ते प्रकट भवा अहइ। अउर इहउ बात जानत अहा कि ओहमाँ कउनो पाप नाहीं अहइ।</verse>
				<verse number="6">जउन मनई मसीह मँ रहत ही पाप मँ नाहीं रहतेन अउर जउन मनई पाप करत ही, उ न तउ ओकर दर्सन करे अहइ, अउर न तउ कबहूँ ओका जाने अहइ।</verse>
				<verse number="7">पिआरे बच्चो, तू कतहूँ ठगा न जा। जउन मनई धरम क पालन करत ह ओका धरमात्मा कहा जात ह। जइसेन कि मसीह धरमात्मा अहइ।</verse>
				<verse number="8">जउन मनई हमेसा पाप करत रहत ह, उ सइतान क अहइ काहेकि सइतान अनादिकाल स पाप करत चलत आवत अहइ। इही बरे परमेस्सर क पूत (मसीह) परगट भवा जइसेन कि उ सइतान क काम क नास कइ देइ।</verse>
				<verse number="9">जउन मनई परमेस्सर क बेटवा बन गवा, पाप मँ नाहीं रहत, काहेकि ओकर बीज तउ उही मँ रहत ह। अब उ पाप नाहीं करत काहेकि वह परमेस्सर क बेटवा बन चुका अहइ।</verse>
				<verse number="10">परमेस्सर क सन्तान कउन अहइँ? अउर सइतान क बेटवन कउन अहइँ? तू ओनका इ तरीके स जान सकत ह्या कि जउन मनई धरम प नाहीं चलत अउर अपने भाई स पिरेम नाहीं करत, उ परमेस्सर क बचवा न अहइ।</verse>
				<verse number="11">इ उपदेस तउ तू सुरूआति स सुने अहा कि हमका सबका एक दुसरे स पिरेम करइ चाही।</verse>
				<verse number="12">हमका पचे क कैन क तरह न बनइ चाही जउने क सम्बन्ध दुस्ट आतिमा स रहा अउर जे अपने भाई क हतिया कइ दिहे रहा। अब बतावा कि उ अपने भाई क काहे मार डाएस? उ अइसा इ बरे करेस, काहेकि ओकर करम खराब रहेन जबकि ओकरे भाई क करम अच्छा रहेन।</verse>
				<verse number="13">भाइयो तथा बहिनियो, जदि इ दुनिया तोहसे नफरत करत ह, तउ एहमाँ अचरज करइ क बात नाहीं अहइ।</verse>
				<verse number="14">हमका पता अहइ कि हम मउत क पार जीवन मँ आइ पहुँचा अहइ। काहेकि हम अपने भाइयन स पिरेम करित अही। जउन मनई पिरेम नाहीं करत, उ मउत मँ बरकरार रहत ह।</verse>
				<verse number="15">जउन मनई अपने भाई स नफरत करत ह, उ हतियारा अहइ अउर तू जानत ही अहा कि जउन मनई हतियारा होत ह, उ अनन्त जीवन नाहीं रखत।</verse>
				<verse number="16">ईसू हमरे सबके खातिर आपन जीवन त्याग दिहेस। इही बरे कि हम जानित ह कि पिरेम का होत ह? हमका अपने भाइयन क बरे आपन प्रान निछावर कइ देइ चाही।</verse>
				<verse number="17">जेकरे लगे भौतिक सम्पति अहइ, अउर जे अपने भाइयन क दुःखी देखके ओकरे ऊपर दया नाहीं करत, ओहमा परमेस्सर क पिरेम अहइ, एका कइसे कहा जाइ सकत ह?</verse>
				<verse number="18">पिआरे बच्चो, हमार पिरेम केवल कथन अउर बात तक न रहइ चाही, ओका करम कइके देखावइ चाही तथा पिरेम क सच्चा होइ चाही।</verse>
				<verse number="19">इही स हम जान लेब कि हम सच्चाई स जुड़ा अही अउर परमेस्सर क सामने अपने दिल मँ सन्तोस कइ लेब। जिन कामन मँ हमार मन हमका दोसी ठहरावत ह काहेकि परमेस्सर हमरे मन स बड़ा अहइ अउर उ सब कछू जानत ह।</verse>
				<verse number="20"></verse>
				<verse number="21">जो पिआरे बन्धुओं, जदि बुरा काम करत समइ हमार मन हमका दोसी नाहीं ठहरावत तउ परमेस्सर क सामने हमका बिसवास बना रहत ह।</verse>
				<verse number="22">अउर जउन कछू हम ओसे मांगित ह, ओका पाइत ह। काहेकि हम ओकरे हुकुमन क अनुसार काम करत अही अउर ओनही काम करत अही जउन ओका अच्छी लागत ह।</verse>
				<verse number="23">ओकर इ हुकुमन अहइ: हम सबे ओकरे पूत ईसू मसीह मँ बिसवास करी, जइसेन कि उ हमका पचे क हुकुम दिहे अहइ, कि हम एक दुसरे स पिरेम करी,</verse>
				<verse number="24">जउन मनई ओकरे आदेस क पालन करत ह, उ उही मँ बरकरार रहत ह अउर ओहमाँ परमेस्सर क निवास रहत ह। इ तरह स, उ आतिमा क द्वारा जेका परमेस्सर हमका दिहे अहइ, हम जानितही कि हमरे अन्दर परमेस्सर रहत ह।</verse>
			</chapter>
			<chapter number="4">
				<verse number="1">पिआरे बन्धुओ, दुनिया मँ तमाम झूठे नबी फैल ग अहइँ। हर एक आतिमा क बिसवास न करइ चाही, पहले ओनका परखिके देख लेइ चाही कि का उ परमेस्सर क अही? इ मइँ तोहसे इ बरे कहत अही।</verse>
				<verse number="2">परमेस्सर क आतिमा क तू इ तरह पहिचान सकत ह्या: जउन आतिमा इ मानत ह, “ईसू मसीह मनई क रूप धइके दुनिया मँ आइ अहइ,” उ परमेस्सर कइँती स आइ अहइ।</verse>
				<verse number="3">अउर हर उ आतिमा जउन ईसू क नाहीं मानत, परमेस्सर कइँती स नाहीं आइ बाटइ। अइसी आतिमा मसीह क विरोधी अहइ, जेकरे बारे मँ सुने अहा कि उ आवत अहइ, मुला अब तउ उ इही दुनिया मँ अहइ।</verse>
				<verse number="4">पिआरे बच्चो, तू पचे परमेस्सर क अह्या। इही बरे तू मसीह क विरोधी क ऊपर जीत हासिल कइ लिहे अहा। काहेकि उ परमेस्सर जउन तोहरे अन्दर अहइ, दुनिया मँ रहइवाला सइतान स बड़ा अहइ।</verse>
				<verse number="5">मसीह क विरोध करइवाले मनइयन संसारी अही। एह बरे उ पचे जउन कछू बोलत हीं, उहउ सब कछू दुनियादारी क चीज अहइ अउर दुनिया ओनकइ बात सुनत ह।</verse>
				<verse number="6">मुला हम पचे परमेस्सर क अही, तउ जउन मनई परमेस्सर क जानत ह, उ हमार सबन क सुनत ह। मुला जउन मनई परमेस्सर क नाहीं जानत, हमार नाहीं सुनत। इ तरह हम सच्ची आतिमा तथा झूठी आतिमा क पहिचान सकित ह।</verse>
				<verse number="7">पिआरे बन्धुओ, हमका सबका एक दूसरे स पिरेम करइ चाही। काहेकि पिरेम परमेस्सर स मिलत ह अउर जउन मनई पिरेम करत ह, उ परमेस्सर क सन्तान बन जात ह अउर परमेस्सर क जानत ह।</verse>
				<verse number="8">जउन मनई पिरेम नाहीं करत परमेस्सर क नाहीं जान पावत, काहेकि परमेस्सर पिरेम अहइ।</verse>
				<verse number="9">परमेस्सर आपन पिरेम इ तरह स देखावत ह: उ अपने एकलौते बेटवा क इ दुनिया मँ भेजेस जइसेन कि हम सब ओकरे द्वारा जिन्दगी पाइ सकी।</verse>
				<verse number="10">सच्चा पिरेम एहमाँ नाहीं अहइ कि हम परमेस्सर स पिरेम करी, उ तउ एहमाँ अहइ कि एक अइसेन बलिदान क रूप मँ जउन हमरे पापन क धारण कइ लेत ह, उ अपने बेटवा क भेजके हमरी कइँती आपन पिरेम देखाए अहइ।</verse>
				<verse number="11">पिआरे बन्धुओं, जदि परमेस्सर इ तरह स हमरे ऊपर आपन पिरेम देखाएस तउ हमहूँ क एक दूसरे स पिरेम करइ चाही।</verse>
				<verse number="12">परमेस्सर क कबहुँ कउनो नाहीं देखेस अहइ, मुला जदि हम एक दुसरे स पिरेम करित ह तउ परमेस्सर हमरे मँ निवास करत ह अउर हमरे सबन क भीतर ओकर पिरेम सम्पूर्ण होइ जात ह।</verse>
				<verse number="13">इ तरह स हम जान सकित ह कि हम परमेस्सर मँ निवास करित ह अउर उ हमरे भीतर रहत ह। उ अपनी आतिमा क कछू भाग हमका दिहे अहइ।</verse>
				<verse number="14">एका हम देखे अही अउर हम एकर साच्छी अही, परमपिता अपने बेटवा क दुनिया क बचाव करइ क वास्ते भेजे अहइ।</verse>
				<verse number="15">जदि कउनो इ मानत लेत ह, “ईसू परमेस्सर क पूत अहइ” तउ परमेस्सर ओहमाँ रहइ लागत ह। अउर उ मनई परमेस्सर मँ रहत ह।</verse>
				<verse number="16">इ जउ पिरेम परमेस्सर हमसे रखत ह, ओका हम जान गएउँ अउर हमरे उपर बिसवास किहे अहइ, जउन पिरेम परमेस्सर हमरे बरे रखत ह। परमेस्सर पिरेम अहइ अउर जउन मनई पिरेम मँ बना रहत ह, उ परमेस्सर मँ बना रहत ह अउर परमेस्सर ओहमाँ बना रहत ह।</verse>
				<verse number="17">हमरे बावत पिरेम इही तरह स पूर्ण अहइ जइसेन कि निआव क दिन हमरे अन्दर बिसवास बना रहइ। हमार इ बिसवास इ बरे बना रहत ह, काहेकि हम जउन जीवन जिअत अही, उ मसीह क जिन्दगी जइसेन अहइ।</verse>
				<verse number="18">पिरेम मँ कउनो भय नाहीं रहत, हिआँ तलक कि भरपूर पिरेम सब डर भगाय देत ह। भय क ताल्लुक दंड स अहइ। इ बरे जेहमाँ भय अहइ, ओकरे पिरेम क पूर्णता नाहीं मिलत।</verse>
				<verse number="19">हम पिरेम करित अही काहेकि पहले परमेस्सर हमसे पहिले पिरेम करे अहइ।</verse>
				<verse number="20">जउ कउनो मन मनई कहत ह, “मइँ परमेस्सर क पिरेम करित हउँ।” अउर अपने भाई स नफरत करत हउँ, तउ उ झूठा अहइ। काहेकि सच मँ जदि उ अपने उ भाई स पिरेम नाहीं करत जेका कि उ देखे अहइ, तउ उ परमेस्सर स कइसे पिरेम कइ सकत ह, जेका उ देखे नाहीं अहइ।</verse>
				<verse number="21">इ आदेस मसीह हमका दिहे अहइ। उ मनई जउन परमेस्सर क पिरेम करत ह, ओका अपने भाई स पिरेम करइ चाही।</verse>
			</chapter>
			<chapter number="5">
				<verse number="1">जउन मनई इ बिसवास करत ह कि ईसू मसीह अहइ, उ परमेस्सर क सन्तान बन जात ह अउर जदि कउनो परमपिता स पिरेम करी तउ ओकरी सन्तानौ स पिरेम करी।</verse>
				<verse number="2">इ तरह स जब हम परमेस्सर स पिरेम करित ह अउर ओकरे आदेस क पालन करित अही तउ हम जानि लेइत ह कि हम परमेस्सर क संतान स पिरेम करित अही।</verse>
				<verse number="3">ओकरे आदेसन क पालन करत हम इ देखाइत ह कि हम परमेस्सर स पिरेम करित ह। ओकरे आदेस बहुत कड़ा नाहीं अहइ।</verse>
				<verse number="4">काहेकि जउ कउनो परमेस्सर क सन्तान बन जात ह तउ उ दुनिया क जीत लेत ह। अउर दुनिया प जीत हासिल करवइवाला हमार बिसवास अहइ।</verse>
				<verse number="5">जउन इ बिसवास करत ह कि ईसू परमेस्सर क पूत अहइ, तउ उ दुनिया क जीत लेत ह।</verse>
				<verse number="6">उ ईसू मसीह अहइ जउन हमरे पास पानी अउर लहू क साथ आवा-उ केवल पानी क साथे नाहीं, मुला पानी अउर लहू क साथ। अउर उ आतिमा अहइ जउन ओकर साच्छी देत ह, काहेकि आतिमा सत्य अहइ।</verse>
				<verse number="7">साच्छी देइवाले तीन अहइँ।</verse>
				<verse number="8">आतिमा, पानी अउर लहू अउर इ तीनउँ साच्छी एक दूसरे स मेल खात ही, एक दूसरे स सहमत अहइँ।</verse>
				<verse number="9">जउ हम मनई क दीन्ह साच्छी क मानित ह तउ परमेस्सर क दीन्ह साच्छी अउर मूल्यवान अहइ। परमेस्सर क दीन्ह साच्छी क सबसे बड़ा महत्व इ बात मँ अहइ कि उ अपने पूत क बावत साच्छी दिहे अहइ।</verse>
				<verse number="10">जउन मनई परमेस्सर क पूत मँ बिसवास करत ह उ अपने अन्दर साच्छी क रखत ह। परमेस्सर जउन कहे अहइ, ओह प जउ बिसवास नाहीं करत, तउ उ मनई परमेस्सर क झूठा साबित करत ह। काहेकि उ परमेस्सर क अपने पूत क बावत दीन्ह साच्छी मँ बिसवास नाहीं किहेस।</verse>
				<verse number="11">अउर उ साच्छी आटै कि परमेस्सर हमका अन्नत जीवन देहे अहइ। अउर उ जीवन ओकरे पूत (ईसू) मँ मिलतह।</verse>
				<verse number="12">जउन मनई ओहके पूत क धारन करत ह, उ उही जीवन क धारन करतह। मुला जेकरे पास परमेस्सर क पूत नाहीं अहइ, ओकरे पास उ जीवनौ नाहीं अहइ।</verse>
				<verse number="13">परमेस्सर मँ बिसवास करइवालो, तोहका इ बातिन क मइँ इ बरे लिखत अहउँ जइसेन कि तू जानि ल्या कि अनन्त जीवन तोहरे पास अहइ।</verse>
				<verse number="14">हमार परमेस्सर मँ इस बिसवास अहइ कि जदि हम ओकरी इच्छा क पालन करत ओसे पराथना करी तउ उ हमार पराथना सुनत ह,</verse>
				<verse number="15">अउर जब हम जानित ह कि उ हमार सुनत ह ओसे हम चाहे जउन माँगी-तउ हम इहइ जानित ही कि हम जउन कछू मांगित ही, उ हमार होइ जात ह।</verse>
				<verse number="16">जदि कउनो देखत ह कि ओकर भाई कउनो अइसा पाप करत अहइ जेकर फल अनन्त मउत नाहीं अहइ, तउ ओका अपने भाई क बावत पराथना करइ चाही। परमेस्सर ओका जीवन देइ। मइँ ओनके बरे जीवन क बात करत अही, जउन कि अइसे पाप मँ लगा अहइँ जउन ओनका अनन्त मउत तक न पहुँचा। अइसउ पाप होत ह, जेकर फल मउत अहइ। मइँ तोहसे अइसे न पाप क बरे पराथना करइ बरे नाहीं कहत अहउँ।</verse>
				<verse number="17">सबइ बुरा काम पाप अहइ। मुला अइसा पाप भी होत ह जउन अनन्त मउत क तरफ नाहीं लइ जात।</verse>
				<verse number="18">हम जानित ह कि जे केहू परमेस्सर क पूत बन गवा, उ पाप नाहीं करत। परमेस्सर क पूत ओकइ रच्छा करत ह। उ दुस्ट सइतान ओकर कछू बिगाड़ नाहीं सकत।</verse>
				<verse number="19">हम जानित अही कि हम परमेस्सर क अही। वइसेन इ पूरी दुनिया उ दुस्ट (सइतान) क बस मँ अहइ।</verse>
				<verse number="20">मुला हमका पता अहइ कि परमेस्सर क पूत आइ गवा अहइ अउर उ हमका अइसा गियान दिहे अहइ जइसे कि हम उ परमेस्सर क जान लेई जउन सच्चाई अहइ। हम सबे उही मँ स्थित अही जउन सच्चाई अहइ, काहेकि हम ओकर पूत ईसू मसीह मँ स्थित अही। परमपिता सच्चा परमेस्सर अहइ अउर उ अनन्त जीवन भी अहइ।</verse>
				<verse number="21">पिआरे बच्चो, अपने आप क झूठे देवता लोगन स दूर राखा।</verse>
			</chapter>
		</book>
		<book number="63">
			<chapter number="1">
				<verse number="1">मइँ बुजुर्ग कइँती स, उ चुनी भइ स्त्री जउने क परमेस्सर चुने अहइ, अउर ओकरे बचवन क पिरेम करित हउँ जउन सच्चाई क भागीदार अहइँ, मइँ तुहिन अकेले स पिरेम नाहीं करित, मुला ओन सबे तोह सबन स पिरेम करित हीं जउन सच्चाई क जान लिहे अहइँ।</verse>
				<verse number="2">इ उही सच्चाई क कारण भवा बाटइ जउन हमरे मँ बना रहत ह अउर जउन हमेसा हमरे साथे रही।</verse>
				<verse number="3">परमपिता परमेस्सर कइँती स ओकर अनुग्रह दाया अउर सान्ति हमेसा हमरे साथे रही अउर परमेस्सर क पूत ईसू मसीह कइँती स सच्चाई अउर पिरेम मँ हमार जगह बनी रही।</verse>
				<verse number="4">तोहारे बचवन क उ सच्चाई क हिसाब स जीवन जिअत देखिके मोका बहुत आनन्द भवा। काहेकि उ हुकुम परमपिता स हमका मिला ह अउर उ सबइ, सच प चलत ही।</verse>
				<verse number="5">अउर ऐ पिआरी स्त्री, मइँ तोहका कउनउ नया आदेस नाहीं देत अहउँ, प उहइ जउन प्रारम्भ स हमे मिला अहइ। हमका एक दूसरे क साथे पिरेम करइ चाही।</verse>
				<verse number="6">पिरेम क मतलब इहइ बाटइ कि हम ओकरे आदेसन क पालन करी। इ उहइ आदेस बाटइ जउने क तू सुरू स सुन्या ह कि तोहका सबन क पिरेम क साथ जियइ चाही।</verse>
				<verse number="7">दुनिया मँ बहोत झूठे उपदेसकन तमाम फइला पड़ा अहइँ। वे धोखा देइवालन इ नाहीं मानतेन कि इ धरती प मनई क रूप मँ ईसू मसीह आवा अहइ, उ ठग बाटइ अउर मसीह क विरोधी बाटइ।</verse>
				<verse number="8">अपने प्रति सावधान रहा, अइसा न होइ कि जउन कछू कमाए अहा, ओका गँवाइ द्या, वरन एकर प्रतिफल तू पचे प्राप्त करा।</verse>
				<verse number="9">जउन मनई मसीह क बावत दीन्ह सच्चे उपदेस मँ टिका नाहीं रहत, उ परमेस्सर क नाहीं पाइ सकत। अउर जउन ओकरे उपदेस अउर क मानत ह, ओकरे पास परमपिता अउर बेटवा दुइनउ रहत ह।</verse>
				<verse number="10">जदि कउनउ मनई तोहरे घरे मँ आवत ह, अउर इ उपदेस नाहीं मानत, तउ ओका अपने घरवा मँ न आवइ द्या, अउर न नमस्कार करा।</verse>
				<verse number="11">काहेकि जे अइसे मनई क स्वीकार करत ह, उ ओकरे बुरे कामन मँ हिस्सेदार होइ जात ह।</verse>
				<verse number="12">तोहका लिखइ क वास्ते मोरे लगे बहुत सी बातन अहइँ मुला ओन सबन क कलम दवात स मइँ लिखइ नाहीं चहित मुला मोका इ आसा अहइ कि तोहरे सामने आइके आमने सामने बइठिके तोहसे बात करउँ। जेहसे कि हमार आनन्द पूरा होइ जाइ।</verse>
				<verse number="13">तोहरी परमेस्सर द्वारा चुनी भइ बहन क बचवन तोहका नमस्कार कहत हीं।</verse>
			</chapter>
		</book>
		<book number="64">
			<chapter number="1">
				<verse number="1">मइँ बुजुर्ग कइँती स: पिआरे बन्धु, गयुस क नाउँ जेसे मइँ सत्य मँ सहभागी क रूप मँ पिरेम रखत हउँ।</verse>
				<verse number="2">मोर पिआरे बन्धु, मइँ पराथना करत अहउँ कि तू जइसेन आध्यात्मिक रूप स उन्नति करत अहा, वइसेन तू सब बातन मँ उन्नति करत रहा अउर स्वस्थ रहा।</verse>
				<verse number="3">जब कछू भाइयन आइके मोका तोहरी सच्चाई मँ बिसवास क बावत बताएन तउ मइँ बहुत खुस भएउँ। उ पचे मोका बताएने कि तू पचे कइसे सच्चाई क रास्ता प चलत अहा।</verse>
				<verse number="4">मोरे बरे एहसे बढ़कर अउर आनन्द की बात नाहीं बाटइ कि इ सुनउँ कि मोर बचवन सच्चाई क रासता प चलत अहइँ।</verse>
				<verse number="5">मोरा पियारे बन्धु, तू मोरे भाइयन बरे जउन करत रहे अहा, ओका बिसवासयोग्यता स पूरा करत अहा अउर विसेसकर जब उ पचे परदेसी अहइँ।</verse>
				<verse number="6">मुला जउन पिरेम तू ओनके ऊपर दरसाए अहा, ओकरी साच्छी उ पचे कलीसिया क सामने दिहेन। ओनके यात्रा जारी रखइ बरे ओनेक वइसेन सहायता करत रहा, जइसेन परमेस्सर बताए अहइ।</verse>
				<verse number="7">मसीह क सेवा बरे उ पचे यात्रा प निकल पड़ा अहइँ अउर उ पचे अबिसवासी लोगन स कउनउ मदद नाहीं लिए अहइँ।</verse>
				<verse number="8">इही बरे हम पचे क अइसे मनइयन क सहायता करइ चाही, जइसेन कि हमहूँ सच्चाई बरे सहकर्मी होइ सकी।</verse>
				<verse number="9">एक ठु चिठ्ठी मइँ कलीसिया क लिखे रहेउँ मुला दियुत्रिफेस जउन ओनकर प्रमुख बनइ क लालसा रखत ह। उ मोरे सबक बताई बातन क न मानी।</verse>
				<verse number="10">इहइ कारण अहइ जदि मइँ आवउँ तउ ओकर ओन करमन कि जउन उ करत ह, याद दियाउब। वह अनुचित रूप स मोरे खिलाफ बुरी बुरी बात कहिके दोख लगावत ह; अउर इतने ऍतने स ही उ संतुस्ट नार्ही अहइ, उ ऩ तउ खुद भाइयन क स्वागत करत ह अउर जउन स्वागत करइ चाहत ह ओका मना करत ह अउर कलीसिया स निकार देत हय।</verse>
				<verse number="11">पिआरे बन्धु, बुरे उदाहरण क नाहीं वरन भलाई क अनुकरण करा। जउन मनई भलाई करत ह, उ परमेस्सर क अहइ! उ जउन बुराई करत ह उ परमेस्सर क नाहीं देखेस।</verse>
				<verse number="12">दिमेत्रियुस क बावत सब अच्छी बात कहत अहइँ। हिआँ तक कि खुदइ सच्चाई ओकरे बारे मँ कहत ह। हमहूँ ओनेक बावत अच्छी बात कहित ह। अउर तू जानत अहा कि जउन हम कहित अही इ सच बाटइ।</verse>
				<verse number="13">तोहका सबन क लिखइ क वास्ते मोरे पास बहुत बातन अहइँ, मुला मइँ कलम अउर सियाही स ओका सब लिखइ नाहीं चाहित।</verse>
				<verse number="14">मुला मोका तउ इ आसा अहइ कि मइँ जल्दी तोहसे मिलबइ। तउ हम आपुस मँ बात करब।</verse>
				<verse number="15">सान्ति तोहरे साथे रहइ। तोहरे सब दोस्तन हिआँ तोहका सबन क नमस्कार कहत अहइँ। उहाँ हर मित्र क नाउँ लइके नमस्कर कह्या।</verse>
			</chapter>
		</book>
		<book number="65">
			<chapter number="1">
				<verse number="1">ईसू मसीह क नउकर अउर याकूब क भाई यहूदा कइँती स, तोहरे ओन बोलाए भएन क नाउँ, जे परमेस्सर क पिता मँ प्रिय अउर ईसू मसीह क बरे सुरच्छित अहइ!</verse>
				<verse number="2">तोहका दाया, सान्ति अउर पिरेम बहुतियात स मिलत रहइ।</verse>
				<verse number="3">पिआरे दोस्तो! मइँ बहोत चाहत रहे कि तोहका उ उद्धार क बावत लिखउँ, जेकर हम सबे भागीदर अही। मइँ तोहका लिखइ क अउर प्रोत्साहित करइ क आवस्यकता क अनुभव किहेउँ जइसेन कि तू उ बिसवास बरे संघर्स करत रहा जेका परमेस्सर पवित्तर मनइयन क हमेसा हमेसा बरे दिहे अहइ।</verse>
				<verse number="4">काहेकि हमरे सबके बीचे मँ कछू मनई चोरी स आइ ग अहइँ। एनके अपराध क बावत सास्तर मँ पहिलेन स आगाह कइ दीन्ह गवा अहइ। इ सबइ परमेस्सर क विरोध मँ अहइँ. इ पचे परमेस्सर क अनुग्रह क लुच्चापन मँ बदल डावत हीं अहइ अउर हमार एक ही पर्भू अउर स्वामी ईसू मसीह मँ नाहीं बिसवास करतेन।</verse>
				<verse number="5">मइँ तोहका इ याद दियावा चाहत हउँ कि जउन पर्भू अपने लोगन क मिस्त्र क धरती स बचाइ क निकार लिहे रहा। अउर जउ उ बिसवास नाहीं करत रहेन, ओनका कउने तरह स नस्ट कइ दिहे रहा।</verse>
				<verse number="6">अउर याद राखा कि जउन सरगदूतन अपने पद क स्थिर नाहीं रख सकेन आपन अउर निज निवास क छोड़ दिहे रहेन, उ ओनका अनन्त बन्धनन मँ जकडिके उस भीषन दिन क निआव बरे अन्धकार मँ रखे बाटइ।</verse>
				<verse number="7">इही तरह स मइँ तोहका इहउ याद दिआवा चाहत अहउँ कि सदोम अउर अमोरा अउर ओनके लगे पास क नगरन ऍनही दूतन क तरह यौन अनाचार किहेन तथा अप्राकृतिक यौन सम्बन्ध क पाछे छावत रहेन। ओनका कबहूँ न बुझइवाली आगी मँ झोक देइ क दण्ड दीन्ह गवा। हम सबन क अइसे उदाहरण स सीख लेइ चाही।</verse>
				<verse number="8">ठीक इही तरह हमरे समहू मँ घुसइवाले इ सब मनई अपने सपना क पीछे दउड़त अपने सरीर क असुद्ध करत अहइँ। इ सबइ पर्भू क तुच्छ जानत हीं अउर महिमावान सरगदूतन क निन्दा करत हीं।</verse>
				<verse number="9">प्रमुख सरगदूत मीकाईल जउ सइतान क साथ विवाद करत भवा मूसा क ल्हास क बावत बहस करत रहा तउ उ ओकरे खिलाफ अपमानजनक आरोप लगावइ क हिम्मत नाहीं जुटाइ सका। उ सिरिफ एतना कहेस, “प्रर्भू तोहका डाटइ अउर फटकारइ।”</verse>
				<verse number="10">मुला इ लोग तउ ओन बातन क निन्दा करत हीं अउर इ पचे ओनका नाहीं समझतेन। अउर इ पचे अविवेकी जानवरन क नाई जउन जिन बातन स सहज रुप स परिचित अहइँ, इ बातन उहइ बाटिन ओनही क द्वारा नास होइ जात ह।</verse>
				<verse number="11">ओनके सबके बरे इ बहुत खराब अहइ, काहेकि उ पचे कैन क रास्ता चुनेन्ह। धन कमाय बरे उ पचे खुद क वइसेन गलती क हवाले कइ दिहेन जइसेन बिलाम किहे रहा। इ बरे ओनही क नास होई जइसेन कोरह क विद्रोह मँ भाग लेइवालेन मर-बिला ग रहेन।</verse>
				<verse number="12">इ पचे तोहरे प्रीतिभोजन मँ छिपी समुद्र तल की चट्टानन क तरह अहइँ जउन कि घातक अहइँ। इ पचे बिना डरे तोहरे साथे खात हीं, पिअत हीं मुला ओनका अपने स्वार्थ क फिकिर रहत ह। उ बिना पानी क बादर अही। उ पचे पतझड़ क अइसेन पेड़ अहिन जउने प फल नाहीं होत। उ दुइ दाई मरा अहइ। ओनका उखाड़ा जाइ चुका अहइ।</verse>
				<verse number="13">उ पचे समुद्दर क अइसी भयानक लहर अहइँ, जउन अपने लज्जाजनक करमन क झाग उगलत रहत हीं। उ सब इधर उधर भटकत अइसे तारा अहइँ जेनके बरे अनन्त घनघोर अंधेर सुनिस्चित कइ दीन्ह ग अहइ।</verse>
				<verse number="14">आदम स सातवी पीढ़ी क हनोक भी एनके बावत अइसेन सब्दन मँ भविस्सबाणी किहे रहा, “देखा, उ प्रर्भू अपने हजारन हजार पवित्तर सरगदूतन क साथ</verse>
				<verse number="15">प्रर्भू हर मनई क निआव करी। उ सब मनइयन क परखइ आवत अहइ अउर जउन ओकरे खिलाफ अहइँ ओन सबनक दण्ड देई। परमेस्सर एन सब मनइयन क सजा देइ जउन बरा करम किहे बाटेन। उ इ सबइ पापी लोगन क सजा देइ जउन परमेस्सर क खिलाफ रहेन। उ ओन बुरी बातन बरे सजा देई जउन परमेस्सर क खिलाफ किहे बाटेन।”</verse>
				<verse number="16">इ पचे चुगुलखोर अहीं अउर दोख ढूढइवाले अहीं। इ सबेन्ह अपनी इच्छा क गुलाम अही अउर अपने मुँहे स घमंडभरी बात बोलत हीं। अपने फायदे क बरे इ सबेन्ह दूसरे क चापलूसी करत हीं।</verse>
				<verse number="17">मुला पिआरे दोस्तो, ओन सब्दन क याद करा जउन हमार प्रर्भू ईसू मसीह क प्रेरितन पहिलेन कहि चुका अहइँ।</verse>
				<verse number="18">उ पचे तोहसे कहत रहेन, “आखिरी समइ मँ अइसे मनई रइहीं जउन परमेस्सर स जुड़ी बातन क मजाक उडइहीं।” उ पचे गन्दी इच्छा क पाछे पाछे चलिहइँ।</verse>
				<verse number="19">इ पचे ओनही अहीं जउन फूट डावत ही। इ सबइ संसारिक अउर आतिमा रहित अहइँ।</verse>
				<verse number="20">मुला पिआरे दोस्तो, तू पचे एक दूसरे क बिसवास स आध्यात्मिक रुप स आपन क पवित्तर बिस्सास मँ मजबूत करत रहा। पवित्तर आतिमा क साथ पराथना करा।</verse>
				<verse number="21">अपने आप क परमेस्सर क पिरेम मँ बनाए रख्या अउर अनन्त जीवन बरे उत्सुकता स हमरे पर्भू ईसू मसीह की द्या क बाट जोहत रहा।</verse>
				<verse number="22">जे संदेह करत हय, ओनके ऊपर द्या करा।</verse>
				<verse number="23">दूसर मनइयन क आगे बढ़िके आग स निकार ल्या। अउर दूसर मनइयन क बचावा। मुला दया देखावत सावधान रह्या लेकिन ओनके कपरन तलक स नफरत कर्या जउने प ओनके सांसारिक तरह स जीवन यापन पइ पाप क धब्बा लगा अहइ।</verse>
				<verse number="24">उ (परमेस्सर) मजबूत अहइ अउर तू सबन क ठोकर खाइ स बचाइ सकत ह। अउर अपनी महिमा क उपस्थिती मँ तू पचन क निर्दोस अउर आनन्दित कइके खड़ा कइ सकत ह।</verse>
				<verse number="25">उ एकइ परमेस्सर बा। उ सिरिफ एक अहइ जउन उद्धार कइ सकत ह। हमरे पर्भू ईसू मसीह क द्वारा हमरे उद्धार करइवाले एकही परमेस्सर क महिमा, वैभव, पराक्रम अउर अधिकार हमेसा हमेसा स अब तलक भूतकाल मँ, अब अउर भविस्स मँ अउर जुग जुग तक बना रहइ। आमीन।</verse>
			</chapter>
		</book>
		<book number="66">
			<chapter number="1">
				<verse number="1">इ ईसू मसीह क प्रकासित वाक्य अहइ जउन ओका परमेस्सर स इ बरे मिला अहइ जइसे कि जउन बात होइवाली अहइ, ओनका अपने सेवकन क दिखावा जाइ। आपन दूत भेजके मसीह अपने सेवक यूहन्ना क इसारा कइके बताएस।</verse>
				<verse number="2">यूहन्ना जउन कछू देखे रहा, ओकरे बावत बताएस। इ उ सच्चाई अहइ जेका ईसू मसीह बताए रहा। इ उ संदेस अहइ जउन परमेस्सर क अहइ।</verse>
				<verse number="3">उ मनई धन्य अहइ जउन परमेस्सर क भविस्सबाणी क नीक संदेस क पड़त ह, अउर सुनत ह अउर उ पचे धन्य अहइँ जउन बातन एहमाँ लिखी अहइँ, जे ओनकइ पालन करत ह। काहेकि परिपूर्ण क समइ नजदीक अहइ।</verse>
				<verse number="4">यहून्ना कइँती स, एसिया प्रान्त मँ बरकरार सात कलीसियन क नाउँ उ परमेस्सर कइँती स: जउन अहइ, जउन हमेसा स रहा अउर जउन आवइवाला अहइ, ओन सात आतिमा कइँती स जउन ओकरे सिंहासन क सामने अहइँ।</verse>
				<verse number="5">अउर उ ईसू मसीह कइँती स जउन विसवास भरा साच्छी, मरा मनइयन मँ पहिला जी उठइ वाला अउर धरती क राजन क राजा अहइ तोहका कृपा अउर सान्ति मिलइ। उ जउन हमसे पिरेम करत ह अउर जउन आपन खून स हमका पचे क आपन पापन स छुटकारा देवाएस।</verse>
				<verse number="6">उ हमका एक राज्ज अउर अपने परमपिता परमेस्सर क सेवा मँ याजक होइ क बनाएस। ओकर महिमा अउर पराक्रम हमेसा बरकरार रहइ! आमीन!</verse>
				<verse number="7">देखा, बादलन क साथ मसीह आवत अहइ। हर एक आँखी ओकर दर्सन करी। एहमाँ ओनकइ सामिल अहइँ जउन ओका मारे रहेन। धरती क सब मनई ओकरे कारण रोइही! हाँ! सचमुच अइसा होइ! आमीन!</verse>
				<verse number="8">सबसे बड़ी ताकतवाला पर्भू परमेस्सर, जउन बरकरार अहइ, हमेसा हमेसा स रहा अउर जउन आवइवाला अहइ, कहत अहइ, “मइँ अलफा (आदि) अउर ओमेगा (अन्त) दुइनउँ अही।”</verse>
				<verse number="9">मइँ, यहून्ना अउर ईसू मँ तोहार भाई अहइँ! हम संग संग ईसू मँ अही अउर ईसू क कारण अत्याचार, राज्ज अउर धीरज मँ भरी सहनसीलता मँ तोहार साच्छी अही। परमेस्सर क बचन अउर ईसू क साच्छी देइ क कारण मइँ पतमुस नाउँ क द्वीप मँ रहेउँ।</verse>
				<verse number="10">पर्भु क दिन मइँ आतिमा क वसीभूत हो उठेउँ अउर मइँ अपने पाछे तुरही क एक तेज आवाज सुनेउँ।</verse>
				<verse number="11">उ कहत रही, “जउन कछू तू देखइ अहा, ओका एक किताब मँ लिख द्या अउर फिन ओका इफिसुस, स्मुरना, पिरगमुन, थूआतीरा, सरदीस, फिलादेलफिया अउर लौदीकिया क सातउ कलीसियन क भेज द्या।”</verse>
				<verse number="12">फिन इ देखइ क बरे कि इ आवाज केकर बाटइ जउन मोसे बोलत रही, मइँ मुड़ेउँ अउर जब मइँ मुड़ेउँ तउ मइँ सोने क सात दीपाधार देखेउँ।</verse>
				<verse number="13">अउर ओन दीपाधारन क बीच मइँ एक आदमी क देखेउँ जउन “मनई क पूत” क जइसा कउनउँ मनई रहा। उ अपने गोड़े तक लम्बा चोगा पहने रहा। अउर ओकरी छाती प एक सुनहरी पटका लिपटा रहा।</verse>
				<verse number="14">ओकर मूँड़ अउर बाल सफेद ऊन क तरह उज्जर रहेन। ओकर आँखिन आगी क चमचमात लपट क तरह रहिन।</verse>
				<verse number="15">ओकर पैर भटृी मँ अबही अबही तपावा गवा कांसा क नाई दमकत रहेन। ओकर आवाज तमाम पानी क धारा क गरज क तरह रही।</verse>
				<verse number="16">अउर उ अपने दाहिने हाथे मँ सात तारा धरे रहा। ओकरे मुँह स एक तेज दुधारी तलवार बाहर निकरत रही। ओकर तस्वीर तेज दमकत सूरज क तरह उज्जर रही।</verse>
				<verse number="17">मइँ जब ओका देखेउँ तउ मइँ ओकरे पैर प अइसेन गिर पड़ेउँ जइसेन मरा मनई गिरइ। फिन उ आपन दाहिना हाथ मोरे ऊपर रखेस अउर कहेस, “ड़ेराय न जा, मइँ पहिला अहउँ अउर मइँ आखिरी अहउँ।</verse>
				<verse number="18">मइँ उहइ अहउँ जउन जिअत अहउँ। मइँ मरि ग रहेउँ मुला देखा, अब मइँ हमेसा हमेसा बरे जिन्दा अहउँ। मोरे पास मृत्यु अउर अधोलोक क चाभी अहइ।</verse>
				<verse number="19">तू जउन कछू देखे अहा, जउन कछू होत अहइ, अउर कछू आगे होइवाला अहइ ओका लिखत जा।</verse>
				<verse number="20">इ जउन सात तारा अहइँ जेनका तू मोरे हाथे मँ देखत अहा अउर जउन इ सात दीपाधार अहइँ एनकइ सबन क गुप्त रहस्य अहइ: इ सात तारा सात कलीसियन क सरगदूतन अही अउर इ सात दीपाधार सात कलीसियन अही।</verse>
			</chapter>
			<chapter number="2">
				<verse number="1">“इफिसुस क कलीसिया क सरगदूत क इ लिखा: “उ जउन अपने दाहिने हाथे मँ सात तारन क धारन करत ह अउर जउन सात दीपाधारन क बीच घूमत ह, इ तरह कहत अहइ</verse>
				<verse number="2">“मइँ जानत अहउँ जउन तू करत अहा अउर, कड़ी मेहनत अउर धीरज भरी सहनसीलता क जानित हउँ अउर मइँ इहइ जानित हउँ कि तू बुरा मनइयन क राह नाही पउत्या अउर तू ओनका परखे अहा जउन कहत अहइँ कि उ पचे प्रेरितन बाटेन मुला सही मँ नाही अहइँ। तू ओनका झूठा पाए अहा।</verse>
				<verse number="3">मइँ जानित हउँ कि तोहरे मँ धीरज अहइ अउर मोरे नाउँ प तू कठिनाई झेले अहा। अउर तू थका नाहीं अहा।</verse>
				<verse number="4">“मुला मोरे लगे तोहरे विरोध मँ इ अहइ: तू पिरेम छोड़ दिहे अहा जउन सुरुआत मँ तोहरे मँ रहा।</verse>
				<verse number="5">इ बरे याद करा कि तू कहाँ स गिर अहा, आपन मनफिराव अउर उ करा जेका तू सुरुआत मँ करत रह्या, जदि तू पछतावा न करब्या तउ मइँ तोहरे लगे आउब अउर तोहरे दीपाधार क ओकरी जगह स हटाइ देब।</verse>
				<verse number="6">मुला इ बात तोहरे हित मँ अहइ कि तू नीकुलइयन क काम स नफरत करत अहा, जेनसे मइँ भी नफरत करत हउँ।</verse>
				<verse number="7">“जेकरे लगे कान अहइँ, उ ओका सुनइँ जउन आतिमा कलीसियन स कहत अहइ। जे विजय पाई मइँ उही परमेस्सर क बगिया मँ लगा जीवन क पेड़ स फल खाइ क अधिकार देब।</verse>
				<verse number="8">“स्मुरना क कलीसिया क सरगदूत क इ लिखा: “उ जउन पहिला अहइ अउर जउन आखिरी अहइ जउन मर ग रहा अउर फिन स जी उठा।</verse>
				<verse number="9">“उ कहेस मइँ तोहरे साथ जउन अत्याचार भवा ओका अउर तोहरी दीनता दुइनउँ क जानत हउँ वइसे तू धनवान अहा। जउन खुद क यहूदी कहत अहा, अउर जउन तोहार निन्दा करे अहइ, मइँ ओका भी जानत हउँ। यद्यपि ओन्हन सही सही यहूदी न अही। बल्कि उ पचे सइतान क आराधनालय अहइँ जउन सइतान स संबंध रखित ह।</verse>
				<verse number="10">उ अत्याचार स तोहका ड़ेराय क जरुरत नाही अहइ, जउने क तोहका सहइ क अहइ। सुना, सइतान तोहरे मँ स कछू जने क बंदीगृह मँ डाइके तोहार परीच्छा लेइ जात अहइ। अउर तोहका हुवाँ दस दिन तक कस्ट भोगइ क अहइ। चाहे तोहका मर जाइ क पड़इ मुला सच्चा बना रह्या तबइ तोहका जीवन वाला मुकुट देब।</verse>
				<verse number="11">“जउन सुन सकत ह, सुन लेइ कि आतिमा कलीसियन स का कहत अहइ। जउन जीत जाई ओका दूसरी मउत स कउनउँ नुकसान न उठावइ क पड़ी।</verse>
				<verse number="12">“पिरगमुन क कलीसिया क सरगदूतन क इ लिखा: “उ जउन तेज दोधारी तलवार क धरत अहइ उ इ तरह स कहत ह:</verse>
				<verse number="13">“मइँ जानत हउँ कि तू कहाँ रहत बाट्या जहाँ सइतान क सिंहासन बाटइ। अउर मइँ इहउ जानत हउँ कि तू मोरे नाउँ प स्थिर अहा, अउर तू मोरे बरे आपन बिसवास क कबहुँ जकारया नाहीं। तोहरे उ नगर मँ जहाँ सइतान क निवास अहइ, मेरा बिसवासपूर्ण साच्छी अन्तिपास मार दीन्ह गवा रहा।</verse>
				<verse number="14">“मुला मइँ तोरे बिरोध मँ कछू कहइ चाहत हउँ: तोहरे हिआँ कछू अइसे लोग बाटेन जउन बिलाम क सिच्छा क मानत ही। उ बालाक क सिखावत रहा कि इस्राएलियन क मूर्तियन क चड़ावा खाइ अउर व्यभिचार करइ क प्रोत्साहित करइ।</verse>
				<verse number="15">अइसे तोहरे हिआँ भी कछू अइसे मनइयन अहइँ जउन नीकुलइयन क सीख प चलत अहइँ।</verse>
				<verse number="16">एह बरे मनफिरावा नाहीं तउ मइँ जल्दी ही तोहरे पास आउब अउर ओनके बिरोध मँ उस तलवार स युद्ध करबइ जउन मोरे मुँह स निकरत बाटइ।”</verse>
				<verse number="17">“जउन सुन सकत ह, सुन लेइ कि आतिमा कलीसियन स का कहत अहइ। “जउन बिजयी होई मइँ हर एक क गुप्त मन्ना देब। मइँ ओका एक सफेद पाथर देब जेह पइ एक नवा नाउँ लिखा होई। जेका ओकरे अलावा अउर कउनउँ नाही जानत अहइ, जेका उ दीन्ह गवा बाटइ।</verse>
				<verse number="18">“थूआतीरा क कलीसिया क सरगदूतन क नाउँ इ लिखा: “परमेस्सर क पूत, जेकर आँखिन धधकती आग क समान बाटिन, अउर जेकर पैर चमकते काँसा क जइसे अहइँ, इ कहत अहइ:</verse>
				<verse number="19">“मइँ तोहरे कारज, पिरेम, बिसवास, सेवा अउर धैर्य क जानत हउँ। मइँ इहउँ जानत हउँ कि तोहार वर्तमान कारज विगत कारज स अधिक होत बाटइ।</verse>
				<verse number="20">मुला मइँ तेरे विरोध मँ कछू कहइ चाहत हउँ; तू उ स्त्री इजेबेल क अपने मध्य रहइ देता अहा, जउन अपने आपको नबीया कहत ह। मुला मोरे सेवकन क व्यभिचार करइ अउर मूर्तियन क आगे चड़ाई भइ चीजन क खाइ बरे सिच्छा देत अहइ।</verse>
				<verse number="21">मइँ ओका मनफिरावा क अवसर दिहे अहउँ। मुला उ अपने व्यभिचार स मनफिरावा नाहीं चाहत।</verse>
				<verse number="22">“अउर मइँ ओंका रोग चारपाई प डाउब। अउर जे ओकरे साथ व्यभिचार करत अहइँ तउ उ तरह क कस्ट अउर दिक्कत भोगइँ जब तलक अपने काम क पछतावा न कइलेइँ।</verse>
				<verse number="23">मइँ महामारी फैलाइके ओकरे लरिकन क मारि डाउब अउर सब कलीसियन क पता चल जाइ कि मइँ उहइ अहउँ जउन सब मनइयन क मन अउर बुद्धि क जानत अहइ। मइँ तोहका सबका तोहरे काम क हिसाब स फल देबइ।</verse>
				<verse number="24">“अब मोका थूआतीरा क बाकी बचे क कछू मनइयन स कछू कहइ क अहइ कि जे इस सीख प नाहीं चलतेन अउर जउन सइतान क अउर ओकरे छिपी बातन क नाहीं जानत अहइँ। मइँ तोहरे ऊपर अउर कउनो बोझा नाहीं ड़ावा चाहत अहउँ।</verse>
				<verse number="25">मुला जउन कछू तोहरे लगे अहइ, ओह प मोरे आवइ तक चलत रहा।</verse>
				<verse number="26">“जउन मनई जीत हासिल करी अउर जउन बातन क मइँ आदेस दिहे अहउँ अखिरी दम तक मोर आदेस पर टिका रही, जेहका मइँ चाहत अहउँ ओका मइँ राष्ट्रन पर अधिकार देत हउँ।</verse>
				<verse number="27">तथा उ ओनके ऊपर लोहे क ड़ण्ड़े स सासन करी। उ ओनका माटी क भाँड़न क तरह चूर चूर कइ देई।</verse>
				<verse number="28">इ उहइ अधिकार अहइ जेका मइँ अपने परमपिता स पाए अहउँ। मइँ अइसे मनई क भोर क तारा देब।</verse>
				<verse number="29">जेकरे पास कान अहइँ, उ सुन लेइँ कि आतिमा कलीसियन स का कहत अहइ।</verse>
			</chapter>
			<chapter number="3">
				<verse number="1">“सरदीस कलीसिया क सररगदूत क इ तरह लिखा: “अइसा उ कहत ह जेकरे लगे परमेस्सर क सात आतिमा अउर सात तारा अहइँ। “मइँ तोहरे काम क जानत अहउँ सब मनइयन क कहब अहइ कि तू जिअत अहा, मुला तू तउ मर ग अहा।</verse>
				<verse number="2">सावधान रहा! अउर जउन कछू बचा अहइ, ओका विलाई जाइ क पहले अउर मजबूत बनावा काहे बरे कि अपने परमेस्सर क निगाह मँ मइँ तोहरे काम क नीक नाहीं पाए अहउँ।</verse>
				<verse number="3">इ बरे जउने उपदेस क तू सुने अहा अउर पाए अहा, ओका याद करा। उही प चला अउर आपन मनफिरावा। जदि तू न जगब्या तउ चोर क तरह मइँ चला आउब। एकै तोहका पता नाहीं होइ कि मइँ कब अउबउँ अउर तोहका अचम्भा मँ डाइ देब।</verse>
				<verse number="4">“जउनउ कछू होइ, मुला सरदीस मँ तोहरे लगे कछू अइसे मनइयन अहइँ जउन अपने क खराब नाहीं किहे अहइँ। उ पचे नीक मनई अही, इ बरे मोरे साथ उज्जर उज्जर कपरा पहिनी क घूमिहइँ।</verse>
				<verse number="5">जउन उ जीती, उ इही तरह उज्जर कपरा पहिनी मइँ जीवन क पुस्तक स ओकइ नाउँ न हटाउबइ, मइँ ओकरे नाउँ क परमपिता अउर सरगदूतन क सामने मानता देबइ।</verse>
				<verse number="6">जेकरे लगे कान अहइँ, उ पचे सुन लेइँ कि आतिमा कलीसियन स का कहत अहइ।</verse>
				<verse number="7">“फिलादेलफिया कलीसिया क सरगदूत क इ तरह लिखा: “उ जउन पवित्तर अउर सच्चाई अहइ अउर जेकरे लगे दाऊद क चाभी अहइ जउन अइसा दरवाजा खोलत ह, जेका केहू खोल नाहीं पावत, इ तरह कहत ह;</verse>
				<verse number="8">“मइँ तोहरे काम क जानित ह। देखा तोहरे सामने मइँ एक दरवाजा खोल दिहे अहउँ, जेका केहू बन्द नाहीं कइ सकत। मइँ जानत हउँ कि तोहार ताकत कम अहइ मुला तू मोर उपदेस क पालन किहे अहा, अउर मोर नाउँ क खंडन नाहीं किहे अहा।</verse>
				<verse number="9">सुना! कछू अइसे अहइँ जे सइतान क आराधनालय अही अउर जउन यहूदी न होत भए अपुना क यहूदी कहत ही जे एकदम झूठा अहइँ, ओनका मइँ मजबूर कइके तोहरे पैर मँ झुकाइ देब जइसे कि ओनका पता चल जाइ कि तू मोका अच्छा लागत ह्या।</verse>
				<verse number="10">तू धीरज क साथ सहनसीलता स मोर आदेस क पालन किहे अहा। एकरे बदले मँ मइँ इम्तिहान क घड़ी मँ तोहार रच्छा करबइ, जउन कि धरती पर रहइवालेन क परखइ क बरे पूरे संसार मँ आवइवाली अहइ।</verse>
				<verse number="11">“मइँ बहुत जल्दी आवत अहउँ। जउन कछू तोहरे पास अहइ, ओकरे ऊपर डटा रहा जइसे कि तोहार जीत क मुकुट कउनउँ लेइ न पावइ।</verse>
				<verse number="12">जउन मनई जीती, ओका मइँ अपने परमेस्सर क मंदिर क खम्भा बनउबइ। फिन उ कबहूँ मंदिर क बाहर न जाई। अउर मइँ अपने परमेस्सर क अउर अपने परमेस्सर क नई नगरी क नवा यरुसलेम नाउँ ओकरे ऊपर लिखबइ, उ नगरी परमेस्सर कइँती स सरग स नीचे उतरइवाली अहइ। ओकरे ऊपर मइँ अपनउँ नये नाउँ लिखबइ।</verse>
				<verse number="13">जे सुन सकत ह सुन लेइ कि आतिमा कलीसियन स का कहत अहइ।</verse>
				<verse number="14">“लौदीकिया क कलीसिया क सरगदूत क इ लिखा: “जउन आमीन अहइ बिसवास भरा अहइ, सच्ची साच्छी अहइ, जउन परमेस्सर क रचना क एक ठु सासक अहइ, इ तरह कहत ह:</verse>
				<verse number="15">“मइँ तोहरे काम क जानत हउँ अउर इहउ कि न तउ इ ठंडा होत ह अउर न गरम। मइँ चाहत हउँ कि तू या तो ठंडा रहा या गरम।</verse>
				<verse number="16">इ बरे कि तू गुनगुना अहा, न तउ गरम अहा न ठंडा, एहि कारण मइँ तोहका अपने मुँह स उगलइ जात अहउँ।</verse>
				<verse number="17">तू कहत अहा कि मइँ धनी होइ गवा हउँ अउर मइँ भाग्यसली होइ गवा अहउँ अउर मोका कउनउँ चीज क जरुरत नाहीं अहइ, मुला तोहका पता नाहीं अहइ कि तू अभागा अहा, दयनीय अहा, आँधर अहा अउर नंगा अहा।</verse>
				<verse number="18">मइँ तोहका इ सलाह देत अहउँ कि तू मोका आगी मँ तपावा सोना खरीदा जइसे कि तू सही सही धनवान होइ जा। पहिनइ क वास्ते सफेद कपरा लइ ल्या जइसे कि तोहरी बेसार्मी अउर नंगाई क तमासा न खड़ा होइ जाइ। अपने आँखन मँ लगावइ क वास्ते तू आँजन लइ ल्या जइसे कि तू निहार सका।</verse>
				<verse number="19">“ओनका सबेन्ह क जेनका मइँ पिरेम करित हउँ, मइँ डाटत अहउँ अउर अनुसासित करत हउँ। कठिन जतन कइके आपन मनफिराइ ल्या।</verse>
				<verse number="20">सुना, मइँ दरवाजे प खड़ा अहउँ अउर खटखटावत अहउँ। जउ केहू मोर आवाज सुनत ह अउर दरवाजा खोल देत ह तउ मइँ अन्दर आइ जइहउँ अउर ओकरे साथे बइठके खाना खाबइ। अउर उ मोर साथे बइठके खाना खात ह।</verse>
				<verse number="21">“जउन मनई जीती मइँ ओका अपने साथे सिंहासन प बइठइ देब। जइसे कि जीत हासिल कइके मइँ अपने पिता क साथे सिंहासन प बइठा अहउँ।</verse>
				<verse number="22">जे मनई सुनि सकत ह सुन लेइ, कि आतिमा कलीसियन स का कहत अहइ।”</verse>
			</chapter>
			<chapter number="4">
				<verse number="1">एकरे बाद मइँ आपन निगाह उठाएउँ तउ उहाँ सरग क खुला दरवाजा मोरे सामने रहा। अउर उहइ आवाज जउने क मइँ पहले सुने रहेउँ, तुरही क आवाज जइसी मँ मोसे कहत रही, “हिआँ ऊपर आइ जा। मइँ तोहका उ देखाउब जउन आगे चलिके होइवाला अहइ।”</verse>
				<verse number="2">फिन तुरन्तइ मइँ आतिमा क बस मँ होइ गएउँ। मइँ देखेउँ कि मोर सामने सरग मँ सिंहासन अहइ अउर ओकरे ऊपर केउ बइठा अहइ।</verse>
				<verse number="3">जउन ओह प बइठा रहा ओकै चमक यसब अउर गोमेद क तरह रही। सिंहासन क चारिहुँ कइँती एक मेघधनुस रहा जउन पन्ना क तरह दमकत रहा।</verse>
				<verse number="4">उ सिंहासन क चारिहुँ कइँती चौबीस सिंहासन अउर रहेन। ओकरे ऊपर चौबीस बुजुर्गन बइठा रहेन। उ पचे सफेद कपरा पहिने रहेन। ओनके मूड़े प सोने क मुकुट रहेन।</verse>
				<verse number="5">सिंहासन भरा बिजली क चकाचौध, घड़घड़ाहट, अउर बादर गरजइ क आवाज आवत रही। सिंहासन क समन्वा लपलपात सात मसाल जरत रहिन। इ मसाल परमेस्सर क सात आतिमा अहइँ।</verse>
				<verse number="6">सिंहासन क समन्वा पारदर्सी कांच क स्फटिक समुद्दर जइसा फइला रहा। सिंहासन क ठीक समन्वा अउर ओकरे दुइनउँ तरफ चार जीवित प्रानी रहेन। ओनके आगे अउर पाछे आंखिन रहिन।</verse>
				<verse number="7">पहला जीवित प्रानी सेर क तरह रहा, दूसर जीवित प्रानी बइल जइसा रहा, तीसरे जीवित प्रानी क मुँह मनई जइसा रहा। अउर चौथा प्रानी उड़ते हए गरुड़ क समान रहा।</verse>
				<verse number="8">इ चारु ही प्रनियन क छ: छ: ठू पखना रहेन। ओकरे चारो तरफ अउर भीतर आंख आंख भरी पड़ी रहिन। दिन रात उ पचे हमेसा कहत रहेन: “पवित्तर, पवित्तर, पवित्तर प्रर्भू परमेस्सर सर्वसक्तिमान, उहइ रहा, उहइ अहइ, अउर उहइ आवत अहइ।”</verse>
				<verse number="9">जउ उ जिअत प्रानी उ सदैव रहत क महिमा, आदर अउर धन्यबाद करत रहेन, जउन सिंहासन प बइठा रहा, तउ ब उ</verse>
				<verse number="10">चौबीसौ बुजुर्गन ओकरे पैरन मँ गिरके हमेसा जिअत रहइवाले क आराधना करत ही। उ सिंहासन क समन्वा आपन मुकुट डाय देत ही अउर कहत ही:</verse>
				<verse number="11">“हे हमार पर्भू अउर परमेस्सर! तू महिमा, समादर अउर ताकत पावई क बरे सुयोग्य अहा, काहे बरे कि तू ही अपनी इच्छा स सब चीजन क पइदा किहा, अउर तोहरी इच्छा स ओनकर अस्तित्व अहइ। अउर तोहरी इच्छा स ओनकर पैदाइस भय।”</verse>
			</chapter>
			<chapter number="5">
				<verse number="1">फिन मइँ देखा कि जउन सिंहासन प बिराजमान रहा, ओकरे दाहिने हाथे मँ एक लपेटा चमड़ा क पत्र मतलब एक अइसी किताब जेका लिखके लपेट दीन्ह जात रहा। जेकरे दुइनउँ कइँती लिखावट रही। ओका सात मोहर लगाइके छाप दीन्ह ग रहा।</verse>
				<verse number="2">मइँ एक सक्तिमान सरगदूत कइँती देखेउँ जउन ऊंची आवाज मँ घोसणा करत रहा, “इ लपटा भवा चमड़न क पत्र मोहरन क तोड़इ अउर एका खोलइ मँ कउन मनई समर्थ अहइ।”</verse>
				<verse number="3">मुला सरग मँ अथवा जमीन प या पताललोक मँ कउनउँ अइसा नाहीं रहा जउन उ लपटा चर्मपत्र क खोलइ अउर ओका भीतर झाँकइ।</verse>
				<verse number="4">काहेकि उ चर्मपत्र क खोलइ क ताकत राखइवाला या अन्दर स ओका देखइ क ताकत रखइवाला कउनउँ नाही मिल पाए रहा। इ बरे मइँ सुबक सुबक क रोय दीन्ह।</verse>
				<verse number="5">फिन ओन बुजुर्गन मँ स एक मोसे कहेस, “रोउब बन्द करा! सुना, यहूदा क बंसज क सेर जउन दाऊद क बंसज क अहइ जीत हासिल किहे अहइ। उ एन सात मोहरन क तोड़इ अउर इ लिपटा चर्मपत्र क खोलइ मँ समरथ अहइ।”</verse>
				<verse number="6">फिन मइँ देखेउँ कि उ सिंहासन अउर ओन चार प्रानीयन क समन्वा अउर ओन बुजुर्गन क समन्वा एक ठु मेमना खड़ा अहइ। उ अइसे देखात रहा जइसे ओकरे बलि चड़ाई ग रही होइ। ओकरे सात सीग रहेन अउर सात आँखी रहिन, जउन परमेस्सर क सात आतिमा अहिन। जेनेका पूरी धरती प भेजा ग रहा।</verse>
				<verse number="7">फिन उ आवा अउर जउन सिंहासन प विराजमान रहा, ओकरे दाहिने हाथे स उ लिपटा चर्मपत्र लइ लिहेस।</verse>
				<verse number="8">जब उ ओनसे लिपटा चर्मपत्र लइ लिहेस तउ ओन चारउ प्रानी अउर चौबीसउ बुजुर्गन उ मेमना क झुकके प्रणाम किहेन। ओनमाँ स प्रत्येक क हाथ मँ वीना अउर सोने का कटोरा रहेन। उ सब बोलत रहेन: अउर महकत सोने क धूपदान थामे रहेन जउन परमेस्सर क लोगन क पराथना अहइ।</verse>
				<verse number="9">उ एक नवा गाना गावत रहेन: “तू अहा चर्मपत्र लेइ क बरे समर्थ अउर एह प लगी मोहर क खोलइ मँ तोहार बध बलि कीन्ह ग रहा, अउर अपने खून स तू परमेस्सर बरे लोगन क हर जाति स, हर भाखा स सब कुलन स, सब देसन स मोल लइ लिहा।</verse>
				<verse number="10">अउर बनाया तू ओनका रुप राज्य क अउर हमरे परमेस्सर क हेतु ओनका याजकन बनाया, ओनही धरती प राज करिहइँ।”</verse>
				<verse number="11">तबहिं मइँ देखेउँ अउर तमाम सरगदूतन क आवाज सुनेउँ। उ पचे सिंहासन, जीवित प्रानीयन अउर बुजुर्गन क चारिहुँ कइँती खड़ा रहेन। अउर उहाँ सरगदूतन क तादाद लाखन करोड़न मँ रही</verse>
				<verse number="12">अउर उ पचे जोर जोर स कहत रहेन: “जउन मेमना, मारि ड़ाला ग रहा, उ ओका मिलइ क जोग्ग अहइ बल, धन, विवेक समादर, महिमा अउर स्तुति!”</verse>
				<verse number="13">फिन मइँ सुनेउँ कि सरग क, धरती पइ क पाताललोक क, समुद्दर मँ का, समूची दुनिया क अउर समूचे ब्रहाण्ड़ हर एक प्रानी जउन इ जगह मँ रहत रहा कहत रहेन: “जउन सिंहासन प बइठा अहइ अउर मेमना! हमेसा हमेसा ओनका स्तुति मिलै, ओनका आदर, महिमा मिलइ।”</verse>
				<verse number="14">फिन उ चारिहुँ प्रानी कहेन, “आमीन!” कहेन अउर बुजुर्गन झुकिके आराधना करेन।</verse>
			</chapter>
			<chapter number="6">
				<verse number="1">मइँ देखे कि मेमना ओहमाँ स पहली मोहर तोड़ेस अउर तबहि ओन चार प्रानीयन मँ स एक क बादर क तरह गरजत आवाज मँ कहत सुनेउँ, “आ!”</verse>
				<verse number="2">जउ मइँ आपन नजर उठाएउँ तउ पाएउँ कि मोरे सामने एक ठु सफेद घोड़ा रहा। घोड़ा क सवार धनुस लिए रहा। ओका विजय मुकुट दीन्ह गवा अउर उ विजय पावइ क बरे जीत पाइ क बाहर चला गवा।</verse>
				<verse number="3">जब मेमना दूसर मोहर तोड़ेस तउ मइँ दूसर प्रानी क कहत सुनेउँ, “आवा!”</verse>
				<verse number="4">एह प आगी क तरह लाल रंग क एक अउर घोड़ा बाहेर आवा। एकरे ऊपर बइठे सवार क धरती स सान्ति छीन लेइ अउर एक दूसरे क हत्या करवावइ क बरे उकसावइ क अधिकार दीन्ह ग रहा। ओका एक ठु लम्बी तलवार दइ दीन्ह गइ।</verse>
				<verse number="5">जब मेमना तीसरी मोहर तोड़ेस तउ मइँ एक प्रानी क कहत सुनेउँ, “आवा!” जब मइँ आपन नजर उठाएउँ तउ हुवाँ मोरे सामने एक ठु काला घोड़ा खड़ा रहा। ओह प बइठे सवार क हाथे मँ एक तराजू रही।</verse>
				<verse number="6">उही समइ मइँ ओन चारउ प्रानीयन क बीच स एक आवाज आवत सुनेउँ, जउन कहत रहा, “एक दिन क मजूरी क बदले एक दिन क खाइ क गोहूँ अउर एक दिन क मजूरी क बदले तीन दिन तक खाइ क जौ। मुला जैतून क तेल अउर दाखरस क नुकसान न पहुँचावा!”</verse>
				<verse number="7">इ फिन मेमना जब चौथी मोहर खोलेस तउ चौथे प्रानी क कहत सुनेउँ, “आवा!”</verse>
				<verse number="8">फिन जब मइँ नजर उठाएउँ तउ मोरे सामने मरियल जइसा एक पीला रंग का घोड़ा खड़ा रहा। ओह प बइठके सवार क नाउँ रहा “मउत”। अउर ओकरे पाछे पाछे सटा चलत रहा अधोलोक। धरती क एक चौथाई हिस्सा प ओनका इ अधिकार दइ दीन्ह ग कि लड़ाई, अकाल, महामारी अउर धरती क हिंसक जानवर ओनका सबेन्ह क मार डावइँ।</verse>
				<verse number="9">फिन उ मेमना जउ पाँचवी मोहर तोड़ेस तब मइँ वेदी क नीचे ओन आतिमान क देखेउँ जेनके परमेस्सर क सुसंदेस कइँती आतिमा क अउर जउने साच्छी क उ पचे दिहे रहेन, ओकरे कारण हत्या कइ दीन्ह गइ।</verse>
				<verse number="10">जोर स आवाज देत उ पचे कहेन, “हे पवित्तर अउर सच्चा पर्भू! हमार हत्या करइ क बरे धरती क मनइयन क निआव करइ क अउर ओनका दण्ड देइ क बरे तू कब तक इन्तजार करत रहब्या?”</verse>
				<verse number="11">ओनमाँ स सबका एक सुफेद चोंगा दीन्ह गवा अउर ओनसे कहा गवा कि तनिक देर तक उ पचे समइ इ इन्तजार करइँ जब तलक ओनके ओन साथी सेवकन अउर भाइयन क तादाद पूरी होइ जात ह जेनकइ वइसेन हत्या कीन्ह जाइवाली अहइ, जइसेन तोहार कीन्ह ग रही।</verse>
				<verse number="12">फिन जब मेमना छठवी मोहर तोड़ेस तउ मइँ देखेउँ कि हुवाँ एक बहुत बड़ा भूचाल आवा भवा अहइ। सूरज अइसे काला होइ ग रहा जइसे बालन स बना कपड़ा होय जात ह। अउर पूरा चाँद खून क तरह लाल होइ जात ह।</verse>
				<verse number="13">आकास क तारा धरती प अइसा गिर ग रहेन जइसे कउनउँ तेज आँधी स झकझोर दिहे प अंजीर क पेड़ स कच्ची अंजीर गिर जात ही।</verse>
				<verse number="14">आसमान फटा पड़ा रहा अउर एक चर्मपत्र क तरह सिकुरिके लपट ग रहा। सब पर्वत अउर द्वीप अपनी अपनी जगह स डिग ग रहेन।</verse>
				<verse number="15">दुनिया क सम्राट, सासक, धनी, सक्तिसाली अउर सब लोग अउर सब मालिक अउर गुलाम अपने आपका चटृानन क बीच अउर गुफा मँ अपने आपका छिपाइ लिहे रहेन</verse>
				<verse number="16">उ पचे पर्वतन अउर चटृानन स कहत रहेन: “हमरे ऊपर गिर पड़ा अउर जउन मनई सिंहासन प बइठा अहइ ओकरे अउर मेमना क गुस्सा स हम पचे क बचाइ ल्या!</verse>
				<verse number="17">ओनकी गुस्सा क भयंकर दिन आय ग अहइ अइसा के अहइ जे एका झेल सकइ।”</verse>
			</chapter>
			<chapter number="7">
				<verse number="1">एकरे बाद धरती क चारउँ कोनन प चार सरगदूतन क मइँ खड़े देखेउँ धरती क चारउँ हवा क उ पचे पकड़े रहेन जइसे कि धरती प, समुद्दर प अथवा पेड़न प ओनमाँ स कउनउँ हवा चलइ न पावइ।</verse>
				<verse number="2">फिन मइँ देखेउँ कि एक अउर सरगदूत अहइ जउन पूरब दिसा स आवत अहइ। उ जिअत परमेस्सर क मोहर लिहे रहा। अउर उ ओन चारउ सरगदूतन स जेनका धरती अउर आसमान क नस्ट कइ देइ क अधिकार दीन्ह ग रहा, जोर स पुकार क कहत रहा,</verse>
				<verse number="3">“जब तक हमने अपने परमेस्सर क सेवकन क माथे प मोहर नाहीं लगाइ देइतन, तब तलक तू धरती, समुद्दर अउर पेड़न क नुकसान न पहुँचावा।”</verse>
				<verse number="4">फिन जउन मनइयन प मोहर लगाई ग रही, मइँ औनकइ तादाद सुनेउँ। उ 1,44,000 रहेन जेनकइ ऊपर मोहर लगाई ग रही, उ सब इस्राएल क सब परिवार समूहन स रहेन:</verse>
				<verse number="5">यहूदा क परिवार समूह क 12,000 रुबेन क परिवार समूह क 12,000 गाद क परिवार समूह क 12,000</verse>
				<verse number="6">आसेर परिवार समूह क 12,000 नप्ताली परिवार समूह क 12,000 मनस्से परिवार समूह क 12,000</verse>
				<verse number="7">समौन परिवार समूह क 12,000 लेवी परिवार समूह क 12,000 इस्साकार परिवार समूह क 12,000</verse>
				<verse number="8">जबूलून परिवार समूह क 12,000 यूसुफ परिवार समूह क 12,000 बिन्यामीन परिवार समूह क 12,000</verse>
				<verse number="9">एकरे बाद मइँ देखेउँ कि मोरे सामने एक बहुत बड़ी भीड़ रही जेकर कउनउँ गनती नाही कइ सकत रहा। इ भीड़ मँ हर जाति क, हर वंस क, हर कुल अउर हर भाखा क मनई रहेन। उ पचे उ सिंहासन अउर उ मेमना क आगे खड़ा रहेन। उ सबेन्ह सफेद चोगा पहिरे रहेन अउर अपने हाथे मँ खजूर क टहनी लिहे रहेन।</verse>
				<verse number="10">उ सबेन्ह बोलावत रहेन, “सिंहासन प बइठा हमरे परमेस्सर क जय होइ अउर मेमना क जय होइ।”</verse>
				<verse number="11">सभी सरगदूतन सिंहासन, बुजुर्गन अउर ओन चार प्रानीयन क घेरे खड़ा रहेन। सिंहासन क सामने झुकिके प्रणाम कइके ओन सरगदूतन परमेस्सर क आराधना किहेन।</verse>
				<verse number="12">उ पचे कहेन, आमीन हमरे परमेस्सर क, “स्तुति, महिमा, विवेक, धन्यवाद, समादर, पराक्रम अउर सक्ति हमेसा हमेसा होत रहइ। आमीन!”</verse>
				<verse number="13">तबहि ओन बुजुर्गन मँ स कउनउँ एक मोसे इ पूछेस, “इ सफेद चोगा पहिरे कउन मनई अहइँ अउर इ कहाँ स आए अहइँ?”</verse>
				<verse number="14">मइँ ओनका जवाब दिहेउँ, “मोर प्रर्भू तू तउ जनतइ अहा।” इ सुनिके उ मोसे कहेस, “इ पचे उहइ मनई अही जउन कठोर अत्याचार क बीच स होइके आवत अहइँ उ सबेन्ह आपन चोगा मेमना क खून स धोइके सफेद अउर उज्जर करे अहइ।</verse>
				<verse number="15">इही बरे अउर इ पचे परमेस्सर क सिंहासन क समन्वा खड़ा अहइँ अउर ओनके मंदिर मँ दिन रात ओकर आराधना करत ही। जउन सिंहासन पर बइठा बा, उ ओन पर आपन छाया करी।</verse>
				<verse number="16">न तउ कबहूँ ओनका भूख सतावात ह अउर न तउ कबहूँ पियासा रहत ह। सूरज ओनकइ कछू नाहीं बिगाड़ पावत अउर न तउ चिलचिलात धूप ओनका कबहूँ तपावत ह।</verse>
				<verse number="17">काहेकि उ मेमना जउन सिंहासन क बीच मँ अहइ, ओनकइ देखभाल करी। अउर ओनकर चरवाहा होइ। उ ओनका जिन्दगी देइ वाले पानी क झरना क पास लइ जाई अउर परमेस्सर ओनकी आंखिन क आंसू क पोछ देई।”</verse>
			</chapter>
			<chapter number="8">
				<verse number="1">फिन मेमना जब सावती मोहर तोड़ेस तउ सरग मँ करीब आधा घन्टा तक सत्राटा छावा रहा।</verse>
				<verse number="2">फिन मइँ सात सरगदूतन देखेउँ जउन परमेस्सर क सामने खड़ा रहेन। ओनका सात तुरही दीन्ह गइ रहिन।</verse>
				<verse number="3">फिन एक अउर सरगदूत आवा अउर वेदी प खड़ा होइ गवा। ओकरे लगे सोने क एक ठु धूपदान रहा। ओका परमेस्सर क पवित्तर लोगन क पराथना क साथ सोने क उ वेदी प जउन सिंहासन क समन्वा रही चढ़ावइ क बरे तमाम धूप दीन्ह गइन।</verse>
				<verse number="4">फिन सरगदूत क हाथे स धूप क उ धुआँ परमेस्सर क लोगन क पराथना क साथे परमेस्सर क समन्वा पहुँचा।</verse>
				<verse number="5">एकरे बाद सरगदूत उ धूपदान क उठाएस, ओका बेदी क आग स भरेस अउर उचल क धरती प फेंक दिहेस। तब हुवाँ गरजना भइ, भयंकर आवाज आवइ लाग अउर बिजली चमकइ लाग। भूकम्प आइ गवा।</verse>
				<verse number="6">फिन उ सात सरगदून जेकरे लगे सात तुरही रहिन, ओनका फूकइ क बरे तय्यार होइ गएन।</verse>
				<verse number="7">जइसेन पहिला सरगदूत तुरही मँ फूँक मारेस, वइसेन खून, ओला, अउर आग एकइ साथे देखाइ लागेन अउर ओनका धरती प नीचे उछालिके फेंक दीन्ह गवा। जउने स धतरी एक तिहाई हिस्सा जलभुन क राख होइ गवा। एक तिहाई पेड़ जलत भए राख होइ गएन अउन संसार क पूरी घास राख होइ गइ।</verse>
				<verse number="8">दूसरा सरगदूत जब तुरही मँ फूँक मारेस तउ अइसा लगा जइसे आग क एक जलत विसाल पहाड़े क समान कउनो चीज समुद्दर मँ फेक दीन्ह गइ होइ। एहसे एक तिहाई समुद्दर खून मँ बदल गवा।</verse>
				<verse number="9">अउर समुद्दर क एक तिहाई जीवित प्रानी मरि गएन अउर एक तिहाई पानी क जहाज विलाइ गएन।</verse>
				<verse number="10">तिसरा सरगदूत जब तुरही मँ फूँक मारेस तउ आकास स मसाल क तरह जरत भवा एक बड़का तारा गिर पड़ा इ तारा एक तिहाई नदियन अउर झरनन क पानी प जाइ गिरा।</verse>
				<verse number="11">इ तारा क नाउँ रहा “नागदौना” जउन समूचे पानी क एक तिहाई हिस्सा नागदौना मँ बदल गवा। अउर उ पानी क जे पियेस ह बहुत मनई मर गएन। काहेकि पानी बहुत तीत होइ ग रहा।</verse>
				<verse number="12">अउ चौथा सरगदूत तुरही मँ फूँक मारेस, तउ एक तिहाई सूरज अउर साथे मँ एक तिहाई चन्द्रमा अउर एक तिहाई तारन प आफत आइ गइ। ओनकइ एक तिहाई हिस्सा काला पड़ गवा। इ तरह स एक तिहाई दिन अउर एक तिहाई रात अन्धेरे मँ बूड़ गएन।</verse>
				<verse number="13">फिन मइँ देखेउँ कि एक गरुड़ अबइ ऊँच अकास मँ उड़त रहा। मइँ ओका जोर स कहत सुनेउँ, “जउन तीन सरगदूत बचा अहइँ अउर आपन तुरही बचावइवाला अहइ, ओनके तुरही बजाए स धरती प रहइवाले प बिपति आवइ! बिपत्ति आवइ! बिपत्ति आवइ!”</verse>
			</chapter>
			<chapter number="9">
				<verse number="1">जब पाँचवा सरगदूत आपन तुरही मँ फूँक मारेस, तब मइँ आकास स धरती प गिरा भवा एक तारा देखेउँ। एका उ चिमनी क कुंजी दीन्ह ग रही जउन पाताल मँ उतरत ह।</verse>
				<verse number="2">फिन उ तारा उ चिमनी क ताला खोल दिहेस जउन पाताल मँ उतरत रही अउर चिमनी स वइसेन धुआं फूट गवा जइसेन एक बड़ी भट्ठी स निकरत ह। इ बरे चिमनी स निकरा धुँआ स सूरज अउर आसमान काला पड़ गएन।</verse>
				<verse number="3">तबही उ धुँआ स धरती प टिडिु दल उतर आवा। ओनके पास उहइ ताकत रही जउन धरती प रहइवाले बिच्छुअन मँ रहत ह।</verse>
				<verse number="4">मुला ओनसे कह दीन्ह ग रहा कि उ धरती क घास क कउनउँ नुकसान न पहुँचावइँ अउर न तउ हरिअर पेड़ पउधा क कउनउँ नुकसान पहुँचावइँ ओनका केवल ओनही मनइयन क नुकसान पहुँचावइँ क रहा जेकरे माथे प परमेस्सर क मोहर नाहीं लगी रही।</verse>
				<verse number="5">टिडुी दल स इ भी कहा ग रहा कि उ मनइयन क प्रान न लेइँ ओनका पाँच महीना तक पीड़ित करत रहइँ। ओनका जउन कस्ट दीन्ह जात रहा, उ उही तरह क रहा जइसे बिच्छू क काटइ स रहत ह।</verse>
				<verse number="6">उ ओहि दिनन उ मनई मउत क डूड़िहइँ, मुला मउत ओनका न मिलपाई उ पचे मरइ क बरे तरसिहइँ अउर मउत ओनका चकमा दइके चली जाई।</verse>
				<verse number="7">अउर अब देखा कि उ टिडुी लड़ाई मँ लड़इ क बरे तैय्यार घोड़न क तरह देखात रहिन। ओनके माथे प चमकीला मुकुट बँधा रहेन। अउर ओनकर मुँह मनइयन क मुँहन जइसे रहेन।</verse>
				<verse number="8">ओनके बार स्त्रियन क बार क तरह रहेन अउर ओनकइ दाँत सेर क दाँत क तरह रहेन।</verse>
				<verse number="9">ओनकइ सीना अइसा रहेन जइसे लोहा क कवच होइँ। ओनकइ पखना क आवाज लड़ाई मँ जात बहुत घोड़े अउर रथ क आवाज क तरह रहेन।</verse>
				<verse number="10">ओनकी पूँछ रहेन जइसे बीछू क ड़ंक होइँ अउर ओहमाँ पाँच महीना तक लोगन क दु:ख पहुँचावइ क ताकत रही।</verse>
				<verse number="11">पाताल क अधिकारी दूत क उ पचे अपने राजा क तरह लिहे रहेन। इब्रानी भाखा मँ ओनकइ नाउँ अहइ, “अबड्डोन” अउर यूनानी भाखा मँ ओका “अपुल्लयोन” (नास करइ वाला) कहा जात रहा।</verse>
				<verse number="12">पहली बड़ी आफत तउ बीत गइ अहइ मुला एकरे बाद दुइ बिपत्ति बड़ी अउर पड़इवाली अहइ।</verse>
				<verse number="13">फिन जइसेन छठवाँ सरगदूत आपन तुरही फूँकेस, वइसेन ही मइँ परमेस्सर क समन्वा एक चमकीली वेदी देखेउँ, ओकरी चार सीग मँ स आवाज आवत रही।</verse>
				<verse number="14">तुरही लिहे छठवें सरगदूत स उ आवाज कहेस, “ओन चार सरगदूतन क छोड़ द्या जउन फरात महानदी क लगे बंधा पड़ा अहइँ।”</verse>
				<verse number="15">इ बरे चारउ सरगदूत क छोड़ दीन्ह गवा। उ पचे उही समइ, उही दिन, उही महीने अउर उही साल क बरे तय्यार रखा ग रहेन जइसेन कि एक तिहाई मनइयन क मार डावइँ।</verse>
				<verse number="16">ओनके पूरी तादाद केतनी रही, इ मइँ सुनेउँ। घोड़ा प चड़े सैनिकन क तादाद 20,00,00,000 रही।</verse>
				<verse number="17">उ मोरे दर्सन मँ उ घोड़ा अउर ओनके सवार मोका इ तरह देखॉई पड़ेन: उ सबेन्ह कवच पहिरे रहेन जउन धधकत आग जइसे लाल लाल, गहरे नीला अउर गन्धक जइसे पीला रहेन। घोड़न क मूँड़न सिंहन क समान रहेन अउर ओनके मुखन स अग्नि, धुँआ तथा गन्धक निकरत रहा।</verse>
				<verse number="18">इ तीन महामारी स मतलब ओनके मुँहे स निकरत आगी, धुँआ अउर गन्धक स एक तिहाई मनइयन क मार ड़ावा गवा।</verse>
				<verse number="19">ऍन घोड़न क ताकत ओनके मुँहे अउर पूँछ मँ रही, काहेकि ओनके पूँछ मुँड़वाले साँप क तरह रही जउने स उ मनइयन क नुकसान पहुँचावत रहेन।</verse>
				<verse number="20">एतने क बावजूद जउन मनई इ सत्यानास स नाहीं मारा गएन अउर जे आपन हिरदय तथा मनफिरावा पे रहा, अउर जउन अबे तक परेत, सोना, चाँदी, काँसा, पाथर अउर लकड़ी क मूर्तियन क पूजा नाहीं छोड़े रहेन जउन कि न देख सकत ही न बोल सकत ही, न चल सकत ही अउर न सुन सकत ही।</verse>
				<verse number="21">उ पचे आपन हिरदय अउर मन नाहीं बदलेन तथा अपने द्वारा कीन्ह हत्या, जादू टोना, यौन अनाचार अउर चोरी चकारी क कउनउँ पछतावा नाहीं रहा।</verse>
			</chapter>
			<chapter number="10">
				<verse number="1">फिन मइँ आकास स नीचे उतरत एक अउर बलवान सरगदूत क देखेउँ उ बादर क ओड़े रहा अउर ओकरे मूँड़े क आस पास एक मेघधनुस रहा। ओकर मुख मण्डल सूरज क तरह अउर टांग आग क खंभा जइसे रहेन।</verse>
				<verse number="2">आपने हाथे मँ उ एक छोटी स खुली पोथी लिहे रहा।</verse>
				<verse number="3">आपन दहिना पैर समुद्दर मँ अउर बांया पैर धरती प रखेस। फिन उ सेर क तरह दहाड़त जोर स चिल्लाएस। ओकरे चिल्लाए प सातउ गरजन तरजन क आवाज सुनाई देइ लाग जउन सातउ गरजन होइ चुकेन।</verse>
				<verse number="4">अउर मइँ लिखइवाला रहेउँ, तबइ मइँ एक आकासावाणी सुनेउँ, “सातउ गरजन जउन कछू कहे अहइ, ओका छिपाय ल्या अउर ओका न लिखा।”</verse>
				<verse number="5">फिन उ सरगदूत जउने क मइँ समुद्दर मँ अउर धरती प खड़ा देखे रहेउँ, अकास मँ ऊपर दाहिन हाथ उठाएस।</verse>
				<verse number="6">अउर जउन हमेसा स जीवित अहइ, जे अकास क अउर अकास क सब चीजन क, धरती अउर धरती प किहेस अउर समुद्दर अउर जउन कछू ओहमाँ अहइ, ओनकइ सबनक रचना करे अहइ, ओकर सपथ लइके सरगदूत कहेस, “अब अउर जियादा देर न होइ!</verse>
				<verse number="7">मुला जउ सातवाँ सरगदूत क सुनइ क समइ आइ अर्थात जब उ आपन तुरही बजावइवाला होइ, तबइ परमेस्सर क उ छिपी योजना (सुसमाचार) पूरी होइ जाइ जेका उ अपने सेवक अउर नबियन क बताए रहा।”</verse>
				<verse number="8">उ आकासवाणी जउने कि मइँ सुने रहेउँ, उ आवाज फिन मोसे कहेस, “जा अउर उ सरगदूत स जउन समुद्दर मँ अउर धरती प खड़ा अहइ ओकरे हाथे स खुली पोथी क लइ ल्या।”</verse>
				<verse number="9">इ बरे मइँ उ सरगदूत क पास गएउँ अउर मइँ ओसे कहेउँ कि उ छोट क पोथी मोका दइ देइ। उ मोसे कहेस, “एक ल्या अउर खाइ ल्या। एहसे तोहार पेट कड़वा होइ जाइ मुला दोहरे मुँहे मँ इ सहदउ स जिआदा मीठा बन जाइ।”</verse>
				<verse number="10">फिन उ सरगदूत क हाथ स मइँ उ छोट क पोथी लइ लीन्ह अउर ओका खाइ लीन्ह। मोरे मुँहे मँ इ सहद क तरह मीठ लाग मुला जब मइँ खाइ चुकेउँ तब मोर पेट कड़वा होइ गवा।</verse>
				<verse number="11">एह प उ मोसे बोला, “तोहका तमाम मनई, देस, जातियन क भाखा अउर राजा क बावत भविस्सवाणी करइ क पड़ी।”</verse>
			</chapter>
			<chapter number="11">
				<verse number="1">एकरे बाद नापइ क बरे मोका एक सरकंड़ा दीन्ह गवा जउन नापइ वाली छड़ी क तरह दिखाई पड़त रही। मोसे कहा गवा, “उठा अउर परमेस्सर क मंदिर क अन्दर वेदी क नाप ल्या अउर जउन मनई मंदिर क अन्दर आराधना करत अहइ, ओनके गिनती करा।</verse>
				<verse number="2">मुला मंदिर क बाहर आंगन क रहइ द्या, ओका न नापा काहे बरे कि इ गैर यहूदियन क दीन्ह ग अहइ। उ पचे बयालीस महीना तक पवित्तर नगर क अपने पैर क नीचे रौंद देइही।</verse>
				<verse number="3">मइँ अपने दुइ गवाहन क खुली छूट देब अउर उ 1,260 दिन तक भविस्सबाणी करिहइँ उ पचे टाट क कपरा पहिने रइही जेनका दु:ख परगट करइ क बरे पहिना जात ह।”</verse>
				<verse number="4">इ दुइनउँ साच्छी उ दुइ जइतून क पेड़ अउर उ दुइ ठु दीपादान अहइँ जउन धरती क पर्भू क समन्वा अहइँ।</verse>
				<verse number="5">जदि केउ ओनका नुकसान पहुँचावा चाहत ह तउ ओकरे मुँहे स आग निकरइ लागत ह अउर ओनके दुस्मनन क निगल लेत ह। जदि केउ ओनका नुकसान पहुँचावइ क कोसिस करत ह तउ ओकर मउत निस्चित तौर प होइ जात ह।</verse>
				<verse number="6">उ पचे अकास क बादल बाँधके रखइ क ताकत रखतही जेहसे जब उ पचे भविस्सबाणी करत होइँ तउ ओ समइ पानी न बरसी। ओनकै झरनन क पानी प अधिकार रहा जेका उ पचे खून मँ बदल सकत रहेन। ओनमाँ अइसी ताकत रही कि उ जेतना बार चाहतेन, ओतनी बार धरती प हर तरह क विनास कइ सकत रहेन।</verse>
				<verse number="7">ओनके साच्छी दइ चुकइ क बाद, उ जानवर महागर्त स बाहर निकरी अउर ओन पइ हमला करी। उ ओनका हराइ देइ अउर मारि ड़ाई।</verse>
				<verse number="8">ओनकर ल्हास महानगर क गलियन मँ पड़ी रहिहइँ। इ सहर क प्रतीक रुप मँ सदोम अउर मिस्त्र कहा जात रहा। हिआँ प ओनकर पर्भू क क्रूस प चड़ाइके मारा ग रहा।</verse>
				<verse number="9">सब जातियन, उपजातियन, भाखा अउर रास्ट्र क मनई ओनकी ल्हास क साड़े तीन दिन तक देखत रइही, अउर ओनकी ल्हास क कब्र मँ न रखइ देइही।</verse>
				<verse number="10">धरती प रहइवाले आनन्द मनईहइँ उ पचे त्यौहार मनईहइँ अउर एक दूसर क तोहफा देइहइँ। इ दुइनउँ नबियन धरती प रहइवाले मनइयन क बहुत दु:ख दिहे अहइँ।</verse>
				<verse number="11">मुला साढ़े तीन दिन क बाद परमेस्सर कइँती स ओनके जीवन मँ सास आइ गइ अउर उ पचे अपने गोड़े प खड़ा होइ गएन। जे ओनका देखे रहेन, उ पचे बहुत डेराइ गएन।</verse>
				<verse number="12">फिन उ दुइनउँ नबियन जोर क आवाज मँ आकासबाणी क ओनसे कहत भए सुनेन, “हिआँ ऊपर आइ जा!” इ बरे उ अकास क भीतर बादल मँ ऊपर चला गएन। ओनका ऊपर जात ओनकर खिलाफत करइवाले देखेन।</verse>
				<verse number="13">ठीक उही समइ प हुवा बहुत बड़ा भूचाल आइ गवा अउर सहर क दसवा हिस्सा ड़ह गवा। भूचाल मँ सात हजार मनई मारा गएन अउर जउन बच ग रहेन उ सबेन्ह बहुत ड़ेराइ गएन अउर उ सरग क परमेस्सर क महिमा क बखान करइ लागेन।</verse>
				<verse number="14">इ तरह स अब दूसरउ आफत बीत गइ। मुला सावधान! तीसरी महाविपत्ति जल्दी आवइवाली अहइ।</verse>
				<verse number="15">सातवाँ सगरदूत जब आपन तुरही फूँकेस तउ सरग स जोर क आवाजन आवइ लागिन। उ सबइ कहत रहिन: “अब इ दुनिया क राज हमरे पर्भू क बाटइ, अउर ओकरे मसीह क बाटइ। अउर उ कई जुग तक सासन करी।”</verse>
				<verse number="16">अउर उही समइ परमेस्सर क समन्वा अपने अपने सिंहासन प बइठा चौबीसउ बुजुर्गन दण्ड़वत प्रणाम कइके परमेस्सर क आराधना किहेन।</verse>
				<verse number="17">उ पचे बोलेन: “सर्वसक्तिमान प्रर्भू परमेस्सर तू अहा, तू रह्या हम तोहार धन्यवाद करत अही। तुहिन आपन महासक्ती क लइके अपने सासन क सुरुआत करे रह्या।</verse>
				<verse number="18">जउ अउर रास्ट्रन गुस्सन स भरी रहिन मुला तउ तोहार कोप प्रकट होइ क समइ आइ गवा, अउर क निआव क समइ आइ ग अहइ, अउर उ समइ आय ग अहइ जउ तोहार सेवक फल पड़हइँ ओन नबियन अउर उ सब पवित्तर मनई जउन तोहार आदर करत रहेन। अउर सभी जेतना बड़े मनई अहइँ, अउर सभी जेतने छोटे मनई अहइँ, सब अपने काम क फल पावइँ। जउन मनई धरती क मिटावत अहइँ, ओनके मिटावइ क समइ आइ ग अहइ।”</verse>
				<verse number="19">फिन सरग मँ परमेस्सर क मंदिर क खोला गवा जहाँ ओकरे मंदिर मँ करार क उ पेटी देखाई पड़ी। फिन बिजली क चकाचौध होइ लगी। मेघन क गरजन, तरजन, अउर घड़घड़ाहट क आवाज, भूकम्प अउर भयानक ओला बरसइ लागेन।</verse>
			</chapter>
			<chapter number="12">
				<verse number="1">एकरे बाद आसमान मँ एक बड़ी स निसानी परगट भइ: एक स्त्री दिखाई पड़ी जउन सूरज क धारन करे रही अउर चाँद ओकरे पाँव क नीचे रहा। ओकरे माथे प मुकुट रहा, जेहमाँ बारह तारा जड़ा रहेन।</verse>
				<verse number="2">उ गर्भवती रही। ओकर दिन निकटाइ ग रहा, इ बरे उ पीड़ा स कराहत रही।</verse>
				<verse number="3">सरग मँ एक निसानी प्रकट भइ। मोरे समन्वा एक ठु इ लाल रंग क बड़ा क अजगर खड़ा रहा। ओकरे सातउ क सिर प सात मुकुट रहेन।</verse>
				<verse number="4">ओकर पूँछ आकास क तारन क एक तिहाई हिस्सा क सपाटा मारिके धरती प नीचे फेंक दिहेस। उ स्त्री जउन बच्चा पइदा करइवाली रही ओकरे समन्वा उ अजगर खड़ा होइ गवा जइसे कि जउन बच्चा पइदा होइ, ओका उ खाइ जाइ।</verse>
				<verse number="5">फिन उ स्त्री एक बच्चा क जन्म दिहेस जउन कि लरका रहा। ओका सब जातिन प लोहे क दण्ड़ क साथ सासन करइ क रहा। मुला ओकर बच्चा क उठाइके परमेस्सर अउर ओकरे सिहांसन क समन्वा लइ जावा गवा।</verse>
				<verse number="6">अउर उ स्त्री सूनसान जंगल मँ भाग गइ। ओका एक अइसी जगह रखा गवा जउने क परमेस्सर उही बरे बनवाए रहा, जइसे कि ओका 1,260 दिन तक जीवित रखा जाइ सकइ।</verse>
				<verse number="7">फिन सरग मँ एक लड़ाई होइ लाग मीकाएल अउर ओकरे सरगदूतन क उ भयंकर अजगर स लड़ाई होइ लाग। उ अजगर भी ओकरे दूतन क साथ लड़ाई लड़ेस।</verse>
				<verse number="8">मुला उ ओनके ऊपर भारी नाहीं पड़ा अउर उ भयंकर अजगर अउर ओकर सरगदूतन सरग मँ आपन जगह खोइ दिहेन।</verse>
				<verse number="9">फुन उ अजगर सरग क नीचे डकेल दीन्ह गवा। इ उहइ पुरान महानाग बाटइ जेका दानव अउर सइतान कहा ग अहइ। इ पूरी दुनिया क ठगत ह हाँ, एका फिन धरती प ढकेल दिन्ह गवा।</verse>
				<verse number="10">फिन मइँ जोरदार आवाज मँ एक आकासबाणी क कहत सुनेउँ, “इ हमरे परमेस्सर क जीत क घड़ी अउर सासन बाटइ। उ आपन ताकत अउर संप्रभुता क जनवाइ देहेस। ओका मसीह आपन ताकत क देखाइ दिहेस काहेकि हमरे भाइयन प परमेस्सर क सामने दिन रात लांछन लगावइवाला क नीचे ड़केल दीन्ह गवा।</verse>
				<verse number="11">उ पचे मेमना क बलिदान क खून अउर ओकरी साच्छी स ओका हराइ दिहेन। उ पचे अपने प्राणन क गवाँइ देइ तलक अपने जीवन क परवाह नाहीं किहेन।</verse>
				<verse number="12">इ बरे हे सरग, अउर सरग मँ रहइवाले मनई खुसी मनावा! मुला हाय धरती अउर समुद्दर! तोहरे बरे केतना बुरा होई काहे बरे कि सइतान अउर हुवाँ उतरके गवा अहइ। उ गुस्सा स तमतमात अहइ। ओका पता अहइ कि अउर ओकरे पास अधिक समइ नाहीं अहइ।”</verse>
				<verse number="13">जब उ भयंकर अजगर देखेस कि ओका धरती प गिराइ दीन्ह ग अहइ तउ उ स्त्री क पीछा करइ लाग जउन कि बचवा क जनम दिहे रही।</verse>
				<verse number="14">मुला उ स्त्री क उकाब क दुइ ठु बड़ा बड़ा पखना दीन्ह ग रहेन जइसे कि उ रेगिस्तान मँ उड़ जाइ, जउन ओकरे बरे तइयार कीन्ह ग रहा। हुवउँ प भयंकर अजगर स दूर ओका साड़े तीन साल तक पालन पोषण कीन्ह जाइ क रहा।</verse>
				<verse number="15">तउ उ महानाग उ स्त्री क पाछे अपने मुँहे स नदी क तरह पानी क धारा बहाएस जइसेन कि उ ओहमाँ बूड़ जाइ।</verse>
				<verse number="16">मुला धरती आपन मुँह खोलके उ स्त्री क मदद किहेस अउर उ भयंकर अजगर जउने नदी क अपने मुँहे स निकारे रहा, ओका निगल लिहेस।</verse>
				<verse number="17">एकरे बाद तउ उ भयानक अजगर उ स्त्री क ऊपर बहुत गुस्सा करेस अउर ओकरे बचवन क साथ लड़ाई लड़इ क बरे चल पड़ा जउन कि परमेस्सर क हुकुमन क पालन करत ही अउर ईसू क साच्छी क धारण करत ही</verse>
				<verse number="18">अउर समुद्दर क किनारे जाइके खड़ा होइ गवा।</verse>
			</chapter>
			<chapter number="13">
				<verse number="1">फिन मइँ समुद्दर मँ स एक जानवर क बाहर आवत देखेउँ। ओकरे दस सीग रहिन अउर सात मूँड़ रहेन। उ अपने सीग प दस राजसी मुकुट पहिने रहा। ओकरे मूँड़े प दुस्ट नाउँ लिखा रहेन।</verse>
				<verse number="2">मइँ जउन जानवर देखे रहेउँ उ चीता क तरह रहा। ओकरे पैर भालू क तरह रहेन अउर ओकरे मुँह सेर क तरह रहा। उ भयंकर अजगर आपन ताकत, आपन सिहांसन अउर आपन डेर अधिकार दइ दिहेस।</verse>
				<verse number="3">मइँ देखेउँ कि ओकर एक मूँड़ अइसेन देखात रहा जइसेन ओकरे ऊपर कउनउँ बड़ा प्रान घातक घाव लगा रहा होइ मुला ओकर प्रान घातक घाव भर चुका रहा। पूरी दुनिया अचरज करत उ जानवर क पीछे चलइ लाग।</verse>
				<verse number="4">अउर उ पचे अजगर क पूजा करइ लागेन। काहे बरे कि उ आपन अधिकार उ जानवर क दइ दिहे रहा। अउर उ पचे उ जानवर क पूजा करत कहइ लागेन, “इ जानवर क तरह हिआँ कउन अहइ? अउर अइसा के अहइ जे ओसे लड़ सकइ?”</verse>
				<verse number="5">ओका अनुमति दइ दीन्ह गइ जइसे कि उ अपने मुँह स घमंड़ अउर परमेस्सर क निन्दा भरी बात बोलइ। ओका बयालीस महीना तक आपन ताकत देखावइ क अधिकार दीन्ह ग रहा।</verse>
				<verse number="6">इ बरे उ परमेस्सर क निन्दा सुरु कइ दिहेस। उ परमेस्सर क नाउँ, अउर ओनकै मंदिर अउर जउन सरग मँ रहत ही ओनकर निन्दा करइ लाग।</verse>
				<verse number="7">परमेस्सर क पवित्तर लोगन क साथे लड़ाई लड़इ क अउर ओनका हरावै क अनुमति ओका दइ दीन्ह गइ। ओकर अधिकार हर वंस, हर जाति, हर भाखा अउर हर राष्ट्र पर रहा।</verse>
				<verse number="8">धरती क सभी निवासी उ जानवर क पूजा करिहइ जेकर नाम उ मेमना क जीवन क पुस्तक मँ संसार क आरम्भ स नाहीं लिखा अहइ अउर जेकर बलिदान एकदम पक्का अहइ।</verse>
				<verse number="9">जदि केउ क कान अहइँ तउ उ सुन लेइ:</verse>
				<verse number="10">बंदिघर मँ बन्दी बनइ क जेकरे तकदीर मँ अहइ, उ जरुर बन्दी होइ। जदि केहू तलवार स मारी तउ उहइ तलवार स मारा जाई। वह अइसे समइ मँ परमेस्सर क पवित्तर लोगन क सहनसीलता अउर बिसवास क देखावइ चाही।</verse>
				<verse number="11">एकरे बाद मइँ धरती स निकरत एक अउर जानवर क देखेउँ। ओकरे मेमना क सीग क तरह दुइ ठु सीग रहिन। मुला उ महानाग क तरह बोलत रहा।</verse>
				<verse number="12">उ भयानक अजगर क समन्वा उ पहिले जानवर क सभी अधिकारन क इस्तेमाल करत रहा। उ धरती अउर धरती क निवासिन सबसे उ जानवर क पूजा कराएस जउने क भयंकर घाव भर ग रहा।</verse>
				<verse number="13">दूसरउ जानवर बड़ा बड़ा अद्भुत कारजन करेस। हिआँ तक कि सबके सामने उ धरती प आकास स आग बरसाइ दिहेस।</verse>
				<verse number="14">उ धरती प रहइ वालेन क ठगत रहा काहेकि ओकरे पास पहले जानवर क सामने अद्भुत कारजन दिखावइ, क ताकत रही। दूसरा जानवर धरती प रहइवालेन स पहिले जानवर क आदर देइके ओकर मूर्ति बनावइ क कहेस। जउन तलवार क मार स घायल रहा पर मरा नाही।</verse>
				<verse number="15">दूसरे जानवर क इ ताकत दीन्ह ग रही कि उ पहिले जानवर क मूर्ति मँ जान फूँके देइँ जइसे कि मूर्ति पहिले जानवर क तरह बोलइ लागइ, हिआँ तक कि ओनका मारइ क आग्या दइ देइ जउन कि मूर्ति क पूजा नाहीं करतेन।</verse>
				<verse number="16">दूसरा जानवर सभी लोगन का छोटा-बड़ा, धनी-गरीब, मालिक दास, पुत्र अउर गुलाम सबका मजबूर करेस कि अपने दाहिने हाथे प या दाहिने माथे प उ जानवर क नाउँ या ओकरे नाम स जुड़ी छाप क छाप लगवावइँ।</verse>
				<verse number="17">जइसे कि बिना उ छाप क कउनउँ चीज न तउ खरीदी जाय सकइ अउर न तउ बेची जाइ सकइ।</verse>
				<verse number="18">बुद्धिमानी ऐहिमाँ अहइ जेहमा बुद्धि होइ, उ जानवर क संख्या क हिसाब लगाइ लेइ काहेकि उ संख्या क सम्बन्ध कउनउँ मनई स अहइ। ओकर संख्या अहइ 666।</verse>
			</chapter>
			<chapter number="14">
				<verse number="1">फिन मइँ देखेउँ कि मोरे समन्वा सिय्योन पर्वत प मेमना खड़ा अहइ। ओकरे साथे 1,44,000 मनई खड़ा रहेन जेकरे माथे प ओकर अउर ओकरे बाप क नाम लिखा रहा।</verse>
				<verse number="2">फिन मइँ एक आकासबाणी सुनेउँ ओकर महानाद एक विसाल जल प्रपात क तरह रहा यो भयंकर बादर क गरजइ क तरह रहा। जउन महानाद मइँ सुनेउँ रहा उ तमाम वीणा बादकन क बजावा वीणा स पइदा संगीत क तरह रहा।</verse>
				<verse number="3">उ सबेन्ह सिंहासन चारउँ प्रानीयन अउर बुजुर्गन क सामने एक ठु नवा गना गावत रहेन। जउने 1,44,000 मनइयन क धरती प फिरौती दइके बन्धन स छुड़ाइ लीन्ह ग रहा, जउने क कउनउँ मनई उ गाना क नाहीं सिख सकत रहा।</verse>
				<verse number="4">उ अइसेन मनई रहेन जउन कि कउनउँ स्त्री क संसर्ग स आपन का दूसित नाहीं किए रहेन साथ जुड़ा नाहीं रहेन, उ पचे कुँवारा रहेन, जहाँ जहाँ मेमना जात रहा ओकर पीछा करत रहेन। पूरी मनइयन क जाति स ओनका फिरौती दइके बंधन स छुटकारा दीन्ह ग रहा। उ पचे परमेस्सर अउर मेमना क बरे फसल क पहिला फल रहेन।</verse>
				<verse number="5">उ कबहुँ झूठ नाहीं बोले रहेन, अउर निर्दोस रहेन!</verse>
				<verse number="6">फिन मइँ आसमान मँ उँची उड़ान भरत एक अउर सरगदूत देखेउँ। ओकरे लगे धरती प रहइ वालेन, हर देस, जाति, भाखा अउर सभी कुल क मनइयन क बरे अनन्त सुसमाचार क एक संदेस रहा।</verse>
				<verse number="7">ऊँची आवाज मँ उ बोला, “परमेस्सर स डेराअ अउर ओकर स्तुति करा। काहेकि ओकरे निआव क समइ आइ ग अहइ। ओकर आराधाना करा जे आसमान, धरती, समुद्दर अउर जल स्रोत क बनाएस।”</verse>
				<verse number="8">एकरे बाद ओकरे पाछे एक अउर सरगदूत आवा अउर बोला, “ओकर पतन होइ चुका अहइ! महान नगरी बाबुल क पतन होइ चुका अहइ। उ सब जाति क अपने पइदा अनैतिक व्यभिचार स परमेस्सर क गुस्सा क वासना भरी दाखरस पिआएस।”</verse>
				<verse number="9">उ दूइनउँ क बाद फिन अउर एक सरगदूत आवा अउर जोर स बोला, “जदि केहू जानवर अउर जानवर क मूर्ति क पूजा करत ह अउर अपन हाँथे मँ माथे प ओकर मोहर लगवाए रहत ह।</verse>
				<verse number="10">अउर उ भी परमेस्सर क गुस्सा क दाखरस पिई। अइसी सुद्ध तीखी दाखरस जउन परमेस्सर क गुस्सा क कटोरिया मँ बनाई ग अहइ। उ मनई क पवित्तर सरगदूनत अउर मेमनन क सामने धधकत गंधक मँ यातना दीन्ह जाई।</verse>
				<verse number="11">जुग जुग तलक ओनकी यातना स धूँआ उठत हमेसा रही। अउर जउने पे जानवर क नाउँ क छाप छपी रही अउर उ जानवर अउ ओकर अउर ओकरी मूर्ति क पूजा करत रही। ओनका दिन रात कबहूँ चइन न मीली।”</verse>
				<verse number="12">इ ही क माने है कि परमेस्सर क पवित्तर लोग क धीरज अउर सहनसीलता धरइ क जरुरत अहइ जउन परमेस्सर क हुकुमन अउर ईसू मँ बिसवास क पालन करत हीं।</verse>
				<verse number="13">फिन एक आकासबाणी क मइँ इ कहत सुनेउँ, “एका लिखा: धन्य अहइ उ सबइ मृतक जउन अबसे पर्भू मँ मरस्थित होइके अहइँ।” आदिमा कहत ह, “हाँ, इ ठीक अहइ। ओनका मेहनत क कारण आराम मिली काहे बरे कि ओनकर काम, ओनके साथे अहइ।”</verse>
				<verse number="14">फिन मइँ देखेउँ कि मोरे समन्वा हुवाँ एक सफेद बादर रहा। अउर उ बादर प एक ठु मनई बइठा रहा जउन मनई क पूत जइसेन दीख पड़त रहा। उ अपने माथे प एक सोने क मुकुट धारण करे रहा अउर ओकरे हाथे मँ एक तेज हँसिया रही।</verse>
				<verse number="15">तबहिं मंदिर मँ स एक ठु अउर सरगदूत बाहेर निकला। उ बदरे प बइठे मनई स जोर क आवाज़ मँ कहेस, “हँसिया चलावा अउर फसल एकट्ठी करा, काहे बरे कि फसल काटइ क समइ आइ ग अहइ। धरती क फसल पक चुकी अहइ।”</verse>
				<verse number="16">इ बरे जउन बदरे प बइठा रहा, उ धरती प आपन हँसिया हिलाएस अउर धरती क फसल काट लीन्ह गइ।</verse>
				<verse number="17">फिन सरग क मन्दिर मँ स एक अउर सरगदूत बाहेर निकला ओकरे लगे भी एक तेज हँसिया रही।</verse>
				<verse number="18">उहइ समइ प वेदी स एक अउर सरगदूत आवा। उ सरगदूत क आगी पइ अधिकार रहा। उ सरगदूत स जोर क आवाज़ मँ कहेस, “अपने जोरदार हँसिया क चलावा अउर धरती क बेल स अंगूर क गुच्छा उतारा ल्या काहे बरे कि एकर अंगूर पक चुका अहइँ।”</verse>
				<verse number="19">इ बरे उ सरगदूत धरती प आपन हँसिया झुलाएस अउर धरती क अंगूर उतारी लिहेस अउर ओनका परमेस्सर क भयंकर कोप क विसाल रसकुण्ड मँ डाइ दिहेस।</verse>
				<verse number="20">अगूंर सहर क बाहेर क धानी मँ रौंद क निचोड़ लीन्ह गएन। धानी मँ स खून बहै लाग। खून घोड़ा क लगाम जेतना ऊपर चड़ि गवा अउर लगभग तीन सौ किलोमीटर क दूरी तलक फइल गवा।</verse>
			</chapter>
			<chapter number="15">
				<verse number="1">आकास मँ फिन मइँ एक अउर महान अचरज भरी निसानी देखेउँ। मइँ देखेउँ कि सात सरगदूतन अहइँ जउन सात आखिरी महाविनास लिहे भए अहइँ। इ सबइ आखिरी विनास अहीं, काहे बरे कि एकरे साथेन परमेस्सर क गुस्सा खतम होई जाई।</verse>
				<verse number="2">फिन मोका आग स मिला काँच क समुद्दर जइसा देखाइ पड़ा। अउर मइँ देखे कि उ पचे उ जनावर क मूरत प अउर ओनके नाउँ स जुड़ी संख्या प जीत हालिस कइ लिहे अहइँ, ओनहूँ काँच क समुद्दर प खड़ा अहइँ। उ पचे परमेस्सर क दीन्ह गइ वीणा लिहे रहेन।</verse>
				<verse number="3">उ पचे परमेस्सर क सेवकन मूसा अउर मेमना क इ गाना गावत रहेन: “जउन काम तू करत रहत ह्या उ सबइ महान अहइँ। तोहार काम करइ क ताकत अचरजभरी अउर अनन्त अहइ हे सर्वसक्तिमान पर्भू परमेस्सर तोहार मार्ग धर्म संगत अउर सच्चे अहइँ। तू सब जातिन क राजा अह्या,</verse>
				<verse number="4">हे प्रर्भू, तोहसे मनई हमेसा ड़ेरात रहिहइँ तोहार नाउँ लइके, मनई स्तुति करिहइँ काहे बरे कि तू अकेले पवित्तर अहा। तोहरे समन्वा सब रास्ट्रन अहइँ अउर तोहार आराधना करिहइँ। काहे बरे कि इ बात अउर पता चलि ग अहइ तू जउन करत ह्या उहइ, निआव अहइ।”</verse>
				<verse number="5">एकरे बाद मइँ देखेउँ कि सरग क मन्दिर मतलब करार क तम्बू क खोला गवा</verse>
				<verse number="6">अउर उ पचे सातउँ सरगदूतन जेनके लगे आखिरी साथ महामारी रहिन, मन्दिर स बाहर आएन। उ पचे चमकीले साफ मलमल क कपड़ा पहिने रहेन। अपने सीना प सोनेक पटका बाँधे रहेन।</verse>
				<verse number="7">फिन उ चार प्रनियन मँ स एक उ सताउँ सरगदूतन क सोना क कटोरा दिहेस जउन हमेसा हमेसा क बरे अमर परमेस्सर क गुस्सा स भरा रहेन।</verse>
				<verse number="8">उ मन्दिर परमेस्सर क महिमा अउर ओकरे सक्ति क धुँअन स भरा रहा जइसे कि जब तलक ओन सात सरगदूतन क सात माहमारी पूरा न होइ जाइँ, तब तलक मन्दिर मँ कउनउँ धुसइ न पावइ।</verse>
			</chapter>
			<chapter number="16">
				<verse number="1">फिन मइँ सुनेउँ कि मन्दिर मँ स एक जोर क आवाज़ ओन सात सरगदूतन स कहत अहइ, “जा अउर परमेस्सर क गुस्सा क सातउँ कटोरन क धरती प उड़ेर द्या।”</verse>
				<verse number="2">इ बरे पहिला सरगदूतन गवा अउर उ धरती प आपन कटोरा उड़ेर दिहेस। एकइ नतीजा इ भवा कि उ मनई जेनके ऊपर जनावर क निसानी छपी रही अउर जउन ओकरी मूरती क पूजा करत रहेन, क ऊपर भयानक पीड़ा पइदा करइवाले छाला फूट आएन।</verse>
				<verse number="3">एकरे बाद दूसर सरगदूतन आपन कटोरा समुद्दर मँ उड़ेर दिहेस अउर समुद्दर क पानी मरे भए मनई क खून मँ बदल गवा अउर समुद्दर मँ रहइवाले सब जीवजन्तु मरि गएन।</verse>
				<verse number="4">फिन तीसरा सरगदूतन नदियन अउर पानी क झरनन पइ आपन कटोरा उड़ेर दिहेस अउर उ खून मँ बदल गएन।</verse>
				<verse number="5">उहइ समइ प मइँ पानी सरगदूतन क इ कहत सुनेउँ: “तू ही अहा उ, जउन पुण्यातिमा! जउन अहइ, जउन रहा सदा-सदा स तू ही अहा जउन अहइ एक ही पवित्तर, करत भए निआव ओनकर,</verse>
				<verse number="6">ओन सबन पवित्तर लोगन अउर नबियन क खुन बहाए अहइ। तू ओनका पिअइ क बरे केवल खून दिह्या। काहे बरे कि ओन इहइ क काबिल रहेन।”</verse>
				<verse number="7">फिन मइँ वेदी स आवत आवाज़ सुनेउँ: “हाँ, सर्वसक्तिमान प्रर्भू परमेस्सर, तोहार निआव सच्चा अउर उचित अहइ।”</verse>
				<verse number="8">फिन चौथा सरगदूत आपन कटोरा सूरज क ऊपर उड़ेर दिहेस। इ तहर ओका मनइयन क आग स जलावइ क ताकत दइ दीन्ह गइ।</verse>
				<verse number="9">अउर मनई भयानक गरमी स झुलसइ लागेन। उ परमेस्सर क नाउँ क कोसइ लागेन काहे बरे कि इन जेका महमारी प क अधिकार अहइ। मुला उ पचे आपन मनफिरावा नाहीं किहेन अउर न जिन्नगी क बदलेन अउर परमेस्सर क महिमा किहेन।</verse>
				<verse number="10">एकरे बाद पाँचवा सरगदूत आपन कटोरा उ जनावर क सिंहासन प उड़ेरे दिहेस अउर ओकर राज अँधेरे मँ डूब गवा। सब मनई तकलीफ क आपन जीभ काट लिहेन।</verse>
				<verse number="11">आपन आपन पीड़ा अउर छालन क कारण उ सरग क परमेस्सर क निन्दा तउ करइ लागेन मुला आपन मनफिरावा नाहीं किहेन।</verse>
				<verse number="12">फिन छठवाँ सरगदूत आपन कटोरा फरात नाउँ क महानदी प उड़ेर दिहेस अउर ओकर पानी सूख गवा। एहसे पूरब दिसा क राजन क बरे रास्ता तइयार होइ गवा।</verse>
				<verse number="13">फिन मइँ देखेउँ कि उ भयंकर अजगर क मुँहे स, उ जनावर क मुँह स, अउर कपटी नबियन क मुँहसे तीन दुस्ट आतिमन निकलिन, जउन मेड़क क तरह दिखाई पड़त रहिन।</verse>
				<verse number="14">इ सब दुस्ट क आतिमन रहिन अउर ओनके मँ अदभुत कारजन करइ क ताकत रही। उ पूरी दुनिया क राजा लोगन मँ सबसे सर्वसक्तिमान परमेस्सर क महान दिन, जुद्ध करइ क बरे एकट्ठा करइ क निकल पड़ेन।</verse>
				<verse number="15">“सावधान! मइँ चोर क समान आवत हउँ। उ धन्य अहइ जउन जागत रहत ह अउर अपने क परन क अपने साथे रखत ह जइसेन कि उ नंगा न घूमइ अउर मनई ओका लज्जित होत न देइँ।”</verse>
				<verse number="16">इ तरह स उ दुस्ट आतिमन ओन राजन क एकट्ठा कइके उ जगह प लइ आएन जउने क इब्रानी भाखा मँ हर मगिदोन कहा जात ह।</verse>
				<verse number="17">एकरे बाद सातवाँ सरगदूत आपन कटोरा हवा मँ उड़ेर दिहेस! अउर सिंहासन स पइदा भवा एक भयंकर आवाज़ मन्दिर मँ स कहत तिकरी, “इ खतम होइ गवा!”</verse>
				<verse number="18">तबहि बिजली कउँधइ लाग, आवाज़ क अउर गरजन अउर एक ठू जर्बदस्त भूचाल आइ गवा। मनई क धरती प परगट होइ क बाद क इ सबसे भयानक भूचाल रहा।</verse>
				<verse number="19">उ बड़ा सहर तीन टुकड़न मँ बिखर गवा, अउर अधर्मियन क रास्ट्रन नगरन क नस्ट होइ गए। परमेस्सर महानगरी बाबुल क दण्ड़ देइ क बरे याद करे रहा। आपन भयंकर प्रकोप क काटोरा मँ स ओका दइ दिहेस।</verse>
				<verse number="20">सब द्वीप गायब होई गएन। कउनो पहाड़ तक क पता नाहीं चल पावत रहा।</verse>
				<verse number="21">पचास पचास किलो क ओला, आसमान स मनइयन क ऊपर बरसइ लागेन। ओलन क भयंकर विपत्ति क कारण सब मनई परमेस्सर क कोसत रहेन, काहे बरे कि इ भयानक आफत रही।</verse>
			</chapter>
			<chapter number="17">
				<verse number="1">एकरे बाद ओन सात सरगदूतन, जउने क लगे कटोरा रहेन, ओहमाँ स एक ठु मोरे लगे आवा अउर बोलेस, “आवा, मइँ तोहका तमाम नदियन क किनारे बइठी उ महान वेस्या क दीन्ह जाइवाला दण्ड़ देखाई।</verse>
				<verse number="2">धरती क राजा ओकरे साथ सम्बंध बनाएन। अउर जउन मनई धरती प रहत हीं, उ पचे ओकरी विलास मदिरा स मतवाला होइ गएन।”</verse>
				<verse number="3">फिन मइँ आतिमा क कहे क मान कीन्ह अउर उ सरगदूत मोका बीहड़ जंगल मँ लइ गवा जहाँ मइँ एक स्त्री क लाल रंग क एक अइसे जानवर प बइठा देखेउँ जउने प परमेस्सर क बरे गारी लिखी गइ रही। ओकरे सात मूँड़ रहेन अउर दस सींग रहेन।</verse>
				<verse number="4">उ स्त्री बइजनी अउर लाल रंग क कपरा पहिने रही। उ सोने, बेसकीमती रत्नन अउर मोतिअन स सजी रही। उ अपेन हाथ मँ सोने क एक कटोरा लिहे रही जउन बुरी बातन अउर वेस्यापन क बुराई स भरा रहा।</verse>
				<verse number="5">ओकरे माथे प एक निसानी रही जेहकर गुप्त अरथ अहइ: महान बाबुल क सबइ महतारी वेस्या अउर धरती प होइवाली सब बुराईयन क पइदा करइवाली।</verse>
				<verse number="6">मइँ देखेउँ कि उ स्त्री परमेस्सर क पवित्तर लोगन क खून पिए रही जउन ईसू क बरे अपने बिस्सास क साच्छी क बरे आपन प्राण छोड़ दिहेन। ओका देखके मइँ बड़े अचरज मँ पड़ गएउँ।</verse>
				<verse number="7">तबइ उ सरगदूतन मोसे पूछेस, “तू अचरज मँ काहे पड़ा अहा? मइँ तोहका इ स्त्री क अउर जउने जनावर प उ बइठी अहइ, ओकरे प्रतीक क समझावत अहउँ। सात सिर अउर दस सींगवाला इ जनावर</verse>
				<verse number="8">जउन तू देखे अहा, पहिले कबहूँ जिन्दा रहा, मुला अब जिन्दा नाहीं अहइ। फिन उ पताल स अबहीं निकरइवाला अहइ। अउर तबहिं ओकर बिनास होइ जाई। फिन धरती क उ मनई जउने क नाउँ दुनिया क सुरुआतइ स जीवन क पुस्तक मँ नाहीं लिखा ग अहइ, उ जानवर क देखके चकित होइहीं काहे बरे कि उ जिन्दा रहा, मुला अउर जिन्दा नाहीं अहइ, मुला फिन उ आवइवाला अहइ।</verse>
				<verse number="9">“इहइ उ जगह आटइ जहाँ बुद्धिमान मनइयन क बद्धि क जरुरत अहइ। इ सात सिर, उ सात पर्वत अहीं जउने प उ स्त्री बइठी अहइ। उ सात सिर, उ सात राजन क प्रतीक अहइ।</verse>
				<verse number="10">जउने मँ स पहिले पाँच क पतन होइ चुका अहइ, एक ठु अबे राज करत अहइ अउर दूसर अब तक आइ नाहीं बा। मुला जब उ आई तब उ बहुत कम समइ तलक रुकी।</verse>
				<verse number="11">उ जनावरन जउन पहिले कबहूँ जिन्दा रहा, मुला अउर जिन्दा नाहीं अहइ, खुदइ अठवाँ राजा अहइ जउन ओन सातउ मँ स एक अहइ, ओकइ बिनास होइवाला अहइ।</verse>
				<verse number="12">“जउन दस सींग तू देखे अहा, उ दस राजा अहीं, उ पचे अबहि तलक आपन सासन सुरु नाहीं कर अहइँ मुला जनावर क साथे एक घण्टा क बरे ओनका सासन करइ क अधिकार दीन्ह जाई।</verse>
				<verse number="13">इ दसउ राजन क एक्कइ उद्देस्य रहा कि उ आपन ताकत अउर आपन अधिकार उ जनावर क दइ देइँ।</verse>
				<verse number="14">उ मेमना क खिलाफ लड़ाई लड़िहइँ मुला मेमना अपने बोलाए, अपने स चुने अउर अपने बिस्सासियन क साथ मिलके ओनका हराइ देई। काहे बरे कि उ अउर प्रर्भूअन क प्रर्भू अउर राजा लोगन क राजा अहइ!”</verse>
				<verse number="15">उ सरगदूत मोसे फिन कहेस, “उ सबइ नदियन जउने क तू देखे रह्या, जहाँ उ वेस्या बइठी रही, तमाम खानदानन, समुदायन, जातियन अउर भाखन क प्रतीक अहइ।</verse>
				<verse number="16">उ दस सींग जउने क तू देख्या, अउर उ जनावर उ वेस्या स नफरत करिहइँ अउर ओकर सब चीज छीनके ओका नंगी छोड़ देइँहइँ। उ ओकर सरीर क खाइ जइहइँ अउर ओका आगी मँ जलाइ देइहइँ।</verse>
				<verse number="17">आपन प्रयोजन पूरा करइ क बरे परमेस्सर ओनके सबनके एक राय कइके, ओनके मन मँ इ बइठाइ दिहे अहइ, जइसे कि जब तक परमेस्सर क बचन पूरा न होइ जाइ, तब तक सासन करइ क आपन अधिकार उ जनावर क सौंप देइँ।</verse>
				<verse number="18">उ स्त्री जउने क तू देखे रह्या उ महानगरी रही, जउन धरती क राजन प सासन करत ह।”</verse>
			</chapter>
			<chapter number="18">
				<verse number="1">एकरे बाद मइँ एक अउर सरगदूत क अकास स बड़ा भव्यता स नीचे उतरत देखेउँ। ओकरी महिमा स समूची धरती चमकइ लाग।</verse>
				<verse number="2">जउने जोरदार आवाज़ स पुकारत उ बोला: “मिट गइ! बेबिलोन महानगरी मिट गइ! उ दुस्ट आतिमन क रहस्य क घर बन गइ रही, उ असुद्ध मनइयन क आत्मा क बसेरा बन गइ रही, अउर नफरत करइ लायक चिड़ियन क घर बन गइ रही। उ तमाम गन्दा, निन्दा करइ लायक जनावरन क बसेरा बन गइ रही।</verse>
				<verse number="3">काहेकि उ सबक व्यभिचार क क्रोध क मदिरा पिआए रही। जउने इ दुनिया क राजा क खुदइ जगाए रही, ओकरे साथे व्यभिचार करे रहेन सासक लोग अउर ओनके भोगइ स इ दुनिया क धनी व्यापारी बना रहे।”</verse>
				<verse number="4">अकास स मइँ एक अउर अवाज़ सुनेउँ जउन कहत रही: “अरे मोर मनइयन! तू उ सहर स बाहर निकर जा, ओनके पापन्ह क कतहूँ तू गवाहन न बनब्या, कतहूँ अइसा न होइ, कि जउन ओके नास रहेन, तोहरेन ऊपर न गिर जाइँ।</verse>
				<verse number="5">काहे बरे कि ओकरे पाप क गठरी आसमान तक ऊँची अहइ। परमेस्सर ओकरे बुरा काम क याद करत अहइ।</verse>
				<verse number="6">अरे! जइसेन कि उ तोहरे साथे करे रहा, वइसेन तू भी ओनके साथ करा उ तोहरे साथे जइसेन करे रहा, तू ओकर दुगना ओकरे साथे करा, दूसरे क बरे उ तोहका जउने कटोरा मँ तीत दाखरस पिआए रह्या, तू ओका ओसे दुगुना तीत दाखरस पिआवा।</verse>
				<verse number="7">काहे बरे कि उ खुदइ क जउन महिमा अउर वैभव दिहेस, तू ओका यातना कहर अउर पीड़ा द्या। काहे बरे कि उ खुदइ स कहति रही ह, ‘मइँ खुदइ राजा क आसन प बइठी महारानी अहउँ, मइँ विधवा न करबइ, इ बरे सोक न करा।’</verse>
				<verse number="8">इही बरे जउन नास होइ क तय होइ ग अहइ, उ एक ही दिन मँ ओका घेर लेइहीं। महामृत्यु, महारोदन अउ दुर्भिच्छ भीसण अउर कइ देइहीं ओनका जलाय क राख, काहे बरे कि परमेस्सर पर्भू बहोत ताकतवर अहइ, अउर ओनही ओकर निआव करत अहइँ।”</verse>
				<verse number="9">“जउन धरती क राजा जउन ओकरे साथ यौन-पाप करे रहेन अउर ओकरे भोग विलास मँ हिस्सा बटाए रहेन, ओकरे जल जाइ क धुँआ जउ देखिइहीं तउ ओकरे बरे रोइहीं अउ चिल्लाइही।</verse>
				<verse number="10">उ पचे ओकरे कस्ट स ड़ेराइके हुवाँ स बहोत दूर खड़ा रहिहइँ: ‘ओ! ताकतवर नगर बेबीलोन! भयावह अउर भयानक हाय! तोहार दण्ड तोहका तनिक देर मँ मिल गवा।’</verse>
				<verse number="11">“इ धरती क व्यापारी ओकरे कारन रोइहीं अउ चिल्लइहइँ काहे बरे कि ओनके कउनो चीज केउ अउर मोल न लेई,</verse>
				<verse number="12">न तउ केहू कउनो चीज लेइ-सोने क, चाँदी क, बेसकीमती रत्न, मोती, मलमल, बैंजनी, रेसमी अउर किरमिजी कपरा हर तरह क महकउआ लकड़ी, हाथी क दाँत क बनी तमाम चीज, अनमोल लकड़ी, काँसा, लोहा अउर संगमरमर सी बनी तमाम चीज,</verse>
				<verse number="13">दारचीनी, गुलमेंहदी, महकोरा, धूप, रसगन्धक, लोहबान, दाखरस, जइतून क तेल, मइदा, गोहूँ मवेसी, भेड़ी, घोड़ा अउर रथ, दास अउर मनई क सरीर अउर आतिमा क व्यापारिन कहिहीं:</verse>
				<verse number="14">‘अरे बेबीलोन! उ सब चीजन अच्छी स अच्छी, जउने मँ तोहार दिल रम ग रहा, तोहका छोड़के सब चली गइ अहइ। तोहार बहुमूल्य अउर बहुमूल्य वस्तुअन तोहरे हाथ स चली गइन ह।’</verse>
				<verse number="15">“उ व्यौपारी जउन एकइ सबकइ व्यौपार करत रहेन अउर एहसे धनी बन ग रहेन, उ दूर खड़ा रहिहइँ काहे बरे कि उ कस्ट स डेराइ ग अहइ। उ रोअत चिल्लात</verse>
				<verse number="16">कहिहइँ: ‘केतना डरावना अहइ अउर केतना भयानक अहइ, महानगरी इ उहीं क बरे हहइ। जउन नीक नीक मलमली कपड़ा पहनत रही, जउने रंग बैंजनी अउत किरमीजी रहा! अउर जउन सोने स सजत रही, बेसकीमती रत्नन स, सजी मोतियन स</verse>
				<verse number="17">अउर इ सारी सम्पत्ति तनिक देर मँ मिट गइ।’ “फिन जहाज क हर कप्तान या हर उ मनई जउन जहाज स चाहे जहाँ कहूँ जाइ सकत ह अउर सबइ मनई जउन समुद्र स आपन जीविका चलावन हीं, उ नगरी स दूर खड़ा रहेन।</verse>
				<verse number="18">अउर जउ उ पचे ओकरे जरे स उठत धुँआ क उठत भए देखेन तउ जोर स चिल्लाइ उठेन, ‘इ बड़ी नगरी क तरह अउर कउन नगरी अहइ?’</verse>
				<verse number="19">फिन उ पचे आपने मूँडे प धूल डावत जोर स चिल्लानेन, अउर कहेन: ‘महानगरी! हाय, इ केतॅनी भयानक अहइ! उ रोअत अउर सोक मनावत भए कहेन: हाय, हाय! महान नगरी जेकरे सम्पत्ति स सब जहाजवाले धनवान होइ गए रहेन! अब घण्टा भर ही मँ उजर गई।</verse>
				<verse number="20">हे सरग, प्रेरितन! अउर नबियन! ओकरे बरे खुसी मनावा, परमेस्सर क लोगन खुसी मनावा! काहेकि परमेस्सर ओका उहइ तरह दण्ड दइ दिहेन जइसेन दण्ड उ तोहका दिहे रहा।’”</verse>
				<verse number="21">फिन एक ताकतवर सरगदूत चक्की क पाट जइसी एक जबर क चटृान उठायेस अउर ओका समुद्दर मँ फेंकत कहेस, “महानगरी! अरी बेबीलोन महानगरी! तोहका क इहइ गति स बलपूर्वक फेंक दीन्ह जाई, अउर तू नस्ट होइ जाबू, फिन स मिलन पउबू।</verse>
				<verse number="22">अउर तुझमाँ बीणा बादकन, संगितगन बँसुरी बजावइवालन अउर तुरही फूँकइवालन क स्वर फिन कबहुँ सुनाई पड़ी, न कउनो कला सिल्पी तोहरे मँ पावा जाई न तोहमाँ न कउनो चक्की क आवाज़ सुनाइ देई।</verse>
				<verse number="23">अउर कबहुँ फिन दिया क ज्योति न चमकी, अउर न तउ कबहुँ फिन दुल्हा दुलहिन क मीठी आवाज़ गूँजी। तोहरे न व्यपारी जे दुनिया महान लोगन मँ स रहेन तोहार जादूगरी जाति भरमाई गइन रहीं।</verse>
				<verse number="24">इ नगरी मँ नबियन क खून बहावा पावा ग रहा, अउर परमेस्सर क पवित्तर मनइयन क लहू बहावा ग रहा, अउर उ सबहिं जेका इ धरती प बलि चड़ाइ दीन्ह ग रही।”</verse>
			</chapter>
			<chapter number="19">
				<verse number="1">एकरे बाद मइँ सरग क भीड़ स उच्च स्वर मँ आवाज़ आवत सुने रह्यो: “हल्लिलूय्याह! परमेस्सर क जय होइ! जय होइ! महिमा अउर समर्थ हमेसा मिलइ!</verse>
				<verse number="2">ओकर निआव सच्चे अउर धर्ममय अहइ। उ बड़ी वेस्या क उ निआव करेस, जउन आपन व्यभिचार स इ धरती क भ्रस्ट कइ दिहे रही, अपने दासन क मउत क बदला लइ लिहेस।”</verse>
				<verse number="3">ओन्ह फिन कहेन्ह: “हल्लिलूय्याह! ओसे धुआँ जुग जुग तक उतरत रहा।”</verse>
				<verse number="4">फिन चौबीसउँ बुजुर्गन अउर चारउ प्रानिअन सिंहासन प बइठा परमेस्सर क झुकके प्रणाम करेन अउर ओकर आराधना करत गावइ लागेन: “आमीन, हल्लिलूय्याह!”</verse>
				<verse number="5">सिंहासन स फिन आवाज आइ जउन कहत रही: “ओ ओकर सेवकन! तू सबे हमरे परमेस्सर क स्तुति करा, अउर अपने सब लोगन क चाहे बड़ा होइ या छोटा सबइ क इज्जत करत रहा!”</verse>
				<verse number="6">फिन मानो मइँ एक विसाल जनसमूहे क आवाज सुनेउँ जउन कि भयंकर पानी क बहाव अउर बदरन क जोरदार गरजइ-तरजइ क आवाज जइसे रही। कहत रही: “हल्लिलूय्याह! जय होइ ओकर, काहे बरे कि हमार पर्भू परमेस्सर, सर्वसक्ति स पूरा होइके राज्य क ताकतवर बनावत अहइ।</verse>
				<verse number="7">इ बरे आवा, आनन्द खुसी मनावा। आवा, ओका माहिमा देइ। काहे बरे कि अउर मेमना क बियाह क समइ आइ गवा अहइ। ओकर दुलहिन सजी धजी तइयार होइ गइ।</verse>
				<verse number="8">ओका आग्या मिली अहइ, साफ सफेद निर्मल मलमल पहन ल्या।” (इ मलमल परमेस्सर क पवित्तर लोगन बड़िया कामन क प्रतीक अहइ।)</verse>
				<verse number="9">फिन उ मोसे कहइ लाग, “लिखा, उ धन्य अहइ जेनका इ बियाह क भोजन मँ बोलावा ग अहइ।” उ मोसे फिन कहिस, “इ परमेस्सर क सच्चा वचन अही।”</verse>
				<verse number="10">अउर मइँ ओकर आराधना करइ क बरे ओकरे पाँव प गिर पड़ेउँ। मुला उ मोसे कहेस, “सावधान! अइसा न करा। मइँ तउ तोहरे अउर तोहरे भाइयन क साथी परमेस्सर क साथी सेवक अहउँ जउने पइ ईसू क साच्छी क भविस्सबाणी की आतिमा अहइ। अउर प्रचार क जिम्मेदारी अहइ। परमेस्सर क आराधना करा. कहे बरे कि ईसू क प्रमाणित संदेस इ बात क साच्छी अहइ कि ओहमाँ एक नबी क आतिमा अहइ।”</verse>
				<verse number="11">फिन मइँ सरग क खुलत देखेउँ अउर हुवाँ मोरे समन्वा एक सफेद घोड़ा रहा। घोड़े प जउन बइठा रहा। ओका बिस्सासनीय अउर सत्य कहा जात रहा काहे बरे कि उ निआव धार्मिकता स निर्णय करत ह।</verse>
				<verse number="12">ओकर आँखी अइसी रहीं जइसे आगी क लपट होइँ। ओकरे मूँड़े पइ बहोत स मुकुट रहेन। ओकरे ऊपर एक नाउँ लिखा रहा, जेका ओकरे अलावा अउर केहू नाहीं जानत।</verse>
				<verse number="13">उ अइसा कपड़ा पहिने रहा जउने क खून मँ डुबोवा ग रहा। ओका नाउँ दीन्ह रहा, “परमेस्सर क वचन।”</verse>
				<verse number="14">सफेद घोड़न प बइठी सरग क सेना ओकरे पीछे-पीछे चलत रहिन। उ साफ सफेद मलमल क कपरा पहिने रहा।</verse>
				<verse number="15">रास्ट्रन क मारइ क बरे ओकरे मुँहे स एक तेज धार क तरवार बाहेर निकरत रही। उ ओकरे ऊपर लोहे क दण्ड स सासन करी। अउर सर्वसक्तिमान पर्भू परमेस्सर क भयानक गुस्सा क धानी मँ अंगूर क रस निचोड़ी।</verse>
				<verse number="16">ओकरे वस्त्र अउर जाँघ पइ इ नाउँ लिखा रहा। राजन क राजा, अउर पर्भूअन क पर्भू</verse>
				<verse number="17">एकरे बाद मइँ देखेउँ कि सूरज क ऊपर एक सरगदूत खड़ा अहइ। उ ऊँचे अकास मँ उड़इवाली सबहीं चिड़ियन स जोर क आवाज स कहेस, “आवा, परमेस्सर क महाभोज क बरे एकट्ठा होइ जा।</verse>
				<verse number="18">जइसे कि तू सासकन, सेनापतियन, मजदूर आदमियन, घोड़न अउर ओनके सवारन क मांस खाइ सका। अउर सब मनई छोट-बड़ा आदमियन अउर खास आदमियन क सरीर खाइ सका।”</verse>
				<verse number="19">फिन मइँ उ जनावरन क अउर धरती क राजन क देखेउँ ओनके संग ओनकइ सेना रही। उ पचे उ एक घोड़ा क सवार अउर ओकरी सेना स जुद्ध करइ एक साथे आइके जुट गएन।</verse>
				<verse number="20">उ जनावर क पकड़ा गवा। ओकरे साथ उ झूठा नबी भी रहा जउन जानवर क उपस्थिति मँ अद्भुत कारजन देखावा करत रहा अउर ओनका ठगत रहा जउने प उ जनावरन क छाप लगी रही अउर जउन ओकरी मूर्ति क आराधना करत रहेन। उ जनावरन क अउर झूठे नबी, दुइनउँ क जलत गंधक क भभकत झील मँ जिन्दइ डाल दीन्ह गवा।</verse>
				<verse number="21">घोड़ा क सवार क मुँह स जउन तरवार निकरत रही, बाकी क सैनिक ओसे मार डावा गएन। फिन चिड़ियन मिलके ओकरे माँस खाइके अघाइ गइन।</verse>
			</chapter>
			<chapter number="20">
				<verse number="1">फिन आकास स मइँ एक सरगदूत क नीचे उतरत देखेउँ। ओकरे हाथ मँ पाताल क चाभी अउर एक बड़ी संकरी रही।</verse>
				<verse number="2">उ पुरान महासांप क पकड़ लिहेस जउन कि दैत्य यानी सइतान बाटइ फिन ओका एक हजार साल क बरे संकरी मँ बाँध दिहेस।</verse>
				<verse number="3">तउ उ सरगदूत ओका अथाह कुंड मँ डाइके बन्द कइके परदार साँपे प मुहर लगाइ दिहेस जेहसे जब तलक हजार साल पूरा न होइ जाइ, उ कउनो मनई क धोखा न दइ सकत। हजार साल पूरा होइ जाइ क पाछे ओका कछू समइ क बरे छोड़ा जाइ क अहइ।</verse>
				<verse number="4">फिन मइँ कछू सिंहासन देखीउँ जउने प कछू मनई बइठा रहेन। ओनका निआव करइ क अधिकार दीन्ह ग रहा। अउर मइँ ओनकी आतिमा क देखेउँ जेनके सिर, उ सच्चाई क कारण, जउन ईसू स प्रमाणित अहइँ, अउर परमेस्सर क संदेस स, काट दीन्ह ग रहेन, जे उ जनावरन या ओकरी मूर्ति क कबहुँ पूजा नाहीं करे रहेन। जे अपने माथे प या अपने हाथे प ओकर निसानी कबहुँ धारण नाहीं किहे रहेन। उ पचे फिन स जिन्दा होइ गएन अउर उ मसीह क साथ एक हजार साल तक राज करेन।</verse>
				<verse number="5">(बाकी मनई हजार साल पूरा होइ गए प फिन स जिन्दा नाहीं भएन।) इ पहिला पुनरुत्थान बाटइ।</verse>
				<verse number="6">उ धन्य अहइ अउर पवित्तर अहइ, जउन पहले पुनरुत्थान मँ भाग लेत अहइ। एन पइ दूसरी मृत्यु क कउनो अधिकार नाहीं अहइ। इ आदमियन प दूसर मउत क कउनो अधिकार नाहीं मिला अहइ। पर उ पचे तउ परमेस्सर अउर मसीह क आपन याजकन होइहीं अउर ओकरे साथे एक हजार साल तक राज करिहीं।</verse>
				<verse number="7">फिन एक हजार साल पूरा होइ जाए प सइतान क ओकरी जेल स छोड़ दीन्ह जाई।</verse>
				<verse number="8">अउर उ समूची धरती प फइली रास्ट्रन क छलइ क बरे निकर पड़ी। उ गोग अउर मागोग क छली। उ ओनका लड़ाई क बरे एकट्ठा करी। उ ओतनइ अनगिनत होइहीं जेतना कि समुद्दर क तट क रेतकण अहइँ।</verse>
				<verse number="9">सइतान क सेना समूची धरती प फइल जाई अउर उ परमेस्सर क लोगन क छावनी अउर ओनकर प्यारी नगरी क घेर लेई। मुला आग जउन सरगे स उतरी अउर ओनका निगल जाई,</verse>
				<verse number="10">एकरे पाछे सइतान क जउन ओनका धोखा देत रहा ह, भभकत गंधक क झील मँ फेंक दीन्ह जाई जहाँ उ जनावरन अउर झूठा नबी दुइनउँ डाला ग अहइँ। ओनका हमेसा हमेसा क बरे रात-दिन तड़पावा जाई।</verse>
				<verse number="11">फिन मइँ एक जबरदस्त सफेद सिंहासन कइँती ओह प विराजमान जे रहा, ओका देखेउँ। ओकरे सामने स धरती अउर आकास भाग खड़ा भएन। ओनका पता नाहीं चल पावा।</verse>
				<verse number="12">फिन मइँ छोट अउर बड़ा मृतक मनइयन क देखेउँ। उ पचे सिंहासन क आगे खड़ा रहेन। कछू किताब खोली गइन। फिन एक अउर किताब खोली गई। उ रही जीवन क किताब अउर ओन किताबन मँ लिखी गई बातन क आधार प मृतकन क न्याय ओनके कामन क अनुसार कीन्ह गवा।</verse>
				<verse number="13">जउन मृतक मनइयन समुद्दर मँ रहेन, ओनका समुद्दर दइ दिहेस, अउ मृत्युलोक अउ अधोलोक आपन आपन मृतक मनइयन क सौंप दिहेन। हर एक क निआव ओनके कर्मन क अनुसार कीन्ह गवा।</verse>
				<verse number="14">एकरे बाद मउत क अउर अधोलोक क आग क झील मँ झोंक दीन्ह गवा। इ आग क झील दूसरी मउत बाटइ।</verse>
				<verse number="15">जउन कउनो मनई क नाउँ जीवन क पोथी मँ न मिली तउ उहू क आग क झील मँ ढकेल दीन्ह गवा।</verse>
			</chapter>
			<chapter number="21">
				<verse number="1">फिन मइँ एक नवा सरग अउर नवा धरती देखेउँ। काहे बरे पहिला सरग अउर पहली धरती खतम होइ ग रहेन। अउर कब क समुद्दर उ नाहीं रहा।</verse>
				<verse number="2">मइँ यरुसलेम क उ पवित्तर नगरी नवा यरुसलेम क आकास क बाहर निकरिके परमेस्सर कइँती स नीचे उतरत देखेउँ। उ नगरी क अइसे सजावा ग रहा जइसे कउनो दुलहिन क ओकरे पति स मिलइ क बर सजावा ग होइ।</verse>
				<verse number="3">तबइ मइँ आकास मँ एक जोरदार आवाज़ सुनेउँ। उ कहत रही, “देखा अउर परमेस्सर क मन्दिर आदमियन क बीच मँ अहइ अउर उ ओनही क बीच मँ रही। उ पचे ओकर लोग रइहीं अउर परमेस्सर ओनकइ परमेस्सर होइहीं। अउ खुदइ परमेस्सर ओनकइ परमेस्सर होइहीं।</verse>
				<verse number="4">ओनकी आँख क एक-एक आँसू उ पोंछ ड़ाई। अउर हुवाँ अउर न तउ कबहुँ मउत होई न सोक इ बजह स केहू क रोवइ धोवइ क न पड़ी। काहे बरे कि उ सब पुरानी बात अब खतम होइ चुकी बाटिन।”</verse>
				<verse number="5">एकरे ऊपर जउन सिंहासन प बइठा रहा, उ बोला, “देखा मइँ सब कछू नवा कइ देत अहउँ।” उ फिन कहेस, “एका लिख ल्या काहे बरे कि इ वचन विसवास लायक अहइ अउर इ सच्चा अहइ।”</verse>
				<verse number="6">फिन उ मोसे बोला, “सब कछू पूरा होइ चुका अहइ। मइँ अलफा अहउँ अउर मइँ ओमेगा अहउँ। मइँ आदि अहउँ अउर मइँ अन्त अहउँ। जउन मनई जे पिआसा अहइ, मइँ ओका जीवन-जल क झरना स सेंत-मेत मँ खुले मन स जल पिआउब।</verse>
				<verse number="7">जउन विजयी होई, उ सब चीज क मालिक बनी। मइँ ओकर परमेस्सर होब अउर मोरे पूत होई,</verse>
				<verse number="8">मुला कायरन, अबिसवासियन, मूरखन, हत्यारन, व्यभिचारिय, जाद-टोना करइवालेन, मूरति क पूजा करइवालेन अउर झूठ बोलइवालन क भभकत गंधक क जलत झील मँ आपन हिस्सा बँटावइ क होई। इ दूसरी मउत बाटइ।”</verse>
				<verse number="9">फिन उ सात सरगदूतन मँ स एक, जेनके लगे सात आखिरी विनास क कटोरा रहेन्न, एक ठु आगे आवा अउर मोसे बोला, “हिआँ आवा! मइँ तोहका उ दुलहिन देखाइ देइ जउन मेमना क दुलहिन अहइ।”</verse>
				<verse number="10">अबहीं मइँ आतिमा क आवेस मँ रहे कि उ मोका एक बिसाल अउर ऊँचे पर्वत प लइ गवा। फिन उ मोका यरुसलेम क पवित्तर नगरी क दर्सन कराएस। उ परमेस्सर क तरफ स आकास स नीचे उतरत रहीं।</verse>
				<verse number="11">उ परमेस्सर क महिमा स चमकत रही। उ बिल्कुल निर्मल यसब नामक महामूल्यावान रत्नन तरह चमकत रही।</verse>
				<verse number="12">नगरी क चारिहुँ कइँती एक बड़ा क ऊँचा परकोटा रहा जेहमाँ बाहर दरवाजा रहेन। उ बारहउँ दरवाजन प बारह सरगदूत रहेन। अउर बारहउँ दरवाजा प इस्राएल क बारह कुलन क नाउँ छपा रहेन।</verse>
				<verse number="13">एहमाँ स तीन दरवाजन पूरब क तरफ रहेन, तीन दरवाजन उत्तर कइँती तीन दरावाजन दच्छिन कइँती अउर तीन दरवाजन पच्छिम कइँती रहेन।</verse>
				<verse number="14">नगर क परकोटा बारह नीव प बनावा ग रहा अउर ओनके ऊपर मेमना क बारह प्रेरितन क नाउँ छपा रहेन।</verse>
				<verse number="15">जउन सरगदूत मोसे बतियात रहा, ओकरे लगे सोना क बनी नापइ क एक छड़ी रही जउने स उ नगर क फाटक अउर परकोटा क नाप सकत रहा।</verse>
				<verse number="16">नगर क वर्गाकार बसावा ग रहा। इ जेतना लम्बा रहा, ओतना चौड़ाई रहा। उ सरगदूत उहइ छड़ी स नगर क नापेस। ओकर लम्बाई करीब बारह हजार स्टोडिया पाई गइ। ओकर लम्बाई, चौड़ाई अउर ऊँचाई एकई तरह रही।</verse>
				<verse number="17">सरगदूत फिन ओकरे परकोटा क नापेस। उ करीब 144 हाथ रहा। ओका मनई क हाथन क लम्बाई स नापा ग रहा जउन हाथ सरगदूतन क हाथ अहइ।</verse>
				<verse number="18">नगर क परकोटा यसब नाउँ क रत्नन क बना रहा अउर नगर क काँच क तरह चमकत सुद्ध सोना स बनावा ग रहा।</verse>
				<verse number="19">नगर क परकोटे क नींव हर तरह क बेसकीमती रत्नन स सुसज्जित रहिन। नींव क पहला पाथर यसाब क बना रहा, दूसरा नीलम स, तीसरा स्फटिक स, चउथा पन्ना स,</verse>
				<verse number="20">पाँचवा गोमेद स छठा मानक स सातवाँ मणि स, आठवाँ पेरोज स, नवाँ पुखराज स, दसवाँ लहसनिया स, ग्यारहवाँ धूम्रकान्त स अउर बारहवाँ चन्द्रकान्ता मणि स बना रही।</verse>
				<verse number="21">बारहउँ दरवाजा, बारह मोतियन स बना रहेन, हर दरवाजा एक एक मोती स बना रहेन। नगर क गलियन साफ काँच जइसे सुद्ध सोने स बनी रहिन।</verse>
				<verse number="22">नगर मँ मइँ कउनो मन्दिर नाहीं देखाई पड़ा। काहे बरे कि सबसे सर्वसक्तिमान पर्भू परमेस्सर अउर मेमना ओकर मन्दिर मँ रहेन।</verse>
				<verse number="23">उ नगर क कउनो सूरज या चाँद क जरुरत नाहीं रही जउन ओका रोसनी देइ काहे बरे कि उ परमेस्सर क महिमा स खुदइ प्रकासित रहा। अउर मेमना उ नगर क दिया बाटइ।</verse>
				<verse number="24">सब जातियन क मनई इहइ दीपक क रोसनी क सहारे आगे बड़िहइँ। अउर इ धरती क राजा आपन सुन्दरता इ नगर मँ लइ अइहीं।</verse>
				<verse number="25">दिन क समइ एकर दरवाजा कबहूँ बन्द न होइहीं अउ हुवाँ रात तउ कबहूँ होइ न करी।</verse>
				<verse number="26">जातियन क वैभव अउर धन सम्पत्ति क उ नगर मँ लिआवा जाई।</verse>
				<verse number="27">कउनो गन्दी चीज ओहमाँ घुसइ न पाई। अउर न तउ लज्जा भरा काम करइवालेन अउर झूठ बोलइवालेन ओहमाँ घुसइ न पाइही। ओहमाँ ओनहीं मनई घुसइ पाइहीं जउने क नाउँ मेमना जीवन क पुस्तक मँ लिख अहइ।</verse>
			</chapter>
			<chapter number="22">
				<verse number="1">एकरे बरे उ सरगदूतन मोका जीवन देइवाली पानी क एक नदी देखाएस। उ नदी स्फटिक क तरह चमकत रही उ परमेस्सर अउर मेमना क सिंहासन क निकरत भइ</verse>
				<verse number="2">नगर क गलियन स होत भइ बहत रही। नदी क दुहनउँ किनारे प जीवन पेड़ उगा रहेन। ओनके ऊपर हर साल बारह बार फल लगत रहेन। एकरे हर एक पेड़ प हर महीना एक फसल लगत रही अउर इ पेड़न क पत्तियाँ तमाम रास्ट्रन क रोग दूर करइ क बरे रहिन।</verse>
				<verse number="3">हुवाँ कउनो तरह क कउनो स्राप नाहीं होई। इस नगर मँ परमेस्सर अउर मेमना क सिंहासन हुवाँ बना रही। अउर ओकर नउकर ओनकइ आराधना करिहइँ।</verse>
				<verse number="4">अउर ओकर मुख देखिहीं अउर नाउँ ओकरे माथे प होइ।</verse>
				<verse number="5">हुवाँ कबहूँ रात न होइ। अउर न तउ सूरज अथवा दीपक क रोसनी क कउनो जरुरत पड़ी। काहे बरे कि ओनके ऊपर पर्भू परमेस्सर आपन रोसनी उड़इहइँ अउर उ हमेसा सासन करिहीं।</verse>
				<verse number="6">फिन सरगदूत मोसे कहेस, “इ बचनन क बिस्सास करइ लायक अउर सच्चा अहइँ। नबियन क, आतिमा क, परमेस्सर पर्भू, परमेस्सर क सेवकन क, जउन कछू जल्दी घटइवाला अहइ, ओका जतावइ क बरे आपन सरगदूत भेजे अहइ।”</verse>
				<verse number="7">“सुना! मइँ जल्दी आवइवाला अहउँ। उ पचे धन्य अहइँ जउन इ किताब मँ दीन्ह उ बचनन क पालन करत हीं जउन भविस्सबाणी अही।”</verse>
				<verse number="8">मइँ यहून्ना अहउँ। मइँ इ बात सुनेउँ अउर देखे अहउँ। जब मइँ इ बात देखेउँ सुनेउँ तब उ सरगदूत क चरनन मँ गिर क मइँ ओकर आराधना कीन्ह जउन मोका इ बात देखावत रहा।</verse>
				<verse number="9">उ मोसे कहेस, “सावधान, तू अइसा न करा! काहे बरे कि मइँ तउ तोहार, तोहार भाई नबियन क उन लोगन जउन इ किताब मँ लिखा बचनन क पालन करत हीं, एक साथी नउकर अहउँ। बस परमेस्सर क आराधना करा!”</verse>
				<verse number="10">उ मोसे फिन कहेस, “इ किताब मँ जउन भविस्सबाणी दीन्ह गइ अहइँ, ओनका छिपाय क न रखा, काहे बरे कि इ बातन क घटित होइ क समइ करीबइ अहइ।</verse>
				<verse number="11">जउन बुरा कारज करत चला आवत अहइँ, उ बुरा करत रहइँ जे गन्दा करत अहइँ, उ गन्दा करत रहइँ। जे धर्मि अहइँ उ धरम क कारज ही करत रहइँ।</verse>
				<verse number="12">“देखा! मइँ जल्दी आवइवाला अहउँ! सबहिं मनइयन क ओनके कर्मन क अनुसार देइ क प्रतिफल मोरे पास अहइ।</verse>
				<verse number="13">उ मइँ अलफा अहउँ अउर मइँ ओमेगा अहउँ। मइँ पहिला अहउँ अउर मइँ आखिरी अहउँ। मइँ आदि अहउँ अउर मइँ अन्त अहउँ।</verse>
				<verse number="14">“उ पचे धन्य अहइँ जउन अपने कपड़न क धोइ लेत हीं। ओनका जीवन-पेड़ क खाइ क अधिकार होई। ओन दरवाजन स होइके नगर मँ घुसइ क अधिकारी होईहीं।</verse>
				<verse number="15">मुला ‘कुत्ता,’ जादू-टोना करइवाले, व्यभिचारी, मूरत क पूजइवाले, या झूठ स पिरेम अउर ओनपइ अचरज करत अहइँ बाहेर रहिहीं।</verse>
				<verse number="16">“खुदइ मइँ ईसू, तोहरे पचे क बरे, अउर कलीसियन क बरे इ बातन क साच्छी देइ क बरे आपन सरगदूतन भेजेउँ। मइँ दाऊद क परिवार क बंसज अहउँ। मइँ भोर क दमकत तारा अहउँ।”</verse>
				<verse number="17">आतिमा अउर दुलहिन करत ह, “आवा!” अउर जउन व्यक्ति एका सुनत ह, उहउ कहइ, “आवा!” अउर जउन व्यक्ति पिआसा होइ उहइ आवइ अउर जे चाहे उहइ इ जीवन देइवाली जल क उपहार क बिना मुल्य क ग्रहण करइ।</verse>
				<verse number="18">मइँ सपथ खाईके ओन मनइयन क बरे चेताउनी देइत अहइँ जउन इ किताब मँ लिखा भविस्सबाणी क वचनन क सुनत ही: एहमाँ स जब कउनो अउर कछू जोड़ देइ तउ इ किताब मँ लिखा महाविनास परमेस्सर ओकरे ऊपर ड़ाई।</verse>
				<verse number="19">अउर जब नबियन क लिखी इ किताब मँ स कउनो सब्दन मँ स घटाई तउ परमेस्सर इ किताब मँ लिखा जीवन पेड़ अउर पवित्तर नगरी मँ स ओकर भाग ओसे छीन लीन्ह जाई।</verse>
				<verse number="20">ईसू जउन बातन क साच्छी अहइ, उ कहत ह, “हाँ! मइँ जल्दी आवत अहउँ।” आमीन! पर्भू ईसू आवा।</verse>
				<verse number="21">पर्भू ईसू क अनुग्रह सबके साथ रहइ।</verse>
			</chapter>
		</book>
	</testament>
</bible>