﻿<?xml version="1.0" encoding="UTF-8"?>
<bible translation="Chinese TTVH 2021 (現代台語譯本漢字版)" link="https://www.bible.com/bible/3620/JHN.1.TTVH" status="The Bible Society in Taiwan, 2021">
	<testament name="Old">
		<book number="1">
			<chapter number="1">
				<verse number="1">起頭，上帝創造天及地。</verse>
				<verse number="2">地是渾沌，猶未成形；深淵的頂面烏烏暗暗；上帝的神 運行佇水面。</verse>
				<verse number="3">上帝講「著有光」，就有光。</verse>
				<verse number="4">上帝看光是好；上帝將光及暗分開。</verse>
				<verse number="5">上帝叫光做日時，叫暗做暝時。有下昏有早起，是頭一日。</verse>
				<verse number="6">上帝講：「諸個水的中間著有穹蒼，將水頂下隔開。」</verse>
				<verse number="7">上帝就造穹蒼，將穹蒼下面的水及穹蒼頂面的水分開；代誌就按呢完成。</verse>
				<verse number="8">上帝叫穹蒼做天。有下昏有早起，是第二日。</verse>
				<verse number="9">上帝講：「天下面諸個水著集中佇一所在，互焦地出現。」代誌就按呢完成。</verse>
				<verse number="10">上帝叫焦地做地，叫集中的水做海；上帝看這做好。</verse>
				<verse number="11">上帝講：「地著有植物：會結籽的菜蔬，及會結果子內面有籽的樹；各照𪜶的種類。」代誌就按呢完成。</verse>
				<verse number="12">地就照種類生出植物，就是會結籽的菜蔬，及有種籽的果子樹；上帝看這做好。</verse>
				<verse number="13">有下昏有早起，是第三日。</verse>
				<verse number="14">上帝講：「天頂的穹蒼著有光體，來分別日及暝，嘛做季節 、日、年的記號，</verse>
				<verse number="15">閣佇穹蒼發光照地面。」代誌就按呢完成。</verse>
				<verse number="16">上帝就造兩個大的光體，大的管日時，細的管暝時；嘛造星辰。</verse>
				<verse number="17">上帝將𪜶下佇天頂的穹蒼，互𪜶照地面，</verse>
				<verse number="18">嘛管日及暝，分別光及暗；上帝看這做好。</verse>
				<verse number="19">有下昏有早起，是第四日。</verse>
				<verse number="20">上帝講：「水內著生湠真多生物；地的頂面、天裡的穹蒼著有鳥仔啲飛。」</verse>
				<verse number="21">上帝就創造海裡的大魚，及水內生湠真多的生物，各照𪜶的種類；閣創造逐款飛鳥，各照𪜶的種類；上帝看這做好。</verse>
				<verse number="22">上帝賜福𪜶，講：「著生湠，著加添，互海裡充滿生物，互地上的鳥仔生湠真多。」</verse>
				<verse number="23">有下昏有早起，是第五日。</verse>
				<verse number="24">上帝講：「地著生出生物，各照𪜶的種類；有牲生、啲爬的動物、走獸，各照𪜶的種類。」代誌就按呢完成。</verse>
				<verse number="25">上帝就照𪜶的種類造地上的走獸、牲生，及一切啲爬的動物；上帝看這做好。</verse>
				<verse number="26">上帝講：「咱著照咱的形像，照咱的款式造人 ，互𪜶管理海裡的魚、天裡的鳥、地上的牲生及野獸 ，以及佇地上啲爬的動物。」</verse>
				<verse number="27">上帝就照伊家己的形像創造人 ；伊照伊的形像創造𪜶，有男有女。</verse>
				<verse number="28">上帝賜福𪜶，對𪜶講：「著生湠，加添真多，充滿全地，閣治理全地，嘛著管理海裡的魚、天裡的鳥，及地上所有會振動的生物。」</verse>
				<verse number="29">上帝閣講：「我將全地所有會結籽的菜蔬，及一切有種籽的果子樹，攏互恁做食物。</verse>
				<verse number="30">地上逐種的走獸、空中一切的鳥仔，及佇地上所有啲爬的活物，我將青色的菜蔬互𪜶做食物。」代誌就按呢完成。</verse>
				<verse number="31">上帝看伊所造的一切真好。有下昏有早起，是第六日。</verse>
			</chapter>
			<chapter number="2">
				<verse number="1">天地及萬象已經創造完成。</verse>
				<verse number="2">佇第七日，上帝完成伊的工作，就佇彼日歇睏。</verse>
				<verse number="3">上帝賜福第七日，定此日做聖日；因為佇此日，上帝停伊一切創造的工 ，就安歇。</verse>
				<verse number="4">這就是天及地創造的過程。 主上帝造天及地的時，</verse>
				<verse number="5">大地猶未有草木，田野猶未生菜蔬；因為主上帝無落雨，嘛猶未有人通種作。</verse>
				<verse number="6">總是有水對地淐出來，潤澤地面。</verse>
				<verse number="7">主上帝用地上的土粉捏造人，對伊的鼻孔歕性命的氣；人就成做有性命的人 。</verse>
				<verse number="8">主上帝佇東方的 伊甸 開墾一個園，將所造的人下佇彼內面。</verse>
				<verse number="9">主上帝互地發逐種好看的樹仔，及好食的果子；佇園的中間嘛有活命樹，及會互人分別善惡 的樹。</verse>
				<verse number="10">有一條河對 伊甸 流出來，灌沃彼個園；對遐分做四條。</verse>
				<verse number="11">頭一條叫做 比遜河 ，踅 哈腓拉 全地；遐出產金，</verse>
				<verse number="12">是上好的金；閣出產珍貴的芳料及紅瑪瑙。</verse>
				<verse number="13">第二條叫做 基訓河 ，踅 古實 全地。</verse>
				<verse number="14">第三條叫做 底格里斯河 ，流對 亞述 的東旁。第四條就是 幼發拉底河 。</verse>
				<verse number="15">主上帝將彼個人安頓佇 伊甸園 ，互伊種作，顧守彼個園。</verse>
				<verse number="16">主上帝吩咐彼個人講：「園內逐種樹的果子，你攏通食。</verse>
				<verse number="17">毋拘彼欉會互人分別善惡的樹，伊的果子你𣍐用得食；你若食，彼日你一定會死。」</verse>
				<verse number="18">主上帝講：「彼個人家己一個住毋好；我欲給伊造一個幫贊者來匹配伊。」</verse>
				<verse number="19">主上帝用土做野地逐款的走獸，以及空中逐款的飛鳥。主上帝給許個動物導來彼個人的面前，互伊給𪜶號名；彼個人給逐款動物號的名，就成做彼個動物的名。</verse>
				<verse number="20">彼個人就給所有的牲生、空中的飛鳥，及野地一切的走獸號名，毋拘尋無一個通做伊的幫贊者來匹配伊。</verse>
				<verse number="21">主上帝互彼個人睏重眠，伊就睏。主上帝對彼個人提一支脇骨，閣互彼位的肉合起來。</verse>
				<verse number="22">主上帝就用彼支脇骨造一個查某人，導伊來到彼個人遐。</verse>
				<verse number="23">彼個人講： 「此個才是我骨內的骨， 肉內的肉； 通稱伊做查某人， 因為伊是對查甫人 提出的。」</verse>
				<verse number="24">按呢，人欲離開伊的父母，及伊的某結連，兩人成做一體。</verse>
				<verse number="25">翁某兩人赤身露體，無感覺見笑。</verse>
			</chapter>
			<chapter number="3">
				<verse number="1">主上帝所造野地一切的動物，蛇上詭詰。蛇對婦仁人講：「上帝豈有影講，園內所有的果子恁攏𣍐用得食？」</verse>
				<verse number="2">婦仁人對蛇講：「園內所有的果子阮攏通食，</verse>
				<verse number="3">只有園中彼欉樹的果子，上帝曾講：『恁毋通食，嘛毋通摸；恁若毋聽，恁會死。』」</verse>
				<verse number="4">蛇對婦仁人講：「恁無一定會死。</verse>
				<verse number="5">上帝知，恁食的時，恁的目睭就會開，會親像上帝 分別善惡。」</verse>
				<verse number="6">婦仁人看彼欉樹的果子好食，合目，閣會互人有智慧，就真欣羨。伊就挽彼個果子來食，續互及伊做夥的丈夫食，伊的丈夫嘛食。</verse>
				<verse number="7">𪜶兩個人的目睭就開，才知家己是赤身露體，就編無花果樹葉做裙縖啲。</verse>
				<verse number="8">黃昏涼冷的時，彼個人及伊的婦仁人聽著主上帝佇園內啲行的聲，就匿佇園裡的樹仔內，閃避主上帝的面。</verse>
				<verse number="9">主上帝叫彼個人，講：「你佇叨位？」</verse>
				<verse number="10">彼個人就講：「我佇園內聽著你的聲就真驚，因為我赤身露體，就匿起來。」</verse>
				<verse number="11">主上帝就問：「什麼人給你講你赤身露體？你是毋是食我吩咐你毋通食彼欉樹的果子？」</verse>
				<verse number="12">彼個人講：「你互我及我做夥彼個查某人，伊提彼欉樹的果子互我，我就食。」</verse>
				<verse number="13">主上帝對婦仁人講：「你哪會按呢做？」 婦仁人講：「蛇給我引誘，我就食。」</verse>
				<verse number="14">主上帝對蛇講： 「你既然做此個代誌， 佇一切的牲生及野地的走獸， 你特別著受咒詛； 你欲用腹肚行路， 一生食土粉。</verse>
				<verse number="15">我欲互你及婦仁人結冤仇， 你的後代及伊的後代嘛結冤仇； 伊欲傷你的頭殼， 你欲傷伊的腳後蹬。」</verse>
				<verse number="16">閣對婦仁人講： 「我欲大大加添你懷孕的痛苦； 你欲催陣痛苦才生子； 你欲戀慕你的丈夫， 伊欲管轄你。」</verse>
				<verse number="17">主上帝嘛對 亞當 講： 「你既然聽趁你的某的話， 食我吩咐你毋通食彼欉樹的果子， 所以土地因為你的緣故受咒詛； 你著一世人勞苦，才會當對土地得著食物。</verse>
				<verse number="18">土地欲因為你發莿及蒺藜； 你欲食野地的菜蔬。</verse>
				<verse number="19">你著汗流滿面才有通食， 到你歸土，因為你是對土捏造的； 你本是土粉，嘛欲歸佇土粉。」</verse>
				<verse number="20">彼個人給伊的某號名叫做 夏娃 ；因為伊是人類的老母。</verse>
				<verse number="21">主上帝為著 亞當 及伊的某用皮做衫互𪜶穿。</verse>
				<verse number="22">主上帝講：「今，此個人已經及咱像款，會分別善惡；伊若伸手去挽活命樹的果子來食，就會活到永遠。」</verse>
				<verse number="23">主上帝就將伊趕出 伊甸園 ，互伊去種作土地；伊是對土捏造出來的。</verse>
				<verse number="24">主上帝將彼個人趕出去以後，佇 伊甸園 的東旁設四面轉踅發火焰的劍，派天使基路伯防守去活命樹的路。</verse>
			</chapter>
			<chapter number="4">
				<verse number="1">彼個人及伊的某 夏娃 同房， 夏娃 就懷孕生 該隱 ，講：「我對上主的幫贊得著一個後生。」</verse>
				<verse number="2">後來 夏娃 閣生 該隱 的小弟 亞伯 。 亞伯 是顧羊的， 該隱 是作穡的。</verse>
				<verse number="3">過一段時間， 該隱 提一寡土地的出產獻互上主。</verse>
				<verse number="4">亞伯 嘛將羊群中頭上生閣肥的羊獻互上主。上主意愛 亞伯 及伊的禮物，</verse>
				<verse number="5">毋拘無合意 該隱 及伊的禮物。 該隱 就真受氣，變面。</verse>
				<verse number="6">上主對 該隱 講：「你是啲受氣什麼？你是按怎變面？</verse>
				<verse number="7">你若行為正直，豈毋是會得著接納？ 若無，罪佇門口當等你；伊欲控制你，你著給伊制伏。」</verse>
				<verse number="8">該隱 對伊的小弟 亞伯 講：「咱來去野地 。」佇野地的時， 該隱 攻擊伊的小弟，給伊刣死。</verse>
				<verse number="9">上主對 該隱 講：「你的小弟 亞伯 佇叨位？」 伊講：「我毋知。我豈是啲顧守我的小弟的人？」</verse>
				<verse number="10">上主講：「你哪會做此款代誌？恁小弟的血對地裡對我哀叫。</verse>
				<verse number="11">你刣死恁小弟，地開嘴接受伊的血。今你欲對土地受咒詛。</verse>
				<verse number="12">你種作，𣍐當得著收成；你欲佇地上流離失所。」</verse>
				<verse number="13">該隱 對上主講：「我的刑罰傷重，我擔當𣍐起。</verse>
				<verse number="14">你今仔日趕我離開此個地，𣍐當閣見你的面；我四界飄流，抵著我的會給我刣死。」</verse>
				<verse number="15">上主對伊講：「既然按呢，刣死 該隱 的，會受七倍的報應。」上主就給 該隱 做一個記號，才免抵著伊的人給伊刣死。</verse>
				<verse number="16">該隱 就離開上主，去住佇 伊甸 的東旁 挪得 的地區。</verse>
				<verse number="17">該隱 及伊的某同房；伊的某懷孕生 以諾 。後來 該隱 起一座城，用伊的子的名給彼座城號名叫做 以諾 。</verse>
				<verse number="18">以諾 生 以拿 ， 以拿 生 米戶雅利 ， 米戶雅利 生 瑪土撒利 ， 瑪土撒利 生 拉麥 。</verse>
				<verse number="19">拉麥 娶兩個某；一個叫做 亞大 ，一個叫做 洗拉 。</verse>
				<verse number="20">亞大 生 雅八 ，是游牧民族的祖先。</verse>
				<verse number="21">伊的小弟 猶八 ，是彈琴歕簫的人的祖先。</verse>
				<verse number="22">洗拉 生 土八‧該隱 ，是製造銅、鐵逐款器具的人的祖先； 土八‧該隱 的小妹是 拿瑪 。</verse>
				<verse number="23">拉麥 對伊兩個某講： 亞大 及 洗拉 ，聽我講； 拉麥 的某，著細膩聽： 人傷我，我欲刣伊； 少年人害我，我欲互伊死。</verse>
				<verse number="24">刣 該隱 的報應若是七倍， 刣死 拉麥 的報應一定七十七倍。</verse>
				<verse number="25">亞當 閣及伊的某同房；伊的某生子，給伊號名叫做 塞特 ；因為伊講：「上帝閣賜我一個子，來代替互 該隱 刣死的 亞伯 。」</verse>
				<verse number="26">塞特 後來嘛生子，給伊號名叫做 以挪士 ；彼時人才開始求叫上主的名。</verse>
			</chapter>
			<chapter number="5">
				<verse number="1">下面是 亞當 的後代。上帝創造人的時，是照伊家己的款式創造。</verse>
				<verse number="2">伊創造𪜶有男有女；佇𪜶受創造的時，賜𪜶福氣，稱𪜶做人類。</verse>
				<verse number="3">亞當 一百三十歲的時生一個子，及伊的形像款式真相像，給伊號名叫 塞特 。</verse>
				<verse number="4">亞當 生 塞特 了後，閣活八百年；此中間有閣生後生查某子。</verse>
				<verse number="5">亞當 總共活九百三十歲才死。</verse>
				<verse number="6">塞特 一百空五歲的時生 以挪士 。</verse>
				<verse number="7">塞特 生 以挪士 了後，猶活八百空七年；彼中間有閣生後生查某子。</verse>
				<verse number="8">塞特 總共活九百十二歲才死。</verse>
				<verse number="9">以挪士 九十歲的時生 該南 。</verse>
				<verse number="10">以挪士 生 該南 了後，猶活八百十五年；彼中間有閣生後生查某子。</verse>
				<verse number="11">以挪士 總共活九百空五歲才死。</verse>
				<verse number="12">該南 七十歲的時生 瑪勒列 。</verse>
				<verse number="13">該南 生 瑪勒列 了後，猶活八百四十年；彼中間有閣生後生查某子。</verse>
				<verse number="14">該南 總共活九百十歲才死。</verse>
				<verse number="15">瑪勒列 六十五歲的時生 雅列 。</verse>
				<verse number="16">瑪勒列 生 雅列 了後，猶活八百三十年；彼中間有閣生後生查某子。</verse>
				<verse number="17">瑪勒列 總共活八百九十五歲才死。</verse>
				<verse number="18">雅列 一百六十二歲的時生 以諾 。</verse>
				<verse number="19">雅列 生 以諾 了後，猶活八百年；彼中間有閣生後生查某子。</verse>
				<verse number="20">雅列 總共活九百六十二歲才死。</verse>
				<verse number="21">以諾 六十五歲的時生 瑪土撒拉 。</verse>
				<verse number="22">以諾 生 瑪土撒拉 了後，及上帝同行三百年；彼中間有閣生後生查某子。</verse>
				<verse number="23">以諾 總共活三百六十五歲。</verse>
				<verse number="24">以諾 及上帝同行；上帝接伊去，人就𣍐當閣看著伊。</verse>
				<verse number="25">瑪土撒拉 一百八十七歲的時生 拉麥 。</verse>
				<verse number="26">瑪土撒拉 生 拉麥 了後，猶活七百八十二年；彼中間有閣生後生查某子。</verse>
				<verse number="27">瑪土撒拉 總共活九百六十九歲才死。</verse>
				<verse number="28">拉麥 一百八十二歲的時生一個子，</verse>
				<verse number="29">給伊號名叫做 挪亞 ；伊講：「此個子欲安慰咱，因為上主曾咒詛地，互咱著做工勞苦。」</verse>
				<verse number="30">拉麥 生 挪亞 了後，猶活五百九十五年；彼中間有閣生後生查某子。</verse>
				<verse number="31">拉麥 總共活七百七十七歲才死。</verse>
				<verse number="32">挪亞 五百歲以後，有生 閃 、 含 ，及 雅弗 。</verse>
			</chapter>
			<chapter number="6">
				<verse number="1">人類佇地上人額愈加添，嘛有生查某子。</verse>
				<verse number="2">上帝的子 看著人的查某子媠，就揀家己意愛的來做某。</verse>
				<verse number="3">上主講：「人既然屬會死的肉體，我的神就無欲永遠住佇𪜶內面，𪜶的歲壽會當到一百二十歲。」</verse>
				<verse number="4">上帝的子及人的查某子同房生子；對彼時起，世間就有大漢人，𪜶是古早出名的英雄。</verse>
				<verse number="5">上主看見人佇世間犯罪真重，逐日的心思意念攏是邪惡，</verse>
				<verse number="6">就因為伊造人佇世間，感覺遺憾，心艱苦。</verse>
				<verse number="7">上主講：「我欲對世間剿滅我所創造的人，嘛欲消滅走獸、啲爬的動物，及飛鳥，因為我造𪜶了後感覺遺憾。」</verse>
				<verse number="8">只有 挪亞 得著上主的恩典。</verse>
				<verse number="9">下面是有關 挪亞 的記事。 挪亞 是義人，佇彼世代的人中間是純全正直的人； 挪亞 及上帝同行。</verse>
				<verse number="10">挪亞 有三個子： 閃 、 含 ，及 雅弗 。</verse>
				<verse number="11">世界佇上帝的面前敗壞，充滿強暴。</verse>
				<verse number="12">上帝看世界攏敗壞，因為人佇世間的行做邪惡。</verse>
				<verse number="13">上帝對 挪亞 講：「我決定欲消滅所有的活物，因為𪜶的強暴充滿世間，我欲將𪜶及大地做一下毀滅。</verse>
				<verse number="14">你著用松柏柴做大船，船內隔房間，內外糊打馬膠。</verse>
				<verse number="15">你著按呢造大船：長一百三十三公尺，闊二十二公尺，高十三公尺。</verse>
				<verse number="16">著做天窗，高四十四公分；門作佇船邊；船著做三層，分上、中、下。</verse>
				<verse number="17">我欲互大地大水氾濫，毀滅天下所有的活物；地上所有的生物攏會死。</verse>
				<verse number="18">毋拘我欲及你立約。你及你的子、你的某、你的新婦攏著入去大船內面。</verse>
				<verse number="19">所有的活物，逐種一對，一隻公的，一隻母的，你著帶𪜶入大船，互𪜶及恁做夥保全性命。</verse>
				<verse number="20">飛鳥、牲生，及啲爬的動物，各照𪜶的種類，一對一對導入船，保全𪜶的性命。</verse>
				<verse number="21">你著為著恁及許個動物積聚逐款的食物。」</verse>
				<verse number="22">挪亞 就攏照上帝的命令去做。</verse>
			</chapter>
			<chapter number="7">
				<verse number="1">上主對 挪亞 講：「你及恁全家攏著入大船；因為此世代的人干焦你佇我的面前是義人。</verse>
				<verse number="2">所有禮儀上清氣的牲生，你著帶七隻公的，七隻母的；無清氣的牲生，你著帶一隻公的，一隻母的。</verse>
				<verse number="3">飛鳥嘛著帶七隻公的，七隻母的，通佇全地傳種。</verse>
				<verse number="4">閣過七日，我欲落雨四十暝四十日，將我所造一切的活物攏對地上剿滅。」</verse>
				<verse number="5">挪亞 就攏照上主的命令去做。</verse>
				<verse number="6">大水佇地上氾濫的時， 挪亞 六百歲。</verse>
				<verse number="7">挪亞 及伊的子、伊的某、伊的新婦，攏入大船，閃避大水。</verse>
				<verse number="8">禮儀上清氣的牲生及無清氣的牲生、飛鳥，及地上啲爬的動物，</verse>
				<verse number="9">攏一對一對，有公的有母的，去 挪亞 遐，照上帝對 挪亞 的命令進入大船。</verse>
				<verse number="10">七日後，大水佇地上氾濫。</verse>
				<verse number="11">挪亞 六百歲彼年的二月十七彼日，深淵的水源裂開，天頂的水門攏拍開。</verse>
				<verse number="12">雨落四十暝四十日。</verse>
				<verse number="13">就佇彼日， 挪亞 及伊的子， 閃 、 含 、 雅弗 ，及 挪亞 的某，以及伊三個新婦攏入大船；</verse>
				<verse number="14">所有的野獸、牲生、啲爬的動物、有翼的活物，以及飛鳥，各照𪜶的種類，攏及 挪亞 全家進入大船。</verse>
				<verse number="15">一切有性命的活物攏一對一對去 挪亞 遐，進入大船。</verse>
				<verse number="16">所有入大船的動物，照上帝對 挪亞 的命令，有公的有母的；上主就給大船的門關起來。</verse>
				<verse number="17">水佇地上氾濫四十日；水漲高，將大船撐起來，互船對地面浮起來。</verse>
				<verse number="18">水勢真大，佇地上直直漲起來；船佇水面飄流。</verse>
				<verse number="19">水愈漲愈高，給天下的高山攏淹過。</verse>
				<verse number="20">水比山高七公尺；山頭攏互水淹了了。</verse>
				<verse number="21">地上所有的活物，包括飛鳥、牲生、野獸、歸群啲爬的動物，以及所有的人，攏死。</verse>
				<verse number="22">所有佇地上用鼻孔喘氣的活物攏死。</verse>
				<verse number="23">地上所有的活物攏受消滅；人及牲生、啲爬的動物，以及空中的飛鳥，攏對地上消滅；只有賰 挪亞 以及許個及伊佇大船內面的猶活啲。</verse>
				<verse number="24">大水佇地上氾濫一百五十日。</verse>
			</chapter>
			<chapter number="8">
				<verse number="1">上帝無𣍐記得 挪亞 ，以及及 挪亞 佇大船內面的牲生及野獸；上帝互風吹大地，水就漸漸消退。</verse>
				<verse number="2">深淵的水源及天頂的水門攏關密；天無閣落雨。</verse>
				<verse number="3">水對地上漸漸退去；一百五十日後，水直直消退。</verse>
				<verse number="4">七月十七，船牢佇 亞拉臘山 。</verse>
				<verse number="5">水閣漸漸退，一直到十月。十月初一，山頭才出現。</verse>
				<verse number="6">過四十日， 挪亞 開伊所做大船的窗仔，</verse>
				<verse number="7">放一隻烏鴉出去；烏鴉飛來閣飛去，一直到大地的水消退。</verse>
				<verse number="8">伊閣放一隻粉鳥出去，欲看水對地面消退抑未。</verse>
				<verse number="9">毋拘粉鳥尋無歇睏的所在，就飛轉來大船 挪亞 遐，因為全地猶有水。 挪亞 伸手接伊，帶入大船。</verse>
				<verse number="10">七日後， 挪亞 閣放粉鳥出去。</verse>
				<verse number="11">到下昏，粉鳥倒來伊遐，嘴咬一葉新的橄欖樹葉； 挪亞 才知，水已經消退。</verse>
				<verse number="12">伊閣聽候七日，放粉鳥出去；粉鳥就無閣倒來。</verse>
				<verse number="13">到 挪亞 六百空一歲，正月初一，地面的水攏焦； 挪亞 拍開大船的蓋，看著地面已經焦。</verse>
				<verse number="14">二月二七，土地攏焦啦。</verse>
				<verse number="15">上帝對 挪亞 講：</verse>
				<verse number="16">「你及你的某、你的子、你的新婦攏著出大船。</verse>
				<verse number="17">你嘛著互許個有肉體的活物，包括飛鳥、牲生，及啲爬的動物攏出來，互𪜶佇地上生湠，加添真多。」</verse>
				<verse number="18">挪亞 就及伊的子、伊的某、伊的新婦攏出來；</verse>
				<verse number="19">所有的走獸、飛鳥、啲爬的動物，及地上一切的活物，各照𪜶的種類嘛攏出大船。</verse>
				<verse number="20">挪亞 為著上主起一座祭壇；對禮儀上清氣的牲生及飛鳥中間，帶一部份來佇祭壇頂獻做燒化祭。</verse>
				<verse number="21">上主鼻著祭物的芳味，心內就講：「我無欲閣因為人的緣故咒詛土地，雖然人對細漢心所想的攏是歹；我無欲閣照我以前所做的毀滅所有的活物。</verse>
				<verse number="22">大地若猶存在， 栽種收成， 寒熱， 冬天夏天， 日時暝時， 攏會繼續。」</verse>
			</chapter>
			<chapter number="9">
				<verse number="1">上帝賜福 挪亞 及伊的子，對𪜶講：「著生湠，加添真多，充滿全地。</verse>
				<verse number="2">地上所有的野獸、天頂的飛鳥、地面啲爬的動物，及海裡的魚類攏會驚恁，畏恁，受恁管理。</verse>
				<verse number="3">我將所有活的動物，親像菜蔬仝款互恁做食物。</verse>
				<verse number="4">毋拘有性命的肉，就是有含血的肉，恁毋通食。</verse>
				<verse number="5">流恁的血的人，就是殺害恁性命的人，我欲給𪜶處死；我欲將害恁性命的野獸、人，甚至恁的同胞處死。</verse>
				<verse number="6">所有流人的血的人， 人嘛欲流伊的血； 因為上帝照伊家己的形像造人。</verse>
				<verse number="7">恁著生湠真多， 佇地上興旺，加添真多。」</verse>
				<verse number="8">上帝給 挪亞 及伊的子講：</verse>
				<verse number="9">「今，我及恁以及恁的後代立約；</verse>
				<verse number="10">嘛及許個及恁做夥，對大船出來的活物，包括飛鳥、牲生、野獸立約。</verse>
				<verse number="11">我及恁立約：所有有肉體的生物，𣍐閣互大水消滅，嘛𣍐閣有大水毀壞全地。」</verse>
				<verse number="12">上帝閣講：「我欲及恁，以及所有及恁做夥的生物立永遠的約；我欲互虹出現佇雲裡，做立約的記號。</verse>
				<verse number="13"></verse>
				<verse number="14">我互雲遮地，虹出現佇雲裡的時，</verse>
				<verse number="15">我就記念我及恁以及逐款有肉體的生物所立的約，𣍐閣互水氾濫，毀滅所有的生物。</verse>
				<verse number="16">我看著虹佇雲裡出現，就記念我及地上逐款有肉體的生物所立永遠的約。」</verse>
				<verse number="17">上帝對 挪亞 講：「這就是我及地上逐款有肉體的生物立約的記號。」</verse>
				<verse number="18">挪亞 的子，對大船出來的，就是 閃 、 含 、 雅弗 ； 含 是 迦南 的老父。</verse>
				<verse number="19">此三個是 挪亞 的子；𪜶的後代分散去全世界。</verse>
				<verse number="20">挪亞 是第一個栽種葡萄的作穡人。</verse>
				<verse number="21">挪亞 飲酒醉，佇布棚內赤身露體。</verse>
				<verse number="22">迦南 的老父 含 看著𪜶老父赤身露體，去給佇外面兩個兄弟講。</verse>
				<verse number="23">閃 及 雅弗 提一領衫，靠佇𪜶的肩頭頂，倒退行，遮𪜶老父的身軀；𪜶的面向外面，無看著𪜶老父赤身露體。</verse>
				<verse number="24">挪亞 酒醉醒，才知細漢子的所做，</verse>
				<verse number="25">就講： 迦南 著受咒詛； 伊欲做伊的兄弟上卑賤的奴隸。</verse>
				<verse number="26">挪亞 閣講： 著謳咾上主 — 閃 的上帝； 迦南 欲做 閃 的奴隸。</verse>
				<verse number="27">願上帝互 雅弗 擴展， 互伊住佇 閃 的布棚； 迦南 做𪜶的奴隸。</verse>
				<verse number="28">大水了後， 挪亞 猶活三百五十年。</verse>
				<verse number="29">挪亞 總共活九百五十歲才死。</verse>
			</chapter>
			<chapter number="10">
				<verse number="1">下面是 挪亞 的子 閃 、 含 、 雅弗 的後代。大水以後，𪜶有生子兒孫。</verse>
				<verse number="2">雅弗 的子是 歌篾 、 瑪各 、 瑪代 、 雅完 、 土巴 、 米設 、 提拉 。</verse>
				<verse number="3">歌篾 的子是 亞實基拿 、 利法 、 陀迦瑪 。</verse>
				<verse number="4">雅完 的子是 以利沙 、 他施 、 基提 人、 羅德 人。</verse>
				<verse number="5">諸個人的後代，各照𪜶的語言、宗族、邦國，分散徛起佇沿海地區。</verse>
				<verse number="6">含 的子是 古實 、 埃及 、 弗 、 迦南 。</verse>
				<verse number="7">古實 的子是 西巴 、 哈腓拉 、 撒弗他 、 拉瑪 、 撒弗提迦 。 拉瑪 的子是 示巴 、 底但 。</verse>
				<verse number="8">古實 閣生 寧錄 ；伊是世間第一個勇士。</verse>
				<verse number="9">伊因為上主的幫贊成做𠢕拍獵的勇士；所以俗語講：「願上主互你成做一個親像 寧錄 赫呢𠢕拍獵的勇士。」</verse>
				<verse number="10">寧錄 統治的範圍代先是 示拿 地區，包括 巴別 、 以力 、 亞甲 ，及 甲尼 ，</verse>
				<verse number="11">後來擴展到 亞述 。伊有起造 尼尼微 、 利河伯 、 迦拉 ，</verse>
				<verse number="12">以及佇 尼尼微 及 迦拉 中間的大城 利鮮 。</verse>
				<verse number="13">埃及 生 路低 人、 亞拿米 人、 利哈比 人、 拿弗土希 人、</verse>
				<verse number="14">帕斯魯細 人 、 迦斯路希 人，及 迦斐託 人； 非利士 人是此族 的後代。</verse>
				<verse number="15">迦南 生大子 西頓 ，及 赫 ，</verse>
				<verse number="16">耶布斯 人、 亞摩利 人、 革迦撒 人、</verse>
				<verse number="17">希未 人、 亞基 人、 西尼 人、</verse>
				<verse number="18">亞瓦底 人、 洗瑪利 人，及 哈馬 人；後來 迦南 諸個族分散真闊。</verse>
				<verse number="19">迦南 的境界是對 西頓 向 基拉耳 的路，到 迦薩 ；閣向 所多瑪 、 蛾摩拉 、 押瑪 、 洗扁 的路，到 拉沙 。</verse>
				<verse number="20">這就是 含 的後代，各照𪜶的宗族、語言、土地、邦國徛起。</verse>
				<verse number="21">雅弗 的兄哥 閃 是 希伯 全族的祖先，嘛有生子兒孫。</verse>
				<verse number="22">閃 的子是 以攔 、 亞述 、 亞法撒 、 路德 ，及 亞蘭 。</verse>
				<verse number="23">亞蘭 的子是 烏斯 、 戶勒 、 基帖 ，及 米設 。</verse>
				<verse number="24">亞法撒 生 沙拉 ； 沙拉 生 希伯 。</verse>
				<verse number="25">希伯 生兩個子；一個叫做 法勒 ，因為佇伊的時代人分散佇逐所在徛起； 法勒 的小弟叫做 約坍 。</verse>
				<verse number="26">約坍 生 亞摩答 、 沙列 、 哈薩瑪非 、 耶拉 、</verse>
				<verse number="27">哈多蘭 、 烏薩 、 德拉 、</verse>
				<verse number="28">俄巴路 、 亞比瑪利 、 示巴 、</verse>
				<verse number="29">俄斐 、 哈腓拉 、 約巴 ；諸個攏是 約坍 的子。</verse>
				<verse number="30">𪜶徛起佇 米沙 到 西發 東旁的山區。</verse>
				<verse number="31">諸個是 閃 的後代；𪜶照家己的宗族、語言、土地、邦國徛起。</verse>
				<verse number="32">諸個攏是 挪亞 的子的宗族，各照𪜶的世系，建立家己的國家；大水以後，𪜶佇地上分做真多邦國。</verse>
			</chapter>
			<chapter number="11">
				<verse number="1">彼時，天下的腔口及語言攏仝款。</verse>
				<verse number="2">𪜶向東旁遷徙的時，佇 示拿 地發見一片平原，就佇遐徛起。</verse>
				<verse number="3">𪜶互相參詳講：「來！咱著來做磚仔，燒互透。」𪜶就用磚仔代替石頭，用打馬膠代替灰土。</verse>
				<verse number="4">𪜶閣講：「來！咱著來起城造塔，塔頂迵天，互咱出名，才免咱四散佇全地。」</verse>
				<verse number="5">上主落來，欲看世間人起造的城及塔。</verse>
				<verse number="6">上主講：「看咧，𪜶是仝一個民族，講像一個語言。今，𪜶已經開始做此個事，以後𪜶欲做的，攏𣍐當給𪜶阻擋。</verse>
				<verse number="7">來！咱落來去，拍亂𪜶的語言，互𪜶的話𣍐相通。」</verse>
				<verse number="8">上主就互𪜶對遐分散佇全地；𪜶就停工，無起彼座城。</verse>
				<verse number="9">所以彼個城叫做 巴別 ，因為上主佇遐拍亂天下的語言，閣對遐互人分散佇全地。</verse>
				<verse number="10">下面是 閃 的後代： 大水以後兩年， 閃 一百歲生 亞法撒 。</verse>
				<verse number="11">閃 生 亞法撒 了後，猶活五百年，閣有生後生查某子。</verse>
				<verse number="12">亞法撒 三十五歲生 沙拉 。</verse>
				<verse number="13">亞法撒 生 沙拉 了後，猶活四百空三年，閣有生後生查某子。</verse>
				<verse number="14">沙拉 三十歲生 希伯 。</verse>
				<verse number="15">沙拉 生 希伯 了後，猶活四百空三年，閣有生後生查某子。</verse>
				<verse number="16">希伯 三十四歲生 法勒 。</verse>
				<verse number="17">希伯 生 法勒 了後，猶活四百三十年，閣有生後生查某子。</verse>
				<verse number="18">法勒 三十歲生 拉吳 。</verse>
				<verse number="19">法勒 生 拉吳 了後，猶活兩百空九年，閣有生後生查某子。</verse>
				<verse number="20">拉吳 三十二歲生 西鹿 。</verse>
				<verse number="21">拉吳 生 西鹿 了後，猶活兩百空七年，閣有生後生查某子。</verse>
				<verse number="22">西鹿 三十歲生 拿鶴 。</verse>
				<verse number="23">西鹿 生 拿鶴 了後，猶活兩百年，閣有生後生查某子。</verse>
				<verse number="24">拿鶴 二十九歲生 他拉 。</verse>
				<verse number="25">拿鶴 生 他拉 了後，猶活一百十九年，閣有生後生查某子。</verse>
				<verse number="26">他拉 七十歲生 亞伯蘭 、 拿鶴 、 哈蘭 。</verse>
				<verse number="27">下面是 他拉 的後代： 他拉 生 亞伯蘭 、 拿鶴 、 哈蘭 ； 哈蘭 生 羅得 。</verse>
				<verse number="28">哈蘭 佇伊的老父 他拉 猶活啲的時，死佇故鄉 巴比倫 的 吾珥 城。</verse>
				<verse number="29">亞伯蘭 及 拿鶴 攏有娶某。 亞伯蘭 的某叫做 莎萊 ； 拿鶴 的某叫做 蜜迦 ，是 哈蘭 的查某子； 哈蘭 是 蜜迦 的老父，嘛是 亦迦 的老父。</verse>
				<verse number="30">莎萊 𣍐生育，無生子。</verse>
				<verse number="31">他拉 導伊的子 亞伯蘭 及孫 羅得 ，就是 哈蘭 的子，以及伊的新婦 莎萊 ，就是 亞伯蘭 的某，做夥離開 巴比倫 的 吾珥 城，欲去 迦南 地；𪜶到 哈蘭 就住佇遐。</verse>
				<verse number="32">他拉 活兩百空五歲，死佇 哈蘭 。</verse>
			</chapter>
			<chapter number="12">
				<verse number="1">上主對 亞伯蘭 講：「你著離開本地、本族，恁老父的家，去我欲指示你的地。</verse>
				<verse number="2">我欲互你成做大國，欲賜福你，互你的名受敬重，你嘛欲互人得著福氣。</verse>
				<verse number="3">祝福你的，我欲賜福互𪜶； 咒詛你的，我欲咒詛伊； 地上萬族欲因為你得著福氣 。」</verse>
				<verse number="4">亞伯蘭 照上主的吩咐，就出去， 羅得 嘛及伊去。 亞伯蘭 離開 哈蘭 的時七十五歲。</verse>
				<verse number="5">亞伯蘭 導伊的某 莎萊 及伊的侄仔 羅得 出發，閣帶𪜶佇 哈蘭 所積聚的財物、得著的僕人女婢，欲去 迦南 地。 𪜶來到 迦南 地，</verse>
				<verse number="6">亞伯蘭 繼續行，來到 示劍 的 摩利 橡樹遐；彼時 迦南 人住佇彼個地。</verse>
				<verse number="7">上主對 亞伯蘭 顯現，講：「我欲將此個地賞賜你的後代。」伊就佇遐為著對伊顯現的上主起一座祭壇。</verse>
				<verse number="8">伊閣對遐徙到 伯特利 東旁的山區，搭布棚，佇遐為著上主起一座壇，求叫上主的名；彼個所在西旁是 伯特利 ，東旁是 艾 。</verse>
				<verse number="9">亞伯蘭 漸漸徙去南旁的 尼革夫 。</verse>
				<verse number="10">彼個地飢荒真嚴重。 亞伯蘭 落去 埃及 ，寄居佇遐。</verse>
				<verse number="11">啲欲到 埃及 的時， 亞伯蘭 對伊的某 莎萊 講：「我知你是生做真媠的婦仁人；</verse>
				<verse number="12">埃及 人若看著你，會講：『此個是伊的某。』𪜶會給我刣死，互你活啲。</verse>
				<verse number="13">拜託你講你是我的小妹，互我通因為按呢平安無事，免互人刣死。」</verse>
				<verse number="14">亞伯蘭 到 埃及 的時， 埃及 人看著彼個婦仁人有夠媠。</verse>
				<verse number="15">法老的人臣看著伊，就佇法老的面前謳咾伊的媠。彼個婦仁人就互人帶入去法老的王宮。</verse>
				<verse number="16">法老因為此個婦仁人好款待 亞伯蘭 ； 亞伯蘭 就得著牛、羊、公的驢、母的驢、駱駝，以及僕人及女婢。</verse>
				<verse number="17">上主因為 亞伯蘭 的某 莎萊 的緣故，降大災禍佇法老及伊的全家。</verse>
				<verse number="18">法老就叫 亞伯蘭 來，講：「你哪對我做此款代誌？無給我講伊是你的某？</verse>
				<verse number="19">是按怎你講伊是你的小妹，煞害我給伊娶來做某？今你的某佇遮，導轉去。」</verse>
				<verse number="20">法老就命令部下送 亞伯蘭 、伊的某，及伊一切所有的離開。</verse>
			</chapter>
			<chapter number="13">
				<verse number="1">亞伯蘭 導伊的某及伊所有的，對 埃及 去 尼革夫 ， 羅得 嘛做夥去。</verse>
				<verse number="2">亞伯蘭 的牲生、金、銀真多。</verse>
				<verse number="3">伊對 尼革夫 漸漸向 伯特利 遷徙，到 伯特利 及 艾 的中間，就是伊以前搭布棚，</verse>
				<verse number="4">起祭壇的所在。 亞伯蘭 佇遐求叫上主的名。</verse>
				<verse number="5">及 亞伯蘭 做夥去的 羅得 嘛有牛群、羊群、布棚，</verse>
				<verse number="6">致到彼個地區無夠通互𪜶做夥徛起；因為𪜶的財物真多，𣍐當做夥徛起。</verse>
				<verse number="7">亞伯蘭 的牧者及 羅得 的牧者常常冤家。當時 迦南 人及 比利洗 人住佇彼個地區。</verse>
				<verse number="8">亞伯蘭 給 羅得 講：「咱毋通冤家，你的牧者及我的牧者嘛毋通冤家，因為咱是一家人。</verse>
				<verse number="9">全地攏佇你的目睭前，請你離開我；你若去倒旁，我就去正旁；你若去正旁，我就去倒旁。」</verse>
				<verse number="10">羅得 攑頭看 約旦河 向 瑣珥 方向一片的平原，水源充足，彼個地佇上主毀滅 所多瑪 及 蛾摩拉 以前，親像上主的園 ，親像 埃及 的地。</verse>
				<verse number="11">羅得 就揀 約旦河 彼片平原，遷徙去東旁；𪜶兩家就分開。</verse>
				<verse number="12">亞伯蘭 住佇 迦南 地； 羅得 住佇平原諸個城，漸漸遷徙去到 所多瑪 。</verse>
				<verse number="13">所多瑪 人非常邪惡，大大得罪上主。</verse>
				<verse number="14">羅得 離開了後，上主對 亞伯蘭 講：「你攑頭，對你徛的所在向東西南北看。</verse>
				<verse number="15">你所看著一切的地，我欲永遠賜互你及你的後代。</verse>
				<verse number="16">我嘛欲互你的後代親像地上的土沙赫多；人若會當算地上的土沙，才會當算你的後代。</verse>
				<verse number="17">你起來行透此個地逐所在，我欲將此個地賜互你。」</verse>
				<verse number="18">亞伯蘭 就遷徙去 希伯崙 ，到倚近 幔利 許個橡樹的所在徛起；佇遐伊為著上主起一座祭壇。</verse>
			</chapter>
			<chapter number="14">
				<verse number="1">佇 暗拉非 做 示拿 王， 亞略 做 以拉撒 王， 基大老瑪 做 以攔 王， 提達 做 戈印 王的時，</verse>
				<verse number="2">𪜶聯合來攻打 所多瑪 王 比拉 、 蛾摩拉 王 比沙 、 押瑪 王 示納 、 洗扁 王 善以別 ，以及 比拉 王 (比拉 就是 瑣珥)。</verse>
				<verse number="3">彼四個王攏來 西訂 山谷會合； 西訂 山谷就是現在的 鹽海 。</verse>
				<verse number="4">𪜶互 基大老瑪 統治十二年久；到第十三年背叛。</verse>
				<verse number="5">第十四年， 基大老瑪 導許個及伊結盟的王，到 亞斯他錄‧加寧 刣贏 利乏音 人，佇 哈麥 刣贏 蘇西 人，佇 基列亭 平原刣贏 以米 人，</verse>
				<verse number="6">佇 以東 山區刣贏 何利 人，一直到倚近曠野的 伊勒‧巴蘭 。</verse>
				<verse number="7">𪜶倒轉到 隱‧密巴 ，就是 加低斯 ，攻打 亞瑪力 全地區，及住佇 哈洗遜‧他瑪 的 亞摩利 人。</verse>
				<verse number="8">對按呢， 所多瑪 王、 蛾摩拉 王、 押瑪 王、 洗扁 王、 比拉 王 (比拉 就是 瑣珥)，攏來 西訂 山谷排陣，欲及𪜶交戰，</verse>
				<verse number="9">就是及 以攔 王 基大老瑪 、 戈印 王 提達 、 示拿 王 暗拉非 、 以拉撒 王 亞略 交戰；四個王對抗五個王。</verse>
				<verse number="10">西訂 山谷有真多打馬膠坑； 所多瑪 及 蛾摩拉 此兩個城的王逃走，跋落去彼內面；其他的人逃走去山頂。</verse>
				<verse number="11">彼四個王將 所多瑪 及 蛾摩拉 的財物以及糧食攏搶走，做𪜶去。</verse>
				<verse number="12">閣將 亞伯蘭 的侄仔 羅得 及伊的財物攏搶去；彼時 羅得 住佇 所多瑪 。</verse>
				<verse number="13">有一個逃走的人來給 希伯來 人 亞伯蘭 報告此個消息。彼時， 亞伯蘭 住佇 亞摩利 人 幔利 的橡樹遐； 幔利 、 以實各 ，及 亞乃 攏是親族，有及 亞伯蘭 結盟。</verse>
				<verse number="14">亞伯蘭 聽著伊的侄仔互人掠去，就導許個佇𪜶兜出世，受訓練的壯丁三百十八人，追趇彼四個王到 但 。</verse>
				<verse number="15">到暗時，伊及伊的僕人分隊攻擊對敵，給𪜶趇到 大馬士革 北旁的 何巴 。</verse>
				<verse number="16">伊將所有互𪜶搶去的財物搶倒轉，嘛將伊的侄仔 羅得 及 羅得 的財物、婦女，以及其他受掠的人攏搶轉來。</verse>
				<verse number="17">亞伯蘭 刣贏 基大老瑪 以及及伊結盟的王倒來的時， 所多瑪 王來 沙微 山谷迎接伊； 沙微 山谷就是 王的山谷 。</verse>
				<verse number="18">至高上帝的祭司 撒冷 王 麥基洗德 嘛帶餅及酒來，</verse>
				<verse number="19">給 亞伯蘭 祝福，講： 願創造天地、至高的上帝賜福互 亞伯蘭 ！</verse>
				<verse number="20">願互 亞伯蘭 刣贏對敵的至高上帝得著稱讚！ 亞伯蘭 將攏總所得著的的十分一送互 麥基洗德 。</verse>
				<verse number="21">所多瑪 王給 亞伯蘭 講：「人交互我，財物攏互你。」</verse>
				<verse number="22">亞伯蘭 給 所多瑪 王講：「我指上主 — 創造天地、至高的上帝咒誓，</verse>
				<verse number="23">你所有的物，連一條線、一條鞋帶我攏毋提，才免你講：『我互 亞伯蘭 好額。』</verse>
				<verse number="24">毋拘，壯丁的糧食你著補我；及我做夥去的 亞乃 、 以實各 、 幔利 應得的份，著出在𪜶提。」</verse>
			</chapter>
			<chapter number="15">
				<verse number="1">諸個代誌以後，上主佇異象中對 亞伯蘭 講：「 亞伯蘭 ，毋免驚！我是你的保護者，我會互你豐富的報賞。」</verse>
				<verse number="2">亞伯蘭 講：「至高的上主，你欲互我什麼？我一直無子；欲繼承我的財產的，是 大馬士革 人 以利以謝 。」</verse>
				<verse number="3">亞伯蘭 閣講：「你無互我後嗣；出世佇我家內的僕人會繼承我的財產。」</verse>
				<verse number="4">上主對伊講：「你的繼承人毋是此個人；你親生的，才是你的後嗣。」</verse>
				<verse number="5">上主就導伊出去外面，講：「你看天，算許個星。你豈算會了？你的後代嘛會親像按呢。」</verse>
				<verse number="6">亞伯蘭 信上主，上主就給伊算做義。</verse>
				<verse number="7">上主閣對伊講：「我是上主。我導你離開 巴比倫 的 吾珥 城，是欲將此個地賜你做產業。」</verse>
				<verse number="8">亞伯蘭 講：「至高的上主，我欲按怎知會得著此個地做產業？」</verse>
				<verse number="9">上主給伊講：「你去掠一隻三歲的牛母、一隻三歲的山羊母、一隻三歲的綿羊、一隻斑鴿、一隻粉鳥仔子來。」</verse>
				<verse number="10">伊就去掠許個動物來，逐隻對中央破做兩旁，兩旁排相對；只有鳥仔無破開。</verse>
				<verse number="11">有禿頭鷹飛落來停佇牲生屍體的頂面， 亞伯蘭 給𪜶趕走。</verse>
				<verse number="12">日欲落的時， 亞伯蘭 睏重眠；忽然有互人驚惶的大烏暗罩倚。</verse>
				<verse number="13">上主對 亞伯蘭 講：「你一定著知，你的後代會寄居佇別人的地，做遐的人的奴隸，受苦四百年。</verse>
				<verse number="14">欺壓𪜶的國家，我會給伊審判；後來𪜶會帶真多財物對遐出來。</verse>
				<verse number="15">你會食長歲壽，互人安葬，平平安安轉去恁祖先遐。</verse>
				<verse number="16">到第四代，𪜶會倒來遮，因為 亞摩利 族的罪猶未貫滿。」</verse>
				<verse number="17">日落天暗，忽然有出煙的爐，及啲𤏸的火把，對許個破旁的肉的中間經過。</verse>
				<verse number="18">彼日上主及 亞伯蘭 立約，講：「我欲將對 埃及 的邊界到 幼發拉底河 此個地賜互你的後代，</verse>
				<verse number="19">就是將 基尼 人、 基尼洗 人、 甲摩尼 人、</verse>
				<verse number="20">赫 人、 比利洗 人、 利乏音 人、</verse>
				<verse number="21">亞摩利 人、 迦南 人、 革迦撒 人、 耶布斯 人𪜶的地賜互你的後代。」</verse>
			</chapter>
			<chapter number="16">
				<verse number="1">亞伯蘭 的某 莎萊 無生子；伊有一個女婢 夏甲 是 埃及 人。</verse>
				<verse number="2">莎萊 給 亞伯蘭 講：「上主互我𣍐生。請你及我的女婢同房，豈採我會當對伊得著一個後生。」 亞伯蘭 聽趁 莎萊 的話。</verse>
				<verse number="3">亞伯蘭 的某 莎萊 就將伊的女婢 埃及 人 夏甲 互伊的丈夫 亞伯蘭 做某；彼時 亞伯蘭 已經住佇 迦南 地十年。</verse>
				<verse number="4">伊及 夏甲 同房， 夏甲 就懷孕。 夏甲 知家己有身，就看輕女主人。</verse>
				<verse number="5">莎萊 給 亞伯蘭 講：「我受委屈攏是你害的。我將我的女婢送互你做某；伊一下知家己有身，就看輕我。願上主佇你我的中間主持公道。」</verse>
				<verse number="6">亞伯蘭 對 莎萊 講：「伊是你的女婢，你會當照你的意思對待伊。」 莎萊 給伊苦毒，伊就逃走離開 莎萊 。</verse>
				<verse number="7">上主的使者佇曠野的水泉邊抵著 夏甲 ；彼個水泉是佇欲去 書珥 的路中。</verse>
				<verse number="8">上主的使者對伊講：「 莎萊 的女婢 夏甲 ，你對叨位來，欲去叨位？」 伊講：「我對我的女主人 莎萊 遐逃走出來。」</verse>
				<verse number="9">上主的使者對伊講：「你著轉去你的女主人遐，順服伊。」</verse>
				<verse number="10">上主的使者閣對伊講：「我欲互你的後代多甲𣍐算得。」</verse>
				<verse number="11">上主的使者閣對伊講： 今你懷孕，欲生一個子； 著給伊號名叫做 以實瑪利 ， 因為上主聽著你的苦情。</verse>
				<verse number="12">伊會親像野驢； 伊欲攻擊人， 人嘛欲攻擊伊； 伊欲及伊的兄弟做對頭。</verse>
				<verse number="13">夏甲 就稱呼彼位對伊講話的上主做「看顧的上帝」；伊講：「我看見上帝，我竟然猶活啲！」</verse>
				<verse number="14">所以此個井就叫做 比珥‧拉海‧萊 ；此個井佇 加低斯 及 巴列 的中間。</verse>
				<verse number="15">後來， 夏甲 給 亞伯蘭 生一個後生， 亞伯蘭 給伊號名叫做 以實瑪利 。</verse>
				<verse number="16">夏甲 給 亞伯蘭 生 以實瑪利 的時， 亞伯蘭 八十六歲。</verse>
			</chapter>
			<chapter number="17">
				<verse number="1">亞伯蘭 九十九歲的時，上主對伊顯現，給伊講：「我是全能的上帝，你佇我的面前行做著完全。</verse>
				<verse number="2">我欲及你立約，欲互你的後代加添極其多。」</verse>
				<verse number="3">亞伯蘭 仆佇土腳；上帝閣對伊講：</verse>
				<verse number="4">「我及你立的約是按呢： 你欲做真多邦國的老父。</verse>
				<verse number="5">對今以後，你的名無閣叫做 亞伯蘭 ， 欲叫做 亞伯拉罕 ， 因為我欲互你做真多國的老父。</verse>
				<verse number="6">我欲互你的後代加添極其多，建立真多國，出真多君王。</verse>
				<verse number="7">「我欲堅立我及你，以及你世世代代的子孫所立永遠的約，欲做你及你的後代的上帝。</verse>
				<verse number="8">我欲將你現在寄居的 迦南 全地，賞賜你及你的後代做永遠的產業；我嘛欲做𪜶的上帝。」</verse>
				<verse number="9">上帝閣對 亞伯拉罕 講：「你及你的子孫世世代代著遵守我的約。</verse>
				<verse number="10">恁中間所有的查甫人攏著受割禮；這就是我及你以及你的子孫所立的約，恁一定著遵守。</verse>
				<verse number="11">恁著割恁的包皮；這欲做我及恁立約的記號。</verse>
				<verse number="12">恁逐世代的查甫嬰，無論家己生的，抑是對外族人買來的，出世第八日，攏著受割禮。</verse>
				<verse number="13">你家內生的及用銀買的，攏一定著受割禮；按呢我及恁所立永遠的約就佇恁的身上做記號。</verse>
				<verse number="14">無受割禮的查甫人，一定著對我的子民的中間革出，因為伊無割包皮，違背我的約。」</verse>
				<verse number="15">上帝閣對 亞伯拉罕 講：「你毋通閣叫你的某做 莎萊 ，著叫伊做 莎拉 。</verse>
				<verse number="16">我欲賜福伊，互你對伊得著一個子；我欲賜福伊，互伊做真多國的老母，出真多君王。」</verse>
				<verse number="17">亞伯拉罕 仆佇土腳啲笑，心內想：「一百歲的人豈會生子？ 莎拉 已經九十歲，哪猶會生？」</verse>
				<verse number="18">亞伯拉罕 對上帝講：「互 以實瑪利 做我的繼承人就好。」</verse>
				<verse number="19">上帝講：「毋是按呢，你的某 莎拉 欲給你生一個子，你著給伊號名叫做 以撒 ；我欲堅立我及伊以及伊的子孫所立永遠的約。</verse>
				<verse number="20">關係 以實瑪利 ，我嘛聽你的祈求。我欲賜福伊，我會互伊興旺，加添極其多。伊會生十二個族長，我嘛欲互伊成做大國。</verse>
				<verse number="21">到明年此個時， 莎拉 會給你生 以撒 ；我欲及伊立約。」</verse>
				<verse number="22">上帝及 亞伯拉罕 講煞，就離開伊上去。</verse>
				<verse number="23">抵抵彼日， 亞伯拉罕 照上帝講的話，給伊的子 以實瑪利 及家內所有的查甫人，無論是家內生的抑是買來的，攏給𪜶行割禮。</verse>
				<verse number="24">亞伯拉罕 受割禮的時九十九歲；</verse>
				<verse number="25">伊的子 以實瑪利 受割禮的時十三歲。</verse>
				<verse number="26">抵抵彼日， 亞伯拉罕 及伊的子 以實瑪利 做夥受割禮。</verse>
				<verse number="27">所有的查甫人，無論是家內生的，抑是對外族人買的，攏及伊做夥受割禮。</verse>
			</chapter>
			<chapter number="18">
				<verse number="1">上主佇 幔利 的橡樹遐對 亞伯拉罕 顯現；彼時日當熱， 亞伯拉罕 坐佇布棚入口。</verse>
				<verse number="2">亞伯拉罕 攑頭注意看，看著三個人佇對面啲徛。伊一下看著，就對布棚口走去迎接𪜶，</verse>
				<verse number="3">仆佇土腳對𪜶講：「我的主，若無棄嫌，請𫢶遮小歇一下。</verse>
				<verse number="4">請𫢶樹仔腳歇睏，等我提一寡水互恁洗腳，</verse>
				<verse number="5">提淡薄餅互恁加添元氣，後來才閣繼續行。恁既然來到僕人遮，請接受我的款待。」 𪜶講：「照你講的去做。」</verse>
				<verse number="6">亞伯拉罕 趕緊入去布棚，給 莎拉 講：「你趕緊撋三斗幼麵粉，做餅。」</verse>
				<verse number="7">亞伯拉罕 閣走去牛群遐，牽一隻茈閣好的牛仔子，交互少年僕人趕緊去準備。</verse>
				<verse number="8">亞伯拉罕 閣提起司、牛奶，及料理好的牛仔子來，排佇此三個人的面前；家己佇樹腳給𪜶侍候，𪜶就食。</verse>
				<verse number="9">𪜶問伊：「你的某 莎拉 佇叨位？」 伊講：「佇布棚內。」</verse>
				<verse number="10">𪜶中間的一個講：「明年此個時陣我一定會閣來你遮；你的某 莎拉 會生一個後生。」 莎拉 佇彼個人後面的布棚口有聽著諸個話。</verse>
				<verse number="11">亞伯拉罕 及 莎拉 已經老； 莎拉 已經無月經。</verse>
				<verse number="12">莎拉 心內笑講：「我已經衰荏，我的主人嘛老啦，豈猶有此款歡喜的代誌？」</verse>
				<verse number="13">上主對 亞伯拉罕 講：「 莎拉 是按怎偷偷仔笑講：『我已經老，豈有影會生子？』</verse>
				<verse number="14">上主豈有𣍐當做的代誌？到明年此個時，我會閣來你遮， 莎拉 會生一個子。」</verse>
				<verse number="15">莎拉 驚，毋敢承認，講：「我無笑。」 彼個人講：「有，你真正有笑。」</verse>
				<verse number="16">彼三個人對遐出發去 所多瑪 ； 亞伯拉罕 及𪜶做夥行，欲送𪜶一站。</verse>
				<verse number="17">上主講：「我欲做的代誌，豈無欲互 亞伯拉罕 知？</verse>
				<verse number="18">亞伯拉罕 一定會成做大閣強的國家；地上萬國欲因為伊得著福氣 。</verse>
				<verse number="19">我揀選伊，是欲互伊命令伊的子孫及將來的家屬，著遵守上主的教示，秉公行義，通互上主對 亞伯拉罕 的應允攏實現。」</verse>
				<verse number="20">上主講：「 所多瑪 及 蛾摩拉 罪大惡極，控告𪜶的聲真大。</verse>
				<verse number="21">今我欲落去，看𪜶的所做是毋是親像我所聽著的按呢；若毋是按呢，我嘛會知。」</verse>
				<verse number="22">中間兩個人對遐越轉身去 所多瑪 ； 亞伯拉罕 猶徛佇上主的面前。</verse>
				<verse number="23">亞伯拉罕 行進前講：「義人及歹人，你攏欲做夥剿滅是無？</verse>
				<verse number="24">城內若有五十個義人，你猶原欲剿滅此個城是無？無欲為著城內此五十個義人赦免𪜶是無？</verse>
				<verse number="25">你絕對𣍐做此款代誌，將義人及歹人做一下刣死，煞互義人及歹人攏像款。你絕對𣍐。審判全地的主豈毋是著照公義審判？」</verse>
				<verse number="26">上主講：「我若佇 所多瑪 城內尋會著五十個義人，我就為著𪜶的緣故寬赦此個城。」</verse>
				<verse number="27">亞伯拉罕 閣講：「我不過是火灰土粉，毋拘請容允我對我的主講話。</verse>
				<verse number="28">此五十個義人若減五個，你豈欲因為差五個，猶原欲剿滅全城？」 上主講：「我若佇遐尋有四十五個，嘛𣍐給伊剿滅。」</verse>
				<verse number="29">亞伯拉罕 閣對伊講：「佇遐若尋有四十個咧？」 伊講：「為著此四十個的緣故，我嘛𣍐做此個代誌。」</verse>
				<verse number="30">亞伯拉罕 閣講：「求主毋通受氣。我欲閣講，佇遐若尋有三十個咧？」 伊講：「佇遐若尋有三十個，我嘛𣍐做此個代誌。」</verse>
				<verse number="31">亞伯拉罕 講：「請容允我對我的主講，佇遐若尋有二十個咧？」 伊講：「為著此二十個的緣故，我嘛無欲給𪜶剿滅。」</verse>
				<verse number="32">亞伯拉罕 閣講：「我的主啊，請毋通受氣，我閣講最後一遍，佇遐若尋有十個咧？」 伊講：「為著此十個的緣故，我嘛無欲給𪜶剿滅。」</verse>
				<verse number="33">上主及 亞伯拉罕 講煞，就離開。 亞伯拉罕 嘛倒去伊的所在。</verse>
			</chapter>
			<chapter number="19">
				<verse number="1">黃昏的時，彼兩個使者來到 所多瑪 ； 羅得 坐佇 所多瑪 的城門口。 羅得 看著𪜶，就起來迎接，仆佇土腳，</verse>
				<verse number="2">講：「我的主，請斡來僕人的厝歇暝，洗腳；明仔載較早起來，才閣繼續行。」 𪜶講：「毋免。阮欲𫢶城門口的廣場過暝。」</verse>
				<verse number="3">羅得 堅決給𪜶邀請，𪜶才越轉身入去伊的厝。 羅得 為著𪜶準備腥臊，烘無酵餅，𪜶就食。</verse>
				<verse number="4">𪜶猶未去睏，城內所有的 所多瑪 人，對老到少年，來圍 羅得 的厝，</verse>
				<verse number="5">給伊喝講：「下昏暗來恁遮的人佇叨位？叫𪜶出來，阮欲及𪜶交合。」</verse>
				<verse number="6">羅得 出來門外，將門關啲，去眾人遐，</verse>
				<verse number="7">對𪜶講：「朋友啊，請恁做此款歹代誌。</verse>
				<verse number="8">我有兩個查某子，猶是在室女；我導𪜶出來，出在恁對待𪜶。毋拘此兩個人，𪜶是我的人客，請恁毋通對𪜶做此款代誌。」</verse>
				<verse number="9">許個人講：「你閃開。」閣講：「你此個外族人來住阮遮，煞欲做阮的審判官！今阮欲害你比害𪜶閣較慘。」𪜶就向 羅得 衝去，欲挵開門。</verse>
				<verse number="10">毋拘彼兩個人給 羅得 扭入去，將門關起來；</verse>
				<verse number="11">閣互門外的人，對大到細，目睭霧，看𣍐著，尋無門。</verse>
				<verse number="12">彼兩個人對 羅得 講：「你佇遮猶有什麼人？無論是後生、查某子、子婿，以及城內所有的親族，你著導𪜶離開此個所在。</verse>
				<verse number="13">阮欲剿滅此個城，因為控告𪜶的聲真大，上主有聽著；伊差阮來剿滅此個城。」</verse>
				<verse number="14">羅得 出去，對伊的子婿講：「恁趕緊離開遮，因為上主欲剿滅此個城。」伊的子婿掠做伊是啲講笑。</verse>
				<verse number="15">天光早，上主的使者催迫 羅得 ，講：「起來，趕緊導你的某及兩個查某子出去，才免因為此個城的罪惡受剿滅。」</verse>
				<verse number="16">羅得 躊躇；彼兩個人因為上主憐憫 羅得 ，就牽伊、伊的某，及伊兩個查某子的手，將𪜶導出去城外。</verse>
				<verse number="17">導𪜶出去了，其中一個使者給 羅得 講：「趕緊逃命！毋通越頭，嘛毋通住佇平原；著走去山裡，才免受消滅。」</verse>
				<verse number="18">羅得 講：「我的主，毋通按呢。</verse>
				<verse number="19">你的僕人已經對你得著恩典，你嘛對我顯出極大的仁慈，救我的性命；我走𣍐到山裡，驚了猶未走到遐，災禍就臨到我，我就無命。</verse>
				<verse number="20">看咧，無偌遠的所在有一個小城，我走會到；請互我走去彼個小所在，保全我的性命。」</verse>
				<verse number="21">使者對伊講：「我答應你；彼個城我𣍐給伊毀滅。</verse>
				<verse number="22">緊走！你猶未到遐，我𣍐當動手。」 因為按呢，彼個城叫做 瑣珥 。</verse>
				<verse number="23">羅得 走到 瑣珥 的時，日頭已經出。</verse>
				<verse number="24">彼時，上主將硫磺及火，對天頂上主遐降落佇 所多瑪 及 蛾摩拉 ，</verse>
				<verse number="25">將許個城、歸個平原、城內所有的住民，以及地上生長的物攏毀滅。</verse>
				<verse number="26">羅得 的某佇後面，一下越頭看，就變做一支鹽柱。</verse>
				<verse number="27">亞伯拉罕 隔日透早起來，到伊以前徛佇上主面前的所在，</verse>
				<verse number="28">向 所多瑪 、 蛾摩拉 ，及平原的方向看，看著彼所在火煙淐高，親像火爐的煙。</verse>
				<verse number="29">上帝消滅平原諸個城，毀滅 羅得 徛起的城的時，伊帶念 亞伯拉罕 ，救 羅得 脫離死亡。</verse>
				<verse number="30">羅得 毋敢住佇 瑣珥 ，就及伊兩個查某子徙去山裡，住佇山洞。</verse>
				<verse number="31">大查某子對小妹講：「咱老父老啦，此所在閣無查甫人通照禮俗及咱結合。</verse>
				<verse number="32">咱著互老父飲酒，及伊做夥睏，通對伊得著囝仔。」</verse>
				<verse number="33">彼暝𪜶互𪜶的老父飲酒；大查某子就入去及伊做夥睏；大查某子什麼時去睏，什麼時起來，老父攏毋知。</verse>
				<verse number="34">隔日，大查某子給小妹講：「我昨暝及老父做夥睏；今暝咱閣互伊飲酒，你通入去及伊做夥睏。按呢，咱通對老父得著後代。」</verse>
				<verse number="35">彼暝，𪜶閣互老父飲酒，細漢查某子入去及老父睏；查某子什麼時去睏，什麼時起來，老父嘛攏毋知。</verse>
				<verse number="36">按呢， 羅得 兩個查某子攏對𪜶的老父懷孕。</verse>
				<verse number="37">大的生子，給伊號名 摩押 ，就是現今 摩押 人的祖先。</verse>
				<verse number="38">細的嘛生子，給伊號名 便‧阿米 ，就是現今 亞捫 人的祖先。</verse>
			</chapter>
			<chapter number="20">
				<verse number="1">亞伯拉罕 對遐漸漸徙去 尼革夫 ，寄居佇 加低斯 及 書珥 中間的 基拉耳 。</verse>
				<verse number="2">亞伯拉罕 講到伊的某 莎拉 的時，攏講「伊是我的小妹」。 基拉耳 王 亞比米勒 派人將 莎拉 導去。</verse>
				<verse number="3">暝時，佇眠夢中，上帝來給 亞比米勒 講：「你該死！你導來彼個婦仁人是別人的某。」</verse>
				<verse number="4">亞比米勒 猶未親近 莎拉 ，就講：「主啊，無辜的人民你嘛欲消滅噢？</verse>
				<verse number="5">彼個人豈毋是家己講『伊是我的小妹』？彼個婦仁人嘛講『伊是我的兄哥』。我做此個代誌，是心端正，手清氣。」</verse>
				<verse number="6">上帝佇 亞比米勒 的眠夢中對伊講：「我知影你做此個事心端正，所以我阻擋你，才免你得罪我；我不准你摸著伊。</verse>
				<verse number="7">今，你著將此個人的某還伊。伊是先知，會替你祈禱，互你活啲。你若毋還伊，你著知，你及你所有的人一定會死。」</verse>
				<verse number="8">亞比米勒 透早起來，召集所有的人臣，將諸個代誌講互𪜶聽；許個人臣攏真驚惶。</verse>
				<verse number="9">亞比米勒 叫 亞伯拉罕 來，對伊講：「你哪對阮做此款代誌？我叨位得罪你？你竟然互我及我的人民陷落重罪。你無應該對我做此款代誌。」</verse>
				<verse number="10">亞比米勒 閣對 亞伯拉罕 講：「你是按怎欲做此個代誌？」</verse>
				<verse number="11">亞伯拉罕 應講：「我想講此所在的人攏無啲驚上帝，會因為我的某的緣故給我刣死；</verse>
				<verse number="12">閣伊實在是我的小妹，仝父無仝母，後來做我的某。</verse>
				<verse number="13">當上帝叫我離開老父的家，四界飄流的時，我給我的某講：『以後咱無論去叨位，你著給人講，我是你的兄哥。這是你互我的恩情。』」</verse>
				<verse number="14">亞比米勒 將牛、羊、僕人、女婢送互 亞伯拉罕 ，閣將伊的某 莎拉 還伊。</verse>
				<verse number="15">亞比米勒 閣講：「我的地攏佇你的面前，你愛住叨位就通住佇遐。」</verse>
				<verse number="16">伊閣給 莎拉 講：「我有互你的兄哥一千塊銀，做我對恁全家的補償，證實你是清白。」</verse>
				<verse number="17">亞伯拉罕 向上帝祈禱，上帝就醫好 亞比米勒 、伊的某及女婢，𪜶就會生子。</verse>
				<verse number="18">因為上主為著 亞伯拉罕 的某 莎拉 的緣故，已經互 亞比米勒 家內的婦仁人𣍐生育。</verse>
			</chapter>
			<chapter number="21">
				<verse number="1">上主照伊以前所講的話眷顧 莎拉 ，實現伊對 莎拉 的應允。</verse>
				<verse number="2">亞伯拉罕 年老，到上帝對伊講的日期， 莎拉 懷孕，給伊生一個後生。</verse>
				<verse number="3">亞伯拉罕 給 莎拉 為伊生的子號名叫做 以撒 。</verse>
				<verse number="4">以撒 出世第八日， 亞伯拉罕 照上帝的命令，給 以撒 行割禮。</verse>
				<verse number="5">以撒 出世的時， 亞伯拉罕 抵抵一百歲。</verse>
				<verse number="6">莎拉 講：「上帝互我歡喜笑；所有聽著我生子的人，嘛會及我做夥笑。」</verse>
				<verse number="7">閣講：「啥人會當事先給 亞伯拉罕 講『 莎拉 會互囝仔食奶』？毋拘佇 亞伯拉罕 年老的時，我給伊生一個子。」</verse>
				<verse number="8">囝仔漸漸大漢，就斷奶。 以撒 斷奶彼日， 亞伯拉罕 辦桌請人客。</verse>
				<verse number="9">有一日， 莎拉 看著 埃及 人 夏甲 的子 以實瑪利 啲給伊的子 以撒 滾笑 ，</verse>
				<verse number="10">就對 亞伯拉罕 講：「著給此個女婢及伊的子趕出去；因為女婢的子𣍐當及我的子 以撒 做夥繼承家業。」</verse>
				<verse number="11">此項代誌互 亞伯拉罕 非常苦惱，因為 以實瑪利 嘛是伊的子。</verse>
				<verse number="12">上帝給 亞伯拉罕 講：「你毋通為著 以實瑪利 及你的女婢 夏甲 苦惱。 莎拉 對你講的話，你著聽，因為對 以撒 生的，才欲稱做你的後代。</verse>
				<verse number="13">講著你的女婢的子 以實瑪利 ，我嘛欲互伊成做一國，因為伊嘛是你生的。」</verse>
				<verse number="14">亞伯拉罕 透早起來，提餅及一皮袋的水互 夏甲 ，下佇伊的肩頭頂，叫伊及囝仔攏出去。 夏甲 就出去，到 別是巴 的曠野煞迷路。</verse>
				<verse number="15">皮袋內的水飲了， 夏甲 就將囝仔放佇細欉樹腳。</verse>
				<verse number="16">伊家己行離開，大約有射一支箭的遠，及囝仔相對面坐啲。伊講：「我毋甘看囝仔死。」伊坐佇囝仔的對面，出聲大啼哭。</verse>
				<verse number="17">上帝聽著囝仔的聲；上帝的使者對天叫 夏甲 ，講：「 夏甲 ，你是按怎咧？毋免驚！上帝已經聽著囝仔啲哮的聲。</verse>
				<verse number="18">起來，嘛給你的囝仔抱起來；我欲互伊成做大國。」</verse>
				<verse number="19">上帝開 夏甲 的目睭，伊就看著水井。 夏甲 去到井邊，將皮袋入水入到滿，閣互囝仔飲。</verse>
				<verse number="20">上帝及囝仔同在；伊漸漸大漢，住佇曠野，成做真𠢕射箭的人。</verse>
				<verse number="21">伊住佇 巴蘭 的曠野；伊的老母對 埃及 給伊娶一個某。</verse>
				<verse number="22">彼時， 亞比米勒 及伊的軍長 非各 來給 亞伯拉罕 講：「你無論做什麼，上帝攏給你祝福。</verse>
				<verse number="23">你現在著指上帝對我咒誓，毋通欺負我、我的子，及我的後代；我按怎好款待你，你嘛著按呢好款待我，以及你所寄居此個地。」</verse>
				<verse number="24">亞伯拉罕 講：「好，我咒誓。」</verse>
				<verse number="25">以前 亞比米勒 的僕人曾霸佔一口水井， 亞伯拉罕 為著此個代誌責備 亞比米勒 。</verse>
				<verse number="26">亞比米勒 講：「啥人做此個代誌，我毋知；你嘛毋曾給我講，今仔日我才知。」</verse>
				<verse number="27">亞伯拉罕 就將牛及羊送互 亞比米勒 ；兩個人就立約。</verse>
				<verse number="28">亞伯拉罕 閣將七隻母的羊羔另外圍佇別個所在。</verse>
				<verse number="29">亞比米勒 問 亞伯拉罕 講：「你將七隻母的羊羔另外圍啲，是什麼意思？」</verse>
				<verse number="30">亞伯拉罕 應講：「你著接受我此七隻母的羊羔，證實此口井是我挖的。」</verse>
				<verse number="31">所以彼個所在叫做 別是巴 ，因為𪜶兩個人佇遐立約。</verse>
				<verse number="32">𪜶佇 別是巴 立約； 亞比米勒 就及伊的軍長 非各 轉去 非利士 地。</verse>
				<verse number="33">亞伯拉罕 佇 別是巴 栽一欉柳樹，閣佇遐求叫上主 — 永活上帝的名。</verse>
				<verse number="34">亞伯拉罕 佇 非利士 人的地寄居真久。</verse>
			</chapter>
			<chapter number="22">
				<verse number="1">諸個代誌了後，上帝考驗 亞伯拉罕 ，叫伊講：「 亞伯拉罕 。」伊應講：「我佇遮。」</verse>
				<verse number="2">上帝講：「你導你獨一的子，你所疼的 以撒 ，去 摩利亞 地區，佇我欲指示你的一座山將伊獻做燒化祭。」</verse>
				<verse number="3">隔日透早， 亞伯拉罕 給驢仔縛鞍，導兩個僕人及伊的子 以撒 ，給燒化祭欲用的柴破好勢，出發去上帝指示伊的所在。</verse>
				<verse number="4">到第三日， 亞伯拉罕 攑頭看著遠遠彼個所在。</verse>
				<verse number="5">亞伯拉罕 對伊的僕人講：「恁及驢仔𫢶遮聽候，我及我的子去遐敬拜，後來會轉來恁遮。」</verse>
				<verse number="6">亞伯拉罕 將燒化祭的柴互伊的子 以撒 揹，家己手提刀及火種；然後兩個人做夥去。</verse>
				<verse number="7">以撒 給伊的老父 亞伯拉罕 講：「阿爸。」 伊講：「我的子，我佇遮。」 以撒 講：「火種及柴咱攏有，毋拘獻燒化祭的羊仔佇叨位？」</verse>
				<verse number="8">亞伯拉罕 講：「我的子，上帝會家己準備燒化祭的羊仔。」兩個人就閣做夥行。</verse>
				<verse number="9">𪜶到上帝指示伊的所在。 亞伯拉罕 佇遐起祭壇，將柴排佇祭壇頂。伊給伊的子 以撒 縛啲，下佇祭壇許個柴的頂面。</verse>
				<verse number="10">亞伯拉罕 就給刀攑起來，欲刣伊的子。</verse>
				<verse number="11">上主的使者對天頂叫伊講：「 亞伯拉罕 ！ 亞伯拉罕 ！」 伊應講：「我佇遮。」</verse>
				<verse number="12">使者講：「毋通下手，毋通傷害此個囝仔。今我知你敬畏上帝，𣍐將你獨一的子留啲，毋互我。」</verse>
				<verse number="13">亞伯拉罕 攑頭看，看著後面有一隻羊，角纏佇歸部的樹仔。 亞伯拉罕 就去給彼隻羊掠來，代替伊的子獻做燒化祭。</verse>
				<verse number="14">亞伯拉罕 給彼個所在號名做「上主以勒」；到今仔日人猶啲講：「佇上主的山伊會看顧 。」</verse>
				<verse number="15">上主的使者第二遍對天頂叫 亞伯拉罕 ，講：</verse>
				<verse number="16">「上主講：『你已經做此個代誌，無留你獨一的子毋互我，所以我立誓，</verse>
				<verse number="17">我一定欲加倍賜福你，互你的子孫人額加添真多，親像天頂的星、海邊的沙；你的後代欲佔領對敵的城。</verse>
				<verse number="18">地上萬國欲對你的後代得著福氣，因為你聽趁我的話。』」</verse>
				<verse number="19">亞伯拉罕 倒來伊的僕人遐，𪜶就做夥出發去 別是巴 。 亞伯拉罕 就住佇 別是巴 。</verse>
				<verse number="20">諸個代誌了後，有人給 亞伯拉罕 講：「 蜜迦 給你的小弟 拿鶴 生子：</verse>
				<verse number="21">大子 烏斯 、第二子 布斯 、 亞蘭 的老父 基慕利 、</verse>
				<verse number="22">基薛 、 哈瑣 、 必達 、 益拉 、</verse>
				<verse number="23">及 麗百加 的老父 彼土利 ；此八個攏是 蜜迦 給 亞伯拉罕 的小弟 拿鶴 生的。</verse>
				<verse number="24">拿鶴 的細姨 流瑪 生 提八 、 迦含 、 他轄 ，及 瑪迦 。」</verse>
			</chapter>
			<chapter number="23">
				<verse number="1">莎拉 一生享受一百二十七歲。</verse>
				<verse number="2">莎拉 死佇 迦南 地的 基列‧亞巴 ，就是 希伯崙 。 亞伯拉罕 為著伊哀傷啼哭。</verse>
				<verse number="3">亞伯拉罕 離開囥 莎拉 屍體的所在，去給 赫 人講：</verse>
				<verse number="4">「我是寄居佇恁遮的外族人，請恁互我一塊墓地，通安葬我的某。」</verse>
				<verse number="5">赫 人應 亞伯拉罕 ，講：</verse>
				<verse number="6">「先生，請聽：你佇阮遮是上尊貴的人物；出在你佇阮的墓地揀一塊上好的地，安葬你的某。阮無一個人會反對你佇阮的墓地安葬你的某。」</verse>
				<verse number="7">亞伯拉罕 起來，對彼所在的 赫 人仆佇土腳行禮，</verse>
				<verse number="8">對𪜶講：「恁若肯互我安葬我的某，就請替我請求 瑣轄 的子 以弗崙 ，</verse>
				<verse number="9">將伊土地尾溜的 麥比拉洞 賣互我；伊通照足額的價數賣我，互我佇恁中間有土地通做墓地。」</verse>
				<verse number="10">彼陣 以弗崙 及其他的 赫 人坐佇城門口；伊佇大家的面前應 亞伯拉罕 ，眾人攏有聽著。伊講：</verse>
				<verse number="11">「毋通按呢，先生，請聽我講。彼塊地我送你，連內面的洞穴嘛互你。我佇我同胞的面前送互你，互你埋葬你的某。」</verse>
				<verse number="12">亞伯拉罕 就仆佇土腳給當地的人行禮，</verse>
				<verse number="13">佇大家的面前應 以弗崙 ，眾人攏有聽著。伊講：「請聽我講。我欲給你買彼塊地，請你著給我收錢，互我通佇遐安葬我的某。」</verse>
				<verse number="14">以弗崙 應 亞伯拉罕 講：</verse>
				<verse number="15">「先生，請聽我講。彼塊地值四百塊銀，此個價數對咱兩個豈有算什麼？你通安葬你的某。」</verse>
				<verse number="16">亞伯拉罕 聽 以弗崙 的話，照伊佇 赫 人的面前所講的，將買賣通用的銀，算四百塊互 以弗崙 。</verse>
				<verse number="17">對彼時起， 以弗崙 佇 幔利 對面 麥比拉洞 彼塊地，包括彼坵園、彼內面的洞穴，及四圍所有的樹木攏歸屬 亞伯拉罕 。</verse>
				<verse number="18">佇城門口的 赫 人攏作證，彼塊地歸屬 亞伯拉罕 。</verse>
				<verse number="19">後來， 亞伯拉罕 將伊的某 莎拉 安葬佇 迦南 地 幔利 對面 麥比拉 田野的洞穴； 幔利 就是 希伯崙 。</verse>
				<verse number="20">對按呢，彼坵園及園裡的洞穴，對 赫 人移轉互 亞伯拉罕 做私人墓地。</verse>
			</chapter>
			<chapter number="24">
				<verse number="1">亞伯拉罕 年老，長歲壽；伊一生所做的事攏得著上主祝福。</verse>
				<verse number="2">亞伯拉罕 對伊資深的管家講：「請將你的手下佇我的大腿下 ，</verse>
				<verse number="3">你著指上主 — 天及地的上帝咒誓，毋通給我娶遮的 迦南 女子做新婦。</verse>
				<verse number="4">你著去我的本地本族，給我的子 以撒 娶一個某。」</verse>
				<verse number="5">彼個管家應講：「彼個查某囝仔若毋肯隨我來咱遮，我豈通將你的子導轉去你的故鄉？」</verse>
				<verse number="6">亞伯拉罕 給伊講：「你絕對毋通給我的子導倒去遐；</verse>
				<verse number="7">上主 — 天頂的上帝曾導我離開阮老父的家及本族的地，閣對我立誓應允，講：『我欲將此個地賞賜你的後代。』伊會差伊的使者給你引導，互你通對遐給我的子娶某。</verse>
				<verse number="8">彼個查某囝仔若毋肯隨你來，此個咒誓就及你無關係；毋拘千萬毋通給我的子導轉去遐。」</verse>
				<verse number="9">管家就將手下佇伊的主人 亞伯拉罕 的大腿下，為著此個代誌咒誓。</verse>
				<verse number="10">彼個管家對伊主人的駱駝選十隻，閣帶伊主人逐款的財寶，出發去 美索不達米亞 ，到 拿鶴 的城。</verse>
				<verse number="11">伊互駱駝跪佇城外的井邊；彼時抵抵黃昏，婦女出來汲水。</verse>
				<verse number="12">伊講：「上主 — 我的主人 亞伯拉罕 的上帝，求你施恩互我的主人 亞伯拉罕 ，互我今仔日有好機會。</verse>
				<verse number="13">我今徛佇井邊，城內的查某囝仔出來汲水；</verse>
				<verse number="14">我若對其中一個查某囝仔講『請放落你的水瓶，互我飲水』，伊若講『請飲，我嘛欲互你的駱駝飲』，願伊就是你所選欲互你的僕人 以撒 做某的查某囝仔；按呢，我就知你施恩互我的主人。」</verse>
				<verse number="15">話猶未講煞， 麗百加 肩頭頂下水瓶出來；伊是 彼土利 的查某子； 彼土利 是 亞伯拉罕 的小弟 拿鶴 的某 蜜迦 的子。</verse>
				<verse number="16">彼個查某囝仔面貌非常媠，是在室女，猶毋曾有查甫人及伊做夥睏。伊落去井邊，給水瓶貯滿就起來。</verse>
				<verse number="17">管家走去對伊講：「請你將瓶裡的水一屑仔互我飲。」</verse>
				<verse number="18">查某囝仔講：「先生，請飲。」伊就趕緊放落水瓶，靠佇手裡，互彼個管家飲。</verse>
				<verse number="19">互管家飲了，閣講：「我嘛欲互你的駱駝飲到飽。」</verse>
				<verse number="20">伊就趕緊將瓶內的水摒佇槽裡，閣走去井邊為駱駝汲水。</verse>
				<verse number="21">彼個管家注意給看，恬恬無講話，愛知上主是毋是會互伊的任務順利完成。</verse>
				<verse number="22">駱駝飲了，彼個人就提一個六公克的金鼻環、一對一百十四公克的金手環互此個查某囝仔，</verse>
				<verse number="23">對伊講：「請問，你是什麼人的查某子？恁老父的厝豈有所在互阮歇暝？」</verse>
				<verse number="24">麗百加 就給伊講：「我是 彼土利 的查某子；阮老父是 蜜迦 給 拿鶴 生的子。</verse>
				<verse number="25">阮有充足的草料米糧，嘛有所在通互恁歇暝。」</verse>
				<verse number="26">彼個管家就跪落去敬拜上主，講：</verse>
				<verse number="27">「我欲稱讚上主 — 我的主人 亞伯拉罕 的上帝；伊一直用慈愛信實對待我的主人，一路引導我來到我的主人兄弟的家。」</verse>
				<verse number="28">查某囝仔走倒去，將諸個代誌給𪜶老母全家的人講。</verse>
				<verse number="29">麗百加 有一個兄哥 拉班 ，伊一下看著𪜶小妹身上的鼻環及手環，閣聽著 麗百加 講「彼個人對我講按呢，按呢」，就走去井邊，見彼個人。伊到的時，彼個人猶徛佇水井邊駱駝遐。</verse>
				<verse number="30"></verse>
				<verse number="31">伊給彼個人講：「你是上主賜福的人，哪猶徛佇外面？請來阮兜。你的房間及駱駝歇睏的所在，我已經準備好勢。」</verse>
				<verse number="32">彼個管家就入去 拉班 的厝。有人來解駱駝載的物件，用草料糧食飼駱駝，閣捧水互彼個管家以及及伊做夥來的人洗腳。</verse>
				<verse number="33">有人將食物排佇管家面前，欲請伊食，毋拘伊講：「聽候我將我來的目的講清楚，我才食。」 拉班 講：「請講。」</verse>
				<verse number="34">伊就講：「我是 亞伯拉罕 的僕人。</verse>
				<verse number="35">上主有大大賜福我的主人，互伊真好額，閣互伊牛、羊、金、銀、僕人、女婢、駱駝及驢仔。</verse>
				<verse number="36">我的主人的某 莎拉 年老的時，給伊生一個子；我的主人嘛將伊所有的互此個子。</verse>
				<verse number="37">我的主人教我咒誓，講：『毋通給我娶遮的 迦南 女子做新婦。</verse>
				<verse number="38">你著去我的老父的家，我本族遐，給我的子娶一個某。』</verse>
				<verse number="39">我對我的主人講：『彼個查某囝仔若毋肯隨我來咱遮，欲按怎？』</verse>
				<verse number="40">伊就給我講：『我服事的上主會差伊的使者及你做夥去，互你一路順利，你就通對我的宗族，阮老父的家，給我的子娶某。</verse>
				<verse number="41">你若有去到我本族遐，就算有照咒誓做；萬一𪜶毋將彼個查某囝仔交互你，此個咒誓就及你無關係。』</verse>
				<verse number="42">「今仔日我到井邊，祈禱講：上主 — 我主人 亞伯拉罕 的上帝，求你互我一路順利。</verse>
				<verse number="43">我今徛佇井邊，對出來汲水的一個查某囝仔講『請你將水瓶的水一屑仔互我飲』，</verse>
				<verse number="44">伊若講『請飲，我嘛欲互你的駱駝飲』，願伊就是上主所選欲互我主人的子做某的查某囝仔。</verse>
				<verse number="45">我心內的話講猶未了， 麗百加 就出來，肩頭頂下水瓶；落去井邊汲水；我給伊講：『請你互我飲。』</verse>
				<verse number="46">伊就趕緊對肩頭頂放落水瓶，講：『請飲，我嘛欲互你的駱駝飲。』我就飲，伊嘛互我的駱駝飲。</verse>
				<verse number="47">我閣問伊：『你是什麼人的查某子？』伊講：『我是 彼土利 的查某子；阮老父是 蜜迦 給 拿鶴 生的子。』我就將鼻環掛佇伊的鼻，手環掛佇伊的手。</verse>
				<verse number="48">我跪落去敬拜上主，稱讚上主 — 我的主人 亞伯拉罕 的上帝，因為伊引導我一路順利，互我尋著我主人的小弟的查某孫來互伊做新婦。</verse>
				<verse number="49">今恁若欲用慈愛信實對待我的主人，就給我講；若毋，嘛給我講，互我通決定閣來欲按怎。」</verse>
				<verse number="50">拉班 及 彼土利 應講：「此個代誌既然上主按呢安排，阮𣍐當對你講什麼。</verse>
				<verse number="51">今， 麗百加 佇遮，你通導伊去，照上主的安排，互你的主人的子做某。」</verse>
				<verse number="52">亞伯拉罕 的管家聽著諸個話，就仆佇土腳敬拜上主。</verse>
				<verse number="53">彼個管家起來，提金器、銀器，及衣服送 麗百加 ，閣將貴重的禮物送互伊的兄哥及老母。</verse>
				<verse number="54">彼個管家及隨伊的人此時才飲食歇暝。隔日透早，管家對𪜶講：「請互我倒去我的主人遐。」</verse>
				<verse number="55">麗百加 的兄哥及老母講：「請互查某囝仔及阮住幾日仔，上少十日，伊才及恁去。」</verse>
				<verse number="56">伊對𪜶講：「請毋通給我留。上主已經互我一路順利，請互我趕緊倒去我的主人遐。」</verse>
				<verse number="57">𪜶講：「阮叫查某囝仔來，探伊的話意。」</verse>
				<verse number="58">𪜶就叫 麗百加 來，問伊講：「你豈欲及此個管家做夥去？」 麗百加 應講：「我欲。」</verse>
				<verse number="59">𪜶就送小妹 麗百加 及伊的奶母，隨 亞伯拉罕 的管家及跟隨伊的人去。</verse>
				<verse number="60">𪜶給 麗百加 祝福，講： 阮的小妹， 願你的子孫千千萬萬； 願你的後代佔領對敵的城。</verse>
				<verse number="61">麗百加 及伊的女婢騎駱駝隨彼個管家去；管家就導 麗百加 轉去。</verse>
				<verse number="62">彼時， 以撒 徙去 比珥‧拉海‧萊 ，住佇 尼革夫 。</verse>
				<verse number="63">黃昏的時， 以撒 出來野外散步，攑頭一下看，看著駱駝啲來。</verse>
				<verse number="64">麗百加 看著 以撒 ，就對駱駝落來。</verse>
				<verse number="65">伊問彼個管家講：「佇野地向咱遮行來的是什麼人？」 彼個管家講：「是我的主人。」 麗百加 就用帕遮面。</verse>
				<verse number="66">管家將伊所做的代誌攏給 以撒 報告。</verse>
				<verse number="67">以撒 就牽 麗百加 入去伊的老母 莎拉 的布棚，娶伊做某。 以撒 真疼 麗百加 ；伊對老母死了後，到此時才得著安慰。</verse>
			</chapter>
			<chapter number="25">
				<verse number="1">亞伯拉罕 閣娶 基土拉 做某。</verse>
				<verse number="2">基土拉 給伊生 心蘭 、 約珊 、 米但 、 米甸 、 伊施巴 ，及 書亞 。</verse>
				<verse number="3">約珊 生 示巴 及 底但 。 底但 的後代是 亞書利 人、 利都是 人，及 利烏米 人。</verse>
				<verse number="4">米甸 的子是 以法 、 以弗 、 以諾 、 亞比大 、 以勒大 ；諸個攏是 基土拉 的後代。</verse>
				<verse number="5">亞伯拉罕 將伊一切所有的互 以撒 。</verse>
				<verse number="6">亞伯拉罕 嘛趁伊猶活啲的時，將財物分互伊的細姨許個子，閣叫𪜶離開伊的子 以撒 去東旁的地。</verse>
				<verse number="7">亞伯拉罕 一生活一百七十五歲。</verse>
				<verse number="8">亞伯拉罕 食長歲壽，平平安安轉去伊的祖先遐。</verse>
				<verse number="9">伊的子 以撒 及 以實瑪利 將伊安葬佇 幔利 對面的 麥比拉 洞穴，是佇 亞伯拉罕 對 赫 人 瑣轄 的子 以弗崙 買來彼坵園的內面。 亞伯拉罕 及伊的某 莎拉 攏埋葬佇遐。</verse>
				<verse number="10"></verse>
				<verse number="11">亞伯拉罕 死了後，上帝賜福互伊的子 以撒 ； 以撒 住佇 比珥‧拉海‧萊 附近。</verse>
				<verse number="12">下面是 亞伯拉罕 的子 以實瑪利 的後代： 以實瑪利 是 莎拉 的女婢 埃及 人 夏甲 給 亞伯拉罕 生的子。</verse>
				<verse number="13">以實瑪利 諸個子照𪜶出世的順序寫佇下面： 以實瑪利 的大子 尼拜約 ，閣有 基達 、 亞德別 、 米比衫 、</verse>
				<verse number="14">米施瑪 、 度瑪 、 瑪撒 、</verse>
				<verse number="15">哈大 、 提瑪 、 伊突 、 拿非施 、 基底瑪 ；</verse>
				<verse number="16">諸個攏是 以實瑪利 的子，做十二族的族長。𪜶住的庄社及營地，攏照𪜶的名來號。</verse>
				<verse number="17">以實瑪利 活一百三十七歲就過身，轉去伊的祖先遐。</verse>
				<verse number="18">伊的後代住佇對 哈腓拉 到 埃及 東旁的 書珥 ，欲去 亞述 的路彼個地區；徛起佇伊親族的對面。</verse>
				<verse number="19">下面是 亞伯拉罕 的子 以撒 的後代： 亞伯拉罕 生 以撒 ；</verse>
				<verse number="20">以撒 四十歲的時娶 麗百加 做某。 麗百加 是 美索不達米亞 的 亞蘭 人 彼土利 的查某子， 拉班 的小妹。</verse>
				<verse number="21">以撒 因為伊的某𣍐生，就為著伊祈求上主；上主應允伊的懇求，伊的某 麗百加 就懷孕。</verse>
				<verse number="22">兩個雙生仔佇 麗百加 的腹肚內相揢，互伊真艱苦；伊就講：「是按怎我著即艱苦？」伊就問上主。</verse>
				<verse number="23">上主給伊講： 兩國佇你的腹肚內； 兩族欲對你的身軀出； 一族欲比另外一族較強； 大的欲服事細的。</verse>
				<verse number="24">生產的時到，果然腹肚內是雙生仔。</verse>
				<verse number="25">代先出來的，身軀紅紅，歸身軀發毛親像穿皮衫；就給伊號名叫做 以掃 。</verse>
				<verse number="26">隨後，伊的小弟閣出來，手扭 以掃 的腳後蹬；就給號名叫 雅各 。兩個子出世的時， 以撒 抵仔六十歲。</verse>
				<verse number="27">兩個囝仔漸漸大漢； 以掃 𠢕拍獵，常常佇山野； 雅各 個性安靜，常常佇布棚內。</verse>
				<verse number="28">以撒 疼 以掃 ，因為常常食 以掃 拍來的野味。 麗百加 疼 雅各 。</verse>
				<verse number="29">有一日 雅各 啲炕湯， 以掃 對山野倒來，身軀真悿。</verse>
				<verse number="30">以掃 給 雅各 講：「我悿甲欲死，拜託你將彼個紅紅的湯互我食。」因為按呢， 以掃 嘛叫做 以東 。</verse>
				<verse number="31">雅各 講：「你先將大子的名份賣互我。」</verse>
				<verse number="32">以掃 講：「我都枵甲欲死啊，此個大子的名份對我有啥路用？」</verse>
				<verse number="33">雅各 講：「你著先咒誓。」 以掃 就對伊咒誓，將大子的名份賣互伊。</verse>
				<verse number="34">雅各 就將餅及紅豆湯互 以掃 ；伊就食，食了就做伊去。按呢， 以掃 看輕伊大子的名份。</verse>
			</chapter>
			<chapter number="26">
				<verse number="1">以撒 住的所在，佇 亞伯拉罕 在生的時曾發生飢荒，現在閣有飢荒。 以撒 就去 基拉耳 ，到 非利士 人的王 亞比米勒 遐。</verse>
				<verse number="2">上主對 以撒 顯現，講：「你毋通落去 埃及 ，著住佇我指示你的地。</verse>
				<verse number="3">你著寄居佇遮，我欲及你同在，賜福你；因為我欲將此個地攏互你及你的後代；我嘛欲堅立我立誓對你的老父 亞伯拉罕 所立的約。</verse>
				<verse number="4">我欲互你的後代人數加添，親像天頂的星赫多；閣欲將諸個地攏賜互你的後代；欲互地上萬族因為你的後代得著福氣，</verse>
				<verse number="5">這是因為 亞伯拉罕 有聽趁我的話，遵守我的吩咐、命令、規例，及教示。」</verse>
				<verse number="6">以撒 住佇 基拉耳 。</verse>
				<verse number="7">彼所在的人講著伊的某，伊就講「是我的小妹」，毋敢講「是我的某」。伊心內想講：「因為 麗百加 生做真媠，驚了彼所在的人為著伊的緣故給我刣。」</verse>
				<verse number="8">伊佇遐住真久。有一日， 非利士 王 亞比米勒 對窗仔看出去，看著 以撒 及伊的某 麗百加 啲相親熱。</verse>
				<verse number="9">亞比米勒 叫 以撒 來，給伊講：「伊明明是你的某，你哪會講『伊是我的小妹』？」 以撒 講：「我想講我會因為伊互人刣死。」</verse>
				<verse number="10">亞比米勒 講：「你哪會對阮做此款代誌？人民的中間險險有人及你的某做夥睏；你就害阮犯罪。」</verse>
				<verse number="11">亞比米勒 就命令人民，講：「若有人磕著此個人及伊的某，一定欲互伊死。」</verse>
				<verse number="12">以撒 佇彼所在種作，彼年得著百倍的收成，因為上主賜福伊。</verse>
				<verse number="13">伊的家業不斷增加，非常好額。</verse>
				<verse number="14">伊的牛羊真多，閣有真多僕人； 非利士 人就怨妒伊。</verse>
				<verse number="15">伊的老父 亞伯拉罕 活啲的時，僕人開的井， 非利士 人攏給𪜶塞啲，用土填起來。</verse>
				<verse number="16">亞比米勒 對 以撒 講：「你著離開阮，因為你比阮加足強盛。」</verse>
				<verse number="17">以撒 就離開遐，去 基拉耳 的山谷搭布棚徛起。</verse>
				<verse number="18">伊的老父 亞伯拉罕 在生的時開的井，攏互 非利士 人填去。 以撒 重再開許個井，照𪜶老父所號的名給許個井號名。</verse>
				<verse number="19">以撒 的僕人佇山谷挖井，挖著一口活水的井。</verse>
				<verse number="20">基拉耳 的牧者及 以撒 的牧者相爭，講：「此口井是阮的。」 以撒 就給彼口井號名叫做 埃色 ；因為𪜶及伊相爭。</verse>
				<verse number="21">以撒 的僕人閣挖一口井，𪜶閣為著此口井相爭； 以撒 就給伊號名叫做 西提拿 。</verse>
				<verse number="22">以撒 離開遐，閣去開一口井；𪜶無閣為著此口井相爭。 以撒 就給伊號名叫做 利河伯 ；伊講：「今上主互阮開闊的地通發展；阮欲佇此個地興旺。」</verse>
				<verse number="23">以撒 對遐上去 別是巴 。</verse>
				<verse number="24">彼暝，上主對伊顯現，講：「我是你的老父 亞伯拉罕 的上帝。毋免驚，因為我及你同在；我欲為著我的僕人 亞伯拉罕 的緣故賜福你，互你的後代興旺。」</verse>
				<verse number="25">以撒 就佇遐起一座祭壇，敬拜上主，搭布棚徛起。伊的僕人佇遐挖一口井。</verse>
				<verse number="26">亞比米勒 導伊的顧問 亞戶撒 及元帥 非各 ，對 基拉耳 來見 以撒 。</verse>
				<verse number="27">以撒 對𪜶講：「恁既然怨恨我，給我趕走，是按怎閣來尋我？」</verse>
				<verse number="28">𪜶講：「阮清楚知上主及你同在，所以阮想，咱雙方來咒誓，立約。</verse>
				<verse number="29">你毋通傷害阮，親像阮毋曾磕著你；以前阮好款待你，閣送你安全離開。今上主有賜福你。」</verse>
				<verse number="30">以撒 辦桌請𪜶，𪜶就做夥飲食。</verse>
				<verse number="31">隔日透早，𪜶互相咒誓。 以撒 送𪜶起身，𪜶就平安離開。</verse>
				<verse number="32">像彼日， 以撒 的僕人來，將𪜶開井的事給伊報告，講：「阮挖著水啦。」</verse>
				<verse number="33">以撒 就給彼口井叫做 示巴 ；所以到今仔日，彼個城叫做 別是巴 。</verse>
				<verse number="34">以掃 四十歲的時娶 赫 人 備利 的查某子 猶滴 ，及 赫 人 以倫 的查某子 芭實抹 做某。</verse>
				<verse number="35">此兩個婦仁人常常互 以撒 及 麗百加 心內憂悶操煩。</verse>
			</chapter>
			<chapter number="27">
				<verse number="1">以撒 年老，目睭花，𣍐看見，就叫伊的大子 以掃 來，給伊講：「我的子啊。」 伊應講：「我佇遮。」</verse>
				<verse number="2">以撒 講：「我真老啦，毋知叨一日欲死。</verse>
				<verse number="3">今攑你拍獵的傢俬，就是箭袋及弓，去野地給我拍獵，</verse>
				<verse number="4">照我愛的口味煮來互我食，互我佇猶未死以前給你祝福。」</verse>
				<verse number="5">麗百加 有聽著 以撒 對伊的子 以掃 講的話。 以掃 出去野地拍獵，欲帶獵物倒來；</verse>
				<verse number="6">麗百加 對伊的子 雅各 講：「我有聽著恁老父給你的兄哥 以掃 講：</verse>
				<verse number="7">『你去掠獵物倒來，煮互好食，捧來互我；我欲佇猶未死以前，佇上主的面前給你祝福。』</verse>
				<verse number="8">今，我的子，你著聽我的話，照我給你講的去做。</verse>
				<verse number="9">你去羊群遐，掠兩隻肥的山羊仔子來；我欲照恁老父合意的口味煮互伊食。</verse>
				<verse number="10">你捧去互恁老父食，通互伊佇猶未死以前給你祝福。」</verse>
				<verse number="11">雅各 對伊的老母 麗百加 講：「毋拘我的兄哥 以掃 身軀有毛，我的皮膚光滑。</verse>
				<verse number="12">我的老父若摸著我，會知我啲給伊騙；我毋若𣍐當得著伊的祝福，顛倒受伊咒詛。」</verse>
				<verse number="13">伊的老母講：「我的子啊，你若受咒詛，我來承擔。做你聽我的話，去掠羊仔來互我。」</verse>
				<verse number="14">雅各 就去掠羊仔來互伊的老母；伊的老母就照伊的老父合意的口味料理。</verse>
				<verse number="15">麗百加 閣挔大子 以掃 收佇厝內上好的衫，互伊的細漢子 雅各 穿。</verse>
				<verse number="16">伊閣用山羊仔的皮，包 雅各 的手及頷頸光滑的所在。</verse>
				<verse number="17">然後，將伊煮的料理及餅，交互伊的子 雅各 。</verse>
				<verse number="18">雅各 去𪜶老父遐，講：「阿爸。」 以撒 講：「我佇遮。我的子，你是叨一個？」</verse>
				<verse number="19">雅各 對伊的老父講：「我是你的大子 以掃 。我已經照你吩咐的去做。請起來坐，食我拍著的獵物；食飽通給我祝福。」</verse>
				<verse number="20">以撒 對伊的子講：「我的子，你哪會即緊就拍著？」 雅各 應講：「因為上主 — 你的上帝互我真好運。」</verse>
				<verse number="21">以撒 給 雅各 講：「我的子，行較倚來；我欲摸你，看你豈真正是我的子 以掃 ？」</verse>
				<verse number="22">雅各 就倚近伊的老父 以撒 。 以撒 就摸伊，講：「聲，是 雅各 的聲；手，是 以掃 的手。」</verse>
				<verse number="23">以撒 分𣍐清楚，因為 雅各 的手有毛，親像伊的兄哥 以掃 ，就給伊祝福。</verse>
				<verse number="24">閣講：「你豈真正是我的子 以掃 ？」 雅各 講：「我是。」</verse>
				<verse number="25">以撒 講：「你拍著的獵物捧來互我食，我通給你祝福。」 雅各 就捧互伊食，閣提酒互伊飲。</verse>
				<verse number="26">伊的老父 以撒 對伊講：「我的子，倚來給我唚。」</verse>
				<verse number="27">雅各 就進前唚伊的老父；伊的老父鼻著伊的衫的味，就給伊祝福講： 我的子的味， 親像上主賜福的田園的味。</verse>
				<verse number="28">願上帝賞賜你天頂的甘露， 互你的土地肥媠， 五穀及新酒真多。</verse>
				<verse number="29">願萬民服事你， 列國跪拜你； 願你統治你的兄弟， 你的老母的子跪拜你； 咒詛你的受咒詛， 祝福你的受祝福。</verse>
				<verse number="30">以撒 給 雅各 祝福了， 雅各 對伊的老父 以撒 遐出來的時，伊的兄哥 以掃 抵抵拍獵倒來。</verse>
				<verse number="31">伊嘛煮好食的料理，捧來互伊的老父，講：「阿爸，請起來食子拍著的獵物，食飽通給我祝福。」</verse>
				<verse number="32">伊的老父 以撒 給伊講：「你是什麼人？」 伊講：「我是你的大子 以掃 。」</verse>
				<verse number="33">以撒 大驚，皮皮惙，講：「抵即彼個是啥人？彼個人佇你猶未來以前，捧獵物互我食，我食了就給伊祝福；伊一定會得著福氣。」</verse>
				<verse number="34">以掃 一下聽著老父的話，開聲叫苦大哭，對伊的老父講：「阿爸，你嘛著給我祝福。」</verse>
				<verse number="35">以撒 講：「你的小弟已經用詭計搶你的福分。」</verse>
				<verse number="36">以掃 講：「伊叫做 雅各 ，豈毋是真合？伊騙我兩遍：搶我大子的名份，此遍閣搶我的福分。」 以掃 閣講：「你豈無閣有什麼通給我祝福？」</verse>
				<verse number="37">以撒 應 以掃 講：「我已經設立伊做你的主，互伊的親族服事伊；閣用五穀新酒養飼伊。我的子，我猶會當給你做什麼？」</verse>
				<verse number="38">以掃 給伊的老父講：「阿爸，你的祝福豈干焦一種？阿爸，我，你嘛著給我祝福。」 以掃 開聲大哭。</verse>
				<verse number="39">伊的老父 以撒 應伊，講： 你無肥媠的土地通徛起， 嘛無天頂的甘露通潤澤。</verse>
				<verse number="40">你欲倚靠刀劍度活， 閣欲服事你的小弟； 到你強盛的日， 欲對你的頷頸幌掉伊的軛。</verse>
				<verse number="41">以掃 因為 雅各 得著老父的祝福，就怨恨 雅各 ；心內講：「阮老父啲欲過身，等喪事辦了，我欲刣死我的小弟 雅各 。」</verse>
				<verse number="42">有人將大子 以掃 的計劃給 麗百加 講， 麗百加 就差人去叫伊的細漢子 雅各 來，給伊講：「恁兄哥 以掃 欲刣你，消伊的怨恨。</verse>
				<verse number="43">今，我的子，著聽我的話；趕緊走去 哈蘭 恁阿舅 拉班 遐；</verse>
				<verse number="44">及伊住一段時間，聽候恁兄哥的受氣消。</verse>
				<verse number="45">到恁兄哥受氣煞，𣍐記得你對伊所做的代誌，彼時我才差人去導你倒來。我哪著一日內失去兩個子？」</verse>
				<verse number="46">麗百加 對 以撒 講：「我因為 以掃 娶此兩個 赫 人的查某子，活甲真艱苦。 雅各 若閣娶此所在 赫 人的查某囝仔，我活啲有啥意思？」</verse>
			</chapter>
			<chapter number="28">
				<verse number="1">以撒 叫 雅各 來，給伊祝福，吩咐伊講：「你毋通娶 迦南 的查某囝仔做某。</verse>
				<verse number="2">你隨時去 美索不達米亞 ，去恁外公 彼土利 遐，娶恁母舅 拉班 的查某子做某。</verse>
				<verse number="3">願全能的上帝賜福你，互你的後代加添極其多，成做真多族。</verse>
				<verse number="4">願上帝將伊欲互 亞伯拉罕 的福氣賜互你及你的後代，互你承接你現在寄居的地做產業，就是上帝互 亞伯拉罕 的地。」</verse>
				<verse number="5">以撒 叫 雅各 出發， 雅各 就去 美索不達米亞 ， 亞蘭 人 彼土利 的子 拉班 遐； 拉班 是 麗百加 的兄哥， 雅各 及 以掃 的母舅。</verse>
				<verse number="6">以掃 看著 以撒 給 雅各 祝福，叫伊去 美索不達米亞 ，對遐娶某；閣聽著 以撒 祝福 雅各 的時，吩咐伊毋通及 迦南 的查某囝仔結婚；</verse>
				<verse number="7">閣看著 雅各 聽父母的話去 美索不達米亞 ，</verse>
				<verse number="8">就知伊的老父 以撒 無合意伊娶 迦南 的查某囝仔做某。</verse>
				<verse number="9">以掃 就去 以實瑪利 遐，佇伊許個某以外閣娶 瑪哈拉 ； 瑪哈拉 是 亞伯拉罕 的子 以實瑪利 的查某子， 尼拜約 的小妹。</verse>
				<verse number="10">雅各 離開 別是巴 ，欲去 哈蘭 。</verse>
				<verse number="11">到一個所在 ，因為日落，就佇遐歇暝；伊提一塊石頭做枕頭，佇遐睏。</verse>
				<verse number="12">伊夢見有一個梯𫞼佇地裡，梯的頂面抵天，有上帝的使者佇梯裡起起落落。</verse>
				<verse number="13">彼時，上主徛佇梯頂 ，講：「我是上主 — 你的阿公 亞伯拉罕 的上帝，嘛是 以撒 的上帝。我欲將你現在睏的地賞賜你及你的後代。</verse>
				<verse number="14">你的後代會親像地上的土沙赫呢多；你會向東、西、南、北發展；地上萬族會因為你及你的後代得著福氣。</verse>
				<verse number="15">你無論去叨位，我欲及你同在，保護你；嘛欲導你倒來此個所在，攏𣍐放拺你，直到我實現對你講的應允。」</verse>
				<verse number="16">雅各 對眠夢醒起來，就講：「上主真正佇遮，我竟然毋知。」</verse>
				<verse number="17">伊真驚，講：「此個所在有夠可怕！遮真正是上帝的厝，是天的門。」</verse>
				<verse number="18">雅各 透早起來，將伊做枕頭的石𫞼做柱，閣倒油佇彼頂面。</verse>
				<verse number="19">伊給彼個所在號做 伯特利 ；此個城本來叫做 路斯 。</verse>
				<verse number="20">雅各 下願講：「上帝若及我同在，一路保護我，閣互我有物通食，有衫通穿，</verse>
				<verse number="21">互我平安倒來阮老父的厝，我就尊上主你做我的上帝。</verse>
				<verse number="22">我𫞼起來做柱此塊石頭欲做上帝的厝。所有你賞賜我的，我一定欲獻十分一互你。」</verse>
			</chapter>
			<chapter number="29">
				<verse number="1">雅各 繼續行，去到東方的人的地。</verse>
				<verse number="2">伊看著野地有一口井，有三陣羊倒佇遐；人攏汲彼口井的水互羊飲。井用大塊石蓋啲。</verse>
				<verse number="3">平時，羊群聚集佇遐，顧羊的將石頭徙開，汲水互羊飲，才閣將石頭徙倒去原位。</verse>
				<verse number="4">雅各 對𪜶講：「朋友啊，恁對叨位來？」 𪜶講：「阮對 哈蘭 來。」</verse>
				<verse number="5">伊問𪜶：「恁豈識 拿鶴 的孫 拉班 ？」 𪜶講：「阮識。」</verse>
				<verse number="6">雅各 閣講：「伊有好勢好勢無？」 𪜶講：「有。你看，伊的查某子 蕾潔 導伊的羊群啲來。」</verse>
				<verse number="7">雅各 講：「日頭猶即大，猶未到趕羊轉去的時間，哪毋互羊飲水，閣去食草？」</verse>
				<verse number="8">𪜶講：「阮猶𣍐當，著聽候所有的羊群攏到，牧者給石頭徙開，才會當互羊飲水。」</verse>
				<verse number="9">雅各 啲及𪜶講話的時， 蕾潔 導𪜶老父的羊來，因為是伊啲顧。</verse>
				<verse number="10">雅各 看著母舅 拉班 的查某子 蕾潔 及 拉班 的羊群，就進前將石頭徙開，互 拉班 的羊群飲。</verse>
				<verse number="11">雅各 唚 蕾潔 ，給伊請安，閣大聲哮。</verse>
				<verse number="12">雅各 給 蕾潔 講，伊是𪜶老父的外甥仔，是 麗百加 的子； 蕾潔 就走轉去給𪜶老父講。</verse>
				<verse number="13">拉班 聽著外甥仔 雅各 的消息，就走去接伊，給伊攬啲，給伊唚，導伊去𪜶兜； 雅各 將代誌的經過給 拉班 講。</verse>
				<verse number="14">拉班 給 雅各 講：「你真正是我的骨肉至親。」 雅各 就及伊住一月日。</verse>
				<verse number="15">拉班 給 雅各 講：「咱雖然是親成，我哪通互你白白給我做工？你著給我講，我著互你偌多工錢。」</verse>
				<verse number="16">拉班 有兩個查某子，大的叫做 麗亞 ，細的叫做 蕾潔 。</verse>
				<verse number="17">麗亞 目睭媠 ， 蕾潔 身材好，生做媠。</verse>
				<verse number="18">雅各 愛 蕾潔 ，就講：「我願意為著你的細漢查某子 蕾潔 做工七年。」</verse>
				<verse number="19">拉班 講：「給伊嫁互你，比嫁互別人較好。你及我住。」</verse>
				<verse number="20">雅各 就為著 蕾潔 給 拉班 做工七年；因為深深愛伊，七年假若親像幾日仔。</verse>
				<verse number="21">雅各 對 拉班 講：「七年滿啦，請你將我的某互我，我通及伊結婚。」</verse>
				<verse number="22">拉班 辦桌請彼所在的人。</verse>
				<verse number="23">到日暗， 拉班 將伊的查某子 麗亞 送來互 雅各 ，伊就及 麗亞 同房。</verse>
				<verse number="24">拉班 將伊的女婢 悉帕 互伊的查某子 麗亞 做女婢。</verse>
				<verse number="25">到天光， 雅各 一下看著是 麗亞 ，就對 拉班 講：「你哪會按呢對待我？我給你做工，豈毋是為著 蕾潔 ？你是按怎欺騙我？」</verse>
				<verse number="26">拉班 講：「猶未嫁大的，先嫁細的，佇阮遮無此個例。</verse>
				<verse number="27">你及 麗亞 七日的喜事了後，阮就將 蕾潔 嫁互你，毋拘你著閣給我做工七年。」</verse>
				<verse number="28">雅各 就照按呢做。伊及 麗亞 做夥七日了後， 拉班 就將伊的查某子 蕾潔 互 雅各 做某。</verse>
				<verse number="29">拉班 將伊的女婢 辟拉 互 蕾潔 做女婢。</verse>
				<verse number="30">雅各 嘛及 蕾潔 同房；伊較疼 蕾潔 ，就閣給 拉班 做工七年。</verse>
				<verse number="31">上主看著 麗亞 無受疼惜，就互伊懷孕；毋拘 蕾潔 𣍐生。</verse>
				<verse number="32">麗亞 懷孕生子，就給伊號名叫做 呂便 ；伊講：「上主看見我的苦情；今我的丈夫會疼我。」</verse>
				<verse number="33">伊閣懷孕生第二個子；伊講「上主聽見我無受疼惜，所以閣互我此個子」，就給伊號名叫做 西緬 。</verse>
				<verse number="34">伊閣懷孕生第三個子，講「我給丈夫生三個子，伊會及我結連」，就給伊號名叫做 利未 。</verse>
				<verse number="35">伊閣懷孕生第四個子，講「此遍我欲稱讚上主」，就給伊號名叫做 猶大 ； 麗亞 就無閣生。</verse>
			</chapter>
			<chapter number="30">
				<verse number="1">蕾潔 看見家己無給 雅各 生子，就怨妒伊的大姊。伊對 雅各 講：「你著子互我；若無，我欲死。」</verse>
				<verse number="2">雅各 對 蕾潔 受氣，講：「互你𣍐生的是上帝，我豈會當代替上帝？」</verse>
				<verse number="3">蕾潔 講：「我的女婢 辟拉 佇遮；你去及伊同房，互伊替我生子；我就通對伊得著子。」</verse>
				<verse number="4">蕾潔 將伊的女婢 辟拉 互 雅各 做某； 雅各 就及伊同房。</verse>
				<verse number="5">辟拉 懷孕，給 雅各 生一個子。</verse>
				<verse number="6">蕾潔 講「上帝替我主持公道，聽我的祈禱，互我有子」，就給伊號名叫做 但 。</verse>
				<verse number="7">蕾潔 的女婢 辟拉 閣懷孕，給 雅各 生第二個子；</verse>
				<verse number="8">蕾潔 講「我及我的大姊相爭，我較贏」，就給伊號名叫做 拿弗他利 。</verse>
				<verse number="9">麗亞 看見家己無閣生，就將伊的女婢 悉帕 互 雅各 做某。</verse>
				<verse number="10">麗亞 的女婢 悉帕 給 雅各 生子。</verse>
				<verse number="11">麗亞 講：「好佳哉！」伊就給囝仔號名叫做 迦得 。</verse>
				<verse number="12">麗亞 的女婢 悉帕 閣給 雅各 生第二個子。</verse>
				<verse number="13">麗亞 講：「我有福氣！眾女子會講我是有福氣的查某人。」伊就給囝仔號名叫做 亞設 。</verse>
				<verse number="14">收割小麥的時， 呂便 佇園裡得著催情果 ，提來互伊的老母 麗亞 。 蕾潔 對 麗亞 講：「請將你的子的催情果互我。」</verse>
				<verse number="15">麗亞 對伊講：「你搶我的丈夫，豈猶無夠？欲閣搶我的子的催情果是無？」 蕾潔 講：「為著你的子的催情果，今暝互 雅各 及你做夥睏。」</verse>
				<verse number="16">日暗， 雅各 對園裡倒來； 麗亞 出去接伊，給伊講：「你著及我睏，因為你是我用我的子的催情果交換來的 。」彼暝 雅各 就及伊做夥睏。</verse>
				<verse number="17">上帝聽 麗亞 的祈禱，伊就懷孕，給 雅各 生第五個子。</verse>
				<verse number="18">麗亞 講「上帝報賞我，因為我將女婢互我的丈夫」，就給伊號名叫做 以薩迦 。</verse>
				<verse number="19">麗亞 閣懷孕，給 雅各 生第六個子。</verse>
				<verse number="20">麗亞 講：「上帝賞賜我寶貴的禮物；我的丈夫欲看重我，因為我給伊生六個子。」 麗亞 就給伊號名叫做 西布倫 。</verse>
				<verse number="21">後來， 麗亞 生一個查某子，給伊號名叫做 底拿 。</verse>
				<verse number="22">上帝數念 蕾潔 ，聽伊的祈禱，互伊會生。</verse>
				<verse number="23">伊就懷孕生子；講「上帝除去我的見笑」，</verse>
				<verse number="24">就給伊號名叫做 約瑟 ，講：「願上主閣加添我一個子。」</verse>
				<verse number="25">蕾潔 生 約瑟 了後， 雅各 對 拉班 講：「請互我倒去我的故鄉，</verse>
				<verse number="26">嘛請你將我服事你所得著的某子攏互我，互阮倒去；我按怎出力服事你，你攏知。」</verse>
				<verse number="27">拉班 給伊講：「你若看我有夠重，請繼續及我住，因為我對卜卦知，上主因為你的緣故有賜福我。」</verse>
				<verse number="28">伊閣講：「請給我講，我著互你偌多工錢，我就互你。」</verse>
				<verse number="29">雅各 給伊講：「我按怎服事你，我按怎照顧你的牲生，你攏知。</verse>
				<verse number="30">我猶未來以前，你所有的真少，現在加添真多；我無論去叨位，上主攏隨啲給你祝福 。今，底時我才會當為著我家己的家庭建置家業？」</verse>
				<verse number="31">拉班 講：「我著什麼互你？」 雅各 講：「你什麼攏毋免互我。有一項代誌你若答應，我就猶原顧守，飼你的羊群。</verse>
				<verse number="32">今仔日互我巡你所有的羊群，將綿羊中間有點有斑的，及烏色的綿羊仔，以及山羊中有斑有點的，攏分出來做我的工錢。</verse>
				<verse number="33">以後你來看我所得的工錢，若山羊無斑無點的，綿羊仔毋是烏色的，就算是我偷的；用按呢來證明我的誠實。」</verse>
				<verse number="34">拉班 講：「好，照你講的。」</verse>
				<verse number="35">彼日， 拉班 就將有斑有條紋的山羊、有斑有點插著白色的山羊母，以及烏色的綿羊仔，攏分出來交互伊的子。</verse>
				<verse number="36">伊互家己及 雅各 相離有三日的路程； 雅各 就顧 拉班 其他的羊。</verse>
				<verse number="37">雅各 提楊樹、杏樹，及楓樹青閣軟的枝，剝一部份的皮，互內面白色的條紋露出。</verse>
				<verse number="38">伊將剝皮的枝插佇羊飲水的水溝及水槽，互𪜶及羊相對；羊來飲水的時，公母交合。</verse>
				<verse number="39">羊佇枝的對面交合，就生有斑、有點、有條紋的。</verse>
				<verse number="40">雅各 將綿羊仔分出來，互𪜶面向 拉班 有條紋及烏色的羊。伊將家己的羊另外放佇一個所在，無及 拉班 的羊摻插。</verse>
				<verse number="41">勇壯的羊交合的時， 雅各 用樹枝插佇水溝內，互羊面對樹枝交合。</verse>
				<verse number="42">毋拘消瘦的羊交合的時，伊就無插樹枝；按呢，消瘦的歸 拉班 ，勇壯的歸 雅各 。</verse>
				<verse number="43">對按呢， 雅各 非常好額，有真多羊群、女婢、僕人、駱駝，及驢。</verse>
			</chapter>
			<chapter number="31">
				<verse number="1">雅各 有聽著 拉班 的子啲講：「 雅各 將咱老父所有的攏搶去，利用咱老父的財物得著一切的財富。」</verse>
				<verse number="2">雅各 看著 拉班 的態度無親像以前赫呢好。</verse>
				<verse number="3">上主對 雅各 講：「你著倒去你祖先的地，去你的親族遐；我欲及你同在。」</verse>
				<verse number="4">雅各 差人去叫 蕾潔 及 麗亞 來野地的羊群遐，</verse>
				<verse number="5">對𪜶講：「我看著恁老父的態度無親像以前赫呢好；毋拘我的老父的上帝及我同在。</verse>
				<verse number="6">恁知，我有盡我所有的氣力替恁老父做工，</verse>
				<verse number="7">是恁老父騙我，曾十遍改變我的工錢，毋拘上帝毋容允伊害我。</verse>
				<verse number="8">伊若講有點的互我做工錢，羊群生的就攏有點；伊若講有條紋的互我做工錢，羊群生的就攏有條紋。</verse>
				<verse number="9">按呢，上帝將恁老父的牲生提過來賜互我。</verse>
				<verse number="10">「羊交合的時，我佇夢中攑頭一下看，看著拍羊母的羊攏是有點、有條紋、有花斑的；</verse>
				<verse number="11">上帝的使者佇夢中對我講：『 雅各 。』我講：『我佇遮。』</verse>
				<verse number="12">伊講：『你攑頭看，拍羊母的羊攏是有點、有條紋、有花斑的。 拉班 對你所做的，我攏有看著。</verse>
				<verse number="13">我是 伯特利 的上帝，你曾佇遐用油倒佇石柱頂，對我下願。今，你著起來，離開此個所在，倒去你的故鄉。』」</verse>
				<verse number="14">蕾潔 及 麗亞 應伊講：「佇阮老父的家，豈猶有阮通得的家伙及產業？</verse>
				<verse number="15">阮豈毋是已經互伊看做外人？伊賣阮，吞食阮的價錢。</verse>
				<verse number="16">上帝對阮老父提去許個財物，就是阮及阮的子的。今，你著照上帝吩咐你的去做。」</verse>
				<verse number="17">雅各 就隨時互伊的子及某攏騎駱駝，</verse>
				<verse number="18">閣帶伊佇 美索不達米亞 得著的牲生及積聚的財物出發，欲轉去 迦南 地伊的老父 以撒 遐。</verse>
				<verse number="19">彼時 拉班 去剪羊毛； 蕾潔 偷提𪜶老父厝內的家族神像。</verse>
				<verse number="20">雅各 無給 亞蘭 人 拉班 講就偷偷仔離開。</verse>
				<verse number="21">伊帶伊一切所有的逃走，真緊過 幼發拉底河 ，向 基列山 去。</verse>
				<verse number="22">到第三日，有人給 拉班 講 雅各 逃走啦。</verse>
				<verse number="23">拉班 就導伊的親族做夥去追趇；趇七日，到 基列山 才趇著。</verse>
				<verse number="24">暝時，上帝佇 亞蘭 人 拉班 的眠夢中對伊顯現，給伊講：「你著細膩，毋通給 雅各 磕著。」</verse>
				<verse number="25">拉班 趇著 雅各 ， 雅各 已經佇 基列山 搭布棚； 拉班 及伊的親族嘛佇彼座山搭布棚。</verse>
				<verse number="26">拉班 給 雅各 講：「你哪會做此款代誌？你瞞騙我，將我的查某子搶走，親像用刀啲押俘虜。</verse>
				<verse number="27">你是按怎無給我講就恬恬仔偷走，無通互我唱歌、拍鼓、彈琴給你歡送，</verse>
				<verse number="28">害我煞無機會通唚我的孫、我的查某子，及𪜶相辭？你實在有夠戇。</verse>
				<verse number="29">我本來會當傷害恁，毋拘恁老父的上帝昨暗對我講：『你著細膩，毋通給 雅各 磕著。』</verse>
				<verse number="30">你數念恁老父的家，姑不將著轉去，毋拘是按怎偷提我的神明？」</verse>
				<verse number="31">雅各 應 拉班 講：「因為我驚你會將你的查某子搶去。</verse>
				<verse number="32">你的神明，你對啥人抄著，彼個人就該死。佇咱親族的面前，你認看我遮有什麼物件是你的，攏提去。」 雅各 毋知 蕾潔 有偷提許個神像。</verse>
				<verse number="33">拉班 就入去 雅各 、 麗亞 ，及兩個女婢的布棚，抄攏無，就對 麗亞 的布棚出來，入去 蕾潔 的布棚。</verse>
				<verse number="34">蕾潔 提許個神像，囥佇駱駝的鞍下，人坐佇彼頂面。 拉班 佇伊的布棚內四界抄，嘛抄攏無。</verse>
				<verse number="35">蕾潔 對伊的老父講：「我經期抵仔到，無方便佇你的面前起來；請父親大人毋通受氣。」 拉班 四界尋神像，尋攏無。</verse>
				<verse number="36">雅各 就受氣，及 拉班 計較，講：「我豈有做什麼毋著，犯什麼罪，你竟然迫我即緊？</verse>
				<verse number="37">你抄我所有的物件，豈有抄著什麼是你的？若有，著下佇咱的親族面前，互𪜶給咱兩個裁決。</verse>
				<verse number="38">我及你住此二十年的中間，你的綿羊母、山羊母毋曾落胎；我嘛毋曾食你許個羊的肉。</verse>
				<verse number="39">互野獸傷害的，我毋曾帶來互你，攏是我家己承擔。羊無論日時暝時互人偷掠去，你攏要求我賠償。</verse>
				<verse number="40">我日時互日曝，暝時互霜凍，常常無睏，不時攏按呢。</verse>
				<verse number="41">我此二十年佇恁兜，為著欲娶你兩個查某子，給你做工十四年；為著欲得著你的羊群做工六年；你十遍改變我的工錢。</verse>
				<verse number="42">若毋是我的祖先 亞伯拉罕 的上帝， 以撒 所驚畏的上帝，及我同在，你一定會互我空手離開。上帝看見我的苦情及我的勞碌，才佇昨暝給你責備。」</verse>
				<verse number="43">拉班 應 雅各 講：「諸個查某子是我的，諸個囝仔是我的，諸個羊群嘛是我的；你看著的，攏是我的。我的查某子及𪜶生的囝仔，我今仔日猶會當給𪜶按怎？</verse>
				<verse number="44">今，咱兩個來立約，做你及我中間的證據。」</verse>
				<verse number="45">雅各 取一塊石，徛做柱。</verse>
				<verse number="46">雅各 對許個親族講：「恁著去拾石頭來遮。」𪜶就將石頭拾來疊歸堆。𪜶佇彼堆石頭的邊仔飲食。</verse>
				<verse number="47">拉班 就將彼堆石頭叫做 伊迦爾‧撒哈杜他 ； 雅各 給伊叫做 迦累得 。</verse>
				<verse number="48">拉班 講：「今仔日此個石堆做你我中間立約的證據。」此個所在叫做 迦累得 ，</verse>
				<verse number="49">嘛叫做 米斯巴 ，因為 拉班 講：「咱分開了後，願上主佇你我的中間監察。</verse>
				<verse number="50">你若虐待我的查某子，閣另外娶別人作某，雖然我毋知，你著會記得，上帝佇你我的中間作證。」</verse>
				<verse number="51">拉班 閣對 雅各 講：「你看，我下佇你我中間的此堆石頭及此支石柱，</verse>
				<verse number="52">這是欲作證提醒咱，我無欲過此堆石頭去害你，你嘛𣍐用得過此堆石頭及此支石柱來害我。</verse>
				<verse number="53">願 亞伯拉罕 的上帝， 拿鶴 的上帝，𪜶祖先的上帝，佇你我的中間裁決。」 雅各 就指𪜶老父 以撒 所驚畏的上帝咒誓。</verse>
				<verse number="54">雅各 佇山裡獻祭，請伊許個親族做夥飲食；𪜶食了，就佇山裡歇暝。</verse>
				<verse number="55">拉班 透早起來，唚伊的孫、伊的查某子，及𪜶相辭，給𪜶祝福，然後倒去家己的所在。</verse>
			</chapter>
			<chapter number="32">
				<verse number="1">雅各 繼續伊的行程，上帝的使者抵著伊。</verse>
				<verse number="2">雅各 看著𪜶，就講：「遮是上帝的營地。 」伊就給彼個所在叫做 瑪哈念 。</verse>
				<verse number="3">雅各 派人先去 以東 地區，就是 西珥 ，見伊的兄哥 以掃 。</verse>
				<verse number="4">雅各 交代𪜶講：「恁著給我的主 以掃 講：『你的僕人 雅各 按呢講：我佇 拉班 遐寄居，住到今仔日。</verse>
				<verse number="5">我有牛、驢、羊群、僕人、女婢。今我派人來對我的主報告，向望對你得著恩典。』」</verse>
				<verse number="6">派去的人倒來給 雅各 報告：「阮有去你的兄哥 以掃 遐，伊已經來欲看你，閣導四百個人做夥來。」</verse>
				<verse number="7">雅各 大驚閣煩惱。伊將及伊做夥的人，以及羊群、牛群、駱駝分做兩隊，</verse>
				<verse number="8">想講：「 以掃 若來攻擊此隊，賰的彼隊猶通逃走。」</verse>
				<verse number="9">伊祈禱講：「我的阿公 亞伯拉罕 的上帝，我的老父 以撒 的上帝，上主啊，你曾給我講：『你著倒去你的本地本族，我一定欲好款待你。』</verse>
				<verse number="10">你的僕人真卑微，𣍐堪得領受你的慈愛及信實。我以前干焦攑柺仔過 約旦河 ，今我已經帶兩隊人馬倒來。</verse>
				<verse number="11">求你救我免受我的兄哥 以掃 的傷害；我真驚伊來刣死我及我的某子。</verse>
				<verse number="12">你嘛曾講：『我一定欲好款待你，互你的後代親像海邊的沙多甲算𣍐了。』」</verse>
				<verse number="13">彼暗 雅各 佇遐歇暝，就對伊的牲生揀禮物，欲送伊的兄哥 以掃 ：</verse>
				<verse number="14">山羊母兩百隻、山羊二十隻、綿羊母兩百隻、綿羊二十隻、</verse>
				<verse number="15">駱駝母及𪜶食奶的駱駝子三十隻、牛母四十隻、牛十隻、驢母二十隻、驢十隻。</verse>
				<verse number="16">伊將諸個牲生分做一隊一隊，交代伊的僕人；伊給僕人講：「恁作前去，互逐隊保持距離。」</verse>
				<verse number="17">伊閣吩咐導頭的僕人，講：「我的兄哥 以掃 抵著恁的時，伊若問講：『你是什麼人的僕人，欲去叨位？你頭前許個牲生是什麼人的？』</verse>
				<verse number="18">你著講：『諸個是你的僕人 雅各 的，是欲送我的主 以掃 的禮物。伊本身嘛佇阮後面。』」</verse>
				<verse number="19">雅各 閣吩咐第二第三，及所有趕逐隊牲生的僕人，講：「恁抵著 以掃 的時，嘛著照按呢給伊講。</verse>
				<verse number="20">閣恁嘛著講：『你的僕人 雅各 佇阮後面。』」 雅各 家己拍算講：「我用頭前許個禮物來改伊的怨恨，後來我才見伊，可能伊會接納我。」</verse>
				<verse number="21">後來，伊互許個僕人帶禮物先行；彼暝 雅各 歇佇營中。</verse>
				<verse number="22">雅各 暝時起來，導伊兩個某、兩個女婢，及十一個子，攏過 雅博河 的渡頭。</verse>
				<verse number="23">伊代先互𪜶過河，嘛互伊其他所有的過去；</verse>
				<verse number="24">只有賰 雅各 家己留佇遐。 彼時有一個人來及伊相偃，偃到天昲光。</verse>
				<verse number="25">彼個人看偃𣍐贏 雅各 ，就搧伊的大腿臼；相偃的時， 雅各 的大腿臼脫輪。</verse>
				<verse number="26">彼個人講：「天欲光啦，著放我去。」 雅各 講：「你若無給我祝福，我毋放你去。」</verse>
				<verse number="27">彼個人講：「你號做什麼名？」 伊講：「我叫做 雅各 。」</verse>
				<verse number="28">彼個人講：「你無欲閣叫做 雅各 ，欲叫做 以色列 ，因為你及上帝及人拼輸贏攏較贏。」</verse>
				<verse number="29">雅各 給伊講：「請給我講你的名。」 彼個人應講：「你無應該問我的名。」伊就佇遐給 雅各 祝福。</verse>
				<verse number="30">雅各 就給彼個所在叫做 比努伊勒 ，講：「我當頭對面見著上帝，我猶無死。」</verse>
				<verse number="31">雅各 離開 比努伊勒 的時，日頭照著伊。 雅各 跛腳，因為大腿已經脫臼。</verse>
				<verse number="32">所以 以色列 人到今仔日無食大腿臼的筋，因為彼個人給 雅各 搧大腿臼的筋。</verse>
			</chapter>
			<chapter number="33">
				<verse number="1">雅各 攑頭看，看著 以掃 來，閣有四百個人及伊做夥，就將許個囝仔分開，交互 麗亞 及 蕾潔 ，以及兩個女婢。</verse>
				<verse number="2">雅各 將女婢及𪜶的子排做頭前， 麗亞 及伊的子排佇後面， 蕾潔 及 約瑟 排佇路尾。</verse>
				<verse number="3">伊本身行去𪜶的頭前，連連七遍仆佇土腳拜，倚近伊的兄哥。</verse>
				<verse number="4">以掃 走來迎接伊，給伊攬啲，閣攬伊的頷頸給伊唚；兩個攏大聲哮。</verse>
				<verse number="5">以掃 攑頭看著許個婦仁人及囝仔，就問：「諸個及你做夥的是什麼人？」 雅各 講：「諸個囝仔是上帝賞賜互你的僕人的。」</verse>
				<verse number="6">講了，兩個女婢及𪜶的囝仔進前來拜。</verse>
				<verse number="7">麗亞 及伊的囝仔嘛進前來拜；路尾， 約瑟 及 蕾潔 嘛進前來拜。</verse>
				<verse number="8">以掃 講：「我抵著彼陣牲生，是欲做什麼？」 雅各 講：「是向望對我的主得著恩典。」</verse>
				<verse number="9">以掃 講：「小弟，我的已經有夠多啊，你的你留啲。」</verse>
				<verse number="10">雅各 講：「毋通按呢。我若對你得著恩典，請你著接受我的禮物。你歡喜接納我，我看著你的面，親像見著上帝的面。</verse>
				<verse number="11">請接受我帶來送你的禮物；因為上帝恩待我，互我逐項充足。」 雅各 再三拜託， 以掃 就接受。</verse>
				<verse number="12">以掃 講：「咱來去，我做頭前導路。」</verse>
				<verse number="13">雅各 對伊講：「我的主，你知諸個囝仔軟汫，牛羊嘛抵仔生；若歸日攏啲趕路，歸群羊攏會死。</verse>
				<verse number="14">請我的主先行，你的僕人隨後面；牲生及囝仔會當行偌緊，阮就行偌緊。阮會到 以東 我的主遐。」</verse>
				<verse number="15">以掃 講：「若是按呢，我留一寡我的人及你做陣。」 雅各 講：「千萬毋通。我的主對我已經有夠好啦。」</verse>
				<verse number="16">彼日 以掃 出發，照原路倒去 以東 。</verse>
				<verse number="17">雅各 行到 疏割 ，佇遐為家己起厝，為牲生搭草寮仔；伊給彼個所在號名叫做 疏割 。</verse>
				<verse number="18">雅各 對 美索不達米亞 平安倒來到 迦南 地的 示劍 城，佇城的對面搭布棚。</verse>
				<verse number="19">伊搭布棚彼塊地，是伊用一百塊銀對 示劍 的開拓者 哈抹 的後代買的。</verse>
				<verse number="20">雅各 佇遐起一座祭壇，給伊號名叫做 伊勒‧伊羅伊‧以色列 。</verse>
			</chapter>
			<chapter number="34">
				<verse number="1">麗亞 給 雅各 生的查某子 底拿 出去欲及彼所在的查某囝仔相尋。</verse>
				<verse number="2">彼所在的族長 希未 人 哈抹 的子 示劍 看著伊，就給伊扭啲，及伊睏，給伊侮辱。</verse>
				<verse number="3">示劍 戀慕 雅各 的查某子 底拿 ；伊愛此個查某囝仔，對伊吐露真情 。</verse>
				<verse number="4">示劍 給伊的老父 哈抹 講：「給我娶此個查某囝仔互我做某。」</verse>
				<verse number="5">雅各 聽著伊的查某子 底拿 受 示劍 侮辱，靜靜無出聲，因為彼時伊許個子及牲生攏猶佇野地；伊欲聽候𪜶倒來。</verse>
				<verse number="6">示劍 的老父 哈抹 來見 雅各 ，欲及伊講關係 底拿 的代誌。</verse>
				<verse number="7">雅各 許個子對野地倒來，一下聽著此個代誌，逐個非常痛心受氣，因為 示劍 對 以色列 家做毋應該做的見笑代，給 雅各 的查某子侮辱。</verse>
				<verse number="8">哈抹 及𪜶參詳講：「我的子 示劍 戀慕恁查某子，請將伊互我的子作某。</verse>
				<verse number="9">恁及阮結親；恁通將恁的查某子嫁阮，恁嘛通娶阮的查某子。</verse>
				<verse number="10">恁及阮做夥住𫢶遮；土地即闊，恁通住佇遮，做生理，建置產業。」</verse>
				<verse number="11">示劍 對查某囝仔的老父及伊的兄哥講：「恁若無棄嫌，恁要求什麼，阮攏欲互恁。</verse>
				<verse number="12">無論偌多聘金及禮物，阮一定照恁的要求互恁；只有請恁將查某子嫁互我。」</verse>
				<verse number="13">雅各 許個子因為 示劍 侮辱𪜶的小妹 底拿 ，就欺騙 示劍 及伊的老父 哈抹 ，</verse>
				<verse number="14">講：「將阮小妹嫁互無受割禮的人，此款代誌阮做𣍐到；因為這對阮來講是見笑事。</verse>
				<verse number="15">只有一個條件，恁所有的查甫人若攏及阮像款受割禮，阮就答應恁；</verse>
				<verse number="16">阮將阮的查某子嫁互恁，阮嘛娶恁的查某子作某；阮住𫢶恁遮，成做仝一族。</verse>
				<verse number="17">恁若毋聽阮的話受割禮，阮就導阮小妹離開遮。」</verse>
				<verse number="18">哈抹 及伊的子 示劍 歡喜接受此個條件。</verse>
				<verse number="19">彼個少年人隨時照𪜶的話去做，因為伊戀慕 雅各 的查某子。伊是𪜶老父的家上受尊重的。</verse>
				<verse number="20">哈抹 及伊的子 示劍 來到城門口，給城內的人講：</verse>
				<verse number="21">「諸個人是咱的朋友；咱的土地真闊，有夠通互𪜶徛起，做生理；咱通娶𪜶的查某子作某，嘛通將咱的查某子嫁互𪜶。</verse>
				<verse number="22">毋拘𪜶有一個條件，就是咱所有的查甫人攏著及𪜶像款受割禮，𪜶才欲及咱做夥住，成做仝一族。</verse>
				<verse number="23">咱若接受𪜶的條件，𪜶就會及咱做夥住，按呢，𪜶的牲生、財產，及𪜶所有的，豈毋是攏會變做咱的？」</verse>
				<verse number="24">此個城的住民攏接受 哈抹 及伊的子 示劍 的話；按呢，全城的查甫人攏受割禮。</verse>
				<verse number="25">到第三日，所有的人抵疼甲真艱苦的時， 雅各 兩個子， 底拿 的兄哥 西緬 及 利未 ，攏攑刀，趁𪜶無防備，入城刣死攏總的查甫人。</verse>
				<verse number="26">𪜶刣死 哈抹 及伊的子 示劍 ，給 底拿 對 示劍 的厝導出來，就離開。</verse>
				<verse number="27">雅各 其他的子為著𪜶小妹受侮辱，就來到受刣的人遐，搶城內的物件，</verse>
				<verse number="28">就是牛群、羊群、驢，以及城內及田野所有的。</verse>
				<verse number="29">𪜶閣將所有的財富、囝仔及婦仁人，以及厝內所有的物件攏搶去。</verse>
				<verse number="30">雅各 給 西緬 及 利未 講：「恁連累我，會害我互此所在的 迦南 人及 比利洗 人怨慼。閣咱的人少，𪜶若聯合來攻擊咱，我及咱全家攏會滅亡。」</verse>
				<verse number="31">𪜶應講：「𪜶哪通款待阮小妹親像娼妓？」</verse>
			</chapter>
			<chapter number="35">
				<verse number="1">上帝給 雅各 講：「你著出發去 伯特利 ，住佇遐，閣佇遐為上帝起一座祭壇，就是你逃避你的兄哥 以掃 的時，對你顯現彼位上帝。」</verse>
				<verse number="2">雅各 就給家內的人以及所有跟隨伊的人講：「恁著將恁中間外邦的神明除掉，嘛著潔淨家己，換衫。</verse>
				<verse number="3">咱著出發來去 伯特利 ；我欲佇遐起一座祭壇獻互上帝，就是我佇患難的時，應允欲一路及我同在彼位。」</verse>
				<verse number="4">大家就將𪜶的耳鉤及外邦的神明攏交互 雅各 ； 雅各 將許個埋佇 示劍 的橡樹腳。</verse>
				<verse number="5">𪜶就出發。上帝互周圍許個城的人著驚恐惶；許個城的人就無追趇 雅各 的眾子。</verse>
				<verse number="6">雅各 以及所有及伊做陣的人來到 迦南 地的 路斯 ，就是 伯特利 。</verse>
				<verse number="7">伊佇遐起一座祭壇，就給彼個所在號名叫做 伊勒‧伯特利 ；因為伊逃避伊的兄哥的時，上帝佇遐對伊顯現。</verse>
				<verse number="8">麗百加 的奶母 底波拉 死，埋葬佇 伯特利 南旁的橡樹腳；所以彼個所在叫做 亞倫‧巴古 。</verse>
				<verse number="9">雅各 對 美索不達米亞 倒來以後，上帝閣對伊顯現，賜福互伊。</verse>
				<verse number="10">上帝給伊講： 「你的名是 雅各 ， 今無閣按呢叫你； 你欲叫做 以色列 。」 上帝就給伊改名做 以色列 。</verse>
				<verse number="11">上帝閣給伊講： 「我是全能的上帝； 你著生湠，著加添； 將來有一國，毋若有一國， 是真多國會對你出， 嘛有多多君王對你出。</verse>
				<verse number="12">我賜互 亞伯拉罕 及 以撒 的地， 嘛欲賜互你及你的後代。」</verse>
				<verse number="13">上帝就對及 雅各 講話的所在上去。</verse>
				<verse number="14">雅各 佇遐𫞼一支石柱，佇彼頂面倒酒及橄欖油獻互上帝。</verse>
				<verse number="15">雅各 就將上帝及伊講話的所在叫做 伯特利 。</verse>
				<verse number="16">𪜶對 伯特利 出發，離開 以法他 猶有一站路的時， 蕾潔 催陣，毋拘難產。</verse>
				<verse number="17">佇伊生甲真艱苦的時，產婆對伊講：「毋免驚，你閣生後生啦。」</verse>
				<verse number="18">伊臨終氣欲斷的時，給此個囝仔號名叫做 便‧俄尼 ；毋拘囝仔的老父給伊號名叫做 便雅憫 。</verse>
				<verse number="19">蕾潔 死，埋葬佇去 以法他 的路邊； 以法他 就是 伯利恆 。</verse>
				<verse number="20">雅各 佇 蕾潔 的墓頂徛墓牌，到今仔日猶佇遐。</verse>
				<verse number="21">雅各 閣出發，去住佇 以得塔 。</verse>
				<verse number="22">雅各 住佇 以得塔 的時， 呂便 去及伊老父的細姨 辟拉 做夥睏； 雅各 嘛聽著此個代誌。</verse>
				<verse number="23">雅各 攏總有十二個子。 麗亞 的子有 雅各 的大子 呂便 ，以及 西緬 、 利未 、 猶大 、 以薩迦 、 西布倫 ；</verse>
				<verse number="24">蕾潔 的子有 約瑟 及 便雅憫 ；</verse>
				<verse number="25">蕾潔 的女婢 辟拉 的子有 但 及 拿弗他利 ；</verse>
				<verse number="26">麗亞 的女婢 悉帕 的子有 迦得 及 亞設 。諸個是 雅各 佇 美索不達米亞 生的子。</verse>
				<verse number="27">雅各 來 基列‧亞巴 的 幔利 ，伊的老父 以撒 遐； 基列‧亞巴 就是 希伯崙 ， 亞伯拉罕 及 以撒 曾佇遐寄居。</verse>
				<verse number="28">以撒 一生活一百八十歲。</verse>
				<verse number="29">以撒 年歲老，食長歲壽，平平安安轉去伊的祖先遐；伊兩個子 以掃 及 雅各 給伊埋葬。</verse>
			</chapter>
			<chapter number="36">
				<verse number="1">下面是 以掃 的後代； 以掃 就是 以東 。</verse>
				<verse number="2">以掃 娶 迦南 地的查某囝仔做某；𪜶就是 赫 人 以倫 的查某子 亞大 ，及 希未 人 祭便 的查某孫 亞拿 的查某子 阿何利巴瑪 。</verse>
				<verse number="3">伊閣娶 以實瑪利 的查某子， 尼拜約 的小妹 芭實抹 。</verse>
				<verse number="4">亞大 給 以掃 生 以利法 ； 芭實抹 生 流珥 ；</verse>
				<verse number="5">阿何利巴瑪 生 耶烏施 、 雅蘭 、 可拉 。諸個是 以掃 佇 迦南 地生的子。</verse>
				<verse number="6">以掃 導伊的某、子、查某子，及家內攏總的人，閣帶所有的牲生，以及伊佇 迦南 地所得著一切的財物，離開伊的小弟 雅各 ，去別個所在。</verse>
				<verse number="7">因為𪜶兩個人的牛、羊、財物真多，彼所在無夠闊，𣍐當互𪜶做夥住。</verse>
				<verse number="8">以掃 去住佇 西珥山 。 以掃 就是 以東 。</verse>
				<verse number="9">下面是 以掃 的後代： 以掃 就是 西珥 山區許個 以東 人的祖先。</verse>
				<verse number="10">以掃 的子的名記佇下面： 以掃 的某 亞大 生 以利法 ， 以掃 的某 芭實抹 生 流珥 。</verse>
				<verse number="11">以利法 的子有 提幔 、 阿抹 、 洗玻 、 迦坦 、 基納斯 。</verse>
				<verse number="12">以掃 的子 以利法 的細姨 亭納 給 以利法 生 亞瑪力 。諸個是 以掃 的某 亞大 的後代。</verse>
				<verse number="13">流珥 的子有 拿哈 、 謝拉 、 沙瑪 、 米撒 ；諸個是 以掃 的某 芭實抹 的後代。</verse>
				<verse number="14">以掃 的某 阿何利巴瑪 是 祭便 的查某孫， 亞拿 的查某子；伊給 以掃 生 耶烏施 、 雅蘭 、 可拉 。</verse>
				<verse number="15">下面是 以掃 的後代做族長的： 以掃 的大子 以利法 的子有 提幔 、 阿抹 、 洗玻 、 基納斯 、</verse>
				<verse number="16">可拉 、 迦坦 ，及 亞瑪力 ；諸個是 以利法 佇 以東 地區所生的族長，是 亞大 的後代。</verse>
				<verse number="17">以掃 的子 流珥 的後代做族長的有 拿哈 、 謝拉 、 沙瑪 ，及 米撒 ；諸個是 流珥 佇 以東 地區所生的族長，攏是 以掃 的某 芭實抹 的後代。</verse>
				<verse number="18">以掃 的某 阿何利巴瑪 的後代做族長的有 耶烏施 、 雅蘭 ，及 可拉 ；諸個是 以掃 的某 亞拿 的查某子 阿何利巴瑪 的後代。</verse>
				<verse number="19">以上攏是 以掃 的後代中間做族長的； 以掃 就是 以東 。</verse>
				<verse number="20">以東 地區原來的住民 何利 人 西珥 的後代記佇下面： 羅坍 、 朔巴 、 祭便 、 亞拿 、 底順 、 以察 、 底珊 ；諸個是 以東 地區的 何利 人 西珥 後代做族長的。</verse>
				<verse number="21"></verse>
				<verse number="22">羅坍 的子有 何利 及 希幔 ； 羅坍 的小妹是 亭納 。</verse>
				<verse number="23">朔巴 的子有 亞勒文 、 瑪拿轄 、 以巴路 、 示玻 ，及 阿南 。</verse>
				<verse number="24">祭便 的子有 愛亞 及 亞拿 ； 亞拿 啲飼𪜶老父 祭便 的驢仔的時，有佇曠野尋著溫泉。</verse>
				<verse number="25">亞拿 的子是 底順 ，查某子是 阿何利巴瑪 。</verse>
				<verse number="26">底順 的子有 欣但 、 伊是班 、 益蘭 ，及 基蘭 。</verse>
				<verse number="27">以察 的子有 辟罕 、 撒番 ，及 亞干 。</verse>
				<verse number="28">底珊 的子有 烏斯 及 亞蘭 。</verse>
				<verse number="29">下面是 以東 地區的 何利 人的族長： 羅坍 、 朔巴 、 祭便 、 亞拿 、 底順 、 以察 ，及 底珊 。</verse>
				<verse number="30"></verse>
				<verse number="31">以色列 人猶未有君王統治的時， 以東 地區的諸王有：</verse>
				<verse number="32">比珥 的子 比拉 ，伊的京城叫做 亭哈巴 。</verse>
				<verse number="33">比拉 死了， 波斯拉 人 謝拉 的子 約巴 續接伊作王。</verse>
				<verse number="34">約巴 死， 提幔 地的人 戶珊 續接伊作王。</verse>
				<verse number="35">戶珊 死， 比達 的子 哈達 續接伊作王；伊佇 摩押 地區刣贏 米甸 人。伊的城叫做 亞未得 。</verse>
				<verse number="36">哈達 死， 瑪士利加 人 桑拉 續接伊作王。</verse>
				<verse number="37">桑拉 死， 幼發拉底河 的 利河伯 人 掃羅 續接伊作王。</verse>
				<verse number="38">掃羅 死， 亞革波 的子 巴力‧哈南 續接伊作王。</verse>
				<verse number="39">亞革波 的子 巴力‧哈南 死， 哈達 續接伊作王；伊的城叫做 巴烏 ；伊的某叫做 米希她別 ，是 米‧薩合 的查某孫， 瑪特列 的查某子。</verse>
				<verse number="40">以掃 的後代做族長的，照𪜶的宗族、地區、名字，記佇下面： 亭納 、 亞勒瓦 、 耶帖 、</verse>
				<verse number="41">阿何利巴瑪 、 以拉 、 比嫩 、</verse>
				<verse number="42">基納斯 、 提幔 、 米比薩 、</verse>
				<verse number="43">瑪基疊 ，及 以蘭 。𪜶攏是 以東 的族長，佇𪜶得著做家業的地徛起。 以掃 是 以東 人的祖先。</verse>
			</chapter>
			<chapter number="37">
				<verse number="1">雅各 徛起佇伊的老父寄居的 迦南 地。</verse>
				<verse number="2">下面是 雅各 的家庭的記事。 約瑟 十七歲的時及伊的兄哥做夥去顧羊；伊是一個少年人，常常給伊老父的細姨 辟拉 及 悉帕 的子鬥腳手。 約瑟 會將兄哥的歹品行給𪜶老父報告。</verse>
				<verse number="3">佇所有的子中間， 雅各 上疼 約瑟 ，因為 約瑟 是伊年老的時生的；伊給 約瑟 做一領長手袂的 外袍。</verse>
				<verse number="4">約瑟 的兄哥看著𪜶老父較疼 約瑟 ，就怨妒伊，無欲及伊好好仔講話。</verse>
				<verse number="5">約瑟 夢見一個夢，給伊許個兄哥講；𪜶就閣較怨妒伊。</verse>
				<verse number="6">約瑟 給𪜶講：「請恁聽我講我夢著什麼。</verse>
				<verse number="7">咱佇園裡縖麥捆；忽然，我縖的麥捆起來徛啲，恁縖的圍啲拜我的麥捆。」</verse>
				<verse number="8">伊的兄哥應伊講：「你豈真正欲做阮的王？真正欲管阮？」𪜶就因為伊的夢及伊的話閣較怨妒伊。</verse>
				<verse number="9">後來， 約瑟 閣夢著一個夢，閣給伊的兄哥講：「恁看，我閣夢著一個夢；日頭、月娘，及十一粒星攏啲給我拜。」</verse>
				<verse number="10">約瑟 將此個夢給伊的老父及兄哥講；伊的老父就給伊責備，講：「你烏白夢。豈講我及恁老母、恁兄弟仔，攏欲仆拜你？」</verse>
				<verse number="11">伊的兄哥攏怨妒伊；伊的老父將此個事記佇心內。</verse>
				<verse number="12">約瑟 的兄哥去 示劍 飼𪜶老父的羊。</verse>
				<verse number="13">雅各 給 約瑟 講：「恁兄哥佇 示劍 飼羊。你來，我想欲叫你去𪜶遐。」 伊應講：「好，我來去。」</verse>
				<verse number="14">雅各 給伊講：「你去看恁兄哥有平安，羊群有好勢抑無；倒來給我講。」 雅各 就佇 希伯崙 山谷送伊出發；伊就去到 示劍 。</verse>
				<verse number="15">有人看著 約瑟 佇野地迷路，就問伊講：「你啲尋什麼？」</verse>
				<verse number="16">伊講：「我啲尋我的兄哥。請給我講，𪜶佇叨位啲飼羊。」</verse>
				<verse number="17">彼個人給伊講：「𪜶已經離開遮，因為我有聽著𪜶啲講：『咱來去 多坍 。』」 約瑟 就趇去尋𪜶兄哥；佇 多坍 尋著𪜶。</verse>
				<verse number="18">𪜶佇遠遠看著 約瑟 ；伊猶未到𪜶遐，𪜶就計謀欲害死伊。</verse>
				<verse number="19">𪜶互相講：「看咧，彼個作夢的來啦。</verse>
				<verse number="20">互來！來給刣死，給伊㧒𫢶坑裡，講伊互野獸食去；咱才看伊的夢將來按怎。」</verse>
				<verse number="21">呂便 聽著，想欲救 約瑟 ，就講：「咱毋通害伊的性命。」</verse>
				<verse number="22">呂便 閣給𪜶講：「毋通互伊流血。咱通給伊㧒佇此個曠野的坑裡，毋通傷害伊。」伊按呢講，意思是欲救 約瑟 脫離𪜶的手，互伊倒去𪜶老父遐。</verse>
				<verse number="23">約瑟 到伊的兄哥遐，𪜶隨時剝伊穿啲彼領長手袂的外袍，</verse>
				<verse number="24">給伊掠啲，㧒落坑；彼個坑空空，內面無水。</verse>
				<verse number="25">𪜶坐啲食餅的時，攑頭看，看著一陣對 基列 來的 以實瑪利 人的商隊；𪜶的駱駝載香料、乳香、沒藥欲落去 埃及 。</verse>
				<verse number="26">猶大 對諸個兄弟講：「咱刣死咱小弟，掩蓋咱的罪，有什麼利益？</verse>
				<verse number="27">咱來給伊賣互 以實瑪利 人；毋通下手害伊，因為伊是咱的小弟，咱的骨肉。」兄弟攏同意。</verse>
				<verse number="28">許個 米甸 的生理人對遐過的時， 約瑟 的兄哥 給伊對坑裡扭起來，用二十個銀將伊賣互 以實瑪利 人。許個人就帶 約瑟 去 埃及 。</verse>
				<verse number="29">呂便 倒轉來坑遐，看著 約瑟 無佇內面，就拆裂家己的衫，</verse>
				<verse number="30">倒去伊的小弟遐，講：「少年的無去啊；我咧，我欲按怎？」</verse>
				<verse number="31">𪜶就刣一隻山羊，將 約瑟 彼領外袍滒血，</verse>
				<verse number="32">派人提彼領衫去𪜶老父遐，講：「阮尋著此領，請認看是毋是恁子的外袍。」</verse>
				<verse number="33">雅各 認著彼領衫，就講：「這是我的子的外袍。 約瑟 一定互野獸食去，互野獸拆碎啦！」</verse>
				<verse number="34">雅各 就拆裂外衫，腰縖麻布，為著伊的子 約瑟 哀傷多多日。</verse>
				<verse number="35">伊的子及查某子攏給伊安慰；伊毋肯受安慰，講：「我寧可哀傷落去陰府，去我的子遐。」 雅各 為著 約瑟 啼哭。</verse>
				<verse number="36">米甸 人帶 約瑟 去到 埃及 ，將伊賣互法老的人臣侍衛長 波提乏 。</verse>
			</chapter>
			<chapter number="38">
				<verse number="1">大約彼個時， 猶大 離開伊的兄弟，去住佇 亞杜蘭 人 希拉 的厝附近。</verse>
				<verse number="2">猶大 佇遐看著 迦南 人 書亞 的查某子，就娶伊，及伊同房。</verse>
				<verse number="3">伊就懷孕生子； 猶大 給囝仔號名叫做 珥 。</verse>
				<verse number="4">伊閣懷孕生子；嬰仔的老母給伊號名叫做 俄南 。</verse>
				<verse number="5">伊閣生一個子，就給伊號名叫做 示拉 ； 示拉 出世的時， 猶大 抵仔佇 基悉 。</verse>
				<verse number="6">猶大 給伊的大子 珥 娶 她瑪 做某。</verse>
				<verse number="7">猶大 的大子 珥 做上主看做歹的事，上主就互伊死。</verse>
				<verse number="8">猶大 給 俄南 講：「你著及你的兄嫂同房，對伊盡你做小弟的本分，給你的兄哥生後嗣。」</verse>
				<verse number="9">俄南 知，伊生的子𣍐當歸伊家己，所以同房的時，射精佇土腳，無欲互伊的兄哥有後嗣。</verse>
				<verse number="10">伊的所做，上主看做歹；上主嘛互伊死。</verse>
				<verse number="11">猶大 驚 示拉 會親像伊兩個兄哥仝款死，就對伊的新婦 她瑪 講：「你倒去恁老父遐守寡，聽候我的子 示拉 大漢。」 她瑪 就倒去𪜶後頭厝。</verse>
				<verse number="12">過真久， 猶大 的某， 書亞 的查某子死；喪期過了， 猶大 及伊的朋友 亞杜蘭 人 希拉 去 亭拿 ，去給 猶大 剪羊毛的人遐。</verse>
				<verse number="13">有人給 她瑪 講：「恁大官去 亭拿 剪伊羊群的毛。」</verse>
				<verse number="14">她瑪 看著 示拉 已經大漢，猶未來娶伊作某，就褪伊守寡的衫，用帕罩面，用巾幔身軀，坐佇欲去 亭拿 的路 伊拿印 的城門口。</verse>
				<verse number="15">猶大 看著 她瑪 ，掠準伊是娼妓，因為伊有罩面。</verse>
				<verse number="16">猶大 就斡去路邊 她瑪 遐，給伊講：「來，互我及你做夥睏。」 猶大 毋知婦仁人是伊的新婦。 她瑪 應伊講：「你欲及我睏，欲什麼互我？」</verse>
				<verse number="17">猶大 講：「我會對羊群掠一隻山羊仔送互你。」 她瑪 講：「你送來以前，著有物件互我兜啲。」</verse>
				<verse number="18">猶大 講：「我著用什麼互你兜啲？」 她瑪 講：「你的印、印仔帶，及手裡的柺仔。」 猶大 就互伊，及伊睏；伊就對 猶大 懷孕。</verse>
				<verse number="19">她瑪 就轉去，將面帕提起來，閣穿伊原來守寡的衫。</verse>
				<verse number="20">猶大 託伊的朋友 亞杜蘭 人 希拉 送一隻山羊仔去互彼個婦仁人，欲將互伊兜啲的物件提倒轉；毋拘尋無彼個婦仁人。</verse>
				<verse number="21">希拉 就問彼所在的人，講：「 伊拿印 路邊寺廟的妓女佇叨位？」 𪜶講：「遮無寺廟的妓女。」</verse>
				<verse number="22">伊倒去給 猶大 講：「我尋無伊；遐的人嘛講𪜶遐無寺廟的妓女。」</verse>
				<verse number="23">猶大 講：「我欲給此隻山羊仔送互伊，你煞尋無伊。伊兜啲的物件，據在伊留啲，才免咱互人笑。」</verse>
				<verse number="24">大約過三月日，有人給 猶大 講：「你的新婦 她瑪 做妓女；閣因為行淫懷孕。」 猶大 講：「給伊拖出來燒。」</verse>
				<verse number="25">她瑪 互人拖出來的時，伊叫人去見伊的大官，講：「諸個物件是什麼人的，我就是對伊懷孕。請你認，看此個印仔、印仔帶，及柺仔是什麼人的。」</verse>
				<verse number="26">猶大 會認得，就講：「伊比我較有理，因為我無將伊嫁互我的子 示拉 。」對彼陣起， 猶大 無閣及伊做夥睏。</verse>
				<verse number="27">她瑪 啲欲生，竟然腹肚內是雙生。</verse>
				<verse number="28">伊生的時，有一個嬰仔伸一支手出來；產婆提紅線縛佇伊的手，講：「此個是先出世的。」</verse>
				<verse number="29">後來伊的手勼入去；伊的兄弟出世，產婆講：「你是按怎闖出來？」因為伊闖出來，所以伊的名叫做 法勒斯 。</verse>
				<verse number="30">後來，彼個手縛紅線的生出來，伊的名叫做 謝拉 。</verse>
			</chapter>
			<chapter number="39">
				<verse number="1">約瑟 互人帶落去 埃及 ；有一個 埃及 人，就是法老的人臣侍衛長 波提乏 ，對許個 以實瑪利 人將 約瑟 買去。</verse>
				<verse number="2">上主及 約瑟 同在，互伊事事順利；伊住佇主人 埃及 人 波提乏 𪜶兜。</verse>
				<verse number="3">伊的主人看見上主及 約瑟 同在，閣上主互 約瑟 所做的事攏順利，</verse>
				<verse number="4">就合意 約瑟 ，互 約瑟 佇身軀邊服事。主人派 約瑟 管理伊的家，將所有的攏授權互伊。</verse>
				<verse number="5">對彼時開始，上主因為 約瑟 的緣故，賜福互彼個 埃及 人的家；上主祝福彼個 埃及 人的家庭及田園所有的。</verse>
				<verse number="6">彼個 埃及 人將伊一切所有的攏授權互 約瑟 ；伊所食的物以外，伊攏無啲管。 約瑟 生做緣投體格好。</verse>
				<verse number="7">諸個代誌以後， 約瑟 的女主人給伊使目尾，對伊講：「來及我睏。」</verse>
				<verse number="8">約瑟 毋肯，對伊的女主人講：「你知，主人已經將伊所有的交代我；有我佇遮，主人就攏毋免操煩。</verse>
				<verse number="9">佇此個家，無人比我較大；你以外，伊無一項無交互我，因為你是伊的某。按呢，我哪通做此款極歹的事得罪上帝？」</verse>
				<verse number="10">女主人雖然逐日按呢給 約瑟 引誘，毋拘 約瑟 毋肯聽伊的話，攏無及伊做夥睏，嘛無欲及伊做夥。</verse>
				<verse number="11">有一日， 約瑟 入去厝內辦代誌；厝內攏無人。</verse>
				<verse number="12">女主人扭伊的衫，講：「你來及我睏。」 約瑟 將衫放佇伊的手，走出去外面。</verse>
				<verse number="13">女主人看著 約瑟 將衫放互伊，閣走出去外面，</verse>
				<verse number="14">就叫家內的人來，給𪜶講：「恁看咧，主人給一個 希伯來 人導入來咱厝內戲弄咱；伊來我遮，欲及我睏，我就大聲喝。</verse>
				<verse number="15">伊聽著我出聲喝，就將伊的衫放佇我遮，走出去外面。」</verse>
				<verse number="16">婦仁人將 約瑟 的衫收佇伊遐，聽候 約瑟 的主人倒來。</verse>
				<verse number="17">伊對伊的丈夫講諸個代誌，講：「你帶來咱遮彼個 希伯來 奴隸入來我遮，欲戲弄我；</verse>
				<verse number="18">我一下大聲喝，伊就將伊的衫放佇我遮，走出去外面。」</verse>
				<verse number="19">約瑟 的主人聽著伊的某對伊講「你的奴隸按呢按呢對待我」，就非常受氣。</verse>
				<verse number="20">約瑟 的主人將伊關佇啲關王的犯人的監獄。對按呢， 約瑟 就佇遐坐監。</verse>
				<verse number="21">毋拘上主及 約瑟 同在，施恩互伊，互監獄長合意伊。</verse>
				<verse number="22">監獄長就將監獄內面的犯人攏交互 約瑟 管理；監獄內面所有的代誌，攏是伊啲處理。</verse>
				<verse number="23">所有交互 約瑟 辦理的代誌，監獄長完全信任，因為上主及 約瑟 同在，互伊事事順利。</verse>
			</chapter>
			<chapter number="40">
				<verse number="1">諸個代誌以後， 埃及 王的酒政長及廚房長得罪𪜶的主 埃及 王。</verse>
				<verse number="2">埃及 王對此兩個人臣非常受氣，</verse>
				<verse number="3">將𪜶關佇侍衛長府內的監，就是關 約瑟 的所在。</verse>
				<verse number="4">侍衛長將𪜶交代 約瑟 ， 約瑟 就侍候𪜶；𪜶佇監裡已經有一段時間。</verse>
				<verse number="5">互 埃及 王關佇監裡的酒政長及廚房長，仝一暝各做一個夢；𪜶的夢攏有無像的意思。</verse>
				<verse number="6">到天光， 約瑟 入去𪜶遐，看著𪜶憂頭結面。</verse>
				<verse number="7">約瑟 就問及伊做夥關佇主人府內監裡彼兩個人臣，講：「今仔日恁哪會面帶憂容？」</verse>
				<verse number="8">𪜶給伊講：「阮兩個攏有夢著夢，無人會曉給阮解夢。」 約瑟 給𪜶講：「解夢的才能是上帝所賜的。請給我講恁的夢。」</verse>
				<verse number="9">酒政長就對 約瑟 講伊的夢，講：「我夢中看見佇我的面頭前有一欉葡萄樹；</verse>
				<verse number="10">樹頂有三枝樹椏，拍莓，開花，就結歸葩成熟的葡萄。</verse>
				<verse number="11">我提 埃及 王的杯，閣提葡萄，淀汁佇杯裡，將杯捧互王。」</verse>
				<verse number="12">約瑟 給伊講：「你的夢的意思是按呢：三枝樹椏就是三日。</verse>
				<verse number="13">三日內， 埃及 王欲將你對監獄導出去，給你復職；你欲閣捧伊的酒杯，回復以前做酒政長的職位。</verse>
				<verse number="14">你亨通的時，請你著會記得我，好款待我；佇王的面前替我講一聲，救我出監。</verse>
				<verse number="15">我實在是對 希伯來 人的所在互人賣來的；我佇遮嘛無做什麼代誌通互𪜶給我關佇監牢。」</verse>
				<verse number="16">廚房長看著 約瑟 解夢解了真好，就給 約瑟 講：「我嘛有夢著佇我的頭殼頂有三籃的白麵包；</verse>
				<verse number="17">頂面彼個籃仔有貯 埃及 王欲食的逐款物件；有鳥仔來啄我頭殼頂籃仔內的食物。」</verse>
				<verse number="18">約瑟 應伊講：「你的夢的意思是按呢：三個籃就是三日。</verse>
				<verse number="19">三日內， 埃及 王欲將你對監獄導出去，斬你的頭，閣給你吊佇柴架，飛鳥會來啄你身軀的肉。」</verse>
				<verse number="20">到第三日，抵抵是 埃及 王的生日，伊辦桌請所有的人臣。王將酒政長及廚房長對監獄帶出來，互𪜶徛佇眾人臣的面前。</verse>
				<verse number="21">埃及 王給酒政長復職，互伊猶原捧杯服事 埃及 王，</verse>
				<verse number="22">毋拘將廚房長吊死，攏照 約瑟 所給𪜶講的。</verse>
				<verse number="23">總是酒政長無想著 約瑟 ，竟然給伊𣍐記得。</verse>
			</chapter>
			<chapter number="41">
				<verse number="1">兩年後， 埃及 王作夢。伊夢見伊徛佇 尼羅 河邊，</verse>
				<verse number="2">看著七隻肥閣媠的牛母對河裡起來，佇蘆竹仔內啲食草。</verse>
				<verse number="3">隨後，有七隻瘦閣歹看的牛母對河裡起來；及頭前許個牛母做夥徛佇河邊。</verse>
				<verse number="4">諸個瘦閣歹看的牛母給彼七隻肥閣媠的牛母食了了。 埃及 王就醒起來。</verse>
				<verse number="5">伊閣睏，閣眠夢，夢著一欉麥仔出七穗飽水閣好看的麥穗。</verse>
				<verse number="6">後來，伊閣看著彼欉麥仔出七穗麥穗，冇冇閣互東風吹甲臭焦。</verse>
				<verse number="7">諸個冇的麥穗給彼七穗飽水閣好看的麥穗吞落去。 埃及 王醒起來，才知是眠夢。</verse>
				<verse number="8">到天光， 埃及 王心內操煩不安，就派人召 埃及 所有的術士及有智慧的人來。王就將伊的夢給𪜶講；毋拘𪜶無法度給王解夢。</verse>
				<verse number="9">彼時酒政長對 埃及 王講：「我今仔日才想著我有失錯。</verse>
				<verse number="10">較早，王對你的僕人發受氣，將我及廚房長關佇侍衛長府內的監牢。</verse>
				<verse number="11">阮兩個仝一暝作夢，有無像款的意思。</verse>
				<verse number="12">有一個 希伯來 的少年人就是侍衛長的奴隸，及阮關做夥；阮給伊講阮的夢，伊就給阮解夢。</verse>
				<verse number="13">後來阮兩個人的結果，攏照伊所給阮解說的，王給我復職，廚房長受吊死。」</verse>
				<verse number="14">埃及 王派人去召 約瑟 來，𪜶就趕緊帶伊出監。 約瑟 就剪頭毛修面，換衫，來見 埃及 王。</verse>
				<verse number="15">埃及 王給 約瑟 講：「我夢著一個夢，無人會當給我解說。有人給我講，你聽著夢就會解夢。」</verse>
				<verse number="16">約瑟 應講：「這毋是在佇我，是上帝欲將平安福氣的路指示 埃及 王。」</verse>
				<verse number="17">埃及 王給 約瑟 講：「我夢著我徛佇 尼羅 河邊，</verse>
				<verse number="18">有七隻肥閣媠的牛母對河裡起來，佇蘆竹仔內啲食草。</verse>
				<verse number="19">隨後，有七隻瘦閣歹看的牛母起來；佇 埃及 地，我猶毋曾看著即呢僫的牛。</verse>
				<verse number="20">諸個瘦閣歹看的牛母給彼七隻肥的牛母食了了；</verse>
				<verse number="21">吞落腹了後，彼七隻瘦閣歹看的牛母，看𣍐出有什麼各樣，猶原赫呢瘦閣歹看；我就醒起來。</verse>
				<verse number="22">我閣夢著一欉麥仔，出七穗飽水閣好看的麥穗。</verse>
				<verse number="23">後來，彼欉麥仔閣出七穗麥穗，冇冇閣互東風吹甲臭焦。</verse>
				<verse number="24">諸個冇的麥穗給彼七穗好的麥穗吞落去。我將諸個夢講互術士聽，毋拘𪜶無法度給我解說。」</verse>
				<verse number="25">約瑟 對 埃及 王講：「王的夢其實是一個；上帝將伊欲做的事指示王。</verse>
				<verse number="26">七隻媠的牛母及七穗好的麥穗是指七年；此兩個夢是仝一個意思。</verse>
				<verse number="27">許個隨後起來的七隻瘦閣歹看的牛母，及七穗冇閣互東風吹臭焦的麥穗，嘛是指七年，代表七年的飢荒。</verse>
				<verse number="28">這是我對王所講的：上帝將伊欲做的事，對王顯示。</verse>
				<verse number="29">埃及 全地會有七年好年冬；</verse>
				<verse number="30">後來會有七年歹年冬，甚至 埃及 全國攏𣍐記得以前的豐收，全地會互飢荒毀壞；</verse>
				<verse number="31">因為後來的飢荒真傷重，煞𣍐記得以前曾有豐收。</verse>
				<verse number="32">王兩遍的眠夢，是上帝啲指示伊決定欲做，閣真緊欲完成的事。</verse>
				<verse number="33">「所以王著揀一個聰明閣有智慧的人，派伊管理 埃及 全國。</verse>
				<verse number="34">王閣著派官員管理全國；佇七年好年冬， 埃及 全地的收成著五份抽一份。</verse>
				<verse number="35">請王命令𪜶收集好年冬收成的五穀，積聚佇粟倉，派人管理，通做逐個城的糧食。</verse>
				<verse number="36">積聚起來的糧食，通做 埃及 全地將來七年飢荒的路用，才免此個國家因為飢荒滅亡。」</verse>
				<verse number="37">埃及 王及伊所有的人臣攏贊成此個計劃。</verse>
				<verse number="38">埃及 王對伊的人臣講：「咱豈會當尋著一個人，親像此個人有上帝的神佇伊的內面？」</verse>
				<verse number="39">埃及 王對 約瑟 講：「上帝已經將此個代誌攏指示你，可見無人親像你即呢聰明有智慧。</verse>
				<verse number="40">你通管理我的朝廷；我的人民攏著服從你，互你管理；只有坐佇王位的我比你較大。」</verse>
				<verse number="41">埃及 王閣給 約瑟 講：「我派你管理 埃及 全地。」</verse>
				<verse number="42">埃及 王就將伊做印鑑的手指剝起來，掛佇 約瑟 的指頭仔；給伊穿幼麻布的衫，將金袚鍊掛佇伊的頷頸。</verse>
				<verse number="43">王閣互 約瑟 坐朝廷的第二號車；開道的叫講：「閃開！」按呢， 埃及 王派 約瑟 管理 埃及 全地。</verse>
				<verse number="44">埃及 王對 約瑟 講：「我是王，若無你允准，佇 埃及 全地，不准人隨便辦代誌。」</verse>
				<verse number="45">埃及 王給 約瑟 號名叫做 撒發那特‧巴內亞 ，閣將 希利坡里 城的祭司 波提‧非拉 的查某子 亞西納 互伊作某。 約瑟 就佇 埃及 地出巡。</verse>
				<verse number="46">約瑟 開始服事 埃及 王的時三十歲。伊離開 埃及 王，去 埃及 全地巡視。</verse>
				<verse number="47">七個好年冬，地的出產大豐收。</verse>
				<verse number="48">約瑟 收集 埃及 地七個好年冬所有的五穀，積聚佇逐個城；逐個城周圍田地的糧食，攏積聚佇附近的城內。</verse>
				<verse number="49">約瑟 積聚五穀，多甲親像海邊的沙，無法度算，因為算𣍐了。</verse>
				<verse number="50">歹年冬猶未到以前， 希利坡里 城的祭司 波提‧非拉 的查某子 亞西納 給 約瑟 生兩個子。</verse>
				<verse number="51">約瑟 給大子號名叫做 瑪拿西 ；伊講：「上帝互我𣍐記得我所有的困苦，及思念我的老父全家的苦情。」</verse>
				<verse number="52">伊給第二個子號名叫做 以法蓮 ；伊講：「上帝互我佇我受苦的所在興旺。」</verse>
				<verse number="53">埃及 地七年好年冬一下過去，</verse>
				<verse number="54">七年飢荒就來，抵抵照 約瑟 所講的；逐國攏有飢荒，干焦 埃及 全地有米糧。</verse>
				<verse number="55">到 埃及 全地糧食無夠的時，人民來對王哀求米糧；王對 埃及 的人民講：「恁去尋 約瑟 ，伊給恁講什麼，恁攏照按呢去做。」</verse>
				<verse number="56">彼時逐國攏有飢荒， 埃及 地嘛真傷重； 約瑟 開逐所在的粟倉，賣米糧互 埃及 人。</verse>
				<verse number="57">逐國飢荒真嚴重，逐所在的人攏去 埃及 ，去 約瑟 遐買米糧。</verse>
			</chapter>
			<chapter number="42">
				<verse number="1">雅各 聽著 埃及 有五穀，就給伊許個子講：「恁是按怎猶啲相相。」</verse>
				<verse number="2">閣講：「我聽著 埃及 有五穀，恁著落去遐，買一寡糧食，互咱通度活，才免死。」</verse>
				<verse number="3">約瑟 十個兄哥就攏落去 埃及 買米糧。</verse>
				<verse number="4">毋拘 雅各 無互 約瑟 的小弟 便雅憫 及𪜶兄哥做夥去，因為伊驚 便雅憫 抵著傷害。</verse>
				<verse number="5">雅各 的子及許個來買米糧的人做夥來，因為 迦南 地嘛有飢荒。</verse>
				<verse number="6">彼時啲治理 埃及 地的是 約瑟 ，賣米糧互彼所在的人民的，嘛是伊； 約瑟 許個兄哥來，仆落拜伊。</verse>
				<verse number="7">約瑟 看著伊的兄哥，會認得𪜶，毋拘假毋識，用嚴轄的口氣問𪜶：「恁對叨位來？」 𪜶應講：「阮對 迦南 地來欲買米糧。」</verse>
				<verse number="8">約瑟 會認得伊許個兄哥，毋拘𪜶𣍐認得伊。</verse>
				<verse number="9">約瑟 想起以前夢見關係𪜶的夢，就對𪜶講：「恁是偵探，來探查阮遮無設防的所在。」</verse>
				<verse number="10">𪜶對 約瑟 講：「阮的主，毋是按呢，你的僕人是來欲買糧食。</verse>
				<verse number="11">阮攏仝老父，是老實人；你的僕人毋是偵探。」</verse>
				<verse number="12">約瑟 給𪜶講：「毋是！恁來是欲探查阮遮無設防的所在。」</verse>
				<verse number="13">𪜶講：「你的僕人攏總有十二個兄弟，仝老父，住佇 迦南 地；上細的現在及阮老父做夥；有一個無去啦。」</verse>
				<verse number="14">約瑟 給𪜶講：「我抵即講恁是偵探，實在無毋著。</verse>
				<verse number="15">我愛恁證明恁是老實。我指 埃及 王的性命咒誓，恁煞尾小弟若無導來遮，恁一定𣍐當離開此個所在。</verse>
				<verse number="16">恁著派一個轉去導恁小弟來，其他的攏關佇遮，按呢證明恁有老實；若無，我指 埃及 王的性命咒誓，恁確實是偵探。」</verse>
				<verse number="17">約瑟 就將𪜶關佇監裡三日。</verse>
				<verse number="18">到第三日， 約瑟 對𪜶講：「我是驚畏上帝的人；恁若照我的話做，就免死。</verse>
				<verse number="19">恁若真正是老實人，恁兄弟的中間著留一個關佇監裡，其他的人通帶米糧倒去救恁家內枵餓的人。</verse>
				<verse number="20">恁若將煞尾小弟導來我遮，就通證明恁講話老實，恁嘛免死。」 𪜶就照按呢做。</verse>
				<verse number="21">𪜶互相講：「咱實在對咱的小弟犯真大的罪；咱看著伊痛苦給咱哀求的時，嘛無插伊，所以咱受報應，抵著即大的災難。」</verse>
				<verse number="22">呂便 應𪜶講：「我豈無給恁講，毋通傷害彼個少年人，毋拘恁攏毋聽。所以流伊的血的罪，現在啲給咱討。」</verse>
				<verse number="23">𪜶毋知 約瑟 聽有𪜶啲講的話，因為佇𪜶的中間有翻譯官啲翻譯。</verse>
				<verse number="24">約瑟 越轉身離開𪜶去哮，後來閣轉來及𪜶講話。 約瑟 對𪜶中間揀 西緬 ，佇𪜶目睭前給伊縛起來。</verse>
				<verse number="25">約瑟 吩咐人將五穀給𪜶的布袋貯滿滿，將𪜶逐個人的銀還𪜶，下佇𪜶的袋仔內，閣用路中需要的食物互𪜶；許個人就照按呢做。</verse>
				<verse number="26">約瑟 的兄哥將米糧下佇驢仔頂，離開遐倒去。</verse>
				<verse number="27">到歇暝的所在，𪜶中間有一個解開伊的袋仔，欲提飼料互驢仔食，才看著銀猶佇袋仔內，下佇布袋口。</verse>
				<verse number="28">伊就給伊的兄弟講：「恁看！我的銀閣倒轉來，猶原佇我的袋仔內。」𪜶就驚甲神不附體，愕愕惙，互相講：「上帝哪按呢對待咱？」</verse>
				<verse number="29">𪜶倒去 迦南 地，到𪜶老父 雅各 遐，將抵著的事攏給伊講：</verse>
				<verse number="30">「彼所在的主人給阮講真嚴轄的話，給阮當做是偵探。</verse>
				<verse number="31">阮給伊講：『阮是老實人，毋是偵探。</verse>
				<verse number="32">阮有十二個兄弟，攏仝老父；有一個無去，上細的小弟現在及阮老父佇 迦南 地。』</verse>
				<verse number="33">彼所在的主人給阮講：『恁若欲互我相信恁是老實人，恁著留一個兄弟佇我遮，其他的人通帶米糧倒去，救恁家內枵餓的人；</verse>
				<verse number="34">恁導煞尾小弟來我遮，我就知恁毋是偵探，是老實人；按呢，我就將恁的兄弟交還恁，恁嘛通佇遮自由行動。』」</verse>
				<verse number="35">後來，𪜶將𪜶的袋仔倒出來，無拍算，𪜶逐個人的錢袋仔攏佇𪜶的布袋內；𪜶及𪜶老父看著錢袋仔攏驚一趒。</verse>
				<verse number="36">𪜶的老父 雅各 給𪜶講：「恁互我失去我的子； 約瑟 無去， 西緬 嘛無去，恁閣欲導 便雅憫 去。諸個代誌哪會攏發生佇我身上！」</verse>
				<verse number="37">呂便 給伊的老父講：「我若無導 便雅憫 倒來交互你，你通刣我兩個子。做你將 便雅憫 交代我，我一定會給伊導倒來互你。」</verse>
				<verse number="38">雅各 講：「我無欲互我的子及恁去；伊的兄哥已經死，只有賰伊一個。伊若佇路中抵著災害，就是恁害我白頭毛悽慘落陰間。」</verse>
			</chapter>
			<chapter number="43">
				<verse number="1">迦南 地區的飢荒真嚴重。</verse>
				<verse number="2">雅各 許個子對 埃及 帶轉來的五穀已經食了，𪜶老父給𪜶講：「恁閣去給咱買一寡米糧。」</verse>
				<verse number="3">猶大 對伊的老父講：「彼個人嚴嚴給阮警告，講：『恁若無導恁小弟來，就免想欲見我。』</verse>
				<verse number="4">你若互阮小弟做夥去，阮就落去給你買米糧。</verse>
				<verse number="5">你若毋互伊及阮做夥去，阮就無欲落去；因為彼個人給阮講：『恁若無導恁小弟來，就免想欲見我。』」</verse>
				<verse number="6">雅各 講：「恁是按怎按呢害我，給彼個人講恁猶有小弟？」</verse>
				<verse number="7">𪜶應講：「彼個人一直給阮問阮及親族的代誌，講：『恁老父猶活啲無？恁猶有兄弟無？』阮攏照實講，阮哪會知伊會講『著導恁小弟來』。」</verse>
				<verse number="8">猶大 閣給伊的老父 雅各 講：「你將此個囝仔交互我，阮就隨時出發，通互咱一家大細攏活落去，免枵死。</verse>
				<verse number="9">我給伊擔保，你通對我討人；我若無導伊倒來交互你，我願一生擔此個罪。</verse>
				<verse number="10">咱若無按呢延遲，阮已經第二遍倒來啦。」</verse>
				<verse number="11">𪜶老父 雅各 給𪜶講：「若是按呢，恁著帶咱遮上好的土產：一寡乳香及芳蜜，以及香料、沒藥、開心果、杏仁，做禮物，送互彼個人。</verse>
				<verse number="12">恁閣著帶重倍的銀，將恁佇布袋口發見的銀帶轉去還伊；彼個可能是失錯。</verse>
				<verse number="13">恁通導恁小弟出發，去見彼個人。</verse>
				<verse number="14">願全能的上帝互恁得著彼個人憐憫，互恁彼個兄弟及 便雅憫 會當倒來；我若失落我的子，我嘛著接受。」</verse>
				<verse number="15">𪜶就帶許個禮物及重倍的銀，閣導 便雅憫 出發落去 埃及 ，徛佇 約瑟 的面前。</verse>
				<verse number="16">約瑟 看著 便雅憫 及𪜶做夥來，就對管家講：「導諸個人去厝內，閣刣牲生，準備宴席；中晝，諸個人欲及我做夥食飯。」</verse>
				<verse number="17">管家就照 約瑟 的吩咐去做，導𪜶入去 約瑟 的厝內。</verse>
				<verse number="18">許個人互管家導入去 約瑟 的厝，就真驚惶，講：「導咱來遮，一定是因為頭一遍佇布袋口還咱銀，欲尋咱的孔縫，下手害咱，強迫咱做奴隸，搶咱的驢。」</verse>
				<verse number="19">𪜶就行倚 約瑟 的管家，佇門口對伊</verse>
				<verse number="20">講：「先生，阮頂遍落來，真正是欲買糧食；</verse>
				<verse number="21">後來到歇暝的所在，開阮的袋仔，無拍算，阮逐個人的銀原封不動佇逐個人的布袋口；今阮有閣帶來欲還恁。阮另外有閣帶銀欲來買米糧。</verse>
				<verse number="22">阮毋知什麼人將阮的銀下佇阮的布袋內。」</verse>
				<verse number="23">彼個管家講：「做恁安心，免驚；是恁的上帝，嘛是恁老父的上帝，將財寶囥佇恁的布袋內；恁的銀我已經收著。」然後伊就導 西緬 出來交互𪜶。</verse>
				<verse number="24">管家導許個人入去 約瑟 的厝，捧水互𪜶洗腳，閣提草料飼𪜶的驢仔。</verse>
				<verse number="25">𪜶就準備許個禮物，聽候 約瑟 中晝倒來；因為𪜶聽著𪜶欲佇遐食飯。</verse>
				<verse number="26">約瑟 倒來到厝，𪜶就將帶入去厝內的禮物提出來送伊，閣仆佇土腳拜伊。</verse>
				<verse number="27">約瑟 給𪜶請安，閣問𪜶，講：「恁所講彼個年老的老父有平安無？伊有好勢好勢無？」</verse>
				<verse number="28">𪜶應講：「你的僕人阮老父有平安，猶活啲。」𪜶就俯頭拜伊。</verse>
				<verse number="29">約瑟 攑頭看伊仝老母的小弟 便雅憫 ，就講：「恁給我講的煞尾小弟是此個是無？」閣講：「少年人，願上帝施恩互你。」</verse>
				<verse number="30">約瑟 疼小弟的情大激動，趕緊欲尋一個所在哮，就入去伊的房間啼哭。</verse>
				<verse number="31">後來伊洗面了出來，勉強忍啲，吩咐開桌。</verse>
				<verse number="32">𪜶為著 約瑟 另外排一塊桌，為伊的兄弟閣排一塊，嘛為許個及 約瑟 做夥食的 埃及 人另外排一塊；因為 埃及 人看及 希伯來 人做夥食飯做禁忌。</verse>
				<verse number="33">約瑟 的兄弟坐佇伊的對面，𪜶的坐位照大細的次序安排；𪜶攏真卬愕，互相看來看去。</verse>
				<verse number="34">約瑟 將伊面前的食物分互𪜶，毋拘 便雅憫 得著的比別人五倍多；𪜶及 約瑟 做夥飲酒宴樂。</verse>
			</chapter>
			<chapter number="44">
				<verse number="1">約瑟 交代管家講：「你著照𪜶帶會去的份量，將糧食給𪜶逐個人的布袋入互淀，閣將逐個人的銀落佇𪜶的布袋口。</verse>
				<verse number="2">將我銀的酒杯下佇彼個上少年的的布袋口；伊買五穀的銀嘛續下落去。」管家就照 約瑟 的吩咐去做。</verse>
				<verse number="3">天一下光，遐的人送 約瑟 的兄弟及𪜶的驢仔離開。</verse>
				<verse number="4">𪜶出城行無偌遠， 約瑟 給管家講：「趕緊去追趇許個人，趇著，就給𪜶講：『恁是按怎用歹報好？</verse>
				<verse number="5">恁哪偷提阮主人的銀杯？這是伊飲酒用的杯仔，嘛是卜卦啲用的。恁按呢做真毋著。』」</verse>
				<verse number="6">管家趇著𪜶，將諸個話給𪜶講。</verse>
				<verse number="7">𪜶應講：「先生，你哪會按呢講？你的僕人絕對𣍐做此款代誌。</verse>
				<verse number="8">阮以前佇布袋口看著的銀都對 迦南 地帶來還恁，阮哪會對恁主人的家偷提金銀？</verse>
				<verse number="9">你的僕人中間無論什麼人互你抄著，就互伊死，阮嘛欲做你的奴隸。」</verse>
				<verse number="10">管家講：「好，照恁的話做，佇什麼人遐抄著，彼個人就做我的奴隸；其他的人無罪。」</verse>
				<verse number="11">𪜶趕緊將布袋搬落來土腳，逐個人將𪜶的布袋解開。</verse>
				<verse number="12">管家就對大的開始抄，抄到細的；彼個銀杯竟然佇 便雅憫 的布袋內抄著。</verse>
				<verse number="13">看著按呢，𪜶就拆裂衫，將物件互驢載，倒去城內。</verse>
				<verse number="14">猶大 及伊的兄弟到 約瑟 的厝， 約瑟 猶佇遐，𪜶就仆落土腳拜伊。</verse>
				<verse number="15">約瑟 給𪜶講：「恁哪會做此款代誌？恁豈毋知，我此款人會曉卜卦？」</verse>
				<verse number="16">猶大 講：「阮猶會當對我的主講什麼？阮無話通講，嘛無通辯解。上帝已經查出你的僕人的罪過，阮及彼個互你抄著銀杯的，攏欲做你的奴隸。」</verse>
				<verse number="17">約瑟 講：「我絕對𣍐按呢做；佇什麼人遐抄著銀杯，彼個人就著做我的奴隸。恁其他的人攏通平安轉去恁老父遐。」</verse>
				<verse number="18">猶大 行進前對 約瑟 講：「我的主，請允准你的僕人講一句話，毋通受氣；你及 埃及 王平有權柄。</verse>
				<verse number="19">我的主你曾問阮講：『恁有老父，有兄弟無？』</verse>
				<verse number="20">阮應講：『阮有老父，已經年老；閣有伊年老才生的煞尾子；伊的親生兄哥已經死，𪜶老母干焦放伊一個，閣𪜶老父上疼伊。』</verse>
				<verse number="21">你給你的僕人講：『導伊來我遮，互我親目看著伊。』</verse>
				<verse number="22">阮給我的主講：『囝仔𣍐當離開伊的老父；若離開，伊的老父會死。』</verse>
				<verse number="23">你給你的僕人講：『恁的煞尾小弟若無及恁做夥落來，恁就免想欲見我。』</verse>
				<verse number="24">「阮倒去你的僕人阮老父遐，就將你的話給伊講。</verse>
				<verse number="25">阮老父講：『恁閣去給咱買一寡米糧。』</verse>
				<verse number="26">阮就講：『阮𣍐當落去；你若互阮煞尾小弟做夥去，阮就落去；因為煞尾小弟若無及阮去，阮就𣍐當見彼個人。』</verse>
				<verse number="27">你的僕人阮的老父給阮講：『恁知我的某給我生兩個子；</verse>
				<verse number="28">一個離開我，伊一定互野獸拆碎啦！到今我猶毋曾閣看著伊。</verse>
				<verse number="29">今，恁閣將此個導去，離開我；若伊抵著災害，就是恁害我白頭毛悽慘落陰間。』</verse>
				<verse number="30">「阮老父的性命及此個囝仔的性命結相連。今阮倒去你的僕人阮老父遐，若此個囝仔無及阮做夥，阮老父看無伊，阮老父一定會死，</verse>
				<verse number="31">按呢就是阮互你的僕人阮老父白頭毛悽慘落陰間。</verse>
				<verse number="32">你的僕人有對我的老父保此個囝仔，講：『我若無導伊倒來交互你，我願一生擔此個罪。』</verse>
				<verse number="33">今求你允准你的僕人留啲，替此個囝仔做你的奴隸；互伊及伊的兄哥做夥轉去。</verse>
				<verse number="34">伊若無及我做夥轉去，我哪敢去見阮老父？我不忍心看著阮老父抵著此款災禍。」</verse>
			</chapter>
			<chapter number="45">
				<verse number="1">約瑟 忍𣍐牢，對許個佇伊身邊服事的人喝講：「恁攏出去！」 約瑟 對伊的兄弟表白身份的時，無別人在場。</verse>
				<verse number="2">伊出聲大哭； 埃及 人聽見，消息嘛傳到 埃及 王的王宮。</verse>
				<verse number="3">約瑟 給伊的兄弟講：「我是 約瑟 ！我的老父猶勇勇無？」伊的兄弟攏驚甲愣去，毋知欲按怎應伊。</verse>
				<verse number="4">約瑟 閣給伊的兄弟講：「較倚來我遮咧。」𪜶就倚去。伊講：「我是恁的小弟，互恁賣來 埃及 的 約瑟 。</verse>
				<verse number="5">恁毋免因為賣我來遮心艱苦，自責；這是上帝派我代先恁來，通保全大家的性命。</verse>
				<verse number="6">今，飢荒已經兩年，猶有五年𣍐當種作，無通收成。</verse>
				<verse number="7">上帝派我代先恁來，是欲留恁的後代佇世間；閣欲解救恁，保全恁的性命。</verse>
				<verse number="8">按呢看起來，派我來遮的，毋是恁，是上帝；伊閣互我成做 埃及 王的首席顧問，做 埃及 的宰相，管理全國。</verse>
				<verse number="9">「恁著趕緊去給老父講：『你的子 約瑟 按呢講：上帝互我做 埃及 的宰相，請落來我遮，毋通延遲。</verse>
				<verse number="10">你及你的子、你的孫，及牛群羊群，以及一切所有的，攏通來住佇離我無偌遠的 歌珊 地區。</verse>
				<verse number="11">我欲佇遐奉待你；因為猶有五年的飢荒，才免你及全家，以及一切所有的歹過日。』」</verse>
				<verse number="12">約瑟 閣講：「今，恁及小弟 便雅憫 攏有親目看著我，閣及我講話。</verse>
				<verse number="13">恁著將我佇 埃及 一切的榮光，及恁所看著的事，攏給老父講；閣著趕緊接老父來我遮。」</verse>
				<verse number="14">講煞， 約瑟 仆佇伊的小弟的頷頸啼哭， 便雅憫 嘛仆佇 約瑟 的頷頸啼哭。</verse>
				<verse number="15">約瑟 閣及許個兄哥相唚，攬啲哮；後來伊的兄弟就及伊講話。</verse>
				<verse number="16">此個風聲傳到 埃及 王的宮內，講：「 約瑟 的兄弟來啦。」 埃及 王及伊的人臣攏真歡喜。</verse>
				<verse number="17">埃及 王給 約瑟 講：「你著給你的兄弟講：『恁著將物件互牲生載，出發倒去 迦南 地，</verse>
				<verse number="18">將恁的老父及恁的家眷攏接來我遮；我欲將 埃及 地上好的物件互恁，恁嘛通食此所在的山珍海味。』</verse>
				<verse number="19">今我命令你，著對 埃及 地派車去，將𪜶的某、𪜶的囝仔，及恁老父攏接來。</verse>
				<verse number="20">叫𪜶毋通珍惜厝內的物件，因為 埃及 全地的好物，𪜶攏通享受。」</verse>
				<verse number="21">雅各 的子兒就照按呢去做。 約瑟 照 埃及 王的吩咐，互𪜶車及路中需要的食物；</verse>
				<verse number="22">閣互𪜶逐個人一套衣服；毋拘互 便雅憫 三百塊銀，衣服五套。</verse>
				<verse number="23">約瑟 送互𪜶老父的禮物有公的驢仔十隻，載 埃及 的好物；母的驢仔十隻，載五穀、餅，及食物，互老父路裡通用。</verse>
				<verse number="24">約瑟 送𪜶兄弟倒去，閣給𪜶講：「恁佇路裡毋通冤家。」</verse>
				<verse number="25">𪜶對 埃及 倒去到 迦南 地𪜶老父 雅各 遐。</verse>
				<verse number="26">𪜶對 雅各 講：「 約瑟 猶活啲，閣作宰相，治理 埃及 全地。」 雅各 攏無反應，毋信𪜶的話。</verse>
				<verse number="27">𪜶就將 約瑟 給𪜶講的話，攏對𪜶老父 雅各 講； 雅各 看著 約瑟 派來欲載伊的車，心就活起來。</verse>
				<verse number="28">雅各 講：「有夠好！我的子 約瑟 猶活啲，趁我猶未死，我欲去看伊。」</verse>
			</chapter>
			<chapter number="46">
				<verse number="1">雅各 導全家出發，去到 別是巴 ，佇遐獻祭互伊的老父 以撒 的上帝。</verse>
				<verse number="2">暝時上帝佇異象中給 雅各 講：「 雅各 ！ 雅各 ！」 伊講：「我佇遮。」</verse>
				<verse number="3">上帝講：「我是上帝，是你的老父的上帝。你欲落去 埃及 ，毋免驚，因為我欲互你佇遐成做大族。</verse>
				<verse number="4">我欲及你做夥落去 埃及 ，嘛一定會導你倒來。你過身的時， 約瑟 會佇你的身邊侍候你，給你安葬。」</verse>
				<verse number="5">雅各 對 別是巴 出發； 雅各 許個子，互𪜶的老父 雅各 ，及𪜶的子兒、𪜶的某攏坐佇 埃及 王派來欲載𪜶的車。</verse>
				<verse number="6">雅各 及伊攏總的子孫，帶𪜶的牲生，以及佇 迦南 地所得著的財物，落去 埃及 。</verse>
				<verse number="7">雅各 帶伊的後生、查某子、查甫孫、查某孫，及伊所有的後代，攏去 埃及 。</verse>
				<verse number="8">下面是落去 埃及 的 以色列 人， 雅各 後代的名單： 雅各 的大子 呂便 。</verse>
				<verse number="9">呂便 的子 以諾 、 法路 、 希斯崙 、 迦米 。</verse>
				<verse number="10">西緬 的子 耶慕利 、 雅憫 、 阿轄 、 雅斤 、 瑣轄 ；及 迦南 女子所生的子 掃羅 。</verse>
				<verse number="11">利未 的子 革順 、 哥轄 、 米拉利 。</verse>
				<verse number="12">猶大 的子 珥 、 俄南 、 示拉 、 法勒斯 、 謝拉 ； 珥 及 俄南 死佇 迦南 地。 法勒斯 的子 希斯崙 、 哈慕勒 。</verse>
				<verse number="13">以薩迦 的子 陀拉 、 普瓦 、 約伯 、 伸崙 。</verse>
				<verse number="14">西布倫 的子 西烈 、 以倫 、 雅利 。</verse>
				<verse number="15">以上是 麗亞 佇 美索不達米亞 給 雅各 生的子；閣有伊的查某子 底拿 ； 雅各 及 麗亞 生的子孫，男女共三十三人。</verse>
				<verse number="16">迦得 的子 洗非芸 、 哈基 、 書尼 、 以斯本 、 以利 、 亞羅底 、 亞列利 。</verse>
				<verse number="17">亞設 的子 音拿 、 亦施瓦 、 亦施韋 、 比利亞 ；閣𪜶的小妹 西拉 。 比利亞 的子 希百 、 瑪結 。</verse>
				<verse number="18">以上是 拉班 互伊的查某子 麗亞 的女婢 悉帕 給 雅各 生的子孫，共十六人。</verse>
				<verse number="19">雅各 的某 蕾潔 的子 約瑟 及 便雅憫 。</verse>
				<verse number="20">約瑟 佇 埃及 地生 瑪拿西 及 以法蓮 ，就是 希利坡里 城的祭司 波提‧非拉 的查某子 亞西納 給 約瑟 生的。</verse>
				<verse number="21">便雅憫 的子 比拉 、 比結 、 亞實別 、 基拉 、 乃縵 、 以希 、 羅實 、 慕平 、 戶平 、 亞勒 。</verse>
				<verse number="22">以上是 蕾潔 給 雅各 生的子孫，共十四人。</verse>
				<verse number="23">但 的子是 戶伸 。</verse>
				<verse number="24">拿弗他利 的子 雅薛 、 沽尼 、 耶色 、 示冷 。</verse>
				<verse number="25">以上是 拉班 互伊的查某子 蕾潔 的女婢 辟拉 給 雅各 生的子孫，共七人。</verse>
				<verse number="26">及 雅各 做夥去 埃及 的子孫，新婦無算，共六十六人。</verse>
				<verse number="27">閣有 約瑟 佇 埃及 生的兩個子； 雅各 的家來到 埃及 的，總共七十人。</verse>
				<verse number="28">雅各 差 猶大 先去見 約瑟 ，請伊給𪜶講欲按怎去 歌珊 ；𪜶就來到 歌珊 。</verse>
				<verse number="29">約瑟 給車準備好勢，去 歌珊 迎接伊的老父 雅各 。𪜶一下見著面， 約瑟 就仆佇老父的頷頸哭真久。</verse>
				<verse number="30">雅各 給 約瑟 講：「我看著你的面，知你猶活啲，今我死嘛甘願。」</verse>
				<verse number="31">約瑟 給伊的兄弟及𪜶老父全家的人講：「我著去對 埃及 王報告，講：『我的兄弟及我的老父全家的人，攏已經對 迦南 地來到我遮。</verse>
				<verse number="32">𪜶是飼羊，是照顧牲生的人；𪜶將牛群、羊群，及一切所有的攏帶來。』</verse>
				<verse number="33">埃及 王若召恁，問恁講：『恁是做什麼工作的？』</verse>
				<verse number="34">恁著講：『你的僕人對少年到今，及阮的祖先攏是啲飼牲生。』按呢恁就會當住佇 歌珊 地區；因為 埃及 人討厭飼牲生的人。」</verse>
			</chapter>
			<chapter number="47">
				<verse number="1">約瑟 入去見 埃及 王，對伊報告，講：「我的老父及我的兄弟，帶𪜶的牛群、羊群，及一切所有的，對 迦南 地來佇 歌珊 地。」</verse>
				<verse number="2">約瑟 對伊的兄弟中間揀五個，導𪜶做夥去見 埃及 王。</verse>
				<verse number="3">埃及 王問 約瑟 的兄弟講：「恁啲做什麼工作？」 𪜶對 埃及 王講：「你的僕人是飼羊的人；阮及阮的祖先攏啲飼羊。」</verse>
				<verse number="4">𪜶閣對 埃及 王講：「 迦南 地飢荒真傷重，你的僕人的羊群無草通食，所以阮來，向望會當寄居佇遮。今求你允准你的僕人住佇 歌珊 地區。」</verse>
				<verse number="5">埃及 王給 約瑟 講：「你的老父及你的兄弟來到你遮；</verse>
				<verse number="6">埃及 地攏是你啲管理，你通互你的老父及你的兄弟住佇上好的地區；𪜶通住佇 歌珊 地區。你若知𪜶中間什麼人較有才調，通派𪜶眷顧我的牲生。」</verse>
				<verse number="7">約瑟 導伊的老父 雅各 入去徛佇 埃及 王的面前； 雅各 就給 埃及 王祝福。</verse>
				<verse number="8">埃及 王問 雅各 講：「你現在幾歲？」</verse>
				<verse number="9">雅各 對 埃及 王講：「我現在一百三十歲。我的人生的歲月短閣艱苦，不比我的祖先食長歲壽。」</verse>
				<verse number="10">雅各 閣給 埃及 王祝福了後，就離開 埃及 王出去。</verse>
				<verse number="11">約瑟 照 埃及 王的吩咐，互伊的老父及伊的兄弟住佇 埃及 上好的地區 蘭塞 的地，閣將彼個地區互𪜶做產業。</verse>
				<verse number="12">約瑟 用米糧奉待伊的老父，閣供給伊的兄弟，及𪜶老父所有的家屬，連上細漢的囝仔嘛在內。</verse>
				<verse number="13">飢荒真嚴重，全地攏無米糧； 埃及 地及 迦南 地因為飢荒荒廢。</verse>
				<verse number="14">約瑟 將 埃及 地及 迦南 地的人來買米糧的銀收集起來，攏送到 埃及 王宮。</verse>
				<verse number="15">埃及 人及 迦南 地的人的銀攏用了； 埃及 人民來見 約瑟 ，講：「阮的銀攏用了了啦。求你互阮糧食；才免互你看著阮餓死。」</verse>
				<verse number="16">約瑟 講：「恁若銀攏用了，通牽牲生來換米糧。」</verse>
				<verse number="17">𪜶就將牲生趕來 約瑟 遐； 約瑟 用米糧換𪜶的馬、牛群、羊群，及驢仔；𪜶用所有的牲生換米糧，就按呢度過彼年。</verse>
				<verse number="18">第二年，𪜶閣來見 約瑟 ，講：「阮的主，阮無騙你，阮的銀攏用了，牲生嘛攏賣互你；除了阮的身軀及阮的田地以外，你嘛知，阮攏無半項啦。</verse>
				<verse number="19">你豈忍心看阮人死，地拋荒？求你用米糧買阮及阮的地，阮及阮的地就攏歸屬 埃及 王。閣求你互阮種籽，阮才會當度活，免死，土地嘛免荒廢。」</verse>
				<verse number="20">對按呢， 約瑟 為 埃及 王買全國的土地。 埃及 人因為飢荒嚴重，姑不將著賣𪜶的田地；許個地就攏歸屬 埃及 王。</verse>
				<verse number="21">約瑟 互 埃及 全國逐所在的人民攏成做奴隸 。</verse>
				<verse number="22">毋拘 埃及 王無買祭司的地；因為祭司有得著 埃及 王供給的糧食，所以𪜶無賣𪜶的地。</verse>
				<verse number="23">約瑟 給人民講：「我今仔日為 埃及 王買恁及恁的地。今，我將種籽互恁，恁通去種作。</verse>
				<verse number="24">到收成的時，恁著納五分一互 埃及 王；四份歸恁，做園裡的種籽，閣做恁及恁全家，以及恁的囝仔的食物。」</verse>
				<verse number="25">𪜶講：「阮的性命是你救的，阮真感激，願意做 埃及 王的奴隸。」</verse>
				<verse number="26">按呢， 約瑟 為 埃及 制定一個條例，到今仔日猶啲實施，就是收成的五分一著納互 埃及 王，毋拘祭司的地無歸 埃及 王。</verse>
				<verse number="27">以色列 人住佇 埃及 的 歌珊 地區，佇遐建置家業，生湠真多。</verse>
				<verse number="28">雅各 住佇 埃及 十七年。伊一生活一百四十七歲。</verse>
				<verse number="29">雅各 知伊死的日近啦，就叫伊的子 約瑟 來，講：「你若真正有孝我，請將你的手下佇我的大腿下 咒誓，忠誠答應我，無給我埋葬佇 埃及 。</verse>
				<verse number="30">我轉去我的祖先遐的時，你著將我帶離開 埃及 ，埋葬佇𪜶安葬的所在。」 約瑟 講：「我會照你講的去做。」</verse>
				<verse number="31">雅各 講：「你著對我咒誓。」 約瑟 就對伊咒誓。對按呢 雅各 倚床頭敬拜 。</verse>
			</chapter>
			<chapter number="48">
				<verse number="1">諸個代誌了後，有人給 約瑟 講：「你的老父啲破病。」 約瑟 就導伊兩個子 瑪拿西 、 以法蓮 做夥去探 雅各 。</verse>
				<verse number="2">有人通知 雅各 講：「你的子 約瑟 來欲看你。」 雅各 勉強起來坐佇眠床。</verse>
				<verse number="3">雅各 給 約瑟 講：「全能的上帝曾佇 迦南 地的 路斯 對我顯現，賜福我，</verse>
				<verse number="4">閣給我講：『我欲互你生湠真多，成做真多族；閣欲將此個地賞賜你的後代，做𪜶永遠的產業。』</verse>
				<verse number="5">「我猶未來 埃及 你遮以前，你佇 埃及 生的兩個子， 以法蓮 及 瑪拿西 ，對現在起欲算做是我的子，親像 呂便 、 西緬 是我的子。</verse>
				<verse number="6">你以後生的子就是你的，𪜶通承接 以法蓮 及 瑪拿西 的產業。</verse>
				<verse number="7">我對 美索不達米亞 倒轉來 迦南 地的時，佇離開 以法他 猶有一站路的路中，你的老母 蕾潔 死，我非常傷心，給伊埋葬佇欲去 以法他 的路邊。」(以法他 就是 伯利恆 。)</verse>
				<verse number="8">雅各 看著 約瑟 兩個子，就講：「𪜶是什麼人？」</verse>
				<verse number="9">約瑟 對伊的老父講：「𪜶是我的子，是上帝佇遮賞賜我的。」 雅各 講：「請給𪜶導來我遮，我欲給𪜶祝福。」</verse>
				<verse number="10">雅各 年老，目睭花，看𣍐清楚； 約瑟 導彼兩個子倚近 雅各 ， 雅各 就給𪜶唚，給𪜶攬啲。</verse>
				<verse number="11">雅各 給 約瑟 講：「我想𣍐到會當閣看著你；現在上帝閣互我看著你的子。」</verse>
				<verse number="12">約瑟 將兩個子對 雅各 腳頭窩的中間導出來，然後仆佇土腳拜伊。</verse>
				<verse number="13">後來 約瑟 閣牽彼兩個子倚近 雅各 ；正手牽 以法蓮 去伊的倒旁，倒手牽 瑪拿西 去伊的正旁。</verse>
				<verse number="14">雅各 雙手拍叉，伸正手按細漢子 以法蓮 的頭殼，倒手按大子 瑪拿西 的頭殼。</verse>
				<verse number="15">伊就給 約瑟 祝福 講： 「願我的祖先 亞伯拉罕 及 以撒 服事的上帝， 就是眷顧我一生直到今仔日的上帝，</verse>
				<verse number="16">願救贖我脫離所有的災難彼位天使，賜福互此兩個囝仔。 願我的名，以及我的祖先 亞伯拉罕 及 以撒 的名 通過𪜶流傳佇世間； 願𪜶佇地上生湠真多。」</verse>
				<verse number="17">約瑟 看著伊的老父用正手按 以法蓮 的頭殼，就無歡喜。伊將老父的正手挺起來，欲對 以法蓮 徙到 瑪拿西 的頭殼。</verse>
				<verse number="18">約瑟 對伊的老父講：「阿爸，毋是按呢啦！此個才是大子，請給你的正手按佇伊的頭殼。」</verse>
				<verse number="19">伊的老父毋肯，講：「我知，我的子，我知。 瑪拿西 嘛欲成做一族，閣強盛；毋拘伊的小弟 以法蓮 將來會比伊較強，成做大族。」</verse>
				<verse number="20">彼日， 雅各 給𪜶祝福講：「 以色列 人欲用恁給人祝福，講：『願上帝互你親像 以法蓮 及 瑪拿西 仝款。』」 雅各 給 以法蓮 排佇 瑪拿西 的頭前。</verse>
				<verse number="21">雅各 閣給 約瑟 講：「我閣食無偌久啦。毋拘上帝會及恁同在，會導恁倒去恁列祖的地。</verse>
				<verse number="22">我以前用弓用刀，對 亞摩利 人搶來的 示劍 彼塊地，我欲互你，互你得著的比你的兄弟較多。」</verse>
			</chapter>
			<chapter number="49">
				<verse number="1">雅各 叫伊所有的子來，講：「恁攏聚集倚來，我欲將恁以後會抵著的事給恁講：</verse>
				<verse number="2">雅各 的子，著聚集來聽， 聽恁老父 以色列 的話。</verse>
				<verse number="3">「 呂便 ，你是我的大子，我的精力， 是我勇壯的時生的第一個子， 應該極其尊榮，氣力超群。</verse>
				<verse number="4">毋拘你親像四界沖的大水， 𣍐當閣佇兄弟中作大； 因為你𬦰上恁老父的眠床， 𬦰起去我的床舖，給伊拍垃墋。</verse>
				<verse number="5">「 西緬 及 利未 是兄弟； 𪜶的刀劍是殘忍的武器。</verse>
				<verse number="6">我的心神，毋通及𪜶共謀； 我的神魂，毋通及𪜶參詳； 因為𪜶佇受氣中刣死人， 亂使割斷牛的大腿筋。</verse>
				<verse number="7">𪜶的受氣猛烈，會受咒詛； 𪜶的大受氣殘忍，會受咒詛； 我欲分散𪜶佇 雅各 家， 拍散𪜶佇 以色列 逐支族。</verse>
				<verse number="8">「 猶大 ，你的兄弟欲謳咾你； 你的手欲扼對敵的頷頸； 你的老父的子欲屈服佇你面前。</verse>
				<verse number="9">猶大 是細隻獅； 我的子，你掠著獵物就倒去洞穴。 猶大 仆啲親像獅公， 倒啲親像獅母， 啥人敢惹伊？</verse>
				<verse number="10">王權無離開 猶大 ， 伊的後代久長統治； 萬國會來進貢； 萬民攏來歸順。</verse>
				<verse number="11">猶大 縛細隻驢仔佇葡萄樹， 縛驢仔子佇上好的葡萄樹； 伊用葡萄酒洗衫， 用葡萄汁洗衣服。</verse>
				<verse number="12">伊的目睭因為飲酒紅， 伊的嘴齒因為飲奶白。</verse>
				<verse number="13">「 西布倫 欲徛起佇海邊， 欲做拋船的港口； 伊的境界會到 西頓 。</verse>
				<verse number="14">「 以薩迦 是勇壯的驢， 倒佇伊揹的兩腳袋仔中間。</verse>
				<verse number="15">伊愛安靜徛起， 留佇肥媠的土地； 伊俯肩頭擔重擔， 成做做苦工的奴隸。</verse>
				<verse number="16">「 但 欲為著家己的人民主持公道， 親像 以色列 別個支族。</verse>
				<verse number="17">但 欲做路裡的蛇， 做路中的毒蛇， 咬馬的腳後蹬， 互騎馬的人倒摔向摔落去。</verse>
				<verse number="18">「上主啊，我啲聽候你的拯救。</verse>
				<verse number="19">「 迦得 欲互對敵追趕， 毋拘伊顛倒欲追趇𪜶的腳後蹬。</verse>
				<verse number="20">「 亞設 的物產豐富， 通做王室的好食物。</verse>
				<verse number="21">「 拿弗他利 是解放的鹿母， 生可愛的鹿仔子 。</verse>
				<verse number="22">「 約瑟 親像水泉邊的野驢， 親像山崙仔頂的野馬。</verse>
				<verse number="23">射箭的人猛烈攻擊伊， 用箭射伊，追趇伊；</verse>
				<verse number="24">毋拘伊倚靠 雅各 的大能者， 伊的弓猶原緊； 伊倚靠 以色列 的牧者及石磐， 伊的手猶有力。</verse>
				<verse number="25">你的老父的上帝欲幫贊你； 全能者欲賜福你。 伊欲賞賜你天頂的福氣， 深淵隱藏的福氣； 互你子孫真多，牲生興旺。</verse>
				<verse number="26">你的老父的祝福 贏過永遠山嶺的福氣， 超過自古以來的山崙仔的好物； 諸個福氣欲降落佇 約瑟 的頭殼， 臨到佇對兄弟中間揀選出來彼個人的身上。</verse>
				<verse number="27">「 便雅憫 是兇猛的豺狼； 早起時吞食伊的獵物， 下昏時分伊搶著的。」</verse>
				<verse number="28">諸個是 以色列 的十二支族；𪜶的老父照𪜶逐個人應該得著的福分給𪜶祝福。</verse>
				<verse number="29">雅各 吩咐伊的子，講：「我欲倒去我的列祖遐，恁著將我及我的祖先埋做夥，埋葬佇 赫 人 以弗崙 田野的洞穴；</verse>
				<verse number="30">就是佇 迦南 地 幔利 的對面， 麥比拉 田野的洞穴，是 亞伯拉罕 對 赫 人 以弗崙 買來做墓地的產業。</verse>
				<verse number="31">佇遐有埋葬 亞伯拉罕 及伊的某 莎拉 ，閣有埋葬 以撒 及伊的某 麗百加 ；我嘛佇遐埋葬 麗亞 。</verse>
				<verse number="32">彼坵園及彼內面的洞穴是對 赫 人買的。」</verse>
				<verse number="33">雅各 對伊許個子交代清楚了後，腳勼起來，倒佇眠床，氣就斷，倒去伊的祖先遐。</verse>
			</chapter>
			<chapter number="50">
				<verse number="1">約瑟 仆佇伊的老父 雅各 的面啼哭，給伊唚。</verse>
				<verse number="2">約瑟 吩咐侍候伊的醫生，用香料抹伊的老父；醫生就抹 雅各 。</verse>
				<verse number="3">醫生照規定用香料抹 雅各 的身屍四十日久。 埃及 人為 雅各 哀哭七十日。</verse>
				<verse number="4">為著 雅各 哀哭的日期過了， 約瑟 對 埃及 王朝廷的官員講：「我若對恁得著恩典，請對 埃及 王轉達，</verse>
				<verse number="5">我的老父叫我咒誓，著佇伊死了後，將伊安葬佇 迦南 地，佇伊為著家己準備的墓。請替我請求王允准我上去埋葬我的老父，後來我會閣倒轉來。」</verse>
				<verse number="6">埃及 王講：「你通照你咒誓的去安葬你的老父。」</verse>
				<verse number="7">約瑟 就去埋葬伊的老父；及伊做夥去的有 埃及 王的人臣、 埃及 王朝廷的元老，及 埃及 國所有的長老，</verse>
				<verse number="8">閣有 約瑟 全家、伊的兄弟，以及伊的老父的家眷；只有𪜶的囝仔，及牛群羊群留佇 歌珊 地區。</verse>
				<verse number="9">另外有真多戰車及馬兵做夥去。送葬的場面非常盛大。</verse>
				<verse number="10">𪜶到 約旦河 東旁 亞達 的五穀場，就佇遐大啼哭，大哀傷； 約瑟 為著伊的老父哀傷追悼七日。</verse>
				<verse number="11">迦南 地的住民看著 亞達 五穀場的哀哭，就講：「這是 埃及 人一場盛大的葬式。」彼個所在就叫做 亞伯‧麥西 ，是佇 約旦河 的東旁。</verse>
				<verse number="12">雅各 的子照𪜶的老父的吩咐，</verse>
				<verse number="13">將伊運到 迦南 地，安葬佇 幔利 的對面， 麥比拉 田野的洞穴，就是 亞伯拉罕 對 赫 人 以弗崙 買來做墓地的產業。</verse>
				<verse number="14">約瑟 安葬伊的老父了後，就及伊的兄弟，以及所有及伊做夥去埋葬伊的老父的人，攏倒轉去 埃及 。</verse>
				<verse number="15">雅各 死了後， 約瑟 許個兄哥就講：「 約瑟 若猶怨恨咱，一定會照咱以前按怎歹款待伊給咱報復。」</verse>
				<verse number="16">𪜶就拜託人去給 約瑟 講：「你的老父啲欲死以前有交代講：</verse>
				<verse number="17">『恁著給 約瑟 按呢講：以前你的兄哥歹款待你，你著赦免𪜶的過失及罪惡。』今，阮是你的老父的上帝的僕人，求你赦免阮的罪惡。」𪜶對 約瑟 講諸個話， 約瑟 就哭出來。</verse>
				<verse number="18">伊的兄哥閣來仆佇伊的面前講：「阮是你的僕人。」</verse>
				<verse number="19">約瑟 對𪜶講：「毋免驚；我哪會當代替上帝？</verse>
				<verse number="20">以前恁對我的意念是歹，毋拘上帝的意思是好，今仔日才會當有即多人活啲。</verse>
				<verse number="21">今恁毋免驚；我會照顧恁及恁的子兒。」 約瑟 用仁慈的話安慰𪜶，互𪜶安心。</verse>
				<verse number="22">約瑟 及伊的老父的家眷攏住佇 埃及 。 約瑟 食百一歲。</verse>
				<verse number="23">約瑟 有看著 以法蓮 第三代的孫，嘛認 瑪拿西 的孫 瑪吉 的子做繼承人。</verse>
				<verse number="24">約瑟 對伊的兄弟講：「我閣食無偌久啦；毋拘上帝一定會照顧恁，導恁對遮上去到伊立誓應允欲互 亞伯拉罕 、 以撒 、 雅各 的地。」</verse>
				<verse number="25">約瑟 叫 以色列 的子孫咒誓， 約瑟 講：「上帝一定會照顧恁，恁著將我的骨骸運倒轉去 迦南 地。」</verse>
				<verse number="26">約瑟 死，抵仔百一歲；人用香料給伊抹，將伊囥佇棺木，停佇 埃及 。</verse>
			</chapter>
		</book>
		<book number="2">
			<chapter number="1">
				<verse number="1">雅各 的子兒逐個導𪜶的家眷，及 雅各 做夥來到 埃及 ，𪜶的名是：</verse>
				<verse number="2">呂便 、 西緬 、 利未 、 猶大 、</verse>
				<verse number="3">以薩迦 、 西布倫 、 便雅憫 、</verse>
				<verse number="4">但 、 拿弗他利 、 迦得 ，及 亞設 。</verse>
				<verse number="5">雅各 的後代攏總七十人； 約瑟 已經佇 埃及 。</verse>
				<verse number="6">約瑟 及伊的兄弟，以及𪜶彼代的人攏死。</verse>
				<verse number="7">毋拘 以色列 人生湠真多，非常強盛，遍滿彼個地。</verse>
				<verse number="8">後來， 埃及 有毋識 約瑟 的新的王起來統治。</verse>
				<verse number="9">伊給伊的人民講：「看咧， 以色列 民族比咱較多，閣較強；</verse>
				<verse number="10">咱著想一個好辦法來對付𪜶，才免𪜶人口加添，戰爭發生的時，聯合咱的對敵給咱攻擊，離開 此個地。」</verse>
				<verse number="11">埃及 人就派督工管轄𪜶，強迫𪜶做苦工壓迫𪜶，互𪜶佇 比東 及 蘭塞 為 埃及 王起囤積物資的城。</verse>
				<verse number="12">毋拘 埃及 人愈給𪜶壓迫，𪜶人口愈多，擴展愈闊。對按呢， 埃及 人愈驚 以色列 人。</verse>
				<verse number="13">埃及 人強迫 以色列 人做苦工，</verse>
				<verse number="14">互𪜶生活困苦；無論抄黏土，做磚，抑是佇野地做工， 埃及 人攏嚴轄對待𪜶。</verse>
				<verse number="15">埃及 王命令 希伯來 的產婆，一個叫做 施弗拉 ，一個叫做 普阿 ，</verse>
				<verse number="16">講：「恁給 希伯來 的婦仁人接生，𪜶欲生的時，恁若看著查甫的，著互伊死；若是查某的，就互伊活。」</verse>
				<verse number="17">毋拘產婆敬畏上帝，無照 埃及 王的命令去做；𪜶留查甫嬰仔的性命。</verse>
				<verse number="18">埃及 王叫產婆來，給𪜶講：「恁是按怎留查甫嬰仔的性命？」</verse>
				<verse number="19">產婆對 埃及 王講：「 希伯來 婦仁人及 埃及 婦仁人無仝款；𪜶較勇，產婆猶未到，𪜶就生啦。」</verse>
				<verse number="20">上帝好款待此兩個產婆； 以色列 民族人口愈多，愈強盛。</verse>
				<verse number="21">此兩個產婆敬畏上帝，上帝就互𪜶建立家庭。</verse>
				<verse number="22">埃及 王命令所有的人民講：「著給 希伯來 人生的查甫嬰仔擲落去 尼羅河 ，干焦互𪜶的查某嬰仔活啲。」</verse>
			</chapter>
			<chapter number="2">
				<verse number="1">有一個 利未 支族的查甫人娶仝支族的女子做某。</verse>
				<verse number="2">此個婦仁人懷孕，生一個後生，看伊真古錐，就給伊藏三月日。</verse>
				<verse number="3">後來，婦仁人無法度閣藏，就提一個蒲草做的籃仔，用打馬膠及柏油糊互伊𣍐洩水，將嬰仔囥佇內面，然後將籃仔囥佇 尼羅 河邊的蘆葦中間。</verse>
				<verse number="4">嬰仔的大姊徛佇遠遠的所在，愛欲知伊會抵著什麼代誌。</verse>
				<verse number="5">埃及 王的查某子來到 尼羅 河邊欲洗身軀；伊許個宮女佇河邊行來行去。公主看著蘆葦中間有一個籃仔，就差宮女去提彼個籃仔。</verse>
				<verse number="6">伊一下拍開，看著一個嬰仔；啊，查甫嬰仔啲哮。伊真毋甘，講：「此個一定是 希伯來 人的嬰仔。」</verse>
				<verse number="7">嬰仔的阿姊來對 埃及 王的查某子講：「我來為你佇 希伯來 婦仁人的中間尋一個奶母，給你育此個囝仔好無？」</verse>
				<verse number="8">埃及 王的查某子應講：「好，你去。」查某囝仔就去叫嬰仔的老母來。</verse>
				<verse number="9">埃及 王的查某子給嬰仔的老母講：「你給此個嬰仔抱去育，我會互你工錢。」婦仁人就給此個嬰仔抱去，給伊育。</verse>
				<verse number="10">此個嬰仔大漢，婦仁人給伊導去互 埃及 王的查某子。 埃及 王的查某子就收此個囝仔做子，給伊號名叫做 摩西 ，講：「我給伊對水裡扭出來」。</verse>
				<verse number="11">後來， 摩西 大漢；伊出去伊的同胞 希伯來 人遐，看著𪜶啲做苦工；閣看著一個 埃及 人啲拍 希伯來 人。</verse>
				<verse number="12">摩西 看邊仔攏無人，就拍死彼個 埃及 人，用沙給伊蓋啲。</verse>
				<verse number="13">隔日， 摩西 閣出去，看著兩個 希伯來 人啲相拍。伊對彼個無理的講：「你是按怎拍家己的同胞？」</verse>
				<verse number="14">彼個人講：「啥人派你做首領來審判阮？你按算欲給我拍死，親像拍死彼個 埃及 人是無？」 摩西 驚一趒，想講「此個代誌人一定知啦」。</verse>
				<verse number="15">埃及 王聽著此個代誌，欲刣 摩西 。 摩西 閃避 埃及 王，走去 米甸 ，住佇遐。 有一日， 摩西 坐佇井邊；</verse>
				<verse number="16">米甸 的祭司有七個查某子；𪜶來汲水，給水槽倒淀，欲互𪜶老父的羊群飲。</verse>
				<verse number="17">有顧羊的來，給𪜶趕走； 摩西 就起來給𪜶解救，互𪜶的羊群飲水。</verse>
				<verse number="18">𪜶轉來𪜶老父 葉特羅 遐，𪜶老父講：「今仔日恁哪赫早就倒來？」</verse>
				<verse number="19">𪜶應講：「有一個 埃及 人解救阮，給許個欺負阮的顧羊的趕走，甚至閣汲水互羊群飲。」</verse>
				<verse number="20">老父對伊的查某子講：「彼個人佇叨位？恁是按怎給伊放佇遐？去請伊來做夥食飯。」</verse>
				<verse number="21">摩西 接受邀請，歡喜及 葉特羅 住做夥。 葉特羅 將伊的查某子 西坡拉 嫁互 摩西 。</verse>
				<verse number="22">西坡拉 生一個後生； 摩西 給伊號名叫做 革舜 ，講：「我寄居佇外邦。」</verse>
				<verse number="23">幾若年後， 埃及 王死。 以色列 人因為做苦工，吐氣哀叫。𪜶做苦工哀叫的聲透到上帝遐。</verse>
				<verse number="24">上帝聽著𪜶哼哼呻的聲，就想起伊及 亞伯拉罕 、 以撒 、 雅各 所立的約。</verse>
				<verse number="25">上帝看顧 以色列 人，嘛關心𪜶。</verse>
			</chapter>
			<chapter number="3">
				<verse number="1">摩西 替伊的丈人， 米甸 的祭司 葉特羅 顧羊。伊導羊群入去曠野的西旁，到上帝的山，就是 何烈山 。</verse>
				<verse number="2">上主的使者佇莿的火焰中對伊顯現。伊注意看，看著莿互火燒，毋拘莿無燒去。</verse>
				<verse number="3">摩西 心內想講：「我著斡過去遐看此個奇怪的景象，是按怎莿無燒去？」</verse>
				<verse number="4">上主看著 摩西 斡過來欲看，上帝就對莿內面叫伊，講：「 摩西 ， 摩西 。」 摩西 應講：「我佇遮。」</verse>
				<verse number="5">上帝講：「你毋通閣行倚來；著給你的鞋褪起來，因為你徛的所在是神聖的地。」</verse>
				<verse number="6">伊閣講：「我是你的祖先的上帝， 亞伯拉罕 的上帝、 以撒 的上帝、 雅各 的上帝。」 摩西 就遮伊的面，毋敢看上帝。</verse>
				<verse number="7">上主講：「我確實有看著我的子民佇 埃及 所受的苦楚，有聽著𪜶受督工壓迫所發出的哀叫。𪜶的痛苦我攏知。</verse>
				<verse number="8">今我欲落來解救𪜶脫離 埃及 人的手，導𪜶離開彼個地，去肥媠閣寬闊、流奶及蜜的地，就是 迦南 人、 赫 人、 亞摩利 人、 比利洗 人、 希未 人、 耶布斯 人許個族的所在。</verse>
				<verse number="9">現在 以色列 人的哀叫已經透到我的耳孔，我嘛有看著 埃及 人按怎壓迫𪜶。</verse>
				<verse number="10">今，你著去，我欲派你去 埃及 王遐，導我的子民 以色列 人對 埃及 出來。」</verse>
				<verse number="11">摩西 對上帝講：「我是啥人，哪敢去見 埃及 王，導 以色列 人對 埃及 出來？」</verse>
				<verse number="12">上帝講：「我會及你同在，這是我派你去的證據。你導我的子民對 埃及 出來了後，恁著來此個山敬拜上帝。」</verse>
				<verse number="13">摩西 對上帝講：「我去 以色列 人遐，對𪜶講『恁列祖的上帝有派我來恁遮』，𪜶若問我講『伊叫做什麼名』，我欲按怎給𪜶應？」</verse>
				<verse number="14">上帝對 摩西 講：「我是自有永有的 。你著給 以色列 人講：『自有永有的派我來恁遮。』」</verse>
				<verse number="15">上帝閣給 摩西 講：「你著對 以色列 人按呢講：『上主 — 恁列祖的上帝， 亞伯拉罕 的上帝、 以撒 的上帝、 雅各 的上帝派我來恁遮。』此個永遠是我的名，世世代代做我的稱呼。</verse>
				<verse number="16">你去召集 以色列 人的長老，給𪜶講：『上主 — 恁列祖的上帝， 亞伯拉罕 、 以撒 、 雅各 的上帝，對我顯現，講：我實在眷顧恁；恁佇 埃及 抵著的事，我攏有啲關心。</verse>
				<verse number="17">我一定欲救恁脫出佇 埃及 受的艱苦，導恁去到 迦南 、 赫 、 亞摩利 、 比利洗 、 希未 、 耶布斯 許個族徛起的所在，就是流奶及蜜的地。』</verse>
				<verse number="18">「 以色列 人會聽你的話；你及𪜶的長老著去見 埃及 王，給伊講：『上主 — 希伯來 人的上帝有對阮顯現。今，請允准阮行三日的路程，去曠野對上主 — 阮的上帝獻祭。』</verse>
				<verse number="19">我知，若無用強烈的手段， 埃及 王𣍐互恁離開。</verse>
				<verse number="20">我欲出手，行奇事攻擊 埃及 ，按呢，伊才會放恁離開。</verse>
				<verse number="21">「我欲互 埃及 人好款待此個人民，𣍐互𪜶空手離開；</verse>
				<verse number="22">恁逐個婦仁人欲對厝邊，以及寄居佇遐的婦仁人討金器、銀器，及衣服，通互恁的後生查某子用；按呢恁就給 埃及 人的財物搶來。」</verse>
			</chapter>
			<chapter number="4">
				<verse number="1">摩西 應講：「 以色列 人𣍐相信我，嘛𣍐聽我的話；𪜶會講：『上主毋曾對你顯現。』」</verse>
				<verse number="2">上主對伊講：「你的手攑什麼？」 伊講：「柺仔。」</verse>
				<verse number="3">上主講：「給柺仔㧒𫢶土腳。」 摩西 一下給柺仔㧒落土腳，柺仔就變做蛇，伊就閃走。</verse>
				<verse number="4">上主對 摩西 講：「伸手掠蛇尾。」 摩西 就伸手去掠，蛇就佇伊的手裡變做柺仔。</verse>
				<verse number="5">上主閣講：「我互你有此款能力，是欲互 以色列 人信上主 — 𪜶列祖的上帝， 亞伯拉罕 的上帝、 以撒 的上帝、 雅各 的上帝，有對你顯現。」</verse>
				<verse number="6">上主閣對伊講：「手伸入去衫仔內。」伊就給手伸入去；手一下伸出來，手已經致嚴重的皮膚病，白親像雪。</verse>
				<verse number="7">上主閣講：「閣給你的手伸入去。」伊就閣伸入去；手一下伸出來，皮膚已經復原，及歸身軀的皮膚仝款。</verse>
				<verse number="8">上主講：「𪜶若毋相信你，嘛無欲相信第一個神跡，𪜶會相信第二個神跡。</verse>
				<verse number="9">此兩個神跡𪜶若攏毋信，閣毋聽你的話，你著對 尼羅河 舀水，倒佇土腳，許個水就會變做血。」</verse>
				<verse number="10">摩西 對上主講：「我的主啊，我毋是𠢕講話的人；你及你的僕人講話了後嘛是按呢；我是嘴舌鈍的人。」</verse>
				<verse number="11">上主對伊講：「什麼人互人口才？什麼人互人𣍐講話，𣍐聽見，目金抑是失明？豈毋是我上主？</verse>
				<verse number="12">今，你著去，我欲賜你口才，欲教你講你著講的話。」</verse>
				<verse number="13">摩西 講：「我的主啊，求你派別人去。」</verse>
				<verse number="14">上主對 摩西 發受氣，講：「 利未 人 亞倫 豈毋是你的兄哥？我知伊真𠢕講話。現在伊來欲接你；伊看著你，心內會真歡喜。</verse>
				<verse number="15">你著將應該講的話交代伊；我會賜你及伊口才，閣教恁做應該做的事。</verse>
				<verse number="16">伊會替你對人民講話；伊做你的代言人，你親像伊的上帝，指示伊應該講的話。</verse>
				<verse number="17">你著攑此支柺仔來行神跡。」</verse>
				<verse number="18">摩西 就倒去伊的丈人 葉特羅 遐，對伊講：「請互我倒去 埃及 ，看我的親人猶活啲無。」 葉特羅 給 摩西 講：「你通平安去。」</verse>
				<verse number="19">上主佇 米甸 對 摩西 講：「你著倒去 埃及 ，因為欲害你的性命許個人攏死啦。」</verse>
				<verse number="20">摩西 導伊的某及兩個子，互𪜶騎驢仔，倒去 埃及 ； 摩西 手攑上帝的柺仔。</verse>
				<verse number="21">上主對 摩西 講：「你倒去 埃及 的時，一定著用我賜互你的能力，佇 埃及 王的面前行奇事；毋拘我欲互伊的心硬，毋肯放此個民族離開。</verse>
				<verse number="22">你著給 埃及 王講：『上主按呢講： 以色列 是我的大子。</verse>
				<verse number="23">我曾給你講，著放我的子離開，去服事我；毋拘你拒絕，所以，我欲刣死你的大子。』」</verse>
				<verse number="24">摩西 佇路中歇暝的所在，上主抵著伊，欲刣伊。</verse>
				<verse number="25">西坡拉 提石刀割伊的子的包皮，焐 摩西 的腳，講：「你是我血的丈夫。」</verse>
				<verse number="26">上主就放伊煞。 西坡拉 講：「你是行割禮流血的新郎。」</verse>
				<verse number="27">上主對 亞倫 講：「你向曠野的方向去迎接 摩西 。」伊就去，佇上帝的山抵著 摩西 ，給伊唚，給伊請安。</verse>
				<verse number="28">摩西 將上主吩咐伊的話，及命令伊著行的神跡，攏給 亞倫 講。</verse>
				<verse number="29">摩西 及 亞倫 就去招集 以色列 人的長老。</verse>
				<verse number="30">亞倫 將上主對 摩西 講的話攏給𪜶講，閣佇人民的面前行許個神跡。</verse>
				<verse number="31">人民就相信；𪜶聽見上主眷顧 以色列 人，閣知影𪜶的困苦，就跪落去敬拜上主。</verse>
			</chapter>
			<chapter number="5">
				<verse number="1">後來， 摩西 及 亞倫 去見 埃及 王，對伊講：「上主 — 以色列 的上帝按呢講：『著互我的子民去曠野守節敬拜我。』」</verse>
				<verse number="2">埃及 王講：「上主是啥人？我哪著聽伊的話，互 以色列 人離開？我毋識伊，嘛不准 以色列 人離開。」</verse>
				<verse number="3">摩西 及 亞倫 講：「 希伯來 人的上帝對阮顯現；請互阮行三日的路程去曠野，向上主 — 阮的上帝獻祭，才免伊用瘟疫及刀劍傷害阮。」</verse>
				<verse number="4">埃及 王給𪜶講：「 摩西 、 亞倫 ，恁是按怎叫此個百姓作工？轉去作工！」</verse>
				<verse number="5">埃及 王閣講：「現在，此個民族人即多，恁竟然叫𪜶停工。」</verse>
				<verse number="6">彼日， 埃及 王命令 埃及 的督工及 以色列 的工頭，講：</verse>
				<verse number="7">「恁閣親像以前款麥稿互此個百姓做磚仔；麥稿，互𪜶家己去拾。</verse>
				<verse number="8">著要求𪜶做及以前仝款數目的磚仔，連一塊都𣍐減得。𪜶貧憚，所以大聲要求欲出去向𪜶的上帝獻祭。</verse>
				<verse number="9">著互諸個人做較重的工作，互𪜶悿甲𣍐去聽人使弄。」</verse>
				<verse number="10">埃及 的督工及 以色列 的工頭對人民宣布：「 埃及 王按呢講：『我無欲閣麥稿互恁。</verse>
				<verse number="11">恁家己去尋，家己去拾，毋拘恁交出來的磚仔𣍐用得減少。』」</verse>
				<verse number="12">以色列 人就四散去 埃及 全地，拾麥欉的頭代替麥稿。</verse>
				<verse number="13">督工壓迫𪜶，講：「恁逐日交出來的磚仔的數目，著及有互恁麥稿的時像款。」</verse>
				<verse number="14">埃及 王的督工拍𪜶派去管理 以色列 人的工頭，講：「此幾日恁哪無照以前規定的數目交磚仔？」</verse>
				<verse number="15">以色列 的工頭就來給 埃及 王哀求，講：「你是按怎按呢對待阮？</verse>
				<verse number="16">督工無麥稿互阮，閣要求阮著交像款數目的磚仔。阮互人拍，攏是恁 埃及 人的毋著。」</verse>
				<verse number="17">王講：「恁實在貧憚，有夠貧憚，才要求欲去給上主獻祭。</verse>
				<verse number="18">現在，恁著轉去作工；麥稿毋互恁，磚仔的數量𣍐用得減。」</verse>
				<verse number="19">以色列 人的工頭聽著逐日交磚仔的數量𣍐減得，就知影慘啊。</verse>
				<verse number="20">𪜶對 埃及 王遐出來的時，抵著 摩西 及 亞倫 啲等𪜶。𪜶就給 摩西 及 亞倫 講：</verse>
				<verse number="21">「願上主監察，給恁刑罰，因為恁害阮互 埃及 王及伊的人臣怨慼，互𪜶有理由刣阮。」</verse>
				<verse number="22">摩西 倒轉去上主遐，講：「主啊，你是按怎歹款待此個民族？是按怎派我？</verse>
				<verse number="23">對我第一遍去見 埃及 王，奉你的名對伊講話開始，伊就壓迫此個民族；你一屑仔都無救你的子民。」</verse>
			</chapter>
			<chapter number="6">
				<verse number="1">上主對 摩西 講：「今，你會看著我按怎對付 埃及 王；我欲用大氣力的手，迫伊放我的子民出去，給𪜶趕離開伊的地。」</verse>
				<verse number="2">上帝閣對 摩西 講：「我是上主。</verse>
				<verse number="3">我是全能的上帝，曾對 亞伯拉罕 、 以撒 、 雅各 顯現，毋拘我毋曾互𪜶知我的名是上主 。</verse>
				<verse number="4">我曾及𪜶立約，應允欲將𪜶寄居的 迦南 地賞賜互𪜶。</verse>
				<verse number="5">我嘛有聽著 以色列 人佇 埃及 做苦工所發出哼哼呻的聲，就會記得我及𪜶祖先所立的約。</verse>
				<verse number="6">所以你著給 以色列 人講：『我是上主。我欲救恁脫離 埃及 人的壓迫，互恁毋免閣做𪜶的奴隸，我閣欲出手嚴嚴刑罰𪜶來救贖恁。</verse>
				<verse number="7">我欲接納恁做我的子民，我欲做恁的上帝。我救恁脫離 埃及 人的壓迫的時，恁會認識我是上主 — 恁的上帝。</verse>
				<verse number="8">我所立誓應允欲互 亞伯拉罕 、 以撒 、 雅各 彼塊地，我欲導恁入去，將彼個地賞賜恁做產業。我是上主。』」</verse>
				<verse number="9">摩西 將諸個話給 以色列 人講，毋拘𪜶因為做苦工，失志，聽𣍐入去。</verse>
				<verse number="10">上主吩咐 摩西 講：</verse>
				<verse number="11">「你去給 埃及 王法老講，著放 以色列 人離開伊的地。」</verse>
				<verse number="12">摩西 對上主講：「 以色列 人都毋聽我， 埃及 王哪會聽我此個頇顢講話的人？」</verse>
				<verse number="13">上主命令 摩西 及 亞倫 去 以色列 人及 埃及 王遐，將 以色列 人對 埃及 地導出來。</verse>
				<verse number="14">下面是 以色列 的族長： 雅各 的大子 呂便 的子是 以諾 、 法路 、 希斯崙 ，及 迦米 ；諸個是 呂便 的宗族。</verse>
				<verse number="15">西緬 的子是 耶慕利 、 雅憫 、 阿轄 、 雅斤 、 瑣轄 ，以及及 迦南 的女子所生的 掃羅 ；諸個是 西緬 的宗族。</verse>
				<verse number="16">下面是 利未 的子的名，照𪜶的家譜是 革順 、 哥轄 ，及 米拉利 ； 利未 活一百三十七歲。</verse>
				<verse number="17">革順 的子，照𪜶的家族，是 立尼 及 示每 。</verse>
				<verse number="18">哥轄 的子是 暗蘭 、 以斯哈 、 希伯崙 、 烏薛 ； 哥轄 活一百三十三歲。</verse>
				<verse number="19">米拉利 的子是 抹利 及 慕示 。諸個是 利未 照𪜶的家譜所記載的宗族。</verse>
				<verse number="20">暗蘭 娶伊的阿姑 約基別 作某，生 亞倫 及 摩西 ； 暗蘭 活一百三十七歲。</verse>
				<verse number="21">以斯哈 的子是 可拉 、 尼斐 ，及 細基利 。</verse>
				<verse number="22">烏薛 的子是 米沙利 、 以利撒反 ，及 西提利 。</verse>
				<verse number="23">亞倫 娶 亞米拿達 的查某子， 拿順 的小妹 以利沙巴 作某，生 拿答 、 亞比戶 、 以利亞撒 ，及 以他瑪 。</verse>
				<verse number="24">可拉 的子是 亞惜 、 以利加拿 ，及 亞比亞撒 ；諸個是 可拉 的家族。</verse>
				<verse number="25">亞倫 的子 以利亞撒 娶 普鐵 一個查某子作某，生 非尼哈 ；諸個是 利未 人逐個家族的族長。</verse>
				<verse number="26">亞倫 及 摩西 就是上主曾對𪜶講「著導 以色列 人一隊一隊離開 埃及 地」彼兩個人。</verse>
				<verse number="27">對 埃及 王法老講欲導 以色列 人出 埃及 的，嘛是 摩西 及 亞倫 。</verse>
				<verse number="28">有一日，上主佇 埃及 地對 摩西 講話。</verse>
				<verse number="29">上主對 摩西 講：「我是上主。我對你講的話，你攏著給 埃及 王法老講。」</verse>
				<verse number="30">摩西 對上主講：「我是頇顢講話的人， 埃及 王哪會聽我？」</verse>
			</chapter>
			<chapter number="7">
				<verse number="1">上主對 摩西 講：「我欲互你佇 埃及 王的面前親像上帝；你的兄哥 亞倫 欲做你的代言人。</verse>
				<verse number="2">我命令你的，你攏著講；你的兄哥 亞倫 著給 埃及 王講，著放 以色列 人離開伊的地。</verse>
				<verse number="3">我欲互 埃及 王的心硬，閣欲佇 埃及 地行真多神跡奇事。</verse>
				<verse number="4">毋拘 埃及 王無欲聽恁，我就欲攻擊 埃及 ，嚴嚴刑罰𪜶，導我的子民 以色列 一隊一隊出 埃及 地。</verse>
				<verse number="5">我伸手攻擊 埃及 ，導 以色列 人對𪜶中間出來的時， 埃及 人就會知我是上主。」</verse>
				<verse number="6">摩西 及 亞倫 就照上主的吩咐去做。</verse>
				<verse number="7">𪜶及 埃及 王講話的時， 摩西 八十歲， 亞倫 八十三歲。</verse>
				<verse number="8">上主對 摩西 及 亞倫 講：</verse>
				<verse number="9">「 埃及 王若給恁講『行一件奇事來看覓咧』，你著叫 亞倫 給伊的柺仔擲佇 埃及 王的面前，柺仔會變做蛇。」</verse>
				<verse number="10">摩西 及 亞倫 入去見 埃及 王，照上主的吩咐做； 亞倫 將伊的柺仔㧒佇 埃及 王及伊的人臣的面前，柺仔就變做蛇。</verse>
				<verse number="11">埃及 王就召有智慧的人及法師來；諸個 埃及 的術士用𪜶的法術嘛按呢做。</verse>
				<verse number="12">𪜶逐個人將柺仔㧒落去，柺仔攏變做蛇；毋拘 亞倫 的柺仔吞食𪜶的柺仔。</verse>
				<verse number="13">總是 埃及 王的心硬，毋聽𪜶的話，抵抵照上主講的。</verse>
				<verse number="14">上主對 摩西 講：「 埃及 王的心固執，毋肯放我的子民離開。</verse>
				<verse number="15">明仔早起， 埃及 王會去 尼羅河 ；你著攑彼支曾變做蛇的柺仔，佇河邊等伊。</verse>
				<verse number="16">你著對伊講：『上主 — 希伯來 人的上帝派我來對你講：著放我的子民離開，互𪜶去曠野敬拜我；毋拘到今你攏毋聽。</verse>
				<verse number="17">上主按呢講：我欲用我的柺仔拍 尼羅河 的河水，水會變做血；按呢，你就會知我是上主。</verse>
				<verse number="18">河裡的魚會死，水會臭； 埃及 人𣍐當閣飲 尼羅河 的水。』」</verse>
				<verse number="19">上主閣對 摩西 講：「你著給 亞倫 講：『攑你的柺仔，指 埃及 的河及溪，水池及蓄水池，互所有的水攏變做血； 埃及 全地，連水桶及石甕的水嘛攏變做血。』」</verse>
				<verse number="20">摩西 及 亞倫 照上主的命令去做。 亞倫 佇 埃及 王及伊的人臣面前攑柺仔拍 尼羅河 的水；河裡的水攏變做血。</verse>
				<verse number="21">河裡的魚攏死，河水生臭味， 埃及 人𣍐當飲河裡的水； 埃及 全地攏有血。</verse>
				<verse number="22">埃及 的術士用𪜶的法術嘛按呢做。 埃及 王的心硬，毋聽 摩西 及 亞倫 ，抵抵照上主講的。</verse>
				<verse number="23">埃及 王倒轉去王宮，無將此個事囥佇心內。</verse>
				<verse number="24">所有的 埃及 人佇 尼羅河 河邊挖窟仔尋水飲，因為河的水𣍐飲得。</verse>
				<verse number="25">上主拍 尼羅河 了後，此個災難繼續七日。</verse>
			</chapter>
			<chapter number="8">
				<verse number="1">上主對 摩西 講：「你去 埃及 王遐，給伊講：『上主按呢講：放我的子民離開，互𪜶通敬拜我。</verse>
				<verse number="2">你若毋放𪜶去，我欲用水雞擾亂恁全國。</verse>
				<verse number="3">尼羅河 欲生足多水雞，𪜶欲對河裡起來，入去你的宮殿、你的房間，𬦰上你的眠床，閣欲進入你的人臣的厝，跳上你的人民的身軀，進入你的灶及抄麵粉的器具。</verse>
				<verse number="4">水雞閣欲跳上你、你的人民，及所有人臣的身軀。』」</verse>
				<verse number="5">上主閣對 摩西 講：「你給 亞倫 講：『攑你的柺仔指 尼羅河 、溪，及水池，互水雞𬦰起來 埃及 地。』」</verse>
				<verse number="6">亞倫 伸手指 埃及 全地的水；水雞就跳起來，蓋滿 埃及 地。</verse>
				<verse number="7">埃及 的術士用𪜶的法術嘛按呢做，互水雞上來 埃及 地。</verse>
				<verse number="8">埃及 王叫 摩西 及 亞倫 來，講：「請恁求上主互諸個水雞離開我及我的人民；我就欲互此個民族離開，去向上主獻祭。」</verse>
				<verse number="9">摩西 對 埃及 王講：「好！請給我講，什麼時通為著你、你的人臣，及人民祈禱，將水雞對你及王宮除滅，互水雞只有留佇 尼羅河 。」</verse>
				<verse number="10">伊講：「明仔載。」 摩西 講：「我會照你的要求做，按呢你就知，無一個會當及上主 — 阮的上帝比。</verse>
				<verse number="11">水雞會離開你及王宮，離開你的人臣及人民，只有留佇 尼羅河 。」</verse>
				<verse number="12">摩西 及 亞倫 離開 埃及 王出去； 摩西 為著上主派來損壞 埃及 王的水雞，求叫上主。</verse>
				<verse number="13">上主照 摩西 的懇求去做，互佇厝內、埕裡，及田野的水雞攏死。</verse>
				<verse number="14">人給𪜶拾一堆一堆； 埃及 全地攏是臭味。</verse>
				<verse number="15">埃及 王看著代誌有解決，就硬伊的心，毋聽 摩西 及 亞倫 的話；抵抵照上主所講的。</verse>
				<verse number="16">上主對 摩西 講：「你著給 亞倫 講：『攑你的柺仔拍土粉，互 埃及 全地的土粉變做蝨母。』」</verse>
				<verse number="17">𪜶就按呢做； 亞倫 攑柺仔拍土粉，人及牲生的身軀就攏有蝨母。 埃及 全地的土粉攏變做蝨母。</verse>
				<verse number="18">人及牲生的身軀攏有蝨母。術士用𪜶的法術嘛欲互土粉變做蝨母，毋拘無法度。</verse>
				<verse number="19">術士對 埃及 王講：「這是上帝的作為。」毋拘 埃及 王的心硬，毋聽 摩西 及 亞倫 的話；抵抵照上主講的。</verse>
				<verse number="20">上主對 摩西 講：「明仔早起， 埃及 王會去 尼羅河 ；你著徛佇伊的面前，對伊講：『上主按呢講：放我的子民離開，去敬拜我。</verse>
				<verse number="21">你若毋肯，我欲派歸群胡蠅飛來你遮，佇你的人臣及人民的身上，閣入王宮； 埃及 人的厝，及𪜶住的所在，嘛欲有歸群的胡蠅。</verse>
				<verse number="22">彼日，我欲將我的子民徛起的 歌珊 地區分別出來；佇遐無歸群胡蠅。我按呢做，是欲互你知我上主是全地的主。</verse>
				<verse number="23">我欲將我的子民及你的人民分開 ；明仔載此個神跡一定會發生。』」</verse>
				<verse number="24">上主就按呢做。胡蠅歸陣飛入 埃及 王的宮殿及伊的人臣的厝； 埃及 全地攏因為歸群的胡蠅荒廢。</verse>
				<verse number="25">埃及 王就叫 摩西 及 亞倫 來，講：「恁去，佇我的境內向恁的上帝獻祭。」</verse>
				<verse number="26">摩西 應伊講：「按呢做𣍐通；因為阮欲獻互上主 — 阮的上帝的祭物， 埃及 人看做禁忌。阮若佇 埃及 人的面前用𪜶看做禁忌的物獻祭，𪜶豈𣍐用石頭給阮抌死？</verse>
				<verse number="27">阮欲行三日的路程去曠野，照上主 — 阮的上帝的命令獻祭互伊。」</verse>
				<verse number="28">埃及 王講：「我允准恁離開，互恁佇曠野向上主 — 恁的上帝獻祭，毋拘𣍐用得去傷遠。閣恁著替我祈禱。」</verse>
				<verse number="29">摩西 講：「我欲對你遮出去，向上主祈禱，求伊互歸陣胡蠅明仔載離開 埃及 王及你的人臣，以及人民。毋拘 埃及 王毋通閣騙阮，毋准此個民族離開去獻祭互上主。」</verse>
				<verse number="30">摩西 就對 埃及 王遐出去，向上主祈禱。</verse>
				<verse number="31">上主就照 摩西 的懇求，互胡蠅攏離開 埃及 王及伊的人臣，以及人民，無留半隻。</verse>
				<verse number="32">此遍 埃及 王閣硬伊的心，毋放此個民族離開。</verse>
			</chapter>
			<chapter number="9">
				<verse number="1">上主對 摩西 講：「你去見 埃及 王，給伊講：『上主 — 希伯來 人的上帝按呢講：著放我的子民離開，互𪜶通敬拜我。</verse>
				<verse number="2">你若毋放𪜶去，猶原欲強迫𪜶留啲，</verse>
				<verse number="3">上主就欲用伊的權能降嚴重的瘟疫佇你田野的牲生、馬、驢、駱駝、牛群、羊群。</verse>
				<verse number="4">上主欲分別 以色列 人的牲生及 埃及 人的牲生；所有屬 以色列 人的牲生，連一隻都𣍐死。』」</verse>
				<verse number="5">上主就設定欲降瘟疫的時間，講：「明仔載上主欲佇此個地做此項事。」</verse>
				<verse number="6">隔日上主就做此個事； 埃及 的牲生攏死，毋拘， 以色列 人的牲生連一隻都無死。</verse>
				<verse number="7">埃及 王派人去看， 以色列 人的牲生連一隻都無死。毋拘 埃及 王的心固執，毋放此個民族離開。</verse>
				<verse number="8">上主對 摩西 及 亞倫 講：「恁著捧歸捧火爐的火灰； 摩西 著佇 埃及 王的面前將火灰向天撒去。</verse>
				<verse number="9">火灰會佇 埃及 全地變做塵埃，落佇 埃及 全地的人及牲生的身軀，生粒仔，成做瘡。」</verse>
				<verse number="10">𪜶兩人就捧火灰，去佇 埃及 王的面前； 摩西 向天撒去，人及牲生的身軀就生粒仔，成做瘡。</verse>
				<verse number="11">術士無法度佇 摩西 面前做此個事；𪜶及所有的 埃及 人攏生粒仔。</verse>
				<verse number="12">上主互 埃及 王的心硬，毋聽 摩西 及 亞倫 的話；抵抵照上主對 摩西 講的。</verse>
				<verse number="13">上主對 摩西 講：「明仔載你著透早起來，去徛佇 埃及 王的面前，對伊講：『上主 — 希伯來 人的上帝按呢講：著放我的子民離開，互𪜶通敬拜我。</verse>
				<verse number="14">此遍，我欲互閣較嚴重的災難臨到你及你的人臣，以及人民，互你知，佇普天下無一個會當及我比。</verse>
				<verse number="15">現在，我若伸手用瘟疫攻擊你及你的人民，你就會對地上受消滅；</verse>
				<verse number="16">總是為著欲互你看見我的權能，互我的名佇全世界受宣揚，我才留你的性命。</verse>
				<verse number="17">毋拘你猶原阻擋我的子民，毋放𪜶離開。</verse>
				<verse number="18">今，明仔載此個時，我欲降極大的冰雹，對 埃及 開國以來毋曾發生過。</verse>
				<verse number="19">現在你著派人，將你所有佇田野的人及牲生攏帶去安全的所在；許個留佇室外的，無論人抑是牲生，攏會互冰雹抌死。』」</verse>
				<verse number="20">埃及 王許個驚畏上主的話的人臣，就將𪜶的奴僕及牲生帶到安全的所在。</verse>
				<verse number="21">毋拘許個無將上主的話看做要緊的，就將𪜶的奴僕及牲生留佇田野。</verse>
				<verse number="22">上主對 摩西 講：「你向天伸手， 埃及 全地就會有冰雹落佇人、牲生，及田野所有的菜蔬。」</verse>
				<verse number="23">摩西 攑伊的柺仔指天，上主就互 埃及 地有雷公熠爁，落冰雹；</verse>
				<verse number="24">雹啲落，閣有熠爁，情形非常嚴重；對 埃及 開國以來毋曾發生過。</verse>
				<verse number="25">佇 埃及 全地，冰雹拍所有佇田野的人及牲生，閣毀壞園裡的菜蔬，拍斷野地的樹木。</verse>
				<verse number="26">只有 以色列 人徛起的 歌珊 地區無落雹。</verse>
				<verse number="27">埃及 王派人叫 摩西 及 亞倫 來，對𪜶講：「此遍我犯罪啦。上主是公義，我及我的人民做毋著。</verse>
				<verse number="28">上帝的雷及冰雹已經夠額啦。請為著阮祈求上主。我欲准恁離開；恁毋免閣留佇遮。」</verse>
				<verse number="29">摩西 對伊講：「我一下出城，就欲攑雙手向上主祈禱；雷欲煞，冰雹會停，按呢欲互你知，大地攏屬佇上主。</verse>
				<verse number="30">毋拘我知，你及你的人臣猶無真正驚畏主上帝。」</verse>
				<verse number="31">彼時，麻及大麥攏受損壞，因為大麥已經出穗，麻嘛開花。</verse>
				<verse number="32">毋拘小麥及粗麥無受損壞，因為猶未大欉。</verse>
				<verse number="33">摩西 離開 埃及 王出城，攑雙手向上主祈禱，雷及冰雹就停止，雨嘛無閣摒落地面。</verse>
				<verse number="34">埃及 王看著雨、冰雹，及雷攏停止，就閣犯罪；伊及伊的人臣攏硬𪜶的心。</verse>
				<verse number="35">埃及 王心硬，毋放 以色列 人離開，抵抵照上主對 摩西 講的。</verse>
			</chapter>
			<chapter number="10">
				<verse number="1">上主對 摩西 講：「你去見 埃及 王。我欲互伊及伊的人臣的心硬，通互我佇𪜶中間行神跡；</verse>
				<verse number="2">嘛欲互你對恁的子、恁的孫講起我按怎戲弄 埃及 人，以及我佇𪜶中間行的神跡，互恁知我是上主。」</verse>
				<verse number="3">摩西 及 亞倫 就去見 埃及 王，對伊講：「上主 — 希伯來 人的上帝按呢講：『你到今猶毋肯佇我的面前屈服。著放我的子民出去，互𪜶通敬拜我。</verse>
				<verse number="4">你若毋肯放我的子民離開，明仔載，我欲互草蜢進入你的境內；</verse>
				<verse number="5">𪜶欲遮蓋地面，致到人看𣍐著地；𪜶閣欲食冰雹拍賰留互恁的，嘛欲食野地的樹木。</verse>
				<verse number="6">你的王宮、你的人臣及所有 埃及 人的厝，一四界攏有草蜢；自古以來，毋曾有人看著按呢。』」講了， 摩西 就越轉身，離開 埃及 王出去。</verse>
				<verse number="7">埃及 王的人臣對王講：「此個人尋麻煩害咱欲到底時？著放此個民族去敬拜上主 — 𪜶的上帝。 埃及 已經啲欲滅亡啦，你豈毋知？」</verse>
				<verse number="8">對按呢， 埃及 王召 摩西 及 亞倫 倒轉來，對𪜶講：「恁通去敬拜上主 — 恁的上帝，毋拘是什麼人欲去？」</verse>
				<verse number="9">摩西 講：「阮攏欲去；阮的少年人及老人、阮的後生查某子、阮的牛群羊群攏欲做夥去；因為阮著守節敬拜上主。」</verse>
				<verse number="10">埃及 王對𪜶講：「去啊，我若放恁的囝仔及婦仁人隨恁去，願上主給恁保庇啦！恁著知，災禍已經佇恁的目睭前 。</verse>
				<verse number="11">毋拘𣍐用得！我干焦准恁查甫人去敬拜上主，恁本來就是按呢要求。」 埃及 王就給𪜶趕出去。</verse>
				<verse number="12">上主給 摩西 講：「你伸手指 埃及 地，互草蜢蓋滿全國，食冰雹拍賰的植物。」</verse>
				<verse number="13">摩西 攑伊的柺仔指 埃及 地，上主就互東風歸暝歸日吹 埃及 地；到隔日早起，東風將草蜢吹來。</verse>
				<verse number="14">草蜢侵犯 埃及 全地，歇佇 埃及 四境；草蜢即呢多，數量空前絕後。</verse>
				<verse number="15">草蜢遮蓋地面，致到全地攏烏暗；𪜶閣食地上所有互冰雹拍賰的菜蔬及樹頂的果子。 埃及 全地，無論樹木，抑是園裡的菜蔬，連一屑仔青翠的物都無留啲。</verse>
				<verse number="16">埃及 王趕緊叫 摩西 及 亞倫 來，講：「我有得罪上主 — 恁的上帝，嘛得罪恁。</verse>
				<verse number="17">今，請恁祈求上主 — 恁的上帝，閣一遍赦免我的罪，互我脫離此遍致到死亡的災難。」</verse>
				<verse number="18">摩西 就離開 埃及 王，去祈求上主。</verse>
				<verse number="19">上主就透真強的西風，將草蜢吹落去 紅海 ； 埃及 四境連一隻草蜢都無留啲。</verse>
				<verse number="20">毋拘上主互 埃及 王的心硬，毋放 以色列 人離開。</verse>
				<verse number="21">上主閣給 摩西 講：「你伸手指天，互烏暗遮蓋 埃及 地，暗甲著用摸的才會行得。」</verse>
				<verse number="22">摩西 伸手指天， 埃及 全地就三日久烏烏暗暗；</verse>
				<verse number="23">三日久人互相看𣍐著，嘛𣍐當離開厝；毋拘 以色列 人住的所在攏有光明。</verse>
				<verse number="24">埃及 王就叫 摩西 來，講：「恁去敬拜上主，恁的囝仔及婦仁人嘛通及恁做夥去，毋拘恁的牛群羊群著留落來。」</verse>
				<verse number="25">摩西 應伊講：「你著將祭物及燒化祭的物互阮，互阮通向上主 — 阮的上帝獻祭。</verse>
				<verse number="26">阮的牲生嘛著及阮去，連一隻都𣍐當留啲，因為阮猶毋知著用什麼牲生服事上主 — 阮的上帝；到遐阮才會知。」</verse>
				<verse number="27">毋拘上主互 埃及 王的心硬，毋肯放𪜶離開。</verse>
				<verse number="28">埃及 王給 摩西 講：「你給我出去！你著細膩，毋通閣互我看著；互我看著彼日，你會死。」</verse>
				<verse number="29">摩西 講：「照你講的，我無欲閣見你的面。」</verse>
			</chapter>
			<chapter number="11">
				<verse number="1">上主對 摩西 講：「我欲閣降一個災難互 埃及 王及 埃及 ，後來伊才會放恁離開遮；伊放恁離開的時，會逼恁趕緊對遮出去。</verse>
				<verse number="2">你著給 以色列 人講，無論男女，逐個人攏著對𪜶的厝邊討金器、銀器。」</verse>
				<verse number="3">上主互 以色列 人得著 埃及 人的好款待；閣 摩西 此個人佇 埃及 地，嘛受 埃及 王的人臣及人民看做偉大。</verse>
				<verse number="4">摩西 講：「上主按呢講：『下昏暗半暝，我欲佇 埃及 地行透透。</verse>
				<verse number="5">所有 埃及 地的大子，對坐王位的 埃及 王到挨磨的女婢的大子，以及攏總頭上生的牲生，攏會死。</verse>
				<verse number="6">埃及 全地欲有哀傷啼哭的聲，以前毋曾有，將來嘛𣍐閣有。</verse>
				<verse number="7">毋拘佇 以色列 人的地區會真平靜，連狗仔都𣍐給人抑是牲生吠；按呢欲互恁知，上主有分別 埃及 人及 以色列 人。』</verse>
				<verse number="8">你所有的人臣欲來見我，仆佇我的面前，講：『拜託你及跟隨你的人民攏離開。』後來我才欲離開。」講煞， 摩西 氣沸沸離開 埃及 王出去。</verse>
				<verse number="9">上主曾對 摩西 講：「 埃及 王𣍐聽你的話，所以我欲佇 埃及 地行閣較多的神跡。」</verse>
				<verse number="10">摩西 及 亞倫 佇 埃及 王的面前行這一切的奇事；毋拘上主互 埃及 王的心硬，毋放 以色列 人離開伊的地。</verse>
			</chapter>
			<chapter number="12">
				<verse number="1">上主佇 埃及 地對 摩西 及 亞倫 講：</verse>
				<verse number="2">「恁著用此個月做恁的正月，做逐年的頭一個月。</verse>
				<verse number="3">恁著對 以色列 的全體會眾講：『此個月初十，逐個人著照家庭準備羊仔，一家一隻。</verse>
				<verse number="4">若厝裡的人少，一隻羊仔食𣍐了，著及隔壁厝邊做夥準備；照人數，照逐個人食的份量準備。</verse>
				<verse number="5">恁著對綿羊抑是山羊選一隻一歲、無缺點的公的羊。</verse>
				<verse number="6">恁著給羊仔留到本月十四；佇黃昏的時， 以色列 全體會眾著刣羊仔。</verse>
				<verse number="7">𪜶著提一寡血，抹佇𪜶食羊仔彼間厝雙旁的門徛及門楣。</verse>
				<verse number="8">彼暗著食羊仔的肉；肉用火烘，及無酵餅、苦菜做夥食。</verse>
				<verse number="9">𣍐用得食生的及用水煮的；肉著及頭、腳、腹內做夥烘來食。</verse>
				<verse number="10">諸個攏毋通留到隔早起；若留到隔早起，著用火燒掉。</verse>
				<verse number="11">恁食的時，腰著縖啲，鞋著穿啲，手著攑柺仔，嘛著趕緊食。這是上主的𨃟過節。</verse>
				<verse number="12">「『彼暝，我欲行透 埃及 地，拍死所有的頭上生的，無論是人抑是牲生；閣欲審判 埃及 所有的神明。我是上主。</verse>
				<verse number="13">恁若有佇恁的厝抹血做記號；我一下看著此個血，就會對恁遐𨃟過去；我拍 埃及 地的時，毀滅的災難𣍐臨到恁。』」</verse>
				<verse number="14">恁著會記得此日是上主的節日，代代守此個節日做永遠的規例。</verse>
				<verse number="15">恁著食無酵餅七日；頭一日著對厝內將酵母清清氣。對頭一日到第七日，所有食有酵的物的人，攏著對 以色列 人的中間革出。</verse>
				<verse number="16">頭一日及第七日，恁著舉行聖會；此兩日，準備食的物件以外，其他的工作恁攏𣍐用得做。</verse>
				<verse number="17">恁著守除酵節，因為佇此日我導恁的軍隊對 埃及 地出來；所以恁著守此日做世世代代永遠的規例。</verse>
				<verse number="18">對正月十四下昏到二一下昏，恁著食無酵餅。</verse>
				<verse number="19">此七日內，恁逐個人的厝內𣍐用得有酵；食有酵的物的人，無論是恁的同胞抑是外族人，攏著對 以色列 會眾的中間革出。</verse>
				<verse number="20">有酵的物，恁攏𣍐用得食；佇此個節期內，恁無論住佇什麼所在，著食無酵餅。</verse>
				<verse number="21">摩西 召集 以色列 所有的長老，對𪜶講：「恁著為恁的家族揀羊仔，刣來過𨃟過節。</verse>
				<verse number="22">著提一把牛膝草，搵盆內的血，抹門楣及雙旁的門徛；天光以前，無論什麼人攏毋通出門。</verse>
				<verse number="23">上主欲行透全國，拍死 埃及 人；伊看著門楣及雙旁門徛的血，就會𨃟過彼個門，不准毀滅者入恁的厝給恁拍死。</verse>
				<verse number="24">恁著遵守此個規定，做恁及恁的後代永遠的規例。</verse>
				<verse number="25">將來恁進入上主所應允欲賜互恁彼個地，恁著遵守此個規例。</verse>
				<verse number="26">恁的子兒若問恁：『是按怎欲守此個規例？』</verse>
				<verse number="27">恁著講：『這是獻互上主𨃟過節的祭物。上主拍死 埃及 人的時，伊𨃟過住佇 埃及 的 以色列 人的厝，解救咱逐個家族。』」人民就仆佇土腳敬拜上主。</verse>
				<verse number="28">然後， 以色列 人離開，照上主對 摩西 及 亞倫 的命令去做。</verse>
				<verse number="29">佇半暝，上主刣死 埃及 地所有頭上生的；對坐王位的 埃及 王的大子到關佇監獄的犯人的大子，以及牲生的頭上生的，攏受刣死。</verse>
				<verse number="30">埃及 王及伊所有的人臣，以及全部的 埃及 人，攏佇半暝起來；佇 埃及 全地有大啼哭的聲，因為無一家無死人。</verse>
				<verse number="31">埃及 王半暝召 摩西 、 亞倫 來，講：「出去！恁及 以色列 人著離開我的人民出出去！照恁所講的，去敬拜上主；</verse>
				<verse number="32">嘛照恁的要求，連牛群羊群攏帶帶去。毋拘恁著給我祝福。」</verse>
				<verse number="33">埃及 人趕 以色列 人著趕緊離開，講：「阮攏啲欲死啦。」</verse>
				<verse number="34">以色列 人就提猶未囥酵的麵丸，下佇抄麵粉的器具內，用衫包起來，囥佇肩頭頂。</verse>
				<verse number="35">以色列 人照 摩西 的話，對 埃及 人討金器、銀器，及衣服。</verse>
				<verse number="36">上主互 以色列 人得著 埃及 人好的對待，𪜶要求什麼， 埃及 人攏互𪜶。按呢，𪜶就搶奪 埃及 人的財物。</verse>
				<verse number="37">以色列 人離開 蘭塞 ，向 疏割 出發，囝仔婦仁人無算，行路的壯丁大約有六十萬。</verse>
				<verse number="38">閣有真多混雜的群眾，以及牛群、羊群、真多牲生及𪜶做夥出去。</verse>
				<verse number="39">𪜶用對 埃及 帶出來無發酵的麵丸烘做餅，因為𪜶受趕離開 埃及 ，真緊急，𣍐當為家己準備食物。</verse>
				<verse number="40">以色列 人住佇 埃及 四百三十年久。</verse>
				<verse number="41">四百三十年一下滿，抵抵彼日，上主導伊的軍隊對 埃及 地出來。</verse>
				<verse number="42">此暝上主歸暝顧守𪜶，導𪜶出 埃及 地； 以色列 人著世世代代佇此暝向上主守夜。</verse>
				<verse number="43">上主對 摩西 、 亞倫 講：「𨃟過節的規例是按呢：𨃟過節的食物，外族人攏毋通食，</verse>
				<verse number="44">毋拘用銀買來的奴隸，若有受割禮就通食；</verse>
				<verse number="45">寄居的及倩來的工人攏毋通食。</verse>
				<verse number="46">著佇厝內食，連一塊都毋通提出去外面；羊仔的骨連一支都毋通摃斷。</verse>
				<verse number="47">以色列 所有的會眾攏著按呢守節。</verse>
				<verse number="48">若有寄居佇恁中間的外族人，愛欲守𨃟過節敬拜上主，𪜶家內的查甫人著受割禮，才通及本族的人仝款守節；毋拘無受割禮的外族人攏𣍐用得食。</verse>
				<verse number="49">本族人及寄居佇恁中間的外族人，像款攏著守此個規例。」</verse>
				<verse number="50">以色列 眾人就照上主命令 摩西 、 亞倫 的話去做。</verse>
				<verse number="51">就佇彼日，上主導 以色列 人，一隊一隊出 埃及 。</verse>
			</chapter>
			<chapter number="13">
				<verse number="1">上主對 摩西 講：</verse>
				<verse number="2">「 以色列 人著將頭上生的人及牲生，攏分別作聖歸互我；因為𪜶是我的。」</verse>
				<verse number="3">摩西 對 以色列 人講：「恁著會記得此日，因為上主佇此日用大權能的手給恁對 埃及 做奴才的家導出來；有酵的餅攏毋通食。</verse>
				<verse number="4">恁佇亞筆月的此日離開 埃及 。</verse>
				<verse number="5">將來上主會導恁進入 迦南 人、 赫 人、 亞摩利 人、 希未 人、 耶布斯 人徛起的地，此個地是伊對恁的祖先立誓欲賞賜互恁流奶及蜜的地，彼時恁著佇逐年的此個月遵守下面此個規例：</verse>
				<verse number="6">著食無酵餅七日；第七日是敬拜上主的節日。</verse>
				<verse number="7">此七日恁著食無酵餅；佇恁境內𣍐用得有酵母及有酵的餅。</verse>
				<verse number="8">佇此日，恁著教示恁的子，講：『這是欲記念上主佇我出 埃及 的時，為著我所做的事。』</verse>
				<verse number="9">恁著佇恁的手及頭額做記號，互恁常常暗唸上主的律法；因為上主有用大權能的手導恁出 埃及 。</verse>
				<verse number="10">所以，逐年此日若到，恁著守此個規例。」</verse>
				<verse number="11">「上主導恁進入伊對恁及恁的祖先立誓，欲賞賜互恁的 迦南 地，</verse>
				<verse number="12">彼時，恁著將大子及所有頭上生公的牲生獻互上主；因為諸個攏屬上主。</verse>
				<verse number="13">頭上生的驢仔，著獻羊仔贖回；若無欲贖回，就著摃斷驢仔的頷頸；毋拘恁的大子攏著贖回。</verse>
				<verse number="14">以後恁的子若問恁講：『是按怎欲按呢做？』恁著給𪜶講：『上主用大權能的手導阮對 埃及 做奴才的家出來。</verse>
				<verse number="15">彼時 埃及 王固執毋放阮離開，上主就將 埃及 所有人的大子及牲生的頭上生的，攏刣死；所以，我將頭上生公的牲生獻互上主；將大子贖回。</verse>
				<verse number="16">你著佇你的手及頭額做記號，記念上主用大權能的手導阮出 埃及 。』」</verse>
				<verse number="17">埃及 王放 以色列 人離開的時，上帝無導𪜶行彼條經過 非利士 地較近的路；因為上帝講：「驚了諸個人民抵著戰爭，就後悔閣倒轉去 埃及 。」</verse>
				<verse number="18">所以上帝導 以色列 人斡對 紅海 曠野彼條路； 以色列 人攏武裝，對 埃及 地出去。</verse>
				<verse number="19">摩西 帶 約瑟 的骨骸離開，因為 約瑟 有叫 以色列 人咒重誓，對𪜶講：「上帝一定會照顧恁，恁著帶我的骨骸做夥倒去。」</verse>
				<verse number="20">𪜶對 疏割 出發，佇曠野的邊界 以倘 紮營。</verse>
				<verse number="21">上主行佇𪜶的頭前，日時用雲柱給𪜶導路，暝時用火柱給𪜶照光，互𪜶日時暝時攏會當行路。</verse>
				<verse number="22">日時的雲柱，暝時的火柱，攏無離開 以色列 人。</verse>
			</chapter>
			<chapter number="14">
				<verse number="1">上主對 摩西 講：</verse>
				<verse number="2">「你著吩咐 以色列 人越倒轉，佇 密奪 及海中間的 比‧哈希錄 頭前， 巴力‧洗分 對面的海邊紮營。</verse>
				<verse number="3">埃及 王會想講 以色列 人迷路，行𣍐出曠野。</verse>
				<verse number="4">我欲互 埃及 王的心硬，追趇恁；毋拘我欲拍敗 埃及 王及伊的全軍，顯出我的榮光。按呢， 埃及 人就知我是上主。」 以色列 人就照按呢做。</verse>
				<verse number="5">有人來給 埃及 王報告：「 以色列 人逃走啦！」 埃及 王及伊的人臣就改變心意，講：「咱哪會做此款代誌？是按怎欲放彼個民族離開無閣服事咱？」</verse>
				<verse number="6">埃及 王就準備戰車，導伊的軍兵做夥去；</verse>
				<verse number="7">伊導 埃及 所有的戰車，包括六百台特選的戰車出去，逐台車攏有戰車長。</verse>
				<verse number="8">上主互 埃及 王的心硬，追趇 以色列 人。 以色列 人勇敢大膽 離開的時，</verse>
				<verse number="9">埃及 人追趇𪜶； 埃及 王所有的戰馬、戰車、馬兵，及軍隊，佇 比‧哈希錄 頭前， 巴力‧洗分 對面的海邊， 以色列 人紮營的所在，趇著𪜶。</verse>
				<verse number="10">埃及 王倚近的時， 以色列 人一下看著 埃及 人趇倚來，就真驚，哀求上主。</verse>
				<verse number="11">𪜶給 摩西 講：「是 埃及 無墓地，你才導阮出來死佇曠野是無？你是按怎按呢對待阮，導阮出 埃及 ？</verse>
				<verse number="12">阮佇 埃及 豈無給你講『插阮，出在阮服事 埃及 人』？阮寧可服事 埃及 人，比死佇曠野較好。」</verse>
				<verse number="13">摩西 給人民講：「毋免驚，徛互在，看上主今仔日按怎解救恁。恁今仔日看著的 埃及 人，一定永遠𣍐閣看著。</verse>
				<verse number="14">上主欲為恁交戰；恁著安靜。」</verse>
				<verse number="15">上主對 摩西 講：「你是按怎對我喉叫？著叫 以色列 人向前行。</verse>
				<verse number="16">你攑柺仔伸手指海，給海分開； 以色列 人會佇海中行焦地。</verse>
				<verse number="17">我欲互 埃及 人的心硬，𪜶欲隨恁落去；我欲拍敗 埃及 王及伊的全軍、戰車、馬兵，顯出我的榮耀。</verse>
				<verse number="18">我拍敗 埃及 王及伊的戰車、馬兵，得著榮耀的時， 埃及 人就知我是上主。」</verse>
				<verse number="19">上帝的使者本來行佇 以色列 大隊的頭前，彼時徙去𪜶後面，雲柱嘛對𪜶的頭前徙去後面，</verse>
				<verse number="20">來佇 埃及 營及 以色列 營的中間； 埃及 營互雲罩啲變做烏暗，毋拘 以色列 營暝時有光；兩旁歸暝𣍐當接近。</verse>
				<verse number="21">摩西 伸手指海，上主互真強的東風吹歸暝，互海水退去，海成做焦地，水分做兩旁。</verse>
				<verse number="22">以色列 人落海中行焦地，水佇𪜶的雙旁成做牆壁。</verse>
				<verse number="23">埃及 人追趇𪜶； 埃及 王所有的戰馬、戰車，及馬兵攏隨𪜶落去海中。</verse>
				<verse number="24">到天欲光的時，上主對雲柱及火柱中間俯落看 埃及 的軍隊，拍亂𪜶的隊伍，</verse>
				<verse number="25">互𪜶的戰車的輪仔咬牢啲，行𣍐去； 埃及 人就講：「咱著趕緊走，離開 以色列 人，上主為著𪜶來拍咱。」</verse>
				<verse number="26">上主給 摩西 講：「你伸手指海，互水倒轉來淹 埃及 人、𪜶的戰車，及𪜶的馬兵。」</verse>
				<verse number="27">摩西 就伸手指海；到天一下光，海水回復原狀。 埃及 人逃走，毋拘上主將𪜶捙落海。</verse>
				<verse number="28">海水流倒轉，給戰車及馬兵淹密；趇 以色列 人落去海中的 埃及 王全軍，無一個活啲。</verse>
				<verse number="29">總是 以色列 人佇海中行焦地，水佇𪜶的雙旁成做牆壁。</verse>
				<verse number="30">彼日，上主按呢解救 以色列 人脫離 埃及 人的手； 以色列 人看著 埃及 人攏死佇海邊。</verse>
				<verse number="31">以色列 人看著上主用大氣力對付 埃及 人所做的事，就敬畏上主，閣信服上主及伊的僕人 摩西 。</verse>
			</chapter>
			<chapter number="15">
				<verse number="1">彼時， 摩西 及 以色列 人對上主唱此首詩歌： 我欲對上主唱歌，因為伊大勝利； 伊將戰馬及馬兵捙落海。</verse>
				<verse number="2">上主是我的氣力，我欲唱歌稱讚， 伊給我解救。 伊是我的上帝，我欲稱讚伊； 伊是我列祖的上帝，我欲尊崇伊。</verse>
				<verse number="3">上主是戰士； 上主是伊的稱呼。</verse>
				<verse number="4">埃及 王的戰車及軍兵，上主給𪜶㧒佇海裡； 埃及 王特選的軍官，攏沉落 紅海 。</verse>
				<verse number="5">大湧吞滅𪜶； 𪜶親像石頭沉到深的所在。</verse>
				<verse number="6">上主，你的正手有無比的權能； 上主，你的正手拍碎對敵。</verse>
				<verse number="7">你發出大威力，捙倒許個起來攻擊你的； 你發出大受氣，燒毀𪜶親像燒麥稿。</verse>
				<verse number="8">你鼻孔的氣互水淐高， 互大水疊歸堆； 海真深的水堅凍。</verse>
				<verse number="9">對敵講：「我欲追𪜶，欲趇著𪜶； 我欲分戰利品來足我的心願； 我欲拔刀給𪜶消滅。」</verse>
				<verse number="10">你一下歕風， 海水就給𪜶淹死； 𪜶親像鉛沉落大水。</verse>
				<verse number="11">上主啊，眾神明叨一個會當及你比？ 叨一個親像你神聖威嚴， 通驚畏，受稱讚，行奇事？</verse>
				<verse number="12">你伸出正手， 地就給𪜶吞滅。</verse>
				<verse number="13">你用慈愛導你救贖的子民； 你用權能導𪜶進入你聖的所在。</verse>
				<verse number="14">列邦聽見就愕愕惙； 住佇 非利士 地的互痛苦包圍。</verse>
				<verse number="15">彼時， 以東 的族長驚惶； 摩押 的英雄皮皮惙； 住佇 迦南 地的驚甲破膽。</verse>
				<verse number="16">卬愕驚惶包圍𪜶； 上主，因為你的大權能， 𪜶親像石頭𣍐振動， 聽候你的子民經過， 聽候你贖回的子民過去。</verse>
				<verse number="17">你欲導𪜶入去你產業的山，給𪜶栽培； 上主，遐是你為家己準備欲徛起的所在， 主啊，就是你的手所建立的聖所。</verse>
				<verse number="18">上主欲作王，直到永遠。</verse>
				<verse number="19">埃及 王的戰馬、戰車，及馬兵跋落海的時，上主互海水回復原狀給𪜶淹密；毋拘 以色列 人佇海中行焦地。</verse>
				<verse number="20">亞倫 的大姊，女先知 美莉安 ，手提玲瓏鼓；眾婦女嘛提玲瓏鼓，隨伊那拍鼓那跳舞。</verse>
				<verse number="21">美莉安 回應，唱講： 恁著唱歌稱讚上主，因為伊大勝利； 伊將戰馬及馬兵捙落海。</verse>
				<verse number="22">摩西 導 以色列 人對 紅海 向前行，到 書珥 的曠野；𪜶佇曠野行三日，尋無水。</verse>
				<verse number="23">到 瑪拉 的時， 瑪拉 的水會苦，𣍐飲得；𪜶給彼個所在叫做 瑪拉 。</verse>
				<verse number="24">人民埋怨 摩西 ，講：「阮欲飲啥？」</verse>
				<verse number="25">摩西 就求叫上主。上主指示伊一欉樹仔，伊將彼欉樹仔㧒佇水裡，水就變甘。 上主佇遐為著𪜶定規例及命令，佇遐給𪜶考驗。</verse>
				<verse number="26">上主講：「恁若注意聽我上主 — 恁的上帝的話，做我看做正直的事，真正聽趁我的誡命，遵守我所有的規例，我就𣍐互 埃及 人致著的病佇恁的身上發生，因為我是醫治恁的上主。」</verse>
				<verse number="27">𪜶到 以琳 ，佇遐有十二個水泉，七十欉的棕樹；𪜶就佇遐的水邊紮營。</verse>
			</chapter>
			<chapter number="16">
				<verse number="1">以色列 人全體會眾對 以琳 出發，佇離開 埃及 了後第二個月的十五日，來到 以琳 及 西奈 中間的 汛 的曠野。</verse>
				<verse number="2">𪜶佇遐埋怨 摩西 、 亞倫 。</verse>
				<verse number="3">以色列 人給𪜶講：「阮寧可佇 埃及 地死佇上主的手頭。彼時，阮有歸鼎的肉，有餅通食到飽。恁給阮導來到此個曠野，是欲互阮所有的會眾攏餓死是無！」</verse>
				<verse number="4">上主對 摩西 講：「我欲對天落米糧互恁。𪜶逐個人逐日著出去拾彼一日的份；我欲按呢試驗𪜶，看𪜶有欲遵行我的命令抑無。</verse>
				<verse number="5">到第六日，𪜶著準備兩日的食物，拾平時的重倍。」</verse>
				<verse number="6">摩西 、 亞倫 對 以色列 眾人講：「今暝恁就會知，導恁出 埃及 地的是上主。</verse>
				<verse number="7">明仔早起恁會看見上主的榮耀，因為上主有聽著恁對伊的怨言。阮算什麼，恁竟然埋怨阮！」</verse>
				<verse number="8">摩西 閣講：「上主會互恁暗時有肉通食，早起時有米糧通食到飽；因為恁對上主的怨言，伊攏有聽著。阮算啥；恁毋是埋怨阮，是啲埋怨上主。」</verse>
				<verse number="9">摩西 給 亞倫 講：「你著叫 以色列 人全體會眾來到上主的面前，因為伊已經聽著恁的怨言。」</verse>
				<verse number="10">亞倫 抵啲對 以色列 人全體會眾講話的時，𪜶看見曠野有上主的榮光佇雲中顯現。</verse>
				<verse number="11">上主對 摩西 講：</verse>
				<verse number="12">「我已經聽見 以色列 人的怨言；你著給𪜶講：『到黃昏，恁欲有肉通食，早起時有米糧通食到飽，按呢恁就知我是上主 — 恁的上帝。』」</verse>
				<verse number="13">暗頭仔，有鵪鶉飛來，蓋滿歸個營地；透早，營地四圍有一重露水。</verse>
				<verse number="14">露水焦去，𪜶看著曠野的地面有細細圓圓的物，幼幼親像霜。</verse>
				<verse number="15">以色列 人看著，毋知是什麼，互相講來講去：「這是什麼？」 摩西 給𪜶講：「這就是上主互恁食的米糧。</verse>
				<verse number="16">上主按呢吩咐：恁著拾逐個人會當食的份量，一個人兩公升，照家內的人數去拾。」</verse>
				<verse number="17">以色列 人照按呢去做，有的拾多，有的拾少。</verse>
				<verse number="18">到用器具量的時，拾多的無賰，拾少的嘛無欠；逐個人攏照𪜶食的份量去拾。</verse>
				<verse number="19">摩西 給𪜶講：「毋通將賰的留到隔早起。」</verse>
				<verse number="20">毋拘有人毋聽 摩西 的話，將賰的留到隔早起，就生蟲臭去； 摩西 就對𪜶發受氣。</verse>
				<verse number="21">𪜶逐早起照逐個人食的份量去拾；日頭一下出，許個糧食就溶去。</verse>
				<verse number="22">到第六日，𪜶拾重倍的份，逐個人四公升；全會眾的領袖將此項事給 摩西 報告。</verse>
				<verse number="23">摩西 給𪜶講：「上主按呢講：『明仔載是安歇的日子，是上主聖的安歇日；恁愛烘的今仔日就先烘起來，愛煮的就今仔日煮起來；賰的，著收啲，留到隔早起。』」</verse>
				<verse number="24">𪜶就照 摩西 的吩咐給賰的食物留到隔早起；諸個食物無臭去，嘛無生蟲。</verse>
				<verse number="25">摩西 閣講：「恁今仔日就食諸個，因為今仔日是上主的安歇日；今仔日恁佇野地尋無米糧。</verse>
				<verse number="26">六日，恁通去拾，第七日是安歇日，此日恁無食物通拾。」</verse>
				<verse number="27">第七日，有人出去拾，尋攏無。</verse>
				<verse number="28">上主對 摩西 講：「恁毋肯遵守我的命令及教示，欲到底時？</verse>
				<verse number="29">恁著知，上主已經將安歇日賜互恁，所以第六日伊互恁兩日的米糧，第七日逐個人著𫢶佇家己的所在，毋通出去。」</verse>
				<verse number="30">人民就佇第七日安歇。</verse>
				<verse number="31">以色列 人將此個物叫做嗎哪 ；伊親像芫荽的籽，色緻是白的，滋味親像摻蜜的薄餅。</verse>
				<verse number="32">摩西 講：「上主按呢吩咐：『著貯兩公升淀淀的嗎哪，留互恁的後代。互𪜶看我導恁出 埃及 的時佇曠野互恁食的米糧。』」</verse>
				<verse number="33">摩西 給 亞倫 講：「你提一個甕仔，貯兩公升淀淀的嗎哪，囥佇上主的面前，留互咱的後代。」</verse>
				<verse number="34">亞倫 照上主吩咐 摩西 的話，將嗎哪留啲做見證。</verse>
				<verse number="35">以色列 人食嗎哪攏總四十年久，一直到𪜶來佇有人住的所在。𪜶食嗎哪，直到𪜶來到 迦南 地的邊界。</verse>
				<verse number="36">當時量物件標準的單位是二十公升。</verse>
			</chapter>
			<chapter number="17">
				<verse number="1">以色列 人全體會眾順趁上主的命令，對 汛 的曠野一站一站向前行。𪜶佇 利非訂 紮營，佇遐無水通飲。</verse>
				<verse number="2">人民給 摩西 吵：「互阮水飲！」 摩西 給𪜶講：「恁是按怎啲給我吵，是按怎啲試探上主？」</verse>
				<verse number="3">人民佇遐真嘴焦，愛欲飲水，就埋怨 摩西 ，講：「你是按怎導阮對 埃及 出來，是欲互阮及阮的子兒、牲生攏嘴焦死是無？」</verse>
				<verse number="4">摩西 就求叫上主講：「我欲按怎對待諸個人民？𪜶差不多欲用石頭給我抌死啦。」</verse>
				<verse number="5">上主給 摩西 講：「你導 以色列 幾個長老，行去人民的頭前；你的手著攑進前拍 尼羅河 的柺仔。</verse>
				<verse number="6">你去，我欲佇 何烈 的石磐遐徛佇你的面前。你拍彼個石磐，水會對遐流出來，互人民飲。」 摩西 就佇 以色列 長老的面前按呢做。</verse>
				<verse number="7">伊給彼個所在叫做 瑪撒 ，嘛叫做 米利巴 ；因為 以色列 人給伊吵，閣試探上主，講：「上主豈有佇阮中間？」</verse>
				<verse number="8">亞瑪力 人來 利非訂 攻擊 以色列 人。</verse>
				<verse number="9">摩西 給 約書亞 講：「你著選人去及 亞瑪力 人交戰。明仔載我欲攑上帝的柺仔，徛佇山頂。」</verse>
				<verse number="10">約書亞 就照 摩西 的命令去及 亞瑪力 人交戰； 摩西 、 亞倫 ，及 戶珥 攏𬦰上山頂。</verse>
				<verse number="11">摩西 手攑起來的時， 以色列 人就刣贏；手垂落去的時， 亞瑪力 人就刣贏。</verse>
				<verse number="12">毋拘 摩西 手痠， 亞倫 及 戶珥 就徙石頭來下佇伊的下面，互伊坐啲；𪜶扶伊的手，一個佇正旁，一個佇倒旁；伊的手就無垂落來，一直到日落。</verse>
				<verse number="13">約書亞 用刀刣贏 亞瑪力 人。</verse>
				<verse number="14">上主給 摩西 講：「我欲將 亞瑪力 的名對天下完全擦消。你著將此個事記錄佇冊裡通提醒後代，閣讀互 約書亞 聽。」</verse>
				<verse number="15">摩西 起一座祭壇，給伊號名叫做「上主尼西」 ；</verse>
				<verse number="16">閣講：「著攑上主的軍旗！上主欲代代及 亞瑪力 人交戰。」</verse>
			</chapter>
			<chapter number="18">
				<verse number="1">摩西 的丈人 米甸 的祭司 葉特羅 ，聽見上帝為著 摩西 及伊的子民 以色列 所做的事，就是上主導 以色列 人出 埃及 的事。</verse>
				<verse number="2">葉特羅 導 摩西 的婦仁人 西坡拉 來； 摩西 以前曾送伊倒去後頭厝。</verse>
				<verse number="3">葉特羅 嘛導 摩西 兩個子來，一個叫做 革舜 ，因為 摩西 講「我寄居佇外邦」；</verse>
				<verse number="4">一個叫做 以利以謝 ，因為 摩西 講「我的祖先的上帝幫贊我，救我免死佇 埃及 王的刀下」。</verse>
				<verse number="5">摩西 的丈人 葉特羅 導 摩西 兩個子及伊的婦仁人來到上帝的山， 摩西 佇曠野紮營的所在。</verse>
				<verse number="6">伊請人去給 摩西 講：「我是你的丈人 葉特羅 ，導你的婦仁人及兩個子來你遮。」</verse>
				<verse number="7">摩西 出去迎接伊的丈人，仆落去拜伊，給伊唚；𪜶互相請安，入去布棚。</verse>
				<verse number="8">摩西 將上主為著 以色列 人對 埃及 王及 埃及 人所做攏總的事，以及𪜶佇路中所抵著一切的困難，及上主按怎解救𪜶，攏詳細講互伊的丈人聽。</verse>
				<verse number="9">葉特羅 因為上主好款待 以色列 人，救𪜶脫離 埃及 人的手，就真歡喜。</verse>
				<verse number="10">葉特羅 講：「上主應該受稱讚！伊有救恁脫離 埃及 人及 埃及 王的手。</verse>
				<verse number="11">今，因為上主有解救 以色列 人脫離 埃及 人的壓迫，我知上主比所有的神明閣較大。」</verse>
				<verse number="12">摩西 的丈人 葉特羅 將燒化祭及祭物獻互上帝； 亞倫 及 以色列 的長老攏來，及 摩西 的丈人佇上帝的面前做夥食。</verse>
				<verse number="13">隔日， 摩西 坐啲處理人民的案件；人民歸日徛佇 摩西 的邊仔。</verse>
				<verse number="14">摩西 的丈人看著伊對人民按呢做，就講：「你哪按呢對待人民？哪會家己一個坐啲處理，互人民佇你的邊仔徛歸日？」</verse>
				<verse number="15">摩西 對伊的丈人講：「這是因為人民來我遮欲求問上帝。</verse>
				<verse number="16">𪜶有案件來我遮，我就給𪜶判決，閣互𪜶知上帝的規例及律法。」</verse>
				<verse number="17">摩西 的丈人給伊講：「你按呢做毋好。</verse>
				<verse number="18">你及你的人民攏會真悿。此個工作傷重，你家己一個做𣍐去。</verse>
				<verse number="19">今你著聽我的話。我給你建議，願上帝及你同在。你著代表人民到上帝面前，將案件請問上帝；</verse>
				<verse number="20">閣著將規例及律法教示𪜶，指示𪜶所著行的道路，著做的事。</verse>
				<verse number="21">不過，你嘛著對人民中間揀有才能，敬畏上帝，忠實可靠，怨恨不義之財的人，設立𪜶做官長，有的管一千人，有的管一百人，有的管五十人，有的管十個人；</verse>
				<verse number="22">互𪜶隨時裁決人民的案件；小的案件𪜶家己裁決，大的案件才送來你遮；按呢，𪜶會當給你分擔，你的負擔就會較輕。</verse>
				<verse number="23">你若按呢做，事實上帝嘛按呢吩咐你，你就接載會牢，諸個人民嘛會當安心倒去𪜶兜。」</verse>
				<verse number="24">摩西 聽了就照伊丈人的話去做。</verse>
				<verse number="25">摩西 對 以色列 人的中間揀有才能的人，設立𪜶做官長，有的管一千人，有的管一百人，有的管五十人，有的管十個人。</verse>
				<verse number="26">𪜶隨時裁決人民的案件；小的案件𪜶家己裁決，困難的才送去 摩西 遐。</verse>
				<verse number="27">後來 摩西 送伊的丈人出發， 葉特羅 就倒去伊的本所在。</verse>
			</chapter>
			<chapter number="19">
				<verse number="1">以色列 人出 埃及 地了後，佇第三個月的初一來到 西奈 的曠野。</verse>
				<verse number="2">𪜶離開 利非訂 來到 西奈 的曠野，就佇彼個山的對面紮營。</verse>
				<verse number="3">摩西 上山朝見上帝。 上主對山裡叫 摩西 ，講：「你著對 雅各 的後代 以色列 人宣布：</verse>
				<verse number="4">『我對 埃及 人所做的事，恁攏有看著；嘛知我按怎親像鷹鳥用翼載恁，導恁來歸佇我。</verse>
				<verse number="5">今，恁若切實聽趁我的話，遵守我的約，就會佇列國中成做我的子民。全地攏是我的，</verse>
				<verse number="6">毋拘恁是歸屬我的，是祭司的國度，聖潔的國民。你著將諸個話對 以色列 人講。』」</verse>
				<verse number="7">摩西 就去召集人民的長老，將上主命令的話攏給𪜶講。</verse>
				<verse number="8">人民齊聲應講：「上主所講的阮攏欲遵趁。」 摩西 就將人民的話回復上主。</verse>
				<verse number="9">上主給 摩西 講：「我欲佇密雲的中間來你遮，互人民聽見我及你講話，通永遠信任你。」 摩西 將人民的話對上主講，</verse>
				<verse number="10">上主閣給 摩西 講：「你去人民遐，吩咐𪜶佇今仔日及明仔載著潔淨家己，閣叫𪜶洗衫，</verse>
				<verse number="11">準備迎接第三日。第三日，上主欲佇所有人民的面前，降臨佇 西奈山 。</verse>
				<verse number="12">你著佇山的周圍給人民定界限，講：『恁著謹慎，毋通上山，嘛毋通侵犯山的邊界；若有人侵犯此個山的邊界，一定著互伊死；</verse>
				<verse number="13">毋通給伊摸著，著用石頭給伊抌死，抑是用箭給射死。所有侵犯邊界的，無論是人抑是牲生，攏𣍐用得互伊活。』到哨角的聲拖長的時，𪜶才通上山。」</verse>
				<verse number="14">摩西 落山去人民遐，吩咐𪜶著潔淨家己，閣叫𪜶洗衫。</verse>
				<verse number="15">伊對人民講：「著準備迎接第三日；毋通親近婦仁人。」</verse>
				<verse number="16">到第三日清早，山頂雷公熠爁，烏雲密布，號角的聲大彈；營內的人民攏愕愕惙。</verse>
				<verse number="17">摩西 導人民離開營地，迎接上帝；𪜶攏徛佇山腳。</verse>
				<verse number="18">歸個 西奈山 攏是火煙，因為上主佇火中降臨佇山頂；山的火煙親像火爐的煙淐高，歸個山大振動。</verse>
				<verse number="19">哨角的聲愈彈愈大， 摩西 講話，上帝彈雷給伊應答。</verse>
				<verse number="20">上主降臨佇 西奈山 山頂；上主召 摩西 上山頂， 摩西 就𬦰上山。</verse>
				<verse number="21">上主對 摩西 講：「你落去警戒人民，叫𪜶毋通超過界線欲來遮看上主，致到會有真多人死。</verse>
				<verse number="22">親近上主的祭司嘛著潔淨家己，才免我給𪜶刑罰。」</verse>
				<verse number="23">摩西 對上主講：「人民𣍐當上 西奈山 ，因為你已經警戒阮，講：『著佇山的周圍設界限，給山分別作聖。』」</verse>
				<verse number="24">上主給伊講：「你落去，才閣及 亞倫 做夥上來；毋拘祭司及人民毋通超過界限欲來上主遮，才免我給𪜶刑罰。」</verse>
				<verse number="25">摩西 就落山去人民遐，給𪜶宣布。</verse>
			</chapter>
			<chapter number="20">
				<verse number="1">上帝吩咐諸個一切的話，講：</verse>
				<verse number="2">「我是上主 — 你的上帝，有將你對 埃及 地，做奴才的家導出來。</verse>
				<verse number="3">「我以外你毋通有別個上帝。</verse>
				<verse number="4">「毋通為家己雕刻偶像，無論天頂、地上，及地下水內 所有的物，攏毋通造𪜶的像；</verse>
				<verse number="5">毋通給𪜶跪拜，嘛毋通服事𪜶，因為我上主 — 你的上帝是要求全情服事的上帝；怨恨我的人，我追究𪜶的罪，對父到子，到三四代；</verse>
				<verse number="6">疼我，遵守我誡命的人，我施恩互𪜶，直到千代。</verse>
				<verse number="7">「毋通濫用上主 — 你的上帝的名；因為濫用上主的名的人，我上主一定無給伊當做無罪。</verse>
				<verse number="8">「著會記得安歇日，守做聖日。</verse>
				<verse number="9">六日內著拍拼做你所有的工課，</verse>
				<verse number="10">毋拘第七日是上主 — 你的上帝設立的安歇日；此日，你及你的子、查某子、奴僕、女婢、牲生，以及寄居佇恁中間的人，攏毋通做工，</verse>
				<verse number="11">因為六日久，上主創造天、地、海，及彼中間的萬物，第七日就歇睏；所以上主賜福安歇日，設立此日做聖日。</verse>
				<verse number="12">「著孝敬你的老父、你的老母，通互你佇上主 — 你的上帝賞賜你的地久長徛起。</verse>
				<verse number="13">「毋通害死人。</verse>
				<verse number="14">「毋通姦淫。</verse>
				<verse number="15">「毋通偷提。</verse>
				<verse number="16">「毋通作偽證陷害你的厝邊。</verse>
				<verse number="17">「毋通貪你的厝邊的厝，嘛毋通貪你的厝邊的某、奴僕、女婢、牛、驢，抑是你的厝邊任何的物件。」</verse>
				<verse number="18">所有的人民看著熠爁，聽著雷彈及哨角的聲，閣看著山頂淐煙，就愕愕惙，遠遠徛啲，</verse>
				<verse number="19">對 摩西 講：「請你給阮講就好，阮一定欲聽；毋通互上帝對阮講話，阮才免死。」</verse>
				<verse number="20">摩西 對人民講：「毋免驚；上帝降臨是欲考驗恁，互恁常常敬畏伊，才免恁犯罪。」</verse>
				<verse number="21">人民遠遠徛啲； 摩西 行倚密雲，去上帝遐。</verse>
				<verse number="22">上主對 摩西 講：「你著給 以色列 人按呢講：『恁已經看見我對天頂及恁講話。</verse>
				<verse number="23">毋通為家己造任何金抑是銀的神像來及我比並。</verse>
				<verse number="24">著用土給我起祭壇，佇彼頂面獻燒化祭及平安祭，以及你的牛、你的羊；所有敬拜我的所在，我欲來遐賜福你。</verse>
				<verse number="25">你若用石頭給我起祭壇，毋通用拍過的石頭起；石頭若用傢俬拍過，就受拍垃墋。</verse>
				<verse number="26">毋通造崎仔層行上我的祭壇，才免露現你的下體。』」</verse>
			</chapter>
			<chapter number="21">
				<verse number="1">上主對 摩西 講：「你著為人民定諸個規例：</verse>
				<verse number="2">「你若買 希伯來 人做奴隸，伊通服事你六年久，第七年伊會當免付贖金自由離開。</verse>
				<verse number="3">伊若單身來，就單身離開；伊若有娶某來，伊的某就及伊做夥離開。</verse>
				<verse number="4">伊的主人若給伊娶某，某給伊生子抑是查某子，某及子兒著歸主人；伊著單身出去。</verse>
				<verse number="5">奴隸若明明講：『我疼我的主人、我的某，及我的子兒，無愛出去做自由人。』</verse>
				<verse number="6">伊的主人就著導伊去審判官 遐，互伊倚門抑是門徛，用鑽仔鑽伊的耳仔；伊就永遠服事主人。</verse>
				<verse number="7">「若有人賣查某子做奴隸，查某囝仔贖身的條例及查甫奴隸無像。</verse>
				<verse number="8">主人若娶伊，後來無合意，著准伊贖身；主人既然無守信用，就無權將伊賣互外族人。</verse>
				<verse number="9">主人若給伊娶來做新婦，就著給伊當做查某子款待。</verse>
				<verse number="10">主人的子若閣娶，彼個女奴隸的食、穿，及作某的權利，猶原𣍐用得減少。</verse>
				<verse number="11">若無對伊盡此三項義務，伊就通免付贖金自由離開。」</verse>
				<verse number="12">「拍死人的，一定著互伊死。</verse>
				<verse number="13">若毋是故意刣人，是上帝容允此件事發生，我就給恁設一個所在，互彼個人通走去遐。</verse>
				<verse number="14">人若惡意用計謀害死人，就是走去到我的祭壇遐，嘛著給伊掠起來處死。</verse>
				<verse number="15">「拍父母的，一定著互伊死。</verse>
				<verse number="16">「拐誘人的，無論給賣去，抑是猶佇伊的手，一定著互伊死。</verse>
				<verse number="17">「咒詛父母的，一定著互伊死。</verse>
				<verse number="18">「人若冤家，此個用石頭抑是拳頭母拍彼個，無給拍死，毋拘互伊受傷倒佇眠床；</verse>
				<verse number="19">若彼個人會閣起來，攑柺仔行路，此個拍伊的，通算無罪；毋拘著賠償伊𣍐當做工的損失，嘛著負責給伊醫到好。</verse>
				<verse number="20">「人若用棍摃伊的奴隸，奴隸無論是男的抑是女的，若連鞭死，主人一定著受刑罰；</verse>
				<verse number="21">若過一兩日才死，伊就免受刑罰，因為奴隸是伊的財產。</verse>
				<verse number="22">「人若相拍，傷害有身的婦仁人，致到流產，毋拘無別項的傷害，彼個人著照婦仁人的丈夫的要求，經過審判官的裁決，賠償。</verse>
				<verse number="23">若有其他的傷害，彼個人著用命賠命，</verse>
				<verse number="24">目睭賠目睭，嘴齒賠嘴齒，手賠手，腳賠腳，</verse>
				<verse number="25">燒傷賠燒傷，傷害賠傷害，拍傷賠拍傷。</verse>
				<verse number="26">「人若給伊的奴隸拍歹一蕊目睭，奴隸無論是男的抑是女的，主人著因為彼蕊目睭放伊自由。</verse>
				<verse number="27">若給奴隸拍斷一支嘴齒，奴隸無論是男的抑是女的，主人著因為彼支嘴齒放伊自由。」</verse>
				<verse number="28">「牛若觸死查甫人抑是婦仁人，著用石頭給彼隻牛抌死，毋拘毋通食伊的肉；牛的主人算無罪。</verse>
				<verse number="29">彼隻牛若平時就會觸人，有人給牛的主人警告，主人竟然無給牛縛好勢，煞互彼隻牛觸死人，就著用石頭抌死彼隻牛；牛的主人嘛著死。</verse>
				<verse number="30">若是裁決會當用銀贖回彼個主人的性命，伊著照所裁決的錢額繳納。</verse>
				<verse number="31">牛無論觸著人的子抑是查某子，著照此個規例辦理。</verse>
				<verse number="32">牛若觸著奴隸，無論是男的抑是女的，牛的主人著用三百四十公克的銀互奴隸的主人；牛嘛著用石頭抌死。</verse>
				<verse number="33">「人若徙開井蓋，抑是開井無蓋蓋，煞害牛抑是驢仔跋落彼內面，</verse>
				<verse number="34">井的主人著用銀賠償牲生的主人；死的牲生歸井的主人。</verse>
				<verse number="35">「人的牛若觸死別人的牛，活的牛著賣掉，賣的價錢及死的牛攏著對半分。</verse>
				<verse number="36">主人若知伊的牛平時會觸人，竟然無給牛縛好勢，伊就著用牛賠牛；死的牛歸伊家己。」</verse>
			</chapter>
			<chapter number="22">
				<verse number="1">上主對 摩西 講：「人若偷牽牛抑是羊，無論是掠去刣抑是牽去賣，一隻牛著賠五隻，一隻羊著賠四隻。</verse>
				<verse number="2">賊一定著賠償；若無通賠，伊著賣身來賠伊偷的物件。伊所偷的牛、驢，抑是羊，若猶活啲，伊就著賠重倍。賊若佇暝時挖孔偷提，互人抵著，閣互人拍死，拍死人的無算有罪。若日頭已經出，拍死人的就有罪。</verse>
				<verse number="3"></verse>
				<verse number="4"></verse>
				<verse number="5">「人放牲生佇家己的園抑是葡萄園食草，若出在𪜶食別人園裡的物 ，著用家己園裡抑是葡萄園上好的出產賠償。</verse>
				<verse number="6">「人若起火燒莿，湠到割了的麥堆，抑是猶未割的麥仔，抑是田園，起火的人一定著賠償。</verse>
				<verse number="7">「人將銀抑是物件寄厝邊保管，諸個物件佇保管的人𪜶兜若著賊偷，賊仔若有掠著，賊仔著賠重倍；</verse>
				<verse number="8">賊仔若無掠著，彼個互人寄的人著去審判官遐，證明伊無提厝邊的物件。</verse>
				<verse number="9">「關係侵佔牛、驢、羊、衣服，抑是拍毋見物件的訴訟，若有人講『這是我的』，煞引起紛爭，雙方著去審判官遐；審判官若裁決什麼人有罪，彼個人著重倍賠伊的厝邊。</verse>
				<verse number="10">「人若將牛、羊、驢，抑是別款牲生寄厝邊照顧，牲生若死去，抑是受傷，抑是互人搶去，毋拘無人看著，</verse>
				<verse number="11">兩個人著到上主面前咒誓；受託的人表明伊無動著厝邊的牲生，原主就著接受，受託的人毋免賠。</verse>
				<verse number="12">若確實知牲生是互人偷牽去，受託的人著賠原主。</verse>
				<verse number="13">若是互野獸拆碎，受託的人著帶彼個屍體來做證據，伊就毋免賠。</verse>
				<verse number="14">「人給厝邊借牲生去使用，牲生若有受傷抑是死去，原主無在場，借的人一定著賠。</verse>
				<verse number="15">原主若有在場，借的人就毋免賠；若是租的，損失對租金抵。」</verse>
				<verse number="16">「人若引誘猶未定婚的處女及伊做夥睏，彼個人著付聘金娶伊做某。</verse>
				<verse number="17">查某囝仔的老父若堅持毋將伊嫁互彼個人，處女的聘金彼個人著照納。</verse>
				<verse number="18">「做尪姨的，毋通互伊活。</verse>
				<verse number="19">「及獸交合的，一定著互伊死。</verse>
				<verse number="20">「除了上主以外，閣給別個神明獻祭的人，著給伊除滅。</verse>
				<verse number="21">「毋通欺負寄居的人，嘛毋通壓制𪜶；因為恁嘛曾寄居佇 埃及 。</verse>
				<verse number="22">毋通歹款待孤兒寡婦。</verse>
				<verse number="23">恁若真正歹款待𪜶，𪜶哀叫我，我一定會聽𪜶的哀叫，</verse>
				<verse number="24">欲對恁發大受氣，用刀刣恁，互恁的某做寡婦，恁的子兒做孤兒。</verse>
				<verse number="25">「你若錢借互我的子民中間的散赤人，毋通親像放利的人給𪜶提利息。</verse>
				<verse number="26">你若提厝邊的外袍做抵押，日落以前著還伊；</verse>
				<verse number="27">伊只有此領衫通蓋；若無，伊欲按怎睏？伊若對我哀求，我欲聽，因為我是慈悲的。</verse>
				<verse number="28">「毋通褻瀆上帝 ；嘛毋通咒罵人民的領袖。</verse>
				<verse number="29">「你著將收成的五穀、新油及新酒奉獻互上主，毋通延遲。 「你著將大子獻互我；</verse>
				<verse number="30">頭上生的牛及羊嘛著照按呢做；出世了通隨伊的母七日，第八日著歸互我。</verse>
				<verse number="31">「恁著做我聖潔的子民；佇野外互野獸拆裂的肉，恁毋通食，著㧒互狗食。」</verse>
			</chapter>
			<chapter number="23">
				<verse number="1">「毋通散布謠言；毋通及歹人鬥孔作偽證。</verse>
				<verse number="2">毋通隨多數人做歹；佇訴訟，毋通偏倚大旁，作證歪曲正直。</verse>
				<verse number="3">佇訴訟，毋通偏袒散赤人。</verse>
				<verse number="4">「若抵著你的對敵的牛抑是驢迷路，一定著牽倒來交伊。</verse>
				<verse number="5">若看著怨恨你的人的驢載傷重倒落去，毋通行開，著及伊做夥將驢載的物件放落來。</verse>
				<verse number="6">「散赤人的案件，你毋通歪曲正義。</verse>
				<verse number="7">毋通誣告人；毋通害死無罪及正直的人；因為我一定𣍐給歹人看做正直。</verse>
				<verse number="8">毋通收賄賂 ，因為賄賂會互目金的人變做睛瞑，閣會歪曲正直的人的證詞。</verse>
				<verse number="9">「毋通壓制寄居的人；因為恁曾寄居佇 埃及 ，了解出外人的感受。」</verse>
				<verse number="10">「六年內你著耕作，著收成農作物。</verse>
				<verse number="11">第七年，著互土地歇睏無耕作，你的人民中間的散赤人通食土地自然出產的物；𪜶食賰的通互野獸食。你的葡萄園及橄欖園嘛著按呢做。</verse>
				<verse number="12">「六日內你著做工，第七日著安歇，互牛驢歇睏，互奴隸及寄居的攏通回復元氣。</verse>
				<verse number="13">「我命令恁的，恁著遵守；別個神明的名，毋通提起，嘛毋通講互人聽。」</verse>
				<verse number="14">「一年三遍，你著守節服事我。</verse>
				<verse number="15">著守除酵節，照我的命令，佇亞筆月所指定的日期，食無酵餅七日久，因為你佇此個月出 埃及 。你毋通空手來敬拜我。</verse>
				<verse number="16">「你佇園裡勞碌栽種，收成頭水土產的時，著守收割節。 「你佇秋季收囥對園裡勞苦得著的農作物的時，著守收囥節。</verse>
				<verse number="17">一年三遍，所有的查甫人著來敬拜至高的上主。</verse>
				<verse number="18">「有酵的餅𣍐用得及牲禮做夥獻；節期所獻牲禮的油𣍐用得留到隔早起。</verse>
				<verse number="19">「土地頭水上好的收成，著送到上主 — 你的上帝的厝。 「毋通用山羊母的奶煮伊的子。」</verse>
				<verse number="20">「我欲差派使者佇路裡保護恁，導恁去我為著恁準備的地。</verse>
				<verse number="21">恁佇伊的面前著切實遵行伊的命令；恁若違背伊，伊無欲赦免恁的過失；因為伊代表我。</verse>
				<verse number="22">恁若真正聽趁伊的話，照我所命令恁的去做，恁的對敵就是我的對敵，我欲抵敵恁的敵人。</verse>
				<verse number="23">我的使者欲行佇恁的頭前，導恁去 亞摩利 、 赫 、 比利洗 、 迦南 、 希未 、 耶布斯 許個族的地；我欲給𪜶消滅。</verse>
				<verse number="24">恁毋通跪拜服事𪜶的神明，嘛毋通學𪜶的所做；著給許個神像全部毀壞，拍碎雕刻的柱像。</verse>
				<verse number="25">恁著服事上主 — 恁的上帝；我一定欲將米糧及水賞賜恁，閣互所有的病攏離開恁。</verse>
				<verse number="26">我嘛欲互恁境內的婦仁人攏會生育，𣍐流產，互恁食長歲壽。</verse>
				<verse number="27">「我欲佇恁的頭前顯出威嚴；恁無論去叨位，我欲互許個人民攏驚惶，互恁的對敵越轉身逃走。</verse>
				<verse number="28">我欲降瘟疫佇𪜶中間 ，給 希未 人、 迦南 人、 赫 人攏趕走。</verse>
				<verse number="29">毋拘我𣍐佇一年內將𪜶全部趕出去，才免土地荒廢，野獸增加煞傷害恁。</verse>
				<verse number="30">我欲為著恁漸漸將𪜶趕走，聽候恁人口增加，到會當承接彼個地做產業。</verse>
				<verse number="31">我欲給恁定國界，對 紅海 到 幼發拉底河 ，對曠野到 地中海 ；我欲將彼個地徛起的人民交佇恁的手，互恁將𪜶攏趕出去。</verse>
				<verse number="32">毋通及遐的人以及𪜶的神明立約。</verse>
				<verse number="33">毋通互𪜶住佇恁的地，才免𪜶引誘恁得罪我；恁若服事𪜶的神明，這欲成做害恁的羅網。」</verse>
			</chapter>
			<chapter number="24">
				<verse number="1">上主對 摩西 講：「你及 亞倫 、 拿答 、 亞比戶 ，以及 以色列 七十個長老，著上來我遮，對遠遠的所在仆落去拜我。</verse>
				<verse number="2">只有 摩西 通就近上主，其他的人毋通倚來，人民嘛毋通及你做夥上山。」</verse>
				<verse number="3">摩西 落山，將上主所有的命令及規例攏講互人民聽；人民齊聲應講：「上主講的話，阮攏欲遵趁。」</verse>
				<verse number="4">摩西 將上主的話攏寫起來。隔日透早， 摩西 佇山腳起一座祭壇，照 以色列 十二支族，𫞼十二支石柱。</verse>
				<verse number="5">伊閣派 以色列 的少年人去獻燒化祭，嘛獻牛互上主做平安祭。</verse>
				<verse number="6">摩西 將血的一半貯佇盆裡，另外一半灑佇壇頂。</verse>
				<verse number="7">摩西 閣提立約的冊讀互人民聽，人民應講：「上主講的話，阮攏欲遵趁。」</verse>
				<verse number="8">摩西 將盆裡的血灑佇人民的身上，講：「這就是立約的血；此個約是上主照伊的話及恁建立的。」</verse>
				<verse number="9">摩西 、 亞倫 、 拿答 、 亞比戶 ，以及 以色列 七十個長老攏上去山裡。</verse>
				<verse number="10">𪜶看見 以色列 的上帝；伊的腳下親像鋪藍寶石，親像天赫呢光亮透明。</verse>
				<verse number="11">上帝無出手傷害 以色列 的領袖；𪜶攏看見上帝，佇遐亦食亦飲。</verse>
				<verse number="12">上主給 摩西 講：「你上山來我遮，留𫢶遮，我欲將我所寫，欲教示人民的律法及誡命的石版互你。」</verse>
				<verse number="13">摩西 及伊的助手 約書亞 就出發； 摩西 𬦰上上帝的山。</verse>
				<verse number="14">摩西 給許個長老講：「恁𫢶遮等阮，聽候阮倒轉來。 亞倫 及 戶珥 有及恁做夥；民眾若有代誌，通去尋𪜶。」</verse>
				<verse number="15">摩西 上山；山有雲蓋啲。</verse>
				<verse number="16">上主的榮光停佇 西奈山 ；雲遮山六日久。第七日，上主對雲中叫 摩西 。</verse>
				<verse number="17">以色列 人看見上主的榮光顯現，親像火佇山頂啲𤏸。</verse>
				<verse number="18">摩西 上山入雲中；伊留佇山頂四十暝四十日。</verse>
			</chapter>
			<chapter number="25">
				<verse number="1">上主給 摩西 講：</verse>
				<verse number="2">「你著吩咐 以色列 人奉獻禮物互我；所有甘心奉獻的物，恁攏通收起來。</verse>
				<verse number="3">下面是恁通對𪜶收的禮物：金、銀、銅、</verse>
				<verse number="4">藍色紫色朱紅色的紗、幼麻、山羊毛、</verse>
				<verse number="5">染做紅色的羊的皮、上等的皮、金合歡木、</verse>
				<verse number="6">點燈的油、製造通抹的聖油及芳香的芳料、</verse>
				<verse number="7">紅瑪瑙，以及欲鑲佇以弗得及胸袋的寶石。</verse>
				<verse number="8">𪜶著為我起一個聖的所在，互我通𫢶佇𪜶中間。</verse>
				<verse number="9">𪜶著照我指示你的款式，起造會幕，製造內面所有的器具。」</verse>
				<verse number="10">「著用金合歡木做一個櫃，長一百十公分，闊六十六公分，高六十六公分。</verse>
				<verse number="11">你著用純金包此個櫃，內外攏著包；四邊著鑲金線。</verse>
				<verse number="12">你著鑄四個金環，安佇伊的四支腳；此旁兩個，彼旁兩個。</verse>
				<verse number="13">著用金合歡木做兩支槓，用金包啲。</verse>
				<verse number="14">著將槓穿佇約櫃邊的環裡，用來扛櫃；</verse>
				<verse number="15">諸個槓著不時穿佇櫃的環裡，毋通抽出來。</verse>
				<verse number="16">著將我欲賞賜你做見證的石版下佇櫃的內面。</verse>
				<verse number="17">「著用純金做約櫃的蓋，長一百十公分，闊六十六公分。</verse>
				<verse number="18">著用金拍兩個天使基路伯，安佇蓋的雙頭，</verse>
				<verse number="19">一頭一個；雙頭的基路伯，著及蓋連做歸塊。</verse>
				<verse number="20">兩個基路伯著面相對，向約櫃的蓋；翼搋高，遮約櫃的蓋。</verse>
				<verse number="21">著將蓋安佇櫃的頂面，閣將我所欲賞賜你的石版下佇櫃內。</verse>
				<verse number="22">我欲佇遐及你相會，閣欲佇約櫃頂面的蓋，兩個基路伯中間，對你講我欲命令你傳互 以色列 人所有的事。」</verse>
				<verse number="23">「你著用金合歡木做一塊桌，長八十八公分，闊四十四公分，高六十六公分。</verse>
				<verse number="24">著用純金包此塊桌，四圍鑲金線。</verse>
				<verse number="25">桌面四個邊各做七點五公分闊的墘，墘的周圍鑲金線。</verse>
				<verse number="26">你著做四個金環，安佇桌仔四支腳的角頭頂面。</verse>
				<verse number="27">安環的所在著倚近橫杆，通穿槓來扛桌。</verse>
				<verse number="28">著用金合歡木做兩支槓，用金包啲，通用來扛桌。</verse>
				<verse number="29">閣著用純金做貯香料的盤及𥐵仔，以及獻奠酒祭欲用的壺及杯。</verse>
				<verse number="30">桌頂著有獻祭的餅，排佇我的面前。」</verse>
				<verse number="31">「你著用純金拍一個燈台；燈台的座、中柱、杯、萼、花，攏連做歸座。</verse>
				<verse number="32">燈台的雙旁著伸出六支枝，一旁三支；</verse>
				<verse number="33">每一支有三個杯，形狀親像杏花，有萼有花；燈台的六支枝攏是按呢。</verse>
				<verse number="34">燈台柱有四個杯，形狀親像杏花，有萼及花。</verse>
				<verse number="35">著佇三對相連的枝下面及柱相接的所在做萼；燈台的六支枝攏是按呢。</verse>
				<verse number="36">許個萼及枝攏及柱連做一個，攏是用純金拍的。</verse>
				<verse number="37">著做七個燈盞，點𤏸，互伊相對照光；</verse>
				<verse number="38">閣著做燈剪及燈盤，攏用純金做。</verse>
				<verse number="39">著用三十五公斤的純金造燈台及諸個所有的器具。</verse>
				<verse number="40">你著照我佇山頂指示你的款式，細膩做諸個物件。」</verse>
			</chapter>
			<chapter number="26">
				<verse number="1">「你著用十幅布做會幕；諸個布是用挲過的幼麻，及藍色、紫色、朱紅色的紗織的，頂面著用真幼的手路繡基路伯。</verse>
				<verse number="2">每幅布長著十二公尺，闊兩公尺；逐幅的寸尺攏像款。</verse>
				<verse number="3">著將五幅布接做一組；另外五幅嘛著按呢。</verse>
				<verse number="4">閣佇逐組相接的布，路尾彼幅的邊仔著做藍色的鈕環。</verse>
				<verse number="5">著佇此組布做五十個鈕環；佇第二組布路尾彼幅的邊仔，嘛做五十個鈕環；兩組的鈕環攏著兩個兩個相對。</verse>
				<verse number="6">閣著做五十個金鉤仔，用鉤仔將兩組布連做夥，成做一個會幕。」</verse>
				<verse number="7">「你著用山羊毛織十一幅帳，做蓋會幕的布篷；</verse>
				<verse number="8">每幅帳長十三公尺，闊兩公尺；十一幅的寸尺攏像款。</verse>
				<verse number="9">著將五幅帳連做一組，另外六幅嘛連做一組；彼個第六幅的一半著垂落佇布篷的頭前。</verse>
				<verse number="10">佇逐組相接的帳，路尾彼幅的邊仔著做五十個鈕環。</verse>
				<verse number="11">閣著做五十個銅的鉤仔，鉤佇鈕環，互布篷連做一個。</verse>
				<verse number="12">布篷的帳加出來彼半幅，著垂佇會幕的後面。</verse>
				<verse number="13">蓋會幕的布篷兩旁加出來的五十公分，著垂佇會幕的雙旁。</verse>
				<verse number="14">「你著用染做紅色的羊的皮蓋布篷，閣用上好的皮蓋佇上頂面。</verse>
				<verse number="15">「你著用金合歡木做會幕的壁枋。</verse>
				<verse number="16">壁枋著長四公尺，闊六十六公分。</verse>
				<verse number="17">逐塊枋著有兩個榫通相接；會幕所有的枋攏著照按呢做。</verse>
				<verse number="18">南旁的壁枋著做二十塊。</verse>
				<verse number="19">此二十塊枋的下面，著做四十個銀的座；逐塊枋的下面有兩個孔通鬥𪜶的榫。</verse>
				<verse number="20">會幕的第二面，就是北旁，嘛著做二十塊壁枋，</verse>
				<verse number="21">及四十個銀的座；逐塊枋的下面有兩個孔。</verse>
				<verse number="22">會幕的後面，就是西旁，著做六塊枋。</verse>
				<verse number="23">會幕後面的角頭，著做兩塊枋，</verse>
				<verse number="24">下面搋開，頂面相連直到頂面第一個環；兩旁攏是按呢，欲做角頭的路用。</verse>
				<verse number="25">著有八塊枋，及十六個銀的座；逐塊枋的下面有兩個榫孔。</verse>
				<verse number="26">「你著用金合歡木做橫楗；南旁及北旁各五支，會幕的後面，就是西旁，嘛五支。</verse>
				<verse number="27"></verse>
				<verse number="28">壁枋對中彼支橫楗，著對此頭迵到彼頭。</verse>
				<verse number="29">壁枋著用金包啲，閣做金環通套橫楗；橫楗嘛著用金包。</verse>
				<verse number="30">你著照我佇山頂指示你的款式給會幕搭起來。</verse>
				<verse number="31">「你著用藍色、紫色、朱紅色的紗，及挲過的幼麻織帳簾；此個帳簾著用真幼的手路繡基路伯。</verse>
				<verse number="32">你著用金合歡木做四支柱，用金包啲，閣有金鉤仔；柱鬥佇四個有榫孔的銀的座頂面；</verse>
				<verse number="33">帳簾著吊佇金鉤仔。你著將約櫃扛入帳簾內；此個帳簾是為著恁，將聖所及至聖所隔開。</verse>
				<verse number="34">閣著將施恩座安佇至聖所內面的約櫃頂面。</verse>
				<verse number="35">你著將排獻祭的餅的桌下佇帳簾外面的北旁；燈台下佇南旁，及桌相對。</verse>
				<verse number="36">「你著用藍色、紫色、朱紅色的紗，及挲過的幼麻，用刺繡的手路做會幕的門簾。</verse>
				<verse number="37">著用金合歡木做五支柱吊門簾；柱著用金包啲；柱的鉤仔著用純金做。閣著為柱鑄五個有榫孔的銅的座。」</verse>
			</chapter>
			<chapter number="27">
				<verse number="1">「你著用金合歡木做祭壇，長及闊攏兩公尺二十公分，是四方的；高一公尺三十公分。</verse>
				<verse number="2">著佇壇的四角頭做四支翹起來的角，及壇連做夥；歸座祭壇著用銅包啲。</verse>
				<verse number="3">著做收祭物的灰的桶，閣做托仔、碗、肉叉、火鼎；壇的器具攏著用銅做。</verse>
				<verse number="4">著為祭壇做一個銅的網，網的四角頭做四個銅環。</verse>
				<verse number="5">網安佇祭壇四面圍腰板的下半旁，互網對壇的半腰伸到下底。</verse>
				<verse number="6">著用金合歡木給祭壇做槓，用銅包啲。</verse>
				<verse number="7">槓著穿佇祭壇雙旁的環內面，通扛祭壇。</verse>
				<verse number="8">著用枋做祭壇，中央空殼，攏著照我佇山頂指示你的款式。」</verse>
				<verse number="9">「你著用挲過的幼麻給會幕圍一個埕；南旁的帷長四十四公尺。</verse>
				<verse number="10">埕的南旁著有二十支柱，二十個有榫孔的銅座；柱的鉤仔及橫杆攏著用銀做。</verse>
				<verse number="11">埕的北旁嘛著有帷，長四十四公尺，柱二十支，銅座二十個；柱的鉤仔及橫杆攏著用銀做。</verse>
				<verse number="12">埕的西旁著有帷，闊二十二公尺，柱十支，銅座十個。</verse>
				<verse number="13">埕東旁的帷闊二十二公尺；</verse>
				<verse number="14">入口的雙旁，帷的長攏著六公尺六十公分，吊帷的柱各三支，有榫孔的銅座各三個。</verse>
				<verse number="15"></verse>
				<verse number="16">埕的入口著有門簾，闊九公尺，用藍色、紫色、朱紅色的紗，及挲過的幼麻，用刺繡的手路繡的；柱四支，座四個。</verse>
				<verse number="17">埕四圍所有的柱，攏著用銀的橫杆連接起來；用銀做鉤仔，用銅做座。</verse>
				<verse number="18">埕的長四十四公尺，闊二十二公尺，高兩公尺二十公分；帷著用挲過的幼麻做，座攏著用銅做。</verse>
				<verse number="19">會幕敬拜用的器具及所有的杙仔，以及埕所有的杙仔，攏著用銅做。」</verse>
				<verse number="20">「你著吩咐 以色列 人，將掙出來上好的橄欖油提來互你，做點燈的路用，互會幕的燈不時點啲。</verse>
				<verse number="21">亞倫 及伊的子著佇會幕內面約櫃前的帳簾外，對下昏到早起，佇上主面前照顧管理燈火。這欲做 以色列 人代代著守的規例。」</verse>
			</chapter>
			<chapter number="28">
				<verse number="1">「你著對 以色列 人的中間，叫你的兄哥 亞倫 及伊的子 拿答 、 亞比戶 、 以利亞撒 、 以他瑪 來你遮，做祭司服事我。</verse>
				<verse number="2">你著給你的兄哥 亞倫 做聖的禮服，互伊有榮光及威嚴。</verse>
				<verse number="3">許個得著我智慧的神充滿的𠢕的師傅，你著吩咐𪜶給 亞倫 做禮服，互伊分別作聖做祭司服事我。</verse>
				<verse number="4">諸個禮服包括胸袋、以弗得、外袍、過繡的內袍、禮帽，及腰帶。𪜶著給你的兄哥 亞倫 及伊的子做聖的禮服，互𪜶做祭司服事我。</verse>
				<verse number="5">禮服著用金線，及藍色、紫色、朱紅色的紗，以及幼麻做。</verse>
				<verse number="6">「𪜶著用金線，及藍色、紫色、朱紅色的紗，以及挲過的幼麻，用奇巧的手路做以弗得。</verse>
				<verse number="7">著做兩條肩帶連佇以弗得。</verse>
				<verse number="8">以弗得的腰帶著及以弗得仝款用奇巧的手路，用金線及藍色、紫色、朱紅色的紗，以及挲過的幼麻織起來，互伊及以弗得連做一個。</verse>
				<verse number="9">著提兩塊紅瑪瑙，刻 雅各 十二個子的名；</verse>
				<verse number="10">照𪜶出世的順序，六個刻佇一塊，六個刻佇另外一塊。</verse>
				<verse number="11">著用刻印仔的手路，將 雅各 的子的名刻佇寶石，鑲佇金框裡。</verse>
				<verse number="12">著將此兩塊寶石安佇以弗得的肩帶，做 以色列 十二支族的紀念石。 亞倫 著佇兩個肩頭揹𪜶的名，將𪜶帶來上主面前，互上主會記得。</verse>
				<verse number="13">著用金做兩個框，</verse>
				<verse number="14">閣用純金拍兩條鍊仔，親像絞索仔，然後安佇金框。」</verse>
				<verse number="15">「你著做一個判斷的胸袋，用及做以弗得仝款奇巧的手路，用金線及藍色、紫色、朱紅色的紗，以及挲過的幼麻做。</verse>
				<verse number="16">胸袋著四方的，拗雙層；長闊攏二十二公分。</verse>
				<verse number="17">你著佇胸袋頂面鑲四綴寶石；第一綴是紅寶石、黃玉、赤玉；</verse>
				<verse number="18">第二綴是綠寶石、藍寶石、金鋼石；</verse>
				<verse number="19">第三綴是紫瑪瑙、白瑪瑙、紫色的水晶；</verse>
				<verse number="20">第四綴是青玉、紅瑪瑙、碧玉；諸個攏著鑲佇金框。</verse>
				<verse number="21">諸個寶石照 雅各 的子的名，共十二塊，用刻印仔的手路，逐塊刻一個名，代表十二支族。</verse>
				<verse number="22">閣用純金親像絞索仔按呢拍兩條鍊仔，安佇胸袋。</verse>
				<verse number="23">胸袋的雙頭著做兩個金環，</verse>
				<verse number="24">將彼兩條金鍊仔連佇胸袋雙頭兩個環，</verse>
				<verse number="25">閣用兩條鍊仔的雙頭連佇兩個框，安佇以弗得肩帶的頭前。</verse>
				<verse number="26">你著做兩個金環，安佇胸袋雙頭的墘，近以弗得向內面彼旁。</verse>
				<verse number="27">閣著做兩個金環，安佇以弗得頭前的肩帶下面，倚近相連的所在，用奇巧的手路織的以弗得的帶頂面。</verse>
				<verse number="28">𪜶著用藍色的幼帶，將胸袋的環及以弗得的環縛做夥，貼佇用奇巧的手路織的以弗得的帶，將胸袋及以弗得固定啲。</verse>
				<verse number="29">「 亞倫 入聖所的時，著將有刻 雅各 的子的名彼個判斷的胸袋掛佇胸前，帶來上主的面前，互上主會記得。</verse>
				<verse number="30">你著將烏陵及土明 ，下佇判斷的胸袋內面。 亞倫 到上主面前的時，著將諸個下佇伊的胸前。按呢， 亞倫 常常佇上主的面前為 以色列 人做判斷。」</verse>
				<verse number="31">「你著做穿佇以弗得內面的外袍，歸領是藍色的。</verse>
				<verse number="32">袍頂面的對中，著為著頭殼留一個孔，領緣著織互勇，親像戰甲的領孔，才免破裂。</verse>
				<verse number="33">袍的下腳蒲著用藍色、紫色、朱紅色的紗做石榴。著做金的鈃鈴仔下佇石榴及石榴的中間；</verse>
				<verse number="34">袍歸個下腳蒲，一個鈃鈴仔一粒石榴，一個鈃鈴仔一粒石榴。</verse>
				<verse number="35">亞倫 服事的時，著穿外袍。伊入聖所到上主面前，以及出來的時，著會當互人聽著鈃鈴仔的聲，才免受刣死。</verse>
				<verse number="36">「著用純金做一塊牌，用刻印仔的手路刻『聖化歸上主』。</verse>
				<verse number="37">著用一條藍色的帶，將彼塊牌縛佇禮帽的頭前。</verse>
				<verse number="38">此塊牌著常常佇 亞倫 的頭額，互 亞倫 擔當 以色列 人奉獻聖的禮物的時所犯的罪，互許個祭物得著上主的接納。</verse>
				<verse number="39">「著用幼麻織內袍，用幼麻布做禮帽，用刺繡的手路做腰帶。</verse>
				<verse number="40">「你著為 亞倫 的子做內袍、腰帶，及頭巾，互𪜶有榮光及威嚴。</verse>
				<verse number="41">諸個著互你的兄哥 亞倫 及伊的子穿，給𪜶抹油，授職，給𪜶分別作聖，互𪜶做祭司服事我。</verse>
				<verse number="42">著用幼麻布給𪜶做禮褲，對腰到大腿，遮𪜶的下體。</verse>
				<verse number="43">亞倫 及伊的子入會幕，抑是來聖所倚近祭壇服事的時，著穿禮褲，才免𪜶受刑罰來死。這欲做 亞倫 及伊的後代永遠的規例。」</verse>
			</chapter>
			<chapter number="29">
				<verse number="1">「你給 亞倫 及伊的子分別作聖，互𪜶做祭司服事我的時，著按呢做：著牽一隻公的牛仔、兩隻無瑕疵公的綿羊，</verse>
				<verse number="2">閣著提用幼麵粉做的無酵餅、抄油的無酵餅，及抹油的無酵薄餅。</verse>
				<verse number="3">諸個餅著下佇一跤籃仔帶來，閣牽彼隻牛仔及兩隻綿羊來，獻互上主。</verse>
				<verse number="4">「著互 亞倫 及伊的子來到會幕的入口，用水給𪜶洗。</verse>
				<verse number="5">著給 亞倫 穿內袍、掛以弗得的外袍、以弗得、胸袋，將用奇巧的手路織的以弗得的帶給伊縖啲；</verse>
				<verse number="6">閣給伊戴禮帽，將彼塊刻『聖化歸上主』的金牌縛佇禮帽的頂面，</verse>
				<verse number="7">然後，用通抹的聖油倒佇伊的頭殼，給伊按立。</verse>
				<verse number="8">「著叫 亞倫 的子來，給𪜶穿內袍，</verse>
				<verse number="9">縖腰帶，包頭巾，𪜶就擔當祭司的職份。這就成做永遠的規例。 「你著按呢給 亞倫 及伊的子授職。</verse>
				<verse number="10">「你著給彼隻公的牛仔牽來會幕頭前； 亞倫 及伊許個子著按手佇牛的頭殼。</verse>
				<verse number="11">你著佇上主的面前，佇會幕的入口，刣彼隻牛，</verse>
				<verse number="12">用指頭仔搵血，抹佇祭壇頂面四支翹起來的角；將賰的血倒佇祭壇腳。</verse>
				<verse number="13">著將腹內所有的油、肝的網紗、兩粒腰子，以及腰子頂面的油，攏下佇壇頂燒。</verse>
				<verse number="14">毋拘牛的肉、皮，及糞，攏著佇營外燒掉。這是贖罪祭。</verse>
				<verse number="15">「你著牽一隻公的綿羊來； 亞倫 及伊的子著按手佇彼隻羊的頭殼。</verse>
				<verse number="16">著刣彼隻羊，將羊的血灑佇祭壇的四周圍。</verse>
				<verse number="17">著將羊切一塊一塊，給腹內及腿洗清氣，及歸塊歸塊的肉以及頭下做夥。</verse>
				<verse number="18">著將歸隻羊下佇祭壇頂燒；這是獻互上主的燒化祭，是用火燒獻互上主芳芳的祭物。</verse>
				<verse number="19">「你著給第二隻公的綿羊牽來； 亞倫 及伊的子著按手佇羊的頭殼。</verse>
				<verse number="20">你著刣彼隻羊，提一寡血，抹佇 亞倫 及伊許個子正旁的耳珠，閣抹佇𪜶正手及正腳的大頭姆；將賰的血灑佇祭壇的四周圍。</verse>
				<verse number="21">你著提一寡壇頂的血及通抹的聖油，灑佇 亞倫 及伊的衫，閣灑佇伊的子及𪜶的衫；按呢， 亞倫 及伊的衫、伊許個子及𪜶的衫，就攏聖化歸上主。</verse>
				<verse number="22">「你著取彼隻綿羊的油、肥的尾、腹內的油、肝的網紗、兩粒腰子及腰子的油，以及正腿；此隻是授職的時所獻的公的綿羊。</verse>
				<verse number="23">你著閣對彼跤下佇上主面前貯無酵餅的籃仔，提一塊餅、一塊攪油的餅，及一塊薄餅，</verse>
				<verse number="24">下佇 亞倫 及伊許個子的手，互𪜶佇上主的面前搖搖咧做祭物。</verse>
				<verse number="25">你著對𪜶的手接過來，下佇壇頂燒化祭的頂面燒，做芳芳的祭獻互我。這是用火燒獻互上主的祭物。</verse>
				<verse number="26">「 亞倫 授職的時所獻公的綿羊，你著提伊的胸坎肉，佇上主的面前搖搖咧做祭物；此份祭肉是你的。</verse>
				<verse number="27">「授職的時所獻公的綿羊中間，搖過奉獻的胸坎肉，及提高奉獻的大腿，你著給𪜶聖化。此份祭肉是 亞倫 及伊許個子的。</verse>
				<verse number="28">諸個部份是 亞倫 及伊的後代對 以色列 人得著的份額；此個著做永遠的規例。這是對 以色列 人平安祭的中間，提出來做奉獻互上主的禮物。</verse>
				<verse number="29">「 亞倫 聖的禮服著留互伊的後代，互𪜶佇受抹油及接受祭司的職份的時通穿。</verse>
				<verse number="30">續接伊做祭司彼個子，逐遍入會幕佇聖所服事的時，著穿禮服七日久。</verse>
				<verse number="31">「授職的時所獻公的綿羊的肉，你著佇會幕的埕煮。</verse>
				<verse number="32">亞倫 及伊的子著佇會幕的入口食此隻羊的肉及籃仔內的餅。</verse>
				<verse number="33">𪜶欲接受此個職份，受分別作聖，著食許個為著𪜶贖罪的物；毋拘其他的人毋通食，因為諸個食物是聖的。</verse>
				<verse number="34">授職的時所獻的肉及餅，若留到隔早起，著用火燒掉；毋通食，因為是聖的物。</verse>
				<verse number="35">「你著照我的吩咐，為著 亞倫 及伊許個子舉行授職的禮儀七日久；</verse>
				<verse number="36">逐日著獻一隻公的牛做贖罪祭。嘛著為祭壇行潔淨禮，互伊清氣；閣給伊抹油分別作聖。</verse>
				<verse number="37">你著為祭壇行潔淨禮七日久，給壇分別作聖，壇就成做至聖；所有摸著壇的攏成做聖 。」</verse>
				<verse number="38">「你逐日著佇祭壇奉獻兩隻一歲的羊仔；</verse>
				<verse number="39">早起時獻一隻，黃昏的時閣獻一隻。</verse>
				<verse number="40">你著用一公斤的幼麵粉及掙出來一公升的橄欖油抄做夥，及第一隻羊仔做夥獻，閣用一公升的酒做奠酒祭。</verse>
				<verse number="41">你佇黃昏獻另外彼隻羊仔的時，著及早起時仝款獻素祭及奠酒祭，攏用火燒做芳芳的祭物獻互上主。</verse>
				<verse number="42">恁世世代代，著照時佇會幕的入口獻燒化祭互上主；我欲佇遐及恁相會，及你講話。</verse>
				<verse number="43">我欲佇遐及 以色列 人相會，會幕就因為我的榮光成做聖。</verse>
				<verse number="44">我欲給會幕及祭壇分別作聖；嘛欲給 亞倫 及伊許個子分別作聖，互𪜶做祭司服事我。</verse>
				<verse number="45">我欲𫢶佇 以色列 人的中間，做𪜶的上帝。</verse>
				<verse number="46">𪜶會知，我是上主 — 𪜶的上帝！我導𪜶出 埃及 ，所以我欲住佇𪜶中間。我是上主 — 𪜶的上帝。」</verse>
			</chapter>
			<chapter number="30">
				<verse number="1">「你著用金合歡木做一座燒香的壇，</verse>
				<verse number="2">是四方的，長及闊攏四十五公分，高九十公分。壇彼四支翹起來的角著及壇連接做一塊。</verse>
				<verse number="3">壇的頂面、四圍，以及許個角，攏著用純金包啲；嘛著佇壇的四圍鑲金線。</verse>
				<verse number="4">你著佇金線的下面、壇的雙旁、兩支橫杆的頂面，做兩個金環，通穿槓扛壇。</verse>
				<verse number="5">著用金合歡木做槓，用金包啲。</verse>
				<verse number="6">你著將香壇囥佇約櫃前的帳簾頭前，及約櫃頂面的蓋相對，遐是我及你相會的所在。</verse>
				<verse number="7">亞倫 逐早起整理燈火的時，著佇壇頂燒芳芳的香。</verse>
				<verse number="8">到黃昏 亞倫 點燈的時，嘛著燒香。恁著世世代代佇上主的面前不斷按呢燒香。</verse>
				<verse number="9">毋通佇此個壇燒別款的香，嘛毋通佇遮獻燒化祭、素祭，及奠酒祭。</verse>
				<verse number="10">亞倫 著一年一遍，用贖罪祭的血抹壇頂的四支角，給香壇行潔淨禮。恁世世代代著按呢做。此個壇佇上主的面前是至聖的。」</verse>
				<verse number="11">上主閣對 摩西 講：</verse>
				<verse number="12">「你調查 以色列 人人口的時，𪜶逐個人著為家己的性命獻贖金互上主，才免佇普查的時災禍臨到𪜶。</verse>
				<verse number="13">所有點算過的人，逐個著照聖所的公秤提六公克的銀獻互上主。</verse>
				<verse number="14">所有點算過二十歲以上的人，著將此六公克的銀獻互上主。</verse>
				<verse number="15">好額人毋免出較多，散赤人毋通出較少；逐個人攏著獻六公克的銀互上主，做性命的贖金。</verse>
				<verse number="16">你著對 以色列 人收此個贖金，做會幕的路用，互 以色列 人佇上主的面前得著記念，這是恁性命的贖金。」</verse>
				<verse number="17">上主對 摩西 講：</verse>
				<verse number="18">「你著用銅做洗盪的盆及盆座，下佇會幕及祭壇的中間，內面貯水。</verse>
				<verse number="19">亞倫 及伊的子欲佇遐洗手，洗腳。</verse>
				<verse number="20">𪜶入會幕，抑是倚壇前服事，獻用火燒的祭物互上主的時，著用水洗，才免死。</verse>
				<verse number="21">𪜶著按呢洗手洗腳，才免死；這欲做 亞倫 及伊的後代世世代代永遠的規例。」</verse>
				<verse number="22">上主閣對 摩西 講：</verse>
				<verse number="23">「你著取上等的香料，就是流質的沒藥六公斤、芳的肉桂三公斤、芳的菖蒲三公斤、</verse>
				<verse number="24">桂皮六公斤，攏照聖所的公秤，以及橄欖油四公升，</verse>
				<verse number="25">照做香料的方法調和，做通抹的聖油。</verse>
				<verse number="26">著用此個油抹會幕及約櫃、</verse>
				<verse number="27">桌及桌頂所有的器具、燈台及燈台的器具、香壇、</verse>
				<verse number="28">燒化祭的祭壇及壇所有的器具，以及洗盪的盆及盆座。</verse>
				<verse number="29">你著給𪜶分別作聖，互𪜶成做至聖；所有摸著諸個物件的攏成做聖。</verse>
				<verse number="30">你著給 亞倫 及伊許個子抹油，互𪜶分別作聖做祭司服事我。</verse>
				<verse number="31">你著給 以色列 人講：『此個油欲佇恁世世代代做我的聖油。</verse>
				<verse number="32">毋通倒佇一般人的身軀，嘛毋通用此個調和的方法做親像此款的油。此個油是聖的，恁嘛著給伊當做聖。</verse>
				<verse number="33">所有製造及聖油仝款的油，抑是用來抹祭司以外的人的，著對人民的中間給𪜶革出。』」</verse>
				<verse number="34">上主對 摩西 講：「你著提蘇合香、香螺、白松香諸個香料，及純的乳香，逐項平重，</verse>
				<verse number="35">用製造芳料的方法做香，閣用鹽調和，互伊清氣聖化。</verse>
				<verse number="36">你著提一屑仔此個香，研做粉，下佇會幕內約櫃前；我欲佇遐及你相會；恁著看這做至聖。</verse>
				<verse number="37">恁毋通照此個方法為著家己做香；著看伊做聖，歸互上主。</verse>
				<verse number="38">若有人製造仝款的香欲鼻芳，著對人民的中間給伊革出。」</verse>
			</chapter>
			<chapter number="31">
				<verse number="1">上主對 摩西 講：</verse>
				<verse number="2">「我已經對 猶大 支族揀選 戶珥 的孫， 烏利 的子 比撒列 。</verse>
				<verse number="3">我用上帝的神 給伊充滿，互伊有智慧、聰明及智識，𠢕做逐款的工藝；</verse>
				<verse number="4">𠢕設計圖案，用金、銀、銅做物件；</verse>
				<verse number="5">閣𠢕刻欲鑲的寶石，𠢕用木材刻逐款工藝品。</verse>
				<verse number="6">我閣對 但 支族，派 亞希撒抹 的子 亞何利亞伯 及 比撒列 同工。許個有智慧的人，我欲賜𪜶才能，互𪜶會當做我交代𪜶做的工作，</verse>
				<verse number="7">就是會幕、約櫃及約櫃頂面的蓋、會幕一切的器具、</verse>
				<verse number="8">桌及桌頂的器具、純金的燈台及燈台一切的器具、香壇、</verse>
				<verse number="9">燒化祭的祭壇及壇一切的器具、洗盪的盆及盆座、</verse>
				<verse number="10">幼工做的禮服，就是祭司 亞倫 及伊的子做祭司服事啲穿聖的禮服，</verse>
				<verse number="11">以及通抹的聖油及聖所啲用芳芳的香。𪜶著照我所命令你的去做。」</verse>
				<verse number="12">上主對 摩西 講：</verse>
				<verse number="13">「你著吩咐 以色列 人講：『恁一定著守我的安歇日，因為這是我及恁中間世世代代的記號，互恁知我是給恁分別作聖的上主。</verse>
				<verse number="14">所以恁著守安歇日做恁的聖日。無遵守此日做聖日的人，一定著互伊死；佇此日作工的人，著對人民的中間給伊除滅。</verse>
				<verse number="15">六日著做工，毋拘第七日是獻互上主聖的安歇日，著完全歇睏；佇安歇日作工的，一定著給伊處死。』</verse>
				<verse number="16">所以， 以色列 人著守安歇日，世世代代遵守安歇日做永遠的約。</verse>
				<verse number="17">這是我及 以色列 人中間永遠的記號；因為上主佇六日的中間創造天地，第七日就停工歇睏。」</verse>
				<verse number="18">上主佇 西奈山 及 摩西 講話講煞，就將兩塊石版交互 摩西 ；此兩塊石版頂面的誡命是上帝親手寫的。</verse>
			</chapter>
			<chapter number="32">
				<verse number="1">以色列 人看 摩西 一直無落山，就攏倚去 亞倫 遐，給伊講：「今，你著給阮造神明，通給阮導路；因為彼個導阮出 埃及 的 摩西 ，毋知抵著什麼代誌。」</verse>
				<verse number="2">亞倫 給𪜶講：「恁的某、恁的子、查某子的金耳鉤攏剝起來互我。」</verse>
				<verse number="3">人民就將𪜶的金耳鉤攏剝落來互 亞倫 。</verse>
				<verse number="4">亞倫 就做一個模，將諸個金仔鑄做一隻牛仔。 人民就講：「 以色列 人啊，此個就是導咱出 埃及 的神明。」</verse>
				<verse number="5">亞倫 看了，就佇金牛仔的面前起祭壇。伊宣布講：「明仔載是上主的節日，大家著攏來慶祝。」</verse>
				<verse number="6">隔日透早，人民起來獻燒化祭及平安祭；𪜶坐啲大食大飲，起來跳舞滾笑。</verse>
				<verse number="7">上主對 摩西 講：「趕緊！你趕緊落山。你對 埃及 導出來的人民已經墮落。</verse>
				<verse number="8">𪜶真緊偏離我命令𪜶的道路，為家己鑄一隻牛仔，給伊跪拜，獻祭，閣講：『 以色列 人，這就是導恁出 埃及 的神明。』」</verse>
				<verse number="9">上主對 摩西 講：「我看此個民族真正是心硬固執。</verse>
				<verse number="10">今你著出在我，我欲對𪜶發大受氣，給𪜶消滅；我欲互你成做大國。」</verse>
				<verse number="11">摩西 就對上主 — 伊的上帝求情，講：「上主啊，你是按怎欲對你的子民發大受氣？𪜶豈毋是你用大氣力大權能的手，對 埃及 導出來的？</verse>
				<verse number="12">你豈欲互 埃及 人講『伊導𪜶出去，是欲害𪜶，佇山裡給𪜶刣死，互𪜶對地上消滅』？求你回心轉意，毋通對你的子民發大受氣，毋通降災禍互𪜶。</verse>
				<verse number="13">求你會記得你的僕人 亞伯拉罕 、 以撒 、 雅各 ；你曾指家己對𪜶立誓，講：『我欲互恁的後代親像天頂的星赫多；閣將我所應允彼個地，全部賞賜互恁的後代，做𪜶永遠的產業。』」</verse>
				<verse number="14">對按呢，上主就改變心意，無將所講的災禍降互伊的子民。</verse>
				<verse number="15">摩西 越轉身落山，手提兩塊雙面有寫字的石版。</verse>
				<verse number="16">石版是上帝做的，誡命是上帝寫的，刻佇石版。</verse>
				<verse number="17">約書亞 一下聽著人民喧嘩的聲，就對 摩西 講：「佇營內有相刣的聲。」</verse>
				<verse number="18">摩西 講： 「這毋是刣贏歡呼的聲， 嘛毋是刣輸哀叫的聲； 我聽著的是唱歌的聲。」</verse>
				<verse number="19">摩西 行近營地，看著金牛仔，閣看著人啲跳舞，就非常受氣，給手裡彼兩塊石版㧒落山腳，石版碎去。</verse>
				<verse number="20">伊閣將𪜶鑄的牛仔像用火燒，研做粉，撒佇水面，叫 以色列 人飲。</verse>
				<verse number="21">摩西 給 亞倫 講：「此個人民是給你按怎，你竟然互𪜶犯即大的罪？」</verse>
				<verse number="22">亞倫 講：「我的主，請你赫呢受氣。你知，此個人民決心做歹。</verse>
				<verse number="23">𪜶對我講：『你著給阮造一個神明，通給阮導路，因為彼個導阮出 埃及 的 摩西 ，毋知抵著什麼代誌。』</verse>
				<verse number="24">我給𪜶講：『所有的金仔攏剝落來互我。』我給金仔㧒落火裡，此隻牛仔就出現。」</verse>
				<verse number="25">摩西 看著人民放縱， 亞倫 閣出在𪜶，致到𪜶受對敵恥笑，</verse>
				<verse number="26">就徛佇營地門口，講：「欲徛上主此旁的，著來我遮。」 利未 人就攏聚集來伊遐。</verse>
				<verse number="27">伊對 利未 人講：「上主 — 以色列 的上帝按呢講：『恁逐個人腰著插刀，對此個門到彼個門，巡視全營，刣死兄弟、厝邊，及朋友。』」</verse>
				<verse number="28">利未 人就照 摩西 的話做。彼日，人民受刣死的大約有三千人。</verse>
				<verse number="29">摩西 講：「恁將家己奉獻互上主，逐個人攻擊家己的子及兄弟，今仔日上主會賜福恁。」</verse>
				<verse number="30">隔日， 摩西 對人民講：「恁有犯重罪；現在我欲上去上主遐，豈採會當為恁贖罪。」</verse>
				<verse number="31">摩西 就倒轉去上主遐，講：「唉！此個人民犯重罪，為家己造金的神像。</verse>
				<verse number="32">今，懇求你赦免𪜶的罪；你若毋，求你對你記錄的冊，給我的名擦消。」</verse>
				<verse number="33">上主對 摩西 講：「什麼人得罪我，我就欲對我的冊擦消伊的名。</verse>
				<verse number="34">今，你著導此個人民去我給你指示的所在。我的使者欲給你導路；毋拘到我審判的日，我欲辦𪜶的罪。」</verse>
				<verse number="35">上主降災禍互人民，因為𪜶及 亞倫 做夥造金牛仔。</verse>
			</chapter>
			<chapter number="33">
				<verse number="1">上主對 摩西 講：「你及你對 埃及 導出來的人民，著對遮出發去彼個我對 亞伯拉罕 、 以撒 、 雅各 立誓，應允欲賞賜𪜶的後代的土地。</verse>
				<verse number="2">我欲差使者佇你的頭前，欲將 迦南 、 亞摩利 、 赫 、 比利洗 、 希未 、 耶布斯 許個族趕出去。</verse>
				<verse number="3">恁著進入彼個流奶及蜜的地，毋拘我無欲親身及恁做夥去，因為恁是心硬固執的民族，才免我佇路裡給恁消滅。」</verse>
				<verse number="4">人民聽著此個歹消息，就非常傷心，無人妝飾打扮。</verse>
				<verse number="5">上主對 摩西 講：「你著給 以色列 人講：『恁是心硬固執的民族。我若及恁做夥，就是一時仔久，一定會給恁消滅。今，恁著將身軀的裝飾品剝落來，我會決定欲按怎對待恁。』」</verse>
				<verse number="6">以色列 人對離開 何烈山 以後，就將身軀的裝飾品攏剝落來。</verse>
				<verse number="7">摩西 佇營外有赫遠啊的所在搭一個布棚。伊給此個布棚叫做會幕；所有尋求上主的人，通去營外的會幕遐。</verse>
				<verse number="8">摩西 欲去會幕遐的時，所有的人民攏起來徛佇家己布棚的門口，看 摩西 進入會幕。</verse>
				<verse number="9">摩西 入會幕的時，雲柱降落佇會幕的門口；上主就及 摩西 講話。</verse>
				<verse number="10">所有的人民看著雲柱降落佇會幕的門口，就攏起來，佇逐個人的布棚門口跪拜。</verse>
				<verse number="11">上主及 摩西 面對面講話，親像人啲及朋友講話。 摩西 倒轉來營內的時，跟隨 摩西 的少年人 嫩 的子 約書亞 無離開會幕。</verse>
				<verse number="12">摩西 對上主講：「上主，你有交代我，著導此個人民去彼個所在，毋拘你無互我知，欲派什麼人及我做夥去。你只有給我講，你指名揀召我，閣真意愛我。</verse>
				<verse number="13">你若真正意愛我，求你將你的道路指示我，互我認識你，通得著你的恩典；求你會記得此個民族是你的子民。」</verse>
				<verse number="14">上主講：「我欲親身及你去，互你安心。」</verse>
				<verse number="15">摩西 對上主講：「你若無欲親身及我去，就毋通叫阮對遮上去彼個所在。</verse>
				<verse number="16">阮欲按怎知，你有好款待我及你的子民？豈毋是因為你有及阮做夥去，互我及你的子民，及地上萬族有分別？」</verse>
				<verse number="17">上主對 摩西 講：「你講的此項代誌，我會做，因為我意愛你，閣指名揀召你。」</verse>
				<verse number="18">摩西 講：「求你互我看見你的榮光。」</verse>
				<verse number="19">上主講：「我欲佇你的面前顯示我一切的媠、一切的好，閣欲對你宣布上主的名。我欲憐憫我愛憐憫的，體貼我愛體貼的。」</verse>
				<verse number="20">伊閣講：「你𣍐用得看我的面，因為無人會當看見我猶會活。」</verse>
				<verse number="21">上主閣講：「你來徛𫢶我邊仔此塊石磐頂。</verse>
				<verse number="22">我的榮光經過的時，我欲給你下佇石磐的縫，用我的手蹄給你遮啲，聽候我過去；</verse>
				<verse number="23">然後我欲給我的手勼轉來，你就會看見我的尻脊骿，毋拘𣍐當看見我的面。」</verse>
			</chapter>
			<chapter number="34">
				<verse number="1">上主對 摩西 講：「你著拍兩塊及以前仝款的石版；你以前摔破的石版頂面的話，我欲閣寫佇此兩塊石版頂面。</verse>
				<verse number="2">明仔早起你著準備好勢；透早上 西奈山 ，佇上高的所在朝見我。</verse>
				<verse number="3">毋通有人及你做夥來；歸座山毋通有人，山腳嘛毋通有牛群羊群佇遐食草。」</verse>
				<verse number="4">摩西 就拍兩塊及以前仝款的石版。 摩西 透早起來，照上主的吩咐，手提兩塊石版上 西奈山 。</verse>
				<verse number="5">上主佇雲中降臨，及 摩西 徛做夥，宣布上主的名。</verse>
				<verse number="6">上主對 摩西 的面前經過，宣布講： 「上主，上主， 有仁慈恩典的上帝， 無快受氣，閣有豐盛的慈愛及信實；</verse>
				<verse number="7">持守慈愛到千萬代， 赦免罪孽、過失，及罪過； 一定𣍐給有罪的判做無罪， 欲追究人的罪，對父到子，到三四代。」</verse>
				<verse number="8">摩西 就隨時仆落土腳敬拜，講：</verse>
				<verse number="9">「主啊，我若對你得著恩典，主啊，求你及阮做夥行。阮是心硬固執的民族，求你赦免阮的罪孽及罪過，接納阮做你的子民。」</verse>
				<verse number="10">上主講：「今，我欲及你立約。我欲佇你全體人民的面前做奇妙的事，是佇天下萬族的中間猶毋曾做過的。按呢，你周圍的民族就欲看見上主通過你所做的事是偌呢通驚畏。</verse>
				<verse number="11">我今仔日所命令你的，你著遵守。我欲對你的面前趕出 亞摩利 人、 迦南 人、 赫 人、 比利洗 人、 希未 人，及 耶布斯 人。</verse>
				<verse number="12">你著謹慎，毋通及你欲去彼個所在的住民立約，才免𪜶成做害恁的羅網。</verse>
				<verse number="13">你著拆毀𪜶的祭壇，摃碎𪜶的石柱像，剉斷𪜶的 亞舍拉 女神的神像。</verse>
				<verse number="14">「毋通敬拜別個神明，因為上主是要求人全情服事伊的上帝，無容允有別個神明及伊比並。</verse>
				<verse number="15">所以，你𣍐用得及彼所在的住民立約，才免𪜶服事𪜶的神明行邪淫，獻祭互𪜶的神明的時，你受邀請，就去食𪜶的祭物；</verse>
				<verse number="16">才免互你的後生娶𪜶的查某子，佇𪜶的查某子服事𪜶的神明行邪淫的時，引誘你的後生做夥服事𪜶的神明行邪淫。</verse>
				<verse number="17">「你毋通為家己鑄造神像。</verse>
				<verse number="18">「你著守除酵節，照我的命令，佇亞筆月所指定的日期，食無酵餅七日久，因為你佇亞筆月出 埃及 。</verse>
				<verse number="19">「所有頭上生的攏是我的；無論是牛、羊，頭上生的公的攏是我的。</verse>
				<verse number="20">頭上生的驢仔，著用羊仔贖回；若無欲贖回，就著摃斷驢仔的頷頸。恁的大子攏著贖回。 「你毋通空手來敬拜我。</verse>
				<verse number="21">「六日內著做工，第七日著歇睏；栽種收割的時嘛著按呢。</verse>
				<verse number="22">「初熟的小麥收成的時，著守七七收割節。閣著佇年尾守收囥節。</verse>
				<verse number="23">「恁所有的查甫人，著一年三遍來敬拜至高的上主 — 以色列 的上帝。</verse>
				<verse number="24">我欲對你的面前將外族人趕出去，擴展你的領土；你一年三遍來見上主 — 你的上帝的時，一定無人會侵犯你的土地。</verse>
				<verse number="25">「毋通將牲禮的血及有酵的物做夥獻互我；𨃟過節的祭物嘛毋通留到隔早起。</verse>
				<verse number="26">「土地頭水上好的收成，著送到上主 — 你的上帝的厝。 「毋通用山羊母的奶煮伊的子。」</verse>
				<verse number="27">上主對 摩西 講：「你著將諸個話寫起來，因為我是照諸個話及你以及 以色列 人立約。」</verse>
				<verse number="28">摩西 及上主佇遐四十暝日，無食飯無飲水。伊將此個約的話，就是十條誡，寫佇彼兩塊石版。</verse>
				<verse number="29">摩西 落 西奈山 的時，手提彼兩塊約版；因為上主有及伊講話，伊的面發光，毋拘伊家己毋知。</verse>
				<verse number="30">亞倫 及 以色列 眾人看著 摩西 ，看咧，伊的面發光；𪜶就真驚，毋敢倚近伊。</verse>
				<verse number="31">摩西 叫𪜶來， 亞倫 及會眾的領袖才攏倒轉去伊遐； 摩西 就及𪜶講話。</verse>
				<verse number="32">然後 以色列 眾人攏進前倚來； 摩西 就將上主佇 西奈山 對伊講一切的話，攏吩咐𪜶。</verse>
				<verse number="33">摩西 及𪜶講話了後，就用帕罩面。</verse>
				<verse number="34">毋拘 摩西 入去見上主及上主講話的時，面帕就提起來，到伊出來。伊出來，就將上主所吩咐的給 以色列 人講。</verse>
				<verse number="35">以色列 人看著 摩西 的面發光； 摩西 用帕罩面，聽候到伊入去及上主講話才提起來。</verse>
			</chapter>
			<chapter number="35">
				<verse number="1">摩西 召集 以色列 全會眾，對𪜶講：「下面是上主命令恁著遵行的事。</verse>
				<verse number="2">六日著做工，第七日是聖日，是獻互上主的安歇日，著完全歇睏；若有人佇此日做工，著互伊死。</verse>
				<verse number="3">安歇日，恁逐口灶毋通起火。」</verse>
				<verse number="4">摩西 對 以色列 全會眾講：「這是上主的命令：</verse>
				<verse number="5">著奉獻禮物互上主；所有甘心奉獻的人，攏通帶禮物來獻互上主，就是金、銀、銅、</verse>
				<verse number="6">藍色紫色朱紅色的紗、幼麻、山羊毛、</verse>
				<verse number="7">染做紅色的羊的皮、上等的皮、金合歡木、</verse>
				<verse number="8">點燈的油、製造通抹的聖油及芳香的芳料、</verse>
				<verse number="9">紅瑪瑙，以及欲鑲佇以弗得及胸袋的寶石。」</verse>
				<verse number="10">「恁中間𠢕的師傅攏著來做上主所吩咐的物件，就是</verse>
				<verse number="11">會幕，包括伊的布篷及頂面的蓋，以及鉤仔、板、橫楗、柱、有榫孔的座、</verse>
				<verse number="12">約櫃及伊的槓、約櫃的蓋及遮伊的帳簾、</verse>
				<verse number="13">排獻祭的餅的桌及伊的槓、桌頂的器具及獻祭的餅、</verse>
				<verse number="14">燈台及伊的器具、燈盞及燈油、</verse>
				<verse number="15">香壇及伊的槓、通抹的聖油及芳的香料、會幕的門簾、</verse>
				<verse number="16">燒化祭的祭壇及伊銅的網仔、祭壇的槓及壇所有的器具、洗盪的盆及盆座、</verse>
				<verse number="17">埕的帳帷及伊的柱、有榫孔的座及埕的門簾、</verse>
				<verse number="18">會幕及埕的杙仔及索仔，</verse>
				<verse number="19">以及幼工做的禮服，就是祭司 亞倫 佇聖所穿來服事的聖的禮服，及伊的子做祭司啲穿的禮服。」</verse>
				<verse number="20">以色列 全會眾對 摩西 的面前出去。</verse>
				<verse number="21">所有受感動，心歡喜的人，攏帶禮物來獻互上主；諸個禮物通用來做會幕逐種的器具及聖的禮服。</verse>
				<verse number="22">所有甘心奉獻的查甫人及婦仁人攏將金器，就是胸前的鉼針、耳鉤、做印仔的手指、手環提來，搖搖咧做禮物獻互上主。</verse>
				<verse number="23">𪜶若有藍色紫色朱紅色的紗、幼麻、山羊毛、染做紅色的羊的皮，及上好的皮，嘛攏提來。</verse>
				<verse number="24">所有會當奉獻銀及銅的人，攏帶來做禮物獻互上主；所有有金合歡木通做逐款路用的，嘛攏帶來。</verse>
				<verse number="25">手藝真𠢕的婦女，將親手紡的藍色紫色朱紅色的紗及幼麻，攏提來。</verse>
				<verse number="26">手藝真好，心受感動的婦女，就紡山羊毛。</verse>
				<verse number="27">許個領袖嘛將會當鑲佇以弗得及胸袋的紅瑪瑙，及逐種寶石提來。</verse>
				<verse number="28">𪜶閣將油及芳料帶來做燈油及通抹的聖油，以及芳香。</verse>
				<verse number="29">為著上主吩咐 摩西 所著做的工，所有受感動心歡喜的 以色列 人，無論男女，攏將禮物帶來獻互上主。</verse>
				<verse number="30">摩西 對 以色列 人講：「上主已經對 猶大 支族揀選 戶珥 的孫， 烏利 的子 比撒列 ；</verse>
				<verse number="31">閣用上帝的神 給伊充滿，互伊有智慧、聰明及智識，𠢕做逐款的工藝；</verse>
				<verse number="32">𠢕設計圖案，用金、銀、銅做物件；</verse>
				<verse number="33">閣𠢕刻欲鑲的寶石，𠢕用木材刻逐款工藝品。</verse>
				<verse number="34">上主閣互伊及 但 支族， 亞希撒抹 的子 亞何利亞伯 ，得著才能，通傳授才藝。</verse>
				<verse number="35">諸個人上主將智慧充滿𪜶，互𪜶會做逐款的工藝，無論是雕刻、圖案設計，用藍色紫色朱紅色的紗及幼麻刺繡，編織；𪜶真𠢕做工藝，嘛真𠢕設計圖案。」</verse>
			</chapter>
			<chapter number="36">
				<verse number="1">比撒列 及 亞何利亞伯 ，以及所有得著上主賞賜𪜶智慧聰明，互𪜶知按怎起造聖所逐款工程的師傅，攏照上主命令𪜶的去做。</verse>
				<verse number="2">摩西 召集 比撒列 、 亞何利亞伯 ，及所有受感動，得著上主賞賜𪜶智慧，歡喜來做工的師傅。</verse>
				<verse number="3">𪜶對 摩西 提 以色列 人為著起造聖所所獻的禮物。人民逐早起繼續將甘心奉獻的禮物帶來互 摩西 。</verse>
				<verse number="4">所以許個𠢕起造聖所的師傅，攏暫停𪜶原來的工課，</verse>
				<verse number="5">來對 摩西 講：「人民奉獻的禮物非常多，超過上主命令欲起造的工程所著用的。」</verse>
				<verse number="6">對按呢， 摩西 下令，𪜶就佇全營宣布，講：「無論男女，攏毋通閣為著聖所的工程奉獻禮物。」按呢人民才無閣奉獻。</verse>
				<verse number="7">𪜶奉獻的材料，已經有夠做所有的工程，閣有賰。</verse>
				<verse number="8">𪜶中間所有𠢕的師傅，用十幅的布做會幕；諸個布是用挲過的幼麻，及藍色、紫色、朱紅色的紗織的，頂面閣用真幼的手路繡基路伯。</verse>
				<verse number="9">每幅布長十二公尺，闊兩公尺；逐幅的寸尺攏像款。</verse>
				<verse number="10">𪜶將五幅布接做一組；另外五幅嘛按呢。</verse>
				<verse number="11">閣佇逐組相接的布，路尾彼幅的邊仔做藍色的鈕環。</verse>
				<verse number="12">𪜶佇此組布做五十個鈕環；佇第二組布路尾彼幅的邊仔，嘛做五十個鈕環；兩組的鈕環攏兩個兩個相對。</verse>
				<verse number="13">𪜶閣做五十個金鉤仔，用鉤仔將兩組布連做夥，成做一個會幕。</verse>
				<verse number="14">𪜶用山羊毛織十一幅帳，做蓋會幕的布篷；</verse>
				<verse number="15">每幅帳長十三公尺，闊兩公尺；十一幅的寸尺攏像款。</verse>
				<verse number="16">𪜶將五幅帳連做一組，另外六幅嘛連做一組。</verse>
				<verse number="17">佇逐組相接的帳，路尾彼幅的邊仔做五十個鈕環。</verse>
				<verse number="18">𪜶閣做五十個銅的鉤仔，互布篷連做一個。</verse>
				<verse number="19">𪜶用染做紅色的羊的皮蓋布篷，閣用上好的皮蓋佇上頂面。</verse>
				<verse number="20">𪜶用金合歡木做會幕的壁枋。</verse>
				<verse number="21">壁枋長四公尺，闊六十六公分。</verse>
				<verse number="22">逐塊枋有兩個榫通相接；會幕所有的枋攏照按呢做。</verse>
				<verse number="23">南旁的壁枋做二十塊。</verse>
				<verse number="24">此二十塊枋的下面，做四十個銀的座；逐塊枋的下面有兩個孔通鬥𪜶的榫。</verse>
				<verse number="25">會幕的第二面，就是北旁，嘛做二十塊壁枋，</verse>
				<verse number="26">及四十個銀的座；逐塊枋的下面有兩個孔。</verse>
				<verse number="27">會幕的後面，就是西旁，做六塊枋。</verse>
				<verse number="28">會幕後面的角頭，做兩塊枋，</verse>
				<verse number="29">下面搋開，頂面相連直到頂面第一個環；兩旁攏是按呢，欲做角頭的路用。</verse>
				<verse number="30">有八塊枋，及十六個銀的座；逐塊枋的下面有兩個榫孔。</verse>
				<verse number="31">𪜶用金合歡木做橫楗；南旁及北旁各五支，會幕的後面，就是西旁，嘛五支。</verse>
				<verse number="32"></verse>
				<verse number="33">壁枋對中彼支橫楗，對此頭迵到彼頭。</verse>
				<verse number="34">壁枋用金包啲，閣做金環通套橫楗；橫楗嘛用金包。</verse>
				<verse number="35">𪜶閣用藍色、紫色、朱紅色的紗，及挲過的幼麻織帳簾；此個帳簾用真幼的手路繡基路伯。</verse>
				<verse number="36">𪜶用金合歡木做四支柱，用金包啲，閣有金鉤仔；柱鬥佇四個有榫孔的銀的座頂面。</verse>
				<verse number="37">𪜶閣用藍色、紫色、朱紅色的紗，及挲過的幼麻，用刺繡的手路做會幕的門簾。</verse>
				<verse number="38">𪜶做五支柱，柱有鉤仔吊門簾；柱斗及橫杆用金包啲；彼五個有榫孔的座是銅的。</verse>
			</chapter>
			<chapter number="37">
				<verse number="1">比撒列 用金合歡木做一個約櫃，長一百十公分，闊六十六公分，高六十六公分；</verse>
				<verse number="2">用純金包此個櫃，內外攏包啲；四邊鑲金線；</verse>
				<verse number="3">閣給伊鑄四個金環，安佇伊的四支腳；此旁兩個，彼旁兩個。</verse>
				<verse number="4">伊用金合歡木做兩支槓，用金包啲，</verse>
				<verse number="5">將槓穿佇約櫃邊的環裡，用來扛櫃。</verse>
				<verse number="6">伊閣用純金做約櫃的蓋，長一百十公分，闊六十六公分。</verse>
				<verse number="7">閣用金拍兩個天使基路伯，安佇蓋的雙頭，</verse>
				<verse number="8">一頭一個；雙頭的基路伯及蓋連做歸塊。</verse>
				<verse number="9">兩個基路伯面相對，向約櫃的蓋；翼搋高，遮約櫃的蓋。</verse>
				<verse number="10">伊用金合歡木做一塊桌，長八十八公分，闊四十四公分，高六十六公分；</verse>
				<verse number="11">用純金包啲，四圍鑲金線。</verse>
				<verse number="12">桌面四個邊各做七點五公分闊的墘，墘的周圍鑲金線。</verse>
				<verse number="13">伊做四個金環，安佇桌仔四支腳的角頭頂面。</verse>
				<verse number="14">安環的所在倚近橫杆，通穿槓來扛桌。</verse>
				<verse number="15">用金合歡木做兩支槓，用金包啲，通用來扛桌。</verse>
				<verse number="16">閣用純金做桌頂的器具，就是盤及𥐵仔，以及獻奠酒祭欲用的壺及杯。</verse>
				<verse number="17">伊用純金拍一個燈台；燈台的座、中柱、杯、萼、花，攏連做歸座。</verse>
				<verse number="18">燈台的雙旁伸出六支枝，一旁三支；</verse>
				<verse number="19">每一支有三個杯，形狀親像杏花，有萼有花；燈台的六支枝攏是按呢。</verse>
				<verse number="20">燈台柱有四個杯，形狀親像杏花，有萼及花。</verse>
				<verse number="21">伊佇三對相連的枝下面及柱相接的所在做萼；燈台的六支枝攏是按呢。</verse>
				<verse number="22">許個萼及枝攏及柱連做一個，攏是用純金拍的。</verse>
				<verse number="23">伊用純金做七個燈盞、燈剪，及燈盤。</verse>
				<verse number="24">伊用三十五公斤的純金造燈台及諸個所有的器具。</verse>
				<verse number="25">伊用金合歡木做一座燒香的壇，是四方的，長及闊攏四十五公分，高九十公分。壇彼四支翹起來的角及壇連接做一塊。</verse>
				<verse number="26">壇的頂面、四圍，以及許個角攏用純金包啲；閣佇壇的四圍鑲金線。</verse>
				<verse number="27">伊佇金線的下面、壇的雙旁、兩支橫杆的頂面，做兩個金環，通穿槓來扛壇。</verse>
				<verse number="28">伊用金合歡木做槓，用金包啲。</verse>
				<verse number="29">伊閣照做香料的方法做通抹的聖油及純的芳香。</verse>
			</chapter>
			<chapter number="38">
				<verse number="1">比撒列 用金合歡木做燒化祭的祭壇；長及闊攏兩公尺二十公分，是四方的；高一公尺三十公分。</verse>
				<verse number="2">佇壇的四角頭做四支翹起來的角，及壇連做夥；歸座祭壇用銅包啲。</verse>
				<verse number="3">伊閣用銅做壇所有的器具，就是桶仔、托仔、碗、肉叉，及火鼎。</verse>
				<verse number="4">伊為祭壇做一個銅的網，安佇祭壇四面圍腰板的下半旁，互網對壇的半腰伸到下底。</verse>
				<verse number="5">伊佇銅的網的四角頭鑄四個銅環，做穿槓的路用。</verse>
				<verse number="6">伊用金合歡木做槓，用銅包啲，</verse>
				<verse number="7">將槓穿佇祭壇雙旁的環內面，通扛祭壇；用枋做祭壇，中央是空的。</verse>
				<verse number="8">伊用銅做洗盪的盆及盆座；是用佇會幕門口服事的婦仁人的銅鏡做的。</verse>
				<verse number="9">伊用挲過的幼麻給會幕圍一個埕；南旁的帷長四十四公尺。</verse>
				<verse number="10">帷有二十支柱，二十個有榫孔的銅座；柱的鉤仔及橫杆攏用銀做。</verse>
				<verse number="11">北旁的帷長四十四公尺，柱二十支，銅座二十個；柱的鉤仔及橫杆攏用銀做。</verse>
				<verse number="12">埕西旁的帷二十二公尺，柱十支，銅座十個；柱的鉤仔及橫杆攏用銀做。</verse>
				<verse number="13">埕東旁的帷闊二十二公尺。</verse>
				<verse number="14">入口的雙旁，帷的長攏六公尺六十公分，吊帷的柱各三支，有榫孔的銅座各三個。</verse>
				<verse number="15"></verse>
				<verse number="16">埕四面的帷攏是用挲過的幼麻做的。</verse>
				<verse number="17">柱的座是銅的，柱的鉤仔及橫杆是銀的；柱斗是用銀包的；埕所有的柱攏用銀的橫杆連接啲。</verse>
				<verse number="18">埕入口的門簾是用刺繡的手路，用藍色、紫色、朱紅色的紗，及挲過的幼麻繡的；闊九公尺，高度及埕的帷仝款兩公尺。</verse>
				<verse number="19">吊門簾的柱有四支，有榫孔的銅座有四個；柱的鉤仔是銀的，柱斗及橫杆用銀包啲。</verse>
				<verse number="20">會幕及埕周圍的杙仔攏是銅的。</verse>
				<verse number="21">下面諸個是 利未 人照 摩西 的命令，經過祭司 亞倫 的子 以他瑪 的指導，清點囥約櫃的會幕內面器具的記錄。</verse>
				<verse number="22">猶大 支族， 戶珥 的孫， 烏利 的子 比撒列 ，有完成上主命令 摩西 所著做的。</verse>
				<verse number="23">伊的同工 但 支族， 亞希撒抹 的子 亞何利亞伯 是雕刻師，嘛是設計師，真𠢕用藍色、紫色、朱紅色的紗，及幼麻刺繡。</verse>
				<verse number="24">為著聖所所有的工程奉獻的金仔，照聖所的公秤，攏總有一千公斤。</verse>
				<verse number="25">會眾中間點算過的人所獻的銀，照聖所的公秤，有三千四百三十公斤。</verse>
				<verse number="26">二十歲以上有登記的，總共六十萬三千五百五十人；照聖所的公秤，逐個人奉獻六公克的銀。</verse>
				<verse number="27">𪜶用三千四百公斤的銀，鑄聖所及帳簾有榫孔的座，總共一百個；逐個座三十四公斤。</verse>
				<verse number="28">許個賰落來的三十公斤的銀， 比撒列 用來做柱的鉤仔，包頂面的柱斗，做橫杆。</verse>
				<verse number="29">會眾奉獻的銅有兩千四百二十五公斤。</verse>
				<verse number="30">𪜶用諸個銅做會幕門口有榫孔的座、祭壇、祭壇的銅網，及祭壇所有的器具，</verse>
				<verse number="31">以及埕四圍的座及埕的門的座、會幕及埕四圍攏總的杙仔。</verse>
			</chapter>
			<chapter number="39">
				<verse number="1">諸個師傅照上主對 摩西 的吩咐，用藍色、紫色、朱紅色的紗，用幼工做 亞倫 佇聖所服事欲穿的聖的禮服。</verse>
				<verse number="2">𪜶用金線，及藍色、紫色、朱紅色的紗，以及挲過的幼麻做以弗得；</verse>
				<verse number="3">就是將金仔拍互薄薄薄，剪做線，摻佇藍色、紫色、朱紅色的紗，及幼麻，用奇巧的手路織做夥。</verse>
				<verse number="4">𪜶閣做肩帶，及以弗得的雙旁連做夥。</verse>
				<verse number="5">以弗得的腰帶及以弗得仝款用奇巧的手路，用金線及藍色、紫色、朱紅色的紗，以及挲過的幼麻織起來，及以弗得連做一個，攏照上主對 摩西 的吩咐做。</verse>
				<verse number="6">𪜶閣琢兩塊紅瑪瑙，鑲佇金框裡，用刻印仔的手路將 雅各 的子的名刻佇彼頂面；</verse>
				<verse number="7">安佇以弗得的肩帶，做 以色列 人的紀念石；攏照上主對 摩西 的吩咐做。</verse>
				<verse number="8">𪜶做一個判斷的胸袋，用及做以弗得仝款奇巧的手路，用金線及藍色、紫色、朱紅色的紗，以及挲過的幼麻做。</verse>
				<verse number="9">胸袋是四方的，拗雙層；長闊攏二十二公分。</verse>
				<verse number="10">胸袋頂面鑲四綴寶石；第一綴是紅寶石、黃玉、赤玉；</verse>
				<verse number="11">第二綴是綠寶石、藍寶石、金鋼石；</verse>
				<verse number="12">第三綴是紫瑪瑙、白瑪瑙、紫色的水晶；</verse>
				<verse number="13">第四綴是青玉、紅瑪瑙、碧玉；諸個攏鑲佇金框。</verse>
				<verse number="14">諸個寶石照 雅各 的子的名，共十二塊，用刻印仔的手路，逐塊刻一個名，代表十二支族。</verse>
				<verse number="15">𪜶用純金拍兩條鍊仔，親像絞索仔，安佇胸袋。</verse>
				<verse number="16">𪜶閣做兩個金的框及兩個金環，將此兩個環安佇胸袋的雙頭，</verse>
				<verse number="17">將彼兩條金鍊仔連佇胸袋雙頭兩個環，</verse>
				<verse number="18">用兩條鍊仔的雙頭連佇兩個框，安佇以弗得肩帶的頭前。</verse>
				<verse number="19">𪜶做兩個金環，安佇胸袋雙頭的墘，近以弗得向內面彼旁。</verse>
				<verse number="20">閣做兩個金環，安佇以弗得頭前的肩帶下面，倚近相連的所在，用奇巧的手路織的以弗得的帶頂面。</verse>
				<verse number="21">𪜶用藍色的幼帶，將胸袋的環及以弗得的環縛做夥，貼佇用奇巧的手路織的以弗得的帶，將胸袋及以弗得固定啲。諸個攏照上主對 摩西 的吩咐做。</verse>
				<verse number="22">𪜶用織布的方法做穿佇以弗得內面的外袍，歸領是藍色的。</verse>
				<verse number="23">袍頂面的對中，為著頭殼留一個孔，周圍織領緣，親像戰甲的領孔，才免破裂。</verse>
				<verse number="24">袍的下腳蒲用藍色、紫色、朱紅色的紗做石榴。</verse>
				<verse number="25">閣用純金做鈃鈴仔，下佇石榴及石榴的中間；</verse>
				<verse number="26">袍歸個下腳蒲，一個鈃鈴仔一粒石榴，一個鈃鈴仔一粒石榴，通穿來服事上主。諸個攏照上主對 摩西 的吩咐做。</verse>
				<verse number="27">𪜶用織布的方法為 亞倫 及伊的子做幼麻的內袍、</verse>
				<verse number="28">禮帽，及頭巾，用挲過的幼麻做禮褲。</verse>
				<verse number="29">閣用挲過的幼麻，及藍色、紫色、朱紅色的紗，用刺繡的手路做腰帶；諸個攏照上主對 摩西 的吩咐做。</verse>
				<verse number="30">𪜶用純金做禮帽的牌，用刻印仔的手路刻「聖化歸上主」。</verse>
				<verse number="31">閣用一條藍色的帶，將彼塊牌縛佇禮帽的頭前；諸個攏照上主對 摩西 的吩咐做。</verse>
				<verse number="32">按呢，會幕的布棚所有的工程攏完成。上主命令 摩西 所著做的， 以色列 人攏照按呢做。</verse>
				<verse number="33">𪜶將會幕，就是布篷及所有的器具送去 摩西 遐，有鉤仔、板、橫楗、柱、有榫孔的座、</verse>
				<verse number="34">蓋布篷染做紅色的羊的皮及上等的皮、遮約櫃的蓋的帳簾、</verse>
				<verse number="35">約櫃及伊的槓、伊的蓋、</verse>
				<verse number="36">排獻祭的餅的桌及伊的器具、獻祭的餅、</verse>
				<verse number="37">純金的燈台及伊的燈盞、燈台的器具及點燈的油、</verse>
				<verse number="38">金的香壇、通抹的聖油及芳的香料、會幕的門簾、</verse>
				<verse number="39">銅的祭壇及銅的網仔、祭壇的槓及壇所有的器具、洗盪的盆及盆座、</verse>
				<verse number="40">埕四圍的帷及伊的柱、有榫孔的座及埕的門簾、杙仔及索仔、布篷及會幕內面所有的器具，</verse>
				<verse number="41">以及幼工做的禮服，就是祭司 亞倫 佇聖所穿來服事的聖的禮服，及伊的子做祭司啲穿的禮服。</verse>
				<verse number="42">上主命令 摩西 所著做的， 以色列 人攏照按呢做。</verse>
				<verse number="43">摩西 看著所有的工程，攏有照上主的吩咐完成，就給𪜶祝福。</verse>
			</chapter>
			<chapter number="40">
				<verse number="1">上主吩咐 摩西 ，講：</verse>
				<verse number="2">「正月初一，你著將會幕的布棚搭起來。</verse>
				<verse number="3">著將約櫃下佇彼內面，用帳簾給伊隔開；</verse>
				<verse number="4">將排獻祭的餅的桌搬入去，給桌頂的物件排好勢；嘛將燈台搬入去，給燈點𤏸。</verse>
				<verse number="5">著將燒香的金壇下佇約櫃的頭前，然後掛會幕入口的門簾；</verse>
				<verse number="6">將燒化祭的祭壇下佇會幕的布棚門口；</verse>
				<verse number="7">將洗盪的盆下佇會幕及祭壇的中間，內面貯水。</verse>
				<verse number="8">聖所的四圍著有埕，埕的入口著掛門簾。</verse>
				<verse number="9">「你著用聖油抹會幕及內面所有的器具，將會幕及攏總的器具分別作聖，諸個就攏成做聖。</verse>
				<verse number="10">閣抹燒化祭的祭壇及伊攏總的器具，給壇分別作聖，壇就成做至聖；</verse>
				<verse number="11">嘛著抹洗盪的盆及盆座，給𪜶分別作聖。</verse>
				<verse number="12">「你著導 亞倫 及伊的子來會幕的入口，用水給𪜶洗。</verse>
				<verse number="13">嘛著給 亞倫 穿聖的禮服，給伊抹油，互伊分別作聖做祭司服事我。</verse>
				<verse number="14">閣導 亞倫 的子來，給𪜶穿內袍，</verse>
				<verse number="15">給𪜶抹油，親像給𪜶老父抹油仝款，互𪜶做祭司服事我；𪜶受抹油，就世世代代永遠得著祭司的職份。」</verse>
				<verse number="16">諸個， 摩西 攏照上主的吩咐做。</verse>
				<verse number="17">第二年正月初一，會幕就搭起來。</verse>
				<verse number="18">摩西 搭會幕，下許個座，徛許個板，穿許個橫楗，𫞼許個柱。</verse>
				<verse number="19">伊佇會幕的頂面蓋布篷，佇布篷的頂面閣蓋上等的皮，攏照上主對 摩西 的吩咐做。</verse>
				<verse number="20">伊閣將法版下佇約櫃內面，給槓穿佇約櫃雙旁，將蓋蓋佇約櫃頂面，</verse>
				<verse number="21">扛約櫃入會幕，掛隔開的帳簾遮約櫃，攏照上主對 摩西 的吩咐做。</verse>
				<verse number="22">摩西 將排獻祭的餅的桌搬入會幕，下佇布棚的北旁，佇帳簾外面；</verse>
				<verse number="23">桌頂排奉獻互上主的餅，攏照上主對 摩西 的吩咐做。</verse>
				<verse number="24">伊閣將燈台下佇會幕內，佇會幕的南旁，桌的對面，</verse>
				<verse number="25">佇上主的面前點燈；攏照上主對 摩西 的吩咐做。</verse>
				<verse number="26">伊閣將金的香壇下佇會幕內面，帳簾的頭前；</verse>
				<verse number="27">佇彼頂面燒芳芳的香；攏照上主對 摩西 的吩咐做。</verse>
				<verse number="28">伊佇會幕的布棚的入口掛門簾，佇門簾的頭前下燒化祭的祭壇，佇彼頂面獻燒化祭及素祭；攏照上主對 摩西 的吩咐做。</verse>
				<verse number="29"></verse>
				<verse number="30">伊將洗盪的盆下佇會幕及祭壇的中間，盆內貯水。</verse>
				<verse number="31">摩西 、 亞倫 及伊許個子入會幕抑是倚近壇的時，先佇遐洗手，洗腳；攏照上主對 摩西 的吩咐做。</verse>
				<verse number="32"></verse>
				<verse number="33">最後， 摩西 佇會幕及祭壇的周圍設埕，佇埕的入口掛門簾。按呢， 摩西 就完成搭會幕的工作。</verse>
				<verse number="34">彼時，雲遮蓋會幕，上主的榮光充滿布棚。</verse>
				<verse number="35">摩西 𣍐當入會幕，因為雲停佇彼頂面，閣上主的榮光充滿布棚。</verse>
				<verse number="36">雲對會幕升高的時， 以色列 人就出發向前行。</verse>
				<verse number="37">雲若停啲，𪜶就無出發，聽候到雲升高。</verse>
				<verse number="38">日時，上主的雲停佇會幕頂，暝時雲中有火；佇 以色列 全家歸個行程，𪜶攏有親目看著。</verse>
			</chapter>
		</book>
		<book number="3">
			<chapter number="1">
				<verse number="1">上主對會幕叫 摩西 ，命令伊</verse>
				<verse number="2">對 以色列 人頒布下面的條例： 恁若有人欲獻牲生做禮物互上主，著對牛群羊群的中間取來獻。</verse>
				<verse number="3">伊若欲獻牛做燒化祭，著牽一隻無瑕疵的牛來，佇會幕的門口獻，就會得著上主接納。</verse>
				<verse number="4">伊著按手佇燒化祭的牲生的頭殼頂，按呢燒化祭就受接納，替伊贖罪。</verse>
				<verse number="5">伊著佇上主的面前刣彼隻牛仔； 亞倫 的後代做祭司的著獻許個血，將血灑佇會幕門口祭壇的四周圍。</verse>
				<verse number="6">彼個人著將燒化祭的牲生的皮剝起來，給肉切做一塊一塊。</verse>
				<verse number="7">亞倫 的後代做祭司的著佇祭壇頂起火，給柴排佇火的頂面，</verse>
				<verse number="8">閣將肉、頭、油排佇壇頂啲𤏸的柴頂面。</verse>
				<verse number="9">奉獻的人著將祭物的腹內及腿用水洗清氣，祭司就將歸個祭物攏下佇壇頂做燒化祭，用火燒做芳芳的祭物獻互上主。</verse>
				<verse number="10">人若欲獻綿羊抑是山羊做燒化祭，著獻一隻無瑕疵的羊。</verse>
				<verse number="11">伊著佇上主的面前，佇祭壇的北旁刣彼隻羊； 亞倫 的後代做祭司的著將羊的血灑佇壇的四周圍。</verse>
				<verse number="12">彼個人著給彼隻羊切做一塊一塊。後來，祭司將許個肉連頭及油，排佇祭壇啲𤏸的柴頂面。</verse>
				<verse number="13">奉獻的人著將祭物的腹內及腿用水洗清氣，祭司就將歸個祭物攏下佇祭壇頂，用火燒做芳芳的燒化祭獻互上主。</verse>
				<verse number="14">人若欲獻鳥仔做燒化祭互上主，著獻斑鴿抑是粉鳥仔子。</verse>
				<verse number="15">祭司著帶鳥仔來祭壇前，捘斷伊的頭，給頭燒佇壇頂；互鳥仔的血滴佇壇邊。</verse>
				<verse number="16">閣著將鳥仔的胿及內面的物件，㧒佇壇邊的東旁摒火灰的所在。</verse>
				<verse number="17">著給鳥仔兩支翼提啲，將鳥仔拆開，毋拘毋通拆斷；祭司著將鳥仔排佇祭壇啲𤏸的柴頂面，用火燒做芳芳的燒化祭獻互上主。</verse>
			</chapter>
			<chapter number="2">
				<verse number="1">若有人欲獻素祭互上主，著用幼麵粉做祭物；著斟油佇麵粉頂面，閣下乳香。</verse>
				<verse number="2">伊著將諸個帶去 亞倫 的後代做祭司的遐；祭司著搣一大把幼麵粉，提一寡油及所有的乳香，下佇祭壇頂，代表所獻的素祭，用火燒做芳芳的祭物獻互上主。</verse>
				<verse number="3">素祭所賰的著歸互 亞倫 及伊的子孫；這是至聖的，因為是對用火燒獻互上主的祭物留落來的。</verse>
				<verse number="4">你若欲獻火爐烘過的祭物做素祭，著用抄油的幼麵粉做的無酵餅，抑是抹油的無酵薄餅。</verse>
				<verse number="5">若欲獻煎盤煎過的祭物做素祭，著用抄油的幼麵粉煎的無酵餅。</verse>
				<verse number="6">著給伊擘做細塊細塊，斟油佇頂面；這是素祭。</verse>
				<verse number="7">若欲獻鼎仔煎的祭物做素祭，著用抄油的幼麵粉做。</verse>
				<verse number="8">著將諸個素祭帶去上主的面前，交代祭司，互伊帶到祭壇。</verse>
				<verse number="9">祭司著對素祭的中間提一部份下佇祭壇頂，代表所獻的素祭，用火燒做芳芳的祭物獻互上主。</verse>
				<verse number="10">素祭所賰的著歸互 亞倫 及伊的子孫；這是至聖的，因為是對用火燒獻互上主的祭物留落來的。</verse>
				<verse number="11">恁欲獻互上主的素祭毋通摻酵；因為酵及蜜攏𣍐用得用火燒做祭物獻互上主。</verse>
				<verse number="12">諸個物恁通獻互上主做起頭熟的祭物，毋拘毋通佇祭壇頂給伊燒做芳芳的祭物獻互上主。</verse>
				<verse number="13">素祭著用鹽調和；所有的素祭攏著濫鹽，因為鹽是上帝及恁立約的記號。所有的祭物攏著有鹽。</verse>
				<verse number="14">恁若用起頭熟的五穀做素祭獻互上主，著用烘過新的麥穗，抑是碖過新的五穀。</verse>
				<verse number="15">著斟油佇彼頂面，閣下乳香；這是素祭。</verse>
				<verse number="16">祭司就對彼中間提一部份碖過新的五穀，及油，以及所有的乳香，代表所獻的素祭，用火燒做祭物獻互上主。</verse>
			</chapter>
			<chapter number="3">
				<verse number="1">若有人欲獻牛做平安祭，著對牛群的中間取一隻無瑕疵的牛抑是牛母，給伊牽來上主的面前。</verse>
				<verse number="2">彼個人著按手佇彼隻牛的頭殼頂，佇會幕的門口給刣。 亞倫 的後代做祭司的，著將血灑佇祭壇的四周圍。</verse>
				<verse number="3">奉獻的人著對平安祭的祭物，將腹內及伊頂面的油、兩粒腰子及𪜶邊仔的油，以及肝及伊的網紗攏提起來，用火燒獻互上主。</verse>
				<verse number="4"></verse>
				<verse number="5">亞倫 的子孫就給諸個下佇壇裡啲𤏸的柴頂面，及燒化祭做夥燒做芳芳的祭物，獻互上主。</verse>
				<verse number="6">若有人欲獻羊做平安祭互上主，著對羊群的中間取一隻無瑕疵的羊抑是羊母，給伊牽來。</verse>
				<verse number="7">彼個人若欲獻綿羊仔，著牽來上主的面前，</verse>
				<verse number="8">按手佇彼隻羊仔的頭殼頂，佇會幕的門口給刣。 亞倫 的子孫著將血灑佇祭壇的四周圍。</verse>
				<verse number="9">奉獻的人著對平安祭的祭物取油，就是將尾胴骨以下歸支肥的尾、腹內及伊頂面的油、兩粒腰子及𪜶邊仔的油，以及肝及伊的網紗攏提起來，通做用火燒獻互上主的祭物。</verse>
				<verse number="10"></verse>
				<verse number="11">祭司著將諸個下佇祭壇頂，用火燒做食物獻互上主。</verse>
				<verse number="12">若有人欲獻山羊做祭物，著牽來上主的面前，</verse>
				<verse number="13">按手佇彼隻山羊的頭殼頂，佇會幕的門口給刣。 亞倫 的子孫著將血灑佇祭壇的四周圍。</verse>
				<verse number="14">奉獻的人著將腹內及伊頂面的油、兩粒腰子及𪜶邊仔的油，以及肝及伊的網紗攏提起來，通做用火燒獻互上主的祭物。</verse>
				<verse number="15"></verse>
				<verse number="16">祭司著將諸個下佇祭壇頂，用火燒做芳芳的食物。所有的油攏著歸上主。</verse>
				<verse number="17">恁無論住佇什麼所在，油及血攏毋通食；這欲做恁世世代代永遠的規例。</verse>
			</chapter>
			<chapter number="4">
				<verse number="1">上主閣命令 摩西</verse>
				<verse number="2">著對 以色列 人宣布： 若有人無意中犯罪，違犯任何一項上主所命令𣍐用得做的事，伊著照下面的條例辦理：</verse>
				<verse number="3">大祭司若犯罪，連累人民，就著因為所犯的罪用無瑕疵的牛仔獻互上主做贖罪祭。</verse>
				<verse number="4">伊著給彼隻牛仔牽來上主的會幕門口，按手佇牛仔的頭殼頂，佇上主的面前給刣。</verse>
				<verse number="5">大祭司著給一寡牛仔的血提來會幕，</verse>
				<verse number="6">用指頭仔搵血，佇上主的面前對聖所的帳簾灑七遍。</verse>
				<verse number="7">伊閣著用一寡血，佇上主的面前抹佇會幕內香壇的四支翹起來的角；然後將牛仔賰的血攏倒佇會幕門口獻燒化祭的祭壇腳。</verse>
				<verse number="8">伊著對彼隻贖罪祭的牛仔取油，就是將腹內及伊頂面的油、</verse>
				<verse number="9">兩粒腰子及𪜶邊仔的油，以及肝及伊的網紗攏提起來，</verse>
				<verse number="10">及對平安祭的牛仔提起來的作法仝款。伊著將諸個下佇獻燒化祭的祭壇頂燒。</verse>
				<verse number="11">牛仔的皮、所有的肉，以及伊的頭、腿、腹內，及糞，</verse>
				<verse number="12">就是歸隻牛仔，著帶出去營外啲摒火灰，禮儀上清氣的所在，下佇啲𤏸的柴頂面燒。</verse>
				<verse number="13">以色列 全體會眾若無意中犯罪，違犯任何一項上主所命令𣍐用得做的事，毋拘會眾猶未發見，</verse>
				<verse number="14">到𪜶一下知家己有犯罪，就著牽一隻牛仔來到會幕門口獻做贖罪祭。</verse>
				<verse number="15">會眾的長老著佇上主的面前，按手佇彼隻牛仔的頭殼頂，佇會幕門口給刣。</verse>
				<verse number="16">大祭司著給一寡牛仔的血帶來會幕，</verse>
				<verse number="17">用指頭仔搵血，佇上主的面前對聖所的帳簾灑七遍。</verse>
				<verse number="18">伊閣著用一寡血，佇上主的面前抹佇會幕內香壇的四支翹起來的角；然後將賰的血攏倒佇會幕門口獻燒化祭的祭壇腳。</verse>
				<verse number="19">伊著將所有的油提起來，下佇祭壇頂燒。</verse>
				<verse number="20">此隻牛仔處理的方法，及為著大祭司贖罪彼隻牛仔的作法仝款；大祭司著按呢替𪜶贖罪，𪜶就欲得著赦免。</verse>
				<verse number="21">祭司著將牛仔帶出去營外燒，親像燒頭一隻牛仔按呢。這是會眾的贖罪祭。</verse>
				<verse number="22">若有官長無意中犯罪，違犯任何一項上主 — 伊的上帝所命令𣍐用得做的事，</verse>
				<verse number="23">到伊一下知家己有犯罪，就著牽一隻無瑕疵的山羊做祭物。</verse>
				<verse number="24">伊著佇上主的面前，按手佇山羊的頭殼頂，佇刣燒化祭的牲生的所在刣彼隻山羊。這是贖罪祭。</verse>
				<verse number="25">祭司著用指頭仔搵贖罪祭的血，抹佇獻燒化祭的祭壇四支翹起來的角，閣將賰的血攏倒佇獻燒化祭的祭壇腳。</verse>
				<verse number="26">羊仔所有的油著下佇壇頂燒，及處理平安祭的油的作法仝款；祭司按呢為彼個人贖罪，伊就得著赦免。</verse>
				<verse number="27">住佇此個地的人民若有人無意中犯罪，違犯任何一項上主所命令𣍐用得做的事，</verse>
				<verse number="28">到伊一下知家己有犯罪，就著為著伊的罪，獻一隻無瑕疵的山羊母做祭物。</verse>
				<verse number="29">伊著按手佇彼隻贖罪牲生的頭殼頂，佇刣燒化祭的牲生的所在刣彼隻贖罪的牲生。</verse>
				<verse number="30">祭司著用指頭仔搵山羊母的血，抹佇獻燒化祭的祭壇四支翹起來的角；賰的血攏著倒佇祭壇腳。</verse>
				<verse number="31">奉獻的人著將所有的油提起來，及提平安祭牲生的油仝款。祭司著佇壇頂燒許個油，做芳芳的祭物獻互上主。祭司按呢為彼個人贖罪，伊就得著赦免。</verse>
				<verse number="32">人若欲獻綿羊做贖罪祭的祭物，著獻一隻無瑕疵母的綿羊。</verse>
				<verse number="33">伊著按手佇彼隻贖罪牲生的頭殼頂，佇刣燒化祭的牲生的所在刣彼隻贖罪的牲生。</verse>
				<verse number="34">祭司著用指頭仔搵綿羊母的血，抹佇獻燒化祭的祭壇四支翹起來的角；賰的血攏著倒佇祭壇腳。</verse>
				<verse number="35">奉獻的人著將所有的油攏提起來，及提平安祭牲生的油仝款。祭司著佇壇頂用火燒許個油做祭物，獻互上主。祭司按呢為彼個人贖罪，伊就得著赦免。</verse>
			</chapter>
			<chapter number="5">
				<verse number="1">若有人受要求佇公眾的面前，為著所聽著，所看著咒誓的事作證，毋拘伊毋肯，伊就有罪，著對家己的罪負責任。</verse>
				<verse number="2">若有人摸著無清氣的物，無論是野獸、牲生，抑是蟲𧒴的身屍，雖然伊毋知，伊嘛是無清氣，猶原有罪。</verse>
				<verse number="3">若有人摸著任何互人無清氣的物，雖然伊毋知，到伊一下知，就有罪。</verse>
				<verse number="4">若有人隨便咒誓，無論出佇善意抑是惡意，雖然伊無意識著家己隨便咒誓，到伊一下知，就有罪。</verse>
				<verse number="5">若有人犯著以上諸個事的任何一項，就著承認家己犯著的罪；</verse>
				<verse number="6">嘛著因為所犯的罪，將賠罪祭的祭物帶來上主面前，就是對羊群的中間揀一隻綿羊母抑是山羊母做贖罪祭。祭司著為著彼個人贖罪。</verse>
				<verse number="7">伊若無夠力通獻羊仔，就著因為家己犯的罪，用兩隻斑鴿抑是兩隻粉鳥仔子，帶來到上主面前做賠罪祭；一隻做贖罪祭，一隻做燒化祭。</verse>
				<verse number="8">伊著將諸個帶去祭司遐；祭司著先獻贖罪祭，捘斷鳥仔的頷頸，毋拘毋通互頭離開身軀。</verse>
				<verse number="9">閣著將鳥仔的血灑佇祭壇邊，互賰的血滴佇祭壇腳。這是贖罪祭。</verse>
				<verse number="10">續接，伊著照規例獻第二隻做燒化祭。祭司按呢為彼個人贖罪，伊就得著赦免。</verse>
				<verse number="11">伊若無夠力通獻兩隻斑鴿抑是兩隻粉鳥仔子，就著因為伊所犯的罪，獻一公斤的幼麵粉做贖罪祭；毋通下油，嘛毋通摻乳香，因為這是贖罪祭。</verse>
				<verse number="12">伊著將祭物帶去祭司遐；祭司著搣一大把下佇祭壇頂，代表所獻的贖罪祭，用火燒做祭物獻互上主。這是贖罪祭。</verse>
				<verse number="13">伊佇此幾項事的中間有犯著一項，祭司著按呢給伊贖罪，伊就得著赦免；及素祭像款，所獻賰的幼麵粉攏歸互祭司。</verse>
				<verse number="14">上主閣命令 摩西 頒布以下諸個條例：</verse>
				<verse number="15">若有人毋是刁故意，無獻應該獻互上主的祭物致到犯罪，著對羊群中奉獻一隻無瑕疵的綿羊，抑是根據聖所的公秤，獻及彼隻羊仝款價值的銀做賠罪祭；</verse>
				<verse number="16">閣因為伊佇欲獻互上主的祭物犯罪，著加五分一交互祭司，補伊的過失。祭司著用賠罪祭的綿羊替伊贖罪，伊就得著赦免。</verse>
				<verse number="17">若有人無意中犯罪，違犯任何一項上主所命令𣍐用得做的事，伊雖然毋知，嘛有罪，就著對家己的罪負責任。</verse>
				<verse number="18">伊著照聖所的規定，對羊群中取一隻無瑕疵的綿羊來，交互祭司做賠罪祭，因為伊無意中犯罪。祭司著替伊贖罪，伊就得著赦免。</verse>
				<verse number="19">這是賠罪祭，因為伊有違犯上主的命令。</verse>
			</chapter>
			<chapter number="6">
				<verse number="1">上主閣命令 摩西 頒布以下諸個條例：</verse>
				<verse number="2">若有人犯罪得罪上主，無論佇同胞寄物件抑是抵押物件的事無守信用，抑是搶人的財物，抑是欺壓同胞，</verse>
				<verse number="3">抑是拾著物件，騙人閣咒誓講是伊的；人若有做任何一項諸個事，伊就有罪。</verse>
				<verse number="4">伊既然犯著頂面諸個罪，就著將所搶的、欺壓得著的、人寄伊的、拾著的、</verse>
				<verse number="5">白賊咒誓得著的，全部還人，另外閣加五分一；佇互人查出伊有過失的日，著還原來的主人。</verse>
				<verse number="6">伊嘛著對羊群中取一隻無瑕疵的綿羊，抑是照聖所的公秤估計羊的價值，交互祭司，做賠罪祭獻互上主。</verse>
				<verse number="7">祭司著佇上主的面前替伊贖罪；伊所做任何一項過失，攏會得著赦免。</verse>
				<verse number="8">上主閣命令 摩西</verse>
				<verse number="9">吩咐 亞倫 及伊的子孫頒布燒化祭的條例： 燒化祭著佇祭壇頂燒；毋通互壇頂的火化去，著歸暝燒到天光。</verse>
				<verse number="10">祭司著穿幼麻布的衫及褲，將祭壇燒燒化祭的火灰收起來，下佇壇邊。</verse>
				<verse number="11">後來著換衫，將火灰帶出去營外，倒佇禮儀上清氣的所在。</verse>
				<verse number="12">壇頂的火著不時互𤏸，毋通化去。祭司著逐早起佇壇頂添柴，閣將燒化祭排佇啲𤏸的柴頂面，嘛佇彼頂面燒平安祭的油。</verse>
				<verse number="13">壇頂的火著不時互𤏸，毋通化去。</verse>
				<verse number="14">下面是素祭的條例： 亞倫 的子孫著將素祭提來祭壇前，獻互上主。</verse>
				<verse number="15">伊著對素祭搣一大把幼麵粉，提一寡油及所有的乳香，下佇祭壇頂燒，代表所獻的素祭，做芳芳的祭物獻互上主。</verse>
				<verse number="16">亞倫 及伊的子孫著食獻賰的素祭；毋通摻酵食，閣著佇聖的所在，就是會幕的埕食。</verse>
				<verse number="17">烘餅毋通摻酵。素祭用火燒奉獻留落來的祭物，我賞賜互祭司；及贖罪祭、賠罪祭仝款是至聖。</verse>
				<verse number="18">諸個用火燒獻互上主留落來的物件， 亞倫 的後代所有的查甫子孫攏通食，這是𪜶世世代代應得的份額。所有接觸著諸個祭物的，攏欲成做聖。</verse>
				<verse number="19">上主命令 摩西 ，</verse>
				<verse number="20">佇 亞倫 及伊的子孫受抹油設立做祭司的時，著照逐日啲獻的素祭，奉獻一公斤的幼麵粉互上主；早起時一半，下昏時一半。</verse>
				<verse number="21">幼麵粉著佇煎盤抄油，抄互齊，提去烘，分做一塊一塊，獻互上主做芳芳的素祭。</verse>
				<verse number="22">亞倫 的子孫續接伊受抹油設立做大祭司的，著獻此個祭，全部用火燒獻互上主。這是永遠的規例。</verse>
				<verse number="23">祭司奉獻的素祭著全部燒，𣍐用得食。</verse>
				<verse number="24">上主命令 摩西</verse>
				<verse number="25">著吩咐 亞倫 及伊的子孫頒布贖罪祭的條例： 著佇上主的面前，佇祭壇的北旁，刣燒化祭牲生的所在，刣贖罪祭的牲生；這是至聖的祭物。</verse>
				<verse number="26">獻贖罪祭的祭司著佇聖的所在，就是佇會幕的埕食祭物。</verse>
				<verse number="27">所有接觸著諸個祭物的，攏成做聖。若有衫滴著牲生的血，著佇會幕內洗。</verse>
				<verse number="28">若用粗瓷煮祭肉，煮了著給摃破；若用銅的器具煮，煮了此個器具著鑢過，閣用水洗過。</verse>
				<verse number="29">祭司家屬的查甫人攏通食祭肉；這是至聖的物。</verse>
				<verse number="30">毋拘贖罪祭的血若帶入會幕的聖所做贖罪的路用，許個祭肉毋通食，著用火燒。</verse>
			</chapter>
			<chapter number="7">
				<verse number="1">下面是賠罪祭的條例： 賠罪祭是至聖的。</verse>
				<verse number="2">著佇刣燒化祭的牲生的所在刣賠罪祭的牲生；給伊的血灑佇祭壇的四周圍。</verse>
				<verse number="3">伊的油著攏獻；歸支肥的尾、腹內及伊頂面的油、</verse>
				<verse number="4">兩粒腰子及𪜶邊仔的油，以及肝及伊的網紗著攏提起來。</verse>
				<verse number="5">祭司著將諸個下佇祭壇頂燒，做獻互上主的祭物。這是賠罪祭。</verse>
				<verse number="6">祭司家屬的查甫人攏通佇會幕的埕食祭肉；這是至聖的。</verse>
				<verse number="7">賠罪祭及贖罪祭的條例像款，祭物歸佇獻諸個祭的祭司。</verse>
				<verse number="8">仝款，燒化祭的牲生的皮歸佇獻燒化祭的祭司。</verse>
				<verse number="9">所有佇火爐烘的，佇鼎仔抑是煎盤煎的素祭，攏歸佇獻此個祭的祭司。</verse>
				<verse number="10">有抄油的，及無抄油的素祭，攏著歸 亞倫 的子孫，大家平分。</verse>
				<verse number="11">下面是獻互上主的平安祭的條例：</verse>
				<verse number="12">若有人為著感謝欲獻祭，著用抄油的無酵餅、抹油的無酵薄餅，及抄油的幼麵粉做的餅，及謝恩祭的牲生做夥獻。</verse>
				<verse number="13">閣著獻有酵的餅，及為著感謝獻的平安祭做夥獻。</verse>
				<verse number="14">著對逐項欲獻的餅提一份攑高做禮物獻互上主；諸個物著歸佇灑平安祭的血的祭司。</verse>
				<verse number="15">為著感謝獻的平安祭的肉，著佇獻祭彼日食，一點仔都毋通留到隔早起。</verse>
				<verse number="16">若有人為著謝願抑是甘心獻祭，獻的祭物著佇獻祭彼日食；賰的隔日猶通食，</verse>
				<verse number="17">毋拘賰的祭肉到第三日著燒掉。</verse>
				<verse number="18">若有人到第三日猶啲食平安祭的肉，伊獻的祭𣍐受上帝接納，嘛無算伊有獻此個祭；諸個肉無清氣，食的人著對家己的罪負責任。</verse>
				<verse number="19">祭肉若磕著無清氣的物，就毋通食，著用火燒掉。其他的祭肉，禮儀上清氣的人攏通食。</verse>
				<verse number="20">若有人本身無清氣，閣食獻互上主的平安祭的肉，此個人著對人民的中間革出。</verse>
				<verse number="21">若有人摸著無清氣的物，無論是無清氣的人，抑是無清氣的牲生，抑是任何無清氣的物，閣食著獻互上主的平安祭的肉，此個人著對人民中間革出。</verse>
				<verse number="22">上主命令 摩西</verse>
				<verse number="23">著對 以色列 人宣布： 無論是牛、綿羊、山羊的油，攏毋通食。</verse>
				<verse number="24">自然死的牲生的油、互野獸拆裂的牲生的油，通做別項的路用，毋拘千萬毋通食。</verse>
				<verse number="25">無論什麼人食獻互上主用火燒的牲生的油，彼個人著對人民中間革出。</verse>
				<verse number="26">恁無論住佇什麼所在，攏毋通食鳥仔抑是野獸的血。</verse>
				<verse number="27">若有人食血，無論什麼血，彼個人著對人民中間革出。</verse>
				<verse number="28">上主命令 摩西</verse>
				<verse number="29">著對 以色列 人宣布： 若有人欲獻平安祭互上主，著對伊的平安祭的祭物提一部份來獻。</verse>
				<verse number="30">伊著親手帶牲生的油及胸坎肉，用火燒做祭物獻互上主，將胸坎肉佇上主的面前搖搖咧做祭物獻互伊。</verse>
				<verse number="31">祭司著將油下佇祭壇頂燒；胸坎肉歸佇 亞倫 及伊的子孫。</verse>
				<verse number="32">恁著對恁的平安祭提正旁的大腿攑高做禮物，歸互祭司。</verse>
				<verse number="33">亞倫 的子孫中間，獻平安祭的血及油的祭司，通得著此個正旁的大腿做𪜶的份額。</verse>
				<verse number="34">我對 以色列 人平安祭的中間，將此個搖過的胸坎肉及提高的正旁大腿，互祭司 亞倫 及伊的子孫，做𪜶對 以色列 人得著永遠的份額。</verse>
				<verse number="35">諸個祭肉是對用火燒獻互上主的祭物提出來，做 亞倫 及伊的子孫應得的份額，對𪜶做祭司服事上主的日開始。</verse>
				<verse number="36">這就是你給𪜶抹油設立彼日，上主命令欲互𪜶的份額，做 以色列 人世世代代永遠的規例。</verse>
				<verse number="37">以上是燒化祭、素祭、贖罪祭、賠罪祭、設立祭司的祭，及平安祭的條例。</verse>
				<verse number="38">諸個是 摩西 佇 西奈 的曠野吩咐 以色列 人獻祭物互上主的時，上主佇 西奈山 命令 摩西 的。</verse>
			</chapter>
			<chapter number="8">
				<verse number="1">上主吩咐 摩西 ，講：</verse>
				<verse number="2">「你著導 亞倫 及伊的子來我遮，嘛帶禮服、通抹的聖油、贖罪祭的牛一隻，及綿羊兩隻、無酵餅一籃來。</verse>
				<verse number="3">閣召集全體會眾來會幕門口。」</verse>
				<verse number="4">摩西 照上主的命令做，會眾就聚集佇會幕門口。</verse>
				<verse number="5">摩西 給會眾講：「下面是上主命令咱著做的事。」</verse>
				<verse number="6">摩西 導 亞倫 及伊的子來，用水給𪜶洗。</verse>
				<verse number="7">摩西 給 亞倫 穿內袍，縖腰帶，穿外袍，疊以弗得，將用奇巧的手路織的以弗得的帶給伊縖，給以弗得縛佇伊的身軀；</verse>
				<verse number="8">閣給伊疊胸袋，將烏陵及土明下佇胸袋內面，</verse>
				<verse number="9">給伊戴禮帽，佇禮帽的頂面安金牌，互禮帽成做聖帽。 摩西 攏照上主的命令按呢做。</verse>
				<verse number="10">摩西 用通抹的聖油抹會幕及內面所有的器具，給𪜶分別作聖；</verse>
				<verse number="11">閣用彼個油灑祭壇的頂面七遍，抹祭壇及伊所有的器具、洗盪的盆及盆座，給𪜶分別作聖；</verse>
				<verse number="12">閣用聖油倒佇 亞倫 的頭殼頂，給伊按立，分別作聖。</verse>
				<verse number="13">摩西 導 亞倫 的子來，給𪜶穿內袍，縖腰帶，包頭巾。 摩西 攏照上主的命令按呢做。</verse>
				<verse number="14">摩西 牽贖罪祭的牛仔來； 亞倫 及伊的子按手佇彼隻牛仔的頭殼。</verse>
				<verse number="15">摩西 就刣彼隻牛，然後用指頭仔搵血，抹佇祭壇頂面四支翹起來的角，互壇清氣；將賰的血倒佇祭壇腳，分別作聖，給伊潔淨。</verse>
				<verse number="16">摩西 閣將牛仔腹內所有的油、肝的網紗、兩粒腰子，以及腰子頂面的油，攏下佇壇頂燒。</verse>
				<verse number="17">牛仔的皮、肉，及糞，伊攏帶出去營外燒。 摩西 攏照上主的命令按呢做。</verse>
				<verse number="18">摩西 牽燒化祭的綿羊來； 亞倫 及伊的子按手佇彼隻綿羊的頭殼。</verse>
				<verse number="19">摩西 就刣彼隻羊，將羊的血灑佇祭壇四周圍，</verse>
				<verse number="20">給羊切一塊一塊；將頭，及歸塊歸塊的肉，以及油攏提去燒。</verse>
				<verse number="21">伊閣給腹內及腿用水洗清氣，將歸隻羊下佇祭壇頂燒；這是燒化祭，是用火燒獻互上主芳芳的祭物。 摩西 攏照上主的命令做。</verse>
				<verse number="22">摩西 閣牽第二隻綿羊來，做祭司授職禮的路用； 亞倫 及伊的子按手佇羊的頭殼。</verse>
				<verse number="23">摩西 就刣彼隻羊，提一寡血抹佇 亞倫 正旁的耳珠，閣抹佇伊正手及正腳的大頭姆。</verse>
				<verse number="24">伊閣導 亞倫 的子來，用一寡血抹佇𪜶正旁的耳珠、正手及正腳的大頭姆；然後將賰的血灑佇祭壇的四周圍。</verse>
				<verse number="25">伊閣取油、肥的尾、腹內的油、肝的網紗、兩粒腰子及腰子的油，以及正腿。</verse>
				<verse number="26">閣對彼跤下佇上主面前貯無酵餅的籃仔，提一塊無酵餅、一塊攪油的餅，及一塊薄餅，下佇油及正旁大腿的頂面。</verse>
				<verse number="27">摩西 將諸個下佇 亞倫 及伊許個子的手，互𪜶佇上主的面前搖搖咧做祭物。</verse>
				<verse number="28">摩西 對𪜶的手接過來，下佇壇頂燒化祭的頂面燒。這是佇授職禮，用火燒獻互上主芳芳的祭物。</verse>
				<verse number="29">摩西 提羊的胸坎肉，佇上主的面前搖搖咧做祭物；這是授職禮的羊的中間， 摩西 應得的份額。 摩西 攏照上主的命令做。</verse>
				<verse number="30">摩西 提通抹的聖油及一寡壇頂的血，灑佇 亞倫 及伊的子，以及𪜶的衫，給𪜶及𪜶的衫分別作聖。</verse>
				<verse number="31">摩西 對 亞倫 及伊的子講：「恁著照上主的命令，佇會幕的入口煮諸個肉，及祭司授職禮籃仔內的餅佇遐做夥食。</verse>
				<verse number="32">食賰的肉及餅，恁著燒掉。</verse>
				<verse number="33">恁七日久攏毋通離開會幕，直到恁授職禮的日期滿，因為授職禮需要七日。</verse>
				<verse number="34">恁今仔日所做的，是照上主的命令，為著欲給恁贖罪。</verse>
				<verse number="35">七日久恁著留佇會幕入口，暝日攏佇遐；遵守上主的命令，恁才免死。上主按呢命令我。」</verse>
				<verse number="36">亞倫 及伊的子就遵行上主通過 摩西 互𪜶的命令。</verse>
			</chapter>
			<chapter number="9">
				<verse number="1">到第八日，就是授職禮了後的隔日， 摩西 召 亞倫 及伊的子，以及 以色列 的長老來。</verse>
				<verse number="2">摩西 對 亞倫 講：「你著牽一隻牛仔做贖罪祭，一隻綿羊做燒化祭，攏著無瑕疵的，獻互上主。</verse>
				<verse number="3">你嘛著吩咐 以色列 人，著取一隻無瑕疵的山羊做贖罪祭，閣取無瑕疵一歲的牛仔子及綿羊仔各一隻做燒化祭。</verse>
				<verse number="4">閣著取一隻牛及一隻綿羊做平安祭，及抄油的素祭做夥獻互上主。今仔日上主欲對恁顯現。」</verse>
				<verse number="5">按呢，𪜶照 摩西 的命令將諸個帶來會幕頭前；全體會眾攏倚來徛佇上主的面前。</verse>
				<verse number="6">摩西 講：「這是上主的命令，恁照按呢做，伊的榮光就欲對恁顯現。」</verse>
				<verse number="7">摩西 對 亞倫 講：「你著來祭壇前，照上主的命令獻你的贖罪祭及燒化祭，為你家己及人民贖罪，閣獻人民的祭物為𪜶贖罪。」</verse>
				<verse number="8">亞倫 就來到壇前，刣彼隻為伊家己做贖罪祭的牛仔。</verse>
				<verse number="9">亞倫 許個子捧血互伊，伊就用指頭仔搵血，抹佇祭壇頂面四支翹起來的角；將賰的血倒佇祭壇腳。</verse>
				<verse number="10">伊閣照上主命令 摩西 的，將贖罪祭的油、腰子，及肝的網紗，下佇壇頂燒；</verse>
				<verse number="11">閣將肉及皮提去營外燒。</verse>
				<verse number="12">亞倫 閣刣燒化祭的牲生；伊許個子捧血互伊，伊就將血灑佇祭壇的四周圍。</verse>
				<verse number="13">𪜶閣將燒化祭牲生的頭及一塊一塊的肉提互 亞倫 ；伊就給諸個下佇壇頂燒。</verse>
				<verse number="14">伊閣洗腹內及大腿，下佇祭壇頂燒化祭的頂面燒。</verse>
				<verse number="15">亞倫 閣為著人民獻祭。伊牽彼隻為人民做贖罪祭的山羊來，給刣，然後獻做祭物；作法及獻頭前彼隻像款。</verse>
				<verse number="16">伊嘛照規例獻燒化祭。</verse>
				<verse number="17">早起時的燒化祭以外， 亞倫 閣獻素祭，對彼中間搣一把麵粉下佇壇頂燒。</verse>
				<verse number="18">伊閣刣牛及綿羊，為人民獻做平安祭； 亞倫 許個子捧血互伊，伊就將血灑佇祭壇的四周圍。</verse>
				<verse number="19">𪜶閣提牛及綿羊的油、肥的尾、腹內的油、腰子，及肝的網紗互伊。</verse>
				<verse number="20">𪜶將諸個油下佇胸坎肉頂面， 亞倫 就佇壇頂給油燒掉。</verse>
				<verse number="21">亞倫 將諸個胸坎肉及正旁的大腿，搖搖咧做祭物獻互上主；攏照 摩西 的命令做。</verse>
				<verse number="22">亞倫 獻贖罪祭、燒化祭、平安祭了後，向人民攑雙手，給𪜶祝福。伊就對祭壇落來。</verse>
				<verse number="23">摩西 及 亞倫 入去會幕內，閣出來給人民祝福；上主的榮光對人民顯現。</verse>
				<verse number="24">有火對上主的面前出來，燒壇頂的燒化祭及油；全體人民看見，就歡呼，仆佇土腳敬拜。</verse>
			</chapter>
			<chapter number="10">
				<verse number="1">亞倫 的子 拿答 及 亞比戶 ，提𪜶家己的香爐，貯火及香，佇上主的面前獻無神聖的火，毋是上主命令𪜶的。</verse>
				<verse number="2">有火對上主發出，給𪜶燒死佇上主的面前。</verse>
				<verse number="3">摩西 對 亞倫 講：「上主曾按呢講：『親近我的人著尊我做聖；佇全體人民的面前，我欲得著榮光。』」 亞倫 恬恬無講話。</verse>
				<verse number="4">摩西 叫 亞倫 的阿叔 烏薛 的子 米沙利 及 以利撒反 來，給𪜶講：「恁來，給恁此兩個親人對聖所拎出去營外。」</verse>
				<verse number="5">𪜶兩人就來，照 摩西 的吩咐，扭彼兩個屍體的袍，給𪜶拎出去營外。</verse>
				<verse number="6">摩西 對 亞倫 及伊的子 以利亞撒 、 以他瑪 講：「恁毋通給頭毛拍鬖，毋通拆裂衫哀傷，恁才免死，閣免互上主對會眾發受氣；毋拘恁的同胞 以色列 人通為著上主發出的火哀哭。</verse>
				<verse number="7">恁嘛毋通離開會幕，恁才免死，因為恁是互上主抹油設立的。」𪜶就照 摩西 的話做。</verse>
				<verse number="8">上主吩咐 亞倫 講：</verse>
				<verse number="9">「你及你的子入會幕的時，薄酒厚酒攏毋通飲，恁才免死；這欲做恁世世代代永遠的規例，</verse>
				<verse number="10">互恁通分別聖抑是俗，清氣抑是無清氣；</verse>
				<verse number="11">閣互恁通將上主通過 摩西 命令 以色列 人一切的規例教示𪜶。」</verse>
				<verse number="12">摩西 對 亞倫 及伊所賰的子 以利亞撒 及 以他瑪 講：「恁用火燒獻互上主的素祭所賰的，著佇祭壇邊食諸個無摻酵的餅，因為這是至聖的。</verse>
				<verse number="13">恁著佇聖的所在，就是會幕的埕食，因為這是用火燒獻互上主的祭物中間，你及你的子應得的份額；這是上主互我的命令。</verse>
				<verse number="14">搖過獻互上主的胸坎肉及攑高獻互上主的大腿，你及你的子、查某子攏通佇禮儀上清氣的所在做夥食；因為諸個是 以色列 人平安祭的中間，你及你的子應得的份額。</verse>
				<verse number="15">𪜶著將攑高的大腿、搖過的胸坎肉，及用火燒獻互上主的祭物的油做夥帶來，搖搖咧獻互上主；諸個永遠做你及你的子應得的份額；這是上主互我的命令。」</verse>
				<verse number="16">後來， 摩西 急欲尋彼隻做贖罪祭的山羊。哪知，已經燒去啦。 摩西 就對 亞倫 猶活啲的子 以利亞撒 及 以他瑪 發受氣，講：</verse>
				<verse number="17">「恁是按怎無佇聖的所在食此個贖罪祭？此個是至聖的。上主已經將此個互恁，欲除去會眾的罪過，佇上主的面前給𪜶贖罪。</verse>
				<verse number="18">既然祭物的血無帶入聖所，恁就著照我的命令食。」</verse>
				<verse number="19">亞倫 對 摩西 講：「今仔日𪜶佇上主的面前獻贖罪祭及燒化祭，毋拘我有抵著悲慘的代誌，若食贖罪祭，上主豈會歡喜？」</verse>
				<verse number="20">摩西 聽了，嘛感覺合理。</verse>
			</chapter>
			<chapter number="11">
				<verse number="1">上主閣命令 摩西 及 亞倫</verse>
				<verse number="2">著對 以色列 人宣布： 地上所有分蹄閣翻草的牲生，恁攏通食。</verse>
				<verse number="3"></verse>
				<verse number="4">毋拘，恁毋通食駱駝、石貛，及兔仔，因為𪜶有翻草無分蹄，對恁是無清氣。</verse>
				<verse number="5"></verse>
				<verse number="6"></verse>
				<verse number="7">豬，有分蹄，毋拘無翻草，對恁是無清氣。</verse>
				<verse number="8">諸個動物的肉恁毋通食；𪜶的屍體嘛毋通摸；諸個對恁是無清氣。</verse>
				<verse number="9">水中，無論是海裡抑是河裡，有鰭有鱗的，恁攏通食。</verse>
				<verse number="10">毋拘水中，無論是海裡抑是河裡，無鰭無鱗的，恁攏著看做通厭惡的物。</verse>
				<verse number="11">許個對恁通厭惡的物，恁毋通食𪜶的肉；𪜶的屍體嘛毋通摸。</verse>
				<verse number="12">所有水內無鰭無鱗的，恁攏著看做通厭惡的。</verse>
				<verse number="13">下面諸個鳥類恁著看做通厭惡的，攏毋通食：鷹、梟、鵰、</verse>
				<verse number="14">鳶、小鷹及伊的類、</verse>
				<verse number="15">烏鴉及伊的類、</verse>
				<verse number="16">鴕鳥、夜鷹、魚鷹、鵲鷹及伊的類、</verse>
				<verse number="17">暗光鳥、鸕鶿、鴣黃、</verse>
				<verse number="18">貓頭鷹、鵜鶘、臭頭鷹、</verse>
				<verse number="19">鶴、白鴒鷥及伊的類、戴髻鳥，及密婆 。</verse>
				<verse number="20">所有有翼閣用四腳啲爬的，是通厭惡的。</verse>
				<verse number="21">毋拘有翼，用四腳啲爬，閣有腳腿佇地面啲跳的，恁通食；</verse>
				<verse number="22">包括草蜢、草蜢公、杜伯仔、蟋蟀仔，及𪜶的類，恁攏通食。</verse>
				<verse number="23">毋拘有翼閣用四腳啲爬的，恁毋通食。</verse>
				<verse number="24">下面諸個攏會互恁無清氣：所有摸著屍體的，日落以前攏無清氣。</verse>
				<verse number="25">若有人搬徙屍體，著洗家己的衫，日落以前攏無清氣。</verse>
				<verse number="26">所有有分蹄無翻草的牲生，對恁是無清氣；給𪜶摸著的嘛無清氣。</verse>
				<verse number="27">所有有四腳，用腳掌啲行的走獸，對恁是無清氣；摸著𪜶的屍體的，日落以前嘛攏無清氣。</verse>
				<verse number="28">搬徙諸個走獸的屍體的，著洗家己的衫，日落以前攏無清氣。諸個對恁攏無清氣。</verse>
				<verse number="29">下面諸個佇地上啲爬的動物，對恁是無清氣的：錢鼠、鳥鼠、杜定及伊的類、</verse>
				<verse number="30">壁虎、龍子、蟮蟲仔、蛇醫、變色龍。</verse>
				<verse number="31">以上諸個啲爬的動物，對恁是無清氣；所有摸著𪜶的屍體的，日落以前攏無清氣。</verse>
				<verse number="32">𪜶的屍體若落佇用柴、布、皮做的物件，抑是麻袋，諸個器具就無清氣；著給𪜶浸佇水裡，到日落才清氣。</verse>
				<verse number="33">諸個屍體若落佇粗瓷內面，彼內面無論有什麼物件，就攏無清氣；著將彼個粗瓷拍破。</verse>
				<verse number="34">食物若沐著無清氣的器具內面的水，許個食物就無清氣，器具內面會飲得的物件嘛無清氣。</verse>
				<verse number="35">許個屍體的一部份若落佇什麼物件，彼個物件就無清氣；連烘爐抑是灶嘛著摃破，因為已經無清氣，對恁嘛無清氣。</verse>
				<verse number="36">不過，水泉抑是蓄水池內面若有屍體，水猶原清氣；毋拘磕著彼個屍體的，就無清氣。</verse>
				<verse number="37">屍體的一部份若落佇欲撒的種籽，許個種籽猶原清氣。</verse>
				<verse number="38">若水已經給許個種籽拍霑，屍體的一部份閣落佇彼頂面，許個種籽對恁是無清氣。</verse>
				<verse number="39">恁通食的牲生若死，有人摸著伊的屍體，日落以前攏無清氣。</verse>
				<verse number="40">若有人食彼個肉，著洗家己的衫，日落以前攏無清氣；搬徙死的牲生的嘛著洗家己的衫，日落以前攏無清氣。</verse>
				<verse number="41">所有佇地上啲爬的活物，無論是用腹肚趖的，用四腳抑是較多腳啲行的，是通厭惡的，攏毋通食。</verse>
				<verse number="42"></verse>
				<verse number="43">恁毋通因為啲爬的活物，致到家己成做通厭惡的；嘛毋通互諸個拍垃墋，致到家己無清氣。</verse>
				<verse number="44">我是上主 — 恁的上帝，所以恁著分別作聖，因為我是聖；恁毋通因為地上啲爬的活物互家己無清氣。</verse>
				<verse number="45">我是導恁出 埃及 的上主，欲做恁的上帝；恁著聖潔，因為我是聖潔。</verse>
				<verse number="46">以上是關係野獸、飛鳥、水中的活物，以及佇地上啲爬的活物的條例。</verse>
				<verse number="47">著分別清氣的及無清氣的、會食得及𣍐食得的活物。</verse>
			</chapter>
			<chapter number="12">
				<verse number="1">上主閣命令 摩西</verse>
				<verse number="2">著對 以色列 人宣布： 若有婦仁人懷孕生後生，伊就無清氣七日，及經期內垃墋的日無清氣仝款。</verse>
				<verse number="3">第八日，彼個嬰仔著受割禮。</verse>
				<verse number="4">婦仁人猶啲流血，著住佇厝裡三十三日；潔淨的日滿以前，毋通摸聖的物，嘛毋通入聖所。</verse>
				<verse number="5">伊若生查某子，就無清氣十四日，及經期的時無清氣仝款。伊猶啲流血，著住佇厝裡六十六日，才清氣。</verse>
				<verse number="6">到潔淨的日滿，無論生後生抑是查某子，伊著獻一隻一歲的羊仔做燒化祭，一隻粉鳥仔子抑是斑鴿做贖罪祭；帶來會幕門口，交互祭司。</verse>
				<verse number="7">祭司著將諸個獻互上主，為伊贖罪；伊就無閣因為流血無清氣。這就是婦仁人生後生抑是查某子的條例。</verse>
				<verse number="8">伊若無夠力通獻一隻羊仔，就著用兩隻斑鴿抑是粉鳥仔子，一隻做燒化祭，一隻做贖罪祭；祭司著替伊贖罪，伊就清氣。</verse>
			</chapter>
			<chapter number="13">
				<verse number="1">上主對 摩西 及 亞倫 講：</verse>
				<verse number="2">人的皮膚若腫，抑是生癬，抑是變色，可能變做痲瘋病 ，著給伊導去祭司 亞倫 ，抑是 亞倫 的子孫中做祭司的遐。</verse>
				<verse number="3">祭司著驗彼個人皮膚的症頭；有症頭的所在，毛若已經變白，症頭深入去肉內，這就是痲瘋病；祭司給伊檢查了，著宣布伊無清氣。</verse>
				<verse number="4">彼個人的皮膚若有白色的斑，看起來無深入去肉內，伊的毛嘛無變白，祭司著將彼個人隔離七日。</verse>
				<verse number="5">到第七日，祭司著閣給伊檢查；若症頭無湠開，祭司著閣給伊隔離七日。</verse>
				<verse number="6">到第七日，祭司著閣驗伊；若症頭較消，無閣湠開，祭司著宣布伊清氣，是癬若定。彼個人著洗家己的衫，就算做清氣。</verse>
				<verse number="7">毋拘伊互祭司驗過，宣布清氣了後，癬若湠開，伊著閣去互祭司檢查。</verse>
				<verse number="8">祭司給伊檢查，發見癬已經湠開，就著宣布伊無清氣，是痲瘋。</verse>
				<verse number="9">若有人已經有痲瘋的症頭，就著導伊去祭司遐。</verse>
				<verse number="10">祭司著給伊檢查；皮膚若有所在腫閣白白，毛嘛變白，佇腫的所在生新的肉；</verse>
				<verse number="11">這就是慢性的痲瘋。祭司著宣布伊無清氣，毋免閣給伊隔離觀察。</verse>
				<verse number="12">痲瘋若湠開，祭司看會著的所在攏湠開，</verse>
				<verse number="13">祭司著給伊詳細檢查；若發見伊全身的皮膚攏變白，就著宣布伊清氣。</verse>
				<verse number="14">伊的身軀若一下出現新的肉，伊就無清氣。</verse>
				<verse number="15">祭司若驗著彼個人有新的肉，著宣布伊無清氣，因為新的肉是無清氣，是痲瘋。</verse>
				<verse number="16">毋拘，新的肉若復原變白，彼個人著來見祭司。</verse>
				<verse number="17">祭司著給伊檢查；若發見感染的所在已經變白，祭司就著宣布彼個人做清氣；彼個人就清氣。</verse>
				<verse number="18">人若生粒仔有醫好，</verse>
				<verse number="19">後來生粒仔的所在腫閣白白，抑是變粉紅仔色，就著互祭司驗。</verse>
				<verse number="20">祭司著給伊檢查；若發見症頭湠入肉內，毛變白，祭司著宣布伊無清氣，是痲瘋生佇粒仔內。</verse>
				<verse number="21">祭司給伊檢查，若發見彼頂面的毛無變白，嘛無湠入肉內，閣有較消，祭司就著給伊隔離七日。</verse>
				<verse number="22">祭司若發見病有佇皮膚湠開，祭司著宣布伊無清氣，伊有致病。</verse>
				<verse number="23">粉紅仔色的斑若無湠開，是粒仔的跡，祭司就著宣布伊清氣。</verse>
				<verse number="24">若有人皮膚互火燒著，燒著的所在生新的肉，肉有變色，無論是白色帶粉紅仔色，抑是全部白色，</verse>
				<verse number="25">祭司就著給伊檢查；若發見變色的皮膚的毛變白，閣深入去皮膚內，這是痲瘋佇火燒著的所在發起來，祭司著宣布伊無清氣。</verse>
				<verse number="26">祭司檢查了，若變色的所在無白毛，嘛無深入去皮膚內，閣有較消，祭司就著給伊隔離觀察七日。</verse>
				<verse number="27">到第七日，祭司著閣給伊檢查；若已經湠開，是致著痲瘋，祭司就著宣布伊無清氣。</verse>
				<verse number="28">白色的斑若猶佇原來的所在，無湠開，閣有較消，是互火燒著腫起來的，不過是火燒著的跡，祭司著宣布伊清氣。</verse>
				<verse number="29">無論男女，若佇頭殼抑是下頦有致症頭，</verse>
				<verse number="30">祭司著給伊檢查；症頭若深入去肉內，彼位的毛較黃較疏，祭司著宣布伊無清氣；這是癬，就是頭殼抑是下頦的痲瘋。</verse>
				<verse number="31">祭司檢查彼個癬，若無深入去肉內，彼所在嘛無烏的頭毛抑是嘴鬚，祭司著給彼個人隔離觀察七日。</verse>
				<verse number="32">到第七日，祭司著閣檢查症頭，癬若無湠開，彼個所在無黃色的頭毛抑是嘴鬚，癬閣無深入去肉內，</verse>
				<verse number="33">彼個人著剃頭毛抑是嘴鬚，毋拘毋通剃著癬；祭司著閣給伊隔離七日。</verse>
				<verse number="34">到第七日，祭司著閣檢查彼個癬；若無湠開，嘛無深入去肉內，祭司就著宣布伊清氣；彼個人著洗家己的衫，伊就清氣。</verse>
				<verse number="35">毋拘伊清氣以後，癬若湠開，</verse>
				<verse number="36">祭司著閣給伊檢查；癬若已經湠開，毋免閣尋黃的頭毛抑是嘴鬚，因為彼個人已經無清氣。</verse>
				<verse number="37">照祭司的觀察，癬若無湠開，彼所在有發烏的頭毛抑是嘴鬚，癬已經好，彼個人是清氣的；祭司就著宣布伊做清氣。</verse>
				<verse number="38">無論男女，皮膚若起白斑，</verse>
				<verse number="39">祭司著給伊檢查；白斑若是火灰色，這是白癜，彼個人是清氣的。</verse>
				<verse number="40">若有人落頭毛，無論是禿頭抑是禿額，猶是清氣。</verse>
				<verse number="41"></verse>
				<verse number="42">禿頭抑是禿額的所在若出現粉紅仔色，是痲瘋生佇頭殼。</verse>
				<verse number="43">祭司著給伊檢查；若發見伊的頭殼無毛的所在出現粉紅仔色閣腫腫，及痲瘋的症頭仝款，</verse>
				<verse number="44">彼個人就是致著痲瘋，是無清氣；祭司著宣布伊無清氣；伊的症頭生佇頭殼。</verse>
				<verse number="45">致著痲瘋的人，衫著拆裂，頭毛著拍鬖，掩嘴，喝講：「無清氣！無清氣！」</verse>
				<verse number="46">伊的身軀若猶有症頭，伊就是無清氣；既然無清氣，伊著佇營外家己住。</verse>
				<verse number="47">衫若生菇 ，無論是羊毛刺的，抑是麻紗織的，抑是皮及用皮做的物件，</verse>
				<verse number="48"></verse>
				<verse number="49">若生青色抑是紅色的菇，著互祭司驗。</verse>
				<verse number="50">祭司著給伊檢查，將生菇的物件另外收囥七日。</verse>
				<verse number="51">到第七日，祭司著閣給伊檢查；菇若佇諸個物件湠開，是生惡性的菇，攏是無清氣。</verse>
				<verse number="52">許個生菇的衫，無論是羊毛刺的、麻紗織的、皮做的，抑是用皮做的物件，攏著燒掉；這是惡性的菇，一定著用火燒掉。</verse>
				<verse number="53">祭司閣給伊檢查；菇若無佇羊毛刺的衫、麻紗織的衫、皮做的衫，抑是佇用皮做的物件湠開，</verse>
				<verse number="54">祭司著吩咐人洗許個生菇的物件，閣給𪜶分開收囥七日。</verse>
				<verse number="55">生菇的所在洗了後，祭司著閣給伊檢查；若生菇的所在色無變，雖然無湠開，許個猶原無清氣；無論惡性的菇生佇內面抑是外面，歸個物件攏著用火燒掉。</verse>
				<verse number="56">毋拘洗了後，祭司給伊檢查；若色有較淺，祭司著將生菇的所在對衫，無論是羊毛刺的抑是麻紗織的，抑是皮做的，給拆起來。</verse>
				<verse number="57">若衫猶有菇，無論是織的、刺的，抑是皮做的物件，著用火燒許個生菇的物件。</verse>
				<verse number="58">你洗過的衫，無論是織的抑是刺的，抑是皮做的物件，若菇已經無去，著閣再洗，就清氣。</verse>
				<verse number="59">以上是有關用羊毛刺抑是麻紗織的衫，抑是用皮做的物件生菇的條例，用來判斷清氣抑是無清氣。</verse>
			</chapter>
			<chapter number="14">
				<verse number="1">上主命令 摩西 ，講：</verse>
				<verse number="2">痲瘋病人得著清氣的時，著照下面的條例做：著給伊導去見祭司。</verse>
				<verse number="3">祭司著出去營外給伊檢查；病人的症頭若已經好，</verse>
				<verse number="4">祭司著吩咐人為著彼個欲得著清氣的人，取兩隻禮儀上清氣活活的鳥、柏香柴、朱紅色的紗，及牛膝草；</verse>
				<verse number="5">閣吩咐人佇貯活水的粗瓷器具頂面刣其中的一隻鳥仔。</verse>
				<verse number="6">然後，祭司著掠彼隻活鳥，及柏香柴、朱紅色的紗，以及牛膝草，浸佇彼隻佇活水頂面刣的鳥仔的血內面。</verse>
				<verse number="7">伊著將血佇彼個欲得著清氣的人的身軀頂灑七遍，就宣布伊是清氣，閣給彼隻活鳥放去野外。</verse>
				<verse number="8">欲得著清氣的人著洗家己的衫，將毛攏剃起來，洗身軀，伊就清氣。然後，伊通入營，毋拘著先佇家己的布棚外住七日。</verse>
				<verse number="9">到第七日，伊著將歸身軀的毛剃起來，包括頭毛、嘴鬚、目眉，閣洗衫，洗身軀；按呢伊就完全清氣。</verse>
				<verse number="10">第八日，伊著帶兩隻無瑕疵的羊仔，及一隻一歲無瑕疵的羊母仔，閣提三公斤抄油的幼麵粉，及三分之一公升的油來。</verse>
				<verse number="11">主持潔淨禮的祭司著導彼個欲得著清氣的人，帶許個物件來會幕門口，徛佇上主面前。</verse>
				<verse number="12">祭司著獻一隻羊仔及三分之一公升的油做賠罪祭，給搖搖咧做祭物獻互上主。</verse>
				<verse number="13">伊著佇刣贖罪祭及燒化祭牲生的所在，刣彼隻羊仔。賠罪祭及贖罪祭仝款著歸互祭司；這是至聖的。</verse>
				<verse number="14">祭司著提一寡賠罪祭的血，抹佇欲得著清氣的人正旁的耳珠，以及正腳及正手的大頭姆；</verse>
				<verse number="15">閣對彼三分之一公升的油倒一寡佇家己倒手的手心，</verse>
				<verse number="16">用正手一支指頭仔搵倒旁手心的油，佇上主的面前灑油七遍。</verse>
				<verse number="17">後來，伊著閣搵手心的油，抹佇彼個欲得著清氣的人正旁的耳珠，以及正腳及正手的大頭姆，就是抹佇抵即抹過賠罪祭的血的頂面。</verse>
				<verse number="18">祭司著將手心賰的油，抹佇彼個欲得著清氣的人的頭殼頂。祭司就按呢佇上主的面前給彼個人贖罪。</verse>
				<verse number="19">祭司著為著彼個欲得著清氣的人獻贖罪祭，給伊贖罪，然後刣彼隻燒化祭的牲生。</verse>
				<verse number="20">祭司著佇祭壇頂獻燒化祭及素祭，為著伊贖罪；伊就清氣。</verse>
				<verse number="21">若有人散赤，𣍐當準備赫多，就著帶一隻羊仔做賠罪祭，佇上主的面前搖搖咧為伊贖罪；閣著帶一公斤抄油的幼麵粉及三分之一公升的油做素祭；</verse>
				<verse number="22">閣照家己的財力取兩隻斑鴿抑是粉鳥仔子，一隻做贖罪祭，一隻做燒化祭。</verse>
				<verse number="23">第八日，伊著將諸個帶來會幕門口，佇上主的面前交互祭司，通得著清氣。</verse>
				<verse number="24">祭司著提賠罪祭的羊仔及三分之一公升的油，佇上主的面前搖搖咧做祭物。</verse>
				<verse number="25">祭司著刣賠罪祭的羊仔，提一寡賠罪祭的血，抹佇欲得著清氣的人正旁的耳珠，以及正腳及正手的大頭姆；</verse>
				<verse number="26">閣倒一寡油佇家己倒手的手心，</verse>
				<verse number="27">用正手一支指頭仔搵倒旁手心的油，佇上主的面前灑七遍。</verse>
				<verse number="28">後來，伊著閣搵手心的油，抹佇彼個欲得著清氣的人正旁的耳珠，以及正腳及正手的大頭姆，就是抹佇抵即抹過賠罪祭的血的頂面。</verse>
				<verse number="29">祭司著將手心賰的油，抹佇彼個欲得著清氣的人的頭殼頂。伊就按呢佇上主的面前給彼個人贖罪。</verse>
				<verse number="30">彼個人著照家己的財力獻一隻斑鴿抑是粉鳥仔子，</verse>
				<verse number="31">就是照伊的氣力，一隻做贖罪祭，一隻做燒化祭，及素祭做夥獻。祭司就按呢佇上主的面前給彼個人贖罪。</verse>
				<verse number="32">以上是有人致著痲瘋，愛得著清氣，毋拘無財力照規定奉獻禮物所定的條例。</verse>
				<verse number="33">上主命令 摩西 及 亞倫 ，講：</verse>
				<verse number="34">恁去到我賞賜恁做家業的 迦南 地的時，我互恁得著做家業的地的厝若生菇，</verse>
				<verse number="35">厝的主人著去給祭司報告，講：「阮厝假若有生菇。」</verse>
				<verse number="36">祭司入去彼間厝檢查以前，著吩咐人將厝摒空，才免厝內所有的物件變做無清氣；後來伊才入去檢查彼間厝。</verse>
				<verse number="37">祭司著檢查彼間厝生菇的情形；若發見彼間厝的壁有綠色抑是紅色塌落去的痕跡，深入壁內，</verse>
				<verse number="38">伊著出去門外，給彼間厝封七日。</verse>
				<verse number="39">第七日，祭司著閣去檢查；若發見生菇的痕跡有湠開，</verse>
				<verse number="40">伊著吩咐人將許個生菇的石頭挖起來，㧒佇城外無清氣的所在；</verse>
				<verse number="41">閣吩咐人剾厝內四周圍的壁；將剾落來的灰土摒佇城外無清氣的所在；</verse>
				<verse number="42">然後用別所在的石頭，代替許個挖出來的石頭，閣用灰土抹彼間厝。</verse>
				<verse number="43">彼間厝佇挖石頭，剾壁，抹灰土了後，若發見閣有生菇，</verse>
				<verse number="44">祭司著閣入去檢查；生菇的情形若湠到歸間厝，彼間厝是染著惡性的菇，是無清氣。</verse>
				<verse number="45">彼間厝著拆掉，許個石頭、柴料，及所有的灰土攏著搬出去城外無清氣的所在。</verse>
				<verse number="46">彼間厝封密的期間，若有人入去，伊佇日落以前是無清氣。</verse>
				<verse number="47">佇彼間厝睏過，飲食的人攏著洗𪜶的衫。</verse>
				<verse number="48">彼間厝抹灰土了後，祭司著入去檢查；生菇的情形若無湠開，祭司就著宣布彼間厝是清氣，因為生菇的情形已經消失。</verse>
				<verse number="49">為著欲互彼間厝得著清氣，著取兩隻鳥仔、柏香柴、朱紅色的紗，及牛膝草；</verse>
				<verse number="50">著佇貯活水的粗瓷的器具頂面刣其中的一隻鳥仔。</verse>
				<verse number="51">然後，祭司著提柏香柴、牛膝草、朱紅色的紗，及彼隻活鳥，浸佇彼隻刣死的鳥仔的血及活水內面，給彼間厝灑七遍。</verse>
				<verse number="52">伊著用彼隻鳥仔的血、活水、活鳥、柏香柴、牛膝草，及朱紅色的紗，潔淨彼間厝。</verse>
				<verse number="53">毋拘伊著將彼隻活鳥放去城外的野地；按呢，伊給彼間厝行潔淨禮，彼間厝就清氣。</verse>
				<verse number="54">以上是有關痲瘋病、粒仔、</verse>
				<verse number="55">衫及厝生菇、</verse>
				<verse number="56">皮膚腫、生癬、白斑所立的條例，</verse>
				<verse number="57">用來教導人知什麼是清氣，什麼是無清氣。這是關係痲瘋病的條例。</verse>
			</chapter>
			<chapter number="15">
				<verse number="1">上主命令 摩西 及 亞倫</verse>
				<verse number="2">著吩咐 以色列 人，講： 若有查甫人致著下消，伊就無清氣。</verse>
				<verse number="3">伊因為下消，無論猶啲流，抑是已經停止，攏是無清氣。</verse>
				<verse number="4">致著下消的人，倒過的眠床及坐過的物件攏是無清氣。</verse>
				<verse number="5">摸著伊的眠床的，著洗家己的衫，閣洗身軀，佇日落以前是無清氣。</verse>
				<verse number="6">坐著伊坐過的物件的，著洗家己的衫，閣洗身軀，佇日落以前是無清氣。</verse>
				<verse number="7">摸著伊的身軀的，著洗家己的衫，閣洗身軀，佇日落以前是無清氣。</verse>
				<verse number="8">清氣的人若互伊呸著嘴涎，著洗家己的衫，閣洗身軀，佇日落以前是無清氣。</verse>
				<verse number="9">伊坐過的鞍嘛是無清氣。</verse>
				<verse number="10">摸著伊坐過的物件的，佇日落以前是無清氣。提許個物件的，著洗家己的衫，閣洗身軀，佇日落以前是無清氣。</verse>
				<verse number="11">伊猶未洗手以前互伊摸著的人，著洗家己的衫，閣洗身軀，佇日落以前是無清氣。</verse>
				<verse number="12">伊摸著的粗瓷著摃互破；柴的器具著用水洗。</verse>
				<verse number="13">下消的人若已經好，為著欲潔淨家己，著等七日；伊著洗家己的衫，用活水洗身軀，就得著清氣。</verse>
				<verse number="14">第八日，伊著將兩隻斑鴿抑是粉鳥仔子，帶來會幕門口，佇上主的面前交互祭司。</verse>
				<verse number="15">祭司著獻一隻做贖罪祭，一隻做燒化祭；祭司著為著此個人下消的病佇上主的面前給伊贖罪。</verse>
				<verse number="16">人若洩精，著洗身軀，日落以前是無清氣。</verse>
				<verse number="17">沐著精液的衫抑是皮的物件，著用水洗，日落以前是無清氣。</verse>
				<verse number="18">若男女有性關係，兩個人著洗身軀，日落以前是無清氣。</verse>
				<verse number="19">女子若月經來，伊一定無清氣七日久；所有摸著伊的人，日落以前是無清氣。</verse>
				<verse number="20">佇伊無清氣的期間，所有伊倒過及坐過的物件攏是無清氣。</verse>
				<verse number="21">所有摸著伊的眠床的，著洗衫，洗身軀，日落以前是無清氣。</verse>
				<verse number="22">所有摸著伊坐過的物件的，著洗衫，洗身軀，日落以前是無清氣。</verse>
				<verse number="23">無論摸著彼個女子的眠床抑是伊坐過的物件的人，日落以前攏是無清氣。</verse>
				<verse number="24">查甫人若及月經來的女子有性關係，沐著伊的月經，著無清氣七日久，倒過的眠床嘛無清氣。</verse>
				<verse number="25">女子若佇經期以外流血真多日，抑是經期後猶啲流血，伊流血的期間及佇經期仝款無清氣。</verse>
				<verse number="26">佇流血的期間，伊倒過的眠床及坐過的物件攏無清氣，及佇經期中間的無清氣仝款。</verse>
				<verse number="27">所有摸著許個物的人就無清氣；著洗伊的衫，洗身軀，日落以前是無清氣。</verse>
				<verse number="28">女子血漏若已經好，家己著算七日，伊才清氣。</verse>
				<verse number="29">第八日，伊著帶兩隻斑鴿抑是粉鳥仔子到會幕門口，交互祭司。</verse>
				<verse number="30">祭司著獻一隻做贖罪祭，一隻做燒化祭；祭司著為著此個女子血漏的無清氣，佇上主的面前給伊贖罪。</verse>
				<verse number="31">恁著警戒 以色列 人毋通違犯潔淨的條例，才免𪜶將我佇𪜶中間的會幕拍垃墋，致到𪜶因為無清氣死。</verse>
				<verse number="32">以上是關係洩漏致到無清氣的條例，包括下消及洩精的查甫人、</verse>
				<verse number="33">月經來的女子，及致著洩漏的男女，以及及月經來的女子有性關係的人的條例。</verse>
			</chapter>
			<chapter number="16">
				<verse number="1">亞倫 兩個子因為無照規例倚近上主，死去 ；後來，上主命令 摩西 ，</verse>
				<verse number="2">講： 著給你的兄哥 亞倫 講，毋通佇規定的時間以外入去聖所的帳簾內，到約櫃頂面施恩座 的頭前，才免死；因為我欲佇施恩座頂面的雲中顯現。</verse>
				<verse number="3">亞倫 欲入聖所著照按呢做：帶一隻牛仔做贖罪祭，一隻綿羊做燒化祭。</verse>
				<verse number="4">伊著洗身軀，然後穿祭司聖的禮服，就是幼麻布的內袍及褲，縖幼麻布的帶，戴幼麻布的禮帽。</verse>
				<verse number="5">亞倫 著對 以色列 會眾的中間取兩隻山羊做贖罪祭，一隻綿羊做燒化祭。</verse>
				<verse number="6">伊著為家己及伊的家族獻一隻牛做贖罪祭，</verse>
				<verse number="7">閣將彼兩隻山羊牽來會幕門口，上主的面前。</verse>
				<verse number="8">亞倫 著為著彼兩隻山羊抽籤；一支籤寫「歸互上主」，另外一支寫「歸互 阿撒瀉勒 」。</verse>
				<verse number="9">亞倫 著將彼隻抽著歸互上主的山羊，獻做贖罪祭。</verse>
				<verse number="10">彼隻抽著歸互 阿撒瀉勒 的山羊，著活活牽來上主的面前，用來贖罪，給伊放去曠野歸互 阿撒瀉勒 。</verse>
				<verse number="11">亞倫 著將彼隻欲為家己及伊的家族獻做贖罪祭的牛仔牽來刣；</verse>
				<verse number="12">閣著對上主面前的祭壇提貯滿啲𤏸的火炭的香爐，帶一捧研甲幼幼的香料，入去聖所的帳簾內；</verse>
				<verse number="13">然後佇上主的面前燒香料，互香煙遮約櫃頂的施恩座，才免伊看著來死。</verse>
				<verse number="14">伊著提一寡牛仔的血，用指頭仔搵血灑施恩座的東旁，閣對施恩座的正面灑七遍。</verse>
				<verse number="15">亞倫 著閣刣彼隻為著人民做贖罪祭的山羊，帶伊的血入去帳簾內，將血灑佇施恩座的頂面及頭前，及灑牛的血仝款。</verse>
				<verse number="16">閣著因為 以色列 人的無清氣及背叛，就是𪜶所有的罪，給聖所潔淨；嘛著照按呢給會幕潔淨，因為會幕有互𪜶的無清氣沐著。</verse>
				<verse number="17">亞倫 入去聖所贖罪猶未出來以前，會幕內毋通有人；伊著佇聖所內面為著家己、伊的家族，及 以色列 全會眾贖罪。</verse>
				<verse number="18">然後，伊出來上主面前的祭壇遐，給祭壇潔淨。伊著提一寡牛仔及山羊的血，抹佇祭壇頂彼四支翹起來的角；</verse>
				<verse number="19">閣著用指頭仔搵血對祭壇灑七遍，給伊潔淨，脫離 以色列 人的無清氣，閣給伊分別作聖。</verse>
				<verse number="20">亞倫 為著聖所、會幕、祭壇行潔淨禮了後，著牽彼隻活的山羊來。</verse>
				<verse number="21">亞倫 著雙手按佇羊的頭殼頂，承認 以色列 人所有的罪孽及背叛，互𪜶所犯的罪攏歸佇彼隻羊的頭殼，然後派人給伊送去曠野。</verse>
				<verse number="22">彼隻山羊欲帶 以色列 人所有的罪去到無人住的所在；彼隻羊就放佇曠野。</verse>
				<verse number="23">後來， 亞倫 著入會幕，將伊入聖所的時所穿幼麻布的禮服褪起來，留佇遐；</verse>
				<verse number="24">閣著佇會幕的埕洗身軀，穿伊家己的衫出來，獻伊及人民的燒化祭，為著家己及人民贖罪。</verse>
				<verse number="25">贖罪祭的油著佇祭壇頂燒。</verse>
				<verse number="26">彼個放山羊歸互 阿撒瀉勒 的人，著洗伊的衫，洗身軀，才通入營內。</verse>
				<verse number="27">做贖罪祭的牛及山羊，𪜶的血帶入至聖所贖罪了後，著給𪜶搬出去營外，將皮、肉，及糞用火燒掉。</verse>
				<verse number="28">燒諸個物的人著洗伊的衫，洗身軀，才通入營內。</verse>
				<verse number="29">每年的七月初十，恁著禁食刻苦，無論是在地人，抑是寄居佇恁中間的外族人，任何的工作攏毋通做；這欲做恁永遠的規例。</verse>
				<verse number="30">佇此日欲給恁贖罪；恁欲佇上主的面前得著清氣，所有的罪攏得著潔淨。</verse>
				<verse number="31">此日恁著給伊看做完全歇睏的安歇日，著禁食刻苦；這欲做恁永遠的規例。</verse>
				<verse number="32">彼個受抹油設立，續接伊的老父做大祭司的，著穿幼麻布聖的禮服，執行贖罪禮。</verse>
				<verse number="33">伊著為著至聖所、會幕及祭壇行潔淨禮，閣為著祭司及全體會眾贖罪。</verse>
				<verse number="34">這著做恁永遠的規例，因為 以色列 人所有的罪，一年一遍欲得著潔淨。 亞倫 就照上主命令 摩西 的去做 。</verse>
			</chapter>
			<chapter number="17">
				<verse number="1">上主吩咐 摩西 ，講：</verse>
				<verse number="2">「你著對 亞倫 及伊的子，以及 以色列 眾人宣布上主命令的條例：</verse>
				<verse number="3">所有 以色列 家的人，無論佇營內營外刣牛、綿羊抑是山羊，</verse>
				<verse number="4">若無先牽來會幕門口，佇上主會幕的頭前獻互上主做禮物，刣牲生的罪欲歸佇彼個人，因為伊有流𪜶的血；彼個人著對人民中間革出。</verse>
				<verse number="5">因為 以色列 人曾佇野外刣牲生獻祭；今著將牲生帶來會幕門口，交互祭司，獻互上主做平安祭。</verse>
				<verse number="6">祭司著將血灑佇會幕門口上主的祭壇，將油燒做芳芳的祭獻互上主。</verse>
				<verse number="7">以色列 人毋通閣獻祭互𪜶行邪淫敬拜的山羊鬼魔。這欲做恁世世代代永遠的規例。</verse>
				<verse number="8">「你著給𪜶吩咐，所有 以色列 家的人，抑是寄居佇𪜶中間的外族人，獻燒化祭抑是祭物，</verse>
				<verse number="9">若無帶來會幕門口獻互上主，彼個人著對人民的中間革出。」</verse>
				<verse number="10">上主講：「所有屬 以色列 家的人，抑是寄居佇恁中間的外族人，若食血，我欲對彼個人變面，給伊對人民中間革出。</verse>
				<verse number="11">動物有血才有性命；我將血互恁，是欲用此個血佇祭壇頂為恁的性命贖罪；因為血是性命，會當贖罪。</verse>
				<verse number="12">所以我對 以色列 人講：恁攏𣍐用得食血，寄居佇恁中間的外族人嘛𣍐用得食血。</verse>
				<verse number="13">「所有的 以色列 人，抑是寄居佇恁中間的外族人，若拍獵得著會食得的飛鳥及走獸，著給伊放血，用土給血蓋起來。</verse>
				<verse number="14">所有的動物，血是伊的性命，所以我對 以色列 人講：無論什麼動物的血，恁攏𣍐用得食。因為動物有血才有性命；食血的人一定著受革出。</verse>
				<verse number="15">「若有人食自然死抑是互野獸拆裂的動物，無論是在地人抑是外族人攏是無清氣，著洗伊的衫，洗身軀，到日落才清氣。</verse>
				<verse number="16">毋拘伊若無洗衫，無洗身軀，著對家己的罪負責任。」</verse>
			</chapter>
			<chapter number="18">
				<verse number="1">上主命令 摩西</verse>
				<verse number="2">著對 以色列 人宣布：我是上主 — 恁的上帝。</verse>
				<verse number="3">恁曾住過 埃及 ，遐的人的行為恁毋通學。我欲導恁進入 迦南 地，遐的人的行為恁毋通做，嘛毋通隨𪜶的風俗。</verse>
				<verse number="4">恁著切實遵行我的命令及規例。我是上主 — 恁的上帝。</verse>
				<verse number="5">恁著遵守我的規例及命令；人若遵守諸個，就會得著活命。我是上主。</verse>
				<verse number="6">恁攏毋通及近親有性關係。我是上主。</verse>
				<verse number="7">毋通及老母有性關係，來凌辱你的老父；伊是你的老母，毋通露現伊的下體。</verse>
				<verse number="8">毋通及你的老父其他的某有性關係，來凌辱你的老父。</verse>
				<verse number="9">毋通及你的姊妹有性關係，無論是仝父的抑是仝母的、佇厝內抑是外面生的，攏毋通露現𪜶的下體。</verse>
				<verse number="10">毋通及你的查某孫，無論是內孫抑是外孫有性關係，因為𪜶的下體是你家己的下體。</verse>
				<verse number="11">毋通及仝父無仝母的姊妹有性關係。</verse>
				<verse number="12">毋通及你的阿姑有性關係；伊是你的老父的骨肉至親。</verse>
				<verse number="13">毋通及你的阿姨有性關係；伊是你的老母的骨肉至親。</verse>
				<verse number="14">毋通及你的阿姆、阿嬸有性關係。</verse>
				<verse number="15">毋通及你的新婦有性關係。</verse>
				<verse number="16">毋通及你的兄嫂、弟婦有性關係。</verse>
				<verse number="17">及你有性關係的查某人，你毋通閣及伊的查某子有性關係，嘛毋通娶彼個查某人的查某孫做某；𪜶是伊的骨肉至親。這是亂倫見笑的事。</verse>
				<verse number="18">某猶活啲，毋通娶伊的姊妹來做伊的對頭。</verse>
				<verse number="19">婦仁人經期中無清氣的時，毋通及伊有性關係。</verse>
				<verse number="20">毋通及別人的某有性關係來拍垃墋家己。</verse>
				<verse number="21">毋通獻你的子查某子互 摩洛 。毋通褻瀆你的上帝的名。我是上主。</verse>
				<verse number="22">毋通及查甫人有性關係，親像及婦仁人仝款；這是真通厭惡的代誌。</verse>
				<verse number="23">毋通及任何牲生交合來拍垃墋家己；婦仁人嘛毋通及牲生交合；這是違反自然的代誌。</verse>
				<verse number="24">恁毋通做以上禁止的事來拍垃墋家己；因為我啲欲佇恁面前趕出去的外族人，有做諸個事來拍垃墋家己。</verse>
				<verse number="25">𪜶按呢做嘛污染土地，所以我刑罰土地，互土地將許個住民吐出去。</verse>
				<verse number="26">所以恁著遵守我的規例及命令；諸個通厭惡的事，無論是在地人，抑是寄居佇恁中間的外族人攏毋通做。</verse>
				<verse number="27">佇恁以前此個土地的住民有做諸個通厭惡的事，地煞受污染。</verse>
				<verse number="28">恁毋通污染彼個土地，才免地將恁吐出去，親像將恁以前的住民吐出去仝款。</verse>
				<verse number="29">若有人做以上禁止的事，彼個人著對人民的中間革出。</verse>
				<verse number="30">恁著遵守我的命令，才免恁去隨以前的住民通厭惡的風俗，煞拍垃墋家己。我就是上主 — 恁的上帝。</verse>
			</chapter>
			<chapter number="19">
				<verse number="1">上主閣命令 摩西</verse>
				<verse number="2">著對 以色列 全體會眾宣布： 恁著分別作聖，因為我上主 — 恁的上帝是聖。</verse>
				<verse number="3">恁逐個人攏著敬重恁的老母恁的老父。恁著守我的安歇日。我是上主 — 恁的上帝。</verse>
				<verse number="4">恁毋通棄拺我去拜偶像，嘛毋通為著家己鑄造神像。我是上主 — 恁的上帝。</verse>
				<verse number="5">恁刣牲生獻做平安祭互上主的時，著照規例獻祭物通互上主接納。</verse>
				<verse number="6">祭物著佇奉獻彼日抑是隔日食；到第三日若猶有賰，著用火燒掉。</verse>
				<verse number="7">留到第三日的祭物是無清氣；若有人食，伊的奉獻就𣍐得著接納。</verse>
				<verse number="8">食的人，攏著對家己的罪負責任；因為伊褻瀆獻互上主分別作聖的物；彼個人著對人民的中間革出。</verse>
				<verse number="9">恁收成五穀，園邊的毋通割了了，落落來的嘛毋通拾。</verse>
				<verse number="10">收成葡萄，毋通挽了了，落落來的嘛毋通拾；著留互散赤人及出外人。我是上主 — 恁的上帝。</verse>
				<verse number="11">毋通偷提；毋通詐欺；毋通講白賊。</verse>
				<verse number="12">毋通奉我的名咒假誓來褻瀆你的上帝的名。我是上主。</verse>
				<verse number="13">毋通欺壓你的同胞；毋通搶奪𪜶的物；毋通給工人的工錢留隔暝。</verse>
				<verse number="14">毋通咒罵耳孔無聽見的人。毋通下物件佇失明的人的頭前害伊跋倒。著敬畏你的上帝。我是上主。</verse>
				<verse number="15">恁審判毋通無公道；毋通偏袒散赤人，嘛毋通看有權勢的人的面色；著照公道審判你的同胞。</verse>
				<verse number="16">毋通四界造謠中傷人；毋通做偽證害死人。我是上主。</verse>
				<verse number="17">毋通心內怨恨厝邊；著誠懇指責伊的錯誤，才免著為伊的罪負責任。</verse>
				<verse number="18">毋通給你的同胞報復，嘛毋通拾恨；著疼厝邊親像疼家己。我是上主。</verse>
				<verse number="19">著遵守我的規例。毋通互無仝類的牲生交配；毋通將兩款種籽撒佇仝一坵園；毋通穿兩款布料織的衫。</verse>
				<verse number="20">女婢猶未受贖得著自由，毋拘已經定婚，若有人及伊私通，兩個人著受刑罰 ；毋拘毋通給𪜶處死，因為彼個女婢猶未得著自由。</verse>
				<verse number="21">彼個查甫人著獻賠罪祭，牽一隻綿羊來會幕門口，做賠罪祭獻互上主。</verse>
				<verse number="22">祭司著用賠罪祭的羊，佇上主面前給伊贖罪；彼個人犯的罪就得著赦免。</verse>
				<verse number="23">恁進入 迦南 地了後，栽種逐種果子樹，三年內，著看許個果子做無清氣 ，𣍐用得食。</verse>
				<verse number="24">第四年所結的果子攏著分別作聖，表示對上主的感謝。</verse>
				<verse number="25">到第五年，恁通食許個果子，互樹通結較多果子。我是上主 — 恁的上帝。</verse>
				<verse number="26">毋通食含血的物。毋通行法術，嘛毋通卜卦。</verse>
				<verse number="27">鬢邊的毛毋通剃，嘴鬚嘛毋通修。</verse>
				<verse number="28">毋通為死人割傷家己的身軀；身軀嘛毋通刺字。我是上主。</verse>
				<verse number="29">毋通侮辱你的查某子，互伊做寺廟的娼妓，才免恁去拜別個神明，互此個地充滿淫亂。</verse>
				<verse number="30">恁著守我的安歇日，敬重我的聖所。我是上主。</verse>
				<verse number="31">毋通去尋牽亡的，嘛毋通去問童乩、桌頭，來拍垃墋家己。我是上主 — 恁的上帝。</verse>
				<verse number="32">佇老大人的面前，著徛起來，嘛著尊敬𪜶；閣著敬畏你的上帝。我是上主。</verse>
				<verse number="33">毋通欺負寄居佇恁的地的外族人；</verse>
				<verse number="34">著對待𪜶親像對待恁 以色列 同胞，疼𪜶親像疼家己；因為恁嘛曾做外族人寄居佇 埃及 地。我是上主 — 恁的上帝。</verse>
				<verse number="35">毋通用無公道的尺、斗、秤仔偏人。</verse>
				<verse number="36">著用公道的秤仔、磅子，及斗。我是導恁出 埃及 的上主 — 恁的上帝。</verse>
				<verse number="37">恁著切實遵行我的規例及命令。我是上主。</verse>
			</chapter>
			<chapter number="20">
				<verse number="1">上主閣命令 摩西</verse>
				<verse number="2">著對 以色列 人宣布： 無論是 以色列 人，抑是寄居佇恁中間的外族人，若有人將家己的子查某子獻互 摩洛 ，一定著給伊處死；彼所在的人著用石頭給伊抌死。</verse>
				<verse number="3">我嘛欲對彼個人變面，給伊對人民的中間革出，因為伊將子查某子獻互 摩洛 ，拍垃墋我的聖所，褻瀆我的聖名。</verse>
				<verse number="4">彼所在的人若看著彼個人獻子查某子互 摩洛 ，毋拘佯毋知，無給伊處死，</verse>
				<verse number="5">我欲對彼個人及伊的家族變面，將伊及隨伊去拜 摩洛 行邪淫的人，攏對人民的中間革出。</verse>
				<verse number="6">若有人去尋牽亡的抑是童乩桌頭，隨𪜶去拜偶像行邪淫，我欲對彼個人變面，給伊對人民的中間革出。</verse>
				<verse number="7">所以恁著分別作聖，成做聖潔，因為我是上主 — 恁的上帝。</verse>
				<verse number="8">恁著切實遵行我的規例。我是給恁分別作聖的上主。</verse>
				<verse number="9">若有人咒詛父母，一定著給伊處死；伊著對家己的罪負責任。</verse>
				<verse number="10">若有人及別人的某私通，一定著給彼兩個人處死。</verse>
				<verse number="11">及老父的某私通，就是侮辱家己的老父，一定著給彼兩個人處死；𪜶著對家己的罪負責任。</verse>
				<verse number="12">若有人及新婦私通，一定著給𪜶處死；𪜶做亂倫的代誌，著對家己的罪負責任。</verse>
				<verse number="13">若有查甫人及查甫人有性關係，親像及婦仁人仝款，做通厭惡的事，一定著給𪜶處死；𪜶著對家己的罪負責任。</verse>
				<verse number="14">若有人娶某，閣娶伊的丈姆，這是亂倫見笑的事；此三個人，著給𪜶燒死，才免恁中間有此款亂倫見笑的事。</verse>
				<verse number="15">若有人及牲生交合，一定著給伊處死，嘛著給彼隻牲生刣死。</verse>
				<verse number="16">若有婦仁人及牲生交合，一定著給伊及彼隻牲生處死；𪜶著對家己的罪負責任。</verse>
				<verse number="17">人若娶家己的姊妹，無論仝父的抑是仝母的，這是見笑的代誌；著將𪜶對人民的中間革出。伊及家己的姊妹有亂倫的關係，著對家己的罪負責任。</verse>
				<verse number="18">若有人及經期中的婦仁人有性關係，著將𪜶對人民的中間革出，因為𪜶違犯潔淨的條例。</verse>
				<verse number="19">毋通及阿姨抑是阿姑有性關係，這是侮辱骨肉至親；𪜶著對家己的罪負責任。</verse>
				<verse number="20">若有人及伊的阿嬸抑是阿姆有性關係，就是侮辱伊的阿叔抑是阿伯；𪜶著對家己的罪負責任，一世人無後嗣。</verse>
				<verse number="21">若有人娶家己兄弟的某，這是侮辱伊的兄弟，是通厭惡的事；𪜶一定無後嗣。</verse>
				<verse number="22">恁著切實遵行我所有的規例及命令，才免我導恁入去徛起的地給恁吐出來。</verse>
				<verse number="23">我佇恁的面前趕出去的人民，恁毋通學𪜶的風俗；因為𪜶有做諸個事，所以我厭惡𪜶。</verse>
				<verse number="24">我曾給恁講，我欲將此塊流奶及蜜的地賜互恁，互恁承接做產業。我是上主 — 恁的上帝，對萬族的中間給恁分別出來。</verse>
				<verse number="25">所以，恁著分別清氣及無清氣的走獸及鳥類。我定做無清氣的，無論是走獸、鳥類，抑是佇土腳啲爬的動物，恁毋通因為𪜶互家己成做通厭惡的。</verse>
				<verse number="26">恁著歸屬我成做聖，因為我上主是聖，有將恁對萬族的中間分別出來，做我的子民。</verse>
				<verse number="27">牽亡的，抑是童乩桌頭，無論是男是女，一定著給𪜶處死，用石頭給𪜶抌死；𪜶著對家己的罪負責任。</verse>
			</chapter>
			<chapter number="21">
				<verse number="1">上主吩咐 摩西 對 亞倫 的後代做祭司的宣布： 人民的中間若有人死，祭司毋通因為伊拍垃墋家己，</verse>
				<verse number="2">只有通為著家己的父母、子查某子、兄弟，以及猶未出嫁的在室女姊妹，諸個骨肉至親，摸𪜶的屍體來拍垃墋家己。</verse>
				<verse number="3"></verse>
				<verse number="4">祭司若已經結婚，毋通因為某的後頭厝有人死來拍垃墋家己，互家己無清氣。</verse>
				<verse number="5">祭司毋通頭殼剃光光；毋通修嘴鬚；毋通割傷家己的身軀。</verse>
				<verse number="6">著聖化歸上帝；毋通褻瀆上帝的名；因為𪜶用火燒食物獻互上主 — 𪜶的上帝，所以𪜶著成做聖。</verse>
				<verse number="7">毋通娶做妓女拍垃墋家己的婦仁人 ；毋通娶離婚過的婦仁人；因為祭司已經聖化歸上帝。</verse>
				<verse number="8">人民著看祭司做聖，因為奉獻互恁的上帝的食物是𪜶獻的。我是給恁分別作聖的上主，是聖；恁著看祭司做聖。</verse>
				<verse number="9">祭司的查某子若做妓女拍垃墋家己，是侮辱伊的老父，著用火給伊燒死。</verse>
				<verse number="10">佇兄弟的中間做大祭司的，是受抹油設立，穿禮服，擔當聖職；毋通給頭毛拍鬖，嘛毋通拆裂衫。</verse>
				<verse number="11">毋通倚近屍體，甚至家己的父母死，嘛毋通倚近來拍垃墋家己。</verse>
				<verse number="12">毋通離開聖所去參加喪禮，才免褻瀆上帝的聖所，因為伊的身軀有上帝抹油設立的記號。我是上主。</verse>
				<verse number="13">伊著娶在室女做某。</verse>
				<verse number="14">毋通娶寡婦，抑是離婚的婦仁人，抑是做妓女拍垃墋家己的婦仁人，只有通娶本族的在室女，</verse>
				<verse number="15">才免伊的後代佇人民的中間受侮辱，因為我是給伊分別作聖的上主。</verse>
				<verse number="16">上主吩咐 摩西</verse>
				<verse number="17">對 亞倫 講：你逐世代的子孫身體有缺陷的，攏毋通進前奉獻食物互𪜶的上帝。</verse>
				<verse number="18">身體有缺陷，無論是失明、腳跛、塌鼻、畸形、</verse>
				<verse number="19">斷腳斷手、</verse>
				<verse number="20">隱痀、矮人、目睭有毛病、生癬、生瘡，抑是膦核受傷，此款人攏毋通來到上帝的面前獻祭。</verse>
				<verse number="21">祭司 亞倫 的後代，身軀有缺陷的，攏毋通用火燒祭物獻互上主，因為伊有瑕疵，𣍐用得奉獻食物互𪜶的上帝。</verse>
				<verse number="22">獻互上帝的食物，無論是至聖的，抑是聖的，伊攏通食。</verse>
				<verse number="23">因為伊有缺陷，所以毋通來到帳簾前，嘛毋通倚近祭壇，才免褻瀆我的聖所。我是給𪜶分別作聖的上主。</verse>
				<verse number="24">摩西 就照按呢對 亞倫 及伊許個子，以及 以色列 眾人宣布。</verse>
			</chapter>
			<chapter number="22">
				<verse number="1">上主吩咐 摩西</verse>
				<verse number="2">對 亞倫 及伊的子宣布： 著謹慎處理 以色列 人分別作聖歸互我的祭物，才免褻瀆我的聖名；我是上主。</verse>
				<verse number="3">恁逐世代的子孫，若有人身軀無清氣，摸著 以色列 人分別作聖歸互上主的祭物，彼個人就永遠𣍐用得佇我的面前侍奉我。我是上主。</verse>
				<verse number="4">亞倫 的後代，若有人致著痲瘋抑是下消，佇伊潔淨以前毋通食聖的祭物。若有人摸著互屍體沐著成做無清氣的物，抑是摸著洩精的人，</verse>
				<verse number="5">抑是摸著啲爬無清氣的活物，抑是摸著任何會互伊無清氣的人；</verse>
				<verse number="6">所有摸著諸個的人，日落以前攏是無清氣；𪜶若無洗身軀，就毋通食聖的祭物。</verse>
				<verse number="7">到日落，𪜶才清氣，然後通食祭物；因為這是𪜶的食物。</verse>
				<verse number="8">自然死的，抑是互野獸拆裂的，攏毋通食，因為這會互人無清氣。我是上主。</verse>
				<verse number="9">祭司攏著遵守我的命令，才免𪜶褻瀆祭物，犯罪來死。我是給𪜶分別作聖的上主。</verse>
				<verse number="10">一般人𣍐用得食聖的祭物，連祭司的人客抑是倩工嘛𣍐用得食。</verse>
				<verse number="11">毋拘，祭司買來的奴隸，及佇𪜶兜出世的人通食祭司的食物。</verse>
				<verse number="12">祭司的查某子若嫁互祭司家族以外的 以色列 人，毋通食攑高獻互上主聖的祭物。</verse>
				<verse number="13">毋拘祭司的查某子若守寡，抑是離婚，無子兒，閣倒來後頭厝，就及伊少年的時仝款，通食𪜶老父的食物。總是，一般的人毋通食聖的祭物。</verse>
				<verse number="14">若有人無注意食著聖的祭物，著照許個祭物加五分一交互祭司。</verse>
				<verse number="15">毋通隨便互人食 以色列 人獻互上主聖的祭物，才免𪜶因為褻瀆聖的祭物致到犯罪；我是給𪜶分別作聖的上主。</verse>
				<verse number="16"></verse>
				<verse number="17">上主吩咐 摩西</verse>
				<verse number="18">對 亞倫 及伊的子，以及 以色列 眾人宣布： 以色列 人，抑是寄居佇 以色列 人中間的外族人，若獻燒化祭互上主，無論出佇下願抑是甘心獻祭，</verse>
				<verse number="19">著獻無瑕疵的牛、綿羊，抑是山羊，才會互上主歡喜接納。</verse>
				<verse number="20">毋通獻有瑕疵的，因為這𣍐得著接納。</verse>
				<verse number="21">若有人欲甘心獻祭，抑是為著特別的事謝願，獻平安祭互上主，著選健康、無瑕疵的牛抑是羊做祭物，才會得著接納。</verse>
				<verse number="22">所有睛瞑、著傷、殘廢、皮膚啲爛、生癬、生瘡的動物，攏毋通佇祭壇頂用火燒獻互上主。</verse>
				<verse number="23">牛抑是羊仔子若肢體有加有減，通做甘心獻的祭；毋拘若做謝願的祭就𣍐得著接納。</verse>
				<verse number="24">動物的膦核若受傷、硩碎、破裂，抑是閹起來，攏毋通獻互上主。佇恁的土地，以上諸個事恁攏毋通做。</verse>
				<verse number="25">恁嘛毋通對外族人接受此款牲生做獻互恁的上帝的食物，因為𪜶有缺陷，有瑕疵，所以𣍐得著上主接納。</verse>
				<verse number="26">上主閣對 摩西 講：</verse>
				<verse number="27">「牛、綿羊，抑是山羊出世了通隨伊的母七日；第八日以後，就通用火燒做祭物獻互上主，按呢才會得著接納。</verse>
				<verse number="28">無論牛抑是羊，毋通仝彼日刣母及子。</verse>
				<verse number="29">獻謝恩祭互上主，著照規例獻祭物通互伊接納。</verse>
				<verse number="30">祭物著佇獻彼日食，連一屑仔都毋通留到隔早起。我是上主。</verse>
				<verse number="31">「恁著切實遵行我的誡命。我是上主。</verse>
				<verse number="32">毋通褻瀆我的聖名；我欲佇 以色列 人的中間受尊做聖。我是給恁分別作聖的上主，</verse>
				<verse number="33">曾導恁出 埃及 ，成做恁的上帝。我是上主。」</verse>
			</chapter>
			<chapter number="23">
				<verse number="1">上主對 摩西 講：</verse>
				<verse number="2">「你著對 以色列 人宣布我的節日。恁佇上主的節日，著聚集舉行聖會。</verse>
				<verse number="3">六日著做工，第七日是著完全歇睏的安歇日。此日，恁無論住佇什麼所在，任何的工作攏毋通做，著舉行聖會；因為此日是上主的安歇日。</verse>
				<verse number="4">「下面諸個是上主的節期，恁著照時聚集舉行聖會。」</verse>
				<verse number="5">「正月十四黃昏的時，是上主的𨃟過節。</verse>
				<verse number="6">此個月的十五是上主的除酵節；恁著食無酵餅七日。</verse>
				<verse number="7">頭一日著舉行聖會，任何日常的工作攏毋通做。</verse>
				<verse number="8">七日久著用火燒祭物獻互上主；第七日著舉行聖會，任何日常的工作攏毋通做。」</verse>
				<verse number="9">上主命令 摩西</verse>
				<verse number="10">著對 以色列 人宣布：恁進入我賞賜恁的地，收成五穀的時，著將頭水的五穀一捆帶來交互祭司。</verse>
				<verse number="11">祭司著佇安歇日的隔日將此捆佇上主的面前搖搖咧，互上主接納。</verse>
				<verse number="12">獻此捆五穀彼日，恁著將一隻一歲、無瑕疵、公的綿羊仔做燒化祭獻互上主。</verse>
				<verse number="13">續接閣獻素祭，就是用兩公斤抄油的幼麵粉，用火燒做芳芳的祭物獻互上主；然後閣著獻一公升的酒做奠酒祭。</verse>
				<verse number="14">無論是餅、焙過的五穀，抑是新收成的麥穗，到恁帶來獻互恁的上帝彼日才通食。恁無論住佇什麼所在，諸個欲做恁世世代代永遠的規例。</verse>
				<verse number="15">恁著對𨃟過節安歇日的隔日，就是對搖麥捆做祭物獻互上主彼日開始算，滿七個安歇日，</verse>
				<verse number="16">到第七個安歇日的隔日，就是第五十日，著獻新的素祭互上主。</verse>
				<verse number="17">逐個家庭著提兩公斤的幼麵粉，摻酵落去烘，做兩塊餅，給搖搖咧做起頭熟的祭物獻互上主。</verse>
				<verse number="18">彼兩塊餅以外，閣著用七隻一歲無瑕疵的綿羊仔，及一隻牛仔，以及兩隻綿羊，做燒化祭獻互上主；嘛著用素祭及奠酒祭，用火燒做芳芳的祭物獻互上主。</verse>
				<verse number="19">恁著獻一隻山羊做贖罪祭，兩隻一歲的綿羊仔做平安祭。</verse>
				<verse number="20">祭司著將彼兩隻羊仔及用起頭熟的麥烘的餅，做夥佇上主的面前搖搖咧分別作聖，做祭物獻互上主，歸互祭司。</verse>
				<verse number="21">像彼日，著舉行聖會，任何日常的工作攏毋通做。恁無論住佇什麼所在，諸個欲做恁世世代代永遠的規例。</verse>
				<verse number="22">恁收成五穀，園邊的毋通割了了，落落來的嘛毋通拾；著留互散赤人及出外人。我是上主 — 恁的上帝。</verse>
				<verse number="23">上主命令 摩西</verse>
				<verse number="24">著對 以色列 人宣布：七月初一，恁著完全歇睏，舉行聖會，歕哨角做紀念。</verse>
				<verse number="25">任何日常的工作攏毋通做；著用火燒祭物獻互上主。</verse>
				<verse number="26">上主閣對 摩西 講：</verse>
				<verse number="27">「七月初十是贖罪日。恁著舉行聖會，禁食刻苦，嘛著用火燒祭物獻互上主。</verse>
				<verse number="28">彼日，任何的工課攏毋通做；因為彼日是贖罪日，欲佇上主 — 恁的上帝的面前給恁贖罪。</verse>
				<verse number="29">像此日，無禁食刻苦的人，著對人民的中間給伊革出。</verse>
				<verse number="30">佇彼日作工的，我欲對人民的中間給伊消滅。</verse>
				<verse number="31">任何工作恁攏毋通做；恁無論住佇什麼所在，這欲做恁世世代代永遠的規例。</verse>
				<verse number="32">恁著禁食刻苦守此日做完全歇睏的安歇日。此個月初九的黃昏到隔日的黃昏，恁著守安歇日。」</verse>
				<verse number="33">上主吩咐 摩西</verse>
				<verse number="34">對 以色列 人宣布：七月十五是搭寮節。恁著對此日起連續七日向上主守節。</verse>
				<verse number="35">頭一日著舉行聖會，任何日常的工作攏毋通做。</verse>
				<verse number="36">恁著七日久用火燒祭物獻互上主；第八日嘛著舉行聖會，用火燒祭物獻互上主。此個是嚴肅會，任何日常的工作攏毋通做。</verse>
				<verse number="37">以上是上主的節期；恁著聚集舉行聖會，照日期將燒化祭、素祭，及其他的祭物，以及奠酒祭用火燒獻互上主。</verse>
				<verse number="38">諸個是恁佇上主的安歇日所獻的禮物、謝願的祭，以及甘心獻的祭以外，著獻互上主的祭。</verse>
				<verse number="39">恁收成土地出產的時，對七月十五起，著守上主的節期七日；頭一日及第八日著完全歇睏。</verse>
				<verse number="40">頭一日著提大欉好看的樹仔的果子、棕樹的枝、真艷的樹的樹椏，及溪邊柳樹的枝，佇上主 — 恁的上帝面前慶祝七日。</verse>
				<verse number="41">逐年的七月，恁著向上主守此個節七日；這是恁世世代代永遠的規例。</verse>
				<verse number="42">恁著住佇草寮仔七日；所有在地的 以色列 人攏著住佇草寮仔，</verse>
				<verse number="43">通互恁逐世代的人知，我導 以色列 人出 埃及 的時，有互𪜶住佇草寮仔。我是上主 — 恁的上帝。</verse>
				<verse number="44">摩西 就將上主指定的節期對 以色列 人宣布。</verse>
			</chapter>
			<chapter number="24">
				<verse number="1">上主對 摩西 講：</verse>
				<verse number="2">你著吩咐 以色列 人帶純的橄欖油來交互你，通點𤏸會幕內的燈，互燈不時點啲。</verse>
				<verse number="3">對下昏到早起， 亞倫 著佇上主的面前，將會幕內面約櫃前的帳簾外的燈點互𤏸；這欲做恁世世代代永遠的規例。</verse>
				<verse number="4">亞倫 著佇上主的面前，常常照顧管理純金燈台頂面的燈火。</verse>
				<verse number="5">你著用幼麵粉烘十二塊餅，逐塊兩公斤。</verse>
				<verse number="6">著將餅排做兩綴，每綴六塊，排佇上主面前純金的桌頂面。</verse>
				<verse number="7">閣著用純的乳香糝佇逐綴餅的頂面，代表用火燒獻互上主的禮物。</verse>
				<verse number="8">逐個安歇日， 亞倫 著將諸個餅排佇上主的面前，毋通閬暫；這是 以色列 人永遠著守的約。</verse>
				<verse number="9">諸個餅著歸互 亞倫 及伊的子孫。𪜶著佇會幕的埕食，因為這是用火燒獻互上主的祭物中間至聖的部份，做祭司永遠得著的份額。</verse>
				<verse number="10">有一個人，伊的老父是 埃及 人，老母是 以色列 人，是 但 支族 底伯利 的查某子 示羅密 。有一日，伊佇營內及一個 以色列 人冤家，褻瀆閣咒詛上主的名。有人給伊帶去 摩西 遐。</verse>
				<verse number="11"></verse>
				<verse number="12">𪜶給伊關起來，聽候上主指示。</verse>
				<verse number="13">上主對 摩西 講：</verse>
				<verse number="14">「著將彼個人帶去營外，互聽著伊咒詛的人按手佇伊的頭殼頂，見證伊有罪；全會眾著用石頭給伊抌死。</verse>
				<verse number="15">你著對 以色列 人宣布：若有人咒詛上帝，著對家己的罪負責任。</verse>
				<verse number="16">若有人褻瀆上主的名，無論是在地人抑是外族人，一定著互伊死；全會眾著用石頭給伊抌死。</verse>
				<verse number="17">「若有人拍死人，一定著互伊死。</verse>
				<verse number="18">若拍死牲生，著賠牲生，用命賠命。</verse>
				<verse number="19">「若有人傷害同胞，伊按怎給人傷害，嘛著按呢對待伊：</verse>
				<verse number="20">用傷賠傷，用目睭賠目睭，用嘴齒賠嘴齒；伊按怎給人傷害，就按呢辦伊。</verse>
				<verse number="21">拍死牲生的，著賠牲生；拍死人的，一定著互伊死。</verse>
				<verse number="22">無論是外族人抑是在地人，攏著照仝款的法律處理。我是上主 — 恁的上帝。」</verse>
				<verse number="23">摩西 就給 以色列 人講，𪜶就將彼個咒詛上主的人帶去營外，用石頭給伊抌死。 以色列 人照上主命令 摩西 的話去做。</verse>
			</chapter>
			<chapter number="25">
				<verse number="1">上主佇 西奈山 吩咐 摩西</verse>
				<verse number="2">對 以色列 人宣布：恁進入我賞賜恁彼個地了後，土地佇第七年著為上主守安歇，𣍐用得種作。</verse>
				<verse number="3">六年久，田園通種作，葡萄園通修整，出產通收成。</verse>
				<verse number="4">第七年，土地著完全歇睏，為上主守安歇年；田園毋通種作，葡萄園毋通修整。</verse>
				<verse number="5">家己發的五穀毋通收割，無修整過的葡萄樹嘛毋通收成；此年是土地的安歇年。</verse>
				<verse number="6">安歇年土地的出產攏欲互你及你的僕人、女婢、倩工、寄居佇恁遐的外族人，</verse>
				<verse number="7">及牲生，以及佇你的土地的走獸做食物。</verse>
				<verse number="8">你著算七個七年，就是七個安歇年，總共四十九年。</verse>
				<verse number="9">彼年的七月初十，就是贖罪日，你著派人佇全地歕哨角。</verse>
				<verse number="10">恁著給第五十年分別作聖，佇全地向所有的住民宣布自由；此年是恩惠的年 。恁買來的土地著還互原主，買來的奴隸著互伊轉去伊家己的家庭。</verse>
				<verse number="11">第五十年欲做恁恩惠的年，毋通種作；地家己發的，毋通收割；無修整的葡萄樹，毋通收成。</verse>
				<verse number="12">因為彼年是恩惠的年，恁著給伊分別作聖；恁通食土地家己出的土產。</verse>
				<verse number="13">此個恩惠的年，恁逐個人買來的土地著還互原主。</verse>
				<verse number="14">恁同胞的中間互相買賣土地，毋通相偏。</verse>
				<verse number="15">若對同胞買，恩惠的年過了的年數通減起來；賣主著照離下一遍恩惠的年猶有幾年通收成的年數賣互你。</verse>
				<verse number="16">年數愈多價數愈高，年數愈少價數愈低，是照收成的總額賣。</verse>
				<verse number="17">恁毋通相偏，只有著敬畏恁的上帝。我是上主 — 恁的上帝。</verse>
				<verse number="18">恁著切實遵行我的規例及命令，就會當佇彼個地安居樂業。</verse>
				<verse number="19">地嘛會出土產，互恁食到飽，佇彼個地久長徛起。</verse>
				<verse number="20">若有人講：「阮佇第七年無種作，無收成，按呢欲食什麼？」</verse>
				<verse number="21">我一定會佇第六年賜福氣互恁，互恁佇此年有三年的收成。</verse>
				<verse number="22">第八年恁著種作，毋拘猶有舊的收成通食。到第九年，恁收成的時嘛猶啲食舊的米糧。</verse>
				<verse number="23">土地毋通永遠賣斷，因為地是我的；恁佇我的面前是出外人，是寄居的。</verse>
				<verse number="24">恁得著做產業的全部土地，著允准人會當贖回。</verse>
				<verse number="25">你的親族若有人散赤，賣伊一部份的土地，伊的至親著給伊賣出去的土地贖回。</verse>
				<verse number="26">若無至親通給土地贖回，伊家己後來若閣有錢，有夠通贖回，</verse>
				<verse number="27">就著計算賣出去的年數，將到下一遍恩惠的年所賰年數的錢額還互買主，伊家己就通贖回伊的產業。</verse>
				<verse number="28">彼個人若𣍐當贖回伊家己的土地，賣出去的土地猶原留佇買去的人的手；恩惠的年到，土地著交出去，還互原來的地主。</verse>
				<verse number="29">另外，若有人賣城牆內的厝，一年內伊有權通給厝贖回。</verse>
				<verse number="30">一年內若無贖回，彼間厝就永遠歸買主及伊的子孫；佇恩惠的年嘛𣍐當贖回。</verse>
				<verse number="31">毋拘佇無城牆庄社的厝，及庄社的土地仝款通贖回；到恩惠的年，買的人著還互原來的地主。</verse>
				<verse number="32">利未 人佇𪜶做產業的城的厝，不管時攏會當贖回。</verse>
				<verse number="33">若有人買 利未 人的城的厝， 利未 人無贖回，到恩惠的年著還互 利未 人，因為彼是𪜶佇 以色列 人中分著的產業。</verse>
				<verse number="34">毋拘 利未 人的城周圍的草場毋通賣，因為彼是𪜶永遠的產業。</verse>
				<verse number="35">你的同胞若變散赤，𣍐當家己生活，你著供給伊，親像啲幫贊外族人及寄居的，互伊及你做夥生活。</verse>
				<verse number="36">毋通給伊提利息，閣較毋通提重利；著敬畏你的上帝，互你的同胞及你做夥生活。</verse>
				<verse number="37">你借伊錢毋通給伊提利息，你借伊米糧嘛毋通提較加。</verse>
				<verse number="38">我是上主 — 恁的上帝，有導恁出 埃及 ，將 迦南 地賞賜恁，閣欲做恁的上帝。</verse>
				<verse number="39">你的同胞若散甲將家己賣互你，毋通互伊親像奴隸服事你。</verse>
				<verse number="40">伊住你遐，你著對待伊親像對待倩工及寄居的像款，互伊服事你到恩惠的年。</verse>
				<verse number="41">彼時伊通離開，及伊的子兒做夥倒去伊的本家，倒去𪜶祖先的土地遐。</verse>
				<verse number="42">因為𪜶是我的僕人，是我對 埃及 地導出來的，毋通給伊賣做奴隸。</verse>
				<verse number="43">毋通殘忍管轄伊，著驚畏你的上帝。</verse>
				<verse number="44">你若需要男女奴隸，會當對周圍的國家買，</verse>
				<verse number="45">嘛會當買寄居佇恁中間的外族人，抑是𪜶的家眷佇恁遐生的子兒；𪜶欲做你的家業。</verse>
				<verse number="46">恁通留𪜶做恁的子孫的家業，互𪜶一世人做奴隸服事恁的子孫；毋拘恁的同胞 以色列 人，恁毋通殘忍對待𪜶。</verse>
				<verse number="47">住佇恁遮的外族人若變好額，毋拘你的同胞變散赤，將家己賣互許個外族人抑是𪜶的家族，</verse>
				<verse number="48">互人買去此個人有贖回的權利。伊的兄弟會當給伊贖回，</verse>
				<verse number="49">伊的阿叔阿伯，抑是叔伯兄弟，抑是親成嘛通給伊贖回；伊家己若有夠錢就通贖回家己。</verse>
				<verse number="50">伊著及買主算賬，對賣家己彼年起算到恩惠的年，看年數的多少，照倩工的工資及買主算。</verse>
				<verse number="51">伊著照所賰年數的多少，算贖回的價錢還互買主。</verse>
				<verse number="52"></verse>
				<verse number="53">買主毋通殘忍管轄伊，著對待伊親像對待逐年倩的工人仝款。</verse>
				<verse number="54">此個人若𣍐當照按呢受贖，到恩惠的年，伊及伊的子兒就通自由離開。</verse>
				<verse number="55">以色列 人是我的僕人，是我對 埃及 地給𪜶導出來的。我是上主 — 恁的上帝。</verse>
			</chapter>
			<chapter number="26">
				<verse number="1">毋通為家己造任何神像，毋通𫞼雕刻的偶像抑是柱像，嘛毋通佇恁的境內安石像跪拜。我是上主 — 恁的上帝。</verse>
				<verse number="2">恁著守我的安歇日，敬重我的聖所。我是上主。</verse>
				<verse number="3">恁若切實遵行我的規例及誡命，</verse>
				<verse number="4">我會照時給恁落雨，互土地生產，互田野的樹木結果子。</verse>
				<verse number="5">恁收成五穀欲收到挽葡萄的時，挽葡萄欲挽到撒種的時；閣恁會有米糧食到飽，佇恁的土地安居樂業。</verse>
				<verse number="6">我欲互恁四境平安；恁倒啲睏，無人給恁嚇驚。我欲將兇惡的野獸對恁的地趕走，閣互恁𣍐抵著戰亂。</verse>
				<verse number="7">恁欲給對敵趕走；𪜶欲死佇恁的刀下。</verse>
				<verse number="8">恁五個人欲趕走一百個，一百個人欲趕走一萬個；對敵欲死佇恁的刀下。</verse>
				<verse number="9">我欲看顧恁，互恁生湠真多，嘛欲堅立及恁立的約。</verse>
				<verse number="10">恁舊的米糧食猶未了，就著給伊徙走來收囥新的糧食。</verse>
				<verse number="11">我欲佇恁中間建立我的會幕，我𣍐厭惡恁。</verse>
				<verse number="12">我欲不時及恁同在。我欲做恁的上帝，恁欲做我的子民。</verse>
				<verse number="13">我是上主 — 恁的上帝，有導恁出 埃及 地，互恁無閣做 埃及 人的奴隸。我曾摃斷恁的軛，互恁攑頭挺身向前行。</verse>
				<verse number="14">恁若毋聽趁我的話，無遵守我的誡命，</verse>
				<verse number="15">棄拺我的規例，厭惡我的命令，無欲實行我攏總的誡命，違背我的約，</verse>
				<verse number="16">我就欲按呢對待恁：我一定欲互恁驚惶，著肺癆、熱病，致到失明，人衰荏；恁撒種無採工，對敵會給恁的收成食了了。</verse>
				<verse number="17">我欲對恁變面，互對敵給恁拍敗，互怨恨恁的給恁管轄；無人給恁趇，恁嘛欲逃走。</verse>
				<verse number="18">恁抵著諸個代誌若猶久毋聽趁我的話，我就欲照恁的罪七倍責罰恁。</verse>
				<verse number="19">我欲將恁誇口的勢力拍碎，閣欲互恁的天親像鐵𣍐落雨，地親像銅𣍐當種作。</verse>
				<verse number="20">恁的勞苦著磨攏欲落空，因為恁的土地𣍐生產，樹木𣍐結果子。</verse>
				<verse number="21">恁行踏若及我作對，毋聽趁我，我就欲照恁的罪降七倍災禍互恁。</verse>
				<verse number="22">我欲放野獸去恁遐，咬死恁的子兒，吞食恁的牲生，互恁的人口減少，路荒廢。</verse>
				<verse number="23">按呢恁若猶毋受教來歸向我，行踏及我作對，</verse>
				<verse number="24">我嘛欲及恁作對，欲照恁的罪七倍打擊恁。</verse>
				<verse number="25">我欲互恁抵著戰亂，報應恁背約的罪。恁若匿佇城內，我欲降瘟疫互恁，閣將恁交互對敵。</verse>
				<verse number="26">我無欲閣供給米糧互恁；彼時十個婦仁人欲公家用一個烘爐烘餅，照配給分互恁；恁食，毋拘食𣍐飽。</verse>
				<verse number="27">經過諸個代誌，恁若猶毋聽趁我，行踏猶久及我作對，</verse>
				<verse number="28">我就欲發大受氣，及恁作對，欲閣照恁的罪加七倍打擊恁。</verse>
				<verse number="29">恁會枵甲食恁的子查某子的肉。</verse>
				<verse number="30">我欲毀壞恁的山頭壇，破壞恁的香壇，將恁的身屍㧒佇受毀壞的偶像頂面；我嘛欲厭惡恁。</verse>
				<verse number="31">我欲互恁的城拋荒，互恁的聖所荒廢；我無欲鼻恁的祭物的芳味。</verse>
				<verse number="32">我欲互恁的地荒廢，給恁佔領的對敵欲因為按呢著驚。</verse>
				<verse number="33">我欲將恁趕散去列國，嘛欲拔刀追趕恁；互恁的地荒廢，互恁的城拋荒。</verse>
				<verse number="34">恁流亡去列國的時，恁的土地欲因為拋荒得著安歇。</verse>
				<verse number="35">按呢，土地就完全歇睏，享受恁住佇遐的時無互伊的安歇。</verse>
				<verse number="36">恁中間所賰的人，我欲互𪜶佇對敵的土地心內驚惶；連樹葉互風吹振動的聲，嘛會互𪜶驚甲逃走。無人給𪜶趇，𪜶嘛會親像啲逃閃刀劍，走甲跋倒。</verse>
				<verse number="37">無人給𪜶追趕，𪜶嘛會相揢跋倒，親像人欲給𪜶刣；恁會互對敵完全拍敗。</verse>
				<verse number="38">恁會對列國的中間消失，互對敵的地吞滅。</verse>
				<verse number="39">恁住佇對敵的地賰落來的人，會因為家己及祖先的罪衰微。</verse>
				<verse number="40">毋拘𪜶若認家己及祖先的罪，就是承認𪜶有背叛我，及我作對，</verse>
				<verse number="41">致到我及𪜶作對，互𪜶受掠去對敵的地；彼時𪜶驕傲固執的心若謙卑落來，甘願受刑罰，</verse>
				<verse number="42">我就會想著我及 亞伯拉罕 、 以撒 、 雅各 所立的約，嘛會不時想著彼塊土地。</verse>
				<verse number="43">𪜶放拺彼塊土地，彼塊地顛倒佇拋荒的中間享受安歇。𪜶甘願為著家己的罪受刑罰，因為𪜶棄拺我的命令，厭惡我的規例。</verse>
				<verse number="44">毋拘，𪜶互對敵掠去的時，我猶久無放拺𪜶，厭惡𪜶，給𪜶完全消滅，致到違背我家己及𪜶立的約；因為我是上主 — 𪜶的上帝。</verse>
				<verse number="45">我欲永遠會記得我及𪜶的祖先所立的約。為著欲做𪜶的上帝，我互外族人親目看著我將𪜶對 埃及 地導出來。我是上主。</verse>
				<verse number="46">以上諸個是上主佇 西奈山 ，通過 摩西 對 以色列 人頒布的規例、命令，及教示。</verse>
			</chapter>
			<chapter number="27">
				<verse number="1">上主命令 摩西</verse>
				<verse number="2">著對 以色列 人宣布：若有人下特別的願欲獻身互上主，伊著照你所估計彼個人的價錢奉獻。</verse>
				<verse number="3">照聖所的規定： 二十歲到六十歲， 查甫人五百五十公克的銀， 查某人三百四十二公克的銀； 五歲到二十歲， 查甫囝仔兩百二十八公克的銀， 查某囝仔一百十四公克的銀； 滿月到五歲， 查甫囝仔五十七公克的銀， 查某囝仔三十四公克的銀； 六十歲以上， 查甫人一百七十一公克的銀， 查某人一百十四公克的銀。</verse>
				<verse number="4"></verse>
				<verse number="5"></verse>
				<verse number="6"></verse>
				<verse number="7"></verse>
				<verse number="8">下願的人若散赤，𣍐當照規定的價錢奉獻，就著去祭司遐，互祭司照彼個人的財力給伊估計。</verse>
				<verse number="9">若有人獻牲生做禮物互上主，著給彼隻牲生分別作聖，</verse>
				<verse number="10">毋通用別隻替換，無論是用好的換僫的，抑是用僫的換好的；若用牲生替換牲生，兩隻攏著分別作聖。</verse>
				<verse number="11">人獻互上主做禮物的牲生若無清氣，就著帶彼隻牲生去祭司遐，</verse>
				<verse number="12">祭司著照牲生的好僫估計；祭司估計偌多就是偌多。</verse>
				<verse number="13">彼個人若一定欲贖回，就著佇估計的價錢以外加添五分一。</verse>
				<verse number="14">若有人給厝奉獻互上主，祭司著照厝的好僫估計；祭司估計偌多就是偌多。</verse>
				<verse number="15">給彼間厝奉獻互上主的人若欲贖回，就著佇估計的價錢以外加添五分一，厝才通還伊。</verse>
				<verse number="16">若有人將繼承的土地的一部份奉獻互上主，著照彼塊地會當撒偌多種籽來估計；若會當撒大麥二十公斤，價錢就是五百七十公克的銀。</verse>
				<verse number="17">伊若佇恩惠的年將地奉獻互上主，彼塊地的價值就是照你估計的價錢。</verse>
				<verse number="18">伊若佇恩惠的年以後奉獻，祭司著照彼年到後遍恩惠的年所賰的年數，對原來所估價的扣起來。</verse>
				<verse number="19">奉獻的人若一定欲贖回，就著佇估計的價錢以外加添五分一，地才通還伊。</verse>
				<verse number="20">伊若無欲贖回彼塊地，抑是賣互別人，就𣍐當閣贖回。</verse>
				<verse number="21">到恩惠的年，彼塊地著永遠歸上主，做祭司的產業。</verse>
				<verse number="22">若是伊奉獻互上主的地是買來的，毋是繼承的，</verse>
				<verse number="23">祭司著照彼年到恩惠的年的年數，估計彼塊地的價錢；彼日伊著照估計的價錢獻互上主。</verse>
				<verse number="24">到恩惠的年，彼塊地著歸互原主，就是繼承彼塊地的人。</verse>
				<verse number="25">祭司著照聖所的公秤估計。</verse>
				<verse number="26">頭一胎的牲生，無論是牛抑是羊，已經歸互上主，𣍐用得閣獻互上主。</verse>
				<verse number="27">若是頭一胎的牲生無清氣，就著照估計的價錢加五分一贖回；若無欲贖回，就著照估計的價錢給賣掉。</verse>
				<verse number="28">若有人將伊所有的永遠獻互上主，無論是人，是牲生，抑是繼承的土地，攏𣍐用得賣，嘛𣍐用得贖回；伊獻的是至聖，永遠歸上主。</verse>
				<verse number="29">獻互上主著完全毀滅的人，𣍐用得贖回；伊一定著受處死。</verse>
				<verse number="30">土地出產的物，無論是五穀，抑是樹頂的果子，十分一攏是上主的，是聖的。</verse>
				<verse number="31">若有人欲贖回此十分一的物，著加五分一。</verse>
				<verse number="32">牛群及羊群經過牧者柺仔下，逐遍算到第十隻，彼隻著奉獻互上主。</verse>
				<verse number="33">無論好僫，攏毋通替換；若替換，兩隻攏著分別作聖，𣍐用得贖回。</verse>
				<verse number="34">以上諸個是上主佇 西奈山 通過 摩西 對 以色列 人頒布的命令。</verse>
			</chapter>
		</book>
		<book number="4">
			<chapter number="1">
				<verse number="1">以色列 人出 埃及 地了後，第二年二月初一，上主佇 西奈 的曠野，佇會幕吩咐 摩西 講：</verse>
				<verse number="2">「你及 亞倫 著照宗族、家族點算 以色列 全會眾的人數，登錄二十歲以上，會當出去交戰的查甫丁的名，給𪜶編隊，統計人數。</verse>
				<verse number="3"></verse>
				<verse number="4">逐個支族著有一個人，就是𪜶的族長協助恁。</verse>
				<verse number="5">下面是協助恁的人的名單： 呂便支族，示丟珥的子以利蓿 西緬支族，蘇利沙代的子示路蜜 猶大支族，亞米拿達的子拿順 以薩迦支族，蘇押的子拿坦業 西布倫支族，希倫的子以利押 約瑟的後代兩個支族： 以法蓮支族，亞米忽的子以利沙瑪； 瑪拿西支族，比大蓿的子迦瑪列 便雅憫支族，基多尼的子亞比但 但支族，亞米沙代的子亞希以謝 亞設支族，俄蘭的子帕結 迦得支族，丟珥的子以利雅薩 拿弗他利支族，以南的子亞希拉
				</verse>
				<verse number="6">諸個是對會眾選出逐個支族的族長，攏做 以色列 軍隊的指揮官。」</verse>
				<verse number="7">摩西 及 亞倫 就導許個有佇名單的人，</verse>
				<verse number="8">佇二月初一召集全體會眾，照宗族、家族，登錄二十歲以上的查甫丁的名。</verse>
				<verse number="9">摩西 照上主的命令，佇 西奈 的曠野給𪜶點算。</verse>
				<verse number="10">下面是雅各的後代，照𪜶的宗族、家族，及人名的數目，二十歲以上會當出去交戰的查甫丁的人數： 呂便支族，四萬六千五百名 西緬支族，五萬九千三百名 迦得支族，四萬五千六百五十名 猶大支族，七萬四千六百名 以薩迦支族，五萬四千四百名 西布倫支族，五萬七千四百名 約瑟的後代兩個支族： 以法蓮支族，四萬空五百名 瑪拿西支族，三萬兩千兩百名 便雅憫支族，三萬五千四百名 但支族，六萬兩千七百名 亞設支族，四萬一千五百名 拿弗他利支族，五萬三千四百名
				</verse>
				<verse number="11">以上諸個是摩西、亞倫，及以色列十二個首領點算的人數；諸個首領逐個代表𪜶的支族。 45以色列人照𪜶的宗族，對二十歲以上會當出去交戰的人， 46登錄的人數總共六十萬三千五百五十名。</verse>
				<verse number="12">毋拘利未人無照𪜶祖先的宗族登錄在內。 48因為上主曾吩咐摩西，講： 49「利未支族你毋通點算，毋通佇以色列中算𪜶的人口。 50你著派利未人管理會幕及內面的器具，包括扛會幕及內面所有的器具，整理會幕，佇會幕的周圍紮營。 51會幕欲出發的時，利未人負責拆會幕；欲安置會幕的時，利未人負責搭；若有其他的人倚近會幕，一定著互伊死。 52以色列人逐個著佇𪜶所屬支族的大旗下面，照𪜶的部隊紮營。 53毋拘利未人著佇會幕的周圍紮營，負責顧守會幕，才免我對以色列會眾發大受氣。」 54上主按怎吩咐摩西，以色列人攏照按呢做。</verse>
			</chapter>
			<chapter number="2">
				<verse number="1">上主閣吩咐 摩西 及 亞倫 ，講：</verse>
				<verse number="2">「 以色列 人攏著照家己支族的大旗及宗族的記號，佇會幕的周圍向會幕紮營。</verse>
				<verse number="3">「東旁，向日出的方向，𫞼 猶大 支族的大旗， 猶大 的軍隊佇遐紮營； 亞米拿達 的子 拿順 做首領，</verse>
				<verse number="4">人數七萬四千六百名。</verse>
				<verse number="5">佇𪜶邊仔紮營的是 以薩迦 支族， 蘇押 的子 拿坦業 做首領，</verse>
				<verse number="6">人數五萬四千四百名。</verse>
				<verse number="7">閣來是 西布倫 支族， 希倫 的子 以利押 做首領，</verse>
				<verse number="8">人數五萬七千四百名。</verse>
				<verse number="9">屬 猶大 區的人數總共十八萬六千四百名。𪜶作頭出發。</verse>
				<verse number="10">「南旁，𫞼 呂便 支族的大旗， 呂便 的軍隊佇遐紮營， 示丟珥 的子 以利蓿 做首領，</verse>
				<verse number="11">人數共四萬六千五百名。</verse>
				<verse number="12">佇𪜶邊仔紮營的是 西緬 支族， 蘇利沙代 的子 示路蜜 做首領，</verse>
				<verse number="13">人數共五萬九千三百名。</verse>
				<verse number="14">閣來是 迦得 支族， 丟珥 的子 以利雅薩 做首領，</verse>
				<verse number="15">人數共四萬五千六百五十名。</verse>
				<verse number="16">屬 呂便 區的人數總共十五萬一千四百五十名。𪜶做第二大隊出發。</verse>
				<verse number="17">「會幕及 利未 人著佇前兩大隊及後兩大隊的中間。𪜶按怎紮營，就照彼個次序起身；逐支族著隨𪜶家己支族的大旗前進。</verse>
				<verse number="18">「西旁，𫞼 以法蓮 支族的大旗， 以法蓮 的軍隊佇遐紮營， 亞米忽 的子 以利沙瑪 做首領，</verse>
				<verse number="19">人數共四萬空五百名。</verse>
				<verse number="20">佇𪜶邊仔的是 瑪拿西 支族， 比大蓿 的子 迦瑪列 做首領，</verse>
				<verse number="21">人數共三萬兩千兩百名。</verse>
				<verse number="22">閣來是 便雅憫 支族， 基多尼 的子 亞比但 做首領，</verse>
				<verse number="23">人數共三萬五千四百名。</verse>
				<verse number="24">屬 以法蓮 區，人數總共十萬八千一百名。𪜶做第三大隊出發。</verse>
				<verse number="25">「北旁，𫞼 但 支族的大旗， 但 的軍隊佇遐紮營， 亞米沙代 的子 亞希以謝 做首領，</verse>
				<verse number="26">人數共六萬兩千七百名。</verse>
				<verse number="27">佇𪜶邊仔的是 亞設 支族， 俄蘭 的子 帕結 做首領，</verse>
				<verse number="28">人數共四萬一千五百名。</verse>
				<verse number="29">閣來是 拿弗他利 支族， 以南 的子 亞希拉 做首領，</verse>
				<verse number="30">人數共五萬三千四百名。</verse>
				<verse number="31">屬 但 彼區，人數總共十五萬七千六百名。此大隊著隨𪜶的大旗最後出發。」</verse>
				<verse number="32">以上是 以色列 人照𪜶的宗族，佇營內照𪜶的部隊統計的人數，總共六十萬三千五百五十名。</verse>
				<verse number="33">毋拘 利未 人無算在內，是照上主對 摩西 的命令。</verse>
				<verse number="34">以色列 人照𪜶的宗族、家族，隨𪜶逐支族的大旗紮營，出發，攏照上主對 摩西 的命令。</verse>
			</chapter>
			<chapter number="3">
				<verse number="1">下面諸個是上主佇 西奈山 對 摩西 講話的時， 亞倫 及 摩西 的後代：</verse>
				<verse number="2">亞倫 有四個子：大子 拿答 ，閣有 亞比戶 、 以利亞撒 、 以他瑪 ；</verse>
				<verse number="3">𪜶攏受抹油設立做祭司，負責祭司的職份。</verse>
				<verse number="4">拿答 及 亞比戶 佇 西奈 的曠野，佇上主的面前獻無神聖的火，就互上主拍死；𪜶無子兒。 以利亞撒 及 以他瑪 佇𪜶老父 亞倫 活啲的時，就擔任祭司。</verse>
				<verse number="5">上主對 摩西 講：</verse>
				<verse number="6">「你叫 利未 支族來我遮，來協助祭司 亞倫 。</verse>
				<verse number="7">𪜶著替 亞倫 及會眾佇會幕前執行任務，辦理會幕的事。</verse>
				<verse number="8">𪜶著顧守會幕所有的器具，為著 以色列 人執行任務，辦理會幕的事。</verse>
				<verse number="9">你著指派 利未 人協助 亞倫 及伊的子；這是𪜶佇 以色列 人中間受指派唯一的任務。</verse>
				<verse number="10">你著分派 亞倫 及伊的子執行祭司的職務；其他的人若近倚來，一定著互伊死。」</verse>
				<verse number="11">上主閣吩咐 摩西 講：</verse>
				<verse number="12">「我對 以色列 人的中間揀 利未 人，代替 以色列 人所有頭上生的大子； 利未 人是我的，</verse>
				<verse number="13">因為一切的大子攏是我的。我拍死 埃及 人所有頭上生的彼日，就將 以色列 中所有頭上生的，無論是人抑是牲生，攏分別作聖歸屬我；𪜶是我的。我是上主。」</verse>
				<verse number="14">上主佇 西奈 的曠野吩咐 摩西 ，講：</verse>
				<verse number="15">「你著照 利未 人的宗族、家族點算𪜶的人口；滿月以上的查甫囝仔攏著算在內。」</verse>
				<verse number="16">摩西 就照上主對伊的命令，點算 利未 人的人口。</verse>
				<verse number="17">利未 有三個子，就是 革順 、 哥轄 ，及 米拉利 。</verse>
				<verse number="18">革順 的子，照𪜶的宗族，有 立尼 及 示每 。</verse>
				<verse number="19">哥轄 的子，照𪜶的宗族，有 暗蘭 、 以斯哈 、 希伯崙 ，及 烏薛 。</verse>
				<verse number="20">米拉利 的子，照𪜶的宗族，有 抹利 及 慕示 。𪜶是 利未 支族逐宗族的祖先。</verse>
				<verse number="21">革順 的宗族有 立尼 及 示每 兩個家族。</verse>
				<verse number="22">𪜶滿月以上的查甫人點算了，人數共七千五百名。</verse>
				<verse number="23">革順 的宗族著佇會幕的西旁，就是會幕的後面紮營。</verse>
				<verse number="24">革順 宗族的首領是 拉伊勒 的子 以利雅薩 。</verse>
				<verse number="25">革順 的子孫著負責顧守會幕、布篷、布篷的蓋、會幕的門簾、</verse>
				<verse number="26">會幕及祭壇周圍的埕的帷及門簾，以及啲用的索。</verse>
				<verse number="27">哥轄 宗族有 暗蘭 、 以斯哈 、 希伯崙 ，及 烏薛 四個家族。</verse>
				<verse number="28">𪜶著負責整理聖所；滿月以上的查甫人點算了，人數共八千六百名。</verse>
				<verse number="29">哥轄 宗族著佇會幕的南旁紮營。</verse>
				<verse number="30">哥轄 宗族的首領是 烏薛 的子 以利撒反 。</verse>
				<verse number="31">哥轄 的子孫著負責顧守約櫃、排獻祭的餅的桌、燈台、祭壇及香壇、祭司佇聖所內面啲用的器具、門簾，及所有啲用的物件。</verse>
				<verse number="32">祭司 亞倫 的子 以利亞撒 做 利未 逐宗族的首領的頭，負責監督所有顧守聖所的人。</verse>
				<verse number="33">米拉利 宗族有 抹利 及 慕示 兩個家族。</verse>
				<verse number="34">𪜶滿月以上的查甫人點算了，人數共六千兩百名。</verse>
				<verse number="35">米拉利 宗族的首領是 亞比孩 的子 蘇列 ；𪜶著佇會幕的北旁紮營。</verse>
				<verse number="36">米拉利 的子孫著負責顧守會幕的板、橫楗、柱、有榫孔的座、所有的器具，及所有啲用的物件；</verse>
				<verse number="37">閣著顧守埕周圍的柱、有榫孔的座，以及杙仔及索仔。</verse>
				<verse number="38">佇會幕的東旁，就是佇會幕向日出彼旁， 摩西 、 亞倫 及伊許個子佇遐紮營；𪜶代替所有的 以色列 人負責顧守聖所；其他的人若近倚來，一定著互伊死。</verse>
				<verse number="39">摩西 及 亞倫 照上主的命令點算 利未 人；照𪜶的宗族，滿月以上的查甫人人數共兩萬兩千名。</verse>
				<verse number="40">上主給 摩西 講：「你著點算 以色列 人滿月以上頭上生的查甫人的人數，造𪜶的名冊。</verse>
				<verse number="41">我是上主。你著揀選 利未 人歸屬我，代替 以色列 人所有的大子；嘛取 利未 人的牲生，代替 以色列 人所有頭水公的牲生。」</verse>
				<verse number="42">摩西 就照上主的命令，點算 以色列 人所有的大子。</verse>
				<verse number="43">照名冊，滿月以上的大子，人數共兩萬兩千兩百七十三名。</verse>
				<verse number="44">上主吩咐 摩西 ，講：</verse>
				<verse number="45">「你著揀選 利未 人代替 以色列 人所有的大子，閣取 利未 人的牲生代替 以色列 的牲生；按呢， 利未 人就歸屬我。我是上主。</verse>
				<verse number="46">以色列 人的大子比 利未 人加兩百七十三個，你著給𪜶贖回；</verse>
				<verse number="47">照聖所的公秤，一個人的贖金是五十七公克的銀。</verse>
				<verse number="48">許個加出來的人的贖金，你著交互 亞倫 及伊的子。」</verse>
				<verse number="49">摩西 就對互 利未 人贖回以外許個加出來的人提贖金。</verse>
				<verse number="50">對 以色列 人的大子提的贖金，照聖所的公秤，大約有銀十五公斤。</verse>
				<verse number="51">摩西 照上主的命令，將諸個贖金交互 亞倫 及伊的子。</verse>
			</chapter>
			<chapter number="4">
				<verse number="1">上主吩咐 摩西 及 亞倫 ，講：</verse>
				<verse number="2">「恁著照宗族及家族，點算 利未 人 哥轄 的後代，對三十歲到五十歲佇會幕當職作工的人的人數。</verse>
				<verse number="3"></verse>
				<verse number="4">哥轄 的後代著負責管理會幕內面至聖的物。</verse>
				<verse number="5">「欲徙營的時， 亞倫 及伊的子著入去會幕，將遮截的帳簾剝落來蓋約櫃；</verse>
				<verse number="6">閣著用上等的皮蓋佇頂面，然後蓋純藍的布，才給約櫃穿槓。</verse>
				<verse number="7">「𪜶著用藍色的布舒佇排獻祭的餅的桌；將諸個盤、𥐵仔、奠酒祭的壺及杯，排佇彼頂面；獻祭的餅著留佇桌頂。</verse>
				<verse number="8">排獻祭的餅的桌著蓋朱紅色的布，閣蓋上等的皮，才給桌仔穿槓。</verse>
				<verse number="9">「𪜶著提藍色的布蓋燈台、燈台的杯、燈剪、燈盤，以及所有貯油的器具。</verse>
				<verse number="10">閣著將燈台，及燈台所有的器具，用上等的皮包好勢，下佇運搬的架頂面。</verse>
				<verse number="11">「𪜶著舒藍色的布佇金祭壇頂面，閣用上等的皮蓋啲，才給壇穿槓。</verse>
				<verse number="12">嘛著用藍色的布包聖所內面所有的器具，才用上等的皮蓋啲，下佇運搬的架頂面。</verse>
				<verse number="13">𪜶著將祭壇的火灰清互清氣，用紫色的布蓋佇祭壇頂面。</verse>
				<verse number="14">閣著將祭壇啲用的火鼎、肉叉、托仔、盤下佇祭壇頂面，然後用上等的皮蓋佇彼頂面，才給壇穿槓。</verse>
				<verse number="15">「欲徙營的時， 亞倫 及伊的子將聖所及所有的器具包好勢，然後 哥轄 的子孫來扛；毋拘𪜶毋通摸著聖的物，才免死；會幕內面諸個物件是 哥轄 的子孫著扛的。</verse>
				<verse number="16">「祭司 亞倫 的子 以利亞撒 著負責管理點燈的油、香料、常常獻的素祭，及通抹的聖油；嘛著顧守會幕及內面所有的物件，以及聖所及聖所所有的器具。」</verse>
				<verse number="17">上主吩咐 摩西 及 亞倫 ，講：</verse>
				<verse number="18">「恁毋通互 哥轄 宗族對 利未 人的中間受消滅。</verse>
				<verse number="19">亞倫 及伊的子著入去會幕指派𪜶逐個人著做的工作，著扛的物件，通互𪜶佇倚近至聖的物的時，猶會活，免死。</verse>
				<verse number="20">𪜶𣍐用得入去看聖物運搬的預備工作 ，才免死。」</verse>
				<verse number="21">上主吩咐 摩西 ，講：</verse>
				<verse number="22">「你著照宗族及家族點算 革順 的後代，</verse>
				<verse number="23">三十歲到五十歲佇會幕當職作工的人的人數。</verse>
				<verse number="24">革順 的宗族著辦理的工作，著扛的物件是諸個：</verse>
				<verse number="25">𪜶著扛會幕許個帳幕、會幕、會幕的蓋、彼頂面上等的皮做的蓋、會幕的門簾、</verse>
				<verse number="26">會幕及祭壇周圍的埕的布帷及門簾、索仔，及𪜶啲用所有的器具；及諸個器具有關的工作，𪜶攏著負責。</verse>
				<verse number="27">革順 的後代著照 亞倫 及伊的子孫的命令扛物件，辦理事務；𪜶欲扛的物件，恁著交代𪜶負責。</verse>
				<verse number="28">以上是 革順 宗族佇會幕的職責；𪜶著受祭司 亞倫 的子 以他瑪 監督。」</verse>
				<verse number="29">「你著照宗族及家族點算 米拉利 的後代，</verse>
				<verse number="30">三十歲到五十歲佇會幕當職作工的人的人數。</verse>
				<verse number="31">𪜶佇會幕內著負責的職務，就是扛會幕的板、橫楗、柱、有榫孔的座、</verse>
				<verse number="32">埕周圍的柱、柱的座、杙仔及索仔，以及啲用的器具；逐項著扛的物件，攏著有指定的人負責。</verse>
				<verse number="33">以上是 米拉利 宗族佇會幕的職責；𪜶著受祭司 亞倫 的子 以他瑪 監督。」</verse>
				<verse number="34">摩西 、 亞倫 ，及會眾的首領，照宗族及家族點算 哥轄 的後代，</verse>
				<verse number="35">三十歲到五十歲佇會幕當職作工的人的人數，</verse>
				<verse number="36">共兩千七百五十名。</verse>
				<verse number="37">這是 摩西 及 亞倫 照上主對 摩西 的命令，點算 哥轄 宗族佇會幕當職作工的人的人數。</verse>
				<verse number="38">革順 的後代，照宗族及家族，點算</verse>
				<verse number="39">三十歲到五十歲佇會幕當職作工的人的人數，</verse>
				<verse number="40">共兩千六百三十名。</verse>
				<verse number="41">這是 摩西 及 亞倫 照上主對 摩西 的命令，點算 革順 宗族佇會幕當職作工的人的人數。</verse>
				<verse number="42">米拉利 的後代，照宗族及家族點算</verse>
				<verse number="43">三十歲到五十歲佇會幕當職作工的人的人數，</verse>
				<verse number="44">共三千兩百名。</verse>
				<verse number="45">這是 摩西 及 亞倫 照上主對 摩西 的命令，點算 米拉利 宗族的人數。</verse>
				<verse number="46">摩西 、 亞倫 ，及 以色列 會眾的首領，照宗族及家族點算 利未 人，</verse>
				<verse number="47">三十歲到五十歲佇會幕當職做工，扛物件的人的人數，</verse>
				<verse number="48">總共八千五百八十名。</verse>
				<verse number="49">摩西 照上主的命令指派逐個人著辦的事務，著扛的物件。𪜶攏照上主對 摩西 的命令按呢登錄。</verse>
			</chapter>
			<chapter number="5">
				<verse number="1">上主命令 摩西 講：</verse>
				<verse number="2">「你著吩咐 以色列 人，將所有致著嚴重的皮膚病、下消，及摸著屍體致到無清氣的人送出去營外。</verse>
				<verse number="3">無論男女，恁攏著給𪜶送出去營外，才免𪜶拍垃墋此個營地，因為我住佇遮。」</verse>
				<verse number="4">以色列 人就照按呢，給無清氣的人送出去營外；上主按呢命令 摩西 ， 以色列 人就照按呢做。</verse>
				<verse number="5">上主吩咐 摩西</verse>
				<verse number="6">對 以色列 人宣布：若有人剋虧人得罪上主，無論男女，彼個人就有罪。</verse>
				<verse number="7">伊著認罪，賠全部的損失閣加五分一互受害的人。</verse>
				<verse number="8">彼個受害的人若無親人通接受賠償，給人剋虧彼個人著將賠償的錢還互上主，歸佇祭司；另外，伊著閣獻一隻羊為家己贖罪，嘛歸互祭司。</verse>
				<verse number="9">以色列 人帶來祭司遐奉獻的聖物中間，所有攑高獻互上主的，攏著歸互祭司。</verse>
				<verse number="10">人分別作聖的禮物，攏著歸互祭司；人無論用什麼送互祭司，攏著歸互祭司。</verse>
				<verse number="11">上主吩咐 摩西</verse>
				<verse number="12">對 以色列 人宣布：若有人懷疑伊的某對伊不忠，暗中及人發生性關係，拍垃墋家己，伊毋知，代誌嘛無暴露，無人作證，閣無互人掠著；不管伊的某有拍垃墋家己，引起伊懷疑怨妒，抑是伊的某無拍垃墋家己，毋拘伊懷疑怨妒；</verse>
				<verse number="13"></verse>
				<verse number="14"></verse>
				<verse number="15">彼個人著導伊的某去祭司遐，閣帶一公斤無濫油及乳香的大麥粉做禮物，這是為著懷疑怨妒所獻的素祭，欲互人會記得罪過。</verse>
				<verse number="16">祭司著互彼個婦仁人倚來，徛佇上主的面前。</verse>
				<verse number="17">祭司著用聖的水貯佇粗瓷，閣對會幕的土腳提一點仔土粉，摻佇水中。</verse>
				<verse number="18">祭司著互彼個婦仁人徛佇上主的面前，拍鬖婦仁人的頭毛，將互人會記得罪過的素祭，就是懷疑怨妒的素祭，下佇婦仁人的手；祭司著捧咒詛的苦水，</verse>
				<verse number="19">叫婦仁人咒誓，對伊講：「你已經嫁互你的丈夫，若無及別人發生性關係，拍垃墋家己，你就𣍐受著此個苦水的咒詛。</verse>
				<verse number="20">毋拘你若對你的丈夫不忠，及丈夫以外的人發生性關係，</verse>
				<verse number="21">願上主互你的大腿消瘦，腹肚漲起來，互你成做人民咒詛的話柄。</verse>
				<verse number="22">閣此個咒詛的水欲入去你的身軀，互你的腹肚漲起來，大腿消瘦。」婦仁人著應講：「阿們，阿們。」</verse>
				<verse number="23">祭司著將諸個咒詛的話寫佇冊卷，囥入去苦水內面洗掉。</verse>
				<verse number="24">彼個婦仁人若飲此個咒詛的苦水，此個水入去伊的身軀，會互伊痛苦。</verse>
				<verse number="25">祭司著對婦仁人的手接懷疑怨妒的素祭，佇上主的面前搖搖咧，帶去祭壇前；</verse>
				<verse number="26">閣著搣一把大麥粉，代表所獻的素祭，下佇壇頂燒，然後互婦仁人飲此個水。</verse>
				<verse number="27">彼個婦仁人飲此個咒詛的苦水，伊若真正有拍垃墋家己，對丈夫不忠，此個水入去伊的身軀，會互伊痛苦，腹肚漲起來，大腿消瘦；彼個婦仁人會互同胞咒詛。</verse>
				<verse number="28">毋拘伊若無拍垃墋家己，實在是清白，就𣍐受此款災禍，會閣懷孕。</verse>
				<verse number="29">以上是懷疑某不忠的處理辦法。某已經嫁互丈夫，若對丈夫不忠拍垃墋家己，</verse>
				<verse number="30">抑是丈夫怨妒懷疑伊的某，就著互伊的某徛佇上主的面前；祭司著照此個辦法處理。</verse>
				<verse number="31">按呢，查甫人無罪，婦仁人著對家己的罪負責任。</verse>
			</chapter>
			<chapter number="6">
				<verse number="1">上主吩咐 摩西</verse>
				<verse number="2">對 以色列 人宣布： 若有人，無論男女，下特別的願欲做拿細耳人，將家己獻互上主，</verse>
				<verse number="3">按呢，伊薄酒及厚酒，以及用薄酒厚酒做的醋，攏毋通飲，嘛毋通飲葡萄汁，毋通食葡萄及葡萄乾。</verse>
				<verse number="4">佇下願期間，葡萄樹所出的，甚至籽及皮，攏毋通食。</verse>
				<verse number="5">伊佇下願做拿細耳人期間，毋通剃頭；到伊將家己獻互上主的日期滿以前，著分別作聖，出在頭毛發長。</verse>
				<verse number="6">佇伊做拿細耳人獻互上主的期間，毋通倚近身屍。</verse>
				<verse number="7">就是父母、兄弟姊妹死，伊嘛毋通為著𪜶的身屍互家己無清氣，因為伊的頭殼有做拿細耳人獻互上帝的記號。</verse>
				<verse number="8">佇伊做拿細耳人的期間，伊是歸互上主做聖。</verse>
				<verse number="9">伊的身邊若忽然有人死，致到拍垃墋伊分別作聖的頭殼，伊著佇清氣的日，就是佇第七日剃頭。</verse>
				<verse number="10">第八日，伊著帶兩隻斑鴿抑是粉鳥仔子來會幕門口，交互祭司。</verse>
				<verse number="11">祭司著獻一隻做贖罪祭，一隻做燒化祭，為著彼個人因為沐著身屍引起的無清氣贖罪，閣著佇彼日互伊的頭殼重新做聖。</verse>
				<verse number="12">伊著閣選一日，將家己分別作聖獻互上主；閣著牽一隻一歲的羊仔做賠罪祭；毋拘以前彼幾日無准算，因為伊做拿細耳人彼中間已經沐著垃墋。</verse>
				<verse number="13">奉獻做拿細耳人的期限若到，著照下面應該遵守的條例做：伊著互人導到會幕門口，</verse>
				<verse number="14">獻禮物互上主，就是一隻無瑕疵一歲的綿羊仔做燒化祭、一隻無瑕疵一歲的綿羊母仔做贖罪祭，及一隻無瑕疵的綿羊做平安祭；</verse>
				<verse number="15">閣獻歸籃用抄油的幼麵粉做的無酵餅，以及抹油的無酵薄餅、素祭，及奠酒祭。</verse>
				<verse number="16">祭司著提諸個禮物，佇上主的面前獻做贖罪祭及燒化祭，</verse>
				<verse number="17">嘛著將彼隻羊及彼籃無酵餅獻互上主做平安祭，閣獻素祭及奠酒祭。</verse>
				<verse number="18">拿細耳人著佇會幕門口剃頭，將伊分別作聖的頭毛下佇平安祭的下面燒。</verse>
				<verse number="19">拿細耳人剃伊分別作聖的頭毛了後，祭司著取煮過的羊一支前腿，閣對籃仔內提一塊無酵餅及一塊無酵薄餅，下佇彼個人的手。</verse>
				<verse number="20">祭司著將諸個禮物佇上主的面前搖搖咧；諸個及搖過的胸坎肉、攑高的正旁大腿攏做聖物，歸互祭司；然後拿細耳人才通飲酒。</verse>
				<verse number="21">以上是拿細耳人應該遵守的條例。伊若猶有氣力通獻規定以外的禮物，著照伊下的願獻祭物互上主。</verse>
				<verse number="22">上主命令 摩西 ，</verse>
				<verse number="23">著對 亞倫 及伊的子宣布： 恁著按呢給 以色列 人祝福，講：</verse>
				<verse number="24">「願上主賜福你，保護你；</verse>
				<verse number="25">願上主的面的光照你，施恩互你；</verse>
				<verse number="26">願上主歡喜的面看你，賞賜你平安。」</verse>
				<verse number="27">按呢，𪜶若奉我的名給 以色列 人祝福，我就欲賜福 以色列 人。</verse>
			</chapter>
			<chapter number="7">
				<verse number="1">摩西 起會幕完成了後，就給會幕抹油分別作聖，包括內面所有的器具、祭壇及祭壇的器具，攏給𪜶抹油分別作聖。</verse>
				<verse number="2">彼日 以色列 逐支族、逐宗族負責人口普查的族長攏帶禮物來奉獻。</verse>
				<verse number="3">𪜶每兩個族長奉獻一台有蓋布篷的車，逐個族長奉獻一隻牛，將此六台車及十二隻牛送到會幕上主的面前。</verse>
				<verse number="4">上主給 摩西 講：</verse>
				<verse number="5">「你著給許個收起來，做會幕的路用，照 利未 人侍奉的職責，交互𪜶。」</verse>
				<verse number="6">摩西 就收許個車及牛，交互 利未 人。</verse>
				<verse number="7">照 革順 的子孫侍奉的職責， 摩西 將兩台車、四隻牛交互𪜶。</verse>
				<verse number="8">照 米拉利 的子孫侍奉的職責，將四台車、八隻牛交互𪜶。此兩個家族攏受祭司 亞倫 的子 以他瑪 監督。</verse>
				<verse number="9">毋拘車及牛無交互 哥轄 的子孫，因為𪜶侍奉的職責是著用肩頭扛聖物。</verse>
				<verse number="10">給祭壇抹油奉獻祭壇的時，眾首領攏佇祭壇前奉獻禮物。</verse>
				<verse number="11">上主給 摩西 講：「奉獻祭壇的期間，逐日著有一個首領來奉獻禮物。」</verse>
			</chapter>
			<chapter number="8">
				<verse number="1">上主吩咐 摩西</verse>
				<verse number="2">對 亞倫 講：「你點燈的時，七盞燈攏著照向頭前。」</verse>
				<verse number="3">亞倫 就照上主對 摩西 的命令，點燈照光燈台的頭前。</verse>
				<verse number="4">此個燈台攏用金拍，連伊的座及花嘛按呢，是照上主指示 摩西 的形體造的。</verse>
				<verse number="5">上主對 摩西 講：</verse>
				<verse number="6">「你著將 利未 人對 以色列 人的中間分別出來，給𪜶潔淨。</verse>
				<verse number="7">你著按呢給𪜶潔淨：用除去罪的水灑佇𪜶的身軀，閣教𪜶用剃頭刀剃全身軀的毛，洗衫，按呢潔淨家己。</verse>
				<verse number="8">後來，𪜶著取一隻牛仔，及抄油的幼麵粉的素祭；你嘛著另外取一隻牛仔做贖罪祭。</verse>
				<verse number="9">你著導 利未 人來到會幕前，閣聚集 以色列 全會眾；</verse>
				<verse number="10">你導 利未 人來上主面前，互 以色列 人給𪜶按手。</verse>
				<verse number="11">亞倫 著將 利未 人對 以色列 人中間分別出來，做特別的禮物獻互上主，按呢𪜶才通辦理上主的事務。</verse>
				<verse number="12">利未 人著按手佇許個牛仔的頭殼頂；你著獻一隻做贖罪祭，一隻做燒化祭互上主，為 利未 人贖罪。</verse>
				<verse number="13">「你著互 利未 人徛佇 亞倫 及伊的子的面前，將𪜶做特別的禮物獻互上主。</verse>
				<verse number="14">按呢，你將𪜶對 以色列 人中間分別出來， 利未 人就歸屬我。</verse>
				<verse number="15">你給𪜶潔淨，獻做特別的禮物；對彼時起，𪜶就通入去會幕侍奉。</verse>
				<verse number="16">𪜶是 以色列 人的中間完全獻互我的；我互𪜶歸屬我，代替 以色列 人所有的頭上子。</verse>
				<verse number="17">因為 以色列 中所有頭上生的人抑是牲生，攏是我的。我佇 埃及 拍死𪜶一切頭上生的彼日，已經將 以色列 人分別作聖歸屬我。</verse>
				<verse number="18">今我揀 利未 人代替 以色列 人所有的頭上子。</verse>
				<verse number="19">我對 以色列 人的中間指派 利未 人，幫贊 亞倫 及伊的後代，佇會幕內為著 以色列 人侍奉，閣為𪜶贖罪，才免 以色列 人因為倚近聖所，有災禍臨到𪜶。」</verse>
				<verse number="20">摩西 、 亞倫 ，及 以色列 人全會眾，就對 利未 人按呢做。上主對 摩西 所講關係 利未 人的命令， 以色列 人攏照按呢做。</verse>
				<verse number="21">利未 人就潔淨家己，洗𪜶的衫； 亞倫 將𪜶做特別的禮物獻互上主，閣為𪜶贖罪給𪜶潔淨。</verse>
				<verse number="22">然後， 利未 人入去，受 亞倫 及伊的子的指導佇會幕侍奉；上主對 摩西 所講關係 利未 人的命令， 以色列 人攏照按呢做。</verse>
				<verse number="23">上主對 摩西 講：</verse>
				<verse number="24">「下面是關係 利未 人的規定：𪜶二十五歲以上著來會幕侍奉，</verse>
				<verse number="25">到五十歲就退休；</verse>
				<verse number="26">退休了後通佇會幕協助𪜶的兄弟辦理事務，毋免閣負責工作。關係 利未 人的規定，你著照按呢辦理。」</verse>
			</chapter>
			<chapter number="9">
				<verse number="1">出 埃及 第二年正月，上主佇 西奈 的曠野命令 摩西 講：</verse>
				<verse number="2">「 以色列 人著佇指定的日期守𨃟過節；</verse>
				<verse number="3">就是佇此個月的十四，照指定的時間，對黃昏的時起，照所有的規例及命令遵守。」</verse>
				<verse number="4">摩西 就命令 以色列 人守𨃟過節。</verse>
				<verse number="5">正月十四黃昏的時，𪜶就佇 西奈 的曠野守𨃟過節。所有上主命令 摩西 的， 以色列 人攏照按呢做。</verse>
				<verse number="6">有一寡人因為摸著人的屍體成做無清氣，𣍐當佇彼日守𨃟過節；彼日𪜶去見 摩西 及 亞倫 ，</verse>
				<verse number="7">講：「阮因為摸著屍體成做無清氣，是按怎就𣍐用得佇指定的時間，及 以色列 人做夥獻禮物互上主？」</verse>
				<verse number="8">摩西 給𪜶講：「恁𫢶遮等一下，我欲聽上主對恁有什麼指示。」</verse>
				<verse number="9">上主命令 摩西</verse>
				<verse number="10">著對 以色列 人宣布：「恁抑是恁的後代若有人互屍體沐垃墋，抑是出外去遠遠的所在，猶原著守上主的𨃟過節。</verse>
				<verse number="11">𪜶著慢一個月，佇二月十四黃昏的時守節，食羊羔、無酵餅，及苦菜，</verse>
				<verse number="12">連一點仔都毋通留到隔早起，羊仔的骨連一支嘛毋通拍斷。𪜶著照𨃟過節所有的規例守此個節。</verse>
				<verse number="13">若有人是清氣嘛無出外，毋拘無守𨃟過節，著給伊對人民的中間革出，因為伊佇指定的日無獻禮物互上主，伊著對家己的罪負責任。</verse>
				<verse number="14">「若有外族人寄居佇恁中間，愛欲守上主的𨃟過節，伊著遵守𨃟過節的規例及命令；出外人及本地人攏著遵守仝一個規例。」</verse>
				<verse number="15">搭會幕彼日，有雲遮蓋會幕，就是約櫃的帳幕；對黃昏到早起，有看起來親像火的雲蓋佇會幕頂面。</verse>
				<verse number="16">雲不時遮蓋會幕，暝時看起來親像火。</verse>
				<verse number="17">雲什麼時對會幕升高， 以色列 人就出發；雲停佇什麼所在， 以色列 人就佇遐紮營。</verse>
				<verse number="18">以色列 人照上主的命令起行，嘛照上主的命令紮營；雲停佇會幕頂偌久，𪜶就佇遐紮營赫久。</verse>
				<verse number="19">雲佇會幕頂停多多日， 以色列 人就照上主的命令無起行。</verse>
				<verse number="20">有時雲佇會幕頂停無幾日，𪜶照上主的命令猶原停留佇遐，嘛照上主的命令起行。</verse>
				<verse number="21">有時雲對下昏到早起遮啲，隔早起雲一下升高，𪜶就出發；無論日時抑是暝時雲升高，𪜶就出發。</verse>
				<verse number="22">雲停佇會幕頂面，無論是兩日、是一月日、是一年， 以色列 人猶原停留佇遐，無起行；毋拘雲一下升高，𪜶就起行。</verse>
				<verse number="23">𪜶照上主的命令紮營，嘛照上主的命令起行；𪜶攏照上主通過 摩西 的指示，遵守上主的命令。</verse>
			</chapter>
			<chapter number="10">
				<verse number="1">上主命令 摩西 ，講：</verse>
				<verse number="2">「你著用銀拍兩支喇叭，互你用來召集會眾，嘛通叫逐個營出發。</verse>
				<verse number="3">兩支喇叭做夥歕的時，全體會眾著去你遐，佇會幕門口聚集。</verse>
				<verse number="4">若干焦歕一支，眾首領，就是 以色列 的族長，著去你遐聚集。</verse>
				<verse number="5">歕緊急短音的時，紮營佇東旁的支族攏著起行。</verse>
				<verse number="6">第二遍歕緊急短音的時，紮營佇南旁的支族著起行；欲叫𪜶起行，一定著歕緊急短音。</verse>
				<verse number="7">若欲聚集會眾，恁著歕喇叭，毋拘毋通歕緊急短音。</verse>
				<verse number="8">亞倫 的後代做祭司的，著負責歕許個喇叭；這欲做恁世世代代永遠的規例。</verse>
				<verse number="9">恁及侵犯恁的土地的對敵交戰的時，著用喇叭歕緊急短音，按呢上主 — 恁的上帝就會記得恁，閣欲解救恁脫離恁的對敵。</verse>
				<verse number="10">恁舉行慶典，佇節期及逐月日的初一，獻燒化祭及平安祭的時，嘛著歕喇叭，按呢恁的上帝就會記得恁。我是上主 — 恁的上帝。」</verse>
				<verse number="11">第二年二月二十，雲對囥約櫃的會幕升高，</verse>
				<verse number="12">以色列 人就照𪜶的行程對 西奈 的曠野出發；雲停佇 巴蘭 的曠野。</verse>
				<verse number="13">這是𪜶照上主互 摩西 的命令，第一遍起程。</verse>
				<verse number="14">猶大 支族的大旗做頭前，部隊一隊接一隊向前行； 猶大 支族部隊的統領是 亞米拿達 的子 拿順 。</verse>
				<verse number="15">以薩迦 支族部隊的統領是 蘇押 的子 拿坦業 。</verse>
				<verse number="16">西布倫 支族部隊的統領是 希倫 的子 以利押 。</verse>
				<verse number="17">會幕就拆起來； 革順 及 米拉利 的子孫扛會幕出發。</verse>
				<verse number="18">照部隊的順序，續接出發的是 呂便 支族的大旗；部隊的統領是 示丟珥 的子 以利蓿 。</verse>
				<verse number="19">西緬 支族部隊的統領是 蘇利沙代 的子 示路蜜 。</verse>
				<verse number="20">迦得 支族部隊的統領是 丟珥 的子 以利雅薩 。</verse>
				<verse number="21">哥轄 宗族扛聖所內面的聖物起行；會幕著佇𪜶到位以前搭好。</verse>
				<verse number="22">照部隊的順序，續接出發的是 以法蓮 支族的大旗；部隊的統領是 亞米忽 的子 以利沙瑪 。</verse>
				<verse number="23">瑪拿西 支族部隊的統領是 比大蓿 的子 迦瑪列 。</verse>
				<verse number="24">便雅憫 支族部隊的統領是 基多尼 的子 亞比但 。</verse>
				<verse number="25">最後是 但 支族的大旗導隊，照部隊的順序， 亞米沙代 的子 亞希以謝 做 但 支族的統領。</verse>
				<verse number="26">亞設 支族部隊的統領是 俄蘭 的子 帕結 。</verse>
				<verse number="27">拿弗他利 支族部隊的統領是 以南 的子 亞希拉 。</verse>
				<verse number="28">以上是 以色列 人部隊接部隊向前行的順序。</verse>
				<verse number="29">摩西 對伊的丈人 米甸 人 流珥 的子 何巴 講：「阮欲去上主應允欲賞賜阮的地；請你及阮做夥來去，阮會好款待你；上主已經應允賜福互 以色列 人。」</verse>
				<verse number="30">伊應講：「我毋去。我欲倒去我的故鄉、我的親族遐。」</verse>
				<verse number="31">摩西 講：「請你毋通放拺阮！你知，阮著佇曠野尋所在紮營，你會當給阮指導。</verse>
				<verse number="32">你若及阮做夥去，上主賜阮的福氣，阮一定攏會及你分享。」</verse>
				<verse number="33">𪜶離開上主的山 ，出發行三日的路程；上主的約櫃佇頭前行三日的路程，給𪜶尋歇睏的所在。</verse>
				<verse number="34">𪜶拆𪜶的布棚出發；日時上主的雲佇𪜶的頂面。</verse>
				<verse number="35">約櫃起程的時， 摩西 就講： 「上主啊，求你起來！ 願你趕散你的對敵！ 願怨恨你的人佇你的面前逃走！」</verse>
				<verse number="36">約櫃停的時， 摩西 就講： 「上主啊，求你倒來， 住佇 以色列 千千萬萬的人中間！」</verse>
			</chapter>
			<chapter number="11">
				<verse number="1">以色列 人民發怨言，𪜶的不滿傳到上主遐；上主聽著，就發大受氣。上主降火佇𪜶中間，燒營地的外圍。</verse>
				<verse number="2">人民對 摩西 哀求， 摩西 就祈求上主；火就化。</verse>
				<verse number="3">彼個所在就叫做 他備拉 ，因為上主佇遐降火燒𪜶。</verse>
				<verse number="4">𪜶中間的外族人數想欲食好物； 以色列 人嘛啼哭講：「若有肉通食毋知偌好咧？</verse>
				<verse number="5">阮會記得佇 埃及 食魚免錢，閣有刺瓜、西瓜、韭菜、葱頭、蒜頭。</verse>
				<verse number="6">阮已經無元氣啦，因為嗎哪以外，阮攏無物件通食。」</verse>
				<verse number="7">嗎哪親像芫荽籽，色緻親像真珠。</verse>
				<verse number="8">人民四界去拾，有的用石槌研，有的用舂臼舂，用鍋仔煮，作做餅；滋味親像抄油的餅。</verse>
				<verse number="9">暝時嗎哪及露水做夥落佇營內。</verse>
				<verse number="10">摩西 聽著人民家家戶戶佇布棚口啲哮。上主真受氣， 摩西 嘛無歡喜。</verse>
				<verse number="11">摩西 對上主講：「你是按怎歹款待你的僕人？我是按怎無得著你的恩典，你竟然將所有人民的擔下佇我的肩頭頂？</verse>
				<verse number="12">此個人民豈是我懷孕的？豈是我生的？你竟然叫我著給𪜶抱佇胸前，親像老父啲育飼食奶的嬰仔，到𪜶進入你宣誓欲賞賜𪜶祖先的地？</verse>
				<verse number="13">我欲去叨位提肉來互所有的人民食？因為𪜶攏哭賴我，講：『互阮有肉通食！』</verse>
				<verse number="14">此個人民的擔傷重，我家己擔當𣍐起。</verse>
				<verse number="15">你若按呢對待我，我若對你得著恩典，求你隨時給我刣死，互我免閣看著家己按怎受苦。」</verse>
				<verse number="16">上主對 摩西 講：「你著召集七十個長老，就是你所識，做人民的長老及官長的來，互𪜶及你徛佇會幕頭前。</verse>
				<verse number="17">我欲降臨佇遐及你講話，嘛欲將降落佇你身上的神分互𪜶；𪜶就及你分擔管理人民的擔，才免你家己一個擔當。</verse>
				<verse number="18">你嘛著給人民講：『恁著家己分別作聖，準備明仔載食肉，因為上主有聽著恁啼哭，講：互阮有肉通食！阮佇 埃及 真好。所以上主欲互恁有肉通食。</verse>
				<verse number="19">恁毋是干焦食一日、兩日、五日、十日、二十日；</verse>
				<verse number="20">伊欲互恁食歸個月，食到肉對恁的鼻孔噴出來，食甲畏；因為恁棄拺住佇恁中間的上主，給伊哭賴講：阮哪著出 埃及 ？』」</verse>
				<verse number="21">摩西 講：「諸個及我做夥的人民，干焦行路的查甫人就有六十萬，你講：『我欲互𪜶歸個月攏有肉通食。』</verse>
				<verse number="22">豈有夠額的牛群、羊群通刣來互𪜶食？給大海所有的魚攏掠來，豈有夠𪜶食？」</verse>
				<verse number="23">上主對 摩西 講：「你是看上主的氣力無夠是無？今你欲看著我的話實現。」</verse>
				<verse number="24">摩西 出去，將上主的話給人民講，閣召集人民中間的長老七十人，互𪜶徛佇會幕的四周圍。</verse>
				<verse number="25">上主佇雲中降臨，對 摩西 講話，閣將降落佇伊身上的神，分互彼七十個長老。上主的神臨到𪜶的時，𪜶就親像先知入神講話；以後此個事無閣發生。</verse>
				<verse number="26">有兩個佇名單內面的長老， 伊利達 及 米達 ，猶原留佇營內。𪜶無去會幕遐，毋拘上主的神嘛臨到𪜶，𪜶就佇營內講先知的話。</verse>
				<verse number="27">有一個少年人走來給 摩西 報告：「 伊利達 及 米達 佇營內入神講話。」</verse>
				<verse number="28">對少年就做 摩西 的助手， 嫩 的子 約書亞 ，講：「請我的主 摩西 給𪜶禁止。」</verse>
				<verse number="29">摩西 給伊講：「你為著我啲怨妒𪜶是無？苦𣍐得上主將伊的神賜互伊所有的子民，互𪜶攏做先知。」</verse>
				<verse number="30">後來， 摩西 及 以色列 的長老就倒去營內。</verse>
				<verse number="31">上主起一陣風，對海裡給鵪鶉吹來佇營地周圍，四箍輾轉有一日的路程赫闊，離地面大約一公尺高。</verse>
				<verse number="32">人民歸暝歸日及第二日歸日，攏起來掠鵪鶉；掠上少的嘛有十堆，攏排佇營地四圍。</verse>
				<verse number="33">肉猶佇𪜶的嘴內啲哺，上主就對𪜶發受氣，降大瘟疫拍𪜶。</verse>
				<verse number="34">彼個所在就叫做 基博羅‧哈他瓦 ，因為𪜶佇遐埋葬許個貪慾的人。</verse>
				<verse number="35">以色列 人對 基博羅‧哈他瓦 去到 哈洗錄 ，就住佇遐。</verse>
			</chapter>
			<chapter number="12">
				<verse number="1">美莉安 及 亞倫 批評 摩西 ，因為伊娶 古實 女子做某。𪜶講：</verse>
				<verse number="2">「上主豈干焦通過 摩西 講話？豈無嘛通過阮講話？」諸個話上主有聽著。</verse>
				<verse number="3">摩西 作人非常謙卑，贏過世間所有的人。</verse>
				<verse number="4">忽然，上主對 摩西 、 亞倫 ，及 美莉安 講：「恁三個攏出來會幕遮。」𪜶三個就出來。</verse>
				<verse number="5">上主佇雲柱中降臨，徛佇會幕門口，叫 亞倫 及 美莉安 ；𪜶兩個就行進前。</verse>
				<verse number="6">上主講：「恁著聽我的話。恁中間若有先知，我上主是用異象互𪜶識我，通過眠夢及𪜶講話。</verse>
				<verse number="7">毋拘我的僕人 摩西 毋是按呢；我有將我的全家交代伊 。</verse>
				<verse number="8">我是及伊面對面講話；明明講，伊毋免臆。伊甚至會看見我的形狀。恁哪敢批評我的僕人 摩西 ？」</verse>
				<verse number="9">上主對𪜶受氣，就離開。</verse>
				<verse number="10">雲對會幕的頂面徙開； 美莉安 忽然起嚴重的皮膚病，伊的皮膚親像雪赫白。 亞倫 看著 美莉安 起嚴重的皮膚病，</verse>
				<verse number="11">就對 摩西 講：「我的主啊，求你毋通因為阮愚戇犯罪，互阮受刑罰。</verse>
				<verse number="12">求你毋通互伊親像出母胎就爛一半的死胎。」</verse>
				<verse number="13">摩西 就哀求上主，講：「上帝啊，求你醫好 美莉安 。」</verse>
				<verse number="14">上主對 摩西 講：「伊的老父若給伊呸嘴涎佇面裡，伊豈毋免見笑七日？今著給伊隔離佇營外七日，然後才通互伊轉來。」</verse>
				<verse number="15">對按呢， 美莉安 就互人隔離佇營外七日；人民無起程，聽候到 美莉安 倒來。</verse>
				<verse number="16">後來，人民對 哈洗錄 起程，到 巴蘭 的曠野紮營。</verse>
			</chapter>
			<chapter number="13">
				<verse number="1">上主命令 摩西 ，講：</verse>
				<verse number="2">「你著對逐個支族選一個族長，派𪜶去探查我欲賜互 以色列 人的 迦南 地。」</verse>
				<verse number="3">摩西 就照上主的命令，派逐支族的族長對 巴蘭 的曠野出發。</verse>
				<verse number="4">諸個族長的名記佇下面： 呂便 支族是 撒刻 的子 沙慕亞</verse>
				<verse number="5">西緬 支族是 何利 的子 沙法</verse>
				<verse number="6">猶大 支族是 耶孚尼 的子 迦勒</verse>
				<verse number="7">以薩迦 支族是 約瑟 的子 以迦</verse>
				<verse number="8">以法蓮 支族是 嫩 的子 何西阿</verse>
				<verse number="9">便雅憫 支族是 拉孚 的子 帕提</verse>
				<verse number="10">西布倫 支族是 梭底 的子 迦疊</verse>
				<verse number="11">約瑟 的後代 瑪拿西 支族是 穌西 的子 迦底</verse>
				<verse number="12">但 支族是 基瑪利 的子 亞米利</verse>
				<verse number="13">亞設 支族是 米迦勒 的子 西帖</verse>
				<verse number="14">拿弗他利 支族是 縛西 的子 拿比</verse>
				<verse number="15">迦得 支族是 瑪基 的子 臼利</verse>
				<verse number="16">以上是 摩西 派去探查彼個地的人的名。 摩西 給 嫩 的子 何西阿 號名做 約書亞 。</verse>
				<verse number="17">摩西 派𪜶去探查 迦南 地的時，對𪜶講：「恁去 尼革夫 ，𬦰上山，</verse>
				<verse number="18">看彼個地生做什麼款：遐的住民是強抑是弱，人數多抑是少，</verse>
				<verse number="19">住的地是好抑是僫，住的所在是無城牆的營地抑是堅固的城。</verse>
				<verse number="20">閣看彼個土地是肥抑是瘦，有樹木抑無。恁著勇敢，將彼所在的果子帶一寡倒來。」彼時抵仔是葡萄初熟的時。</verse>
				<verse number="21">𪜶就去探查，對 尋 的曠野到 利合 的地區，直到 哈馬 隘口。</verse>
				<verse number="22">𪜶閣對 尼革夫 上去 希伯崙 ；此個城比 埃及 的 瑣安 城較早七年起造，有 亞衲 族的 亞希幔 人、 示篩 人、 達買 人住佇遐。</verse>
				<verse number="23">𪜶到 以實各 山谷，剉一枝葡萄樹椏，頂面有一葩葡萄，需要兩個人扛；閣帶一寡石榴及無花果倒來。</verse>
				<verse number="24">因為 以色列 人對遐剉一葩葡萄，彼個所在就叫做 以實各 山谷。</verse>
				<verse number="25">𪜶探查彼個地四十日久，才倒來。</verse>
				<verse number="26">𪜶來到 巴蘭 曠野的 加低斯 ，見 摩西 、 亞倫 ，及 以色列 的會眾，給𪜶回報歸個行程，閣互𪜶看彼所在的果子。</verse>
				<verse number="27">𪜶對 摩西 講：「你派阮去探查彼個地區，果然是流奶及蜜的地；諸個就是彼個所在的果子。</verse>
				<verse number="28">毋拘彼所在的住民真勇，城大閣堅固；阮佇遐嘛看著 亞衲 族。</verse>
				<verse number="29">亞瑪力 人住佇 尼革夫 地區； 赫 人、 耶布斯 人、 亞摩利 人住佇山地； 迦南 人住佇海邊及 約旦 河邊。」</verse>
				<verse number="30">迦勒 佇 摩西 的面前互人民安靜落來，講：「咱趕緊來去攻佔彼個所在；咱一定會贏。」</verse>
				<verse number="31">毋拘許個及伊做夥去的人講：「咱無法度攻擊許個人民；𪜶比咱較勇。」</verse>
				<verse number="32">許個去探查的人對 以色列 人散布謠言，講：「阮探查行過的地是吞食人的地，閣看著的住民攏真大漢。</verse>
				<verse number="33">阮看著的 亞衲 族的人就是大漢人，𪜶是大漢人的後代；及𪜶比起來，咱親像草蜢，𪜶看咱嘛是按呢。」</verse>
			</chapter>
			<chapter number="14">
				<verse number="1">全會眾就出聲，埋怨。彼暝𪜶攏啼哭。</verse>
				<verse number="2">以色列 人埋怨 摩西 及 亞倫 ，對𪜶講：「苦𣍐得阮死佇 埃及 ！苦𣍐得死𫢶此個曠野！</verse>
				<verse number="3">上主哪欲導阮來到遮，害阮互人刣死，某子嘛互人掠去。阮倒去 埃及 豈無較好？」</verse>
				<verse number="4">𪜶互相講來講去：「咱著選一個首領，導咱倒去 埃及 。」</verse>
				<verse number="5">摩西 及 亞倫 仆落佇 以色列 全會眾的面前。</verse>
				<verse number="6">探查彼個地的人中間， 嫩 的子 約書亞 及 耶孚尼 的子 迦勒 ，拆裂𪜶的衫，</verse>
				<verse number="7">對 以色列 全會眾講：「阮探查經過的地是真肥閣媠的地。</verse>
				<verse number="8">上主若意愛咱，就會導咱入去彼個地，將彼個流奶及蜜的地賞賜咱。</verse>
				<verse number="9">毋拘恁毋通背叛上主，嘛毋免驚彼所在的人，𪜶會互咱吞滅。給𪜶保庇的攏已經離開；上主及咱同在，毋免驚𪜶。」</verse>
				<verse number="10">全體會眾講欲用石頭給𪜶抌死彼時，上主的榮光佇會幕對所有的 以色列 人顯現。</verse>
				<verse number="11">上主對 摩西 講：「此個子民藐視我欲到底時？我佇𪜶中間行赫多神跡，𪜶到底時才會信我？</verse>
				<verse number="12">我欲用瘟疫拍𪜶，互𪜶𣍐當承接此個家業。毋拘我欲互你成做大國，比𪜶較強盛。」</verse>
				<verse number="13">摩西 對上主講：「你若按呢做， 埃及 人一定會知，因為你曾用你的權能導諸個人民對 埃及 出來。</verse>
				<verse number="14">埃及 人會對此所在的住民講此個事。此所在的住民嘛已經知，上主你及諸個人民同在；你的雲佇𪜶的頂面，佇彼中間你對𪜶顯現，互𪜶親目看見；日時用雲柱，暝時用火柱引導𪜶。</verse>
				<verse number="15">今你若一下手刣死諸個人民，許個聽見你的名聲的列國會講：</verse>
				<verse number="16">『因為上主𣍐當將此個人民導入去伊對𪜶立誓應允的地，就佇曠野給𪜶剿滅。』</verse>
				<verse number="17">今求我的主照你所應允的，顯出你的大權能；你曾講：</verse>
				<verse number="18">上主無快受氣，閣有豐盛的慈愛； 赦免罪孽及過失； 一定𣍐給有罪的判做無罪， 欲追究人的罪，對父到子，到三四代。</verse>
				<verse number="19">求你照你的大慈愛赦免此個人民的罪孽。親像你對導𪜶出 埃及 到今，常常赦免𪜶仝款。」</verse>
				<verse number="20">上主講：「我欲照你的話赦免𪜶。</verse>
				<verse number="21">毋拘，我指我的活命及我充滿全地的榮光立誓：</verse>
				<verse number="22">諸個人雖然有看見我的榮光，閣看著我佇 埃及 及曠野行過的神跡，猶試探我十遍，毋聽趁我的命令，</verse>
				<verse number="23">所以𪜶一定𣍐當看著我對𪜶的列祖立誓應允的地；所有藐視我的攏𣍐當看著。</verse>
				<verse number="24">毋拘我的僕人 迦勒 ，我欲導伊入去伊行過的地，伊的後代嘛欲得著彼個地做家業，因為伊有及別人無仝款的心志，全心跟隨我。</verse>
				<verse number="25">明仔載恁著轉方向，對 紅海 的路去曠野，因為 亞瑪力 人及 迦南 人住佇山谷。」</verse>
				<verse number="26">上主閣對 摩西 及 亞倫 講：</verse>
				<verse number="27">「此個歹的會眾對我發怨言欲到底時？ 以色列 人對我的怨言，我攏有聽見。</verse>
				<verse number="28">著給𪜶講上主講：『我指我的活命立誓：我欲照恁所講的怨言對待恁。</verse>
				<verse number="29">恁的身屍會倒佇此個曠野。恁中間有登錄，二十歲以上，對我發怨言的人，</verse>
				<verse number="30">一定𣍐當入去我立誓應允欲互恁徛起的地；只有 耶孚尼 的子 迦勒 及 嫩 的子 約書亞 才會當入去。</verse>
				<verse number="31">毋拘恁所啲想會互人掠去的囝仔，我欲導𪜶入去，𪜶會得著恁所棄拺彼個地。</verse>
				<verse number="32">恁咧，恁的身屍會倒佇此個曠野。</verse>
				<verse number="33">恁的子兒會佇曠野流浪四十年，擔當恁無忠實的罪，直到恁佇曠野完全消滅。</verse>
				<verse number="34">恁探查彼個地的日子共四十日，一年抵一日，恁著對恁犯的罪孽付出代價四十年；恁就知反對我的結果是按怎。』</verse>
				<verse number="35">我上主已經講，我欲按呢對待所有聚集對敵我的歹會眾；𪜶欲佇此個曠野消失，死佇遮。」</verse>
				<verse number="36">摩西 派去探查彼個地的人，倒轉來報彼所在的歹消息，致到全會眾對 摩西 發怨言；</verse>
				<verse number="37">許個報歹消息的人攏抵著瘟疫，死佇上主的面前。</verse>
				<verse number="38">去探查彼所在的人中間，只有 嫩 的子 約書亞 及 耶孚尼 的子 迦勒 猶活啲。</verse>
				<verse number="39">摩西 將諸個話給 以色列 眾人講，人民就真悲傷。</verse>
				<verse number="40">𪜶透早起來，上去山頂，講：「阮有犯罪。今阮佇遮，阮欲上去上主應允阮的地。」</verse>
				<verse number="41">摩西 講：「恁哪欲違背上主的命令？恁按呢做𣍐成功。</verse>
				<verse number="42">毋通去，因為上主無及恁同在，恐驚恁互對敵拍敗。</verse>
				<verse number="43">亞瑪力 人及 迦南 人攏佇恁的頭前，恁會死佇𪜶的刀下；因為恁無隨上主，所以上主無欲及恁同在。」</verse>
				<verse number="44">𪜶堅持欲上山頂；毋拘上主的約櫃及 摩西 無出營地。</verse>
				<verse number="45">對按呢， 亞瑪力 人及住佇山裡的 迦南 人攏落來攻擊𪜶，給𪜶拍敗，給𪜶趕到 何珥瑪 。</verse>
			</chapter>
			<chapter number="15">
				<verse number="1">上主命令 摩西</verse>
				<verse number="2">著吩咐 以色列 人：恁去到我賞賜恁徛起的地，</verse>
				<verse number="3">若欲對牛群羊群中間取來做芳芳的祭物，用火燒獻互上主，無論是燒化祭抑是別款的祭，是謝願抑是甘心獻的祭，抑是節期的祭，</verse>
				<verse number="4">逐隻羊仔著配用一公斤幼麵粉抄一公升油做的素祭，以及一公升的酒做奠酒祭。無論是燒化祭抑是別款的祭，奉獻的人攏著照按呢獻祭物互上主。</verse>
				<verse number="5"></verse>
				<verse number="6">獻綿羊，著配用兩公斤的幼麵粉抄一公升半的油做的素祭；</verse>
				<verse number="7">閣用一公升半的酒做奠酒祭，用火燒做芳芳的祭獻互上主。</verse>
				<verse number="8">你若獻牛仔做燒化祭抑是別款的祭，來謝願抑是做平安祭獻互上主，</verse>
				<verse number="9">著用三公斤的幼麵粉抄兩公升的油做素祭，及牛仔做夥獻；</verse>
				<verse number="10">閣用兩公升的酒做奠酒祭，用火燒做芳芳的祭獻互上主。</verse>
				<verse number="11">獻每一隻牛、綿羊、綿羊仔、抑是山羊仔，攏著照按呢奉獻。</verse>
				<verse number="12">無論你奉獻幾隻，每一隻著照按呢辦理。</verse>
				<verse number="13">逐個在地出世的 以色列 人，若欲獻用火燒的芳芳的祭互上主，攏著照按呢辦理。</verse>
				<verse number="14">若有外族人來住佇恁中間，不管𪜶是暫時，抑是世世代代住佇恁中間，𪜶若欲獻用火燒的芳芳的祭互上主，恁按怎獻，𪜶嘛著照按呢做。</verse>
				<verse number="15">關係會眾，無論是恁抑是住佇恁中間的外族人，攏著守仝款的規例，這欲做恁世世代代永遠的規例；佇上主的面前，恁按怎辦理，𪜶嘛著照按呢做。</verse>
				<verse number="16">恁及住佇恁中間的外族人，著遵守像款的律法，像款的規例。</verse>
				<verse number="17">上主閣命令 摩西</verse>
				<verse number="18">著吩咐 以色列 人：恁去到上主導恁入去彼個地，</verse>
				<verse number="19">食彼所在的米糧，著獻禮物互上主。</verse>
				<verse number="20">恁著將第一塊烘出來的餅，攑高做禮物獻互上主，親像佇五穀場將初熟的五穀攑高來獻仝款。</verse>
				<verse number="21">恁世世代代著照按呢做，獻禮物互上主。</verse>
				<verse number="22">恁若無意中犯著上主命令 摩西 的任何誡命，</verse>
				<verse number="23">就是上主通過 摩西 命令恁的，對上主命令恁彼日，到以後逐世代，</verse>
				<verse number="24">若有人犯著，毋拘無人知，會眾著獻一隻牛仔做燒化祭，閣照獻祭的規例配素祭及奠酒祭，做夥做芳芳的祭獻互上主；閣著獻一隻山羊做贖罪祭。</verse>
				<verse number="25">祭司著為 以色列 全體會眾贖罪，𪜶就得著赦免；𪜶是無意中犯錯，嘛有為著𪜶的錯誤，帶用火燒的祭物及贖罪祭到上主的面前獻互伊。</verse>
				<verse number="26">以色列 會眾及住佇𪜶中間的外族人，就欲得著赦免，因為這是人民無意中犯著的罪。</verse>
				<verse number="27">若有人無意中犯罪，伊著獻一隻一歲的山羊母做贖罪祭。</verse>
				<verse number="28">祭司著為無意中犯罪彼個人佇上主的面前贖罪，伊就欲得著赦免。</verse>
				<verse number="29">在地的 以色列 人及住佇𪜶中間的外族人，若無意中犯罪，著照像款的規例辦理。</verse>
				<verse number="30">若有人故意犯罪褻瀆上主，無論是 以色列 人抑是住佇𪜶中間的外族人，著將伊對人民的中間革出。</verse>
				<verse number="31">彼個人藐視上主的話，違背伊的命令，伊著受革出，為家己的罪負責任。</verse>
				<verse number="32">以色列 人佇曠野的時，有一個人佇安歇日拾柴。</verse>
				<verse number="33">許個發見伊拾柴的人，給伊帶去 摩西 、 亞倫 ，及全體會眾遐。</verse>
				<verse number="34">𪜶給伊關起來，猶未確定欲按怎辦伊。</verse>
				<verse number="35">上主對 摩西 講：「一定著給彼個人處死；會眾著佇營外用石頭給伊抌死。」</verse>
				<verse number="36">會眾給彼個人導去營外，用石頭給伊抌死，是照上主對 摩西 的命令。</verse>
				<verse number="37">上主命令 摩西</verse>
				<verse number="38">著吩咐 以色列 人：𪜶著世世代代佇衫仔墘做鬚，閣佇鬚的頂面擢一條藍色的幼帶。</verse>
				<verse number="39">諸個鬚是欲互恁看著，會記得遵行上主的命令，才免恁放縱家己的心及目睭的慾望，致到恁對我不忠。</verse>
				<verse number="40">按呢，恁才會記得實行我所有的命令，分別作聖歸恁的上帝。</verse>
				<verse number="41">我是上主 — 恁的上帝，曾導恁出 埃及 地，欲做恁的上帝。我是上主 — 恁的上帝。</verse>
			</chapter>
			<chapter number="16">
				<verse number="1">利未 的曾孫， 哥轄 的孫， 以斯哈 的子 可拉 ，及 呂便 的後代 以利押 的子 大坍 、 亞比蘭 ，及 比勒 的子 安 ，</verse>
				<verse number="2">𪜶起來反抗 摩西 ，導 以色列 人中間兩百五十個有名望，受會眾選出的領袖，做夥去尋 摩西 。</verse>
				<verse number="3">𪜶聯合攻擊 摩西 及 亞倫 ，講：「恁傷過份啦！全體會眾逐個人攏是聖，上主嘛佇𪜶中間；恁是按怎自高，看家己比上主的會眾較高？」</verse>
				<verse number="4">摩西 聽著此個話就仆佇土腳，</verse>
				<verse number="5">對 可拉 及𪜶彼陣人講：「明仔早起，上主欲指示什麼人是屬伊的，什麼人是聖，就會叫彼個人就近伊；上主欲互伊揀選的人親近伊。</verse>
				<verse number="6">恁著按呢做： 可拉 及恁此陣人，著提香爐來；</verse>
				<verse number="7">明仔載恁著佇上主面前，佇香爐內面貯火，頂面下香。上主揀著的人，伊才是聖。恁諸個 利未 的子孫才是傷過份啦！」</verse>
				<verse number="8">摩西 閣對 可拉 講：「 利未 的子孫，注意聽！</verse>
				<verse number="9">以色列 的上帝給恁對 以色列 的會眾分別出來，互恁親近伊，辦理上主會幕的事，閣徛佇會眾面前服事，這豈是小可代誌？</verse>
				<verse number="10">上帝閣互你，及你的親族 利未 的子孫做夥親近伊，恁猶欲要求祭司的職份是無？</verse>
				<verse number="11">你及恁此陣人聯合，是啲攻擊上主。 亞倫 是啥人，恁竟然對伊發怨言？」</verse>
				<verse number="12">摩西 差人去叫 以利押 的子 大坍 及 亞比蘭 ；𪜶講：「阮毋去！</verse>
				<verse number="13">你給阮對流奶及蜜的 埃及 地導出來，害阮死佇曠野，閣欲家己作王管轄阮是無？</verse>
				<verse number="14">你毋若無導阮去到你所講流奶及蜜的地，無互阮有田園及葡萄園做家業，閣欲挖諸個人的目睭是無？阮無欲去你遐。」</verse>
				<verse number="15">摩西 就非常受氣，對上主講：「求你毋通接納𪜶的祭物。我毋曾牽過𪜶一隻驢，嘛毋曾害過𪜶一個人。」</verse>
				<verse number="16">摩西 對 可拉 講：「你及恁此陣人，及 亞倫 ，明仔載攏著來徛佇上主的面前。</verse>
				<verse number="17">恁兩百五十人逐個著帶香爐，內面貯香，來到上主的面前；你及 亞倫 著家己帶香爐來。」</verse>
				<verse number="18">𪜶逐個人就提香爐，內面貯火，頂面下香；𪜶及 摩西 、 亞倫 徛佇會幕門口。</verse>
				<verse number="19">可拉 招集全體會眾來會幕門口，攻擊 摩西 、 亞倫 。彼時，上主的榮光向會眾顯現。</verse>
				<verse number="20">上主吩咐 摩西 及 亞倫 講：</verse>
				<verse number="21">「恁著離諸個會眾較遠咧，我欲佇一目𥍉久的中間給𪜶消滅。」</verse>
				<verse number="22">摩西 及 亞倫 就仆佇土腳，講：「上帝啊，賞賜性命互世間人的上帝，一個人犯罪，你就對全會眾發大受氣是無？」</verse>
				<verse number="23">上主吩咐 摩西 去給會眾講：「恁著離開 可拉 、 大坍 、 亞比蘭 布棚的四周圍。」</verse>
				<verse number="24"></verse>
				<verse number="25">摩西 去 大坍 、 亞比蘭 遐， 以色列 的長老嘛隨伊去。</verse>
				<verse number="26">伊吩咐會眾講：「恁著離開諸個歹人的布棚。𪜶的物件攏毋通摸，才免恁及𪜶做夥消滅。」</verse>
				<verse number="27">會眾就離開 可拉 、 大坍 、 亞比蘭 布棚的四周圍。 大坍 、 亞比蘭 及𪜶的某、子兒、𪜶的細子，攏出來徛佇𪜶家己的布棚門口。</verse>
				<verse number="28">摩西 講：「是上主差我做諸個代誌，所以恁著知，毋是我照家己的意思啲做。</verse>
				<verse number="29">諸個人若及一般人仝款自然死，抵著及一般人仝款的遭遇，就是上主無差我。</verse>
				<verse number="30">上主若做一項新的事，互地開嘴，將𪜶及彼陣人攏吞落去，互𪜶活活摔落陰間，恁就知諸個人藐視上主。」</verse>
				<verse number="31">摩西 話抵仔講煞， 大坍 及 亞比蘭 下面的地就裂開。</verse>
				<verse number="32">地裂開，將𪜶及𪜶的家眷，以及所有屬 可拉 的人、財物攏吞落去。</verse>
				<verse number="33">許個人及所有屬𪜶的攏活活落陰間；地佇𪜶的頂面閣合倚，𪜶就對會眾中間消滅。</verse>
				<verse number="34">佇𪜶四周圍的 以色列 人聽著𪜶喉叫，就攏逃走，講：「咱嘛會互地吞落去！」</verse>
				<verse number="35">閣有火對上主遐發出，吞滅彼兩百五十個獻香的人。</verse>
				<verse number="36">上主命令 摩西</verse>
				<verse number="37">吩咐祭司 亞倫 的子 以利亞撒 ，給許個香爐對火中拾起來，閣給許個啲𤏸的火炭提去較遠的所在撒互散；許個香爐已經是聖。</verse>
				<verse number="38">許個香爐已經獻互上主，所以是聖的。你著將許個犯罪害家己性命的人的香爐，錘做歸片，貼佇祭壇，通做 以色列 人的鑑戒。</verse>
				<verse number="39">祭司 以利亞撒 就給許個人所獻銅的香爐提來，錘做歸片，給祭壇包啲，</verse>
				<verse number="40">互 以色列 人做鑑戒；才免毋是屬 亞倫 後代的外人佇上主的面前燒香，親像 可拉 及𪜶彼陣人受消滅；這是照上主通過 摩西 對 以利亞撒 的命令。</verse>
				<verse number="41">隔日， 以色列 人全體會眾攏埋怨 摩西 及 亞倫 ，講：「恁害死上主的子民。」</verse>
				<verse number="42">會眾聚集攻擊 摩西 及 亞倫 的時，忽然看見會幕有雲蓋啲，上主的榮光顯現。</verse>
				<verse number="43">摩西 及 亞倫 就來會幕頭前，</verse>
				<verse number="44">上主吩咐 摩西 ，講：</verse>
				<verse number="45">「恁著離開此個會眾，互我通佇一目𥍉久的中間給𪜶消滅。」𪜶兩個人就仆佇土腳。</verse>
				<verse number="46">摩西 對 亞倫 講：「去提你的香爐，將祭壇頂的火下佇彼內面，頂面下香，較緊帶去會眾遐，給𪜶贖罪；因為上主已經發大受氣，瘟疫湠開啦。」</verse>
				<verse number="47">亞倫 照 摩西 的吩咐，提香爐走入去會眾中間。唉啊！瘟疫已經佇人民的中間啲湠啦。 亞倫 就將香下佇火的頂面，給人民贖罪。</verse>
				<verse number="48">伊徛佇活人及死人的中間，瘟疫就停止。</verse>
				<verse number="49">除了因為 可拉 的事件死的以外，抵著瘟疫死的共一萬四千七百人。</verse>
				<verse number="50">瘟疫停止了後， 亞倫 就倒來會幕門口 摩西 遐。</verse>
			</chapter>
			<chapter number="17">
				<verse number="1">上主對 摩西 講：</verse>
				<verse number="2">「你著吩咐 以色列 人，逐支族的首領攏著攑𪜶的柺仔來，攏總十二支。你著佇𪜶的柺仔寫𪜶的名。</verse>
				<verse number="3">利未 支族彼支柺仔著寫 亞倫 的名；因為逐支族的族長攏有一支柺仔。</verse>
				<verse number="4">你著將許個柺仔提來會幕，下佇約櫃的頭前，就是我及恁相會的所在。</verse>
				<verse number="5">我所揀彼個人，伊的柺仔會茁芽；按呢我欲互 以色列 人𣍐閣埋怨恁。」</verse>
				<verse number="6">摩西 將諸個話給 以色列 人講，逐個支族的首領就將𪜶的柺仔交互 摩西 ；一個支族一支，共十二支； 亞倫 的柺仔嘛佇彼中間。</verse>
				<verse number="7">摩西 就將許個柺仔提入去囥約櫃的帳幕內面，下佇上主的面前。</verse>
				<verse number="8">隔日， 摩西 入去囥約櫃的帳幕，看著 利未 支族 亞倫 的柺仔已經茁芽，生花莓，開花，結杏仁。</verse>
				<verse number="9">摩西 對上主的面前攑許個柺仔出來，去 以色列 的眾人遐，互𪜶看；逐個族長就去攑家己的柺仔。</verse>
				<verse number="10">上主對 摩西 講：「將 亞倫 的柺仔囥倒去約櫃面前，做諸個背逆的人的鑑戒。按呢𪜶就𣍐閣對我發怨言，嘛𣍐因為按呢來死。」</verse>
				<verse number="11">摩西 就照上主的命令做。</verse>
				<verse number="12">以色列 人對 摩西 講：「慘啊！阮會死，會滅亡，阮會死了了。</verse>
				<verse number="13">所有倚近上主的會幕的攏會死。按呢，阮穩死的！」</verse>
			</chapter>
			<chapter number="18">
				<verse number="1">上主對 亞倫 講：「你及你的子兒，以及你的親族，著承擔聖所受侵犯的罪；你及你的子兒著承擔祭司職份受侵犯的罪。</verse>
				<verse number="2">你著導 利未 支族的人來，佇你及你的子兒佇會幕服事的時協助恁。</verse>
				<verse number="3">𪜶著做你的助手，做會幕的工課；毋拘毋通倚近聖所的器具及祭壇，才免𪜶及恁攏死。</verse>
				<verse number="4">𪜶著及你做夥佇會幕服事，做會幕所有的工作；毋拘毋通互別個支族的人倚近恁。</verse>
				<verse number="5">恁著負責執行聖所及祭壇的工作，才免我的受氣閣臨到 以色列 人。</verse>
				<verse number="6">我有對 以色列 人的中間揀恁的親族 利未 人賞賜恁，歸互上主，通辦理會幕的工作。</verse>
				<verse number="7">你及你的子兒著佇祭壇及會幕內面，盡恁做祭司的職份；此個祭司的職份是我互恁的禮物。若有別個支族的人倚近恁，著互伊死。」</verse>
				<verse number="8">上主閣給 亞倫 講：「我將 以色列 人分別作聖獻互我的禮物交代你；諸個物攏賜互你及你的後代做永遠的份額。</verse>
				<verse number="9">人民獻互我至聖的素祭、贖罪祭、賠罪祭中間，無佇祭壇用火燒的祭物攏歸互你及你的後代。</verse>
				<verse number="10">諸個是至聖的物，你著慎重來食；查甫人攏通食；你著看諸個物做聖。</verse>
				<verse number="11">「 以色列 人所獻攑高抑是搖過的祭物，我嘛攏賜互你及你的後代做永遠的份額；你厝內所有清氣的人攏通食。</verse>
				<verse number="12">「 以色列 人獻互我上主初熟的物，就是上好的油、酒，及五穀，我攏賞賜你。</verse>
				<verse number="13">諸個攏歸互你；你厝內所有禮儀上清氣的人攏通食。</verse>
				<verse number="14">「 以色列 人永遠獻互上主的物，攏欲歸互你。</verse>
				<verse number="15">「所有獻互上主頭上生的，無論是人抑是牲生，攏歸互你；毋拘大子一定著贖回；無清氣的牲生頭上生的，嘛著贖回。</verse>
				<verse number="16">欲贖回滿月以上的，著照聖所的公秤，納五十七公克的銀。</verse>
				<verse number="17">毋拘頭上生的牛、綿羊、山羊，你毋通贖回；諸個是聖，𪜶的血著灑佇祭壇，油著用火燒做芳芳的祭獻互上主。</verse>
				<verse number="18">許個肉，親像正腿以及搖過的胸坎肉，像款攏歸互你。</verse>
				<verse number="19">「 以色列 人攑高獻互上主聖的祭物，我攏賜互你及你的後代做永遠的份額。 「諸個是上主及你、你的後代所立永遠𣍐廢除的約。」</verse>
				<verse number="20">上主對 亞倫 講：「你佇 以色列 人的境內無產業，佇人民的中間無份額。我就是你的份額，你的產業。」</verse>
				<verse number="21">上主講：「 以色列 人的十分一奉獻，我已經賜互 利未 人做產業，報答𪜶佇會幕服事的勞苦。</verse>
				<verse number="22">其他的 以色列 人毋通閣倚近會幕，才免𪜶犯罪來死。</verse>
				<verse number="23">利未 人做會幕的工作，著承擔𪜶家己的罪；這欲做恁世世代代永遠的規例。𪜶佇 以色列 人的中間毋通有產業。</verse>
				<verse number="24">因為 以色列 人將出產的十分一做特別的禮物奉獻互上主，我將諸個賜互 利未 人做產業，所以我吩咐𪜶，佇 以色列 人的中間毋通有產業。」</verse>
				<verse number="25">上主命令 摩西</verse>
				<verse number="26">吩咐 利未 人：上主有將 以色列 人獻互伊十分一的奉獻，賜恁做產業；恁著對彼十分一的中間閣提十分一，做特別的禮物獻互上主。</verse>
				<verse number="27">此個特別的禮物抵親像作穡人所獻初熟的麥仔，及酒窟的新酒。</verse>
				<verse number="28">按呢，恁對 以色列 人得著的十分一，提來做特別的禮物獻互上主，將諸個歸互祭司 亞倫 。</verse>
				<verse number="29">恁著對所得著一切的禮物，將上好的分別作聖做特別的禮物獻互上主。</verse>
				<verse number="30">你著對 利未 人講：恁已經對彼中間奉獻上好的禮物，這抵親像獻初熟的麥仔，及酒窟的新酒。</verse>
				<verse number="31">恁及恁的家眷通佇逐所在食恁奉獻所賰的；這是恁應該得著的，報答恁佇會幕做工的勞苦。</verse>
				<verse number="32">恁若奉獻上好的禮物互上主，然後食奉獻所賰的就無罪；若無先奉獻上好的禮物，恁就是褻瀆 以色列 人的聖物，著受處死。</verse>
			</chapter>
			<chapter number="19">
				<verse number="1">上主對 摩西 及 亞倫 講：</verse>
				<verse number="2">「上主所命令的律法有一條按呢講：你著吩咐 以色列 人牽一隻健康、無瑕疵、毋曾掛軛的赤色牛母來你遮。</verse>
				<verse number="3">著將伊交互祭司 以利亞撒 ，帶出去營外，佇 以利亞撒 的面前給伊刣死。</verse>
				<verse number="4">祭司 以利亞撒 著用指頭仔搵血，向會幕頭前灑七遍。</verse>
				<verse number="5">著有一個人佇祭司的目睭前燒此隻牛母，嘛將伊的皮、肉、血，及糞燒掉。</verse>
				<verse number="6">祭司著將柏香柴、牛膝草、朱紅色的紗，攏㧒佇燒牛的火中。</verse>
				<verse number="7">後來祭司著洗伊的衫，洗身軀，才通入營地；到日落以後才清氣。</verse>
				<verse number="8">燒牛母的人嘛著洗伊的衫，洗身軀；到日落以後才清氣。</verse>
				<verse number="9">著有一個清氣的人收拾牛母的灰，保存佇營外禮儀上清氣的所在，留啲做潔淨的水的路用，通給 以色列 會眾的罪除去。</verse>
				<verse number="10">收拾牛母的灰的人著洗伊的衫；到日落以後才清氣。這欲做 以色列 人及寄居佇𪜶中間的外族人永遠的規例。」</verse>
				<verse number="11">若有人摸著人的屍體，就會七日久無清氣。</verse>
				<verse number="12">彼個人到第三日，著用彼個摻赤色牛母的灰的水潔淨家己，到第七日才清氣；伊若佇第三日無潔淨家己，到第七日猶是無清氣。</verse>
				<verse number="13">若有人摸著人的屍體，閣無潔淨家己，就是拍垃墋上主的會幕，此個人著給伊對 以色列 人的中間革出；因為伊的身軀無灑潔淨的水，伊猶無清氣。</verse>
				<verse number="14">下面是有關人死佇布棚內潔淨的條例：入去彼個布棚，以及所有佇布棚內的人，七日久攏無清氣。</verse>
				<verse number="15">布棚內無蓋蓋的器具嘛是無清氣。</verse>
				<verse number="16">若有人佇野外摸著互人刣死抑是自然死的屍體，抑是人的骨頭，抑是墓，七日久攏無清氣。</verse>
				<verse number="17">著為無清氣的人提一寡赤色牛母的灰，下佇器具內，倒活水佇彼內面。</verse>
				<verse number="18">著有一個禮儀上清氣的人提牛膝草搵此個水，灑布棚、所有的器具，及布棚內面的人，閣灑許個摸著墓、骨頭、自然死的人，以及摸著屍體的人。</verse>
				<verse number="19">第三日及第七日，清氣的人著給許個無清氣的人灑水，互𪜶到第七日得著清氣。許個人著洗衫，洗身軀；到日落以後才清氣。</verse>
				<verse number="20">彼個無清氣閣無去潔淨家己的人，著對會眾的中間給伊革出，因為伊拍垃墋上主的聖所；潔淨的水無灑佇伊的身軀，伊是無清氣的人。</verse>
				<verse number="21">這欲做 以色列 人永遠的規例。彼個給人灑潔淨的水的人著洗伊的衫；若有人摸著潔淨的水，日落以前伊是無清氣。</verse>
				<verse number="22">互無清氣的人摸著的物件是無清氣；摸著許個物件的人，日落以前攏無清氣。</verse>
			</chapter>
			<chapter number="20">
				<verse number="1">正月， 以色列 人全體會眾來到 尋 的曠野，佇 加低斯 紮營。 美莉安 死佇遐，就安葬佇遐。</verse>
				<verse number="2">會眾無水通飲，就聚集攻擊 摩西 及 亞倫 。</verse>
				<verse number="3">𪜶去給 摩西 吵，講：「苦𣍐得阮的同胞死佇上主面前的時，阮嘛做夥死死咧。</verse>
				<verse number="4">恁是按怎給上主的會眾導來此個曠野，是欲互阮及阮的牲生死佇遮是無？</verse>
				<verse number="5">恁是按怎導阮出 埃及 ，來到此個歹所在？阮佇遮無所在通撒種，通種無花果、葡萄、石榴，閣無水通飲。」</verse>
				<verse number="6">摩西 及 亞倫 離開會眾，去會幕門口，仆佇土腳；上主的榮光對𪜶顯現。</verse>
				<verse number="7">上主對 摩西 講：</verse>
				<verse number="8">「你去給約櫃頭前彼支柺仔攑來，及你的兄哥 亞倫 召集會眾，佇𪜶的目睭前命令石磐出水，水就會對石磐流出來，互會眾及𪜶的牲生飲。」</verse>
				<verse number="9">摩西 就照上主的命令，給柺仔攑來。</verse>
				<verse number="10">摩西 及 亞倫 招會眾去石磐遐； 摩西 對𪜶講：「恁諸個背逆的人聽咧，阮豈著互石磐出水互恁飲？」</verse>
				<verse number="11">摩西 攑手裡的柺仔，給石磐摃兩下，就有真多水流出來；會眾及𪜶的牲生攏飲。</verse>
				<verse number="12">上主對 摩西 及 亞倫 講：「因為恁毋信我，無佇 以色列 人的目睭前尊我做聖，所以恁𣍐當導諸個會眾入去我欲賜互𪜶的地。」</verse>
				<verse number="13">諸個水就叫做 米利巴 水泉；因為 以色列 人給上主吵；上主就對𪜶顯明家己是聖。</verse>
				<verse number="14">摩西 對 加低斯 差使者去見 以東 王，講：「你的親族 以色列 人按呢講：你知阮有抵著真多艱苦。</verse>
				<verse number="15">阮的祖先落去 埃及 ，住佇遐幾若年； 埃及 人壓迫阮及阮的祖先。</verse>
				<verse number="16">阮哀求上主，伊聽阮的聲，就派使者導阮離開 埃及 。現在阮佇你邊界的城 加低斯 。</verse>
				<verse number="17">今，請允准阮經過你的地。阮𣍐對恁的田園及葡萄園過，嘛𣍐飲井水；只有行大路，𣍐偏左偏右，一直到過你的邊界。」</verse>
				<verse number="18">以東 王講：「恁𣍐用得對我遮過；若一定欲過，我欲派兵攻擊恁。」</verse>
				<verse number="19">以色列 人給伊講：「阮會對大路過去。阮及牲生若飲你的水，阮會照價數互你。拜託，請允准互阮過。」</verse>
				<verse number="20">以東 王講：「不准恁過。」伊就導一大陣武裝部隊出來攻擊𪜶。</verse>
				<verse number="21">按呢， 以東 王毋准 以色列 人對𪜶的土地經過； 以色列 人就斡對別個方向去。</verse>
				<verse number="22">以色列 全體會眾對 加低斯 出發去到 何珥山 。</verse>
				<verse number="23">佇 以東 邊界的 何珥山 ，上主吩咐 摩西 及 亞倫 ，講：</verse>
				<verse number="24">「 亞倫 連鞭會死；伊𣍐當入去我欲賜互 以色列 人的地，因為佇 米利巴 水泉的事件恁違背我的命令。</verse>
				<verse number="25">你著導 亞倫 及伊的子 以利亞撒 上 何珥山 ，</verse>
				<verse number="26">給 亞倫 的衫褪起來互伊的子 以利亞撒 穿； 亞倫 會死佇遐。」</verse>
				<verse number="27">摩西 就照上主的命令做。𪜶三個人佇會眾的目睭前上 何珥山 。</verse>
				<verse number="28">摩西 將 亞倫 的衫褪起來，穿佇伊的子 以利亞撒 身上， 亞倫 就死佇山頂。 摩西 及 以利亞撒 落山。</verse>
				<verse number="29">以色列 全家知 亞倫 已經死，就為 亞倫 啼哭三十日。</verse>
			</chapter>
			<chapter number="21">
				<verse number="1">住佇 尼革夫 的 迦南 人 亞拉得 王，聽見 以色列 人對 亞他林 的路來，就及 以色列 人交戰，掠𪜶幾若個人。</verse>
				<verse number="2">以色列 人對上主下願講：「你若真正互阮刣贏諸個人民，阮就欲將𪜶的城完全毀滅。」</verse>
				<verse number="3">上主聽 以色列 人的懇求，將 迦南 人交佇𪜶的手，𪜶就將 迦南 人及𪜶的城徹底消滅；彼個所在就叫做 何珥瑪 。</verse>
				<verse number="4">以色列 人對 何珥山 出發，踅過 以東 的地，向 紅海 的路行；佇路裡，𪜶的心真煩，</verse>
				<verse number="5">就埋怨上帝及 摩西 ，講：「恁是按怎導阮出 埃及 ，互阮來死佇此個曠野？遮無食物，無水，阮嘛無愛閣食此個白汫無味的物件。」</verse>
				<verse number="6">上主就派火蛇入去人民的中間，咬𪜶； 以色列 人死真多。</verse>
				<verse number="7">人民就去給 摩西 講：「阮有犯罪，因為阮講話攻擊上主及你；請你求上主給諸個蛇趕離開阮。」 摩西 就為人民祈求。</verse>
				<verse number="8">上主對 摩西 講：「你鑄一尾蛇，吊佇旗杆頂；所有互蛇咬著的，一下看就會活。」</verse>
				<verse number="9">摩西 就鑄一尾銅蛇，吊佇旗杆頂；所有互蛇咬著的，一下看此尾銅蛇，就活。</verse>
				<verse number="10">以色列 人出發，紮營佇 阿伯 。</verse>
				<verse number="11">閣對 阿伯 出發，紮營佇 摩押 東旁曠野內面的 以耶‧亞巴琳 。</verse>
				<verse number="12">對遐出發，紮營佇 撒烈 的溪谷。</verse>
				<verse number="13">對遐出發，紮營佇 摩押 及 亞摩利 的交界，屬 亞摩利 的 亞嫩 溪谷彼旁岸，倚近 亞摩利 的曠野。</verse>
				<verse number="14">所以， 上主的戰記 按呢記載： 蘇法 的 哇哈伯 、 亞嫩 許個溪谷，</verse>
				<verse number="15">以及許個溪谷的崎，一直到 亞珥 地區， 倚近 摩押 的邊界。</verse>
				<verse number="16">以色列 人對遐去 比珥 ；上主曾對 摩西 講「你聚集人民，我欲水互𪜶」，所講的就是此口井。</verse>
				<verse number="17">彼時 以色列 人唱歌講： 井啊，淐水出來！ 咱著對伊唱歌！</verse>
				<verse number="18">這是貴族用奏板開的， 是民間的領袖用柺仔掘的。 𪜶對曠野去 瑪他拿 ，</verse>
				<verse number="19">閣對 瑪他拿 去 拿哈列 ，對 拿哈列 去 巴末 ，</verse>
				<verse number="20">對 巴末 到 摩押 地區的山谷；對遮看落去，會當看著曠野的 比斯迦山 的山尖。</verse>
				<verse number="21">以色列 人派使者去見 亞摩利 人的王 西宏 ，講：</verse>
				<verse number="22">「請允准阮經過你的地。阮𣍐斡入去田園及葡萄園，嘛𣍐飲井水；只有行大路，一直到過你的邊界。」</verse>
				<verse number="23">西宏 毋准 以色列 人經過伊的地，就聚集伊的人民出來曠野，欲攻擊 以色列 人；佇 雅雜 及 以色列 人交戰。</verse>
				<verse number="24">以色列 人用刀刣𪜶，佔 亞嫩河 及 雅博河 中間的地，直直到 亞捫 人遐；因為 亞捫 人的邊界防守嚴密。</verse>
				<verse number="25">以色列 人佔領 亞摩利 人所有的城，包括 希實本 及周圍的庄社。</verse>
				<verse number="26">希實本 是 亞摩利 王 西宏 的城； 西宏 曾攻打以前的 摩押 王，佔領伊所有的土地，直到 亞嫩河 。</verse>
				<verse number="27">所以詩人唸詩，講： 著來 希實本 ； 願 西宏 的城重建閣堅固。</verse>
				<verse number="28">有火對 希實本 發， 有火焰對 西宏 的城出， 燒毀 摩押 的 亞珥 ， 燒滅 亞嫩河 的山頭壇。</verse>
				<verse number="29">摩押 啊，你有災禍啦！ 拜 基抹 神明的人啊，恁滅亡啦！ 基抹 害伊的查甫人逃亡， 害伊的查某人互 亞摩利 王 西宏 掠去。</verse>
				<verse number="30">阮對 希實本 到 底本 給𪜶完全消滅； 阮互地荒廢，直到 挪法 ， 閣到 米底巴 。</verse>
				<verse number="31">按呢， 以色列 人就住佇 亞摩利 人的地。</verse>
				<verse number="32">摩西 派人去探查 雅謝 ；𪜶佔許個庄社，將許個 亞摩利 人趕走。</verse>
				<verse number="33">以色列 人就斡對向 巴珊 的方向去； 巴珊 王 噩 及伊的軍兵出來佇 以得來 及𪜶交戰。</verse>
				<verse number="34">上主對 摩西 講：「毋免驚伊，因為我已經將伊及伊的軍兵，以及伊的土地攏交佇你的手；你著親像對付住佇 希實本 的 亞摩利 王 西宏 按呢對付伊。」</verse>
				<verse number="35">以色列 人就刣死 噩 及伊的子兒，以及伊的人民，連一個都無留啲，閣佔領伊的地。</verse>
			</chapter>
			<chapter number="22">
				<verse number="1">以色列 人閣出發，佇 約旦河 東旁， 耶利哥 對面的 摩押 平原紮營。</verse>
				<verse number="2">西撥 的子 巴勒 聽見 以色列 人對 亞摩利 人所做一切的事。</verse>
				<verse number="3">摩押 人知 以色列 人真多，就真驚，非常著急。</verse>
				<verse number="4">摩押 人給 米甸 的長老講：「今此陣人欲將咱四周圍所有的食了了，親像牛食野地的草仝款。」 彼時 西撥 的子 巴勒 做 摩押 的王。</verse>
				<verse number="5">伊派使者去 幼發拉底河 的 比奪 ， 比珥 的子 巴蘭 的故鄉，邀請伊來，講：「有一族的人對 埃及 出來；𪜶人多甲蓋滿地面，現在住佇我的對面。</verse>
				<verse number="6">𪜶比阮較強，所以請你來，替我咒詛許個人，我才有可能刣贏，給𪜶趕出此個地。我知，你祝福的，會得著祝福；你咒詛的，會受咒詛。」</verse>
				<verse number="7">摩押 的長老及 米甸 的長老就帶卜卦的禮金出發，去 巴蘭 遐，將 巴勒 的話給伊講。</verse>
				<verse number="8">巴蘭 對𪜶講：「下昏暗恁住遮；我會將上主吩咐我的給恁回復。」 摩押 的官員就住佇 巴蘭 遐。</verse>
				<verse number="9">上帝來 巴蘭 遐，問伊講：「來住你遮的是啥人？」</verse>
				<verse number="10">巴蘭 應上帝講：「是 西撥 的子 摩押 王 巴勒 派人來我遮，講：</verse>
				<verse number="11">『有人民對 埃及 出來，人多甲蓋滿地面。請你來，替我給𪜶咒詛，我才有可能刣贏，給𪜶趕出去。』」</verse>
				<verse number="12">上帝對 巴蘭 講：「你毋通及𪜶去，嘛毋通給此個人民咒詛，因為𪜶是我所祝福的。」</verse>
				<verse number="13">隔早起 巴蘭 起來，對 巴勒 的官員講：「恁倒去，因為上主毋准我及恁做夥去。」</verse>
				<verse number="14">摩押 的官員就出發，倒去給 巴勒 報告，講：「 巴蘭 毋肯及阮來。」</verse>
				<verse number="15">巴勒 閣派較多、較大的官員。</verse>
				<verse number="16">𪜶到 巴蘭 遐，對伊講：「 西撥 的子 巴勒 按呢講：『請你一定著來我遮。</verse>
				<verse number="17">我欲互你夠額的報賞；無論你要求什麼，我攏會互你；所以請你來，替我給此個人民咒詛。』」</verse>
				<verse number="18">巴蘭 對 巴勒 的官員講：「 巴勒 就是歸厝間的金銀互我，我一屑仔都毋敢違背上主 — 我的上帝的命令。</verse>
				<verse number="19">請恁下昏暗閣歇𫢶遮，聽候我知上主欲閣給我講什麼。」</verse>
				<verse number="20">彼暝上帝來 巴蘭 遐，給伊講：「既然諸個人閣來邀請你，你就及𪜶去；毋拘我給你講的，你著照按呢做。」</verse>
				<verse number="21">巴蘭 透早起來，準備驢，及 摩押 的官員做夥去。</verse>
				<verse number="22">上帝因為 巴蘭 及 巴勒 的官員做夥去就受氣。 巴蘭 騎驢，有兩個僕人隨伊；上主的使者來徛佇路裡，給伊阻擋。</verse>
				<verse number="23">驢看見上主的使者徛佇路裡，手攑拔出來的刀，就對路裡閃入園； 巴蘭 拍驢，欲互伊轉來原路。</verse>
				<verse number="24">上主的使者來徛佇葡萄園的狹路，雙旁攏有牆。</verse>
				<verse number="25">驢看見上主的使者，就閃倚一旁牆，給 巴蘭 的腳揢著， 巴蘭 就閣拍伊。</verse>
				<verse number="26">上主的使者行進前，徛佇較狹的所在，雙旁無路通斡。</verse>
				<verse number="27">驢看見上主的使者，就仆佇 巴蘭 的下底； 巴蘭 發受氣，用柺仔拍驢。</verse>
				<verse number="28">上主開驢的嘴，驢就對 巴蘭 講：「你哪無代無誌給我拍三遍？」</verse>
				<verse number="29">巴蘭 對驢講：「因為你創治我；我恨𣍐得有刀給你刣死。」</verse>
				<verse number="30">驢對 巴蘭 講：「你從少年就騎我，我豈曾對你按呢做？」 巴蘭 講：「毋曾。」</verse>
				<verse number="31">彼時上主開 巴蘭 的目睭，伊就看見上主的使者徛佇路裡，手攑拔出來的刀； 巴蘭 就俯頭仆佇土腳。</verse>
				<verse number="32">上主的使者對伊講：「你是按怎三遍拍你的驢？我來阻擋你，因為你的所做違背我。</verse>
				<verse number="33">驢看見我，就閃我三遍；伊若無閃，我早就給你刣死，互驢活啲。」</verse>
				<verse number="34">巴蘭 對上主的使者講：「我有罪啦。我毋知你徛佇路裡阻擋我；你若無愛我去，我就轉去。」</verse>
				<verse number="35">上主的使者對 巴蘭 講：「你及𪜶去；毋拘你干焦會用得講我愛你講的話。」 巴蘭 就及 巴勒 的官員做夥去。</verse>
				<verse number="36">巴勒 聽著 巴蘭 來，就去 摩押 城迎接伊；此個城是佇邊界的 亞嫩 河邊。</verse>
				<verse number="37">巴勒 對 巴蘭 講：「我前遍就熱切邀請你，你是按怎無來？你想講我𣍐互你夠額的報賞是無？」</verse>
				<verse number="38">巴蘭 應 巴勒 講：「我都已經來啊。毋拘我𣍐當欲講什麼就講什麼。我干焦會當講上帝交代我的話。」</verse>
				<verse number="39">巴勒 導 巴蘭 去 胡瑣 城。</verse>
				<verse number="40">巴勒 刣牛羊獻祭，將祭肉送互 巴蘭 以及去接伊來的官員。</verse>
				<verse number="41">隔早起， 巴勒 導 巴蘭 去 巴末‧巴力 ； 巴蘭 對遐會當看著 以色列 人民分散到叨位。</verse>
			</chapter>
			<chapter number="23">
				<verse number="1">巴蘭 對 巴勒 講：「你佇遮給我起七座祭壇，閣準備七隻牛、七隻羊。」</verse>
				<verse number="2">巴勒 就照 巴蘭 的話做； 巴勒 及 巴蘭 佇逐座壇獻一隻牛及一隻羊。</verse>
				<verse number="3">巴蘭 對 巴勒 講：「你請徛佇你的燒化祭的邊仔，我欲去頭前，無一定上主會對我顯現。伊給我指示什麼，我會給你講。」 巴蘭 就上去較高無草木的所在。</verse>
				<verse number="4">上帝對 巴蘭 顯現， 巴蘭 對伊講：「我已經準備七座祭壇，佇逐座壇獻一隻牛及一隻羊。」</verse>
				<verse number="5">上主將 巴蘭 應該講的話交代伊，閣給伊講：「你倒去 巴勒 遐，著按呢給伊講。」</verse>
				<verse number="6">伊就倒去 巴勒 遐；看著 巴勒 及 摩押 的官員猶徛佇燒化祭的邊仔。</verse>
				<verse number="7">巴蘭 就唸詩，講： 巴勒 導我對 敘利亞 來， 摩押 王導我出東旁的山。伊講： 「來，給我咒詛 雅各 ； 來，詈罵 以色列 。」</verse>
				<verse number="8">上帝無咒詛的，我哪通咒詛？ 上主無詈罵的，我哪通詈罵？</verse>
				<verse number="9">我對山巖看， 對山頂觀看； 此個人民家己徛起， 無及列國排做夥。</verse>
				<verse number="10">啥人會當計算 雅各 的土沙？ 啥人會當點算 以色列 的土粉？ 願我的死親像義人的死， 我的結局親像𪜶的結局。</verse>
				<verse number="11">巴勒 對 巴蘭 講：「你是啲創啥？我叫你來咒詛我的對敵，你竟然給𪜶祝福！」</verse>
				<verse number="12">伊應講：「上主交代我講的話，我哪敢無照實講？」</verse>
				<verse number="13">巴勒 對 巴蘭 講：「請你及我去別位，佇遐你會當看著𪜶；你只有會看著𪜶的一部份，𣍐當看著𪜶全部。你著佇遐替我給𪜶咒詛。」</verse>
				<verse number="14">伊就導 巴蘭 去 瑣腓 的野地，上 比斯迦 山頂，起七座祭壇，逐座壇獻一隻牛及一隻羊。</verse>
				<verse number="15">巴蘭 對 巴勒 講：「你請𫢶遮，徛佇你的燒化祭的邊仔，聽候我去遐見上主。」</verse>
				<verse number="16">上主對 巴蘭 顯現，將伊應該講的話交代伊；閣講：「你倒去 巴勒 遐，著照按呢講。」</verse>
				<verse number="17">巴蘭 就倒去 巴勒 遐；看著 巴勒 及 摩押 的官員猶徛佇燒化祭的邊仔。 巴勒 問伊講：「上主對你講什麼？」</verse>
				<verse number="18">巴蘭 就唸詩，講： 巴勒 ，注意聽！ 西撥 的子，聽咧！</verse>
				<verse number="19">上帝𣍐親像人講白賊， 嘛𣍐親像人會反悔。 伊豈會講了無做， 豈會講出嘴無實現？</verse>
				<verse number="20">我奉命祝福； 上主的祝福，我𣍐給伊改變。</verse>
				<verse number="21">佇 雅各 看𣍐著災難， 佇 以色列 看𣍐著災禍， 上主 — 𪜶的上帝及𪜶同在； 佇𪜶中間有謳咾上主 — 𪜶的王的聲。</verse>
				<verse number="22">上帝導𪜶出 埃及 ； 為著𪜶，伊發出親像野牛的氣力。</verse>
				<verse number="23">雅各 無需要看兆頭， 以色列 無需要卜卦 ； 時間一下到，人講著 雅各 一定會講： 上帝已經為 以色列 完成赫大的事！</verse>
				<verse number="24">此個民族興起親像獅母， 挺身親像獅公； 伊無食獵物， 無飲獵物的血， 一定無欲歇睏。</verse>
				<verse number="25">巴勒 對 巴蘭 講：「你無給𪜶咒詛都害啊，哪閣給𪜶祝福？」</verse>
				<verse number="26">巴蘭 應 巴勒 講：「我豈無給你講『上主交代我的話，我一定著照按呢講』？」</verse>
				<verse number="27">巴勒 對 巴蘭 講：「來，我導你來別位，可能上帝愛你佇遐替我給𪜶咒詛。」</verse>
				<verse number="28">巴勒 就導 巴蘭 去 比珥山 的山尖，對遐看落去，會當看著曠野。</verse>
				<verse number="29">巴蘭 對 巴勒 講：「你佇遮給我起七座祭壇，閣準備七隻牛、七隻羊。」</verse>
				<verse number="30">巴勒 就照 巴蘭 的話做，佇逐座壇獻一隻牛及一隻羊。</verse>
			</chapter>
			<chapter number="24">
				<verse number="1">巴蘭 知上主歡喜賜福互 以色列 ，就無親像頂兩遍去看兆頭。 巴蘭 面向曠野，</verse>
				<verse number="2">看著 以色列 人照支族紮營，上帝的神臨到伊。</verse>
				<verse number="3">伊就唸詩，講： 比珥 的子 巴蘭 的預言， 目睭看清楚 的人的預言；</verse>
				<verse number="4">有聽見上帝的話， 看見全能者的異象， 仆啲，目睭金金的人的預言：</verse>
				<verse number="5">雅各 啊，你的布棚哪會赫媠！ 以色列 啊，你的帳幕哪赫好看！</verse>
				<verse number="6">𪜶親像相連續的棕樹 ， 親像溪邊的花園， 親像上主栽種的沉香樹， 親像水邊的柏香樹。</verse>
				<verse number="7">水欲對𪜶的水桶滿出； 𪜶的種籽欲撒佇水源充足的土地。 𪜶的王欲比 歌革 較偉大； 伊的國欲興起。</verse>
				<verse number="8">上帝導伊出 埃及 ； 為著伊，伊發出親像野牛的氣力。 伊欲消滅對敵的國， 摃斷𪜶的骨頭， 用箭射迵𪜶。</verse>
				<verse number="9">伊親像仆啲的獅公， 親像倒啲的獅母， 啥人敢惹伊？ 祝福恁的，願𪜶受祝福； 咒詛恁的，願𪜶受咒詛。</verse>
				<verse number="10">巴勒 氣沸沸，拳頭母掟緊緊對 巴蘭 講：「我叫你來給我的對敵咒詛，你竟然連續三遍攏給𪜶祝福。</verse>
				<verse number="11">你隨時給我轉去！我本來想欲互你夠額的報賞，毋拘上主阻擋，互你得𣍐著。」</verse>
				<verse number="12">巴蘭 對 巴勒 講：「我豈無對你派去我遐的使者講：</verse>
				<verse number="13">『 巴勒 就是歸厝間的金銀互我，我嘛毋敢違背上主的命令，照家己的意思做代誌。上主愛我講什麼，我就按呢講。』」</verse>
				<verse number="14">巴蘭 閣對 巴勒 講：「今我欲轉去我的故鄉。來，我給你講，將來 以色列 人會按怎對待你的人民。」</verse>
				<verse number="15">伊就唸詩，講： 比珥 的子 巴蘭 的預言， 目睭看清楚的人的預言；</verse>
				<verse number="16">有聽見上帝的話， 得著至高者的智識， 看見全能者的異象， 仆啲，目睭金金的人的預言：</verse>
				<verse number="17">我看見的，毋是現今的事； 我觀察的，是將來的代誌。 有一粒星對 雅各 出來； 有一個統治者對 以色列 興起。 伊會侵入 摩押 的邊界 ， 會佔領 塞特 的領土 。</verse>
				<verse number="18">伊欲征服對敵 以東 ， 互𪜶成做伊的產業。 以色列 會愈來愈強。</verse>
				<verse number="19">有一個統治者會對 雅各 出來； 伊欲剿滅城內所賰的。</verse>
				<verse number="20">巴蘭 閣看見 亞瑪力 人，就唸詩，講： 亞瑪力 是列國的頭， 毋拘伊最後會滅亡。</verse>
				<verse number="21">巴蘭 閣看見 基尼 人，就唸詩，講： 恁徛起的所在堅固， 恁作巢 佇山巖。</verse>
				<verse number="22">毋拘 基尼 會衰微， 最後互 亞述 掠去。</verse>
				<verse number="23">巴蘭 閣唸詩，講： 唉啊，上帝做諸個代誌， 啥人會當活落去？</verse>
				<verse number="24">有戰船對 基提 來， 侵犯 亞述 ，攻擊 希伯 ； 𪜶嘛會永遠滅亡。</verse>
				<verse number="25">巴蘭 就起身，倒去伊的故鄉； 巴勒 嘛轉去。</verse>
			</chapter>
			<chapter number="25">
				<verse number="1">以色列 人佇 什亭 紮營的時，人民及 摩押 的女子行淫。</verse>
				<verse number="2">摩押 的女子獻祭互𪜶的神明的時，請 以色列 人來參加，食𪜶的祭物，跪拜𪜶的神明。</verse>
				<verse number="3">以色列 人拜 比珥 的神明巴力；上主就對 以色列 人發受氣。</verse>
				<verse number="4">上主對 摩西 講：「將人民所有的族長，當頭白日佇我的面前給𪜶吊死，互我無閣對 以色列 人發受氣。」</verse>
				<verse number="5">摩西 就對 以色列 人的審判官講：「恁的親族若有人拜 比珥 的巴力，著攏給𪜶刣死。」</verse>
				<verse number="6">摩西 及 以色列 會眾抵仔佇會幕門口啲哭的時，忽然有一個 以色列 人，佇𪜶的目睭前導一個 米甸 的女子入去伊的布棚。</verse>
				<verse number="7">祭司 亞倫 的孫， 以利亞撒 的子 非尼哈 看著，就起來，離開會眾，攑槍，</verse>
				<verse number="8">隨彼個 以色列 人入布棚，鑿迵過彼兩個人的腹肚；按呢，攻擊 以色列 人的瘟疫就停止。</verse>
				<verse number="9">彼時，因為瘟疫死的有兩萬四千人。</verse>
				<verse number="10">上主命令 摩西 講：</verse>
				<verse number="11">「祭司 亞倫 的孫， 以利亞撒 的子 非尼哈 互我無閣對 以色列 人發受氣，因為伊有體會我要求全情服事我的心，互我無給𪜶消滅。</verse>
				<verse number="12">所以你著宣布：我欲及伊立平安的約，</verse>
				<verse number="13">互伊及伊的後代永遠做祭司，因為伊無容允有任何神明及我比並，閣為著 以色列 人贖罪。」</verse>
				<verse number="14">彼個及 米甸 的女子做夥受刣死的 以色列 人叫做 心利 ，是 西緬 支族一個宗族的族長 撒路 的子。</verse>
				<verse number="15">彼個互人刣死的 米甸 女子叫做 哥斯比 ，是 米甸 人一個宗族的首領 蘇珥 的查某子。</verse>
				<verse number="16">上主命令 摩西 講：</verse>
				<verse number="17">「你著去攻擊 米甸 人，給𪜶拍敗；</verse>
				<verse number="18">因為𪜶佇 比珥 的事件及𪜶的同胞 哥斯比 的代誌，用詭詰的計謀陷害恁； 哥斯比 是 米甸 人一個首領的查某子，伊因為 比珥 的事件佇瘟疫流行的時互人鑿死。」</verse>
			</chapter>
			<chapter number="26">
				<verse number="1">瘟疫過了，上主命令 摩西 及祭司 亞倫 的子 以利亞撒 講：</verse>
				<verse number="2">「著將 以色列 全體會眾中間，二十歲以上，會當出去交戰的查甫人，照𪜶的宗族點算總數。」</verse>
				<verse number="3">摩西 及祭司 以利亞撒 就照上主的命令，佇 耶利哥 對面， 約旦 河邊的 摩押 平原，對 以色列 人宣布：恁著點算二十歲以上的查甫人的人數。 對 埃及 出來的 以色列 人有：</verse>
				<verse number="4"></verse>
				<verse number="5">以色列 的大子是 呂便 ； 呂便 的後代有 以諾 、 法路 、</verse>
				<verse number="6">希斯崙 ，及 迦米 諸個宗族。</verse>
				<verse number="7">𪜶經過點算的人數有四萬三千七百三十名。</verse>
				<verse number="8">法路 的後代有 以利押 ；</verse>
				<verse number="9">以利押 生 尼慕利 、 大坍 ，及 亞比蘭 ； 大坍 及 亞比蘭 是會眾選出的領袖； 可拉 彼陣人反抗上主的時，𪜶嘛參與攻擊 摩西 及 亞倫 。</verse>
				<verse number="10">彼時地裂開，將𪜶及 可拉 吞滅；閣有火燒死兩百五十個人；𪜶成做人民的警戒。</verse>
				<verse number="11">毋拘 可拉 許個子無死。</verse>
				<verse number="12">西緬 的後代有 尼慕利 、 雅憫 、 雅斤 、</verse>
				<verse number="13">謝拉 ，及 掃羅 諸個宗族，</verse>
				<verse number="14">共兩萬兩千兩百名。</verse>
				<verse number="15">迦得 的後代有 洗分 、 哈基 、 書尼 、</verse>
				<verse number="16">阿斯尼 、 以利 、</verse>
				<verse number="17">亞律 ，及 亞列利 諸個宗族。</verse>
				<verse number="18">𪜶經過點算的人數共四萬空五百名。</verse>
				<verse number="19">猶大 的子中間， 珥 及 俄南 死佇 迦南 地。</verse>
				<verse number="20">猶大 其他的後代有 示拉 、 法勒斯 ，及 謝拉 諸個宗族。</verse>
				<verse number="21">法勒斯 的後代有 希斯崙 及 哈慕勒 諸個家族。</verse>
				<verse number="22">諸個是 猶大 的宗族；𪜶經過點算的人數共七萬六千五百名。</verse>
				<verse number="23">以薩迦 的後代有 陀拉 、 普瓦 、</verse>
				<verse number="24">雅述 ，及 伸崙 諸個宗族。</verse>
				<verse number="25">𪜶經過點算的人數共六萬四千三百名。</verse>
				<verse number="26">西布倫 的後代有 西烈 、 以倫 ，及 雅利 諸個宗族。</verse>
				<verse number="27">𪜶經過點算的人數共六萬空五百名。</verse>
				<verse number="28">約瑟 有兩個子 瑪拿西 及 以法蓮 ，𪜶成做兩個支族。</verse>
				<verse number="29">瑪拿西 的子是 瑪吉 ； 瑪吉 的子是 基列 ；</verse>
				<verse number="30">基列 的後代有 伊以謝 、 希勒 、</verse>
				<verse number="31">亞斯烈 、 示劍 、</verse>
				<verse number="32">示米大 ，及 希弗 諸個宗族。</verse>
				<verse number="33">希弗 的子 西羅非哈 無子，只有查某子，就是 瑪拉 、 挪阿 、 曷拉 、 蜜迦 、 得撒 。</verse>
				<verse number="34">諸個是 瑪拿西 的家族。𪜶經過點算的人數共五萬兩千七百名。</verse>
				<verse number="35">以法蓮 的後代有 書提拉 、 比結 ，及 他罕 諸個宗族。</verse>
				<verse number="36">書提拉 的後代有 以蘭 家族。</verse>
				<verse number="37">𪜶經過點算的人數共三萬兩千五百名。 此兩個支族是 約瑟 的後代。</verse>
				<verse number="38">便雅憫 的後代有 比拉 、 亞實別 、 亞希蘭 、</verse>
				<verse number="39">書反 ，及 戶反 諸個宗族。</verse>
				<verse number="40">比拉 的後代有 亞勒 及 乃縵 兩個宗族。</verse>
				<verse number="41">𪜶經過點算的人數共四萬五千六百名。</verse>
				<verse number="42">但 的後代有 書含 宗族。</verse>
				<verse number="43">𪜶經過點算的人數共六萬四千四百名。</verse>
				<verse number="44">亞設 的後代有 音拿 、 亦施韋 ，及 比利亞 。</verse>
				<verse number="45">比利亞 的後代有 希百 及 瑪結 諸個宗族。</verse>
				<verse number="46">亞設 的查某子叫做 西拉 。</verse>
				<verse number="47">𪜶經過點算的人數共五萬三千四百名。</verse>
				<verse number="48">拿弗他利 的後代有 雅薛 、 沽尼 、</verse>
				<verse number="49">耶色 ，及 示冷 諸個宗族。</verse>
				<verse number="50">𪜶經過點算的人數共四萬五千四百名。</verse>
				<verse number="51">以上諸個攏是 以色列 的後代。𪜶經過點算的人數共六十萬一千七百三十名。</verse>
				<verse number="52">上主命令 摩西 ，講：</verse>
				<verse number="53">「你著照各支族的人數分土地互𪜶做產業。</verse>
				<verse number="54">人多的支族，分較大的土地，人少的支族，分較細的土地；用抽籤的方式分互𪜶。」</verse>
				<verse number="55"></verse>
				<verse number="56"></verse>
				<verse number="57">利未 有三個子： 革順 、 哥轄 ，及 米拉利 。照宗族點算，</verse>
				<verse number="58">利未 的後代有 立尼 、 希伯崙 、 抹利 、 慕示 ，及 可拉 諸個宗族。 哥轄 生 暗蘭 ；</verse>
				<verse number="59">暗蘭 的某叫做 約基別 ，是 利未 佇 埃及 生的查某子；伊對 暗蘭 生 亞倫 、 摩西 ，及𪜶的大姊 美莉安 。</verse>
				<verse number="60">亞倫 生 拿答 、 亞比戶 、 以利亞撒 、 以他瑪 。</verse>
				<verse number="61">拿答 及 亞比戶 佇上主的面前獻無神聖的火的時，死去。</verse>
				<verse number="62">利未 人滿月以上，經過點算的查甫人共兩萬三千名。佇點算 以色列 人的時，無給𪜶算在內，因為佇 以色列 人中間，𪜶無分著產業。</verse>
				<verse number="63">以上是 摩西 及祭司 以利亞撒 佇 耶利哥 對面， 約旦 河邊的 摩押 平原，點算的 以色列 人人口。</verse>
				<verse number="64">摩西 及祭司 亞倫 佇 西奈 曠野第一遍點算的 以色列 人，現在無一個活啲。</verse>
				<verse number="65">關係許個人，上主曾講：「𪜶一定會死佇曠野。」所以， 耶孚尼 的子 迦勒 ，及 嫩 的子 約書亞 以外，許個人無一個活啲。</verse>
			</chapter>
			<chapter number="27">
				<verse number="1">約瑟 的後代 瑪拿西 支族中間，有 瑪拿西 的元孫， 瑪吉 的曾孫， 基列 的孫， 希弗 的子 西羅非哈 的查某子，就是 瑪拉 、 挪阿 、 曷拉 、 蜜迦 、 得撒 ；</verse>
				<verse number="2">𪜶來會幕門口，徛佇 摩西 、祭司 以利亞撒 ，及眾首領，以及會眾的面前，講：</verse>
				<verse number="3">「阮老父死佇曠野，毋是因為及 可拉 彼黨的人鬥陣攻擊上主；是佇家己的罪中死；毋拘伊無後生。</verse>
				<verse number="4">是按怎因為阮老父無後生，就將伊的名對伊的宗族提掉？請對阮老父的兄弟分產業互阮。」</verse>
				<verse number="5">摩西 就將𪜶的案件提到上主的面前。</verse>
				<verse number="6">上主命令 摩西 ，講：</verse>
				<verse number="7">「 西羅非哈 的查某子講了有理；你一定著對𪜶老父的兄弟分土地互𪜶做產業，互𪜶繼承𪜶老父的產業。</verse>
				<verse number="8">你嘛著吩咐 以色列 人，講：『人若死，無後生，就著將伊的產業分互伊的查某子。</verse>
				<verse number="9">伊若閣無查某子，就著將伊的產業互伊的兄弟。</verse>
				<verse number="10">伊若閣無兄弟，就著將伊的產業互伊的老父的兄弟。</verse>
				<verse number="11">伊的老父若閣無兄弟，就著將伊的產業互伊家族的至親繼承。』」此個是 摩西 照上主的吩咐，欲做 以色列 人的規例及命令。</verse>
				<verse number="12">上主對 摩西 講：「你上 亞巴琳山 ，去看我賜互 以色列 人的地。</verse>
				<verse number="13">你看了，就欲及你的兄哥 亞倫 仝款，轉去你的列祖遐。</verse>
				<verse number="14">因為佇 尋 的曠野，會眾啲給我吵的時，恁違背我的命令；佇淐出水的所在，會眾的面前，無尊我做聖。」(此個水是指 尋 的曠野， 加低斯 的 米利巴 水泉。)</verse>
				<verse number="15">摩西 對上主講：</verse>
				<verse number="16">「上主，你是賞賜性命互世間人的上帝，求你設立一個人來治理會眾，</verse>
				<verse number="17">佇𪜶中間出入，導𪜶交戰，互上主的會眾𣍐親像無牧者的羊群。」</verse>
				<verse number="18">上主對 摩西 講：「 嫩 的子 約書亞 內面有上帝的神，你導伊來，給伊按手，</verse>
				<verse number="19">互伊徛佇祭司 以利亞撒 及全體會眾的面前，將職責交代伊。</verse>
				<verse number="20">閣將你的尊榮權柄分互伊，互 以色列 的全體會眾攏服從伊。</verse>
				<verse number="21">伊著徛佇祭司 以利亞撒 的面前，請 以利亞撒 用 烏陵 向上主請示；伊及 以色列 全體會眾著照 以利亞撒 的指示出入交戰。」</verse>
				<verse number="22">摩西 就照上主的命令導 約書亞 來，互伊徛佇祭司 以利亞撒 及會眾的面前，</verse>
				<verse number="23">閣照上主對伊的命令，給 約書亞 按手，將職責交代伊。</verse>
			</chapter>
			<chapter number="28">
				<verse number="1">上主吩咐 摩西</verse>
				<verse number="2">命令 以色列 人，講：「恁著照時慎重奉獻祭物互我，用火燒，做我所意愛芳芳的食物。」</verse>
				<verse number="3">你閣著給𪜶講：「恁逐日著獻兩隻無瑕疵一歲的羊仔做燒化祭，用火燒做芳芳的祭物獻互上主；</verse>
				<verse number="4">早起時及黃昏的時各獻一隻。</verse>
				<verse number="5">閣著將一公斤的幼麵粉及掙出來一公升的橄欖油抄做夥，獻做素祭。</verse>
				<verse number="6">這是佇 西奈山 制定，逐日著用火燒獻互上主芳芳的燒化祭。</verse>
				<verse number="7">獻第一隻羊仔的時，嘛著佇聖所用一公升的厚酒做奠酒祭獻互上主。</verse>
				<verse number="8">黃昏獻另外彼隻羊仔的時，著及早起時仝款獻素祭及奠酒祭，攏用火燒做芳芳的祭物獻互上主。」</verse>
				<verse number="9">「安歇日著獻兩隻一歲無瑕疵的羊仔，閣獻兩公斤抄油的幼麵粉做素祭，以及奠酒祭。</verse>
				<verse number="10">這是逐日著獻的燒化祭及奠酒祭以外，每一個安歇日著閣獻的燒化祭。」</verse>
				<verse number="11">「逐個月初一，恁著獻燒化祭互上主，就是獻兩隻牛仔、一隻綿羊、七隻一歲的綿羊仔；諸個攏著無瑕疵的。</verse>
				<verse number="12">獻牛的時，嘛著獻三公斤抄油的幼麵粉做素祭；獻綿羊的時，嘛著獻兩公斤抄油的幼麵粉做素祭。</verse>
				<verse number="13">獻逐隻綿羊仔的時，嘛著獻一公斤抄油的幼麵粉做素祭。這是燒化祭，用火燒獻互上主芳芳的祭物。</verse>
				<verse number="14">獻燒化祭的時，嘛著獻奠酒祭：一隻牛配合兩公升的酒，一隻羊配合一公升半的酒，一隻綿羊仔配合一公升的酒。諸個是一年中間逐個月初一著獻的燒化祭。</verse>
				<verse number="15">除了逐日著獻的燒化祭及奠酒祭以外，著用一隻山羊做贖罪祭獻互上主。」</verse>
				<verse number="16">「正月十四是上主的𨃟過節。</verse>
				<verse number="17">此個月的十五起是節期，著食無酵餅七日久。</verse>
				<verse number="18">頭一日著舉行聖會，任何日常的工作攏毋通做。</verse>
				<verse number="19">你著獻無瑕疵的兩隻牛仔、一隻綿羊、七隻一歲的綿羊仔做燒化祭，用火燒獻互上主。</verse>
				<verse number="20">獻逐隻牛的時，著配合三公斤抄油的幼麵粉做素祭；獻彼隻綿羊的時，著配合兩公斤抄油的幼麵粉。</verse>
				<verse number="21">獻七隻綿羊仔的時，逐隻著配合一公斤抄油的幼麵粉。</verse>
				<verse number="22">閣著獻一隻山羊做贖罪祭，給恁贖罪。</verse>
				<verse number="23">恁逐早起獻燒化祭以外，著閣獻以上諸個祭。</verse>
				<verse number="24">仝款，逐日獻的燒化祭及奠酒祭以外，連連七日，著照規例用火燒，將芳芳的食物獻互上主。</verse>
				<verse number="25">第七日著舉行聖會，任何日常的工作攏毋通做。」</verse>
				<verse number="26">「七七收割節，就是恁將初熟的五穀做素祭獻互上主彼日，著舉行聖會；任何日常的工作攏毋通做。</verse>
				<verse number="27">恁著獻芳芳的燒化祭互上主，就是獻兩隻牛仔、一隻綿羊、七隻一歲的綿羊仔。</verse>
				<verse number="28">恁獻逐隻牛的時，著配合三公斤抄油的幼麵粉做素祭；獻彼隻綿羊的時，著配合兩公斤抄油的幼麵粉；</verse>
				<verse number="29">獻彼七隻綿羊仔的時，逐隻著配合一公斤抄油的幼麵粉。</verse>
				<verse number="30">閣著獻一隻山羊，給恁贖罪。</verse>
				<verse number="31">逐日著獻的燒化祭及素祭以外，恁著獻諸個無瑕疵的祭物及奠酒祭。」</verse>
			</chapter>
			<chapter number="29">
				<verse number="1">「七月初一，恁著舉行聖會，任何日常的工作攏毋通做；這是恁歕哨角的日。</verse>
				<verse number="2">恁著獻芳芳的燒化祭互上主，就是獻無瑕疵的一隻牛仔、一隻綿羊、七隻一歲的綿羊仔。</verse>
				<verse number="3">獻素祭的時，著用抄油的幼麵粉：一隻牛配合三公斤，一隻綿羊配合兩公斤；</verse>
				<verse number="4">彼七隻綿羊仔，逐隻配合一公斤。</verse>
				<verse number="5">閣著獻一隻山羊做贖罪祭，給恁贖罪。</verse>
				<verse number="6">除了逐個月初一的燒化祭及做夥獻的素祭，以及逐日著獻的燒化祭及素祭，以及照規例獻的奠酒祭以外，以上許個攏著用火燒做芳芳的祭物獻互上主。」</verse>
				<verse number="7">「七月初十，恁著舉行聖會，刻苦禁食，任何日常的工作攏毋通做。</verse>
				<verse number="8">恁著獻芳芳的燒化祭互上主，就是無瑕疵的一隻牛仔、一隻綿羊，及七隻一歲的綿羊仔。</verse>
				<verse number="9">獻素祭的時，著用抄油的幼麵粉：獻牛的時，著配合三公斤；獻綿羊的時，著配合兩公斤；</verse>
				<verse number="10">獻彼七隻綿羊仔的時，逐隻著配合一公斤。</verse>
				<verse number="11">閣著獻一隻山羊做贖罪祭。諸個是贖罪祭、逐日獻的燒化祭及素祭，以及奠酒祭以外著獻的祭。」</verse>
				<verse number="12">「七月十五，恁著舉行聖會敬拜上主；任何日常的工作攏毋通做，七日久守節慶祝。</verse>
				<verse number="13">恁著獻燒化祭，用火燒做芳芳的祭物獻互上主，就是獻無瑕疵的十三隻牛仔、兩隻綿羊、十四隻一歲的綿羊仔。</verse>
				<verse number="14">獻十三隻牛仔的時，逐隻著配合三公斤抄油的幼麵粉做素祭；獻兩隻綿羊的時，逐隻著配合兩公斤抄油的幼麵粉；</verse>
				<verse number="15">獻十四隻綿羊仔的時，逐隻著配合一公斤抄油的幼麵粉。</verse>
				<verse number="16">閣著獻一隻山羊做贖罪祭。諸個是逐日獻的燒化祭、素祭，及奠酒祭以外著獻的祭。</verse>
				<verse number="17">「第二日，著獻無瑕疵的十二隻牛仔、兩隻綿羊、十四隻一歲的綿羊仔。</verse>
				<verse number="18">獻牛仔、綿羊，及綿羊仔的時，嘛著照數目及規例獻素祭及奠酒祭。</verse>
				<verse number="19">閣著獻一隻山羊做贖罪祭。諸個是逐日獻的燒化祭、素祭，及奠酒祭以外著獻的祭。</verse>
				<verse number="20">「第三日，著獻無瑕疵的十一隻牛仔、兩隻綿羊、十四隻一歲的綿羊仔。</verse>
				<verse number="21">獻牛仔、綿羊，及綿羊仔的時，嘛著照數目及規例獻素祭及奠酒祭。</verse>
				<verse number="22">閣著獻一隻山羊做贖罪祭。諸個是逐日獻的燒化祭、素祭，及奠酒祭以外著獻的祭。</verse>
				<verse number="23">「第四日，著獻無瑕疵的十隻牛仔、兩隻綿羊、十四隻一歲的綿羊仔。</verse>
				<verse number="24">獻牛仔、綿羊，及綿羊仔的時，嘛著照數目及規例獻素祭及奠酒祭。</verse>
				<verse number="25">閣著獻一隻山羊做贖罪祭。諸個是逐日獻的燒化祭、素祭，及奠酒祭以外著獻的祭。</verse>
				<verse number="26">「第五日，著獻無瑕疵的九隻牛仔、兩隻綿羊、十四隻一歲的綿羊仔。</verse>
				<verse number="27">獻牛仔、綿羊，及綿羊仔的時，嘛著照數目及規例獻素祭及奠酒祭。</verse>
				<verse number="28">閣著獻一隻山羊做贖罪祭。諸個是逐日獻的燒化祭、素祭，及奠酒祭以外著獻的祭。</verse>
				<verse number="29">「第六日，著獻無瑕疵的八隻牛仔、兩隻綿羊、十四隻一歲的綿羊仔。</verse>
				<verse number="30">獻牛仔、綿羊，及綿羊仔的時，嘛著照數目及規例獻素祭及奠酒祭。</verse>
				<verse number="31">閣著獻一隻山羊做贖罪祭。諸個是逐日獻的燒化祭、素祭，及奠酒祭以外著獻的祭。</verse>
				<verse number="32">「第七日，著獻無瑕疵的七隻牛仔、兩隻綿羊、十四隻一歲的綿羊仔。</verse>
				<verse number="33">獻牛仔、綿羊，及綿羊仔的時，嘛著照數目及規例獻素祭及奠酒祭。</verse>
				<verse number="34">閣著獻一隻山羊做贖罪祭。諸個是逐日獻的燒化祭、素祭，及奠酒祭以外著獻的祭。</verse>
				<verse number="35">「第八日，恁著舉行嚴肅會，任何日常的工作攏毋通做。</verse>
				<verse number="36">恁著獻無瑕疵的一隻牛仔、一隻綿羊、七隻一歲的綿羊仔，用火燒做芳芳的燒化祭獻互上主。</verse>
				<verse number="37">獻牛仔、綿羊，及綿羊仔的時，嘛著照數目及規例獻素祭及奠酒祭。</verse>
				<verse number="38">閣著獻一隻山羊做贖罪祭。諸個是逐日獻的燒化祭、素祭，及奠酒祭以外著獻的祭。</verse>
				<verse number="39">「以上諸個燒化祭、素祭、奠酒祭，及平安祭，恁著佇所定的節期獻互上主，這是恁出佇所下的願及甘心獻的以外所著獻的。」</verse>
				<verse number="40">摩西 就攏照上主的命令吩咐 以色列 人。</verse>
			</chapter>
			<chapter number="30">
				<verse number="1">摩西 吩咐 以色列 逐個支族的族長，講：「諸個是上主的命令：</verse>
				<verse number="2">人若對上主下願，抑是咒誓，著約束家己，毋通失信，著照伊所講的去做。</verse>
				<verse number="3">「猶住佇老父的厝的少女，若對上主下願欲約束家己，</verse>
				<verse number="4">伊的老父聽著伊下的願及約束家己的話，若無表示反對，伊下的願及約束家己的話就成立。</verse>
				<verse number="5">伊的老父聽著彼日，若無允准，伊下的願及約束家己的話就無成立；上主會赦免伊，因為伊的老父無允准。</verse>
				<verse number="6">「少女出嫁，若已經有下願，抑是一時衝動講出約束家己的話，</verse>
				<verse number="7">伊的丈夫聽著的時，若無表示反對，伊下的願及約束家己的話就成立。</verse>
				<verse number="8">伊的丈夫聽著的時，若無同意，就廢除伊下的願及伊一時衝動所講出約束家己的話；上主嘛會赦免伊。</verse>
				<verse number="9">「寡婦抑是離婚的婦仁人所下的願及約束家己的話，攏成立。</verse>
				<verse number="10">「婦仁人佇丈夫的厝下願，抑是咒誓欲約束家己，</verse>
				<verse number="11">丈夫聽著，若恬恬無講話，無反對，伊下的願及約束家己的話就成立。</verse>
				<verse number="12">毋拘，丈夫聽著的時，若給伊下的願及約束家己的話廢除，伊講出的話就無效，因為伊的丈夫反對；上主嘛會赦免伊。</verse>
				<verse number="13">伊若下願抑是咒誓欲刻苦家己，伊的丈夫有權同意抑是廢除。</verse>
				<verse number="14">伊的丈夫聽著了後，幾日久無表示反對，伊下的願及約束家己的話就成立，因為伊的丈夫佇聽著的時恬恬無講話。</verse>
				<verse number="15">後來，伊的丈夫若給伊下的願廢除，就著擔當婦仁人無照約束的罪。」</verse>
				<verse number="16">以上諸個是上主吩咐 摩西 關係丈夫及伊的某、老父及住佇伊厝裡的少女中間所定的規例。</verse>
			</chapter>
			<chapter number="31">
				<verse number="1">上主對 摩西 講：</verse>
				<verse number="2">「你著去攻打 米甸 人，替 以色列 人報仇；後來你會倒去你的列祖遐。」</verse>
				<verse number="3">摩西 就命令 以色列 人，講：「恁著派人帶軍器去攻打 米甸 人，為上主報仇。</verse>
				<verse number="4">恁逐支族著派一千人出去交戰。」</verse>
				<verse number="5">以色列 逐支族就選一千人，共一萬兩千人，帶軍器欲去交戰。</verse>
				<verse number="6">摩西 派祭司 以利亞撒 的子 非尼哈 帶聖所的器具及喇叭，導諸個 以色列 人出去交戰。</verse>
				<verse number="7">𪜶照上主對 摩西 的命令，去及 米甸 人交戰，將 米甸 的查甫人全部刣死，</verse>
				<verse number="8">包括 以未 、 利金 、 蘇珥 、 戶珥 、 利巴 此五個 米甸 人的王，嘛刣死 比珥 的子 巴蘭 。</verse>
				<verse number="9">以色列 人掠 米甸 的婦女及囝仔，搶𪜶所有的牲生、牛羊，及財物，</verse>
				<verse number="10">放火燒𪜶徛起的城鎮及營地。</verse>
				<verse number="11">以色列 人將𪜶掠著的人、搶來的牲生，及所有的戰利品，</verse>
				<verse number="12">帶來 約旦 河邊， 耶利哥 對岸的 摩押 平原的營地，交互 摩西 、祭司 以利亞撒 ，及 以色列 會眾。</verse>
				<verse number="13">摩西 及祭司 以利亞撒 ，以及會眾所有的首領攏去營外迎接 以色列 的部隊。</verse>
				<verse number="14">摩西 對交戰轉來的軍官，就是許個導一千個人及一百個人的軍官，發受氣，</verse>
				<verse number="15">給𪜶講：「恁欲互諸個查某人活啲是無？</verse>
				<verse number="16">恁豈𣍐記得，就是諸個查某人照 巴蘭 的計謀，佇 比珥 引誘 以色列 人背叛上主，互瘟疫臨到上主的會眾？</verse>
				<verse number="17">現在，恁著給所有的查甫囝仔，以及許個曾及查甫人有性關係的查某人攏刣死。</verse>
				<verse number="18">許個毋曾及查甫人有性關係的查某囝仔，恁會用得為家己留𪜶的性命。</verse>
				<verse number="19">恁及許個俘虜著留佇營外七日。若有人刣死人，抑是摸著屍體，著佇第三日及第七日潔淨家己；許個俘虜嘛著按呢做。</verse>
				<verse number="20">恁閣著潔淨逐領衫，以及所有用皮、山羊毛、柴做的物件。」</verse>
				<verse number="21">祭司 以利亞撒 對交戰倒來的軍兵講：「上主命令 摩西 的律法，有一個條例按呢講：</verse>
				<verse number="22">會堪得火燒的物件，親像金、銀、銅、鐵、錫、鉛，著用火給𪜶燒，然後閣用潔淨的水洗，互𪜶清氣。其他𣍐堪得火燒的物件，著用水潔淨。</verse>
				<verse number="23"></verse>
				<verse number="24">第七日，著洗恁的衫，恁才清氣，通入營地。」</verse>
				<verse number="25">上主對 摩西 講：</verse>
				<verse number="26">「你及祭司 以利亞撒 ，以及會眾的領袖，著計算掠來的俘虜及搶來的牲生的總數。</verse>
				<verse number="27">給掠來的分做兩份，一半互出去交戰的勇士，一半互會眾。</verse>
				<verse number="28">閣對欲分互軍兵的俘虜、牛、驢、羊的中間，每五百抽一獻互上主；</verse>
				<verse number="29">將諸個交互祭司 以利亞撒 ，做特別的禮物獻互上主。</verse>
				<verse number="30">閣著對欲分互 以色列 人彼一半的俘虜、牛、驢、羊，五十抽一交互負責顧守上主會幕的 利未 人。」</verse>
				<verse number="31">摩西 及祭司 以利亞撒 就照上主對 摩西 的命令做。</verse>
				<verse number="32">軍兵家己留落來的戰利品以外，有羊六十七萬五千隻、</verse>
				<verse number="33">牛七萬兩千隻、</verse>
				<verse number="34">驢六萬一千隻，</verse>
				<verse number="35">毋曾及查甫人有性關係的女子三萬兩千人。</verse>
				<verse number="36">出去交戰許個軍兵得著彼一半，共有羊三十三萬七千五百隻，</verse>
				<verse number="37">對彼中間取來獻互上主的，六百七十五隻；</verse>
				<verse number="38">牛有三萬六千隻，其中獻互上主的，七十二隻；</verse>
				<verse number="39">驢有三萬空五百隻，其中獻互上主的六十一隻；</verse>
				<verse number="40">人有一萬六千個，對彼中間取來獻互上主的三十二人。</verse>
				<verse number="41">摩西 照上主對伊的命令，將諸個交互祭司 以利亞撒 ，做特別的禮物獻互上主。</verse>
				<verse number="42">摩西 將許個軍兵搶來的戰利品分互 以色列 人的彼一半，</verse>
				<verse number="43">有羊三十三萬七千五百隻、</verse>
				<verse number="44">牛三萬六千隻、</verse>
				<verse number="45">驢三萬空五百隻，</verse>
				<verse number="46">及人一萬六千個。</verse>
				<verse number="47">無論人抑是牲生， 摩西 攏照上主對伊的命令，五十抽一，交互負責顧守上主會幕的 利未 人。</verse>
				<verse number="48">導一千個及導一百個軍兵的官長來見 摩西 ，</verse>
				<verse number="49">對伊講：「你的僕人已經點算諸個軍兵的總數，連一個都無戰死。</verse>
				<verse number="50">今，阮將逐個人得著的金器，親像腳鍊仔、手環、拍做印仔的手指、耳鉤、袚鍊，攏帶來獻互上主，通為阮家己贖罪。」</verse>
				<verse number="51">摩西 及祭司 以利亞撒 就接受𪜶拍做逐款裝飾品的金仔。</verse>
				<verse number="52">諸個官長獻互上主做特別禮物的金仔，總共大約有兩百公斤。</verse>
				<verse number="53">逐個軍兵搶著的戰利品，攏歸互𪜶家己。</verse>
				<verse number="54">摩西 及祭司 以利亞撒 將諸個官長奉獻的金仔帶入會幕，互上主不時會記得 以色列 人。</verse>
			</chapter>
			<chapter number="32">
				<verse number="1">呂便 及 迦得 兩支族的牲生非常多。𪜶看著 雅謝 及 基列 兩個地區適合飼𪜶的牲生，</verse>
				<verse number="2">就去見 摩西 、祭司 以利亞撒 ，及會眾的首領，講：</verse>
				<verse number="3">「上主互 以色列 人攻佔的 亞他錄 、 底本 、 雅謝 、 寧拉 、 希實本 、 以利亞利 、 示班 、 尼波 ，及 比穩 ，是真適合飼牲生的所在。你的僕人抵抵有真多牲生。」</verse>
				<verse number="4"></verse>
				<verse number="5">𪜶閣講：「阮若得著你的恩惠，請你將此個地區互你的僕人做產業，互阮毋免過 約旦河 。」</verse>
				<verse number="6">摩西 應 迦得 及 呂便 的子孫講：「恁豈欲放恁的兄弟過去交戰，家己留𫢶遮？</verse>
				<verse number="7">恁是按怎欲互 以色列 人灰心失志，毋敢過 約旦河 ，入去上主賜互𪜶的地？</verse>
				<verse number="8">佇 加低斯‧巴尼亞 的時，我派恁老父彼代的人去探查彼個地，𪜶嘛是按呢。</verse>
				<verse number="9">𪜶去到 以實各 山谷，探查此個地了後轉來，就互 以色列 人灰心失志，害𪜶無欲入去上主賜互𪜶的地。</verse>
				<verse number="10">彼時，上主發大受氣，立誓講：</verse>
				<verse number="11">『所有對 埃及 出來，二十歲以上的人，一定𣍐當看著我對 亞伯拉罕 、 以撒 、 雅各 立誓欲賜互𪜶的地；因為𪜶無一心一意跟隨我；</verse>
				<verse number="12">只有 基尼洗 宗族 耶孚尼 的子 迦勒 及 嫩 的子 約書亞 會當入去，因為𪜶一心一意跟隨我。』</verse>
				<verse number="13">上主對 以色列 人發受氣，互𪜶佇曠野流浪四十年，聽候到違背上主彼代攏死了。</verse>
				<verse number="14">今，恁此陣罪人竟然欲續接恁老父彼代，加添上主對 以色列 人的受氣。</verse>
				<verse number="15">恁若越走無欲順趁上主，伊就會給 以色列 人放佇曠野，按呢，恁會互此個民族攏滅亡。」</verse>
				<verse number="16">此兩個支族的人行倚 摩西 ，對伊講：「阮佇遮是干焦欲為牲生搭羊椆，為阮的某子起城，</verse>
				<verse number="17">阮會攑軍器，做 以色列 人的先鋒，導𪜶去到分互𪜶的地。不過，阮的某子著住佇堅固的城，才免受此所在的人侵犯。</verse>
				<verse number="18">佇所有的 以色列 人攏得著𪜶的產業以前，阮𣍐轉來阮的厝。</verse>
				<verse number="19">閣阮及𪜶過 約旦河 ，𣍐去分產業，因為阮的產業就是佇 約旦河 東旁。」</verse>
				<verse number="20">摩西 就對𪜶講：「恁若欲按呢做，欲佇上主面前帶軍器去交戰，</verse>
				<verse number="21">恁所有帶軍器的人著佇上主面前過 約旦河 ，直到上主將伊的對敵趕出去，</verse>
				<verse number="22">到伊征服彼個地，恁才通倒來。按呢，恁對上主、對 以色列 人的責任就算完成，此塊地佇上主面前才互恁做產業。</verse>
				<verse number="23">恁若無按呢做，就是得罪上主；恁著知，恁會因為恁的罪受刑罰。</verse>
				<verse number="24">今，恁通為著恁的某子起城，為著羊群搭羊椆，毋拘恁著照恁所講的去做。」</verse>
				<verse number="25">迦得 及 呂便 兩支族的人對 摩西 講：「你的僕人欲照阮的主的命令去做。</verse>
				<verse number="26">阮的某、子、羊群、牲生，攏欲留佇 基列 諸個城。</verse>
				<verse number="27">你的僕人，所有會帶軍器去相刣的，攏欲照阮的主所講的話，佇上主的面前過河去交戰。」</verse>
				<verse number="28">摩西 就為著𪜶吩咐祭司 以利亞撒 、 嫩 的子 約書亞 ，以及 以色列 逐支族的族長，</verse>
				<verse number="29">講：「 迦得 及 呂便 兩支族所有帶軍器的，若及恁做夥佇上主的面前過 約旦河 去交戰，恁征服彼個地了後，著將 基列 地區互𪜶做產業。</verse>
				<verse number="30">毋拘，𪜶若無欲帶軍器及恁做夥過河，𪜶干焦會當佇 迦南 地及大家做夥分產業。」</verse>
				<verse number="31">迦得 及 呂便 兩支族的人應講：「上主按怎命令阮諸個僕人，阮就照按呢做。</verse>
				<verse number="32">阮欲帶軍器佇上主的面前過河入去 迦南 地，毋拘 約旦河 此旁的地著互阮做產業。」</verse>
				<verse number="33">摩西 將 亞摩利 王 西宏 及 巴珊 王 噩 的國，就是𪜶的國土及境內的城，分互 迦得 及 呂便 兩個支族，以及 約瑟 的後代 瑪拿西 半支族。</verse>
				<verse number="34">迦得 的後代重建 底本 、 亞他錄 、 亞羅珥 、</verse>
				<verse number="35">亞他錄‧朔反 、 雅謝 、 約比哈 、</verse>
				<verse number="36">伯‧寧拉 、 伯‧哈蘭 諸個堅固的城，閣起羊椆。</verse>
				<verse number="37">呂便 的後代重建 希實本 、 以利亞利 、 基列亭 、</verse>
				<verse number="38">尼波 、 巴力‧免 (此兩個城的名有改過)，及 西比瑪 。𪜶給諸個重建的城號新的名。</verse>
				<verse number="39">瑪拿西 的子 瑪吉 的後代去 基列 ，佔領彼個地區，將原來住佇遐的 亞摩利 人趕出去。</verse>
				<verse number="40">摩西 就將 基列 互 瑪拿西 的後代 瑪吉 宗族；𪜶就佇遐徛起。</verse>
				<verse number="41">瑪拿西 的後代 睚珥 去攻取 基列 地區的庄社，給許個庄社號做 哈倭特‧睚珥 。</verse>
				<verse number="42">挪巴 攻佔 基納 及附近的庄社；用家己的名給彼個所在號做 挪巴 。</verse>
			</chapter>
			<chapter number="33">
				<verse number="1">下面是 以色列 人佇 摩西 及 亞倫 的領導下，照軍隊的次序，出 埃及 了後所行的路程。</verse>
				<verse number="2">摩西 照上主的命令，將𪜶逐站行程的起點記錄落來，以下是行程的起點：</verse>
				<verse number="3">正月十五，𨃟過節隔日， 以色列 人對 蘭塞 起程，佇 埃及 人的面前勇敢無驚行出去。</verse>
				<verse number="4">彼時 埃及 人抵啲埋葬𪜶互上主拍死的大子；上主嘛審判 埃及 的神明。</verse>
				<verse number="5">以色列 人對 蘭塞 出發，佇 疏割 紮營。</verse>
				<verse number="6">對 疏割 出發，佇曠野邊界的 以倘 紮營。</verse>
				<verse number="7">對 以倘 出發，斡去 巴力‧洗分 東旁的 比‧哈希錄 ，佇 密奪 的對面紮營。</verse>
				<verse number="8">𪜶對 比‧哈希錄 起程，經過 紅海 ，進入曠野；佇 以倘 的曠野行三日，就佇 瑪拉 紮營。</verse>
				<verse number="9">𪜶對 瑪拉 出發，來到 以琳 ；遐有十二個水泉，七十欉棕樹；就佇遐紮營。</verse>
				<verse number="10">𪜶離開 以琳 以後，佇 紅海 附近紮營。</verse>
				<verse number="11">𪜶對 紅海 附近出發，佇 汛 的曠野紮營。</verse>
				<verse number="12">𪜶對 汛 的曠野出發，佇 脫加 紮營。</verse>
				<verse number="13">𪜶對 脫加 出發，佇 亞錄 紮營。</verse>
				<verse number="14">𪜶對 亞錄 出發，佇 利非訂 紮營；佇遐𪜶無水通飲。</verse>
				<verse number="15">𪜶對 利非訂 出發，佇 西奈 曠野紮營。</verse>
				<verse number="16">𪜶對 西奈 曠野出發，佇 基博羅‧哈他瓦 紮營。</verse>
				<verse number="17">𪜶對 基博羅‧哈他瓦 出發，佇 哈洗錄 紮營。</verse>
				<verse number="18">𪜶對 哈洗錄 出發，佇 利提瑪 紮營。</verse>
				<verse number="19">𪜶對 利提瑪 出發，佇 臨門‧帕烈 紮營。</verse>
				<verse number="20">𪜶對 臨門‧帕烈 出發，佇 立拿 紮營。</verse>
				<verse number="21">𪜶對 立拿 出發，佇 勒撒 紮營。</verse>
				<verse number="22">𪜶對 勒撒 出發，佇 基希拉他 紮營。</verse>
				<verse number="23">𪜶對 基希拉他 出發，佇 沙斐山 紮營。</verse>
				<verse number="24">𪜶對 沙斐山 出發，佇 哈拉大 紮營。</verse>
				<verse number="25">𪜶對 哈拉大 出發，佇 瑪吉希錄 紮營。</verse>
				<verse number="26">𪜶對 瑪吉希錄 出發，佇 他哈 紮營。</verse>
				<verse number="27">𪜶對 他哈 出發，佇 他拉 紮營。</verse>
				<verse number="28">𪜶對 他拉 出發，佇 密加 紮營。</verse>
				<verse number="29">𪜶對 密加 出發，佇 哈摩拿 紮營。</verse>
				<verse number="30">𪜶對 哈摩拿 出發，佇 摩西錄 紮營。</verse>
				<verse number="31">𪜶對 摩西錄 出發，佇 比尼‧亞干 紮營。</verse>
				<verse number="32">𪜶對 比尼‧亞干 出發，佇 曷‧哈及甲 紮營。</verse>
				<verse number="33">𪜶對 曷‧哈及甲 出發，佇 約巴他 紮營。</verse>
				<verse number="34">𪜶對 約巴他 出發，佇 阿博拿 紮營。</verse>
				<verse number="35">𪜶對 阿博拿 出發，佇 以旬‧迦別 紮營。</verse>
				<verse number="36">𪜶對 以旬‧迦別 出發，佇 尋 的曠野，就是 加低斯 ，紮營。</verse>
				<verse number="37">𪜶對 加低斯 出發，佇 以東 地區的邊界 何珥山 紮營。</verse>
				<verse number="38">以色列 人出 埃及 了後第四十年五月初一，祭司 亞倫 照上主的指示，上 何珥山 ，死佇遐。</verse>
				<verse number="39">亞倫 死佇 何珥山 的時，是一百二十三歲。</verse>
				<verse number="40">住佇 迦南 地 尼革夫 的 迦南 人 亞拉得 王聽見 以色列 人來啦。</verse>
				<verse number="41">以色列 人對 何珥山 出發，佇 撒摩拿 紮營。</verse>
				<verse number="42">𪜶對 撒摩拿 出發，佇 普嫩 紮營。</verse>
				<verse number="43">𪜶對 普嫩 出發，佇 阿伯 紮營。</verse>
				<verse number="44">𪜶對 阿伯 出發，佇 摩押 邊界的 以耶‧亞巴琳 紮營。</verse>
				<verse number="45">𪜶對 以耶‧亞巴琳 出發，佇 底本‧迦得 紮營。</verse>
				<verse number="46">𪜶對 底本‧迦得 出發，佇 亞門‧低比拉太音 紮營。</verse>
				<verse number="47">𪜶對 亞門‧低比拉太音 出發，佇 尼波山 對面的 亞巴琳山 紮營。</verse>
				<verse number="48">𪜶對 亞巴琳山 出發，佇 約旦 河邊、 耶利哥 對面的 摩押 平原紮營。</verse>
				<verse number="49">𪜶佇 摩押 平原，順 約旦河 ，對 伯‧耶西末 到 亞伯‧什亭 的中間紮營。</verse>
				<verse number="50">以色列 人佇 約旦 河邊， 耶利哥 對面的 摩押 平原的時，上主對 摩西 講：</verse>
				<verse number="51">「你著命令 以色列 人：恁過 約旦河 進入 迦南 地的時，</verse>
				<verse number="52">著將彼所在的住民攏趕出去，毀壞𪜶所有用石頭雕刻及用金屬鑄的神像，拆毀𪜶一切的山頭壇。</verse>
				<verse number="53">恁著佔領彼個地，住遐徛起，因為我已經將此個地賜互恁做產業。</verse>
				<verse number="54">恁著照宗族抽籤分配土地做產業；人多的就分較多，人少的就分較少；看叨一個宗族分著叨位，彼個地就歸互彼個宗族做產業。</verse>
				<verse number="55">恁若無將彼所在的住民趕出去，許個留落來的住民就會成做恁目睭內的刺，脇下的莿，閣會佇恁徛起的所在給恁擾亂；</verse>
				<verse number="56">我按怎對待𪜶，嘛會按呢對待恁。」</verse>
			</chapter>
			<chapter number="34">
				<verse number="1">上主對 摩西 講：</verse>
				<verse number="2">「你著命令 以色列 人，對𪜶講：恁進入我賜互恁做產業的 迦南 地以後，恁的地界是按呢：</verse>
				<verse number="3">恁南旁的地界是對 尋 的曠野，順 以東 的邊界，就是對 鹽海 東旁的盡頭，</verse>
				<verse number="4">踅過 亞克拉濱 崎的南旁，經過 尋 迵到 加低斯‧巴尼亞 的南旁，閣向西北到 哈薩‧亞達 ，然後去到 押捫 ，</verse>
				<verse number="5">對 押捫 轉向 埃及 邊界的溪谷到 地中海 為止。</verse>
				<verse number="6">「西旁的地界是 地中海 。</verse>
				<verse number="7">「北旁的地界對 地中海 開始畫界線，畫到 何珥山 ，</verse>
				<verse number="8">閣到 哈馬 隘口，迵到 西達達</verse>
				<verse number="9">及 西斐崙 ，到 哈薩‧以難 為止。</verse>
				<verse number="10">「東旁的地界對 哈薩‧以難 開始，畫到 示番 ，</verse>
				<verse number="11">然後落去到 亞因 東旁的 利比拉 ，閣續到 加利利湖 的東旁，</verse>
				<verse number="12">順 約旦河 ，迵到 鹽海 為止。 「以上就是恁的領土四旁的地界。」</verse>
				<verse number="13">摩西 閣命令 以色列 人講：「這就是恁欲抽籤分做產業的地，嘛是上主命令欲互恁九個半的支族的地。</verse>
				<verse number="14">呂便 及 迦得 兩個支族，以及 瑪拿西 半支族已經照宗族分配，得著 約旦河 東旁、 耶利哥 對面岸的土地做產業。」</verse>
				<verse number="15"></verse>
				<verse number="16">上主閣對 摩西 講：</verse>
				<verse number="17">「諸個是欲給恁分土地做產業的人：祭司 以利亞撒 及 嫩 的子 約書亞 ；</verse>
				<verse number="18">另外，恁著對逐支族揀一個領袖，協助𪜶分配土地。</verse>
				<verse number="19">諸個領袖是： 猶大 支族 耶孚尼 的子 迦勒 、</verse>
				<verse number="20">西緬 支族 亞米忽 的子 撒母耳 、</verse>
				<verse number="21">便雅憫 支族 基斯倫 的子 以利達 、</verse>
				<verse number="22">但 支族 約利 的子 布基 、</verse>
				<verse number="23">約瑟 的後代 瑪拿西 支族 以弗 的子 漢尼業 、</verse>
				<verse number="24">以法蓮 支族 拾弗但 的子 基慕利 、</verse>
				<verse number="25">西布倫 支族 帕納 的子 以利撒反 、</verse>
				<verse number="26">以薩迦 支族 阿散 的子 帕鐵 、</verse>
				<verse number="27">亞設 支族 示羅米 的子 亞希忽 、</verse>
				<verse number="28">拿弗他利 支族 亞米忽 的子 比大黑 。」</verse>
				<verse number="29">以上諸個是上主任命將 迦南 地分互 以色列 人做產業的領袖。</verse>
			</chapter>
			<chapter number="35">
				<verse number="1">上主佇 約旦 河邊、 耶利哥 對面的 摩押 平原對 摩西 講：</verse>
				<verse number="2">「你著命令 以色列 人，對𪜶得著的產業分幾個城鎮以及周圍的草埔互 利未 人。</verse>
				<verse number="3">許個城鎮欲互𪜶徛起，草埔欲互𪜶飼牛、羊、牲生，及𪜶所有的動物。</verse>
				<verse number="4">恁互 利未 人的草埔，是對城牆量起，向外量四百五十公尺；</verse>
				<verse number="5">就是用城做中心，東西南北逐旁各有九百公尺的四角形區域；城鎮周圍的地欲互 利未 人做飼牲生的所在。</verse>
				<verse number="6">恁互 利未 人的城鎮中間，著設立六個做避難城，互刣死人的會當逃難去遐。此六個城鎮以外，恁著閣互𪜶四十二個城鎮。</verse>
				<verse number="7">恁著互 利未 人四十八個城鎮，包括𪜶周圍的草埔攏著互𪜶。</verse>
				<verse number="8">以色列 人對產業的中間分互 利未 人的城鎮，土地大的支族就出較多，土地小的支族就出較少；逐支族照家己得著產業的多少，將城鎮分互 利未 人。」</verse>
				<verse number="9">上主對 摩西 講：</verse>
				<verse number="10">「你著按呢命令 以色列 人：恁過 約旦河 ，進入 迦南 地，</verse>
				<verse number="11">著指定幾個城做避難城，互誤殺人的通走去遐。</verse>
				<verse number="12">諸個城通做恁逃避報冤仇的人的城，互誤殺人的佇會眾面前受審判以前，𣍐互人刣死。</verse>
				<verse number="13">恁著指定六座城做避難城；</verse>
				<verse number="14">約旦河 東旁三座、 迦南 地三座。</verse>
				<verse number="15">此六座城欲互 以色列 人，及暫時抑是長期住佇𪜶中間的外族人，做避難城，互誤殺人的通逃走去遐。</verse>
				<verse number="16">「若有人用鐵器給人拍死，伊就是故意刣人；故意刣人的，一定著給伊處死。</verse>
				<verse number="17">若有人用會互人死的石頭拍死人，伊就是故意犯罪；故意拍死人的，一定著給伊處死。</verse>
				<verse number="18">若提會互人死的柴器給人拍死，伊就是故意拍死人；故意拍死人的，一定著給伊處死。</verse>
				<verse number="19">互人拍死彼個人的至親著親身給兇手刣死；一下抵著伊，就通互伊死。</verse>
				<verse number="20">「若有人因為怨恨人給人捙倒，抑是故意用物件給人抌，互彼個人死；</verse>
				<verse number="21">抑是因為拾恨用手給人拍死，伊就是故意拍死人；故意拍死人的一定著給伊處死。互人拍死彼個人的至親一下抵著兇手，就通互伊死。</verse>
				<verse number="22">「毋拘，若有人無意中給人捙倒，抑是用物件抌著人，</verse>
				<verse number="23">抑是佇無看見的時，抑是及對方無冤仇，嘛無意思欲害死對方，毋拘煞用會互人死的石頭給人抌死，</verse>
				<verse number="24">會眾著照規例，佇拍死人的及報冤仇的中間審判。</verse>
				<verse number="25">會眾著救彼個誤殺人的脫離死者的至親，給伊送倒去伊走去匿的避難城，佇受抹油設立的大祭司死以前互伊住佇遐。</verse>
				<verse number="26">毋拘誤殺人的一旦離開避難城，</verse>
				<verse number="27">互人拍死彼個人的至親若佇城外抵著伊，給伊拍死，無算有罪。</verse>
				<verse number="28">因為彼個誤殺人的著佇大祭司死以前，攏住佇避難城。大祭司死以後，伊才通轉去伊家己家業的地。</verse>
				<verse number="29">無論恁住佇什麼所在，這欲做恁世世代代永遠的規例。</verse>
				<verse number="30">「若有人受控告刣死人，著有兩個以上的證人作證，才通給伊處死；若只有一個證人，毋通給伊宣判死罪。</verse>
				<verse number="31">判死罪的兇手𣍐用得用贖金贖回性命；一定著給伊處死。</verse>
				<verse number="32">若有人走去避難城，𣍐用得收贖金互伊佇大祭司死以前倒去伊的本地徛起。</verse>
				<verse number="33">恁毋通拍垃墋恁徛起的地；因為流人的血就是拍垃墋土地。若有人刣死人，著用伊的命賠命流伊的血，彼個地才會當得著潔淨。</verse>
				<verse number="34">恁毋通拍垃墋恁徛起的土地，因為我上主嘛𫢶佇此個地，住佇 以色列 人的中間。」</verse>
			</chapter>
			<chapter number="36">
				<verse number="1">約瑟 的後代， 瑪拿西 的孫 瑪吉 的子， 基列 宗族的族長來見 摩西 及 以色列 人逐宗族的領袖，</verse>
				<verse number="2">講：「上主有命令我的主用抽籤的方式分土地互 以色列 人做產業，我的主嘛照上主的命令將阮的親族 西羅非哈 的家業分互伊的查某子。</verse>
				<verse number="3">毋拘𪜶若嫁互 以色列 別支族的人，𪜶的家業就會對阮祖公的產業撥過互𪜶的丈夫彼旁的支族，按呢阮抽著的產業就會減少。</verse>
				<verse number="4">到 以色列 人恩惠的年，諸個查某子的家業就會加佇𪜶的丈夫彼旁的支族；阮祖公支族的產業就減少。」</verse>
				<verse number="5">摩西 照上主的命令對 以色列 人講：「 約瑟 後代的支族講了有理。</verse>
				<verse number="6">關係 西羅非哈 的查某子，上主按呢吩咐：𪜶通選擇𪜶合意的人，毋拘著嫁互仝支族、仝宗族的人。</verse>
				<verse number="7">按呢， 以色列 人的產業就𣍐對此個支族撥去互別個支族。 以色列 人逐個著守牢𪜶家己祖先支族的產業。</verse>
				<verse number="8">以色列 逐支族所有繼承產業的女子，著嫁互仝支族的人，互 以色列 人會當繼承𪜶祖先的產業。</verse>
				<verse number="9">按呢，產業才𣍐對此族轉去別個支族； 以色列 逐支族的人著守牢𪜶家己的產業。」</verse>
				<verse number="10">西羅非哈 五個查某子， 瑪拉 、 得撒 、 曷拉 、 蜜迦 及 挪阿 ，攏照上主對 摩西 的命令做，嫁互𪜶的叔伯兄弟。</verse>
				<verse number="11"></verse>
				<verse number="12">𪜶攏嫁互 約瑟 的後代， 瑪拿西 支族的家庭；𪜶的家業留佇𪜶老父的宗族內面。</verse>
				<verse number="13">以上是上主佇 約旦 河邊， 耶利哥 對面的 摩押 平原，通過 摩西 互 以色列 人的命令及規例。</verse>
			</chapter>
		</book>
		<book number="5">
			<chapter number="1">
				<verse number="1">下面是 摩西 佇 約旦河 東旁的曠野， 蘇弗 對面的 亞拉巴 ，就是佇 巴蘭 及 陀弗 、 拉班 、 哈洗錄 、 底撒哈 的中間，對 以色列 人民講的話。</verse>
				<verse number="2">對 何烈山 經過 西珥山 到 加低斯‧巴尼亞 ，需要十一日的路程。</verse>
				<verse number="3">佇出 埃及 了後第四十年，十一月初一， 摩西 將上主交代伊對 以色列 人所有的命令，攏給𪜶講。</verse>
				<verse number="4">彼時， 摩西 已經刣贏住佇 希實本 的 亞摩利 王 西宏 ，及住佇 以得來 、 亞斯他錄 的 巴珊 王 噩 。</verse>
				<verse number="5">摩西 佇 約旦河 東旁的 摩押 地，開始講解上主的律法，講：</verse>
				<verse number="6">上主 — 咱的上帝佇 何烈山 給咱吩咐講：「恁佇此個山已經住有夠久啊；</verse>
				<verse number="7">著起身斡去 亞摩利 的山地，以及彼附近的 亞拉巴 、山地、山埔、 尼革夫 、 地中海 沿海一帶， 迦南 人的地區，及 黎巴嫩 ，直到 大河 ，就是 幼發拉底河 。</verse>
				<verse number="8">今，我將此個地賜互恁，恁著入去承接；此個地是上主對恁的祖先， 亞伯拉罕 、 以撒 、 雅各 立誓應允，欲賞賜𪜶及𪜶的子子孫孫的土地。」</verse>
				<verse number="9">彼時，我有給恁講：「管理恁的責任，我家己一個擔當𣍐起。</verse>
				<verse number="10">上主 — 恁的上帝互恁人口加添，到今仔日親像天頂的星赫多。</verse>
				<verse number="11">願上主 — 恁列祖的上帝照伊對恁的應允賜福恁，互恁的人口加添千倍。</verse>
				<verse number="12">管理恁的重擔及責任，以及處理恁的訴訟，我家己一個哪擔當會起？</verse>
				<verse number="13">恁著對逐支族揀有智慧、有才能、有經驗的人，我就設立𪜶做恁的領袖。」</verse>
				<verse number="14">恁應我講：「你講欲做的代誌真好。」</verse>
				<verse number="15">我就將恁逐支族選出來有智慧、有經驗的人，設立𪜶做管理恁的領袖，有的管一千人，有的管一百人，有的管五十人，有的管十人，閣設立其他的官員。</verse>
				<verse number="16">當時我吩咐恁的審判官，講：「恁裁決相告的事，無論是同胞中間的案件，抑是及住佇恁中間的外族人的案件，著照公道判決。</verse>
				<verse number="17">恁裁決的時，毋通偏袒，相告的人無論是尊貴抑是卑微攏著公平對待。毋通驚任何人，因為恁是替上帝審判。困難解決的案件，著送來我遮，我會裁決。」</verse>
				<verse number="18">彼時，我嘛將恁應該做的事攏給恁吩咐。</verse>
				<verse number="19">咱照上主 — 咱的上帝的命令，對 何烈山 出發，經過恁所看著彼個闊閣通驚的曠野，行向 亞摩利 人的山區。咱到 加低斯‧巴尼亞 的時，</verse>
				<verse number="20">我給恁講：「恁已經到上主 — 咱的上帝賞賜互咱的 亞摩利 人的山地。</verse>
				<verse number="21">今，上主已經將彼個地賜互恁，恁著照上主 — 恁列祖的上帝對恁的應允，上去承接彼個地；毋通驚，毋通懍。」</verse>
				<verse number="22">彼時恁攏來我遮，給我講：「咱著派人先去探查彼個地，給咱報告，看咱著對叨一條路，叨一個城入去。」</verse>
				<verse number="23">我看按呢做真好，就對恁中間揀十二個人，每一支族一個。</verse>
				<verse number="24">𪜶就出發上山區，去 以實各 山谷探查。</verse>
				<verse number="25">𪜶帶彼所在的果子轉來咱遮，給咱報告，講：「上主 — 咱的上帝賞賜互咱的，是真媠的地。」</verse>
				<verse number="26">毋拘恁違背上主 — 恁的上帝的命令，毋肯入去彼個地，</verse>
				<verse number="27">閣佇恁的布棚內埋怨講：「因為上主怨恨咱，所以導咱出 埃及 地，欲將咱交互 亞摩利 人，給咱剿滅。</verse>
				<verse number="28">今咱是欲去什麼款所在？咱的兄弟互咱失志；𪜶給咱講：『遐的人民比咱較勇較躼，城闊大閣堅固，高到抵天；阮閣佇遐看著 亞衲 族的人。』」</verse>
				<verse number="29">我就給恁講：「毋免驚，嘛毋免懍𪜶。</verse>
				<verse number="30">行佇恁頭前的上主 — 恁的上帝會為恁交戰，親像伊佇 埃及 為著恁所做的仝款。</verse>
				<verse number="31">恁佇曠野啲行的時，有看見上主 — 恁的上帝按怎給恁養飼照顧，親像人啲養育子兒，直到恁來到此個所在。」</verse>
				<verse number="32">雖然按呢，恁毋信上主 — 恁的上帝；</verse>
				<verse number="33">伊一路行佇恁的頭前，給恁尋安營的所在；暝時用火，日時用雲，指示恁著行的路。</verse>
				<verse number="34">上主聽著恁埋怨的聲就受氣，立誓講：</verse>
				<verse number="35">「此個歹世代的人絕對無一個會當看著我所立誓應允賞賜恁列祖此塊媠的地；</verse>
				<verse number="36">只有 耶孚尼 的子 迦勒 會當看著；閣我欲將伊踏過的地賜互伊及伊的子孫，因為伊專心信靠上主。」</verse>
				<verse number="37">上主嘛因為恁的緣故對我受氣，講：「你嘛𣍐當入去彼塊土地；</verse>
				<verse number="38">跟隨你的 嫩 的子 約書亞 會入去；你著給伊鼓勵，因為伊欲導 以色列 人入去承接彼個地。」</verse>
				<verse number="39">上主閣講：「恁的囝仔，就是恁啲想會互人掠去，今仔日猶𣍐曉分別好歹的子兒，會入去遐；我欲將彼個地賜互𪜶做產業。</verse>
				<verse number="40">恁咧，恁著越倒轉，向 紅海 的方向去曠野。」</verse>
				<verse number="41">恁回答我，講：「阮有得罪上主；今阮欲照上主 — 阮的上帝的命令上去交戰。」恁逐個人就大主大意，帶軍器上去山區。</verse>
				<verse number="42">上主給我講：「你著叫𪜶毋通出去，毋通去交戰，因為我無及恁同在，才免恁刣輸對敵。」</verse>
				<verse number="43">我就給恁講，毋拘恁毋聽，背逆上主的命令，大主大意𬦰上山區。</verse>
				<verse number="44">住佇遐的 亞摩利 人就出來攻擊恁，親像蜂給恁追趕，佇 以東 山區的 何珥瑪 給恁拍敗。</verse>
				<verse number="45">恁就閣佇上主的面前啼哭，毋拘上主毋聽恁的聲，無欲插恁。</verse>
				<verse number="46">恁就佇 加低斯 住一段真久的時間。</verse>
			</chapter>
			<chapter number="2">
				<verse number="1">後來，咱越倒轉，照上主對我的命令，向 紅海 的方向去曠野；咱踅 西珥山 真多日。</verse>
				<verse number="2">上主對我講：</verse>
				<verse number="3">「恁已經踅此個山區真久啦，著斡對北旁去。</verse>
				<verse number="4">你著吩咐人民講：『恁的兄弟 以掃 的後代住佇 以東 ；恁欲經過𪜶的境界，𪜶會驚恁，所以恁著非常謹慎。</verse>
				<verse number="5">毋通惹𪜶；𪜶的地連腳會當踏赫呢細的位我都無欲互恁，因為我已經將 以東 互 以掃 做家業。</verse>
				<verse number="6">恁著用銀給𪜶買糧食來食，買水來飲。』」</verse>
				<verse number="7">上主 — 恁的上帝佇恁做的逐項事攏賜福恁；恁行此個闊大的曠野，伊攏給恁看顧；此四十年，上主 — 恁的上帝及恁同在，恁攏無欠缺什麼。</verse>
				<verse number="8">所以，咱就踅過 以東 ，就是咱的兄弟 以掃 的後代住的地區；對 亞拉巴 的路經過 以拉他 、 以旬‧迦別 ，斡對向 摩押 曠野的方向去。</verse>
				<verse number="9">上主閣對我講：「毋通惹 摩押 人，毋通侵犯𪜶；𪜶的地我嘛無欲互恁做產業，因為我已經將 亞珥 城互 羅得 的後代做家業。」</verse>
				<verse number="10">以前， 以米 人住佇彼個地區；𪜶人口多閣強，親像 亞衲 族的人赫躼。</verse>
				<verse number="11">𪜶嘛及 亞衲 族的人仝款互人叫做 利乏音 人；毋拘 摩押 人叫𪜶做 以米 人。</verse>
				<verse number="12">這抵親像早前 何利 人住佇 以東 ，毋拘 以掃 的後代嘛給𪜶消滅，續接𪜶住佇遐；嘛親像 以色列 人佇上主賞賜𪜶做家業的地，將原來的住民趕走像款。</verse>
				<verse number="13">上主閣講：「恁著起來，過 撒烈溪 。」對按呢，咱就過彼條溪。</verse>
				<verse number="14">咱對離開 加低斯‧巴尼亞 ，到過 撒烈溪 ，經過三十八年久；直到彼代的戰士攏死佇軍營，抵照上主對𪜶所立誓的。</verse>
				<verse number="15">上主的手攻擊𪜶，對軍營中給𪜶完全消滅。</verse>
				<verse number="16">人民中間的戰士攏死去了後，</verse>
				<verse number="17">上主對我講：</verse>
				<verse number="18">「今仔日恁欲對 摩押 的邊界 亞珥 城經過；</verse>
				<verse number="19">恁行倚 亞捫 人的時，毋通惹𪜶，毋通侵犯𪜶；因為 亞捫 人的地我無欲互恁做產業，我已經將彼塊地賜互 羅得 的後代做產業。」</verse>
				<verse number="20">彼個地區嘛算做 利乏音 人的地。以前 利乏音 人住佇遐； 亞捫 人叫𪜶做 散組明 人；</verse>
				<verse number="21">𪜶人口多閣強，親像 亞衲 族的人赫躼；毋拘上主給𪜶消滅， 亞捫 人就佔領𪜶的地，續接𪜶住佇遐；</verse>
				<verse number="22">抵親像上主為著住佇 以東 的 以掃 後代消滅 何利 人，互𪜶續接住佇此個地直到今仔日像款。</verse>
				<verse number="23">對 迦斐託 出來的 非利士 人嘛像款，消滅住佇 迦薩 及附近庄社的 亞衛 人，續接𪜶住佇遐。</verse>
				<verse number="24">今，恁著起來，出發過 亞嫩 山谷。看咧！我已經將 亞摩利 人 希實本 王 西宏 及伊的土地，交佇恁的手；恁著及伊交戰，佔領伊的土地。</verse>
				<verse number="25">對今仔日起，我欲互天下萬民攏驚恁，懍恁；互𪜶聽著關係恁的風聲攏煩惱，皮皮惙。</verse>
				<verse number="26">我對 基底莫 的曠野，派使者去見 希實本 王 西宏 ，用好話對伊講：</verse>
				<verse number="27">「請你允准阮經過你的地；阮會行大路，𣍐偏左，𣍐偏右。</verse>
				<verse number="28">阮會用銀給恁買糧食食，買水飲，只有拜託你准阮行過去；</verse>
				<verse number="29">親像住佇 以東 的 以掃 後代，及住佇 亞珥 城的 摩押 人對待阮仝款；直到阮過 約旦河 ，進入上主 — 阮的上帝賞賜互阮的地。」</verse>
				<verse number="30">毋拘 希實本 王 西宏 毋肯互咱對伊的地經過，因為上主 — 咱的上帝互伊固執硬心，為著欲互咱給伊拍敗，親像今仔日咱所知的按呢。</verse>
				<verse number="31">上主給我講：「看咧，我已經將 西宏 及伊的土地交互你，今你著去佔領伊的土地做恁的產業。」</verse>
				<verse number="32">彼時 西宏 及伊的軍兵出來佇 雅雜 及咱交戰。</verse>
				<verse number="33">上主 — 咱的上帝將伊交互咱，咱就將伊及伊的子，以及所有的軍兵攏拍死。</verse>
				<verse number="34">咱閣攻取伊攏總的城，將城內的查甫人、查某人，及囝仔攏剿滅，無留半個；</verse>
				<verse number="35">只有留牲生及對逐個城搶來的物件做家己的戰利品。</verse>
				<verse number="36">對 亞嫩 山谷邊的 亞羅珥 ，及山谷中的城，直到 基列 ，無一個城堅固甲咱無法度攻破，因為上主 — 咱的上帝將諸個城攏交互咱。</verse>
				<verse number="37">只有 亞捫 人的地、 雅博 河邊的地，及山區諸個城，咱無去攻打，因為上主 — 咱的上帝禁止咱。</verse>
			</chapter>
			<chapter number="3">
				<verse number="1">後來，咱就斡對向 巴珊 的方向去； 巴珊 王 噩 及伊的軍兵出來佇 以得來 及咱交戰。</verse>
				<verse number="2">上主給我講：「毋免驚伊，因為我已經將伊及伊的軍兵，以及伊的土地攏交佇你的手；你著親像對付住佇 希實本 的 亞摩利 王 西宏 按呢對付伊。」</verse>
				<verse number="3">上主 — 咱的上帝就將 巴珊 王 噩 及伊的軍兵攏交互咱；咱給𪜶拍死，連一個都無留。</verse>
				<verse number="4">彼時，咱攻取伊所有的城，無一座城無互咱佔領；按呢，咱攻佔 巴珊 王 噩 所統治 亞珥歌伯 地區全部的六十座城。</verse>
				<verse number="5">諸個攏是堅固的城，有高的城牆，有門有閂；以外猶有真多無城牆的庄社。</verse>
				<verse number="6">咱完全給𪜶消滅，親像以前對待 希實本 王 西宏 按呢，將城內的查甫人、查某人，及囝仔攏剿滅；</verse>
				<verse number="7">只有留牲生及對逐個城搶來的物件做家己的戰利品。</verse>
				<verse number="8">彼時，咱對兩個 亞摩利 王的手搶奪𪜶佇 約旦河 東旁的地，對 亞嫩 山谷到 黑門山 。</verse>
				<verse number="9">此個 黑門山 ， 西頓 人給伊叫做 西連 ； 亞摩利 人叫伊做 示尼珥 。</verse>
				<verse number="10">咱嘛攻取平原所有的城、 基列 地區及 巴珊 地區，直到 撒迦 及 以得來 ；諸個攏是 巴珊 王 噩 的城。</verse>
				<verse number="11">巴珊 王 噩 是 利乏音 人最後一個人。伊的眠床 是鐵 的，長大約四公尺，闊兩公尺。現在佇 亞捫 人的 拉巴 猶會當看著此頂眠床。</verse>
				<verse number="12">咱得著此塊土地了後，我將 亞嫩 山谷附近的 亞羅珥 城，及 基列 山區的一半，以及其中許個城，攏互 呂便 人及 迦得 人；</verse>
				<verse number="13">將 基列 其他的地，及 巴珊 王 噩 全部的土地，攏互 瑪拿西 半支族。 巴珊 的 亞珥歌伯 地區，嘛叫做 利乏音 人的地。</verse>
				<verse number="14">瑪拿西 的後代 睚珥 佔領 亞珥歌伯 全地區，直到 基述 人及 瑪迦 人的邊界；伊用家己的名叫 巴珊 地區做 哈倭特‧睚珥 ，到今仔日猶用此個名。</verse>
				<verse number="15">我將 基列 分互 瑪吉 宗族。</verse>
				<verse number="16">我分互 呂便 支族及 迦得 支族的地是：對 基列 到 亞嫩 山谷，用山谷做界，直到 亞捫 人的邊界的 雅博河 ，</verse>
				<verse number="17">包括 亞拉巴 及倚近 約旦河 的地，對 加利利湖 到 亞拉巴海 ，就是 鹽海 ，以及 比斯迦 山腳東旁的地。</verse>
				<verse number="18">彼時我吩咐𪜶 ，講：「上主 — 恁的上帝已經將此個地互恁做家業；恁中間的勇士攏著帶軍器，做恁同胞的先鋒過河。</verse>
				<verse number="19">毋拘恁的某、恁的囝仔，及恁的牲生 — 我知恁的牲生真多 — 通住佇我所互恁逐個城，</verse>
				<verse number="20">到上主互恁的同胞及恁像款，佇 約旦河 彼旁得著上主 — 恁的上帝賞賜𪜶安穩徛起的地，然後恁才通倒來我所賞賜恁做產業的地。」</verse>
				<verse number="21">彼時，我吩咐 約書亞 ，講：「你有親目看著上主 — 你的上帝對此兩個王所做一切的事，上主嘛欲親像按呢對待恁過河了後抵著的國家。</verse>
				<verse number="22">恁毋免驚𪜶，因為為恁交戰的是上主 — 恁的上帝。」</verse>
				<verse number="23">彼時我懇求上主，講：</verse>
				<verse number="24">「至高的上主，你已經互你的僕人看見你的偉大、你的權能。佇天頂、佇地上，無任何神明會當做親像你所做大權能的作為。</verse>
				<verse number="25">求你互我過 約旦河 ，看著彼旁肥的地、媠的山，及 黎巴嫩 。」</verse>
				<verse number="26">毋拘上主因為恁的緣故對我受氣，毋聽我的懇求。上主對我講：「好啊啦，你毋通閣對我提起此個事。</verse>
				<verse number="27">你著上 比斯迦 的山頂，攑頭向東西南北詳細看，因為你𣍐當過 約旦河 。</verse>
				<verse number="28">毋拘你著吩咐 約書亞 ，給伊鼓勵，互伊堅強；因為伊欲導諸個人民過去，互𪜶承接你欲看見的地。」</verse>
				<verse number="29">對按呢，咱就留佇 伯‧比珥 對面的山谷中。</verse>
			</chapter>
			<chapter number="4">
				<verse number="1">以色列 人，今我教示恁的規例及命令，恁著聽受遵趁，恁才會活，進入上主 — 恁列祖的上帝賞賜互恁的地，承接做產業。</verse>
				<verse number="2">我吩咐恁的話，就是上主 — 恁的上帝的命令，著遵守，毋通加添，嘛毋通減少。</verse>
				<verse number="3">上主因為 巴力‧比珥 的代誌所做的事，恁有親目看著；所有拜 比珥 的神明巴力的人，上主 — 恁的上帝攏將𪜶對恁中間除滅。</verse>
				<verse number="4">只有恁諸個忠誠跟隨上主 — 恁的上帝的人，今仔日攏猶活啲。</verse>
				<verse number="5">恁著會記得，我有照上主 — 我的上帝的吩咐，將規例及命令教示恁，互恁佇欲入去承接做產業的地遵行。</verse>
				<verse number="6">所以恁著切實遵行，按呢恁就會佇列國面前顯出恁的智慧聰明；𪜶一下聽著諸個所有的規例，就會講：「此個偉大的國家的人民真正是有智慧聰明。」</verse>
				<verse number="7">有叨一個大國的神明及伊的人民親近，親像上主 — 咱的上帝及咱即呢親近，互咱通隨時求叫伊？</verse>
				<verse number="8">有叨一個大國有公正的規例及命令，親像我今仔日傳互恁的律法按呢？</verse>
				<verse number="9">所以著謹慎，嘛著切實保守恁的心，才免恁𣍐記得恁親目看著的代誌，才免諸個代誌佇恁活啲的時離開恁的心；嘛著用諸個教示恁的子子孫孫。</verse>
				<verse number="10">恁佇 何烈山 徛佇上主 — 恁的上帝面前彼日，上主對我講：「你給我招集人民，我欲互𪜶聽見我的話，互𪜶活佇世間的日，通學習敬畏我，閣教示𪜶的後代。」</verse>
				<verse number="11">彼時恁攏近倚來，徛佇山腳；山裡有火焰淐到天頂，閣有烏雲罩倚。</verse>
				<verse number="12">上主佇火焰中對恁講話；恁有聽見講話的聲，毋拘無看著什麼形像；只有聲若定。</verse>
				<verse number="13">伊將命令恁著守的約指示恁，就是十條誡，閣寫佇兩塊石版。</verse>
				<verse number="14">彼時，上主閣吩咐我將規例及命令教示恁，互恁佇欲過去得著做產業的地遵行。</verse>
				<verse number="15">恁著特別謹慎，因為上主佇 何烈山 對火中給恁講話彼時，恁攏無看著什麼形像；</verse>
				<verse number="16">所以，恁毋通墮落，為家己造任何形狀的偶像，無論是男是女，</verse>
				<verse number="17">地上的走獸抑是空中的飛鳥，</verse>
				<verse number="18">地上啲趖的動物抑是水中的魚類，攏毋通造𪜶的像。</verse>
				<verse number="19">恁攑頭看著天頂的日、月、星辰，嘛毋通受引誘敬拜服事𪜶，因為諸個是上主 — 恁的上帝為著天下萬民排設的天體。</verse>
				<verse number="20">毋拘上主將恁對鑄鐵的火爐 埃及 解救出來，做伊的子民，伊的產業，親像今仔日按呢。</verse>
				<verse number="21">上主閣因為恁的緣故對我受氣，立誓毋互我過 約旦河 ，嘛毋互我進入上主 — 恁的上帝賞賜恁做產業的好土地。</verse>
				<verse number="22">我著死佇遮，𣍐當過 約旦河 ；毋拘恁會過去佔領彼個好的地。</verse>
				<verse number="23">恁著謹慎，才免恁𣍐記得上主 — 恁的上帝及恁立的約，違背上主 — 恁的上帝的誡命，為家己雕刻任何形狀的偶像。</verse>
				<verse number="24">因為上主 — 恁的上帝是吞滅的火，是要求全情服事伊的上帝。</verse>
				<verse number="25">恁佇彼個地住真久，生子傳孫，若墮落，造逐款形狀的偶像，做上主 — 恁的上帝看做歹的事，惹伊受氣，</verse>
				<verse number="26">我今仔日就叫天叫地出來作證控告恁，恁會佇過 約旦河 得著做產業的地真緊滅亡；恁佇彼個地𣍐久長，會徹底受消滅。</verse>
				<verse number="27">上主會互恁四散佇萬族的中間；佇上主趕恁去許個國，恁賰落來的人真少。</verse>
				<verse number="28">佇遐，恁會服事人的手用柴用石造的神明；𪜶𣍐看、𣍐聽、𣍐食、𣍐鼻。</verse>
				<verse number="29">毋拘恁佇遐欲尋上主 — 恁的上帝，若全心全情尋伊，就會尋著。</verse>
				<verse number="30">將來恁抵著逐款苦難的時，恁會歸向上主 — 恁的上帝，順服伊；</verse>
				<verse number="31">因為上主 — 恁的上帝是憐憫的上帝，𣍐放拺恁，𣍐剿滅恁，嘛𣍐𣍐記得伊立誓及恁的列祖所立的約。</verse>
				<verse number="32">恁查考全世界，對以前，就是對上帝創造人類佇世間以來，豈曾有親像此款的大事發生？恁豈曾聽見此款代誌？</verse>
				<verse number="33">豈有叨一個民族曾聽見上帝對火中講話的聲，親像恁聽見，毋拘猶活啲？</verse>
				<verse number="34">豈有叨一個神明親像上主 — 恁的上帝，對萬族的中間揀選一族做家己的子民，閣伸出大氣力的手，用災難、神跡、奇事、戰爭，佇 埃及 為著恁做大閣通驚的事？</verse>
				<verse number="35">上主按呢對恁顯現，互恁知伊是上帝，以外無別個。</verse>
				<verse number="36">伊對天互恁聽見伊的聲，為著欲教示恁；閣佇地上互恁看著伊的大火，聽著伊對火中給恁講的話。</verse>
				<verse number="37">因為伊疼恁的列祖，所以揀選𪜶的後代，親身用大權能對 埃及 導恁出來；</verse>
				<verse number="38">對恁的面前將比恁較強大的民族趕走，導恁入去𪜶的地，將此個地賜恁做產業，親像今仔日按呢。</verse>
				<verse number="39">所以，今仔日恁著知，著會記得，天頂地下只有上主是上帝，以外無別個。</verse>
				<verse number="40">我今仔日所命令恁伊的規例及誡命，恁著遵守，互恁及恁的後代通得著福氣，佇上主 — 恁的上帝賞賜恁做永遠產業的地久長徛起。</verse>
				<verse number="41">後來， 摩西 佇 約旦河 東旁指定三個城，</verse>
				<verse number="42">互許個無冤仇，無意中誤殺人的人逃走去遐，通保全性命；</verse>
				<verse number="43">屬 呂便 人的是佇曠野平原的 比悉 ，屬 迦得 人的是 基列 的 拉末 ，屬 瑪拿西 人的是 巴珊 的 戈蘭 。</verse>
				<verse number="44">下面是 摩西 對 以色列 人頒布的律法，</verse>
				<verse number="45">是 摩西 佇 以色列 人出 埃及 了後，傳互𪜶的教示、規例，及命令。</verse>
				<verse number="46">伊頒布律法的地點佇 約旦河 東旁， 伯‧比珥 對面的山谷中，屬住佇 希實本 的 亞摩利 王 西宏 的地； 摩西 及 以色列 人出 埃及 了後刣死 西宏 。</verse>
				<verse number="47">𪜶佔領 亞摩利 人兩個王， 西宏 及 巴珊 王 噩 佇 約旦河 東旁的地，</verse>
				<verse number="48">對 亞嫩 山谷邊的 亞羅珥 ，直到 西連山 ，就是 黑門山 ；</verse>
				<verse number="49">以及 約旦河 東旁的 亞拉巴 地區，直到 亞拉巴海 ，接近 比斯迦山 山腳的地。</verse>
			</chapter>
			<chapter number="5">
				<verse number="1">摩西 召集 以色列 人，對𪜶講： 以色列 啊，著注意聽我今仔日給恁吩咐的規例及命令，恁著學習，切實遵行。</verse>
				<verse number="2">上主 — 咱的上帝佇 何烈山 及咱立約。</verse>
				<verse number="3">此個約，上主毋是及咱的列祖立的，是及今仔日咱所有猶活啲，徛佇遮的人立的。</verse>
				<verse number="4">上主佇山頂，對火中面對面及恁講話。</verse>
				<verse number="5">彼時我徛佇上主及恁的中間，欲將上主的話傳互恁，因為恁驚彼個火，毋敢上山。上主講：</verse>
				<verse number="6">「我是上主 — 你的上帝，有將你對 埃及 地，做奴才的家導出來。</verse>
				<verse number="7">「我以外你毋通有別個上帝。</verse>
				<verse number="8">「毋通為家己雕刻偶像，無論天頂、地上，及地下水內 所有的物，攏毋通造𪜶的像；</verse>
				<verse number="9">毋通給𪜶跪拜，嘛毋通服事𪜶，因為我上主 — 你的上帝是要求全情服事的上帝；怨恨我的人，我追究𪜶的罪，對父到子，到三四代；</verse>
				<verse number="10">疼我，遵守我誡命的人，我施恩互𪜶，直到千代。</verse>
				<verse number="11">「毋通濫用上主 — 你的上帝的名；因為濫用上主的名的人，我上主一定無給伊當做無罪。</verse>
				<verse number="12">「著照上主 — 你的上帝的命令，守安歇日做聖日。</verse>
				<verse number="13">六日內著拍拼做你所有的工課，</verse>
				<verse number="14">毋拘第七日是上主 — 你的上帝設立的安歇日；此日，你及你的子、查某子、奴僕、女婢、牛、驢、牲生，以及寄居佇恁中間的人，攏毋通做工，互你的奴僕、女婢，通及你像款安歇。</verse>
				<verse number="15">著會記得，恁以前曾佇 埃及 地做奴才，上主 — 恁的上帝伸出大氣力的手，導恁對遐出來；因為按呢，上主 — 恁的上帝命令恁著守安歇日。</verse>
				<verse number="16">「著照上主 — 你的上帝的命令，孝敬你的老父、你的老母，通互你佇上主 — 你的上帝賞賜你的地久長徛起，享受福氣。</verse>
				<verse number="17">「毋通害死人。</verse>
				<verse number="18">「毋通姦淫。</verse>
				<verse number="19">「毋通偷提。</verse>
				<verse number="20">「毋通作偽證陷害你的厝邊。</verse>
				<verse number="21">「毋通貪你的厝邊的某，嘛毋通貪你的厝邊的厝、田園、奴僕、女婢、牛、驢，抑是你的厝邊任何的物件。」</verse>
				<verse number="22">諸個是上主佇山頂，對火焰、密雲、烏暗的中間，大聲對恁全體會眾頒布的誡命，無閣加添其他的話。伊閣將諸個誡命寫佇兩塊石版，交互我。</verse>
				<verse number="23">彼時，山裡有火啲𤏸，恁聽見有聲對烏暗中出來，恁逐支族的領袖及長老攏來我遮。</verse>
				<verse number="24">恁講：「你看，上主 — 阮的上帝互阮看見伊的榮光及偉大；阮閣聽見伊的聲對火中發出；今仔日阮才知，上帝對人講話，人猶會活。</verse>
				<verse number="25">此個大火會給阮燒死；阮若閣聽見上主 — 阮的上帝的聲，一定會死，阮哪著冒性命的危險？</verse>
				<verse number="26">豈有人親像阮聽見永活上帝對火中講話的聲，猶會當活啲？</verse>
				<verse number="27">你著進前去聽上主 — 阮的上帝所有欲對阮講的話；將上主對你講的話，攏給阮講；阮欲聽，嘛欲實行。」</verse>
				<verse number="28">恁對我講的話，上主攏有聽著。伊對我講：「我有聽著諸個人對你講的話；𪜶講了真著。</verse>
				<verse number="29">向望𪜶存此款心，敬畏我，常常守我的誡命，互𪜶及𪜶的子孫永遠得著福氣。</verse>
				<verse number="30">你去給𪜶講：『恁倒去家己的布棚。』</verse>
				<verse number="31">摩西 ，你著徛𫢶我遮，我欲將你所著教示𪜶的誡命、規例、命令攏給你講，互𪜶通佇我賞賜𪜶做產業的地實行。」</verse>
				<verse number="32">所以，恁著切實遵行上主 — 恁的上帝的命令，毋通偏左偏右。</verse>
				<verse number="33">恁攏著行上主 — 恁的上帝命令恁的路，互恁佇欲去佔領的地享受福氣，久長徛起。</verse>
			</chapter>
			<chapter number="6">
				<verse number="1">下面是上主 — 恁的上帝吩咐我著教示恁的誡命、規例、命令，互恁佇欲去佔領的地遵行，</verse>
				<verse number="2">通互恁及恁的子子孫孫一生敬畏上主 — 恁的上帝，遵守我所命令一切的規例及誡命，互恁長歲壽。</verse>
				<verse number="3">以色列 啊，著注意聽，著切實遵行，互恁通照上主 — 恁列祖的上帝的應允，佇流奶及蜜的地得著福氣，人額加添真多。</verse>
				<verse number="4">以色列 啊，著注意聽，上主 — 咱的上帝是獨一的上主。</verse>
				<verse number="5">恁著全心、全情、全力疼上主 — 恁的上帝。</verse>
				<verse number="6">我今仔日命令恁諸個話著記佇心內，</verse>
				<verse number="7">嘛著殷勤教示恁的子兒。無論佇厝內坐，佇路裡行，倒啲抑是起來，攏著唸互𪜶聽；</verse>
				<verse number="8">閣著縛佇手裡做記號，縛佇頭額提醒；</verse>
				<verse number="9">著寫佇厝的門徛，嘛著寫佇城門。</verse>
				<verse number="10">上主 — 恁的上帝欲導恁進入伊對恁的列祖， 亞伯拉罕 、 以撒 、 雅各 ，立誓欲互恁的地；佇遐有闊大閣媠的城，毋是恁起造的；</verse>
				<verse number="11">有厝貯真多好物，毋是恁積聚的；有挖好勢的水井，毋是恁挖的；有葡萄園、橄欖樹，毋是恁栽種的。到恁逐項富足的時，</verse>
				<verse number="12">著謹慎，才免恁𣍐記得導恁對 埃及 地，對做奴才的家出來的上主。</verse>
				<verse number="13">恁干焦著敬畏上主 — 恁的上帝，服事伊，奉伊的名咒誓；</verse>
				<verse number="14">毋通拜別個神明，就是恁四圍的外族啲拜的神明，</verse>
				<verse number="15">才免上主 — 恁的上帝對恁發大受氣，給恁對地上消滅，因為及恁同在的上主 — 恁的上帝，是要求全情服事伊的上帝。</verse>
				<verse number="16">恁毋通試探上主 — 恁的上帝，親像恁曾佇 瑪撒 試探伊一樣。</verse>
				<verse number="17">著確實遵守上主 — 恁的上帝的誡命，及伊命令恁的教示、規例。</verse>
				<verse number="18">上主看做正直，看做好的，恁著實行；恁就會事事順利，閣入去佔領上主立誓欲互恁的列祖媠的地；</verse>
				<verse number="19">恁嘛著照上主的應允將恁所有的對敵趕出去。</verse>
				<verse number="20">將來恁的子孫問恁講：「上主 — 咱的上帝所命令恁諸個教示、規例、命令是什麼意思？」</verse>
				<verse number="21">恁著給恁的子孫按呢講：「早前阮佇 埃及 做 埃及 王的奴才，上主用大氣力的手導阮出 埃及 。</verse>
				<verse number="22">上主佇阮的目睭前行大閣厲害的神跡奇事，對付 埃及 人、法老及伊的全家，</verse>
				<verse number="23">導阮對遐出來，互阮入去上主對咱的列祖立誓欲賞賜咱的地。</verse>
				<verse number="24">上主吩咐咱，著遵行諸個所有的規例，著敬畏上主 — 咱的上帝，互咱一生事事順利，得著伊保全咱的性命，親像今仔日按呢。</verse>
				<verse number="25">咱若照上主 — 咱的上帝的吩咐，佇伊的面前遵行伊一切的誡命，伊會歡喜接納咱 。」</verse>
			</chapter>
			<chapter number="7">
				<verse number="1">上主 — 恁的上帝會導恁入去恁欲佔領的地，對恁的面前將七個比恁較強大的民族趕走，就是 赫 人、 革迦撒 人、 亞摩利 人、 迦南 人、 比利洗 人、 希未 人、 耶布斯 人。</verse>
				<verse number="2">上主 — 恁的上帝將𪜶交佇恁的手，互恁給𪜶拍敗。彼時，恁著給𪜶徹底消滅，毋通及𪜶立約，嘛毋通手下留情。</verse>
				<verse number="3">毋通及𪜶通婚；恁的查某子毋通嫁互𪜶的後生，嘛毋通互恁的後生娶𪜶的查某子。</verse>
				<verse number="4">因為𪜶會互恁的子兒越走無敬拜上主，去服事別個神明，致到上主對恁發大受氣，真緊給恁消滅。</verse>
				<verse number="5">所以恁著按呢對待𪜶：拆毀𪜶的祭壇，摃碎𪜶的石柱像，剉斷𪜶的 亞舍拉 女神的神像，用火燒𪜶雕刻的偶像。</verse>
				<verse number="6">因為恁是歸屬上主 — 恁的上帝聖潔的子民；上主有對地上萬民的中間揀選恁，做伊特別的子民。</verse>
				<verse number="7">上主疼恁，揀恁，毋是因為恁的人額比別族較多；其實恁的人額是萬族中上少的；</verse>
				<verse number="8">是因為上主疼恁，閣欲實現伊對恁列祖立誓的應允，伊才用大權能的手導恁出來，救贖恁脫離 埃及 王法老的手，脫離做奴才的家。</verse>
				<verse number="9">所以恁著知，只有上主 — 恁的上帝是上帝，是信實的上帝；對疼伊，遵守伊誡命的人，伊會守約，施慈愛互𪜶直到千代。</verse>
				<verse number="10">所有拒絕伊的人，伊會給𪜶報應，給𪜶消滅；伊對拒絕伊的人會真緊當面給𪜶報應。</verse>
				<verse number="11">所以，恁著切實遵行我今仔日所吩咐恁的誡命、規例、命令。</verse>
				<verse number="12">恁若切實遵行諸個命令，上主 — 恁的上帝就會守伊對恁的列祖立誓所立的約，對恁施慈愛。</verse>
				<verse number="13">伊會疼恁，賜福恁，互恁興旺；嘛會佇伊對恁的列祖立誓欲賞賜恁的地，互恁生湠多多，閣互恁土地的出產、五穀、新酒及新油、牛仔子及羊仔子加添真多。</verse>
				<verse number="14">恁得著的福氣會超過萬族；恁的男女無一個𣍐生，恁的牲生無一隻𣍐生湠。</verse>
				<verse number="15">上主會互病疼離開恁；恁所知 埃及 逐款的歹症頭，伊𣍐降互恁，只有會降互所有怨恨恁的人。</verse>
				<verse number="16">上主 — 恁的上帝交互恁的民族，恁著攏給𪜶消滅，毋通對𪜶手下留情；恁毋通服事𪜶的神明，因為按呢會致到恁受災難。</verse>
				<verse number="17">恁若心內想講：「諸個國比阮較強，阮哪會當給𪜶趕走？」</verse>
				<verse number="18">恁毋免驚𪜶；一定著會記得上主 — 恁的上帝對 埃及 王及攏總的 埃及 人所做的事，</verse>
				<verse number="19">就是恁有親目看著的大災難、神跡、奇事，閣上主 — 恁的上帝伸出大氣力的手導恁出來；伊嘛會按呢對待恁所驚的民族。</verse>
				<verse number="20">上主 — 恁的上帝欲降瘟疫佇𪜶中間 ，直到許個賰落來走去匿的人佇恁的面前消滅。</verse>
				<verse number="21">恁毋免驚𪜶，因為及恁同在的上主 — 恁的上帝，是偉大閣通驚畏的上帝。</verse>
				<verse number="22">上主 — 恁的上帝會佇恁的面前漸漸將諸個民族趕走；恁毋通真緊給𪜶消滅，才免野獸加添真多煞傷害著恁。</verse>
				<verse number="23">上主 — 恁的上帝會將諸個民族交佇恁的手，互𪜶大驚擾亂，直到𪜶滅亡；</verse>
				<verse number="24">閣會將𪜶許個王交佇恁的手，互𪜶對世間消失；無一個人會當對抗恁，直到恁給𪜶消滅。</verse>
				<verse number="25">恁著將𪜶雕刻的神像用火燒掉；毋通貪神像身上的金銀，嘛毋通提來做家己的，才免恁因為按呢受災難；因為諸個是上主 — 恁的上帝所厭惡的。</verse>
				<verse number="26">任何偶像，恁攏毋通帶入恁的厝，才免恁及許個物像款成做著毀滅的。恁著徹底厭惡諸個物，因為諸個是著毀滅的。</verse>
			</chapter>
			<chapter number="8">
				<verse number="1">今仔日我所命令恁一切的誡命，恁著切實遵行，互恁通活，人數加添真多，入去承接上主立誓應允欲互恁列祖的地。</verse>
				<verse number="2">恁嘛著會記得上主 — 恁的上帝此四十年導恁佇曠野行過的路，互恁謙卑，給恁考驗，欲知恁有對心底遵守伊的誡命抑無。</verse>
				<verse number="3">伊給恁磨練，互恁枵餓，用恁及恁的列祖攏毋識的嗎哪養飼恁，是欲互恁知，人啲活毋若倚靠餅，是倚靠對上主的嘴所出的逐句話。</verse>
				<verse number="4">此四十年恁的衫仔褲無破，恁的腳嘛無膨泡。</verse>
				<verse number="5">恁著知，上主 — 恁的上帝管教恁，親像人啲管教伊的子兒。</verse>
				<verse number="6">所以恁著遵守上主 — 恁的上帝的誡命，行伊的道路，敬畏伊。</verse>
				<verse number="7">因為，上主 — 恁的上帝導恁入去彼個媠的地，遐有溪，有水泉，閣有地下水對山谷及山頂流出來；</verse>
				<verse number="8">遐有出產大麥、小麥、葡萄、無花果、石榴，閣出產橄欖油及蜜。</verse>
				<verse number="9">恁佇遐食物充足，連一項都無欠；佇遐的石頭有鐵，山內會當挖著銅。</verse>
				<verse number="10">恁會食到飽，著因為上主 — 恁的上帝所賞賜恁富足的地謳咾伊。</verse>
				<verse number="11">恁著謹慎，才免𣍐記得上主 — 恁的上帝，無遵守我今仔日所吩咐上主的誡命、命令，及規例。</verse>
				<verse number="12">恁食飽，有好的厝通徛，</verse>
				<verse number="13">牛、羊、金、銀，以及恁所有的攏加添真多的時，</verse>
				<verse number="14">著謹慎，才免恁自高驕傲，煞𣍐記得給恁對 埃及 地做奴才的家導出來的上主 — 恁的上帝。</verse>
				<verse number="15">伊導恁經過彼個大閣通驚的曠野，是焦燥無水的地；遐有毒蛇、蝎仔蟲。伊有為著恁互水對碇的石磐流出來。</verse>
				<verse number="16">伊閣佇曠野，用恁的列祖毋識的嗎哪養飼恁，是欲考驗恁，互恁謙卑，到尾是欲互恁得著福氣；</verse>
				<verse number="17">才免恁心內想講：「我靠家己的氣力、能力得著諸個產業。」</verse>
				<verse number="18">恁著會記得上主 — 恁的上帝，恁得著產業的氣力是伊互恁的，是欲實現伊對恁的列祖立誓設立的約，及今仔日像款。</verse>
				<verse number="19">恁若真正𣍐記得上主 — 恁的上帝，去隨別個神明，服事敬拜𪜶，我今仔日嚴嚴給恁警告，恁一定會滅亡。</verse>
				<verse number="20">上主互恁看著伊按怎消滅許個民族，恁嘛會按呢滅亡，因為恁毋聽趁上主 — 恁的上帝的話。</verse>
			</chapter>
			<chapter number="9">
				<verse number="1">以色列 啊，著注意聽！恁今仔日欲過 約旦河 ，去征服許個比恁較強大的國；𪜶的城大閣堅固，高到抵天。</verse>
				<verse number="2">𪜶的人民高強大漢，是恁所知的 亞衲 人；恁曾聽人講：「啥人會當對抗 亞衲 人？」</verse>
				<verse number="3">今仔日恁著知，上主 — 恁的上帝會佇恁的頭前過去，親像吞滅的火，欲給𪜶消滅，互𪜶屈服佇恁的面前；恁著照上主的命令給𪜶趕出去，緊緊給𪜶消滅。</verse>
				<verse number="4">上主 — 恁的上帝為著恁將𪜶趕出去了後，恁心內毋通想講：「上主導阮征服此塊地，是因為阮的功德。」其實，上主是因為許個國邪惡，才給𪜶趕走。</verse>
				<verse number="5">恁入去佔領𪜶的地，並毋是因為恁有什麼功德，嘛毋是因為恁的心正直，是因為諸個國邪惡，上主 — 恁的上帝才給𪜶趕走；閣因為上主欲實現伊對恁的列祖 亞伯拉罕 、 以撒 、 雅各 ，立誓的應允。</verse>
				<verse number="6">恁著知，上主 — 恁的上帝用媠的地賞賜恁做產業，毋是因為恁的功德，其實恁是心硬固執的民族。</verse>
				<verse number="7">恁著記互牢，毋通𣍐記得，恁佇曠野惹上主 — 恁的上帝受氣；對恁出 埃及 地彼日，到恁來到此個所在，恁常常背逆上主。</verse>
				<verse number="8">恁佇 何烈山 閣惹上主受氣，致到上主發受氣欲給恁消滅。</verse>
				<verse number="9">彼時我已經上山，欲領受上主及恁立約的石版；我佇山裡四十暝日，無食無飲。</verse>
				<verse number="10">上主將伊親手寫的兩塊石版交互我；彼頂面寫的，是上主佇恁舉行大會的日，佇山頂的火焰中對恁所講一切的話。</verse>
				<verse number="11">四十暝日了後，上主用彼兩塊有寫盟約的石版交代我。</verse>
				<verse number="12">上主對我講：「起來，趕緊對遮落去，你對 埃及 導出來的人民已經墮落；𪜶真緊偏離我命令𪜶的道路，為家己鑄一身偶像。」</verse>
				<verse number="13">上主閣給我講：「我看此個民族真正是心硬固執的民族。</verse>
				<verse number="14">你出在我，我欲給𪜶消滅，對天下擦消𪜶的名；我欲互你成做比𪜶較強、人較多的國家。」</verse>
				<verse number="15">我雙手提兩塊約版，越轉身落山；山有火啲燒。</verse>
				<verse number="16">我一下看，看著恁已經得罪上主 — 恁的上帝，為家己鑄一隻牛仔，真緊偏離上主所命令恁的道路。</verse>
				<verse number="17">我就將彼兩塊石版㧒落去，佇恁的目睭前摔甲碎碎。</verse>
				<verse number="18">因為恁所犯一切的罪，做上主看做歹的事，惹伊受氣，我閣一遍仆佇上主的面前四十暝日，無食無飲。</verse>
				<verse number="19">彼時上主大大受氣，欲給恁消滅，我就非常驚惶；毋拘上主閣一遍聽我的懇求。</verse>
				<verse number="20">上主嘛對 亞倫 非常受氣，甚至欲互伊死；像彼時我就為著 亞倫 祈禱。</verse>
				<verse number="21">我提恁犯罪的物，就是恁鑄的牛仔像，用火燒，給伊摃碎，研甲親像土粉赫呢幼，閣給諸個撒佇對山頂流落來的溪裡。</verse>
				<verse number="22">恁佇 他備拉 、 瑪撒 、 基博羅‧哈他瓦 ，閣激上主受氣。</verse>
				<verse number="23">上主命令恁離開 加低斯‧巴尼亞 ，講：「恁去佔領我賞賜恁的地。」彼時恁違背上主 — 恁的上帝的命令，毋相信伊，毋聽趁伊的話。</verse>
				<verse number="24">對我識恁的日起，恁常常背逆上主。</verse>
				<verse number="25">我因為上主講欲消滅恁，就四十暝日仆佇上主的面前。</verse>
				<verse number="26">我對上主祈禱講：「至高的上主，求你毋通消滅你的子民，你的產業；𪜶是你用大權能給𪜶救贖，用大氣力的手給𪜶對 埃及 導出來的子民。</verse>
				<verse number="27">求你會記得你的僕人 亞伯拉罕 、 以撒 、 雅各 ；毋通看此個子民的硬心、邪惡，及𪜶的罪過，</verse>
				<verse number="28">才免 埃及 人講：『上主無法度導𪜶入去伊應允𪜶的地，閣因為怨恨𪜶，所以導𪜶出去，欲佇曠野給𪜶消滅。』</verse>
				<verse number="29">毋拘𪜶是你的子民，你的產業；你有用大權能，閣伸出大氣力的手給𪜶導出來。」</verse>
			</chapter>
			<chapter number="10">
				<verse number="1">彼時，上主給我講：「你著拍兩塊及以前仝款的石版，上山來我遮，閣用木材做一個櫃。</verse>
				<verse number="2">你頂回摔破的石版頂面的話，我欲閣寫佇此兩塊石版頂面；你著給𪜶下佇彼個約櫃內面。」</verse>
				<verse number="3">我就用金合歡木做一個櫃，閣拍兩塊及以前仝款的石版，然後親手提此兩塊石版上山。</verse>
				<verse number="4">上主將伊佇大會的日，佇山頂的火焰中對恁講的十條誡，照以前所寫的寫佇彼兩塊石版；上主就將諸個交代我。</verse>
				<verse number="5">我越轉身落山，照上主的命令，將石版下佇我做的約櫃內面；到現在猶佇遐。</verse>
				<verse number="6">以色列 人對 亞干 人的水井遐出發，來到 摩西拉 。 亞倫 死佇遐，嘛安葬佇遐；伊的子 以利亞撒 續接伊擔任祭司。</verse>
				<verse number="7">𪜶對遐出發，經過 谷歌大 ，到 約巴他 ，佇遐有真多條溪。</verse>
				<verse number="8">彼時，上主揀選 利未 支族扛上主的約櫃，徛佇上主的面前服事伊，奉伊的名祝福，直到今仔日。</verse>
				<verse number="9">所以 利未 支族佇𪜶同胞的中間無分著產業；照上主 — 恁的上帝給𪜶講的，上主就是𪜶的產業。</verse>
				<verse number="10">我閣一遍佇山頂四十暝日；此遍上主閣聽我的懇求，無給恁消滅。</verse>
				<verse number="11">上主對我講：「你起來，導諸個人民進前，入去佔領我對𪜶的列祖立誓欲互𪜶的地。」</verse>
				<verse number="12">以色列 啊，這就是上主 — 恁的上帝對恁的要求：只有敬畏上主 — 恁的上帝，行伊的道路，疼伊，全心全情服事伊，</verse>
				<verse number="13">遵守我今仔日所頒布上主的誡命及規例，互恁通得著福氣。</verse>
				<verse number="14">看咧，天及至高的天、地及地上的萬物，攏屬上主 — 恁的上帝。</verse>
				<verse number="15">上主只有意愛恁的列祖，疼𪜶，佇萬民中揀選𪜶的後代，就是恁，親像今仔日按呢。</verse>
				<verse number="16">所以恁著給恁的心行割禮，毋通閣硬心固執。</verse>
				<verse number="17">上主 — 恁的上帝是萬神的神，萬主的主，是至大、權能、通驚畏的上帝。伊𣍐看人的身份對待人，嘛𣍐收賄賂；</verse>
				<verse number="18">伊為著孤兒寡婦申冤，閣疼出外人，互𪜶食互𪜶穿。</verse>
				<verse number="19">恁著疼出外人，因為恁嘛曾佇 埃及 地做出外人。</verse>
				<verse number="20">恁著敬畏上主 — 恁的上帝，服事伊，忠誠跟隨伊，奉伊的名咒誓。</verse>
				<verse number="21">恁著稱讚伊，伊是恁的上帝；恁曾親目看著伊為著恁做大閣通驚的事。</verse>
				<verse number="22">恁的列祖落去 埃及 的時只有七十人，現在上主 — 恁的上帝互恁親像天頂的星赫呢多。</verse>
			</chapter>
			<chapter number="11">
				<verse number="1">恁著疼上主 — 恁的上帝，常常遵守伊所吩咐的，伊的規例、命令、誡命。</verse>
				<verse number="2">恁著知，我今仔日是對恁，毋是對恁的子兒講話，𪜶毋知，嘛無看著上主 — 恁的上帝的管教、偉大，伊大氣力的手及伸出來的手骨，</verse>
				<verse number="3">以及伊佇 埃及 對法老及 埃及 全國所行的神跡，</verse>
				<verse number="4">及伊按怎對付 埃及 的軍兵、戰馬及戰車；就是佇𪜶追趇恁的時，按怎互 紅海 的水給𪜶淹死，徹底給𪜶消滅；</verse>
				<verse number="5">閣恁來到此個所在以前，伊佇曠野按怎款待恁，</verse>
				<verse number="6">閣伊按怎對付 呂便 的後代 以利押 的子 大坍 及 亞比蘭 ；佇 以色列 人的面前互地開嘴吞滅𪜶、𪜶的家屬、𪜶的布棚，以及𪜶所有的奴僕及牲生。</verse>
				<verse number="7">只有恁有親目看著上主所做一切偉大的作為。</verse>
				<verse number="8">恁著遵守我今仔日所命令恁一切的誡命，恁才有氣力入去佔領恁欲過去承接的地；</verse>
				<verse number="9">閣互恁會當久長徛起佇上主立誓欲賞賜恁的列祖及𪜶的後代的地，就是彼個流奶及蜜的地。</verse>
				<verse number="10">恁欲入去承接的地，及恁對遐出來的 埃及 地無仝款；恁佇遐的菜園著撒種籽，踏水車灌溉；</verse>
				<verse number="11">毋拘恁欲入去承接的地是有山，有山谷，閣有雨水潤澤的土地；</verse>
				<verse number="12">是上主 — 恁的上帝歸年迵天啲照顧，目睭常常啲看顧的地。</verse>
				<verse number="13">恁若真正聽趁我今仔日所命令恁的誡命，疼上主 — 恁的上帝，全心全情服事伊，</verse>
				<verse number="14">伊就欲照時為著恁的土地落春霖秋雨，互恁通收成五穀、新酒，及新油，</verse>
				<verse number="15">嘛互恁的田野發草，通飼牲生；按呢恁就欲得著飽足。</verse>
				<verse number="16">著謹慎，才免恁的心受迷惑，離開上主去服事敬拜別個神明，</verse>
				<verse number="17">致到上主對恁發大受氣，將天關密無落雨，地無出產，恁就會真緊佇上主所賞賜恁媠的地滅亡。</verse>
				<verse number="18">恁著將我的話記佇恁的心內，存佇恁的意念，嘛著縛佇手裡做記號，縛佇頭額提醒；</verse>
				<verse number="19">閣著教示恁的子兒，無論佇厝內坐，佇路裡行，倒啲抑是起來，攏著唸互𪜶聽；</verse>
				<verse number="20">著寫佇厝的門徛，嘛著寫佇城門；</verse>
				<verse number="21">按呢，恁及恁的子孫就通佇上主對恁的列祖立誓賞賜𪜶的土地久長徛起，親像天地存在赫久。</verse>
				<verse number="22">恁若切實遵行我所命令恁一切的誡命，疼上主 — 恁的上帝，行伊的道路，忠誠跟隨伊，</verse>
				<verse number="23">上主就欲佇恁面前將諸個人民趕走，恁嘛欲征服諸個比恁較強大的國。</verse>
				<verse number="24">恁的腳踏過的地攏欲做恁的產業；對南旁的曠野到北旁的 黎巴嫩 ，對東旁的 幼發拉底河 到西旁的 地中海 ，攏欲成做恁的領土。</verse>
				<verse number="25">無一個人會當對抗恁；上主 — 恁的上帝欲照伊對恁的應允，互恁踏過的地的住民攏驚恁，懍恁。</verse>
				<verse number="26">看咧，我今仔日將祝福及咒詛排佇恁的面前；</verse>
				<verse number="27">恁若遵趁上主 — 恁的上帝的誡命，就是我今仔日所命令恁的，就會得著祝福；</verse>
				<verse number="28">恁若毋順趁上主 — 恁的上帝的誡命，偏離我今仔日所命令恁著行的道路，去跟隨恁毋識的神明，就會受咒詛。</verse>
				<verse number="29">上主 — 恁的上帝導恁入去佔領許個地的時，恁著佇 基利心山 宣布祝福，佇 以巴路山 宣布咒詛。</verse>
				<verse number="30">此兩個山是佇 約旦河 西旁日落的所在，就是佇 迦南 人徛起的 亞拉巴 地區，及 吉甲 相對，倚近 摩利 橡樹的所在。</verse>
				<verse number="31">恁啲欲過 約旦河 ，入去得著上主 — 恁的上帝賞賜互恁做產業的地，佇遐徛起。</verse>
				<verse number="32">恁著殷勤遵行我今仔日頒布互恁一切的規例及命令。</verse>
			</chapter>
			<chapter number="12">
				<verse number="1">恁住佇上主 — 恁的列祖的上帝賞賜恁做產業的地的時，著遵守下面諸個規例及命令。</verse>
				<verse number="2">恁欲佔領的國家，𪜶的人民啲服事神明的所在，無論佇高山，佇小山，佇青翠的樹下面，攏著給毀壞；</verse>
				<verse number="3">恁嘛著拆毀𪜶的祭壇，摃碎𪜶的石柱像，用火燒𪜶的 亞舍拉 女神的神像，剉斷𪜶雕刻的偶像，互人𣍐閣去許個所在敬拜。</verse>
				<verse number="4">恁毋通學𪜶的方式服事上主 — 恁的上帝。</verse>
				<verse number="5">只有通佇上主 — 恁的上帝將來對恁的支族揀選的所在敬拜伊，尋求伊；</verse>
				<verse number="6">將恁的燒化祭、別款的祭物、十分一的奉獻、其他的禮物、謝願的祭、甘心獻的祭，以及頭上生的牛及羊，攏帶去遐。</verse>
				<verse number="7">佇遐，恁及恁的家眷著佇上主 — 恁的上帝面前飲食，為著伊佇恁所做的一切給恁賜福來歡喜。</verse>
				<verse number="8">咱今仔日猶未去到上主 — 咱的上帝賞賜咱安歇及做產業的地，逐個人照家己看做著的去做，將來入去了後就毋通按呢。</verse>
				<verse number="9"></verse>
				<verse number="10">恁過 約旦河 ，去住佇上主 — 恁的上帝互恁承接的地，閣互恁無受四圍對敵的攪擾，得著太平，安居樂業；</verse>
				<verse number="11">彼時，上主 — 恁的上帝會揀選一個互恁通敬拜伊的所在，恁著照我的命令，將燒化祭、別款的祭物、十分一的奉獻、其他的禮物，以及恁對上主下願欲獻的好物，攏帶去遐獻互伊。</verse>
				<verse number="12">恁及恁的子、查某子、奴僕、女婢，攏著及住佇恁中間的 利未 人，佇上主 — 恁的上帝面前做夥歡喜；著會記得， 利未 人佇恁中間無分著產業。</verse>
				<verse number="13">恁著謹慎，毋通佇恁看合意的所在獻燒化祭；</verse>
				<verse number="14">只有通佇上主所揀選某一個支族的所在獻燒化祭，閣佇遐照我所命令恁的一切去做。</verse>
				<verse number="15">恁佇恁住的所在，通照上主 — 恁的上帝賞賜恁的福分，照恁的意思刣牲生食肉；無論禮儀上清氣抑是無清氣的人攏通食，親像啲食羚羊及鹿。</verse>
				<verse number="16">毋拘血毋通食，著摒佇土腳，親像啲摒水。</verse>
				<verse number="17">恁的五穀、新酒、新油、十分一的奉獻、頭上生的牛羊、下願欲獻的物、甘心獻的祭，抑是其他的禮物，攏毋通佇恁住的所在食；</verse>
				<verse number="18">只有通佇上主 — 恁的上帝揀選的所在，及你的子、查某子、奴僕、女婢，以及住佇恁中間的 利未 人，佇上主的面前做夥飲食，做夥歡喜，享受恁的手所做的成果。</verse>
				<verse number="19">著謹慎，恁住佇恁的土地，著永遠照顧 利未 人。</verse>
				<verse number="20">上主 — 恁的上帝照伊的應允互恁的土地擴展的時，恁若想講欲食肉，就通照恁的意思食。</verse>
				<verse number="21">上主 — 恁的上帝揀選欲做恁敬拜伊的所在若離恁真遠，恁通照我的命令，將上主賞賜的牛、羊，照恁所愛，佇恁住的所在刣來食。</verse>
				<verse number="22">恁禮儀上清氣及無清氣的人通做夥食，親像啲食羚羊及鹿。</verse>
				<verse number="23">毋拘絕對毋通食血，因為血是性命；恁毋通肉及性命做夥食。</verse>
				<verse number="24">血毋通食，著摒佇土腳，親像啲摒水。</verse>
				<verse number="25">毋通食血，恁及恁的後代就會得著福氣，因為恁按呢做是上主看做著的事。</verse>
				<verse number="26">恁的祭物及謝願的祭，攏著帶去上主欲揀選的所在。</verse>
				<verse number="27">恁的燒化祭的肉及血，著獻佇上主 — 恁的上帝的祭壇頂；其他的祭物，血著摒佇上主 — 恁的上帝的壇頂；肉，恁通食。</verse>
				<verse number="28">我所命令恁諸個話，恁攏著遵守聽趁，做上主 — 恁的上帝看做好、看做著的事；按呢恁及恁的後代就會永遠得著福氣。</verse>
				<verse number="29">上主 — 恁的上帝佇恁的面前將許個國的人民趕走，消滅，互恁佔領𪜶的地，佇遐徛起；</verse>
				<verse number="30">彼時，恁著謹慎，毋通佇𪜶消滅了後學𪜶，煞陷落𪜶的羅網；毋通探聽𪜶拜神明的事，講：「諸個人民按怎啲服事𪜶的神明，阮嘛欲按呢做。」</verse>
				<verse number="31">恁毋通用𪜶的方式服事上主 — 恁的上帝，因為𪜶服事𪜶的神明的時，做上主痛恨厭惡的事，甚至燒𪜶的子查某子獻互𪜶的神明。</verse>
				<verse number="32">我命令恁的，恁攏著切實遵行；毋通加添，嘛毋通減少。</verse>
			</chapter>
			<chapter number="13">
				<verse number="1">恁中間若有先知抑是作夢的出現，行神跡奇事互恁看，</verse>
				<verse number="2">對恁講：「咱來去敬拜服事恁毋識的神明。」雖然𪜶所行的神跡奇事有實現，</verse>
				<verse number="3">恁嘛毋通聽趁彼個先知抑是作夢的的話；因為上主 — 恁的上帝啲考驗恁，愛知恁是毋是全心全情疼伊。</verse>
				<verse number="4">恁著順趁上主 — 恁的上帝，敬畏伊，遵守伊的誡命，聽趁伊的話，服事伊，忠誠跟隨伊。</verse>
				<verse number="5">彼個先知抑是作夢的著給伊處死，因為伊引誘恁背叛導恁出 埃及 ，救贖恁脫離做奴才的家的上主 — 恁的上帝，互恁偏離伊命令恁著行的道路；按呢，就對恁中間除去彼個邪惡的事。</verse>
				<verse number="6">恁仝母的兄弟，抑是恁的子、查某子、恁所疼的某、親密的朋友，若有人暗中引誘恁，講：「咱來去拜別個神明。」許個神明是恁及恁的列祖毋識的，</verse>
				<verse number="7">是四圍的民族，不管離開恁遠抑是近，抑是佇此個地任何所在啲拜的。</verse>
				<verse number="8">恁毋通聽趁伊，毋通同情，毋通惜伊，嘛毋通掩護伊。</verse>
				<verse number="9">恁一定著給伊處死；恁著先下手，然後眾人下手互伊死。</verse>
				<verse number="10">恁著用石頭給抌死，因為伊想欲引誘恁偏離導恁出 埃及 ，脫離做奴才的家的上主 — 恁的上帝。</verse>
				<verse number="11">按呢， 以色列 眾人聽著，就會驚，無人敢閣做此款可惡的事。</verse>
				<verse number="12">佇上主 — 恁的上帝賞賜恁徛起的城，恁若聽見</verse>
				<verse number="13">有歹人出來引誘城內的人，講：「咱來去服事別個神明。」諸個神明是恁毋識的；</verse>
				<verse number="14">恁就著探聽，調查，詳細查問；恁中間若真正有此款可惡的事，</verse>
				<verse number="15">恁一定著用刀刣死城內的住民，及城內所有的，以及𪜶的牲生。</verse>
				<verse number="16">恁著將彼個城的財物疊佇廣場，用火燒城及攏總的財物，歸互上主 — 恁的上帝，互彼個城永遠荒廢，𣍐用得重建。</verse>
				<verse number="17">所有應該毀滅的物，連一項都毋通提，按呢上主就會回心轉意，無發大受氣，顛倒施恩互恁，憐憫恁，照伊對恁的列祖所立誓的，互恁人額加添；</verse>
				<verse number="18">因為恁聽趁上主 — 恁的上帝的話，遵守我今仔日所命令恁伊一切的誡命，做上主 — 恁的上帝看做著的事。</verse>
			</chapter>
			<chapter number="14">
				<verse number="1">恁是上主 — 恁的上帝的子民，毋通為著死人割傷家己的身軀，抑是頭額剃光光，</verse>
				<verse number="2">因為恁是歸屬上主 — 恁的上帝聖潔的子民；上主有對地上萬民的中間揀選恁，做伊特別的子民。</verse>
				<verse number="3">所有通厭惡的物，恁攏毋通食。</verse>
				<verse number="4">下面是恁通食的牲生：牛、綿羊、山羊、</verse>
				<verse number="5">鹿、羚羊、赤鹿、野山羊、麋鹿、赤羊、羌仔。</verse>
				<verse number="6">所有分蹄閣翻草的牲生，恁攏通食。</verse>
				<verse number="7">毋拘，干焦有翻草，抑是干焦有分蹄的牲生，恁毋通食，就是：駱駝、兔仔、石貛，因為𪜶有翻草無分蹄，對恁是無清氣。</verse>
				<verse number="8">豬，有分蹄，毋拘無翻草，對恁嘛是無清氣。諸個動物的肉恁毋通食；𪜶的屍體嘛毋通摸。</verse>
				<verse number="9">水中有鰭有鱗的，恁攏通食；</verse>
				<verse number="10">所有無鰭無鱗的，恁毋通食，因為𪜶對恁是無清氣。</verse>
				<verse number="11">清氣的鳥，恁攏通食。</verse>
				<verse number="12">毋通食的是：鷹、梟、鵰、</verse>
				<verse number="13">鳶、小鷹、鴟鴞及伊的類、</verse>
				<verse number="14">烏鴉及伊的類、</verse>
				<verse number="15">鴕鳥、夜鷹、魚鷹、鵲鷹及伊的類、</verse>
				<verse number="16">暗光鳥、鴣黃、貓頭鷹、</verse>
				<verse number="17">鵜鶘、臭頭鷹、鸕鶿、</verse>
				<verse number="18">鶴、白鴒鷥及伊的類、戴髻鳥，及密婆。</verse>
				<verse number="19">所有有翼閣會趖的，對恁是無清氣，恁毋通食；</verse>
				<verse number="20">毋拘會飛閣清氣的，恁攏通食。</verse>
				<verse number="21">自然死的動物，恁攏毋通食，毋拘通互恁城內寄居的人食，抑是賣互外族人；因為恁是歸互上主 — 恁的上帝聖潔的子民。 毋通用山羊母的奶煮伊的子。</verse>
				<verse number="22">逐年，恁著對撒種所收成田園的出產，十份抽一份。</verse>
				<verse number="23">恁著佇上主 — 恁的上帝揀選互恁服事伊的所在，佇伊的面前食所奉獻十分一的五穀、酒、油，及頭上生的牛羊；按呢恁通學習常常敬畏上主 — 恁的上帝。</verse>
				<verse number="24">上主 — 恁的上帝賜福恁，伊所揀選的所在若離恁傷遠，恁𣍐當帶欲奉獻的祭物去遐，</verse>
				<verse number="25">恁通換做銀，給伊包起來，提佇手裡，去上主 — 恁的上帝揀選互恁敬拜伊的所在。</verse>
				<verse number="26">恁通照恁的意思用諸個銀買牛、羊、薄酒、厚酒，抑是其他恁看做好的物；佇遐，恁及恁的家眷著佇上主 — 恁的上帝面前做夥飲食歡喜。</verse>
				<verse number="27">恁著照顧住佇恁中間的 利未 人，因為𪜶佇恁中間無分著產業。</verse>
				<verse number="28">每三年，著將第三年收成的十分一，運來囥佇城內；</verse>
				<verse number="29">恁中間無分著產業的 利未 人，以及住佇恁中間的出外人、孤兒，及寡婦，攏通來食到飽；按呢，上主 — 恁的上帝會因為恁所做諸個一切的事，賜福氣互恁。</verse>
			</chapter>
			<chapter number="15">
				<verse number="1">逐遍滿七年，恁著免除一切的債務。</verse>
				<verse number="2">下面是免除債務的規例：債主借互厝邊的，著免除𪜶的債務；毋通對恁的厝邊，就是恁的同胞，討𪜶欠恁的；因為上主已經宣布債務免除。</verse>
				<verse number="3">外族人恁通給𪜶討；毋拘恁借互同胞的，著給𪜶免除。</verse>
				<verse number="4">恁若真正聽趁上主 — 恁的上帝的話，遵行我今仔日所命令恁一切的誡命，恁就𣍐有散赤人；因為上主 — 恁的上帝會佇伊賞賜恁做產業的地大大賜福恁。</verse>
				<verse number="5"></verse>
				<verse number="6">上主 — 恁的上帝會照伊的應允賜福恁；恁會借互真多國，毋免給𪜶借；恁會管轄真多國，𪜶𣍐給恁管轄。</verse>
				<verse number="7">佇上主 — 恁的上帝賞賜恁的地，無論叨一個城，若有散赤的同胞，恁毋通硬心，手勼起來無欲幫贊伊；</verse>
				<verse number="8">恁一定著伸手幫贊伊，照伊的需要借伊，補伊的欠缺。</verse>
				<verse number="9">著謹慎，才免恁心內有歹念頭，講「第七年，免除債務的年啲欲到啦」，就對恁散赤的同胞凍霜，毋互伊；伊若為著恁的緣故求叫上主，恁就有罪。</verse>
				<verse number="10">恁一定著互伊，互伊的時著甘心，因為對此個事，上主 — 恁的上帝會佇恁一切的工作及恁的所做賜福恁。</verse>
				<verse number="11">佇彼個所在，常常會有散赤人，所以我命令恁，佇恁徛起的地，一定著伸手幫贊恁散赤困苦的同胞。</verse>
				<verse number="12">你的 以色列 同胞無論男女，賣互你做奴隸，服事你六年，到第七年，你著給伊解放互伊自由離開。</verse>
				<verse number="13">你解放伊的時，毋通互伊空手離開；</verse>
				<verse number="14">著對上主 — 你的上帝賞賜你的羊、五穀、酒提一部份，互伊雙手滿滿出去。</verse>
				<verse number="15">著會記得恁曾佇 埃及 地做奴才，上主 — 恁的上帝有救贖恁，所以，我今仔日將此個事命令恁。</verse>
				<verse number="16">你的奴隸若對你講「我無欲離開你」，因為伊疼你及你的家，閣真愛及你做夥住；</verse>
				<verse number="17">你著互伊倚門扇，用鑽仔給伊的耳仔鑽孔，伊就永遠做你的奴隸。你嘛著按呢對待你的女婢。</verse>
				<verse number="18">你給伊解放互伊自由離開的時，毋通毋甘願，因為伊服事你六年，伊所做的工是倩來的工人的重倍 ；上主 — 恁的上帝會佇你所做一切的事，賜福你。</verse>
				<verse number="19">所有頭上生公的牛羊，著分別作聖歸上主 — 恁的上帝；頭上生的牛毋通作工，頭上生的羊毋通給剪毛。</verse>
				<verse number="20">恁及恁的家眷，逐年著佇上主 — 恁的上帝揀選的所在，佇伊的面前食諸個牛羊的肉。</verse>
				<verse number="21">若有破相，無論是腳跛、失明，抑是有什麼嚴重的瑕疵，攏毋通做祭物獻互上主 — 恁的上帝。</verse>
				<verse number="22">此款牛羊的肉，恁通佇恁住的所在食，無論禮儀上清氣抑是無清氣的人攏通食，親像啲食羚羊及鹿。</verse>
				<verse number="23">毋拘血毋通食，著摒佇土腳，親像啲摒水。</verse>
			</chapter>
			<chapter number="16">
				<verse number="1">恁著佇亞筆月守上主 — 恁的上帝的𨃟過節；因為上主 — 恁的上帝佇亞筆月的一個暗暝導恁出 埃及 。</verse>
				<verse number="2">著佇上主揀選互恁服事伊的所在，向上主 — 恁的上帝獻牛及羊做𨃟過節的祭物。</verse>
				<verse number="3">𨃟過節的食物毋通有酵。恁著食無酵的餅七日，因為恁離開 埃及 地的時真趕緊，食的是無酵的餅。此種餅嘛叫做困苦的餅，恁著食，互恁一生記念出 埃及 ，脫離苦難的日。</verse>
				<verse number="4">佇恁的境內，七日久逐個人的厝攏毋通有酵；頭一日下昏所獻的祭肉，毋通留到天光。</verse>
				<verse number="5">恁毋通佇上主 — 恁的上帝賞賜恁任何一個城獻𨃟過節的祭，</verse>
				<verse number="6">只有通佇上主 — 恁的上帝揀選互恁服事伊的所在獻；著佇日落的時獻，因為恁佇日落的時出 埃及 。</verse>
				<verse number="7">著佇上主 — 恁的上帝揀選的所在烘來食；隔早起才倒去恁兜。</verse>
				<verse number="8">恁著食無酵餅六日；第七日舉行嚴肅會敬拜上主 — 恁的上帝，毋通做工。</verse>
				<verse number="9">恁著對用鐮𠠝仔 收割的日開始，算七個七日，</verse>
				<verse number="10">守七七收割節 敬拜上主 — 恁的上帝，照伊賜福互恁的收成，甘心獻禮物互伊。</verse>
				<verse number="11">恁及恁的子、查某子、奴僕、女婢，及住佇恁中間的 利未 人，及外族人，以及孤兒、寡婦，攏著佇上主 — 恁的上帝揀選互恁服事伊的所在，佇伊的面前做夥慶祝。</verse>
				<verse number="12">恁著會記得恁曾佇 埃及 做奴才；恁著遵行諸個規例。</verse>
				<verse number="13">恁收囥五穀及新酒了後，著守搭寮節七日。</verse>
				<verse number="14">佇節期中，恁及恁的子、查某子、奴僕、女婢，及住佇恁中間的 利未 人、外族人，以及孤兒、寡婦，攏著做夥慶祝。</verse>
				<verse number="15">恁著佇上主揀選的所在，守節七日敬拜伊。著歡喜守節，因為上主 — 恁的上帝有賜福恁，互恁豐收，事事順利。</verse>
				<verse number="16">恁所有的查甫人攏著一年三遍，佇除酵節、七七收割節、搭寮節，到上主 — 恁的上帝揀選的所在敬拜伊；毋通空手見上主。</verse>
				<verse number="17">逐個人著照上主 — 恁的上帝賞賜恁的福分，盡家己的氣力奉獻。</verse>
				<verse number="18">恁著佇上主 — 恁的上帝賞賜恁徛起的城，為著逐支族任命審判官及官員；𪜶著照公義審判人民。</verse>
				<verse number="19">恁審判毋通顛倒是非，毋通偏袒，嘛毋通接受賄賂；因為賄賂會互智慧的人變做睛瞑，閣會歪曲正直的人的證詞。</verse>
				<verse number="20">恁著追求公平正義，互恁佇上主 — 恁的上帝賞賜恁做產業的地久長徛起。</verse>
				<verse number="21">恁為上主 — 恁的上帝起祭壇，毋通佇邊仔𫞼 亞舍拉 女神的柱像；</verse>
				<verse number="22">嘛毋通𫞼石柱像；諸個攏是上主 — 恁的上帝痛恨厭惡的。</verse>
			</chapter>
			<chapter number="17">
				<verse number="1">所有破相，抑是有瑕疵的牛羊，恁毋通獻互上主 — 恁的上帝，因為按呢做是上主所厭惡的。</verse>
				<verse number="2">佇上主 — 恁的上帝賞賜恁的城，若有人，無論男女，做上主 — 恁的上帝看做歹的事，違背伊的約，</verse>
				<verse number="3">去服事敬拜上主所禁止許個神明，及日頭、月娘、天頂的萬象；</verse>
				<verse number="4">若有人給恁講有人做此款代誌，恁嘛已經聽著，就著詳細調查；若果然是事實，真正佇 以色列 人的中間有此款可惡的事，</verse>
				<verse number="5">恁著將彼個人拖去廣場，用石頭給伊抌死。</verse>
				<verse number="6">若有兩個抑是三個人出來作證，著互彼個人死；若干焦一個證人，就毋通互伊死。</verse>
				<verse number="7">證人著先出手抌伊，然後眾人下手互伊死；按呢就對恁中間除去此款邪惡的事。</verse>
				<verse number="8">恁城內若有得判斷的案件，無論是刣人，抑是相告，抑是傷害，恁著去上主 — 恁的上帝揀選的所在，</verse>
				<verse number="9">請問 利未 人做祭司的，及值班的審判官，𪜶會指導恁著按怎判決。</verse>
				<verse number="10">𪜶佇上主揀選的所在指導恁的，恁著照按呢做；𪜶教示恁的，著照按呢遵行。</verse>
				<verse number="11">𪜶對恁的指導，及對恁講的判決，恁攏著照按呢做，毋通偏左偏右。</verse>
				<verse number="12">若有人驕傲毋聽趁服事上主的祭司，抑是審判官，彼個人著互伊死；按呢恁就對 以色列 人的中間除去此款邪惡的事；</verse>
				<verse number="13">眾人聽著就會驚，無人敢閣驕傲毋聽趁。</verse>
				<verse number="14">恁進入上主 — 恁的上帝互恁佔領的地，佇遐徛起，若決定欲親像四圍的列國設立王治理恁，</verse>
				<verse number="15">恁一定著設立上主 — 恁的上帝揀選的人作王；著對恁的同胞設立王治理恁；毋通互毋是恁同胞的外國人治理恁。</verse>
				<verse number="16">王毋通為著家己加添真多馬，嘛毋通因為愛欲較多馬，互人民倒去 埃及 ；因為上主曾命令恁，講：「恁毋通閣倒去彼條路。」</verse>
				<verse number="17">王嘛毋通娶真多嬪妃，才免伊的心受引誘離開上主；伊嘛毋通為著家己累積真多金銀。</verse>
				<verse number="18">王開始坐位的時，著照 利未 人做祭司的所保存的律法書，為家己抄寫一份。</verse>
				<verse number="19">此份著下佇王遐，互王一世人讀，通學習敬畏上主 — 伊的上帝，遵行此個律法一切的話及所有的律例；</verse>
				<verse number="20">才免伊自高看輕同胞，離開此個誡命，偏左偏右；通互伊及伊的後代久長治理 以色列 國。</verse>
			</chapter>
			<chapter number="18">
				<verse number="1">利未 人做祭司的，及全 利未 支族，佇 以色列 人的中間無分著產業；𪜶通食用火燒獻互上主的祭物，諸個是𪜶的份額。</verse>
				<verse number="2">𪜶佇𪜶的同胞中間無分著產業；照上主對𪜶的應允，上主就是𪜶的產業。</verse>
				<verse number="3">下面是祭司對人民應該得著的份額：人獻牛羊做祭物，著將前腿、兩個嘴䩃，及肚，互祭司。</verse>
				<verse number="4">起頭收成的五穀、新酒、新油，及抵抵剪的羊毛，嘛攏著互𪜶。</verse>
				<verse number="5">因為上主 — 恁的上帝對恁的支族中間揀選𪜶，互𪜶及𪜶的後代，奉上主的名永遠徛佇伊的面前侍奉。</verse>
				<verse number="6">若有 利未 人，無論𪜶住佇 以色列 境內叨一座城，一心一意欲離開遐去上主揀選的所在服事，</verse>
				<verse number="7">𪜶通親像仝宗族的兄弟，奉上主 — 𪜶的上帝的名徛佇伊的面前侍奉。</verse>
				<verse number="8">除了賣祖產得著的以外，𪜶猶原通得著仝款份額的祭物。</verse>
				<verse number="9">恁若進入上主 — 恁的上帝賞賜恁的地，毋通學許個民族可惡的風俗。</verse>
				<verse number="10">恁毋通燒家己的子查某子獻做祭，行邪術，卜卦，看命，做師公，</verse>
				<verse number="11">畫符，做童乩，做桌頭，牽亡；</verse>
				<verse number="12">所有做諸個事的人，攏是上主所厭惡；許個民族因為做諸個事，上主 — 恁的上帝對恁的面前給𪜶趕走。</verse>
				<verse number="13">恁著佇上主 — 恁的上帝面前，做無瑕疵的人。</verse>
				<verse number="14">恁所欲趕出許個國的人民，攏聽趁卜卦的、行邪術的；恁咧，上主 — 恁的上帝禁止恁按呢做。</verse>
				<verse number="15">上主 — 恁的上帝欲對恁的同胞中間，興起一個親像我的先知，恁著聽趁伊。</verse>
				<verse number="16">恁佇 何烈山 聚會的時，對上主 — 恁的上帝懇求，講：「毋通互阮閣聽見上主 — 阮的上帝的聲，嘛毋通互阮閣看見上主佇火焰中顯現，才免阮攏死。」</verse>
				<verse number="17">上主就對我講：「𪜶講了真著。</verse>
				<verse number="18">我欲佇𪜶同胞中間，興起一個親像你的先知。我欲將我的話交代伊；伊欲將我的命令傳達互人民。</verse>
				<verse number="19">伊奉我的名傳達的話 ，人若毋聽，我欲給𪜶刑罰。</verse>
				<verse number="20">毋拘先知若大主大意用我的名講我無命令伊講的話，抑是奉別個神明的名講話，彼個先知著死。」</verse>
				<verse number="21">恁可能會想：「阮哪會知，此個先知講的話毋是上主所交代的？」</verse>
				<verse number="22">先知奉上主的名傳達的話，若無實現，無應驗，這就毋是上主的話，是彼個先知大主大意講的，恁毋免驚伊。</verse>
			</chapter>
			<chapter number="19">
				<verse number="1">上主 — 恁的上帝消滅許個國，將𪜶的地賞賜恁，互恁徛起佇𪜶的城及𪜶的厝以後，</verse>
				<verse number="2">恁著將上主 — 恁的上帝賞賜恁做產業的地，分做三區，每一區設一個城，閣開路迵到遐，互刣死人的攏通走去遐。</verse>
				<verse number="3"></verse>
				<verse number="4">若有人無意中刣死及伊過去無冤仇的人，伊通走去避難城保全性命。</verse>
				<verse number="5">譬喻講，人及伊的厝邊去樹林剉柴；手攑斧頭一下剉，斧頭肉黜去，傷著厝邊，厝邊煞死去，此個人著走去任何一座避難城，通保全性命；</verse>
				<verse number="6">才免因為路真遠，報冤仇的心火𤏸，趇著彼個刣人的人給伊刣死；其實伊毋應該死，因為伊及彼個受誤殺的人無冤仇。</verse>
				<verse number="7">所以我命令恁，著設立三座避難城。</verse>
				<verse number="8">上主 — 恁的上帝若照伊對恁的列祖所立誓的，互恁的土地擴展，將應允欲賞賜恁列祖的全地互恁，</verse>
				<verse number="9">恁若遵行我今仔日所命令恁一切的誡命，疼上主 — 恁的上帝，常常行伊的道路，此三座城以外，著閣設立三座城；</verse>
				<verse number="10">才免無辜的人的血流佇上主 — 恁的上帝賞賜恁做產業的地，致到恁著承擔無辜的人受刣死的罪。</verse>
				<verse number="11">若有人怨恨厝邊，埋伏攻擊伊，給伊刣死，後來走去避難城；</verse>
				<verse number="12">彼個人本城的長老著派人對遐給伊掠出來，交互報冤仇的人，給伊處死。</verse>
				<verse number="13">恁毋通可憐伊；著對 以色列 中除去殺害無辜的人的罪，互恁事事順利。</verse>
				<verse number="14">佇上主 — 恁的上帝賞賜恁做產業的土地，恁毋通移徙厝邊的界址；彼個是以前的人所定的。</verse>
				<verse number="15">若有人做什麼毋著，犯什麼罪，毋通干焦聽一個人的證詞，著有兩個抑是三個證人，才通給伊定罪。</verse>
				<verse number="16">若有人惡意作偽證，控告某人背叛上主，</verse>
				<verse number="17">此兩個人著去上主所揀選敬拜伊的所在，徛佇值班的祭司及審判官的面前；</verse>
				<verse number="18">審判官著詳細查問。若發見證人作偽證，欲害伊的同胞，</verse>
				<verse number="19">恁著照伊想欲對付伊的同胞按呢給伊處罰；按呢恁就對恁中間除去此款邪惡的事。</verse>
				<verse number="20">其他的人聽著就會驚，無人敢閣做此款可惡的事。</verse>
				<verse number="21">恁毋通可憐伊；著用命賠命，目睭賠目睭，嘴齒賠嘴齒，手賠手，腳賠腳。</verse>
			</chapter>
			<chapter number="20">
				<verse number="1">恁出去及對敵交戰，看著𪜶的戰馬、戰車，以及軍兵比恁較多，毋免驚𪜶，因為導恁出 埃及 地的上主 — 恁的上帝及恁同在。</verse>
				<verse number="2">恁排陣的時，祭司著佇軍兵的面前宣布，</verse>
				<verse number="3">講：「 以色列 人，著注意聽！今仔日恁欲及對敵交戰。毋免驚，毋免懍，毋免恐惶，毋通因為𪜶皮皮惙，</verse>
				<verse number="4">因為上主 — 恁的上帝會及恁做夥去，為著恁及對敵交戰，互恁得著勝利。」</verse>
				<verse number="5">許個官長嘛著對軍兵宣布，講：「若有人起新厝猶未舉行奉獻禮，伊通倒去𪜶兜，才免伊死佇戰場，別人替伊奉獻。</verse>
				<verse number="6">若有人種葡萄，猶未收成，伊通倒去𪜶兜，才免伊死佇戰場，別人享受伊的果子。</verse>
				<verse number="7">若有人定婚，猶未娶，伊通倒去𪜶兜，才免伊死佇戰場，別人娶伊的未婚妻。」</verse>
				<verse number="8">官長著閣對軍兵宣布，講：「若有人驚惶恐惶，伊通倒去𪜶兜，才免伊影響全軍的士氣。」</verse>
				<verse number="9">官長對軍兵宣布了後，著指派軍官做頭導軍兵。</verse>
				<verse number="10">恁倚近城欲攻打的時，著互城內的住民有機會投降。</verse>
				<verse number="11">𪜶若接受，開城門，𪜶所有的住民攏著做苦工來服事恁。</verse>
				<verse number="12">𪜶若毋投降，欲及恁交戰，恁著給𪜶圍困。</verse>
				<verse number="13">上主 — 恁的上帝會將𪜶交佇恁的手，恁著用刀刣死𪜶所有的查甫人；</verse>
				<verse number="14">毋拘婦女、囝仔、牲生，及城內所有的物，恁通搶來做戰利品；恁搶來的物，是上主 — 恁的上帝賞賜恁的，恁通提去食，提去用。</verse>
				<verse number="15">許個離開恁真遠，毋是附近國家的城，恁著按呢對待𪜶。</verse>
				<verse number="16">許個住佇上主 — 恁的上帝賞賜恁做產業的地的民族，所有會喘氣的，恁毋通互𪜶活啲。</verse>
				<verse number="17">著照上主 — 恁的上帝的命令，將 赫 人、 亞摩利 人、 迦南 人、 比利洗 人、 希未 人、 耶布斯 人，全部消滅；</verse>
				<verse number="18">才免𪜶教恁做逐款可惡的事，互恁學𪜶敬拜𪜶的神明，致到恁得罪上主 — 恁的上帝。</verse>
				<verse number="19">恁若圍困一個城，愛真久才會給伊攻破，毋通用斧頭剉果子樹。恁通食𪜶的果子，毋通給剉起來，因為野外的樹木毋是恁的對敵。</verse>
				<verse number="20">毋拘恁若知影許個樹𣍐結會食得的果子，就通給剉起來，提來做攻城的器具，攻擊及恁交戰的城，直到給城攻破。</verse>
			</chapter>
			<chapter number="21">
				<verse number="1">佇上主 — 恁的上帝賞賜恁做產業的地，若有人毋知互啥人刣死，倒佇野外，</verse>
				<verse number="2">恁的長老及審判官著對彼個人受刣的所在，量到四圍許個城；</verse>
				<verse number="3">離開屍體上近彼個城的長老，著對牛群取一隻毋曾做工，毋曾掛軛的細隻牛母；</verse>
				<verse number="4">彼個城的長老著牽彼隻牛母到有水啲流，毋曾種作的山谷，佇遐摃斷彼隻牛母的頷頸。</verse>
				<verse number="5">利未 人的後代做祭司的嘛著來遐，因為上主 — 恁的上帝有揀選𪜶來服事伊，奉上主的名祝福，裁決所有相告及傷害的案件。</verse>
				<verse number="6">離開屍體上近彼個城所有的長老，著佇彼隻佇山谷中頷頸摃斷的細隻牛母的頂面洗手，</verse>
				<verse number="7">聲明講：「阮的手無流此個人的血，阮的目睭嘛無看著啥人刣伊。</verse>
				<verse number="8">上主啊，求你赦免你所解救的子民 以色列 ，毋通互阮承擔流無辜的人的血的罪。」按呢，流彼個血的罪就得著赦免。</verse>
				<verse number="9">恁照按呢做上主看做著的事，就會對恁中間除去流無辜的人的血的罪。</verse>
				<verse number="10">恁去及對敵交戰，上主 — 恁的上帝若互恁刣贏，掠𪜶做俘虜；</verse>
				<verse number="11">彼時，佇俘虜的中間，若看著面貌好看的女子，真合意，欲娶伊做某，</verse>
				<verse number="12">就通娶入門；伊著剃頭毛，修指甲，</verse>
				<verse number="13">褪去受掠的時穿的衫，佇你的厝為著家己的父母哀哭一月日，然後你通及伊同房；你就做伊的丈夫，伊做你的某。</verse>
				<verse number="14">後來你若無愛伊，著互伊離開，得著自由；絕對毋通給伊賣，毋通給伊當做女婢款待；因為你曾強迫伊及你結婚。</verse>
				<verse number="15">人若有兩個某，一個伊較愛，一個較無愛，兩個攏有給伊生子；大子是較無愛的某生的。</verse>
				<verse number="16">分財產的時，毋通將較愛的某生的子當做大子，無互較無愛的某生的子做大子。</verse>
				<verse number="17">著承認較無愛的某生的子做大子，將所有的財產分雙分互伊；因為伊是老父勇壯的時生的頭上子，大子的名份是伊的。</verse>
				<verse number="18">人若有子忤逆不孝，毋聽父母的話；𪜶給伊警戒，伊猶原毋聽，</verse>
				<verse number="19">伊的父母著給伊掠起來，拖去彼個城的廣場見長老，</verse>
				<verse number="20">給許個長老講：「阮此個子忤逆不孝，毋聽阮的話，貪食，好酒。」</verse>
				<verse number="21">彼個城的人攏著用石頭給伊抌死；按呢就對恁中間除去此款邪惡的事。 以色列 眾人聽著就會驚。</verse>
				<verse number="22">人若犯死罪，受處死吊佇柴架，</verse>
				<verse number="23">伊的身屍毋通吊佇柴架過暝，一定著佇彼日給伊埋葬，因為受吊死的人是上帝咒詛的。毋通給上主 — 恁的上帝賞賜恁做產業的地拍垃墋。</verse>
			</chapter>
			<chapter number="22">
				<verse number="1">恁若看著同胞的牛抑是羊迷路，毋通佯無看著，一定著互伊倒轉去恁的同胞遐。</verse>
				<verse number="2">恁的同胞若離恁真遠，抑是恁毋識伊，就著牽轉去恁兜，留佇恁遐，聽候恁的同胞來尋，才還伊。</verse>
				<verse number="3">恁的同胞若拍毋見驢，抑是衫，抑是其他的物件，毋通佯做無看著；恁若拾著，攏著照按呢做。</verse>
				<verse number="4">恁若看著同胞的驢抑是牛佇路裡跋倒，毋通佯無看著，一定著幫贊主人給牲生扭起來。</verse>
				<verse number="5">婦仁人毋通穿查甫人的衫，查甫人嘛毋通穿婦仁人的衫；所有按呢做的人，是上主 — 恁的上帝厭惡的。</verse>
				<verse number="6">恁若佇路裡看著鳥仔巢，無論佇樹頂抑是佇土腳，內面有鳥仔子抑是鳥仔卵，鳥母啲攔鳥仔子抑是孵卵，恁毋通掠鳥仔子續掠鳥母；</verse>
				<verse number="7">恁通掠鳥仔子，毋拘一定著放鳥母去；按呢恁就通享受福氣，食長歲壽。</verse>
				<verse number="8">恁若起新厝，著佇厝頂做欄杆，才免有人對遐跋落來摔死，恁就著承擔責任。</verse>
				<verse number="9">毋通佇葡萄園撒第二種種籽；若按呢做，葡萄及所撒種籽的收成攏歸聖所，𣍐當家己用。</verse>
				<verse number="10">毋通用牛及驢掛仝一個軛犁田。</verse>
				<verse number="11">毋通穿羊毛及幼麻合做夥織的衫。</verse>
				<verse number="12">恁幔的外衫，著佇四角頭做鬚。</verse>
				<verse number="13">人若娶某，及伊同房，後來無愛伊，</verse>
				<verse number="14">給伊誹謗，破壞伊的名聲，講：「我娶此個查某，及伊同房，發見伊毋是在室女。」</verse>
				<verse number="15">查某囝仔的父母著提查某子在室女的證據出來，帶去彼個城廣場的長老遐；</verse>
				<verse number="16">查某囝仔的老父著對長老講：「我將我的查某子互此個人作某，伊無愛伊。</verse>
				<verse number="17">伊誹謗我的查某子，講『我發見你的查某子毋是在室女』。恁看，這是阮查某子在室女的證據。」父母就將彼塊布排佇彼個城長老的面前。</verse>
				<verse number="18">彼個城的長老著給彼個人掠來處罰；</verse>
				<verse number="19">嘛著給伊罰一千一百四十公克的銀，交互查某囝仔的老父；因為伊有破壞 以色列 的在室女的名聲；查某囝仔猶原做伊的某，彼個人一世人𣍐用得給伊離婚。</verse>
				<verse number="20">此個人控告的若是事實，查某囝仔無在室女的證據，</verse>
				<verse number="21">𪜶著掠彼個查某囝仔去𪜶老父的厝的門口，城內的人著用石頭給伊抌死；因為伊佇 以色列 做見笑的事，佇𪜶老父的家行淫亂；按呢就對恁中間除去彼個邪惡的事。</verse>
				<verse number="22">若有人及別人的某睏，彼個查甫及彼個婦仁人攏著互死；按呢就對 以色列 的中間除去彼個邪惡的事。</verse>
				<verse number="23">若有在室女已經及人定婚，有查甫人佇城內抵著伊，及伊睏，</verse>
				<verse number="24">恁著掠此兩個人去廣場，用石頭給𪜶抌死；因為此個查某囝仔佇城內無喝救人，此個查甫人凌辱別人的某。按呢，恁就對恁中間除去彼個邪惡的事。</verse>
				<verse number="25">若有查甫人佇野外抵著已經定婚的查某囝仔，給伊強姦；干焦彼個給伊強姦的人著死。</verse>
				<verse number="26">毋拘毋通辦彼個查某囝仔，因為伊無應該死。此個查甫人做的代誌是親像人起來攻擊伊的厝邊，給伊刣死仝款；</verse>
				<verse number="27">伊佇野外抵著彼個已經定婚的查某囝仔，查某囝仔雖然喝救人，嘛無人救伊。</verse>
				<verse number="28">若有查甫人抵著猶未定婚的在室女，給伊掠啲，強姦，互人發見，</verse>
				<verse number="29">彼個給伊強姦的查甫人著提五百七十公克的銀，交互查某囝仔的老父，閣著娶伊做某，一世人𣍐用得給伊離婚，因為彼個查甫人已經給伊凌辱。</verse>
				<verse number="30">人毋通娶老父的某，拍垃墋伊的老父的眠床。</verse>
			</chapter>
			<chapter number="23">
				<verse number="1">性器官受傷抑是閹起來的人，𣍐用得加入上主的會。</verse>
				<verse number="2">私生子𣍐用得加入上主的會；伊的子孫到第十代，嘛𣍐用得加入。</verse>
				<verse number="3">亞捫 人及 摩押 人𣍐用得加入上主的會；甚至到第十代，嘛𣍐用得加入，</verse>
				<verse number="4">因為恁出 埃及 的時，𪜶無佇路裡用食物及水迎接恁；閣倩 美索不達米亞 的 比奪 人， 比珥 的子 巴蘭 來給恁咒詛。</verse>
				<verse number="5">毋拘上主 — 恁的上帝無聽 巴蘭 ，因為上主疼恁，將彼個咒詛變做祝福。</verse>
				<verse number="6">恁永遠毋通幫贊𪜶得著平安及繁榮。</verse>
				<verse number="7">毋通怨恨 以東 人，因為𪜶是恁的親族；毋通怨恨 埃及 人，因為恁曾寄居佇遐；</verse>
				<verse number="8">𪜶的子孫到第三代通加入上主的會。</verse>
				<verse number="9">恁出去紮營欲攻擊對敵的時，著避免互恁致到禮儀上無清氣的事。</verse>
				<verse number="10">恁中間若有人夢洩致到無清氣，伊著出去營外，毋通閣入來營內；</verse>
				<verse number="11">到欲暗的時，伊著用水洗身軀，到日落才通閣入營。</verse>
				<verse number="12">恁佇營外著規畫一個所在做便所。</verse>
				<verse number="13">恁的裝備著有托仔，互恁佇外面大小便的時，用來挖土，蓋恁所放的；</verse>
				<verse number="14">因為上主 — 恁的上帝佇恁的營內及恁同在，欲保護恁，將對敵交互恁，所以恁的兵營著保持聖潔；才免伊看見恁中間有污穢，就離開恁。</verse>
				<verse number="15">若有奴隸逃脫，走去恁遐，恁毋通將伊交轉去互伊的主人；</verse>
				<verse number="16">恁著互伊住佇伊所愛的所在，所揀的城，及恁做夥徛起；恁毋通給伊欺負。</verse>
				<verse number="17">以色列 的男女毋通有人佇寺廟做妓女抑是孌童。</verse>
				<verse number="18">寺廟的妓女及孌童賺的錢，毋通帶入來上主 — 恁的上帝的聖殿謝願；因為此兩項攏是上主 — 恁的上帝厭惡的。</verse>
				<verse number="19">恁的同胞無論給恁借錢銀、食物，抑是會生利息的物件，攏毋通提利息；</verse>
				<verse number="20">外族人若給恁借，恁通提利息，毋拘借互恁的同胞就毋通給伊提；按呢，上主 — 恁的上帝會佇恁欲入去佔領的地，佇恁所做一切的事，賜福恁。</verse>
				<verse number="21">恁對上主 — 恁的上帝下願，謝願毋通延遲，因為上主一定會給恁討；恁若無謝願，就有罪。</verse>
				<verse number="22">恁若無下願，顛倒無罪。</verse>
				<verse number="23">恁所有親嘴對上主 — 恁的上帝甘心下的願，著切實遵守。</verse>
				<verse number="24">恁入去厝邊的葡萄園，通照恁所愛挽來食，毋拘毋通貯佇器具內。</verse>
				<verse number="25">恁入去厝邊猶未收割的麥園，通用手摘麥穗，毋拘毋通用鐮𠠝仔割。</verse>
			</chapter>
			<chapter number="24">
				<verse number="1">若有人娶某了後，知某有見笑事，無愛伊 ，就通寫離婚書互伊，叫伊離開。</verse>
				<verse number="2">伊離開彼個家了後，通嫁別人。</verse>
				<verse number="3">若是伊後來的丈夫無愛伊，閣寫離婚書互伊，教伊離開；抑是彼個丈夫死去，</verse>
				<verse number="4">彼個以前教伊離開的丈夫𣍐用得佇伊受拍垃墋了後，叫伊轉來，閣娶伊作某，因為這是上主厭惡的；毋通佇上主 — 恁的上帝賞賜恁做產業的地犯罪。</verse>
				<verse number="5">抵娶某的人毋通去交戰，嘛毋通互伊擔任公務；著互伊佇家內清閒一年，互伊的某歡喜快樂 。</verse>
				<verse number="6">毋通提別人的石磨，抑是石磨的頂礅做抵押；因為這就是提人的性命做抵押。</verse>
				<verse number="7">若發見有人劫 以色列 中一個同胞，給伊當做奴隸對待，抑是給伊賣去，彼個劫人的人著互死；按呢，就對恁中間除去彼個邪惡的事。</verse>
				<verse number="8">對痲瘋病 ，恁著特別細膩； 利未 人做祭司的所教示恁，就是我所命令恁的，著切實遵行。</verse>
				<verse number="9">著會記得，恁早前出 埃及 的時，上主 — 恁的上帝佇路裡按怎對待 美莉安 。</verse>
				<verse number="10">恁無論有什麼物件借厝邊，毋通入去𪜶兜提物件抵押；</verse>
				<verse number="11">著徛佇外面，聽候給恁借的人提抵押的物件出來互恁。</verse>
				<verse number="12">彼個人若散赤，恁毋通提伊的外衫做抵押㨮過暝；</verse>
				<verse number="13">日落的時，一定著將彼個抵押的物件還伊，互伊通用伊的外衫蓋啲睏；伊會給恁祝福，上主 — 恁的上帝嘛會看此項事做恁的好德行。</verse>
				<verse number="14">困苦散赤的工人，無論是恁的同胞，抑是住佇恁城內的外族人，恁毋通給𪜶欺負。</verse>
				<verse number="15">𪜶的工錢，日落以前著互𪜶，因為𪜶散赤，靠彼個錢啲度活；才免𪜶因為恁的所做給上主投，恁就有罪。</verse>
				<verse number="16">毋通因為子兒的所做給老父處死，嘛毋通因為老父的所做給子兒處死；逐個人著因為家己的罪死。</verse>
				<verse number="17">恁審判，毋通冤枉外族人及孤兒，嘛毋通提寡婦的外衫做抵押。</verse>
				<verse number="18">著會記得恁曾佇 埃及 做奴才，上主 — 恁的上帝有給恁對遐救出來；所以我命令恁著按呢做。</verse>
				<verse number="19">恁佇園裡收五穀，若有一捆𣍐記得，猶放佇園裡，毋通斡轉去提，著留互外族人及孤兒寡婦；按呢，上主 — 恁的上帝會佇恁所做一切的事，賜福恁。</verse>
				<verse number="20">恁拍恁的橄欖樹了後，毋通閣巡許個樹枝；著留互外族人及孤兒寡婦。</verse>
				<verse number="21">恁挽葡萄了後，賰的毋通閣挽；著留互外族人及孤兒寡婦。</verse>
				<verse number="22">著會記得恁曾佇 埃及 做奴才，所以我命令恁著按呢做。</verse>
			</chapter>
			<chapter number="25">
				<verse number="1">人若有爭執，提出訴訟，審判官著定正直的做無罪，定作歹的做有罪；</verse>
				<verse number="2">有罪的人若應該受拍，著互彼個人佇審判官的面前仆佇土腳，照伊犯罪的程度給伊拍；</verse>
				<verse number="3">毋拘上多通拍四十下，毋通拍過頭；若超過四十下，就是侮辱此個兄弟。</verse>
				<verse number="4">牛啲碖五穀，毋通給伊掛嘴籠。</verse>
				<verse number="5">兄弟住做夥，若其中一個無子就死，過身的人的某毋通嫁外人，伊丈夫的兄弟著娶伊作某，及伊同房，盡兄弟的本分。</verse>
				<verse number="6">伊生的大子，著續接伊死去的丈夫的名份，才免彼個丈夫的名佇 以色列 中受除去。</verse>
				<verse number="7">彼個人若無欲娶伊死去的兄弟的某，彼個婦仁人就著去廣場的長老遐，對𪜶講：「我丈夫的兄弟毋肯佇 以色列 中給伊死去的兄弟留後嗣，無欲盡兄弟的本分。」</verse>
				<verse number="8">佇廣場的長老著叫彼個人來，給伊苦勸；伊若堅持無欲給娶，</verse>
				<verse number="9">彼個婦仁人著佇長老的面前行倚伊，給褪鞋，閣呸嘴涎佇伊的面，講：「所有無欲為著兄弟留後嗣的人，著按呢給侮辱。」</verse>
				<verse number="10">佇 以色列 人的中間，彼個人的家庭欲叫做「互人褪鞋的家」。</verse>
				<verse number="11">若有兩個人相拍，其中一個人的某倚來救伊的丈夫，伸手掠牢另外彼個人的下體，</verse>
				<verse number="12">就著斬斷彼個婦仁人的手，毋通可憐伊。</verse>
				<verse number="13">恁的袋仔內毋通有大粒及細粒的兩款秤錘；</verse>
				<verse number="14">厝內嘛毋通有大及細的兩款斗。</verse>
				<verse number="15">著用準確公道的秤錘及斗，通互恁佇上主 — 恁的上帝賞賜恁的地食長歲壽；</verse>
				<verse number="16">所有做無公道的代誌的人，攏是上主 — 恁的上帝所厭惡。</verse>
				<verse number="17">著會記得恁出 埃及 的時， 亞瑪力 人佇路裡按怎對待恁。</verse>
				<verse number="18">𪜶佇路裡攻擊恁；當等恁厭倦無力的時，攻擊恁後面軟弱的人；𪜶攏無啲驚上帝。</verse>
				<verse number="19">所以，到上主 — 恁的上帝救恁脫離四圍的對敵，互恁佔領伊賞賜恁的地，享受太平，彼時，恁著將 亞瑪力 的名，對天下擦消。毋通𣍐記得！</verse>
			</chapter>
			<chapter number="26">
				<verse number="1">恁承接上主 — 恁的上帝賞賜恁做產業的地來徛起的時，</verse>
				<verse number="2">著對上主 — 恁的上帝賞賜恁的地，將所收成逐項起頭熟的土產，提一寡下佇籃仔，去上主 — 恁的上帝揀選互恁服事伊的所在。</verse>
				<verse number="3">恁著去見值班的祭司，給伊講：「我今仔日對上主 — 我 的上帝宣認，我已經來到上主對阮的列祖立誓賞賜阮的地。」</verse>
				<verse number="4">祭司就將你的籃仔接去，下佇上主 — 你的上帝的祭壇前。</verse>
				<verse number="5">你著佇上主 — 你的上帝面前告白講：「我的祖先是一個四界流浪的 亞蘭 人，落去 埃及 ，佇遐寄居，人額少少；後來佇遐成做一個大閣強、人額多的民族。</verse>
				<verse number="6">埃及 人苦楚阮，欺壓阮，強迫阮做苦工，</verse>
				<verse number="7">阮就哀求上主 — 阮列祖的上帝。上主聽見阮的聲，看見阮的困境、阮的勞苦、阮受的壓迫，</verse>
				<verse number="8">上主就伸出大氣力的手，用大閣通驚的事及神跡奇事，導阮出 埃及 ；</verse>
				<verse number="9">閣導阮到此所在，將此個流奶及蜜的地賞賜阮。</verse>
				<verse number="10">今，上主，你賞賜互我此個地起頭熟的土產，我已經帶來奉獻互你。」 了後，你著將許個祭物下佇上主 — 你的上帝面前，佇遐敬拜伊。</verse>
				<verse number="11">你及 利未 人，以及恁中間的外族人，著因為上主 — 你的上帝賞賜你及你的家眷一切的福分來慶祝。</verse>
				<verse number="12">逐遍到第三年，就是奉獻十分一的年，著將一切土產的十分一分互 利未 人、外族人，及孤兒寡婦，互𪜶佇你的城鎮通得著飽足，</verse>
				<verse number="13">按呢你通對上主 — 你的上帝講：「我已經照你所命令我一切的誡命，對我的家將奉獻的物提出，互 利未 人、外族人，及孤兒寡婦；你的誡命我無違背，嘛無𣍐記得。</verse>
				<verse number="14">厝內有喪事的時，我無食奉獻的物；禮儀上無清氣的時，我無給諸個提出去，嘛無將諸個獻互死人 ；我有遵守上主 — 我的上帝所有命令我的話。</verse>
				<verse number="15">求你對天頂，你徛起的聖所，俯落看，賜福你的子民 以色列 及你賞賜阮的地，就是你對阮的列祖立誓所互阮此個流奶及蜜的地。」</verse>
				<verse number="16">今仔日上主 — 恁的上帝吩咐恁遵守諸個規例及命令，所以恁著盡心盡性切實遵行。</verse>
				<verse number="17">今仔日恁已經宣認上主做恁的上帝，欲行伊的道路，遵守伊的規例、誡命，及命令，閣欲聽趁伊的話。</verse>
				<verse number="18">上主今仔日嘛照伊對恁的應允，承認恁做伊特別的子民，互恁守伊一切的誡命；</verse>
				<verse number="19">閣欲照伊的應允，互恁得著謳咾、名聲、尊貴，超過伊所創造的萬族，互恁成做歸屬上主 — 恁的上帝聖潔的子民。</verse>
			</chapter>
			<chapter number="27">
				<verse number="1">摩西 及 以色列 眾長老命令人民，講：恁著遵守我今仔日所吩咐恁一切的誡命。</verse>
				<verse number="2">恁過 約旦河 ，去到上主 — 恁的上帝賞賜恁的地彼日，著𫞼幾塊大石，頂面抹石灰，</verse>
				<verse number="3">將律法所有的話刻佇大石頂面。恁入去上主 — 恁的上帝賞賜恁的地，就是伊對恁的列祖所應允流奶及蜜的地，</verse>
				<verse number="4">過 約旦河 彼旁岸了後，著照我今仔日的命令，佇 以巴路山 𫞼許個石頭，頂面抹石灰。</verse>
				<verse number="5">佇遐，恁著為上主 — 恁的上帝用石頭起一座祭壇；許個石頭毋通用鐵的工具拍過。</verse>
				<verse number="6">著用無拍過的石頭起上主 — 恁的上帝的壇；佇彼頂面獻燒化祭互伊，</verse>
				<verse number="7">嘛佇遐獻平安祭；閣佇上主 — 恁的上帝面前歡喜飲食。</verse>
				<verse number="8">恁著將此個律法一切的話，清清楚楚刻佇許個石頭。</verse>
				<verse number="9">摩西 及 利未 人做祭司的閣吩咐 以色列 眾人，講： 以色列 人，著靜靜，著注意聽！今仔日恁成做上主 — 恁的上帝的子民，</verse>
				<verse number="10">著聽趁上主 — 恁的上帝的話，遵行我所頒布的上主的誡命及規例。</verse>
				<verse number="11">彼日， 摩西 閣吩咐人民講：</verse>
				<verse number="12">恁過 約旦河 了後， 利未 人祝福人民的時， 西緬 、 利未 、 猶大 、 以薩迦 、 約瑟 、 便雅憫 諸個支族，著徛佇 基利心山 ；</verse>
				<verse number="13">宣布咒詛的時， 呂便 、 迦得 、 亞設 、 西布倫 、 但 、 拿弗他利 諸個支族，著徛佇 以巴路山 。</verse>
				<verse number="14">然後， 利未 人著對 以色列 眾人大聲宣布：</verse>
				<verse number="15">製造上主所厭惡的神像，無論是雕刻的，抑是鑄造的，閣互人暗中祭拜，彼個師傅著受咒詛。眾人攏著應講：「阿們！」</verse>
				<verse number="16">對父母不孝的，著受咒詛。眾人攏著講：「阿們！」</verse>
				<verse number="17">移徙厝邊的界址的，著受咒詛。眾人攏著講：「阿們！」</verse>
				<verse number="18">互失明的人行毋著路的，著受咒詛。眾人攏著講：「阿們！」</verse>
				<verse number="19">剝奪外族人及孤兒寡婦的權利的，著受咒詛。眾人攏著講：「阿們！」</verse>
				<verse number="20">及老父的某做夥睏的，著受咒詛，因為伊有拍垃墋伊老父的眠床。眾人攏著講：「阿們！」</verse>
				<verse number="21">及動物交合的，著受咒詛。眾人攏著講：「阿們！」</verse>
				<verse number="22">及仝父的姊妹，抑是仝母的姊妹，做夥睏的，彼個人著受咒詛。眾人攏著講：「阿們！」</verse>
				<verse number="23">及丈姆做夥睏的，著受咒詛。眾人攏著講：「阿們！」</verse>
				<verse number="24">暗殺厝邊的，著受咒詛。眾人攏著講：「阿們！」</verse>
				<verse number="25">接受賄賂害死無辜的人的，著受咒詛。眾人攏著講：「阿們！」</verse>
				<verse number="26">無切實遵行諸個律法的話的，著受咒詛。眾人攏著講：「阿們！」</verse>
			</chapter>
			<chapter number="28">
				<verse number="1">恁若真正聽趁上主 — 恁的上帝的話，遵行我今仔日所命令恁伊一切的誡命，上主 — 恁的上帝欲互恁比天下萬國閣較強盛。</verse>
				<verse number="2">恁若聽趁上主 — 恁的上帝的話，諸個福氣就欲豐豐富富臨到恁：</verse>
				<verse number="3">恁佇城鎮，佇鄉村，欲得著祝福。</verse>
				<verse number="4">恁生的兒女、土地出產的、牲生生的，以及牛仔子、羊仔子，攏欲得著祝福。</verse>
				<verse number="5">恁的籃仔及抄麵粉的盆，攏欲得著祝福。</verse>
				<verse number="6">恁出，恁入，攏欲得著祝福。</verse>
				<verse number="7">許個攻擊恁的對敵，上主欲互恁給𪜶拍敗；𪜶對一條路來攻擊，欲佇恁的面前對七條路逃走。</verse>
				<verse number="8">上主欲互恁的粟倉滿滿，事事亨通。上主 — 恁的上帝欲佇賞賜恁的地賜福恁。</verse>
				<verse number="9">恁若遵守上主 — 恁的上帝的誡命，行伊的道路，上主欲照伊對恁立誓的，設立恁做伊聖潔的子民；</verse>
				<verse number="10">天下萬族看見恁屬佇上主，就會驚畏恁。</verse>
				<verse number="11">上主欲佇伊對恁列祖立誓賞賜恁的地，互恁所生的、牲生生的、土地出產的，充足有賰。</verse>
				<verse number="12">上主欲給恁開伊天頂的寶庫，照季節落雨互恁的土地，互恁事事亨通；恁欲借互真多國，毋拘毋免給人借。</verse>
				<verse number="13">恁若聽趁我今仔日所命令恁上主 — 恁的上帝的誡命，切實遵行，無偏左偏右，離開我所命令恁諸個話，去服事別個神明，上主就欲互恁佇列國中作頭，無受支配。</verse>
				<verse number="14"></verse>
				<verse number="15">恁若無聽趁上主 — 恁的上帝的話，無切實遵行我今仔日所命令恁伊一切的誡命及規例，諸個咒詛就會真緊臨到恁：</verse>
				<verse number="16">恁佇城鎮，佇鄉村，會受咒詛。</verse>
				<verse number="17">恁的籃仔及抄麵粉的盆，會受咒詛。</verse>
				<verse number="18">恁所生的、土地出產的，以及牛仔子、羊仔子，攏會受咒詛。</verse>
				<verse number="19">恁出，恁入，攏會受咒詛。</verse>
				<verse number="20">因為恁做歹棄拺我，上主欲互恁所做的事受咒詛、擾亂、責罰，直到恁真緊完全受毀滅。</verse>
				<verse number="21">上主欲互瘟疫苦楚恁，佇恁入去承接的地給恁消滅。</verse>
				<verse number="22">上主欲用肺癆、熱病、發炎、毒熱、曠旱、火燒風、病害攻擊恁；諸個攏會追趇恁，直到恁滅亡。</verse>
				<verse number="23">恁頭殼頂的天會變做銅𣍐落雨，腳下的地會變做鐵赫呢碇。</verse>
				<verse number="24">上主欲互土沙粉代替雨水，落佇恁身上，直到伊給恁消滅。</verse>
				<verse number="25">上主欲互恁佇對敵的面前刣輸；恁對一條路出去攻擊𪜶，會對七條路逃走；天下萬國看著恁的情形會著驚。</verse>
				<verse number="26">恁的身屍會成做空中飛鳥及地上走獸的食物，無人給𪜶趕走。</verse>
				<verse number="27">上主會互恁親像早前 埃及 人生瘡，閣生痔瘡、濕疹、癬，𣍐醫得。</verse>
				<verse number="28">上主會互恁掠狂、睛瞑、著驚。</verse>
				<verse number="29">恁佇日中晝，會親像失明的人佇烏暗中摸來摸去；恁做的事𣍐亨通，常常受壓迫，受搶奪，無人救恁。</verse>
				<verse number="30">恁及查某囝仔定婚，別人會及伊做夥睏；恁起厝，無通住；恁栽種葡萄園，嘛無通食許個果子。</verse>
				<verse number="31">恁的牛佇恁的面前互人刣死，毋拘恁食𣍐著肉；恁的驢佇恁的面前互人搶去，閣討𣍐轉來；恁的羊互人掠去，無人幫贊恁。</verse>
				<verse number="32">恁的子查某子會佇恁的面前互別族掠去；恁的目睭歸日金金看，等𪜶轉來，毋拘恁無能為力。</verse>
				<verse number="33">恁的土產，及恁勞苦得著的，會互恁毋識的民族食了了。恁會常常互人欺負，受壓制，</verse>
				<verse number="34">直到恁因為抵著的景況掠狂。</verse>
				<verse number="35">上主會互恁對腳底、腳頭窩、腳腿，到頭殼頂，染著𣍐醫得的毒瘡。</verse>
				<verse number="36">上主會將恁及恁所設立管轄恁的王，遷徙去恁及恁的列祖毋識的國家；佇遐恁欲服事別個神明，是用柴及石頭造的。</verse>
				<verse number="37">恁佇上主趕恁去的列國中，人會將恁當做笑談，給恁恥笑，閣因為恁抵著的情形著驚。</verse>
				<verse number="38">恁佇園裡撒真多種籽，毋拘收成真少，因為草蜢來食。</verse>
				<verse number="39">恁栽種閣修整葡萄園，毋拘無酒通飲，無果子通挽，因為蟲來食。</verse>
				<verse number="40">恁全國種橄欖樹，毋拘無油通抹身軀，因為橄欖落了了。</verse>
				<verse number="41">恁的子查某子𣍐當留佇身軀邊，因為𪜶會互人掠去。</verse>
				<verse number="42">恁的樹木及土地的出產，會互草蜢食了了。</verse>
				<verse number="43">住佇恁中間的外族人會愈來愈尊貴，恁會愈來愈卑微；</verse>
				<verse number="44">𪜶有通借恁，恁無通借𪜶；𪜶會作頭管恁，恁會作尾。</verse>
				<verse number="45">諸個咒詛攏會臨到恁，追趇恁，給恁掠牢牢，直到恁滅亡，因為恁無聽趁上主 — 恁的上帝的話，無守伊所命令恁的誡命及規例。</verse>
				<verse number="46">諸個咒詛會臨到恁及恁的後代，永遠成做記號及警戒。</verse>
				<verse number="47">恁無佇逐項富裕的時，甘心樂意服事上主 — 恁的上帝，</verse>
				<verse number="48">所以恁會做上主差來攻擊恁的對敵的奴隸，致到枵餓、嘴焦、褪裼、一無所有。𪜶會用 鐵的軛掛佇恁的頷頸，直到恁滅亡。</verse>
				<verse number="49">上主欲對真遠的所在興起一國，親像鷹鳥真緊衝落來攻擊恁；彼國的話恁聽無，</verse>
				<verse number="50">𪜶的人面雄介介，𣍐尊敬老人，𣍐疼惜囝仔；</verse>
				<verse number="51">𪜶會吞食恁的牲生所生的，及恁的土地出產的，直到恁滅亡；閣將恁的五穀、新酒、新油、牛仔子及羊仔子，食甲無賰半項，直到恁餓死。</verse>
				<verse number="52">𪜶欲佇全國逐個城圍困恁，直到恁所倚靠高大閣堅固的城牆攏倒壞。𪜶欲將恁圍困佇上主 — 恁的上帝所賞賜恁全國逐個城。</verse>
				<verse number="53">恁佇窘迫困苦的中間，欲食家己的親生子，就是上主 — 恁的上帝賞賜恁的後生查某子的肉。</verse>
				<verse number="54">恁中間溫和，有同情心的人，會冷淡對待伊的兄弟、伊所疼的某，及賰落來的囝仔，</verse>
				<verse number="55">無欲將家己所食親生子的肉，分一點仔互𪜶；因為恁佇逐個城受對敵圍困，受窘迫，攏無賰半項。</verse>
				<verse number="56">恁中間溫和，有同情心，平時毋敢褪赤腳踏土的婦仁人，會冷淡對待伊所疼的丈夫，及伊的後生查某子；</verse>
				<verse number="57">偷偷仔食伊生落來的胎盤，甚至食家己生的兒女，因為恁佇逐個城受對敵圍困，受窘迫，攏無賰半項。</verse>
				<verse number="58">恁若無切實遵行此本冊所記載律法的話，無敬畏上主 — 恁的上帝榮光通驚畏的名，</verse>
				<verse number="59">上主就會用恁想𣍐到的災禍，就是大閣久長的災難、嚴重閣長期的病，降落互恁及恁的後代。</verse>
				<verse number="60">伊嘛會互恁所驚 埃及 人的病攏臨到恁，給恁纏啲，永遠醫𣍐好；</verse>
				<verse number="61">連此本律法的冊無記載的病及災禍，上主嘛會互𪜶臨到恁，直到恁滅亡。</verse>
				<verse number="62">恁以前雖然親像天頂的星赫呢多，毋拘恁無聽趁上主 — 恁的上帝的話，所以恁賰落來的人口大大減少。</verse>
				<verse number="63">以前上主意愛好款待恁，互恁人口加添，毋拘以後上主意愛給恁毀壞，給恁消滅；恁嘛會對入去承接的地受拔出。</verse>
				<verse number="64">上主會互恁四散佇萬國中，對地的此旁到地的彼旁；恁會佇遐服事別個神明，是用柴用石雕刻，恁及恁的列祖毋識的神明。</verse>
				<verse number="65">佇許個國，恁𣍐當有安定的生活，無定居的所在；上主嘛欲互恁佇遐心神不安，目神無青彩，精神衰敗；</verse>
				<verse number="66">恁的性命無安全，暝日提心吊膽，性命難保。</verse>
				<verse number="67">恁會因為心內的驚惶，及目睭看著的，早起時欲講：「天哪猶未暗！」暗時欲講：「天哪猶未光！」</verse>
				<verse number="68">上主會互恁坐船倒去 埃及 ，行彼條我曾吩咐恁毋通閣倒去的路；佇遐，恁會賣家己互對敵做奴僕女婢，毋拘無人欲買。</verse>
			</chapter>
			<chapter number="29">
				<verse number="1">上主佇 何烈山 及 以色列 人立約以後，閣佇 摩押 地命令 摩西 及 以色列 人立約。下面是立約的內容。</verse>
				<verse number="2">摩西 召 以色列 眾人來，對𪜶講：上主佇 埃及 地，對法老及伊的眾人臣，以及𪜶全國所做一切的事，恁攏親目看著，</verse>
				<verse number="3">就是恁所看著的大災難、神跡，及大奇事。</verse>
				<verse number="4">毋拘到今仔日，上主猶未互恁會明白的心、會看見的目睭、會聽見的耳仔。</verse>
				<verse number="5">我導恁佇曠野四十年，恁的衫仔褲無破，鞋嘛無歹去；</verse>
				<verse number="6">恁無餅通食，無薄酒、厚酒通飲，毋拘上主供給恁所需要的一切，互恁知伊就是上主 — 恁的上帝。</verse>
				<verse number="7">恁來到此所在， 希實本 王 西宏 、 巴珊 王 噩 出來及咱交戰；</verse>
				<verse number="8">咱給𪜶拍敗，攻取𪜶的地，將彼個地分互 呂便 及 迦得 兩個支族，以及 瑪拿西 半支族做產業；</verse>
				<verse number="9">所以恁著切實遵行此個約的話，通互恁事事亨通。</verse>
				<verse number="10">今仔日恁逐支族的族長、長老、官長、 以色列 的男婦老幼，以及住佇恁中間給恁破柴，汲水的外族人，攏徛佇上主 — 恁的上帝面前，</verse>
				<verse number="11"></verse>
				<verse number="12">恁著接受上主 — 恁的上帝立誓及恁立的約，</verse>
				<verse number="13">互伊照伊對恁的應允，嘛照伊對恁的列祖 亞伯拉罕 、 以撒 、 雅各 立誓的，今仔日設立恁做伊的子民，伊做恁的上帝。</verse>
				<verse number="14">上主毋是干焦及恁立誓立此個約，</verse>
				<verse number="15">是及今仔日及咱做夥徛佇上主 — 咱的上帝面前的人，以及猶未出世的子子孫孫立約。</verse>
				<verse number="16">恁知，咱曾住佇 埃及 ，嘛有對列國經過；</verse>
				<verse number="17">恁閣有看著𪜶中間許個用柴、石、金、銀製造，通厭惡的偶像；</verse>
				<verse number="18">著謹慎，恁今仔日徛佇遮的人，無論查甫人、查某人、家族、支族，毋通違背上主 — 咱的上帝，去服事許個民族的神明，親像對歹的根生出毒菜及苦草；</verse>
				<verse number="19">此款人聽著諸個咒詛的話，心內猶久家己安慰，講：「我雖然固執做此款代誌，連累所有的人，我猶原有平安。」</verse>
				<verse number="20">上主𣍐赦免此款人；上主的大受氣會給伊燒滅，將記載佇此本冊的咒詛，攏降落佇伊身上；上主閣會對天下擦消伊的名；</verse>
				<verse number="21">上主嘛會照此個律法的冊所記載的約內面的咒詛，對 以色列 眾支族的中間給伊分別出來，互伊受災禍。</verse>
				<verse number="22">以後，恁的子子孫孫及對真遠的所在來的外族人，看著上主互此個地抵著的災難及病症，</verse>
				<verse number="23">就是此個地逐所在有硫磺，有鹽，互火燒過，𣍐當種作，無出產，𣍐發草，親像上主佇大受氣中毀壞 所多瑪 、 蛾摩拉 、 押瑪 、 洗扁 按呢；</verse>
				<verse number="24">𪜶攏會問：「上主哪會對此個地按呢做？伊的受氣哪會赫猛烈？」</verse>
				<verse number="25">人會對𪜶講：「是因為此所在的人棄拺上主 — 𪜶列祖的上帝導𪜶出 埃及 的時及𪜶立的約；</verse>
				<verse number="26">𪜶去拜𪜶毋識，嘛是上主禁止𪜶拜的神明；</verse>
				<verse number="27">所以上主發大受氣，將此本冊所記載一切的咒詛，攏降落佇此個地。</verse>
				<verse number="28">上主非常受氣，佇大受氣中將𪜶對此個地拔出，給𪜶㧒佇外邦，到今仔日。」</verse>
				<verse number="29">有一寡代誌上主 — 咱的上帝無給咱啟示；毋拘伊有啟示此個律法，互咱及咱的子孫永遠遵行。</verse>
			</chapter>
			<chapter number="30">
				<verse number="1">將來，我所給恁講的祝福及咒詛發生佇恁的身上，恁佇上主 — 恁的上帝給恁流放去的列國中，想起諸個事，</verse>
				<verse number="2">彼時，恁及恁的子孫若全心全情歸向上主 — 恁的上帝，照我今仔日的吩咐，遵趁伊一切的話，</verse>
				<verse number="3">上主 — 恁的上帝就會憐憫恁，互恁受掠的人倒轉來。伊會回心轉意，將伊給恁四散佇列國的人聚集，導轉來。</verse>
				<verse number="4">恁若有人受趕逐，就是佇天邊海角，上主 — 恁的上帝嘛會給恁聚集，對遐導恁倒來。</verse>
				<verse number="5">上主 — 恁的上帝會導恁承接恁的列祖佔領的地，好款待恁，互恁的人口加添，比恁的列祖較多。</verse>
				<verse number="6">上主 — 恁的上帝會潔淨恁及恁後代的心，互恁一心一意疼上主 — 恁的上帝，互恁佇此個地永遠徛起。</verse>
				<verse number="7">上主 — 恁的上帝會將諸個咒詛降落佇恁的對敵，及怨恨恁，窘迫恁的人的身上。</verse>
				<verse number="8">恁會閣聽趁上主的話，遵守我今仔日所命令恁伊一切的誡命。</verse>
				<verse number="9">恁若聽趁上主 — 恁的上帝的話，遵守此個律法所記載的誡命及規例，閣全心全情歸向上主 — 恁的上帝，伊會互恁事事亨通，互恁所生的、牲生生的、土地出產的，充足有賰；因為上主會親像以前意愛恁的列祖按呢，好款待恁，賜福恁。</verse>
				<verse number="10"></verse>
				<verse number="11">我今仔日所命令恁的誡命，毋是恁做𣍐到的，離恁嘛無遠；</verse>
				<verse number="12">毋是佇天頂，恁毋免問，講：「啥人會當為著咱去天頂，將此個教示帶落來，互咱聽見來實行？」</verse>
				<verse number="13">嘛毋是佇海的彼旁，恁毋免問，講：「啥人會當為著咱過海，將此個教示帶來，互咱聽見來實行？」</verse>
				<verse number="14">此個誡命離恁真近，是佇恁的嘴內，佇恁的心中，互恁會當實行。</verse>
				<verse number="15">著會記得，我今仔日將生死禍福給恁講，互恁選擇。</verse>
				<verse number="16">我今仔日吩咐恁，著疼上主 — 恁的上帝，行伊的道路，守伊的誡命、規例、命令，上主 — 恁的上帝就會互恁佇欲入去佔領的地久長徛起，人口加添，得著福氣。</verse>
				<verse number="17">恁若違背上主閣毋順趁，受引誘去敬拜服事別個神明，</verse>
				<verse number="18">我今仔日明明給恁講，恁一定會滅亡，𣍐當佇恁過 約旦河 欲入去佔領的地久長徛起。</verse>
				<verse number="19">我今仔日叫天叫地來對恁作證：我將生及死、災禍及福氣排佇恁的面前；著揀性命，恁及恁的後代就會當繼續生存；</verse>
				<verse number="20">著疼上主 — 恁的上帝，聽趁伊的話，忠誠跟隨伊；伊是恁的活命，恁著靠伊才會當繼續生存；按呢恁就通佇上主對恁的列祖 亞伯拉罕 、 以撒 、 雅各 ，立誓欲賞賜𪜶的地久長徛起。</verse>
			</chapter>
			<chapter number="31">
				<verse number="1">摩西 繼續對 以色列 人講：</verse>
				<verse number="2">「我已經一百二十歲，𣍐當閣領導恁。上主曾對我講：『你𣍐當過 約旦河 。』</verse>
				<verse number="3">上主 — 恁的上帝會佇恁的面前導恁過去，消滅諸個族，互恁佔領𪜶的土地。照上主所講的， 約書亞 會導恁過去。</verse>
				<verse number="4">上主會對待諸個族，親像伊以前對待 亞摩利 人兩個王， 西宏 及 噩 ，以及對待𪜶的國家仝款，給𪜶完全消滅。</verse>
				<verse number="5">上主會將𪜶交互恁；恁著照我所吩咐恁一切的命令對待𪜶。</verse>
				<verse number="6">恁著勇敢壯膽，毋免驚𪜶，毋免因為𪜶恐惶；因為上主 — 恁的上帝會及恁做夥去，𣍐離開恁，𣍐放拺恁。」</verse>
				<verse number="7">摩西 叫 約書亞 來，佇 以色列 眾人的面前對伊講：「你著勇敢壯膽，因為就是你欲導此個人民入去承接上主對𪜶的列祖立誓欲互𪜶的地。</verse>
				<verse number="8">上主欲行佇你的頭前，及你同在，𣍐離開你，嘛𣍐放拺你。你毋免驚，嘛毋免懍。」</verse>
				<verse number="9">摩西 將律法的冊寫好，就交互扛上主約櫃的 利未 人做祭司的，及 以色列 的長老。</verse>
				<verse number="10">摩西 命令𪜶，講：「逐遍滿七年，佇免除債務彼年的搭寮節，</verse>
				<verse number="11">以色列 眾人來到上主 — 恁的上帝所揀選敬拜伊的所在，彼時，恁著佇 以色列 眾人的面前大聲讀此個律法互𪜶聽。</verse>
				<verse number="12">著聚集人民，無論查甫、查某、囝仔，以及恁城內的外族人，互𪜶攏聽，互𪜶學習，通敬畏上主 — 恁的上帝，切實遵行此個律法每一句話；</verse>
				<verse number="13">嘛互許個猶毋識律法的後代攏會當聽著，通佇過 約旦河 去承接做產業的地，一世人學習敬畏上主 — 恁的上帝。」</verse>
				<verse number="14">上主對 摩西 講：「你無偌久會離開世間。你叫 約書亞 來，及你做夥徛𫢶會幕內；我欲交代伊任務。」 摩西 就及 約書亞 去徛佇會幕內。</verse>
				<verse number="15">上主佇會幕內，佇雲柱中顯現；雲柱停佇會幕門口的頂面。</verse>
				<verse number="16">上主閣對 摩西 講：「你啲欲轉去你的列祖遐。你死以後，諸個人民會佇𪜶入去的所在，服事彼所在的外族神明行邪淫；棄拺我，違背及我立的約。</verse>
				<verse number="17">彼時，我會對𪜶發受氣，棄拺𪜶，面越走毋看𪜶；𪜶會受吞滅，抵著真多災禍患難；彼日𪜶就會問，講：『咱抵著災禍患難，是毋是因為咱的上帝無及咱同在？』</verse>
				<verse number="18">彼日因為𪜶拜別個神明，作惡多端，所以我一定面越走毋看𪜶。</verse>
				<verse number="19">「今，你著寫此首歌，教人民唱，用來教示 以色列 的後代，做我指責 以色列 人的見證。</verse>
				<verse number="20">我導𪜶進入我對𪜶的列祖立誓欲互𪜶彼個流奶及蜜的地了後，𪜶會食甲肥滋滋，偏向別個神明服事𪜶，煞看輕我，違背我的約。</verse>
				<verse number="21">到𪜶抵著災禍患難的時，此首歌會做我指責𪜶的見證；𪜶的後代會繼續唱此首歌，𣍐𣍐記得。雖然我猶未導𪜶進入我立誓欲賜互𪜶的地，毋拘我已經知𪜶的心思念頭。」</verse>
				<verse number="22">彼日， 摩西 就寫此首歌，用來教示 以色列 人。</verse>
				<verse number="23">上主吩咐 嫩 的子 約書亞 ，講：「你著勇敢壯膽，因為你欲導 以色列 人入去我立誓欲互𪜶的地；我欲及你同在。」</verse>
				<verse number="24">摩西 將此個律法的冊寫清楚，</verse>
				<verse number="25">就吩咐扛上主約櫃的 利未 人，講：</verse>
				<verse number="26">「此個律法的冊著下佇上主 — 恁的上帝的約櫃邊，通做指責恁的見證。</verse>
				<verse number="27">我知恁是背逆、心硬固執的民族；我今仔日猶活啲及恁做夥，恁都會背逆上主，何況我死了後！</verse>
				<verse number="28">著聚集恁所有支族的長老及官長來我遮，我欲將諸個話講互𪜶聽，嘛欲叫天叫地來證實恁的毋著。</verse>
				<verse number="29">我知，我死了後，恁會徹底敗壞，偏離我所命令恁著行的道路；將來恁會抵著災禍，因為恁會做上主看做歹的事，惹伊受氣。」</verse>
				<verse number="30">摩西 將此首歌，對頭到尾唸互 以色列 會眾聽。</verse>
			</chapter>
			<chapter number="32">
				<verse number="1">天啊，著俯耳孔，我欲講話； 地啊，著注意聽我所講的話。</verse>
				<verse number="2">我的教示欲親像雨水降落， 我的話欲親像露水滴落； 親像雨濛仔落佇幼幼的草， 親像及時的雨水落佇菜蔬。</verse>
				<verse number="3">我欲宣揚上主的名； 恁著尊咱的上帝做大。</verse>
				<verse number="4">上主是石磐， 伊的所做完全、公平； 伊是信實的上帝，攏無不義； 伊公義閣正直。</verse>
				<verse number="5">此個彎曲敗壞的世代， 𪜶背逆，𣍐堪得做伊的子。</verse>
				<verse number="6">愚戇無知的人民， 恁哪會按呢報答上主？ 伊豈毋是恁的老父，恁的創造主， 有建立恁的國家？</verse>
				<verse number="7">著會記得古早的日， 回想歷代的年； 問你的老父，伊會指示你； 問你的序大，𪜶會給你講。</verse>
				<verse number="8">至高者分土地互萬國做產業， 將世間人分開； 照 以色列 人的人數， 定萬族的境界。</verse>
				<verse number="9">上主的份額是伊的子民； 雅各 是伊的產業。</verse>
				<verse number="10">上主佇曠野尋著伊， 佇拋荒野獸啲哮的地抵著伊； 上主攬伊，照顧伊， 保護伊親像保護目睭仁。</verse>
				<verse number="11">閣親像鷹鳥撈伊的巢， 搧翼教細隻鷹仔學飛； 搋開翼股承伊，載佇翼股頂。</verse>
				<verse number="12">只有上主引導伊的子民， 無其他神明的幫贊。</verse>
				<verse number="13">上主互𪜶統治地高的所在， 互𪜶食田野的土產， 對石縫𠲿蜜， 對石頭地得著橄欖油；</verse>
				<verse number="14">閣食牛奶做的起司、羊奶、 羊仔子的油、 巴珊 的綿羊、山羊， 及上好的小麥， 嘛飲葡萄酒。</verse>
				<verse number="15">以色列 肥就聳勢； 你已經大箍閣粗魯，皮肉金滑， 就棄拺創造你的上帝， 看輕解救你的石磐。</verse>
				<verse number="16">𪜶用別個神明激伊怨妒， 拜可惡的偶像惹伊受氣。</verse>
				<verse number="17">𪜶祭拜鬼神， 諸個鬼神毋是上帝， 是𪜶毋識的神明， 是新的，近來才有的， 是恁的列祖無啲驚的。</verse>
				<verse number="18">生恁的石磐，恁無看重伊； 生恁的上帝，恁𣍐記得伊。</verse>
				<verse number="19">上主看見，就放拺𪜶， 因為伊的子查某子惹伊受氣。</verse>
				<verse number="20">伊就講：我無欲閣插𪜶， 欲看𪜶的結局按怎； 𪜶是詭詰的世代， 無忠實的子兒。</verse>
				<verse number="21">𪜶拜毋是上帝的神明，激我怨妒； 𪜶拜偶像，惹我受氣； 我就用毋成民族的人民，激𪜶怨妒， 用愚戇的國民，惹𪜶受氣。</verse>
				<verse number="22">我受氣的火啲𤏸， 𤏸到陰間極深的所在， 燒滅大地及一切的土產， 吞滅山的根基。</verse>
				<verse number="23">上主閣講： 我欲不斷用災禍攻擊𪜶， 用我箭袋內所有的箭射𪜶。</verse>
				<verse number="24">𪜶因為飢荒消瘦， 互炎熱及瘟疫吞滅， 互野獸咬著， 受毒蛇攻擊。</verse>
				<verse number="25">外面有刀劍， 內面有驚惶， 互少年人及在室女、 食奶的嬰仔及白頭毛的老人攏滅亡。</verse>
				<verse number="26">我原本欲徹底消滅𪜶， 互世間人𣍐記得𪜶的名。</verse>
				<verse number="27">毋拘，我驚𪜶的對敵自誇， 驚了𪜶誤會， 驚了𪜶會講： 「是阮拍敗 以色列 ， 毋是上主的作為。」</verse>
				<verse number="28">𪜶是𣍐曉想的民族， 無一屑仔智識。</verse>
				<verse number="29">苦𣍐得𪜶有智慧，會明白此個事， 會曉想家己的結局。</verse>
				<verse number="30">若毋是𪜶的石磐給𪜶賣互人， 若毋是上主棄拺𪜶， 𪜶的對敵哪會一個拍敗𪜶一千個， 兩個互𪜶一萬個逃走？</verse>
				<verse number="31">𪜶的石磐無親像咱的石磐， 咱的對敵嘛按呢承認。</verse>
				<verse number="32">對敵的葡萄樹是 所多瑪 的種， 對 蛾摩拉 的園徙來的； 𪜶的葡萄是毒葡萄， 歸葩攏是苦的。</verse>
				<verse number="33">𪜶的酒是大尾蛇的毒， 是毒蛇致命的毒。</verse>
				<verse number="34">上主將對敵所做的歹， 攏封密佇伊的府庫。</verse>
				<verse number="35">申冤報應在佇上主， 時機一下到伊會給𪜶報應； 𪜶抵著災難的日近啦， 會真緊受刑罰。</verse>
				<verse number="36">上主欲為著伊的子民申冤， 欲憐憫伊的僕人， 因為伊看見𪜶氣力已經無去， 自由的及無自由的，連一個都無留啲。</verse>
				<verse number="37">伊欲講：𪜶的神明佇叨位？ 𪜶倚靠的石磐佇叨位？</verse>
				<verse number="38">許個食𪜶獻祭的油， 飲𪜶奠酒祭的酒的神明， 今著起來幫贊𪜶，保護𪜶。</verse>
				<verse number="39">今，恁著知，只有我是上帝， 我以外無別個神明； 我互人死，嘛互人活； 我拍傷人，嘛醫治人； 無人會當對我的手頭解救𪜶。</verse>
				<verse number="40">我向天攑手， 用我永遠的活命立誓，講：</verse>
				<verse number="41">我欲將我金鑠鑠的刀磨利， 執行審判， 報復我的對敵， 報應怨恨我的人。</verse>
				<verse number="42">我欲互我的箭飲血， 飲許個受刣受掠戰士的血； 我的刀欲食肉， 食對敵許個長頭毛的領袖的肉。</verse>
				<verse number="43">列國啊，著及上主的子民做夥歡呼； 上主欲為著伊的僕人所流的血申冤， 報復伊的對敵， 贖回伊的地及伊的子民。</verse>
				<verse number="44">摩西 及 嫩 的子 約書亞 做夥來，將此首歌唸互會眾聽。</verse>
				<verse number="45">摩西 將諸個話攏講互 以色列 眾人聽了後，</verse>
				<verse number="46">閣對𪜶講：「我今仔日警戒恁的話，恁著會記得，嘛著吩咐恁的後代切實遵行此個律法一切的話；</verse>
				<verse number="47">因為此個律法對恁毋是空空無路用，是恁的性命；此個律法會互恁佇過 約旦河 欲佔領的地久長徛起。」</verse>
				<verse number="48">彼日，上主吩咐 摩西 ，講：</verse>
				<verse number="49">「你著去 耶利哥 對面的 摩押 地，上去 亞巴琳 山區的 尼波山 ，看我欲賞賜互 以色列 人做家業的 迦南 地。</verse>
				<verse number="50">你會死佇你上去的山，親像你的兄哥 亞倫 死佇 何珥山 ，倒去恁的列祖遐。</verse>
				<verse number="51">因為恁兩個佇 尋 的曠野， 加低斯 的 米利巴 水泉，佇 以色列 人中間得罪我，無尊我做聖。</verse>
				<verse number="52">你通看對面彼個地，毋拘𣍐當入去我賞賜互 以色列 人的地。」</verse>
			</chapter>
			<chapter number="33">
				<verse number="1">上帝重用的人 摩西 欲死以前，給 以色列 人祝福。祝福的話記佇下面：</verse>
				<verse number="2">上主對 西奈山 來， 親像日頭對 以東 起來， 對 巴蘭山 照光； 伊導千千萬萬天使來， 正手提發光的律法互𪜶。</verse>
				<verse number="3">上主實在疼萬民， 眷顧伊聖的子民。 𪜶坐佇你的腳下， 聽受你的教示。</verse>
				<verse number="4">摩西 用律法傳互咱， 做 雅各 會眾寶貴的產業。</verse>
				<verse number="5">上主作王統治 以色列 ， 人民的領袖及 以色列 眾支族聚集慶祝。</verse>
				<verse number="6">呂便 支族雖然人額少， 願𪜶繼續生存無斷絕。</verse>
				<verse number="7">關係 猶大 ，伊講： 願上主聽 猶大 的祈求， 導𪜶及別個支族重新聯合； 𪜶為家己交戰， 願你幫贊𪜶拍敗對敵。</verse>
				<verse number="8">關係 利未 ，伊講： 願上主將土明賜互 利未 ，將烏陵賜互對你忠誠的人； 你佇 瑪撒 考驗𪜶， 佇 米利巴 水泉及𪜶爭論。</verse>
				<verse number="9">𪜶忠誠遵行你的話， 堅守你的約， 超過看顧父母、 重視兄弟姊妹、 照顧子兒。</verse>
				<verse number="10">𪜶欲用你的規例教示 雅各 ， 用你的律法教示 以色列 ； 𪜶欲佇你的面前燒香敬拜， 佇祭壇獻歸隻牲生做燒化祭。</verse>
				<verse number="11">願上主賜福𪜶的產業， 接納𪜶的手所做的工作； 許個起來攻擊𪜶，怨恨𪜶的人， 願你拍斷𪜶的腰， 互𪜶𣍐當閣起來。</verse>
				<verse number="12">關係 便雅憫 ，伊講： 願上主互伊所疼的佇伊的身邊安然徛起； 上主歸日保護𪜶， 互𪜶佇伊的胸前享受安歇。</verse>
				<verse number="13">關係 約瑟 ，伊講： 願𪜶的土地得著上主賜福， 得著天頂的甘露， 地下的水泉；</verse>
				<verse number="14">願𪜶對日頭得著豐收， 對月娘收成土產，</verse>
				<verse number="15">對古早就有的山得著寶物， 對永遠徛在的山嶺得著寶貝；</verse>
				<verse number="16">願𪜶得著土地及出產的寶物， 以及臨在佇莿的上主的恩惠。 願諸個攏賜互 約瑟 ， 歸佇兄弟中受揀選做領袖的 約瑟 。</verse>
				<verse number="17">願伊親像頭上生的牛， 有大威嚴； 伊兩支角親像野牛的角， 將萬國觸到天邊海角； 此兩支角是 以法蓮 萬萬的精兵， 及 瑪拿西 千千的勇士。</verse>
				<verse number="18">關係 西布倫 ，伊講： 願 西布倫 歡喜出外； 願 以薩迦 快樂𫢶厝內。</verse>
				<verse number="19">𪜶欲召集萬族來山裡， 佇遐獻公義的祭； 𪜶欲吸收海裡豐富的資源， 及藏佇沙裡的寶貝。</verse>
				<verse number="20">關係 迦得 ，伊講： 著稱讚擴展 迦得 領土的上主！ 願 迦得 親像匿啲的獅母， 拆裂獵物的前腿及頭殼。</verse>
				<verse number="21">伊為家己選擇上好的土地， 是掌權者的份額； 伊及 以色列 的領袖做夥， 實行上主的公義， 執行上主為 以色列 所做的判斷。</verse>
				<verse number="22">關係 但 ，伊講： 但 是少壯的獅， 對 巴珊 跳出來。</verse>
				<verse number="23">關係 拿弗他利 ，伊講： 拿弗他利 ，你得著充足的恩惠， 得著上主滿滿的賜福； 願你得著西旁及南旁的地。</verse>
				<verse number="24">關係 亞設 ，伊講： 亞設 是上主上祝福的子兒； 願伊得著兄弟的歡喜， 橄欖油淹伊的腳目。</verse>
				<verse number="25">你城門的閂是鐵的、銅的； 你會久長享受太平。</verse>
				<verse number="26">以色列 啊，無一個會當及上帝比； 伊對天頂幫贊你， 伊坐雲顯出伊的榮光。</verse>
				<verse number="27">對古早就有的上帝是避難所， 伊的手永遠扶持你； 伊佇你的面前將對敵趕出去， 閣講：「給𪜶消滅！」</verse>
				<verse number="28">以色列 通享受太平， 雅各 的後代住佇出產五穀及新酒的地； 天嘛降落露水互伊。</verse>
				<verse number="29">以色列 ，你真有福氣！ 你是上主拯救的子民， 有叨一個民族親像你？ 伊是保護你的盾牌， 是你得勝的刀劍； 你欲征服對敵， 欲踏𪜶的尻脊骿。</verse>
			</chapter>
			<chapter number="34">
				<verse number="1">摩西 對 摩押 平原上 尼波山 ，到 耶利哥 對面的 比斯迦 山頂。上主將全地互伊看：對 基列 到 但 、</verse>
				<verse number="2">拿弗他利 地區、 以法蓮 及 瑪拿西 地區、 猶大 地區到 地中海 、</verse>
				<verse number="3">南旁的 尼革夫 ，及棕樹城 耶利哥 的平原，到 瑣珥 。</verse>
				<verse number="4">上主給伊講：「此個地是我對 亞伯拉罕 、 以撒 、 雅各 立誓，應允欲賞賜𪜶的後代的地。今，我互你親目看著此個地，毋拘你𣍐當入去遐。」</verse>
				<verse number="5">照上主所講，上主的僕人 摩西 死佇 摩押 地區。</verse>
				<verse number="6">上主將伊埋葬佇 摩押 地區， 伯‧比珥 對面的山谷；到今仔日無人知伊埋葬的所在。</verse>
				<verse number="7">摩西 死的時一百二十歲，目睭無花，精力無衰退。</verse>
				<verse number="8">以色列 人佇 摩押 平原為著 摩西 悲傷哀哭滿三十日。</verse>
				<verse number="9">嫩 的子 約書亞 得著智慧的神充滿，因為 摩西 曾給伊按手。 以色列 人順趁 約書亞 ，照上主命令 摩西 的話做。</verse>
				<verse number="10">後來，上主無閣佇 以色列 人的中間興起親像 摩西 的先知； 摩西 是上主面對面認識的。</verse>
				<verse number="11">上主差伊佇 埃及 地，對法老及攏總的人臣，以及 埃及 全地行真多神跡奇事；</verse>
				<verse number="12">閣佇 以色列 眾人的目睭前，互伊有大氣力做大閣通驚的事。</verse>
			</chapter>
		</book>
		<book number="6">
			<chapter number="1">
				<verse number="1">上主的僕人 摩西 死了後，上主對 摩西 的助手， 嫩 的子 約書亞 ，講：</verse>
				<verse number="2">「我的僕人 摩西 已經死；今你及所有的人民著準備好勢，過 約旦河 ，去我所欲賞賜 以色列 人的地。</verse>
				<verse number="3">照我對 摩西 的應允，恁的腳踏過的地，我攏欲賜互恁。</verse>
				<verse number="4">恁的領土欲對南旁的曠野到北旁的 黎巴嫩 ，對東旁的 大河 ，就是 幼發拉底河 ， 赫 人的全地，直到日落彼旁的 地中海 。</verse>
				<verse number="5">你一世人無人會當贏過你；我按怎及 摩西 同在，嘛欲按呢及你同在；我一定𣍐離開你，嘛𣍐放拺你。</verse>
				<verse number="6">你著勇敢壯膽，因為你欲導此個人民征服我對𪜶的祖先立誓欲賜互𪜶的地。</verse>
				<verse number="7">你一定著勇敢壯膽，遵行我的僕人 摩西 所命令你一切的律法，毋通偏左偏右。按呢，你無論去叨位攏會事事順利。</verse>
				<verse number="8">你著常常讀此個律法的冊，暝日亦讀亦想，互你遵行此本冊所記一切的話；按呢你的路就會平坦，事事亨通。</verse>
				<verse number="9">我命令你：著勇敢壯膽，毋通驚，毋通懍；因為你無論去叨位，上主 — 你的上帝一定及你同在。」</verse>
				<verse number="10">對按呢， 約書亞 命令人民的官長，</verse>
				<verse number="11">去營中逐所在吩咐人民，講：「著準備糧食，因為三日內，恁欲過 約旦河 ，入去承接上主 — 恁的上帝欲賜互恁的地。」</verse>
				<verse number="12">約書亞 吩咐 呂便 人、 迦得 人，及 瑪拿西 半支族的人，講：</verse>
				<verse number="13">「恁著會記得上主的僕人 摩西 命令恁的話：上主 — 恁的上帝欲將恁佇遮安穩徛起的地賞賜恁。</verse>
				<verse number="14">恁的某、囝仔，及恁的牲生，攏通住佇 約旦河 東旁， 摩西 分配互恁的地；毋拘恁中間所有強猛的勇士，攏著帶軍器，做恁同胞的先鋒過河，及𪜶做夥作戰，</verse>
				<verse number="15">直到上主互恁的同胞及恁像款，得著上主 — 恁的上帝賞賜𪜶安穩徛起的地。彼時恁才通倒來恁所得著做產業的地，就是上主的僕人 摩西 分配互恁佇 約旦河 東旁的地。」</verse>
				<verse number="16">𪜶應 約書亞 講：「你吩咐阮的，阮攏欲照按呢做；你派阮去叨位，阮攏欲去；</verse>
				<verse number="17">阮以前按怎順趁 摩西 ，嘛欲按呢順趁你。願上主 — 你的上帝及你同在，親像及 摩西 同在仝款。</verse>
				<verse number="18">無論什麼人違背你的命令，無欲順趁你的話，著互伊死。你一定著勇敢壯膽！」</verse>
			</chapter>
			<chapter number="2">
				<verse number="1">嫩 的子 約書亞 對 什亭 暗中派兩個偵探，給𪜶講：「恁去探查彼個地，特別是 耶利哥 。」𪜶就去，到一個娼妓 喇合 的厝，就歇佇遐。</verse>
				<verse number="2">有人去給 耶利哥 王通報講：「今暗有 以色列 人來探查咱此個地。」</verse>
				<verse number="3">耶利哥 王就派人去 喇合 遐，講：「許個來恁厝的人，你著給𪜶交出來；𪜶來是欲探查咱的土地。」</verse>
				<verse number="4">喇合 將彼兩個人藏起來，就應講：「確實有人來我遮，毋拘𪜶對叨位來，我毋知；</verse>
				<verse number="5">日暗欲關城門的時，𪜶出去，去叨位我嘛毋知。恁趕緊去趇，就會趇著。」</verse>
				<verse number="6">毋拘，婦仁人已經給彼兩個人導上厝頂，用排佇厝頂的麻稿給𪜶蓋啲。</verse>
				<verse number="7">許個人就對欲去 約旦河 彼條路趇𪜶，趇到渡口；趇𪜶的人一下出去，城門就關起來。</verse>
				<verse number="8">彼兩個人猶未去睏，婦仁人上厝頂去尋𪜶，</verse>
				<verse number="9">對𪜶講：「我知上主已經將此個地賞賜恁，阮及此所在的住民一下聽著恁，攏驚甲破膽。</verse>
				<verse number="10">因為阮有聽著恁出 埃及 的時，上主按怎為著恁互 紅海 的水焦去；閣恁按怎對付 約旦河 東旁兩個 亞摩利 王， 西宏 及 噩 ，給𪜶毀滅。</verse>
				<verse number="11">阮一下聽著諸個代誌就失膽，因為恁的緣故驚甲神不附體；因為上主 — 恁的上帝是天頂地下的上帝。</verse>
				<verse number="12">今，我有好款待恁，請恁指上主對我咒誓，欲好款待阮老父的家；閣互我一個確實的保證，</verse>
				<verse number="13">通保護我的老父老母，我的兄弟姊妹，及阮家族的性命，互阮免死。」</verse>
				<verse number="14">彼兩個人應伊講：「阮用阮的性命保證。你若無漏洩阮的行蹤，到上主將此個地賞賜阮的時，阮欲用真誠仁慈款待你。」</verse>
				<verse number="15">喇合 就用索仔給𪜶對窗仔縋落去；因為伊的厝起佇城牆，伊嘛住佇城牆頂。</verse>
				<verse number="16">伊對𪜶講：「恁著向山彼旁去，才免互追趇的人抵著；佇遐匿三日，聽候追趇的人倒來，才通倒轉去。」</verse>
				<verse number="17">彼兩個人對伊講：「阮一定會照你教阮咒誓的去做，毋拘你著照阮的話做。</verse>
				<verse number="18">阮來攻擊此所在的時，你著將此條朱紅色的索縛佇你給阮縋落去的窗仔，嘛著叫你的老父老母，兄弟姊妹，及你的家族攏聚集來你的厝內。</verse>
				<verse number="19">若有人對你的厝出去街路，互人刣死，是伊家己做得來的，無阮的責任；毋拘，佇你的厝內若有人互人刣死，此個罪就歸佇阮。</verse>
				<verse number="20">總是你若漏洩阮的行蹤，你教阮咒誓的就及阮無關係。」</verse>
				<verse number="21">喇合 答應𪜶，然後送𪜶離開。伊就用朱紅色的索縛佇窗仔。</verse>
				<verse number="22">彼兩個人去到山裡，佇遐匿三日，聽候追趇的人倒去；追趇的人沿路尋𪜶，嘛尋無。</verse>
				<verse number="23">彼兩個人落山，過河，到 嫩 的子 約書亞 遐，對伊報告𪜶所抵著一切的事。</verse>
				<verse number="24">𪜶閣對 約書亞 講：「上主真正將彼個地攏交佇咱的手；彼所在所有的住民，一下聽著咱，攏驚甲破膽。」</verse>
			</chapter>
			<chapter number="3">
				<verse number="1">隔日， 約書亞 透早起來，及所有的 以色列 人離開 什亭 ，來到 約旦 河邊；𪜶佇遐紮營，聽候過河。</verse>
				<verse number="2">過三日，官長到營中逐所在，</verse>
				<verse number="3">吩咐人民，講：「恁若看著 利未 人做祭司的扛上主 — 恁的上帝的約櫃，著起身離開恁的所在，隨佇約櫃的後面，</verse>
				<verse number="4">互恁知著行叨一條路，因為恁猶毋曾行此條路；毋拘恁及約櫃大約著離一公里遠，毋通倚傷近。」</verse>
				<verse number="5">約書亞 對人民講：「恁著給家己分別作聖，因為明仔載上主欲佇恁中間行奇事。」</verse>
				<verse number="6">約書亞 閣對祭司講：「恁扛約櫃起來，行佇人民的頭前。」𪜶就將約櫃扛起來，行佇人民的頭前。</verse>
				<verse number="7">上主對 約書亞 講：「對今仔日起，我欲互你得著所有 以色列 人的尊敬，互𪜶知我及你同在，親像以前及 摩西 同在仝款。</verse>
				<verse number="8">你著吩咐扛約櫃的祭司，講：『恁到 約旦 河邊的時，就停佇遐。』」</verse>
				<verse number="9">約書亞 對 以色列 人講：「恁徛進前，聽上主 — 恁的上帝的話。」</verse>
				<verse number="10">約書亞 閣講：「伊欲佇恁的頭前將 迦南 人、 赫 人、 希未 人、 比利洗 人、 革迦撒 人、 亞摩利 人、 耶布斯 人趕出去；按呢恁就會知永活的上帝佇恁中間。</verse>
				<verse number="11">全地的主的約櫃欲佇恁的頭前行入 約旦河 。</verse>
				<verse number="12">現在恁著對 以色列 支族中揀十二人，每支族一個。</verse>
				<verse number="13">扛全地的主 — 上主約櫃的祭司的腳一下踏著 約旦河 的水， 約旦河 上流的水會成做水牆，𣍐閣流落來。」</verse>
				<verse number="14">人民離開布棚，欲過 約旦河 的時，祭司扛約櫃行佇𪜶的頭前。</verse>
				<verse number="15">彼時是收成的期， 約旦河 的水常常流過溪岸。祭司扛約櫃來到 約旦河 ，𪜶的腳一下搵著水，</verse>
				<verse number="16">上流的水就無閣流落來，佇離真遠的 撒拉旦 附近的 亞當 城成做水牆；無閣有水流入 亞拉巴海 ，就是 鹽海 。人民就對 耶利哥 的對面過 約旦河 。</verse>
				<verse number="17">扛上主約櫃的祭司佇 約旦河 的焦地徛定定； 以色列 全體人民攏行焦地過 約旦河 。</verse>
			</chapter>
			<chapter number="4">
				<verse number="1">全體人民已經過 約旦河 ，上主吩咐 約書亞 ，講：</verse>
				<verse number="2">「著對人民的中間揀十二人，每支族一個人；</verse>
				<verse number="3">命令𪜶對 約旦 河中，祭司徛的所在，取十二塊石，帶過去，下佇恁今暝欲歇睏的所在。」</verse>
				<verse number="4">約書亞 就將伊對 以色列 人所選出彼十二人，每支族一個，攏召集倚來。</verse>
				<verse number="5">約書亞 給𪜶講：「恁去 約旦 河中，到上主 — 恁的上帝約櫃的頭前，照 以色列 支族的數目，逐個人取一塊石頭夯佇肩頭頂；</verse>
				<verse number="6">諸個石頭通佇恁中間做記號；將來恁的子孫若問恁：『諸個石頭對恁有什麼意思？』</verse>
				<verse number="7">恁通對𪜶講：『是因為以前 約旦河 的水佇上主的約櫃前截斷；約櫃過 約旦河 的時， 約旦河 的水無閣流；諸個石頭欲做 以色列 人永遠的記念。』」</verse>
				<verse number="8">以色列 人聽 約書亞 的命令，照 以色列 人支族的數目，對 約旦 河中取十二塊石頭。𪜶照上主對 約書亞 的吩咐，帶許個石頭過河，下佇𪜶歇睏的所在。</verse>
				<verse number="9">約書亞 另外用十二塊石頭疊佇 約旦 河中，佇扛約櫃的祭司徛啲的所在；到今仔日，許個石頭猶佇遐。</verse>
				<verse number="10">扛約櫃的祭司徛佇 約旦 河中，一直到上主通過 約書亞 對人民的命令攏完成，抵照 摩西 吩咐 約書亞 的話。 人民真緊過去。</verse>
				<verse number="11">全體人民一下過河，上主的約櫃及祭司就佇人民的面前過去。</verse>
				<verse number="12">呂便 人、 迦得 人、 瑪拿西 半支族的人，攏照 摩西 對𪜶講的話，帶軍器佇 以色列 人的頭前過去；</verse>
				<verse number="13">𪜶約略有四萬人帶軍器佇上主的面前過去，到 耶利哥 平原，準備好勢欲交戰。</verse>
				<verse number="14">彼日，上主互 以色列 眾人尊 約書亞 做大；伊一生受人民敬畏，親像𪜶敬畏 摩西 按呢。</verse>
				<verse number="15">上主吩咐 約書亞 ，講：</verse>
				<verse number="16">「你命令扛約櫃的祭司對 約旦河 起來。」</verse>
				<verse number="17">約書亞 就按呢命令祭司。</verse>
				<verse number="18">扛上主約櫃的祭司對 約旦河 起來；祭司的腳一下踏上岸， 約旦河 的水就回復原狀，親像以前漲滿雙旁岸。</verse>
				<verse number="19">正月初十， 以色列 人民對 約旦河 上來，佇 耶利哥 東旁的 吉甲 紮營。</verse>
				<verse number="20">約書亞 將𪜶對 約旦河 取來彼十二塊石頭，疊佇 吉甲 ，</verse>
				<verse number="21">然後對 以色列 人講：「將來恁的子孫若問𪜶的老父：『諸個石頭是什麼意思？』</verse>
				<verse number="22">彼時著互恁的子孫知，講：『 以色列 人曾行焦地，過此個 約旦河 。』</verse>
				<verse number="23">上主 — 恁的上帝佇恁的頭前互 約旦河 的水焦去，聽候恁過河，親像伊早前佇 紅海 做的一樣，就是互河佇阮的頭前焦去，聽候阮過來；</verse>
				<verse number="24">欲互全人類攏知，上主的手有大能力；嘛欲互恁永遠敬畏上主 — 恁的上帝。」</verse>
			</chapter>
			<chapter number="5">
				<verse number="1">約旦河 西旁的 亞摩利 諸王及倚 地中海 的 迦南 諸王，聽見上主佇 以色列 人的面前互 約旦河 的水焦去，閣聽候𪜶過去；諸個王的心攏因為 以色列 人的緣故驚甲神不附體。</verse>
				<verse number="2">彼時，上主對 約書亞 講：「你著用火石磨做刀，第二遍給 以色列 人行割禮。」</verse>
				<verse number="3">約書亞 就製造火石刀，佇 割禮山 給 以色列 人行割禮。</verse>
				<verse number="4">約書亞 給𪜶行割禮的原因是按呢：對 埃及 出來許個會交戰的查甫人攏死佇曠野的路裡，</verse>
				<verse number="5">𪜶攏有受割禮；毋拘出 埃及 以後佇曠野出世的人民攏猶未受割禮。</verse>
				<verse number="6">以色列 人佇曠野行四十年，出 埃及 的戰士因為無聽趁上主的話，攏受消滅；上主曾對𪜶宣誓，毋互𪜶看著上主對𪜶的列祖立誓欲賞賜𪜶的地，就是流奶及蜜的地。</verse>
				<verse number="7">𪜶的子孫，就是上主所興起新的一代，攏猶未受割禮，因為佇路裡無人給𪜶行割禮， 約書亞 才給𪜶行。</verse>
				<verse number="8">所有的 以色列 人攏受割禮了後，就留佇營內，聽候回復。</verse>
				<verse number="9">上主對 約書亞 講：「我今仔日已經除去恁佇 埃及 所受的見笑。」所以，彼所在就叫做 吉甲 ，到今仔日。</verse>
				<verse number="10">彼時， 以色列 人佇 吉甲 紮營；彼月十四暗，𪜶佇 耶利哥 平原守𨃟過節。</verse>
				<verse number="11">𨃟過節隔日，𪜶就食彼所在的土產，就是無酵餅及烘的五穀。</verse>
				<verse number="12">𪜶食彼所在的土產彼日起，嗎哪無閣降落； 以色列 人就無閣有嗎哪。彼年𪜶開始食 迦南 地的土產。</verse>
				<verse number="13">約書亞 接近 耶利哥 的時，忽然看著有一個人攑一支拔起來的刀，徛佇伊的對面； 約書亞 行進前，問伊講：「你是為阮此旁的，抑是為阮的對敵彼旁？」</verse>
				<verse number="14">伊應講：「攏毋是。我是上主軍隊的統帥。今我來啦！」 約書亞 就仆佇土腳拜伊，講：「我的主對你的僕人有什麼吩咐？」</verse>
				<verse number="15">上主軍隊的統帥對 約書亞 講：「將你腳裡的鞋褪起來，因為你徛的所在是聖的。」 約書亞 就照按呢做。</verse>
			</chapter>
			<chapter number="6">
				<verse number="1">耶利哥 的城門，因為 以色列 人的緣故關牢牢，無人出入。</verse>
				<verse number="2">上主對 約書亞 講：「你看，我已經將 耶利哥 及伊的王，伊強猛的勇士，攏交佇你的手。</verse>
				<verse number="3">恁所有的戰士著踅此個城，一日一遍，踅六日；</verse>
				<verse number="4">七個祭司著攑七支羊角的哨角行佇約櫃的頭前；到第七日，恁著踅城七遍，祭司嘛著歕哨角。</verse>
				<verse number="5">恁一下聽著哨角拖長的聲，所有的人著大聲喝，城牆就會倒甲平平平，逐個人攏著繼續進前，衝入城。」</verse>
				<verse number="6">嫩 的子 約書亞 召集祭司，對𪜶講：「恁著扛約櫃，七個祭司攑七支羊角的哨角，行佇上主約櫃的頭前。」</verse>
				<verse number="7">伊閣給人民講：「恁著進前去踅城，帶軍器的著行佇上主約櫃的頭前。」</verse>
				<verse number="8">約書亞 對人民講煞，七個祭司攑七支羊角的哨角，行佇上主的面前歕哨角；上主的約櫃隨佇𪜶的後面。</verse>
				<verse number="9">帶軍器的先鋒隊行佇歕哨角的祭司頭前，後隊隨約櫃行；祭司那行那歕哨角。</verse>
				<verse number="10">約書亞 命令人民，講：「恁毋通喝，毋通互人聽著恁的聲，連一句都毋通喝出嘴，聽候我吩咐恁喝的時，恁才通喝。」</verse>
				<verse number="11">按呢， 約書亞 互上主的約櫃踅城踅一輪；然後，𪜶倒來營地歇暝。</verse>
				<verse number="12">約書亞 透早起來，祭司閣扛上主的約櫃。</verse>
				<verse number="13">攑羊角的哨角的七個祭司，行佇上主約櫃的頭前歕哨角；帶軍器的先鋒隊行佇祭司的頭前，後隊隨佇上主約櫃的後面，祭司那行那歕哨角。</verse>
				<verse number="14">第二日𪜶嘛踅城踅一輪，然後倒來營地。六日攏按呢做。</verse>
				<verse number="15">第七日天昲光的時，𪜶就起來，照仝款的方式踅城，毋拘此日踅城踅七輪。</verse>
				<verse number="16">到第七遍，祭司歕哨角的時， 約書亞 對人民講：「著大聲喝，因為上主已經將此個城交互恁啦！</verse>
				<verse number="17">此個城及內面所有的，攏著完全毀滅獻互上主；只有娼妓 喇合 ，以及所有𫢶佇伊厝內的人，著留𪜶的性命；因為伊有藏咱派去的偵探。</verse>
				<verse number="18">恁著謹慎，毋通提應該毀滅的物，才免恁受咒詛；恁若提應該毀滅的物， 以色列 全營就會成做應該毀滅的，惹起災禍。</verse>
				<verse number="19">毋拘金、銀，以及銅及鐵的器具，攏著分別作聖歸互上主，收入上主的府庫。」</verse>
				<verse number="20">人民就大聲喝，祭司歕哨角。人民聽著哨角的聲，就閣較大聲喝，城牆就倒甲平平平，人民就衝入去，奪取彼個城。</verse>
				<verse number="21">人民將城內所有的，無論男婦老幼、牛、羊，及驢，全部用刀給𪜶消滅。</verse>
				<verse number="22">約書亞 給彼兩個探查彼個地的人講：「恁入去彼個娼妓的厝，照恁對伊咒誓的，導彼個婦仁人及所有屬伊的人出來。」</verse>
				<verse number="23">彼兩個做偵探的少年人就入去，導 喇合 及伊的老父老母、兄弟姊妹，以及所有屬伊的人出來。𪜶給 喇合 的親成攏導出來住佇 以色列 的營外。</verse>
				<verse number="24">以色列 人就用火燒彼個城及內面所有的；毋拘金、銀，以及銅及鐵的器具，攏收入佇上主厝內的府庫。</verse>
				<verse number="25">約書亞 保全娼妓 喇合 、伊的老父的家屬，及所有屬伊的人的性命。𪜶就住佇 以色列 人中間到今仔日，因為 喇合 有藏 約書亞 派來探查 耶利哥 的偵探。</verse>
				<verse number="26">彼時， 約書亞 咒誓警告講：「若有人重建 耶利哥 城，會受上主咒詛： 下地基的時，會死大子； 安城門的時，會死煞尾子。」</verse>
				<verse number="27">上主及 約書亞 同在； 約書亞 的名聲傳遍全地。</verse>
			</chapter>
			<chapter number="7">
				<verse number="1">以色列 人佇應該毀滅獻互上主的物有犯罪。 猶大 支族中， 謝拉 的曾孫， 撒底 的孫， 迦米 的子 亞干 提應該毀滅的物；上主就對 以色列 人發受氣。</verse>
				<verse number="2">約書亞 對 耶利哥 派人去 伯特利 東旁， 伯‧亞文 附近的 艾 城，吩咐𪜶，講：「恁去探查彼個地。」𪜶就去探查 艾 城。</verse>
				<verse number="3">𪜶倒來 約書亞 遐，對伊講：「毋免互所有的人民攏去，干焦兩三千人去拍 艾 城就好；毋免勞動所有的人民，因為遐的人真少。」</verse>
				<verse number="4">所以大約有三千人去攻打，毋拘煞互 艾 城的人拍敗。</verse>
				<verse number="5">艾 城的人對城門前追趇𪜶，到 示巴琳 落崎的所在拍死約略三十六個人。 以色列 人就攏驚甲神不附體。</verse>
				<verse number="6">約書亞 就拆裂衫；伊及 以色列 的長老佇上主約櫃的頭前仆佇土腳，閣用土粉糝頭殼，到下昏。</verse>
				<verse number="7">約書亞 講：「唉啊，至高的上主，你是按怎導諸個人民過 約旦河 ，將阮交互 亞摩利 人，互𪜶給阮消滅？阮寧可留𫢶 約旦河 彼旁。</verse>
				<verse number="8">主啊， 以色列 人既然佇對敵面前越轉身逃走，我猶有什麼話通講？</verse>
				<verse number="9">迦南 人及此所在的住民若聽著，一定會來包圍阮，給阮的名對地上除去；彼時你欲按怎維護你的大名？」</verse>
				<verse number="10">上主給 約書亞 講：「起來，你是按怎仆佇土腳？</verse>
				<verse number="11">以色列 人犯罪，違背我命令𪜶的約，提應該毀滅獻互我的物；𪜶偷提，欺騙，藏佇𪜶的器具內。</verse>
				<verse number="12">因為按呢， 以色列 人刣𣍐贏對敵；𪜶佇對敵的面前越轉身逃走，是因為𪜶成做應該毀滅的。恁若無將應該毀滅獻互我的物，對恁中間除去，我就無閣及恁同在。</verse>
				<verse number="13">起來！著互人民分別作聖，給𪜶講：『恁著家己分別作聖，為著明仔載準備。上主 — 以色列 的上帝按呢講： 以色列 人，恁中間有應該毀滅的物，若無交出來，恁一定𣍐當抵抗對敵。』</verse>
				<verse number="14">明仔早起，恁著照支族來我遮；上主互叨一個支族抽著籤，𪜶的宗族著一個一個來我遮；上主互叨一個宗族抽著籤，𪜶的家族著一個一個來我遮；上主互叨一個家族抽著籤，𪜶的查甫人著一個一個來我遮。</verse>
				<verse number="15">上主互伊抽著籤的人，就是有應該毀滅的物佇伊遐；伊及伊所有的攏著用火給𪜶燒滅，因為伊有違背上主的約，閣佇 以色列 中做愚戇的代誌。」</verse>
				<verse number="16">隔日， 約書亞 透早起來，互 以色列 人照支族來伊遐，抽著 猶大 支族；</verse>
				<verse number="17">就互 猶大 照宗族來伊遐，抽著 謝拉 的宗族；就互 謝拉 照家族來伊遐，抽著 撒底 的家族；</verse>
				<verse number="18">就互 撒底 家族的查甫人一個一個來伊遐，就抽著 亞干 ；伊是 猶大 支族 謝拉 的曾孫， 撒底 的孫， 迦米 的子。</verse>
				<verse number="19">約書亞 對 亞干 講：「我的子，我勸你著榮耀上主 — 以色列 的上帝，佇伊的面前認罪，將你所做的代誌給我講，毋通對我隱瞞。」</verse>
				<verse number="20">亞干 應 約書亞 講：「我實在有得罪上主 — 以色列 的上帝。我所做的事是按呢：</verse>
				<verse number="21">我佇搶來的財物中看著一領 巴比倫 的媠衫、兩公斤的銀、半公斤的金條；我貪著諸個物，就提來。現在許個物件埋佇我布棚內面的土腳，銀佇上下底。」</verse>
				<verse number="22">約書亞 就派人走去 亞干 的布棚；許個物件果然藏佇伊的布棚內，銀佇上下底。</verse>
				<verse number="23">𪜶就將許個物件對布棚提出來，帶來 約書亞 及 以色列 人民遐，下佇上主的面前。</verse>
				<verse number="24">約書亞 及 以色列 人民將 謝拉 的曾孫 亞干 ，及許個銀、彼領衫、金條，及伊的子、查某子、牛、驢、羊、布棚，及伊所有的，攏帶去 亞割 山谷 。</verse>
				<verse number="25">約書亞 講：「你哪會害阮抵著即呢大的災禍？今仔日上主嘛欲降災禍互你。」對按呢， 以色列 人民用石頭給 亞干 抌死，用火燒伊所有的，然後用石頭㧒佇彼頂面。</verse>
				<verse number="26">眾人佇 亞干 屍體的頂面疊一大堆石頭，到今仔日猶佇遐。對按呢，上主收回伊的大受氣。所以彼所在叫做 亞割 山谷，到今仔日。</verse>
			</chapter>
			<chapter number="8">
				<verse number="1">上主對 約書亞 講：「毋通驚，毋通懍。你起來，導攏總的戰士去攻擊 艾 城；我已經將 艾 城的王，及伊的人民、伊的城、伊的土地攏交互你啦。</verse>
				<verse number="2">你按怎對待 耶利哥 及伊的王，嘛著按呢對待 艾 城及伊的王；毋拘恁搶著的財物及牲生，通做恁的戰利品。你著派兵埋伏佇城的後面。」</verse>
				<verse number="3">對按呢， 約書亞 及全體的戰士攏起來，欲去攻取 艾 城。 約書亞 揀三萬個強猛的勇士，派𪜶暝時去，</verse>
				<verse number="4">吩咐𪜶，講：「恁著埋伏佇城的後面，毋通離城傷遠；攏著準備好勢。</verse>
				<verse number="5">我及我導的戰士欲向城進攻；𪜶會親像頂遍出來攻擊阮，彼時阮就欲佇𪜶的面前逃走。</verse>
				<verse number="6">𪜶會出來追趇阮，想講：『諸個人會親像頂遍佇阮的面前逃走。』所以阮欲佇𪜶的面前逃走，到阮引誘𪜶離開城。</verse>
				<verse number="7">彼時恁著對埋伏的所在起來，奪取彼個城，因為上主 — 恁的上帝會將此個城交佇恁的手。</verse>
				<verse number="8">恁佔領此個城了後，著用火燒城，照上主的話去做。注意，這是我的命令。」</verse>
				<verse number="9">約書亞 派𪜶去，𪜶就去埋伏佇 艾 城的西旁， 伯特利 及 艾 城的中間。彼暝， 約書亞 及戰士做夥佇軍營歇睏。</verse>
				<verse number="10">隔日， 約書亞 透早起來，點算戰士；伊及 以色列 的長老佇人民的頭前出發去 艾 城。</verse>
				<verse number="11">及伊做夥的戰士，攏逼近城的頭前，佇 艾 城的北旁紮營；佇伊及 艾 城的中間有隔一個山谷。</verse>
				<verse number="12">伊有揀大約五千人埋伏佇 艾 城的西旁， 伯特利 及 艾 城的中間。</verse>
				<verse number="13">約書亞 布置戰士，主力軍佇 艾 城的北旁，埋伏的兵佇城的西旁。彼暝 約書亞 進入山谷。</verse>
				<verse number="14">艾 城的王看著，伊及城內的人透早趕緊出發，出去到 亞拉巴 頭前的戰場，欲及 以色列 人交戰；毋拘王毋知佇城的後面有兵埋伏。</verse>
				<verse number="15">約書亞 及 以色列 的戰士佇𪜶的頭前假刣輸，對曠野的路逃走。</verse>
				<verse number="16">艾 城所有的人民攏召集倚來追趇𪜶。𪜶追趇 約書亞 ，就受引誘離開𪜶的城。</verse>
				<verse number="17">艾 城及 伯特利 城全部的人攏出去追趇 以色列 人；城門放開開，去追趇 以色列 人。</verse>
				<verse number="18">上主對 約書亞 講：「你伸出手裡的槍指 艾 城；我欲將伊交互你。」 約書亞 就伸出手裡的槍指彼個城。</verse>
				<verse number="19">伊一下伸手，埋伏的兵就對𪜶的所在隨時起來，入去佔領彼個城，隨時放火燒。</verse>
				<verse number="20">艾 城的人越頭一下看；看著城內火煙淐上天，就四界闖，毋知欲走去叨位。許個假輸走去曠野的 以色列 人，就翻頭來攻擊追趇𪜶。</verse>
				<verse number="21">約書亞 及 以色列 的戰士看著埋伏的兵已經取城，城內火煙淐上高，就反擊刣死 艾 城的人。</verse>
				<verse number="22">埋伏的兵嘛出來攻擊𪜶；𪜶受 以色列 人包圍，攏互 以色列 人刣死；無一個活啲，無一個逃走。</verse>
				<verse number="23">以色列 人活掠 艾 城的王，押伊去 約書亞 遐。</verse>
				<verse number="24">以色列 人佇田野，佇曠野刣死所有趇𪜶的 艾 城戰士；𪜶閣倒轉來 艾 城，用刀刣死城內的人。</verse>
				<verse number="25">彼日 艾 城所有的人攏互𪜶刣死，男女共一萬兩千人。</verse>
				<verse number="26">艾 城所有的人攏受剿滅， 約書亞 才收回伊攑槍的手。</verse>
				<verse number="27">以色列 人就照上主命令 約書亞 的話，將城內的牲生及財物，攏搶來做家己的戰利品。</verse>
				<verse number="28">約書亞 將 艾 城放火燒，互伊永遠做土堆，到今仔日猶荒廢。</verse>
				<verse number="29">伊閣將 艾 城的王吊佇樹頂，到黃昏；日落的時，伊下令，人才對樹頂收身屍落來，㧒佇城門口；佇彼頂面疊一大堆石頭，到今仔日猶留啲。</verse>
				<verse number="30">彼時， 約書亞 佇 以巴路山 ，為上主 — 以色列 的上帝起一座祭壇，</verse>
				<verse number="31">是照上主的僕人 摩西 對 以色列 人的命令，照 摩西 律法的冊記載的，用無經過鐵器拍過的歸粒石頭起的；𪜶佇此個壇頂獻燒化祭及平安祭互上主。</verse>
				<verse number="32">約書亞 佇 以色列 人的面前將 摩西 的律法抄寫佇石頭頂。</verse>
				<verse number="33">所有的 以色列 人，無論是本族人抑是外族人，攏及𪜶的長老、官長，以及審判官，徛佇約櫃的雙旁，面向扛上主約櫃的 利未 人做祭司的，一半面對 基利心山 ，一半面對 以巴路山 。 約書亞 照上主的僕人 摩西 以前所命令的，給 以色列 人民祝福。</verse>
				<verse number="34">然後， 約書亞 宣讀律法的冊所記載攏總祝福及咒詛的話。</verse>
				<verse number="35">摩西 所命令一切的話， 約書亞 佇 以色列 的全體會眾，及婦仁人、囝仔，以及𪜶中間的外族人的面前，無一句無讀。</verse>
			</chapter>
			<chapter number="9">
				<verse number="1">住佇 約旦河 西旁的山區、山埔，以及 地中海 沿岸到 黎巴嫩 地區的 赫 人、 亞摩利 人、 迦南 人、 比利洗 人、 希未 人、 耶布斯 人，諸個王一下聽著 以色列 人刣贏的消息，</verse>
				<verse number="2">就攏聚集，同心合意，欲及 約書亞 ，以及 以色列 人交戰。</verse>
				<verse number="3">基遍 的住民聽著 約書亞 按怎對待 耶利哥 及 艾 城，</verse>
				<verse number="4">就設計謀，假做使者，用驢仔載貯物件的舊布袋，及補過的舊酒袋；</verse>
				<verse number="5">穿補過的舊鞋及舊衫，帶焦閣碎碎的餅。</verse>
				<verse number="6">𪜶來到 吉甲 的營地見 約書亞 ，對伊及 以色列 人講：「阮是對真遠的所在來的；今請及阮立約。」</verse>
				<verse number="7">以色列 人對諸個 希未 人講：「恁可能是此所在的住民，阮哪會當及恁立約？」</verse>
				<verse number="8">基遍 人對 約書亞 講：「阮是你的奴僕。」 約書亞 問𪜶講：「恁是什麼人，是對叨位來的？」</verse>
				<verse number="9">𪜶對伊講：「你的奴僕對真遠的所在來；阮有聽見上主 — 你的上帝的名聲，就是伊佇 埃及 一切的所做，</verse>
				<verse number="10">以及伊佇 約旦河 東旁對 亞摩利 兩個王， 希實本 王 西宏 及住佇 亞斯他錄 的 巴珊 王 噩 ，一切的所做。</verse>
				<verse number="11">阮的領袖及阮遐的人攏給阮講：『恁著帶路中需要的食物去迎接 以色列 人，給𪜶講：阮是恁的奴僕，請及阮立約。』</verse>
				<verse number="12">阮出發欲來恁遮的時，帶出來的餅猶燒燒，毋拘今已經攏焦閣碎碎去啦；</verse>
				<verse number="13">因為路真遠，諸個酒袋，貯酒的時猶是新的，毋拘今已經破裂；阮的衫及鞋嘛攏舊去啦。」</verse>
				<verse number="14">以色列 人檢查𪜶的食物，無問上主。</verse>
				<verse number="15">約書亞 就及𪜶定和平條約，無刣𪜶；會眾的領袖嘛對𪜶咒誓。</verse>
				<verse number="16">以色列 人及𪜶立約了後，過三日，才知𪜶原來住佇附近。</verse>
				<verse number="17">以色列 人出發，第三日來到𪜶住的城；許個城就是 基遍 、 基非拉 、 比錄 、 基列‧耶琳 。</verse>
				<verse number="18">因為會眾的領袖已經指上主 — 以色列 的上帝對𪜶咒誓， 以色列 人就無給𪜶刣；因為按呢，民眾就不滿𪜶的領袖。</verse>
				<verse number="19">許個領袖對民眾講：「阮已經指上主 — 以色列 的上帝對𪜶咒誓，所以咱毋通給𪜶磕著。</verse>
				<verse number="20">咱著留𪜶的性命，才免咱因為違背咒誓，互上帝給咱刑罰。」</verse>
				<verse number="21">領袖閣對𪜶講：「著互𪜶活啲。」對按呢， 基遍 人就照領袖講的話，為著民眾破柴汲水。</verse>
				<verse number="22">約書亞 叫𪜶來，給𪜶講：「恁是按怎騙阮講『阮是對真遠的所在來的』？其實恁是此所在的住民。</verse>
				<verse number="23">所以恁著受上主責罰，恁中間不斷有人會做奴隸，為著阮上帝的厝做破柴汲水的。」</verse>
				<verse number="24">𪜶應 約書亞 講：「因為確實有人給你的奴僕講，上主 — 你的上帝有應允伊的僕人 摩西 ，欲將此個全地賞賜恁，閣佇恁的頭前剿滅此個地所有的住民；阮因為驚互恁刣死才按呢做。</verse>
				<verse number="25">今阮佇你的手頭；你通照你看做好，看做著的對待阮。」</verse>
				<verse number="26">約書亞 就按呢對待𪜶，救𪜶免互 以色列 人刣死。</verse>
				<verse number="27">對彼日起， 約書亞 就互𪜶佇上主所揀選的所在，為著民眾及祭壇破柴汲水，直到今仔日。</verse>
			</chapter>
			<chapter number="10">
				<verse number="1">耶路撒冷 王 亞多尼‧洗德 聽著 約書亞 攻取 艾 城，刣死 艾 城的王，給𪜶完全剿滅，親像以前對待 耶利哥 及伊的王像款；閣聽著 基遍 的住民及 以色列 人定和平條約，及𪜶徛起，</verse>
				<verse number="2">就真驚；因為 基遍 比 艾 城較大，親像一個京城，閣城內的人攏𠢕相刣。</verse>
				<verse number="3">耶路撒冷 王 亞多尼‧洗德 就派人去見 希伯崙 王 何咸 、 耶末 王 比蘭 、 拉吉 王 雅非亞 ，及 伊磯倫 王 底璧 ，講：</verse>
				<verse number="4">「請恁來援助我；咱鬥陣來去攻打 基遍 ，因為𪜶及 約書亞 以及 以色列 定和約。」</verse>
				<verse number="5">對按呢， 耶路撒冷 王、 希伯崙 王、 耶末 王、 拉吉 王、 伊磯倫 王，此五個 亞摩利 王攏導𪜶的軍隊，聚集紮營佇 基遍 的對面，欲進攻。</verse>
				<verse number="6">基遍 人就派人去 吉甲 營地見 約書亞 ，講：「你毋通勼手放拺你的奴僕；求你趕緊來解救阮，幫贊阮；因為住佇山區許個 亞摩利 王，攏聚集來欲攻擊阮。」</verse>
				<verse number="7">約書亞 就及伊所有的戰士，以及強猛的勇士，對 吉甲 出發。</verse>
				<verse number="8">上主對 約書亞 講：「毋免驚𪜶，因為我已經將𪜶交佇你的手；𪜶無一個人會當抵抗你。」</verse>
				<verse number="9">約書亞 對 吉甲 透暝上去，突擊 亞摩利 人。</verse>
				<verse number="10">上主互𪜶佇 以色列 人的面前起混亂， 以色列 人就佇 基遍 給𪜶大大拍敗，追趇𪜶到 伯‧和崙 上崎的路，給𪜶拍到 亞西加 及 瑪基大 。</verse>
				<verse number="11">𪜶佇 以色列 人的面前逃走；佇 伯‧和崙 落崎的所在，上主對天落大雹 拍𪜶，直到 亞西加 ，給𪜶拍死。許個互雹拍死的，比互 以色列 人用刀刣死的較多。</verse>
				<verse number="12">上主將 亞摩利 人交互 以色列 人彼日， 約書亞 佇 以色列 人的面前對上主講： 「日啊，著停佇 基遍 的頂面； 月啊，著停佇 亞雅崙 山谷。」</verse>
				<verse number="13">日頭就定定，月就無振動，直到 以色列 人拍敗𪜶的對敵。此個事有記載佇 雅煞珥記 。日頭停佇天的中央，無緊緊落去，大約有一日久。</verse>
				<verse number="14">彼一日上主聽人的祈禱，以前以後攏無閣親像按呢發生，是因為上主為 以色列 交戰。</verse>
				<verse number="15">約書亞 及 以色列 眾人倒來 吉甲 的營地。</verse>
				<verse number="16">彼五個王逃走，匿佇 瑪基大 的山洞內。</verse>
				<verse number="17">有人去給 約書亞 報告，講：「彼五個王已經尋著啦，攏匿佇 瑪基大 的山洞內。」</verse>
				<verse number="18">約書亞 講：「徙大塊石給洞口塞起來，派人𫢶遐顧守；</verse>
				<verse number="19">毋拘恁著繼續追趇恁的對敵，對後面給𪜶攻擊 ，毋通互𪜶入𪜶的城；因為上主 — 恁的上帝已經將𪜶交佇恁的手。」</verse>
				<verse number="20">約書亞 及 以色列 人給𪜶拍敗，給𪜶徹底消滅；只有賰一寡人走入去堅固的城；</verse>
				<verse number="21">以色列 眾人安全倒來 瑪基大 的營地，到 約書亞 遐。以後，無一個人敢出聲反對 以色列 人。</verse>
				<verse number="22">約書亞 講：「拍開洞口，給彼五個王掠出來我遮。」</verse>
				<verse number="23">𪜶就將彼五個王： 耶路撒冷 王、 希伯崙 王、 耶末 王、 拉吉 王、 伊磯倫 王，對洞內掠出來，帶去伊遐。</verse>
				<verse number="24">𪜶掠許個王出來到 約書亞 遐的時， 約書亞 叫 以色列 眾人來，對許個及伊做夥去的軍官講：「恁來頭前，腳踏諸個王的頷頸。」𪜶就來頭前，用腳踏佇許個王的頷頸。</verse>
				<verse number="25">約書亞 對𪜶講：「恁毋通驚，毋通懍。著勇敢壯膽，因為上主會親像按呢對待所有恁欲攻擊的對敵。」</verse>
				<verse number="26">後來 約書亞 刣死彼五個王，給𪜶吊佇五欉樹頂面到黃昏。</verse>
				<verse number="27">日落的時， 約書亞 出令，對樹頂給𪜶的身屍收落來，㧒佇𪜶匿的山洞，用幾若塊大塊石頭疊佇洞口。許個石頭到今仔日猶佇遐。</verse>
				<verse number="28">像彼日， 約書亞 攻取 瑪基大 ，用刀刣死城內所有的人及𪜶的王，連一個都無留啲。伊對待 瑪基大 的王，親像以前對待 耶利哥 王仝款。</verse>
				<verse number="29">約書亞 及 以色列 眾人對 瑪基大 去攻打 立拿 。</verse>
				<verse number="30">上主將此個城及伊的王交佇 以色列 人的手。 約書亞 用刀刣死彼個王及城內所有的住民，連一個都無留啲。伊對待 立拿 的王，親像以前對待 耶利哥 王仝款。</verse>
				<verse number="31">約書亞 及 以色列 眾人對 立拿 去 拉吉 ，紮營佇城的對面，欲攻打此個城。</verse>
				<verse number="32">上主將 拉吉 交佇 以色列 人的手；隔日𪜶攻取此個城，用刀刣死城內所有的住民，親像𪜶對待 立拿 仝款。</verse>
				<verse number="33">彼時， 基色 的王 何蘭 來欲援助 拉吉 ； 約書亞 就拍死伊及伊的人民，連一個都無留啲。</verse>
				<verse number="34">約書亞 及 以色列 眾人對 拉吉 去 伊磯倫 ，佇城的對面紮營，欲攻打此個城。</verse>
				<verse number="35">仝彼日，𪜶攻取此個城，用刀刣死城內所有的人，親像𪜶對待 拉吉 仝款。</verse>
				<verse number="36">約書亞 及 以色列 眾人對 伊磯倫 去攻打 希伯崙 。</verse>
				<verse number="37">𪜶攻取此個城，用刀刣死𪜶的王及城內的人，連一個都無留啲；閣攻取附近的城，剿滅𪜶所有的住民，親像𪜶對待 伊磯倫 仝款。</verse>
				<verse number="38">約書亞 及 以色列 眾人倒來攻打 底璧 。</verse>
				<verse number="39">𪜶攻取此個城，掠𪜶的王，閣攻取附近的城，用刀刣死城內所有的住民，連一個都無留啲，親像以前對待 希伯崙 及 立拿 仝款。</verse>
				<verse number="40">按呢， 約書亞 征服此個地區：山區、南旁的地、山埔、山坡地，以及此個地區的諸王；所有會喘氣的攏剿滅，連一個都無留啲，攏照上主 — 以色列 的上帝的命令。</verse>
				<verse number="41">對 加低斯‧巴尼亞 到 迦薩 、 歌珊 地區，以及 基遍 ，攏互 約書亞 征服。</verse>
				<verse number="42">許個王及𪜶的土地， 約書亞 佇一遍出征就攏給𪜶征服，因為上主 — 以色列 的上帝為 以色列 交戰。</verse>
				<verse number="43">約書亞 及 以色列 眾人就倒來 吉甲 的營地。</verse>
			</chapter>
			<chapter number="11">
				<verse number="1">夏瑣 王 耶賓 聽著此個代誌，就派人去見 瑪頓 王 約巴 、 伸崙 王，及 押煞 王；</verse>
				<verse number="2">閣到北旁的山區， 加利利湖 南旁的 亞拉巴 山谷、山埔，及西旁 多珥 的山地，見許個王。</verse>
				<verse number="3">伊閣去見 約旦河 東旁及西旁的 迦南 人，以及住佇山區的 亞摩利 人、 赫 人、 比利洗 人，及 耶布斯 人，以及 黑門 山腳 米斯巴 地的 希未 人。</verse>
				<verse number="4">諸個王及𪜶的軍兵攏出來，人額多甲親像海邊的沙；閣有真多戰馬及戰車。</verse>
				<verse number="5">𪜶攏來 米倫 溪邊聚集，做夥紮營，欲及 以色列 人交戰。</verse>
				<verse number="6">上主給 約書亞 講：「毋免驚𪜶。明仔載差不多此個時，我欲將𪜶攏交互 以色列 人，給𪜶刣死。你著斬斷𪜶的馬的腳筋，用火燒𪜶的戰車。」</verse>
				<verse number="7">約書亞 及攏總的戰士來到 米倫 溪邊，給𪜶突擊。</verse>
				<verse number="8">上主將𪜶交佇 以色列 人的手。 以色列 人攻擊𪜶，給𪜶趇到 西頓 大城，到 米斯利弗‧瑪音 ，直到東旁的 米斯巴 平原，刣死𪜶，連一個都無留啲。</verse>
				<verse number="9">約書亞 就照上主的命令對待𪜶，斬斷𪜶的馬的腳筋，用火燒𪜶的戰車。</verse>
				<verse number="10">後來， 約書亞 越轉來攻取 夏瑣 ，用刀刣死 夏瑣 的王；過去， 夏瑣 是諸個國的頭。</verse>
				<verse number="11">以色列 人用刀刣死彼城內的住民，徹底給𪜶剿滅；所有會喘氣的無留一個活啲，閣放火燒 夏瑣 。</verse>
				<verse number="12">約書亞 征服所有的城，掠𪜶的王，用刀刣死𪜶，徹底給𪜶剿滅，是照上主的僕人 摩西 所命令的。</verse>
				<verse number="13">許個起佇山崙仔頂的城， 夏瑣 以外， 以色列 人無給𪜶放火燒；只有 夏瑣 互 約書亞 燒去。</verse>
				<verse number="14">以色列 人對許個城搶的物及牲生，攏取做家己的；毋拘𪜶用刀刣死所有的人，會喘氣的連一個都無留啲。</verse>
				<verse number="15">上主按怎命令伊的僕人 摩西 ， 摩西 照按呢命令 約書亞 ， 約書亞 就照按呢做；上主命令 摩西 的， 約書亞 無一項無照按呢做。</verse>
				<verse number="16">按呢， 約書亞 佔領彼個地區，包括山區、南旁全地、 歌珊 全地及山埔、 亞拉巴 山谷、 以色列 的山地及平原；</verse>
				<verse number="17">對 西珥 的 哈拉山 ，上到 黑門 山腳 黎巴嫩 山谷的 巴力‧迦得 ，閣掠彼地區所有的王，給𪜶刣死。</verse>
				<verse number="18">約書亞 及諸個王交戰真久；</verse>
				<verse number="19">基遍 的 希未 人以外，無一個城及 以色列 人定和平條約，所以 以色列 人用武力佔領諸個地。</verse>
				<verse number="20">因為上主互許個城的人心硬，及 以色列 人交戰，互𪜶受剿滅，無受憐憫；照上主命令 摩西 的話，𪜶攏完全受消滅。</verse>
				<verse number="21">後來， 約書亞 消滅住佇 希伯崙 、 底璧 ，及 亞拿伯 山區，以及 猶大 及 以色列 山區的 亞衲 人； 約書亞 將𪜶及𪜶的城攏毀滅。</verse>
				<verse number="22">佇 以色列 人徛起的所在， 亞衲 族的人，連一個都無留啲，毋拘佇 迦薩 、 迦特 ，及 亞實突 猶有賰一寡。</verse>
				<verse number="23">按呢， 約書亞 征服彼個全地，抵照上主應允 摩西 的話；閣將彼個地分互 以色列 逐支族、逐宗族做家業。對按呢，全境太平，無閣有戰爭。</verse>
			</chapter>
			<chapter number="12">
				<verse number="1">佇 約旦河 東旁，對 亞嫩 山谷到 黑門山 及東旁的 亞拉巴 全地區， 以色列 人所拍敗的王及所攻取的地記佇下面：</verse>
				<verse number="2">一個是住佇 希實本 的 亞摩利 王 西宏 ，伊管轄的地區，對 亞嫩 山谷邊的 亞羅珥 ，及山谷中的城，以及 基列 的一半，直到 亞捫 人的邊界 雅博河 ；</verse>
				<verse number="3">閣包括東旁的 亞拉巴 到 加利利湖 ，向東經過 伯‧耶西末 的路，到 亞拉巴海 ，就是 鹽海 ；閣向南，直到 比斯迦 的山坡地下面。</verse>
				<verse number="4">閣有 巴珊 王 噩 ；伊是賰落來的 利乏音 人，住佇 亞斯他錄 及 以得來 。</verse>
				<verse number="5">伊管轄的地區是 黑門山 、 撒迦 、 巴珊 全地區，到 基述 人及 瑪迦 人的邊界，以及 基列 的一半，直到 希實本 王 西宏 的邊界。</verse>
				<verse number="6">此兩個王攏互上主的僕人 摩西 及 以色列 人拍敗。上主的僕人 摩西 將𪜶的地互 呂便 支族、 迦得 支族，及 瑪拿西 半支族做家業。</verse>
				<verse number="7">約書亞 及 以色列 人拍敗 約旦河 西旁的王，對 黎巴嫩 山谷的 巴力‧迦得 ，上到 西珥 的 哈拉山 。 約書亞 將彼個地照 以色列 逐支族應得的份額，分互𪜶做家業；</verse>
				<verse number="8">就是 赫 人、 亞摩利 人、 迦南 人、 比利洗 人、 希未 人、 耶布斯 人徛起的山區、山埔、 亞拉巴 、山坡地、曠野，及南旁的地。諸個王就是：</verse>
				<verse number="9">耶利哥 王、 伯特利 附近 艾 城的王、</verse>
				<verse number="10">耶路撒冷 王、 希伯崙 王、</verse>
				<verse number="11">耶末 王、 拉吉 王、</verse>
				<verse number="12">伊磯倫 王、 基色 王、</verse>
				<verse number="13">底璧 王、 基德 王、</verse>
				<verse number="14">何珥瑪 王、 亞拉得 王、</verse>
				<verse number="15">立拿 王、 亞杜蘭 王、</verse>
				<verse number="16">瑪基大 王、 伯特利 王、</verse>
				<verse number="17">他普亞 王、 希弗 王、</verse>
				<verse number="18">亞弗 王、 沙崙 王、</verse>
				<verse number="19">瑪頓 王、 夏瑣 王、</verse>
				<verse number="20">伸崙‧米崙 王、 押煞 王、</verse>
				<verse number="21">他納 王、 米吉多 王、</verse>
				<verse number="22">基低斯 王、 迦密 附近的 約念 王、</verse>
				<verse number="23">多珥 山頭的 多珥 王、 吉甲 的 戈印 王、</verse>
				<verse number="24">得撒 王，總共三十一個王。</verse>
			</chapter>
			<chapter number="13">
				<verse number="1">約書亞 已經真老，上主對伊講：「你已經年老，應該征服的地猶真多，</verse>
				<verse number="2">就是 非利士 人及 基述 人的全地區；</verse>
				<verse number="3">對 埃及 邊界的 西曷河 ，向北到 以革倫 的邊界，這原來是 迦南 人的地；佇遐有 非利士 人五個首領管轄的 迦薩 人、 亞實突 人、 亞實基倫 人、 迦特 人、 以革倫 人；閣有南旁屬 亞衛 族的人，</verse>
				<verse number="4">迦南 人的全地， 西頓 人的 米亞拉 ，到 亞弗 ，直到 亞摩利 人的邊界；</verse>
				<verse number="5">閣有 迦巴勒 人的地，以及 黎巴嫩 的東旁全地，對 黑門 山腳的 巴力‧迦得 ，直到 哈馬 隘口；</verse>
				<verse number="6">對 黎巴嫩山 到 米斯利弗‧瑪音 所有住佇山區的 西頓 人，我欲佇 以色列 人的面前給𪜶趕出去；你通照我的命令，將許個地抽籤分互 以色列 人做家業。</verse>
				<verse number="7">今你著將此個地分互其他九個支族及 瑪拿西 半支族做家業。」</verse>
				<verse number="8">上主的僕人 摩西 已經將 約旦河 東旁的土地分互 呂便 及 迦得 兩支族，以及 瑪拿西 半支族做家業。</verse>
				<verse number="9">諸個地就是對 亞嫩 山谷邊的 亞羅珥 ，及山谷中的城市，以及 米底巴 平原，直到 底本 ；</verse>
				<verse number="10">閣有佇 希實本 做王的 亞摩利 王 西宏 管轄的城市，直到 亞捫 人的交界；</verse>
				<verse number="11">閣有 基列 地區、 基述 人及 瑪迦 人的地區，及 黑門山 全部，以及 巴珊 全地區，直到 撒迦 ；</verse>
				<verse number="12">閣有佇 亞斯他錄 及 以得來 做王的 巴珊 王 噩 全國； 噩 是賰落來的 利乏音 人。諸個攏互 摩西 拍敗，趕出去。</verse>
				<verse number="13">毋拘 以色列 人無將 基述 人及 瑪迦 人趕出去；到今仔日𪜶猶住佇 以色列 人的中間。</verse>
				<verse number="14">摩西 無分家業互 利未 支族；照上主對 摩西 所講的，𪜶的家業就是 以色列 人用火燒獻互上主 — 𪜶的上帝的祭物。</verse>
				<verse number="15">摩西 照 呂便 支族的逐宗族分家業互𪜶。</verse>
				<verse number="16">𪜶的境界是 亞嫩 山谷邊的 亞羅珥 及山谷中的城市，以及 米底巴 附近全部的平原，</verse>
				<verse number="17">閣有 希實本 及所屬的平原許個城市， 底本 、 巴末‧巴力 、 伯‧巴力‧免 、</verse>
				<verse number="18">雅雜 、 基底莫 、 米法押 、</verse>
				<verse number="19">基列亭 、 西比瑪 ，及山谷中山崙仔的 細列‧沙轄 ，</verse>
				<verse number="20">伯‧比珥 、 比斯迦 的山坪、 伯‧耶西末 ；</verse>
				<verse number="21">閣有平原許個城，以及佇 希實本 做王的 亞摩利 王 西宏 的全國。 摩西 有將 西宏 及伊所管轄，住佇彼所在的 米甸 領袖， 以未 、 利金 、 蘇珥 、 戶珥 、 利巴 攏刣死。</verse>
				<verse number="22">以色列 人刣許個人的時，嘛用刀刣死 比珥 的子，卜卦的 巴蘭 。</verse>
				<verse number="23">呂便 支族的西旁用 約旦河 做邊界。以上的城市及庄社是 呂便 人照𪜶的宗族所得著的家業。</verse>
				<verse number="24">摩西 照 迦得 支族的逐宗族分家業互𪜶。</verse>
				<verse number="25">𪜶的境界是 雅謝 及 基列 所有的城市，及 亞捫 人一半的地區，到 拉巴 頭前的 亞羅珥 ，</verse>
				<verse number="26">對 希實本 到 拉末‧米斯巴 及 比多寧 ，閣對 瑪哈念 到 底璧 的邊界，</verse>
				<verse number="27">及 希實本 王 西宏 國內所賰山谷中的 伯‧哈蘭 、 伯‧寧拉 、 疏割 、 撒分 ，以及 約旦河 及河邊的地，直到 加利利湖 的南旁岸， 約旦河 東旁的地區。</verse>
				<verse number="28">以上的城市及庄社是 迦得 人照𪜶的宗族所得著的家業。</verse>
				<verse number="29">摩西 照 瑪拿西 半支族的逐宗族分家業互𪜶。</verse>
				<verse number="30">𪜶的境界是對 瑪哈念 起，包括 巴珊 王 噩 的全國，及 巴珊 、 睚珥 所有的庄社，總共六十個；</verse>
				<verse number="31">閣將 基列 的一半，以及 巴珊 王 噩 統治的 亞斯他錄 及 以得來 兩個城，分互 瑪拿西 的子 瑪吉 一半的子孫做家業。</verse>
				<verse number="32">以上是 摩西 佇 約旦河 東旁， 耶利哥 對面的 摩押 平原，分互兩個半支族的家業。</verse>
				<verse number="33">毋拘， 摩西 無分家業互 利未 支族，因為上主 — 以色列 的上帝是𪜶的家業，照上主所給𪜶講的。</verse>
			</chapter>
			<chapter number="14">
				<verse number="1">下面是 以色列 人佇 迦南 地，就是 約旦河 西旁，所得著的家業，是祭司 以利亞撒 及 嫩 的子 約書亞 ，以及 以色列 逐支族的族長，分互𪜶的。</verse>
				<verse number="2">𪜶照上主對 摩西 的命令，抽籤分配互九個支族閣半支族的土地。</verse>
				<verse number="3">摩西 佇 約旦河 東旁，已經將兩個支族閣半支族的家業分互𪜶，毋拘無分家業互 利未 人；</verse>
				<verse number="4">約瑟 的後代分做 瑪拿西 及 以法蓮 兩個支族。雖然 摩西 無將土地分互 利未 人做家業，毋拘互𪜶城鎮通住，草埔通飼牲生。</verse>
				<verse number="5">以色列 人照上主命令 摩西 的話分配彼個地。</verse>
				<verse number="6">有一日， 猶大 人來 吉甲 見 約書亞 ， 基尼洗 人 耶孚尼 的子 迦勒 對伊講：「上主佇 加低斯‧巴尼亞 ，對上帝重用的人 摩西 所講關係你及我的代誌，你攏知。</verse>
				<verse number="7">上主的僕人 摩西 對 加低斯‧巴尼亞 派我來探查此個地的時，我抵仔四十歲；我照我心內所確信的給伊報告。</verse>
				<verse number="8">毋拘及我做夥去探查的兄弟的報告互人民驚甲神不附體，只有我忠實信靠上主 — 我的上帝。</verse>
				<verse number="9">彼日， 摩西 咒誓講：『你的腳所踏的地，一定欲互你及你的後代做永遠的家業，因為你忠實信靠上主 — 我的上帝。』</verse>
				<verse number="10">對 以色列 人佇曠野飄流，上主給 摩西 講諸個話的時到今，已經過四十五年。你看，上主照伊的應允，互我猶活啲，現在我已經八十五歲啦。</verse>
				<verse number="11">今仔日我猶勇健，及 摩西 派我去探查的時仝款；無論是交戰，是出出入入，我的氣力彼時按怎，現在嘛按呢。</verse>
				<verse number="12">請你將上主彼日所應允的山區互我。彼日你嘛有聽著，佇遐有 亞衲 族的人，𪜶的城大閣堅固；若上主及我同在，照伊的應允，我就會給𪜶趕出去。」</verse>
				<verse number="13">約書亞 就給 耶孚尼 的子 迦勒 祝福，用 希伯崙 互伊做家業。</verse>
				<verse number="14">所以， 希伯崙 是 基尼洗 人 耶孚尼 的子 迦勒 的家業，直到今仔日；因為伊忠實信靠上主 — 以色列 的上帝。</verse>
				<verse number="15">希伯崙 以前叫做 基列‧亞巴 。 亞巴 是 亞衲 族上偉大的人。 對按呢，彼個地太平，無閣有戰爭。</verse>
			</chapter>
			<chapter number="15">
				<verse number="1">猶大 支族照𪜶的宗族抽籤得著的地區，是佇上南旁，順 以東 的邊界向南直到 尋 的曠野。</verse>
				<verse number="2">𪜶南旁的境界，是對 鹽海 上南旁，</verse>
				<verse number="3">迵到 亞克拉濱 山坪的南旁，經過 尋 ，到 加低斯‧巴尼亞 的南旁，閣過 希斯崙 ，上到 亞達珥 ，踅過 甲加 ，</verse>
				<verse number="4">經過 押捫 ，迵到 埃及 的溪谷，到 地中海 為止。這就是 猶大 支族南旁的邊界。</verse>
				<verse number="5">東旁的邊界是 鹽海 ，上到 約旦河 的出口。 北旁的邊界是對 約旦河 的出口開始，</verse>
				<verse number="6">上到 伯‧曷拉 ，經過 伯‧亞拉巴 的北旁，上到 波罕 的石磐 (波罕 是 呂便 的子)；</verse>
				<verse number="7">彼個邊界閣對 亞割 山谷上到 底璧 ，向北上去 亞都冥 山坪的對面，河的南旁的 吉甲 ；閣經過 隱‧示麥 的水泉，到 隱‧羅結 ；</verse>
				<verse number="8">此個邊界閣經過 欣嫩子 山谷，上到 耶布斯 山坡地的南旁 (耶布斯 就是 耶路撒冷)；彼個邊界閣上到 欣嫩 山谷西旁對面的山頂，就是 利乏音 山谷的上北旁；</verse>
				<verse number="9">彼個邊界閣對山頂到 尼弗多亞 的水泉，迵到 以弗崙山 許個城市，閣到 巴拉 (巴拉 就是 基列‧耶琳)；</verse>
				<verse number="10">彼個邊界閣對 巴拉 向西旁踅過 以東山 ，到 耶琳 山邊的北旁 (耶琳 就是 基撒崙)，閣落去到 伯‧示麥 ，經過 亭拿 ；</verse>
				<verse number="11">彼個邊界閣迵到 以革倫 山坪的北旁，續到 施基崙 ，經過 巴拉山 ，迵到 雅比聶 ，到 地中海 為止。</verse>
				<verse number="12">地中海 就是 猶大 支族西旁的邊界。 這是 猶大 人，照𪜶的宗族所得著的地四圍的邊界。</verse>
				<verse number="13">約書亞 照上主的命令，將 猶大 支族中一份的土地，就是 基列‧亞巴 ，互 耶孚尼 的子 迦勒 做家業； 基列‧亞巴 就是 希伯崙 。(亞巴 是 亞衲 族的祖先。)</verse>
				<verse number="14">迦勒 對遐趕出 亞衲 三個子， 示篩 、 亞希幔 ，及 達買 的後代。</verse>
				<verse number="15">閣對遐去攻擊 底璧 的住民。 底璧 以前叫做 基列‧西弗 。</verse>
				<verse number="16">迦勒 講：「什麼人攻取 基列‧西弗 ，我就將我的查某子 押撒 互伊作某。」</verse>
				<verse number="17">迦勒 的小弟 基納斯 的子 俄陀聶 攻取此個城， 迦勒 就將查某子 押撒 互伊作某。</verse>
				<verse number="18">押撒 出嫁彼日， 俄陀聶 叫伊 著給伊的老父討一坵園。 押撒 對驢仔落來； 迦勒 問伊講：「你欲愛什麼？」</verse>
				<verse number="19">押撒 講：「請你互我一份禮物。你有互我一塊南旁的焦地，請閣互我水泉。」 迦勒 就將頂下兩個水泉攏互伊。</verse>
				<verse number="20">下面是 猶大 支族逐個宗族所得著的產業：</verse>
				<verse number="21">猶大 支族上南旁倚近 以東 邊界的城鎮，有 甲薛 、 以得 、 雅姑珥 、</verse>
				<verse number="22">基拿 、 底摩拿 、 亞大達 、</verse>
				<verse number="23">基低斯 、 夏瑣 、 以提楠 、</verse>
				<verse number="24">西弗 、 提鍊 、 比亞綠 、</verse>
				<verse number="25">夏瑣‧哈大他 、 加略‧希斯崙 (就是 夏瑣)、</verse>
				<verse number="26">亞曼 、 示瑪 、 摩拉大 、</verse>
				<verse number="27">哈薩‧迦大 、 黑實門 、 伯‧帕列 、</verse>
				<verse number="28">哈薩‧書亞 、 別是巴 、 比斯約他 、</verse>
				<verse number="29">巴拉 、 以因 、 以森 、</verse>
				<verse number="30">伊勒多臘 、 基失 、 何珥瑪 、</verse>
				<verse number="31">洗革拉 、 麥瑪拿 、 三撒拿 、</verse>
				<verse number="32">利巴勿 、 實欣 、 亞因 、 臨門 ，共二十九座城，及附近的庄社。</verse>
				<verse number="33">佇山埔有 以實陶 、 瑣拉 、 亞實拿 、</verse>
				<verse number="34">撒挪亞 、 隱‧干寧 、 他普亞 、 以楠 、</verse>
				<verse number="35">耶末 、 亞杜蘭 、 梭哥 、 亞西加 、</verse>
				<verse number="36">沙拉音 、 亞底他音 、 基底拉 、 基底羅他音 ，共十四座城，及附近的庄社。</verse>
				<verse number="37">閣有 洗楠 、 哈大沙 、 麥大‧迦得 、</verse>
				<verse number="38">底連 、 米斯巴 、 約帖 、</verse>
				<verse number="39">拉吉 、 波斯加 、 伊磯倫 、</verse>
				<verse number="40">迦本 、 拉幔 、 基提利 、</verse>
				<verse number="41">基低羅 、 伯‧大袞 、 拿瑪 、 瑪基大 ，共十六座城，及附近的庄社。</verse>
				<verse number="42">閣有 立拿 、 以帖 、 亞珊 、</verse>
				<verse number="43">耶弗他 、 亞實拿 、 尼悉 、</verse>
				<verse number="44">基伊拉 、 亞革悉 、 瑪利沙 ，共九座城，及附近的庄社。</verse>
				<verse number="45">閣有 以革倫 以及周圍的鄉鎮及庄社，</verse>
				<verse number="46">以革倫 向西所有倚近 亞實突 的地區，及附近的庄社。</verse>
				<verse number="47">閣有 亞實突 及周圍的鄉鎮以及庄社， 迦薩 及周圍的鄉鎮以及庄社，直到 埃及 溪谷，及 地中海 ，以及沿海地區。</verse>
				<verse number="48">佇山區有 沙密 、 雅提珥 、 梭哥 、</verse>
				<verse number="49">大拿 、 基列‧薩拿 (就是 底璧)、</verse>
				<verse number="50">亞拿伯 、 以實提莫 、 亞念 、</verse>
				<verse number="51">歌珊 、 何崙 、 基羅 ，共十一座城，及附近的庄社。</verse>
				<verse number="52">閣有 亞拉 、 度瑪 、 以珊 、</verse>
				<verse number="53">雅農 、 伯‧他普亞 、 亞非加 、</verse>
				<verse number="54">宏他 、 基列‧亞巴 (就是 希伯崙)、 洗珥 ，共九座城，及附近的庄社。</verse>
				<verse number="55">閣有 瑪雲 、 迦密 、 西弗 、 淤他 、</verse>
				<verse number="56">耶斯列 、 約甸 、 撒挪亞 、</verse>
				<verse number="57">該隱 、 基比亞 、 亭拿 ，共十座城，及附近的庄社。</verse>
				<verse number="58">閣有 哈忽 、 伯‧夙 、 基多 、</verse>
				<verse number="59">瑪臘 、 伯‧亞諾 、 伊勒提君 ，共六座城，及附近的庄社。</verse>
				<verse number="60">閣有 基列‧巴力 (就是 基列‧耶琳)、 拉巴 ，共兩座城，及附近的庄社。</verse>
				<verse number="61">佇曠野有 伯‧亞拉巴 、 密丁 、 西迦迦 、</verse>
				<verse number="62">匿珊 、 鹽 城、 隱‧基底 ，共六座城，及附近的庄社。</verse>
				<verse number="63">住佇 耶路撒冷 的 耶布斯 人， 猶大 人無法度給𪜶趕出去； 耶布斯 人及 猶大 人做夥住佇 耶路撒冷 ，直到今仔日。</verse>
			</chapter>
			<chapter number="16">
				<verse number="1">約瑟 的後代抽籤所得著的地，是對倚近 耶利哥 的 約旦河 起，用 耶利哥 東旁的河水做邊界，向北經過曠野，直到 伯特利 的山區；</verse>
				<verse number="2">閣對 伯特利 到 路斯 ，經過 亞基 人的境界，到 亞他錄 ；</verse>
				<verse number="3">閣向西落去到 押利提 人的境界，經過 下‧伯‧和崙 的境界，到 基色 ，迵到 地中海 為止。</verse>
				<verse number="4">諸個就是 約瑟 的後代 瑪拿西 及 以法蓮 所得著的家業。</verse>
				<verse number="5">下面是 以法蓮 的後代照𪜶的宗族所得著土地的邊界：東旁對 亞他錄‧亞達珥 到 頂‧伯‧和崙 ；</verse>
				<verse number="6">此個邊界向西迵到 地中海 。北旁對 密米他 向東踅到 他納‧示羅 ，經過 亞挪 的東旁，</verse>
				<verse number="7">對 亞挪 向南落去到 亞他錄 ，閣到 拿拉 ，迵到 耶利哥 ，直到 約旦河 為止。</verse>
				<verse number="8">此個邊界對 他普亞 向西，順 加拿溪 ，迵到 地中海 為止。這就是 以法蓮 支族，照𪜶的宗族得著的家業。</verse>
				<verse number="9">另外佇 瑪拿西 人的境內，將幾個城及附近的庄社分互 以法蓮 人。</verse>
				<verse number="10">以法蓮 人無法度將住佇 基色 的 迦南 人趕出去； 迦南 人住佇 以法蓮 人的中間做苦工服事𪜶，直到今仔日。</verse>
			</chapter>
			<chapter number="17">
				<verse number="1">下面是 約瑟 的大子 瑪拿西 的後代抽籤得著的家業： 瑪吉 是 瑪拿西 的大子， 基列 的開拓者； 瑪吉 是勇士，得著 基列 及 巴珊 。</verse>
				<verse number="2">約瑟 的子 瑪拿西 其他的後生，就是 亞比以謝 、 希勒 、 亞斯烈 、 示劍 、 希弗 、 示米大 ，𪜶的子孫照宗族嘛抽籤得著土地。</verse>
				<verse number="3">瑪拿西 的元孫， 瑪吉 的曾孫， 基列 的孫， 希弗 的子 西羅非哈 無子，只有查某子，就是 瑪拉 、 挪阿 、 曷拉 、 蜜迦 ，及 得撒 。</verse>
				<verse number="4">𪜶來到祭司 以利亞撒 及 嫩 的子 約書亞 ，以及眾領袖的面前，講：「上主有命令 摩西 ，著互阮及阮的親族像款分著家業。」 約書亞 就照上主的命令，互𪜶及𪜶的阿伯阿叔仝款分著家業。</verse>
				<verse number="5">佇 約旦河 東旁的 基列 及 巴珊 地區以外， 瑪拿西 閣抽籤得著十份的家業，</verse>
				<verse number="6">因為 瑪拿西 許個查某孫，佇伊的子孫中得著家業。 基列 地分互 瑪拿西 其他的後代。</verse>
				<verse number="7">瑪拿西 的地界，對 亞設 起，到 示劍 東旁的 密米他 ，向南到 隱‧他普亞 的住民遐。</verse>
				<verse number="8">他普亞 地區歸 瑪拿西 ；毋拘 瑪拿西 邊界的 他普亞 城屬 以法蓮 的後代。</verse>
				<verse number="9">此個地界對遐落去到 加拿溪 ；溪南旁的城鎮雖然佇 瑪拿西 境內，毋拘屬 以法蓮 ； 瑪拿西 的地界順 加拿溪 的北旁，迵到 地中海 為止。</verse>
				<verse number="10">以法蓮 佇南旁， 瑪拿西 佇北旁； 地中海 是𪜶西旁的地界； 亞設 佇西北旁， 以薩迦 佇東北旁。</verse>
				<verse number="11">瑪拿西 佇 以薩迦 及 亞設 的境內有 伯‧善 、 以伯蓮 ，及 多珥 ，以及𪜶附近的庄社；閣有 隱‧多珥 、 他納 、 米吉多 此三區，以及𪜶的住民及附近的庄社。</verse>
				<verse number="12">毋拘 瑪拿西 人無法度將許個城的住民趕出去； 迦南 人堅持欲住佇遐。</verse>
				<verse number="13">以色列 人強盛的時，就互 迦南 人做苦工，無攏將𪜶趕出去。</verse>
				<verse number="14">約瑟 的子孫對 約書亞 講：「上主有賜福阮，互阮成做大族，你哪干焦互阮抽一支籤，分一份做家業？」</verse>
				<verse number="15">約書亞 應𪜶講：「恁若人多，嫌 以法蓮 山區傷狹，恁通去 比利洗 人及 利乏音 人地區的樹林開墾。」</verse>
				<verse number="16">約瑟 的後代講：「彼個山區無夠阮住；閣住佇 伯‧善 及附近的庄社，以及 耶斯列 山谷的 迦南 人攏有鐵的戰車。」</verse>
				<verse number="17">約書亞 對 約瑟 家，就是 以法蓮 人及 瑪拿西 人，講：「恁人多閣強盛，應該毋若一支籤的份互恁。</verse>
				<verse number="18">歸個山區攏是恁的；彼個地區雖然有樹林，恁通開墾，到邊界就攏屬恁。 迦南 人雖然有鐵的戰車，閣強盛，恁嘛會當給𪜶趕出去。」</verse>
			</chapter>
			<chapter number="18">
				<verse number="1">以色列 人已經征服全地，全體會眾就來 示羅 聚集，佇遐設立會幕。</verse>
				<verse number="2">以色列 人的中間有七個支族猶未分著𪜶的家業。</verse>
				<verse number="3">約書亞 就對 以色列 人講：「上主 — 恁列祖的上帝已經有賞賜恁土地，恁欲拖延到底時才去攻取？</verse>
				<verse number="4">恁逐支族著揀三個人，我欲派𪜶行透全地；照逐支族應得的土地畫做地圖，才倒來我遮。</verse>
				<verse number="5">𪜶著將全地分做七份； 猶大 猶原住佇南旁的境內， 約瑟 家住佇北旁的境內。</verse>
				<verse number="6">恁將彼七份土地完成製圖了後，提來我遮，我欲佇上主 — 咱的上帝面前為著恁抽籤。</verse>
				<verse number="7">利未 人佇恁中間無分土地，因為做祭司服事上主就是𪜶的家業。 迦得 、 呂便 ，及 瑪拿西 半支族，上主的僕人 摩西 已經將 約旦河 東旁的土地分互𪜶做家業。」</verse>
				<verse number="8">許個人欲出發的時， 約書亞 命令𪜶，講：「恁去行透全地，畫做地圖了後，閣倒轉來我遮；我欲佇 示羅 ，佇上主面前為著恁抽籤。」</verse>
				<verse number="9">𪜶就去，行透全地，畫做地圖，將城鎮分做七份，記佇冊裡，倒轉來 示羅 營中，交互 約書亞 。</verse>
				<verse number="10">約書亞 就佇 示羅 上主的面前，為著𪜶抽籤；佇遐，照 以色列 人的宗族分土地互𪜶。</verse>
				<verse number="11">便雅憫 支族照𪜶的宗族抽籤得著的地，是佇 猶大 子孫及 約瑟 子孫的中間。</verse>
				<verse number="12">𪜶北旁的地界，對 約旦河 起，向北到 耶利哥 附近，閣向西𨃟過山，直直到 伯‧亞文 的曠野；</verse>
				<verse number="13">閣對遐向南經過 路斯 附近 (路斯 就是 伯特利)，閣落去 亞他錄‧亞達珥 ，到倚近 下‧伯‧和崙 南旁的山。</verse>
				<verse number="14">此個邊界對遐向西伸去，閣斡落南，對 伯‧和崙 頭前南旁的山，直到 猶大 人的城 基列‧巴力 (就是 基列‧耶琳)。這是𪜶西旁的邊界。</verse>
				<verse number="15">南旁對 基列‧耶琳 的邊界起，到 尼弗多亞 的水泉，</verse>
				<verse number="16">閣落去到 欣嫩子 山谷對面的山腳，就是 利乏音 山谷的北旁；閣對遐經過 欣嫩 山谷， 耶布斯 (就是 耶路撒冷) 的南旁，落去到 隱‧羅結 ；</verse>
				<verse number="17">閣向北經過 隱‧示麥 ，出去到 亞都冥 山坪對面的 基利綠 ，閣落去到 波罕 的石磐 (波罕 是 呂便 的子)。</verse>
				<verse number="18">閣向北經過 亞拉巴 的邊界，落去到 亞拉巴 ，</verse>
				<verse number="19">閣經過 伯‧曷拉 北旁的交界，直直到 鹽海 北旁的海灣，就是 約旦河 南旁的河口。這是 便雅憫 南旁的邊界；</verse>
				<verse number="20">東旁的邊界到 約旦河 。這是 便雅憫 人照𪜶的宗族，順四圍的邊界分著的家業。</verse>
				<verse number="21">便雅憫 支族照𪜶的宗族分著的城，就是 耶利哥 、 伯‧曷拉 、 伊麥‧基悉 、</verse>
				<verse number="22">伯‧亞拉巴 、 洗瑪臉 、 伯特利 、</verse>
				<verse number="23">亞衛 、 巴拉 、 俄弗拉 、</verse>
				<verse number="24">基法‧阿摩尼 、 俄弗尼 ，及 迦巴 ，共十二座城及附近的庄社。</verse>
				<verse number="25">閣有 基遍 、 拉瑪 、 比錄 、</verse>
				<verse number="26">米斯巴 、 基非拉 、 摩撒 、</verse>
				<verse number="27">利金 、 伊利比勒 、 他拉拉 、</verse>
				<verse number="28">洗拉 、 以利弗 、 耶布斯 (就是 耶路撒冷)、 基比亞 ，及 基列 ，共十四座城及附近的庄社。這是 便雅憫 人照𪜶的宗族分著的家業。</verse>
			</chapter>
			<chapter number="19">
				<verse number="1">西緬 支族照𪜶的宗族抽著第二籤，𪜶的家業是佇 猶大 支族的家業境內。</verse>
				<verse number="2">𪜶得著的家業就是： 別是巴 (抑是 示巴)、 摩拉大 、</verse>
				<verse number="3">哈薩‧書亞 、 巴拉 、 以森 、</verse>
				<verse number="4">伊勒多臘 、 比土力 、 何珥瑪 、</verse>
				<verse number="5">洗革拉 、 伯‧瑪加博 、 哈薩‧蘇撒 、</verse>
				<verse number="6">伯‧利巴勿 、 沙魯險 ，共十三座城及附近的庄社；</verse>
				<verse number="7">閣有 亞因 、 臨門 、 以帖 、 亞珊 ，共四座城及附近的庄社；</verse>
				<verse number="8">以及諸個城四圍一切的庄社，直到 巴拉‧比珥 ，就是南旁的 拉末 。這是 西緬 支族照𪜶的宗族得著的家業。</verse>
				<verse number="9">西緬 人的家業是對 猶大 人的家業分出來的；因為 猶大 人分著的家業傷多，所以 西緬 人佇 猶大 人的家業中得著家業。</verse>
				<verse number="10">西布倫 支族照𪜶的宗族抽著第三籤。𪜶的家業的邊界是對 撒立 ，</verse>
				<verse number="11">向西到 瑪拉拉 ，經過 大巴設 ，迵到 約念 東旁的溪；</verse>
				<verse number="12">閣對 撒立 向東，向日出的方向，到 吉斯綠‧他泊 的交界；閣迵到 大比拉 ，上到 雅非亞 。</verse>
				<verse number="13">對遐閣向東去到 迦特‧希弗 ，閣經過 以特‧加汛 ，出去 臨門 ，斡去到 尼亞 。</verse>
				<verse number="14">彼個邊界對 尼亞 閣向北旁踅過 哈拿頓 ，迵到 耶弗他‧伊勒 的山谷為止；</verse>
				<verse number="15">猶有 加他 、 拿哈拉 、 伸崙 、 以大拉 ，及 伯利恆 ，共十二座城及附近的庄社。</verse>
				<verse number="16">諸個城及附近的庄社，就是 西布倫 人照𪜶的宗族得著的家業。</verse>
				<verse number="17">以薩迦 支族照𪜶的宗族抽著第四籤。</verse>
				<verse number="18">𪜶的地界包括 耶斯列 、 基蘇律 、 書念 、</verse>
				<verse number="19">哈弗連 、 示按 、 亞拿哈拉 、</verse>
				<verse number="20">拉璧 、 基善 、 亞別 、</verse>
				<verse number="21">利篾 、 隱‧干寧 、 隱‧哈大 ，及 伯‧帕薛 ；</verse>
				<verse number="22">彼個邊界到 他泊 、 沙哈洗瑪 、 伯‧示麥 ；𪜶的邊界到 約旦河 為止，共十六座城及附近的庄社。</verse>
				<verse number="23">諸個城及附近的庄社，就是 以薩迦 支族照𪜶的宗族得著的家業。</verse>
				<verse number="24">亞設 支族照𪜶的宗族抽著第五籤。</verse>
				<verse number="25">𪜶的地界是 黑甲 、 哈利 、 比田 、 押煞 、</verse>
				<verse number="26">亞拉米勒 、 亞末 ，及 米沙勒 ；向西經過 迦密 ，到 西曷‧立納 ；</verse>
				<verse number="27">向東經過 伯‧大袞 ，迵到 西布倫 ；向北經過 耶弗他‧伊勒 山谷，到 伯‧以墨 及 尼業 ，迵到 迦步勒 的北旁，</verse>
				<verse number="28">閣到 義伯崙 、 利合 、 哈們 、 加拿 ，直到 西頓 大城。</verse>
				<verse number="29">彼個邊界斡對 拉瑪 ，及堅固的城 泰爾 ，閣踅過 何薩 ；到 瑪黑拉 、 亞革悉 地區，直到 地中海 為止。</verse>
				<verse number="30">閣有 烏瑪 、 亞弗 、 利合 ，共二十二座城及附近的庄社。</verse>
				<verse number="31">諸個城及附近的庄社，就是 亞設 支族照𪜶的宗族得著的家業。</verse>
				<verse number="32">拿弗他利 支族照𪜶的宗族抽著第六籤。</verse>
				<verse number="33">𪜶的邊界對 希利弗 ，經過 撒拿音 的橡樹、 亞大米‧尼吉 ，及 雅比聶 ，直到 拉共 ，迵到 約旦河 ；</verse>
				<verse number="34">向西，經過 亞斯納‧他泊 ，迵到 戶割 ；南旁到 西布倫 ，西旁到 亞設 ，東旁到 約旦河 。</verse>
				<verse number="35">堅固的城有 西丁 、 側耳 、 哈末 、 拉甲 、 基尼烈 ；</verse>
				<verse number="36">亞大瑪 、 拉瑪 、 夏瑣 ；</verse>
				<verse number="37">基低斯 、 以得來 、 隱‧夏瑣 ；</verse>
				<verse number="38">以利穩 、 密大‧伊勒 、 和璉 、 伯‧亞納 ，及 伯‧示麥 ，共十九座城及附近的庄社。</verse>
				<verse number="39">諸個城及附近的庄社，就是 拿弗他利 支族照𪜶的宗族得著的家業。</verse>
				<verse number="40">但 支族照𪜶的宗族抽著第七籤。</verse>
				<verse number="41">𪜶分著的家業包括 瑣拉 、 以實陶 、 伊珥‧示麥 、</verse>
				<verse number="42">沙拉賓 、 亞雅崙 、 伊提拉 、</verse>
				<verse number="43">以倫 、 亭拿 、 以革倫 、</verse>
				<verse number="44">伊利提基 、 基比頓 、 巴拉 、</verse>
				<verse number="45">伊胡得 、 比尼‧比拉 、 迦特‧臨門 、</verse>
				<verse number="46">美‧耶昆 、 拉昆 ，及 約帕 對面的地區。</verse>
				<verse number="47">當 但 的後代失去𪜶的土地的時，就去攻打 利善 ，用刀刣城內的人。𪜶佔領彼個城，住佇遐，用𪜶祖先的名叫 利善 做 但 。</verse>
				<verse number="48">諸個城及附近的庄社，就是 但 支族照𪜶的宗族得著的家業。</verse>
				<verse number="49">以色列 人照地界分配土地完成了後，就將𪜶中間的一塊地互 嫩 的子 約書亞 做家業。</verse>
				<verse number="50">𪜶照上主的命令，將 約書亞 所要求的城互伊，就是 以法蓮 山區的 亭拿‧西拉 ；伊就起造彼個城，住佇遐。</verse>
				<verse number="51">以上諸個就是祭司 以利亞撒 ，及 嫩 的子 約書亞 ，以及 以色列 逐支族的族長，佇 示羅 會幕門口，上主的面前，抽籤分互逐支族的家業。按呢，𪜶就完成土地的分配。</verse>
			</chapter>
			<chapter number="20">
				<verse number="1">上主吩咐 約書亞 講：</verse>
				<verse number="2">「著命令 以色列 人，照我通過 摩西 給恁講的，為恁家己設立避難城，</verse>
				<verse number="3">互無意中誤殺人的通走去遐。許個城通做恁閃避報冤仇的人的所在。</verse>
				<verse number="4">誤殺人的通走去許個城，徛佇城門口，將伊的事情講互彼個城的長老聽；𪜶就通接伊入城，互伊一個所在，住佇𪜶中間。</verse>
				<verse number="5">報冤仇的人若趇到彼個城，城內的人𣍐用得將刣死人的交出去；因為伊是無意中刣死人，及死去的人無冤仇。</verse>
				<verse number="6">伊著住佇彼個城，佇會眾的面前受審判。到彼時的大祭司死，伊才通倒去伊走出來的本城本家。」</verse>
				<verse number="7">𪜶就決定設立避難城佇 拿弗他利 山區 加利利 的 基低斯 ，及佇 以法蓮 山區的 示劍 ，以及佇 猶大 山區的 基列‧亞巴 ，就是 希伯崙 。</verse>
				<verse number="8">閣佇 約旦河 東旁設立避難城，佇 耶利哥 東旁屬 呂便 支族的曠野平原的 比悉 ，及屬 迦得 支族 基列 的 拉末 ，以及屬 瑪拿西 支族 巴珊 的 戈蘭 。</verse>
				<verse number="9">諸個是為著 以色列 眾人，及住佇𪜶中間的外族人設立的避難城，互無意中誤殺人的攏通走去遐，免互報冤仇的人刣死，聽候伊公開受審判。</verse>
			</chapter>
			<chapter number="21">
				<verse number="1">利未 人的族長來見祭司 以利亞撒 ，及 嫩 的子 約書亞 ，以及 以色列 逐支族的族長，</verse>
				<verse number="2">佇 迦南 地的 示羅 對𪜶講：「以前上主有命令 摩西 ，著互阮有城通住，有草埔通飼牲生。」</verse>
				<verse number="3">以色列 人就照上主的命令，對家己的家業將下面所記諸個城鎮及𪜶附近的草埔，互 利未 人。</verse>
				<verse number="4">利未 支族的 哥轄 宗族抽著頭一支籤；祭司 亞倫 的後代對 猶大 支族、 西緬 支族，及 便雅憫 支族得著十三座城。</verse>
				<verse number="5">哥轄 其他的後代對 以法蓮 支族、 但 支族，及 瑪拿西 半支族，抽著十座城。</verse>
				<verse number="6">革順 宗族對 以薩迦 、 亞設 、 拿弗他利 三個支族，及佇 巴珊 的 瑪拿西 半支族分著十三座城。</verse>
				<verse number="7">米拉利 的後代照𪜶的宗族，對 呂便 、 迦得 、 西布倫 三個支族，得著十二座城。</verse>
				<verse number="8">以色列 人照上主通過 摩西 所命令的，將諸個城鎮及𪜶附近的草埔，抽籤分互 利未 人。</verse>
				<verse number="9">以色列 人對 猶大 支族、 西緬 支族，將下面諸個城鎮</verse>
				<verse number="10">分互 利未 支族、 哥轄 宗族、 亞倫 的後代，因為𪜶抽著第一籤；</verse>
				<verse number="11">𪜶得著的城鎮有 猶大 山區的 基列‧亞巴 (現在叫做 希伯崙)，及附近的草埔； 亞巴 是 亞衲 族的祖先。</verse>
				<verse number="12">毋拘彼個城的田園及庄社，已經分互 耶孚尼 的子 迦勒 做家業。</verse>
				<verse number="13">祭司 亞倫 的後代閣分著為誤殺人的設的避難城 希伯崙 ，以及 立拿 、</verse>
				<verse number="14">雅提珥 、 以實提莫 、</verse>
				<verse number="15">何崙 、 底璧 、</verse>
				<verse number="16">亞因 、 淤他 、 伯‧示麥 共九座 猶大 及 西緬 兩支族的城鎮，及𪜶附近的草埔；</verse>
				<verse number="17">閣對 便雅憫 支族的地區分著 基遍 、 迦巴 、</verse>
				<verse number="18">亞拿突 、 亞勒們 共四座城鎮，及𪜶附近的草埔。</verse>
				<verse number="19">亞倫 的後代做祭司的攏總分著十三座城鎮，及𪜶附近的草埔。</verse>
				<verse number="20">利未 人 哥轄 的宗族其他的子孫，抽籤分著 以法蓮 支族地區的城鎮，</verse>
				<verse number="21">就是 以法蓮 山區為誤殺人的設的避難城 示劍 ，以及 基色 、</verse>
				<verse number="22">基伯先 、 伯‧和崙 ，共四座城鎮，及𪜶附近的草埔。</verse>
				<verse number="23">閣對 但 支族分著 伊利提基 、 基比頓 、</verse>
				<verse number="24">亞雅崙 、 迦特‧臨門 ，共四座城鎮，及𪜶附近的草埔。</verse>
				<verse number="25">閣對 瑪拿西 半支族分著 他納 及 迦特‧臨門 兩座城鎮，及𪜶附近的草埔。</verse>
				<verse number="26">哥轄 宗族其他的子孫，攏總分著十座城鎮，及𪜶附近的草埔。</verse>
				<verse number="27">利未 人 革順 的宗族對 瑪拿西 半支族分著為誤殺人的設的避難城 巴珊 的 戈蘭 ，以及 比‧施提拉 ，共兩座城鎮，及𪜶附近的草埔。</verse>
				<verse number="28">閣對 以薩迦 支族分著 基善 、 大比拉 、</verse>
				<verse number="29">耶末 、 隱‧干寧 ，共四座城鎮，及𪜶附近的草埔。</verse>
				<verse number="30">閣對 亞設 支族分著 米沙勒 、 亞伯頓 、</verse>
				<verse number="31">黑甲 、 利合 ，共四座城鎮，及𪜶附近的草埔。</verse>
				<verse number="32">閣對 拿弗他利 支族分著為誤殺人的設的避難城 加利利 的 基低斯 ，以及 哈末‧多珥 、 加珥坦 ，共三座城鎮，及𪜶附近的草埔。</verse>
				<verse number="33">革順 人照𪜶的宗族，攏總分著十三座城鎮，及𪜶附近的草埔。</verse>
				<verse number="34">其他的 利未 人，就是 米拉利 的宗族對 西布倫 支族分著 約念 、 加珥他 、</verse>
				<verse number="35">丁拿 、 拿哈拉 ，共四座城鎮，及𪜶附近的草埔。</verse>
				<verse number="36">閣對 呂便 支族分著 比悉 、 雅雜 、</verse>
				<verse number="37">基底莫 、 米法押 ，共四座城鎮，及𪜶附近的草埔。</verse>
				<verse number="38">閣對 迦得 支族分著為誤殺人的設的避難城 基列 的 拉末 ，以及 瑪哈念 、</verse>
				<verse number="39">希實本 、 雅謝 ，共四座城鎮，及𪜶附近的草埔。</verse>
				<verse number="40">利未 人 米拉利 的後代照𪜶的宗族，抽籤分著十二座城鎮。</verse>
				<verse number="41">利未 人對 以色列 的家業攏總分著四十八座城鎮，及𪜶附近的草埔。</verse>
				<verse number="42">諸個城鎮周圍攏有草埔，逐個城鎮攏是按呢。</verse>
				<verse number="43">按呢，上主照伊以前對 以色列 人的列祖立誓應允的，將全地交互𪜶；𪜶就得著此個地做家業，住遐徛起。</verse>
				<verse number="44">上主照伊對𪜶的列祖立誓應允的，賞賜𪜶四境平安，無一個對敵會當對抗𪜶；上主將𪜶的對敵攏交佇𪜶的手。</verse>
				<verse number="45">上主對 以色列 家所有的祝福，無一句落空，攏有實現。</verse>
			</chapter>
			<chapter number="22">
				<verse number="1">彼時， 約書亞 召集 呂便 支族、 迦得 支族，及 瑪拿西 半支族的人，</verse>
				<verse number="2">對𪜶講：「上主的僕人 摩西 命令恁的，恁攏有遵守；我命令恁的，恁嘛有聽趁。</verse>
				<verse number="3">一直到今仔日，恁即呢久攏無放拺恁的同胞；恁有遵守上主 — 恁的上帝所命令恁的。</verse>
				<verse number="4">今上主 — 恁的上帝有照伊的應允，互恁的同胞享受太平；現在恁通倒轉去恁兜，轉去上主的僕人 摩西 佇 約旦河 東旁賜互恁做家業的地。</verse>
				<verse number="5">毋拘恁一定著謹慎，遵行上主的僕人 摩西 所命令恁的誡命及律法，疼上主 — 恁的上帝，行伊一切的道路，守伊的誡命，忠誠無離開伊，全心全意服事伊。」</verse>
				<verse number="6">約書亞 給𪜶祝福，送𪜶去；𪜶就倒去𪜶兜。</verse>
				<verse number="7">瑪拿西 半支族已經佇 巴珊 對 摩西 分著家業；另外半支族，佇 約旦河 西旁及𪜶的兄弟做夥對 約書亞 分著家業。 約書亞 送𪜶倒去的時，給𪜶祝福，</verse>
				<verse number="8">吩咐𪜶講：「恁著將搶著的戰利品，就是真多的牲生、金、銀、銅、鐵，及非常多的衣服，提倒去恁兜，分互恁的同胞。」</verse>
				<verse number="9">對按呢， 呂便 支族、 迦得 支族，及 瑪拿西 半支族的人，就對 迦南 地的 示羅 出發，及其他的 以色列 人相辭，倒去𪜶得著的 基列 地；就是 摩西 照上主的命令，分互𪜶做家業的地。</verse>
				<verse number="10">呂便 人、 迦得 人，及 瑪拿西 半支族的人，佇 迦南 地的 約旦河 地區 ，倚近河的所在，起一座大閣顯目的祭壇。</verse>
				<verse number="11">以色列 人聽見 呂便 人、 迦得 人，及 瑪拿西 半支族的人佇 迦南 地對面 約旦 河邊， 以色列 邊界，起一座祭壇，</verse>
				<verse number="12">以色列 全會眾就佇 示羅 聚集，欲去給𪜶攻打。</verse>
				<verse number="13">以色列 人派祭司 以利亞撒 的子 非尼哈 去 基列 地 呂便 人、 迦得 人，及 瑪拿西 半支族的人遐；</verse>
				<verse number="14">及伊做夥去的有十個支族的領袖，𪜶嘛是 以色列 逐宗族逐家族的序大。</verse>
				<verse number="15">𪜶到 基列 地，見 呂便 人、 迦得 人，及 瑪拿西 半支族的人，對𪜶講：</verse>
				<verse number="16">「上主的全會眾按呢講：『恁是按怎背叛 以色列 的上帝？今仔日恁越頭無隨上主，為家己起一座祭壇，背逆上主，犯即大的罪！</verse>
				<verse number="17">以前咱佇 比珥 犯罪，瘟疫臨到上主的會眾，到今仔日猶未潔淨，咱猶看做無要緊是無？</verse>
				<verse number="18">恁竟然越頭無隨上主！恁今仔日背逆伊，明仔載伊會對 以色列 全會眾發大受氣。</verse>
				<verse number="19">恁若想講所得著做家業的地無清氣，通過來上主的地，就是有上主會幕的所在，就會佇阮中間得著家業；總是毋通背逆上主，嘛毋通背叛阮，毋通佇上主 — 咱的上帝的祭壇以外，閣為家己起祭壇。</verse>
				<verse number="20">以前 謝拉 的乾仔孫 亞干 豈毋是佇彼個應該毀滅的物犯罪，上主的受氣就臨到 以色列 全會眾？因為伊犯罪，死的人毋是干焦伊一個人。』」</verse>
				<verse number="21">呂便 人、 迦得 人、 瑪拿西 半支族的人應 以色列 宗族的序大講：</verse>
				<verse number="22">「大權能的主上帝！大權能的主上帝！伊知，願 以色列 人嘛知，阮若有背叛抑是背逆上主，今仔日就互阮死。</verse>
				<verse number="23">阮若為家己起祭壇，越頭無隨上主，抑是佇壇頂獻燒化祭、素祭、平安祭，願上主給阮刑罰。</verse>
				<verse number="24">毋拘毋是按呢！阮做此個代誌是驚了有一日，恁的後代對阮的後代講：『恁及上主 — 以色列 的上帝有什麼關係？</verse>
				<verse number="25">上主設此個 約旦河 做恁及阮中間的隔界； 呂便 人、 迦得 人，恁無權通做上主的子民。』按呢，恁的子孫會害阮的子孫無閣敬畏上主。</verse>
				<verse number="26">所以，阮就決定欲為家己起一座祭壇，毋是為著獻燒化祭抑是其他的祭；</verse>
				<verse number="27">是為著欲佇恁及阮，以及恁的後代及阮的後代中間做證據，阮通佇上主的會幕獻燒化祭、平安祭，及別款的祭來服事伊；才免恁的子孫將來對阮的子孫講：『恁無權通做上主的子民。』</verse>
				<verse number="28">所以阮講：『將來𪜶若對阮抑是阮的後代按呢講，阮通應講：恁看阮列祖起的祭壇及上主的祭壇形體完全仝款；毋是為著欲獻燒化祭及其他的祭，是為著欲做恁阮中間的證據。』</verse>
				<verse number="29">今仔日，阮絕對無此個意思，欲佇上主 — 咱的上帝會幕頭前的祭壇以外，閣另外起一座祭壇獻燒化祭、素祭，及其他的祭，來背逆上主，越頭無順趁伊。」</verse>
				<verse number="30">祭司 非尼哈 及會眾的領袖，以及及伊做夥去許個 以色列 宗族的序大，聽著 呂便 人、 迦得 人，及 瑪拿西 人所講的話，就攏真滿意。</verse>
				<verse number="31">祭司 以利亞撒 的子 非尼哈 對 呂便 人、 迦得 人，及 瑪拿西 人講：「今仔日，阮知上主及咱同在，因為恁無犯此個背逆的罪來得罪伊；恁實在有救 以色列 人脫離上主的刑罰。」</verse>
				<verse number="32">祭司 以利亞撒 的子 非尼哈 及許個領袖，離開 基列 地區的 呂便 人、 迦得 人，倒去 迦南 地 以色列 人遐，給𪜶報告此個事。</verse>
				<verse number="33">以色列 人攏真滿意，就稱讚上帝，無閣提起欲攻打 呂便 人及 迦得 人，毀壞𪜶徛起的地。</verse>
				<verse number="34">呂便 人及 迦得 人就給此個祭壇叫做「見證的壇」，是講：「此個壇佇咱中間見證上主是上帝。」</verse>
			</chapter>
			<chapter number="23">
				<verse number="1">上主互 以色列 人享受太平，無受四圍對敵的攻擊。經過一段真長的時間， 約書亞 年老；</verse>
				<verse number="2">伊召集全 以色列 的長老、族長、審判官，及官長，對𪜶講：「我已經年老啦。</verse>
				<verse number="3">恁有看著上主 — 恁的上帝為著恁對許個國所做一切的事；因為上主 — 恁的上帝為恁交戰。</verse>
				<verse number="4">我所消滅許個國家的土地，對 約旦河 到西旁 地中海 ，包括猶未征服的國，我已經抽籤分互恁逐支族做家業。</verse>
				<verse number="5">上主 — 恁的上帝欲為著恁將𪜶趕走離開恁；恁就會照上主 — 恁的上帝對恁的應允，得著𪜶的土地做家業。</verse>
				<verse number="6">所以恁著加倍勇敢，忠實遵行 摩西 律法的冊所有的記載，毋通偏左偏右。</verse>
				<verse number="7">恁中間猶未互恁征服的國，恁毋通及𪜶交插，毋通提起𪜶的神明的名，毋通指𪜶咒誓，毋通服事𪜶，毋通跪拜𪜶。</verse>
				<verse number="8">恁著忠誠無離開上主 — 恁的上帝，親像恁過去到現在攏按呢做。</verse>
				<verse number="9">因為上主已經將大閣強的國對恁的面前趕走；到今仔日無一個人會當對抗恁。</verse>
				<verse number="10">恁一個人會當趕走一千人，因為上主 — 恁的上帝會照伊對恁的應允為恁交戰。</verse>
				<verse number="11">恁著謹慎，著疼上主 — 恁的上帝。</verse>
				<verse number="12">恁若越走離開上主，及佇恁中間留落來的人民交插，及𪜶通婚，往來；</verse>
				<verse number="13">恁著確實知，上主 — 恁的上帝一定無欲將許個人民對恁的面前趕走；𪜶會成做恁的羅網圈套，拍恁的鞭，目睭內的刺，直到恁對上主 — 恁的上帝賜互恁此個媠的土地消滅。</verse>
				<verse number="14">「今，我欲行世間人攏著行的路。恁確實知，上主 — 恁的上帝應允欲互恁的福氣，無一項落空，攏實現佇恁身上。</verse>
				<verse number="15">上主 — 恁的上帝所應允一切的福氣按怎臨到恁，上主嘛會按呢互逐款的災禍到佇恁，直到上主 — 恁的上帝給恁對伊賞賜恁此個媠的土地除滅。</verse>
				<verse number="16">恁若違背上主 — 恁的上帝所命令恁的約，去服事跪拜別個神明，上主會對恁發受氣，恁會真緊對伊賞賜互恁此個媠的地滅亡。」</verse>
			</chapter>
			<chapter number="24">
				<verse number="1">約書亞 聚集 以色列 眾支族到 示劍 。伊召 以色列 的長老、族長、審判官，以及官長來；𪜶就徛佇上帝的面前。</verse>
				<verse number="2">約書亞 對所有的人民講：「上主 — 以色列 的上帝按呢講：『古早，恁的祖先 他拉 ，就是 亞伯拉罕 及 拿鶴 的老父住佇 幼發拉底河 彼旁，服事別個神明。</verse>
				<verse number="3">我導恁的祖先 亞伯拉罕 對 幼發拉底河 彼旁出來，行透 迦南 全地；閣互伊有真多子孫：我將 以撒 賞賜伊，</verse>
				<verse number="4">閣用 雅各 及 以掃 賞賜 以撒 。我將 以東 山區賞賜 以掃 做家業，互 雅各 及伊的子孫落去 埃及 。</verse>
				<verse number="5">我差派 摩西 及 亞倫 ，降災禍攻擊 埃及 ，然後導恁出來。</verse>
				<verse number="6">我導恁的列祖出 埃及 ，來到 紅海 ； 埃及 人派戰車及馬兵追趇恁的列祖。</verse>
				<verse number="7">恁的列祖求叫上主，我就用烏暗隔開恁及 埃及 人，閣用海水給 埃及 人淹死。我佇 埃及 所做的事恁攏親目看見。 「『後來恁住佇曠野真久。</verse>
				<verse number="8">我導恁到 約旦河 東旁 亞摩利 人住的所在徛起；𪜶及恁交戰，我將𪜶交佇恁的手，互恁得著𪜶的地；我為著恁給𪜶剿滅。</verse>
				<verse number="9">彼時， 摩押 王 西撥 的子 巴勒 起來及 以色列 人交戰，閣派人去叫 比珥 的子 巴蘭 來給恁咒詛。</verse>
				<verse number="10">我毋聽 巴蘭 的話，顛倒互伊連續給恁祝福；按呢，我就救恁脫離伊的手。</verse>
				<verse number="11">恁過 約旦河 ，到 耶利哥 ； 耶利哥 人、 亞摩利 人、 比利洗 人、 迦南 人、 赫 人、 革迦撒 人、 希未 人、 耶布斯 人，攏及恁交戰；我將𪜶交佇恁的手。</verse>
				<verse number="12">我降瘟疫佇𪜶中間 ，將 亞摩利 人兩個王對恁的面前趕出去；毋是用恁的刀，嘛毋是用恁的弓。</verse>
				<verse number="13">我賞賜恁的土地，毋是恁家己開墾的；城，嘛毋是恁起造的；恁住佇彼內面，食毋是恁栽種的葡萄園及橄欖園的果子。』</verse>
				<verse number="14">「今，恁著敬畏上主，誠心實意服事伊，將恁的列祖佇 幼發拉底河 彼旁及佇 埃及 服事的神明除去，來服事上主。</verse>
				<verse number="15">若是恁無愛服事上主，今仔日恁著揀恁愛欲服事的；看是恁列祖佇 幼發拉底河 彼旁所服事的神明，抑是恁徛起此個地的 亞摩利 人的神明。論到我及我的家，阮決斷欲服事上主。」</verse>
				<verse number="16">人民回答講：「阮一定無欲棄拺上主，去服事別個神明。</verse>
				<verse number="17">因為上主 — 阮的上帝有導阮及阮的列祖對 埃及 做奴才的家出來，佇阮的目睭前行許個大的神跡；佇阮行過的路，經過的逐國，伊攏有給阮保護。</verse>
				<verse number="18">上主閣為著阮趕出住佇此所在的 亞摩利 人及列國的人，所以阮嘛欲服事上主，因為伊是阮的上帝。」</verse>
				<verse number="19">毋拘， 約書亞 對人民講：「恁𣍐當服事上主，因為伊是聖的上帝，是要求全情服事伊的上帝，𣍐赦免恁的過失，恁的罪惡。</verse>
				<verse number="20">恁若離開上主去服事外邦的神明，上主佇賜福氣互恁了後，會越轉來降災禍給恁消滅。」</verse>
				<verse number="21">人民應 約書亞 講：「𣍐，阮𣍐離開上主！阮一定欲服事上主。」</verse>
				<verse number="22">約書亞 對人民講：「恁揀欲服事上主，恁家己著做家己的證人。」 𪜶應講：「好，阮願意作證。」</verse>
				<verse number="23">約書亞 講：「今恁著將恁中間外邦的神明除去，互恁專心歸向上主 — 以色列 的上帝。」</verse>
				<verse number="24">人民應 約書亞 講：「阮一定欲服事上主 — 阮的上帝，聽趁伊的話。」</verse>
				<verse number="25">彼日 約書亞 就導人民 及上主立約，佇 示劍 為𪜶制定規則及條例。</verse>
				<verse number="26">約書亞 將諸個話攏寫佇上帝律法的冊，閣將一塊大石頭𫞼佇上主聖所邊仔的橡樹腳。</verse>
				<verse number="27">約書亞 對所有的人民講：「恁看，此塊石頭欲給咱作證。此塊石頭有聽著上主所有吩咐咱的話，欲對恁作證，才免恁背逆恁的上帝。」</verse>
				<verse number="28">約書亞 解散人民，𪜶就倒去家己分著的土地。</verse>
				<verse number="29">諸個事以後，上主的僕人， 嫩 的子 約書亞 死，享年一百十歲。</verse>
				<verse number="30">以色列 人給伊安葬佇 以法蓮 山區， 迦實山 北旁的 亭拿‧西拉 伊分著的土地。</verse>
				<verse number="31">約書亞 活啲的時， 以色列 人服事上主；伊死了後，許個知影上主為 以色列 人所做一切的事的長老猶活啲的時，人民猶原服事上主。</verse>
				<verse number="32">以色列 人將𪜶對 埃及 帶倒來 約瑟 的骨骸安葬佇 示劍 ，就是 雅各 早前用一百塊銀對 示劍 的開拓者 哈抹 的後代買來的地；此塊地做 約瑟 後代的家業。</verse>
				<verse number="33">亞倫 的子 以利亞撒 嘛死；𪜶將伊安葬佇伊的子 非尼哈 所得著 以法蓮 山區的山崙仔頂。</verse>
			</chapter>
		</book>
		<book number="7">
			<chapter number="1">
				<verse number="1">約書亞 死了後， 以色列 人請問上主，講：「阮叨一個支族著代先去攻打 迦南 人？」</verse>
				<verse number="2">上主講：「 猶大 支族先去。我已經將彼個地交佇𪜶的手。」</verse>
				<verse number="3">猶大 人對𪜶的親族 西緬 人講：「請恁及阮做夥去阮抽著的土地，及 迦南 人交戰；阮嘛會按呢及恁去恁抽著的地做夥交戰。」 西緬 人就及𪜶做夥去。</verse>
				<verse number="4">猶大 人就出戰；上主將 迦南 人及 比利洗 人交佇𪜶的手；𪜶佇 比色 刣死一萬人。</verse>
				<verse number="5">𪜶佇 比色 抵著 亞多尼‧比色 ，及伊交戰，刣贏 迦南 人及 比利洗 人。</verse>
				<verse number="6">亞多尼‧比色 逃走，𪜶追趇伊，給伊掠著，斬斷伊的手及伊的腳的大頭姆。</verse>
				<verse number="7">亞多尼‧比色 講：「以前有七十個王，腳手的大頭姆攏互我斬起來，佇我的桌腳拾食物；今上帝照我所做的報應我。」 猶大 人帶伊去 耶路撒冷 ；伊就死佇遐。</verse>
				<verse number="8">猶大 人攻取 耶路撒冷 ，用刀刣死城內的人，閣放火燒城。</verse>
				<verse number="9">後來，𪜶閣落去攻打住佇山區、 尼革夫 ，及山埔的 迦南 人。</verse>
				<verse number="10">猶大 人閣攻打許個住佇 希伯崙 的 迦南 人，刣死 示篩 、 亞希幔 、 達買 ； 希伯崙 以前叫做 基列‧亞巴 。</verse>
				<verse number="11">猶大 人對遐去攻擊 底璧 的住民。 底璧 以前叫做 基列‧西弗 。</verse>
				<verse number="12">迦勒 講：「什麼人攻取 基列‧西弗 ，我就將我的查某子 押撒 互伊作某。」</verse>
				<verse number="13">迦勒 的小弟 基納斯 的子 俄陀聶 攻取此個城， 迦勒 就將查某子 押撒 互伊作某。</verse>
				<verse number="14">押撒 出嫁彼日， 俄陀聶 叫伊 著給伊的老父討一坵園。 押撒 對驢仔落來； 迦勒 問伊講：「你欲愛什麼？」</verse>
				<verse number="15">押撒 講：「請你互我一份禮物。你有互我一塊南旁的焦地，請閣互我水泉。」 迦勒 就將頂下兩個水泉攏互伊。</verse>
				<verse number="16">摩西 的丈人是 基尼 人，伊的後代及 猶大 的後代對棕樹城 耶利哥 做夥去 亞拉得 南旁 猶大 的曠野，及遐的人 做夥住。</verse>
				<verse number="17">猶大 人及𪜶的親族 西緬 人做夥拍敗住佇 洗法 的 迦南 人，將城完全毀滅；彼個城就叫做 何珥瑪 。</verse>
				<verse number="18">猶大 人閣攻取 迦薩 、 亞實基倫 、 以革倫 及𪜶周圍的土地。</verse>
				<verse number="19">上主及 猶大 人同在，𪜶就佔領山區；毋拘𪜶𣍐當給住佇沿海平地的住民趕出去，因為許個人有鐵的戰車。</verse>
				<verse number="20">𪜶照 摩西 的吩咐，將 希伯崙 互 迦勒 ，伊就對遐趕出 亞衲 後代三個族。</verse>
				<verse number="21">便雅憫 人無將 耶布斯 人對 耶路撒冷 趕出去；𪜶就及 便雅憫 人做夥住佇 耶路撒冷 ，直到今仔日。</verse>
				<verse number="22">約瑟 家，就是 以法蓮 及 瑪拿西 兩個支族，攻打 伯特利 ；上主及𪜶同在。</verse>
				<verse number="23">𪜶派人去探查 伯特利 ；彼個城以前叫做 路斯 。</verse>
				<verse number="24">偵探看著一個人對城內出來，就對伊講：「請給阮講，欲按怎入此個城；阮會好好仔對待你。」</verse>
				<verse number="25">彼個人就報𪜶入城的路。𪜶刣死城內的住民，只有放彼個人及伊全家。</verse>
				<verse number="26">彼個人去 赫 人的地區，起一座城，給伊號名叫做 路斯 ；到今仔日此個城猶叫此個名。</verse>
				<verse number="27">瑪拿西 人無趕出 伯‧善 、 他納 、 多珥 、 以伯蓮 、 米吉多 ，及諸個城附近庄社的住民； 迦南 人堅持繼續住佇諸個所在。</verse>
				<verse number="28">以色列 人強盛的時，就互 迦南 人做苦工，無全部給𪜶趕走。</verse>
				<verse number="29">以法蓮 人無給住佇 基色 的 迦南 人趕出去； 迦南 人繼續及𪜶住佇 基色 。</verse>
				<verse number="30">西布倫 人無給住佇 基倫 及 拿哈拉 的人趕出去。 迦南 人繼續及𪜶做夥住，做苦工。</verse>
				<verse number="31">亞設 人無趕出 亞柯 、 西頓 、 亞黑拉 、 亞革悉 、 黑巴 、 亞弗革 ，及 利合 的住民。</verse>
				<verse number="32">亞設 人及 迦南 人做夥住，無給𪜶趕走。</verse>
				<verse number="33">拿弗他利 人無趕出 伯‧示麥 及 伯‧亞納 的住民。𪜶及彼所在的 迦南 人做夥住；毋拘 伯‧示麥 及 伯‧亞納 的住民攏為𪜶做苦工。</verse>
				<verse number="34">亞摩利 人強迫 但 的人住佇山區，不准𪜶落去平原。</verse>
				<verse number="35">亞摩利 人繼續住佇 希列斯山 、 亞雅崙 及 沙賓 ； 約瑟 家強盛的時，就互𪜶做苦工。</verse>
				<verse number="36">亞摩利 人的地界，對 亞克拉濱 山坪到 西拉 北旁。</verse>
			</chapter>
			<chapter number="2">
				<verse number="1">上主的使者對 吉甲 來到 波金 ，對 以色列 人講：「我互恁對 埃及 出來，導恁來到我對恁的列祖立誓應允的地；我曾講：『我及恁立的約，我永遠𣍐違背；</verse>
				<verse number="2">恁嘛毋通及此所在的住民立約；著拆毀𪜶的祭壇。』恁竟然毋聽我的話！恁是按怎按呢做？</verse>
				<verse number="3">因為按呢，我給恁講：『我無欲對恁的面前給𪜶趕走；𪜶欲成做恁的對敵 ，𪜶的神明欲成做害恁的羅網。』」</verse>
				<verse number="4">上主的使者講諸個話了後， 以色列 眾人就大聲啼哭。</verse>
				<verse number="5">𪜶給彼所在號名叫做 波金 ；𪜶佇遐獻祭互上主。</verse>
				<verse number="6">約書亞 解散 以色列 人；𪜶就倒去家己分著的家業，佔領許個土地。</verse>
				<verse number="7">約書亞 活啲的時，人民服事上主；伊死了後，許個親目看著上主為 以色列 人所做偉大的事的長老猶活啲的時，人民猶原服事上主。</verse>
				<verse number="8">上主的僕人， 嫩 的子 約書亞 死，享年一百十歲。</verse>
				<verse number="9">以色列 人給伊安葬佇 以法蓮 山區， 迦實山 北旁的 亭拿‧西拉 伊分著的土地。</verse>
				<verse number="10">彼代的人攏死了；後一代的人起來，𪜶毋識上主，嘛毋知伊為著 以色列 人所做的事。</verse>
				<verse number="11">以色列 人做上主看做歹的事，去服事巴力。</verse>
				<verse number="12">𪜶棄拺導𪜶出 埃及 的上主 — 𪜶列祖的上帝，去隨四圍外族的神明，給𪜶跪拜，惹上主受氣。</verse>
				<verse number="13">以色列 人棄拺上主，去服事巴力及 亞斯她錄 。</verse>
				<verse number="14">上主對𪜶發大受氣，將𪜶交互搶掠𪜶的人；伊閣將𪜶交互四圍的對敵， 以色列 人就𣍐當抵抗𪜶的對敵。</verse>
				<verse number="15">𪜶逐遍出戰，上主攏照伊所講所立誓的，降災禍攻擊𪜶；𪜶就非常困苦。</verse>
				<verse number="16">上主興起士師，士師就解救人民脫離搶掠𪜶的人的手。</verse>
				<verse number="17">毋拘𪜶無聽趁𪜶的士師，竟然背叛上主，去隨別個神明給𪜶跪拜；𪜶的列祖順趁上主的命令所行的路，𪜶真緊偏離，無照按呢行。</verse>
				<verse number="18">上主逐遍為著𪜶興起士師，伊攏及士師同在；佇士師猶活啲的時，上主救人民脫離對敵的手。𪜶受壓制，哀呻吐氣的時，上主就憐憫𪜶。</verse>
				<verse number="19">士師死了後，𪜶越轉去作歹，比𪜶的列祖閣較嚴重；隨別個神明，給𪜶服事跪拜，硬心毋放棄所做的歹及敗壞的行為。</verse>
				<verse number="20">上主就對 以色列 人受氣，講：「此個子民違背我命令𪜶的列祖應該守的約，毋聽趁我的話，</verse>
				<verse number="21">所以， 約書亞 死的時留落來的外族人，我連一族都無欲給𪜶趕走；</verse>
				<verse number="22">用諸個外族人來試驗 以色列 人，看𪜶肯親像𪜶的列祖遵行上主的道路抑無。」</verse>
				<verse number="23">所以，上主留諸個族，無將𪜶交互 約書亞 ，嘛無佇 約書亞 死了後真緊給𪜶趕走。</verse>
			</chapter>
			<chapter number="3">
				<verse number="1">上主留諸個族，是欲試驗許個毋曾經歷 迦南 戰爭的 以色列 人；</verse>
				<verse number="2">欲互 以色列 的後代，就是許個毋曾經歷戰爭的人，知閣學習交戰。</verse>
				<verse number="3">留落來的族，有五個 非利士 的領袖、所有的 迦南 人、 西頓 人，及住佇 巴力‧黑門山 及 哈馬 隘口中間的 黎巴嫩山 的 希未 人。</verse>
				<verse number="4">留諸個是欲用𪜶來試驗 以色列 人，看𪜶肯聽趁上主通過 摩西 命令𪜶列祖的誡命抑無。</verse>
				<verse number="5">對按呢， 以色列 人住佇 迦南 人、 赫 人、 亞摩利 人、 比利洗 人、 希未 人、 耶布斯 人的中間；</verse>
				<verse number="6">娶𪜶的查某子作某；嘛將查某子嫁互𪜶的子，續去服事𪜶許個神明。</verse>
				<verse number="7">以色列 人做上主看做歹的事，𣍐記得上主 — 𪜶的上帝，去服事諸個巴力及 亞舍拉 。</verse>
				<verse number="8">上主就對 以色列 人發大受氣，將𪜶交互 美索不達米亞 王 古珊‧利薩田 ； 以色列 人服事 古珊‧利薩田 八年。</verse>
				<verse number="9">以色列 人求叫上主，上主就為著𪜶興起一個拯救者解救𪜶，就是 迦勒 的小弟 基納斯 的子 俄陀聶 。</verse>
				<verse number="10">上主的神臨到伊，伊就做 以色列 的士師。伊出去交戰，上主將 美索不達米亞 王 古珊‧利薩田 交佇伊的手，伊就刣贏 古珊‧利薩田 。</verse>
				<verse number="11">彼個地區就太平四十年。後來， 基納斯 的子 俄陀聶 死。</verse>
				<verse number="12">以色列 人閣做上主看做歹的事。因為𪜶按呢做，上主互 摩押 王 伊磯倫 強盛，攻打 以色列 人。</verse>
				<verse number="13">伊磯倫 召集 亞捫 人及 亞瑪力 人來伊遐，去攻打 以色列 人，佔棕樹城 耶利哥 。</verse>
				<verse number="14">對按呢， 以色列 人服事 摩押 王 伊磯倫 十八年。</verse>
				<verse number="15">以色列 人求叫上主，上主就為著𪜶興起一個拯救者，就是 便雅憫 人 基拉 的子 以笏 ；伊慣勢用倒手。 以色列 人派伊去給 摩押 王 伊磯倫 進貢。</verse>
				<verse number="16">以笏 拍一支雙面利的劍，長半公尺，縛佇正腿用衫蓋啲。</verse>
				<verse number="17">伊帶禮物去見 摩押 王 伊磯倫 ； 伊磯倫 真大箍。</verse>
				<verse number="18">以笏 獻禮物了後，就叫扛禮物的人倒去。</verse>
				<verse number="19">伊家己對倚近 吉甲 拍石像的所在越倒轉來對王講：「王，我有祕密的事欲給你報告。」 王講：「迴避！」許個侍候王的人就攏退出。</verse>
				<verse number="20">彼時王家己一個坐佇清涼的樓頂； 以笏 行倚去，對伊講：「上帝有話交代我給你講。」王就對座位徛起來。</verse>
				<verse number="21">以笏 就伸倒手，對正腿拔劍出來，鑿入王的腹肚，</verse>
				<verse number="22">連劍的柄嘛續鑿入去；劍互油咬牢。 以笏 無將劍對王的腹肚拔出來，王的屎流出來 。</verse>
				<verse number="23">以笏 出來走廊，將樓頂的門關起來，鎖啲。</verse>
				<verse number="24">伊出去了，王的部下來，看著樓頂的門關啲閣鎖啲，就講：「伊一定是佇清涼的樓頂啲大便。」</verse>
				<verse number="25">𪜶聽候到心著急，看著伊無開樓頂的門，就攑鎖匙來開。唉啊，𪜶的主人竟然倒佇土腳，死佇遐。</verse>
				<verse number="26">佇𪜶拖延的時， 以笏 已經逃走，過拍石像的所在，走到 西伊拉 。</verse>
				<verse number="27">以笏 到 以法蓮 山區的 西伊拉 ，就歕哨角； 以色列 人對山區落去隨伊，伊就行佇𪜶的頭前領導𪜶。</verse>
				<verse number="28">伊對𪜶講：「恁來隨我，因為上主已經將恁的對敵 摩押 人交佇恁的手。」𪜶隨伊落去，攻取 摩押 對面的 約旦河 渡頭，毋准人過河。</verse>
				<verse number="29">彼日，𪜶刣死 摩押 人大約一萬，攏是強猛的勇士，無一個逃脫。</verse>
				<verse number="30">對按呢， 摩押 人就受 以色列 人制伏；彼個地區太平八十年。</verse>
				<verse number="31">以笏 以後， 亞拿 的子 珊迦 用趕牛的刺棍拍死六百個 非利士 人。伊嘛解救 以色列 人。</verse>
			</chapter>
			<chapter number="4">
				<verse number="1">以笏 死了後， 以色列 人閣做上主看做歹的事。</verse>
				<verse number="2">上主將𪜶交互統治 夏瑣 的 迦南 王 耶賓 ；伊的元帥是 西西拉 ，住佇 夏羅設‧哈歌印 。</verse>
				<verse number="3">耶賓 王有鐵的戰車九百台；伊殘忍欺壓 以色列 人二十年。 以色列 人哀求上主解救。</verse>
				<verse number="4">彼時有一個女先知 底波拉 ，就是 拉比多 的某，做 以色列 的士師。</verse>
				<verse number="5">伊住佇 以法蓮 山區， 拉瑪 及 伯特利 的中間， 底波拉 的棕樹腳； 以色列 人攏去伊遐聽伊的判決。</verse>
				<verse number="6">底波拉 派人去 拿弗他利 的 基低斯 叫 亞比挪菴 的子 巴拉 來，對伊講：「上主 — 以色列 的上帝豈無命令你：『你著導 拿弗他利 人及 西布倫 人一萬及你去 他泊山 。</verse>
				<verse number="7">我欲互 耶賓 的元帥 西西拉 及伊的戰車、伊的全軍來到 基順河 你遮；我欲將𪜶交佇你的手。』」</verse>
				<verse number="8">巴拉 給伊講：「你若欲及我做夥去，我就欲去；你若毋，我就毋去。」</verse>
				<verse number="9">伊講：「我一定會及你做夥去，毋拘你此遍出征𣍐互你得著榮光，因為上主欲將 西西拉 交佇一個婦仁人的手。」 底波拉 就及 巴拉 做夥去 基低斯 。</verse>
				<verse number="10">巴拉 召集 西布倫 人及 拿弗他利 人到 基低斯 ；隨伊去的有一萬人。 底波拉 嘛及伊做夥去。</verse>
				<verse number="11">彼時， 摩西 的丈人 何巴 的後代 基尼 人 希百 ，離開其他的 基尼 人，來佇 基低斯 附近的 撒拿音 橡樹邊搭布棚住佇遐。</verse>
				<verse number="12">有人給 西西拉 講：「 亞比挪菴 的子 巴拉 已經上去 他泊山 。」</verse>
				<verse number="13">西西拉 就召集伊攏總鐵的戰車九百台及全軍，對 夏羅設‧哈歌印 來到 基順河 。</verse>
				<verse number="14">底波拉 對 巴拉 講：「進攻！今仔日上主將 西西拉 交佇你的手啦。上主佇你的頭前啲導你。」 巴拉 就對 他泊山 落來；隨伊的有一萬人。</verse>
				<verse number="15">上主互 西西拉 ，以及伊所有的戰車及軍隊，受 巴拉 攻擊，混亂四散； 西西拉 落車，起腳逃走。</verse>
				<verse number="16">巴拉 追趇許個戰車及軍隊，到 夏羅設‧哈歌印 ； 西西拉 的全軍攏受刣死，無留甲半個。</verse>
				<verse number="17">西西拉 起腳逃走，走到 基尼 人 希百 的某 雅億 的布棚，因為 夏瑣 王 耶賓 及 基尼 人 希百 的家關係真好。</verse>
				<verse number="18">雅億 出來迎接 西西拉 ，對伊講：「我的主，請入來我遮，毋免驚。」 西西拉 就入去伊的布棚。 雅億 就用毯仔給伊蓋啲 。</verse>
				<verse number="19">西西拉 給伊講：「我嘴焦，請你用一寡水互我飲。」 雅億 就開貯奶的皮袋互伊飲；猶原閣給伊蓋啲。</verse>
				<verse number="20">西西拉 閣給伊講：「你徛𫢶布棚門口，若有人來問你：『有人來你遮無？』你著講『無。』」</verse>
				<verse number="21">西西拉 厭倦睏重眠； 希百 的某 雅億 提布棚的杙仔，手攑槌仔，用跕的行去伊遐，用杙仔對伊的鬢邊釘入去，迵到土腳；伊就死。</verse>
				<verse number="22">彼時， 巴拉 追趇 西西拉 ， 雅億 出來迎接伊，對伊講：「請來，我互你看你啲尋的人。」 巴拉 就及伊入去。 巴拉 看著 西西拉 已經倒佇土腳，死佇遐，杙仔猶釘佇伊的鬢邊。</verse>
				<verse number="23">對按呢，上帝互 迦南 王 耶賓 受 以色列 人制伏。</verse>
				<verse number="24">以色列 人愈來愈強盛，贏過 迦南 王 耶賓 ，最後將 迦南 王 耶賓 消滅。</verse>
			</chapter>
			<chapter number="5">
				<verse number="1">彼日， 底波拉 及 亞比挪菴 的子 巴拉 唱歌，講：</verse>
				<verse number="2">以色列 中有領袖導頭， 人民甘願犧牲， 恁著稱讚上主！</verse>
				<verse number="3">君王啊，著聽！ 統治者啊，著俯耳孔聽！ 我欲向上主唱歌； 我欲唱歌稱讚上主 — 以色列 的上帝。</verse>
				<verse number="4">上主你對 西珥 出發， 對 以東 的地前進； 彼時大地搖泏，天摒水， 雲落大雨。</verse>
				<verse number="5">眾山佇 西奈山 的上主面前動搖， 佇上主 — 以色列 上帝的面前搖泏。</verse>
				<verse number="6">佇 亞拿 的子 珊迦 的時， 佇 雅億 的日， 商隊無閣對遐經過， 旅行的人斡去行小路。</verse>
				<verse number="7">以色列 農村拋荒， 攏無人住， 到我 底波拉 起來， 起來做 以色列 的老母。</verse>
				<verse number="8">以色列 揀新的神明， 戰爭就來到𪜶的城門。 彼時 以色列 四萬人的中間， 看𣍐著盾牌及槍。</verse>
				<verse number="9">我的心意向 以色列 的領袖， 意向甘願犧牲的人民。 恁著稱讚上主！</verse>
				<verse number="10">騎白色驢母的、 坐馬鞍的、 旅行的人， 恁攏著報揚。</verse>
				<verse number="11">汲水的所在，有唱歌的人的歌聲， 𪜶啲講起上主公義的所做， 就是伊解救 以色列 農民的作為。 彼時，上主的子民落去到城門歡呼：</verse>
				<verse number="12">底波拉 ，著興起，興起！ 著醒起來，醒起來！ 著唱歌！ 巴拉 ，著起來！ 亞比挪菴 的子，著掠你的俘虜來！</verse>
				<verse number="13">彼時，所賰的貴族落來， 上主的子民親像勇士為我出征。</verse>
				<verse number="14">對 以法蓮 來的，進入山谷 ； 隨佇 便雅憫 支族的後面。 有領袖對 瑪吉 落來； 有指揮官對 西布倫 出來。</verse>
				<verse number="15">以薩迦 的領袖及 底波拉 做夥來； 以薩迦 隨佇 巴拉 後面， 及伊做夥衝入山谷。 呂便 心躊躇無決斷。</verse>
				<verse number="16">𪜶是按怎留佇羊椆， 聽顧羊的人歕𥰔仔？ 呂便 心躊躇無決斷。</verse>
				<verse number="17">迦得 住佇 約旦河 東旁； 但 是按怎留佇船頂？ 亞設 停留佇海邊， 安居佇港口。</verse>
				<verse number="18">西布倫 是拼命毋驚死的人民； 拿弗他利 佇戰場嘛是按呢。</verse>
				<verse number="19">君王攏來參戰； 彼時 迦南 諸王佇 米吉多 水邊的 他納 交戰， 毋拘無搶著銀。</verse>
				<verse number="20">星辰嘛對天參戰， 對𪜶的軌道攻擊 西西拉 。</verse>
				<verse number="21">基順河 給𪜶沖走； 基順河 的水強閣大。 我的心啊，著奮勇前進！</verse>
				<verse number="22">勇壯的馬奔跑親像啲飛； 馬蹄的聲親像雷赫呢響。</verse>
				<verse number="23">上主的使者講：「著咒詛 米羅斯 ， 重重咒詛遐的住民； 因為𪜶無來幫贊上主， 無幫贊上主攻擊對敵。」</verse>
				<verse number="24">基尼 人 希百 的某 雅億 比所有的婦仁人較通謳咾， 比住佇厝裡的婦仁人較通謳咾。</verse>
				<verse number="25">西西拉 討水， 雅億 互伊牛奶， 用貴重的盤捧起司互伊。</verse>
				<verse number="26">雅億 手提杙仔， 正手攑工人的槌仔， 摃 西西拉 ，拍碎伊的頭， 鑿迵伊的鬢邊。</verse>
				<verse number="27">佇伊的腳前， 西西拉 慄落去，倒直直， 佇伊的腳前慄落去，𣍐振動； 西西拉 佇遐慄落去，死去。</verse>
				<verse number="28">西西拉 的老母對窗仔看出去， 佇窗仔邊硞硞相 ，講： 「是按怎伊的戰車猶未轉來？ 是按怎猶未聽著車輪的聲？」</verse>
				<verse number="29">伊聰明的宮女回答伊， 伊嘛家己按呢講：</verse>
				<verse number="30">「𪜶一定是啲分戰利品； 逐個勇士分著一兩個查某囝仔。 西西拉 一定分著彩色的衫， 彩色繡花的衫， 兩領彩色繡花的衫， 袚佇頷頸做戰利品。」</verse>
				<verse number="31">上主啊，願你的對敵攏按呢滅亡。 願疼你的人親像日頭出現光映映。 以後彼個地區太平四十年。</verse>
			</chapter>
			<chapter number="6">
				<verse number="1">以色列 人閣做上主看做歹的事，上主就將𪜶交佇 米甸 人的手七年。</verse>
				<verse number="2">米甸 人比 以色列 人較強； 以色列 人為著欲逃避 米甸 人，就佇山裡挖山洞，起要塞。</verse>
				<verse number="3">以色列 人逐遍撒種了後， 米甸 人、 亞瑪力 人，及東旁的部族攏來攻擊𪜶，</verse>
				<verse number="4">佇遐紮營，將彼所在到 迦薩 歸個地區的農作物攏毀壞，嘛無留牛、羊、驢，及食物互 以色列 人。</verse>
				<verse number="5">𪜶帶牲生及布棚來，人額及駱駝算𣍐了；𪜶親像歸群草蜢毀壞彼個地區。</verse>
				<verse number="6">以色列 人因為 米甸 人的緣故，悽慘落魄，就求叫上主。</verse>
				<verse number="7">以色列 人因為 米甸 人的緣故求叫上主，</verse>
				<verse number="8">上主就差先知去𪜶遐，對𪜶講：「上主 — 以色列 的上帝按呢講：『我有導恁對 埃及 做奴才的家出來。</verse>
				<verse number="9">我救恁脫離 埃及 人及所有壓制恁的人的手，佇恁的面前給𪜶趕走，將𪜶的土地賜互恁。</verse>
				<verse number="10">我嘛曾對恁講：我是上主 — 恁的上帝，所以恁雖然住佇 亞摩利 人的地，毋拘毋通拜𪜶的神明；總是恁毋肯聽我的話。』」</verse>
				<verse number="11">上主的使者到 俄弗拉 ，坐佇 亞比以謝 宗族的人 約阿施 的橡樹腳；彼時 約阿施 的子 基甸 佇酒窟遐啲拍麥，毋愛互 米甸 人看著。</verse>
				<verse number="12">上主的使者對 基甸 顯現，對伊講：「強猛的勇士，上主及你同在。」</verse>
				<verse number="13">基甸 對伊講：「先生，上主若及阮同在，是按怎阮會即呢悽慘？阮的祖先所給阮講『上主導阮出 埃及 』許個奇事佇叨位？今上主已經放拺阮，將阮交互 米甸 人。」</verse>
				<verse number="14">上主對 基甸 講：「你著用你的氣力去解救 以色列 人脫離 米甸 人的手。我現在就差派你去。」</verse>
				<verse number="15">基甸 應伊講：「主啊，我哪有法度解救 以色列 ？阮的宗族是 瑪拿西 支族中上卑微的，我是阮兜上細的。」</verse>
				<verse number="16">上主對伊講：「我欲及你同在；你欲拍敗 米甸 人，親像啲拍一個人。」</verse>
				<verse number="17">基甸 講：「我若對你得著恩典，求你互我一個證據，互我知及我講話的就是上主你。</verse>
				<verse number="18">請你毋通離開遮，聽候我倒來，帶禮物獻互你。」 上主講：「我會聽候你倒來。」</verse>
				<verse number="19">基甸 就去準備一隻山羊仔，用十公斤麵粉做無酵餅；肉下佇籃仔，用鍋仔貯湯，帶到橡樹腳獻互上主。</verse>
				<verse number="20">上帝的使者對伊講：「肉及無酵餅下佇此個石磐頂，湯倒出來。」伊照按呢做。</verse>
				<verse number="21">上主的使者伸出手裡攑的柺仔，用枴仔尾揬肉及無酵餅，就有火對石磐𤏸起來，將肉及無酵餅攏燒去；上主的使者就對 基甸 的目睭前消失。</verse>
				<verse number="22">基甸 知伊是上主的使者，就講：「慘啊！至高的上主啊，我當面看著上主的使者。」</verse>
				<verse number="23">上主對伊講：「安心，毋免驚；你𣍐死。」</verse>
				<verse number="24">基甸 就佇遐給上主起一座祭壇，號名叫做「上主沙龍」 。此個壇到今仔日猶佇 亞比以謝 族的 俄弗拉 。</verse>
				<verse number="25">彼暝，上主吩咐 基甸 ，講：「你牽恁老父的牛，就是伊另外一隻七歲的牛來，閣拆毀恁老父為巴力起的祭壇，剉壇邊的 亞舍拉 柱像，</verse>
				<verse number="26">佇此個要塞頂面，照規定，為上主 — 你的上帝起一座壇，獻彼隻牛做燒化祭，用你所剉的 亞舍拉 柱像做起火的柴料。」</verse>
				<verse number="27">基甸 就導十個僕人，照上主的吩咐去做；伊因為驚家族及城內的人，毋敢佇日時做此個代誌，就佇暗時做。</verse>
				<verse number="28">城內的人透早起來，看著巴力的壇已經拆毀，壇邊的 亞舍拉 柱像互人剉掉，第二隻牛獻佇新起的祭壇。</verse>
				<verse number="29">𪜶講來講去：「這什麼人做的？」𪜶查問了後，就講：「這是 約阿施 的子 基甸 做的。」</verse>
				<verse number="30">城內的人對 約阿施 講：「給你的子交出來，互伊死，因為伊拆毀巴力的壇，剉壇邊的 亞舍拉 柱像。」</verse>
				<verse number="31">約阿施 給所有攻擊伊的人講：「恁欲為巴力辯護是無？恁欲救伊是無？若有人為巴力辯護，天猶未光以前著互彼個人死。巴力若是神，著互伊家己為著伊的壇受拆毀辯護。」</verse>
				<verse number="32">對彼日起，人給 基甸 叫做 耶路巴力 ，意思是「互巴力及伊爭辯」，因為伊毀壞巴力的壇。</verse>
				<verse number="33">彼時 米甸 人、 亞瑪力 人，及東旁的部族攏聚集，過 約旦河 ，佇 耶斯列 山谷紮營。</verse>
				<verse number="34">上主的神臨到 基甸 ，伊就歕哨角； 亞比以謝 宗族的人攏聚集跟隨伊。</verse>
				<verse number="35">伊派使者去 瑪拿西 全地區， 瑪拿西 人就聚集來隨伊。伊閣另外派使者去 亞設 、 西布倫 、 拿弗他利 地區，諸個支族的人嘛攏來會合。</verse>
				<verse number="36">基甸 對上帝講：「你若真正應允欲通過我解救 以色列 ，</verse>
				<verse number="37">我會下歸領羊毛佇五穀場；若干焦羊毛有露水，土腳攏焦焦，我就知你欲照你的應允，用我解救 以色列 。」</verse>
				<verse number="38">代誌果然按呢發生。隔日透早， 基甸 起來，捘羊毛，對羊毛捘一碗淀淀的露水出來。</verse>
				<verse number="39">基甸 閣對上帝講：「懇求你毋通受氣，我閣求一遍就好。求你互我閣用羊毛試一遍，此遍只有互羊毛焦焦，土腳攏有露水。」</verse>
				<verse number="40">彼暝上帝嘛按呢做，羊毛焦焦，土腳攏是露水。</verse>
			</chapter>
			<chapter number="7">
				<verse number="1">耶路巴力 ，就是 基甸 ，及所有隨伊的人透早起來，佇 哈律 水泉邊紮營； 米甸 人佇𪜶的北旁，倚近 摩利山 的山谷紮營。</verse>
				<verse number="2">上主對 基甸 講：「隨你的人傷多，我𣍐當將 米甸 人交佇恁的手，才免 以色列 人對我誇口，講：『是阮靠家己刣贏的。』</verse>
				<verse number="3">你著對人民宣布：『若有人驚死，通離開 基列山 倒去。』」按呢，就有兩萬兩千人倒去，猶賰一萬人。</verse>
				<verse number="4">上主對 基甸 講：「人猶傷多。你著導𪜶落去到水邊，我欲佇遐為著你揀一寡人。我給你講叨一個人通及你去，彼個人就會當及你去；我給你講叨一個毋通去，彼個人就毋通及你去。」</verse>
				<verse number="5">基甸 就導人民去到水邊；上主對 基甸 講：「許個親像狗用舌舐水的人，徛一旁；跪落去飲水的人，徛另外一旁。」</verse>
				<verse number="6">用手捧水起來舐的，有三百人；其他許個攏跪落去飲水。</verse>
				<verse number="7">上主給 基甸 講：「我欲用諸個捧水起來舐的三百人解救恁，將 米甸 人交佇你的手；其他的人攏通倒去𪜶兜。」</verse>
				<verse number="8">按呢，留落來彼三百人對其他的人接糧食及哨角； 基甸 就解散其他的 以色列 人，互𪜶倒去𪜶兜。 米甸 人紮營佇 以色列 人下面的山谷。</verse>
				<verse number="9">彼暝，上主給 基甸 講：「起來，落去攻打彼個兵營，因為我已經將𪜶交佇你的手。</verse>
				<verse number="10">你若毋敢進攻，你及你的僕人 普拉 著落去𪜶的兵營，</verse>
				<verse number="11">注意聽𪜶啲講什麼，就有膽量落去攻擊。」伊就及伊的僕人 普拉 落去武裝部隊的營邊。</verse>
				<verse number="12">歸個山谷攏是 米甸 人、 亞瑪力 人，及東旁的部族，𪜶親像草蜢赫多；𪜶的駱駝親像海邊的沙算𣍐了。</verse>
				<verse number="13">基甸 到的時，有一個 米甸 的兵仔給伊的同伴講伊的夢，講：「我夢見一個夢。我看著一個大麥餅翱入 米甸 的兵營，給一個布棚挵倒，布棚反輾轉，倒甲平平。」</verse>
				<verse number="14">伊的同伴應講：「這一定是 以色列 人 約阿施 的子 基甸 的刀；上帝已經將 米甸 人及全軍交佇伊的手。」</verse>
				<verse number="15">基甸 聽著彼個人的夢及解說，就跪拜上帝。伊倒來 以色列 人的兵營，喝講：「起來！上主已經將 米甸 的軍隊交佇恁的手啦。」</verse>
				<verse number="16">伊就將彼三百人分做三隊，將哨角及空甕仔交互𪜶逐個人，甕仔內囥火把。</verse>
				<verse number="17">伊給𪜶講：「恁著看我按怎做。我到營邊的時按怎做，恁著照按呢做。</verse>
				<verse number="18">我及許個及我做夥去的人歕哨角的時，恁著佇營的四圍歕哨角，閣喝：『為上主，為 基甸 ！』」</verse>
				<verse number="19">佇半暝以前，衛兵抵仔換班了後， 基甸 及隨伊的一百人來到營邊。𪜶就歕哨角，摃破手裡的甕仔；</verse>
				<verse number="20">三隊的人攏歕哨角，摃破甕仔，倒手攑火把，正手攑哨角；𪜶大聲喝講：「為上主攑刀，為 基甸 攑刀。」</verse>
				<verse number="21">𪜶佇兵營的四圍，逐個人徛佇家己的所在；全營的敵軍那喝那逃走。</verse>
				<verse number="22">彼三百個人歕哨角的時，上主互 米甸 全營的人互相刣來刣去。全營的人攏逃走去 西利拉 的 伯‧示他 ，一直到倚近 他巴 的 亞伯‧米何拉 。</verse>
				<verse number="23">以色列 人對 拿弗他利 、 亞設 ，及 瑪拿西 所有的地區聚集，來追趇 米甸 人。</verse>
				<verse number="24">基甸 派使者到 以法蓮 山區逐所在，講：「恁落來追趇 米甸 人，顧守 約旦河 的渡口，一直到 伯‧巴拉 ，防止 米甸 人過河。」對按呢， 以法蓮 人就聚集，顧守 約旦河 渡口，直到 伯‧巴拉 。</verse>
				<verse number="25">𪜶掠著 米甸 兩個領袖， 俄立 及 西伊伯 ，佇 俄立 的石磐刣 俄立 ，佇 西伊伯 的酒窟刣 西伊伯 ；𪜶閣追趇 米甸 人，將 俄立 及 西伊伯 的頭殼帶去 約旦河 東旁，交互 基甸 。</verse>
			</chapter>
			<chapter number="8">
				<verse number="1">以法蓮 人對 基甸 講：「你去及 米甸 人交戰，哪無叫阮？你哪按呢對待阮？」𪜶就強烈指責 基甸 。</verse>
				<verse number="2">基甸 對𪜶講：「我所做的及恁𣍐比得。 以法蓮 拾賰落來的葡萄，豈無比阮 亞比以謝 族的人收成的葡萄較好？</verse>
				<verse number="3">上帝已經將 米甸 兩個領袖 俄立 及 西伊伯 交佇恁的手；我所做的及恁豈會比得？」 基甸 講諸個話了後，𪜶就無閣受氣。</verse>
				<verse number="4">基甸 及隨伊的三百人過 約旦河 ；雖然真悿，毋拘猶繼續追趇。</verse>
				<verse number="5">基甸 對 疏割 人講：「請恁提一寡餅互隨我的軍兵，因為𪜶真厭倦，我嘛啲追趇 米甸 兩個王， 西巴 及 撒慕拿 。」</verse>
				<verse number="6">疏割 許個領袖應講：「你都猶未掠著 西巴 及 撒慕拿 ，阮哪著用餅互你的軍隊？」</verse>
				<verse number="7">基甸 講：「上主互我掠著 西巴 及 撒慕拿 了後，我就欲用曠野的莿及籐條給恁捽。」</verse>
				<verse number="8">伊對遐去到 比努伊勒 ，嘛對𪜶提出像款的要求； 比努伊勒 人嘛用及 疏割 人仝款的話應伊。</verse>
				<verse number="9">伊對 比努伊勒 人講：「我平安倒來的時，我欲拆此個城樓。」</verse>
				<verse number="10">彼時， 西巴 及 撒慕拿 ，以及𪜶的軍隊攏佇 加各 ，大約有一萬五千人，攏是東旁的部族賰落來的軍兵；𪜶攑刀的戰士已經死十二萬人。</verse>
				<verse number="11">基甸 對 挪巴 及 約比哈 東旁，順商隊的路上去，趁 米甸 的軍隊無啲警覺的時給𪜶突擊。</verse>
				<verse number="12">西巴 及 撒慕拿 此兩個王逃走， 基甸 追趇𪜶，掠著𪜶，𪜶的軍隊敗退四散。</verse>
				<verse number="13">約阿施 的子 基甸 對戰場，順 希列斯 的山坪倒來的時，</verse>
				<verse number="14">掠著一個 疏割 的少年人，給伊查問；伊就將 疏割 七十七個領袖及長老的名寫出來交互 基甸 。</verse>
				<verse number="15">基甸 到 疏割 ，對遐的人講：「恁以前給我恥笑，講：『你都猶未掠著 西巴 及 撒慕拿 ，阮哪著用餅互恁厭倦的軍兵？』今恁看， 西巴 及 撒慕拿 佇遮。」</verse>
				<verse number="16">伊就掠城內的長老，用曠野的莿及籐條教示 疏割 人；</verse>
				<verse number="17">閣拆 比努伊勒 的城樓，刣死城內的人。</verse>
				<verse number="18">基甸 問 西巴 及 撒慕拿 講：「恁佇 他泊山 刣的人生做什麼款？」 𪜶應講：「親像你，逐個人看起來攏親像王子。」</verse>
				<verse number="19">基甸 講：「𪜶是我仝母的兄弟。我指永活的上主咒誓，恁若有留𪜶的性命，我就𣍐刣恁。」</verse>
				<verse number="20">伊就給伊的大子 益帖 講：「給𪜶刣死！」毋拘 益帖 驚，毋敢拔刀，因為伊猶少年。</verse>
				<verse number="21">西巴 及 撒慕拿 給 基甸 講：「你家己動手。你才有夠力。」 基甸 就起來刣死 西巴 及 撒慕拿 ，將𪜶的駱駝頷頸月眉形的妝飾提去。</verse>
				<verse number="22">以色列 人對 基甸 講：「你已經救阮脫離 米甸 人，請你及你的子、你的孫統治阮。」</verse>
				<verse number="23">基甸 講：「我無欲統治恁，我的子嘛無欲統治恁；只有上主才是恁的統治者。」</verse>
				<verse number="24">基甸 閣對𪜶講：「我有一項要求，請恁逐個人將搶著的耳環互我。」(𪜶的對敵 以實瑪利 人有此款金的耳環。)</verse>
				<verse number="25">𪜶講：「阮真歡喜互你。」𪜶就舒一領外衫，逐個人將搶來的耳環㧒佇彼頂面。</verse>
				<verse number="26">人民互 基甸 的金耳環，大約二十公斤；以外閣有 米甸 王月眉形的妝飾、耳墜、紫色的外袍，及駱駝頷頸的鍊仔。</verse>
				<verse number="27">基甸 用諸個金仔製造一個以弗得 ，下佇伊的本城 俄弗拉 ；後來 以色列 人攏去遐拜彼個以弗得背叛上帝；此個代誌成做 基甸 及伊全家的羅網。</verse>
				<verse number="28">按呢， 米甸 人受 以色列 人制伏，無力通閣反抗。佇 基甸 活啲的日，彼個地區太平四十年。</verse>
				<verse number="29">約阿施 的子 基甸 倒去住佇伊家己的厝。</verse>
				<verse number="30">基甸 娶真多某，有生七十個子。</verse>
				<verse number="31">伊佇 示劍 的細姨嘛給伊生一個子，伊給號名叫做 亞比米勒 。</verse>
				<verse number="32">約阿施 的子 基甸 年老歲壽多，就死；人給伊安葬佇 亞比以謝 族的 俄弗拉 ，𪜶老父 約阿施 的墓。</verse>
				<verse number="33">基甸 死了後， 以色列 人背叛上帝，去拜巴力，用 巴力‧比利土 做𪜶的神明。</verse>
				<verse number="34">以色列 人𣍐記得解救𪜶脫離四圍對敵的上主 — 𪜶的上帝，</verse>
				<verse number="35">嘛無因為 耶路巴力 ，就是 基甸 ，為著 以色列 人做的好事，好款待伊的家庭。</verse>
			</chapter>
			<chapter number="9">
				<verse number="1">耶路巴力 的子 亞比米勒 去 示劍 伊的母舅遐，對𪜶及伊的外公全家的人講：</verse>
				<verse number="2">「請恁問 示劍 的眾人，看是 耶路巴力 七十個子統治恁，抑是一個人給恁統治較好？恁嘛著帶念我是恁的骨肉。」</verse>
				<verse number="3">伊許個母舅就將諸個話講互 示劍 的人聽；𪜶就擁護 亞比米勒 ，講：「伊是咱的兄弟。」</verse>
				<verse number="4">𪜶對 巴力‧比利土 的廟提七十個銀仔互 亞比米勒 ；伊就用諸個銀仔倩一寡匪類來隨伊。</verse>
				<verse number="5">伊去 俄弗拉 𪜶老父的厝，將伊的兄弟，就是 耶路巴力 的七十個子，攏刣死佇一塊石磐頂；只有 耶路巴力 的煞尾子 約坦 有走去匿，無死。</verse>
				<verse number="6">示劍 人及 伯‧米羅 人攏聚集，佇 示劍 橡樹邊仔的柱像遐，設立 亞比米勒 作王。</verse>
				<verse number="7">約坦 一下聽著此個代誌，就去徛佇 基利心 山頂，對 示劍 人大聲喝，講：「 示劍 人，著聽我講，上帝就會聽恁。</verse>
				<verse number="8">有一遍，樹仔欲設立一欉樹做𪜶的王。𪜶去給橄欖樹講：『請你做阮的王。』</verse>
				<verse number="9">橄欖樹應𪜶講：『我哪通停止生產互上帝及人得著榮光的油，去佇恁的頂面展威？』</verse>
				<verse number="10">諸個樹去給無花果樹講：『請你做阮的王。』</verse>
				<verse number="11">無花果樹應𪜶講：『我哪通停止生產我甜閣好食的果子，去佇恁的頂面展威？』</verse>
				<verse number="12">諸個樹去給葡萄樹講：『請你做阮的王。』</verse>
				<verse number="13">葡萄樹應𪜶講：『我哪通停止生產互上帝及人歡喜快樂的新酒，去佇恁的頂面展威？』</verse>
				<verse number="14">諸個樹對莿講：『你做阮的王。』</verse>
				<verse number="15">莿應𪜶講：『恁若真正欲設立我做恁的王，著來我的蔭影下互我保護；若毋，火就會對莿發出，燒毀 黎巴嫩 的柏香樹。』</verse>
				<verse number="16">「恁若誠心實意設立 亞比米勒 作王，若照 耶路巴力 為著恁所做的，公道對待伊及伊的家 —</verse>
				<verse number="17">我的老父曾無顧性命為著恁交戰，救恁脫離 米甸 人的手；</verse>
				<verse number="18">恁今仔日竟然攻擊阮老父的家，佇一塊石磐頂刣死伊七十個子，閣設立伊女婢的子，恁的兄弟 亞比米勒 做 示劍 人的王；</verse>
				<verse number="19">恁今仔日若真誠公道對待 耶路巴力 及伊的家，我祝恁及 亞比米勒 攏歡喜快樂；</verse>
				<verse number="20">若無，願火對 亞比米勒 發出，燒滅 示劍 人及 伯‧米羅 人；願火嘛對 示劍 人及 伯‧米羅 人發出，燒死 亞比米勒 。」</verse>
				<verse number="21">約坦 因為驚伊的兄弟 亞比米勒 ，就逃走去匿佇 比珥 ，住佇遐。</verse>
				<verse number="22">亞比米勒 統治 以色列 三年。</verse>
				<verse number="23">上帝派歹神去佇 亞比米勒 及 示劍 人的中間，互 示劍 人背叛 亞比米勒 ，</verse>
				<verse number="24">來報應 亞比米勒 ，因為伊刣死 耶路巴力 七十個子；嘛報復 示劍 人，因為𪜶幫贊 亞比米勒 殘害伊的兄弟。</verse>
				<verse number="25">示劍 人反對 亞比米勒 ，就佇山頂埋伏，搶所有經過彼條路的人；有人將此項代誌給 亞比米勒 報告。</verse>
				<verse number="26">以別 的子 迦勒 及伊的兄弟來到 示劍 ； 示劍 人攏信任伊。</verse>
				<verse number="27">𪜶出去園裡收葡萄，踏酒，慶祝，佇𪜶的神廟亦食亦飲，咒詛 亞比米勒 。</verse>
				<verse number="28">以別 的子 迦勒 講：「 亞比米勒 算啥？咱 示劍 人是什麼款人，哪著服事伊？伊不過是 耶路巴力 的子； 西布勒 不過是伊的部下。咱著服事咱 示劍 的開拓者 哈抹 的後代，哪欲服事 亞比米勒 ？</verse>
				<verse number="29">諸個人民若互我指揮，我就會給 亞比米勒 消滅。」伊就給 亞比米勒 嗆聲：「加派你的軍兵，出來輸贏！」</verse>
				<verse number="30">市長 西布勒 聽著 以別 的子 迦勒 的話，非常受氣，</verse>
				<verse number="31">就暗中派人去給 亞比米勒 報告，講：「 以別 的子 迦勒 及伊的兄弟來 示劍 ，煽動城內的人反抗你；</verse>
				<verse number="32">所以，你及你的部下著透暝出發，佇野外埋伏；</verse>
				<verse number="33">日抵仔出的時，你著趕緊攻城； 迦勒 及隨伊的人出來攻擊你，你著全力對付𪜶。」</verse>
				<verse number="34">亞比米勒 及伊的部下暝時出發，分做四隊，佇 示劍 附近埋伏。</verse>
				<verse number="35">以別 的子 迦勒 出去，徛佇城門口； 亞比米勒 及伊的部下對埋伏的所在出來。</verse>
				<verse number="36">迦勒 看著許個人，就對 西布勒 講：「你看，有人對山頂落來。」 西布勒 講：「彼是山的影，你煞看做是人。」</verse>
				<verse number="37">迦勒 閣講：「看咧，有人對高的所在落來，閣有一隊對 米惡尼尼 橡樹的路過來。」</verse>
				<verse number="38">西布勒 對伊講：「你曾講：『 亞比米勒 算啥？咱哪著服事伊？』你講的大聲話佇叨位？諸個人豈毋是你藐視的人民？今你著出去及𪜶交戰。」</verse>
				<verse number="39">迦勒 就導 示劍 人出去，及 亞比米勒 交戰。</verse>
				<verse number="40">亞比米勒 追趇 迦勒 ， 迦勒 就逃走；死傷的人真多，倒甲滿四界，一直到城門口。</verse>
				<verse number="41">亞比米勒 住佇 亞魯瑪 ； 西布勒 趕 迦勒 及伊的兄弟，毋准𪜶𫢶佇 示劍 。</verse>
				<verse number="42">隔日， 示劍 人出去野外；有人給 亞比米勒 講。</verse>
				<verse number="43">伊就將伊的部下分做三隊，埋伏佇野外；看著 示劍 人對城內出來，就起來攻擊𪜶，刣𪜶。</verse>
				<verse number="44">亞比米勒 及隨伊彼隊衝進前，截佇城門口；另外彼兩隊直直衝去野外，刣死許個人。</verse>
				<verse number="45">亞比米勒 歸日攻城。伊攻取彼個城了後，刣死城內的人，給城拆毀，閣撒鹽佇頂面。</verse>
				<verse number="46">住佇 示劍 城樓的人聽著，就走入去 巴力‧比利土 廟的地穴。</verse>
				<verse number="47">有人給 亞比米勒 講：「 示劍 城樓的人攏集中佇一所在。」</verse>
				<verse number="48">亞比米勒 及隨伊的人就攏上 撒們山 ； 亞比米勒 手攑斧頭，剉一支樹椏，夯佇肩頭頂。伊給隨伊的人講：「我按怎做，恁著趕緊隨我做。」</verse>
				<verse number="49">所有的人就攏剉樹椏，隨 亞比米勒 去到地穴遐，將樹椏疊佇彼頂面，放火燒， 示劍 城樓的人攏死；男女大約一千人。</verse>
				<verse number="50">亞比米勒 去到 提備斯 ，佇遐紮營，攻取彼座城。</verse>
				<verse number="51">城內有一座堅固的城樓；城內的人，無論男女，攏走去遐，關門，上樓頂。</verse>
				<verse number="52">亞比米勒 來到城樓的門前，欲放火燒城樓。</verse>
				<verse number="53">有一個婦仁人將石磨的頂面座擲落去，擲著 亞比米勒 的頭殼，挵破伊的頭殼碗。</verse>
				<verse number="54">伊趕緊叫替伊攑軍器的少年人，給伊講：「拔刀給我刣死，才免人講我互查某人刣死。」少年人就給伊鑿死。</verse>
				<verse number="55">以色列 人看著 亞比米勒 死，就攏倒去逐個人家己的厝。</verse>
				<verse number="56">按呢，上帝報應 亞比米勒 對伊的老父所做邪惡的事，就是刣死伊七十個兄弟。</verse>
				<verse number="57">上帝嘛報應 示劍 人所做攏總的歹事。 耶路巴力 的子 約坦 咒詛的話攏照按呢發生。</verse>
			</chapter>
			<chapter number="10">
				<verse number="1">亞比米勒 死了後，有 以薩迦 支族的人 朵多 的孫， 普瓦 的子， 陀拉 興起，解救 以色列 人；伊住佇 以法蓮 山區的 沙密 。</verse>
				<verse number="2">伊做 以色列 的士師二十三年。伊死，人給伊安葬佇 沙密 。</verse>
				<verse number="3">陀拉 死了後， 基列 人 睚珥 興起，做 以色列 的士師二十二年。</verse>
				<verse number="4">伊有三十個子，騎三十隻驢仔，閣有三十座城，攏佇 基列 地區；諸個城到今仔日猶叫做 哈倭特‧睚珥 。</verse>
				<verse number="5">睚珥 死，人給伊安葬佇 加們 。</verse>
				<verse number="6">以色列 人閣做上主看做歹的事，去服事巴力及 亞斯她錄 ，以及 敘利亞 、 西頓 、 摩押 、 亞捫 人，及 非利士 人的神明；𪜶棄拺上主，無服事伊。</verse>
				<verse number="7">上主對 以色列 人發受氣，將𪜶交互 非利士 人及 亞捫 人。</verse>
				<verse number="8">𪜶擾亂閣壓制住佇 約旦河 東旁， 亞摩利 人境內， 基列 地區的 以色列 人有十八年久。</verse>
				<verse number="9">亞捫 人閣過 約旦河 ，去攻擊 猶大 、 便雅憫 ，及 以法蓮 諸個支族， 以色列 人就非常困苦。</verse>
				<verse number="10">以色列 人哀求上主，講：「阮有得罪你，因為阮棄拺阮的上帝，去服事巴力。」</verse>
				<verse number="11">上主對 以色列 人講：「我豈無將恁對 埃及 人、 亞摩利 人、 亞捫 人，及 非利士 人的手解救出來？</verse>
				<verse number="12">西頓 人、 亞瑪力 人，及 瑪雲 人壓制恁，恁哀求我，我嘛有解救恁脫離𪜶的手。</verse>
				<verse number="13">今恁竟然放拺我，去服事別個神明，所以我無欲閣救恁。</verse>
				<verse number="14">恁去哀求恁所揀的神明，互𪜶佇恁患難的時解救恁。」</verse>
				<verse number="15">以色列 人對上主講：「阮有犯罪，出在你的意思對待阮；毋拘懇求你今仔日解救阮。」</verse>
				<verse number="16">𪜶就將𪜶中間的外邦神明除去，只有服事上主；上主對 以色列 人的困苦真不忍心。</verse>
				<verse number="17">亞捫 人閣聚集，佇 基列 紮營； 以色列 人嘛聚集，紮營佇 米斯巴 。</verse>
				<verse number="18">基列 的軍兵及官長參詳決定，講：「什麼人先去攻擊 亞捫 人，伊就做 基列 住民的領袖。」</verse>
			</chapter>
			<chapter number="11">
				<verse number="1">基列 人 耶弗他 是強猛的勇士；伊的老母是妓女，老父是 基列 。</verse>
				<verse number="2">基列 的某嘛給伊生幾若個子；諸個子大漢，就給 耶弗他 趕出去，講：「你𣍐用得分阮老父的財產，因為你是妓女生的。」</verse>
				<verse number="3">耶弗他 就走閃伊的兄弟，去住佇 陀伯 地區；有一寡匪類倚來 耶弗他 遐，隨伊出入。</verse>
				<verse number="4">過一段時間， 亞捫 人及 以色列 人交戰。</verse>
				<verse number="5">亞捫 人及 以色列 人交戰的時， 基列 的長老去 陀伯 地區請 耶弗他 倒來。</verse>
				<verse number="6">𪜶對 耶弗他 講：「請你倒來做阮的指揮官，導阮及 亞捫 人交戰。」</verse>
				<verse number="7">耶弗他 應 基列 的長老講：「恁以前豈毋是討厭我，給我對阮老父的家趕出來？現在恁抵著患難，是按怎來尋我？」</verse>
				<verse number="8">基列 的長老對 耶弗他 講：「就是因為按呢，阮現在倒轉來尋你。你若及阮做夥去及 亞捫 人交戰，你就通做阮的領袖，管轄 基列 所有的住民。」</verse>
				<verse number="9">耶弗他 對 基列 的長老講：「恁若愛我倒去及 亞捫 人交戰，上主閣將𪜶交互我，我就欲做恁的領袖。」</verse>
				<verse number="10">基列 的長老應 耶弗他 講：「上主作證，阮一定照你的話做。」</verse>
				<verse number="11">耶弗他 及 基列 的長老倒去，人民就設立伊做領袖，做指揮官。 耶弗他 佇 米斯巴 將諸個一切的話對上主講一遍。</verse>
				<verse number="12">耶弗他 差使者去見 亞捫 人的王講：「我及你有什麼冤仇，你竟然來侵佔阮的地？」</verse>
				<verse number="13">亞捫 人的王應 耶弗他 的使者講：「 以色列 人對 埃及 上來的時，佔我的地，對 亞嫩河 到 雅博河 ，閣到 約旦河 。今恁著乖乖仔將諸個地還我。」</verse>
				<verse number="14">耶弗他 閣差使者去見 亞捫 人的王，</verse>
				<verse number="15">給伊講：「 耶弗他 按呢講：『 以色列 人並無佔 摩押 人及 亞捫 人的地。</verse>
				<verse number="16">以色列 人對 埃及 上來的時，是經過曠野到 紅海 ，來到 加低斯 ；</verse>
				<verse number="17">彼時 以色列 人差使者去見 以東 王，請伊允准𪜶經過伊的地，毋拘 以東 王毋肯。𪜶閣差使者去見 摩押 王，伊嘛毋准； 以色列 人就住佇 加低斯 。</verse>
				<verse number="18">𪜶閣經過曠野，踅過 以東 地及 摩押 地的外面，來到 摩押 地的東旁，佇 亞嫩河 彼旁紮營；無入 摩押 的境內，因為 亞嫩河 是 摩押 的邊界。</verse>
				<verse number="19">以色列 人閣差人去見 亞摩利 人 希實本 的王 西宏 ，請伊允准𪜶經過伊的地，去𪜶家己的所在。</verse>
				<verse number="20">毋拘 西宏 無信任 以色列 人，毋互𪜶經過伊的境界，顛倒聚集伊的人民，佇 雅雜 紮營，及 以色列 人交戰。</verse>
				<verse number="21">上主 — 以色列 的上帝將 西宏 及伊的人民交佇 以色列 人的手， 以色列 人就給𪜶拍敗；對按呢， 以色列 人就得著彼地區 亞摩利 人的全地做產業。</verse>
				<verse number="22">𪜶得著 亞摩利 人所有的土地，對 亞嫩河 到 雅博河 ，對曠野到 約旦河 。</verse>
				<verse number="23">「『上主 — 以色列 的上帝為著伊的子民 以色列 將 亞摩利 人趕走，你嘛欲佔此塊地是無？</verse>
				<verse number="24">你應該去佔領你的神明 基抹 賜互你的地。上主 — 阮的上帝賞賜阮的地，阮欲顧守。</verse>
				<verse number="25">你豈比 摩押 王 西撥 的子 巴勒 較強？伊毋敢及 以色列 人計較，嘛毋敢及𪜶交戰。</verse>
				<verse number="26">以色列 人住佇 希實本 、 亞羅珥 ，及𪜶附近的庄社，以及 亞嫩 河邊許個城，已經有三百年；彼時恁哪無給𪜶搶轉來？</verse>
				<verse number="27">我無得罪你，你顛倒欲及我交戰。願審判的上主今仔日佇 以色列 及 亞捫 的中間裁決。』」</verse>
				<verse number="28">毋拘 亞捫 人的王毋肯聽 耶弗他 派去的人對伊講的話。</verse>
				<verse number="29">上主的神臨到 耶弗他 ，伊就經過 基列 及 瑪拿西 的地區，倒來 基列 的 米斯巴 ，閣對 米斯巴 去到 亞捫 人遐。</verse>
				<verse number="30">耶弗他 對上主下願，講：「你若將 亞捫 人交佇我的手，</verse>
				<verse number="31">我對 亞捫 人遐平安倒來的時，對阮兜的門出來迎接我的，無論啥人，我一定欲給伊獻做燒化祭歸上主。」</verse>
				<verse number="32">耶弗他 去及 亞捫 人交戰，上主將𪜶交佇伊的手。</verse>
				<verse number="33">伊將 亞捫 人徹底拍敗，對 亞羅珥 到 米匿 ，直到 亞伯‧基拉明 ，攏總攻取二十座城，刣死真多人。對按呢， 亞捫 人就受 以色列 人制伏。</verse>
				<verse number="34">耶弗他 倒來 米斯巴 到家己的厝，彼時，伊的查某子攑玲瓏鼓跳舞出來迎接伊；此個查某囝仔是伊孤生的查某子。</verse>
				<verse number="35">耶弗他 看著伊，就拆裂衫，講：「唉啊，我的查某子，你互我真為難，互我真艱苦心；因為我已經對上主講出嘴，𣍐當收回。」</verse>
				<verse number="36">伊應講：「阿爸，你已經對上主下願，著照你所講的對我按呢做；因為上主已經佇你的對敵 亞捫 人身上替你報仇。」</verse>
				<verse number="37">伊閣對伊的老父講：「有一項代誌求你允准，請容允我兩個月，互我及我的同伴去山裡，為著我著一世人做在室女啼哭。」</verse>
				<verse number="38">耶弗他 講：「好，你去！」 耶弗他 就准伊去兩個月，及伊的同伴佇山裡為著伊一世人做在室女啼哭。</verse>
				<verse number="39">兩月日後，伊倒來伊的老父遐，伊的老父就照所下的願對待伊；伊攏無結婚。後來， 以色列 有一個風俗：</verse>
				<verse number="40">逐年有四日， 以色列 的查某囝仔會出去追悼 基列 人 耶弗他 的查某子。</verse>
			</chapter>
			<chapter number="12">
				<verse number="1">以法蓮 人佇 撒分 聚集，對 耶弗他 講：「你去及 亞捫 人交戰，是按怎無召集阮參加？阮欲用火燒你及你的厝。」</verse>
				<verse number="2">耶弗他 給𪜶講：「我及我的軍兵及 亞捫 人大交戰的時，我招恁來，恁毋肯來救我脫離𪜶的手；</verse>
				<verse number="3">我看著恁無來救我，就拼命進前攻擊 亞捫 人；上主將𪜶交佇我的手。今仔日恁是按怎來欲攻擊我？」</verse>
				<verse number="4">耶弗他 就召集 基列 的軍兵及 以法蓮 人交戰。 基列 人拍敗 以法蓮 人。 以法蓮 人曾講：「恁 基列 人佇 以法蓮 及 瑪拿西 的中間，是 以法蓮 的逃兵。」</verse>
				<verse number="5">基列 人顧守 約旦河 的渡口，毋互 以法蓮 人過去；逃走的 以法蓮 人若講：「請互阮過去。」 基列 人就問伊講：「你豈是 以法蓮 人？」</verse>
				<verse number="6">伊若講：「毋是。」𪜶就叫伊講 示播列 ；伊會講做 西播列 ，因為 以法蓮 人的發音講𣍐正； 基列 人就掠伊，佇 約旦河 的渡口給伊刣死。彼時有四萬兩千個 以法蓮 人受刣死。</verse>
				<verse number="7">耶弗他 做 以色列 的士師六年。 基列 人 耶弗他 死，人給伊安葬佇 基列 的一座城。</verse>
				<verse number="8">耶弗他 死了後， 伯利恆 人 以比讚 做 以色列 的士師。</verse>
				<verse number="9">伊有三十個子、三十個查某子；伊將查某子嫁互別個宗族，嘛為著伊的後生對別個宗族娶三十個新婦。伊做 以色列 的士師七年。</verse>
				<verse number="10">以比讚 死，人給伊安葬佇 伯利恆 。</verse>
				<verse number="11">以比讚 死了後， 西布倫 支族的人 以倫 做 以色列 的士師十年。</verse>
				<verse number="12">以倫 死，人給伊安葬佇 西布倫 地區的 亞雅崙 。</verse>
				<verse number="13">以倫 死了後， 比拉頓 人 希列 的子 亞伯頓 做 以色列 的士師。</verse>
				<verse number="14">伊有四十個子、三十個孫；𪜶騎七十隻驢仔。伊做 以色列 的士師八年。</verse>
				<verse number="15">比拉頓 人 希列 的子 亞伯頓 死，人給伊安葬佇 亞瑪力 人的山地， 以法蓮 地區的 比拉頓 。</verse>
			</chapter>
			<chapter number="13">
				<verse number="1">以色列 人閣做上主看做歹的事；上主給𪜶交佇 非利士 人的手四十年。</verse>
				<verse number="2">彼時，有一個 但 支族的 瑣拉 人，叫做 瑪挪亞 ；伊的某無懷孕，無生。</verse>
				<verse number="3">上主的使者對彼個婦仁人顯現，給伊講：「你以前𣍐懷孕，𣍐生子，毋拘現在你欲懷孕生一個子。</verse>
				<verse number="4">所以你著細膩，薄酒厚酒毋通飲，律法規定無清氣的物攏毋通食。</verse>
				<verse number="5">你欲懷孕生一個子，毋通給伊剃頭；因為此個囝仔對胎裡就歸上帝做拿細耳人 ；伊欲開始解救 以色列 人脫離 非利士 人的手。」</verse>
				<verse number="6">婦仁人去給伊的丈夫講：「有一個上帝重用的人來我遮，伊的容貌親像上帝的使者，互人驚畏。我無問伊對叨位來，伊嘛無給我講伊的名；</verse>
				<verse number="7">毋拘伊對我講：『你欲懷孕生一個子，所以薄酒厚酒毋通飲，無清氣的物攏毋通食，因為此個囝仔對胎裡到伊死彼日，欲歸上帝做拿細耳人。』」</verse>
				<verse number="8">瑪挪亞 就求上主講：「主啊，求你互你所差上帝重用的人閣來阮遮，通教導阮按怎對待此個啲欲出世的囝仔。」</verse>
				<verse number="9">上帝聽 瑪挪亞 的懇求。婦仁人坐佇園裡的時，上帝的使者閣來伊遐；毋拘伊的丈夫 瑪挪亞 無及伊做夥。</verse>
				<verse number="10">婦仁人趕緊走去報伊的丈夫，給伊講：「彼日來我遮彼個人閣對我顯現。」</verse>
				<verse number="11">瑪挪亞 趕緊隨伊的某去彼個人遐，對伊講：「你豈是對阮某講話彼個人？」 伊講：「是。」</verse>
				<verse number="12">瑪挪亞 講：「你的話實現了後，阮著按怎教此個囝仔？伊著守什麼規矩？」</verse>
				<verse number="13">上主的使者對 瑪挪亞 講：「我給此個婦仁人講的代誌，伊攏著謹慎；</verse>
				<verse number="14">所有葡萄樹出的物毋通食，薄酒厚酒毋通飲，一切無清氣的物嘛毋通食。我給伊吩咐的，伊攏著遵守。」</verse>
				<verse number="15">瑪挪亞 對上主的使者講：「請留落來，互阮通準備一隻山羊仔請你。」</verse>
				<verse number="16">上主的使者給 瑪挪亞 講：「你給我留落來，我嘛𣍐食你的物件。你若欲獻燒化祭，著獻互上主。」 瑪挪亞 毋知伊是上主的使者。</verse>
				<verse number="17">瑪挪亞 對上主的使者講：「請給我講你的大名。你的話實現的時，阮通報答你。」</verse>
				<verse number="18">上主的使者給伊講：「你無應該問我的名。我的名是奇妙，得理解。」</verse>
				<verse number="19">瑪挪亞 將一隻山羊仔及素祭，佇石磐頂獻互上主；彼時， 瑪挪亞 及伊的某看見一項奇妙的事。</verse>
				<verse number="20">火焰對壇頂淐上天的時，上主的使者嘛對石磐頂的火焰中上去。 瑪挪亞 及伊的某看見，就仆佇土腳。</verse>
				<verse number="21">上主的使者無閣出現互 瑪挪亞 及伊的某看見， 瑪挪亞 才知伊是上主的使者。</verse>
				<verse number="22">瑪挪亞 給伊的某講：「咱一定會死，因為咱有看見上帝。」</verse>
				<verse number="23">伊的某給伊講：「上主若欲互咱死，一定𣍐接納咱獻的燒化祭及素祭，𣍐互咱看見諸個代誌，嘛𣍐佇此陣互咱聽著諸個話。」</verse>
				<verse number="24">後來，婦仁人生一個子，給伊號名叫做 參孫 ；囝仔大漢，上主賜福伊。</verse>
				<verse number="25">佇 瑣拉 及 以實陶 中間的 瑪哈尼‧但 ，上主的神開始充滿伊。</verse>
			</chapter>
			<chapter number="14">
				<verse number="1">參孫 落去 亭拿 ，佇遐看著一個女子，是 非利士 的查某囝仔。</verse>
				<verse number="2">參孫 倒去給𪜶老父老母講：「我佇 亭拿 看著一個女子，是 非利士 的查某囝仔；請互我娶伊作某。」</verse>
				<verse number="3">伊的父母給伊講：「佇咱的宗族及同胞的中間，豈無查某囝仔？你哪欲娶無受割禮的 非利士 人的查某囝仔？」 參孫 給伊的老父講：「我合意伊，我欲娶伊。」</verse>
				<verse number="4">伊的父母毋知此個代誌出佇上主，因為上主尋機會欲攻擊 非利士 人。彼時， 非利士 人管轄 以色列 人。</verse>
				<verse number="5">參孫 及伊的父母落去 亭拿 。 參孫 到 亭拿 的葡萄園的時，忽然抵著一隻少壯的獅對伊大聲哮。</verse>
				<verse number="6">上主的神大大充滿 參孫 ；伊空手給獅拆裂，親像啲拆裂山羊仔。此項代誌 參孫 無給伊的父母講。</verse>
				<verse number="7">參孫 落去及彼個女子講話，真合意伊。</verse>
				<verse number="8">過一段時間，伊倒去欲娶彼個女子做某；伊斡對路邊欲看彼隻伊拍死的獅，看著有一巢蜂及蜜佇獅的身屍內面。</verse>
				<verse number="9">伊穵蜜下佇手裡，那行那食；來到伊的父母遐，分互𪜶食，毋拘無給𪜶講蜜是對獅的身屍穵來的。</verse>
				<verse number="10">伊的老父落去彼個女子遐。 參孫 照彼所在作新郎的慣例，佇遐辦桌請人客。</verse>
				<verse number="11">非利士 人看著 參孫 來，就導三十個人來陪伴伊。</verse>
				<verse number="12">參孫 給𪜶講：「我現在欲出一個謎猜互恁；恁佇宴席的七日內若猜會出，我就欲互恁三十領幼麻布的內衫、三十套禮服；</verse>
				<verse number="13">恁若臆𣍐出來，恁著互我三十領幼麻布的內衫、三十套禮服。」 𪜶講：「請講你的謎猜互阮臆。」</verse>
				<verse number="14">參孫 就講： 「食物對吞食的出； 甜物對強猛的出。」 𪜶三日久臆𣍐出。</verse>
				<verse number="15">到第四日 ，𪜶給 參孫 的某講：「你著給你的丈夫落話，互阮知謎猜的意思；若無，阮欲放火燒你及恁老父的厝。恁請阮來，是欲搶阮是無？」</verse>
				<verse number="16">參孫 的某仆佇伊的肩頭頂啼哭講：「你是怨恨我，毋是疼我；因為你出謎猜互阮本族的人，卻無給我講答案。」 伊應講：「我連父母都無給𪜶講，哪通給你講？」</verse>
				<verse number="17">參孫 的某佇伊的面前啼啼哭哭到宴席的第七日， 參孫 𣍐堪得伊逼，就給伊講；伊的某就將答案給伊本族的人講。</verse>
				<verse number="18">到第七日，日落以前 ，城內的人來給 參孫 講： 「有什麼比蜜較甜？ 有什麼比獅較強？」 參孫 給𪜶回答講： 「若無用我的細隻牛母犁田， 恁絕對臆𣍐出答案。」</verse>
				<verse number="19">上主的神大大充滿 參孫 ，伊就落去 亞實基倫 ，刣死三十人，搶𪜶的衫，提互臆著謎猜的人。 參孫 氣沸沸，倒去𪜶老父遐。</verse>
				<verse number="20">參孫 的某煞嫁互伊的伴娶的中間的一個。</verse>
			</chapter>
			<chapter number="15">
				<verse number="1">過一段時間，到割麥仔的時， 參孫 帶一隻山羊仔去尋伊的某。伊對伊的丈人講：「我欲入去房間尋阮某。」伊的丈人毋准伊入去。</verse>
				<verse number="2">丈人講：「我想你足慼伊，所以我將伊嫁互你的伴娶的。伊的小妹比伊較媠，你通娶伊。」</verse>
				<verse number="3">參孫 給𪜶講：「此遍我有正當的理由對付 非利士 人。」</verse>
				<verse number="4">參孫 就去掠三百隻狐狸，將𪜶兩隻兩隻的尾縛做夥，閣將火把縛佇狐狸尾的中間。</verse>
				<verse number="5">伊將火把點𤏸，放狐狸入去 非利士 人的麥園，將割好𫞼佇遐，及猶未割的麥仔攏燒了了，連葡萄園及橄欖樹嘛攏燒去。</verse>
				<verse number="6">非利士 人講：「這是啥人做的？」 有人講：「是 亭拿 人的子婿 參孫 ，因為伊的丈人將伊的某嫁互伊的伴娶的。」 非利士 人就去放火燒彼個婦仁人及伊的老父。</verse>
				<verse number="7">參孫 對 非利士 人講：「恁既然做此款代誌，我一定欲報仇，毋放恁煞。」</verse>
				<verse number="8">參孫 就出重手攻擊𪜶，刣死真多人。後來，伊落去住佇 以坦 的石洞內。</verse>
				<verse number="9">非利士 人去紮營佇 猶大 ，佇 利希 排陣。</verse>
				<verse number="10">猶大 人講：「恁是按怎上來攻擊阮？」 𪜶講：「阮來是欲掠 參孫 ；伊按怎對待阮，阮嘛欲按呢對待伊。」</verse>
				<verse number="11">對按呢，三千個 猶大 人就去 以坦 的石洞遐，給 參孫 講：「你豈毋知 非利士 人壓制咱？你哪給阮惹即大的麻煩？」 參孫 應講：「𪜶按怎對待我，我嘛按呢對待𪜶。」</verse>
				<verse number="12">猶大 人給伊講：「阮來欲給你縛起來交互 非利士 人。」 參孫 給𪜶講：「恁著咒誓，恁𣍐害我。」</verse>
				<verse number="13">𪜶對伊講：「阮一定𣍐害你，干焦欲給你縛起來交互 非利士 人。」𪜶就用兩條新的索縛 參孫 ，對石洞給伊帶出來。</verse>
				<verse number="14">參孫 到 利希 ； 非利士 人就行倚去，對伊大聲喝。上主的神大大充滿伊，縛伊的手的索就親像火燒過的麻索，對伊的手落落去。</verse>
				<verse number="15">伊看著一塊猶未焦的驢仔的嘴䩃骨，就拾起來，用來拍死一千人。</verse>
				<verse number="16">參孫 講： 「我用驢的嘴䩃骨拍死一千人； 我用驢的嘴䩃骨拍死人，一堆閣一堆 。」</verse>
				<verse number="17">講煞，就將手裡的嘴䩃骨㧒确；彼所在就叫做 拉末‧利希 。</verse>
				<verse number="18">參孫 非常嘴焦，就求叫上主講：「你既然互你的僕人大勝利，哪通互我嘴焦甲欲死，互無受割禮的人掠去？」</verse>
				<verse number="19">上帝就互 利希 塌窩的所在裂開，水對遐淐出來。 參孫 飲了，元氣回復；彼個水泉就叫做 隱‧哈歌利 ，到今仔日猶佇 利希 。</verse>
				<verse number="20">以色列 人互 非利士 人壓制的時， 參孫 做士師二十年。</verse>
			</chapter>
			<chapter number="16">
				<verse number="1">參孫 來 迦薩 ，佇遐看著一個妓女，就及伊睏。</verse>
				<verse number="2">有人給 迦薩 人講：「 參孫 來到咱遮。」𪜶就透暝給伊包圍，歸暝靜靜佇城門埋伏；𪜶講：「天光咱就通刣伊。」</verse>
				<verse number="3">參孫 睏到半暝，起來，將城門的門扇、兩支門徛，及門栱，攏拆起來，下佇肩頭，夯去 希伯崙 對面的山頂。</verse>
				<verse number="4">後來， 參孫 佇 梭烈 山谷愛著一個女子 黛利拉 。</verse>
				<verse number="5">非利士 人許個首領去尋彼個女子，給伊講：「你著給 參孫 落話，看伊是按怎即呢有氣力；阮著按怎做，才會當較贏伊，給伊縛起來，給伊制伏。阮逐個人就互你一千一百塊銀 。」</verse>
				<verse number="6">黛利拉 就給 參孫 講：「請你給我講，你是按怎即呢有氣力；著按怎才會當給你縛起來，給你制伏。」</verse>
				<verse number="7">參孫 應講：「人若用七條猶未焦的索仔給我縛，我就及普通人像款無氣力。」</verse>
				<verse number="8">非利士 人許個首領就提七條猶未焦的索仔互 黛利拉 ，伊就用這給 參孫 縛起來。</verse>
				<verse number="9">彼時已經有人佇伊的內房啲當等；伊喝講：「 參孫 ， 非利士 人來欲掠你！」 參孫 就擦斷索，親像擦斷火燒過的麻絲；按呢，伊大氣力的祕密人猶原毋知。</verse>
				<verse number="10">黛利拉 給 參孫 講：「你給我騙，講白賊。今你著給我講，按怎才會當給你縛起來。」</verse>
				<verse number="11">參孫 應講：「人若用毋曾用過的新索仔給我縛，我就及普通人像款無氣力。」</verse>
				<verse number="12">黛利拉 就用新的索仔給伊縛起來，對伊講：「 參孫 啊， 非利士 人來欲掠你！」彼時，埋伏的人匿佇內房； 參孫 就擦斷縛佇伊手骨的索，親像擦斷一條線。</verse>
				<verse number="13">黛利拉 給 參孫 講：「你到今猶騙我，講白賊。請你給我講，按怎才會當給你縛起來？」 參孫 應講：「你若將我七股的頭毛及織布的線織做夥，用杙仔釘啲，就會當。」</verse>
				<verse number="14">黛利拉 趁 參孫 啲睏的時，將伊的頭毛及織布的線織做夥，用杙仔固定，然後喝講：「 參孫 啊， 非利士 人來欲掠你！」 參孫 醒起來，將杙仔、織布機的梭及線，做一下拔出來。</verse>
				<verse number="15">黛利拉 給伊講：「你無真正信任我，哪會當講你愛我？你已經騙我三遍，無給我講，你的氣力對叨位來。」</verse>
				<verse number="16">黛利拉 逐日用話給催給逼，互伊的心煩甲欲死。</verse>
				<verse number="17">參孫 就將心內的祕密攏給伊講：「我的頭毛攏毋曾用剃頭刀剃過，因為我對出世就奉獻互上帝做拿細耳人。若給我的頭毛剃起來，我的氣力就失去，我就無力，及普通人像款。」</verse>
				<verse number="18">黛利拉 知影 參孫 將心內的祕密攏給伊講，就差人去給 非利士 人的首領講：「請恁閣來一遍，因為伊已經將心內的祕密攏給我講啦。」 非利士 人的首領就帶銀去 黛利拉 遐。</verse>
				<verse number="19">黛利拉 互 參孫 睏佇伊的腳頭窩，叫一個人來給 參孫 七股的頭毛剃起來。按呢， 黛利拉 互 參孫 失去氣力。</verse>
				<verse number="20">黛利拉 喝講：「 參孫 啊， 非利士 人來欲掠你！」 參孫 醒起來，想講：「我欲親像前彼幾遍家己弓開。」毋拘，伊毋知上主已經離開伊。</verse>
				<verse number="21">非利士 人給伊掠起來，挖伊的目睭，帶伊去 迦薩 ，用銅鍊給伊鍊啲，互伊佇監裡挨磨。</verse>
				<verse number="22">總是伊的頭毛剃起來了後，閣漸漸長起來。</verse>
				<verse number="23">非利士 人的首領聚集，欲獻大祭祀互𪜶的神明 大袞 ，歡喜慶祝；𪜶講：「咱的神明已經將咱的對敵 參孫 交佇咱的手。」</verse>
				<verse number="24">人民看著 參孫 ，就謳咾𪜶的神明，講：「咱的對敵毀壞咱的土地，刣死足多咱的人，今咱的神明已經將伊交佇咱的手。」</verse>
				<verse number="25">𪜶非常快樂的時，講：「叫 參孫 出來，互咱戲弄𨑨迌。」𪜶就給 參孫 對監裡押出來；伊就互人戲弄；𪜶互伊徛佇兩支柱的中間。</verse>
				<verse number="26">參孫 給牽伊的手的囝仔講：「請你互我摸著撐廟的柱，互我倚𪜶。」</verse>
				<verse number="27">彼時廟內男女揢甲滿滿， 非利士 人的首領嘛攏佇遐；佇廟頂的平台啲看 參孫 互人戲弄的男女，大約有三千人。</verse>
				<verse number="28">參孫 對上主求叫，講：「至高的上主，求你會記得我。上帝啊，此一遍就好，求你賜我氣力，互我為著兩蕊目睭對 非利士 人報仇。」</verse>
				<verse number="29">參孫 就攬撐廟的兩支中柱，正手攬一支，倒手攬一支。</verse>
				<verse number="30">參孫 講：「互我及 非利士 人做夥死。」伊屈身出大力，廟就倒，硩死許個首領及內面所有的人。按呢， 參孫 最後刣死的人，比活啲的時刣死的閣較多。</verse>
				<verse number="31">參孫 的兄弟及伊老父的親族，攏落來收伊的身屍，給伊扛上去安葬佇 瑣拉 及 以實陶 的中間，𪜶老父 瑪挪亞 的墓。 參孫 做 以色列 的士師二十年。</verse>
			</chapter>
			<chapter number="17">
				<verse number="1">有一個人叫做 米迦 ，住佇 以法蓮 山區。</verse>
				<verse number="2">伊對老母講：「你一千一百塊銀互人偷提去，你給彼個人咒詛，閣講互我聽。你看，許個銀佇我遮，是我提的。」 伊的老母講：「願上主賜福我的子。」</verse>
				<verse number="3">伊就將彼千一塊銀還伊的老母。後來伊的老母講：「我欲將諸個銀獻互上主，互我的子通刻一身神像，閣鑄一身神像。今我將諸個銀交你。」</verse>
				<verse number="4">米迦 閣將許個銀還伊的老母。伊的老母就用兩百塊銀互拍金師傅，造雕刻的神像及鑄的神像。諸個神像下佇 米迦 的厝。</verse>
				<verse number="5">米迦 有一間神廟，閣造以弗得及家族神像；伊閣給伊一個子設立做祭司。</verse>
				<verse number="6">彼時， 以色列 人無王，逐個人攏照伊看做著的去做。</verse>
				<verse number="7">猶大 的 伯利恆 有一個少年人；伊是 利未 人，暫時住佇 猶大 支族的地區。</verse>
				<verse number="8">伊離開 猶大 的 伯利恆 城，欲尋一個通徛起的所在。伊來到 以法蓮 山區 米迦 的厝。</verse>
				<verse number="9">米迦 問伊講：「你對叨位來？」 伊應講：「我是 利未 人，對 猶大 的 伯利恆 來，欲尋一個通徛起的所在。」</verse>
				<verse number="10">米迦 給伊講：「請來及我住，做我的師父，做我的祭司；我逐年互你十塊銀、一套禮服，及食物。」 利未 人就入去。</verse>
				<verse number="11">利未 人答應及 米迦 做夥住。 米迦 將此個少年人看做家己的子。</verse>
				<verse number="12">米迦 給 利未 人設立做祭司，伊就住佇 米迦 的厝。</verse>
				<verse number="13">米迦 講：「今我知上主欲好款待我，因為我有一個 利未 人做祭司。」</verse>
			</chapter>
			<chapter number="18">
				<verse number="1">彼時， 以色列 人無王； 但 支族啲尋土地做徛起的所在，因為到彼日，𪜶佇 以色列 人的中間，猶未得著分互𪜶做產業的土地。</verse>
				<verse number="2">但 的人對 瑣拉 及 以實陶 ，差𪜶本族五個勇士去詳細偵探彼個地區，吩咐𪜶，講：「恁去偵探彼個地區。」𪜶來到 以法蓮 山區，入 米迦 的厝，就佇遐歇暝。</verse>
				<verse number="3">𪜶佇 米迦 的厝附近認著彼個少年 利未 人的口音，就入去問伊：「啥人導你來遮？你佇遮啲做什麼？你佇遮有得著什麼好處？」</verse>
				<verse number="4">伊講：「 米迦 款待我按呢，按呢；伊閣倩我做伊的祭司。」</verse>
				<verse number="5">𪜶給伊講：「請你問上帝，互阮知，阮的任務會順利達成𣍐？」</verse>
				<verse number="6">祭司給𪜶講：「恁通平安去；上主會幫贊恁完成任務。」</verse>
				<verse number="7">彼五個人就出發，來到 拉億 ，看著遐的住民平安徛起，親像 西頓 人無欠缺，無受人攪擾；𪜶離開 西頓 人真遠，無及任何人來往。</verse>
				<verse number="8">𪜶倒來到佇 瑣拉 及 以實陶 中間仝支族的人遐；許個人問𪜶講：「恁看了按怎？」</verse>
				<verse number="9">𪜶應講：「來，咱趕緊來攻擊𪜶。阮已經探查過；彼個所在實在真好。恁毋通𫢶遮聽候，著隨時來攻佔彼個土地做咱的產業。</verse>
				<verse number="10">恁到遐，就會看著安然徛起的人民，土地開闊，物產閣豐富；上帝已經將彼個所在交佇咱的手。」</verse>
				<verse number="11">對按呢， 但 支族六百個人帶軍器，對 瑣拉 及 以實陶 出發。</verse>
				<verse number="12">𪜶佇 猶大 的 基列‧耶琳 西旁紮營；所以彼個所在到今仔日猶叫做 瑪哈尼‧但 。</verse>
				<verse number="13">𪜶對遐經過 以法蓮 山區來到 米迦 𪜶兜。</verse>
				<verse number="14">彼五個去偵探 拉億 地區的人，給𪜶仝支族的人講：「恁豈知諸個厝內面有以弗得、家族神像、雕刻的神像，及鑄的神像？今恁著拍算，看欲按怎做。」</verse>
				<verse number="15">𪜶就斡去 米迦 的厝，入去彼個少年的 利未 人的厝內，給伊請安。</verse>
				<verse number="16">但 支族彼六百個帶軍器的人攏徛佇門口。</verse>
				<verse number="17">偵探彼個地的五個人入去，將雕刻的神像、以弗得、家族神像，及鑄的神像攏提去；祭司及帶軍器彼六百個人做夥徛佇門口。</verse>
				<verse number="18">彼五個人入去 米迦 的厝，提雕刻的神像、以弗得、家族神像，及鑄的神像的時，祭司問𪜶講：「恁啲創啥？」</verse>
				<verse number="19">𪜶給伊講：「恬恬，毋通講話，隨阮來去，做阮的師父，阮的祭司。你做一個家族的祭司較好，抑是做 以色列 一個支族一個宗族的祭司較好？」</verse>
				<verse number="20">祭司真歡喜，就提以弗得、家族神像，及雕刻的神像，及許個人做夥去。</verse>
				<verse number="21">𪜶就出發離開遐，互囝仔、牲生、財物做頭前。</verse>
				<verse number="22">離開 米迦 的厝已經真遠， 米迦 聚集伊的厝邊，追趇 但 的人。</verse>
				<verse number="23">𪜶大聲喝 但 的人。 但 的人越頭，問 米迦 講：「你聚集諸個人欲創什麼？」</verse>
				<verse number="24">伊講：「我造的神明、倩的祭司，恁攏給我帶帶去，我猶賰什麼？恁哪猶啲問我講『你欲創什麼』？」</verse>
				<verse number="25">但 的人給 米迦 講：「你給我恬去，才免歹性地的人給你攻擊，你及恁全家攏會無命。」</verse>
				<verse number="26">但 的人就做𪜶去。 米迦 看著𪜶比伊較強，就越轉身倒去𪜶兜。</verse>
				<verse number="27">但 的人帶 米迦 造的神像及伊的祭司來到 拉億 ，用刀刣死許個平安徛起的住民，閣放火燒此個城。</verse>
				<verse number="28">此個城佇 伯‧利合 山谷附近，離 西頓 真遠，閣無及任何人來往，所以無人來給𪜶解救。</verse>
				<verse number="29">但 的人就重建此個城，佇遐徛起。𪜶給此個城號名叫做 但 ，是用𪜶的祖先 以色列 的子 但 的名號的；此個城較早的名是 拉億 。</verse>
				<verse number="30">但 的人就佇遐為家己𫞼彼個雕刻的神像。 摩西 的孫、 革舜 的子 約拿單 ，及伊的後代，做 但 支族的祭司，一直到 以色列 人受掠彼日。</verse>
				<verse number="31">上帝的會幕佇 示羅 彼段期間， 但 的人嘛為家己𫞼 米迦 雕刻的神像。</verse>
			</chapter>
			<chapter number="19">
				<verse number="1">以色列 無王的時，有一個 利未 人住佇 以法蓮 山區偏僻的所在。伊娶一個 猶大 伯利恆 的女子做細姨。</verse>
				<verse number="2">此個細姨受氣伊的丈夫 ，就離開丈夫，倒去後頭厝，佇遐住四月日久。</verse>
				<verse number="3">伊的丈夫帶一個奴僕及兩隻驢出發去尋伊，欲給伊姑情，導伊倒去。伊的丈夫到位，伊就導伊的丈夫入去老父的厝。 利未 人的丈人看著，就歡迎伊。</verse>
				<verse number="4">彼個丈人給伊留落來；伊就佇遐住三日，做夥飲食。</verse>
				<verse number="5">到第四日，𪜶透早起來， 利未 人欲出發；彼個丈人給子婿講：「請你食一寡物件，加添氣力，才出發。」</verse>
				<verse number="6">兩個人就坐落來，做夥飲食。彼個丈人對伊講：「請你閣住一暝，閣放鬆一下。」</verse>
				<verse number="7">彼個人起來欲出發，伊的丈人閣強強留伊；伊就閣歇一暝。</verse>
				<verse number="8">到第五日， 利未 人透早起來欲出發，丈人給伊講：「請閣食一寡物件，加添氣力，聽候到日欲落山。」伊就留落來及丈人做夥食。</verse>
				<verse number="9">彼個人及伊的細姨，以及奴僕起來欲出發；伊的丈人給伊講：「你看，日欲暗啊，請你閣歇一暝；日欲落啦，你著歇遮閣放鬆一下；明仔載透早才起身倒去恁兜。」</verse>
				<verse number="10">彼個人毋愛閣歇一暝，就導伊的細姨及兩隻準備好勢的驢出發，來到 耶布斯 的對面； 耶布斯 就是 耶路撒冷 。</verse>
				<verse number="11">𪜶行近 耶布斯 的時，日已經欲落山；奴僕對主人講：「咱斡入去 耶布斯 人的城，𫢶遐歇暝好無？」</verse>
				<verse number="12">伊的主人講：「咱無欲斡入去毋是 以色列 人啲住的外邦人的城；咱過來 基比亞 。」</verse>
				<verse number="13">伊閣給奴僕講：「來，咱看是欲去 基比亞 ，抑是 拉瑪 過暝。」</verse>
				<verse number="14">𪜶就繼續行；欲到 便雅憫 的 基比亞 的時，日頭已經落山。</verse>
				<verse number="15">𪜶就斡入去，欲佇 基比亞 歇暝。𪜶入城，坐佇廣場，因為無人接待𪜶入去厝裡歇暝。</verse>
				<verse number="16">日暗，有一個老人對野外做工倒來。伊是 以法蓮 山區的人，住佇 基比亞 ； 基比亞 是 便雅憫 人住的所在。</verse>
				<verse number="17">彼個老人攑頭看著有出外人佇城內的廣場，就問伊講：「你對叨位來，欲去叨位？」</verse>
				<verse number="18">伊應講：「阮對 猶大 的 伯利恆 來，欲去 以法蓮 山區偏僻的所在；我是遐的人，去 猶大 的 伯利恆 ，現在欲轉去阮兜 ；毋拘佇遮無人接待我去𪜶兜。</verse>
				<verse number="19">我有草料互驢，嘛有餅及酒互我，及我的細姨，以及侍候我的少年人，攏無欠什麼。」</verse>
				<verse number="20">老人講：「請你放心！恁欠用的我攏會設法。千萬毋通𫢶廣場過暝。」</verse>
				<verse number="21">伊就導𪜶去伊的厝，飼𪜶的驢；𪜶就洗腳飲食。</verse>
				<verse number="22">𪜶抵啲歡喜快樂的時，城內許個匪類來圍彼間厝，直直拍門，對厝主，彼個老人，講：「給入去恁兜彼個查甫人導出來，阮欲及伊交合。」</verse>
				<verse number="23">彼個厝主出來，對𪜶講：「朋友啊，按呢啦，毋通做此款歹代誌。此個人是我的人客，恁毋通做此款見笑事。</verse>
				<verse number="24">我有一個查某子，猶是在室女，閣有彼個人的細姨；我導𪜶出來，恁通給𪜶凌辱，出在恁的意思對待𪜶。毋拘，對此個人恁毋通做此款見笑事。」</verse>
				<verse number="25">毋拘許個人毋聽彼個老人的話；彼個 利未 人就掠伊的細姨給伊拺出去外面互𪜶。𪜶就給伊強姦，通暝凌辱伊，到隔日天欲光的時，才放伊去。</verse>
				<verse number="26">天昲光的時，婦仁人來到伊的丈夫歇暝彼間厝的門口，倒佇遐，直到天光。</verse>
				<verse number="27">伊的丈夫透早起來，開門，欲出發倒去𪜶兜，看著伊的細姨倒佇門口，兩支手靠佇戶橂。</verse>
				<verse number="28">伊對伊的細姨講：「起來，咱轉來去。」毋拘伊無回應， 利未 人給伊扶起去驢仔頂，就出發倒去𪜶兜。</verse>
				<verse number="29">轉去到𪜶厝，伊就提刀將伊的細姨切做十二塊，差人送去通 以色列 的全境。</verse>
				<verse number="30">所有看著的人攏講：「對 以色列 人出 埃及 到今仔日，此款代誌猶毋曾發生，嘛毋曾看過。今，咱著想，著參詳，著決定欲按怎做。」</verse>
			</chapter>
			<chapter number="20">
				<verse number="1">對按呢，所有的 以色列 人，對 但 到 別是巴 ，及住佇 基列 的人，攏徛出來，團結一致，聚集佇 米斯巴 ，上主的面前。</verse>
				<verse number="2">以色列 眾支族的領袖攏來徛佇上帝子民的會中；攑刀的步兵有四十萬人。</verse>
				<verse number="3">便雅憫 人有聽見 以色列 人攏來佇 米斯巴 。 以色列 人問，講：「給阮講，此個歹代誌按怎發生的？」</verse>
				<verse number="4">彼個 利未 人，就是受害死的婦仁人的丈夫，應講：「我及我的細姨到 便雅憫 的 基比亞 歇暝。</verse>
				<verse number="5">基比亞 人起來攻擊我，暝時包圍我歇暝的厝，想欲害死我；𪜶閣給我的細姨強姦到死。</verse>
				<verse number="6">我就將我的細姨切做一塊一塊，請人提去 以色列 人徛起的所有地區；因為 基比亞 人佇 以色列 人的中間做淫亂及見笑事。</verse>
				<verse number="7">恁所有的 以色列 人著參詳，做決定。」</verse>
				<verse number="8">所有的人民攏起來，團結一致，講：「阮無一個人會轉去伊的布棚，嘛無一個會倒去伊的厝。</verse>
				<verse number="9">今，阮對 基比亞 人欲按呢處理：阮照抽的籤去攻擊𪜶。</verse>
				<verse number="10">阮欲佇 以色列 眾支族的中間，一百人選十人，一千選一百，一萬選一千，給軍兵送糧食，互軍兵到 便雅憫 的 基比亞 ，照 基比亞 人佇 以色列 中所做可惡的事給𪜶報復。」</verse>
				<verse number="11">對按呢，所有的 以色列 人團結一致，攻擊彼個城。</verse>
				<verse number="12">以色列 所有的支族派人去 便雅憫 支族徛起的逐所在，講：「恁做的代誌實在有夠可惡！</verse>
				<verse number="13">今恁著將 基比亞 許個匪類交出來，阮欲互𪜶死，對 以色列 人的中間掃除此個邪惡。」毋拘 便雅憫 人毋肯聽𪜶的同胞 以色列 人的話。</verse>
				<verse number="14">便雅憫 人攏對𪜶家己的城出來，來 基比亞 集合，欲及 以色列 人交戰。</verse>
				<verse number="15">便雅憫 人對逐個城召集兩萬六千個攑刀的兵士，另外猶有 基比亞 人召集七百個精兵。</verse>
				<verse number="16">全部的軍隊中間有七百個特選的精兵；𪜶慣勢用倒手，逐個會用索挕石，真準，分毫不差。</verse>
				<verse number="17">以色列 逐支族， 便雅憫 人以外，所召集攑刀的戰士，總共四十萬。</verse>
				<verse number="18">以色列 人就起來，去 伯特利 求問上帝講：「阮中間叨一個支族著先去攻打 便雅憫 人？」 上主講：「 猶大 先去。」</verse>
				<verse number="19">以色列 人透早起來，佇 基比亞 對面紮營。</verse>
				<verse number="20">以色列 人出來，佇 基比亞 排陣欲及 便雅憫 人交戰。</verse>
				<verse number="21">便雅憫 人嘛對 基比亞 出來；彼日，刣死 以色列 人兩萬兩千。</verse>
				<verse number="22">以色列 人去到上主的面前，啼哭到暗時，請問上主講：「阮豈著閣進前及阮的同胞 便雅憫 人交戰？」 上主講：「著進前攻擊。」 以色列 人就提出勇氣，猶原佇頭一日排陣的所在閣排陣。</verse>
				<verse number="23"></verse>
				<verse number="24">第二日， 以色列 人閣進前去攻擊 便雅憫 人。</verse>
				<verse number="25">便雅憫 人嘛佇彼日對 基比亞 出來迎戰，閣刣死 以色列 人一萬八千個攑刀的戰士。</verse>
				<verse number="26">以色列 人，就是所有的軍兵，攏上去 伯特利 ，坐佇上主的面前啼哭。彼日，𪜶禁食到日暗，閣佇上主的面前獻燒化祭及平安祭。</verse>
				<verse number="27">彼時，上帝的約櫃佇 伯特利 。 亞倫 的孫， 以利亞撒 的子 非尼哈 佇上主的面前服事。 以色列 人請問上主，講：「阮著閣去及阮的同胞 便雅憫 人交戰，抑是著煞？」 上主講：「著去，明仔載我欲將𪜶交佇恁的手。」</verse>
				<verse number="28"></verse>
				<verse number="29">以色列 人就派兵佇 基比亞 的四圍埋伏。</verse>
				<verse number="30">第三日， 以色列 人閣去攻擊 便雅憫 人，及前兩遍像款，佇 基比亞 排陣。</verse>
				<verse number="31">便雅憫 人出去迎戰，受引誘離開城。𪜶佇兩條大路，一條迵 伯特利 ，一條迵 基比亞 的野外，親像前兩遍，刣死 以色列 人約略三十個。</verse>
				<verse number="32">便雅憫 人講：「𪜶會親像以前按呢互咱拍敗。」 毋拘 以色列 人講：「咱來走，引誘𪜶離開城到大路。」</verse>
				<verse number="33">以色列 人的主力軍來 巴力‧他瑪 重新排陣； 以色列 埋伏的兵士對 基比亞 的西旁衝出來。</verse>
				<verse number="34">全部的 以色列 人有一萬個精兵，進前攻擊 基比亞 ；交戰的勢面真猛烈，毋拘 便雅憫 人毋知災禍到啊。</verse>
				<verse number="35">上主互 便雅憫 人刣輸；彼日， 以色列 人刣死兩萬五千一百個 便雅憫 攑刀的兵士。</verse>
				<verse number="36">便雅憫 人知𪜶已經刣輸。 以色列 人撤退，是因為𪜶信任派佇 基比亞 四圍埋伏的戰士。</verse>
				<verse number="37">埋伏的兵真緊衝入 基比亞 ，用刀刣死全城的人。</verse>
				<verse number="38">以色列 人的主力軍及埋伏的兵有約定一個信號，看著城內淐火燻的時，</verse>
				<verse number="39">𪜶著越轉身反攻。代先， 便雅憫 人有刣死大約三十個 以色列 人，就講：「𪜶會親像以前按呢互咱拍敗。」</verse>
				<verse number="40">煙柱對城內淐高的時， 便雅憫 人越頭看著全城的火燻抵天。</verse>
				<verse number="41">以色列 人閣越轉身反攻， 便雅憫 人就驚甲愣去，因為知災禍到啦。</verse>
				<verse number="42">𪜶佇 以色列 人的面前越轉身向曠野的路逃走；毋拘 以色列 人追趇𪜶真倚，𪜶就互主力軍及對逐個城出來的兵包圍，消滅。</verse>
				<verse number="43">以色列 人包圍 便雅憫 人，追趇𪜶，到 基比亞 的東旁，一路給𪜶追殺。</verse>
				<verse number="44">便雅憫 人死一萬八千個勇士。</verse>
				<verse number="45">其他的人越轉身向曠野逃走，到 臨門巖 。 以色列 人沿路刣死𪜶五千人；追趇𪜶到 基頓 ，閣刣死兩千人。</verse>
				<verse number="46">彼日， 便雅憫 人攏總死兩萬五千個攑刀的戰士。</verse>
				<verse number="47">便雅憫 人猶賰六百個戰士，𪜶逃走去曠野，佇 臨門巖 匿四個月。</verse>
				<verse number="48">以色列 人閣越轉攻擊 便雅憫 人，用刀刣死城內的住民、牲生，及所有抵著的人；𪜶閣一路放火燒附近的城。</verse>
			</chapter>
			<chapter number="21">
				<verse number="1">以色列 人佇 米斯巴 曾咒誓講：「阮無欲將查某子嫁互 便雅憫 人做某。」</verse>
				<verse number="2">以色列 人來到 伯特利 ，坐佇上帝的面前大聲啼哭到下昏，</verse>
				<verse number="3">講：「上主 — 以色列 的上帝，今仔日佇 以色列 中間減一支族；阮 以色列 人哪會抵著此款代誌？」</verse>
				<verse number="4">隔日透早，人民起來，佇遐起一座壇，獻燒化祭及平安祭。</verse>
				<verse number="5">以色列 人講：「佇 以色列 支族中，啥人無做夥來上主遮聚集？」因為𪜶咒重誓，講：「無來 米斯巴 上主的面前的人，著互伊死。」</verse>
				<verse number="6">以色列 人為著𪜶的同胞 便雅憫 人心艱苦，講：「今仔日 以色列 中斷絕一個支族啦。</verse>
				<verse number="7">咱已經指上主咒誓，無欲將查某子嫁互𪜶，今咱欲對叨位為著𪜶所賰的人尋某？」</verse>
				<verse number="8">𪜶閣講：「 以色列 諸個支族中間，啥人無上來 米斯巴 上主遮？」𪜶就查出 基列 的 雅比 人無一個人來。</verse>
				<verse number="9">因為𪜶點算的時，無一個 基列 的 雅比 人佇遐。</verse>
				<verse number="10">會眾就差一萬兩千個勇士，吩咐𪜶講：「恁去 基列 的 雅比 ，用刀刣死所有的查甫人、婦仁人，及囝仔。</verse>
				<verse number="11">恁著按呢做：著將所有的查甫人，及結婚過的查某人攏刣死。」</verse>
				<verse number="12">𪜶佇 基列 的 雅比 人中間抵著四百個猶未結婚的在室女，就給𪜶帶到 迦南 地 示羅 的軍營。</verse>
				<verse number="13">全體會眾就派人去及 臨門巖 的 便雅憫 人講和。</verse>
				<verse number="14">彼時， 便雅憫 人倒來； 以色列 人就將所留落來許個 基列 的 雅比 人的查某囝仔互𪜶做某；毋拘猶無夠。</verse>
				<verse number="15">以色列 人民為著 便雅憫 人心艱苦；因為上主互 以色列 的支族缺一角。</verse>
				<verse number="16">以色列 的長老講：「 便雅憫 的婦女既然已經受剿滅，今咱欲按怎尋某互許個活啲的人？」</verse>
				<verse number="17">閣講：「 便雅憫 所賰的人嘛著有家業互𪜶，才免 以色列 中一支族受除滅。</verse>
				<verse number="18">毋拘咱𣍐用得將家己的查某子互𪜶做某，因為咱 以色列 人有咒誓講：『將查某子嫁互 便雅憫 人的，著受咒詛。』」</verse>
				<verse number="19">𪜶閣講：「 示羅 逐年有舉行敬拜上主的節期。」 示羅 是佇 利波拿 的南旁， 伯特利 的北旁，就是 伯特利 向 示劍 的大路的東旁。</verse>
				<verse number="20">𪜶就教 便雅憫 人，講：「恁著去 示羅 ，匿𫢶葡萄園；</verse>
				<verse number="21">若看著𪜶的查某囝仔出來跳舞，著對葡萄園出來，逐個人搶一個 示羅 的女子做某，才倒去 便雅憫 地區。</verse>
				<verse number="22">𪜶的老父抑是兄弟若來給阮抗議，阮會給𪜶講：『請恁帶念阮，寬容𪜶；因為交戰的時，阮無留查某囝仔互𪜶做某。今，毋是恁將查某子互𪜶；若是，恁就有罪。』」</verse>
				<verse number="23">便雅憫 人就照按呢做，照𪜶的人額，搶跳舞的查某囝仔作某；然後倒去𪜶本地，重建城鎮，住佇遐。</verse>
				<verse number="24">像時， 以色列 人離開遐，逐個人倒去家己的支族、宗族；逐個人攏對遐離開，倒去𪜶本地。</verse>
				<verse number="25">彼時， 以色列 人無王，逐個人攏照伊看做著的去做。</verse>
			</chapter>
		</book>
		<book number="8">
			<chapter number="1">
				<verse number="1">士師治理 以色列 的時代， 猶大 地發生飢荒。有一個人導伊的某及兩個子對 猶大 的 伯利恆 搬去 摩押 。</verse>
				<verse number="2">此個人名叫做 以利米勒 ，伊的某名叫做 拿俄美 ，兩個子名叫做 瑪倫 及 基連 ；𪜶是 猶大 的 伯利恆 出身的 以法他 人。𪜶到 摩押 地就住佇遐。</verse>
				<verse number="3">拿俄美 的丈夫 以利米勒 死去，放伊及兩個子。</verse>
				<verse number="4">彼兩個子娶 摩押 女子做某，一個叫做 娥珥巴 ，另外一個叫做 路得 。𪜶住佇遐約十年久了後，</verse>
				<verse number="5">瑪倫 及 基連 兩個人嘛死去，賰 拿俄美 家己一個人，無翁嘛無子通靠。</verse>
				<verse number="6">拿俄美 猶佇 摩押 的時，聽著上主眷顧伊的子民，互𪜶好收成，就及伊的新婦離開 摩押 地欲倒去 伯利恆 。</verse>
				<verse number="7">伊就對伊住的所在出發，欲倒去 猶大 地，兩個新婦隨伊去。</verse>
				<verse number="8">佇路中 拿俄美 對兩個新婦講：「恁轉去家己的外家。願上主施恩互恁，親像恁有好款待死去的人及我像款。</verse>
				<verse number="9">願上主賜福恁，互恁兩個尋著新的對象，有好的歸屬。」伊就給𪜶唚，及𪜶相辭；𪜶大聲哮，</verse>
				<verse number="10">對伊講：「阮一定欲及你轉去恁的人遐。」</verse>
				<verse number="11">拿俄美 講：「查某子啊，著轉去！是按怎欲隨我？我豈會閣生子互恁做翁？</verse>
				<verse number="12">查某子啊，著轉去，去啦。我已經老，𣍐當閣嫁翁；我若猶有向望，今暝有丈夫，閣生子，</verse>
				<verse number="13">恁豈會當等𪜶大漢，無去嫁別人？查某子啊，啦，我比恁較歹命 ，因為上主伸手攻擊我。」</verse>
				<verse number="14">𪜶閣大聲哮。 娥珥巴 就給伊的大家唚，及伊相辭。毋拘 路得 放𣍐離大家。</verse>
				<verse number="15">拿俄美 就講：「你看，恁阿嫂已經轉去𪜶的親族及𪜶的神明遐，你嘛通隨伊轉去。」</verse>
				<verse number="16">路得 應講： 「毋通迫我放拺你， 離開你倒去。 你去叨位，我嘛欲去； 你住叨位，我嘛欲住遐。 你的親族就是我的親族； 你的上帝就是我的上帝。</verse>
				<verse number="17">你死佇叨位，我嘛欲死佇遐，葬佇遐。 只有死會互你及我分開 ， 若無，願上主加倍責罰我。」</verse>
				<verse number="18">拿俄美 看 路得 堅決欲隨伊，就無閣講什麼。</verse>
				<verse number="19">𪜶兩人就繼續行，來到 伯利恆 。到 伯利恆 的時，全城為著𪜶擾動。眾婦女講：「此個人豈真正是 拿俄美 ？」</verse>
				<verse number="20">伊給𪜶講：「毋通叫我 拿俄美 ，著叫我 瑪拉 ，因為全能者互我受大苦難。</verse>
				<verse number="21">我滿滿出去，上主互我空空倒來。是按怎叫我 拿俄美 ？上主苦楚我，全能者互我受患難。」</verse>
				<verse number="22">這就是 拿俄美 及伊的 摩押 新婦 路得 對 摩押 地轉來的經過。𪜶佇開始收割大麥的時來到 伯利恆 。</verse>
			</chapter>
			<chapter number="2">
				<verse number="1">拿俄美 有一個親成，名叫做 波阿斯 ，是大財主，是伊的丈夫 以利米勒 的親族。</verse>
				<verse number="2">摩押 的女子 路得 對 拿俄美 講：「我想欲去園裡，通隨佇對我親切的人後面拾麥穗。」 拿俄美 就對伊講：「查某子啊，做你去。」</verse>
				<verse number="3">伊就去園裡，隨佇收割的人後面拾麥穗。真抵好，此坵園是 以利米勒 的親族 波阿斯 的。</verse>
				<verse number="4">抵彼時， 波阿斯 對 伯利恆 來，伊對收割的人講：「願上主及恁同在！」 𪜶就應伊講：「願上主賜福你！」</verse>
				<verse number="5">波阿斯 問收割的工頭講：「此個少年查某囝仔是什麼人𪜶兜的？」</verse>
				<verse number="6">收割的工頭應講：「此個 摩押 的女子是隨 拿俄美 對 摩押 地轉來的。</verse>
				<verse number="7">伊有講：『准我佇收割的人後面拾落落來的麥穗。』伊對早起無閒到今，抵仔才佇寮仔歇睏一時仔若定。」</verse>
				<verse number="8">波阿斯 就對 路得 講：「查某子啊，我給你講，毋通去別人的園拾，嘛毋通離開遮，著隨我的女工隨互牢。</verse>
				<verse number="9">看工人佇叨一坵園啲收割，著隨佇女工後面拾。我已經吩咐工人𣍐用得給你創治。你嘴焦的時，去水桶遐飲工人汲來的水。」</verse>
				<verse number="10">路得 就仆落去，跪佇土腳，對伊講：「你哪會對我即呢好，即呢關心我此個外國人？」</verse>
				<verse number="11">波阿斯 應伊講：「你的丈夫死了後，你對大家所做的一切，人攏給我講啦。你離開你的父母及故鄉，來住佇此個生份的人中間。</verse>
				<verse number="12">願上主照你所做的報答你。你來上主 — 以色列 的上帝翼股下避難，願你對伊得著滿滿的報賞。」</verse>
				<verse number="13">路得 應講：「你對我即呢好 ；雖然我做你的女婢嘛𣍐堪得，你猶久安慰我，閣對我 — 你的女婢輕聲講好話。」</verse>
				<verse number="14">食飯的時， 波阿斯 對伊講：「來遮，提起來食，麵包搵醋食。」 路得 就坐佇收割的人身邊。 波阿斯 提焙好的麥仔互伊。伊食飽，閣有賰。</verse>
				<verse number="15">伊𬦰起來，閣去拾麥穗。 波阿斯 就吩咐伊的工人，講：「伊若佇麥捆中拾，嘛毋通給伊擋，害伊見笑。</verse>
				<verse number="16">恁甚至著對麥捆中抽一寡出來互伊拾，毋通給伊責備。」</verse>
				<verse number="17">路得 就佇園裡拾麥穗，拾到天暗。伊拍所拾的麥穗，大約有二十二公升的大麥。</verse>
				<verse number="18">伊就揹入城，提互伊的大家看，閣將食賰的提出來互伊的大家。</verse>
				<verse number="19">伊的大家對伊講：「你今仔日佇叨位拾麥穗？你佇叨位工作？願注意著你，好款待你彼個人受祝福。」 路得 就給大家講伊佇什麼人遐工作，閣講彼個人名叫做 波阿斯 。</verse>
				<verse number="20">拿俄美 對新婦講：「願 波阿斯 得著上主祝福；上主不時施恩互活人及死人。」 拿俄美 閣對伊講：「此個人是咱的親成，是有義務延續咱世系的一個至親。」</verse>
				<verse number="21">摩押 的女子 路得 講：「伊嘛有給我講：『你著隨佇我的工人身邊到收割煞。』」</verse>
				<verse number="22">拿俄美 就對伊的新婦 路得 講：「我的查某子啊，你著及伊的女工做夥，才免佇別人的園裡互人創治。」</verse>
				<verse number="23">路得 就隨 波阿斯 的女工做夥拾五穀，到大麥小麥攏收割了。伊繼續及伊的大家住做夥。</verse>
			</chapter>
			<chapter number="3">
				<verse number="1">路得 的大家 拿俄美 給伊講：「查某子啊，我應該為著你尋一個好的歸屬，互你有家己的家。</verse>
				<verse number="2">你會記得無，及你做夥作工許個女工的頭家 波阿斯 ，是咱的親成？我給你講，今暝伊會佇五穀場簸大麥。</verse>
				<verse number="3">你著洗身軀，抹芳油，穿媠衫，然後落去五穀場；毋拘彼個人食飽飲煞以前，毋通互伊認著。</verse>
				<verse number="4">伊倒落去睏的時，著看清楚伊倒的所在，然後倚去，掀開伊蓋腳的外袍，倒佇伊身邊。伊會給你講你著做的事。」</verse>
				<verse number="5">路得 應伊講：「你給我講的，我攏會去做。」</verse>
				<verse number="6">伊就落去五穀場，照大家所吩咐的一切去做。</verse>
				<verse number="7">波阿斯 食飽飲煞，感覺真爽快，就去倒佇麥堆邊。 路得 就跕腳去，掀開伊蓋腳的外袍，倒佇伊的身邊。</verse>
				<verse number="8">半暝， 波阿斯 翻身，看著一個查某人倒佇腳邊，著一驚。</verse>
				<verse number="9">伊問講：「你是啥人？」 伊應講：「我是你的女婢 路得 ，請你用外衫來蓋你的女婢，致蔭我，因為你是阮的至親，有義務延續阮的世系。」</verse>
				<verse number="10">伊講：「查某子，願你得著上主的祝福。你現在所表現的忠誠比以前閣較大 ；無論散赤抑是好額的少年人，你攏無及𪜶行。</verse>
				<verse number="11">今，我的查某子，免煩惱，你所講的我攏會替你做，因為全城的人攏知你是好德行的查某人。</verse>
				<verse number="12">我確實是你的至親，有義務延續你的世系，毋拘有一個比我及恁閣較親。</verse>
				<verse number="13">今暝你留𫢶遮，等天光，伊若欲對你盡義務，真好，互伊盡；伊若毋，我指永活的上主咒誓，我一定會盡義務。你𫢶遮睏，到天光。」</verse>
				<verse number="14">路得 就佇伊的腳邊睏，到天昲光。佇人面猶認𣍐清楚以前， 路得 就起來，因為 波阿斯 有講：「毋通互人知有查某人來五穀場。」</verse>
				<verse number="15">波阿斯 講：「給你的袚巾提來，搋互開。」伊就搋開。 波阿斯 量約二十公斤的大麥，囥佇 路得 的肩頭頂，伊就入城。</verse>
				<verse number="16">路得 來到伊的大家遐。 拿俄美 問伊講：「查某子啊，代誌啥款？」 路得 就將彼個人對伊所做的一切攏給伊講。</verse>
				<verse number="17">路得 講：「彼個人給我講：『你毋通空手轉去恁大家遐。』伊有互我此二十公斤大麥。」</verse>
				<verse number="18">拿俄美 就講：「查某子啊，等看代誌按怎發展。今仔日代誌若無辦好勢，彼個人一定𣍐安心。」</verse>
			</chapter>
			<chapter number="4">
				<verse number="1">波阿斯 來城門口，坐落去；伊所講彼個至親抵抵經過。伊就講：「兄弟啊，請過來遮坐。」彼個人就越轉來坐。</verse>
				<verse number="2">波阿斯 閣請城內十個長老來，給𪜶講：「請遮坐。」𪜶就坐啲。</verse>
				<verse number="3">波阿斯 就對此個至親講：「對 摩押 地轉來的 拿俄美 欲賣咱的兄弟 以利米勒 彼塊地。</verse>
				<verse number="4">我想我著給你講，你著佇坐佇遮的人及民間的長老面前買轉來。你若欲盡義務給伊買轉來，就互你買；若毋，著給我講，互我知。因為無人比你閣較有權通買轉來，閣來才輪著我。」 彼個人就講：「我欲盡義務給買轉來。」</verse>
				<verse number="5">波阿斯 講：「你對 拿俄美 的手買地的時，嘛著娶 死去的人的某 摩押 女子 路得 做某，通替此個死去的人的家族保留此塊土地。」</verse>
				<verse number="6">此個至親就講：「若按呢我毋買，才免枉費我家己的產業。讓你買，互你盡義務，我無欲買。」</verse>
				<verse number="7">照 以色列 古早的風俗，人欲確定贖回抑是交換產業的手續，著褪鞋交互對方。 以色列 人用按呢做合約的證據。</verse>
				<verse number="8">彼個至親就給 波阿斯 講：「互你買。」伊就褪鞋互 波阿斯 。</verse>
				<verse number="9">然後， 波阿斯 對眾長老及所有的人講：「今仔日恁是證人，我對 拿俄美 的手買一切屬 以利米勒 、 瑪倫 ，及 基連 的產業。</verse>
				<verse number="10">我嘛欲娶 瑪倫 的某 摩押 女子 路得 做某，通替死去的人保留伊家族的產業，才免伊對家族及本籍受除名。今仔日恁攏是證人。」</verse>
				<verse number="11">所有佇城門口的人及眾長老攏講：「阮是證人。願上主互你娶入門的某，親像 蕾潔 及 麗亞 建立 雅各 的家。願你佇 以法他 成做大財主，佇 伯利恆 有好名聲。</verse>
				<verse number="12">願你的家，就是上主通過此個女子賞賜你的後代，親像 她瑪 及 猶大 所生 法勒斯 的家像款。」</verse>
				<verse number="13">波阿斯 就娶 路得 做某。 波阿斯 及伊同房；上主互伊懷孕，伊就生一個子。</verse>
				<verse number="14">婦仁人攏來給 拿俄美 講：「願上主得著稱讚，因為伊今仔日互你一個會當繼承你的產業閣照顧你的人。願此個囝仔佇 以色列 有好名聲。</verse>
				<verse number="15">願伊回復你的元氣，佇你年老的時給你奉養，因為伊是疼你的新婦生的。此個新婦比七個子較好。」</verse>
				<verse number="16">拿俄美 就抱此個囝仔佇胸前，成伊大漢 。</verse>
				<verse number="17">厝邊的婦仁人講：「 拿俄美 得著一個子啦。」𪜶就給伊號名叫做 俄備得 ；伊就是 耶西 的老父， 耶西 是 大闢 的老父。</verse>
				<verse number="18">這是 法勒斯 的後代： 法勒斯 生 希斯崙 ，</verse>
				<verse number="19">希斯崙 生 蘭 ， 蘭 生 亞米拿達 ，</verse>
				<verse number="20">亞米拿達 生 拿順 ， 拿順 生 撒門 ，</verse>
				<verse number="21">撒門 生 波阿斯 ， 波阿斯 生 俄備得 ，</verse>
				<verse number="22">俄備得 生 耶西 ， 耶西 生 大闢 。</verse>
			</chapter>
		</book>
		<book number="9">
			<chapter number="1">
				<verse number="1">有一個人叫做 以利加拿 ；伊住佇 以法蓮 山區， 蘇弗 宗族啲住的 拉瑪 ；伊是 以法蓮 人， 蘇弗 的元孫， 託戶 的曾孫， 以利戶 的孫， 耶羅罕 的子。</verse>
				<verse number="2">以利加拿 有兩個某，一個叫做 哈娜 ，一個叫做 比尼娜 ； 比尼娜 有子兒， 哈娜 無子。</verse>
				<verse number="3">以利加拿 逐年對伊的本城上去 示羅 敬拜上主 — 萬軍的統帥，閣對伊獻祭。 以利 兩個子 何弗尼 及 非尼哈 佇遐做上主的祭司。</verse>
				<verse number="4">以利加拿 逐遍獻祭，攏分獻祭的肉互伊的某 比尼娜 及伊的子查某子各一份。</verse>
				<verse number="5">毋拘 以利加拿 互 哈娜 較好份，因為伊疼 哈娜 ，可惜上主互伊無生子。</verse>
				<verse number="6">因為上主互伊無生子，及伊做對頭的 比尼娜 不時激伊，互伊凝心。</verse>
				<verse number="7">此款代誌逐年啲發生。逐遍 哈娜 上去上主的厝的時， 比尼娜 照常按呢激伊；伊就啼哭，食𣍐落飯。</verse>
				<verse number="8">伊的丈夫 以利加拿 給伊講：「 哈娜 ，你是按怎啲哮？是按怎毋食？是按怎啲傷心？有我豈無比有十個子較好？」</verse>
				<verse number="9">𪜶佇 示羅 飲食了後， 哈娜 就徛起來；彼時祭司 以利 坐佇上主的殿門柱邊的坐位。</verse>
				<verse number="10">哈娜 的心艱苦，對上主祈禱，直直流目屎。</verse>
				<verse number="11">哈娜 下願講：「上主 — 萬軍的統帥，你若真正關心你女婢的苦情，眷顧我，無𣍐記得你的女婢，賜你的女婢生一個後生，我欲給伊一世人獻互上主，攏𣍐給伊剃頭。」</verse>
				<verse number="12">哈娜 對上主祈禱無停， 以利 注意看伊的嘴。</verse>
				<verse number="13">哈娜 靜靜祈求，只有嘴唇振動無出聲，所以 以利 想講伊是酒醉。</verse>
				<verse number="14">以利 給伊講：「你欲醉偌久？毋通閣飲啦！」</verse>
				<verse number="15">哈娜 應講：「先生，我無啲醉；我是一個真傷心的查某人，薄酒厚酒攏無飲，不過是啲對上主吐出苦情。</verse>
				<verse number="16">毋通看你的女婢做歹查某。我祈禱無停，因為真怨嘆，心艱苦。」</verse>
				<verse number="17">以利 應伊講：「你平安倒去。願 以色列 的上帝照你所求的賜互你。」</verse>
				<verse number="18">哈娜 講：「願你的女婢對你得著恩惠。」 哈娜 倒去，食飽了後，就無閣憂頭結面。</verse>
				<verse number="19">隔日𪜶真早起來，敬拜上主了後，就倒去𪜶佇 拉瑪 的厝。 以利加拿 及 哈娜 同房；上主會記得 哈娜 。</verse>
				<verse number="20">哈娜 就懷孕，到時生一個子，給伊號名叫做 撒母耳 ，意思是：「伊是我對上主求來的。」</verse>
				<verse number="21">以利加拿 及𪜶全家攏上去 示羅 ，對上主獻年祭，閣謝伊所下的願。</verse>
				<verse number="22">毋拘 哈娜 無上去，給伊的丈夫講：「聽候囝仔斷奶，我才導伊去獻互上主，一世人住佇遐。」</verse>
				<verse number="23">伊的丈夫 以利加拿 給伊講：「你若看做好就按呢去做，聽候囝仔斷奶才去；願上主實現伊的話。」婦仁人就佇厝裡育子到伊斷奶。</verse>
				<verse number="24">囝仔斷奶了後， 哈娜 就導伊去 示羅 上主的厝；閣帶一隻三歲的牛 、十公斤的幼麵粉、一皮袋的酒。彼時囝仔猶細漢。</verse>
				<verse number="25">𪜶就刣彼隻牛，導囝仔去 以利 遐。</verse>
				<verse number="26">婦仁人講：「先生，我確實就是以前徛佇你面前對上主祈禱彼個婦仁人。</verse>
				<verse number="27">我對上主求此個囝仔，伊有照我所求的互我；</verse>
				<verse number="28">所以我將此個囝仔獻互上主，互伊一世人服事上主。」 𪜶 就佇遐敬拜上主。</verse>
			</chapter>
			<chapter number="2">
				<verse number="1">哈娜 祈禱講： 我的心因為上主歡喜； 我的頭因為上主攑高高； 我的嘴敢向對敵誇耀， 因為你的拯救互我快樂。</verse>
				<verse number="2">只有上主至聖， 你以外無別個； 咱的上帝是唯一的保護者。</verse>
				<verse number="3">人毋通自高講驕傲的話； 毋通自誇講大話， 因為上主是無所不知的上帝， 人的行為受你評鑑。</verse>
				<verse number="4">勇士的弓已經受遏折； 軟弱的人得著氣力。</verse>
				<verse number="5">富足的著互人倩才有通食； 枵餓的無閣枵。 𣍐生育的生七個； 有真多子的到尾無賰半個。</verse>
				<verse number="6">上主互人死，亦互人活； 互人落陰間，亦互人起來。</verse>
				<verse number="7">上主互人散赤，亦互人好額； 互人降低，亦互人高升。</verse>
				<verse number="8">伊對塵埃提拔困苦的人， 對糞埽堆高升欠缺的人， 互𪜶及尊貴的人坐做夥， 互𪜶坐大位。 大地的根基上主建立； 伊將世界安置佇彼頂面。</verse>
				<verse number="9">伊保守伊忠信子民的腳步， 互歹人佇烏暗中消失； 人𣍐當靠家己的氣力較贏。</verse>
				<verse number="10">敵對上主的人會受拍碎； 伊欲對天用雷摃𪜶。 上主欲審判全世界。 伊欲賜氣力互伊的君王， 互伊所揀選的頭攑高高。</verse>
				<verse number="11">以利加拿 倒去伊佇 拉瑪 的厝。囝仔 撒母耳 受祭司 以利 指導，服事上主。</verse>
				<verse number="12">以利 兩個子是匪類，藐視上主，</verse>
				<verse number="13">無守祭司取獻祭的肉的規定。人獻祭肉啲煮的時，祭司的僕人就來，攑三爪的肉叉，</verse>
				<verse number="14">插入鍋仔鼎仔，鐕出來的肉祭司就提去。彼時，祭司對來 示羅 獻祭的 以色列 人攏按呢做。</verse>
				<verse number="15">毋若按呢，肉油猶未燒以前，祭司的僕人就來，給獻祭的人講：「肉一寡提來去互祭司烘；伊無愛煮過的肉，愛生的。」</verse>
				<verse number="16">獻祭的人若講：「油燒了，肉才照你所愛的提去。」 祭司的僕人就講：「𣍐用得，隨時互我；若毋，我欲強提去。」</verse>
				<verse number="17">以利 兩個子的罪佇上主眼中非常嚴重，因為𪜶藐視獻互上主的祭物。</verse>
				<verse number="18">彼時 撒母耳 猶細漢，穿幼麻布的以弗得祭司服啲服事上主。</verse>
				<verse number="19">伊的老母逐年給伊做一領細領外袍，及伊的丈夫上來獻年祭的時，帶來互伊。</verse>
				<verse number="20">以利 給 以利加拿 及伊的某祝福，講：「願上主對此個婦仁人閣賜你子兒，來補你獻互上主此個囝仔。」 𪜶就倒去𪜶兜。</verse>
				<verse number="21">上主賜福 哈娜 ，互伊閣生三個後生、兩個查某子。囝仔 撒母耳 繼續服事上主，日日大漢。</verse>
				<verse number="22">以利 已經真老，聽著伊的子對 以色列 眾人所做的代誌，閣聽著𪜶及會幕門口做工的婦仁人做夥睏。</verse>
				<verse number="23">以利 給𪜶講：「恁是按怎做此款歹代誌？我對上主的子民聽著恁的歹行為。</verse>
				<verse number="24">我的子啊，毋通按呢。我有聽著上主的子民對恁的風評真僫。</verse>
				<verse number="25">人得罪人，上帝會給伊審判；人若得罪上主，啥人會當替伊辯護？」 毋拘𪜶毋聽老父的話，因為上主已經決定欲刣𪜶。</verse>
				<verse number="26">囝仔 撒母耳 日日大漢，上主及人愈疼伊。</verse>
				<verse number="27">有一日，有一個上帝重用的人來見 以利 ，對伊講：「上主按呢講：『恁祖先做 埃及 王的奴隸的時，我有對𪜶顯現。</verse>
				<verse number="28">我對 以色列 眾支族揀 亞倫 的家做我的祭司，佇我的祭壇獻祭，燒香，穿以弗得祭司服服事我。 以色列 人用火燒獻互我的祭物，我攏有分互恁祖先。</verse>
				<verse number="29">我所命令佇我的厝獻的牲禮祭物，恁是按怎給𪜶踐踏？你看重你的子較過頭尊重我；竟然准𪜶對我的子民 以色列 獻的祭物，提上好的份去食甲肥滋滋？』</verse>
				<verse number="30">「所以上主 — 以色列 的上帝講：『我雖然曾應允，你的家及你的宗族會永遠服事我，毋拘現在我上主決定無欲照按呢對待恁；因為尊重我的，我欲尊重伊；藐視我的，欲受看輕。</verse>
				<verse number="31">看，日子啲欲到，我欲斬斷你及你的宗族的手骨，按呢你的家族無人會長歲壽。</verse>
				<verse number="32">佇我賜福互 以色列 人的時，你顛倒會看見你的厝衰敗；你的家族無人會長歲壽。</verse>
				<verse number="33">我會給你留一個後代佇我的祭壇服事，毋拘你的目睭會失明，心絕望；其他的後代攏會早死。</verse>
				<verse number="34">你兩個子 何弗尼 及 非尼哈 會仝一日死，這證明我對你講的話一定實現。</verse>
				<verse number="35">我會為家己設立一個忠實的祭司，伊會照我的心意做代誌。我會為著伊建立穩固的家；伊會一世人服事我所選立的王。</verse>
				<verse number="36">你的後代所賰的人攏會對伊求乞討食，講：求你互我參與祭司的工作，互我通度三頓。』」</verse>
			</chapter>
			<chapter number="3">
				<verse number="1">囝仔 撒母耳 受 以利 教導服事上主。當時真罕得有對上主來的信息，無常常有啟示。</verse>
				<verse number="2">有一暝， 以利 佇家己的房間啲睏；伊的目睭已經霧，看𣍐明。</verse>
				<verse number="3">撒母耳 佇囥上帝約櫃的殿內嘛啲睏；天猶未光，上帝的燈猶啲𤏸。</verse>
				<verse number="4">上主叫 撒母耳 ； 撒母耳 應講：「我佇遮。」</verse>
				<verse number="5">伊就走去 以利 遐，講：「我佇遮，你叫我乎？」 以利 講：「我無叫你，倒去睏。」伊就去睏。</verse>
				<verse number="6">上主閣叫 撒母耳 ； 撒母耳 起來，去 以利 遐，講：「我佇遮，你叫我乎？」 伊應講：「我的子，我無叫你，倒去睏。」</verse>
				<verse number="7">彼陣 撒母耳 毋識上主；上主的話猶未對伊啟示。</verse>
				<verse number="8">上主第三遍叫 撒母耳 。 撒母耳 起來，去 以利 遐，講：「我佇遮，你叫我乎？」 以利 才知是上主啲叫囝仔。</verse>
				<verse number="9">以利 就給 撒母耳 講：「你閣去睏。伊若閣叫你，你就講：『上主啊，請你講，你的奴僕啲聽。』」 撒母耳 就閣倒去睏。</verse>
				<verse number="10">上主閣來徛啲，親像前幾若遍按呢叫：「 撒母耳 ， 撒母耳 。」 撒母耳 應講：「請講，你的奴僕啲聽。」</verse>
				<verse number="11">上主給 撒母耳 講：「注意聽，我欲佇 以色列 人中間做一項代誌，互聽著的人攏驚一趒。</verse>
				<verse number="12">佇彼日，關係 以利 的家我所講的代誌攏會實現。</verse>
				<verse number="13">我有給伊講，我欲永遠審判𪜶此家；伊知伊的子有犯應該受咒詛的罪，閣無給𪜶譴責。</verse>
				<verse number="14">所以我對 以利 的家咒誓：『 以利 𪜶此家的罪用牲禮祭物嘛𣍐當得著赦免。』」</verse>
				<verse number="15">撒母耳 睏到天光，開上主的殿門。 撒母耳 毋敢將異象給 以利 講。</verse>
				<verse number="16">以利 叫 撒母耳 ，講：「我的子 撒母耳 。」 伊應講：「我佇遮。」</verse>
				<verse number="17">以利 講：「上主對你講什麼？你毋通給我隱瞞；你若將伊給你講的對我掩蓋一句，願上帝加倍給你責罰。」</verse>
				<verse number="18">撒母耳 就將許個話攏給 以利 講，無對伊隱瞞。 以利 講：「伊是上主。上主會照伊看做好的去做。」</verse>
				<verse number="19">撒母耳 漸漸大漢；上主及伊同在，互伊所講的話逐句攏實現。</verse>
				<verse number="20">對 但 到 別是巴 ，所有的 以色列 人攏知 撒母耳 確實是上主的先知。</verse>
				<verse number="21">上主繼續佇 示羅 顯現。上主佇 示羅 用伊的話啟示 撒母耳 。</verse>
			</chapter>
			<chapter number="4">
				<verse number="1">撒母耳 的話傳遍 以色列 。 以色列 人出去欲及 非利士 人交戰；𪜶佇 以便‧以謝 附近紮營， 非利士 人佇 亞弗 紮營。</verse>
				<verse number="2">非利士 人排陣攻擊 以色列 人，𪜶刣贏，刣死 以色列 人大約四千人。</verse>
				<verse number="3">以色列 軍隊倒來營內，𪜶的長老講：「是按怎上主今仔日互咱刣輸 非利士 人？咱來去 示羅 扛上主的約櫃來咱遮，按呢伊 佇咱中間，會救咱脫離對敵的手。」</verse>
				<verse number="4">𪜶就派人去 示羅 ，將上主 — 萬軍的統帥的約櫃扛來，因為上主坐佇約櫃頂面兩個天使基路伯的中間。 以利 兩個子 何弗尼 、 非尼哈 ，及上帝的約櫃做夥來。</verse>
				<verse number="5">上主的約櫃來到營中的時， 以色列 人大聲喝，地煞振動。</verse>
				<verse number="6">非利士 人聽著喊喝的聲，就講：「 希伯來 營中赫呢大聲，是啲喝什麼？」後來才知是上主的約櫃到營中。</verse>
				<verse number="7">非利士 人驚惶，講：「有神明來到𪜶的營中。」𪜶講：「慘啊，咱前到今毋曾抵著此款代誌。</verse>
				<verse number="8">咱慘啊，啥人會當救咱脫離此款大權能的神明？以前佇曠野用逐款災禍拍死 埃及 人的，就是諸個神明。</verse>
				<verse number="9">非利士 人啊，著勇敢，著做大丈夫，恁才免做 希伯來 人的奴隸，親像𪜶以前做咱的奴隸。著做大丈夫及𪜶交戰。」</verse>
				<verse number="10">非利士 人就出戰， 以色列 人戰敗；步兵死三萬人，其他的攏逃走轉去𪜶兜。</verse>
				<verse number="11">上帝的約櫃互 非利士 人搶去； 以利 兩個子 何弗尼 及 非尼哈 嘛攏死。</verse>
				<verse number="12">仝彼日，有一個 便雅憫 支族的人對戰場走來 示羅 ，衫拆裂，頭殼糝土粉表示哀傷。</verse>
				<verse number="13">伊到的時，抵好 以利 佇路邊坐佇伊的椅仔啲看，因為伊啲掛慮上帝的約櫃。彼個人入城報消息，全城的人攏喉叫。</verse>
				<verse number="14">以利 聽著喉叫的聲，就問：「𪜶啲喝什麼？」彼個人趕緊來給 以利 報告。</verse>
				<verse number="15">彼時 以利 已經九十八歲，目睭柴柴，無看見。</verse>
				<verse number="16">彼個人給 以利 講：「我抵仔對戰場來，對戰場逃走來。」 以利 講：「我的子，代誌按怎？」</verse>
				<verse number="17">報消息的應講：「 以色列 人戰敗逃走，互人刣死的真多。你兩個子， 何弗尼 及 非尼哈 嘛死。上帝的約櫃互人搶去。」</verse>
				<verse number="18">彼個人一下講著上帝的約櫃， 以利 就對椅仔倒摔向，倒落去門邊，頷頸折，就死；因為伊年老閣大箍。 以利 做 以色列 的士師四十年。</verse>
				<verse number="19">以利 的新婦， 非尼哈 的某，懷孕啲欲生。伊聽著上帝的約櫃互人搶去，大官及丈夫攏死的消息，忽然催陣痛疼，屈落去生子。</verse>
				<verse number="20">伊啲欲死的時，佇邊仔啲照顧的婦仁人給伊講：「免驚，你生查甫的！」毋拘伊恬恬，無回應。</verse>
				<verse number="21">伊給囝仔號名叫「 以迦博 」，意思是上帝的榮耀已經離開 以色列 ；因為上帝的約櫃互人搶去，大官及丈夫嘛攏死。</verse>
				<verse number="22">伊閣講：「榮耀已經離開 以色列 ，因為上帝的約櫃互人搶去。」</verse>
			</chapter>
			<chapter number="5">
				<verse number="1">非利士 人給上帝的約櫃搶去，對 以便‧以謝 運去 亞實突 。</verse>
				<verse number="2">非利士 人給上帝的約櫃運去 大袞 的廟，給伊囥佇 大袞 的邊仔。</verse>
				<verse number="3">隔日透早 亞實突 人起來，看著 大袞 倒佇上主的約櫃頭前，面仆佇土腳；就將 大袞 閣𫞼起來伊的原位。</verse>
				<verse number="4">閣隔日透早，𪜶起來，看著 大袞 閣再倒佇上主約櫃頭前，面仆佇土腳，頭及兩支手掌攏斷去，落佇戶橂頂面；只有賰 大袞 的身軀。</verse>
				<verse number="5">因為按呢， 大袞 的祭司及所有入 亞實突 大袞 廟的人，到今仔日攏無踏 大袞 廟的戶橂。</verse>
				<verse number="6">上主的手重重拍 亞實突 人及周圍的人民，互𪜶生毒瘡 ，閣互𪜶驚。</verse>
				<verse number="7">亞實突 人看著按呢就講：「 以色列 上帝的約櫃毋通閣囥佇咱遮，因為伊的手重重拍咱，嘛拍咱的神明 大袞 。」</verse>
				<verse number="8">亞實突 人就派人請 非利士 的首領來，問𪜶，講：「阮著按怎處理 以色列 上帝的約櫃？」 𪜶應講：「給 以色列 上帝的約櫃運去 迦特 。」𪜶就將 以色列 上帝的約櫃運去。</verse>
				<verse number="9">約櫃一下運到遐，引起大恐惶，因為上主的手攻擊彼個城；閣拍城內的人，互城內的人無論大細攏生毒瘡。</verse>
				<verse number="10">𪜶就將上帝的約櫃送去 以革倫 。上帝的約櫃一下到 以革倫 ， 以革倫 人喝講：「𪜶將 以色列 上帝的約櫃運來咱遮，是欲害死咱及咱的同胞。」</verse>
				<verse number="11">𪜶就派人去請 非利士 攏總的首領來，對𪜶講：「給 以色列 上帝的約櫃送倒去原來的所在，才免伊害死咱及咱的同胞。」 全城充滿死亡的驚惶；因為上帝的手重重拍𪜶。</verse>
				<verse number="12">無死的人攏生毒瘡；全城啼哭的聲透到天頂。</verse>
			</chapter>
			<chapter number="6">
				<verse number="1">上主的約櫃停留佇 非利士 人的地七月日久。</verse>
				<verse number="2">非利士 人叫許個祭司及卜卦的來問：「上主的約櫃阮著按怎處理？請指點阮欲按怎送伊倒去原來的所在？」</verse>
				<verse number="3">𪜶講：「恁若欲送 以色列 上帝的約櫃倒去，毋通互伊空手去，一定著帶賠罪的禮物；恁的病才會得著醫好，恁才會知是按怎上帝繼續啲刑罰恁。」</verse>
				<verse number="4">非利士 人問：「阮著用什麼做賠罪的禮物？」 祭司及卜卦的應講：「照 非利士 首領的數目，恁著造五粒金毒瘡，五隻金鳥鼠，因為恁的首領攏受著像款的災禍。</verse>
				<verse number="5">恁著造毒瘡的模型，及毀壞恁的土地的鳥鼠的模型；閣著將榮光歸互 以色列 的上帝；無定著伊對恁、恁的神明、恁的土地會手下留情。</verse>
				<verse number="6">恁是按怎欲親像 埃及 人及 埃及 王赫呢硬心？上帝豈毋是嚴嚴對付𪜶，𪜶才放 以色列 人離開？</verse>
				<verse number="7">現在，恁著準備一台新的車，兩隻猶啲飼奶，毋曾掛軛的牛母，將牛母套佇車，給牛仔子牽倒去牛椆；</verse>
				<verse number="8">閣將上主的約櫃下佇車頂，給你所造賠罪的金器囥佇約櫃邊的箱仔內送去。</verse>
				<verse number="9">恁著注意看，彼台車若對交界的路上到 伯‧示麥 ，就知降此個大災禍互咱的實在是上主。車若毋是向彼個方向去，就知拍咱的毋是伊，是咱偶然抵著的。」</verse>
				<verse number="10">非利士 人就照按呢做。𪜶將兩隻猶啲飼奶的牛母套佇彼台車，給牛仔子關佇牛椆；</verse>
				<verse number="11">閣給上主的約櫃，以及囥金鳥鼠、金毒瘡的模型的箱仔，攏下佇車頂。</verse>
				<verse number="12">牛母向 伯‧示麥 的大路直直行落去，那行那哮，無偏左右。 非利士 人的首領隨佇後面，一直到 伯‧示麥 的邊界。</verse>
				<verse number="13">彼時 伯‧示麥 人佇山谷啲收割麥仔；𪜶攑頭一下看，看著約櫃就非常歡喜。</verse>
				<verse number="14">車到 伯‧示麥 人 約書亞 的園，就停啲；佇遐有一塊大石，𪜶破彼台車的柴，給彼兩隻牛母做燒化祭獻互上主。</verse>
				<verse number="15">利未 人將上主的約櫃，及邊仔貯金器的箱仔提落來，下佇彼塊大石的頂面。 伯‧示麥 人佇彼日獻燒化祭及別款的祭互上主。</verse>
				<verse number="16">非利士 人五個首領攏有看著，就佇像彼日倒去 以革倫 。</verse>
				<verse number="17">非利士 人帶五個金毒瘡做賠罪祭還互上主；一個為著 亞實突 城，一個為著 迦薩 城，一個為著 亞實基倫 城，一個為著 迦特 城，一個為著 以革倫 城。</verse>
				<verse number="18">金鳥鼠的數目照 非利士 五個首領所管設防的城及無設防的庄社來定。𪜶下上主的約櫃彼塊大石，到今仔日猶佇 伯‧示麥 人 約書亞 的園裡做證據。</verse>
				<verse number="19">上主拍死七十個 伯‧示麥 人，因為𪜶偷看約櫃的內面。人民大哀哭，因為上主拍死赫多人。</verse>
				<verse number="20">伯‧示麥 人講：「啥人會當服事上主此位至聖的上帝？咱欲給約櫃送去叨位？」</verse>
				<verse number="21">𪜶就差人去見 基列‧耶琳 人，講：「 非利士 人有將上主的約櫃送倒來；請恁來，給伊接去恁遐。」</verse>
			</chapter>
			<chapter number="7">
				<verse number="1">基列‧耶琳 人就來，接上主的約櫃去山頂 亞比拿達 的厝；𪜶任命伊的子 以利亞撒 顧守上主的約櫃。</verse>
				<verse number="2">約櫃留佇 基列‧耶琳 有二十年久； 以色列 全家痛悔歸向上主。</verse>
				<verse number="3">撒母耳 對 以色列 全家講：「恁若欲專心歸順上主，著對恁中間除去外族的神明及 亞斯她錄 女神，堅決歸向上主，只有服事伊，伊會救恁脫離 非利士 人的手。」</verse>
				<verse number="4">以色列 人就除去逐所在的巴力及 亞斯她錄 女神，只有服事上主。</verse>
				<verse number="5">撒母耳 講：「著聚集所有的 以色列 人來 米斯巴 ，我欲為著恁向上主祈禱。」</verse>
				<verse number="6">𪜶就聚集佇 米斯巴 ，汲水倒佇上主的面前。彼日，𪜶禁食，佇遐懺悔講：「阮有得罪上主。」 撒母耳 就佇 米斯巴 裁決 以色列 民間的案件。</verse>
				<verse number="7">非利士 人聽著 以色列 人佇 米斯巴 聚集，𪜶的首領就出兵攻擊 以色列 人； 以色列 人聽著就真驚。</verse>
				<verse number="8">以色列 人給 撒母耳 講：「請你繼續為著阮求叫上主 — 咱的上帝，求伊救咱脫離 非利士 人的手。」</verse>
				<verse number="9">撒母耳 就用一隻食奶的羊仔做燒化祭獻互上主； 撒母耳 替 以色列 人求叫上主；上主有聽伊的祈禱。</verse>
				<verse number="10">撒母耳 啲獻燒化祭的時， 非利士 人迫倚來欲攻擊 以色列 人。彼日上主大聲彈雷攻擊 非利士 人，拍亂𪜶；𪜶就刣輸，對 以色列 人的面前逃走。</verse>
				<verse number="11">以色列 人對 米斯巴 出來，追趕 非利士 人，追殺𪜶直到 伯‧甲 附近。</verse>
				<verse number="12">撒母耳 佇 米斯巴 及 善 的中間𫞼一塊石，給伊號名叫做 以便‧以謝 ，講：「到今仔日，上主一直有啲幫贊咱。」</verse>
				<verse number="13">對彼日起， 非利士 人就屈服，毋敢閣侵入 以色列 人的領土。 撒母耳 活啲的時，上主的手阻止 非利士 人的侵犯。</verse>
				<verse number="14">對 以革倫 到 迦特 ， 非利士 人搶去的城攏還 以色列 人。 以色列 人收回攏總的領土。彼時， 以色列 人及 迦南 人和平相處。</verse>
				<verse number="15">撒母耳 一生做 以色列 的士師。</verse>
				<verse number="16">逐年伊巡視 伯特利 、 吉甲 、 米斯巴 諸個所在，裁決 以色列 民間的案件。</verse>
				<verse number="17">伊巡視了後攏會倒去伊的故鄉 拉瑪 ，佇遐做士師。伊嘛佇遐為著上主起一座祭壇。</verse>
			</chapter>
			<chapter number="8">
				<verse number="1">撒母耳 已經老，就設立伊兩個子做 以色列 的士師。</verse>
				<verse number="2">大子 約珥 及第二子 亞比雅 攏佇 別是巴 做士師。</verse>
				<verse number="3">毋拘𪜶無學𪜶老父的模樣；𪜶貪不義之財，收賄賂，無照公道裁決。</verse>
				<verse number="4">對按呢， 以色列 的長老攏聚集來 拉瑪 見 撒母耳 ，</verse>
				<verse number="5">給伊講：「你已經年老，你兩個子無學你的模樣。所以著設立一個王給阮治理，親像別個國家仝款。」</verse>
				<verse number="6">撒母耳 對𪜶要求一個王的事無歡喜。伊就對上主祈禱。</verse>
				<verse number="7">上主對 撒母耳 講：「人民的要求，你著接受。𪜶毋是棄拺你，是棄拺我；𪜶無愛我做𪜶的王。</verse>
				<verse number="8">對我導𪜶出 埃及 到今仔日，𪜶所做的攏是離開我，去服事別個神明，現在𪜶嘛按呢啲對待你。</verse>
				<verse number="9">今𪜶的要求你著接受，毋拘著嚴嚴給𪜶警告，互𪜶知將來𪜶的王會按怎管轄𪜶。」</verse>
				<verse number="10">撒母耳 將上主的話攏給許個對伊要求一個王的人民講：</verse>
				<verse number="11">「將來恁的王會按呢管轄恁：伊會召恁的子去作兵，有的做戰車兵，有的做馬兵；𪜶走做前，做王的先鋒。</verse>
				<verse number="12">伊會派人做官長，有的管一千，有的管五十；嘛會派人給伊作園，收成五穀，造軍器及戰車的裝備。</verse>
				<verse number="13">伊會召恁的查某子給伊製造芳油，煮食，烘餅。</verse>
				<verse number="14">伊會給恁上好的田園、葡萄園、橄欖園提去互伊的人臣。</verse>
				<verse number="15">恁的五穀及葡萄，伊會取十分一互伊的官員及人臣。</verse>
				<verse number="16">伊會掠恁的奴僕、女婢、勇壯的少年人，及恁的驢仔，給伊做工。</verse>
				<verse number="17">恁的羊群，伊欲取十分一；恁嘛會做伊的奴隸。</verse>
				<verse number="18">彼時，恁會因為所揀的王哀叫，毋拘上主毋插恁。」</verse>
				<verse number="19">毋拘人民毋聽 撒母耳 的話，反轉應講：「你講的，阮無贊成！阮一定欲有一個王治理阮。</verse>
				<verse number="20">按呢阮才會親像別國有家己的王給阮治理，導阮去交戰。」</verse>
				<verse number="21">撒母耳 聽著人民的話了後，就講互上主聽。</verse>
				<verse number="22">上主對 撒母耳 講：「你著聽𪜶的要求，給𪜶設立一個王。」 撒母耳 就給 以色列 人講：「恁通倒去。」</verse>
			</chapter>
			<chapter number="9">
				<verse number="1">有一個 便雅憫 支族的人，叫做 基士 ，是 亞別 的子， 洗羅 的孫， 比歌拉 的曾孫， 亞斐亞 的元孫；伊是好額人。</verse>
				<verse number="2">伊有一個子，叫做 掃羅 ，勇壯閣英俊。 以色列 人無一個會當及伊比；伊比別人較高一粒頭。</verse>
				<verse number="3">掃羅 的老父 基士 拍毋見幾若隻驢母。 基士 給 掃羅 講：「你導一個僕人去尋許個驢仔。」</verse>
				<verse number="4">𪜶行透 以法蓮 山區、 沙利沙 地區、 沙琳 地區，後來到 便雅憫 地區，攏尋無。</verse>
				<verse number="5">𪜶到 蘇弗 地區的時， 掃羅 給伊的僕人講：「咱轉來去。若無，老父無煩惱驢，煞煩惱咱。」</verse>
				<verse number="6">僕人講：「等咧，此個庄社有一個上帝重用的人受大家敬重；伊所講的攏會實現；咱來去尋伊；無定著伊會給咱指示去叨位尋驢。」</verse>
				<verse number="7">掃羅 給僕人講：「咱若欲去見伊，有什麼通送伊？咱袋仔內已經無食物，嘛無禮物通送彼個上帝重用的人。咱猶有什麼無？」</verse>
				<verse number="8">僕人閣應 掃羅 ：「我有一塊細塊銀仔，通送互彼個上帝重用的人，請伊給咱講佇叨位會尋著驢仔。」</verse>
				<verse number="9">(以前 以色列 人欲求問上帝，會講：「咱來去尋先見。」較早的先見今仔日叫做先知。)</verse>
				<verse number="10">掃羅 給僕人講：「好，咱來去。」𪜶就去上帝重用的人住的城。</verse>
				<verse number="11">𪜶上山坪欲入城的時，抵著幾若個查某囝仔出來欲汲水，就問𪜶：「先見有佇遮無？」</verse>
				<verse number="12">查某囝仔應講：「有，伊佇遮；抵佇恁頭前。緊去，伊今仔日抵好來此個城，欲佇山頭壇為民眾獻祭。</verse>
				<verse number="13">恁一下入城，佇伊猶未上山頭壇食祭物以前會尋著伊。因為民眾𣍐當先食，著等伊祝福祭物了後，受請的人才會當食。恁此陣去，就會尋著伊。」</verse>
				<verse number="14">掃羅 及伊的僕人就繼續行。𪜶欲入城的時， 撒母耳 抵抵向𪜶行來，欲出城去山頭壇。</verse>
				<verse number="15">掃羅 猶未到的前一日，上主已經給 撒母耳 啟示講：</verse>
				<verse number="16">「明仔載此個時陣，我欲差一個人對 便雅憫 地區來你遮；你著給伊抹油，設立伊做我的子民 以色列 的統治者；伊會救我的子民脫離 非利士 人的手。我有看著我的子民的困苦，聽著𪜶哀求的聲。」</verse>
				<verse number="17">撒母耳 一下看著 掃羅 ，上主就對伊講：「此個就是我給你講欲治理我的子民彼個人。」</verse>
				<verse number="18">掃羅 佇城門內行倚 撒母耳 ，給伊問：「請問，先見的厝佇叨位？」</verse>
				<verse number="19">撒母耳 應 掃羅 講：「我就是先見。你先上去山頭壇。今仔日恁欲及我做夥食飯；明仔早起我會送你轉去；你啲煩惱的代誌我會給你講。</verse>
				<verse number="20">你三日前拍毋見許個驢仔，你毋免煩惱，已經尋著啦。 以色列 人所啲渴慕的是什麼人？豈毋是你及恁老父的家族？」</verse>
				<verse number="21">掃羅 應講：「我是 便雅憫 人，屬 以色列 人上細的支族；阮家族閣是 便雅憫 支族中上細的。你哪給我講諸個話？」</verse>
				<verse number="22">撒母耳 導 掃羅 及伊的僕人入去客廳，互𪜶佇所請的人中間坐大位；所請的人客大約有三十個。</verse>
				<verse number="23">撒母耳 給煮食的講：「我交代你收起來彼份通捧出來。」</verse>
				<verse number="24">煮食的就將特選的大腿捧出來，下佇 掃羅 面前。 撒母耳 講：「此份是為著你留的，請你食。佇我邀請人客的時，就預先準備，留到此個時陣。」彼日 掃羅 就及 撒母耳 做夥食。</verse>
				<verse number="25">𪜶對山頭壇落來，入城， 撒母耳 及 掃羅 佇厝頂講話。</verse>
				<verse number="26">透早天昲光的時， 掃羅 猶佇厝頂啲睏 ， 撒母耳 叫伊：「起來，我送你倒去。」 掃羅 就起來；伊及 撒母耳 兩人出去外面。</verse>
				<verse number="27">𪜶行到城的角頭， 撒母耳 給 掃羅 講：「叫僕人先去。」僕人就去。 撒母耳 閣講：「𫢶遮小等一下，我欲給你傳達上帝的話。」</verse>
			</chapter>
			<chapter number="10">
				<verse number="1">撒母耳 提一罐油，倒佇 掃羅 的頭殼，給伊唚，講：「上主用油給你抹，設立你做伊子民的統治者。</verse>
				<verse number="2">今仔日你離開我了後，去 便雅憫 地區的 謝撒 ，倚近 蕾潔 的墓的時，會抵著兩個人；𪜶會給你講：『你啲尋的驢仔已經尋著。此陣你的老父無啲煩惱驢仔，是啲掛慮你；伊啲問：我的子攏無消息，欲按怎？』</verse>
				<verse number="3">你繼續對遐去，到 他泊 的橡樹遐，會抵著三個人，𪜶欲去 伯特利 獻祭互上帝，一個帶三隻山羊仔，一個帶三個餅，一個帶一皮袋的酒。</verse>
				<verse number="4">𪜶會給你請安，互你兩個餅；你著接受。</verse>
				<verse number="5">後來你著去上帝的山 基比亞 ，佇遐有 非利士 人啲防守；你入城的時，會抵著一陣先知對山頭壇落來；有人彈琴彈瑟，有人拍鼓，有人歕𥰔仔；𪜶攏入神講話。</verse>
				<verse number="6">上主的神會大大充滿你，你會變做新的人，及𪜶像款入神講話。</verse>
				<verse number="7">諸個代誌發生的時，你就照所受的感動去做，因為上帝及你同在。</verse>
				<verse number="8">你落去 吉甲 ，我嘛會去遐獻燒化祭及平安祭。你聽候七日，等我到你遐指示你著做的代誌。」</verse>
				<verse number="9">掃羅 越轉身離開 撒母耳 的時，上帝互伊新的心。佇彼日， 撒母耳 給伊講的代誌攏實現。</verse>
				<verse number="10">掃羅 及伊的僕人來到 基比亞 ，抵著一陣先知對遐出來。彼時，上帝的神大大充滿伊，伊就及𪜶像款入神講話。</verse>
				<verse number="11">前到今識伊的人看著伊佇先知中入神講話，就問來問去：「 基士 的子是按怎？ 掃羅 嘛做先知噢？」</verse>
				<verse number="12">有一個彼所在的人講：「許個人的師父是啥人？」對按呢有一句俗語講：「 掃羅 嘛做先知噢？」</verse>
				<verse number="13">掃羅 入神講話了就上去山頭壇敬拜。</verse>
				<verse number="14">掃羅 的阿叔問 掃羅 及伊的僕人講：「恁去叨位？」 伊應講：「去尋驢仔；尋無，就去 撒母耳 遐。」</verse>
				<verse number="15">掃羅 的阿叔講：「請你給我講 撒母耳 對恁講什麼。」</verse>
				<verse number="16">掃羅 對伊的阿叔講：「伊清楚給阮講『驢仔已經尋著啦。』」毋拘 掃羅 無給伊的阿叔提起 撒母耳 講伊欲作王的事。</verse>
				<verse number="17">撒母耳 召集人民到 米斯巴 來見上主。</verse>
				<verse number="18">伊對 以色列 人講：「上主 — 以色列 的上帝按呢講：『我導 以色列 出 埃及 ，解救恁脫離 埃及 人的手及許個壓制恁的列國。』</verse>
				<verse number="19">毋拘今仔日恁棄拺此位救恁脫離所有患難災禍的上帝，要求我給恁設立一個王統治恁。今著照恁的支族、宗族來徛佇上主面前。」</verse>
				<verse number="20">撒母耳 叫 以色列 逐支族進前來，抽著 便雅憫 支族；</verse>
				<verse number="21">閣叫 便雅憫 支族照𪜶的宗族進前來，抽著 瑪特利 族；對彼中間閣抽著 基士 的子 掃羅 。眾人尋伊，毋拘尋攏無。</verse>
				<verse number="22">𪜶就閣問上主：「彼個人有來遮無？」 上主講：「伊匿佇彼堆行李內面。」</verse>
				<verse number="23">𪜶就走去，對遐給 掃羅 導出來；伊來徛佇眾人的中間，比別人較高一粒頭。</verse>
				<verse number="24">撒母耳 對民眾講：「恁有看著無？上主所揀的人，無一個會當及伊比。」眾人就歡呼：「王萬歲！」</verse>
				<verse number="25">撒母耳 將王的責任及權利對人民說明，閣記載佇冊裡，下佇上主的面前；然後 撒母耳 解散民眾互𪜶攏轉去𪜶兜。</verse>
				<verse number="26">掃羅 嘛倒去 基比亞 伊家己的厝；有一陣心受上帝感動的勇士嘛隨伊去。</verse>
				<verse number="27">毋拘有一寡匪類講：「此個人哪會救咱？」𪜶藐視 掃羅 ，嘛無送伊禮物； 掃羅 攏無講什麼。</verse>
			</chapter>
			<chapter number="11">
				<verse number="1">亞捫 人 拿轄 上去圍攻 基列 的 雅比 。 雅比 人給 拿轄 講：「你及阮簽約，阮就服事你。」</verse>
				<verse number="2">亞捫 人 拿轄 應講：「互我挖恁逐個人的正目來侮辱 以色列 人，我就及恁簽約。」</verse>
				<verse number="3">雅比 的長老給伊講：「求你寬容阮七日，阮通派人去 以色列 全境；若無人欲救阮，阮就投降。」</verse>
				<verse number="4">所派的人到 掃羅 住的 基比亞 ，將此個消息講互民眾聽，𪜶就攏大聲哭。</verse>
				<verse number="5">掃羅 抵對園裡趕牛倒來； 掃羅 講：「大家是按怎啲哭？」𪜶就將 雅比 人的代誌給伊講。</verse>
				<verse number="6">掃羅 聽著此個消息，受上帝的神大大充滿，非常受氣。</verse>
				<verse number="7">伊就將一對牛切做一塊一塊，交代使者送到 以色列 全境，警告講：「無出來隨 掃羅 及 撒母耳 的人，𪜶的牛嘛會按呢互人切做一塊一塊。」上主互人民非常驚惶，𪜶就攏同心親像一人出來應戰。</verse>
				<verse number="8">掃羅 佇 比色 點算人數， 以色列 人有三十萬， 猶大 人有三萬。</verse>
				<verse number="9">𪜶給派來的人講：「恁著按呢回復 基列 的 雅比 人，講：『明仔載日中晝的時，恁會得著解救。』」派來的人轉去給 雅比 人講，𪜶就非常歡喜。</verse>
				<verse number="10">雅比 人就給 亞捫 人講：「明仔載阮會出來投降，出在恁對待阮。」</verse>
				<verse number="11">隔日， 掃羅 給人民分做三隊；天啲欲光的時，𪜶攻入 亞捫 人的軍營，一直到日中晝，拍死真多人；賰的人攏四散，隨人逃命。</verse>
				<verse number="12">人民給 撒母耳 講：「是啥人講『 掃羅 哪會當治理咱』？給𪜶交出來，阮欲給刣死。」</verse>
				<verse number="13">掃羅 講：「今仔日一個都毋通刣，因為今仔日上主有拯救 以色列 。」</verse>
				<verse number="14">撒母耳 給人民講：「來，咱來去 吉甲 ，佇遐正式確立王權。」</verse>
				<verse number="15">全部的人民就去 吉甲 ，佇上主面前設立 掃羅 作王，閣獻平安祭互上主。 掃羅 及 以色列 眾人歡喜慶祝。</verse>
			</chapter>
			<chapter number="12">
				<verse number="1">撒母耳 給所有的 以色列 人講：「恁對我的要求，我攏有聽見，就給恁設立一個王治理恁。</verse>
				<verse number="2">現在恁有一個王來領導恁。我已經年老，頭毛白；我的子嘛攏及恁做夥。我對少年到今，攏一直啲領導恁。</verse>
				<verse number="3">我佇遮。恁著佇上主及伊所選立的王面前作證。我豈曾搶人的牛，奪人的驢？曾欺負啥人，壓制啥人？曾給人收賄賂做無公平的裁決？若有，我攏欲還恁。」</verse>
				<verse number="4">𪜶應講：「你毋曾欺負阮，毋曾壓制阮，嘛毋曾對人提什麼。」</verse>
				<verse number="5">伊給𪜶講：「今仔日，恁𣍐當尋著我有做什麼毋著。上主及伊所選立的王攏為我作證。」 人民應講：「上主作證。」</verse>
				<verse number="6">撒母耳 給人民講：「以前上主任命 摩西 及 亞倫 ，導恁的祖先出 埃及 。</verse>
				<verse number="7">今恁著徛好勢。我欲佇上主的面前給恁控告，給恁提醒 ，上主有為著恁及恁的祖先做真多拯救的大事。</verse>
				<verse number="8">早前， 雅各 去 埃及 了後，恁的祖先有求叫上主，上主就差 摩西 及 亞倫 導𪜶出 埃及 ，互𪜶佇此個所在定居。</verse>
				<verse number="9">毋拘𪜶𣍐記得上主 — 𪜶的上帝，伊就給𪜶交互 夏瑣 的將軍 西西拉 、 非利士 人，及 摩押 王，出在許個人來攻擊。</verse>
				<verse number="10">𪜶求叫上主講：『阮有犯罪，因為阮離開上主去服事巴力及 亞斯她錄 。求你救阮脫離對敵的手，阮就欲服事你。』</verse>
				<verse number="11">上主就差 基甸 、 巴拉 、 耶弗他 ，及我 撒母耳 ，救恁脫離四圍對敵的手，恁才會當平安徛起。</verse>
				<verse number="12">毋拘， 亞捫 人的王 拿轄 一下來攻擊恁，恁就對我講：『阮無愛，阮一定欲有一個王給阮統治。』其實上主 — 恁的上帝是恁的王。</verse>
				<verse number="13">今看咧，恁所揀所求的王佇遮。上主已經設立一個王統治恁。</verse>
				<verse number="14">恁若敬畏上主，服事伊，聽伊的話，無違背伊的命令，恁及治理恁的王嘛順趁上主 — 恁的上帝，按呢就真好。</verse>
				<verse number="15">恁若毋聽趁上主的話，違背伊的命令，上主的手會攻擊恁，親像早前攻擊恁的祖先像款。</verse>
				<verse number="16">今徛好勢，來看上主佇恁目睭前欲做的偉大的事。</verse>
				<verse number="17">今仔日豈毋是割小麥無雨水的時？我欲求上主，伊會起雷落雨，互恁亦知亦看出恁為家己要求設立王，佇上主面前是犯大罪。」</verse>
				<verse number="18">撒母耳 祈求上主，上主就佇此日起雷落雨；眾人就驚畏上主及 撒母耳 。</verse>
				<verse number="19">𪜶給 撒母耳 講：「請你替你的僕人祈求上主 — 你的上帝，阮才免死，因為阮為家己求一個王，真正是罪上加罪。」</verse>
				<verse number="20">撒母耳 給人民講：「毋免驚，雖然恁做此個歹代誌，毋拘毋通偏離無隨上主；只有著全心服事上主；</verse>
				<verse number="21">毋通偏離上主去隨虛假的神明，因為𪜶虛假無路用，𣍐當救恁。</verse>
				<verse number="22">既然上主揀選恁做伊的子民，為著欲持守家己尊貴的名，伊一定𣍐棄拺恁。</verse>
				<verse number="23">我咧，我一定不斷替恁祈禱；若無，我就得罪上主。我欲指示恁好閣正直的路。</verse>
				<verse number="24">恁只有著敬畏上主，誠心實意服事伊；著會記得伊為著恁所做的代誌偌仔呢大。</verse>
				<verse number="25">恁若繼續做歹，恁及恁的王一定會做一下滅亡。」</verse>
			</chapter>
			<chapter number="13">
				<verse number="1">掃羅 做 以色列 王兩年後，</verse>
				<verse number="2">對 以色列 中揀三千人；兩千個隨 掃羅 駐在佇 密抹 及 伯特利 山區，一千個隨 約拿單 駐在佇 便雅憫 地區的 基比亞 ；其他的人互𪜶倒去家己的厝。</verse>
				<verse number="3">約拿單 攻擊佇 迦巴 的 非利士 人的軍營；此個消息佇 非利士 人的中間傳開。 掃羅 吩咐人佇全地歕哨角，叫 希伯來 人著注意。</verse>
				<verse number="4">以色列 眾人聽著 掃羅 攻擊 非利士 人的軍營，閣聽著 非利士 人厭惡 以色列 人，人民就隨 掃羅 聚集佇 吉甲 。</verse>
				<verse number="5">非利士 人聚集欲攻擊 以色列 人；有戰車三萬台、馬兵六千，步兵親像海沙赫多。𪜶上來佇 伯‧亞文 東旁的 密抹 紮營。</verse>
				<verse number="6">以色列 人看著軍隊受包圍，情形危急，就去匿佇山洞、樹林、石穴、磅孔，及焦井。</verse>
				<verse number="7">閣有一寡人過 約旦河 到 迦得 及 基列 地區。 掃羅 猶佇 吉甲 ；隨伊的人攏驚惶皮皮惙。</verse>
				<verse number="8">掃羅 照 撒母耳 決定的日期，聽候七日。因為 撒母耳 猶未來到 吉甲 ，隨 掃羅 的人就開始四散。</verse>
				<verse number="9">掃羅 講：「將燒化祭及平安祭的祭物提來我遮。」伊就獻燒化祭。</verse>
				<verse number="10">伊獻燒化祭抵仔欲完成， 撒母耳 來到位。 掃羅 出去迎接欲給伊請安。</verse>
				<verse number="11">撒母耳 講：「你啲做什麼代誌？」 掃羅 講：「因為我看著人民四散離開我，你嘛無照決定的日期來，閣 非利士 人已經聚集佇 密抹 ；</verse>
				<verse number="12">所以我想講 非利士 人啲欲來到 吉甲 攻擊我，閣我猶未求上主施恩，我才姑不將獻燒化祭。」</verse>
				<verse number="13">撒母耳 對 掃羅 講：「你哪即糊塗！你無遵守上主 — 你的上帝愛你守的誡命。你若有守，上主會堅固你佇 以色列 中的王位到永遠。</verse>
				<verse number="14">今你的王位𣍐久長；上主已經尋著一個合伊心意的人，決定欲互伊做伊子民的領袖，因為你無遵守上主的命令。」</verse>
				<verse number="15">撒母耳 就出發，對 吉甲 上去 便雅憫 地區的 基比亞 。 掃羅 點算隨伊的人，約有六百人。</verse>
				<verse number="16">掃羅 及伊的子 約拿單 ，以及隨𪜶的人攏𫢶佇 便雅憫 地區的 迦巴 。毋拘 非利士 人佇 密抹 紮營。</verse>
				<verse number="17">有突擊隊對 非利士 軍營出來，分做三隊，一隊對 俄弗拉 的路去 書阿勒 地區；</verse>
				<verse number="18">一隊對 伯‧和崙 的路去；閣一隊對看會著 洗波音 山谷，迵到曠野彼條邊界的路去。</verse>
				<verse number="19">彼時 以色列 全地無拍鐵師傅，因為 非利士 人驚 希伯來 人製造刀及槍。</verse>
				<verse number="20">以色列 人欲磨鋤頭、犁、斧頭、掘仔，攏著落去 非利士 人遐；</verse>
				<verse number="21">若欲磨鋤頭、犁，著兩個銅錢；磨斧頭及刺棍，著一個銅錢；</verse>
				<verse number="22">所以到交戰的時，隨 掃羅 及 約拿單 的人無一個手裡有刀抑是槍；只有 掃羅 及伊的子 約拿單 有。</verse>
				<verse number="23">非利士 人有派兵出去防守 密抹 的隘口。</verse>
			</chapter>
			<chapter number="14">
				<verse number="1">有一日， 掃羅 的子 約拿單 給攑伊的軍器的少年人講：「咱來去 非利士 人的軍營彼旁。」毋拘 約拿單 無給伊的老父講。</verse>
				<verse number="2">掃羅 佇 基比亞 的郊外，坐佇 米磯崙 的石榴樹腳；隨伊的人約有六百。</verse>
				<verse number="3">閣有 亞希突 的子 亞希雅 帶以弗得來佇遐。伊是 以迦博 的兄哥， 非尼哈 的子，是曾佇 示羅 做上主祭司的 以利 的孫。無人知 約拿單 已經離開營地。</verse>
				<verse number="4">約拿單 欲去 非利士 的軍營著經過的隘口，兩旁攏是尖尖真崎的石壁，一個叫做 播薛 ，一個叫做 西尼 ；</verse>
				<verse number="5">北旁的石壁及 密抹 相對，南旁的石壁及 迦巴 相對。</verse>
				<verse number="6">約拿單 給攑伊的軍器的少年人講：「來，咱來去無受割禮的人的軍營遐，可能上主會幫贊咱，因為上主互人得勝毋是在佇人多人少。」</verse>
				<verse number="7">攑軍器的給伊講：「我及你同心，你照你所愛的去做；你做前，我隨你。」</verse>
				<verse number="8">約拿單 講：「來！咱過來去𪜶遐，互𪜶看著咱；</verse>
				<verse number="9">𪜶若給咱講『徛咧！等阮過去』，咱就定定徛啲，上去。</verse>
				<verse number="10">毋拘𪜶若講『來阮遮』，咱就上去；這是上主將𪜶交佇咱的手的記號。」</verse>
				<verse number="11">𪜶兩人就刁故意互 非利士 防守的兵看著； 非利士 人講：「你看， 希伯來 人對𪜶匿的洞出來啦。」</verse>
				<verse number="12">防守的兵給 約拿單 及攑軍器的人講：「恁過來，阮欲互恁知死 。」 約拿單 就給攑軍器的講：「你隨我上去；因為上主已經將𪜶交佇 以色列 人的手。」</verse>
				<verse number="13">約拿單 就手擒腳踜𬦰起去，攑軍器的隨伊。 約拿單 拍倒 非利士 人，攑軍器的隨後面刣死𪜶。</verse>
				<verse number="14">第一遍突擊， 約拿單 及攑軍器的佇四分一公頃內刣死約二十人。</verse>
				<verse number="15">所有的 非利士 軍兵，無論佇軍營，佇野外；無論防衛的，突擊的，攏驚甲皮皮惙；大地嘛搖動，這是上帝降落互𪜶的大恐怖。</verse>
				<verse number="16">佇 便雅憫 地區的 基比亞 ， 掃羅 的哨兵看著 非利士 軍兵四散，四界亂闖。</verse>
				<verse number="17">掃羅 給隨伊的軍兵講：「恁點算，看啥人對咱遮出去。」𪜶算了，就知 約拿單 及給伊攑軍器的人無佇遐。</verse>
				<verse number="18">掃羅 給 亞希雅 講：「你將上帝的約櫃扛來。」彼陣上帝的約櫃佇 以色列 人遐。</verse>
				<verse number="19">掃羅 及祭司講話的時， 非利士 營中喊喝的聲愈來愈大。 掃羅 就給祭司講：「免啦！𣍐赴問囉！」</verse>
				<verse number="20">掃羅 及隨伊的軍兵攏聚集來到戰場，看著 非利士 人互相殘殺，大混亂。</verse>
				<verse number="21">以前倚 非利士 人，對逐所在來到𪜶營中的 希伯來 人，現在反倒轉來幫贊隨 掃羅 及 約拿單 的 以色列 人。</verse>
				<verse number="22">許個匿佇 以法蓮 山區的 以色列 人聽著 非利士 人逃走，就出來追殺𪜶，及𪜶交戰。</verse>
				<verse number="23">彼日上主互 以色列 得勝；戰爭延續到 伯‧亞文 彼旁。</verse>
				<verse number="24">彼日 以色列 人枵甲真艱苦，因為 掃羅 有咒誓，命令軍兵講：「無等到日暗，我給對敵報冤仇了就食物件的人著受咒詛。」所以軍兵攏無食什麼。</verse>
				<verse number="25">𪜶入樹林，發見此所在土腳攏有蜜。</verse>
				<verse number="26">軍兵入樹林，看著有蜜啲滴，毋拘無人敢用指頭仔挖來食，因為驚受咒詛。</verse>
				<verse number="27">約拿單 無聽著𪜶老父的咒誓，所以伸枴仔尾揬蜜房，然後用指頭仔挖來食，目睭就金，回復元氣。</verse>
				<verse number="28">有一個軍兵對伊講：「你的老父有嚴嚴咒誓命令軍兵講：『今仔日食物件的著受咒詛。』所以軍兵真厭倦。」</verse>
				<verse number="29">約拿單 講：「阮老父有害著咱諸個軍兵。恁看，我干焦啖一點仔蜜，就回復元氣；</verse>
				<verse number="30">今仔日若出在軍兵食𪜶給對敵搶來的食物，豈毋是閣較有力通拍死較多 非利士 人？」</verse>
				<verse number="31">彼日，𪜶拍敗 非利士 人，對 密抹 趕到 亞雅崙 ；軍兵非常厭倦。</verse>
				<verse number="32">軍兵闖去掠所搶的牛、羊、牛仔子，就佇遐刣，食含血的肉。</verse>
				<verse number="33">有人給 掃羅 報告：「軍兵有犯罪違背上主，因為𪜶食含血的肉。」 掃羅 大聲喝：「恁得罪上主啦！今去翱一塊大石來遮。」</verse>
				<verse number="34">掃羅 閣講：「恁著去叫逐個軍兵牽𪜶的牛及羊來我遮，佇遮刣來食；毋通食含血的肉來得罪上主。」彼暝軍兵攏牽𪜶家己的牛去遐刣。</verse>
				<verse number="35">掃羅 給上主起一座祭壇；這是伊頭一遍給上主起的壇。</verse>
				<verse number="36">掃羅 講：「今咱著透暝落去趇 非利士 人，給𪜶搶，直到天光，給𪜶攏刣死，連一個都毋通留啲。」 軍兵講：「你看做好的，就照按呢做。」 祭司講：「咱著代先問上帝。」</verse>
				<verse number="37">掃羅 就問上帝：「我著落去趇 非利士 人無？你豈會給𪜶交互 以色列 人？」彼日上帝無應伊。</verse>
				<verse number="38">掃羅 講：「恁軍隊的官長攏來我遮，查明咱今仔日有犯著什麼罪。</verse>
				<verse number="39">我指互 以色列 勝利的永活的上主咒誓：『犯罪的人攏著死，甚至我的子 約拿單 ，嘛著死。』」毋拘無人應伊。</verse>
				<verse number="40">伊就給 以色列 眾人講：「恁徛彼旁，我及我的子 約拿單 徛此旁。」 軍兵對 掃羅 講：「你看做好的，就照按呢做。」</verse>
				<verse number="41">掃羅 對上主 — 以色列 的上帝講：「求你指示實情，看啥人有罪。」𪜶就抽著 約拿單 及 掃羅 ，軍兵無代誌。</verse>
				<verse number="42">掃羅 講：「著佇我及我的子 約拿單 中間抽看啥人有罪。」𪜶抽著 約拿單 。</verse>
				<verse number="43">掃羅 給 約拿單 講：「你給我講，你有做什麼代誌。」 約拿單 講：「我確實有用枴仔尾挖一點仔蜜來啖。我甘願死。」</verse>
				<verse number="44">掃羅 講：「 約拿單 ，你一定著死；若無，願上帝加倍責罰我。」</verse>
				<verse number="45">軍兵給 掃羅 講：「 約拿單 有互 以色列 得著大勝利，伊豈著死？絕對毋通！阮指永活的上主咒誓，伊連一支頭毛都𣍐用得互伊落落土腳，因為伊今仔日所做的有上帝的幫贊。」按呢，軍兵救 約拿單 免死。</verse>
				<verse number="46">掃羅 無閣追趇 非利士 人； 非利士 人就轉去𪜶本所在。</verse>
				<verse number="47">掃羅 確立 以色列 王權了後，去攻打周圍所有的對敵，就是 摩押 人、 亞捫 人、 以東 人、 非利士 人，及 瑣巴 的諸王；伊百戰百勝 ，拍到叨位贏到叨位。</verse>
				<verse number="48">掃羅 奮勇拍敗 亞瑪力 人，救 以色列 脫離搶劫𪜶的人的手。</verse>
				<verse number="49">掃羅 的子有 約拿單 、 亦施韋 、 麥基‧舒亞 ；伊有兩個查某子，大的叫做 米拉 ，細的叫做 米甲 。</verse>
				<verse number="50">掃羅 的某叫做 亞希暖 ，是 亞希瑪斯 的查某子；伊的元帥叫做 押尼珥 ，是 掃羅 的阿叔 尼珥 的子。</verse>
				<verse number="51">掃羅 的老父 基士 ， 押尼珥 的老父 尼珥 ，攏是 亞別 的子。</verse>
				<verse number="52">掃羅 一生常常及 非利士 人有劇烈的交戰；伊看著強猛的人及勇士，攏招集𪜶加入伊的部隊。</verse>
			</chapter>
			<chapter number="15">
				<verse number="1">撒母耳 給 掃羅 講：「上主差我來給你抹油，設立你作王，治理伊的子民 以色列 。所以，你著聽趁上主所講的話。</verse>
				<verse number="2">上主 — 萬軍的統帥按呢講：『我欲刑罰 亞瑪力 人，因為 以色列 人出 埃及 的時， 亞瑪力 人曾阻礙敵對𪜶。</verse>
				<verse number="3">今你著去拍 亞瑪力 人，給𪜶剿滅。什麼都毋通留啲；著將男、女、囝仔、嬰仔，及牛、羊、駱駝、驢，攏刣死。』」</verse>
				<verse number="4">掃羅 就召集軍兵佇 提鍊 ，點算人數，步兵二十萬， 猶大 人一萬。</verse>
				<verse number="5">掃羅 來到 亞瑪力 的城，埋伏佇山谷中。</verse>
				<verse number="6">掃羅 給 基尼 人講：「恁離開 亞瑪力 人去別位，才免我給恁及𪜶做一下剿滅；因為 以色列 人出 埃及 的時，恁曾好款待𪜶。」 基尼 人就離開 亞瑪力 人。</verse>
				<verse number="7">掃羅 攻擊 亞瑪力 人，對 哈腓拉 到 埃及 東旁的 書珥 。</verse>
				<verse number="8">伊活掠 亞瑪力 王 亞甲 ，刣死伊攏總的人民。</verse>
				<verse number="9">毋拘 掃羅 及軍兵留 亞甲 ，及上好的牛、羊、牛仔、羊仔，以及一切的好物，毋肯給𪜶剿滅，只有毀滅許個無路用、無價值的物件。</verse>
				<verse number="10">上主對 撒母耳 講：</verse>
				<verse number="11">「我後悔選立 掃羅 作王，因為伊背叛我，無遵守我的命令。」 撒母耳 真慼心，歸暝求叫上主。</verse>
				<verse number="12">隔日透早， 撒母耳 欲去見 掃羅 ；有人給 撒母耳 講：「 掃羅 已經去 迦密 ，佇遐為著家己徛石碑，後來斡去 吉甲 。」</verse>
				<verse number="13">撒母耳 到 掃羅 遐， 掃羅 給伊講：「願上主賜福你。我已經照上主的命令做啦。」</verse>
				<verse number="14">撒母耳 講：「按呢噢？我哪有聽著牛及羊啲哮的聲？」</verse>
				<verse number="15">掃羅 講：「許個是我的軍兵對 亞瑪力 人遐掠來的；因為𪜶留上好的牛、羊，欲獻互上主 — 你的上帝；其他的阮攏有給剿滅。」</verse>
				<verse number="16">撒母耳 給 掃羅 講：「你恬去！我欲給你講昨暝上主給我講的話。」 掃羅 給伊講：「請講。」</verse>
				<verse number="17">撒母耳 講：「雖然你看家己做微細，上主豈毋是互你做 以色列 眾支族的領袖？上主用油抹你作王，來治理 以色列 。</verse>
				<verse number="18">上主閣派你去，命令你講：『你去及邪惡的 亞瑪力 人交戰，著給𪜶攏剿滅。』</verse>
				<verse number="19">你是按怎無聽趁上主的話，闖去搶戰利品，做上主看做歹的代誌？」</verse>
				<verse number="20">掃羅 給 撒母耳 講：「我有聽趁上主的命令，照伊的指示去交戰，掠 亞瑪力 王 亞甲 來，閣刣死所有的 亞瑪力 人。</verse>
				<verse number="21">毋拘我的軍兵對應該著毀滅的戰利品中間，留上好的牛及羊，帶來 吉甲 欲獻互上主 — 你的上帝。」</verse>
				<verse number="22">撒母耳 講： 「上主豈意愛燒化祭及祭物， 較贏意愛人遵趁伊的話？ 你著知，聽趁比獻祭較好， 順趁贏過羊的油。</verse>
				<verse number="23">背叛親像行邪術是犯罪； 自高親像拜偶像是邪惡。 因為你棄拺上主的話， 伊嘛棄拺你，毋互你作王。」</verse>
				<verse number="24">掃羅 對 撒母耳 講：「我有犯罪，違背上主的命令及你的話，因為我驚軍兵，聽𪜶的話。</verse>
				<verse number="25">今，求你赦免我的罪，及我做夥倒去，互我通敬拜上主。」</verse>
				<verse number="26">撒母耳 給 掃羅 講：「我毋及你倒去；因為你棄拺上主的話；上主嘛棄拺你，毋互你做 以色列 的王。」</verse>
				<verse number="27">撒母耳 越轉身欲離開， 掃羅 扭伊的衫仔裾，衫煞裂去。</verse>
				<verse number="28">撒母耳 給伊講：「今仔日上主互 以色列 國及你斷絕關係，將 以色列 國交互一個佇你身邊，比你較好的人。</verse>
				<verse number="29">以色列 的大能者，𣍐白賊，嘛𣍐改變心意；因為伊毋是世間人，伊𣍐改變心意。」</verse>
				<verse number="30">掃羅 講：「我有犯罪；請你佇父老及 以色列 人面前尊重我，及我做夥倒去，互我通敬拜上主 — 你的上帝。」</verse>
				<verse number="31">撒母耳 就越轉身隨 掃羅 倒去； 掃羅 就敬拜上主。</verse>
				<verse number="32">撒母耳 講：「恁導 亞瑪力 王 亞甲 來我遮。」 亞甲 就驚驚惶惶來到 撒母耳 面前； 亞甲 講：「我死期到啦。」</verse>
				<verse number="33">撒母耳 講：「你曾用刀刣死婦仁人的子，恁老母的子嘛會互人刣死。」 撒母耳 佇 吉甲 ，佇上主面前，將 亞甲 斬做一塊一塊。</verse>
				<verse number="34">撒母耳 倒去 拉瑪 ； 掃羅 轉去 基比亞 伊的厝。</verse>
				<verse number="35">撒母耳 死以前，無閣及 掃羅 見面；伊為著 掃羅 憂傷。上主嘛因為有設立 掃羅 做 以色列 王艱苦心。</verse>
			</chapter>
			<chapter number="16">
				<verse number="1">上主給 撒母耳 講：「我已經棄拺 掃羅 ，無愛伊閣作 以色列 王，你欲為著伊憂傷偌久？你用油給角貯互滿，準備出發，我欲差你去 伯利恆 人 耶西 遐；我佇伊的子中間已經揀一個欲作王。」</verse>
				<verse number="2">撒母耳 講：「我哪通去？ 掃羅 若聽著會刣我。」 上主講：「你帶一隻母的牛仔去，講你是欲去獻祭互上主。</verse>
				<verse number="3">你著請 耶西 來赴此個祭祀；我欲指示你應該做的事；我給你指示彼個人，你著替我給伊抹油作王。」</verse>
				<verse number="4">撒母耳 照上主的話去做，去到 伯利恆 ；城內的長老攏皮皮惙出來迎接伊，講：「你豈是帶平安來？」</verse>
				<verse number="5">伊講：「是，是帶平安來。我來是欲獻祭互上主。恁著潔淨家己，及我做夥赴祭祀。」 撒母耳 就給 耶西 及伊的子潔淨，然後請𪜶參加祭祀。</verse>
				<verse number="6">𪜶來的時， 撒母耳 看著 以利押 ，心內想：「徛佇上主面前此個一定是伊所選立的人。」</verse>
				<verse number="7">毋拘上主給 撒母耳 講：「毋通看伊的外表，身材大漢；我揀的毋是此個。上主啲看無親像人啲看；人看外表，上主看內心。」</verse>
				<verse number="8">後來 耶西 叫 亞比拿達 對 撒母耳 面前行過； 撒母耳 講：「上主嘛無揀此個。」</verse>
				<verse number="9">耶西 閣叫 沙瑪 經過； 撒母耳 講：「上主嘛無揀此個。」</verse>
				<verse number="10">耶西 互伊七個子攏對 撒母耳 面前行過。 撒母耳 給 耶西 講：「上主攏無揀𪜶。」</verse>
				<verse number="11">撒母耳 閣給 耶西 講：「你的子豈攏佇遮？」 伊應講：「猶有一個煞尾子，伊此陣啲飼羊。」 撒母耳 給 耶西 講：「你差人去叫伊來；伊猶未來，咱無欲坐桌。」</verse>
				<verse number="12">耶西 派人去叫伊來。伊紅膏赤蠘，目睭有神，生做英俊。上主講：「此個就是；你給伊抹油。」</verse>
				<verse number="13">撒母耳 就佇 大闢 許個兄哥面前用角內的油給伊抹。對彼日起，上主的神完全支配 大闢 。 撒母耳 就出發倒去 拉瑪 。</verse>
				<verse number="14">上主的神離開 掃羅 ，就有歹神對上主遐來互伊起驚惶。</verse>
				<verse number="15">掃羅 的人臣對伊講：「今有歹神對上帝遐來互你驚惶。</verse>
				<verse number="16">請王命令跟隨你的部下尋一個𠢕彈琴的人來，按呢，對上帝遐來的歹神來的時，叫伊彈琴，你就會好。」</verse>
				<verse number="17">掃羅 給伊的人臣講：「恁給我尋一個𠢕彈琴的，給伊導來我遮。」</verse>
				<verse number="18">有一個少年人講：「我曾看著 伯利恆 人 耶西 一個子𠢕彈琴；伊是勇敢的戰士，口才好，外表英俊，閣有上主及伊同在。」</verse>
				<verse number="19">掃羅 差使者去見 耶西 ，講：「請你去叫你彼個啲顧羊的子 大闢 來我遮。」</verse>
				<verse number="20">耶西 就叫伊的子 大闢 用驢仔載真多餅、一皮袋酒，及一隻山羊仔，帶去送 掃羅 。</verse>
				<verse number="21">大闢 到 掃羅 遐，給伊侍候。 掃羅 真疼伊，揀伊做侍衛，替 掃羅 攑軍器。</verse>
				<verse number="22">掃羅 差人去給 耶西 講：「我真合意 大闢 。請你互伊佇我身邊侍候我。」</verse>
				<verse number="23">逐遍，對上帝遐來的歹神臨到 掃羅 的時， 大闢 攏會彈琴， 掃羅 心情就輕鬆，回復元氣；歹神就離開伊。</verse>
			</chapter>
			<chapter number="17">
				<verse number="1">非利士 人聚集軍隊欲交戰；𪜶佇 猶大 的 梭哥 集合，佇 梭哥 及 亞西加 中間的 以弗‧大憫 紮營。</verse>
				<verse number="2">掃羅 及 以色列 人嘛聚集，佇 以拉 的山谷紮營，排陣欲對抗 非利士 人。</verse>
				<verse number="3">非利士 人及 以色列 人分別佇兩旁的山排陣，中間有山谷隔開。</verse>
				<verse number="4">有一個 非利士 勇士 迦特 人 歌利亞 對營內行出來，向 以色列 人挑戰；伊高三公尺較加，</verse>
				<verse number="5">頭殼戴銅的頭盔，身軀穿有鱗的戰甲，戰甲重五十七公斤，</verse>
				<verse number="6">大腿用銅的甲保護，肩頭揹一支銅的槍；</verse>
				<verse number="7">槍的柄親像織布機的車心赫粗；干焦槍的頭的鐵就有七公斤重；伊的頭前有一個人給伊夯盾牌。</verse>
				<verse number="8">伊徛啲，對 以色列 軍隊喝講：「恁排陣欲創啥？我是 非利士 的勇士，恁是 掃羅 的部下。恁揀一個人落來遮，</verse>
				<verse number="9">伊若有才調及我鬥輸贏，閣給我刣死，阮就做恁的奴才；伊若互我刣死，恁就做阮的奴才服事阮。」</verse>
				<verse number="10">彼個 非利士 人閣講：「今仔日我對 以色列 軍隊嗆聲；好膽派一個及我拼生死！」</verse>
				<verse number="11">掃羅 及 以色列 軍兵聽著 非利士 人諸個話，攏真懍，真驚。</verse>
				<verse number="12">大闢 是 猶大 伯利恆 的 以法他 人 耶西 的子。 耶西 有八個子。 掃羅 作王的時， 耶西 年歲多，已經老。</verse>
				<verse number="13">耶西 三個較大漢的子攏隨 掃羅 出征；上大的叫做 以利押 ，第二的 亞比拿達 ，第三的 沙瑪 。</verse>
				<verse number="14">大闢 是煞尾子；彼三個兄哥跟隨 掃羅 的時，</verse>
				<verse number="15">大闢 為著欲飼𪜶老父的羊群，佇 伯利恆 及 掃羅 遐來來去去。</verse>
				<verse number="16">彼個 非利士 人早暗出來挑戰，有四十日久。</verse>
				<verse number="17">有一日， 耶西 給伊的子 大闢 講：「你緊將焙好的麥穗十公斤，及十個餅提去軍營互恁兄哥；</verse>
				<verse number="18">閣帶十塊起司，送互𪜶的指揮官。去看恁兄哥有平安無，續帶證據轉來。</verse>
				<verse number="19">掃羅 及恁三個兄哥，以及 以色列 眾人，佇 以拉 的山谷及 非利士 人啲交戰。」</verse>
				<verse number="20">第二日透早， 大闢 將羊群交互別人顧，就照 耶西 的吩咐帶食物去到軍營；彼時軍隊抵仔出去戰場，喝聲欲交戰。</verse>
				<verse number="21">以色列 人及 非利士 人攏排陣相對。</verse>
				<verse number="22">大闢 給物件交代顧守的人，就走去戰場，給伊的兄哥請安。</verse>
				<verse number="23">伊及𪜶講話的時，看著彼個 非利士 的勇士 迦特 人 歌利亞 對營內出來，給 以色列 人講仝款的話； 大闢 攏有聽著。</verse>
				<verse number="24">以色列 眾人一下看著彼個人就驚惶逃走。</verse>
				<verse number="25">以色列 人講來講去：「彼個行出來的人，恁有看著無？伊出來給 以色列 人嗆聲。給伊刣死的人，王有一大筆獎金欲互伊，嘛欲將查某子嫁互伊，閣互𪜶老父全家免納稅金，免服事王。」</verse>
				<verse number="26">大闢 問徛佇伊身邊許個人：「刣死彼個 非利士 人，洗除 以色列 的見笑此個人會得著什麼？彼個無受割禮的 非利士 人是啥人，閣敢給永活上帝的軍隊嗆聲！」</verse>
				<verse number="27">軍兵就照前的話給 大闢 回答，講刣死彼個人的，會當得著什麼報賞。</verse>
				<verse number="28">大闢 的大兄 以利押 聽著 大闢 及人講話，就對伊發受氣，講：「你哪來遮？曠野彼幾隻羊你放互啥人顧？我知，你假𠢕；你啲想啥我攏知。你來是欲看人相刣。」</verse>
				<verse number="29">大闢 講：「我無做什麼，問一下也𣍐用得噢？」</verse>
				<verse number="30">大闢 就離開去尋別人，問仝款問題，軍兵嘛用仝款的話應伊。</verse>
				<verse number="31">有人聽著 大闢 講的話，就去給 掃羅 報告； 掃羅 就派人叫 大闢 來。</verse>
				<verse number="32">大闢 給 掃羅 講：「咱毋免驚彼個 非利士 人，請互你的僕人去及伊決鬥。」</verse>
				<verse number="33">掃羅 對 大闢 講：「你無法度及此個 非利士 人決鬥；你猶少歲，毋拘伊對少年就做戰士。」</verse>
				<verse number="34">大闢 給 掃羅 講：「我給阮老父顧羊的時，有獅抑是熊來咬羊仔；</verse>
				<verse number="35">我就給趇，給拍，將羊仔對𪜶的嘴救出來。獅抑是熊若欲咬我，我就摠伊的嘴鬚，給伊拍死。</verse>
				<verse number="36">我曾拍死獅及熊；此個無受割禮的 非利士 人，我嘛欲按呢給拍死，因為伊藐視永活上帝的軍隊。」</verse>
				<verse number="37">大闢 閣講：「上主有救我脫離獅及熊的爪，伊嘛會救我脫離此個 非利士 人的手。」 掃羅 給 大闢 講：「你去，上主及你同在。」</verse>
				<verse number="38">掃羅 就用家己的軍服互 大闢 穿，用銅的頭盔互伊戴，閣互伊穿戰甲。</verse>
				<verse number="39">大闢 給刀縖啲。因為伊無慣勢穿諸個，就試行看覓咧，然後給 掃羅 講：「穿諸個我行𣍐去，因為𣍐慣勢。」 大闢 就攏褪起來。</verse>
				<verse number="40">大闢 手攑柺仔，去溪邊揀五粒光滑的石頭，囥佇伊顧羊啲用的袋仔，手提挕索，然後行倚彼個 非利士 人。</verse>
				<verse number="41">像時，彼個 非利士 人嘛行倚 大闢 ；攑盾牌的兵行佇頭前。</verse>
				<verse number="42">彼個 非利士 人看著 大闢 ，就看輕伊；因為伊少年，紅膏赤蠘，生做英俊。</verse>
				<verse number="43">彼個 非利士 人對 大闢 講：「我豈是狗？你攑柺仔欲創啥？」 非利士 人就指家己的神明咒詛 大闢 。</verse>
				<verse number="44">彼個 非利士 人閣給 大闢 講：「來，我欲用你的肉飼鳥仔及野獸。」</verse>
				<verse number="45">大闢 對彼個 非利士 人講：「你是攑刀，攑長槍、短槍來攻擊我；我是奉上主 — 萬軍的統帥的名，就是你所藐視 以色列 軍隊的上帝，來攻擊你。</verse>
				<verse number="46">今仔日上主欲將你交佇我的手；我欲給你刣死，給你斬頭。今仔日我欲用 非利士 軍兵的身屍飼鳥仔及野獸，互全世界的人攏知 以色列 有上帝；</verse>
				<verse number="47">閣互所有聚集佇遮的人攏知，上主互人得勝毋是用刀，毋是用槍。交戰的勝敗上主啲決定；伊欲將恁交佇阮的手。」</verse>
				<verse number="48">歌利亞 行進前欲攻擊 大闢 。 大闢 趕緊走進前去迎戰。</verse>
				<verse number="49">大闢 對袋仔內提一粒石頭出來，用挕索挕去，抌著 歌利亞 的頭額，石頭鑽入頭額，伊就倒落去，面仆佇地裡。</verse>
				<verse number="50">按呢， 大闢 無用刀，只有用挕索及石頭就拍死 歌利亞 。</verse>
				<verse number="51">大闢 走去，踏佇 歌利亞 的身軀頂，然後將伊的刀拔出來，給伊刣死，斬斷伊的頭。 非利士 人看著𪜶的勇士已經死，就攏逃走。</verse>
				<verse number="52">以色列 人及 猶大 人就那喝喊那追殺 非利士 人，追到 迦特 及 以革倫 的城門；對 沙拉音 到 迦特 及 以革倫 ，沿路攏是屍體。</verse>
				<verse number="53">以色列 人追殺 非利士 人了後，倒轉來搶奪𪜶的營地。</verse>
				<verse number="54">大闢 將 歌利亞 的頭帶到 耶路撒冷 ，毋拘給伊的軍器囥佇家己的布棚。</verse>
				<verse number="55">掃羅 看著 大闢 去迎戰 非利士 人的時，問元帥 押尼珥 講：「 押尼珥 ，彼個少年人是啥人的子？」 押尼珥 講：「我指王的性命咒誓，我毋知。」</verse>
				<verse number="56">王講：「你去問看彼個少年人是啥人的子。」</verse>
				<verse number="57">大闢 拍死 歌利亞 倒來， 押尼珥 就導伊來見 掃羅 ，伊的手猶捾 歌利亞 的頭。</verse>
				<verse number="58">掃羅 問伊講：「少年人，你是啥人的子？」 大闢 講：「我是你的僕人 伯利恆 人 耶西 的子。」</verse>
			</chapter>
			<chapter number="18">
				<verse number="1">大闢 及 掃羅 話講煞。 約拿單 及 大闢 心結相連； 約拿單 疼伊親像疼家己的性命。</verse>
				<verse number="2">對彼日起， 掃羅 給 大闢 留佇身邊，無互伊倒轉去𪜶老父的厝。</verse>
				<verse number="3">約拿單 及 大闢 兩人結約，因為 約拿單 疼 大闢 親像家己的性命。</verse>
				<verse number="4">約拿單 褪伊的外衫互 大闢 ，閣將軍服，連刀、弓、腰帶嘛攏互伊。</verse>
				<verse number="5">掃羅 無論派 大闢 去叨位， 大闢 所做的攏順利，所以 掃羅 派伊做部隊的指揮官；眾人及 掃羅 的官長攏真滿意。</verse>
				<verse number="6">大闢 拍死 歌利亞 倒來的時，所有的婦女對 以色列 逐個城市庄社出來，唱歌，跳舞，拍玲瓏鼓，彈琴作樂來迎接 掃羅 王。</verse>
				<verse number="7">許個婦女跳舞，有的唱，有的應，講： 掃羅 刣死千千； 大闢 刣死萬萬。</verse>
				<verse number="8">掃羅 非常受氣，無歡喜此個話，就講：「將萬萬互 大闢 ，千千互我，賰王位猶未互伊若定。」</verse>
				<verse number="9">對彼日起， 掃羅 看著 大闢 就給伊睨。</verse>
				<verse number="10">隔日，對上帝遐來的歹神完全控制 掃羅 ，伊就佇厝內開始亂講話。 大闢 照常用手彈琴； 掃羅 手裡有攑槍，</verse>
				<verse number="11">就給彼支槍射去，想講：「我欲給 大闢 射迵過，給伊釘佇壁裡。」 大闢 有兩遍閃開。</verse>
				<verse number="12">掃羅 驚 大闢 ，因為上主離開伊，及 大闢 同在。</verse>
				<verse number="13">因為按呢， 掃羅 互 大闢 離開，派伊指揮一千個兵。 大闢 就做頭領導軍隊。</verse>
				<verse number="14">大闢 所做的代誌攏成功，因為上主及伊同在。</verse>
				<verse number="15">掃羅 看著 大闢 所做的代誌攏成功，就閣較驚伊。</verse>
				<verse number="16">毋拘 以色列 及 猶大 的人民攏擁護 大闢 ，因為伊攏做頭領導。</verse>
				<verse number="17">掃羅 給 大闢 講：「我的大查某子 米拉 互你做某，毋拘你著做我盡忠的勇士，為上主交戰。」 掃羅 心內想：「我毋通親手害伊，著借 非利士 人的刀互伊死。」</verse>
				<verse number="18">大闢 給 掃羅 講：「我算什麼？我有什麼身份？阮的家族佇 以色列 中算什麼？我哪有資格通做王的子婿？」</verse>
				<verse number="19">掃羅 的查某子 米拉 應該及 大闢 成親的時到， 掃羅 竟然將伊互 米何拉 人 亞得列 做某。</verse>
				<verse number="20">掃羅 另外一個查某子 米甲 愛 大闢 ；有人給 掃羅 講， 掃羅 聽了真歡喜。</verse>
				<verse number="21">掃羅 心內講：「我將此個查某子嫁互伊，做羅網，通借 非利士 人的手害死 大闢 。」 掃羅 第二遍給 大闢 講：「你通做我的子婿。」</verse>
				<verse number="22">掃羅 就吩咐人臣講：「恁私下給 大闢 講：『王真合意你；人臣嘛真愛你，按呢你通做王的子婿。』」</verse>
				<verse number="23">掃羅 的人臣將諸個話講互 大闢 聽； 大闢 講：「恁想，做王的子婿豈是小事？我不過是喪鄉卑微的人。」</verse>
				<verse number="24">掃羅 的人臣將 大闢 所講的給伊回復。</verse>
				<verse number="25">掃羅 講：「恁著給 大闢 講，王無愛什麼聘禮，只有愛一百個 非利士 人的包皮，通替王給對敵報復。」 掃羅 的企圖是欲互 大闢 死佇 非利士 人的手下。</verse>
				<verse number="26">掃羅 的人臣將諸個話給 大闢 講， 大闢 就願意做王的子婿。指定的日期到以前，</verse>
				<verse number="27">大闢 導部下去刣死兩百個 非利士 人。 大闢 將許個包皮全數獻互王，通做王的子婿。 掃羅 就將查某子 米甲 互 大闢 做某。</verse>
				<verse number="28">掃羅 看出上主及 大闢 同在，閣知查某子 米甲 嘛愛 大闢 ，</verse>
				<verse number="29">掃羅 就閣較驚 大闢 ，歸世人及 大闢 作對。</verse>
				<verse number="30">非利士 的首領常常出來攻擊 以色列 人；逐遍交戰， 大闢 的戰果攏比 掃羅 的官長較輝煌。 大闢 的名聲愈來愈響。</verse>
			</chapter>
			<chapter number="19">
				<verse number="1">掃羅 要求伊的子 約拿單 及所有的官長著刣死 大闢 。毋拘 約拿單 真意愛 大闢 ，</verse>
				<verse number="2">就給 大闢 講：「我的老父想欲刣你；你著細膩，明仔早起你去匿𫢶祕密的所在。</verse>
				<verse number="3">我會去野外你匿的所在，徛佇我的老父身邊，及伊講起你的代誌；我若知影什麼，會給你講。」</verse>
				<verse number="4">約拿單 對伊的老父替 大闢 講好話，講：「請王毋通傷害你的僕人 大闢 ，因為伊毋曾傷害你。伊所做的攏對你真有幫贊。</verse>
				<verse number="5">伊曾冒性命的危險，刣死彼個 非利士 人。上主有互 以色列 人得著大勝利；諸個代誌你攏知，嘛真歡喜。今是按怎王無緣無故欲刣 大闢 ，流無辜的人的血得罪上帝？」</verse>
				<verse number="6">掃羅 聽 約拿單 的話，就指永活的上主咒誓：「我𣍐刣 大闢 。」</verse>
				<verse number="7">約拿單 叫 大闢 來，將這一切的經過攏給伊講。 約拿單 導 大闢 去見 掃羅 ； 大闢 就繼續侍候 掃羅 。</verse>
				<verse number="8">戰爭閣爆發； 大闢 出去及 非利士 人交戰，給𪜶徹底拍敗，𪜶就逃走。</verse>
				<verse number="9">有一日， 掃羅 坐佇厝內，手裡攑槍，對上主遐來的歹神閣臨到伊；彼時 大闢 啲彈琴。</verse>
				<verse number="10">掃羅 用槍射 大闢 ，欲給伊釘佇壁裡； 大闢 閃開，彼支槍鑿入壁裡。彼暝， 大闢 逃走，離開。</verse>
				<verse number="11">掃羅 派人去 大闢 的厝監視，按算透早欲給伊刣。 大闢 的某 米甲 對伊講：「你今暗若無逃命，明仔載一定會互人刣死。」</verse>
				<verse number="12">米甲 就對窗仔給 大闢 縋落去；伊就逃走去匿。</verse>
				<verse number="13">米甲 用家族神像下佇眠床，用山羊毛蓋頭殼，用外衫給伊蓋啲。</verse>
				<verse number="14">掃羅 派人去掠 大闢 ； 米甲 給𪜶講：「伊啲破病。」</verse>
				<verse number="15">掃羅 閣派人去，一定欲看著 大闢 ，講：「連眠床續扛來我遮，我欲互伊死。」</verse>
				<verse number="16">使者入去，看著眠床有家族神像，頭殼蓋山羊毛。</verse>
				<verse number="17">掃羅 對 米甲 講：「你是按怎騙我，放我的對敵逃走？」 米甲 應講：「伊給我講：『放我走。若無，我欲給你刣死。』」</verse>
				<verse number="18">大闢 逃走，去 拉瑪 見 撒母耳 ，將 掃羅 對伊所做的代誌攏給 撒母耳 講。伊及 撒母耳 就去住佇 拿約 。</verse>
				<verse number="19">有人給 掃羅 講：「 大闢 佇 拉瑪 的 拿約 。」</verse>
				<verse number="20">掃羅 派使者去掠 大闢 ；𪜶 看著 撒母耳 做頭導一陣先知入神講話，上帝的神臨到 掃羅 的使者，𪜶嘛開始入神講話。</verse>
				<verse number="21">有人將此個代誌給 掃羅 講，伊閣派使者去，𪜶嘛入神講話。 掃羅 第三遍派使者去，𪜶嘛入神講話。</verse>
				<verse number="22">後來伊本身嘛去 拉瑪 ，到 西沽 的彼個大鼓井遐，問人：「 撒母耳 及 大闢 佇叨位？」有人給伊講：「𪜶佇 拉瑪 的 拿約 。」</verse>
				<verse number="23">掃羅 就去 拿約 ；上帝的神嘛臨到伊；伊那行那入神講話，一直到 拿約 。</verse>
				<verse number="24">伊甚至褪衫，佇 撒母耳 的面前入神講話，歸暝歸日褪裼倒啲。因為按呢，人講：「連 掃羅 嘛啲做先知噢？」</verse>
			</chapter>
			<chapter number="20">
				<verse number="1">大闢 對 拉瑪 的 拿約 逃走，去見 約拿單 ，講：「我有做什麼？有什麼毋著？有對恁老父犯著什麼罪，伊竟然欲追殺我？」</verse>
				<verse number="2">約拿單 給伊講：「無此款代誌！你絕對𣍐死。我的老父做代誌，無論大細，攏會互我知。此項代誌伊哪著給我掩蓋？絕對𣍐！」</verse>
				<verse number="3">大闢 閣咒誓講：「你的老父明明知你真意愛我，所以心內想：『毋通互 約拿單 知，驚了伊傷心。』我指永活的上主及你的性命咒誓，死已經逼到眼前啦。」</verse>
				<verse number="4">約拿單 給 大闢 講：「你愛我做什麼，我一定會做。」</verse>
				<verse number="5">大闢 給 約拿單 講：「明仔載是初一，我應該著及王食飯。若會用得，請容允我去匿佇野外，到第三日暗時。</verse>
				<verse number="6">你的老父若發見我無佇遐，你著講：『 大闢 有得著我的允准，轉去故鄉 伯利恆 ，𪜶全家佇遐啲獻年祭。』</verse>
				<verse number="7">伊若講『好』，你的僕人就平安無事；伊若受氣，你就知伊決定欲害我。</verse>
				<verse number="8">今你著誠心對待你的僕人；請你守你及我佇上主面前所立的約。我若有罪，你著親身刣我；哪著等你的老父下手？」</verse>
				<verse number="9">約拿單 講：「我一定𣍐按呢做。我若確實知我的老父決定欲害你，我豈𣍐給你講？」</verse>
				<verse number="10">大闢 給 約拿單 講：「你的老父若歹聲嗽應你，什麼人欲報我知？」</verse>
				<verse number="11">約拿單 給 大闢 講：「來，咱來去野外。」𪜶就做夥去。</verse>
				<verse number="12">約拿單 給 大闢 講：「願上主 — 以色列 的上帝作證 ：明仔載抑是後日此個時，我會探阮老父的意思；伊對你的反應若好，我一定會派人報你知。</verse>
				<verse number="13">我的老父若存心欲害你，我一定會給你講，互你平安離開；若無，願上主加倍責罰我。願上主及你同在，親像以前及我的老父同在仝款。</verse>
				<verse number="14">我若猶活啲，你一定著照上主的慈愛對待我。我若死 ，</verse>
				<verse number="15">閣上主剿滅你的對敵的時，你嘛著仝款永遠照上主的慈愛對待我的家族。」</verse>
				<verse number="16">約拿單 就及 大闢 的家立約，閣講：「願上主用 大闢 對敵的手刑罰背約的人。」</verse>
				<verse number="17">約拿單 因為愛 大闢 ，就要求 大闢 閣咒誓；因為伊疼 大闢 親像疼家己的性命。</verse>
				<verse number="18">約拿單 給伊講：「明仔載是初一，食飯的時，你無在場，人一定會注意著。</verse>
				<verse number="19">所以，後日你著趕緊落去前抵著代誌匿的所在，佇 以色 的石磐遐聽候；</verse>
				<verse number="20">我會用石磐做目標射三支箭。</verse>
				<verse number="21">我會差一個少年人去尋箭。我若給彼個少年人講『箭佇你的後面，著去拾』，你就通倒來。我指永活的上主咒誓，你平安無事。</verse>
				<verse number="22">我若給少年人講『箭佇你的頭前』，你著趕緊走；因為是上主愛你離開。</verse>
				<verse number="23">咱兩個的約定，有上主佇你我中間永遠作證。」</verse>
				<verse number="24">大闢 就去匿佇野外。初一彼日，王坐桌欲食。</verse>
				<verse number="25">王照常坐伊倚壁彼個位，佇 約拿單 的對面 ， 押尼珥 坐佇 掃羅 身邊； 大闢 的位空啲。</verse>
				<verse number="26">毋拘彼日 掃羅 無講什麼；伊想講 大闢 抵著代誌互伊無清氣，到現在猶未潔淨。</verse>
				<verse number="27">隔日，初二， 大闢 的位猶原空空。 掃羅 問 約拿單 ：「 耶西 的子是按怎昨日今仔日攏無來食？」</verse>
				<verse number="28">約拿單 應 掃羅 講：「 大闢 迫切求我允准伊倒去 伯利恆 。</verse>
				<verse number="29">伊講：『請你允准我倒去，因為阮兜佇城內有祭祀，我的兄哥吩咐我轉去；今你著施恩互我，准我去見我的兄哥。』因為按呢 大闢 無來及王坐桌。」</verse>
				<verse number="30">掃羅 對 約拿單 發性地，給伊講：「你此個不貞背逆的查某人生的子，我都知你徛佇 耶西 的子彼旁，家己取凌辱，閣互你的老母受著褪裼的見笑。</verse>
				<verse number="31">耶西 的子若活啲，你及你的王權一定𣍐穩固。今著派人去給掠來我遮。伊一定著死！」</verse>
				<verse number="32">約拿單 應講：「伊是按怎著死？伊有做什麼毋著？」</verse>
				<verse number="33">掃羅 攑槍射 約拿單 ，欲給伊鑿死。 約拿單 就知伊的老父決心欲刣 大闢 。</verse>
				<verse number="34">約拿單 真受氣，對坐位徛起來，初二彼日攏無食什麼。伊為著 大闢 心艱苦，因為伊的老父侮辱 大闢 。</verse>
				<verse number="35">隔早起， 約拿單 照約定，出去野外欲及 大闢 見面；有一個少年人隨伊去。</verse>
				<verse number="36">約拿單 給少年人講：「你走去尋我射的箭。」彼個少年人一下走去， 約拿單 就射一支箭，飛過少年人。</verse>
				<verse number="37">彼個少年人走到 約拿單 箭落落去的所在， 約拿單 佇後面喝講：「箭佇你的頭前。」</verse>
				<verse number="38">約拿單 閣喝：「趕緊，緊去，毋通延延。」彼個少年人就拾許個箭轉來伊的主人遐，</verse>
				<verse number="39">毋拘伊毋知這是什麼意思，只有 約拿單 及 大闢 知。</verse>
				<verse number="40">約拿單 將弓及箭交互少年人，吩咐講：「你提倒去城內。」</verse>
				<verse number="41">少年人離開了後， 大闢 對石頭堆後面 出來，仆佇土腳給 約拿單 拜三遍；兩人相唚，攬啲哭， 大闢 哭甲真激動。</verse>
				<verse number="42">約拿單 給 大闢 講：「你通平安去；咱兩人已經有指上主的名咒誓講：『願上主幫贊咱永遠堅守你及我、你的後代及我的後代中間所立的約。』」 大闢 就離開， 約拿單 嘛倒去城內。</verse>
			</chapter>
			<chapter number="21">
				<verse number="1">大闢 去 挪伯 見祭司 亞希米勒 。 亞希米勒 驚驚惶惶出來見 大闢 ，對伊講：「你哪家己一個，無人及你鬥陣？」</verse>
				<verse number="2">大闢 應講：「王互我一個任務，命令講此個任務毋通互人知。我已經派部下佇某一個所在聽候我。</verse>
				<verse number="3">今你有什麼通食，請你互我五個餅，抑是別項食物。」</verse>
				<verse number="4">祭司應講：「我手內無普通的餅，只有分別作聖的餅；你的部下無親近婦女才通食。」</verse>
				<verse number="5">大闢 講：「最近阮攏無親近婦女。阮出去執行任務的時，諸個軍兵攏有潔淨。連平常都按呢，何況此遍的任務特別，軍兵的身軀閣較有保持潔淨。」</verse>
				<verse number="6">祭司就提分別作聖的餅互 大闢 ，因為佇遐無別項餅，只有獻祭的餅，是獻新餅的時對上主面前換落來的。</verse>
				<verse number="7">彼日，佇遐有一個 掃羅 的人臣留佇上主的面前；伊是 以東 人，叫做 多益 ，是 掃羅 的牧者的總管。</verse>
				<verse number="8">大闢 問 亞希米勒 講：「你遮有槍抑是刀無？因為王的任務真緊急，我煞無帶刀抑是其他的武器。」</verse>
				<verse number="9">祭司應：「遮有一支刀，是你以前佇 以拉 的山谷所刣死的 非利士 人 歌利亞 的，用布包啲，囥佇以弗得的後面。你欲用就攑去；此支以外無別支。」 大闢 講：「此支刀互我，無別支比此支較好。」</verse>
				<verse number="10">彼日 大闢 離開，走到 迦特 王 亞吉 遐，去閃避 掃羅 。</verse>
				<verse number="11">亞吉 許個人臣對伊講：「此個豈毋是 以色列 國的王 大闢 ？豈毋是眾婦女那跳舞那唱講 『 掃羅 刣死千千； 大闢 刣死萬萬』 彼個 大闢 ？」</verse>
				<verse number="12">大闢 聽著諸個話心內不安，真驚 迦特 王 亞吉 ，</verse>
				<verse number="13">所以佇眾人面前假起𤞚，佇城門 的門扇亂寫亂畫，嘴涎波噴甲歸嘴鬚。</verse>
				<verse number="14">亞吉 給伊的人臣講：「恁看，此個人啲起𤞚。恁哪給伊導來我遮？</verse>
				<verse number="15">我遮豈有欠𤞚人？恁哪給導來？毋通互此個人入我的厝。」</verse>
			</chapter>
			<chapter number="22">
				<verse number="1">大闢 離開 迦特 ，走到 亞杜蘭洞 ；伊的兄弟及伊的老父全家聽著，就攏落去伊遐。</verse>
				<verse number="2">所有受壓迫的，欠債的，心不滿的，攏聚集來伊遐， 大闢 就做𪜶的頭；去倚伊的，約有四百人。</verse>
				<verse number="3">大闢 對遐去 摩押 的 米斯巴 ，對 摩押 王講：「求你允准我的父母來𫢶恁遮，聽候我知上帝按怎給我安排。」</verse>
				<verse number="4">大闢 導𪜶到 摩押 王遐。 大闢 住佇要塞彼段時間，伊的父母攏住佇 摩押 王遐。</verse>
				<verse number="5">後來，先知 迦得 給 大闢 講：「毋通閣住佇要塞，著去 猶大 地區。」 大闢 就離開，去 哈列 的樹林。</verse>
				<verse number="6">有一日， 掃羅 佇 基比亞 的 拉瑪 ，坐佇柳樹腳，手裡攑槍，眾侍衛徛佇伊周圍。彼時， 掃羅 聽著有人知影 大闢 及隨伊的人佇叨位，</verse>
				<verse number="7">就給伊的侍衛講：「 便雅憫 人啊，聽咧。恁想講 耶西 的子會互恁逐個人田及葡萄園噢？會派恁做官長指揮一千個，抑是一百個兵噢？</verse>
				<verse number="8">恁竟然共謀欲背叛我。我家己的子及 耶西 的子結盟，恁無人給我報告；恁中間無人關心我。今仔日我的子使弄我的部下當等欲害我，恁攏無報我知。」</verse>
				<verse number="9">彼時 以東 人 多益 徛佇 掃羅 侍衛的中間，給伊講：「我有看著 耶西 的子去 挪伯 ，到 亞希突 的子 亞希米勒 遐。</verse>
				<verse number="10">亞希米勒 替 大闢 問上主，閣互伊食物，嘛攑 非利士 人 歌利亞 的刀互伊。」</verse>
				<verse number="11">王就派人召 亞希突 的子祭司 亞希米勒 ，閣召𪜶老父全家，就是𫢶佇 挪伯 許個祭司來；𪜶就攏來王遐。</verse>
				<verse number="12">掃羅 講：「 亞希突 的子，聽咧！」 伊應講：「我的主啊，我佇遮。」</verse>
				<verse number="13">掃羅 給伊講：「你是按怎及 耶西 的子共謀背叛我，互伊餅及刀，閣替伊求問上帝，致到伊今仔日當等欲害我？」</verse>
				<verse number="14">亞希米勒 應王講：「你的侍衛啥人會比 大闢 較盡忠？伊是王的子婿，閣是你的侍衛長，佇宮廷受敬重。</verse>
				<verse number="15">我豈今仔日才替伊求問上帝？絕對毋是。 請王毋通給罪歸互你的僕人及我的老父全家；因為背叛王諸個代誌，無論大細項，你的僕人攏毋知。」</verse>
				<verse number="16">王講：「 亞希米勒 ，你及你的老父全家攏著死。」</verse>
				<verse number="17">王就命令左右的侍衛講：「恁去，給上主的祭司攏刣死；因為𪜶倚 大闢 ，𪜶知 大闢 逃走閣無報我知。」毋拘王的侍衛毋肯下手刣上主的祭司。</verse>
				<verse number="18">王給 多益 講：「你去，去刣許個祭司。」 以東 人 多益 就去刣祭司；彼日刣死八十五個穿幼麻布以弗得的人。</verse>
				<verse number="19">伊閣用刀刣祭司的城 挪伯 城內的人，無論男女、囝仔、食奶的嬰仔，及牛、驢、羊，攏刣死。</verse>
				<verse number="20">亞希突 的子 亞希米勒 有一個子叫做 亞比亞他 ，逃走去 大闢 遐。</verse>
				<verse number="21">亞比亞他 將 掃羅 刣死上主的祭司的代誌給 大闢 講。</verse>
				<verse number="22">大闢 給 亞比亞他 講：「彼日我看著 以東 人 多益 佇遐，就知伊一定會給 掃羅 報告。你的老父全家失落性命，攏是因為我的緣故。</verse>
				<verse number="23">你來及我住，毋免驚，因為想欲害你性命的嘛欲害我；來及我住，你就安全。」</verse>
			</chapter>
			<chapter number="23">
				<verse number="1">有人給 大闢 講：「 非利士 人啲攻擊 基伊拉 城，搶五穀場。」</verse>
				<verse number="2">大闢 問上主：「我來去攻擊許個 非利士 人好無？」 上主給 大闢 講：「你去拍 非利士 人，解救 基伊拉 。」</verse>
				<verse number="3">跟隨 大闢 的人給伊講：「咱佇 猶大 地都真驚 非利士 人，何況去 基伊拉 拍𪜶的軍隊？」</verse>
				<verse number="4">大闢 閣問上主；上主應講：「你去，落去 基伊拉 ，因為我欲將 非利士 人交佇你的手。」</verse>
				<verse number="5">大闢 及跟隨伊的人去 基伊拉 ，及 非利士 人交戰；搶𪜶的牲生，刣死𪜶真多人。按呢， 大闢 有解救 基伊拉 的住民。</verse>
				<verse number="6">亞希米勒 的子 亞比亞他 逃走去 基伊拉 見 大闢 的時，手裡有帶以弗得去。</verse>
				<verse number="7">有人給 掃羅 講：「 大闢 來到 基伊拉 。」 掃羅 講：「上帝已經將伊交佇我的手，因為伊入去有門有閂的城，家己關佇彼內面。」</verse>
				<verse number="8">掃羅 就召集所有的軍兵欲去攻打 基伊拉 ，包圍 大闢 及跟隨伊的人。</verse>
				<verse number="9">大闢 知 掃羅 設計謀欲害伊，就給祭司 亞比亞他 講：「你帶以弗得來。」</verse>
				<verse number="10">大闢 講：「上主 — 以色列 的上帝啊，你的僕人有聽著 掃羅 欲來 基伊拉 ，為著我的緣故剿滅此個城。</verse>
				<verse number="11">基伊拉 人會將我交佇伊的手𣍐？ 掃羅 會照你的僕人所聽著的落來抑𣍐？上主 — 以色列 的上帝啊，求你指示你的僕人。」 上主講：「 掃羅 會落來。」</verse>
				<verse number="12">大闢 閣講：「 基伊拉 人會將我及隨我的人交佇 掃羅 的手抑𣍐？」 上主講：「𪜶會將你交互伊。」</verse>
				<verse number="13">大闢 及跟隨伊的人約有六百，隨時離開 基伊拉 ，四界飄流。 有人給 掃羅 講：「 大闢 已經對 基伊拉 逃走。」 掃羅 就無出兵。</verse>
				<verse number="14">大闢 匿佇 西弗 曠野山區的要塞。 掃羅 逐日追尋 大闢 ，毋拘上帝無將 大闢 交佇伊的手。</verse>
				<verse number="15">大闢 知 掃羅 已經出來欲刣伊，彼時 大闢 𫢶佇 西弗 曠野的 哈列 。</verse>
				<verse number="16">掃羅 的子 約拿單 出發去 哈列 見 大闢 ，鼓勵伊著信靠上帝的保護，</verse>
				<verse number="17">給伊講：「毋免驚，阮老父 掃羅 的手無法度傷害你。你會做 以色列 王，我甘願坐第二位。此個事我的老父 掃羅 已經知。」</verse>
				<verse number="18">𪜶兩人就佇上主的面前立約結盟。 大闢 留佇 哈列 ， 約拿單 倒去伊的厝。</verse>
				<verse number="19">有一寡 西弗 人上去 基比亞 見 掃羅 ，講：「 大闢 豈毋是匿佇阮境內， 約斯門 南旁 哈基拉山 ， 哈列 的要塞？</verse>
				<verse number="20">王啊，你若想欲落去，請此陣來去；阮會掠伊來交佇王的手。」</verse>
				<verse number="21">掃羅 講：「願上主賜福恁，因為恁對我真好。</verse>
				<verse number="22">恁倒去，詳細調查，確實知伊𫢶佇叨位，什麼人有看著伊，因為有人給我講，伊真詭詰。</verse>
				<verse number="23">恁去，查出伊確實匿的所在；若知影，著來給我報告，我就欲及恁去。伊若佇 猶大 境內，我欲對所有的宗族中給伊抄出來。」</verse>
				<verse number="24">許個人就出發，比 掃羅 較代先去 西弗 。 大闢 及跟隨伊的人匿佇 瑪雲 的曠野， 約斯門 南旁的 亞拉巴 。</verse>
				<verse number="25">掃羅 導伊的部下去追尋 大闢 ；有人給 大闢 講，伊就落去 瑪雲 曠野的山巖遐。 掃羅 聽著，就佇 瑪雲 的曠野追趇 大闢 。</verse>
				<verse number="26">掃羅 及伊的部下佇山的此旁， 大闢 及跟隨伊的人佇山的彼旁。 掃羅 及伊的部下逼倚 大闢 ，啲欲掠著。 大闢 趕緊走，閃避 掃羅 。</verse>
				<verse number="27">彼時，有使者來報 掃羅 講：「你著趕緊倒來，因為 非利士 人侵犯咱的國境。」</verse>
				<verse number="28">掃羅 就倒去對抗 非利士 人，無閣追趇 大闢 ；因為按呢，彼個所在叫做 西拉‧哈瑪希羅結 ，意思是隔離的山巖。</verse>
				<verse number="29">大闢 離開遐，就去𫢶佇 隱‧基底 的要塞。</verse>
			</chapter>
			<chapter number="24">
				<verse number="1">掃羅 追趇 非利士 人倒來的時，有人給伊講：「 大闢 𫢶佇 隱‧基底 的曠野。」</verse>
				<verse number="2">掃羅 就對 以色列 中導特選的兵三千，去野山羊山巖遐尋 大闢 及跟隨伊的人。</verse>
				<verse number="3">掃羅 來到路邊羊椆附近的山洞，入去欲大便。 大闢 及跟隨伊的人匿佇洞內較深的所在。</verse>
				<verse number="4">跟隨 大闢 的人對伊講：「上主曾給你講：『我欲將你的對敵交佇你的手，你通照家己的意思對待伊。』今機會來啦。」 大闢 就恬恬仔爬去割 掃羅 外衫的衫仔裾。</verse>
				<verse number="5">後來， 大闢 因為割 掃羅 的衫仔裾心內不安，</verse>
				<verse number="6">對跟隨伊的人講：「伊是上主所抹油的王；我絕對毋敢對我的主人，就是上主所抹油的，做此款代誌傷害伊。」</verse>
				<verse number="7">大闢 用諸個話阻擋跟隨伊的人，不准𪜶攻擊 掃羅 。 掃羅 𬦰起來，對洞內出去，繼續行伊的路。</verse>
				<verse number="8">大闢 嘛對洞內出去，隨佇 掃羅 的後面，喝講：「我的主，我的王！」 掃羅 越頭看； 大闢 就仆佇土腳拜伊。</verse>
				<verse number="9">大闢 對 掃羅 講：「王啊，你是按怎聽人的話，講『 大闢 想欲害你』？</verse>
				<verse number="10">今仔日你有親目看著，你佇洞內的時，上主將你交佇我的手。有人叫我刣你，毋拘我不忍心；我講：『我無欲出手害我的主，因為伊是上主所抹油的。』</verse>
				<verse number="11">我的父啊，你看咧，你外衫的衫仔裾佇我的手裡；我只有割你的衫仔裾，無給你刣。按呢，你會當看出我的手無做什麼背逆你的歹代誌。我毋曾得罪你，毋拘你追趇我，欲揲我的性命。</verse>
				<verse number="12">願上主佇你我的中間裁決。願上主因為你的所做替我報復；我𣍐出手害你。</verse>
				<verse number="13">古早人按呢講：『歹代對歹人出。』我𣍐出手害你。</verse>
				<verse number="14">以色列 王出來欲掠啥人，欲追趇啥人？欲尋死狗，掠虼蚤噢？</verse>
				<verse number="15">願上主做判官，佇你我的中間裁決。願伊監察，為著我的案件辯護，救我脫離你的手。」</verse>
				<verse number="16">大闢 對 掃羅 講諸個話了後， 掃羅 講：「我的子 大闢 ，這是你的聲噢？」 掃羅 就大聲啼哭。</verse>
				<verse number="17">伊給 大闢 講：「你比我較正，因為你對我真好，我煞顛倒用歹報你。</verse>
				<verse number="18">今仔日你的所做表明你用好對待我，因為上主有將我交佇你的手，毋拘你無給我刣死。</verse>
				<verse number="19">人若尋著伊的對敵，豈會放伊走？願上主因為今仔日你對我的所做用好報你。</verse>
				<verse number="20">今我知你一定會作王， 以色列 國一定會佇你的統治下堅立。</verse>
				<verse number="21">所以你著指上主對我咒誓，你𣍐剿滅我的後代，𣍐將我的名對阮的家族擦消。」</verse>
				<verse number="22">大闢 就對 掃羅 咒誓。然後， 掃羅 倒去伊住的所在； 大闢 及跟隨伊的人上去山區的要塞。</verse>
			</chapter>
			<chapter number="25">
				<verse number="1">撒母耳 死， 以色列 眾人聚集，為著伊啼哭，給伊埋葬佇伊的故鄉 拉瑪 。 大闢 落去 巴蘭 的曠野。</verse>
				<verse number="2">佇 瑪雲 有一個大好額人，伊的產業佇 迦密 ；伊有綿羊三千隻，山羊一千隻。彼陣，伊佇 迦密 啲剪羊毛。</verse>
				<verse number="3">彼個人屬 迦勒 宗族，叫做 拿霸 ，伊的某 愛比該 是賢慧閣媠的婦仁人。毋拘 拿霸 作人粗魯閣兇惡。</verse>
				<verse number="4">大闢 佇曠野聽著 拿霸 啲剪羊毛，</verse>
				<verse number="5">就派十個少年人，叫𪜶去 迦密 見 拿霸 ，吩咐𪜶用伊的名給 拿霸 請安，</verse>
				<verse number="6">講：「祝你長歲壽！願恁全家平安！願你事事順利！</verse>
				<verse number="7">大闢 有聽講你佇遮啲剪羊毛；你的顧羊的及阮做夥佇 迦密 的時，阮毋曾欺負𪜶，𪜶嘛毋曾失落什麼。</verse>
				<verse number="8">你通問你的工人，𪜶會給你講。 大闢 請你好款待阮諸個少年人，今仔日抵抵是節日。請隨便提淡薄互阮及你的後輩 大闢 。」</verse>
				<verse number="9">大闢 的少年人到位，就代表 大闢 將諸個話給 拿霸 講。𪜶講了，靜靜聽候。</verse>
				<verse number="10">拿霸 應 大闢 的部下講：「 大闢 是啥人？ 耶西 的子是啥人？最近不時有僕人背叛主人。</verse>
				<verse number="11">我的餅、我的水，及欲互剪羊毛的人食的肉，豈通提互毋知對叨位來的人？」</verse>
				<verse number="12">大闢 的少年人越轉身對原路倒去，將諸個話給 大闢 報告。</verse>
				<verse number="13">大闢 對跟隨伊的人講：「恁逐個人攏著帶刀。」𪜶就攏帶刀， 大闢 嘛帶。隨 大闢 去的約有四百人，兩百個留啲顧守補給品。</verse>
				<verse number="14">拿霸 的工人有一個來給 拿霸 的某 愛比該 講：「 大闢 對曠野差使者來給阮主人請安，主人顛倒大聲給𪜶侮辱。</verse>
				<verse number="15">毋拘許個人對阮真好，阮佇野外及𪜶往來的時攏無受傷害，嘛毋曾失落什麼。</verse>
				<verse number="16">阮佇𪜶遐飼羊的時，𪜶暝日攏有給阮保護。</verse>
				<verse number="17">請你詳細想，看著按怎做，因為災禍一定會臨到阮的主人及伊的全家。阮主人性情兇惡，無人敢及伊講話。」</verse>
				<verse number="18">愛比該 就趕緊將兩百個餅，兩皮袋酒，五隻烘好的羊，十七公斤焙熟的麥仔，一百粒葡萄乾丸 ，兩百粒無花果乾丸 ，互驢仔載。</verse>
				<verse number="19">然後伊給許個工人講：「恁先行，我隨恁的後面去。」毋拘伊無給伊的丈夫 拿霸 講。</verse>
				<verse number="20">愛比該 就騎驢落山，對山彼旁斡過來的時，抵著 大闢 及跟隨伊的人抵好對對面啲來。</verse>
				<verse number="21">大闢 抵仔啲講：「此個人佇曠野所有的一切，我給伊顧甲無失落半項，實在無採工；伊竟然用歹報好！</verse>
				<verse number="22">明仔載天光以前，我若無將𪜶兜所有的查甫人攏刣死，願上帝加倍責罰我 。」</verse>
				<verse number="23">愛比該 看著 大闢 ，趕緊對驢仔落來，佇 大闢 的面前仆佇土腳拜伊。</verse>
				<verse number="24">愛比該 仆佇伊的腳前，講：「我的主啊，攏是我毋著。求你准你的女婢講互你聽。請聽女婢的話。</verse>
				<verse number="25">我的主，插彼個性情兇惡的人；伊叫做 拿霸 ，名符其實是戇人。毋拘我，你的女婢，無抵著我的主派來的少年人。</verse>
				<verse number="26">我的主啊，既然上主阻止你無犯刣死人的罪，無互你親手替家己報仇，我指永活的上主及你的性命咒誓：『願我的主的對敵及計謀欲害你的人攏及 拿霸 仝款。』</verse>
				<verse number="27">今你的女婢帶來互我的主的禮物，請分互跟隨我的主的少年人。</verse>
				<verse number="28">求你寬赦你女婢的罪過。上主一定會給我的主建立穩固的王朝，因為我的主為著上主交戰，閣你一生尋𣍐出有什麼過失 。</verse>
				<verse number="29">雖然有人起來追趇你，數想你的性命，毋拘我的主的性命會得著上主 — 你的上帝保護，親像啲保護極貴重的寶物。你對敵的性命會互上主㧒确，親像用挕索挕出去。</verse>
				<verse number="30">將來上主照伊對我的主的應允成就一切好事，選立你做 以色列 的領袖的時，</verse>
				<verse number="31">我的主就毋免為著無緣無故刣人，抑是替家己報仇，致到後悔，自責。當上主賜福互我的主的時，求你會記得你的女婢。」</verse>
				<verse number="32">大闢 給 愛比該 講：「上主 — 以色列 的上帝應該受稱讚，因為伊今仔日差你來見我。</verse>
				<verse number="33">你及你的見識攏真通謳咾，因為你今仔日阻止我無親手報仇，互我無犯著刣死人的罪。</verse>
				<verse number="34">上主有阻止我無傷害你。佇上主 — 以色列 永活的上帝面前，我敢講，佳哉你有隨時趕來見我，若無，到明仔早起，所有屬 拿霸 的查甫人，一定連一個都𣍐活啲。」</verse>
				<verse number="35">然後， 大闢 接受 愛比該 帶來的禮物，就給伊講：「你通平安倒去恁兜；我知你的意思。我答應你。」</verse>
				<verse number="36">愛比該 轉去 拿霸 遐， 拿霸 抵佇厝內啲辦桌，親像王排設宴席。 拿霸 心情非常爽快，飲甲醉茫茫。所以，彼暝 愛比該 無將所有發生的代誌給伊講。</verse>
				<verse number="37">隔早起， 拿霸 酒退，伊的某才將諸個代誌給伊講；伊聽了隨時失去意識，歸身軀𣍐振動。</verse>
				<verse number="38">大約十日後，上主拍 拿霸 ，伊就死去。</verse>
				<verse number="39">大闢 聽著 拿霸 已經死，就講：「上主應該受稱讚，因為我對 拿霸 受的侮辱，伊有替我申冤，閣阻止我無去做歹；上主照 拿霸 所做的歹給伊刑罰。」 大闢 就差人去給 愛比該 講欲娶伊做某。</verse>
				<verse number="40">大闢 的僕人去 迦密 見 愛比該 ，給伊講：「 大闢 差阮來見你，講欲娶你做某。」</verse>
				<verse number="41">愛比該 就起來，仆佇土腳，講：「我願意做差用，給我的主的僕人洗腳。」</verse>
				<verse number="42">愛比該 隨時起來，騎驢，導五個女婢隨 大闢 的使者做夥去；伊就做 大闢 的某。</verse>
				<verse number="43">大闢 已經有娶 耶斯列 人 亞希暖 ；𪜶兩個人攏做伊的某。</verse>
				<verse number="44">掃羅 已經將伊的查某子 米甲 ，就是 大闢 的某，互 迦琳 人 拉億 的子 帕鐵 做某。</verse>
			</chapter>
			<chapter number="26">
				<verse number="1">西弗 人閣去 基比亞 給 掃羅 報告，講 大闢 匿佇 約斯門 東旁的 哈基拉山 。</verse>
				<verse number="2">掃羅 就起來，導 以色列 中特選的兵三千，落去 西弗 的曠野欲尋 大闢 。</verse>
				<verse number="3">掃羅 佇 約斯門 東旁的 哈基拉山 路邊紮營。 大闢 𫢶佇曠野，聽著 掃羅 來曠野欲追趇伊，</verse>
				<verse number="4">就差幾若個偵探去探，才知 掃羅 真正來啦。</verse>
				<verse number="5">大闢 就出發，去 掃羅 紮營的所在，看著 掃羅 及 尼珥 的子元帥 押尼珥 睏的所在， 掃羅 睏佇軍營的中央，部隊佇伊的周圍紮營。</verse>
				<verse number="6">大闢 對 赫 人 亞希米勒 及 洗璐雅 的子， 約押 的兄弟 亞比篩 ，講：「啥人欲及我落去 掃羅 的營內？」 亞比篩 講：「我及你落去。」</verse>
				<verse number="7">大闢 及 亞比篩 透暝到部隊遐，看著 掃羅 佇軍營的中央啲睏；伊的槍佇頭殼邊，插佇土腳； 押尼珥 及軍兵睏佇伊的周圍。</verse>
				<verse number="8">亞比篩 對 大闢 講：「今仔日上帝將你的對敵交佇你的手。請准我用槍給伊鑿迵過，釘佇土腳；一下就好，免鑿兩下。」</verse>
				<verse number="9">大闢 給 亞比篩 講：「毋通給伊刣死！啥人傷害上主所選立的王閣會當無罪？」</verse>
				<verse number="10">大闢 閣講：「我指永活的上主咒誓，上主會給伊拍死，若毋是死期到死去，就是佇戰場戰死。</verse>
				<verse number="11">我絕對毋敢下手拍上主選立的王；干焦提伊頭殼邊的槍及水瓶，咱就走。」</verse>
				<verse number="12">大闢 就去提 掃羅 頭殼邊的槍及水瓶。兩人離開，無人看著，無人知，嘛無人醒；𪜶攏啲睏，因為上主互𪜶睏重眠。</verse>
				<verse number="13">後來， 大闢 過去另外彼旁，徛佇山頂，及𪜶相離不止遠。</verse>
				<verse number="14">大闢 對軍隊及 尼珥 的子 押尼珥 喝講：「 押尼珥 啊，你有聽著無，你哪毋應？」 押尼珥 講：「你是啥人，敢給王吵醒？」</verse>
				<verse number="15">大闢 對 押尼珥 講：「你豈毋是 以色列 中上強的勇士？是按怎你無保護你的主你的王？抵即有一個兵仔入去欲害你的王你的主。</verse>
				<verse number="16">你無盡責任。我指永活的上主咒誓，恁攏該死，因為無保護恁的主，就是上主所選立的王。你看覓咧，王頭殼邊的槍及水瓶佇叨位？」</verse>
				<verse number="17">掃羅 認出是 大闢 的聲，就講：「我的子 大闢 ，是你噢？」 大闢 講：「王，我的主啊，是我！」</verse>
				<verse number="18">伊閣講：「我的主是按怎啲追趇你的奴僕？我有做什麼？我有做什麼歹？</verse>
				<verse number="19">王，我的主啊，求你聽奴僕的話。若是上主激動你攻擊我，願伊歡喜接受我獻的祭。若是人給你使弄，願𪜶受上主咒詛，因為𪜶今仔日給我趕出上主應允的土地，害我著去服事別個神明。</verse>
				<verse number="20">求你毋通互我死佇外國，離開上主面前。 以色列 王哪著出來尋一隻虼蚤，哪著佇山裡親像啲趇一隻野鳥！」</verse>
				<verse number="21">掃羅 應講：「我毋著。我的子 大闢 ，你通倒來。我𣍐閣害你，因為今仔日你有看重我的性命。我實在真糊塗，犯即呢大的錯誤！」</verse>
				<verse number="22">大闢 講：「王啊，你的槍佇遮，請叫一個部下過來攑轉去。</verse>
				<verse number="23">上主會照逐個人的正義信實給伊報答；今仔日上主有將你交佇我的手，毋拘我無出手傷害上主選立的王。</verse>
				<verse number="24">我今仔日看重你的性命，願上主嘛按呢看重我的性命，救我脫離所有的患難。」</verse>
				<verse number="25">掃羅 給 大闢 講：「我的子 大闢 ，願你得著上帝的祝福；你會做大代誌，所做的一定會成功。」 大闢 就離開， 掃羅 嘛倒轉去伊住的所在。</verse>
			</chapter>
			<chapter number="27">
				<verse number="1">大闢 心內想：「總有一日我會死佇 掃羅 的手，寧可走來 非利士 人的地，按呢 掃羅 就會死心，𣍐閣佇 以色列 境內尋我，我就會當脫離伊的手。」</verse>
				<verse number="2">大闢 就導六百個部下，過去 迦特 王， 瑪俄 的子 亞吉 遐。</verse>
				<verse number="3">大闢 及伊兩個某，就是 耶斯列 人 亞希暖 及 拿霸 的遺孀 迦密 人 愛比該 ，及 大闢 的部下以及𪜶的家眷，攏𫢶佇 迦特 王 亞吉 遐。</verse>
				<verse number="4">有人給 掃羅 講 大闢 已經走去 迦特 ， 掃羅 就無閣追趇伊。</verse>
				<verse number="5">有一日， 大闢 對 亞吉 王講：「你若看我做朋友，請佇庄腳賜我一個所在通住，你的奴僕就免及你住佇京城。」</verse>
				<verse number="6">彼日， 亞吉 王將 洗革拉 互伊；因為按呢， 洗革拉 屬 猶大 王，直到今仔日。</verse>
				<verse number="7">大闢 𫢶佇 非利士 人的地，共一年四個月。</verse>
				<verse number="8">大闢 及伊的部下上去攻打 基述 人、 基色 人、 亞瑪力 人；此幾族已經佇 書珥 到 埃及 彼中間的地區住真久。</verse>
				<verse number="9">大闢 無論攻佔什麼所在，男女攏刣死，無留甲半個；閣搶𪜶的牛、羊、驢、駱駝，及衣服，倒轉來見 亞吉 。</verse>
				<verse number="10">亞吉 王逐遍攏會問伊：「恁今仔日去攻佔什麼所在？」 大闢 會應講「阮去攻佔 猶大 南方」，抑是講「 耶拉篾 人的南方」，抑是講「 基尼 人的南方」。</verse>
				<verse number="11">大闢 逐遍將男女攏刣死，連一個都無帶轉去 迦特 ，才免𪜶將 大闢 所做的代誌報人知。 大闢 𫢶佇 非利士 人的地的時攏按呢做。</verse>
				<verse number="12">亞吉 信任 大闢 ，想講：「 大闢 互伊的本族 以色列 人厭惡，所以伊會永遠做我的奴僕。」</verse>
			</chapter>
			<chapter number="28">
				<verse number="1">過無偌久， 非利士 人召集軍隊欲攻擊 以色列 人。 亞吉 王對 大闢 講：「你應該知，你及你的部下著及我鬥陣作戰。」</verse>
				<verse number="2">大闢 應講：「無問題，我是你的奴僕，你知我會為著你做什麼。」 亞吉 王給 大闢 講：「按呢，我欲派你做我終身的侍衛。」</verse>
				<verse number="3">彼時 撒母耳 已經死，所有的 以色列 人為著伊哀哭，給伊埋葬佇伊的故鄉 拉瑪 。 掃羅 曾將尪姨及行邪術的攏趕出國境。</verse>
				<verse number="4">非利士 人聚集，行軍到 書念 紮營； 掃羅 聚集所有的 以色列 人佇 基利波 紮營。</verse>
				<verse number="5">掃羅 看著 非利士 的軍兵，就真驚，心肝噗噗筅。</verse>
				<verse number="6">掃羅 問上主；上主攏無用眠夢，無用烏陵 ，抑是先知，給伊應答。</verse>
				<verse number="7">掃羅 吩咐伊的僕人講：「給我尋一個尪姨，我通去問伊。」 僕人講：「佇 隱‧多珥 有一個尪姨。」</verse>
				<verse number="8">掃羅 就變裝，穿別款衫；導兩個人及伊做夥去。佇暝時𪜶去彼個尪姨遐。 掃羅 給伊講：「請你用牽亡的法術，牽我給你講彼個人出來。」</verse>
				<verse number="9">尪姨對伊講：「你知 掃羅 的所做；伊有給尪姨及行邪術的攏趕出國境 ；你是按怎設計欲害我的性命？」</verse>
				<verse number="10">掃羅 指上主對伊咒誓，講：「我指永活的上主咒誓，你𣍐因為此個代誌受刑罰。」</verse>
				<verse number="11">尪姨講：「你愛我給你牽啥人出來？」 伊講：「給我請 撒母耳 出來。」</verse>
				<verse number="12">尪姨看著 撒母耳 就大聲吱出來，給 掃羅 講：「你是按怎騙我？你是 掃羅 ！」</verse>
				<verse number="13">王對伊講：「免驚，你看見什麼？」 尪姨給 掃羅 講：「我看著神魂對地裡出來。」</verse>
				<verse number="14">掃羅 講：「伊生做啥款？」 尪姨講：「有一個老人出來，身軀幔長衫。」 掃羅 知是 撒母耳 ，就仆佇土腳給伊拜。</verse>
				<verse number="15">撒母耳 給 掃羅 講：「你是按怎攪擾我，牽我出來？」 掃羅 講：「我非常痛苦，因為 非利士 人來攻擊我，上帝嘛離開我，無閣通過先知抑是眠夢應答我。所以我請你來，通指示我著按怎做。」</verse>
				<verse number="16">撒母耳 講：「上主已經離開你，做你的對敵；你哪著問我？</verse>
				<verse number="17">上主會照伊交代我對你講的實現；伊已經將你的王權剝起來交互你的同伴 大闢 。</verse>
				<verse number="18">因為你違背上主的話，無將 亞瑪力 人及𪜶所有的攏消滅，所以上主今仔日對你做此個代誌。</verse>
				<verse number="19">上主欲將你及 以色列 交佇 非利士 人的手。明仔載你及你的子兒會及我做夥；上主嘛欲將 以色列 的軍隊交佇 非利士 人的手。」</verse>
				<verse number="20">掃羅 因為 撒母耳 的話非常驚惶，隨時倒落去，倒甲直直直；歸暝歸日無食半項，身軀攏無力。</verse>
				<verse number="21">彼個尪姨行倚去 掃羅 遐，看著伊赫呢驚惶，就對伊講：「你的女婢聽你的話，無顧家己的性命，有照你的要求去做。</verse>
				<verse number="22">今，請你聽女婢的話，允准我款淡薄物件互你食，你才有氣力上路。」</verse>
				<verse number="23">掃羅 拒絕，講：「我毋食。」毋拘伊的僕人及尪姨給伊好嘴苦勸，伊才聽𪜶的話，對土腳起來，坐佇眠床。</verse>
				<verse number="24">尪姨趕緊牽厝裡彼隻肥牛仔去刣，閣抄麵粉，烘無酵餅，</verse>
				<verse number="25">排佇 掃羅 及伊的僕人面前，𪜶就食。彼暝𪜶起身倒去。</verse>
			</chapter>
			<chapter number="29">
				<verse number="1">非利士 人召集𪜶所有的軍隊到 亞弗 。 以色列 人佇 耶斯列 的水泉邊紮營。</verse>
				<verse number="2">非利士 人的首領帶兵出陣，有的帶百人，有的帶千人。 大闢 及伊的部下，以及 亞吉 王行佇後面。</verse>
				<verse number="3">非利士 人的將領講：「諸個 希伯來 人佇遮創啥？」 亞吉 王給 非利士 人的將領講：「此個人是 以色列 王 掃羅 的將領 大闢 。伊已經及我住年外；對伊來投降到今仔日，我毋曾看著伊有犯什麼過失。」</verse>
				<verse number="4">非利士 人的將領對 亞吉 受氣，給伊講：「互此個人倒去你給伊安置的所在，毋通互伊及咱出去交戰，才免伊佇交戰的時變做咱的對敵。伊欲用什麼回復伊的主人對伊的信任？豈毋是咱諸個人的頭殼？</verse>
				<verse number="5">以前 以色列 人跳舞的時，有人唱，有人應，講： 掃羅 刣死千千， 大闢 刣死萬萬； 𪜶所講的豈毋是此個 大闢 ？」</verse>
				<verse number="6">亞吉 叫 大闢 來，給伊講：「我指永活的上主咒誓，你是誠實的人；你佇我的軍隊服役，我真滿意，因為對你來遮到今仔日，我毋曾看著你有什麼失錯。毋拘其他的首領無合意你。</verse>
				<verse number="7">今你平安轉去，才免諸個首領無歡喜你的所做。」</verse>
				<verse number="8">大闢 對 亞吉 講：「我有做什麼代誌？對我來你遮到今仔日，你佇你奴僕的身上有看著什麼代誌，互你的奴僕𣍐當及王 — 我的主的對敵交戰？」</verse>
				<verse number="9">亞吉 應講：「我知，我看你親像上帝的使者赫呢好，毋拘 非利士 人的將領無愛你及阮鬥陣去交戰。</verse>
				<verse number="10">所以，明仔載天一下光，你著導所有離開 掃羅 ，隨你來我遮的人離開。」</verse>
				<verse number="11">隔早起， 大闢 及隨伊的人透早就出發，倒去 非利士 人的地；像時， 非利士 人向 耶斯列 進軍。</verse>
			</chapter>
			<chapter number="30">
				<verse number="1">第三日， 大闢 及伊的部下倒去 洗革拉 。𪜶到以前， 亞瑪力 人已經有侵犯 猶大 南方及 洗革拉 。 亞瑪力 人放火燒 洗革拉 ，</verse>
				<verse number="2">掠婦女及城內的人 ，無論大細，一個都無刣死，攏給𪜶掠去。</verse>
				<verse number="3">大闢 及伊的部下到彼個城，看著城已經燒去，𪜶的某、子、查某子，攏互人掠去。</verse>
				<verse number="4">大闢 及隨伊的人就開聲哮，哮甲無力通閣哮。</verse>
				<verse number="5">大闢 兩個某，就是 耶斯列 人 亞希暖 及 拿霸 的遺孀 迦密 人 愛比該 ，嘛互 亞瑪力 人掠去。</verse>
				<verse number="6">大闢 非常著急，因為伊的部下為著𪜶的子、查某子苦痛慼心，講欲用石頭給伊抌死。毋拘 大闢 倚靠上主 — 伊的上帝得著氣力。</verse>
				<verse number="7">大闢 給 亞希米勒 的子祭司 亞比亞他 講：「請你帶以弗得來。」 亞比亞他 就帶以弗得來互 大闢 。</verse>
				<verse number="8">大闢 問上主講：「我追趇許個匪徒，豈趇會著？」 上主應講：「去趇，一定會趇著，嘛一定會當救𪜶倒來。」</verse>
				<verse number="9">大闢 就導伊的部下六百人出發，來到 比梭溪 。有兩百個厭倦，行𣍐過 比梭溪 ，就留佇遐。 大闢 及四百個部下繼續去追趇。</verse>
				<verse number="10"></verse>
				<verse number="11">𪜶佇野外抵著一個 埃及 人，就帶伊去 大闢 遐；用餅互伊食，用水互伊飲；</verse>
				<verse number="12">閣互伊一粒無花果乾丸，兩粒葡萄乾丸；伊食了，元氣回復；因為伊三暝三日無食無飲。</verse>
				<verse number="13">大闢 問伊講：「你的主人是啥人？你對叨位來？」 伊應講：「我是 埃及 囝仔，是 亞瑪力 人的奴隸。我三日前破病，就互主人放拺。</verse>
				<verse number="14">阮侵犯 猶大 南部的 基利提 及 迦勒 地區，閣用火燒 洗革拉 。」</verse>
				<verse number="15">大闢 問伊講：「你豈肯導我去許個匪徒遐？」 伊應講：「你著指上帝對我咒誓，保證𣍐給我刣死，嘛𣍐將我交互我的主人，我就導你去。」</verse>
				<verse number="16">伊導 大闢 落去的時，看著𪜶分散一四界啲飲食跳舞；因為𪜶對 非利士 地及 猶大 地搶的物真多。</verse>
				<verse number="17">大闢 對天未光攻擊𪜶到黃昏暗；只有四百個騎駱駝的少年人走有去，以外無一個走有離。</verse>
				<verse number="18">亞瑪力 人劫去的財物， 大闢 攏有搶轉來，嘛有給伊兩個某救倒來。</verse>
				<verse number="19">亞瑪力 人搶去的，無論大細、子、查某子、財物， 大闢 攏帶轉來，無失落一項。</verse>
				<verse number="20">大闢 的部下將所有搶來的牛群羊群，趕佇其他牲生的頭前，展講：「諸個是 大闢 的戰利品。」</verse>
				<verse number="21">大闢 轉來到許個因為厭倦無隨伊去，留佇 比梭溪 的兩百人遐。𪜶出來迎接 大闢 及有隨伊去的軍兵的時， 大闢 行進前給𪜶請安。</verse>
				<verse number="22">及 大闢 去的人中間有一寡歹人匪類按呢講：「𪜶無及咱去，諸個戰利品分互𪜶，干焦𪜶的某、子兒，互𪜶導轉去。」</verse>
				<verse number="23">大闢 講：「兄弟啊，上主賞賜互咱的物，毋通按呢處理，因為伊有保護咱，將攻擊咱的對敵交佇咱的手。</verse>
				<verse number="24">恁此款做法啥人會同意？出陣的人分著偌多，顧補給品的人嘛著分赫多；大家著公家分。」</verse>
				<verse number="25">對彼日起， 大闢 設立此個辦法做 以色列 的規例及命令，直到今仔日。</verse>
				<verse number="26">大闢 到 洗革拉 的時，提一部份的戰利品送互伊的朋友， 猶大 的長老。伊講：「諸個是對上主的對敵搶來的，送互恁做禮物。」</verse>
				<verse number="27">伊將禮物送互𫢶佇 伯特利 ， 猶大 南方的 拉末 、 雅提珥 、</verse>
				<verse number="28">亞羅珥 、 息末 、 以實提莫 、</verse>
				<verse number="29">拉哈勒 、 耶拉篾 人及 基尼 人許個城，</verse>
				<verse number="30">何珥瑪 、 坡拉珊 、 亞撻 、</verse>
				<verse number="31">希伯崙 ，以及 大闢 及伊的部下平常有啲往來的所在的長老。</verse>
			</chapter>
			<chapter number="31">
				<verse number="1">非利士 人攻擊 以色列 人； 以色列 人戰敗逃走，佇 基利波山 死真多人。</verse>
				<verse number="2">非利士 人追趇 掃羅 及伊許個子，刣死 掃羅 三個子 約拿單 、 亞比拿達 ，及 麥基‧舒亞 。</verse>
				<verse number="3">掃羅 受著猛烈的攻擊；伊互射箭的人發見，射著，受傷真傷重。</verse>
				<verse number="4">掃羅 給替伊攑軍器的侍衛講：「拔刀給我鑿死，才免我互諸個無受割禮的人刣死，給我凌辱。」彼個侍衛毋敢，因為伊真驚。 掃羅 就向刀仆落去，家己鑿死。</verse>
				<verse number="5">彼個侍衛看著 掃羅 已經死，嘛仆落去，家己鑿，及 掃羅 做夥死。</verse>
				<verse number="6">掃羅 及伊三個子，攑軍器的，及所有跟隨 掃羅 的人仝一日死。</verse>
				<verse number="7">佇 耶斯列 山谷彼旁及佇 約旦河 東旁的 以色列 人，看著𪜶的軍隊已經逃走， 掃羅 及伊的子嘛攏戰死，就放城逃走。 非利士 人就來佔許個城，佇遐徛起。</verse>
				<verse number="8">隔日， 非利士 人來剝戰死的人的物件，看著 掃羅 及伊三個子死佇 基利波山 ，</verse>
				<verse number="9">就斬伊的頭，褪伊的戰甲，派人去 非利士 逐所在，將此個消息報互𪜶廟裡的偶像及人民知。</verse>
				<verse number="10">𪜶將 掃羅 的戰甲下佇 亞斯她錄 的廟內，將伊的身屍釘佇 伯‧善 的城牆頂。</verse>
				<verse number="11">基列 的 雅比 的住民聽著 非利士 人對 掃羅 所做的代誌，</verse>
				<verse number="12">𪜶的勇士攏起來，歸暝行軍，去將 掃羅 及伊的子的身屍對 伯‧善 的城牆取落來，帶到 雅比 ，佇遐火化，</verse>
				<verse number="13">將𪜶的骨骸葬佇 雅比 的柳樹腳，禁食七日。</verse>
			</chapter>
		</book>
		<book number="10">
			<chapter number="1">
				<verse number="1">掃羅 死了後， 大闢 刣贏 亞瑪力 人倒來，佇 洗革拉 住兩日。</verse>
				<verse number="2">第三日，忽然有一個人對 掃羅 的軍營來，衫拆破，頭殼糝土粉，到 大闢 遐，仆佇土腳拜伊。</verse>
				<verse number="3">大闢 問伊講：「你對叨位來？」 伊應講：「我對 以色列 的軍營逃走來。」</verse>
				<verse number="4">大闢 閣問伊：「代誌按怎？緊給我講。」 伊應講：「軍隊對戰場刣輸逃走，真多人戰死，連 掃羅 及伊的子 約拿單 嘛死。」</verse>
				<verse number="5">大闢 給彼個少年人講：「你按怎知 掃羅 及伊的子 約拿單 已經死？」</verse>
				<verse number="6">給伊報告的少年人講：「我抵好去 基利波山 ，看著 掃羅 倚佇伊的槍，有戰車馬兵趇倚伊。</verse>
				<verse number="7">伊越頭看著我，就叫我；我應講：『我佇遮。』</verse>
				<verse number="8">伊問我：『你是什麼人？』我應講：『我是 亞瑪力 人。』</verse>
				<verse number="9">伊閣給我講：『請來我邊仔給我刣死。我猶活啲，毋拘真痛苦。』</verse>
				<verse number="10">我就倚去，給伊刣死，因為我知伊倒落去，一定𣍐活；我就提伊頭殼的王冠及伊的手環，帶來我的主遮。」</verse>
				<verse number="11">大闢 就拆裂衫，跟隨伊的人嘛按呢。</verse>
				<verse number="12">𪜶為著 掃羅 及伊的子 約拿單 、上主的子民及 以色列 家，悲哀啼哭，禁食到日暗，因為𪜶攏死佇刀下。</verse>
				<verse number="13">大闢 給對伊報告的少年人問講：「你是叨位的人？」 應講：「我是出外人的子， 亞瑪力 人。」</verse>
				<verse number="14">大闢 對伊講：「你親手刣死上主選立的王，哪𣍐驚？」</verse>
				<verse number="15">大闢 叫一個少年人，講：「來，去給刣死。」伊就去給彼個 亞瑪力 人刣死。</verse>
				<verse number="16">大闢 給伊講：「這是你家己做得來的，因為你親嘴作證講：『我刣死上主選立的王。』」</verse>
				<verse number="17">大闢 作哀歌，追悼 掃羅 及伊的子 約拿單 。</verse>
				<verse number="18">伊命令人將此首叫做「弓歌」的詩教 猶大 人唱。此首詩有記載佇 雅煞珥記 ：</verse>
				<verse number="19">以色列 啊，你的尊榮者受刣佇山頭； 大英雄竟然倒落去！</verse>
				<verse number="20">毋通佇 迦特 宣布， 毋通佇 亞實基倫 的街路報揚， 才免 非利士 的查某囝仔歡喜， 無受割禮的人的查某子快樂。</verse>
				<verse number="21">基利波山 啊， 願你遐無雨，無露水， 土地拋荒無出產； 因為佇你遐勇士的盾牌受㧒确， 掃羅 的盾牌無閣抹油。</verse>
				<verse number="22">約拿單 的弓無𠲿著對敵的血𣍐收回； 掃羅 的刀無食著勇士的油𣍐入鞘。</verse>
				<verse number="23">掃羅 及 約拿單 人人意愛，受人敬重； 生無分開，死無相離。 𪜶比鷹鳥較緊， 比獅較強。</verse>
				<verse number="24">以色列 的查某子啊，著為 掃羅 啼哭！ 伊曾互恁穿朱紅色的媠衫， 互恁的衣服有黃金做妝飾。</verse>
				<verse number="25">勇士竟然倒佇戰場！ 約拿單 受刣佇你的山頭！</verse>
				<verse number="26">我的兄弟 約拿單 啊，我為你哀傷； 你及我上親。 你對我的疼真奇妙， 贏過婦仁人的疼。</verse>
				<verse number="27">勇士竟然倒落去！ 武器嘛攏毀壞！</verse>
			</chapter>
			<chapter number="2">
				<verse number="1">後來， 大闢 問上主講：「我上去 猶大 的一個城好無？」 上主給伊講：「好，通去。」 大闢 講：「我著上去叨一個城？」 上主講：「去 希伯崙 。」</verse>
				<verse number="2">大闢 就及伊兩個某，就是 耶斯列 人 亞希暖 及 迦密 人 拿霸 的遺孀 愛比該 ，攏上去遐。</verse>
				<verse number="3">大闢 嘛導跟隨伊的人及𪜶的家眷做夥上去；𪜶就住佇 希伯崙 許個城。</verse>
				<verse number="4">猶大 人來遐，用油抹 大闢 做 猶大 家的王。 有人給 大闢 講，埋葬 掃羅 的是 基列 的 雅比 人。</verse>
				<verse number="5">大闢 就差使者去見 基列 的 雅比 人，給𪜶講：「願上主賜福恁，因為恁有用忠誠對待恁的主 掃羅 ，給伊埋葬。</verse>
				<verse number="6">願上主用仁慈誠實款待恁；我嘛欲答謝恁，因為恁有做此個代誌。</verse>
				<verse number="7">恁著堅強勇敢，因為恁的主 掃羅 已經死。今， 猶大 家嘛已經用油抹我做𪜶的王。」</verse>
				<verse number="8">掃羅 的元帥， 尼珥 的子 押尼珥 ，導 掃羅 的子 伊施‧波設 過去 瑪哈念 ，</verse>
				<verse number="9">設立伊作王治理 基列 、 亞設 、 耶斯列 、 以法蓮 、 便雅憫 ，及所有的 以色列 人。</verse>
				<verse number="10">掃羅 的子 伊施‧波設 四十歲做 以色列 王，坐位兩年。毋拘， 猶大 家隨 大闢 。</verse>
				<verse number="11">大闢 佇 希伯崙 做 猶大 家的王，總共七年六個月。</verse>
				<verse number="12">尼珥 的子 押尼珥 及 掃羅 的子 伊施‧波設 的人臣，對 瑪哈念 去 基遍 。</verse>
				<verse number="13">洗璐雅 的子 約押 及 大闢 的人臣嘛出去，及𪜶佇 基遍 的水池邊相抵；一隊坐佇水池的此旁，一隊坐佇水池的彼旁。</verse>
				<verse number="14">押尼珥 對 約押 講：「咱來叫少年人佇咱的面前決鬥。」 約押 講：「好，互𪜶出來。」</verse>
				<verse number="15">𪜶就點人數，派少年人過去；屬 掃羅 的子 伊施‧波設 的 便雅憫 人十二名， 大闢 的部下嘛十二名。</verse>
				<verse number="16">𪜶逐個扭對方的頭殼，用刀揬入對方的脇下；按呢，二十四個做一下倒落去，攏死。所以， 基遍 彼個所在叫做 希利甲‧哈素林 。</verse>
				<verse number="17">彼日的交戰真劇烈； 押尼珥 及 以色列 人互 大闢 的部下拍敗。</verse>
				<verse number="18">佇遐有 洗璐雅 三個子， 約押 、 亞比篩 、 亞撒黑 ； 亞撒黑 親像野鹿赫呢𠢕走。</verse>
				<verse number="19">亞撒黑 追趇 押尼珥 ；直直趇，無偏左，無偏右。</verse>
				<verse number="20">押尼珥 越頭看，講：「 亞撒黑 啊，是你抑毋是？」 應講：「著！」</verse>
				<verse number="21">押尼珥 給伊講：「你斡去別位，掠一個少年人，剝伊的軍服。」毋拘 亞撒黑 直直給追，毋肯越走。</verse>
				<verse number="22">押尼珥 閣給伊講：「你越走毋通趇我。我哪著給你刣死？若給你刣死，我哪有面通見恁兄哥 約押 ？」</verse>
				<verse number="23">亞撒黑 毋肯越走； 押尼珥 就用槍倒插伊的腹肚，槍迵過伊的尻脊骿，伊就倒落去，死佇遐。所有來到 亞撒黑 死的所在的人，攏停落來徛佇遐。</verse>
				<verse number="24">約押 及 亞比篩 追 押尼珥 。日落的時，𪜶趇到迵 基遍 曠野的路邊， 基亞 對面的 亞瑪山 。</verse>
				<verse number="25">便雅憫 人聚集隨 押尼珥 ，成做一陣，徛佇山頂。</verse>
				<verse number="26">押尼珥 叫 約押 講：「咱豈通永遠刣𣍐煞？你豈毋知結局會真痛苦？你到底時才欲互跟隨你的人倒去，無閣趇𪜶的兄弟？」</verse>
				<verse number="27">約押 講：「我指永活的上帝咒誓，若毋是你按呢講，我的部下就會趇𪜶的兄弟到天光。」</verse>
				<verse number="28">對按呢， 約押 歕哨角，跟隨的人就停啲，無閣追趇 以色列 人，嘛無閣交戰。</verse>
				<verse number="29">押尼珥 及隨伊的人歸暝行軍，行過 亞拉巴 ，過 約旦河 ，行歸早起才到 瑪哈念 。</verse>
				<verse number="30">約押 無閣趇 押尼珥 ，就倒來，聚集所有隨伊的人。 亞撒黑 以外， 大闢 的兵減十九人。</verse>
				<verse number="31">毋拘 大闢 的兵拍死 便雅憫 人及隨 押尼珥 的人，總共三百六十人。</verse>
				<verse number="32">𪜶扛 亞撒黑 去 伯利恆 ，給伊埋葬佇𪜶老父的墓。 約押 及隨伊的人歸暝行軍，到 希伯崙 的時，天抵仔光。</verse>
			</chapter>
			<chapter number="3">
				<verse number="1">掃羅 的家及 大闢 的家交戰真久； 大闢 愈強盛， 掃羅 的家愈衰微。</verse>
				<verse number="2">大闢 佇 希伯崙 生六個子：大子 暗嫩 ，是 耶斯列 人 亞希暖 生的；</verse>
				<verse number="3">第二個 基利押 ，是 迦密 人 拿霸 的遺孀 愛比該 生的；第三個 押沙龍 ，是 基述 王 達買 的查某子 瑪迦 生的；</verse>
				<verse number="4">第四個 亞多尼雅 ，是 哈及 生的；第五個 示法提雅 ，是 亞比她 生的；</verse>
				<verse number="5">第六個 以特念 ，是 大闢 的某 以格拉 生的。諸個是 大闢 佇 希伯崙 所生的子。</verse>
				<verse number="6">掃羅 的家及 大闢 的家繼續啲交戰， 押尼珥 佇 掃羅 的家掌握實權。</verse>
				<verse number="7">掃羅 有一個妃，名叫 利斯巴 ，是 愛亞 的查某子。 伊施‧波設 對 押尼珥 講：「你哪及我老父的妃做夥睏？」</verse>
				<verse number="8">押尼珥 因為 伊施‧波設 的話就真受氣，講：「你看我做 猶大 家的狗仔頭是無？我忠誠對待恁老父 掃羅 的家，及伊的兄弟、伊的朋友，無將你交佇 大闢 的手，你今仔日竟然因為此個婦仁人責備我。</verse>
				<verse number="9">我若無照上主所立誓對 大闢 的應允來做，廢除 掃羅 家的王位，建立 大闢 的王權，互伊治理 以色列 及 猶大 ，對 但 到 別是巴 ，願上帝加倍責罰我 押尼珥 。」</verse>
				<verse number="10"></verse>
				<verse number="11">伊施‧波設 因為驚 押尼珥 ，連一句話都毋敢應。</verse>
				<verse number="12">押尼珥 差使者代表伊去見 大闢 ，講：「此個國什麼人啲統治？」閣講：「你及我立約，我欲幫贊你，互全 以色列 攏歸順你。」</verse>
				<verse number="13">大闢 講：「好，我及你立約。毋拘我有一個要求，你來見我的時，著將 掃羅 的查某子 米甲 導來；若無，一定𣍐當見我的面。」</verse>
				<verse number="14">大闢 就差使者去見 掃羅 的子 伊施‧波設 ，講：「著將我的某 米甲 還我，伊是我用一百個 非利士 人的包皮做聘金娶來的。」</verse>
				<verse number="15">伊施‧波設 就派人對 米甲 的丈夫， 拉億 的子 帕鐵 遐導 米甲 來。</verse>
				<verse number="16">伊的丈夫隨佇伊的後面，那行那哮，到 巴戶琳 。 押尼珥 對 帕鐵 講：「倒去啦。」伊就倒去。</verse>
				<verse number="17">押尼珥 及 以色列 的長老參詳，講：「恁早就愛 大闢 作王給恁治理，</verse>
				<verse number="18">今著採取行動。因為上主有應允講：『我欲用我的僕人 大闢 的手，救我的子民 以色列 脫離 非利士 人及所有對敵的手。』」</verse>
				<verse number="19">押尼珥 嘛將諸個話講互 便雅憫 人聽。後來伊去 希伯崙 ，將 以色列 人及 便雅憫 全家共同的決定，講互 大闢 聽。</verse>
				<verse number="20">押尼珥 導二十個人來 希伯崙 見 大闢 。 大闢 設宴席歡迎𪜶。</verse>
				<verse number="21">押尼珥 給 大闢 講：「我欲去招集全 以色列 來見我的主我的王，互𪜶及你立約，你就會當作王，照你的心願治理全國。」 大闢 就送 押尼珥 ，互伊平安離開。</verse>
				<verse number="22">彼時， 大闢 的兵隨 約押 出戰倒來，帶真多戰利品。 押尼珥 已經無佇 希伯崙 大闢 遐，因為 大闢 有送伊平安離開。</verse>
				<verse number="23">約押 及隨伊的全軍已經到，有人給 約押 講：「 尼珥 的子 押尼珥 有來見王，王嘛送伊平安離開。」</verse>
				<verse number="24">約押 去見王講：「你哪按呢做？ 押尼珥 來見你，你哪放伊去，互伊離開？</verse>
				<verse number="25">你知 尼珥 的子 押尼珥 來是欲騙你，愛知你的動靜，及你一切所做的代誌。」</verse>
				<verse number="26">約押 對 大闢 遐出來，就派人去趇 押尼珥 。𪜶就對 西拉 的井給伊帶來；毋拘 大闢 毋知。</verse>
				<verse number="27">押尼珥 轉來到 希伯崙 的時， 約押 導伊到城門內的城牆邊，假欲私下及伊講話，就對伊的腹肚揬落去，伊就死。這是因為伊有刣死 約押 的小弟 亞撒黑 。</verse>
				<verse number="28">後來 大闢 聽著，就講：「流 尼珥 的子 押尼珥 的血此個罪，及我以及我的國無關係，阮佇上主的面前是無辜的。</verse>
				<verse number="29">願彼個罪 約押 及𪜶老父全家家己擔；閣願 約押 的家不斷有人致著下消抑是痲瘋，有人無攑柺仔𣍐當行路 ，有人互刀刣死，抑是無通食。」</verse>
				<verse number="30">約押 及伊的小弟 亞比篩 刣死 押尼珥 ，是因為 押尼珥 佇 基遍 及𪜶交戰的時，刣死𪜶的兄弟 亞撒黑 。</verse>
				<verse number="31">大闢 命令 約押 及隨伊的人講：「恁著拆裂衫，穿麻衫，為著 押尼珥 啼哭。」 大闢 王嘛隨佇棺材後面。</verse>
				<verse number="32">𪜶給 押尼珥 埋葬佇 希伯崙 。王倚 押尼珥 的墓啼哭，眾人嘛啼哭。</verse>
				<verse number="33">王為著 押尼珥 唱哀歌，講： 「 押尼珥 哪會親像戇人按呢死？</verse>
				<verse number="34">你的手無受捆縛，你的腳無銬鎖鍊； 你竟然死佇歹人的手頭。」 眾人閣為著 押尼珥 哀哭。</verse>
				<verse number="35">日頭猶未落山以前，眾人來勸 大闢 食飯，毋拘 大闢 咒誓講：「我若佇日落以前食飯抑是食別項物件，願上帝加倍責罰我。」</verse>
				<verse number="36">眾人知影此個代誌，攏感覺真好；王所做的，眾人攏看做好。</verse>
				<verse number="37">彼日，跟隨 大闢 的人及所有 以色列 人才知，刣死 尼珥 的子 押尼珥 毋是出佇王的意思。</verse>
				<verse number="38">王對伊的部下講：「恁豈毋知今仔日佇 以色列 中，死一個偉大的將領？</verse>
				<verse number="39">我雖然受抹油選立作王，毋拘今仔日猶無夠力； 洗璐雅 許個子比我較強。願上主照歹人所做的歹報應𪜶。」</verse>
			</chapter>
			<chapter number="4">
				<verse number="1">掃羅 的子 伊施‧波設 聽著 押尼珥 死佇 希伯崙 ，就驚惶失膽。 以色列 眾人嘛驚甲毋知欲按怎。</verse>
				<verse number="2">伊施‧波設 有兩個官長， 巴拿 及 利甲 ，是 便雅憫 支族 比錄 人 臨門 的子。</verse>
				<verse number="3">比錄 人早前走到 基他音 ，徛起佇遐，到今仔日。</verse>
				<verse number="4">掃羅 的子 約拿單 有一個子兩腳攏跛，叫做 米非波設 。 掃羅 及 約拿單 死的消息對 耶斯列 傳來的時，伊抵仔五歲；伊的奶母給伊抱啲走；因為走真緊，囝仔跋落去，腳才跛。</verse>
				<verse number="5">比錄 人 臨門 的子 利甲 及 巴拿 出去，差不多日中晝的時來 伊施‧波設 的厝。伊抵仔啲睏中晝。</verse>
				<verse number="6">𪜶入去厝內假影欲扒麥仔，就對 伊施‧波設 的腹肚揬落去； 利甲 及伊的兄弟 巴拿 就逃走。</verse>
				<verse number="7">𪜶入房內的時， 伊施‧波設 抵仔佇房間倒佇眠床啲睏；𪜶就給伊刣死，割伊的頭殼，給頭捾啲，向 亞拉巴 的方向透暝逃走。</verse>
				<verse number="8">𪜶帶 伊施‧波設 的頭殼去 希伯崙 大闢 遐，對王講：「請看！這是 掃羅 的子 伊施‧波設 的頭；你的對敵 掃羅 曾數想你的性命。上主今仔日已經有為著我的主我的王對 掃羅 及伊的後代報仇。」</verse>
				<verse number="9">大闢 應 比錄 人 臨門 的子 利甲 及伊的兄弟 巴拿 ，講：「上主救贖我的性命脫離所有的苦難，我指永活的上主咒誓；</verse>
				<verse number="10">以前有人來 洗革拉 報我講：『 掃羅 已經死。』伊家己掠做是報好消息，毋拘我無給伊獎勵，顛倒給伊掠起來，刣死。</verse>
				<verse number="11">何況恁諸個歹人！恁趁無辜的人啲睏的時，入去厝內給伊刣死，我豈無欲對恁的手討恁流伊的血的罪，對地上給恁除滅？」</verse>
				<verse number="12">大闢 命令部下給𪜶刣死，斬斷𪜶的腳手，給𪜶的屍體吊佇 希伯崙 的水池邊，然後將 伊施‧波設 的頭殼埋葬佇 希伯崙 押尼珥 的墓。</verse>
			</chapter>
			<chapter number="5">
				<verse number="1">以色列 眾支族來 希伯崙 見 大闢 ，講：「阮是你的骨肉。</verse>
				<verse number="2">較早 掃羅 做阮的王的時，導 以色列 去交戰的是你；上主嘛曾給你講：『你會牧養我的子民 以色列 ，嘛會做 以色列 的統治者。』」</verse>
				<verse number="3">以色列 的長老攏來 希伯崙 見 大闢 王，王就佇 希伯崙 ，佇上主的面前及𪜶立約。𪜶就用油抹 大闢 ，設立伊做 以色列 的王。</verse>
				<verse number="4">大闢 坐位的時三十歲，作王四十年久。</verse>
				<verse number="5">伊佇 希伯崙 做 猶大 王七年六個月；佇 耶路撒冷 做全 以色列 及 猶大 的王三十三年。</verse>
				<verse number="6">王及隨伊的人去到 耶路撒冷 ，欲攻擊住佇遐的 耶布斯 人。 耶布斯 人對 大闢 講：「你無可能攻入來！阮連失明的、腳跛的都會當給你拍敗。」𪜶按算 大闢 一定𣍐當攻入來。</verse>
				<verse number="7">毋拘 大闢 有攻取 錫安 的堡壘，就是現在的 大闢 城。</verse>
				<verse number="8">彼日， 大闢 講：「人若欲拍 耶布斯 人，著對引水的磅孔上去，去拍 大闢 所怨恨許個腳跛的、失明的。」所以有俗語講：「失明的、腳跛的𣍐用得入去上帝的殿。」</verse>
				<verse number="9">大闢 住佇堡壘，給彼個所在號做 大闢 城。 大闢 對 米羅 向內面四圍起牆。</verse>
				<verse number="10">大闢 愈來愈強盛，因為上主 — 萬軍的統帥上帝及伊同在。</verse>
				<verse number="11">泰爾 王 希蘭 派使者帶柏香柴，及作木師傅、拍石師傅去 大闢 遐，給 大闢 起宮殿。</verse>
				<verse number="12">大闢 就知上主堅立伊做 以色列 王，閣為著上主的子民 以色列 互伊的國強盛。</verse>
				<verse number="13">大闢 離開 希伯崙 了後，娶 耶路撒冷 的女子做嬪妃，閣生後生及查某子。</verse>
				<verse number="14">佇 耶路撒冷 生的子是 沙慕亞 、 朔罷 、 拿單 、 所羅門 、</verse>
				<verse number="15">益轄 、 以利書亞 、 尼斐 、 雅非亞 、</verse>
				<verse number="16">以利沙瑪 、 以利雅大 ，及 以利法列 。</verse>
				<verse number="17">非利士 人聽著 大闢 受抹油選立做 以色列 王，就全力上來追尋 大闢 。 大闢 聽著就落去堡壘。</verse>
				<verse number="18">非利士 人來，遍滿 利乏音 山谷。</verse>
				<verse number="19">大闢 問上主講：「我豈通進攻 非利士 人？你豈欲將𪜶交佇我的手？」 上主給 大闢 講：「你去，我一定會將 非利士 人交佇你的手。」</verse>
				<verse number="20">大闢 來到 巴力‧比拉心 ，佇遐給 非利士 人拍敗，講：「上主佇我的面前給我的對敵衝散，親像大水給堤岸沖破。」因為按呢，彼個所在就叫做 巴力‧比拉心 。</verse>
				<verse number="21">非利士 人逃走的時給𪜶的偶像擲佇遐； 大闢 及隨伊的人給許個偶像拾去。</verse>
				<verse number="22">非利士 人閣來，遍滿 利乏音 山谷。</verse>
				<verse number="23">大闢 問上主。上主講：「毋通正面進攻，著踅去𪜶的後面，佇桑材樹林的頭前給𪜶攻擊。</verse>
				<verse number="24">你聽著樹尾有行軍的聲，就著趕緊進攻，因為彼時上主已經佇你的頭前攻擊 非利士 人的軍隊。」</verse>
				<verse number="25">大闢 就照上主的命令去做，對 迦巴 攻擊 非利士 人直到 基色 。</verse>
			</chapter>
			<chapter number="6">
				<verse number="1">大闢 閣聚集 以色列 人中間特選的三萬人。</verse>
				<verse number="2">大闢 導諸個人出發，去 猶大 的 巴拉 ，欲對遐將上帝的約櫃接來；此個櫃是奉坐佇兩個天使基路伯中間的上主 — 萬軍的統帥的名稱呼的。</verse>
				<verse number="3">𪜶將上帝的約櫃下佇新的車，對山頂 亞比拿達 的厝載出來； 亞比拿達 兩個子， 烏撒 及 亞希約 ，趕彼台新車。</verse>
				<verse number="4">𪜶將車及上帝的約櫃對山頂 亞比拿達 的厝載出來。 亞希約 行佇櫃的頭前。</verse>
				<verse number="5">大闢 及 以色列 全家，佇上主的面前用松樹柴所造逐款的樂器，及琴、瑟、玲瓏鼓、大鼓、鈸，來奏樂慶祝。</verse>
				<verse number="6">𪜶到 拿康 的五穀場，牛著觸， 烏撒 伸手扶上帝的約櫃。</verse>
				<verse number="7">上主對 烏撒 發大受氣；因為伊的失錯，上主給伊拍，伊就死佇上帝的約櫃邊。</verse>
				<verse number="8">大闢 因為上主拍 烏撒 ，真無歡喜，就將彼個所在號做 比列斯‧烏撒 ，直到今仔日。</verse>
				<verse number="9">彼日， 大闢 驚上主，就講：「我哪通將上主的約櫃運來我的所在？」</verse>
				<verse number="10">對按呢， 大闢 毋肯互上主的約櫃遷入 大闢 城，到家己的所在，就給伊徙去 迦特 人 俄別‧以東 的厝。</verse>
				<verse number="11">上主的約櫃停佇 迦特 人 俄別‧以東 的厝三月日久，上主賜福 俄別‧以東 及伊的全家。</verse>
				<verse number="12">有人給 大闢 王報告：「上主因為約櫃的緣故，賜福 俄別‧以東 及𪜶全家的人。」 大闢 就歡歡喜喜將上帝的約櫃，對 俄別‧以東 的厝接來 大闢 城。</verse>
				<verse number="13">扛上主約櫃的人行六步， 大闢 就獻一隻牛及一隻肥的牲生做祭祀。</verse>
				<verse number="14">大闢 穿幼麻布的以弗得佇上主的面前盡力跳舞。</verse>
				<verse number="15">按呢， 大闢 及 以色列 全家出歡喜的聲，歕哨角，扛上主的約櫃上來 耶路撒冷 。</verse>
				<verse number="16">上主的約櫃入 大闢 城的時， 掃羅 的查某子 米甲 對窗仔看出去，看著 大闢 王佇上主面前亦跳亦趒，就看輕伊。</verse>
				<verse number="17">𪜶扛上主的約櫃入去，下佇 大闢 為著約櫃搭的布棚內面； 大闢 佇上主面前獻燒化祭及平安祭。</verse>
				<verse number="18">大闢 獻諸個祭了後，就奉上主 — 萬軍的統帥的名給人民祝福。</verse>
				<verse number="19">伊閣分物件互 以色列 眾人，無論男女，逐個人一塊餅、一塊肉 、一粒葡萄乾丸 。眾人就攏倒去𪜶兜。</verse>
				<verse number="20">大闢 倒去欲給伊的家屬祝福， 掃羅 的查某子 米甲 出來接伊，講：「 以色列 王今仔日真有體面！今仔日佇人臣的女婢目睭前無穿衫，親像一個𤞚人露體毋知見笑。」</verse>
				<verse number="21">大闢 給 米甲 講：「我是佇上主的面前按呢做。伊有揀我，無揀你的老父抑是伊家內的人，選立我做上主的子民 以色列 的統治者。所以我會佇上主面前繼續跳舞。</verse>
				<verse number="22">我欲比今仔日按呢閣較粗俗。雖然你 看我做卑賤，毋拘你所講許個女婢會尊重我。」</verse>
				<verse number="23">對按呢， 掃羅 的查某子 米甲 到死攏無生子。</verse>
			</chapter>
			<chapter number="7">
				<verse number="1">王住佇王宮，上主互伊無受四圍對敵的攪擾，享受太平。</verse>
				<verse number="2">王對先知 拿單 講：「你看，我住佇柏香柴的宮殿，毋拘上帝的約櫃𫢶佇布棚。」</verse>
				<verse number="3">拿單 對王講：「你想欲按怎，就通去做，因為上主及你同在。」</verse>
				<verse number="4">彼暝上主的話臨到 拿單 ，講：</verse>
				<verse number="5">「你去給我的僕人 大闢 講：『上主按呢講：你真正欲起聖殿互我住是無？</verse>
				<verse number="6">對我導 以色列 人出 埃及 到現在，我毋曾住佇殿裡，攏一直住佇布棚抑是會幕，及𪜶做夥行徙。</verse>
				<verse number="7">我及 以色列 人同行的時，豈曾對叨一個 以色列 支族的領袖，就是牧養我的子民的講：恁哪無給我起柏香柴的殿？』</verse>
				<verse number="8">「今你著給我的僕人 大闢 講：『上主 — 萬軍的統帥按呢講：我對牧場揀召你，互你無閣飼羊，是欲互你做我的子民 以色列 的統治者。</verse>
				<verse number="9">你無論去叨位，我會及你同在，消滅你面前所有的對敵。我一定互你有大名聲，親像世間的偉人赫呢出名。</verse>
				<verse number="10">我欲為著我的子民 以色列 準備一個所在，給𪜶安頓，互𪜶徛起佇家己的所在，無閣受攪擾，無閣親像早前我命令士師管理我的子民 以色列 的時代，受兇惡的人欺壓。我欲互你脫離一切的對敵，得著太平。我閣宣布，我上主欲建立你的王朝。</verse>
				<verse number="11"></verse>
				<verse number="12">到你的歲壽滿，轉去你的祖先遐的時，我欲選立你的後代，你的親生子，來續接你，閣欲互伊的國穩固。</verse>
				<verse number="13">伊欲為著我的名起聖殿；我欲堅固伊的王位直到永遠。</verse>
				<verse number="14">我欲做伊的父，伊欲做我的子。伊若犯罪，我欲用人的柺，世間人的鞭，責督伊。</verse>
				<verse number="15">毋拘我的慈愛𣍐離開伊，𣍐親像我互慈愛離開我所棄拺的 掃羅 。</verse>
				<verse number="16">你的家及你的國，會永遠堅立佇我的面前；你的王位會堅固到永遠。』」</verse>
				<verse number="17">拿單 就照上帝啟示的話攏給 大闢 講。</verse>
				<verse number="18">大闢 王就入去會幕，坐佇上主的面前，講：「至高的上主，我是啥人，我的家算什麼，你竟然導我到此個地位？</verse>
				<verse number="19">毋若按呢，至高的上主啊，你閣眷顧你奴僕的家的將來；至高的上主，這豈是一般人會當抵著的代誌？</verse>
				<verse number="20">至高的上主啊，你的奴僕你上清楚，我猶有什麼話通講？</verse>
				<verse number="21">你有做諸個大事，閣教導你的奴僕；這攏是因為你的應允，照你的旨意。</verse>
				<verse number="22">至高的上主啊，你真偉大！照阮所聽見，無一個會當及你比，你以外無上帝。</verse>
				<verse number="23">世間豈有一個國親像你的子民 以色列 ？上帝你有救贖𪜶，互𪜶成做你的子民，互你家己得著榮耀；閣為著你對 埃及 解救出來的子民做大閣通驚的事，將列邦及許個神明趕出去。</verse>
				<verse number="24">你有建立 以色列 永遠做你家己的子民；上主啊，你閣做𪜶的上帝。</verse>
				<verse number="25">「主上帝，你對你的奴僕及伊的家的應允，願你照你所講的實現，互伊永遠穩固。</verse>
				<verse number="26">願人永遠尊崇你的名講：『上主 — 萬軍的統帥是治理 以色列 的上帝！』閣你的奴僕 大闢 的家欲佇你的面前堅立。</verse>
				<verse number="27">上主 — 萬軍的統帥、 以色列 的上帝啊，因為你有啟示你的奴僕，講『我欲建立你的王朝』，所以你的奴僕好膽用此個祈禱對你懇求。</verse>
				<verse number="28">「至高的上主，只有你是上帝！你的話真實可靠；你用此個福氣應允你的奴僕。</verse>
				<verse number="29">今，求你歡喜賜福你奴僕的家，互伊佇你的面前永遠穩固。至高的上主，因為你有應允，願你奴僕的家對你得著福氣，到永遠。」</verse>
			</chapter>
			<chapter number="8">
				<verse number="1">後來， 大闢 攻擊 非利士 人，互𪜶降服；閣對 非利士 人的手提著京城的控制權。</verse>
				<verse number="2">大闢 閣拍敗 摩押 人，叫𪜶倒佇土腳，用索量，量兩索長的互伊死，量一索的互伊活； 摩押 人就歸順 大闢 ，閣進貢。</verse>
				<verse number="3">利合 的子 瑣巴 王 哈大底謝 去 幼發拉底河 ，欲回復伊的統治權的時， 大闢 攻擊伊，</verse>
				<verse number="4">掠伊的馬兵一千七百、步兵兩萬，閣斬斷戰車的馬的腳筋；只有留夠額通拖一百台戰車的馬。</verse>
				<verse number="5">大馬士革 的 敘利亞 人來幫贊 瑣巴 王 哈大底謝 ， 大闢 就刣死 敘利亞 人兩萬兩千。</verse>
				<verse number="6">對按呢， 大闢 佇 大馬士革 的 敘利亞 設立軍營。 敘利亞 人就歸順 大闢 ，閣進貢。 大闢 無論去叨位，上主攏互伊得勝。</verse>
				<verse number="7">大闢 將 哈大底謝 的部下所用金的盾牌攏帶來 耶路撒冷 。</verse>
				<verse number="8">大闢 王閣對 哈大底謝 的城 比他 及 比羅他 ，提真多銅。</verse>
				<verse number="9">哈馬 王 陀以 聽見 大闢 拍贏 哈大底謝 的全軍，</verse>
				<verse number="10">就差伊的子 約蘭 帶金器、銀器、銅器去見 大闢 王，給伊請安，祝賀伊拍贏 哈大底謝 ，因為 哈大底謝 及 陀以 常常交戰。</verse>
				<verse number="11">大闢 王就將諸個物，及以前伊刣贏列國所得著的金銀，就是對 以東 、 摩押 、 亞捫 人、 非利士 人、 亞瑪力 人，以及對 利合 的子 瑣巴 王 哈大底謝 得著的戰利品，攏聖化獻互上主。</verse>
				<verse number="12"></verse>
				<verse number="13">大闢 佇 鹽 的山谷拍死 以東 人一萬八千；倒來的時，就得著大名聲。</verse>
				<verse number="14">大闢 佇 以東 全地設軍營； 以東 人攏歸順伊。 大闢 無論去叨位，上主攏互伊勝利。</verse>
				<verse number="15">大闢 做全 以色列 的王，用公平正義治理伊所有的人民。</verse>
				<verse number="16">洗璐雅 的子 約押 做元帥， 亞希律 的子 約沙法 做史官。</verse>
				<verse number="17">亞希突 的子 撒督 及 亞比亞他 的子 亞希米勒 做祭司； 西萊雅 做書記；</verse>
				<verse number="18">耶何耶大 的子 比拿雅 作頭指揮 基利提 人及 比利提 人。 大闢 的子攏做祭司 。</verse>
			</chapter>
			<chapter number="9">
				<verse number="1">大闢 問講：「 掃羅 的家猶有什麼人留啲？我欲因為 約拿單 的緣故好款待伊。」</verse>
				<verse number="2">掃羅 的家有一個僕人叫做 洗巴 ，人叫伊去 大闢 遐；王就問伊：「你是 洗巴 是無？」 伊應講：「你的僕人就是。」</verse>
				<verse number="3">王講：「 掃羅 的家猶賰幾個人？我通將上帝的恩施互伊。」 洗巴 對王講：「 約拿單 猶有一個子，伊的雙腳攏跛。」</verse>
				<verse number="4">王問伊：「伊佇叨位？」 洗巴 應王講：「伊佇 羅‧底巴 ，住佇 亞米利 的子 瑪吉 𪜶兜。」</verse>
				<verse number="5">大闢 王就派人去 瑪吉 𪜶兜給導來。</verse>
				<verse number="6">掃羅 的孫， 約拿單 的子 米非波設 來見 大闢 ，仆落去拜伊。 大闢 講：「 米非波設 。」伊應講：「你的僕人佇遮。」</verse>
				<verse number="7">大闢 講：「毋免驚。我一定欲因為你的老父 約拿單 的緣故好款待你，將你的阿公 掃羅 的田園攏還你，嘛欲互你常常及我做夥食。」</verse>
				<verse number="8">米非波設 閣仆啲拜伊，講：「你的僕人算什麼？我不過親像一隻死狗，你竟然按呢照顧我！」</verse>
				<verse number="9">王叫 掃羅 的僕人 洗巴 來，給伊講：「我已經將 掃羅 及伊家族所有的財產攏互你的主人的孫。</verse>
				<verse number="10">你及你的子、你的僕人著給伊種作，帶田園所出產的互你的主人的孫有物通食；你主人的孫 米非波設 會常常及我做夥食。」 洗巴 有十五個子、二十個僕人。</verse>
				<verse number="11">洗巴 對王講：「我的主我的王吩咐的，你的僕人攏會照按呢做。」 所以， 米非波設 就及王 做夥食，親像王的子仝款。</verse>
				<verse number="12">米非波設 有一個細漢子，叫做 米迦 。 洗巴 𪜶兜所有的人攏做 米非波設 的僕人。</verse>
				<verse number="13">米非波設 兩腳攏跛，住佇 耶路撒冷 ，常常及王做夥食。</verse>
			</chapter>
			<chapter number="10">
				<verse number="1">後來， 亞捫 人的王 拿轄 死，伊的子 哈嫩 續接伊作王。</verse>
				<verse number="2">大闢 講：「我欲好款待 哈嫩 ，親像伊的老父 拿轄 好款待我按呢。」 大闢 因為 哈嫩 的老父死，就派人臣去慰問。 大闢 的人臣到 亞捫 人境內的時，</verse>
				<verse number="3">亞捫 人的領袖給𪜶的主人 哈嫩 講：「 大闢 派人來慰問你，你想講伊真正尊敬你的老父噢？ 大闢 派伊的部下來見你，豈毋是欲詳細偵探此個城，看欲按怎給咱征服？」</verse>
				<verse number="4">哈嫩 就掠 大闢 的人臣，給𪜶的嘴鬚剃一半，閣剪斷𪜶的衫下半截，互𪜶露出下體，然後趕𪜶倒去。</verse>
				<verse number="5">有人對 大闢 報告， 大闢 就派人去接𪜶，因為𪜶感覺非常見笑。王講：「留𫢶 耶利哥 ，聽候嘴鬚發長才倒來。」</verse>
				<verse number="6">亞捫 人知𪜶惹 大闢 受氣，就差人去倩 伯‧利合 及 瑣巴 的 敘利亞 人，步兵兩萬，及 瑪迦 王的人一千， 陀伯 人一萬兩千。</verse>
				<verse number="7">大闢 聽見，就派 約押 導所有勇猛的軍隊出去。</verse>
				<verse number="8">亞捫 人出來佇城門的頭前排陣； 瑣巴 及 利合 的 敘利亞 人、 陀伯 人，及 瑪迦 人另外佇野外排陣。</verse>
				<verse number="9">約押 看見伊的前後攏有對敵排陣，就對 以色列 精兵的中間閣再揀一寡勇士出來，排陣欲抵敵 敘利亞 人。</verse>
				<verse number="10">約押 將其他的兵士交互伊的小弟 亞比篩 ，𪜶就面對 亞捫 人排陣。</verse>
				<verse number="11">約押 對 亞比篩 講：「 敘利亞 人若比我較強，你著來幫贊我； 亞捫 人若比你較強，我會去幫贊你。</verse>
				<verse number="12">著堅強！著為咱的同胞及咱上帝的城勇敢出戰。上主會照伊看做好的去做。」</verse>
				<verse number="13">約押 導伊的軍隊進前及 敘利亞 人交戰； 敘利亞 人戰敗，就佇 約押 的面前逃走。</verse>
				<verse number="14">亞捫 人看著 敘利亞 人逃走，嘛佇 亞比篩 的面前逃走入城。 約押 就對 亞捫 人遐倒去 耶路撒冷 。</verse>
				<verse number="15">敘利亞 人看著家己刣輸 以色列 人，就重整軍隊。</verse>
				<verse number="16">瑣巴 王 哈大底謝 派人去 幼發拉底河 彼旁召 敘利亞 的軍隊來；𪜶就來到 希蘭 。 哈大底謝 的將軍 朔法 導軍隊來。</verse>
				<verse number="17">有人報告 大闢 ，伊就召集 以色列 全軍過 約旦河 ，進軍到 希蘭 。 敘利亞 人排陣，及 大闢 交戰。</verse>
				<verse number="18">敘利亞 人刣輸 以色列 人； 大闢 刣死 敘利亞 的戰車兵七百人，馬兵四萬，閣將𪜶的將軍 朔法 刣死佇遐。</verse>
				<verse number="19">哈大底謝 屬下許個王看著𪜶刣輸 以色列 人，就及 以色列 講和，歸順𪜶。對按呢， 敘利亞 人就毋敢閣幫贊 亞捫 人。</verse>
			</chapter>
			<chapter number="11">
				<verse number="1">隔年春天，列王出戰的時， 大闢 派 約押 及伊的部下，以及 以色列 全軍出去。𪜶刣贏 亞捫 人，圍攻 拉巴 城。 大闢 留佇 耶路撒冷 。</verse>
				<verse number="2">有一日黃昏的時， 大闢 對眠床起來，佇王宮的厝頂行來行去；對厝頂看著一個婦仁人啲洗浴；婦仁人生做真媠。</verse>
				<verse number="3">大闢 就差人去探聽彼個婦仁人。有人講：「伊是 以連 的查某子， 赫 人 烏利亞 的某 拔示芭 。」</verse>
				<verse number="4">大闢 差使者去導 拔示芭 來伊遐。彼時，婦仁人月經抵抵清氣， 大闢 及伊做夥睏。後來，伊就倒去𪜶厝。</verse>
				<verse number="5">婦仁人懷孕，就差人給 大闢 講：「我有身啦。」</verse>
				<verse number="6">大闢 差人去給 約押 講：「你派 赫 人 烏利亞 來我遮。」 約押 就差 烏利亞 去見 大闢 。</verse>
				<verse number="7">烏利亞 來， 大闢 問伊 約押 好無，軍兵好無，交戰好勢無。</verse>
				<verse number="8">大闢 給 烏利亞 講：「你轉去恁兜歇睏 。」 烏利亞 出王宮了後，王就送一份禮物互伊。</verse>
				<verse number="9">毋拘 烏利亞 及伊主人的部下做夥睏佇王宮門口，無倒去𪜶兜。</verse>
				<verse number="10">有人給 大闢 講 烏利亞 無轉去𪜶兜。 大闢 就問 烏利亞 ：「你豈毋是對真遠轉來，是按怎毋倒去恁兜？」</verse>
				<verse number="11">烏利亞 對 大闢 講：「約櫃，以及 以色列 及 猶大 全軍攏𫢶佇布棚；我的主 約押 及王的部下佇野外紮營；我哪通倒去厝裡飲食，及我的某同房？我指你的性命咒誓，我絕對無欲做此款代誌。」</verse>
				<verse number="12">大闢 給 烏利亞 講：「你今仔日猶原住遮，明仔載我派你轉去。」 烏利亞 佇彼日及隔日留佇 耶路撒冷 。</verse>
				<verse number="13">大闢 請 烏利亞 來做夥飲食，互伊飲甲醉。天暗， 烏利亞 出去伊主人的部下遐，睏佇伊家己的毯仔 ，無倒去𪜶兜。</verse>
				<verse number="14">隔早起， 大闢 寫一張批互 約押 ，託 烏利亞 帶去。</verse>
				<verse number="15">批內寫講：「著派 烏利亞 去前線上危險的所在；然後恁攏撤退，互伊戰死。」</verse>
				<verse number="16">約押 圍城的時，伊知對敵防衛上強的所在佇叨位，就派 烏利亞 去遐。</verse>
				<verse number="17">城內的防衛軍出來及 約押 交戰； 大闢 的部下死幾若人， 赫 人 烏利亞 嘛戰死。</verse>
				<verse number="18">約押 派人去給 大闢 報告交戰的事。</verse>
				<verse number="19">伊吩咐使者講：「你詳細報告交戰的事了後，</verse>
				<verse number="20">王若受氣，講：『恁進攻的時，哪會赫倚城牆？豈毋知對敵會對城牆頂射箭？</verse>
				<verse number="21">以前什麼人拍死 基甸 的子 亞比米勒 ？豈毋是一個婦仁人對牆頂㧒石磨的頂礅摃著伊的頭殼，互伊死佇 提備斯 ？恁是按怎赫倚城牆？』你著講：『你的僕人 赫 人 烏利亞 嘛死。』」</verse>
				<verse number="22">使者去，照 約押 所命令的給 大闢 報告。</verse>
				<verse number="23">使者對 大闢 講：「對敵比阮較強，出來野外攻擊阮，阮給𪜶拍到城門口。</verse>
				<verse number="24">射箭的人對牆頂射你的部下；王的部下死幾若人，你的部下 赫 人 烏利亞 嘛佇遐戰死。」</verse>
				<verse number="25">大闢 給彼個使者講：「你著按呢給 約押 講：『毋免為著此個事心艱苦，因為戰爭攏有人會死佇刀下；你著盡力攻城，給城攻破。』你著按呢給 約押 鼓勵。」</verse>
				<verse number="26">烏利亞 的某聽著伊的丈夫已經死，就為伊啼哭。</verse>
				<verse number="27">喪事結束， 大闢 就差人導 拔示芭 入宮。伊就做 大闢 的某，給 大闢 生一個子。總是上主對 大闢 做此個代誌真無歡喜。</verse>
			</chapter>
			<chapter number="12">
				<verse number="1">上主差 拿單 去見 大闢 ； 拿單 到伊遐，給伊講：「佇某一個城有兩個人，一個好額，一個散赤。</verse>
				<verse number="2">好額的有牛羊真多；</verse>
				<verse number="3">散赤的什麼都無，只有一隻伊買來飼的羊仔子；伊給飼，互彼隻羊仔子及伊的子兒做夥長大，做夥食，做夥飲，閣做夥睏，給看做親像家己的查某子。</verse>
				<verse number="4">有一個出外人來好額人遐；好額人毋甘對家己的羊群牛群中掠一隻來招待人客，顛倒掠散赤人彼隻羊仔招待伊。」</verse>
				<verse number="5">大闢 對彼個好額人發大受氣，給 拿單 講：「我指永活的上主咒誓，做此個代誌的人著死；</verse>
				<verse number="6">伊著賠四倍的羊仔，因為伊做此個事，無憐憫的心。」</verse>
				<verse number="7">拿單 對 大闢 講：「你就是彼個人！上主 — 以色列 的上帝按呢講：『我選立你做 以色列 的王，救你脫離 掃羅 的手。</verse>
				<verse number="8">我用你主人的厝宅互你，嘛將你主人許個某交互你，閣將 以色列 家及 猶大 家互你；諸個你若猶嫌無到，我會閣較多互你。</verse>
				<verse number="9">你是按怎藐視上主的命令，行伊看做歹的代誌？你借 亞捫 人的刀刣死 赫 人 烏利亞 ，互伊死佇戰場，閣娶伊的某做你的某。</verse>
				<verse number="10">今刀劍欲永遠無離開你的家，因為你藐視我，娶 赫 人 烏利亞 的某做你的某。』</verse>
				<verse number="11">上主閣按呢講：『我欲互災禍對你家己的家起來攻擊你；我欲佇你的目睭前，將你許個某互你身邊的人，伊欲佇當頭白日及𪜶做夥睏。</verse>
				<verse number="12">你佇暗中做的代誌，我欲當頭白日，佇 以色列 眾人的面前互諸個代誌發生。』」</verse>
				<verse number="13">大闢 給 拿單 講：「我有得罪上主！」 拿單 給 大闢 講：「上主已經除去你的罪，你𣍐致到死。</verse>
				<verse number="14">總是因為你做此個代誌，大大藐視上主，所以你所生彼個子一定會死。」</verse>
				<verse number="15">拿單 就倒去𪜶兜。上主拍 大闢 及 烏利亞 的某生的嬰仔，嬰仔就破病真傷重。</verse>
				<verse number="16">大闢 就為著彼個子對上帝祈禱。 大闢 閣禁食，入去內面通暝倒佇土腳。</verse>
				<verse number="17">伊宮內許個長老去到伊的身邊，欲給伊扶起來；毋拘伊毋肯，嘛無欲及𪜶做夥食。</verse>
				<verse number="18">到第七日囝仔死； 大闢 的人臣毋敢給伊講囝仔死啦；因為𪜶講：「囝仔猶活啲，咱勸伊，伊都毋聽，若給伊講囝仔死去，伊毋知會按怎傷害家己？」</verse>
				<verse number="19">大闢 看著伊的人臣啲吱嘸吱茲，就知囝仔已經死。 大闢 問伊的人臣講：「囝仔死啊是無？」 𪜶講：「死去啊。」</verse>
				<verse number="20">大闢 就對土腳起來，洗身軀，抹油，換衫，入去上主的殿敬拜。然後伊倒去伊的厝，吩咐人提食物來，伊就食。</verse>
				<verse number="21">人臣問伊：「你哪會按呢做？囝仔活啲的時，你禁食啼哭；囝仔死，你反轉起來食。」</verse>
				<verse number="22">大闢 講：「囝仔猶活啲，我禁食啼哭，因為我想講，上主會憐憫我，互囝仔活啲。</verse>
				<verse number="23">今囝仔已經死，我禁食有啥路用？我豈會當互伊倒轉來？我會去伊遐，毋拘伊𣍐當轉來我遮。」</verse>
				<verse number="24">大闢 安慰伊的某 拔示芭 ，及伊同房，伊就生一個子，給伊號名叫做 所羅門 ；上主疼伊，</verse>
				<verse number="25">就託先知 拿單 給伊號名叫做 耶底底亞 。</verse>
				<verse number="26">約押 攻打 亞捫 人的京城 拉巴 。</verse>
				<verse number="27">約押 差使者去見 大闢 講：「我已經取著 拉巴 的水源地。</verse>
				<verse number="28">今你著聚集其他的軍兵來圍攻此個城，給伊佔領；驚了我取此個城，人會用我的名來叫此個城。」</verse>
				<verse number="29">大闢 就召集所有軍兵去 拉巴 ，給伊攻取。</verse>
				<verse number="30">伊提著 米勒公 頭殼頂的王冠，是用大約三十五公斤的金造的，閣有鑲寶石。人將此頂王冠戴佇 大闢 的頭殼。 大闢 對城內取真多財物，</verse>
				<verse number="31">閣給城內的人民掠出來，互𪜶用鋸仔、鐵耙仔，及鐵的斧頭做苦工，閣佇瓦窯做苦工 ； 大闢 攏用此款方法對待 亞捫 許個城的人。後來， 大闢 及所有的軍兵倒去 耶路撒冷 。</verse>
			</chapter>
			<chapter number="13">
				<verse number="1">大闢 的子 押沙龍 有一個真媠的小妹，叫做 她瑪 ； 大闢 另外一個子 暗嫩 戀慕伊。</verse>
				<verse number="2">暗嫩 愛伊的小妹 她瑪 愛甲破病；因為伊是在室女， 暗嫩 家己知𣍐當對伊做什麼。</verse>
				<verse number="3">暗嫩 有一個朋友，叫做 約拿達 ，是 大闢 的兄哥 示米亞 的子。 約拿達 此個人真奸巧。</verse>
				<verse number="4">伊對 暗嫩 講：「王的子啊，你是按怎一日比一日消瘦無精神？豈𣍐當給我講？」 暗嫩 給伊講：「我愛我的小弟 押沙龍 的小妹 她瑪 。」</verse>
				<verse number="5">約拿達 就對伊講：「你著倒佇眠床，假破病；你的老父若來看你，你通對伊講：『請互我的小妹 她瑪 來我遮，佇我看會著的所在準備食物，親手提互我食。』」</verse>
				<verse number="6">暗嫩 就倒啲，假破病；王來看伊； 暗嫩 就對王講：「請互我的小妹 她瑪 來我遮，給我做兩塊餅，我通對伊的手接來食。」</verse>
				<verse number="7">大闢 就派人去 她瑪 的厝，給伊講：「你去恁兄哥 暗嫩 遐，給伊準備食物。」</verse>
				<verse number="8">她瑪 就去伊的兄哥 暗嫩 的厝；彼時 暗嫩 倒佇眠床。 她瑪 佇伊看會著的所在撋麵粉，烘餅。</verse>
				<verse number="9">她瑪 將歸盤的餅下佇 暗嫩 的面前，毋拘伊毋食。 暗嫩 叫所有的人攏出去，𪜶就出去。</verse>
				<verse number="10">伊給 她瑪 講：「你捧餅入來房間，親手提互我食。」 她瑪 就捧許個餅入去房間互伊的兄哥 暗嫩 。</verse>
				<verse number="11">伊捧去互 暗嫩 食的時， 暗嫩 給扭啲，講：「小妹啊，來及我睏。」</verse>
				<verse number="12">伊應講：「我的兄哥，毋通，毋通給我侮辱。佇 以色列 無應該做此款代誌。你毋通做此款見笑事。</verse>
				<verse number="13">我，我欲按怎洗我的見笑？你，你佇 以色列 中會成做邪惡的戇人。我求你給王講，伊𣍐阻止我嫁互你。」</verse>
				<verse number="14">總是 暗嫩 毋肯聽伊的話； 暗嫩 比伊較有力，就給伊強暴。</verse>
				<verse number="15">了後， 暗嫩 厭惡 她瑪 ；彼個厭惡的程度，比以前對伊的愛閣較大。 暗嫩 給伊講：「起來，出去！」</verse>
				<verse number="16">伊給 暗嫩 講：「毋通按呢，你給我趕出去比給我侮辱閣較邪惡。」 毋拘 暗嫩 毋聽，</verse>
				<verse number="17">叫侍候伊的僕人來，給伊講：「給此個查某囝仔趕出去；伊出去了後，給門閂起來。」</verse>
				<verse number="18">暗嫩 的奴僕就給伊拖出去；出去了，門就閂啲。 彼時 她瑪 穿彩色的衫 ，因為王猶未出嫁的查某子攏穿此款衫。</verse>
				<verse number="19">她瑪 糝火灰佇頭殼，拆裂所穿彩色的衫，用手𢯾頭殼，那行那哮。</verse>
				<verse number="20">伊的親兄哥 押沙龍 問伊講：「你的兄哥 暗嫩 給你侮辱是無？小妹啊，此陣你著恬恬，伊是你的兄哥，毋免為著此個事心艱苦。」 她瑪 就孤單傷心住佇伊的兄哥 押沙龍 的厝。</verse>
				<verse number="21">大闢 王聽著諸個事，非常受氣，毋拘無給 暗嫩 責備，因為伊是大子， 大闢 真給寵倖。</verse>
				<verse number="22">押沙龍 因為 暗嫩 侮辱伊的小妹 她瑪 ，就怨恨 暗嫩 ，無及伊講話。</verse>
				<verse number="23">兩年後， 押沙龍 佇 以法蓮 附近的 巴力‧夏瑣 ，倩人給伊剪羊毛。伊請王所有的子攏去。</verse>
				<verse number="24">押沙龍 來見王，講：「你的僕人有倩人啲剪羊毛，請王及你的人臣，及你的僕人做夥來慶祝。」</verse>
				<verse number="25">王給 押沙龍 講：「我的子啊，毋通，阮毋通攏去，才免你開費傷傷重。」 押沙龍 再三邀請，王毋去，干焦給伊祝福。</verse>
				<verse number="26">押沙龍 講：「若無，就互我的兄哥 暗嫩 及阮去。」 王講：「是按怎著愛伊及你去？」</verse>
				<verse number="27">押沙龍 再三請求。王就允准 暗嫩 及王所有的子攏去。</verse>
				<verse number="28">押沙龍 吩咐伊的部下講：「恁著注意，看 暗嫩 飲酒飲甲真爽快的時，我一下下令刣 暗嫩 ，恁就給伊刣死。毋免驚；一切的後果我負責。恁著好膽勇敢去做。」</verse>
				<verse number="29">押沙龍 的部下照 押沙龍 的命令刣 暗嫩 ；王的子兒攏𬦰起來，騎家己的騾逃走。</verse>
				<verse number="30">𪜶猶佇路裡，就有風聲傳到 大闢 ，講：「 押沙龍 刣死王所有的子，無留甲半個。」</verse>
				<verse number="31">王就起來拆裂衫，倒佇土腳；王的人臣嘛拆裂衫，徛佇伊的身邊。</verse>
				<verse number="32">大闢 的兄哥 示米亞 的子 約拿達 給王講：「我的主，毋通想講王的子攏互 押沙龍 刣死；死的干焦 暗嫩 若定，因為對 暗嫩 侮辱伊的小妹 她瑪 彼日起，伊就已經有此個意思。</verse>
				<verse number="33">今我的主我的王，毋免為著王的子攏死此個風聲心艱苦。其實只有 暗嫩 死若定。」</verse>
				<verse number="34">彼時 押沙龍 已經逃走。 守望的人攑頭看，看著一大陣人對後面山坡的路落來。</verse>
				<verse number="35">約拿達 給王講：「你看，王的子攏轉來啦，抵照你的僕人所講的。」</verse>
				<verse number="36">話抵仔講煞，王許個子就到，開聲啼哭；王及人臣嘛攏大聲啼哭。</verse>
				<verse number="37">押沙龍 走去 亞米忽 的子 基述 王 達買 遐。 大闢 逐日為著伊的子傷心。</verse>
				<verse number="38">押沙龍 走去 基述 ，住遐三年。</verse>
				<verse number="39">對 暗嫩 的死， 大闢 王無閣赫呢悲傷，就無閣對 押沙龍 受氣。</verse>
			</chapter>
			<chapter number="14">
				<verse number="1">洗璐雅 的子 約押 知王的心猶啲想 押沙龍 ，</verse>
				<verse number="2">就派人去 提哥亞 ，叫一個聰明的婦仁人來。 約押 給伊講：「請你裝做帶孝的婦仁人；穿麻衫，身軀毋通抹油，假做已經為著死人哀傷幾若日。</verse>
				<verse number="3">然後你入去見王，照我交代你的對王講。」 約押 就將所著講的話教婦仁人。</verse>
				<verse number="4">提哥亞 的婦仁人來見王，面仆佇土腳拜，講：「王啊，救我。」</verse>
				<verse number="5">王問伊講：「你有什麼代誌？」伊應講：「我是一個寡婦，我的丈夫已經死。</verse>
				<verse number="6">女婢有兩個子，𪜶兩個佇園裡相拍，無人給𪜶排解；一個拍死另外一個。</verse>
				<verse number="7">現在全家族攏啲攻擊你的女婢，講：『你著將彼個拍死兄弟的交出來，阮欲互伊死，賠伊拍死兄弟的性命，絕伊的後嗣。』按呢𪜶欲將我賰的火種拍化，互我的丈夫𣍐當留名留後代佇世間。」</verse>
				<verse number="8">王給婦仁人講：「你通倒去，我會為著你下令。」</verse>
				<verse number="9">提哥亞 的婦仁人閣對王講：「我的主我的王，願此個罪歸佇我及我的家族；及王以及王位攏無關係。」</verse>
				<verse number="10">王講：「若有人給你加講話，你給導來我遮，伊就𣍐閣共你。」</verse>
				<verse number="11">婦仁人講：「願王記念上主 — 你的上帝，毋通互阮親族中報血仇的閣刣死我的子，才免𪜶滅絕我的後嗣。」 王講：「我指永活的上主咒誓，你的子，連一支頭毛都𣍐加落佇土腳。」</verse>
				<verse number="12">婦仁人講：「求你允准你的女婢對我的主我的王閣講一句話。」 王講：「做你講。」</verse>
				<verse number="13">婦仁人講：「王是按怎按呢計謀欲攻擊上帝的子民？王若無互彼個逃命的子倒來，王抵即講的話，表示家己有毋著。</verse>
				<verse number="14">咱攏一定會死，親像水潑落地，𣍐當閣收倒轉；毋拘上帝𣍐搶奪人的性命，會設法互逃命的人免永遠受趕逐離開伊。</verse>
				<verse number="15">我將諸個話給我的主我的王講，是因為有人給我恐嚇，所以女婢想講著互王知，豈採王會聽女婢的訴求。</verse>
				<verse number="16">有人欲將我及我的子對上帝所賜的產業做一下除滅。毋拘王會聽，會救伊的女婢脫離彼個人的手。</verse>
				<verse number="17">女婢想，我的主我的王會安慰我，因為我的主我的王親像上帝的使者，會分別是非 。願上主 — 你的上帝及你同在。」</verse>
				<verse number="18">王應婦仁人講：「我欲問你的，你著照實講。」 婦仁人講：「請我的主我的王講。」</verse>
				<verse number="19">王講：「諸個攏是 約押 及你套好的是無？」 婦仁人講：「我的主我的王，我指你的活命咒誓，抵照我的主我的王講的，是，是你的僕人 約押 吩咐我，教我講的。</verse>
				<verse number="20">你的僕人 約押 按呢做，是欲互此個代誌改變；我的主有親像上帝使者的智慧，會了解世間所有的事。」</verse>
				<verse number="21">後來，王給 約押 講：「此件事我答應你。今你去，給彼個少年人 押沙龍 導倒來。」</verse>
				<verse number="22">約押 仆佇土腳拜，給王祝福。 約押 講：「我的主我的王有答應你僕人的請求。今仔日你的僕人知我有得著你的歡喜。」</verse>
				<verse number="23">對按呢 約押 出發去 基述 ，導 押沙龍 轉來 耶路撒冷 。</verse>
				<verse number="24">王講：「叫伊倒去伊的厝，毋通見我的面。」 押沙龍 就倒去家己的厝，無見王的面。</verse>
				<verse number="25">佇 以色列 中，無人親像 押沙龍 赫呢英俊得著人謳咾；對腳底到頭殼頂攏無缺點。</verse>
				<verse number="26">押沙龍 逐年著剪一遍頭毛，因為伊的頭毛真重。伊剪起來的頭毛，照王的秤，大約兩公斤。</verse>
				<verse number="27">押沙龍 生三個子，一個查某子；查某子名叫 她瑪 ，是一個真媠的查某囝仔。</verse>
				<verse number="28">押沙龍 住佇 耶路撒冷 滿兩年，無見著王的面。</verse>
				<verse number="29">押沙龍 派人去叫 約押 ，欲請伊去見王，毋拘 約押 毋肯來。 押沙龍 第二遍派人去叫，伊猶原毋來。</verse>
				<verse number="30">押沙龍 對伊的部下講：「恁看， 約押 的園離我的園真近，有種大麥。恁去給放火燒。」 押沙龍 的部下就去放火燒 約押 的園。</verse>
				<verse number="31">約押 去 押沙龍 的厝，問伊講：「你的部下是按怎放火燒我的園？」</verse>
				<verse number="32">押沙龍 給 約押 講：「我派人請你來，是欲請你去見王，給伊講我哪著對 基述 倒來；我寧可留佇遐。今著互我去見王的面；我若有罪，伊通刣我。」</verse>
				<verse number="33">約押 就去見王給伊轉達。王叫 押沙龍 來； 押沙龍 就來見王，佇王的面前仆佇土腳。王就唚 押沙龍 。</verse>
			</chapter>
			<chapter number="15">
				<verse number="1">諸個代誌了後， 押沙龍 為家己準備馬及戰車，閣派五十個兵佇頭前開路。</verse>
				<verse number="2">押沙龍 常常早早起來，徛佇城門口的路邊；若有人有案件欲互王判斷， 押沙龍 就叫伊來，問伊講：「你是叨一個城的人？」伊應講：「僕人是 以色列 某一個支族的人。」</verse>
				<verse number="3">押沙龍 給伊講：「你的案件合情合理，毋拘王無交代人處理你的案件。」</verse>
				<verse number="4">押沙龍 閣講：「可惜無人指派我做此個地的審判官；若有人有相告著審判的案件，來我遮，我會照公道判決。」</verse>
				<verse number="5">若有人來拜伊，伊就伸手牽伊，給伊唚。</verse>
				<verse number="6">以色列 人的中間，若有人欲去見王請求判斷， 押沙龍 攏按呢對待𪜶。 押沙龍 用按呢暗中得著 以色列 人的心。</verse>
				<verse number="7">四 年後， 押沙龍 對王講：「求你准我去 希伯崙 ，互我通對上主謝願。</verse>
				<verse number="8">因為僕人住佇 敘利亞 的 基述 的時有下願講：『上主若互我閣倒來 耶路撒冷 ，我欲去 希伯崙 服事上主。』」</verse>
				<verse number="9">王給伊講：「你通平安去。」 押沙龍 就出發，去 希伯崙 。</verse>
				<verse number="10">押沙龍 暗中派使者去 以色列 逐個支族，講：「恁一下聽著哨角的聲，就喝講：『 押沙龍 佇 希伯崙 作王啦！』」</verse>
				<verse number="11">毋拘 押沙龍 對 耶路撒冷 所請及伊去彼兩百個人，攏毋知代誌的頭尾。</verse>
				<verse number="12">押沙龍 獻祭的時，派人去 基羅 城請 大闢 的參謀 亞希多弗 來；對按呢，隨 押沙龍 的人愈來愈多，反叛的勢面愈來愈強。</verse>
				<verse number="13">有人來給 大闢 報告講：「 以色列 人的心攏歸向 押沙龍 啦。」</verse>
				<verse number="14">大闢 對許個及伊佇 耶路撒冷 的人臣講：「起來，咱著逃走；若無，咱𣍐當逃避 押沙龍 。著趕緊走，才免伊連鞭趇著咱，傷害咱，刣死城內的人。」</verse>
				<verse number="15">王的人臣給王講：「阮的主阮的王所決定的，你的僕人攏欲照按呢做。」</verse>
				<verse number="16">王出城，伊的家眷攏隨佇伊的後面，只有留十個嬪妃顧王宮。</verse>
				<verse number="17">城內的人嘛隨王離開；𪜶行到城的最後一間厝停啲。</verse>
				<verse number="18">王的人臣攏佇伊的面前行過去；所有的 基利提 人、 比利提 人，及對 迦特 隨伊來彼六百個 迦特 人，嘛攏佇王的面前行過去。</verse>
				<verse number="19">王給 迦特 人 以太 講：「你是按怎欲及阮去？著倒去倚新王；你是外國人，對你的本國逃難來遮。</verse>
				<verse number="20">你昨昏才來，今仔日我家己都毋知欲去叨位，哪通互你及阮做夥飄流？轉去，給你的兄弟做夥導倒去。願上主用慈愛信實對待你。 」</verse>
				<verse number="21">以太 應王講：「我指永活的上主佇我的主我的王面前咒誓，王無論佇什麼所在，你的僕人無論死活攏會佇遐。」</verse>
				<verse number="22">大闢 給 以太 講：「好，你進前行。」 迦特 人 以太 及許個隨伊的人，及所有的囝仔就攏過去。</verse>
				<verse number="23">跟隨王的人過去的時，所有的人攏大聲啼哭。王過 汲淪 溪谷，人民嘛過去，向迵曠野的路行去。</verse>
				<verse number="24">看咧，祭司 撒督 來啦，所有隨伊的 利未 人嘛扛上帝的約櫃來。𪜶將上帝的約櫃下佇遐。 亞比亞他 嘛來到遐，聽候對城內出來的人民攏過去。</verse>
				<verse number="25">王給 撒督 講：「你扛上帝的約櫃倒去城內。我若得著上主的恩典，伊會互我倒來，互我閣看著約櫃，及囥約櫃的所在。</verse>
				<verse number="26">上主若講：『我無合意你。』願伊照伊的意思對待我。」</verse>
				<verse number="27">王閣給 撒督 講：「你豈毋是先見？你通平安倒去城內；你的子 亞希瑪斯 及 亞比亞他 的子 約拿單 ，攏通及你做夥倒去。</verse>
				<verse number="28">我會佇曠野的渡口聽候恁報消息互我。」</verse>
				<verse number="29">撒督 及 亞比亞他 就扛上帝的約櫃倒去 耶路撒冷 ；𪜶就留佇遐。</verse>
				<verse number="30">大闢 對向 橄欖山 的路上去，蓋頭褪赤腳，那行那哮；隨伊去的人嘛蓋頭上去，那行那哮。</verse>
				<verse number="31">有人報 大闢 講：「 亞希多弗 嘛隨 押沙龍 佇叛黨的中間。」 大闢 講：「上主啊，求你互 亞希多弗 的計謀落空。」</verse>
				<verse number="32">大闢 上到山頂敬拜上帝的所在的時， 亞基 人 戶篩 拆裂衫，頭殼糝土粉，來迎接伊。</verse>
				<verse number="33">大闢 給伊講：「你若及我去，會拖累我；</verse>
				<verse number="34">你若倒去城內，給 押沙龍 講：『王啊，我欲做你的僕人；我以前做你老父的僕人，今我嘛欲按呢做你的僕人。』按呢你就會當替我破壞 亞希多弗 的計謀。</verse>
				<verse number="35">祭司 撒督 及 亞比亞他 嘛會及你佇遐。你佇王宮所聽著的，著給祭司 撒督 及 亞比亞他 講。</verse>
				<verse number="36">撒督 的子 亞希瑪斯 ， 亞比亞他 的子 約拿單 ，嘛及𪜶佇遐；恁所聽著的，著交代𪜶來報我。」</verse>
				<verse number="37">對按呢， 押沙龍 入 耶路撒冷 的時， 大闢 的朋友 戶篩 嘛入城。</verse>
			</chapter>
			<chapter number="16">
				<verse number="1">大闢 過山頂無偌遠， 米非波設 的僕人 洗巴 來迎接；伊牽兩隻掛鞍的驢仔，載兩百塊餅、一百粒葡萄乾丸、一百粒無花果乾丸，及一皮囊的酒。</verse>
				<verse number="2">王問 洗巴 講：「你是按怎帶諸個來？」 洗巴 講：「驢是欲互王的家眷騎，餅及熟的果子欲互少年人食，酒欲互佇曠野厭倦的人飲。」</verse>
				<verse number="3">王問講：「你的主人 掃羅 的孫佇叨位？」 洗巴 應王講：「伊猶佇 耶路撒冷 ，因為伊講：『 以色列 人今仔日欲將我的阿公的國還我。』」</verse>
				<verse number="4">王給 洗巴 講：「 米非波設 所有的攏賜互你。」 洗巴 講：「我謙卑仆拜；願我得著我的主我的王的恩典。」</verse>
				<verse number="5">大闢 王到 巴戶琳 的時，有 掃羅 家族一個人， 基拉 的子 示每 出來，那行那咒詛，</verse>
				<verse number="6">閣拾石頭抌 大闢 王及伊的人臣；彼時跟隨王的人及勇士攏佇王的左右。</verse>
				<verse number="7">示每 咒詛講：「你此個流人的血的兇手，你此個歹人，去死！</verse>
				<verse number="8">你搶 掃羅 的王位，上主將你流伊家族的血的罪攏歸佇你，將此個國交互你的子 押沙龍 。今你抵著惡報，因為你是流人的血的兇手。」</verse>
				<verse number="9">洗璐雅 的子 亞比篩 給王講：「此隻死狗，哪通互伊咒詛我的主我的王？准我過去，斬伊的頭。」</verse>
				<verse number="10">王講：「恁諸個 洗璐雅 的子，這無恁的代誌。出在伊咒詛，因為是上主吩咐伊咒詛我；所以無人會當講伊是按怎按呢做。」</verse>
				<verse number="11">大闢 閣給 亞比篩 及王的人臣講：「我的親生子都數想我的性命，何況此個 便雅憫 人！出在伊咒詛，因為是上主教伊按呢做。</verse>
				<verse number="12">豈採上主帶念我的苦境，會施恩互我來代替今仔日的咒詛。」</verse>
				<verse number="13">大闢 及隨伊的人繼續行。 示每 行佇對面的山坪，那行那咒詛，閣抌石頭，撒土粉。</verse>
				<verse number="14">王及隨伊的人到一個所在；𪜶攏真厭倦，就佇遐歇睏。</verse>
				<verse number="15">押沙龍 及隨伊的 以色列 人民來到 耶路撒冷 ， 亞希多弗 嘛及伊做夥。</verse>
				<verse number="16">大闢 的朋友 亞基 人 戶篩 來 押沙龍 遐，對 押沙龍 講：「願王萬歲！願王萬歲！」</verse>
				<verse number="17">押沙龍 給 戶篩 講：「你按呢做，對你的朋友豈有忠誠？你哪無及你的朋友做夥去？」</verse>
				<verse number="18">戶篩 給 押沙龍 講：「毋是按呢，上主及 以色列 人民所選的，我欲歸順伊，嘛欲隨伊。</verse>
				<verse number="19">閣一項，我著服事啥人？豈毋是著服事王的子？我按怎服事你的老父，嘛欲按呢服事你。」</verse>
				<verse number="20">押沙龍 給 亞希多弗 講：「恁著出計策，看咱閣來著按怎做。」</verse>
				<verse number="21">亞希多弗 給 押沙龍 講：「你去及你的老父留落來顧王宮許個嬪妃做夥睏； 以色列 的眾人知你敢惹你的老父受氣，許個歸順你的人會閣較堅決。」</verse>
				<verse number="22">𪜶就給 押沙龍 佇王宮的厝頂搭布棚。 押沙龍 就佇 以色列 眾人面前入去，及伊的老父的嬪妃睏。</verse>
				<verse number="23">彼時 亞希多弗 所提出的計策，親像對上帝來的話；因為按呢， 亞希多弗 的意見攏受 大闢 及 押沙龍 尊重。</verse>
			</chapter>
			<chapter number="17">
				<verse number="1">亞希多弗 對 押沙龍 講：「請准我揀一萬兩千人，今暗起身追趇 大闢 。</verse>
				<verse number="2">我趁伊厭倦失志，給伊攻擊，互伊驚惶失膽，隨伊的人攏會逃走。我干焦欲刣死王一個人，</verse>
				<verse number="3">互人民攏歸順你。你所欲刣彼個人以外，所有的人民攏會平安。」</verse>
				<verse number="4">押沙龍 及 以色列 所有的長老攏贊成此個提議。</verse>
				<verse number="5">押沙龍 講：「召 亞基 人 戶篩 來，咱嘛來聽伊的意見。」</verse>
				<verse number="6">戶篩 到 押沙龍 遐， 押沙龍 對伊講：「 亞希多弗 按呢提議，咱照伊講的去做好無？若無，你有什麼意見？」</verse>
				<verse number="7">戶篩 對 押沙龍 講：「 亞希多弗 此遍的計策毋好。」</verse>
				<verse number="8">戶篩 閣講：「你知你的老父及隨伊的人攏是勇士。𪜶凝心掠狂，親像子互人搶去的熊母。閣你的老父是有經驗的戰士，一定𣍐及軍兵做夥歇睏。</verse>
				<verse number="9">現在伊一定匿佇山洞抑是別個所在。若有人代先互伊刣死，聽著的人會講：『隨 押沙龍 的軍兵互人刣死啦。』</verse>
				<verse number="10">彼時，連勇猛親像獅的人，心嘛會消熔失膽；因為 以色列 人攏知你的老父是勇士，隨伊的人嘛攏真勇敢。</verse>
				<verse number="11">所以我提議，著互親像海邊的沙赫呢多的 以色列 人，對 但 到 別是巴 聚集來你遮，你嘛親身導𪜶出戰。</verse>
				<verse number="12">按呢，咱無論佇什麼所在抵著伊，給伊突擊，親像露水降落大地，互伊及隨伊的人無留甲一個。</verse>
				<verse number="13">伊若撤退入一個城，所有的 以色列 人會帶索去彼個城，給城 拖落山谷，佇遐連一塊石頭仔都尋無。」</verse>
				<verse number="14">押沙龍 及所有的 以色列 人攏講：「 亞基 人 戶篩 的計策比 亞希多弗 的較好。」上主決定欲破壞 亞希多弗 好的計策，通降災禍互 押沙龍 。</verse>
				<verse number="15">戶篩 給祭司 撒督 及 亞比亞他 講：「 亞希多弗 給 押沙龍 及 以色列 的長老出的計謀是按呢按呢；我出的計策是按呢按呢。</verse>
				<verse number="16">現在恁著趕緊派人去給 大闢 報告，今暗毋通𫢶佇曠野的渡口，一定著過河，才免王及隨伊的人攏受剿滅。」</verse>
				<verse number="17">彼時 約拿單 及 亞希瑪斯 𫢶佇 隱‧羅結 ，毋敢入城，驚互人看著；𪜶啲聽候一個女婢對城內出來給𪜶通報，互𪜶通對 大闢 王報告。</verse>
				<verse number="18">毋拘有一個少年人看著𪜶，就去給 押沙龍 報告；𪜶兩人趕緊走去 巴戶琳 某一個人的厝；彼個人的埕有井，𪜶兩人就落去遐匿。</verse>
				<verse number="19">彼家的婦仁人用蓋蓋井口，頂面鋪麥仔，代誌就無漏洩。</verse>
				<verse number="20">押沙龍 的部下來到婦仁人彼間厝，問伊講：「 亞希瑪斯 及 約拿單 佇叨位？」 婦仁人講：「𪜶過溪去啦。」 許個部下去尋，尋無著，就倒去 耶路撒冷 。</verse>
				<verse number="21">𪜶離開了，彼兩個人對井裡起來，去給 大闢 王通報。𪜶對 大闢 講：「恁著起來，趕緊過河，因為 亞希多弗 有按呢按呢計謀欲害你。」</verse>
				<verse number="22">大闢 及隨伊的人就起來，過 約旦河 ；到天光，無一個無過 約旦河 。</verse>
				<verse number="23">亞希多弗 知伊的計策無受採納，就騎驢倒去伊的城，到𪜶兜。伊給厝內的代誌交代好勢，就家己吊死；人給伊埋葬佇𪜶老父的墓。</verse>
				<verse number="24">大闢 到 瑪哈念 的時， 押沙龍 及隨伊的 以色列 人才過 約旦河 。</verse>
				<verse number="25">押沙龍 設立 亞瑪撒 做元帥代替 約押 。 亞瑪撒 是 以色列 人 以特拉 的子； 以特拉 曾及 拿轄 的查某子 愛比該 同房。此個 愛比該 及 約押 的老母 洗璐雅 是姊妹。</verse>
				<verse number="26">以色列 人及 押沙龍 佇 基列 地區紮營。</verse>
				<verse number="27">大闢 到 瑪哈念 彼時， 亞捫 族的 拉巴 人 拿轄 的子 朔比 、 羅‧底巴 人 亞米利 的子 瑪吉 ，及 基列 的 羅基琳 人 巴西萊 ，</verse>
				<verse number="28">帶床舖、盆、瓷器、小麥、大麥、麵粉、焙熟的五穀、豆仔、紅豆、焙過的豆仔、</verse>
				<verse number="29">蜜、油、牛奶及羊奶做的食物，供給 大闢 及隨伊的人；𪜶講：「軍兵佇曠野一定會枵，會厭倦，嘴焦。」</verse>
			</chapter>
			<chapter number="18">
				<verse number="1">大闢 召集隨伊的軍兵，用一千人及一百人做單位，照編制設立指揮官。</verse>
				<verse number="2">大闢 派軍兵出去，將三分一交互 洗璐雅 的子 約押 ，三分一交互 約押 的兄弟 亞比篩 ，三分一交互 迦特 人 以太 。王對軍兵講：「我一定欲及恁做夥出戰。」</verse>
				<verse number="3">毋拘軍兵講：「你毋通出去；阮若刣輸逃走，對敵𣍐注意阮；阮若一半陣亡，對敵嘛𣍐看做要緊；你一人比阮一萬人較重要。你留佇城內幫贊阮較好。」</verse>
				<verse number="4">王給𪜶講：「恁看做好的，我照按呢做。」王就徛佇城門邊，軍兵一百一百，一千一千，照次序出去。</verse>
				<verse number="5">王命令 約押 、 亞比篩 、 以太 ，講：「恁著帶念我，毋通傷害彼個少年人 押沙龍 。」王為 押沙龍 命令許個首領的話，軍兵攏有聽著。</verse>
				<verse number="6">軍兵就出去野外，佇 以法蓮 的樹林及 以色列 人交戰。</verse>
				<verse number="7">佇遐， 以色列 的軍隊刣輸 大闢 的部下；彼日戰死的真多，有兩萬人。</verse>
				<verse number="8">交戰湠到全地區；彼日佇樹林內死的，比互刀刣死的較多。</verse>
				<verse number="9">押沙龍 騎騾，抵著 大闢 的部下。騾走對大欉橡樹真艷的樹椏下面經過，伊的頭毛鉤著橡樹枝，人吊佇半空中；所騎的騾做伊去。</verse>
				<verse number="10">有一個兵士看著，給 約押 講：「我看著 押沙龍 吊佇橡樹。」</verse>
				<verse number="11">約押 給報伊的人講：「啥？你有看著噢！哪無當場給拍死？你若按呢做，我就賞你十塊銀，及一條腰帶。」</verse>
				<verse number="12">彼個人對 約押 講：「你就是互我一千塊銀，我嘛毋敢動手害王的子；因為阮有聽著王命令你及 亞比篩 、 以太 ，講：『恁著細膩，毋通害彼個少年人 押沙龍 。』</verse>
				<verse number="13">我若敢按呢做害伊的性命，王一定會知，到時你嘛會毋插我。」</verse>
				<verse number="14">約押 講：「我無時間閣及你講。」 約押 就攑三支短槍去；彼時 押沙龍 吊佇橡樹猶活啲。 約押 鑿迵 押沙龍 的心。</verse>
				<verse number="15">為 約押 攑武器的十個少年人給 押沙龍 圍啲，給伊刣死。</verse>
				<verse number="16">約押 歕哨角，軍兵就倒來，無閣趇 以色列 人；因為 約押 給𪜶阻止。</verse>
				<verse number="17">𪜶將 押沙龍 㧒佇樹林內一個大深坑，頂面疊一大堆石頭；所有的 以色列 人攏走倒去家己的厝。</verse>
				<verse number="18">押沙龍 活啲的時，佇王的山谷為家己𫞼一支柱；伊講伊無子通留名，就給彼支柱號做 押沙龍 。到今仔日，人猶稱呼彼支柱做 押沙龍 紀念碑。</verse>
				<verse number="19">撒督 的子 亞希瑪斯 講：「准我走去對王報告，上主已經有解救伊脫離對敵的手。」</verse>
				<verse number="20">約押 給伊講：「你今仔日毋通去報消息，另日才去。今仔日你毋通報消息，因為王的子死去。」</verse>
				<verse number="21">約押 給一個 古實 奴隸講：「你去將你所看著的給王報告。」 古實 人對 約押 鞠躬就用走的去。</verse>
				<verse number="22">撒督 的子 亞希瑪斯 閣給 約押 講：「無論按怎，求你准我隨 古實 人用走的去。」 約押 講：「我的子，你報消息𣍐得著賞，是按怎欲去？」</verse>
				<verse number="23">伊應講：「無論按怎，我欲去。」 約押 講：「你去！」 亞希瑪斯 就對 約旦 平原的路走去，趇過 古實 人。</verse>
				<verse number="24">大闢 抵仔坐佇內城門及外城門的中間；守望的人𬦰上城牆，到城門的樓頂觀看，看著一個人單身走來。</verse>
				<verse number="25">守望的大聲喝，對王報告。王講：「伊若家己一個來，一定是欲報好消息。」彼個人那走那近倚。</verse>
				<verse number="26">守望的人閣看著另外一個人走來，守望的給顧城門的人講：「你看，閣有一個人單身走來。」 王講：「這嘛是報好消息的。」</verse>
				<verse number="27">守望的講：「我看頭前啲走的親像 撒督 的子 亞希瑪斯 。」 王講：「伊是好人，來報好消息。」</verse>
				<verse number="28">亞希瑪斯 對王叫講：「平安！」就佇王的面前仆拜，講：「上主 — 你的上帝應該受稱讚！伊已經將許個起手攻擊我的主我的王的人拍敗啦。」</verse>
				<verse number="29">王講：「少年人 押沙龍 平安抑無？」 亞希瑪斯 應講：「 約押 派王的僕人，就是你的僕人來的時，我有看著混亂的場面，毋知發生什麼代誌。」</verse>
				<verse number="30">王講：「你徛𫢶邊仔。」伊就閃開，徛啲。</verse>
				<verse number="31">古實 人嘛到；報告講：「有好消息報告我的主我的王。上主今仔日有替你申冤，拍敗起來攻擊你的人。」</verse>
				<verse number="32">王問 古實 人講：「少年人 押沙龍 有平安無？」 古實 人應講：「願我的主我的王的對敵，及所有起來攻擊你，欲害你的人，攏及彼個少年人仝款。」</verse>
				<verse number="33">王就真傷心。伊上城門頂的房間啼哭，那行那講：「我的子 押沙龍 啊！我的子，我的子， 押沙龍 啊！我苦𣍐得替你死。 押沙龍 啊，我的子，我的子！」</verse>
			</chapter>
			<chapter number="19">
				<verse number="1">有人給 約押 講：「王為著 押沙龍 啼哭悲哀。」</verse>
				<verse number="2">彼日的勝利變做全軍的悲哀，因為彼日軍兵有聽講王為著伊的子哀傷。</verse>
				<verse number="3">彼日軍兵偷偷仔入城，親像戰敗逃走見笑的兵士仝款。</verse>
				<verse number="4">王罩伊的面，大聲哮，講：「我的子 押沙龍 啊！ 押沙龍 ，我的子，我的子啊！」</verse>
				<verse number="5">約押 入王住的所在去見王，講：「你今仔日互你所有的人臣無體面。𪜶今仔日救你的性命，救你的子及查某子，閣救你的后妃及嬪妃的性命。</verse>
				<verse number="6">怨恨你的，你疼𪜶；疼你的，你怨恨𪜶。你今仔日明明表示你無看許個將領及部下做要緊。我今仔日看出，若 押沙龍 活啲，阮攏死，你顛倒歡喜。</verse>
				<verse number="7">今你著起來出去安慰你的部下。我指上主咒誓，你若無出去，今暝無一個人會及你做夥，陪伴你；此個災禍比你對少年到現在抵著的閣較嚴重。」</verse>
				<verse number="8">王就起來，坐佇城門口；有人給軍兵講：「恁看，王坐佇城門口。」軍兵就攏來到王的面前。 以色列 人已經逃走，逐個人倒去𪜶兜。</verse>
				<verse number="9">以色列 逐支族的人紛紛議論，講：「 大闢 王曾解救咱脫離對敵的迫害，閣解放咱脫離 非利士 人的壓迫；伊因為閃避 押沙龍 猶佇外面逃亡。</verse>
				<verse number="10">咱有選立 押沙龍 作王治理咱，伊已經陣亡。恁哪佯恬恬，毋請王倒來？」</verse>
				<verse number="11">大闢 王派人去見祭司 撒督 及 亞比亞他 ，講：「恁著給 猶大 的長老講：『王已經有聽著 以色列 眾人欲請王轉來王宮；恁哪猶未欲請王倒來？</verse>
				<verse number="12">恁是我的兄弟，我的骨肉；請王倒來此個代誌，恁是按怎隨人𣍐著？』</verse>
				<verse number="13">恁嘛著給 亞瑪撒 講：『你豈毋是我的骨肉？我欲互你對現在起代替 約押 做元帥，若無，願上帝加倍責罰我。』」</verse>
				<verse number="14">按呢， 大闢 就得著 猶大 眾人的心；𪜶攏同心親像一個人。𪜶就差人去見王，講：「請你及你的眾人臣倒來。」</verse>
				<verse number="15">王就起身倒去。伊到 約旦河 的時， 猶大 人來 吉甲 迎接伊，導伊過河。</verse>
				<verse number="16">巴戶琳 的 便雅憫 人， 基拉 的子 示每 趕緊及 猶大 人落來迎接 大闢 王。</verse>
				<verse number="17">及伊來的，有一千個 便雅憫 人，有 掃羅 家的僕人 洗巴 ，及伊十五個子、二十個僕人，𪜶攏趕緊過 約旦河 去見王。</verse>
				<verse number="18">有人照王的意思，用船護送王的家眷過河。 王啲欲過河的時， 基拉 的子 示每 來仆佇王的面前，</verse>
				<verse number="19">對王講：「我的主我的王離開 耶路撒冷 的時，你的僕人有背逆你；今求我的主毋通追究我的罪。請王毋通將此個代誌記牢牢，囥佇你的心內。</verse>
				<verse number="20">你的僕人明明知家己有罪，所以今仔日 約瑟 全家 我第一代先落來迎接我的主我的王。」</verse>
				<verse number="21">洗璐雅 的子 亞比篩 講：「 示每 曾咒詛上主所抹油選立的，豈毋免互伊死？」</verse>
				<verse number="22">大闢 講：「 洗璐雅 的子，這毋是恁的代誌，我來處理就好；恁毋通反對。今仔日 以色列 中豈通有人受處死？我豈毋知此陣啲做 以色列 的王的是我？」</verse>
				<verse number="23">王就給 示每 講：「你毋免死。」王對伊咒誓。</verse>
				<verse number="24">掃羅 的孫 米非波設 嘛落去迎接王；伊對王離開的日到王平安倒來，無洗腳，無修嘴鬚，嘛無洗衫。</verse>
				<verse number="25">伊佇 耶路撒冷 迎接王的時，王問伊：「 米非波設 ，你哪無及我做夥去？」</verse>
				<verse number="26">伊應講：「我的主我的王啊，彼陣你的僕人有準備驢，想欲及王做夥去，毋拘我是跛腳。我的僕人 洗巴 騙我，</verse>
				<verse number="27">閣佇我的主我的王面前誹謗我。我的主我的王親像上帝的使者，請王照你看做好的對待我。</verse>
				<verse number="28">我的父全家，佇我的主我的王面前攏該死；毋拘王猶互你的僕人及王做夥食，我哪有權通閣對王請求什麼？」</verse>
				<verse number="29">王給伊講：「你毋免閣講你的代誌。我決定，你及 洗巴 平分許個土地。」</verse>
				<verse number="30">米非波設 對王講：「我的主我的王已經平安倒來宮內，許個土地攏互 洗巴 嘛無要緊。」</verse>
				<verse number="31">基列 人 巴西萊 對 羅基琳 落來，欲護送王過 約旦河 。</verse>
				<verse number="32">巴西萊 是八十歲的老人。伊真好額；王住佇 瑪哈念 的時，伊有用食物供給王。</verse>
				<verse number="33">王對 巴西萊 講：「請你及我做夥過去，及我住 耶路撒冷 ，我欲照顧你。」</verse>
				<verse number="34">巴西萊 對王講：「我猶有幾年通活，通及王做夥住 耶路撒冷 ？</verse>
				<verse number="35">我已經八十歲，已經𣍐曉分別媠僫，啖𣍐出食物的滋味，聽𣍐出男女唱歌的聲音。僕人哪通拖累我的主我的王。</verse>
				<verse number="36">你的僕人只有陪伴王過 約旦河 一塊仔路；王哪著按呢恩待我？</verse>
				<verse number="37">求你准你的僕人倒去，互我通死佇我的故鄉，安葬佇我的父母的墓遐。今你的僕人 金罕 佇遮；請我的主我的王互伊及你做夥過去，照你所看做好的對待伊。」</verse>
				<verse number="38">王講：「 金罕 通及我去；我會照你所向望的款待伊；你對我請求的，我給你答應。」</verse>
				<verse number="39">所有的人攏過 約旦河 ，王嘛過去。王給 巴西萊 唚，給伊祝福；伊就倒去伊的故鄉。</verse>
				<verse number="40">王過河，到 吉甲 ； 金罕 嘛及伊過去； 猶大 攏總的軍兵及 以色列 一半的軍兵，嘛攏護送王過去。</verse>
				<verse number="41">後來， 以色列 人民來見王，給伊講：「阮的兄弟 猶大 人是按怎偷偷仔給你接去，導王及你的家屬，以及跟隨你的人，過 約旦河 ？」</verse>
				<verse number="42">猶大 眾人應 以色列 人，講：「王及阮是仝支族，恁是按怎為著此個事啲受氣？阮豈曾對王得著什麼好處？王豈曾互阮什麼利益？」</verse>
				<verse number="43">以色列 人應 猶大 人講：「十二支族中，阮有十支族，阮及 大闢 王比恁較有關係。恁是按怎看輕阮？豈毋是阮先講欲導王倒來？」 總是， 猶大 人的話比 以色列 人的話較硬。</verse>
			</chapter>
			<chapter number="20">
				<verse number="1">彼時有一個匪類，叫做 示巴 ，是 便雅憫 人 比基利 的子。伊歕哨角講： 「 大闢 的王國咱無份， 耶西 的子及咱無關係。 以色列 人啊，恁攏倒去恁兜。」</verse>
				<verse number="2">對按呢，所有的 以色列 人攏離開 大闢 去隨 比基利 的子 示巴 ；毋拘 猶大 人，對 約旦河 到 耶路撒冷 ，歸綴路攏給王隨牢牢。</verse>
				<verse number="3">大闢 到 耶路撒冷 ，入王宮。伊將前所留啲顧王宮的十個嬪妃，給𪜶關禁佇別間厝，供給𪜶食、穿、用，無及𪜶親近；𪜶受關禁，親像寡婦，直到𪜶死。</verse>
				<verse number="4">王對 亞瑪撒 講：「你著佇三日內招集 猶大 人來我遮，你嘛著來。」</verse>
				<verse number="5">亞瑪撒 就去招集 猶大 人，毋拘伊延延超過期限。</verse>
				<verse number="6">大闢 給 亞比篩 講：「今 比基利 的子 示巴 對咱的傷害，會比 押沙龍 較嚴重。你著帶你主人的軍隊給伊追趇，才免伊佔著堅固的城，成做咱的困擾 。」</verse>
				<verse number="7">約押 的部下，及 基利提 人、 比利提 人，以及眾勇士，攏隨 亞比篩 對 耶路撒冷 出去，追趇 比基利 的子 示巴 。</verse>
				<verse number="8">𪜶到 基遍 的大石磐遐， 亞瑪撒 來到𪜶的面前。彼時 約押 穿戰甲，縖帶刀劍的腰帶，刀插佇鞘內。伊行進前的時，刀對鞘裡落出來。</verse>
				<verse number="9">約押 給 亞瑪撒 講：「兄弟，平安。」 約押 就用正手搙 亞瑪撒 的嘴鬚，欲給伊唚。</verse>
				<verse number="10">亞瑪撒 無注意 約押 倒手攑劍； 約押 用彼支劍鑿入 亞瑪撒 的腹肚，伊的腸仔流出來佇土腳；一刀就死。 約押 及伊的小弟 亞比篩 去追趇 比基利 的子 示巴 。</verse>
				<verse number="11">有一個 約押 的部下徛佇 亞瑪撒 的屍體邊仔，講：「擁護 約押 ，歸順 大闢 的人攏著隨 約押 去。」</verse>
				<verse number="12">亞瑪撒 的屍體滒甲全血倒佇路中， 約押 彼個部下看著眾人攏停腳啲看，就將屍體對路中徙去園裡，用衫給伊蓋啲。</verse>
				<verse number="13">身屍對路中徙走以後，所有的人就攏隨 約押 ，去追趇 比基利 的子 示巴 。</verse>
				<verse number="14">示巴 行透 以色列 所有的支族，到 伯‧瑪迦 的 亞伯 ； 比基利 仝宗族的人嘛聚集來隨伊。</verse>
				<verse number="15">約押 及伊的軍兵到 伯‧瑪迦 的 亞伯 ，圍困此個城；面對城的外牆起土堆，閣挵城欲互伊倒。</verse>
				<verse number="16">有一個聰明的婦仁人對城頂叫講：「聽咧，聽咧。恁去給 約押 講，請伊來遮，我有話欲及伊講。」</verse>
				<verse number="17">約押 就行倚去。婦仁人講：「你是 約押 是無？」 伊應講：「我就是。」 婦仁人講：「請聽女婢的話。」 伊應講：「我啲聽。」</verse>
				<verse number="18">婦仁人講：「古早人有按呢講：『有代誌著去 亞伯 遐問，才會解決。』</verse>
				<verse number="19">阮佇 以色列 中是上和平上忠誠的一座城。你是想欲毀滅 以色列 中此個即呢要緊的城，愛欲吞滅上主的產業是無？」</verse>
				<verse number="20">約押 應講：「我絕對毋是欲吞，抑是欲滅此個城。</verse>
				<verse number="21">代誌毋是按呢，是因為 以法蓮 山區有一個人， 比基利 的子 示巴 起手攻擊 大闢 王。恁將此個人交出來，我就離開此個城。」 婦仁人給 約押 講：「好！伊的頭殼我會㧒過城牆互你。」</verse>
				<verse number="22">婦仁人就用伊的智慧說服眾人。𪜶斬 比基利 的子 示巴 的頭殼，㧒互 約押 。 約押 歕哨角，軍兵就離開城解散，逐個人倒去𪜶兜。 約押 倒去 耶路撒冷 ，去王遐。</verse>
				<verse number="23">約押 做 以色列 的元帥； 耶何耶大 的子 比拿雅 管轄 基利提 人及 比利提 人。</verse>
				<verse number="24">亞多蘭 管理勞役； 亞希律 的子 約沙法 做史官；</verse>
				<verse number="25">示法 做書記。 撒督 及 亞比亞他 做祭司；</verse>
				<verse number="26">睚珥 人 以拉 嘛做 大闢 的祭司。</verse>
			</chapter>
			<chapter number="21">
				<verse number="1">大闢 在位的時有飢荒連續三年。 大闢 請問上主。上主講：「是因為 掃羅 及伊的家刣死 基遍 人，流𪜶的血。」</verse>
				<verse number="2">王就召 基遍 人來，對𪜶講話。(基遍 人本來毋是 以色列 人，是 亞摩利 人留落來的。 以色列 人曾對𪜶咒誓，無欲刣𪜶；毋拘 掃羅 因為對 以色列 人及 猶大 人的熱心，熱切甲計謀欲給𪜶消滅。)</verse>
				<verse number="3">大闢 給 基遍 人講：「我著為恁做什麼？我著按怎給恁補償，通互恁祝福上主的子民？」</verse>
				<verse number="4">基遍 人講：「阮及 掃羅 以及伊的家的代誌毋是用金銀會當解決，嘛毋通因為阮的緣故害死任何一個 以色列 人。」 伊講：「恁講按怎，我就按呢做。」</verse>
				<verse number="5">𪜶對王講：「 掃羅 計謀欲給阮剿滅，害阮佇全 以色列 境內無徛起的所在。</verse>
				<verse number="6">請將伊七個查甫的子孫交互阮，阮欲佇上主的面前給𪜶吊佇 基比亞 ，就是上主選立作王的 掃羅 的家鄉。」 王講：「我會將𪜶交互恁。」</verse>
				<verse number="7">大闢 王因為曾及 掃羅 的子 約拿單 指上主的名咒誓，所以毋甘將 約拿單 的子 米非波設 交互𪜶。</verse>
				<verse number="8">王就將 愛亞 的查某子 利斯巴 給 掃羅 生的兩個子 亞摩尼 及 米非波設 ，以及 掃羅 的查某子 米拉 給 米何拉 人 巴西萊 的子 亞得列 生的五個子，</verse>
				<verse number="9">攏交互 基遍 人。 基遍 人就佇上主的面前給𪜶吊佇山頂。此七個人攏做夥死，彼時抵是開始收割大麥的時。</verse>
				<verse number="10">愛亞 的查某子 利斯巴 提粗麻布，佇石磐頂為家己搭棚仔住佇遐；對開始收割到落秋雨沃著身屍的期間，伊日時毋准飛鳥，暝時毋准走獸磕著許個身屍。</verse>
				<verse number="11">有人將 愛亞 的查某子， 掃羅 的妃 利斯巴 所做的事給 大闢 講。</verse>
				<verse number="12">大闢 就去 基列 的 雅比 人遐，將 掃羅 及伊的子 約拿單 的骨骸提來。(非利士 人佇 基利波 刣死 掃羅 的時，將 掃羅 及 約拿單 吊死佇 伯‧善 的廣場； 基列 的 雅比 人對遐偷提𪜶的屍體。)</verse>
				<verse number="13">大闢 對遐帶 掃羅 及伊的子 約拿單 的骨骸倒來，閣收拾彼七個受吊死的人的骨骸。</verse>
				<verse number="14">人就將 掃羅 及伊的子 約拿單 的骨骸埋葬佇 便雅憫 地區的 洗拉 ， 掃羅 的老父 基士 的墓。𪜶照王的命令做了後，上帝有聽𪜶為全國的祈禱。</verse>
				<verse number="15">非利士 人閣及 以色列 人交戰。 大闢 及伊的軍兵做夥落去攻打 非利士 人， 大闢 就真厭倦。</verse>
				<verse number="16">有一個大漢族的人，叫做 以實‧比諾 ，伊的槍的頭用銅做，重三公斤半，閣背新的刀，欲刣 大闢 。</verse>
				<verse number="17">洗璐雅 的子 亞比篩 保護 大闢 ，拍死彼個 非利士 人。後來隨 大闢 的人對伊咒誓講：「對今仔日起，你毋通閣及阮出戰，才免 以色列 的燈化去。」</verse>
				<verse number="18">後來， 以色列 人佇 歌伯 及 非利士 人交戰；彼時有 戶沙 人 西比該 刣死一個大漢族的人，名叫做 撒弗 。</verse>
				<verse number="19">𪜶閣佇 歌伯 及 非利士 人交戰； 伯利恆 人 睚珥 的子 伊勒哈難 刣死 迦特 人 歌利亞 ；伊的槍柄親像織布機的車心赫粗。</verse>
				<verse number="20">𪜶閣佇 迦特 交戰；佇遐有一個大漢人，兩支手各有六支指頭仔，兩支腳嘛各有六支腳指頭仔，共有二十四支；伊嘛是大漢族的後代。</verse>
				<verse number="21">此個人對 以色列 的軍隊嗆聲的時， 大闢 的兄哥 示米亞 的子 約拿單 給伊刣死。</verse>
				<verse number="22">此四個人是 迦特 大漢族的後代；𪜶攏互 大闢 及伊的軍兵刣死。</verse>
			</chapter>
			<chapter number="22">
				<verse number="1">上主救 大闢 脫離所有的對敵及 掃羅 的手了後，伊向上主唸此首詩：</verse>
				<verse number="2">上主是我的山巖，我的要塞，我的拯救者；</verse>
				<verse number="3">是我的上帝，我的石磐，我欲倚靠伊； 伊是我的盾牌，救我的氣力，我的堡壘，我的避難所。 我的拯救者，你有救我脫離強暴。</verse>
				<verse number="4">我求叫應該受稱讚的上主， 我就得著解救脫離對敵。</verse>
				<verse number="5">死亡的大湧圍困我； 毀滅的大水互我驚。</verse>
				<verse number="6">陰府的索捆縛我； 死亡的羅網網著我。</verse>
				<verse number="7">我佇苦難中祈求上主， 對我的上帝求叫； 伊佇伊的殿內聽我的聲； 我的懇求有入伊的耳孔。</verse>
				<verse number="8">伊受氣，地就搖泏； 天的根基嘛振動搖閣泏。</verse>
				<verse number="9">對伊的鼻孔有煙淐出； 對伊的嘴有火發出， 連土炭嘛𤏸起來。</verse>
				<verse number="10">伊搋開天，親身降臨； 伊腳下有厚厚的烏雲。</verse>
				<verse number="11">伊騎天使基路伯啲飛； 伊坐風的翼顯現。</verse>
				<verse number="12">伊用烏暗做伊隱密的所在， 用水及密雲圍起來做帳房。</verse>
				<verse number="13">伊發出的光， 互炭𤏸起來。</verse>
				<verse number="14">上主對天頂彈雷， 至高的上帝出聲。</verse>
				<verse number="15">伊射箭，互對敵四散； 伊發出熠爁，互𪜶混亂。</verse>
				<verse number="16">上主一下責備， 鼻孔的氣一下出， 海底就露出， 大地的根基嘛露現。</verse>
				<verse number="17">伊對頂面伸手扭我， 對大水給我救出來。</verse>
				<verse number="18">伊救我脫離兇猛的對敵， 脫離怨恨我的人； 因為𪜶比我較強。</verse>
				<verse number="19">我抵著災難的時，𪜶來攻擊我； 毋拘上主是我的倚靠。</verse>
				<verse number="20">伊導我到開闊安全的所在； 伊救我，因為伊意愛我。</verse>
				<verse number="21">上主因為我正直報答我， 因為我的所做清氣報賞我。</verse>
				<verse number="22">我遵守上主的道路， 毋曾作歹離開我的上帝。</verse>
				<verse number="23">伊所有的命令我有遵守； 伊的規例我毋曾放拺。</verse>
				<verse number="24">我佇伊的面前無通指責； 我保守家己離開罪惡。</verse>
				<verse number="25">因為我正直，上主報賞我； 佇伊的目睭前，我的所做清氣。</verse>
				<verse number="26">慈愛的人，你用慈愛對待伊； 純全的人，你用純全對待伊；</verse>
				<verse number="27">清氣的人，你用清氣對待伊； 毋拘，奸詐的人，你用彎曲對待伊。</verse>
				<verse number="28">困苦的人，你解救伊； 自高的人，你敵視伊，給伊降低。</verse>
				<verse number="29">上主，你是我的燈； 上主給我的烏暗變做光明。</verse>
				<verse number="30">我因為倚靠你，會當攻破敵軍； 倚靠我的上帝，會當跳過城牆。</verse>
				<verse number="31">此位上帝，伊的道路完全。 上主的話有過火鍛鍊； 倚靠伊的，伊做盾牌保護𪜶。</verse>
				<verse number="32">上主以外，豈有別個上帝？ 阮的上帝以外，豈有石磐通倚靠？</verse>
				<verse number="33">此位上帝是我堅固的要塞； 伊引導我行安全的路。</verse>
				<verse number="34">伊互我的腳親像鹿𠢕走， 閣互我徛在佇高的所在。</verse>
				<verse number="35">伊訓練我的手𠢕交戰， 互我的手會開銅的弓。</verse>
				<verse number="36">你用盾牌解救我； 你的幫贊互我堅強。</verse>
				<verse number="37">你互我踏的地開闊安全； 我的腳毋曾踏脫。</verse>
				<verse number="38">我追我的對敵到趇著𪜶； 𪜶無滅亡，我𣍐倒轉。</verse>
				<verse number="39">我拍𪜶悿悿，互𪜶𬦰𣍐起來， 到𪜶倒佇我的腳下。</verse>
				<verse number="40">你賜我氣力互我𠢕交戰； 你互攻擊我的人攏降服佇我下面。</verse>
				<verse number="41">你互我的對敵越轉身逃走， 閣互我剿滅怨恨我的人。</verse>
				<verse number="42">𪜶求叫，無人救𪜶； 求叫上主，伊嘛無應。</verse>
				<verse number="43">我給𪜶搥到碎碎，親像地上的土粉， 給𪜶踐踏，親像街路的土糜。</verse>
				<verse number="44">你救我脫離反叛我的人民； 你保護我，互我做列邦的頭。 我毋識的人民會服事我；</verse>
				<verse number="45">外邦的人屈身投降， 𪜶一下聽著我的名就順服。</verse>
				<verse number="46">外邦的人失膽， 行出𪜶的陣地，準備欲作戰。</verse>
				<verse number="47">上主永遠活啲！ 願我倚靠的石磐受稱讚； 願救我的石磐 — 上帝受高舉。</verse>
				<verse number="48">伊就是為我申冤彼位上帝； 伊互眾人降服佇我腳下。</verse>
				<verse number="49">伊救我脫離我的對敵。 你提拔我高過攻擊我的人； 你救我脫離強暴的人。</verse>
				<verse number="50">上主啊，因為按呢我欲佇列邦中感謝你， 唱歌稱讚你的名。</verse>
				<verse number="51">上主賜極大的救恩互伊設立的王， 施落慈愛互伊抹油選立的人， 互 大闢 及伊的後代，直到永遠。</verse>
			</chapter>
			<chapter number="23">
				<verse number="1">下面是 大闢 的遺言。 耶西 的子 大闢 ， 就是得著高升， 雅各 的上帝所選立， 以色列 人人意愛的詩人講：</verse>
				<verse number="2">上主的神通過我傳達， 伊的話佇我的嘴。</verse>
				<verse number="3">以色列 的上帝有講， 以色列 的石磐對我講： 用公義治理， 用敬畏上帝來治理的人，</verse>
				<verse number="4">會親像無雲的清早抵仔出的日光， 落雨了後大地青草反射的光彩。</verse>
				<verse number="5">我的家佇上帝面前豈毋是按呢？ 伊有及我立永遠的約， 逐項安排齊全閣穩固。 我所有的拯救及所有的願望， 伊攏給我成全。</verse>
				<verse number="6">毋拘匪類攏會親像互人㧒确的刺仔， 人毋敢用手提；</verse>
				<verse number="7">欲磕𪜶的人， 著用鐵器及槍柄； 佇遐刺仔一定互火燒滅。</verse>
				<verse number="8">大闢 的勇士的名單記佇下面： 哈革摩尼 人 約設‧巴設 ，嘛叫做 伊斯尼 人 亞底挪 ，是三個 勇士的首領，曾一遍拍死八百個人。</verse>
				<verse number="9">第二個是 亞何亞 人 朵多 的子 以利亞撒 ，伊是隨 大闢 三個勇士的一個。有一遍， 非利士 人聚集來攻擊 以色列 人， 以色列 人撤退，毋拘此三個勇士對 非利士 人嗆聲。</verse>
				<verse number="10">以利亞撒 起來拍 非利士 人，拍到手痠，手黏佇刀柄。彼日，上主互𪜶大勝利；軍兵倒轉來 以利亞撒 的後面，干焦啲搶戰利品。</verse>
				<verse number="11">第三個是 哈拉 人 亞基 的子 沙瑪 。有一日， 非利士 人佇一坵紅豆園集合排陣； 以色列 軍兵逃走。</verse>
				<verse number="12">沙瑪 徛佇園中防守彼坵園，拍 非利士 人；上主互伊大勝利。</verse>
				<verse number="13">收割的時，三十個首領中有三個落去 亞杜蘭洞 見 大闢 。 非利士 的軍隊佇 利乏音 山谷紮營。</verse>
				<verse number="14">彼時， 大闢 佇要塞； 非利士 的軍隊駐在佇 伯利恆 。</verse>
				<verse number="15">大闢 用真渴慕的口氣講：「若有人會當去提 伯利恆 城門邊的井水互我飲，毋知偌仔呢好！」</verse>
				<verse number="16">此三個勇士就衝過 非利士 人的營地，對 伯利恆 城門邊的井汲水，捾來互 大闢 。毋拘 大闢 毋飲，倒出來獻互上主，</verse>
				<verse number="17">講：「上主啊，我哪通飲此個水？這豈毋是諸個用性命去換來的人的血？」所以 大闢 毋飲。這是此三個勇士做的代誌。</verse>
				<verse number="18">洗璐雅 的子， 約押 的小弟 亞比篩 是另外三個勇士的首領；伊曾攑槍刣死三百個人，就佇三個勇士中有名。</verse>
				<verse number="19">伊是三個勇士中第一出名的，所以做𪜶的領袖；毋拘伊猶不及前彼三個勇士。</verse>
				<verse number="20">閣有 甲薛 人 耶何耶大 的子 比拿雅 ；伊是勇士，有做真多大事：伊曾刣死 摩押 兩個強猛的勇士；閣佇落雪的時，落去坑內刣死一隻獅；</verse>
				<verse number="21">閣刣死一個高大的 埃及 人。彼個 埃及 人手攑槍， 比拿雅 只有攑棍落去伊遐，搶伊的槍，用彼支槍給伊刣死。</verse>
				<verse number="22">這是 耶何耶大 的子 比拿雅 所做的事，就佇三個勇士中有名。</verse>
				<verse number="23">伊比三十個勇士較有名望，毋拘不及前彼三個勇士。 大闢 有設立伊做侍衛長。</verse>
				<verse number="24">三十個勇士中有： 約押 的小弟 亞撒黑 伯利恆 人 朵多 的子 伊勒哈難</verse>
				<verse number="25">哈律 人 沙瑪 及 以利加</verse>
				<verse number="26">帕勒提 人 希利斯 提哥亞 人 益吉 的子 以拉</verse>
				<verse number="27">亞拿突 人 亞比以謝 戶沙 人 米本乃</verse>
				<verse number="28">亞何亞 人 撒們 尼陀法 人 瑪哈萊</verse>
				<verse number="29">尼陀法 人 巴拿 的子 希立 便雅憫 支族 基比亞 人 利拜 的子 以太</verse>
				<verse number="30">比拉頓 人 比拿雅 迦實溪 人 希太</verse>
				<verse number="31">亞拉巴 人 亞比‧亞本 巴魯米 人 亞斯瑪威</verse>
				<verse number="32">沙本 人 以利雅哈巴 雅善 的一個子 約拿單</verse>
				<verse number="33">哈拉 人 沙瑪 及 沙拉 的子 亞希暗</verse>
				<verse number="34">瑪迦 人 亞哈拜 的子 以利法列 基羅 人 亞希多弗 的子 以連</verse>
				<verse number="35">迦密 人 希斯羅 亞巴 人 帕萊</verse>
				<verse number="36">瑣巴 人 拿單 的子 以甲 迦得 人 巴尼</verse>
				<verse number="37">亞捫 人 洗勒 給 洗璐雅 的子 約押 攑軍器的 比錄 人 拿哈萊</verse>
				<verse number="38">以帖 人 以拉 及 迦立</verse>
				<verse number="39">赫 人 烏利亞 共三十七人。</verse>
			</chapter>
			<chapter number="24">
				<verse number="1">上主閣對 以色列 人受氣，激動 大闢 來對付𪜶，講：「去調查 以色列 及 猶大 的人口。」</verse>
				<verse number="2">王吩咐伊身邊的元帥 約押 講：「你去 以色列 逐個支族，對 但 到 別是巴 ，點算人口，互我知全國人民的數目。」</verse>
				<verse number="3">約押 對王講：「願上主 — 你的上帝互全國人民增加百倍，閣互我的主我的王親目看見；毋拘我的主我的王是按怎愛欲做此個代誌？」</verse>
				<verse number="4">王堅持伊的命令。 約押 及許個軍長就奉命出去，點算 以色列 的人口。</verse>
				<verse number="5">𪜶過 約旦河 ，佇 迦得 山谷中 亞羅珥 城的南旁紮營，對遐去 雅謝 ；</verse>
				<verse number="6">經過 基列 ，到 他停‧合示 地區，閣到 但‧雅安 ，踅到 西頓 ；</verse>
				<verse number="7">閣到 泰爾 堅固的城，及所有 希未 人以及 迦南 人的城；最後到 猶大 南旁的 別是巴 。</verse>
				<verse number="8">𪜶行透全國，經過九個月閣二十日，倒轉來 耶路撒冷 。</verse>
				<verse number="9">約押 將點算的人數報告互王知。 以色列 人攑刀的戰士有八十萬， 猶大 人有五十萬。</verse>
				<verse number="10">大闢 點算人民的數目了後，心內自責。 大闢 對上主講：「我做此個代誌犯真大的罪。上主啊，求你除去你奴僕的罪，因為我按呢做真戇。」</verse>
				<verse number="11">大闢 透早起來，上主的話臨到 大闢 的先見 迦得 先知，講：</verse>
				<verse number="12">「你去給 大闢 講，上主按呢講：『我用三項災禍互你揀一項，我就照按呢做。』」</verse>
				<verse number="13">迦得 來給 大闢 講：「你愛你的國飢荒七年？抑是互你的對敵追殺三個月？抑是愛你的國有瘟疫三日久？你著斟酌想，互我通回復差我來彼位。」</verse>
				<verse number="14">大闢 給 迦得 講：「我真為難，毋拘咱寧可互上主家己給咱刑罰，因為伊有豐盛的憐憫；我毋願陷落佇人的手。」</verse>
				<verse number="15">上主就降瘟疫佇 以色列 ，對 但 到 別是巴 ，對清早到預定的時，人民總共死七萬人。</verse>
				<verse number="16">當天使伸手欲滅 耶路撒冷 的時，上主改變心意，無欲繼續降此個災禍，就給啲執行毀滅的天使講：「停手！夠額啦！」彼時，上主的使者抵佇 耶布斯 人 亞勞拿 的五穀場。</verse>
				<verse number="17">大闢 看見殺害人民的天使，就對上主講：「上主啊，我有犯罪，背逆的是我；毋拘諸個無辜的人民有做什麼毋著？求你的手刑罰我及我的家族。」</verse>
				<verse number="18">仝彼日， 迦得 來見 大闢 ，對伊講：「你去 耶布斯 人 亞勞拿 的五穀場，佇遐為上主起一座祭壇。」</verse>
				<verse number="19">大闢 就照上主吩咐 迦得 的話上去。</verse>
				<verse number="20">亞勞拿 看著對面有王及伊的人臣啲來，就出去，仆佇土腳拜王。</verse>
				<verse number="21">亞勞拿 講：「我的主我的王來僕人遮有什麼貴事？」 大闢 講：「我來是欲買你此個五穀場，為上主起一座祭壇，互全國的瘟疫停止。」</verse>
				<verse number="22">亞勞拿 對 大闢 講：「我的主我的王，照你所看做好的攏提去獻。遮有牛，通做燒化祭，有拍五穀的器具及牛軛通做柴燒。</verse>
				<verse number="23">王啊， 亞勞拿 將諸個攏送互王。」 亞勞拿 閣對王講：「願上主 — 你的上帝接納你。」</verse>
				<verse number="24">王對 亞勞拿 講：「毋通，我欲照價錢給你買。我無愛用白白得著的物做燒化祭獻互上主 — 我的上帝。」 大闢 就用五百七十公克的銀買彼個五穀場及牛。</verse>
				<verse number="25">大闢 佇遐為上主起一座祭壇，獻燒化祭及平安祭。按呢，上主聽𪜶為著全國的祈禱，瘟疫就佇 以色列 中停止。</verse>
			</chapter>
		</book>
		<book number="11">
			<chapter number="1">
				<verse number="1">大闢 王年老歲數多，蓋被嘛蓋𣍐燒。</verse>
				<verse number="2">伊的人臣對伊講：「請阮的主阮的王准阮尋一個少年的在室女，來奉待照顧你，睏佇你的身軀邊，互阮的主阮的王得著溫暖。」</verse>
				<verse number="3">𪜶就佇 以色列 全國尋媠的查某囝仔；尋著 書念 一個女子，叫做 雅比莎 ，導來王遐。</verse>
				<verse number="4">此個查某囝仔真媠；伊奉待侍候王，毋拘王無及伊同房。</verse>
				<verse number="5">彼時， 大闢 及 哈及 生的子 亞多尼雅 想欲作大，講：「我欲作王。」伊為家己準備戰車及馬兵，閣有五十個兵佇伊頭前開路。</verse>
				<verse number="6">伊的老父毋曾給伊責備講：「你是按怎按呢做？」伊佇 押沙龍 尾後出世，生做不止英俊。</verse>
				<verse number="7">亞多尼雅 及 洗璐雅 的子 約押 ，閣及祭司 亞比亞他 參詳，𪜶就支持伊。</verse>
				<verse number="8">毋拘祭司 撒督 ，及 耶何耶大 的子 比拿雅 、先知 拿單 ，及 示每 、 利以 ，及 大闢 的勇士，攏無擁護 亞多尼雅 。</verse>
				<verse number="9">有一日， 亞多尼雅 佇 隱‧羅結 附近的 瑣希列 石磐遐，刣牛、羊，及肥的牲生獻祭，嘛請伊的眾兄弟，就是王的子，以及 猶大 所有王的人臣。</verse>
				<verse number="10">毋拘伊無請先知 拿單 、 比拿雅 ，及勇士，以及伊的小弟 所羅門 。</verse>
				<verse number="11">拿單 給 所羅門 的老母 拔示芭 講：「 哈及 的子 亞多尼雅 作王啦，你豈無聽著？咱的主 大闢 嘛毋知。</verse>
				<verse number="12">今你來，我替你拍算，通保全你及你的子 所羅門 的性命。</verse>
				<verse number="13">你入去見 大闢 王，對伊講：『我的主我的王啊，你豈毋是曾對你的女婢咒誓講，我的子 所羅門 欲續接你作王，欲坐你的位？是按怎 亞多尼雅 啲作王？』</verse>
				<verse number="14">你佇遐及王講話的時，我會隨你的後面入去，來證實你的話。」</verse>
				<verse number="15">拔示芭 入去房間見王；王真老， 書念 的女子 雅比莎 啲給伊侍候。</verse>
				<verse number="16">拔示芭 鞠躬拜王；王講：「你愛什麼？」</verse>
				<verse number="17">伊給王講：「我的主啊，你曾指上主 — 你的上帝對你的女婢咒誓講：『你的子 所羅門 欲續接我作王，伊欲坐我的位。』</verse>
				<verse number="18">今 亞多尼雅 已經自稱作王，我的主我的王你猶毋知。</verse>
				<verse number="19">伊有刣真多隻牛、羊，及肥的牲生獻祭，閣請王的眾子、祭司 亞比亞他 ，及元帥 約押 ；毋拘伊無請你的子 所羅門 。</verse>
				<verse number="20">我的主我的王啊， 以色列 人民的目睭攏啲看你，啲聽候你給𪜶宣布，什麼人欲續接我的主我的王坐王位。</verse>
				<verse number="21">若無，我的主我的王轉去你的列祖遐了後，我及我的子 所羅門 一定會互人看做叛徒。」</verse>
				<verse number="22">拔示芭 猶啲及王講話的時，先知 拿單 入來。</verse>
				<verse number="23">有人給王報告：「先知 拿單 佇遮。」 拿單 到王的面前，仆佇土腳拜王。</verse>
				<verse number="24">拿單 講：「我的主我的王，你豈曾講『 亞多尼雅 欲續接我作王，欲坐我的位』？</verse>
				<verse number="25">伊今仔日落去，刣真多牛、羊，及肥的牲生獻祭，閣請王的眾子，及諸個軍長，以及祭司 亞比亞他 。𪜶及 亞多尼雅 做夥飲食，講：『 亞多尼雅 王萬歲！』</verse>
				<verse number="26">毋拘伊無請我，嘛無請祭司 撒督 ，及 耶何耶大 的子 比拿雅 ，以及王的僕人 所羅門 。</verse>
				<verse number="27">這豈是我的主我的王的意思？王你猶毋曾對你的眾人臣宣布，什麼人欲續接我的主我的王坐你的位。」</verse>
				<verse number="28">大闢 王應講：「給我叫 拔示芭 來。」 拔示芭 就入來，佇王的面前徛啲。</verse>
				<verse number="29">王咒誓講：「我指救我的性命脫離一切患難，永活的上主講：</verse>
				<verse number="30">『我既然有指上主 — 以色列 的上帝對你咒誓，你的子 所羅門 欲續接我作王坐我的位，我今仔日一定欲照按呢做。』」</verse>
				<verse number="31">拔示芭 就鞠躬仆落去拜王，講：「願我的主 大闢 王萬萬歲！」</verse>
				<verse number="32">大闢 王閣講：「召祭司 撒督 、先知 拿單 ，及 耶何耶大 的子 比拿雅 來。」𪜶就攏來王的面前。</verse>
				<verse number="33">王給𪜶講：「著導宮廷的官長及恁去，互我的子 所羅門 騎我的騾落去 基訓 。</verse>
				<verse number="34">佇遐，祭司 撒督 及先知 拿單 著用油抹伊做 以色列 王。恁嘛著歕哨角宣布：『 所羅門 王萬歲！』</verse>
				<verse number="35">然後恁隨伊上來，互伊來坐我的位，續接我作王；我選立伊統治 以色列 及 猶大 。」</verse>
				<verse number="36">耶何耶大 的子 比拿雅 應王講：「阿們！願上主 — 我的主我的王的上帝嘛按呢宣布。</verse>
				<verse number="37">上主按怎及我的主我的王同在，願伊嘛按呢及 所羅門 同在，閣互伊的王權比我的主 大闢 王的王權閣較偉大。」</verse>
				<verse number="38">祭司 撒督 、先知 拿單 、 耶何耶大 的子 比拿雅 、 基利提 人及 比利提 人，就攏落去，互 所羅門 騎 大闢 王的騾，送伊到 基訓 。</verse>
				<verse number="39">祭司 撒督 就對會幕提貯油的角，用油抹 所羅門 ；𪜶就歕哨角，人民攏喝講：「 所羅門 王萬歲！」</verse>
				<verse number="40">人民隨伊上來，閣歕𥰔仔，非常歡喜，歡呼的聲大甲地強欲裂開。</verse>
				<verse number="41">亞多尼雅 以及及伊做夥的人客抵仔食桌煞，聽見歡呼的聲。 約押 聽著哨角的聲就問：「城內是按怎有嘩嘩哮的聲？」</verse>
				<verse number="42">伊猶啲講的時，祭司 亞比亞他 的子 約拿單 來。 亞多尼雅 給伊講：「入來，你是忠實的人，一定是欲報好消息。」</verse>
				<verse number="43">約拿單 應 亞多尼雅 講：「咱的主 大闢 王已經設立 所羅門 作王。</verse>
				<verse number="44">王派祭司 撒督 、先知 拿單 、 耶何耶大 的子 比拿雅 、 基利提 人及 比利提 人，及 所羅門 做夥去；𪜶互 所羅門 騎王的騾。</verse>
				<verse number="45">祭司 撒督 及先知 拿單 ，已經佇 基訓 給伊抹油互伊作王；𪜶攏對遐護送伊入城，歸城大聲歡呼；這就是恁所聽著的聲。</verse>
				<verse number="46">閣 所羅門 嘛已經坐王位。</verse>
				<verse number="47">王的人臣攏來給咱的主 大闢 王祝福，講：『願你的上帝互 所羅門 的名比你的名閣較尊貴，互伊的王權比你的王權閣較偉大。』王佇床裡俯落去敬拜，</verse>
				<verse number="48">祈禱講：『上主 — 以色列 的上帝應該受稱讚，因為伊有賞賜一個人今仔日坐我的位，互我親目看著。』」</verse>
				<verse number="49">所有及 亞多尼雅 做夥的人客攏驚甲皮皮惙，隨人逃走。</verse>
				<verse number="50">亞多尼雅 因為非常驚 所羅門 ，就去擒祭壇的角 。</verse>
				<verse number="51">有人給 所羅門 講：「 亞多尼雅 驚 所羅門 王，去擒佇祭壇的角，講：『求 所羅門 王今仔日對我咒誓，一定無欲用刀刣死伊的僕人。』」</verse>
				<verse number="52">所羅門 講：「伊若對我盡忠，連一支頭毛嘛𣍐落佇土腳；伊若作惡，一定著死。」</verse>
				<verse number="53">所羅門 王就差人對祭壇給伊導落來， 亞多尼雅 就來佇 所羅門 王面前跪拜。 所羅門 給伊講：「你倒去恁兜。」</verse>
			</chapter>
			<chapter number="2">
				<verse number="1">大闢 臨終的時，交代伊的子 所羅門 講：</verse>
				<verse number="2">「我啲欲行世間人攏著行的路；你著堅強，做大丈夫。</verse>
				<verse number="3">你著遵守上主 — 你的上帝所吩咐的，行伊的道路；照 摩西 律法所記載，遵守伊的規例、誡命、命令，及教示。按呢，你無論做什麼，無論去叨位，攏會亨通；</verse>
				<verse number="4">上主嘛會實現伊對我的應允：『你的子孫若謹慎生活，盡心盡意真誠佇我的面前行做，你的後代就會坐 以色列 的王位永無斷。』</verse>
				<verse number="5">「你嘛知 洗璐雅 的子 約押 按怎對待我。伊有刣死 尼珥 的子 押尼珥 及 益帖 的子 亞瑪撒 此兩個 以色列 的元帥；伊佇太平的時用交戰的手段刣死𪜶，流𪜶的血，互血沐著伊的腰帶及鞋。</verse>
				<verse number="6">所以你應該知著按怎做，毋通互伊白頭毛安然落陰間。</verse>
				<verse number="7">你著好款待 基列 人 巴西萊 許個子，互𪜶常常及你做夥食；因為我逃避你的兄哥 押沙龍 的時，𪜶有好款待我。</verse>
				<verse number="8">著會記得 巴戶琳 的 便雅憫 人 基拉 的子 示每 ；我去 瑪哈念 的時，伊有用惡毒的話咒詛我。毋拘伊後來有落去 約旦河 迎接我，我就指上主對伊咒誓講：『我無欲用刀刣你。』</verse>
				<verse number="9">今你毋通放伊煞。你是聰明的人，應該知著按怎做；著給伊刣死，互伊的白頭毛沐著血落陰間。」</verse>
				<verse number="10">大闢 轉去伊的列祖遐了後，安葬佇 大闢 城。</verse>
				<verse number="11">大闢 作王統治 以色列 共四十年：佇 希伯崙 七年，佇 耶路撒冷 三十三年。</verse>
				<verse number="12">所羅門 坐伊老父 大闢 的王位；伊的國非常穩固。</verse>
				<verse number="13">哈及 的子 亞多尼雅 去見 所羅門 的老母 拔示芭 ； 拔示芭 問伊講：「你有帶平安來無？」 亞多尼雅 應講：「有帶平安。」</verse>
				<verse number="14">閣講：「我有代誌欲對你請求。」 拔示芭 講：「請講。」</verse>
				<verse number="15">亞多尼雅 講：「你知此個國本來是我的， 以色列 眾人嘛攏愛我作王；毋拘國煞歸互我的小弟，因為這是上主的意思。</verse>
				<verse number="16">今我有一件事請求你，向望你毋通給我推辭。」 拔示芭 講：「什麼代誌？」</verse>
				<verse number="17">伊講：「請你對 所羅門 王講：將 書念 的女子 雅比莎 賜我做某，因為王一定會聽你的話。」</verse>
				<verse number="18">拔示芭 講：「好，我替你給王講。」</verse>
				<verse number="19">拔示芭 就去見 所羅門 王，欲替 亞多尼雅 請求。王起來迎接伊，對伊鞠躬；王閣倒轉去坐伊家己的位，吩咐人為伊的老母安排坐位。 拔示芭 就坐佇王的正旁，</verse>
				<verse number="20">講：「我有一件小事欲請求你，請毋通給我推辭。」 王給伊講：「阿母，請你講；我𣍐給你推辭。」</verse>
				<verse number="21">伊講：「請將 書念 的女子 雅比莎 互你的兄哥 亞多尼雅 做某。」</verse>
				<verse number="22">所羅門 王應伊的老母講：「你是按怎替 亞多尼雅 求 書念 的女子 雅比莎 ？伊是我的兄哥，你歸氣替伊求王位；伊閣有祭司 亞比亞他 ，及 洗璐雅 的子 約押 啲給擁護。」</verse>
				<verse number="23">所羅門 王就指上主咒誓講：「 亞多尼雅 講諸個話，我若無互伊死，願上帝加倍責罰我。</verse>
				<verse number="24">上主選立我，互我坐我的老父 大闢 的王位，照伊的應允建立我的家；我指此位永活的上主咒誓， 亞多尼雅 今仔日一定著死。」</verse>
				<verse number="25">所羅門 王就派 耶何耶大 的子 比拿雅 去給 亞多尼雅 刣死。</verse>
				<verse number="26">王給祭司 亞比亞他 講：「你著倒去 亞拿突 你的家鄉。你應該著死，毋拘我今仔日無欲刣你，因為你曾佇我的老父 大闢 的面前扛至高上主的約櫃，閣及我的老父同受患難。」</verse>
				<verse number="27">所羅門 就剝 亞比亞他 的職位，不准伊做上主的祭司；按呢就應驗上主佇 示羅 所講有關 以利 的家的話。</verse>
				<verse number="28">此個消息傳到 約押 ， 約押 就逃走，入去上主的會幕，擒佇祭壇的角；因為 約押 雖然無隨 押沙龍 ，毋拘有擁護 亞多尼雅 。</verse>
				<verse number="29">有人給 所羅門 王報告， 約押 走去上主的會幕，擒佇祭壇的角； 所羅門 就派 耶何耶大 的子 比拿雅 欲去給伊刣死。</verse>
				<verse number="30">比拿雅 到上主的會幕，給 約押 講：「王叫你出來。」 約押 應講：「毋，我欲死佇遮。」 比拿雅 去給王回復講：「 約押 按呢講，按呢應我。」</verse>
				<verse number="31">王給伊講：「你通照伊的話給伊刣死，閣給伊埋葬，互 約押 流無辜的人的血彼個罪無歸佇我及我的老父的家。</verse>
				<verse number="32">上主欲互伊家己擔謀殺人的罪，因為伊無互我的老父 大闢 知，就去刣死比伊較好較正直的兩個人， 尼珥 的子 以色列 的元帥 押尼珥 ，及 益帖 的子 猶大 的元帥 亞瑪撒 。</verse>
				<verse number="33">願 約押 謀殺人的罪永遠歸佇伊及伊的後代；毋拘 大闢 及伊的後代、伊的家，以及伊的位，欲永遠對上主得著平安繁榮。」</verse>
				<verse number="34">耶何耶大 的子 比拿雅 就上去，刣死 約押 ；人給伊埋葬佇曠野附近伊家己的厝。</verse>
				<verse number="35">王就設立 耶何耶大 的子 比拿雅 代替 約押 做元帥；閣設立祭司 撒督 代替 亞比亞他 。</verse>
				<verse number="36">王派人叫 示每 來，給伊講：「你著佇 耶路撒冷 起厝，住佇遐，𣍐用得出去別位。</verse>
				<verse number="37">你著會記得，你過 汲淪 溪谷彼日一定著死，這是你家己做得來的。」</verse>
				<verse number="38">示每 應王講：「按呢好。我的主我的王所講的，你的僕人遵命。」 示每 就住佇 耶路撒冷 真久。</verse>
				<verse number="39">過三年， 示每 兩個奴隸逃走去 瑪迦 的子 迦特 王 亞吉 遐。有人給 示每 講：「你的奴隸偷走去 迦特 。」</verse>
				<verse number="40">示每 就準備驢，去 迦特 王 亞吉 遐，尋伊的奴隸。 示每 去 迦特 導伊的奴隸倒來。</verse>
				<verse number="41">有人給 所羅門 報告，講：「 示每 出 耶路撒冷 去 迦特 閣倒轉來。」</verse>
				<verse number="42">王就派人叫 示每 來，對伊講：「我豈毋是叫你指上主咒誓，閣警戒你講：『你著會記得，你離開 耶路撒冷 彼日一定著死。』你應我講：『按呢好，遵命。』</verse>
				<verse number="43">今你是按怎無遵守對上主所咒的誓，以及我警戒你的命令？」</verse>
				<verse number="44">王閣給 示每 講：「你真清楚，你對我的老父 大闢 所做一切的歹，上主欲因為你的歹給你刑罰。</verse>
				<verse number="45">毋拘上主欲祝福我，閣 大闢 的王位會永遠穩固。」</verse>
				<verse number="46">王下令， 耶何耶大 的子 比拿雅 就出去，刣死 示每 。對按呢 所羅門 的王國就真穩固。</verse>
			</chapter>
			<chapter number="3">
				<verse number="1">所羅門 及 埃及 王法老結親，娶法老的查某子做某；佇伊家己的宮殿，上主的聖殿，及 耶路撒冷 四圍的城牆猶未起好以前，伊互法老的查某子住佇 大闢 城。</verse>
				<verse number="2">當時猶未為著上主的名起聖殿，所以人民猶佇山頭壇獻祭。</verse>
				<verse number="3">所羅門 疼上主，遵行伊的老父 大闢 的命令，毋拘猶佇山頭壇獻祭燒香。</verse>
				<verse number="4">所羅門 王去 基遍 獻祭，因為遐有上大的山頭壇；伊佇壇頂獻一千隻牲生做燒化祭。</verse>
				<verse number="5">佇 基遍 ，有一暝上主佇眠夢中對 所羅門 顯現；上帝講：「你愛我賜你什麼，通對我求。」</verse>
				<verse number="6">所羅門 應講：「你曾施大恩互你的僕人，我的老父 大闢 ，因為伊用誠實、公義、正直的心佇你的面前生活。你閣賞賜伊不變的疼，就是賞賜伊一個子坐伊的位，抵親像今仔日按呢。</verse>
				<verse number="7">上主 — 我的上帝，今你互你的僕人續接我的老父 大闢 作王；毋拘我猶少年，毋知著按怎治理國家。</verse>
				<verse number="8">你的僕人住佇你所揀選的子民中間，諸個人民多到𣍐算得，嘛算𣍐了。</verse>
				<verse number="9">所以，求你賜你的僕人明辨的心，通判斷是非治理你的子民；若毋是按呢，啥人會當治理你即多的人民？」</verse>
				<verse number="10">主真歡喜 所羅門 按呢求。</verse>
				<verse number="11">上帝對伊講：「你既然按呢求，無為家己求長歲壽，無求好額，嘛無求消滅你對敵的性命，只有求明辨的心，會曉分別是非公正治理。</verse>
				<verse number="12">今，我照你所求的互你。我賞賜你聰明智慧的心；佇你以前無人親像你，佇你以後嘛無人會親像你。</verse>
				<verse number="13">你無求的，我嘛欲互你，就是富足、尊榮；互你佇世間的日子，無一個王會當及你比。</verse>
				<verse number="14">你若行我的道路，遵守我的規例及誡命，學你的老父 大闢 的所做，我就欲互你長歲壽。」</verse>
				<verse number="15">所羅門 睏醒，知是上主佇眠夢中對伊講話，就去 耶路撒冷 徛佇上主的約櫃前，獻燒化祭及平安祭；閣辦宴席請伊的人臣。</verse>
				<verse number="16">有一日，兩個妓女來王遐，徛佇王的面前。</verse>
				<verse number="17">一個婦仁人講：「我的主啊，我及此個婦仁人住仝間厝；我生子的時，伊嘛佇厝內。</verse>
				<verse number="18">我生了第三日，此個婦仁人嘛生子；阮兩人以外，無別人及阮做夥住。</verse>
				<verse number="19">暝時，此個婦仁人啲睏的時給伊的子硩死。</verse>
				<verse number="20">伊半暝起來，趁你的女婢啲睏，對我的身邊給我的後生抱去下佇伊的胸前，將伊死去的後生下佇我的胸前。</verse>
				<verse number="21">天光，我起來欲互我的後生食奶；無拍算，囝仔已經死；我詳細看，發見毋是我生的子。」</verse>
				<verse number="22">另外彼個婦仁人講：「毋是，活的是我的子，死的才是你的。」 第一個婦仁人講：「無，死的是你的子，活的是我的。」𪜶佇王的面前按呢相諍。</verse>
				<verse number="23">王講：「此個婦仁人講：『活的子是我的，死的是你的。』彼個婦仁人講：『無，死的子是你的，活的是我的。』」</verse>
				<verse number="24">王閣講：「給我攑刀來。」侍衛就攑刀來王的面前。</verse>
				<verse number="25">王講：「將活的囝仔破做兩旁，一旁互彼個，一旁互此個。」</verse>
				<verse number="26">活的囝仔的老母為著疼家己的子，心親像火啲𤏸，就對王講：「我的主啊，將活的囝仔互彼個婦仁人，千萬毋通給伊刣死。」 另外彼個婦仁人講：「給伊破開！此個囝仔毋免互伊，嘛毋免互我。」</verse>
				<verse number="27">王就下令：「毋通刣！將活的囝仔互第一個婦仁人，因為伊才是囝仔的老母。」</verse>
				<verse number="28">全 以色列 人民聽著王的判決，就攏敬畏伊，因為𪜶看見伊判斷的時有對上帝來的智慧。</verse>
			</chapter>
			<chapter number="4">
				<verse number="1">所羅門 王做全 以色列 的王。</verse>
				<verse number="2">伊的人臣記佇下面： 撒督 的子 亞撒利雅 做祭司；</verse>
				<verse number="3">示沙 兩個子 以利何烈 及 亞希雅 做書記； 亞希律 的子 約沙法 做史官；</verse>
				<verse number="4">耶何耶大 的子 比拿雅 做元帥； 撒督 及 亞比亞他 做祭司；</verse>
				<verse number="5">拿單 的子 亞撒利雅 做總督長； 拿單 的子 撒布得 做祭司，及王的顧問；</verse>
				<verse number="6">亞希煞 做宮廷總管； 押大 的子 亞多尼蘭 做強制勞工的監督。</verse>
				<verse number="7">所羅門 佇 以色列 全地設立十二個總督，為著王及王的家族備辦食物，每年逐個人供給一個月。</verse>
				<verse number="8">𪜶的名記佇下面： 便‧戶珥 佇 以法蓮 山區；</verse>
				<verse number="9">便‧底甲 佇 瑪加斯 、 沙賓 、 伯‧示麥 、 以倫‧伯‧哈南 ；</verse>
				<verse number="10">便‧希悉 佇 亞魯泊 ，嘛管理 梭哥 及 希弗 全地；</verse>
				<verse number="11">便‧亞比拿達 佇 多珥 的全山地；伊娶 所羅門 的查某子 她法 做某；</verse>
				<verse number="12">亞希律 的子 巴拿 佇 他納 、 米吉多 ，及倚近 撒拉旦 、 耶斯列 下旁的 伯‧善 全地，對 伯‧善 到 亞伯‧米何拉 ，到 約緬 彼旁；</verse>
				<verse number="13">便‧基別 佇 基列 的 拉末 城，伊嘛佇 基列 的 瑪拿西 子孫 睚珥 許個城， 巴珊 的 亞珥歌伯 地的大城，共六十座城，攏有城牆及銅的門閂；</verse>
				<verse number="14">易多 的子 亞希拿達 佇 瑪哈念 ；</verse>
				<verse number="15">亞希瑪斯 佇 拿弗他利 ；伊娶 所羅門 另外一個查某子 芭實抹 做某；</verse>
				<verse number="16">戶篩 的子 巴拿 佇 亞設 及 比亞綠 ；</verse>
				<verse number="17">帕路亞 的子 約沙法 佇 以薩迦 ；</verse>
				<verse number="18">以拉 的子 示每 佇 便雅憫 ；</verse>
				<verse number="19">烏利 的子 基別 佇 基列 地；就是以前 亞摩利 王 西宏 及 巴珊 王 噩 的地。 另外有一個總督長管理所有的地區。</verse>
				<verse number="20">猶大 及 以色列 的人口多甲親像海邊的沙；𪜶糧食充足，嘛真快樂。</verse>
				<verse number="21">所羅門 管轄對 幼發拉底河 到 非利士 人的地，直到 埃及 邊界許個國； 所羅門 在生的日，𪜶攏進貢歸順伊。</verse>
				<verse number="22">所羅門 逐日需要的糧食：幼麵粉五千公升，粗麵粉一萬公升；</verse>
				<verse number="23">牛椆內飼的肥牛十隻，草埔的牛二十隻，羊一百隻，猶有鹿、羚羊、赤鹿，及肥的禽鳥。</verse>
				<verse number="24">伊統治 幼發拉底河 西旁所有地區，就是對 提弗薩 到 迦薩 諸個王國；伊所管轄的全地攏享受太平。</verse>
				<verse number="25">所羅門 活啲的日，對 但 到 別是巴 的 猶大 人及 以色列 人，攏佇𪜶的葡萄樹及無花果樹腳安然徛起。</verse>
				<verse number="26">所羅門 有四萬間拖戰車的馬的馬椆，閣有一萬兩千個馬兵。</verse>
				<verse number="27">許個總督，逐個照𪜶負責的月分，為著 所羅門 王及王宮內的人準備食物，連一項都無欠。</verse>
				<verse number="28">𪜶閣照𪜶的職責，為著戰馬及其他用途的馬運送大麥及草料去需要的所在。</verse>
				<verse number="29">上帝賞賜 所羅門 極大的智慧聰明，互伊的理解力親像海邊的沙𣍐量得。</verse>
				<verse number="30">所羅門 的智慧超過所有東方人的智慧及 埃及 人一切的智慧。</verse>
				<verse number="31">伊的智慧贏過所有的人，贏過 以斯拉 人 以探 ，及 瑪曷 的子 希幔 、 甲各 、 達大 ；伊的名聲傳到四圍逐國。</verse>
				<verse number="32">伊做箴言三千句，詩歌一千空五首。</verse>
				<verse number="33">伊講論草木，對 黎巴嫩 的柏香樹到牆仔頂發起來的牛膝草；嘛講論走獸、飛鳥、蟲𧒴、魚類。</verse>
				<verse number="34">列國的王聽著 所羅門 王的智慧，就攏派人去聽 所羅門 智慧的話。</verse>
			</chapter>
			<chapter number="5">
				<verse number="1">泰爾 王 希蘭 聽著 所羅門 續接伊的老父 大闢 ，受選立作王，就派人臣去見伊； 希蘭 一直是 大闢 的好朋友。</verse>
				<verse number="2">所羅門 嘛派人去見 希蘭 ，講：</verse>
				<verse number="3">「你知我的老父 大闢 𣍐當為著上主 — 伊的上帝的名起聖殿，因為伊及四圍的對敵交戰，著等到上主互𪜶攏降服。</verse>
				<verse number="4">今上主 — 我的上帝已經賜我天下太平，無對敵，無災禍。</verse>
				<verse number="5">所以，我欲為上主 — 我的上帝的名起聖殿，是照上主對我的老父 大闢 的應允，講：『我欲互你的子續接你，坐你的位，伊欲為我的名起聖殿。』</verse>
				<verse number="6">所以請你命令人，去 黎巴嫩 為我剉柏香樹；我的工人欲及你的工人做夥做工；我嘛欲照你定的工錢互你的工人；你知，阮無人親像恁 西頓 人赫呢𠢕剉樹。」</verse>
				<verse number="7">希蘭 聽見 所羅門 的話，真歡喜，就講：「今仔日上主應該受稱讚，因為伊賞賜 大闢 一個有智慧的子，治理真多的人民。」</verse>
				<verse number="8">希蘭 派人去見 所羅門 ，講：「我有聽見你傳達互我的話。我會照你的需要提供柏香樹及松樹的柴料互你。</verse>
				<verse number="9">我的工人會對 黎巴嫩 運木材落海，縛做歸排浮佇海裡，拖到你指定的所在，佇遐拆開了後，交互你。請你嘛照我的需要供給糧食互我的家。」</verse>
				<verse number="10">希蘭 就照 所羅門 的需要供給柏香樹及松樹的柴料互伊。</verse>
				<verse number="11">所羅門 互 希蘭 兩千公噸的小麥，四十萬公升 純的橄欖油，做伊家內的食物。 所羅門 逐年攏照按呢互 希蘭 。</verse>
				<verse number="12">上主照伊的應允賜智慧互 所羅門 。 希蘭 及 所羅門 彼此立約，和平相處。</verse>
				<verse number="13">所羅門 王對 以色列 人民強制召人工三萬。</verse>
				<verse number="14">逐月日輪流派一萬人去 黎巴嫩 ；𪜶一個月佇 黎巴嫩 ，兩個月佇厝裡； 亞多尼蘭 做監督。</verse>
				<verse number="15">所羅門 有運搬的工人七萬，佇山裡拍石的有八萬。</verse>
				<verse number="16">另外， 所羅門 有督工的官員三千三百人，監督許個工人。</verse>
				<verse number="17">𪜶照王的命令，拍大閣貴重的石頭，運來下做殿的地基。</verse>
				<verse number="18">所羅門 的師傅及 希蘭 的師傅，以及 迦巴勒 人，做夥拍石，準備柴料及石材，來起聖殿。</verse>
			</chapter>
			<chapter number="6">
				<verse number="1">以色列 人出 埃及 了後四百八十年， 所羅門 做 以色列 王第四年二月，就是西弗月，伊動工起造上主的聖殿。</verse>
				<verse number="2">所羅門 王為上主起的殿，長二十七公尺，闊九公尺，高十三公尺半。</verse>
				<verse number="3">殿前的走廊深四公尺半，闊九公尺，及殿平闊。</verse>
				<verse number="4">伊為著聖殿做內面闊外面狹的窗仔。</verse>
				<verse number="5">伊佇倚聖殿，包括前殿及內殿的外壁四圍起廂房；</verse>
				<verse number="6">第一層闊兩公尺二十公分，第二層闊兩公尺七十公分，第三層闊三公尺十公分；佇聖殿的外壁四圍閣做幫牆，才免互楹仔插入殿的壁。</verse>
				<verse number="7">起造聖殿的石材已經攏佇石場拍好，所以起造的時就無槌、斧頭，及逐種鐵器的聲。</verse>
				<verse number="8">廂房第一層 的入口佇聖殿的南旁；對第一層有捲螺梯上第二層，對第二層上到第三層。</verse>
				<verse number="9">伊用柏香柴做樑，用柏香柴板做厝頂；按呢，聖殿就起好。</verse>
				<verse number="10">倚聖殿的壁起的廂房，逐層高兩公尺二十公分；柏香柴的樑攏靠佇殿的幫牆。</verse>
				<verse number="11">上主對 所羅門 講：</verse>
				<verse number="12">「關係你所起此間聖殿，你若切實遵行我的規例、命令，及誡命，我就欲對你實現我應允你的老父 大闢 的話。</verse>
				<verse number="13">我欲𫢶佇 以色列 人的中間，一定𣍐放拺我的子民 以色列 。」</verse>
				<verse number="14">所羅門 完成起造聖殿的工作。</verse>
				<verse number="15">伊用柏香柴板貼聖殿內面的壁，對土腳到壁頂；閣用松樹板鋪殿的土腳。</verse>
				<verse number="16">閣佇殿內面的後旁隔一間內殿做至聖所，長九公尺；對土腳到壁頂用柏香柴板隔起來。</verse>
				<verse number="17">前殿長十八公尺。</verse>
				<verse number="18">聖殿內面的柏香柴板攏有刻匏仔及花蕊；殿內攏用柏香柴包啲，連一塊石頭都看𣍐著。</verse>
				<verse number="19">內殿準備欲安置上主的約櫃。</verse>
				<verse number="20">內殿，長、闊、高攏九公尺，內面貼純金；香壇用柏香柴蓋啲。</verse>
				<verse number="21">所羅門 用純金貼聖殿的內部，嘛用純金貼內殿的入口，閣牽金鍊仔。</verse>
				<verse number="22">聖殿的內部及內殿前的香壇攏貼金，到歸間聖殿攏貼滿。</verse>
				<verse number="23">佇內殿的內面， 所羅門 用橄欖柴造兩個天使基路伯，逐個高四公尺四十公分。基路伯兩旁的翼逐旁長兩公尺二十公分；對此旁的翼尾到彼旁的翼尾，約四公尺四十公分。另外一個基路伯嘛像款。</verse>
				<verse number="24"></verse>
				<verse number="25"></verse>
				<verse number="26"></verse>
				<verse number="27">伊將基路伯下佇內殿的內面；基路伯的翼搋開，第一個基路伯一旁的翼抵著此旁的壁，第二個一旁的翼抵著彼旁的壁；𪜶另外兩支翼佇殿的中央相磕。</verse>
				<verse number="28">伊閣用金貼許個基路伯。</verse>
				<verse number="29">聖殿的前殿及內殿四圍的壁，攏有刻基路伯、棕樹，及花蕊的形狀。</verse>
				<verse number="30">前殿及內殿的地板攏貼金。</verse>
				<verse number="31">所羅門 閣用橄欖柴做入內殿的門；門楣及門徛攏是五角形的柱。</verse>
				<verse number="32">佇用橄欖柴造的兩個門扇刻基路伯、棕樹，及花蕊，攏貼金；閣用金鑲佇基路伯及棕樹頂面。</verse>
				<verse number="33">閣佇前殿的入口用橄欖柴做四角形的門徛。</verse>
				<verse number="34">用松樹柴做雙旁的門扇；兩旁的門扇各有兩片，會拗得；</verse>
				<verse number="35">頂面刻基路伯、棕樹，及花蕊，攏貼金；閣將金拍平，鑲佇雕刻物的頂面。</verse>
				<verse number="36">伊閣用拍好的石三排及柏香柴一排來起內埕。</verse>
				<verse number="37">所羅門 作王第四年二月，就是西弗月，下上主聖殿的地基。</verse>
				<verse number="38">到十一年八月，就是布勒月，聖殿所有的工程攏照計劃完成；起造共七年久。</verse>
			</chapter>
			<chapter number="7">
				<verse number="1">所羅門 起家己的宮殿，起十三年才完成。</verse>
				<verse number="2">伊閣起 黎巴嫩林宮 ，長四十四公尺，闊二十二公尺，高十三公尺半；有柏香柴的柱四綴，柱頂有柏香柴的樑。</verse>
				<verse number="3">內面有四十五支柱，每綴十五支，頂面用柏香柴蓋啲。</verse>
				<verse number="4">閣有窗仔門三綴，窗仔及窗仔相對；攏總有三層。</verse>
				<verse number="5">所有的門及門徛攏是四方；有窗仔門三綴，窗仔及窗仔相對；三層攏是按呢。</verse>
				<verse number="6">伊閣起有柱的大廳，長二十二公尺，闊十三公尺半；柱的頭前有走廊，走廊有用柱托啲的天篷。</verse>
				<verse number="7">閣起王位的廳，就是審判廳，王佇遐審判案件；此個廳的地板對此旁到彼旁攏鋪柏香柴。</verse>
				<verse number="8">所羅門 佇廳後面的埕起一間家己住的宮殿，起造的方法像款。 所羅門 另外為伊的某法老的查某子起一間及此個廳像款的宮殿。</verse>
				<verse number="9">諸個宮殿，對地基到壁頂，對外面到大埕，攏是用貴重的石起的；諸個石照寸尺拍好，四面用鋸仔修整過。</verse>
				<verse number="10">地基是用大塊貴重的石，長有的三公尺半，有的四公尺。</verse>
				<verse number="11">頂面有照寸尺拍好貴重的石，嘛有柏香柴。</verse>
				<verse number="12">大埕周圍有拍好的石三層、柏香柴一層，攏及上主聖殿的內埕以及殿的走廊像款。</verse>
				<verse number="13">所羅門 王派人對 泰爾 請 戶蘭 來。</verse>
				<verse number="14">伊是 拿弗他利 支族一個寡婦的子；伊的老父是 泰爾 人，是拍銅師傅。 戶蘭 真有智慧、聰明，及技術，𠢕拍逐項銅器。伊來 所羅門 王遐，做王交代伊一切的工。</verse>
				<verse number="15">戶蘭 鑄造兩支銅柱，逐支高八公尺，柱的周圍五公尺三十公分 。</verse>
				<verse number="16">閣用銅鑄兩個柱斗下佇柱頂；逐個柱斗高兩公尺二十公分。</verse>
				<verse number="17">兩支銅柱頂面的柱斗，攏有掛七組一目一目的網仔及一環一環的鍊仔。</verse>
				<verse number="18">閣造兩綴石榴圍佇網仔的周圍，來妝飾柱頂的柱斗；兩旁柱斗攏是按呢。</verse>
				<verse number="19">走廊柱頂的柱斗高一公尺八十公分，有刻百合花。</verse>
				<verse number="20">兩旁銅柱的柱斗，倚網仔邊椪圓的所在，攏有石榴兩百粒圍啲。</verse>
				<verse number="21">伊徛兩支柱佇聖殿的走廊；正旁彼支叫做 雅斤 ，倒旁彼支叫做 波阿斯 。</verse>
				<verse number="22">柱頂有刻百合花；按呢，造柱的工程就完成。</verse>
				<verse number="23">戶蘭 閣鑄一個圓形的銅海，深兩公尺二十公分，直徑四公尺四十公分，周圍十三公尺二十公分。</verse>
				<verse number="24">銅海的唇下面有匏仔圍啲，每四十五公分十粒，有兩排，是鑄銅海的時像時鑄的。</verse>
				<verse number="25">銅海安佇十二隻銅牛的頂面；三隻向北，三隻向西，三隻向南，三隻向東；牛尾向內面。</verse>
				<verse number="26">銅海的厚度七公分半；伊的唇親像杯的唇，形親像百合花；會當貯四萬公升。</verse>
				<verse number="27">戶蘭 閣用銅製造十個盆座；逐個座長一公尺八十公分，闊一公尺八十公分，高一公尺三十公分。</verse>
				<verse number="28">逐個座四圍攏有堵枋鬥佇架裡。</verse>
				<verse number="29">堵枋有獅、牛，及基路伯；獅及牛的頂面及下面，攏有浮出來的花環雕刻。</verse>
				<verse number="30">逐個座有四個銅輪及銅的車輪心；座的四腳攏有架；架鑄佇盆的下面，四邊有花環的雕刻。</verse>
				<verse number="31">座對內面到頂面深四十五公分；伊的嘴是圓的，直徑六十六公分，閣有雕刻。座的堵是四方的，毋是圓的。</verse>
				<verse number="32">四個輪佇堵的下面；車輪心及座相連；逐個輪高六十六公分。</verse>
				<verse number="33">輪的形狀親像戰車輪；伊的車輪心、外環、軹，及內環，攏是鑄的。</verse>
				<verse number="34">座的四角有四個架，架及座連做一個。</verse>
				<verse number="35">座的頂面有圓的箍，高二十二公分；座的頂面有托柺及堵枋，攏及座連做一個；</verse>
				<verse number="36">托柺及堵枋頂面的空位，有刻基路伯、獅，及棕樹；四圍有刻花環。</verse>
				<verse number="37">伊照仝款的作法鑄十個座；寸尺，形狀攏像款。</verse>
				<verse number="38">戶蘭 閣造十個銅盆，逐個盆直徑一公尺八十公分，通貯八百公升，十個盆座的頂面，每一個座下一個盆。</verse>
				<verse number="39">許個座，五個下佇聖殿的南旁，五個下佇北旁；銅海下佇聖殿的東南旁。</verse>
				<verse number="40">戶蘭 閣造盆、托仔，及碗。按呢， 戶蘭 為著 所羅門 王完成上主聖殿一切的工：</verse>
				<verse number="41">兩支柱、柱頂碗形的柱斗、蓋碗形柱斗的網仔；</verse>
				<verse number="42">四百粒石榴，分做兩旁，一旁兩排，安佇兩領蓋碗形柱斗的網仔；</verse>
				<verse number="43">十個盆座及座頂十個盆；</verse>
				<verse number="44">一座銅海，銅海下面十二隻牛；</verse>
				<verse number="45">盆、托仔，及碗； 以上諸個器具攏是 戶蘭 為著 所羅門 王起上主聖殿用光亮的銅做的。</verse>
				<verse number="46">諸個器具是王佇 約旦 平原，用 疏割 及 撒拉旦 中間的黏土做模鑄造的。</verse>
				<verse number="47">因為銅做的器具傷多， 所羅門 就攏無過秤，銅的重量無法度計算。</verse>
				<verse number="48">所羅門 閣造上主殿內所有的器具：金壇、排獻祭的餅的金桌；</verse>
				<verse number="49">內殿頭前的燈台，正旁五個，倒旁五個，攏用純金做；燈台的花、燈、鑷仔，嘛用金做；</verse>
				<verse number="50">燈台的杯、燈心的剪刀、盤、囥香的𥐵仔，及囥火炭的盆是純金做的；上內面至聖所的門及前殿的門的門鈕，攏是金的。</verse>
				<verse number="51">按呢， 所羅門 王完成上主聖殿一切的工。 所羅門 將伊的老父 大闢 所獻的金、銀，及器具攏帶入去下佇上主聖殿的府庫。</verse>
			</chapter>
			<chapter number="8">
				<verse number="1">彼時， 所羅門 召集 以色列 的長老、逐支族的首領，以及逐宗族的族長來 耶路撒冷 ，欲迎接上主的約櫃，對 錫安 的 大闢 城運起來聖殿。</verse>
				<verse number="2">以他念月，就是七月，搭寮節的時， 以色列 人攏聚集佇 所羅門 王遐。</verse>
				<verse number="3">以色列 的長老攏來，許個祭司就扛約櫃起來。</verse>
				<verse number="4">祭司及 利未 人將上主的約櫃、會幕，以及布棚內一切聖的器具扛入聖殿。</verse>
				<verse number="5">所羅門 王及聚集佇伊遐的 以色列 全會眾，佇約櫃前獻牛、羊做祭物，祭物多甲𣍐算得。</verse>
				<verse number="6">祭司扛上主的約櫃入內殿，就是至聖所，下佇指定的所在，天使基路伯翼股下面。</verse>
				<verse number="7">基路伯佇下約櫃所在的頂面搋開𪜶的翼，遮蓋約櫃及扛約櫃的槓。</verse>
				<verse number="8">槓真長，槓尾佇內殿前的聖所看會著，對外面就𣍐當看著；到今仔日槓猶佇遐。</verse>
				<verse number="9">約櫃內面只有兩塊石版，以外攏無別項物；石版是 以色列 人出 埃及 地，上主佇 何烈山 及𪜶立約的時 摩西 所下的。</verse>
				<verse number="10">當祭司對聖所出來的時，有雲充滿上主的殿，</verse>
				<verse number="11">因為按呢，祭司𣍐當徛啲服事；上主的榮光充滿上主的殿。</verse>
				<verse number="12">彼時 所羅門 講： 「上主曾講， 伊欲𫢶佇密雲的所在。</verse>
				<verse number="13">我已經起一間堂皇的殿， 做你永遠徛起的所在。」</verse>
				<verse number="14">以色列 會眾攏徛啲， 所羅門 王越過來給𪜶祝福。</verse>
				<verse number="15">伊講：「上主 — 以色列 的上帝應該得著謳咾！伊親嘴對我的老父 大闢 應允的，攏親手實現。</verse>
				<verse number="16">上主有講：『對我導我的子民 以色列 出 埃及 以來，我毋曾佇 以色列 眾支族中間揀一個城為我的名起聖殿；毋拘我有選立 大闢 來治理我的子民 以色列 。』</verse>
				<verse number="17">「我的老父 大闢 心內有意思欲為上主 — 以色列 的上帝的名起聖殿。</verse>
				<verse number="18">總是上主對我的老父 大闢 講：『你有意思欲為我的名起聖殿，你此個心意真好；</verse>
				<verse number="19">毋拘你毋通起，你親生的子會為我的名起聖殿。』</verse>
				<verse number="20">「今上主實現伊所講的話；我照上主的話起來續接我的老父 大闢 坐 以色列 的王位，閣為上主 — 以色列 上帝的名起聖殿。</verse>
				<verse number="21">我嘛佇遐為約櫃準備一個所在；櫃內有上主的約，就是伊導咱的列祖出 埃及 的時及𪜶立的約。」</verse>
				<verse number="22">所羅門 當 以色列 會眾的面前，徛佇上主的祭壇前，攑雙手向天，講：</verse>
				<verse number="23">「上主 — 以色列 的上帝，天頂地下無一個神明親像你；你對許個一心一意順服你的僕人守約施慈愛。</verse>
				<verse number="24">你有執守對你的僕人我的老父 大闢 的應允；你親嘴應允的，今仔日攏親手實現。</verse>
				<verse number="25">上主 — 以色列 的上帝，求你實現對你的僕人我的老父 大闢 的應允；你有講：『你的子孫若親像你佇我的面前謹慎生活，你的後代就會永遠坐 以色列 的王位。』</verse>
				<verse number="26">以色列 的上帝，你對你的僕人我的老父 大闢 所講的，求你實現。</verse>
				<verse number="27">「上帝啊，你豈真正住佇地上？天及天頂的天都無夠通互你住，何況我所起此間聖殿？</verse>
				<verse number="28">上主 — 我的上帝，求你俯落聽你的僕人的祈禱懇求，聽你的僕人今仔日佇你面前的求叫祈禱。</verse>
				<verse number="29">願你暝日看顧此個聖殿，就是你講你欲臨在的所在。你的僕人向此個所在祈禱的時，求你聽。</verse>
				<verse number="30">你的僕人及你的子民 以色列 向此所在祈禱的時，願你佇天頂，你住的所在，聽阮的祈求，赦免阮。</verse>
				<verse number="31">「人若得罪厝邊，受迫著咒誓，伊來此間殿佇你的壇前咒誓伊是無辜的，</verse>
				<verse number="32">求你佇天頂俯落聽來辦理，審判你諸個僕人：定歹人做有罪，照伊的所做給伊報應；定無辜的做無罪，照伊的正直給伊報賞。</verse>
				<verse number="33">「你的子民 以色列 若得罪你，互對敵拍敗，𪜶若反悔歸向你，宣認你的名，閣佇此間聖殿對你祈禱懇求，</verse>
				<verse number="34">求你佇天頂俯落聽，赦免你的子民 以色列 的罪，互𪜶倒來你所賞賜𪜶列祖的地。</verse>
				<verse number="35">「𪜶若得罪你，你給天關密無落雨；你刑罰𪜶的時，𪜶若向此所在祈禱，宣認你的名，離開𪜶的罪惡，</verse>
				<verse number="36">求你佇天頂俯落聽𪜶的祈禱，赦免你的僕人及你的子民 以色列 的罪，教示𪜶行正直的路，閣落雨佇你賞賜𪜶做產業的地。</verse>
				<verse number="37">「此個地若有飢荒、瘟疫、火燒風、病害、草蜢、草蜢公，抑是對敵圍困𪜶的城，無論有什麼災禍，什麼大病，</verse>
				<verse number="38">你的子民 以色列 中若有人為家己的災禍心艱苦，向此個聖殿攑手迫切懇求，</verse>
				<verse number="39">求你佇天頂，你徛起的所在，俯落聽來赦免𪜶，幫贊𪜶；因為你知𪜶的心，嘛只有你知世間人的心，願你照𪜶逐個人的行做對待𪜶，</verse>
				<verse number="40">互𪜶佇你賞賜阮列祖的地，一世人敬畏你。</verse>
				<verse number="41">「若有外國人，毋是屬你的子民 以色列 的，因為聽著你的大名、大權能的作為，及你救助的手骨，對真遠的所在來，向此個殿祈禱，</verse>
				<verse number="42"></verse>
				<verse number="43">求你佇天頂，你徛起的所在，聽𪜶的祈求，照外國人一切對你懇求的來做，互天下萬民攏會親像你的子民 以色列 像款，識你的名，敬畏你；閣互𪜶知此個聖殿是敬拜求叫你的所在。</verse>
				<verse number="44">「你的子民奉你的命令，無論出去什麼所在及對敵交戰的時，若向你所揀選的城，及我為著你的名起的殿，對上主祈禱，</verse>
				<verse number="45">求你佇天頂聽𪜶的祈禱懇求，互𪜶得勝。</verse>
				<verse number="46">「世間無一個人無犯罪，毋拘你的子民若得罪你，你對𪜶受氣，將𪜶交互對敵，給𪜶掠去對敵的地，無論遠抑是近，</verse>
				<verse number="47">𪜶若佇互人掠去的地回心轉意，閣佇𪜶受掠的地悔改，對你哀求：『阮有罪，阮背逆，阮做歹。』</verse>
				<verse number="48">𪜶若佇對敵掠𪜶去的地，全心全意歸順你，閣向你賞賜𪜶列祖的地，及你所揀選的城，以及我奉你的名起的殿，對你祈禱，</verse>
				<verse number="49">求你佇天頂，你徛起的所在，聽𪜶的祈禱懇求，照公道對待𪜶，</verse>
				<verse number="50">閣赦免許個得罪你的子民，以及𪜶一切的罪過，互𪜶對掠𪜶的人得著憐憫。</verse>
				<verse number="51">因為𪜶是你的子民，你的產業，是你對 埃及 ，對鑄鐵的火爐中救出來的。</verse>
				<verse number="52">「至高的上主啊，求你開目睭看顧；你的僕人及你的子民 以色列 無論什麼時對你懇求，求你聽。你曾對地上萬民的中間分別阮的列祖做你的產業，是照你導𪜶出 埃及 的時，通過你的僕人 摩西 所應允的。」</verse>
				<verse number="53"></verse>
				<verse number="54">所羅門 雙腳跪佇上主的壇前，攑雙手向天，對上主祈禱懇求煞，就起來。</verse>
				<verse number="55">伊徛啲，大聲祝福 以色列 全會眾，講：</verse>
				<verse number="56">「上主應該受稱讚！伊有照應允賜太平互伊的子民 以色列 ；伊通過伊的僕人 摩西 所應允恩典的話，無一句無實現。</verse>
				<verse number="57">願上主 — 咱的上帝及咱同在，親像伊及咱的列祖同在像款。願伊無離開咱，無放拺咱，</verse>
				<verse number="58">互咱的心歸向伊，遵行伊一切的道路，守伊所互咱列祖的誡命、規例，及命令。</verse>
				<verse number="59">願我佇上主的面前所祈求諸個話，暝日透到上主 — 咱的上帝面前；閣照逐日的需要幫贊伊的僕人及伊的子民 以色列 。</verse>
				<verse number="60">互地上萬民知上主以外無別個上帝。</verse>
				<verse number="61">所以恁著對上主 — 咱的上帝存純全的心，遵趁伊的規例，守伊的誡命，及今仔日仝款。」</verse>
				<verse number="62">王及 以色列 人民做夥佇上主面前獻祭。</verse>
				<verse number="63">所羅門 向上主獻平安祭，牛兩萬兩千隻，羊十二萬隻。按呢，王及 以色列 人民為著上主的殿舉行奉獻禮。</verse>
				<verse number="64">彼日，王因為聖殿頭前的銅壇傷細，無夠通佇遐獻燒化祭、素祭，及平安祭的油，就將上主殿前的埕中央的所在分別作聖，佇遐獻燒化祭、素祭，及平安祭的油。</verse>
				<verse number="65">彼時， 所羅門 及 以色列 人民佇上主 — 咱的上帝面前守節，七日，閣七日，共十四日； 以色列 人民對 哈馬 隘口到 埃及 的溪谷來參加，成做盛況的大會。</verse>
				<verse number="66">節期煞隔日，王給人民解散，互𪜶倒去𪜶兜，𪜶就給王祝福。人民因為上主對伊的僕人 大闢 及伊的子民 以色列 所賞賜一切的恩惠，心內歡喜快樂。</verse>
			</chapter>
			<chapter number="9">
				<verse number="1">所羅門 完成上主的聖殿、王宮，及伊所愛起的建築了後，</verse>
				<verse number="2">上主第二遍對 所羅門 顯現，親像以前佇 基遍 對伊顯現仝款。</verse>
				<verse number="3">上主對伊講：「你佇我的面前祈禱懇求的，我攏有聽著。我已經將你所起此間殿分別作聖，做永遠敬拜我的所在。我的目睭、我的心嘛欲不時佇遐。</verse>
				<verse number="4">你若親像你的老父 大闢 ，佇我的面前心純全，所行所做正直，遵趁我的誡命，執守我的規例及命令，</verse>
				<verse number="5">我就欲堅固你佇 以色列 國的王位到永遠；親像我有應允你的老父 大闢 講：『你的後代會坐 以色列 的王位永無斷。』</verse>
				<verse number="6">恁及恁的子孫若越走離開我，無執守我頒布互恁的誡命及規例，去服事敬拜別個神明，</verse>
				<verse number="7">我就欲將 以色列 人對我賞賜𪜶的地給𪜶消滅，嘛欲棄拺此間分別作聖用來敬拜我的殿，互 以色列 人佇萬國中做笑談，受人恥笑。</verse>
				<verse number="8">此間聖殿現在雖然堂皇，到彼時，經過的人會著驚恥笑，講：『上主哪會按呢對待此個地及此間殿？』</verse>
				<verse number="9">有人會應講：『是因為𪜶棄拺導𪜶的列祖出 埃及 地的上主 — 𪜶的上帝，去信奉別個神明，敬拜服事𪜶，所以上主互諸個一切的災禍臨到𪜶。』」</verse>
				<verse number="10">所羅門 用二十年起上主的聖殿及王宮，此兩間完工的時，</verse>
				<verse number="11">所羅門 王將 加利利 地二十個城互 泰爾 王 希蘭 ；因為 希蘭 有照 所羅門 的請求，用柏香柴、松樹柴，及金互伊。</verse>
				<verse number="12">希蘭 對 泰爾 出來，去看 所羅門 互伊的城，看了無合意，</verse>
				<verse number="13">就講：「我的兄弟，你互我此款的城噢？」伊就叫許個城做 迦步勒 地 ，到今仔日。</verse>
				<verse number="14">希蘭 曾送金大約四千公斤互 所羅門 王。</verse>
				<verse number="15">所羅門 王派強制勞工起造上主的聖殿、家己的王宮、 米羅 、 耶路撒冷 的城牆，及 夏瑣 、 米吉多 ，以及 基色 諸個城。</verse>
				<verse number="16">(早前 埃及 王法老上來攻取 基色 ，放火燒城，刣死城內的 迦南 人，將城互伊的查某子， 所羅門 的某，做嫁妝。)</verse>
				<verse number="17">所羅門 重建 基色 ， 下‧伯‧和崙 ；</verse>
				<verse number="18">巴拉 ，及 猶大 曠野的 達莫 。</verse>
				<verse number="19">所羅門 嘛起造真多城，囤積軍用品、戰車及戰馬；閣佇 耶路撒冷 、 黎巴嫩 ，及伊治理的全地，起造伊所愛起的建築。</verse>
				<verse number="20">所有住佇境內的 亞摩利 人、 赫 人、 比利洗 人、 希未 人、 耶布斯 人賰落來的後代，毋是屬佇 以色列 ，</verse>
				<verse number="21">無互 以色列 人消滅的， 所羅門 強制𪜶做苦工，到今仔日。</verse>
				<verse number="22">毋拘 所羅門 無互 以色列 人做奴隸；互𪜶做伊的戰士、人臣、首領、軍長、戰車長、馬兵長。</verse>
				<verse number="23">所羅門 的督工有五百五十人，管理作工的人。</verse>
				<verse number="24">法老的查某子對 大闢 城搬入去 所羅門 為著伊起的宮殿。 所羅門 閣起 米羅 。</verse>
				<verse number="25">所羅門 逐年三遍佇伊為上主起的祭壇獻燒化祭及平安祭；閣佇上主的面前燒香。按呢，伊完成起造聖殿的工程。</verse>
				<verse number="26">所羅門 王佇 以東 地區的 紅海 海邊，倚近 以祿 的 以旬‧迦別 造船。</verse>
				<verse number="27">希蘭 派伊的部下，就是經驗豐富的船員，及 所羅門 的部下做夥行船。</verse>
				<verse number="28">𪜶去 俄斐 ，對遐運送金一萬四千公斤到 所羅門 王遐。</verse>
			</chapter>
			<chapter number="10">
				<verse number="1">示巴 的女王聽見 所羅門 因為上主的名所得著的名聲，就來欲用難題給伊考。</verse>
				<verse number="2">伊導真多人臣來到 耶路撒冷 ，閣有駱駝載香料、真多黃金及寶石。伊見 所羅門 的時，就將心內所有的難題給伊問。</verse>
				<verse number="3">所羅門 照伊所問的一一給伊回答，無一項困難甲王𣍐曉應。</verse>
				<verse number="4">示巴 女王見識著 所羅門 所有的智慧，看著伊起的宮殿、</verse>
				<verse number="5">桌頂的食物、排列坐啲的人臣、跟隨服事的奴僕，及𪜶的衣服，以及斟酒的奴僕，閣看著伊佇上主的聖殿所獻的燒化祭，就歸個人攏愣去。</verse>
				<verse number="6">示巴 女王就對王講：「我佇阮本國所聽著你的事蹟及你的智慧，攏是真的！</verse>
				<verse number="7">本來我毋信許個話，到我親目看著才相信。人給我講的猶無事實的一半；你的智慧及你的富足超過我所聽著的。</verse>
				<verse number="8">你的部屬真有福氣！你的人臣真有福氣！𪜶不時佇你的面前聽你智慧的話。</verse>
				<verse number="9">上主 — 你的上帝應該受稱讚！伊意愛你，互你坐 以色列 的王位；因為上主永遠疼 以色列 ，所以選立你作王，互你通秉公行義。」</verse>
				<verse number="10">示巴 女王將大約四千公斤的金、真多香料，及寶石送互王；前到今毋曾有人親像 示巴 女王送赫多香料互 所羅門 王。</verse>
				<verse number="11">希蘭 的船對 俄斐 運金來，閣帶真多檀香柴及寶石來。</verse>
				<verse number="12">王用諸個檀香柴做上主的殿及王宮的欄杆，嘛為唱歌的人做琴及瑟；前到今毋曾有人看見赫多檀香柴運來。</verse>
				<verse number="13">所羅門 用真多禮物送 示巴 女王；以外閣照女王所意愛、所要求的攏送互伊。女王及伊的人臣就倒去𪜶本國。</verse>
				<verse number="14">所羅門 逐年收著的金共兩萬三千公斤，</verse>
				<verse number="15">以外猶有對生理人及貿易商收的稅金，以及對 阿拉伯 諸個王及國內諸個省長所收的。</verse>
				<verse number="16">所羅門 王拍大盾牌兩百面，每一面用金七公斤；</verse>
				<verse number="17">閣拍小盾牌三百面，每一面用金兩公斤。王將諸個盾牌下佇 黎巴嫩林宮 。</verse>
				<verse number="18">王閣用象牙做一個大寶座，用純金貼啲。</verse>
				<verse number="19">寶座前有六層崎仔；座位撐的頂面是圓的，雙旁有手按，手按的邊仔各有一座獅徛啲；</verse>
				<verse number="20">閣有十二座獅徛佇六層崎仔逐層的雙旁邊；別個王國攏毋曾按呢做。</verse>
				<verse number="21">所羅門 王所有飲的器具攏是金的； 黎巴嫩林宮 一切的器具嘛是純金的；佇 所羅門 的時代，銀無互人看做真有價值。</verse>
				<verse number="22">王有 他施 的船隊，及 希蘭 的船隊做夥航海；諸個 他施 的船隊運金、銀、象牙、猴、孔雀，每三年倒來一遍。</verse>
				<verse number="23">所羅門 王的財富及智慧贏過天下諸王。</verse>
				<verse number="24">全世界的人攏想欲來見 所羅門 的面，聽上帝賜互伊的智慧。</verse>
				<verse number="25">𪜶逐個帶進貢的禮物，就是金器、銀器、衣服、軍器、香料、馬，及騾；逐年攏有一定的數量。</verse>
				<verse number="26">所羅門 王有建立軍隊，戰車一千四百台，馬兵一萬兩千名；安置𪜶佇許個囤戰車的城，及 耶路撒冷 王遐。</verse>
				<verse number="27">王統治的期間， 耶路撒冷 的銀親像石頭赫多，柏香柴親像山埔的桑材樹赫多。</verse>
				<verse number="28">所羅門 的馬攏對 埃及 及 科威 進口，是王的生理人對 科威 照市價買來的。</verse>
				<verse number="29">對 埃及 進口的戰車，逐台大約七公斤的銀；戰馬逐隻大約兩公斤的銀。 所羅門 的生理人嘛經手將諸個出口賣互 赫 人及 敘利亞 人許個王。</verse>
			</chapter>
			<chapter number="11">
				<verse number="1">法老的查某子以外， 所羅門 王嘛愛真多外邦的查某囝仔，包含 摩押 、 亞捫 、 以東 、 西頓 ，及 赫 人的查某囝仔。</verse>
				<verse number="2">上主曾命令 以色列 人，講：「恁毋通及許個外族人通婚，因為𪜶會引誘恁的心去隨別個神明。」毋拘 所羅門 貪戀許個查某囝仔。</verse>
				<verse number="3">伊有娶七百個公主做某，閣有嬪妃三百；諸個女子誘惑伊的心。</verse>
				<verse number="4">所羅門 年老的時，諸個某誘惑伊去隨別個神明；伊的心無親像伊的老父 大闢 的心完全順服上主 — 伊的上帝。</verse>
				<verse number="5">所羅門 去隨 西頓 人的女神 亞斯她錄 ，及 亞捫 人通厭惡的神明 摩洛 。</verse>
				<verse number="6">所羅門 做上主看做歹的事，無親像伊的老父 大闢 全心順服上主。</verse>
				<verse number="7">彼時， 所羅門 為著 摩押 通厭惡的神明 基抹 ，及 亞捫 人通厭惡的神明 摩洛 ，佇 耶路撒冷 對面的山頂起山頭壇。</verse>
				<verse number="8">許個外邦的某攏對𪜶的神明燒香獻祭； 所羅門 嘛為著𪜶按呢做。</verse>
				<verse number="9">上主對 所羅門 受氣，因為伊的心離開曾兩遍對伊出現的上主 — 以色列 的上帝；</verse>
				<verse number="10">上主曾命令伊毋通拜別個神明。毋拘 所羅門 無遵守上主的命令。</verse>
				<verse number="11">上主就對 所羅門 講：「因為你已經做此款代誌，無遵守我的約，及我命令你的規例，所以我一定欲拆裂你的王國，將伊賜互你的人臣。</verse>
				<verse number="12">毋拘因為你的老父 大闢 的緣故，我𣍐佇你活啲的時做此個代誌；我欲對你的子的手拆裂此個國。</verse>
				<verse number="13">總是我無欲將全國拆裂，會因為我的僕人 大闢 及我所揀的 耶路撒冷 的緣故，留一支族互你的子。」</verse>
				<verse number="14">上主興起一個對敵攻擊 所羅門 ，就是 以東 人 哈達 ，伊是 以東 王的後代。</verse>
				<verse number="15">早前 大闢 拍 以東 的時，元帥 約押 去埋葬戰死的 以色列 人。 約押 及 以色列 軍兵𫢶遐六個月的中間，刣死 以東 所有的查甫人。</verse>
				<verse number="16"></verse>
				<verse number="17">彼時 哈達 猶閣是囝仔。 哈達 及伊的老父人臣中幾若個 以東 人，走去 埃及 。</verse>
				<verse number="18">𪜶對 米甸 出發去 巴蘭 ；對 巴蘭 帶幾若人及𪜶去 埃及 ，到 埃及 王法老遐。法老就供給厝、米糧，及土地互𪜶。</verse>
				<verse number="19">哈達 佇法老面前得著真大的恩惠；法老閣用王后 答比妮 的小妹互伊做某。</verse>
				<verse number="20">答比妮 的小妹給伊生一個子，號名叫做 基努拔 。 答比妮 佇法老的王宮給 基努拔 飼大漢，閣互伊及法老的子兒做夥住佇王宮。</verse>
				<verse number="21">哈達 佇 埃及 聽著 大闢 轉去伊的列祖遐，元帥 約押 嘛已經死。 哈達 就對法老講：「請准我離開，互我倒去我的本國。」</verse>
				<verse number="22">法老給伊講：「你佇我遮豈有欠缺什麼，你哪想欲倒去你本國？」 伊應講：「我無欠什麼，毋拘請准我倒去。」</verse>
				<verse number="23">上帝閣興起一個對敵攻擊 所羅門 ，就是 以利雅大 的子 利遜 ；伊是對伊的主 瑣巴 王 哈大底謝 遐逃走出來。</verse>
				<verse number="24">大闢 刣 瑣巴 人的時， 利遜 招集一群人，做彼黨的頭目去住佇 大馬士革 ，佇 大馬士革 作王。</verse>
				<verse number="25">所羅門 活啲的時， 利遜 及 哈達 像款做 以色列 的對敵。 利遜 統治 敘利亞 ；伊怨恨 以色列 。</verse>
				<verse number="26">尼八 的子 耶羅波安 嘛起來反叛王；伊是 所羅門 的人臣，是 以法蓮 支族的 洗利達 人；伊的老母是寡婦，叫做 洗魯雅 。</verse>
				<verse number="27">伊出手攻擊王的原因是按呢： 所羅門 起造 米羅 ，修補伊的老父 大闢 城的破隙。</verse>
				<verse number="28">耶羅波安 真有才能。 所羅門 看著此個少年人殷勤，就派伊管理 約瑟 家所有的工程。</verse>
				<verse number="29">有一日 耶羅波安 離開 耶路撒冷 ， 示羅 人先知 亞希雅 佇路裡抵著伊。彼時 亞希雅 穿一領新衫；𪜶兩人佇田裡，以外無別人。</verse>
				<verse number="30">亞希雅 提伊穿的新衫，拆做十二塊，</verse>
				<verse number="31">給 耶羅波安 講：「你通提十塊，因為上主 — 以色列 的上帝按呢講：『你看，我欲對 所羅門 的手拆裂伊的王國，將十支族互你。</verse>
				<verse number="32">毋拘因為我的僕人 大闢 ，以及我佇 以色列 眾支族中所揀的 耶路撒冷 的緣故，伊猶有一支族。</verse>
				<verse number="33">因為𪜶棄拺我，去拜 西頓 人的神明 亞斯她錄 、 摩押 的神明 基抹 ，及 亞捫 人的神明 摩洛 ，無親像伊的老父 大闢 行我的道路，做我看做正直的事，守我的規例及命令。</verse>
				<verse number="34">毋拘，我無欲對伊的手收回伊全部的王國，猶原欲互伊一世人作王，攏是因為我的僕人 大闢 的緣故，伊是我所揀選的，有守我的誡命及規例。</verse>
				<verse number="35">總是我欲對伊的子收回王國，用十支族互你；</verse>
				<verse number="36">留一支族互伊的子，通互我的僕人 大闢 ，佇我所揀選互人來敬拜我的城 耶路撒冷 ，不時有一葩燈佇我的面前。</verse>
				<verse number="37">我揀選你，照你所愛的互你做 以色列 的王。</verse>
				<verse number="38">你若親像我的僕人 大闢 ，聽我所有的命令，行我的道路，做我看做正直的事，守我的規例及誡命，我就及你同在，將 以色列 交互你，給你建立穩固的王朝，親像我為 大闢 所做的像款。</verse>
				<verse number="39">我欲因為按呢刑罰 大闢 的後代，毋拘𣍐到永遠。』」</verse>
				<verse number="40">所羅門 愛欲刣死 耶羅波安 ， 耶羅波安 就逃走去 埃及 ，到 埃及 王 示撒 遐；伊就𫢶佇 埃及 到 所羅門 死。</verse>
				<verse number="41">所羅門 其他的事蹟及伊的智慧，攏記載佇 所羅門記 。</verse>
				<verse number="42">所羅門 佇 耶路撒冷 做 以色列 全國的王，共四十年。</verse>
				<verse number="43">所羅門 轉去伊的列祖遐了後，埋葬佇伊的老父 大闢 的城。伊的子 羅波安 續接伊作王。</verse>
			</chapter>
			<chapter number="12">
				<verse number="1">羅波安 去 示劍 ，因為 以色列 人民欲佇遐設立伊作王。</verse>
				<verse number="2">以前 尼八 的子 耶羅波安 為著閃避 所羅門 王，走去住佇 埃及 。 耶羅波安 猶佇 埃及 的時，聽著 羅波安 作王的消息。</verse>
				<verse number="3">以色列 人差人去請伊倒來； 耶羅波安 就及 以色列 會眾來見 羅波安 ，對伊講：</verse>
				<verse number="4">「你的老父互阮背重的擔；求你減輕你的老父下佇阮肩頭頂的重擔，減少阮的苦工，阮就服事你。」</verse>
				<verse number="5">羅波安 給𪜶講：「恁倒去，三日後才閣來。」人民就倒去。</verse>
				<verse number="6">羅波安 的老父 所羅門 猶活啲的時，有元老服事伊； 羅波安 王請教𪜶，講：「恁有什麼計策，我通回復諸個人民？」</verse>
				<verse number="7">𪜶應伊講：「今仔日你若願意做諸個人民的僕人服事𪜶，用好話回答𪜶，𪜶就會永遠做你的僕人。」</verse>
				<verse number="8">毋拘 羅波安 拒絕諸個元老互伊的計策，去及許個及伊做夥大漢，服事伊的少年人參詳；</verse>
				<verse number="9">伊給𪜶講：「諸個人民有對我講：『求你減輕你的老父下佇阮肩頭頂的重擔。』今恁有什麼意見互咱通給𪜶回復？」</verse>
				<verse number="10">許個及伊做夥大漢的少年人給伊講：「諸個人民對王講：『求你減輕你的老父下佇阮肩頭頂的重擔。』王著按呢應𪜶講：『我的尾指比我的老父的腰較粗。</verse>
				<verse number="11">我的老父互恁背重的擔，我欲互恁閣較重的擔；我的老父用鞭刑罰恁，我欲用鐵刺的鞭刑罰恁。』」</verse>
				<verse number="12">耶羅波安 及眾人民照 羅波安 王的話，佇第三日倒來見伊。</verse>
				<verse number="13">王用歹聲嗽應人民；伊毋聽元老互伊的建議，</verse>
				<verse number="14">照少年人的意見對人民講：「我的老父互恁背重的擔，我欲互恁閣較重的擔；我的老父用鞭刑罰恁，我欲用鐵刺的鞭刑罰恁。」</verse>
				<verse number="15">王毋肯聽人民的請求，因為此個代誌是出佇上主，欲實現上主通過 示羅 人 亞希雅 對 尼八 的子 耶羅波安 所講的話。</verse>
				<verse number="16">以色列 眾人民一下知王毋肯聽𪜶的請求，就對王講： 大闢 的王國阮無份； 耶西 的子及阮無關係。 以色列 人啊，恁攏倒去恁兜！ 今， 大闢 家，恁家己顧互好！ 對按呢， 以色列 人攏倒去𪜶兜。</verse>
				<verse number="17">毋拘 羅波安 猶原做住佇南部 猶大 地區的 以色列 人的王。</verse>
				<verse number="18">羅波安 王派監督強制勞工的 亞多蘭 去 以色列 人遐； 以色列 人民用石頭給伊抌死。 羅波安 王就趕緊上戰車走倒去 耶路撒冷 。</verse>
				<verse number="19">對按呢，北部的 以色列 人反叛 大闢 家，到今仔日。</verse>
				<verse number="20">以色列 人民聽著 耶羅波安 倒來，就差人請伊去全會眾面前，設立伊做 以色列 人民的王。 猶大 支族以外，無人隨 大闢 家。</verse>
				<verse number="21">羅波安 到 耶路撒冷 ，就聚集 猶大 家及 便雅憫 支族特選的戰士，共十八萬人，欲及 以色列 家交戰，互歸個王國閣歸屬 所羅門 的後代。</verse>
				<verse number="22">毋拘上帝的話臨到上帝重用的人 示瑪雅 ，講：</verse>
				<verse number="23">「你去給 所羅門 的子 猶大 王 羅波安 ， 猶大 及 便雅憫 全家，以及其他的人民講：</verse>
				<verse number="24">『上主按呢講：恁毋通去及恁的兄弟 以色列 人交戰；逐個人倒去家己的厝，因為此個代誌出佇我。』」𪜶就聽趁上主的話倒轉去。</verse>
				<verse number="25">耶羅波安 佇 以法蓮 山區重建 示劍 ，住佇遐；後來離開 示劍 ，重建 比努伊勒 。</verse>
				<verse number="26">耶羅波安 心內講：「今此個國毋知會閣歸屬 大闢 家𣍐；</verse>
				<verse number="27">諸個人民若上去 耶路撒冷 佇上主的殿獻祭，𪜶的心會歸向𪜶的主 猶大 王 羅波安 ；𪜶會給我刣死，閣倒去歸屬 猶大 王 羅波安 。」</verse>
				<verse number="28">王及人參詳了後，決定鑄造兩隻金的牛仔，就對人民講：「恁去 耶路撒冷 敬拜傷辛苦。 以色列 ，看咧，諸個是導恁對 埃及 地出來的神明。」</verse>
				<verse number="29">伊下一隻佇 伯特利 ，一隻佇 但 。</verse>
				<verse number="30">此個代誌互 以色列 人民陷落罪，因為𪜶去 但 及 伯特利 拜金牛仔。</verse>
				<verse number="31">王佇山頭起殿；設立毋是 利未 支族的人做祭司。</verse>
				<verse number="32">耶羅波安 學 猶大 定節期守節，毋拘將日期定佇八月十五；閣佇祭壇獻祭。伊將所設立山頭壇的祭司派去 伯特利 ，家己嘛去 伯特利 獻祭互伊所鑄的金牛仔。</verse>
				<verse number="33">伊佇八月十五，就是伊照家己的意思定的日，去 伯特利 佇伊所起造的祭壇獻祭；伊給 以色列 人定節期，閣佇祭壇獻祭燒香。</verse>
			</chapter>
			<chapter number="13">
				<verse number="1">彼時，有一個上帝重用的人照上主的話對 猶大 來到 伯特利 ； 耶羅波安 抵仔徛佇祭壇邊啲燒香。</verse>
				<verse number="2">上帝重用的人照上主的話，對彼個祭壇大聲喝講：「祭壇啊，祭壇啊，上主按呢講：『看咧， 大闢 家會有一個子出世，叫做 約西亞 ，伊欲將許個佇山頭壇燒香的祭司刣死佇你頂面；嘛會佇你頂面燒人的骨頭。』」</verse>
				<verse number="3">像彼日，伊閣互 耶羅波安 一個兆頭，講：「看咧，此個祭壇欲受拆毀，壇頂的火灰欲撒甲歸土腳；這就是上主所講的兆頭。」</verse>
				<verse number="4">耶羅波安 王聽著上帝重用的人對 伯特利 的祭壇所講的話，就對壇頂伸手，講：「給伊掠起來！」伊伸出來的手煞硬去，𣍐當勼倒轉；</verse>
				<verse number="5">壇就破裂，壇頂的火灰嘛撒甲歸土腳，抵照上帝重用的人奉上主的話所講的兆頭實現。</verse>
				<verse number="6">王對上帝重用的人講：「請你為我祈求上主 — 你的上帝施恩，互我的手復原。」上帝重用的人祈求上主施恩，王的手就復原。</verse>
				<verse number="7">王給上帝重用的人講：「請你及我來去阮兜，食寡物件，回復元氣；我嘛欲送禮物互你。」</verse>
				<verse number="8">上帝重用的人對王講：「你就是將你王宮的一半互我，我嘛𣍐及你去，嘛𣍐佇遮食飯飲水。</verse>
				<verse number="9">因為上主有給我吩咐講：『你毋通食飯，毋通飲水，嘛毋通對原路倒去。』」</verse>
				<verse number="10">上帝重用的人就行別條路，無對來 伯特利 彼條倒去。</verse>
				<verse number="11">伯特利 有一個老先知，伊的子來，將彼日上帝重用的人佇 伯特利 所做的代誌，及對王講的話，攏給𪜶老父講。</verse>
				<verse number="12">老父對𪜶講：「伊對叨一條路倒去？」伊的子就報𪜶老父知對 猶大 來上帝重用的人倒去的路。</verse>
				<verse number="13">伊就吩咐伊的子講：「恁給我準備驢。」𪜶準備好勢，伊就騎驢</verse>
				<verse number="14">去趇上帝重用的人，看著伊坐佇橡樹腳，就問伊講：「你是對 猶大 來彼個上帝重用的人是無？」 伊講：「我就是。」</verse>
				<verse number="15">老先知給伊講：「請你及我倒去阮兜食飯。」</verse>
				<verse number="16">上帝重用的人就講：「我𣍐當及你去恁兜，嘛𣍐當佇此所在及你食飯飲水。</verse>
				<verse number="17">因為上主的話吩咐我講：『你佇遐毋通食飯，毋通飲水，嘛毋通對你去彼條路倒來。』」</verse>
				<verse number="18">老先知就給伊講：「我及你仝款是先知，有天使奉上主的命令給我講：『你導伊及你倒去恁兜，互伊食飯飲水。』」老先知是啲騙伊。</verse>
				<verse number="19">伊就及伊倒去，佇𪜶兜食飯飲水。</verse>
				<verse number="20">𪜶兩個人做夥食的時，上主的話臨到彼個導伊倒來的老先知。</verse>
				<verse number="21">伊就給彼個對 猶大 來上帝重用的人講：「上主按呢講：『因為你有違背上主的話，無遵守上主 — 你的上帝對你的命令，</verse>
				<verse number="22">倒來伊禁止你毋通食飯飲水的所在飲食，所以你的身屍𣍐當埋佇你列祖的墓。』」</verse>
				<verse number="23">食飯飲水了後，老先知給伊帶倒來的先知準備驢。</verse>
				<verse number="24">彼個先知騎驢離開了後，佇路裡抵著一隻獅，獅就給伊咬死；伊的身屍倒佇路裡，驢及獅攏徛佇身屍的邊仔。</verse>
				<verse number="25">有人對遐經過，看著身屍倒佇路裡，獅徛佇身屍的邊仔，就來老先知所住的城，講起此個代誌。</verse>
				<verse number="26">彼個導上帝重用的人對路裡倒來的老先知聽著就講：「此個上帝重用的人違背上主的命令，所以上主叫獅來咬伊；獅給伊拆裂，給伊咬死，抵照上主對伊講的話。」</verse>
				<verse number="27">老先知就吩咐伊的子講：「恁給我準備驢。」𪜶就去準備。</verse>
				<verse number="28">伊騎驢仔出去，看著上帝重用的人的身屍倒佇路裡，驢及獅徛佇身屍的邊仔，獅無食身屍，嘛無給驢拆裂。</verse>
				<verse number="29">老先知就將上帝重用的人的身屍下佇驢的頂面，載倒來家己的城，欲為著伊啼哭，給伊埋葬。</verse>
				<verse number="30">老先知將上帝重用的人的身屍葬佇伊家己的墓，伊及伊的子就為著上帝重用的人啼哭，講：「唉啊，我的兄弟啊！」</verse>
				<verse number="31">埋葬了後，伊就給伊的子講：「我死了後，著給我埋佇安葬上帝重用的人的墓內，互我的骨頭倚伊骨頭的邊仔。</verse>
				<verse number="32">因為伊奉上主的命令，對 伯特利 的祭壇及 撒馬利亞 全城所有的山頭壇宣布的話，一定實現。」</verse>
				<verse number="33">此個代誌了後， 耶羅波安 猶原無欲離開伊的歹路，繼續設立一般人做山頭壇的祭司；有意願的，就給𪜶封立做祭司。</verse>
				<verse number="34">此個代誌互 耶羅波安 王朝陷落罪，致到𪜶對地上完全消滅。</verse>
			</chapter>
			<chapter number="14">
				<verse number="1">彼時， 耶羅波安 的子 亞比雅 破病；</verse>
				<verse number="2">耶羅波安 給伊的某講：「你起來變裝，去 示羅 ；互人知你是 耶羅波安 的某。先知 亞希雅 住佇遐；伊曾預言講我欲做諸個人民的王。</verse>
				<verse number="3">今你著帶十塊麵包、一寡餅，及一罐蜜，去見伊；伊會給你講咱的子會按怎。」</verse>
				<verse number="4">耶羅波安 的某就照按呢出發去 示羅 ，來到 亞希雅 𪜶兜。 亞希雅 因為年老，目睭柴柴無看見。</verse>
				<verse number="5">上主給 亞希雅 講：「 耶羅波安 的某來，欲為著伊破病的子問你；你著按呢按呢給伊講。伊來的時，會裝做別個婦仁人。」</verse>
				<verse number="6">伊抵仔入門， 亞希雅 聽著伊的腳步聲，就講：「 耶羅波安 的某，入來！你是按怎裝做別個婦仁人？我欲給你報一個歹消息。</verse>
				<verse number="7">你倒去給 耶羅波安 講：『上主 — 以色列 的上帝按呢講：我對人民中間提拔你，設立你做我子民 以色列 的統治者，</verse>
				<verse number="8">對 大闢 家將王國分裂賞賜互你；毋拘你無親像我的僕人 大闢 遵守我的誡命，全心順趁我，做我看做正直的事。</verse>
				<verse number="9">你竟然做歹超過所有你以前的人，為家己造別個神明，鑄偶像，激我受氣，將我擲佇你的尻脊後。</verse>
				<verse number="10">因為按呢，我欲互災禍臨到 耶羅波安 的家，將 以色列 中屬 耶羅波安 的查甫人，無論自由的抑是無自由的，攏給𪜶消滅。我嘛欲將 耶羅波安 的家攏除滅，親像啲燒糞埽，給伊燒盡。</verse>
				<verse number="11">所有屬 耶羅波安 的人，死佇城內的，狗會給食；死佇野外的，空中的鳥會飛來食。上主按呢宣告。』</verse>
				<verse number="12">「今你倒去恁兜；你的腳一下踏入城，你的子就會死。</verse>
				<verse number="13">以色列 人民會為著伊啼哭，給伊埋葬；屬 耶羅波安 的人，只有伊得著安葬，因為佇 耶羅波安 的家，只有伊曾做一寡事互上主 — 以色列 的上帝歡喜。</verse>
				<verse number="14">上主欲為著家己興起一個王，統治 以色列 ；伊欲消滅 耶羅波安 的家。什麼時會發生？就是現在！</verse>
				<verse number="15">上主欲拍 以色列 ，互𪜶搖動，親像水中的蘆葦；閣欲對伊賞賜𪜶列祖的好土地給𪜶拔出來，互𪜶四散佇 幼發拉底河 的彼旁，因為𪜶造 亞舍拉 女神的柱像，激上主受氣。</verse>
				<verse number="16">耶羅波安 本身犯罪，閣互 以色列 人陷落罪，所以上主欲棄拺 以色列 。」</verse>
				<verse number="17">耶羅波安 的某起身倒去 得撒 ；抵仔到厝的戶橂，伊的子就死。</verse>
				<verse number="18">以色列 人民為著伊啼哭，給伊埋葬，抵抵照上主通過伊的僕人先知 亞希雅 所講的話。</verse>
				<verse number="19">耶羅波安 其他的事蹟，伊按怎交戰，按怎作王，攏記載佇 以色列列王史 。</verse>
				<verse number="20">耶羅波安 作王共二十二年，就轉去伊的列祖遐；伊的子 拿答 續接伊作王。</verse>
				<verse number="21">所羅門 的子 羅波安 佇 猶大 作王。 羅波安 坐位的時四十一歲。伊佇 耶路撒冷 作王十七年； 耶路撒冷 是上主對 以色列 眾支族中揀選互人來敬拜伊的城。 羅波安 的老母叫做 拿瑪 ，是 亞捫 人。</verse>
				<verse number="22">猶大 人民做上主看做歹的事，𪜶犯的罪比𪜶列祖所犯的閣較重，激動上主怨妒。</verse>
				<verse number="23">因為𪜶佇逐個高的山崙仔，逐欉青翠的樹下面，起山頭壇，造石柱像及 亞舍拉 女神。</verse>
				<verse number="24">國內閣有孌童； 以色列 人學上主佇𪜶面前趕出的外族人所做可惡的事。</verse>
				<verse number="25">羅波安 王第五年， 埃及 王 示撒 上來攻擊 耶路撒冷 ，</verse>
				<verse number="26">將上主聖殿及王宮的寶物攏搶去，閣搶 所羅門 所做許個金的盾牌。</verse>
				<verse number="27">羅波安 王做銅的盾牌代替許個金盾牌，交互顧王宮大門的侍衛長顧守。</verse>
				<verse number="28">王逐遍入上主的殿，侍衛就夯諸個盾牌，後來閣帶倒轉下佇侍衛室。</verse>
				<verse number="29">羅波安 其他的事蹟，及伊所做一切的事攏記載佇 猶大列王史 。</verse>
				<verse number="30">羅波安 及 耶羅波安 常常交戰。</verse>
				<verse number="31">羅波安 轉去伊的列祖遐，及伊的列祖安葬佇 大闢 城。伊的老母叫做 拿瑪 ，是 亞捫 人。 羅波安 的子 亞比雅 續接伊作王。</verse>
			</chapter>
			<chapter number="15">
				<verse number="1">尼八 的子 以色列 王 耶羅波安 第十八年， 亞比雅 做 猶大 王，</verse>
				<verse number="2">佇 耶路撒冷 作王三年；伊的老母叫做 瑪迦 ，是 押沙龍 的查某子。</verse>
				<verse number="3">亞比雅 做伊的老父以前所做一切的罪惡；伊的心無親像伊的阿祖 大闢 的心完全順服上主 — 伊的上帝。</verse>
				<verse number="4">毋拘上主 — 伊的上帝因為 大闢 的緣故，互伊佇 耶路撒冷 有一葩燈，互伊的子續接伊的位，閣互 耶路撒冷 堅固。</verse>
				<verse number="5">大闢 佇 赫 人 烏利亞 彼件事以外，攏做上主看做好的事，一生無違背上主的命令。</verse>
				<verse number="6">羅波安 及 耶羅波安 常常交戰。</verse>
				<verse number="7">亞比雅 其他的事蹟，伊所做一切的事攏記載佇 猶大列王史 。 亞比雅 嘛曾及 耶羅波安 交戰。</verse>
				<verse number="8">亞比雅 轉去伊的列祖遐，人給伊安葬佇 大闢 城；伊的子 亞撒 續接伊作王。</verse>
				<verse number="9">以色列 王 耶羅波安 第二十年， 亞撒 做 猶大 王。</verse>
				<verse number="10">伊佇 耶路撒冷 作王四十一年；伊的阿嬤叫做 瑪迦 ，是 押沙龍 的查某子。</verse>
				<verse number="11">亞撒 親像伊的祖 大闢 做上主看做好的事，</verse>
				<verse number="12">對國內除去孌童，以及伊的祖先所造一切的偶像；</verse>
				<verse number="13">閣廢除伊的阿嬤 瑪迦 太后的位，因為 瑪迦 有造 亞舍拉 可惡的神像。 亞撒 將神像剉掉，佇 汲淪 溪谷放火燒。</verse>
				<verse number="14">雖然許個山頭壇猶未除去，毋拘 亞撒 一生完全順服上主。</verse>
				<verse number="15">伊將伊的老父及伊本身分別作聖的金、銀，及器具，攏帶入上主的聖殿。</verse>
				<verse number="16">亞撒 及 以色列 王 巴沙 常常交戰。</verse>
				<verse number="17">以色列 王 巴沙 來攻擊 猶大 ，修建 拉瑪 城，欲阻擋人佇 猶大 王 亞撒 遐出入。</verse>
				<verse number="18">亞撒 就將上主聖殿及王宮的府庫賰的金銀，攏交互伊的人臣，派𪜶去 大馬士革 見 敘利亞 王， 希旬 的孫， 他伯臨門 的子 便‧哈達 ，對伊講：</verse>
				<verse number="19">「咱來結盟，親像你的老父曾及我的老父結盟。今我用金銀做禮物送你，請你廢除你及 以色列 王 巴沙 立的約，互伊對 猶大 撤退。」</verse>
				<verse number="20">便‧哈達 同意 亞撒 王的話，就派伊的軍長去攻擊 以色列 的城，攻破 以雲 、 但 、 亞伯‧伯‧瑪迦 、 加利利湖 附近的地區、 拿弗他利 地區。</verse>
				<verse number="21">巴沙 聽著此個消息，就停工無閣修建 拉瑪 ，猶原住佇 得撒 。</verse>
				<verse number="22">對按呢， 亞撒 王命令 猶大 所有的人民，逐個人攏著服從，將 巴沙 用來欲修建 拉瑪 的石頭及柴料，搬去重建 便雅憫 地區的 迦巴 及 米斯巴 。</verse>
				<verse number="23">亞撒 其他的事蹟、伊的成就、伊所做的事，及伊所起的城，攏記載佇 猶大列王史 。 亞撒 年老的時，致著腳的病。</verse>
				<verse number="24">亞撒 轉去伊的列祖遐，及伊的列祖安葬佇 大闢 城；伊的子 約沙法 續接伊作王。</verse>
				<verse number="25">猶大 王 亞撒 第二年， 耶羅波安 的子 拿答 做 以色列 王。伊統治 以色列 兩年。</verse>
				<verse number="26">拿答 做上主看做歹的事，行伊老父的路，及伊的老父仝款互 以色列 人陷落罪。</verse>
				<verse number="27">以薩迦 支族 亞希雅 的子 巴沙 背叛 拿答 。 拿答 及 以色列 軍兵圍困 非利士 人的 基比頓 城的時， 巴沙 給伊刣死。</verse>
				<verse number="28">猶大 王 亞撒 第三年， 巴沙 刣死 拿答 ，篡伊的位。</verse>
				<verse number="29">巴沙 一下作王，就刣死 耶羅波安 全家，將所有會喘氣的攏剿滅，無給 耶羅波安 留一個；抵抵照上主通過伊的僕人 示羅 人 亞希雅 所講的話。</verse>
				<verse number="30">這是因為 耶羅波安 有犯罪，閣互 以色列 人陷落罪；伊按呢做有激動上主 — 以色列 的上帝受氣。</verse>
				<verse number="31">拿答 其他的事蹟，及伊所做一切的事，攏記載佇 以色列列王史 。</verse>
				<verse number="32">亞撒 及 以色列 王 巴沙 常常交戰。</verse>
				<verse number="33">猶大 王 亞撒 第三年， 亞希雅 的子 巴沙 佇 得撒 做 以色列 人民的王二十四年。</verse>
				<verse number="34">伊做上主看做歹的事，行 耶羅波安 的路，互所有的 以色列 人陷落罪。</verse>
			</chapter>
			<chapter number="16">
				<verse number="1">上主的話臨到 哈拿尼 的子 耶戶 ，叫伊責備 巴沙 ，講：</verse>
				<verse number="2">「我有對土粉的中間提拔你，設立你做我子民 以色列 的統治者，你竟然行 耶羅波安 的路，互我的子民 以色列 陷落罪，激我受氣。</verse>
				<verse number="3">看咧，我欲除滅你及你的家，嘛欲互你的家及 尼八 的子 耶羅波安 的家仝款。</verse>
				<verse number="4">所有屬 巴沙 的人，死佇城內的，狗會給食；死佇野外的，空中的鳥會飛來食。」</verse>
				<verse number="5">巴沙 其他的事蹟，伊所做的事及伊的成就，攏記載佇 以色列列王史 。</verse>
				<verse number="6">巴沙 轉去伊的列祖遐了後，安葬佇 得撒 ；伊的子 以拉 續接伊作王。</verse>
				<verse number="7">上主通過 哈拿尼 的子先知 耶戶 責備 巴沙 及伊的家，因為伊及 耶羅波安 的家仝款，做上主看做歹的事，閣因為伊刣死 耶羅波安 全家，激動上主受氣。</verse>
				<verse number="8">猶大 王 亞撒 第二十六年， 巴沙 的子 以拉 佇 得撒 作王統治 以色列 兩年。</verse>
				<verse number="9">伊的人臣 心利 ，就是指揮戰車隊一半的軍官，背叛伊。 以拉 佇 得撒 ，佇王宮的管家 亞雜 𪜶兜食酒醉的時，</verse>
				<verse number="10">心利 入去給伊刣死，篡伊的位；這是 猶大 王 亞撒 第二十七年的事。</verse>
				<verse number="11">心利 一下坐位統治，就刣死 巴沙 全家，包括親人朋友，攏無留一個查甫人。</verse>
				<verse number="12">按呢， 心利 除滅 巴沙 全家，抵抵照上主通過先知 耶戶 攻擊 巴沙 的話。</verse>
				<verse number="13">這是因為 巴沙 所有的罪，及伊的子 以拉 的罪；𪜶兩個人互 以色列 人陷落罪，去拜虛假的神明，激動上主 — 以色列 的上帝受氣。</verse>
				<verse number="14">以拉 其他的事蹟，及伊所做的事，攏記載佇 以色列列王史 。</verse>
				<verse number="15">猶大 王 亞撒 第二十七年， 心利 佇 得撒 作王七日；彼時軍兵抵仔紮營圍攻 非利士 的 基比頓 城。</verse>
				<verse number="16">營中的軍兵聽著 心利 背叛，閣刣死王，彼日， 以色列 人民就佇營中設立元帥 暗利 做 以色列 王。</verse>
				<verse number="17">暗利 及 以色列 軍兵對 基比頓 上去，圍困 得撒 。</verse>
				<verse number="18">心利 看著城已經破，就入王宮內面的堡壘，放火燒王宮，家己死佇內面。</verse>
				<verse number="19">這是因為伊有犯罪，做上主看做歹的事，行 耶羅波安 的路，閣互 以色列 人陷落罪。</verse>
				<verse number="20">心利 其他的事蹟，及伊的背叛，攏記載佇 以色列列王史 。</verse>
				<verse number="21">彼時， 以色列 人民分做兩旁：一半隨 基納 的子 提比尼 ，欲設立伊作王；一半隨 暗利 。</verse>
				<verse number="22">毋拘隨 暗利 的人民比隨 基納 的子 提比尼 的人較強； 提比尼 死， 暗利 就作王。</verse>
				<verse number="23">猶大 王 亞撒 第三十一年， 暗利 做 以色列 王，共十二年；前六年佇 得撒 作王。</verse>
				<verse number="24">暗利 用七十公斤的銀對 撒馬 買 撒馬利亞山 ，佇山頂起城；就照彼個山的地主 撒馬 的名，給所起的城號名叫做 撒馬利亞 。</verse>
				<verse number="25">暗利 行上主看做歹的事，比以前所有的王閣較歹。</verse>
				<verse number="26">因為伊行 尼八 的子 耶羅波安 的路，互 以色列 人陷落罪，去拜虛假的神明，激動上主 — 以色列 的上帝受氣。</verse>
				<verse number="27">暗利 其他的事蹟，及伊的成就，攏記載佇 以色列列王史 。</verse>
				<verse number="28">暗利 轉去伊的列祖遐了後，安葬佇 撒馬利亞 ；伊的子 亞哈 續接伊作王。</verse>
				<verse number="29">猶大 王 亞撒 第三十八年， 暗利 的子 亞哈 做 以色列 王，佇 撒馬利亞 作王二十二年。</verse>
				<verse number="30">暗利 的子 亞哈 做上主看做歹的事，比以前所有的王閣較歹。</verse>
				<verse number="31">伊犯 尼八 的子 耶羅波安 的罪，毋拘猶看這做小事；伊閣娶 西頓 王 謁巴力 的查某子 耶洗碧 做某，去服事跪拜巴力。</verse>
				<verse number="32">伊佇 撒馬利亞 為著巴力起廟，佇廟內給巴力起祭壇。</verse>
				<verse number="33">亞哈 閣造 亞舍拉 女神。 亞哈 的所做激上主 — 以色列 的上帝受氣，比以前的 以色列 列王閣較嚴重。</verse>
				<verse number="34">亞哈 作王的時， 伯特利 人 希伊勒 重建 耶利哥 城；伊下地基的時，死大子 亞比蘭 ，安門扇的時，死煞尾子 西割 ；抵抵照上主通過 嫩 的子 約書亞 所講的話。</verse>
			</chapter>
			<chapter number="17">
				<verse number="1">住佇 基列 的 提斯比 人 以利亞 對 亞哈 講：「我指我所服事永活上主 — 以色列 的上帝咒誓：『此幾年，我若無祈求，就無露水，嘛𣍐落雨。』」</verse>
				<verse number="2">上主的話臨到 以利亞 講：</verse>
				<verse number="3">「你著離開遮，斡對東旁去，匿𫢶 約旦河 的東勢 基立 溪邊。</verse>
				<verse number="4">你欲飲彼條溪的水；我已經命令烏鴉佇遐供給你。」</verse>
				<verse number="5">伊就照上主的話，去𫢶佇 約旦 東勢的 基立溪 。</verse>
				<verse number="6">逐日的早起時及日落的時，烏鴉攏帶餅及肉來互伊；伊飲溪裡的水。</verse>
				<verse number="7">後來溪水焦，因為彼個地方無落雨。</verse>
				<verse number="8">上主的話臨到 以利亞 ，講：</verse>
				<verse number="9">「起來，去 西頓 的 撒勒法 ，住𫢶遐。我已經命令彼所在一個寡婦供給你。」</verse>
				<verse number="10">伊就起來，去 撒勒法 ；到城門的時，抵好有一個寡婦佇遐啲拾柴。 以利亞 就叫伊，講：「請用器具舀淡薄水互我飲。」</verse>
				<verse number="11">伊去舀水的時， 以利亞 閣叫伊講：「請順手提淡薄餅來互我。」</verse>
				<verse number="12">婦仁人講：「我指永活的上主 — 你的上帝咒誓，我連一塊餅都無，桶仔內只有一把仔麵粉，瓶內嘛只有一屑仔油。你看，我拾此兩枝柴，欲倒去為著我及我的子做餅；阮食了就欲等死。」</verse>
				<verse number="13">以利亞 給伊講：「免驚！你去，照你所講的去做；毋拘代先做一塊細塊餅互我，然後為著你及你的子做餅。</verse>
				<verse number="14">因為上主 — 以色列 的上帝按呢講：『桶內的麵粉𣍐減少，瓶內的油用𣍐了，直到上主落雨彼日。』」</verse>
				<verse number="15">婦仁人就照 以利亞 的話做。 以利亞 、婦仁人，以及伊厝內的人食真多日，</verse>
				<verse number="16">抵照上主通過 以利亞 所講的，桶內的麵粉無了，瓶內的油無減。</verse>
				<verse number="17">諸個代誌了後，彼家的女主人的子破病，病甲真傷重，煞斷氣。</verse>
				<verse number="18">婦仁人給 以利亞 講：「上帝重用的人啊，我及你有什麼關係？你來我遮煞互上帝想起我的罪，害我的子死。」</verse>
				<verse number="19">以利亞 給伊講：「將你的子交互我。」 以利亞 對婦仁人的胸前給囝仔抱去，帶去樓頂伊的房間，下佇伊家己的眠床。</verse>
				<verse number="20">伊求叫上主講：「上主 — 我的上帝啊，我住佇此個寡婦的厝，你哪欲降災禍互伊，害死伊的子？」</verse>
				<verse number="21">以利亞 就仆佇囝仔的身軀三遍，祈求上主講：「上主 — 我的上帝啊，求你互此個囝仔回魂。」</verse>
				<verse number="22">上主聽 以利亞 的祈禱，互囝仔回魂，閣活起來。</verse>
				<verse number="23">以利亞 就抱彼個囝仔對樓頂落來，入去厝內交互囝仔的老母。 以利亞 講：「你看，你的子活啦。」</verse>
				<verse number="24">婦仁人對 以利亞 講：「今我知你是上帝重用的人，上主通過你所講的話攏是真實。」</verse>
			</chapter>
			<chapter number="18">
				<verse number="1">經過一段時間，到第三年，上主的話臨到 以利亞 講：「你去見 亞哈 ；我欲落雨佇地面上。」</verse>
				<verse number="2">以利亞 就去，欲見 亞哈 ；彼時 撒馬利亞 飢荒真嚴重。</verse>
				<verse number="3">亞哈 就叫伊的管家 俄巴底亞 來。(俄巴底亞 不止敬畏上主。</verse>
				<verse number="4">耶洗碧 啲刣上主的先知的時， 俄巴底亞 將先知一百人藏起來，每五十人藏佇一個洞內，用餅及水供給𪜶。)</verse>
				<verse number="5">亞哈 給 俄巴底亞 講：「你著四界去尋，到所有的水泉邊及溪邊，看會當尋著青草𣍐，通互馬、騾活啲，才免牲生死去。」</verse>
				<verse number="6">𪜶就分區域去尋。 亞哈 行一條路， 俄巴底亞 家己行另外一條路。</verse>
				<verse number="7">俄巴底亞 佇路裡抵著 以利亞 ； 俄巴底亞 認著伊，就仆落去，講：「你是我的主 以利亞 是無？」</verse>
				<verse number="8">伊應講：「是。去給你的主人講， 以利亞 佇遮。」</verse>
				<verse number="9">俄巴底亞 講：「你的僕人有犯什麼罪，你竟然欲害我互 亞哈 刣死？</verse>
				<verse number="10">我指永活的上主 — 你的上帝咒誓：逐族，逐國，我的主攏派人去啲尋你；𪜶若講『伊無佇遮』，就叫彼國彼族的人咒誓講，𪜶實在尋𣍐著你。</verse>
				<verse number="11">今你講：『去給你的主人講： 以利亞 佇遮。』</verse>
				<verse number="12">我一下離開，上主的神毋知欲給你帶去什麼所在。我若去給 亞哈 講你佇遮，伊來若尋無你，就會給我刣死。毋拘你的僕人對少年就敬畏上主。</verse>
				<verse number="13">當 耶洗碧 啲刣上主的先知的時，我所做的豈無人給我的主講？我有將一百個上主的先知藏起來，每五十人藏佇一個洞內，用餅及水供給𪜶。</verse>
				<verse number="14">今你講：『去給你的主人講： 以利亞 佇遮。』伊一定會給我刣死。」</verse>
				<verse number="15">以利亞 講：「我指我所服事的上主 — 萬軍的統帥咒誓講，今仔日我一定欲互 亞哈 看著我。」</verse>
				<verse number="16">俄巴底亞 就去見 亞哈 ，給伊報告。 亞哈 就來見 以利亞 。</verse>
				<verse number="17">亞哈 看著 以利亞 就給伊講：「你此個害 以色列 悽慘落魄的！」</verse>
				<verse number="18">以利亞 應講：「害 以色列 悽慘落魄的毋是我，是你及你的老父的家；因為恁棄拺上主的誡命，去隨巴力。</verse>
				<verse number="19">今你著派人去召集 以色列 眾人，以及食 耶洗碧 的飯的巴力先知四百五十人，及 亞舍拉 的先知四百人，叫𪜶攏去 迦密山 我遐。」</verse>
				<verse number="20">亞哈 就派人去 以色列 眾人遐，召集先知去 迦密山 。</verse>
				<verse number="21">以利亞 行倚眾人，對𪜶講：「恁心存兩意無欲決斷，欲到什麼時？若上主是上帝，就著順趁上主；若巴力是上帝，就著順趁巴力。」眾人一句話都無應。</verse>
				<verse number="22">以利亞 閣給眾人講：「上主的先知只有賰我一個，毋拘巴力的先知有四百五十人。</verse>
				<verse number="23">給阮牽兩隻牛仔來，巴力的先知先揀一隻，切歸塊歸塊，下佇柴頂，毋通起火；我嘛會準備另外彼隻牛，下佇柴頂，嘛𣍐起火。</verse>
				<verse number="24">互巴力的先知求叫𪜶神明的名，我求叫上主的名。叨一個用火回應祈禱，彼個就是上帝。」眾人攏贊成。</verse>
				<verse number="25">以利亞 對巴力的先知講：「恁揀一隻牛仔，先去準備，因為恁人較多，恁求叫恁的神明的名，毋拘毋通起火。」</verse>
				<verse number="26">許個先知將互𪜶的牛仔攢好勢；對早起到日晝求叫巴力的名，講：「巴力啊，著應阮。」毋拘無聲無說，攏無應答；𪜶佇所起的壇周圍趒跳。</verse>
				<verse number="27">到中晝， 以利亞 譏刺𪜶講：「喝較大聲咧！伊是神明，可能伊是啲默想，抑是啲無閒，抑是出外去旅遊，抑是啲睏，恁著給伊叫醒。」</verse>
				<verse number="28">𪜶大聲求叫，照𪜶的儀式，用刀刜，用槍鑿家己，致到歸身軀流血。</verse>
				<verse number="29">對過晝到獻下昏祭的時，𪜶大聲嚷，烏白喝；毋拘攏無應答，無動靜，嘛無什麼回應。</verse>
				<verse number="30">以利亞 給眾人講：「恁倚來我遮。」眾人就近倚來伊遐；伊就整修倒壞的上主的祭壇。</verse>
				<verse number="31">以利亞 照 雅各 子孫十二支族的數目提十二塊石；上主曾對 雅各 講：「你的名欲叫做 以色列 。」</verse>
				<verse number="32">以利亞 用諸個石頭，奉上主的名起一座壇，佇壇的周圍開會貯得十四公升種籽的溝。</verse>
				<verse number="33">閣排柴，將牛切一塊一塊，下佇柴頂；講：「用四桶貯淀淀的水，摒佇燒化祭及柴的頂面。」</verse>
				<verse number="34">閣講：「摒第二遍。」𪜶就摒第二遍；閣講：「摒第三遍。」𪜶就摒第三遍。</verse>
				<verse number="35">水流佇壇的四圍，溝嘛有水滿滿。</verse>
				<verse number="36">到獻下昏祭的時，先知 以利亞 行倚祭壇，講：「上主 — 亞伯拉罕 、 以撒 、 雅各 的上帝，求你今仔日互人知你是 以色列 的上帝，嘛知我是你的僕人，閣照你的話做諸個一切的代誌。</verse>
				<verse number="37">上主啊，著應我，著應我，互諸個人民知上主你就是上帝，互𪜶的心越倒轉。」</verse>
				<verse number="38">上主就降火，將燒化祭、柴、石頭，及土燒了了，溝內的水攏燒甲焦焦。</verse>
				<verse number="39">眾人看著，就仆佇土腳講：「上主，伊是上帝！上主，伊是上帝。」</verse>
				<verse number="40">以利亞 給𪜶講：「給巴力的先知掠起來，連一個都毋通互走去。」眾人就掠𪜶； 以利亞 就帶𪜶落去 基順 溪邊，佇遐給𪜶刣死。</verse>
				<verse number="41">以利亞 給 亞哈 講：「今你通去飲食；因為有聽著大雨的聲。」</verse>
				<verse number="42">亞哈 就去飲食。 以利亞 上去 迦密山 頂，跪佇土腳，面俯佇兩個腳頭窩的中央。</verse>
				<verse number="43">以利亞 對伊的僕人講：「你上去，看海彼旁。」 僕人就上去看，講：「無看著什麼。」 以利亞 講：「你閣去。」伊連續叫伊去看七遍。</verse>
				<verse number="44">到第七遍，僕人給伊講：「有看著雲對海裡起來，親像手盤赫細。」 以利亞 講：「你去對 亞哈 講：『著準備車落去，才免互雨阻擋。』」</verse>
				<verse number="45">一時仔久，天因為風及雲變烏暗，落大雨。 亞哈 就坐車去 耶斯列 。</verse>
				<verse number="46">上主的氣力臨到 以利亞 ，伊就腰帶縛好勢，歸綴路走佇 亞哈 的頭前，直到 耶斯列 的城門。</verse>
			</chapter>
			<chapter number="19">
				<verse number="1">亞哈 將 以利亞 所做一切的事，及伊用刀刣死巴力所有的先知的代誌，攏給 耶洗碧 講。</verse>
				<verse number="2">耶洗碧 就派使者去給 以利亞 講：「明仔載此個時，我若無取你的性命親像你取𪜶逐個人的性命，願神明加倍責罰我。」</verse>
				<verse number="3">以利亞 驚著，就趕緊逃命，來到 猶大 的 別是巴 ，將僕人留佇遐。</verse>
				<verse number="4">伊家己佇曠野行一日，來到一欉羅騰樹腳，就坐佇遐求死，講：「夠額啦！上主啊，今求你取我的性命，因為我無比我的列祖較強。」</verse>
				<verse number="5">伊就倒佇羅騰樹腳，睏去；有天使來搭伊，講：「起來食。」</verse>
				<verse number="6">以利亞 一下看，看著頭殼邊有用熱的石頭烘的餅，閣有一瓶水；伊就食就飲，閣倒落去睏。</verse>
				<verse number="7">上主的使者第二遍閣來給搭，講：「起來食，因為路猶真遠。」</verse>
				<verse number="8">伊就起來食，起來飲；靠此遍食的力，行四十暝，四十日，到上帝的山，就是 何烈山 。</verse>
				<verse number="9">伊到遐，入去一個洞，佇遐過暝；忽然，上主的話臨到伊，對伊講：「 以利亞 ，你佇遮啲創什麼？」</verse>
				<verse number="10">伊應講：「我為著上主 — 萬軍的統帥上帝大熱心；因為 以色列 人棄拺你的約，毀壞你的祭壇，用刀刣你的先知，只有賰我一人；𪜶猶數想我的性命，欲刣我。」</verse>
				<verse number="11">上主講：「你出來徛𫢶山頂，佇我的面前。」彼時，上主經過，佇伊面前有大閣強的風，山崩石裂，毋拘上主無佇風的內面；風了後有地動，上主嘛無佇地動的中間；</verse>
				<verse number="12">地動了後有火，上主嘛無佇火中；火了後，有細閣輕的聲。</verse>
				<verse number="13">以利亞 聽見，就用外衫掩面，出去徛佇洞口。忽然，有聲臨到伊講：「 以利亞 ，你佇遮啲創什麼？」</verse>
				<verse number="14">伊講：「我為著上主 — 萬軍的統帥上帝大熱心；因為 以色列 人棄拺你的約，毀壞你的祭壇，用刀刣你的先知，只有賰我一個；𪜶猶數想我的性命，欲刣我。」</verse>
				<verse number="15">上主給伊講：「你去，照原路倒去，去 大馬士革 的曠野；到遐了後，著用油抹 哈薛 做 敘利亞 王，</verse>
				<verse number="16">抹 寧示 的孫 耶戶 做 以色列 王，閣抹 亞伯‧米何拉 人 沙法 的子 以利沙 做先知續接你。</verse>
				<verse number="17">將來，無互 哈薛 刣死的，會互 耶戶 刣死；無互 耶戶 刣死的，會互 以利沙 刣死。</verse>
				<verse number="18">總是，我佇 以色列 中有留七千人，𪜶的腳頭窩毋曾跪拜巴力，毋曾用嘴給唚。」</verse>
				<verse number="19">以利亞 就離開遐；後來，尋著 沙法 的子 以利沙 。 以利沙 抵啲犁田；佇伊的頭前有十二對牛，伊家己趕第十二對。 以利亞 經過遐，將家己的外衫袚佇 以利沙 的身上。</verse>
				<verse number="20">以利沙 就將許個牛放啲，走去趇 以利亞 ，對伊講：「請互我代先及我的父母相辭，後來就來隨你。」 以利亞 給伊講：「你通倒去。著會記得我有對你做什麼。」</verse>
				<verse number="21">以利沙 就對遐倒去，刣一對牛，用套牛的器具做柴煮肉，互眾人食。後來， 以利沙 就起來隨 以利亞 ，服事伊。</verse>
			</chapter>
			<chapter number="20">
				<verse number="1">敘利亞 王 便‧哈達 召集伊的全軍，有三十二個王及伊去，有馬，有戰車，上去圍攻 撒馬利亞 。</verse>
				<verse number="2">閣派使者入城去見 以色列 王 亞哈 ，對伊講：「 便‧哈達 按呢講：</verse>
				<verse number="3">『你的金銀攏著交互我，你許個某及子兒上媠的嘛攏是我的。』」</verse>
				<verse number="4">以色列 王應講：「我的主，我的王，照你的話，我及我所有的攏是你的。」</verse>
				<verse number="5">使者閣來講：「 便‧哈達 按呢講：『我已經有派人去給你講，愛你將你的金、銀、某、子兒，攏交互我。</verse>
				<verse number="6">明仔載此個時，我欲閣派我的人臣來你遮，抄你及你的人臣的厝，所有你合意的，𪜶攏欲提去。』」</verse>
				<verse number="7">以色列 王召集國內的長老，對𪜶講：「恁看，此個人刁持尋縫欲害我；伊有派人來我遮，欲愛我的某、子兒，及金銀，我攏無拒絕。」</verse>
				<verse number="8">長老及眾人民攏給王講：「聽伊，嘛毋通答應伊。」</verse>
				<verse number="9">所以王給 便‧哈達 的使者講：「恁給我的主我的王講：『你頭一遍派人對你的僕人要求的我會互你；毋拘此遍的要求我做𣍐到。』」使者就倒去回復。</verse>
				<verse number="10">便‧哈達 閣派人來，講：「 撒馬利亞 的土粉，若有夠互隨我的人逐個搣一把，願神明加倍責罰我。」</verse>
				<verse number="11">以色列 王應講：「恁給伊講：『抵仔穿戰甲的，毋通親像褪戰甲的誇口。』」</verse>
				<verse number="12">便‧哈達 及許個王佇布棚內飲酒，聽著諸個話，就給伊的人臣講：「排陣進攻！」𪜶就排陣攻城。</verse>
				<verse number="13">有一個先知來見 以色列 王 亞哈 ，講：「上主按呢講：『你有看著此大陣人無？看咧，今仔日我欲將𪜶交佇你的手，你就知我是上主。』」</verse>
				<verse number="14">亞哈 講：「欲派什麼人？」 伊應講：「上主按呢講：『用諸個省長的少年軍兵。』」 亞哈 講：「什麼人欲導頭進攻？」 伊應講：「就是你。」</verse>
				<verse number="15">亞哈 就點算省長的少年軍兵，有兩百三十二名；後來伊閣點算 以色列 的軍兵，共七千名。</verse>
				<verse number="16">日中晝，𪜶就出戰。 便‧哈達 及許個來幫贊伊的三十二個王，佇布棚內飲酒醉。</verse>
				<verse number="17">許個省長的少年軍兵做頭出去。 便‧哈達 派人去探查，𪜶回復講：「有人對 撒馬利亞 出來。」</verse>
				<verse number="18">伊講：「不管是出來欲講和，抑是欲交戰，攏給𪜶活活掠起來。」</verse>
				<verse number="19">許個省長的少年軍兵出城，軍兵隨𪜶；</verse>
				<verse number="20">逐個人刣死伊的對敵。 敘利亞 人逃走， 以色列 人趇𪜶。 敘利亞 王 便‧哈達 騎馬，及許個馬兵逃走。</verse>
				<verse number="21">以色列 王出城，攻擊許個戰車及戰馬，刣死真多 敘利亞 人。</verse>
				<verse number="22">彼個先知來見 以色列 王，對伊講：「你著加強軍力，欲做什麼著好好計劃；明年春天， 敘利亞 王會閣來攻擊你。」</verse>
				<verse number="23">敘利亞 王的人臣對伊講：「 以色列 人的上帝是山神，所以𪜶刣贏咱；毋拘若佇平原及𪜶交戰，咱一定會刣贏。</verse>
				<verse number="24">請你按呢做；解除許個王的職務，派省長代替𪜶。</verse>
				<verse number="25">閣照你損失的數目招募一隊軍兵，戰馬補戰馬，戰車補戰車。咱佇平原及𪜶交戰，穩當贏。」王就聽𪜶的建議去做。</verse>
				<verse number="26">隔年春天， 便‧哈達 點算 敘利亞 人，上去 亞弗 ，欲及 以色列 人交戰。</verse>
				<verse number="27">以色列 人嘛召集軍兵，準備軍糧，出去欲及𪜶交戰，佇𪜶的對面紮營。 以色列 人親像兩隊小群的山羊仔；毋拘 敘利亞 人遍滿地面。</verse>
				<verse number="28">有一個上帝重用的人來見 以色列 王，講：「上主按呢講：『因為 敘利亞 人講上主是山神，毋是平原的神，所以我欲將此大陣的人攏交佇你的手；恁就知我是上主。』」</verse>
				<verse number="29">以色列 人及 敘利亞 人相對紮營七日；到第七日，雙旁軍兵交戰。佇彼一日， 以色列 人刣死 敘利亞 人步兵十萬。</verse>
				<verse number="30">其他的軍兵逃走入去 亞弗 城；彼個城的城牆倒，硩死所賰的兩萬七千人。 便‧哈達 走入城，匿佇一間厝的密房。</verse>
				<verse number="31">伊的人臣給伊講：「阮聽講 以色列 家的王攏真仁慈；求你允准阮腰縖麻布，頷頸套索，出去投降 以色列 王；豈採伊會留你的性命。」</verse>
				<verse number="32">𪜶就腰縖麻布，頷頸套索，去見 以色列 王，講：「你的僕人 便‧哈達 講：『求你留我的性命。』」 亞哈 講：「伊猶活啲噢？伊是我的兄弟。」</verse>
				<verse number="33">許個人斟酌聽伊的口氣，連鞭順伊的話尾講：「是， 便‧哈達 是你的兄弟。」 亞哈 講：「恁去導伊來。」 便‧哈達 出來見王，王就請伊坐王的車。</verse>
				<verse number="34">便‧哈達 對 亞哈 講：「我的老父對你的老父搶來的城，我攏欲還你；閣你通佇 大馬士革 設商場，親像我的老父佇 撒馬利亞 設的仝款。」 亞哈 講：「我照此個約放你倒去。」 亞哈 就及伊定條約，放伊倒去。</verse>
				<verse number="35">有一個人，是先知的學生，奉上主的話給伊的同伴講：「拍我！」彼個人毋肯給伊拍。</verse>
				<verse number="36">伊就給伊的同伴講：「因為你毋聽上主的話，你一下離開我，會互獅咬死。」彼個人一下離開，果然抵著獅，互獅咬死。</verse>
				<verse number="37">伊閣抵著一個人，給伊講：「拍我！」彼個人就給伊拍，拍到著傷。</verse>
				<verse number="38">先知就將頭巾蓋到目睭，改裝，佇路裡聽候王。</verse>
				<verse number="39">王對遐經過的時，伊大聲對王講：「你的僕人出戰的時，有一個人掠一個俘虜來交我，講：『你著顧守此個人；伊若走去，你的性命著替伊的性命；若無，你著交出三十四公斤的銀。』</verse>
				<verse number="40">你的僕人無閒此項彼項的時，彼個俘虜續走去。」 以色列 王給伊講：「你的話已經給家己判罪啊。」</verse>
				<verse number="41">伊趕緊將蓋目睭的頭巾提掉； 以色列 王就認出伊是一個先知。</verse>
				<verse number="42">伊給王講：「上主按呢講：『因為你將我決定欲毀滅的人放互去，所以你的性命著替伊的性命，你的人民著替伊的人民受毀滅。』」</verse>
				<verse number="43">以色列 王就鬱卒無歡喜，倒去 撒馬利亞 伊的王宮。</verse>
			</chapter>
			<chapter number="21">
				<verse number="1">後來閣有代誌發生。 耶斯列 人 拿伯 佇 耶斯列 有一坵葡萄園，倚近 撒馬利亞 王 亞哈 的王宮。</verse>
				<verse number="2">亞哈 給 拿伯 講：「你的葡萄園互我做菜園，因為真近我的王宮；我欲用閣較好的園給你換；你若愛銀，我就照價錢給你買。」</verse>
				<verse number="3">拿伯 給 亞哈 講：「上主𣍐允准我將祖先留落來的產業互你。」</verse>
				<verse number="4">亞哈 因為 耶斯列 人 拿伯 講的話，鬱卒無歡喜，倒去王宮；因為 拿伯 有講「我𣍐當用我的祖業互你」， 亞哈 就倒佇眠床，面向內面，嘛毋食。</verse>
				<verse number="5">王后 耶洗碧 來伊遐，問伊講：「你是按怎鬱卒毋食飯？」</verse>
				<verse number="6">伊應講：「因為我對 耶斯列 人 拿伯 講：『你的葡萄園互我，我用銀給你買；抑是你若愛，我就用葡萄園及你換。』伊講：『我的葡萄園，我𣍐當互你。』」</verse>
				<verse number="7">王后 耶洗碧 給伊講：「你此陣豈毋是啲統治 以色列 國？起來，歡歡喜喜來食；我欲將 耶斯列 人 拿伯 的葡萄園互你。」</verse>
				<verse number="8">耶洗碧 用 亞哈 的名寫批，蓋王的印，寄批互許個及 拿伯 住仝城的長老及貴族。</verse>
				<verse number="9">批內寫講：「恁著宣布禁食，互 拿伯 坐佇人民的頭前；</verse>
				<verse number="10">閣叫兩個匪類坐佇伊的對面，作證告伊講：『你褻瀆上帝及侮辱王。』然後給伊拖出去，用石頭抌死。」</verse>
				<verse number="11">許個及 拿伯 住仝城的長老及貴族，就照 耶洗碧 寄互𪜶的批所寫的去做。</verse>
				<verse number="12">𪜶宣布禁食，互 拿伯 坐佇人民的頭前。</verse>
				<verse number="13">閣叫兩個匪類來坐佇 拿伯 的對面，當眾人的面前作證告 拿伯 ，講：「 拿伯 褻瀆上帝閣侮辱王。」眾人就給伊拖出去城外，用石頭抌死。</verse>
				<verse number="14">長老及貴族就差人去給 耶洗碧 講：「 拿伯 已經互石頭抌死啦。」</verse>
				<verse number="15">耶洗碧 聽著 拿伯 互石頭抌死，就給 亞哈 講：「你去接收 耶斯列 人 拿伯 毋肯賣互你的葡萄園。伊已經死，無命啦。」</verse>
				<verse number="16">亞哈 聽著 拿伯 已經死，就起來，落去欲接收 耶斯列 人 拿伯 的葡萄園。</verse>
				<verse number="17">上主的話臨到 提斯比 人 以利亞 ，講：</verse>
				<verse number="18">「你起來，去見住佇 撒馬利亞 的 以色列 王 亞哈 ；伊此陣落去 耶斯列 欲接收 拿伯 的葡萄園。</verse>
				<verse number="19">你著給伊講：『上主按呢講：你有刣死人閣接收伊的產業。』閣給伊講：『上主按呢講：狗佇什麼所在舐 拿伯 的血，嘛欲佇遐舐你的血，就是你本身的血。』」</verse>
				<verse number="20">亞哈 對 以利亞 講：「我的對頭，你啲尋我是無？」 伊應講：「我啲尋你，因為你出賣家己，做上主看做歹的事。</verse>
				<verse number="21">上主講：『我欲降災禍互你，欲剿滅你；所有佇 以色列 中屬 亞哈 的查甫人，無論自由的抑是無自由的，我攏欲給𪜶消滅。</verse>
				<verse number="22">我欲互你的家及 尼八 的子 耶羅波安 的家，以及 亞希雅 的子 巴沙 的家仝款，因為你有惹我受氣，閣互 以色列 人犯罪。』</verse>
				<verse number="23">關係 耶洗碧 ，上主嘛有講：『狗欲佇 耶斯列 的外城食 耶洗碧 。</verse>
				<verse number="24">屬 亞哈 的人，死佇城內的，欲互狗食；死佇野外的，空中的鳥嘛會給𪜶食。』」</verse>
				<verse number="25">(前到今無人親像 亞哈 ，伊受王后 耶洗碧 使弄，出賣家己，做上主看做歹的事。</verse>
				<verse number="26">伊做上可惡的事，因為伊拜偶像，及上主佇 以色列 人面前趕出的 亞摩利 人做仝款的事。)</verse>
				<verse number="27">亞哈 聽著諸個話，就拆裂衫，穿粗麻布，禁食，穿粗麻布睏，失志鬱卒行來行去。</verse>
				<verse number="28">上主的話臨到 提斯比 人 以利亞 講：</verse>
				<verse number="29">「 亞哈 佇我的面前赫呢謙卑，你有看著無？因為伊佇我的面前謙卑，所以我無欲佇伊在生的時降此個災禍；到伊的子作王的時，我才欲降此個災禍互伊的家。」</verse>
			</chapter>
			<chapter number="22">
				<verse number="1">以色列 及 敘利亞 三年久無交戰。</verse>
				<verse number="2">到第三年， 猶大 王 約沙法 落去 以色列 王遐。</verse>
				<verse number="3">以色列 王對伊的人臣講：「 基列 的 拉末 是咱的，恁知無？咱哪無欲採取行動，對 敘利亞 王的手提倒來？」</verse>
				<verse number="4">亞哈 對 約沙法 講：「你欲及我做夥去攻打 基列 的 拉末 無？」 約沙法 對 以色列 王講：「我的就是你的，我的人民就是你的人民，我的馬就是你的馬。」</verse>
				<verse number="5">約沙法 閣對 以色列 王講：「請你先問上主的意思。」</verse>
				<verse number="6">以色列 王就召集先知大約四百人，問𪜶講：「我通去攻打 基列 的 拉末 ，抑是毋通？」 𪜶應講：「通去攻打；主欲將此個城交佇王的手。」</verse>
				<verse number="7">約沙法 講：「遮豈無閣有上主的先知互咱通問？」</verse>
				<verse number="8">以色列 王給 約沙法 講：「猶有一個人，是 音拉 的子 米該雅 ，咱通對伊請問上主；毋拘我怨恨伊，因為伊對我講的預言無一項好，只有講災禍。」 約沙法 講：「請王毋通按呢講。」</verse>
				<verse number="9">以色列 王就召一個官員來，講：「你趕緊去叫 音拉 的子 米該雅 來。」</verse>
				<verse number="10">以色列 王及 猶大 王 約沙法 佇 撒馬利亞 城門口的五穀場，穿禮服，坐佇𪜶的寶座；所有的先知攏佇𪜶的面前講預言。</verse>
				<verse number="11">基拿拿 的子 西底家 做鐵的角，講：「上主按呢講：『你欲用諸個鐵角觸 敘利亞 人，觸甲𪜶攏消滅。』」</verse>
				<verse number="12">所有的先知攏按呢預言講：「通去攻打 基列 的 拉末 ，一定得勝，上主欲將此個城交佇王的手。」</verse>
				<verse number="13">彼個去叫 米該雅 的使者給伊講：「你看，所有的先知攏對王講好話，請你嘛及𪜶像款講好話。」</verse>
				<verse number="14">米該雅 講：「我指永活的上主咒誓，上主對我講什麼，我就對王講什麼。」</verse>
				<verse number="15">米該雅 來到王的面前，王問伊講：「 米該雅 ，阮通去攻打 基列 的 拉末 ，抑是毋通？」 伊應講：「好啊，做你去攻打，一定會勝利；上主欲將此個城交佇王的手。」</verse>
				<verse number="16">王對伊講：「我著叫你咒誓幾遍，你才會奉上主的名對我講實在話？」</verse>
				<verse number="17">米該雅 講：「我看見 以色列 眾人親像無牧者的羊四散佇山裡；上主按呢講：『諸個人無主人；逐個人通平安倒去𪜶兜。』」</verse>
				<verse number="18">以色列 王對 約沙法 講：「我豈無給你講，此個人對我講的預言攏無好話，只有講災禍。」</verse>
				<verse number="19">米該雅 繼續講：「所以，著聽上主的話！我看見上主坐佇寶座，天頂的萬軍徛佇伊的正旁倒旁。</verse>
				<verse number="20">上主講：『什麼人欲引誘 亞哈 ，互伊去 基列 的 拉末 ，死佇遐？』此個講按呢，彼個講按呢。</verse>
				<verse number="21">後來有一個神出來，徛佇上主的面前，講：『我去給伊引誘。』</verse>
				<verse number="22">上主問伊講：『你欲按怎給引誘？』伊應講：『我欲出去做白賊的神，互許個先知講白賊。』上主講：『你給伊引誘，一定會成功。你去，照按呢做。』</verse>
				<verse number="23">現在上主有互白賊的神入佇你諸個先知的嘴；上主宣布欲降災禍互你。」</verse>
				<verse number="24">基拿拿 的子 西底家 行進前，搧 米該雅 的嘴䩃，講：「上主的神什麼時離開我來對你講話？」</verse>
				<verse number="25">米該雅 講：「你去匿佇密房彼日就會知。」</verse>
				<verse number="26">以色列 王講：「將 米該雅 掠起來，交互市長 亞們 及王的子 約阿施 ，</verse>
				<verse number="27">給𪜶講：『王交代：將此個人關落監，互伊一屑仔餅及水就好，聽候我平安倒來。』」</verse>
				<verse number="28">米該雅 講：「你若真正平安倒來，就是上主無託我講話。」閣講：「恁大家，著會記得我講的話！」</verse>
				<verse number="29">以色列 王 亞哈 及 猶大 王 約沙法 去進攻 基列 的 拉末 。</verse>
				<verse number="30">以色列 王對 約沙法 講：「我欲改裝上戰場，你通穿你的王服。」 以色列 王就改裝上陣。</verse>
				<verse number="31">敘利亞 王有吩咐伊三十二個戰車長，講：「毋通及𪜶的士兵抑是官長交戰，只有及 以色列 王交戰。」</verse>
				<verse number="32">戰車長看著 約沙法 就講：「此個一定是 以色列 王！」𪜶就斡去欲攻擊伊。 約沙法 就喝救命。</verse>
				<verse number="33">戰車長一下看著伊毋是 以色列 王，就越走無閣追伊。</verse>
				<verse number="34">有一個 敘利亞 的兵仔開弓，無拍算射入 以色列 王戰甲的敆綴。王給駛車的講：「我著重傷。緊踅翻頭，帶我離開戰場。」</verse>
				<verse number="35">彼日，交戰非常猛烈。有人扶王互伊徛佇車裡，面向 敘利亞 人；到黃昏王就死，血對著傷的孔嘴流到車底。</verse>
				<verse number="36">日欲落的時，有聲傳遍軍營，講：「逐個人倒去家己的本城，倒去家己的本地。」</verse>
				<verse number="37">王死，人將伊帶倒去 撒馬利亞 ；𪜶將王安葬佇遐。</verse>
				<verse number="38">有人佇 撒馬利亞 的水池邊洗伊的車 (娼妓嘛佇遐洗身軀)，狗來舐伊的血，抵照上主所講的話。</verse>
				<verse number="39">亞哈 其他的事蹟，及伊的所做，以及伊起造象牙宮及城，攏記載佇 以色列列王史 。</verse>
				<verse number="40">亞哈 轉去伊的列祖遐；伊的子 亞哈謝 續接伊作王。</verse>
				<verse number="41">以色列 王 亞哈 第四年， 亞撒 的子 約沙法 做 猶大 王。</verse>
				<verse number="42">約沙法 坐位的時三十五歲，佇 耶路撒冷 作王二十五年；伊的老母叫做 阿蘇芭 ，是 示利希 的查某子。</verse>
				<verse number="43">約沙法 行伊老父 亞撒 的路，攏無偏離，做上主看做好的事；毋拘山頭壇猶未廢除，人民猶原佇遐獻祭燒香。</verse>
				<verse number="44">約沙法 及 以色列 王和平相處。</verse>
				<verse number="45">約沙法 其他的事蹟、伊的成就，以及按怎交戰，攏記載佇 猶大列王史 。</verse>
				<verse number="46">伊的老父 亞撒 留落來的孌童， 約沙法 攏對國內除去。</verse>
				<verse number="47">彼時 以東 無王， 約沙法 派總督治理。</verse>
				<verse number="48">約沙法 造 他施 的船隊欲去 俄斐 運金來；毋拘去無成，因為船佇 以旬‧迦別 失事。</verse>
				<verse number="49">亞哈 的子 亞哈謝 對 約沙法 講：「請互我的部下及你的部下坐船做夥去。」毋拘 約沙法 毋肯。</verse>
				<verse number="50">約沙法 轉去伊的列祖遐，及伊的列祖安葬佇 大闢 城；伊的子 約蘭 續接伊作王。</verse>
				<verse number="51">猶大 王 約沙法 十七年， 亞哈 的子 亞哈謝 佇 撒馬利亞 做 以色列 王，統治 以色列 兩年。</verse>
				<verse number="52">伊做上主看做歹的事，行伊的老父及老母的路，就是行 尼八 的子 耶羅波安 的路，互 以色列 人陷落罪。</verse>
				<verse number="53">伊及伊的老父仝款服事敬拜巴力，激上主 — 以色列 的上帝受氣。</verse>
			</chapter>
		</book>
		<book number="12">
			<chapter number="1">
				<verse number="1">亞哈 死了， 摩押 背叛 以色列 。</verse>
				<verse number="2">以色列 王 亞哈謝 佇 撒馬利亞 對王宮樓頂的欄杆跋落來，受傷；就差使者，對𪜶講：「恁去問 以革倫 的神明 巴力‧西卜 ，我此個傷會好𣍐？」</verse>
				<verse number="3">上主的使者給 提斯比 人 以利亞 講：「你起來，去見 撒馬利亞 王的使者，問𪜶講：『恁去問 以革倫 的神明 巴力‧西卜 ，是因為 以色列 中無上帝是無？</verse>
				<verse number="4">恁著去給王講，上主按呢講：你𣍐當閣對現在啲倒的眠床起來；你一定會死。』」 以利亞 就去。</verse>
				<verse number="5">使者倒去見王，王問𪜶講：「恁是按怎倒來？」</verse>
				<verse number="6">使者應伊講：「阮抵著一個人，伊給阮講：『恁倒去見差恁的王，對伊講，上主按呢講：你差人去問 以革倫 的神明 巴力‧西卜 ，是因為 以色列 中無上帝是無？所以你𣍐當閣對現在啲倒的眠床起來；你一定會死。』」</verse>
				<verse number="7">王問𪜶講：「來抵著恁，給恁講諸個話的人是什麼款人？」</verse>
				<verse number="8">𪜶應講：「伊穿有毛的衫，腰縖皮帶。」 王講：「伊一定是 提斯比 人 以利亞 。」</verse>
				<verse number="9">王就派一個管五十人的軍官導許個部下去 以利亞 遐。伊𬦰上山，看著 以利亞 坐佇山頂。軍官給 以利亞 講：「上帝重用的人，王命令你落來。」</verse>
				<verse number="10">以利亞 應軍官講：「我若是上帝重用的人，願天降火，燒你及你彼五十個人。」就有火對天落來，燒滅伊及彼五十人。</verse>
				<verse number="11">王閣派一個管五十人的軍官導許個部下去 以利亞 遐。軍官給 以利亞 講：「上帝重用的人，王命令你趕緊落來。」</verse>
				<verse number="12">以利亞 應講：「我若是上帝重用的人，願天降火，燒你及你彼五十個人。」就有真大的火對天落來，燒滅伊及彼五十人。</verse>
				<verse number="13">王第三遍閣派一個管五十人的軍官導許個部下去。彼個第三隊的軍官𬦰上山，跪佇 以利亞 的面前，哀求伊，講：「上帝重用的人，求你看我及你此五十個僕人的性命做寶貝。</verse>
				<verse number="14">已經有火對天降落，燒滅以前兩個軍官，及彼一百人。今求你看我的性命做寶貝。」</verse>
				<verse number="15">上主的使者對 以利亞 講：「你及伊落去，毋免驚伊。」 以利亞 就起來，及伊落去見王，</verse>
				<verse number="16">對王講：「上主按呢講：『你派人去問 以革倫 的神明 巴力‧西卜 ，是因為 以色列 中無上帝互你通問是無？所以你𣍐當閣對現在啲倒的眠床起來，你一定會死。』」</verse>
				<verse number="17">亞哈謝 就死，抵照 以利亞 所傳達上主的話。王無子，伊的小弟 約何蘭 續接伊作王；彼時是 猶大 王 約沙法 的子 約蘭 作王第二年。</verse>
				<verse number="18">亞哈謝 其他的事蹟攏記載佇 以色列列王史 。</verse>
			</chapter>
			<chapter number="2">
				<verse number="1">上主啲欲用捲螺仔風接 以利亞 上天的時， 以利亞 及 以利沙 做夥離開 吉甲 。</verse>
				<verse number="2">以利亞 對 以利沙 講：「上主差我去 伯特利 ，你著留𫢶遮。」 以利沙 講：「我指永活的上主及你的性命咒誓，我一定無欲離開你。」𪜶兩個人就做夥落去 伯特利 。</verse>
				<verse number="3">伯特利 許個先知的學生出來見 以利沙 ，對伊講：「上主今仔日欲接你的老師離開你去，你知無？」 伊講：「我知，請恁恬恬。」</verse>
				<verse number="4">以利亞 給伊講：「 以利沙 ，上主差我去 耶利哥 ，你著留𫢶遮。」 以利沙 講：「我指永活的上主及你的性命咒誓，我一定無欲離開你。」𪜶就到 耶利哥 。</verse>
				<verse number="5">耶利哥 許個先知的學生來 以利沙 遐，對伊講：「上主今仔日欲接你的老師離開你，你知無？」 伊講：「我知，請恁恬恬。」</verse>
				<verse number="6">以利亞 對 以利沙 講：「上主差我去 約旦河 ，你著留𫢶遮。」 以利沙 講：「我指永活的上主及你的性命咒誓，我一定無欲離開你。」𪜶兩個人就做夥去。</verse>
				<verse number="7">有五十個先知的學生隨𪜶去，遠遠徛佇𪜶的對面；𪜶兩人徛佇 約旦 河邊。</verse>
				<verse number="8">以利亞 將伊的外衫捲起來，拍河水，水就分雙旁；𪜶兩人行焦地過去。</verse>
				<verse number="9">過去了， 以利亞 對 以利沙 講：「我受接離開你以前，你愛我為著你做什麼？你著給我講。」 以利沙 講：「求你將感動你的神加倍互我。」</verse>
				<verse number="10">以利亞 講：「你所求的真困難。毋拘，我受接離開你的時，你若看著我，就會得著；若無，就得𣍐著。」</verse>
				<verse number="11">𪜶那行那講的時，忽然有火戰車火馬，將𪜶兩人隔開； 以利亞 就坐捲螺仔風受接上天。</verse>
				<verse number="12">以利沙 看著，就喝講：「師父啊，師父啊！ 以色列 的戰車及馬兵啊！」後來 以利沙 無閣看著 以利亞 ；就將家己的衫拆做兩旁。</verse>
				<verse number="13">伊拾 以利亞 加落落來的外衫，倒轉去徛佇 約旦 河邊，</verse>
				<verse number="14">用彼領外衫拍河水，講：「上主 — 以利亞 的上帝佇叨位？」拍水了後，水就分做兩旁， 以利沙 就過去。</verse>
				<verse number="15">以利沙 對面許個 耶利哥 先知的學生看著，就講：「感動 以利亞 的神臨在佇 以利沙 啦！」𪜶就來迎接伊，仆落佇伊的面前。</verse>
				<verse number="16">𪜶對 以利沙 講：「你的僕人遮有五十個勇士；請你允准𪜶去尋你的老師；可能上主的神帶伊去，給伊㧒佇某一個山，抑是某一個山谷。」伊講：「毋免差人去。」</verse>
				<verse number="17">𪜶一直給 以利沙 姑情， 以利沙 互𪜶逼甲真為難，就講：「恁通差許個勇士去。」𪜶就差五十人去，尋三日，尋攏無。</verse>
				<verse number="18">以利沙 佇 耶利哥 聽候；𪜶倒來了後，伊給𪜶講：「我豈無給恁講，毋免去尋？」</verse>
				<verse number="19">耶利哥 城的人對 以利沙 講：「先生，照你所知此個城的地勢真好；毋拘水質真僫，土地𣍐生產。」</verse>
				<verse number="20">以利沙 講：「恁用一塊新的碗，貯鹽提來互我。」𪜶就提來互伊。</verse>
				<verse number="21">伊去到水泉遐，將鹽倒佇水裡，講：「上主按呢講：『我醫好此個水；此個水𣍐閣互人死，嘛𣍐閣互地無生產。』」</verse>
				<verse number="22">彼個水就變做好水，到今仔日；抵照 以利沙 所講的話。</verse>
				<verse number="23">以利沙 對遐上去 伯特利 ，佇路裡啲行的時，有少年人對城內出來，給伊恥笑，講：「禿頭的，閃走！禿頭的，閃走！」</verse>
				<verse number="24">伊越頭給𪜶看，奉上主的名咒詛𪜶，就有兩隻熊母對樹林出來，拆裂𪜶中間四十二個少年人。</verse>
				<verse number="25">伊對遐上 迦密山 ；閣對遐倒去 撒馬利亞 。</verse>
			</chapter>
			<chapter number="3">
				<verse number="1">猶大 王 約沙法 十八年， 亞哈 的子 約何蘭 佇 撒馬利亞 做 以色列 王十二年。</verse>
				<verse number="2">伊做上主看做歹的事，毋拘無親像伊的父母所做的赫呢歹，因為伊有將伊的老父所造巴力的柱像除去。</verse>
				<verse number="3">猶久伊及 尼八 的子 耶羅波安 仝款，互 以色列 人陷落罪，攏無停止。</verse>
				<verse number="4">摩押 王 米沙 飼真多羊，曾用十萬隻羊仔，十萬隻綿羊的毛，向 以色列 王進貢。</verse>
				<verse number="5">亞哈 死了後， 摩押 王背叛 以色列 王。</verse>
				<verse number="6">彼時 約何蘭 王對 撒馬利亞 出發，召集 以色列 軍兵。</verse>
				<verse number="7">像時，伊嘛派人去見 猶大 王 約沙法 ，講：「 摩押 王背叛我，你豈欲及我做夥去攻打 摩押 ？」 約沙法 講：「我願意及你做夥去；我的就是你的，我的人民就是你的人民，我的馬就是你的馬。</verse>
				<verse number="8">今咱欲對叨一條路去攻打？」 約何蘭 講：「對 以東 曠野的路。」</verse>
				<verse number="9">以色列 王及 猶大 王，以及 以東 王做夥出發；𪜶踅一大輪行七日的路站，軍隊及隨𪜶的牲生無水通飲。</verse>
				<verse number="10">以色列 王講：「慘啊，上主聚集咱三個王，原來是欲將咱交佇 摩押 人的手。」</verse>
				<verse number="11">約沙法 講：「遮豈無上主的先知互咱通請問上主？」 以色列 王一個人臣應講：「以前啲服事 以利亞 ， 沙法 的子 以利沙 佇遮。」</verse>
				<verse number="12">約沙法 講：「伊一定有上主的話。」 以色列 王、 約沙法 ，及 以東 王就落去見伊。</verse>
				<verse number="13">以利沙 對 以色列 王講：「我及你有什麼關係？你去尋恁老父老母的先知。」 以色列 王給伊講：「按呢講。上主聚集阮三個王，是欲將阮交佇 摩押 人的手是無？」</verse>
				<verse number="14">以利沙 講：「我指我所侍奉永活的上主 — 萬軍的統帥咒誓，我若毋是尊重 猶大 王 約沙法 ，就毋見你，毋插你。</verse>
				<verse number="15">今著給我叫一個琴師來遮。」 琴師彈的時，上主的氣力臨到 以利沙 。</verse>
				<verse number="16">伊就講：「上主按呢講：『恁著佇此個山谷逐所在挖溝。</verse>
				<verse number="17">因為上主按呢講：雖然恁無看見風，無看見雨；猶久此個山谷欲有水滿滿，通互恁及恁的牛羊牲生飲。』</verse>
				<verse number="18">此個事對上主來講猶是小事；伊欲閣將 摩押 人交佇恁的手。</verse>
				<verse number="19">恁欲攻破𪜶逐個堅固的城及媠的城，剉逐欉好的果子樹，塞牢攏總的水泉，用石頭毀壞所有好的田園。」</verse>
				<verse number="20">隔早起獻祭的時，忽然有水對 以東 流來，逐所在有水滿滿。</verse>
				<verse number="21">摩押 人聽著此三個王上來，欲及𪜶交戰，所有會當攑武器的，對老到少年，攏來邊界防守。</verse>
				<verse number="22">隔早起𪜶早早起來，日頭照佇水面，𪜶對遠遠看，水紅親像血。</verse>
				<verse number="23">摩押 人就講：「歸個攏是血！許個王互相攻擊，一定攏死啊。 摩押 人啊，咱著來去搶戰利品。」</verse>
				<verse number="24">摩押 人來到 以色列 的軍營， 以色列 人起來攻擊𪜶，𪜶就逃走。 以色列 人追殺𪜶，</verse>
				<verse number="25">毀壞𪜶的城；用石頭填滿所有好的田園，塞牢攏總的水泉，閣剉𪜶逐欉好的果子樹；只有賰 吉珥‧哈列設 的石牆；挕石的兵四圍攻擊此個城。</verse>
				<verse number="26">摩押 王看著交戰對伊不利，就帶七百個攑刀的兵欲衝出包圍，去 敘利亞 王 遐，毋拘無法度。</verse>
				<verse number="27">伊就將欲續接伊作王的大子，佇城頂獻做燒化祭；有大受氣臨到 以色列 。彼三個王就離開 摩押 ，倒去𪜶本國。</verse>
			</chapter>
			<chapter number="4">
				<verse number="1">有一個先知的學生的某，對 以利沙 哀求講：「你的僕人，我的丈夫已經死；你知伊是敬畏上主的人。今債主來欲掠我兩個子去做奴隸。」</verse>
				<verse number="2">以利沙 問伊講：「你愛我給你做什麼？你給我講，你厝內有什麼？」 伊講：「你的女婢厝內賰一瓶油，以外逐項攏無。」</verse>
				<verse number="3">以利沙 講：「你去給厝邊借空的器具，愈多愈好；</verse>
				<verse number="4">然後入去厝內，關門，及你許個子𫢶內面，斟油佇所有的器具；斟滿的下一旁。」</verse>
				<verse number="5">婦仁人轉去，關門，及伊許個子𫢶內面；子帶器具來互伊，伊就斟油。</verse>
				<verse number="6">許個器具攏斟滿，伊給伊的子講：「閣提器具來互我。」 子講：「已經無器具啦。」油就無閣流出來。</verse>
				<verse number="7">婦仁人去給上帝重用的人報告，伊就對婦仁人講：「你去賣油來還債；所賰的，你及你的子通度活。」</verse>
				<verse number="8">有一日 以利沙 來到 書念 ，佇遐有一個好額的婦仁人，強強留伊食飯；後來 以利沙 逐遍對遐經過，就入去遐食飯。</verse>
				<verse number="9">婦仁人給伊的丈夫講：「常常對咱遮經過彼個人，我看伊是聖者，是上帝重用的人。</verse>
				<verse number="10">咱來佇厝頂起一間細間房間，內面下眠床、桌仔、椅仔、燈台，互伊來咱遮的時，通入去歇睏。」</verse>
				<verse number="11">有一日 以利沙 來到遐，就入去彼間房間歇睏。</verse>
				<verse number="12">以利沙 給伊的僕人 基哈西 講：「你請此個 書念 的婦仁人來。」伊去請伊來，婦仁人就來。</verse>
				<verse number="13">以利沙 給伊的僕人講：「你給伊講：『你為著阮費真多心思，今我著為著你做什麼？你愛我替你給王抑是元帥請求什麼？』」 婦仁人應講：「我及我的同胞做夥徛起，無欠什麼。」</verse>
				<verse number="14">以利沙 問 基哈西 ，講：「按呢，我會當為著伊做什麼？」 基哈西 講：「伊無子，伊的丈夫嘛老啊。」</verse>
				<verse number="15">以利沙 閣講：「請伊來。」 基哈西 就請伊來。婦仁人來徛佇門口。</verse>
				<verse number="16">以利沙 講：「明年此個時，你會抱一個查甫子。」 婦仁人講：「我的主，上帝重用的人，給我騙。」</verse>
				<verse number="17">婦仁人果然懷孕，到隔年此個時生一個查甫嬰，抵照 以利沙 所講的話。</verse>
				<verse number="18">囝仔大漢；有一日出去到伊的老父及收割的人遐。</verse>
				<verse number="19">伊對老父講：「我的頭殼，我的頭殼！」 伊的老父給僕人講：「緊給抱去𪜶老母遐。」</verse>
				<verse number="20">僕人就給抱去伊的老母遐；囝仔坐佇老母的腳頭窩，到中晝就死。</verse>
				<verse number="21">老母抱伊的子𬦰起去樓頂，將伊的子下佇上帝重用的人的眠床，關門出來。</verse>
				<verse number="22">伊叫伊的丈夫來，給伊講：「請差一個僕人牽一隻驢來我遮；我欲趕緊去尋上帝重用的人，才倒來。」</verse>
				<verse number="23">丈夫講：「今仔日毋是初一，嘛毋是安歇日 ，是按怎你欲去伊遐？」 婦仁人講：「無什麼代誌！」</verse>
				<verse number="24">驢準備好勢，伊就給僕人講：「行，趕緊來去！我若無給你講，毋通慢落來。」</verse>
				<verse number="25">婦仁人就去 迦密山 ，上帝重用的人遐。 上帝重用的人遠遠看著婦仁人，給伊的僕人 基哈西 講：「你看， 書念 的婦仁人來啊。</verse>
				<verse number="26">你走去迎接伊，問伊講：『你平安無？你的丈夫平安無？囝仔平安無？』」 婦仁人應講：「攏平安。」</verse>
				<verse number="27">婦仁人上山，去到上帝重用的人遐，給 以利沙 的腳𢯾啲。 基哈西 進前欲給伊捙開；上帝重用的人講：「出在伊，因為伊心內痛苦；上主對我隱瞞此個代誌，無給我講。」</verse>
				<verse number="28">婦仁人對 以利沙 講：「我豈曾對我的主求子？我豈無講給我騙？」</verse>
				<verse number="29">以利沙 給 基哈西 講：「你著準備通出發，攑我的柺仔，趕緊去。若抵著人，毋通給𪜶請安；人若給你請安，嘛毋通應。著將我的柺仔下佇囝仔的面。」</verse>
				<verse number="30">囝仔的老母講：「我指永活的上主及你的性命咒誓，我一定無欲離開你。」 以利沙 就起來，隨伊去。</verse>
				<verse number="31">基哈西 代先到位，將柺仔下佇囝仔的面；毋拘囝仔無出聲，無反應。 基哈西 倒轉去，抵著 以利沙 ，給伊講：「囝仔無醒。」</verse>
				<verse number="32">以利沙 到位，入去厝內，看著囝仔已經死，下佇伊的眠床。</verse>
				<verse number="33">伊入去，就關門，只有𪜶兩個佇內面；伊就祈禱上主。</verse>
				<verse number="34">伊𬦰起去眠床仆佇囝仔的身軀，嘴對嘴，目睭對目睭，手對手。伊歸身軀俯佇囝仔的頂面的時，囝仔漸漸回復體溫。</verse>
				<verse number="35">伊落來，佇厝內行一輪，閣𬦰起去，歸身軀俯佇囝仔的頂面。囝仔拍咳啾七遍，目睭就搋開。</verse>
				<verse number="36">以利沙 叫 基哈西 ，講：「你叫此個 書念 的婦仁人來。」 基哈西 就去叫伊。伊就入來， 以利沙 對伊講：「給你的囝仔抱起來。」</verse>
				<verse number="37">婦仁人仆佇 以利沙 的腳前，拜伊，然後抱伊家己的子出去。</verse>
				<verse number="38">有一遍，國內發生飢荒， 以利沙 轉來 吉甲 。先知的學生坐佇伊的面前，伊吩咐僕人講：「你起火，用大的鍋仔煮菜湯互學生食。」</verse>
				<verse number="39">有一個人去園裡挽菜，看著一欉野瓜藤，就挽真多野瓜倒來；切切咧落佇煮菜湯的鍋仔；𪜶毋識彼個是什麼。</verse>
				<verse number="40">煮好，倒出來互大家食。𪜶食的時，攏喝講：「上帝重用的人，鍋仔內的物件食了會死。」𪜶就毋敢食。</verse>
				<verse number="41">以利沙 講：「提一寡麵粉來。」伊將麵粉撒佇鍋裡，講：「倒出來互大家食。」鍋仔內的物件就無閣有毒。</verse>
				<verse number="42">有一個人對 巴力‧沙利沙 來，帶初熟的大麥做的餅二十個，及新的麥穗，貯佇袋仔，送互上帝重用的人。 以利沙 講：「將諸個互大家食。」</verse>
				<verse number="43">伊的僕人講：「諸個豈有夠互一百個人食？」 以利沙 講：「做你分互大家食，因為上主按呢講：『𪜶欲食到飽，閣有賰。』」</verse>
				<verse number="44">伊的僕人就分互大家。照上主所講的話，𪜶攏食甲飽，閣有賰。</verse>
			</chapter>
			<chapter number="5">
				<verse number="1">敘利亞 王的元帥 乃縵 ，佇伊的主人面前是重要人物，真受尊重，因為上主曾通過伊互 敘利亞 得勝。伊是強猛的勇士；毋拘致著痲瘋病。</verse>
				<verse number="2">有一遍， 敘利亞 人歸陣出去，對 以色列 地掠一個查某囝仔；伊就侍候 乃縵 的某。</verse>
				<verse number="3">此個查某囝仔給伊的女主人講：「苦𣍐得我的主人會當去見 撒馬利亞 的先知；伊一定會當醫好主人的痲瘋病。」</verse>
				<verse number="4">乃縵 去對伊的主人講：「 以色列 的查某囝仔按呢按呢講。」</verse>
				<verse number="5">敘利亞 王講：「你通去，我嘛欲寄你提一張批互 以色列 王。」 乃縵 就出發，帶三百公斤的銀、七十公斤的金、十套衣服。</verse>
				<verse number="6">伊閣將彼張批提互 以色列 王；批內按呢寫：「我派我的人臣 乃縵 提批去見你，你著醫好伊的痲瘋病。」</verse>
				<verse number="7">以色列 王批看了，就拆裂伊的衫，講：「我豈是上帝，會當互人死，互人活？此個人竟然派人來我遮，叫我著醫好伊的人臣的痲瘋病；請恁斟酌想，看此個人按怎尋孔尋縫攻擊我。」</verse>
				<verse number="8">上帝重用的人 以利沙 聽見 以色列 王拆裂伊的衫，就差人去見王講：「你是按怎拆裂衫？互彼個人來我遮，伊就知 以色列 中有先知。」</verse>
				<verse number="9">乃縵 就帶伊的馬車隊來，停佇 以利沙 的厝門口。</verse>
				<verse number="10">以利沙 差一個使者對 乃縵 講：「你去 約旦河 洗身軀洗七遍，你的肉會復原，你就清氣。」</verse>
				<verse number="11">乃縵 就受氣，離開，講：「我本來想講伊一定會出來見我，徛啲求叫上主 — 伊的上帝的名，佇患著病的所在搖手，醫好我的痲瘋病。</verse>
				<verse number="12">大馬士革 的 亞瑪拿河 及 法珥法河 ，豈無比 以色列 所有的水較好？我佇遐洗身軀豈𣍐得著清氣？」伊就受氣，越轉身做伊去。</verse>
				<verse number="13">伊許個僕人進前，對伊講：「主人，先知若教你去做困難的代誌，你豈無欲做？何況伊干焦對你講，去洗就清氣？」</verse>
				<verse number="14">乃縵 就照上帝重用的人的話落去 約旦河 浸七遍；伊的肉復原親像囝仔的肉，伊就清氣。</verse>
				<verse number="15">伊及所有隨伊的人轉來上帝重用的人遐，徛佇伊的面前講：「今我知，全世界 以色列 以外，無上帝。現在請你收你的僕人的禮物。」</verse>
				<verse number="16">以利沙 講：「我指我所服事永活的上主咒誓，我無收。」 乃縵 一再請伊收，伊攏毋肯。</verse>
				<verse number="17">乃縵 講：「你若無欲接受，請你將兩隻騾會當載的土互你的僕人。對現在起，你的僕人無欲閣對別個神明獻燒化祭抑是別款的祭，只有獻互上主。</verse>
				<verse number="18">毋拘有一項事，願上主赦免你的僕人，就是我的主人入 臨門 廟仆拜的時，我著侍候伊，所以我嘛著佇 臨門 廟仆拜；願上主佇此項事赦免你的僕人。」</verse>
				<verse number="19">以利沙 就給伊講：「你通平安倒去。」 乃縵 離開了，行一站路，</verse>
				<verse number="20">上帝重用的人 以利沙 的僕人 基哈西 想講：「我的主人毋肯接受此個 敘利亞 人 乃縵 帶來的禮物；我指永活的上主咒誓，我欲走去趇伊，對伊提一寡。」</verse>
				<verse number="21">基哈西 就去趇 乃縵 。 乃縵 看著有人啲趇伊，就落車迎接伊，講：「豈有什麼代誌？」</verse>
				<verse number="22">基哈西 講：「無，無特別的代誌。毋拘我的主人差我來，講：『抵即有先知的兩個少年學生，對 以法蓮 山區來我遮；請你用銀三十公斤，衣服兩套互𪜶。』」</verse>
				<verse number="23">乃縵 講：「請接受六十公斤。」 乃縵 一再請伊收。 乃縵 就將裝佇兩個袋仔彼六十公斤的銀，及兩套衣服，交互伊兩個僕人揹啲，行佇 基哈西 的頭前。</verse>
				<verse number="24">𪜶到山崙仔， 基哈西 對𪜶的手接物件，下入去厝內；就差𪜶轉去，𪜶就倒去。</verse>
				<verse number="25">伊入去徛佇主人的面前。 以利沙 問伊講：「 基哈西 ，你對叨位來？」 基哈西 應講：「你的僕人無去叨位。」</verse>
				<verse number="26">以利沙 給伊講：「彼個人落車迎接你的時，我的心豈無及你佇遐？這豈是接受銀，接受衣服、橄欖園、葡萄園、牛、羊、僕人、女婢的時？</verse>
				<verse number="27">因為按呢 乃縵 的痲瘋病欲傳互你及你的後代，直到永遠。」 基哈西 對 以利沙 的面前退出去，就致著痲瘋病，肉白甲親像雪。</verse>
			</chapter>
			<chapter number="6">
				<verse number="1">先知的學生對 以利沙 講：「老師，阮及你住的所在傷狹。</verse>
				<verse number="2">請允准阮去 約旦河 ，逐個人對遐取一支柴料，佇遐起住的所在。」 以利沙 講：「好，恁去。」</verse>
				<verse number="3">有一個講：「請及僕人做夥來去。」 以利沙 應講：「好，我及恁去。」</verse>
				<verse number="4">伊就及𪜶做夥去。𪜶到 約旦河 ，就開始剉樹。</verse>
				<verse number="5">有一個人啲剉的時，斧頭肉落落去水裡。伊就叫講：「慘啊！老師，此支斧頭是給人借的。」</verse>
				<verse number="6">上帝重用的人講：「落佇叨位？」伊報 以利沙 看落落去的所在。 以利沙 就剉一支柴對遐㧒落去；斧頭肉就浮起來。</verse>
				<verse number="7">伊講：「拾起來。」彼個人就伸手給拾起來。</verse>
				<verse number="8">敘利亞 王及 以色列 交戰。伊及伊的人臣討論講：「我欲佇某所在某所在紮營。」</verse>
				<verse number="9">上帝重用的人差人去見 以色列 王，講：「你著細膩，毋通對某所在經過，因為 敘利亞 人佇遐紮營。」</verse>
				<verse number="10">以色列 王派人去警告上帝重用的人所講彼所在的住民，𪜶就加強防備。仝款的事發生幾若遍。</verse>
				<verse number="11">敘利亞 王因為此個事心內真受氣，召伊的人臣來，給𪜶講：「恁中間啥人漏洩消息互 以色列 王，著老實給我講。」</verse>
				<verse number="12">有一個人臣講：「我的主，我的王啊，毋是阮。是 以色列 的先知 以利沙 將你佇房間內講的話給 以色列 王講。」</verse>
				<verse number="13">王講：「恁去探看伊佇什麼所在，我通派人去給掠。」 有人對王講：「伊佇 多坍 。」</verse>
				<verse number="14">王就派馬、戰車，及一大隊軍兵去遐。𪜶暗時到，包圍彼個城。</verse>
				<verse number="15">上帝重用的人的僕人透早起來，出去外面，看著有軍兵、馬，及戰車給城包圍啲。僕人對 以利沙 講：「慘啊，老師！咱欲按怎？」</verse>
				<verse number="16">上帝重用的人講：「毋免驚！及咱做夥的比及𪜶做夥的較多。」</verse>
				<verse number="17">以利沙 祈禱講：「上主，求你開伊的目睭，互伊會看見。」上主就開彼個僕人的目睭，伊就看見歸個山攏是火馬火車給 以利沙 圍啲。</verse>
				<verse number="18">敘利亞 人落去到 以利沙 遐， 以利沙 對上主祈禱講：「求你拍諸個軍兵，互𪜶目睭𣍐看見。」上主聽 以利沙 的祈禱，互𪜶𣍐看見。</verse>
				<verse number="19">以利沙 對𪜶講：「恁行毋著路，尋毋著城；隨我來，我導恁去恁欲尋的人遐。」 以利沙 就導𪜶到 撒馬利亞 。</verse>
				<verse number="20">𪜶入去 撒馬利亞 ， 以利沙 祈禱講：「上主，求你開諸個人的目睭，互𪜶會看見。」上主開𪜶的目睭，𪜶就看見，發見𪜶攏佇 撒馬利亞 的城內。</verse>
				<verse number="21">以色列 王看著𪜶，就問 以利沙 講：「師父，我豈通給𪜶刣死？豈通給𪜶刣死？」</verse>
				<verse number="22">以利沙 應講：「毋通給𪜶刣死。𪜶豈是你用刀用弓掠來的，哪通給𪜶刣死？著用餅及水互𪜶飲食，互𪜶通倒去𪜶的主人遐。」</verse>
				<verse number="23">王為著𪜶準備豐盛的宴席。𪜶食飽，王教𪜶倒去；𪜶就倒去𪜶的主人遐。對按呢， 敘利亞 的軍兵無閣侵犯 以色列 的境界。</verse>
				<verse number="24">後來， 敘利亞 王 便‧哈達 召集伊的全軍，上來圍困 撒馬利亞 。</verse>
				<verse number="25">撒馬利亞 有大飢荒； 敘利亞 人繼續圍困城，致到一個驢仔的頭值銀九百公克，兩百公克的粉鳥屎值六十公克的銀仔。</verse>
				<verse number="26">以色列 王對城牆頂經過的時，有一個婦仁人對伊求叫，講：「我的主，我的王，幫贊我。」</verse>
				<verse number="27">王講：「上主無幫贊你，我欲對叨位幫贊你？對五穀場，抑是對酒窟是無？」</verse>
				<verse number="28">王閣講：「你有什麼艱苦？」 伊應講：「有一個婦仁人對我講：『將你的子交出來，咱今仔日食伊；明仔載咱食我的子。』</verse>
				<verse number="29">阮就煮我的子來食。隔日我對伊講：『將你的子交出來，咱煮來食。』毋拘伊將伊的子藏起來。」</verse>
				<verse number="30">王聽著婦仁人的話，就拆裂衫。伊佇城牆頂經過的時，人民看著伊內面穿粗麻布的衫。</verse>
				<verse number="31">王講：「 沙法 的子 以利沙 的頭殼今仔日若猶留佇伊的身軀，願上帝加倍責罰我。」</verse>
				<verse number="32">彼時， 以利沙 坐佇厝內，長老嘛及伊做夥坐；王先派一個人去。使者猶未到伊遐， 以利沙 對長老講：「恁看，此個兇手的子派人來欲取我的頭殼。著注意，使者若來，著關門，給伊擋佇門外；伊主人的腳步聲豈無隨佇伊的後面啲來？」</verse>
				<verse number="33">以利沙 猶啲及𪜶講話的時，王 來到伊遐；王講：「此個災禍是對上主來，我哪著閣向望上主幫贊？」</verse>
			</chapter>
			<chapter number="7">
				<verse number="1">以利沙 講：「恁著聽上主的話；上主按呢講：『明仔載大約此個時，佇 撒馬利亞 的市場，三公斤幼麵粉會干焦賣銀十一公克，六公斤大麥嘛才賣銀十一公克。』」</verse>
				<verse number="2">有一個王的侍衛官應上帝重用的人講：「上主就是開天窗降落五穀，此個代誌嘛無可能發生。」 以利沙 講：「你欲親目看著，毋拘食𣍐著。」</verse>
				<verse number="3">佇城門外有四個痲瘋病人，𪜶講來講去：「咱哪著坐佇遮等死？</verse>
				<verse number="4">咱若入城，城內有飢荒，咱會死佇遐；若恬恬坐𫢶遮，嘛是死。來，咱來去投降 敘利亞 的軍隊；𪜶若留咱的性命，咱就會活；𪜶若刣咱，咱仝款嘛是死。」</verse>
				<verse number="5">黃昏的時，𪜶出發去 敘利亞 人的軍營。𪜶到 敘利亞 人的軍營邊，竟然無人佇遐。</verse>
				<verse number="6">因為主互 敘利亞 的軍隊聽見戰車及戰馬的聲，以及大軍隊的聲。𪜶就互相講：「這一定是 以色列 王倩 赫 人諸王及 埃及 諸王來攻擊咱。」</verse>
				<verse number="7">所以佇黃昏的時𪜶就放拺𪜶的布棚、馬、驢、軍營，拼命逃走。</verse>
				<verse number="8">許個痲瘋病人來到軍營邊，入一個布棚，亦食亦飲，閣對遐提金銀及衣服去藏；後來閣入一個布棚，嘛對遐提財物去藏。</verse>
				<verse number="9">彼時，𪜶互相講：「咱按呢做毋著。今仔日是有好消息的日，毋拘咱煞恬恬；若聽候到天光，咱就有罪。行，咱來去報王家知。」</verse>
				<verse number="10">𪜶就去叫顧城門的人，給𪜶講：「阮去 敘利亞 人的軍營，看著營內攏無人，無動無靜；只有馬、驢縛啲，布棚攏留啲。」</verse>
				<verse number="11">許個顧城門的人大聲喝，消息就傳到王家。</verse>
				<verse number="12">王透暝起來，給伊的人臣講：「我給恁講，這是 敘利亞 人的計謀。𪜶知咱枵餓，所以出軍營，埋伏佇野外，講：『𪜶出城的時，咱通活活掠𪜶，佔領此個城。』」</verse>
				<verse number="13">有一個人臣對王講：「城內猶有賰馬，請你派人牽五隻來，咱通派人去探查；橫直城內的人緊慢攏會滅亡。」</verse>
				<verse number="14">𪜶選兩台戰車及馬，王就派𪜶去探 敘利亞 的軍隊，講：「恁去探查。」</verse>
				<verse number="15">𪜶追蹤 敘利亞 的軍隊到 約旦河 ，看著沿路攏是 敘利亞 人逃走的時㧒确的衣服器具。使者就倒來回復王。</verse>
				<verse number="16">撒馬利亞 的住民出去搶 敘利亞 人的軍營；按呢，三公斤幼麵粉賣銀十一公克，六公斤大麥賣銀十一公克；抵照上主所講的話。</verse>
				<verse number="17">王派彼個侍衛官佇城門指揮，煞互眾人踏死佇遐；抵照上帝重用的人佇王落來見伊的時所講的話。</verse>
				<verse number="18">上帝重用的人有對王講：「明仔載大約此個時，佇 撒馬利亞 的市場，六公斤大麥會干焦賣銀十一公克，三公斤幼麵粉嘛才賣銀十一公克。」</verse>
				<verse number="19">彼個侍衛官對上帝重用的人講：「上主就是開天窗降落五穀，此個代誌嘛無可能發生。」上帝重用的人講：「你欲親目看著，毋拘食𣍐著。」</verse>
				<verse number="20">此句話果然發生佇彼個侍衛官身上，因為眾人佇城門給伊踏死。</verse>
			</chapter>
			<chapter number="8">
				<verse number="1">以利沙 曾互一個婦仁人的子閣活；伊對此個婦仁人講：「你及你全家趕緊去住佇會當生活的所在，因為上主欲互飢荒臨到此個所在七年久。」</verse>
				<verse number="2">婦仁人就照上帝重用的人的話，及伊全家出發去 非利士 人的地，佇遐住七年。</verse>
				<verse number="3">七年滿，彼個婦仁人對 非利士 人的地倒來。伊為著欲收回家己的厝宅田園去見王。</verse>
				<verse number="4">彼時，王及上帝重用的人的僕人 基哈西 啲講話；王講：「請你將 以利沙 所做一切的大事給我講。」</verse>
				<verse number="5">基哈西 啲給王講 以利沙 按怎互死人閣活的時，抵好 以利沙 互伊的子閣活的彼個婦仁人，為著欲收回伊的厝宅田園來見王。 基哈西 講：「我的主我的王，此個就是彼個婦仁人；彼個是伊的子， 以利沙 有互伊閣活。」</verse>
				<verse number="6">王問彼個婦仁人，伊就給王講；王就為著伊派一個官員，講：「所有屬此個婦仁人的攏著還伊；對伊離開本地彼日到今仔日，伊的田園所出產的，嘛攏著還伊。」</verse>
				<verse number="7">以利沙 來到 大馬士革 ，抵好 敘利亞 王 便‧哈達 啲破病；有人對王報告，講：「上帝重用的人來佇遮。」</verse>
				<verse number="8">王就對 哈薛 講：「你帶禮物去見上帝重用的人，拜託伊問上主，看我此個病會好𣍐？」</verse>
				<verse number="9">哈薛 就去見 以利沙 。伊用四十隻駱駝載 大馬士革 逐款的好物做禮物，徛佇 以利沙 的面前，講：「你的子 敘利亞 王 便‧哈達 派我來你遮，請問你：『我此個病豈會好？』」</verse>
				<verse number="10">以利沙 給伊講：「你去回復伊，講：『你的病一定會好。』毋拘上主指示我，伊一定會死。」</verse>
				<verse number="11">以利沙 直直看 哈薛 ，看甲伊毋知欲按怎。 以利沙 開始哮。</verse>
				<verse number="12">哈薛 講：「我的主，你是按怎啲哮？」 以利沙 講：「因為我知你會按怎傷害 以色列 人；放火燒𪜶的堡壘，用刀刣死𪜶的少年人，摔死𪜶的嬰仔，破開有身的婦仁人。」</verse>
				<verse number="13">哈薛 講：「你的僕人算啥，不過是一隻狗，哪會當做此款大代誌？」 以利沙 應講：「上主指示我，你會做 敘利亞 王。」</verse>
				<verse number="14">哈薛 離開 以利沙 ，倒去伊的主人遐；主人問伊講：「 以利沙 給你講什麼？」 伊應講：「伊給我講，你的病一定會好。」</verse>
				<verse number="15">隔日 哈薛 提厚的布搵水，蓋王的面，給伊翕死。 哈薛 就續接伊作王。</verse>
				<verse number="16">亞哈 的子 以色列 王 約何蘭 第五年， 約沙法 的子 約蘭 開始做 猶大 王。</verse>
				<verse number="17">約蘭 坐位的時三十二歲，佇 耶路撒冷 作王八年。</verse>
				<verse number="18">伊行 以色列 諸王的路，所做及 亞哈 家仝款；因為伊娶 亞哈 的查某子做某，做上主看做歹的事。</verse>
				<verse number="19">毋拘上主因為伊的僕人 大闢 的緣故，毋甘滅 猶大 。上主照伊對 大闢 的應允，永遠賞賜一葩燈互 大闢 及伊的子孫。</verse>
				<verse number="20">約蘭 作王的時， 以東 背叛 猶大 ，脫離 猶大 的統治，設立𪜶家己的王。</verse>
				<verse number="21">約蘭 帶所有的戰車過去 撒益 ，煞受包圍。 約蘭 暝時起來，突破包圍伊的 以東 人及戰車長；毋拘 猶大 軍兵逃走，逐個倒去𪜶兜。</verse>
				<verse number="22">按呢， 以東 人背叛 猶大 ，脫離 猶大 的統治到今仔日。像彼時， 立拿 嘛背叛。</verse>
				<verse number="23">約蘭 其他的事蹟及伊的所做，攏記載佇 猶大列王史 。</verse>
				<verse number="24">約蘭 轉去伊的列祖遐，及伊的列祖安葬佇 大闢 城。伊的子 亞哈謝 續接伊作王。</verse>
				<verse number="25">亞哈 的子 以色列 王 約何蘭 十二年， 約蘭 的子 亞哈謝 開始做 猶大 王。</verse>
				<verse number="26">亞哈謝 坐位的時二十二歲，佇 耶路撒冷 作王一年。伊的老母叫做 亞她利雅 ，是 以色列 王 暗利 的查某孫。</verse>
				<verse number="27">伊行 亞哈 家的路，做上主看做歹的事，及 亞哈 家仝款；因為伊是 亞哈 家的子婿。</verse>
				<verse number="28">亞哈謝 及 亞哈 的子 約何蘭 做夥去 基列 的 拉末 ，及 敘利亞 王 哈薛 交戰； 敘利亞 人拍傷 約何蘭 。</verse>
				<verse number="29">約何蘭 王倒去 耶斯列 ，欲醫治伊佇 拉末 及 敘利亞 王 哈薛 交戰的時所受的傷。 約蘭 的子 猶大 王 亞哈謝 落去 耶斯列 ，探訪 亞哈 的子 約何蘭 ，因為伊破病。</verse>
			</chapter>
			<chapter number="9">
				<verse number="1">先知 以利沙 叫一個先知的學生來，給伊講：「你著準備出發，提此瓶油，去 基列 的 拉末 。</verse>
				<verse number="2">到遐，著尋 寧示 的孫， 約沙法 的子 耶戶 ，對伊同伴的中間請伊出來，導伊入內房；</verse>
				<verse number="3">將瓶內的油倒佇伊的頭殼，講：『上主按呢講：我選立你做 以色列 的王。』了後你著開門，趕緊逃走。」</verse>
				<verse number="4">此個少年的先知就去 基列 的 拉末 。</verse>
				<verse number="5">伊到遐，看著眾軍官做夥坐佇遐；伊就講：「將軍，我有代誌欲給你講。」 耶戶 講：「你欲給阮叨一個講？」 少年人應講：「將軍，就是你。」</verse>
				<verse number="6">耶戶 就起來，入去厝內；少年人用油倒佇伊的頭殼，對伊講：「上主 — 以色列 的上帝按呢講：『我選立你做上主的子民 以色列 的王。</verse>
				<verse number="7">你著刣死你的主人 亞哈 全家，互我通報復 耶洗碧 流上主的僕人眾先知及其他所有僕人的血。</verse>
				<verse number="8">亞哈 全家攏著滅亡；所有佇 以色列 中屬 亞哈 的查甫人，無論是自由的抑是無自由的，我攏欲給𪜶消滅。</verse>
				<verse number="9">我欲互 亞哈 的家及 尼八 的子 耶羅波安 的家仝款，嘛及 亞希雅 的子 巴沙 的家仝款。</verse>
				<verse number="10">狗欲佇 耶斯列 的田園食 耶洗碧 ，嘛無人給伊埋葬。』」少年人就開門逃走。</verse>
				<verse number="11">耶戶 出去，來到伊主人的軍官遐；有一個問伊講：「豈有什麼代誌？是按怎此個𤞚的來尋你？」 伊給𪜶講：「恁識彼個人，嘛知伊會講什麼。」</verse>
				<verse number="12">𪜶講：「騙阮，你著給阮講。」 耶戶 應講：「伊給我講：『上主按呢講：我選立你做 以色列 的王。』」</verse>
				<verse number="13">𪜶逐個人趕緊用家己的外衫鋪佇崎仔的頂層，互 耶戶 徛佇頂面。𪜶歕哨角宣布講：「 耶戶 作王啦！」</verse>
				<verse number="14">按呢 寧示 的孫， 約沙法 的子 耶戶 背叛 約何蘭 。 約何蘭 及 以色列 軍兵曾防守 基列 的 拉末 ，因為 敘利亞 王 哈薛 攻擊 以色列 。</verse>
				<verse number="15">後來， 約何蘭 王倒去 耶斯列 ，欲醫治伊及 敘利亞 王 哈薛 交戰的時受的傷。 耶戶 對許個軍官講：「既然恁擁護我作王，著毋通互人逃走去 耶斯列 報消息。」</verse>
				<verse number="16">耶戶 就駛戰車去 耶斯列 ，因為 約何蘭 猶倒佇床裡。 猶大 王 亞哈謝 已經去佇遐探訪 約何蘭 。</verse>
				<verse number="17">有一個守望的徛佇 耶斯列 城牆頂的守望台，看著 耶戶 的軍隊來，就講：「我看著一陣軍隊。」 約何蘭 講：「派一個馬兵去接伊，續問伊講：『有平安無？』」</verse>
				<verse number="18">彼個馬兵去迎接 耶戶 ，講：「王啲問，有平安無？」 耶戶 講：「平安無平安，無你的代誌。隨我後面！」 守望的報告王，講：「使者到𪜶遐，煞無倒轉來。」</verse>
				<verse number="19">王閣派一個馬兵去。伊到𪜶遐，講：「王啲問，有順利無？」 耶戶 講：「順利無順利，無你的代誌。隨我後面！」</verse>
				<verse number="20">守望的報告王講：「伊去𪜶遐，嘛無倒轉來；駛車的衝真雄，看起來若親像是 寧示 的孫 耶戶 。」</verse>
				<verse number="21">約何蘭 就講：「準備戰車。」𪜶就給伊準備。 以色列 王 約何蘭 及 猶大 王 亞哈謝 坐家己的戰車，出去見 耶戶 ；𪜶佇 耶斯列 人 拿伯 的園抵著伊。</verse>
				<verse number="22">約何蘭 看著 耶戶 就講：「 耶戶 ，有平安無？」 耶戶 應講：「你的老母 耶洗碧 的淫行邪術猶赫多，哪會平安？」</verse>
				<verse number="23">約何蘭 就給車踅翻頭逃走，對 亞哈謝 喝講：「 亞哈謝 ，反啦，反啦。」</verse>
				<verse number="24">耶戶 出力開弓，射著 約何蘭 的尻脊骿，箭對伊的心臟迵出去。伊就慄落去，死佇車內。</verse>
				<verse number="25">耶戶 對伊的軍官 畢甲 講：「給伊㧒佇 耶斯列 人 拿伯 的園裡。你著會記得你及我做夥坐車隨伊的老父 亞哈 的時，上主對 亞哈 的預言。</verse>
				<verse number="26">上主有講：『我昨昏有看見 拿伯 及伊的子兒的血。我立誓，我欲佇此坵園報應 亞哈 。』今著照上主的話將 約何蘭 㧒𫢶此坵園。」</verse>
				<verse number="27">猶大 王 亞哈謝 看著按呢，就向 伯‧哈干 的路逃走。 耶戶 趇伊，喝講：「嘛著給拍死。」接近 以伯蓮 上 姑珥 的山坪的時， 亞哈謝 佇車內受拍傷。伊逃走去 米吉多 ，就死佇遐。</verse>
				<verse number="28">伊的人臣用車給伊的屍體載去 耶路撒冷 ，給伊安葬佇 大闢 城伊家己的墓，及伊的列祖做夥。</verse>
				<verse number="29">亞哈謝 做 猶大 王的時，是佇 亞哈 的子 約何蘭 十一年。</verse>
				<verse number="30">耶戶 到 耶斯列 ， 耶洗碧 聽見，就梳粧打扮，對窗仔看外面。</verse>
				<verse number="31">耶戶 入城的時， 耶洗碧 對伊講：「刣死主人的 心利 ，你有平安無？」</verse>
				<verse number="32">耶戶 攑頭向窗仔看，講：「擁護我的人佇叨位？」有兩三個太監對窗仔俯啲看伊。</verse>
				<verse number="33">耶戶 講：「給伊㧒落來。」𪜶就將 耶洗碧 㧒落去；伊的血噴著牆壁及馬； 耶戶 駛戰車給伊的屍體軋過。</verse>
				<verse number="34">耶戶 入去，亦食亦飲，講：「恁去處理彼個受咒詛的婦仁人，續給伊埋葬，因為伊嘛是王的查某子。」</verse>
				<verse number="35">毋拘𪜶去欲給伊埋葬，干焦尋著伊的頭殼及腳手的骨頭。</verse>
				<verse number="36">𪜶倒來給 耶戶 報告，伊就講：「這抵抵照上主通過伊的僕人 提斯比 人 以利亞 所講的話：『狗欲佇 耶斯列 的田園食 耶洗碧 的肉。</verse>
				<verse number="37">耶洗碧 的身屍佇 耶斯列 的田園會及糞像款，無人認會出。』」</verse>
			</chapter>
			<chapter number="10">
				<verse number="1">亞哈 有七十個子孫佇 撒馬利亞 。 耶戶 寫批去 撒馬利亞 ，互遐 的首領、長老，及 亞哈 子孫的監護人，</verse>
				<verse number="2">講：「既然恁主人的子孫及恁做夥，恁閣有戰車、戰馬、堅固的城，及武器，此張批送到恁遐的時，</verse>
				<verse number="3">恁著佇恁主人子孫的中間，揀一個上好上適合的，互伊續接伊的老父作王，恁嘛通為著恁主人的家交戰。」</verse>
				<verse number="4">𪜶非常驚，講：「連 約何蘭 及 亞哈謝 兩個王都𣍐當對抗伊，咱哪有法度？」</verse>
				<verse number="5">王宮總管、市長，及長老，以及王子孫的監護人，派人去見 耶戶 ，講：「阮是你的僕人，你給阮講的，阮攏欲照按呢做。阮無欲設立人作王；請照你的意思去做。」</verse>
				<verse number="6">耶戶 閣寫批互𪜶，講：「恁若歸順我，欲聽趁我的話，著取恁主人子孫的頭殼，明仔載此個時帶來 耶斯列 互我。」彼時，王的子孫七十人攏住佇城內給𪜶養育的尊貴的人𪜶兜。</verse>
				<verse number="7">耶戶 的批一下到，𪜶就將王的子孫七十人全部刣死，將許個頭殼下佇籃仔內，送去 耶斯列 耶戶 遐。</verse>
				<verse number="8">有一個使者來給 耶戶 講：「𪜶帶王許個子孫的頭殼來。」 耶戶 講：「將𪜶疊做兩堆，下佇城門口，到明仔早起。」</verse>
				<verse number="9">隔早起， 耶戶 出來，徛啲，對眾人民講：「恁攏無罪。是我反叛 約何蘭 王，給伊刣死，毋拘諸個人是啥人給𪜶刣死的？</verse>
				<verse number="10">對按呢通知，上主有關 亞哈 家所講的話，無一句落空；因為上主通過伊的僕人 以利亞 講的話，攏有實現。」</verse>
				<verse number="11">屬 亞哈 家佇 耶斯列 賰的人，以及伊的人臣、親密的朋友、祭司， 耶戶 攏給𪜶刣死，連一個都無留啲。</verse>
				<verse number="12">耶戶 出發，去 撒馬利亞 。佇中途，伊到牧者剪羊毛的厝，</verse>
				<verse number="13">抵著 猶大 王 亞哈謝 的親屬，問𪜶講：「恁是什麼人？」 𪜶應講：「阮是 亞哈謝 的親屬，抵欲落去訪問王及王后的子。」</verse>
				<verse number="14">耶戶 講：「活活給𪜶掠起來。」 耶戶 的部下就給𪜶掠起來，佇剪羊毛的厝的井邊刣死𪜶，共四十二人，連一個都無留。</verse>
				<verse number="15">耶戶 繼續進前，抵著 利甲 的子 約拿達 來迎接伊； 耶戶 給伊請安，對伊講：「我誠心對待你，你豈嘛按呢對待我？」 約拿達 應講：「是。」 耶戶 講：「若是按呢，你的手伸出來。」 約拿達 就伸手互伊。伊就牽 約拿達 上車。</verse>
				<verse number="16">耶戶 講：「及我做夥來去，看我按怎為著上主熱心做代誌。」伊就互 約拿達 坐伊的車。</verse>
				<verse number="17">到 撒馬利亞 ， 耶戶 刣死所有屬 亞哈 家留佇 撒馬利亞 的人，連一個都無留啲，抵照上主通過 以利亞 所講的話。</verse>
				<verse number="18">耶戶 召集眾人民，給𪜶講：「 亞哈 服事巴力猶無夠， 耶戶 欲閣較熱心服事伊。</verse>
				<verse number="19">所以著召集巴力所有的先知、祭司，及攏總拜巴力的人來我遮，一個都𣍐當無來，因為我欲為巴力舉行大祭祀；無來的，欲互伊死。」這是 耶戶 的詭計，欲刣死所有拜巴力的人。</verse>
				<verse number="20">耶戶 講：「著為巴力召集嚴肅會。」𪜶就宣布。</verse>
				<verse number="21">耶戶 派人去 以色列 逐所在宣告此個消息；拜巴力的人攏齊到，無一個無來。𪜶就進入巴力的廟；巴力的廟內，人揢甲滿滿滿。</verse>
				<verse number="22">耶戶 吩咐管理禮服的人講：「禮服提出來互所有拜巴力的人穿。」彼個人就提禮服出來互𪜶。</verse>
				<verse number="23">耶戶 及 利甲 的子 約拿達 入巴力的廟，給拜巴力的人講：「恁著詳細搜查，恁中間毋通有拜上主的人，只有拜巴力的人會當佇遮。」</verse>
				<verse number="24">𪜶就入去欲獻祭祀及燒化祭。 耶戶 已經有安排八十個人佇廟的外面，閣對𪜶講：「我將諸個人交互恁，若有人逃走，放伊走的人著賠命。」</verse>
				<verse number="25">耶戶 獻燒化祭了後，對護衛兵及軍官講：「入去，總刣！一個都毋通互走去。」𪜶就用刀刣死所有的人，將身屍擲佇遐。然後閣去到巴力廟的內殿，</verse>
				<verse number="26">將柱像攏提出來燒。</verse>
				<verse number="27">𪜶毀壞巴力的柱像，拆毀巴力的廟，給伊改做便所，到今仔日。</verse>
				<verse number="28">按呢， 耶戶 對 以色列 消滅巴力崇拜。</verse>
				<verse number="29">毋拘 耶戶 及 尼八 的子 耶羅波安 仝款，互 以色列 人陷落罪，就是去拜 伯特利 及 但 的金牛。</verse>
				<verse number="30">上主給 耶戶 講：「因為你有完成我看做好的事，照我的心意對待 亞哈 家，你的子孫欲續接你做 以色列 的王到第四代。」</verse>
				<verse number="31">毋拘 耶戶 無專心遵守上主 — 以色列 的上帝的律法，及 耶羅波安 仝款，互 以色列 人陷落罪。</verse>
				<verse number="32">彼時，上主互 以色列 國開始衰微； 敘利亞 王 哈薛 拍敗 以色列 ，</verse>
				<verse number="33">佔領 約旦河 東旁 基列 全地，對 亞嫩 山谷附近的 亞羅珥 起，到 基列 及 巴珊 ，就是 迦得 人、 呂便 人、 瑪拿西 人的地區。</verse>
				<verse number="34">耶戶 其他的事蹟、伊的所做，及伊的成就，攏記載佇 以色列列王史 。</verse>
				<verse number="35">耶戶 轉去伊的列祖遐了後，安葬佇 撒馬利亞 。伊的子 約哈斯 續接伊作王。</verse>
				<verse number="36">耶戶 佇 撒馬利亞 做 以色列 王總共二十八年。</verse>
			</chapter>
			<chapter number="11">
				<verse number="1">亞哈謝 的老母 亞她利雅 一下知伊的子受殺害，就起來剿滅 猶大 王室所有的後代。</verse>
				<verse number="2">毋拘 約蘭 王的查某子， 亞哈謝 的小妹 約示芭 ，將 亞哈謝 的子 約阿施 ，對許個受刣的王子中偷抱出來，將伊及伊的奶母藏佇聖殿的睏房，無互 亞她利雅 知，互 約阿施 免受殺害。</verse>
				<verse number="3">亞她利雅 治理 猶大 國的時， 約阿施 及伊的奶母做夥匿佇上主的殿六年久。</verse>
				<verse number="4">到第七年， 耶何耶大 派人召集 迦利 人 及所有護衛兵的官長，導𪜶入上主的聖殿來到伊遐；伊及𪜶立約，互𪜶佇上主的殿咒誓，閣互𪜶看王的子。</verse>
				<verse number="5">閣吩咐𪜶講：「恁著按呢做：恁佇安歇日值班的時，著三分一顧守王宮，</verse>
				<verse number="6">三分一顧守 蘇珥門 ，三分一顧守護衛兵院的後門；按呢輪流顧守王宮。</verse>
				<verse number="7">恁佇安歇日無值班的兩隊人員著顧守上主的殿，保護王。</verse>
				<verse number="8">恁逐個人著帶軍器，佇王的四圍保護；若有人強欲入來，著互伊死；王無論佇叨位，恁攏著跟隨保護伊。」</verse>
				<verse number="9">所有的官長攏照祭司 耶何耶大 的命令去做；逐個官長攏帶𪜶的部下，無論安歇日有值班抑是無值班，攏來祭司 耶何耶大 遐。</verse>
				<verse number="10">祭司就將囥佇上主殿內 大闢 王的槍及盾牌交互許個官長。</verse>
				<verse number="11">護衛兵手攑武器，佇祭壇及聖殿遐，對殿的南旁到北旁，徛佇王的四圍保護。</verse>
				<verse number="12">祭司導 約阿施 出來，給伊戴王冠，將有關王權的約書交互伊，給伊抹油，設立伊作王；𪜶就拍噗仔，喝講：「願王萬歲！」</verse>
				<verse number="13">亞她利雅 聽著護衛兵及人民的聲，就去聚集佇上主聖殿的人民遐，</verse>
				<verse number="14">看著王照規例徛佇聖殿入口的柱邊，官長及歕喇叭的人徛佇王的邊仔，國內的人民攏歡喜，歕喇叭。 亞她利雅 就拆裂伊的衫，喝講：「造反啦，造反啦！」</verse>
				<verse number="15">因為祭司 耶何耶大 毋愛有人佇上主的聖殿互人刣死，就命令管軍隊的官長，講：「給伊對隊伍的中間趕出去；欲隨伊的，著互伊死。」</verse>
				<verse number="16">𪜶閃開雙旁互 亞她利雅 過去；伊到進入王宮的 馬門 ，就佇遐互人刣死。</verse>
				<verse number="17">耶何耶大 互王以及人民及上主立約，做上主的子民；閣互王及人民立約。</verse>
				<verse number="18">對按呢，全國的人民攏給巴力的廟拆毀，拍碎祭壇及偶像，閣佇壇前拍死巴力的祭司 馬坦 。 耶何耶大 派官員顧守上主的聖殿。</verse>
				<verse number="19">伊及官長、 迦利 人、護衛兵，以及全國人民，請王對上主的聖殿落來，對護衛兵院的門進入王宮。 約阿施 就坐王位。</verse>
				<verse number="20">全國人民攏歡喜快樂，全城攏平靜； 亞她利雅 已經佇王宮互人刣死。</verse>
				<verse number="21">約阿施 坐位的時才七歲。</verse>
			</chapter>
			<chapter number="12">
				<verse number="1">耶戶 第七年， 約阿施 作王，佇 耶路撒冷 作王四十年；伊的老母叫做 西比亞 ，是 別是巴 人。</verse>
				<verse number="2">約阿施 因為祭司 耶何耶大 的教導，一生做上主看做好的事。</verse>
				<verse number="3">毋拘山頭壇猶未廢除，人民猶原佇遐獻祭燒香。</verse>
				<verse number="4">約阿施 對眾祭司講：「所有獻佇上主的聖殿分別作聖的錢，無論是逐個人應該獻的，抑是自願獻的錢，</verse>
				<verse number="5">抑是逐個祭司對伊所識的人收集的奉獻，著用來修理聖殿所有損壞的所在。」</verse>
				<verse number="6">毋拘到 約阿施 王第二十三年，祭司猶未修理聖殿損壞的所在。</verse>
				<verse number="7">所以 約阿施 王召集祭司 耶何耶大 及其他的祭司，對𪜶講：「恁是按怎到今猶未修理聖殿損壞的所在？恁毋通閣對人收錢，著將錢交出來，通修理聖殿損壞的所在。」</verse>
				<verse number="8">眾祭司答應無欲閣對人民收錢，嘛無欲負責修理聖殿損壞的所在。</verse>
				<verse number="9">祭司 耶何耶大 提一個櫃，佇頂面挖一孔，下佇祭壇邊，上主聖殿入口的正旁；守門的祭司給來敬拜的人所獻的錢攏落入去櫃內。</verse>
				<verse number="10">祭司看著櫃內的錢有夠多的時，就請王的書記及大祭司來，將上主聖殿得著的錢點算了包起來。</verse>
				<verse number="11">𪜶就將點算過的錢交互監督整修上主聖殿的人。監督的人將錢發互修理上主聖殿的作木師傅及建築工人，</verse>
				<verse number="12">土水師傅及拍石師傅；閣買柴料及拍好的石，修理上主聖殿損壞的所在，以及支付修理聖殿逐款的開銷。</verse>
				<verse number="13">毋拘奉獻佇上主聖殿的錢無用來做上主聖殿的銀杯、燈心的剪刀、盤、喇叭，及逐款金器銀器。</verse>
				<verse number="14">𪜶將錢攏交互作工的人修理上主的聖殿。</verse>
				<verse number="15">𪜶毋免及發工錢的人對賬，因為許個人做代誌誠實。</verse>
				<verse number="16">毋拘賠罪祭及贖罪祭的錢，無帶入上主的聖殿，攏歸互祭司。</verse>
				<verse number="17">彼時， 敘利亞 王 哈薛 上去攻打 迦特 ，給伊攻取。 哈薛 就決定欲進攻 耶路撒冷 。</verse>
				<verse number="18">猶大 王 約阿施 將伊的祖先 猶大 王 約沙法 、 約蘭 、 亞哈謝 ，及伊本身所獻聖化歸上主的物，以及上主聖殿及王宮的府庫所有的金，攏送互 敘利亞 王 哈薛 。 哈薛 就無進攻 耶路撒冷 。</verse>
				<verse number="19">約阿施 其他的事蹟，伊的所做，攏記載佇 猶大列王史 。</verse>
				<verse number="20">約阿施 的人臣起來背叛，佇落去 悉拉 路中的 伯‧米羅 給伊刣死。</verse>
				<verse number="21">許個刣死 約阿施 的人臣是 示米押 的子 約撒甲 ，及 朔默 的子 約薩拔 。 約阿施 及伊的列祖做夥安葬佇 大闢 城。伊的子 亞瑪謝 續接伊作王。</verse>
			</chapter>
			<chapter number="13">
				<verse number="1">猶大 王 亞哈謝 的子 約阿施 作王第二十三年， 耶戶 的子 約哈斯 佇 撒馬利亞 作王，統治 以色列 十七年。</verse>
				<verse number="2">伊做上主看做歹的事，隨 尼八 的子 耶羅波安 的所做，互 以色列 人陷落罪，攏無停止。</verse>
				<verse number="3">上主就對 以色列 人發受氣，幾若遍將𪜶交佇 敘利亞 王 哈薛 及伊的子 便‧哈達 的手。</verse>
				<verse number="4">約哈斯 懇求上主，上主聽伊的祈禱，因為伊有看見 以色列 人受 敘利亞 王制壓。</verse>
				<verse number="5">上主賞賜 以色列 一個拯救者，救𪜶脫離 敘利亞 人的手。 以色列 人就猶原平安住佇𪜶家己的厝。</verse>
				<verse number="6">毋拘𪜶無離開 耶羅波安 的家所行的路，互 以色列 人陷落罪，繼續犯罪；佇 撒馬利亞 ， 亞舍拉 的柱像猶留啲。</verse>
				<verse number="7">敘利亞 王拍敗 以色列 ，踐踏𪜶親像啲踐踏五穀場的土沙。 敘利亞 王只有允准 約哈斯 留馬兵五十、戰車十台，及步兵一萬。</verse>
				<verse number="8">約哈斯 其他的事蹟、伊所做的事及成就，攏記載佇 以色列列王史 。</verse>
				<verse number="9">約哈斯 轉去伊的列祖遐了後，安葬佇 撒馬利亞 ；伊的子 約華施 續接伊作王。</verse>
				<verse number="10">猶大 王 約阿施 三十七年， 約哈斯 的子 約華施 佇 撒馬利亞 作王，做 以色列 王十六年。</verse>
				<verse number="11">伊做上主看做歹的事，無離開 尼八 的子 耶羅波安 的路，互 以色列 人陷落罪，繼續犯罪。</verse>
				<verse number="12">約華施 其他的事蹟、伊的所做，以及伊及 猶大 王 亞瑪謝 交戰勇猛的事，攏記載佇 以色列列王史 。</verse>
				<verse number="13">約華施 轉去伊的列祖遐，及 以色列 諸個王做夥安葬佇 撒馬利亞 。伊的子 耶羅波安 二世坐王位。</verse>
				<verse number="14">以利沙 犯著致命的病。 以色列 王 約華施 落來看伊，仆佇伊的面啼哭，講：「師父啊，師父啊！ 以色列 的戰車及馬兵啊！」</verse>
				<verse number="15">以利沙 對伊講：「你去攑弓箭。」伊就去攑弓及箭來。</verse>
				<verse number="16">以利沙 閣給 以色列 王講：「你準備開弓。」伊就準備開弓。 以利沙 給王的手按啲，講：</verse>
				<verse number="17">「你拍開東旁的窗仔。」伊就拍開。 以利沙 講：「射箭！」伊就射箭。 以利沙 講：「這是上主勝利的箭，刣贏 敘利亞 人的箭。你會佇 亞弗 攻擊 敘利亞 人，徹底給𪜶消滅。」</verse>
				<verse number="18">以利沙 閣講：「箭攑起來。」伊就給箭攑起來。 以利沙 閣給王講：「拍土腳。」王拍三遍就停啲。</verse>
				<verse number="19">上帝重用的人對伊受氣講：「你應該著拍五六遍，才會當拍敗 敘利亞 ，徹底給伊消滅。今，你只有會當拍敗 敘利亞 人三遍。」</verse>
				<verse number="20">以利沙 死，人給伊埋葬。 逐年春天， 摩押 人會來侵犯 以色列 。</verse>
				<verse number="21">有一遍，有人抵仔啲埋葬死人，忽然看著歸陣 摩押 人，就將死人㧒佇 以利沙 的墓內，趕緊逃走。死人一下磕著 以利沙 的骨頭，就閣活，徛起來。</verse>
				<verse number="22">約華施 的老父 約哈斯 在位的時， 敘利亞 王 哈薛 常常制壓 以色列 人。</verse>
				<verse number="23">毋拘上主因為伊及 亞伯拉罕 、 以撒 、 雅各 所立的約，猶原施恩互 以色列 ，憐憫𪜶，眷顧𪜶，毋甘給𪜶剿滅，毋甘給𪜶放拺。</verse>
				<verse number="24">敘利亞 王 哈薛 死，伊的子 便‧哈達 續接伊作王。</verse>
				<verse number="25">以前 哈薛 及 約哈斯 交戰，對伊的手攻取幾若個城； 約哈斯 的子 約華施 三遍拍敗 哈薛 的子 便‧哈達 ，收回許個城。</verse>
			</chapter>
			<chapter number="14">
				<verse number="1">約哈斯 的子 以色列 王 約華施 第二年， 約阿施 的子 亞瑪謝 開始做 猶大 王。</verse>
				<verse number="2">伊坐位的時二十五歲，佇 耶路撒冷 作王二十九年；伊的老母叫做 約耶但 ，是 耶路撒冷 人。</verse>
				<verse number="3">亞瑪謝 做上主看做好的事，毋拘無親像伊的祖先 大闢 ；伊猶原照伊的老父 約阿施 的所做去做，</verse>
				<verse number="4">無拆毀山頭壇；人民繼續佇遐獻祭燒香。</verse>
				<verse number="5">亞瑪謝 的王權一下堅固，就將刣死伊老父 猶大 王許個人臣處死。</verse>
				<verse number="6">毋拘伊無刣死許個人臣的子兒，是照 摩西 律法的冊所記載上主的命令：毋通因為子兒的所做給老父處死，嘛毋通因為老父的所做給子兒處死；逐個人著因為家己的罪死。</verse>
				<verse number="7">亞瑪謝 佇 鹽 的山谷刣死 以東 人一萬，閣攻取 西拉 ，給伊改名做 約帖 ，到今仔日。</verse>
				<verse number="8">彼時， 亞瑪謝 派使者去見 耶戶 的孫， 約哈斯 的子， 以色列 王 約華施 ，講：「來，咱來戰場拼輸贏。」</verse>
				<verse number="9">以色列 王 約華施 派使者去給 猶大 王 亞瑪謝 講：「 黎巴嫩 的草刺差使者去見 黎巴嫩 的柏香樹，講：『你的查某子互我的子做某！』後來 黎巴嫩 有一隻野獸經過，給草刺踐踏。</verse>
				<verse number="10">你已經刣贏 以東 ，心就驕傲聳勢。你𫢶恁兜享受你的榮光就好，哪欲惹災禍，互你本身及 猶大 國做夥滅亡？」</verse>
				<verse number="11">毋拘 亞瑪謝 聽𣍐落去。 以色列 王 約華施 就上來，佇 猶大 的 伯‧示麥 及 猶大 王 亞瑪謝 交戰。</verse>
				<verse number="12">猶大 互 以色列 拍敗，逐個人走倒去𪜶兜。</verse>
				<verse number="13">以色列 王 約華施 佇遐掠著 猶大 王 亞瑪謝 ，閣來拆毀 耶路撒冷 的城牆，對 以法蓮門 到 角門 ，約兩百公尺。</verse>
				<verse number="14">約華施 將上主聖殿及王宮的府庫所有的金銀及器具攏提去，閣掠人做人質，才倒去 撒馬利亞 。</verse>
				<verse number="15">約華施 其他的事蹟、伊的所做及成就，以及及 猶大 王 亞瑪謝 交戰的事，攏記載佇 以色列列王史 。</verse>
				<verse number="16">約華施 轉去伊的列祖遐，及 以色列 諸個王做夥安葬佇 撒馬利亞 ；伊的子 耶羅波安 二世續接伊作王。</verse>
				<verse number="17">約哈斯 的子 以色列 王 約華施 死了， 約阿施 的子 猶大 王 亞瑪謝 閣再活十五年。</verse>
				<verse number="18">亞瑪謝 其他的事蹟，攏記載佇 猶大列王史 。</verse>
				<verse number="19">佇 耶路撒冷 有人計謀欲害 亞瑪謝 ，伊就逃走去 拉吉 。𪜶派人趇到 拉吉 ，佇遐給伊刣死。</verse>
				<verse number="20">人用馬將伊的屍體載倒來 耶路撒冷 ，將伊安葬佇 大闢 城，列祖的墓地。</verse>
				<verse number="21">猶大 的人民設立 烏西亞 續接伊的老父 亞瑪謝 作王，彼時伊十六歲。</verse>
				<verse number="22">亞瑪謝 王轉去伊的列祖遐了後， 烏西亞 收回 以拉他 歸屬 猶大 國，閣給伊修建。</verse>
				<verse number="23">約阿施 的子 猶大 王 亞瑪謝 第十五年， 約華施 的子 耶羅波安 二世佇 撒馬利亞 做 以色列 王；伊作王共四十一年。</verse>
				<verse number="24">伊做上主看做歹的事，無離開 尼八 的子 耶羅波安 的路，互 以色列 人陷落罪。</verse>
				<verse number="25">伊收回 以色列 邊界的地，對 哈馬 隘口到 死海 ，抵抵照上主 — 以色列 的上帝通過伊的僕人， 迦特‧希弗 人 亞米太 的子先知 約拿 所講的話。</verse>
				<verse number="26">上主看見 以色列 人，無論是自由的抑是無自由的，攏受極大的苦難，嘛無人幫贊𪜶。</verse>
				<verse number="27">上主決意無欲對天下擦消 以色列 的名，就通過 約華施 的子 耶羅波安 二世解救𪜶。</verse>
				<verse number="28">耶羅波安 二世其他的事蹟、伊的所做及成就，以及伊按怎交戰，按怎將以前屬 猶大 的 大馬士革 及 哈馬 收回歸屬 以色列 ，攏記載佇 以色列列王史 。</verse>
				<verse number="29">耶羅波安 二世轉去伊的祖先 以色列 許個王遐，伊的子 撒迦利亞 續接伊作王。</verse>
			</chapter>
			<chapter number="15">
				<verse number="1">以色列 王 耶羅波安 二世第二十七年， 亞瑪謝 的子 烏西亞 開始做 猶大 王。</verse>
				<verse number="2">伊坐位的時十六歲，佇 耶路撒冷 作王五十二年；伊的老母叫做 耶可利雅 ，是 耶路撒冷 人。</verse>
				<verse number="3">烏西亞 做上主看做好的事，照伊的老父 亞瑪謝 的所做去做。</verse>
				<verse number="4">毋拘山頭壇猶未廢除，人民猶原佇遐獻祭燒香。</verse>
				<verse number="5">上主降災禍，互王一生致著嚴重的皮膚病；伊就住佇受隔離的厝。伊的子 約坦 管理王家的事，治理國政。</verse>
				<verse number="6">烏西亞 其他的事蹟及伊的所做攏記佇 猶大列王史 。</verse>
				<verse number="7">烏西亞 轉去伊的列祖遐，人給伊安葬佇 大闢 城，伊的祖先的墓。伊的子 約坦 續接伊作王。</verse>
				<verse number="8">猶大 王 烏西亞 第三十八年， 耶羅波安 二世的子 撒迦利亞 佇 撒馬利亞 作王，統治 以色列 六月日久。</verse>
				<verse number="9">伊做上主看做歹的事，照伊的祖先的所做，無離開 尼八 的子 耶羅波安 的路，互 以色列 人陷落罪。</verse>
				<verse number="10">雅比 的子 沙龍 背叛 撒迦利亞 ，佇人民的面前給伊刣死，篡伊的位。</verse>
				<verse number="11">撒迦利亞 其他的事蹟攏記載佇 以色列列王史 。</verse>
				<verse number="12">上主曾對 耶戶 講：「你的子孫會坐 以色列 的王位到第四代。」此個話就按呢實現。</verse>
				<verse number="13">猶大 王 烏西亞 第三十九年， 雅比 的子 沙龍 佇 撒馬利亞 做 以色列 王一月日久。</verse>
				<verse number="14">迦底 的子 米拿現 對 得撒 上去 撒馬利亞 ，刣死 雅比 的子 沙龍 ，篡伊的位。</verse>
				<verse number="15">沙龍 其他的事蹟，及伊背叛的陰謀，攏記載佇 以色列列王史 。</verse>
				<verse number="16">彼時， 米拿現 對 得撒 去攻打 提斐薩 ，及城內的住民以及四圍的地區；因為城內的人毋肯投降， 米拿現 就給𪜶剿滅，甚至破開所有有身的婦仁人的腹肚。</verse>
				<verse number="17">猶大 王 烏西亞 第三十九年， 迦底 的子 米拿現 作王，佇 撒馬利亞 統治 以色列 十年。</verse>
				<verse number="18">伊做上主看做歹的事，一世人無離開 尼八 的子 耶羅波安 的路，互 以色列 人陷落罪。</verse>
				<verse number="19">亞述 王 提革拉‧比列色 來侵犯 以色列 。 米拿現 送銀三萬四千公斤互 亞述 王，求伊幫贊堅固王權。</verse>
				<verse number="20">米拿現 強迫 以色列 的好額人負擔諸個銀，逐個人出五百七十公克，送互 亞述 王。 亞述 王就倒去伊本國。</verse>
				<verse number="21">米拿現 其他的事蹟及伊的所做，攏記載佇 以色列列王史 。</verse>
				<verse number="22">米拿現 轉去伊的列祖遐，伊的子 比加轄 續接伊作王。</verse>
				<verse number="23">猶大 王 烏西亞 第五十年， 米拿現 的子 比加轄 佇 撒馬利亞 作王，統治 以色列 兩年。</verse>
				<verse number="24">伊做上主看做歹的事，無離開 尼八 的子 耶羅波安 的路，互 以色列 人陷落罪。</verse>
				<verse number="25">伊的侍衛官， 利瑪利 的子 比加 背叛，佇 撒馬利亞 王宮的堡壘給伊刣死，篡伊的位；共謀的人有 亞珥歌伯 、 亞利耶 ，以及五十個 基列 人。</verse>
				<verse number="26">比加轄 其他的事蹟及伊的所做，攏記載佇 以色列列王史 。</verse>
				<verse number="27">猶大 王 烏西亞 第五十二年， 利瑪利 的子 比加 佇 撒馬利亞 作王，統治 以色列 二十年。</verse>
				<verse number="28">伊做上主看做歹的事，無離開 尼八 的子 耶羅波安 的路，互 以色列 人陷落罪。</verse>
				<verse number="29">比加 做 以色列 王的時， 亞述 王 提革拉‧比列色 攻取 以雲 、 亞伯‧伯‧瑪迦 、 亞挪 、 基低斯 ，及 夏瑣 諸個城， 基列 、 加利利 ，以及 拿弗他利 全地區；閣將許個住民攏掠去 亞述 。</verse>
				<verse number="30">烏西亞 的子 約坦 第二十年， 以拉 的子 何細亞 背叛 利瑪利 的子 比加 ，給伊刣死，篡伊的位。</verse>
				<verse number="31">比加 其他的事蹟及伊的所做，攏記載佇 以色列列王史 。</verse>
				<verse number="32">利瑪利 的子 以色列 王 比加 第二年， 烏西亞 的子 約坦 開始做 猶大 王。</verse>
				<verse number="33">伊坐位的時二十五歲，佇 耶路撒冷 作王十六年；伊的老母叫做 耶露莎 ，是 撒督 的查某子。</verse>
				<verse number="34">約坦 做上主看做好的事，照伊的老父 烏西亞 的所做去做。</verse>
				<verse number="35">毋拘山頭壇猶未廢除，人民猶原佇遐獻祭燒香。 約坦 起上主聖殿的 上門 。</verse>
				<verse number="36">約坦 其他的事蹟及伊的所做，攏記載佇 猶大列王史 。</verse>
				<verse number="37">彼時，上主開始差 敘利亞 王 利汛 及 利瑪利 的子 以色列 王 比加 去攻擊 猶大 。</verse>
				<verse number="38">約坦 轉去伊的列祖遐，安葬佇伊的祖 大闢 的城，伊的祖先的墓。伊的子 亞哈斯 續接伊作王。</verse>
			</chapter>
			<chapter number="16">
				<verse number="1">利瑪利 的子 以色列 王 比加 第十七年， 約坦 的子 亞哈斯 開始做 猶大 王。</verse>
				<verse number="2">亞哈斯 坐位的時二十歲，佇 耶路撒冷 作王十六年；伊無親像伊的祖先 大闢 做上主 — 伊的上帝看做好的事，</verse>
				<verse number="3">顛倒去行 以色列 許個王的路，甚至燒伊家己的子獻做祭，學上主佇𪜶面前趕出的列國所做可惡的事；</verse>
				<verse number="4">閣佇山頭壇、逐個山崙仔、逐欉青翠的樹下面獻祭燒香。</verse>
				<verse number="5">彼時， 敘利亞 王 利汛 及 利瑪利 的子 以色列 王 比加 上來攻擊 耶路撒冷 ，圍困 亞哈斯 ，毋拘拍𣍐贏伊。</verse>
				<verse number="6">當時 敘利亞 王 利汛 收回 以拉他 歸屬 敘利亞 ，趕 猶大 人出 以拉他 。 以東 人就來 以拉他 徛起，到今仔日。</verse>
				<verse number="7">亞哈斯 派使者去見 亞述 王 提革拉‧比列色 ，講：「我是你的僕人，你的子。 敘利亞 王及 以色列 王攻擊我，請來救我脫離𪜶的手。」</verse>
				<verse number="8">亞哈斯 將上主殿內及王宮府庫所有的金銀，做禮物送互 亞述 王。</verse>
				<verse number="9">亞述 王答應，就去攻打 大馬士革 ，攻取此個城，掠許個住民去 吉珥 ，閣刣死 利汛 。</verse>
				<verse number="10">亞哈斯 王去 大馬士革 欲迎接 亞述 王 提革拉‧比列色 ；伊佇 大馬士革 看著一座壇。 亞哈斯 王將彼個壇的款式，詳細的圖樣及作法，寄互祭司 烏利亞 。</verse>
				<verse number="11">祭司 烏利亞 就佇 亞哈斯 王猶未對 大馬士革 轉來以前，照 亞哈斯 王對 大馬士革 寄來的圖樣起一座壇。</verse>
				<verse number="12">王對 大馬士革 倒來，看著壇，行倚去，佇彼頂面獻祭。</verse>
				<verse number="13">伊獻燒化祭、素祭，及奠酒祭，將平安祭的血灑佇壇頂。</verse>
				<verse number="14">伊閣將上主面前的銅壇，就是佇新的壇及聖殿中間的銅壇，對殿的頭前徙去下佇新的壇的北旁。</verse>
				<verse number="15">亞哈斯 王命令祭司 烏利亞 講：「早起時的燒化祭、下昏時的素祭、王的燒化祭及素祭、國內人民的燒化祭、素祭，及奠酒祭，攏著佇大壇的頂面獻；燒化祭及其他牲禮的血著灑佇大壇的頂面。銅壇我欲做求問的路用。」</verse>
				<verse number="16">祭司 烏利亞 就照 亞哈斯 王的命令去做。</verse>
				<verse number="17">亞哈斯 王拆許個盆座的堵枋，將盆對許個盆座徙落來；閣將銅海對十二隻銅牛頂面搬落來，下佇鋪石板的地面。</verse>
				<verse number="18">伊閣因為 亞述 王的緣故，將聖殿安歇日的走廊，及王專用入來聖殿的外門，攏拆掉。</verse>
				<verse number="19">亞哈斯 其他的所做攏記載佇 猶大列王史 。</verse>
				<verse number="20">亞哈斯 轉去伊的列祖遐，安葬佇 大闢 城，伊的祖先的墓。伊的子 希西家 續接伊作王。</verse>
			</chapter>
			<chapter number="17">
				<verse number="1">猶大 王 亞哈斯 第十二年， 以拉 的子 何細亞 佇 撒馬利亞 開始作王，統治 以色列 九年。</verse>
				<verse number="2">伊做上主看做歹的事，毋拘無親像以前 以色列 諸個王。</verse>
				<verse number="3">亞述 王 撒縵以色 上來攻擊。 何細亞 投降，給伊進貢。</verse>
				<verse number="4">後來， 何細亞 派使者去見 埃及 王 梭 ，請求援助，無親像過去每年進貢 亞述 王。 亞述 王知 何細亞 背叛，就給伊掠起來，關佇監裡。</verse>
				<verse number="5">亞述 王 上來攻打 以色列 ，圍困 撒馬利亞 三年久。</verse>
				<verse number="6">何細亞 第九年， 亞述 王攻取 撒馬利亞 ，閣將 以色列 人掠去 亞述 ，互𪜶住佇 哈臘 、 歌散 地區的 哈博 河邊，以及 米底亞 人的城。</verse>
				<verse number="7">這是因為 以色列 人得罪上主 — 𪜶的上帝；伊有導𪜶出 埃及 地，脫離 埃及 王法老的手，𪜶卻去拜別個神明，</verse>
				<verse number="8">去隨互上主佇 以色列 人面前趕出的列國及 以色列 列王所設的風俗規例。</verse>
				<verse number="9">以色列 人暗中做毋著的事，得罪上主 — 𪜶的上帝，佇𪜶所有徛起的所在，對干焦有守望台的庄社到有堡壘的城，起山頭壇。</verse>
				<verse number="10">𪜶佇逐個高的山崙仔、逐欉青翠的樹下面，造石柱像及 亞舍拉 女神；</verse>
				<verse number="11">閣佇逐個山頭壇燒香，學許個互上主佇𪜶面前趕出的列國的所做，做邪惡的事激上主受氣；</verse>
				<verse number="12">閣拜上主禁止𪜶拜的偶像。</verse>
				<verse number="13">上主曾差遣眾先知及先見警戒 以色列 及 猶大 ，講：「著離開恁的歹行為，執守我的誡命及規例；著遵守我全部的律法，就是我命令恁的列祖，及通過我的僕人眾先知傳互恁的。」</verse>
				<verse number="14">毋拘𪜶毋聽趁，親像𪜶的列祖硬心固執，毋肯悔改，毋信服上主 — 𪜶的上帝。</verse>
				<verse number="15">𪜶棄拺上主的規例，以及伊及𪜶的列祖所立的約，毋聽伊的警戒，去拜虛假的神明，致到家己成做空虛。雖然上主曾命令𪜶毋通學周圍列國的所做，𪜶猶原去學𪜶。</verse>
				<verse number="16">𪜶棄拺上主 — 𪜶的上帝所有的誡命，為家己鑄造兩隻牛仔的像，做 亞舍拉 女神的柱像，敬拜天頂的萬象，服事巴力。</verse>
				<verse number="17">𪜶燒𪜶的子查某子獻做祭，閣抽籤卜卦，行邪術，做上主看做歹的事，來出賣家己，激上主受氣。</verse>
				<verse number="18">所以上主對 以色列 人發大受氣，對伊的面前給𪜶趕出去；只有賰 猶大 一個支族。</verse>
				<verse number="19">猶大 嘛無遵趁上主 — 𪜶的上帝的命令，顛倒學 以色列 的風俗規例。</verse>
				<verse number="20">上主棄拺 以色列 所有的後代，給𪜶苦楚，將𪜶交互搶奪𪜶的人，最後對伊的面前給𪜶趕出去。</verse>
				<verse number="21">以色列 對 大闢 家分裂出去，就設立 尼八 的子 耶羅波安 作王。 耶羅波安 引誘 以色列 ，互𪜶無順趁上主，陷落大罪。</verse>
				<verse number="22">以色列 人繼續犯 耶羅波安 攏總的罪。</verse>
				<verse number="23">最後，上主給 以色列 對伊的面前趕出去，抵抵照伊通過伊的僕人眾先知所講的。按呢， 以色列 受掠離開𪜶的家鄉去到 亞述 ，直到今仔日。</verse>
				<verse number="24">亞述 王對 巴比倫 、 古他 、 亞瓦 、 哈馬 ，及 西法瓦音 ，遷徙人來住佇 撒馬利亞 逐個城，代替 以色列 人；𪜶就佔領 撒馬利亞 ，住佇許個城。</verse>
				<verse number="25">𪜶抵仔住佇遐的時，無拜上主，所以上主就互獅入去𪜶中間，咬死一寡人。</verse>
				<verse number="26">有人對 亞述 王講：「你遷徙去住佇 撒馬利亞 許個城的逐族的人，毋知彼所在的上帝的規例，所以伊互獅入去𪜶中間，咬死𪜶，因為𪜶毋知彼所在的上帝的規例。」</verse>
				<verse number="27">亞述 王就命令講：「著互對遐掠來的一個祭司倒去，互伊住佇遐，用彼所在的上帝的規例教導𪜶。」</verse>
				<verse number="28">按呢，就有一個對 撒馬利亞 互人掠去的祭司倒來，住佇 伯特利 ，教𪜶著按怎敬畏上主。</verse>
				<verse number="29">毋拘逐族的人佇𪜶徛起的城造𪜶家鄉的神明，安置佇 撒馬利亞 人以前造的山頭壇。</verse>
				<verse number="30">巴比倫 人造 疏割‧比訥 的像， 古他 人造 匿甲 的像， 哈馬 人造 亞示瑪 的像，</verse>
				<verse number="31">亞瓦 人造 匿哈 及 他珥他 的像， 西法瓦音 人燒子兒獻互 西法瓦音 的神明 亞得米勒 及 亞拿米勒 。</verse>
				<verse number="32">𪜶拜上主，毋拘嘛對𪜶中間設立人做山頭壇的祭司，替𪜶佇山頭壇獻祭。</verse>
				<verse number="33">𪜶拜上主，閣照𪜶逐國的風俗規例服事家己的神明。</verse>
				<verse number="34">到今仔日，𪜶猶原照以前的風俗啲做，無敬畏上主，無遵趁上主吩咐 雅各 後代的規例、命令、律法，及誡命；上主有給 雅各 號名叫做 以色列 。</verse>
				<verse number="35">上主曾及𪜶立約，吩咐𪜶，講：「毋通拜別個神明；毋通跪拜𪜶，毋通服事𪜶，嘛毋通給𪜶獻祭。</verse>
				<verse number="36">只有彼位伸出大權能的手導恁出 埃及 的上主，恁著敬畏伊，跪拜伊，對伊獻祭。</verse>
				<verse number="37">我寫互恁的規例、命令、律法，及誡命，恁應該永遠執守順趁；毋通拜別個神明。</verse>
				<verse number="38">我及恁立的約，恁毋通𣍐記得，嘛毋通拜別個神明。</verse>
				<verse number="39">只有著敬畏上主 — 恁的上帝，伊就會救恁脫離恁一切對敵的手。」</verse>
				<verse number="40">毋拘𪜶毋聽趁，猶原照以前的風俗啲做。</verse>
				<verse number="41">按呢，諸個對列國遷徙來的人拜上主，閣服事𪜶的偶像；𪜶的子子孫孫到今仔日嘛攏學𪜶的祖先按呢啲做。</verse>
			</chapter>
			<chapter number="18">
				<verse number="1">當 以拉 的子 以色列 王 何細亞 第三年， 亞哈斯 的子 希西家 開始做 猶大 王。</verse>
				<verse number="2">伊坐位的時二十五歲，佇 耶路撒冷 作王二十九年；伊的老母叫做 亞比雅 ，是 撒迦利亞 的查某子。</verse>
				<verse number="3">希西家 做上主看做好的事，照伊的祖先 大闢 一切的所做。</verse>
				<verse number="4">伊廢除山頭壇，毀壞石柱，剉 亞舍拉 的柱像，拍碎 摩西 造的銅蛇；因為彼時 以色列 人猶對銅蛇燒香，叫伊做 尼忽士但 。</verse>
				<verse number="5">希西家 倚靠上主 — 以色列 的上帝；佇伊以前及以後的 猶大 列王，無人會當及伊比。</verse>
				<verse number="6">希西家 對上主忠誠，無離開伊，執守上主所命令 摩西 的誡命。</verse>
				<verse number="7">上主及伊同在，伊無論去叨位，所做的攏順利；伊背叛 亞述 王，無閣服事伊。</verse>
				<verse number="8">伊拍敗 非利士 人，直到 迦薩 及四圍的地區，對干焦有守望台的庄社到有堡壘的城。</verse>
				<verse number="9">希西家 王第四年，就是 以拉 的子 以色列 王 何細亞 第七年， 亞述 王 撒縵以色 上來圍攻 撒馬利亞 。</verse>
				<verse number="10">到第三年年尾，就是 希西家 第六年， 以色列 王 何細亞 第九年， 撒馬利亞 受攻破。</verse>
				<verse number="11">亞述 王將 以色列 人掠去 亞述 ，互𪜶住佇 哈臘 、 歌散 地區的 哈博 河邊，以及 米底亞 人的城。</verse>
				<verse number="12">因為𪜶毋聽趁上主 — 𪜶的上帝的話，違背伊的約；上主的僕人 摩西 所命令𪜶的，𪜶毋聽趁，毋遵守。</verse>
				<verse number="13">希西家 王第十四年， 亞述 王 西拿基立 上來攻擊 猶大 所有堅固的城，閣給𪜶佔領。</verse>
				<verse number="14">猶大 王 希西家 派人去 拉吉 見 亞述 王，講：「我有得罪你，求你撤軍離開我；你無論要求什麼，我攏答應。」對按呢， 亞述 王罰 猶大 王 希西家 銀一萬公斤，金一千公斤。</verse>
				<verse number="15">希西家 就將上主聖殿及王宮的府庫所有的銀攏互伊。</verse>
				<verse number="16">希西家 閣將上主聖殿門頂的金及伊家己包佇柱頂的金剝落來，交互 亞述 王。</verse>
				<verse number="17">亞述 王對 拉吉 派元帥、將軍，及總司令，帶大軍去 耶路撒冷 希西家 王遐。𪜶上來到 耶路撒冷 ，徛佇 上池 的水溝邊，佇漂布場的大路遐。</verse>
				<verse number="18">𪜶大聲叫王，就有 希勒家 的子宮廷總管 以利亞敬 、書記 舍伯那 ，以及 亞薩 的子史官 約亞 ，出來見𪜶。</verse>
				<verse number="19">總司令對𪜶講：「去給 希西家 講， 亞述 大王按呢講：『你啲靠勢什麼？</verse>
				<verse number="20">你想講有策略及軍力，其實是膨風的話。到底你是靠啥人，竟然敢反叛我？</verse>
				<verse number="21">你所倚靠的 埃及 是一支斷去的蘆竹仔柺；人若靠伊，手會互伊鑿入去。所有倚靠 埃及 王法老的人攏會按呢。</verse>
				<verse number="22">恁若對我講：阮倚靠上主 — 阮的上帝； 希西家 豈毋是有廢除上帝的山頭壇及祭壇，閣給 猶大 及 耶路撒冷 的人講：恁一定著佇 耶路撒冷 此個祭壇敬拜？』</verse>
				<verse number="23">今來，來及我的主人 亞述 王相輸。我互恁兩千隻馬，恁豈有法度尋夠額的人通騎？</verse>
				<verse number="24">若無法度，恁哪會當拍敗我的主上細的一個部下？恁豈欲閣倚靠 埃及 的戰車及馬兵？</verse>
				<verse number="25">現在，我來攻擊毀滅此個所在，豈毋是上主的旨意？上主親身給我講：『上去攻取此塊土地，給伊毀滅。』」</verse>
				<verse number="26">希勒家 的子 以利亞敬 、 舍伯那 ，及 約亞 對總司令講：「請用亞蘭話對你的僕人講，阮聽有。請毋通用希伯來話講，驚了互城牆頂的人民聽著。」</verse>
				<verse number="27">總司令對𪜶講：「恁想講阮主人差我講諸個話，只有欲互恁及恁的國王聽是無？毋是，我嘛欲講互城牆頂的人聽。𪜶及恁仝款著食家己的糞，飲家己的尿。」</verse>
				<verse number="28">總司令閣徛起來大聲用希伯來話喝講：「著聽 亞述 大王的話。</verse>
				<verse number="29">王按呢講：『毋通互 希西家 騙去，因為伊𣍐當救恁脫離我的手。</verse>
				<verse number="30">伊叫恁信靠上主，講：上主一定會救咱；此個城𣍐陷落佇 亞述 王的手。』</verse>
				<verse number="31">毋通聽 希西家 的話。 亞述 王按呢講：『及我講和，出來投降。按呢，恁逐個人就會當食家己種的葡萄及無花果，飲恁家己的井水，</verse>
				<verse number="32">聽候我導恁到一個所在，親像恁的土地，有五穀及新酒，有米糧及葡萄園，有橄欖油及蜜，互恁活長歲壽。毋通互 希西家 騙去，伊講：上主一定會救咱。恁毋通聽伊的話。</verse>
				<verse number="33">萬國的眾神明，叨一個曾救伊家己的國脫離 亞述 王的手？</verse>
				<verse number="34">哈馬 及 亞珥拔 的神明佇叨位？ 西法瓦音 、 希拿 、 以瓦 的神明佇叨位？𪜶豈有解救 撒馬利亞 脫離我的手？</verse>
				<verse number="35">諸個國家的神明有叨一個曾對我的手救出伊家己的國家？按呢，上主哪會當救 耶路撒冷 脫離我的手頭？』」</verse>
				<verse number="36">毋拘人民攏靜靜，無應半句話，因為 希西家 王有給𪜶吩咐：「毋通應伊！」</verse>
				<verse number="37">彼時， 希勒家 的子宮廷總管 以利亞敬 、書記 舍伯那 ，及 亞薩 的子史官 約亞 ，攏拆裂𪜶的衫，對 希西家 報告 亞述 的總司令給𪜶講的話。</verse>
			</chapter>
			<chapter number="19">
				<verse number="1">希西家 王一下聽著𪜶的報告，就拆裂伊的衫，穿麻衫，入去上主的殿。</verse>
				<verse number="2">伊派宮廷總管 以利亞敬 、書記 舍伯那 ，及資深的祭司，攏穿麻衫，去見 亞摩斯 的子先知 以賽亞 。</verse>
				<verse number="3">𪜶給 以賽亞 講：「 希西家 按呢講：『今仔日是患難的日，是受責罰凌辱的日，親像有囝仔欲出世，毋拘無力給生出來。</verse>
				<verse number="4">亞述 王有派伊的部下總司令來褻瀆永活的上帝，豈採上主 — 你的上帝有聽著，會處罰講諸個話的人。所以，著替留佇遮的人祈禱。』」</verse>
				<verse number="5">希西家 王的大臣來見 以賽亞 的時，</verse>
				<verse number="6">以賽亞 對𪜶講：「恁著按呢給恁的主人講：『上主按呢講：毋通因為恁所聽著 亞述 王的部下對我的誹謗來驚惶。</verse>
				<verse number="7">看咧，我欲擾亂伊的心，互伊聽著風聲，倒轉去家己的國家；我欲互伊佇遐互人刣死。』」</verse>
				<verse number="8">總司令聽著 亞述 王已經離開 拉吉 去攻擊 立拿 ，就出發去 立拿 及王會合。</verse>
				<verse number="9">亞述 王聽見 衣索匹亞 王 特哈加 欲來攻擊𪜶，就派使者去見 希西家 ，吩咐𪜶</verse>
				<verse number="10">對 猶大 王 希西家 講：「毋通互恁所倚靠的上帝騙去，講： 耶路撒冷 𣍐陷落佇 亞述 王的手頭。</verse>
				<verse number="11">恁一定有聽著 亞述 諸王對列國所做的代誌；𪜶給列國攏剿滅。恁豈有法度避免？</verse>
				<verse number="12">我的祖先毀滅的國家， 歌散 、 哈蘭 、 利色 ，以及住佇 提拉撒 的 伯‧伊甸 人，𪜶的神明豈有解救𪜶？</verse>
				<verse number="13">哈馬 的王、 亞珥拔 的王、 西法瓦音 城的王、 希拿 及 以瓦 的王佇叨位？」</verse>
				<verse number="14">希西家 對使者的手接著批，讀了後，就上去上主的聖殿，佇上主的面前將批搋開。</verse>
				<verse number="15">希西家 向上主祈禱講：「坐佇天使基路伯頂面的上主 — 以色列 的上帝啊，只有你是地上萬國的上帝。你創造天及地。</verse>
				<verse number="16">上主啊，求你俯耳孔聽，開你的目睭看。求你聽 西拿基立 差使者來講一切褻瀆你活活上帝的話。</verse>
				<verse number="17">上主啊， 亞述 諸王確實有互列國及𪜶的土地攏荒廢，</verse>
				<verse number="18">給𪜶的神明攏㧒互火燒滅，其實許個毋是神，不過是人的手用柴用石造的。</verse>
				<verse number="19">今，上主 — 阮的上帝啊，求你救阮脫離伊的手，互地上萬國攏會知只有你上主是上帝。」</verse>
				<verse number="20">亞摩斯 的子 以賽亞 差人去見 希西家 ，講：「上主 — 以色列 的上帝按呢講：『你因為 亞述 王 西拿基立 的事對我祈禱，我有聽見。</verse>
				<verse number="21">關係 西拿基立 ，我上主按呢講： 在室女 錫安 看輕你，恥笑你； 少女 耶路撒冷 對你搖頭。</verse>
				<verse number="22">你啲侮辱啥人，褻瀆啥人？ 你啲對啥人大聲？ 你啲對啥人驕傲，給伊看毋上目？ 其實你是啲無視我 以色列 神聖的上帝！</verse>
				<verse number="23">你有通過你的使者侮慢主。 你講：我駛真多戰車𬦰上高山， 去到 黎巴嫩 上高的山尖。 我佇遐剉上高的柏香樹， 剉上好的松樹。 我𬦰到上高的山尖， 進入上茂盛的樹林。</verse>
				<verse number="24">我佇外邦挖井，飲𪜶的水。 我嘛用腳蹋 埃及 所有的河流， 蹋甲河流攏焦去。</verse>
				<verse number="25">「『恁豈毋曾聽見？ 真早我做此個計劃， 古早就決定， 今已經實現， 就是你互堅固的城堡攏倒壞， 變做荒埔石堆。</verse>
				<verse number="26">遐的住民攏無力； 𪜶驚惶，見笑。 𪜶親像野地的草， 幼軟的芛，厝尾頂的草， 猶未大欉就焦去。</verse>
				<verse number="27">「『你住叨位，你出，你入， 你對我的受氣，我攏知。</verse>
				<verse number="28">因為你有對我發受氣， 我有聽著你自高的話； 我欲用鉤仔鉤你的鼻， 用馬咬韁掛佇你的嘴， 互你對來彼條路倒轉去。』</verse>
				<verse number="29">「 希西家 ，這欲互你做記號：今年，明年，恁攏會食野生的物；第三年，恁會撒種，收成，栽種葡萄，食所結的果子。</verse>
				<verse number="30">猶大 家逃脫所賰的子民會親像植物，下面釘根，頂面結果子。</verse>
				<verse number="31">對 耶路撒冷 欲有賰落來的子民出來，對 錫安山 欲有人逃脫出來。上主 — 萬軍的統帥的熱誠一定會成全此個事。</verse>
				<verse number="32">「所以，關係 亞述 王，上主有按呢講：『伊𣍐進入此個城，連一支箭嘛𣍐射入來。伊𣍐夯盾牌倚近城，嘛𣍐起土堆攻城。</verse>
				<verse number="33">伊對叨一條路來，嘛會對彼條路轉去；伊𣍐進入此個城。上主按呢講。</verse>
				<verse number="34">我為著我的緣故，嘛為著我的僕人 大闢 的緣故，欲保護解救此個城。』」</verse>
				<verse number="35">彼暝，上主的天使去 亞述 軍營，刣死十八萬五千個人。隔早起，人起來，發見逐所在攏是身屍。</verse>
				<verse number="36">亞述 王 西拿基立 就撤營，倒轉去 尼尼微 ，住佇遐。</verse>
				<verse number="37">有一日，伊佇 尼斯洛 的廟啲拜伊的神明的時，伊的子 亞得米勒 及 沙利色 用刀給伊刣死，然後逃走去 亞拉臘 的地；伊另外一個子 以撒‧哈頓 繼承伊作王。</verse>
			</chapter>
			<chapter number="20">
				<verse number="1">彼個時陣， 希西家 破病，病甲啲欲死。 亞摩斯 的子先知 以賽亞 來見伊，講：「上主按呢講：『你的後事著交代好勢，因為你會死，病𣍐好。』」</verse>
				<verse number="2">希西家 就越轉身向壁，對上主祈禱講：</verse>
				<verse number="3">「上主啊，求你帶念我按怎忠誠盡心服事你，做你看做好的事。」 希西家 就大聲啼哭。</verse>
				<verse number="4">以賽亞 出去，猶未到中埕，上主的話臨到伊，講：</verse>
				<verse number="5">「你越倒轉，對我子民的王 希西家 講：『上主 — 你的祖先 大闢 的上帝按呢講：我有聽著你的祈禱，有看著你的目屎。看啊，我欲給你醫好；第三日，你會上去上主的殿。</verse>
				<verse number="6">我欲互你的歲壽加添十五年。我欲解救你及此個城脫離 亞述 王的手；我為著家己的緣故，嘛為著我的僕人 大闢 的緣故，會保護此個城。』」</verse>
				<verse number="7">以賽亞 講：「著提一塊無花果藥膏來。」𪜶就提來給貼佇粒仔，王就好起來。</verse>
				<verse number="8">希西家 問 以賽亞 講：「上主欲醫好我；第三日，我會上去上主的殿，有什麼兆頭？」</verse>
				<verse number="9">以賽亞 講：「上主欲實現伊所講的代誌，這就是上主互你的兆頭；你欲愛日規的日影進前十度，抑是倒退十度？」</verse>
				<verse number="10">希西家 應講：「日影進前十度較簡單；我愛日影倒退十度。」</verse>
				<verse number="11">先知 以賽亞 求叫上主，伊就互 亞哈斯 所造日規的日影倒退十度。</verse>
				<verse number="12">彼時， 巴拉但 的子 巴比倫 王 米羅達‧巴拉但 聽著 希西家 破病，就差使者提批及禮物去探訪 希西家 。</verse>
				<verse number="13">希西家 順使者的要求，將伊的財寶庫內面的金、銀、香料、貴氣的油，及伊所有的軍器，以及府庫內的一切攏互𪜶看。伊的王宮及全國所有的物件無一項無互𪜶看</verse>
				<verse number="14">然後先知 以賽亞 來見 希西家 王，問伊講：「諸個人對你講什麼？𪜶對叨位來見你？」 希西家 講：「𪜶對一個真遠的國家 巴比倫 來探我。」</verse>
				<verse number="15">以賽亞 講：「𪜶佇你的王宮有看著什麼？」 希西家 回答：「𪜶有看著我王宮內逐項物。我所有的財寶無一項無互𪜶看。」</verse>
				<verse number="16">以賽亞 給 希西家 講：「著聽上主的話：</verse>
				<verse number="17">日子啲欲到，王宮內一切你的祖先積聚到今仔日的物件，攏會互人搬去 巴比倫 ，無留甲半項。上主按呢宣告。</verse>
				<verse number="18">閣你親生的子孫，有的會互人掠去 巴比倫 王的王宮做太監。」</verse>
				<verse number="19">希西家 心內想講「我在生的時有太平安全就好」，就對 以賽亞 講：「你所傳達上主的話真好。」</verse>
				<verse number="20">希西家 其他的事蹟及成就，以及伊按怎掘池開溝，引水入城，攏記載佇 猶大列王史 。</verse>
				<verse number="21">希西家 轉去伊的列祖遐，伊的子 瑪拿西 續接伊作王。</verse>
			</chapter>
			<chapter number="21">
				<verse number="1">瑪拿西 坐位的時十二歲，佇 耶路撒冷 作王五十五年；伊的老母叫做 協西巴 。</verse>
				<verse number="2">伊做上主看做歹的事，學許個互上主佇 以色列 面前趕出的列國所做可惡的事。</verse>
				<verse number="3">伊重建伊的老父 希西家 所毀壞的山頭壇；照 以色列 王 亞哈 的所做，為巴力起祭壇，造 亞舍拉 的柱像，閣敬拜服事天頂的萬象。</verse>
				<verse number="4">伊佇上主的殿內為著許個神明起幾若個壇；上主曾指此個聖殿，講：「我的名應該佇 耶路撒冷 受敬奉。」</verse>
				<verse number="5">瑪拿西 佇上主的殿兩個埕內面，為著天頂的萬象起祭壇。</verse>
				<verse number="6">伊燒伊的子獻做祭，卜卦，行法術，問牽亡的及童乩桌頭；做真多上主看做歹的事，激上主受氣。</verse>
				<verse number="7">瑪拿西 閣佇殿內𫞼伊雕刻的 亞舍拉 的像。關係此間聖殿，上主曾對 大闢 及伊的子 所羅門 講：「此間聖殿及 耶路撒冷 ，是我佇 以色列 支族中所揀選的，我的名著佇遮永遠受敬奉。</verse>
				<verse number="8">以色列 人若聽趁我所有的命令，遵行我的僕人 摩西 所吩咐𪜶一切的律法，我就無閣互𪜶對我所賞賜𪜶列祖的土地受遷徙。」</verse>
				<verse number="9">毋拘𪜶無聽趁； 瑪拿西 導𪜶做歹，比上主佇 以色列 人面前所毀滅的列國閣較嚴重。</verse>
				<verse number="10">上主託伊的僕人眾先知講：</verse>
				<verse number="11">「因為 猶大 王 瑪拿西 做諸個可惡的事，比伊以前的 亞摩利 人的所做閣較歹，閣用伊的偶像互 猶大 人陷落罪，</verse>
				<verse number="12">所以上主 — 以色列 的上帝按呢講：『我欲降災禍佇 耶路撒冷 及 猶大 ，互聽著的人攏驚一趒。</verse>
				<verse number="13">我欲用量 撒馬利亞 的繩線及 亞哈 家的墜繩，牽佇 耶路撒冷 的頂面；我欲親像人啲拭盤仔按呢拭 耶路撒冷 ，拭了就給伊倒蓋。</verse>
				<verse number="14">我欲棄拺我所賰的子民，將𪜶交互對敵，成做獵物互對敵搶去。</verse>
				<verse number="15">因為𪜶對𪜶的列祖出 埃及 彼日到今仔日，常常做我看做歹的事，激我受氣。』」</verse>
				<verse number="16">瑪拿西 互 猶大 人犯罪，做上主看做歹的事；此個罪以外，伊閣流真多無辜的人的血，互 耶路撒冷 四界攏是血。</verse>
				<verse number="17">瑪拿西 其他的事蹟及伊的所做，以及所犯的罪，攏記載佇 猶大列王史 。</verse>
				<verse number="18">瑪拿西 轉去伊的列祖遐了後，安葬佇伊家己宮內的園，就是 烏撒 的園。伊的子 亞們 續接伊作王。</verse>
				<verse number="19">亞們 坐位的時二十二歲，佇 耶路撒冷 作王兩年；伊的老母叫做 米舒利密 ，是 約提巴 人 哈魯斯 的查某子。</verse>
				<verse number="20">伊做上主看做歹的事，親像伊的老父 瑪拿西 所做的。</verse>
				<verse number="21">伊行伊的老父所行的路，服事伊的老父所服事許個偶像，</verse>
				<verse number="22">棄拺上主 — 伊的祖先的上帝，無行上主的道路。</verse>
				<verse number="23">亞們 的人臣背叛伊，佇王宮內面給伊刣死。</verse>
				<verse number="24">毋拘國內的人民將許個背叛 亞們 王的人刣死，設立伊的子 約西亞 續接伊作王。</verse>
				<verse number="25">亞們 其他的事蹟攏記載佇 猶大列王史 。</verse>
				<verse number="26">人給伊安葬佇 烏撒 的園內面伊家己的墓。伊的子 約西亞 續接伊作王。</verse>
			</chapter>
			<chapter number="22">
				<verse number="1">約西亞 坐位的時八歲，佇 耶路撒冷 作王三十一年；伊的老母叫做 耶底大 ，是 波斯加 人 亞大雅 的查某子。</verse>
				<verse number="2">伊做上主看做好的事，行伊的祖先 大闢 的路，無偏左偏右。</verse>
				<verse number="3">約西亞 王第十八年，伊派 米書蘭 的孫， 亞薩利雅 的子書記 沙番 去上主的殿，吩咐伊講：</verse>
				<verse number="4">「你去見大祭司 希勒家 ，請伊將聖殿門口的守衛對人民收來，帶入上主聖殿許個銀，點算清楚，</verse>
				<verse number="5">交互管理上主聖殿的人，互𪜶轉交上主殿內的工人，就是作木師傅、建築工人，及土水師傅，去買柴料及隔間的石，通修理聖殿損壞的所在。</verse>
				<verse number="6"></verse>
				<verse number="7">毋拘毋免及發工錢的人對賬，因為𪜶做代誌誠實。」</verse>
				<verse number="8">大祭司 希勒家 對書記 沙番 講：「我佇上主聖殿內面發見一卷律法的冊。」 希勒家 將冊交互 沙番 ， 沙番 就讀彼卷冊。</verse>
				<verse number="9">書記 沙番 去見王，回復王講：「你的僕人已經將殿內的銀摒出來，交互管理上主聖殿的人。」</verse>
				<verse number="10">書記 沙番 閣對王講：「大祭司 希勒家 有提一卷冊互我。」 沙番 就佇王的面前大聲讀彼卷冊。</verse>
				<verse number="11">王聽著律法書的話，就拆裂伊的衫。</verse>
				<verse number="12">王吩咐大祭司 希勒家 、 沙番 的子 亞希甘 、 米該亞 的子 亞革波 、書記 沙番 ，及王的人臣 亞撒雅 ，講：</verse>
				<verse number="13">「恁去，為我及全體 猶大 人民，將所發見此卷冊的話請問上主。因為咱的祖先無聽趁此卷冊的話，無照所記載對咱的教示去做，所以上主對咱發大受氣。」</verse>
				<verse number="14">對按呢，大祭司 希勒家 ，及 亞希甘 、 亞革波 、 沙番 、 亞撒雅 ，做夥去見女先知 戶勒大 。伊是管理禮服彼個 沙龍 的某； 沙龍 是 哈珥哈斯 的孫， 特瓦 的子。 戶勒大 住佇 耶路撒冷 新的城區。𪜶給伊請教。</verse>
				<verse number="15">伊對𪜶講：「上主 — 以色列 的上帝按呢講：『恁去回復差恁來見我的人，給伊講</verse>
				<verse number="16">上主按呢講：我欲照 猶大 王所讀彼卷冊的話，降災禍佇此個所在及遮的住民。</verse>
				<verse number="17">因為𪜶棄拺我，給別個神明燒香，用𪜶的所做激我受氣，所以我對此個所在發大受氣無煞。』</verse>
				<verse number="18">毋拘差恁來請問上主的 猶大 王，恁著按呢對伊講：『上主 — 以色列 的上帝按呢講：你聽著</verse>
				<verse number="19">我欲互此個所在拋荒，互遮的住民受咒詛，你就懺悔，佇上主面前謙卑，閣拆裂衫，佇我的面前啼哭，我有聽著。上主講：</verse>
				<verse number="20">所以我欲互你平安離開世間，轉去你的列祖遐。你𣍐看著我所欲降落佇此所在一切的災禍。』」 𪜶就倒去，將諸個話對王回復。</verse>
			</chapter>
			<chapter number="23">
				<verse number="1">約西亞 王派人召集 猶大 及 耶路撒冷 的眾長老。</verse>
				<verse number="2">王上去上主的殿； 猶大 眾人及 耶路撒冷 的住民、祭司、先知，及所有的人民，無論大細，嘛攏上去。王就將佇上主殿內發見的約書一切的話讀互𪜶聽。</verse>
				<verse number="3">王徛佇柱邊，佇上主的面前立約，欲全心全意順趁上主，遵守伊的誡命、教示，及規例，實行此卷冊所寫立約的話。人民嘛攏決心欲遵守此個約。</verse>
				<verse number="4">王命令大祭司 希勒家 、副祭司，及聖殿的守衛，將為巴力、 亞舍拉 ，及天頂的萬象所造的器具，攏對上主的殿搬出去，佇 耶路撒冷 外面， 汲淪 溪谷的山坪放火燒，閣將火灰摒佇 伯特利 。</verse>
				<verse number="5">以前 猶大 列王所設立的祭司，就是佇 猶大 許個城，及 耶路撒冷 四圍的山頭壇燒香拜偶像，向巴力燒香，拜日、月、星辰，以及天頂萬象的祭司， 約西亞 王攏給𪜶廢除。</verse>
				<verse number="6">伊閣給 亞舍拉 女神的柱像對上主的聖殿搬出去，到 耶路撒冷 外面的 汲淪 溪谷，佇遐放火燒，錘做火灰，將許個火灰撒佇人民的公墓。</verse>
				<verse number="7">閣拆毀上主殿內男娼的厝，就是婦女為著 亞舍拉 編織物件的所在。</verse>
				<verse number="8">約西亞 對 迦巴 到 別是巴 ，將 猶大 逐個城的祭司召來 耶路撒冷 ，破壞許個祭司燒香的山頭壇。伊閣拆毀 約書亞 市長所起拜山羊鬼的廟；此個廟佇入城門的倒旁。</verse>
				<verse number="9">毋拘山頭壇的祭司無佇 耶路撒冷 上主的壇服事，只有會當及其他的祭司食無酵餅。</verse>
				<verse number="10">約西亞 閣破壞佇 欣嫩子 山谷的 陀斐特 廟，才免人佇遐燒𪜶的子查某子獻互 摩洛 。</verse>
				<verse number="11">伊閣將 猶大 列王獻互日頭許個馬徙走，燒毀獻互日頭的戰車。諸個馬本來下佇上主聖殿的門邊，倚近太監 拿單‧米勒 的厝。</verse>
				<verse number="12">猶大 列王佇 亞哈斯 王宮厝頂所起的祭壇，及 瑪拿西 佇上主聖殿兩個埕所起的祭壇， 約西亞 攏給𪜶毀壞，摃碎，將許個幼仔摒佇 汲淪 溪谷。</verse>
				<verse number="13">以前 以色列 王 所羅門 佇 耶路撒冷 的東旁，佇 毀滅山 的南旁，為著服事 西頓 人可惡的 亞斯她錄 、 摩押 人可惡的 基抹 、 亞捫 人可惡的 摩洛 所起的山頭壇， 約西亞 王攏給𪜶破壞。</verse>
				<verse number="14">伊閣毀壞石柱，剉 亞舍拉 的柱像，用死人的骨頭給許個所在填滿。</verse>
				<verse number="15">約西亞 毀壞 伯特利 的祭壇，就是 尼八 的子 耶羅波安 所起，互 以色列 犯罪的山頭壇，給祭壇及山頭壇摃甲碎碎，閣燒 亞舍拉 柱像。</verse>
				<verse number="16">伊越頭，看著山裡許個墓，就派人去提墓內的骨頭，𫢶壇頂燒，拍垃墋祭壇。抵抵應驗以前 耶羅波安 佇節期徛佇壇邊的時，上帝重用的人所宣告上主的話。 約西亞 閣越頭看著宣告諸個話彼個上帝重用的人的墓，</verse>
				<verse number="17">約西亞 問：「我看著的是什麼人的墓牌？」 彼個城的人對伊講：「這是上帝重用的人的墓；伊對 猶大 來，預言王抵即攻擊 伯特利 的壇的代誌。」</verse>
				<verse number="18">伊講：「給振動。毋通徙伊的骨頭。」𪜶就無去動伊的骨頭，嘛無動著對 撒馬利亞 來彼個先知的骨頭。</verse>
				<verse number="19">以前 以色列 的列王佇 撒馬利亞 逐個城起山頭壇激上主受氣，現在 約西亞 親像伊佇 伯特利 所做的將許個攏毀壞；</verse>
				<verse number="20">閣佇壇頂刣死所有山頭壇的祭司；佇壇頂燒人的骨頭。後來伊倒去 耶路撒冷 。</verse>
				<verse number="21">王命令全國人民，講：「著照此個約書的記載，守𨃟過節服事上主 — 恁的上帝。」</verse>
				<verse number="22">對士師治理 以色列 ，到 以色列 及 猶大 列王統治的時，𪜶猶毋曾親像按呢守𨃟過節。</verse>
				<verse number="23">只有到 約西亞 王第十八年才佇 耶路撒冷 向上主守此個𨃟過節。</verse>
				<verse number="24">猶大 地及 耶路撒冷 所有牽亡的及童乩桌頭，偶像及家族神像，以及一切可惡的物， 約西亞 攏給𪜶除掉，照大祭司 希勒家 佇上主的殿所發見的律法書所記載的話去做。</verse>
				<verse number="25">佇 約西亞 以前無王親像伊全心全意全力歸向上主，遵行 摩西 所有的律法；佇伊以後，嘛無有一個王親像伊。</verse>
				<verse number="26">毋拘，因為 瑪拿西 的所做有激上主受氣，上主無停止伊對 猶大 所發猛烈的大受氣。</verse>
				<verse number="27">上主講：「我欲將 猶大 對我的面前趕走，親像我曾趕走 以色列 ；我欲棄拺我所揀此個城 耶路撒冷 ，及此間聖殿，就是我曾指伊講：『我的名應該佇遐受敬奉』的所在。」</verse>
				<verse number="28">約西亞 其他的事蹟及伊的所做，攏記載佇 猶大列王史 。</verse>
				<verse number="29">約西亞 在位的時， 埃及 王法老 尼哥 上 幼發拉底河 ，幫贊 亞述 王， 約西亞 王出去迎戰； 埃及 王佇 米吉多 及 約西亞 交戰，佇遐給 約西亞 刣死。</verse>
				<verse number="30">伊的人臣用車載伊的屍體，對 米吉多 送倒去 耶路撒冷 ，將伊安葬佇伊家己的墓。 猶大 的人民用油抹 約西亞 的子 約哈斯 ，設立伊作王，續接伊的老父。</verse>
				<verse number="31">約哈斯 坐位的時二十三歲，佇 耶路撒冷 作王三月日久。伊的老母叫做 哈慕她 ，是 立拿 人 耶利米 的查某子。</verse>
				<verse number="32">約哈斯 做上主看做歹的事，照伊的祖先的所做去做。</verse>
				<verse number="33">法老 尼哥 將伊關佇 哈馬 地的 利比拉 ，不准伊佇 耶路撒冷 作王；閣罰 猶大 國金三十四公斤，銀三千四百公斤。</verse>
				<verse number="34">埃及 王 尼哥 設立 約西亞 的子 以利亞敬 續接伊的老父 約西亞 作王，給伊改名做 約雅敬 ；閣給 約哈斯 掠去 埃及 ，伊就死佇遐。</verse>
				<verse number="35">約雅敬 照 埃及 王的命令，將金及銀交互伊； 約雅敬 對全國人民，照𪜶的財力徵收金銀，交互 埃及 王 尼哥 。</verse>
				<verse number="36">約雅敬 坐位的時二十五歲，佇 耶路撒冷 作王十一年。伊的老母叫做 西布大 ，是 魯瑪 人 比大雅 的查某子。</verse>
				<verse number="37">約雅敬 做上主看做歹的事，照伊的祖先的所做去做。</verse>
			</chapter>
			<chapter number="24">
				<verse number="1">約雅敬 在位的時， 巴比倫 王 尼布甲尼撒 來侵犯 猶大 。 約雅敬 服事伊三年，後來煞背叛伊。</verse>
				<verse number="2">上主派 巴比倫 、 敘利亞 、 摩押 ，及 亞捫 的游擊隊來攻擊 約雅敬 ；閣差𪜶攻擊 猶大 欲給伊毀滅；抵照上主通過伊的僕人眾先知所講的話。</verse>
				<verse number="3">此個事臨到 猶大 ，實在是出佇上主的命令，欲將 猶大 的人民對伊的面前趕走；這攏是因為 瑪拿西 所犯一切的罪；</verse>
				<verse number="4">伊刣無辜的人，互 耶路撒冷 四界攏是𪜶的血；此個罪上主毋肯赦免。</verse>
				<verse number="5">約雅敬 其他的事蹟及伊的所做，攏記載佇 猶大列王史 。</verse>
				<verse number="6">約雅敬 轉去伊的列祖遐，伊的子 約雅斤 續接伊作王。</verse>
				<verse number="7">埃及 王無閣出兵攻擊外國，因為伊所管的地，對 埃及 邊界到 幼發拉底河 ，攏互 巴比倫 王搶去。</verse>
				<verse number="8">約雅斤 坐位的時十八歲，佇 耶路撒冷 作王三個月。伊的老母叫做 尼護施她 ，是 耶路撒冷 人 以利拿單 的查某子。</verse>
				<verse number="9">約雅斤 做上主看做歹的事，照伊老父的所做去做。</verse>
				<verse number="10">彼時， 巴比倫 王 尼布甲尼撒 的人臣上來 耶路撒冷 ，圍困彼個城。</verse>
				<verse number="11">當伊的人臣圍困城的時， 巴比倫 王 尼布甲尼撒 嘛親身上來。</verse>
				<verse number="12">猶大 王 約雅斤 及伊的老母、人臣、將領、官員，攏出城，向 巴比倫 王投降。 巴比倫 王將 約雅斤 掠起來；彼時，是 巴比倫 王坐位第八年。</verse>
				<verse number="13">巴比倫 王閣將上主殿內及王宮的寶物攏對遐提去，將 以色列 王 所羅門 所造上主殿內的金器攏剝落來；抵照上主所講的話。</verse>
				<verse number="14">伊將 耶路撒冷 的人民、眾首領，及所有強猛的勇士，共一萬人，連所有的作木師傅及拍鐵師傅嘛攏掠去；只有留國內上喪鄉的人。</verse>
				<verse number="15">伊將 約雅斤 及伊的老母、嬪妃、官員，國內的貴族攏對 耶路撒冷 掠到 巴比倫 。</verse>
				<verse number="16">伊閣將七千個會交戰的勇士，以及一千個作木師傅及拍鐵師傅，攏掠去 巴比倫 。</verse>
				<verse number="17">巴比倫 王設立 約雅斤 的阿叔 瑪他尼 續接作王，給 瑪他尼 換名做 西底家 。</verse>
				<verse number="18">西底家 坐位的時二十一歲，佇 耶路撒冷 作王十一年。伊的老母叫做 哈慕她 ，是 立拿 人 耶利米 的查某子。</verse>
				<verse number="19">伊做上主看做歹的事，照 約雅敬 的所做去做。</verse>
				<verse number="20">耶路撒冷 及 猶大 發生諸個事，是因為上主發受氣，對伊的面前給𪜶趕出去。 西底家 背叛 巴比倫 王。</verse>
			</chapter>
			<chapter number="25">
				<verse number="1">西底家 統治第九年，十月初十， 巴比倫 王 尼布甲尼撒 導伊的大軍來攻擊 耶路撒冷 ，佇城的對面紮營，閣佇四圍作土堆攻城。</verse>
				<verse number="2">城受圍困，一直到 西底家 王第十一年。</verse>
				<verse number="3">四月初九，城內飢荒真嚴重，住民攏無物通食，</verse>
				<verse number="4">城受攻破；所有的兵士透暝對王宮花園附近，兩個城牆中間的門彼條路逃走。 巴比倫 軍隊猶佇四圍攻城的時，王向 亞拉巴 的方向逃走。</verse>
				<verse number="5">巴比倫 的軍兵追趇 西底家 王，佇 耶利哥 的平原趇著伊；伊的全軍攏棄拺伊四散。</verse>
				<verse number="6">巴比倫 的軍兵掠著 西底家 ，給伊掠去佇 利比拉 的 巴比倫 王遐，佇遐受審判。</verse>
				<verse number="7">𪜶刣死 西底家 的子，互伊親目看著，閣挖伊兩蕊目睭，用銅鍊給伊鍊啲，帶去 巴比倫 。</verse>
				<verse number="8">巴比倫 王 尼布甲尼撒 第十九年，五月初七， 巴比倫 王的人臣侍衛長 尼布撒拉旦 進入 耶路撒冷 ，</verse>
				<verse number="9">用火燒上主的聖殿、王宮，及 耶路撒冷 所有的厝，以及所有貴族的厝。</verse>
				<verse number="10">所有隨侍衛長的 巴比倫 軍兵，將 耶路撒冷 四圍的城牆攏拆毀。</verse>
				<verse number="11">彼時，侍衛長 尼布撒拉旦 將留佇城內所賰的人民，及投降 巴比倫 王的人，以及所賰的人攏掠去。</verse>
				<verse number="12">毋拘侍衛長有留一寡上喪鄉的，互𪜶佇葡萄園及田園種作。</verse>
				<verse number="13">巴比倫 人將上主殿內的銅柱、盆座，及銅海攏拍破，將許個銅運去 巴比倫 。</verse>
				<verse number="14">𪜶嘛將鼎、托仔、燈心的剪刀、囥香的𥐵仔，及聖殿所有銅的器具攏搬去；</verse>
				<verse number="15">囥火炭的盆、盤、所有金器的金、銀器的銀，侍衛長攏提去。</verse>
				<verse number="16">閣將 所羅門 王為上主的殿所造兩支柱、一個銅海，及許個盆座帶去；諸個器具的銅多甲𣍐秤得。</verse>
				<verse number="17">此兩支柱像款，每一支高八公尺，頂面有銅的柱斗；柱斗高一公尺三十公分；柱斗的周圍有銅做的網仔及石榴。</verse>
				<verse number="18">侍衛長 尼布撒拉旦 掠大祭司 西萊雅 、副祭司 西番雅 ，及三個聖殿門口的守衛；</verse>
				<verse number="19">閣對城內掠一個管兵的官員、王的五個親信，及徵募兵士的副指揮官，以及佇城內抵著的六十個國民。</verse>
				<verse number="20">侍衛長將諸個人帶去佇 利比拉 的 巴比倫 王遐。</verse>
				<verse number="21">巴比倫 王佇 哈馬 地區的 利比拉 攏給𪜶刣死。 按呢， 猶大 的人民受掠離開𪜶本地。</verse>
				<verse number="22">巴比倫 王 尼布甲尼撒 設立 沙番 的孫， 亞希甘 的子 基大利 做總督，治理無互 尼布甲尼撒 王掠去，留佇 猶大 所賰的人民。</verse>
				<verse number="23">眾軍官及屬𪜶的兵士，聽見 巴比倫 王設立 基大利 管轄𪜶， 尼探雅 的子 以實瑪利 、 加利亞 的子 約哈難 、 尼陀法 人 單戶默 的子 西萊雅 、 瑪迦 人的子 雅撒尼亞 ，及屬𪜶的兵士，就攏來 米斯巴 見 基大利 。</verse>
				<verse number="24">基大利 對𪜶及屬𪜶的兵士咒誓，講：「恁毋免驚 巴比倫 的官員；恁通安心住佇此塊土地，服事 巴比倫 王，恁就會平安無事。」</verse>
				<verse number="25">彼年的七月，王親 以利沙瑪 的孫， 尼探雅 的子 以實瑪利 ，導十個人來 米斯巴 ，刣死 基大利 ，閣刣死及伊做夥的 猶大 人及 巴比倫 人。</verse>
				<verse number="26">對按呢，所有的人無論大細，及許個軍官，因為驚 巴比倫 人就攏逃走去 埃及 。</verse>
				<verse number="27">巴比倫 王 以未‧米羅達 佇伊坐位彼年，就是 猶大 王 約雅斤 受掠了後第三十七年，十二月二十七日，特赦 猶大 王 約雅斤 ，放伊出監，</verse>
				<verse number="28">閣用好話安慰伊，互伊比受掠佇 巴比倫 其他國家的王有較高的地位。</verse>
				<verse number="29">約雅斤 褪去監內所穿的衫，一世人及 巴比倫 王做夥食。</verse>
				<verse number="30">約雅斤 活啲的時， 巴比倫 王賞賜伊所需要的生活費用。</verse>
			</chapter>
		</book>
		<book number="13">
			<chapter number="1">
				<verse number="1">亞當 、 塞特 、 以挪士 ；</verse>
				<verse number="2">該南 、 瑪勒列 、 雅列 ；</verse>
				<verse number="3">以諾 、 瑪土撒拉 、 拉麥 ；</verse>
				<verse number="4">挪亞 、 閃 、 含 、 雅弗 。</verse>
				<verse number="5">雅弗 的後代有 歌篾 、 瑪各 、 瑪代 、 雅完 、 土巴 、 米設 、 提拉 。</verse>
				<verse number="6">歌篾 的後代有 亞實基拿 、 利法 、 陀迦瑪 。</verse>
				<verse number="7">雅完 的後代有 以利沙 、 他施 、 基提 人、 羅德 人。</verse>
				<verse number="8">含 的後代有 古實 、 埃及 、 弗 、 迦南 。</verse>
				<verse number="9">古實 的後代有 西巴 、 哈腓拉 、 撒弗他 、 拉瑪 、 撒弗提迦 。 拉瑪 的後代有 示巴 、 底但 。</verse>
				<verse number="10">古實 閣生 寧錄 ；伊是世間第一個勇士。</verse>
				<verse number="11">埃及 生 路低 人、 亞拿米 人、 利哈比 人、 拿弗土希 人、</verse>
				<verse number="12">帕斯魯細 人 、 迦斯路希 人、 迦斐託 人； 非利士 人是此族 的後代。</verse>
				<verse number="13">迦南 生大子 西頓 ，及 赫 人、</verse>
				<verse number="14">耶布斯 人、 亞摩利 人、 革迦撒 人、</verse>
				<verse number="15">希未 人、 亞基 人、 西尼 人、</verse>
				<verse number="16">亞瓦底 人、 洗瑪利 人，及 哈馬 人。</verse>
				<verse number="17">閃 的後代有 以攔 、 亞述 、 亞法撒 、 路德 、 亞蘭 、 烏斯 、 戶勒 、 基帖 、 米設 。</verse>
				<verse number="18">亞法撒 生 沙拉 ， 沙拉 生 希伯 。</verse>
				<verse number="19">希伯 生兩個子；一個叫做 法勒 ，因為佇伊的時代人分散佇逐所在徛起； 法勒 的小弟叫做 約坍 。</verse>
				<verse number="20">約坍 生 亞摩答 、 沙列 、 哈薩瑪非 、 耶拉 、</verse>
				<verse number="21">哈多蘭 、 烏薩 、 德拉 、</verse>
				<verse number="22">俄巴路 、 亞比瑪利 、 示巴 、</verse>
				<verse number="23">俄斐 、 哈腓拉 、 約巴 ；諸個攏是 約坍 的後代。</verse>
				<verse number="24">閃 、 亞法撒 、 沙拉 、</verse>
				<verse number="25">希伯 、 法勒 、 拉吳 、</verse>
				<verse number="26">西鹿 、 拿鶴 、 他拉 、</verse>
				<verse number="27">亞伯蘭 ， 亞伯蘭 就是 亞伯拉罕 。</verse>
				<verse number="28">亞伯拉罕 的後代有 以撒 、 以實瑪利 。</verse>
				<verse number="29">以實瑪利 的後代記佇下面： 以實瑪利 的後代有大子 尼拜約 ，閣有 基達 、 亞德別 、 米比衫 、</verse>
				<verse number="30">米施瑪 、 度瑪 、 瑪撒 、 哈大 、 提瑪 、</verse>
				<verse number="31">伊突 、 拿非施 、 基底瑪 。諸個攏是 以實瑪利 的子。</verse>
				<verse number="32">亞伯拉罕 的細姨 基土拉 所生的子有 心蘭 、 約珊 、 米但 、 米甸 、 伊施巴 ，及 書亞 。 約珊 的子有 示巴 及 底但 。</verse>
				<verse number="33">米甸 的子有 以法 、 以弗 、 以諾 、 亞比大 、 以勒大 。諸個攏是 基土拉 的子孫。</verse>
				<verse number="34">亞伯拉罕 生 以撒 。 以撒 的子有 以掃 及 以色列 。</verse>
				<verse number="35">以掃 的子有 以利法 、 流珥 、 耶烏施 、 雅蘭 、 可拉 。</verse>
				<verse number="36">以利法 的子有 提幔 、 阿抹 、 洗玻 、 迦坦 、 基納斯 、 亭納 ，及 亞瑪力 。</verse>
				<verse number="37">流珥 的子有 拿哈 、 謝拉 、 沙瑪 ，及 米撒 。</verse>
				<verse number="38">西珥 的子有 羅坍 、 朔巴 、 祭便 、 亞拿 、 底順 、 以察 、 底珊 。</verse>
				<verse number="39">羅坍 的子有 何利 、 希幔 ； 羅坍 的小妹是 亭納 。</verse>
				<verse number="40">朔巴 的子有 亞勒文 、 瑪拿轄 、 以巴路 、 示玻 、 阿南 。 祭便 的子有 愛亞 及 亞拿 。</verse>
				<verse number="41">亞拿 的子有 底順 。 底順 的子有 欣但 、 伊是班 、 益蘭 、 基蘭 。</verse>
				<verse number="42">以察 的子有 辟罕 、 撒番 、 亞干 。 底珊 的子有 烏斯 及 亞蘭 。</verse>
				<verse number="43">以色列 人猶未有君王統治的時， 以東 地區的諸王有： 比珥 的子 比拉 ；伊的京城叫做 亭哈巴 。</verse>
				<verse number="44">比拉 死了， 波斯拉 人 謝拉 的子 約巴 續接伊作王。</verse>
				<verse number="45">約巴 死， 提幔 地的人 戶珊 續接伊作王。</verse>
				<verse number="46">戶珊 死， 比達 的子 哈達 續接伊作王；伊佇 摩押 地區刣贏 米甸 人；伊的城叫做 亞未得 。</verse>
				<verse number="47">哈達 死， 瑪士利加 人 桑拉 續接伊作王。</verse>
				<verse number="48">桑拉 死， 幼發拉底河 的 利河伯 人 掃羅 續接伊作王。</verse>
				<verse number="49">掃羅 死， 亞革波 的子 巴力‧哈南 續接伊作王。</verse>
				<verse number="50">巴力‧哈南 死， 哈達 續接伊作王；伊的城叫做 巴烏 ；伊的某叫做 米希她別 ，是 米‧薩合 的查某孫， 瑪特列 的查某子。</verse>
				<verse number="51">哈達 死了後， 以東 的族長有 亭納 、 亞勒瓦 、 耶帖 、</verse>
				<verse number="52">阿何利巴瑪 、 以拉 、 比嫩 、</verse>
				<verse number="53">基納斯 、 提幔 、 米比薩 、</verse>
				<verse number="54">瑪基疊 ，及 以蘭 。諸個攏是 以東 的族長。</verse>
			</chapter>
			<chapter number="2">
				<verse number="1">以色列 的子有 呂便 、 西緬 、 利未 、 猶大 、 以薩迦 、 西布倫 、</verse>
				<verse number="2">但 、 約瑟 、 便雅憫 、 拿弗他利 、 迦得 、 亞設 。</verse>
				<verse number="3">猶大 的子有 珥 、 俄南 、 示拉 ；此三個是 迦南 的女子 巴書亞 生的。 猶大 的大子 珥 做上主看做歹的事，上主就互伊死。</verse>
				<verse number="4">猶大 的新婦 她瑪 給伊生 法勒斯 及 謝拉 。此五個是 猶大 的子。</verse>
				<verse number="5">法勒斯 的子有 希斯崙 及 哈慕勒 。</verse>
				<verse number="6">謝拉 有五個子， 心利 、 以探 、 希幔 、 甲各 ，及 大拉 。</verse>
				<verse number="7">迦米 的子 亞干 提應該著毀滅的戰利品，連累 以色列 人。</verse>
				<verse number="8">以探 的子是 亞撒利雅 。</verse>
				<verse number="9">希斯崙 所生的子有 耶拉篾 、 蘭 ，及 迦勒 。</verse>
				<verse number="10">蘭 生 亞米拿達 ； 亞米拿達 生 拿順 ， 拿順 做 猶大 人的領袖。</verse>
				<verse number="11">拿順 生 撒門 ， 撒門 生 波阿斯 ，</verse>
				<verse number="12">波阿斯 生 俄備得 ； 俄備得 生 耶西 ；</verse>
				<verse number="13">耶西 生大子 以利押 、第二子 亞比拿達 、第三子 示米亞 、</verse>
				<verse number="14">第四子 拿坦業 、第五子 拉代 、</verse>
				<verse number="15">第六子 阿鮮 、第七子 大闢 。</verse>
				<verse number="16">𪜶的姊妹是 洗璐雅 及 愛比該 。 洗璐雅 有三個子， 亞比篩 、 約押 ，及 亞撒黑 。</verse>
				<verse number="17">愛比該 生 亞瑪撒 ； 亞瑪撒 的老父是 以實瑪利 人 益帖 。</verse>
				<verse number="18">希斯崙 的子 迦勒 娶 阿蘇芭 ，嘛叫做 耶略 的女子做某，生 耶設 、 朔罷 、 押墩 。</verse>
				<verse number="19">阿蘇芭 死了後， 迦勒 閣娶 以法她 ，生 戶珥 。</verse>
				<verse number="20">戶珥 生 烏利 ， 烏利 生 比撒列 。</verse>
				<verse number="21">後來， 希斯崙 六十歲娶 基列 的開拓者 瑪吉 的查某子做某，生 西割 ，</verse>
				<verse number="22">西割 生 睚珥 。 睚珥 佇 基列 地有二十三個城。</verse>
				<verse number="23">後來， 基述 及 亞蘭 征服 哈倭特‧睚珥 ，以及 基納 及附近的庄社，攏總六十個城。諸個住民攏是 基列 的開拓者 瑪吉 的後代。</verse>
				<verse number="24">希斯崙 佇 迦勒‧以法她 死了後，伊的某 亞比雅 給伊生 亞施戶 ，就是 提哥亞 城的開拓者。</verse>
				<verse number="25">希斯崙 的大子 耶拉篾 生大子 蘭 ，閣生 布拿 、 阿連 、 阿鮮 、 亞希雅 。</verse>
				<verse number="26">耶拉篾 閣娶 亞她拉 做某，生 阿南 。</verse>
				<verse number="27">耶拉篾 的大子 蘭 的子有 瑪斯 、 雅憫 ，及 以結 。</verse>
				<verse number="28">阿南 的子有 沙買 及 雅大 ； 沙買 的子有 拿答 及 亞比述 。</verse>
				<verse number="29">亞比述 娶 亞比孩 做某，生 亞辦 及 摩利 。</verse>
				<verse number="30">拿答 的子有 西列 及 亞遍 ； 西列 無子就死。</verse>
				<verse number="31">亞遍 的子是 以示 ， 以示 的子是 示珊 ， 示珊 的子是 亞萊 。</verse>
				<verse number="32">沙買 的小弟 雅大 的子有 益帖 及 約拿單 ； 益帖 無子就死。</verse>
				<verse number="33">約拿單 的子有 比勒 及 撒薩 。諸個攏是 耶拉篾 的後代。</verse>
				<verse number="34">示珊 無後生，只有查某子。 示珊 有一個僕人，叫做 耶哈 ，是 埃及 人。</verse>
				<verse number="35">示珊 將伊的查某子互僕人 耶哈 做某；𪜶生一個子叫做 亞太 。</verse>
				<verse number="36">亞太 生 拿單 ， 拿單 生 撒拔 ，</verse>
				<verse number="37">撒拔 生 以弗拉 ， 以弗拉 生 俄備得 ，</verse>
				<verse number="38">俄備得 生 耶戶 ， 耶戶 生 亞撒利雅 ，</verse>
				<verse number="39">亞撒利雅 生 希利斯 ， 希利斯 生 以利亞薩 ，</verse>
				<verse number="40">以利亞薩 生 西斯買 ， 西斯買 生 沙龍 ，</verse>
				<verse number="41">沙龍 生 耶加米雅 ， 耶加米雅 生 以利沙瑪 。</verse>
				<verse number="42">耶拉篾 的小弟 迦勒 的大子叫做 米沙 ， 米沙 生 西弗 ； 西弗 生 瑪利沙 ， 瑪利沙 生 希伯崙 。</verse>
				<verse number="43">希伯崙 的子有 可拉 、 他普亞 、 利金 ，及 示瑪 。</verse>
				<verse number="44">示瑪 是 拉含 的老父， 約干 的阿公。 利金 生 沙買 ，</verse>
				<verse number="45">沙買 生 瑪雲 ； 瑪雲 是 伯‧夙 的老父。</verse>
				<verse number="46">迦勒 的細姨 以法 生 哈蘭 、 摩撒 、 迦謝 ； 哈蘭 生 迦謝 。</verse>
				<verse number="47">雅大 的子有 利健 、 約坦 、 基珊 、 比力 、 以法 ，及 沙亞弗 。</verse>
				<verse number="48">迦勒 另外一個細姨 瑪迦 生 示別 、 特哈拿 。</verse>
				<verse number="49">瑪迦 閣生 沙亞弗 及 示法 ； 沙亞弗 是 麥瑪拿 城的開拓者， 示法 是 抹比拿 城及 基比亞 城的開拓者； 迦勒 的查某子叫做 押撒 。</verse>
				<verse number="50">下面諸個嘛是 迦勒 的後代： 戶珥 的子有 朔巴 、 薩瑪 、 哈勒 ； 朔巴 開拓 基列‧耶琳 城， 薩瑪 開拓 伯利恆 城， 哈勒 開拓 伯‧迦得 城。</verse>
				<verse number="51"></verse>
				<verse number="52">基列‧耶琳 城的開拓者 朔巴 生 哈羅以 ； 哈羅以 就是 米努哈 地區一半住民的祖先，</verse>
				<verse number="53">嘛是住佇 基列‧耶琳 許個宗族 — 以帖 人、 布特 人、 舒瑪 人、 密來 人的祖先； 瑣拉 人及 以實陶 人是諸個宗族的後代。</verse>
				<verse number="54">伯利恆 城的開拓者 薩瑪 是 尼陀法 人及 亞他錄‧伯‧約押 人的祖先，嘛是佇 瑪拿哈 的 瑣利 族的祖先。</verse>
				<verse number="55">特拉 人、 示米押 人、 蘇甲 人是抄寫文件的人的宗族；𪜶住佇 雅比斯 城。𪜶攏是 基尼 人，是 利甲 族的祖先 哈末 的後代。</verse>
			</chapter>
			<chapter number="3">
				<verse number="1">大闢 佇 希伯崙 生的子記佇下面：大子 暗嫩 ，老母是 耶斯列 人 亞希暖 ；第二子 但以理 ，老母是 迦密 人 愛比該 ；</verse>
				<verse number="2">第三子 押沙龍 ，老母是 基述 王 達買 的查某子 瑪迦 ；第四子 亞多尼雅 ，老母是 哈及 ；</verse>
				<verse number="3">第五子 示法提雅 ，老母是 亞比她 ；第六子 以特念 ，是 大闢 的某 以格拉 生的。</verse>
				<verse number="4">此六個攏是 大闢 佇 希伯崙 生的；伊佇遐作王七年六月日久；佇 耶路撒冷 作王三十三年。</verse>
				<verse number="5">大闢 佇 耶路撒冷 有生 沙慕亞 、 朔罷 、 拿單 、 所羅門 ；此四個是 亞米利 的查某子 拔示芭 生的；</verse>
				<verse number="6">閣有 益轄 、 以利書亞 、 以利法列 、</verse>
				<verse number="7">挪迦 、 尼斐 、 雅非亞 、</verse>
				<verse number="8">以利沙瑪 、 以利雅大 、 以利法列 ，共九個。</verse>
				<verse number="9">諸個攏是 大闢 的子，以外猶有嬪妃的子。 她瑪 是𪜶的姊妹。</verse>
				<verse number="10">所羅門 的子是 羅波安 ， 羅波安 的子是 亞比雅 ， 亞比雅 的子是 亞撒 ， 亞撒 的子是 約沙法 ；</verse>
				<verse number="11">約沙法 的子是 約蘭 ， 約蘭 的子是 亞哈謝 ， 亞哈謝 的子是 約阿施 ；</verse>
				<verse number="12">約阿施 的子是 亞瑪謝 ， 亞瑪謝 的子是 烏西亞 ， 烏西亞 的子是 約坦 ；</verse>
				<verse number="13">約坦 的子是 亞哈斯 ， 亞哈斯 的子是 希西家 ， 希西家 的子是 瑪拿西 ；</verse>
				<verse number="14">瑪拿西 的子是 亞們 ， 亞們 的子是 約西亞 ；</verse>
				<verse number="15">約西亞 的子，大的是 約哈難 ，第二的是 約雅敬 ，第三的 西底家 ，第四的 沙龍 。</verse>
				<verse number="16">約雅敬 有兩個子， 約雅斤 及 西底家 。</verse>
				<verse number="17">下面是受掠去 巴比倫 的 約雅斤 的後代。伊的子有 撒拉鐵 、</verse>
				<verse number="18">瑪基蘭 、 比大雅 、 示拿薩 、 耶加米雅 、 何沙瑪 ，及 尼大比雅 。</verse>
				<verse number="19">比大雅 有兩個子， 所羅巴伯 及 示每 。 所羅巴伯 有兩個子， 米書蘭 及 哈拿尼雅 ，閣有一個查某子 示羅密 ；</verse>
				<verse number="20">另外閣有五個子， 哈舒巴 、 阿黑 、 比利加 、 哈撒底 、 于沙‧希悉 。</verse>
				<verse number="21">哈拿尼雅 有兩個子， 比拉提 及 以賽亞 ； 以賽亞 生 利法雅 ， 利法雅 生 亞珥難 ， 亞珥難 生 俄巴底亞 ， 俄巴底亞 生 示迦尼 。</verse>
				<verse number="22">示迦尼 生 示瑪雅 ； 示瑪雅 有五個子， 哈突 、 以甲 、 巴利亞 、 尼利雅 、 沙法 。</verse>
				<verse number="23">尼利雅 有三個子， 以利約乃 、 希西家 、 亞斯利干 。</verse>
				<verse number="24">以利約乃 有七個子， 何大雅 、 以利亞實 、 比萊雅 、 亞谷 、 約哈難 、 第來雅 ，及 阿拿尼 。</verse>
			</chapter>
			<chapter number="4">
				<verse number="1">猶大 的子是 法勒斯 、 希斯崙 、 迦米 、 戶珥 ，及 朔巴 。</verse>
				<verse number="2">朔巴 的子 利亞雅 生 雅哈 ， 雅哈 生 亞戶買 及 拉哈 ；𪜶是 瑣拉 人的祖先。</verse>
				<verse number="3">戶珥 是 迦勒 及 以法她 的大子；伊的後代是 伯利恆 城的開拓者。 戶珥 的後代有 以坦 、 比努伊勒 ，及 以謝珥 。 以坦 有三個子： 耶斯列 、 伊施瑪 ，及 伊得巴 ；閣有一個查某子叫做 哈悉勒玻尼 。 比努伊勒 是 基多 城的開拓者， 以謝珥 是 戶沙 城的開拓者。</verse>
				<verse number="4"></verse>
				<verse number="5">提哥亞 城的開拓者 亞施戶 有兩個某， 希拉 及 拿拉 。</verse>
				<verse number="6">拿拉 給伊生四個子： 亞戶撒 、 希弗 、 提米尼 ，及 哈轄斯他利 。</verse>
				<verse number="7">希拉 給伊生三個子： 洗列 、 瑣轄 ，及 伊提南 。</verse>
				<verse number="8">哥斯 生 亞諾 、 瑣比巴 ；伊嘛是 哈崙 的子 亞哈黑 諸個宗族的祖先。</verse>
				<verse number="9">雅比斯 比伊的兄弟較受人敬重；伊的老母給伊號名 雅比斯 ，意思是「我生伊真艱苦」。</verse>
				<verse number="10">雅比斯 求 以色列 的上帝，講：「求你大大賜福我，擴展我的境界。願你常常及我同在，保祐我無抵著患難，無受痛苦。」上帝就照伊所求的賜互伊。</verse>
				<verse number="11">書哈 的兄弟 基綠 生 米黑 ， 米黑 生 伊施屯 。</verse>
				<verse number="12">伊施屯 生 伯‧拉巴 、 巴西亞 ，以及 拿轄 城的開拓者 提欣拿 。諸個攏是 利迦 人。</verse>
				<verse number="13">基納斯 有兩個子： 俄陀聶 及 西萊雅 ； 俄陀聶 嘛有兩個子： 哈塔 及 憫挪太 。</verse>
				<verse number="14">憫挪太 生 俄弗拉 。 西萊雅 生 夏納欣 山谷的開拓者 約押 ；𪜶攏是師傅。</verse>
				<verse number="15">耶孚尼 的子 迦勒 有三個子： 以路 、 以拉 ，及 拿安 ； 以拉 生 基納斯 。</verse>
				<verse number="16">耶哈利勒 有四個子： 西弗 、 西法 、 提利 ，及 亞撒列 。</verse>
				<verse number="17">以斯拉 有四個子： 益帖 、 米列 、 以弗 ，及 雅倫 。 米列 娶 埃及 王的查某子 比提雅 做某，生查某子 美莉安 ，後生 沙買 ，及 以實提莫 城的開拓者 益巴 。 米列 閣娶 猶大 人做某，生三個子： 雅列 、 希百 、 耶古鐵 ； 雅列 是 基多 城的開拓者， 希百 是 梭哥 城的開拓者， 耶古鐵 是 撒挪亞 城的開拓者。</verse>
				<verse number="18"></verse>
				<verse number="19">荷第雅 娶 拿含 的小妹，𪜶的後代是住佇 基伊拉 城的 迦米 族及住佇 以實提莫 城的 瑪迦 族的祖先。</verse>
				<verse number="20">示門 有四個子： 暗嫩 、 林拿 、 便‧哈南 ，及 提倫 。 以示 有兩個子： 梭黑 及 便‧梭黑 。</verse>
				<verse number="21">猶大 的子 示拉 的後代有 利迦 城的開拓者 珥 、 瑪利沙 城的開拓者 拉大 ，以及住佇 伯‧亞實比 城織幼麻布諸個宗族；</verse>
				<verse number="22">猶有 約敬 、 哥西巴 人、 約阿施 ，閣有娶 摩押 的女子，轉來 伯利恆 的 薩拉 。這攏是古早的記載。</verse>
				<verse number="23">諸個人攏是燒瓷師傅，是 尼他應 及 基底拉 的住民；𪜶及王住佇遐，為王做工。</verse>
				<verse number="24">西緬 有五個子， 尼慕利 、 雅憫 、 雅立 、 謝拉 、 掃羅 ；</verse>
				<verse number="25">掃羅 生 沙龍 ， 沙龍 生 米比衫 ， 米比衫 生 米施瑪 。</verse>
				<verse number="26">米施瑪 的子是 哈慕利 ，孫是 撒刻 ，乾仔孫是 示每 。</verse>
				<verse number="27">示每 有十六個子，六個查某子；伊的兄弟的子兒無真多。 西緬 支族的子孫無親像 猶大 支族赫多。</verse>
				<verse number="28">西緬 的後代住佇 別是巴 、 摩拉大 、 哈薩‧書亞 、</verse>
				<verse number="29">辟拉 、 以森 、 陀臘 、</verse>
				<verse number="30">彼土利 、 何珥瑪 、 洗革拉 、</verse>
				<verse number="31">伯‧瑪加博 、 哈薩‧蘇撒 、 伯‧比利 ，及 沙拉音 。諸個城，一直到 大闢 作王的時，攏屬 西緬 支族。</verse>
				<verse number="32">𪜶猶有 以坦 、 亞因 、 臨門 、 陀健 ，及 亞珊 五個城，</verse>
				<verse number="33">及附近的庄社，直到 巴力 城。諸個是𪜶住的所在，𪜶攏有記錄佇家譜。</verse>
				<verse number="34">下面所記載諸個名攏是𪜶宗族的族長： 米所巴 、 雅米勒 、 亞瑪謝 的子 約沙 、 約珥 、 約示比 的子 耶戶 (約示比 是 西萊雅 的子，是 亞薛 的孫)、 以利約乃 、 雅哥巴 、 約朔海 、 亞撒雅 、 亞底業 、 耶西篾 、 比拿雅 ； 示非 的子 細撒 (示非 是 亞龍 的子， 亞龍 是 耶大雅 的子， 耶大雅 是 申利 的子， 申利 是 示瑪雅 的子)。 𪜶諸個宗族的人額加添真多，</verse>
				<verse number="35"></verse>
				<verse number="36"></verse>
				<verse number="37"></verse>
				<verse number="38"></verse>
				<verse number="39">就去 基多 的入口，到山谷的東旁，尋飼羊的草埔。</verse>
				<verse number="40">𪜶尋著肥閣媠的草埔，闊，清靜閣安全；因為早前有 含 族的人住佇遐。</verse>
				<verse number="41">頂面所記許個人，佇 猶大 王 希西家 的時，來攻擊 含 族的布棚，及遐所有的 米烏尼 人，將𪜶徹底剿滅，就住佇此個地方到今仔日；因為遐有草埔通飼𪜶的羊群。</verse>
				<verse number="42">西緬 支族有五百人去到 以東 ；𪜶的首領是 以示 的子 比拉提 、 尼利雅 、 利法雅 ，及 烏薛 。</verse>
				<verse number="43">𪜶刣死逃走𣍐離賰落來的 亞瑪力 人，就徛起佇遐到今仔日。</verse>
			</chapter>
			<chapter number="5">
				<verse number="1">雅各 的大子 呂便 ，伊本來是大子，因為及𪜶老父的細姨做夥睏，所以大子的權利就歸佇 雅各 的子 約瑟 ；家譜無照出世的順序登錄。</verse>
				<verse number="2">猶大 比伊的兄弟較強盛，閣出君王；毋拘大子的權利歸佇 約瑟 。</verse>
				<verse number="3">雅各 的大子 呂便 有四個子： 以諾 、 法路 、 希斯崙 ，及 迦米 。</verse>
				<verse number="4">約珥 生 示瑪雅 ， 示瑪雅 生 歌革 ， 歌革 生 示每 ，</verse>
				<verse number="5">示每 生 米迦 ， 米迦 生 利亞雅 ， 利亞雅 生 巴力 ，</verse>
				<verse number="6">巴力 生 備拉 ； 備拉 做 呂便 支族的領袖，互 亞述 王 提革拉‧比列色 掠去。</verse>
				<verse number="7">備拉 的兄弟，照宗族的家譜，做族長的，有 耶利 、 撒迦利亞 ，</verse>
				<verse number="8">及 比拉 ； 比拉 是 亞撒 的子， 示瑪 的孫， 約珥 的乾仔孫； 約珥 住佇 亞羅珥 到 尼波 及 巴力‧免 的地區；</verse>
				<verse number="9">𪜶佇 基列 地區的牲生真多，就佔東旁的曠野，一直到 幼發拉底河 。</verse>
				<verse number="10">掃羅 的時， 呂便 支族及 夏甲 人交戰； 夏甲 人死佇𪜶的手下，𪜶就搶 夏甲 人的布棚，住佇 基列 東旁全地。</verse>
				<verse number="11">迦得 的子孫住佇 呂便 的對面 巴珊 地區一直到 撒迦 ；</verse>
				<verse number="12">約珥 做𪜶的族長， 沙番 做副族長，閣有住佇 巴珊 的 雅乃 及 沙法 。</verse>
				<verse number="13">迦得 支族其他的人攏屬下面七個宗族： 米迦勒 、 米書蘭 、 示巴 、 約賴 、 雅干 、 細亞 ，及 希伯 。</verse>
				<verse number="14">以上諸個攏是 戶利 的子 亞比孩 的後代； 亞比孩 的祖先對阿公算上去是 耶羅亞 、 基列 、 米迦勒 、 耶示篩 、 耶哈多 、 布斯 。</verse>
				<verse number="15">沽尼 的孫， 押比疊 的子 亞希 嘛做族長。</verse>
				<verse number="16">𪜶住佇 基列 、 巴珊 ，及附近的庄社，以及 沙崙 的草埔，直到四圍的交界。</verse>
				<verse number="17">諸個人佇 猶大 王 約坦 及 以色列 王 耶羅波安 二世的時，攏有登錄佇家譜。</verse>
				<verse number="18">呂便 人、 迦得 人，及 瑪拿西 半支族的人，會提盾牌攑刀，開弓射箭，出征𠢕相刣的勇士，攏總有四萬四千七百六十人。</verse>
				<verse number="19">𪜶及 夏甲 人、 伊突 人、 拿非施 人、 挪答 人交戰。</verse>
				<verse number="20">𪜶信靠上帝，佇戰場祈求上帝幫贊，伊就聽𪜶的祈禱，將 夏甲 人及跟隨𪜶的人攏交佇𪜶的手。</verse>
				<verse number="21">𪜶搶 夏甲 人的牲生，有駱駝五萬隻、羊二十五萬隻、驢兩千隻，閣掠人十萬。</verse>
				<verse number="22">𪜶刣死真多敵人，因為此個交戰出佇上帝。𪜶就住佇彼個地區到𪜶受掠的時。</verse>
				<verse number="23">瑪拿西 半支族的人徛起佇此個地區，對 巴珊 續到 巴力‧黑門 ， 示尼珥 ，及 黑門山 ；𪜶的人口加添真多。</verse>
				<verse number="24">𪜶的族長就是 以弗 、 以示 、 以利業 、 亞斯列 、 耶利米 、 何達威雅 ，及 雅疊 ，攏是強猛的勇士，有名聲，嘛做族長。</verse>
				<verse number="25">呂便 、 迦得 ，及 瑪拿西 半支族的人背叛𪜶列祖的上帝，服事彼所在住民的神明，許個住民是上帝佇 以色列 人面前所毀滅的。</verse>
				<verse number="26">所以 以色列 的上帝激動 亞述 王 普勒 ，就是 提革拉‧比列色 的心，將 呂便 人、 迦得 人、 瑪拿西 半支族的人，掠去 哈臘 、 哈博 、 哈拉 ，及 歌散 河邊，到今仔日。</verse>
			</chapter>
			<chapter number="6">
				<verse number="1">利未 有三個子： 革順 、 哥轄 ，及 米拉利 。</verse>
				<verse number="2">哥轄 有四個子： 暗蘭 、 以斯哈 、 希伯崙 、 烏薛 。</verse>
				<verse number="3">暗蘭 有兩個子： 亞倫 及 摩西 ，一個查某子 美莉安 。 亞倫 有四個子： 拿答 、 亞比戶 、 以利亞撒 ，及 以他瑪 。</verse>
				<verse number="4">以利亞撒 生 非尼哈 ， 非尼哈 生 亞比書 ，</verse>
				<verse number="5">亞比書 生 布基 ， 布基 生 烏西 ，</verse>
				<verse number="6">烏西 生 西拉希雅 ， 西拉希雅 生 米拉約 ，</verse>
				<verse number="7">米拉約 生 亞瑪利雅 ， 亞瑪利雅 生 亞希突 ，</verse>
				<verse number="8">亞希突 生 撒督 ， 撒督 生 亞希瑪斯 ，</verse>
				<verse number="9">亞希瑪斯 生 亞撒利雅 ， 亞撒利雅 生 約哈難 ，</verse>
				<verse number="10">約哈難 生 亞撒利雅 ，此個 亞撒利雅 佇 所羅門 所起 耶路撒冷 的聖殿擔任祭司。</verse>
				<verse number="11">亞撒利雅 生 亞瑪利雅 ， 亞瑪利雅 生 亞希突 ，</verse>
				<verse number="12">亞希突 生 撒督 ， 撒督 生 沙龍 ，</verse>
				<verse number="13">沙龍 生 希勒家 ， 希勒家 生 亞撒利雅 ，</verse>
				<verse number="14">亞撒利雅 生 西萊雅 ， 西萊雅 生 約薩達 。</verse>
				<verse number="15">上主用 尼布甲尼撒 的手掠 猶大 及 耶路撒冷 的人民的時，此個 約薩達 嘛互伊掠去。</verse>
				<verse number="16">利未 有三個子： 革順 、 哥轄 ，及 米拉利 。</verse>
				<verse number="17">革順 的子叫做 立尼 及 示每 。</verse>
				<verse number="18">哥轄 的子是 暗蘭 、 以斯哈 、 希伯崙 ，及 烏薛 。</verse>
				<verse number="19">米拉利 的子是 抹利 及 慕示 。諸個是 利未 人各宗族的家譜。</verse>
				<verse number="20">革順 的後代： 革順 生 立尼 ， 立尼 生 雅哈 ， 雅哈 生 薪瑪 ，</verse>
				<verse number="21">薪瑪 生 約亞 ， 約亞 生 易多 ， 易多 生 謝拉 ， 謝拉 生 耶特賴 。</verse>
				<verse number="22">哥轄 的後代： 哥轄 生 亞米拿達 ， 亞米拿達 生 可拉 ， 可拉 生 亞惜 ，</verse>
				<verse number="23">亞惜 生 以利加拿 ， 以利加拿 生 以比雅撒 ， 以比雅撒 生 亞惜 ，</verse>
				<verse number="24">亞惜 生 他哈 ， 他哈 生 烏列 ， 烏列 生 烏西亞 ， 烏西亞 生 掃羅 。</verse>
				<verse number="25">以利加拿 有兩個子： 亞瑪賽 及 亞希摩 。</verse>
				<verse number="26">亞希摩 生 以利加拿 ， 以利加拿 生 瑣菲 ， 瑣菲 生 拿哈 ，</verse>
				<verse number="27">拿哈 生 以利押 ， 以利押 生 耶羅罕 ， 耶羅罕 生 以利加拿 ， 以利加拿 生 撒母耳 。</verse>
				<verse number="28">撒母耳 有兩個子：大子 約珥 ，第二子 亞比雅 。</verse>
				<verse number="29">米拉利 的後代： 米拉利 生 抹利 ， 抹利 生 立尼 ， 立尼 生 示每 ， 示每 生 烏撒 ；</verse>
				<verse number="30">烏撒 生 示米亞 ， 示米亞 生 哈基雅 ， 哈基雅 生 亞撒雅 。</verse>
				<verse number="31">約櫃安置好勢了後， 大闢 派人佇上主的厝負責獻詩的工作。</verse>
				<verse number="32">𪜶佇會幕的頭前輪班擔任唱歌的侍奉，一直到 所羅門 佇 耶路撒冷 起造上主的聖殿。</verse>
				<verse number="33">負責獻詩的人及𪜶的子孫記佇下面： 哥轄 的子孫中有獻詩的 希幔 ； 希幔 是 約珥 的子， 約珥 是 撒母耳 的子，</verse>
				<verse number="34">撒母耳 是 以利加拿 的子， 以利加拿 是 耶羅罕 的子， 耶羅罕 是 以利業 的子， 以利業 是 陀亞 的子，</verse>
				<verse number="35">陀亞 是 蘇弗 的子， 蘇弗 是 以利加拿 的子， 以利加拿 是 瑪哈 的子， 瑪哈 是 亞瑪賽 的子，</verse>
				<verse number="36">亞瑪賽 是 以利加拿 的子， 以利加拿 是 約珥 的子， 約珥 是 亞撒利雅 的子， 亞撒利雅 是 西番雅 的子，</verse>
				<verse number="37">西番雅 是 他哈 的子， 他哈 是 亞惜 的子， 亞惜 是 以比雅撒 的子， 以比雅撒 是 可拉 的子，</verse>
				<verse number="38">可拉 是 以斯哈 的子， 以斯哈 是 哥轄 的子， 哥轄 是 利未 的子， 利未 是 雅各 的子。</verse>
				<verse number="39">希幔 的親成 亞薩 ，佇 希幔 的正旁侍奉； 亞薩 是 比利加 的子， 比利加 是 示米亞 的子，</verse>
				<verse number="40">示米亞 是 米迦勒 的子， 米迦勒 是 巴西雅 的子， 巴西雅 是 瑪基雅 的子，</verse>
				<verse number="41">瑪基雅 是 伊特尼 的子， 伊特尼 是 謝拉 的子， 謝拉 是 亞大雅 的子，</verse>
				<verse number="42">亞大雅 是 以探 的子， 以探 是 薪瑪 的子， 薪瑪 是 示每 的子，</verse>
				<verse number="43">示每 是 雅哈 的子， 雅哈 是 革順 的子， 革順 是 利未 的子。</verse>
				<verse number="44">佇倒旁侍奉的是𪜶的兄弟 米拉利 的子孫，有 基示 的子 以探 ； 基示 是 亞伯底 的子， 亞伯底 是 瑪鹿 的子，</verse>
				<verse number="45">瑪鹿 是 哈沙比雅 的子， 哈沙比雅 是 亞瑪謝 的子， 亞瑪謝 是 希勒家 的子，</verse>
				<verse number="46">希勒家 是 暗西 的子， 暗西 是 巴尼 的子， 巴尼 是 沙麥 的子，</verse>
				<verse number="47">沙麥 是 抹利 的子， 抹利 是 慕示 的子， 慕示 是 米拉利 的子， 米拉利 是 利未 的子。</verse>
				<verse number="48">𪜶的兄弟 利未 人嘛受派做上帝的厝 — 會幕所有的職務。</verse>
				<verse number="49">亞倫 及伊的後代佇祭壇獻燒化祭，佇香壇燒香，做至聖所所有的工作，照上帝的僕人 摩西 的吩咐，替 以色列 人贖罪。</verse>
				<verse number="50">亞倫 的子孫記佇下面：伊的子是 以利亞撒 ， 以利亞撒 的子是 非尼哈 ， 非尼哈 的子是 亞比書 ，</verse>
				<verse number="51">亞比書 的子是 布基 ， 布基 的子是 烏西 ， 烏西 的子是 西拉希雅 ，</verse>
				<verse number="52">西拉希雅 的子是 米拉約 ， 米拉約 的子是 亞瑪利雅 ， 亞瑪利雅 的子是 亞希突 ，</verse>
				<verse number="53">亞希突 的子是 撒督 ， 撒督 的子是 亞希瑪斯 。</verse>
				<verse number="54">亞倫 的後代徛起的地區記佇下面： 哥轄 宗族抽籤分著第一份，</verse>
				<verse number="55">就是 猶大 地 希伯崙 及周圍的草埔，</verse>
				<verse number="56">毋拘屬 希伯崙 的田園及庄社攏分互 耶孚尼 的子 迦勒 。</verse>
				<verse number="57">亞倫 的後代閣分著避難城 希伯崙 ，以及 立拿 及伊的草埔、 雅提珥 、 以實提莫 及伊的草埔、</verse>
				<verse number="58">希崙 及伊的草埔、 底璧 及伊的草埔、</verse>
				<verse number="59">亞珊 及伊的草埔、 伯‧示麥 及伊的草埔；</verse>
				<verse number="60">閣對 便雅憫 支族的地區分著 迦巴 及伊的草埔、 亞拉篾 及伊的草埔、 亞拿突 及伊的草埔。𪜶諸個宗族得著的城有十三個。</verse>
				<verse number="61">哥轄 宗族其他的家族抽籤分著 瑪拿西 半支族地區的十個城。</verse>
				<verse number="62">革順 宗族諸個家族對 以薩迦 、 亞設 、 拿弗他利 三個支族，及佇 巴珊 的 瑪拿西 支族分著十三個城。</verse>
				<verse number="63">米拉利 的後代照𪜶的宗族抽籤對 呂便 、 迦得 、 西布倫 三個支族，得著十二個城。</verse>
				<verse number="64">以色列 人將諸個城及周圍的草埔，分互 利未 人。</verse>
				<verse number="65">以色列 人抽籤，對 猶大 、 西緬 、 便雅憫 三個支族中，將以上講著的城分互 利未 人。</verse>
				<verse number="66">哥轄 宗族中有的家族分著 以法蓮 支族地區的城，</verse>
				<verse number="67">就是 以法蓮 山區的避難城 示劍 及伊的草埔，以及 基色 及伊的草埔、</verse>
				<verse number="68">約緬 及伊的草埔、 伯‧和崙 及伊的草埔、</verse>
				<verse number="69">亞雅崙 及伊的草埔、 迦特‧臨門 及伊的草埔；</verse>
				<verse number="70">哥轄 宗族其他的家族對 瑪拿西 半支族得著 亞乃 及伊的草埔、 巴蘭 及伊的草埔。</verse>
				<verse number="71">革順 的後代分著 瑪拿西 半支族佇 巴珊 的 戈蘭 及伊的草埔、 亞斯他錄 及伊的草埔；</verse>
				<verse number="72">對 以薩迦 支族分著 基低斯 及伊的草埔、 大比拉 及伊的草埔、</verse>
				<verse number="73">拉末 及伊的草埔、 亞年 及伊的草埔；</verse>
				<verse number="74">對 亞設 支族分著 瑪沙 及伊的草埔、 亞伯頓 及伊的草埔、</verse>
				<verse number="75">戶割 及伊的草埔、 利合 及伊的草埔；</verse>
				<verse number="76">對 拿弗他利 支族分著 加利利 的 基低斯 及伊的草埔、 哈們 及伊的草埔、 基列亭 及伊的草埔。</verse>
				<verse number="77">米拉利 的後代對 西布倫 支族分著 臨摩挪 及伊的草埔、 他泊 及伊的草埔；</verse>
				<verse number="78">閣佇倚近 耶利哥 的 約旦河 東岸，對 呂便 支族分著曠野的 比悉 及伊的草埔、 雅雜 及伊的草埔、</verse>
				<verse number="79">基底莫 及伊的草埔、 米法押 及伊的草埔；</verse>
				<verse number="80">閣對 迦得 支族分著 基列 的 拉末 及伊的草埔、 瑪哈念 及伊的草埔、</verse>
				<verse number="81">希實本 及伊的草埔、 雅謝 及伊的草埔。</verse>
			</chapter>
			<chapter number="7">
				<verse number="1">以薩迦 有四個子： 陀拉 、 普瓦 、 雅述 ，及 伸崙 。</verse>
				<verse number="2">陀拉 有六個子： 烏西 、 利法雅 、 耶勒 、 雅買 、 易伯散 ，及 撒母耳 ，攏是 陀拉 宗族的族長，佇𪜶的世代是強猛的勇士；佇 大闢 的時代，𪜶的人數有兩萬兩千六百個人。</verse>
				<verse number="3">烏西 有一個子 伊斯拉希 ； 伊斯拉希 及伊四個子 米迦勒 、 俄巴底亞 、 約珥 、 伊示雅 ，攏是族長。</verse>
				<verse number="4">𪜶領導的人，照𪜶的宗族世系，會當交戰的有三萬六千；因為𪜶的某及子真多。</verse>
				<verse number="5">𪜶仝 以薩迦 支族的兄弟，有登錄佇家譜強猛的勇士，攏總有八萬七千人。</verse>
				<verse number="6">便雅憫 有三個子： 比拉 、 比結 、 耶疊 。</verse>
				<verse number="7">比拉 有五個子： 以斯本 、 烏西 、 烏薛 、 耶利摩 ，及 以利 ，攏是族長；登錄佇家譜的強猛勇士，攏總有兩萬兩千空三十四人。</verse>
				<verse number="8">比結 有九個子： 細米拉 、 約阿施 、 以利以謝 、 以利約乃 、 暗利 、 耶利摩 、 亞比雅 、 亞拿突 ，及 亞拉篾 ，</verse>
				<verse number="9">𪜶攏是族長；照𪜶的宗族世系，強猛的勇士有兩萬空兩百人。</verse>
				<verse number="10">耶疊 有一個子 辟罕 ， 辟罕 有七個子： 耶烏施 、 便雅憫 、 以笏 、 基拿拿 、 細坦 、 他施 ，及 亞希沙哈 。</verse>
				<verse number="11">𪜶攏是 耶疊 的後代，是族長，嘛是強猛的勇士；會當交戰的人有一萬七千兩百人。</verse>
				<verse number="12">猶有 以珥 的子 書平 及 戶平 ，以及 亞黑 的子 戶伸 。</verse>
				<verse number="13">拿弗他利 有四個子： 雅薛 、 沽尼 、 耶色 ，及 沙龍 ；𪜶攏是 辟拉 的後代。</verse>
				<verse number="14">瑪拿西 的細姨 亞蘭 的女子給伊生 亞斯烈 ，及 基列 的開拓者 瑪吉 。</verse>
				<verse number="15">瑪吉 給 戶平 及 書平 各娶一個某；伊的小妹叫做 瑪迦 。第二個子叫做 西羅非哈 ； 西羅非哈 只有生查某子。</verse>
				<verse number="16">瑪吉 的某 瑪迦 生一個子，叫做 比利施 。 比利施 有小弟叫做 示利施 ； 示利施 的子是 烏蘭 及 利金 。</verse>
				<verse number="17">烏蘭 的子是 比但 。諸個攏是 基列 的後代。 基列 是 瑪吉 的子， 瑪吉 是 瑪拿西 的子。</verse>
				<verse number="18">基列 的小妹 哈摩利吉 生三個子： 伊施荷 、 亞比以謝 ，及 瑪拉 。</verse>
				<verse number="19">示米大 有四個子： 亞現 、 示劍 、 利克希 ，及 阿尼安 。</verse>
				<verse number="20">以法蓮 的後代： 書提拉 生 巴列 ， 巴列 生 他哈 ， 他哈 生 以拉大 ， 以拉大 生 他哈 ；</verse>
				<verse number="21">他哈 生 撒拔 ， 撒拔 生 書提拉 。 以法蓮 閣生 以謝珥 及 以列 ；此兩個人落去欲搶 迦特 人的牲生，續互彼所在的 迦特 人刣死。</verse>
				<verse number="22">𪜶老父 以法蓮 為著𪜶哀傷真多日，伊的兄弟攏來安慰伊。</verse>
				<verse number="23">以法蓮 及伊的某同房，伊的某就懷孕生子； 以法蓮 給伊號名 比利亞 ，因為伊的家庭抵著災難。</verse>
				<verse number="24">伊的查某子 舍伊拉 起造 頂‧伯‧和崙 ， 下‧伯‧和崙 ，及 烏羨‧舍伊拉 三個城，</verse>
				<verse number="25">以法蓮 閣生 利法 ， 利法 生 利悉 ， 利悉 生 他拉 ， 他拉 生 他罕 ，</verse>
				<verse number="26">他罕 生 拉但 ， 拉但 生 亞米忽 ， 亞米忽 生 以利沙瑪 ，</verse>
				<verse number="27">以利沙瑪 生 嫩 ， 嫩 生 約書亞 。</verse>
				<verse number="28">以法蓮 人的所有地及徛起的地區是 伯特利 及附近的庄社，東旁到 拿蘭 ，西旁到 基色 及附近的庄社，閣有 示劍 及附近的庄社， 艾雅 及附近的庄社。</verse>
				<verse number="29">閣有倚近 瑪拿西 人邊界的 伯‧善 及附近的庄社， 他納 及附近的庄社， 米吉多 及附近的庄社， 多珥 及附近的庄社。 雅各 的子 約瑟 的後代徛起佇以上諸個地區。</verse>
				<verse number="30">亞設 有四個子： 音拿 、 亦施瓦 、 亦施韋 ，及 比利亞 ，閣有一個查某子 西拉 。</verse>
				<verse number="31">比利亞 有兩個子： 希百 及 瑪結 ； 瑪結 是 比撒威 城的開拓者。</verse>
				<verse number="32">希百 有三個子： 雅弗勒 、 朔默 、 何坦 ，及查某子 書雅 。</verse>
				<verse number="33">雅弗勒 有三個子： 巴薩 、 賓哈 ，及 亞施法 。</verse>
				<verse number="34">朔默 有四個子： 亞希 、 羅迦 、 耶戶巴 ，及 亞蘭 。</verse>
				<verse number="35">朔默 的兄弟 何坦 有四個子： 瑣法 、 音拿 、 示利斯 ，及 亞抹 。</verse>
				<verse number="36">瑣法 的子是 書亞 、 哈尼弗 、 書阿勒 、 比利 、 音拉 、</verse>
				<verse number="37">比悉 、 河得 、 珊瑪 、 施沙 、 益蘭 ，及 比拉 。</verse>
				<verse number="38">益帖 的子是 耶孚尼 、 比斯巴 ，及 亞拉 。</verse>
				<verse number="39">烏拉 的子是 亞拉 、 漢尼業 ，及 利寫 。</verse>
				<verse number="40">諸個是 亞設 的後代，攏是族長，是受選的強猛勇士，嘛是傑出的首領。登錄佇家譜，會當交戰的人攏總有兩萬六千。</verse>
			</chapter>
			<chapter number="8">
				<verse number="1">便雅憫 有五個子，照順序是 比拉 、 亞實別 、 亞哈拉 、</verse>
				<verse number="2">挪哈 ，及 拉法 。</verse>
				<verse number="3">比拉 的子是 亞達珥 、 基拉 、 亞比忽 、</verse>
				<verse number="4">亞比書 、 乃縵 、 亞何亞 、</verse>
				<verse number="5">基拉 、 示孚汛 ，及 戶蘭 。</verse>
				<verse number="6">以忽 的後代有 乃縵 、 亞希雅 ，及 基拉 ，𪜶是 迦巴 住民的族長，受迫遷徙去 瑪拿轄 。 基拉 導𪜶過去；伊佇遐生 烏撒 及 亞希忽 。</verse>
				<verse number="7"></verse>
				<verse number="8">沙哈連 離伊兩個某 戶伸 及 巴拉 了後，佇 摩押 地閣娶 賀得 ，生 約巴 、 洗比雅 、 米沙 、 瑪拉干 、</verse>
				<verse number="9"></verse>
				<verse number="10">耶烏斯 、 沙迦 、 米瑪 ；諸個是伊的子，攏做族長。</verse>
				<verse number="11">沙哈連 有對伊的某 戶伸 生 亞比突 及 以利巴力 。</verse>
				<verse number="12">以利巴力 有三個子： 希伯 、 米珊 ，及 沙麥 ； 沙麥 起造 阿挪 及 羅德 兩個城，以及附近的庄社。</verse>
				<verse number="13">比利亞 及 示瑪 是 亞雅崙 住民的族長，有將 迦特 的住民趕走。</verse>
				<verse number="14">比利亞 的後代有 亞希約 、 沙煞 、 耶利摩 、</verse>
				<verse number="15">西巴第雅 、 亞拉得 、 亞得 、</verse>
				<verse number="16">米迦勒 、 伊施巴 ，及 約哈 。</verse>
				<verse number="17">以利巴力 的後代有 西巴第雅 、 米書蘭 、 希西基 、 希百 、 伊施米萊 、 伊斯利亞 ，及 約巴 。</verse>
				<verse number="18"></verse>
				<verse number="19">示每 的後代有 雅金 、 細基利 、 撒底 、 以利乃 、 洗勒太 、 以利業 、 亞大雅 、 比拉雅 ，及 申拉 。</verse>
				<verse number="20"></verse>
				<verse number="21"></verse>
				<verse number="22">沙煞 的後代有 伊施班 、 希伯 、 以利業 、 亞伯頓 、 細基利 、 哈難 、 哈拿尼雅 、 以攔 、 安陀提雅 、 伊弗底雅 ，及 比努伊勒 。</verse>
				<verse number="23"></verse>
				<verse number="24"></verse>
				<verse number="25"></verse>
				<verse number="26">耶羅罕 的後代有 珊示萊 、 示哈利 、 亞他利雅 、 雅利西 、 以利亞 ，及 細基利 。</verse>
				<verse number="27"></verse>
				<verse number="28">以上諸個人照𪜶的家譜攏是族長，徛起佇 耶路撒冷 。</verse>
				<verse number="29">耶利 開創 基遍 城，徛起佇遐；伊的某叫做 瑪迦 。</verse>
				<verse number="30">伊的大子是 亞伯頓 ，閣有 蘇珥 、 基士 、 巴力 、 拿答 、</verse>
				<verse number="31">基多 、 亞希約 、 撒迦 ，及 米基羅 。</verse>
				<verse number="32">米基羅 生 示米暗 。諸個人攏徛起佇 耶路撒冷 ，及𪜶的親族住對面。</verse>
				<verse number="33">尼珥 生 基士 ， 基士 生 掃羅 ， 掃羅 有四個子： 約拿單 、 麥基‧舒亞 、 亞比拿達 ，及 伊施巴力 。</verse>
				<verse number="34">約拿單 生 米力‧巴力 ， 米力‧巴力 生 米迦 。</verse>
				<verse number="35">米迦 有四個子： 比敦 、 米勒 、 他利亞 ，及 亞哈斯 。</verse>
				<verse number="36">亞哈斯 生 耶何阿達 。 耶何阿達 有三個子： 亞拉篾 、 亞斯瑪威 ，及 心利 。 心利 生 摩撒 ，</verse>
				<verse number="37">摩撒 生 比尼亞 ， 比尼亞 生 拉法 ， 拉法 生 以利亞薩 ， 以利亞薩 生 亞悉 。</verse>
				<verse number="38">亞悉 有六個子： 亞斯利干 、 波基路 、 以實瑪利 、 示亞利雅 、 俄巴底亞 ，及 哈難 。</verse>
				<verse number="39">亞悉 的小弟 以設 有三個子： 烏蘭 、 耶烏施 ，及 以利法列 。</verse>
				<verse number="40">烏蘭 的子攏是強猛𠢕射箭的勇士；伊有真多子及孫，攏總一百五十人。以上諸個人攏是 便雅憫 支族的後代。</verse>
			</chapter>
			<chapter number="9">
				<verse number="1">所有的 以色列 人，照家譜，有登錄佇 以色列列王史 。 猶大 人因為背叛上帝，受掠去 巴比倫 。</verse>
				<verse number="2">代先轉來家己的城，住佇家己所有地的人，有 以色列 的平民、祭司、 利未 人、聖殿的工人。</verse>
				<verse number="3">猶大 、 便雅憫 、 以法蓮 、 瑪拿西 諸個支族的人住佇 耶路撒冷 。</verse>
				<verse number="4">猶大 支族有六百九十個家族住佇 耶路撒冷 。 猶大 的子 法勒斯 的後代有 烏太 ； 烏太 是 亞米忽 的子， 亞米忽 是 暗利 的子， 暗利 是 音利 的子， 音利 是 巴尼 的子。 示羅 的後代有大子 亞撒雅 ，及伊的眾子。 謝拉 的後代有 耶烏利 及伊的兄弟。</verse>
				<verse number="5"></verse>
				<verse number="6"></verse>
				<verse number="7">便雅憫 的後代有 撒路 ； 撒路 是 米書蘭 的子， 何達威雅 的孫， 哈西努亞 的乾仔孫。</verse>
				<verse number="8">閣有 伊比尼雅 ， 伊比尼雅 是 耶羅罕 的子；閣有 以拉 ， 以拉 是 烏西 的子， 米基利 的孫；閣有 米書蘭 ， 米書蘭 是 示法提雅 的子， 流珥 的孫， 伊比尼雅 的乾仔孫。</verse>
				<verse number="9">便雅憫 支族有九百五十六個人，住佇 耶路撒冷 。以上諸個人攏是家族的族長，有登錄佇家譜。</verse>
				<verse number="10">祭司中有 耶大雅 、 耶何雅立 、 雅斤 ，</verse>
				<verse number="11">猶有上帝聖殿的總管 亞撒利雅 ； 亞撒利雅 是 希勒家 的子， 希勒家 是 米書蘭 的子， 米書蘭 是 撒督 的子， 撒督 是 米拉約 的子， 米拉約 是 亞希突 的子。</verse>
				<verse number="12">閣有 耶羅罕 的子 亞大雅 ， 耶羅罕 是 巴施戶珥 的子， 巴施戶珥 是 瑪基雅 的子；閣有 亞底業 的子 瑪賽 ， 亞底業 是 雅希細拉 的子， 雅希細拉 是 米書蘭 的子， 米書蘭 是 米實利密 的子， 米實利密 是 音麥 的子。</verse>
				<verse number="13">以上諸個人攏做𪜶家族的族長，真𠢕處理上帝殿內的事務；𪜶攏總有一千七百六十人。</verse>
				<verse number="14">利未 人 米拉利 的後代有 哈沙比雅 的乾仔孫， 亞斯利干 的孫， 哈述 的子 示瑪雅 。</verse>
				<verse number="15">閣有 拔巴甲 、 黑勒施 、 加拉 ，及 瑪他尼 ； 瑪他尼 是 亞薩 的乾仔孫， 細基利 的孫， 米迦 的子。</verse>
				<verse number="16">閣有 耶杜頓 的乾仔孫， 加拉 的孫， 示瑪雅 的子 俄巴底亞 。閣有 以利加拿 的孫， 亞撒 的子 比利加 。𪜶攏住佇 尼陀法 人的庄社。</verse>
				<verse number="17">聖殿的守衛有： 沙龍 、 亞谷 、 達們 、 亞希幔 ，及𪜶的兄弟； 沙龍 做𪜶的頭。</verse>
				<verse number="18">𪜶以前顧守東旁王的門；𪜶較早是 利未 族營中的守衛。</verse>
				<verse number="19">可拉 的乾仔孫， 以比雅撒 的孫， 可利 的子 沙龍 ，及仝族的兄弟 可拉 人，攏負責事務，閣看守會幕的門；𪜶的祖先曾顧守上主會幕營地的入口。</verse>
				<verse number="20">以前 以利亞撒 的子 非尼哈 曾做𪜶的總管，上主嘛及伊同在。</verse>
				<verse number="21">米施利米雅 的子 撒迦利亞 嘛是會幕入口的守衛。</verse>
				<verse number="22">受揀選做會幕入口守衛的人有兩百十二個。𪜶佇家己的庄社，有登錄佇𪜶的家譜。𪜶受 大闢 及先見 撒母耳 指派，負責此個職務。</verse>
				<verse number="23">𪜶及𪜶的後代繼續顧守上主聖殿的門，就是會幕的入口。</verse>
				<verse number="24">東西南北四旁的入口攏有守衛。</verse>
				<verse number="25">𪜶𫢶佇逐庄社的兄弟，每七日輪流分擔𪜶的工作。</verse>
				<verse number="26">此四個入口的守衛長是 利未 人，照𪜶的職責，管理上帝聖殿的房間及府庫。</verse>
				<verse number="27">𪜶佇上帝聖殿的周圍過暝，因為𪜶受託看守聖殿，逐早起負責開門。</verse>
				<verse number="28">利未 人中間有人管理敬拜用的器具，提出提入攏著點算。</verse>
				<verse number="29">閣有人受派管理聖所其他所有的器具，以及麵粉、酒、油、乳香，及芳料。</verse>
				<verse number="30">祭司的後代閣有人負責調和芳料。</verse>
				<verse number="31">利未 人 瑪他提雅 是 可拉 族 沙龍 的大子，受派負責烘餅的工作。</verse>
				<verse number="32">𪜶仝族的兄弟 哥轄 的後代，有人負責準備安歇日獻祭的餅。</verse>
				<verse number="33">負責唱歌的人是 利未 人家族的族長，𫢶佇聖殿的房間，無做別項工課，因為暝日攏著愛侍奉。</verse>
				<verse number="34">以上諸個人，照族譜的記錄，是 利未 人家族的族長，攏住佇 耶路撒冷 。</verse>
				<verse number="35">耶利 開創 基遍 城，徛起佇遐；伊的某叫做 瑪迦 。</verse>
				<verse number="36">伊的大子是 亞伯頓 ，閣有 蘇珥 、 基士 、 巴力 、 尼珥 、 拿答 、</verse>
				<verse number="37">基多 、 亞希約 、 撒迦利亞 ，及 米基羅 。</verse>
				<verse number="38">米基羅 生 示米暗 。諸個人攏徛起佇 耶路撒冷 ，及𪜶的親族住對面。</verse>
				<verse number="39">尼珥 生 基士 ， 基士 生 掃羅 ， 掃羅 有四個子： 約拿單 、 麥基‧舒亞 、 亞比拿達 ，及 伊施巴力 。</verse>
				<verse number="40">約拿單 生 米力‧巴力 ， 米力‧巴力 生 米迦 。</verse>
				<verse number="41">米迦 有四個子： 比敦 、 米勒 、 他利亞 ，及 亞哈斯 。</verse>
				<verse number="42">亞哈斯 生 雅拉 ， 雅拉 有三個子： 亞拉篾 、 亞斯瑪威 ，及 心利 。 心利 生 摩撒 ，</verse>
				<verse number="43">摩撒 生 比尼亞 ， 比尼亞 生 利法雅 ， 利法雅 生 以利亞薩 ， 以利亞薩 生 亞悉 。</verse>
				<verse number="44">亞悉 有六個子： 亞斯利干 、 波基路 、 以實瑪利 、 示亞利雅 、 俄巴底亞 ，及 哈難 。</verse>
			</chapter>
			<chapter number="10">
				<verse number="1">非利士 人及 以色列 人佇 基利波山 交戰； 以色列 人死真多，戰敗逃走。</verse>
				<verse number="2">非利士 人追趇 掃羅 及伊許個子，刣死 掃羅 三個子 約拿單 、 亞比拿達 ，及 麥基‧舒亞 。</verse>
				<verse number="3">掃羅 受著猛烈的攻擊；伊互射箭的人發見，射著，受傷真傷重。</verse>
				<verse number="4">掃羅 給替伊攑軍器的侍衛講：「拔刀給我鑿死，才免我互諸個無受割禮的人凌辱。」彼個侍衛毋敢，因為伊真驚。 掃羅 就向刀仆落去，家己鑿死。</verse>
				<verse number="5">彼個侍衛看著 掃羅 已經死，嘛仆落去，家己鑿死。</verse>
				<verse number="6">按呢， 掃羅 及伊三個子攏死，全家滅亡。</verse>
				<verse number="7">佇 耶斯列 山谷彼旁的 以色列 人看著𪜶的軍隊已經逃走， 掃羅 及伊的子嘛攏戰死，就放城逃走。 非利士 人就來佔許個城，佇遐徛起。</verse>
				<verse number="8">隔日， 非利士 人來剝戰死的人的物件，看著 掃羅 及伊的子死佇 基利波山 ，</verse>
				<verse number="9">就剝 掃羅 的軍服，提伊的頭殼及戰甲，派人去 非利士 逐所在，將此個消息報互𪜶的偶像及人民知。</verse>
				<verse number="10">𪜶將 掃羅 的戰甲下佇𪜶神明的廟內，將伊的頭殼吊佇 大袞 的廟。</verse>
				<verse number="11">基列 的 雅比 人聽著 非利士 人對 掃羅 所做的代誌，</verse>
				<verse number="12">𪜶的勇士攏起來，將 掃羅 及伊的子的身屍帶去 雅比 ，將𪜶的骨骸葬佇 雅比 的橡樹腳，禁食七日。</verse>
				<verse number="13">按呢 掃羅 死，因為伊背叛上主，無守上主的命令，去尋尪姨，求伊指點，</verse>
				<verse number="14">無尋求上主，所以上主給伊刣死，將王位交互 耶西 的子 大闢 。</verse>
			</chapter>
			<chapter number="11">
				<verse number="1">以色列 眾人聚集來 希伯崙 見 大闢 ，講：「阮是你的骨肉。</verse>
				<verse number="2">較早 掃羅 做阮的王的時，導 以色列 去交戰的是你；上主 — 你的上帝嘛曾給你講：『你會牧養我的子民 以色列 ，嘛會做我的子民 以色列 的統治者。』」</verse>
				<verse number="3">以色列 的長老攏來 希伯崙 見 大闢 王，伊就佇 希伯崙 ，佇上主的面前及𪜶立約。𪜶就用油抹 大闢 ，設立伊做 以色列 的王，照上主通過 撒母耳 講的話。</verse>
				<verse number="4">大闢 及所有的 以色列 人去到 耶路撒冷 。 耶路撒冷 當時叫做 耶布斯 ，因為 耶布斯 人住佇遐。</verse>
				<verse number="5">徛起佇 耶布斯 的人給 大闢 講：「你無可能攻入來。」毋拘 大闢 有攻取 錫安 的堡壘，就是現在的 大闢 城。</verse>
				<verse number="6">大闢 講：「什麼人先攻打 耶布斯 人，伊欲做頭，做元帥。」 洗璐雅 的子 約押 代先上去，就做元帥。</verse>
				<verse number="7">大闢 住佇堡壘，所以彼個堡壘叫做 大闢 城。</verse>
				<verse number="8">伊對 米羅 開始，起四圍的城牆，其他的部份交互 約押 修建。</verse>
				<verse number="9">大闢 愈來愈強盛，因為上主 — 萬軍的統帥及伊同在。</verse>
				<verse number="10">下面諸個是 大闢 的勇士的領袖；𪜶全力擁護 大闢 得著王權，嘛及 以色列 眾人照上主對 以色列 的應允設立伊作王。</verse>
				<verse number="11">許個領袖的名單記佇下面： 哈革摩尼 的子 雅朔班 是眾軍官的首領，曾一遍用槍刣死三百個人。</verse>
				<verse number="12">第二個是 亞何亞 人 朵多 的子 以利亞撒 ，伊是三個勇士的一個。</verse>
				<verse number="13">伊曾及 大闢 佇 巴斯‧大憫 ； 非利士 人聚集佇遐欲交戰。遐有一坵園，種真多大麥； 以色列 人佇 非利士 人的面前逃走。</verse>
				<verse number="14">伊徛佇園中防守彼坵園，拍 非利士 人。上主互伊大勝利。</verse>
				<verse number="15">三十個首領中有三個落去 亞杜蘭洞 附近的石磐遐見 大闢 。 非利士 的軍隊佇 利乏音 山谷紮營。</verse>
				<verse number="16">彼時， 大闢 佇要塞； 非利士 的軍隊駐在佇 伯利恆 。</verse>
				<verse number="17">大闢 用真渴慕的口氣講：「若有人會當去提 伯利恆 城門邊的井水互我飲，毋知偌仔呢好！」</verse>
				<verse number="18">此三個人就衝過 非利士 人的營地，對 伯利恆 城門邊的井汲水，捾來互 大闢 。毋拘 大闢 毋飲，倒出來獻互上主，</verse>
				<verse number="19">講：「我的上帝啊，我哪通飲此個水？這豈毋是諸個用性命去換來的人的血，我哪敢飲？」所以 大闢 毋飲。這是此三個勇士做的代誌。</verse>
				<verse number="20">約押 的小弟 亞比篩 是另外三個勇士的首領；伊曾攑槍刣死三百個人，就佇三個勇士中有名。</verse>
				<verse number="21">伊比其他兩個較有名望，所以做𪜶的領袖；毋拘伊猶不及前彼三個勇士。</verse>
				<verse number="22">閣有 甲薛 人 耶何耶大 的子 比拿雅 ；伊是勇士，有做真多大事：伊曾刣死 摩押 兩個強猛的勇士；閣佇落雪的時，落去坑內刣死一隻獅；</verse>
				<verse number="23">閣刣死一個兩百外公分高大的 埃及 人。彼個 埃及 人手攑槍，槍的柄親像織布機的車心赫粗。 比拿雅 只有攑棍落去伊遐，搶伊的槍，用彼支槍給伊刣死。</verse>
				<verse number="24">這是 耶何耶大 的子 比拿雅 所做的事，就佇三個勇士中有名。</verse>
				<verse number="25">伊比三十個勇士較有名望，毋拘不及前彼三個勇士。 大闢 有設立伊做侍衛長。</verse>
				<verse number="26">軍中的勇士有： 約押 的小弟 亞撒黑 伯利恆 人 朵多 的子 伊勒哈難</verse>
				<verse number="27">哈律 人 沙瑪 比倫 人 希利斯</verse>
				<verse number="28">提哥亞 人 益吉 的子 以拉 亞拿突 人 亞比以謝</verse>
				<verse number="29">戶沙 人 西比該 亞何亞 人 以來</verse>
				<verse number="30">尼陀法 人 瑪哈萊 及 巴拿 的子 希立</verse>
				<verse number="31">便雅憫 支族 基比亞 人 利拜 的子 以太 比拉頓 人 比拿雅</verse>
				<verse number="32">迦實溪 人 戶萊 亞拉巴 人 亞別</verse>
				<verse number="33">巴魯米 人 亞斯瑪威 沙本 人 以利雅哈巴</verse>
				<verse number="34">基孫 人 哈深 的眾子 哈拉 人 沙基 的子 約拿單</verse>
				<verse number="35">哈拉 人 沙甲 的子 亞希暗 吾珥 的子 以利法勒</verse>
				<verse number="36">米基拉 人 希弗 比倫 人 亞希雅</verse>
				<verse number="37">迦密 人 希斯羅 伊斯拜 的子 拿萊</verse>
				<verse number="38">拿單 的兄弟 約珥 哈基利 的子 彌伯哈</verse>
				<verse number="39">亞捫 人 洗勒 給 洗璐雅 的子 約押 攑軍器的 比錄 人 拿哈萊</verse>
				<verse number="40">以帖 人 以拉 及 迦立</verse>
				<verse number="41">赫 人 烏利亞 亞萊 的子 撒拔</verse>
				<verse number="42">呂便 人 示撒 的子 亞第拿 (伊是 呂便 支族中一個領袖，導三十人)</verse>
				<verse number="43">瑪迦 的子 哈難 彌特尼 人 約沙法</verse>
				<verse number="44">亞施他拉 人 烏西亞 亞羅珥 人 何坦 的子 沙瑪 及 耶利</verse>
				<verse number="45">提洗 人 申利 的子 耶疊 及伊的兄弟 約哈</verse>
				<verse number="46">瑪哈未 人 以利業 伊利拿安 的子 耶利拜 及 約沙未雅 摩押 人 伊特瑪</verse>
				<verse number="47">以利業 、 俄備得 ，及 米瑣巴 人 雅西業 。</verse>
			</chapter>
			<chapter number="12">
				<verse number="1">大闢 為著閃避 基士 的子 掃羅 ，匿佇 洗革拉 的時，下面諸個勇士來到伊遐，幫贊伊交戰。</verse>
				<verse number="2">𪜶會用正手倒手射箭，挕石頭；攏是 便雅憫 人，是 掃羅 的親族：</verse>
				<verse number="3">導頭的是 亞希以謝 ，閣落去是 約阿施 ，𪜶攏是 基比亞 人 示瑪 的子； 閣有 亞斯瑪威 的子 耶薛 及 比力 、 比拉迦 亞拿突 人 耶戶</verse>
				<verse number="4">基遍 人 伊施瑪雅 (三十人中的一個勇士，啲管理彼三十人)、 耶利米 、 雅哈悉 、 約哈難 基底拉 人 約撒拔 、</verse>
				<verse number="5">伊利烏賽 、 耶利摩 、 比亞利雅 、 示瑪利雅 哈律弗 人 示法提雅</verse>
				<verse number="6">可拉 人 以利加拿 、 伊示雅 、 亞薩列 、 約以謝 、 雅朔班</verse>
				<verse number="7">基多 人 耶羅罕 的子 猶拉 及 西巴第雅 。</verse>
				<verse number="8">迦得 支族有幾若人來到曠野的要塞，歸順 大闢 。𪜶攏是勇猛的戰士，夯盾牌，攑槍，𠢕相刣；𪜶的面親像獅的面，𠢕走親像山裡的鹿。</verse>
				<verse number="9">頭一個 以謝珥 ，第二 俄巴底亞 ，第三 以利押 ，</verse>
				<verse number="10">第四 彌施瑪拿 ，第五 耶利米 ，</verse>
				<verse number="11">第六 亞太 ，第七 以利業 ，</verse>
				<verse number="12">第八 約哈難 ，第九 以利薩巴 ，</verse>
				<verse number="13">第十 耶利米 ，第十一 末巴奈 。</verse>
				<verse number="14">諸個攏是 迦得 支族的軍官；上細的一個抵一百，上強的一個抵一千。</verse>
				<verse number="15">正月 約旦河 的水漲滿雙旁岸的時，𪜶過河，互所有住佇平原的人驚甲四散逃走。</verse>
				<verse number="16">閣有 便雅憫 人及 猶大 人來 大闢 的要塞。</verse>
				<verse number="17">大闢 出去迎接𪜶，對𪜶講：「恁若好意來欲幫贊我，我歡迎恁及我聯盟；毋拘恁若欲將我此個無罪的人出賣互對敵，願咱列祖的上帝監察責罰。」</verse>
				<verse number="18">彼時上帝的神臨到眾軍官的首領 亞瑪賽 ，伊就講： 「 大闢 啊，阮是歸順你的； 耶西 的子啊，阮是支持你的。 願你平安順利， 願幫贊你的嘛攏平安； 因為你的上帝幫贊你。」 大闢 就接納𪜶，設立𪜶做游擊隊的隊長。</verse>
				<verse number="19">大闢 及 非利士 人做夥欲攻擊 掃羅 的時，有一寡 瑪拿西 人來歸順伊。後來𪜶無幫贊 非利士 人，因為 非利士 的領袖有參詳，叫 大闢 倒去，講：「伊真有可能提咱的頭殼去歸順伊的主人 掃羅 。」</verse>
				<verse number="20">大闢 去 洗革拉 的時，有 瑪拿西 人的指揮官， 押拿 、 約撒拔 、 耶疊 、 米迦勒 、 約撒拔 、 以利戶 、 洗勒太 ，攏來歸順伊。</verse>
				<verse number="21">諸個人幫贊 大闢 對抗游擊隊，𪜶攏是勇猛的戰士，閣做軍官。</verse>
				<verse number="22">彼時，逐日有人來欲幫贊 大闢 ，伊的軍隊就親像上帝的軍隊赫呢強大。</verse>
				<verse number="23">有武裝好勢的戰士來 希伯崙 見 大闢 ，欲照上主的話將 掃羅 的王位交互伊。下面是許個戰士的數目：</verse>
				<verse number="24">猶大 支族：夯盾牌，攑槍的武裝戰士，有六千八百人。</verse>
				<verse number="25">西緬 支族：會出戰的勇士，有七千一百人。</verse>
				<verse number="26">利未 支族：四千六百人；</verse>
				<verse number="27">亞倫 後代的族長 耶何耶大 及隨伊的有三千七百人；</verse>
				<verse number="28">勇猛的戰士少年人 撒督 及伊家族的領袖二十二人。</verse>
				<verse number="29">便雅憫 支族： 掃羅 的親族有三千人；前到今，𪜶大部分擁護 掃羅 家。</verse>
				<verse number="30">以法蓮 支族：出名的勇猛戰士，有兩萬空八百人。</verse>
				<verse number="31">約旦河 西旁的 瑪拿西 半支族：有記錄佇家譜的，一萬八千人，攏擁護 大闢 作王。</verse>
				<verse number="32">以薩迦 支族：有智識，識時勢，知 以色列 佇什麼時著做什麼的領袖有兩百人；𪜶的親族攏聽𪜶的命令。</verse>
				<verse number="33">西布倫 支族：會用逐種軍器出陣交戰，真有紀律，對 大闢 忠誠的有五萬人。</verse>
				<verse number="34">拿弗他利 支族：有一千個領袖；攑槍，夯盾牌隨𪜶的，有三萬七千人。</verse>
				<verse number="35">但 支族：會出戰的，有兩萬八千六百人。</verse>
				<verse number="36">亞設 支族：會出陣交戰的，有四萬人。</verse>
				<verse number="37">佇 約旦河 東旁， 呂便 支族、 迦得 支族、 瑪拿西 半支族：攑逐種軍器交戰的，有十二萬人。</verse>
				<verse number="38">諸個戰士攏隨時會當出戰，對 大闢 忠誠。𪜶來到 希伯崙 擁護 大闢 做 以色列 全國的王；其他的 以色列 人嘛同心擁護 大闢 作王。</verse>
				<verse number="39">𪜶佇遐及 大闢 做夥三日，亦食亦飲，因為𪜶的親族攏給𪜶備辦好勢。</verse>
				<verse number="40">𪜶附近的人，甚至對 以薩迦 、 西布倫 、 拿弗他利 來的人，攏用驢、駱駝、騾、牛，載食物，有麵粉、無花果乾丸、葡萄乾丸、酒、油，閣帶牛羊來遐，逐項攏真多；因為佇 以色列 中有大歡喜。</verse>
			</chapter>
			<chapter number="13">
				<verse number="1">大闢 及指揮官、軍官，以及所有的領袖參詳。</verse>
				<verse number="2">大闢 對 以色列 全會眾講：「恁若看做好，閣是出佇上主 — 咱的上帝的意思，咱著派人去 以色列 全地，去見無佇咱遮的親族，以及住佇有草埔的城的祭司及 利未 人，互𪜶攏聚集來遮。</verse>
				<verse number="3">咱就通將咱的上帝的約櫃遷來遮；因為佇 掃羅 作王的時，咱無將約櫃看做要緊。」</verse>
				<verse number="4">全會眾攏同意按呢做；人民嘛看此個代誌做著。</verse>
				<verse number="5">大闢 就對 埃及 邊界的 西曷河 ，到 哈馬 隘口召集所有的 以色列 人，欲將上帝的約櫃對 基列‧耶琳 接來。</verse>
				<verse number="6">大闢 及 以色列 眾人就去 巴拉 ，就是屬 猶大 的 基列‧耶琳 ，欲對遐將上帝的約櫃接來；此個櫃是奉坐佇兩個天使基路伯中間的上主的名稱呼的。</verse>
				<verse number="7">𪜶將上帝的約櫃下佇新的車，對 亞比拿達 的厝載出來； 烏撒 及 亞希約 趕彼台車。</verse>
				<verse number="8">大闢 及 以色列 眾人佇上帝的面前盡力唱歌，用琴、瑟、鑼、鼓、喇叭，歡喜慶祝。</verse>
				<verse number="9">𪜶到 基頓 的五穀場，牛著觸， 烏撒 伸手給約櫃扶啲。</verse>
				<verse number="10">上主對 烏撒 發大受氣，因為伊伸手扶約櫃，就拍伊；伊就佇遐死佇上帝的面前。</verse>
				<verse number="11">大闢 因為上主拍 烏撒 ，真無歡喜，就將彼個所在號做 比列斯‧烏撒 ，直到今仔日。</verse>
				<verse number="12">彼日， 大闢 驚上帝，就講：「我哪通將上帝的約櫃運來我的所在？」</verse>
				<verse number="13">對按呢， 大闢 無將約櫃遷入 大闢 城，到家己的所在，就給伊徙去 迦特 人 俄別‧以東 的厝。</verse>
				<verse number="14">上帝的約櫃停佇 俄別‧以東 的厝三月日久。上主賜福 俄別‧以東 的家及伊一切所有的。</verse>
			</chapter>
			<chapter number="14">
				<verse number="1">泰爾 王 希蘭 派使者帶柏香柴，及土水師傅、作木師傅去 大闢 遐，給 大闢 起宮殿。</verse>
				<verse number="2">大闢 就知上主堅立伊做 以色列 王，閣為著上主的子民 以色列 互伊的國強盛。</verse>
				<verse number="3">大闢 佇 耶路撒冷 閣娶幾若個某。 大闢 閣生後生及查某子。</verse>
				<verse number="4">佇 耶路撒冷 生的子是 沙慕亞 、 朔罷 、 拿單 、 所羅門 、</verse>
				<verse number="5">益轄 、 以利書亞 、 以利法列 、</verse>
				<verse number="6">挪迦 、 尼斐 、 雅非亞 、</verse>
				<verse number="7">以利沙瑪 、 比利雅大 、 以利法列 。</verse>
				<verse number="8">非利士 人聽著 大闢 受抹油選立做全 以色列 的王，就全力上來追尋 大闢 。 大闢 聽著就出去迎戰。</verse>
				<verse number="9">非利士 人來侵犯 利乏音 山谷。</verse>
				<verse number="10">大闢 問上帝講：「我豈通進攻 非利士 人？你豈欲將𪜶交佇我的手？」 上主給 大闢 講：「你去，我會將𪜶交佇你的手。」</verse>
				<verse number="11">非利士 人上來 巴力‧比拉心 ， 大闢 佇遐給𪜶拍敗； 大闢 講：「上帝用我的手衝散我的對敵，親像大水給堤岸沖破。」因為按呢，彼個所在就叫做 巴力‧比拉心 。</verse>
				<verse number="12">非利士 人給𪜶的偶像擲佇遐； 大闢 命令人給許個偶像放火燒。</verse>
				<verse number="13">非利士 人閣來侵犯 利乏音 山谷。</verse>
				<verse number="14">大闢 問上帝。上帝給伊講：「毋通正面進攻；著踅過𪜶的後面，佇桑材樹林的頭前給𪜶攻擊。</verse>
				<verse number="15">你聽著樹尾有行軍的聲，就著出兵進攻，因為上帝已經佇你的頭前攻擊 非利士 人的軍隊。」</verse>
				<verse number="16">大闢 就照上帝的命令去做，對 基遍 攻擊 非利士 人的軍隊，直到 基色 。</verse>
				<verse number="17">大闢 的名聲傳到萬國；上主互列國攏驚伊。</verse>
			</chapter>
			<chapter number="15">
				<verse number="1">大闢 佇 大闢 城為家己起幾若間宮殿，閣為上帝的約櫃準備所在，搭一個布棚。</verse>
				<verse number="2">彼時 大闢 講：「 利未 人以外，毋通有人扛上帝的約櫃，因為上主揀 利未 人扛伊的約櫃，閣永遠服事伊。」</verse>
				<verse number="3">大闢 召集 以色列 眾人來 耶路撒冷 ，欲將上主的約櫃扛來伊準備的所在。</verse>
				<verse number="4">大闢 閣召集 亞倫 的後代及 利未 人：</verse>
				<verse number="5">哥轄 的後代有首領 烏列 及伊的親族一百二十人。</verse>
				<verse number="6">米拉利 的後代有首領 亞撒雅 及伊的親族兩百二十人。</verse>
				<verse number="7">革順 的後代有首領 約珥 及伊的親族一百三十人。</verse>
				<verse number="8">以利撒反 的後代有首領 示瑪雅 及伊的親族兩百人。</verse>
				<verse number="9">希伯崙 的後代有首領 以利業 及伊的親族八十人。</verse>
				<verse number="10">烏薛 的後代有首領 亞米拿達 及伊的親族一百十二人。</verse>
				<verse number="11">大闢 召祭司 撒督 及 亞比亞他 ，以及 利未 人 烏列 、 亞撒雅 、 約珥 、 示瑪雅 、 以利業 ，及 亞米拿達 來。</verse>
				<verse number="12">對𪜶講：「恁是 利未 人的族長，恁及恁的親族著家己聖化歸上主，才通將上主 — 以色列 的上帝的約櫃，扛來我為著伊準備的所在。</verse>
				<verse number="13">因為恁前彼遍無扛約櫃，咱嘛無照規矩求問伊，所以上主 — 咱的上帝受氣攻擊咱。」</verse>
				<verse number="14">對按呢祭司及 利未 人為著欲將上主 — 以色列 的上帝的約櫃扛來，就家己聖化歸上主。</verse>
				<verse number="15">利未 的子孫照上主吩咐 摩西 的命令，用槓扛上帝的約櫃佇肩頭頂。</verse>
				<verse number="16">大闢 吩咐 利未 的族長分派𪜶的親族負責唱歌，用琴、瑟，及鈸奏樂，大聲歡喜唱歌。</verse>
				<verse number="17">利未 人就派 約珥 的子 希幔 ，伊的親成 比利加 的子 亞薩 ，及𪜶的親族 米拉利 的子孫中 古沙雅 的子 以探 。</verse>
				<verse number="18">第二班有𪜶的親族 撒迦利亞 、 雅薛 、 示米拉末 、 耶歇 、 烏尼 、 以利押 、 比拿雅 、 瑪西雅 、 瑪他提雅 、 以利斐利戶 、 彌克尼雅 ，以及顧門的 俄別‧以東 及 耶利 。</verse>
				<verse number="19">按呢派唱歌的 希幔 、 亞薩 、 以探 ，拍鈸伴唱。</verse>
				<verse number="20">閣派 撒迦利亞 、 雅薛 、 示米拉末 、 耶歇 、 烏尼 、 以利押 、 瑪西雅 、 比拿雅 彈瑟，調用「少女」。</verse>
				<verse number="21">閣派 瑪他提雅 、 以利斐利戶 、 彌克尼雅 、 俄別‧以東 、 耶利 、 亞撒西雅 用琴指揮，調降八度。</verse>
				<verse number="22">利未 人的首領 基拿尼雅 負責音樂；伊精通音樂，教人唱歌。</verse>
				<verse number="23">比利加 及 以利加拿 是約櫃的守衛。</verse>
				<verse number="24">祭司 示巴尼 、 約沙法 、 拿坦業 、 亞瑪賽 、 撒迦利亞 、 比拿雅 、 以利以謝 ，佇上帝的約櫃前歕喇叭。 俄別‧以東 及 耶希亞 嘛是約櫃的守衛。</verse>
				<verse number="25">對按呢， 大闢 及 以色列 的長老、指揮官，攏去 俄別‧以東 的厝，歡歡喜喜將上主的約櫃對遐接來。</verse>
				<verse number="26">上帝幫贊扛約櫃的 利未 人，𪜶就獻公的牛七隻，公的羊七隻。</verse>
				<verse number="27">大闢 及扛約櫃的 利未 人、負責音樂的 基拿尼雅 ，以及唱歌的人攏穿幼麻布的長衫。 大闢 閣穿幼麻布的以弗得。</verse>
				<verse number="28">按呢， 以色列 眾人歡呼，歕哨角，歕喇叭，拍鈸，彈琴，彈瑟，扛上主的約櫃上來。</verse>
				<verse number="29">上主的約櫃入 大闢 城的時， 掃羅 的查某子 米甲 對窗仔看出去，看著 大闢 王亦跳亦趒，就看輕伊。</verse>
			</chapter>
			<chapter number="16">
				<verse number="1">諸個 利未 人扛上帝的約櫃入去，下佇 大闢 為著約櫃搭的布棚內面，閣佇上帝的面前獻燒化祭及平安祭。</verse>
				<verse number="2">大闢 獻燒化祭及平安祭了後，就奉上主的名給人民祝福。</verse>
				<verse number="3">伊閣分物件互 以色列 眾人，無論男女，逐個人一塊餅，一塊肉，一粒葡萄乾丸。</verse>
				<verse number="4">大闢 派幾若個 利未 人佇上主的約櫃前服事，來懇求，感謝，稱讚上主 — 以色列 的上帝。</verse>
				<verse number="5">隊長是 亞薩 ，副隊長是 撒迦利亞 ，閣有 雅薛 、 示米拉末 、 耶歇 、 瑪他提雅 、 以利押 、 比拿雅 、 俄別‧以東 、 耶利 ，彈琴彈瑟； 亞薩 拍鈸伴奏。</verse>
				<verse number="6">祭司 比拿雅 及 雅哈悉 佇上帝的約櫃前照時歕喇叭。</verse>
				<verse number="7">彼日， 大闢 第一遍指派 亞薩 及伊的親族感謝上主。</verse>
				<verse number="8">恁著感謝上主，求叫伊的名， 佇萬民中報揚伊的作為。</verse>
				<verse number="9">著對伊吟詩，向伊唱歌謳咾， 談論伊一切奇妙的所做。</verse>
				<verse number="10">著誇耀伊的聖名。 願尋求上主的人心內歡喜。</verse>
				<verse number="11">著倚靠上主及伊的權能， 不時尋求見伊的面。</verse>
				<verse number="12">伊的僕人 以色列 的後代， 伊所揀 雅各 的子孫啊， 恁著數念伊奇妙的作為， 數念伊的神跡及伊所講判斷的話。</verse>
				<verse number="13"></verse>
				<verse number="14">伊是上主 — 咱的上帝； 伊的審判普及全地。</verse>
				<verse number="15">著會記得伊的約直到永遠， 伊的應允直到萬代。</verse>
				<verse number="16">著會記得伊及 亞伯拉罕 立的約， 對 以撒 所立的誓。</verse>
				<verse number="17">伊將此個約互 雅各 做規例， 互 以色列 做永遠的約。</verse>
				<verse number="18">伊講：「我欲將 迦南 地賜互你， 做你應得的產業。」</verse>
				<verse number="19">當時𪜶的人口有限，人數真少； 𪜶佇遐做出外人。</verse>
				<verse number="20">𪜶對此族行到彼族， 對此國到彼國。</verse>
				<verse number="21">伊無容允人壓迫𪜶； 為著𪜶的緣故，伊譴責許個君王。</verse>
				<verse number="22">伊講：「毋通磕著我揀選的僕人， 嘛毋通欺負我的先知。」</verse>
				<verse number="23">全地攏著對上主唱歌！ 著日日宣布伊拯救的好消息！</verse>
				<verse number="24">著對萬國宣揚伊的榮耀！ 著對萬民講起伊偉大的作為！</verse>
				<verse number="25">因為上主至大，應該受極大的稱讚； 伊比所有的神明應該閣較受敬畏。</verse>
				<verse number="26">因為外邦的神明不過是偶像； 毋拘上主創造諸個天。</verse>
				<verse number="27">尊貴及威嚴包圍伊； 權能及喜樂充滿伊的所在。</verse>
				<verse number="28">地上萬民攏著稱讚上主！ 著將榮耀及權能歸互伊！</verse>
				<verse number="29">著將上主應得的榮耀歸互伊！ 著帶祭物來到伊的面前！ 著穿聖潔做禮服敬拜上主！</verse>
				<verse number="30">全地著佇伊面前驚惶皮皮惙！ 世界堅固𣍐動搖；</verse>
				<verse number="31">天著歡喜，地著快樂！ 著對萬國宣布：「上主作王！」</verse>
				<verse number="32">海及彼內面的活物攏著出大聲！ 田園及其中所有的攏著快樂！</verse>
				<verse number="33">彼時，樹林內的樹木攏欲佇上主面前歡喜唱歌， 因為伊欲來審判普天下。</verse>
				<verse number="34">著感謝上主，因為伊至善； 伊的慈愛續到永遠！</verse>
				<verse number="35">著講：「拯救阮的上帝啊，求你拯救阮， 聚集阮，救阮脫離列國， 互阮通感謝你的聖名， 用稱讚你做阮上大的歡喜。</verse>
				<verse number="36">願稱讚歸互上主 — 以色列 的上帝， 對永遠到永遠。」 全體人民攏講「阿們！」閣稱讚上主。</verse>
				<verse number="37">大闢 留 亞薩 及伊的親族佇上主的約櫃前，照逐日應該做的工作，繼續佇約櫃前服事。</verse>
				<verse number="38">閣留 俄別‧以東 及伊的親族六十八人，以及 耶杜頓 的子 俄別‧以東 及 何薩 做約櫃的守衛。</verse>
				<verse number="39">閣留祭司 撒督 及伊的親族眾祭司，佇 基遍 山頭壇上主的會幕前，</verse>
				<verse number="40">逐日早暗佇祭壇頂獻燒化祭互上主，攏照上主命令 以色列 人的律法所有的記載。</verse>
				<verse number="41">猶有 希幔 、 耶杜頓 ，及其他受選，名有登錄的人，及𪜶做夥稱讚上主，因為伊的慈愛永遠存續。</verse>
				<verse number="42">希幔 、 耶杜頓 及𪜶做夥用喇叭、鈸，及謳咾上帝的樂器稱讚上主； 耶杜頓 的後代做守衛。</verse>
				<verse number="43">後來，全體人民就倒去𪜶兜； 大闢 嘛倒去，給伊的家族祝福。</verse>
			</chapter>
			<chapter number="17">
				<verse number="1">大闢 住佇王宮，伊對先知 拿單 講：「你看，我住佇柏香柴的宮殿，毋拘上主的約櫃𫢶佇布棚。」</verse>
				<verse number="2">拿單 對 大闢 講：「你想欲按怎，就通去做，因為上帝及你同在。」</verse>
				<verse number="3">彼暝上帝的話臨到 拿單 ，講：</verse>
				<verse number="4">「你去給 大闢 我的僕人講：『上主按呢講：你毋通起聖殿互我住。</verse>
				<verse number="5">對我導 以色列 人上來遮到現在，我毋曾住佇殿裡，攏是對此個布棚到彼個布棚，對此個會幕到彼個會幕。</verse>
				<verse number="6">我及 以色列 人同行的時，豈曾對叨一個牧養我的子民的士師講：恁哪無給我起柏香柴的殿？』</verse>
				<verse number="7">「今你著給我的僕人 大闢 講：『上主 — 萬軍的統帥按呢講：我對牧場揀召你，互你無閣飼羊，是欲互你做我的子民 以色列 的統治者。</verse>
				<verse number="8">你無論去叨位，我會及你同在，消滅你面前所有的對敵。我一定互你有名聲，親像世間的偉人赫呢出名。</verse>
				<verse number="9">我欲為著我的子民 以色列 準備一個所在，給𪜶安頓，互𪜶徛起佇家己的所在，無閣受攪擾，無閣親像早前我命令士師管理我的子民 以色列 的時代，受兇惡的人欺壓。我欲互你的對敵攏降服。我閣宣布，我上主欲建立你的王朝。</verse>
				<verse number="10"></verse>
				<verse number="11">到你的歲壽滿，轉去你的祖先遐的時，我欲選立你的後代，你的一個子，來續接你，閣欲互伊的國穩固。</verse>
				<verse number="12">伊欲為著我起聖殿；我欲堅固伊的王位直到永遠。</verse>
				<verse number="13">我欲做伊的父，伊欲做我的子。我無欲互我的慈愛離開伊，親像我曾互慈愛離開你前彼個王。</verse>
				<verse number="14">我嘛欲互伊永遠治理我的子民及我的國；伊的王位會堅固到永遠。』」</verse>
				<verse number="15">拿單 就照上帝啟示的話攏給 大闢 講。</verse>
				<verse number="16">大闢 王就入去會幕，坐佇上主的面前，講：「主上帝，我是啥人，我的家算什麼，你竟然導我到此個地位？</verse>
				<verse number="17">毋若按呢，上帝啊，你閣眷顧你奴僕的家的將來；主上帝啊，你款待我親像尊貴的人。</verse>
				<verse number="18">你真清楚你的奴僕，你互你的奴僕得著的尊貴，我 大闢 猶有什麼話通講？</verse>
				<verse number="19">上主啊，因為你的奴僕的緣故，閣照你的旨意，你有做諸個大事，閣互人知諸個偉大的所做。</verse>
				<verse number="20">上主啊，照阮所聽見，無一個會當及你比，你以外無上帝。</verse>
				<verse number="21">世間豈有一個國親像你的子民 以色列 ？上帝你有救贖𪜶，互𪜶成做你的子民。你做極大閣通驚的事，互你家己得著榮耀，因為你有趕逐列邦離開你對 埃及 解救出來的子民。</verse>
				<verse number="22">你互你的人民 以色列 永遠做你家己的子民；上主啊，你閣做𪜶的上帝。</verse>
				<verse number="23">「上主，你對你的奴僕及伊的家的應允，願你照你所講的實現，互伊永遠穩固。</verse>
				<verse number="24">願你的名永遠堅固，受尊做大，講：『上主 — 萬軍的統帥 以色列 的上帝，真正是 以色列 的上帝！』閣你的奴僕 大闢 的家欲佇你的面前堅立。</verse>
				<verse number="25">我的上帝啊，因為你有啟示你的奴僕，你欲建立伊的王朝，所以你的奴僕好膽佇你的面前祈禱。</verse>
				<verse number="26">「上主，只有你是上帝！你用此個福氣應允你的奴僕。</verse>
				<verse number="27">今，你歡喜賜福你奴僕的家，互伊佇你的面前永遠穩固。上主，因為你已經賜福，你會永遠得著稱讚！」</verse>
			</chapter>
			<chapter number="18">
				<verse number="1">後來， 大闢 攻擊 非利士 人，互𪜶降服；閣對 非利士 人的手取著 迦特 及附近的庄社。</verse>
				<verse number="2">大闢 閣拍敗 摩押 人， 摩押 人就歸順 大闢 ，閣進貢。</verse>
				<verse number="3">瑣巴 王 哈大底謝 去 幼發拉底河 ，欲堅固伊的統治權的時， 大闢 攻擊伊，直到 哈馬 。</verse>
				<verse number="4">大闢 搶伊的戰車一千台、馬兵七千、步兵兩萬，閣斬斷戰車的馬的腳筋；只有留夠額通拖一百台戰車的馬。</verse>
				<verse number="5">大馬士革 的 敘利亞 人來幫贊 瑣巴 王 哈大底謝 ， 大闢 就刣死 敘利亞 人兩萬兩千。</verse>
				<verse number="6">對按呢， 大闢 佇 大馬士革 的 敘利亞 設立軍營。 敘利亞 人就歸順 大闢 ，閣進貢。 大闢 無論去叨位，上主攏互伊得勝。</verse>
				<verse number="7">大闢 將 哈大底謝 的部下所用金的盾牌攏帶來 耶路撒冷 。</verse>
				<verse number="8">大闢 王閣對 哈大底謝 的城 提巴 及 均 ，提真多銅。後來， 所羅門 用諸個造銅海、銅柱，及所有的銅器。</verse>
				<verse number="9">哈馬 王 陀以 聽見 大闢 拍贏 哈大底謝 的全軍，</verse>
				<verse number="10">就差伊的子 約蘭 帶金器、銀器、銅器去見 大闢 王，給伊請安，祝賀伊拍贏 哈大底謝 ，因為 哈大底謝 及 陀以 常常交戰。</verse>
				<verse number="11">大闢 王就將諸個物，及以前伊刣贏列國所得著的金銀，就是對 以東 、 摩押 、 亞捫 人、 非利士 人、 亞瑪力 人得著的，攏聖化獻互上主。</verse>
				<verse number="12">洗璐雅 的子 亞比篩 佇 鹽 的山谷拍死 以東 人一萬八千。</verse>
				<verse number="13">大闢 佇 以東 全地設軍營； 以東 人攏歸順伊。 大闢 無論去叨位，上主攏互伊勝利。</verse>
				<verse number="14">大闢 做全 以色列 的王，用公平正義治理伊所有的人民。</verse>
				<verse number="15">洗璐雅 的子 約押 做元帥， 亞希律 的子 約沙法 做史官。</verse>
				<verse number="16">亞希突 的子 撒督 及 亞比亞他 的子 亞希米勒 做祭司； 西萊雅 做書記。</verse>
				<verse number="17">耶何耶大 的子 比拿雅 作頭指揮 基利提 人及 比利提 人。 大闢 的子攏做王室參謀。</verse>
			</chapter>
			<chapter number="19">
				<verse number="1">後來， 亞捫 人的王 拿轄 死，伊的子 哈嫩 續接伊作王。</verse>
				<verse number="2">大闢 講：「我欲好款待 哈嫩 ，因為伊的老父 拿轄 以前好款待我。」 大闢 因為 哈嫩 的老父死，就差使者去給伊慰問。 大闢 的人臣到 亞捫 人的境內見 哈嫩 ，欲慰問伊。</verse>
				<verse number="3">毋拘 亞捫 人的領袖對 哈嫩 講：「 大闢 派人來慰問你，你想講伊真正尊敬你的老父噢？伊的部下來見你，豈毋是欲詳細偵探此個城，看欲按怎給咱征服？」</verse>
				<verse number="4">哈嫩 就掠 大闢 的人臣，給𪜶的嘴鬚剃起來，閣剪斷𪜶的衫的下半截，互𪜶露出下體，然後趕𪜶倒去。</verse>
				<verse number="5">有人將諸個人所抵著的對 大闢 報告， 大闢 就派人去接𪜶，因為𪜶感覺非常見笑。王講：「留𫢶 耶利哥 ，聽候嘴鬚發長才倒來。」</verse>
				<verse number="6">亞捫 人知𪜶惹 大闢 受氣； 哈嫩 及 亞捫 人就派人帶三萬四千公斤的銀，去 美索不達米亞 、 敘利亞‧瑪迦 、 瑣巴 ，倩戰車及馬兵。</verse>
				<verse number="7">𪜶倩三萬兩千台的戰車，以及 瑪迦 王及伊的軍兵；𪜶就來紮營佇 米底巴 的頭前。 亞捫 人嘛對𪜶的城出來，聚集欲交戰。</verse>
				<verse number="8">大闢 聽見，就派 約押 導所有勇猛的軍隊出去。</verse>
				<verse number="9">亞捫 人出來佇城門的頭前排陣；其他許個王另外佇野外排陣。</verse>
				<verse number="10">約押 看見伊的前後攏有對敵排陣，就對 以色列 精兵的中間閣再揀一寡勇士出來，排陣欲抵敵 敘利亞 人。</verse>
				<verse number="11">約押 將其他的兵士交互伊的小弟 亞比篩 ，𪜶就面對 亞捫 人排陣。</verse>
				<verse number="12">約押 對 亞比篩 講：「 敘利亞 人若比我較強，你著來幫贊我； 亞捫 人若比你較強，我會去幫贊你。</verse>
				<verse number="13">著堅強！著為咱的同胞及咱上帝的城勇敢出戰。上主會照伊看做好的去做。」</verse>
				<verse number="14">約押 導伊的軍隊進前及 敘利亞 人交戰； 敘利亞 人戰敗，就佇 約押 的面前逃走。</verse>
				<verse number="15">亞捫 人看著 敘利亞 人逃走，嘛佇 約押 的小弟 亞比篩 面前逃走入城。 約押 就倒轉去 耶路撒冷 。</verse>
				<verse number="16">敘利亞 人看著家己刣輸 以色列 人，就派使者去 幼發拉底河 彼旁召 敘利亞 的軍隊來； 哈大底謝 的將軍 朔法 導軍隊來。</verse>
				<verse number="17">有人報告 大闢 ，伊就召集 以色列 全軍過 約旦河 ，面對 敘利亞 人排陣。 敘利亞 人就及 大闢 交戰。</verse>
				<verse number="18">敘利亞 人刣輸 以色列 人； 大闢 刣死 敘利亞 的戰車兵七千人，步兵四萬，閣刣死 敘利亞 的將軍 朔法 。</verse>
				<verse number="19">哈大底謝 的人臣看著𪜶刣輸 以色列 人，就及 大闢 講和，歸順伊。對按呢， 敘利亞 人無閣幫贊 亞捫 人。</verse>
			</chapter>
			<chapter number="20">
				<verse number="1">隔年春天，列王出戰的時， 約押 導軍兵攻擊毀壞 亞捫 人的地，圍攻 拉巴 城； 大闢 留佇 耶路撒冷 。 約押 攻佔 拉巴 ，給城徹底破壞。</verse>
				<verse number="2">大闢 提著 米勒公 頭殼頂的王冠，是用大約三十五公斤的金造的，閣有鑲寶石。人將此頂王冠戴佇 大闢 的頭殼。 大闢 對城內取真多財物，</verse>
				<verse number="3">閣給城內的人民掠出來，互𪜶用鋸仔、鐵耙仔，及斧頭做苦工； 大闢 攏用此款方法對待 亞捫 許個城的人。後來， 大闢 及所有的軍兵倒去 耶路撒冷 。</verse>
				<verse number="4">後來， 以色列 人佇 基色 及 非利士 人交戰。 戶沙 人 西比該 刣死一個大漢族的後代，伊的名叫做 細派 ； 非利士 人就屈服。</verse>
				<verse number="5">𪜶閣及 非利士 人交戰，彼時 睚珥 的子 伊勒哈難 刣死 迦特 人 歌利亞 的兄弟 拉哈米 ；此個人的槍柄親像織布機的車心赫粗。</verse>
				<verse number="6">𪜶閣佇 迦特 交戰。佇遐有一個大漢人，手及腳攏有六支指頭仔，共二十四支，伊嘛是大漢族的後代。</verse>
				<verse number="7">此個人對 以色列 的軍隊嗆聲的時， 大闢 的兄哥 示米亞 的子 約拿單 給伊刣死。</verse>
				<verse number="8">諸個人攏是 迦特 大漢族的後代；攏互 大闢 及伊的軍兵刣死。</verse>
			</chapter>
			<chapter number="21">
				<verse number="1">撒旦起來攻擊 以色列 人，激動 大闢 調查 以色列 人的人口。</verse>
				<verse number="2">大闢 對 約押 及軍隊的領袖講：「恁對 別是巴 到 但 點算 以色列 人的人口，互我知全國人民的數目。」</verse>
				<verse number="3">約押 講：「願上主互伊的子民比現在增加百倍。我的主我的王，𪜶豈毋是我的主的人民？我的主是按怎愛欲做此個代誌？是按怎欲互 以色列 陷落罪？」</verse>
				<verse number="4">王堅持伊的命令。 約押 就行透 以色列 全國調查，後來倒來 耶路撒冷 。</verse>
				<verse number="5">約押 將點算的人數報告 大闢 。 以色列 人攑刀的戰士有一百十萬， 猶大 人有四十七萬。</verse>
				<verse number="6">毋拘 約押 無點算 利未 支族及 便雅憫 支族的人數，因為伊厭惡王此個命令。</verse>
				<verse number="7">大闢 做的此項代誌上帝看做歹，就刑罰 以色列 。</verse>
				<verse number="8">大闢 對上帝講：「我做此個代誌犯真大的罪。求你除去你奴僕的罪，因為我按呢做真戇。」</verse>
				<verse number="9">上主吩咐 大闢 的先見 迦得 ，講：</verse>
				<verse number="10">「你去給 大闢 講：上主按呢講：『我用三項災禍互你揀一項，我就照按呢做。』」</verse>
				<verse number="11">迦得 來給 大闢 講：「上主按呢講：『你家己揀：</verse>
				<verse number="12">三年的飢荒；抑是刣輸對敵，互對敵追殺三個月；抑是三日久互上主用伊的劍，就是瘟疫，降臨佇 以色列 全國，施行毀滅。』今你著想，互我通回復差我來彼位。」</verse>
				<verse number="13">大闢 給 迦得 講：「我真為難；我寧可互上主家己給我刑罰，因為伊有豐盛的憐憫；我毋願陷落佇人的手。」</verse>
				<verse number="14">上主就降瘟疫佇 以色列 ； 以色列 死七萬人。</verse>
				<verse number="15">上帝差一個天使去 耶路撒冷 欲給伊毀滅。當天使欲毀滅的時，上主看見就改變心意，無欲繼續降此個災禍，就給啲執行毀滅的天使講：「停手！夠額啦！」彼時，上主的使者徛佇 耶布斯 人 亞勞拿 的五穀場。</verse>
				<verse number="16">大闢 攑頭看見上主的使者徛佇半空中，手攑拔出的劍，指向 耶路撒冷 。 大闢 及長老攏穿麻衫，面仆佇土腳。</verse>
				<verse number="17">大闢 對上帝講：「下令調查戶口的豈毋是我？犯罪做此個歹代誌的是我，諸個無辜的人民攏無做什麼毋著。求上主 — 我的上帝的手刑罰我及我的家族，毋通降瘟疫攻擊你的子民。」</verse>
				<verse number="18">上主的使者吩咐 迦得 ，叫 大闢 上去 耶布斯 人 亞勞拿 的五穀場，佇遐為上主起一座祭壇。</verse>
				<verse number="19">大闢 就照 迦得 奉上主的名所講的話上去。</verse>
				<verse number="20">彼時 亞勞拿 啲拍麥，越頭看見天使；及伊做夥佇遐的四個子走去匿。</verse>
				<verse number="21">大闢 去到 亞勞拿 遐； 亞勞拿 看著 大闢 ，就對五穀場出來迎接，仆佇土腳拜 大闢 。</verse>
				<verse number="22">大闢 對 亞勞拿 講：「請你將此個五穀場賣我，互我通佇遮為上主起一座祭壇，互全國的瘟疫停止。我會用全額的價錢給你買。」</verse>
				<verse number="23">亞勞拿 對 大闢 講：「我的主我的王，請你提去用，照你看做好的去做。我用牛互你做燒化祭，用拍五穀的器具做柴燒，麥仔做素祭；諸個我攏送互王。」</verse>
				<verse number="24">大闢 王對 亞勞拿 講：「毋通，我一定欲用全額的價錢給你買。我𣍐用得提你的物獻互上主，用白白得著的物獻做燒化祭。」</verse>
				<verse number="25">大闢 就用六千八百公克的黃金給 亞勞拿 買彼塊地。</verse>
				<verse number="26">大闢 佇遐為上主起一座祭壇，獻燒化祭及平安祭，閣求叫上主。上主聽伊的祈禱，對天降火燒祭壇的祭物。</verse>
				<verse number="27">上主命令彼個使者，伊就將劍收起來。</verse>
				<verse number="28">大闢 看著上主有佇 耶布斯 人 亞勞拿 的五穀場聽伊的祈禱，就佇遐獻祭。</verse>
				<verse number="29">摩西 佇曠野所造上主的會幕及燒化祭的祭壇，彼個時陣攏佇 基遍 的山頭壇。</verse>
				<verse number="30">毋拘 大闢 毋敢去 基遍 求問上帝，因為驚上主使者的劍。</verse>
			</chapter>
			<chapter number="22">
				<verse number="1">大闢 講：「主上帝的聖殿欲起佇遮； 以色列 人欲佇遮獻燒化祭。」</verse>
				<verse number="2">大闢 下令召集住佇 以色列 地的外國人，閣派𪜶的拍石師傅去拍石，為著欲起上帝的殿。</verse>
				<verse number="3">大闢 準備真多鐵，做門扇的鐵釘及門鈕；閣準備多甲𣍐秤得的銅。</verse>
				<verse number="4">伊嘛有算𣍐了的柏香柴，因為 西頓 人及 泰爾 人載真多柏香柴互 大闢 。</verse>
				<verse number="5">大闢 想：「我的子 所羅門 猶少年無經驗；上主的聖殿著起真堂皇，互伊的名聲榮耀透到萬國。所以，我欲為著此個殿準備。」 大闢 就佇猶未死以前準備真多材料。</verse>
				<verse number="6">大闢 叫伊的子 所羅門 來，交代伊著為上主 — 以色列 的上帝起聖殿。</verse>
				<verse number="7">大闢 給 所羅門 講：「我的子，我本來想欲為上主 — 我的上帝的名起聖殿，</verse>
				<verse number="8">毋拘上主給我講：『你不時交戰，刣死真多人，流真多人的血；你毋通為著我的名起聖殿，因為我有看著你流真多人的血佇地裡。</verse>
				<verse number="9">毋拘，你會生一個子，我欲互伊一生太平，無受四圍對敵侵犯。伊的名欲叫做 所羅門 ；佇伊統治的時，我欲互 以色列 國泰民安。</verse>
				<verse number="10">伊欲為著我的名起聖殿。伊欲做我的子，我欲做伊的父。我欲堅立伊的國權，互伊永遠統治 以色列 。』」</verse>
				<verse number="11">大闢 閣講：「我的子，願上主及你同在，互你順利亨通，照伊給你應允的，起上主 — 你的上帝的聖殿。</verse>
				<verse number="12">願上主賜你聰明智慧，遵趁上主 — 你的上帝的律法來治理 以色列 。</verse>
				<verse number="13">你若謹慎遵趁上主通過 摩西 教示 以色列 的規例及命令，就會亨通；你著堅強勇敢，毋通驚，毋通懍。</verse>
				<verse number="14">我辛辛苦苦為上主的殿準備金三千四百公噸，銀三萬四千公噸，多甲𣍐秤得的銅及鐵，閣有石及木材；諸個以外你通閣加添。</verse>
				<verse number="15">你嘛有真多師傅：拍石的、土水的、作木的，以及真多𠢕用金、銀、銅、鐵做逐款工藝的師傅。你著起來開始做工。願上主及你同在！」</verse>
				<verse number="16"></verse>
				<verse number="17">大闢 閣命令 以色列 所有的官員幫贊伊的子 所羅門 ，講：</verse>
				<verse number="18">「上主 — 恁的上帝豈無及恁同在？豈無互恁國境平安？上主已經將此個地的住民交互我治理，此個地及住民嘛歸順上主及伊的子民。</verse>
				<verse number="19">今恁著全心全情尋求上主 — 恁的上帝，閣著起來起造主上帝的聖所，通將上主的約櫃及上帝聖的器具，搬入奉上主的名欲起造的聖殿。」</verse>
			</chapter>
			<chapter number="23">
				<verse number="1">大闢 年老，歲壽足，就設立伊的子 所羅門 做 以色列 王。</verse>
				<verse number="2">大闢 召集 以色列 的眾領袖、祭司，及 利未 人。</verse>
				<verse number="3">利未 人三十歲以上的查甫人，總共有三萬八千。</verse>
				<verse number="4">大闢 分配其中兩萬四千人管理上主的殿的事務，六千人做官長及司法人員，</verse>
				<verse number="5">四千人做聖殿門口的守衛，閣四千人用 大闢 所做的樂器稱讚上主。</verse>
				<verse number="6">大闢 將 利未 的子， 革順 、 哥轄 ，及 米拉利 的後代分配班次。</verse>
				<verse number="7">革順 有兩個子： 拉但 及 示每 。</verse>
				<verse number="8">拉但 有三個子：大的是 耶歇 ，閣有 西坦 及 約珥 。</verse>
				<verse number="9">𪜶攏做 拉但 家族的族長。 示每 有三個子： 示羅密 、 哈薛 ，及 哈蘭 。</verse>
				<verse number="10">示每 有四個子： 雅哈 、 細撒 、 耶烏施 、 比利亞 。</verse>
				<verse number="11">雅哈 是大子，第二的是 細撒 ； 耶烏施 及 比利亞 的子孫無偌多，所以算做一族。</verse>
				<verse number="12">哥轄 有四個子： 暗蘭 、 以斯哈 、 希伯崙 ，及 烏薛 。</verse>
				<verse number="13">暗蘭 的子有 亞倫 及 摩西 。 亞倫 及伊的後代受選派來聖化至聖的物，通永遠佇上主面前燒香，服事，奉伊的名祝福。</verse>
				<verse number="14">上帝重用的人 摩西 ，伊的後代屬 利未 支族。</verse>
				<verse number="15">摩西 有兩個子： 革舜 及 以利以謝 。</verse>
				<verse number="16">革舜 的後代 細布業 是領袖。</verse>
				<verse number="17">以利以謝 只有一個子 利哈比雅 ，毋拘 利哈比雅 的後代真多。</verse>
				<verse number="18">以斯哈 的子，大的是 示羅密 。</verse>
				<verse number="19">希伯崙 的子，大的是 耶利雅 ，第二的是 亞瑪利雅 ，第三的是 雅哈悉 ，第四的是 耶加面 。</verse>
				<verse number="20">烏薛 的子，大的是 米迦 ，第二的是 伊示雅 。</verse>
				<verse number="21">米拉利 有兩個子： 抹利 及 慕示 ； 抹利 有兩個子： 以利亞撒 及 基士 。</verse>
				<verse number="22">以利亞撒 死，無子，只有查某子，伊的兄弟 基士 許個子娶𪜶。</verse>
				<verse number="23">慕示 有三個子： 抹利 、 以得 ，及 耶利摩 。</verse>
				<verse number="24">頂面諸個人照𪜶的家族攏是 利未 的後代；逐個人照𪜶的名登錄做族長；二十歲以上的人佇上主的殿參與服事的工作。</verse>
				<verse number="25">大闢 講：「上主 — 以色列 的上帝已經互伊的子民安居樂業，閣伊嘛永遠𫢶佇 耶路撒冷 。</verse>
				<verse number="26">利未 人毋免閣扛會幕及服事用的器具。」</verse>
				<verse number="27">照 大闢 最後的吩咐， 利未 人二十歲以上攏著登記。</verse>
				<verse number="28">𪜶的職務是做 亞倫 後代的助手，佇上主的殿服事，管理諸個埕及房間，清潔諸個聖的器具，來做上帝聖殿的事務，</verse>
				<verse number="29">管理獻祭的餅、素祭的麵粉、無酵的薄餅，以及用煎盤煎的及用油調和的物；閣管理祭物的數量及大細。</verse>
				<verse number="30">𪜶逐日早暗攏著感謝稱讚上主。</verse>
				<verse number="31">閣佇安歇日、逐個月的初一，及節期，照祭物的數量、規例，獻燒化祭互上主。</verse>
				<verse number="32">閣交代𪜶顧守會幕及聖所；協助𪜶的親成 亞倫 的後代管理上主聖殿的事務。</verse>
			</chapter>
			<chapter number="24">
				<verse number="1">亞倫 的後代分做幾若個班次。 亞倫 有四個子： 拿答 、 亞比戶 、 以利亞撒 、 以他瑪 。</verse>
				<verse number="2">拿答 及 亞比戶 比𪜶老父較早死，閣無子；所以 以利亞撒 、 以他瑪 擔任祭司。</verse>
				<verse number="3">大闢 及 以利亞撒 的後代 撒督 ，以及 以他瑪 的後代 亞希米勒 ，照祭司的任務給𪜶的親族分班次。</verse>
				<verse number="4">以利亞撒 的後代做領袖的，比 以他瑪 的後代做領袖的較多； 以利亞撒 的後代就分做十六班， 以他瑪 的後代分做八班。</verse>
				<verse number="5">𪜶攏照抽籤公平分派； 以利亞撒 的後代及 以他瑪 的後代，攏有人佇聖所及上帝面前做領導者。</verse>
				<verse number="6">以利亞撒 及 以他瑪 的子孫輪流抽籤。 利未 人 拿坦業 的子 示瑪雅 做書記，佇王及許個首領、祭司 撒督 、 亞比亞他 的子 亞希米勒 ，以及祭司及 利未 人的族長面前，登錄許個領導者的名。</verse>
				<verse number="7">抽著第一的，是 耶何雅立 ，第二 耶大雅 ，</verse>
				<verse number="8">第三 哈琳 ，第四 梭琳 ，</verse>
				<verse number="9">第五 瑪基雅 ，第六 米雅民 ，</verse>
				<verse number="10">第七 哈哥斯 ，第八 亞比雅 ，</verse>
				<verse number="11">第九 耶書亞 ，第十 示迦尼 ，</verse>
				<verse number="12">第十一 以利亞實 ，第十二 雅金 ，</verse>
				<verse number="13">第十三 胡巴 ，第十四 耶是比押 ，</verse>
				<verse number="14">第十五 璧迦 ，第十六 音麥 ，</verse>
				<verse number="15">第十七 希悉 ，第十八 哈闢悉 ，</verse>
				<verse number="16">第十九 比他希雅 ，第二十 以西結 ，</verse>
				<verse number="17">第二十一 雅斤 ，第二十二 迦末 ，</verse>
				<verse number="18">第二十三 第來雅 ，第二十四 瑪西亞 。</verse>
				<verse number="19">諸個人攏照𪜶佇上主的殿執行的職務登錄；諸個職務是𪜶的祖先 亞倫 照上主 — 以色列 的上帝吩咐的規例制定的。</verse>
				<verse number="20">利未 其他的後代記佇下面： 暗蘭 的後代有 細布業 ， 細布業 的後代有 耶希底亞 。</verse>
				<verse number="21">利哈比雅 的子孫中， 伊示雅 做頭。</verse>
				<verse number="22">以斯哈 的後代有 示羅摩 ； 示羅摩 的後代有 雅哈 。</verse>
				<verse number="23">希伯崙 的子，大的是 耶利雅 ，第二的是 亞瑪利雅 ，第三的是 雅哈悉 ，第四的是 耶加面 。</verse>
				<verse number="24">烏薛 的後代有 米迦 ； 米迦 的後代有 沙密 。</verse>
				<verse number="25">米迦 的兄弟是 伊示雅 ； 伊示雅 的後代有 撒迦利亞 。</verse>
				<verse number="26">米拉利 的子是 抹利 及 慕示 ； 雅西雅 的子有 比挪 。</verse>
				<verse number="27">米拉利 的後代 雅西雅 的子孫有 比挪 、 朔含 、 撒刻 ，及 伊比利 。</verse>
				<verse number="28">抹利 的子是 以利亞撒 及 基士 ； 以利亞撒 無子，</verse>
				<verse number="29">基士 的後代有 耶拉篾 。</verse>
				<verse number="30">慕示 有三個子： 抹利 、 以得 ，及 耶利摩 。 諸個是 利未 的子孫，照𪜶的宗族登錄。</verse>
				<verse number="31">𪜶及𪜶的親族 亞倫 的後代像款，無論族長抑是少年人攏平平佇 大闢 王及 撒督 、 亞希米勒 ，祭司，以及 利未 人的族長面前抽籤。</verse>
			</chapter>
			<chapter number="25">
				<verse number="1">大闢 及服事團隊的領袖對 亞薩 、 希幔 ，及 耶杜頓 的後代分派人唱上帝的信息，用琴、瑟，及鐃鈸伴奏。照侍奉的職份，𪜶的名及人數記佇下面：</verse>
				<verse number="2">亞薩 的四個子， 撒刻 、 約瑟 、 尼探雅 ，及 亞薩利拉 ，受 亞薩 指揮，照王的指示唱上帝的信息。</verse>
				<verse number="3">耶杜頓 的六個子， 基大利 、 西利 、 以賽亞 、 哈沙比雅 、 瑪他提雅 ，及 示每 ，受𪜶老父 耶杜頓 指揮，彈琴，唱上帝的信息，感謝稱讚上主。</verse>
				<verse number="4">希幔 的子有 布基雅 、 瑪他尼 、 烏薛 、 細布業 、 耶利摩 、 哈拿尼雅 、 哈拿尼 、 以利亞他 、 基大利提 、 羅幔提‧以謝 、 約施比加沙 、 瑪羅提 、 何提 ，及 瑪哈秀 ；</verse>
				<verse number="5">𪜶攏是 希幔 的子。 希幔 對上帝的應允得著高舉，做王的先見。上帝賜伊十四個子，三個查某子。</verse>
				<verse number="6">𪜶攏受𪜶老父指導，照王的指示，佇上主的殿唱歌，拍鐃鈸，彈琴，彈瑟，服事上帝。 亞薩 、 耶杜頓 ，及 希幔 ，</verse>
				<verse number="7">𪜶及𪜶的親族受過訓練，真𠢕頌讚上主的，攏總有兩百八十八人。</verse>
				<verse number="8">𪜶無論老抑是少年，老師抑是學生，攏平平抽籤分配職務。</verse>
				<verse number="9">抽著頭支籤的，是 亞薩 的子 約瑟 ；第二是 基大利 ，伊及伊的兄弟及伊的子，共十二人；</verse>
				<verse number="10">第三是 撒刻 ，伊及伊的子及伊的兄弟，共十二人；</verse>
				<verse number="11">第四是 西利 ，伊及伊的子及伊的兄弟，共十二人；</verse>
				<verse number="12">第五是 尼探雅 ，伊及伊的子及伊的兄弟，共十二人；</verse>
				<verse number="13">第六是 布基雅 ，伊及伊的子及伊的兄弟，共十二人；</verse>
				<verse number="14">第七是 亞薩利拉 ，伊及伊的子及伊的兄弟，共十二人；</verse>
				<verse number="15">第八是 以賽亞 ，伊及伊的子及伊的兄弟，共十二人；</verse>
				<verse number="16">第九是 瑪他尼 ，伊及伊的子及伊的兄弟，共十二人；</verse>
				<verse number="17">第十是 示每 ，伊及伊的子及伊的兄弟，共十二人；</verse>
				<verse number="18">第十一是 烏薛 ，伊及伊的子及伊的兄弟，共十二人；</verse>
				<verse number="19">第十二是 哈沙比雅 ，伊及伊的子及伊的兄弟，共十二人；</verse>
				<verse number="20">第十三是 細布業 ，伊及伊的子及伊的兄弟，共十二人；</verse>
				<verse number="21">第十四是 瑪他提雅 ，伊及伊的子及伊的兄弟，共十二人；</verse>
				<verse number="22">第十五是 耶利摩 ，伊及伊的子及伊的兄弟，共十二人；</verse>
				<verse number="23">第十六是 哈拿尼雅 ，伊及伊的子及伊的兄弟，共十二人；</verse>
				<verse number="24">第十七是 約施比加沙 ，伊及伊的子及伊的兄弟，共十二人；</verse>
				<verse number="25">第十八是 哈拿尼 ，伊及伊的子及伊的兄弟，共十二人；</verse>
				<verse number="26">第十九是 瑪羅提 ，伊及伊的子及伊的兄弟，共十二人；</verse>
				<verse number="27">第二十是 以利亞他 ，伊及伊的子及伊的兄弟，共十二人；</verse>
				<verse number="28">第二十一是 何提 ，伊及伊的子及伊的兄弟，共十二人；</verse>
				<verse number="29">第二十二是 基大利提 ，伊及伊的子及伊的兄弟，共十二人；</verse>
				<verse number="30">第二十三是 瑪哈秀 ，伊及伊的子及伊的兄弟，共十二人；</verse>
				<verse number="31">第二十四是 羅幔提‧以謝 ，伊及伊的子及伊的兄弟，共十二人。</verse>
			</chapter>
			<chapter number="26">
				<verse number="1">顧門的班次記佇下面： 可拉 族 亞薩 的子孫中，有 可利 的子 米施利米雅 。</verse>
				<verse number="2">米施利米雅 有七個子，大的是 撒迦利亞 ，第二 耶疊 ，第三 西巴第雅 ，第四 耶提聶 ，</verse>
				<verse number="3">第五 以攔 ，第六 約哈難 ，第七 以利約乃 。</verse>
				<verse number="4">俄別‧以東 有八個子，大的是 示瑪雅 ，第二 約薩拔 ，第三 約亞 ，第四 沙甲 ，第五 拿坦業 ，</verse>
				<verse number="5">第六 亞米利 ，第七 以薩迦 ，第八 比烏利太 ；上帝賜福 俄別‧以東 。</verse>
				<verse number="6">伊的子 示瑪雅 嘛有生幾若個子，攏真有才能，管理𪜶老父的家。</verse>
				<verse number="7">示瑪雅 有六個子： 俄得尼 、 利法益 、 俄備得 、 以利薩巴 ； 以利薩巴 有兄弟 以利戶 及 西瑪迦 ，攏真有才能。</verse>
				<verse number="8">諸個是 俄別‧以東 的後代，𪜶及𪜶的子𪜶的兄弟，攏真有才能，𠢕辦代誌， 俄別‧以東 的子孫共六十二人。</verse>
				<verse number="9">米施利米雅 的子及兄弟攏真有才能，共十八人。</verse>
				<verse number="10">米拉利 的後代 何薩 有幾若個子，做頭的是 申利 ，伊雖然毋是大子，毋拘𪜶老父設立伊做頭；</verse>
				<verse number="11">第二 希勒家 ，第三 底巴利雅 ，第四 撒迦利亞 ；按呢 何薩 的子及兄弟共十三人。</verse>
				<verse number="12">諸個是聖殿守衛的班次，照𪜶的班長分派，及𪜶的兄弟做夥佇上主的殿服事。</verse>
				<verse number="13">𪜶無論老抑是少年，攏照𪜶的宗族抽籤，顧守逐個門。</verse>
				<verse number="14">抽著顧守東門的是 示利米雅 ；伊的子 撒迦利亞 是真有才能的顧問，人給伊抽著顧守北門。</verse>
				<verse number="15">俄別‧以東 守南門；伊的子守倉庫。</verse>
				<verse number="16">書平 及 何薩 顧守西門及佇上崎的路的 沙利基門 。守衛及守衛相對。</verse>
				<verse number="17">東門有六個 利未 人，北門逐日有四個人，南門逐日有四個人，倉庫有兩個兩個輪班。</verse>
				<verse number="18">西旁走廊有四個人佇大路，兩個佇走廊。</verse>
				<verse number="19">諸個是 可拉 後代及 米拉利 後代守衛的班次。</verse>
				<verse number="20">利未 人的中間， 亞希雅 管理上帝聖殿的府庫，及聖的器具的府庫。</verse>
				<verse number="21">拉但 的後代： 革順 族屬 拉但 做族長的有 耶希伊利 。</verse>
				<verse number="22">耶希伊利 的子 西坦 及伊的兄弟 約珥 ，管理上主殿內的府庫。</verse>
				<verse number="23">暗蘭 家族、 以斯哈 家族、 希伯崙 家族、 烏薛 家族的人嘛有職務。</verse>
				<verse number="24">閣有 摩西 的子 革舜 的後代 細布業 管理府庫。</verse>
				<verse number="25">猶有伊的親族 以利以謝 ： 以利以謝 的子 利哈比雅 、 利哈比雅 的子 以賽亞 、 以賽亞 的子 約蘭 、 約蘭 的子 細基利 、 細基利 的子 示羅密 。</verse>
				<verse number="26">示羅密 及伊的兄弟管理府庫內聖的器具，就是 大闢 王、逐個宗族的領袖，及軍隊的官長所獻的。</verse>
				<verse number="27">𪜶將戰利品聖化歸上主，用做修整上主聖殿的路用。</verse>
				<verse number="28">先見 撒母耳 、 基士 的子 掃羅 、 尼珥 的子 押尼珥 、 洗璐雅 的子 約押 所獻的物，所有聖化獻互上帝的物，攏歸 示羅密 及伊的兄弟管理。</verse>
				<verse number="29">以斯哈 家族有 基拿尼雅 及伊的子兒做官長及審判官，管理 以色列 聖殿以外的代誌。</verse>
				<verse number="30">希伯崙 家族有 哈沙比雅 及伊的親族，一千七百人，攏真有才能，佇 約旦河 西旁監督 以色列 人辦理服事上主及王的事。</verse>
				<verse number="31">希伯崙 家族照𪜶的族譜， 耶利雅 做族長。 大闢 作王第四十年，調查 希伯崙 家族，發見幾若個有才能的人住佇 基列 的 雅謝 。</verse>
				<verse number="32">耶利雅 的親族有兩千七百人，𪜶真有才能，做族長； 大闢 王派𪜶佇 呂便 、 迦得 、 瑪拿西 半支族的中間，辦理上帝及王所有的事。</verse>
			</chapter>
			<chapter number="27">
				<verse number="1">以色列 人的族長、導一千人的軍官、導一百人的軍官，以及官長，攏照班次分配；逐班兩萬四千人，全年照月輪班服事王。</verse>
				<verse number="2">正月，第一班，班長是 撒巴第業 的子 雅朔班 ；伊的班內有兩萬四千人；</verse>
				<verse number="3">伊是 法勒斯 的後代，指揮正月所有的軍官。</verse>
				<verse number="4">二月，第二班，班長是 亞何亞 人 朵代 ，參謀長是 米基羅 ； 朵代 的班內有兩萬四千人。</verse>
				<verse number="5">三月，第三班，指揮官是祭司 耶何耶大 的子 比拿雅 ；伊的班內有兩萬四千人。</verse>
				<verse number="6">比拿雅 是彼三十個勇士中的一個，管理彼三十人；伊的班內閣有伊的子 暗米薩拔 。</verse>
				<verse number="7">四月，第四班，班長是 約押 的小弟 亞撒黑 ；續接伊的是伊的子 西巴第雅 ；伊的班內有兩萬四千人。</verse>
				<verse number="8">五月，第五班，班長是 伊斯拉 人 珊合 ；伊的班內有兩萬四千人。</verse>
				<verse number="9">六月，第六班，班長是 提哥亞 人 益吉 的子 以拉 ；伊的班內有兩萬四千人。</verse>
				<verse number="10">七月，第七班，班長是 以法蓮 支族 比倫 人 希利斯 ；伊的班內有兩萬四千人。</verse>
				<verse number="11">八月，第八班，班長是 謝拉 宗族 戶沙 人 西比該 ；伊的班內有兩萬四千人。</verse>
				<verse number="12">九月，第九班，班長是 便雅憫 支族 亞拿突 人 亞比以謝 ；伊的班內有兩萬四千人。</verse>
				<verse number="13">十月，第十班，班長是 謝拉 宗族 尼陀法 人 瑪哈萊 ；伊的班內有兩萬四千人。</verse>
				<verse number="14">十一月，第十一班，班長是 以法蓮 支族 比拉頓 人 比拿雅 ；伊的班內有兩萬四千人。</verse>
				<verse number="15">十二月，第十二班，班長是 俄陀聶 宗族 尼陀法 人 黑玳 ；伊的班內有兩萬四千人。</verse>
				<verse number="16">管理 以色列 眾支族的官長記佇下面：管 呂便 支族的是 細基利 的子 以利以謝 ；管 西緬 支族的是 瑪迦 的子 示法提雅 ；</verse>
				<verse number="17">管 利未 支族的是 基慕利 的子 哈沙比雅 ；管 亞倫 後代的是 撒督 ；</verse>
				<verse number="18">管 猶大 支族的是 大闢 的兄哥 以利戶 ；管 以薩迦 支族的是 米迦勒 的子 暗利 ；</verse>
				<verse number="19">管 西布倫 支族的是 俄巴底亞 的子 伊施瑪雅 ；管 拿弗他利 支族的是 亞斯列 的子 耶利摩 ；</verse>
				<verse number="20">管 以法蓮 支族的是 亞撒西雅 的子 何細亞 ；管 瑪拿西 半支族的是 比大雅 的子 約珥 ；</verse>
				<verse number="21">管 基列 地區 瑪拿西 半支族的是 撒迦利亞 的子 易多 ；管 便雅憫 支族的是 押尼珥 的子 雅西業 ；</verse>
				<verse number="22">管 但 支族的是 耶羅罕 的子 亞薩列 。諸個是 以色列 眾支族的行政官長。</verse>
				<verse number="23">以色列 人二十歲以下的， 大闢 無點算，因為上主有應允，伊欲加添 以色列 人親像天頂的星赫多。</verse>
				<verse number="24">洗璐雅 的子 約押 開始點算；毋拘無完成。因為點算人口此個事上帝的受氣臨到 以色列 ，數目嘛無記佇 大闢王志錄 。</verse>
				<verse number="25">管理王府庫的是 亞底業 的子 亞斯瑪威 ；管理田野、城鎮、鄉村、守望台的府庫的是 烏西亞 的子 約拿單 。</verse>
				<verse number="26">管理耕作田園的是 基綠 的子 以斯利 。</verse>
				<verse number="27">管理葡萄園的是 拉瑪 人 示每 ；管理葡萄園的酒池的，是 實弗米 人 撒底 。</verse>
				<verse number="28">管理山埔的橄欖樹及桑材樹的是 基第利 人 巴力‧哈南 ；管理橄欖油庫的是 約阿施 。</verse>
				<verse number="29">管理 沙崙 平原的牛群的是 沙崙 人 施提來 ；管理山谷中的牛群的是 亞第來 的子 沙法 。</verse>
				<verse number="30">管理駱駝的是 以實瑪利 人 阿比勒 ；管理驢群的是 米崙 人 耶希底亞 。</verse>
				<verse number="31">管理羊群的是 夏甲 人 雅悉 。諸個攏是管理 大闢 王產業的官長。</verse>
				<verse number="32">大闢 的阿叔 約拿單 做參謀，伊真聰明閣做書記； 哈革摩尼 的子 耶歇 照顧王的子兒。</verse>
				<verse number="33">亞希多弗 嘛做王的參謀； 亞基 人 戶篩 做王的顧問。</verse>
				<verse number="34">續接 亞希多弗 的人是 比拿雅 的子 耶何耶大 及 亞比亞他 ； 約押 做王的元帥。</verse>
			</chapter>
			<chapter number="28">
				<verse number="1">大闢 召集 以色列 的領袖、各支族的首領，及輪班服事王的官長、管理一千人及管理一百人的軍官、管理王及王子兒的產業及牲生的官員、太監、勇士，以及重要人臣，攏來 耶路撒冷 。</verse>
				<verse number="2">大闢 王就徛起來，講：「各位鄉親，各位同胞，請聽！我本來想欲起造聖殿來安置上主的約櫃，就是咱的上帝的腳砧；我嘛已經準備好勢。</verse>
				<verse number="3">毋拘上帝對我講：『你𣍐用得為著我的名起聖殿，因為你是戰士，有刣死真多人。』</verse>
				<verse number="4">毋拘，上主 — 以色列 的上帝對阮老父全家族揀選我作王，永遠治理 以色列 ；因為伊揀選 猶大 做領袖，閣對 猶大 支族揀選阮老父的家，佇阮老父的子兒中特別意愛我，選立我作王，治理全 以色列 。</verse>
				<verse number="5">上主賞賜我真多子，佇我的子兒中揀選我的子 所羅門 ，坐上主的國的王位，治理 以色列 。</verse>
				<verse number="6">「上主閣對我講：『你的子 所羅門 欲起我的殿、我的埕；我揀選伊做我的子，我嘛欲做伊的父。</verse>
				<verse number="7">伊若親像今仔日堅決遵守我的誡命及命令，我就欲堅固伊的國位，直到永遠。』</verse>
				<verse number="8">「現在，佇上主的大會， 以色列 眾人的面前，咱的上帝嘛啲聽，我命令恁著遵行渴慕上主 — 恁的上帝的誡命；按呢，恁就通得著此塊好的土地，留互恁的後代，永遠做產業。」</verse>
				<verse number="9">大闢 對 所羅門 講：「我的子 所羅門 ，你著認識你的老父的上帝，全心歡喜服事伊；因為上主監察逐個人的心，知𪜶的心思意念。你若尋求伊，伊會互你尋著；你若放拺伊，伊會永遠棄拺你。</verse>
				<verse number="10">你著謹慎，因為上主揀選你起造聖殿；你著勇敢去做。」</verse>
				<verse number="11">大闢 將聖殿的走廊、房間、府庫、樓頂的房間、內殿，及施恩座的所在，所有的設計圖，交互伊的子 所羅門 ；</verse>
				<verse number="12">將伊對上帝的神所得著關係上主聖殿的埕、四圍的房間、聖殿的府庫，及囥聖物的府庫的設計圖，攏交互 所羅門 。</verse>
				<verse number="13">大闢 閣給 所羅門 指示按怎分配祭司及 利未 人的班次，互𪜶執行佇上主殿內服事的職務，以及管理上主殿內的器具。</verse>
				<verse number="14">大闢 閣指示伊用偌多金及銀做逐種服事欲用的金器及銀器，金及銀的燈及燈台，囥獻祭的餅的金桌及銀桌；</verse>
				<verse number="15"></verse>
				<verse number="16"></verse>
				<verse number="17">閣指示伊著用偌多純金做肉叉、盤、杯、碗，以及用偌多銀做銀碗；</verse>
				<verse number="18">閣秤煉過的金做香壇；嘛照設計圖用金做天使基路伯的車，𪜶搋開翼，遮蓋上主的約櫃。</verse>
				<verse number="19">大闢 講：「頂面諸個設計圖，攏是照上主親身指示我寫出來的。」</verse>
				<verse number="20">大闢 閣給伊的子 所羅門 講：「你著堅強勇敢去做；毋通驚，毋通懍；因為主上帝，我的上帝，及你同在；伊一定𣍐離開你，嘛𣍐放拺你，直到你完成上主聖殿的工程。</verse>
				<verse number="21">你看，許個祭司及 利未 人佇上帝的聖殿服事的職務已經分配好勢，嘛有真多功夫真好的師傅歡喜幫贊你，閣有真多官長及全體人民攏會聽趁你的命令。」</verse>
			</chapter>
			<chapter number="29">
				<verse number="1">大闢 王對全會眾講：「我的子 所羅門 是上帝特別揀選的，毋拘猶少年，無經驗。此個工程真大，因為此個聖殿毋是為著人，是為著主上帝起的。</verse>
				<verse number="2">我為著我的上帝的殿已經盡力，有準備金、銀、銅、鐵、柴，欲做逐款器具；閣有準備真多紅瑪瑙、通鑲的寶石、光石、彩色的石、逐款的寶石，及大理石。</verse>
				<verse number="3">我意愛我的上帝的殿，就佇準備起聖殿的材料以外，閣將我積聚的金銀，攏獻做起我上帝聖殿的路用；</verse>
				<verse number="4">就是 俄斐 的金一百外公噸，純銀兩百四十外公噸，來貼聖殿的壁；</verse>
				<verse number="5">以及互師傅做金器、銀器，及所有器具的路用。今仔日猶有什麼人歡喜奉獻，奉獻伊本身互上主？」</verse>
				<verse number="6">按呢，族長、 以色列 逐支族的首領、管一千人及管一百人的軍官，以及監督許個給王作工的人的官長，攏甘心奉獻。</verse>
				<verse number="7">𪜶為著上帝聖殿的工程，奉獻金一百七十外公噸、銀三百四十外公噸、銅約六百二十公噸，及鐵三千四百公噸。</verse>
				<verse number="8">有寶石的人攏將寶石提去交互 革順 人 耶歇 ，送入上主聖殿的府庫。</verse>
				<verse number="9">人民攏真歡喜奉獻，因為𪜶盡心獻互上主； 大闢 王嘛非常歡喜。</verse>
				<verse number="10">大闢 佇全會眾的面前稱讚上主，講：「上主 — 阮祖先 以色列 的上帝應該受稱讚，對永遠到永遠。</verse>
				<verse number="11">上主，你至大，有權能、榮光、勝利、威嚴；天頂地下所有的攏是你的。上主，國是你的，你至高，是萬有的主宰。</verse>
				<verse number="12">富裕尊貴攏對你來，你嘛掌管萬有；你有大權能大氣力，互人偉大強盛。</verse>
				<verse number="13">阮的上帝，今阮感謝你，稱讚你榮耀的名。</verse>
				<verse number="14">「我算什麼，我的子民算什麼，阮竟然會當按呢甘心奉獻？萬物攏對你來，阮不過用你的物獻互你。</verse>
				<verse number="15">阮佇你的面前是出外人，是寄居的，及阮的祖先仝款。阮佇世間的日子親像影，無什麼向望。</verse>
				<verse number="16">上主 — 阮的上帝啊，阮準備諸個所有的材料，欲為著你的聖名起造聖殿，諸個攏是對你來，嘛攏是你的。</verse>
				<verse number="17">我的上帝，我知你監察人的心，意愛正直；我用正直的心甘心奉獻諸個所有的物。現在我真歡喜看著你的子民佇遮，攏甘心奉獻互你。</verse>
				<verse number="18">上主 — 阮列祖 亞伯拉罕 、 以撒 、 雅各 的上帝，求你互你的子民常常存此款心思意念，堅決歸向你。</verse>
				<verse number="19">閣求你賞賜我的子 所羅門 純全的心，徹底遵守你的誡命、教示、規例，閣用我準備的起造聖殿。」</verse>
				<verse number="20">大闢 對全會眾講：「恁著稱讚上主 — 恁的上帝。」全體會眾就稱讚上主 — 𪜶列祖的上帝，俯頭跪拜上主及王。</verse>
				<verse number="21">隔日，𪜶向上主獻祭。𪜶獻燒化祭互上主，公的牛一千隻、公的綿羊一千隻、細隻羊仔一千隻，及奠酒祭；閣為 以色列 的人民獻真多祭物。</verse>
				<verse number="22">彼日，𪜶佇上主的面前飲食，非常歡喜。 𪜶第二遍設立 大闢 的子 所羅門 作王，佇上主面前給伊抹油作王；閣用油抹 撒督 做祭司。</verse>
				<verse number="23">所羅門 就坐上主所賞賜的王位，續接伊的老父 大闢 作王。伊事事順利， 以色列 人民攏歸順伊。</verse>
				<verse number="24">所有的領袖及勇士，連 大闢 王攏總的子兒嘛攏順服 所羅門 王。</verse>
				<verse number="25">上主互 所羅門 佇 以色列 人民的面前受尊做大；互伊有國王的威嚴，超過 以色列 以前所有的王。</verse>
				<verse number="26">耶西 的子 大闢 做全 以色列 的王。</verse>
				<verse number="27">伊作王統治 以色列 共四十年：佇 希伯崙 七年，佇 耶路撒冷 三十三年。</verse>
				<verse number="28">伊享受榮華富貴，食長歲壽。伊的子 所羅門 續接伊作王。</verse>
				<verse number="29">大闢 王一生的事蹟攏記載佇先見 撒母耳 、先知 拿單 ，以及先見 迦得 的冊。</verse>
				<verse number="30">諸個冊嘛記載伊按怎治理國政及伊的成就，閣記載伊及 以色列 以及四圍國家所經歷的事。</verse>
			</chapter>
		</book>
		<book number="14">
			<chapter number="1">
				<verse number="1">大闢 的子 所羅門 堅固伊對 以色列 的統治，上主 — 伊的上帝及伊同在，互伊受尊做大。</verse>
				<verse number="2">所羅門 召集 以色列 眾人，就是管一千人及管一百人的軍官、審判官，以及全 以色列 的領袖及族長，</verse>
				<verse number="3">導𪜶去 基遍 的山頭壇；佇遐有上帝的會幕，是上主的僕人 摩西 佇曠野所造的。</verse>
				<verse number="4">彼時 大闢 已經將上帝的約櫃對 基列‧耶琳 徙來 耶路撒冷 ，囥佇伊為著約櫃搭的布棚。</verse>
				<verse number="5">毋拘 戶珥 的孫， 烏利 的子 比撒列 所造的銅壇猶佇 基遍 上主的會幕前； 所羅門 及會眾佇遐求問上主。</verse>
				<verse number="6">所羅門 佇會幕前敬拜上主，佇銅壇獻一千隻牲生做燒化祭。</verse>
				<verse number="7">彼暝，上帝對 所羅門 顯現，給伊講：「你愛我賜你什麼，通對我求。」</verse>
				<verse number="8">所羅門 對上帝講：「你曾施大恩互我的老父 大闢 ，閣互我續接伊作王。</verse>
				<verse number="9">主上帝，今求你實現你對我的老父 大闢 的應允，因為你設立我做此個人民的王，𪜶親像地上的土沙赫多。</verse>
				<verse number="10">今求你賜我智慧聰明，互我通領導此個國家，治理諸個人民；若毋是按呢，啥人會當治理你即多的人民？」</verse>
				<verse number="11">上帝對 所羅門 講：「既然你的心意是按呢，無求錢財、富足、尊榮，及消滅對敵的性命，嘛無求長歲壽，只有求智慧聰明，通治理我的子民，就是你受設立作王治理的人民。</verse>
				<verse number="12">所以我欲賜你智慧聰明，嘛欲賜你錢財、富足、尊榮；超過你以前的列王，佇你以後嘛𣍐有人親像你按呢。」</verse>
				<verse number="13">所羅門 對 基遍 山頭壇的會幕倒來 耶路撒冷 ，作王治理 以色列 。</verse>
				<verse number="14">所羅門 王有建立軍隊，戰車一千四百台，馬兵一萬兩千名；給𪜶安置佇許個囤戰車的城，及 耶路撒冷 王遐。</verse>
				<verse number="15">王統治期間， 耶路撒冷 的金銀親像石頭赫多，柏香柴親像山埔的桑材樹赫多。</verse>
				<verse number="16">所羅門 的馬攏對 埃及 及 科威 進口，是王的生理人對 科威 照市價買來的。</verse>
				<verse number="17">對 埃及 進口的戰車，逐台大約七公斤的銀；戰馬逐隻大約兩公斤的銀。 所羅門 的生理人嘛經手，將諸個出口賣互 赫 人及 敘利亞 人許個王。</verse>
			</chapter>
			<chapter number="2">
				<verse number="1">所羅門 決定欲為著上主的名起聖殿，閣為家己的王國起宮殿。</verse>
				<verse number="2">所羅門 就召集運搬的工人七萬，佇山裡拍石的八萬，督工的三千六百。</verse>
				<verse number="3">所羅門 派人去見 泰爾 王 希蘭 ，講：「你曾運柏香柴互我的老父 大闢 起宮殿徛起，請你嘛按呢對待我。</verse>
				<verse number="4">現在，我欲為著上主 — 我的上帝的名起聖殿，分別作聖獻互伊，通照 以色列 人永遠的規例，佇伊的面前燒香，常常排獻祭的餅，逐早暗、安歇日、初一，及上主 — 阮的上帝所定的節期，獻燒化祭。</verse>
				<verse number="5">我所欲起的聖殿真大，因為阮的上帝真偉大，贏過所有的神明。</verse>
				<verse number="6">天及天頂的天都無夠通互伊徛起，啥人會當為著伊起聖殿？我算什麼通為著伊起聖殿？我不過是起一間會當佇伊面前燒香獻祭的殿若定。</verse>
				<verse number="7">今請你派一個真𠢕用金、銀、銅、鐵，及紫色、朱紅色、藍色的紗做工藝，閣真𠢕雕刻的師傅來我遮，通及我的老父 大闢 所準備佇 猶大 以及 耶路撒冷 許個𠢕的師傅做夥做工。</verse>
				<verse number="8">閣請你對 黎巴嫩 運柏香樹、松樹、檀香樹的柴料來互我；我知你的工人𠢕剉 黎巴嫩 的樹。我會派人去協助你的工人。</verse>
				<verse number="9">請為著我準備較多木材，因為我欲起的聖殿真大閣堂皇。</verse>
				<verse number="10">你的工人剉樹，我會互𪜶小麥兩千公噸，大麥兩千公噸，酒四十萬公升，油四十萬公升。」</verse>
				<verse number="11">泰爾 王 希蘭 給 所羅門 回批，講：「因為上主疼伊的子民，所以設立你做𪜶的王。」</verse>
				<verse number="12">希蘭 閣講：「創造天地的上主 — 以色列 的上帝應該受稱讚！伊賞賜 大闢 王一個有智慧的子，互伊有見識聰明，通為著上主起聖殿，閣為家己起宮殿。</verse>
				<verse number="13">今我派一個𠢕閣聰明的人去，伊是我的師傅 戶蘭 。</verse>
				<verse number="14">伊是 但 支族一個婦仁人的子，老父是 泰爾 人；伊真𠢕用金、銀、銅、鐵、石、柴，及紫色、藍色、幼麻、朱紅色的紗做工藝，嘛真𠢕雕刻，閣會曉設計人交互伊的逐款圖案；你通互伊及你𠢕的師傅，以及你的老父，我的主 大闢 ，𠢕的師傅做夥做工。</verse>
				<verse number="15">今我的主所講的小麥、大麥、油、酒，請運來互諸個工人。</verse>
				<verse number="16">阮會照你所需要的，對 黎巴嫩 剉樹，縛做歸排浮佇海裡，運到 約帕 ；你就通對遐運去 耶路撒冷 。」</verse>
				<verse number="17">所羅門 照伊的老父 大闢 所做的戶口普查，閣點算住佇 以色列 地所有的外族人，攏總有十五萬三千六百人。</verse>
				<verse number="18">伊互七萬人做運搬的工人，八萬人佇山裡拍石，三千六百人監督𪜶做工。</verse>
			</chapter>
			<chapter number="3">
				<verse number="1">所羅門 佇 耶路撒冷 的 摩利亞山 動工起造上主的聖殿。此個所在早前是 耶布斯 人 亞勞拿 的五穀場；上主曾佇遮對 所羅門 的老父 大闢 顯現，所以 大闢 決定欲佇遮起聖殿。</verse>
				<verse number="2">所羅門 作王第四年，二月初二，開始動工。</verse>
				<verse number="3">所羅門 欲起的上帝的殿的地基，長二十七公尺，闊九公尺。</verse>
				<verse number="4">殿前的走廊闊九公尺，及殿平闊；高五十四公尺；內面貼純金。</verse>
				<verse number="5">大殿的壁用松樹板蓋，用純金貼；頂面刻棗樹及鍊仔。</verse>
				<verse number="6">彼間殿閣用寶石及 巴瓦音 的金裝飾。</verse>
				<verse number="7">殿，包括殿的樑、戶橂、牆壁、門扇攏用金貼；壁頂刻天使基路伯。</verse>
				<verse number="8">閣起至聖所，長九公尺，闊及聖殿的闊相像九公尺，攏貼純金，金的重量二十公噸。</verse>
				<verse number="9">金釘仔重五百七十公克。頂面的部份嘛攏貼金。</verse>
				<verse number="10">至聖所的內面雕刻一對天使基路伯，外面包金。</verse>
				<verse number="11">兩個基路伯的翼攏總大約九公尺。第一個基路伯一旁的翼抵著此旁的壁，第二個一旁的翼抵著彼旁的壁；𪜶另外兩支翼佇殿的中央相磕；每一支翼長兩公尺二十公分。</verse>
				<verse number="12"></verse>
				<verse number="13">此兩個基路伯搋開翼，攏總約九公尺；𪜶的腳徛啲，面向入口。</verse>
				<verse number="14">閣用藍色、紫色、朱紅色的紗，及幼麻布做帳，繡基路伯佇彼頂面。</verse>
				<verse number="15">所羅門 王佇殿前造兩支柱，高十五公尺半，每一支柱的柱斗高兩公尺二十公分。</verse>
				<verse number="16">閣做鍊仔安佇柱斗；閣做石榴一百粒，安佇鍊仔頂。</verse>
				<verse number="17">彼兩支柱𫞼佇殿前，一支佇正旁，一支佇倒旁；正旁彼支叫做 雅斤 ，倒旁彼支叫做 波阿斯 。</verse>
			</chapter>
			<chapter number="4">
				<verse number="1">所羅門 閣造一座銅壇，長九公尺，闊九公尺，高四公尺半。</verse>
				<verse number="2">閣鑄一個圓形的銅海，深兩公尺二十公分；直徑四公尺四十公分，周圍十三公尺二十公分。</verse>
				<verse number="3">銅海的唇下面有兩排牛圍啲，每四十五公分十隻，是鑄銅海的時像時鑄的。</verse>
				<verse number="4">銅海安佇十二隻銅牛的頂面，三隻向北，三隻向西，三隻向南，三隻向東；牛尾向內面。</verse>
				<verse number="5">銅海的厚度七公分半；伊的唇親像杯的唇，形親像百合花；會當貯六萬公升。</verse>
				<verse number="6">閣造十個盆，五個下佇南旁，五個佇北旁，內面通洗獻燒化祭的物。銅海干焦互祭司洗盪。</verse>
				<verse number="7">閣照規定的款式造十個金燈台，下佇殿內，五個佇正旁，五個佇倒旁；</verse>
				<verse number="8">閣造十塊桌下佇殿內，五塊佇正旁，五塊佇倒旁；閣造一百塊金碗。</verse>
				<verse number="9">閣造祭司埕，嘛造大埕，以及大埕的門；門扇用銅包啲。</verse>
				<verse number="10">銅海下佇聖殿的東南旁。</verse>
				<verse number="11">戶蘭 閣造盆、托仔，及碗。按呢， 戶蘭 為著 所羅門 王完成上帝聖殿一切的工。</verse>
				<verse number="12">伊所造的有： 兩支柱、柱頂碗形的柱斗、蓋碗形柱斗的網仔；</verse>
				<verse number="13">四百粒石榴，分做兩旁，一旁兩排，安佇兩領蓋碗形柱斗的網仔；</verse>
				<verse number="14">盆座及座頂的盆；</verse>
				<verse number="15">一座銅海，銅海下面十二隻牛；</verse>
				<verse number="16">盆、托仔，及肉叉； 以上諸個器具攏是師傅 戶蘭 為著 所羅門 王起上主聖殿用光亮的銅做的。</verse>
				<verse number="17">諸個器具是王佇 約旦 平原，用 疏割 及 撒拉旦 中間的黏土做模鑄造的。</verse>
				<verse number="18">所羅門 造的器具非常多，銅的重量無法度計算。</verse>
				<verse number="19">所羅門 閣造上帝殿內所有的器具：金壇、排獻祭的餅的桌、</verse>
				<verse number="20">𫞼佇至聖所頭前，照規例點𤏸的純金燈台及燈；</verse>
				<verse number="21">純金做的燈台的花、燈，及鑷仔；</verse>
				<verse number="22">純金做的燈心的剪刀、盤、囥香的𥐵仔，及囥火炭的盆；閣有聖殿的門，就是至聖所的門及前殿的門，攏用金包啲。</verse>
			</chapter>
			<chapter number="5">
				<verse number="1">按呢， 所羅門 王完成上主聖殿一切的工。 所羅門 將伊的老父 大闢 所獻的金、銀，及器具攏帶入去下佇上帝聖殿的府庫。</verse>
				<verse number="2">彼時， 所羅門 召集 以色列 的長老、逐支族的首領，以及逐宗族的族長來 耶路撒冷 ，欲迎接上主的約櫃，對 錫安 的 大闢 城運起來聖殿。</verse>
				<verse number="3">七月的節期， 以色列 人攏聚集佇王遐。</verse>
				<verse number="4">以色列 的長老攏來，許個 利未 人就扛約櫃起來。</verse>
				<verse number="5">祭司及 利未 人將約櫃、會幕，以及布棚內一切聖的器具扛入聖殿。</verse>
				<verse number="6">所羅門 王及聚集佇伊遐的 以色列 全會眾，佇約櫃前獻牛、羊做祭物，祭物多甲𣍐算得。</verse>
				<verse number="7">祭司扛上主的約櫃入內殿，就是至聖所，下佇指定的所在，天使基路伯翼股下面。</verse>
				<verse number="8">基路伯佇下約櫃的所在的頂面搋開𪜶的翼，遮蓋約櫃及扛約櫃的槓。</verse>
				<verse number="9">槓真長，槓尾佇內殿前的聖所看會著，對外面就𣍐當看著；到今仔日槓猶佇遐。</verse>
				<verse number="10">約櫃內面只有兩塊石版，以外攏無別項物；石版是 以色列 人出 埃及 地，上主佇 何烈山 及𪜶立約的時 摩西 所下的。</verse>
				<verse number="11">所有佇聖殿無論屬叨一個班次服事的祭司，攏已經潔淨家己。𪜶對聖殿出來的時，</verse>
				<verse number="12">利未 人的中間負責獻詩的，就是 亞薩 、 希幔 、 耶杜頓 ，以及𪜶的後代及親族，攏穿幼麻布的衫，徛佇祭壇的東旁，提鐃鈸、瑟，及琴；閣有百二個祭司提喇叭及𪜶做夥佇遐。</verse>
				<verse number="13">許個歕喇叭的、唱歌的，和諧齊聲，稱讚感謝上主。𪜶用喇叭、鐃鈸、樂器伴奏，大聲稱讚上主講： 上主至善， 伊的慈愛續到永遠。 彼時，上主的殿互雲充滿；</verse>
				<verse number="14">因為按呢，祭司𣍐當繼續服事；上主的榮光充滿上帝的殿。</verse>
			</chapter>
			<chapter number="6">
				<verse number="1">彼時 所羅門 講： 「上主曾講， 伊欲𫢶佇密雲的所在。</verse>
				<verse number="2">我已經起一間堂皇的殿， 做你永遠徛起的所在。」</verse>
				<verse number="3">以色列 會眾攏徛啲， 所羅門 王越過來給𪜶祝福。</verse>
				<verse number="4">伊講：「上主 — 以色列 的上帝應該得著謳咾！伊親嘴對我的老父 大闢 應允的，攏親手實現。</verse>
				<verse number="5">上主有講：『對我導我的子民出 埃及 以來，我毋曾佇 以色列 眾支族中間揀一個城為我的名起聖殿，嘛毋曾選立人做我的子民 以色列 的領袖；</verse>
				<verse number="6">毋拘我有揀 耶路撒冷 做我欲臨在的所在，閣揀 大闢 治理我的子民 以色列 。』</verse>
				<verse number="7">我的老父 大闢 心內有意思欲為上主 — 以色列 的上帝的名起聖殿。</verse>
				<verse number="8">總是上主對我的老父 大闢 講：『你有意思欲為我的名起聖殿，你此個心意真好；</verse>
				<verse number="9">毋拘你毋通起，你親生的子會為我的名起聖殿。』</verse>
				<verse number="10">「今上主實現伊所講的話；我照上主的話起來續接我的老父 大闢 坐 以色列 的王位，閣為上主 — 以色列 上帝的名起聖殿。</verse>
				<verse number="11">我將約櫃安置佇遐；櫃內有上主及 以色列 人所立的約。」</verse>
				<verse number="12">所羅門 當 以色列 會眾的面前，徛佇上主的祭壇前，雙手攑起來。</verse>
				<verse number="13">所羅門 有造一個銅台，長兩公尺二十公分，闊兩公尺二十公分，高一公尺三十公分，下佇埕的中央；伊徛佇台頂，佇 以色列 會眾面前跪落去，攑雙手向天，</verse>
				<verse number="14">講：「上主 — 以色列 的上帝，天頂地下無一個神明親像你；你對許個一心一意順服你的僕人守約施慈愛。</verse>
				<verse number="15">你有執守對你的僕人我的老父 大闢 的應允；你親嘴應允的，今仔日攏親手實現。</verse>
				<verse number="16">上主 — 以色列 的上帝，求你實現對你的僕人我的老父 大闢 的應允；你有講：『你的子孫若親像你佇我的面前謹慎生活，遵行我的律法，你的後代就會永遠坐 以色列 的王位。』</verse>
				<verse number="17">上主 — 以色列 的上帝，你對你的僕人 大闢 所講的，求你實現。</verse>
				<verse number="18">「上帝啊，你豈真正欲及世間人住佇地上？天及天頂的天都無夠通互你住，何況我所起此間聖殿？</verse>
				<verse number="19">上主 — 我的上帝，求你俯落聽你的僕人的祈禱懇求，聽你的僕人佇你面前的求叫祈禱。</verse>
				<verse number="20">願你暝日看顧此個聖殿，就是你講你欲臨在的所在。你的僕人向此個所在祈禱的時，求你聽。</verse>
				<verse number="21">你的僕人及你的子民 以色列 向此所在祈禱的時，願你對天頂，你住的所在，聽阮的祈求，赦免阮。</verse>
				<verse number="22">「人若得罪厝邊，受迫著咒誓，伊來此間殿佇你的壇前咒誓伊是無辜的，</verse>
				<verse number="23">求你對天頂俯落聽來辦理，審判你諸個僕人：歹人，照伊的歹給伊報應；無辜的，定伊做無罪，照伊的正直給伊報賞。</verse>
				<verse number="24">「你的子民 以色列 若得罪你，互對敵拍敗，𪜶若反悔歸向你，宣認你的名，閣佇此間聖殿對你祈禱懇求，</verse>
				<verse number="25">求你對天頂俯落聽，赦免你的子民 以色列 的罪，互𪜶倒來你所賞賜𪜶及𪜶列祖的地。</verse>
				<verse number="26">「𪜶若得罪你，你給天關密無落雨；你刑罰𪜶的時，𪜶若向此所在祈禱，宣認你的名，離開𪜶的罪惡，</verse>
				<verse number="27">求你對天頂俯落聽𪜶的祈禱，赦免你的僕人及你的子民 以色列 的罪，教示𪜶行正直的路，閣落雨佇你賞賜𪜶做產業的地。</verse>
				<verse number="28">「此個地若有飢荒、瘟疫、火燒風、病害、草蜢、草蜢公，抑是對敵圍困𪜶的城，無論有什麼災禍，什麼大病，</verse>
				<verse number="29">你的子民 以色列 中若有人知家己的災禍苦痛，向此個聖殿攑手迫切懇求，</verse>
				<verse number="30">求你對天頂，你徛起的所在，俯落聽來赦免𪜶；因為你知𪜶的心，嘛只有你知世間人的心，願你照𪜶逐個人的行做對待𪜶，</verse>
				<verse number="31">互𪜶佇你賞賜阮列祖的地，一世人敬畏你，行你的道路。</verse>
				<verse number="32">「若有外國人，毋是屬你的子民 以色列 的，因為聽著你的大名、大權能的作為，及你救助的手骨，對真遠的所在來，向此個殿祈禱，</verse>
				<verse number="33">求你對天頂，你徛起的所在，聽𪜶的祈求，照外國人一切對你懇求的來做，互天下萬民攏會親像你的子民 以色列 像款，識你的名，敬畏你；閣互𪜶知此個聖殿是敬拜求叫你的所在。</verse>
				<verse number="34">「你的子民奉你的命令，無論出去什麼所在及對敵交戰的時，若向你所揀選的城，及我為著你的名起的殿對你祈禱，</verse>
				<verse number="35">求你對天頂聽𪜶的祈禱懇求，互𪜶得勝。</verse>
				<verse number="36">「世間無一個人無犯罪，毋拘你的子民若得罪你，你對𪜶受氣，將𪜶交互對敵，給𪜶掠去外地，無論遠抑是近，</verse>
				<verse number="37">𪜶若佇互人掠去的地回心轉意，閣佇𪜶受掠的地悔改，對你哀求：『阮有罪，阮背逆，阮做歹。』</verse>
				<verse number="38">𪜶若佇對敵掠𪜶去的地，全心全意歸順你，閣向你賞賜𪜶列祖的地，及你所揀選的城，以及我奉你的名起的殿，對你祈禱，</verse>
				<verse number="39">求你對天頂，你徛起的所在，聽𪜶的祈禱懇求，照公道對待𪜶，閣赦免許個得罪你的子民。</verse>
				<verse number="40">「我的上帝啊，今求你開目睭看，俯耳孔聽佇遮所獻的祈禱。</verse>
				<verse number="41">主上帝，求你起來； 你及你有氣力的約櫃做夥入去你歇睏的所在。 主上帝，願你的祭司用救恩做衫穿； 願你聖的子民因為得著福氣歡喜快樂。</verse>
				<verse number="42">主上帝，求你毋通棄拺你抹油揀選的君王； 著帶念你施落互你的僕人 大闢 的慈愛 。」</verse>
			</chapter>
			<chapter number="7">
				<verse number="1">所羅門 祈禱煞，就有火對天降落，將燒化祭及所有的祭物攏燒盡；上主的榮光充滿聖殿。</verse>
				<verse number="2">因為上主的榮光充滿上主的殿，所以祭司𣍐當入去。</verse>
				<verse number="3">以色列 眾人看著火降落，閣上主的榮光罩佇聖殿頂面，就佇鋪石的所在仆落去敬拜，感謝上主，講： 上主至善， 伊的慈愛續到永遠。</verse>
				<verse number="4">王及全體人民佇上主的面前獻祭。</verse>
				<verse number="5">所羅門 王獻牛兩萬兩千隻，羊十二萬隻做祭；按呢，王及全體人民為著上帝的殿舉行奉獻禮。</verse>
				<verse number="6">祭司照𪜶家己的職務徛啲侍奉； 利未 人提以前 大闢 王所造的樂器，唱 大闢 所作的詩，稱讚上主講：「伊的慈愛續到永遠。」祭司佇 利未 人的對面歕喇叭；所有的 以色列 人攏徛啲。</verse>
				<verse number="7">所羅門 因為伊所造的銅壇傷細，無夠通佇遐獻燒化祭、素祭，及平安祭的油，就將上主殿前的埕中央的所在分別作聖，佇遐獻燒化祭，及平安祭的油。</verse>
				<verse number="8">彼時， 所羅門 及 以色列 人民做夥守節七日； 以色列 人民對 哈馬 隘口到 埃及 的溪谷來參加，成做盛況的大會。</verse>
				<verse number="9">到第八日𪜶舉行嚴肅會；𪜶守祭壇的奉獻禮七日，閣守節七日。</verse>
				<verse number="10">七月二十三日，王給人民解散，互𪜶倒去𪜶兜。人民因為上主對 大闢 、 所羅門 ，及伊的子民 以色列 所賞賜的恩惠，心內歡喜快樂。</verse>
				<verse number="11">所羅門 完成上主聖殿及王宮的工程；伊順利完成心內所計劃一切的建築。</verse>
				<verse number="12">暝時上主對 所羅門 顯現，對伊講：「我有聽著你的祈禱，嘛揀此所在做向我獻祭的聖殿。</verse>
				<verse number="13">我若給天關密無落雨，抑是命令草蜢食農作物，抑是降瘟疫佇我子民的中間，</verse>
				<verse number="14">我的子民若謙卑，祈禱，悔改，離開𪜶的歹行為，我就欲對天頂聽𪜶的祈禱，赦免𪜶的罪，互土地閣再生產。</verse>
				<verse number="15">我的目睭欲看，耳孔欲聽佇此所在所獻的祈禱。</verse>
				<verse number="16">現在我已經揀此個殿，給伊分別作聖，做我永遠臨在的所在；我的目睭，我的心嘛欲永遠佇遮。</verse>
				<verse number="17">你佇我面前的行做，若親像你的老父 大闢 ，遵趁我的誡命，執守我的規例及命令，</verse>
				<verse number="18">我就欲堅固你的王位，照我及你的老父 大闢 所立的約，講：『你的後代會永遠統治 以色列 。』</verse>
				<verse number="19">「恁若越走，棄拺我頒布互恁的規例及誡命，去服事敬拜別個神明，</verse>
				<verse number="20">我就欲將 以色列 人對我賞賜𪜶的地給𪜶拔出來，嘛欲棄拺此間分別作聖用來敬拜我的殿，互伊佇萬國中做笑談，受人恥笑。</verse>
				<verse number="21">「此間聖殿雖然受人尊崇，到彼時，經過的人會著驚，講：『上主哪會按呢對待此個地及此間殿？』</verse>
				<verse number="22">有人會應講：『是因為𪜶棄拺導𪜶出 埃及 地的上主 — 𪜶列祖的上帝，去信奉別個神明，敬拜服事𪜶，所以上主互諸個一切的災禍臨到𪜶。』」</verse>
			</chapter>
			<chapter number="8">
				<verse number="1">所羅門 用二十年起上主的聖殿及王宮，完工以後，</verse>
				<verse number="2">所羅門 閣修建 希蘭 王互伊的城，互 以色列 人住佇遐。</verse>
				<verse number="3">所羅門 攻取 哈馬‧瑣巴 ，</verse>
				<verse number="4">閣重建佇曠野的 達莫 ，佇 哈馬 起造囤積物資的城；</verse>
				<verse number="5">閣重建 頂‧伯‧和崙 及 下‧伯‧和崙 ，成做有牆，有門，有門閂的堅固的城。</verse>
				<verse number="6">所羅門 閣起造 巴拉 城及真多囤積軍用品的城，以及下戰車的城及下戰馬的城。 所羅門 閣佇 耶路撒冷 、 黎巴嫩 ，及全國逐所在，起造伊所愛起的建築。</verse>
				<verse number="7">所有住佇境內的 赫 人、 亞摩利 人、 比利洗 人、 希未 人、 耶布斯 人賰落來的後代，毋是屬佇 以色列 ，</verse>
				<verse number="8">無互 以色列 人消滅的， 所羅門 強制𪜶做苦工，到今仔日。</verse>
				<verse number="9">毋拘 所羅門 無互 以色列 人做奴隸做苦工；伊互𪜶做伊的戰士、官長、戰車長、馬兵長。</verse>
				<verse number="10">所羅門 王的督工有兩百五十人。</verse>
				<verse number="11">所羅門 將 埃及 王的查某子對 大闢 城搬入去為著伊起的宮殿；因為 所羅門 講：「我的某毋通住佇 以色列 王 大闢 的宮殿；因為上主的約櫃所到的所在攏神聖。」</verse>
				<verse number="12">所羅門 佇聖殿走廊頭前所起上主的祭壇，獻燒化祭互上主；</verse>
				<verse number="13">照 摩西 的命令，佇安歇日、初一，及逐年三遍的節期，就是除酵節、七七收割節、搭寮節，照逐日應該獻的來獻祭。</verse>
				<verse number="14">閣照伊的老父 大闢 的規例，分配祭司的班次及職務；嘛分配 利未 人的職務，負責頌讚，照逐日的規定協助祭司；閣分派守衛，照班次佇逐個門顧守。諸個攏照上帝重用的人 大闢 的命令安排。</verse>
				<verse number="15">無論管理府庫，抑是做逐款職務，許個祭司及 利未 人攏無違逆王的命令。</verse>
				<verse number="16">所羅門 起上主聖殿的工事，對下地基彼日到完工，攏順利進行。按呢，上主的殿就完成。</verse>
				<verse number="17">彼時， 所羅門 去 以東 地區的海港 以旬‧迦別 及 以祿 。</verse>
				<verse number="18">希蘭 派伊的官員，將船及經驗豐富的船員送互 所羅門 。𪜶及 所羅門 的船員去 俄斐 ，對遐運送金一萬五千公斤到 所羅門 王遐。</verse>
			</chapter>
			<chapter number="9">
				<verse number="1">示巴 的女王聽見 所羅門 的名聲，就來 耶路撒冷 欲用難題考驗 所羅門 。伊導真多跟隨來，閣有駱駝載香料、真多黃金及寶石。伊見 所羅門 的時，就將心內所有的難題給伊問。</verse>
				<verse number="2">所羅門 照伊所問的一一給伊回答，無一項困難甲 所羅門 𣍐曉應。</verse>
				<verse number="3">示巴 女王見識著 所羅門 的智慧，看著伊起的宮殿、</verse>
				<verse number="4">桌頂的食物、排列坐啲的人臣、跟隨服事的奴僕及𪜶的衣服，斟酒的奴僕及𪜶穿的衫，閣看著伊佇上主的聖殿所獻的燒化祭 ，就歸個人攏愣去。</verse>
				<verse number="5">示巴 女王就對王講：「我佇阮本國所聽著你的事蹟及你的智慧攏是真的！</verse>
				<verse number="6">本來我毋信𪜶的話，到我親目看著才相信。人給我講的猶無事實的一半；你的智慧及你的富足超過我所聽著的。</verse>
				<verse number="7">你的部屬真有福氣！你的人臣真有福氣！𪜶不時佇你的面前聽你智慧的話。</verse>
				<verse number="8">上主 — 你的上帝應該受稱讚！伊意愛你，互你佇上主 — 你的上帝面前坐位作王；因為你的上帝疼 以色列 ，愛伊永遠堅立，所以選立你做𪜶的王，互你通秉公行義。」</verse>
				<verse number="9">示巴 女王將大約四千公斤的金、真多香料，及寶石送互王；前到今毋曾有人親像 示巴 女王送赫多香料互 所羅門 王。</verse>
				<verse number="10">希蘭 的船員及 所羅門 的船員對 俄斐 運金來，閣帶檀香柴及寶石來。</verse>
				<verse number="11">王用諸個檀香柴為上主的殿及王宮做砛仔，嘛為唱歌的人做琴及瑟。佇 猶大 地，前到今毋曾有人看見按呢。</verse>
				<verse number="12">所羅門 王送互 示巴 女王的回禮，超過女王帶來的禮物，閣照伊所意愛、所要求的攏送互伊。女王及伊的人臣就倒去𪜶本國。</verse>
				<verse number="13">所羅門 逐年收著的金共兩萬三千公斤。</verse>
				<verse number="14">以外，伊有對生理人及貿易商收稅金；國內的省長及 阿拉伯 諸個王，攏進貢金銀互 所羅門 。</verse>
				<verse number="15">所羅門 王拍大盾牌兩百面，每一面用金七公斤；</verse>
				<verse number="16">閣拍小盾牌三百面，每一面用金三公斤。王將諸個盾牌下佇 黎巴嫩林宮 。</verse>
				<verse number="17">王閣用象牙做一個大寶座，用純金貼啲。</verse>
				<verse number="18">寶座前有六層崎仔，閣有金的腳砧，及寶座相連；雙旁有手按，手按的邊仔各有一座獅徛啲；</verse>
				<verse number="19">閣有十二座獅徛佇六層崎仔逐層的雙旁邊；別個王國攏毋曾按呢做。</verse>
				<verse number="20">所羅門 王所有飲的器具攏是金的； 黎巴嫩林宮 一切的器具嘛是純金的；佇 所羅門 的時代，銀無互人看做真有價值。</verse>
				<verse number="21">王的船隊及 希蘭 的船員做夥去 他施 ；諸個 他施 的船隊運金、銀、象牙、猴、孔雀，每三年倒來一遍。</verse>
				<verse number="22">所羅門 王的財富及智慧贏過天下諸王。</verse>
				<verse number="23">天下諸王攏想欲來見 所羅門 的面，聽上帝賜互伊的智慧。</verse>
				<verse number="24">𪜶逐個帶進貢的禮物，就是金器、銀器、衣服、軍器、香料、馬，及騾；逐年攏有一定的數量。</verse>
				<verse number="25">所羅門 有馬椆四千間，閣有馬兵一萬兩千名，閣安置戰車佇許個囤戰車的城，及 耶路撒冷 王遐。</verse>
				<verse number="26">所羅門 管轄所有的王，對 幼發拉底河 ，到 非利士 人的地，直到 埃及 邊界。</verse>
				<verse number="27">王統治的期間， 耶路撒冷 的銀親像石頭赫多，柏香柴親像山埔的桑材樹赫多。</verse>
				<verse number="28">有人對 埃及 ，對逐所在，進口馬互 所羅門 。</verse>
				<verse number="29">所羅門 其他的事蹟，對頭到尾攏記載佇 先知拿單史 ， 示羅 人 亞希雅 的 預言書 ，及先見 易多 論 尼八 的子 耶羅波安 的 異象書 。</verse>
				<verse number="30">所羅門 佇 耶路撒冷 做 以色列 全國的王，共四十年。</verse>
				<verse number="31">所羅門 轉去伊的列祖遐了後，埋葬佇伊的老父 大闢 的城。伊的子 羅波安 續接伊作王。</verse>
			</chapter>
			<chapter number="10">
				<verse number="1">羅波安 去 示劍 ，因為 以色列 人民欲佇遐設立伊作王。</verse>
				<verse number="2">以前 尼八 的子 耶羅波安 為著閃避 所羅門 王，走去住佇 埃及 ； 耶羅波安 聽著此個代誌，就對 埃及 倒來。</verse>
				<verse number="3">以色列 人差人去請伊來； 耶羅波安 就及 以色列 會眾來見 羅波安 ，對伊講：</verse>
				<verse number="4">「你的老父互阮背重的擔；求你減輕你的老父下佇阮肩頭頂的重擔，減少阮的苦工，阮就服事你。」</verse>
				<verse number="5">羅波安 給𪜶講：「三日後才閣來。」人民就倒去。</verse>
				<verse number="6">羅波安 的老父 所羅門 猶活啲的時，有元老服事伊； 羅波安 王請教𪜶，講：「恁有什麼計策，我通回復諸個人民？」</verse>
				<verse number="7">𪜶應伊講：「你若好款待諸個人民，互𪜶歡喜，用好話回答𪜶，𪜶就會永遠做你的僕人。」</verse>
				<verse number="8">毋拘 羅波安 拒絕諸個元老互伊的計策，去及許個及伊做夥大漢，服事伊的少年人參詳；</verse>
				<verse number="9">伊給𪜶講：「諸個人民有對我講：『求你減輕你的老父下佇阮肩頭頂的重擔。』今恁有什麼意見互咱通給𪜶回復？」</verse>
				<verse number="10">許個及伊做夥大漢的少年人給伊講：「諸個人民對王講：『求你減輕你的老父下佇阮肩頭頂的重擔。』王著按呢應𪜶講：『我的尾指比我的老父的腰較粗。</verse>
				<verse number="11">我的老父互恁背重的擔，我欲互恁閣較重的擔；我的老父用鞭刑罰恁，我欲用鐵刺的鞭刑罰恁。』」</verse>
				<verse number="12">耶羅波安 及眾人民照 羅波安 王的話，佇第三日倒來見伊。</verse>
				<verse number="13">王用歹聲嗽應人民；伊毋聽元老互伊的建議，</verse>
				<verse number="14">顛倒照少年人的意見對人民講：「我的老父互恁背重的擔，我欲互恁閣較重的擔；我的老父用鞭刑罰恁，我欲用鐵刺的鞭刑罰恁。」</verse>
				<verse number="15">王毋肯聽人民的請求，因為此個代誌是出佇上帝，欲實現上主通過 示羅 人 亞希雅 對 尼八 的子 耶羅波安 所講的話。</verse>
				<verse number="16">以色列 眾人民一下知王毋肯聽𪜶的請求，就對王講： 大闢 的王國阮無份； 耶西 的子及阮無關係。 以色列 人啊，恁攏倒去恁兜！ 今， 大闢 家，恁家己顧互好！ 對按呢， 以色列 人攏倒去𪜶兜。</verse>
				<verse number="17">毋拘 羅波安 猶原做住佇南部 猶大 地區的 以色列 人的王。</verse>
				<verse number="18">羅波安 王派監督強制勞工的 亞多蘭 去 以色列 人遐； 以色列 人民用石頭給伊抌死。 羅波安 王就趕緊上戰車走倒去 耶路撒冷 。</verse>
				<verse number="19">對按呢，北部的 以色列 人反叛 大闢 家，到今仔日。</verse>
			</chapter>
			<chapter number="11">
				<verse number="1">羅波安 到 耶路撒冷 ，就聚集 猶大 家及 便雅憫 支族特選的戰士，共十八萬人，欲及 以色列 家交戰，互歸個王國閣歸屬伊家己。</verse>
				<verse number="2">毋拘上主的話臨到上帝重用的人 示瑪雅 ，講：</verse>
				<verse number="3">「你去給 所羅門 的子 猶大 王 羅波安 ， 猶大 及 便雅憫 的人民，講：</verse>
				<verse number="4">『上主按呢講：恁毋通去及恁的兄弟交戰；逐個人倒去家己的厝，因為此個代誌出佇我。』」𪜶就聽趁上主的話倒去，無去攻擊 耶羅波安 。</verse>
				<verse number="5">羅波安 住佇 耶路撒冷 。伊佇 猶大 地起幾若個堅固的城，</verse>
				<verse number="6">就是 伯利恆 、 以坦 、 提哥亞 、</verse>
				<verse number="7">伯‧夙 、 梭哥 、 亞杜蘭 、</verse>
				<verse number="8">迦特 、 瑪利沙 、 西弗 、</verse>
				<verse number="9">亞多萊音 、 拉吉 、 亞西加 、</verse>
				<verse number="10">瑣拉 、 亞雅崙 ，及 希伯崙 ；諸個攏是 猶大 及 便雅憫 堅固的城。</verse>
				<verse number="11">羅波安 閣強化許個堅固的城，設指揮官，囤積糧食、橄欖油，及酒；</verse>
				<verse number="12">閣準備盾牌及槍，互諸個城閣較堅固。 猶大 及 便雅憫 攏受伊統治。</verse>
				<verse number="13">以色列 全地的祭司及 利未 人攏對逐所在來歸順 羅波安 。</verse>
				<verse number="14">利未 人放棄𪜶的草埔及產業，來到 猶大 及 耶路撒冷 ，因為 耶羅波安 及伊許個子毋准𪜶執行祭司的職務，服事上主。</verse>
				<verse number="15">耶羅波安 為山頭壇、山羊鬼，及伊所造的牛仔像，家己設立祭司。</verse>
				<verse number="16">以色列 各支族，所有決心欲尋求上主 — 以色列 的上帝的人，攏隨 利未 人去 耶路撒冷 ，欲獻祭互上主 — 𪜶列祖的上帝。</verse>
				<verse number="17">按呢，𪜶互 猶大 國穩固；三年久擁護 所羅門 的子 羅波安 ，因為𪜶遵行 大闢 及 所羅門 的路三年久。</verse>
				<verse number="18">羅波安 娶 瑪哈拉 做某； 瑪哈拉 的老父是 大闢 的子 耶利摩 ，老母是 耶西 的查某孫， 以利押 的查某子 亞比孩 。</verse>
				<verse number="19">瑪哈拉 生三個子， 耶烏施 、 示瑪利雅 ，及 撒罕 。</verse>
				<verse number="20">後來 羅波安 閣娶 押沙龍 的查某子 瑪迦 做某；伊生四個子， 亞比雅 、 亞太 、 細撒 ，及 示羅密 。</verse>
				<verse number="21">羅波安 有十八個某，六十個妃，生二十八個子，六十個查某子；佇諸個某及妃的中間，伊上疼 押沙龍 的查某子 瑪迦 。</verse>
				<verse number="22">羅波安 設立 瑪迦 的子 亞比雅 做太子，佇伊的兄弟中做頭，欲設立伊續接作王。</verse>
				<verse number="23">羅波安 做事精明，分派伊所有的子去 猶大 及 便雅憫 全地逐個堅固的城；閣互𪜶充足的糧食，給𪜶娶真多某。</verse>
			</chapter>
			<chapter number="12">
				<verse number="1">羅波安 的王國一下穩固強盛，伊就棄拺上主的律法，所有的 以色列 人嘛攏隨伊。</verse>
				<verse number="2">羅波安 王第五年， 埃及 王 示撒 上來攻擊 耶路撒冷 ，因為 以色列 人得罪上主。</verse>
				<verse number="3">示撒 有戰車一千兩百台，馬兵六萬；閣導 利比亞 人、 蘇基 人、 古實 人，對 埃及 上來，人多甲算𣍐了。</verse>
				<verse number="4">伊攻取 猶大 堅固的城，來到 耶路撒冷 。</verse>
				<verse number="5">彼時， 猶大 的領袖因為 示撒 的緣故，佇 耶路撒冷 聚集；先知 示瑪雅 來見 羅波安 及許個領袖，對𪜶講：「上主按呢講：『恁棄拺我，所以我棄拺恁，將恁交佇 示撒 的手。』」</verse>
				<verse number="6">以色列 許個領袖及王就謙卑認罪，講：「上主是公義。」</verse>
				<verse number="7">上主看見𪜶家己謙卑，上主的話臨到 示瑪雅 講：「𪜶既然謙卑認罪，我無欲剿滅𪜶，欲互𪜶暫時得著解救；我無欲通過 示撒 的手將我的受氣摒落佇 耶路撒冷 。</verse>
				<verse number="8">毋拘𪜶會做 示撒 的奴僕，互𪜶知，服事我及服事地上列國有什麼無相像。」</verse>
				<verse number="9">對按呢， 埃及 王 示撒 上來攻擊 耶路撒冷 ，將上主聖殿及王宮的寶物攏搶去，閣搶 所羅門 所做許個金的盾牌。</verse>
				<verse number="10">羅波安 王做銅的盾牌代替許個金的盾牌，交互顧王宮大門的侍衛長顧守。</verse>
				<verse number="11">王逐遍入上主的殿，侍衛就夯諸個盾牌，後來閣帶倒轉下佇侍衛室。</verse>
				<verse number="12">王家己謙卑的時，上主就無閣受氣，無完全給伊剿滅； 猶大 的情形嘛有改善。</verse>
				<verse number="13">羅波安 佇 耶路撒冷 作王，加強伊的統治。 羅波安 坐位的時四十一歲。伊佇 耶路撒冷 作王十七年； 耶路撒冷 是上主對 以色列 眾支族中揀選互人來敬拜伊的城。 羅波安 的老母叫做 拿瑪 ，是 亞捫 人。</verse>
				<verse number="14">羅波安 做邪惡的事；伊無堅決尋求上主。</verse>
				<verse number="15">羅波安 的事蹟，對頭到尾攏記載佇先知 示瑪雅 及先見 易多 的 言行錄 。 羅波安 及 耶羅波安 常常交戰。</verse>
				<verse number="16">羅波安 轉去伊的列祖遐，人給伊安葬佇 大闢 城；伊的子 亞比雅 續接伊作王。</verse>
			</chapter>
			<chapter number="13">
				<verse number="1">以色列 王 耶羅波安 第十八年， 亞比雅 做 猶大 王，</verse>
				<verse number="2">佇 耶路撒冷 作王三年；伊的老母叫做 米該亞 ，是 基比亞 人 烏列 的查某子 。 亞比雅 及 耶羅波安 常常交戰。</verse>
				<verse number="3">亞比雅 導四十萬精兵出戰。 耶羅波安 嘛導八十萬特選的兵迎戰。</verse>
				<verse number="4">亞比雅 徛佇 以法蓮 山區的 洗瑪臉山 ，講：「 耶羅波安 及 以色列 人民，著聽我講！</verse>
				<verse number="5">恁應該知，上主 — 以色列 的上帝有及 大闢 立𣍐廢除的約，將 以色列 國永遠賜互 大闢 及伊的子孫。</verse>
				<verse number="6">毋拘 大闢 的子 所羅門 的人臣， 尼八 的子 耶羅波安 ，起來背叛伊的主人。</verse>
				<verse number="7">伊招集一寡無路用的匪類，公然對抗 所羅門 的子 羅波安 ；彼時 羅波安 猶少年無經驗，𣍐當抵抗𪜶。</verse>
				<verse number="8">今恁靠恁人多，聲勢大，閣有 耶羅波安 為恁造的金牛仔做神明，欲反抗 大闢 的子孫所治理上主的國。</verse>
				<verse number="9">恁豈毋是將上主的祭司， 亞倫 的子孫，及 利未 人趕走，照外國人的作法家己設立祭司？甚至無論什麼人牽一隻牛仔及七隻綿羊來，恁就給伊設立做所謂神明的祭司。</verse>
				<verse number="10">「毋拘阮咧，上主是阮的上帝，阮無棄拺伊；阮有祭司， 亞倫 的子孫，及 利未 人啲執行服事上主的職務。</verse>
				<verse number="11">逐日早暗，阮獻燒化祭，燒芳香，佇純金的桌排獻祭的餅互上主；逐下昏閣點金燈台的燈；因為阮遵守上主 — 阮的上帝的命令，毋拘恁棄拺伊。</verse>
				<verse number="12">看咧，上帝及阮同在，閣領導阮；伊的祭司嘛大聲歕喇叭欲攻擊恁。 以色列 人啊，毋通及上主 — 恁列祖的上帝交戰，因為恁一定𣍐贏。」</verse>
				<verse number="13">耶羅波安 召一部份的兵佇 猶大 人的後面埋伏，伊的軍隊對正面進攻。</verse>
				<verse number="14">猶大 人越頭看，看著𪜶前後受包圍，就求叫上主；祭司嘛歕喇叭。</verse>
				<verse number="15">猶大 人就大聲喝進攻。𪜶大聲喝的時，上帝就佇 亞比雅 及 猶大 人的面前拍敗 耶羅波安 及 以色列 的軍隊。</verse>
				<verse number="16">以色列 人佇 猶大 人的面前逃走；上帝將𪜶交佇 猶大 人的手。</verse>
				<verse number="17">亞比雅 及伊的軍兵大勝利； 以色列 人特選的兵受刣死的有五十萬。</verse>
				<verse number="18">以色列 人受制伏； 猶大 人得勝，因為𪜶倚靠上主 — 𪜶列祖的上帝。</verse>
				<verse number="19">亞比雅 追趇 耶羅波安 ，攻取伊幾若個城，就是 伯特利 、 耶沙拿 、 以弗崙 ，以及諸個城附近的庄社。</verse>
				<verse number="20">亞比雅 在位的時， 耶羅波安 無閣再強盛；上主拍 耶羅波安 ，伊就死。</verse>
				<verse number="21">亞比雅 漸漸強盛。伊有某十四個、子二十二個、查某子十六個。</verse>
				<verse number="22">亞比雅 其他的事蹟及伊的所行所做，攏記載佇先知 易多 的 評論集 。</verse>
			</chapter>
			<chapter number="14">
				<verse number="1">亞比雅 轉去伊的列祖遐，人給伊安葬佇 大闢 城；伊的子 亞撒 續接伊作王。 亞撒 在位的時，全國太平十年久。</verse>
				<verse number="2">亞撒 做上主 — 伊的上帝看做好，看做正直的事。</verse>
				<verse number="3">伊廢除外邦神明的壇及山頭壇，毀壞石柱，剉 亞舍拉 女神的柱像，</verse>
				<verse number="4">閣命令 猶大 人尋求上主 — 𪜶列祖的上帝，遵趁伊的律法誡命；</verse>
				<verse number="5">閣佇 猶大 逐個城廢除山頭壇及香台。佇 亞撒 治理的時， 猶大 國得著太平。</verse>
				<verse number="6">伊佇 猶大 起幾若座堅固的城，因為國家太平。佇彼幾年攏無戰爭，因為上主賜伊平安。</verse>
				<verse number="7">伊對 猶大 人講：「咱著來強化諸個城，四圍起牆及城樓，安城門及門閂。因為咱有尋求上主 — 咱的上帝，此塊土地猶是咱的；咱有求叫上主，伊就賜咱四境平安。」𪜶就修造諸個城，事事攏順利。</verse>
				<verse number="8">亞撒 的軍兵，夯盾牌及槍的 猶大 人有三十萬，夯盾牌開弓的 便雅憫 人二十八萬；𪜶攏是強猛的勇士。</verse>
				<verse number="9">古實 王 謝拉 導軍兵一百萬，戰車三百台，來攻擊 猶大 ；𪜶來到 瑪利沙 。</verse>
				<verse number="10">亞撒 出去迎戰，雙方佇 瑪利沙 的 洗法 山谷排陣。</verse>
				<verse number="11">亞撒 求叫上主 — 伊的上帝講：「上主啊，你會當幫贊弱小的，嘛會當幫贊強大的。上主 — 阮的上帝啊，求你幫贊阮，因為阮倚靠你，閣奉你的名欲及許個強大的軍隊交戰。上主，你是阮的上帝，毋通互人較贏你。」</verse>
				<verse number="12">上主就拍 古實 人，互𪜶對 亞撒 及 猶大 人的面前逃走。</verse>
				<verse number="13">亞撒 及伊的軍兵追趇𪜶，直到 基拉耳 ； 古實 人死傷真多，軍力𣍐當閣復原 ，因為𪜶互上主及伊的軍隊完全拍敗。 猶大 人得著真多戰利品。</verse>
				<verse number="14">𪜶閣攻打 基拉耳 周圍的城，因為許個城的人攏真驚上主。 猶大 的軍隊搶遐所有的城，因為城內財物真多。</verse>
				<verse number="15">𪜶破壞牲生的椆，搶真多羊及駱駝，就倒去 耶路撒冷 。</verse>
			</chapter>
			<chapter number="15">
				<verse number="1">上帝的神臨到 俄德 的子 亞撒利雅 。</verse>
				<verse number="2">伊就去見 亞撒 ，對伊講：「 亞撒 及 猶大 、 便雅憫 的人民，請聽我講。恁若順趁上主，伊就及恁同在；恁若尋求伊，伊會互恁尋著；毋拘恁若棄拺伊，伊嘛會棄拺恁。</verse>
				<verse number="3">以色列 人已經真久無信真神，無教導的祭司，無律法，</verse>
				<verse number="4">毋拘𪜶佇患難的時歸向尋求上主 — 以色列 的上帝，伊就互𪜶尋著。</verse>
				<verse number="5">彼時，列國的住民抵著大擾亂，人出入無平安。</verse>
				<verse number="6">國攻擊國，城攻擊城，上帝用逐款災難擾亂𪜶。</verse>
				<verse number="7">今恁著堅強，毋通失膽，因為恁的所做會得著報賞。」</verse>
				<verse number="8">亞撒 聽著諸個話，及 俄德 的子 亞撒利雅 的預言，就堅強起來，佇 猶大 及 便雅憫 全地，以及伊所攻取 以法蓮 山區許個城，廢除所有可惡的偶像，閣修建聖殿走廊頭前上主的祭壇。</verse>
				<verse number="9">伊閣聚集 猶大 人、 便雅憫 人，以及寄居佇𪜶中間的 以法蓮 人、 瑪拿西 人，及 西緬 人；有真多 以色列 人出來歸順 亞撒 ，因為𪜶看見上主 — 伊的上帝及伊同在。</verse>
				<verse number="10">亞撒 王第十五年三月，𪜶攏聚集佇 耶路撒冷 。</verse>
				<verse number="11">彼日，𪜶對帶來的戰利品中間，奉獻七百隻牛及七千隻羊做祭互上主。</verse>
				<verse number="12">𪜶立約，欲全心全意尋求上主 — 𪜶列祖的上帝；</verse>
				<verse number="13">所有無尋求上主 — 以色列 的上帝的人，無論男女大細，攏著處死。</verse>
				<verse number="14">𪜶就大聲歡呼，歕哨角及喇叭，對上主咒誓。</verse>
				<verse number="15">猶大 人民攏真歡喜，因為𪜶全心對上主咒誓，閣全意尋求上主，上主就互𪜶尋著，賞賜𪜶四境平安。</verse>
				<verse number="16">亞撒 王廢除伊的阿嬤 瑪迦 太后的位，因為 瑪迦 有造 亞舍拉 可惡的神像。 亞撒 將神像剉掉，破互碎碎，佇 汲淪 溪谷放火燒。</verse>
				<verse number="17">雖然許個山頭壇猶未對 以色列 中除去，毋拘 亞撒 一生完全順服上主。</verse>
				<verse number="18">伊將伊的老父及伊本身分別作聖的金、銀，及器具，攏帶入上帝的聖殿。</verse>
				<verse number="19">對彼時到 亞撒 作王第三十五年，攏無閣有戰爭。</verse>
			</chapter>
			<chapter number="16">
				<verse number="1">亞撒 作王第三十六年， 以色列 王 巴沙 來攻擊 猶大 ，修建 拉瑪 城，欲阻擋人佇 猶大 王 亞撒 遐出入。</verse>
				<verse number="2">亞撒 就對上主聖殿及王宮的府庫提金銀，送互徛起佇 大馬士革 的 敘利亞 王 便‧哈達 ，對伊講：</verse>
				<verse number="3">「咱來結盟，親像你的老父曾及我的老父結盟。今我將金銀送你，請你廢除你及 以色列 王 巴沙 所立的約，互伊對 猶大 撤退。」</verse>
				<verse number="4">便‧哈達 同意 亞撒 王的話，就派伊的軍長去攻擊 以色列 的城，攻破 以雲 、 但 、 亞伯‧伯‧瑪迦 ，及 拿弗他利 所有囤積的城。</verse>
				<verse number="5">巴沙 聽著此個消息，就停工無閣修建 拉瑪 。</verse>
				<verse number="6">對按呢， 亞撒 王導 猶大 人民，將 巴沙 用來欲修建 拉瑪 的石頭及柴料，搬去重建 迦巴 及 米斯巴 。</verse>
				<verse number="7">彼時，先見 哈拿尼 來見 猶大 王 亞撒 ，對伊講：「因為你倚靠 敘利亞 王，無倚靠上主 — 你的上帝，所以 敘利亞 王的軍兵會脫離你的手頭。</verse>
				<verse number="8">古實 人及 利比亞 人的軍隊豈毋是真強大？𪜶的戰車及馬兵豈毋是真多？毋拘因為你倚靠上主，伊就將𪜶交佇你的手。</verse>
				<verse number="9">上主的目睭啲巡視全地；所有專心歸向伊的，伊會賞賜𪜶氣力。佇及 敘利亞 結盟此個代誌，你做了真戇；因為按呢，你以後不時會有戰爭。」</verse>
				<verse number="10">亞撒 聽了非常受氣，就將先見關佇監裡。像時， 亞撒 嘛虐待一寡人民。</verse>
				<verse number="11">亞撒 的事蹟，對頭到尾攏記載佇 猶大及以色列列王史 。</verse>
				<verse number="12">亞撒 王第三十九年，伊的腳著病，症頭真傷重。破病的時伊無求上主，干焦尋醫生。</verse>
				<verse number="13">亞撒 作王四十一年就死，</verse>
				<verse number="14">安葬佇 大闢 城，伊為家己拍好的墓。人將伊下佇床枋；床枋頂囥真多照特別的方法調和的逐種芳料。人閣起真大的火記念伊。</verse>
			</chapter>
			<chapter number="17">
				<verse number="1">約沙法 續接伊的老父 亞撒 做 猶大 王，奮發自強，對抗 以色列 。</verse>
				<verse number="2">伊派軍隊駐在佇 猶大 許個堅固的城，閣佇 猶大 地，及伊的老父 亞撒 所攻取 以法蓮 許個城派兵防守。</verse>
				<verse number="3">上主及 約沙法 同在，因為伊照伊的老父 初期的所做去做，無拜巴力；</verse>
				<verse number="4">只有服事伊的老父的上帝，遵行伊的誡命，無照 以色列 諸王的所做去做。</verse>
				<verse number="5">所以上主堅固 約沙法 的統治； 猶大 人民獻禮物互伊。伊就有真多財富閣真受人尊敬。</verse>
				<verse number="6">伊勇敢行上主的道路；閣對 猶大 廢除山頭壇及 亞舍拉 女神的柱像。</verse>
				<verse number="7">伊作王第三年派伊的人臣 便‧亥伊勒 、 俄巴底亞 、 撒迦利亞 、 拿坦業 、 米該亞 ，去 猶大 逐個城教導人民。</verse>
				<verse number="8">及𪜶做夥去的有 利未 人 示瑪雅 、 尼探雅 、 西巴第雅 、 亞撒黑 、 示米拉末 、 約拿單 、 亞多尼雅 、 多比雅 、 駝‧巴多尼雅 ，以及祭司 以利沙瑪 及 約蘭 。</verse>
				<verse number="9">𪜶帶上主律法的冊，行透 猶大 所有的城，教示人民。</verse>
				<verse number="10">猶大 周圍列國攏真驚上主，毋敢及 約沙法 交戰。</verse>
				<verse number="11">非利士 人有的進貢銀互 約沙法 ； 阿拉伯 人閣送綿羊及山羊各七千七百隻。</verse>
				<verse number="12">約沙法 愈來愈強盛，佇 猶大 起要塞及囤積的城。</verse>
				<verse number="13">伊佇 猶大 的城有做真多工程；閣佇 耶路撒冷 有勇猛的戰士。</verse>
				<verse number="14">𪜶的數目，照宗族記佇下面： 猶大 支族第一個指揮官是 押拿 ，導勇猛的戰士三十萬；</verse>
				<verse number="15">第二個是 約哈難 ，導二十八萬；</verse>
				<verse number="16">第三個是 細基利 的子 亞瑪斯雅 ，伊甘願奉獻家己互上主，導二十萬勇猛的戰士。</verse>
				<verse number="17">便雅憫 支族的勇猛戰士 以利雅大 ，導攑弓箭及盾牌的戰士二十萬；</verse>
				<verse number="18">第二個是 約薩拔 ，導武裝戰士十八萬。</verse>
				<verse number="19">諸個攏啲侍候王；另外猶有王派駐佇 猶大 堅固的城的軍隊。</verse>
			</chapter>
			<chapter number="18">
				<verse number="1">約沙法 有真多財富閣真受尊敬；伊及 以色列 王 亞哈 結親。</verse>
				<verse number="2">過幾若年，伊落去 撒馬利亞 拜訪 亞哈 ； 亞哈 為著伊及伊的跟隨，刣真多牛、羊，說服伊做夥去攻打 基列 的 拉末 。</verse>
				<verse number="3">以色列 王 亞哈 對 猶大 王 約沙法 講：「你欲及我做夥去攻打 基列 的 拉末 無？」 約沙法 應講：「我的就是你的，我的人民就是你的人民，阮欲及你做夥去交戰。」</verse>
				<verse number="4">約沙法 閣對 以色列 王講：「請你先問上主的意思。」</verse>
				<verse number="5">以色列 王就召集先知四百人，問𪜶講：「阮通去攻打 基列 的 拉末 ，抑是毋通？」 𪜶應講：「通去攻打；上帝欲將此個城交佇王的手。」</verse>
				<verse number="6">約沙法 講：「遮豈無閣有上主的先知互咱通問？」</verse>
				<verse number="7">以色列 王給 約沙法 講：「猶有一個人，是 音拉 的子 米該雅 ，咱通對伊請問上主；毋拘我怨恨伊，因為伊對我講的預言無一項好，常常只有講災禍。」 約沙法 講：「請王毋通按呢講。」</verse>
				<verse number="8">以色列 王就召一個官員來，講：「你趕緊去叫 音拉 的子 米該雅 來。」</verse>
				<verse number="9">以色列 王及 猶大 王 約沙法 佇 撒馬利亞 城門口的五穀場，穿禮服，坐佇𪜶的寶座；所有的先知攏佇𪜶的面前講預言。</verse>
				<verse number="10">基拿拿 的子 西底家 做鐵的角，講：「上主按呢講：『你欲用諸個鐵角觸 敘利亞 人，觸甲𪜶攏消滅。』」</verse>
				<verse number="11">所有的先知攏按呢預言講：「通去攻打 基列 的 拉末 ，一定得勝，上主欲將此個城交佇王的手。」</verse>
				<verse number="12">彼個去叫 米該雅 的使者給伊講：「你看，所有的先知攏對王講好話。請你嘛及𪜶像款講好話。」</verse>
				<verse number="13">米該雅 講：「我指永活的上主咒誓，我的上帝講什麼，我就對王講什麼。」</verse>
				<verse number="14">米該雅 來到王的面前，王問伊講：「 米該雅 ，阮通去攻打 基列 的 拉末 ，抑是毋通？」 伊應講：「好啊，做你去攻打，一定會勝利；此個城會交佇恁的手。」</verse>
				<verse number="15">王對伊講：「我著叫你咒誓幾遍，你才會奉上主的名對我講實在話？」</verse>
				<verse number="16">米該雅 講：「我看見 以色列 眾人親像無牧者的羊四散佇山裡；上主按呢講：『諸個人無主人；逐個人通平安倒去𪜶兜。』」</verse>
				<verse number="17">以色列 王對 約沙法 講：「我豈無給你講，此個人對我講的預言攏無好話，只有講災禍。」</verse>
				<verse number="18">米該雅 繼續講：「所以，著聽上主的話！我看見上主坐佇寶座，天頂的萬軍徛佇伊的正旁倒旁。</verse>
				<verse number="19">上主講：『什麼人欲引誘 以色列 王 亞哈 ，互伊去 基列 的 拉末 ，死佇遐？』此個講按呢，彼個講按呢。</verse>
				<verse number="20">後來有一個神出來，徛佇上主的面前，講：『我去給伊引誘。』上主問伊講：『你欲按怎給引誘？』</verse>
				<verse number="21">伊應講：『我欲出去做白賊的神，互許個先知講白賊。』上主講：『你給伊引誘，一定會成功。你去，照按呢做。』</verse>
				<verse number="22">現在上主有互白賊的神入佇你諸個先知的嘴；上主宣布欲降災禍互你。」</verse>
				<verse number="23">基拿拿 的子 西底家 行進前，搧 米該雅 的嘴䩃，講：「上主的神什麼時離開我來對你講話？」</verse>
				<verse number="24">米該雅 講：「你去匿佇密房彼日就會知。」</verse>
				<verse number="25">以色列 王講：「將 米該雅 掠起來，交互市長 亞們 及王的子 約阿施 ，</verse>
				<verse number="26">給𪜶講：『王交代：將此個人關落監，互伊一屑仔餅及水就好，聽候我平安倒來。』」</verse>
				<verse number="27">米該雅 講：「你若真正平安倒來，就是上主無託我講話。」閣講：「恁大家，著會記得我講的話！」</verse>
				<verse number="28">以色列 王 亞哈 及 猶大 王 約沙法 去進攻 基列 的 拉末 。</verse>
				<verse number="29">以色列 王對 約沙法 講：「我欲改裝上戰場，你通穿你的王服。」 以色列 王就改裝，𪜶就上陣。</verse>
				<verse number="30">敘利亞 王有吩咐伊的戰車長講：「毋通及𪜶的士兵抑是官長交戰，只有及 以色列 王交戰。」</verse>
				<verse number="31">戰車長看著 約沙法 就講：「此個一定是 以色列 王！」𪜶就斡去欲攻擊伊。 約沙法 一下喝救命，上主就幫贊伊。上帝互𪜶離開無閣趇伊。</verse>
				<verse number="32">戰車長一下看著伊毋是 以色列 王，就越走無閣追伊。</verse>
				<verse number="33">有一個 敘利亞 的兵仔開弓，無拍算射入 以色列 王戰甲的敆綴。王給駛車的講：「我著重傷。緊踅翻頭，帶我離開戰場。」</verse>
				<verse number="34">彼日，交戰非常猛烈。有人扶 以色列 王，互伊徛佇車裡，面向 敘利亞 人；到下昏，差不多日落的時，伊就死。</verse>
			</chapter>
			<chapter number="19">
				<verse number="1">猶大 王 約沙法 平安倒去到 耶路撒冷 的王宮。</verse>
				<verse number="2">哈拿尼 的子先見 耶戶 出來迎接 約沙法 王，給伊講：「你哪會去幫贊歹人，疼怨恨上主的人？因為按呢，上主的受氣會臨到你。</verse>
				<verse number="3">毋拘你猶有好的表現；你有對此個國家廢除 亞舍拉 女神的柱像，閣堅心決意尋求上帝。」</verse>
				<verse number="4">約沙法 住佇 耶路撒冷 ；後來閣去民間巡視，對 別是巴 到 以法蓮 山區，導人民歸向上主 — 𪜶列祖的上帝。</verse>
				<verse number="5">伊佇 猶大 全地逐個堅固的城設立審判官。</verse>
				<verse number="6">伊對許個審判官講：「恁辦事著謹慎，因為恁審判毋是用人的權威，是奉上主的權柄；恁審判的時，上主會及恁同在。</verse>
				<verse number="7">今恁著驚畏上主，謹慎辦事，因為上主 — 咱的上帝無容允不義，無偏袒，無收賄賂。」</verse>
				<verse number="8">約沙法 對 利未 人、祭司，及 以色列 族長的中間選派人，佇 耶路撒冷 為上主判決案件，調解紛爭。𪜶攏住佇 耶路撒冷 。</verse>
				<verse number="9">伊閣命令𪜶講：「恁著驚畏上主，忠心誠實辦理代誌。</verse>
				<verse number="10">住佇逐個城的同胞若有紛爭來尋恁，無論是為著刣人，抑是為著律法及誡命、規例及命令諸個代誌，恁著警戒𪜶，毋通得罪上主，才免上主的受氣臨到恁及恁的同胞。恁按呢做，就𣍐致到犯罪。</verse>
				<verse number="11">今，宗教案件由大祭司 亞瑪利雅 做最後的裁決；民事案件由 猶大 的族長 以實瑪利 的子 西巴第雅 做最後的裁決； 利未 人做官長協助恁。恁著好膽辦事。願上主及正直的人同在。」</verse>
			</chapter>
			<chapter number="20">
				<verse number="1">過無偌久， 摩押 人及 亞捫 人，閣有一寡 米烏尼 人 ，做夥來欲攻擊 約沙法 。</verse>
				<verse number="2">有人來報告 約沙法 講：「對海彼旁 以東 遐有大軍隊來攻擊。𪜶現在佇 哈洗遜‧他瑪 (就是 隱‧基底)。」</verse>
				<verse number="3">約沙法 非常驚，決定欲懇求上主，宣布 猶大 全地禁食。</verse>
				<verse number="4">猶大 人就聚集，求上主幫贊； 猶大 逐個城攏有人出來尋求上主。</verse>
				<verse number="5">約沙法 就佇 猶大 及 耶路撒冷 的大會中，徛佇上主聖殿新的埕的頭前，</verse>
				<verse number="6">祈禱講：「上主 — 阮列祖的上帝，你豈毋是佇天裡的上帝？你豈毋是萬邦萬國的主宰？佇你的手有權能有氣力，無一個會當對抗你。</verse>
				<verse number="7">阮的上帝，你曾佇你子民 以色列 人的面前趕出此個地的住民，將此個地永遠賜互你的朋友 亞伯拉罕 的後代。</verse>
				<verse number="8">𪜶就住佇此個地，閣為著榮耀你的名佇遮起聖殿，講：</verse>
				<verse number="9">『若有災禍臨到阮，無論是刀劍、責罰、瘟疫、飢荒，阮欲徛佇此間聖殿的頭前，佇你的面前為著阮的患難求叫你；你欲聽來解救，因為你臨在佇此間殿。』</verse>
				<verse number="10">「早前，阮的祖先出 埃及 地的時，你不准𪜶侵犯 亞捫 人、 摩押 人，及 以東 人 的土地，阮的祖先就踅對別條路，無給𪜶消滅。</verse>
				<verse number="11">現在，𪜶來欲趕逐阮離開你賞賜互阮做產業的土地；𪜶竟然按呢回報阮。</verse>
				<verse number="12">阮的上帝啊，你無欲責罰𪜶是無？阮無氣力通對抗諸個來攻擊阮的大軍隊，嘛毋知著按怎做，毋拘阮欲仰望你。」</verse>
				<verse number="13">猶大 眾人，及𪜶的細漢囝仔、𪜶的某、𪜶的子兒，攏徛佇上主的面前。</verse>
				<verse number="14">彼時，上主的神佇大會中臨到 雅哈悉 ；伊是 利未 人 亞薩 的後代， 瑪他尼 的元孫， 耶利 的曾孫， 比拿雅 的孫， 撒迦利亞 的子。</verse>
				<verse number="15">伊講：「 猶大 眾人、 耶路撒冷 的住民，及 約沙法 王，著注意聽！上主對恁按呢講：『毋免因為此個大軍隊驚惶失膽，因為戰爭的勝敗不在佇恁，是在佇上帝。</verse>
				<verse number="16">明仔載恁著落去迎戰；𪜶對 洗斯 山坪上來，恁會佇 耶魯伊勒 曠野頭前的山谷口抵著𪜶。</verse>
				<verse number="17">猶大 及 耶路撒冷 人，此遍恁毋免出手交戰；恁只有排陣徛啲，看上主按怎解救恁。毋免驚惶，毋免失膽！明仔載出去迎戰，上主會及恁同在。』」</verse>
				<verse number="18">約沙法 俯頭仆佇土腳； 猶大 眾人及 耶路撒冷 的住民嘛仆佇上主的面前，敬拜上主。</verse>
				<verse number="19">哥轄 宗族及 可拉 宗族的 利未 人攏徛起來，用極大的聲稱讚上主 — 以色列 的上帝。</verse>
				<verse number="20">隔日𪜶早早起來，出去 提哥亞 的曠野；出去的時， 約沙法 徛啲，講：「 猶大 人及 耶路撒冷 的住民，聽我講，恁著信上主 — 恁的上帝，就會徛在；信伊的先知就會得勝。」</verse>
				<verse number="21">伊及人民參詳了後，就設立唱歌稱讚上主的人，互𪜶行佇軍隊的頭前稱讚聖潔尊貴的上主，講：「著感謝上主，因為伊的慈愛續到永遠。」</verse>
				<verse number="22">𪜶一下唱歌歡呼的時，上主派埋伏的兵攻擊許個來攻打 猶大 的 亞捫 、 摩押 ，及 以東 人；諸個對敵就受拍敗。</verse>
				<verse number="23">亞捫 及 摩押 人攻擊 以東 人，將𪜶全部剿滅；剿滅 以東 人了後，𪜶兩族閣互相殘殺。</verse>
				<verse number="24">猶大 人到曠野的守望台，欲看許個大軍隊；一下看，看著身屍倒甲滿四界，無一個逃脫。</verse>
				<verse number="25">約沙法 及伊的軍兵來抄戰利品，尋著真多牲生 、財物、衣服、寶貝，多甲帶𣍐去。𪜶搶三日，因為物件真多。</verse>
				<verse number="26">第四日，𪜶聚集佇 比拉迦 的山谷；𪜶佇遐稱讚上主，所以彼所在叫做 比拉迦 山谷，到今仔日。</verse>
				<verse number="27">約沙法 導 猶大 及 耶路撒冷 的人歡歡喜喜倒去 耶路撒冷 ，因為上主互𪜶刣贏對敵。</verse>
				<verse number="28">𪜶彈琴，彈瑟，歕喇叭，來到 耶路撒冷 ，進入上主的聖殿。</verse>
				<verse number="29">周圍列國聽見上主刣贏 以色列 的對敵，就真驚上帝。</verse>
				<verse number="30">按呢 約沙法 的國太平，因為伊的上帝賜伊四境平安。</verse>
				<verse number="31">約沙法 坐位的時三十五歲，佇 耶路撒冷 做 猶大 王二十五年；伊的老母叫做 阿蘇芭 ，是 示利希 的查某子。</verse>
				<verse number="32">約沙法 行伊老父 亞撒 的路，攏無偏離，做上主看做好的事。</verse>
				<verse number="33">毋拘山頭壇猶未廢除，人民嘛猶未堅心決意歸向𪜶列祖的上帝。</verse>
				<verse number="34">約沙法 其他的事蹟，對頭到尾攏記載佇 哈拿尼 的子 耶戶 的冊；此本冊嘛收佇 以色列列王史 。</verse>
				<verse number="35">後來， 猶大 王 約沙法 及作惡多端的 以色列 王 亞哈謝 結盟。</verse>
				<verse number="36">兩個王做夥佇 以旬‧迦別 造船欲去 他施 。</verse>
				<verse number="37">彼時， 瑪利沙 人 多大瓦 的子 以利以謝 ，講預言攻擊 約沙法 ：「因為你及 亞哈謝 結盟，上主欲破壞你造的船。」船果然失事，𣍐當去 他施 。</verse>
			</chapter>
			<chapter number="21">
				<verse number="1">約沙法 轉去伊的列祖遐，及伊的列祖安葬佇 大闢 城；伊的子 約蘭 續接伊作王。</verse>
				<verse number="2">約蘭 有幾若個小弟，就是 約沙法 的子 亞撒利雅 、 耶歇 、 撒迦利亞 、 亞撒列夫 、 米迦勒 、 示法提雅 ；𪜶攏是 猶大 王 約沙法 的子。</verse>
				<verse number="3">𪜶的老父用真多金、銀、寶貝，及 猶大 地堅固的城做禮物互𪜶，毋拘將國位交互 約蘭 ，因為伊是大子。</verse>
				<verse number="4">約蘭 一下起來治理伊老父的國，就加強伊的統治，刣死伊所有的小弟，及 以色列 幾若個首領。</verse>
				<verse number="5">約蘭 坐位的時三十二歲，佇 耶路撒冷 作王八年。</verse>
				<verse number="6">伊行 以色列 諸王的路，所做的及 亞哈 家仝款；因為伊娶 亞哈 的查某子做某，做上主看做歹的事。</verse>
				<verse number="7">毋拘上主因為伊及 大闢 所立的約，毋甘滅 大闢 的家。上主照伊的應允，永遠賞賜一葩燈互 大闢 及伊的子孫。</verse>
				<verse number="8">約蘭 作王的時， 以東 背叛 猶大 ，脫離 猶大 的統治，設立𪜶家己的王。</verse>
				<verse number="9">約蘭 就導伊的軍官及所有的戰車過去。 以東 人給𪜶包圍。暝時 約蘭 及戰車長起來反擊。</verse>
				<verse number="10">按呢 以東 人背叛 猶大 ，脫離 猶大 的統治到今仔日。像彼時， 立拿 嘛脫離 約蘭 的統治，因為伊棄拺上主 — 伊列祖的上帝。</verse>
				<verse number="11">伊閣佇 猶大 的山起山頭壇，互 耶路撒冷 的住民行邪淫，互 猶大 人行偏路。</verse>
				<verse number="12">先知 以利亞 寫批互 約蘭 ，講：「上主 — 你的祖先 大闢 的上帝按呢講：『因為你無行 猶大 王，你的老父 約沙法 及阿公 亞撒 的路，</verse>
				<verse number="13">顛倒去行 以色列 諸王的路，閣互 猶大 及 耶路撒冷 的住民行邪淫，親像 亞哈 家的所做；你閣刣死你老父的家許個比你較好的小弟。</verse>
				<verse number="14">所以上主欲降大災禍拍你的人民，及你的子兒、你的某，以及你一切所有的。</verse>
				<verse number="15">你的腸仔欲犯著重病，愈來愈嚴重，致到墜落來。』」</verse>
				<verse number="16">上主激動 非利士 人及倚近 古實 的 阿拉伯 人，來攻打 約蘭 。</verse>
				<verse number="17">𪜶上來攻擊 猶大 ，侵入國境，搶奪王宮內面所有的財物，及伊的子伊的某；只有留煞尾子 亞哈謝 一個。</verse>
				<verse number="18">諸個代誌以後上主拍 約蘭 ，互伊的腸仔犯著𣍐醫得的病。</verse>
				<verse number="19">按呢拖兩年，伊的腸仔墜落來，病重就死。伊的人民無起火記念伊，無親像以前為著伊的祖先所做的。</verse>
				<verse number="20">約蘭 坐位的時三十二歲，佇 耶路撒冷 作王共八年。伊離開世間無人為著伊悲哀；人將伊安葬佇 大闢 城，毋拘無及列王埋做夥。</verse>
			</chapter>
			<chapter number="22">
				<verse number="1">耶路撒冷 的住民設立 約蘭 的煞尾子 亞哈謝 續接伊作王；因為及 阿拉伯 人做夥來攻城的軍隊，將 亞哈謝 的兄哥攏刣死。按呢 猶大 王 約蘭 的子 亞哈謝 就作王。</verse>
				<verse number="2">亞哈謝 坐位的時二十二歲 ，佇 耶路撒冷 作王一年。伊的老母叫做 亞她利雅 ，是 以色列 王 暗利 的查某孫。</verse>
				<verse number="3">伊嘛行 亞哈 家的路；因為伊的老母教伊做歹。</verse>
				<verse number="4">伊親像 亞哈 家做上主看做歹的事；因為伊的老父死了後， 亞哈 家的人來教伊做歹致到伊滅亡。</verse>
				<verse number="5">伊接受𪜶的計策，及 以色列 王 亞哈 的子 約何蘭 做夥去 基列 的 拉末 ，及 敘利亞 王 哈薛 交戰； 敘利亞 人拍傷 約何蘭 。</verse>
				<verse number="6">約何蘭 倒去 耶斯列 ，欲醫治伊佇 拉末 及 敘利亞 王 哈薛 交戰的時所受的傷。 約蘭 的子 猶大 王 亞哈謝 落去 耶斯列 ，探訪 亞哈 的子 約何蘭 ，因為伊破病。</verse>
				<verse number="7">亞哈謝 來看 約何蘭 ，煞抵著陷害，這是出佇上帝的意思。伊佇遐的時，及 約何蘭 出去，抵著 寧示 的孫 耶戶 ；上主有選立 耶戶 ，欲互伊消滅 亞哈 家。</verse>
				<verse number="8">耶戶 啲執行上帝的審判，刑罰 亞哈 家的時，抵著 猶大 許個領袖，及 亞哈謝 兄哥的子 — 𪜶攏是啲侍候 亞哈謝 ； 耶戶 將𪜶攏刣死。</verse>
				<verse number="9">亞哈謝 匿佇 撒馬利亞 ， 耶戶 派人去掠伊；人尋著伊，給伊帶去 耶戶 遐，將伊刣死。人給伊埋葬，因為𪜶講：「伊是彼個專心尋求上主的 約沙法 的孫。」按呢， 亞哈謝 的家無人有能力維持王權。</verse>
				<verse number="10">亞哈謝 的老母 亞她利雅 一下知伊的子受殺害，就起來剿滅 猶大 王室所有的後代。</verse>
				<verse number="11">毋拘 約蘭 王的查某子 約示芭 ，將 亞哈謝 的子 約阿施 ，對許個受刣的王子中偷抱出來，將伊及伊的奶母藏佇聖殿的睏房，無互 亞她利雅 知，互 約阿施 免受殺害。 約示芭 是 亞哈謝 的小妹，祭司 耶何耶大 的某。</verse>
				<verse number="12">亞她利雅 治理 猶大 國的時， 約阿施 及伊的奶母做夥匿佇上帝的殿六年久。</verse>
			</chapter>
			<chapter number="23">
				<verse number="1">第七年， 耶何耶大 勇敢採取行動；召集導一百個兵的軍官 耶羅罕 的子 亞撒利雅 、 約哈難 的子 以實瑪利 、 俄備得 的子 亞撒利雅 、 亞大雅 的子 瑪西雅 、 細基利 的子 以利沙法 ，來及伊立約。</verse>
				<verse number="2">𪜶行透 猶大 ，對 猶大 許個城聚集 利未 人及 以色列 逐宗族的族長來 耶路撒冷 。</verse>
				<verse number="3">所有的會眾佇上帝的殿及王立約。 耶何耶大 對𪜶講：「恁看，王的子佇遮！照上主對 大闢 後代的應允，伊一定著作王。</verse>
				<verse number="4">今，恁著按呢做：恁諸個祭司及 利未 人，佇安歇日值班的時，著三分一顧守聖殿所有的門，</verse>
				<verse number="5">三分一顧守王宮，三分一顧守 根基門 ；會眾攏著佇上主聖殿的埕。</verse>
				<verse number="6">所有的人民攏毋通進入上主的殿；只有祭司及啲服事的 利未 人通入去，因為𪜶有聖化歸上主。所有的人民著遵守上主的命令。</verse>
				<verse number="7">利未 人著帶軍器，佇王的四圍保護；所有進入聖殿的人著互伊死；王無論佇叨位，恁攏著跟隨保護伊。」</verse>
				<verse number="8">利未 人及 猶大 眾人，攏照祭司 耶何耶大 的命令去做；逐個人帶𪜶的部下，無論安歇日值班抑是無值班的人攏來；因為祭司 耶何耶大 毋准𪜶離開。</verse>
				<verse number="9">祭司 耶何耶大 就將囥佇上帝聖殿內面 大闢 王的槍及大細盾牌，交互許個管一百個兵的軍官。</verse>
				<verse number="10">耶何耶大 閣將軍器分互人民；𪜶佇祭壇及聖殿遐，對殿的南旁到北旁，徛佇王的四圍保護。</verse>
				<verse number="11">𪜶就導 約阿施 出來，給伊戴王冠，將有關王權的約書交互伊； 耶何耶大 及伊許個子給伊抹油，設立伊作王；𪜶喝講：「願王萬歲！」</verse>
				<verse number="12">亞她利雅 聽著人民那走那謳咾王的聲，就去到聚集佇上主聖殿的人民遐，</verse>
				<verse number="13">看著王徛佇聖殿入口的柱邊，官長及歕喇叭的人徛佇王的邊仔；國內的人民攏歡喜，歕喇叭；閣有唱歌的，用逐款的樂器導人民唱歌謳咾。 亞她利雅 就拆裂伊的衫，喝講：「造反啦，造反啦！」</verse>
				<verse number="14">祭司 耶何耶大 導許個管一百個兵的軍官出來，因為伊毋愛有人佇上主的聖殿互人刣死，就對𪜶講：「給伊對隊伍的中間趕出去；欲隨伊的，著互伊死。」</verse>
				<verse number="15">𪜶閃開雙旁互 亞她利雅 過去；伊到進入王宮的 馬門 ，就佇遐互人刣死。</verse>
				<verse number="16">耶何耶大 及王以及人民做夥立約，欲做上主的子民。</verse>
				<verse number="17">對按呢，全國的人民攏給巴力的廟拆毀，拍碎祭壇及偶像，閣佇壇前拍死巴力的祭司 馬坦 。</verse>
				<verse number="18">耶何耶大 派 利未 人做祭司的負責顧守上主的聖殿。諸個祭司是照 大闢 以前的規定，啲負責上主聖殿的職務；照 摩西 的律法，歡喜稱讚，向上主獻燒化祭。</verse>
				<verse number="19">伊嘛派人顧守上主聖殿逐個門；無論什麼緣故，禮儀上無清氣的人攏𣍐用得入去。</verse>
				<verse number="20">耶何耶大 閣導軍官及貴族，民間的首領及全國人民，請王對上主的聖殿落來；對正門進入王宮，互伊坐王位。</verse>
				<verse number="21">全國人民攏歡喜快樂，全城攏平靜； 亞她利雅 已經互人刣死。</verse>
			</chapter>
			<chapter number="24">
				<verse number="1">約阿施 作王的時才七歲，佇 耶路撒冷 作王四十年；伊的老母叫做 西比亞 ，是 別是巴 人。</verse>
				<verse number="2">祭司 耶何耶大 活啲的時， 約阿施 做上主看做好的事。</verse>
				<verse number="3">耶何耶大 給伊娶兩個某，伊有生後生查某子。</verse>
				<verse number="4">後來 約阿施 決定欲整修上主的殿，</verse>
				<verse number="5">就召集祭司及 利未 人，給𪜶講：「恁著去 猶大 逐個城，對 以色列 眾人收稅金，通逐年修理上帝的殿。恁著趕緊辦理此個事。」毋拘 利未 人無隨時辦理。</verse>
				<verse number="6">王召𪜶的領袖 耶何耶大 來，對伊講：「上主的僕人 摩西 及 以色列 的會眾，有為著約櫃的會幕規定著納的稅，你是按怎攏無命令 利未 人對 猶大 及 耶路撒冷 徵收？」</verse>
				<verse number="7">因為彼個歹婦仁人 亞她利雅 及隨伊的曾侵入上帝的殿，閣用上主殿內聖化歸上主的物獻互巴力。</verse>
				<verse number="8">王就命令人做一個奉獻櫃，下佇上主聖殿的門外。</verse>
				<verse number="9">伊閣對 猶大 及 耶路撒冷 的人民宣布，著照上帝的僕人 摩西 佇曠野所規定著獻的稅金，帶來獻互上主。</verse>
				<verse number="10">所有的首領及人民攏歡喜帶來落佇奉獻櫃，到淀起來。</verse>
				<verse number="11">利未 人看著奉獻櫃已經淀，就帶去互王派的官員；王的書記及大祭司的代表就來，將內面的銀收起來，才閣將奉獻櫃下轉去原位。𪜶逐日按呢做，收著的銀真多。</verse>
				<verse number="12">王及 耶何耶大 將錢交互監督整修上主聖殿的人；𪜶就倩拍石、作木、拍鐵，及拍銅的師傅修理上主的聖殿。</verse>
				<verse number="13">做工的人攏認真做工，修理的工程就順利完成；上帝的聖殿回復親像以前，閣真堅固。</verse>
				<verse number="14">完工了後，𪜶將所賰的錢交互王及 耶何耶大 ，提來造上主殿內的器具，就是服事及獻燒化祭的器具；閣造囥香的𥐵仔以及金銀的器具。 耶何耶大 活啲的時，人常常佇上主的聖殿獻燒化祭。</verse>
				<verse number="15">耶何耶大 年老，歲壽足，就死；死的時一百三十歲。</verse>
				<verse number="16">人將伊及列王做夥安葬佇 大闢 城；因為伊佇 以色列 中為上帝及上帝的殿有真大的貢獻。</verse>
				<verse number="17">耶何耶大 死了， 猶大 眾首領來朝見王；王接受𪜶的意見。</verse>
				<verse number="18">王及眾首領放拺上主 — 𪜶列祖的上帝的殿，去服事 亞舍拉 女神及偶像。𪜶犯此個罪，上帝的大受氣就臨到 猶大 及 耶路撒冷 。</verse>
				<verse number="19">雖然上主差先知去𪜶遐欲導𪜶歸向上主；先知給𪜶警告，毋拘𪜶毋聽。</verse>
				<verse number="20">彼時上帝的神臨到祭司 耶何耶大 的子 撒迦利亞 ；伊徛佇高的所在對人民講：「上帝按呢講：『恁是按怎違背上主的誡命，致到𣍐亨通繁榮？因為恁棄拺上主，上主嘛棄拺恁。』」</verse>
				<verse number="21">𪜶共謀欲害 撒迦利亞 ，就照王的命令，佇上主聖殿的埕，用石頭給伊抌死。</verse>
				<verse number="22">約阿施 王無帶念 撒迦利亞 的老父 耶何耶大 對伊的恩情，害死 耶何耶大 的子。 撒迦利亞 死的時，講：「願上主監察申冤！」</verse>
				<verse number="23">年尾， 敘利亞 的軍兵上來攻擊 約阿施 ，來到 猶大 及 耶路撒冷 ，刣死人民的首領，將所搶的戰利品運去 大馬士革 王遐。</verse>
				<verse number="24">敘利亞 的軍兵只有一小隊的人，毋拘上主互𪜶拍敗 猶大 大軍，是因為 猶大 放拺上主 — 𪜶列祖的上帝，才用按呢責罰 約阿施 。</verse>
				<verse number="25">約阿施 受重傷。 敘利亞 的軍兵撤退了後， 約阿施 的人臣背叛伊，為著報復伊殺害祭司 耶何耶大 許個子，將伊刣死佇伊家己的眠床。人將伊安葬佇 大闢 城，毋拘無及列王埋做夥。</verse>
				<verse number="26">背叛伊的是 亞捫 的婦仁人 示米押 的子 撒拔 ，及 摩押 的婦仁人 示米利 的子 約薩拔 。</verse>
				<verse number="27">有關 約阿施 許個子，及對伊的預言，以及伊整修上帝聖殿的事蹟，攏記載佇 列王評論集 。伊的子 亞瑪謝 續接伊作王。</verse>
			</chapter>
			<chapter number="25">
				<verse number="1">亞瑪謝 坐位的時二十五歲，佇 耶路撒冷 作王二十九年；伊的老母叫做 約耶但 ，是 耶路撒冷 人。</verse>
				<verse number="2">亞瑪謝 做上主看做好的事，毋拘心無專一。</verse>
				<verse number="3">伊的王權一下堅固，就將刣死伊老父 猶大 王許個人臣處死。</verse>
				<verse number="4">毋拘伊無刣死許個人臣的子兒，是照 摩西 律法的冊所記載上主的命令：毋通因為子兒的所做給老父處死，嘛毋通因為老父的所做給子兒處死；逐個人著因為家己的罪死。</verse>
				<verse number="5">亞瑪謝 召集 猶大 人民，照宗族佇 猶大 及 便雅憫 支族設立導一千人抑是一百人個軍官。伊點算二十歲以上特選的兵有三十萬人；𪜶攏會當攑槍，提盾牌出戰。</verse>
				<verse number="6">伊閣用三千四百公斤的銀，對北國 以色列 倩十萬個勇猛的戰士。</verse>
				<verse number="7">有一個上帝重用的人來見伊講：「王啊，毋通互 以色列 的軍兵及你做夥去；因為上主無及 以色列 人，就是 以法蓮 的後代同在。</verse>
				<verse number="8">你若一定欲按呢做，無論你按怎奮勇作戰，上帝嘛會互你刣輸；因為上帝會當互人贏，嘛會當互人輸。」</verse>
				<verse number="9">亞瑪謝 問上帝重用的人講：「我已經用三千四百公斤的銀互 以色列 的軍隊，許個銀欲按怎？」 上帝重用的人應講：「上主會互你閣較多。」</verse>
				<verse number="10">亞瑪謝 就解散對北國 以色列 來的軍兵，叫𪜶倒去𪜶兜；𪜶對 猶大 人真受氣，氣沸沸倒去𪜶兜。</verse>
				<verse number="11">亞瑪謝 堅強起來，導伊的軍兵出去到 鹽 的山谷，刣死一萬個 以東 人。</verse>
				<verse number="12">猶大 人閣活掠一萬人，將𪜶帶到山崁頂面，對遐給𪜶捙落去，𪜶攏摔甲碎骨分屍。</verse>
				<verse number="13">許個互 亞瑪謝 解散的 以色列 軍兵，煞攻擊 撒馬利亞 及 伯‧和崙 中間的 猶大 城鎮，刣死三千人，閣搶真多物件。</verse>
				<verse number="14">亞瑪謝 刣贏 以東 人倒來，帶𪜶的神像，𫞼做神明，給𪜶跪拜燒香。</verse>
				<verse number="15">因為按呢，上主對 亞瑪謝 發大受氣，就差一個先知去見伊，講：「許個外族的神明都𣍐當救𪜶的人民脫離你的手，你是按怎求問𪜶？」</verse>
				<verse number="16">伊及王講話的時，王給伊截話講：「恬去！啥人設立你做王的參謀？你愛死噢？」 先知就恬去，毋拘閣講：「我知上帝決定欲給你消滅，因為你做此個代誌，閣毋聽我的勸戒。」</verse>
				<verse number="17">彼時， 猶大 王 亞瑪謝 及伊的參謀參詳了，派使者去見 耶戶 的孫， 約哈斯 的子， 以色列 王 約華施 ，講：「來，咱來戰場拼輸贏。」</verse>
				<verse number="18">以色列 王 約華施 派使者去給 猶大 王 亞瑪謝 講：「 黎巴嫩 的草刺差使者去見 黎巴嫩 的柏香樹，講：『你的查某子互我的子做某！』後來 黎巴嫩 有一隻野獸經過，給草刺踐踏。</verse>
				<verse number="19">你已經刣贏 以東 ，心就驕傲聳勢。你𫢶恁兜享受你的榮光就好，哪欲惹災禍，互你本身及 猶大 國做夥滅亡？」</verse>
				<verse number="20">毋拘 亞瑪謝 聽𣍐落去；此個代誌是出佇上帝，欲將𪜶交互對敵，因為𪜶求問 以東 的神明。</verse>
				<verse number="21">對按呢， 以色列 王 約華施 上來，佇 猶大 的 伯‧示麥 及 猶大 王 亞瑪謝 交戰。</verse>
				<verse number="22">猶大 互 以色列 拍敗，逐個人走倒去𪜶兜。</verse>
				<verse number="23">以色列 王 約華施 佇遐掠著 猶大 王 亞瑪謝 ，伊是 約哈斯 的孫， 約阿施 的子，給伊帶到 耶路撒冷 ，閣拆毀 耶路撒冷 的城牆，對 以法蓮門 到 角門 ，約兩百公尺。</verse>
				<verse number="24">約華施 將王宮的財寶，及 俄別‧以東 的後代所顧守上帝聖殿的金、銀、器具攏提去，閣掠人做人質，才倒去 撒馬利亞 。</verse>
				<verse number="25">約哈斯 的子 以色列 王 約華施 死了， 約阿施 的子 猶大 王 亞瑪謝 閣再活十五年。</verse>
				<verse number="26">亞瑪謝 其他的事蹟，對頭到尾攏記載佇 猶大及以色列列王史。</verse>
				<verse number="27">對 亞瑪謝 偏離無隨上主了後，佇 耶路撒冷 有人計謀欲害伊，伊就逃走去 拉吉 。𪜶派人趇到 拉吉 ，佇遐給伊刣死。</verse>
				<verse number="28">人用馬載伊的屍體倒來，將伊安葬佇 猶大 的城，列祖的墓地。</verse>
			</chapter>
			<chapter number="26">
				<verse number="1">猶大 的人民設立 烏西亞 續接伊的老父 亞瑪謝 作王，彼時伊十六歲。</verse>
				<verse number="2">亞瑪謝 王轉去伊的列祖遐了後， 烏西亞 收回 以祿 歸屬 猶大 國，閣給伊修建。</verse>
				<verse number="3">烏西亞 坐位的時十六歲，佇 耶路撒冷 作王五十二年；伊的老母叫做 耶可利雅 ，是 耶路撒冷 人。</verse>
				<verse number="4">烏西亞 做上主看做好的事，照伊的老父 亞瑪謝 的所做去做。</verse>
				<verse number="5">教導人敬畏上帝的 撒迦利亞 在世的時， 烏西亞 王尋求上主。伊尋求上主的年日，上帝互伊亨通繁榮。</verse>
				<verse number="6">伊出去攻擊 非利士 人，拆毀 迦特 、 雅比尼 ，及 亞實突 的城牆，佇 亞實突 地區及佇 非利士 人的中間起幾若個城。</verse>
				<verse number="7">上帝幫贊伊拍敗 非利士 人，及住佇 姑珥‧巴力 的 阿拉伯 人，以及 米烏尼 人。</verse>
				<verse number="8">亞捫 人給 烏西亞 進貢； 烏西亞 的名聲透到 埃及 ，因為伊非常強盛。</verse>
				<verse number="9">烏西亞 佇 耶路撒冷 的 角門 、 山谷門 ，及城牆斡角的所在，起堅固的城樓。</verse>
				<verse number="10">伊佇曠野起守望台，閣挖真多水池，因為伊佇山埔及平原有真多牲生；閣佇山區及肥的土地倩人種作及整理葡萄園，因為伊真愛種作。</verse>
				<verse number="11">烏西亞 有真多訓練有素的軍隊；𪜶攏經過書記 耶利 及副官 瑪西雅 點算，受王的將軍 哈拿尼雅 指揮，會當隨時分隊出去作戰。</verse>
				<verse number="12">諸個勇猛戰士的族長有兩千六百人。</verse>
				<verse number="13">佇𪜶的手下有軍兵三十萬七千五百人，攏是勇猛的戰士，𠢕相戰，幫贊王攻擊對敵。</verse>
				<verse number="14">烏西亞 為著全軍準備盾牌、槍、頭盔、戰甲，及弓，以及欲挕的石。</verse>
				<verse number="15">伊閣佇 耶路撒冷 請𠢕的師傅設計機器，安佇城樓及城牆的斡角，用來射箭，挕大塊石。 烏西亞 的名聲傳到真遠，國家真強盛，因為上帝幫贊伊。</verse>
				<verse number="16">烏西亞 強盛了後心就驕傲，致到衰敗，得罪上主 — 伊的上帝。伊入去上主的聖殿，欲佇香壇燒香。</verse>
				<verse number="17">祭司 亞撒利雅 導上主勇敢的祭司八十人隨 烏西亞 入去，</verse>
				<verse number="18">阻擋王，給伊講：「 烏西亞 ，燒香互上主毋是你應該做的代誌，是祭司 亞倫 的後代受分別來做的職務。你著對聖殿出去，因為你已經犯罪，你𣍐當得著主上帝互你的尊榮。」</verse>
				<verse number="19">烏西亞 手提香爐欲燒香，一下聽著，就對徛佇上主殿內香壇邊許個祭司發受氣；彼時伊的頭額忽然起痲瘋。</verse>
				<verse number="20">大祭司 亞撒利雅 及所有的祭司看著伊頭額起痲瘋，就給伊趕出聖殿，伊家己嘛趕緊離開，因為上主降災禍互伊。</verse>
				<verse number="21">烏西亞 王致著痲瘋到伊死的日，伊因為痲瘋受隔離，𣍐當閣進入上主的殿。伊的子 約坦 管理王家的事，治理國政。</verse>
				<verse number="22">烏西亞 其他的事蹟，對頭到尾有記載佇 亞摩斯 的子先知 以賽亞 的冊。</verse>
				<verse number="23">烏西亞 轉去伊的列祖遐；人講「伊致著痲瘋」，就將伊安葬佇列王墓園邊仔的墓地。伊的子 約坦 續接伊作王。</verse>
			</chapter>
			<chapter number="27">
				<verse number="1">約坦 坐位的時二十五歲，佇 耶路撒冷 作王十六年；伊的老母叫做 耶露莎 ，是 撒督 的查某子。</verse>
				<verse number="2">約坦 做上主看做好的事，照伊的老父 烏西亞 的所做去做，不過無親像伊的老父入去上主的殿燒香。人民的所做猶原敗壞。</verse>
				<verse number="3">約坦 起上主聖殿的 上門 ，佇 耶路撒冷 的 俄斐勒 擴建城牆，</verse>
				<verse number="4">閣佇 猶大 山地起城，佇樹林內起要塞及守望台。</verse>
				<verse number="5">伊及 亞捫 人的王交戰，得著勝利。彼年， 亞捫 人進貢銀三千四百公斤，大麥及小麥各一千公噸；第二年，第三年，嘛按呢進貢。</verse>
				<verse number="6">約坦 漸漸強盛，因為伊堅定順服上主 — 伊的上帝。</verse>
				<verse number="7">約坦 其他的事蹟、戰爭的記錄，及伊的所做，攏記載佇 以色列及猶大列王史 。</verse>
				<verse number="8">伊坐位的時二十五歲，佇 耶路撒冷 作王十六年。</verse>
				<verse number="9">約坦 轉去伊的列祖遐，安葬佇 大闢 城。伊的子 亞哈斯 續接伊作王。</verse>
			</chapter>
			<chapter number="28">
				<verse number="1">亞哈斯 坐位的時二十歲，佇 耶路撒冷 作王十六年；伊無親像伊的祖先 大闢 做上主看做好的事，</verse>
				<verse number="2">顛倒去行 以色列 許個王的路，甚至鑄造巴力的神像，</verse>
				<verse number="3">佇 欣嫩子 山谷燒香，燒伊的子兒獻做祭，學上主佇𪜶面前趕出的列國所做可惡的事；</verse>
				<verse number="4">閣佇山頭壇、逐個山崙仔、逐欉青翠的樹下面獻祭燒香。</verse>
				<verse number="5">亞哈斯 犯罪，上主 — 伊的上帝就將伊交佇 敘利亞 王的手。 敘利亞 王給伊拍敗，掠伊真多的人民去 大馬士革 。上主閣給伊交佇 以色列 王的手，刣死真多 猶大 人。</verse>
				<verse number="6">利瑪利 的子 以色列 王 比加 一日的中間刣死十二萬個 猶大 精兵；因為𪜶棄拺上主 — 𪜶列祖的上帝。</verse>
				<verse number="7">有一個 以色列 的勇士 細基利 ，刣死王的子 瑪西雅 、管理王宮的 亞斯利干 ，及宰相 以利加拿 。</verse>
				<verse number="8">以色列 人掠𪜶的兄弟 猶大 人，包括婦仁人、子、查某子，共二十萬；閣搶真多戰利品，帶去 撒馬利亞 。</verse>
				<verse number="9">佇 撒馬利亞 ，有一個上主的先知叫做 俄德 。伊出去迎接許個轉來 撒馬利亞 的軍兵，給𪜶講：「上主 — 恁列祖的上帝對 猶大 受氣，所以將𪜶交佇恁的手，恁竟然受氣抵天，刣死𪜶赫多人。</verse>
				<verse number="10">今恁想欲強迫諸個 猶大 人及 耶路撒冷 人，無論男女攏做恁的奴隸，按呢恁豈毋是得罪上主 — 恁的上帝？</verse>
				<verse number="11">著聽我講，恁掠來的是恁的兄弟姊妹，著放𪜶倒去，因為上主的大受氣已經臨到恁。」</verse>
				<verse number="12">對按呢，有幾若個 以法蓮 的領袖，就是 約哈難 的子 亞撒利雅 、 米實利末 的子 比利加 、 沙龍 的子 希西家 ，及 哈得萊 的子 亞瑪撒 起來阻止許個對戰場倒來的軍兵，</verse>
				<verse number="13">對𪜶講：「恁毋通將諸個俘虜帶來遮。咱已經得罪上主，恁想欲閣加添咱的罪及過失是無？咱的罪已經真重，有上主的大受氣臨到 以色列 啦。」</verse>
				<verse number="14">對按呢，軍兵就佇許個領袖及會眾的面前，將掠來的人及戰利品交出來。</verse>
				<verse number="15">頂面彼四個領袖就起來，照顧許個受掠的人；對戰利品提衫及鞋互褪裼的穿，閣互𪜶飲食，用油給𪜶抹；互行𣍐去的騎驢；將許個受掠的送去棕樹城 耶利哥 𪜶的同胞遐。後來 以色列 人就倒去 撒馬利亞 。</verse>
				<verse number="16">彼時， 亞哈斯 王派使者去見 亞述 許個王，請求𪜶援助，</verse>
				<verse number="17">因為 以東 人閣來拍 猶大 ，掠真多人做俘虜。</verse>
				<verse number="18">非利士 人嘛來侵犯西旁山埔及 猶大 南旁的城鎮，攻佔 伯‧示麥 、 亞雅崙 、 基低羅 ，以及 梭哥 、 亭拿 、 瑾鎖 諸個城及附近的庄社，閣住佇遐。</verse>
				<verse number="19">上主為著 猶大 王 亞哈斯 的緣故，互 猶大 衰微，因為 亞哈斯 佇 猶大 濫糝做，背逆上主。</verse>
				<verse number="20">亞述 王 提革拉‧比列色 上來，無幫贊伊，顛倒給伊欺壓。</verse>
				<verse number="21">亞哈斯 對上主的殿、王宮，及官員的家提財寶送互 亞述 王，毋拘 亞述 王無欲來幫贊伊。</verse>
				<verse number="22">亞哈斯 此個王佇危急的時，愈得罪上主。</verse>
				<verse number="23">伊獻祭互拍伊的 大馬士革 的神明；伊講：「因為 敘利亞 王的神明幫贊𪜶，我嘛欲向諸個神明獻祭，互𪜶通幫贊我。」毋拘許個神明顛倒互 亞哈斯 及全 以色列 人民衰敗。</verse>
				<verse number="24">亞哈斯 將上帝聖殿的器具攏集倚來，給𪜶拍碎；伊閣將上主聖殿的門關起來，佇 耶路撒冷 逐條街路的斡角起祭壇。</verse>
				<verse number="25">伊閣佇 猶大 逐個城起山頭壇，燒香互別個神明，惹上主 — 伊的列祖的上帝受氣。</verse>
				<verse number="26">亞哈斯 其他的事蹟及伊的所做，對頭到尾攏記載佇 猶大及以色列列王史 。</verse>
				<verse number="27">亞哈斯 轉去伊的列祖遐，人給伊安葬佇 耶路撒冷 城，無葬佇 以色列 諸個王的墓。伊的子 希西家 續接伊作王。</verse>
			</chapter>
			<chapter number="29">
				<verse number="1">希西家 坐位的時二十五歲，佇 耶路撒冷 作王二十九年；伊的老母叫做 亞比雅 ，是 撒迦利亞 的查某子。</verse>
				<verse number="2">希西家 做上主看做好的事，照伊的祖先 大闢 一切的所做。</verse>
				<verse number="3">希西家 作王彼年的正月，伊開上主聖殿的門，進行整修的工作。</verse>
				<verse number="4">伊召集許個祭司及 利未 人來聖殿東旁的廣場，</verse>
				<verse number="5">對𪜶講：「 利未 人，聽我講。恁著家己聖化歸上主，嘛著將上主 — 恁列祖的上帝的殿分別作聖，將聖殿所有的污穢摒清氣。</verse>
				<verse number="6">因為咱的祖先有犯罪，做上主 — 咱的上帝看做歹的事，棄拺伊，無致意上主徛起的所在。</verse>
				<verse number="7">𪜶閣關聖殿走廊的門，無點燈火，無佇聖所燒香，無獻燒化祭互上主 — 以色列 的上帝。</verse>
				<verse number="8">所以上主的大受氣臨到 猶大 及 耶路撒冷 ，互𪜶受人恥笑，互人驚惶，感覺恐怖，親像恁親目看著的按呢。</verse>
				<verse number="9">所以，咱的祖先互人刣死，咱的某子嘛互人掠去。</verse>
				<verse number="10">現在，我決定欲及上主 — 以色列 的上帝立約，互伊無閣對咱發大受氣。</verse>
				<verse number="11">我的子啊，毋通閣放外外，因為上主有揀選恁徛佇伊的面前服事，對伊燒香獻祭。」</verse>
				<verse number="12">對按呢，下面諸個 利未 人攏起來： 哥轄 宗族： 亞瑪賽 的子 瑪哈 及 亞撒利雅 的子 約珥 米拉利 宗族： 亞伯底 的子 基士 及 耶哈利勒 的子 亞撒利雅 革順 宗族： 薪瑪 的子 約亞 及 約亞 的子 伊甸</verse>
				<verse number="13">以利撒反 宗族： 申利 及 耶利 亞薩 宗族： 撒迦利亞 及 瑪他尼</verse>
				<verse number="14">希幔 宗族： 耶歇 及 示每 耶杜頓 宗族： 示瑪雅 及 烏薛</verse>
				<verse number="15">𪜶招集𪜶的親族潔淨家己，照王的命令，根據上主的話，入去潔淨上主的殿。</verse>
				<verse number="16">祭司就入去潔淨上主的聖殿，將殿內所有污穢的物帶出去上主聖殿的埕； 利未 人搬諸個物去㧒佇 汲淪 溪谷。</verse>
				<verse number="17">潔淨聖殿的工作對正月初一開始，初八清到上主聖殿的走廊。𪜶閣用八日繼續潔淨上主的殿，到正月十六就完成。</verse>
				<verse number="18">對按呢， 利未 人就去報告 希西家 王，講：「阮已經將上主歸間聖殿，獻燒化祭的祭壇及壇所有的器具，囥獻祭的餅的桌及所有的器具，攏潔淨完成。</verse>
				<verse number="19">亞哈斯 作王犯罪的時所棄拺的器具，阮攏重新款好勢，聖化歸上主。現在攏排佇上主祭壇的頭前。」</verse>
				<verse number="20">希西家 王透早起來，召集城內的領袖攏來上主的殿。</verse>
				<verse number="21">𪜶牽七隻牛、七隻綿羊、七隻羊羔、七隻山羊，欲為著國家、聖殿，及 猶大 人民獻做贖罪祭。王命令 亞倫 的後代許個祭司，將諸個牲生獻佇上主的祭壇。</verse>
				<verse number="22">祭司先刣牛，才刣綿羊，閣刣羊羔，將每一隻的血灑佇壇裡。</verse>
				<verse number="23">最後，𪜶將欲獻做贖罪祭的山羊，牽來王及會眾的面前；王及會眾就按手佇彼頂面。</verse>
				<verse number="24">祭司刣許個山羊，用𪜶的血做贖罪祭獻佇壇裡，為 以色列 眾人贖罪；按呢𪜶照王的命令為 以色列 眾人獻燒化祭及贖罪祭。</verse>
				<verse number="25">希西家 照上主通過 大闢 王、王的先見 迦得 ，及先知 拿單 的指示，就是照上主通過眾先知所吩咐的，派 利未 人提鈸、琴、瑟佇上主的殿。</verse>
				<verse number="26">利未 人提 大闢 的樂器，祭司攑喇叭，做夥徛啲。</verse>
				<verse number="27">希西家 命令佇祭壇獻燒化祭。燒化祭一下獻，𪜶就唱稱讚上主的歌，用喇叭，用 以色列 王 大闢 的樂器伴奏。</verse>
				<verse number="28">會眾攏敬拜，唱歌的吟詩，歕喇叭的伴奏，一直到獻燒化祭結束。</verse>
				<verse number="29">獻祭結束，王及所有在場的人攏向上主仆拜。</verse>
				<verse number="30">希西家 王及許個領袖閣命令 利未 人，用 大闢 及先見 亞薩 的詩稱讚上主；𪜶就歡歡喜喜頌讚，俯頭敬拜上主。</verse>
				<verse number="31">希西家 對會眾講：「恁已經聖化歸上主，著進前來，帶祭物及謝恩祭到上主的殿。」會眾就帶祭物及謝恩祭來；嘛有人甘心樂意帶燒化祭來。</verse>
				<verse number="32">會眾所獻的燒化祭有牛七十隻、綿羊一百隻、羊羔兩百隻，諸個攏做燒化祭獻互上主。</verse>
				<verse number="33">閣有分別作聖的物，牛六百隻、綿羊三千隻。</verse>
				<verse number="34">毋拘祭司傷少，𣍐當剝所有燒化祭牲生的皮，所以𪜶的親族 利未 人幫贊𪜶到獻祭的事結束，閣聽候許個祭司潔淨家己。(對潔淨家己的事， 利未 人比祭司較頂真。)</verse>
				<verse number="35">燒化祭及平安祭的油，以及及燒化祭做夥獻的奠酒祭真多。按呢，上主殿內敬拜的事閣再回復。</verse>
				<verse number="36">希西家 及全體人民攏真歡喜，因為上帝幫贊𪜶，互𪜶真緊完成此個事。</verse>
			</chapter>
			<chapter number="30">
				<verse number="1">希西家 派人去 以色列 及 猶大 逐所在，閣寫批互 以法蓮 及 瑪拿西 的人，邀請𪜶來 耶路撒冷 上主的聖殿守𨃟過節，服事上主 — 以色列 的上帝。</verse>
				<verse number="2">因為王及伊的官員，及佇 耶路撒冷 的會眾，已經參詳好，欲佇二月守𨃟過節。</verse>
				<verse number="3">正月𪜶𣍐當守節，因為潔淨家己的祭司的人數猶無夠額，人民嘛猶未聚集佇 耶路撒冷 。</verse>
				<verse number="4">王及會眾攏贊成此個計劃，</verse>
				<verse number="5">就佇 以色列 全地，對 別是巴 到 但 宣告，請人民攏來 耶路撒冷 守𨃟過節，服事上主 — 以色列 的上帝；因為過去照所寫的律法來守節的人無赫呢多。</verse>
				<verse number="6">送批的人帶王及伊許個官員的批，去 以色列 及 猶大 全地，宣讀王的命令，講： 「 以色列 人，著歸向上主 — 亞伯拉罕 、 以撒 、 雅各 的上帝，伊就欲轉向恁，就是恁諸個脫離 亞述 諸王的手所賰的人民。</verse>
				<verse number="7">恁毋通親像恁的列祖及恁的同胞。照恁所知，𪜶得罪上主 — 𪜶列祖的上帝，致到伊給𪜶消滅。</verse>
				<verse number="8">今毋通親像恁的列祖硬心固執；著歸順上主，進入伊永遠分別作聖的聖殿，閣著服事上主 — 恁的上帝，互伊無閣對恁發大受氣。</verse>
				<verse number="9">恁若歸向上主，恁的同胞及恁的兒女會對掠𪜶的人得著憐憫，閣倒來此個所在，因為上主 — 恁的上帝是慈悲憐憫。恁若歸向伊，伊一定會接納恁。」</verse>
				<verse number="10">送批的人一城過一城，行透 以法蓮 、 瑪拿西 ，直到 西布倫 諸個地區，毋拘許個人給𪜶恥笑，侮辱。</verse>
				<verse number="11">亞設 、 瑪拿西 、 西布倫 中間有一寡人家己謙卑，來到 耶路撒冷 。</verse>
				<verse number="12">上帝嘛感動 猶大 人，互𪜶同心一意順趁上主的話，照王及許個領袖的命令去做。</verse>
				<verse number="13">二月，有真多人聚集佇 耶路撒冷 ，成做真大的大會，欲守除酵節。</verse>
				<verse number="14">𪜶將 耶路撒冷 獻祭燒香的壇攏徙走，㧒佇 汲淪 溪谷。</verse>
				<verse number="15">二月十四，𪜶刣𨃟過節的羊羔。祭司及 利未 人感覺見笑自責，就潔淨家己，閣帶燒化祭來上主的殿。</verse>
				<verse number="16">𪜶照上帝重用的人 摩西 的律法的規定，逐個人徛佇𪜶侍奉的所在；祭司將對 利未 人接過來的血灑佇祭壇頂。</verse>
				<verse number="17">會中有真多人禮儀上無清氣，所以託 利未 人替𪜶刣𨃟過節的羊羔，互𪜶佇上主的面前成做清氣。</verse>
				<verse number="18">對 以法蓮 、 瑪拿西 、 以薩迦 、 西布倫 地區來的人，有真多無照規定潔淨家己，嘛食𨃟過節的祭物。 希西家 替𪜶祈禱，講：「懇求至善的上主赦免</verse>
				<verse number="19">所有無照規定潔淨家己的人，因為𪜶專心尋求上帝，就是上主 — 𪜶列祖的上帝。」</verse>
				<verse number="20">上主聽 希西家 的祈禱，就赦免人民。</verse>
				<verse number="21">住佇 耶路撒冷 的 以色列 人非常歡喜，守除酵節七日久； 利未 人及祭司逐日用響亮的樂器稱讚上主。</verse>
				<verse number="22">希西家 鼓勵所有𠢕服事上主的 利未 人。眾人食宴席七日，獻平安祭，閣感謝上主 — 𪜶列祖的上帝。</verse>
				<verse number="23">大會全體會眾決定欲閣守節七日。𪜶就歡歡喜喜閣慶祝七日。</verse>
				<verse number="24">猶大 王 希西家 送大會牛一千隻、羊七千隻；眾領袖嘛送牛一千隻、羊一萬隻；閣有真多祭司潔淨家己。</verse>
				<verse number="25">猶大 會眾、祭司、 利未 人，及對 以色列 來的會眾，以及許個對 以色列 地來的外族人，及住佇 猶大 的外族人，攏歡喜快樂。</verse>
				<verse number="26">按呢， 耶路撒冷 充滿歡喜快樂，因為對 以色列 王 大闢 的子 所羅門 以後，佇 耶路撒冷 毋曾即呢歡喜。</verse>
				<verse number="27">祭司及 利未 人起來給人民祝福；𪜶的聲上帝有聽見，𪜶的祈禱透到伊天裡的聖所。</verse>
			</chapter>
			<chapter number="31">
				<verse number="1">諸個代誌結束了，佇遐的 以色列 眾人就出去，去 猶大 逐個城拍碎石柱像，摃斷 亞舍拉 女神的柱像；閣佇 猶大 、 便雅憫 、 以法蓮 ，及 瑪拿西 地區，拆毀所有的山頭壇及祭壇。了後， 以色列 眾人就倒去家己的所在。</verse>
				<verse number="2">希西家 照逐個祭司及 利未 人的職務重新組織𪜶的班次，互𪜶通獻燒化祭及平安祭，閣佇上主聖殿的門內服事、感謝、頌讚。</verse>
				<verse number="3">王閣對伊的產業奉獻牛羊做燒化祭；就是佇逐日早暗、安歇日、每月初一，及節期，照上主律法的規定獻燒化祭。</verse>
				<verse number="4">希西家 命令 耶路撒冷 的住民供給祭司及 利未 人應該得著的份額，互𪜶專心執行上主律法的規定。</verse>
				<verse number="5">命令一下出， 以色列 人就帶真多頭水的五穀、酒、油、蜜，及園裡的出產來；閣帶逐項物的十分一來，數量真多。</verse>
				<verse number="6">住佇 猶大 的城的 以色列 人及 猶大 人，嘛牽牛羊的十分一來；閣對聖化歸上主 — 𪜶的上帝的物提十分一，疊一堆一堆。</verse>
				<verse number="7">對三月起，𪜶將許個物件疊做堆，到七月才結束。</verse>
				<verse number="8">希西家 及眾首領看著許個囤積的物件，就稱讚上主，祝福伊的子民 以色列 。</verse>
				<verse number="9">希西家 對祭司及 利未 人查問關係許個囤積的物件的代誌。</verse>
				<verse number="10">撒督 的後代大祭司 亞撒利雅 應講：「對人民帶禮物到上主的殿以來，阮攏有夠通食，閣賰真多，因為上主賜福伊的子民，所以賰即多。」</verse>
				<verse number="11">希西家 命令著佇上主的殿內準備倉庫，𪜶就準備。</verse>
				<verse number="12">𪜶誠實將禮物及十分一的奉獻，以及聖化歸上主的物，攏搬入來。 利未 人 歌楠雅 負責此個事；伊的小弟 示每 做副主管。</verse>
				<verse number="13">希西家 王及管理上帝聖殿的 亞撒利雅 派 耶歇 、 亞撒西雅 、 拿哈 、 亞撒黑 、 耶利摩 、 約撒拔 、 以利業 、 伊斯瑪基雅 、 瑪哈 ，及 比拿雅 ，協助 歌楠雅 及伊的小弟 示每 。</verse>
				<verse number="14">聖殿東門的守衛 利未 人 音拿 的子 可利 ，負責管理甘心獻互上帝的物，閣分發獻互上主的禮物及許個至聖的物。</verse>
				<verse number="15">佇祭司的城，有 伊甸 、 米拿民 、 耶書亞 、 示瑪雅 、 亞瑪利雅 、 示迦尼 諸個人做伊的助手，忠實將人民的奉獻，照𪜶的班次，無論大細，分發互𪜶的親族。</verse>
				<verse number="16">有登錄佇家譜三十歲 以上的查甫人，以及逐日佇上主的殿，照𪜶的職務及班次啲服事的人，嘛分互𪜶。</verse>
				<verse number="17">𪜶閣分互照宗族登錄佇家譜的祭司，以及二十歲以上，照班次執行職務的 利未 人。</verse>
				<verse number="18">𪜶閣分互全體會眾中間登錄佇家譜，有需要扶養的家屬 — 𪜶的某、兒女；因為𪜶忠實分別家己做聖。</verse>
				<verse number="19">閣為著住佇城外草埔的 亞倫 後代的祭司，佇逐個城有指派人，將物件分互祭司家族的查甫人，以及有登錄佇家譜的 利未 人。</verse>
				<verse number="20">希西家 佇 猶大 全地攏按呢辦理；伊做上主 — 伊的上帝看做好、正直、忠實的事。</verse>
				<verse number="21">伊所做的，無論辦理上帝聖殿的事，遵行律法及誡命，攏尋求伊的上帝，專心去做，就事事亨通。</verse>
			</chapter>
			<chapter number="32">
				<verse number="1">希西家 忠誠做諸個代誌以後， 亞述 王 西拿基立 上來侵略 猶大 ，圍困堅固的城，想欲攻取諸個城。</verse>
				<verse number="2">希西家 看見 西拿基立 已經來，知影伊一定欲攻打 耶路撒冷 ，</verse>
				<verse number="3">就及許個首領以及勇士參詳，欲塞密城外的水源；𪜶攏支持伊。</verse>
				<verse number="4">真多人民聚集，塞密所有的水源及流過彼地區的溪，講：「哪著互 亞述 許個王有真多水通飲？」</verse>
				<verse number="5">希西家 奮發，修建損壞的城牆，起造城樓，佇城外閣起一座牆，加強 大闢 城的 米羅 ，閣製造真多軍器及盾牌。</verse>
				<verse number="6">希西家 有設立軍事將領管理人民；伊召集𪜶來城門的廣場，激勵𪜶，講：</verse>
				<verse number="7">「著堅強勇敢，毋通因為 亞述 王及伊的大軍隊驚惶失膽；因為及咱同在的，比及𪜶同在的較強；</verse>
				<verse number="8">及𪜶同在的是肉體的手骨，及咱同在的是上主 — 咱的上帝，伊欲幫贊咱，替咱交戰。」人民因為 猶大 王 希西家 的話得著真大的鼓勵。</verse>
				<verse number="9">後來， 亞述 王 西拿基立 及伊的全軍攻打 拉吉 的時，派伊的人臣去 耶路撒冷 見 猶大 王 希西家 及所有 耶路撒冷 的 猶大 人，講：</verse>
				<verse number="10">「 亞述 王 西拿基立 按呢講：『恁啲靠什麼， 耶路撒冷 受圍困，恁猶啲守？</verse>
				<verse number="11">希西家 講，上主 — 恁的上帝會救恁脫離 亞述 王的手。伊按呢是啲騙恁，結局會害恁枵死，嘴焦死。</verse>
				<verse number="12">此個 希西家 豈毋是有廢除上帝的山頭壇及祭壇，閣給 猶大 及 耶路撒冷 的人講：恁一定著佇 耶路撒冷 此個祭壇敬拜燒香？</verse>
				<verse number="13">恁豈毋知我及我的列祖按怎對付列國的人民？萬國的眾神明豈曾救家己的國脫離我的手？</verse>
				<verse number="14">我的列祖消滅的國家，𪜶的神明叨一個有救伊的人民脫離我的手？按呢，恁的上帝哪會當救恁脫離我的手頭？</verse>
				<verse number="15">所以，毋通互 希西家 騙去，給恁迷惑，嘛毋通相信伊；因為無任何一個國家的神明會救伊的人民脫離我及我的列祖的手；恁的上帝，伊嘛一定𣍐當救恁脫離我的手！』」</verse>
				<verse number="16">西拿基立 的人臣講真多褻瀆主上帝及伊的僕人 希西家 的話。</verse>
				<verse number="17">西拿基立 閣寫批謗瀆上主 — 以色列 的上帝，譏刺伊講：「列邦的神明既然𣍐當救𪜶的人民脫離我的手， 希西家 的上帝嘛𣍐當救伊的人民脫離我的手。」</verse>
				<verse number="18">西拿基立 的人臣用猶大話，大聲對城牆頂的 耶路撒冷 人講話，給𪜶恐嚇，擾亂𪜶的心，通攻取此個城。</verse>
				<verse number="19">𪜶談論 耶路撒冷 的上帝，親像啲講世間人的手所造的神明仝款。</verse>
				<verse number="20">希西家 王及 亞摩斯 的子先知 以賽亞 為著此個事祈禱，向上帝求叫。</verse>
				<verse number="21">上主就差一個使者入 亞述 王的營中，消滅許個強猛的戰士、官長，及將領。 亞述 王滿面見笑倒去伊的本國。有一日，伊入去伊的神明的廟，互伊幾個親生子用刀給伊刣死。</verse>
				<verse number="22">按呢，上主解救 希西家 及 耶路撒冷 的住民脫離 亞述 王 西拿基立 及所有對敵的手，閣互𪜶四境平安。</verse>
				<verse number="23">此個代誌了後， 希西家 得著列國的尊敬。有真多人帶禮物來 耶路撒冷 ，獻互上主，閣帶寶貝送 猶大 王 希西家 。</verse>
				<verse number="24">彼個時陣， 希西家 病甲啲欲死，就對上主祈禱；上主給伊應允，閣互伊一個兆頭。</verse>
				<verse number="25">毋拘 希西家 因為驕傲，無照伊所得著的恩典報答上主；所以上主的審判臨到伊、 猶大 ，及 耶路撒冷 。</verse>
				<verse number="26">後來， 希西家 及 耶路撒冷 的住民為著𪜶的驕傲謙卑認罪，上主就無佇 希西家 活啲的日給𪜶審判。</verse>
				<verse number="27">希西家 有真多財富，閣真受人尊敬。伊為著家己起府庫，收囥金銀、寶石、香料、盾牌，及逐款貴重的物件；</verse>
				<verse number="28">伊閣起倉庫收囥五穀、新酒，及油，嘛為著牲生搭牛椆及羊椆。</verse>
				<verse number="29">伊閣起幾若個城，嘛有真多牛群、羊群，因為上帝有賞賜伊真多財富。</verse>
				<verse number="30">希西家 佇 基訓泉 的出口截水，給水引落來到 大闢 城的西旁。 希西家 所做的逐項攏順利。</verse>
				<verse number="31">毋拘， 巴比倫 許個領袖差使者來伊遐，欲了解 猶大 國所發生的奇事；佇此個事，上帝離開伊，欲考驗伊，愛知伊的心思意念。</verse>
				<verse number="32">希西家 其他的事蹟，及伊對上主的忠誠，攏記載佇 猶大及以色列列王史 及 亞摩斯 的子先知 以賽亞 的 默示書 。</verse>
				<verse number="33">希西家 轉去伊的列祖遐，安葬佇 大闢 子孫的墓地較高的所在。伊死的時， 猶大 人及 耶路撒冷 的住民攏為著伊哀傷，給伊致敬。伊的子 瑪拿西 續接伊作王。</verse>
			</chapter>
			<chapter number="33">
				<verse number="1">瑪拿西 坐位的時十二歲，佇 耶路撒冷 作王五十五年。</verse>
				<verse number="2">伊做上主看做歹的事，學許個互上主佇 以色列 面前趕出的列國所做可惡的事。</verse>
				<verse number="3">伊重建伊的老父 希西家 所毀壞的山頭壇，為巴力起祭壇，造 亞舍拉 的柱像，閣敬拜服事天頂的萬象。</verse>
				<verse number="4">伊佇上主的殿內為著許個神明起幾若個壇；上主曾指此個聖殿，講：「我的名應該永遠佇 耶路撒冷 受敬奉。」</verse>
				<verse number="5">瑪拿西 佇上主的殿兩個埕內面，為著天頂的萬象起祭壇。</verse>
				<verse number="6">伊佇 欣嫩子 山谷燒伊的子獻做祭，卜卦，行法術，行邪術，問牽亡的及童乩桌頭，做真多上主看做歹的事，激上主受氣。</verse>
				<verse number="7">瑪拿西 閣佇上帝的殿內𫞼雕刻的偶像。關係此間聖殿，上帝曾對 大闢 及伊的子 所羅門 講：「此間聖殿及 耶路撒冷 ，是我佇 以色列 支族中所揀選的，我的名著佇遮永遠受敬奉。</verse>
				<verse number="8">以色列 人若聽趁我所有的命令，就是我通過 摩西 所傳一切的教示、規例，及誡命，我就無閣互𪜶對我所賞賜𪜶列祖的土地受遷徙。」</verse>
				<verse number="9">毋拘 瑪拿西 導 猶大 及 耶路撒冷 的住民做歹，比上主佇 以色列 人面前所毀滅的列國閣較嚴重。</verse>
				<verse number="10">上主警戒 瑪拿西 及伊的人民，毋拘𪜶毋聽。</verse>
				<verse number="11">所以上主互 亞述 王的軍長來攻擊𪜶，用鉤仔鉤 瑪拿西 ，用銅鍊縛伊，給伊帶去 巴比倫 。</verse>
				<verse number="12">伊佇困苦的時就懇求上主 — 伊的上帝，閣佇伊列祖的上帝面前非常謙卑。</verse>
				<verse number="13">伊求叫上帝，上帝就聽伊的懇求，互伊倒來 耶路撒冷 ，回復伊的統治。 瑪拿西 才知上主是上帝。</verse>
				<verse number="14">後來， 瑪拿西 佇 大闢 城的城外，對 基訓泉 附近的山谷，向北到 魚門 及 俄斐勒 地區，起真高的城牆，閣設立軍長防守 猶大 許個堅固的城。</verse>
				<verse number="15">伊廢除上主聖殿內面許個外族的神明及偶像，拆毀伊佇上主聖殿的山及 耶路撒冷 起的壇，將諸個攏㧒佇城外。</verse>
				<verse number="16">伊閣修建上主的祭壇，佇壇頂獻平安祭、謝恩祭，命令 猶大 人服事上主 — 以色列 的上帝。</verse>
				<verse number="17">人民猶原佇山頭壇獻祭，毋拘只有獻互上主 — 𪜶的上帝。</verse>
				<verse number="18">瑪拿西 其他的事蹟，伊對上帝的祈禱，及先見奉上主 — 以色列 的上帝的名對伊警戒的話，攏記載佇 以色列列王史 。</verse>
				<verse number="19">伊的祈禱，及上帝對伊的應答，以及伊猶未悔改以前的罪過過失，及伊佇什麼所在起山頭壇，𫞼 亞舍拉 柱像及偶像，攏記載佇 何賽 的冊。</verse>
				<verse number="20">瑪拿西 轉去伊的列祖遐，人將伊安葬佇伊家己的宮內。伊的子 亞們 續接伊作王。</verse>
				<verse number="21">亞們 坐位的時二十二歲，佇 耶路撒冷 作王兩年。</verse>
				<verse number="22">伊做上主看做歹的事，親像伊的老父 瑪拿西 所做的。 亞們 對伊的老父 瑪拿西 所造的偶像獻祭，閣服事𪜶。</verse>
				<verse number="23">伊無親像伊的老父 瑪拿西 佇上主的面前家己謙卑。此個 亞們 犯罪愈來愈嚴重。</verse>
				<verse number="24">伊的人臣背叛伊，佇王宮內面給伊刣死。</verse>
				<verse number="25">毋拘國內的人民將許個背叛 亞們 王的人刣死，設立伊的子 約西亞 續接伊作王。</verse>
			</chapter>
			<chapter number="34">
				<verse number="1">約西亞 坐位的時八歲，佇 耶路撒冷 作王三十一年。</verse>
				<verse number="2">伊做上主看做好的事，行伊的祖先 大闢 的路，無偏左偏右。</verse>
				<verse number="3">約西亞 作王第八年，猶少年就尋求伊的祖先 大闢 的上帝；四年後，開始潔淨 猶大 及 耶路撒冷 ，掃除山頭壇、 亞舍拉 柱像、雕刻的像，及鑄造的像。</verse>
				<verse number="4">人民照伊的命令毀壞巴力的壇，斬斷壇頂高高的香台；伊閣將 亞舍拉 柱像、雕刻的像，及鑄造的像拍碎，研做粉，撒佇許個曾獻祭互偶像的人的墓；</verse>
				<verse number="5">將外邦神明的祭司的骨頭下佇𪜶的祭壇頂燒，用按呢潔淨 猶大 及 耶路撒冷 。</verse>
				<verse number="6">約西亞 閣佇 瑪拿西 、 以法蓮 、 西緬 ，及 拿弗他利 地區許個荒廢的城，</verse>
				<verse number="7">拆毀祭壇，拍碎 亞舍拉 柱像及雕刻的像，研做粉，斬斷 以色列 逐所在的香台，就倒去 耶路撒冷 。</verse>
				<verse number="8">約西亞 作王第十八年，土地及聖殿潔淨了後，伊派 亞薩利雅 的子 沙番 、市長 瑪西雅 、 約哈斯 的子史官 約亞 ，去整修上主 — 伊的上帝的殿。</verse>
				<verse number="9">𪜶就去見大祭司 希勒家 ，將所有獻佇上帝聖殿的銀交互伊；諸個銀是聖殿門口的守衛 利未 人對 瑪拿西 、 以法蓮 ，及 以色列 所有賰落來的人，以及 猶大 、 便雅憫 ，及 耶路撒冷 的人民收來的。</verse>
				<verse number="10">𪜶將許個銀交互管理上主聖殿的人，互𪜶轉交上主殿內的工人，就是作木師傅及建築工人，去買拍好的石，做樑及柱的木材，通修理聖殿內面互許個 猶大 王損壞的所在。</verse>
				<verse number="11"></verse>
				<verse number="12">許個人做代誌誠實；監工的是 利未 人 米拉利 的子孫 雅哈 及 俄巴底亞 ，督工的是 哥轄 的子孫 撒迦利亞 及 米書蘭 ，閣有真𠢕奏樂的 利未 人。</verse>
				<verse number="13">𪜶管理許個運搬的工人，嘛監督所有做逐款工作的人； 利未 人有的做書記，做官員，及守衛。</verse>
				<verse number="14">𪜶將獻佇上主聖殿的銀搬出去的時，大祭司 希勒家 發見 摩西 所傳上主律法的冊。</verse>
				<verse number="15">希勒家 對書記 沙番 講：「我佇上主聖殿內面發見一卷律法的冊。」 希勒家 將冊交互 沙番 。</verse>
				<verse number="16">沙番 就帶此卷冊去王遐，給王報告講：「王交託你的僕人的工作，𪜶攏有啲做。</verse>
				<verse number="17">奉獻佇上主聖殿的銀攏摒出來，交互督工及工人。」</verse>
				<verse number="18">書記 沙番 閣對王講：「大祭司 希勒家 有提一卷冊互我。」 沙番 就佇王的面前大聲讀彼卷冊。</verse>
				<verse number="19">王聽著律法的話，就拆裂伊的衫。</verse>
				<verse number="20">王吩咐 希勒家 、 沙番 的子 亞希甘 、 米迦 的子 亞伯頓 、書記 沙番 ，及王的人臣 亞撒雅 ，講：</verse>
				<verse number="21">「恁去，為我，為 以色列 及 猶大 留落來的人民，將所發見此卷冊的話請問上主。因為咱的祖先無遵守上主的話，無照此卷冊所記載的教示去做，所以上主對咱發大受氣。」</verse>
				<verse number="22">對按呢， 希勒家 及王所派的人做夥去見女先知 戶勒大 。伊是管理禮服彼個 沙龍 的某； 沙龍 是 哈珥哈斯 的孫， 特瓦 的子。 戶勒大 住佇 耶路撒冷 新的城區。𪜶給伊請教。</verse>
				<verse number="23">伊對𪜶講：「上主 — 以色列 的上帝按呢講：『恁去回復差恁來見我的人，給伊講</verse>
				<verse number="24">上主按呢講：我欲照佇 猶大 王面前讀的冊所記載的咒詛，降災禍佇此個所在及遮的住民。</verse>
				<verse number="25">因為𪜶棄拺我，給別個神明燒香，用𪜶的所做激我受氣，所以我欲將大受氣摒落佇此個所在無煞。』</verse>
				<verse number="26">毋拘差恁來請問上主的 猶大 王，恁著按呢對伊講：『上主 — 以色列 的上帝按呢講：你聽著</verse>
				<verse number="27">我對此個所在及遮的住民警告的話，你就懺悔，佇上帝面前謙卑，閣拆裂衫，佇我的面前啼哭，我有聽著。上主講：</verse>
				<verse number="28">我欲互你平安離開世間，轉去你的列祖遐。你𣍐看著我所欲降落佇此所在及遮的住民一切的災禍。』」 𪜶就倒去，將諸個話對王回復。</verse>
				<verse number="29">約西亞 王派人召集 猶大 及 耶路撒冷 的眾長老。</verse>
				<verse number="30">王上去上主的殿； 猶大 眾人及 耶路撒冷 所有的住民、祭司、 利未 人，及所有的人民，無論大細，嘛攏上去。王就將佇上主殿內發見的約書一切的話讀互𪜶聽。</verse>
				<verse number="31">王徛佇伊的位，佇上主的面前立約，欲全心全意順趁上主，遵守伊的誡命、教示，及規例，實行此卷冊所寫立約的話。</verse>
				<verse number="32">伊互 耶路撒冷 及 便雅憫 所有的人民攏答應遵守此個約； 耶路撒冷 的住民就遵行𪜶及𪜶列祖的上帝所立的約。</verse>
				<verse number="33">約西亞 將國內一切可惡的偶像除去，閣互所有的 以色列 人攏服事上主 — 𪜶的上帝。 約西亞 活啲的日，人民順趁上主 — 𪜶列祖的上帝，攏無偏離。</verse>
			</chapter>
			<chapter number="35">
				<verse number="1">約西亞 佇 耶路撒冷 守𨃟過節服事上主。正月十四，人民刣𨃟過節的羊仔。</verse>
				<verse number="2">王派祭司執行𪜶的職務，閣勉勵𪜶辦理上主聖殿的工作。</verse>
				<verse number="3">閣對許個聖化歸上主，教導 以色列 人的 利未 人講：「恁著將聖的約櫃下佇 大闢 的子 以色列 王 所羅門 所起的聖殿內面，毋免閣扛來扛去。今恁著服事上主 — 恁的上帝，及伊的子民 以色列 。</verse>
				<verse number="4">著照 以色列 王 大闢 及伊的子 所羅門 的規定，照恁的宗族、恁的班次準備好勢。</verse>
				<verse number="5">恁 利未 人著照宗族的房頭，分組的家庭，徛佇聖殿服務恁的兄弟。</verse>
				<verse number="6">著照上主通過 摩西 所傳的話，刣𨃟過節的羊羔，潔淨家己，為著恁的親族準備好勢。」</verse>
				<verse number="7">約西亞 王對伊的產業提出綿羊仔及山羊仔共三萬隻，牛三千隻，互所有在場的人民做𨃟過節的祭物。</verse>
				<verse number="8">王的大臣嘛歡喜提供祭物互人民、祭司及 利未 人。管理上帝聖殿的 希勒家 、 撒迦利亞 、 耶歇 ，用羊仔兩千六百隻、牛三百隻，互祭司做𨃟過節的祭物。</verse>
				<verse number="9">利未 人的領袖 歌楠雅 ，及伊兩個兄弟 示瑪雅 及 拿坦業 ，以及 哈沙比雅 、 耶利 、 約撒拔 ，用羊仔五千隻、牛五百隻，互 利未 人做𨃟過節的祭物。</verse>
				<verse number="10">按呢，服事的代誌攏準備好勢，照王的命令，祭司徛佇𪜶的位， 利未 人嘛照𪜶的班次徛啲。</verse>
				<verse number="11">利未 人刣𨃟過節的羊仔，祭司對𪜶的手接血來灑； 利未 人給羊仔剝皮，</verse>
				<verse number="12">將燒化祭的祭物照宗族的房頭分互人民，互𪜶照 摩西 的冊所寫的獻互上主。獻牛做祭物嘛是按呢做。</verse>
				<verse number="13">𪜶照規定，用火烘𨃟過節的羊仔，其他的祭物用鍋仔、鼎、盆煮；煮了後，趕緊分互人民。</verse>
				<verse number="14">以後， 利未 人才為家己及祭司準備肉，因為 亞倫 的後代做祭司的一直啲獻燒化祭及祭物的油到暗時。</verse>
				<verse number="15">亞薩 的後代負責唱歌的人，照 大闢 、 亞薩 、 希幔 ，及王的先見 耶杜頓 的規定，照𪜶的職位徛啲；顧門的守衛看守逐個門；𪜶毋免離開𪜶的職務，因為𪜶的親族 利未 人替𪜶準備祭物。</verse>
				<verse number="16">彼日，服事上主的代誌攏準備好勢，照 約西亞 王的命令守𨃟過節，佇上主的壇獻燒化祭。</verse>
				<verse number="17">彼時，在場的 以色列 人做夥守𨃟過節，閣守除酵節七日。</verse>
				<verse number="18">對先知 撒母耳 的時代以來， 以色列 毋曾即呢盛大守𨃟過節； 以色列 的列王嘛攏毋曾按呢守𨃟過節，親像 約西亞 、祭司及 利未 人，以及在場的 猶大 及 以色列 人，及 耶路撒冷 的住民按呢守節。</verse>
				<verse number="19">此遍的𨃟過節佇 約西亞 作王第十八年舉行。</verse>
				<verse number="20">約西亞 整修聖殿了後， 埃及 王 尼哥 上來，欲攻打 幼發拉底河 河邊的 迦基米施 。 約西亞 王出去迎戰。</verse>
				<verse number="21">尼哥 派使者來見 約西亞 ，講：「 猶大 王，我及你有什麼關係？我今仔日來毋是欲攻擊你，是欲攻擊及我交戰的國家；上帝命令我著趕緊做此個事。你毋通反對及我同在的上帝，才免伊給你毀滅。」</verse>
				<verse number="22">毋拘 約西亞 毋聽上帝通過 尼哥 所講的話，堅持欲及伊交戰。 約西亞 變裝來到 米吉多 平原，及 尼哥 交戰。</verse>
				<verse number="23">射箭的人射著 約西亞 王；王對伊的人臣講：「我受重傷啦！載我離開戰場。」</verse>
				<verse number="24">伊的人臣扶伊出彼台車，互伊坐第二台車，載伊倒去 耶路撒冷 ；伊就死，人將伊安葬佇伊列祖的墓。 猶大 及 耶路撒冷 的人攏為著 約西亞 哀傷。</verse>
				<verse number="25">耶利米 為著 約西亞 作哀歌；所有唱歌的男女到今仔日猶啲唱諸個哀歌記念 約西亞 ；此個嘛成做 以色列 的慣例。諸個哀歌攏收集佇 哀歌集 。</verse>
				<verse number="26">約西亞 其他的事蹟，包括伊對上主律法的忠誠，</verse>
				<verse number="27">及伊一生所做的事，攏記載佇 以色列及猶大列王史 。</verse>
			</chapter>
			<chapter number="36">
				<verse number="1">猶大 人民佇 耶路撒冷 設立 約西亞 的子 約哈斯 作王，續接伊的老父。</verse>
				<verse number="2">約哈斯 坐位的時二十三歲，佇 耶路撒冷 作王三月日久。</verse>
				<verse number="3">埃及 王佇 耶路撒冷 廢除伊的王位，閣罰 猶大 國金三十四公斤，銀三千四百公斤。</verse>
				<verse number="4">埃及 王設立 約哈斯 的兄哥 以利亞敬 做 猶大 及 耶路撒冷 的王，給伊改名做 約雅敬 。 尼哥 給 約哈斯 掠去 埃及 。</verse>
				<verse number="5">約雅敬 坐位的時二十五歲，佇 耶路撒冷 作王十一年；伊做上主 — 伊的上帝看做歹的事。</verse>
				<verse number="6">巴比倫 王 尼布甲尼撒 上來攻打伊，用銅鍊給伊鍊啲，給伊掠去 巴比倫 。</verse>
				<verse number="7">尼布甲尼撒 閣將上主殿內的器具運去 巴比倫 ，下佇 巴比倫 伊的宮內。</verse>
				<verse number="8">約雅敬 其他的事蹟，及伊所做可惡的事，以及人對伊的指責，攏記載佇 以色列及猶大列王史 。伊的子 約雅斤 續接伊作王。</verse>
				<verse number="9">約雅斤 坐位的時十八歲 ，佇 耶路撒冷 作王三個月閣十日；伊做上主看做歹的事。</verse>
				<verse number="10">隔轉年， 尼布甲尼撒 派人將伊及上主殿內許個寶貝的器具帶到 巴比倫 ，然後設立伊的阿叔 西底家 做 猶大 及 耶路撒冷 的王。</verse>
				<verse number="11">西底家 坐位的時二十一歲，佇 耶路撒冷 作王十一年。</verse>
				<verse number="12">伊做上主 — 伊的上帝看做歹的事；伊無謙卑聽趁先知 耶利米 所傳達上主的話。</verse>
				<verse number="13">尼布甲尼撒 王曾強迫 西底家 指上帝咒誓對伊忠誠，毋拘 西底家 背叛伊。 西底家 固執硬心，毋肯歸向上主 — 以色列 的上帝。</verse>
				<verse number="14">閣許個祭司長及人民嘛犯大罪，學外邦可惡的事，拍垃墋上主佇 耶路撒冷 分別作聖的聖殿。</verse>
				<verse number="15">上主 — 𪜶列祖的上帝憐憫伊的子民及伊徛起的所在，不斷派使者去伊的子民遐，</verse>
				<verse number="16">毋拘𪜶恥笑上帝的使者，藐視伊的話，譏刺伊的先知，致到上主對伊的子民發大受氣，互𪜶無法度得著解救。</verse>
				<verse number="17">所以，上帝導 巴比倫 王來攻擊𪜶，佇聖殿用刀刣死少年人，無憐憫𪜶的少男及少女，老人及衰弱的；上帝將𪜶攏交佇 巴比倫 王的手。</verse>
				<verse number="18">巴比倫 王閣將上帝殿內大細的器具及財寶，以及王及許個首領的財寶，攏帶去 巴比倫 。</verse>
				<verse number="19">𪜶閣燒上帝的聖殿，拆毀 耶路撒冷 的城牆，用火燒城內所有的宮殿，毀壞寶貝的器具。</verse>
				<verse number="20">所有無互人刣死的，攏受掠去 巴比倫 ，做 巴比倫 王及伊的子孫的奴隸，直到 波斯 國興起。</verse>
				<verse number="21">此個事啲實現上主通過 耶利米 所講的話，土地欲荒廢得著安歇，到滿七十年。</verse>
				<verse number="22">波斯 皇帝 塞魯士 元年，上主為著欲實現伊通過 耶利米 的嘴所講的話，感動 波斯 皇帝 塞魯士 ，互伊對全國頒布講：</verse>
				<verse number="23">「 波斯 皇帝 塞魯士 按呢講：『上主 — 天頂的上帝將天下萬國賞賜我，閣指派我佇 猶大 的 耶路撒冷 為著伊起聖殿。恁中間所有做伊子民的通轉去。願上主 — 𪜶的上帝及𪜶同在。』」</verse>
			</chapter>
		</book>
		<book number="15">
			<chapter number="1">
				<verse number="1">波斯 皇帝 塞魯士 元年，上主為著欲實現伊通過 耶利米 的嘴所講的話，感動 波斯 皇帝 塞魯士 ，互伊對全國頒布講：</verse>
				<verse number="2">「 波斯 皇帝 塞魯士 按呢講：『上主 — 天頂的上帝將天下萬國賞賜我，閣指派我佇 猶大 的 耶路撒冷 為著伊起聖殿。</verse>
				<verse number="3">恁中間所有做伊子民的，通轉去 猶大 的 耶路撒冷 ，起上主 — 以色列 上帝的聖殿；伊是佇 耶路撒冷 受敬拜的上帝。願上帝及𪜶同在。</verse>
				<verse number="4">所有賰落來的人，無論住佇什麼所在，彼所在的人著用金、銀、財物、牲生幫贊𪜶；嘛著為 耶路撒冷 上帝的聖殿，甘心奉獻。』」</verse>
				<verse number="5">對按呢， 猶大 及 便雅憫 的族長、祭司、 利未 人，所有受上帝感動的人攏準備好勢，欲上去 耶路撒冷 起造上主的殿。</verse>
				<verse number="6">𪜶的厝邊就用銀器、金、財物、牲生、寶貝，幫贊𪜶；另外閣為聖殿甘心奉獻。</verse>
				<verse number="7">塞魯士 王嘛將以前 尼布甲尼撒 對 耶路撒冷 搶來，下佇伊的神廟許個上主殿內的器具，提出來還𪜶。</verse>
				<verse number="8">波斯 皇帝 塞魯士 指派管理府庫的 米提利達 將諸個器具提出來，點算，交互 猶大 的首領 設巴薩 。</verse>
				<verse number="9">𪜶的數目記佇下面： 金盤三十塊 銀盤一千塊 刀二十九支</verse>
				<verse number="10">金碗三十塊 銀碗兩千四百十塊 其他的器具一千件</verse>
				<verse number="11">金銀的器具共五千四百件。受掠的人對 巴比倫 上來 耶路撒冷 的時， 設巴薩 將諸個器具攏做夥帶來。</verse>
			</chapter>
			<chapter number="2">
				<verse number="1">以前對 猶大 地互 尼布甲尼撒 王掠去 巴比倫 的人民，現在對遐倒來 耶路撒冷 及 猶大 ，轉去逐個人的故鄉；</verse>
				<verse number="2">𪜶及 所羅巴伯 、 耶書亞 、 尼希米 、 西萊雅 、 利來雅 、 末底改 、 必珊 、 米斯拔 、 比革瓦伊 、 利宏 、 巴拿 做夥倒來。以下是諸個倒來的 以色列 人民的人數：</verse>
				<verse number="3">巴錄 的後代兩千一百七十二人</verse>
				<verse number="4">示法提雅 的後代三百七十二人</verse>
				<verse number="5">亞拉 的後代七百七十五人</verse>
				<verse number="6">巴哈‧摩押 的後代，就是 耶書亞 及 約押 的後代，兩千八百十二人</verse>
				<verse number="7">以攔 的後代一千兩百五十四人</verse>
				<verse number="8">薩土 的後代九百四十五人</verse>
				<verse number="9">薩改 的後代七百六十人</verse>
				<verse number="10">巴尼 的後代六百四十二人</verse>
				<verse number="11">比拜 的後代六百二十三人</verse>
				<verse number="12">押甲 的後代一千兩百二十二人</verse>
				<verse number="13">亞多尼干 的後代六百六十六人</verse>
				<verse number="14">比革瓦伊 的後代兩千空五十六人</verse>
				<verse number="15">亞丁 的後代四百五十四人</verse>
				<verse number="16">亞特 的後代，就是 希西家 的後代，九十八人</verse>
				<verse number="17">比賽 的後代三百二十三人</verse>
				<verse number="18">約拉 的後代一百十二人</verse>
				<verse number="19">哈順 的後代兩百二十三人</verse>
				<verse number="20">吉罷珥 人九十五人</verse>
				<verse number="21">伯利恆 人一百二十三人</verse>
				<verse number="22">尼陀法 人五十六人</verse>
				<verse number="23">亞拿突 人一百二十八人</verse>
				<verse number="24">亞斯瑪威 人四十二人</verse>
				<verse number="25">基列‧耶琳 人、 基非拉 人，及 比錄 人共七百四十三人</verse>
				<verse number="26">拉瑪 人及 迦巴 人共六百二十一人</verse>
				<verse number="27">默瑪 人一百二十二人</verse>
				<verse number="28">伯特利 人及 艾 人共兩百二十三人</verse>
				<verse number="29">尼波 的後代五十二人</verse>
				<verse number="30">末必 人一百五十六人</verse>
				<verse number="31">另外一個 以攔 的後代一千兩百五十四人</verse>
				<verse number="32">哈琳 的後代三百二十人</verse>
				<verse number="33">羅德 人、 哈第 人、 阿挪 人共七百二十五人</verse>
				<verse number="34">耶利哥 人三百四十五人</verse>
				<verse number="35">西拿 人三千六百三十人。</verse>
				<verse number="36">祭司： 耶書亞 的家 耶大雅 的後代九百七十三人</verse>
				<verse number="37">音麥 的後代一千空五十二人</verse>
				<verse number="38">巴施戶珥 的後代一千兩百四十七人</verse>
				<verse number="39">哈琳 的後代一千空十七人。</verse>
				<verse number="40">利未 人： 何達威雅 的後代，就是 耶書亞 及 甲篾 的後代，七十四人</verse>
				<verse number="41">負責獻詩的，就是 亞薩 的後代，一百二十八人</verse>
				<verse number="42">聖殿的守衛，就是 沙龍 、 亞特 、 達們 、 亞谷 、 哈底大 ，及 朔拜 的後代，共一百三十九人。</verse>
				<verse number="43">聖殿的工人： 西哈 的後代、 哈蘇巴 的後代、 答巴俄 的後代、</verse>
				<verse number="44">基綠 的後代、 西亞 的後代、 巴頓 的後代、</verse>
				<verse number="45">利巴拿 的後代、 哈迦巴 的後代、 亞谷 的後代、</verse>
				<verse number="46">哈甲 的後代、 薩買 的後代、 哈難 的後代、</verse>
				<verse number="47">吉德 的後代、 迦哈 的後代、 利亞雅 的後代、</verse>
				<verse number="48">利汛 的後代、 尼哥大 的後代、 迦散 的後代、</verse>
				<verse number="49">烏撒 的後代、 巴西亞 的後代、 比賽 的後代、</verse>
				<verse number="50">押拿 的後代、 米烏寧 的後代、 尼普心 的後代、</verse>
				<verse number="51">巴卜 的後代、 哈古巴 的後代、 哈忽 的後代、</verse>
				<verse number="52">巴洗律 的後代、 米希大 的後代、 哈沙 的後代、</verse>
				<verse number="53">巴柯 的後代、 西西拉 的後代、 答瑪 的後代、</verse>
				<verse number="54">尼細亞 的後代、 哈提法 的後代。</verse>
				<verse number="55">所羅門 的僕人的後代，就是 瑣太 的後代、 瑣斐列 的後代、 比路大 的後代、</verse>
				<verse number="56">雅拉 的後代、 達昆 的後代、 吉德 的後代、</verse>
				<verse number="57">示法提雅 的後代、 哈替 的後代、 玻黑列‧哈斯巴音 的後代、 亞米 的後代。</verse>
				<verse number="58">聖殿的工人及 所羅門 僕人的後代共三百九十二人。</verse>
				<verse number="59">對 特‧米拉 、 特‧哈薩 、 基綠 、 亞頓 、 音麥 上來，𣍐當證明𪜶的宗族世系是毋是屬 以色列 人的：</verse>
				<verse number="60">第來雅 的後代、 多比雅 的後代，及 尼哥大 的後代，共六百五十二人。</verse>
				<verse number="61">祭司的後代中尋無世系的，有 哈巴雅 的後代、 哈哥斯 的後代、 巴西萊 的後代 (巴西萊 娶 基列 人 巴西萊 的查某子做某，所以採用 巴西萊 的名)；𪜶𣍐當擔任祭司的職份。</verse>
				<verse number="62"></verse>
				<verse number="63">省長給𪜶講：「毋通食獻互上帝的祭物，聽候會曉用烏陵及土明的祭司出現才來裁決。」</verse>
				<verse number="64">大會的會眾攏總有四萬兩千三百六十人；</verse>
				<verse number="65">以外猶有𪜶的男僕女婢七千三百三十七人，男女獻詩的有兩百人。</verse>
				<verse number="66">𪜶有馬七百三十六隻、騾兩百四十五隻、</verse>
				<verse number="67">駱駝四百三十五隻、驢六千七百二十隻。</verse>
				<verse number="68">有的族長來到 耶路撒冷 上主的聖殿，為著上帝的殿甘心奉獻，欲佇原來的所在重建聖殿。</verse>
				<verse number="69">𪜶照家己的能力奉獻工程需要的經費：金五百公斤；銀兩千八百公斤，及祭司的禮服一百軀。</verse>
				<verse number="70">對按呢，祭司及 利未 人，以及一部份的人民、負責獻詩的、聖殿的守衛，及聖殿的工人，攏住佇 耶路撒冷 附近的地區；其他的 以色列 人住佇家己的故鄉。</verse>
			</chapter>
			<chapter number="3">
				<verse number="1">以色列 人佇家己的故鄉攏安頓好勢。七月，人民同心一意聚集佇 耶路撒冷 。</verse>
				<verse number="2">約薩達 的子 耶書亞 及伊的祭司同伴， 撒拉鐵 的子 所羅巴伯 及伊的親族，攏起來起造 以色列 上帝的祭壇，欲照上帝重用的人 摩西 的律法，佇祭壇頂面獻燒化祭。</verse>
				<verse number="3">雖然 𪜶驚當地的住民，𪜶猶原佇本來的所在重建祭壇，閣早暗佇彼頂面獻燒化祭互上主。</verse>
				<verse number="4">𪜶嘛照律法的記載守搭寮節，逐日照規定的數目獻燒化祭。</verse>
				<verse number="5">另外，𪜶獻經常啲獻的燒化祭、每月初一的祭，及上主分別作聖的節期的祭，以及逐個人甘心獻互上主的祭。</verse>
				<verse number="6">雖然上主的聖殿猶未重建，毋拘對七月初一起，𪜶就開始獻燒化祭互上主。</verse>
				<verse number="7">𪜶用銀互拍石師傅及作木師傅，閣用糧食、酒，及油互 西頓 人及 泰爾 人，互𪜶將柏香樹對 黎巴嫩 用海運送到 約帕 ；諸個代誌攏有得著 波斯 皇帝 塞魯士 的許可。</verse>
				<verse number="8">𪜶到 耶路撒冷 上帝聖殿的第二年二月， 撒拉鐵 的子 所羅巴伯 、 約薩達 的子 耶書亞 ，及其他的祭司同伴、 利未 人，以及所有流放倒來 耶路撒冷 的人，攏開始起上主的聖殿；𪜶派二十歲以上的 利未 人做督工。</verse>
				<verse number="9">對按呢， 猶大 的後代，就是 耶書亞 及伊許個子及親族、 甲篾 及伊的子，以及 利未 人 希拿達 的子及孫，及𪜶的親族，攏做夥負責監督重建上帝聖殿的工程。</verse>
				<verse number="10">起厝師傅下上主聖殿的地基的時，祭司穿禮服歕喇叭， 亞薩 的後代 利未 人拍鈸，攏照 以色列 王 大闢 的規定，徛啲稱讚上主。</verse>
				<verse number="11">𪜶有的唱有的和，謳咾感謝上主，講： 上主至善， 伊對 以色列 的慈愛續到永遠。 𪜶稱讚上主的時，眾人大聲喝，因為上主聖殿的地基已經下好勢。</verse>
				<verse number="12">有真多祭司、 利未 人，及逐族的族長，就是許個曾看著以前的聖殿的老人，現在親目看著下此間殿的地基，就大聲哮；閣有真多人因為歡喜大聲喝。</verse>
				<verse number="13">人民分𣍐清是歡呼的聲抑是啼哭的聲；人民大聲喝的聲真遠攏聽會著。</verse>
			</chapter>
			<chapter number="4">
				<verse number="1">猶大 及 便雅憫 的對敵聽見許個流放倒來的人，為上主 — 以色列 的上帝起聖殿，</verse>
				<verse number="2">就來見 所羅巴伯 及逐族的族長，給𪜶講：「請准阮及恁做夥起，因為阮及恁仝款尋求恁的上帝；對 亞述 王 以撒‧哈頓 帶阮來到遮以來，阮就常常獻祭互上帝。」</verse>
				<verse number="3">毋拘 所羅巴伯 、 耶書亞 ，及 以色列 其他的族長給𪜶講：「阮起阮的上帝的聖殿，無需要恁幫贊。阮是照 波斯 皇帝 塞魯士 對阮的命令，欲家己為上主 — 以色列 的上帝起聖殿。」</verse>
				<verse number="4">對按呢，當地的住民就佇 猶太 人起造聖殿的時給𪜶恐嚇，阻擋𪜶的工程。</verse>
				<verse number="5">諸個人對 波斯 皇帝 塞魯士 年間，到 波斯 皇帝 大流士 坐位的時，賄賂官員欲破壞 猶太 人起聖殿的計劃。</verse>
				<verse number="6">亞哈隨魯 皇帝開始執政的時，有人寫訴狀控告 猶大 及 耶路撒冷 的住民。</verse>
				<verse number="7">佇 波斯 皇帝 亞達薛西 統治的時， 比施蘭 、 米提利達 、 他比勒 ，及𪜶的同事，閣寫批互 亞達薛西 ；批用亞蘭文 寫，讀的時才翻譯。</verse>
				<verse number="8">總督 利宏 、書記 伸帥 嘛控告 耶路撒冷 人，寫批互 亞達薛西 皇帝：</verse>
				<verse number="9">「總督 利宏 、書記 伸帥 ，及其他仝黨的，包括法官、官員、軍官、 波斯 官員、 以力 人、 巴比倫 人、 書珊 人，就是 以攔 人；</verse>
				<verse number="10">以及互偉大尊貴的 亞斯那巴 遷徙來住佇 撒馬利亞 城及 河西 省 的人民，做夥寫批上奏。」</verse>
				<verse number="11">奏本的內容是： 「你的僕人， 河西 省的人民上奏 亞達薛西 波斯 皇帝。</verse>
				<verse number="12">「願皇上查明，對你遐倒去 猶大 地的 猶太 人，已經到 耶路撒冷 ，著手重建此個反叛閣邪惡的城；𪜶已經起城牆，下地基。</verse>
				<verse number="13">願皇上查明，此個城一旦起好，城牆完工，𪜶就𣍐閣進貢，納稅，繳糧食；國庫的收入一定會減少。</verse>
				<verse number="14">阮受皇上的供給，著盡責任，毋愛看見皇上損失，所以稟報互皇上知。</verse>
				<verse number="15">請查考先皇的記錄，就會知此個城是背叛的城，成做列王及逐省的傷害。對古早，此個城常常反叛，所以受毀滅。</verse>
				<verse number="16">阮謹慎啟奏皇上，此個城若閣起好，城牆完工，皇上就會失去 河西 省。」</verse>
				<verse number="17">彼時，皇帝就回復總督 利宏 、書記 伸帥 ，以及許個住佇 撒馬利亞 及 河西 省的同事，講：「願恁平安。</verse>
				<verse number="18">恁的上奏文，我有詳細讀過。</verse>
				<verse number="19">我已經下令查考，知此個城對古早就背叛列王，常常有謀反背逆的事。</verse>
				<verse number="20">以前曾有偉大的君王統治 耶路撒冷 ，管理全部 河西 地區，叫𪜶進貢，納稅，繳糧食。</verse>
				<verse number="21">今恁著命令許個人停工，除了我有降旨，𣍐用得重建此個城。</verse>
				<verse number="22">恁著隨時辦理此個事，毋通疏忽，才免皇帝受較大的損失。」</verse>
				<verse number="23">亞達薛西 皇帝的批宣讀互總督 利宏 、書記 伸帥 ，及𪜶的同事知了後，𪜶就趕緊去 耶路撒冷 ，用勢力強迫 猶太 人停工。</verse>
				<verse number="24">對按呢 耶路撒冷 上帝聖殿重建的工程就停止，停到 波斯 皇帝 大流士 坐位的第二年。</verse>
			</chapter>
			<chapter number="5">
				<verse number="1">彼時有先知 哈該 ，及 易多 的孫先知 撒迦利亞 ，奉 以色列 上帝的名，對 猶大 及 耶路撒冷 的 猶太 人傳達上帝的話。</verse>
				<verse number="2">撒拉鐵 的子 所羅巴伯 ，及 約薩達 的子 耶書亞 ，就攏起來著手重建 耶路撒冷 上帝的聖殿；有上帝的先知及𪜶做夥，幫贊𪜶。</verse>
				<verse number="3">像彼時， 河西 省的總督 達乃 ，及 示他‧波斯乃 ，以及𪜶的同事，來問講：「啥人下令互恁起此間殿，完成此個工程？」</verse>
				<verse number="4">𪜶 閣討起造聖殿的人的名單。</verse>
				<verse number="5">毋拘上帝看顧 猶大 的長老，互𪜶免受阻擋停工。許個官員將此個代誌上奏 大流士 ，聽候伊的回復。</verse>
				<verse number="6">河西 省的總督 達乃 ，及 示他‧波斯乃 ，以及伊的同事，就是 河西 省的官員，上奏 大流士 王的批記佇下面：</verse>
				<verse number="7">願皇帝 大流士 萬事順利。</verse>
				<verse number="8">願皇上查明。阮去 猶大 省，發見偉大上帝的聖殿抵啲重建。此個殿用大塊石起造，樑插入牆內，工程進行真緊閣順利。</verse>
				<verse number="9">彼時，阮問許個長老：「啥人下令互恁起此間殿，完成此個工程？」</verse>
				<verse number="10">閣問𪜶的首領的名，通上奏互皇上知。</verse>
				<verse number="11">𪜶按呢應阮講：「阮是天地的主宰上帝的僕人。阮現在啲重建的聖殿，是真多年前 以色列 一位偉大的王起造的。</verse>
				<verse number="12">毋拘阮的列祖惹天頂的上帝受氣，伊將𪜶交佇 迦勒底 人 巴比倫 王 尼布甲尼撒 的手；王就拆毀此間殿，掠人民去 巴比倫 。</verse>
				<verse number="13">塞魯士 做 巴比倫 皇帝第一年，下令重建此間上帝的殿。</verse>
				<verse number="14">以前 尼布甲尼撒 對 耶路撒冷 上帝的聖殿搶去下佇 巴比倫 神廟的金銀器具， 塞魯士 王將許個提出來，交互伊所設立的 猶大 省長 設巴薩 ，</verse>
				<verse number="15">對伊講：『著帶諸個器具去下佇 耶路撒冷 的殿，嘛著佇原位起上帝的殿。』</verse>
				<verse number="16">對按呢， 設巴薩 就來下 耶路撒冷 上帝聖殿的地基；此間殿重建的工程對彼時到現在猶未完成。</verse>
				<verse number="17">「今，皇上若看做妥當，請查明 巴比倫 的皇家記錄，看 塞魯士 王有下令佇 耶路撒冷 重建上帝的聖殿抑無。關係此個事，請皇上裁決，降旨指示阮。」</verse>
			</chapter>
			<chapter number="6">
				<verse number="1">大流士 王就降旨，去 巴比倫 的府庫調閱皇家記錄。</verse>
				<verse number="2">佇 米底亞 省 亞馬他 城的宮內，尋著一卷古卷，內面按呢記載：</verse>
				<verse number="3">塞魯士 王元年，王為 耶路撒冷 上帝的聖殿降旨：著重建此間殿做獻祭的所在，下堅固的地基，殿高二十七公尺，闊嘛二十七公尺；</verse>
				<verse number="4">用大石三層，木材一層；經費由王家支付。</verse>
				<verse number="5">以前 尼布甲尼撒 對 耶路撒冷 上帝的聖殿搶去，下佇 巴比倫 許個金銀的器具，著帶轉去 耶路撒冷 ，照原位下佇上帝的聖殿。</verse>
				<verse number="6">對按呢， 大流士 王下令： 河西 省總督 達乃 ，及 示他‧波斯乃 ，以及 河西 省的官員，恁毋通干涉𪜶，</verse>
				<verse number="7">毋通阻擋上帝聖殿的工程，著互 猶大 省長及長老繼續佇原位重建上帝的聖殿。</verse>
				<verse number="8">我命令恁著幫贊 猶大 的長老重建上帝的聖殿；對王的府庫， 河西 省的稅收中撥充足的經費互許個人，才免工事停止。</verse>
				<verse number="9">𪜶向天頂的上帝獻燒化祭所需要的牛仔、綿羊、羊羔，以及小麥、鹽、酒、油，攏著照 耶路撒冷 的祭司所講的，逐日供給互𪜶，毋通失誤；</verse>
				<verse number="10">通互𪜶獻芳芳的祭物互天頂的上帝；閣為著王及王的子兒孫長歲壽祈禱。</verse>
				<verse number="11">我閣降旨，若有人改變此個命令，就欲對伊的厝拆一支樑，將伊釘佇彼頂面，掛起來，互伊的厝為著按呢變做糞埽堆。</verse>
				<verse number="12">若有君王及人民改變此個命令，毀壞此間上帝的聖殿，願揀選 耶路撒冷 互人來敬拜伊的彼位上帝消滅𪜶。我 大流士 出此個命令，著確實遵行。</verse>
				<verse number="13">對按呢， 河西 省總督 達乃 ，及 示他‧波斯乃 ，以及𪜶的同事，就確實遵行 大流士 王的命令。</verse>
				<verse number="14">猶大 的長老因為先知 哈該 及 易多 的孫 撒迦利亞 所傳達上帝的話，就著手重建，工程進行順利。𪜶遵趁 以色列 上帝的命令，及 波斯 皇帝 塞魯士 、 大流士 ，及 亞達薛西 的命令，完成重建。</verse>
				<verse number="15">大流士 王坐位第六年，亞達月初三，此間聖殿完工。</verse>
				<verse number="16">以色列 人、祭司及 利未 人，以及其他流亡倒來的人，攏歡歡喜喜舉行奉獻上帝聖殿的慶典。</verse>
				<verse number="17">為著奉獻上帝的聖殿，𪜶獻牛一百隻、綿羊兩百隻、羊羔四百隻。𪜶閣照 以色列 支族的數目，獻山羊十二隻做 以色列 眾人的贖罪祭。</verse>
				<verse number="18">𪜶照 摩西 的冊的記載，派祭司照𪜶的組別， 利未 人照𪜶的班次，佇 耶路撒冷 服事上帝。</verse>
				<verse number="19">正月十四，流亡倒來的人守𨃟過節。</verse>
				<verse number="20">祭司及 利未 人攏潔淨家己；逐個人佇禮儀上攏清氣，就為著流亡倒來的人，及𪜶的親族眾祭司，嘛為著家己刣𨃟過節的羊羔。</verse>
				<verse number="21">流亡倒來的 以色列 人，以及離開異教歸倚 以色列 人，敬拜上主 — 以色列 的上帝許個人，攏食𨃟過節的羊羔。</verse>
				<verse number="22">𪜶歡歡喜喜守除酵節七日；𪜶即呢歡喜，是因為上主互 亞述 王 的心對𪜶友善，支持𪜶重建 以色列 上帝的聖殿。</verse>
			</chapter>
			<chapter number="7">
				<verse number="1">諸個事以後， 波斯 皇帝 亞達薛西 坐位的時， 以斯拉 對 巴比倫 轉來；伊是 西萊雅 的子， 西萊雅 是 亞撒利雅 的子， 亞撒利雅 是 希勒家 的子，</verse>
				<verse number="2">希勒家 是 沙龍 的子， 沙龍 是 撒督 的子， 撒督 是 亞希突 的子，</verse>
				<verse number="3">亞希突 是 亞瑪利雅 的子， 亞瑪利雅 是 亞撒利雅 的子， 亞撒利雅 是 米拉約 的子，</verse>
				<verse number="4">米拉約 是 西拉希雅 的子， 西拉希雅 是 烏西 的子， 烏西 是 布基 的子，</verse>
				<verse number="5">布基 是 亞比書 的子， 亞比書 是 非尼哈 的子， 非尼哈 是 以利亞撒 的子， 以利亞撒 是大祭司 亞倫 的子。</verse>
				<verse number="6">以斯拉 對 巴比倫 上來；伊是經學教師，對上主 — 以色列 的上帝所賞賜 摩西 的律法非常精通。因為上主 — 伊的上帝賜福互伊，伊對皇帝的請求，攏得著允准。</verse>
				<verse number="7">亞達薛西 作王第七年，有一寡 以色列 人、祭司及 利未 人、獻詩的、聖殿守衛、聖殿的工人，轉來 耶路撒冷 。</verse>
				<verse number="8">彼年的五月， 以斯拉 轉來到 耶路撒冷 ；</verse>
				<verse number="9">正月初一，伊對 巴比倫 起身，五月初一就到 耶路撒冷 ，因為伊的上帝施恩的手幫贊伊。</verse>
				<verse number="10">以斯拉 專心研究閣實行上主的律法，將規例命令教導 以色列 人。</verse>
				<verse number="11">祭司 以斯拉 是經學教師，精通上主互 以色列 的誡命及規例。下面是 亞達薛西 王互 以斯拉 的詔書：</verse>
				<verse number="12">列王的王 亞達薛西 寫互祭司 以斯拉 ，精通天頂上帝律法的經學教師，願你平安。</verse>
				<verse number="13">我國內的 以色列 人、祭司及 利未 人，若有人願意轉去 耶路撒冷 ，我下令，允准𪜶及你做夥去；</verse>
				<verse number="14">我及七個參謀指派你，著照上帝交託你的律法視察 猶大 及 耶路撒冷 。</verse>
				<verse number="15">你著帶我及我的參謀甘心獻互住佇 耶路撒冷 的 以色列 上帝的金銀；</verse>
				<verse number="16">閣帶你佇 巴比倫 全省所得著的金銀，以及人民及祭司歡喜為著 耶路撒冷 𪜶的上帝的聖殿奉獻的禮物。</verse>
				<verse number="17">你著善用諸個金銀，買牛仔、綿羊、羊羔、五穀，及酒，獻佇 耶路撒冷 恁的上帝殿的祭壇。</verse>
				<verse number="18">賰的金銀，著照恁的上帝的旨意，用佇你及你的同事看做好的所在。</verse>
				<verse number="19">所有交互你，欲佇你的上帝殿內做服事的器具，著攏下佇 耶路撒冷 的上帝面前。</verse>
				<verse number="20">你的上帝的殿若猶欠用什麼，需要你設法的，通對皇帝的府庫支出。</verse>
				<verse number="21">我 亞達薛西 閣下令 河西 省所有管府庫的官員：精通天頂上帝律法的經學教師，祭司 以斯拉 ，伊無論對恁要求什麼，恁攏著確實辦理；</verse>
				<verse number="22">數量最高通到銀三千四百公斤、麥一萬公斤、酒兩千公升、油兩千公升、鹽無限。</verse>
				<verse number="23">天頂的上帝所命令的，恁著為天頂上帝的聖殿切實去做，才免上帝的大受氣臨到我及我的子孫的國。</verse>
				<verse number="24">我閣命令恁，祭司及 利未 人、獻詩的、聖殿的守衛及工人，以及佇上帝的殿侍奉的人，攏毋通要求𪜶進貢，納稅，繳糧食。</verse>
				<verse number="25">以斯拉 ，照你的上帝賞賜你的智慧，指派許個識上帝律法的人做審判官及官員，治理 河西 省的人民，教導猶毋識律法的人。</verse>
				<verse number="26">若有人無欲遵守你的上帝的律法及王的命令的人，著嚴嚴給𪜶定罪；給𪜶判死刑，流放，財產充公，抑是關監。</verse>
				<verse number="27">以斯拉 講：「上主 — 咱列祖的上帝應該受稱讚！因為伊互皇帝有此款的心意，互 耶路撒冷 上主的聖殿得著尊榮。</verse>
				<verse number="28">伊閣互我對王、伊的參謀，及所有有權的官員得著幫贊。上主 — 我的上帝賜我勇氣，互我會當召集 以色列 的首領，及我做夥轉來。」</verse>
			</chapter>
			<chapter number="8">
				<verse number="1">下面是 亞達薛西 王在位的時，及我對 巴比倫 倒轉來的族長，及𪜶的家譜：</verse>
				<verse number="2">非尼哈 的後代有 革順 ， 以他瑪 的後代有 但以理 ， 大闢 的後代有 哈突 。</verse>
				<verse number="3">示迦尼 的後代； 巴錄 的後代有 撒迦利亞 ；及伊做夥轉來，照家譜算，有查甫人一百五十名。</verse>
				<verse number="4">巴哈‧摩押 的後代有 西拉希雅 的子 以利約乃 ；及伊做夥的，有查甫人兩百名。</verse>
				<verse number="5">薩土 的後代有 雅哈悉 的子 示迦尼 ；及伊做夥的，有查甫人三百名。</verse>
				<verse number="6">亞丁 的後代有 約拿單 的子 以別 ；及伊做夥的，有查甫人五十名。</verse>
				<verse number="7">以攔 的後代有 亞他利雅 的子 以賽亞 ；及伊做夥的，有查甫人七十名。</verse>
				<verse number="8">示法提雅 的後代有 米迦勒 的子 西巴第雅 ；及伊做夥的，有查甫人八十名。</verse>
				<verse number="9">約押 的後代有 耶歇 的子 俄巴底亞 ；及伊做夥的，有查甫人兩百十八名。</verse>
				<verse number="10">巴尼 的後代有 約細斐 的子 示羅密 ；及伊做夥的，有查甫人一百六十名。</verse>
				<verse number="11">比拜 的後代有 比拜 的子 撒迦利亞 ；及伊做夥的，有查甫人二十八名。</verse>
				<verse number="12">押甲 的後代有 哈加坦 的子 約哈難 ；及伊做夥的，有查甫人一百十名。</verse>
				<verse number="13">亞多尼干 的後代較慢轉來的有 以利法列 、 耶利 、 示瑪雅 ；及𪜶做夥的，有查甫人六十名。</verse>
				<verse number="14">比革瓦伊 的後代有 烏太 及 撒刻 ；及𪜶做夥的，有查甫人七十名。</verse>
				<verse number="15">我召集諸個人來到彼條流入 亞哈瓦 城的河的河邊；阮佇遐紮營三日久。我巡視人民及祭司，毋拘無看著 利未 人。</verse>
				<verse number="16">我就差人去召許個領袖，就是 以利以謝 、 亞利伊勒 、 示瑪雅 、 以利拿單 、 雅立 、 以利拿單 、 拿單 、 撒迦利亞 、 米書蘭 ；閣教師 約雅立 及 以利拿單 。</verse>
				<verse number="17">我差𪜶去 迦西斐雅 地區見彼所在的領袖 易多 ，閣教𪜶著按怎對 易多 及伊的同事聖殿的工人講話，通互𪜶派人來咱的上帝的聖殿服事。</verse>
				<verse number="18">咱的上帝施恩幫贊阮，互𪜶佇 以色列 的曾孫， 利未 的孫， 抹利 的後代中，帶一個有才能的人 示利比 來；伊的子及伊的親族共十八人嘛做夥來。</verse>
				<verse number="19">閣帶 哈沙比雅 ；及伊做夥的有 米拉利 的後代 以賽亞 、伊的親族，及𪜶的子，共二十人。</verse>
				<verse number="20">閣帶兩百二十個聖殿的工人；𪜶的名攏有登錄，𪜶的祖先受 大闢 及許個大臣指派來協助 利未 人。</verse>
				<verse number="21">彼時，我佇 亞哈瓦河 河邊宣布禁食，通佇咱的上帝的面前刻苦謙卑，求上帝互阮、阮的囝仔，及阮一切所有的，攏一路平安。</verse>
				<verse number="22">我感覺請求皇帝派步兵馬兵一路保護阮，免受對敵的攻擊，是見笑的事，因為阮曾對皇帝講：「阮的上帝會施恩保護所有求叫伊的人，毋拘伊嘛會發大受氣攻擊棄拺伊的人。」</verse>
				<verse number="23">所以，阮為著此項事禁食，懇求阮的上帝；伊有聽阮的祈禱。</verse>
				<verse number="24">對按呢，我指派十二個祭司長，就是 示利比 、 哈沙比雅 ，及𪜶十個親族，</verse>
				<verse number="25">將皇帝及伊的參謀、官員，以及佇遐的 以色列 眾人奉獻互咱的上帝的聖殿，許個金、銀及器具，攏秤過，交互彼十二個祭司。</verse>
				<verse number="26">我秤過交互𪜶的，有銀二十二公噸、銀器七十公斤、金三千四百公斤，</verse>
				<verse number="27">以及金碗二十塊，重八點四公斤；金熠熠的銅器兩塊，貴重親像金。</verse>
				<verse number="28">我對𪜶講：「恁已經聖化歸上主，諸個器具嘛攏聖化歸上主；諸個金銀是人民甘心獻互上主 — 恁列祖的上帝的。</verse>
				<verse number="29">恁著警醒顧守，一直到恁去到 耶路撒冷 上主聖殿的庫房，佇祭司長及 利未 人，以及 以色列 族長的面前秤過交互𪜶。」</verse>
				<verse number="30">對按呢，祭司及 利未 人將過秤的金銀及器具接過來，欲帶去 耶路撒冷 咱的上帝的殿。</verse>
				<verse number="31">正月十二，阮對 亞哈瓦 的河邊出發，欲去 耶路撒冷 ；阮的上帝一路保護阮，救阮脫離對敵及埋伏的人的攻擊。</verse>
				<verse number="32">阮到 耶路撒冷 ，佇遐歇睏三日。</verse>
				<verse number="33">第四日，阮到上帝的殿，秤許個金銀及器具，交互祭司 烏利亞 的子 米利末 ；及伊做夥的有 非尼哈 的子 以利亞撒 、 利未 人 耶書亞 的子 約撒拔 ，及 賓內 的子 挪亞底 。</verse>
				<verse number="34">逐項物件攏算過，秤過，閣詳細記錄。</verse>
				<verse number="35">所有流放倒轉來的人攏獻燒化祭互 以色列 的上帝；𪜶為著 以色列 眾人獻牛十二隻、綿羊九十六隻、綿羊仔七十七隻；閣獻山羊十二隻來潔淨家己的罪。諸個攏做燒化祭獻互上主。</verse>
				<verse number="36">𪜶將皇帝的詔書交互伊的人臣及 河西 省的總督；許個官員就幫贊人民，供給上帝的聖殿。</verse>
			</chapter>
			<chapter number="9">
				<verse number="1">諸個代誌完成了後，有一寡 以色列 的領袖來見我，講：「 以色列 人民、祭司及 利未 人，無及此所在的 迦南 人、 赫 人、 比利洗 人、 耶布斯 人、 亞捫 人、 摩押 人、 埃及 人、 亞摩利 人隔離，閣學𪜶做可惡的事。</verse>
				<verse number="2">𪜶為著家己及𪜶的子，娶外族的女子做某，致到上主聖潔的子民及此所在的人摻插；閣領袖及官長佇此項事導頭做歹。」</verse>
				<verse number="3">我一下聽著此個代誌，就拆裂衫及外袍，惙頭毛及嘴鬚，著驚痛心坐啲。</verse>
				<verse number="4">因為流放倒來的人所犯的罪，所有為著 以色列 上帝的話愕愕惙的人攏聚集來我遮；我著驚痛心坐啲，到獻下昏祭的時。</verse>
				<verse number="5">獻下昏祭的時，我無閣禁食，就穿拆裂的衫及外袍，雙腳跪落去，向上主 — 我的上帝攑起雙手祈禱，</verse>
				<verse number="6">講：「我的上帝啊，我非常見笑，毋敢攑頭向我的上帝，因為阮的罪淹過頭殼，阮的罪過抵天。</verse>
				<verse number="7">對阮列祖的時到今仔日，阮的罪過真重；因為阮的罪，你將阮及阮的列王、祭司，攏交佇外邦列王的手，受殺害，受掠，受搶劫，受侮辱，親像今仔日按呢。</verse>
				<verse number="8">現在，上主 — 阮的上帝抵即施恩互阮，閣留阮諸個賰落來的人，互阮通安全徛起佇你聖的所在，通閣看著光明，佇受壓制做奴隸的中間有復興的機會。</verse>
				<verse number="9">阮是奴隸，毋拘做奴隸的時，上帝你無棄拺阮，互阮對 波斯 的皇帝得著恩典，閣互阮復興，會當重建上帝你的聖殿，修理毀壞的所在，互阮佇 猶大 及 耶路撒冷 有城牆保護。</verse>
				<verse number="10">「阮的上帝，既然你施恩互阮，阮猶有什麼話通講，因為阮已經棄拺你的命令。</verse>
				<verse number="11">你有通過你的僕人眾先知命令阮，講：『恁欲去佔領做產業的地是受污染的地，因為許個國的人民的污穢，及𪜶所做可惡的事，此個地對此旁到彼旁充滿污穢。</verse>
				<verse number="12">恁若欲強盛，享受此個土地的好物，閣留此個地互恁的子孫做永遠的產業，恁就毋通互恁的子以及查某子及𪜶通婚，永遠毋通幫贊𪜶得著平安繁榮。』</verse>
				<verse number="13">阮抵著諸個災難，攏是因為阮的歹所行及阮的大罪，毋拘，上帝，你刑罰阮，比阮應該承受的較輕，閣留阮諸個賰落來的人。</verse>
				<verse number="14">阮豈通閣違背你的命令，及做可惡的事的人民通婚？阮若按呢做，你一定會對阮發受氣，消滅阮，互阮無一個留落來，無一個逃脫。</verse>
				<verse number="15">上主 — 以色列 的上帝，你是公義的，阮諸個賰落來的人才得著逃脫，親像今仔日按呢。今，阮佇你的面前有罪；無一個人會堪得徛佇你的面前。」</verse>
			</chapter>
			<chapter number="10">
				<verse number="1">以斯拉 祈禱，認罪，啼哭，仆佇上帝聖殿頭前的時，有一大陣 以色列 的男女及囝仔聚集來伊遐；𪜶攏哭甲真傷心。</verse>
				<verse number="2">以攔 的後代， 耶歇 的子 示迦尼 對 以斯拉 講：「阮對咱的上帝無忠實，因為阮娶此所在外族的女子做某；雖然是按呢， 以色列 人猶久有向望。</verse>
				<verse number="3">現在咱著及咱的上帝立約，照你及許個驚畏上帝的誡命的人所決定，照律法，將諸個某及𪜶所生的兒女攏趕出去。</verse>
				<verse number="4">著採取行動，這是你應該做的事。阮欲支持你，你著勇敢去做。」</verse>
				<verse number="5">以斯拉 就隨時互祭司的領袖及 利未 人，以及 以色列 眾人宣誓，欲照諸個話去做；𪜶就按呢宣誓。</verse>
				<verse number="6">以斯拉 對上帝聖殿的頭前起來，入去 以利亞實 的子 約哈難 的厝，住佇遐，無食無飲，為著流放倒來對上帝無忠實的人哀傷。</verse>
				<verse number="7">𪜶佇 耶路撒冷 及 猶大 全地宣布，命令流放倒來的人攏著來 耶路撒冷 聚集。</verse>
				<verse number="8">若有人無順趁許個首領及長老的命令，三日內無來，就欲沒收𪜶的財產，將𪜶對流放倒來的人的團體革出。</verse>
				<verse number="9">猶大 及 便雅憫 此兩支族的人就佇三日內攏來 耶路撒冷 聚集；彼日是九月二十，眾人攏坐佇上帝聖殿頭前的廣場，為著此個事，閣因為落大雨，攏㘈㘈惙。</verse>
				<verse number="10">祭司 以斯拉 起來，給𪜶講：「恁對上帝無忠實，娶外邦的女子做某，加添 以色列 人的罪。</verse>
				<verse number="11">今著向上主 — 恁列祖的上帝認罪，遵行伊的旨意，及在地的人民以及外族的女子隔離。」</verse>
				<verse number="12">會眾攏大聲應講：「阮一定欲照你所講的去做。</verse>
				<verse number="13">毋拘人真多，閣抵著大雨，阮無法度一直徛佇外面，閣這嘛毋是一日兩日會當解決的代誌，因為阮所犯的罪真嚴重。</verse>
				<verse number="14">今，請咱的領袖代表全體會眾留佇遮，咱逐個城所有娶外邦女子做某的人，著照指定的時間，及彼個城的長老以及審判官做夥來，辦理諸個事，直到咱的上帝收回對咱的受氣。」</verse>
				<verse number="15">毋拘 亞撒黑 的子 約拿單 、 特瓦 的子 雅哈謝 反對此個決定，𪜶嘛得著 米書蘭 及 利未 人 沙比太 的支持。</verse>
				<verse number="16">對流放的地倒來的人照 以斯拉 的話去做。祭司 以斯拉 就對族長的中間指派一寡人，登記𪜶的名，對十月初一開始調查此個事。</verse>
				<verse number="17">到正月初一，所有娶外族女子的人的名才調查清楚。</verse>
				<verse number="18">佇祭司的後代，查出有娶外族女子的人就是： 約薩達 的子 耶書亞 及伊的兄弟 瑪西雅 、 以利以謝 、 雅立 ，及 基大利 。</verse>
				<verse number="19">𪜶立誓欲離𪜶的某；因為𪜶有犯罪，就獻一隻綿羊贖𪜶的罪。</verse>
				<verse number="20">音麥 的後代，有 哈拿尼 及 西巴第雅</verse>
				<verse number="21">哈琳 的後代，有 瑪西雅 、 以利亞 、 示瑪雅 、 耶歇 ，及 烏西亞</verse>
				<verse number="22">巴施戶珥 的後代，有 以利約乃 、 瑪西雅 、 以實瑪利 、 拿坦業 、 約撒拔 ，及 以利亞薩</verse>
				<verse number="23">利未 人的中間，有 約撒拔 、 示每 、 基拉雅 (就是 基利他)、 比他希雅 、 猶大 ，及 以利以謝</verse>
				<verse number="24">負責唱歌的人的中間，有 以利亞實 聖殿守衛的中間有 沙龍 、 提鍊 ，及 烏利</verse>
				<verse number="25">以色列 人 巴錄 的後代中，有 拉米 、 耶西雅 、 瑪基雅 、 米雅民 、 以利亞撒 、 瑪基雅 ，及 比拿雅</verse>
				<verse number="26">以攔 的後代中，有 瑪他尼 、 撒迦利亞 、 耶歇 、 亞伯底 、 耶利摩 ，及 以利亞</verse>
				<verse number="27">薩土 的後代中，有 以利約乃 、 以利亞實 、 瑪他尼 、 耶利摩 、 撒拔 ，及 亞西撒 。</verse>
				<verse number="28">比拜 的後代中，有 約哈難 、 哈拿尼雅 、 薩拜 ，及 亞勒</verse>
				<verse number="29">巴尼 的後代中，有 米書蘭 、 瑪鹿 、 亞大雅 、 雅述 、 示押 ，及 耶利摩</verse>
				<verse number="30">巴哈‧摩押 的後代中，有 阿底拿 、 基拉 、 比拿雅 、 瑪西雅 、 瑪他尼 、 比撒列 、 賓內 ，及 瑪拿西</verse>
				<verse number="31">哈琳 的後代中，有 以利以謝 、 伊示雅 、 瑪基雅 、 示瑪雅 、 西緬 、</verse>
				<verse number="32">便雅憫 、 瑪鹿 ，及 示瑪利雅</verse>
				<verse number="33">哈順 的後代中，有 瑪特乃 、 瑪達他 、 撒拔 、 以利法列 、 耶利買 、 瑪拿西 ，及 示每</verse>
				<verse number="34">巴尼 的後代中，有 瑪玳 、 暗蘭 、 烏益 、</verse>
				<verse number="35">比拿雅 、 比底雅 、 基祿 、</verse>
				<verse number="36">瓦尼雅 、 米利末 、 以利亞實 、</verse>
				<verse number="37">瑪他尼 、 瑪特乃 ，及 雅掃</verse>
				<verse number="38">賓內 的後代中，有 示每 、</verse>
				<verse number="39">示利米雅 、 拿單 、 亞大雅 、</verse>
				<verse number="40">瑪拿底拜 、 沙賽 、 沙賴 、</verse>
				<verse number="41">亞薩列 、 示利米雅 、 示瑪利雅 、</verse>
				<verse number="42">沙龍 、 亞瑪利雅 ，及 約瑟</verse>
				<verse number="43">尼波 的後代中，有 耶利 、 瑪他提雅 、 撒拔 、 西比拿 、 雅玳 、 約珥 、 比拿雅 。</verse>
				<verse number="44">諸個人攏娶外族的女子做某；其中嘛有人對諸個女子生子查某子。</verse>
			</chapter>
		</book>
		<book number="16">
			<chapter number="1">
				<verse number="1">下面是 哈迦利亞 的子 尼希米 的話： 亞達薛西 作 波斯 皇帝第二十年基斯流月，我佇 波斯 的京城 書珊 。</verse>
				<verse number="2">有一日，我一個兄弟 哈拿尼 ，及幾若個對 猶大 來的人來尋我；我對𪜶探聽許個流放 巴比倫 倒轉去 的 猶太 人，及 耶路撒冷 的情形。</verse>
				<verse number="3">𪜶給我講：「許個流放倒轉去的人 ，佇 猶大 省遐抵著大災難，受凌辱，閣 耶路撒冷 的城牆受拆毀，城門互火燒去。」</verse>
				<verse number="4">我聽著諸個話就坐落來，啼哭，哀傷幾若日；佇天頂的上帝面前禁食祈禱，講：</verse>
				<verse number="5">「上主，佇天頂至大通驚畏的上帝啊，你對許個疼你，遵守你誡命的人守約施仁愛。</verse>
				<verse number="6">懇求你俯耳孔聽，開目睭看，聽你的僕人此陣為著 以色列 人暝日佇你面前的祈禱，認阮 以色列 人背叛你的罪；我及我的祖先攏有罪。</verse>
				<verse number="7">阮惡意反抗你，無遵守你通過你的僕人 摩西 所頒布的誡命、規例、命令。</verse>
				<verse number="8">求你會記得你對你的僕人 摩西 應允的話，講：『恁若對我無忠實，我就欲將恁分散去列國；</verse>
				<verse number="9">毋拘恁若歸向我，遵行我的誡命，恁就是受趕散去天邊海角，我嘛欲對遐給恁聚集倚來，導恁到我所揀選互人來敬拜我的所在。』</verse>
				<verse number="10">「𪜶是你的僕人，你的子民，是你用大氣力、大權能的手救贖的。</verse>
				<verse number="11">主啊，求你俯耳孔聽你的僕人及許個意愛敬畏你的名的僕人的祈禱；閣求你互你的僕人今仔日亨通，對王得著恩典。」 彼時，我做王的酒政。</verse>
			</chapter>
			<chapter number="2">
				<verse number="1">亞達薛西 王第二十年尼散月，有酒排佇王的面前，我就奉酒互伊。我平常時佇伊的面前毋曾有憂悶的面色。</verse>
				<verse number="2">伊問我講：「你無破病，面色哪即歹看？你一定心情無好。」我就真驚。</verse>
				<verse number="3">我對王講：「願皇上萬歲！我的面色會即呢歹看，是因為安葬阮祖先的城拋荒，城門攏互火燒去。」</verse>
				<verse number="4">伊問我講：「你愛欲求什麼？」 對按呢，我對天頂的上帝祈禱。</verse>
				<verse number="5">我就對王講：「皇上若看做好，你的僕人若對你得著恩典，求你差我去 猶大 ，去安葬阮列祖的城，互我通重建彼個城。」</verse>
				<verse number="6">彼時王后坐佇王的邊仔。王給我講：「你欲去偌久？什麼時會倒來？」伊歡喜差我去，我就及伊約定一個期限。</verse>
				<verse number="7">我閣對伊講：「皇上若看做好，請發詔書互我帶去交互 河西 省 許個省長，准我過境去 猶大 ；</verse>
				<verse number="8">閣發一封詔書互管理皇家樹林的 亞薩 ，教伊互我柴料，通做修建聖殿邊堡壘的門、城牆，及我所欲住的厝的路用。」伊允准我的請求，因為我的上帝施恩的手幫贊我。</verse>
				<verse number="9">王派幾若個軍官及馬兵護送我去。我到 河西 省許個省長遐，將詔書交互𪜶。</verse>
				<verse number="10">和崙 人 參巴拉 ，及官員 亞捫 人 多比雅 聽見有人來欲為 以色列 人爭取權益，就真無歡喜。</verse>
				<verse number="11">我到 耶路撒冷 ，佇遐三日。</verse>
				<verse number="12">後來，我半暝起來，有幾個人及我做夥出去。我的上帝感動我的心欲為 耶路撒冷 做的事，我攏無給人講；我騎的牲生以外，無帶別隻做夥去。</verse>
				<verse number="13">我透暝對 山谷門 出去，經過 龍泉 到 糞埽門 ，觀察 耶路撒冷 的城牆，看著城牆受拆毀，城門互火燒去。</verse>
				<verse number="14">我閣去到 泉門 及 王池 ；毋拘遐無所在互我騎的牲生過去。</verse>
				<verse number="15">我就透暝沿溪上去，觀察城牆，然後照原路，經過 山谷門 倒來。</verse>
				<verse number="16">許個官長毋知我去叨位，做什麼代誌；我猶未給 猶太 的人民、祭司、貴族、官長，及其他欲參與此個工作的人講。</verse>
				<verse number="17">後來我給𪜶講：「咱所抵著的災難， 耶路撒冷 按怎拋荒，城門互火燒去，恁攏有看著。來！咱來重建 耶路撒冷 的城牆，才免咱閣受凌辱。」</verse>
				<verse number="18">我閣給𪜶講我的上帝的手按怎幫贊我，及王對我講什麼話。 𪜶就講：「咱起來重建！」對按呢，𪜶堅強起來，做此個好的工程。</verse>
				<verse number="19">毋拘， 和崙 人 參巴拉 及官員 亞捫 人 多比雅 ，以及 阿拉伯 人 基善 聽見，就恥笑阮，看輕阮，講：「恁是啲做什麼？是欲背叛王是無？」</verse>
				<verse number="20">我應𪜶講：「天頂的上帝會互阮成功。阮是伊的僕人，欲起來重建；恁佇 耶路撒冷 無分，無權，無人會給恁記念。」</verse>
			</chapter>
			<chapter number="3">
				<verse number="1">彼時，大祭司 以利亞實 及伊的同事起來重建 羊門 ，安門扇，將門聖化歸上主。𪜶閣起城牆到 哈米亞樓 及 哈楠業樓 ，將伊聖化歸上主。</verse>
				<verse number="2">接續起造的，是 耶利哥 人；接續𪜶的，是 音利 的子 撒刻 。</verse>
				<verse number="3">哈西拿 許個子重建 魚門 ，安置樑及門扇、門閂及門鎖。</verse>
				<verse number="4">接續𪜶修建城牆的，是 哈哥斯 的孫， 烏利亞 的子 米利末 。接續伊的，是 米示薩別 的孫， 比利加 的子 米書蘭 。接續伊的，是 巴拿 的子 撒督 。</verse>
				<verse number="5">接續伊的，是 提哥亞 人；毋拘𪜶的貴族無欲負責受指派的工作。</verse>
				<verse number="6">巴西亞 的子 耶何耶大 ，及 比所玳 的子 米書蘭 ，修理 古門 ，安置樑、門扇、門閂及門鎖。</verse>
				<verse number="7">接續𪜶修建城牆的，是 基遍 人 米拉提 及 米崙 人 雅頓 ，以及 河西 省省長所管的 基遍 人及 米斯巴 人。</verse>
				<verse number="8">接續𪜶的，是拍金師傅 哈海雅 的子 烏薛 ；接續伊的，是做香料的 哈拿尼雅 。諸個人修造 耶路撒冷 ，到 闊牆 。</verse>
				<verse number="9">接續𪜶修建城牆的，是 戶珥 的子，管理一半 耶路撒冷 城區的 利法雅 。</verse>
				<verse number="10">接續伊的，是 哈路抹 的子 耶大雅 ；伊修建伊家己的厝對面的城牆。接續伊的，是 哈沙尼 的子 哈突 。</verse>
				<verse number="11">哈琳 的子 瑪基雅 ，及 巴哈‧摩押 的子 哈述 ，修理下一段，以及 爐樓 。</verse>
				<verse number="12">接續𪜶的，是 哈羅黑 的子，管理一半 耶路撒冷 城區的 沙龍 及伊許個查某子。</verse>
				<verse number="13">哈嫩 及 撒挪亞 的住民修理 山谷門 ；𪜶造城門，安置門扇、門閂及門鎖，閣修建城牆四百四十公尺，到 糞埽門 。</verse>
				<verse number="14">管理 伯‧哈基琳 地區的 利甲 的子 瑪基雅 修建 糞埽門 ；造城門，安置門扇、門閂及門鎖。</verse>
				<verse number="15">管理 米斯巴 地區的 各‧荷西 的子 沙崙 ，修建 泉門 ；造城門，蓋厝頂，安置門扇、門閂及門鎖，閣修建皇家花園附近的 西羅亞池 的牆，到彼個對 大闢 城落來的崎仔。</verse>
				<verse number="16">接續伊修建城牆的，是管理一半 伯‧夙 城區的 押卜 的子 尼希米 ；伊修理到 大闢 墳墓的對面，閣續到人造池，以及 英雄館 。</verse>
				<verse number="17">接續伊修建城牆的，是 利未 人 巴尼 的子 利宏 。接續伊的，是管理一半 基伊拉 地區的 哈沙比雅 ；伊修建伊治理的地區。</verse>
				<verse number="18">接續伊修建的，是𪜶的親族 希拿達 的子 巴瓦伊 ；伊管理另外一半的 基伊拉 地區。</verse>
				<verse number="19">接續伊的，是 耶書亞 的子 以謝珥 ；伊管理 米斯巴 ，修建上去武器庫的對面城牆斡角彼段。</verse>
				<verse number="20">接續伊的，是 薩改 的子 巴錄 ，盡力修建對城牆斡角到大祭司 以利亞實 公館的門口彼段。</verse>
				<verse number="21">接續伊的，是 哈哥斯 的孫， 烏利亞 的子 米利末 ，修建對 以利亞實 公館的門口，到公館的盡頭彼段。</verse>
				<verse number="22">接續伊修建城牆的，是住佇 耶路撒冷 附近地區許個祭司。</verse>
				<verse number="23">接續𪜶的，是 便雅憫 及 哈述 ；𪜶修建𪜶兜對面彼段。接續𪜶的，是 亞難雅 的孫， 瑪西雅 的子 亞撒利雅 ；伊修建伊的厝附近彼段。</verse>
				<verse number="24">接續伊的，是 希拿達 的子 賓內 ；伊修建對 亞撒利雅 的厝，到城牆的斡角，到城角彼段。</verse>
				<verse number="25">烏賽 的子 巴拉 負責城牆斡角的對面，倚近警衛埕，皇宮頂面的城樓彼段。接續伊的，是 巴錄 的子 比大雅 ，</verse>
				<verse number="26">及住佇 俄斐勒 聖殿的工人；𪜶修建東旁的 水門 對面，及較高的城樓彼段。</verse>
				<verse number="27">接續伊的，是 提哥亞 人；𪜶修建對彼個較高的大城樓對面，到 俄斐勒 的牆彼段。</verse>
				<verse number="28">對 馬門 上北彼段，祭司修建𪜶家己的厝對面的城牆。</verse>
				<verse number="29">接續𪜶的，是 音麥 的子 撒督 ；伊修建伊的厝對面的城牆。接續伊修建的，是東門的守衛， 示迦尼 的子 示瑪雅 。</verse>
				<verse number="30">接續伊的，是 示利米雅 的子 哈拿尼雅 ，及 薩拉 的第六子 哈嫩 ；𪜶閣修建一段。接續𪜶的，是 比利加 的子 米書蘭 ；伊修建家己的厝對面彼段。</verse>
				<verse number="31">接續伊的，是拍金師傅 瑪基雅 ；伊修建到聖殿的工人及生理人的厝彼段，就是對 召集門 的對面到城角的樓。</verse>
				<verse number="32">拍金師傅及生理人修建對城角的樓到 羊門 彼段。</verse>
			</chapter>
			<chapter number="4">
				<verse number="1">參巴拉 聽見阮啲重建城牆，就真受氣，非常憤怒，恥笑 猶太 人，</verse>
				<verse number="2">佇伊的同伴及 撒馬利亞 的軍兵面前講：「諸個無路用的 猶太 人啲做什麼？𪜶欲重建此個城噢？欲獻祭噢？欲一日就完成噢？欲對土堆中提出燒過的石頭來閣起噢？」</verse>
				<verse number="3">亞捫 人 多比雅 徛佇伊的身邊講：「𪜶所起的石牆，若有一隻狐狸𬦰起去，就會崩落去。」</verse>
				<verse number="4">我祈禱講：「阮的上帝，求你聽，因為阮互人恥笑，求你互𪜶對阮的侮辱歸佇𪜶身上，互𪜶成做戰利品受掠去外國；</verse>
				<verse number="5">求你毋通遮蓋𪜶的罪，毋通擦消𪜶佇你面前所犯的罪過；因為𪜶侮辱諸個重建的人。」</verse>
				<verse number="6">按呢，阮繼續重建城牆；無偌久，城牆就攏接做夥，到一半高，因為人民專心做工。</verse>
				<verse number="7">參巴拉 、 多比雅 、 阿拉伯 人、 亞捫 人、 亞實突 人，聽見重建 耶路撒冷 城牆的工程順利進行，開始修補破隙的所在，就真受氣；</verse>
				<verse number="8">大家做夥計謀欲攻擊 耶路撒冷 ，製造混亂。</verse>
				<verse number="9">阮向阮的上帝祈禱，閣因為𪜶的緣故，派人守望，暝日防備。</verse>
				<verse number="10">毋拘 猶太 人講： 作工的人氣力盡， 石頭土沙歸大堆， 城牆完工到何時？</verse>
				<verse number="11">阮的對敵閣講：「趁𪜶毋知，看𣍐著的時，咱入去𪜶中間，刣死𪜶，互𪜶的工程停止。」</verse>
				<verse number="12">許個住佇對敵附近的 猶太 人，一遍閣一遍給阮警告，講：「對敵會對逐所在來攻擊恁。」</verse>
				<verse number="13">所以我互人民照𪜶家己的宗族攑刀，攑槍，攑弓，徛佇城牆後面低閣曠闊的所在。</verse>
				<verse number="14">我巡視了，就起來對貴族、官長，及其他的人民講：「毋免驚𪜶！著會記得主是至大通驚畏的上帝；著為著恁的同胞、恁的子、查某子、恁的某、恁的厝宅交戰。」</verse>
				<verse number="15">對敵聽見阮已經知𪜶的計謀，閣上帝嘛破壞𪜶的計謀，就無來攻擊阮，阮就攏倒轉來城牆遐，逐個人繼續做家己的工作。</verse>
				<verse number="16">對彼日起，我的部下一半的人做工，一半攑槍，提盾牌，攑弓，穿戰甲；官長攏全力支持許個重建城牆的 猶太 眾人。</verse>
				<verse number="17">擔物件的，一手做工，一手攑武器。</verse>
				<verse number="18">建造的人，逐個揹刀照常工作；歕喇叭的佇我的身邊。</verse>
				<verse number="19">我給諸個貴族、官長，及其他的人民講：「此個工程真大，咱佇城牆頂分開真遠；</verse>
				<verse number="20">恁無論佇叨位聽著喇叭的聲，著隨時聚集來阮遮；咱的上帝欲為咱交戰。」</verse>
				<verse number="21">逐日對天昲光到星出現的時，阮一半的人做工，一半的人攑槍守衛。</verse>
				<verse number="22">彼時，我閣對人民講：「逐個人及伊的僕人著佇 耶路撒冷 城內歇暝，通暝時徛衛兵，日時做工。」</verse>
				<verse number="23">按呢，我及我的親族、部下，及衛兵，無一個褪衫睏；逐個人去汲水嘛攏攑武器。</verse>
			</chapter>
			<chapter number="5">
				<verse number="1">人民及𪜶的某大聲埋怨𪜶的 猶太 同胞。</verse>
				<verse number="2">有人講：「阮及阮的子查某子即多人，為著欲生活需要真多糧食。」</verse>
				<verse number="3">有的講：「阮已經將田園、葡萄園、厝宅提去抵押，才會當度活。」</verse>
				<verse number="4">有的講：「阮已經用田園及葡萄園借錢，給王納稅。</verse>
				<verse number="5">阮及別人仝款是 猶太 人，阮的子兒嘛無較輸𪜶的子兒；今阮的子兒著去做人的奴隸，阮的查某子有的已經去做奴隸，阮嘛𣍐當做什麼；因為阮的田園及葡萄園已經攏互別人提去。」</verse>
				<verse number="6">我聽著𪜶的哀叫及怨言，就非常受氣。</verse>
				<verse number="7">我經過慎重考慮，就責備許個貴族及官長，給𪜶講：「恁逐個人竟然給同胞提重利。」 對按呢，我召集大會來處理𪜶。</verse>
				<verse number="8">我給𪜶講：「阮已經盡力將賣互外邦人的 猶太 同胞贖回，恁竟然賣恁的兄弟，欲閣互阮給𪜶贖轉來是無？」𪜶攏恬恬，無話通應。</verse>
				<verse number="9">我閣講：「恁按呢做毋著；恁做代誌應該著敬畏咱的上帝，才免互列國咱的對敵恥笑。</verse>
				<verse number="10">我及我的家屬，以及我的部下，嘛有將錢及糧食借互人民。現在咱閣給𪜶提利息。</verse>
				<verse number="11">今仔日恁著將𪜶抵押的田園、葡萄園、橄欖園、厝宅，以及恁對𪜶提的重利，就是錢銀、糧食、酒、油，攏還𪜶。」</verse>
				<verse number="12">貴族及官長講：「阮一定還𪜶，無閣對𪜶要求什麼，欲照你的話做。」 我就叫祭司來，互貴族及官長咒誓，一定照所講的去做。</verse>
				<verse number="13">我就解開腰帶，颺颺咧，講：「無照咒誓去做的人，願上帝嘛將𪜶的厝宅及𪜶勞碌得著的，颺甲空空空。」 會眾攏應講：「阿們！」𪜶閣稱讚上主。人民就攏照按呢做。</verse>
				<verse number="14">我受派做 猶大 地的省長，對 亞達薛西 王二十年到三十二年，共十二年久，我及我的家屬攏無食省長應得的糧食。</verse>
				<verse number="15">我以前許個省長互人民的負擔真重；𪜶對人民要求五穀及酒，以及四百五十六公克的銀仔；甚至𪜶的僕人嘛壓制人民。毋拘我無按呢做，因為我敬畏上帝。</verse>
				<verse number="16">我專心做重建城牆的工程，無買田園；我所有的部下嘛攏參加重建的工作。</verse>
				<verse number="17">除了許個對四圍國家來我遮的人以外，有 猶太 人以及官長一百五十人及我做夥食。</verse>
				<verse number="18">每一日，我著準備一隻牛，六隻肥的羊；閣準備真多隻雞；十日一遍，準備逐款的酒。雖然按呢，我嘛無領省長應得的糧食，因為人民的負擔真重。</verse>
				<verse number="19">我的上帝啊，求你會記得我為著人民所做一切的事，賜福我。</verse>
			</chapter>
			<chapter number="6">
				<verse number="1">參巴拉 、 多比雅 、 阿拉伯 人 基善 ，及阮其他的對敵聽著我已經完成城牆的重建，所有的破隙攏修補好勢；毋拘城門猶未安門扇。</verse>
				<verse number="2">參巴拉 及 基善 就派人來給我講：「請你來，咱佇 阿挪 平原一個庄社見面。」其實𪜶是想欲害我。</verse>
				<verse number="3">我就派使者去給𪜶講：「我此陣啲進行大的工程，𣍐當去；我哪通離開遮去見恁，互此個工程受阻擋？」</verse>
				<verse number="4">𪜶按呢四遍派人來見我，我攏用仝款的話回答𪜶。</verse>
				<verse number="5">參巴拉 第五遍派伊的部下來見我，手提無封起來的批 ；</verse>
				<verse number="6">批內按呢寫：「佇列國中有風聲， 基善 嘛證實講，你及 猶太 人想欲造反，所以你才啲修建城牆；根據諸個話，你想欲做𪜶的王。</verse>
				<verse number="7">你閣佇 耶路撒冷 指派先知為著你宣傳講：『佇 猶大 有王。』諸個話一定會傳到王遐；所以請你來，咱做夥參詳。」</verse>
				<verse number="8">我就差人去給伊講：「你講的代誌無影無跡，是你家己捏造的。」</verse>
				<verse number="9">𪜶想欲恐嚇阮，互阮的手無力通完成此個工程。我祈禱講：「上帝啊，求你互我堅強。」</verse>
				<verse number="10">有一日，我去 示瑪雅 的厝欲見伊，伊是 米希大別 的孫， 第來雅 的子；彼時伊家己關佇厝內。伊對我講：「咱來去上帝的厝，入去殿內，將聖殿的門關起來；因為𪜶欲來害你，欲佇暝時刣你。」</verse>
				<verse number="11">我講：「我豈是彼款會逃閃的人？我豈通匿𫢶聖殿內保全家己的性命？我毋入去。」</verse>
				<verse number="12">彼時我才知，上帝並無差伊，是 多比雅 及 參巴拉 給伊買收，講預言攻擊我。</verse>
				<verse number="13">𪜶買收伊的目的，是欲給我嚇驚，互我照𪜶的話去做來犯罪，留歹名聲互人恥笑。</verse>
				<verse number="14">我的上帝啊，求你毋通𣍐記得 多比雅 、 參巴拉 、女先知 挪亞底 ，及其他許個先知所做給我嚇驚的代誌，毋通放𪜶煞。</verse>
				<verse number="15">經過五十二日的工作，佇以祿月二十五日，城牆的重建就完成。</verse>
				<verse number="16">阮四圍列國許個對敵聽著就攏著驚，感覺漏氣見笑；因為𪜶攏知此個工程會當完成，是出佇上帝的幫贊。</verse>
				<verse number="17">佇彼段期間， 猶大 的貴族常常寫批互 多比雅 ， 多比雅 嘛給𪜶回批。</verse>
				<verse number="18">佇 猶大 有真多人及 多比雅 結盟，因為伊是 亞拉 的子 示迦尼 的子婿；閣 多比雅 的子 約哈難 娶 比利加 的子 米書蘭 的查某子做某。</verse>
				<verse number="19">𪜶常常佇我的面前講 多比雅 的好話，嘛將我的話傳互伊。 多比雅 閣常常寫批給我恐嚇。</verse>
			</chapter>
			<chapter number="7">
				<verse number="1">城牆重建完成，我就安置城門，閣指派人負責聖殿守衛、獻詩，及其他 利未 人的工作。</verse>
				<verse number="2">我派我的兄弟 哈拿尼 及堡壘的指揮官 哈拿尼雅 ，管理 耶路撒冷 ； 哈拿尼雅 是一個忠信閣敬畏上帝的人，無人會當及伊比。</verse>
				<verse number="3">我給𪜶吩咐講：「到日出燒烙的時，才通開 耶路撒冷 的城門；守衛下班以前，著給城門關起來，閂互好勢。著派 耶路撒冷 的住民，照班次佇𪜶的厝頭前顧守。」</verse>
				<verse number="4">耶路撒冷 城闊閣大，城內的住民猶真少，起好的厝嘛無多。</verse>
				<verse number="5">我的上帝感動我，召集貴族、官長，及人民來登記𪜶的家譜。我尋著頭一批流放回鄉的人的家譜。下面是我尋著的資料：</verse>
				<verse number="6">以前對 猶大 地互 巴比倫 王 尼布甲尼撒 掠去的人民，現在對遐倒來 耶路撒冷 及 猶大 ，轉去逐個人的故鄉；</verse>
				<verse number="7">𪜶及 所羅巴伯 、 耶書亞 、 尼希米 、 亞撒利雅 、 拉米 、 拿哈瑪尼 、 末底改 、 必珊 、 米斯比列 、 比革瓦伊 、 尼宏 、 巴拿 做夥倒來。以下是諸個倒來的 以色列 人民的人數：</verse>
				<verse number="8">巴錄 的後代兩千一百七十二人</verse>
				<verse number="9">示法提雅 的後代三百七十二人</verse>
				<verse number="10">亞拉 的後代六百五十二人</verse>
				<verse number="11">巴哈‧摩押 的後代，就是 耶書亞 及 約押 的後代，兩千八百十八人</verse>
				<verse number="12">以攔 的後代一千兩百五十四人</verse>
				<verse number="13">薩土 的後代八百四十五人</verse>
				<verse number="14">薩改 的後代七百六十人</verse>
				<verse number="15">賓內 的後代六百四十八人</verse>
				<verse number="16">比拜 的後代六百二十八人</verse>
				<verse number="17">押甲 的後代兩千三百二十二人</verse>
				<verse number="18">亞多尼干 的後代六百六十七人</verse>
				<verse number="19">比革瓦伊 的後代兩千空六十七人</verse>
				<verse number="20">亞丁 的後代六百五十五人</verse>
				<verse number="21">亞特 的後代，就是 希西家 的後代，九十八人</verse>
				<verse number="22">哈順 的後代三百二十八人</verse>
				<verse number="23">比賽 的後代三百二十四人</verse>
				<verse number="24">哈拉 的後代一百十二人</verse>
				<verse number="25">基遍 的後代九十五人</verse>
				<verse number="26">伯利恆 人及 尼陀法 人，共一百八十八人</verse>
				<verse number="27">亞拿突 人一百二十八人</verse>
				<verse number="28">伯‧亞斯瑪威 人四十二人</verse>
				<verse number="29">基列‧耶琳 人、 基非拉 人，及 比錄 人共七百四十三人</verse>
				<verse number="30">拉瑪 人及 迦巴 人共六百二十一人</verse>
				<verse number="31">默瑪 人一百二十二人</verse>
				<verse number="32">伯特利 人及 艾 人共一百二十三人</verse>
				<verse number="33">另外一個 尼波 的後代五十二人</verse>
				<verse number="34">另外一個 以攔 的後代一千兩百五十四人</verse>
				<verse number="35">哈琳 的後代三百二十人</verse>
				<verse number="36">耶利哥 人三百四十五人</verse>
				<verse number="37">羅德 人、 哈第 人、 阿挪 人共七百二十一人</verse>
				<verse number="38">西拿 人三千九百三十人。</verse>
				<verse number="39">祭司： 耶書亞 的家 耶大雅 的後代九百七十三人</verse>
				<verse number="40">音麥 的後代一千空五十二人</verse>
				<verse number="41">巴施戶珥 的後代一千兩百四十七人</verse>
				<verse number="42">哈琳 的後代一千空十七人。</verse>
				<verse number="43">利未 人： 何達威雅 的後代，就是 耶書亞 及 甲篾 的後代，七十四人</verse>
				<verse number="44">負責獻詩的，就是 亞薩 的後代，一百四十八人</verse>
				<verse number="45">聖殿的守衛，就是 沙龍 、 亞特 、 達們 、 亞谷 、 哈底大 ，及 朔拜 的後代，共一百三十八人。</verse>
				<verse number="46">聖殿的工人： 西哈 的後代、 哈蘇巴 的後代、 答巴俄 的後代、</verse>
				<verse number="47">基綠 的後代、 西亞 的後代、 巴頓 的後代、</verse>
				<verse number="48">利巴拿 的後代、 哈迦巴 的後代、 薩買 的後代、</verse>
				<verse number="49">哈難 的後代、 吉德 的後代、 迦哈 的後代；</verse>
				<verse number="50">利亞雅 的後代、 利汛 的後代、 尼哥大 的後代、</verse>
				<verse number="51">迦散 的後代、 烏撒 的後代、 巴西亞 的後代、</verse>
				<verse number="52">比賽 的後代、 米烏寧 的後代、 尼普心 的後代、</verse>
				<verse number="53">巴卜 的後代、 哈古巴 的後代、 哈忽 的後代、</verse>
				<verse number="54">巴洗律 的後代、 米希大 的後代、 哈沙 的後代、</verse>
				<verse number="55">巴柯 的後代、 西西拉 的後代、 答瑪 的後代、</verse>
				<verse number="56">尼細亞 的後代、 哈提法 的後代。</verse>
				<verse number="57">所羅門 的僕人的後代，就是 瑣太 的後代、 瑣斐列 的後代、 比路大 的後代、</verse>
				<verse number="58">雅拉 的後代， 達昆 的後代、 吉德 的後代、</verse>
				<verse number="59">示法提雅 的後代、 哈替 的後代、 玻黑列‧哈斯巴音 的後代、 亞們 的後代。</verse>
				<verse number="60">聖殿的工人及 所羅門 僕人的後代共三百九十二人。</verse>
				<verse number="61">對 特‧米拉 、 特‧哈薩 、 基綠 、 亞頓 、 音麥 上來，𣍐當證明𪜶的宗族世系是毋是屬 以色列 人的：</verse>
				<verse number="62">第來雅 的後代、 多比雅 的後代，及 尼哥大 的後代，共六百四十二人。</verse>
				<verse number="63">祭司中尋無世系的，有 哈巴雅 的後代、 哈哥斯 的後代、 巴西萊 的後代 (巴西萊 娶 基列 人 巴西萊 的查某子做某，所以採用 巴西萊 的名)；𪜶𣍐當擔任祭司的職份。</verse>
				<verse number="64"></verse>
				<verse number="65">省長給𪜶講：「毋通食獻互上帝的祭物，聽候會曉用烏陵及土明的祭司出現才來裁決。」</verse>
				<verse number="66">大會的會眾攏總有四萬兩千三百六十人；</verse>
				<verse number="67">以外猶有𪜶的男僕女婢七千三百三十七人，男女獻詩的有兩百四十五人。</verse>
				<verse number="68">𪜶有馬七百三十六隻、騾兩百四十五隻、駱駝四百三十五隻、驢六千七百二十隻。</verse>
				<verse number="69"></verse>
				<verse number="70">有一寡人為著工程贊助：省長捐八公斤的金下佇府庫，碗五十塊，及祭司的禮服五百三十軀；</verse>
				<verse number="71">有的族長捐一百六十八公斤的金，一千兩百五十公斤的銀，下佇工程府庫；</verse>
				<verse number="72">有真多人民捐一百六十八公斤的金、一千一百四十公斤的銀，及祭司的禮服六十七軀。</verse>
				<verse number="73">對按呢，祭司及 利未 人、聖殿的守衛、負責獻詩的，以及一部份的人民、聖殿的工人，及 以色列 眾人，攏住佇 耶路撒冷 附近的地區。 到七月，其他的 以色列 人住佇家己的故鄉。</verse>
			</chapter>
			<chapter number="8">
				<verse number="1">彼時，人民攏同心一意聚集佇 水門 前的廣場；𪜶請經學教師 以斯拉 ，將上主通過 摩西 頒布互 以色列 的律法的冊帶來。</verse>
				<verse number="2">七月初一，祭司 以斯拉 帶律法的冊來到會眾面前，其中有男有女，及所有聽了會明白的囝仔。</verse>
				<verse number="3">以斯拉 佇 水門 前的廣場，對天光到中晝，佇會眾，就是許個男女及聽了會明白的囝仔面前讀彼卷律法的冊；人民攏注意啲聽。</verse>
				<verse number="4">經學教師 以斯拉 徛佇𪜶為著此個代誌用柴特別做的台仔頂；徛佇伊正旁的有 瑪他提雅 、 示瑪 、 亞奈雅 、 烏利亞 、 希勒家 ，及 瑪西雅 ；徛佇伊倒旁的有 比大雅 、 米沙利 、 瑪基雅 、 哈順 、 哈拔大拿 、 撒迦利亞 ，及 米書蘭 。</verse>
				<verse number="5">以斯拉 徛佇台頂，佇人民的面前搋開此卷冊；伊一下搋開，大家就攏徛起來。</verse>
				<verse number="6">以斯拉 稱讚上主 — 至大的上帝；眾人民攏攑手，回應講：「阿們！阿們！」𪜶攏俯頭仆佇土腳敬拜上主。</verse>
				<verse number="7">人民攏徛啲； 利未 人 耶書亞 、 巴尼 、 示利比 、 雅憫 、 亞谷 、 沙比太 、 荷第雅 、 瑪西雅 、 基利他 、 亞撒利雅 、 約撒拔 、 哈難 ，及 比萊雅 ，幫贊人民明白律法。</verse>
				<verse number="8">𪜶讀上帝律法的冊，翻譯 閣解說內面的意思，人民就明白所讀的。</verse>
				<verse number="9">省長 尼希米 ，及祭司嘛是經學教師的 以斯拉 ，以及教導人民的 利未 人，對人民講：「今仔日是上主 — 恁的上帝的聖日；毋通悲哀啼哭。」因為全體人民聽著律法的話攏啼哭。</verse>
				<verse number="10">尼希米 閣給𪜶講：「恁去食上好的物，飲甜的酒；無準備食物的人，著分互𪜶。今仔日是咱的主的聖日，恁毋通憂傷，因為對上主得著的歡喜是恁的氣力。」</verse>
				<verse number="11">對按呢， 利未 人互全體人民平靜落來，講：「著安靜，毋通憂傷，因為今仔日是聖日。」</verse>
				<verse number="12">人民就去飲食，嘛分物件互人；大家攏真歡喜，因為𪜶明白教導𪜶的話。</verse>
				<verse number="13">隔日，人民的族長、祭司，及 利未 人攏聚集來經學教師 以斯拉 遐，欲學習律法的話。</verse>
				<verse number="14">𪜶發見，律法中有記載上主通過 摩西 命令 以色列 人，著佇七月的節期住佇草寮；</verse>
				<verse number="15">閣著佇逐個城及 耶路撒冷 宣傳報告，講：「恁著出去山裡，取橄欖樹、野橄欖樹、長青樹、棕樹，及樹葉真艷的樹枝，照所記載的搭草寮仔。」</verse>
				<verse number="16">人民就出去，帶樹枝轉來，逐個人佇家己的厝頂及埕，佇上帝聖殿的埕，佇 水門 及 以法蓮門 的廣場，搭草寮仔。</verse>
				<verse number="17">許個受掠閣倒來的會眾就搭草寮仔，住佇彼內面；對 嫩 的子 約書亞 的時到此日， 以色列 人毋曾按呢做。𪜶攏非常歡喜快樂。</verse>
				<verse number="18">對頭一日到路尾日， 以斯拉 逐日宣讀上帝的律法。眾人守節七日，第八日，照規例舉行嚴肅會。</verse>
			</chapter>
			<chapter number="9">
				<verse number="1">仝彼月二四日， 以色列 人聚集禁食，穿麻衫，糝土粉。</verse>
				<verse number="2">以色列 的後代及所有的外族人斷絕關係；𪜶攏徛啲認家己的罪，及𪜶列祖的罪過。</verse>
				<verse number="3">𪜶徛啲，用三點鐘讀上主 — 𪜶的上帝律法的冊，閣用三點鐘認罪，敬拜上主 — 𪜶的上帝。</verse>
				<verse number="4">利未 人 耶書亞 、 巴尼 、 甲篾 、 示巴尼 、 布尼 、 示利比 、 巴尼 ，及 基拿尼 徛佇台頂，大聲哀求上主 — 𪜶的上帝。</verse>
				<verse number="5">利未 人 耶書亞 、 甲篾 、 巴尼 、 哈沙尼 、 示利比 、 荷第雅 、 示巴尼 、 比他希雅 講： 「著起來，稱讚上主 — 恁的上帝， 直到永永遠遠！ 上主啊，願你榮光的名得著謳咾， 超過一切的頌讚及謳咾。</verse>
				<verse number="6">「上主啊，只有你是上主！ 你創造天、天頂的天，及天頂的萬象， 閣創造地及地上的萬物， 海及海中所有的； 你賞賜性命互萬物； 天軍嘛敬拜你。</verse>
				<verse number="7">你是主上帝，有揀選 亞伯蘭 ， 導伊出 巴比倫 的 吾珥 ， 給伊改名做 亞伯拉罕 。</verse>
				<verse number="8">你知伊對你忠實， 及伊立約， 應允將 迦南 人、 赫 人、 亞摩利 人、 比利洗 人、 耶布斯 人、 革迦撒 人的土地互伊的後代， 閣實現你的話； 因為你是公義的。</verse>
				<verse number="9">「你有看見阮的列祖佇 埃及 受苦， 聽見𪜶佇 紅海 海邊的哀求；</verse>
				<verse number="10">你知 埃及 人壓迫阮的列祖； 你行神跡奇事，攻擊法老、伊的人臣，及伊國內的人民； 你就得著名聲，親像今仔日按呢。</verse>
				<verse number="11">你佇阮的列祖面前給海分開， 互𪜶對海中行焦地過去； 你將追趇𪜶的，㧒佇深海， 親像給石頭㧒落大湧。</verse>
				<verse number="12">日時你用雲柱導𪜶， 暝時你用火柱照光𪜶著行的路。</verse>
				<verse number="13">你降臨佇 西奈山 ， 對天頂及𪜶講話， 賞賜𪜶正直的命令、 真實的律法、好的規例及誡命；</verse>
				<verse number="14">你互𪜶知你安歇的聖日， 通過你的僕人 摩西 用誡命、規例，及律法教示𪜶。</verse>
				<verse number="15">「𪜶枵的時，你對天賞賜米糧； 𪜶嘴焦的時，你互石磐出水； 閣叫𪜶著去承接你立誓欲互𪜶的土地。</verse>
				<verse number="16">但是，阮的列祖驕傲自大， 硬心毋肯悔改，無聽趁你的誡命；</verse>
				<verse number="17">𪜶毋肯順趁， 無記念你佇𪜶中間所做的奇事， 竟然硬心毋肯悔改，家己設立領袖， 存心背逆，想欲越倒去𪜶做奴才的地。 總是，你是歡喜赦免人， 有恩典，有憐憫， 無快受氣，有滿滿慈愛的上帝； 嘛無放拺𪜶。</verse>
				<verse number="18">𪜶雖然鑄一隻牛仔，講 『這是導恁出 埃及 的上帝』，按呢大大褻瀆你；</verse>
				<verse number="19">毋拘你有極大的憐憫， 無放拺𪜶佇曠野； 日時，雲柱無離開𪜶，導𪜶行路； 暝時，火柱嘛無離開𪜶，照光𪜶著行的路。</verse>
				<verse number="20">你賞賜你良善的神來教示𪜶， 無收回你的嗎哪互𪜶無物件通食； 𪜶嘴焦的時，猶原賞賜𪜶有水通飲。</verse>
				<verse number="21">佇曠野四十年久你養飼𪜶， 互𪜶無欠半項； 𪜶的衫無破， 𪜶的腳無膨泡。</verse>
				<verse number="22">「你將列邦及許個人民交互𪜶， 將周圍的土地分互𪜶； 𪜶得著 希實本 王 西宏 的地 及 巴珊 王 噩 的地。</verse>
				<verse number="23">你互𪜶的子孫親像天頂的星赫呢多， 導𪜶到你應允𪜶列祖欲互𪜶承接的地。</verse>
				<verse number="24">𪜶的子孫入去承接彼個地， 你佇𪜶的面前制伏彼所在的住民 迦南 人， 將彼個地的君王及住民攏交佇𪜶的手， 出在𪜶的意思對待許個人。</verse>
				<verse number="25">𪜶攻取堅固的城、肥的土地， 得著囥滿逐款好物的厝宅，及開便便的水井、 葡萄園、橄欖園，及真多果子樹。 𪜶得著食飽，身軀肥； 因為你的大恩心內快樂。</verse>
				<verse number="26">「毋拘𪜶竟然毋順趁，背逆你， 將你的律法㧒佇尻脊後； 𪜶刣死苦勸𪜶歸向你的先知， 大大褻瀆你。</verse>
				<verse number="27">所以你將𪜶交佇對敵的手，互𪜶受苦楚； 𪜶抵著苦難的時哀求你， 你就對天頂俯落聽， 照你極大的憐憫，互𪜶有拯救者， 救𪜶脫離對敵的手。</verse>
				<verse number="28">𪜶享受太平，煞閣佇你的面前做歹； 你棄拺𪜶，給𪜶交佇對敵的手，受對敵管轄； 𪜶越倒轉求叫你的時， 你猶原對天頂俯落聽， 照你的憐憫一遍閣一遍解救𪜶。</verse>
				<verse number="29">你勸戒𪜶，愛𪜶越轉順趁你的律法； 毋拘𪜶驕傲自大，毋聽趁你的誡命， 違背你的命令 — 人若遵行，就會得著活命 — 肩頭越走，硬心固執，毋肯聽趁。</verse>
				<verse number="30">你寬容𪜶真多年， 你的神通過你的先知勸戒𪜶， 𪜶猶原毋聽趁； 所以你將𪜶交佇列國人民的手。</verse>
				<verse number="31">毋拘照你極大的憐憫，你無消滅𪜶，無棄拺𪜶； 因為你是有恩典，有憐憫的上帝。</verse>
				<verse number="32">「今，阮的上帝啊，你是至大，有權能，通驚畏，守約施仁愛的上帝； 阮的君王、領袖、祭司、先知、列祖，及你的子民， 對 亞述 列王的時到今仔日所受一切的苦難，求你毋通看做小可。</verse>
				<verse number="33">你是公義，你的所做信實； 阮所做的攏是歹，所抵著的是罪該應得。</verse>
				<verse number="34">阮的君王、領袖、祭司、列祖攏無遵守你的律法， 毋聽趁你的誡命以及你勸戒的話。</verse>
				<verse number="35">𪜶佇𪜶家己的國家，享受你賜互𪜶的福氣， 住佇你所賞賜寬闊肥媠的地， 𪜶竟然無服事你，嘛無越轉離開家己的歹所行。</verse>
				<verse number="36">阮今仔日做奴隸！ 你賞賜阮列祖此塊土地，互𪜶通享受果子及好物； 阮竟然佇遮做奴隸。</verse>
				<verse number="37">因為阮的罪，此個地出產的物攏歸佇列王； 你設立𪜶管轄阮， 出在𪜶的意思管轄阮的身軀及阮的牲生。 阮佇患難中真艱苦！」</verse>
				<verse number="38">諸個代誌了後，阮慎重立約，寫做文書；阮的領袖、 利未 人及祭司，攏簽名蓋印。</verse>
			</chapter>
			<chapter number="10">
				<verse number="1">蓋印的人，有 哈迦利亞 的子省長 尼希米 ，及 西底家 。</verse>
				<verse number="2">閣有祭司 西萊雅 、 亞撒利雅 、 耶利米 、</verse>
				<verse number="3">巴施戶珥 、 亞瑪利雅 、 瑪基雅 、</verse>
				<verse number="4">哈突 、 示巴尼 、 瑪鹿 、</verse>
				<verse number="5">哈琳 、 米利末 、 俄巴底亞 、</verse>
				<verse number="6">但以理 、 近頓 、 巴錄 、</verse>
				<verse number="7">米書蘭 、 亞比雅 、 米雅民 、</verse>
				<verse number="8">瑪西亞 、 璧該 、 示瑪雅 。</verse>
				<verse number="9">閣有 利未 人 亞散尼 的子 耶書亞 ， 希拿達 的子 賓內 、 甲篾 ，</verse>
				<verse number="10">以及𪜶的親族 示巴尼 、 荷第雅 、 基利他 、 比萊雅 、 哈難 、</verse>
				<verse number="11">米迦 、 利合 、 哈沙比雅 、</verse>
				<verse number="12">撒刻 、 示利比 、 示巴尼 、</verse>
				<verse number="13">荷第雅 、 巴尼 、 比尼努 。</verse>
				<verse number="14">閣有人民的領袖 巴錄 、 巴哈‧摩押 ， 以攔 、 薩土 、 巴尼 、</verse>
				<verse number="15">布尼 、 押甲 、 比拜 、</verse>
				<verse number="16">亞多尼雅 、 比革瓦伊 、 亞丁 、</verse>
				<verse number="17">亞特 、 希西家 、 押朔 、</verse>
				<verse number="18">荷第雅 、 哈順 、 比賽 、</verse>
				<verse number="19">哈拉 、 亞拿突 、 尼拜 、</verse>
				<verse number="20">抹比押 、 米書蘭 、 希悉 、</verse>
				<verse number="21">米示薩別 、 撒督 、 押杜亞 、</verse>
				<verse number="22">比拉提 、 哈難 、 亞奈雅 、</verse>
				<verse number="23">何細亞 、 哈拿尼雅 、 哈述 、</verse>
				<verse number="24">哈羅黑 、 比利哈 、 朔百 、</verse>
				<verse number="25">利宏 、 哈沙拿 、 瑪西雅 、</verse>
				<verse number="26">亞希雅 、 哈難 、 亞難 、</verse>
				<verse number="27">瑪鹿 、 哈琳 、 巴拿 。</verse>
				<verse number="28">其他的人民、祭司、 利未 人、聖殿的守衛、獻詩的、聖殿的工人，以及所有及列國人民斷絕關係來歸順上帝律法的人，及𪜶的某、𪜶的子、查某子，以及會明白代誌的，</verse>
				<verse number="29">攏支持許個做領袖的同胞，咒誓宣誓欲遵趁上帝通過伊的僕人 摩西 所傳授的律法，欲持守遵行上主 — 阮的主一切的誡命、命令，及規例。</verse>
				<verse number="30">阮無欲將阮的查某子嫁互此所在的外族人，嘛無欲互阮的子娶𪜶的查某子。</verse>
				<verse number="31">安歇日抑是聖日，此所在的外族人若帶商品抑是五穀來賣，阮無欲給𪜶買。 每第七年，阮無欲種作，嘛無欲討欠阮的債務。</verse>
				<verse number="32">阮規定，每年逐個人著奉獻四公克的銀，做上帝聖殿的路用，</verse>
				<verse number="33">包括獻祭的餅、經常獻的素祭及燒化祭，安歇日、初一、節期的祭物，給 以色列 人贖罪的祭，以及咱的上帝殿內所有工作的費用。</verse>
				<verse number="34">照律法的記載，阮諸個祭司、 利未 人，及人民抽籤決定，照宗族逐年定期獻柴，通佇祭壇燒祭物獻互上主 — 咱的上帝。</verse>
				<verse number="35">逐年，阮欲將地上頭水的五穀，及逐款樹初熟的果子，帶到上主的殿。</verse>
				<verse number="36">阮欲照律法的規定，將阮的大子、頭上生的牛羊及牲生，帶到上帝的聖殿，交互佇聖殿啲服事的祭司。</verse>
				<verse number="37">阮欲將上好的麵粉、奉獻的祭物，及逐款樹的果子、新酒，及新油，交互祭司，囥佇上帝聖殿的倉庫；閣將阮的土地收成的十分一互 利未 人； 利未 人會親身來阮種作的城收出產的十分一。</verse>
				<verse number="38">利未 人去收十分一的時，著有 亞倫 後代的一個祭司及 利未 人做夥； 利未 人嘛著將十分一的十分一帶來聖殿，收入府庫內的倉庫。</verse>
				<verse number="39">以色列 人及 利未 人著將𪜶奉獻的五穀、新酒，及新油，帶入收囥聖所器具的倉庫；值班的祭司、守衛、獻詩的，嘛𫢶佇遐。 按呢阮絕對無欲棄拺阮上帝的聖殿。</verse>
			</chapter>
			<chapter number="11">
				<verse number="1">人民的領袖攏住佇 耶路撒冷 ；其他的人民抽籤，每十個家庭有一個來住佇聖城 耶路撒冷 ，另外彼九個住佇別個城。</verse>
				<verse number="2">所有自願來住佇 耶路撒冷 的，人民攏給𪜶祝福。</verse>
				<verse number="3">以色列 人、祭司、 利未 人、聖殿的工人，及 所羅門 僕人的後代，攏住佇𪜶家己佇 猶大 所有地的城。 下面是 猶大 省的領袖住佇 耶路撒冷 的人：</verse>
				<verse number="4">有一寡 猶大 及 便雅憫 的後代住佇 耶路撒冷 。屬 猶大 的有： 法勒斯 的後代 亞他雅 ，伊是 烏西亞 的子， 烏西亞 是 撒迦利亞 的子， 撒迦利亞 是 亞瑪利雅 的子， 亞瑪利雅 是 示法提雅 的子， 示法提雅 是 瑪勒列 的子；</verse>
				<verse number="5">閣有 瑪西雅 ，伊是 巴錄 的子， 巴錄 是 各‧荷西 的子， 各‧荷西 是 哈塞亞 的子， 哈塞亞 是 亞大雅 的子， 亞大雅 是 約雅立 的子， 約雅立 是 撒迦利亞 的子， 撒迦利亞 是 示羅尼 的子。</verse>
				<verse number="6">法勒斯 的後代住佇 耶路撒冷 的，攏總有四百六十八人；𪜶攏是勇士。</verse>
				<verse number="7">屬 便雅憫 的後代有 撒路 ，伊是 米書蘭 的子， 米書蘭 是 約葉 的子， 約葉 是 比大雅 的子， 比大雅 是 哥賴雅 的子， 哥賴雅 是 瑪西雅 的子， 瑪西雅 是 以鐵 的子， 以鐵 是 以賽亞 的子；</verse>
				<verse number="8">閣有 撒路 的親族 迦拜 、 撒來 ，共九百二十八人。</verse>
				<verse number="9">細基利 的子 約珥 是𪜶的長官； 哈西努亞 的子 猶大 做彼個城的副市長。</verse>
				<verse number="10">做祭司的有 約雅立 的子 耶大雅 及 雅斤 ；</verse>
				<verse number="11">猶有管理上帝的殿的 西萊雅 ， 西萊雅 是 希勒家 的子， 希勒家 是 米書蘭 的子， 米書蘭 是 撒督 的子， 撒督 是 米拉約 的子， 米拉約 是 亞希突 的子；</verse>
				<verse number="12">猶有𪜶的親族佇聖殿侍奉的，共八百二十二人；閣有 亞大雅 ，伊是 耶羅罕 的子， 耶羅罕 是 比拉利 的子， 比拉利 是 暗西 的子， 暗西 是 撒迦利亞 的子， 撒迦利亞 是 巴施戶珥 的子， 巴施戶珥 是 瑪基雅 的子；</verse>
				<verse number="13">猶有𪜶的親族做族長的，共兩百四十二人；閣有 亞瑪帥 ，伊是 亞薩列 的子， 亞薩列 是 亞哈賽 的子， 亞哈賽 是 米實利末 的子， 米實利末 是 音麥 的子；</verse>
				<verse number="14">猶有𪜶的親族勇猛的戰士，共一百二十八人； 哈基多琳 的子 撒巴第業 是𪜶的長官。</verse>
				<verse number="15">利未 人有 示瑪雅 ，伊是 哈述 的子， 哈述 是 亞斯利干 的子， 亞斯利干 是 哈沙比雅 的子， 哈沙比雅 是 布尼 的子；</verse>
				<verse number="16">閣有 利未 人的領袖 沙比太 及 約撒拔 ，管理上帝聖殿的外務。</verse>
				<verse number="17">導祈禱感謝的是 瑪他尼 ，伊是 米迦 的子， 米迦 是 撒底 的子， 撒底 是 亞薩 的子；閣有 瑪他尼 的兄弟，其中 八布迦 做副手；猶有 押大 ，伊是 沙慕亞 的子， 沙慕亞 是 加拉 的子， 加拉 是 耶杜頓 的子。</verse>
				<verse number="18">住佇聖城的 利未 人，攏總有兩百八十四人。</verse>
				<verse number="19">顧門的守衛有 亞谷 及 達們 ，以及𪜶的親族共一百七十二人。</verse>
				<verse number="20">其他的 以色列 人、祭司、 利未 人，住佇𪜶家己佇 猶大 所有地的城。</verse>
				<verse number="21">毋拘聖殿工人住佇 俄斐勒 ； 西哈 及 基斯帕 做𪜶的監督。</verse>
				<verse number="22">佇 耶路撒冷 做 利未 人的監督，管理上帝聖殿事務的，是負責獻詩的 亞薩 的後代 烏西 ，伊是 巴尼 的子， 巴尼 是 哈沙比雅 的子， 哈沙比雅 是 瑪他尼 的子， 瑪他尼 是 米迦 的子。</verse>
				<verse number="23">王有規定獻詩的人逐日應該做的職務。</verse>
				<verse number="24">比他希雅 代表王辦理 猶大 人民一切的事務；伊是 米示薩別 的子，是 猶大 的子 謝拉 的後代。</verse>
				<verse number="25">猶大 人住的庄社及𪜶的田園，有 基列‧亞巴 及周圍的庄社、 底本 及周圍的庄社、 葉甲薛 及周圍的庄社，</verse>
				<verse number="26">以及 耶書亞 、 摩拉大 、 伯‧帕列 、</verse>
				<verse number="27">哈薩‧書亞 、 別是巴 及附近的庄社；</verse>
				<verse number="28">閣佇 洗革拉 、 米哥拿 及附近的庄社；</verse>
				<verse number="29">閣佇 隱‧臨門 、 瑣拉 、 耶末 、</verse>
				<verse number="30">撒挪亞 、 亞杜蘭 及附近的庄社、 拉吉 及附近的田園、 亞西加 及附近的庄社。𪜶所住的地區，是對 別是巴 到 欣嫩 山谷。</verse>
				<verse number="31">便雅憫 人住佇 迦巴 、 密抹 、 艾雅 、 伯特利 及周圍的庄社、</verse>
				<verse number="32">亞拿突 、 挪伯 、 亞難雅 、</verse>
				<verse number="33">夏瑣 、 拉瑪 、 基他音 、</verse>
				<verse number="34">哈第 、 洗波音 、 尼八拉 、</verse>
				<verse number="35">羅德 ，以及 阿挪 、 夏納欣 山谷。</verse>
				<verse number="36">有一寡住佇 猶大 的 利未 人，受指定歸佇 便雅憫 。</verse>
			</chapter>
			<chapter number="12">
				<verse number="1">下面是及 撒拉鐵 的子 所羅巴伯 ，以及 耶書亞 做夥轉來的祭司及 利未 人： 西萊雅 、 耶利米 、 以斯拉 、</verse>
				<verse number="2">亞瑪利雅 、 瑪鹿 、 哈突 、</verse>
				<verse number="3">示迦尼 、 利宏 、 米利末 、</verse>
				<verse number="4">易多 、 近頓 、 亞比雅 、</verse>
				<verse number="5">米雅民 、 瑪底雅 、 璧迦 、</verse>
				<verse number="6">示瑪雅 、 約雅立 、 耶大雅 、</verse>
				<verse number="7">撒路 、 亞木 、 希勒家 ，及 耶大雅 。諸個人佇 耶書亞 做大祭司的時做祭司，閣做𪜶親族的領袖。</verse>
				<verse number="8">利未 人有 耶書亞 、 賓內 、 甲篾 、 示利比 、 猶大 、 瑪他尼 ；此個 瑪他尼 及伊的同事負責謳咾感謝的詩歌。</verse>
				<verse number="9">𪜶的同事 八布迦 及 烏尼 ，照班次，佇服事的時及𪜶徛相對。</verse>
				<verse number="10">耶書亞 生 約雅金 ， 約雅金 生 以利亞實 ， 以利亞實 生 耶何耶大 ，</verse>
				<verse number="11">耶何耶大 生 約拿單 ， 約拿單 生 押杜亞 。</verse>
				<verse number="12">佇 約雅金 做大祭司的時，祭司做族長的， 西萊雅 族有 米拉雅 ， 耶利米 族有 哈拿尼雅 ，</verse>
				<verse number="13">以斯拉 族有 米書蘭 ， 亞瑪利雅 族有 約哈難 ，</verse>
				<verse number="14">米利古 族有 約拿單 ， 示巴尼 族有 約瑟 ，</verse>
				<verse number="15">哈琳 族有 阿底拿 ， 米拉約 族有 希勒愷 ，</verse>
				<verse number="16">易多 族有 撒迦利亞 ， 近頓 族有 米書蘭 ，</verse>
				<verse number="17">亞比雅 族有 細基利 ， 米拿民 族有某人 ， 摩亞底 族有 比勒太 ，</verse>
				<verse number="18">璧迦 族有 沙慕亞 ， 示瑪雅 族有 約拿單 ，</verse>
				<verse number="19">約雅立 族有 瑪特乃 ， 耶大雅 族有 烏西 ，</verse>
				<verse number="20">撒來 族有 加萊 ， 亞木 族有 希伯 ，</verse>
				<verse number="21">希勒家 族有 哈沙比雅 ， 耶大雅 族有 拿坦業 。</verse>
				<verse number="22">以利亞實 、 耶何耶大 、 約哈難 、 押杜亞 做大祭司的時， 利未 人的族長及祭司攏有記名登錄，一直到 波斯 皇帝 大流士 的時。</verse>
				<verse number="23">利未 人做族長的，有記名佇歷代的年鑑，記到 以利亞實 的孫 約哈難 的時。</verse>
				<verse number="24">利未 人的族長 哈沙比雅 、 示利比 、 耶書亞 、 賓內 ，及 甲篾 佇服事的時及𪜶的同事徛相對； 利未 人照上帝的僕人 大闢 的命令，一班一班輪流謳咾感謝上帝。</verse>
				<verse number="25">瑪他尼 、 八布迦 、 俄巴底亞 、 米書蘭 、 達們 、 亞谷 顧守城門邊的倉庫。</verse>
				<verse number="26">𪜶攏是佇 約薩達 的孫， 耶書亞 的子 約雅金 的時，以及省長 尼希米 及祭司經學教師 以斯拉 的時當職。</verse>
				<verse number="27">耶路撒冷 舉行城牆奉獻禮的時，人民去 利未 人住的所在邀請𪜶來參加，愛𪜶唱歌感謝，用鈸、瑟、琴伴奏，歡喜慶祝舉行奉獻禮。</verse>
				<verse number="28">獻詩的對 耶路撒冷 四圍的地區，及 尼陀法 的鄉鎮來聚集；</verse>
				<verse number="29">閣對 伯‧吉甲 ，對 迦巴 及 亞斯瑪威 的地區來；因為獻詩的佇 耶路撒冷 周圍有建立𪜶家己的庄社。</verse>
				<verse number="30">祭司及 利未 人潔淨家己，潔淨人民，以及城門及城牆。</verse>
				<verse number="31">我導 猶大 的領袖上城牆頂，將謳咾感謝的人分做兩大隊。 第一隊佇城牆頂對南旁向 糞埽門 去；</verse>
				<verse number="32">隨佇𪜶後面的有 何沙雅 ，及 猶大 領袖的一半；</verse>
				<verse number="33">閣有 亞撒利雅 、 以斯拉 、 米書蘭 、</verse>
				<verse number="34">猶大 、 便雅憫 、 示瑪雅 、 耶利米 ，</verse>
				<verse number="35">諸個祭司攑喇叭。隨佇後面的有 撒迦利亞 ，伊是 約拿單 的子， 約拿單 是 示瑪雅 的子， 示瑪雅 是 瑪他尼 的子， 瑪他尼 是 米該亞 的子， 米該亞 是 撒刻 的子， 撒刻 是 亞薩 的子；</verse>
				<verse number="36">撒迦利亞 及伊的同事 示瑪雅 、 亞薩列 、 米拉萊 、 基拉萊 、 瑪艾 、 拿坦業 、 猶大 ，及 哈拿尼 ，攏提上帝的僕人 大闢 的樂器；經學教師 以斯拉 做頭前。</verse>
				<verse number="37">𪜶佇 泉門 的對面，對 大闢 城的崎仔上城牆，經過 大闢 王宮的頂面，向東旁去到 水門 。</verse>
				<verse number="38">第二隊謳咾感謝的人行倒反方向，去及第一隊相抵。我及人民的一半隨𪜶的後面，佇城牆頂，經過 爐樓 ，去到 闊牆 ；</verse>
				<verse number="39">閣過 以法蓮門 、 古門 、 魚門 、 哈楠業樓 、 哈米亞樓 ，去到 羊門 ，佇 警衛門 停腳。</verse>
				<verse number="40">此兩隊謳咾感謝的人徛佇上帝的殿，我及官長的一半嘛徛佇遐。</verse>
				<verse number="41">祭司 以利亞敬 、 瑪西雅 、 米拿民 、 米該亞 、 以利約乃 、 撒迦利亞 ，及 哈拿尼雅 ，攏攑喇叭；</verse>
				<verse number="42">𪜶的後面閣有 瑪西雅 、 示瑪雅 、 以利亞撒 、 烏西 ， 約哈難 、 瑪基雅 、 以攔 ，及 以謝 。 伊斯拉希 導獻詩的大聲稱讚。</verse>
				<verse number="43">彼日，眾人獻真多祭物，嘛真歡喜，因為上帝互𪜶非常快樂；婦仁人及囝仔嘛攏歡喜慶祝； 耶路撒冷 歡喜的聲對真遠就有聽著。</verse>
				<verse number="44">彼日，有一寡人受指派管理府庫，因為𪜶有照律法的規定，為著供給祭司及 利未 人，將逐鄉鎮的田園所收成初熟的果子、十分一的奉獻，及逐款的禮物攏囥佇彼內面。 猶大 人民對祭司及 利未 人的服事攏真滿意。</verse>
				<verse number="45">𪜶遵行上帝的命令，守潔淨禮；獻詩的及守衛嘛照 大闢 及伊的子 所羅門 的命令按呢做。</verse>
				<verse number="46">佇古早 大闢 及 亞薩 的時代，就有獻詩的及指揮，閣有謳咾感謝上帝的詩歌。</verse>
				<verse number="47">佇 所羅巴伯 及 尼希米 的時代， 以色列 人民將逐日應得的份額供給獻詩的及守衛，閣將欲供給 利未 人的份額分別出來； 利未 人嘛將欲供給 亞倫 子孫的份額分別出來。</verse>
			</chapter>
			<chapter number="13">
				<verse number="1">彼日，有人讀 摩西 的律法書互人民聽，讀著內面有按呢記載： 亞捫 人及 摩押 人永遠𣍐用得加入上帝的會，</verse>
				<verse number="2">因為𪜶毋若無用食物及水迎接 以色列 人，顛倒倩 巴蘭 去咒詛 以色列 人；毋拘咱的上帝互彼個咒詛變做祝福。</verse>
				<verse number="3">𪜶聽著此段律法了後，就將 以色列 人及許個有外族血統的人分開。</verse>
				<verse number="4">此個代誌以前，管理咱上帝聖殿府庫的祭司 以利亞實 ，及 亞捫 人 多比雅 真有交情，</verse>
				<verse number="5">就為著伊準備一間大間房。此間房間以前啲收囥素祭、乳香、聖殿的器具，以及照規定供給 利未 人、獻詩的、守衛的五穀、新酒，及新油的十分一，以及攑高獻互上主，歸互祭司的物。</verse>
				<verse number="6">此個代誌發生的時，我無佇 耶路撒冷 ；因為 巴比倫 王 亞達薛西 三十二年，我倒去王遐；過無偌久我閣對王請假。</verse>
				<verse number="7">我到 耶路撒冷 才知 以利亞實 所做的歹代；伊為著 多比雅 佇上帝聖殿的埕準備一間房。</verse>
				<verse number="8">我就真受氣，將 多比雅 所有的家具攏㧒出去；</verse>
				<verse number="9">閣命令人去潔淨房間，然後將上帝聖殿的器具、素祭，及乳香閣搬入去。</verse>
				<verse number="10">我嘛發見 利未 人應得的份額無互𪜶，當職的 利未 人及獻詩的煞著倒去家己的田園作穡。</verse>
				<verse number="11">我就責備許個官長，給𪜶講：「是按怎上帝的殿放互荒廢？」我就聚集 利未 人，互𪜶回復職務。</verse>
				<verse number="12">對按呢， 猶大 人民將五穀、新酒，及新油的十分一帶入府庫。</verse>
				<verse number="13">我指派祭司 示利米雅 ，經學教師 撒督 ，及 利未 人 比大雅 管理府庫；閣派 瑪他尼 的孫， 撒刻 的子 哈難 做助手。𪜶攏真忠實，盡職將物件分發互𪜶的同事。</verse>
				<verse number="14">我的上帝啊，求你記念我所做諸個事，毋通擦消我為著上帝的殿及服事伊所做的好事。</verse>
				<verse number="15">佇彼段期間，我佇 猶大 看著人佇安歇日踏酒窟，搬麥捆互驢載，閣佇安歇日將酒、葡萄、無花果，及逐款貨物運入去 耶路撒冷 ；我就佇𪜶買賣彼日責備𪜶。</verse>
				<verse number="16">閣有住佇遐的 泰爾 人，帶魚及逐種貨物，佇安歇日，佇 耶路撒冷 賣互 猶太 人。</verse>
				<verse number="17">我就責備 猶大 許個貴族，給𪜶講：「恁是按怎做此款歹代誌干犯安歇日？</verse>
				<verse number="18">以前恁的祖先豈毋是嘛按呢做，互咱的上帝將這一切的災禍降落佇咱及此個城？現在恁猶久干犯安歇日，一定會互上帝對 以色列 發閣較大的受氣！」</verse>
				<verse number="19">佇安歇日開始，黃昏的時，我命令人關 耶路撒冷 的城門，到安歇日過去以前𣍐用得開。我派幾若個部下管理城門，才免有人佇安歇日擔貨物入城。</verse>
				<verse number="20">對按呢，生理人及販賣逐項貨物的人，有一兩遍佇 耶路撒冷 的城外過暝。</verse>
				<verse number="21">我就警告𪜶，講：「恁是按怎佇城牆外過暝？若閣按呢，我欲下手掠恁。」對彼時以後，𪜶佇安歇日就無閣來。</verse>
				<verse number="22">我命令 利未 人潔淨家己來顧守城門，互安歇日分別作聖。 我的上帝啊，求你記念我所做諸個事，照你豐盛的慈愛憐憫我。</verse>
				<verse number="23">佇彼段期間，我閣看著 猶太 人娶 亞實突 人、 亞捫 人、 摩押 人的查某子做某。</verse>
				<verse number="24">𪜶的子兒有一半講亞實突話，抑是別族的話，毋拘𣍐曉講猶大話。</verse>
				<verse number="25">我就責備𪜶，給𪜶咒詛，拍幾若個人，惙𪜶的頭毛，教𪜶指上帝咒誓，無欲閣將𪜶的查某子嫁互外族人的子，𪜶及𪜶的子嘛無欲娶外族人的查某子。</verse>
				<verse number="26">我給𪜶講：「 以色列 王 所羅門 豈毋是為著此款代誌犯罪？佇列國中，無一個王親像伊得著上帝的疼，閣得著上帝給伊設立做 以色列 全國的王；毋拘外族的某互伊犯罪。</verse>
				<verse number="27">按呢，阮哪通出在恁做此款嚴重的歹代，娶外族的女子，忤逆咱的上帝？」</verse>
				<verse number="28">大祭司 以利亞實 的孫， 耶何耶大 的子，有一個是 和崙 人 參巴拉 的子婿；我就將 耶何耶大 對我遮趕出去。</verse>
				<verse number="29">我的上帝啊，求你會記得𪜶所做的歹代；因為𪜶拍垃墋祭司的職務，違背 利未 人做祭司的的約。</verse>
				<verse number="30">按呢，我給𪜶潔淨，互𪜶脫離外族人一切的污穢，閣分派祭司及 利未 人的班次，互𪜶執行家己的職責，</verse>
				<verse number="31">定期奉獻柴料及初熟的果子。 我的上帝啊，求你記念我，施恩互我。</verse>
			</chapter>
		</book>
		<book number="17">
			<chapter number="1">
				<verse number="1">此個事發生佇 亞哈隨魯 王的時代。 亞哈隨魯 佇 書珊 王宮坐位，統治一百二十七省，對 印度 到 古實 。</verse>
				<verse number="2"></verse>
				<verse number="3">伊坐位第三年，辦桌請所有的領袖及人臣； 波斯 及 米底亞 的將領、貴族，及逐省的領袖攏來參加。</verse>
				<verse number="4">伊用一百八十日互𪜶看王國的富裕、強盛，及伊極大的尊貴。</verse>
				<verse number="5">後來，王閣為著住佇 書珊 城的住民，無論尊貴卑賤，佇王宮的花園辦桌七日。</verse>
				<verse number="6">會場有白色、藍色的布簾，用幼麻及紫色的索縛佇大理石柱的銀環；有金銀做的撐椅，排佇用紅、白、黃、烏的石仔鋪的地面。</verse>
				<verse number="7">王供應真多酒，用逐種無仝款的金杯互人飲。</verse>
				<verse number="8">王命令宮內所有的人臣，酒出在人飲，毋通限制。</verse>
				<verse number="9">王后 華實蒂 佇 亞哈隨魯 王的宮內嘛辦桌請婦女。</verse>
				<verse number="10">到第七日，王飲酒飲甲真快樂，就命令啲侍候伊彼七個太監 米戶幔 、 比斯他 、 哈波拿 、 比革他 、 亞拔他 、 西達 ，及 甲迦 ，</verse>
				<verse number="11">去請王后 華實蒂 戴王后的花冠來王的面前；因為王后真媠，王愛欲給許個人民及人臣展伊的美貌。</verse>
				<verse number="12">毋拘王后 華實蒂 毋肯來，毋照太監所傳王的命令，所以，王非常受氣，心內親像火啲𤏸。</verse>
				<verse number="13">王有一個慣例，關係法令及裁決的事，會代先及許個識時事有智慧的人參詳。</verse>
				<verse number="14">彼時佇王的左右，常常及伊見面的，有 波斯 及 米底亞 七個大臣， 甲示拿 、 示達 、 押瑪他 、 他施 、 米力 、 瑪西拿 、 米慕干 。</verse>
				<verse number="15">王問𪜶講：「王后 華實蒂 無遵趁太監所傳我 亞哈隨魯 王的命令，今照咱的法令著按怎辦伊？」</verse>
				<verse number="16">米慕干 佇王及許個大臣的面前回答講：「王后 華實蒂 的所做毋若得罪王，嘛得罪 亞哈隨魯 王逐省的官員及所有的人民；</verse>
				<verse number="17">因為王后所做的事，會傳到全國的婦女，𪜶會講：『 亞哈隨魯 王召王后 華實蒂 去王的面前，毋拘伊拒絕。』按呢，𪜶會有樣看樣藐視家己的丈夫。</verse>
				<verse number="18">今仔日 波斯 及 米底亞 眾官員的夫人聽著王后的所做，嘛會像款按呢對待𪜶的丈夫，就會引起真多藐視及受氣。</verse>
				<verse number="19">王若看做妥當，請下令寫做 波斯 及 米底亞 𣍐當改變的法令，不准 華實蒂 閣見 亞哈隨魯 王的面；嘛請王將王后的位賜互比伊較好的人。</verse>
				<verse number="20">王的法令一下宣布，即呢大的國家逐所在的婦女，無論𪜶的丈夫尊貴抑是卑賤，攏會尊敬家己的丈夫。」</verse>
				<verse number="21">王及許個大臣攏看 米慕干 的話做妥當；王就接受伊的建議。</verse>
				<verse number="22">王的詔書用逐省的文字、逐民族的語言發布，互無論講什麼語言的人，丈夫佇家內做主。</verse>
			</chapter>
			<chapter number="2">
				<verse number="1">諸個代誌以後， 亞哈隨魯 王的受氣煞，就想起 華實蒂 及伊的所做，以及家己按怎辦伊。</verse>
				<verse number="2">侍候王的人臣就參詳，欲為著王尋媠的在室女。</verse>
				<verse number="3">𪜶對王講：「請王派官員去全國逐省，尋所有媠的在室女；召集𪜶來 書珊 城的後宮，交互管理女子的太監 希該 ，閣供給𪜶化妝品。</verse>
				<verse number="4">王合意的女子，通給伊設立做王后，代替 華實蒂 。」王歡喜此個建議，就按呢做。</verse>
				<verse number="5">書珊 城有一個 猶太 人 末底改 ，是 便雅憫 支族 基士 的曾孫， 示每 的孫， 睚珥 的子。</verse>
				<verse number="6">以前 巴比倫 王 尼布甲尼撒 對 耶路撒冷 掠 猶大 王 約雅斤 及人民去的時， 末底改 嘛佇許個流放的人中間。</verse>
				<verse number="7">末底改 有一個叔伯小妹 以斯帖 ， 希伯來 名 哈大沙 ，父母已經過身； 末底改 收伊做家己的查某子，給伊養育。 以斯帖 的面貌媠，身材好看。</verse>
				<verse number="8">王的命令及法令已經宣布，就有真多女子送來 書珊 城，交互管理女子的 希該 。彼時 以斯帖 嘛受送入後宮，交互 希該 。</verse>
				<verse number="9">希該 真合意 以斯帖 ，好款待伊，趕緊將化妝品及應該得的食物互伊；閣對王宮選七個宮女給伊侍候；將伊及許個宮女徙去後宮上好的房間。</verse>
				<verse number="10">以斯帖 聽 末底改 的吩咐，毋曾給人講伊的身世及宗族。</verse>
				<verse number="11">末底改 逐日佇後宮的頭前行來行去，愛知 以斯帖 有平安抑無，以及伊按怎啲生活。</verse>
				<verse number="12">照規定，眾女子欲見 亞哈隨魯 王以前，著有一年的準備，就是六月日用沒藥的油，六月日用芳水及化妝品美容，才照次序一個一個入去見王。</verse>
				<verse number="13">女子對後宮入去王宮見王的時，伊愛什麼攏會互伊帶去；</verse>
				<verse number="14">下昏時入去，隔早起就互人導去另外一個後宮，交互管理嬪妃的太監 沙甲 ；若毋是王合意，閣提起伊的名召伊，就𣍐當閣入去見王。</verse>
				<verse number="15">輪到 以斯帖 著入去見王的時，管理女子的太監 希該 交互伊的物件以外，伊攏無討別項。所有看著 以斯帖 的人攏真謳咾伊；伊是 末底改 的阿叔 亞比孩 的查某子，互 末底改 收做查某子。</verse>
				<verse number="16">亞哈隨魯 王第七年十月，就是提別月， 以斯帖 互人導入去王宮見王。</verse>
				<verse number="17">王愛 以斯帖 超過其他的女子；伊比其他的在室女閣較得著王的疼惜及恩惠。所以，王用后冠戴佇伊的頭殼，設立伊做王后代替 華實蒂 。</verse>
				<verse number="18">王用 以斯帖 的名辦大宴席邀請文武百官，宣布全國休假 ，閣慷慨送禮物。</verse>
				<verse number="19">許個在室女第二遍聚集的時， 末底改 坐佇王宮的門。</verse>
				<verse number="20">以斯帖 照 末底改 的吩咐，毋曾給人講伊的身世及宗族。 以斯帖 攏有聽 末底改 的話，及以前受伊養育的時像款。</verse>
				<verse number="21">有一日， 末底改 坐佇王宮的門執行職務的時，有兩個顧門的太監， 辟探 及 提列 ，怨恨閣計謀欲害 亞哈隨魯 王。</verse>
				<verse number="22">末底改 知此個代誌，就給王后 以斯帖 講； 以斯帖 就用 末底改 的名將此個事對王報告。</verse>
				<verse number="23">經過調查，證實有此個事，彼兩個人就互人吊死佇柴架頂。此個事有佇王的面前記入大事錄。</verse>
			</chapter>
			<chapter number="3">
				<verse number="1">諸個代誌以後， 亞哈隨魯 王提拔 亞甲 族 哈米大他 的子 哈曼 ，互伊的官位比所有的人臣較高。</verse>
				<verse number="2">所有佇王宮執行任務的官員，攏照王的命令給 哈曼 跪拜；毋拘 末底改 毋跪毋拜。</verse>
				<verse number="3">佇王宮執行任務的官員問 末底改 講：「你是按怎無欲服從王的命令？」</verse>
				<verse number="4">𪜶逐日給伊苦勸，伊攏毋聽；因為伊曾給𪜶講，伊是 猶太 人，所以無欲給 哈曼 跪拜。𪜶就給 哈曼 講，欲看 末底改 會當堅持偌久。</verse>
				<verse number="5">哈曼 看著 末底改 毋對伊跪拜；就滿腹受氣。</verse>
				<verse number="6">𪜶已經給 哈曼 講 末底改 是 猶太 人； 哈曼 想講干焦刣 末底改 一個人無夠額，就計謀欲消滅 亞哈隨魯 王全國的 猶太 人，就是 末底改 的同胞。</verse>
				<verse number="7">亞哈隨魯 王第十二年正月，就是尼散月， 哈曼 命令人抽普珥，就是抽籤，決定欲害 猶太 人的日期，抽著十二月，就是亞達月。</verse>
				<verse number="8">哈曼 對 亞哈隨魯 王講：「佇你統治的王國有一個民族，分散佇逐省人民的中間徛起；𪜶的律例及其他民族無仝款，嘛無遵守王的法令；所以若容允𪜶，對王無利益。</verse>
				<verse number="9">王若看做妥當，請下令給𪜶消滅；我願意捐銀三十四萬公斤，交互負責財政的人收入王的府庫。」</verse>
				<verse number="10">王就剝伊的手指互 猶太 人的對敵， 亞甲 族 哈米大他 的子 哈曼 。</verse>
				<verse number="11">王給 哈曼 講：「諸個銀賜互你，彼個民族嘛交互你，照你的意思辦𪜶！」</verse>
				<verse number="12">正月十三，王的書記奉命，照 哈曼 的指示，用逐省的文字、逐民族的語言，行文互王的人臣、逐省的省長，及逐族的領袖。此個詔書用 亞哈隨魯 王的名義，蓋王的手指印頒布。</verse>
				<verse number="13">送文書的將詔書送到全國逐省，命令將 猶太 人，對少年到老、嬰仔、婦仁人，佇十二月，就是亞達月十三日，一日內給𪜶刣死，完全剿滅，閣搶𪜶的財產。</verse>
				<verse number="14">詔書的抄本送互逐省，對全國人民宣布，互𪜶準備，聽候彼日。</verse>
				<verse number="15">送文書的照王的命令，真緊就出發。詔書佇 書珊 城公佈，全城攏起混亂。彼時，王及 哈曼 坐啲飲酒。</verse>
			</chapter>
			<chapter number="4">
				<verse number="1">末底改 知此個代誌，就拆裂衫，穿麻衫，糝火灰，行入城，悲哀啼哭大聲哮，</verse>
				<verse number="2">行到王宮門口就停啲，因為所有穿麻衫的人不准入王宮。</verse>
				<verse number="3">王的命令及詔書送到逐省逐所在， 猶太 人攏禁食、啼哭、哀叫、非常傷心；閣有真多人穿麻衫倒佇火灰。</verse>
				<verse number="4">王后 以斯帖 的宮女及伊的太監來給伊報告 末底改 的代誌。伊真艱苦心，就寄衣服互 末底改 穿，愛伊褪麻衫，毋拘 末底改 毋接受。</verse>
				<verse number="5">以斯帖 就召王派來侍候伊的太監 哈他革 來，教伊去 末底改 遐，愛欲知伊哪欲按呢做。</verse>
				<verse number="6">哈他革 就出去到王宮門前的廣場，去見 末底改 。</verse>
				<verse number="7">末底改 就將所發生的事，以及 哈曼 為著剿滅 猶太 人願意捐獻佇王的府庫的銀確實的數目，攏給伊講；</verse>
				<verse number="8">閣將公佈佇 書珊 城，欲剿滅 猶太 人詔書的抄本，提互伊交互 以斯帖 ，續給 以斯帖 說明，閣吩咐伊入去見王，佇王的面前為家己的同胞懇切求情。</verse>
				<verse number="9">哈他革 倒來，將 末底改 的話對 以斯帖 報告。</verse>
				<verse number="10">以斯帖 閣吩咐 哈他革 對 末底改 講：</verse>
				<verse number="11">「王的眾人臣及逐省的人民，攏知一個法令，若有人無受王召見，家己入宮內見王，無論男女，攏著處死；除了王有對伊伸出金柺，伊才免死。今我已經有三十日久無受王召見啦。」</verse>
				<verse number="12">𪜶就將 以斯帖 的話給 末底改 講。</verse>
				<verse number="13">末底改 吩咐人給 以斯帖 講：「你毋通想講你佇王宮內比其他的 猶太 人較安全。</verse>
				<verse number="14">佇此款時陣你若恬恬毋講話， 猶太 人會對別位得著援助，得著解救；你及你的親族一定會滅亡。你會當做王后豈毋是為著今仔日此個危機？」</verse>
				<verse number="15">以斯帖 就吩咐人回復 末底改 講：</verse>
				<verse number="16">「你去，去招集 書珊 所有的 猶太 人，為著我禁食三暝三日，無食無飲；我及我的宮女嘛欲按呢禁食；然後我欲違背法令入去見王；我若著死，就死。」</verse>
				<verse number="17">末底改 就照 以斯帖 的吩咐去做。</verse>
			</chapter>
			<chapter number="5">
				<verse number="1">第三日， 以斯帖 穿王后的禮服，徛佇王宮的內埕，面向王宮；彼時王佇王宮內坐佇伊的王位，面向王宮的門。</verse>
				<verse number="2">王看著王后 以斯帖 徛佇埕裡，就對 以斯帖 施恩，將手中的金柺向伊伸出，伊就進前，摸金柺的頭。</verse>
				<verse number="3">王對伊講：「王后 以斯帖 ，你有什麼代誌，欲求什麼？就是王國的一半，我嘛會互你。」</verse>
				<verse number="4">以斯帖 講：「王若看做好，請王及 哈曼 今仔日來赴我為著王設的宴席。」</verse>
				<verse number="5">王聽 以斯帖 的話，召 哈曼 趕緊來。王及 哈曼 就去赴 以斯帖 的宴席。</verse>
				<verse number="6">佇酒宴的中間，王閣對 以斯帖 講：「你愛什麼，我會互你；你欲求什麼，就是王國的一半，我嘛欲互你。」</verse>
				<verse number="7">以斯帖 應講：「我的請求是按呢：</verse>
				<verse number="8">我若得著王的恩惠，王歡喜允准我的請求，就請王及 哈曼 明仔日閣來赴我為著恁準備的宴席；彼時我才回答王我所欲求的。」</verse>
				<verse number="9">彼日， 哈曼 歡喜爽快，離開宴會；毋拘看著 末底改 佇王宮的門口無徛起來，無對伊表示一屑仔敬意，就對 末底改 非常受氣。</verse>
				<verse number="10">哈曼 家己勉強忍啲，倒去伊的厝。伊派人叫伊的朋友及伊的某 細利斯 來，</verse>
				<verse number="11">對𪜶展家己的榮華富貴及真多子兒，以及王的提拔，互伊比所有的人臣及領袖較高。</verse>
				<verse number="12">哈曼 閣講：「王后 以斯帖 干焦請王及我去赴伊的宴席；明仔載我欲閣及王做夥去互伊請。</verse>
				<verse number="13">毋拘我逐遍看著 猶太 人 末底改 坐佇王宮的門口，諸個一切就對我攏無意義。」</verse>
				<verse number="14">伊的某 細利斯 及伊的朋友給伊講：「著做一個二十二公尺高的柴架。明仔早起，你求王將 末底改 吊佇彼頂面，然後就通歡歡喜喜及王做夥去赴宴席。」 哈曼 看此個意見真好，就叫人做柴架。</verse>
			</chapter>
			<chapter number="6">
				<verse number="1">彼暝，王睏𣍐去，就叫人提伊在任的大事錄，讀互伊聽。</verse>
				<verse number="2">冊裡有記載講，王顧門的太監 辟探 及 提列 兩個人，計謀欲害 亞哈隨魯 王； 末底改 對王報告此個事。</verse>
				<verse number="3">王講：「 末底改 做此個事，我豈有賜伊什麼榮譽及地位？」 侍候王的人臣應講：「無賜伊什麼。」</verse>
				<verse number="4">王講：「什麼人佇埕裡？」 彼時 哈曼 入王宮外面的埕，欲求王將 末底改 吊佇伊𫞼好的柴架。</verse>
				<verse number="5">王的人臣應講：「 哈曼 徛佇埕裡。」 王講：「互伊入來。」</verse>
				<verse number="6">哈曼 就入去；王問伊講：「王想欲賜榮譽互一個人，著按怎做？」 哈曼 心內想講：「王欲賜榮譽互伊的人，當然是我囉！」</verse>
				<verse number="7">哈曼 就應王講：「王欲賜榮譽互彼個人，著按呢對待伊：</verse>
				<verse number="8">王著叫人將王所穿的袍帶來，將所騎戴花冠的馬牽來；</verse>
				<verse number="9">託一個極尊貴的大臣，給彼個人穿王袍，互伊騎彼隻馬，踅城的廣場，閣佇伊的頭前喝講：『王欲賜伊榮譽的人，王會按呢對待伊。』」</verse>
				<verse number="10">王給 哈曼 講：「趕緊去，將王袍及馬帶來，照你所講的，對彼個坐佇王宮門前的 猶太 人 末底改 做諸個代誌；連一項都毋通減。」</verse>
				<verse number="11">哈曼 就給 末底改 穿王袍，互伊騎馬，踅城的廣場，閣佇伊的頭前宣布講：「王欲賜伊榮譽的人，王會按呢對待伊。」</verse>
				<verse number="12">然後， 末底改 倒來王宮的門。 哈曼 憂悶，蓋頭，趕緊倒去𪜶兜。</verse>
				<verse number="13">哈曼 將所發生的代誌攏給伊的某 細利斯 及伊的朋友講；伊許個參謀及伊的某 細利斯 給伊講：「你一旦對起頭就輸 末底改 ，伊若真正是 猶太 人，你一定𣍐贏伊，會徹底失敗。」</verse>
				<verse number="14">𪜶猶啲講話的時，王的太監來，催 哈曼 趕緊去赴 以斯帖 所設的宴席。</verse>
			</chapter>
			<chapter number="7">
				<verse number="1">王及 哈曼 來赴王后 以斯帖 的宴席。</verse>
				<verse number="2">王佇第二日的酒宴閣問 以斯帖 ，講：「王后 以斯帖 ，你愛什麼，我會互你；你欲求什麼，就是王國的一半，我嘛欲互你。」</verse>
				<verse number="3">王后 以斯帖 應講：「王啊，我若得著王的恩惠，王若看做好，願你允准我的請求，救我的性命，救我的宗族；</verse>
				<verse number="4">因為我及我的同胞受出賣，人欲給阮剿滅，給阮刣死，互阮完全滅亡。阮若干焦互人賣做奴隸，我嘛無話講；因為阮的災難𣍐造成王偌大的損失。毋拘阮欲互人消滅啦！」</verse>
				<verse number="5">亞哈隨魯 王問王后 以斯帖 ：「啥人敢做此款代誌？彼個人佇叨位？」</verse>
				<verse number="6">以斯帖 應講：「迫害阮的對敵就是此個歹人 哈曼 。」 哈曼 佇王及王后的面前驚甲皮皮惙。</verse>
				<verse number="7">王非常受氣，離開酒宴，入去王宮的花園。 哈曼 看會出王決定欲互伊死，就留啲，求王后 以斯帖 救伊一命。</verse>
				<verse number="8">王對王宮的花園倒轉來酒宴的所在，看著 哈曼 仆佇 以斯帖 的撐椅；王講：「伊竟然敢佇宮內，佇我的面前，凌辱王后！」王講了，人就蓋 哈曼 的面。</verse>
				<verse number="9">侍候王的太監 哈波拿 講：「 哈曼 佇𪜶兜𫞼一個二十二公尺高的柴架，欲將救王有功的 末底改 吊死。」 王就講：「給 哈曼 吊佇彼頂面。」</verse>
				<verse number="10">人就將 哈曼 吊佇伊欲吊 末底改 的柴架頂。王的受氣才煞。</verse>
			</chapter>
			<chapter number="8">
				<verse number="1">彼日， 亞哈隨魯 王將 猶太 人的對敵 哈曼 的家產賜互王后 以斯帖 。 末底改 嘛來佇王的面前，因為 以斯帖 已經對王講： 末底改 是伊的親人。</verse>
				<verse number="2">王給對 哈曼 提轉來的手指，對家己的手剝起來互 末底改 ； 以斯帖 閣委任 末底改 管理 哈曼 的家產。</verse>
				<verse number="3">後來， 以斯帖 閣去見王，仆佇伊的腳前，流目屎求王阻止 亞甲 族的 哈曼 謀害 猶太 人的計劃。</verse>
				<verse number="4">王向 以斯帖 伸出伊的金柺， 以斯帖 就徛起來，</verse>
				<verse number="5">對王講：「王若看做好，我若得著王的恩惠，王若看此個事做妥當，我若得著王的歡喜，懇求王下詔書，撤銷前 亞甲 族 哈米大他 的子 哈曼 計謀欲消滅王逐省的 猶太 人的詔書。</verse>
				<verse number="6">我哪會忍心看家己的同胞受陷害？哪會忍心看家己的宗族受消滅？」</verse>
				<verse number="7">亞哈隨魯 王就對王后 以斯帖 及 猶太 人 末底改 講：「因為 哈曼 謀害 猶太 人，我已經將伊的家產賜互 以斯帖 ，人嘛將 哈曼 吊佇柴架頂。</verse>
				<verse number="8">恁通用王的名照恁看做妥當的，寫詔書互 猶太 人，用王的手指蓋印。所有用王的名寫，閣用王的手指蓋印的詔書，無人會當取消。」</verse>
				<verse number="9">三月，就是西彎月二十三日，王的書記照 末底改 的指示，寫詔書寄互 猶太 人，嘛送互對 印度 到 古實 ，共一百二十七省的總督、省長，及人臣，用逐省的文字及逐族的語言來寫；寄互 猶太 人的嘛照𪜶的文字及語言寫。</verse>
				<verse number="10">末底改 用 亞哈隨魯 王的名義寫詔書，用王的手指蓋印，將彼個詔書交互送文書的，騎皇家快馬送到逐所在。</verse>
				<verse number="11">佇詔書的內面，王允准逐個城的 猶太 人聚集，起來保護𪜶家己的性命；逐省逐族若有軍兵欲攻擊𪜶，𪜶通反擊，殺害，消滅許個人，嘛通刣死𪜶的囝仔及婦仁人，閣搶𪜶的財產；</verse>
				<verse number="12">佇 亞哈隨魯 王的逐省， 猶太 人佇十二月，就是亞達月十三日彼日會當按呢做。</verse>
				<verse number="13">詔書的抄本成做法令，對逐省、逐族頒布，通互 猶太 人準備，聽候彼日，對𪜶的對敵報仇。</verse>
				<verse number="14">許個送文書的奉王的命令趕緊騎皇家快馬出去；此個詔書嘛佇 書珊 城頒布。</verse>
				<verse number="15">末底改 穿藍色白色的朝服，戴大頂的金冠冕，穿紫色幼麻布的外袍，對王的面前出來。 書珊 城充滿歡喜快樂的聲。</verse>
				<verse number="16">對 猶太 人來講，這是光明、歡喜、快樂、尊貴的事。</verse>
				<verse number="17">王的詔書及命令送到的逐省逐城， 猶太 人攏歡喜快樂，辦桌慶祝，定彼日做節日。逐所在有真多人因為驚 猶太 人，就改宗做 猶太 人。</verse>
			</chapter>
			<chapter number="9">
				<verse number="1">十二月，就是亞達月十三日，王的命令及詔書啲欲執行，此個日原來是 猶太 人的對敵向望欲壓制𪜶的日，毋拘 猶太 人顛倒制伏所有怨恨𪜶的人。</verse>
				<verse number="2">彼日，佇 亞哈隨魯 王的逐省， 猶太 人佇𪜶的城聚集，攻擊許個欲害𪜶的人；無人會當抵抗，因為人民攏驚𪜶。</verse>
				<verse number="3">逐省的領袖 — 總督、省長，及行政官員 — 攏來幫贊 猶太 人，因為𪜶驚 末底改 。</verse>
				<verse number="4">末底改 佇朝廷真受尊重，名聲傳到逐省；伊的權力愈來愈大。</verse>
				<verse number="5">猶太 人照家己的意思對待怨恨𪜶的人；用刀刣死𪜶，給𪜶剿滅。</verse>
				<verse number="6">佇 書珊 城， 猶太 人刣死五百人；</verse>
				<verse number="7">閣刣死 巴珊大他 、 達分 、 亞斯帕他 、</verse>
				<verse number="8">破拉他 、 亞大利雅 、 亞利大他 、</verse>
				<verse number="9">帕瑪斯他 、 亞利賽 、 亞利代 ，及 瓦耶撒他 ；</verse>
				<verse number="10">此十個人攏是 哈米大他 的孫， 猶太 人的對敵 哈曼 的子；毋拘 猶太 人無搶𪜶的財產。</verse>
				<verse number="11">彼日，人將 書珊 城受刣的人數對王呈報。</verse>
				<verse number="12">王對王后 以斯帖 講：「 猶太 人佇 書珊 城刣死對敵五百人，閣刣死 哈曼 十個子；佇其他逐省毋知做了按怎。今你愛什麼，我會互你；你求什麼，我嘛欲互你。」</verse>
				<verse number="13">以斯帖 就講：「王若看做好，求你允准 書珊 的 猶太 人，明仔載嘛照今仔日的詔書來做，閣將 哈曼 十個子的屍體吊佇柴架頂。」</verse>
				<verse number="14">王就命令照按呢執行；彼個詔書佇 書珊 頒布，人就將 哈曼 十個子吊起來。</verse>
				<verse number="15">亞達月十四日， 書珊 的 猶太 人閣聚集，起來刣死城內三百人；毋拘無搶𪜶的財產。</verse>
				<verse number="16">佇王逐省其他的 猶太 人嘛攏聚集，起來保護家己的性命，脫離對敵，得著平安。𪜶攏總刣死七萬五千個怨恨𪜶的人，毋拘無搶𪜶的財產。</verse>
				<verse number="17">亞達月十三日做此個事；十四日歇睏，佇此日辦桌，歡喜慶祝。</verse>
				<verse number="18">毋拘， 書珊 的 猶太 人佇十三十四此兩日聚集，保護家己；十五日歇睏，佇此日辦桌，歡喜慶祝。</verse>
				<verse number="19">因為按呢，住佇無城牆的庄社的 猶太 人，用亞達月十四日做節日辦桌，歡喜慶祝，閣互相送禮物。</verse>
				<verse number="20">末底改 記錄諸個事，閣寫批互 亞哈隨魯 王逐省遠近所有的 猶太 人，</verse>
				<verse number="21">吩咐𪜶逐年著守亞達月十四十五兩日做節日。</verse>
				<verse number="22">此兩日是 猶太 人脫離對敵，得著平安的日；彼月是憂悶變做歡喜，悲哀變做快樂的月；𪜶著佇此兩日辦桌慶祝，互相送禮物，閣賑濟散赤人。</verse>
				<verse number="23">猶太 人答應欲遵守 末底改 的指示，照開始的時所做的，逐年守此個節日。</verse>
				<verse number="24">猶太 人的對敵， 亞甲 族 哈米大他 的子 哈曼 ，設計謀欲消滅 猶太 人，抽普珥，就是抽籤，為著欲殺害，剿滅𪜶；</verse>
				<verse number="25">毋拘 以斯帖 將此個代誌對王報告，王就頒布詔書，互 哈曼 計謀欲害 猶太 人的歹代，報應佇伊家己的身上，閣伊及伊許個子互人吊佇柴架頂。</verse>
				<verse number="26">對按呢， 猶太 人照普珥的名叫許個日做普珥日。𪜶因為 末底改 此張批以及𪜶親身的經歷，</verse>
				<verse number="27">就為著𪜶、𪜶的後代，以及所有歸化改宗的人，決定欲永遠佇逐年照規定，守此兩日做節期；</verse>
				<verse number="28">閣欲世世代代、家家戶戶、逐省逐城，守普珥日，佇 猶太 人的中間永久記念。</verse>
				<verse number="29">亞比孩 的查某子王后 以斯帖 及 猶太 人 末底改 ，全權寫第二張批確定普珥日。</verse>
				<verse number="30">𪜶用和平、誠實的話，寫此張批互 亞哈隨魯 王國內一百二十七省的 猶太 人，</verse>
				<verse number="31">照 猶太 人 末底改 及王后 以斯帖 的指示，設立普珥日；親像 猶太 人為家己及𪜶的後代規定禁食哀哭的日像款。</verse>
				<verse number="32">以斯帖 命令著守普珥日的事，嘛有記錄佇冊卷裡。</verse>
			</chapter>
			<chapter number="10">
				<verse number="1">亞哈隨魯 王對國內及沿海一帶的人民收稅金。</verse>
				<verse number="2">伊用權柄能力所做的事，以及提拔 末底改 的經過，攏記載佇 米底亞 及 波斯 的 列王史 。</verse>
				<verse number="3">因為 猶太 人 末底改 做 亞哈隨魯 王的宰相，佇 猶太 人的中間做上大，得著伊同胞的尊敬，為著伊的同胞爭取福利，互𪜶的子子孫孫得著幸福。</verse>
			</chapter>
		</book>
		<book number="18">
			<chapter number="1">
				<verse number="1">烏斯 地區曾有一個人叫做 約伯 ，伊純全正直，敬畏上帝，無做歹代。</verse>
				<verse number="2">伊有七個子，三個查某子。</verse>
				<verse number="3">伊的財產有七千隻羊、三千隻駱駝、五百對牛、五百隻驢母；閣有真多僕人。伊是東方第一好額的。</verse>
				<verse number="4">伊許個子常常輪流佇𪜶家己的厝辦腥臊，嘛請𪜶三個姊妹做夥飲食。</verse>
				<verse number="5">每一遍𪜶輪流辦腥臊了， 約伯 會差人叫𪜶著潔淨家己。伊透早起來，照𪜶的人數替𪜶獻燒化祭。 約伯 照常按呢做，因為伊想講，伊的子可能有犯罪，褻瀆上帝。</verse>
				<verse number="6">有一日，上帝的眾使者 來徛佇上主的面前，撒旦 嘛做夥來。</verse>
				<verse number="7">上主問撒旦：「你去叨位？」 撒旦應上主：「我佇地上四界行來行去。」</verse>
				<verse number="8">上主對撒旦講：「你有注意著我的僕人 約伯 無？世間無人親像伊赫呢純全正直，敬畏上帝，無做歹代。」</verse>
				<verse number="9">撒旦應上主：「 約伯 敬畏上帝豈無理由？</verse>
				<verse number="10">你豈毋是有用籬笆給伊圍啲，保護伊、伊的家庭，及伊所有的一切？伊所做的，你賜福伊，互伊的牲生多甲𣍐算得。</verse>
				<verse number="11">伊所有的你親手給伊磕一下看覓咧，伊一定會當面給你咒詛。」</verse>
				<verse number="12">上主對撒旦講：「好，伊一切所有的攏佇你的手頭，毋拘毋通傷害著伊本身。」撒旦就對上主的面前出去。</verse>
				<verse number="13">有一日 約伯 的子查某子抵仔佇𪜶大兄的厝啲食啲飲的時，</verse>
				<verse number="14">有一個使者來給 約伯 講：「牛啲犁田，驢母佇邊仔食草的時，</verse>
				<verse number="15">示巴 人 忽然來攻擊，給牛及驢攏搶去，閣用刀刣死許個僕人；只有我一個走有離來報你。」</verse>
				<verse number="16">伊講猶未煞，閣有一個來，講：「上帝的火對天降落，燒死羊群及許個僕人；只有我一個走有離來報你。」</verse>
				<verse number="17">伊講猶未煞，閣有一個來，講：「 迦勒底 人 分做三隊忽然來攻擊，給駱駝攏搶去，閣用刀刣死許個僕人；只有我一個走有離來報你。」</verse>
				<verse number="18">伊講猶未煞，閣有一個來，講：「你的子查某子，佇𪜶大兄的厝啲食啲飲的時，</verse>
				<verse number="19">忽然有大風對曠野透來，掃厝的四角頭，厝倒，硩死許個少年人；只有我一個走有離來報你。」</verse>
				<verse number="20">約伯 就徛起來，拆裂外衫，剃頭，仆佇土腳拜，</verse>
				<verse number="21">講： 「我褪裼出母胎， 嘛會褪裼倒去； 上主賞賜， 上主提去。 願上主的名受稱讚！」</verse>
				<verse number="22">雖然抵著諸個代誌， 約伯 並無犯罪指責上帝。</verse>
			</chapter>
			<chapter number="2">
				<verse number="1">閣有一日，上帝的眾使者來徛佇上主的面前，撒旦嘛做夥來徛佇上主的面前。</verse>
				<verse number="2">上主對撒旦講：「你去叨位？」 撒旦應上主：「我佇地上四界行來行去。」</verse>
				<verse number="3">上主對撒旦講：「你有注意著我的僕人 約伯 無？世間無人親像伊赫呢純全正直，敬畏上帝，無做歹代。你雖然激我攻擊伊，無理由毀壞伊，伊猶久持守伊的純全正直。」</verse>
				<verse number="4">撒旦應上主：「用皮換皮！人會為著顧家己的性命甘願放拺伊的一切所有。</verse>
				<verse number="5">毋拘你若伸手磕著伊的骨、伊的肉，伊一定會當面給你咒詛。」</verse>
				<verse number="6">上主對撒旦講：「好，伊佇你的手頭，毋拘著留伊的性命。」</verse>
				<verse number="7">撒旦就對上主的面前出去，攻擊 約伯 ，互伊對腳底到頭殼頂生毒瘡。</verse>
				<verse number="8">約伯 就坐佇火灰頂，用破去的瓦片耙身軀。</verse>
				<verse number="9">伊的某對伊講：「你猶啲持守你的正直噢？著咒詛上帝，去死死咧。」</verse>
				<verse number="10">毋拘 約伯 對伊講：「你講話親像許個毋知見笑的查某人。咱對上帝得著福氣，豈無嘛對伊受災禍？」雖然抵著此個代誌， 約伯 猶原無講一句得罪上帝的話。</verse>
				<verse number="11">約伯 三個朋友 — 提幔 人 以利法 、 書亞 人 比勒達 、 拿瑪 人 瑣法 — 聽著伊抵著諸個災禍，就相招對𪜶的所在來表示同情，給伊安慰。</verse>
				<verse number="12">𪜶遠遠看著 約伯 ，𣍐認得，就大聲啼哭；逐個拆裂外衫，向天撒土粉佇家己的頭殼頂。</verse>
				<verse number="13">𪜶七暝七日及伊坐佇土腳，無及伊講一句話，因為𪜶看著伊所受的痛苦實在真大。</verse>
			</chapter>
			<chapter number="3">
				<verse number="1">後來 約伯 開嘴，咒詛伊出世的日。</verse>
				<verse number="2">約伯 講：</verse>
				<verse number="3">願我出世彼日消失； 願講「有懷孕查甫子」彼暝嘛消失。</verse>
				<verse number="4">願彼日變做烏暗； 願天頂的上帝無看顧伊，光嘛無照伊。</verse>
				<verse number="5">願烏暗及死蔭給彼日取去； 願密雲蓋佇彼頂面； 願日頭全蝕拍驚伊。</verse>
				<verse number="6">願彼暝互烏暗吞去， 對年曆刪除，無囥佇月曆內面。</verse>
				<verse number="7">願彼暝無人生子， 無聽著歡喜的聲。</verse>
				<verse number="8">願許個唸符咒，會曉呼喚海獸 的， 起來咒詛彼日。</verse>
				<verse number="9">願啟明星變做烏暗， 所期待的天光𣍐出現， 嘛看𣍐著清早的日光；</verse>
				<verse number="10">因為伊無關密我的老母的子宮， 致到我的目睭看著真多患難。</verse>
				<verse number="11">我哪會無佇胎裡就死， 哪會無出腹肚就斷氣？</verse>
				<verse number="12">是按怎有腳頭窩給我接， 有奶互我𠲿？</verse>
				<verse number="13">若無，我已經安然過身， 已經靜靜睏去，</verse>
				<verse number="14">及地上為著家己重建荒廢的宮殿的君王首領做夥啲睏；</verse>
				<verse number="15">抑是及金銀財寶滿厝的王子做夥睏，</verse>
				<verse number="16">哪無親像流產就給埋的嬰仔， 親像無見著光的胎兒。</verse>
				<verse number="17">佇遐歹人𣍐閣擾亂； 厭倦的人會得著安寧。</verse>
				<verse number="18">佇遐囚犯攏得著安歇， 𣍐閣聽著督工的聲。</verse>
				<verse number="19">無論大細貴賤攏佇遐； 奴隸嘛脫離主人的管制，得著自由。</verse>
				<verse number="20">上帝是按怎賜光明互受苦的人， 是按怎賜性命互心神痛苦的人？</verse>
				<verse number="21">𪜶愛欲死，閣死𣍐去； 尋死比尋藏啲的寶貝較迫切。</verse>
				<verse number="22">𪜶一下尋著墳墓就快樂， 歡喜到𣍐顧得。</verse>
				<verse number="23">人的路已經互上帝截啲， 走投無路，哪閣賜伊光明？</verse>
				<verse number="24">我用吐氣做飯食； 大聲哮，親像作大水。</verse>
				<verse number="25">我啲驚的，竟然發生， 所驚惶的，偏偏臨到。</verse>
				<verse number="26">我無平安，無平靜，無得著安歇， 只有災難不斷臨到我。</verse>
			</chapter>
			<chapter number="4">
				<verse number="1">提幔 人 以利法 應 約伯 講：</verse>
				<verse number="2">人欲及你講話，你會嫌麻煩𣍐？ 豈有人會當忍啲無講話？</verse>
				<verse number="3">你曾教示真多人， 互軟弱的手堅強。</verse>
				<verse number="4">跋倒的，你用話給伊扶起來； 腳頭窩痠軟的，你互伊勇健。</verse>
				<verse number="5">總是災難一下發生， 你就𣍐當忍受； 一下磕著你，你就驚惶。</verse>
				<verse number="6">你豈毋是對敬畏上帝得著確信？ 豈毋是對純全的行為得著向望？</verse>
				<verse number="7">想看咧，無辜的人哪會滅亡？ 正直的人豈會毀滅？</verse>
				<verse number="8">我看，人若栽種罪過， 撒邪惡的種籽， 一定會收成仝類的果子。</verse>
				<verse number="9">上帝歕氣，𪜶就滅亡； 伊發大受氣，𪜶就消滅，</verse>
				<verse number="10">獅啲哮，猛獅展威的聲攏煞， 獅仔豚的嘴齒嘛攏摃斷；</verse>
				<verse number="11">獅因為無通食死去， 獅仔子嘛攏四散。</verse>
				<verse number="12">有話恬恬仔傳到我遮； 我的耳孔有聽著伊細細的聲。</verse>
				<verse number="13">暝時人睏重眠， 受惡夢攪擾的時，</verse>
				<verse number="14">驚惶臨到我， 互我歸身軀皮皮惙。</verse>
				<verse number="15">有一陣風 對我的面吹過； 我歸身軀的毛聳起來。</verse>
				<verse number="16">伊停啲，毋拘我看𣍐出伊的形狀。 有形像佇我目睭前； 四圍靜靜靜，我聽著有聲講：</verse>
				<verse number="17">會死的人佇上帝眼中豈是義人？ 人佇創造主面前豈會當算做無罪？</verse>
				<verse number="18">上帝無信任家己的僕人， 嘛會指責伊使者的錯誤。</verse>
				<verse number="19">許個住佇土角厝的人閣較免講； 𪜶的本質是土粉， 親像蛀蟲互人一下捼就死。</verse>
				<verse number="20">𪜶早起時活啲，下昏時就受毀滅， 永遠無去，無人會記得。</verse>
				<verse number="21">𪜶布棚的索扭起來就倒落去， 死甲無明無白。</verse>
			</chapter>
			<chapter number="5">
				<verse number="1">今做你求叫，看有啥人會給你應？ 諸個使者的中間，你欲對叨一個求？</verse>
				<verse number="2">受氣會害死戇人； 怨妒會刣死頇顢的人。</verse>
				<verse number="3">我曾看著戇人興旺， 毋拘災難忽然臨到伊的家。</verse>
				<verse number="4">伊的子兒無人保護，失去安穩； 佇城門口裁決的時受欺壓，無人為𪜶主持公道。</verse>
				<verse number="5">伊所收成的，互枵的人食去， 連佇莿內的嘛搶去， 嘴焦的人吞伊的財富。</verse>
				<verse number="6">因為災禍毋是對土茁出來， 患難嘛毋是對地發出來。</verse>
				<verse number="7">人出世一定有患難， 親像火星淐真高 。</verse>
				<verse number="8">若是我，我欲求叫上帝； 將我的案件交代伊。</verse>
				<verse number="9">伊做的代誌大甲𣍐測度得； 伊行的奇事多甲算𣍐了。</verse>
				<verse number="10">伊落雨佇地面， 賜雨水潤澤田園；</verse>
				<verse number="11">伊高升卑微的人， 賜安全喜樂互悲慘的人。</verse>
				<verse number="12">伊破壞詭詰的人的計謀， 互𪜶的手所做的𣍐成功。</verse>
				<verse number="13">伊互巧人中著家己的詭計， 互奸詐的人的計謀真緊失敗。</verse>
				<verse number="14">𪜶日時抵著烏暗， 日中晝親像暝時四界摸。</verse>
				<verse number="15">上帝救散赤人脫離傷害𪜶的人的舌， 以及權力者的手。</verse>
				<verse number="16">對按呢，散赤人有向望； 歹人的嘴受塞密。</verse>
				<verse number="17">受上帝管教的人真有福氣； 所以，毋通看輕全能者的督責。</verse>
				<verse number="18">伊給人拍傷，毋拘嘛給伊包紮； 伊給人傷害，毋拘嘛給伊醫好。</verse>
				<verse number="19">你抵著六遍的災難，伊會救你； 甚至七遍，災害嘛𣍐磕著你。</verse>
				<verse number="20">飢荒的時，伊會救你脫離死亡； 交戰的時，伊會救你脫離刀劍。</verse>
				<verse number="21">你會得著保護， 免受嘴舌的攻擊； 災禍到的時，你嘛免驚。</verse>
				<verse number="22">災害及飢荒，你欲給𪜶恥笑； 地上的野獸，你嘛免驚。</verse>
				<verse number="23">你犁田的時𣍐犁著石頭； 野獸會及你和好。</verse>
				<verse number="24">你會知你的布棚安全； 你巡羊椆，無半隻失落。</verse>
				<verse number="25">你會知你的子孫真多， 你的後代親像地上的青草赫旺盛。</verse>
				<verse number="26">你會歲壽滿才過往， 親像麥捆時到才收囥。</verse>
				<verse number="27">看咧，諸個代誌阮有查清楚， 實在是按呢。 著聽，著接納！</verse>
			</chapter>
			<chapter number="6">
				<verse number="1">約伯 應 以利法 講：</verse>
				<verse number="2">我的憂悶若經過秤重， 我所有的災害若下佇天秤，</verse>
				<verse number="3">一定比海裡的沙較重； 所以我若講過頭，毋通感覺奇怪。</verse>
				<verse number="4">全能者的箭射著我， 我歸個人吸著箭的毒。 上帝的恐怖排陣攻擊我。</verse>
				<verse number="5">野驢有草通食，豈會出聲？ 牛有青草，豈會哮？</verse>
				<verse number="6">食物無摻鹽，豈會食得？ 蛋清豈有滋味？</verse>
				<verse number="7">諸個物件互我無胃口，看著就想欲吐， 我無愛給磕著。</verse>
				<verse number="8">願我得著所求的； 我所意愛的，願上帝互我。</verse>
				<verse number="9">願上帝給我硩碎， 下手絕我的性命。</verse>
				<verse number="10">按呢，我就得著安慰， 佇極大的痛苦中猶會歡喜趒跳， 因為我無違背至聖的上帝的話。</verse>
				<verse number="11">我有什麼氣力，互我猶啲向望？ 我有什麼目的，互我猶啲吞忍？</verse>
				<verse number="12">我的氣力豈有石頭赫呢堅定？ 我的身軀豈是銅做的？</verse>
				<verse number="13">我所有的資源攏用盡， 猶有什麼氣力通幫贊家己？</verse>
				<verse number="14">人絕望的時，朋友若無用仁慈對待伊， 就是無敬畏全能者。</verse>
				<verse number="15">我的同伴出賣我，親像溪流， 親像水流了焦去的溪底；</verse>
				<verse number="16">冰溶去，溪水就濁濁； 雪溶去，溪水就漲起來；</verse>
				<verse number="17">天氣燒熱，冰溶去； 溪水流了了，河床焦硞硞；</verse>
				<verse number="18">沿溪啲行的商隊煞迷路， 行到偏僻的所在就死去。</verse>
				<verse number="19">提瑪 的商隊啲尋水； 示巴 的生理人啲聽候溪流。</verse>
				<verse number="20">𪜶的向望攏落空， 到位真失望。</verse>
				<verse number="21">今恁對我嘛是按呢， 看著我抵著的災難就驚。</verse>
				<verse number="22">我豈曾講：請恁送物件互我， 用恁的財產替我送賄賂？</verse>
				<verse number="23">抑是講：解救我脫離對敵的手， 贖回我脫離壓迫我的人的手？</verse>
				<verse number="24">請恁教示我，我會恬恬聽， 互我明白我叨位做毋著。</verse>
				<verse number="25">誠實的話偌仔呢有力！ 毋拘恁的指責是啲指責什麼？</verse>
				<verse number="26">絕望的人講的話豈毋是親像風， 恁哪啲指責我講的話？</verse>
				<verse number="27">恁甚至抽籤分孤兒， 用朋友做商品買賣。</verse>
				<verse number="28">恁給我看清楚， 我豈會當恁的面講白賊？</verse>
				<verse number="29">恁斟酌想，毋通無公道。 閣想看咧，我的立場正確。</verse>
				<verse number="30">我豈有講毋著？ 我豈𣍐曉分別是非？</verse>
			</chapter>
			<chapter number="7">
				<verse number="1">人佇世間豈毋是一定有勞苦？ 伊的日子豈毋是親像互人倩的工人？</verse>
				<verse number="2">親像奴僕啲迫切期待日落， 親像做工人等欲領工錢？</verse>
				<verse number="3">我嘛註定著過空虛的歲月， 著經過憂苦的暗暝。</verse>
				<verse number="4">我欲睏的時想講： 暝赫長，什麼時才通起床？ 我翻來翻去到天光。</verse>
				<verse number="5">我歸身軀生蟲， 堅疕，漉膿； 皮破，流膿。</verse>
				<verse number="6">我的日子啲過比織布的梭較緊； 日子過了攏無向望。</verse>
				<verse number="7">上帝啊，求你記得我的性命若喘一個氣； 我𣍐當閣見著好日子。</verse>
				<verse number="8">現在你有看著我，毋拘𣍐當閣看見； 你欲尋我，我已經無存在。</verse>
				<verse number="9">雲消散就無去， 按呢，人落陰間嘛𣍐閣起來。</verse>
				<verse number="10">伊𣍐閣倒來家己的厝； 伊本所在的人嘛𣍐閣認得伊。</verse>
				<verse number="11">所以我毋閣恬恬； 我的心憂苦，我欲講出來。 我的神苦痛，我欲申訴。</verse>
				<verse number="12">我豈是大海，抑是海怪， 你竟然派人監視我？</verse>
				<verse number="13">我若講：我的眠床會安慰我， 我的床舖會減輕我的苦痛，</verse>
				<verse number="14">你就用眠夢互我驚， 用惡夢互我惙。</verse>
				<verse number="15">我寧可互人摧死， 嘛較贏活甲即呢艱苦。</verse>
				<verse number="16">我厭惡性命，無愛永遠活啲； 你插我，因為我的日子攏無意義。</verse>
				<verse number="17">人算什麼，你赫呢看重伊， 赫呢照顧伊？</verse>
				<verse number="18">你逐早起監察伊， 逐日試驗伊？</verse>
				<verse number="19">你底時才欲越走無看我， 霎仔久插我，互我吞涎一下？</verse>
				<verse number="20">監察人的主啊，我若有罪，是礙著你什麼？ 你是按怎用我做紅心射？ 是按怎看我做你的重擔？</verse>
				<verse number="21">你是按怎毋赦免我的過失， 毋除去我的罪過？ 今我啲欲歸土啦， 你欲尋我，嘛尋無。</verse>
			</chapter>
			<chapter number="8">
				<verse number="1">書亞 人 比勒達 應講：</verse>
				<verse number="2">此款代誌你欲講偌久？ 你所講的話親像狂風！</verse>
				<verse number="3">上帝豈會歪曲正直？ 全能者豈會歪曲公義？</verse>
				<verse number="4">你的子兒有得罪伊， 伊才照𪜶的罪過互𪜶受應得的報應。</verse>
				<verse number="5">你若尋求上帝， 對全能者求恩，</verse>
				<verse number="6">你若純潔正直， 伊會起來幫贊你， 給你閣再起造平安徛起的所在。</verse>
				<verse number="7">你起頭雖然微細， 到尾會真發達。</verse>
				<verse number="8">你去問前世代的人， 看𪜶有對列祖學著什麼。</verse>
				<verse number="9">咱昨昏才出世，毋知半項； 咱佇世間的日子不過親像影；</verse>
				<verse number="10">𪜶教示你，給你講， 講出𪜶心內的話。</verse>
				<verse number="11">無土糜，蒲草豈會生長？ 無水，蘆葦豈會大欉？</verse>
				<verse number="12">𪜶猶茈，猶未割起來， 就比其他的草較早焦去。</verse>
				<verse number="13">所有𣍐記得上帝的人的結局嘛是按呢； 無敬畏上帝的人的向望會無去。</verse>
				<verse number="14">𪜶所依倚的是真快斷的絲， 所倚靠的是蜘蛛網。</verse>
				<verse number="15">𪜶倚靠蜘蛛網，毋拘靠不住， 擒牢網，毋拘擋𣍐牢。</verse>
				<verse number="16">𪜶親像植物有日照就青翠， 籐旋甲滿園。</verse>
				<verse number="17">𪜶的根囷佇石頭堆， 鑽入石頭縫 。</verse>
				<verse number="18">𪜶若互人摳起來， 會互伊家己的所在否認， 講：我毋識恁。</verse>
				<verse number="19">𪜶一定會佇路邊爛去， 後來有新的芛對地裡閣茁出來。</verse>
				<verse number="20">看咧，上帝一定𣍐放拺純全的人， 嘛𣍐幫贊做歹的人。</verse>
				<verse number="21">伊會互你閣再笑， 互你的嘴出歡喜的聲。</verse>
				<verse number="22">怨恨你的人會用見笑做衫穿； 歹人的布棚會無去。</verse>
			</chapter>
			<chapter number="9">
				<verse number="1">約伯 應 比勒達 講：</verse>
				<verse number="2">我知代誌確實是按呢； 人佇上帝面前哪會當算做義？</verse>
				<verse number="3">人若欲及伊爭論， 千項嘛無法度應一項 。</verse>
				<verse number="4">上帝有智慧，伊的氣力真大； 啥人對抗伊，𣍐受傷害？</verse>
				<verse number="5">伊給山徙走，山嘛猶毋知； 伊一下受氣，山就崩落去。</verse>
				<verse number="6">伊互地振動離開原位； 大地的柱嘛搖泏。</verse>
				<verse number="7">伊命令日頭，日頭就無出來； 伊封密星辰，星辰就無發光。</verse>
				<verse number="8">伊家己搋開天， 行佇海湧的頂面。</verse>
				<verse number="9">伊創造北斗、參星、昴星， 及南方的星座。</verse>
				<verse number="10">伊做的代誌大甲𣍐測度得； 伊行的奇事多甲算𣍐了。</verse>
				<verse number="11">伊對我遮經過， 我無看著； 伊行過去，我嘛毋知。</verse>
				<verse number="12">伊提去，啥人會當阻擋？ 啥人敢問伊：你啲做什麼？</verse>
				<verse number="13">上帝𣍐收回伊的受氣； 連扶助海怪 拉哈伯 的，嘛屈服佇伊下面。</verse>
				<verse number="14">按呢，我哪敢應伊， 抑是用什麼話及伊爭辯？</verse>
				<verse number="15">我雖然無辜，嘛毋敢應伊， 只有對審判我的求恩。</verse>
				<verse number="16">我若求叫伊，就講伊有應我， 我嘛毋信伊會聽我的聲。</verse>
				<verse number="17">因為伊用大風拍碎我， 無緣無故加添我的創傷。</verse>
				<verse number="18">伊毋准我喘一個氣， 互我受盡苦楚。</verse>
				<verse number="19">欲講氣力，伊上強猛； 欲講審判，啥人敢傳伊 出庭？</verse>
				<verse number="20">我雖然無辜，我家己的嘴嘛會定我的罪； 我雖然無通指責，伊嘛會證明我錯誤。</verse>
				<verse number="21">我雖然清白，有什麼路用？ 我活落去嘛無什麼意思。</verse>
				<verse number="22">什麼攏像款；所以我講： 正直的及作歹的，伊攏剿滅。</verse>
				<verse number="23">人若因為災禍忽然死， 無辜的人若抵著災難，伊給𪜶恥笑。</verse>
				<verse number="24">上帝將世界交佇歹人的手； 伊掩審判官的目睭； 這若毋是伊做的，無是啥人？</verse>
				<verse number="25">我的日子啲過真緊， 真緊過去，無享受著什麼福氣；</verse>
				<verse number="26">真緊過去親像快艇； 親像鷹鳥真緊衝落去搙食物。</verse>
				<verse number="27">我若講欲將我的哀怨放𣍐記得， 將憂容變做笑容，</verse>
				<verse number="28">我猶原為著我諸個苦難驚惶； 因為我知你𣍐看我做無罪。</verse>
				<verse number="29">我既然會受定罪， 我哪著空空著磨？</verse>
				<verse number="30">我若用雪文洗身軀， 用鹼洗手，</verse>
				<verse number="31">你一定會給我㧒落坑溝， 連我的衫都會厭惡我。</verse>
				<verse number="32">上帝及我無像款，伊毋是世間人； 我𣍐當應伊，及伊去法庭對指。</verse>
				<verse number="33">阮中間無裁判者， 通互阮雙方攏會服。</verse>
				<verse number="34">願上帝無閣用柺仔刑罰我， 無用伊的威嚴互我驚；</verse>
				<verse number="35">我就無驚，大膽發言； 總是我知我毋是此款人。</verse>
			</chapter>
			<chapter number="10">
				<verse number="1">我活甲真倦； 我欲盡情吐露， 講出心內的苦痛。</verse>
				<verse number="2">我欲對上帝講： 毋通給我定罪， 著互我知，你是按怎控告我。</verse>
				<verse number="3">你壓制，看輕你家己的手所造的， 顛倒合意歹人的計謀； 你按呢做對你有什麼利益？</verse>
				<verse number="4">你的目睭豈是人的目睭？ 你啲看豈親像人啲看？</verse>
				<verse number="5">你的日子豈親像人的日子？ 你的年豈親像人的年？</verse>
				<verse number="6">你哪會親像人調查我的過失， 追究我的罪過？</verse>
				<verse number="7">你知我無罪， 嘛知無人會當救我脫離你的手。</verse>
				<verse number="8">你的手創造我，塑造我， 煞親手欲毀滅我。</verse>
				<verse number="9">求你記得，你有用土造我 ； 你欲閣互我歸佇土粉是無？</verse>
				<verse number="10">你互我的老父有精力生我， 互我佇老母的腹肚內成胎。</verse>
				<verse number="11">你用皮及肉互我穿， 用骨及筋給我連接。</verse>
				<verse number="12">你賜活命及慈愛互我； 你眷顧保全我的性命。</verse>
				<verse number="13">諸個事你攏藏佇心內， 毋拘我知這是你的意思：</verse>
				<verse number="14">我若犯罪，你有啲注意， 𣍐看我做無罪。</verse>
				<verse number="15">我若做歹，就有災禍； 我若無辜，嘛毋敢攑頭起來； 我受盡苦難， 滿心見笑。</verse>
				<verse number="16">我一下攑頭，你就親像獅追殺我， 閣再對我顯出你可怕的威力。</verse>
				<verse number="17">你閣叫新的證人控告我， 親像軍兵一隊續一隊攻擊我， 加添你對我的受氣。</verse>
				<verse number="18">是按怎你互我出母胎？ 我寧可猶未互人看著就死去。</verse>
				<verse number="19">按呢我對起頭就若親像無存在， 一下出母胎就送入墓。</verse>
				<verse number="20">我閣活嘛無偌久； 求你插我，互我有一絲仔安寧。</verse>
				<verse number="21">我無久就欲離開， 欲去死蔭的所在， 遐烏烏暗暗，混混沌沌， 連光都烏暗； 我一下去就𣍐閣轉來。</verse>
				<verse number="22"></verse>
			</chapter>
			<chapter number="11">
				<verse number="1">拿瑪 人 瑣法 應 約伯 講：</verse>
				<verse number="2">你講甲即多，豈毋免給你應？ 話講多豈就有理？</verse>
				<verse number="3">你啲烏白展，人豈著服你？ 你啲給人恥笑，豈無人給你責備？</verse>
				<verse number="4">你講：我的道理正確， 我佇你的眼中清白。</verse>
				<verse number="5">總是願上帝講話， 開嘴反駁你，</verse>
				<verse number="6">願伊指示你智慧的奧祕， 因為智慧有幾若款作用。 著知，上帝無算你攏總的罪過。</verse>
				<verse number="7">你豈會當明白上帝的奧祕？ 你豈會當徹底了解全能者？</verse>
				<verse number="8">伊的智慧比天較高，你會當做什麼？ 比陰間較深，你會當知什麼？</verse>
				<verse number="9">伊的智慧比地較長， 比海較闊。</verse>
				<verse number="10">伊經過的時，給你掠起來； 伊開庭審判，啥人會當給伊阻擋？</verse>
				<verse number="11">因為伊知啥人是虛假； 伊看著邪惡豈會看做無要緊？</verse>
				<verse number="12">野驢出世若會乖順， 愚戇的人嘛會有智慧。</verse>
				<verse number="13">你若專心仰望上帝， 攑起手對伊祈禱；</verse>
				<verse number="14">你若放拺你的罪過， 無容允邪惡住佇厝內；</verse>
				<verse number="15">彼時，你就會當毋免見笑， 好膽面對世界。</verse>
				<verse number="16">苦痛你會攏𣍐記得， 親像水流過攏消失。</verse>
				<verse number="17">你的一生會比日中晝較光明， 暗暝變做親像早起時。</verse>
				<verse number="18">你會安穩，因為有向望； 你會得著保護，通安心歇睏。</verse>
				<verse number="19">你倒啲𣍐受嚇驚， 閣有真多人來求你幫贊。</verse>
				<verse number="20">總是歹人的目睭會失明； 𪜶無路通逃走， 𪜶的向望不過是最後一口氣。</verse>
			</chapter>
			<chapter number="12">
				<verse number="1">約伯 應 瑣法 講：</verse>
				<verse number="2">有影，恁真正是𠢕人！ 恁死，智慧嘛及恁做夥死。</verse>
				<verse number="3">我及恁仝款會曉想； 我無較輸恁。 恁講諸個代誌啥人毋知？</verse>
				<verse number="4">我求叫上帝，伊有應我， 毋拘我受同伴譏刺； 正直無通指責的人嘛會受人譏刺。</verse>
				<verse number="5">生活好過的人恥笑受著災難的人； 災禍啲當等人跋倒失敗。</verse>
				<verse number="6">強盜的家興旺； 惹上帝受氣的人平安無事； 𪜶倚靠的是家己的氣力。</verse>
				<verse number="7">去問走獸，𪜶會教你； 去問空中的飛鳥，𪜶會給你講；</verse>
				<verse number="8">去問地上的樹木，𪜶會教你； 海中的魚嘛會給你說明。</verse>
				<verse number="9">諸個一切，𪜶攏知， 是上主的手所造。</verse>
				<verse number="10">一切動物的性命及所有人類的活命， 攏佇伊手內。</verse>
				<verse number="11">咱用耳孔聽話， 用舌試滋味。</verse>
				<verse number="12">年歲多的有智慧； 歲壽長的有見識。</verse>
				<verse number="13">智慧及能力攏在佇上帝； 伊有計策及見識。</verse>
				<verse number="14">伊拆毀的，人𣍐當閣起造； 伊關禁的，人𣍐當閣解放。</verse>
				<verse number="15">伊無落雨，地就曠旱； 伊落雨，水就氾濫。</verse>
				<verse number="16">權能及智慧攏在佇伊； 受迷惑及迷惑人的，嘛攏屬佇伊。</verse>
				<verse number="17">伊互參謀受掠，褪裼示眾， 互審判官變做戇人。</verse>
				<verse number="18">伊解除君王的權力， 用腰帶給𪜶縛起來。</verse>
				<verse number="19">伊互祭司受掠，褪裼示眾， 閣推翻有權力的人。</verse>
				<verse number="20">伊禁止有地位的人講話， 搶奪長老的裁決權。</verse>
				<verse number="21">伊互貴族受凌辱， 解除權力者的權柄。</verse>
				<verse number="22">伊對烏暗顯示奧祕， 對死蔭發出光明。</verse>
				<verse number="23">伊互國家興旺，嘛給伊毀滅； 伊互國家擴展，嘛互伊衰微。</verse>
				<verse number="24">伊互人民的領袖失去見識， 互𪜶佇曠野飄流，行無路。</verse>
				<verse number="25">𪜶無光，佇烏暗中摸來摸去； 伊互𪜶親像酒醉的人顛來顛去。</verse>
			</chapter>
			<chapter number="13">
				<verse number="1">諸個一切我的目睭攏有看著， 我的耳孔攏有聽著，嘛明白。</verse>
				<verse number="2">恁知的，我嘛知； 我無較輸恁。</verse>
				<verse number="3">我實在愛及全能者講話， 真愛及上帝理論。</verse>
				<verse number="4">恁用白賊話掩蓋家己的無知； 恁攏是無路用的醫生。</verse>
				<verse number="5">苦𣍐得恁攏恬恬； 恬恬才是有智慧。</verse>
				<verse number="6">請恁聽我理論， 注意聽我申訴。</verse>
				<verse number="7">恁是欲為上帝講無影跡的話， 為伊講白賊話是無？</verse>
				<verse number="8">恁豈毋是啲偏袒上帝， 欲為伊辯護？</verse>
				<verse number="9">伊若給恁查驗，恁豈會無代誌？ 恁豈會當親像騙人按呢騙上帝？</verse>
				<verse number="10">恁若暗暗仔偏袒， 伊一定會給恁責備。</verse>
				<verse number="11">伊的威嚴豈𣍐互恁驚惶？ 伊的恐怖豈𣍐臨到恁？</verse>
				<verse number="12">恁所記得的箴言親像火灰無路用； 恁的辯護親像土糜𣍐靠得。</verse>
				<verse number="13">恁恬恬，換我講， 出在伊來，無論什麼我攏承擔。</verse>
				<verse number="14">我決定欲 冒性命的危險， 及伊拼輸贏。</verse>
				<verse number="15">我已經無向望，上帝欲刣我，我嘛毋驚； 我欲佇伊面前為著家己的所做辯護。</verse>
				<verse number="16">我按呢做，可能會拾著性命； 因為無敬畏上帝的人毋敢面對上帝。</verse>
				<verse number="17">著注意聽我的話， 互我的申訴入恁的耳孔。</verse>
				<verse number="18">看咧，我已經準備好勢； 我知我一定會勝訴。</verse>
				<verse number="19">啥人會當及我辯論？ 若有，我就無閣申訴，甘願死。</verse>
				<verse number="20">求你准我兩項請求， 我就𣍐對你的面前匿起來：</verse>
				<verse number="21">求你的手勼倒轉，無刑罰我， 無用你的威嚴給我恐嚇。</verse>
				<verse number="22">按呢，你來告，我來應； 抑是我審問，你答辯。</verse>
				<verse number="23">我的過失及罪過有偌多？ 求你互我知我有什麼罪過，什麼過失。</verse>
				<verse number="24">你是按怎掩你的面， 看我做你的對敵？</verse>
				<verse number="25">互風吹走的葉仔，你豈著閣給伊嚇驚？ 焦去的草幼仔，你豈著閣給伊追趇？</verse>
				<verse number="26">你竟然寫嚴轄的起訴書來辦我， 連我少年的時的罪過，你猶毋放我煞。</verse>
				<verse number="27">你用腳銬銬我的腳， 監視我一切的行為， 限制我的行動。</verse>
				<verse number="28">人敗壞親像爛去的物， 親像互蛀蟲食去的衫。</verse>
			</chapter>
			<chapter number="14">
				<verse number="1">婦仁人所生的，日子短， 患難多。</verse>
				<verse number="2">伊親像花，開了就謝去， 親像影，真緊就消失無留什麼。</verse>
				<verse number="3">此款的人，你豈會給伊注意， 閣給伊審判？</verse>
				<verse number="4">豈有人會當互清氣的物對無清氣的出來？ 無人會。</verse>
				<verse number="5">人的壽命已經註定； 伊的歲月，你啲支配。 你設的界限，無人會當𨃟過。</verse>
				<verse number="6">求你目睭越走無看，給伊管 ， 互伊親像做工人工做了通歡喜。</verse>
				<verse number="7">剉起來的樹有向望閣茁芛； 幼軟的枝會繼續發出來。</verse>
				<verse number="8">雖然伊的根佇土底一直老去， 樹頭佇土裡開始爛，</verse>
				<verse number="9">水一下潤澤就閣發芛， 親像新栽種的樹仔發枝。</verse>
				<verse number="10">毋拘人死就倒直直； 氣一下斷，伊佇叨位？</verse>
				<verse number="11">湖的水會焦去， 江河的水會斷去；</verse>
				<verse number="12">人嘛是按呢，倒落去𣍐閣𬦰起來， 到天無去，嘛𣍐精神， 永遠睏去叫𣍐醒。</verse>
				<verse number="13">我偌仔呢向望你給我囥佇陰間， 給我藏佇隱密的所在，聽候你的受氣煞， 給我定期限通閣眷顧我。</verse>
				<verse number="14">人豈會閣活起來？ 總是佇勞苦的日我欲聽候， 直到我得著解救。</verse>
				<verse number="15">彼時，你叫我，我就應你； 你會真愛看著你所造的我。</verse>
				<verse number="16">雖然你猶啲監視我的行踏， 毋拘𣍐閣追究我的罪。</verse>
				<verse number="17">我的過失你會封密佇袋仔內； 我的罪過你會擦消。</verse>
				<verse number="18">山崩，倒壞； 大石離開原位。</verse>
				<verse number="19">啲流的水給石頭磨損， 大水給土沖走； 你嘛按呢絕人的向望。</verse>
				<verse number="20">你永遠較贏伊，伊就消失； 你互伊死去，面貌改變。</verse>
				<verse number="21">伊的子兒得著榮譽，伊毋知； 𪜶失敗見笑，伊嘛毋知。</verse>
				<verse number="22">伊只有感覺家己身軀的痛疼， 干焦為著家己憂傷。</verse>
			</chapter>
			<chapter number="15">
				<verse number="1">提幔 人 以利法 應 約伯 講：</verse>
				<verse number="2">智慧的人豈會用空虛的智識應答， 抑是滿嘴攏講膨風話？</verse>
				<verse number="3">伊豈會用無利益， 抑是無路用的話家己辯護？</verse>
				<verse number="4">你是啲棄拺敬畏的心， 阻擋人對上帝祈禱。</verse>
				<verse number="5">你的罪影響你講話； 你的話攏是詭詐。</verse>
				<verse number="6">定你的罪的是你的嘴，毋是我； 你的嘴唇證實你毋著。</verse>
				<verse number="7">你是頭一個出世的人是無？ 你比諸個山較代先受造是無？</verse>
				<verse number="8">你豈是上帝的參謀，知伊的計劃？ 智慧豈干焦你才有？</verse>
				<verse number="9">有什麼你知，阮毋知？ 抑是你了解，阮無了解？</verse>
				<verse number="10">阮中間有白頭毛的及年老的， 比你的老父閣較老。</verse>
				<verse number="11">上帝的安慰及溫和苦勸你的話， 你看做無要緊是無？</verse>
				<verse number="12">你的心哪會赫呢激動， 你的目睭哪會睨惡惡，</verse>
				<verse number="13">互你抵敵上帝， 互你的嘴講許個話？</verse>
				<verse number="14">人算什麼，豈有可能清氣？ 婦仁人所生的豈會當算做義？</verse>
				<verse number="15">上帝連伊的差使都無信任， 天佇伊眼中嘛無清氣，</verse>
				<verse number="16">何況可惡腐敗的人！ 𪜶飲罪惡親像啲飲水。</verse>
				<verse number="17">我欲給你指示，你著注意聽； 我所看著的，我欲給你講。</verse>
				<verse number="18">就是有智慧的人對祖先所領受， 無隱密傳互我的。</verse>
				<verse number="19">此個應允的地只有賜互咱的祖先， 毋曾受外族侵佔。</verse>
				<verse number="20">歹人一生受盡苦楚， 欺壓人的嘛會按呢。</verse>
				<verse number="21">恐怖的聲常常佇伊的耳孔邊； 安穩的時，強盜會來搶奪伊。</verse>
				<verse number="22">伊無相信會當對烏暗脫離； 刀劍不時啲當等伊。</verse>
				<verse number="23">伊四界流浪討食，講： 叨位有食物？ 伊知烏暗的日子已經到。</verse>
				<verse number="24">患難困苦互伊驚惶， 親像君王準備攻擊的氣勢壓倒伊。</verse>
				<verse number="25">因為伊出手攻擊上帝， 自高自大對全能者展威。</verse>
				<verse number="26">伊頷頸激硬，夯厚的盾牌， 衝去欲攻擊上帝。</verse>
				<verse number="27">伊的面肥肭肭， 腹肚肥滋滋。</verse>
				<verse number="28">伊住的城無久會荒廢， 住的厝註定變做土堆，無人徛起。</verse>
				<verse number="29">伊𣍐閣好額，財富留𣍐久長， 產業𣍐當佇地上擴展。</verse>
				<verse number="30">伊𣍐當脫離烏暗， 會親像幼枝互火燒焦， 親像花 互風吹散。</verse>
				<verse number="31">伊毋通倚靠虛假來欺騙家己； 因為虛假會成做伊的報應。</verse>
				<verse number="32">時猶未到，伊會親像棕樹焦去； 伊的枝𣍐閣青翠。</verse>
				<verse number="33">伊會親像葡萄樹，葡萄猶未熟就互人搖落去， 親像橄欖樹，花一下開就互人拍挕拺。</verse>
				<verse number="34">無敬畏上帝的族類一定無後代； 靠賄賂起造的厝宅會互火燒去。</verse>
				<verse number="35">𪜶懷孕毒害，生出邪惡； 𪜶歸個腹肚攏是詭詐。</verse>
			</chapter>
			<chapter number="16">
				<verse number="1">約伯 應 以利法 講：</verse>
				<verse number="2">此款話，我已經聽真多； 恁的安慰顛倒互人艱苦。</verse>
				<verse number="3">此款涼鏗話，你講煞未？ 是什麼激你應𣍐停？</verse>
				<verse number="4">恁若𫢶佇我的處境， 我嘛會曉講恁此款話， 嘛會講歸捾的話攻擊恁， 閣會對恁幌頭。</verse>
				<verse number="5">毋拘我會用嘴給恁鼓勵， 用嘴唇給恁安慰，減輕恁的苦痛。</verse>
				<verse number="6">我若講話，苦痛猶原𣍐減輕； 我若靜靜，苦痛豈會離開我？</verse>
				<verse number="7">今上帝啊，你互我憂苦厭倦， 互我家破人亡。</verse>
				<verse number="8">你圍困我，敵對我， 互我消瘦落肉，互人當面指責我有罪。</verse>
				<verse number="9">你對我發受氣，拆碎我，窘迫我， 對我咬牙切齒； 我的對敵用鑿人的目神睨我。</verse>
				<verse number="10">𪜶開嘴恥笑我， 搧我的嘴䩃侮辱我， 聯合攻擊我。</verse>
				<verse number="11">上帝給我交互不義的人， 將我㧒互歹人。</verse>
				<verse number="12">我平安無事的時，伊忽然給我摃碎， 掟我的頷頸，給我摔甲碎碎， 閣𫞼我做伊射箭的目標。</verse>
				<verse number="13">伊殘忍用箭對四面射我， 射破我的臟腑； 膽汁噴甲滿四界。</verse>
				<verse number="14">伊親像勇士衝來攻擊我， 一遍閣一遍拍傷我。</verse>
				<verse number="15">我給麻衫穿牢牢； 我的頭額仆佇土腳。</verse>
				<verse number="16">我的目睭哭甲酣酣， 目睭皮轉烏；</verse>
				<verse number="17">毋拘我的手無犯強暴， 我的祈禱純真。</verse>
				<verse number="18">地啊，毋通蓋密我所流的血， 毋通阻止我的喉叫。</verse>
				<verse number="19">看啊，今我的證人佇天裡； 我的保證佇頂面。</verse>
				<verse number="20">我的朋友恥笑我； 我向上帝目屎流𣍐停。</verse>
				<verse number="21">我偌仔呢向望佇上帝及人的中間有裁判者， 親像有人佇人及伊的厝邊中間作裁判。</verse>
				<verse number="22">因為閣過無幾年， 我會行入𣍐閣倒轉的路。</verse>
			</chapter>
			<chapter number="17">
				<verse number="1">我的氣欲斷啦，日子啲欲煞啦； 我的墓造好啦。</verse>
				<verse number="2">我的周圍攏是恥笑我的人； 我所看著的人攏啲激我受氣。</verse>
				<verse number="3">求你親身做我的擔保， 若無，啥人肯做我的保證？</verse>
				<verse number="4">你封密𪜶的心，互𪜶無明理， 所以你𣍐互𪜶較贏我。</verse>
				<verse number="5">人為著家己的利益出賣朋友， 伊的子孫目睭會失明。</verse>
				<verse number="6">我成做人人的笑談； 𪜶對我的面呸嘴涎。</verse>
				<verse number="7">我因為憂傷目睭霧； 我的身軀消瘦落肉。</verse>
				<verse number="8">正直的人看著真著驚； 無罪的人會對無敬畏上帝的人發受氣。</verse>
				<verse number="9">正直的人會堅守家己所行的路； 手清氣的人氣力會愈加添。</verse>
				<verse number="10">恁攏閣轉來； 恁中間我尋無一個有智慧的人。</verse>
				<verse number="11">我的日子已經過去； 我的計劃及心所意愛的攏消失。</verse>
				<verse number="12">𪜶講暝時是日時，光已經近； 其實我猶佇烏暗中。</verse>
				<verse number="13">我若期待陰府做我的厝， 佇烏暗的所在鋪眠床，</verse>
				<verse number="14">我若對墳墓講「你是我的老父」， 對蟲講「你是我的老母，我的姊妹」，</verse>
				<verse number="15">按呢我的向望佇叨位？ 我的向望啥人看會著？</verse>
				<verse number="16">向望豈會落去陰府？ 伊豈會及我做陣佇土底？</verse>
			</chapter>
			<chapter number="18">
				<verse number="1">書亞 人 比勒達 應 約伯 講：</verse>
				<verse number="2">你尋阮的話縫欲尋偌久？ 你冷靜想看覓，然後阮才講。</verse>
				<verse number="3">阮是按怎互你看做牲生， 互你看做愚戇？</verse>
				<verse number="4">你此個人，你發大受氣傷害家己， 地豈會因為你變做荒埔？ 大石豈會徙離原位？</verse>
				<verse number="5">歹人的燈會熄去； 伊的火焰會化去。</verse>
				<verse number="6">伊布棚內的光會暗去， 吊佇頂面的燈會熄去。</verse>
				<verse number="7">伊穩健的腳步開始搖泏； 伊的計謀會害著家己。</verse>
				<verse number="8">伊家己行入陷坑； 伊的腳踏著活罩。</verse>
				<verse number="9">圈套會纏著伊的腳後蹬； 羅網會掠著伊。</verse>
				<verse number="10">紐索為著伊蓋佇土裡； 陷阱為著伊設佇路裡。</verse>
				<verse number="11">四圍有恐怖啲當等， 給伊隨牢牢。</verse>
				<verse number="12">伊的氣力因為枵餓衰微； 災禍不時隨佇身邊。</verse>
				<verse number="13">會致到死的病湠甲歸身軀， 互腳手攏爛去。</verse>
				<verse number="14">伊會對所倚靠的布棚互人扭出來， 拖到恐怖的王面前。</verse>
				<verse number="15">伊的布棚互火燒去； 有硫磺撒佇伊徛起的所在。</verse>
				<verse number="16">佇下底，伊的根死去； 佇頂面，伊的枝焦去。</verse>
				<verse number="17">佇地上，無人會閣記得伊； 街頭巷尾，無人會閣提起伊的名。</verse>
				<verse number="18">伊會對光明中受趕入烏暗， 閣受趕出世界。</verse>
				<verse number="19">佇本族中間伊無子無孫； 佇徛起的所在伊無留半人。</verse>
				<verse number="20">伊的遭遇互西旁的人卬愕， 互東旁的人著驚。</verse>
				<verse number="21">這就是歹人的命運， 毋識上帝的人的結局。</verse>
			</chapter>
			<chapter number="19">
				<verse number="1">約伯 應 比勒達 講：</verse>
				<verse number="2">恁互我的心憂苦， 用話硩碎我，欲到底時？</verse>
				<verse number="3">恁一遍閣一遍凌辱我， 歹款待我嘛𣍐感覺見笑。</verse>
				<verse number="4">我若真正有過失， 過失我家己承擔。</verse>
				<verse number="5">恁誇口家己比我較好， 閣用我的不幸證實我有罪。</verse>
				<verse number="6">著知，上帝枉屈我， 伊用羅網圍我。</verse>
				<verse number="7">我大聲喝「冤枉噢！」毋拘無人應我； 喉叫，嘛無人主持公道。</verse>
				<verse number="8">伊截我的路，互我𣍐當過去， 用烏暗遮蓋我欲去的路。</verse>
				<verse number="9">伊剝奪我的尊榮， 㨨去我頭殼頂的花冠。</verse>
				<verse number="10">伊對四面攻擊我，給我消滅； 伊給我的向望拔起來，親像啲拔樹。</verse>
				<verse number="11">伊發大受氣攻擊我， 看我做伊的對敵。</verse>
				<verse number="12">伊的軍隊做一下衝來， 開路來攻擊我， 佇我布棚的四圍紮營。</verse>
				<verse number="13">伊互我的親族遠離我， 互朋友及我疏遠。</verse>
				<verse number="14">我的親人及我斷絕關係； 我的知己攏𣍐記得我。</verse>
				<verse number="15">我的人客，我的女婢看我做外人； 𪜶攏看我做生份人。</verse>
				<verse number="16">我叫我的奴僕，𪜶毋應； 我著親嘴給𪜶姑情。</verse>
				<verse number="17">我的氣互我的某厭賤； 我的親兄弟嘛厭惡我的臭味。</verse>
				<verse number="18">連囝仔都看輕我； 𪜶看著就恥笑我。</verse>
				<verse number="19">我上親密的朋友攏厭賤我； 我上疼的人變面反對我。</verse>
				<verse number="20">我瘦甲皮包骨； 我只有賰一口氣。</verse>
				<verse number="21">我的朋友啊，恁著可憐我，可憐我， 因為上帝的手攻擊我。</verse>
				<verse number="22">恁是按怎親像上帝窘迫我？ 恁欲苦楚我到什麼時？</verse>
				<verse number="23">我偌仔呢向望將我的話寫起來， 記佇冊裡；</verse>
				<verse number="24">用鐵鏨仔 刻佇石頭， 用鉛灌注留到永遠。</verse>
				<verse number="25">總是我知，我的救贖者 活啲； 最後伊會起來替我辯護。</verse>
				<verse number="26">雖然我的皮爛去， 我的肉身猶會見著上帝。</verse>
				<verse number="27">我會看著伊徛佇我身邊； 我會親目看著，毋是別人。 我的心腸按呢渴慕到暈去。</verse>
				<verse number="28">恁若講：咱欲按怎給伊窘迫？ 因為問題的根源在佇伊。</verse>
				<verse number="29">恁著驚刀劍， 因為上帝受氣，恁會受刀劍的刑罰。 恁著知，一定有審判 ！</verse>
			</chapter>
			<chapter number="20">
				<verse number="1">拿瑪 人 瑣法 應 約伯 講：</verse>
				<verse number="2">我聽著凌辱我的責備， 我的心著急； 我無給你應𣍐用得， 我的智慧教我著按怎應。</verse>
				<verse number="3"></verse>
				<verse number="4">你豈毋知，對古早， 對有人佇世間以來，</verse>
				<verse number="5">歹人得意無久長； 無敬虔的人的歡喜目𥍉久。</verse>
				<verse number="6">雖然伊驕傲高甲抵天， 頭殼磕著雲，</verse>
				<verse number="7">到尾嘛會親像家己的糞永遠消失。 識伊的人會講：伊佇叨位？</verse>
				<verse number="8">伊會親像眠夢飛去，尋𣍐著， 會親像暝時的幻象消失。</verse>
				<verse number="9">曾看著伊的人𣍐當閣看著伊； 嘛𣍐當佇伊住的所在閣看著伊。</verse>
				<verse number="10">伊的子兒著賠償散赤人； 伊著親手交出家己的財富；</verse>
				<verse number="11">伊雖然有少年勇壯的骨格， 無久嘛會歸土。</verse>
				<verse number="12">雖然邪惡佇伊的嘴內是甜的， 伊不時藏佇舌下，</verse>
				<verse number="13">毋甘呸出來， 攏含佇嘴內；</verse>
				<verse number="14">毋拘彼個食物入去腹內就歹去， 佇內面變做毒蛇的毒。</verse>
				<verse number="15">伊吞食財寶，會閣吐出來； 上帝欲對伊的腹肚撏出來。</verse>
				<verse number="16">伊會𠲿毒蛇的毒； 蛇的毒牙會害死伊。</verse>
				<verse number="17">伊𣍐當看著江河， 看𣍐著流奶及蜜的溪。</verse>
				<verse number="18">伊勞苦得著的吞𣍐落去，著還人， 𣍐當享受賺來的財富。</verse>
				<verse number="19">因為伊壓制閣棄拺散赤人， 強佔別人起的厝。</verse>
				<verse number="20">因為伊貪食，毋知滿足； 伊所愛的無一項留會牢。</verse>
				<verse number="21">無一項無互伊吞落去； 所以伊的繁榮𣍐久長。</verse>
				<verse number="22">伊好額充足的時， 所有的苦難災禍攏會臨到伊。</verse>
				<verse number="23">伊腹肚脹飽的時， 上帝會降落猛烈的受氣， 會降落大受氣佇伊頂面。</verse>
				<verse number="24">伊若閃會開鐵的劍， 嘛會互銅的箭頭射迵過。</verse>
				<verse number="25">箭射迵伊的身軀， 金熠熠的箭頭射過伊的膽， 有血㴙㴙滴， 互伊驚甲欲死。</verse>
				<verse number="26">伊積聚的財寶攏會受毀滅， 毋是人的手所點的火會燒滅伊， 留佇伊布棚內的嘛會受燒毀。</verse>
				<verse number="27">天會暴露伊的罪過； 地會起來攻擊伊。</verse>
				<verse number="28">佇上帝大受氣的日， 伊的家伙攏會互大水沖無去。</verse>
				<verse number="29">這就是歹人的命運， 是上帝註定互𪜶的結局。</verse>
			</chapter>
			<chapter number="21">
				<verse number="1">約伯 應 瑣法 講：</verse>
				<verse number="2">請注意聽我講話； 這才是恁會當互我的安慰。</verse>
				<verse number="3">請耐心聽我講； 我講了，才出在恁譏刺。</verse>
				<verse number="4">豈講我是啲對人怨嘆？ 我著急豈無理由？</verse>
				<verse number="5">恁注意看我，就會驚著， 用手掩嘴恬去。</verse>
				<verse number="6">我若想著就驚惶， 歸身軀皮皮惙。</verse>
				<verse number="7">歹人是按怎活啲，食長歲壽， 閣有權有勢？</verse>
				<verse number="8">𪜶子孫滿堂， 閣親目看著後代的成就。</verse>
				<verse number="9">𪜶的家庭安穩無驚， 上帝的柺嘛無拍𪜶。</verse>
				<verse number="10">𪜶的牛傳種無斷， 牛母生子嘛無流產。</verse>
				<verse number="11">𪜶互囝仔自由𨑨迌，親像羊群； 𪜶的子兒四界趒跳。</verse>
				<verse number="12">𪜶和玲瓏鼓及琴唱歌， 隨𥰔仔及簫的聲歡呼。</verse>
				<verse number="13">𪜶一生幸福，事事亨通， 閣平安落陰府。</verse>
				<verse number="14">𪜶對上帝講：插阮！ 阮無愛知你的道路。</verse>
				<verse number="15">全能者是啥人，阮哪著服事伊？ 阮對伊祈求有什麼利益？</verse>
				<verse number="16">𪜶主張繁榮是靠家己的氣力得著的。 歹人的意念實在了解。</verse>
				<verse number="17">歹人的燈豈曾化去？ 災禍有偌多遍臨到𪜶？ 上帝的受氣豈曾互𪜶艱苦？</verse>
				<verse number="18">𪜶有偌多遍親像互風吹散的草仔幼？ 親像互狂風吹去的粗糠？</verse>
				<verse number="19">恁講：上帝因為老父的罪過刑罰伊的子兒。 毋拘我想，毋值著伊本身受報應， 互伊知家己的罪；</verse>
				<verse number="20">互伊親目看見家己敗壞， 本身承受全能者的受氣。</verse>
				<verse number="21">人一旦死去， 豈會當閣關心家內的代誌？</verse>
				<verse number="22">連天頂的使者都受上帝審判， 啥人會當將智識教示伊？</verse>
				<verse number="23">有人到死健康勇壯， 一生平安無事；</verse>
				<verse number="24">伊的精力充足， 筋骨勇壯。</verse>
				<verse number="25">有人到死，心神痛苦， 一生毋曾享受福氣。</verse>
				<verse number="26">𪜶攏像款歸土， 互蟲蓋密。</verse>
				<verse number="27">我知恁啲想什麼， 嘛知恁陷害我的陰謀。</verse>
				<verse number="28">恁問：大人物的厝佇叨位？ 歹人住的所在佇叨位？</verse>
				<verse number="29">恁豈毋曾問過路的人？ 豈無接受𪜶所講的？</verse>
				<verse number="30">歹人佇災難的時平安無事， 佇大受氣的日得著逃脫。</verse>
				<verse number="31">伊所行的，啥人會當面給伊指責？ 伊所做的，啥人會給伊報應？</verse>
				<verse number="32">伊會互人扛去墓地， 閣有人顧守伊的墓。</verse>
				<verse number="33">埋葬的土對伊嘛甘甜； 送葬的人前行後隨算𣍐了。</verse>
				<verse number="34">恁的安慰攏是虛假； 恁的應答攏無意思。</verse>
			</chapter>
			<chapter number="22">
				<verse number="1">提幔 人 以利法 應 約伯 講：</verse>
				<verse number="2">人對上帝有什麼路用？ 智慧的人對伊有什麼利益？</verse>
				<verse number="3">你做人公義，豈會互全能者歡喜？ 你的行為完全，豈會互伊得著利益？</verse>
				<verse number="4">伊豈會因為你敬畏伊， 來責備你，審判你？</verse>
				<verse number="5">你的罪惡豈毋是真大？ 你的罪過實在無窮盡。</verse>
				<verse number="6">你無理無由提兄弟的物件作抵押， 剝𪜶的衫，互𪜶赤身露體。</verse>
				<verse number="7">厭倦的人，你無用水互𪜶飲； 枵餓的人，你無提飯互𪜶食。</verse>
				<verse number="8">雖然你有權勢得著土地， 有地位住佇彼內面，</verse>
				<verse number="9">毋拘你互寡婦空手倒去， 遏折孤兒的手骨。</verse>
				<verse number="10">所以活罩四面圍你； 恐怖忽然臨到你。</verse>
				<verse number="11">烏暗互你𣍐當看見， 大水淹密你。</verse>
				<verse number="12">上帝豈毋是佇天極高的所在？ 你看星辰的極頭赫呢高；</verse>
				<verse number="13">你煞講：「上帝知什麼？ 伊哪會當看透烏暗來審判？</verse>
				<verse number="14">密雲遮截伊，互伊𣍐當看見； 伊佇穹蒼的頂面行遊。」</verse>
				<verse number="15">你豈欲行以前邪惡的人行過的路？</verse>
				<verse number="16">𪜶的時猶未到就消失； 𪜶的地基互大水沖無去。</verse>
				<verse number="17">𪜶對上帝講：「插阮！ 全能者會給阮按怎？」</verse>
				<verse number="18">猶久上帝用好物貯滿𪜶的厝。 歹人的意念實在了解。</verse>
				<verse number="19">義人看著歹人的結局就歡喜； 無罪的人欲給𪜶恥笑，講：</verse>
				<verse number="20">「起來攻擊阮的人果然受消滅； 𪜶所賰的攏互火燒去。」</verse>
				<verse number="21">著順服上帝，及伊和好， 福氣就會臨到你。</verse>
				<verse number="22">著接受伊的嘴所講的教示， 將伊的話囥佇你的心內。</verse>
				<verse number="23">你若謙卑越轉來歸向全能者， 對你的厝內除去邪惡；</verse>
				<verse number="24">你若看黃金做土粉， 看純金做溪裡的石頭，</verse>
				<verse number="25">互全能者做你的黃金， 做你貴重的銀，</verse>
				<verse number="26">按呢，你就會仰望上帝， 會因為全能者來歡喜。</verse>
				<verse number="27">你對伊祈禱，伊會聽你； 你嘛會謝你的願。</verse>
				<verse number="28">你計劃欲做的代誌，伊會互你完成， 嘛有光照你的路。</verse>
				<verse number="29">上帝互驕傲的人降低， 閣拯救謙卑的人。</verse>
				<verse number="30">上帝會救無辜的人； 你的手若清氣，伊會解救你。</verse>
			</chapter>
			<chapter number="23">
				<verse number="1">約伯 應 以利法 講：</verse>
				<verse number="2">我到今仔日猶大聲埋怨； 我哼哼呻，上帝的手猶閣給我扼牢牢。</verse>
				<verse number="3">我偌仔呢愛知著按怎才會當尋著上帝， 通到伊的座位！</verse>
				<verse number="4">我欲對伊排列我的案件， 為著我家己申訴。</verse>
				<verse number="5">我愛知伊會按怎應我， 愛明白伊欲對我講什麼。</verse>
				<verse number="6">伊豈會用大權能對付我？ 𣍐！伊會聽我申訴。</verse>
				<verse number="7">佇遐正直的人會當及伊辯論； 按呢，我就永遠免受審判者定罪 。</verse>
				<verse number="8">毋拘，我向東去尋，伊無佇遐， 向西，嘛無看著伊；</verse>
				<verse number="9">上北，去伊啲做代誌遐，無看著伊； 落南，嘛無看見伊的影。</verse>
				<verse number="10">總是伊知我所行的路； 伊考驗我了後，我會親像鍛鍊過的金。</verse>
				<verse number="11">我一直隨伊的腳步， 執守伊的路，毋曾偏離。</verse>
				<verse number="12">我毋曾違背伊發出的命令； 我珍惜伊的話，不時記佇心內。</verse>
				<verse number="13">伊一下決定，啥人會當給伊改變？ 伊照伊所愛的去做。</verse>
				<verse number="14">伊會照伊為著我安排的去做； 伊猶有真多此款的計劃。</verse>
				<verse number="15">所以我佇伊的面前皮皮惙； 我想著就驚。</verse>
				<verse number="16">因為上帝互我失膽， 全能者互我皮皮惙；</verse>
				<verse number="17">雖然大烏暗遮蓋我的面， 我猶久毋恬恬無講話。</verse>
			</chapter>
			<chapter number="24">
				<verse number="1">全能者是按怎無欲定審判的日？ 識伊的人是按怎看𣍐著伊的日？</verse>
				<verse number="2">有人移徙地界， 搶歸群的牲生去飼。</verse>
				<verse number="3">𪜶給孤兒的驢牽去， 掠寡婦的牛做抵押。</verse>
				<verse number="4">𪜶剝奪散赤人的權利； 迫艱苦人逃亡匿起來。</verse>
				<verse number="5">散赤人親像荒埔的野驢， 為著子兒拍拼尋食；</verse>
				<verse number="6">𪜶佇別人的園割糧草 ， 佇歹人的葡萄園拾賰的葡萄。</verse>
				<verse number="7">𪜶歸暝無衫通穿，褪裼啲睏， 寒嘛無通蓋。</verse>
				<verse number="8">𪜶佇山裡互大雨沃霑， 因為無遮截就𢯾佇石壁。</verse>
				<verse number="9">有人對老母的胸前給無父的子搶去； 閣掠散赤人的囝仔抵賬。</verse>
				<verse number="10">散赤人無衫通穿，褪裼做工， 枵腹肚替人擔麥捆。</verse>
				<verse number="11">𪜶佇歹人一排一排的橄欖樹中掙油， 踏葡萄作酒，家己猶久嘴焦。</verse>
				<verse number="12">城內有啲欲死的人哼哼呻， 受傷的人哀叫求幫贊， 毋拘上帝攏無啲關心。</verse>
				<verse number="13">有人棄拺光， 毋知伊的路， 無愛行光明的路。</verse>
				<verse number="14">天猶未光，刣人的就起來， 去刣散赤困苦的人； 暝時閣去作賊偷提。</verse>
				<verse number="15">姦淫的人迫切聽候天暗， 想講「無人會看著我」， 閣掩家己的面。</verse>
				<verse number="16">賊仔暝時挖壁孔， 日時匿起來； 𪜶無愛光。</verse>
				<verse number="17">𪜶看暗暝做日時， 因為𪜶看烏暗的恐怖做朋友。</verse>
				<verse number="18">歹人親像水波，真緊消失； 𪜶分著的土地受咒詛， 無人閣行去𪜶的葡萄園。</verse>
				<verse number="19">曠旱及炎熱互雪溶去，互水消失， 陰間嘛按呢吞滅有罪的人。</verse>
				<verse number="20">連生𪜶的老母嘛𣍐記得𪜶， 蟲給𪜶食了了； 歹人無人數念𪜶， 親像樹受遏折。</verse>
				<verse number="21">𪜶欺負無懷孕無生子的婦仁人， 無好款待寡婦。</verse>
				<verse number="22">上帝用伊的權力消滅強暴的人； 𪜶雖然興起，伊互𪜶性命難保。</verse>
				<verse number="23">上帝互𪜶暫時平安無事； 伊的目睭不時監視𪜶的所做。</verse>
				<verse number="24">𪜶雖然興旺，毋拘一時仔久就消失； 𪜶會衰微，及別人仝款互人收拾， 親像麥穗互人割起來。</verse>
				<verse number="25">按呢，啥人會當給我反駁， 證明我所講的毋著？</verse>
			</chapter>
			<chapter number="25">
				<verse number="1">書亞 人 比勒達 應 約伯 講：</verse>
				<verse number="2">主權及威嚴攏在佇上帝； 伊佇極高的所在施行和平。</verse>
				<verse number="3">伊的軍隊豈算會了？ 伊的光一下發出，啥人無互伊照著？</verse>
				<verse number="4">按呢，佇上帝面前人哪會當算做義？ 婦仁人所生的豈有可能清氣？</verse>
				<verse number="5">佇伊眼中，月無夠光， 星嘛無夠明。</verse>
				<verse number="6">何況，人是蟲， 世間人是杜蚓。</verse>
			</chapter>
			<chapter number="26">
				<verse number="1">約伯 應 比勒達 講：</verse>
				<verse number="2">無氣力的，你有給伊幫贊偌多？ 手骨軟的，你按怎給伊解救？</verse>
				<verse number="3">你按怎教示無智慧的人， 來證實你有偌多好的計策？</verse>
				<verse number="4">你對叨位得著靈感， 靠啥人啲講諸個話？</verse>
				<verse number="5">陰魂痛苦皮皮惙， 佇水下及佇水內徛起的嘛按呢。</verse>
				<verse number="6">佇上帝的面前陰間露現， 滅亡的所在無蓋蓋。</verse>
				<verse number="7">伊搋開穹蒼佇渾沌的頂面， 建立大地，給伊吊佇空虛的頂面。</verse>
				<verse number="8">伊用密雲包水， 水的重量嘛𣍐互密雲爆裂。</verse>
				<verse number="9">伊將月娘 蓋起來， 用雲鋪佇彼頂面。</verse>
				<verse number="10">伊佇水面畫界限， 畫光及暗的交界。</verse>
				<verse number="11">天的柱搖泏， 因為伊的責備著驚。</verse>
				<verse number="12">伊用能力制壓大海， 用計智拍敗海怪 拉哈伯 。</verse>
				<verse number="13">伊歕氣互天青彩， 用手斬斷啲逃走的大蛇。</verse>
				<verse number="14">諸個不過是伊所做的一小部份， 咱聽著的是伊細細的聲， 總是伊大權能的作為親像啲彈大雷， 啥人會當了解？</verse>
			</chapter>
			<chapter number="27">
				<verse number="1">約伯 繼續講：</verse>
				<verse number="2">上帝拒絕我的權利； 全能者互我心神痛苦。 我指永活的上帝咒誓：</verse>
				<verse number="3">我的活命若猶佇我的內面， 上帝的氣若猶佇我的鼻孔，</verse>
				<verse number="4">我的嘴唇絕對毋講不義， 我的舌毋講詭詐。</verse>
				<verse number="5">我絕對毋看恁做著； 我到死嘛堅持家己純全正直。</verse>
				<verse number="6">我堅持我是著，毋放棄； 我的良心一世人𣍐責備我。</verse>
				<verse number="7">敵對我的著受歹人的遭遇； 攻擊我的著受不義的人的報應。</verse>
				<verse number="8">無敬畏上帝的人受消滅， 性命互上帝取去的時，猶有什麼向望？</verse>
				<verse number="9">患難臨到的時， 上帝豈會聽伊的求叫？</verse>
				<verse number="10">伊豈會因為全能者來歡喜， 豈會時常求叫上帝？</verse>
				<verse number="11">我欲教示恁上帝權能的作為； 全能者的所做，我𣍐掩蓋。</verse>
				<verse number="12">諸個，恁攏有看著， 哪猶啲講許個戇話？</verse>
				<verse number="13">這是上帝互歹人的報應， 是全能者分互強暴的人的產業。</verse>
				<verse number="14">雖然伊的子兒真多，𪜶攏會死佇刀下； 伊的後代無通食到飽。</verse>
				<verse number="15">所賰的人因為瘟疫受埋葬； 𪜶的寡婦欲哭，嘛哭𣍐出來。</verse>
				<verse number="16">𪜶雖然積聚銀親像土粉赫多， 疊衫仔褲親像土堆赫高；</verse>
				<verse number="17">做𪜶疊，義人欲穿𪜶的衫， 無辜的人欲分𪜶的銀。</verse>
				<verse number="18">𪜶起的厝親像蜘蛛的網 ， 親像守望的人搭的寮仔。</verse>
				<verse number="19">𪜶去睏的時好額，財富猶佇啲， 一下睏醒逐項攏無去。</verse>
				<verse number="20">恐怖親像大水佇日時給𪜶沖去， 親像大風佇暝時給𪜶掃去。</verse>
				<verse number="21">東風一下吹，𪜶就無去， 給𪜶吹離開本所在。</verse>
				<verse number="22">狂風給𪜶掃，攏無留情； 𪜶拼命逃走欲脫離伊的威力。</verse>
				<verse number="23">狂風對𪜶拍噗仔， 給𪜶恥笑，趕𪜶離開本所在。</verse>
			</chapter>
			<chapter number="28">
				<verse number="1">銀有銀礦； 金有提煉的所在。</verse>
				<verse number="2">鐵是對地裡挖出來； 銅是對礦石提煉出來。</verse>
				<verse number="3">人落去極深的所在， 佇烏暗中尋礦石。</verse>
				<verse number="4">𪜶去真遠無人徛起的所在， 挖孔挖甲真深， 用索仔給身軀縛啲，縋落孔內動動幌。</verse>
				<verse number="5">地上出土產； 地下有炎火絞起來；</verse>
				<verse number="6">其中有藍寶石， 嘛有金沙。</verse>
				<verse number="7">礦坑彼條路鷹鳥毋識， 小鷹的目睭嘛看𣍐著；</verse>
				<verse number="8">兇惡的野獸毋曾行過， 猛獅嘛毋曾到。</verse>
				<verse number="9">人伸手拍碇石， 歸粒山給伊反起來。</verse>
				<verse number="10">𪜶佇石磐中開溝， 注意尋逐款寶物。</verse>
				<verse number="11">𪜶給水源塞起來 ， 互隱密的物露現。</verse>
				<verse number="12">總是智慧欲去叨位尋？ 聰明佇叨位？</verse>
				<verse number="13">智慧的價值無人知， 佇活人的所在嘛尋𣍐著。</verse>
				<verse number="14">深淵講：無佇遮。 大海講：無佇阮遮。</verse>
				<verse number="15">智慧𣍐當用黃金買著， 𣍐當用銀定伊的價值。</verse>
				<verse number="16">純金𣍐當及伊並， 寶貴的紅瑪瑙及藍寶石嘛𣍐當。</verse>
				<verse number="17">黃金、水晶攏及伊𣍐比得； 好金的器具𣍐當及伊交換。</verse>
				<verse number="18">珊瑚及碧玉嘛免講； 因為智慧贏過真珠。</verse>
				<verse number="19">古實 的黃玉及伊𣍐比得； 純金毋值著伊。</verse>
				<verse number="20">按呢智慧對叨位來？ 聰明佇叨位？</verse>
				<verse number="21">智慧對所有活物的目睭隱密， 空中的飛鳥嘛看𣍐著。</verse>
				<verse number="22">毀滅及死亡講： 阮只有聽著伊的風聲。</verse>
				<verse number="23">只有上帝知智慧的路， 知伊佇叨位。</verse>
				<verse number="24">因為上帝會看到地的極頭， 遍看普天下。</verse>
				<verse number="25">伊定風的輕重， 量水的多少。</verse>
				<verse number="26">伊給雨水定季節， 給雷及熠爁定路線；</verse>
				<verse number="27">伊看著智慧，給鑑定， 就宣布閣確定。</verse>
				<verse number="28">伊對人講：敬畏主就是智慧； 離開歹就是聰明。</verse>
			</chapter>
			<chapter number="29">
				<verse number="1">約伯 繼續講：</verse>
				<verse number="2">我偌仔呢愛倒轉去以前的歲月， 上帝保守我的日子。</verse>
				<verse number="3">彼時伊的燈照佇我的頭殼， 我靠伊的光行過烏暗。</verse>
				<verse number="4">親像我壯年的時， 上帝及我親密徛起。</verse>
				<verse number="5">彼時全能者猶及我同在， 我的子兒佇我的四圍；</verse>
				<verse number="6">彼時我行過的路有奶飲𣍐盡， 石磐為著我出油親像溪水啲流。</verse>
				<verse number="7">彼時我行到城門， 佇市場口坐我的座位，</verse>
				<verse number="8">少年人看著就閃開， 老人𬦰起來徛。</verse>
				<verse number="9">領袖停止講話， 用手掩𪜶的嘴；</verse>
				<verse number="10">貴族無出聲， 恬恬無講話。</verse>
				<verse number="11">聽見我講話的，攏稱讚我； 看著我的，攏謳咾我。</verse>
				<verse number="12">我解救哀求的散赤人， 幫贊無依倚的孤兒。</verse>
				<verse number="13">啲欲死的人給我祝福； 我互寡婦的心歡喜唱歌。</verse>
				<verse number="14">我用公義做衫穿， 用正直做外袍幔，做帽戴。</verse>
				<verse number="15">我做盲人的目睭， 做腳跛的人的腳。</verse>
				<verse number="16">我做散赤人的父給𪜶照顧， 為著生份人辯護。</verse>
				<verse number="17">我拍碎歹人的牙槽， 搶𪜶的嘴齒所咬的食物。</verse>
				<verse number="18">我就講：「我會死佇家己的厝內； 我的日子會加添親像沙赫多。</verse>
				<verse number="19">我的根伸到水邊， 露水歸暝落佇我的枝。</verse>
				<verse number="20">我的精力不時滿滿； 我的弓佇我的手不時緊緊。」</verse>
				<verse number="21">人迫切聽候我講話， 靜靜等我的指導。</verse>
				<verse number="22">我講了，𪜶就攏恬去； 我的話親像甘露滴佇𪜶頂面。</verse>
				<verse number="23">𪜶聽候我親像聽候雨水； 𪜶的嘴大開親像欣慕春天的雨。</verse>
				<verse number="24">𪜶失望的時，我給𪜶安慰； 我的笑容互𪜶得著鼓勵。</verse>
				<verse number="25">我做首領指示𪜶著行的路； 我親像王啲導伊的軍隊， 佇𪜶哀傷的時給𪜶安慰。</verse>
			</chapter>
			<chapter number="30">
				<verse number="1">現在比我較少年的人恥笑我； 其實許個人的老父，我連互𪜶及我顧羊的狗鬥陣都無愛。</verse>
				<verse number="2">𪜶對我攏無路用； 𪜶的精力已經衰退。</verse>
				<verse number="3">𪜶因為欠缺，枵餓，消瘦落肉， 暗暝佇荒廢青凊的所在食風哺土。</verse>
				<verse number="4">𪜶佇草部挽鹹草做菜食， 用苦閣澀的樹根做食物。</verse>
				<verse number="5">𪜶對人群的中間互人趕走； 人佇後面喝𪜶，若啲喝賊。</verse>
				<verse number="6">𪜶煞著住佇山谷危險的所在， 佇土孔及石洞的內面。</verse>
				<verse number="7">𪜶佇樹林內親像野獸啲哮， 佇莿下面揢做夥。</verse>
				<verse number="8">𪜶是戇人，下賤的無名小卒， 受鞭拍，驅逐出境。</verse>
				<verse number="9">今，諸個人唱歌戲弄我， 用我做話柄恥笑。</verse>
				<verse number="10">𪜶厭惡我，閃開我遠遠， 抵著我就給我呸嘴涎。</verse>
				<verse number="11">因為上帝剝奪我的武器，苦楚我， 出在人給我侮辱。</verse>
				<verse number="12">諸個匪類起來攻擊我， 設羅網互我跋倒， 迫我行滅亡的路。</verse>
				<verse number="13">𪜶切斷我逃走的路， 迫我完全消滅， 猶久無人給𪜶阻擋 。</verse>
				<verse number="14">𪜶親像軍隊攻破城牆， 對破隙一波一波衝入來。</verse>
				<verse number="15">恐怖給我壓倒； 我的尊嚴親像互風掃盡； 我的繁榮若雲消散。</verse>
				<verse number="16">今，我的心悲傷到欲死； 災難逐日給我擒牢牢。</verse>
				<verse number="17">暝時我的骨頭親像刺啲鑿， 不時疼甲擋𣍐牢。</verse>
				<verse number="18">上帝大力鬃我的外衫， 摧我的頷頸。</verse>
				<verse number="19">伊給我㧒佇土糜中； 我連土粉火灰都毋值。</verse>
				<verse number="20">我求叫你，你無應我； 我對你祈禱，你毋插我。</verse>
				<verse number="21">你變面殘忍對付我， 重重苦楚我。</verse>
				<verse number="22">你互風給我捲來捲去， 用暴風給我消滅。</verse>
				<verse number="23">我知你欲導我去死亡的所在， 到為著會死的人準備的厝。</verse>
				<verse number="24">人抵著災難喝救人， 你豈𣍐伸手給救？</verse>
				<verse number="25">人抵著患難，我豈無為著伊啼哭？ 人散赤，我的心豈無為著伊憂悶？</verse>
				<verse number="26">我向望福氣，災難就到； 我聽候光明，烏暗就來。</verse>
				<verse number="27">我的心腸滾絞無停； 苦難的日子衝擊我。</verse>
				<verse number="28">我憂鬱行來行去，無人安慰； 我佇聚會中徛起來喉叫求幫贊。</verse>
				<verse number="29">我及豺狼做兄弟， 及鴕鳥做同伴。</verse>
				<verse number="30">我的皮膚反烏㨨皮； 我的骨頭因為發燒臭火焦。</verse>
				<verse number="31">我的琴彈悲哀的調； 我的簫給啼哭的人伴奏。</verse>
			</chapter>
			<chapter number="31">
				<verse number="1">我及我的目睭立約， 無欲用邪念看查某囝仔。</verse>
				<verse number="2">上帝對天頂指定的份額是什麼？ 全能者對頂面分配的產業是什麼？</verse>
				<verse number="3">豈毋是互災難臨到不義的人， 災禍降互做歹的人？</verse>
				<verse number="4">上帝豈毋是啲監察我的路， 算我每一個腳步？</verse>
				<verse number="5">我若有及虛假鬥陣行， 腳急欲隨詭詐，</verse>
				<verse number="6">上帝通用公平的天秤秤我， 伊就知我的純全。</verse>
				<verse number="7">我的腳步若偏離正路， 我的心因為目睭所看的受迷惑， 我的手沐著垃墋，</verse>
				<verse number="8">願我所撒的，互人食去， 所種的，互人摳去。</verse>
				<verse number="9">我的心若互別人的某引誘去， 抑是我匿佇厝邊的門啲等，</verse>
				<verse number="10">願我的某給人挨磨， 別人及伊同房；</verse>
				<verse number="11">因為按呢做是真見笑的代誌， 是審判官應該辦的罪；</verse>
				<verse number="12">這是燒到滅亡 的大火， 將我收成的攏燒了了。</verse>
				<verse number="13">我的男僕女婢愛我為著𪜶主持公道， 我若毋插𪜶，</verse>
				<verse number="14">上帝起來審判的時，我欲按怎？ 伊審問，我欲按怎應？</verse>
				<verse number="15">上帝造我，豈毋是嘛造𪜶？ 造我及𪜶佇母胎的豈毋是仝一位？</verse>
				<verse number="16">我若無視散赤人的需要， 抑是互寡婦哭甲目睭花，</verse>
				<verse number="17">我若家己食， 無分互孤兒 —</verse>
				<verse number="18">其實，對少年的時我就親像老父有啲養飼孤兒， 對出母胎我就有啲照顧寡婦 —</verse>
				<verse number="19">我若看著人寒甲欲死， 散赤人無外袍通蓋；</verse>
				<verse number="20">我若無提我的羊毛互人幔通得著溫暖， 互伊對心底給我感謝；</verse>
				<verse number="21">我若知家己佇法庭有權勢， 就起手攻擊孤兒；</verse>
				<verse number="22">願我的手骨對肩胛頭黜落去， 手的下截對手後曲斷去。</verse>
				<verse number="23">因為對上帝來的災禍互我驚惶； 伊的威嚴互我毋敢做諸個代誌。</verse>
				<verse number="24">我若倚靠黃金， 用純金做靠山；</verse>
				<verse number="25">我若因為財物富裕， 賺大錢來歡喜；</verse>
				<verse number="26">我若因為日發光， 月明亮，</verse>
				<verse number="27">煞暗中受引誘， 用𪜶做偶像來拜；</verse>
				<verse number="28">這嘛是審判官應該辦的罪， 因為按呢做是背叛天頂的上帝。</verse>
				<verse number="29">我毋曾因為看著怨恨我的人受災難來歡喜， 為著𪜶抵著災禍來得意。</verse>
				<verse number="30">我毋曾容允我的嘴犯罪，咒詛𪜶死。</verse>
				<verse number="31">阮厝內的人攏按呢講： 「毋曾有人來 約伯 遮無食到飽。」</verse>
				<verse number="32">我毋曾互出外人佇外口睏， 門不時開開欲接待𪜶。</verse>
				<verse number="33">我毋曾親像一般人掩蓋過失， 給我的罪過藏佇心內。</verse>
				<verse number="34">我毋曾為著驚公眾的批評， 驚親族的譏刺， 煞無出聲，毋敢出門。</verse>
				<verse number="35">我偌仔呢向望有一位會聽我講！ 這是我最後的申訴； 願全能者應答我！ 若無，控告者著出來寫我的罪狀，</verse>
				<verse number="36">我一定欲給揹佇肩胛頭， 做花冠戴佇頭殼頂。</verse>
				<verse number="37">我欲對上帝說明我一切的行踏， 親像王子勇敢徛佇伊面前。</verse>
				<verse number="38">我的田園若出聲告我， 犁溝做夥啼哭；</verse>
				<verse number="39">我若無納錢白白食田園的出產， 抑是害園主凝死 ，</verse>
				<verse number="40">願刺仔發生代替小麥， 雜草發生代替大麥。 約伯 的話到遮結束。</verse>
			</chapter>
			<chapter number="32">
				<verse number="1">此三個人就停止，無閣應 約伯 ，因為伊堅持家己無罪。</verse>
				<verse number="2">彼時有 布斯 人，屬佇 蘭 的族， 巴拉迦 的子 以利戶 ，真受氣；受氣 約伯 ，因為 約伯 看家己比上帝較著。</verse>
				<verse number="3">伊嘛受氣 約伯 三個朋友，因為𪜶無話通應，猶久給 約伯 定罪。</verse>
				<verse number="4">以利戶 欲及 約伯 講話，猶啲聽候，是因為𪜶三個比伊較多歲。</verse>
				<verse number="5">以利戶 看此三個人無話通應，就大受氣。</verse>
				<verse number="6">布斯 人 巴拉迦 的子 以利戶 回應講： 我少年，恁年老， 所以我歹勢，毋敢對恁發表我的意見。</verse>
				<verse number="7">我講：著互年歲多的先講， 互年紀大的用智慧教示人。</verse>
				<verse number="8">毋拘人的內面有心靈， 就是全能者的氣，會互人明理。</verse>
				<verse number="9">較序大的無攏有智慧； 較年老的無攏會曉分辨是非。</verse>
				<verse number="10">所以我講，恁著聽； 我欲發表我的意見。</verse>
				<verse number="11">看啊，我有啲聽恁講話， 注意聽恁的辯論， 期待恁尋著適當的話。</verse>
				<verse number="12">我有注意聽恁講， 毋拘恁無人會當辯倒 約伯 ， 無一個會曉應伊的話。</verse>
				<verse number="13">恁毋通講：阮有智慧； 會贏伊的是上帝，毋是人。</verse>
				<verse number="14">約伯 毋是啲及我辯論， 我嘛𣍐用恁的講法給伊應。</verse>
				<verse number="15">約伯 啊，𪜶愣愣無閣應， 無話通講。</verse>
				<verse number="16">𪜶無講話，恬恬徛啲，無閣應， 我豈著閣聽候？</verse>
				<verse number="17">我嘛欲講我應該講的話， 發表我的意見。</verse>
				<verse number="18">我有真多話欲講， 有一腹氣佇我內面啲絞滾。</verse>
				<verse number="19">我的腹內親像有封密密的酒， 親像新的皮袋啲欲爆裂。</verse>
				<verse number="20">我欲講出來，通透氣； 我欲開嘴來應。</verse>
				<verse number="21">我𣍐看人的身份對待人， 嘛𣍐扶挺人。</verse>
				<verse number="22">我𣍐曉給人扶挺； 若會，我的創造者真緊就給我處罰。</verse>
			</chapter>
			<chapter number="33">
				<verse number="1">今， 約伯 ，著聽我講， 注意聽我欲講的話。</verse>
				<verse number="2">我欲開嘴； 我的話佇嘴口啲欲出來。</verse>
				<verse number="3">我欲誠實對心內講出； 我欲老實講我所知的。</verse>
				<verse number="4">上帝的神創造我； 全能者的氣互我活命。</verse>
				<verse number="5">你若會，著應我； 起來辯明你的立場。</verse>
				<verse number="6">我佇上帝的面前及你仝款， 是用土造的。</verse>
				<verse number="7">我無什麼通互你驚， 嘛𣍐互你大的壓力。</verse>
				<verse number="8">你所講的，我確實有聽著， 有聽見你的話，講：</verse>
				<verse number="9">「我清氣，無過失； 我清白，無罪。</verse>
				<verse number="10">上帝尋理由攻擊我， 看我做伊的對敵。</verse>
				<verse number="11">伊用腳銬銬我的腳， 監視我一切的行為。」</verse>
				<verse number="12">我給你講：你講諸個攏毋著， 因為上帝比人較大。</verse>
				<verse number="13">你是按怎及伊爭論， 講「伊攏無應答我的申訴」？</verse>
				<verse number="14">其實上帝一再說明， 毋拘人無致意聽。</verse>
				<verse number="15">暝時人倒佇眠床睏重眠的時， 上帝用眠夢及異象</verse>
				<verse number="16">對𪜶講話， 給𪜶警告，互𪜶驚惶，</verse>
				<verse number="17">欲互人離開歹行為， 互人𣍐驕傲，</verse>
				<verse number="18">互伊的性命免落深坑， 嘛免互刀劍刣死。</verse>
				<verse number="19">有人倒佇眠床受著痛疼的責罰， 骨頭疼甲擋𣍐牢，</verse>
				<verse number="20">致到討厭食物， 連上愛的食物都厭惡。</verse>
				<verse number="21">伊消瘦落肉， 平時看𣍐著的骨頭攏捅出來。</verse>
				<verse number="22">伊的性命近倚深坑， 接近死亡的界線。</verse>
				<verse number="23">一千個天使中間若有一個做中間人， 將人應該做的給伊指示，</verse>
				<verse number="24">天使就憐憫伊，講： 「伊免落深坑， 我已經為著伊尋著贖回的代價。」</verse>
				<verse number="25">伊的肉會比囝仔的肉較幼軟； 伊會復到少年的日子。</verse>
				<verse number="26">伊祈禱上帝，上帝歡喜給伊接納； 伊會歡喜見上帝的面； 上帝會閣看伊做義。</verse>
				<verse number="27">伊會佇人的面前大聲講： 「我有犯罪，有顛倒是非， 毋拘無受應該受的刑罰。</verse>
				<verse number="28">上帝救贖我的性命免落死亡的深坑； 我的性命會見著光。」</verse>
				<verse number="29">看咧，上帝一遍閣一遍為著人啲做諸個代誌，</verse>
				<verse number="30">欲救人脫離深坑， 互性命的光照伊。</verse>
				<verse number="31">約伯 啊，你注意聽我的話， 靜靜聽我講。</verse>
				<verse number="32">你若有話欲講，著講； 做你講，我真愛你是著。</verse>
				<verse number="33">你若無欲講，著靜靜聽我講； 我欲將智慧傳授互你。</verse>
			</chapter>
			<chapter number="34">
				<verse number="1">以利戶 閣講：</verse>
				<verse number="2">恁有智慧的人，著聽我的話； 有智識的人著注意聽。</verse>
				<verse number="3">咱用耳孔聽出意思， 用舌試出滋味。</verse>
				<verse number="4">咱著辨別什麼是著， 明白什麼是好。</verse>
				<verse number="5">因為 約伯 講：「我無毋著， 上帝卻拒絕我的申訴。</verse>
				<verse number="6">我無毋著，伊猶看我做白賊； 我無過失，猶久受著𣍐醫得的傷。」</verse>
				<verse number="7">啥人親像 約伯 滿嘴恥笑， 假若啲飲水？</verse>
				<verse number="8">伊及邪惡的人鬥陣， 及歹人來往；</verse>
				<verse number="9">因為伊曾講：「人因為親近上帝來歡喜， 攏無利益。」</verse>
				<verse number="10">所以，恁明理的人，著聽我的話。 上帝絕對𣍐做歹； 全能者一定𣍐行不義。</verse>
				<verse number="11">伊會照人的行為給伊報應， 照人的行做給伊對待。</verse>
				<verse number="12">上帝一定𣍐做毋著； 全能者𣍐顛倒是非。</verse>
				<verse number="13">豈有人指派上帝掌管大地？ 豈有人將全世界交代伊？</verse>
				<verse number="14">上帝若將伊的神及氣收回，</verse>
				<verse number="15">所有的人攏會滅亡， 人攏會歸土。</verse>
				<verse number="16">你若明理，著聽我講， 俯耳孔聽我欲講的話：</verse>
				<verse number="17">上帝若厭惡公平，伊豈會當治理？ 伊是公義閣有權能，你豈會當給伊定罪？</verse>
				<verse number="18">上帝會當對君王講「你是歹人」， 對貴族講「恁真惡毒」。</verse>
				<verse number="19">伊對待有權勢的人𣍐偏私， 嘛𣍐重富輕貧， 因為𪜶攏是伊的手所造的。</verse>
				<verse number="20">𪜶佇半暝忽然死去； 上帝佇混亂中給𪜶消滅。 伊毋免用人的手就會剿滅有權力的人。</verse>
				<verse number="21">上帝的目睭注意看逐個人的路， 監察𪜶的腳步。</verse>
				<verse number="22">烏暗抑是死蔭， 攏𣍐當互做歹的人匿。</verse>
				<verse number="23">上帝毋免定時間， 隨時會當召人來受伊審判。</verse>
				<verse number="24">伊毋免查問就會當徹底打倒有權力的人， 設立別人來接𪜶的位。</verse>
				<verse number="25">因為伊知𪜶的行為； 一夜之間給𪜶捙倒，𪜶就滅亡。</verse>
				<verse number="26">伊佇眾人的目睭前拍𪜶， 因為𪜶的罪給𪜶刑罰。</verse>
				<verse number="27">𪜶偏離無隨伊， 無愛行伊的道路，</verse>
				<verse number="28">致到散赤人喉叫的聲透到伊的面前； 伊有聽著困苦的人的喉叫。</verse>
				<verse number="29">上帝若恬恬，啥人敢給伊指責？ 伊若面越走毋插咱，啥人會得著伊眷顧？ 無論國家抑是個人，上帝攏有啲監察，</verse>
				<verse number="30">才免無敬畏伊的人做統治者， 陷害人民。</verse>
				<verse number="31">你豈有對上帝講 「我已經受刑罰，𣍐閣犯罪；</verse>
				<verse number="32">我看𣍐著的，求你指示； 我若有做毋著，我𣍐閣做」？</verse>
				<verse number="33">豈是上帝所做的無照你的意思，你才毋悔改？ 著決定的是你，毋是我； 你知的，做你講。</verse>
				<verse number="34">明理的人對我講； 智慧的人聽我的話就講：</verse>
				<verse number="35">「 約伯 講的無智識， 伊的話無智慧。</verse>
				<verse number="36">約伯 著徹底受試驗， 因為伊的應答親像邪惡的人。</verse>
				<verse number="37">伊罪上加罪， 佇咱中間製造困擾， 閣講真多話敵對上帝。」</verse>
			</chapter>
			<chapter number="35">
				<verse number="1">以利戶 閣講：</verse>
				<verse number="2">你講：「我佇上帝的面前是無辜。」 你按呢講豈有道理？</verse>
				<verse number="3">你講：「我若無犯罪，對我有什麼好處？」 你按呢講豈有什麼利益？</verse>
				<verse number="4">我欲對你及你許個朋友應答。</verse>
				<verse number="5">你攑目看天， 看彼個比你較高的穹蒼。</verse>
				<verse number="6">你若犯罪，會害著上帝什麼？ 你的罪過若加添，對伊有什麼影響？</verse>
				<verse number="7">你若正直，會當互伊什麼？ 抑是伊會對你的手得著什麼？</verse>
				<verse number="8">你的歹行為干焦會害著親像你此款人； 你的好行為嘛干焦會利益世間人。</verse>
				<verse number="9">人受大壓迫就喉叫， 受權力者壓制就喝救。</verse>
				<verse number="10">毋拘無人問：「我的創造主， 互人暝時唱歌， 教示咱有智慧超過地上的走獸， 互咱贏過空中的飛鳥， 彼位上帝佇叨位？」</verse>
				<verse number="11"></verse>
				<verse number="12">人喉叫，上帝無給𪜶應答， 因為𪜶歹閣驕傲。</verse>
				<verse number="13">濫糝的呼求，上帝毋聽； 全能者嘛毋插𪜶。</verse>
				<verse number="14">你講，你看𣍐著上帝； 著耐心聽候，因為你的案件已經佇伊面前。</verse>
				<verse number="15">今因為伊無發受氣給你刑罰， 嘛無插你的罪過，</verse>
				<verse number="16">所以， 約伯 你才開嘴烏白講， 講真多無智識的話。</verse>
			</chapter>
			<chapter number="36">
				<verse number="1">以利戶 閣續接講：</verse>
				<verse number="2">你等一下，我欲指示你， 因為我猶有話欲替上帝講。</verse>
				<verse number="3">我欲對四方取智識， 證明我的創造主是著。</verse>
				<verse number="4">我的話實在，無白賊， 有智識齊備的徛佇你面前。</verse>
				<verse number="5">上帝有大權能，無看輕人； 伊的智慧高，能力大。</verse>
				<verse number="6">伊無互歹人活落去； 伊公平對待困苦的人。</verse>
				<verse number="7">伊的目睭不時看顧義人， 互𪜶及君王做夥坐王位， 得著尊榮到永遠。</verse>
				<verse number="8">人若互鎖鍊鍊啲， 互苦難的索纏著，</verse>
				<verse number="9">按呢是上帝啲指示𪜶知家己的所做， 以及𪜶所犯的重罪。</verse>
				<verse number="10">伊閣開𪜶的耳孔受教示， 指示𪜶著悔改，離開罪惡。</verse>
				<verse number="11">𪜶若順趁來服事伊， 就會日日亨通，年年安樂。</verse>
				<verse number="12">𪜶若毋順趁，會互刀劍刣， 因為無知來死。</verse>
				<verse number="13">心內無上帝的人不時啲受氣； 𪜶受責罰嘛毋求上帝幫贊。</verse>
				<verse number="14">𪜶會佇少年的時就死， 佇見笑中斷氣。</verse>
				<verse number="15">上帝通過苦難解救受苦的人， 用災難互𪜶醒悟。</verse>
				<verse number="16">上帝愛欲救你脫出災難， 導你到開闊自由的所在， 閣排滿豐盛的食物佇你的桌頂。</verse>
				<verse number="17">總是歹人應得的刑罰今臨到你； 你𣍐當脫離公義的審判。</verse>
				<verse number="18">毋通因為受氣致到你侮慢上帝， 嘛毋通因為財富的引誘行偏去。</verse>
				<verse number="19">你的財富對你豈有利益？ 你的權力對你豈有幫贊？</verse>
				<verse number="20">毋通渴慕暗暝， 因為彼時人佇𪜶住的所在受消滅。</verse>
				<verse number="21">著謹慎，毋通轉向罪惡， 因為你選擇罪惡才受著苦難。</verse>
				<verse number="22">看咧，上帝的權能赫呢偉大； 有叨一個導師親像伊？</verse>
				<verse number="23">啥人會當指定伊著做的事？ 啥人會當給伊講「你做毋著」？</verse>
				<verse number="24">人攏唱歌謳咾伊， 你嘛著會記得稱讚伊的作為。</verse>
				<verse number="25">所有的人攏有看著伊的所做， 毋拘𪜶只有會當對遠遠看 。</verse>
				<verse number="26">上帝實在偉大，咱無法度了解； 伊的歲壽無窮盡。</verse>
				<verse number="27">伊吸一滴一滴的水， 互𪜶變做雲霧，激雨，</verse>
				<verse number="28">就對天落充足的雨水， 互世間眾人。</verse>
				<verse number="29">啥人會明白雲按怎搋開， 雷的聲按怎對上帝徛起的所在發出？</verse>
				<verse number="30">伊對伊的周圍發出熠爁， 射到海底。</verse>
				<verse number="31">伊用諸個治理世間人， 閣賜𪜶豐盛的食物。</verse>
				<verse number="32">伊手裡提熠爁， 命令伊射欲射的目標。</verse>
				<verse number="33">雷的聲表明伊欲來， 連牲生都知伊啲欲來。</verse>
			</chapter>
			<chapter number="37">
				<verse number="1">因為按呢我的心噗噗筅， 心臟強欲跳出來。</verse>
				<verse number="2">著注意聽上帝的聲， 聽伊的嘴所出親像雷啲彈的聲。</verse>
				<verse number="3">伊的熠爁對天此旁射到彼旁； 熠爁的光照到天邊海角；</verse>
				<verse number="4">續接有浪浪哮的聲； 伊威嚴的聲親像雷啲彈， 熠爁一直熠無停。</verse>
				<verse number="5">上帝發出大閣奇異的聲； 伊做大事，咱𣍐當了解。</verse>
				<verse number="6">伊命令雪落佇地上， 嘛叫大雨摒落大地。</verse>
				<verse number="7">伊叫人攏停止工作， 互人通知伊的作為。</verse>
				<verse number="8">百獸攏入穴， 匿佇𪜶的洞內。</verse>
				<verse number="9">大風對南旁透來； 冰冷的氣對北方吹來。</verse>
				<verse number="10">上帝歕氣，水就堅凍； 江河的水攏結冰。</verse>
				<verse number="11">伊互密雲積滿濕氣， 對雲射出熠爁。</verse>
				<verse number="12">伊照家己的計劃互雲轉踅， 互𪜶佇地上完成伊指定的工作。</verse>
				<verse number="13">伊互諸個代誌發生， 攏是為著欲責罰抑是顯示慈愛。</verse>
				<verse number="14">約伯 啊，注意聽， 安靜來想上帝奇妙的作為。</verse>
				<verse number="15">上帝按怎命令諸個雲， 按怎互熠爁對雲射出來，你豈知？</verse>
				<verse number="16">雲按怎佇空中積做堆啲飛， 彼位全智者奇妙的作為，你豈知？</verse>
				<verse number="17">南風按怎互大地恬靜， 給你穿的衫翕燒，你豈知？</verse>
				<verse number="18">你豈會當及上帝做夥鋪穹蒼， 互伊親像鑄出來的銅鏡赫碇？</verse>
				<verse number="19">阮真頇顢，𣍐曉申訴， 你著教阮應該對伊講什麼。</verse>
				<verse number="20">豈有人敢對伊講欲及伊講話？ 無人赫戇家己欲討死。</verse>
				<verse number="21">今，人看𣍐著穹蒼燦爛的光； 風一下吹過，天就青彩。</verse>
				<verse number="22">燦爛的光對北方出來； 上帝威嚴通驚畏。</verse>
				<verse number="23">全能者，咱尋𣍐著； 伊有大能力閣有公平， 充滿公義，𣍐壓制人。</verse>
				<verse number="24">所以，人敬畏伊； 伊𣍐看重許個家己想做有智慧的人。</verse>
			</chapter>
			<chapter number="38">
				<verse number="1">彼時上主對捲螺仔風中間應 約伯 ：</verse>
				<verse number="2">你是啥人， 敢用無知的話互我的旨意霧霧無明？</verse>
				<verse number="3">著準備好勢，做一個大丈夫； 我問你，你著應我。</verse>
				<verse number="4">我下大地的地基，彼時你佇叨位？ 你若知，講來聽看咧。</verse>
				<verse number="5">是什麼人決定大地的大細？ 是什麼人用繩線量大地，你知無？</verse>
				<verse number="6">大地的地基 建立佇什麼頂面， 重要的基石是什麼人安置的，你豈知？</verse>
				<verse number="7">彼時，透早的星辰做夥唱歌， 上帝的眾使者 嘛攏歡呼。</verse>
				<verse number="8">大海對地的母胎衝出來的時， 啥人用門給伊關起來？</verse>
				<verse number="9">我用雲做衫給伊穿， 用密雲做布給伊包。</verse>
				<verse number="10">我給海設定界限， 給伊設門及門閂，</verse>
				<verse number="11">講：你到遮𣍐用得𨃟過； 你猖狂的湧到遮為止。</verse>
				<verse number="12">你豈曾命令日頭起來， 互黎明知伊的職份，</verse>
				<verse number="13">教伊扭地的四角頭， 將歹人趕出去？</verse>
				<verse number="14">按呢，地面就完全改觀， 顯出逐款的形體，多樣的色彩。</verse>
				<verse number="15">歹人𣍐得著光， 攑高展威的手骨受摃斷。</verse>
				<verse number="16">你豈曾入去到海的源頭， 曾行過深淵奧祕的所在？</verse>
				<verse number="17">人豈曾報你死亡的入口？ 你豈曾看著陰府的門？</verse>
				<verse number="18">大地偌闊你豈曾測量過？ 若曾，做你講。</verse>
				<verse number="19">你豈知光對叨位來， 暗住叨位，</verse>
				<verse number="20">通導𪜶轉去𪜶兜？ 你豈知去𪜶厝的路？</verse>
				<verse number="21">你應該知，因為彼時你已經出世， 此陣你已經真老啦！</verse>
				<verse number="22">你豈曾入去雪的倉庫， 豈曾看著雹的庫房？</verse>
				<verse number="23">諸個攏是我為著患難的時， 為著相刣及戰爭的日準備的。</verse>
				<verse number="24">熠爁對什麼所在射出去？ 東風對叨位掃過大地？</verse>
				<verse number="25">啥人給大雨開水路， 給雷電決定路線？</verse>
				<verse number="26">啥人互雨落佇曠野， 落佇無人徛起的所在，</verse>
				<verse number="27">互拋荒荒廢的土地得著充足的雨水， 互青草茁芽發芛？</verse>
				<verse number="28">雨水豈有老父？ 露水啥人生的？</verse>
				<verse number="29">冰對啥人的胎出來？ 天頂的霜啥人生的？</verse>
				<verse number="30">啥人互水變做親像石頭赫呢碇， 互深淵的表面結冰？</verse>
				<verse number="31">你豈會當給昴星縛起來， 給參星的帶解開？</verse>
				<verse number="32">你豈會當互星辰照季節出現， 帶北斗及伊的星群出來？</verse>
				<verse number="33">你豈知天的定律， 豈會互伊有權通管轄地？</verse>
				<verse number="34">你豈會當出大聲命令雲， 互大水淹密你？</verse>
				<verse number="35">你豈會當叫熠爁射出去， 互𪜶講「阮佇遮，請指示」？</verse>
				<verse number="36">啥人互紅鷺鳥有智慧知尼羅河什麼時會氾濫， 互雞鵤仔有聰明知什麼時會落雨？</verse>
				<verse number="37">啥人有智慧通算雲的數目， 會當將天的水攏摒空，</verse>
				<verse number="38">互土粉變做路糊糜， 互土結歸丸？</verse>
				<verse number="39">獅仔子佇洞內屈啲等， 佇匿的所在埋伏的時， 你豈會當替獅母掠食物， 互𪜶食到飽？</verse>
				<verse number="40"></verse>
				<verse number="41">細隻烏鴉無通食飛來飛去， 對上帝哀求的時， 啥人會當為著𪜶準備食物？</verse>
			</chapter>
			<chapter number="39">
				<verse number="1">山巖中的野山羊底時生子，你知無？ 鹿母生子的時，你曾看著無？</verse>
				<verse number="2">𪜶懷胎底時夠月，你會曉算𣍐？ 𪜶底時生產，你知無？</verse>
				<verse number="3">𪜶屈落去， 給子生出來；</verse>
				<verse number="4">𪜶的子佇山野漸漸長大勇壯， 離開就無閣轉來。</verse>
				<verse number="5">啥人放野驢自由？ 啥人解開山驢的索？</verse>
				<verse number="6">我用曠野互𪜶做厝， 用鹹的地互𪜶住。</verse>
				<verse number="7">野驢恥笑城內的喧嘩， 嘛免閣聽趕驢仔的人喝喊。</verse>
				<verse number="8">大山小山攏是𪜶的草埔； 𪜶尋逐款青翠的草來食。</verse>
				<verse number="9">野牛豈欲給你做工， 豈欲佇你的椆內過暝？</verse>
				<verse number="10">你豈會當用索縛野牛來犁田？ 伊豈會隨你去給山谷的地耙互平？</verse>
				<verse number="11">你豈通因為伊力大就靠伊， 豈通將你的工課攏交代伊？</verse>
				<verse number="12">你豈會當信任伊將你的收成帶轉來， 收集佇五穀場？</verse>
				<verse number="13">鴕鳥拍拼搧翼， 嘛𣍐當親像鶴飛起來。</verse>
				<verse number="14">伊給蛋放佇土腳， 互土的燒氣孵；</verse>
				<verse number="15">無想著腳會蹋著，野獸會踏著。</verse>
				<verse number="16">伊無好好照顧伊的子，假若毋是家己生的； 伊的勞苦無成果嘛無要緊。</verse>
				<verse number="17">因為上帝無互伊智慧， 嘛無互伊靈巧。</verse>
				<verse number="18">毋拘伊一下挺身走， 就恥笑馬及騎馬的。</verse>
				<verse number="19">馬的力豈是你互伊的？ 伊頷頸的鬃豈是你給伊穿的？</verse>
				<verse number="20">你豈有互伊親像草蜢赫𠢕跳， 互伊展威嗙嗙哮互人驚？</verse>
				<verse number="21">伊佇山谷中出力耙土， 展伊的威力欲出發應戰。</verse>
				<verse number="22">伊無啲驚，無啲懍， 面對刀劍攏無回頭。</verse>
				<verse number="23">身軀頂的箭袋鏗鏗叫； 長槍、短槍閃熠發光。</verse>
				<verse number="24">伊聽著喇叭的聲就擋𣍐牢， 興奮激動，向前直衝。</verse>
				<verse number="25">喇叭一下彈，伊就噴噴叫； 伊對遠遠就鼻著交戰的味， 聽著軍長的號令及相刣的喝喊。</verse>
				<verse number="26">鴟鴞搋翼飛去南旁， 豈是靠你的智慧？</verse>
				<verse number="27">鷹鳥衝高，佇高的所在作巢， 豈是照你的命令？</verse>
				<verse number="28">伊𫢶佇山巖， 住佇山尖安穩的所在，</verse>
				<verse number="29">對遐目睭金金相遠遠， 四界尋食物。</verse>
				<verse number="30">屍體佇叨位，鷹鳥就佇遐， 鷹仔子擒倚去𠲿血。</verse>
			</chapter>
			<chapter number="40">
				<verse number="1">上主閣對 約伯 講：</verse>
				<verse number="2">好辯的人豈通及全能者爭論？ 愛指責上帝的，今你著應。</verse>
				<verse number="3">約伯 就應上主講：</verse>
				<verse number="4">我真微細，我會當應答你什麼？ 我用手掩我的嘴。</verse>
				<verse number="5">我已經講一遍，無話通應； 我已經講超過，毋通閣講。</verse>
				<verse number="6">上主就對捲螺仔風中間應 約伯 ：</verse>
				<verse number="7">著準備好勢，做一個大丈夫； 我問你，你著應我。</verse>
				<verse number="8">你是欲否定我的裁決， 指責我毋著， 來證明你家己是著噢？</verse>
				<verse number="9">你豈有親像上帝赫有力的手骨？ 你豈會親像我發出雷浪浪哮的聲？</verse>
				<verse number="10">按呢，著用尊榮威嚴來妝飾， 用榮光尊貴做衫穿。</verse>
				<verse number="11">著摒出你滿腹的受氣， 看著一切驕傲的人，著互𪜶屈低。</verse>
				<verse number="12">看著一切驕傲的人，著給𪜶扭落來， 佇歹人的地盤給𪜶踐踏。</verse>
				<verse number="13">著給𪜶做一下埋佇土底， 給𪜶攏關佇陰間。</verse>
				<verse number="14">按呢，連我嘛會承認， 你有氣力救你家己。</verse>
				<verse number="15">你看河馬 ，我造你，嘛造伊； 伊親像牛食草。</verse>
				<verse number="16">伊的氣力在佇腰； 伊的力在佇腹肚筋。</verse>
				<verse number="17">伊的尾溜翹起來親像柏香樹； 伊的大腿筋粗勇；</verse>
				<verse number="18">伊的骨頭親像銅的管； 伊的四肢親像鐵的柱。</verse>
				<verse number="19">伊是上帝的傑作； 只有伊的創造者會當給伊制伏。</verse>
				<verse number="20">大山小山供給伊食物； 田野的百獸佇遐𨑨迌。</verse>
				<verse number="21">伊倒佇蓮花葉腳， 睏佇歸部蘆竹的水窟內。</verse>
				<verse number="22">蓮花葉給伊遮啲； 溪邊的柳樹給伊圍啲。</verse>
				<verse number="23">河水氾濫，伊嘛毋驚； 約旦河 漲到伊的嘴，伊嘛自在。</verse>
				<verse number="24">啥人會當佇伊目睭金金的時給伊掠著， 抑是用鉤仔貫過伊的鼻？</verse>
			</chapter>
			<chapter number="41">
				<verse number="1">你豈會當用鉤仔拖海獸起來， 抑是用索紐伊的舌？</verse>
				<verse number="2">你豈會當用索穿過伊的鼻， 抑是用鉤仔鑽過伊的牙槽？</verse>
				<verse number="3">伊豈會一直求你憐憫， 抑是對你講溫柔的話？</verse>
				<verse number="4">伊豈會及你立約， 永遠做你的奴僕？</verse>
				<verse number="5">你豈會給伊看做鳥仔及伊𨑨迌， 抑是給伊縛啲，互你的查某囝仔牽啲行？</verse>
				<verse number="6">生理人豈會給伊當做商品拍賣？ 𪜶豈會給伊切一塊一塊散散仔賣？</verse>
				<verse number="7">你豈會當用魚鏢給伊歸身軀鑿透透， 抑是用魚叉鑿透伊的頭殼？</verse>
				<verse number="8">你給磕看覓咧！ 你絕對毋敢閣及伊拼！</verse>
				<verse number="9">想欲給制伏，絕對無可能； 人一下看著就驚甲破膽。</verse>
				<verse number="10">無人赫好膽敢惹伊。 按呢，啥人佇我的面前徛會牢？</verse>
				<verse number="11">啥人對抗我，我絕對𣍐放伊煞。 天腳下一切攏是我的。</verse>
				<verse number="12">我𣍐當無講此個海獸的身軀， 無講伊骨格的媠及伊的氣力。</verse>
				<verse number="13">啥人會當剝伊的外衫？ 啥人會當入去伊牙槽的中間？</verse>
				<verse number="14">啥人敢開伊的嘴？ 伊四箍輾轉的嘴齒攏真恐怖。</verse>
				<verse number="15">啲保護伊的是一排一排的鱗， 合起來就封密密；</verse>
				<verse number="16">一塊一塊疊做夥， 連風都鑽𣍐入去；</verse>
				<verse number="17">攏連做夥， 黏做一個，無人會當給𪜶拍開。</verse>
				<verse number="18">伊拍咳啾會射出光； 伊的目睭親像透早的日光。</verse>
				<verse number="19">伊的嘴吐出火焰， 噴出火星。</verse>
				<verse number="20">伊的鼻孔淐煙， 親像大鼎啲沐沐滾。</verse>
				<verse number="21">伊的氣會點𤏸土炭， 有火焰對伊的嘴射出。</verse>
				<verse number="22">伊的頷頸有力； 抵著伊的攏驚甲皮皮惙。</verse>
				<verse number="23">伊的腹肚肉結實， 黏佇身軀，𣍐當給伊振動。</verse>
				<verse number="24">伊的胸坎碇甲親像石頭， 親像石磨赫碇。</verse>
				<verse number="25">伊一下起來，勇士 攏驚惶， 驚甲失神。</verse>
				<verse number="26">人用劍鑿𣍐入去， 用槍、鏢、箭嘛攏𣍐。</verse>
				<verse number="27">伊看鐵做焦草， 看銅做餲去的柴。</verse>
				<verse number="28">弓箭𣍐當給伊嚇驚趕走； 伊看挕索用的石頭做草幼仔。</verse>
				<verse number="29">伊看棍仔做麥稿， 恥笑槍鏗鏗叫的聲。</verse>
				<verse number="30">伊的腹肚下親像利的瓦片； 伊行過的所在親像鐵耙耙過的爛土。</verse>
				<verse number="31">伊互深淵親像大鼎沐沐滾， 互海親像啲滾的油鼎。</verse>
				<verse number="32">伊行過的路發光， 泅過的水攏起白波。</verse>
				<verse number="33">地上無一個受造物會當及伊比； 伊什麼攏毋驚。</verse>
				<verse number="34">伊看輕一切強猛的動物； 伊是百獸之王。</verse>
			</chapter>
			<chapter number="42">
				<verse number="1">約伯 應上主講：</verse>
				<verse number="2">我知你逐項攏會； 你的計劃無人會當阻擋。</verse>
				<verse number="3">你問：「什麼人用無知的話互我的旨意霧霧無明？」 我確實有講家己無了解的話， 諸個代誌真奇妙，我無明白。</verse>
				<verse number="4">請你聽，我欲講； 我請問你，請給我指示。</verse>
				<verse number="5">我前曾聽見你， 今我親目看著你。</verse>
				<verse number="6">所以，我厭惡家己， 坐佇塵埃及火灰頂懺悔。</verse>
				<verse number="7">上主對 約伯 講諸個話了後，對 提幔 人 以利法 講：「我對你及你兩個朋友發受氣，因為恁議論我，無親像我的僕人 約伯 所講的赫合理。</verse>
				<verse number="8">今恁著牽七隻牛，七隻羊，去我的僕人 約伯 遐，為家己獻燒化祭；我的僕人 約伯 會替恁祈禱；我會接納伊，才免我照恁的愚戇對待恁，因為恁議論我，無親像我的僕人 約伯 所講的赫合理。」</verse>
				<verse number="9">按呢， 提幔 人 以利法 、 書亞 人 比勒達 、 拿瑪 人 瑣法 ，照上主命令𪜶的去做；上主就接納 約伯 的祈禱。</verse>
				<verse number="10">約伯 替伊的朋友祈禱了後，上主互伊回復過去的繁榮，照伊以前所有的重倍互伊。</verse>
				<verse number="11">彼時伊的兄弟姊妹，及以前熟似的人攏來看伊，佇伊的厝做夥飲食。𪜶為著上主所降落互伊的災禍悲傷，閣給伊安慰；逐個人送伊一塊銀，一個金環。</verse>
				<verse number="12">按呢，上主賜福互 約伯 ，互伊的晚景比伊起初較好；伊有羊一萬四千，駱駝六千，牛一千對，驢母一千。</verse>
				<verse number="13">伊閣有七個子，三個查某子。</verse>
				<verse number="14">伊給大查某子號名叫做 耶米瑪 ，第二個叫做 基洗亞 ，第三個叫做 基蓮‧哈樸 。</verse>
				<verse number="15">全地尋無親像 約伯 的查某子赫呢媠的女子。 約伯 互諸個查某子及𪜶的兄弟平平得著財產。</verse>
				<verse number="16">後來 約伯 閣食一百四十歲，看著伊的子，伊的孫，到四代。</verse>
				<verse number="17">最後， 約伯 食長歲壽，年老才死。</verse>
			</chapter>
		</book>
		<book number="19">
			<chapter number="1">
				<verse number="1">無趁歹人的計謀， 無行罪人的路， 無坐褻瀆者的位， 只有愛慕上主的律法， 暝日亦讀亦想伊的律法， 此款人真有福氣！</verse>
				<verse number="2"></verse>
				<verse number="3">伊親像果子樹栽佇溪邊， 照時結果子， 葉嘛𣍐焦去； 伊所做的一切攏興旺。</verse>
				<verse number="4">歹人就毋是按呢； 伊親像粗糠互風吹散去。</verse>
				<verse number="5">所以審判的時，歹人佇上帝面前徛𣍐牢； 罪人佇義人的會中嘛是按呢。</verse>
				<verse number="6">因為義人的道路上主啲看顧； 歹人只有滅亡一條路。</verse>
			</chapter>
			<chapter number="2">
				<verse number="1">列國是按怎啲造聲勢？ 萬民是按怎計劃空空的陰謀？</verse>
				<verse number="2">地上的君王啲排陣，統治者鬥陣計謀， 欲對抗上主及伊選立的王。</verse>
				<verse number="3">𪜶講：「咱來摃碎壓制咱的軛， 擦斷捆縛咱的索。」</verse>
				<verse number="4">上主坐佇天頂啲笑， 啲恥笑𪜶的陰謀。</verse>
				<verse number="5">伊受氣給𪜶警告， 發性地互𪜶驚惶。</verse>
				<verse number="6">伊講：「佇我的聖山 錫安 ， 我已經設立所揀選的作王。」</verse>
				<verse number="7">王講：「我欲宣告上主的聖旨。 伊給我講：『你是我的子，我今仔日生你。</verse>
				<verse number="8">對我求，我就將列國互你做領土， 將全地互你做產業。</verse>
				<verse number="9">你欲用鐵柺給𪜶摃， 親像摃碎瓷器。』」</verse>
				<verse number="10">眾君王啊，著謹慎！ 統治者啊，著接受警戒！</verse>
				<verse number="11">著用敬畏服事上主， 用驚惶屈服佇伊腳下 ，</verse>
				<verse number="12">才免伊起性地，互恁佇路中滅亡， 因為伊會隨時發受氣。 尋上主做避難所的人真有福氣！</verse>
			</chapter>
			<chapter number="3">
				<verse number="1">上主啊，我的對敵哪赫多！ 赫多人起來攻擊我。</verse>
				<verse number="2">𪜶對我講： 「上帝𣍐幫贊你。」</verse>
				<verse number="3">毋拘，上主，你是保護我的盾牌，我的榮光； 你互我的頭殼攑會起來。</verse>
				<verse number="4">我出聲求叫上主； 伊會對伊的聖山應我。</verse>
				<verse number="5">我倒啲，我啲睏，我精神， 上主攏啲保護我。</verse>
				<verse number="6">就是講有千萬人包圍攻擊我， 我嘛毋驚。</verse>
				<verse number="7">上主啊，求你起來； 我的上帝啊，求你拯救我。 因為你有搧我對敵的嘴䩃， 有摃斷歹人的嘴齒。</verse>
				<verse number="8">拯救對上主來； 願你賜福互你的子民。</verse>
			</chapter>
			<chapter number="4">
				<verse number="1">為我辯護的上帝啊， 我求叫的時，求你應我。 我困苦的時，你有給我解放； 今求你憐憫我，聽我的祈禱。</verse>
				<verse number="2">恁諸個人啊，恁將我的尊榮變做見笑欲偌久？ 恁意愛空虛，追尋虛假，欲到底時？</verse>
				<verse number="3">著知上主已經分別敬虔的人做伊家己的； 我求叫上主，伊會聽我的聲。</verse>
				<verse number="4">著驚惶，毋通犯罪； 佇眠床歇睏的時，心著安靜自省。</verse>
				<verse number="5">著獻合上帝心意的祭； 嘛著倚靠上主。</verse>
				<verse number="6">真多人啲問：「啥人會當互阮得著福氣？」 上主啊，求你用你面的光照阮。</verse>
				<verse number="7">你互我心內有歡喜， 贏過人得著真多五穀及新酒。</verse>
				<verse number="8">我欲安然倒啲睏， 因為只有上主你會互我安穩徛起。</verse>
			</chapter>
			<chapter number="5">
				<verse number="1">上主啊，求你聽我講， 知我的苦情。</verse>
				<verse number="2">我的王，我的上帝啊， 求你聽我求叫的聲，因為我對你祈禱。</verse>
				<verse number="3">上主啊，早起時求你聽我的聲； 早起時我對你懇求 ，閣聽候。</verse>
				<verse number="4">因為你毋是意愛罪惡的上帝； 邪惡，你𣍐容允。</verse>
				<verse number="5">驕傲的人𣍐當徛佇你面前； 做歹的人攏是你所怨恨。</verse>
				<verse number="6">講白賊的，你欲滅𪜶； 刣人及奸詐的，攏是上主所厭惡。</verse>
				<verse number="7">毋拘因為你豐盛的慈愛，我會當入你的殿， 心存敬畏，佇你的聖殿敬拜。</verse>
				<verse number="8">上主啊，對敵啲當等我， 求你照你的公義，導我行正直的路。</verse>
				<verse number="9">𪜶的嘴無老實， 𪜶的心惡毒滿滿， 𪜶的嚨喉是開開的墓， 𪜶的舌𠢕扶挺。</verse>
				<verse number="10">上帝啊，求你定𪜶的罪， 互𪜶陷落家己的計謀； 因為𪜶背叛你，罪過真重， 求你給𪜶趕出。</verse>
				<verse number="11">所有尋你做避難所的，求你互𪜶歡喜， 互𪜶歡喜出聲無停，因為你庇祐𪜶。 願許個意愛你的名的人攏因為你歡喜快樂。</verse>
				<verse number="12">上主啊，你欲賜福互義人； 你欲用恩惠，親像盾牌四面圍𪜶。</verse>
			</chapter>
			<chapter number="6">
				<verse number="1">上主啊，求你毋通受氣責備我， 毋通發大受氣責罰我。</verse>
				<verse number="2">上主啊，求你可憐我，因為我衰荏； 上主啊，求你醫治我，因為我的骨頭㘈㘈顫。</verse>
				<verse number="3">我的心非常驚惶； 上主啊，你底時才欲救我？</verse>
				<verse number="4">上主啊，求你越倒轉來救我的性命， 求你因為你的慈愛，拯救我。</verse>
				<verse number="5">因為死人𣍐記念你； 佇陰府，啥人會感謝你？</verse>
				<verse number="6">我因為哼哼呻厭倦； 我逐暝流目屎淹我的眠床， 濕霑我的床舖。</verse>
				<verse number="7">我因為憂悶目睭拍歹， 因為對敵多，目睭花。</verse>
				<verse number="8">恁做歹的人攏著離開我， 因為上主有聽見我啼哭的聲。</verse>
				<verse number="9">上主有聽我的懇求； 上主欲接納我的祈禱。</verse>
				<verse number="10">我的對敵攏會見笑大驚惶； 𪜶會忽然見笑撤退。</verse>
			</chapter>
			<chapter number="7">
				<verse number="1">上主 — 我的上帝啊，求你做我的避難所保護我； 求你解救我脫離一切追趕我的人！</verse>
				<verse number="2">若無，𪜶會親像獅拆裂我， 拆甲碎糊糊嘛無人通救我。</verse>
				<verse number="3">上主 — 我的上帝啊，我的手若有做毋著， 有對朋友用歹報好， 抑是無緣無故搶奪敵對我的人； 我若有做諸個代誌，</verse>
				<verse number="4"></verse>
				<verse number="5">就出在對敵趇我，到掠著我， 將我的性命踏佇土腳， 將我的尊嚴變做土粉。</verse>
				<verse number="6">上主啊，求你起來，發出受氣， 徛起來對付我對敵的大受氣； 求你為著我醒起來，照你的旨意審判。</verse>
				<verse number="7">願萬民攏聚集佇你周圍； 願你坐佇寶座治理𪜶。</verse>
				<verse number="8">上主審判萬民。 上主啊，求你裁判， 判我做義，定我無罪。</verse>
				<verse number="9">求你互歹人𣍐閣做歹，互義人徛在； 因為公義的上帝監察人的心腸。</verse>
				<verse number="10">上帝是我的盾牌； 伊拯救心正直的人。</verse>
				<verse number="11">上帝是公義的審判官； 伊逐日對不義的人發受氣。</verse>
				<verse number="12">人若毋反悔，伊會磨伊的刀， 扭開伊的弓準備好勢。</verse>
				<verse number="13">伊準備致命的武器； 伊射的是火的箭。</verse>
				<verse number="14">你看，歹人圖謀邪惡， 懷孕毒害，生出奸詐。</verse>
				<verse number="15">伊挖窟，掘互伊深， 竟然跋落家己設的陷阱。</verse>
				<verse number="16">伊的毒害會倒轉到家己的頭殼； 伊的強暴會落佇家己的頭殼頂。</verse>
				<verse number="17">我欲因為上主的公義感謝伊； 我欲稱讚上主 — 至高上帝的名。</verse>
			</chapter>
			<chapter number="8">
				<verse number="1">上主 — 阮的主啊，你的威嚴普及全地！ 稱讚你的聲透到天頂，</verse>
				<verse number="2">對囝仔及嬰仔的嘴唱出來。 你起造要塞防備敵人， 欲消滅對敵，消除冤仇。</verse>
				<verse number="3">看著你親手創造的天， 你所安排的月娘、星辰，</verse>
				<verse number="4">啊，人算什麼，你赫呢關心？ 世間人算什麼，你赫呢照顧？</verse>
				<verse number="5">你互伊比天使 小可較低； 你賜榮光尊貴做花冠給伊戴。</verse>
				<verse number="6">你指派伊管理你親手創造的萬物； 你互伊有權柄支配一切：</verse>
				<verse number="7">一切的羊及牛， 山野的走獸，</verse>
				<verse number="8">空中的飛鳥， 海洋的魚類及活物。</verse>
				<verse number="9">上主 — 阮的主啊，你的威嚴普及全地！</verse>
			</chapter>
			<chapter number="9">
				<verse number="1">上主啊，我欲全心感謝你； 我欲報揚你一切奇妙的作為。</verse>
				<verse number="2">我欲因為你歡喜快樂； 至高的上帝啊，我欲稱讚你的名。</verse>
				<verse number="3">我的對敵越轉身撤退跋倒， 攏佇你的面前滅亡。</verse>
				<verse number="4">你有替我申冤，替我辯護； 你坐佇寶座，照公義審判。</verse>
				<verse number="5">你責備列邦，互歹人滅亡； 你永遠擦消𪜶的名。</verse>
				<verse number="6">對敵受毀滅，永遠荒廢； 你毀壞𪜶的城， 無人閣會記得𪜶。</verse>
				<verse number="7">毋拘上主坐位作王到永遠； 伊已經安置伊的寶座欲審判。</verse>
				<verse number="8">伊欲照公義審判世間， 照正直裁判萬民。</verse>
				<verse number="9">上主是受壓迫的人的要塞， 是𪜶患難的時的避難所。</verse>
				<verse number="10">識你的名的人會倚靠你； 因為上主，你毋曾棄拺尋求你的人。</verse>
				<verse number="11">著稱讚佇 錫安 作王的上主， 將伊的作為報揚佇萬民的中間。</verse>
				<verse number="12">因為伊無𣍐記得困苦的人， 為人申冤的上帝會聽𪜶的哀求。</verse>
				<verse number="13">上主啊，求你憐憫我， 你有對死亡的門救我出來； 求你監察怨恨我的人按怎啲苦楚我，</verse>
				<verse number="14">互我通講起你一切通謳咾的代誌。 我欲佇 錫安 的城門為著你的拯救歡呼。</verse>
				<verse number="15">列邦跋落家己所掘的陷坑； 𪜶的腳纏佇𪜶祕密張的羅網。</verse>
				<verse number="16">上主已經顯明家己，施行審判； 歹人互家己手的所做纏著。</verse>
				<verse number="17">歹人攏會落陰府； 毋認上帝的列邦嘛會按呢。</verse>
				<verse number="18">散赤人一定𣍐永遠互上帝𣍐記得； 困苦人的向望一定𣍐永遠無去。</verse>
				<verse number="19">上主啊，求你起來，毋通互人較贏； 求你互列邦佇你的面前受審判。</verse>
				<verse number="20">上主啊，求你互𪜶驚惶， 互列邦知家己不過是會死的人若定。</verse>
			</chapter>
			<chapter number="10">
				<verse number="1">上主啊，你哪會徛遠遠？ 患難的時，你哪會匿啲毋插阮？</verse>
				<verse number="2">歹人驕傲瘋狂，給困苦的人趇牢牢； 著互𪜶陷落家己所設的計謀。</verse>
				<verse number="3">歹人誇口𪜶心內的慾望； 貪心的人褻瀆上主，藐視伊。</verse>
				<verse number="4">歹人驕傲，心中無上帝， 講：「上主𣍐追究。」</verse>
				<verse number="5">歹人的所做事事順利； 上帝的審判，𪜶無看在眼內。 所有的對敵，𪜶攏藐視。</verse>
				<verse number="6">歹人心內講：「阮一定𣍐失敗， 世世代代𣍐抵著災難。」</verse>
				<verse number="7">歹人滿嘴咒罵、奸詐、恐嚇； 𪜶的舌惡毒、虛假。</verse>
				<verse number="8">𪜶佇庄內埋伏啲當等， 目睭直直啲相無依倚的人； 𪜶匿佇隱密的所在欲殺害無辜的人。</verse>
				<verse number="9">𪜶埋伏佇隱密的所在，親像獅匿佇穴裡， 當等欲掠散赤人， 用網給𪜶網啲拖去。</verse>
				<verse number="10">𪜶屈啲當等， 互無依倚的人陷落𪜶的爪牙。</verse>
				<verse number="11">𪜶心內講：「上帝𣍐記得； 伊掩伊的面，永遠𣍐看見。」</verse>
				<verse number="12">上主啊，求你徛起來， 上帝啊，攑起你的手； 毋通𣍐記得散赤人。</verse>
				<verse number="13">歹人是按怎藐視上帝， 心內講伊𣍐追究？</verse>
				<verse number="14">上主，你有看見， 惡毒、怨妒，你攏有啲監察； 你欲用你的手報應。 無依倚的人將本身交代你； 你一直有啲幫贊孤兒。</verse>
				<verse number="15">願你拍斷歹人的手骨； 願你徹底追究𪜶的歹。</verse>
				<verse number="16">上主作王，對永遠到永遠； 列邦攏對伊的地消滅。</verse>
				<verse number="17">上主啊，散赤人的心願，你會聽； 你欲壯𪜶的膽，俯耳孔聽𪜶的祈求。</verse>
				<verse number="18">你欲替孤兒及受壓迫的人申冤， 互世間人無閣恐嚇𪜶。</verse>
			</chapter>
			<chapter number="11">
				<verse number="1">上主是我的避難所； 恁是按怎對我講： 「你著親像鳥飛去山內 。</verse>
				<verse number="2">看啊，歹人拗弓，安𪜶的箭佇弓弦， 欲暗中射心正直的人。</verse>
				<verse number="3">地基崩去， 義人猶會當做什麼？」</verse>
				<verse number="4">上主佇伊的聖殿； 上主的寶座佇天裡。 伊的目睭啲看， 金金啲監察世間人。</verse>
				<verse number="5">上主考驗義人； 歹人及愛強暴的人，伊厭惡。</verse>
				<verse number="6">伊互啲𤏸的火炭 降落佇歹人身上， 用火焰、硫磺，及炎熱的風做𪜶應受的報應。</verse>
				<verse number="7">上主公義，伊愛公義； 正直的人會見著伊的面。</verse>
			</chapter>
			<chapter number="12">
				<verse number="1">上主啊，求你拯救。 虔誠的人無去啦； 世間忠信的人絕滅啦。</verse>
				<verse number="2">人人對厝邊講白賊； 𪜶講扶挺的話，嘴講一款，心想一款。</verse>
				<verse number="3">求上主封密扶挺的嘴唇， 割斷講大話的舌。</verse>
				<verse number="4">𪜶講：「阮欲靠嘴舌較贏； 嘴唇是阮的，啥人會當給阮控制？」</verse>
				<verse number="5">上主講：「為著困苦人的枉屈，及散赤人的吐氣， 今我欲起來，給𪜶安置佇𪜶切切欣慕安全的所在。」</verse>
				<verse number="6">上主的話純全， 親像銀佇土造的火爐煉七遍。</verse>
				<verse number="7">無路用的人互世間人看重； 歹人逐所在威風聳勢。 上主啊，求你保護阮， 庇祐阮永遠脫離此世代的人。</verse>
				<verse number="8"></verse>
			</chapter>
			<chapter number="13">
				<verse number="1">上主啊，你𣍐記得我欲偌久？到永遠是無？ 你面越走毋看我欲偌久？</verse>
				<verse number="2">我忍受苦痛，歸日心憂傷著到偌久？ 我的對敵高升贏過我著到偌久？</verse>
				<verse number="3">上主 — 我的上帝啊，求你看顧我，應答我， 互我的目睭金金，才免我睏到死去，</verse>
				<verse number="4">才免我的對敵講「我較贏伊」， 才免我的敵人佇我失敗的時歡喜。</verse>
				<verse number="5">毋拘我倚靠你的慈愛； 我的心因為你的拯救快樂。</verse>
				<verse number="6">我欲唱歌稱讚上主， 因為伊用豐盛的恩典對待我。</verse>
			</chapter>
			<chapter number="14">
				<verse number="1">戇人心內講：「無上帝！」 𪜶攏腐敗，做可惡的代誌， 無甲一個做好。</verse>
				<verse number="2">上主對天俯落來看世間人， 欲看有明理，有尋求上帝的人抑無。</verse>
				<verse number="3">𪜶攏行迷路，平平變做污穢； 無人做好，連一個都無。</verse>
				<verse number="4">做歹的人豈攏毋知？ 𪜶吞食我的子民親像啲食飯； 𪜶無求叫上主。</verse>
				<verse number="5">做歹的人會大驚惶； 因為上帝佇義人的中間。</verse>
				<verse number="6">散赤人的計劃，恁互𪜶失敗， 毋拘上主是𪜶的避難所。</verse>
				<verse number="7">願 以色列 的拯救對 錫安 出！ 願上主導伊受掠的子民倒轉來！ 彼時， 以色列 會歡喜， 雅各 會快樂！</verse>
			</chapter>
			<chapter number="15">
				<verse number="1">上主啊，什麼款人會當住佇你的布棚？ 什麼款人會當徛起佇你的聖山？</verse>
				<verse number="2">就是行為正直，作事公義，對心底講真實的人。</verse>
				<verse number="3">伊無用嘴舌中傷人； 伊無陷害朋友， 無四界造謠誹謗厝邊。</verse>
				<verse number="4">伊的目睭藐視作歹的人， 毋拘尊重敬畏上主的人。 伊咒誓，雖然家己剋虧嘛無改變。</verse>
				<verse number="5">伊錢借人毋是為著利息； 伊無收賄賂 陷害無辜的人。 做此款代誌的人會永遠徛在。</verse>
			</chapter>
			<chapter number="16">
				<verse number="1">上帝啊，求你保護我， 因為你是我的避難所。</verse>
				<verse number="2">我曾對上主講：「你是我的主； 只有你是我幸福的源頭。」</verse>
				<verse number="3">地上的聖徒實在真尊貴； 及𪜶做夥是我上大的歡喜。</verse>
				<verse number="4">去隨別個神明的人一定加添痛苦！ 我毋參與𪜶的獻祭， 嘛毋敬拜𪜶的神明。</verse>
				<verse number="5">上主，你是我的產業，我的福杯； 你顧守我應得的份額。</verse>
				<verse number="6">你將真媠的土地分互我； 我得著的產業實在真好！</verse>
				<verse number="7">我欲稱讚教示我的上主； 暝時，我的心指點我。</verse>
				<verse number="8">我不時感受上主的同在； 伊佇我的正旁，我𣍐動搖。</verse>
				<verse number="9">所以，我的心歡喜，我的神快樂； 我的肉體安然自在。</verse>
				<verse number="10">因為你𣍐給我放拺佇陰府， 嘛𣍐互你忠誠的子民落去深淵。</verse>
				<verse number="11">你會指示我活命的道路。 佇你面前，我有滿滿的歡喜； 佇你正旁，我有永遠的快樂。</verse>
			</chapter>
			<chapter number="17">
				<verse number="1">上主啊，求你聽公道的訴求， 留心聽我的祈禱。 我無用奸詐的嘴唇祈禱， 求你俯耳孔來聽。</verse>
				<verse number="2">求你用目睭看出是非； 求你判我無罪。</verse>
				<verse number="3">你有考驗我的心，連暝時嘛監察我； 你用火鍛鍊我，無尋著什麼歹。 我立志無互我的嘴有過失。</verse>
				<verse number="4">我遵趁你所講的話，無親像別人的行做； 我謹慎無行強暴的人的路。</verse>
				<verse number="5">我的腳一直行你的路， 毋曾偏離。</verse>
				<verse number="6">上帝啊，我求叫你，因為你會應我； 求你俯耳孔聽我的祈禱。</verse>
				<verse number="7">求你顯出你奇妙不變的疼， 用正手救倚靠你的人脫離𪜶的對敵。</verse>
				<verse number="8">求你保護我，親像保護目睭仁， 遮蓋我佇你翼下。</verse>
				<verse number="9">求你互我脫離搶劫我的歹人， 脫離圍困我欲害我性命的對敵。</verse>
				<verse number="10">𪜶塞密憐憫的心； 𪜶的嘴講驕傲自大的話。</verse>
				<verse number="11">𪜶追趇我，現在圍困我； 𪜶直直相欲給我摔倒佇土腳。</verse>
				<verse number="12">𪜶親像獅數想欲拆碎我， 親像猛獅埋伏啲當等。</verse>
				<verse number="13">上主啊，求你起來對付我的對敵，互𪜶屈服， 用你的刀救我的性命脫離歹人。</verse>
				<verse number="14">上主啊，求你用你的手救我脫離世間人， 脫離佇現世享樂的世間人。 你用你的財物脹滿𪜶的腹肚， 連𪜶的子兒嘛脹甲飽飽， 閣有賰，通留互𪜶的子孫。</verse>
				<verse number="15">若是我，我會看見你的面，因為我的行為正直； 我睏醒的時，你的臨在會互我滿足。</verse>
			</chapter>
			<chapter number="18">
				<verse number="1">上主 — 我的氣力啊，我敬愛你。</verse>
				<verse number="2">上主是我的山巖，我的要塞，我的拯救者； 是我的上帝，我的石磐，我欲倚靠伊； 伊是我的盾牌，救我的氣力，我的堡壘。</verse>
				<verse number="3">我求叫應該受稱讚的上主， 我就得著解救脫離對敵。</verse>
				<verse number="4">死亡的索纏我； 毀滅的大水互我驚。</verse>
				<verse number="5">陰府的索捆縛我； 死亡的羅網網著我。</verse>
				<verse number="6">我佇苦難中祈求上主， 對我的上帝求叫； 伊佇伊的殿內聽我的聲； 我佇伊面前的懇求有入伊的耳孔。</verse>
				<verse number="7">伊受氣，地就搖泏； 山的地基嘛振動搖閣泏。</verse>
				<verse number="8">對伊的鼻孔有煙淐出； 對伊的嘴有火發出， 連土炭嘛𤏸起來。</verse>
				<verse number="9">伊搋開天，親身降臨； 伊腳下有厚厚的烏雲。</verse>
				<verse number="10">伊騎天使基路伯啲飛； 伊坐風的翼衝落來。</verse>
				<verse number="11">伊用烏暗做伊隱密的所在， 用水及密雲圍起來做帳房。</verse>
				<verse number="12">冰雹及啲𤏸的炭對伊臨在的光射出來， 突破烏暗的密雲。</verse>
				<verse number="13">上主對天頂彈雷， 至高的上帝出聲； 閣有落雹及啲𤏸的炭。</verse>
				<verse number="14">伊射箭，互對敵四散； 伊發出熠爁，互𪜶混亂。</verse>
				<verse number="15">上主，你一下責備， 你鼻孔的氣一下出， 海底就露出， 大地的根基嘛露現。</verse>
				<verse number="16">伊對頂面伸手扭我， 對大水給我救出來。</verse>
				<verse number="17">伊救我脫離兇猛的對敵， 脫離怨恨我的人； 因為𪜶比我較強。</verse>
				<verse number="18">我抵著災難的時，𪜶來攻擊我； 毋拘上主是我的倚靠。</verse>
				<verse number="19">伊導我到開闊安全的所在； 伊救我，因為伊意愛我。</verse>
				<verse number="20">上主因為我正直報答我， 因為我的所做清氣報賞我。</verse>
				<verse number="21">我遵守上主的道路， 毋曾作歹離開我的上帝。</verse>
				<verse number="22">伊所有的命令我有遵守； 伊的規例我毋曾放拺。</verse>
				<verse number="23">我佇伊的面前無通指責； 我保守家己離開罪惡。</verse>
				<verse number="24">因為我正直，上主報賞我； 佇伊的目睭前，我的所做清氣。</verse>
				<verse number="25">慈愛的人，你用慈愛對待伊； 純全的人，你用純全對待伊；</verse>
				<verse number="26">清氣的人，你用清氣對待伊； 毋拘，奸詐的人，你用彎曲對待伊。</verse>
				<verse number="27">困苦的人，你解救伊； 自高的人，你給伊降低。</verse>
				<verse number="28">你點𤏸我的燈； 上主 — 我的上帝給我的烏暗變做光明。</verse>
				<verse number="29">我因為倚靠你，會當攻破敵軍； 倚靠我的上帝，會當跳過城牆。</verse>
				<verse number="30">此位上帝，伊的道路完全。 上主的話有過火鍛鍊； 倚靠伊的，伊做盾牌保護𪜶。</verse>
				<verse number="31">上主以外，豈有別個上帝？ 阮的上帝以外，豈有石磐通倚靠？</verse>
				<verse number="32">此位上帝用氣力做帶縖我的腰； 伊引導我行安全的路。</verse>
				<verse number="33">伊互我的腳親像鹿𠢕走， 閣互我徛在佇高的所在。</verse>
				<verse number="34">伊訓練我的手𠢕交戰， 互我的手會開銅的弓。</verse>
				<verse number="35">你用盾牌解救我， 用正手扶持我。 你眷顧我，互我高升做大。</verse>
				<verse number="36">你互我踏的地開闊安全； 我的腳毋曾踏脫。</verse>
				<verse number="37">我追我的對敵到趇著𪜶； 𪜶無滅亡，我𣍐倒轉。</verse>
				<verse number="38">我拍𪜶悿悿，互𪜶𬦰𣍐起來， 到𪜶倒佇我的腳下。</verse>
				<verse number="39">你賜我氣力互我𠢕交戰； 你互攻擊我的人攏降服佇我下面。</verse>
				<verse number="40">你互我的對敵越轉身逃走， 閣互我剿滅怨恨我的人。</verse>
				<verse number="41">𪜶求叫，無人救𪜶； 求叫上主，伊嘛無應。</verse>
				<verse number="42">我給𪜶搥到碎碎，親像土粉互風吹散， 給𪜶摒出，親像街路的土糜。</verse>
				<verse number="43">你救我脫離反叛我的人民； 你設立我做列邦的頭。 我毋識的人民會服事我；</verse>
				<verse number="44">外邦的人屈身投降， 𪜶一下聽著我的名就順服。</verse>
				<verse number="45">外邦的人失膽， 驚惶愕愕惙行出𪜶的陣地。</verse>
				<verse number="46">上主永遠活啲！ 願我倚靠的石磐受稱讚； 願救我的上帝受高舉。</verse>
				<verse number="47">伊就是為我申冤彼位上帝； 伊互眾人降服佇我腳下。</verse>
				<verse number="48">伊救我脫離我的對敵。 上主啊，你提拔我高過攻擊我的人； 你救我脫離強暴的人。</verse>
				<verse number="49">上主啊，因為按呢我欲佇列邦中感謝你， 唱歌稱讚你的名。</verse>
				<verse number="50">上主賜極大的救恩互伊設立的王， 施落慈愛互伊抹油選立的人， 互 大闢 及伊的後代，直到永遠。</verse>
			</chapter>
			<chapter number="19">
				<verse number="1">天宣布上帝的榮耀； 穹蒼傳揚伊的作為。</verse>
				<verse number="2">此日對彼日講話； 此暝對彼暝傳播智識；</verse>
				<verse number="3">無言無語， 無聲無說。</verse>
				<verse number="4">𪜶的聲音 傳到全世界； 𪜶的言辭傳到天邊海角。 上帝為著日頭佇天頂搭布棚。</verse>
				<verse number="5">日頭親像新郎對洞房 出來， 親像選手踴躍走伊的路程，</verse>
				<verse number="6">對天的此旁出來，踅到彼旁， 熱氣普及萬物。</verse>
				<verse number="7">上主的律法完全， 互人得著新的氣力。 上主的命令可靠， 互無智識的人得著智慧。</verse>
				<verse number="8">上主的律例公正， 互人的心歡喜。 上主的誡命純潔， 互人的目睭光明。</verse>
				<verse number="9">敬畏上主是純真，永遠無改變； 上主的判斷真實，完全公道，</verse>
				<verse number="10">比金，比真多純金較貴重； 比蜜，比純的蜂蜜閣較甜。</verse>
				<verse number="11">律法互你的僕人得著警戒； 守誡命就有大報賞。</verse>
				<verse number="12">啥人會知家己的錯誤？ 求你赦免我無意中犯的過失！</verse>
				<verse number="13">求你保守你的僕人，互伊𣍐故意犯罪； 求你毋通容允罪惡管轄我， 我就成做無通指責的人， 𣍐犯重罪。</verse>
				<verse number="14">上主 — 我的避難所，我的救贖主啊， 願我的嘴所講的合你的旨意； 願我的心所想的得著你接納。</verse>
			</chapter>
			<chapter number="20">
				<verse number="1">願上主佇患難的日應答你； 願 雅各 的上帝給你囥佇高的所在保護你。</verse>
				<verse number="2">願伊對聖所幫贊你， 對 錫安 扶持你。</verse>
				<verse number="3">願伊會記得你一切的素祭， 接納你的燒化祭。</verse>
				<verse number="4">願伊照你的心所愛賜互你， 成全你一切的計劃。</verse>
				<verse number="5">阮欲因為你的得勝唱歌； 阮欲奉上帝的名慶祝你的勝利。 願上主成全你一切的祈求。</verse>
				<verse number="6">今我知上主會救伊選立的王， 會對伊聖的天應答王； 用伊正手的氣力互伊大勝利。</verse>
				<verse number="7">有人倚靠車，有人倚靠馬； 毋拘阮只有欲誇口上主 — 阮的上帝的名。</verse>
				<verse number="8">𪜶會刣輸倒落去； 阮會刣贏徛在在。</verse>
				<verse number="9">上主啊，求你互阮的王勝利； 阮求叫的時，求你應答 。</verse>
			</chapter>
			<chapter number="21">
				<verse number="1">上主啊，王會因為你互伊的氣力歡喜， 會因為你互伊的勝利非常快樂！</verse>
				<verse number="2">伊的心意愛的，你已經有互伊； 伊的嘴所求的，你攏有答應。</verse>
				<verse number="3">因為你用大福氣啲迎接伊， 用純金的王冠戴佇伊的頭殼。</verse>
				<verse number="4">伊對你求活命，你有互伊， 互伊的歲壽久久長長。</verse>
				<verse number="5">伊因為你互伊的勝利得著大榮光； 你將尊貴威嚴賜互伊。</verse>
				<verse number="6">你互伊有大福氣到永遠， 互伊佇你的面前歡喜快樂。</verse>
				<verse number="7">因為王倚靠上主， 閣因為至高上帝的慈愛，伊的王位永遠穩固。</verse>
				<verse number="8">王的手會掠著一切的對敵； 伊的正手會掠著所有怨恨伊的人。</verse>
				<verse number="9">伊一下出現，會親像炎熱的火爐給𪜶燒滅。 上主啊，你一下出現，欲佇大受氣中給𪜶吞落去， 欲用火給𪜶燒滅。</verse>
				<verse number="10">𪜶的子孫會對地上受剿滅； 𪜶的後代會對人的中間消失。</verse>
				<verse number="11">𪜶欲用陰謀陷害王， 毋拘𪜶的計謀𣍐成功。</verse>
				<verse number="12">你欲互𪜶越轉身逃走， 欲開弓射𪜶。</verse>
				<verse number="13">上主啊，起來，顯示你的氣力； 阮欲吟詩稱讚你的大權能。</verse>
			</chapter>
			<chapter number="22">
				<verse number="1">我的上帝，我的上帝，你是按怎放拺我？ 你是按怎離我遠遠毋救我，毋聽我的喉叫？</verse>
				<verse number="2">我的上帝啊，我日時求叫，你無應我； 我暝時求叫，無得著安寧。</verse>
				<verse number="3">你是聖的上帝， 你用 以色列 的稱讚做寶座。</verse>
				<verse number="4">阮的列祖倚靠你； 𪜶倚靠你，你有解救𪜶。</verse>
				<verse number="5">𪜶哀求你，有得著拯救； 𪜶倚靠你，你無互𪜶失望。</verse>
				<verse number="6">毋拘我毋是人，是蟲𧒴， 互人譏刺，受眾人看輕。</verse>
				<verse number="7">看著我的人攏給我恥笑， 撓嘴幌頭，講：</verse>
				<verse number="8">「你將本身交代上主，伊哪無來救你？ 既然上主合意你，伊哪無來救你？」</verse>
				<verse number="9">你對母胎給我接出來； 你互我佇老母的胸前得著安穩。</verse>
				<verse number="10">我對出母胎就交託你， 對我出世，你就是我的上帝。</verse>
				<verse number="11">求你毋通離我遠遠， 因為患難逼近，無人幫贊我。</verse>
				<verse number="12">有真多牛包圍我； 巴珊 的野牛四面圍困我。</verse>
				<verse number="13">𪜶親像獅開嘴大聲哮， 欲拆裂吞食我。</verse>
				<verse number="14">我的氣力親像水摒了了； 我的骨頭攏脫輪； 我的心親像蠟佇腹內消熔。</verse>
				<verse number="15">我的精力焦去，親像破去的瓦片； 我的舌黏佇頂顎𣍐講話； 你給我放佇土腳，出在我死。</verse>
				<verse number="16">歹人親像歸群狗包圍我， 親像獅拆裂我的腳、我的手。</verse>
				<verse number="17">我的骨頭攏會算得； 𪜶啲看我，啲相我。</verse>
				<verse number="18">𪜶分我的外袍， 為著我的衫抽籤。</verse>
				<verse number="19">上主啊，求你毋通離我遠遠； 上帝 — 我的氣力啊，求你緊來幫贊我。</verse>
				<verse number="20">求你救我脫離刀劍， 救我的性命脫離狗的勢力。</verse>
				<verse number="21">求你救我脫離獅的嘴； 你已經有聽我，互我脫離野牛的角。</verse>
				<verse number="22">我欲對我的兄弟報揚你的名； 我欲佇聚會中謳咾你。</verse>
				<verse number="23">恁敬畏上主的，著稱讚伊。 以色列 的後代，著歸榮光互伊； 雅各 的後代，攏著敬畏伊。</verse>
				<verse number="24">因為伊𣍐看輕散赤人，𣍐無視𪜶的困苦， 嘛𣍐面越走毋插𪜶； 𪜶求叫的時，上主有給𪜶聽。</verse>
				<verse number="25">我欲佇大聚會中稱讚你的所做； 我欲佇敬畏上主的人面前謝我的願。</verse>
				<verse number="26">散赤人會得著飽足； 尋求上主的人會稱讚伊。 願恁的心永遠有活氣！</verse>
				<verse number="27">地上所有的人攏會記得上主的所做來歸順伊； 世上萬族攏會佇伊面前敬拜。</verse>
				<verse number="28">因為主權屬佇上主， 伊是萬國的主宰。</verse>
				<verse number="29">地上所有富貴的人會聚集飲食，敬拜； 連啲欲死，啲欲歸土的人都會佇伊面前跪拜。</verse>
				<verse number="30">𪜶的子孫會服事伊； 主的作為會傳到𪜶的後代。</verse>
				<verse number="31">人會對將來欲出世的子民講： 「主已經完成伊的拯救。」</verse>
			</chapter>
			<chapter number="23">
				<verse number="1">上主是我的牧者， 我無欠半項。</verse>
				<verse number="2">伊互我倒佇青翠的草埔， 導我到清靜的水邊。</verse>
				<verse number="3">伊互我新的氣力， 為著伊的名導我行正直的路。</verse>
				<verse number="4">我雖然經過死蔭的山谷， 嘛毋驚災害， 因為你及我同在； 你的棍，你的柺互我安穩自在。</verse>
				<verse number="5">佇我對敵的面前， 你為著我排設宴席； 你用油抹我的頭殼，款待我作貴賓， 斟我的杯到滿出來。</verse>
				<verse number="6">你的恩典慈愛一定一世人及我做伴； 我欲永遠住佇上主你的厝。</verse>
			</chapter>
			<chapter number="24">
				<verse number="1">地及地上的萬物攏屬上主； 世界及𫢶佇遐的活物嘛攏屬伊。</verse>
				<verse number="2">伊給地囥佇大海的頂面， 將地基下佇深海。</verse>
				<verse number="3">什麼款人會當上上主的山？ 什麼款人會當入伊的聖殿？</verse>
				<verse number="4">就是手清氣，心純潔， 無拜偶像，無隨便咒誓的人。</verse>
				<verse number="5">此款人會受上主祝福； 上帝欲拯救伊，宣判伊無罪。</verse>
				<verse number="6">此款人尋求上主， 到 雅各 的上帝面前來朝見伊。</verse>
				<verse number="7">城門啊，著拍開！ 永遠的門啊，著大開！ 榮耀的君王欲入來。</verse>
				<verse number="8">此位榮耀的君王是什麼人？ 是強閣勇的上主！ 伊是百戰百勝的上主！</verse>
				<verse number="9">城門啊，著拍開！ 永遠的門啊，著大開！ 榮耀的君王欲入來。</verse>
				<verse number="10">此位榮耀的君王是什麼人？ 是上主 — 萬軍的統帥！ 伊是榮耀的君王！</verse>
			</chapter>
			<chapter number="25">
				<verse number="1">上主啊，我的心神仰望你！</verse>
				<verse number="2">我的上帝啊，我信靠你！ 毋通互我失敗致到見笑； 毋通互我的對敵因為贏我來誇口。</verse>
				<verse number="3">所有聽候你幫贊的人一定𣍐致到見笑； 會抵著見笑的是許個無緣無故背叛你的人。</verse>
				<verse number="4">上主啊，求你將你的路指示我， 將你的道教示我。</verse>
				<verse number="5">求你用你的真理引導我，教示我， 因為你是拯救我的上帝。 我歸日聽候你。</verse>
				<verse number="6">上主啊，求你會記得你的憐憫及慈愛， 因為你對古早就按呢對待人。</verse>
				<verse number="7">求你毋通記牢我少年的時的罪過及過失； 上主啊，求你照你的慈愛，因為你的恩惠會記得我。</verse>
				<verse number="8">因為上主良善閣正直， 伊欲指示罪人行正路。</verse>
				<verse number="9">伊欲用公平引導謙卑的人， 用伊的道路教示謙遜的人。</verse>
				<verse number="10">守伊的約及伊的誡命的人， 上主攏用慈愛及信實款待𪜶。</verse>
				<verse number="11">上主啊，我的罪真重， 求你赦免我。</verse>
				<verse number="12">敬畏上主的人， 上主欲指示伊所著揀的路。</verse>
				<verse number="13">伊的心神會得著安歇； 伊的後代會承接所應允的土地。</verse>
				<verse number="14">上主及敬畏伊的人親密， 欲將伊的約指示𪜶。</verse>
				<verse number="15">我的目睭不時仰望上主， 伊欲互我的腳脫離羅網。</verse>
				<verse number="16">求你越過來看我，憐憫我， 因為我孤單困苦。</verse>
				<verse number="17">我心內有真多憂苦， 求你救我脫離攏總的患難。</verse>
				<verse number="18">求你關心我的艱難困苦， 除去我一切的罪。</verse>
				<verse number="19">你看，我的對敵赫呢多； 𪜶真惡毒怨恨我。</verse>
				<verse number="20">求你保護我的性命，拯救我， 互我無失敗致到見笑，因為我倚靠你。</verse>
				<verse number="21">願純全正直保護我， 因為我仰望你。</verse>
				<verse number="22">上帝啊，求你救贖 以色列 脫離一切的災難。</verse>
			</chapter>
			<chapter number="26">
				<verse number="1">上主啊，求你判我無罪， 因為我有照正直啲行。 我倚靠上主無動搖。</verse>
				<verse number="2">上主啊，求你監察我，考驗我； 求你察驗我的心思意念。</verse>
				<verse number="3">因為你的慈愛佇我的目睭前； 我有照你的真理 啲行。</verse>
				<verse number="4">我毋曾及虛假的人做夥坐， 嘛毋曾及假好的人鬥陣。</verse>
				<verse number="5">我厭惡及歹人結黨， 無愛及惡毒的人做夥坐。</verse>
				<verse number="6">上主啊，我洗手表示無罪， 踅你的祭壇參加禮拜；</verse>
				<verse number="7">我用感謝的詩歌頌讚， 講起你一切奇妙的作為。</verse>
				<verse number="8">上主啊，我意愛你住的厝， 意愛你的榮光臨在的所在。</verse>
				<verse number="9">毋通將我的性命及罪人做夥消滅； 毋通將我的活命及刣人的做一下消滅。</verse>
				<verse number="10">𪜶的手不時做歹； 𪜶的正手逐所在收賄賂。</verse>
				<verse number="11">若是我，我欲照正直來行； 求你救贖我，憐憫我。</verse>
				<verse number="12">我的腳徛佇平坦的所在； 我欲佇大會中稱讚上主。</verse>
			</chapter>
			<chapter number="27">
				<verse number="1">上主是我的光，我的拯救， 我猶著驚啥人？ 上主是我性命的保障， 我猶著驚啥人？</verse>
				<verse number="2">雖然歹人攻擊我，對敵吞食我， 𪜶攏會跋倒失敗。</verse>
				<verse number="3">雖然大軍紮營包圍， 我的心亦𣍐驚惶。 雖然對敵發動戰爭， 我猶原安穩自在。</verse>
				<verse number="4">我對上主求一項代誌， 只有對伊求此項： 互我一世人𫢶佇上主的厝， 佇聖殿仰望伊的榮光，尋求伊的指示。</verse>
				<verse number="5">我抵著患難的時，伊會給我藏佇布棚內； 伊會保護我，互我匿佇伊厝內。 伊會給我囥佇石磐頂，</verse>
				<verse number="6">互我的頭攑高，超過包圍我的對敵。 我欲佇伊的布棚歡呼獻祭； 我欲唱歌謳咾上主。</verse>
				<verse number="7">上主啊，我求叫的聲求你聽， 求你憐憫我，應答我！</verse>
				<verse number="8">我的心對我講： 「著來朝見伊。」 上主啊，我來朝見你。</verse>
				<verse number="9">求你毋通面越走毋插我， 毋通受氣趕你的僕人。 你一直是我的幫贊。 拯救我的上帝啊， 求你毋通拒絕我，放拺我。</verse>
				<verse number="10">設使我的父母棄拺我， 上主嘛一定會收留我。</verse>
				<verse number="11">上主啊，求你指示我應該行的路， 因為對敵啲當等，求你導我行平坦的路。</verse>
				<verse number="12">毋通照對敵的心願給我交互𪜶， 因為𪜶用偽證恐嚇我。</verse>
				<verse number="13">我深信一項事： 我猶活啲的日會享受上主的恩惠。</verse>
				<verse number="14">著信靠上主！ 著勇敢壯膽！ 著信靠上主！</verse>
			</chapter>
			<chapter number="28">
				<verse number="1">上主啊，我求叫你； 我的石磐啊，毋通毋插我。 你若對我靜靜， 我就親像入墓壙孔的人。</verse>
				<verse number="2">我求叫你，向你的至聖所攑手祈禱的時， 求你聽我懇求的聲。</verse>
				<verse number="3">毋通將我及歹人，以及作惡的人做一下消滅； 𪜶及厝邊講和平的話，毋拘心陰險。</verse>
				<verse number="4">願你照𪜶的所做，照𪜶所行的歹代報應𪜶。 願你照𪜶的手的所做報應𪜶， 照𪜶應該受的給𪜶處罰。</verse>
				<verse number="5">因為𪜶藐視上主的作為，及伊的手所做的； 伊會毀壞𪜶，𣍐給𪜶重建。</verse>
				<verse number="6">上主應該受稱讚， 因為伊有聽我懇求的聲。</verse>
				<verse number="7">上主是我的氣力，我的盾牌； 我倚靠伊。 上主幫贊我，我的心大歡喜； 我欲用詩歌稱讚伊。</verse>
				<verse number="8">上主是伊子民的氣力， 是伊選立的王得救的避難所。</verse>
				<verse number="9">求你解救你的子民，賜福互做你產業的子民； 求你做𪜶的牧者永遠扶持𪜶。</verse>
			</chapter>
			<chapter number="29">
				<verse number="1">天界大能者 的眾子兒啊， 著將上主應有的榮光權能歸互伊。 著歸互伊！</verse>
				<verse number="2">著將上主的名應有的榮光歸互伊， 存聖潔的心敬拜上主。</verse>
				<verse number="3">上主的聲佇水面啲響； 榮光的上帝起雷大彈。 上主臨在佇海洋頂面。</verse>
				<verse number="4">上主的聲有大氣力； 上主的聲威嚴滿滿。</verse>
				<verse number="5">上主的聲拍折柏香樹； 上主拍碎 黎巴嫩 的柏香樹。</verse>
				<verse number="6">伊互 黎巴嫩 趒跳親像牛仔子， 互 黑門山 趒跳親像野牛仔子。</verse>
				<verse number="7">上主的聲互熠爁閃耀。</verse>
				<verse number="8">上主的聲互曠野搖動； 上主互 加低斯 的曠野大振動。</verse>
				<verse number="9">上主的聲互鹿母著驚生產， 互樹林的樹葉落甲光光光。 所有佇伊殿內的人攏喝講：「榮光歸上主！」</verse>
				<verse number="10">上主設寶座佇大水頂面； 上主作王到永遠。</verse>
				<verse number="11">上主賜氣力互伊的子民； 上主賜平安互伊的子民。</verse>
			</chapter>
			<chapter number="30">
				<verse number="1">上主啊，我欲尊你做至高， 因為你有提拔我，無互我的對敵對我誇口。</verse>
				<verse number="2">上主 — 我的上帝啊， 我求叫你，你有醫好我。</verse>
				<verse number="3">上主啊，你對陰府給我扭出來； 你互我活啲，免入墓壙孔。</verse>
				<verse number="4">上主聖的子民啊，恁著唱歌謳咾伊， 稱讚伊的聖名。</verse>
				<verse number="5">伊的受氣只有一時仔久； 伊的恩典到一世人。 雖然歸暝有啼哭， 天一下光就有歡喜。</verse>
				<verse number="6">佇我順利的時，我曾講： 「我永遠𣍐動搖。」</verse>
				<verse number="7">上主啊，你施恩，互我親像山徛在在； 你面越走毋看我，我就驚惶。</verse>
				<verse number="8">上主啊，我求叫你； 我對上主求憐憫，講：</verse>
				<verse number="9">「我死，入墓，有啥利益？ 土粉豈會稱讚你，豈會報揚你的信實？」</verse>
				<verse number="10">上主啊，求你聽我，憐憫我； 上主啊，求你幫贊我。</verse>
				<verse number="11">你有將我的啼哭變做跳舞， 將我的麻衫褪起來，用歡喜做帶給我縖。</verse>
				<verse number="12">按呢我的心神就𣍐恬恬，會唱歌稱讚你； 上主 — 我的上帝啊，我欲永遠感謝你。</verse>
			</chapter>
			<chapter number="31">
				<verse number="1">上主啊，我靠你做我的保護。 求你互我永遠𣍐失敗見笑； 你是公義的上帝，求你解救我。</verse>
				<verse number="2">求你俯耳孔聽我，趕緊來救我， 做我堅固的石磐，做堡壘拯救我。</verse>
				<verse number="3">你是我的山巖，我的堡壘， 求你照你的名領導我，引導我。</verse>
				<verse number="4">人暗中設羅網欲網我，求你救我脫離， 因為你是我的堡壘。</verse>
				<verse number="5">我將我的靈魂交代你； 上主 — 信實的上帝啊，你會救贖我。</verse>
				<verse number="6">我厭惡擒牢無路用的偶像的人； 我只有信靠上主。</verse>
				<verse number="7">我欲因為你的慈愛歡喜快樂； 因為你有看見我的艱苦，知我內心的苦痛。</verse>
				<verse number="8">你無給我交佇對敵的手； 你互我的腳徛佇開闊安穩的所在。</verse>
				<verse number="9">上主啊，我佇患難中，求你憐憫我。 我的目睭因為憂傷花去； 我的心神，我的身軀衰弱。</verse>
				<verse number="10">我的性命因為憂苦消盡； 我的年歲因為哀傷減少。 我的氣力因為我的罪過 衰荏； 我的骨頭枯焦。</verse>
				<verse number="11">我所有的對敵攏凌辱我； 我的厝邊給我侮辱； 連識我的人嘛攏驚我； 佇路裡看著我的人攏閃開。</verse>
				<verse number="12">我親像死人互人𣍐記得，無人數念； 我親像破去的器具互人挕拺。</verse>
				<verse number="13">我聽見真多人四界啲造謠； 周圍充滿恐怖。 𪜶參詳欲攻擊我， 計謀欲害我的性命。</verse>
				<verse number="14">上主啊，我猶久欲倚靠你； 我講：「你是我的上帝。」</verse>
				<verse number="15">我的一生佇你的手中； 求你救我脫離對敵的手及窘迫我的人。</verse>
				<verse number="16">求你用你的面的光照你的僕人， 照你的慈愛拯救我。</verse>
				<verse number="17">上主啊，求你互我無致到見笑， 因為我求叫你。 求你互歹人失敗見笑， 互𪜶佇陰府恬恬無話通講。</verse>
				<verse number="18">願你互白賊的嘴變啞口， 𣍐閣驕傲給人看輕，濫糝侮辱義人。</verse>
				<verse number="19">佇世間人面前，你為著敬畏你的人積聚的恩惠偌仔呢大！ 你為著尋你做避難所的人所賜的恩惠偌仔呢好！</verse>
				<verse number="20">你給𪜶藏佇你的面前隱密的所在， 𪜶才免陷落人的陰謀。 你暗靜保守𪜶佇帳幕內， 𪜶才免受嘴舌的中傷。</verse>
				<verse number="21">上主應該受稱讚， 因為城受圍困的時，伊有對我顯出奇妙的疼。</verse>
				<verse number="22">我曾著急講「你給我趕走毋插我」， 毋拘我求叫的時，你有聽我懇求的聲。</verse>
				<verse number="23">上主聖的子民啊，恁攏著疼伊。 上主保守忠信的人， 嚴嚴報應驕傲的人。</verse>
				<verse number="24">所有仰望上主的人啊， 恁著壯膽，心堅固 。</verse>
			</chapter>
			<chapter number="32">
				<verse number="1">過失得著赦免，罪過得著擦消， 此款人真有福氣！</verse>
				<verse number="2">心無奸詐，上主無算伊有罪， 此款人真有福氣！</verse>
				<verse number="3">我若恬恬毋認罪， 就歸日哼哼呻，連骨頭都焦去。</verse>
				<verse number="4">你的手暝日重重刑罰我， 我的精力親像互熱天的日頭曝甲焦焦去。</verse>
				<verse number="5">我有對你排列我的罪， 無隱瞞我的罪惡。 我欲對上主承認我的過失； 你就赦免我所犯的罪。</verse>
				<verse number="6">按呢，虔誠的人攏著佇通尋著你的時 對你祈禱； 大水氾濫嘛一定𣍐淹著伊。</verse>
				<verse number="7">你是我閃匿的所在， 會庇祐我脫離艱苦； 你會用得救的歌四面圍我。</verse>
				<verse number="8">上主講：「我欲教示你，指示你應該行的路； 我欲注目看你，眷顧你。</verse>
				<verse number="9">毋通親像馬、騾，無智識； 𪜶著用馬咬韁、馬勒索約束才會馴服。」</verse>
				<verse number="10">歹人會受真多痛苦； 毋拘倚靠上主的人有慈愛四面圍伊。</verse>
				<verse number="11">義人啊，著因為上主來歡喜快樂！ 心正直的人啊，著大聲歡呼！</verse>
			</chapter>
			<chapter number="33">
				<verse number="1">義人啊，著因為上主來歡喜； 正直的人應該著稱讚伊。</verse>
				<verse number="2">恁著彈琴感謝上主， 用十條弦的豎琴稱讚伊，</verse>
				<verse number="3">彈互真媠。 著對伊唱新的歌， 大聲歡呼。</verse>
				<verse number="4">因為上主的話正確； 伊的作為攏可靠。</verse>
				<verse number="5">上主意愛公平正直； 伊的慈愛普及全地。</verse>
				<verse number="6">穹蒼對上主的話創造； 日、月、星辰對伊的嘴歕的氣造成。</verse>
				<verse number="7">伊給海水集做堆， 給深淵收佇倉庫。</verse>
				<verse number="8">全地著敬畏上主； 世間人攏著驚畏伊。</verse>
				<verse number="9">伊一下講，宇宙就出現； 伊一下命令，萬有就形成。</verse>
				<verse number="10">上主互列邦的計謀落空， 互萬民的計謀失效。</verse>
				<verse number="11">上主的計劃永遠𣍐變； 伊的心意續到萬世代。</verse>
				<verse number="12">認上主做上帝彼個國真有福氣！ 受揀選做伊產業彼個子民真有福氣！</verse>
				<verse number="13">上主對天頂啲看， 看見攏總的世間人。</verse>
				<verse number="14">伊對伊的寶座看落去， 看地上所有的住民。</verse>
				<verse number="15">伊造眾人的心， 了解𪜶一切的作為。</verse>
				<verse number="16">君王𣍐因為兵多就勝利； 勇士𣍐因為氣力大就會贏。</verse>
				<verse number="17">靠戰馬無一定會刣贏； 靠馬的威力無一定會救人。</verse>
				<verse number="18">上主的目睭看顧敬畏伊的人， 眷顧仰望伊慈愛的人。</verse>
				<verse number="19">伊會救𪜶的性命脫離死亡， 保存𪜶度過飢荒。</verse>
				<verse number="20">阮的心神聽候上主； 伊是阮的幫贊，阮的盾牌。</verse>
				<verse number="21">阮的心欲因為伊來歡喜， 因為阮倚靠伊的聖名。</verse>
				<verse number="22">上主啊，願你的慈愛施落互阮， 因為阮仰望你。</verse>
			</chapter>
			<chapter number="34">
				<verse number="1">我欲不時稱讚上主； 我的嘴欲常常謳咾伊。</verse>
				<verse number="2">我的心神欲誇口上主； 困苦的人聽見嘛會歡喜。</verse>
				<verse number="3">著及我稱讚上主做大， 做夥尊崇伊的名。</verse>
				<verse number="4">我求叫上主，伊有應我， 救我脫離一切的驚惶。</verse>
				<verse number="5">仰望伊的人面有光彩，心快樂； 𪜶永遠𣍐致到見笑失望。</verse>
				<verse number="6">散赤人求叫，上主有聽見， 救伊脫離一切的艱難。</verse>
				<verse number="7">上主的使者佇敬畏伊的人的四圍紮營， 救𪜶脫出困境。</verse>
				<verse number="8">親身體驗，就知上主真好； 尋伊做避難所的人真有福氣。</verse>
				<verse number="9">上主聖的子民啊，著敬畏伊， 因為敬畏伊的人攏無欠缺。</verse>
				<verse number="10">少壯的獅嘛會欠缺，會枵， 毋拘尋求上主的人什麼好物都無欠。</verse>
				<verse number="11">細子啊，著來聽， 我欲教示恁敬畏上主。</verse>
				<verse number="12">恁中間啥人意愛性命， 愛長歲壽通享福？</verse>
				<verse number="13">著禁家己的舌無講歹話， 禁止嘴唇無講詭詐。</verse>
				<verse number="14">著拒絕歹，做好事， 熱心追求和平。</verse>
				<verse number="15">上主的目睭看顧義人； 伊的耳孔聽𪜶的祈禱。</verse>
				<verse number="16">上主對作歹的人變面， 對世間擦消𪜶的名。</verse>
				<verse number="17">上主聽義人的求叫， 救𪜶脫離一切的艱難。</verse>
				<verse number="18">上主親近心靈破碎的人， 拯救心痛悔的人。</verse>
				<verse number="19">義人有真多苦難， 毋拘上主救𪜶攏脫離。</verse>
				<verse number="20">上主保全𪜶攏總的骨頭， 一支都無拍折。</verse>
				<verse number="21">罪惡會害死歹人； 怨恨義人的，會受定罪。</verse>
				<verse number="22">上主救贖伊的僕人； 倚靠伊的人連一個都𣍐受定罪。</verse>
			</chapter>
			<chapter number="35">
				<verse number="1">上主啊，及我爭論的人，求你及𪜶爭論； 及我交戰的人，求你及𪜶交戰。</verse>
				<verse number="2">求你提大細的盾牌起來幫贊我，</verse>
				<verse number="3">用槍對付追趕我的人。 求你對我講：「我是你的拯救者。」</verse>
				<verse number="4">求你互數想我性命的人受凌辱見笑； 求你互計謀陷害我的人撤退漏氣。</verse>
				<verse number="5">求你互𪜶親像互風吹的粗糠， 有上主的使者給𪜶趕散。</verse>
				<verse number="6">求你互𪜶的路暗閣滑， 有上主的使者給𪜶追趕。</verse>
				<verse number="7">𪜶無緣無故暗設羅網欲當我， 掘陷坑欲害我的性命。</verse>
				<verse number="8">求你互災禍佇無拍算的時臨到𪜶身上； 你互𪜶暗設的羅網纏著家己， 跋落彼內面受害。</verse>
				<verse number="9">按呢，我的心會因為上主快樂， 因為伊的救恩歡喜。</verse>
				<verse number="10">我歸個人攏欲講： 「上主啊，無人會當及你比！ 你拯救困苦的脫離比伊較強的人， 拯救困苦散赤的脫離搶奪伊的人。」</verse>
				<verse number="11">兇惡的見證人徛出來； 𪜶查問我毋知的事。</verse>
				<verse number="12">𪜶對我用歹報好， 互我孤苦無助。</verse>
				<verse number="13">毋拘，𪜶破病的時，我穿麻衫悲傷， 刻苦禁食，為著𪜶俯頭祈禱。</verse>
				<verse number="14">我款待𪜶做我的朋友，做我的兄弟； 我屈落哀傷，假若為著老母死去啲悲傷。</verse>
				<verse number="15">毋拘我跋倒失敗的時，𪜶鬥陣歡喜； 連生份人嘛一直給我凌辱攻擊。</verse>
				<verse number="16">𪜶做夥睥相我，恥笑我， 痛恨我，對我咬牙切齒。</verse>
				<verse number="17">主啊，你哪恬恬啲看，欲看偌久？ 求你救我脫離𪜶的殘害， 救我的性命脫離少壯的獅。</verse>
				<verse number="18">我欲佇大聚會中感謝你， 佇眾人的中間稱讚你。</verse>
				<verse number="19">求你毋通容允無緣無故敵對我的人對我誇口， 毋通互無理由怨恨我的人給我睨。</verse>
				<verse number="20">因為𪜶無講和平的話， 顛倒造謠中傷意愛和平的人。</verse>
				<verse number="21">𪜶開嘴大聲攻擊我，講： 「你看咧！阮有親目看著。」</verse>
				<verse number="22">上主啊，你已經有看著，求你毋通恬恬； 主啊，毋通徛遠遠毋插我。</verse>
				<verse number="23">我的上帝，我的主啊， 求你精神，求你起來， 為我辯護，替我申冤。</verse>
				<verse number="24">上主 — 我的上帝啊，求你照你的公義判斷， 毋通互𪜶佇我的面前洋洋得意。</verse>
				<verse number="25">毋通容允𪜶心內講：「你看，代誌抵照阮的心願！」 毋通容允𪜶講：「阮已經給伊吞落去。」</verse>
				<verse number="26">願愛我抵著患難的人見笑漏氣； 願驕傲對待我的人攏失望見笑。</verse>
				<verse number="27">願愛我受判無罪的人快樂唱歌； 願𪜶不時講：「著尊上主做大， 因為伊意愛伊的僕人平安繁榮。」</verse>
				<verse number="28">我的嘴舌欲宣揚你的義， 歸日攏稱讚你。</verse>
			</chapter>
			<chapter number="36">
				<verse number="1">罪佇歹人的心底策動； 伊眼中毋驚上帝。</verse>
				<verse number="2">對伊來看，罪是伊的誇口， 家己想講上帝𣍐發見，𣍐厭惡。</verse>
				<verse number="3">伊講的話攏是罪惡及奸詐； 伊無閣再有智慧，嘛無好的行為。</verse>
				<verse number="4">伊佇眠床頂猶啲計謀罪惡。 伊決定欲行歹路， 毋棄拺歹代。</verse>
				<verse number="5">上主啊，你的慈愛高到抵天； 你的信實到穹蒼。</verse>
				<verse number="6">你的公義親像極高的山； 你的判斷親像深淵。 上主啊，人及牲生你攏眷顧。</verse>
				<verse number="7">上帝啊，你的慈愛哪赫寶貝！ 世間人攏來匿佇你翼股的保護下。</verse>
				<verse number="8">𪜶欲佇你的厝享受豐富的宴席； 你欲互𪜶飲你快樂的河水。</verse>
				<verse number="9">因為活命的源頭在佇你； 對你的光，阮看見光。</verse>
				<verse number="10">願你繼續施落慈愛互識你的人， 施落公義互心內正直的人。</verse>
				<verse number="11">毋通容允驕傲的人的腳踐踏我； 毋通容允兇惡的人的手趕逐我。</verse>
				<verse number="12">你看，做歹的人已經倒落去； 𪜶受捙倒，𣍐當閣起來。</verse>
			</chapter>
			<chapter number="37">
				<verse number="1">毋通因為做歹的人心內不平； 毋通怨妒行為不義的人；</verse>
				<verse number="2">因為𪜶親像草真緊就焦去， 親像青翠的花草凋去。</verse>
				<verse number="3">著倚靠上主來做好， 𫢶佇此個土地安居樂業。</verse>
				<verse number="4">著因為上主來歡喜； 伊會滿足你的心願。</verse>
				<verse number="5">著將你的路途交託上主， 倚靠伊，伊會給你成全。</verse>
				<verse number="6">伊會互你的義親像光發出； 你的正直親像中晝的日頭。</verse>
				<verse number="7">著靜靜佇上主面前吞忍聽候； 毋通因為歹人的計謀成功來不平。</verse>
				<verse number="8">毋通受氣，著棄拺大受氣； 毋通不平，才免致到做歹。</verse>
				<verse number="9">因為做歹的人會受剿滅； 聽候上主的人會承受所應允的土地。</verse>
				<verse number="10">歹人真緊就會無去； 你詳細查伊的所在，嘛尋𣍐著。</verse>
				<verse number="11">毋拘謙卑的人會承受所應允的土地， 享受繁榮和平。</verse>
				<verse number="12">歹人設計欲害義人， 痛恨伊，對伊咬牙切齒。</verse>
				<verse number="13">主會給伊恥笑， 因為知伊受報應的日子啲欲到。</verse>
				<verse number="14">歹人拔刀開弓， 欲打倒困苦散赤的人， 刣死行為正直的人。</verse>
				<verse number="15">𪜶的刀會鑿入去家己的心； 𪜶的弓會受遏斷。</verse>
				<verse number="16">義人所有的雖然真少， 嘛比歹人有真多財富較好。</verse>
				<verse number="17">歹人的手骨會受遏斷， 毋拘上主扶持義人。</verse>
				<verse number="18">上主眷顧完全的人的年日； 𪜶的產業會當永遠保存。</verse>
				<verse number="19">𪜶佇患難的時𣍐致到見笑， 佇飢荒的日會得著飽足。</verse>
				<verse number="20">總是歹人會滅亡。 上主的對敵會假若野花謝去， 親像火燻消散。</verse>
				<verse number="21">歹人給人借，毋還； 義人慷慨施捨。</verse>
				<verse number="22">上主賜福的人會承受所應允的土地； 受伊咒詛的人會滅亡。</verse>
				<verse number="23">上主互義人的腳步穩固； 伊歡喜𪜶的所行所做。</verse>
				<verse number="24">𪜶著觸嘛𣍐跋倒， 因為上主用手扶𪜶。</verse>
				<verse number="25">我前少年今年老， 毋曾看著義人受放拺， 伊的後代做乞食。</verse>
				<verse number="26">伊不時慷慨施捨，歡喜借人； 伊的子孫得著祝福。</verse>
				<verse number="27">著拒絕歹，做好事， 就會永遠安然徛起。</verse>
				<verse number="28">上主意愛公平， 𣍐放拺伊聖的子民。 𪜶永遠受保護； 毋拘歹人的子孫會受剿滅。</verse>
				<verse number="29">義人會承受所應允的土地， 永遠𫢶佇遐。</verse>
				<verse number="30">義人的嘴講智慧； 伊的舌談論公平。</verse>
				<verse number="31">上帝的律法佇伊心內； 伊的腳攏𣍐踏脫。</verse>
				<verse number="32">歹人金金啲相義人， 數想欲刣伊。</verse>
				<verse number="33">上主𣍐放伊落佇歹人的手， 審判的時伊𣍐受定罪。</verse>
				<verse number="34">著聽候上主，遵守伊的道路， 伊就高升你，互你承受所應允的土地； 你會看著歹人消滅。</verse>
				<verse number="35">我看見強暴的歹人興旺， 親像樹佇家己的土地茂盛。</verse>
				<verse number="36">有人對遐經過，看咧，伊無去啦； 我尋嘛尋攏無。</verse>
				<verse number="37">詳細看完全正直的人， 因為愛和平的人有好的將來。</verse>
				<verse number="38">毋拘犯法的人會做一下滅亡； 歹人最後會受剿滅。</verse>
				<verse number="39">總是義人對上主得著拯救； 患難的時，伊做𪜶的避難所。</verse>
				<verse number="40">上主幫贊𪜶，拯救𪜶； 伊救𪜶，解放𪜶脫離歹人， 因為𪜶倚靠伊得著保護。</verse>
			</chapter>
			<chapter number="38">
				<verse number="1">上主啊，求你毋通受氣責備我， 毋通發大受氣責罰我。</verse>
				<verse number="2">你的箭射入我的身軀； 你的手重重扼我。</verse>
				<verse number="3">你的受氣互我的身軀無一位健全； 我的罪過互我的骨頭無一支好好。</verse>
				<verse number="4">我的罪過疊起來，超過我的頭殼， 親像重擔互我擔𣍐起。</verse>
				<verse number="5">我因為愚戇， 致到孔嘴爛閣臭。</verse>
				<verse number="6">我互罪硩甲欲躄落去， 歸日行來行去哼哼呻。</verse>
				<verse number="7">我的腰親像火啲𤏸； 我的身軀無甲一位健全。</verse>
				<verse number="8">我受硩傷，歸身軀麻痺； 我的心苦痛，大聲哀呻。</verse>
				<verse number="9">主啊，我的心願你攏知； 我的吐氣嘛無對你掩蓋。</verse>
				<verse number="10">我的心噗噗筅，氣力衰微， 連我的目睭都攏無神。</verse>
				<verse number="11">我的朋友同伴因為我的歹症頭攏閃開； 我的親人嘛徛遠遠。</verse>
				<verse number="12">數想我性命的人設羅網； 欲害我的人講惡毒的話， 歸日啲設計詭詰的陰謀。</verse>
				<verse number="13">我親像臭耳人𣍐聽見， 親像啞口𣍐講話。</verse>
				<verse number="14">我親像無聽見的人， 有嘴嘛𣍐當答辯。</verse>
				<verse number="15">上主啊，我仰望你； 主 — 我的上帝啊，你欲應答我。</verse>
				<verse number="16">我曾講：「求你毋通互𪜶對我誇口； 我的腳踏脫的時，毋通互𪜶對我誇耀。」</verse>
				<verse number="17">因為我險險仔跋倒； 我的苦痛不時纏隨我。</verse>
				<verse number="18">我欲認我的罪惡， 為著我的罪憂悶。</verse>
				<verse number="19">我的對敵強閣勇； 無緣無故怨恨我的人加添真多。</verse>
				<verse number="20">用歹報好的人及我做對頭； 因為我追求良善。</verse>
				<verse number="21">上主啊，毋通放拺我； 我的上帝啊，毋通離開我遠遠。</verse>
				<verse number="22">主 — 我的救主啊， 緊來救我！</verse>
			</chapter>
			<chapter number="39">
				<verse number="1">我曾講：「我欲謹慎我的言行， 才免我的舌犯罪； 歹人佇我面前的時， 我欲用嘴罨約束家己的嘴舌。」</verse>
				<verse number="2">我恬恬無出聲， 連好話都無講出嘴； 我的痛苦就愈加添。</verse>
				<verse number="3">我內心一直燒起來， 我愈想火愈𤏸， 我就開嘴講：</verse>
				<verse number="4">「上主啊，求你互我知家己的結局， 家己的年歲有偌多， 互我知家己的性命真緊就無去。</verse>
				<verse number="5">「你互我的日子實在真短； 我的歲壽對你看起來差不多是無； 人不過是一個氣。</verse>
				<verse number="6">人啲活親像影； 𪜶無閒吱吱實在無採工； 𪜶所積聚的毋知啥人會得去。</verse>
				<verse number="7">「主啊，今我著聽候什麼？ 我的向望在佇你。</verse>
				<verse number="8">求你救我脫離我一切的過失， 互我免受戇人的凌辱。</verse>
				<verse number="9">因為是你互我受苦， 我靜靜無開嘴。</verse>
				<verse number="10">你互我的責罰，求你給我除去； 因為你的手的督責，我啲欲消滅。</verse>
				<verse number="11">你責罰人，因為𪜶犯罪； 你互𪜶所意愛的親像著蛀蟲灰去。 人不過是一個氣。</verse>
				<verse number="12">「上主啊，求你聽我的祈禱， 俯耳孔聽我的懇求； 我流目屎，求你毋通無出聲。 我是依倚你的出外人， 及我的列祖像款是寄居的。</verse>
				<verse number="13">求你寬容我， 互我猶未死以前得著歡喜快樂。」</verse>
			</chapter>
			<chapter number="40">
				<verse number="1">我耐心聽候上主； 伊有俯耳孔聽我的哀求。</verse>
				<verse number="2">伊對死亡的陷坑，對土糜中給我扭起來； 伊互我徛佇石磐頂，互我的腳步穩固。</verse>
				<verse number="3">伊教我吟新的詩，唱歌謳咾咱的上帝； 真多人看著就敬畏來信靠上主。</verse>
				<verse number="4">專心信靠上主的人真有福氣！ 伊無拜偶像， 無及拜假神的人做夥。</verse>
				<verse number="5">上主 — 我的上帝啊，你有為阮成就真多奇事； 啥人會當及你比？ 你為阮安排的計劃赫呢多， 欲講嘛講𣍐了。</verse>
				<verse number="6">祭祀及禮物，你無合意； 燒化祭及贖罪祭，你嘛無愛。 你有開我的耳孔通聽，</verse>
				<verse number="7">所以我應講：「我佇遮！ 你對我的指示攏記佇律法 。</verse>
				<verse number="8">我的上帝啊，你的旨意我歡喜聽趁； 你的律法佇我心內。」</verse>
				<verse number="9">我佇大聚會中宣揚你公義的好消息； 上主啊，你知我欲一直宣揚。</verse>
				<verse number="10">我毋曾將你的公義蓋密佇心內； 我已經有講起你的信實及救恩。 我毋曾佇大聚會中掩蓋你的慈愛及信實。</verse>
				<verse number="11">上主啊，求你毋通對我收回你的慈悲； 願你的慈愛及信實不時保守我。</verse>
				<verse number="12">因為有算𣍐了的災禍圍困我； 我的罪惡趇著我，互我的目睭𣍐看見； 諸個罪惡比我的頭毛較多； 我完全失去勇氣。</verse>
				<verse number="13">上主啊，求你歡喜拯救我； 上主啊，求你緊來幫贊我。</verse>
				<verse number="14">願數想欲害我性命的人攏漏氣見笑； 願愛我受陷害的人敗退受凌辱。</verse>
				<verse number="15">願對我講「乎，你慘啊」許個人， 因為見笑滅亡。</verse>
				<verse number="16">願尋求你的人攏因為你歡喜快樂； 願欣慕你拯救的人時常講： 「著尊上主做大！」</verse>
				<verse number="17">總是我困苦散赤； 主猶久數念我。 你是我的幫贊，我的拯救； 我的上帝啊，求你毋通延延。</verse>
			</chapter>
			<chapter number="41">
				<verse number="1">看顧散赤人的人真有福氣！ 佇患難的日，上主會救伊。</verse>
				<verse number="2">上主會保守伊的性命， 互伊佇地上享福， 𣍐照對敵的心願將伊交互𪜶。</verse>
				<verse number="3">伊倒佇病床，上主會扶持伊； 伊破病的時，上主會互伊閣𬦰起來。</verse>
				<verse number="4">我曾講：「上主啊，我有得罪你， 求你憐憫我，醫治我。」</verse>
				<verse number="5">我的對敵用歹話議論我，講： 「伊底時會死，伊的名底時會消失？」</verse>
				<verse number="6">𪜶來看我攏講白賊話； 𪜶心存奸惡， 一下出去就四界給人講。</verse>
				<verse number="7">所有怨恨我的人吱嘸吱茲議論我； 𪜶設計謀欲害我 。</verse>
				<verse number="8">𪜶講：「伊的身軀有致著絕症， 已經倒床𣍐閣起來。」</verse>
				<verse number="9">我所信任，食我的飯，知己的朋友， 竟然攑腳踢我。</verse>
				<verse number="10">上主啊，求你憐憫我， 互我閣𬦰起來報復𪜶。</verse>
				<verse number="11">我的對敵𣍐贏我， 我就知你意愛我。</verse>
				<verse number="12">因為我純全正直，你會扶持我， 互我永遠徛佇你的面前。</verse>
				<verse number="13">願稱讚歸互上主 — 以色列 的上帝， 對永遠到永遠！ 阿們！阿們！</verse>
			</chapter>
			<chapter number="42">
				<verse number="1">上帝啊，我的心迫切欣慕你， 親像鹿迫切欣慕溪水。</verse>
				<verse number="2">我的心嘴焦欣慕上帝，永活的上帝； 我什麼時會當到上帝面前去朝見？</verse>
				<verse number="3">我暝日用目屎準飯吞； 我的對敵一直問我：「你的上帝佇叨位？」</verse>
				<verse number="4">我早前導眾人做陣去上帝的厝， 用歡喜稱讚的聲大家守節。 我追念諸個代誌， 心非常悲傷。</verse>
				<verse number="5">我的心啊，你是按怎鬱卒， 是按怎佇我內面哼哼呻？ 著仰望上帝； 我猶久欲稱讚伊， 因為伊是我的拯救者，我的上帝。</verse>
				<verse number="6">我的心佇我內面鬱卒， 所以我欲對 約旦 的地、 黑門 、 米薩 的山數念你。</verse>
				<verse number="7">你的瀑布出聲，深淵及深淵相呼應； 你的波浪，你的大湧淹密我。</verse>
				<verse number="8">日時，上主施落伊的慈愛； 暝時，伊互我唱歌， 對賜我活命的上帝祈求。</verse>
				<verse number="9">我欲對上帝 — 我的石磐講： 「你是按怎𣍐記得我？ 我是按怎著因為對敵的壓迫悲傷行來行去？」</verse>
				<verse number="10">我的對敵欺負我，拍碎我的骨頭； 𪜶一直問我：「你的上帝佇叨位？」</verse>
				<verse number="11">我的心啊，你是按怎鬱卒， 是按怎佇我內面哼哼呻？ 著仰望上帝； 我猶久欲稱讚伊， 因為伊是我的拯救者，我的上帝。</verse>
			</chapter>
			<chapter number="43">
				<verse number="1">上帝啊，求你主持公道， 對無敬畏你的國替我申冤； 求你救我脫離奸詐不義的人。</verse>
				<verse number="2">你是我的上帝，我的堡壘； 你是按怎放拺我？ 我是按怎著因為對敵的壓迫悲傷行來行去？</verse>
				<verse number="3">求你顯出你的光及真實來引導我， 導我去你的聖山，到你的會幕。</verse>
				<verse number="4">我就來上帝的祭壇， 到我極大歡喜的上帝遐。 上帝，我的上帝啊，我欲彈琴稱讚你。</verse>
				<verse number="5">我的心啊，你是按怎鬱卒， 是按怎佇我內面哼哼呻？ 著仰望上帝； 我猶久欲稱讚伊， 因為伊是我的拯救者，我的上帝。</verse>
			</chapter>
			<chapter number="44">
				<verse number="1">上帝啊，你佇古早，阮的祖先的時所做的代誌， 阮有親耳聽見； 阮的列祖有對阮講起：</verse>
				<verse number="2">你有用你的手趕走列邦來栽培阮的祖先， 有降災禍互許個民族來互阮的列祖發展。</verse>
				<verse number="3">𪜶毋是靠家己的刀劍得著土地， 嘛毋是用手骨救家己； 是你的正手，你的手骨，你的面的光救𪜶； 因為你意愛𪜶。</verse>
				<verse number="4">上帝啊，你是我的王； 求你出命令拯救 雅各 。</verse>
				<verse number="5">阮靠你捙倒阮的對敵， 靠你的名踐踏攻擊阮的人。</verse>
				<verse number="6">我無倚靠我的弓； 我的刀嘛𣍐救我。</verse>
				<verse number="7">你有救阮脫離對敵， 互怨恨阮的人失敗見笑。</verse>
				<verse number="8">阮欲歸日誇口上帝， 欲永遠稱讚你的名。</verse>
				<verse number="9">毋拘現在你放拺阮，互阮受凌辱； 你無及阮的軍兵鬥陣出戰。</verse>
				<verse number="10">你互阮佇對敵的面前越頭逃走， 出在怨恨阮的人搶奪。</verse>
				<verse number="11">你互阮親像羊互人吞食； 你給阮趕散去列邦。</verse>
				<verse number="12">你給你的子民俗俗仔賣， 你豈有得著什麼利益？</verse>
				<verse number="13">你互阮受隔壁國凌辱， 互四圍的人恥笑譏刺。</verse>
				<verse number="14">你互阮佇列邦中做笑詼， 互𪜶對阮幌頭。</verse>
				<verse number="15">因為詈罵、誹謗的人的聲， 因為對敵及報冤的人的緣故， 阮歸日受凌辱， 滿面見笑。</verse>
				<verse number="16"></verse>
				<verse number="17">諸個攏臨到阮，阮猶無𣍐記得你， 嘛無違反你的約。</verse>
				<verse number="18">阮的心無違背你； 阮的腳步無偏離你的路。</verse>
				<verse number="19">你竟然給阮拍倒佇豺狼出入的所在， 用死的蔭影罩阮。</verse>
				<verse number="20">阮若𣍐記得阮的上帝的名， 伸手歡迎別個神明，</verse>
				<verse number="21">上帝豈看𣍐出？ 伊一定知人心內的祕密。</verse>
				<verse number="22">阮因為你的緣故歸日受殺害； 人看阮親像欲互人刣的羊。</verse>
				<verse number="23">主啊，你著精神，哪猶啲睏？ 求你起來，毋通永遠放拺阮。</verse>
				<verse number="24">你是按怎越頭毋插阮？ 是按怎𣍐記得阮所受的壓制及苦難？</verse>
				<verse number="25">阮已經仆佇土粉， 腹肚貼佇土腳。</verse>
				<verse number="26">求你起來幫贊阮， 因為你的慈愛，求你救贖阮。</verse>
			</chapter>
			<chapter number="45">
				<verse number="1">我的心淐出美好的話； 我欲唱為著王做的詩， 我的舌親像作家老練的筆。</verse>
				<verse number="2">你比所有的查甫人較飄撇， 你講的話真優雅； 所以上帝賜福你，直到永遠。</verse>
				<verse number="3">大權能的王，腰著縖劍， 顯示你的榮光及威嚴。</verse>
				<verse number="4">為著真理、謙卑、公義， 你威嚴騎馬進前，百戰百勝； 你的正手做通驚畏的事。</verse>
				<verse number="5">你的箭真利，射迵王對敵的心， 互𪜶攏倒佇你腳下。</verse>
				<verse number="6">你的寶座是上帝所賜 ，續到永永遠遠； 你的國的權柄是正直的權柄。</verse>
				<verse number="7">你意愛公義，厭惡不法。 所以上帝 — 你的上帝用歡喜的油抹你， 超過抹你的同伴。</verse>
				<verse number="8">你的衣服有沒藥、沉香、肉桂的芳味； 對象牙的王宮有弦樂互你歡喜。</verse>
				<verse number="9">你王妃的中間有列國的公主； 王后用上純的金妝飾，徛佇你正旁。</verse>
				<verse number="10">查某囝仔啊，著斟酌聽，詳細想； 著𣍐記得你的百姓及你老父的家。</verse>
				<verse number="11">王會戀慕你的媠； 伊是你的主，你著順服。</verse>
				<verse number="12">泰爾 的人民會來送禮物； 百姓中的好額人會來對你求恩情。</verse>
				<verse number="13">王的新娘佇宮內非常榮華； 伊穿金線繡的禮服。</verse>
				<verse number="14">伊穿繡花的禮服互人導到王面前； 伴嫁的在室女隨佇後面嘛來到你面前。</verse>
				<verse number="15">𪜶歡喜快樂， 互人導入王宮。</verse>
				<verse number="16">你的子孫會續接你的列祖； 你欲設立𪜶佇全地做王。</verse>
				<verse number="17">我欲互你的名代代受記念； 萬民會永永遠遠稱讚你。</verse>
			</chapter>
			<chapter number="46">
				<verse number="1">上帝是咱的避難所，咱的氣力， 是患難中及時的幫贊。</verse>
				<verse number="2">雖然地大變動， 山徙到海中，</verse>
				<verse number="3">海水夯湧嘩嘩哮， 山因為海漲搖泏， 咱攏免驚。</verse>
				<verse number="4">有一條河，伊的水流互上帝的城歡喜； 就是至高上帝徛起聖的所在。</verse>
				<verse number="5">上帝𫢶佇遐，城一定𣍐搖動； 天昲光，上帝就幫贊伊。</verse>
				<verse number="6">列邦嘩嘩哮，列國動搖； 上帝出聲，地就消熔。</verse>
				<verse number="7">上主 — 萬軍的統帥及咱同在； 雅各 的上帝做咱的要塞。</verse>
				<verse number="8">來，來看上主的所做， 看伊佇地上奇妙的作為。</verse>
				<verse number="9">伊遏折弓，斬斷槍，放火燒戰車； 伊互戰爭攏煞，全地和平。</verse>
				<verse number="10">伊講：「攏靜靜！著知我是上帝！ 我佇列邦受尊崇， 佇全地受尊做大。」</verse>
				<verse number="11">上主 — 萬軍的統帥及咱同在； 雅各 的上帝做咱的要塞。</verse>
			</chapter>
			<chapter number="47">
				<verse number="1">萬民啊，恁攏著拍噗仔； 著用歡喜的聲大聲對上帝歡呼。</verse>
				<verse number="2">上主 — 至高的上帝應該受敬畏； 伊是大君王，統治全地。</verse>
				<verse number="3">伊互萬民降服阮， 互列邦屈服佇阮腳下。</verse>
				<verse number="4">伊為著阮揀應允的土地， 做伊所疼的子民誇耀的產業。</verse>
				<verse number="5">上帝上去坐寶座，萬民大聲歡呼； 上主上去坐王位，哨角攏大彈。</verse>
				<verse number="6">恁著唱歌稱讚上帝，唱歌稱讚； 著唱歌謳咾咱的王，唱歌謳咾。</verse>
				<verse number="7">上帝是全地的王， 著用詩歌稱讚伊。</verse>
				<verse number="8">上帝坐佇聖的寶座； 上帝作王統治萬國。</verse>
				<verse number="9">列邦的貴族聚集， 欲做 亞伯拉罕 的上帝的子民； 因為地上的君王 攏歸屬伊。 上帝大大受尊崇！</verse>
			</chapter>
			<chapter number="48">
				<verse number="1">上主至大， 佇咱上帝的城， 佇伊聖的山， 應該大大受稱讚。</verse>
				<verse number="2">錫安山 佇北面，高閣好看， 全地所歡喜，大君王的城。</verse>
				<verse number="3">上帝佇城的要塞啲顧守， 互人知伊是避難所。</verse>
				<verse number="4">看啊，列王聚集， 鬥陣進軍欲攻城。</verse>
				<verse number="5">𪜶一下看著此個城就卬愕， 驚惶，趕緊逃走。</verse>
				<verse number="6">𪜶佇遐愕愕惙， 親像催陣的婦仁人痛疼，</verse>
				<verse number="7">親像 他施 的船互東風拍破。</verse>
				<verse number="8">佇上主 — 萬軍的統帥的城內， 佇咱上帝的城中， 咱曾聽著，現在親目看著， 上帝欲顧守此個城到永遠。</verse>
				<verse number="9">上帝啊，佇你的殿內， 阮數念你的慈愛。</verse>
				<verse number="10">上帝啊，你的名傳到全地， 謳咾的聲透到天邊海角。 你的統治充滿公義，</verse>
				<verse number="11">你的判斷正確， 錫安山 著歡喜， 猶大 的城市著快樂。</verse>
				<verse number="12">恁著踅 錫安 ，周圍踅一輪， 點算城塔，</verse>
				<verse number="13">觀察城牆，欣賞堡壘， 通互恁對後代宣告：</verse>
				<verse number="14">此位上帝是咱永永遠遠的上帝， 伊會永遠引導咱。</verse>
			</chapter>
			<chapter number="49">
				<verse number="1">萬民啊，攏著聽； 世上攏總的住民啊，著俯耳孔聽。</verse>
				<verse number="2">無論卑賤尊貴， 好額散赤，攏著聽。</verse>
				<verse number="3">我的嘴欲講智慧的話； 我的心欲想明理的事。</verse>
				<verse number="4">我欲俯耳孔聽譬喻， 彈琴解說奧祕。</verse>
				<verse number="5">歹人用詭詐包圍我， 佇患難的日，我嘛毋驚。</verse>
				<verse number="6">𪜶倚靠財富，誇口好額；</verse>
				<verse number="7">𪜶無一個有法度贖回家己， 嘛𣍐當用錢對上帝贖回性命。</verse>
				<verse number="8">因為贖回性命的價錢傷貴， 永遠付𣍐起；</verse>
				<verse number="9">人𣍐當久長活啲， 免受毀滅。</verse>
				<verse number="10">有人看著智慧的人死， 愚戇無知的人嘛攏滅亡， 錢財攏留互別人。</verse>
				<verse number="11">𪜶想講𪜶的厝會永遠留啲， 𪜶徛起的所在會續到萬代， 所以用家己的名號家己的地。</verse>
				<verse number="12">毋拘人𣍐當久長享受富貴， 會親像牲生死去。</verse>
				<verse number="13">這是倚靠家己的人所行的路， 是贊同𪜶的話的人的結局。</verse>
				<verse number="14">親像註定落陰府的羊， 死亡做𪜶的牧者導𪜶一路到墳墓； 𪜶的身軀佇陰府消滅， 無閣有徛起的所在。</verse>
				<verse number="15">毋拘上帝會贖回我脫離陰府的權勢； 因為伊會接納我。</verse>
				<verse number="16">人發財，家庭加添光彩； 你毋免因為按呢著驚。</verse>
				<verse number="17">因為伊死的時，無一項帶會去； 伊的榮華𣍐隨伊去。</verse>
				<verse number="18">雖然伊在生家己誇耀有福氣， 成功得著人的謳咾，</verse>
				<verse number="19">伊最後嘛著去見𪜶祖公， 永遠𣍐閣看見光。</verse>
				<verse number="20">人𣍐當久長享受富貴 ， 伊會親像牲生死去。</verse>
			</chapter>
			<chapter number="50">
				<verse number="1">上主 — 全能的上帝對東到西出聲， 呼召全地。</verse>
				<verse number="2">對媠無比的 錫安 ， 上帝發出光。</verse>
				<verse number="3">咱的上帝來臨，一定𣍐靜靜； 有炎火佇伊面前啲𤏸， 有暴風佇伊四圍啲掃。</verse>
				<verse number="4">為著欲審判伊的子民， 伊召天及地來作證。</verse>
				<verse number="5">伊講：「著召集我聖的子民來我遮， 就是用祭祀及我立約的人。」</verse>
				<verse number="6">天欲顯明伊的公義； 因為上帝本身是審判者。</verse>
				<verse number="7">「我的子民啊，著聽，我欲講； 以色列 啊，我欲控告你。 我是上帝，你的上帝。</verse>
				<verse number="8">我無因為你的祭祀責備你； 你的燒化祭時常佇我的面前。</verse>
				<verse number="9">我毋免對你的牛椆接受公的牛， 嘛毋免對你的羊椆接受公的山羊。</verse>
				<verse number="10">因為樹林內的百獸， 眾山的牲生攏屬我。</verse>
				<verse number="11">山內的飛鳥，我攏識； 曠野的走獸嘛攏屬我。</verse>
				<verse number="12">「我若枵，嘛𣍐給你講； 因為世界及萬物攏屬我。</verse>
				<verse number="13">我豈會食牛的肉， 飲山羊的血？</verse>
				<verse number="14">你著用感謝做祭獻互上帝； 著對至高者謝願。</verse>
				<verse number="15">佇患難的日，你著求叫我； 我欲救你，你嘛著尊崇我。」</verse>
				<verse number="16">毋拘上帝對歹人講： 「你哪有權唸我的規例， 嘴講我的約？</verse>
				<verse number="17">其實你厭惡教示， 將我的話擲佇尻脊後。</verse>
				<verse number="18">你見著賊就及伊同心， 及行姦淫的人鬥陣。</verse>
				<verse number="19">「你的嘴講歹話； 你的舌製造奸詐。</verse>
				<verse number="20">你隨便講兄弟的是非， 誣賴你的親人。</verse>
				<verse number="21">你做諸個代誌，我恬恬無出聲， 你煞想講我及你仝款。 毋拘我欲責備你， 將諸個代誌排佇你的目睭前。</verse>
				<verse number="22">「恁諸個𣍐記得上帝的人啊，著想此個事， 才免我將恁拆碎，無人通救恁。</verse>
				<verse number="23">所有用感謝獻祭的人是啲尊崇我； 行正路的人，我欲互伊得著上帝的拯救。」</verse>
			</chapter>
			<chapter number="51">
				<verse number="1">上帝啊，你的疼𣍐改變，求你憐憫我！ 你有豐富的慈愛，求你擦消我的罪過！</verse>
				<verse number="2">求你洗除我一切的罪， 洗清我的罪惡。</verse>
				<verse number="3">我知家己的過失； 我的罪惡不時佇我的目睭前。</verse>
				<verse number="4">我有得罪你，我得罪的是你； 我有做你看做邪惡的代誌。 所以，我受你審判是當然， 受你責罰是應該。</verse>
				<verse number="5">我佇母胎就有罪， 出世彼日就是罪人。</verse>
				<verse number="6">你意愛的是內心誠實； 求你教示我，互我心內有真正的智慧。</verse>
				<verse number="7">求你洗除我的罪，互我清氣； 求你給我洗清氣，互我比雪較白。</verse>
				<verse number="8">求你互我聽見歡喜快樂的聲， 互你拍碎的骨頭閣再歡喜快樂。</verse>
				<verse number="9">求你面越走無看我的罪； 求你擦消我一切的罪惡。</verse>
				<verse number="10">上帝啊，求你為我創造純潔的心； 求你賜我新閣忠誠的心靈。</verse>
				<verse number="11">毋通趕我離開你的面前； 毋通對我收回你聖的神。</verse>
				<verse number="12">求你互我重新享受你救恩的歡喜， 互我的心靈願意順服你。</verse>
				<verse number="13">我欲將你的道路指示犯過失的人， 互罪人通歸向你。</verse>
				<verse number="14">拯救我的上帝啊，求你免除我的死罪 ， 互我通大聲稱讚你的拯救。</verse>
				<verse number="15">主啊，求你開我的嘴； 我欲稱讚你。</verse>
				<verse number="16">你無愛牲禮，若愛，我歡喜獻； 我若獻燒化祭，你嘛無歡喜。</verse>
				<verse number="17">上帝啊，你所愛的祭是痛悔的心靈； 憂傷痛悔的心，你歡喜接納。</verse>
				<verse number="18">上帝啊，求你用慈愛好款待 錫安 ， 重建 耶路撒冷 的城牆。</verse>
				<verse number="19">彼時，你欲接納合宜的牲禮，全副的燒化祭； 人欲將牛獻佇你的祭壇。</verse>
			</chapter>
			<chapter number="52">
				<verse number="1">有權力的人啊，是按怎你歸日為著做歹代啲誇口？ 上帝的慈愛永遠存續。</verse>
				<verse number="2">你製造是非圖謀毀壞； 你的舌真利，親像剃頭刀。</verse>
				<verse number="3">你愛歹贏過好， 愛白賊贏過講義理。</verse>
				<verse number="4">欺騙的人啊， 你愛講一切吞食人的話。</verse>
				<verse number="5">上帝會掠你，對布棚給你拖出來， 對活人的地給你拔起來。 伊會永遠給你毀滅。</verse>
				<verse number="6">義的人看著會驚畏， 恥笑你，講：</verse>
				<verse number="7">「你看咧，這就是無倚靠上帝， 只有倚靠家己財富的人； 伊倚靠的反轉致到家己毀滅。」</verse>
				<verse number="8">毋拘我，親像上帝殿內青翠的橄欖樹， 欲永永遠遠倚靠上帝的慈愛。</verse>
				<verse number="9">因為你按呢對待我，我欲永遠感謝你。 我欲佇你聖的子民面前仰望你的名； 因為你的名真好。</verse>
			</chapter>
			<chapter number="53">
				<verse number="1">戇人心內講：「無上帝。」 𪜶攏腐敗，做可惡的代誌， 無甲一個做好。</verse>
				<verse number="2">上帝對天俯落來看世間人， 欲看有明理，有尋求上帝的人抑無。</verse>
				<verse number="3">𪜶逐個人攏行迷路，平平變做污穢； 無人做好，連一個都無。</verse>
				<verse number="4">做歹的人豈攏毋知？ 𪜶吞食我的子民親像啲食飯； 𪜶無求叫上帝。</verse>
				<verse number="5">𪜶佇毋免驚惶的時大驚惶； 因為上帝有將包圍攻擊你的人的骨頭撒散； 𪜶會見笑失敗，因為上帝棄拺𪜶。</verse>
				<verse number="6">願 以色列 的拯救對 錫安 出！ 願上帝導伊受掠的子民倒轉來！ 彼時， 以色列 會歡喜， 雅各 會快樂！</verse>
			</chapter>
			<chapter number="54">
				<verse number="1">上帝啊，求你因為你的名拯救我， 用你的權柄替我申冤。</verse>
				<verse number="2">上帝啊，求你聽我的祈禱， 俯耳孔聽我所講的話。</verse>
				<verse number="3">因為生份人起來攻擊我， 殘忍的人數想我的性命； 𪜶眼中無上帝。</verse>
				<verse number="4">上帝確實是我的幫贊； 主是我的保護者。</verse>
				<verse number="5">求你用我的對敵對我所做的歹給𪜶報應， 照你的信實給𪜶毀滅。</verse>
				<verse number="6">我欲甘心樂意獻祭物互你； 上主啊，我欲感謝稱讚你的名，因為你是好。</verse>
				<verse number="7">你有救我脫出一切的患難； 我有親目看著我的對敵滅亡。</verse>
			</chapter>
			<chapter number="55">
				<verse number="1">上帝啊，求你俯耳孔聽我的祈禱， 毋通匿起來，毋聽我的懇求。</verse>
				<verse number="2">求你聽我，應我； 我操煩鬱卒，心不安，</verse>
				<verse number="3">攏是因為對敵哄喝，歹人壓制； 𪜶將罪過疊起來硩我； 𪜶發受氣窘迫我。</verse>
				<verse number="4">我的心攪絞痛苦； 死亡的驚惶臨到我。</verse>
				<verse number="5">驚惶愕愕惙包圍我； 恐怖蓋密我。</verse>
				<verse number="6">我講：「我真愛親像粉鳥有翼， 通飛去尋著安歇的所在。</verse>
				<verse number="7">我欲飛去遠遠， 歇佇曠野，</verse>
				<verse number="8">緊到避難的所在， 通脫離狂風暴雨。」</verse>
				<verse number="9">主啊，求你拍亂𪜶的語言，互𪜶的話混亂； 因為我看著城內有強暴紛爭，</verse>
				<verse number="10">歹人暝日佇城牆頂行踅， 城內充滿災難邪惡。</verse>
				<verse number="11">城內到處有破壞； 街路逐位有壓制及奸詐。</verse>
				<verse number="12">侮辱我的毋是對敵， 若是，我嘛猶會當容忍。 自高看輕我的毋是怨恨我的人， 若是，我嘛猶會當閃開。</verse>
				<verse number="13">無拍算是你，及我仝身份的人， 是我的同伴，我知己的朋友。</verse>
				<verse number="14">咱以前常常互相親密談論， 及眾人佇上帝的殿做夥敬拜。</verse>
				<verse number="15">願死亡忽然臨到𪜶， 互𪜶活活落陰府； 因為𪜶徛起的所在充滿邪惡。</verse>
				<verse number="16">我咧，我欲求叫上帝； 上主會救我。</verse>
				<verse number="17">下昏，早起，中晝，我哀傷吐氣； 伊攏會聽我的聲。</verse>
				<verse number="18">雖然反對我的人真多， 伊會救贖我的性命脫離攻擊我的人， 互我平安倒轉來。</verse>
				<verse number="19">對古早永遠存在的上帝會聽見， 嘛會給𪜶報應； 因為𪜶毋改變，無欲敬畏上帝。</verse>
				<verse number="20">𪜶伸手攻擊家己的同伴， 違背及𪜶立的約。</verse>
				<verse number="21">𪜶的嘴親像油滑溜溜； 𪜶的心藏怨恨； 𪜶的話比油較柔軟， 其實是拔出來的刀。</verse>
				<verse number="22">著將你的擔卸互上主； 伊會扶持你，絕對𣍐互義人失敗。</verse>
				<verse number="23">刣死人的及奸詐的人𣍐活到中年； 上帝啊，你會互𪜶陷落佇死亡的深坑。 若是我，我欲倚靠你。</verse>
			</chapter>
			<chapter number="56">
				<verse number="1">上帝啊，求你憐憫我，因為人踐踏我， 歸日攻擊壓制我。</verse>
				<verse number="2">我的對敵歸日踐踏我； 至高的上帝啊，攻擊我的人真多。</verse>
				<verse number="3">我驚惶的時，我欲倚靠你。</verse>
				<verse number="4">我倚靠上帝，我欲稱讚伊應允的話； 倚靠上帝，我就無驚。 會死的人會當給我按怎？</verse>
				<verse number="5">𪜶歸日歪曲我的話， 所想的攏是欲害我。</verse>
				<verse number="6">𪜶聚集，埋伏，啲相我的腳步， 當等欲害我的性命。</verse>
				<verse number="7">𪜶做歹豈會當逃脫？ 上帝啊，求你發受氣互諸個對敵屈服。</verse>
				<verse number="8">我的悲傷，你有記錄； 求你將我的目屎收佇你的皮袋。 諸個豈無攏記佇你的冊？</verse>
				<verse number="9">我求叫的時，對敵攏會越轉身退去； 我知，上帝為我。</verse>
				<verse number="10">我倚靠上帝，我欲稱讚伊應允的話； 我倚靠上主，我欲謳咾伊的話。</verse>
				<verse number="11">我倚靠上帝，我就𣍐驚； 人會當給我按怎？</verse>
				<verse number="12">上帝啊，我欲照我向你所下的願， 對你獻謝恩的祭。</verse>
				<verse number="13">因為你有救我的性命脫離死亡， 保護我的腳無跋倒， 互我得著活命的光引導，行佇你面前。</verse>
			</chapter>
			<chapter number="57">
				<verse number="1">上帝啊，求你可憐我，可憐我； 我欲匿佇你遐， 匿佇你翼股的保護下， 聽候災難攏過去。</verse>
				<verse number="2">我欲求叫至高的上帝， 逐項事攏給我完成的上帝。</verse>
				<verse number="3">上帝會對天施恩救我， 互踐踏我的人失敗見笑。 上帝會對我施落慈愛及信實。</verse>
				<verse number="4">我倒佇兇惡的人中間， 𪜶親像獅當等欲吞食人； 𪜶的嘴齒親像槍，親像箭， 𪜶的舌親像利的刀。</verse>
				<verse number="5">上帝啊，願你的偉大𨃟過天， 你的榮光遍照全地。</verse>
				<verse number="6">𪜶佇我的腳前設羅網， 欲互我屈服； 佇我的面前開陷坑， 家己顛倒跋落彼內面。</verse>
				<verse number="7">上帝啊，我的心平靜，我的心堅定； 我欲吟詩，我欲唱歌稱讚。</verse>
				<verse number="8">我的心神啊，著醒起來！ 琴啊，瑟啊，著醒起來！ 我欲給日頭叫醒。</verse>
				<verse number="9">主啊，我欲佇萬民中感謝你， 佇列邦中唱歌稱讚你。</verse>
				<verse number="10">你的慈愛若天赫呢高； 你的信實透到穹蒼。</verse>
				<verse number="11">上帝啊，願你的偉大𨃟過天； 願你的榮光遍照全地。</verse>
			</chapter>
			<chapter number="58">
				<verse number="1">執政者 ，恁豈有真正啲講公義？ 豈有照公平審判人？</verse>
				<verse number="2">無，恁心內計劃做歹代誌， 佇地上，恁用手對人施強暴。</verse>
				<verse number="3">歹人對出母胎就行迷路； 一下離開老母的腹肚就行偏路，講白賊。</verse>
				<verse number="4">𪜶的毒親像蛇的毒； 𪜶親像毒蛇塞密家己的耳孔，</verse>
				<verse number="5">毋聽弄蛇的人， 抑是𠢕唸咒的人的聲。</verse>
				<verse number="6">上帝啊，求你拍折𪜶的嘴齒； 上主啊，求你摃斷猛獅的大支牙齒。</verse>
				<verse number="7">願𪜶消失親像水流了了， 親像草受踐踏焦去。</verse>
				<verse number="8">願𪜶親像露螺趖過的跡連鞭無去； 親像婦仁人流產的胎無見著天日。</verse>
				<verse number="9">恁用刺仔燃火，鼎猶未熱， 伊欲用捲螺仔風，將霑的及焦的做一下掃去。</verse>
				<verse number="10">義人看見𪜶受報應就歡喜； 伊用歹人流的血洗腳。</verse>
				<verse number="11">人就講，義人真正有好報； 佇地面上上帝果然有啲審判。</verse>
			</chapter>
			<chapter number="59">
				<verse number="1">我的上帝啊，求你救我脫離我的對敵， 給我安置佇高的所在，互我脫離起來攻擊我的人。</verse>
				<verse number="2">求你救我脫離作歹的人， 救我脫離愛害人性命的人。</verse>
				<verse number="3">𪜶埋伏欲害我的性命； 兇惡的人聚集來攻擊我， 毋拘上主啊，這毋是因為我的過失抑是罪過。</verse>
				<verse number="4">我雖然無過失，𪜶衝來欲害我。 緊起來，看我的困境來幫贊我！</verse>
				<verse number="5">上主 — 萬軍的統帥上帝啊， 緊起來處罰敵對你的列邦！ 以色列 的上帝啊，毋通寬赦所有奸詐的歹人。</verse>
				<verse number="6">𪜶暗時倒來，親像狗啲吠， 佇城內行來行去。</verse>
				<verse number="7">𪜶的嘴吐出的話親像利的刀； 𪜶想：「豈有人啲聽？」</verse>
				<verse number="8">毋拘上主你欲笑𪜶； 你欲恥笑列邦。</verse>
				<verse number="9">上帝 — 我的氣力啊，我欲仰望你， 因為你是我的堡壘。</verse>
				<verse number="10">我的上帝會用慈愛款待我； 上帝會互我看見對敵受報應。</verse>
				<verse number="11">毋通剿滅𪜶，才免我的子民𣍐記得。 主 — 阮的盾牌啊，求你用你的氣力互𪜶四界流浪閣失勢。</verse>
				<verse number="12">𪜶因為嘴犯的罪及嘴唇講的話， 會跋落家己的驕傲所設的陷阱。 因為𪜶所講的咒罵及白賊，</verse>
				<verse number="13">求你發受氣剿滅𪜶，給𪜶徹底消滅， 互人攏知上帝啲掌管 以色列 ， 甚至到天邊海角。</verse>
				<verse number="14">𪜶暗時倒來，親像狗啲吠， 佇城內行來行去。</verse>
				<verse number="15">𪜶走來走去尋食， 食無飽就歸暝吠無停。</verse>
				<verse number="16">毋拘我欲唱歌稱讚你的氣力， 早起時欲大聲謳咾你的慈愛； 因為你是我的堡壘， 佇患難的日做我避難的所在。</verse>
				<verse number="17">上帝 — 我的氣力啊，我欲唱歌稱讚你， 因為你是我的堡壘，是永遠疼我的上帝。</verse>
			</chapter>
			<chapter number="60">
				<verse number="1">上帝啊，你有棄拺阮，拍碎阮； 你有對阮受氣，今求你閣轉來阮遮 。</verse>
				<verse number="2">你給地搖振動，互伊裂開； 求你修補伊的裂痕，因為地猶啲振動。</verse>
				<verse number="3">你有互你的子民抵著苦難， 有互阮飲互人顛來顛去的酒。</verse>
				<verse number="4">你為著敬畏你的人搧大旗， 召集𪜶，互𪜶脫離弓箭的攻擊。</verse>
				<verse number="5">求你回應阮，用你大權能的手拯救阮， 互你所疼的人得著解救。</verse>
				<verse number="6">上帝佇伊的聖所講 ： 「我大勝利啦！ 我欲分割 示劍 ，分配 疏割 的山谷。</verse>
				<verse number="7">基列 是我的， 瑪拿西 嘛屬我； 以法蓮 是我的頭盔； 猶大 是我權柄的柺。</verse>
				<verse number="8">摩押 做我的浴盆； 我㧒我的鞋佇 以東 ， 向 非利士 喝勝利的聲。」</verse>
				<verse number="9">啥人欲導我入去堅固的城？ 啥人欲導我入去 以東 的地？</verse>
				<verse number="10">上帝啊，你豈有棄拺阮？ 上帝啊，你豈𣍐閣及阮的軍隊鬥陣出征？</verse>
				<verse number="11">求你援助阮攻擊對敵， 因為人的幫贊𣍐靠得。</verse>
				<verse number="12">靠上帝阮才會得勝； 伊會拍敗阮的對敵。</verse>
			</chapter>
			<chapter number="61">
				<verse number="1">上帝啊，求你聽我的求叫， 俯落聽我的祈禱。</verse>
				<verse number="2">我心失志的時， 欲對地的盡頭求叫你。 求你導我到比我較高的石磐。</verse>
				<verse number="3">因為你是我的避難所， 做我堅固的堡壘通抵抗對敵。</verse>
				<verse number="4">我欲永遠住佇你的布棚， 匿佇你的翼股下。</verse>
				<verse number="5">上帝啊，我所下的願你有聽見； 你有將產業賜互敬畏你的人。</verse>
				<verse number="6">你欲加添王的歲壽， 互伊的年歲到世世代代。</verse>
				<verse number="7">願伊佇上帝面前久長掌權； 願你用慈愛及信實保護伊。</verse>
				<verse number="8">按呢，我欲不時唱歌稱讚你的名， 日日謝我的願。</verse>
			</chapter>
			<chapter number="62">
				<verse number="1">我的心神靜靜，專心聽候上帝； 我的拯救是對伊來。</verse>
				<verse number="2">只有伊是保護我的石磐，我的拯救； 伊是我的堡壘，我攏𣍐動搖。</verse>
				<verse number="3">恁攻擊一個人欲到什麼時？ 恁親像啲拺敧斜的牆，欲倒的壁按呢給彼個人毀壞。</verse>
				<verse number="4">恁鬥陣計謀，一直欲給伊對尊貴的位捙落去； 恁愛講白賊。 恁嘴祝福，心咒詛。</verse>
				<verse number="5">我的心神啊，著靜靜，專心聽候上帝， 因為我的向望對伊來。</verse>
				<verse number="6">只有伊是我的石磐，我的拯救； 伊是我的堡壘，我攏𣍐動搖。</verse>
				<verse number="7">我的拯救，我的光榮在佇上帝； 伊是我的大石磐，我的避難所。</verse>
				<verse number="8">萬民啊，著不時倚靠伊， 對伊吐露恁的心情。 上帝是咱的避難所。</verse>
				<verse number="9">人真正是空虛， 會死的人攏是虛假， 下佇天秤一定浮起來； 𪜶合起來猶比呼吸的氣較輕。</verse>
				<verse number="10">毋通靠暴力， 毋通靠搶奪； 財寶加添嘛毋通想欲靠伊。</verse>
				<verse number="11">上帝講一項， 我聽著兩項： 權能屬佇上帝，</verse>
				<verse number="12">慈愛嘛屬佇伊。 主啊，你欲照逐人的所做給伊報應。</verse>
			</chapter>
			<chapter number="63">
				<verse number="1">上帝啊，你是我的上帝，我迫切追尋你； 親像地曠旱無水，我的心神嘴焦渴慕你； 我的肉體欣慕你到欲暈去。</verse>
				<verse number="2">所以我佇聖所尋你， 愛看你的權能及榮光。</verse>
				<verse number="3">我的嘴唇欲頌讚你， 因為你的慈愛比性命較好。</verse>
				<verse number="4">我欲一世人稱讚你， 欲攑手求叫你的名。</verse>
				<verse number="5">我的心神會滿足，親像享受豐盛的宴席； 我嘛欲用歡喜的嘴唇唱歌頌讚你。</verse>
				<verse number="6">我倒佇眠床記念你， 暝時逐更嘛數念你。</verse>
				<verse number="7">因為你有幫贊我， 我欲佇你的翼股下歡喜唱歌。</verse>
				<verse number="8">我隨你隨牢牢； 你的正手扶持我。</verse>
				<verse number="9">毋拘數想我性命的人， 𪜶會陷落佇地下上深的所在。</verse>
				<verse number="10">𪜶會互刀劍刣， 互豺狼食。</verse>
				<verse number="11">總是王會因為上帝來歡喜； 所有指伊咒誓的人會因為伊來誇口； 毋拘講白賊的嘴會受塞密。</verse>
			</chapter>
			<chapter number="64">
				<verse number="1">上帝啊，我埋怨的時，求你聽我的聲； 求你保護我的性命免驚對敵的陷害。</verse>
				<verse number="2">求你將我囥密，互我脫離邪惡的人的陰謀， 脫離做歹的人的計謀。</verse>
				<verse number="3">𪜶磨𪜶的舌親像磨刀； 𪜶用惡毒的話做箭啲瞄準，</verse>
				<verse number="4">埋伏欲射無辜的人； 𪜶忽然射伊，手嘛無惙。</verse>
				<verse number="5">𪜶參詳歹計謀； 暗中設計，張羅網， 講：「啥人會看著咱？」</verse>
				<verse number="6">𪜶圖謀歹代， 講：「阮已經有想出上精密的計謀。」 人的心思念頭實在有夠詭詐。</verse>
				<verse number="7">毋拘上帝欲用箭射𪜶； 𪜶會忽然著傷。</verse>
				<verse number="8">𪜶會互家己講的話害死； 看見的人攏會搖頭。</verse>
				<verse number="9">眾人攏會驚惶， 欲報揚上帝的所做， 詳細想伊的作為。</verse>
				<verse number="10">義人會因為上主來歡喜， 嘛會倚靠伊得著安全。 所有心正直的人攏會稱讚伊。</verse>
			</chapter>
			<chapter number="65">
				<verse number="1">上帝啊，人應該佇 錫安 稱讚你， 對你謝所下的願。</verse>
				<verse number="2">聽祈禱的主啊， 全人類攏欲就近你。</verse>
				<verse number="3">罪壓倒我； 毋拘阮的過失你攏欲赦免。</verse>
				<verse number="4">你所揀選，互𪜶親近你，住佇你殿的埕的人真有福氣！ 阮欲因為你的厝，你的聖殿的福氣心滿意足！</verse>
				<verse number="5">拯救阮的上帝啊， 你用通驚畏的作為，施行公義來應答阮； 地極及海面遠遠的人攏欲倚靠你。</verse>
				<verse number="6">你彰顯你的權能， 用氣力互山嶺安穩徛在。</verse>
				<verse number="7">海搖泏，海湧嘩嘩哮，萬民哄喝， 你互𪜶攏平靜。</verse>
				<verse number="8">徛起佇地盡頭的人會因為你的神跡驚畏； 日出日落的所在，你互𪜶歡呼。</verse>
				<verse number="9">你眷顧土地，落雨灌沃，互土地真肥。 上帝的河，水滿滿； 你按呢準備土地，供給五穀。</verse>
				<verse number="10">你灌沃田園， 互水滿溝滿稜， 互土肉軟軟。 你賜福互所栽種的攏大欉。</verse>
				<verse number="11">你用豐收做年冬的王冠； 你經過的路有油啲滴，</verse>
				<verse number="12">連曠野的草埔都有油啲滴。 山頭用歡喜做帶縖，</verse>
				<verse number="13">草埔有羊群做衫穿， 山谷有五穀做外套幔； 𪜶攏歡喜出聲吟詩。</verse>
			</chapter>
			<chapter number="66">
				<verse number="1">全地攏著對上帝出歡喜的聲，</verse>
				<verse number="2">唱歌稱讚伊名的榮光， 用讚美的話顯明伊的榮光。</verse>
				<verse number="3">著對上帝講：「你的作為偌呢通驚畏！ 因為你的大權能，你的對敵會降服你。</verse>
				<verse number="4">全地會敬拜你， 吟詩稱讚你； 會吟詩謳咾你的名。」</verse>
				<verse number="5">來，來看上帝的作為； 伊對世間人的所做真通驚畏。</verse>
				<verse number="6">伊互海變做焦地， 互伊的子民步行過河。 佇遐阮因為伊來歡喜。</verse>
				<verse number="7">伊用伊的權能永遠統治； 伊的目睭監察列邦； 背逆的人毋通自高。</verse>
				<verse number="8">萬民啊，著稱讚阮的上帝， 互人聽著稱讚伊的聲。</verse>
				<verse number="9">伊保存阮的性命， 互阮堅固徛在。</verse>
				<verse number="10">上帝啊，你有試驗阮， 鍛鍊阮親像鍛鍊銀。</verse>
				<verse number="11">你互阮入羅網， 用重擔硩佇阮身上。</verse>
				<verse number="12">你容允人駛車軋過阮的頭殼； 阮經過水及火。 總是你導阮到寬闊自由的所在。</verse>
				<verse number="13">我欲帶燒化祭進入你的殿； 我欲對你謝我的願。</verse>
				<verse number="14">我欲還佇患難的時嘴唇所講， 嘴所下的願。</verse>
				<verse number="15">我欲獻肥的牲生做燒化祭， 獻綿羊、牛，及山羊， 將燒化祭的芳味獻互你。</verse>
				<verse number="16">敬畏上帝的人攏著來聽； 我欲講起伊為我所做的事。</verse>
				<verse number="17">我曾用我的嘴求叫伊， 用我的舌稱讚伊，尊崇伊。</verse>
				<verse number="18">我心內若有囥歹的念頭， 主一定𣍐聽。</verse>
				<verse number="19">毋拘上帝實在有聽見； 伊已經俯落聽我祈禱的聲。</verse>
				<verse number="20">上帝應該受稱讚； 伊毋曾拒絕我的祈禱， 毋曾互伊的慈愛離開我。</verse>
			</chapter>
			<chapter number="67">
				<verse number="1">願上帝憐憫阮，賜福互阮； 願你用仁慈款待阮，</verse>
				<verse number="2">通互全世界知你的旨意， 互萬國識你的救恩。</verse>
				<verse number="3">上帝啊，願世間人攏稱讚你， 萬民攏謳咾你！</verse>
				<verse number="4">願萬國快樂，唱歌歡喜！ 因為你照公義審判萬民， 引導世上萬國。</verse>
				<verse number="5">上帝啊，願世間人攏稱讚你， 萬民攏謳咾你！</verse>
				<verse number="6">土地有生產五穀； 上帝，阮的上帝有賜福互阮。</verse>
				<verse number="7">願上帝賜福互阮！ 願全地攏敬畏伊！</verse>
			</chapter>
			<chapter number="68">
				<verse number="1">願上帝起來，互伊的對敵四散， 互怨恨伊的人對伊的面前逃走。</verse>
				<verse number="2">你給𪜶趕散，親像給煙吹散； 𪜶親像蠟見著火就熔去， 歹人見著上帝的面就消滅。</verse>
				<verse number="3">願義人佇上帝面前歡喜快樂； 願𪜶歡歡喜喜。</verse>
				<verse number="4">著對上帝吟詩，唱歌稱讚伊的名， 大大稱讚坐雲 來的彼位； 伊的稱呼是上主。 著佇伊的面前快樂。</verse>
				<verse number="5">上帝佇伊聖的所在 做孤兒的父，寡婦的保護者。</verse>
				<verse number="6">上帝互孤單的人有厝通住， 導關監的人出來得著自由享福； 毋拘伊互背逆的人𫢶佇曠旱的地。</verse>
				<verse number="7">上帝啊，早你行佇你的子民頭前， 經過曠野；</verse>
				<verse number="8">地見著 西奈 的上帝，大振動； 天佇 以色列 的上帝面前落大雨。</verse>
				<verse number="9">上帝啊，你落大雨， 互焦燥的土地得著潤澤，</verse>
				<verse number="10">互你的族群佇遐徛起。 上帝啊，你互散赤人得著恩惠。</verse>
				<verse number="11">主出命令； 一大陣婦女傳好消息：</verse>
				<verse number="12">「君王及𪜶的軍隊攏逃走啦，逃走啦！」 留佇厝內的婦女嘛分著戰利品。</verse>
				<verse number="13">恁安穩倒佇羊椆內的時， 親像粉鳥的翼鑲白銀，毛鑲黃金。</verse>
				<verse number="14">全能者佇境內趕散列王的時， 勢面親像 撒們山 啲落雪。</verse>
				<verse number="15">巴珊山 是極其高大 的山； 巴珊山 是有真多山嶺的山。</verse>
				<verse number="16">有真多山尖的山啊， 恁是按怎怨妒啲看上帝所愛徛起的山？ 上主會𫢶佇遐到永遠。</verse>
				<verse number="17">上帝有戰車千千萬萬； 主對 西奈 出來，來到伊的聖所。</verse>
				<verse number="18">你已經上到高的所在，給俘虜掠來； 你對人接受貢品，甚至接受背叛的人的禮物， 互主上帝你佇𪜶中間徛起。</verse>
				<verse number="19">主應該受稱讚，伊日日背咱的擔； 伊就是救咱的上帝。</verse>
				<verse number="20">咱的上帝是拯救的上帝； 只有主上帝會救咱脫離死亡。</verse>
				<verse number="21">總是上帝欲拍破對敵的頭殼， 就是繼續犯罪的人的頭殼。</verse>
				<verse number="22">主講：「我欲給𪜶對 巴珊 導來， 對海上深的所在導倒轉來，</verse>
				<verse number="23">互恁對𪜶的血中行過， 互恁的狗舐𪜶的血。」</verse>
				<verse number="24">上帝啊，你是我的上帝，我的君王。 人已經看見你啲行，行入聖所。</verse>
				<verse number="25">唱歌的行佇頭前，奏樂的隨佇後面， 搖玲瓏鼓的查某囝仔行佇中間。</verse>
				<verse number="26">著佇大會中稱讚上帝， 就是上主， 以色列 的源頭。</verse>
				<verse number="27">上細的 便雅憫 做頭啲導， 猶大 歸群的族長、 西布倫 的族長、 拿弗他利 的族長隨佇後面。</verse>
				<verse number="28">上帝啊，求你顯出氣力； 求你顯示你給阮做的事。</verse>
				<verse number="29">為著你佇 耶路撒冷 的殿， 列王欲帶禮物獻互你。</verse>
				<verse number="30">求你責備 埃及 ，伊親像佇蘆葦中的野獸； 求你責備列邦，𪜶親像歸群的牛及牛仔。 求你互貪愛貢品的人屈服佇你腳下； 求你趕散好戰的列邦。</verse>
				<verse number="31">特使欲帶貢品對 埃及 來； 古實 欲趕緊對上帝獻禮物。</verse>
				<verse number="32">世上的列國啊，著對上帝唱歌， 吟詩稱讚主，</verse>
				<verse number="33">稱讚坐佇對古早就有、極高的天彼位。 伊發出極大有力的聲。</verse>
				<verse number="34">恁著將權能歸互上帝。 伊的威嚴佇 以色列 的頂面； 伊的權能顯示佇穹蒼。</verse>
				<verse number="35">上帝啊，你佇你的聖所實在通敬畏； 以色列 的上帝賜氣力權能互伊的子民。 上帝應該受稱讚！</verse>
			</chapter>
			<chapter number="69">
				<verse number="1">上帝啊，求你救我， 因為水已經淹到我的頷頸。</verse>
				<verse number="2">我陷落去深的土糜，腳踏𣍐著實地； 我落到深的水內，大水淹密我。</verse>
				<verse number="3">我因為喉叫厭倦，我的嚨喉焦去； 我因為聽候上帝，目睭花。</verse>
				<verse number="4">無理由怨恨我的人比我的頭毛較多； 無緣無故對敵我欲毀滅我的人非常強猛。 我無偷提，竟然著還。</verse>
				<verse number="5">上帝啊，你知我偌呢愚戇； 我無對你隱瞞我的罪過。</verse>
				<verse number="6">至高上主 — 萬軍的統帥， 求你毋通互仰望你的人因為我致到見笑； 以色列 的上帝啊， 求你毋通互尋求你的人因為我受凌辱。</verse>
				<verse number="7">我為著你的緣故受詈罵， 滿面見笑。</verse>
				<verse number="8">我的兄弟看我做生份人； 我的同胞看我做外國人。</verse>
				<verse number="9">我為著你的殿心火熱，歸個人攏互吞落去； 詈罵你的人的詈罵攏落佇我身上。</verse>
				<verse number="10">我痛心流目屎，禁食， 反轉受眾人凌辱。</verse>
				<verse number="11">我用麻布做衫穿； 人反轉用我做笑談。</verse>
				<verse number="12">坐佇城門口的人用我做話題； 醉漢用我做歌曲。</verse>
				<verse number="13">毋拘我受接納的時，上主啊，我對你祈禱； 上帝啊，求你照你豐盛的慈愛， 照你真實可靠的拯救來應我。</verse>
				<verse number="14">求你救我脫出土糜，互我無沉落去； 求你救我脫離怨恨我的人，互我脫出深的水。</verse>
				<verse number="15">求你毋通容允大水淹密我； 毋通容允深淵吞食我， 毋通容允陷坑蓋密我。</verse>
				<verse number="16">上主啊，因為你有至大的慈愛，求你應我； 求你照你豐盛的慈悲越過來看我。</verse>
				<verse number="17">毋通面越走毋看你的僕人； 我佇患難的中間，求你趕緊來應我。</verse>
				<verse number="18">求你倚近我來救贖我； 求你救我脫離我的對敵。</verse>
				<verse number="19">我受著的詈罵、見笑、凌辱，你攏知； 敵對我的人你攏識。</verse>
				<verse number="20">詈罵互我的心碎，互我充滿憂悶。 我向望人同情，毋拘一個都無； 向望人安慰，嘛尋無。</verse>
				<verse number="21">𪜶提苦膽互我做食物； 我嘴焦，𪜶用醋互我飲。</verse>
				<verse number="22">願𪜶的宴席變做𪜶家己的羅網； 願𪜶的繁榮安定變做陷阱。</verse>
				<verse number="23">願𪜶的目睭花，𣍐看見； 願你互𪜶的腰惙𣍐停。</verse>
				<verse number="24">願你的痛恨摒佇𪜶的身上， 互你烈烈的受氣趇著𪜶。</verse>
				<verse number="25">願𪜶徛起的所在拋荒； 願𪜶的布棚無人住。</verse>
				<verse number="26">因為𪜶窘迫許個互你拍的人； 𪜶加添你拍傷的人的痛苦。</verse>
				<verse number="27">願你給𪜶罪上加罪； 毋通互𪜶無受定罪。</verse>
				<verse number="28">願你給𪜶的名對活命冊擦消， 毋通列佇義人的名單。</verse>
				<verse number="29">總是我困苦憂傷； 上帝啊，因為你的救恩求你給我安置佇高的所在。</verse>
				<verse number="30">我欲用詩歌稱讚上帝的名， 嘛欲用感謝尊伊做大。</verse>
				<verse number="31">按呢做會互上主歡喜， 比獻牛，獻有角有蹄的牛閣較好。</verse>
				<verse number="32">困苦的人看見會歡喜； 尋求上帝的人的心會活起來。</verse>
				<verse number="33">因為上主聽散赤人的祈求， 無看輕為著伊受關監的人。</verse>
				<verse number="34">願天及地稱讚伊， 海及彼內面一切的動物攏稱讚伊。</verse>
				<verse number="35">因為上帝欲救 錫安 ，重建 猶大 的城； 𪜶會得著應允的地做產業，佇遐徛起。</verse>
				<verse number="36">伊的僕人的後代會承受彼個地； 疼伊的人會佇遐住落去。</verse>
			</chapter>
			<chapter number="70">
				<verse number="1">上帝啊，求你拯救我； 上主啊，求你緊來幫贊我。</verse>
				<verse number="2">願數想欲害我性命的人漏氣見笑； 願愛我受陷害的人敗退受凌辱。</verse>
				<verse number="3">願對我講「乎，你慘啊」許個人， 因為見笑撤退。</verse>
				<verse number="4">願尋求你的人攏因為你歡喜快樂； 願欣慕你拯救的人時常講： 「著尊上帝做大！」</verse>
				<verse number="5">總是我困苦散赤； 上帝啊，求你趕緊來我遮。 你是我的幫贊，我的拯救； 上主啊，求你毋通延延。</verse>
			</chapter>
			<chapter number="71">
				<verse number="1">上主啊，我倚靠你； 求你互我永遠𣍐抵著見笑。</verse>
				<verse number="2">求你照你的公義拯救我，解放我； 求你俯耳孔聽我，救我。</verse>
				<verse number="3">求你做我徛起的石磐，互我通時常𫢶遐。 你已經決定欲救我； 你是我的避難所，我的堡壘。</verse>
				<verse number="4">我的上帝啊，求你救我脫離歹人的手， 脫離不義及殘忍的人的手頭。</verse>
				<verse number="5">至高的上主啊，你是我的向望； 對我少年的時，你一直是我的倚靠。</verse>
				<verse number="6">我對胎裡就受你扶持； 互我出老母的腹肚的，是你； 我欲不時稱讚你。</verse>
				<verse number="7">真多人看我做奇怪； 毋拘你是我堅固的避難所。</verse>
				<verse number="8">我的嘴充滿對你的稱讚， 歸日歸榮光互你。</verse>
				<verse number="9">我年老的時，求你毋通放拺我； 我氣力衰荏的時，求你毋通離開我。</verse>
				<verse number="10">我的對敵議論我； 當等欲害我性命的人啲參詳，</verse>
				<verse number="11">講：「上帝已經給伊放拺； 今來追伊，來掠伊；因為無人欲救伊。」</verse>
				<verse number="12">上帝啊，求你毋通放我遠遠毋插我； 我的上帝啊，求你趕緊來幫贊我。</verse>
				<verse number="13">願控告我的人抵著見笑滅亡； 願計謀欲害我的人受凌辱漏氣。</verse>
				<verse number="14">毋拘我欲時常仰望你， 欲一直稱讚你。</verse>
				<verse number="15">雖然你公義的所做及拯救的作為算𣍐了， 猶久我的嘴歸日欲宣揚。</verse>
				<verse number="16">我欲講起至高上主大權能的事， 干焦欲宣揚你的公義。</verse>
				<verse number="17">上帝啊，對我少年的時你就教示我， 現在我猶啲報揚你奇妙的作為。</verse>
				<verse number="18">上帝啊，到我年老，頭毛白的時，求你毋通放拺我， 互我通將你的氣力傳互下一代， 將你的大權能指示將來的人。</verse>
				<verse number="19">上帝啊，你的公義高到抵天； 上帝啊，你有行偉大的事， 啥人會當及你比？</verse>
				<verse number="20">你互我經歷真多大災難， 猶久欲互我閣活起來， 對地下上深的所在閣起來。</verse>
				<verse number="21">你會將尊榮加添互我， 閣再安慰我。</verse>
				<verse number="22">我的上帝，我欲彈瑟稱讚你， 稱讚你的信實。 以色列 神聖的上帝， 我欲彈琴稱讚你。</verse>
				<verse number="23">我是你所救贖的， 我欲用全性命大聲唱歌稱讚你。</verse>
				<verse number="24">我的舌欲歸日講起你的公義， 因為計謀欲害我的人已經受凌辱見笑。</verse>
			</chapter>
			<chapter number="72">
				<verse number="1">上帝啊，求你將你公正的判斷賜互王； 求你將你的公義賜互王的子，</verse>
				<verse number="2">互伊會照公義審判你的子民， 照公正判斷屬你困苦受壓制的人。</verse>
				<verse number="3">願大山帶和平互伊的百姓， 願小山互𪜶享受繁榮。</verse>
				<verse number="4">伊會替百姓中困苦的人申冤； 伊會解救散赤人， 會拍碎壓迫者。</verse>
				<verse number="5">願𪜶敬畏你日久月深， 直到萬世代。</verse>
				<verse number="6">願王親像雨水落佇草割了的園， 親像及時的雨水潤澤土地。</verse>
				<verse number="7">佇伊坐位的日子義人會興旺， 及月平久享受大和平。</verse>
				<verse number="8">伊會掌權對此個海到彼個海， 對 大河 直到地極。</verse>
				<verse number="9">住佇曠野的人會跪落佇伊面前； 伊的對敵會完全降服。</verse>
				<verse number="10">他施 及海島的列王來進貢； 示巴 及 西巴 的王來獻禮物。</verse>
				<verse number="11">願列王攏仆落拜伊， 萬國攏服事伊。</verse>
				<verse number="12">因為散赤人求叫的時，伊會救𪜶； 困苦無依倚的人，伊嘛會救𪜶。</verse>
				<verse number="13">伊會憐憫困苦散赤的人； 伊會拯救困苦人的性命。</verse>
				<verse number="14">伊會救贖𪜶脫離壓迫及強暴； 伊看𪜶的性命做寶貝。</verse>
				<verse number="15">願王萬歲！ 願伊接受 示巴 進貢的金。 願百姓時常為伊祈禱， 歸日祝福伊無停。</verse>
				<verse number="16">願此個土地五穀豐收， 滿山坪有麥穗， 親像 黎巴嫩 的樹林赫呢旺。 願城內，人親像地上的草茂盛興旺。</verse>
				<verse number="17">願伊的名留到永遠， 親像日頭久長流傳。 人會因為伊得著福氣； 萬國會稱伊有福氣。</verse>
				<verse number="18">至高上主 — 以色列 的上帝， 只有伊行奇異的事，應該受稱讚。</verse>
				<verse number="19">願伊榮耀的名永遠受稱讚； 願伊的榮耀充滿全地。 阿們！阿們！</verse>
				<verse number="20">耶西 的子 大闢 的祈禱到遮結束。</verse>
			</chapter>
			<chapter number="73">
				<verse number="1">上帝實在好款待 以色列 ， 好款待許個心清氣的人。</verse>
				<verse number="2">雖然按呢，我的腳險險踏脫去； 我的腳步險險行偏去。</verse>
				<verse number="3">因為我有看著歹人及驕傲的人興旺， 我就怨妒不平。</verse>
				<verse number="4">𪜶一生攏毋曾艱苦， 身軀勇壯好看。</verse>
				<verse number="5">𪜶無親像別人拖磨勞苦， 嘛無親像別人受著災禍。</verse>
				<verse number="6">所以𪜶用驕傲做袚鍊掛佇頷頸， 用暴力做衫穿。</verse>
				<verse number="7">𪜶身軀肥，目睭酣， 心充滿邪念。</verse>
				<verse number="8">𪜶恥笑，惡意中傷人； 𪜶講大聲話壓制人。</verse>
				<verse number="9">𪜶的嘴褻瀆天； 𪜶的舌咒罵地。</verse>
				<verse number="10">連上帝的子民都歸倚𪜶， 全盤接受𪜶所講的話。</verse>
				<verse number="11">𪜶講：「上帝哪會知？ 至高上帝豈會識？」</verse>
				<verse number="12">看，諸個是歹人； 𪜶不時無煩無惱，財寶愈加添。</verse>
				<verse number="13">我保守我的心清氣實在無採工； 我洗手無沐著罪惡嘛是空空。</verse>
				<verse number="14">因為我歸日抵著災難， 逐早起受著譴責。</verse>
				<verse number="15">我若講我欲照𪜶按呢講， 就對你的子民無忠實。</verse>
				<verse number="16">我想欲了解此個代誌， 毋拘無法度；</verse>
				<verse number="17">到入去上帝的聖所， 我才明白𪜶的結局。</verse>
				<verse number="18">你一定會給𪜶囥佇滑滑的所在， 互𪜶摔倒滅亡。</verse>
				<verse number="19">𪜶互恐怖吞滅， 一目𥍉久就滅亡。</verse>
				<verse number="20">親像人睏醒就知𪜶的眠夢是幻想， 主啊，你一下起來，歹人嘛按呢消失。</verse>
				<verse number="21">我的心真酸， 我的心情苦痛。</verse>
				<verse number="22">我愚戇，無知， 佇你的面前親像牲生。</verse>
				<verse number="23">總是我不時及你做夥； 你牽我的正手，</verse>
				<verse number="24">用你的教示引導我， 接納我，互我得著尊榮。</verse>
				<verse number="25">佇天頂，你以外我有什麼人？ 佇地上，你以外我無所意愛。</verse>
				<verse number="26">我的肉體，我的心神會衰弱， 毋拘上帝永遠是我的氣力及產業。</verse>
				<verse number="27">離開你遠遠的人一定滅亡； 放拺你，背叛你的人，你攏會給𪜶消滅。</verse>
				<verse number="28">對我來講，親近上帝上好； 我尋至高的上主做避難所， 互我通宣揚你一切的作為。</verse>
			</chapter>
			<chapter number="74">
				<verse number="1">上帝啊，是按怎你永遠放拺阮？ 是按怎你對你草埔的羊發受氣，氣甲鼻孔淐煙？</verse>
				<verse number="2">求你會記得你早前揀選的子民， 你所贖回做你產業的民族， 嘛會記得你所徛起的 錫安山 。</verse>
				<verse number="3">求你行來久久拋荒的所在， 看對敵徹底毀壞的聖所。</verse>
				<verse number="4">你的對敵佇你殿內歡呼， 𫞼𪜶的旗做記號，</verse>
				<verse number="5">親像人攑斧頭， 剉樹林的樹。</verse>
				<verse number="6">聖所內面一切的雕刻， 𪜶用斧頭及槌攏總破壞。</verse>
				<verse number="7">𪜶放火燒毀你的聖所， 拍垃墋你徛起的所在。</verse>
				<verse number="8">𪜶參詳講：「咱來給𪜶徹底毀壞。」 𪜶將逐位敬拜上帝的所在攏燒了了。</verse>
				<verse number="9">阮無閣看見兆頭， 嘛無閣有先知； 此款情形會到什麼時，阮中間無人知。</verse>
				<verse number="10">上帝啊，對敵譏刺會到什麼時？ 敵人褻瀆你的名會到永遠嗎？</verse>
				<verse number="11">你是按怎手勼起來毋插阮？ 求你手伸出來給𪜶毀滅。</verse>
				<verse number="12">總是上帝對古早就是我的王， 佇地上施行拯救。</verse>
				<verse number="13">你曾用你的權能將海分開， 摃破水中海怪的頭殼。</verse>
				<verse number="14">你曾摃碎海獸的頭殼， 互曠野的野獸 做食物。</verse>
				<verse number="15">你曾分開水源及河流， 曾互長流的江河焦去。</verse>
				<verse number="16">日時及暝時，是你所安排； 日頭及光體是你所創造。</verse>
				<verse number="17">地上一切的界限是你所定； 夏天及冬天是你所設。</verse>
				<verse number="18">上主啊，求你記得對敵按怎啲誹謗， 愚戇的人按怎啲褻瀆你的名。</verse>
				<verse number="19">求你毋通將馴良子民的性命交互野獸， 毋通永遠𣍐記得你散赤的族群。</verse>
				<verse number="20">求你會記得及阮立的約， 因為地上烏暗的所在攏是強暴的人的巢穴。</verse>
				<verse number="21">求你毋通互受壓制的人見笑轉去； 求你互困苦散赤的人稱讚你的名。</verse>
				<verse number="22">上帝啊，求你起來為家己辯護， 會記得戇人歸日按怎啲誹謗你。</verse>
				<verse number="23">求你毋通𣍐記得你對敵的喊喝， 毋通𣍐記得起來攻擊你的人無停的嗆聲。</verse>
			</chapter>
			<chapter number="75">
				<verse number="1">上帝啊，阮感謝你； 阮感謝你，因為你佇阮身邊； 阮欲報揚你奇妙的作為。</verse>
				<verse number="2">上帝講：佇所定的日子， 我欲照公平審判。</verse>
				<verse number="3">地及地上的住民攏搖泏的時， 我欲互地的基礎堅固徛在。</verse>
				<verse number="4">我對驕傲的人講：「毋通驕傲」； 對歹人講：「毋通展威，</verse>
				<verse number="5">毋通聳鬚， 毋通硬頷頸講大話。」</verse>
				<verse number="6">人高升毋是對東，毋是對西， 嘛毋是對曠野。</verse>
				<verse number="7">只有上帝施行審判， 伊互此個降低，互彼個高升。</verse>
				<verse number="8">上主手裡提杯， 歸杯攏是受氣的厚酒。 伊給酒倒出來； 地上的歹人攏飲，飲到焦。</verse>
				<verse number="9">毋拘我欲唱歌稱讚 雅各 的上帝， 欲永遠報揚伊的作為。</verse>
				<verse number="10">歹人的權勢，伊會斬斷； 義人的氣力，伊會加強。</verse>
			</chapter>
			<chapter number="76">
				<verse number="1">佇 猶大 ，上帝人人攏識； 佇 以色列 ，伊的名受尊做大。</verse>
				<verse number="2">佇 撒冷 ，有伊的會幕； 佇 錫安 ，有伊徛起的所在。</verse>
				<verse number="3">佇遐，伊遏折火的箭， 毀壞盾牌、刀劍，以及所有的武器。</verse>
				<verse number="4">你的榮光及威嚴 贏過囤滿戰利品的山嶺。</verse>
				<verse number="5">上勇的人攏受搶劫； 𪜶睏去無閣醒， 連戰士嘛𣍐當出手。</verse>
				<verse number="6">雅各 的上帝啊，你一下責備， 戰車、戰馬攏倒落去，無閣起來。</verse>
				<verse number="7">只有你通驚畏； 你的受氣一下發出，啥人佇你面前徛會牢？</verse>
				<verse number="8">上帝啊，你起來審判， 欲救地上所有困苦的人； 你一下對天宣判， 地就驚惶毋敢出聲。</verse>
				<verse number="9"></verse>
				<verse number="10">人的受氣最後會變做對你的稱讚； 經過你受氣留落來的人會圍倚來敬拜你。</verse>
				<verse number="11">著對上主 — 恁的上帝下願，嘛著謝願； 四圍的人著帶禮物獻互通敬畏的主。</verse>
				<verse number="12">伊欲互驕傲的貴族漏氣； 伊欲互世上的列王驚畏。</verse>
			</chapter>
			<chapter number="77">
				<verse number="1">我欲對上帝大聲求叫， 對上帝出大聲，伊會俯耳孔聽。</verse>
				<verse number="2">佇患難的日我尋主， 佇暝時攑手祈禱無停； 我的心毋肯受安慰。</verse>
				<verse number="3">我數念上帝，就吐氣哀怨； 我靜靜想，就餒志失望。</verse>
				<verse number="4">你互我目睭金硞硞睏𣍐去； 我煩惱甲攏𣍐講話。</verse>
				<verse number="5">我追念過去的日子， 回想古早的年。</verse>
				<verse number="6">我暝時靜靜想 ； 我摸心肝家己問，心神詳細省察。</verse>
				<verse number="7">主豈會永遠放拺咱？ 伊豈𣍐閣施恩互咱？</verse>
				<verse number="8">伊的慈愛豈會永久消失？ 伊的應允豈會永遠落空？</verse>
				<verse number="9">上帝豈𣍐記得施恩， 豈已經用受氣代替伊的慈悲？</verse>
				<verse number="10">我講：「我上痛心的， 就是至高上帝無閣有氣力。」</verse>
				<verse number="11">我欲講起上主你的作為， 數念你早時的神跡。</verse>
				<verse number="12">我欲深思你的作為， 靜靜想你的所做。</verse>
				<verse number="13">上帝啊，你的道路神聖； 豈有神明親像你即呢偉大？</verse>
				<verse number="14">你是行奇事的上帝； 你曾佇萬民中顯示你的權能。</verse>
				<verse number="15">你曾用你的手贖回你的子民， 解救 雅各 及 約瑟 的子孫。</verse>
				<verse number="16">上帝啊，大水見著你， 大水見著你攏驚惶； 深淵嘛愕愕惙。</verse>
				<verse number="17">密雲摒落雨水， 穹蒼彈雷， 你的熠爁四界射。</verse>
				<verse number="18">捲螺仔風內面有你彈雷的聲； 熠爁的光熠到全地； 地愕愕惙大搖動。</verse>
				<verse number="19">海中有你的道路， 大水中有你的路徑； 你的腳跡無人知。</verse>
				<verse number="20">你曾用 摩西 亞倫 的手， 導你的子民親像啲導羊群。</verse>
			</chapter>
			<chapter number="78">
				<verse number="1">我的子民啊，著聽我的教示， 注意聽我講的話。</verse>
				<verse number="2">我欲開嘴講譬喻， 欲講出古早的奧祕，</verse>
				<verse number="3">就是阮所聽見，所知， 阮的祖先所傳互阮的事。</verse>
				<verse number="4">阮無欲將諸個事對子孫隱瞞， 欲將上主的名聲及伊的權能， 以及伊所做奇妙的事，傳互後世代。</verse>
				<verse number="5">伊佇 雅各 設誡命，佇 以色列 定律法， 閣命令咱的祖先將諸個傳互𪜶的子孫，</verse>
				<verse number="6">互後代，就是啲欲出世的子孫知； 諸個子孫嘛欲傳互𪜶的子子孫孫。</verse>
				<verse number="7">按呢，𪜶通將向望囥佇上帝， 互𪜶無𣍐記得上帝的作為， 遵守伊的誡命；</verse>
				<verse number="8">才免親像𪜶祖先的世代，硬心背逆； 𪜶對上帝心無堅定，心靈無真實。</verse>
				<verse number="9">以法蓮 的子孫攑武器及弓箭， 爭戰的日，卻越轉身逃走。</verse>
				<verse number="10">𪜶無遵守上帝的約， 拒絕照伊的律法生活。</verse>
				<verse number="11">𪜶𣍐記得伊的作為， 𣍐記得伊互𪜶看見奇妙的事。</verse>
				<verse number="12">伊佇 埃及 地， 瑣安 的田野， 佇𪜶祖先的目睭前做奇異的事。</verse>
				<verse number="13">伊給海分開，互𪜶過去； 伊互水徛起來親像壁。</verse>
				<verse number="14">伊日時用雲導𪜶， 歸暝用火的光引導𪜶。</verse>
				<verse number="15">伊佇曠野互石磐爆裂， 互𪜶有真多水通飲， 親像對深淵淐出。</verse>
				<verse number="16">伊互水對石磐淐出， 親像江河流落來。</verse>
				<verse number="17">毋拘𪜶猶繼續得罪伊， 佇曠野背逆至高上帝。</verse>
				<verse number="18">𪜶心內試探上帝， 照家己意愛的求食物。</verse>
				<verse number="19">𪜶濫糝議論上帝，講： 「上帝豈會佇曠野辦桌？</verse>
				<verse number="20">伊曾摃石磐，互水淐出， 溪水滿出來； 伊豈會賜米糧？ 伊豈會給伊的子民準備肉？」</verse>
				<verse number="21">所以，上主聽著就受氣， 用炎火燒 雅各 ， 對 以色列 發受氣。</verse>
				<verse number="22">因為𪜶毋信服上帝， 毋倚靠伊的救恩。</verse>
				<verse number="23">毋拘伊猶命令頂面的穹蒼， 閣開天的門；</verse>
				<verse number="24">伊降落嗎哪互𪜶食， 將天的米糧賜互𪜶。</verse>
				<verse number="25">𪜶逐個人食天使的食物； 上帝賜米糧互𪜶食到飽。</verse>
				<verse number="26">伊對天起東風， 用伊的權能吹南風，</verse>
				<verse number="27">伊降落肉互𪜶，若土粉赫多， 降落飛鳥若海沙赫多，</verse>
				<verse number="28">落佇𪜶的營中， 佇𪜶徛起的所在的四圍。</verse>
				<verse number="29">𪜶就食，食到飽飽； 伊有照𪜶所愛的互𪜶。</verse>
				<verse number="30">𪜶所愛的猶未飽足， 食物猶佇嘴內的時，</verse>
				<verse number="31">上帝就對𪜶發受氣， 刣死𪜶中間勇壯的人， 拍倒 以色列 的少年人。</verse>
				<verse number="32">雖然按呢，𪜶繼續犯罪， 無因為上帝奇妙的作為來信伊。</verse>
				<verse number="33">所以伊互𪜶空空過日， 互𪜶年年佇驚惶中經過。</verse>
				<verse number="34">上帝刣𪜶的時，𪜶才來求伊； 越倒轉迫切尋求伊。</verse>
				<verse number="35">𪜶才會記得上帝是𪜶的保護者， 至高者上帝是𪜶的救贖主。</verse>
				<verse number="36">毋拘𪜶用嘴給伊扶挺， 用舌對伊講白賊。</verse>
				<verse number="37">𪜶對伊無忠信， 無真實守伊的約。</verse>
				<verse number="38">毋拘伊猶充滿憐憫， 赦免𪜶的罪過，無給𪜶毀滅， 一遍閣一遍忍啲， 受氣無攏發出來。</verse>
				<verse number="39">伊帶念𪜶不過是會死的人， 是吹過去𣍐閣倒轉來的風。</verse>
				<verse number="40">𪜶佇曠野不時背逆伊， 佇荒埔互伊憂悶。</verse>
				<verse number="41">𪜶一遍閣一遍試探上帝， 激 以色列 神聖的上帝受氣。</verse>
				<verse number="42">𪜶𣍐記得伊的權能， 𣍐記得伊解救𪜶脫離對敵的日。</verse>
				<verse number="43">伊佇 埃及 按怎行神跡， 佇 瑣安 的田野顯出奇事：</verse>
				<verse number="44">伊將𪜶的江河變做血， 致到水攏𣍐飲得。</verse>
				<verse number="45">伊互歸群胡蠅來𪜶遐吞食， 互田蛤仔來損害。</verse>
				<verse number="46">伊將𪜶的土產互草蜢公毀壞， 將𪜶勞苦得著的物互草蜢吞食。</verse>
				<verse number="47">伊落雹毀壞𪜶的葡萄樹， 落霜毀壞𪜶的桑材樹；</verse>
				<verse number="48">閣將𪜶的牲生交互冰雹， 將𪜶歸群的牲生交互熠爁 。</verse>
				<verse number="49">伊發大受氣， 用受氣、痛恨、苦難 做歸陣的使者來給𪜶毀滅。</verse>
				<verse number="50">伊忍𣍐牢受氣， 無顧念𪜶的性命， 用瘟疫給𪜶毀滅。</verse>
				<verse number="51">伊刣死 埃及 所有的大子， 佇 含 的布棚拍死𪜶的頭上子。</verse>
				<verse number="52">伊親像啲導羊給家己的子民導出來， 導𪜶經過曠野。</verse>
				<verse number="53">伊導𪜶，互𪜶安穩無驚惶， 互海淹死𪜶的對敵。</verse>
				<verse number="54">伊閣導𪜶到聖地的境內， 到伊用氣力得著的山地。</verse>
				<verse number="55">伊佇𪜶的面前趕出列邦； 用索仔量土地互 以色列 的支族做產業， 互𪜶徛起佇家己的布棚。</verse>
				<verse number="56">𪜶猶原試探至高者上帝，背逆伊， 無守伊的誡命。</verse>
				<verse number="57">𪜶失信背逆，及𪜶的祖先像款， 親像冗去的弓𣍐靠得。</verse>
				<verse number="58">𪜶拜山頭壇，惹伊受氣， 拜雕刻的偶像，互伊痛恨。</verse>
				<verse number="59">上帝聽著真受氣， 就完全棄拺 以色列 。</verse>
				<verse number="60">伊棄拺 示羅 的會幕， 棄拺伊佇人的中間所搭的布棚。</verse>
				<verse number="61">伊允准人給約櫃 搶去， 將伊的氣力及榮光交互對敵。</verse>
				<verse number="62">伊對伊的家業 以色列 發受氣， 將伊的子民交互對敵殺害。</verse>
				<verse number="63">𪜶的少年人受戰火燒滅； 𪜶的在室女𣍐當聽著結婚的祝歌。</verse>
				<verse number="64">𪜶的祭司倒佇刀下； 𪜶的寡婦哭𣍐出來。</verse>
				<verse number="65">彼時主親像人睏精神， 親像勇士酒後喊喝。</verse>
				<verse number="66">伊就給對敵拍退， 互𪜶永遠受凌辱。</verse>
				<verse number="67">伊棄拺 約瑟 的後代， 無揀選 以法蓮 支族。</verse>
				<verse number="68">伊揀選 猶大 支族， 伊所意愛的 錫安山 。</verse>
				<verse number="69">伊起造聖所親像天赫高， 親像伊建立的大地永遠堅固。</verse>
				<verse number="70">伊揀選伊的僕人 大闢 ， 對羊椆導伊出來，</verse>
				<verse number="71">互伊無閣養飼羊群， 是欲互伊牧養主的子民 雅各 ，伊的家業 以色列 。</verse>
				<verse number="72">大闢 就用純正的心牧養𪜶， 用老練的手引導𪜶。</verse>
			</chapter>
			<chapter number="79">
				<verse number="1">上帝啊，外邦人侵佔你的領土， 拍垃墋你的聖殿， 互 耶路撒冷 變做荒廢的所在。</verse>
				<verse number="2">𪜶將你僕人的身屍交互空中的飛鳥做食物， 將你聖的子民的肉互地上的野獸吞食。</verse>
				<verse number="3">𪜶佇 耶路撒冷 周圍流你子民的血親像啲摒水， 嘛無人給𪜶埋葬。</verse>
				<verse number="4">阮受著隔壁國凌辱， 互四圍的人冷笑譏刺。</verse>
				<verse number="5">上主啊，你欲受氣偌久，豈欲到永遠？ 你的大受氣親像火欲𤏸偌久？</verse>
				<verse number="6">求你將你的受氣摒落佇許個毋識你的外邦， 以及許個無求叫你的名的列國。</verse>
				<verse number="7">因為𪜶吞食 雅各 ， 互伊徛起的所在拋荒。</verse>
				<verse number="8">求你毋通因為阮祖先犯的罪刑罰阮； 求你將你的慈悲緊緊施落互阮， 因為阮陷落絕望的地步。</verse>
				<verse number="9">救阮的上帝啊，求你因為你的名的榮光幫贊阮； 因為你的名的緣故救阮，赦免阮的罪。</verse>
				<verse number="10">哪欲互列國講：「𪜶的上帝佇叨位？」 求你為著你僕人流的血申冤， 互外邦人知，閣互阮親目看見。</verse>
				<verse number="11">求你互囚犯的吐氣透到你的面前， 照你的大權能，保存受判死刑的人的性命。</verse>
				<verse number="12">主啊，阮隔壁國對你的凌辱， 求你加添七倍還互𪜶。</verse>
				<verse number="13">按呢，阮做你的子民，你草埔的羊的人， 會感謝你到永遠， 稱讚你的名到萬世代。</verse>
			</chapter>
			<chapter number="80">
				<verse number="1">以色列 的牧者，導 約瑟 親像啲導羊群的上帝啊， 求你俯耳孔聽； 坐佇天使基路伯寶座頂的主啊， 求你發出光。</verse>
				<verse number="2">求你佇 以法蓮 、 便雅憫 、 瑪拿西 的面前， 顯出你的權能來救阮。</verse>
				<verse number="3">上帝啊，求你互阮復興， 互你的面發光照阮，阮就得著解救。</verse>
				<verse number="4">上主 — 萬軍的統帥上帝啊， 你對你子民的祈禱發受氣欲到偌久？</verse>
				<verse number="5">你互阮用目屎做飯食， 用歸碗目屎做水飲。</verse>
				<verse number="6">你互隔壁國因為阮相爭， 對敵做陣給阮恥笑。</verse>
				<verse number="7">萬軍的統帥上帝啊，求你互阮復興， 互你的面發光照阮，阮就得著解救。</verse>
				<verse number="8">你對 埃及 徙一欉葡萄樹， 趕出列邦，給伊栽種佇遮。</verse>
				<verse number="9">你為著伊整地； 伊的根釘深，生湠滿地。</verse>
				<verse number="10">伊的影遮密眾山； 伊的枝遮蓋大欉的柏香樹。</verse>
				<verse number="11">伊的枝伸到 地中海 ； 伊的籐湠到 幼發拉底河 。</verse>
				<verse number="12">今你是按怎拆毀伊的籬笆， 出在所有過路的人挽葡萄，</verse>
				<verse number="13">出在樹林內的山豬蹧躂， 出在田野的走獸吞食？</verse>
				<verse number="14">萬軍的統帥上帝啊，求你越倒轉， 對天俯落看，照顧此欉葡萄樹，</verse>
				<verse number="15">保護你正手所栽種的樹， 及你為家己所照顧的幼枝。</verse>
				<verse number="16">許個用火燒，用刀剉葡萄樹的人， 求你發受氣給𪜶消滅。</verse>
				<verse number="17">願你的手保護你正旁的人， 就是你為家己所揀選的人。</verse>
				<verse number="18">按呢，阮就𣍐背叛你； 求你給阮救活，阮就欲求叫你的名。</verse>
				<verse number="19">上主 — 萬軍的統帥上帝啊，求你互阮復興； 互你的面發光照阮，阮就得著解救。</verse>
			</chapter>
			<chapter number="81">
				<verse number="1">上帝是咱的氣力，著大聲稱讚伊； 著唱歌稱讚 雅各 的上帝。</verse>
				<verse number="2">著唱詩歌，搖玲瓏鼓， 彈好聽的琴及瑟。</verse>
				<verse number="3">著佇初一十五， 咱節期的日，歕哨角。</verse>
				<verse number="4">因為這是為 以色列 定的規例， 是 雅各 的上帝為𪜶設的禮儀。</verse>
				<verse number="5">伊攻擊 埃及 地的時， 有及 以色列 的子民立約。 佇遐我聽見以前毋曾聽著的話。</verse>
				<verse number="6">上帝講：「我將𪜶肩頭頂的重擔徙開， 互𪜶放落手所捾重的籃仔。</verse>
				<verse number="7">恁佇患難中求叫，我有解救恁； 我對雷啲彈的密雲中應答恁， 佇 米利巴 的水泉邊試驗恁。</verse>
				<verse number="8">我的子民啊，恁著聽，我欲警告恁； 以色列 啊，我偌仔呢向望恁聽趁我！</verse>
				<verse number="9">恁中間毋通有別個神明； 外邦的神明，恁毋通跪拜。</verse>
				<verse number="10">我是上主 — 恁的上帝； 我曾導恁對 埃及 地上來。 恁的嘴著大開，我就互恁飽足。</verse>
				<verse number="11">「毋拘我的子民毋聽我的話； 以色列 攏毋插我。</verse>
				<verse number="12">我就出在𪜶心硬， 互𪜶照家己所愛去做。</verse>
				<verse number="13">我偌仔呢向望我的子民聽趁我， 以色列 肯行我的路！</verse>
				<verse number="14">我真緊就會制壓𪜶的對敵， 用手倒抉攻擊𪜶的敵人。</verse>
				<verse number="15">怨恨上主的人會佇伊面前衰退； 𪜶會永遠受刑罰。</verse>
				<verse number="16">上主欲用好的麥互 以色列 食， 用對石磐出的蜜互𪜶滿足。」</verse>
			</chapter>
			<chapter number="82">
				<verse number="1">上帝佇天庭主持大會， 佇眾神的會中啲審判。</verse>
				<verse number="2">「恁無照公義審判， 偏袒歹人欲到什麼時？</verse>
				<verse number="3">恁著為散赤人及孤兒申冤， 為困苦欠缺的人主持公道。</verse>
				<verse number="4">著解救散赤欠缺的人， 互𪜶脫離歹人的手。</verse>
				<verse number="5">「恁毋知，完全𣍐了解， 佇烏暗中行來行去； 公義的根基攏搖泏。</verse>
				<verse number="6">我曾講：『恁是神， 攏是至高上帝的子；</verse>
				<verse number="7">毋拘恁及世間人像款攏會死， 親像逐個領袖會倒落去。』」</verse>
				<verse number="8">上帝啊，求你起來審判世界， 因為萬國攏是你的。</verse>
			</chapter>
			<chapter number="83">
				<verse number="1">上帝啊，求你毋通恬恬； 上帝啊，求你毋通無開嘴，無出聲。</verse>
				<verse number="2">因為你的對敵啲擾亂； 怨恨你的人啲反叛。</verse>
				<verse number="3">𪜶用奸詐的計謀欲害你的子民； 𪜶參詳欲害你保護的人。</verse>
				<verse number="4">𪜶講：「來，咱來消滅𪜶，互𪜶亡國， 互 以色列 的名永遠消失。」</verse>
				<verse number="5">𪜶同心參詳， 立約聯盟欲對抗你；</verse>
				<verse number="6">𪜶就是住布棚的 以東 及 以實瑪利 人， 摩押 及 夏甲 人，</verse>
				<verse number="7">迦巴勒 、 亞捫 ，及 亞瑪力 、 非利士 ，以及 泰爾 的住民；</verse>
				<verse number="8">亞述 嘛及𪜶聯合， 做 羅得 子孫的聯盟。</verse>
				<verse number="9">求你對付𪜶親像對付 米甸 人， 親像你佇 基順河 對付 西西拉 及 耶賓 。</verse>
				<verse number="10">𪜶佇 隱‧多珥 滅亡， 變做地上的糞埽。</verse>
				<verse number="11">求你互𪜶的領袖親像 俄立 及 西伊伯 ， 互𪜶的軍長攏親像 西巴 及 撒慕拿 。</verse>
				<verse number="12">𪜶講：「咱著來去， 給上帝的牧場佔做咱的。」</verse>
				<verse number="13">我的上帝啊，求你互𪜶親像捲螺仔風捲起來的塵埃， 親像互風吹走的草仔幼。</verse>
				<verse number="14">火按怎燒樹林， 火焰按怎燒山嶺，</verse>
				<verse number="15">求你嘛按呢用你的狂風追趕𪜶， 用你的暴雨互𪜶驚惶。</verse>
				<verse number="16">上主啊，求你互𪜶滿面見笑， 通來尋求你。</verse>
				<verse number="17">願𪜶永遠見笑驚惶； 願𪜶漏氣滅亡。</verse>
				<verse number="18">願𪜶知只有你是上主， 是掌管全地至高的上帝。</verse>
			</chapter>
			<chapter number="84">
				<verse number="1">上主 — 萬軍的統帥啊， 你徛起的所在互人赫呢意愛！</verse>
				<verse number="2">我戀慕上主的埕到欲暈去！ 我的心神向永活的上帝歡喜唱歌。</verse>
				<verse number="3">上主 — 萬軍的統帥，我的王，我的上帝啊， 雀鳥仔佇你的祭壇邊作巢； 連燕仔嘛佇遐為著家己尋著攔子的巢。</verse>
				<verse number="4">徛起佇你殿的埕的人真有福氣！ 𪜶稱讚你無煞！</verse>
				<verse number="5">對你得著氣力的人真有福氣！ 𪜶迫切愛上 錫安山 朝聖。</verse>
				<verse number="6">𪜶經過的焦燥山谷攏變做泉源； 秋雨降落，福氣滿滿。</verse>
				<verse number="7">𪜶愈行愈有力， 攏欲佇 錫安 朝見上帝。</verse>
				<verse number="8">上主 — 萬軍的統帥上帝啊，求你聽我的祈禱！ 雅各 的上帝啊，求你俯耳孔來聽！</verse>
				<verse number="9">保護阮的上帝啊，求你眷顧！ 求你賜福互你所設立的王！</verse>
				<verse number="10">佇你的埕𫢶一日， 較贏佇別位𫢶一千日！ 我寧可佇我上帝的厝顧門， 嘛毋願𫢶佇邪惡的人的厝內。</verse>
				<verse number="11">因為主上帝是日頭，是盾牌： 伊互咱恩惠及光榮； 伊毋曾留一項好物無互正直的人。</verse>
				<verse number="12">上主 — 萬軍的統帥啊，信靠你的人真有福氣！</verse>
			</chapter>
			<chapter number="85">
				<verse number="1">上主啊，你有施恩互你的地； 以色列 受掠的人你有解救𪜶倒來 。</verse>
				<verse number="2">你有赦免你子民的罪惡， 擦消𪜶一切的罪過。</verse>
				<verse number="3">你有收回你攏總的受氣， 煞你猛烈的受氣。</verse>
				<verse number="4">拯救阮的上帝啊，求你互阮倒轉來， 煞你對阮的受氣。</verse>
				<verse number="5">你豈欲永遠對阮受氣？ 豈欲繼續受氣到萬代？</verse>
				<verse number="6">你豈毋閣給阮救活， 互你的子民因為你來歡喜？</verse>
				<verse number="7">上主啊，求你互阮經驗你不變的疼， 將你的救恩賜互阮。</verse>
				<verse number="8">我欲聽主上帝所欲講的話； 因為伊欲對伊的子民，就是聖的子民，應允賜平安繁榮； 總是𪜶毋通倒轉去行愚戇的路。</verse>
				<verse number="9">伊一定會拯救敬畏伊的人， 互伊的榮光臨在佇咱境內。</verse>
				<verse number="10">慈愛及信實相抵； 公義及和平相攬。</verse>
				<verse number="11">信實對地發出； 公義對天降落。</verse>
				<verse number="12">上主賜好物； 咱的土地大豐收。</verse>
				<verse number="13">公義會行佇上主頭前， 為伊準備道路。</verse>
			</chapter>
			<chapter number="86">
				<verse number="1">上主啊，求你俯耳孔聽我，應我， 因為我困苦散赤。</verse>
				<verse number="2">求你保存我的性命，因為我信靠你。 我的上帝啊，你的僕人倚靠你；求你拯救我。</verse>
				<verse number="3">主啊，求你憐憫我， 因為我歸日求叫你。</verse>
				<verse number="4">主啊，求你互你的僕人心神歡喜， 因為我仰望你，對你祈禱。</verse>
				<verse number="5">主啊，你良善，歡喜赦免； 你賜豐盛的慈愛互所有求叫你的人。</verse>
				<verse number="6">上主啊，求你俯耳孔聽我的祈禱， 俯落聽我懇求的聲。</verse>
				<verse number="7">我佇患難的日求叫你， 因為你會應我。</verse>
				<verse number="8">主啊，諸個神明無一個會當及你相比； 𪜶的所做嘛𣍐當及你比。</verse>
				<verse number="9">主啊，你所造的萬民攏會來到你的面前仆拜； 𪜶會榮耀你的名。</verse>
				<verse number="10">因為你偉大，做奇妙的事； 只有你是上帝。</verse>
				<verse number="11">上主啊，求你將你的道路指示我， 我欲照你的真理來行； 求你互我用專一的心敬畏你的名。</verse>
				<verse number="12">主 — 我的上帝啊，我欲全心稱讚你； 我欲永遠榮耀你的名。</verse>
				<verse number="13">你施落互我的慈愛赫呢大， 有救我的性命免落陰府上深的所在。</verse>
				<verse number="14">上帝啊，驕傲的人起來攻擊我； 歸陣強暴的人數想我的性命； 𪜶無將你囥佇眼中。</verse>
				<verse number="15">主啊，你是仁慈恩典的上帝， 無快受氣，閣有豐盛的慈愛及信實。</verse>
				<verse number="16">求你越過來看我，可憐我， 將你的氣力賜互你的僕人， 救你女婢的子。</verse>
				<verse number="17">求你顯示恩待我的證據， 互怨恨我的人看著來見笑， 因為上主你有幫贊我，安慰我。</verse>
			</chapter>
			<chapter number="87">
				<verse number="1">上主佇聖山起造家己的城。</verse>
				<verse number="2">上主意愛 錫安 的城門， 贏過 以色列 攏總徛起的所在。</verse>
				<verse number="3">上帝的城啊， 許個通誇耀的事是指你講的。</verse>
				<verse number="4">我欲將 埃及 及 巴比倫 列入識我的民族內面； 看啊， 非利士 、 泰爾 、 古實 ， 𪜶逐個攏佇遮出世。</verse>
				<verse number="5">關係 錫安 ，人欲講： 「此個，彼個，攏佇遮出世； 至高者欲親身互 錫安 永遠堅固。」</verse>
				<verse number="6">上主召萬族來登記的時， 伊會記錄講：「此個人出世佇遐。」</verse>
				<verse number="7">唱歌的，跳舞的攏講： 「 錫安 是我福氣的源頭。」</verse>
			</chapter>
			<chapter number="88">
				<verse number="1">上主，拯救我的上帝啊， 我暝日佇你的面前求叫。</verse>
				<verse number="2">願我的祈禱達到你面前； 求你俯耳孔聽我的祈求。</verse>
				<verse number="3">因為我經歷真多患難； 我的性命面臨死亡。</verse>
				<verse number="4">我及欲落陰府的人像款， 攏無氣力，無人幫贊。</verse>
				<verse number="5">我互人擲佇死人中間， 親像受刣的人倒佇墓內， 無閣互你記啲， 無閣得著你的幫贊。</verse>
				<verse number="6">你給我㧒佇深坑， 佇烏暗的深淵。</verse>
				<verse number="7">你的受氣重重硩我； 你用海湧對四面淹密我。</verse>
				<verse number="8">你互我的知己離開我遠遠， 互𪜶厭惡我。 我受關禁，𣍐得出去。</verse>
				<verse number="9">我因為憂傷目睭花。 上主啊，我逐日求叫你； 我向你攑手祈禱。</verse>
				<verse number="10">你豈欲行奇事互死人看？ 陰魂豈會起來稱讚你？</verse>
				<verse number="11">人豈會佇墓內講起你的慈愛？ 人豈會佇滅亡的所在講起你的信實？</verse>
				<verse number="12">佇烏暗的所在，你的奇事豈有人看會著？ 佇無記憶的所在，你的公義豈有人會知？</verse>
				<verse number="13">上主啊，我有對你祈求； 早起時我的祈禱會透到你的面前。</verse>
				<verse number="14">上主啊，你是按怎棄拺我？ 是按怎面越走毋看我？</verse>
				<verse number="15">我對少年受苦，險險死； 我受著你的責罰致到心紛亂。</verse>
				<verse number="16">你的大受氣給我硩碎； 你用驚惶給我毀滅。</verse>
				<verse number="17">諸個代誌親像大水歸日圍我， 對四面圍困我。</verse>
				<verse number="18">你將我的親友隔開遠遠； 烏暗煞變做我唯一的同伴。</verse>
			</chapter>
			<chapter number="89">
				<verse number="1">我欲永遠唱歌稱讚上主的慈愛， 欲世世代代宣揚你的信實。</verse>
				<verse number="2">我曾講：「你的慈愛永遠堅立； 你的信實親像天𣍐動搖。」</verse>
				<verse number="3">你有講：「我及我揀選的人立約， 對我的僕人 大闢 宣誓：</verse>
				<verse number="4">『我欲建立你的後代到永遠， 堅固你的寶座到萬代。』」</verse>
				<verse number="5">上主啊，願天稱讚你奇妙的作為， 天使佇聚會中頌讚你的信實。</verse>
				<verse number="6">佇空中叨一個會比得上主？ 眾神明中叨一個會親像上主？</verse>
				<verse number="7">伊佇天使的議會中是有大威嚴的上帝， 比一切佇伊四圍的神明閣較通驚畏。</verse>
				<verse number="8">上主 — 萬軍的統帥上帝啊， 你的大權能叨一個會當及你比？ 你佇逐項代誌攏顯出信實。</verse>
				<verse number="9">海水漲高，你給伊管制； 海湧夯起來，你互伊平靜。</verse>
				<verse number="10">你一下手就拍碎海怪 拉哈伯 ； 你用大氣力的手拍散對敵。</verse>
				<verse number="11">天屬你，地嘛你的； 世界及萬物攏是你所建立。</verse>
				<verse number="12">南及北是你所創造； 他泊山 及 黑門山 攏歡喜稱讚你的名。</verse>
				<verse number="13">你的手骨有權能； 你的手有力，你的正手攑高高。</verse>
				<verse number="14">公義及正直是你寶座的地基； 慈愛及信實行佇你面前。</verse>
				<verse number="15">會曉對你歡呼的人真有福氣！ 上主啊，𪜶欲隨你的面發出的光來行。</verse>
				<verse number="16">𪜶歸日因為你的名歡喜， 因為你的公義快樂。</verse>
				<verse number="17">你是𪜶奇妙的氣力； 因為你的恩典，阮會得著勝利。</verse>
				<verse number="18">上主是阮的保護者； 以色列 神聖的上帝是阮的君王。</verse>
				<verse number="19">你早曾佇異象中對你忠實的子民講： 「我有用花冠戴佇勇士的頭殼； 我對子民中揀選伊，高升伊。</verse>
				<verse number="20">我尋著我的僕人 大闢 ， 用聖油抹伊。</verse>
				<verse number="21">我的手欲支持伊； 我的手骨欲賜伊氣力。</verse>
				<verse number="22">對敵無法度用計智贏過伊； 兇惡的人無法度窘迫伊。</verse>
				<verse number="23">我欲佇伊的面前拍碎伊的對敵， 拍敗許個怨恨伊的人。</verse>
				<verse number="24">我的信實及我的慈愛欲及伊同在， 因為我的名，伊會得著勝利。</verse>
				<verse number="25">我欲互伊的手伸到 地中海 ， 伊的正手伸到 幼發拉底河 。</verse>
				<verse number="26">伊欲對我講：『你是我的父，我的上帝， 是拯救我的石磐。』</verse>
				<verse number="27">我欲設立伊做大子， 做世上上大的君王。</verse>
				<verse number="28">我欲對伊持守慈愛到永遠； 我及伊所立的約一定𣍐改變。</verse>
				<verse number="29">我欲保守伊的後代到永遠， 互伊的寶座親像天赫呢久長。</verse>
				<verse number="30">「伊的子孫若棄拺我的律法， 無遵守我的命令，</verse>
				<verse number="31">違背我的規例， 無遵行我的誡命，</verse>
				<verse number="32">我欲用柺仔刑罰𪜶的過失， 用鞭處罰𪜶的罪惡。</verse>
				<verse number="33">總是我一定𣍐對伊收回我攏總的慈愛， 嘛𣍐違背我的信實。</verse>
				<verse number="34">我一定𣍐違反我的約， 嘛𣍐改變我講的話。</verse>
				<verse number="35">「我指家己的聖潔堅決立誓， 絕對𣍐對 大闢 講白賊。</verse>
				<verse number="36">伊的後代會傳到永遠， 伊的寶座佇我的面前親像日頭赫呢久長；</verse>
				<verse number="37">親像月永遠穩固， 佇天頂作確實的見證。」</verse>
				<verse number="38">總是你有對你抹油選立的發受氣， 給伊拒絕棄拺。</verse>
				<verse number="39">你廢除及你的僕人所立的約， 將伊的花冠擲佇土腳踐踏。</verse>
				<verse number="40">你拆毀伊所有的城牆， 互伊的堡壘變做拋荒的所在。</verse>
				<verse number="41">過路人攏給伊搶奪； 隔壁國攏給伊凌辱。</verse>
				<verse number="42">你互伊對敵的正手攑高， 互𪜶攏歡喜。</verse>
				<verse number="43">你互伊的刀劍鈍去𣍐當用， 互伊佇交戰的時戰敗。</verse>
				<verse number="44">你將伊權柄的柺 搶起來， 將伊的寶座捙倒佇地裡。</verse>
				<verse number="45">你減少伊少年的日子， 互伊大大見笑。</verse>
				<verse number="46">上主啊，你欲匿偌久，到永遠是無？ 你親像火𤏸啲受氣欲偌久？</verse>
				<verse number="47">求你帶念我的性命赫呢短， 你創造的世間人赫呢空虛！</verse>
				<verse number="48">啥人會當久長活啲，無見著死， 會救家己的性命脫離陰府的權勢？</verse>
				<verse number="49">主啊，你以前的慈愛佇叨位？ 你對 大闢 立誓應允的信實佇叨位？</verse>
				<verse number="50">主啊，求你會記得你的僕人所受的凌辱， 會記得我的心按怎承受列國的侮辱 。</verse>
				<verse number="51">上主啊，你的對敵按呢啲侮辱你的僕人； 你抹油揀選的行到叨位，𪜶攏隨啲給伊凌辱。</verse>
				<verse number="52">願稱讚歸互上主到永遠！ 阿們！阿們！</verse>
			</chapter>
			<chapter number="90">
				<verse number="1">主啊，你世世代代是阮的避難所 。</verse>
				<verse number="2">眾山猶未受造， 大地及世界猶未造成， 你永永遠遠是上帝！</verse>
				<verse number="3">你互土造的人歸回土粉， 講：「人啊，著回歸原本。」</verse>
				<verse number="4">對你來看，一千年親像過去的昨日， 親像暗暝的一更。</verse>
				<verse number="5">你用大水給人沖走； 人生親像一場眠夢， 親像草早起時茁芛；</verse>
				<verse number="6">早起時發起來，茂盛， 暗時凋謝，焦去。</verse>
				<verse number="7">阮因為你的受氣消滅， 因為你的大受氣驚惶。</verse>
				<verse number="8">你將阮的罪過排佇你面前； 阮祕密的罪佇你面前暴露出來。</verse>
				<verse number="9">阮的日子攏佇你的受氣下過去； 阮的一生親像吐一個氣。</verse>
				<verse number="10">阮的歲壽不過是七十， 若勇健通到八十。 阮會當誇口的不過是勞苦憂愁； 人生親像啲飛，一目𥍉久就過去。</verse>
				<verse number="11">啥人感受會著你受氣的威力？ 啥人了解你受氣的可怕？</verse>
				<verse number="12">求你教阮會曉算家己的日子， 互阮的心有智慧。</verse>
				<verse number="13">上主啊，你什麼時才欲改變心意？ 求你憐憫你的僕人。</verse>
				<verse number="14">求你透早就互阮享受你的慈愛， 互阮一世人充滿歡喜快樂。</verse>
				<verse number="15">你互阮一生有偌多艱苦災難， 求你嘛互阮一生享受赫多歡喜快樂。</verse>
				<verse number="16">求你互你的僕人看見你的作為， 互阮的子孫看見你的榮耀。</verse>
				<verse number="17">主 — 阮的上帝啊，求你賜福互阮！ 求你互阮一切的工作順利； 求你互阮的所做攏亨通。</verse>
			</chapter>
			<chapter number="91">
				<verse number="1">尋至高的上帝做避難所的人， 會徛起佇全能者的蔭影下。</verse>
				<verse number="2">伊對上主講：「你是我的避難所，我的堡壘， 是我所倚靠的上帝。」</verse>
				<verse number="3">上主欲救你脫離當鳥仔的羅網， 及致命的瘟疫。</verse>
				<verse number="4">伊欲用翼給你攔啲， 互你匿佇伊的翼股下； 伊的信實做大細的盾牌保護你。</verse>
				<verse number="5">你免驚暝時的恐怖， 抑是日時射來的箭；</verse>
				<verse number="6">嘛毋免驚烏暗中流行的瘟疫， 抑是日中晝毀滅人的毒症。</verse>
				<verse number="7">有歸千人慄落去你的倒旁， 有歸萬人倒落去你的正旁， 諸個災難𣍐臨到你。</verse>
				<verse number="8">毋拘你會親目看見， 會看著歹人受報應。</verse>
				<verse number="9">你尋上主做避難所， 用至高上帝做徛起的所在；</verse>
				<verse number="10">災害𣍐臨到你， 瘟疫嘛𣍐倚近你的布棚。</verse>
				<verse number="11">因為伊欲為著你吩咐伊的使者， 佇你所行一切的路保護你。</verse>
				<verse number="12">𪜶欲用手扶你， 互你的腳𣍐觸著石。</verse>
				<verse number="13">你欲用腳𬧋獅及毒蛇， 踏碎猛獅及大尾蛇。</verse>
				<verse number="14">上帝講：「因為伊真疼我，我欲解救伊； 因為伊識我的名，我欲給伊安置佇安全的所在。</verse>
				<verse number="15">伊求叫我，我欲應伊； 伊佇危急的時，我欲及伊同在； 我欲解救伊，互伊有尊榮。</verse>
				<verse number="16">我欲賜伊長歲壽互伊滿足， 互伊看見我的救恩。」</verse>
			</chapter>
			<chapter number="92">
				<verse number="1">上主啊，阮感謝你； 至高者啊，唱歌稱讚你的名實在真好！</verse>
				<verse number="2">阮早起時報揚你的慈愛， 下昏時報揚你的信實，</verse>
				<verse number="3">彈十條弦的豎琴， 用樂器美妙的聲音伴奏。</verse>
				<verse number="4">上主啊，你用你的作為互我歡喜； 我欲因為你的手的所做唱歌快樂。</verse>
				<verse number="5">上主啊，你的作為赫呢偉大， 你的意念赫呢深奧；</verse>
				<verse number="6">無智識的人𣍐了解， 愚戇的人嘛𣍐明白。</verse>
				<verse number="7">歹人親像草茂盛； 做歹的人雖然興旺， 一定攏會滅亡。</verse>
				<verse number="8">總是上主你至尊，永遠掌權。</verse>
				<verse number="9">上主啊，你的對敵一定滅亡； 所有做歹的人攏會受拍散。</verse>
				<verse number="10">總是你有加添我的氣力，互我親像野牛赫呢勇壯， 因為你有用新的油倒佇我身上。</verse>
				<verse number="11">我親目看著我的對敵受報應， 親耳聽著攻擊我的歹人受刑罰。</verse>
				<verse number="12">義人會興旺親像棕樹， 會生長親像 黎巴嫩 的柏香樹；</verse>
				<verse number="13">諸個樹栽佇上主的殿， 佇咱上帝的埕茂盛。</verse>
				<verse number="14">樹老的時猶會結果子， 汁真多，色青翠，</verse>
				<verse number="15">啲顯示上主公正，攏無不義； 伊是保護我的石磐。</verse>
			</chapter>
			<chapter number="93">
				<verse number="1">上主作王掌權！ 伊用威嚴做衫穿； 上主用威嚴做衫穿， 用氣力做帶縖。 伊建立世界， 世界永遠𣍐動搖。</verse>
				<verse number="2">你的寶座古早就建立； 你對永遠就存在。</verse>
				<verse number="3">上主啊，大水啲夯湧， 大水夯湧出大聲； 大水夯湧嘩嘩哮。</verse>
				<verse number="4">上主佇天頂顯出威力， 贏過海洋的大湧， 壓過大水嘩嘩哮的聲。</verse>
				<verse number="5">上主啊，你的誡命確立𣍐改變； 你的殿神聖，直到永遠。</verse>
			</chapter>
			<chapter number="94">
				<verse number="1">上主，你是申冤的上帝； 申冤的上帝啊，求你發出光。</verse>
				<verse number="2">審判世界的主啊，求你起來， 互驕傲的人受應該受的報應。</verse>
				<verse number="3">上主啊，歹人欲閣偌久， 歹人洋洋得意欲閣偌久？</verse>
				<verse number="4">𪜶的嘴吐出驕傲的話； 做歹的人攏啲展家己。</verse>
				<verse number="5">上主啊，𪜶欺壓你的子民， 苦楚你的產業 以色列 。</verse>
				<verse number="6">𪜶害死孤兒寡婦， 閣殺害出外人。</verse>
				<verse number="7">𪜶講：「上主一定無啲注意； 雅各 的上帝一定無啲看。」</verse>
				<verse number="8">恁諸個親像牲生的人著想； 恁諸個愚戇的人底時才會有智慧？</verse>
				<verse number="9">造耳孔的上帝家己豈𣍐聽見？ 造目睭的上帝家己豈𣍐看見？</verse>
				<verse number="10">管教列邦的上帝豈𣍐處罰？ 教導人的上帝豈會無智識？</verse>
				<verse number="11">上主知人的心思， 知𪜶所想的攏無路用。</verse>
				<verse number="12">上主啊，受你管教的人真有福氣！ 你用律法給伊教導，</verse>
				<verse number="13">欲互伊佇患難的日安穩自在， 直到欲埋歹人的墓掘好勢。</verse>
				<verse number="14">上主一定𣍐放拺伊的子民， 嘛𣍐放棄伊的產業 以色列 。</verse>
				<verse number="15">伊會閣照公義審判， 心正直的人攏會隨伊。</verse>
				<verse number="16">啥人會為我起來攻擊歹人？ 啥人會為我徛起來攻擊做歹的人？</verse>
				<verse number="17">若毋是上主幫贊我， 我真緊就落去永遠靜默的所在。</verse>
				<verse number="18">我講「我的腳踏跙去」； 彼時，上主啊，你用慈愛扶持我。</verse>
				<verse number="19">我心內有真多憂悶掛慮， 你的安慰互我心神快樂。</verse>
				<verse number="20">腐敗的官長利用法律製造奸惡， 𪜶豈會及你徛仝旁？</verse>
				<verse number="21">𪜶鬥陣計謀欲害義人的性命， 給無罪的人定死罪。</verse>
				<verse number="22">毋拘上主做我的堡壘； 我的上帝做我的避難所。</verse>
				<verse number="23">伊互𪜶的罪惡受著報應； 𪜶做歹的時，伊欲剿滅𪜶。 上主 — 咱的上帝欲剿滅𪜶。</verse>
			</chapter>
			<chapter number="95">
				<verse number="1">來啊，咱來唱歌謳咾上主！ 咱來稱讚拯救咱的保護者！</verse>
				<verse number="2">咱著用感謝來到伊的面前！ 著對伊唱歡喜的歌！</verse>
				<verse number="3">因為上主是偉大的上帝， 是贏過一切神明的大君王。</verse>
				<verse number="4">伊統轄地極深的所在； 極高的山峰嘛佇伊手內。</verse>
				<verse number="5">伊創造海洋，大海屬伊； 伊嘛親手創造陸地。</verse>
				<verse number="6">來啊，咱來鞠躬敬拜伊！ 咱來跪拜創造咱的上主！</verse>
				<verse number="7">因為伊是咱的上帝； 咱是伊牧養的羊群， 是伊照顧的子民。 今仔日，恁應該著聽伊的話。</verse>
				<verse number="8">恁毋通硬心，親像佇 米利巴 的時， 親像佇曠野的 瑪撒 彼一日。</verse>
				<verse number="9">彼時，恁的祖先考驗我； 雖然𪜶有看著我的作為，猶久試探我。</verse>
				<verse number="10">四十年久，我討厭彼世代的人。 我講：「𪜶是心神無定的子民； 𪜶毋識我的道路。」</verse>
				<verse number="11">所以，我佇受氣中立誓，講： 「𪜶絕對𣍐當進入我的土地安歇。」</verse>
			</chapter>
			<chapter number="96">
				<verse number="1">著對上主唱新的歌！ 全地攏著對上主唱歌！</verse>
				<verse number="2">著對上主唱歌，稱讚伊的名！ 著日日宣布伊拯救的好消息！</verse>
				<verse number="3">著對萬國宣揚伊的榮耀！ 著對萬民講起伊偉大的作為！</verse>
				<verse number="4">因為上主至大，應該受極大的稱讚； 伊比所有的神明應該閣較受敬畏。</verse>
				<verse number="5">因為外邦的神明不過是偶像； 毋拘上主創造諸個天。</verse>
				<verse number="6">尊貴及威嚴包圍伊； 權能及榮光充滿伊的聖所。</verse>
				<verse number="7">地上萬民攏著稱讚上主！ 著將榮耀及權能歸互伊！</verse>
				<verse number="8">著將上主應得的榮耀歸互伊！ 著帶祭物進入伊的埕！</verse>
				<verse number="9">著穿聖潔做禮服敬拜上主 ！ 全地著佇伊面前驚惶皮皮惙！</verse>
				<verse number="10">著對萬國宣布：「上主作王！ 世界堅固𣍐動搖； 伊欲用公義審判萬民。」</verse>
				<verse number="11">天著歡喜，地著快樂！ 海及彼內面的活物攏著出大聲！</verse>
				<verse number="12">田園及其中所有的攏著快樂！ 彼時，樹林內的樹木攏欲佇上主面前歡喜唱歌。</verse>
				<verse number="13">上主啲來啦； 伊欲來審判普天下。 伊欲用公義審判世界； 伊欲用信實審判萬民。</verse>
			</chapter>
			<chapter number="97">
				<verse number="1">上主作王，大地著快樂； 眾海島著歡喜。</verse>
				<verse number="2">密雲及烏暗佇伊的四圍； 公義及正直是伊寶座的地基。</verse>
				<verse number="3">火行佇伊的面前， 燒伊四圍的對敵。</verse>
				<verse number="4">伊的熠爁照光世界； 大地看見就搖泏。</verse>
				<verse number="5">佇上主 — 全地的主面前， 眾山親像蠟消熔。</verse>
				<verse number="6">天宣布伊的公義； 列邦看見伊的榮光。</verse>
				<verse number="7">所有服事雕刻的偶像， 用虛假的神明來誇口的人攏會見笑失敗。 眾神明啊，恁攏著敬拜上主。</verse>
				<verse number="8">上主啊，因為你的審判， 錫安 聽見就歡喜， 猶大 的城嘛攏快樂。</verse>
				<verse number="9">因為上主你至高，𨃟過全地； 你至尊超越眾神明。</verse>
				<verse number="10">上主所疼的人 怨恨歹。 伊保護伊聖的子民的性命， 救𪜶脫離歹人的手。</verse>
				<verse number="11">光為著義人出現； 喜樂為著心正直的人準備。</verse>
				<verse number="12">義人啊，著因為上主歡喜， 稱讚伊的聖名。</verse>
			</chapter>
			<chapter number="98">
				<verse number="1">恁著向上主唱新的歌， 因為伊有做奇妙的事； 伊的正手， 聖的手骨施行拯救。</verse>
				<verse number="2">上主已經宣布伊的救恩， 對列邦顯明伊的公義。</verse>
				<verse number="3">伊會記得伊對 以色列 家應允的慈愛及信實； 天邊海角攏有看見咱的上帝的拯救。</verse>
				<verse number="4">全地攏著向上主出歡喜的聲； 著出大聲歡喜唱歌稱讚伊。</verse>
				<verse number="5">著彈琴稱讚上主， 彈琴唱好聽的詩歌謳咾伊。</verse>
				<verse number="6">著用喇叭及哨角， 佇上主 — 咱的王面前出歡喜的聲。</verse>
				<verse number="7">願海及海中的一切攏出聲； 世界及萬物嘛出大聲。</verse>
				<verse number="8">願江河拍噗仔歡喜， 眾山嶺佇上主面前做夥快樂唱歌；</verse>
				<verse number="9">因為伊來欲審判全地， 伊欲照公義審判世界， 用公平審判萬民。</verse>
			</chapter>
			<chapter number="99">
				<verse number="1">上主作王，萬民愕愕惙； 伊坐佇天使基路伯寶座頂，大地搖動。</verse>
				<verse number="2">上主佇 錫安 作大； 伊受萬民尊崇。</verse>
				<verse number="3">願𪜶稱讚伊偉大通驚畏的名。 伊是至聖！</verse>
				<verse number="4">有大權力的王啊，你意愛正直； 你建立公平， 佇 以色列 施行正直公義。</verse>
				<verse number="5">著尊崇上主 — 咱的上帝， 佇伊腳砧的頭前跪拜； 伊是至聖！</verse>
				<verse number="6">佇伊的祭司中有 摩西 及 亞倫 ； 佇求叫伊的名的人中間有 撒母耳 ； 𪜶求叫上主，伊有應答。</verse>
				<verse number="7">伊佇雲柱中對𪜶講話； 𪜶遵守伊頒布的誡命及規例。</verse>
				<verse number="8">上主 — 阮的上帝啊，你有應答𪜶； 雖然你有照𪜶的所做給𪜶報應， 猶久你是赦免𪜶的上帝。</verse>
				<verse number="9">著尊崇上主 — 咱的上帝， 佇伊的聖山跪拜。 上主 — 咱的上帝至聖！</verse>
			</chapter>
			<chapter number="100">
				<verse number="1">全地啊，著對上主歡呼！</verse>
				<verse number="2">著歡歡喜喜來敬拜上主！ 著唱讚美的詩歌來到伊面前！</verse>
				<verse number="3">著知上主是上帝！ 伊創造咱，咱屬伊； 咱是伊的子民，是伊牧養的羊群。</verse>
				<verse number="4">著用感謝進入伊的門！ 著用頌讚入去伊的埕！ 著感謝伊，稱讚伊的名！</verse>
				<verse number="5">上主至善： 伊的慈愛續到永遠！ 伊的信實透到萬代！</verse>
			</chapter>
			<chapter number="101">
				<verse number="1">我欲唱慈愛及公義的歌； 上主啊，我欲頌讚你。</verse>
				<verse number="2">我欲謹慎行正直的路； 你什麼時才欲來我遮？ 我欲用正直的心佇宮內生活。</verse>
				<verse number="3">下賤的事，我攏毋看； 背逆上帝的人的所做，我真厭惡； 我毋互伊沐著。</verse>
				<verse number="4">彎曲的心思，我攏無愛； 一切的歹代，我攏拒絕 。</verse>
				<verse number="5">暗中誹謗厝邊的人，我欲給伊毀滅； 目頭高，心驕傲的人，我𣍐容允。</verse>
				<verse number="6">我欲眷顧國內忠實的人，互𪜶及我做夥住； 我欲互行正直的路的人服事我。</verse>
				<verse number="7">詭詐的人𣍐用得住我的宮內； 白賊的人𣍐用得徛佇我的目睭前。</verse>
				<verse number="8">逐早起我欲毀滅國內的歹人， 將所有做歹的人對上主的城消除。</verse>
			</chapter>
			<chapter number="102">
				<verse number="1">上主啊，求你聽我的祈禱， 互我求叫的聲透到你的面前。</verse>
				<verse number="2">我佇危急的日，毋通面越走毋看我； 求你俯耳孔聽我。 我求叫的時，求你隨時應我。</verse>
				<verse number="3">因為我的性命親像煙消散； 我的骨頭親像柴佇火爐內啲燒。</verse>
				<verse number="4">我的心受傷，親像草焦去， 連飯都無愛食。</verse>
				<verse number="5">我吐氣哼哼呻； 我消瘦落肉。</verse>
				<verse number="6">我親像曠野的鵜鶘， 親像荒埔的暗光鳥。</verse>
				<verse number="7">我歸暝無睏， 親像厝頂孤單的鳥仔。</verse>
				<verse number="8">我的對敵歸日侮辱我； 恥笑我的人用我給人咒詛。</verse>
				<verse number="9">我用火灰準飯食， 所飲的攏摻目屎。</verse>
				<verse number="10">這是因為你起性地發受氣， 給我夯起來閣㧒落去。</verse>
				<verse number="11">我的性命親像日斜， 親像草焦去。</verse>
				<verse number="12">只有上主你永遠存在， 互人記念到萬代。</verse>
				<verse number="13">你欲起來憐憫 錫安 ； 因為現在是施恩的時， 指定的日已經到。</verse>
				<verse number="14">你的僕人意愛 錫安 的石頭， 連伊的土粉都保惜。</verse>
				<verse number="15">列國會敬畏上主的名； 世上的君王攏會敬畏你的榮光。</verse>
				<verse number="16">因為上主重建 錫安 的時， 欲佇伊的榮光中顯現。</verse>
				<verse number="17">伊俯落聽散赤人的祈禱， 𣍐看輕𪜶的懇求。</verse>
				<verse number="18">著為著後代的人記載上主的作為， 互將來出世的人通稱讚伊。</verse>
				<verse number="19">上主對至高的聖所看落來， 對天頂看落地。</verse>
				<verse number="20">伊欲聽囚犯的吐氣， 欲解救受判死刑的人，</verse>
				<verse number="21">互人通佇 錫安 傳揚上主的名， 佇 耶路撒冷 傳播稱讚伊的話；</verse>
				<verse number="22">彼時列國會聚集， 萬民會服事上主。</verse>
				<verse number="23">伊互我的氣力未老先衰， 互我的性命縮短。</verse>
				<verse number="24">我講：「我的上帝啊，毋通佇我中年的時討我的性命。」 你的年日到萬世代無窮盡！</verse>
				<verse number="25">你佇起頭給地下地基； 天嘛是你親手創造。</verse>
				<verse number="26">天地攏會消失，毋拘你永遠存在。 𪜶會親像衫穿破去； 你會給𪜶替換親像換衫， 𪜶就無去。</verse>
				<verse number="27">只有你𣍐改變； 你的歲壽無窮盡。</verse>
				<verse number="28">願你僕人的子孫久長安穩徛起， 𪜶的後代佇你面前堅固徛在。</verse>
			</chapter>
			<chapter number="103">
				<verse number="1">我的心神啊，著稱讚上主！ 著用全部的心神謳咾伊的聖名！</verse>
				<verse number="2">我的心神啊，著稱讚上主！ 毋通𣍐記得伊一切的恩惠。</verse>
				<verse number="3">伊赦免你攏總的罪， 醫好你一切的病。</verse>
				<verse number="4">伊救你脫離死亡的陷坑， 用慈悲及仁愛做花冠賜互你。</verse>
				<verse number="5">伊用逐款好物互你一世人滿足， 互你回復少年親像鷹鳥赫呢勇壯。</verse>
				<verse number="6">上主執行公義； 伊為著一切受壓制的人申冤。</verse>
				<verse number="7">伊用伊的道路指示 摩西 ， 用伊的作為指示 以色列 人。</verse>
				<verse number="8">上主有慈悲，有仁愛， 𣍐快受氣，有豐盛的慈愛。</verse>
				<verse number="9">伊𣍐久長責備， 𣍐永遠囥受氣。</verse>
				<verse number="10">伊𣍐照咱的罪過責罰咱， 嘛𣍐照咱的罪孽報應咱。</verse>
				<verse number="11">天離開地有偌高， 伊的慈愛對敬畏伊的人嘛赫呢大。</verse>
				<verse number="12">東離開西有偌遠， 伊互咱的罪過離開咱嘛赫呢遠。</verse>
				<verse number="13">老父按怎疼惜家己的子兒， 上主嘛會按呢疼惜敬畏伊的人。</verse>
				<verse number="14">因為伊知影咱受造的本質； 伊會記得咱不過是土粉。</verse>
				<verse number="15">人咧，𪜶的性命親像草； 𪜶親像野花生長茂盛，</verse>
				<verse number="16">風一下吹就消失； 無人會閣看著。</verse>
				<verse number="17">毋拘上主永遠疼惜敬畏伊的人； 伊用公義對待𪜶的子子孫孫，</verse>
				<verse number="18">就是許個遵守伊的約， 忠實遵行伊律例的人。</verse>
				<verse number="19">上主佇天頂設立寶座； 伊的主權普及萬有。</verse>
				<verse number="20">有大權能的天使， 聽趁上帝的話，執行伊命令的使者啊， 恁攏著稱讚上主！</verse>
				<verse number="21">所有的天軍，執行伊旨意的差使啊， 恁攏著稱讚上主！</verse>
				<verse number="22">佇伊掌權逐所在所有的被造物啊， 恁攏著稱讚上主！ 我的心神啊，著稱讚上主！</verse>
			</chapter>
			<chapter number="104">
				<verse number="1">我的心神啊，著稱讚上主。 上主 — 我的上帝啊，你至大！ 你用尊榮威嚴做衫穿；</verse>
				<verse number="2">你用光做外袍幔。 你搋開天親像啲搭布棚；</verse>
				<verse number="3">你佇水頂安置宮殿的樑。 你用雲做車坐， 用風做翼飛。</verse>
				<verse number="4">你用風做使者， 用火焰做差用。</verse>
				<verse number="5">你將地下佇地基頂， 互地永遠𣍐搖泏。</verse>
				<verse number="6">你互深水若外衫遮蓋地面， 互水淹過山嶺。</verse>
				<verse number="7">你一下喝，水就趕緊走； 你的雷一下彈，水就緊緊流，</verse>
				<verse number="8">淐到山頭，落到山谷， 流到你給𪜶定的所在。</verse>
				<verse number="9">你定界限互水𣍐𨃟過， 𣍐閣轉來淹地面。</verse>
				<verse number="10">你互水泉對山內淐出， 流落山谷，</verse>
				<verse number="11">互山內的走獸有水通飲， 互野驢止嘴焦。</verse>
				<verse number="12">你互空中的飛鳥歇佇水邊， 佇樹枝頂唱歌。</verse>
				<verse number="13">你對天頂的宮殿用水灌沃山嶺， 對你所做的效果，地得著富足。</verse>
				<verse number="14">你互草生長，通互牲生食， 互菜蔬大欉，做人的路用， 通互人對地得著食物；</verse>
				<verse number="15">閣有酒互人的心歡喜； 有油互人的面光彩； 有食物互人勇壯有力。</verse>
				<verse number="16">上主所栽種 黎巴嫩 的柏香樹， 攏得著充足的潤澤；</verse>
				<verse number="17">有飛鳥作巢佇遐的樹內面； 有鶴佇松樹的樹枝作巢。</verse>
				<verse number="18">有高山互野山羊住； 有石縫做石貛匿的所在。</verse>
				<verse number="19">伊用月定季節， 互日頭知通落山。</verse>
				<verse number="20">你互日暗做暝時； 彼時樹林內的百獸就攏爬出來。</verse>
				<verse number="21">獅仔豚哮欲尋物食， 對上帝討食物。</verse>
				<verse number="22">日頭一下出，𪜶就走去匿， 佇𪜶的洞內歇睏。</verse>
				<verse number="23">人出去做工， 勞動到下昏時。</verse>
				<verse number="24">上主啊，你所造的哪赫呢多， 攏是你用智慧所造； 全地滿滿攏是你的創造。</verse>
				<verse number="25">佇遐有海，大閣闊， 內面有算𣍐了的動物； 大細的活物攏有。</verse>
				<verse number="26">佇遐有船啲行， 有你所創造的海獸泅來泅去。</verse>
				<verse number="27">諸個攏啲靠你， 你照時互𪜶食物。</verse>
				<verse number="28">你㧒互𪜶，𪜶就拾起來； 你搋開手，𪜶就有好物食到飽。</verse>
				<verse number="29">你面越走毋看𪜶，𪜶就煩惱驚惶； 你將𪜶的氣收回，𪜶就死去歸回土粉。</verse>
				<verse number="30">你一下歕氣，𪜶就受創造； 你互地面攏換新。</verse>
				<verse number="31">願上主的榮光永遠存續； 願上主因為家己的創造歡喜。</verse>
				<verse number="32">伊看地，地就振動； 伊摸山，山就淐煙。</verse>
				<verse number="33">我欲一世人對上主吟詩； 我猶活啲的時欲對我的上帝唱歌謳咾。</verse>
				<verse number="34">願伊歡喜接納我的默想。 我欲因為上主歡喜快樂。</verse>
				<verse number="35">願罪人對世上消滅； 願歹人攏無去。 我的心神啊，著稱讚上主。 哈利路亞，稱讚上主！</verse>
			</chapter>
			<chapter number="105">
				<verse number="1">恁著感謝上主，求叫伊的名， 佇萬民中報揚伊的作為。</verse>
				<verse number="2">著對伊吟詩，向伊唱歌謳咾， 談論伊一切奇妙的所做。</verse>
				<verse number="3">著誇耀伊的聖名。 願尋求上主的人心內歡喜。</verse>
				<verse number="4">著倚靠上主及伊的權能， 不時尋求見伊的面。</verse>
				<verse number="5">伊的僕人 亞伯拉罕 的後代， 伊所揀 雅各 的子孫啊， 恁著數念伊奇妙的作為， 數念伊的神跡及伊所講判斷的話。</verse>
				<verse number="6"></verse>
				<verse number="7">伊是上主 — 咱的上帝； 伊的審判普及全地。</verse>
				<verse number="8">伊會記得伊的約直到永遠， 伊的應允直到萬代。</verse>
				<verse number="9">伊會記得及 亞伯拉罕 立的約， 對 以撒 所立的誓。</verse>
				<verse number="10">伊將此個約互 雅各 做規例， 互 以色列 做永遠的約。</verse>
				<verse number="11">伊講：「我欲將 迦南 地賜互你， 做你應得的產業。」</verse>
				<verse number="12">當時𪜶的人口有限，人數真少； 𪜶佇遐做出外人。</verse>
				<verse number="13">𪜶對此族行到彼族， 對此國到彼國。</verse>
				<verse number="14">伊無容允人壓迫𪜶； 為著𪜶的緣故，伊譴責許個君王。</verse>
				<verse number="15">伊講：「毋通磕著我揀選的僕人， 嘛毋通欺負我的先知。」</verse>
				<verse number="16">伊互飢荒降落佇彼個土地， 互所倚靠的米糧攏斷絕。</verse>
				<verse number="17">伊差一個人先去， 就是受賣做奴隸的 約瑟 。</verse>
				<verse number="18">人用腳銬銬伊的腳， 用鐵鍊鍊伊的頷頸。</verse>
				<verse number="19">上主的話給伊考驗， 直到伊的預言實現。</verse>
				<verse number="20">王差人給伊解開； 統治萬民的法老給伊解放。</verse>
				<verse number="21">王設立伊做宰相， 掌管法老攏總的財物，</verse>
				<verse number="22">通隨意縛伊的人臣， 用智慧管教伊的長老。</verse>
				<verse number="23">以色列 嘛來到 埃及 ； 雅各 出外佇 含 的地。</verse>
				<verse number="24">上主互伊的子民生湠真多， 互𪜶比對敵較強。</verse>
				<verse number="25">伊改變對敵的心，互𪜶怨恨伊的子民， 用詭詰的計謀對待伊的僕人。</verse>
				<verse number="26">伊差伊的僕人 摩西 ， 及伊所揀的 亞倫 ，</verse>
				<verse number="27">佇對敵的中間行伊的神跡， 佇 含 的地行奇事。</verse>
				<verse number="28">伊降落烏暗，地就暗摸摸； 埃及 人猶久毋聽趁伊的話。</verse>
				<verse number="29">伊互𪜶 的水變做血， 水內的魚攏死。</verse>
				<verse number="30">佇𪜶的土地田蛤仔滿滿是， 連王的房間都有。</verse>
				<verse number="31">伊一下出聲，胡蠅歸陣飛來， 閣佇𪜶的境內有蝨母滿四界。</verse>
				<verse number="32">伊落雹代替雨， 降落熠爁佇𪜶全地。</verse>
				<verse number="33">伊掃倒𪜶的葡萄樹及無花果樹， 毀壞𪜶境內的樹木。</verse>
				<verse number="34">伊一下出聲，歸群的草蜢及草蜢仔子就飛來， 多甲𣍐算得，</verse>
				<verse number="35">給𪜶土地的菜蔬食了了， 閣吞食𪜶的田園所出的五穀。</verse>
				<verse number="36">伊拍死𪜶國內所有的大子， 就是𪜶勇壯的時所生的。</verse>
				<verse number="37">伊導𪜶出來，帶銀帶金； 伊的支族中無一個軟弱。</verse>
				<verse number="38">𪜶出來的時， 埃及 人大歡喜， 因為 埃及 人真驚𪜶。</verse>
				<verse number="39">伊用雲給𪜶遮， 暝時用火給𪜶照。</verse>
				<verse number="40">𪜶一下求，伊就互鵪鶉飛來， 閣用天的食物互𪜶飽足。</verse>
				<verse number="41">伊拍開石磐，水就淐出來， 成做河流流過曠野。</verse>
				<verse number="42">因為伊會記得伊聖的應允， 會記得伊的僕人 亞伯拉罕 。</verse>
				<verse number="43">伊導伊的子民歡歡喜喜出來， 導伊揀選的子民唱歡喜的歌向前行。</verse>
				<verse number="44">伊將列國的土地賜互𪜶， 互𪜶承接別個民族勞苦得著的財富，</verse>
				<verse number="45">通互𪜶遵趁伊的規例， 遵守伊的律法。 哈利路亞，稱讚上主！</verse>
			</chapter>
			<chapter number="106">
				<verse number="1">哈利路亞，稱讚上主！ 著感謝上主，因為伊至善； 伊的慈愛續到永遠！</verse>
				<verse number="2">啥人會曉講起上主的大權能？ 啥人會當完全表明對伊的稱讚？</verse>
				<verse number="3">所有維護公平， 不時實踐公義的人真有福氣！</verse>
				<verse number="4">上主啊，你恩待你子民的時，求你會記得我； 你拯救𪜶的時，求你眷顧我。</verse>
				<verse number="5">求你互我看見你的選民興旺， 互我及你的國民分享快樂， 及你的子民做夥誇耀。</verse>
				<verse number="6">阮及阮的祖先仝款有犯罪； 阮偏離正路做歹。</verse>
				<verse number="7">阮的祖先佇 埃及 無明白你所做的奇事， 𣍐記得你豐盛的慈愛， 反轉佇 紅海 背叛你。</verse>
				<verse number="8">毋拘主，因為伊的名的緣故，解救𪜶， 欲顯明伊的大權能。</verse>
				<verse number="9">伊一下喝 紅海 ，海就焦去； 伊導𪜶經過海深的所在，若啲經過焦地。</verse>
				<verse number="10">伊救𪜶脫離怨恨𪜶的人的手， 對對敵的手中解救𪜶。</verse>
				<verse number="11">𪜶的對敵攏互水淹密， 連一個都無留啲。</verse>
				<verse number="12">彼陣，𪜶才信伊的話， 才唱歌稱讚伊。</verse>
				<verse number="13">𪜶真緊就𣍐記得伊的所做， 無聽候伊的指示。</verse>
				<verse number="14">𪜶佇曠野大大起貪慾， 佇荒埔試探上帝。</verse>
				<verse number="15">𪜶所求的，伊有互𪜶， 毋拘嘛互𪜶攏衰荏消瘦。</verse>
				<verse number="16">𪜶佇營中怨妒 摩西 及上主聖別的 亞倫 。</verse>
				<verse number="17">地就裂開，吞滅 大坍 ， 掩密 亞比蘭 彼群人。</verse>
				<verse number="18">有火佇𪜶中間𤏸起來， 火焰燒滅許個歹人。</verse>
				<verse number="19">𪜶佇 何烈山 造牛仔， 仆拜所鑄的像。</verse>
				<verse number="20">按呢，𪜶用食草的牛仔做像， 替換上帝的榮光。</verse>
				<verse number="21">𪜶𣍐記得給𪜶拯救的上帝； 伊曾佇 埃及 做大代誌，</verse>
				<verse number="22">佇 含 的地行奇事， 佇 紅海 做通驚的事。</verse>
				<verse number="23">所以，伊講欲給𪜶消滅； 若毋是伊所揀選的 摩西 徛佇伊面前極力申訴， 消除伊的受氣，伊已經給𪜶消滅啦。</verse>
				<verse number="24">𪜶看輕彼個好的地， 毋信伊的話；</verse>
				<verse number="25">𪜶佇家己的布棚內埋怨， 毋聽趁上主的話。</verse>
				<verse number="26">所以伊對𪜶攑手立誓， 欲互𪜶死佇曠野；</verse>
				<verse number="27">互𪜶的子孫死佇外國， 四散佇逐所在。</verse>
				<verse number="28">𪜶鬥陣去拜 比珥 的巴力， 食獻互無性命的神明的祭物。</verse>
				<verse number="29">𪜶按呢做，惹起伊的受氣， 就有瘟疫佇𪜶中間傳染。</verse>
				<verse number="30">彼時 非尼哈 起來替𪜶排解， 瘟疫就煞。</verse>
				<verse number="31">此個代誌上帝給伊算做義， 對彼時起，直到永遠。</verse>
				<verse number="32">𪜶佇 米利巴 的水泉邊閣惹上主受氣， 為著𪜶的緣故， 摩西 受連累；</verse>
				<verse number="33">因為𪜶背叛上帝， 致到 摩西 講出匆碰的話。</verse>
				<verse number="34">𪜶無聽趁上主的吩咐， 無剿滅外族的百姓；</verse>
				<verse number="35">反轉及外邦人通婚， 學𪜶的所做，</verse>
				<verse number="36">服事𪜶的偶像； 結果家己跋落陷阱。</verse>
				<verse number="37">𪜶將子、查某子做祭物獻互鬼神；</verse>
				<verse number="38">𪜶流無罪的人的血，刣家己的子、查某子， 將𪜶做祭物獻互 迦南 的偶像， 彼個地就受著血污染。</verse>
				<verse number="39">按呢，𪜶受家己的行為污染， 𪜶的所做犯著淫行。</verse>
				<verse number="40">所以，上主對伊的子民發受氣， 厭惡伊的產業 以色列 。</verse>
				<verse number="41">伊將𪜶交佇外邦人的手， 互怨恨𪜶的人管轄𪜶。</verse>
				<verse number="42">𪜶的對敵壓制𪜶， 𪜶就屈服佇對敵的手下。</verse>
				<verse number="43">上主一遍閣一遍解救𪜶； 毋拘𪜶故意背逆伊， 因為家己的罪惡致到墮落。</verse>
				<verse number="44">伊聽著𪜶的哀叫， 體貼𪜶的困苦。</verse>
				<verse number="45">伊為著𪜶想起伊的約， 因為豐盛的慈愛回心轉意，</verse>
				<verse number="46">互𪜶得著所有掠𪜶的人的憐憫。</verse>
				<verse number="47">上主 — 阮的上帝啊，求你拯救阮， 聚集阮，導阮對列國轉來， 互阮通感謝你的聖名， 用稱讚你做阮上大的歡喜。</verse>
				<verse number="48">願稱讚歸互上主 — 以色列 的上帝， 對永遠到永遠。 願全體人民攏講：阿們！ 哈利路亞，稱讚上主！</verse>
			</chapter>
			<chapter number="107">
				<verse number="1">恁著感謝上主，因為伊至善！ 伊的慈愛永遠存續！</verse>
				<verse number="2">上主所救贖的人， 伊對對敵手中所救贖的人，</verse>
				<verse number="3">對逐國，對東對西，對南 對北， 所聚集的人攏著按呢講。</verse>
				<verse number="4">𪜶佇曠野拋荒的路流浪， 尋無城通徛起。</verse>
				<verse number="5">𪜶亦枵亦嘴焦； 𪜶的心神暈去。</verse>
				<verse number="6">𪜶佇苦難中哀求上主， 伊就解救𪜶脫離患難。</verse>
				<verse number="7">伊導𪜶行直的路， 互𪜶到通徛起的城。</verse>
				<verse number="8">因為上主的慈愛及伊對世間人所做的奇事， 人攏著稱讚伊。</verse>
				<verse number="9">伊互嘴焦的人知足， 互枵餓的人有好物食到飽。</verse>
				<verse number="10">坐佇烏暗死蔭中的人， 受困苦及鐵鍊捆縛的人，</verse>
				<verse number="11">因為𪜶背逆上帝的話， 看輕至高上帝的旨意，</verse>
				<verse number="12">所以伊用勞苦給𪜶教乖； 𪜶跋倒，無人扶助。</verse>
				<verse number="13">𪜶佇苦難中哀求上主， 伊就解救𪜶脫離患難。</verse>
				<verse number="14">伊對烏暗死蔭中導𪜶出來， 擦斷縛𪜶的索。</verse>
				<verse number="15">因為上主的慈愛及伊為著世間人所做的奇事， 人攏著稱讚伊。</verse>
				<verse number="16">因為伊拍破銅的門， 斬斷鐵的門閂。</verse>
				<verse number="17">戇人因為𪜶家己的過失， 閣因為𪜶的罪惡，受苦楚。</verse>
				<verse number="18">𪜶厭惡逐款的食物， 已經倚近死亡的門。</verse>
				<verse number="19">𪜶佇苦難中哀求上主， 伊就解救𪜶脫離患難。</verse>
				<verse number="20">伊出命令醫好𪜶， 救𪜶脫離死亡。</verse>
				<verse number="21">因為上主的慈愛及伊對世間人所做的奇事， 人攏著稱讚伊。</verse>
				<verse number="22">願𪜶獻感謝的祭， 用歡喜的詩歌講起伊的所做。</verse>
				<verse number="23">坐船過海， 佇大海做生理的人，</verse>
				<verse number="24">𪜶有看見上主的所做， 及伊佇深淵所做的奇事。</verse>
				<verse number="25">上主一下命令，狂風就起， 海中的湧夯起來。</verse>
				<verse number="26">𪜶上到穹蒼，落到海底， 因為危險，神魂消散。</verse>
				<verse number="27">𪜶癲癲倒倒，東倒西歪，親像酒醉的人； 𪜶的功夫攏無路用。</verse>
				<verse number="28">𪜶佇苦難中哀求上主， 伊就對患難中救𪜶出來。</verse>
				<verse number="29">伊互狂風停， 海湧就平靜。</verse>
				<verse number="30">風停，湧靜，𪜶就歡喜， 伊就導𪜶到所愛去的港口。</verse>
				<verse number="31">因為上主的慈愛及伊為著世間人所做的奇事， 人攏著稱讚伊。</verse>
				<verse number="32">願𪜶佇人民的聚會中尊伊做至高， 佇長老的議會中稱讚伊。</verse>
				<verse number="33">伊互江河變做曠野， 互水泉變做焦燥的地。</verse>
				<verse number="34">伊互肥地變做鹹地， 這攏是因為徛起佇遐的人的罪。</verse>
				<verse number="35">伊互曠野變做水潭， 互焦地變做水泉。</verse>
				<verse number="36">伊互枵餓的人𫢶佇遐， 互𪜶起造城通徛起，</verse>
				<verse number="37">閣種作田園，栽葡萄， 得著豐富的土產。</verse>
				<verse number="38">伊賜福氣，互𪜶生湠真多， 互𪜶的牲生無減少。</verse>
				<verse number="39">𪜶閣因為壓迫、患難、憂苦， 人口減少，互人看輕。</verse>
				<verse number="40">伊互貴族受侮辱， 流浪佇荒廢無路的所在。</verse>
				<verse number="41">毋拘伊提拔散赤人，互𪜶脫離苦難， 互𪜶家族興旺親像羊群赫多。</verse>
				<verse number="42">正直的人看見就歡喜； 歹人攏恬去無話通講。</verse>
				<verse number="43">智慧的人著注意諸個代誌， 著數念上主的慈愛。</verse>
			</chapter>
			<chapter number="108">
				<verse number="1">上帝啊，我的心堅定； 我的心神欲唱歌稱讚。</verse>
				<verse number="2">琴啊，瑟啊，著醒起來！ 我欲給日頭叫醒。</verse>
				<verse number="3">上主啊，我欲佇萬民中感謝你， 佇列邦中唱歌稱讚你。</verse>
				<verse number="4">你的慈愛比天較高； 你的信實透到穹蒼。</verse>
				<verse number="5">上帝啊，願你的偉大𨃟過天； 願你的榮光遍照全地。</verse>
				<verse number="6">求你用正手牽救阮來回應阮， 互你所疼的人得著解救。</verse>
				<verse number="7">上帝佇伊的聖所講 ： 「我大勝利啦！ 我欲分割 示劍 ，分配 疏割 的山谷。</verse>
				<verse number="8">基列 是我的， 瑪拿西 嘛屬我； 以法蓮 是我的頭盔； 猶大 是我權柄的柺。</verse>
				<verse number="9">摩押 做我的浴盆； 我㧒我的鞋佇 以東 ； 我因為較贏 非利士 大聲喝。」</verse>
				<verse number="10">啥人欲導我入去堅固的城？ 啥人欲導我入去 以東 的地？</verse>
				<verse number="11">上帝啊，你豈有棄拺阮？ 上帝啊，你豈𣍐閣及阮的軍隊鬥陣出征？</verse>
				<verse number="12">求你援助阮攻擊對敵， 因為人的幫贊𣍐靠得。</verse>
				<verse number="13">靠上帝阮才會得勝； 伊會拍敗阮的對敵。</verse>
			</chapter>
			<chapter number="109">
				<verse number="1">我所稱讚的上帝啊，求你毋通靜靜，</verse>
				<verse number="2">因為邪惡奸詐的人開嘴攻擊我； 𪜶用白賊的舌對我講話。</verse>
				<verse number="3">𪜶用怨恨的話包圍我， 無緣無故攻擊我。</verse>
				<verse number="4">我疼𪜶，𪜶反轉做我的對敵； 我猶久為𪜶祈禱。</verse>
				<verse number="5">𪜶對我用歹報好， 用怨恨報仁愛。</verse>
				<verse number="6">求你派一個歹人管轄伊， 派一個對敵徛佇伊正旁控告伊。</verse>
				<verse number="7">求你互伊佇審判的時受定罪， 互伊的祈禱嘛算做罪。</verse>
				<verse number="8">求你互伊的性命緊結束， 互別人代替伊的職位。</verse>
				<verse number="9">求你互伊的子兒變做孤兒， 互伊的某變做寡婦。</verse>
				<verse number="10">求你互伊的子兒四界求乞， 對𪜶的破厝互人趕出去 。</verse>
				<verse number="11">求你互債主搶伊一切所有， 互生份人搶奪伊勞苦得著的財物。</verse>
				<verse number="12">求你互伊無得著好款待， 無人可憐伊的孤兒。</verse>
				<verse number="13">求你互伊的後代斷絕， 𪜶的名字受擦消，無傳到下一代。</verse>
				<verse number="14">求上主會記得伊祖先的罪惡， 互伊老母的罪過無得著擦消。</verse>
				<verse number="15">求上主互𪜶的罪惡不時佇你面前， 互𪜶的名對世間消滅。</verse>
				<verse number="16">因為伊無想欲施憐憫， 反轉壓迫散赤困苦的人， 害死傷心的人。</verse>
				<verse number="17">伊愛咒詛，願咒詛臨到伊； 伊無愛祝福，願祝福離開伊遠遠。</verse>
				<verse number="18">伊用咒詛做衫穿， 咒詛就親像水入伊的腹內， 親像油入伊的骨。</verse>
				<verse number="19">願此個咒詛做衣服穿佇伊身軀， 做腰帶不時給伊縖牢牢。</verse>
				<verse number="20">這就是伊對上主所受的報應； 伊是我的對敵，用歹話攻擊我的性命。</verse>
				<verse number="21">至高的上主啊，求你因為你的名的緣故好款待我， 照你至善的慈愛牽救我。</verse>
				<verse number="22">因為我散赤困苦， 我的內心受傷。</verse>
				<verse number="23">我的歲壽親像日影漸漸斜； 我親像草蜢互人拌掉。</verse>
				<verse number="24">我因為禁食腳頭窩痠軟； 我消瘦落肉。</verse>
				<verse number="25">我受𪜶誹謗； 𪜶看著我就幌頭。</verse>
				<verse number="26">上主 — 我的上帝啊，求你幫贊我， 照你的慈愛拯救我，</verse>
				<verse number="27">互𪜶知這是你親手所做， 是上主你所做的。</verse>
				<verse number="28">𪜶雖然咒詛我，你會賜福互我； 𪜶起來攻擊我的時會抵著見笑， 毋拘你的僕人會歡喜。</verse>
				<verse number="29">求你互我的對敵用凌辱做衫穿， 用見笑做袍幔。</verse>
				<verse number="30">我欲用我的嘴大大感謝上主； 我欲佇眾人的中間稱讚伊。</verse>
				<verse number="31">伊欲徛佇散赤人的正旁， 救伊脫離判伊死罪的人。</verse>
			</chapter>
			<chapter number="110">
				<verse number="1">上主對我的主講： 「你坐我的正旁， 聽候我互你的對敵做你的腳砧。」</verse>
				<verse number="2">上主欲互你對 錫安 伸出權能的柺； 你著佇對敵的中間掌權。</verse>
				<verse number="3">你出征的日，人民會甘心作兵； 你的壯丁會親像早起時的露水結合，來聖山跟隨你。</verse>
				<verse number="4">上主有立誓，一定𣍐後悔，講： 「照 麥基洗德 的班次，你永遠作祭司。」</verse>
				<verse number="5">主佇你的正旁， 伊受氣的日會拍敗列王。</verse>
				<verse number="6">伊欲審判萬國， 拍敗𪜶的首領， 互身屍遍滿全地。</verse>
				<verse number="7">王欲飲路邊的溪水， 重新得著氣力，百戰百勝。</verse>
			</chapter>
			<chapter number="111">
				<verse number="1">哈利路亞，稱讚上主！ 佇正直的人聚集的大會中， 我欲全心感謝上主。</verse>
				<verse number="2">上主的作為真奇妙， 意愛伊作為的人攏歡喜查考。</verse>
				<verse number="3">伊的作為尊貴威嚴； 伊的公義永遠存續。</verse>
				<verse number="4">上主行奇事互人記念； 伊有恩惠，有憐憫。</verse>
				<verse number="5">伊賜米糧互敬畏伊的人； 伊會永遠記牢伊的約。</verse>
				<verse number="6">伊對伊的子民顯明大權能的作為， 將列邦的土地賜互𪜶。</verse>
				<verse number="7">伊的手所做的信實公平， 伊的律例確實有效，</verse>
				<verse number="8">永遠𣍐改變， 照信實公正制定。</verse>
				<verse number="9">伊救贖伊的子民， 及𪜶立永遠的約。 伊的名是聖，通驚畏。</verse>
				<verse number="10">敬畏上主是智慧的根本 ， 照按呢遵行才是聰明。 上主應該永遠受稱讚！</verse>
			</chapter>
			<chapter number="112">
				<verse number="1">哈利路亞，稱讚上主！ 敬畏上主，深深意愛伊誡命的， 此款人真有福氣！</verse>
				<verse number="2">𪜶的子孫佇 以色列 地一定強盛； 正直的人的後代一定受祝福。</verse>
				<verse number="3">𪜶的家內充滿財富； 𪜶的好行為存到永遠。</verse>
				<verse number="4">正直的人佇烏暗中有光啲照𪜶； 𪜶有恩惠，有憐憫，有公義。</verse>
				<verse number="5">慷慨借人閣公正處理家己的代誌的， 此款人事事順利。</verse>
				<verse number="6">義人絕對𣍐失敗； 𪜶永遠互人數念。</verse>
				<verse number="7">歹消息，𪜶攏毋驚， 因為心堅定，倚靠上主。</verse>
				<verse number="8">𪜶的心自在，攏𣍐驚惶， 最後會看著對敵互上主拍敗。</verse>
				<verse number="9">𪜶慷慨賑濟散赤人； 𪜶的好行為存到永遠。 𪜶的頭會當攑高，受人尊敬。</verse>
				<verse number="10">歹人看了大受氣， 咬牙切齒，向望攏無去。 歹人的心願攏落空。</verse>
			</chapter>
			<chapter number="113">
				<verse number="1">哈利路亞，稱讚上主！ 上主的僕人啊，恁著稱讚， 稱讚上主的名。</verse>
				<verse number="2">願上主的名受稱讚， 對現在到永遠。</verse>
				<verse number="3">對日出到日落的所在， 上主的名應該受稱讚。</verse>
				<verse number="4">上主統轄萬國； 伊的榮光比天較高。</verse>
				<verse number="5">啥人會當及上主 — 咱的上帝比？ 伊坐佇至高的所在，</verse>
				<verse number="6">俯落來看天及地。</verse>
				<verse number="7">伊對塵埃高升散赤人， 對糞埽堆提拔欠缺的人；</verse>
				<verse number="8">伊互𪜶陪伴貴族， 及本國的貴族做夥坐。</verse>
				<verse number="9">伊互𣍐生育的婦仁人有家庭， 做真多兒女的老母來歡喜。 哈利路亞，稱讚上主！</verse>
			</chapter>
			<chapter number="114">
				<verse number="1">以色列 人出 埃及 ， 雅各 的後代離開話語無像的人民；</verse>
				<verse number="2">彼時 猶大 成做伊的聖所， 以色列 做伊的國度。</verse>
				<verse number="3">大海看見就逃走； 約旦河 倒流。</verse>
				<verse number="4">大山親像羊趒跳； 小山嘛親像羊仔子跳來跳去。</verse>
				<verse number="5">大海啊，你是按怎逃走？ 約旦河 啊，你是按怎倒流？</verse>
				<verse number="6">大山啊，你是按怎親像羊趒跳？ 小山啊，你是按怎親像羊仔子跳來跳去？</verse>
				<verse number="7">大地啊，你見著主的面， 見著 雅各 的上帝的面，著皮皮惙。</verse>
				<verse number="8">伊互石磐變做水池， 互石巖變做水泉。</verse>
			</chapter>
			<chapter number="115">
				<verse number="1">上主啊，榮光只有歸互你，只有歸互你， 因為你的慈愛及信實，願榮光歸互你。</verse>
				<verse number="2">你哪欲互外邦人講： 「𪜶的上帝佇叨位？」</verse>
				<verse number="3">阮的上帝佇天頂， 攏照伊的旨意做代誌。</verse>
				<verse number="4">𪜶的偶像是人的手 用銀，用金鑄造的；</verse>
				<verse number="5">𪜶有嘴，𣍐講話； 有目睭，嘛𣍐看見。</verse>
				<verse number="6">𪜶有耳孔，𣍐聽見； 有鼻孔，嘛𣍐鼻著。</verse>
				<verse number="7">𪜶有手，𣍐提； 有腳，𣍐行。 𪜶嘛無用嚨喉出聲。</verse>
				<verse number="8">造𪜶的，倚靠𪜶的， 攏及𪜶仝款。</verse>
				<verse number="9">以色列 啊，著倚靠上主； 伊是你的幫贊，你的盾牌。</verse>
				<verse number="10">亞倫 祭司的家啊，著倚靠上主； 伊是恁的幫贊，恁的盾牌。</verse>
				<verse number="11">恁敬畏上主的人啊，著倚靠上主； 伊是恁的幫贊，恁的盾牌。</verse>
				<verse number="12">上主關心咱，欲賜福互咱， 欲賜福氣互 以色列 的家， 欲賜福氣互 亞倫 祭司的家。</verse>
				<verse number="13">敬畏上主的人， 無論大細，伊欲賜福互𪜶。</verse>
				<verse number="14">願上主加添恁的人數， 加添恁及恁的子孫。</verse>
				<verse number="15">願創造天地的上主 賜福氣互恁。</verse>
				<verse number="16">天只有屬上主； 伊將地賜互世間人。</verse>
				<verse number="17">死人𣍐稱讚上主； 落去永遠靜默的所在的人嘛攏𣍐。</verse>
				<verse number="18">總是阮欲稱讚上主， 對現在直到永遠。 哈利路亞，稱讚上主！</verse>
			</chapter>
			<chapter number="116">
				<verse number="1">我疼上主， 因為伊聽我的聲，聽我的懇求。</verse>
				<verse number="2">伊俯耳孔聽我， 所以我一世人欲求叫伊。</verse>
				<verse number="3">死亡的索捆縛我； 陰府的痛苦擒牢我。 我有抵著患難憂苦。</verse>
				<verse number="4">我求叫上主的名，講： 「上主啊，求你救我的性命。」</verse>
				<verse number="5">上主有恩惠，有公義； 阮的上帝有慈悲。</verse>
				<verse number="6">上主保護單純的人； 我悽慘落魄的時，伊有救我。</verse>
				<verse number="7">我的心神啊，著回復安寧， 因為上主一直有啲恩待你。</verse>
				<verse number="8">主啊，你救我的性命脫離死亡， 互我的目睭無閣流目屎， 互我的腳無閣跋倒。</verse>
				<verse number="9">我欲佇上主的面前， 繼續佇活人的地生活。</verse>
				<verse number="10">我雖然講我受極大的困苦， 我猶原信靠上主。</verse>
				<verse number="11">我曾著急講： 「人攏虛假，𣍐靠得。」</verse>
				<verse number="12">上主賜我一切的恩惠， 我著按怎報答伊？</verse>
				<verse number="13">我欲捧救恩的杯， 求叫上主的名。</verse>
				<verse number="14">我欲佇伊所有子民的面前， 對上主謝我的願。</verse>
				<verse number="15">上主看伊聖的子民的死 極其毋甘。</verse>
				<verse number="16">上主啊，我實在是你的僕人； 是你的僕人，你女婢的子； 你已經解開捆縛我的索。</verse>
				<verse number="17">我欲對你獻感謝的祭， 欲求叫上主的名。</verse>
				<verse number="18">佇伊所有子民的面前， 佇上主殿的埕內面， 佇 耶路撒冷 ， 我欲對上主謝我的願。 哈利路亞，稱讚上主！</verse>
				<verse number="19"></verse>
			</chapter>
			<chapter number="117">
				<verse number="1">萬國啊，著稱讚上主！ 萬民啊，著謳咾伊！</verse>
				<verse number="2">因為伊對咱施大慈愛； 上主的信實永遠存續。 哈利路亞，稱讚上主！</verse>
			</chapter>
			<chapter number="118">
				<verse number="1">著感謝上主，因為伊至善； 伊的慈愛續到永遠！</verse>
				<verse number="2">願 以色列 講： 「伊的慈愛續到永遠！」</verse>
				<verse number="3">願 亞倫 祭司的家講： 「伊的慈愛續到永遠！」</verse>
				<verse number="4">願所有敬畏上主的人講： 「伊的慈愛續到永遠！」</verse>
				<verse number="5">佇危急的時，我求叫上主， 上主就應答我，解救我。</verse>
				<verse number="6">上主及我同在，我𣍐驚惶； 人會當給我按怎？</verse>
				<verse number="7">上主為我，做我的幫贊； 我會看著我的對敵受報應。</verse>
				<verse number="8">尋上主做避難所 比倚靠人較好！</verse>
				<verse number="9">尋上主做避難所 比倚靠統治者較好！</verse>
				<verse number="10">列國給我包圍， 我奉上主的名給𪜶剿滅！</verse>
				<verse number="11">𪜶包圍我，對四面圍困我； 我奉上主的名給𪜶剿滅！</verse>
				<verse number="12">𪜶親像蜂給我包圍， 親像火燒莿按呢燒我 ； 我奉上主的名給𪜶剿滅！</verse>
				<verse number="13">𪜶出力捙我，互我險跋倒， 毋拘上主幫贊我。</verse>
				<verse number="14">上主是我的氣力，我欲唱歌稱讚； 伊給我解救。</verse>
				<verse number="15">佇上主子民的布棚內有凱旋的歡呼： 「上主的正手顯出大權能！</verse>
				<verse number="16">上主的正手攑高高； 上主的正手顯出大權能！」</verse>
				<verse number="17">我𣍐致到死，會活落去， 通講起上主的作為。</verse>
				<verse number="18">上主嚴嚴管教我， 總是無互我致到死。</verse>
				<verse number="19">給我開公義的門， 互我通入去感謝上主。</verse>
				<verse number="20">此個門是上主的門， 只有正直的人會當入去。</verse>
				<verse number="21">上帝啊，你有應答我，我欲感謝你， 因為你互我得著解救。</verse>
				<verse number="22">起厝師傅棄拺的石， 已經成做上重要的基石。</verse>
				<verse number="23">這是上主的作為； 咱看起來感覺真奇妙。</verse>
				<verse number="24">這是上主所定的日子； 咱著歡喜，著慶祝！</verse>
				<verse number="25">上主啊，阮求你，求你解救阮！ 上主啊，阮求你，求你互阮興旺！</verse>
				<verse number="26">奉上主的名來彼位應該受稱讚！ 阮對上主的殿祝福你。</verse>
				<verse number="27">上主是上帝， 伊互咱光明。 著攑樹枝參加慶典， 遊行來到祭壇的四角頭遐。</verse>
				<verse number="28">你是我的上帝，我欲感謝你； 你是我的上帝，我欲宣揚你的偉大。</verse>
				<verse number="29">著感謝上主，因為伊至善； 伊的慈愛續到永遠。</verse>
			</chapter>
			<chapter number="119">
				<verse number="1">行為無通指責， 生活遵行上主律法的人， 此款人真有福氣！</verse>
				<verse number="2">聽趁上主的教示， 全心尋求伊的人， 此款人真有福氣！</verse>
				<verse number="3">𪜶無做不義的事， 有遵行伊的道路。</verse>
				<verse number="4">上主，你將你的律例命令阮， 愛阮確實遵守。</verse>
				<verse number="5">願我的所行所做， 確實有啲遵守你的規例。</verse>
				<verse number="6">我重視你一切的誡命， 𣍐致到失敗見笑。</verse>
				<verse number="7">我學習你公正的判斷； 我欲誠心感謝你。</verse>
				<verse number="8">我欲遵守你的規例； 求你絕對毋通放拺我。</verse>
				<verse number="9">少年人著按怎互生活純潔？ 著遵行你的話！</verse>
				<verse number="10">上主啊，我欲全心尋求你； 求你互我無偏離你的誡命。</verse>
				<verse number="11">我將你的話囥佇心內， 才免犯罪得罪你。</verse>
				<verse number="12">上主啊，你應該受稱讚； 求你教我識你的規例。</verse>
				<verse number="13">你所講一切的規例， 我用嘴出聲唸。</verse>
				<verse number="14">我意愛你的教示， 親像人意愛大財富。</verse>
				<verse number="15">我那唸那想你的律例， 重視你的道路。</verse>
				<verse number="16">我意愛你的命令， 𣍐𣍐記得你的話。</verse>
				<verse number="17">求你施大恩互你的僕人， 互我活通遵趁你的話。</verse>
				<verse number="18">求你開我的目睭， 互我看出你律法的奇妙。</verse>
				<verse number="19">我佇地上是出外人； 求你毋通對我蓋密你的誡命。</verse>
				<verse number="20">我不時迫切欣慕你的規例， 欣慕到強欲暈去。</verse>
				<verse number="21">你責備驕傲受咒詛的人； 𪜶迷路離開你的誡命。</verse>
				<verse number="22">人對我的凌辱及看輕，求你除去， 因為我有遵守你的教示。</verse>
				<verse number="23">統治者坐啲參詳欲害我， 毋拘你的僕人啲默想你的命令。</verse>
				<verse number="24">你的教示是我所意愛， 是我的導師。</verse>
				<verse number="25">我受拍倒仆佇土腳； 求你照你的應允保守我的性命。</verse>
				<verse number="26">我對你講起所做的代誌，你有應我； 求你教我識你的規例。</verse>
				<verse number="27">求你互我明白你的律例， 我通默想你奇妙的作為。</verse>
				<verse number="28">我的心悲傷到欲碎去； 求你照你的應允互我回復元氣。</verse>
				<verse number="29">求你互我無行虛假的道路； 求你施恩教示我你的律法。</verse>
				<verse number="30">我有揀真實的路； 我看重你的規例。</verse>
				<verse number="31">我持守你的教示； 上主啊，求你毋通互我失敗見笑。</verse>
				<verse number="32">我欲熱切追求你的誡命， 因為你有開我的心竅。</verse>
				<verse number="33">上主啊，求你將遵守你命令的道路指示我， 互我知按怎徹底遵守。</verse>
				<verse number="34">求你互我有智慧遵守你的律法， 通全心遵守。</verse>
				<verse number="35">求你導我行你誡命的路； 此個路我真意愛。</verse>
				<verse number="36">求你互我的心歸向你的教示， 無向不義的錢財。</verse>
				<verse number="37">求你互我𣍐意愛虛假， 照你的話賜我活命。</verse>
				<verse number="38">求你實現對你僕人的應允， 互人通敬畏你。</verse>
				<verse number="39">求你互我所驚的凌辱離開我， 因為你的規例是好。</verse>
				<verse number="40">我欣慕你的律例； 求你照你的公義賜我活命。</verse>
				<verse number="41">上主啊，求你顯示你的慈愛， 照你的應允拯救我，</verse>
				<verse number="42">我就通應答凌辱我的人， 因為我倚靠你的話。</verse>
				<verse number="43">求你毋通將真理的話對我的嘴搶去， 因為我仰望你的判斷。</verse>
				<verse number="44">我欲繼續守你的律法， 直到永遠。</verse>
				<verse number="45">我欲自由自在生活， 因為我有尋求你的律例。</verse>
				<verse number="46">我佇君王的面前講論你的教示， 嘛𣍐致到見笑。</verse>
				<verse number="47">你的誡命互我喜樂， 因為諸個誡命是我所意愛。</verse>
				<verse number="48">我尊重閣意愛你的誡命； 我嘛欲那唸那想你的規例。</verse>
				<verse number="49">求你會記得對你僕人的應允， 因為你互我有向望。</verse>
				<verse number="50">佇患難中，我得著安慰； 對你的應允，我得著活命。</verse>
				<verse number="51">驕傲的人一直侮辱恥笑我， 猶久我毋曾偏離你的律法。</verse>
				<verse number="52">上主啊，我會記得你古早以來的規例， 對諸個得著安慰。</verse>
				<verse number="53">我因為許個棄拺你律法的歹人， 起大受氣，親像火啲𤏸。</verse>
				<verse number="54">我無論出外去叨位， 攏用你的規例做詩歌。</verse>
				<verse number="55">上主啊，我暝時會記得你的同在， 遵守你的律法。</verse>
				<verse number="56">我得著福分， 因為我有順趁你的律例。</verse>
				<verse number="57">上主是我的產業； 我曾講：「我欲遵趁你的話。」</verse>
				<verse number="58">我曾全心求你的恩； 求你照你的應允憐憫我。</verse>
				<verse number="59">我深深思想你的道路， 越轉身歸向你的教示。</verse>
				<verse number="60">我趕緊無延延， 欲守你的誡命。</verse>
				<verse number="61">歹人的索捆縛我， 毋拘我無𣍐記得你的律法。</verse>
				<verse number="62">我因為你公正的判斷， 半暝起來感謝你。</verse>
				<verse number="63">所有敬畏你，遵守你律例的人， 我及𪜶做朋友。</verse>
				<verse number="64">上主啊，你的慈愛遍滿全地； 求你教我識你的規例。</verse>
				<verse number="65">上主啊，你有照你的應允， 好款待你的僕人。</verse>
				<verse number="66">求你教示我，互我有智識及正確的判斷， 因為我信靠你的誡命。</verse>
				<verse number="67">我前有行迷路，受你警戒， 今我遵守你的話。</verse>
				<verse number="68">你是良善，你的所做攏是好； 求你教我識你的規例。</verse>
				<verse number="69">驕傲的人用白賊話攻擊我， 毋拘我欲全心遵守你的律例。</verse>
				<verse number="70">𪜶的心親像互油包密麻痺， 毋拘我意愛你的律法。</verse>
				<verse number="71">我受管教對我有利益， 互我通學習你的規例。</verse>
				<verse number="72">你所講的律法對我有利益， 贏過千萬的金銀。</verse>
				<verse number="73">你的手創造我，捏造我； 求你賜我智慧通學習你的誡命。</verse>
				<verse number="74">敬畏你的人會看見我來歡喜， 因為我仰望你的話。</verse>
				<verse number="75">上主啊，我知你的判斷公正， 你有照你的信實管教我。</verse>
				<verse number="76">求你照你對僕人的應允， 用你的慈愛安慰我。</verse>
				<verse number="77">願你的慈悲臨到我，互我通活， 因為你的律法是我所意愛。</verse>
				<verse number="78">願驕傲的人失敗見笑，因為𪜶無理由枉屈我， 毋拘我欲那唸那想你的律例。</verse>
				<verse number="79">願敬畏你，認識你教示的人， 倒轉來接納我。</verse>
				<verse number="80">願我全心遵守你的規例， 互我𣍐致到失敗見笑。</verse>
				<verse number="81">我的心迫切欣慕你的拯救到欲暈去； 你的話互我有向望。</verse>
				<verse number="82">我因為向望你的應允到目睭欲花去； 我講：「你什麼時欲安慰我？」</verse>
				<verse number="83">雖然我親像皮袋互火燻甲欲焦去， 猶久我無𣍐記得你的命令。</verse>
				<verse number="84">你的僕人著閣忍耐偌久？ 你底時才欲審判窘迫我的人？</verse>
				<verse number="85">驕傲無趁你律法的人， 掘陷坑欲害我。</verse>
				<verse number="86">𪜶無理由窘迫我， 毋拘你的誡命攏可靠； 求你幫贊我。</verse>
				<verse number="87">我險險仔互𪜶對地上消滅， 毋拘我無放拺你的律例。</verse>
				<verse number="88">因為你有豐盛的慈愛，求你保守我的性命； 我欲遵守你的嘴所出的教示。</verse>
				<verse number="89">上主啊，你永遠存在； 你的話確立佇天頂。</verse>
				<verse number="90">你的信實續到萬代； 你建立地，互伊確立。</verse>
				<verse number="91">天地照你的安排，到今猶存在； 𪜶攏是你的差用。</verse>
				<verse number="92">我若毋是意愛你的律法， 早就佇我的苦難中滅亡。</verse>
				<verse number="93">我永遠𣍐𣍐記得你的律例， 因為你用你的律例保守我的性命。</verse>
				<verse number="94">我是你的，求你救我， 因為我尋求你的律例。</verse>
				<verse number="95">歹人當等欲毀滅我， 毋拘我欲默想你的教示。</verse>
				<verse number="96">我看出所有完全的攏有限， 只有你的誡命完全，無界限。</verse>
				<verse number="97">我實在真意愛你的律法， 歸日那唸那想。</verse>
				<verse number="98">你的誡命不時佇我身邊， 互我比我的對敵較有智慧。</verse>
				<verse number="99">我比我攏總的先生較通達， 因為我那唸那想你的教示。</verse>
				<verse number="100">我比老人較有智慧， 因為我遵守你的律例。</verse>
				<verse number="101">我禁止我的腳行一切的歹路， 互我通遵行你的話。</verse>
				<verse number="102">我無偏離你的規例， 因為你有教示我。</verse>
				<verse number="103">你的話佇我嘴內， 比蜜閣較甜。</verse>
				<verse number="104">我對你的律例得著智慧， 所以我怨恨一切邪惡的路。</verse>
				<verse number="105">你的話是我腳前的燈， 是我路上的光。</verse>
				<verse number="106">你公正的判斷，我決意欲遵行； 我一定欲按呢遵守。</verse>
				<verse number="107">我受著極大的苦難； 上主啊，求你照你的應允保守我的性命。</verse>
				<verse number="108">上主啊，求你接受我的嘴歡喜獻的謳咾， 閣將你的規例教示我。</verse>
				<verse number="109">我的性命不時抵著危險， 猶久我 無𣍐記得你的律法。</verse>
				<verse number="110">歹人設羅網欲害我， 猶久我無偏離你的律例。</verse>
				<verse number="111">我將你的教示做永遠的產業， 因為諸個是我心所意愛。</verse>
				<verse number="112">我全心歸向你的命令， 永遠遵趁，直到性命結束。</verse>
				<verse number="113">對你無忠心的人，我厭惡； 我所意愛的，是你的律法。</verse>
				<verse number="114">你是我閃匿的所在，是保護我的盾牌； 我仰望你的應允。</verse>
				<verse number="115">作歹的人啊，著離開我， 互我通遵守我的上帝的誡命。</verse>
				<verse number="116">求你照你的應允扶持我，保守我的性命， 互我無因為仰望你失敗見笑。</verse>
				<verse number="117">求你扶持我，我就得救； 我欲不時全心遵行你的命令。</verse>
				<verse number="118">違背你命令的人，你拒絕𪜶； 𪜶的詭詐會失敗。</verse>
				<verse number="119">世間的歹人，你看做糞埽給𪜶除去， 所以我意愛你的教示。</verse>
				<verse number="120">我因為驚畏你，歸身軀皮皮惙； 你的審判互我驚惶。</verse>
				<verse number="121">我有實行公義正直； 求你毋通給我放互壓制我的人。</verse>
				<verse number="122">求你保證你的僕人事事亨通， 無受著驕傲的人壓制。</verse>
				<verse number="123">我向望你的拯救及公義的應允， 致到目睭花。</verse>
				<verse number="124">求你照你的慈愛對待你的僕人， 將你的規例教示我。</verse>
				<verse number="125">我是你的僕人，求你賜我智慧， 互我識你的教示。</verse>
				<verse number="126">上主啊，現在是你行動的時， 因為人破壞你的律法。</verse>
				<verse number="127">所以我意愛你的誡命， 比金，比純金閣較愛。</verse>
				<verse number="128">你為萬事定的律例，我攏遵行， 所以我厭惡一切虛假的路。</verse>
				<verse number="129">你的教示奇妙， 我盡心遵守。</verse>
				<verse number="130">你的話一下解說就發出光， 連戇直的人嘛會了解。</verse>
				<verse number="131">我嘴大開直直喘， 渴慕你的誡命。</verse>
				<verse number="132">求你越過來看我，憐憫我， 親像你啲對待敬愛你名的人。</verse>
				<verse number="133">求你照你的應允引導我的腳步， 無容允罪惡管轄我。</verse>
				<verse number="134">求你救我脫離人的壓制， 互我通遵守你的律例。</verse>
				<verse number="135">願你用你的面的光照你的僕人， 教我識你的規例。</verse>
				<verse number="136">我的目屎親像溪水直直流， 因為人無遵守你的律法。</verse>
				<verse number="137">上主，你是公義； 你的判斷公正。</verse>
				<verse number="138">你頒布的律例公正， 完全可靠。</verse>
				<verse number="139">我非常受氣親像火欲給我吞滅， 因為我的對敵𣍐記得你的話。</verse>
				<verse number="140">你的應允純真可靠； 你的僕人真意愛。</verse>
				<verse number="141">我卑微，互人看輕， 毋拘我無𣍐記得你的律例。</verse>
				<verse number="142">你的公義續到永遠； 你的律法真實。</verse>
				<verse number="143">我受著患難憂苦， 猶久意愛你的誡命。</verse>
				<verse number="144">你的教示永遠公正； 求你賜我智慧，互我通活。</verse>
				<verse number="145">上主啊，我全心求叫你，求你應我； 我欲遵守你的命令。</verse>
				<verse number="146">我求叫你，求你救我； 我欲遵守你的教示。</verse>
				<verse number="147">天未光我就起來求叫你； 我仰望你的話。</verse>
				<verse number="148">我歸暝目睭金金， 那唸那想你的話。</verse>
				<verse number="149">上主啊，因為你有慈愛，求你聽我的聲； 照你公正的判斷，求你保守我的性命。</verse>
				<verse number="150">計謀做歹的人逼近我； 𪜶離你的律法遠遠。</verse>
				<verse number="151">毋拘上主啊，你倚近我； 你的誡命真實可靠。</verse>
				<verse number="152">我早就學習你的教示； 你互𪜶確立到永遠。</verse>
				<verse number="153">求你關心我的苦難來解救我， 因為我無𣍐記得你的律法。</verse>
				<verse number="154">求你給我申冤，救贖我， 照你的應允保守我的性命。</verse>
				<verse number="155">救恩離開歹人遠遠， 因為𪜶無尋求你的命令。</verse>
				<verse number="156">上主，你有豐盛的慈愛； 照你公正的判斷，求你保守我的性命。</verse>
				<verse number="157">窘迫我，對敵我的人真多， 猶久我無偏離你的教示。</verse>
				<verse number="158">我看著奸惡的人就真厭惡， 因為𪜶無遵守你的話。</verse>
				<verse number="159">你看我偌仔呢意愛你的律例； 上主啊，求你照你的慈愛保守我的性命。</verse>
				<verse number="160">你的話的本質是真實； 你一切公正的判斷永遠存續。</verse>
				<verse number="161">統治者無理無由迫害我； 毋拘我的心驚畏你的話。</verse>
				<verse number="162">我意愛你的話， 親像人得著真多戰利品。</verse>
				<verse number="163">我痛恨厭惡白賊話， 毋拘我意愛你的律法。</verse>
				<verse number="164">因為你公正的判斷， 我逐日七遍稱讚你。</verse>
				<verse number="165">意愛你的律法的人有大平安， 無一項會互𪜶跋倒失敗。</verse>
				<verse number="166">上主啊，我向望你的拯救， 遵行你的誡命。</verse>
				<verse number="167">我的心有遵守你的教示； 諸個話，我非常意愛。</verse>
				<verse number="168">我有守你的律例及教示； 我的所行所做，你攏看會著。</verse>
				<verse number="169">上主啊，願我求叫的聲透到你的面前； 求你照你的應允賜我智慧。</verse>
				<verse number="170">願我懇求的話達到你面前； 求你照你的應允牽救我。</verse>
				<verse number="171">願我的嘴唇發出謳咾， 因為你有將你的律例教示我。</verse>
				<verse number="172">願我的舌宣布你的應允， 因為你的誡命攏公正。</verse>
				<verse number="173">求你伸手幫贊我， 因為我有選擇你的律例。</verse>
				<verse number="174">上主啊，我渴慕你的拯救； 你的律法是我所意愛。</verse>
				<verse number="175">求你互我活啲，通稱讚你， 互你的判斷幫贊我。</verse>
				<verse number="176">我迷路親像失迷的羊； 求你給你的僕人尋倒轉， 因為我無𣍐記得你的誡命。</verse>
			</chapter>
			<chapter number="120">
				<verse number="1">我佇危急的時求叫上主； 伊有應我。</verse>
				<verse number="2">上主啊，求你救我， 通脫離講白賊及詭詐的人。</verse>
				<verse number="3">詭詐的人啊，上帝會按怎對待你？ 伊會按怎給你刑罰？</verse>
				<verse number="4">伊會用勇士尖的箭， 用炎熱的炭刑罰你。</verse>
				<verse number="5">我寄居佇 米設 ， 住佇 基達 人的布棚真慘！</verse>
				<verse number="6">我及厭惡和平的人 做夥徛起傷久。</verse>
				<verse number="7">我愛和平； 我一下講出嘴，𪜶就喝欲戰爭。</verse>
			</chapter>
			<chapter number="121">
				<verse number="1">我攑頭看山； 我的幫贊對叨位來？</verse>
				<verse number="2">我的幫贊對上主來； 伊是創造天地的主。</verse>
				<verse number="3">伊𣍐互你跋倒； 你的保護者𣍐盹眠。</verse>
				<verse number="4">以色列 的保護者𣍐盹眠， 嘛𣍐睏去。</verse>
				<verse number="5">上主是你的保護者； 伊佇你身邊做蔭影啲保護你。</verse>
				<verse number="6">日時，日頭𣍐傷你； 暝時，月嘛𣍐害你。</verse>
				<verse number="7">上主會保護你脫離逐款災難； 伊會保護你的性命。</verse>
				<verse number="8">你出你入，上主會保護你， 對此時直到永遠。</verse>
			</chapter>
			<chapter number="122">
				<verse number="1">我真歡喜人招我講： 「咱來去上主的殿。」</verse>
				<verse number="2">耶路撒冷 啊， 阮的腳已經踏入你的門內。</verse>
				<verse number="3">耶路撒冷 建造做一個城， 全城整齊四配。</verse>
				<verse number="4">諸個支族，就是上主的支族， 攏照為 以色列 制定的規例， 上去遐稱讚上主的名。</verse>
				<verse number="5">因為佇遐有設立審判的寶座， 就是 大闢 家的寶座。</verse>
				<verse number="6">著為 耶路撒冷 求和平； 願疼你的人攏享受安樂。</verse>
				<verse number="7">願你的城內有和平； 願你的宮內有安樂。</verse>
				<verse number="8">為著我的親人朋友， 我欲講：「願恁平安！」</verse>
				<verse number="9">為著上主 — 咱的上帝的殿， 我欲為恁求福氣。</verse>
			</chapter>
			<chapter number="123">
				<verse number="1">坐佇天頂寶座的上主啊， 我攑目向你。</verse>
				<verse number="2">看啊，僕人的目睭按怎仰望主人的手， 女婢的目睭按怎仰望女主人的手， 阮的目睭嘛按呢仰望上主 — 阮的上帝， 一直到伊憐憫阮。</verse>
				<verse number="3">上主啊，憐憫阮，憐憫阮， 因為阮互人看輕到忍受𣍐牢。</verse>
				<verse number="4">阮已經無法度忍受自滿的人的冷笑， 無法度忍受自高的人的藐視。</verse>
			</chapter>
			<chapter number="124">
				<verse number="1">以色列 著講： 「若毋是上主為咱，</verse>
				<verse number="2">若毋是上主為咱， 人起來攻擊咱，</verse>
				<verse number="3">對咱發受氣的時， 早就給咱活活吞落去。</verse>
				<verse number="4">大水早就給咱沖走， 大湧早就淹密咱，</verse>
				<verse number="5">兇狂的水早就給咱淹死。」</verse>
				<verse number="6">咱著稱讚上主， 因為伊無將咱交互對敵拆食落腹。</verse>
				<verse number="7">咱的性命親像鳥仔脫離掠鳥的人的羅網； 羅網破裂，咱得著逃脫。</verse>
				<verse number="8">咱得著幫贊是靠上主的名； 伊是天地的創造主！</verse>
			</chapter>
			<chapter number="125">
				<verse number="1">倚靠上主的人 親像 錫安山 永遠堅固𣍐搖泏。</verse>
				<verse number="2">眾山包圍 耶路撒冷 ， 上主嘛按呢保護伊的子民，對此時到永遠。</verse>
				<verse number="3">邪惡者的權柄𣍐繼續管轄義人的土地， 才免義人受迫做歹。</verse>
				<verse number="4">許個做好，心正直的人， 上主啊，求你恩待𪜶。</verse>
				<verse number="5">毋拘行向彎曲的路的人， 上主會給𪜶及做歹的人做夥刑罰。 願和平歸互 以色列 ！</verse>
			</chapter>
			<chapter number="126">
				<verse number="1">上主導咱諸個受掠的人轉來 錫安 的時 ， 咱親像啲做夢。</verse>
				<verse number="2">彼時咱的嘴哈哈笑， 大聲歡呼。 列國的人講： 「上主為著𪜶做大代誌。」</verse>
				<verse number="3">上主實在有為咱做大代誌； 咱非常歡喜。</verse>
				<verse number="4">上主啊，求你互阮諸個受掠的人倒轉來， 親像南方焦燥的地有溪水閣啲流。</verse>
				<verse number="5">流目屎撒種籽的， 會出歡喜的聲收割。</verse>
				<verse number="6">流目屎帶種籽出去的， 會帶伊的麥捆歡歡喜喜倒來。</verse>
			</chapter>
			<chapter number="127">
				<verse number="1">厝宅若毋是上主建造， 建造的人就空空勞苦。 城若毋是上主顧守， 守望的人就白白警醒。</verse>
				<verse number="2">恁早早起來，晏晏才睏， 拖磨賺食嘛無採工。 上主所疼的人， 伊互𪜶好睏。</verse>
				<verse number="3">子兒是上主所賜的產業， 嬰仔是伊的報賞。</verse>
				<verse number="4">少年的時生的子兒 親像勇士手中的箭。</verse>
				<verse number="5">箭袋飽飽的人真有福氣！ 𪜶佇城門口及對敵爭辯攏𣍐致到見笑。</verse>
			</chapter>
			<chapter number="128">
				<verse number="1">敬畏上主的人真有福氣！ 遵行伊道路的人真有福氣！</verse>
				<verse number="2">你會當食雙手拍拼得著的食物， 事事順利，真正幸福！</verse>
				<verse number="3">你的某佇厝內親像𠢕結果子的葡萄樹； 你的子兒圍佇你的桌親像橄欖栽。</verse>
				<verse number="4">敬畏上主的人一定即呢幸福！</verse>
				<verse number="5">願上主對 錫安 賜福互你！ 願你一生會看著 耶路撒冷 繁榮！</verse>
				<verse number="6">願你會看著子子孫孫！ 願 以色列 國泰民安！</verse>
			</chapter>
			<chapter number="129">
				<verse number="1">以色列 著講：「對我細漢的時， 對敵常常苦楚我。</verse>
				<verse number="2">對我細漢的時，對敵常常苦楚我， 毋拘𪜶毋曾贏我。</verse>
				<verse number="3">犁田的人犁我的尻脊骿， 犁過的痕跡真長。」</verse>
				<verse number="4">上主公義； 伊有斬斷歹人縛咱的索。</verse>
				<verse number="5">願所有怨恨 錫安 的人 攏受拍敗見笑。</verse>
				<verse number="6">願𪜶親像厝頂的草， 猶未大欉就焦去，</verse>
				<verse number="7">割的割無歸把， 縖的縖無歸攬。</verse>
				<verse number="8">過路的人無人會講： 「願上主賜恁福氣！ 阮奉上主的名給恁祝福。」</verse>
			</chapter>
			<chapter number="130">
				<verse number="1">上主啊，我對深淵求叫你。</verse>
				<verse number="2">主啊，求你聽我的聲！ 求你俯耳孔聽我的懇求！</verse>
				<verse number="3">上主啊，你若會記得人的罪過， 主啊，什麼人徛會牢？</verse>
				<verse number="4">總是你會赦免人， 互人通敬畏你。</verse>
				<verse number="5">我迫切聽候上主； 我仰望你的話。</verse>
				<verse number="6">我的心神聽候主， 比守望的人聽候天光閣較迫切， 比守望的人聽候天光閣較迫切。</verse>
				<verse number="7">以色列 啊，著仰望上主！ 因為上主有不變的慈愛； 伊有救贖的大權能。</verse>
				<verse number="8">只有伊會救贖 以色列 脫離𪜶一切的罪過！</verse>
			</chapter>
			<chapter number="131">
				<verse number="1">上主啊，我的心無驕傲， 目頭無高； 代誌傷大，超過我的能力， 我毋敢做。</verse>
				<verse number="2">我的心安穩平靜， 親像斷奶的嬰仔倚佇老母的胸前； 我的心親像斷奶的嬰仔安穩平靜。</verse>
				<verse number="3">以色列 啊，著仰望上主， 對此時續到永遠。</verse>
			</chapter>
			<chapter number="132">
				<verse number="1">上主啊，求你會記得 大闢 所受一切的苦難，</verse>
				<verse number="2">會記得伊按怎對上主咒誓， 對 雅各 的大能者下願：</verse>
				<verse number="3">「我一定𣍐入去我的厝， 嘛𣍐上我的眠床；</verse>
				<verse number="4">我𣍐互我的目睭睏去， 嘛𣍐容允我的目睭皮合倚；</verse>
				<verse number="5">聽候我為著上主尋著所在， 為 雅各 的大能者尋著徛起的所在。」</verse>
				<verse number="6">阮聽見約櫃佇 以法他 ， 佇 雅珥 的田尋著。</verse>
				<verse number="7">阮欲入去上主徛起的所在； 阮欲佇伊的腳砧頭前跪拜。</verse>
				<verse number="8">上主啊，求你起來； 你及你有氣力的約櫃做夥入去你歇睏的所在。</verse>
				<verse number="9">願你的祭司用公義做衫穿； 願你聖的子民出歡喜的聲。</verse>
				<verse number="10">求你因為你的僕人 大闢 的緣故， 毋通棄拺你抹油揀選的君王。</verse>
				<verse number="11">上主用信實對 大闢 立誓， 一定𣍐改變，講： 「我欲互你一個子坐你的寶座。</verse>
				<verse number="12">你的子孫若遵守我的約， 及我欲互𪜶的教示， 𪜶的子孫嘛會永遠坐你的寶座。」</verse>
				<verse number="13">上主有揀 錫安 ， 做伊本身徛起的所在，講：</verse>
				<verse number="14">「這是我永遠歇睏的所在； 我欲𫢶遮，因為是我所意愛。</verse>
				<verse number="15">我欲互 錫安 米糧豐盛， 用食物互伊的散赤人夠額通食。</verse>
				<verse number="16">我欲互伊的祭司用救恩做衫穿； 伊聖的子民會出大歡喜的聲。</verse>
				<verse number="17">我欲互 大闢 的王權擴展壯大， 為著我抹油揀選的君王準備光燈。</verse>
				<verse number="18">我欲互伊的對敵用見笑做衫穿； 總是王戴的王冠會發出光彩。」</verse>
			</chapter>
			<chapter number="133">
				<verse number="1">兄弟姊妹做夥徛起， 偌仔呢好，偌仔呢歡喜！</verse>
				<verse number="2">這通比並貴氣的油斟佇頭殼頂， 流到嘴鬚 — 亞倫 的嘴鬚； 閣流到伊的頷領。</verse>
				<verse number="3">這嘛通比並 黑門山 的露水， 落到 錫安 的山嶺； 佇遐上主有應允欲賜福， 賜永遠的活命。</verse>
			</chapter>
			<chapter number="134">
				<verse number="1">恁諸個暝時佇上主的殿啲侍奉的僕人啊， 著稱讚上主！</verse>
				<verse number="2">恁著向聖所攑起恁的手， 稱讚上主！</verse>
				<verse number="3">願創造天地的上主， 對 錫安 賜福氣互恁。</verse>
			</chapter>
			<chapter number="135">
				<verse number="1">哈利路亞，稱讚上主！ 著稱讚上主的名！ 恁諸個佇上主的殿啲侍奉， 佇咱上帝聖殿的埕啲侍奉的僕人啊， 恁攏著稱讚伊。</verse>
				<verse number="2"></verse>
				<verse number="3">著稱讚上主，因為上主至善； 著唱歌謳咾伊的名，因為伊仁慈 。</verse>
				<verse number="4">因為上主揀選 雅各 歸屬伊家己， 揀 以色列 做伊的產業。</verse>
				<verse number="5">我知上主偉大； 咱的主超越攏總的神明。</verse>
				<verse number="6">上主佇天頂及地上，佇海中及所有的深淵， 攏照家己的意思做代誌。</verse>
				<verse number="7">伊互雲霧對天邊海角淐出來， 互熠爁帶雨出現， 互風對伊的倉庫吹出來。</verse>
				<verse number="8">伊將頭上生的 埃及 人及牲生 攏拍死。</verse>
				<verse number="9">埃及 啊，伊佇恁的中間行神跡奇事， 對付法老及伊的人臣。</verse>
				<verse number="10">伊拍敗真多邦國， 拍敗強猛的國王，</verse>
				<verse number="11">就是 亞摩利 王 西宏 及 巴珊 王 噩 ， 閣征服 迦南 所有的王國。</verse>
				<verse number="12">伊將𪜶的土地互伊家己的子民， 互 以色列 做產業。</verse>
				<verse number="13">上主啊，你的名留到永遠； 上主啊，萬世代的人攏會記念你，</verse>
				<verse number="14">因為上主欲為著伊的子民申冤， 欲憐憫伊的僕人。</verse>
				<verse number="15">外邦的偶像是人的手 用銀，用金所鑄造；</verse>
				<verse number="16">𪜶有嘴，𣍐講話； 有目睭，嘛𣍐看見；</verse>
				<verse number="17">有耳孔，𣍐聽見； 有嘴，嘛無氣。</verse>
				<verse number="18">造𪜶的，倚靠𪜶的， 攏及𪜶仝款。</verse>
				<verse number="19">以色列 家啊，著稱讚上主。 亞倫 祭司的家啊，著稱讚上主。</verse>
				<verse number="20">利未 的家啊，著稱讚上主； 敬畏上主的人啊，著稱讚上主。</verse>
				<verse number="21">上主徛起佇 耶路撒冷 ； 願伊對 錫安 受稱讚。 哈利路亞，稱讚上主！</verse>
			</chapter>
			<chapter number="136">
				<verse number="1">著感謝上主，因為伊至善； 伊的慈愛永遠存續。</verse>
				<verse number="2">著感謝萬神的神； 伊的慈愛永遠存續。</verse>
				<verse number="3">著感謝萬主的主； 伊的慈愛永遠存續。</verse>
				<verse number="4">只有伊做奇妙大事； 伊的慈愛永遠存續。</verse>
				<verse number="5">伊用智慧創造天； 伊的慈愛永遠存續。</verse>
				<verse number="6">伊給地鋪佇水的頂面； 伊的慈愛永遠存續。</verse>
				<verse number="7">伊創造大的光體； 伊的慈愛永遠存續。</verse>
				<verse number="8">伊用日頭管理日時； 伊的慈愛永遠存續。</verse>
				<verse number="9">伊用月及星管理暝時； 伊的慈愛永遠存續。</verse>
				<verse number="10">伊拍死 埃及 人的大子； 伊的慈愛永遠存續。</verse>
				<verse number="11">伊導 以色列 人對𪜶中間出來； 伊的慈愛永遠存續。</verse>
				<verse number="12">伊伸出大權能的手； 伊的慈愛永遠存續。</verse>
				<verse number="13">伊給 紅海 分開； 伊的慈愛永遠存續。</verse>
				<verse number="14">伊導 以色列 對彼中間過去； 伊的慈愛永遠存續。</verse>
				<verse number="15">伊將法老及伊的軍兵㧒落 紅海 ； 伊的慈愛永遠存續。</verse>
				<verse number="16">伊導伊的子民經過曠野； 伊的慈愛永遠存續。</verse>
				<verse number="17">伊拍死許個大君王； 伊的慈愛永遠存續。</verse>
				<verse number="18">伊刣死強閣勇的王； 伊的慈愛永遠存續。</verse>
				<verse number="19">伊刣死 亞摩利 王 西宏 ； 伊的慈愛永遠存續。</verse>
				<verse number="20">伊刣死 巴珊 王 噩 ； 伊的慈愛永遠存續。</verse>
				<verse number="21">伊將𪜶的土地賜互伊的子民做產業； 伊的慈愛永遠存續。</verse>
				<verse number="22">伊賜產業互伊的僕人 以色列 ； 伊的慈愛永遠存續。</verse>
				<verse number="23">伊佇咱受屈辱的時無𣍐記得咱； 伊的慈愛永遠存續。</verse>
				<verse number="24">伊解救咱脫離對敵； 伊的慈愛永遠存續。</verse>
				<verse number="25">伊賜食物互所有的活物； 伊的慈愛永遠存續。</verse>
				<verse number="26">著感謝天頂的上帝； 伊的慈愛永遠存續。</verse>
			</chapter>
			<chapter number="137">
				<verse number="1">阮坐佇 巴比倫 的河邊， 一下想著 錫安 ，目屎就流。</verse>
				<verse number="2">阮將琴 吊佇遐的柳樹。</verse>
				<verse number="3">佇遐，掠阮的人叫阮唱歌； 苦楚阮的人愛阮互𪜶快樂， 講：「給阮唱一條 錫安 的歌。」</verse>
				<verse number="4">阮佇異邦 哪唱會出敬拜上主的詩歌？</verse>
				<verse number="5">耶路撒冷 啊，我若𣍐記得你， 著互我的正手瘸去，𣍐彈琴。</verse>
				<verse number="6">我若𣍐記得你， 若無看 耶路撒冷 做我的第一歡喜， 著互我的舌黏佇頂顎𣍐唱歌。</verse>
				<verse number="7">耶路撒冷 淪陷的日， 以東 人講：「給伊拆毀！給伊拆毀！ 給伊拆到地基！」 上主啊，求你會記得彼日。</verse>
				<verse number="8">巴比倫 城啊，你應該受毀滅！ 你按怎對待阮， 許個照按呢對待你的人有福氣。</verse>
				<verse number="9">掠你的嬰仔摔佇石磐頂 彼款人有福氣。</verse>
			</chapter>
			<chapter number="138">
				<verse number="1">我欲全心感謝你， 佇眾神明面前唱歌稱讚你。</verse>
				<verse number="2">我欲向你的聖殿跪拜， 欲因為你的慈愛及信實稱讚你的名； 因為你互你的名及你的話超越一切 。</verse>
				<verse number="3">我求叫的時你有應我； 你有鼓勵我，互我得著氣力。</verse>
				<verse number="4">上主啊，世上的君王攏會感謝你， 因為𪜶有聽見你所講的話。</verse>
				<verse number="5">𪜶會唱歌稱讚上主的作為， 因為上主有大榮光。</verse>
				<verse number="6">上主雖然尊貴，猶久看顧卑賤的人； 伊對遠遠就認出驕傲的人。</verse>
				<verse number="7">我雖然互患難圍困，你會保守我的性命； 我的對敵受氣，你會伸手對付， 用正手解救我。</verse>
				<verse number="8">上主會實現對我的應允。 上主啊，你的慈愛永遠存續。 你親手所做的，求你毋通放棄。</verse>
			</chapter>
			<chapter number="139">
				<verse number="1">上主啊，你有監察我，識我。</verse>
				<verse number="2">我的一舉一動你攏知； 對真遠你嘛看會出我的心思。</verse>
				<verse number="3">我行路，我歇睏，你攏啲看； 我的所行所做，你嘛攏知。</verse>
				<verse number="4">上主啊，我猶未開嘴， 你已經知我欲講什麼。</verse>
				<verse number="5">你佇我的前後照顧我； 你親手保護我。</verse>
				<verse number="6">你的知識赫呢奇妙， 赫呢高深，超過我的了解。</verse>
				<verse number="7">去叨位，我才會當逃避你？ 走到叨位，我才會當逃閃你？</verse>
				<verse number="8">我若𬦰上天，你佇遐； 我若落陰府，你嘛佇遐。</verse>
				<verse number="9">我若搋翼飛去日出彼旁， 抑是歇佇日落此旁，</verse>
				<verse number="10">就若佇遐，你的手嘛會引導我， 你的正手嘛會扶持我。</verse>
				<verse number="11">我若求烏暗給我蓋起來， 叫暗暝給我遮截，</verse>
				<verse number="12">對你來講，烏暗無算是暗， 暗時親像日時赫呢光； 對你來講，烏暗及光明攏仝款。</verse>
				<verse number="13">你造我的臟腑； 我佇老母的腹肚內，你給我塑造。</verse>
				<verse number="14">我感謝你，因為我的受造奇妙通驚畏。 你的作為奇妙； 我的一切你完全知。</verse>
				<verse number="15">我佇人看𣍐著的所在受造， 佇老母的腹肚內，你給我塑造； 我形成的過程你攏清楚。</verse>
				<verse number="16">我未成形的身軀， 你已經看著。 你為著我安排的日子， 攏已經記佇你的冊。</verse>
				<verse number="17">上帝啊，你的意念實在真了解 ！ 你的心思實在𣍐算得！</verse>
				<verse number="18">我若欲算，比海沙較多； 若算會了，嘛𣍐當透徹你的奧妙。</verse>
				<verse number="19">上帝啊，我偌仔呢愛你消滅歹人； 我偌仔呢向望強暴的人離開我。</verse>
				<verse number="20">𪜶講歹話褻瀆你； 你的對敵用邪惡的話侮辱你。</verse>
				<verse number="21">上主啊，怨恨你的人我豈無怨恨𪜶？ 起來反叛你的人我豈無厭惡𪜶？</verse>
				<verse number="22">我深深怨恨𪜶， 看𪜶做我的對敵。</verse>
				<verse number="23">上帝啊，求你監察我，知我的心思， 考驗我，知我的意念。</verse>
				<verse number="24">求你指點我，互我無歹行為， 導我行永遠的道路 。</verse>
			</chapter>
			<chapter number="140">
				<verse number="1">上主啊，求你救我脫離歹人， 保護我脫離兇惡的人。</verse>
				<verse number="2">𪜶心內圖謀邪惡， 不時製造紛爭。</verse>
				<verse number="3">𪜶的舌親像毒蛇的舌赫呢利； 𪜶的嘴唇有毒蛇的毒。</verse>
				<verse number="4">上主啊，求你保守我脫離歹人的手， 保護我脫離強暴的人； 𪜶圖謀欲給我捙倒。</verse>
				<verse number="5">驕傲的人暗中掘陷阱，張羅網， 佇路邊設圈套欲害我。</verse>
				<verse number="6">我對上主講：「你是我的上帝。」 上主啊，求你俯耳孔聽我懇求的聲。</verse>
				<verse number="7">至高的上主 — 我大氣力的拯救者啊， 佇交戰的時，你有保護我。</verse>
				<verse number="8">上主啊，求你毋通互歹人的心願實現， 毋通互𪜶的計謀成功，致到自高。</verse>
				<verse number="9">毋通互圍困我的人勝利； 著互𪜶嘴唇的毒害害著𪜶家己。</verse>
				<verse number="10">求你用啲𤏸的火炭降落佇𪜶身上； 給𪜶㧒落火，擲佇深坑，𣍐閣起來。</verse>
				<verse number="11">求你互製造是非的人佇地上徛𣍐牢， 著互災禍給強暴的人隨牢牢，攏給𪜶拍倒。</verse>
				<verse number="12">我知上主會為著困苦的人申冤， 為著散赤人主持公道。</verse>
				<verse number="13">義人一定會感謝你； 正直的人會當佇你面前徛起。</verse>
			</chapter>
			<chapter number="141">
				<verse number="1">上主啊，我求叫你； 求你緊來幫贊我！ 我求叫你的時， 求你俯耳孔聽我的聲。</verse>
				<verse number="2">願我的祈禱親像香淐到你面前； 願我攑起的雙手，親像下昏時的祭祀受你接納。</verse>
				<verse number="3">上主啊，求你約束我的嘴， 看守我嘴的門。</verse>
				<verse number="4">求你毋通互我的心偏向邪惡， 及做歹的人鬥陣做歹； 毋通互我及𪜶仝桌飲食。</verse>
				<verse number="5">寧可互義人用仁慈拍我，指正我， 嘛毋互歹人佇我頭殼抹油歡迎我。 雖然歹人做歹，猶久我欲繼續祈禱。</verse>
				<verse number="6">𪜶的執政者受㧒落山崁， 𪜶就會知我的話是真實。</verse>
				<verse number="7">親像土互犁犁散， 𪜶的骨頭會散甲歸墓口。</verse>
				<verse number="8">至高的上主啊，我注目看你； 求你保護我免致到死亡。</verse>
				<verse number="9">求你保護我免陷落𪜶給我設的羅網， 以及做歹的人的圈套。</verse>
				<verse number="10">求你互歹人陷落家己的羅網， 互我安全脫離。</verse>
			</chapter>
			<chapter number="142">
				<verse number="1">我大聲求叫上主， 出大聲懇求上主。</verse>
				<verse number="2">我佇伊面前吐露我的苦情， 佇伊面前講出我的患難。</verse>
				<verse number="3">我的心神失志，強欲暈去，你知我的路； 佇我行的路，𪜶暗中給我設羅網。</verse>
				<verse number="4">求你看我的正旁，佇遐無人為我； 我無所在通匿，嘛無人關心我。</verse>
				<verse number="5">上主啊，我對你哀求，講： 「你是我的避難所； 我猶活啲的日，你是我的一切。」</verse>
				<verse number="6">求你俯耳孔聽我的求叫， 因為我陷落到上悲慘的地步； 求你救我脫離窘迫我的人， 因為𪜶比我較強。</verse>
				<verse number="7">求你救我脫出監牢 ， 互我通稱讚你的名。 義人會圍纍佇我身邊， 因為你用恩典對待我。</verse>
			</chapter>
			<chapter number="143">
				<verse number="1">上主啊，求你聽我的祈禱， 俯耳孔聽我的懇求， 照你的信實，照你的公義應答我。</verse>
				<verse number="2">求你毋通審問你的僕人， 因為佇你面前，活啲的人無一個是義人。</verse>
				<verse number="3">對敵窘迫我， 將我徹底拍倒佇土腳， 互我𫢶佇烏暗的所在，親像死真久的人，</verse>
				<verse number="4">致到我的心神失志，強欲暈去； 我的心驚甲愣去。</verse>
				<verse number="5">我會記得古早的日， 數念你一切的作為， 靜靜想你手的所做。</verse>
				<verse number="6">我向你攑手； 我的心渴慕你親像曠旱的地聽候雨水。</verse>
				<verse number="7">上主啊，求你趕緊應答我； 我的心神聽候你到欲暈去。 毋通面越走毋插我， 才免我親像死去的人。</verse>
				<verse number="8">求你互我早起時聽見你慈愛的聲， 因為我倚靠你。 求你互我知應該行的路， 因為我的心仰望你。</verse>
				<verse number="9">上主啊，求你解救我脫離我的對敵， 互我通走去匿佇你遐。</verse>
				<verse number="10">你是我的上帝，求你教示我遵行你的旨意。 願你良善的神引導我行平坦的路。</verse>
				<verse number="11">上主啊，求你因為你的名互我閣活起來， 照你的公義引導我脫出患難。</verse>
				<verse number="12">求你照你的慈愛消滅我的對敵， 剿滅所有苦楚我的人， 因為我是你的僕人。</verse>
			</chapter>
			<chapter number="144">
				<verse number="1">上主我所倚靠的石磐，應該得著稱讚； 伊訓練我的手𠢕爭戰， 教我的指頭仔有技巧𠢕相刣。</verse>
				<verse number="2">伊是永遠疼我的上帝，我的要塞， 是我的堡壘，我的拯救者， 是我倚靠的盾牌。 伊互列邦降服佇我下面。</verse>
				<verse number="3">上主啊，人算什麼，你猶赫呢關心！ 土做的人算什麼，你猶赫呢照顧！</verse>
				<verse number="4">人的性命親像喘一個氣； 伊的日子親像影真緊就消失。</verse>
				<verse number="5">上主啊，求你搋開天，親身降臨， 摸山，互山淐煙。</verse>
				<verse number="6">求你發出熠爁給對敵趕散； 求你射箭，互𪜶四散。</verse>
				<verse number="7">求你對頂面伸手救我， 救我脫離大水， 解救我脫離外邦人的手。</verse>
				<verse number="8">𪜶的嘴講白賊； 𪜶攑正手作偽證。</verse>
				<verse number="9">上帝啊，我欲對你唱新的歌， 用十條弦的瑟唱歌稱讚你。</verse>
				<verse number="10">你互君王得勝， 救你的僕人 大闢 脫離刣人的刀。</verse>
				<verse number="11">求你解救我脫離外邦人的手。 𪜶的嘴講白賊； 𪜶攑正手作偽證。</verse>
				<verse number="12">願阮的查甫子少年勇壯，親像樹仔茂盛； 阮的查某子真媠，親像王宮雕刻的石柱。</verse>
				<verse number="13">願阮的粟倉滿滿，有囤逐種的米糧， 阮的羊佇山野生湠，成千成萬。</verse>
				<verse number="14">願阮的牛肥閣𠢕生 。 城牆無受挵破， 無人受掠去異邦， 街市無哀哭的聲。</verse>
				<verse number="15">享受此款景況的子民真有福氣！ 認上主做𪜶的上帝的子民真有福氣！</verse>
			</chapter>
			<chapter number="145">
				<verse number="1">我的上帝我的王啊，我欲尊你做至高； 我欲永永遠遠稱讚你的名。</verse>
				<verse number="2">我欲日日稱讚你， 欲永遠謳咾你的名。</verse>
				<verse number="3">上主至大，應該受大稱讚； 伊的偉大無法度測度。</verse>
				<verse number="4">此代欲對彼代稱讚你的作為， 欲報揚你大權能的所做。</verse>
				<verse number="5">人欲講起你尊貴榮光的威嚴； 我欲數念你奇妙的作為。</verse>
				<verse number="6">人欲講起你通驚畏的大權能； 我欲報揚你偉大的作為。</verse>
				<verse number="7">𪜶欲報揚你極大的恩惠， 欲唱歌謳咾你的公義。</verse>
				<verse number="8">上主有恩惠，有憐憫， 無快受氣，有大慈愛。</verse>
				<verse number="9">上主疼惜萬有； 伊的憐憫普及伊所造的一切。</verse>
				<verse number="10">上主啊，你所造的一切欲感謝你； 你聖的子民嘛欲稱讚你。</verse>
				<verse number="11">𪜶欲講起你國度的榮光， 談論你的大權能，</verse>
				<verse number="12">通互世間人知你大權能的作為， 知你國度的威嚴及榮光。</verse>
				<verse number="13">你的國度永遠存在； 你執掌的權柄續到萬代。 上主一切的應允信實可靠； 伊疼惜伊所造的一切。</verse>
				<verse number="14">跋倒失敗的人，上主扶持𪜶； 受壓制的人，伊扶𪜶起來。</verse>
				<verse number="15">所有的活物攏仰望你； 你照時互𪜶食物。</verse>
				<verse number="16">你搋開手， 互所有的活物攏照所愛得著飽足。</verse>
				<verse number="17">上主一切的所做攏公正； 伊的作為充滿仁慈。</verse>
				<verse number="18">所有求叫上主的人，伊及𪜶親近； 伊親近誠實求叫伊的人。</verse>
				<verse number="19">敬畏伊的人，伊會互𪜶的心願實現， 閣會聽𪜶的求叫，來拯救𪜶。</verse>
				<verse number="20">上主保護所有疼伊的人； 毋拘做歹的人，伊會給𪜶消滅。</verse>
				<verse number="21">我的嘴欲講出稱讚上主的話； 願一切有性命的，攏永永遠遠稱讚伊的聖名。</verse>
			</chapter>
			<chapter number="146">
				<verse number="1">哈利路亞，稱讚上主！ 我的心神啊，著稱讚上主！</verse>
				<verse number="2">我一生欲稱讚上主； 我活的日攏欲唱歌稱讚我的上帝。</verse>
				<verse number="3">毋通倚靠君王； 毋通倚靠會死的人，𪜶𣍐當幫贊。</verse>
				<verse number="4">𪜶一下斷氣就歸土； 𪜶的計劃佇彼日就落空。</verse>
				<verse number="5">靠 雅各 的上帝幫贊的人真有福氣！ 上主 — 𪜶的上帝是𪜶的向望。</verse>
				<verse number="6">伊創造天、地、海， 嘛創造其中萬物。 伊永遠信實。</verse>
				<verse number="7">伊為著受枉屈的人申冤； 伊賜食物互枵餓的人。 上主解放受關監的人；</verse>
				<verse number="8">上主互盲人會看見。 上主扶起受壓制的人； 上主疼惜義人。</verse>
				<verse number="9">上主保護出外人， 扶持孤兒寡婦。 伊互歹人的路行𣍐通。</verse>
				<verse number="10">上主會永遠作王； 錫安 啊，你的上帝欲作王，直到萬代！ 哈利路亞，稱讚上主！</verse>
			</chapter>
			<chapter number="147">
				<verse number="1">哈利路亞，稱讚上主！ 唱歌謳咾咱的上帝，真好； 稱讚伊是合宜，真通歡喜。</verse>
				<verse number="2">上主重建 耶路撒冷 ， 聚集 以色列 中受掠去異邦的人。</verse>
				<verse number="3">伊醫好傷心的人， 包紮𪜶的傷。</verse>
				<verse number="4">伊算星辰的數目， 一粒一粒給𪜶號名。</verse>
				<verse number="5">咱的主至大，有大氣力； 伊的智慧無窮盡。</verse>
				<verse number="6">上主扶持卑微的人， 給歹人拍倒佇土腳。</verse>
				<verse number="7">恁著用感謝向上主唱歌， 彈琴唱歌，謳咾咱的上帝。</verse>
				<verse number="8">伊起雲遮天， 為著地準備雨水， 互山發草。</verse>
				<verse number="9">伊賜食物互走獸， 互啲討食的細隻烏鴉。</verse>
				<verse number="10">伊意愛的毋是馬的力大； 伊歡喜的毋是人的腳𠢕走。</verse>
				<verse number="11">上主意愛的是敬畏伊， 仰望伊慈愛的人。</verse>
				<verse number="12">耶路撒冷 啊，著稱讚上主； 錫安 啊，著頌讚你的上帝。</verse>
				<verse number="13">因為伊堅固你城門的門閂， 賜福互城內的人。</verse>
				<verse number="14">伊互你境內平安， 用上好的麥互你食飽。</verse>
				<verse number="15">伊向地發出命令； 伊的話傳播真緊。</verse>
				<verse number="16">伊落雪親像羊毛， 落霜親像火灰。</verse>
				<verse number="17">伊落雹親像幼石； 伊透冷風，啥人擋會牢？</verse>
				<verse number="18">伊一下命令，諸個就攏溶去； 伊起風，水就流。</verse>
				<verse number="19">伊用伊的話指示 雅各 ， 將伊的命令及規例指示 以色列 。</verse>
				<verse number="20">伊毋曾按呢款待別國； 伊的規例，𪜶毋識。 哈利路亞，稱讚上主！</verse>
			</chapter>
			<chapter number="148">
				<verse number="1">哈利路亞，稱讚上主！ 恁著對天頂稱讚上主， 佇高的所在謳咾伊。</verse>
				<verse number="2">伊的眾使者啊，恁著稱讚伊。 伊的眾天軍啊，恁著謳咾伊。</verse>
				<verse number="3">日及月啊，恁著稱讚伊； 發光的星辰啊，恁攏著謳咾伊。</verse>
				<verse number="4">天頂的天，及天頂面的水啊， 恁著謳咾伊。</verse>
				<verse number="5">諸個攏著稱讚上主的名， 因為伊一下命令，一切就造成。</verse>
				<verse number="6">伊將諸個安置好勢，永遠𣍐變遷； 伊定規例，永遠𣍐廢無。</verse>
				<verse number="7">恁著對地上稱讚上主； 大魚及所有的深海，</verse>
				<verse number="8">熠爁及冰雹，雪及雲霧， 聽伊的話的狂風， 恁攏著稱讚上主！</verse>
				<verse number="9">所有的大山及小山， 果子樹及柏香樹，</verse>
				<verse number="10">所有的野獸及牲生， 蟲𧒴及飛鳥， 恁攏著稱讚上主！</verse>
				<verse number="11">地上所有的君王及人民， 貴族及統治者，</verse>
				<verse number="12">少年人及在室女， 老人及囝仔， 恁攏著稱讚上主！</verse>
				<verse number="13">恁諸個攏著稱讚上主的名， 因為只有伊的名受尊崇， 伊的榮光𨃟過天及地。</verse>
				<verse number="14">伊互伊的子民強盛， 互伊聖的子民攏稱讚伊， 就是許個親近主的 以色列 子民。 哈利路亞，稱讚上主！</verse>
			</chapter>
			<chapter number="149">
				<verse number="1">哈利路亞，稱讚上主！ 著對上主唱新的歌， 佇聖的子民的聚會中稱讚伊。</verse>
				<verse number="2">願 以色列 因為𪜶的創造主來歡喜； 願 錫安 的子民因為𪜶的王來快樂。</verse>
				<verse number="3">願𪜶跳舞稱讚伊的名， 拍鼓彈琴，唱歌謳咾伊。</verse>
				<verse number="4">上主意愛伊的子民； 伊會用救恩做謙卑的人的妝飾。</verse>
				<verse number="5">願聖的子民因為所得著的榮光來歡喜； 願𪜶歸暝出歡喜的聲。</verse>
				<verse number="6">願𪜶的嘴稱讚上帝做至高， 𪜶的手攑雙面利的劍，</verse>
				<verse number="7">報應外邦， 刑罰列國，</verse>
				<verse number="8">用鐵鍊縛𪜶的君王， 用鐵銬鎖𪜶的人臣，</verse>
				<verse number="9">佇𪜶的身上執行所定的判決； 這是伊聖的子民的榮光。 哈利路亞，稱讚上主！</verse>
			</chapter>
			<chapter number="150">
				<verse number="1">哈利路亞，稱讚上主！ 著佇上帝的聖所稱讚伊； 著佇顯出伊權能的穹蒼謳咾伊。</verse>
				<verse number="2">著因為伊大權能的作為稱讚伊， 因為伊的至尊至大謳咾伊。</verse>
				<verse number="3">著歕哨角稱讚伊， 彈瑟彈琴謳咾伊，</verse>
				<verse number="4">拍鼓跳舞稱讚伊， 用絲弦的樂器及簫謳咾伊，</verse>
				<verse number="5">用聲大的鈸稱讚伊， 用音高的鈸謳咾伊。</verse>
				<verse number="6">所有會喘氣的攏著稱讚上主。 哈利路亞，稱讚上主！</verse>
			</chapter>
		</book>
		<book number="20">
			<chapter number="1">
				<verse number="1">大闢 的子， 以色列 王 所羅門 的箴言。</verse>
				<verse number="2">諸個箴言會互人得著智慧及教示， 理解深奧的道理；</verse>
				<verse number="3">會互人受教示，用智慧辦代誌， 實踐公義、公正，及公平。</verse>
				<verse number="4">諸個話會互戇直的人有靈巧， 互少年人有智識，𠢕計劃；</verse>
				<verse number="5">會互有智慧的人聽了加添學識， 互聰明的人得著真的見識；</verse>
				<verse number="6">會互人明白箴言及譬喻， 了解智慧的人的話及寓言。</verse>
				<verse number="7">敬畏上主是智識的根本 ； 愚戇的人藐視智慧及教示。</verse>
				<verse number="8">我的子啊，著聽老父的教督； 毋通棄拺老母的教示。</verse>
				<verse number="9">因為諸個話會做你頭殼頂的花冠， 做你頷頸的金鍊。</verse>
				<verse number="10">我的子啊，歹人若引誘你， 毋通隨伊去。</verse>
				<verse number="11">𪜶若講：「及阮鬥陣來去， 來去埋伏刣人， 當等無辜的人，來給刣。</verse>
				<verse number="12">咱親像陰府來給𪜶活活吞落去； 𪜶會親像陷落深坑的人互咱歸個吞落去。</verse>
				<verse number="13">咱會當得著逐款的財物， 所搶的囤滿咱的厝。</verse>
				<verse number="14">你來加入阮的黨， 搶來的財物大家攏有份。」</verse>
				<verse number="15">我的子啊，毋通隨𪜶去， 著約束你的腳無踏入𪜶的路。</verse>
				<verse number="16">因為𪜶趕欲做歹， 急欲刣人。</verse>
				<verse number="17">佇鳥仔的目睭前設羅網， 所做無採工。</verse>
				<verse number="18">𪜶埋伏欲害人，反轉害著家己， 當等欲傷人，顛倒傷著家己。</verse>
				<verse number="19">人若不擇手段取得財利， 結局一定失去家己的性命。</verse>
				<verse number="20">智慧佇街路大聲啲叫， 佇市場口大聲啲喝；</verse>
				<verse number="21">佇鬧熱的街路頭大聲啲叫， 佇城門口 大聲講：</verse>
				<verse number="22">「戇直的人愛戇直欲偌久？ 藐視智識的人愛藐視智識欲偌久？ 愚戇的人厭惡智識欲偌久？</verse>
				<verse number="23">我責備恁，恁若聽趁， 我欲對恁吐露我的心意， 互恁明白我的話。</verse>
				<verse number="24">我叫，恁毋聽； 我邀請，無人反應；</verse>
				<verse number="25">恁無視我一切的勸戒， 毋肯接受我的責備。</verse>
				<verse number="26">所以，恁抵著患難，我欲冷笑； 恁抵著驚惶，我欲恥笑。</verse>
				<verse number="27">當驚惶親像狂風吹來， 災禍親像捲螺仔風掃來， 患難痛苦臨到恁，</verse>
				<verse number="28">彼時恁欲求叫我，我毋聽， 迫切尋我，尋𣍐著。</verse>
				<verse number="29">因為恁厭惡智識， 無愛敬畏上主，</verse>
				<verse number="30">毋聽我的勸戒， 藐視我的責備，</verse>
				<verse number="31">所以恁會食家己所種的歹果子， 家己計謀的惡果食甲飽閣厭。</verse>
				<verse number="32">戇直的人會互家己的固執害死； 愚戇的人會因為自滿致到滅亡。</verse>
				<verse number="33">毋拘聽趁我的話的人會安穩徛起， 免驚災禍，享受平安。」</verse>
			</chapter>
			<chapter number="2">
				<verse number="1">我的子啊，你若接受我的話， 將我的命令囥佇心內，</verse>
				<verse number="2">注意聽智慧， 專心求聰明；</verse>
				<verse number="3">你若求明理， 大聲求聰明；</verse>
				<verse number="4">若尋伊親像尋銀， 抄尋伊親像抄尋藏啲的寶貝；</verse>
				<verse number="5">你就明白欲按怎敬畏上主， 知欲按怎認識上帝。</verse>
				<verse number="6">因為上主賜智慧； 知識及聰明攏對伊的嘴出。</verse>
				<verse number="7">伊為著正直的人積聚真的智慧， 保護行為端正的人。</verse>
				<verse number="8">伊保守正直的人的路， 保護對伊忠信的人的道路。</verse>
				<verse number="9">按呢，你就明白公義、公正、公平， 就是導人到一切良善的路。</verse>
				<verse number="10">智慧會入你的心； 智識會互你的心神歡喜。</verse>
				<verse number="11">策略會保護你； 聰明會保守你，</verse>
				<verse number="12">救你離開歹路， 脫離歪曲是非的人。</verse>
				<verse number="13">彼款人棄拺正直的路， 行烏暗的道路。</verse>
				<verse number="14">𪜶愛做歹， 意愛歹人的歪曲。</verse>
				<verse number="15">𪜶的路彎曲， 𪜶的所行偏離正路。</verse>
				<verse number="16">智慧會互你閃避淫婦， 閃避講思奶話的妓女。</verse>
				<verse number="17">伊棄拺少年的時的匹配， 𣍐記得伊的上帝的約。</verse>
				<verse number="18">你入伊的厝就行入死路， 行伊的路就迵到陰府。</verse>
				<verse number="19">到伊遐的，無一個會當越倒轉， 無一個會閣行轉來活命的路。</verse>
				<verse number="20">按呢，智慧會互你行好人的路， 持守義人的道路。</verse>
				<verse number="21">正直的人會徛起佇應允的土地； 無通指責的人會留佇遐。</verse>
				<verse number="22">毋拘歹人會對地面消滅， 奸詐的人會對地上連根摳㧒确。</verse>
			</chapter>
			<chapter number="3">
				<verse number="1">我的子啊，毋通𣍐記得我的教示； 你的心著持守我的命令；</verse>
				<verse number="2">按呢，你會長歲壽好過日， 享受平安繁榮。</verse>
				<verse number="3">毋通互慈愛及真實離開你； 著縛佇你的頷頸， 刻牢佇你的心內。</verse>
				<verse number="4">按呢佇上帝及人的面前， 你會得著恩典及好名聲。</verse>
				<verse number="5">著專心倚靠上主； 毋通倚靠家己的聰明。</verse>
				<verse number="6">佇你一切的所做攏著尊重伊， 伊會指點你的路。</verse>
				<verse number="7">毋通看家己做有智慧； 著敬畏上主，離開歹事。</verse>
				<verse number="8">按呢，你的身體會勇健， 你的筋骨會勇壯。</verse>
				<verse number="9">著用你的財物 及一切頭水的土產獻互上主。</verse>
				<verse number="10">你的粟倉就會滿滿， 酒窟有新酒滿出來。</verse>
				<verse number="11">我的子啊，毋通看輕上主的管教， 嘛毋通厭惡伊的責備。</verse>
				<verse number="12">因為上主責備伊所疼的人， 親像老父責備伊所意愛的子。</verse>
				<verse number="13">得著智慧的人真有福氣， 伊有得著聰明。</verse>
				<verse number="14">得著智慧比得著銀較有利益， 比對金得著的利純較高。</verse>
				<verse number="15">智慧比紅寶石較貴氣； 人所意愛的無一項會當及伊比。</verse>
				<verse number="16">伊的正手有長歲壽； 伊的倒手有好額及尊貴。</verse>
				<verse number="17">伊的路有喜樂； 伊的道路互人平安繁榮。</verse>
				<verse number="18">持守智慧的人對伊得著性命； 堅守的人攏真有福氣。</verse>
				<verse number="19">上主用智慧建立地， 用聰明安置天。</verse>
				<verse number="20">伊用智識互深淵裂開， 互穹蒼滴露水。</verse>
				<verse number="21">我的子啊，著持守真的智慧，慎重計劃； 著不時注意，毋通忽略；</verse>
				<verse number="22">按呢才會互你得著性命， 成做你頷頸媠的妝飾。</verse>
				<verse number="23">你就會安穩行你的路； 你的腳𣍐觸著跋倒。</verse>
				<verse number="24">你倒啲，一定𣍐驚， 倒落去，會真好睏。</verse>
				<verse number="25">忽然發生通驚的代誌，你毋免驚； 歹人欲給你毀滅 ，你嘛毋免驚。</verse>
				<verse number="26">因為上主會做你的倚靠； 伊會保守你的腳無陷落羅網。</verse>
				<verse number="27">你若有氣力做好，毋通拒絕； 著幫贊需要幫贊的人。</verse>
				<verse number="28">你若做會到，毋通對你的厝邊講： 「你轉去，明仔載閣來，我才互你。」</verse>
				<verse number="29">厝邊及你和睦徛起， 你毋通設計害伊。</verse>
				<verse number="30">人毋曾陷害你， 你毋通無緣無故及伊冤家。</verse>
				<verse number="31">毋通欣羨強暴的人， 嘛毋通揀伊所行的路。</verse>
				<verse number="32">歪曲是非的人上主厭惡； 正直的人上主及伊親密。</verse>
				<verse number="33">上主咒詛歹人的家； 義人的厝受伊祝福。</verse>
				<verse number="34">藐視人的，上主藐視伊； 謙卑的人，上主施恩互伊。</verse>
				<verse number="35">智慧的人會得著尊榮； 愚戇的人所得著的是見笑。</verse>
			</chapter>
			<chapter number="4">
				<verse number="1">我的子兒啊，著聽老父的教示； 著專心學習才會明白。</verse>
				<verse number="2">因為我用好的道理互恁； 毋通放拺我的教導。</verse>
				<verse number="3">我嘛曾做阮老父的細子， 是阮老母上疼的孤子。</verse>
				<verse number="4">老父有教示我，講： 「你著記牢我的話， 遵守我的命令就會得著性命。</verse>
				<verse number="5">著尋求智慧，尋求聰明； 毋通𣍐記得，毋通放拺我所講的話。</verse>
				<verse number="6">毋通棄拺智慧，伊會保護你； 著意愛智慧，伊會照顧你。</verse>
				<verse number="7">智慧上重要，著拍拼尋； 著付出你一切所有的來對換聰明。</verse>
				<verse number="8">你尊重智慧，伊會高舉你； 你疼惜伊，伊會互你尊榮。</verse>
				<verse number="9">智慧會用花冠戴佇你的頭殼， 將榮光的王冠賜互你。」</verse>
				<verse number="10">我的子啊，著聽，著領受我的話， 你就會長歲壽。</verse>
				<verse number="11">我有指示你智慧的路， 引導你行正直的道路。</verse>
				<verse number="12">你行的時，𣍐抵著阻礙； 你走，嘛𣍐觸著跋倒。</verse>
				<verse number="13">著持守教示，毋通放鬆； 著謹慎顧守，因為智慧是你的性命。</verse>
				<verse number="14">歹人的路毋通行； 邪惡的人的路毋通入。</verse>
				<verse number="15">著閃避，毋通對遐過； 著越走，向前行。</verse>
				<verse number="16">歹人若無害人𣍐睏得， 若無互人跋倒睏𣍐落眠。</verse>
				<verse number="17">因為𪜶用邪惡做飯食， 用強暴做酒飲。</verse>
				<verse number="18">義人的路親像透早的光， 愈照愈光，照到中晝。</verse>
				<verse number="19">歹人的路親像暝時烏烏暗暗， 人觸著跋倒嘛毋知是按怎。</verse>
				<verse number="20">我的子啊，著注意聽我的教示， 俯耳孔聽我講的話。</verse>
				<verse number="21">著不時注意，毋通忽略； 著記牢佇心內。</verse>
				<verse number="22">尋著的人得著性命， 歸身軀攏勇健。</verse>
				<verse number="23">著盡力保守你的心， 因為心是性命的根源。</verse>
				<verse number="24">你的嘴毋通欺騙； 你的嘴唇毋通歪曲是非。</verse>
				<verse number="25">你的目睭著看直直； 著注目看頭前。</verse>
				<verse number="26">你行的路著修互平； 你的道路就攏平坦好行。</verse>
				<verse number="27">毋通偏左偏右； 著互你的腳離開邪惡。</verse>
			</chapter>
			<chapter number="5">
				<verse number="1">我的子啊，著留心我的智慧， 俯耳孔聽我明理的話，</verse>
				<verse number="2">互你通慎重計劃， 互你的言語顯出智識。</verse>
				<verse number="3">因為淫婦的嘴唇甜粅粅， 伊的嘴滑溜溜；</verse>
				<verse number="4">毋拘後來變做苦嗏嗏， 親像雙面利的劍會傷害人。</verse>
				<verse number="5">伊的腳行向死地； 伊的腳步行落陰府。</verse>
				<verse number="6">活命平坦的路，伊無想欲行； 行入彎曲危險的路，伊嘛毋知。</verse>
				<verse number="7">我的子兒啊，著聽趁我； 毋通棄拺我所講的話。</verse>
				<verse number="8">著離開淫婦的路遠遠， 毋通近倚伊的門口，</verse>
				<verse number="9">才免你將家己的精力互別人， 將你的歲壽交互殘忍無情的人；</verse>
				<verse number="10">才免生份人提你的錢財去享樂； 你拍拼得著的財富攏變做別人的。</verse>
				<verse number="11">到尾你的身軀衰敗， 你就悲哀吐氣，講：</verse>
				<verse number="12">「害啊，我哪會厭惡管教， 藐視責備；</verse>
				<verse number="13">閣無聽導師的話， 無聽趁教示我的人。</verse>
				<verse number="14">我佇會眾的大會中， 受著責罰，見笑甲欲死。」</verse>
				<verse number="15">著飲家己水池的水， 飲家己井內出的水。</verse>
				<verse number="16">你的泉水豈通滿到外面？ 你的溪水豈通流去市場口？</verse>
				<verse number="17">伊 只有屬你一人； 毋通及別人公家。</verse>
				<verse number="18">著互你的水泉受祝福； 著對你少年的時所娶的某得著歡喜快樂。</verse>
				<verse number="19">伊親像可愛的鹿母，媠的山羊母； 你佇伊的胸前不時得著滿足； 伊的愛情互你時常戀慕。</verse>
				<verse number="20">我的子啊，你是按怎戀慕淫婦？ 是按怎攬別人的某？</verse>
				<verse number="21">因為人所行的路上主攏看會著； 人一切的行做伊攏啲監察。</verse>
				<verse number="22">歹人會互家己的罪過擒牢牢， 會互家己罪惡的索縛死死。</verse>
				<verse number="23">伊會因為無受管教致到死亡， 會因為過頭愚戇行迷路。</verse>
			</chapter>
			<chapter number="6">
				<verse number="1">我的子啊，你若為著厝邊做擔保， 替外人保證，</verse>
				<verse number="2">你就互家己講的話罩著， 互家己答應的話纏著。</verse>
				<verse number="3">我的子啊，既然你落佇厝邊的手頭， 著按呢做來救家己： 著緊去，謙卑懇求你的厝邊。</verse>
				<verse number="4">目睭毋通睏去， 目睭皮毋通瞌去。</verse>
				<verse number="5">著救家己，親像鹿脫離拍獵的人的手； 親像鳥脫離掠鳥的人的手。</verse>
				<verse number="6">貧憚人啊，去看蚼蟻， 看伊的所做通得著智慧。</verse>
				<verse number="7">伊無領袖， 無頭目，無官長，</verse>
				<verse number="8">毋拘會曉佇熱天準備食物， 佇收成的時積聚米糧。</verse>
				<verse number="9">貧憚人啊，你欲睏偌久， 什麼時才睏會醒？</verse>
				<verse number="10">閣睏一久仔，閣眠一時仔， 閣撐一下仔；</verse>
				<verse number="11">散赤就親像賊來； 欠缺親像強盜到。</verse>
				<verse number="12">流氓匪類逐所在製造是非， 四界講話欺騙人；</verse>
				<verse number="13">𪜶使目尾示意，用腳暗示， 用指頭仔指點；</verse>
				<verse number="14">𪜶心思歪斜，計謀歹代； 四界使弄，惹起紛爭。</verse>
				<verse number="15">所以災禍忽然臨到； 伊會隨時失敗滅亡，𣍐赴給救。</verse>
				<verse number="16">有六項是上主所怨恨， 連伊的心所厭惡的有七項：</verse>
				<verse number="17">就是驕傲的目睭， 講白賊的舌， 刣無辜的人的手，</verse>
				<verse number="18">計謀歹代的心， 奔走歹路的腳，</verse>
				<verse number="19">講白賊作偽證， 佇兄弟中使弄人冤家。</verse>
				<verse number="20">我的子啊，著遵守老父的命令， 毋通棄拺老母的教示；</verse>
				<verse number="21">著不時記佇你的心， 掛佇你的頷頸。</verse>
				<verse number="22">你行路的時，伊會引導你； 你睏的時，伊會看顧你； 你睏醒，伊會及你談論。</verse>
				<verse number="23">因為命令是燈，教示是光； 管教的責備會導你行活命的路，</verse>
				<verse number="24">會保護你無親近歹查某， 無聽妓女思奶的話。</verse>
				<verse number="25">你的心毋通互伊的媠迷去， 毋通因為伊使目尾受引誘。</verse>
				<verse number="26">尋妓女會互人散甲賰一塊餅 ； 及別人的某姦淫會喪失寶貴的性命。</verse>
				<verse number="27">人抱火佇胸前， 衫豈𣍐𤏸起來？</verse>
				<verse number="28">人踏啲𤏸的火炭， 腳豈𣍐燒著？</verse>
				<verse number="29">及厝邊的某做夥睏嘛會按呢； 及伊發生關係一定會受刑罰。</verse>
				<verse number="30">賊因為枵偷提物止飢， 人𣍐給伊看輕；</verse>
				<verse number="31">毋拘互人掠著，著賠七倍， 家內所有的攏著提出來賠。</verse>
				<verse number="32">及別人的某通姦的人真無智識； 做此款代誌會害著家己的性命。</verse>
				<verse number="33">伊會受著傷害及凌辱； 伊的見笑洗𣍐清。</verse>
				<verse number="34">丈夫因為怨妒起大受氣； 報仇的時一定𣍐留情。</verse>
				<verse number="35">用錢贖罪，伊毋揲； 禮物送較多，伊嘛毋放你煞。</verse>
			</chapter>
			<chapter number="7">
				<verse number="1">我的子啊，著遵守我的話， 心內囥我的命令。</verse>
				<verse number="2">遵守我的命令就會得著性命； 遵守我的教示，親像啲保護目睭仁。</verse>
				<verse number="3">著縛佇你的指頭仔， 刻佇你的心內。</verse>
				<verse number="4">著對智慧講「你是我的姊妹」； 著叫聰明做你的親人。</verse>
				<verse number="5">伊會保護你閃避淫婦， 閃避講思奶話的妓女。</verse>
				<verse number="6">我徛佇阮兜的窗仔邊， 對窗仔看出去；</verse>
				<verse number="7">我佇戇直的少年人中間， 看著一個𣍐曉想的少年家。</verse>
				<verse number="8">伊經過街路，來到淫婦𪜶厝的巷仔口， 閃入去淫婦𪜶兜的路。</verse>
				<verse number="9">黃昏，日落， 烏暗罩倚；</verse>
				<verse number="10">彼時有一個查某人， 穿插親像妓女，心懷企圖出來接伊。</verse>
				<verse number="11">此個查某人講話大細聲，無教養， 厝住𣍐牢。</verse>
				<verse number="12">有時佇街路，有時佇市場口； 有時佇遮聽候，有時佇遐當等。</verse>
				<verse number="13">伊給彼個少年家擒牢牢，給伊唚， 毋驚見笑對伊講：</verse>
				<verse number="14">「我今仔日有獻平安祭， 厝內有謝願的肉，</verse>
				<verse number="15">所以我出來尋你， 尋真久才尋著。</verse>
				<verse number="16">我已經用 埃及 彩色的床巾， 舒佇我的眠床；</verse>
				<verse number="17">閣用沒藥、沉香、肉桂， 灑佇我的眠床。</verse>
				<verse number="18">來，咱來通宵享受情愛到滿足， 來享受情愛的快樂。</verse>
				<verse number="19">因為我的丈夫無佇厝裡， 出外去真遠的所在。</verse>
				<verse number="20">伊帶歸袋的錢， 到月圓才會倒來。」</verse>
				<verse number="21">淫婦用真多花言巧語給伊引誘， 用思奶的嘴催迫伊做夥入去。</verse>
				<verse number="22">伊隨時隨伊入去， 親像牛互人牽去刣， 親像鹿仔跋落陷阱，</verse>
				<verse number="23">到箭射入伊的肝； 伊親像鳥仔闖入羅網猶毋知死活。</verse>
				<verse number="24">我的子兒啊，著聽趁我， 留心聽我所講的話。</verse>
				<verse number="25">你的心毋通互伊迷去， 毋通戇戇仔隨伊去。</verse>
				<verse number="26">因為伊互真多人受傷倒落去； 真多人互伊害死。</verse>
				<verse number="27">伊的厝是陰府的入口， 直接迵到死亡。</verse>
			</chapter>
			<chapter number="8">
				<verse number="1">著聽，智慧啲叫， 聰明啲出聲。</verse>
				<verse number="2">智慧佇路邊高的所在， 徛佇十字路口。</verse>
				<verse number="3">智慧佇城門口， 佇人啲出入的所在大聲喝：</verse>
				<verse number="4">「眾人啊，我叫恁； 世間人啊，我對恁講。</verse>
				<verse number="5">戇直的人啊，著學習精明； 愚戇的人啊，著追求聰明。</verse>
				<verse number="6">著聽，我欲講極好的事， 欲論正直的代誌。</verse>
				<verse number="7">我的嘴講真實； 我的嘴唇厭惡邪惡。</verse>
				<verse number="8">我所講的話攏公正， 無彎曲，無歪曲。</verse>
				<verse number="9">明理的人攏會了解； 有智識的人攏看做正確。</verse>
				<verse number="10">接受我的管教比得著銀較好； 得著智識比得著純金較好。</verse>
				<verse number="11">因為智慧比紅寶石較好； 人所意愛的攏𣍐當及伊比。</verse>
				<verse number="12">「我是智慧，互人精明， 互人有智識𠢕計劃。</verse>
				<verse number="13">敬畏上主就著厭惡邪惡； 驕傲、自大、邪惡的行為， 以及歪曲是非攏是我所厭惡。</verse>
				<verse number="14">我有策略及真的智識； 我聰明，有能力。</verse>
				<verse number="15">君王靠我來統治； 統治者通過我定公平的法律。</verse>
				<verse number="16">王親貴族、世上的審判官， 攏靠我來掌權。</verse>
				<verse number="17">疼我的，我嘛疼伊； 懇切尋我的，會尋著。</verse>
				<verse number="18">好額及尊貴是我所賜； 久長的富裕及繁榮嘛是我所賜。</verse>
				<verse number="19">我互人的果子比金，比純金較好； 我互人的收成比純的銀較好。</verse>
				<verse number="20">我行公義的路， 行公平的道路，</verse>
				<verse number="21">互疼我的人得著財富， 互𪜶的財寶滿滿。</verse>
				<verse number="22">「佇創造的起頭，上主先造我； 自古以來，我是伊頭一個創造的。</verse>
				<verse number="23">佇上起頭，佇創造世界以前， 對極古早，伊造我。</verse>
				<verse number="24">我出世的時猶未有深淵， 嘛猶未有海洋。</verse>
				<verse number="25">我出母胎的時，大山猶未受造， 小山嘛猶未形成。</verse>
				<verse number="26">彼時大地及田野猶未創造， 連地上頭一把土粉嘛猶未有。</verse>
				<verse number="27">伊安置穹蒼， 佇海面畫地平線， 彼時我已經佇遐。</verse>
				<verse number="28">伊佇空中布置雲彩， 互深淵的水泉淐出來，</verse>
				<verse number="29">給海定界限，互海水𣍐𨃟過界， 給大地下地基， 彼時我已經佇遐。</verse>
				<verse number="30">彼時，我佇伊身邊做師傅頭 ， 逐日互伊歡喜。 我不時佇伊面前歡喜快樂，</verse>
				<verse number="31">意愛伊互人徛起的世界， 歡喜伊創造的世間人。</verse>
				<verse number="32">「今，我的子兒，著聽趁我； 遵行我道路的人真有福氣！</verse>
				<verse number="33">著聽教示來得著智慧， 毋通拒絕。</verse>
				<verse number="34">聽趁我的人真有福氣！ 𪜶逐日佇我的門口啲等， 佇我的門邊啲聽候。</verse>
				<verse number="35">尋著我的人就是尋著性命； 伊會對上主得著恩惠。</verse>
				<verse number="36">尋無著我的人會滅亡； 怨恨我的人家己尋死。」</verse>
			</chapter>
			<chapter number="9">
				<verse number="1">智慧有起厝， 𫞼七支石柱；</verse>
				<verse number="2">有刣牲生，調和酒， 閣辦桌。</verse>
				<verse number="3">伊差女婢出去， 佇城內上高的所在宣布：</verse>
				<verse number="4">「戇直的人攏斡來遮。」 智慧給無知的人講：</verse>
				<verse number="5">「恁來，來食我的餅， 飲我調和的酒。</verse>
				<verse number="6">恁放拺無知就得著性命， 嘛著行光明的路。」</verse>
				<verse number="7">糾正愛藐視人的，本身會受凌辱； 譴責歹人，家己取見笑。</verse>
				<verse number="8">毋通譴責愛藐視人的，因為伊會怨恨你； 譴責有智慧的人，伊會疼你。</verse>
				<verse number="9">教導有智慧的人，伊會愈有智慧； 教示義人，伊會加添學問。</verse>
				<verse number="10">敬畏上主是智慧的根本； 識彼位至聖的上帝就是聰明。</verse>
				<verse number="11">因為靠我，你的日子會增加， 你的年歲嘛會加添。</verse>
				<verse number="12">你若有智慧，智慧會互你有利益； 你若愛給人藐視，受損的是你家己。</verse>
				<verse number="13">戇的查某人講話大細聲； 伊戇直，毋識半項。</verse>
				<verse number="14">伊坐佇家己的門口， 坐佇城內上高的所在，</verse>
				<verse number="15">叫過路的人， 叫趕緊啲經過的人，講：</verse>
				<verse number="16">「戇直的人攏斡來遮。」 伊給無知的人講：</verse>
				<verse number="17">「偷舀的水較甜； 偷食的餅較有滋味。」</verse>
				<verse number="18">毋拘愚戇的人毋知佇伊遐有陰魂； 伊的人客佇陰府上深的所在。</verse>
			</chapter>
			<chapter number="10">
				<verse number="1">所羅門 的箴言： 智慧的子互老父歡喜； 愚戇的子互老母憂悶。</verse>
				<verse number="2">不義的錢財攏無利益； 只有公義會救人脫離死亡。</verse>
				<verse number="3">上主𣍐互義人枵餓； 伊會破壞歹人的企圖。</verse>
				<verse number="4">貧憚互人散赤； 骨力互人富足。</verse>
				<verse number="5">照時收成的是聰明人； 收割的時愛睏的是敗家子。</verse>
				<verse number="6">義人的頭殼頂有祝福； 歹人的嘴藏強暴。</verse>
				<verse number="7">義人的名聲受稱讚； 歹人一定留臭名。</verse>
				<verse number="8">心內聰明，會聽受命令； 嘴講戇話，一定失敗。</verse>
				<verse number="9">行路正直，腳步就安穩； 行為不正，到尾會露現。</verse>
				<verse number="10">惡意使目尾，製造糾紛； 坦白苦勸人，促進和平 。</verse>
				<verse number="11">義人的嘴是活命的水泉； 歹人的嘴藏強暴。</verse>
				<verse number="12">怨恨惹起紛爭； 仁愛遮蓋攏總的過失。</verse>
				<verse number="13">明理的人嘴內有智慧； 無知的人的尻脊有箠仔便便啲等。</verse>
				<verse number="14">智慧的人積聚智識； 戇人的嘴真快致到失敗。</verse>
				<verse number="15">財富是好額人的保障； 貧困是散赤人的災難。</verse>
				<verse number="16">義人的報賞是性命； 歹人的工錢是刑罰。</verse>
				<verse number="17">聽受勸戒，行活路； 棄拺責備，行迷路。</verse>
				<verse number="18">掩蓋怨恨的人，嘴講白賊； 四界造謠的是戇人。</verse>
				<verse number="19">厚話難免有過失； 約束嘴舌才是聰明。</verse>
				<verse number="20">義人的舌親像純的銀； 歹人的心無價值。</verse>
				<verse number="21">義人的嘴培養真多人； 戇人因為無知死亡。</verse>
				<verse number="22">上主賜的福氣互人富足， 內面無摻憂苦 。</verse>
				<verse number="23">愚戇的人看作惡做快樂； 明理的人看智慧做歡喜。</verse>
				<verse number="24">歹人所驚的，會臨到伊； 義人所意愛的，會得著。</verse>
				<verse number="25">狂風吹過，歹人就消失； 義人會永遠安穩徛在。</verse>
				<verse number="26">差貧憚人做代誌， 親像嘴齒互醋酸著，目睭互煙燻著。</verse>
				<verse number="27">敬畏上主會加添日子； 歹人的年歲會減少。</verse>
				<verse number="28">義人的向望帶來歡喜； 歹人的期待到尾落空。</verse>
				<verse number="29">上主的道路對正直的人是保障， 對做歹的人是毀滅。</verse>
				<verse number="30">義人永遠𣍐動搖； 歹人𣍐當徛起佇應允的地。</verse>
				<verse number="31">義人的嘴發出智慧； 歪曲是非的舌會受割斷。</verse>
				<verse number="32">義人講話合宜； 歹人出嘴歪曲是非。</verse>
			</chapter>
			<chapter number="11">
				<verse number="1">欺騙的天秤，上主厭惡； 公平的秤錘，伊所意愛。</verse>
				<verse number="2">有驕傲就有見笑； 有謙卑就有智慧。</verse>
				<verse number="3">正直的人有誠實啲引導； 詭詰的人因為奸詐致到毀滅。</verse>
				<verse number="4">上主大受氣的日，錢財無路用， 只有公義會救人脫離死亡。</verse>
				<verse number="5">無通指責的義人，伊的路直，好行； 歹人會因為家己的邪惡跋倒失敗。</verse>
				<verse number="6">正直的人會互家己的義救著； 奸詐的人會陷落家己的歹所設的羅網。</verse>
				<verse number="7">歹人一下死，伊的向望就無去， 伊所期待的嘛會消失。</verse>
				<verse number="8">義人會當脫離患難； 歹人反轉陷落彼內面。</verse>
				<verse number="9">眼中無上帝的人講話害厝邊； 義人因為智識得著解救。</verse>
				<verse number="10">義人順利亨通，通城歡喜； 歹人滅亡，人攏大聲慶祝。</verse>
				<verse number="11">城因為正直人的祝福興起， 因為歹人的話倒壞。</verse>
				<verse number="12">藐視厝邊的人無常識； 明理的人靜靜無出聲。</verse>
				<verse number="13">四界講人是非的，會漏洩人的祕密； 誠實可靠的人囥密代誌。</verse>
				<verse number="14">無好的領導，國家就衰敗； 顧問多，人民就安穩。</verse>
				<verse number="15">給生份人保證會受大剋虧； 拒絕給人擔保就安全。</verse>
				<verse number="16">賢慧的婦仁人受人敬重； 敗德的婦仁人自取恥辱。 貧憚的查甫人會散赤； 堅強的查甫人會好額。</verse>
				<verse number="17">仁慈的人家己得著利益； 殘忍的人家己受傷害。</verse>
				<verse number="18">歹人得著的工錢是空空； 撒義的種籽得著的報賞才是實在。</verse>
				<verse number="19">堅持公義，得著性命； 繼續做歹，致到死亡。</verse>
				<verse number="20">歪曲是非的心，上主厭惡； 行為正直，伊所意愛。</verse>
				<verse number="21">歹人一定受刑罰； 義人的後代會得著解救。</verse>
				<verse number="22">婦仁人媠若無明理， 親像金環掛佇豬的鼻。</verse>
				<verse number="23">義人所意愛的，最後攏是好； 歹人追求的，惹上帝受氣。</verse>
				<verse number="24">人愈施捨就愈好額； 人愈凍霜就愈散赤。</verse>
				<verse number="25">愛施捨的，愈豐盛； 幫贊人的，得著幫贊。</verse>
				<verse number="26">囤積五穀毋賣，會受咒詛； 歡喜賣出，會受祝福。</verse>
				<verse number="27">出力做好，會得著恩惠； 追求邪惡，會抵著災禍。</verse>
				<verse number="28">倚靠家己的錢財，會跋倒失敗； 義人會興旺親像青翠的樹葉。</verse>
				<verse number="29">惹起家庭紛爭的人，什麼攏得𣍐著； 戇人會做聰明人的奴僕。</verse>
				<verse number="30">義人結的果子是性命； 強暴的人殘害性命。</verse>
				<verse number="31">義人佇世間得著報賞； 有罪的歹人一定受報應。</verse>
			</chapter>
			<chapter number="12">
				<verse number="1">意愛智識的人歡喜接受管教； 戇人厭惡責備。</verse>
				<verse number="2">好人會得著上主施恩； 詭計多端的人會受上主定罪。</verse>
				<verse number="3">人𣍐當對做歹得著安全； 義人的根基永遠𣍐動搖。</verse>
				<verse number="4">才德的婦仁人是丈夫的花冠； 毋知見笑的婦仁人親像丈夫骨內的毒瘤。</verse>
				<verse number="5">義人的意念四正； 歹人的計謀詭詐。</verse>
				<verse number="6">歹人的言論當等欲刣人； 正直人的嘴會救人。</verse>
				<verse number="7">歹人會受捙倒消失； 義人的家會堅固。</verse>
				<verse number="8">人因為智慧受謳咾； 心歪曲是非會受藐視。</verse>
				<verse number="9">卑賤的人賺有食， 較贏膨風自大的人無物通食。</verse>
				<verse number="10">義人關心伊的牲生的性命； 歹人連對人同情都殘忍。</verse>
				<verse number="11">種作的人有夠額的米糧； 追求空空無價值的事是無智識。</verse>
				<verse number="12">歹人貪愛邪惡的人搶來的財物； 義人的根會結果子。</verse>
				<verse number="13">邪惡的人因為嘴唇的過失跋落家己的羅網； 義人會脫離患難。</verse>
				<verse number="14">人對嘴所結的果子得著滿滿的福氣； 逐個人照伊的所做受報應。</verse>
				<verse number="15">戇人看家己的路做著； 聰明的人聽人苦勸。</verse>
				<verse number="16">戇人真快顯出受氣； 明理的人忍受侮辱。</verse>
				<verse number="17">講實話作證彰顯公義； 濫糝作證顯出詭詰。</verse>
				<verse number="18">講話無謹慎親像用刀鑿人； 智慧的人的舌醫治人。</verse>
				<verse number="19">誠實的嘴永遠可靠； 白賊的舌只有擋一時仔久。</verse>
				<verse number="20">圖謀歹代的人心存詭詐； 勸人和好的人會快樂。</verse>
				<verse number="21">義人𣍐抵著災害； 歹人會抵著真多災禍。</verse>
				<verse number="22">白賊的嘴唇，上主厭惡； 做代誌誠實，伊所歡喜。</verse>
				<verse number="23">明理的人囥密智識； 戇人的心顯露愚戇。</verse>
				<verse number="24">殷勤的手有力掌權； 貧憚的人給人做苦工。</verse>
				<verse number="25">心有掛慮，互人餒志； 一句好話，互人歡喜。</verse>
				<verse number="26">義人導厝邊行正路； 歹人導人行迷路。</verse>
				<verse number="27">貧憚的人有肉嘛無欲烘； 拍拼的人會得著寶貴的財物。</verse>
				<verse number="28">正直的路互人得著性命； 邪惡的路迵到死亡。</verse>
			</chapter>
			<chapter number="13">
				<verse number="1">智慧的子聽趁老父的教導； 自高自大的人毋聽責備。</verse>
				<verse number="2">人講好話有好的成果； 奸詐的人圖謀強暴。</verse>
				<verse number="3">約束嘴舌，保全性命； 隨便開嘴，致到毀滅。</verse>
				<verse number="4">貧憚的人心欣慕，嘛得𣍐著； 拍拼的人會心滿意足。</verse>
				<verse number="5">義人厭惡白賊話； 歹人失體面，留臭名。</verse>
				<verse number="6">公義保護正直的人； 邪惡敗壞有罪的人。</verse>
				<verse number="7">有人裝做好額，其實無半項； 有人裝做散赤，其實有真多財物。</verse>
				<verse number="8">好額人用錢贖命； 散赤人毋驚人威脅。</verse>
				<verse number="9">義人的光會明亮； 歹人的燈會熄去。</verse>
				<verse number="10">驕傲一定起相爭； 聽人苦勸有智慧。</verse>
				<verse number="11">毋是拍拼得著的錢會愈減少； 流汗積聚的錢會愈加添。</verse>
				<verse number="12">所向望的久無實現，心就痛苦失志； 所意愛的一下實現，性命就充滿活力。</verse>
				<verse number="13">藐視教示，自取滅亡； 尊重誡命，得著報賞。</verse>
				<verse number="14">聰明人的教示是活命的水泉， 互人免陷落死亡的羅網。</verse>
				<verse number="15">明理的人會受尊重，受接納； 奸詐的人的路嵁硈歹行。</verse>
				<verse number="16">通達的人用智慧做代誌； 戇人顯露家己的愚戇。</verse>
				<verse number="17">歹的使者互人陷落災禍； 忠信的差使互人得著醫治救助。</verse>
				<verse number="18">拒絕教督，會致到散赤見笑； 願意受責備，會受敬重。</verse>
				<verse number="19">所意愛的實現，心就歡喜； 離開歹代，戇人毋願。</verse>
				<verse number="20">及智慧的人同行就有智慧； 及戇人作伴會受傷害。</verse>
				<verse number="21">災禍會追趇罪人； 繁榮是義人的報賞。</verse>
				<verse number="22">好人留產業互子孫； 罪人積聚的財富最後歸義人。</verse>
				<verse number="23">散赤人的田園生產真多米糧， 毋拘因為無公義煞攏受搶奪。</verse>
				<verse number="24">毋甘責罰子兒是無疼𪜶； 若疼𪜶，就著照時責督。</verse>
				<verse number="25">義人會當食甲心滿意足； 歹人的腹肚不時枵枵。</verse>
			</chapter>
			<chapter number="14">
				<verse number="1">智慧的婦仁人建立家己的家庭； 愚戇的婦仁人親手拆毀。</verse>
				<verse number="2">做事正直的人敬畏上主； 做代誌歪斜的人藐視伊。</verse>
				<verse number="3">戇人講話家己受責罰； 智慧的人的話保護家己。</verse>
				<verse number="4">無牛耕作就無五穀； 牛有力土產就愈多。</verse>
				<verse number="5">誠實的證人𣍐講白賊； 虛假的證人滿嘴胡說。</verse>
				<verse number="6">自高自大的人尋智慧，尋𣍐著； 聰明的人真緊得著智識。</verse>
				<verse number="7">著離開戇人， 因為對伊講的話尋𣍐著智識。</verse>
				<verse number="8">通達的人的智慧互伊了解著行的路； 戇人的戇致到行迷路。</verse>
				<verse number="9">戇人看犯罪做滾笑； 正直的人分享上帝的恩惠。</verse>
				<verse number="10">人的艱苦，只有家己的心知； 伊的歡喜，外人𣍐當分享。</verse>
				<verse number="11">歹人的厝會倒壞； 正直人的布棚會興旺。</verse>
				<verse number="12">有一條路看起來正閣直， 到尾迵到死亡。</verse>
				<verse number="13">人啲笑的時心猶有憂悶； 快樂的結局會變做悲傷。</verse>
				<verse number="14">歹人一定受報應； 好人一定得報賞。</verse>
				<verse number="15">戇直的人逐項攏信； 通達的人步步謹慎。</verse>
				<verse number="16">智慧的人事事謹慎，遠離歹代； 戇人驕傲放肆。</verse>
				<verse number="17">快受氣的人做代誌愚戇； 詭詐的人互人怨恨。</verse>
				<verse number="18">戇直的人承接愚戇做產業； 通達的人得著智識做花冠。</verse>
				<verse number="19">歹人仆落佇好人的面前； 罪人仆落佇義人的門口。</verse>
				<verse number="20">散赤人連厝邊都厭賤； 好額人朋友真多。</verse>
				<verse number="21">看輕厝邊的人有罪； 憐憫散赤的人有福氣。</verse>
				<verse number="22">計謀歹代會行入迷路； 計謀好事會得著人的真誠憐憫。</verse>
				<verse number="23">逐款的拍拼攏有利益； 空談會致到散赤。</verse>
				<verse number="24">智慧的人的財富是𪜶的花冠； 戇人的戇到尾嘛是戇。</verse>
				<verse number="25">講實話作證救人的性命； 作偽證是用詭詐害人。</verse>
				<verse number="26">敬畏上主有堅固的倚靠； 伊的子兒有逃閃的所在。</verse>
				<verse number="27">敬畏上主是活命的水泉， 互人免陷落死亡的羅網。</verse>
				<verse number="28">百姓多，國王有榮光； 人民少，人君就衰敗。</verse>
				<verse number="29">𣍐快受氣是大聰明； 無耐心的顯出愚戇。</verse>
				<verse number="30">心平靜互身體健康； 怨妒互骨頭朽爛。</verse>
				<verse number="31">壓迫散赤人是褻瀆創造𪜶的主； 好款待無錢人是尊敬主。</verse>
				<verse number="32">歹人會因為所做的歹滅亡； 義人到死猶有倚靠。</verse>
				<verse number="33">智慧愛𫢶佇聰明人的心內； 戇人的心內尋無智慧 。</verse>
				<verse number="34">公義互國家強盛； 罪惡互人民受凌辱。</verse>
				<verse number="35">王意愛用智慧辦代誌的官員， 責罰失職的人臣。</verse>
			</chapter>
			<chapter number="15">
				<verse number="1">溫和的應答互受氣煞； 刺鑿的話激起受氣。</verse>
				<verse number="2">智慧人的舌𠢕講智識； 戇人的嘴吐出愚戇。</verse>
				<verse number="3">上主的目睭逐所在啲看， 好歹攏啲監察。</verse>
				<verse number="4">溫和的舌是活命的樹； 講話歪曲損傷心神。</verse>
				<verse number="5">戇人看輕老父的管教； 願意受責備是明理。</verse>
				<verse number="6">義人的厝內有真多財寶； 歹人所賺的成做家己的陷害。</verse>
				<verse number="7">智慧人的嘴報揚智識； 戇人的心毋是按呢。</verse>
				<verse number="8">歹人獻的祭，上主厭惡； 正直人的祈禱，上主歡喜。</verse>
				<verse number="9">歹人的路是上主所厭惡； 追求公義是伊所意愛。</verse>
				<verse number="10">放拺正路的人會受嚴格管教； 厭惡責備的人會致到死亡。</verse>
				<verse number="11">陰府及滅亡上主都啲監察， 世間人的心閣較𣍐當對伊蓋密。</verse>
				<verse number="12">自高自大的人無愛受責備， 嘛無愛及智慧的人參詳。</verse>
				<verse number="13">心歡喜，面就有笑容； 心憂悶，心靈就餒志。</verse>
				<verse number="14">聰明人的心尋求智識； 戇人的嘴用愚戇做食物。</verse>
				<verse number="15">困苦的人，日子歹過； 心快樂的人，親像宴席無斷。</verse>
				<verse number="16">散赤有啲敬畏上主， 較贏好額有真多煩惱。</verse>
				<verse number="17">食青菜，大家相疼， 較贏食肥牛仔，互相怨恨。</verse>
				<verse number="18">歹性地惹起冤家； 無快受氣會互相爭煞。</verse>
				<verse number="19">貧憚人的路互莿圍啲； 正直人的路大條平坦。</verse>
				<verse number="20">智慧的子互老父歡喜； 戇人看輕家己的老母。</verse>
				<verse number="21">無知的人看愚戇做歡喜； 明理的人照正直行。</verse>
				<verse number="22">無參詳，計劃會失敗； 顧問多，就會成功。</verse>
				<verse number="23">應答合宜互人歡喜； 合時的話實在真好！</verse>
				<verse number="24">智慧的人行上活命的路， 才免落去下面的陰府。</verse>
				<verse number="25">上主拆毀驕傲的人的厝， 保護寡婦的地界。</verse>
				<verse number="26">歹的心思，上主厭惡； 純潔的話，上主意愛。</verse>
				<verse number="27">貪不義之財，陷害家己的家； 拒絕賄賂，會長歲壽。</verse>
				<verse number="28">義人的心想了才應； 歹人的嘴吐出邪惡。</verse>
				<verse number="29">上主離開歹人真遠， 毋拘有啲聽義人的祈禱。</verse>
				<verse number="30">溫柔的眼神互人心歡喜； 好消息互筋骨勇健。</verse>
				<verse number="31">聽趁管教的人會長歲壽， 會當及智慧的人做夥徛起。</verse>
				<verse number="32">毋聽警戒是看輕家己； 聽趁管教會得著智慧。</verse>
				<verse number="33">敬畏上主是教人有智慧； 先有謙卑才有尊榮。</verse>
			</chapter>
			<chapter number="16">
				<verse number="1">人啲計劃， 上主啲決定。</verse>
				<verse number="2">人看家己的所做做著， 毋拘上主審查人的動機。</verse>
				<verse number="3">將你的所做交託上主， 你的計劃就會成功。</verse>
				<verse number="4">上主所造的攏有目的， 連歹人滅亡的日嘛是伊的計劃。</verse>
				<verse number="5">上主厭惡心驕傲的人； 歹人一定受刑罰。</verse>
				<verse number="6">因為慈愛信實，罪過得著遮蓋； 敬畏上主，人通離開邪惡。</verse>
				<verse number="7">人的所做若互上主歡喜， 上主會互對敵及伊和好。</verse>
				<verse number="8">賺錢少，有公道， 較贏賺錢多無公道。</verse>
				<verse number="9">人計劃家己的道路； 上主引導伊的腳步。</verse>
				<verse number="10">王的嘴講上帝指示的話， 伊的審判就𣍐差錯。</verse>
				<verse number="11">公道的天秤及秤攏屬上主； 袋仔內的秤錘攏是伊所制定。</verse>
				<verse number="12">做歹是王所厭惡 ； 王位靠公義建立。</verse>
				<verse number="13">公正的嘴唇是王所歡喜； 講話正直是王所意愛。</verse>
				<verse number="14">王的大受氣親像死亡的使者； 智慧的人會互伊的受氣煞。</verse>
				<verse number="15">王光彩的面互人有性命； 王的恩惠親像春雨的雲。</verse>
				<verse number="16">得著智慧比得著金較好； 揀著聰明比得著銀閣較好。</verse>
				<verse number="17">正直人的大路離開歹； 謹慎家己的腳步會保全性命。</verse>
				<verse number="18">有驕傲就有失敗； 有自高就有跋倒。</verse>
				<verse number="19">心謙卑及散赤人做夥住， 較贏及驕傲的人分所搶的物。</verse>
				<verse number="20">聽趁道理，會得著利益； 倚靠上主，真有福氣。</verse>
				<verse number="21">心有智慧稱做通達； 講話文雅會互人心服。</verse>
				<verse number="22">聰明人的智慧是伊活命的水泉； 戇人的戇是伊的責罰。</verse>
				<verse number="23">智慧的人的心約束伊的嘴， 互伊的話加添說服力。</verse>
				<verse number="24">親切的話親像蜜， 互心歡喜，互骨勇健。</verse>
				<verse number="25">有一條路看起來正閣直， 到尾迵到死亡。</verse>
				<verse number="26">做工人為著顧腹肚做工； 腹肚枵逼𪜶拍拼。</verse>
				<verse number="27">流氓計謀欲害人； 伊的嘴唇親像啲𤏸的火。</verse>
				<verse number="28">歪曲是非的人四界製造紛爭； 𠢕學話的人互親密的朋友變面。</verse>
				<verse number="29">強暴的人引誘厝邊， 導𪜶行歹路。</verse>
				<verse number="30">𥍉目示意是啲圖謀邪惡； 嘴唇咬緊表示堅決做歹。</verse>
				<verse number="31">白頭毛是榮耀的花冠， 實行公義才會得著。</verse>
				<verse number="32">忍耐贏過威力； 𠢕控制家己較贏征服歸座城。</verse>
				<verse number="33">人抽籤決定代誌； 最後的決定在佇上主。</verse>
			</chapter>
			<chapter number="17">
				<verse number="1">有一塊仔餅通食，大家和睦， 較贏腥臊滿桌有相爭。</verse>
				<verse number="2">𠢕辦代誌的僕人會管轄卸體面的子， 閣會當及主人的子平平分著家伙。</verse>
				<verse number="3">煉銀用鼎，煉金用爐， 毋拘上主鍛鍊人的心。</verse>
				<verse number="4">做歹的人注意聽奸詐的話； 講白賊的人愛聽邪惡的言語。</verse>
				<verse number="5">恥笑散赤人是侮辱創造𪜶的主； 愛人抵著災禍的一定會受刑罰。</verse>
				<verse number="6">子孫是老人的花冠； 老父是子兒的榮耀。</verse>
				<verse number="7">戇人講大話無合； 有地位的人講白賊閣較無合。</verse>
				<verse number="8">賄賂，送的人看做寶石， 逐條路攏行會通。</verse>
				<verse number="9">𣍐記得人的過失會得著友好的回應； 代誌沓沓唸會互親密的朋友疏遠。</verse>
				<verse number="10">給明理的人講一句責備的話， 較贏給戇人拍一百下。</verse>
				<verse number="11">歹人存心背逆； 毀滅的使者會來給伊對付。</verse>
				<verse number="12">寧可抵著失落子的熊母， 毋通抵著固執的戇人。</verse>
				<verse number="13">用歹報好的， 災禍𣍐離開伊的家。</verse>
				<verse number="14">相爭一下開始親像水崩隙， 著先制止才𣍐致到氾濫。</verse>
				<verse number="15">判歹人做無罪，定義人做有罪， 兩項攏是上主所厭惡。</verse>
				<verse number="16">戇人無想欲買智慧， 手裡提錢有啥路用？</verse>
				<verse number="17">朋友不時相照顧； 兄弟出世是欲分擔苦難。</verse>
				<verse number="18">給厝邊答應做擔保， 彼款人是戇人。</verse>
				<verse number="19">愛犯罪的人愛相爭； 自高驕傲的人 自取滅亡。</verse>
				<verse number="20">心思邪惡的人尋𣍐著福氣； 𠢕反話的人會陷落患難。</verse>
				<verse number="21">生著戇子是父母的憂悶； 戇人的老父無什麼通歡喜。</verse>
				<verse number="22">歡喜的心是好藥； 憂傷的神互骨枯焦。</verse>
				<verse number="23">歹人暗中收賄賂， 會互判決失去公正。</verse>
				<verse number="24">智慧佇明理的人的目睭前， 毋拘戇人的目睭尋到地的極頭。</verse>
				<verse number="25">愚戇的子互老父煩惱， 互老母憂苦。</verse>
				<verse number="26">刑罰無辜的人毋好； 打擊正直的官長嘛毋好。</verse>
				<verse number="27">約束言語的有智識； 性情冷靜的是聰明。</verse>
				<verse number="28">戇人若恬恬嘛看做巧； 伊無開嘴嘛算做聰明。</verse>
			</chapter>
			<chapter number="18">
				<verse number="1">孤獨的人追求家己的慾望， 排斥一切真誠的勸告。</verse>
				<verse number="2">戇人無愛智識， 只有愛展家己的意見。</verse>
				<verse number="3">有邪惡就有藐視； 有見笑就有凌辱。</verse>
				<verse number="4">人嘴內的話親像深的水； 智慧的水泉親像啲流的溪水。</verse>
				<verse number="5">判斷的時偏袒歹人， 抑是冤枉無辜的人，攏毋好。</verse>
				<verse number="6">戇人開嘴引起冤家， 伊一下講話就惹起相拍。</verse>
				<verse number="7">戇人的嘴互伊滅亡； 伊的嘴唇是伊性命的羅網。</verse>
				<verse number="8">耳孔邊的閒仔話親像好食物， 一下入嘴就吞落腹。</verse>
				<verse number="9">無照起工工作的人， 是及破壞者做兄弟。</verse>
				<verse number="10">上主是堅固的堡壘； 義人走入去就安穩。</verse>
				<verse number="11">好額人想講財富是𪜶的保障， 是安全可靠的高牆。</verse>
				<verse number="12">有驕傲就有失敗； 有謙卑就有尊榮。</verse>
				<verse number="13">猶未聽了就應答， 就是愚戇及見笑。</verse>
				<verse number="14">人的心會當忍受病疼； 心靈破碎，無人忍受會牢。</verse>
				<verse number="15">聰明人的心得著智識； 智慧人的耳孔尋求智識。</verse>
				<verse number="16">禮物給人開路， 會導伊到大人物的面前。</verse>
				<verse number="17">先申訴的假若有理， 毋拘對方來就查出實情。</verse>
				<verse number="18">抽籤會互冤家煞， 會當解決強者之間的糾紛。</verse>
				<verse number="19">互結冤的兄弟閣和，比攻取堅固的城較困難； 此款紛爭親像城門的門閂閂牢牢。</verse>
				<verse number="20">人對講話所結的果子，腹肚得著飽足； 人對嘴唇所收成的得著滿足。</verse>
				<verse number="21">嘴舌會當支配人的生死； 愛利用此個權的人著承擔後果。</verse>
				<verse number="22">娶著好某是福氣， 是上主的恩賜。</verse>
				<verse number="23">散赤人懇切求情； 好額人歹聲嗽應答。</verse>
				<verse number="24">有真多朋友不過是作伴 ； 有一個知己比兄弟較親。</verse>
			</chapter>
			<chapter number="19">
				<verse number="1">行為正直的散赤人 較贏講話詭詐的戇人。</verse>
				<verse number="2">熱心無智識毋好； 硞硞闖顛倒會走毋著路。</verse>
				<verse number="3">人因為愚戇破壞家己的前途； 伊的心顛倒怨嘆上主。</verse>
				<verse number="4">好額，朋友就加真多； 散赤，朋友就攏離開。</verse>
				<verse number="5">作偽證一定受刑罰； 講白賊𣍐當逃脫責罰。</verse>
				<verse number="6">有權的，人人給伊扶挺； 慷慨的，人人做伊的朋友。</verse>
				<verse number="7">散赤人連兄弟都厭惡， 朋友閣較會離開伊； 伊趇欲及人講話，人毋插伊。</verse>
				<verse number="8">有智慧才會曉疼惜家己的性命； 珍惜智識會得著福氣。</verse>
				<verse number="9">作偽證一定受刑罰； 講白賊會滅亡。</verse>
				<verse number="10">戇人生活奢華無合； 僕人管轄主人閣較無應該。</verse>
				<verse number="11">人有見識就𣍐快受氣； 無追究人的過失是家己的光榮。</verse>
				<verse number="12">王的受氣親像獅大聲哮； 伊的恩惠親像草頂的露水。</verse>
				<verse number="13">子戇是老父的災禍； 某吵鬧親像雨水㴙㴙滴。</verse>
				<verse number="14">厝宅財產是祖公所留； 賢慧的某是上主所賜。</verse>
				<verse number="15">貧憚互人睏重眠； 懶屍的人會枵餓。</verse>
				<verse number="16">遵守誡命會保全家己的性命； 無致意上主的路會致到死亡。</verse>
				<verse number="17">賑濟散赤人是借互上主， 上主會照伊的所做還伊。</verse>
				<verse number="18">趁猶有向望，著管教家己的子， 毋拘毋通過頭煞給伊害死。</verse>
				<verse number="19">𠢕發大受氣的人一定受處罰； 若欲救伊，一定加了工 。</verse>
				<verse number="20">著聽苦勸受教示， 互你到尾有智慧。</verse>
				<verse number="21">人心內有真多計劃， 只有上主的旨意會實現。</verse>
				<verse number="22">貪心互人致到見笑 ； 寧可散赤嘛無愛白賊。</verse>
				<verse number="23">敬畏上主會得著性命； 伊會安居樂業，𣍐抵著災禍。</verse>
				<verse number="24">貧憚的人手伸到盤裡， 嘛毋肯提到嘴。</verse>
				<verse number="25">拍自高自大的人，會互戇直的人得著教示； 責備明理的人，會互伊得著智識。</verse>
				<verse number="26">歹款待老父，趕老母出去的， 此款子帶來見笑，留臭名。</verse>
				<verse number="27">我的子啊，你若無繼續聽教示， 會偏離智識的話。</verse>
				<verse number="28">作偽證是啲戲弄公平； 歹人用罪惡做飯食。</verse>
				<verse number="29">刑罰是為著自高自大的人準備； 鞭拍是為著戇人的尻脊骿安排。</verse>
			</chapter>
			<chapter number="20">
				<verse number="1">薄酒互人放縱，厚酒互人發狂； 因為酒來迷失是無智慧。</verse>
				<verse number="2">王大受氣親像獅大聲哮； 惹伊受氣會害著家己的性命。</verse>
				<verse number="3">避免紛爭的人通稱讚， 毋拘戇人愛冤家。</verse>
				<verse number="4">貧憚的人無欲照時種作， 收割的時尋無半項。</verse>
				<verse number="5">人心內的計謀親像深的水， 只有明理的人才會給伊汲起來。</verse>
				<verse number="6">講家己忠誠的人真多， 毋拘忠實的人欲去叨位尋？</verse>
				<verse number="7">照正直行的義人， 伊的子子孫孫真有福氣！</verse>
				<verse number="8">王坐佇審判的位， 伊的目睭監察攏總的歹。</verse>
				<verse number="9">啥人敢講「我已經潔淨我的心， 我的罪已經清氣」？</verse>
				<verse number="10">用偏人的秤錘，諞人的斗， 攏是上主所厭惡。</verse>
				<verse number="11">囝仔是純潔抑是正直， 對伊的行為看會出。</verse>
				<verse number="12">會聽的耳孔，會看的目睭， 兩項攏是上主所造。</verse>
				<verse number="13">毋通貪眠才免致到散赤； 目睭擘互金才有夠額的米糧。</verse>
				<verse number="14">人買物的時嫌講「毋好，毋好」， 買了，家己誇口真好。</verse>
				<verse number="15">雖然有金，閣有真多寶石， 毋拘有智識的嘴唇才是珍寶。</verse>
				<verse number="16">給生份人擔保，著提家己的衫去做抵押； 替外人保證，著家己承擔後果。</verse>
				<verse number="17">諞來的食物滋味真好， 後來就親像嘴啲哺沙。</verse>
				<verse number="18">參詳會互計劃成功； 好的策略會互交戰勝利。</verse>
				<verse number="19">四界講人是非的，會漏洩人的祕密； 厚話的，毋通及伊結交。</verse>
				<verse number="20">咒詛父母的， 伊的性命會親像燈佇極烏暗的中間熄去。</verse>
				<verse number="21">真緊得著的財富， 到尾無一定是祝福。</verse>
				<verse number="22">毋通講「我欲報冤」； 著聽候上主，伊會救你。</verse>
				<verse number="23">偏人的秤錘是上主所厭惡； 諞人的天秤嘛毋好。</verse>
				<verse number="24">人豈會知伊家己的路？ 人的腳步是上主啲決定。</verse>
				<verse number="25">毋通隨便講「這是欲獻互上帝的物」， 才免下願了煞後悔。</verse>
				<verse number="26">智慧的王親像用簸箕給歹人簸出來， 用車輪給𪜶研過。</verse>
				<verse number="27">人的心靈是上主的燈， 查明家己的心思意念。</verse>
				<verse number="28">慈愛信實保護國王； 伊的座位因為仁慈得著保全。</verse>
				<verse number="29">勇健是少年人的榮光； 白頭毛是老人的光彩。</verse>
				<verse number="30">鞭拍會除去人的罪惡； 拍傷會潔淨人的心思意念。</verse>
			</chapter>
			<chapter number="21">
				<verse number="1">王的心佇上主的手中， 親像水流照上帝所定的方向啲流。</verse>
				<verse number="2">人看家己的所做做著， 毋拘上主審查人的動機。</verse>
				<verse number="3">秉公行義 比獻祭閣較會得著上主接納。</verse>
				<verse number="4">目頭高，心驕傲， 是歹人啲顯耀家己，攏是罪。</verse>
				<verse number="5">人斟酌計劃會富足； 匆碰做代誌一定致到欠缺。</verse>
				<verse number="6">人用詭詐得著的財利， 親像浮雲真緊就消失。</verse>
				<verse number="7">歹人的強暴會害死家己， 因為𪜶毋肯實行公義。</verse>
				<verse number="8">罪人的路彎曲； 純潔的人行為正直。</verse>
				<verse number="9">寧可𫢶厝頂的角頭， 嘛毋及吵鬧的婦仁人做夥住大間厝。</verse>
				<verse number="10">歹人的心意愛邪惡， 厝邊得𣍐著伊的關愛。</verse>
				<verse number="11">自高自大的人受刑罰，戇直的人會得著智慧； 智慧的人受教示，𪜶會得著智識。</verse>
				<verse number="12">公義的上帝監察歹人的家， 給歹人捙倒到滅亡。</verse>
				<verse number="13">塞密耳孔毋聽散赤人哀求的， 伊將來求叫嘛無人欲插伊。</verse>
				<verse number="14">暗中送禮會煞受氣； 祕密賄賂會煞大受氣。</verse>
				<verse number="15">秉公行義互好人歡喜， 卻互歹人驚惶。</verse>
				<verse number="16">偏離明理的路的人， 會及陰魂做夥住。</verse>
				<verse number="17">愛奢侈的會散赤； 愛宴樂的𣍐好額。</verse>
				<verse number="18">歹人會做義人贖回的價錢； 奸詐的人會做正直人的替身。</verse>
				<verse number="19">寧可𫢶曠野， 嘛毋及吵鬧歹性地的婦仁人做夥住。</verse>
				<verse number="20">智慧的人厝內積聚貴氣的物； 戇人真緊就損了了。</verse>
				<verse number="21">追尋公義及仁慈， 會尋著性命、繁榮，及尊榮。</verse>
				<verse number="22">智慧的人𬦰上勇士的城， 拆毀𪜶所倚靠的堡壘。</verse>
				<verse number="23">約束嘴及舌的， 會保守家己免受災害。</verse>
				<verse number="24">驕傲自高的人，名叫做侮慢； 伊做代誌猖狂。</verse>
				<verse number="25">貧憚的人會互家己的慾望害死， 因為伊的手毋肯做工。</verse>
				<verse number="26">有人歸日貪心不知足； 義人慷慨施捨。</verse>
				<verse number="27">歹人獻的祭通厭惡， 何況伊存歹意思來獻。</verse>
				<verse number="28">作偽證的人會滅亡； 照實作證的，無人會當給伊辯倒。</verse>
				<verse number="29">歹人面皮厚； 正直的人行踏謹慎。</verse>
				<verse number="30">人的智慧、聰明，及所有的策略 攏𣍐當對抗上主。</verse>
				<verse number="31">馬是為著交戰的日準備； 毋拘勝利是上主啲決定。</verse>
			</chapter>
			<chapter number="22">
				<verse number="1">名聲比大財富較通意愛； 恩惠比金銀較通欣羨。</verse>
				<verse number="2">好額人及散赤人有共同的所在， 𪜶攏是上主所創造。</verse>
				<verse number="3">會變竅的人看著危險就閃避； 戇直的人直直進前去，受災害。</verse>
				<verse number="4">謙卑敬畏上主， 就有財富、尊榮、性命。</verse>
				<verse number="5">𠢕歪曲是非的人行的路有莿及羅網； 保惜家己性命的人離開彼條路真遠。</verse>
				<verse number="6">教導囝仔行合宜的路， 伊到老攏𣍐歪斜。</verse>
				<verse number="7">好額人管轄散赤人； 欠債的做債主的奴才。</verse>
				<verse number="8">撒不義種籽的人會收災禍； 伊欺壓人的勢力會受毀滅。</verse>
				<verse number="9">好心的人有福氣， 因為伊將米糧分互散赤人。</verse>
				<verse number="10">趕出自高自大的人，相爭就無去， 冤家及侮辱嘛會煞。</verse>
				<verse number="11">心清氣，講話溫和的人， 王會做𪜶的朋友。</verse>
				<verse number="12">上主的目睭看顧聰明的人， 毋拘伊破壞奸詐的人的言論。</verse>
				<verse number="13">貧憚人講：「外口有獅， 我若出去會互伊咬死。」</verse>
				<verse number="14">淫婦的嘴是深坑； 上主所厭惡的人會跋落彼內面。</verse>
				<verse number="15">囝仔的心互愚戇纏啲， 管教的箠仔會給愚戇趕走。</verse>
				<verse number="16">靠剝削散赤人來好額， 抑是送禮物互好額人， 攏會致到欠缺。</verse>
				<verse number="17">著俯耳孔聽智慧的人的話，專心領受我的教示；</verse>
				<verse number="18">上好是囥佇你的心底，不時通應用。</verse>
				<verse number="19">我今仔日按呢指示你，是欲互你倚靠上主。</verse>
				<verse number="20">此三十句教導及智識的話，我已經有寫互你，</verse>
				<verse number="21">互你知諸個真理的話確實會靠得，通正確回答差派你的人。</verse>
				<verse number="22">毋通因為人散赤給𪜶剝削；嘛毋通佇城門口 欺壓困苦人，</verse>
				<verse number="23">因為上主會替𪜶申冤；搶奪𪜶的，上主會搶奪許個人的性命。</verse>
				<verse number="24">快受氣的人，毋通及𪜶交陪；歹性地的人，毋通及𪜶往來；</verse>
				<verse number="25">驚了你學𪜶的行為，家己煞陷落羅網。</verse>
				<verse number="26">毋通給人做擔保，毋通給欠錢的人保證。</verse>
				<verse number="27">你若𣍐當還，人會給你啲睏的眠床夯去。</verse>
				<verse number="28">早前你的祖公所立的地界，毋通移徙。</verse>
				<verse number="29">你曾看著𠢕辦代誌的人無？伊𣍐服事普通人，會服事君王。</verse>
			</chapter>
			<chapter number="23">
				<verse number="1">你若及官長坐桌，著注意佇你面前的是什麼人。</verse>
				<verse number="2">你胃口若好，著會曉家己約束。</verse>
				<verse number="3">毋通貪物件好食，因為彼是啲諞人的食物。</verse>
				<verse number="4">毋通拖磨求好額，著有智慧家己約束。</verse>
				<verse number="5">你目一下𥍉，錢財就無去，因為伊會發翼，親像鷹鳥飛上天。</verse>
				<verse number="6">毋通食凍霜的人的飯，嘛毋通貪伊的好食物。</verse>
				<verse number="7">伊真𠢕算，𣍐互你白白食。伊雖然對你講「請食，請飲」，其實伊心內無啲按呢想。</verse>
				<verse number="8">你所食彼點仔嘛著吐出來；你所講的好話攏無路用。</verse>
				<verse number="9">毋通講話互戇人聽，伊會看輕你智慧的話。</verse>
				<verse number="10">毋通移徙早前所立的地界，嘛毋通侵佔孤兒的田園。</verse>
				<verse number="11">因為𪜶的贖回者上主大有能力，伊會替𪜶申冤。</verse>
				<verse number="12">著專心領受教示，俯耳孔聽智識的話。</verse>
				<verse number="13">囝仔毋通無管教；用箠仔拍，𣍐致到死。</verse>
				<verse number="14">你用箠仔拍，會救伊免落陰府。</verse>
				<verse number="15">我的子啊，你的心若有智慧，我的心會真歡喜。</verse>
				<verse number="16">你的嘴若講正直，我的心會真快樂。</verse>
				<verse number="17">毋通欣羨歹人，著不時敬畏上主，</verse>
				<verse number="18">將來一定有向望，你的向望𣍐無去。</verse>
				<verse number="19">我的子啊，著聽，著有智慧，互你的心向正直的路。</verse>
				<verse number="20">好酒的、貪食的，毋通及𪜶往來做陣，</verse>
				<verse number="21">因為好酒貪食，會致到散赤；歸日啲睏，會致到穿破衫。</verse>
				<verse number="22">著聽趁生你的老父；你的老母老的時嘛毋通給伊看輕。</verse>
				<verse number="23">著買真理，毋通賣；嘛著買智慧、教示，及明理。</verse>
				<verse number="24">正直人的老父會大快樂；人生著智慧的子會因為伊大歡喜。</verse>
				<verse number="25">著互你的父母歡喜，互生你的老母快樂。</verse>
				<verse number="26">我的子啊，著將你的心交託我，目睭著注意看我的道路。</verse>
				<verse number="27">因為娼妓是深坑，淫婦是陷阱。</verse>
				<verse number="28">伊親像賊啲當等，欲互無忠實的人增加。</verse>
				<verse number="29">啥人啲喝「慘啊」？啥人啲喝「害啊」？啥人啲冤家？啥人啲怨嘆？啥人無緣故受傷？啥人目睭啲起煙暈？</verse>
				<verse number="30">就是飲酒毋知煞，四界尋調和的酒飲彼款人。</verse>
				<verse number="31">酒佇杯內變紅閃熠，你毋通看；飲的時滑喉，到尾親像互蛇咬著，互毒蛇啄著。</verse>
				<verse number="32"></verse>
				<verse number="33">你的目睭會看著奇怪的景象；你的心會錯亂，嘴講酒話。</verse>
				<verse number="34">你會親像倒佇海中，睏佇船柱頂。</verse>
				<verse number="35">你會講：「人拍我，我𣍐疼；人摃我，我毋知疼；我醒起來就閣去尋酒飲。」</verse>
			</chapter>
			<chapter number="24">
				<verse number="1">毋通欣羨歹人，嘛毋通愛及𪜶做堆，</verse>
				<verse number="2">因為𪜶的心計劃強暴的代誌，𪜶的嘴談論害人的事。</verse>
				<verse number="3">厝靠智慧起造，用聰明建立；</verse>
				<verse number="4">有智識的人的房間充滿逐項寶貝及貴重的財物。</verse>
				<verse number="5">有智慧的人有大能力；有智識的人加添氣力。</verse>
				<verse number="6">欲交戰著有好的策略；參謀多就會得勝。</verse>
				<verse number="7">智慧高深，戇人𣍐了解；佇公共集會中伊無話通講。</verse>
				<verse number="8">計謀做歹的人會互人叫做陰謀家。</verse>
				<verse number="9">戇人的計謀攏是罪惡；藐視人的，人人厭惡。</verse>
				<verse number="10">佇患難的日失膽，氣力就減少。</verse>
				<verse number="11">人受拖到死地，著給伊解救；人啲欲受刣，毋通無救伊。</verse>
				<verse number="12">你若講「此個代誌我毋知」，監察人的心的上帝豈𣍐審判？保全你性命的豈會毋知？伊豈𣍐照逐人的所做報應？</verse>
				<verse number="13">我的子啊，著食蜜，因為蜜是好；食蜜房 滴落來的蜜就知甜。</verse>
				<verse number="14">著知，智慧佇你的心嘛是按呢；你若尋著，前途就光明，向望𣍐無去。</verse>
				<verse number="15">毋通親像歹人埋伏欲攻擊義人的家；毋通破壞伊住的厝。</verse>
				<verse number="16">義人跋倒七遍嘛會閣起來；歹人一下抵著災難就倒落去。</verse>
				<verse number="17">你的對敵跋倒，毋通歡喜；伊倒落去，你的心嘛毋通快樂，</verse>
				<verse number="18">才免上主看見無歡喜，煞互伊的受氣無臨到你的對敵。</verse>
				<verse number="19">毋通因為做歹的人心內不平，嘛毋通欣羨歹人，</verse>
				<verse number="20">因為歹人無好結局，𪜶的燈會熄去。</verse>
				<verse number="21">我的子啊，著敬畏上主及君王，毋通及反叛的人勾結，</verse>
				<verse number="22">因為毀滅會對上主及君王忽然臨到恁，𪜶欲降落的災難啥人會知？</verse>
				<verse number="23">下面所記嘛是智慧的人的話： 審判的時毋通有偏心。</verse>
				<verse number="24">給有罪的人判無罪，會受眾人咒詛，人人厭惡。</verse>
				<verse number="25">給歹人判有罪，會得著眾人歡喜；伊會大大受祝福。</verse>
				<verse number="26">用公正的話應答，表示真誠的友誼。</verse>
				<verse number="27">外面的代誌準備好勢， 田園好好種作， 才來起厝，成家立業。</verse>
				<verse number="28">毋通用無根據的見證陷害厝邊； 毋通作偽證欺騙人。</verse>
				<verse number="29">毋通講：「伊按怎對待我，我嘛欲按呢對待伊； 我欲照彼個人的所做給伊報復。」</verse>
				<verse number="30">我經過貧憚人的田園， 無智識的人的葡萄園，</verse>
				<verse number="31">看見莿發甲滿滿是， 草刺遮蓋地面， 石牆嘛倒落去。</verse>
				<verse number="32">我看見就深深想， 看了得著教示。</verse>
				<verse number="33">閣睏一久仔，閣眠一時仔， 閣撐一下仔，</verse>
				<verse number="34">散赤就親像賊來， 欠缺親像強盜到。</verse>
			</chapter>
			<chapter number="25">
				<verse number="1">下面嘛是 所羅門 的箴言，是 猶大 王 希西家 宮廷的人抄寫的。</verse>
				<verse number="2">人尊崇上帝，因為伊將代誌蓋密； 人尊敬君王，因為伊將代誌查明。</verse>
				<verse number="3">親像天赫呢高，地赫呢深， 王的心，人得了解。</verse>
				<verse number="4">銀的渣滓先除去， 銀匠才會當做出媠的器具；</verse>
				<verse number="5">王身邊的歹人先除去， 王位才會當用公義做基礎建立。</verse>
				<verse number="6">毋通佇王的面前自高自大， 嘛毋通佔大位。</verse>
				<verse number="7">寧可等人請你坐大位， 毋通佇有地位的人面前互人叫你落去。</verse>
				<verse number="8">毋通匆碰欲及人相告， 才免到尾受厝邊凌辱的時毋知欲按怎做。</verse>
				<verse number="9">你及厝邊有糾紛， 毋通漏洩別人的祕密，</verse>
				<verse number="10">才免聽見的人責備你， 你的臭名得洗清。</verse>
				<verse number="11">講話合宜， 親像金蘋果鑲佇銀盤。</verse>
				<verse number="12">智慧的人的責備，對歡喜聽受的人 親像金的耳鉤及純金的袚鍊。</verse>
				<verse number="13">可靠的使者互差伊的主人精神輕鬆， 親像熱天收割的時有霜雪的涼冷。</verse>
				<verse number="14">無送禮物，干焦誇口禮物偌好， 親像有風有雲，無落雨。</verse>
				<verse number="15">久長忍耐，權力者嘛會受感動； 溫柔的嘴舌會摃斷骨頭。</verse>
				<verse number="16">你若尋著蜜，食夠額就好， 才免食過頭煞吐出來。</verse>
				<verse number="17">毋通捷捷去尋厝邊， 才免伊起煩煞厭惡你。</verse>
				<verse number="18">作偽證陷害厝邊的人， 親像槌、刀，及利箭會傷害人。</verse>
				<verse number="19">患難的時信賴靠不住的人， 親像嘴齒斷去，腳脫輪。</verse>
				<verse number="20">對傷心的人唱歌， 親像冬天給伊褪外衫， 親像鹽撒佇孔嘴。</verse>
				<verse number="21">你的對敵若枵，著互伊食， 嘴焦，著互伊飲；</verse>
				<verse number="22">因為你按呢做，若準將啲𤏸的火炭疊佇伊的頭殼頂，互伊面紅知通見笑； 上主嘛會報賞你。</verse>
				<verse number="23">北風透就落雨； 誹謗的舌會惹人變面。</verse>
				<verse number="24">寧可𫢶厝頂的角頭， 嘛毋及吵鬧的婦仁人做夥住大間厝。</verse>
				<verse number="25">聽著好消息對遠遠來， 親像厭倦嘴焦的人飲著涼水。</verse>
				<verse number="26">義人佇歹人的面前屈服， 親像拍垃墋的井，踐濁去的水泉。</verse>
				<verse number="27">蜜食傷多毋好； 人過頭求家己的榮光嘛毋好。</verse>
				<verse number="28">𣍐曉控制家己的人， 親像無牆的城真緊受攻破。</verse>
			</chapter>
			<chapter number="26">
				<verse number="1">親像熱天落雪，收割的時落雨， 戇人得著尊榮，無合宜。</verse>
				<verse number="2">親像雀鳥仔飛起飛落，燕仔飛來飛去， 無理無由的咒詛𣍐發生作用。</verse>
				<verse number="3">對馬著用鞭，對驢著用咬韁； 戇人的尻脊著用籐條。</verse>
				<verse number="4">毋通照戇人的戇話應伊， 才免你及伊仝款。</verse>
				<verse number="5">著照戇人的戇話應伊， 才免伊看家己做有智識。</verse>
				<verse number="6">託戇人傳達消息， 親像斬斷家己的腳，傷害家己。</verse>
				<verse number="7">箴言佇戇人的嘴， 親像瘸去的腳無作用。</verse>
				<verse number="8">將尊榮互戇人， 親像用寶石做石頭囥佇挕索挕。</verse>
				<verse number="9">戇人的嘴講箴言， 親像醉漢攑有刺的樹枝亂捽。</verse>
				<verse number="10">倩戇人抑是醉漢做代誌， 親像箭亂射傷著人。</verse>
				<verse number="11">戇人一再做愚戇的事， 親像狗越轉來食家己吐出來的物。</verse>
				<verse number="12">你曾看著想講家己是聰明的人無？ 連戇人都比伊較有向望。</verse>
				<verse number="13">貧憚的人講：「路裡有獅， 街路裡有猛獅。」</verse>
				<verse number="14">貧憚人佇眠床翱來翱去， 親像門開來開去。</verse>
				<verse number="15">貧憚的人手伸到盤裡， 提到嘴嘛嫌費氣。</verse>
				<verse number="16">貧憚人看家己真巧， 贏過七個𠢕應答的人。</verse>
				<verse number="17">過路人去插及伊無關係的糾紛， 親像人去扭狗仔的耳仔。</verse>
				<verse number="18">人欺騙厝邊，講： 「我是啲滾笑」， 是親像𤞚人㧒火把、 利箭，及武器互人死。</verse>
				<verse number="19"></verse>
				<verse number="20">火無柴就化去； 無人學話，相爭就煞去。</verse>
				<verse number="21">愛相爭的人煽動紛爭， 親像炭上加炭，火上添柴。</verse>
				<verse number="22">耳孔邊的閒仔話親像好食物，一下入嘴就吞落腹。</verse>
				<verse number="23">嘴甜，心奸惡， 親像瓷器漆粗銀。</verse>
				<verse number="24">假好的人講好聽話， 心內卻存詭詐。</verse>
				<verse number="25">伊講好聽話，你毋通信， 因為伊心內有七項通厭惡。</verse>
				<verse number="26">伊雖然用詭詐掩蓋家己的怨恨， 伊的邪惡會露現佇公眾面前。</verse>
				<verse number="27">掘陷阱的人，家己會跋落彼內面； 翱石頭的人，石頭會翱倒轉來硩著家己。</verse>
				<verse number="28">白賊的舌會傷害人； 扶挺的嘴會毀滅人。</verse>
			</chapter>
			<chapter number="27">
				<verse number="1">毋通為著明仔載欲做的事誇口， 因為明仔載會發生什麼代誌你毋知。</verse>
				<verse number="2">著互別人謳咾，毋通家己褒； 著互外人稱讚你，毋通家己誇口。</verse>
				<verse number="3">石頭重，沙嘛重； 戇人惹起的禍端比此兩項閣較嚴重。</verse>
				<verse number="4">受氣猶會當當， 大受氣擔當， 怨妒，啥人擋會牢？</verse>
				<verse number="5">當面的責備， 贏過無表明的疼。</verse>
				<verse number="6">朋友造成的傷是出佇好意； 對敵的唚嘴是虛假。</verse>
				<verse number="7">人食飽，連蜜都討厭； 腹肚枵，連苦的物都好食。</verse>
				<verse number="8">人離開本所在去流浪， 親像鳥仔離開巢四界飛。</verse>
				<verse number="9">芳油及香料互人的心歡喜； 朋友真誠的勸勉互心得著鼓勵。</verse>
				<verse number="10">你的朋友及老父的朋友攏毋通放拺； 抵著患難的日毋通去兄弟的家； 近的厝邊贏過遠的兄弟。</verse>
				<verse number="11">我的子啊，著有智慧，互我的心歡喜， 互我通反駁恥笑我的人。</verse>
				<verse number="12">會變竅的人看著危險就閃避； 戇直的人進前去，受災害。</verse>
				<verse number="13">給生份人擔保，著提家己的衫去做抵押； 替外人保證著家己承擔後果。</verse>
				<verse number="14">透早給朋友吵醒， 祝福嘛變做咒詛。</verse>
				<verse number="15">吵鬧的某親像落雨天㴙㴙滴；</verse>
				<verse number="16">欲給伊擋，親像啲擋風擋𣍐牢， 親像手搙油搙𣍐牢。</verse>
				<verse number="17">朋友互相激勵， 親像鐵磨鐵，愈磨愈利。</verse>
				<verse number="18">管理無花果樹的，通食伊的果子； 照顧主人的，會得著尊榮。</verse>
				<verse number="19">人對水照出家己的面； 人對心看出家己的真像。</verse>
				<verse number="20">陰府及滅亡攏填𣍐滿； 人的慾望嘛永遠𣍐滿足。</verse>
				<verse number="21">煉銀用鼎，煉金用爐； 人對稱讚受考驗。</verse>
				<verse number="22">戇人按怎教都教𣍐巧。</verse>
				<verse number="23">著詳細知你羊群的狀況， 留心照顧你的牛群；</verse>
				<verse number="24">因為錢財𣍐永遠留啲， 王位嘛𣍐續到萬代。</verse>
				<verse number="25">草割起來，新芛茁出來， 山頂的牧草嘛收起來，</verse>
				<verse number="26">綿羊的毛就通剪起來做衫， 山羊通賣來買田園，</verse>
				<verse number="27">山羊母的奶互你及家內的人夠額通食， 閣通養飼女婢。</verse>
			</chapter>
			<chapter number="28">
				<verse number="1">歹人無人追趇嘛啲逃走； 好人親像獅攏𣍐驚。</verse>
				<verse number="2">國家動亂，統治者就捷捷換； 有明理及智識的領袖，國家就久長安定。</verse>
				<verse number="3">散赤人欺壓困苦人， 親像落大雨給五穀沖掉。</verse>
				<verse number="4">棄拺律法的謳咾歹人， 毋拘遵守律法的反對歹人。</verse>
				<verse number="5">邪惡的人無明白公義； 尋求上主的人完全明白。</verse>
				<verse number="6">行為正直的散赤人 較贏做代誌彎曲的好額人。</verse>
				<verse number="7">謹慎守律法的，是智慧的子； 及貪食的作伴，互父母見笑。</verse>
				<verse number="8">人靠放重利發財， 是啲給憐憫散赤人的積聚財富。</verse>
				<verse number="9">耳孔越走毋聽律法的人， 伊的祈禱上帝厭惡。</verse>
				<verse number="10">迷惑正直人行歹路， 會跋落去家己挖的陷坑， 毋拘純全的人會承接好的產業。</verse>
				<verse number="11">好額人看家己做有智慧， 毋拘伊有幾兩重，聰明的散赤人看甲真清楚。</verse>
				<verse number="12">義人勝利，人人慶祝； 歹人得志，人人閃匿。</verse>
				<verse number="13">遮蓋家己的罪過，一定𣍐亨通； 認罪悔改，一定得著憐憫。</verse>
				<verse number="14">不時敬畏上帝的人真有福氣！ 硬心的人會抵著災禍。</verse>
				<verse number="15">抵親像噤噤哮的獅及尋食的熊， 邪惡的統治者嘛按呢啲管轄散赤的人民。</verse>
				<verse number="16">無知的統治者施行暴政； 厭惡不義之財的人會長歲壽。</verse>
				<verse number="17">刣死人的著互伊一生做逃犯， 毋通救伊。</verse>
				<verse number="18">做代誌正直的人會安全； 做代誌彎曲的人會忽然跋倒失敗。</verse>
				<verse number="19">種作的人有夠額的米糧； 追求空空無價值的事會致到散赤。</verse>
				<verse number="20">有信用的人會得著真多福氣； 欲發橫財的人一定受刑罰。</verse>
				<verse number="21">看人大細目，毋著， 毋拘人會為著一塊仔餅犯法。</verse>
				<verse number="22">凍霜的人想欲緊發財， 無想講散赤啲聽候伊。</verse>
				<verse number="23">給人責備，到尾比給人扶挺 較會得著人歡喜接納。</verse>
				<verse number="24">偷提父母的物，閣講「這無算有罪」， 此款人及強盜像類。</verse>
				<verse number="25">貪心會引起相爭； 倚靠上主會得著豐盛。</verse>
				<verse number="26">想講家己是聰明的是戇人； 照智慧做代誌的人會安全。</verse>
				<verse number="27">賑濟散赤人𣍐致到欠缺； 假無看見會受真多咒詛。</verse>
				<verse number="28">歹人得志，人人走去匿； 𪜶若滅亡，義人就加添真多。</verse>
			</chapter>
			<chapter number="29">
				<verse number="1">人受責罰猶毋肯悔改， 會忽然失敗滅亡，𣍐赴給救。</verse>
				<verse number="2">義人執政，人民歡喜； 歹人掌權，人民吐氣。</verse>
				<verse number="3">意愛智慧，父母歡喜； 結交妓女，傾家蕩產。</verse>
				<verse number="4">王施行公義，國就穩固； 強收賄賂，國就滅亡。</verse>
				<verse number="5">扶挺厝邊， 是啲設羅網纏家己的腳。</verse>
				<verse number="6">歹人會互家己的罪纏著； 毋拘義人有歡呼有快樂。</verse>
				<verse number="7">義人關心散赤人的案情； 歹人攏無關心。</verse>
				<verse number="8">自高自大的人給城製造混亂， 毋拘有智慧的人會互受氣煞。</verse>
				<verse number="9">智慧的人及戇人相告， 戇人只有受氣抑是恥笑，攏𣍐解決。</verse>
				<verse number="10">愛刣人的怨恨純全的人， 毋拘正直的人保護伊的性命 。</verse>
				<verse number="11">戇人有受氣就攏摒出， 毋拘有智慧的人會曉控制受氣。</verse>
				<verse number="12">統治者若欲聽白賊話， 官員攏會變做歹。</verse>
				<verse number="13">散赤人及壓迫者有共同的所在： 上主攏互𪜶的目睭金，會看見。</verse>
				<verse number="14">王若照公正判斷困苦人， 伊的王位會永遠堅固。</verse>
				<verse number="15">管教及責督會加添智慧； 無管教的囝仔會互老母見笑。</verse>
				<verse number="16">歹人掌權，罪過就加添； 義人會看著𪜶失敗。</verse>
				<verse number="17">管教你的子，伊會互你安心， 閣會互你的心歡喜。</verse>
				<verse number="18">無上帝的指示，人民就放縱， 毋拘遵守律法的人真有福氣！</verse>
				<verse number="19">干焦用話，奴僕𣍐受管教； 伊明白嘛𣍐聽趁。</verse>
				<verse number="20">你曾看著隨便講話的人無？ 連戇人都比伊較有向望。</verse>
				<verse number="21">奴僕若對細漢就給伊倖， 此個奴僕到尾會搶奪主人的財產 。</verse>
				<verse number="22">歹性地的人會惹起冤家； 𠢕發受氣的人會犯真多罪過。</verse>
				<verse number="23">人驕傲會互家己見笑； 心謙卑會互家己得著尊榮。</verse>
				<verse number="24">及賊分偷來的物是無愛家己的性命； 伊雖然咒誓作證嘛𣍐講實話。</verse>
				<verse number="25">驚人無驚上帝是給家己設羅網， 毋拘信靠上主就有安穩。</verse>
				<verse number="26">真多人愛對統治者求情， 毋拘只有對上主才會得著公正的判決。</verse>
				<verse number="27">無公道的人，義人厭惡； 行為正直的人，歹人厭惡。</verse>
			</chapter>
			<chapter number="30">
				<verse number="1">下面是 雅基 的子 亞古珥 教示的話，伊對 以鐵 及 烏甲 按呢講：</verse>
				<verse number="2">「我是眾人中上愚戇的， 連一般人的智識都無。</verse>
				<verse number="3">我無學著智慧， 嘛無至聖的上帝的智識。</verse>
				<verse number="4">啥人曾上天閣落來？ 啥人曾用手搙著風？ 啥人曾用衫包水？ 啥人曾界定地的極頭？ 伊的名叫什麼，伊子的名叫什麼，你知無？</verse>
				<verse number="5">上帝的話逐句攏經過鍛鍊； 所有倚靠伊的人，伊做𪜶的盾牌。</verse>
				<verse number="6">伊的話，你毋通加添， 才免受責備，判做講白賊。</verse>
				<verse number="7">「我對你求兩項代誌； 佇我死以前毋通無互我。</verse>
				<verse number="8">求你互虛假及白賊離開我遠遠； 求你互我無散赤嘛無好額， 賜我需要的米糧，</verse>
				<verse number="9">才免我飽足毋認你，講上主是啥人； 才免我散赤煞偷提， 致到褻瀆我的上帝的名。</verse>
				<verse number="10">「毋通對主人講伊奴僕的歹話， 才免伊給你咒詛，你煞受責罰。</verse>
				<verse number="11">「有一寡人咒詛𪜶的老父， 嘛無給老母祝福。</verse>
				<verse number="12">有一寡人看家己做清氣， 毋拘無洗除家己的污穢。</verse>
				<verse number="13">有一寡人目頭高， 目神驕傲。</verse>
				<verse number="14">有一寡人的牙親像劍，齒親像刀， 欲吞食地上的困苦人及世間的散赤人。</verse>
				<verse number="15">「蜈蜞有兩個查某子不時喝講：『互我，互我。』 𣍐知足的有三項， 連𣍐講『夠額啦』有四項：</verse>
				<verse number="16">陰府、𣍐懷孕的胎、 較多水嘛無夠的地，及𣍐講『夠額』的火。</verse>
				<verse number="17">恥笑老父， 藐視，毋聽趁老母， 此款人的目睭會互山谷中的烏鴉啄去， 會互鷹鳥的子食去。</verse>
				<verse number="18">「我想𣍐出的奇妙有三項， 連我毋識的有四項：</verse>
				<verse number="19">鷹鳥佇空中的路， 蛇佇石磐頂的路， 船佇海中的路， 男女交合的路。</verse>
				<verse number="20">淫婦的路嘛了解： 伊食了就拭嘴， 講『我無做歹』。</verse>
				<verse number="21">「互大地搖動的有三項， 連擔當𣍐起的有四項：</verse>
				<verse number="22">奴僕做王， 戇人脹到飽，</verse>
				<verse number="23">無人緣的女子出嫁， 女婢取代女主人。</verse>
				<verse number="24">「地上有四項微細的動物， 毋拘極有智識：</verse>
				<verse number="25">蚼蟻雖然弱小， 毋拘會曉佇熱天準備食物；</verse>
				<verse number="26">石貛雖然無勇壯， 毋拘會曉佇石縫作巢；</verse>
				<verse number="27">草蜢雖然無王， 毋拘會曉組隊出去；</verse>
				<verse number="28">蟮蟲仔雖然人用手掠會著， 毋拘𫢶佇王宮。</verse>
				<verse number="29">「行路威風的有三項， 連腳步威風的有四項：</verse>
				<verse number="30">獅，野獸中第一猛的， 抵著什麼都𣍐閃避；</verse>
				<verse number="31">獵狗、山羊， 以及有軍兵保護的君王。</verse>
				<verse number="32">「你若自高自大憨憨仔做，抑是計謀歹代， 著用手掩嘴。</verse>
				<verse number="33">絞牛奶會出奶油， 拍著鼻會流血； 親像按呢，大受氣會起相爭。」</verse>
			</chapter>
			<chapter number="31">
				<verse number="1">利慕伊勒 王的老母教示伊的話：</verse>
				<verse number="2">「我的子，我親生的子， 我下願得著的子啊，我著給你講什麼？</verse>
				<verse number="3">毋通佇婦仁人身上用盡你的精力； 毀壞君王的路毋通行。</verse>
				<verse number="4">利慕伊勒 啊，作王的毋通飲酒，千萬毋通； 王親好厚酒嘛毋應該，</verse>
				<verse number="5">才免飲落去煞𣍐記得法令， 忽略困苦人的權益。</verse>
				<verse number="6">厚酒著互啲欲死的人， 薄酒互心艱苦的人；</verse>
				<verse number="7">互伊飲了𣍐記得家己的散赤， 𣍐記得伊的艱苦。</verse>
				<verse number="8">著為著𣍐講話的人發言， 為著所有無依倚的人申冤。</verse>
				<verse number="9">著開嘴照公義判斷， 為著困苦散赤的人申冤。」</verse>
				<verse number="10">有才德的婦仁人啥人尋會著？ 伊的價值大大超過珠寶。</verse>
				<verse number="11">伊的丈夫信賴伊， 什麼攏無欠缺。</verse>
				<verse number="12">伊一世人互丈夫有利益無損害。</verse>
				<verse number="13">伊尋羊毛及幼麻， 甘心親手做工。</verse>
				<verse number="14">伊親像商船， 對真遠的所在運米糧來。</verse>
				<verse number="15">天未光，伊就起來， 準備食物互家內的人， 將應該做的工課分派互女婢。</verse>
				<verse number="16">伊尋著合意的土地就買起來， 用伊的手所賺的栽種葡萄園。</verse>
				<verse number="17">伊穿衫撇紮，準備好勢， 手骨儼硬通出力工作。</verse>
				<verse number="18">伊知所經營的順利有利益； 伊的燈歸暝點光光。</verse>
				<verse number="19">伊的手提籰仔 ； 伊的手心按紡車。</verse>
				<verse number="20">伊慷慨賑濟困苦人， 伸手幫贊散赤人。</verse>
				<verse number="21">伊免為著落雪為家內的人煩惱， 因為全家攏有厚衫通穿。</verse>
				<verse number="22">伊為家己做媠的毯仔； 伊所穿的就是幼麻布及紫色布做的衫。</verse>
				<verse number="23">伊的丈夫佇城門口人人攏識， 因為伊及本地的長老做夥坐。</verse>
				<verse number="24">伊做幼麻布的衫去賣， 閣賣腰帶互生理人。</verse>
				<verse number="25">伊用氣力及威儀做衫穿； 伊想著將來的景況就笑微微。</verse>
				<verse number="26">伊開嘴講智慧的話； 伊的舌有仁慈的教示。</verse>
				<verse number="27">伊𠢕料理家內的事， 無食閒飯。</verse>
				<verse number="28">伊的子兒睏醒起來就給伊祝福； 伊的丈夫嘛稱讚伊，講：</verse>
				<verse number="29">「婦仁人好德行的真多， 毋拘你上好。」</verse>
				<verse number="30">外表好看是虛假，媠嘛是空空， 毋拘敬畏上主的婦仁人會得著謳咾。</verse>
				<verse number="31">伊的手所做的成果著給伊肯定； 伊所做的應該佇公眾面前得著稱讚。</verse>
			</chapter>
		</book>
		<book number="21">
			<chapter number="1">
				<verse number="1">佇 耶路撒冷 作王， 大闢 的子，傳道者的話。</verse>
				<verse number="2">我 — 傳道者講：空虛的空虛；空虛的空虛；一切攏是空虛。</verse>
				<verse number="3">人一切的勞苦拍拼，就是佇日光下面的勞碌有什麼利益？</verse>
				<verse number="4">一代過了閣一代，毋拘地照常存在。</verse>
				<verse number="5">日出，日落，緊緊倒轉去出來的所在。</verse>
				<verse number="6">風向南吹，閣倒轉向北，無停轉踅，閣踅轉去原來的所在。</verse>
				<verse number="7">江河攏流入海，毋拘海嘛𣍐滿；江河流到叨位，閣流轉去原來的所在。</verse>
				<verse number="8">諸個代誌互人倦閣畏；講嘛講𣍐了，看嘛看𣍐飽，聽嘛聽𣍐完。</verse>
				<verse number="9">以前已經有的，將來會閣有；以前已經做的，將來會閣做；日光的下面無新的代誌。</verse>
				<verse number="10">豈有什麼事，人會當講「你看，這是新的」？佇咱以前的世代，早就有啦。</verse>
				<verse number="11">已經過去的世代，無人會記得；將來的世代，後來的人嘛𣍐記得。</verse>
				<verse number="12">我 — 傳道者曾佇 耶路撒冷 做 以色列 王。</verse>
				<verse number="13">我專心用智慧研究查考天下所發生一切的代誌，就知這是上帝所互人無意義的勞苦。</verse>
				<verse number="14">我觀察日光的下面所發生一切的代誌，看出一切攏是空虛，攏是掠風。</verse>
				<verse number="15">彎曲的𣍐當互伊直；欠缺的補𣍐滿。</verse>
				<verse number="16">我想講，我有大智慧，比前到今所有治理 耶路撒冷 的人較有智慧；我嘛有吸收真多智慧及見識。</verse>
				<verse number="17">我專心致意明白智慧，愛明白癲狂及愚戇，就知這嘛是掠風。</verse>
				<verse number="18">因為人愈有智慧愈有煩惱，愈有智識愈有憂傷。</verse>
			</chapter>
			<chapter number="2">
				<verse number="1">我對家己講：來，來追求享樂，看有什麼好處。結果，這嘛是空虛。</verse>
				<verse number="2">我講：耍笑是癲狂；享樂嘛是空空。</verse>
				<verse number="3">我想欲用酒互身軀爽快，過愚戇的生活。毋拘，我的心猶久愛互智慧引導，通知人短短的一生什麼是上好的生活。</verse>
				<verse number="4">我為著家己興起大工程：起真多厝，栽種葡萄，</verse>
				<verse number="5">修造花園及果子園，佇彼內面栽種逐種果子樹；</verse>
				<verse number="6">閣開水池灌沃樹林內的樹仔栽。</verse>
				<verse number="7">我有買男女奴隸，嘛有出世佇我家內的；閣有真多牛群、羊群，比我以前佇 耶路撒冷 許個人所有的較多。</verse>
				<verse number="8">我嘛為家己積聚金銀，收集列王及逐省的財寶；閣得著唱歌的男女，真多宮妃，以及世間人所意愛的享受。</verse>
				<verse number="9">按呢我就比以前所有佇 耶路撒冷 的人閣較興旺；閣智慧嘛無離開我。</verse>
				<verse number="10">我的目睭所愛的，我無給伊阻擋；我的心所歡喜的，我無給伊禁止；因為我的心對我所拍拼的感覺滿足；這是我拍拼得著的報賞。</verse>
				<verse number="11">毋拘我看我的手所做的一切，以及我勞碌所達成的，攏是空虛，攏是掠風；日光的下面攏無利益。</verse>
				<verse number="12">我越轉來觀察智慧、癲狂，及愚戇。王的繼承人豈會當閣做什麼？不過做以前的王所做的若定。</verse>
				<verse number="13">我看出智慧比愚戇較好，親像光明比烏暗較好。</verse>
				<verse number="14">智慧的人看清楚頭前的路，愚戇的人佇烏暗中摸無路。毋拘我嘛知𪜶的結局攏像款。</verse>
				<verse number="15">我心內想，戇人抵著的，我嘛會抵著；按呢我有智慧有什麼利益？我心內講：這嘛是空虛。</verse>
				<verse number="16">智慧的人及愚戇的人平平攏𣍐永遠互人記念，因為到尾攏會互人𣍐記得。嗐！愚戇的人死，智慧的人嘛著死。</verse>
				<verse number="17">所以我怨慼性命，因為日光的下面所發生的代誌攏互我憂苦。這攏是空虛，攏是掠風。</verse>
				<verse number="18">我厭惡一切的勞碌，因為我佇日光的下面勞碌所達成的，攏著留互我的繼承人。</verse>
				<verse number="19">彼個人是智慧抑是愚戇啥人知；我佇日光的下面，用智慧拍拼所做的，攏會互伊掌管。這嘛是空虛。</verse>
				<verse number="20">按呢，對前到今佇日光下面的勞苦拍拼，我感覺真失望。</verse>
				<verse number="21">有人用智慧，用智識，用本事拍拼得著的，煞著留互毋曾為著許個財產拍拼的人做產業。這嘛是空虛，是大不幸。</verse>
				<verse number="22">人佇日光的下面拍拼操煩，有得著什麼？</verse>
				<verse number="23">伊一生的年日操煩，勞碌工作，連暝時心都無安寧。這嘛是空虛。</verse>
				<verse number="24">人上好是來食來飲，享受𪜶拍拼得著的成果。我看這嘛是上帝的安排。</verse>
				<verse number="25">若毋是對上帝，啥人會當飲食，享樂？</verse>
				<verse number="26">上帝將智慧、智識、快樂賜互伊所歡喜的人；毋拘有罪的人上帝互𪜶勞苦，將𪜶收拾積聚的，歸互伊所歡喜的人。這嘛是空虛，嘛是掠風。</verse>
			</chapter>
			<chapter number="3">
				<verse number="1">天下萬項事攏有伊的期； 事事攏有伊的時：</verse>
				<verse number="2">生有時，死有時； 栽種有時，摳所栽種的有時；</verse>
				<verse number="3">刣有時，醫好有時； 拆毀有時，起造有時；</verse>
				<verse number="4">哭有時，笑有時； 哀傷有時，跳舞有時；</verse>
				<verse number="5">同房有時，分房有時 ； 親熱有時，冷淡有時；</verse>
				<verse number="6">抄尋有時，失落有時； 保存有時，放拺有時；</verse>
				<verse number="7">拆有時，補有時； 靜靜有時，講話有時；</verse>
				<verse number="8">疼有時，怨有時； 戰爭有時，和平有時。</verse>
				<verse number="9">作工的人對伊所勞碌拍拼的有得著什麼？</verse>
				<verse number="10">我有看見上帝互世間人背重擔，互𪜶𣍐當清閒。</verse>
				<verse number="11">上帝互伊所造的一切合𪜶的時，攏真好；閣將永遠此個觀念下佇人的心；毋拘上帝對頭到尾所做的，人𣍐當了解。</verse>
				<verse number="12">我知人活啲上好是快樂閣做好事。</verse>
				<verse number="13">人嘛食嘛飲，享受伊拍拼得著的，佇伊一切所勞碌的來享福，這嘛是上帝所賜。</verse>
				<verse number="14">我知上帝所做的一切攏會留到永遠，𣍐加添，𣍐減少。上帝按呢做，是欲互人佇伊的面前心存敬畏。</verse>
				<verse number="15">現在有的以前已經有；將來欲有的早已經有；過去的代誌上帝會閣互伊發生。</verse>
				<verse number="16">我閣看著日光的下面，佇審判的所在有邪惡，佇公義的所在嘛有邪惡。</verse>
				<verse number="17">我心內講：上帝欲平平審判義人及歹人，因為逐項代誌、逐項行為攏有伊一定的時。</verse>
				<verse number="18">我心內講：關係世間人，上帝欲試驗𪜶，互𪜶知𪜶不過及牲生仝款。</verse>
				<verse number="19">因為世間人的命運及牲生的命運攏像款；此個死，彼個嘛死，攏像款只有一口氣；人無比牲生較好，這攏是空虛。</verse>
				<verse number="20">𪜶攏去到仝一個所在；攏對土粉出，嘛攏歸土粉。</verse>
				<verse number="21">啥人知人的性命 上頂面，獸的性命落地下？</verse>
				<verse number="22">所以，人上好是會當享受家己所拍拼的成果，因為這是伊的報賞。死後的代誌，啥人會當互伊看著？</verse>
			</chapter>
			<chapter number="4">
				<verse number="1">我閣看著佇日光的下面所發生一切壓迫的代誌：受壓迫的人流目屎，無人給𪜶安慰；因為壓迫𪜶的有勢力，受壓迫的無人給𪜶安慰。</verse>
				<verse number="2">因為按呢，我給許個已經死去的人恭喜，𪜶比猶活啲的人較幸福。</verse>
				<verse number="3">閣許個猶未出世，未看見日光下面所發生歹的代誌的，我看𪜶比此兩款人猶較好。</verse>
				<verse number="4">我閣看著人一切的勞苦及逐款工作的成就，是因為人及人中間的怨妒競爭造成的。這嘛是空虛，嘛是掠風。</verse>
				<verse number="5">愚戇的人手攬胸毋做代誌，枵甲餓死。</verse>
				<verse number="6">一手滿滿毋拘安然自在，比雙手滿滿著勞碌閣掠風較好。</verse>
				<verse number="7">我閣看著佇日光的下面有空虛的事：</verse>
				<verse number="8">有人孤單無伴，無子嘛無兄弟，猶久勞碌無煞，無看所有的財富做夠額。伊講：我勞碌刻苦，無享福，到底是為啥人？這嘛是空虛，是無意義的工作。</verse>
				<verse number="9">兩個人比一個較好，因為兩個合作會得著較好的效果；</verse>
				<verse number="10">若一個跋倒，猶有一個會當給伊扶起來；若家己一個，跋倒的時無人通給伊扶起來，此個人就真不幸。</verse>
				<verse number="11">兩個人做夥睏較燒烙，家己一個哪會燒？</verse>
				<verse number="12">受攻擊的時，干焦一個人拍𣍐贏，若有兩個就會當抵抗。三股的索無赫好擦斷。</verse>
				<verse number="13">散赤有智慧的少年人比年老毋肯受忠告愚戇的王較好。</verse>
				<verse number="14">有人對監獄出來，後來作王；有人出世佇王宮，後來變做散赤。</verse>
				<verse number="15">我看佇日光的下面啲生活的人民攏跟隨續接作王的少年人。</verse>
				<verse number="16">伊有領導真多人民，毋拘後來的人對伊無合意。這嘛是空虛，嘛是掠風。</verse>
			</chapter>
			<chapter number="5">
				<verse number="1">你若去上帝的殿，腳步著謹慎；進前來聽比戇人獻祭較好，因為𪜶干焦會曉做歹。</verse>
				<verse number="2">佇上帝面前你毋通隨便講話，嘛毋通急欲講；因為上帝佇天你佇地，所以你的話著少。</verse>
				<verse number="3">代誌多，厚眠夢；厚話會顯出愚戇。</verse>
				<verse number="4">你對上帝下願，著緊謝願；因為伊無愛愚戇的人；你下的願著謝。</verse>
				<verse number="5">下願無謝，寧可無下。</verse>
				<verse number="6">毋通因為你的話致到家己犯罪，嘛毋通佇上帝的使者面前講所下的願毋著。是按怎欲互上帝因為你的話受氣，破壞你的所做？</verse>
				<verse number="7">眠夢多，話就多，無意義的事嘛多；只有著敬畏上帝。</verse>
				<verse number="8">你若看著散赤人受官員壓迫，抑是正直公義受剝奪，毋免因為按呢感覺奇怪；因為官員攏有較高的官啲給𪜶保護。</verse>
				<verse number="9">土地有好的收成，百姓才好過日，總是得著上大利益的是君王。</verse>
				<verse number="10">愛錢的𣍐因為錢知足；愛好額的𣍐因為所賺的知足。這嘛是空虛。</verse>
				<verse number="11">財富加添，靠伊食的人嘛加添；按呢伊有得著什麼利益？不過是看會著若定。</verse>
				<verse number="12">勞工無論食多食少攏好睏；好額人食甲飽飽嘛睏𣍐去。</verse>
				<verse number="13">我看見日光的下面有一項大不幸，就是財主錢守牢牢煞害著家己。</verse>
				<verse number="14">伊因為事業無順，錢財無去；有子嘛無什麼通留互伊。</verse>
				<verse number="15">伊褪裼出母胎，嘛會褪裼倒去；伊勞碌得著的，一項嘛𣍐當帶去。</verse>
				<verse number="16">伊來的時按怎，去的時嘛是按呢；這嘛是一項大不幸；伊勞碌掠風有什麼利益？</verse>
				<verse number="17">毋若按呢，伊一世人佇烏暗中啲生活，有真多煩惱，嘛有病疼及受氣。</verse>
				<verse number="18">照我看，上好的人生就是人佇上帝所賜有限的年日飲食，享受日光下面勞碌所得著的成果，因為這是伊應得的份額。</verse>
				<verse number="19">上帝若互人有財富、產業，通快樂享受伊勞碌得著的份額，這是上帝的恩賜。</verse>
				<verse number="20">伊毋免為著一生的年日操煩，因為上帝互伊的心充滿歡喜。</verse>
			</chapter>
			<chapter number="6">
				<verse number="1">我看見日光的下面有一項不幸重重硩佇人的身上。</verse>
				<verse number="2">有人得著上帝賜伊錢財、好額、尊貴，伊的心所愛的無欠半項；毋拘上帝互伊𣍐當享受，反轉互外人享受；這嘛是空虛，是大悲哀。</verse>
				<verse number="3">人若有一百個子，閣食長歲壽，雖然活真多歲，毋拘無享福無滿足，閣無得著安葬；我講，流產的胎嘛比伊較好。</verse>
				<verse number="4">此個胎來是空虛，隨時進入烏暗；伊的名受烏暗蓋密消失。</verse>
				<verse number="5">伊毋曾看著日光，嘛無知覺，猶久比彼個老人得著較好的安歇。</verse>
				<verse number="6">彼個人雖然活到一千年閣一千年，毋拘無享福；𪜶兩款人豈毋是攏著去仝一個所在？</verse>
				<verse number="7">人的勞碌攏是為著腹肚，毋拘食慾永𣍐滿足。</verse>
				<verse number="8">智慧的人比愚戇的人豈有較𠢕？散赤人知按怎作人，豈有路用？</verse>
				<verse number="9">目睭看著的比心想的較好。這嘛是空虛，嘛是掠風。</verse>
				<verse number="10">已經有的，早就號名；人是什麼，嘛早就知；無人會當及比伊較強的對抗。</verse>
				<verse number="11">話多，空虛就愈多，對人有什麼利益？</verse>
				<verse number="12">人一生虛度光陰親像影過去，啥人會知人活啲的時什麼上好？啥人會當給伊講，伊死後，佇日光的下面會發生什麼代誌？</verse>
			</chapter>
			<chapter number="7">
				<verse number="1">好名聲贏過好的芳油；人死的日比出世的日較好。</verse>
				<verse number="2">去喪事的家比去宴樂的家較好，因為死是眾人的結局；活人嘛著將此個代誌囥佇心內。</verse>
				<verse number="3">憂悶比笑較好；因為面帶憂容對心有好處。</verse>
				<verse number="4">智慧的人的心佇喪事的家；愚戇的人的心佇快樂的家。</verse>
				<verse number="5">聽智慧人的責備，比聽愚戇的人的稱讚較好。</verse>
				<verse number="6">戇人的笑親像鼎下燒刺仔啲𤏸的聲；這嘛是空虛。</verse>
				<verse number="7">恐嚇取財會互智慧的人變做戇；賄賂會互人的心腐敗。</verse>
				<verse number="8">代誌的結局比代誌的開始較好；吞忍比驕傲較好。</verse>
				<verse number="9">毋通隨便受氣，因為受氣是愚戇。</verse>
				<verse number="10">毋通講：是按怎以前比現在較好？按呢問是無智慧。</verse>
				<verse number="11">智慧及家業攏是好；對活佇日光下面的人攏有利益。</verse>
				<verse number="12">因為智慧會致蔭人，錢銀嘛會致蔭人；毋拘只有智慧會保全有智慧的人的性命。這就是有智識的好處。</verse>
				<verse number="13">你著想上帝的作為；上帝互伊彎的，啥人會當互伊直？</verse>
				<verse number="14">順境的時著歡喜，患難的時著想：此兩項攏是上帝的作為，是欲互人查𣍐出將來會發生什麼代誌。</verse>
				<verse number="15">佇空虛的人生我有看著：有義人做好顛倒滅亡，有歹人做歹顛倒食長歲壽。</verse>
				<verse number="16">毋通過頭做好，毋通過頭聰明；哪著毀滅家己？</verse>
				<verse number="17">毋通過頭做歹，嘛毋通做戇人；哪著時未到就死？</verse>
				<verse number="18">你掠牢此頭，彼頭嘛毋通放去；敬畏上帝的人會曉雙頭兼顧。</verse>
				<verse number="19">智慧會互智慧的人有能力贏過城內十個掌權者。</verse>
				<verse number="20">世間無一個只有行善無犯罪的義人。</verse>
				<verse number="21">別人講的話毋通攏囥佇心內；你可能會聽著你的僕人給你咒罵，</verse>
				<verse number="22">因為你家己知，你嘛曾真多遍咒罵別人。</verse>
				<verse number="23">諸個代誌，我曾用智慧試驗；我講：我欲做有智慧的人；毋拘智慧離開我真遠。</verse>
				<verse number="24">智慧遠閣深，豈有人尋會著？</verse>
				<verse number="25">我一心一意愛知，愛查考，愛尋求智慧及萬有存在的理由，通知邪惡是愚戇，愚蠢是癲狂。</verse>
				<verse number="26">我閣發見，歹的查某人比死較恐怖；伊是活罩，伊的心是羅網，手是鎖鍊。上帝意愛的人攏會當閃避，毋拘邪惡的人會互伊掠著。</verse>
				<verse number="27">傳道者講：看咧，我愛知萬有存在的理由，一項一項給伊比較，就尋著此個 —</verse>
				<verse number="28">我一直啲尋，猶尋𣍐著 — 佇一千人的中間我尋會著一個查甫人是正直，毋拘連一個正直的查某人都尋𣍐著。</verse>
				<verse number="29">看咧，我只有尋著此個，就是上帝創造的人本來是正直，總是𪜶想出真多詭計。</verse>
			</chapter>
			<chapter number="8">
				<verse number="1">啥人真正有智慧？啥人會曉解釋代誌？人的智慧互伊的面有光彩，嘛互伊兇惡的面改變。</verse>
				<verse number="2">著守王的命令，因為你有指上帝宣誓。</verse>
				<verse number="3">佇王的面前毋免驚，毋拘勢面若僫，著趕緊離開；因為伊愛做什麼就做什麼。</verse>
				<verse number="4">王的話有權；啥人敢對伊講：你啲創什麼？</verse>
				<verse number="5">守命令的人𣍐抵著災禍；智慧的人看清楚時勢，會曉判斷。</verse>
				<verse number="6">雖然苦難重重硩佇人的身上，毋拘逐項事攏有伊適當的時及結局。</verse>
				<verse number="7">伊毋知將來會發生什麼代誌；嘛無人會當給伊講將來會按怎。</verse>
				<verse number="8">無人會當支配家己的性命，嘛無人有權決定伊死的日；此款生死的掙扎人𣍐當避免，罪惡嘛𣍐當救做歹的人。</verse>
				<verse number="9">諸個我攏有看著，嘛專心查考日光的下面所發生一切的代誌；有時此個人管轄別人，結果害著家己。</verse>
				<verse number="10">我看著歹人受著隆重的埋葬，送葬的人對墓地轉來，已經𣍐記得彼個人佇城內所做的歹代；這嘛是空虛。</verse>
				<verse number="11">罪定了無隨時執行，世間人才會大膽做歹。</verse>
				<verse number="12">罪人做歹一百遍，猶久食長歲壽，毋拘我確實知，驚畏上帝的人，因為心存敬畏，最後會得著福氣。</verse>
				<verse number="13">總是歹人𣍐得著福氣，親像影真緊就無去，因為伊無敬畏上帝。</verse>
				<verse number="14">佇世間閣有一項空虛的代誌，就是義人抵著歹人該受的報應，歹人得著義人應得的報賞；我講：這嘛是空虛。</verse>
				<verse number="15">所以我鼓勵人享受快樂。因為人佇日光的下面亦食亦飲是上大的享樂。這是上帝互人佇日光的下面拍拼應該得著的享受。</verse>
				<verse number="16">我專心追求智慧閣觀察世間所發生的代誌，甚至暝日攏無睏。</verse>
				<verse number="17">我有看見上帝一切的作為，佇日光的下面所發生的代誌，人攏尋𣍐著發生的理由；人無論按怎抄尋都尋𣍐著；連有智慧的人，雖然想講伊知，嘛尋𣍐著。</verse>
			</chapter>
			<chapter number="9">
				<verse number="1">我將這一切的代誌囥佇心內詳細想，就知義的人及智慧的人，以及𪜶的一舉一動，連疼及恨，攏佇上帝的手內，人𣍐當代先知。</verse>
				<verse number="2">眾人的命運攏仝款：義人及邪惡的人，好人及歹人，清氣的人及無清氣的人，獻祭的人及無獻祭的人，攏像款；好人按怎，罪人嘛按呢；咒誓的人按怎，毋敢咒誓的人嘛按呢。</verse>
				<verse number="3">佇日光的下面所發生一切的代誌，有一項不幸，就是眾人的遭遇攏仝款；世間人的心充滿邪惡，活的時心內癲狂，最後攏著死。</verse>
				<verse number="4">人猶啲活就有向望，因為活的狗比死的獅較好。</verse>
				<verse number="5">活啲的人知𪜶會死；死的人什麼都毋知，嘛𣍐閣得著報賞；𪜶的名無人會記得。</verse>
				<verse number="6">𪜶的疼，𪜶的恨，𪜶的怨妒，攏已經消失。佇日光的下面所發生一切的代誌，永遠無𪜶的份。</verse>
				<verse number="7">做你去，歡喜食你的飯，快樂飲你的酒，因為上帝已經接納你的所做。</verse>
				<verse number="8">你著不時穿媠的衫；頭殼著常常抹油。</verse>
				<verse number="9">佇你一生空虛的日子，就是上帝賜你佇日光的下面空虛的日子，著及你所疼的某快樂過日；因為彼是你在生，佇日光的下面拍拼所得著的福分。</verse>
				<verse number="10">你的手應該做的代誌著盡力去做，因為佇你欲去的陰間無工作，無計劃，無學識，嘛無智慧。</verse>
				<verse number="11">我閣看著佇日光的下面，𠢕走的無一定會先到，有力的無一定會較贏，聰明的無一定會得著米糧，明理的無一定會好額，有學識的無一定受看重；𪜶所抵著的攏在佇時及機會。</verse>
				<verse number="12">人的時家己毋知，親像魚不幸互網網著，鳥互羅網當著，災禍忽然到的時，世間人陷落彼內面嘛是按呢。</verse>
				<verse number="13">我看著日光的下面有一項智慧，照我觀察真特別。</verse>
				<verse number="14">有一個真細的城，彼內面人真少；有一個強的王來攻擊，圍困，閣起高的土堆給伊攻擊。</verse>
				<verse number="15">城內有一個散赤卻有智慧的人，有用伊的智慧救彼個城；後來無人記得伊。</verse>
				<verse number="16">我講：「智慧贏過氣力。」總是散赤人的智慧煞互人看輕，伊的話無受重視。</verse>
				<verse number="17">智慧的人輕輕仔講的話，比戇人的頭目大聲嚷較有人聽。</verse>
				<verse number="18">智慧贏過交戰的武器；總是一遍失錯會破壞真多好事。</verse>
			</chapter>
			<chapter number="10">
				<verse number="1">死去的胡蠅互歸罐芳油發出臭味；小可的愚戇比智慧及尊貴較有力。</verse>
				<verse number="2">智慧的人的心向正路；愚戇的人的心向偏路。</verse>
				<verse number="3">愚戇的人欠缺智慧，連出門嘛沿路顯出家己是戇人。</verse>
				<verse number="4">掌權者若對你發受氣，毋通離開你的職位，因為冷靜 會當互你避免大過失。</verse>
				<verse number="5">我看著日光的下面有一項不幸，是掌權者造成的錯誤，</verse>
				<verse number="6">就是安排戇人坐高位，好額人坐低位。</verse>
				<verse number="7">我看見奴僕騎馬，貴族親像奴僕行路。</verse>
				<verse number="8">掘陷坑的人會家己跋落彼內面；拆牆的人會互蛇咬著。</verse>
				<verse number="9">拍石的人會互石傷著；破柴的人會互柴摃著。</verse>
				<verse number="10">斧頭鈍，若無磨互利，就著加出真多力；活用智慧，會贊人成功。</verse>
				<verse number="11">弄蛇的猶未弄，就互蛇咬著，伊就免閣弄。</verse>
				<verse number="12">智慧的人講話人人合意；愚戇的人開嘴家己惹災禍。</verse>
				<verse number="13">戇人開嘴講戇話，到尾變𤞚話。</verse>
				<verse number="14">戇人厚話，話講𣍐煞。 人毋知將來會按怎；伊死後發生的代誌，啥人會當給伊講？</verse>
				<verse number="15">戇人出戇力拼甲倦篤篤，連入城的路都尋無。</verse>
				<verse number="16">若囝仔作王，官長透早就啲宴樂，彼個國家有災禍啊。</verse>
				<verse number="17">若尊貴的人作王，官長照時飲食，毋是因為好酒，是為著欲得著氣力，彼個國家真有福氣。</verse>
				<verse number="18">貧憚，厝蓋會塌落去；手無愛振動，厝會漏。</verse>
				<verse number="19">宴席互人歡喜，酒互人快樂，錢銀解決萬事。</verse>
				<verse number="20">毋通咒詛君王，連想嘛毋通；佇房間內毋通咒詛好額人，因為空中的鳥仔會傳播此個消息，有翼的會傳話。</verse>
			</chapter>
			<chapter number="11">
				<verse number="1">將你的米糧囥佇水面互伊流去，過一段時間會閣得著。</verse>
				<verse number="2">將產業分做七份抑是八份，因為毋知將來有什麼災難。</verse>
				<verse number="3">雲若有水氣滿滿，雨就摒落地；樹若倒向南抑是向北，倒佇什麼所在，就定定佇遐。</verse>
				<verse number="4">看風勢的人𣍐去撒種；觀察天色的人𣍐去收割。</verse>
				<verse number="5">性命的活氣按怎佇老母的子宮成做形體，你毋知；創造萬物的上帝的作為，你嘛毋知。</verse>
				<verse number="6">早起時著撒種，到下昏時手嘛毋通停；因為你毋知會結實的是此個抑是彼個；抑是兩個攏會結實。</verse>
				<verse number="7">光實在真好；目睭看著日頭真歡喜。</verse>
				<verse number="8">人活偌久，著快樂赫久；毋拘嘛著記得烏暗的日子，因為烏暗的日子會真久。欲發生的事攏是空虛。</verse>
				<verse number="9">少年人啊，著佇年輕的時歡喜快樂；佇少年的日，照心所意愛，目睭所看見的去做；總是著知，為著這一切，你著對上帝負責。</verse>
				<verse number="10">著將操煩對你的心掃除，痛苦對身軀除去；因為青春無久長，攏是空虛。</verse>
			</chapter>
			<chapter number="12">
				<verse number="1">著佇少年的時記念創造你的主。佇年老痛苦的日猶未到，就是你所講「我無快樂」的年猶未來以前；</verse>
				<verse number="2">佇日及光，月及星猶未變暗，雨落了烏雲猶未閣來以前；</verse>
				<verse number="3">彼時，顧厝的人皮皮惙，有力的查甫人曲痀，挨磨的查某人減少煞停工，對窗仔啲看的婦仁人目睭煙暈，</verse>
				<verse number="4">迵街路的大門關啲，挨磨的聲愈細聲，鳥仔啲哮的聲強欲聽無，查某囝仔唱歌的聲啲欲恬去；</verse>
				<verse number="5">人驚𬦰高，驚路裡危險毋敢出門；杏樹開花，草蜢肥甲𣍐跳，慾情衰退；人轉去永遠的厝，歸陣送葬的人佇街路那行那哮；</verse>
				<verse number="6">佇銀鍊仔猶未斷，金碗猶未破，水泉邊的水瓶猶未損壞，汲鼓井水的車輪猶未歹去，</verse>
				<verse number="7">土粉歸回大地，靈魂倒轉去賜活命的上帝遐以前，著記念創造你的主。</verse>
				<verse number="8">傳道者講：「空虛的空虛，一切攏是空虛。」</verse>
				<verse number="9">傳道者毋若有智慧，閣繼續對民眾傳授智識；伊閣靜靜聽，查考，照次序編排真多箴言。</verse>
				<verse number="10">傳道者專心尋激勵人的話，正確記錄真理的話。</verse>
				<verse number="11">智慧的人的話親像刺棍；編輯者的話親像釘牢牢的釘仔，攏是對仝一個牧者來的。</verse>
				<verse number="12">我的子啊，猶有一項，你著受勸戒；著冊多，無窮盡；冊讀多，身軀會厭倦。</verse>
				<verse number="13">諸個事你攏已經聽了，結尾來講，著敬畏上帝，謹慎守伊的誡命；這是作人應盡的本分。</verse>
				<verse number="14">人所做的代誌及一切祕密的事，無論好抑是歹，上帝攏欲審判。</verse>
			</chapter>
		</book>
		<book number="22">
			<chapter number="1">
				<verse number="1">所羅門 詩歌 中的詩歌。</verse>
				<verse number="2">來，用你的嘴給我唚； 你的愛情比酒較好。</verse>
				<verse number="3">你的芳油實在真芳； 你的名親像倒出來的芳油； 所以，無一個查某囝仔無愛你。</verse>
				<verse number="4">請牽我，咱緊來走！ 王啊，導我入去你的房間， 咱來歡喜快樂； 你的愛情比酒較好， 莫怪所有的查某囝仔攏愛你。</verse>
				<verse number="5">耶路撒冷 的查某囝仔啊， 我烏，毋拘 生做媠， 親像 基達 的布棚， 親像 所羅門 的帳簾。</verse>
				<verse number="6">毋通因為我皮膚烏烏直直給我看， 彼是日頭曝的。 我的兄弟對我受氣， 叫我去顧葡萄園； 我煞𣍐當照顧家己的園。</verse>
				<verse number="7">我心愛的啊，給我講， 你佇什麼所在啲飼羊，中晝佇叨位互羊歇睏， 我才免佇你同伴的羊群中四界尋你。</verse>
				<verse number="8">查某囝仔中上媠的啊，你若毋知我佇叨位， 隨羊群的腳跡去， 佇牧者的布棚邊飼你的山羊仔。</verse>
				<verse number="9">我的愛人，我看你親像法老戰車的馬。</verse>
				<verse number="10">你鬢邊的妝飾互你的面真媠； 你的頷頸掛真珠鍊真好看。</verse>
				<verse number="11">阮欲給你做金的鍊仔，鑲銀的鈕仔。</verse>
				<verse number="12">王坐桌的時， 我的哪噠芳油淐出芳味。</verse>
				<verse number="13">我親愛的，你是一包沒藥， 掛佇我的胸前。</verse>
				<verse number="14">我親愛的，你是一葩指甲花， 佇 隱‧基底 的葡萄園內啲開。</verse>
				<verse number="15">我的愛人，你真媠，實在真媠！ 你的目睭親像粉鳥。</verse>
				<verse number="16">我親愛的，你真英俊，我真合意！ 咱用青翠的草埔做床舖，</verse>
				<verse number="17">用柏香柴做厝的樑， 松柏柴做桷仔 。</verse>
			</chapter>
			<chapter number="2">
				<verse number="1">我是 沙崙 的玫瑰花， 是山谷的百合花。</verse>
				<verse number="2">我的愛人佇查某囝仔中， 親像莿內的百合花。</verse>
				<verse number="3">我親愛的佇查甫囝仔中， 親像樹林內的蘋果樹； 我真愛坐佇伊的蔭影下， 伊的果子我食起來真甜。</verse>
				<verse number="4">伊導我入宴席廳， 用愛情的旗蓋佇我的頂面，</verse>
				<verse number="5">用葡萄乾丸補我的力， 用蘋果贊我的元氣； 我愛伊愛甲破病。</verse>
				<verse number="6">伊用倒手扶我的頭殼， 用正手攬我。</verse>
				<verse number="7">耶路撒冷 的查某囝仔啊， 我指羚羊及田野的鹿母，懇切給恁吩咐， 毋通拍醒，毋通攪擾阮的愛情， 到阮歡喜滿足。</verse>
				<verse number="8">看咧，我親愛的來啦； 伊𨃟山過嶺趒趒跳跳啲來。</verse>
				<verse number="9">我親愛的親像羚羊，親像鹿仔； 你看，伊徛佇牆仔外， 對窗仔啲看， 對窗仔軹啲探。</verse>
				<verse number="10">我親愛的出聲對我講： 我的愛人，我的美人，起來，咱來去。</verse>
				<verse number="11">冬天已經過， 雨已經煞。</verse>
				<verse number="12">花開滿遍地， 鳥仔唱歌的時到啦， 佇田野有聽見斑鴿的聲。</verse>
				<verse number="13">無花果漸漸成熟， 葡萄樹開花發出芳味； 我的愛人，我的美人，起來，咱來去。</verse>
				<verse number="14">我的粉鳥啊，你匿佇石縫內，佇山巖隱密的所在； 求你互我看你的面，聽你的聲； 因為你的聲溫和，你的面真媠。</verse>
				<verse number="15">給阮掠狐狸， 許個損壞葡萄園的細隻狐狸； 因為阮的葡萄抵仔啲開花。</verse>
				<verse number="16">我親愛的是我的，我嘛是伊的； 伊佇百合花中啲飼羊。</verse>
				<verse number="17">我親愛的啊，你著佇日涼冷，影伸長的時轉來， 親像羚羊，親像鹿仔， 對嵁硈的山嶺 倒轉來。</verse>
			</chapter>
			<chapter number="3">
				<verse number="1">我暝時倒佇眠床，我欲尋我心愛的； 我尋伊，尋無。</verse>
				<verse number="2">我起來，佇城內四界行， 佇街頭巷尾 尋我心愛的； 我尋伊，毋拘尋無。</verse>
				<verse number="3">城內巡邏的人抵著我， 我問𪜶：恁有看著我心所愛的無？</verse>
				<verse number="4">我離開𪜶無偌遠， 就尋著我心愛的。 我給伊擒啲，毋互伊離開； 到我導伊入去阮老母的厝， 就是懷孕我彼間房間。</verse>
				<verse number="5">耶路撒冷 的查某囝仔啊， 我指羚羊及田野的鹿母，懇切給恁吩咐， 毋通拍醒，毋通攪擾阮的愛情， 到阮歡喜滿足。</verse>
				<verse number="6">彼個對曠野來，形狀親像火燻的柱， 用沒藥，乳香，及生理人啲賣的芳粉 互伊發出芳味的是啥人？</verse>
				<verse number="7">你看，是 所羅門 的轎， 四圍有六十個勇士， 攏是對 以色列 勇士中揀的。</verse>
				<verse number="8">𪜶攏𠢕用劍，𠢕相戰； 逐個腰縖刀，防備暝時的危險。</verse>
				<verse number="9">所羅門 王用 黎巴嫩 的柴， 為家己做一頂轎。</verse>
				<verse number="10">柱用銀做， 蓋用金做， 坐位用紫色的材料， 內面是用 耶路撒冷 的查某囝仔的愛情鋪的。</verse>
				<verse number="11">錫安 的查某囝仔啊，著出去， 去看 所羅門 王； 伊戴王冠，伊的老母佇伊結婚快樂的日給伊戴的。</verse>
			</chapter>
			<chapter number="4">
				<verse number="1">我的愛人，你真媠，你實在真媠！ 你的目睭親像粉鳥匿佇帕的內面； 你的頭毛親像歸陣山羊倒佇 基列 的山坪。</verse>
				<verse number="2">你的嘴齒親像抵剪毛歸群的羊母， 洗清氣對水裡𬦰起來； 逐隻攏生雙生，無一隻拍損。</verse>
				<verse number="3">你的嘴唇親像朱紅的線； 你的嘴生做真好看； 你的鬢邊佇帕的內面， 親像擘開的石榴。</verse>
				<verse number="4">你的頷頸親像 大闢 的塔堅固好看， 吊滿勇士的盾牌。</verse>
				<verse number="5">你兩粒奶親像一對鹿仔， 親像鹿母的雙生子， 佇百合花中啲食草。</verse>
				<verse number="6">日涼冷，影伸長的時， 我欲去沒藥的山，及乳香的山頭。</verse>
				<verse number="7">我的愛人，你實在真媠， 無一點仔通嫌。</verse>
				<verse number="8">我的新娘啊，離開 黎巴嫩 ，及我做夥來去； 對 亞瑪拿 的山頂，對 示尼珥 ，就是 黑門 的山頂， 對獅的穴，對豹住的山趕緊落來。</verse>
				<verse number="9">我的小妹，我的新娘啊，你有奪我的心； 你目睭一下看， 用你頷頸的一條金鍊仔就給我的心奪去。</verse>
				<verse number="10">我的小妹，我的新娘，你的愛情哪赫美妙。 你的愛情實在比酒較好； 你膏油的芳味比所有的香料較芳。</verse>
				<verse number="11">我的新娘啊，你的嘴唇甜親像對蜂房滴落來的蜜； 你的舌有蜜有奶； 你的衣服有 黎巴嫩 的芳味。</verse>
				<verse number="12">我的小妹，我的新娘，是鎖啲的園， 蓋密的井，封密的水泉。</verse>
				<verse number="13">你栽種石榴的園，出真多種上好的果子， 閣有指甲花及哪噠樹。</verse>
				<verse number="14">有哪噠及番紅花， 菖蒲、肉桂，及乳香， 沒藥、沉香，及一切上等的芳料。</verse>
				<verse number="15">你是園中的水泉，活水的井， 對 黎巴嫩 流落來的溪水。</verse>
				<verse number="16">北風啊，起來；南風啊，吹來； 吹來我的園，互伊的芳味遍滿逐所在； 互我親愛的入伊的園內， 享受上好的果子。</verse>
			</chapter>
			<chapter number="5">
				<verse number="1">我的小妹，我的新娘啊，我有入去我的園內， 挽我的沒藥及芳料， 食蜜房及蜜， 飲我的酒及奶。 我的朋友，來食，來飲； 盡情來享受愛情。</verse>
				<verse number="2">我啲睏，毋拘心猶精神。 聽咧，我親愛的啲拍門，講： 我的小妹，我的愛人， 我純全的粉鳥，給我開門； 我的頭殼互露水滴霑， 我的頭毛霑漉漉。</verse>
				<verse number="3">我已經褪衫，著閣穿噢？ 我已經洗腳，著閣拍垃墋噢？</verse>
				<verse number="4">我親愛的對門縫伸手入來； 我的心為著伊激動。</verse>
				<verse number="5">我起來，欲給我親愛的開門； 沒藥對我的雙手滴落去， 對指頭仔滴落去門閂。</verse>
				<verse number="6">我給我親愛的開門； 毋拘我所愛的已經越轉身去啊。 伊抵即講的話，互我神不附體。 我尋伊，尋無；我叫伊，伊無應。</verse>
				<verse number="7">城內巡邏的人抵著我， 拍我，傷我； 顧城牆的人將我幔身軀的巾搶去。</verse>
				<verse number="8">耶路撒冷 的查某囝仔啊，我拜託恁， 恁若抵著我親愛的，著給伊講： 我因為愛情致病。</verse>
				<verse number="9">你此個查某囝仔中上媠的啊， 你親愛的，比別人親愛的有什麼較好？ 你親愛的，比別人親愛的有什麼較好， 值得阮答應你的要求？</verse>
				<verse number="10">我親愛的英俊閣勇壯， 是萬人中的第一。</verse>
				<verse number="11">伊的頭殼若純金； 伊的頭毛艷閣虯，烏親像烏鴉。</verse>
				<verse number="12">伊的目睭親像歇佇溪邊的粉鳥， 用奶洗過，親像寶石安置好勢。</verse>
				<verse number="13">伊的嘴䩃親像花園淐出芳味； 伊的嘴唇親像百合花，滴落真芳的沒藥。</verse>
				<verse number="14">伊的雙手親像金的柺鑲青玉； 伊的身軀親像光滑的象牙鑲藍寶石。</verse>
				<verse number="15">伊的雙腳親像大理石的柱，安置佇純金的座； 伊的體格雄偉親像 黎巴嫩 ， 媠親像柏香樹。</verse>
				<verse number="16">伊的嘴真甜，人人意愛。 耶路撒冷 的查某囝仔啊， 伊就是我親愛的，是我的愛人。</verse>
			</chapter>
			<chapter number="6">
				<verse number="1">你此個查某囝仔中上媠的啊， 你親愛的去叨位？ 你親愛的越轉去叨位？ 阮通及你做夥去尋。</verse>
				<verse number="2">我親愛的落去伊的園， 去淐出芳味的花園； 伊佇園內飼羊， 閣挽百合花。</verse>
				<verse number="3">我屬我親愛的，我親愛的嘛屬我； 伊佇百合花中啲飼羊。</verse>
				<verse number="4">我的愛人啊，你媠親像 得撒 ， 可愛親像 耶路撒冷 ， 威儀親像攑大旗的軍隊。</verse>
				<verse number="5">你的目睭毋通看我， 因為會奪我的心。 你的頭毛親像歸群的山羊， 對 基列 的山坪趒落來。</verse>
				<verse number="6">你的嘴齒親像歸群的羊母， 洗清氣對水裡𬦰起來； 逐隻攏生雙生， 無一隻拍損。</verse>
				<verse number="7">你的鬢邊佇帕的內面， 親像擘開的石榴。</verse>
				<verse number="8">就是講有六十個王后，八十個嬪妃， 閣有算𣍐了的宮女，</verse>
				<verse number="9">你是我唯一純全的粉鳥， 是老母獨生， 特別疼惜的查某子。 查某囝仔看著，攏講伊有福氣； 王后嬪妃嘛稱讚伊。</verse>
				<verse number="10">光彩親像清早的光， 媠親像月，燦爛親像日， 威儀親像攑大旗的軍隊，彼個是啥人？</verse>
				<verse number="11">我落去核桃園， 欲看山谷中的果子， 看葡萄發芛抑未， 石榴開花抑未。</verse>
				<verse number="12">不知不覺，我若親像坐佇尊貴的人的馬車頂。</verse>
				<verse number="13">跳啊， 書拉蜜 ，跳 ！ 踅過來，踅過去，互阮看你啲跳舞。 恁哪啲看 書拉蜜 ， 親像啲看兩隊的兵跳舞？</verse>
			</chapter>
			<chapter number="7">
				<verse number="1">尊貴的查某囝仔，你穿鞋的腳哪赫媠！ 你大腿的曲線，媠親像珠寶， 是藝術家的傑作。</verse>
				<verse number="2">你的肚臍親像杯圓圓， 有調和的酒不時滿墘。 你的腹肚親像歸堆的麥， 有百合花圍啲。</verse>
				<verse number="3">你兩粒奶親像一對鹿仔， 親像鹿母的雙生子。</verse>
				<verse number="4">你的頷頸親像象牙的塔， 目睭親像 希實本 的水池， 佇 巴特‧拉併 的城門邊。 你的鼻親像 黎巴嫩 的塔，面向 大馬士革 。</verse>
				<verse number="5">你的頭攑高高親像 迦密山 ， 垂落來的頭毛是紫色， 王的心互伊纏啲。</verse>
				<verse number="6">我心愛的，你哪赫媠，赫可愛， 哪赫呢互人意愛！</verse>
				<verse number="7">你的身材親像椰棗樹 ； 你的奶親像歸葩的果子。</verse>
				<verse number="8">我講：我欲𬦰起去此欉椰棗樹挽果子。 願你的奶親像歸葩的葡萄， 你的氣親像蘋果赫呢芳，</verse>
				<verse number="9">你的嘴親像上好的酒。 願彼個酒流入我親愛的的嘴， 飲了滑喉。</verse>
				<verse number="10">我屬我親愛的， 伊所戀慕的是我。</verse>
				<verse number="11">我親愛的啊，來，咱來去野外， 來去庄腳歇暝。</verse>
				<verse number="12">咱透早起來，來去葡萄園， 看葡萄茁芛開花抑未， 石榴開花抑未； 佇遐我欲將愛情獻互你。</verse>
				<verse number="13">催情果出芳味； 佇咱的門邊有逐款真好的果子， 新的舊的攏有； 我親愛的，這攏是我給你保存的。</verse>
			</chapter>
			<chapter number="8">
				<verse number="1">你若是我的兄弟， 𠲿過阮老母的奶，毋知偌好！ 按呢，我佇外面抵著你，及你唚嘴， 就無人會看輕我。</verse>
				<verse number="2">我會導你入去阮老母的厝， 伊會教示我； 我會互你飲調和的酒及石榴的汁。</verse>
				<verse number="3">你用倒手扶我的頭殼， 用正手攬我。</verse>
				<verse number="4">耶路撒冷 的查某囝仔啊， 我懇切給恁吩咐， 毋通拍醒，毋通攪擾阮的愛情， 到阮歡喜滿足。</verse>
				<verse number="5">對曠野上來， 撐佇伊親愛的的身軀彼個是啥人？ 我佇蘋果樹腳給你叫醒； 你的老母佇遐懷孕， 佇遐經過催陣的痛苦生你。</verse>
				<verse number="6">互我親像印，蓋佇你的心內； 親像印，頓佇你的手骨。 因為愛情親像死赫呢有力， 情熱親像陰府赫呢強烈， 所發出的炎熱親像火焰， 親像極猛烈的火焰。</verse>
				<verse number="7">大水𣍐當拍化愛情； 溪水𣍐當給伊消滅。 人若用伊所有的財產來買愛情， 一定互人藐視。</verse>
				<verse number="8">阮有一個細漢小妹，伊的奶猶未發育成熟； 人來提親， 阮著按怎給伊設法？</verse>
				<verse number="9">伊若是牆，阮欲佇伊的頂面起銀塔； 伊若是門，阮欲用柏香柴板給伊圍起來。</verse>
				<verse number="10">我是牆，我的奶親像兩個塔； 我親愛的一下看著我，就心滿意足。</verse>
				<verse number="11">所羅門 佇 巴力‧哈們 有一坵葡萄園； 伊將此坵葡萄園租互顧守的人； 𪜶逐個人為著𪜶的果子著納一千個銀。</verse>
				<verse number="12">我有葡萄園，是我家己的； 所羅門 啊，彼一千你提去， 兩百互顧守果子的人。</verse>
				<verse number="13">𫢶佇園內的查某囝仔啊，同伴攏啲聽你的聲， 你嘛互我聽一下。</verse>
				<verse number="14">我親愛的啊，趕緊來， 親像羚羊， 親像鹿仔， 來到淐出芳味的山！</verse>
			</chapter>
		</book>
		<book number="23">
			<chapter number="1">
				<verse number="1">下面是 亞摩斯 的子 以賽亞 所看見的異象；這是 烏西亞 、 約坦 、 亞哈斯 、 希西家 做 猶大 王的時，伊所得著有關 猶大 及 耶路撒冷 的信息。</verse>
				<verse number="2">天啊，著聽！ 地啊，著注意聽！ 因為上主講： 「我養育子兒，給𪜶飼大漢， 𪜶竟然背叛我。</verse>
				<verse number="3">牛識家己的主人， 驢會認得主人的槽； 毋拘 以色列 毋識我， 我的子民攏𣍐曉想。」</verse>
				<verse number="4">唉，犯罪的民族！ 罪惡極重的子民！ 作惡多端的族類！ 行為敗壞的子孫！ 𪜶棄拺上主， 藐視 以色列 神聖的上帝。 𪜶攏越轉身離開伊。</verse>
				<verse number="5">是按怎恁愛閣受鞭拍？ 是按怎恁欲繼續背叛？ 恁歸粒頭殼攏有病， 歸個心攏受傷；</verse>
				<verse number="6">對頭到腳，無一位健全， 攏是傷痕、烏青、啲流血的孔嘴； 孔嘴猶未洗清氣，猶未包紮， 嘛猶未用油抹。</verse>
				<verse number="7">恁的國土拋荒； 恁的城市互火燒毀。 恁親目看著田園互外國人吞食， 互生份人踐踏，變做荒埔。</verse>
				<verse number="8">只有賰 耶路撒冷 留啲， 親像葡萄園內的草寮仔， 刺瓜仔園內的草棚仔， 親像一個受圍困的城。</verse>
				<verse number="9">若毋是上主 — 萬軍的統帥 給咱留幾個仔賰落來的子民， 咱早就親像 所多瑪 赫害， 親像 蛾摩拉 赫慘！</verse>
				<verse number="10">恁諸個 所多瑪 的官長啊， 著聽上主的話！ 恁諸個 蛾摩拉 的人民啊， 著注意聽咱的上帝的教示！</verse>
				<verse number="11">上主講： 「恁獻赫多祭物互我， 有什麼路用？ 我無稀罕綿羊的燒化祭； 肥滋滋的牲生的油，我真厭。 我嘛無合意牛、羊羔，及山羊的血。</verse>
				<verse number="12">「恁來朝見我， 是啥人叫恁帶諸個牲生 來踐踏我聖殿的埕？</verse>
				<verse number="13">毋通閣提無路用的祭物來； 香的味我真厭惡。 初一、安歇日、召集的聚會， 我忍𣍐牢。 我𣍐當容忍恁犯罪閣守嚴肅會。</verse>
				<verse number="14">恁初一及定期的節慶， 我非常討厭； 諸個攏變做我的重擔， 我真煩，無愛閣擔。</verse>
				<verse number="15">恁手攑高高祈禱的時， 我會掩目睭毋看恁； 恁祈禱偌多遍， 我嘛毋聽； 因為恁雙手攏沐著刣人的血。</verse>
				<verse number="16">恁著洗，洗互清氣； 著除去一切邪惡的行為， 互我無閣看著恁啲做歹。</verse>
				<verse number="17">著學習行好。 著追求正義，解救受欺壓的； 著為孤兒申冤，為寡婦辯護。」</verse>
				<verse number="18">上主講： 「來，咱來辯論！ 雖然恁的罪親像朱紅， 猶會變做親像雪赫白 ； 雖然親像烏𪐞紅， 猶會變做親像羊毛赫白 。</verse>
				<verse number="19">恁若願意聽趁， 恁會當食土地出產上好的物。</verse>
				<verse number="20">毋拘恁若毋順趁，反叛， 恁會受刀劍吞滅。」 上主親嘴按呢宣布。</verse>
				<verse number="21">本來忠誠的城竟然變做娼妓！ 以前城內充滿正直， 公義佇內面徛起； 今仔日住佇遐的是刣人的兇手！</verse>
				<verse number="22">你的銀已經變做渣滓； 你的酒攏透水。</verse>
				<verse number="23">你的官長背叛， 變做賊的同伴； 𪜶攏愛收賄賂， 四界要求人送禮。 𪜶無為孤兒主持公道； 寡婦的控訴，𪜶毋插。</verse>
				<verse number="24">所以，上主 — 萬軍的統帥、 以色列 的大能者按呢講： 「啊，你成做我的對敵！ 我欲將大受氣摒佇你頂面； 我欲報復敵對我的人！</verse>
				<verse number="25">我欲下手處罰你； 我欲將你的渣滓煉清氣， 將雜質攏除盡。</verse>
				<verse number="26">我欲重新設立你的審判官， 親像早前一樣； 閣設立你的參謀， 及起初像款。 然後，你會閣叫做公義的城，忠誠之都。」</verse>
				<verse number="27">耶路撒冷 會因為公平得著救贖； 城內反悔的人會因為公義得著解救。</verse>
				<verse number="28">毋拘背逆的及罪人會做一下受拍碎； 棄絕上主的人會滅亡。</verse>
				<verse number="29">恁以前所意愛聖的橡樹， 恁會因為伊感覺見笑。 恁早前選擇的園仔 ， 今會因為伊感覺歹勢。</verse>
				<verse number="30">因為恁會親像葉啲欲焦去的橡樹， 親像無水的園仔。</verse>
				<verse number="31">有權勢的會變做火種， 伊的所做親像火星， 兩項做一下𤏸起來， 無人會當給伊拍化。</verse>
			</chapter>
			<chapter number="2">
				<verse number="1">亞摩斯 的子 以賽亞 所得著有關 猶大 及 耶路撒冷 的信息。</verse>
				<verse number="2">佇將來的日子， 上主聖殿的山會堅立佇眾山的頂面， 比攏總的山嶺較高； 萬國攏會溢倚來歸伊。</verse>
				<verse number="3">萬民會來，講： 「咱來上上主的山， 來去 雅各 的上帝的殿。 伊會用伊的道路教示咱， 互咱通行伊的路。」 律法會對 錫安 發出； 上主的話會對 耶路撒冷 傳開。</verse>
				<verse number="4">上主會佇列國中施行審判， 佇萬民中排解紛爭。 𪜶會將刀拍做犁頭， 將槍拍做鐮刀。 此國𣍐閣攑刀攻擊彼國， 𪜶嘛免閣學戰爭。</verse>
				<verse number="5">雅各 的後代啊，來！ 咱著靠上主的光來行。</verse>
				<verse number="6">上帝啊，你有棄拺你的子民 雅各 的後代， 因為國內逐所在攏有東方來的風俗， 人民親像 非利士 人啲卜卦， 閣趁外國人的習慣。</verse>
				<verse number="7">以色列 全國金銀滿滿是； 𪜶的財寶算𣍐了。 𪜶的地戰馬真多； 𪜶的戰車𣍐當計算。</verse>
				<verse number="8">全國逐所在都有偶像； 𪜶跪拜家己的手所造的， 拜家己的指頭仔捏造的神明。</verse>
				<verse number="9">所以，人受屈辱， 逐個人變做卑賤。 上主啊，毋通赦免𪜶。</verse>
				<verse number="10">著匿入去石洞！ 著藏入去土底！ 閃避對上主來的恐怖， 走閃伊威嚴的光輝。</verse>
				<verse number="11">彼日，目頭高的人會受降低， 驕傲的人會受屈辱。 只有上主受高舉得著尊崇！</verse>
				<verse number="12">上主 — 萬軍的統帥的日啲欲臨到； 伊欲互所有驕傲自高的人變卑賤， 互高舉家己的人攏受侮辱。</verse>
				<verse number="13">伊欲互 黎巴嫩 高閣大的柏香樹、 巴珊 的橡樹、</verse>
				<verse number="14">所有的高山、 一切的小山、</verse>
				<verse number="15">所有的堡壘、 一切堅固的城牆、</verse>
				<verse number="16">所有 他施 的船隻、 一切媠的帆船， 攏受攻擊。</verse>
				<verse number="17">後來，自高的人會受屈辱； 驕傲的人會受降低。 佇彼日，只有上主受高舉得著尊崇。</verse>
				<verse number="18">偶像會完全消失。</verse>
				<verse number="19">佇上主起來互地大搖動的時， 人會匿入去石洞， 藏入去土孔， 欲閃避對上主來的恐怖， 走閃伊威嚴的光輝。</verse>
				<verse number="20">佇彼日，人會將用金銀造來拜的偶像 㧒确互田鼠及密婆。</verse>
				<verse number="21">佇上主起來互地大搖動的時， 人會走入去石洞內， 抑是匿佇山壁縫， 欲閃避對上主來的恐怖， 走閃伊威嚴的光輝。</verse>
				<verse number="22">毋通倚靠會死的人； 𪜶不過靠鼻孔啲喘氣。 𪜶攏無算什麼。</verse>
			</chapter>
			<chapter number="3">
				<verse number="1">看咧，上主 — 萬軍的統帥欲對 耶路撒冷 及 猶大 除去𪜶所倚靠，所依倚的， 就是所倚靠的米糧，所依倚的水；</verse>
				<verse number="2">除去勇士及戰士、 審判官及先知、 卜卦的及長老，</verse>
				<verse number="3">除去管五十個兵的軍官及有地位的人士、 參謀、𠢕的師傅、 行法術的。</verse>
				<verse number="4">我欲互囝仔做𪜶的領袖， 互嬰仔做𪜶的統治者；</verse>
				<verse number="5">人民會互相壓迫： 人攻擊人，厝邊攻擊厝邊， 少年人對老人無禮， 卑賤的侮辱尊貴的。</verse>
				<verse number="6">人會佇親族的中間扭伊的兄弟，講： 「你有外袍， 你著做阮的領導者， 來處理此個混亂的景況。」</verse>
				<verse number="7">彼時，伊會大聲應講： 「我𣍐當給恁醫治； 我厝裡無食物，嘛無外袍。 恁毋通叫我去做人民的領袖！」</verse>
				<verse number="8">啊， 耶路撒冷 已經衰敗， 猶大 已經倒壞； 因為𪜶的言行舉止攏敵對上主， 反抗伊威嚴的臨在。</verse>
				<verse number="9">𪜶的面相顯露𪜶無正直； 𪜶親像 所多瑪 展家己的罪，攏無掩蓋。 𪜶受災禍，罪該應得！</verse>
				<verse number="10">著給正直的人講，𪜶會萬事亨通， 因為𪜶會享受家己行為的果子。</verse>
				<verse number="11">邪惡的人慘啊！𪜶會抵著災難。 𪜶的手按怎對付人，嘛會按呢受報應。</verse>
				<verse number="12">我的子民會受囝仔欺壓， 會互婦仁人管轄。 我的子民啊，恁的指導者導恁行迷路， 互恁行的方向錯亂。</verse>
				<verse number="13">上主上庭控告； 伊徛起來欲審判伊的子民 。</verse>
				<verse number="14">上主對伊的子民的長老及官長 提出告訴： 「恁吞食葡萄園； 恁的厝內有對散赤人搶來的財物。</verse>
				<verse number="15">恁哪赫好膽壓制我的子民， 研碎散赤人的面？」 至高上主 — 萬軍的統帥按呢講。</verse>
				<verse number="16">上主講： 「因為 錫安 的女子赫呢驕傲， 行路頷頸伸長長， 看人使目尾， 激姿勢跕腳行，腳環鏗鏘叫，</verse>
				<verse number="17">所以，上主欲互 錫安 的女子 臭頭生瘡， 欲互𪜶下體露現。」</verse>
				<verse number="18">佇彼日，上主欲除去𪜶一切媠的裝飾品：腳環、頭毛網、月眉針、</verse>
				<verse number="19">耳鉤、手環、面帕、</verse>
				<verse number="20">頭巾、腳鍊仔、花帶、香盒、平安符、</verse>
				<verse number="21">手指、鼻環、</verse>
				<verse number="22">禮服、外套、袚巾、皮包仔、</verse>
				<verse number="23">手鏡、幼麻布的內衫、禮帽，以及幔身軀的巾。</verse>
				<verse number="24">芳味會變做臭味， 粗的索代替腰帶， 媠頭毛會變做光頭， 縖麻布代替穿高級衫， 美貌會有燒著的傷跡。</verse>
				<verse number="25">錫安 的查甫人會死佇刀下， 伊的戰士會佇戰爭中死亡；</verse>
				<verse number="26">伊的城門會悲傷哀哭； 錫安 會互人剝光光坐佇土腳。</verse>
			</chapter>
			<chapter number="4">
				<verse number="1">佇彼日，七個查某人會擒牢一個查甫人，講： 「阮欲食家己， 欲穿阮家己的衫； 毋拘，請互阮歸屬你的名， 互阮免受嫁𣍐出去的見笑。」</verse>
				<verse number="2">佇彼日，上主的新芛會媠閣茂盛；土地出產的果子，會成做 以色列 死無去的人的誇耀及榮光。</verse>
				<verse number="3">許個留佇 錫安 ，就是所有徛起佇 耶路撒冷 ，受揀選猶活啲的人，𪜶攏會受分別作聖。</verse>
				<verse number="4">上主一定會用審判的神及燒毀的神，洗除 錫安 住民的垃墋，對𪜶中間洗清 耶路撒冷 刣人的血跡。</verse>
				<verse number="5">後來，上主會佇歸座 錫安山 及所有的會眾頂面，佇日時造雲，佇暝時造有煙及火焰的光；上帝的榮光會親像大布篷搭佇全城頂面。</verse>
				<verse number="6">按呢，日時通遮太陽的炎熱；狂風暴雨的時通做避難所。</verse>
			</chapter>
			<chapter number="5">
				<verse number="1">我為著我所親愛的唱歌， 唱一首有關伊的葡萄園的歌： 我所親愛的有一坵葡萄園 佇一個肥媠的山頭。</verse>
				<verse number="2">伊掘土，將石頭攏拾㧒确， 然後種真多上好的葡萄樹。 伊佇園內造一個守望台， 閣挖一個踏葡萄的窟仔。 伊期待會出產真多好的葡萄， 毋拘所結的攏是僫的。</verse>
				<verse number="3">今， 耶路撒冷 的住民及 猶大 人啊， 請恁佇我及我的葡萄園中間主持公道。</verse>
				<verse number="4">我著閣為著我的葡萄園做什麼？ 豈有什麼我猶做無夠？ 我期待出產好葡萄， 是按怎所結的攏是僫的？</verse>
				<verse number="5">今，我給恁講， 我欲按怎處理我的葡萄園。 我欲將園的籬笆拆起來， 互伊受破壞。 我欲拆毀園的圍牆， 互伊受踐踏。</verse>
				<verse number="6">我無欲閣修剪，無欲閣剷草， 欲互園荒廢， 互刺仔雜草發甲滿四界； 我嘛欲命令雲無落雨佇遐。</verse>
				<verse number="7">上主 — 萬軍的統帥的葡萄園 就是 以色列 家； 伊細膩栽種的葡萄樹 是 猶大 的人民。 伊所期待的是公平， 毋拘所看著的是刣人流血； 伊所向望的是公義， 毋拘只有聽著人喝冤枉。</verse>
				<verse number="8">慘啊，恁諸個人， 恁的厝一間閣一間， 土地一塊閣一塊； 恁佔甲別人煞無位通徛， 境內賰恁啲住。</verse>
				<verse number="9">我有聽見上主 — 萬軍的統帥按呢講： 一定有真多大間厝會荒廢， 真多闊閣媠的厝宅無人徛起。</verse>
				<verse number="10">兩甲的葡萄園才生產二十公升的酒； 撒十籠的種籽收無甲一籠麥仔。</verse>
				<verse number="11">慘啊，許個對透早就啲趇厚酒飲的人！ 𪜶飲酒飲到半暝，飲甲醉茫茫發狂。</verse>
				<verse number="12">𪜶佇宴席彈琴，彈瑟， 拍鼓，歕𥰔仔，飲酒， 毋拘無啲想上主的計劃， 毋曾注意上主的作為。</verse>
				<verse number="13">因為我的子民𣍐曉想， 𪜶會受放逐做俘虜； 𪜶中間有地位的人會枵甲啲欲死， 𪜶的群眾嘛會嘴焦甲欲死。</verse>
				<verse number="14">所以，陰府胃口大開， 無限量開大嘴欲吞食； 佇𪜶中間啲宴樂的貴族， 吵鬧的平民， 攏做一下互伊吞落去。</verse>
				<verse number="15">人受屈辱， 世間人受降低， 目頭高的人降做卑微。</verse>
				<verse number="16">毋拘，上主 — 萬軍的統帥 因為公平受高舉； 至聖的上帝 因為公義顯明家己是聖。</verse>
				<verse number="17">羊仔會若準佇家己的牧場啲食草； 細隻羊仔會佇好額人拋荒去的土地尋食。</verse>
				<verse number="18">慘啊，許個用欺詐做索扭罪過， 用拖車的索拖罪惡的人！</verse>
				<verse number="19">𪜶講：「上主著趕緊， 較緊完成伊的工作，互阮會當看著。 以色列 神聖的上帝著趕緊實行伊的計劃， 互阮會當知影。」</verse>
				<verse number="20">慘啊，許個給善講做惡，給惡講做善的人！ 𪜶用暗做光，用光做暗； 𪜶用苦做甜，用甜做苦。</verse>
				<verse number="21">慘啊，許個想講家己有智慧， 家己真巧的人！</verse>
				<verse number="22">慘啊，許個飲酒展英雄， 調酒拼頭名的人！</verse>
				<verse number="23">𪜶收賄賂判有罪的做無罪， 剝削無辜的人應該有的權益。</verse>
				<verse number="24">所以，𪜶會親像麥稿互火舌吞食， 親像焦草互火燒了了； 𪜶的根會爛去， 𪜶的花若塵埃互風吹散； 因為𪜶拒絕上主 — 萬軍的統帥的律法， 無視 以色列 神聖的上帝的話。</verse>
				<verse number="25">所以，上主對伊的子民發受氣； 伊伸出伊的手對付𪜶，拍𪜶； 因為按呢，眾山搖泏， 街頭巷尾身屍若糞埽擲甲滿四界。 雖然是按呢，伊的受氣猶未煞； 伊的手猶伸長長欲處罰𪜶。</verse>
				<verse number="26">上主𫞼大旗做信號，召真遠的國家來； 伊出號令叫人對天邊海角來。 看咧，𪜶真緊就來！</verse>
				<verse number="27">來的人無厭倦的，無跋倒的， 無盹佝的，無愛睏的； 逐個腰帶攏縖好勢， 無一個鞋帶斷去。</verse>
				<verse number="28">𪜶的箭磨利利， 弓攏張緊緊； 𪜶的戰馬的蹄親像碇的石， 戰車的輪親像捲螺仔風。</verse>
				<verse number="29">𪜶喉叫親像獅啲哮， 喉叫親像少壯的獅啲哮。 𪜶咬著獵物噤噤哮， 將獵物拖離開， 無人會當給伊救出來。</verse>
				<verse number="30">佇彼日，𪜶會對 以色列 噤噤哮， 親像大海嘩嘩哮。 人若看此個國家， 只有看著烏暗及災難； 密雲遮蓋，光明攏變烏暗。</verse>
			</chapter>
			<chapter number="6">
				<verse number="1">烏西亞 王過身彼年，我看見主坐佇真高的寶座頂；伊的長袍垂落來，蓋滿聖殿。</verse>
				<verse number="2">伊的周圍有撒拉弗天使徛啲侍候；每一個有六支翼，兩支遮面，兩支遮腳，兩支做翼飛。</verse>
				<verse number="3">𪜶彼此呼應： 聖哉，聖哉，聖哉！ 上主 — 萬軍的統帥！ 伊的榮光充滿全地！</verse>
				<verse number="4">門框的根基因為呼應的聲搖泏，聖殿有煙滿滿。</verse>
				<verse number="5">彼時我講： 我有災禍，我滅亡啦！ 因為我是嘴唇無清氣的人， 閣住佇嘴唇無清氣的人中間。 我的目睭有看著王， 上主 — 萬軍的統帥。</verse>
				<verse number="6">然後，有一個撒拉弗飛倚來我遮，伊的手用火夾對祭壇頂夾一塊熱熱的炭，</verse>
				<verse number="7">將炭焐我的嘴唇，講： 今，此個焐著你的嘴唇， 你的罪過已經除去， 你的罪惡有得著赦免。</verse>
				<verse number="8">了後，我聽見主的聲，講：「我通差啥人？啥人欲為著阮去？」我就講：「我佇遮，請差我！」</verse>
				<verse number="9">伊閣講：「你去給此個子民講： 恁聽閣聽，毋拘𣍐明白； 恁看閣看，毋拘𣍐了解。</verse>
				<verse number="10">你著互此個子民的心鈍， 耳孔重， 目睭花； 才免𪜶目睭看見， 耳仔聽見， 心明白， 越倒轉來得著醫治。」</verse>
				<verse number="11">我就講：「主啊，著偌久？」 伊應：「著到城市荒廢，無人住， 厝無人徛， 土地徹底拋荒。</verse>
				<verse number="12">一直到上主將眾人徙去到遙遠的所在， 境內真多土地受棄拺；</verse>
				<verse number="13">連彼所在所賰的十分一的人， 嘛會閣受毀滅。 但是，親像栗樹、橡樹， 雖然互人剉起來，毋拘樹頭猶留啲； 彼個樹頭是聖的族類。」</verse>
			</chapter>
			<chapter number="7">
				<verse number="1">烏西亞 的孫， 約坦 的子， 亞哈斯 做 猶大 王的時， 敘利亞 王 利汛 及 利瑪利 的子 以色列 王 比加 進軍攻擊 耶路撒冷 ，毋拘攻𣍐破。</verse>
				<verse number="2">有人給 大闢 家講， 敘利亞 及 以法蓮 聯盟； 亞哈斯 的心及人民的心攏驚惶皮皮惙，親像樹林內的樹互大風吹振動。</verse>
				<verse number="3">上主對 以賽亞 講：「你及你的子 施亞雅述 出去迎接 亞哈斯 ，佇 上池 的水溝口，迵到漂布場的大路見伊，</verse>
				<verse number="4">給伊講：『著謹慎，著鎮靜，毋免驚。毋通為著此兩支啲淐煙的火把，就是啲大發受氣的 利汛 及𪜶 敘利亞 人，以及 利瑪利 的子，來驚惶失膽。</verse>
				<verse number="5">因為 敘利亞 及 以法蓮 ，以及 利瑪利 的子計謀攻擊你，講：</verse>
				<verse number="6">阮欲上去攻擊 猶大 ，侵佔，征服伊；阮欲設立 他比勒 的子作王。</verse>
				<verse number="7">所以，至高的上主按呢講： 此個代誌𣍐成功， 一定𣍐實現，</verse>
				<verse number="8">因為 敘利亞 的首都是 大馬士革 ， 大馬士革 的首領是 利汛 ； 以法蓮 的首都是 撒馬利亞 ， 撒馬利亞 的首領是 利瑪利 的子。 (六十五年內 以法蓮 一定滅亡。) 恁的信心若無在，恁絕對徛𣍐穩。』」</verse>
				<verse number="9"></verse>
				<verse number="10">上主閣對 亞哈斯 講：</verse>
				<verse number="11">「著對上主 — 你的上帝求一個記號，無論對上低的深淵抑是上高的天頂來」。</verse>
				<verse number="12">毋拘 亞哈斯 回答：「毋，我毋求，我無欲試探上主。」</verse>
				<verse number="13">先知就講：「 大闢 家啊，著聽！恁互人厭惡，豈算小可事？恁豈嘛欲互我的上帝厭惡？</verse>
				<verse number="14">因為按呢，主欲親自互恁一個記號：看咧，有一個少年女子會懷孕生子；伊欲叫做『以馬內利』 。</verse>
				<verse number="15">到伊學會曉拒絕惡，選擇善的時，伊欲有起司及芳蜜通食。</verse>
				<verse number="16">因為此個囝仔會曉拒絕惡，選擇善以前，恁所啲驚彼兩個王的國土攏會徹底荒廢。</verse>
				<verse number="17">上主會互 亞述 王帶來的患難臨到你、你的人民，及恁老父的家；這是 以法蓮 對 猶大 分裂以來毋曾有的患難！</verse>
				<verse number="18">「佇彼日上主會發令，對 尼羅河 的源頭召集胡蠅，閣對 亞述 地召集蜜蜂來。</verse>
				<verse number="19">𪜶攏會飛來歇佇崎的山谷、石壁縫，以及一切的莿及草埔。</verse>
				<verse number="20">「彼時， 亞述 王親像主對 幼發拉底河 對岸租來的剃頭刀，主欲用伊給恁的頭毛及腳毛，甚至恁的嘴鬚攏剃掉。</verse>
				<verse number="21">「彼時，一個人會飼一隻母的牛仔，兩隻母的綿羊；</verse>
				<verse number="22">因為有充足的奶，國內所有賰落來的人攏會當食起司及芳蜜。</verse>
				<verse number="23">「彼時，種一千欉葡萄，值銀一千的所在，攏會發莿雜草。</verse>
				<verse number="24">人著帶箭及弓才敢去遐；因為所有的土地攏互莿雜草蓋滿。</verse>
				<verse number="25">所有用鋤頭種作過的山地，因為有雜草莿，人毋敢閣去，變做放牛去食草，出在羊踐踏的所在。」</verse>
			</chapter>
			<chapter number="8">
				<verse number="1">上主對我講：「你提一塊大塊枋，用通用的字寫：瑪黑珥‧沙拉勒‧哈施‧罷斯 。</verse>
				<verse number="2">我欲用可靠的見證人，就是祭司 烏利亞 及 耶比利家 的子 撒迦利亞 ，為我作證。」</verse>
				<verse number="3">我及我的婦仁人女先知同房，伊就懷孕生一個查甫子。上主給我講：「給伊號名叫做『 瑪黑珥‧沙拉勒‧哈施‧罷斯 。』</verse>
				<verse number="4">因為囝仔會曉叫『阿爸』、『阿母』以前， 大馬士革 的財富及 撒馬利亞 得著的戰利品攏會互 亞述 王搶去。」</verse>
				<verse number="5">上主閣對我講：</verse>
				<verse number="6">「既然此個子民拒絕 西羅亞 慢慢仔流的水，顛倒去巴結 利汛 王及 比加 王。</verse>
				<verse number="7">所以，你的主欲導 亞述 王及伊兇猛的大軍，親像 幼發拉底河 強猛的水沖過河溝，滿過河岸，</verse>
				<verse number="8">流入 猶大 ，淹到頷頸，造成氾濫。」以馬內利，上帝及咱同在！伊的翼搋開，蓋滿歸片土地。</verse>
				<verse number="9">列國的人民啊，做恁聯合結做堆； 恁會徹底受毀滅！ 對遙遠的所在來的，著注意聽！ 做恁備戰！恁會徹底受毀滅！ 做恁備戰！恁會徹底受毀滅！</verse>
				<verse number="10">做恁去計劃，一定攏無採工！ 做恁去想計策，一定𣍐成功！ 因為上帝及阮同在。</verse>
				<verse number="11">上主用大氣力的手牽我，警告我毋通隨此個人民的腳步行。伊講：</verse>
				<verse number="12">「此個人民啲講的陰謀，恁毋通隨啲講。𪜶啲驚的，恁毋免驚，嘛毋免懍。</verse>
				<verse number="13">恁著尊崇我上主 — 萬軍的統帥做聖，我才是恁所著驚畏，著惙的。</verse>
				<verse number="14">我會成做聖所，嘛會做互 以色列 兩國跋倒的石，塞礙的大塊石，做 耶路撒冷 住民的活罩及羅網。</verse>
				<verse number="15">真多人會佇彼頂面觸著，跋倒，受傷；𪜶會互人網著，掠著。」</verse>
				<verse number="16">恁著給律法的冊捲起來，佇我學生的中間給教示封起來。</verse>
				<verse number="17">我欲聽候上主；伊越頭無看顧 雅各 的後代，毋拘我欲仰望伊。</verse>
				<verse number="18">看咧，我及上主賞賜互我的子兒，攏是伊互 以色列 的兆頭及記號；上主是𫢶佇 錫安山 的上主 — 萬軍的統帥。</verse>
				<verse number="19">若有人給恁講：「恁著去問牽亡的及童乩桌頭；𪜶吱吱啾啾，用人聽無的話唸東唸西。人民豈𣍐用得求問𪜶的神明，抑是替活人去問死去的人？」</verse>
				<verse number="20">𣍐用得！著請示律法及教示！許個講話無照律法及教示的人，𪜶𣍐當看著天光。</verse>
				<verse number="21">人會佇逐所在流浪、艱苦、枵餓；𪜶無通食的時會起受氣，咒詛𪜶的王及𪜶的上帝。𪜶攑頭看天，</verse>
				<verse number="22">俯落看地，只有看著艱苦、烏暗、苦悶，閣受趕入去烏烏暗暗內面。</verse>
			</chapter>
			<chapter number="9">
				<verse number="1">總是彼個曾受過痛苦的地𣍐閣再有烏暗。 以前， 西布倫 的地及 拿弗他利 的地受看輕，毋拘將來此個地區，沿 地中海 的路，到 約旦河 外，甚至到外族的 加利利 ，攏會得著榮光。</verse>
				<verse number="2">行佇烏暗中的人 已經看見大光； 生活佇死蔭的地的人 有光啲照𪜶。</verse>
				<verse number="3">你互𪜶的國家強盛， 互𪜶大歡喜。 𪜶佇你的面前歡喜快樂， 親像啲收割的歡喜， 親像啲分戰利品的快樂。</verse>
				<verse number="4">因為你有拍碎𪜶啲背的軛， 摃斷𪜶肩頭頂的棍， 遏折壓迫者的鞭， 親像你毀滅 米甸 的軍隊彼日。</verse>
				<verse number="5">戰士佇交戰中穿的軍鞋， 滒著血的軍服， 攏會做柴燒。</verse>
				<verse number="6">因為有一個嬰仔已經為著咱出世， 有一個子賜互咱。 伊欲負擔國政； 伊的名欲稱做： 賢明 的導師， 全能的上帝， 永在的天父， 和平的君王。</verse>
				<verse number="7">伊的主權無窮； 伊的和平無盡。 伊欲坐 大闢 的寶座， 繼承伊的王國。 伊欲用公平正義互國穩固堅立， 對此時直到永遠。 上主 — 萬軍的統帥的熱誠一定會成全此個事。</verse>
				<verse number="8">主有宣告欲攻擊 以色列 王國； 此個審判欲降落佇 雅各 的後代。</verse>
				<verse number="9">所有 以法蓮 的人民及 撒馬利亞 的住民攏知， 毋拘𪜶猶自高驕傲，講：</verse>
				<verse number="10">「磚仔厝已經倒落去， 阮欲用拍好的石重起。 桑材樹已經互人剉了， 阮會用柏香樹代替。」</verse>
				<verse number="11">所以上主激𪜶的敵人 利汛 王 起來攻擊 以色列 。</verse>
				<verse number="12">東有 敘利亞 人，西有 非利士 人， 𪜶攏開大嘴欲吞食 以色列 。 雖然是按呢，上主的受氣猶未煞； 伊的手猶伸長長欲處罰𪜶。</verse>
				<verse number="13">毋拘，人民無悔改歸向拍𪜶的上主， 嘛無尋求上主 — 萬軍的統帥。</verse>
				<verse number="14">所以，上主欲將 以色列 的頭及尾溜 — 棕樹枝及蘆葦 — 佇一日內攏斬斷。</verse>
				<verse number="15">長老及有地位的人就是頭； 用白賊教人的先知是尾溜。</verse>
				<verse number="16">諸個領袖導此個子民行毋著的路； 互𪜶導的人攏受吞滅。</verse>
				<verse number="17">所以，主無欲憐憫𪜶的少年人， 嘛無欲疼惜𪜶的孤兒寡婦； 因為所有的人攏無法無天， 逐個嘴講的話攏是邪惡。 雖然是按呢，上主的受氣猶未煞； 伊的手猶伸長長欲處罰𪜶。</verse>
				<verse number="18">邪惡親像火啲燒， 吞滅莿野草； 火佇艷艷的樹林啲𤏸， 火燻若雲柱直直淐高。</verse>
				<verse number="19">因為上主 — 萬軍的統帥的大受氣， 土地燒甲焦焦焦； 人民攏親像吞滅人的火， 給家己的兄弟燒甲賰無半個。</verse>
				<verse number="20">人民正旁搶，猶啲枵， 倒旁吞食，猶食𣍐飽； 逐個人攏食家己子兒 的肉。</verse>
				<verse number="21">瑪拿西 吞 以法蓮 ， 以法蓮 食 瑪拿西 ； 𪜶聯合攻擊 猶大 。 雖然是按呢，上主的受氣猶未煞； 伊的手猶伸長長欲處罰𪜶。</verse>
			</chapter>
			<chapter number="10">
				<verse number="1">慘啊，許個制定不義的法律， 寫判決書欺壓我的子民的人！</verse>
				<verse number="2">恁剝削散赤人的權益， 剝奪困苦人應有的公正， 將寡婦做恁的獵物， 孤兒做恁的戰利品。</verse>
				<verse number="3">佇審判的日，災難對遙遠的所在來的時， 恁欲按怎？ 恁欲對啥人求幫贊？ 恁的財富欲留互啥人？</verse>
				<verse number="4">恁只有屈佇俘虜中間， 抑是受殺害倒佇屍體中。 雖然是按呢，上主的受氣猶未煞； 伊的手猶伸長長欲處罰恁。</verse>
				<verse number="5">慘啊， 亞述 ！我受氣的棍， 我手中所攑受氣的柺。</verse>
				<verse number="6">我命令伊去對付無法無天的國民， 派伊去攻擊我所痛恨的人民； 搶𪜶的戰利品，奪𪜶搶奪的物， 閣踐踏𪜶，親像啲蹋街路的路糊糜。</verse>
				<verse number="7">毋拘這毋是 亞述 的計劃， 伊的目的毋是干焦按呢。 伊存心欲毀滅閣較多的國家。</verse>
				<verse number="8">伊誇口講： 「我的指揮官逐個攏是將才。</verse>
				<verse number="9">我有征服 迦勒挪 ，嘛有征服 迦基米施 。 我有征服 哈馬 ，嘛有征服 亞珥拔 。 我有征服 撒馬利亞 ，嘛有征服 大馬士革 。</verse>
				<verse number="10">我的手已經伸到拜偶像的國家； 𪜶的偶像比 耶路撒冷 及 撒馬利亞 的偶像較多。</verse>
				<verse number="11">我豈毋免對付 耶路撒冷 及伊的偶像， 親像我有對付 撒馬利亞 及伊的偶像？」</verse>
				<verse number="12">主佇 錫安山 及 耶路撒冷 完成伊欲做一切的工作了後，欲處罰自高自大的 亞述 王及伊的驕傲。</verse>
				<verse number="13">因為伊講： 「我靠家己的氣力及智慧完成此個事， 因為我真有本事。 我有廢除國及國之間的境界， 搶奪𪜶的財寶。 我親像勇士制伏君王。</verse>
				<verse number="14">我的手有搙著人的財富， 若啲提鳥仔巢。 我得著全地， 親像拾著留落來的鳥仔卵； 𣍐有鳥仔翼給我嚇驚， 嘛無鳥仔開嘴啾啾叫反抗。」</verse>
				<verse number="15">斧頭豈通對用伊剉柴的人誇口？ 鋸仔豈通展伊比拖鋸仔的較𠢕？ 是人啲用棍仔，毋是棍仔啲用人！</verse>
				<verse number="16">所以，至高上主 — 萬軍的統帥 欲互勇壯的人病甲消瘦落肉， 欲點火給𪜶的榮華燒掉。</verse>
				<verse number="17">彼時， 以色列 的光會變做火， 伊神聖的上帝變做火焰， 佇一日內給親像莿及野草的 亞述 王燒滅。</verse>
				<verse number="18">伊茂盛的樹林及真肥的田園會徹底受毀壞， 親像病人衰弱，死去，消失。</verse>
				<verse number="19">樹林內賰落來的樹真少， 連囝仔都會曉算。</verse>
				<verse number="20">佇彼日， 以色列 所賰的子民， 雅各 的後代死無了的人𣍐閣去倚靠攻擊𪜶的人；𪜶欲堅定倚靠上主 — 以色列 神聖的上帝。</verse>
				<verse number="21">雅各 的後代所賰的人會倒轉去大權能的上帝遐。</verse>
				<verse number="22">雖然你的子民 以色列 親像海邊的沙赫多，𪜶中間只有賰幾個仔會轉來。毀滅的事已經決定，因為上主大大施行公義。</verse>
				<verse number="23">按呢，至高上主 — 萬軍的統帥照伊所決定，欲徹底毀壞全地。</verse>
				<verse number="24">至高上主 — 萬軍的統帥確實有按呢講：「住佇 錫安 我的子民啊，雖然 亞述 用柺給恁拍，親像 埃及 用棍給恁摃，恁毋免驚；</verse>
				<verse number="25">因為我對恁的受氣連鞭會煞，我的受氣是欲互 亞述 滅亡。」</verse>
				<verse number="26">後來上主 — 萬軍的統帥會攑伊的鞭捽𪜶，親像伊佇 俄立 的石磐鞭拍 米甸 。伊欲伸伊的柺仔佇海的頂面，親像伊佇 埃及 有按呢做。</verse>
				<verse number="27">佇彼日， 亞述 下的重擔欲對恁的肩頭徙走，下佇恁頷頸的軛欲摃斷。</verse>
				<verse number="28">亞述 攻佔 艾 城， 經過 米磯崙 ， 下補給品佇 密抹 。</verse>
				<verse number="29">𪜶經過隘口， 佇 迦巴 過暝。 拉瑪 人皮皮惙， 掃羅 故鄉的 基比亞 人逃走。</verse>
				<verse number="30">迦琳 的住民啊，著大聲喝； 萊煞 人啊，著聽； 亞拿突 人啊，著應答。</verse>
				<verse number="31">瑪得米那 人逃走； 基柄 的住民逃命。</verse>
				<verse number="32">彼日， 亞述 王會佇 挪伯 停啲排陣； 伊欲動手攻擊 錫安山 ， 就是 耶路撒冷 的山。</verse>
				<verse number="33">看咧，至高上主 — 萬軍的統帥 欲用通驚的力量剉斷樹枝； 大欉樹會受斬斷， 粗閣勇的樹攏會倒甲平平平。</verse>
				<verse number="34">伊欲用斧頭剉平樹林， 連 黎巴嫩 上好的樹都倒了了。</verse>
			</chapter>
			<chapter number="11">
				<verse number="1">對 耶西 的老樹頭會茁芛， 對伊的根會發幼枝。</verse>
				<verse number="2">上主的神欲及伊同在， 就是互伊有智慧及聰明的神， 有計劃及能力的神， 有智識及敬畏上主的神。</verse>
				<verse number="3">敬畏上主是伊所意愛。 伊𣍐照目睭所看來審判， 嘛𣍐靠耳孔所聽來判斷。</verse>
				<verse number="4">伊欲用公義維護散赤人， 用公平保障互人看無起的人。 伊欲用公正的裁決做棍摃迫害者， 發命令處死邪惡的人。</verse>
				<verse number="5">伊欲用公義治理， 用信實統治。</verse>
				<verse number="6">豺狼及綿羊會做夥住； 豹及山羊仔子做夥睏。 牛仔子及獅仔子鬥陣食； 細漢囝仔會做牧者看顧𪜶。</verse>
				<verse number="7">牛母及熊母會做夥食； 𪜶的子會做陣歇睏。 獅會親像牛食草。</verse>
				<verse number="8">食奶的嬰仔會佇毒蛇的孔口𨑨迌； 斷奶的囝仔會伸手入去毒蛇的穴。</verse>
				<verse number="9">佇我聖山的逐所在， 一定無傷害，嘛無破壞； 因為對上主的認識普及全地， 親像水充滿大海。</verse>
				<verse number="10">佇彼日， 耶西 的根會成做萬民的大旗徛在在。萬國攏會擁護伊。伊徛起的所在會充滿榮光燦爛。</verse>
				<verse number="11">彼時，主會第二遍伸手對 亞述 、 埃及 、 巴特羅 、 衣索匹亞 、 以攔 、 巴比倫 、 哈馬 ，以及沿海地區贖回所賰的子民倒轉來。</verse>
				<verse number="12">主會向萬國𫞼大旗，對地的四方聚集四散的 以色列 人倚來，將受趕散的 猶大 人民聚集倒轉來。</verse>
				<verse number="13">彼時， 以色列 的怨妒會消失， 猶大 的敵視嘛會煞； 以色列 𣍐閣怨妒 猶大 ， 猶大 嘛𣍐閣敵視 以色列 。</verse>
				<verse number="14">𪜶會鬥陣衝落來攻擊西旁的 非利士 ， 搶奪東旁的人民。 𪜶會征服 以東 及 摩押 的人民； 亞捫 人會屈服佇𪜶腳下。</verse>
				<verse number="15">上主會互 埃及 的海灣焦硞硞； 伊會攑高伊的手大力搧燒風， 互 幼發拉底河 變做七條焦溪， 人穿草鞋嘛會當行過。</verse>
				<verse number="16">欲有一條大路為著上主所賰的子民備辦， 通互𪜶對 亞述 逃脫出來， 親像古早 以色列 人對 埃及 地出來像款。</verse>
			</chapter>
			<chapter number="12">
				<verse number="1">佇彼日，你會講： 上主，我感謝你； 雖然你有對我發受氣， 毋拘你的受氣已經煞， 你有給我安慰。</verse>
				<verse number="2">看啊，上帝是我的拯救； 我倚靠伊，攏𣍐驚惶。 上主是我的氣力，我的詩歌； 伊一直是我的拯救。</verse>
				<verse number="3">恁會對拯救的井 歡喜快樂汲水。</verse>
				<verse number="4">佇彼日恁會講： 著稱讚上主，求叫伊的名； 著對萬民宣揚伊的作為。 著宣布：伊的名應該受尊崇。</verse>
				<verse number="5">著吟詩稱讚上主， 因為伊有奇妙的作為； 著對全世界宣揚此個代誌。</verse>
				<verse number="6">恁 錫安 的住民啊，著歡呼，大聲唱歌， 因為佇恁中間的 以色列 神聖的上帝上偉大。</verse>
			</chapter>
			<chapter number="13">
				<verse number="1">這是 亞摩斯 的子 以賽亞 對上帝所領受有關 巴比倫 的信息。</verse>
				<verse number="2">著佇光禿禿的山頂𫞼一支大旗， 對戰士發號令； 著給𪜶搧手， 互𪜶進入貴族的門。</verse>
				<verse number="3">我有命令特別揀出來的人， 有選召耀武揚威的勇士， 來執行我的受氣。</verse>
				<verse number="4">聽咧，山頂有喧嘩的聲， 若親像一大隊軍兵啲聚集！ 聽咧，有萬國集合吵鬧的聲！ 上主 — 萬軍的統帥啲召集軍隊備戰。</verse>
				<verse number="5">𪜶對遙遠的所在， 對地的彼旁來； 𪜶是上主受氣用的武器， 欲毀壞全地。</verse>
				<verse number="6">恁著大聲哀哭，因為上主的日近啦； 全能者施行毀滅的時到啦！</verse>
				<verse number="7">所有的手骨攏會痠軟無力， 人的心會消熔失膽。</verse>
				<verse number="8">𪜶攏會互恐惶充滿， 互痛疼艱苦擒啲。 𪜶會親像產婦催陣，攪絞痛疼， 因為恐怖卬愕，互相相來相去； 𪜶攏驚甲面青筍筍。</verse>
				<verse number="9">看咧，上主的日啲欲到啊！ 有殘酷、憤怒，及大受氣， 欲互大地荒廢， 互地上的罪人受毀滅。</verse>
				<verse number="10">天頂的星辰天體攏𣍐發光。 日頭一下出來隨時變烏暗， 月娘嘛暗淡無光。</verse>
				<verse number="11">上主講： 「我欲因為人的邪惡刑罰世界， 因為𪜶的罪惡給𪜶處罰。 我欲終止驕傲的人的自高， 欲制伏暴君的猖狂。</verse>
				<verse number="12">我會互人比上等的金較少， 比 俄斐 的純金閣較稀罕。</verse>
				<verse number="13">我上主 — 萬軍的統帥憤怒的時， 發大受氣彼日， 欲互天搖泏， 互大地振動，離開原位。</verse>
				<verse number="14">「彼時，𪜶會親像受追趕的鹿仔， 親像無牧者看顧的羊， 每一個人攏會轉去家己的同胞遐， 逐個人逃走轉去家己的故鄉。</verse>
				<verse number="15">互人趇著的，會互槍鑿死； 互人掠著的，會互刀刣死。</verse>
				<verse number="16">𪜶的嬰仔會佇𪜶面前 互人摔甲碎糊糊。 𪜶的厝會互人搶劫； 𪜶的某受侮辱。</verse>
				<verse number="17">「看咧，我欲煽動 米底亞 人起來攻擊𪜶； 米底亞 人無看重銀，嘛無愛金。</verse>
				<verse number="18">𪜶的弓箭會射倒少年人； 𪜶𣍐憐憫腹肚內的嬰仔， 嘛𣍐保惜囝仔的性命。</verse>
				<verse number="19">巴比倫 原本是列國的榮光， 迦勒底 人誇口的榮耀， 毋拘𪜶會互上帝捙倒， 抵親像 所多瑪 及 蛾摩拉 受毀滅。</verse>
				<verse number="20">巴比倫 𣍐閣有人住， 代代𣍐閣有人徛起。 無半個 阿拉伯 人會佇遐搭布棚， 顧羊的嘛𣍐導羊群去遐歇睏。</verse>
				<verse number="21">毋拘，曠野的走獸會來倒佇遐， 佇遐的厝有真多暗光鳥。 鴕鳥會佇遐作巢， 野山羊佇遐跳舞。</verse>
				<verse number="22">豺狼會佇𪜶的堡壘呼狗螺， 𪜶奢華的宮殿有豺狼啲哮。 巴比倫 的結局已經逼近； 伊滅亡的日𣍐閣延遲！ 伊的日無久啦！」</verse>
			</chapter>
			<chapter number="14">
				<verse number="1">上主欲憐憫伊的子民 以色列 ，閣一遍揀選 雅各 ，給𪜶安置佇𪜶家己的鄉土。真多住佇𪜶中間外族的人會及𪜶聯合，歸屬 雅各 的後代。</verse>
				<verse number="2">真多國家會協助𪜶轉去𪜶的祖國； 以色列 家會佇上主的地得著外族人做男僕女婢。以前掠𪜶的今變做𪜶的俘虜，過去管轄𪜶的今欲受𪜶管轄。</verse>
				<verse number="3">上主互恁對悲傷、苦痛，對受強迫做苦工得著解放彼時，</verse>
				<verse number="4">你會對 巴比倫 王唱此首諷刺的詩，講： 壓迫者竟然滅亡， 伊的強暴消失啦！</verse>
				<verse number="5">上主已經摃斷邪惡者的棍， 拍斷統治者的柺！</verse>
				<verse number="6">𪜶佇大受氣的時不斷欺壓列國， 佇憤怒中殘酷管轄列邦。</verse>
				<verse number="7">全地得著安歇平靜， 所有的人攏歡喜唱歌。</verse>
				<verse number="8">連松樹及 黎巴嫩 的柏香樹都因為你的結局歡喜唱，講： 今你已經倒落去， 𣍐閣有剉柴的人來給阮剉。</verse>
				<verse number="9">大地下面的陰府轟動，欲迎接你的來臨。 地上統治者的陰魂攏受喚起， 列國君王的陰魂對𪜶的寶座起來， 歡迎你到位。</verse>
				<verse number="10">𪜶會開嘴對你講： 你及阮像款攏變軟汫！ 你及阮攏相像啦！</verse>
				<verse number="11">你的威風及你琴瑟的聲攏落到陰府。 你睏的眠床鋪的是蟲； 你蓋的被是蛆 。</verse>
				<verse number="12">天光早的啟明星啊， 你竟然對天落落來！ 你此個列國的征服者啊， 你竟然跋落地面！</verse>
				<verse number="13">你心內按呢講： 我欲𬦰上天頂， 將我的寶座設佇上帝眾星辰的頂面。 我欲坐佇聚會的山頂， 佇極北旁的所在。</verse>
				<verse number="14">我欲𬦰上雲頂； 我欲及至高者平高。</verse>
				<verse number="15">毋拘，你會受擲落陰府， 到深坑上深的所在。</verse>
				<verse number="16">看見的人攏直直給你相， 心內想講： 此個豈毋是互大地搖泏， 互列國轟動彼個人？</verse>
				<verse number="17">此個豈毋是互世界變做荒埔， 毀壞城市， 毋放俘虜轉去𪜶兜彼個人？</verse>
				<verse number="18">列國的國王逐個攏真有尊榮， 安葬佇家己的墳墓。</verse>
				<verse number="19">毋拘你死無葬身之地； 你的身屍互人討厭，受人踐踏， 互真多受殺害的人的屍體蓋啲， 做夥落落去深坑的石頭遐。</verse>
				<verse number="20">你𣍐當及許個君王同埋葬， 因為你毀壞你的國， 殺害你的人民。 願歹人的後代 永遠互人𣍐記得。</verse>
				<verse number="21">因為𪜶祖先的罪， 恁著給𪜶的子孫全部屠殺， 才免𪜶閣興起，佔有大地， 佇世界逐所在起造城市。</verse>
				<verse number="22">上主 — 萬軍的統帥講： 我欲起來攻擊 巴比倫 ， 欲擦消𪜶的名，剿滅死無去的人， 以及𪜶的子子孫孫。 上主按呢宣布。</verse>
				<verse number="23">我欲互 巴比倫 變做豪豬住的所在， 變做攏是路糊糜窟的所在。 我欲用毀滅的掃帚給伊掃。 上主 — 萬軍的統帥按呢宣布。</verse>
				<verse number="24">上主 — 萬軍的統帥按呢立誓講： 我所計劃的，攏會發生； 我所決定的，攏會實現。</verse>
				<verse number="25">我欲佇我的地拍碎 亞述 ， 欲佇我的眾山踐踏伊。 伊囥佇我子民的軛，我會給𪜶徙開； 伊下佇𪜶肩頭的重擔，我會給𪜶搬落來。</verse>
				<verse number="26">這是為著全地所定的計劃； 這是伸出去欲攻擊列國的手骨。</verse>
				<verse number="27">上主 — 萬軍的統帥已經做此個決定， 啥人會當給伊阻擋？ 伊伸出去的手骨， 啥人會當互伊閣勼倒轉？</verse>
				<verse number="28">亞哈斯 王死彼年，上帝宣布下面的信息：</verse>
				<verse number="29">恁所有的 非利士 人啊， 毋通因為拍恁的棍已經斷來歡喜， 因為蛇一定會生毒蛇， 所生的是會飛的火蛇。</verse>
				<verse number="30">上主會牧養伊的子民中上散赤的； 欠缺的會當安然歇睏。 毋拘，我欲用飢荒殺害恁 非利士 的後代， 欲刣死恁所賰死無去的人。</verse>
				<verse number="31">城門啊，著啼哭！城市啊，著喉叫！ 非利士 啊，著驚惶皮皮惙！ 有烏煙對北方啲落來； 軍兵向前進軍， 隊伍中無一個隨𣍐著陣。</verse>
				<verse number="32">咱欲按怎回答 非利士 的使者？ 咱著給𪜶講： 上主設立 錫安 ， 佇遐，伊的子民中困苦的會得著保護。</verse>
			</chapter>
			<chapter number="15">
				<verse number="1">這是有關 摩押 的信息： 摩押 的 亞珥 荒廢， 佇一暝的中間攏無去啦！ 摩押 的 基珥 荒廢， 佇一暝的中間攏無去啦！</verse>
				<verse number="2">底本 的人民上去𪜶的寺廟， 佇遐啼哭。 摩押 人為著 尼波 及 米底巴 哀哭。 所有的人頭殼剃光光； 逐個人的嘴鬚剃了了。</verse>
				<verse number="3">𪜶佇街路攏縖麻布， 佇廣場及家己的厝尾頂啼哭， 目屎㴙㴙滴。</verse>
				<verse number="4">希實本 及 以利亞利 出聲哭； 𪜶悲哀的聲佇 雅雜 都聽會著。 所以， 摩押 武裝的軍人大聲喝； 𪜶的心失膽，愕愕惙。</verse>
				<verse number="5">我的心為著 摩押 啼哭； 𪜶的難民逃走去 瑣珥 ， 到 伊基拉‧施利施亞 。 𪜶𬦰上 魯希 的山坪，那𬦰那哭； 𪜶逃走去 何羅念 ，因為受毀滅大聲哀哭。</verse>
				<verse number="6">寧林溪 的水焦去； 溪邊的草凋去， 菜蔬死去， 青翠的物攏無去。</verse>
				<verse number="7">所以，𪜶得著的財物， 所有囤積的物件， 攏會搬去 柳樹溪 彼旁。</verse>
				<verse number="8">因為哀慘的聲已經傳遍 摩押 四境； 啼哭的聲迵到 以基蓮 ， 傳到 比珥‧以琳 。</verse>
				<verse number="9">底們 河流的水攏是血； 毋拘，我上帝欲加添 底們 的災難， 有獅來追趇 摩押 的難民 及彼所在流亡死無去的人。</verse>
			</chapter>
			<chapter number="16">
				<verse number="1">恁 摩押 的難民著對曠野的 西拉 ， 送羊仔做禮物互 耶路撒冷 的領袖。</verse>
				<verse number="2">摩押 的人民會佇 亞嫩河 無目的賴賴趖， 親像鳥仔互人對鳥仔巢趕出去， 逐所在流浪，飛來飛去。</verse>
				<verse number="3">𪜶會對 猶大 人講： 恁著給阮指教，教阮著按怎做。 求恁互恁的蔭影佇日時親像暗暝， 給阮諸個逃命的蓋起來， 互難民的行蹤無人知。</verse>
				<verse number="4">求恁容允受趕逐的 摩押 人及恁住， 通做𪜶的避難所，互𪜶免受毀滅。 當壓迫停止， 破壞煞， 強暴對國內消失的時，</verse>
				<verse number="5">大闢 家有一位王會用信實統治， 伊的王位會用仁愛堅立； 伊是尋求公平， 實踐公義的審判者。</verse>
				<verse number="6">猶大 的人民講： 聽講 摩押 人非常驕傲， 自高自大，驕傲到極； 𪜶的誇口攏是空空。</verse>
				<verse number="7">所以， 摩押 著啼哭， 每一個 摩押 人著為 摩押 啼哭。 恁會因為食𣍐著 吉珥‧哈列設 的葡萄乾丸哀傷。</verse>
				<verse number="8">希實本 的田園荒廢， 西比瑪 的葡萄樹焦去。 列國的君王遏折葡萄樹上好的枝； 許個枝曾伸到 雅謝 ，旋去曠野， 甚至𨃟過海，去到外國。</verse>
				<verse number="9">所以，我欲及 雅謝 做夥為著 西比瑪 的葡萄樹啼哭。 希實本 及 以利亞利 啊， 我欲用目屎給恁灌沃， 因為恁收成成熟的果子 及五穀歡呼的聲已經煞。</verse>
				<verse number="10">歡喜快樂 已經對果子園消失啦。 佇葡萄園無閣聽著歌聲， 嘛無閣有歡呼。 無閣有人佇酒窟踏酒； 我互歡呼的聲停止。</verse>
				<verse number="11">所以，我的心為著 摩押 悲傷， 我的心腸為著 吉珥‧哈列設 哀傷， 親像琴發出哀怨的聲。</verse>
				<verse number="12">摩押 人雖然拼命去山頭壇，閣去𪜶的聖所祈禱，總是攏無採工。</verse>
				<verse number="13">以上是以前上主所講有關 摩押 的話。</verse>
				<verse number="14">現在上主講：「佇三年內，照倩工的年限， 摩押 的榮華一定會消失，雖然人口赫呢多，毋拘賰落來的人會真少，閣衰弱。」</verse>
			</chapter>
			<chapter number="17">
				<verse number="1">這是有關 大馬士革 的信息： 看咧， 大馬士革 無閣是城市， 一定會變做糞埽堆。</verse>
				<verse number="2">亞羅珥 的城市會永遠荒廢， 變做飼羊的所在； 羊倒啲歇睏嘛𣍐受嚇驚。</verse>
				<verse number="3">以色列 𣍐閣有要塞， 大馬士革 嘛𣍐閣有主權； 所賰的 敘利亞 人 會親像 以色列 人失去光彩。 上主 — 萬軍的統帥按呢宣告。</verse>
				<verse number="4">佇彼日， 以色列 的光彩會消失， 伊肥軟的身軀會消瘦落肉；</verse>
				<verse number="5">親像收割了的麥園，賰的麥仔互人拾去； 親像 利乏音 山谷收割過的麥園，賰的麥穗嘛互人拾了了。</verse>
				<verse number="6">以色列 人中間只有少數會留啲； 𪜶會親像抵仔收成了的橄欖樹， 樹頂只有賰兩三粒橄欖， 下面的枝上多嘛才賰四五粒。 上主 — 以色列 的上帝按呢宣告。</verse>
				<verse number="7">佇彼日，人會轉向𪜶的創造主；𪜶的目睭會仰望 以色列 神聖的上帝。</verse>
				<verse number="8">𪜶𣍐閣歸向𪜶親手起的祭壇，嘛𣍐閣倚靠𪜶指頭仔造的 亞舍拉 女神的柱像及香台。</verse>
				<verse number="9">佇彼日， 以色列 防備堅固的城市會拋荒荒廢，親像 亞摩利 人及 希未 人 對 以色列 人面前逃走棄拺的城市。</verse>
				<verse number="10">以色列 啊，你已經𣍐記得拯救你的上帝， 𣍐記得互你避難的大石磐， 去拜外國的神明。 你親像有栽上好的樹欉， 毋拘接外來的樹枝。</verse>
				<verse number="11">雖然佇栽種彼日就茁芛， 佇栽種彼早起就開花， 總是收成會落空； 彼日，只有病疼及大痛苦。</verse>
				<verse number="12">聽咧，有真多人民啲喧嘩； 𪜶喧嘩的聲親像大海嘩嘩哮！ 列國若大湧啲衝擊， 親像波浪直直衝。</verse>
				<verse number="13">列國雖然若大水直直潑， 上帝一下責備，𪜶隨時走離離， 親像粗糠互山頂吹落來的捲螺仔風掃走， 親像草幼仔互大風吹散。</verse>
				<verse number="14">看咧！暝時，有恐怖， 日未出，𪜶就攏消失。 這就是搶阮的人應受的報應， 是劫阮的人應有的命運。</verse>
			</chapter>
			<chapter number="18">
				<verse number="1">佇 古實 的河彼旁有一塊地， 佇遐有聽著真多翼啲的聲；</verse>
				<verse number="2">遐有真多使者 坐蘆葦造的船對 尼羅河 落來。 恁諸個行動敏捷的使者，著去， 去一個身材高大、皮膚光滑的民族遐， 一個遠及近的人攏驚畏的國家， 一個強大、愛踐踏人的國家； 𪜶的土地互河流分開。</verse>
				<verse number="3">恁諸個住佇世間， 地上所有的住民啊！ 大旗佇山頂𫞼起來的時，著看， 哨角歕的時，著聽！</verse>
				<verse number="4">上主對我講： 「我欲對我徛起的所在 恬恬觀看， 親像日光的炎熱， 親像收割的時露水蒸發的雲霧。」</verse>
				<verse number="5">葡萄猶未收成以前， 花謝，欲結做葡萄的時， 上主會用鐮刀將幼枝割斷， 將艷艷的葡萄藤剪㧒确。</verse>
				<verse number="6">𪜶會受棄拺，㧒互山頂的鷹鳥， 擲互地上的野獸； 佇夏天，互鷹鳥作巢， 佇冬天，互野獸歇睏。</verse>
				<verse number="7">彼時，有一個國家，土地互河流分開；伊的人民身材高大，皮膚光滑，踐踏人，互遠及近的人攏驚畏。𪜶會來到 錫安山 敬拜上主，獻禮物互上主 — 萬軍的統帥。</verse>
			</chapter>
			<chapter number="19">
				<verse number="1">這是有關 埃及 的信息。 看咧，上主坐快速的雲， 飛來 埃及 。 埃及 的偶像會佇伊面前皮皮惙； 埃及 人的心會消熔失膽。</verse>
				<verse number="2">上主講： 我欲激起 埃及 人攻擊 埃及 人： 兄弟攻擊兄弟， 厝邊攻擊厝邊， 城攻擊城， 國攻擊國。</verse>
				<verse number="3">埃及 人會失膽無力； 我欲拍亂𪜶的計劃。 𪜶會去尋𪜶的偶像及唸咒的， 去求𪜶的牽亡的及童乩桌頭。</verse>
				<verse number="4">我欲給 埃及 人交互 一個兇惡的國王統治。 至高上主 — 萬軍的統帥按呢宣告。</verse>
				<verse number="5">海水會焦去， 江河會焦硞硞。</verse>
				<verse number="6">運河的水會臭， 尼羅河 的水會減少煞焦去； 蘆葦及蘆竹攏會凋去。</verse>
				<verse number="7">尼羅河 河口及沿岸栽種的， 會枯焦，互風吹散煞無去。</verse>
				<verse number="8">掠魚的人會哀哭； 佇 尼羅河 釣魚的會悲傷； 佇河裡拋網的攏𣍐當生活。</verse>
				<verse number="9">挲麻做紗及織麻紗的人 攏會失望見笑。</verse>
				<verse number="10">織布師傅會餒志； 倩來的工人會煩惱憂愁。</verse>
				<verse number="11">瑣安 的領袖有夠愚戇； 法老上有智慧的顧問無好的計策。 恁哪會當給法老講 「我是有智慧的人的後代， 是古早君王的子孫」？</verse>
				<verse number="12">埃及 王，你有智慧的顧問佇叨位？ 𪜶現在著講互你知 上主 — 萬軍的統帥欲對付 埃及 的計劃。</verse>
				<verse number="13">瑣安 的領袖有夠戇， 孟斐斯 的領袖互人騙去啦； 諸個支族的棟樑給 埃及 導迷路。</verse>
				<verse number="14">上主給錯亂的神灌入𪜶內面， 互 埃及 所做一切的代誌攏差錯， 親像酒醉的人那顛那吐。</verse>
				<verse number="15">佇 埃及 ，無一個有路用， 無論是頭抑是尾溜， 棕樹枝抑是蘆葦，攏像款！</verse>
				<verse number="16">佇彼日， 埃及 人會親像婦仁人驚惶愕愕惙，因為上主 — 萬軍的統帥攑手欲處罰𪜶。</verse>
				<verse number="17">猶大 地嘛會互 埃及 人驚惶；若有人提起 猶大 的名，𪜶就皮皮惙，因為上主 — 萬軍的統帥有計劃欲對付𪜶。</verse>
				<verse number="18">佇彼日， 埃及 有五個城市，人會講希伯來話，對上主 — 萬軍的統帥宣誓盡忠；其中有一個城叫做「太陽城」 。</verse>
				<verse number="19">佇彼日， 埃及 地的中心會起造一座祭壇獻互上主，嘛會佇邊界𫞼一支獻互上主的柱。</verse>
				<verse number="20">諸個欲做上主 — 萬軍的統帥臨在佇 埃及 的記號及見證。 埃及 人受壓迫求叫上主的時，伊會替𪜶差一個拯救者來保護𪜶，解放𪜶。</verse>
				<verse number="21">上主會對 埃及 人顯示伊本身。佇彼日， 埃及 人會承認上主，對伊獻燒化祭及素祭，嘛會對伊下願閣謝願。</verse>
				<verse number="22">上主一定會責罰 埃及 人，然後給𪜶醫治。𪜶越轉身歸向上主的時，伊會聽𪜶的祈求，給𪜶醫好。</verse>
				<verse number="23">佇彼日，對 埃及 到 亞述 會開一條大路。 亞述 人會去 埃及 ， 埃及 人會去 亞述 ； 埃及 人及 亞述 人會做夥敬拜上主。</verse>
				<verse number="24">佇彼日， 以色列 會及 埃及 以及 亞述 ，三國做夥成做全世界的祝福。</verse>
				<verse number="25">上主 — 萬軍的統帥欲賜福互𪜶，講：「願我的子民 埃及 ，我的手所造的 亞述 ，我的選民 以色列 ，攏受祝福！」</verse>
			</chapter>
			<chapter number="20">
				<verse number="1">亞述 王 撒珥根 命令伊的元帥去攻取 非利士 的 亞實突 城。</verse>
				<verse number="2">此個代誌以前，上主對 亞摩斯 的子 以賽亞 講：「你去，將你身軀頂的麻布衫褪起來，腳穿的涼鞋褪起來！」 以賽亞 就照按呢做，赤身露體褪赤腳行路。</verse>
				<verse number="3">然後上主講：「這是 埃及 及 古實 啲欲抵著的代誌的記號及兆頭。我的僕人有三年久赤身露體褪赤腳，</verse>
				<verse number="4">亞述 王會親像按呢掠 埃及 的俘虜及 古實 的戰犯，無論是少年的抑是老的，互𪜶攏赤身露體褪赤腳遊行，互 埃及 見笑。</verse>
				<verse number="5">所有倚靠 古實 以及用 埃及 做誇口的 以色列 人會驚惶見笑。</verse>
				<verse number="6">佇彼日，住佇沿海的人會講：『看咧，咱所倚靠欲保護咱逃脫 亞述 王的都攏按呢，咱哪有法度走閃？』」</verse>
			</chapter>
			<chapter number="21">
				<verse number="1">這是有關沿海曠野的信息。 捲螺仔風對南部的沙漠掃過來， 對曠野，對恐怖的地來。</verse>
				<verse number="2">我有看見悽慘的異象： 背叛的人繼續背叛； 破壞的人一直破壞。 以攔 ，上去攻擊！ 米底亞 ，給伊包圍！ 上主欲結束 巴比倫 所造成的痛苦。</verse>
				<verse number="3">所以，我的腰劇烈痛疼， 親像產婦啲催陣。 我驚甲什麼都聽𣍐著； 我惙甲什麼都看無。</verse>
				<verse number="4">我的心混亂， 恐怖互我皮皮惙； 我所意愛的黃昏互我㘈㘈顫。</verse>
				<verse number="5">𪜶排設宴席， 地毯鋪好勢， 亦食亦飲。 「領袖，起來！ 用油擦盾牌！」</verse>
				<verse number="6">主給我講： 「你去，去安排一個守望的， 叫伊給你報告伊看著的事。</verse>
				<verse number="7">伊會看著軍隊， 馬兵一對一對， 閣有騎驢仔的， 騎駱駝的。 伊著聽， 著注意聽！」</verse>
				<verse number="8">然後守望的喝講： 「主啊，我逐日徛啲守望， 逐暝佇守望台看守。</verse>
				<verse number="9">看咧，馬兵來啦！ 一對一對啲來！」 後來伊閣喝講： 「 巴比倫 倒落去啦，倒落去啦！ 一切的神明偶像 攏摃碎落甲歸土腳。」</verse>
				<verse number="10">噢，恁受拍碎，倒甲歸拍麥場，我的同胞啊， 我對上主 — 萬軍的統帥、 以色列 的上帝聽著的，我攏給恁講啦！</verse>
				<verse number="11">這是有關 以東 的信息。 有人對 以東 啲喝，講： 「守望的，現在幾更？ 守望的，暝時閣偌久才會過去？」</verse>
				<verse number="12">守望的應講： 「早起時啲欲來啊，毋拘猶是暝時。 你若愛問，做你問， 嘛通閣轉來問。」</verse>
				<verse number="13">這是有關 阿拉伯 的信息。 佇 阿拉伯 的樹林歇暝的 底但 商隊啊，</verse>
				<verse number="14">著提水來互嘴焦的人飲。 提瑪 的住民啊， 著帶食物互逃難的人食。</verse>
				<verse number="15">因為𪜶逃避刀劍， 啲逃閃已經拔出的刀劍； 𪜶閃避已經扭開的弓， 啲逃閃猛烈的戰爭。</verse>
				<verse number="16">主對我講：「佇一年內，照倩工簽約的年限， 基達 所有的榮華攏會無去；</verse>
				<verse number="17">攑弓箭的 基達 勇士會賰真少。」上主 — 以色列 的上帝按呢宣告。</verse>
			</chapter>
			<chapter number="22">
				<verse number="1">這是有關異象山谷的信息。 是按怎恁攏𬦰上厝尾頂？</verse>
				<verse number="2">恁此個充滿鬧熱喧嘩的城市， 恁中間死去的人毋是互刀劍刣死， 嘛毋是佇戰爭中死亡。</verse>
				<verse number="3">恁所有的官長歸陣逃走， 無一個開弓射箭。 戰士雖然走真遠， 嘛互人尋著，做一下掠去。</verse>
				<verse number="4">所以，我講：「插我， 互我痛心啼哭。 毋通想欲給我安慰， 我的同胞攏滅亡啦！」</verse>
				<verse number="5">這是至高上主 — 萬軍的統帥 互異象山谷驚惶、混亂、受踐踏的日； 佇彼日城受攻破， 哀叫的聲響遍山間。</verse>
				<verse number="6">以攔 的兵騎馬，坐戰車，帶箭袋來進攻， 吉珥 的兵將盾牌㧣出來。</verse>
				<verse number="7">你上媠的山谷戰車滿滿是， 馬兵佇城門口排陣。</verse>
				<verse number="8">猶大 所有的防衛攏失效。 佇彼日，恁期待 黎巴嫩林宮 提供武器。</verse>
				<verse number="9">恁發覺 大闢 城有真多破隙，就佇 下池 積聚水。</verse>
				<verse number="10">恁點算 耶路撒冷 的厝，拆厝來修補城牆，互牆較好防備。</verse>
				<verse number="11">恁佇兩個城牆中間造水窟，通積聚舊水池的水。毋拘，恁攏無倚靠造此個城的上帝，嘛無給對古早就計劃此項代誌彼位看在眼內。</verse>
				<verse number="12">佇彼日，至高上主 — 萬軍的統帥叫恁 著啼哭悲傷， 著剃光頭穿麻衫。</verse>
				<verse number="13">毋拘恁狂歡宴樂， 刣牛刣羊，大食大飲。 恁講：「咱來食來飲， 因為明仔載咱都欲死啊！」</verse>
				<verse number="14">上主 — 萬軍的統帥親身給我啟示講： 「此個罪，到恁死，我一定𣍐赦免！」 至高上主 — 萬軍的統帥按呢宣布。</verse>
				<verse number="15">至高上主 — 萬軍的統帥按呢講：「你去見宮廷財務總管 舍伯那 ，給伊講：</verse>
				<verse number="16">『你佇遮啲創啥？啥人互你權柄佇遮為你家己拍墳墓，佇高的巖石中造一個安歇的所在？</verse>
				<verse number="17">你看起來假若真了不起，毋拘上主欲給你掠起來，給你搦歸丸親像球，㧒去真遠的所在。你會死佇遐，你掠做誇耀的戰車嘛會放佇遐。你會成做你主人的家的見笑。</verse>
				<verse number="18"></verse>
				<verse number="19">我欲撤你的職，剝你的位。</verse>
				<verse number="20">「『佇彼日，我欲給我的僕人 希勒家 的子 以利亞敬 召來。</verse>
				<verse number="21">我欲將你的外袍互伊穿，將你的腰帶互伊縖，將你的權柄交互伊。伊欲親像老父看顧 耶路撒冷 的住民及 猶大 人民。</verse>
				<verse number="22">我欲將 大闢 王朝的鎖匙囥佇伊的肩頭頂；伊開，就無人會當關；伊關，就無人會當開。</verse>
				<verse number="23">我欲給伊安置佇穩固的地位，親像杙仔釘真牢。伊欲成做𪜶老父的家的榮耀。</verse>
				<verse number="24">伊的家族，對子到孫的擔頭，親像坩仔鍋仔，攏掛佇伊身上。』」</verse>
				<verse number="25">上主 — 萬軍的統帥講：「佇彼日，釘佇堅固所在的杙仔會冗去，落去。伊揹的重擔會無去！」</verse>
			</chapter>
			<chapter number="23">
				<verse number="1">這是有關 泰爾 的信息。 他施 的船隻啊，著悲傷啼哭， 因為 泰爾 受毀壞，無厝嘛無港口啦！ 對 基提 的地有話傳到𪜶遐。</verse>
				<verse number="2">沿海的住民， 西頓 的生理人啊，著哀哭！ 恁過海賺真多錢；</verse>
				<verse number="3">經過大海，載 西曷 的五穀、 尼羅河 兩岸的收成； 泰爾 成做萬國的市場。</verse>
				<verse number="4">西頓 ，海洋的要塞啊，著見笑， 因為大海有講： 「我毋曾懷孕， 嘛毋曾生你。 我毋曾養飼後生， 嘛毋曾養育查某子。」</verse>
				<verse number="5">消息傳到 埃及 的時， 𪜶會為著有關 泰爾 的風聲非常痛心。</verse>
				<verse number="6">沿海的住民啊，著過去 他施 ！ 著哀哭！</verse>
				<verse number="7">這豈是古早就建立，繁榮的城市？ 有真多人對遮去到真遠的所在做生理。</verse>
				<verse number="8">泰爾 曾指派人做別國的王， 伊的生理人真多是王親， 伊的商人是國戚。 啥人決定欲攻擊 泰爾 ？</verse>
				<verse number="9">這是上主 — 萬軍的統帥的決定， 欲凌辱 泰爾 所誇口的榮光， 互世上一切的貴族見笑。</verse>
				<verse number="10">他施 的住民啊，著住滿恁的土地， 親像 尼羅河 的水氾濫， 無受限制。</verse>
				<verse number="11">上主已經伸手佇大海的頂面， 欲互列國皮皮惙。 伊下令欲毀壞 腓尼基 的要塞。</verse>
				<verse number="12">伊講：「受凌辱的在室女 西頓 啊， 你𣍐閣有快樂！ 起來！過去 基提 ， 佇遐你嘛𣍐當得著安歇。」</verse>
				<verse number="13">恁看 迦勒底 人的地， 伊的人民無閣存在。 亞述 人互伊成做野獸住的所在； 𪜶起造攻城的塔， 拆毀伊的宮殿，互此塊地拋荒。</verse>
				<verse number="14">他施 的船隻啊，恁著悲傷啼哭！ 恁的堡壘已經受破壞啦。</verse>
				<verse number="15">佇彼日， 泰爾 會互人𣍐記得七十年久，及一個王的年歲平長。七十年了後， 泰爾 的景況會親像歌所啲描寫的妓女：</verse>
				<verse number="16">你此個互人𣍐記得的妓女啊， 提豎琴佇城內四界行， 彈好聽的歌，吟真多詩， 互人閣會記得你。</verse>
				<verse number="17">七十年過了，上主會閣眷顧 泰爾 ， 泰爾 會回復伊的本業，及世界逐國貿易 。</verse>
				<verse number="18">毋拘伊的盈利及所賺的錢攏欲獻互上主；無欲囥啲，嘛無欲囤起來。伊的盈利欲歸互敬拜上主的人，互𪜶食穿攏富足。</verse>
			</chapter>
			<chapter number="24">
				<verse number="1">看咧，上主互大地拋荒，完全荒廢； 伊給地面反輾轉，互住民攏四散。</verse>
				<verse number="2">人民按怎，祭司嘛按呢； 僕人按怎，主人嘛按呢； 女婢按怎，女主人嘛按呢； 買物的按怎，賣物的嘛按呢； 給人借的按怎，借人的嘛按呢； 散赤的按怎，好額的嘛按呢。 𪜶攏會四散。</verse>
				<verse number="3">大地會完全拋荒，互人搶甲空空。 上主按呢宣告。</verse>
				<verse number="4">大地衰敗，焦去； 世界衰敗，倒壞； 地上高貴的人嘛衰微。</verse>
				<verse number="5">大地互徛起的住民污染； 𪜶破壞律法，違反律例， 違背永遠的約。</verse>
				<verse number="6">所以，大地受咒詛致到敗壞， 地上的住民攏因為𪜶的罪受刑罰； 所賰的人減少， 賰無幾個。</verse>
				<verse number="7">新酒焦去，葡萄樹枯焦； 快樂的人嘛攏吐氣。</verse>
				<verse number="8">玲瓏鼓快樂的聲恬去， 宴樂吵鬧的聲靜去， 彈琴的聲音嘛攏無去。</verse>
				<verse number="9">無閣有人飲酒唱歌； 厚酒飲起來苦嗏嗏。</verse>
				<verse number="10">城拋荒，受拆毀； 厝攏關啲，無人出入。</verse>
				<verse number="11">人佇街路喝欲尋酒飲； 一切的快樂變做暗淡， 地上的歡喜攏消失。</verse>
				<verse number="12">城市荒廢， 城門摃甲碎糊糊。</verse>
				<verse number="13">地上萬民嘛會按呢， 親像橄欖樹葡萄樹收成了，閣尋嘛尋無偌多。</verse>
				<verse number="14">𪜶大聲歡呼， 對西旁宣布上主的威嚴。</verse>
				<verse number="15">因為按呢，恁著對東旁歸榮光互上主， 佇眾海嶼稱讚上主 — 以色列 的上帝的名。</verse>
				<verse number="16">對天邊海角，阮聽著歌聲： 「榮光歸互公義的上帝！」 毋拘我講：「我會死！我會死！ 我慘啊！背叛的人繼續背叛； 欺騙的人猶啲欺騙。」</verse>
				<verse number="17">地上的住民啊， 恐怖、陷坑、活罩啲當等恁。</verse>
				<verse number="18">閃避恐怖聲音的人會跋落陷坑； 對陷坑逃脫的人會互活罩罩著。 天頂的窗仔攏拍開； 地上的根基搖動。</verse>
				<verse number="19">大地做一下破壞， 裂甲碎碎； 地大搖動，</verse>
				<verse number="20">親像酒醉的人顛來顛去， 若準草厝仔搖來搖去。 地互罪重重硩咧， 崩落去，𣍐閣再起來。</verse>
				<verse number="21">彼日，上主欲刑罰天頂的天軍， 嘛欲處罰地上的君王。</verse>
				<verse number="22">𪜶會親像犯人互人集中佇地牢， 關佇監獄； 過一段時間就受刑罰。</verse>
				<verse number="23">彼時，月娘會見笑，日頭會漏氣， 因為上主 — 萬軍的統帥欲佇 錫安山 ，佇 耶路撒冷 作王， 對伊的長老顯出榮光。</verse>
			</chapter>
			<chapter number="25">
				<verse number="1">上主啊，你是我的上帝； 我欲尊你做大，稱讚你的名； 因為你有用真誠信實 實現對古早就計劃奇妙的事。</verse>
				<verse number="2">你有互城變做糞埽堆， 互設防的城荒廢， 互外國人的要塞徹底毀壞， 永遠𣍐當重建。</verse>
				<verse number="3">所以勇猛的人民欲榮耀你； 強暴城市的國民欲驚畏你。</verse>
				<verse number="4">你一直是散赤人的倚靠， 是欠缺的人艱難中的堡壘， 是狂風暴雨中的避難所， 是炎熱的時的蔭影； 因為強暴的人攻擊的時， 若狂風啲拍城牆。</verse>
				<verse number="5">外國人的喧嘩親像曠野的炎熱， 你用雲遮蓋，互熱氣消散； 你互強暴的人無閣唱凱旋的歌。</verse>
				<verse number="6">佇此個山頂，上主 — 萬軍的統帥欲為著萬民準備豐盛的宴席，上好的酒宴；有肥肉，有骨髓，有陳年的好酒。</verse>
				<verse number="7">佇此個山頂，伊欲將所有的人民掩面的帕，及列國蓋身軀的布提掉。</verse>
				<verse number="8">至高的上主欲永遠吞滅死亡，對逐個人的面拭去𪜶的目屎；伊欲佇全地除去伊子民的恥辱。上主按呢宣布。</verse>
				<verse number="9">佇彼日有人會講：「恁看，此位是阮的上帝，阮一直啲仰望伊，伊一定會來解救阮。此位是阮一直啲聽候的上主。咱著來歡喜慶祝伊的拯救。」</verse>
				<verse number="10">上主的手欲靠佇 錫安山 頂，毋拘 摩押 會受踐踏，若麥稿佇糞埽堆互人踐來踐去。</verse>
				<verse number="11">佇遐 摩押 會搋開伊的雙手，親像泅水的人伸手欲泅。雖然伊的雙手看起來真扭掠，毋拘無採工；上帝欲互伊的驕傲變見笑。</verse>
				<verse number="12">高牆頂的堡壘，伊欲給𪜶捙倒毀壞；伊欲給𪜶拆甲變平地，變土粉。</verse>
			</chapter>
			<chapter number="26">
				<verse number="1">彼日，佇 猶大 地人會唱此首歌： 阮有一個堅固的城； 上主用勝利做城牆及堡壘。</verse>
				<verse number="2">著拍開城門， 互忠信正義的人民入來！</verse>
				<verse number="3">心堅定的，你賜𪜶平安繁榮， 因為𪜶信靠你。</verse>
				<verse number="4">著永遠信靠上主， 因為上主 — 咱的上帝是永遠的石磐。</verse>
				<verse number="5">伊給坐高位的人拖落來， 拆毀起佇高的所在的城， 給伊擲佇土腳， 互伊變做土粉，</verse>
				<verse number="6">互人踐踏； 散赤人給伊踐， 困苦人給伊踏。</verse>
				<verse number="7">正直的人路平坦； 公義的主，你給正直人的路鋪平修直。</verse>
				<verse number="8">上主啊，佇你審判的路， 阮啲聽候你； 阮的心渴慕你受尊崇的名。</verse>
				<verse number="9">佇暝時，我的心神欣慕你； 我的神魂迫切尋求你。 因為你佇地上施行審判的時， 世間的住民學習正義。</verse>
				<verse number="10">邪惡的人就是得著仁慈， 嘛學𣍐著公義。 佇正直人的地，𪜶猶原做歹， 𪜶看𣍐著上主的威嚴。</verse>
				<verse number="11">上主啊，你手攑高欲刑罰𪜶， 毋拘𪜶無看見。 求你互𪜶看見你對你子民的熱愛， 家己感覺見笑。 願你用火吞滅你的對敵。</verse>
				<verse number="12">上主啊，願你賜阮平安繁榮， 因為阮的所做你攏有給阮成就。</verse>
				<verse number="13">上主 — 阮的上帝啊， 曾有別個主管轄阮， 毋拘阮只有尊崇你的名。</verse>
				<verse number="14">死去的人𣍐當閣活起來； 𪜶的陰魂嘛𣍐當閣起來。 所以，你處罰𪜶，毀滅𪜶， 互𪜶對人的記憶中消失。</verse>
				<verse number="15">上主啊，你互阮的國民增加， 互國民加添來顯示你的榮耀。 你互阮的國土擴展到天邊海角。</verse>
				<verse number="16">上主啊，𪜶佇艱難中尋求你； 你管教𪜶的時， 𪜶吐氣對你祈求。</verse>
				<verse number="17">產婦啲欲生， 催陣，痛疼，喉叫； 上主啊，阮佇你面前嘛親像按呢。</verse>
				<verse number="18">阮懷孕，痛疼攪絞， 不過生攏無； 阮無為國家帶來解救， 無為人民貢獻什麼。</verse>
				<verse number="19">毋拘阮死去的同胞會閣活， 𪜶的屍體會閣起來。 住佇塵埃的人啊，醒起來，歡喜唱歌！ 你的露水是閃熠的甘露， 落佇地，互死去的人活起來。</verse>
				<verse number="20">今，我的子民啊，入去恁的房間； 門著閂互牢。 恁著暫時匿起來， 一直到上帝的大受氣煞。</verse>
				<verse number="21">恁看，上主啲欲對伊住的所在出來， 欲刑罰地面上犯罪的人。 地會暴露𪜶刣人所流的血， 𣍐閣掩蓋𪜶殺害的人的屍體。</verse>
			</chapter>
			<chapter number="27">
				<verse number="1">佇彼日，上主欲用伊碇閣利的大支劍刑罰彼隻海獸，就是旋來旋去趖真緊的蛇，閣欲刣死彼隻海怪 。</verse>
				<verse number="2">佇彼日，著為著出好酒的葡萄園來歡喜唱歌：</verse>
				<verse number="3">我上主是顧守葡萄園的； 我不時給伊沃水。 我暝日攏啲顧守， 才免有人給伊損壞。</verse>
				<verse number="4">我無閣對葡萄園受氣； 園內若有莿野草， 我會進前給𪜶刜， 給𪜶燒了了。</verse>
				<verse number="5">許個對敵若無愛按呢，著歸向我， 受我保護，及我和好； 𪜶著及我和好。</verse>
				<verse number="6">將來， 以色列 會釘根， 雅各 會茁芽開花， 𪜶的果子會遍滿全世界。</verse>
				<verse number="7">上主拍 以色列 ， 無親像伊拍許個攻擊𪜶的赫呢嚴重； 伊殺害𪜶， 無親像伊殺害許個屠殺𪜶的赫呢厲害。</verse>
				<verse number="8">上主放逐𪜶，趕散𪜶， 用按呢刑罰𪜶； 伊佇透東風的日， 用強烈的風吹散𪜶。</verse>
				<verse number="9">以色列 若拍碎外邦神明祭壇的石， 無閣有 亞舍拉 女神的柱像及香台， 𪜶的罪過就得著赦免， 𪜶的罪得著解除。</verse>
				<verse number="10">若無，堅固的城市會變荒埔， 親像曠野無人徛起； 佇遐賰牛啲歇睏，啲食草， 會給所有樹枝的葉食了了。</verse>
				<verse number="11">樹枝一下枯焦斷去，查某人就拾去燃火。 因為𪜶是完全無知的子民， 所以造𪜶的無欲憐憫𪜶， 𪜶的創造主無欲施恩互𪜶。</verse>
				<verse number="12">佇彼日，對 幼發拉底河 到 埃及 的溪谷，上主會親像收成果子按呢，給恁 — 以色列 的人民一個一個聚集起來。</verse>
				<verse number="13">佇彼日，大支哨角會彈，許個流亡佇 亞述 地及 埃及 地的 以色列 人會倒轉來。𪜶攏欲佇 耶路撒冷 的聖山敬拜上主。</verse>
			</chapter>
			<chapter number="28">
				<verse number="1">以法蓮 酒醉的人所啲誇耀的花冠，今慘啊！ 彼蕊奢颺的媠花漸漸謝去。 𪜶佇肥媠的山谷頂面， 飲甲醉茫茫。</verse>
				<verse number="2">看咧，主派一個有大權能有大氣力的人來攻擊𪜶， 親像強烈的雹， 毀滅的狂風， 親像暴雨，猛烈的大水瀧落大地。</verse>
				<verse number="3">彼個酒醉的人所誇耀的花冠會受踐踏佇腳下。</verse>
				<verse number="4">彼蕊佇肥媠的山谷頂面， 開甲真奢颺，漸漸謝去的媠花， 會親像夏天前頭水的無花果， 人看著隨時挽去食。</verse>
				<verse number="5">佇彼日，上主 — 萬軍的統帥 欲親像榮耀的花冠， 做伊所賰的子民榮光的王冠，</verse>
				<verse number="6">互坐啲審判彼位有公正的神， 成做𪜶佇城門口拍退對敵的氣力。</verse>
				<verse number="7">祭司及先知因為飲酒癲癲倒倒， 因為厚酒顛來顛去。 諸個人因為飲厚酒硞硞顛， 飲薄酒醉茫茫。 𪜶因為厚酒東倒西歪， 錯解異象， 判決反起反倒。</verse>
				<verse number="8">𪜶的桌頂吐甲滿四界， 無一個所在無垃墋。</verse>
				<verse number="9">𪜶講：「此個先知是欲給智識教啥人？ 伊是啲給啥人解說信息？ 是欲教抵仔斷奶， 抵仔離開老母胸前的囝仔是無？</verse>
				<verse number="10">伊吱吱咕咕，哩哩嚕嚕， 遮講一寡，遐講一寡， 毋知啲講什麼。」</verse>
				<verse number="11">按呢好，主欲用伊的子民聽無的外國話， 用別款腔口對𪜶講話。</verse>
				<verse number="12">伊曾對𪜶講： 「這是安歇的所在，厭倦的人通來安歇； 這是歇睏的所在。」 猶久𪜶毋聽。</verse>
				<verse number="13">所以，上主的話𪜶聽起來是： 吱吱咕咕，哩哩嚕嚕， 遮講一寡，遐講一寡。 所以，𪜶行進前，煞倒摔向， 受傷，跋落活罩，互人掠去。</verse>
				<verse number="14">恁諸個自高自大， 耶路撒冷 住民的統治者， 著聽上主的話。</verse>
				<verse number="15">因為恁誇口講： 「阮已經及死亡簽約， 嘛有及陰府結盟。 大水沖過來，𣍐淹著阮； 因為阮有用白賊做避難所， 用虛假做閃匿的所在。」</verse>
				<verse number="16">所以，至高的上主按呢講： 「你看，我欲佇 錫安 下一塊石， 是試驗過的石，寶貴的基石， 通做堅固的根基； 倚靠伊的人絕對𣍐驚惶著急。</verse>
				<verse number="17">我欲用正直做繩線， 用公義做墜繩。 冰雹欲毀壞白賊的人的避難所； 大水會淹滿恁閃匿的所在。</verse>
				<verse number="18">恁及死亡立的約一定會廢除， 及陰府簽的約嘛會取消。 大水淹過來的時， 會給恁淹死。</verse>
				<verse number="19">每一遍大水來的時， 會給恁沖走； 大水會逐早起淹過來， 歸暝歸日淹𣍐煞， 知影這消息的人攏會驚惶恐惶。」</verse>
				<verse number="20">眠床傷短，身軀伸𣍐直； 棉被傷狹，蓋𣍐密。</verse>
				<verse number="21">上主欲起來， 親像佇 比拉心山 ； 伊受氣， 親像佇 基遍谷 。 伊欲做工，是特別的工； 伊欲完成伊的計劃，是奇異的計劃。</verse>
				<verse number="22">所以，毋通自高自大， 才免縛恁的索捆愈緊； 因為我對至高上主 — 萬軍的統帥有聽著毀滅全地的命令。</verse>
				<verse number="23">著俯耳孔聽我的聲； 著注意聽我講的話。</verse>
				<verse number="24">農夫犁田欲種作， 豈會歸日攏啲犁？ 伊豈會繼續掘土， 豈會一直挖溝？</verse>
				<verse number="25">伊土面若耙平， 豈𣍐隨時撒大茴香、小茴香？ 伊豈𣍐一綴一綴種大麥， 一列一列種小麥， 閣佇園邊種粗麥？</verse>
				<verse number="26">因為上帝用適當的方法 給伊指示，給伊教。</verse>
				<verse number="27">像款，大茴香𣍐用打穀機拍， 小茴香𣍐用車輪碖； 大茴香是用槌仔摃， 小茴香用柺仔拍。</verse>
				<verse number="28">五穀著先研才會當做麵包， 毋拘無需要一直研。 農夫用馬車碖五穀， 嘛𣍐給五穀碖到碎碎。</verse>
				<verse number="29">這攏是上主 — 萬軍的統帥的作為； 伊的計策奇妙； 伊的智慧深沉。</verse>
			</chapter>
			<chapter number="29">
				<verse number="1">亞利伊勒 ， 亞利伊勒 ，你慘啊！ 大闢 安營徛起的城，你慘啊！ 恁一年閣一年， 節期照時慶祝。</verse>
				<verse number="2">毋拘，我欲互 亞利伊勒 抵著災難； 伊會悲傷，吐氣， 會親像啲燒的祭壇的爐。</verse>
				<verse number="3">我欲四圍紮營圍困你， 欲起土堆攻擊你， 起高台攻打你。</verse>
				<verse number="4">你會倒壞，對土底講話， 對塵埃出細細的聲； 你的聲會親像牽亡的的聲對土腳底出來， 親像鳥仔啾啾叫的聲對塵埃出來。</verse>
				<verse number="5">你的敵人會親像幼的土粉， 強暴的兵士會親像互風吹的粗糠赫多。 一時仔久，忽然間，</verse>
				<verse number="6">上主 — 萬軍的統帥 會用雷公熠爁、地動、 狂風暴雨，及吞滅的火刑罰敵人。</verse>
				<verse number="7">彼時，攻擊 亞利伊勒 列國的兵士， 所有啲攻擊伊的城堡，圍困伊的， 會變做一個夢， 親像夜間的異象消失。</verse>
				<verse number="8">𪜶親像枵餓的人夢見啲食物件， 睏醒猶啲枵； 親像嘴焦的人夢見啲飲水， 睏醒猶厭倦，嘴焦。 所有攻擊 錫安山 列國的兵士攏會按呢。</verse>
				<verse number="9">恁愛做戇人，出在恁倲戇！ 恁愛睛瞑，出在恁睛瞑！ 恁醉茫茫，毋是因為飲酒； 恁顛來顛去，毋是因為厚酒。</verse>
				<verse number="10">上主有給恁灌入重眠的神， 給恁的目睭，就是先知，掩起來， 給恁的頭殼，就是先見，蓋起來。</verse>
				<verse number="11">因為按呢，所有的默示對恁看起來是封密的冊。此本冊提互識字的人請伊讀，伊會講：「我𣍐當讀，因為冊封啲。」</verse>
				<verse number="12">提互毋識字的人請伊讀，伊會講：「我毋識字。」</verse>
				<verse number="13">主講：「此個子民用嘴親近我， 用嘴唇尊敬我； 毋拘𪜶的心離開我遠遠， 𪜶敬畏我不過是照人留落來的教示。</verse>
				<verse number="14">所以，我欲佇人民中間做一項奇異閣奇妙的事： 𪜶智慧的人的智慧會消無， 聰明的人的聰明會消失。」</verse>
				<verse number="15">慘啊，許個想欲對上主掩蓋𪜶的陰謀的人！ 𪜶佇暗中做代誌，講： 「啥人看會著咱，啥人會知？」</verse>
				<verse number="16">恁顛倒是非！ 恁欲給燒瓷師傅看做黏土是無？ 受造的豈會當對造伊的講「你無造我」？ 瓷豈會當對燒瓷師傅講「你攏毋識」？</verse>
				<verse number="17">閣無偌久， 黎巴嫩 會變做肥的田園， 肥的田園會親像樹林。</verse>
				<verse number="18">佇彼日，失聰的人會聽見冊內面的話； 失明的人佇濛霧烏暗中會看見。</verse>
				<verse number="19">卑微的人會因為上主加添喜樂； 散赤的人會高舉 以色列 神聖的上帝。</verse>
				<verse number="20">因為強暴的人會消失， 藐視上帝的人會無去， 當等欲做歹的人會滅亡。</verse>
				<verse number="21">𪜶用無事實的話害人受定罪， 給佇城門口判案的人設羅網， 閣用假見證陷害正直的人。</verse>
				<verse number="22">所以，彼位曾救贖 亞伯拉罕 的上主對 以色列 人民按呢講： 「 以色列 𣍐閣受恥辱； 𪜶的面容𣍐閣再青筍筍。</verse>
				<verse number="23">當𪜶的子孫看著我佇𪜶中間的所做， 𪜶會尊我的名做聖， 會尊 雅各 神聖的上帝做聖， 會敬畏 以色列 的上帝。</verse>
				<verse number="24">愚戇的人會曉悟； 嗷嗷唸的人會接受教示。」</verse>
			</chapter>
			<chapter number="30">
				<verse number="1">上主講： 「諸個背叛的子民，慘啊！ 𪜶無照我的心意，家己定計劃， 無照我的旨意亂結盟約， 致到罪上加罪。</verse>
				<verse number="2">𪜶無問我就落去 埃及 ， 尋求法老的保護， 通匿佇 埃及 的翼股下。</verse>
				<verse number="3">毋拘向望法老保護，變做恁的見笑； 期待 埃及 致蔭，顛倒互恁漏氣。</verse>
				<verse number="4">雖然𪜶的官長去到 瑣安 ， 𪜶的使者派到 哈內斯 ，</verse>
				<verse number="5">毋拘𪜶逐個人攏會受著侮辱見笑， 因為 埃及 𣍐當幫贊𪜶， 𣍐當互𪜶什麼利益， 只有互𪜶見笑漏氣。」</verse>
				<verse number="6">有關 尼革夫 野獸的信息： 猶大 的使者將財物載佇驢仔的尻脊， 將財寶靠佇駱駝的尻脊骿。 𪜶經過艱難困苦的地， 佇遐有獅啲哮， 有毒蛇及飛蛇， 去到𣍐當救𪜶的國家遐。</verse>
				<verse number="7">埃及 的幫贊完全無路用， 所以，我叫伊做「坐定定無路用的 拉哈伯 」。</verse>
				<verse number="8">今你去，佇𪜶面前將諸個 刻佇石版， 寫佇冊裡； 佇欲來的日子， 通永遠做見證。</verse>
				<verse number="9">因為𪜶是背叛的子民， 欺騙的子兒； 上主的教示， 𪜶攏毋聽。</verse>
				<verse number="10">𪜶給先見講：「毋通看異象。」 𪜶給先知講：「毋通給阮講正確的預言； 著給阮講阮合意聽的話， 給阮預言無影跡的代誌。</verse>
				<verse number="11">阮欲離開正路，對直路越走， 無愛閣聽著 以色列 神聖的上帝的名。」</verse>
				<verse number="12">所以， 以色列 神聖的上帝按呢講： 「因為恁拒絕此個信息， 顛倒信賴壓迫，倚靠欺騙，</verse>
				<verse number="13">所以，此個罪佇恁身上會親像 高牆的𤿎痕爆裂， 忽然倒壞。</verse>
				<verse number="14">伊會親像瓷器互燒瓷師傅大力摔， 破甲碎糊糊， 無甲一塊會當提來 取火爐的火種， 舀水池的水。」</verse>
				<verse number="15">至高的上主 — 以色列 神聖的上帝按呢講： 「著反悔安歇，恁就得著解救； 著鎮靜信靠，恁就得著氣力， 毋拘恁拒絕。</verse>
				<verse number="16">恁講『無愛！阮欲騎馬逃走』， 所以，恁會真緊逃走； 恁講『阮欲騎快馬逃走』， 所以，趇恁的人會追真緊。</verse>
				<verse number="17">對敵一個人喝，恁一千人逃走， 五個喝喊，恁全部走散； 賰的，親像山頂的一支旗杆， 山頭的一支大旗。」</verse>
				<verse number="18">上主猶啲聽候欲施恩互 錫安 ； 伊一定欲起來憐憫恁。 上主是公義的上帝； 所有聽候伊的人真有福氣！</verse>
				<verse number="19">徛起佇 耶路撒冷 ， 錫安 的人民啊，恁𣍐閣再啼哭。伊聽著恁啼哭的聲，會施恩互恁；伊一下聽著就會應恁。</verse>
				<verse number="20">雖然主用艱難做飯，用困苦做水互恁，毋拘恁的老師𣍐閣匿起來，恁會親目看著恁的老師。</verse>
				<verse number="21">無論恁偏正旁抑是偏倒旁，恁會聽著後面有聲對恁講：「這是正路；恁著行此條路。」</verse>
				<verse number="22">然後恁欲將恁所雕刻鑲銀的偶像，及所鑄造包金的神像給𪜶拍垃墋，親像給無清氣的物挕拺，講：「閣互阮看著！」</verse>
				<verse number="23">主會落雨，互恁撒佇土裡的種籽生長，互土地所出的五穀好閣豐富。佇彼日，恁的牲生會佇寬闊的草埔食草。</verse>
				<verse number="24">犁園的牛及驢會食用鐕仔及耙仔颺清氣，閣摻鹽的飼料。</verse>
				<verse number="25">佇恁的對敵受大屠殺的日，𪜶的守望台倒壞的時，恁每一個大山高嶺攏會有溪水直直流。</verse>
				<verse number="26">佇上主包紮伊互伊子民受的傷，醫治伊給𪜶責罰的重傷彼時，月娘的光會親像日頭的光，日頭會發出七倍的光，親像七日久攏總的光。</verse>
				<verse number="27">你看，上主本身 對真遠的所在來； 伊的受氣親像猛烈的火啲𤏸， 親像密密的煙淐高。 伊的嘴唇充滿憤怒； 伊的舌親像啲吞滅的火。</verse>
				<verse number="28">伊的氣親像漲到頷頸的溪水； 伊欲用毀滅的篩仔篩列國， 用馬咬韁鬥佇𪜶的嘴， 給𪜶拖去死亡之地。</verse>
				<verse number="29">毋拘恁，上帝的子民，欲唱歌， 親像節期的暗暝啲慶祝； 心內歡喜，歕𥰔仔上上主的山， 上到 以色列 的石磐遐。</verse>
				<verse number="30">上主欲互人聽著伊威嚴的聲， 互人看著伊刑罰的手骨， 有極大的受氣，吞滅的火焰， 有脆雷、暴風，及親像石頭的冰雹。</verse>
				<verse number="31">亞述 人會因為上主的聲驚惶， 因為伊會用柺仔拍𪜶。</verse>
				<verse number="32">上主每一遍用刑罰的柺給𪜶摃， 伊的子民攏會彈琴拍鼓配合； 佇爭戰的時，伊會出手及𪜶交戰。</verse>
				<verse number="33">陀斐特 已經為著 亞述 王準備好勢， 彼所在的火窟深閣闊， 內面有火及真多木材； 上主的氣，親像啲燒的硫磺， 欲給木材點𤏸。</verse>
			</chapter>
			<chapter number="31">
				<verse number="1">慘啊，許個落去 埃及 求幫贊的人！ 𪜶倚靠馬， 倚靠真多戰車， 倚靠真強的馬兵。 𪜶無愛仰望 以色列 神聖的上帝， 嘛無欲尋求上主的幫贊。</verse>
				<verse number="2">毋拘，上主有智慧， 伊會降災難， 𣍐收回伊的話， 會起來攻擊歹人的家， 對抗許個幫贊作歹的人。</verse>
				<verse number="3">埃及 人不過是人，毋是上帝； 𪜶的馬是血肉，毋是神靈。 上主一下出手， 幫贊的會跋倒， 受幫贊的會倒落去； 兩旁的人攏會做夥滅亡。</verse>
				<verse number="4">上主有對我按呢講： 獅抑是獅仔豚為著伊的獵物噤噤哮， 歸陣牧者集倚來攻擊伊的時， 伊𣍐因為𪜶的哄喝著驚， 𣍐因為𪜶的喧嘩走閃。 親像按呢，上主 — 萬軍的統帥會落來 錫安山 的山嶺作戰。</verse>
				<verse number="5">親像搋翼啲飛的鳥按怎保護伊的子， 上主 — 萬軍的統帥嘛欲按呢保護 耶路撒冷 ； 伊欲守護，欲解放， 欲解救，欲保守。</verse>
				<verse number="6">以色列 人啊，著悔改，歸向恁所背逆的上主。</verse>
				<verse number="7">佇彼日，逐個人欲掃除金的偶像及銀的偶像，就是恁雙手所造致到恁家己犯罪的偶像。</verse>
				<verse number="8">亞述 會死佇刀下，毋是因為人的刀造成的； 亞述 會互刀吞滅，毋是因為人的刀。 𪜶互刀劍追趇逃走； 𪜶的少年人一定會做苦工。</verse>
				<verse number="9">亞述 王 會恐惶消熔； 𪜶的官長因為驚惶放拺軍旗逃走。 上主按呢宣布。 上主佇 錫安山 有火， 佇 耶路撒冷 有火爐。</verse>
			</chapter>
			<chapter number="32">
				<verse number="1">恁看，有一個王用公正治國， 有官長照正直治理；</verse>
				<verse number="2">𪜶每一個攏會親像避風港， 暴風雨中的避難所； 親像沙漠中的溪水， 荒埔中大石磐的蔭影。</verse>
				<verse number="3">彼時，目光的人會金金看； 耳孔有聽著的人會注意聽。</verse>
				<verse number="4">匆碰的人有好判斷； 嘴舌鈍的人講話順閣清楚。</verse>
				<verse number="5">無人會閣講戇人是高尚； 無人會稱小人做君子。</verse>
				<verse number="6">戇人講戇話， 心只有想欲做歹。 伊做褻瀆的事，講歹話攻擊上主； 伊互枵餓的人無物通食， 放嘴焦的人無水通飲。</verse>
				<verse number="7">奸鬼的人用的方法詭詐； 𪜶計謀邪惡， 雖然困苦人要求公正， 𪜶猶用偽證毀滅散赤人。</verse>
				<verse number="8">毋拘君子計劃高尚的事， 堅持做高尚的代誌。</verse>
				<verse number="9">清閒的婦仁人啊，起來， 來聽我的話； 無掛無慮的查某囝仔啊， 著注意聽我講的話。</verse>
				<verse number="10">恁諸個無掛無慮的查某囝仔啊， 閣過一年外，恁會驚惶， 因為無葡萄通挽， 無果子通收成。</verse>
				<verse number="11">清閒的婦仁人啊，著皮皮惙； 無掛無慮的查某囝仔啊，著驚驚惶惶！ 著赤身露體， 腰縖麻布。</verse>
				<verse number="12">著為著好的田地， 為著結一葩一葩的葡萄樹搥胸哀哭。</verse>
				<verse number="13">我子民的土地會發莿及雜草， 快樂的城市，歡喜的家園嘛會按呢。</verse>
				<verse number="14">王宮會互人放拺， 鬧熱的城市無人住， 城堡及守望塔攏會 永遠變做洞穴， 成做野驢及牛羊歡喜的草埔。</verse>
				<verse number="15">到上帝差伊的神對頂面摒落來互咱， 彼時，曠野會變做肥的園， 肥的園會親像樹林。</verse>
				<verse number="16">彼時，公平欲住佇曠野， 公義欲歇佇肥軟的土地。</verse>
				<verse number="17">公義的功效是和平， 公義的效果是平靜安穩，直到永遠。</verse>
				<verse number="18">我的子民會住佇和睦的家， 安穩的厝宅， 通歇睏無受攪擾的所在。</verse>
				<verse number="19">雖然樹林受冰雹毀壞， 城市受拆毀變做平地，</verse>
				<verse number="20">毋拘恁諸個佇溪邊撒種， 互牛驢會當自在食草的人，實在有福氣！</verse>
			</chapter>
			<chapter number="33">
				<verse number="1">慘啊，你此個猶未受毀滅的毀滅者， 你此個毋曾受背叛的背叛者！ 你毀滅人了後，你嘛會受毀滅； 你背叛人了後，你嘛會受背叛。</verse>
				<verse number="2">上主啊，憐憫阮；阮啲聽候你。 求你逐早起做阮的氣力， 佇阮抵著患難的時做阮的拯救。</verse>
				<verse number="3">你一下喝聲，萬民攏逃走； 你一下展威，萬國攏四散。</verse>
				<verse number="4">人會來收拾戰利品，若準草蜢公集倚來； 親像草蜢爭倚去，人會按呢相爭搶。</verse>
				<verse number="5">上主受尊做大，伊住佇極高的所在； 伊欲將公平正義充滿 錫安 。</verse>
				<verse number="6">伊欲互你一生一世安穩， 有豐盛的救恩、智慧，及智識； 敬畏上主是你的至寶。</verse>
				<verse number="7">恁看，勇士佇街路啲哀叫； 求和的差使哀慘啼哭。</verse>
				<verse number="8">大路青凊，無人啲行。 契約破裂，證人受看輕； 人無受尊重。</verse>
				<verse number="9">大地哀傷衰敗； 黎巴嫩 見笑枯焦； 沙崙 變做親像曠野； 巴珊 及 迦密 的樹葉落了了。</verse>
				<verse number="10">上主按呢講： 「此陣我欲徛起來， 欲高舉家己， 顯明我的大氣力。</verse>
				<verse number="11">恁懷孕的是粗糠，生產的是麥稿； 我的氣欲若火吞滅恁。</verse>
				<verse number="12">萬民會互火燒甲變做石灰， 親像斬起來的莿互火燒滅。</verse>
				<verse number="13">恁佇遠遠的人，著聽我所做的事； 恁佇近近的人，著承認我的大能。」</verse>
				<verse number="14">錫安 的罪人攏驚惶； 無敬虔的人皮皮惙； 𪜶講：「咱豈有人會當及吞滅的火徛起？ 豈有人會當及永遠𣍐化的火做夥住？」</verse>
				<verse number="15">許個行為公義，講話正直， 厭惡欺壓得來的財利， 搖手拒絕賄賂， 塞耳孔毋聽害人的計謀， 掩目睭無看邪惡，</verse>
				<verse number="16">此款人會住佇高的所在， 用山巖的堡壘做伊的避難所， 米糧供給充足， 水源不斷。</verse>
				<verse number="17">恁會親目看著王的光彩， 看見開闊的土地。</verse>
				<verse number="18">恁會回想早前恐怖的事，心內講： 「今，許個拾稅的佇叨位？ 啲秤進貢的金銀的佇叨位？ 佇守望台啲監視咱的佇叨位？」</verse>
				<verse number="19">恁𣍐閣看見拗蠻的人民； 𪜶講人聽無的話， 講話喋喋突突，人𣍐了解。</verse>
				<verse number="20">著注目看 錫安 ，恁守節的城。 恁的目睭會看見 耶路撒冷 ， 一個清靜安穩的住宅，𣍐互人移徙的布棚； 伊的杙仔𣍐閣拔起來， 伊的索𣍐斷去。</verse>
				<verse number="21">佇遐上主欲對咱顯出威嚴。 遐有開闊的江河及溪， 無戰船經過， 無大隻船往來。</verse>
				<verse number="22">因為上主是咱的審判官， 是咱的指揮官， 是咱的君王， 伊會解救咱。</verse>
				<verse number="23">船的索攏冗去， 帆柱徛𣍐在， 船帆搋𣍐開； 彼時，有真多戰利品通分， 連腳跛的人都有份。</verse>
				<verse number="24">佇遐徛起的人無人會講「我破病」； 住民的罪攏會得著赦免。</verse>
			</chapter>
			<chapter number="34">
				<verse number="1">列國啊，倚來聽！ 萬民啊，注意聽！ 全地及地上的萬物， 世界及住佇彼內面的，攏著聽！</verse>
				<verse number="2">因為上主對萬國發受氣， 對萬軍發大受氣。 伊欲給𪜶消滅，互𪜶出在人刣。</verse>
				<verse number="3">受刣死的會互人挕拺； 身屍的臭味淐高。 眾山會因為𪜶的血反紅。</verse>
				<verse number="4">天頂的萬象會消失； 天會親像冊捲起來。 天頂的星辰會落落來， 親像葡萄樹葉凋去， 親像無花果樹焦去。</verse>
				<verse number="5">我的劍已經佇天頂出現 。 看咧，此支劍欲降落佇 以東 ， 臨到許個我判做應該滅亡的人民。</verse>
				<verse number="6">上主的劍歸支攏血及油， 就是羊羔及山羊的血， 以及羊腰子的油。 因為佇 波斯拉 有祭物欲獻互上主， 佇 以東 有大屠殺。</verse>
				<verse number="7">野牛會及𪜶做夥受刣， 牛仔子及牛嘛會按呢。 𪜶的土地會互血沐紅； 𪜶的土歸個攏油。</verse>
				<verse number="8">因為上主有報仇的日， 為著 錫安 的案件有申冤的年。</verse>
				<verse number="9">以東 的溪水攏變打馬膠， 土變做硫磺， 土地變做啲燒的打馬膠。</verse>
				<verse number="10">暝日火攏𣍐熄， 火煙永遠啲淐。 土地會代代拋荒， 永遠無人對遐經過。</verse>
				<verse number="11">毋拘鵜鶘及豪豬會佔遐， 貓頭鳥及烏鴉會佇遐作巢。 上主欲用渾沌做繩線給伊量， 用空虛做墜繩給伊測。</verse>
				<verse number="12">𪜶的王國會滅亡； 𪜶的貴族及官長會攏消失。</verse>
				<verse number="13">宮殿會發莿， 蒺藜及雜草會蓋滿要塞； 遐會成做豺狼住的所在， 鴕鳥佇遐作巢。</verse>
				<verse number="14">曠野的走獸及豺狼會住佇遐， 野山羊會及伊的同伴相對叫； 夜間的鬼怪會佇遐歇睏， 佇遐尋著安歇的所在。</verse>
				<verse number="15">佇遐有箭頭蛇作巢，生卵， 孵蛇子，照顧蛇子； 鴟鴞佇遐聚集， 公的母的攏集做夥。</verse>
				<verse number="16">恁著查考，著讀上主的冊； 無一項動物無佇彼內面， 公的母的對對攏有。 因為上主的嘴有命令， 伊的氣給𪜶聚集。</verse>
				<verse number="17">伊為著𪜶抽籤， 親手用索給𪜶分地界； 𪜶會永遠得著所分的地區， 世世代代住佇遐。</verse>
			</chapter>
			<chapter number="35">
				<verse number="1">曠野及焦燥的地欲歡喜， 沙漠欲快樂， 親像玫瑰開花。</verse>
				<verse number="2">玫瑰欲開花茂盛， 欲歡喜歡呼。 伊欲有 黎巴嫩 的榮光， 欲得著 迦密 及 沙崙 的光彩。 𪜶會看見上主的榮耀， 見著咱上帝的光彩。</verse>
				<verse number="3">著互軟弱的手堅強， 互無力的腳頭窩徛在。</verse>
				<verse number="4">心肝驚惶的人，恁著對𪜶講： 「著堅強，毋免驚！ 恁看，恁的上帝欲來申冤； 上帝一定會施行報應來拯救恁。」</verse>
				<verse number="5">彼時，失明的人目睭會看見； 失聰的人耳孔會聽見。</verse>
				<verse number="6">腳跛的人會親像鹿趒跳； 𣍐講話的人會歡喜唱歌。 荒埔欲有水淐出； 沙漠欲有江河啲流。</verse>
				<verse number="7">炎熱的沙地會變做水池； 焦燥的土地會變做泉源。 豺狼住的所在 會發青草、蘆葦，及蒲草。</verse>
				<verse number="8">佇遐欲有一條大路， 人給伊叫做「聖路」。 無清氣的人攏𣍐當對遐經過； 彼條路是為著上帝的子民造的； 行彼條路的，連戇人都𣍐迷路。</verse>
				<verse number="9">佇遐無獅， 兇猛的野獸嘛𣍐出現。 佇遐人𣍐抵著野獸； 只有受救贖的人會行彼條路。</verse>
				<verse number="10">上主贖回的人會倒轉來， 唱歌來到 錫安 ； 永遠的喜樂會做𪜶的花冠。 𪜶會歡喜快樂， 無閣有悲傷吐氣。</verse>
			</chapter>
			<chapter number="36">
				<verse number="1">希西家 王第十四年， 亞述 王 西拿基立 上來攻擊 猶大 所有堅固的城，閣給𪜶佔領。</verse>
				<verse number="2">亞述 王對 拉吉 派總司令帶大軍去 耶路撒冷 希西家 王遐。總司令徛佇 上池 的水溝邊，佇漂布場的大路遐。</verse>
				<verse number="3">彼時， 希勒家 的子宮廷總管 以利亞敬 、書記 舍伯那 ，以及 亞薩 的子史官 約亞 ，出來見伊。</verse>
				<verse number="4">總司令對𪜶講：「去給 希西家 講， 亞述 大王按呢講：『你啲靠勢什麼？</verse>
				<verse number="5">你想講有策略及軍力，其實是膨風的話。到底你是靠啥人，竟然敢反叛我？</verse>
				<verse number="6">你所倚靠的 埃及 是一支斷去的蘆竹仔柺；人若靠伊，手會互伊鑿入去。所有倚靠 埃及 王法老的人攏會按呢。</verse>
				<verse number="7">恁若對我講：阮倚靠上主 — 阮的上帝； 希西家 豈毋是有廢除上帝的山頭壇及祭壇，閣給 猶大 及 耶路撒冷 的人講：恁一定著佇 耶路撒冷 此個祭壇敬拜？』</verse>
				<verse number="8">今來，來及我的主人 亞述 王相輸。我互恁兩千隻馬，恁豈有法度尋夠額的人通騎？</verse>
				<verse number="9">若無法度，恁哪會當拍敗我的主上細的一個部下？恁豈欲閣倚靠 埃及 的戰車及馬兵？</verse>
				<verse number="10">現在，我來攻擊毀滅此個土地，豈毋是上主的旨意？上主親身給我講：『上去攻取此塊土地，給伊毀滅。』」</verse>
				<verse number="11">以利亞敬 、 舍伯那 ，及 約亞 對總司令講：「請用亞蘭話對你的僕人講，阮聽有。請毋通用希伯來話講，驚了互城牆頂的人民聽著。」</verse>
				<verse number="12">毋拘總司令講：「恁想講阮主人差我講諸個話，只有欲互恁及恁的國王聽是無？毋是，我嘛欲講互城牆頂的人聽。𪜶及恁仝款著食家己的糞，飲家己的尿。」</verse>
				<verse number="13">總司令閣徛起來大聲用希伯來話喝講：「著聽 亞述 大王的話。</verse>
				<verse number="14">王按呢講：『毋通互 希西家 騙去，因為伊𣍐當救恁。</verse>
				<verse number="15">伊叫恁信靠上主，講：上主一定會救咱；此個城𣍐陷落佇 亞述 王的手。』</verse>
				<verse number="16">毋通聽 希西家 的話。 亞述 王按呢講：『及我講和，出來投降。按呢，恁逐個人就會當食家己種的葡萄及無花果，飲恁家己的井水，</verse>
				<verse number="17">聽候我導恁到一個所在，親像恁的土地，有五穀及新酒，有米糧及葡萄園。</verse>
				<verse number="18">毋通互 希西家 欺騙講：上主一定會救咱。萬國的眾神明叨一個曾救伊家己的國脫離 亞述 王的手？</verse>
				<verse number="19">哈馬 及 亞珥拔 的神明佇叨位？ 西法瓦音 的神明佇叨位？𪜶豈有解救 撒馬利亞 脫離我的手？</verse>
				<verse number="20">諸個國家的神明有叨一個曾對我的手救出伊家己的國家？按呢，上主哪會當救 耶路撒冷 脫離我的手頭？』」</verse>
				<verse number="21">毋拘人民攏靜靜，無應半句話，因為 希西家 王有給𪜶吩咐：「毋通應伊！」</verse>
				<verse number="22">彼時， 希勒家 的子宮廷總管 以利亞敬 、書記 舍伯那 ，及 亞薩 的子史官 約亞 ，攏拆裂𪜶的衫，對 希西家 報告 亞述 的總司令給𪜶講的話。</verse>
			</chapter>
			<chapter number="37">
				<verse number="1">希西家 王一下聽著𪜶的報告，就拆裂伊的衫，穿麻衫，入去上主的殿。</verse>
				<verse number="2">伊派宮廷總管 以利亞敬 、書記 舍伯那 ，及資深的祭司，攏穿麻衫去見 亞摩斯 的子先知 以賽亞 。</verse>
				<verse number="3">𪜶給 以賽亞 講：「 希西家 按呢講：『今仔日是患難的日，是受責罰凌辱的日，親像有囝仔欲出世，毋拘無力給生出來。</verse>
				<verse number="4">亞述 王有派伊的部下總司令來褻瀆永活的上帝，豈採上主 — 你的上帝有聽著，會處罰講諸個話的人。所以，著替留佇遮的人祈禱。』」</verse>
				<verse number="5">希西家 王的大臣來見 以賽亞 的時，</verse>
				<verse number="6">以賽亞 對𪜶講：「恁著按呢給恁的主人講：『上主按呢講：毋通因為恁所聽著 亞述 王的部下對我的誹謗來驚惶。</verse>
				<verse number="7">看咧，我欲擾亂伊的心，互伊聽著風聲，倒轉去家己的國家；我欲互伊佇遐互人刣死。』」</verse>
				<verse number="8">總司令聽著 亞述 王已經離開 拉吉 去攻擊 立拿 ，就出發去 立拿 及王會合。</verse>
				<verse number="9">亞述 王聽見 衣索匹亞 王 特哈加 欲來攻擊𪜶，就派使者去見 希西家 ，吩咐𪜶</verse>
				<verse number="10">對 猶大 王 希西家 講：「毋通互恁所倚靠的上帝騙去，講： 耶路撒冷 𣍐陷落佇 亞述 王的手頭。</verse>
				<verse number="11">恁一定有聽著 亞述 諸王對列國所做的代誌；𪜶給列國攏剿滅。恁豈有法度避免？</verse>
				<verse number="12">我的祖先毀滅的國家， 歌散 、 哈蘭 、 利色 ，以及住佇 提拉撒 的 伯‧伊甸 人，𪜶的神明豈有解救𪜶？</verse>
				<verse number="13">哈馬 的王、 亞珥拔 的王、 西法瓦音 城的王、 希拿 及 以瓦 的王佇叨位？」</verse>
				<verse number="14">希西家 對使者的手接著批，讀了後，就上去上主的聖殿，佇上主的面前將批搋開。</verse>
				<verse number="15">希西家 向上主祈禱講：</verse>
				<verse number="16">「坐佇天使基路伯頂面的上主 — 萬軍的統帥、 以色列 的上帝啊，只有你是地上萬國的上帝。你創造天及地。</verse>
				<verse number="17">上主啊，求你俯耳孔聽，開你的目睭看。求你聽 西拿基立 差使者來講一切褻瀆你活活上帝的話。</verse>
				<verse number="18">上主啊， 亞述 諸王確實有互列國及𪜶的土地攏荒廢，</verse>
				<verse number="19">給𪜶的神明攏㧒互火燒滅，其實許個毋是神，不過是人的手用柴用石造的。</verse>
				<verse number="20">今，上主 — 阮的上帝啊，求你救阮脫離伊的手，互地上萬國攏會知只有你是上主。」</verse>
				<verse number="21">亞摩斯 的子 以賽亞 差人去見 希西家 ，講：「上主 — 以色列 的上帝按呢講：『你因為 亞述 王 西拿基立 的事對我祈禱。</verse>
				<verse number="22">關係 西拿基立 ，我上主按呢講： 在室女 錫安 看輕你，恥笑你； 少女 耶路撒冷 對你搖頭。</verse>
				<verse number="23">你啲侮辱啥人，褻瀆啥人？ 你啲對啥人大聲？ 你啲對啥人驕傲，給伊看毋上目？ 其實你是啲無視我 以色列 神聖的上帝！</verse>
				<verse number="24">你有通過你的僕人侮慢主。 你講：我駛真多戰車𬦰上高山， 去到 黎巴嫩 上高的山尖。 我佇遐剉上高的柏香樹， 剉上好的松樹。 我𬦰到上高的山尖， 進入上茂盛的樹林。</verse>
				<verse number="25">我挖井，飲𪜶的水。 我嘛用腳蹋 埃及 所有的河流， 蹋甲河流攏焦去。</verse>
				<verse number="26">「『恁豈毋曾聽見？ 真早我做此個計劃， 古早就決定， 今已經實現， 就是你互堅固的城堡攏倒壞， 變做荒埔石堆。</verse>
				<verse number="27">遐的住民攏無力； 𪜶驚惶，見笑。 𪜶親像野地的草， 幼軟的芛，厝尾頂的草， 東風吹來 就焦去。</verse>
				<verse number="28">「『你住叨位，你出，你入， 你對我的受氣，我攏知。</verse>
				<verse number="29">因為你有對我發受氣， 我有聽著你自高的話； 我欲用鉤仔鉤你的鼻， 用馬咬韁掛佇你的嘴， 互你對來彼條路倒轉去。』</verse>
				<verse number="30">「 希西家 ，這欲互你做記號：今年，明年，恁攏會食野生的物；第三年，恁會撒種，收成，栽種葡萄，食所結的果子。</verse>
				<verse number="31">猶大 家逃脫所賰的子民會親像植物，下面釘根，頂面結果子。</verse>
				<verse number="32">對 耶路撒冷 欲有賰落來的子民出來，對 錫安山 欲有人逃脫出來。上主 — 萬軍的統帥的熱誠一定會成全此個事。</verse>
				<verse number="33">「所以，關係 亞述 王，上主有按呢講：『伊𣍐進入此個城，連一支箭嘛𣍐射入來。伊𣍐夯盾牌倚近城，嘛𣍐起土堆攻城。</verse>
				<verse number="34">伊對叨一條路來，嘛會對彼條路轉去；伊𣍐進入此個城。上主按呢講。</verse>
				<verse number="35">我為著我的緣故，嘛為著我的僕人 大闢 的緣故，欲保護解救此個城。』」</verse>
				<verse number="36">上主的天使去 亞述 軍營，刣死十八萬五千個人。隔早起，人起來，發見逐所在攏是身屍。</verse>
				<verse number="37">亞述 王 西拿基立 就撤營，倒轉去 尼尼微 ，住佇遐。</verse>
				<verse number="38">有一日，伊佇 尼斯洛 的廟啲拜伊的神明的時，伊的子 亞得米勒 及 沙利色 用刀給伊刣死，然後逃走去 亞拉臘 的地；伊另外一個子 以撒‧哈頓 繼承伊作王。</verse>
			</chapter>
			<chapter number="38">
				<verse number="1">彼個時陣， 希西家 破病，病甲啲欲死。 亞摩斯 的子先知 以賽亞 來見伊，講：「上主按呢講：『你的後事著交代好勢，因為你會死，病𣍐好。』」</verse>
				<verse number="2">希西家 就越轉身向壁，對上主祈禱講：</verse>
				<verse number="3">「上主啊，求你帶念我按怎忠誠盡心服事你，做你看做好的事。」 希西家 就大聲啼哭。</verse>
				<verse number="4">然後上主對 以賽亞 講：</verse>
				<verse number="5">「你去給 希西家 講：『上主 — 你的祖先 大闢 的上帝按呢講：我有聽著你的祈禱，有看著你的目屎。看咧，我欲互你的歲壽加添十五年。</verse>
				<verse number="6">我欲解救你及此個城脫離 亞述 王的手；我會保護此個城。』」</verse>
				<verse number="7">以賽亞 講：「上主欲實現伊所講的代誌；這就是上主互你的兆頭。</verse>
				<verse number="8">看咧，上主欲互照佇 亞哈斯 所造日規 的日影倒退十度。」果然，日影倒退十度。</verse>
				<verse number="9">猶大 王 希西家 病好了後寫此首詩：</verse>
				<verse number="10">我想講： 我佇壯年的時著離開世間， 行入陰間的門， 𣍐當享受我所賰的日子。</verse>
				<verse number="11">我想講： 佇活人的地， 我𣍐當閣見著上主； 佇世間的住民中， 我𣍐當閣看著人。</verse>
				<verse number="12">我住的所在受拆， 親像牧者的布棚受徙走。 上主親像織布的人， 將我的性命捲起來， 閣對織布機給布剪斷； 伊佇一日的中間就欲結束我的性命。</verse>
				<verse number="13">我歸暝哀哭直到清早； 伊親像獅拆碎我所有的骨頭； 佇一日的中間就欲結束我的性命。</verse>
				<verse number="14">我親像燕仔啾啾叫， 親像粉鳥咕咕哮。 我攑頭向天，目睭煙暈厭倦。 我受欺壓，主啊，求你解救我。</verse>
				<verse number="15">我會當講什麼？ 伊給我應允，嘛有照按呢做。 我心神苦痛， 失眠，鬱卒過日。</verse>
				<verse number="16">主啊，人靠你來活； 我的心神對你的應允得著氣力。 你有回復我的健康， 互我繼續活落去。</verse>
				<verse number="17">我受赫呢大的苦痛， 確實有互我得著利益。 你拯救 我的性命脫離滅亡的深坑， 將我的罪㧒佇你的尻脊後。</verse>
				<verse number="18">因為陰府𣍐當感謝你， 死亡嘛𣍐稱讚你。 許個落陰府的人 𣍐當期待你的信實。</verse>
				<verse number="19">活的人，只有活啲的人會當稱讚你， 親像我今仔日按呢。 作老父的欲互𪜶所有的子兒知你的信實。</verse>
				<verse number="20">上主欲拯救我； 阮欲一世人佇上主的厝， 用弦樂伴奏唱歌。</verse>
				<verse number="21">以賽亞 講：「著提一塊無花果藥膏貼佇粒仔，王就會好。」</verse>
				<verse number="22">希西家 問講：「有什麼兆頭互我知，我會上去上主的殿？」</verse>
			</chapter>
			<chapter number="39">
				<verse number="1">彼時， 巴拉但 的子 巴比倫 王 米羅達‧巴拉但 聽著 希西家 破病，嘛已經好起來，就差使者提批及禮物去探訪 希西家 。</verse>
				<verse number="2">希西家 真歡喜接待𪜶，將伊的財寶庫內面的金、銀、香料、貴氣的油，及伊所有的軍器，以及府庫內的一切攏互𪜶看。伊的王宮及全國所有的物件無一項無互𪜶看。</verse>
				<verse number="3">後來先知 以賽亞 來見 希西家 王，問伊講：「諸個人對你講什麼？𪜶對叨位來見你？」 希西家 講：「𪜶對一個真遠的國家 巴比倫 來探我。」</verse>
				<verse number="4">以賽亞 講：「𪜶佇你的王宮有看著什麼？」 希西家 回答：「𪜶有看著我王宮內逐項物。我所有的財寶無一項無互𪜶看。」</verse>
				<verse number="5">以賽亞 給 希西家 講：「著聽上主 — 萬軍的統帥的話：</verse>
				<verse number="6">日子啲欲到，王宮內一切你的祖先積聚到今仔日的物件，攏會互人搬去 巴比倫 ，無留甲半項。上主按呢宣告。</verse>
				<verse number="7">閣你親生的、你的子孫，有的會互人掠去 巴比倫 王的王宮做太監。」</verse>
				<verse number="8">希西家 心內想講「我在生的時有太平安全就好」，就對 以賽亞 講：「你所傳達上主的話真好。」</verse>
			</chapter>
			<chapter number="40">
				<verse number="1">恁的上帝講： 「著安慰，安慰我的子民！</verse>
				<verse number="2">著鼓勵 耶路撒冷 的住民， 對𪜶大聲宣布： 𪜶做俘虜受的苦已經夠額； 𪜶犯的罪已經得著赦免 。 𪜶為著所犯的罪 已經對上主受雙倍的刑罰！」</verse>
				<verse number="3">有聲啲喝講： 「著佇曠野為著上主準備道路， 佇荒埔為著咱的上帝開大路。</verse>
				<verse number="4">逐個山谷著填互滿， 大山小山攏削互平； 高低無平的地著鋪互平坦； 嵁硈的所在互伊變做平地。</verse>
				<verse number="5">彼時，上主的榮耀會出現； 全人類攏會看見。 上主親嘴按呢宣布。」</verse>
				<verse number="6">有聲啲喝講： 著宣布！ 我問：欲宣布什麼？ 著宣布：所有的人攏親像草， 𪜶的媠親像野地的花。</verse>
				<verse number="7">上主吹來的風一下掃過， 草就焦，花就謝。 確實，人不過親像草！</verse>
				<verse number="8">草會焦，花會謝， 毋拘咱的上帝的話永遠存在！</verse>
				<verse number="9">報好消息的 錫安 啊， 著𬦰上高山出力大聲喝； 報好消息的 耶路撒冷 啊， 著好膽，大聲對 猶大 的眾城講： 「看咧，恁的上帝！」</verse>
				<verse number="10">至高的上主帶權能啲來啦， 伊欲用權柄掌權； 及伊做夥的，有伊所解放的人， 行佇伊頭前的，有伊解救的子民。</verse>
				<verse number="11">伊欲親像牧者顧伊的羊群， 欲用手攔倚羊仔子，給𪜶抱佇胸前； 伊欲導許個互羊仔𠲿奶的羊母勻勻仔行。</verse>
				<verse number="12">啥人曾用手心量海水， 用手掌測量天？ 啥人會當用杯貯大地的土粉， 用秤仔秤大山小山？</verse>
				<verse number="13">啥人會當了解上主的心， 做伊的導師給伊指導？</verse>
				<verse number="14">啥人會當做伊的參謀， 教伊正直的路？ 啥人會當教伊智識， 指示伊明智的道路？</verse>
				<verse number="15">佇上主眼中，列國不過是桶仔內的一滴水， 是天秤頂的土粉； 海島不過是極輕的塵埃！</verse>
				<verse number="16">黎巴嫩 的樹林無夠做柴料燒， 樹林內的走獸嘛無夠做燒化祭獻。</verse>
				<verse number="17">佇上主面前，列國無算什麼； 對伊來看，逐項攏空空無存在！</verse>
				<verse number="18">按呢，恁欲用啥人來比並上帝？ 恁欲用什麼形像來代表伊？</verse>
				<verse number="19">豈欲用偶像？ 偶像不過是師傅鑄造， 金匠用金給伊包，用銀鍊仔給伊妝飾。</verse>
				<verse number="20">無錢通買金銀的人， 𪜶就揀𣍐爛的好柴， 尋𠢕的師傅給𪜶𫞼𣍐振動的偶像。</verse>
				<verse number="21">恁豈毋知，豈毋曾聽見？ 對古早到今豈毋曾有人給恁講？ 恁豈猶未明白大地按怎受創造？</verse>
				<verse number="22">上帝作王坐佇大地的穹蒼頂面； 地上的住民親像草蜢赫呢細。 伊搋開天，親像啲拖門簾， 展開天，親像啲搭布棚。</verse>
				<verse number="23">伊給統治者攏拖落來， 互世間的領袖消失去。</verse>
				<verse number="24">𪜶抵抵才撒種， 抵抵才栽種， 抵抵才釘根落土， 上主用風給𪜶吹，𪜶就焦去， 𪜶親像草幼仔互捲螺仔風吹散！</verse>
				<verse number="25">神聖的上帝問： 恁欲用什麼人及我比？ 什麼人會當親像我？</verse>
				<verse number="26">恁攑頭向天看覓咧， 是啥人創造天頂萬象？ 就是會曉算星辰的數目閣導𪜶出來， 會曉一個一個叫𪜶的名彼位。 伊的權能氣力大， 連一個都𣍐漏勾。</verse>
				<verse number="27">以色列 啊，你是按怎埋怨， 雅各 啊，你是按怎講 「上主毋知我受著的痛苦； 上帝無關心我的權益」？</verse>
				<verse number="28">你豈毋知， 豈毋曾聽著？ 上主是永遠的上帝， 是全地的創造主； 伊𣍐厭嘛𣍐倦， 伊的智慧𣍐當測量。</verse>
				<verse number="29">厭倦的人，伊賜𪜶氣力； 軟弱的人，伊互𪜶能力。</verse>
				<verse number="30">連少年人都會厭會倦， 勇壯的人嘛會悿甲倒落去。</verse>
				<verse number="31">毋拘倚靠上主的人會得著新的氣力， 會親像鷹鳥搋翼飛高； 𪜶奔跑𣍐厭倦， 行遠路嘛𣍐暈倒。</verse>
			</chapter>
			<chapter number="41">
				<verse number="1">上帝講： 眾海嶼啊，著佇我的面前靜靜； 眾人民啊，著重新得著氣力。 著互𪜶進前來申訴； 咱做夥徛進前來辯論。</verse>
				<verse number="2">啥人對東方興起一個勝利者， 互伊百戰百勝？ 啥人將萬國交互伊，互伊踐踏諸王， 互伊用刀給𪜶趕散，親像啲掃土粉， 用箭給𪜶消滅，親像大風吹走麥稿？</verse>
				<verse number="3">伊追趕𪜶非常順利，一久仔就趇著𪜶， 緊甲若準腳無踏著地。</verse>
				<verse number="4">是啥人互此項代誌發生？ 啥人對起初就決定歷史的動向？ 就是我上主，上起頭我就佇遐， 一直到上路尾我嘛會佇遐。</verse>
				<verse number="5">眾海嶼有看著，真驚惶； 地的極頭嘛攏驚甲皮皮惙。 𪜶攏做一下聚集倚來。</verse>
				<verse number="6">逐個人攏互相幫贊， 彼此鼓勵講：「著勇敢！」</verse>
				<verse number="7">木匠勉勵銀匠； 鑄造偶像的師傅鼓勵釘釘仔的木匠。 𪜶對拍鐵的講：「拍了真好！」 釘釘仔的將偶像𫞼互穩固。</verse>
				<verse number="8">毋拘，你 以色列 — 我的僕人， 我所選立的 雅各 啊， 你是我的朋友 亞伯拉罕 的後代；</verse>
				<verse number="9">你是我對地的極頭導來的， 對上遠的角落召來的。 我有對你講「你是我的僕人」； 我有揀選你，𣍐棄拺你。</verse>
				<verse number="10">毋免驚，我不時及你同在； 毋免驚，我是你的上帝。 我欲互你堅強，欲幫贊你； 我欲用勝利的正手保護你。</verse>
				<verse number="11">看咧，所有對你發大受氣的人會漏氣，見笑； 及你相爭的人攏會無去，滅亡。</verse>
				<verse number="12">對抗你的，你欲尋𪜶嘛尋無； 挑戰你的，𪜶攏會消滅。</verse>
				<verse number="13">因為我上主 — 你的上帝扶持你的正手； 「毋免驚，我欲幫贊你。」 講此句話的是我！</verse>
				<verse number="14">你此個若蟲的 以色列 啊，毋免驚！ 上主講：「我欲幫贊你。 你的救贖主是 以色列 神聖的上帝。」</verse>
				<verse number="15">你看，我欲互你做摔五穀的器具， 是新閣利，有齒的器具。 你欲給大山踐甲碎碎， 互小山變做若粗糠。</verse>
				<verse number="16">你欲給𪜶簸，互風吹散， 狂風給𪜶掃走。 總是恁會因為上主來歡喜， 會用 以色列 神聖的上帝做誇耀。</verse>
				<verse number="17">散赤困苦的人尋水，尋攏無； 𪜶的嚨喉焦，嘴舌渴； 彼時我上主會聽𪜶的祈禱， 我 以色列 的上帝絕對𣍐放拺𪜶。</verse>
				<verse number="18">我欲佇臭焦的山頂開江河， 互山谷淐出水泉； 我欲互沙漠變做水池， 互焦燥的地變做泉源。</verse>
				<verse number="19">我欲佇曠野種柏香樹、 金合歡樹、長青樹、橄欖樹； 我嘛欲佇荒埔栽種松樹、杉樹、黃楊樹， 互伊變做樹林。</verse>
				<verse number="20">按呢，人民看著就會明白， 這是我上主的作為； 𪜶會體會，會了解， 這是我 以色列 神聖的上帝創造的。</verse>
				<verse number="21">上主對偶像講： 「提出恁的申訴！」 以色列 的君王講： 「排列恁有力的證據！」</verse>
				<verse number="22">著對阮講啲欲發生的事， 給阮說明以前發生的代誌， 互阮通斟酌想， 預測啲欲來的事， 知代誌的結局。</verse>
				<verse number="23">著互阮知將來欲發生的代誌， 阮才通知恁是神明。 著賜福氣抑是降災禍， 通互阮驚畏，恐惶。</verse>
				<verse number="24">恁及恁做的一切攏無算什麼； 選擇恁的實在通厭惡！</verse>
				<verse number="25">我已經對北方興起一個人； 伊對東旁來，欲求叫我的名。 伊踐踏掌權者親像啲踏土糜， 親像燒瓷師傅啲踏黏土。</verse>
				<verse number="26">啥人佇起頭就宣布此個代誌互阮知， 佇起頭就講明，互阮通講「伊無毋著」？ 其實，無人宣布，無人說明， 嘛無人聽著恁的話。</verse>
				<verse number="27">我代先對 錫安 宣布； 我派一個報好消息的使者去 耶路撒冷 。</verse>
				<verse number="28">我佇眾神明中間尋， 尋無一個導師會當應答我的問題。</verse>
				<verse number="29">所有的神明攏無路用； 𪜶的所做是空空； 𪜶的像不過是風。</verse>
			</chapter>
			<chapter number="42">
				<verse number="1">上主講： 「看咧，我所扶持的僕人， 伊是我所揀選，心所意愛的！ 我有將我的神賜互伊； 伊會佇萬邦施行公義。</verse>
				<verse number="2">伊𣍐出聲喝，𣍐大聲嚷； 伊𣍐佇街頭巷尾喝互人聽見。</verse>
				<verse number="3">受傷的蘆葦，伊𣍐遏斷； 欲化的燈火，伊𣍐歕熄。 伊會確實施行公義。</verse>
				<verse number="4">伊𣍐灰心，嘛𣍐失志， 一直到公義佇地上確立。 眾海島攏仰望伊的教導。」</verse>
				<verse number="5">上帝創造天，給天搋開； 伊造地及地上的萬物， 將氣賜互世間人， 賜性命互佇地上啲生活的人。 此位上主 — 咱的上帝按呢講：</verse>
				<verse number="6">「我上主召你來實踐公義； 我有牽你的手保守你。 通過你，我及萬民定契約， 欲互你做萬國的光。</verse>
				<verse number="7">你欲開失明的人的目睭， 互受關的出監獄， 互坐佇烏暗地牢中的得自由。</verse>
				<verse number="8">我是上主，這是我的稱呼。 我𣍐將我的榮耀讓互別個神明， 𣍐將我的稱讚歸互偶像。</verse>
				<verse number="9">看咧，早前的事已經實現； 現在我對恁宣布新的事， 佇猶未發生以前先講互恁聽。」</verse>
				<verse number="10">海及海中一切的生物， 海島及島內的住民啊， 著對上主唱新的歌， 對天邊海角稱讚伊。</verse>
				<verse number="11">荒野及內面的城鎮，著出大聲； 基達 人的庄社，著歡呼。 西拉 的住民，著歡喜唱歌， 對山頂大聲喝。</verse>
				<verse number="12">𪜶著將榮光歸互上主， 佇眾海島宣揚稱讚伊。</verse>
				<verse number="13">上主會親像戰士出征， 親像勇士激發鬥志。 伊會出聲喝，大聲叫， 勇猛攻擊伊的對敵。</verse>
				<verse number="14">上帝講：「我已經忍真久， 一直恬恬無出聲。 今我欲採取行動， 親像產婦哀哀叫， 直直喘，喘𣍐離。</verse>
				<verse number="15">我欲互大山小山攏荒廢， 互所有的花草焦了了。 我欲互江河變做焦地 ， 互湖水攏焦去。</verse>
				<verse number="16">我欲導失明的人行路， 行𪜶毋曾行過的路。 我欲互烏暗佇𪜶面前變做光明， 互彎曲的路變做直直。 諸個事我攏欲做，絕對𣍐放棄。</verse>
				<verse number="17">倚靠雕刻的偶像的， 對鑄造的像講『恁是阮的神』的人， 此款人一定失敗受大恥辱。」</verse>
				<verse number="18">恁諸個臭耳的，著聽！ 恁諸個睛瞑的，著看！</verse>
				<verse number="19">啥人比我的僕人閣較睛瞑？ 啥人比我差的使者閣較臭耳？</verse>
				<verse number="20">以色列 啊，你看真多，毋拘𣍐明白； 你耳仔拍真開，毋拘𣍐領悟。</verse>
				<verse number="21">上主意愛秉公行義， 將家己的教導發揚光大。</verse>
				<verse number="22">毋拘諸個受搶劫剝奪的子民， 攏關佇地穴，禁佇監獄。 𪜶互人做獵物扛走，無人解救； 𪜶互人劫去，無人要求放𪜶。</verse>
				<verse number="23">恁中間有啥人會關心此個代誌？ 對現在起有啥人會注意此項事？</verse>
				<verse number="24">啥人將 雅各 交互人做獵物， 互 以色列 出在人搶劫？ 是𪜶所得罪彼位上主本身！ 𪜶毋肯行伊的道路， 毋肯遵守伊的律法。</verse>
				<verse number="25">所以，伊將猛烈的受氣，戰爭的暴力 攏摒佇 以色列 身上。 𪜶互烈火包圍，毋拘攏無要無緊， 互火燒著，嘛猶皮皮。</verse>
			</chapter>
			<chapter number="43">
				<verse number="1">雅各 啊，創造你的上主按呢講； 以色列 啊，捏造你的彼位按呢宣布： 毋免驚，因為我已經有救贖你； 我有叫你的名呼召你，你屬我。</verse>
				<verse number="2">你經過大水的時，我欲及你同在； 你過大河的時，水𣍐給你淹滅。 你對火中經過，一定𣍐傷著； 火焰嘛𣍐給你吞滅。</verse>
				<verse number="3">因為我是上主 — 你的上帝； 我是 以色列 神聖的上帝 — 你的救主。 我用 埃及 做代價給你贖回， 用 衣索匹亞 及 西巴 做你的替身。</verse>
				<verse number="4">因為你佇我眼中真寶貴， 我看重你，真疼你； 所以我用別人來代替你， 用萬國來交換你的性命。</verse>
				<verse number="5">毋免驚，我及你同在； 我欲對東方導你的後代， 對西方聚集你的子孫倒轉來。</verse>
				<verse number="6">我欲對北方講：放𪜶去！ 給南方講：毋通扣留𪜶！ 互我的子兒對真遠的所在， 我的兒女對天邊海角倒轉來。</verse>
				<verse number="7">所有歸我的名，屬我的人， 就是我所創造塑造， 為著我的榮光造的人， 攏會倒轉來。</verse>
				<verse number="8">上帝講：有目睭毋拘𣍐當看的， 有耳孔𣍐當聽的， 攏給𪜶導出來。</verse>
				<verse number="9">著召集萬國聚集做夥， 所有的人民攏聚集做堆。 所發生的事，叨一個神明曾先宣告？ 過去的代誌，叨一個曾為咱預測？ 著互𪜶提出證人證實𪜶講的是著， 互人民聽著會講：這是事實。</verse>
				<verse number="10">上主講： 以色列 啊，恁是我的見證人； 我有揀選恁做我的僕人。 我欲互恁識我，互恁信我， 通了解我是上帝。 佇我以前毋曾有上帝， 佇我以後嘛𣍐有。</verse>
				<verse number="11">只有我是上主； 我以外無別個拯救者。</verse>
				<verse number="12">我曾宣告，曾拯救，曾講明； 是我，毋是恁中間的別個神明。 恁是我的見證人。 上主按呢宣布。</verse>
				<verse number="13">我是上帝，對起頭我就是上帝； 無人會當脫離我掌握的權。 我的作為，啥人會當改變？</verse>
				<verse number="14">以色列 神聖的上帝， 上主 — 恁的救贖主按呢講： 因為恁的緣故，我已經差人去 巴比倫 ； 我欲摃碎𪜶所有城門的門閂， 欲互 迦勒底 人的歡呼變做哀歌。</verse>
				<verse number="15">我是上主 — 恁神聖的上帝； 我是 以色列 的創造主 — 恁的君王。</verse>
				<verse number="16">古早，上主佇海中造一條路， 佇大水中開一條大路。</verse>
				<verse number="17">伊剿滅戰車、馬、軍隊、勇士， 互𪜶攏仆落去，𣍐當閣起來。 𪜶受消滅，親像燈火全部化去。</verse>
				<verse number="18">上主按呢講： 毋通只有會記得過去的事件； 毋通一直數念古早的代誌。</verse>
				<verse number="19">我啲欲做一項新的事， 此陣已經啲發生，恁豈毋知？ 我欲佇曠野開道路， 佇沙漠開江河。</verse>
				<verse number="20">野獸攏會尊重我； 連豺狼及鴕鳥都尊敬我。 因為我互曠野有水， 佇焦燥的沙漠有河， 互我的選民通飲。</verse>
				<verse number="21">此個子民是我親手造的； 𪜶會稱讚宣揚我！</verse>
				<verse number="22">上主講： 雅各 啊，你無求叫我； 以色列 啊，你顛倒一直討厭我。</verse>
				<verse number="23">你並無將你的羊做燒化祭獻互我， 嘛無獻祭物對我表敬意。 我毋曾要求你獻素祭互你操勞， 嘛毋曾要求你獻乳香互你操煩。</verse>
				<verse number="24">你毋曾用錢買芳料互我， 嘛毋曾用一隻肥軟的牲生互我飽足。 你顛倒因為你的罪惡互我操煩， 因為你犯的罪過互我討厭。</verse>
				<verse number="25">只有我是上帝，我將你的罪過擦消； 我𣍐永久記牢你的罪。</verse>
				<verse number="26">來！咱來去上法庭，你通控告； 你提出申訴，證實你公正。</verse>
				<verse number="27">你第一個祖先犯罪， 你的代言人背叛我，</verse>
				<verse number="28">你的首領拍垃墋我的聖所 。 所以，我互 雅各 毀滅， 互 以色列 受凌辱。</verse>
			</chapter>
			<chapter number="44">
				<verse number="1">上主講： 雅各 — 我的僕人，今著聽； 我所揀選的 以色列 ，聽咧！</verse>
				<verse number="2">捏造你，對母胎就塑造你， 欲幫贊你彼位上主按呢講： 我的僕人 以色列 ，毋免驚！ 你是我所疼 ，所揀選的。</verse>
				<verse number="3">我欲摒落水互嘴焦的地； 我欲互焦燥的地有溪水啲流。 我欲將我的神摒互你的後代， 欲賜福氣互你的子孫。</verse>
				<verse number="4">𪜶會親像草佇水充足的所在大欉， 親像柳樹佇水直直流的溪邊生長。</verse>
				<verse number="5">有人會講「我屬上主」； 另外一個給家己號名叫 雅各 ； 閣一個佇手的頂面寫「上主的」， 自稱做 以色列 。</verse>
				<verse number="6">上主 — 統治 以色列 的救贖主， 上主 — 萬軍的統帥按呢講： 我是開始，我是結束； 我以外無上帝。</verse>
				<verse number="7">啥人會當及我比？著出來講！ 我曾對古早的子民預告欲發生的代誌， 伊嘛通按呢宣告將來的事。</verse>
				<verse number="8">恁毋免驚，嘛毋免惙！ 我豈無早就對恁宣告？ 恁是我的見證人。 我以外豈有上帝， 豈有互恁通閃匿的石磐？ 我知，連一個都無。</verse>
				<verse number="9">所有製造偶像的人攏無路用；𪜶所合意的攏無利益。拜偶像的人攏睛瞑、無知；𪜶攏會失敗見笑。</verse>
				<verse number="10">啥人製造神明，鑄造無路用的偶像？</verse>
				<verse number="11">你看，伊的同伴攏會見笑；師傅不過是人。互𪜶攏聚集倚來，準備上法庭；𪜶會驚惶，攏會見笑。</verse>
				<verse number="12">拍鐵師傅給鐵囥佇火炭內炰互紅，用勇的手骨夯摃槌拍出形體。伊若枵，就無力；嘴焦無飲水，就厭倦。</verse>
				<verse number="13">木匠用繩線量，用粉筆畫線，用各種器具雕刻，用圓尺畫模，照人的款式做媠的人形造偶像，給伊𫞼佇廟內。</verse>
				<verse number="14">伊剉柏香樹；閣揀青桐樹及橡樹互𪜶佇樹林內成長；伊栽種松樹，聽候雨水潤澤互伊大欉。</verse>
				<verse number="15">然後，樹剉起來做火柴；有的提來互厝內較燒烙，有的點𤏸通烘餅止飢。閣一寡做神像給跪給拜。</verse>
				<verse number="16">一半的柴，伊起火烘肉來食，食甲滿足。伊嘛家己那烘那講：「讚！我看火啲𤏸，感覺真燒烙。」</verse>
				<verse number="17">伊用所賰的柴做一個神明，做偶像，跪落去給拜，對伊祈禱講：「你是我的神明，救我！」</verse>
				<verse number="18">此款人毋識閣𣍐理解，因為上主給𪜶的目睭糊啲，互𪜶看𣍐著，心智塞啲，𣍐曉想。</verse>
				<verse number="19">𪜶攏無啲想，無智識無聰明通講：「一半的柴，我用做火炭烘餅，嘛烘肉來食。所賰的柴我豈通用來造一個偶像？我豈通跪落去拜一塊柴頭？」</verse>
				<verse number="20">𪜶用火灰準飯食，戇甲互人拐去，無法度救家己。𪜶毋承認手裡捧的偶像根本毋是神明。</verse>
				<verse number="21">上主按呢講： 雅各 啊，著會記得諸個代誌； 以色列 啊，你是我的僕人。 我塑造你，你是我的僕人； 以色列 啊，我一定𣍐給你𣍐記得。</verse>
				<verse number="22">我已經給你的罪過掃除，親像給密雲吹散； 擦消你的罪惡，親像互薄霧消散。 著歸向我，因為我有救贖你。</verse>
				<verse number="23">諸個天啊，著歡喜唱歌， 因為上主有做此項代誌！ 地的深坑啊，著大聲喝！ 大山小山啊，著出聲唱歌！ 樹林及內面所有的樹啊，著唱！ 因為上主有救贖 雅各 ， 伊欲通過 以色列 顯示伊的榮耀！</verse>
				<verse number="24">互你佇母胎成形，救贖你的上主按呢宣布： 我是上主，是萬物的創造主。 我搋開天的時，單獨一個； 我鋪地的時，只有我家己一個。</verse>
				<verse number="25">我互假先知的兆頭混亂， 互卜卦的人預測失效。 我互有智慧的人見笑退後， 有智識的人變愚戇。</verse>
				<verse number="26">我互我僕人的話得著證實， 互我使者的計劃實現。 關係 耶路撒冷 ，我講：欲有人佇遐徛起； 關係 猶大 的城市，我講：我欲給𪜶起造； 已經變荒埔的所在，我給𪜶重建。</verse>
				<verse number="27">我對深淵講：著焦去！ 我欲互你的河流攏焦焦去。</verse>
				<verse number="28">我對 塞魯士 講：你著替我牧養； 你著完成我的旨意。 伊會下令重建 耶路撒冷 ， 重新下聖殿的地基。</verse>
			</chapter>
			<chapter number="45">
				<verse number="1">上主選立 塞魯士 作王。 上主扶持伊，互伊有氣力征服列邦， 剝奪列王的權勢； 城門攏會佇伊的面前拍開， 𣍐閣關起來。 上主對 塞魯士 按呢講：</verse>
				<verse number="2">我上主欲親身替你開路， 欲削平大山小山。 我欲摃破銅的城門， 欲鋸斷鐵的門閂。</verse>
				<verse number="3">我欲將暗中的寶貝、 隱藏的財富攏互你； 按呢，你就會知我是上主， 我叫你的名呼召你。 我是 以色列 的上帝。</verse>
				<verse number="4">雖然你毋識我， 為著我的僕人 雅各 ， 為著我揀選的 以色列 ， 我猶叫你的名呼召你，賜你名號。</verse>
				<verse number="5">我是上主，其他無別個； 我以外，無別個上帝。 雖然你猶毋識我，我欲互你氣力，</verse>
				<verse number="6">按呢，對日出到日落的所在， 人人攏會知，我以外無別個； 我是上主，以外無別個。</verse>
				<verse number="7">我創造光，閣造暗； 我賜平安繁榮，嘛降災難。 我上主欲實現這一切的代誌。</verse>
				<verse number="8">天啊，著降落勝利， 親像雨水對頂面摒落。 地啊，著拍開，互拯救開花， 互勝利結籽。 我上主欲成就此個事！</verse>
				<verse number="9">及造物主爭論的人慘啊！ 伊不過是地上瓦片中的一片。 黏土豈敢對燒瓷師傅講：「你啲創啥？ 你的功夫無好！」</verse>
				<verse number="10">敢給老父講「你哪給我生做按呢」， 敢給老母講「何麼苦生我」， 此款人慘啊！</verse>
				<verse number="11">以色列 神聖的上帝 — 創造 以色列 的上主按呢講： 恁無權通質問我的子兒的將來， 無權指示我應該著做什麼！</verse>
				<verse number="12">我是大地的創造主， 閣創造住佇彼頂面的人類。 我親手搋開穹蒼， 指揮天頂的星辰。</verse>
				<verse number="13">我興起 塞魯士 互伊得著勝利， 修直伊所欲行的道路。 伊欲重建我的城 耶路撒冷 ， 欲解放我受掠的子民； 伊按呢做毋是欲賺工錢，嘛毋是因為互人買收。 上主 — 萬軍的統帥按呢宣布。</verse>
				<verse number="14">上主對 以色列 按呢講： 埃及 及 衣索匹亞 的財富攏會變做你的； 大閣躼的 西巴 人攏變做你的奴隸， 𪜶會互鎖鍊鍊啲，隨你的尻脊後行。 𪜶會跪落去拜你，恭敬對你講： 上帝確實及恁同在， 只有伊是上帝，以外無別個。</verse>
				<verse number="15">救贖主 — 以色列 的上帝， 你真正是隱密家己的上帝。</verse>
				<verse number="16">製造偶像的攏會見笑漏氣； 𪜶攏會做夥受恥辱。</verse>
				<verse number="17">毋拘 以色列 受上主拯救。 恁得著的救恩會續到永遠； 恁永遠𣍐閣受侮辱。</verse>
				<verse number="18">上主創造天； 伊就是彼位唯一的上帝。 伊創造，形成，建立大地。 伊無互大地變做渾沌荒廢， 反轉互伊成做人徛起的所在。 伊講：我是上主，以外無別個。</verse>
				<verse number="19">我毋曾佇隱密的所在講話， 嘛毋曾佇烏暗的地談論。 我毋曾給 以色列 的後代講： 恁著佇渾沌中尋求我。 我上主只有講公義， 只有宣告正直。</verse>
				<verse number="20">上主講： 來，恁諸個對列邦逃脫的人， 攏聚集倚來，接受審判！ 許個扛柴刻的偶像遊街， 閣對無力通救𪜶的神明祈禱的人是無知。</verse>
				<verse number="21">來，恁去彼此參詳，提出恁的訴狀。 啥人對古早就知此個代誌？ 啥人真早以前就宣告此個事？ 豈毋是我上主？ 我以外無別個上帝。 我才是公義的上帝， 我以外無別個會拯救人！</verse>
				<verse number="22">天邊海角的人啊， 著歸向我通得著救！ 我就是上帝，其他無別個。</verse>
				<verse number="23">我指家己立誓； 我憑公義講出的話絕對𣍐收回： 每一個腳頭窩攏會對我跪拜； 每一個嘴攏會對我宣誓。</verse>
				<verse number="24">人會講：只有通過上主 才會得著勝利及氣力； 所有對伊發受氣的人 攏會受恥辱。</verse>
				<verse number="25">所有 以色列 的子孫 攏會對上主得著勝利及榮耀。</verse>
			</chapter>
			<chapter number="46">
				<verse number="1">彼勒 跪落去啦， 尼波 仆落去啦！ 諸個 巴比倫 的神明下佇走獸及牲生的尻脊骿。 恁啲扛的偶像成做厭倦的牲生的重擔。</verse>
				<verse number="2">𪜶已經攏跪落去，仆落去， 無法度救家己， 顛倒互敵人搶去做戰利品。</verse>
				<verse number="3">雅各 留落來的子孫， 以色列 人啊，恁攏著聽！ 恁一下出世我就一直給恁抱， 對出母胎就給恁揹。</verse>
				<verse number="4">到恁年老，我攏像款； 到恁頭毛白，我猶會給恁扶持。 我創造恁，會給恁抱； 我會繼續給恁揹，給恁解救。</verse>
				<verse number="5">上主講： 恁欲用啥人及我比，及我並？ 啥人親像我，會當及我像款？</verse>
				<verse number="6">人對袋仔摒歸堆金仔出來， 用秤仔秤銀。 𪜶倩師傅用諸個金銀鑄造神像， 然後仆落去跪拜。</verse>
				<verse number="7">𪜶將偶像夯起來，囥佇肩頭頂扛， 給伊𫞼佇一個所在， 互伊𣍐當離開本位。 人給伊求叫，伊攏𣍐應答； 伊嘛無法度救人脫離災難。</verse>
				<verse number="8">有罪的人啊，著記互牢； 背叛的人啊，著好好想。</verse>
				<verse number="9">著會記得古早發生的代誌。 我是上帝，其他無別個； 我是上帝，無一個會當及我比。</verse>
				<verse number="10">對起初我就預測終局的事； 對古早我就宣告猶未發生的代誌。 我講：我的計劃𣍐改變； 我愛做的事，一定會互伊實現。</verse>
				<verse number="11">我欲差一個使者對東方真遠的所在來； 伊欲親像鷹鳥衝落來。 我已經講出嘴，一定欲實現； 我已經計劃，一定欲完成。</verse>
				<verse number="12">恁諸個心硬， 想講勝利無望的人， 著聽我講。</verse>
				<verse number="13">我欲互勝利逼近，連鞭到； 我的拯救𣍐延遲。 我欲解救 耶路撒冷 ， 欲互 以色列 得著榮光。</verse>
			</chapter>
			<chapter number="47">
				<verse number="1">在室女 巴比倫 啊， 落來坐𫢶土粉！ 少女 迦勒底 啊， 對寶座落來，坐𫢶土腳！ 無人會閣講你溫柔抑是幼秀。</verse>
				<verse number="2">去挨石磨，磨麵粉！ 面帕提掉！ 裙摠起來， 露出大腿蹽過溪 ！</verse>
				<verse number="3">人會看著你赤身露體； 你的見笑會露現。 我欲報復， 一個都𣍐放伊煞。</verse>
				<verse number="4">阮的救贖主是 以色列 神聖的上帝； 伊的稱呼是上主 — 萬軍的統帥。</verse>
				<verse number="5">少女 迦勒底 啊， 入去烏暗的所在恬恬仔坐； 你𣍐閣再互人稱做 「列國的女王」。</verse>
				<verse number="6">我有對我的子民發受氣， 互家己的產業受凌辱， 給𪜶交佇你的手中。 你無對𪜶施憐憫， 甚至用真重的軛互老人揹。</verse>
				<verse number="7">你曾講「我欲永遠做女王」， 所以無給諸個代誌囥佇心內， 嘛無考慮代誌的結局。</verse>
				<verse number="8">今，你此個愛宴樂，安穩坐佇寶座頂的人， 著注意聽！ 你家己心內想講： 只有我，我以外無別個； 我絕對𣍐變做寡婦， 𣍐經驗喪失子兒的苦痛。</verse>
				<verse number="9">毋拘，佇一日內，一目𥍉久， 此兩項代誌攏會發生佇你身上， 死子及守寡做一下到！ 無論你行偌多邪術， 唸偌多符咒都無採工。</verse>
				<verse number="10">你自信做歹無代誌， 講：無人會看著。 你互家己的智慧聰明導入偏路， 家己心內想講： 我及上帝平大， 無人會當及我比。</verse>
				<verse number="11">毋拘災禍會趇著你， 你毋知著按怎才會當給伊趕走。 災害會降落佇你身上， 你無法度給伊除掉。 佇你毋知的時， 毀滅會忽然臨到你！</verse>
				<verse number="12">起來，做你去唸你的符咒，行較多邪術； 你對少年的時就拍拼做諸個事。 按呢，你可能會成功， 會互敵人驚甲欲死。</verse>
				<verse number="13">你因為人互你的計策傷多煞厭倦； 去叫許個觀天象的、看星辰的出來救你； 𪜶會佇初一十五預言將來的事。</verse>
				<verse number="14">看咧，𪜶會親像麥稿互火燒毀； 𪜶𣍐當救家己脫離火焰的威力， 彼款火毋是會當坐佇邊仔烘燒的勻勻仔火。</verse>
				<verse number="15">對少年就及你勾結，鬥陣拍拼的人， 帶來互你的，最後攏是按呢。 𪜶攏會佇家己揀的路失迷， 無人會當救你。</verse>
			</chapter>
			<chapter number="48">
				<verse number="1">雅各 的後代，著注意聽！ 恁受稱做 以色列 人， 是 猶大 的子孫。 恁指上主的名咒誓， 求叫 以色列 的上帝， 毋拘毋是出佇誠心實意。</verse>
				<verse number="2">恁自誇是聖城的人民， 所倚靠的是 以色列 的上帝； 伊的稱呼是上主 — 萬軍的統帥。</verse>
				<verse number="3">上主講： 我真久以前就宣告， 親嘴講互恁知將來會發生的事。 佇恁無拍算的時，我行動， 代誌就成就。</verse>
				<verse number="4">因為我知，恁的心硬， 頷頸若鐵，頭額若銅，</verse>
				<verse number="5">所以，我對古早就有給恁講， 佇代誌發生以前就有給恁宣告， 互恁𣍐當講： 諸個是阮的偶像所做， 是阮刻的偶像、造的神明註定的。</verse>
				<verse number="6">我所預言的事今已經攏發生； 此個事實恁豈無欲承認？ 對此陣起，我欲互恁知將來新的事， 是恁以前毋知，對恁隱藏的代誌。</verse>
				<verse number="7">諸個代誌現在才發生， 過去恁攏毋曾聽著， 互恁𣍐當講：阮老早就知。</verse>
				<verse number="8">恁毋曾聽著，嘛毋知； 恁的耳仔攏毋曾聽過。 我知恁非常詭詐， 對出世，人就叫恁做背叛者。</verse>
				<verse number="9">我為著保持我的名的榮譽， 忍耐，無發受氣； 我一直忍啲，無給恁毀滅。</verse>
				<verse number="10">我有給恁提煉， 不過無親像啲提煉銀， 是用痛苦的火給恁鍛鍊。</verse>
				<verse number="11">我確實是為著家己的緣故； 我無愛互我的榮譽受辱。 我的名哪通受褻瀆？ 我無愛別個神明分享我的榮耀！</verse>
				<verse number="12">雅各 啊，著聽！ 我所呼召的 以色列 啊，著聽我講！ 我是上帝， 是上代先的，嘛是上路尾的。</verse>
				<verse number="13">我親手下大地的地基； 我用正手搋開天。 我一下命令， 天及地就做夥徛出來。</verse>
				<verse number="14">恁大家攏著聚集，聚集倚來聽！ 豈有神明曾預測我上主所選立的人會攻擊 巴比倫 ， 會照我的旨意對付 迦勒底 人？</verse>
				<verse number="15">對伊講話，呼召伊的是我； 我給伊導出來，互伊興旺。</verse>
				<verse number="16">今，行倚來，聽我講： 對起頭，我一直有公開給恁講， 代誌發生彼時，我就佇遐。 今，至高的上主已經差遣我，賜我伊的氣力。</verse>
				<verse number="17">以色列 神聖的上帝 — 恁的救贖主按呢講： 我是上主 — 恁的上帝。 我教示恁是為著恁好； 我導恁行應該行的路。</verse>
				<verse number="18">我偌仔呢期待恁聽我的命令！ 若有聽，恁的平安就若河流， 恁的公義會若海湧；</verse>
				<verse number="19">恁的後代會親像海沙， 恁的子孫親像沙赫多。 我𣍐互𪜶的名受剪斷滅絕！</verse>
				<verse number="20">著對 巴比倫 出來，脫離 迦勒底 人！ 著歡喜出聲，大聲宣布！ 將消息傳到天邊海角，講： 上主已經救贖伊的僕人 以色列 ！</verse>
				<verse number="21">上主導𪜶經過曠野， 𪜶攏無嘴焦。 伊互水對石磐淐出來； 伊互石磐爆裂，互水溢出來。</verse>
				<verse number="22">上主講： 邪惡的人無平安！</verse>
			</chapter>
			<chapter number="49">
				<verse number="1">眾海島啊，著聽我講！ 住佇真遠列國的人民啊，著注意聽！ 上主佇我出世以前就揀召我， 我猶佇母胎就給我號名。</verse>
				<verse number="2">伊互我的嘴親像利劍， 用伊的手庇祐我，保護我。 伊互我親像磨甲金熠熠的箭， 給我藏佇伊的箭袋內面。</verse>
				<verse number="3">伊對我講：「 以色列 啊，你是我的僕人； 我欲通過你顯示我的榮耀。」</verse>
				<verse number="4">毋拘我講：「我的勞苦攏是空空； 我用盡氣力，攏無採工。」 猶久，上主是我的裁決者； 我一定會對上帝得著報賞。</verse>
				<verse number="5">我佇母胎上主就造我， 互我做伊的僕人， 通互 雅各 的後代倒轉來伊遐， 導 以色列 流亡的子民聚集倚來。 按呢，我佇上主面前會得著光榮； 我的上帝嘛成做我的氣力。</verse>
				<verse number="6">現在上主對我講： 「我欲互你做我的僕人， 互 雅各 逐支族閣復興， 給流亡的 以色列 人導轉來。 我欲閣互你一項重要的任務， 互你做萬國的光， 互我的拯救普及天邊海角。」</verse>
				<verse number="7">上主 — 以色列 的救贖主， 以色列 神聖的上帝按呢講： 「你此個受人藐視，互萬國痛恨， 做統治者的奴隸的人， 君王看著你會徛起來； 領袖看著你嘛會仆落去表敬意。 此個事會實現，因為上主信實， 因為 以色列 神聖的上帝有揀選你。」</verse>
				<verse number="8">上主按呢講： 「佇我歡喜接納的時，我有應允你； 佇拯救的日，我有幫贊你。 我欲保護你，閣通過你及我的子民立約。 我欲互你佇已經荒廢的土地重建，閣定居。</verse>
				<verse number="9">我欲給受掠的人講：『恁自由啦！』 我欲給佇烏暗中的人講：『出來見光！』 𪜶會親像羊沿路有草通食； 荒廢的所在攏變做牧場。</verse>
				<verse number="10">𪜶𣍐枵，嘛𣍐嘴焦； 日頭及燒風𣍐傷害𪜶。 疼惜𪜶的會引導𪜶， 導𪜶到水泉邊。</verse>
				<verse number="11">「我欲佇所有的山嶺開大路， 給大路攏填高。</verse>
				<verse number="12">看咧，我的子民對真遠的所在來； 有的對北旁，有的對西旁， 嘛有一寡對 希尼 地方來。」</verse>
				<verse number="13">天啊，著歡喜唱歌！ 地啊，著歡呼！ 大山小山啊，著大聲唱歌！ 上主欲安慰伊的子民； 伊欲憐憫伊受苦的子民。</verse>
				<verse number="14">毋拘 耶路撒冷 的住民講： 「上主已經放拺咱！ 主已經𣍐記得咱啦！」</verse>
				<verse number="15">因為按呢，上主回答： 「老母豈會𣍐記得食奶的嬰仔， 抑是𣍐疼惜伊的親生子？ 老母若會𣍐記得，我絕對𣍐！</verse>
				<verse number="16">你看咧，我有將你的名刻佇手心！ 你的城牆不時佇我目睭前，我無可能𣍐記得！</verse>
				<verse number="17">「給你重建的人真緊就來； 給你拆毀的啲離開啦。</verse>
				<verse number="18">你攑頭四周圍看覓咧， 你的同胞攏聚集倚來，啲欲到位啦。 我指我的性命立誓： 𪜶會成做你寶貴的妝飾， 親像新娘身軀掛的珠寶。 上主按呢宣布。</verse>
				<verse number="19">「彼個毀壞，拋荒，荒廢的國土今確實傷細， 無夠互流亡回國的同胞住； 給你毀滅的會離開你真遠。</verse>
				<verse number="20">你會親耳聽著你流亡以後生的子兒講： 『此個所在傷狹； 著互阮較闊的所在通住。』</verse>
				<verse number="21">彼時，你佇心內會講： 『啥人給我生諸個囝仔？ 我已經喪失子嘛𣍐閣生啦。 我流亡閣到處流浪， 是啥人給我養育諸個囝仔？ 我孤單，家己一個； 諸個囝仔對叨位來？』」</verse>
				<verse number="22">至高的上主講： 「我欲對列國攑手示意， 對萬民發出信號。 𪜶會抱你的查甫子佇胸前， 揹你的查某子佇尻脊後倒轉來。</verse>
				<verse number="23">列王會做你的子兒 的養父， 𪜶的王后會做你的兒女 的奶母。 𪜶會仆落地給你跪拜， 會舐你腳裡的土粉。 按呢，你就會知我是上主； 聽候我的人一定𣍐失望見笑。」</verse>
				<verse number="24">你豈會當對勇士的手搶奪戰利品？ 豈會當對暴君的手解救俘虜？</verse>
				<verse number="25">上主按呢回答： 會當！勇士的俘虜會受搶奪； 暴君的戰利品會受解救。 我欲及敵對你的人敵對； 我欲拯救你的子兒。</verse>
				<verse number="26">我欲互壓迫你的人食𪜶家己的肉， 飲家己的血，親像飲新酒飲甲醉。 按呢，全人類就會知： 我上主是你的救主， 你的救贖主， 是 以色列 的大能者。</verse>
			</chapter>
			<chapter number="50">
				<verse number="1">上主按呢講： 我互恁老母的離婚書佇叨位？ 我給恁賣互叨一個債主？ 我是因為恁的罪才給恁賣出去， 因為恁的罪過才給恁老母趕出去。</verse>
				<verse number="2">是按怎我來的時，恁無半人佇啲？ 是按怎我叫的時，恁攏無人應？ 是因為我的手骨傷短無法度贖回恁， 抑是我無氣力通解救恁？ 恁看咧，我一下喝，海就焦去； 我互江河變做曠野。 魚攏因為嘴焦死去， 因為無水臭去。</verse>
				<verse number="3">我給天穿烏衫， 給穹蒼蓋麻布。</verse>
				<verse number="4">至高的上主教我講應該講的話， 互我會曉用話扶助厭倦的人。 伊逐早起給我叫醒， 開我的耳孔互我親像學生會曉聽受。</verse>
				<verse number="5">至高的上主有開我的耳孔， 我無違背，嘛無拒絕。</verse>
				<verse number="6">人欲拍我，我越尻脊骿互𪜶拍； 人欲惙我的嘴鬚， 我㧣嘴䩃出在𪜶惙。 人侮辱我，給我呸嘴涎， 我嘛無掩我的面。</verse>
				<verse number="7">至高的上主有幫贊我， 我𣍐受凌辱； 所以，我親像石頭堅定面對一切， 我知，我一定𣍐抵著見笑。</verse>
				<verse number="8">判我無罪彼位啲欲來啦！ 啥人敢控告我？ 咱做陣來去上法庭！ 啥人及我作對？ 做你來控告！</verse>
				<verse number="9">看！至高的上主有啲幫贊我， 啥人會當宣告我有罪？ 看！控告我的人攏會親像衫舊去， 互蛀蟲食了了。</verse>
				<verse number="10">恁中間什麼人敬畏上主， 遵守伊的僕人的話？ 伊雖然佇烏暗無光的路啲行， 嘛會倚靠上主的名， 信賴伊的上帝。</verse>
				<verse number="11">看！恁所有點火，用火把武裝家己的人， 會互恁所起的火，所點的火焰傷害。 恁一定會佇痛苦折磨中倒落去。 這是我親自給恁註定的。</verse>
			</chapter>
			<chapter number="51">
				<verse number="1">恁諸個追求正義， 尋求我上主的人啊，著聽！ 著看彼塊石磐，恁就是對遐拍出來的； 注意看彼個石穴，恁就是對遐挖出來的。</verse>
				<verse number="2">著注意看恁的祖先 亞伯拉罕 ， 看恁的老母 莎拉 。 我選召伊的時，伊干焦家己一個， 毋拘我賜福伊，互伊子孫真多。</verse>
				<verse number="3">上主欲安慰 耶路撒冷 ， 安慰伊所有的荒埔。 我欲互沙漠變做親像 伊甸園 ， 互荒埔親像上主的園； 佇園內有歡喜快樂， 有感謝謳咾的歌聲。</verse>
				<verse number="4">我的子民啊，注意聽我講； 我的國民啊，著俯耳孔聽我。 我欲將律法賜互萬國； 我的公義欲做萬民的光。</verse>
				<verse number="5">我的勝利已經逼近； 我的拯救已經發出。 我的手骨欲統治萬民。 海島攏啲聽候我來， 一直期待我來解救。</verse>
				<verse number="6">著攑頭看天，俯落看地； 因為天啲欲親像煙霧消散， 地親像衫穿舊去， 內面的住民親像蠓蟲死去。 毋拘我的拯救會永遠存續， 我的公義代代無窮。</verse>
				<verse number="7">著聽！恁諸個認識公義， 有給我的教示囥佇心內的人。 毋免驚人給恁恥笑！ 毋免懍別人給恁侮辱！</verse>
				<verse number="8">因為蛀蟲會給𪜶吞滅，若準啲食衫； 蟲會給𪜶食了，若準啲食羊毛。 毋拘，我的公義會永遠存續， 我的拯救續到萬代。</verse>
				<verse number="9">上主啊，著醒起來！醒起來！ 你的手骨著堅強起來！ 親像早時的年日， 親像古早的時代按呢，著起來！ 給 拉哈伯 剁做一塊一塊， 閣鑿透彼尾大海怪的豈毋是你？</verse>
				<verse number="10">互海及大深淵的水焦去， 佇深淵開一條路， 互得著贖回的人過去的豈毋是你？</verse>
				<verse number="11">按呢，上主贖回的人攏會倒轉來。 𪜶會歡頭喜面，沿路唱歌轉來 耶路撒冷 ； 哀嘆悲傷攏消失。</verse>
				<verse number="12">上主講： 「是我，我才是安慰恁的上帝。 是按怎你啲驚一定會死的人？ 𪜶的性命不過親像草。</verse>
				<verse number="13">你是按怎𣍐記得你的上主， 𣍐記得彼位搋開穹蒼， 立大地根基的造物主？ 你歸日驚惶無停， 驚彼個想欲毀壞你的欺壓者受氣。 其實，伊的受氣𣍐當傷害你。</verse>
				<verse number="14">受掠去的人真緊就會得著解放； 𪜶𣍐死佇監牢， 嘛𣍐欠缺食物。</verse>
				<verse number="15">「我是上主 — 你的上帝； 我搖動海洋，互湧嘩嘩哮。 上主 — 萬軍的統帥是我的稱呼。</verse>
				<verse number="16">我將我的話囥佇你的嘴， 用我的手的影遮蓋你。 我搋開穹蒼，給大地下根基， 給 耶路撒冷 講『你是我的子民』。」</verse>
				<verse number="17">著醒起來！醒起來！ 耶路撒冷 ，著𬦰起來！ 你有飲上主提互你大受氣的杯， 飲互人顛來顛去的酒，歸碗公飲甲焦焦。</verse>
				<verse number="18">伊生的子兒無一個會當給伊插啲； 伊飼大漢的兒女無一個會當給伊扶啲。</verse>
				<verse number="19">此兩重的災禍，你攏曾抵著， 啥人會當及你做夥悲傷？ 毀壞及荒廢、飢荒及刀劍臨到， 啥人會當給你安慰？</verse>
				<verse number="20">你的子兒暈倒佇街路口， 親像互人網著的羚羊。 𪜶充分感受上主的大受氣， 受盡你的上帝的責備。</verse>
				<verse number="21">所以，恁受苦的 耶路撒冷 住民， 無飲酒嘛顛來顛去的人啊，著聽！</verse>
				<verse number="22">至高的上主，為著伊子民申冤的上帝按呢講： 「恁看，我已經對恁的手將互恁顛來顛去的杯提走； 恁毋免閣飲我大受氣的碗。</verse>
				<verse number="23">我欲將此碗酒提互苦楚恁的人飲； 𪜶曾給恁講： 『仆落去，互阮踏過去。』 彼時，恁的尻脊骿親像土腳， 親像街路據在𪜶踏過去。」</verse>
			</chapter>
			<chapter number="52">
				<verse number="1">醒起來，著醒起來！ 錫安 啊，著堅強！ 著穿媠的衣服！ 聖城 耶路撒冷 啊，對今以後， 無受割禮，無清氣的𣍐閣入去你內面。</verse>
				<verse number="2">耶路撒冷 啊，將土粉拌㧒确！ 起來，坐佇王位！ 恁諸個受掠的 錫安 的住民啊， 解開頷頸的鎖鍊！</verse>
				<verse number="3">上主按呢講：恁互人賣去的時，無收著價錢；像款，恁得著自由，嘛毋免付贖金。</verse>
				<verse number="4">至高的上主閣講：代起先，我的子民落去 埃及 寄居；後來， 亞述 人給𪜶欺壓。</verse>
				<verse number="5">我的子民互人掠去做俘虜，無收著價錢；管轄𪜶的人給𪜶喝來喝去，歸日啲侮辱我的名。今，我欲採取行動。</verse>
				<verse number="6">因為按呢，佇彼日，我的子民一定會識我的名，閣知啲講話的是我上主。恁看，我佇遮！</verse>
				<verse number="7">𨃟山過嶺啲宣告和平，傳好消息的使者， 𪜶的腳跡偌仔呢媠！ 𪜶宣告拯救， 對 錫安 講：你的上帝作王統治啦！</verse>
				<verse number="8">聽！恁的守望者啲出大聲， 齊聲歡喜唱歌。 因為𪜶欲親目見證： 上主倒轉來 錫安 啦！</verse>
				<verse number="9">荒廢的 耶路撒冷 啊， 著大聲歡喜唱歌； 因為上主有安慰伊的子民， 伊已經救贖 耶路撒冷 。</verse>
				<verse number="10">上主已經佇萬國的眼前 顯出伊神聖的氣力； 普天下的人 攏會看見咱的上帝的拯救。</verse>
				<verse number="11">著離開，著離開！ 對 巴比倫 出來！ 毋通沐著無清氣的物。 恁諸個扛上主器具的人， 著對 巴比倫 出來，著潔淨家己。</verse>
				<verse number="12">毋拘恁毋免趕緊，毋免著急； 恁毋是啲逃命。 上主一定會佇恁頭前導路； 以色列 的上帝一定佇恁後面保護。</verse>
				<verse number="13">上主講： 看咧，我的僕人欲做的一定會完成； 伊一定會受高舉得著榮耀， 受高升到至高。</verse>
				<verse number="14">真多人看著伊，會奇怪卬愕； 因為伊的面貌受損傷， 伊的外表無親像人的款式。</verse>
				<verse number="15">按呢，伊會互萬國著驚， 互列王掩嘴毋敢講話； 過去毋曾領受的人，會了解， 毋曾聽見的人，會領悟。</verse>
			</chapter>
			<chapter number="53">
				<verse number="1">咱所聽著的，啥人會相信？ 上主的氣力曾對啥人顯示？</verse>
				<verse number="2">上主互伊的僕人親像新的芛茁出來， 親像根對焦地發出來。 伊無好形狀，無威儀通吸引咱， 嘛無好看的外貌互咱通欣慕。</verse>
				<verse number="3">伊互人看輕，受人棄拺， 閣受真多苦難，經歷逐款病疼。 人越頭毋看伊； 咱藐視伊，無給尊重。</verse>
				<verse number="4">伊確實承擔咱的病疼， 擔當咱的苦難。 咱想講伊受責罰， 互上帝拍，受苦楚。</verse>
				<verse number="5">毋拘伊是為著咱的過失受傷害， 為著咱的罪過受硩碎。 伊擔當刑罰，咱得著平安； 伊受鞭拍，咱得著醫好。</verse>
				<verse number="6">咱攏親像羊迷路； 逐個人行家己的路。 上主將咱眾人的罪 攏歸佇伊身上。</verse>
				<verse number="7">伊受壓迫，受苦楚， 毋拘伊恬恬無出聲； 伊親像羊羔互人牽去刣， 親像羊母互人剪毛， 伊攏無出聲。</verse>
				<verse number="8">伊受無公道的審判，互人掠去； 豈有人關心伊的遭遇？ 伊為著我子民的罪過受鞭拍； 伊受處死，對人間消失。</verse>
				<verse number="9">雖然伊無用暴力， 無講詭詐的話， 人將伊及歹人埋做堆， 及好額人埋做夥。</verse>
				<verse number="10">總是上主決意互伊受硩碎，受苦楚， 互伊通獻性命贖人的罪。 伊會長歲壽，看著子子孫孫， 互上主的旨意通過伊來實現。</verse>
				<verse number="11">經歷受苦，伊會看見光 。 對伊的體驗，伊會心滿意足。 我義的僕人會互真多人成做義人； 伊欲擔當𪜶的罪過。</verse>
				<verse number="12">所以，我欲互伊及有地位的人分所得著的份額， 及強猛的人分戰利品。 因為伊甘願放拺性命到死， 互人列入罪犯的名單。 總是伊擔當真多人的罪， 閣替罪犯祈禱 。</verse>
			</chapter>
			<chapter number="54">
				<verse number="1">耶路撒冷 ，你此個𣍐懷孕，無生子的婦仁人啊， 著唱歌！ 你此個毋曾經驗催陣艱苦的婦仁人啊， 著出大聲歡喜唱歌！ 因為受棄拺的婦仁人會有真多子兒， 比有丈夫的較多。 上主按呢宣布。</verse>
				<verse number="2">著擴展你住的布棚的地。 著給你布棚的布扭互開，毋通限制； 索著牽甲盡磅； 杙仔攏釘互牢。</verse>
				<verse number="3">因為你會四面擴展領土， 你的後代會得著列國的土地； 荒廢的城鎮會有真多人住。</verse>
				<verse number="4">毋免驚！你𣍐閣再見笑； 你免閣忍受侮辱。 著𣍐記得你少年的時的見笑； 毋通閣記牢你做寡婦的恥辱。</verse>
				<verse number="5">因為創造你的是你的丈夫； 伊的稱呼是上主 — 萬軍的統帥。 以色列 神聖的上帝是你的救贖主； 伊受稱呼做全地的上帝。</verse>
				<verse number="6">以色列 啊，你以前是少年的婦仁人， 互上主 — 你的丈夫棄拺，心憂傷。 毋拘伊叫你倒轉去伊遐，講：</verse>
				<verse number="7">雖然我有暫時棄拺你， 我欲用深深的疼接你轉來。</verse>
				<verse number="8">我曾對你發極大的受氣，離開你一時仔久， 今，我欲用不變的疼憐憫你。 上主 — 你的救贖主按呢宣布。</verse>
				<verse number="9">這，對我來講，若親像 挪亞 的日： 我立誓𣍐閣互大水淹密大地。 今，我嘛立誓𣍐閣對你受氣， 𣍐閣責備你。</verse>
				<verse number="10">大山會當徙開，小山會當遷移； 毋拘我不變的疼永遠𣍐離開你； 我會永遠遵守和平的約。 憐憫你的上主按呢宣布。</verse>
				<verse number="11">上主講： 耶路撒冷 ，你此個受苦的城啊， 你互暴風掃走，無人給你安慰。 我欲用彩色的石給你重建， 用藍寶石做你的地基。</verse>
				<verse number="12">我欲用紅寶石給你起城塔， 用會發光的寶石造你的城門， 用珠寶造你四圍的城牆。</verse>
				<verse number="13">你的子兒攏會受上主教導； 你的子孫攏會平安繁榮。</verse>
				<verse number="14">你會因為秉公行義得著堅立。 你無什麼通驚惶，因為𣍐閣受壓迫； 兇暴會離開你遠遠， 恐怖𣍐逼近你。</verse>
				<verse number="15">若有人攻擊你，毋是我引起的。 所有攻擊你的，會互你拍敗。</verse>
				<verse number="16">你看，我造拍鐵師傅， 𪜶歕火炭互火焰，製造武器。 我嘛造毀滅者， 𪜶起來施行剿滅。</verse>
				<verse number="17">所有為著欲攻擊你製造的武器，無一項有路用。 每一個佇法庭控告你的人，一定𣍐勝訴。 這是上主的僕人應得的產業； 我欲維護伊，互伊勝利。 上主按呢宣布。</verse>
			</chapter>
			<chapter number="55">
				<verse number="1">「嘴焦的人，來，遮有水！ 無錢的人嘛來，來買，來食！ 來買酒，買奶！ 毋免錢，毋免代價。</verse>
				<verse number="2">哪著開錢買𣍐食得的物？ 哪著用勞苦賺的錢買食𣍐飽的物？ 恁注意聽我講，就有好物通食， 通享受上好的食物，互恁滿足。</verse>
				<verse number="3">「恁著俯耳孔聽，來就近我； 著聽，恁才會活。 我欲及恁立永遠的約， 互恁得著我應允 大闢 彼個確實不變的疼。</verse>
				<verse number="4">我有指派伊做萬國的見證人， 做萬民的領袖統治𪜶。</verse>
				<verse number="5">你看，你會召集你以前毋識的國民； 毋識你的國民攏會闖來投靠你。 上主 — 你的上帝欲促成此個事； 以色列 神聖的上帝欲互你受尊重，得著榮耀。」</verse>
				<verse number="6">著趁上主尋會著的時，尋求伊； 趁伊佇身邊的時，求叫伊。</verse>
				<verse number="7">邪惡的人著棄拺𪜶的道路； 不義的人著改變𪜶的想法。 𪜶著歸向上主，伊會憐憫𪜶； 著歸向咱的上帝，伊會寬宏赦免𪜶。</verse>
				<verse number="8">上主講： 「我的意念毋是恁的意念； 我的道路毋是恁的道路。</verse>
				<verse number="9">天比地較高， 像款，我的道路比恁的道路較高， 我的意念嘛比恁的意念較高。</verse>
				<verse number="10">「親像雨及雪對天降落，無閣倒轉， 欲潤澤大地， 互五穀茁芛大欉， 互撒種的有種籽，互人有米糧；</verse>
				<verse number="11">對我的嘴講出的話嘛會按呢； 我的話絕對會實現，𣍐落空。 我的話欲完成我的計劃； 我的話欲成就我愛做的代誌。</verse>
				<verse number="12">「恁會歡歡喜喜離開， 受引導平平安安轉去。 大山小山會佇恁面前出聲唱歌； 田野的樹木會拍噗仔歡喜。</verse>
				<verse number="13">以前有莿的所在會發松柏； 有草刺的所在會發長青樹。 這欲做永久不滅的記號， 互恁會記得上主的作為。」</verse>
			</chapter>
			<chapter number="56">
				<verse number="1">上主按呢講： 「恁著維護公平，實踐公義； 因為我的拯救近啦， 我的公義連鞭實現。</verse>
				<verse number="2">堅守安歇日，攏無違背， 手無作歹， 此款人真有福氣！」</verse>
				<verse number="3">已經歸信上主的外族人毋通講： 「上主一定會給我及伊的子民隔離。」 太監嘛毋通講： 「我不過是一欉焦去的樹。」</verse>
				<verse number="4">因為上主按呢講： 「許個遵守我的安歇日， 做我所歡喜的事， 持守我的約的太監，</verse>
				<verse number="5">我欲互𪜶佇我的聖殿、我的牆圍內 有紀念碑，有名號， 比有真多子、查某子較好； 我欲賜𪜶永遠𣍐互人擦消的名。</verse>
				<verse number="6">「許個歸信上主的外族人 欲侍奉我，敬愛我上主的名， 閣做我的僕人； 𪜶攏遵守安歇日，無干犯濫用， 確實持守我的約，</verse>
				<verse number="7">我欲導𪜶到 錫安 — 我的聖山， 互𪜶佇我祈禱的殿內面有歡喜； 我嘛欲接納𪜶獻佇我祭壇頂的燒化祭及祭物。 因為我的殿欲叫做萬民祈禱的殿。」</verse>
				<verse number="8">至高的上主有招集流亡的 以色列 子民倒轉來，伊按呢講： 「已經倒轉來的子民以外， 我嘛欲招集閣較多人來歸倚𪜶。」</verse>
				<verse number="9">上主講： 「田野的走獸啊，攏來！ 樹林內的野獸啊，攏來吞食！</verse>
				<verse number="10">以色列 的守望者攏睛瞑， 攏無智識； 𪜶是𣍐吠的狗， 歸日倒啲睏，啲作夢。</verse>
				<verse number="11">𪜶攏是貪食的狗，歸日食𣍐飽。 諸個牧者無智識； 逐個人行家己的路， 追求家己的利益。</verse>
				<verse number="12">𪜶講：『來！咱來去買酒， 飲厚酒，飲互夠氣。 明仔載會及今仔日像款， 甚至閣較讚！』」</verse>
			</chapter>
			<chapter number="57">
				<verse number="1">義人受毀滅，無人關心； 敬虔的人性命受取奪，無人注意。 義人受取奪，通脫離災難。</verse>
				<verse number="2">行為正直的人會進入安寧， 佇眠床安然過往。</verse>
				<verse number="3">恁諸個行邪術的查某人的子兒， 姦夫及妓女的後代，攏進前來！</verse>
				<verse number="4">恁啲戲弄啥人？ 啲對啥人開嘴吐舌？ 恁豈毋是背逆的子兒？ 豈毋是白賊的後代？</verse>
				<verse number="5">恁佇橡樹中間， 佇青翠的樹下面，慾火攻心； 恁佇山谷，佇石穴， 刣恁的囝仔做牲禮獻互偶像。</verse>
				<verse number="6">恁佇山谷中提光滑的石頭 做神明拜， 對𪜶倒酒獻祭， 恁想諸個代誌我豈會容允？</verse>
				<verse number="7">恁佇高閣崎的山頂囥眠床行淫； 恁上去遐獻祭。</verse>
				<verse number="8">恁佇門後，佇門柱邊，𫞼淫行的像； 恁放拺我，身軀褪光光， 及愛人𬦰起去大頂眠床， 用約定的價錢鬥陣睏， 滿足恁的肉慾。</verse>
				<verse number="9">恁帶油及真多芳水去拜 摩洛 。 為著欲尋神明來拜， 恁差使者去天邊海角，甚至落到陰府。</verse>
				<verse number="10">恁行真遠的路，真厭倦，毋拘猶無死心。 恁想講會當對恁的神明重新得著元氣， 所以無感覺厭倦。</verse>
				<verse number="11">恁啲驚啥人煞著講白賊？ 恁竟然𣍐記得我，無給我囥佇心內！ 我一直無講話，目睭放瞌瞌， 恁就毋驚我是無？</verse>
				<verse number="12">我欲公開恁自稱是正義行為的真相； 諸個對恁攏無利益。</verse>
				<verse number="13">恁哀求的時，著叫許個偶像來救恁。 風會給𪜶吹了了； 氣會給𪜶歕散去。 毋拘投靠我的人會得著應允的土地， 會當承接我的聖山。</verse>
				<verse number="14">上主講： 「著建造，著建造， 為著欲轉來的子民開一條大路， 徙開路裡所有的阻礙。」</verse>
				<verse number="15">至高無上、永遠存在， 稱做「神聖的上帝」彼位按呢講： 「我住佇至高至聖的所在， 嘛及心痛悔謙卑的人做夥住； 我欲互謙卑的人心靈醒起來， 互心痛悔的人心神活起來。</verse>
				<verse number="16">我𣍐繼續控告𪜶， 嘛𣍐永遠對𪜶受氣； 我互人的心靈衰荏， 嘛會當互人有活命。</verse>
				<verse number="17">因為𪜶貪戀的罪，我有對𪜶受氣， 所以我處罰𪜶，棄拺𪜶。 毋拘𪜶繼續背逆，行家己的路。</verse>
				<verse number="18">「我有看著𪜶的所行， 猶久會給𪜶醫治。 我會引導𪜶，幫贊𪜶， 互傷心的人得著安慰，</verse>
				<verse number="19">互憂傷的人歡喜唱歌來謳咾。 我欲賜平安繁榮互遠及近的人。 我閣欲醫治我的子民。」 上主閣講：</verse>
				<verse number="20">「毋拘邪惡的人親像海湧反來反去， 攏𣍐平靜； 海水一直淐出垃墋的土糜。</verse>
				<verse number="21">邪惡的人無平安！」 我的上帝按呢宣告。</verse>
			</chapter>
			<chapter number="58">
				<verse number="1">著大聲喝！毋通停止。 著出力喝！親像啲歕哨角。 著對我的子民宣布𪜶的背逆！ 對 雅各 的後代宣告𪜶的罪！</verse>
				<verse number="2">𪜶逐日啲尋求我， 意愛欲知我的道路， 若親像是秉公行義的國民， 無棄拺𪜶的上帝的命令。 𪜶有對我求問公義的審判， 若親像歡喜親近上帝。</verse>
				<verse number="3">毋拘𪜶問：「阮禁食，你哪無關心？ 阮刻苦，你哪無注意？」 其實，恁佇禁食的日， 猶為著家己的利益， 強迫恁的工人做苦工。</verse>
				<verse number="4">恁禁食，嘛啲冤家爭鬥， 用兇猛的拳頭母掙別人。 恁今仔日按呢啲禁食， 豈會互恁祈禱的聲透到天頂？</verse>
				<verse number="5">這豈是我所愛的禁食？ 人刻苦家己的日子豈是按呢？ 恁親像蘆葦頭俯俯， 穿麻衫倒佇火灰， 豈講這就是禁食， 是上主歡喜接納的日？</verse>
				<verse number="6">其實，我所愛的禁食是按呢： 解開無公正的鎖鍊； 剪斷縛重擔的索； 解放受壓迫的得自由； 摃斷一切的軛。</verse>
				<verse number="7">我所愛的豈毋是恁及枵餓的分享食物， 接待無家可歸的散赤人去恁兜， 互赤身露體的有衫通幔， 無閃避對親人的責任？</verse>
				<verse number="8">按呢，恁的光會親像黎明發出的光， 恁會真緊得著醫治， 恁的公義會做先鋒導恁， 上主的榮光會佇後面保護恁。</verse>
				<verse number="9">彼時，恁求叫，上主一定應答； 恁對伊求幫贊，伊會講：我佇遮。 恁若將欺壓人的軛徙開， 將指責人的指頭仔徙走， 無閣講人的歹話；</verse>
				<verse number="10">恁若將食物分互枵餓的人， 滿足困苦的人的需要； 按呢，恁的光會佇烏暗中發出， 暗暝會親像日中晝。</verse>
				<verse number="11">上主會繼續引導恁， 互恁佇曠旱的所在逐項攏滿足， 互恁的骨頭勇壯。 恁會親像有水灌沃的園， 親像有水直直流的水泉。</verse>
				<verse number="12">恁會重建早就荒廢的所在， 修建古早就有的地基。 恁會互人稱做「補破隙的」， 互人叫做「修理厝互人徛起的」。</verse>
				<verse number="13">恁若無破壞安歇日， 無佇聖的日子追求利益家己的事； 恁若看安歇日做通歡喜的日， 尊重伊做上主的聖日； 恁若尊重聖日，無做日常的工作， 無做家己歡喜的事，無濫糝講話；</verse>
				<verse number="14">按呢，恁就會對上主得著喜樂。 我欲互恁佇地上逐所在受尊重， 用恁祖先 雅各 留互恁的產業養飼恁。 上主親嘴按呢宣布。</verse>
			</chapter>
			<chapter number="59">
				<verse number="1">著知，上主的手骨毋是傷短救𣍐著人； 伊的耳孔嘛毋是傷重𣍐聽見。</verse>
				<verse number="2">是恁的罪惡將恁及恁的上帝隔絕； 恁的罪過互伊的面越走，毋聽恁的祈禱。</verse>
				<verse number="3">因為恁的手滿滿是血，指頭仔互罪惡沐著； 恁的嘴唇講白賊，恁的嘴舌講邪惡。</verse>
				<verse number="4">無人照公義告訴，嘛無人照誠實辯護； 𪜶攏信賴虛假，講白賊，孵毒害，生罪孽。</verse>
				<verse number="5">𪜶孵毒蛇卵，牽蜘蛛網，食著蛋的人一定死； 蛇卵破，一定出毒蛇。</verse>
				<verse number="6">𪜶經的網𣍐當做衫穿，𣍐當遮蓋家己； 𪜶的行為攏是罪惡，𪜶所做的攏是強暴。</verse>
				<verse number="7">𪜶的腳闖去做歹，急欲流無辜的人的血； 𪜶的心思意念攏是罪惡，行過的路攏是踐踏毀滅。</verse>
				<verse number="8">和平的路，𪜶毋識；𪜶行的路無正直。 𪜶為家己造彎曲的路； 行此款路的人攏無平安和平。</verse>
				<verse number="9">因為按呢， 以色列 人民講： 「正直離開阮真遠， 公義嘛趇阮𣍐著。 阮期待光明，毋拘猶是烏暗； 阮聽候光亮，毋拘猶行佇烏暗。</verse>
				<verse number="10">阮若失明的人摸牆壁啲行； 佇中晝跋倒，若親像佇黃昏； 阮周圍的人攏勇壯，毋拘阮若親像死人。</verse>
				<verse number="11">阮親像熊啲哮， 親像粉鳥啲哀鳴。 阮向望正直，毋拘等攏無； 阮期待拯救，毋拘拯救離阮真遠。</verse>
				<verse number="12">阮佇你面前所犯的罪過真多； 阮的罪作證控告阮。 阮的罪過隨阮隨牢牢； 阮攏知阮的罪真重。</verse>
				<verse number="13">阮背逆，棄絕上主， 越轉身毋跟隨阮的上帝； 阮計謀壓迫及反叛， 心存虛假，嘴講白賊。</verse>
				<verse number="14">正直挫敗， 公義恬恬徛遠遠； 真理佇城門口摔倒， 誠實𣍐當入來。</verse>
				<verse number="15">真理尋𣍐著； 離開邪惡的人反轉受害。」 上主看見無正直，真無歡喜。</verse>
				<verse number="16">伊看無人幫贊受欺壓的人，真著驚， 就用家己的氣力拯救𪜶， 用家己的公義扶持𪜶。</verse>
				<verse number="17">伊用公義做戰甲穿， 用拯救做頭盔戴， 用報復做衫穿， 用猛烈的受氣做外袍幔。</verse>
				<verse number="18">伊欲照人的行為給𪜶報應， 欲對敵人發大受氣， 給對敵報復， 對眾海島的人報應。</verse>
				<verse number="19">按呢，西旁的人會敬畏上主的名； 東旁的人會尊崇伊的榮光。 因為上主會親像急流的河水沖來， 伊的風啲吹，啲掃。</verse>
				<verse number="20">有一位救贖主會來 錫安 ， 來到許個為家己的背叛悔改的 以色列 人中間。 上主按呢宣布。</verse>
				<verse number="21">上主給伊的子民講：「我及恁立的約是按呢：我的神及我的話攏會佇恁中間；我下佇恁嘴內的話一定𣍐離開恁的嘴，嘛𣍐離開恁的子孫及恁子子孫孫的嘴，對此時直到永遠。」上主按呢宣布。</verse>
			</chapter>
			<chapter number="60">
				<verse number="1">起來！發光！你的光已經來到！ 上主的榮光已經啲照你！</verse>
				<verse number="2">看咧，雖然烏暗罩滿大地， 大烏暗遮蓋萬民， 毋拘上主會給你照光， 伊的榮光會佇你身上顯明。</verse>
				<verse number="3">萬國會來就近你的光， 列王來親近你發出的光輝。</verse>
				<verse number="4">著攑頭四方觀看： 你的子民聚集來到你遮； 你的子對遠遠轉來， 你的查某子若囝仔互人抱來。</verse>
				<verse number="5">彼時你看著諸個，就真光彩； 心激動真歡喜。 對海運來的財富會摒互你； 萬國的財寶攏變你的。</verse>
				<verse number="6">歸大陣的駱駝， 米甸 及 以法 的單峰駱駝攏會來， 對 示巴 來的嘛會帶黃金及乳香； 𪜶攏會頌讚宣揚上主。</verse>
				<verse number="7">所有 基達 的羊群攏會聚集去你遐， 所有 尼拜約 的綿羊會做你的路用； 諸個攏會獻佇祭壇， 成做我歡喜接納的祭物。 我上主會互我的殿的榮耀閣較輝煌。</verse>
				<verse number="8">許個親像歸片雲飛來， 親像粉鳥飛轉來巢裡的是啥人？</verse>
				<verse number="9">𪜶是對遠遠的海島聚集的船隊； 他施 的船做頭， 導你的子兒對真遠的所在帶金帶銀來， 攏是為著上主 — 你的上帝， 以色列 神聖的上帝的名。 因為伊已經有互你得著榮耀。</verse>
				<verse number="10">上主對 耶路撒冷 講： 「外國人會重建你的城牆， 𪜶的君王會服事你。 我曾佇受氣中刑罰你， 毋拘今欲施恩憐憫你。</verse>
				<verse number="11">你的城門攏會不時開開， 日時暝時門攏𣍐關； 按呢，列邦會帶𪜶的財物來， 𪜶的君王導隊，排列進貢。</verse>
				<verse number="12">毋肯服事你的列邦及王國攏會滅亡； 許個邦國攏會徹底荒廢。</verse>
				<verse number="13">「 黎巴嫩 的榮光， 就是松樹、杉樹、黃楊樹， 攏會運來 耶路撒冷 ， 裝飾美化我的聖所； 我嘛欲互我腳踏的所在得著榮光。</verse>
				<verse number="14">壓迫你許個人的後代 攏會來行禮表敬意； 所有藐視你的人會來佇你的腳下跪拜。 𪜶欲稱你做『上主的城』， 『 以色列 神聖的上帝的 錫安 』。</verse>
				<verse number="15">「雖然你曾受棄拺，受厭惡， 無人對你遐經過， 我欲互你有永遠的榮華， 有世世代代的歡喜！</verse>
				<verse number="16">你欲𠲿列國的奶， 欲飲君王的奶； 你就知我上主是你的救主， 你的救贖主， 以色列 的大能者。</verse>
				<verse number="17">「我欲提金代替銅， 提銀代替鐵； 欲用銅代替柴， 用鐵代替石頭。 我欲設立和平做你的官長， 指派公義做你的監督。</verse>
				<verse number="18">佇你的土地𣍐閣聽見強暴， 你的境內𣍐閣有毀滅荒廢。 你欲稱你的牆做『拯救』， 叫你的門做『讚美』。</verse>
				<verse number="19">「日時你無閣需要日頭的光， 暗時嘛無需要月娘的光照； 因為我上主欲做你永遠的光； 你的上帝是你的榮光。</verse>
				<verse number="20">你的日頭𣍐閣落山， 你的月娘𣍐匿起來。 上主欲做你永遠的光； 你悲傷的日子會煞。</verse>
				<verse number="21">你的人民攏會秉公行義； 𪜶會永遠繼承應允的土地。 𪜶是我親手所種所造， 互我通得著榮光。</verse>
				<verse number="22">上細的會變做大宗族； 上弱的會變做強國。 我是上主， 佇時機成熟的時我會真緊促成此個事。」</verse>
			</chapter>
			<chapter number="61">
				<verse number="1">至高上主的神臨到我， 因為上主用油抹我； 伊差我去傳好消息互散赤人， 醫治心靈破碎的人， 宣布受掠的得著解放， 受關的出監牢，</verse>
				<verse number="2">宣布上主恩待人的年 及咱的上帝替伊的子民申冤的日， 安慰所有悲哀的人；</verse>
				<verse number="3">佇 錫安 悲哀的人，伊賜𪜶花冠代替火灰， 歡喜的油代替悲哀， 稱讚的衫代替憂傷的心。 𪜶受稱做「公義的橡樹」， 是上主栽種的，欲顯明伊家己的榮光。</verse>
				<verse number="4">𪜶會重建久久拋荒的地， 修建早前毀壞的所在， 重再起造世世代代荒廢的城市。</verse>
				<verse number="5">外族人會來飼恁的羊群， 外國人會替恁耕作田園， 照顧恁的葡萄園。</verse>
				<verse number="6">恁欲叫做「上主的祭司」， 侍奉咱的上帝。 恁會得著列國的財物， 享受𪜶的財富來誇口。</verse>
				<verse number="7">恁有受著雙倍的凌辱； 人想講凌辱是恁應得的份額。 總是，恁會佇家己的土地得著雙倍的產業； 恁的歡喜會永遠存續。</verse>
				<verse number="8">我上主意愛公平， 厭惡搶奪及犯罪。 我欲用信實給𪜶報賞， 欲及𪜶立永遠的約。</verse>
				<verse number="9">𪜶的後代佇列國中會真出名； 𪜶的子孫佇萬民中有好名聲。 所有看見𪜶的人會承認 𪜶是上主賜福的子民。</verse>
				<verse number="10">我會因為上主大大歡喜， 因為我的上帝快樂。 上帝用拯救做衫給我穿， 用勝利做外袍給我幔； 親像新郎戴花冠， 新娘掛珠寶。</verse>
				<verse number="11">抵親像土地互種籽茁芽， 田園互所撒的生長， 至高的上主會互勝利及讚美 佇萬國的面前開花結籽。</verse>
			</chapter>
			<chapter number="62">
				<verse number="1">為著 耶路撒冷 的緣故，我𣍐恬恬， 為著 錫安 的緣故，我𣍐靜靜； 直到伊的公義親像光發出， 伊的拯救親像火把啲𤏸。</verse>
				<verse number="2">耶路撒冷 啊，萬國攏欲看見你得勝； 萬王欲看見你的榮耀。 人欲用新的名稱呼你， 是上主本身給你號的。</verse>
				<verse number="3">你是上主手中上媠的花冠， 是你的上帝手裡的王冠。</verse>
				<verse number="4">你𣍐閣互人叫做「受棄拺的」， 你的土地𣍐閣叫做「荒廢的」。 人欲稱呼你做「你是我上意愛的」， 給你的土地叫做「有歸屬的」。 因為上主意愛你； 你的土地會有歸屬。</verse>
				<verse number="5">親像少年人娶少女， 你的住民嘛會按呢疼惜 你； 親像新郎意愛新娘， 你的上帝嘛會按呢意愛你。</verse>
				<verse number="6">耶路撒冷 啊，我有派守望的人 佇你的城牆頂啲顧； 𪜶暝日攏𣍐靜靜。 求叫上主的人， 恁攏毋通歇睏，</verse>
				<verse number="7">互上主無通歇睏， 直到伊重建 耶路撒冷 ， 互此個城佇全地受稱讚。</verse>
				<verse number="8">上主已經攑伊的正手， 用伊有氣力的手骨立誓： 我絕對𣍐閣將你的五穀互對敵做食物， 外國人嘛𣍐閣飲你勞苦得來的酒。</verse>
				<verse number="9">種作的人會當食伊所種的， 閣稱讚上主； 收成葡萄的人會當 佇我聖殿的埕飲酒。</verse>
				<verse number="10">耶路撒冷 的住民啊，著出去，出去城門外， 為著轉來的同胞開路。 著修造一條大路； 將石頭搬開， 為萬民𫞼大旗做記號。</verse>
				<verse number="11">上主宣布的話已經傳到天邊海角； 著對 耶路撒冷 的住民講： 「看咧，你的拯救者啲來啦； 及伊做夥的，有伊所解放的人， 行佇伊頭前的，有伊解救的子民。」</verse>
				<verse number="12">人欲叫𪜶做 「上主所救贖聖的子民」； 耶路撒冷 欲叫做「受看顧，無受棄拺的城」。</verse>
			</chapter>
			<chapter number="63">
				<verse number="1">對 以東 的 波斯拉 城啲來， 穿紅色外袍彼位是啥人？ 穿插華美，充滿威力， 大步向前邁進彼位是啥人？ 「是我 — 有大氣力拯救的上主； 我來宣告勝利。」</verse>
				<verse number="2">是按怎你的外袍是紅色， 親像啲踏酒窟的人的衫？</verse>
				<verse number="3">上主講： 我家己一個佇酒窟踏葡萄， 我的子民無人及我做夥。 我佇受氣中踏列國， 佇大受氣中踐踏𪜶； 𪜶的血噴著我的外袍， 拍垃墋我所有的衫。</verse>
				<verse number="4">申冤的日，我已經定著， 我救贖的年嘛已經到。</verse>
				<verse number="5">我四界看，毋拘無一個來幫贊； 我注意看，竟然無人來協助。 所以，我靠家己的氣力施行拯救； 我的大受氣加強我的決心。</verse>
				<verse number="6">我佇受氣中踐踏列國的人民， 佇大受氣中拍碎𪜶； 我給𪜶的血摒佇地裡。</verse>
				<verse number="7">我欲講起上主不變的疼， 欲稱讚伊為著咱所做一切的作為。 上主有照伊的恩惠及豐盛的慈愛 大大賜福互 以色列 家。</verse>
				<verse number="8">上主講：「𪜶確實是我的子民， 是𣍐行詭詐的子兒。」 按呢，伊就做𪜶的救主。</verse>
				<verse number="9">佇𪜶一切的苦難中，伊嘛同受苦； 伊差伊面前的使者解救𪜶。 伊用伊的疼，伊的憐憫救贖𪜶； 佇古早的時日，伊攏給𪜶抱，給𪜶揹。</verse>
				<verse number="10">𪜶竟然背叛，互伊聖的神憂傷； 所以上主變做𪜶的敵人，及𪜶作對。</verse>
				<verse number="11">彼時，𪜶才想起古早 伊的僕人 摩西 的日子。 𪜶問：「今，彼位將伊的子民及𪜶的領袖對海中救出來的上主佇叨位？ 彼位將聖的神賜互𪜶的上主佇叨位？</verse>
				<verse number="12">彼位行佇 摩西 的正旁， 用大氣力的手骨給海水分做兩旁， 為家己建立永遠的名的上主佇叨位？</verse>
				<verse number="13">彼位導伊的子民過深海， 互𪜶親像馬佇曠野啲走𣍐跋倒的上主佇叨位？」</verse>
				<verse number="14">上主的神互伊的子民得著安歇， 親像牛群落去山谷； 你就是按呢引導你的子民， 為家己建立榮耀的名。</verse>
				<verse number="15">求你對天頂俯落來看， 對你聖閣榮耀的所在看。 你的熱誠及你的氣力佇叨位？ 你熱情的疼及憐憫佇叨位？ 毋通毋插阮！</verse>
				<verse number="16">雖然 亞伯拉罕 毋識阮， 雅各 毋承認阮， 毋拘你是阮的老父。 上主啊，你是阮的老父； 對古早你的稱呼是「阮的救贖主」。</verse>
				<verse number="17">上主啊，是按怎你互阮偏離你的道路？ 是按怎互阮硬心毋敬畏你？ 因為你僕人的緣故，求你回心轉意； 為著你的子民，你的產業，求你轉來！</verse>
				<verse number="18">你聖的子民不過暫時得著你應允的土地， 毋拘阮的對敵已經踐踏你的聖所。</verse>
				<verse number="19">阮假若毋曾受你統治， 假若毋曾做你的子民。</verse>
			</chapter>
			<chapter number="64">
				<verse number="1">你哪毋拆裂天降落來？ 你一下出現眾山就搖動，</verse>
				<verse number="2">親像火點𤏸焦柴， 親像火給水燃滾。 願敵人識你的名， 萬國佇你的面前皮皮惙。</verse>
				<verse number="3">你曾做阮料想𣍐到，通驚畏的代誌， 彼時你降臨，眾山攏搖泏。</verse>
				<verse number="4">對古早以來，人毋曾聽過， 耳孔毋曾聽著， 目睭嘛毋曾看見你以外有上帝 會當為著聽候伊的人做代誌。</verse>
				<verse number="5">你歡喜接納行為正直的人， 就是許個會記得你，遵趁你道路的人。 毋拘你受氣，因為阮犯罪； 此款情形已經真久，阮哪會得救？</verse>
				<verse number="6">阮親像一個無清氣的人； 阮一切義的行為親像一領垃屑衫。 阮攏親像樹葉凋去， 阮的罪過親像風給阮吹走。</verse>
				<verse number="7">無人求叫你的名， 無人給你扭牢牢； 因為你面越走毋看阮， 將阮放互阮的罪管轄。</verse>
				<verse number="8">毋拘，上主啊，你猶原是阮的老父。 阮是黏土，你是燒瓷師傅； 阮攏是你親手造的。</verse>
				<verse number="9">上主啊，毋通對阮發大受氣； 毋通永遠記牢阮的罪過。 看咧，阮攏是你的子民，求你看顧。</verse>
				<verse number="10">你聖的城市已經變做曠野； 錫安 已經變做荒埔； 耶路撒冷 已經荒廢。</verse>
				<verse number="11">阮神聖閣媠的殿， 阮的祖先稱讚你的所在， 攏互火燒了了； 阮欣慕的好所在攏毀壞啦。</verse>
				<verse number="12">上主啊，經過諸個代誌，你豈猶忍會牢？ 你豈會佯恬恬，互阮受大苦難？</verse>
			</chapter>
			<chapter number="65">
				<verse number="1">上主講： 無追求我的，我欲互𪜶尋著。 無尋我的，我欲互𪜶抵著。 我對無求叫我的名的國家講： 「我佇遮，我佇遮！」</verse>
				<verse number="2">我歸日伸手聽候背逆的子民； 𪜶照家己的邪念行歹路。</verse>
				<verse number="3">諸個人民當我的面一直惹我受氣， 佇園內對偶像獻祭， 佇壇頂給神明燒香。</verse>
				<verse number="4">𪜶用墓壙孔做眠床， 佇石洞內過暝。 𪜶食豬肉， 歸鼎攏是無清氣的物煮的湯。</verse>
				<verse number="5">𪜶講：「閃開，毋通倚來！ 我神聖，𣍐磕得。」 諸個人互我鼻孔淐煙， 歸日歸腹肚火。</verse>
				<verse number="6">看咧，諸個我攏已經寫起來； 我一定𣍐恬恬，我欲報應， 徹底給𪜶報應；</verse>
				<verse number="7">因為𪜶及𪜶的列祖犯仝款的罪， 佇山頂燒香， 佇山崙仔褻瀆我。 我欲照𪜶應得的給𪜶報應， 照𪜶的行為刑罰𪜶。 上主按呢宣告。</verse>
				<verse number="8">上主按呢講： 人尋著歸葩葡萄會當做新酒， 伊會講：「毋通給伊毀壞， 因為內面有祝福。」 所以，為著我的僕人的緣故， 我𣍐給𪜶全部消滅。</verse>
				<verse number="9">我欲互 雅各 有後代， 對 猶大 出子孫繼承我的眾山； 我揀選的子民會承接此塊土地， 我的僕人會佇遐徛起。</verse>
				<verse number="10">沙崙 平原會變做羊群的牧場， 亞割 山谷變做牛群歇睏的所在。 諸個攏欲賜互尋求我的子民。</verse>
				<verse number="11">毋拘，恁諸個放拺上主的人， 恁𣍐記得我的聖山 錫安 ， 為著「好運的神」辦桌， 閣為著「命運的神」倒滿調和的酒。</verse>
				<verse number="12">我一定欲互恁死佇刀下， 互恁跪啲受刣死； 因為我叫，恁毋應， 我講，恁毋聽。 恁顛倒做我看做歹的代誌， 意愛我無愛的事。</verse>
				<verse number="13">所以，至高的上主按呢講： 我的僕人一定有通食， 毋拘恁會枵餓； 我的僕人有通飲， 毋拘恁會嘴焦； 我的僕人會歡喜， 毋拘恁會見笑；</verse>
				<verse number="14">我的僕人會歡喜唱歌， 毋拘恁會憂傷哀哭， 因為心神憂苦大聲哮。</verse>
				<verse number="15">恁的名會留啲，互我的選民用來咒詛。 至高的上主會給恁消滅， 毋拘會互伊的僕人另外一個名。</verse>
				<verse number="16">按呢，所有佇此個地為家己求福氣的人， 會對信實的上帝得著福氣； 所有佇此個地咒誓的人， 會指信實的上帝咒誓； 因為早前的患難會互人𣍐記得， 會對我的目睭前消失。</verse>
				<verse number="17">上主講： 恁看，我欲創造新的天，新的地； 過去的代誌人𣍐閣記得，𣍐閣懷念。</verse>
				<verse number="18">恁著因為我啲創造的一切永遠歡喜快樂， 為著我欲創造的 耶路撒冷 充滿歡喜， 為著城內的住民充滿快樂。</verse>
				<verse number="19">我因為 耶路撒冷 來歡喜， 欲因為我的子民來快樂。 城內𣍐閣聽著啼哭的聲， 嘛𣍐閣聽見哀哭的聲。</verse>
				<verse number="20">佇遐𣍐閣有干焦活幾日仔的嬰仔， 嘛𣍐有歲壽未滿就死的老人。 食一百歲死去的，人嘛想講伊猶少年； 食無夠一百歲的，人會想講伊是受咒詛。</verse>
				<verse number="21">𪜶會起厝，家己住佇內面； 𪜶會栽種葡萄園，食園裡的果子。</verse>
				<verse number="22">𪜶起厝，𣍐互別人佔去住； 𪜶栽種，𣍐互別人搶去食。 樹活偌久，我的子民嘛會活赫久； 我的選民會久長享受勞苦得來的成果。</verse>
				<verse number="23">𪜶的勞碌𣍐落空， 𪜶生的子兒𣍐抵著災難； 因為𪜶是上主賜福的人的子孫， 𪜶的後代嘛是按呢。</verse>
				<verse number="24">𪜶猶未求叫，我就應允； 𪜶猶啲講，我就應答。</verse>
				<verse number="25">豺狼及羊羔會做夥食， 獅會親像牛食草； 蛇的食物猶久是土粉！ 佇我聖山的逐所在， 一定無有傷害，嘛無破壞。 上主按呢宣布。</verse>
			</chapter>
			<chapter number="66">
				<verse number="1">上主按呢講： 天是我的座位； 地是我的腳砧。 恁欲佇叨位為著我起宮殿？ 叨位會當做我安歇的所在？</verse>
				<verse number="2">諸個一切是我的手所造， 所以，諸個攏是我的。 上主按呢宣布。 我欲看顧的是 困苦、心靈痛悔、 聽著我的話就驚畏的人。</verse>
				<verse number="3">刣牛獻做祭，嘛刣人； 獻羊羔，嘛摃斷狗的頷頸； 獻素祭，嘛獻豬的血； 燒乳香，嘛讚美偶像； 此款人已經選定家己的路， 𪜶的心意愛通厭惡的事。</verse>
				<verse number="4">所以，我選定欲虐待𪜶， 互驚惶的代誌臨到𪜶。 因為我叫，無人應； 我講，𪜶毋聽。 𪜶顛倒做我看做邪惡的事， 選擇我無歡喜的代誌。</verse>
				<verse number="5">聽著上主的話就驚畏的人， 恁著聽伊的話。伊講： 恁家己的兄弟怨恨恁， 因為我的名的緣故棄拺恁。 𪜶講：「願上主得著榮耀， 互阮通看見恁的歡喜。」 其實，𪜶才是應該受凌辱的。</verse>
				<verse number="6">聽咧，城內有喧嘩的聲！ 對聖殿有聲發出！ 這是上主啲報應伊敵人的聲！</verse>
				<verse number="7">聖城猶未痛疼就生產； 錫安 猶未催陣就生子。</verse>
				<verse number="8">啥人曾聽著此款事？ 啥人曾看見諸個代誌？ 豈有國家佇一日內就產生？ 豈有民族佇一目𥍉久就生出來？ 毋拘 錫安 一下開始催陣，子兒就出世。</verse>
				<verse number="9">上主按呢講： 我既然互人臨盆，豈會無互嬰仔生出來？ 你的上帝按呢問： 我是互嬰仔出世的，豈會給母胎關起來？</verse>
				<verse number="10">恁諸個疼惜 耶路撒冷 的人， 著及伊做夥歡喜，為著伊快樂。 恁諸個為著伊悲傷的人， 著及伊做夥歡喜慶祝。</verse>
				<verse number="11">恁通佇伊的胸前𠲿奶得著滿足，得著安慰； 對伊充足的奶得著養飼來歡喜。</verse>
				<verse number="12">上主講： 「我欲互 耶路撒冷 繁榮，親像河流直直流； 我欲互萬國的財富親像溪水給你淹滿。 我會給你抱佇胸前互你𠲿奶， 佇腳頭窩頂及你耍，給你弄。</verse>
				<verse number="13">親像老母安慰伊的子， 我嘛欲安慰恁； 恁會佇 耶路撒冷 得著安慰。</verse>
				<verse number="14">恁會看見，心就歡喜； 親像草得著潤澤茂盛，恁會愈勇壯。 人攏會知，我上主的氣力及服事我的人同在； 我的受氣會對我的敵人發出。」</verse>
				<verse number="15">看咧，上主佇火中來臨， 伊的戰車親像捲螺仔風掃來； 伊佇大受氣中施行伊的報應， 佇火中執行伊的刑罰。</verse>
				<verse number="16">上主欲用火及刀審判全人類； 真多人會互上主處死。</verse>
				<verse number="17">上主講：「許個照異教的儀式聖別家己，潔淨家己，隨人入去園內拜偶像，食豬肉、鳥鼠、通厭惡的物的人，攏會做一下滅亡。</verse>
				<verse number="18">「我知 𪜶的作為及意念。我欲來啦，欲將萬國以及講逐種語言的人攏集倚來；𪜶會來，會看見我的榮光。</verse>
				<verse number="19">我欲佇𪜶中間𫞼一個記號，閣對𪜶中間差逃脫的人去列國，就是 他施 、 利比亞 、𠢕射箭的 呂底亞 、 土巴 、 希臘 ，閣到猶毋曾聽著我的名，毋曾看著我的榮光許個遠遠的海島。𪜶欲佇列國傳報我的榮光。</verse>
				<verse number="20">上主按呢講：𪜶欲對列國將恁的同胞導倒來；有的騎馬，有的坐戰車、馬車，有的騎騾、駱駝，來我的聖山 耶路撒冷 ，做禮物獻互上主；抵親像 以色列 人用清氣的器具貯祭物獻佇上主的殿。</verse>
				<verse number="21">我嘛欲指定𪜶中間一寡人做祭司，做 利未 人。」上主按呢宣布。</verse>
				<verse number="22">上主講： 我欲造的新天新地會照我的旨意久長存在； 恁的後代及恁的名嘛會按呢久長存在。</verse>
				<verse number="23">每月的初一及逐個安歇日， 所有的人攏會來我面前敬拜我。 上主按呢宣布。</verse>
				<verse number="24">敬拜我的人出去，會看見背叛我的人的屍體；食許個屍體的蛀蟲𣍐死，燒𪜶的火𣍐化；所有的人攏會厭惡𪜶。</verse>
			</chapter>
		</book>
		<book number="24">
			<chapter number="1">
				<verse number="1">此本冊是 耶利米 的言行錄。 耶利米 是 便雅憫 地區， 亞拿突 城一個祭司 希勒家 的子。</verse>
				<verse number="2">亞們 的子 約西亞 做 猶大 王第十三年，上主的話臨到 耶利米 。</verse>
				<verse number="3">約西亞 的子 約雅敬 做 猶大 王期間，到 約西亞 的子 西底家 做 猶大 王最後一年，第十一年五月， 耶路撒冷 的住民受掠去 巴比倫 的時，上主常常對 耶利米 講話。</verse>
				<verse number="4">上主對我講：</verse>
				<verse number="5">「我猶未互你佇母胎成形以前，已經揀你；你猶未生出來以前，就給你分別作聖，選立你做列國的先知。」</verse>
				<verse number="6">我應講：「至高的上主，你知，我猶少年，閣頇顢講話。」</verse>
				<verse number="7">毋拘上主對我講：「你毋通講你少年。我給你派去叨位，你著去；叫你講什麼，你著講。</verse>
				<verse number="8">你毋免驚𪜶，因為我及你同在，欲保護你。我上主按呢宣布！」</verse>
				<verse number="9">上主就伸手摸我的嘴，對我講：「現在，我將我的話下佇你的嘴裡。</verse>
				<verse number="10">我今仔日授權互你，互你佇列國萬民做拔出及拆毀、破壞及推翻、重建及栽種的工作。」</verse>
				<verse number="11">上主對我講：「 耶利米 ，你有看見什麼？」 我應講：「我看見一枝杏樹的樹枝。」</verse>
				<verse number="12">上主就講：「你看了著，我不時警覺 ，欲互我的話實現。」</verse>
				<verse number="13">上主閣對我講：「你有看見什麼？」 我講：「我看見一個啲滾的鍋仔，對北旁摒落來。」</verse>
				<verse number="14">伊對我講：「欲有災難對北旁發出，臨到此個地所有的住民。</verse>
				<verse number="15">我欲給北方列國所有的人召集來，互𪜶佇 耶路撒冷 逐個城門口設寶座，圍攻城牆；閣欲攻擊 猶大 逐個城鎮。</verse>
				<verse number="16">諸個人民棄拺我，去給別個神明燒香，跪拜家己的手造的偶像；我欲因為𪜶的罪給𪜶審判，給𪜶刑罰。</verse>
				<verse number="17">所以， 耶利米 ，你著準備好勢，將我命令你講的話攏給𪜶講；毋通因為𪜶驚惶，才免我互你佇𪜶的面前驚惶。</verse>
				<verse number="18">你著會記得，我今仔日欲互你成做堅固的城，成做銅牆鐵壁，會當對抗全國，對抗 猶大 的王、官長、祭司，及人民。</verse>
				<verse number="19">𪜶會攻擊你，毋拘𣍐贏你；因為我及你同在，欲保護你。我上主按呢宣布！」</verse>
			</chapter>
			<chapter number="2">
				<verse number="1">上主的話臨到我，講：</verse>
				<verse number="2">「著對 耶路撒冷 人大聲喝講：『上主按呢講： 我會記得 你少年的時的愛情， 新婚的時的恩愛； 佇曠野，佇毋曾種作的地， 你給我隨牢牢。</verse>
				<verse number="3">以色列 是上主聖的子民， 是上主初熟的果子； 所有吞食伊的攏有罪， 災禍會臨到𪜶。 上主按呢宣布！』」</verse>
				<verse number="4">雅各 的後代， 以色列 逐支族，著聽上主的話。</verse>
				<verse number="5">上主按呢講： 恁的祖先豈曾發見我有什麼毋著， 竟然離開我遠遠，去跟隨虛無的神明， 家己煞成做虛無。</verse>
				<verse number="6">𪜶無問： 彼個導阮出 埃及 ， 導阮經過曠野及崎嶇的沙漠， 經過焦燥及烏暗的所在， 無人行過，無人住的地， 彼位上主佇叨位？</verse>
				<verse number="7">我導恁進入肥閣媠的地， 互恁食內面的果子及好的物件； 恁一下入來，就耍盪我的土地， 污染我賜互恁的產業。</verse>
				<verse number="8">祭司毋曾問「上主佇叨位」， 教律法的佯毋識我， 官員忤逆我； 先知奉巴力的名傳信息， 隨無路用的神明。</verse>
				<verse number="9">所以，我上主講： 我欲控告恁， 欲及恁的後代爭辯。</verse>
				<verse number="10">恁著去西旁的 基提 諸個島看， 去東旁的 基達 調查， 看𪜶豈曾做此款代誌。</verse>
				<verse number="11">有叨一國曾換過𪜶的神明？ 其實許個攏毋是神。 毋拘我的子民將𪜶榮光的上帝換做無路用的神明。</verse>
				<verse number="12">天啊，恁豈𣍐因為按呢著驚， 豈𣍐因為按呢驚惶皮皮惙？ 上主按呢宣告。</verse>
				<verse number="13">我的子民做雙層的歹代誌： 𪜶放拺我此個活水的源頭， 去挖一個𣍐積水的水池。</verse>
				<verse number="14">以色列 豈是奴隸？豈出世就做人的奴才？ 哪會成做獵物？</verse>
				<verse number="15">對敵親像少壯的獅向伊噤噤哮， 對伊大聲喝。 𪜶互伊的地荒廢， 互伊的城毀壞，無人住。</verse>
				<verse number="16">埃及 的 孟斐斯 人及 答比匿 人 剃光你的頭殼。</verse>
				<verse number="17">這豈毋是你家己惹來的？ 上主 — 你的上帝導你行路的時， 你放拺伊。</verse>
				<verse number="18">今，你去 埃及 飲 尼羅河 的水豈會當得著什麼利益？ 你去 亞述 飲 幼發拉底河 的水豈會當得著什麼好處？</verse>
				<verse number="19">你家己的罪惡欲刑罰你； 你家己的不忠欲控告你。 按呢，你就會清楚明白： 放拺上主 — 你的上帝， 無驚畏我， 是偌仔呢邪惡，偌仔呢不幸。 至高上主 — 萬軍的統帥按呢宣布。</verse>
				<verse number="20">你對古早就摃斷你的軛， 解開你的索， 講「我毋服事你」。 你佇逐個山崙仔，佇逐欉青翠的樹下面， 親像妓女倒啲。</verse>
				<verse number="21">你原來是我栽種特選的葡萄樹， 是純種的葡萄樹， 竟然給我變做野種的僫樹枝。</verse>
				<verse number="22">你用鹼，用真多雪文洗， 毋拘我猶看會出你罪惡的痕跡。 至高的上主按呢宣告。</verse>
				<verse number="23">你哪會講「我無拍垃墋家己，無去隨巴力」？ 你看你佇山谷中的行為，就知家己的所做， 假若𠢕走的單峰駱駝母，四界亂闖。</verse>
				<verse number="24">你閣親像慣勢住佇曠野的野驢母， 慾火攻心的時就嗶帕喘， 𤞚的時，啥人給伊控制會牢？ 公的驢仔真緊就會當尋著伊； 交配的季節，一定尋伊會著。</verse>
				<verse number="25">你毋通隨人走甲鞋破去， 毋通興甲嚨喉焦； 你竟然講：「無採工啦，無法度啦！ 我都愛著生份人， 我欲隨𪜶走。」</verse>
				<verse number="26">賊仔互人掠著，會按怎見笑， 以色列 家，包括𪜶的王、𪜶的官長、祭司，及先知，嘛會按呢見笑。</verse>
				<verse number="27">𪜶對柴頭講「你是我的老父」，對石頭講「你是我的老母」。𪜶尻脊骿向我，毋肯面看我；到抵著災難的時，才給我講：「求你來解救阮！」</verse>
				<verse number="28">恁為家己造的神明佇叨位？恁抵著災難的時，叫𪜶起來救恁！ 猶大 啊，恁的神明親像恁的城鎮赫多！</verse>
				<verse number="29">恁哪欲及我爭辯？恁攏背叛我。上主按呢宣告。</verse>
				<verse number="30">無採我啲督責恁的子兒，𪜶攏毋肯受管教。恁用刀刣死先知，親像兇猛的獅啲吞食。</verse>
				<verse number="31">恁此世代的人，著聽上主的話！對恁 以色列 人來講，我豈親像曠野，抑是烏暗危險的地？我的子民哪會講「阮自由啦，無欲閣轉來你遮」？</verse>
				<verse number="32">少年的女子豈會𣍐記得伊的珠寶？新娘豈會𣍐記得家己的新娘衫？毋拘我的子民毋知偌久以前就𣍐記得我。</verse>
				<verse number="33">恁即𠢕尋愛人，連上歹的查某嘛著給你請教。</verse>
				<verse number="34">恁的衫仔裾有無辜、散赤人的血，其實𪜶並無偷提恁厝內的物件。 雖然恁做諸個代誌，</verse>
				<verse number="35">恁猶講：「我無罪！上主已經給我赦免啦。」著知，我一定會審問恁，因為恁無欲承認家己的罪。</verse>
				<verse number="36">恁哪闖來闖去，不時啲改變路向？恁投靠 埃及 ，會親像以前倚靠 亞述 按呢自取見笑。</verse>
				<verse number="37">恁一定會親像俘虜，雙手𢯾頭殼離開 埃及 ，因為上主已經棄拺恁所倚靠的；恁𣍐當因為投靠𪜶得著利益。</verse>
			</chapter>
			<chapter number="3">
				<verse number="1">「若有人給伊的某離婚，伊的某離開伊去嫁別人，伊豈通閣倒去尋此個前某？伊若按呢做，就是拍垃墋此塊土地。」上主講：你已經及真多愛人行淫，猶想欲倒來我遮是無？</verse>
				<verse number="2">你著攑頭看樹仔已經剉了了的山崙仔，猶有叨位毋是你行淫過的所在？你佇路邊啲聽候愛人，親像強盜佇曠野埋伏當等；你的淫亂及邪惡污染全地。</verse>
				<verse number="3">因為按呢，雨水停止，春雨無落。你猶面帶桃花，毋知見笑。</verse>
				<verse number="4">你抵即才對我叫講：「阿爸，對我細漢你就疼我。</verse>
				<verse number="5">人豈會一直受氣，永遠拾恨？」你雖然按呢講，毋拘猶拼勢啲做歹。</verse>
				<verse number="6">約西亞 統治 猶大 的時，上主對我講：「你有看見背叛的 以色列 的所做無？伊上高山，佇逐欉青翠的樹下面行淫。</verse>
				<verse number="7">我想講伊做諸個代誌了後，會倒轉來我遮，毋拘伊無轉來；伊不貞的小妹 猶大 嘛有看著伊按呢做。</verse>
				<verse number="8">背叛的 以色列 淫亂，所以我互伊離婚書；伊不貞的小妹 猶大 攏毋驚，嘛去行淫。</verse>
				<verse number="9">以色列 給行淫看做無要緊，去拜柴頭及石頭，就給此個土地拍垃墋。</verse>
				<verse number="10">雖然發生諸個代誌，伊不貞的小妹 猶大 猶假意歸向我，無欲真心轉來我遮。上主按呢宣告。」</verse>
				<verse number="11">上主閣對我講：「背叛的 以色列 比不貞的 猶大 猶較好。</verse>
				<verse number="12">你著去給佇北方的人講：上主按呢宣告：『背叛的 以色列 人，著轉來！我𣍐對恁變面，𣍐永遠對恁受氣，因為我對恁的疼永遠𣍐改變。</verse>
				<verse number="13">恁著認罪，因為恁有違背上主 — 恁的上帝，佇青翠的樹下面追趇外族的神明，無欲聽趁我的話！上主按呢宣布。</verse>
				<verse number="14">「『背逆的子兒，著轉來！上主按呢講。我才是恁的主人；我欲對逐個城選一個人，逐族選兩個人，給恁導倒來 錫安 。</verse>
				<verse number="15">我欲將合我心意的統治者賜互恁；𪜶會用智識及策略治理恁。</verse>
				<verse number="16">恁佇此塊土地人口大大加添的時，人𣍐閣講起上主的約櫃，𣍐閣數念，𣍐閣記得；𪜶無需要約櫃，𣍐閣製造。上主按呢宣布。</verse>
				<verse number="17">彼時， 耶路撒冷 會互人稱做上主的寶座；萬國萬民為著欲服事上主，攏欲聚集來遐；𪜶𣍐閣照家己邪惡固執的心做代誌。</verse>
				<verse number="18">彼時， 猶大 家欲及 以色列 家聯合，對北方做夥倒來我賜互恁祖先做產業的土地。』」</verse>
				<verse number="19">上主講： 「我偌仔呢愛給你當做家己的子對待， 將世界上好的土地賜你做產業。 我想講你會叫我『阿爸』， 𣍐閣越走毋隨我。</verse>
				<verse number="20">毋拘， 以色列 啊，恁竟然背叛我， 親像婦仁人背叛丈夫離開伊。 上主按呢宣告。</verse>
				<verse number="21">佇樹仔剉了了的山崙仔有聽見聲， 是 以色列 人啲哮，啲祈求的聲， 因為𪜶行彎曲的路， 給上主 — 𪜶的上帝放𣍐記得。</verse>
				<verse number="22">恁諸個背逆的子兒，倒來啊！ 我欲醫好恁背逆的病。 「恁講：『阮佇遮，阮轉來你遮啦，因為你是上主 — 阮的上帝。</verse>
				<verse number="23">佇小山鬧熱及大山吵鬧的拜拜，攏無路用，只有上主 — 阮的上帝才會當解救 以色列 。</verse>
				<verse number="24">阮對少年就啲拜的神明，害阮失去祖先勞苦得著的牛群、羊群、後生、查某子。</verse>
				<verse number="25">阮承認家己的見笑，承擔應該受的凌辱，因為阮對少年到今得罪上主 — 阮的上帝。阮及阮的祖先攏無聽趁上主 — 阮的上帝的話。』」</verse>
			</chapter>
			<chapter number="4">
				<verse number="1">上主講：「 以色列 啊，你若越倒轉，倒轉來我遮，將諸個通厭惡的偶像除掉，無閣三心兩意，</verse>
				<verse number="2">你若照真誠、公平、正直指永活的上主咒誓，列國就欲得著我的祝福，閣誇耀我。」</verse>
				<verse number="3">上主給 猶大 人及 耶路撒冷 的住民講：「恁著開墾猶未犁過的園，毋通撒種佇莿內面。</verse>
				<verse number="4">猶大 人及 耶路撒冷 的住民啊，著給恁的心行割禮歸屬上主，除去恁內心的垃墋，才免我因為恁的歹行為發受氣，親像火𤏸起來，無人會當拍化。」</verse>
				<verse number="5">恁著佇 猶大 宣告，佇 耶路撒冷 宣傳： 著佇全國歕哨角，大聲喝講： 「咱著集合， 走入去設防的城！」</verse>
				<verse number="6">著攑大旗指向 錫安 ！ 著逃命，毋通停腳！ 上主欲互災禍及可怕的毀滅對北旁來。</verse>
				<verse number="7">毀滅列國的已經出發， 親像獅對艷艷的樹林出來。 伊欲互你的土地拋荒， 互你的城鎮荒廢，無人住。</verse>
				<verse number="8">所以，恁著穿麻衫，流目屎啼哭， 因為上主猶啲對咱受氣。</verse>
				<verse number="9">上主講：「到彼日，王及官員欲失去勇氣；祭司攏會驚惶，先知嘛會青狂。」</verse>
				<verse number="10">我就講：「唉啊！至高的上主，你實在欺騙諸個人民及 耶路撒冷 人。你講『平安無事』，其實刀劍已經抵佇阮的嚨喉。」</verse>
				<verse number="11">彼時諸個人民及 耶路撒冷 人會聽著諸個話：對無樹無草的曠野高的所在，會有燒風吹來我的子民遐；毋是欲吹麥芒，抑是給五穀的雜質吹走，</verse>
				<verse number="12">是受我命令吹來的強風。現在我欲宣布我的審判。</verse>
				<verse number="13">你看，對敵啲來親像烏雲啲絞；𪜶的戰車親像捲螺仔風，𪜶的戰馬比鷹鳥較緊。阮有災禍啦！阮無命啦！</verse>
				<verse number="14">耶路撒冷 啊，著將你心內的邪惡洗清氣，互你通得著解救。你心內的歹念頭欲囥到底時？</verse>
				<verse number="15">有消息對 但 地區傳出來；有歹消息對 以法蓮 山區傳來。</verse>
				<verse number="16">恁著給列國傳播，給 耶路撒冷 宣告：有圍攻的人對真遠的所在來，大聲喝，欲攻打 猶大 的城鎮。</verse>
				<verse number="17">𪜶親像顧守園地的人包圍 耶路撒冷 ，因為 耶路撒冷 背叛我。上主按呢宣告。</verse>
				<verse number="18">你的所做，你的行為惹起諸個事；這是你造成的惡果。此個惡果真苦，苦到你的心腸。</verse>
				<verse number="19">我的腹內，我的臟腑，我的心絞疼！ 我的心噗噗筅。 我無講話擋𣍐牢， 我已經聽著哨角及交戰喝喊的聲。</verse>
				<verse number="20">毀滅的消息繼續傳來； 全地攏受破壞。 我的布棚忽然倒去； 我的帳帷連鞭裂去。</verse>
				<verse number="21">我看對敵的大旗，著閣看偌久？ 我聽哨角的聲，著閣聽偌久？</verse>
				<verse number="22">「我的子民愚戇，毋識我； 我的子兒無知，無智慧； 𪜶作歹真𠢕，作好頇顢。」</verse>
				<verse number="23">我看大地，大地渾沌無成形； 我看天，天暗淡無光。</verse>
				<verse number="24">我看大山，大山振動， 小山嘛搖來搖去。</verse>
				<verse number="25">我四界看，逐位攏無人， 飛鳥嘛攏走去匿。</verse>
				<verse number="26">我閣看，肥媠的園變做荒埔， 所有的城鎮攏受拆毀， 因為上主發大受氣。</verse>
				<verse number="27">上主按呢講： 全地攏會荒廢， 毋拘我𣍐徹底給伊毀滅。</verse>
				<verse number="28">大地會曠旱， 天會烏暗。 我一下講出，一定𣍐後悔； 我既然決定，一定𣍐改變。</verse>
				<verse number="29">城內的人聽著馬兵及射箭的人喝喊的聲 就攏逃走， 走入樹林，𬦰上山巖； 全城攏受放拺， 無人住佇彼內面。</verse>
				<verse number="30">你此個欲受毀壞的城， 哪著穿紅色的媠衫， 掛黃金的妝飾， 梳粧打扮， 展你的妖嬌美麗？ 你按呢打扮豈有採工？ 你的愛人給你放拺， 欲收拾你的性命。</verse>
				<verse number="31">我聽見親像產婦催陣 欲生頭上子痛疼的聲， 是 錫安 的住民啲嗶帕喘， 𪜶伸雙手，講：「我慘啊！ 有人欲來刣我，我欲暈去啦。」</verse>
			</chapter>
			<chapter number="5">
				<verse number="1">著行透 耶路撒冷 的街路， 四界探聽， 佇城門口尋， 看會當尋著一個行公義，追求真誠的人抑無； 若有，我就欲赦免此個城。</verse>
				<verse number="2">𪜶雖然指活活的上主咒誓， 毋拘𪜶咒的誓是假的。</verse>
				<verse number="3">上主，你豈毋是啲尋真誠的人？ 此個城的人你拍𪜶，𪜶毋知疼； 你毀滅𪜶，𪜶毋肯受教； 𪜶固執硬心，毋肯回頭。</verse>
				<verse number="4">我想：𪜶是散赤、無知的人民； 𪜶毋識上主的道路， 毋知上帝的命令。</verse>
				<verse number="5">我就去尋有權勢的人，及𪜶談論。 𪜶應該識上主的道路， 知𪜶的上帝的命令。 哪會知，𪜶竟然摃斷軛， 解開索，無欲順服上主。</verse>
				<verse number="6">所以，樹林的獅會來給𪜶吞食， 野外的豺狼會來咬死𪜶， 城外的豹啲當等𪜶。 若有人出城，一定受拆碎， 因為𪜶不時違背上主， 對上主不忠的事算𣍐了。</verse>
				<verse number="7">上主講：「我哪著赦免恁？ 恁的子兒放拺我， 閣指假神咒誓。 我互𪜶飽足， 𪜶煞去行淫， 歸陣去揢佇妓女的厝。</verse>
				<verse number="8">𪜶親像飼飽起𪁎的馬， 向厝邊的某呼噓仔。</verse>
				<verse number="9">𪜶做諸個事，我豈毋免辦？ 親像此款國家，我豈毋免報復？ 上主按呢宣告。</verse>
				<verse number="10">恁著去毀壞伊的葡萄園， 毋拘毋通給𪜶毀了了， 干焦剉伊的枝， 因為𪜶無屬佇上主。</verse>
				<verse number="11">以色列 家及 猶大 家完全背叛我。」 上主按呢宣告。</verse>
				<verse number="12">以色列 毋承認上主所講的話，講：「上主𣍐做什麼 ，𣍐降災禍，𣍐互咱抵著戰亂抑是飢荒。</verse>
				<verse number="13">先知的教示不過親像一陣風，上主的話無佇𪜶內面。」所以上主 — 萬軍的統帥上帝對我講：「𪜶既然按呢講，我欲互我囥佇你嘴內的話成做火，互諸個人民成做柴，火欲給𪜶燒掉。」</verse>
				<verse number="14"></verse>
				<verse number="15">上主講：「 以色列 人，我欲互一個國家對真遠的所在來攻擊你。此個國家真強，歷史悠久；𪜶的語言恁毋識，𪜶講什麼恁聽無。</verse>
				<verse number="16">𪜶攏是勇猛的戰士；𪜶的箭袋親像拍開的墓，會當射死真多人。</verse>
				<verse number="17">𪜶欲給恁的五穀及米糧食了了，吞滅恁的後生查某子，閣吞食恁的牛群羊群，將恁的葡萄及無花果食甲攏無賰，閣用刀劍毀壞恁所倚靠堅固的城。」</verse>
				<verse number="18">上主講：「就是到彼時，我嘛𣍐給我的子民徹底毀滅。</verse>
				<verse number="19">𪜶若問：『上主 — 阮的上帝是按怎給阮做諸個代誌？』你著給𪜶講：『既然恁放拺我，佇恁家己的土地服事別個神明，恁嘛欲親像按呢，佇毋是屬恁的地服事外族人。』」</verse>
				<verse number="20">著給 雅各 的後代傳報，給 猶大 的人民宣布：</verse>
				<verse number="21">恁此個戇閣無知的人民，著注意聽！恁有目睭毋拘看無，有耳孔毋拘聽無。</verse>
				<verse number="22">上主講：「恁毋驚我是無？佇我的面前𣍐驚惶愕愕惙是無？我用沙給海設永遠的界限，互海𣍐當超過；海湧撥來撥去淐高，嘛𣍐當𨃟過。</verse>
				<verse number="23">毋拘此個人民固執，忤逆，背叛我，離開我。</verse>
				<verse number="24">𪜶心內攏無想：『咱著敬畏上主 — 咱的上帝，伊照時賜春霖秋雨互咱，閣給咱定收成的季節。』</verse>
				<verse number="25">恁的罪過煞互風雨失調；恁的罪孽互恁𣍐當得著福氣。</verse>
				<verse number="26">「我的子民中間有歹人；𪜶親像掠鳥的人埋伏當等，設活罩欲掠人。</verse>
				<verse number="27">𪜶歸厝間攏是詭詐，親像鳥籠仔內攏是鳥，所以𪜶好額閣有勢。</verse>
				<verse number="28">𪜶紅膏赤蠘，做盡歹代。𪜶無替孤兒申冤，嘛無替散赤人主持公道。」</verse>
				<verse number="29">上主閣講：「𪜶做諸個事，我豈毋免給𪜶辦？親像此款國家，我豈毋免給𪜶報復？</verse>
				<verse number="30">恐怖驚惶的事竟然佇此個國家發生：</verse>
				<verse number="31">先知講假信息，祭司搙權，我的子民嘛意愛按呢。審判到的時，看恁欲按怎？」</verse>
			</chapter>
			<chapter number="6">
				<verse number="1">便雅憫 人，著逃命！趕緊走離開 耶路撒冷 ！著佇 提哥亞 歕哨角；佇 伯‧哈基琳 起火燻做信號！災難及嚴重的毀壞對北方迫倚來啦！</verse>
				<verse number="2">錫安 雖然親像媠閣幼秀的女子，毋拘我欲給你毀滅。</verse>
				<verse number="3">親像牧者導羊群，列國的君王欲導軍隊來，佇此個城的周圍紮營攻擊伊。</verse>
				<verse number="4">𪜶欲下令：「準備出戰！來，趁中晝咱來去給𪜶攻擊！」有人會講：「真僫！日頭啲欲落山，啲欲暗啦。」</verse>
				<verse number="5">「起來！咱著透暝給攻擊，毀壞𪜶的堡壘！」</verse>
				<verse number="6">上主 — 萬軍的統帥按呢講：「恁著剉樹仔，造土堆，攻擊 耶路撒冷 。此個城充滿欺壓剝削，應該受刑罰。</verse>
				<verse number="7">井按怎淐水出來，此個城嘛仝款罪惡貫滿，歸個城攏會當聽著暴力及毀壞的聲；我嘛不時看著城內有病疼及傷痕。</verse>
				<verse number="8">耶路撒冷 ，你著受管教，才免我及你疏遠，互你變做荒廢無人住的所在。」</verse>
				<verse number="9">上主 — 萬軍的統帥按呢講：「 以色列 所賰的人攏會互人掠去，親像葡萄互人挽了了；你著親像挽葡萄的人，手閣伸入去葡萄藤給挽互清氣。」</verse>
				<verse number="10">我應講：「我若給人傳達你的話，給人警告，豈有人欲聽？𪜶給耳仔塞起來，無欲聽。𪜶將上主的話當做耍笑，一屑仔都無愛聽。</verse>
				<verse number="11">毋拘我滿腹攏是上主的受氣，擋𣍐牢。」 上主對我講：「你著將我的受氣摒佇街路的囝仔及結歸群的少年人身上；許個翁某、老人、長歲壽的，攏會互人掠去。</verse>
				<verse number="12">我欲互𪜶的厝、田園，及𪜶的某，攏變做別人的；我欲伸手攻擊此塊土地的住民。上主按呢宣告。</verse>
				<verse number="13">𪜶對上卑微的到上有權勢的攏數想不義之財；連先知及祭司都攏行為詭詐。</verse>
				<verse number="14">我的子民受著傷害，𪜶攏無要無緊。𪜶講：『平安無事！平安無事！』其實攏無平安。</verse>
				<verse number="15">𪜶做可惡的事，豈知見笑？𪜶實在有夠𣍐見笑！𪜶會親像別國的人互對敵刣死；我給𪜶刑罰，𪜶會完全毀滅。」上主按呢宣告。</verse>
				<verse number="16">上主對伊的子民講：「恁著佇路裡注意觀察，給人問古早的路，看彼條上好的路佇叨位，就去行；按呢，恁的心神就會得著安歇。」 毋拘𪜶講：「毋！阮無欲行彼條路。」</verse>
				<verse number="17">上主閣給𪜶指派守望的衛兵，叫𪜶著聽哨角的聲。毋拘𪜶講：「毋！阮無欲聽。」</verse>
				<verse number="18">所以，上主講：「列國啊，聽咧！見證人啊，著觀察，看𪜶會抵著什麼代誌。</verse>
				<verse number="19">大地啊，聽咧！我欲互諸個人民受災難，這是𪜶奸奸鬼鬼的後果；𪜶毋聽趁我的話，拒絕我的律法。</verse>
				<verse number="20">𪜶獻 示巴 的乳香互我，帶真遠的所在出產的菖蒲來互我，我才無啲稀罕。恁的燒化祭，我無欲接納；恁的牲禮，我無歡喜。</verse>
				<verse number="21">所以，我欲給絆腳石下佇諸個人民的頭前，互父及子做夥跋倒，互厝邊及朋友攏滅亡。」</verse>
				<verse number="22">上主按呢講：「有一個民族欲對北方來；有一個強的國家對真遠的所在準備欲出征。</verse>
				<verse number="23">𪜶攑弓攑槍，殘忍無情；𪜶的聲親像海湧嘩嘩哮。 錫安 的住民啊，𪜶騎戰馬，團結同心，排陣欲攻擊你。」</verse>
				<verse number="24">耶路撒冷 的住民講：「阮聽著𪜶的消息，手攏軟落去；阮非常痛苦，親像產婦啲催陣。</verse>
				<verse number="25">毋通出去野外，嘛毋通走去街路，因為一四界有武裝的對敵，攏真恐怖。」</verse>
				<verse number="26">上主對伊的子民講：「著穿麻衫糝火灰，著親像死孤子大聲哀哭，因為殘害性命的會忽然來攻擊恁。」</verse>
				<verse number="27">上主對 耶利米 講：「我欲互你佇我的子民中間，親像鑑定師，親像考察官，評判考驗𪜶的所做。</verse>
				<verse number="28">𪜶親像銅及鐵赫呢固執背叛我；造謠惹代誌，歸個腐敗了了。</verse>
				<verse number="29">人大力搖風櫃，爐的火燃閣較焰，給鉛燒熔；煉了閣煉，毋拘攏無採工，因為𪜶的邪惡除𣍐盡，親像鉛的雜質熔𣍐掉。</verse>
				<verse number="30">𪜶會互人叫做『無價值的銀』，因為上主已經給𪜶擲㧒确。」</verse>
			</chapter>
			<chapter number="7">
				<verse number="1">上主的話臨到 耶利米 ，講：</verse>
				<verse number="2">「你著去徛佇上主聖殿的門口，宣講諸個話： 「所有入來敬拜上主的 猶大 人，著注意聽上主的話。</verse>
				<verse number="3">「上主 — 萬軍的統帥、 以色列 的上帝按呢講： 「著改正恁的言行舉止，按呢我就互恁住佇此塊土地。</verse>
				<verse number="4">毋通相信許個白賊話，講：『這是上主的殿！這是上主的殿！上主的殿佇遮！安全啦！』</verse>
				<verse number="5">「恁若實在改正言行舉止，佇人及人的中間實行公平正直，</verse>
				<verse number="6">無欺壓寄居的出外人、孤兒、寡婦，無佇此個所在謀害無辜的人，無拜別個神明，給家己惹禍端，</verse>
				<verse number="7">我就欲互恁永遠住佇我賜互恁的祖先徛起的此個所在。</verse>
				<verse number="8">「恁看，恁竟然相信許個無路用的白賊話。</verse>
				<verse number="9">恁哪會用得偷提，謀害，姦淫，咒假誓，給巴力燒香，去隨恁毋識的神明，</verse>
				<verse number="10">閣來此間奉我的名起的聖殿敬拜我，講『阮有救啦』，通繼續去做許個可惡的事？</verse>
				<verse number="11">此間奉我的名起的聖殿，恁給伊看做土匪仔窟是無？恁著知，恁啲做啥，我攏有看著！上主按呢講。</verse>
				<verse number="12">「恁去 示羅 看覓咧。古早，我佇遐設立敬拜我的所在，毋拘恁著去看，我因為我的子民 以色列 的罪惡，按怎對付彼個所在。</verse>
				<verse number="13">現在恁做諸個代誌，我一再給恁勸戒，毋拘恁攏毋聽；給恁叫，恁嘛毋應；</verse>
				<verse number="14">所以，我欲親像對付 示羅 按呢毀壞此間恁所倚靠，奉我的名起的聖殿，以及此塊我賜互恁及恁祖先的土地。</verse>
				<verse number="15">我嘛欲給恁對我的面前趕走，親像以前我將恁的親族 以法蓮 的後代趕走像款。」</verse>
				<verse number="16">你毋免為著此個人民祈禱，毋免為著𪜶大聲哀求，嘛毋免替𪜶對我懇求，因為我攏無欲聽。</verse>
				<verse number="17">你豈無看著𪜶佇 猶大 的城鎮及 耶路撒冷 的街路啲創什麼？</verse>
				<verse number="18">囝仔拾柴，老父燃火，老母抄麵粉做餅，獻互天后，閣給別個神明獻奠酒祭，刁工惹我受氣。</verse>
				<verse number="19">上主講：其實𪜶毋是傷害著我，是傷著家己，害家己見笑。</verse>
				<verse number="20">所以至高的上主按呢講：我欲將我猛烈的受氣摒佇此個所在的住民及動物身上，以及田野的樹木及土地的出產。我的受氣會親像大火啲𤏸無人拍會化。</verse>
				<verse number="21">上主 — 萬軍的統帥、 以色列 的上帝按呢講：「恁獻祭的時，做恁將燒化祭的肉摻做夥食食去。</verse>
				<verse number="22">我導恁的祖先出 埃及 的時，我毋曾對𪜶提起燒化祭及其他的祭祀，嘛毋曾命令𪜶著按呢做。</verse>
				<verse number="23">我干焦給𪜶命令此項事：『恁著聽我的話，行我所命令恁的路，我就欲做恁的上帝，恁做我的子民，通互恁事事順利。』</verse>
				<verse number="24">毋拘𪜶毋聽趁，毋注意聽我的話，反轉照𪜶邪惡的心固執背叛我；毋若無改善，顛倒閣較歹。</verse>
				<verse number="25">對恁的祖先出 埃及 到今仔日，我一再派我的僕人先知去𪜶遐。</verse>
				<verse number="26">毋拘𪜶猶原毋聽，毋注意聽我的話；顛倒硬心固執，比𪜶的列祖做閣較歹的事。</verse>
				<verse number="27">「 耶利米 ，你著將諸個話攏給𪜶講，毋拘𪜶𣍐聽；你按怎給𪜶叫，𪜶嘛𣍐給你應。</verse>
				<verse number="28">你著給𪜶講：『恁此個民族毋聽趁上主 — 恁的上帝的話，毋肯受教示。恁中間無閣有真實；恁的嘴連一句誠實可靠的話都無。』」</verse>
				<verse number="29">耶路撒冷 啊，著剃光頭，給頭毛㧒确！ 著佇樹仔剉了了的山頂唱哀歌！ 上主已經將惹伊受氣的世代放拺啦！</verse>
				<verse number="30">猶大 的人民做我看做邪惡的事，佇敬拜我的聖殿𫞼可惡的偶像，給此個殿拍垃墋。上主按呢講。</verse>
				<verse number="31">𪜶佇 欣嫩子 山谷起 陀斐特 的山頭壇，燒𪜶的子兒獻做祭。我毋曾命令𪜶做此款代誌，連想都毋曾想過。</verse>
				<verse number="32">恁著知，時日一下到，彼個所在𣍐閣叫做 欣嫩子 山谷抑是 陀斐特 ，欲叫做「屠殺的山谷」。因為別位無夠所在埋葬死人，𪜶會佇 陀斐特 埋身屍。上主按呢宣告。</verse>
				<verse number="33">此個人民的屍體，會成做空中的飛鳥及地上的野獸的食物；無人來給𪜶趕走。</verse>
				<verse number="34">彼時，我欲互 猶大 的城鎮及 耶路撒冷 的街路完全無歡喜快樂的聲，無閣有婚宴喜慶的聲，因為此個地欲變做荒埔。</verse>
			</chapter>
			<chapter number="8">
				<verse number="1">上主講：到彼時，人欲將 猶大 的諸王、官員、祭司、先知，以及 耶路撒冷 住民的骨頭，對墓裡提出來，</verse>
				<verse number="2">㧒佇日頭、月娘、星辰的下面；諸個天體是許個人生前合意、服事、跟隨、卜卦、拜拜的。許個骨頭無人會閣給𪜶拾去埋，會佇土腳成做肥料。</verse>
				<verse number="3">此個邪惡的民族賰落來的人，佇我給𪜶流放去的國家無想欲閣活落去，寧可死。上主 — 萬軍的統帥按呢宣告。</verse>
				<verse number="4">上主吩咐我對伊的子民講：人跋倒，豈無欲𬦰起來；行毋著路，豈無欲越倒轉？</verse>
				<verse number="5">恁諸個 耶路撒冷 人，是按怎恁一下對我不忠就一直背叛我？恁哪固執愛欺騙，毋肯反悔？</verse>
				<verse number="6">我注意給𪜶聽，𪜶攏無講實話，無人為著家己所做的歹事反省講：「我哪會做此款歹代誌？」𪜶逐個人攏斡去行家己的路，親像戰馬衝入去戰場。</verse>
				<verse number="7">空中的鶴知影照季節遷徙，斑鴿、燕仔，及雁嘛知通照時間徙位，我的子民竟然毋識上主的命令！</verse>
				<verse number="8">恁哪會講「阮是有智慧的人；阮有上主的律法」？其實律法教師已經用𪜶白賊的文筆歪曲律法的意思。</verse>
				<verse number="9">許個有智慧的人會抵著見笑，會驚惶，會受審判。𪜶棄拺上主的話，哪有什麼智慧？</verse>
				<verse number="10">所以，我欲將𪜶的某互別人，𪜶的田園互人佔去。𪜶對上卑微的到上有權勢的攏數想不義之財，連先知及祭司都攏行為詭詐。</verse>
				<verse number="11">我的子民受著傷害，𪜶攏無要無緊。𪜶講：「平安無事！平安無事！」其實攏無平安。</verse>
				<verse number="12">𪜶做可惡的事，豈知見笑？𪜶實在有夠𣍐見笑！𪜶會親像別國的人互對敵刣死，我給𪜶刑罰，𪜶會完全毀滅。上主按呢宣告。</verse>
				<verse number="13">我欲互𪜶攏無收成；葡萄樹無生葡萄，無花果樹無結無花果，樹葉攏焦焦去。我互𪜶的，攏無去啦。上主按呢宣告。</verse>
				<verse number="14">人民講：「咱哪猶坐佇遮？咱著相招來去堅固的城，死𫢶遐！上主 — 咱的上帝註定欲給咱消滅啦，伊欲互咱飲苦水，因為咱有得罪上主。</verse>
				<verse number="15">咱期待和平繁榮，毋拘逐項攏無順利；期待醫治的機會，毋拘驚惶忽然來到。</verse>
				<verse number="16">戰馬嗙嗙哮的聲對 但 傳出來；勇壯的馬咻咻叫，大地因為𪜶的聲振動。對敵來欲毀滅此塊土地及地上所有的一切，吞滅諸個城鎮及內面的住民。」</verse>
				<verse number="17">上主警告伊的子民，講：「我欲派𣍐當用法術控制的毒蛇去恁遐咬恁。」</verse>
				<verse number="18">我傷心甲無藥通醫； 我的心神衰荏強欲暈去。</verse>
				<verse number="19">聽！我的同胞哀叫的聲， 對真遠的所在傳來： 上主豈無佇 錫安 ？ 錫安 的王豈無佇城內？ 上主講： 「𪜶是按怎拜雕刻的偶像， 拜外邦虛無的神明惹我受氣？」</verse>
				<verse number="20">我的同胞講： 「收成已經過，熱天已經結束， 毋拘阮猶未得著解救。」</verse>
				<verse number="21">我因為同胞受毀滅心碎去； 我非常悲傷，驚惶失神。</verse>
				<verse number="22">基列 豈無乳香？ 遐豈無醫生？ 我的同胞哪猶未得著醫治？</verse>
			</chapter>
			<chapter number="9">
				<verse number="1">苦𣍐得我的頭變做水源， 我的目睭變做目屎的泉源， 暝日為著互人刣死的同胞哀哭。</verse>
				<verse number="2">足希望佇曠野有客棧通住， 互我通放拺我的同胞，離開𪜶遠遠； 因為𪜶是一群行淫背叛的歹人。</verse>
				<verse number="3">𪜶的舌捲起來親像弓， 為著欲講白賊； 𪜶佇國內有權勢， 毋是靠真實，是靠詭詐。 上主講： 我的子民惡上加惡， 𪜶毋識我。</verse>
				<verse number="4">恁逐個人著持防恁的厝邊， 連親兄弟都毋通信任； 兄弟仔攏啲講白賊， 厝邊嘛啲造謠誹謗。</verse>
				<verse number="5">𪜶互相欺騙， 無欲講真實； 𪜶訓練嘴舌講白賊， 拍拼做歹。</verse>
				<verse number="6">𪜶慣勢講白賊， 毋承認我是𪜶的上帝。 上主按呢講。</verse>
				<verse number="7">上主 — 萬軍的統帥講： 我欲鍛鍊我的子民，給𪜶磨練； 若無按呢，我欲按怎處理𪜶？</verse>
				<verse number="8">𪜶的舌親像毒箭，講話詭詐； 逐個人對厝邊講好聽話 ， 毋拘心內欲謀害𪜶。</verse>
				<verse number="9">𪜶做諸個事，我豈毋免辦𪜶？ 親像此款民族，我豈毋免給𪜶報復？ 上主按呢宣告。</verse>
				<verse number="10">我欲為著山嶺啼哭悲傷， 為著曠野的草埔唱哀歌； 𪜶攏互火燒了了， 無人行對遐去。 牛羊的聲無閣聽著； 飛鳥及野獸的影無閣看著。</verse>
				<verse number="11">我欲互 耶路撒冷 拋荒， 成做豺狼的巢； 欲互 猶大 的城鎮變做荒埔， 無閣有人住。</verse>
				<verse number="12">啥人有夠聰明，通了解此個事？上主通指示啥人，互伊解說：此個地是按怎毀壞，拋荒親像曠野，無人對遐經過？</verse>
				<verse number="13">上主講：這是因為𪜶放拺我賜互𪜶的律法，無聽趁我的話，毋實行我的律法；</verse>
				<verse number="14">𪜶固執照家己的意思作事，照𪜶的祖先教𪜶的去拜巴力。</verse>
				<verse number="15">所以，上主 — 萬軍的統帥、 以色列 的上帝宣布：我欲互𪜶食苦果，飲毒水。</verse>
				<verse number="16">我欲給𪜶流放去𪜶及𪜶的祖先毋識的列國，互𪜶受追殺到完全消滅。</verse>
				<verse number="17">上主 — 萬軍的統帥講： 恁著知死！ 去倩許個唱哀歌的婦仁人來， 去招許個𠢕哭的查某人來。</verse>
				<verse number="18">人民講： 𪜶著趕緊來，給咱唱哀歌， 互咱目屎直直流， 互咱的目屎掊𣍐離。</verse>
				<verse number="19">聽咧， 錫安 傳出哭聲： 阮竟然即呢落魄！ 阮有夠見笑！ 阮煞著放落此塊土地！ 阮的厝煞互人拆毀！</verse>
				<verse number="20">婦仁人啊，著聽上主的聲， 聽趁伊的話； 著教恁的查某子哀哭， 教恁的查某伴唱哀歌。</verse>
				<verse number="21">死亡會對窗仔入來， 入來咱的堡壘， 佇街路殺害咱的囝仔， 佇廣場刣死咱的少年人。</verse>
				<verse number="22">上主命令我給恁講： 人的身屍會倒佇野外親像糞埽， 親像收割的人落落來的麥穗，無人拾。</verse>
				<verse number="23">上主講： 智慧的人毋通誇口家己的智慧； 勇猛的人毋通誇口伊的氣力； 好額人毋通誇口伊的財富。</verse>
				<verse number="24">人若欲誇口， 著誇口伊識我，承認我是上主； 我愛佇世間施慈愛、公義，及公平。 上主按呢宣布。</verse>
				<verse number="25">上主講：「恁著注意，時日一下到，我欲刑罰干焦肉體接受割禮的人，</verse>
				<verse number="26">就是 埃及 人、 猶大 人、 以東 人、 亞捫 人、 摩押 人，以及所有住佇曠野，剃鬢邊 的人；諸個民族攏無受割禮， 以色列 全體人民的心嘛無受割禮。」</verse>
			</chapter>
			<chapter number="10">
				<verse number="1">以色列 人，著聽上主對恁講的話。</verse>
				<verse number="2">上主按呢講： 恁毋通學外族人的宗教行為； 雖然列國會因為奇怪的天象驚惶， 毋拘恁攏毋免驚。</verse>
				<verse number="3">萬民所拜的攏是虛無， 不過是對樹林用斧頭剉落來的柴箍； 師傅雕刻，</verse>
				<verse number="4">用金銀妝飾， 用摃槌釘釘仔， 給伊𫞼牢啲， 互伊𣍐振動。</verse>
				<verse number="5">𪜶的神像親像刺瓜仔園的稻草人， 𣍐講話，𣍐行路， 著互人扛。 毋免驚𪜶！ 𪜶𣍐降災禍，嘛𣍐賜福氣。</verse>
				<verse number="6">上主啊，無人會當及你比； 只有你是偉大，你有大權能。</verse>
				<verse number="7">萬國的王，啥人敢毋敬畏你？ 只有你應該受敬畏。 列國所有智慧的人 及一切有權力的人， 無人會當及你比。</verse>
				<verse number="8">𪜶攏愚戇無知； 許個偶像𣍐當互𪜶什麼教示； 𪜶不過是柴頭若定。</verse>
				<verse number="9">拍做歸片的銀對 他施 運來， 金對 烏法 進口， 攏是師傅及銀匠的作品； 𪜶所穿藍色、紫色的衫， 嘛是技術巧妙的師傅做的。</verse>
				<verse number="10">只有上主是真神， 是活的上帝，是永遠存在的君王。 伊一下受氣，大地搖動； 伊發大受氣，列國攏擋𣍐牢。</verse>
				<verse number="11">恁著給𪜶講：「許個毋是創造天地的神明，攏欲對天下地上消失。」</verse>
				<verse number="12">上主用家己的大能創造大地， 用伊的智慧堅立世界， 用聰明搋開穹蒼。</verse>
				<verse number="13">上主一下出聲，天頂的水就絞滾， 雲霧就對天邊海角淐出來； 伊對雨的中間射出熠爁， 對伊的倉庫送風出來。</verse>
				<verse number="14">世間人攏愚戇無知； 逐個拍金師傅攏為著家己造的神像見笑， 因為𪜶鑄的神像攏是虛假，內面無性命。</verse>
				<verse number="15">偶像攏是虛假， 是人恥笑的對象； 刑罰一下到，𪜶攏會消失。</verse>
				<verse number="16">作 雅各 產業的上帝及𪜶無仝款； 伊是創造萬有的主； 以色列 是伊的子民，是伊的產業。 伊的稱呼是上主 — 萬軍的統帥。</verse>
				<verse number="17">恁住佇受圍困的城的人，著收拾恁的行李離開。</verse>
				<verse number="18">因為上主講：「此遍我欲將此所在的住民擲㧒确；給𪜶折磨，互𪜶覺醒。」</verse>
				<verse number="19">耶路撒冷 人大聲喝，講： 阮慘啊，阮著傷啦！ 阮受的傷真重。 毋拘阮想， 這是阮著忍受的痛苦。</verse>
				<verse number="20">阮的布棚毀壞啦， 布棚的索仔斷去啦， 阮的囝仔攏離開阮，𣍐閣倒來； 𣍐閣有人來給阮搭布棚， 給阮掛布簾。</verse>
				<verse number="21">我應講： 領導者攏愚戇無知，無欲尋求上主， 所以攏𣍐順利； 𪜶的羊群嘛攏受趕散。</verse>
				<verse number="22">聽咧，有消息傳來！ 有大擾動對北方來， 欲互 猶大 的城鎮變做荒埔， 變做豺狼的巢。</verse>
				<verse number="23">上主，我知，人𣍐當決定家己的路， 𣍐當控制家己的腳步。</verse>
				<verse number="24">上主啊，你管教我的時， 求你公道對待我， 毋通佇你大受氣中互我一無所有。</verse>
				<verse number="25">求你將大受氣摒佇無敬畏你的國家， 以及無欲求叫你的名的民族； 𪜶吞食 雅各 ， 給伊完全消滅， 互伊徛起的所在拋荒。</verse>
			</chapter>
			<chapter number="11">
				<verse number="1">上主對我講：</verse>
				<verse number="2">「你著聽清楚此個約的內容，然後給 猶大 人及 耶路撒冷 的住民宣布。</verse>
				<verse number="3">你著對𪜶講：『上主 — 以色列 的上帝按呢講：毋聽趁此個約的話的人，一定會受咒詛。</verse>
				<verse number="4">此個約是我導恁的祖先出 埃及 ，脫離鑄鐵的火爐的時命令𪜶的，講：恁著聽趁我的話，實行我所命令恁的，按呢恁就通成做我的子民，我做恁的上帝，</verse>
				<verse number="5">通實現我對恁的祖先所立誓的，將恁今仔日徛起此塊流奶及蜜的地賜互𪜶。』」 我應講：「上主，阿們！」</verse>
				<verse number="6">上主閣對我講：「你著去 猶大 的城鎮及 耶路撒冷 的街路宣布：『恁著切實遵行此個約的話。</verse>
				<verse number="7">我對導恁的祖先離開 埃及 彼日到今仔日，一再嚴嚴給𪜶警戒，叫𪜶著聽趁我的話。</verse>
				<verse number="8">毋拘𪜶毋若無欲注意聽，閣照𪜶固執邪惡的心做代誌。因為𪜶毋照我的命令遵守此個約，所以我照此個約給𪜶刑罰。』」</verse>
				<verse number="9">上主閣對我講：「佇 猶大 人及 耶路撒冷 的住民中間，有人計謀欲背叛我。</verse>
				<verse number="10">𪜶閣轉去犯𪜶的祖先毋聽趁我的話的罪，去服事別個神明。 以色列 家及 猶大 家攏破壞我及𪜶祖先所立的約。</verse>
				<verse number="11">所以，上主按呢講：『我欲降災禍互𪜶，𪜶無法度走閃。𪜶給我哀求，我嘛毋聽。</verse>
				<verse number="12">彼時， 猶大 逐城鎮的人及 耶路撒冷 的住民，會去哀求𪜶燒香服事的神明。毋拘佇𪜶抵著災難的時，諸個神明攏𣍐當給𪜶解救。</verse>
				<verse number="13">猶大 啊，恁的神明親像恁的城鎮赫多；恁為著通見笑的巴力所起燒香的壇，親像 耶路撒冷 的街路赫多。』</verse>
				<verse number="14">耶利米 啊，你毋免為著諸個人民祈禱，毋免為著𪜶大聲懇求，因為𪜶抵著災難的時對我哀求，我無欲給聽。」</verse>
				<verse number="15">上主對 猶大 人講：「我所疼的子民，恁做赫多歹，猶會當佇我的聖殿創什麼？恁下願、獻肉 ，豈就會給恁消除災禍，互恁心安歡喜？</verse>
				<verse number="16">我上主曾給恁號名做青翠、茂盛、結甲歸欉果子的橄欖樹，毋拘今我欲用雷公熠爁燒伊的樹葉，摃斷伊的樹椏。</verse>
				<verse number="17">「我上主 — 萬軍的統帥給恁栽種，毋拘今已經宣布欲降災禍攻擊恁；因為 以色列 人及 猶大 人攏做歹，向巴力燒香，惹我受氣。」</verse>
				<verse number="18">上主指示我，我才知有人欲對付我。</verse>
				<verse number="19">我親像一隻欲互人牽去刣馴良的羊仔，毋知𪜶設計欲謀害我。𪜶講：「咱給此欉樹及伊的果子攏毀掉！咱來給此個人刣死，互人𣍐記得伊的名。」</verse>
				<verse number="20">我就祈禱講：「上主 — 萬軍的統帥！你監察人的心思念頭，照公義審判。我將我的案件交互你，求你互我看著你替我主持公道。」</verse>
				<verse number="21">亞拿突 人對我講：「你𣍐用得奉上主的名傳達伊的話，才免死佇阮的手頭。」針對許個欲謀害我的 亞拿突 人，</verse>
				<verse number="22">上主 — 萬軍的統帥按呢講：「我欲刑罰 亞拿突 人，𪜶的少年人欲死佇刀下，𪜶的後生查某子欲因為飢荒死。</verse>
				<verse number="23">𪜶連一個都𣍐當留啲，因為我刑罰𪜶的時，我欲降災禍互𪜶。」</verse>
			</chapter>
			<chapter number="12">
				<verse number="1">上主，我及你爭辯的時， 逐遍攏你贏， 毋拘我猶是欲及你理論關係公義的代誌； 是按怎歹人攏事事順利？ 作人奸鬼的哪會享受榮華？</verse>
				<verse number="2">你給𪜶栽種，𪜶就釘根， 大欉，結實。 𪜶常常講起你， 毋拘心內無你。</verse>
				<verse number="3">上主啊，你識我，了解我， 試驗我對你的忠誠。 求你給許個歹人拖出來， 親像啲扭欲刣的羊； 給𪜶關起來， 關到欲刣彼日。</verse>
				<verse number="4">此個地曠旱， 田野的青草全部焦去欲到底時？ 因為此個地的住民做歹， 鳥仔及牲生死了了； 毋拘𪜶講：「上主無啲管咱的結局 ！」</verse>
				<verse number="5">上主講： 你及人行路比賽都會悿， 哪走會贏戰馬？ 你佇安全曠闊的所在才會感覺安穩， 若佇 約旦 河邊的樹林，你欲按怎？</verse>
				<verse number="6">連你的兄弟、你的親成都會出賣你， 佇你的後面大聲攻擊你； 𪜶就是對你講好聽話， 你嘛毋通信任𪜶。</verse>
				<verse number="7">我放拺 以色列 家， 放棄我的產業； 將我心愛的子民交佇伊的對敵的手頭。</verse>
				<verse number="8">我的子民對我來講，親像樹林內的獅， 大聲攻擊我， 所以我怨恨𪜶。</verse>
				<verse number="9">我的子民對我來講，親像有斑點的鷹， 真多隻鷹佇周圍攻擊伊。 著招集田野的野獸做夥來吞食伊。</verse>
				<verse number="10">列國的統治者毀滅我栽培的子民， 踐踏我的田園， 互我肥媠的田園變做拋荒的荒埔。</verse>
				<verse number="11">𪜶破壞土地， 互土地拋荒甲對我哀哭； 全地拋荒，毋拘無人關心。</verse>
				<verse number="12">毀滅者來到曠野光滑的山崙仔； 上主的刀欲毀滅大地，對此旁到彼旁； 無一個人安全。</verse>
				<verse number="13">𪜶種麥仔，收成莿； 𪜶勞苦種作，毋拘無收成； 𪜶的收成互𪜶大大失望， 因為我上主對𪜶發大受氣。</verse>
				<verse number="14">上主按呢講：「我欲將所有的歹厝邊，對𪜶的土地拔出來；𪜶侵犯我賜互我的子民 以色列 的土地；我嘛欲將 猶大 人民對𪜶中間拔出來。</verse>
				<verse number="15">我給 猶大 人民拔出來了後，欲斡轉來憐憫𪜶，給𪜶導倒來，互𪜶逐個人轉去家己的故鄉，回復𪜶逐個人的產業。</verse>
				<verse number="16">後來，周圍的國家若肯誠心學習我子民的信仰，指我 — 永活的上主的名咒誓，親像𪜶以前教我的子民指巴力咒誓仝款，𪜶就會佇我子民的中間得著復興。</verse>
				<verse number="17">「毋拘若有國家毋聽趁，我就欲給伊拔起來，將伊消滅。」上主按呢宣告。</verse>
			</chapter>
			<chapter number="13">
				<verse number="1">上主對我講：「你去買一條麻布做的腰帶來縖腰，毋通給伊浸佇水裡。」</verse>
				<verse number="2">我就照上主的話，買一條腰帶縖腰。</verse>
				<verse number="3">上主的話第二遍給我講：「將你買的腰帶縖啲。起來，去 幼發拉底河 ，將彼條腰帶藏佇石頭縫。」</verse>
				<verse number="4"></verse>
				<verse number="5">我照上主的命令，將彼條腰帶藏佇 幼發拉底河 遐。</verse>
				<verse number="6">過真多日，上主閣對我講：「你趕緊去 幼發拉底河 ，將我叫你藏佇遐的腰帶提來。」</verse>
				<verse number="7">我就去 幼發拉底河 遐，將我藏的腰帶挖出來。我一下看，腰帶已經爛去，無路用啦。</verse>
				<verse number="8">上主閣對我講：「我欲照按呢破壞 猶大 的驕傲，以及 耶路撒冷 閣較大的驕傲。</verse>
				<verse number="9"></verse>
				<verse number="10">諸個邪惡的人民毋肯聽我的話，隨𪜶固執的心去拜別個神明；𪜶會親像此條無路用的腰帶。</verse>
				<verse number="11">我愛 以色列 及 猶大 全家及我結連，親像腰帶及人的身軀結連，成做我的子民，互我得著名聲、稱讚，及榮光；毋拘𪜶毋聽趁。上主按呢宣告。」</verse>
				<verse number="12">你去對人民講：「上主 — 以色列 的上帝給我講：著叫 以色列 人將酒給酒甕攏貯互淀。𪜶會講：『阮煞毋知逐個酒甕攏著貯互滿。』</verse>
				<verse number="13">你著對𪜶講：『上主按呢講：我欲用酒互坐佇 大闢 王位的、祭司、先知，及 耶路撒冷 所有的人攏飲甲醉。</verse>
				<verse number="14">我欲互𪜶醉甲起衝突，連父子嘛按呢。我無欲同情，無欲疼惜，無欲憐憫，一定欲給𪜶徹底消滅。』」</verse>
				<verse number="15">恁 以色列 人啊， 著注意聽，毋通驕傲。 上主已經按呢宣布。</verse>
				<verse number="16">佇上主 — 恁的上帝猶未互烏暗來到， 佇烏暗的山裡恁的腳猶未跋倒以前， 恁著將榮光歸互伊。 若無，伊會互死蔭的烏暗代替恁期待的光明。</verse>
				<verse number="17">恁若毋聽， 我會因為恁的驕傲暗中啼哭； 我會為著恁痛苦流目屎， 因為上主的子民互人掠去啦。</verse>
				<verse number="18">上主叫我對王及太后講：「恁著謙卑坐佇下面，因為恁頭殼頂媠的王冠已經落落去。」</verse>
				<verse number="19">尼革夫 許個城的門關牢牢，無人出入； 猶大 人民攏受掠啦。</verse>
				<verse number="20">耶路撒冷 ，著注意看對北旁來的對敵。早前交代你照顧，你所誇口的人民，今佇叨位？</verse>
				<verse number="21">你以前栽培的盟友來統治你，你猶有什麼話通講？你會痛苦親像產婦催陣。</verse>
				<verse number="22">你想欲知：「是按怎我有諸個災難？是按怎我的衫互人拆破，我互人強暴？」是因為你犯的罪真重。</verse>
				<verse number="23">古實 人若會當改變𪜶的皮膚色，豹改變𪜶的花點，恁諸個慣勢做歹的人，嘛會當做好。</verse>
				<verse number="24">上主講：我欲給恁趕散，親像曠野的風吹散草幼。這是恁應該得著的報應；因為恁已經𣍐記得我，去拜虛假的神明。</verse>
				<verse number="25"></verse>
				<verse number="26">我欲掀你的裙蓋你的面，互人看著你的見笑。</verse>
				<verse number="27">你佇山崙仔、佇野外服事許個神明，親像出聲行淫亂可惡的景象，我攏有看見。 耶路撒冷 啊，你欲到底時才會清氣？你有災禍啦！</verse>
			</chapter>
			<chapter number="14">
				<verse number="1">上主對 耶利米 講起有關曠旱的事。</verse>
				<verse number="2">猶大 哀傷，伊的城鎮衰微， 人民坐佇土腳啼哭； 耶路撒冷 啼哭的聲透到天頂。</verse>
				<verse number="3">好額人差奴僕去汲水； 𪜶去到水池尋無水， 帶空空的器具， 見笑，失望，罩頭殼倒來。</verse>
				<verse number="4">天無落雨，土地𤿎裂； 作穡人嘛失望罩頭殼。</verse>
				<verse number="5">因為無草料， 野鹿母放拺伊生的鹿仔子。</verse>
				<verse number="6">野驢徛佇無草高的所在， 親像豺狼喘大氣， 因為無草通食，目睭失神。</verse>
				<verse number="7">上主啊，阮的罪若控告阮， 雖然阮多多遍背叛你， 不時得罪你， 求你因為你的名的緣故拯救阮。</verse>
				<verse number="8">你是 以色列 的向望， 是阮艱難的時的救主。 你是按怎親像出外人， 過一暝就離開？</verse>
				<verse number="9">你是按怎親像著青驚， 無氣力救人的勇士？ 上主，你確實佇阮中間， 阮是你的， 求你毋通離開阮。</verse>
				<verse number="10">關係諸個人，上主按呢講：「𪜶真愛照家己的意思四界走，無欲約束家己的腳步，所以我𣍐接納𪜶。今，我欲給𪜶的罪記啲，給𪜶刑罰。」</verse>
				<verse number="11">上主閣對我講：「你毋免為著諸個人民對我求情。</verse>
				<verse number="12">𪜶就是禁食祈禱，我嘛無欲聽；就是獻燒化祭及素祭，我嘛毋接納。我顛倒欲用刀劍、飢荒、瘟疫給𪜶剿滅。」</verse>
				<verse number="13">我就講：「至高的上主啊，許個先知曾對𪜶講：『恁𣍐有戰亂，𣍐有飢荒，因為上主有應允欲佇此個所在賞賜恁永遠的平安。』」</verse>
				<verse number="14">毋拘上主對我講：「許個先知用我的名講白賊。我無差派𪜶，嘛無命令𪜶，根本都無對𪜶講話。𪜶對恁講的預言是虛假的異象，是無路用的卜卦，是對𪜶心內出來詭詐的話。</verse>
				<verse number="15">所以，講著許個用我的名講白賊的先知，我無差派𪜶；𪜶講此個所在𣍐有戰爭及飢荒，我顛倒欲用按呢給𪜶消滅。</verse>
				<verse number="16">許個聽𪜶講白賊話的人民嘛會有像款的結局；𪜶及𪜶某子的身屍無人埋，會互人㧒佇 耶路撒冷 的街路。我欲因為𪜶的邪惡給𪜶報應。」</verse>
				<verse number="17">上主吩咐我著對諸個人民講： 願我的目屎暝日流無煞， 因為我所疼的人民受傷真嚴重。</verse>
				<verse number="18">我出去田野， 看著互刀刣死的人； 行入城， 看著因為飢荒煞破病的人。 祭司及先知流亡， 去到𪜶毋知的所在。</verse>
				<verse number="19">你豈完全棄拺 猶大 ？ 你豈真正厭惡 錫安 ？ 你是按怎給阮拍甲 互阮𣍐醫得？ 阮期待幸福繁榮，毋拘無一項好； 阮期待醫治的機會，毋拘驚惶忽然來到。</verse>
				<verse number="20">上主啊，阮承認家己的罪， 承認阮祖先的罪過； 阮有得罪你。</verse>
				<verse number="21">求你因為你的名的緣故，無棄拺阮， 無互你榮光的寶座受侮辱； 求你會記得你及阮所立的約。</verse>
				<verse number="22">外族虛假的神明，叨一個會互天落雨？ 天豈會家己落雨？ 豈毋是只有你上主 — 阮的上帝才會！ 阮的向望在佇你， 因為諸個一切攏是你造的。</verse>
			</chapter>
			<chapter number="15">
				<verse number="1">上主對我講：「就是 摩西 及 撒母耳 徛佇我的面前替 猶大 人民祈求，我嘛無欲憐憫𪜶。你著將𪜶對我的面前趕走，叫𪜶離開！</verse>
				<verse number="2">𪜶若問：『阮欲走去叨位？』你就給𪜶講，上主按呢講： 註定病死的，會病死； 註定戰死的，會戰死； 註定餓死的，會餓死； 註定受掠的，會受掠！</verse>
				<verse number="3">我上主已經決定，𪜶會抵著四項災害：死佇刀下、野狗拖去、空中的飛鳥啄去，及地上的走獸食去。</verse>
				<verse number="4">猶大 王 希西家 的子 瑪拿西 佇 耶路撒冷 犯的罪，我欲互所有的人民看著就厭惡。」</verse>
				<verse number="5">上主講： 耶路撒冷 啊，什麼人會可憐恁？ 什麼人會為恁悲傷？ 什麼人會越頭給恁請安？</verse>
				<verse number="6">恁已經離開我，越轉身毋插我； 我欲伸手攻擊恁，毀壞恁， 無欲閣憐憫恁。</verse>
				<verse number="7">我欲佇此所在逐個城鎮，將恁趕散，親像颺麥芒。 我欲消滅恁，刣死恁的兒女， 因為恁攏無悔改。</verse>
				<verse number="8">我欲互恁的寡婦比海沙較多； 我欲互毀滅者透中晝來， 攻擊少年人的老母， 互痛苦驚惶忽然臨到𪜶。</verse>
				<verse number="9">生七個兒女的老母衰弱無力； 伊的希望忽然消失， 伊就絕望見笑。 我欲互𪜶的對敵刣死𪜶賰落來的人， 上主按呢宣布。</verse>
				<verse number="10">阿母，我真悽慘！你生我，我成做一個及全國人民衝突，互人指責的人。我毋曾借錢互人，嘛毋曾給別人借錢，毋拘所有的人攏給我咒詛。</verse>
				<verse number="11">上主，我若無盡心服事你，若無為著對敵的災禍對你懇求，願𪜶對我的咒詛實現。</verse>
				<verse number="12">豈有人會當摃斷鐵，特別是對北方來的銅及鐵？</verse>
				<verse number="13">上主講：「我的子民佇全國逐所在犯罪，所以我欲將𪜶的財富及寶貝互對敵搶去。</verse>
				<verse number="14">我欲互𪜶佇𪜶毋識的國家做對敵的奴隸；我的受氣親像炎火給𪜶燒滅。」</verse>
				<verse number="15">我就對上主講：「上主，你逐項攏知；求你會記得我，眷顧我；求你毋通寬容許個對敵，互𪜶來害我；你著會記得我是因為你的緣故受凌辱。</verse>
				<verse number="16">上主 — 萬軍的統帥上帝，你對我講的話，我逐句攏有聽，你的話互我的心歡喜快樂，因為我屬佇你。</verse>
				<verse number="17">我無及奢華宴樂的人做夥宴樂。我因為你的命令，家己一個靜靜坐啲，滿腹憤慨。</verse>
				<verse number="18">是按怎我的苦痛赫久𣍐煞？是按怎我受的傷𣍐醫得？你豈親像焦去的溪，親像𣍐靠得的水？」</verse>
				<verse number="19">上主就應我講：「你若越倒轉，我就閣接納你做我的僕人服事我；你若講寶貴的信息，無講無路用的話，就會當做我的代言人。按呢，人民會歸向你，毋拘你毋通順𪜶。</verse>
				<verse number="20">面對諸個人民，我欲互你成做堅固的銅牆。𪜶雖然攻擊你，毋拘𣍐贏你，因為我及你同在，欲解救你，保護你。</verse>
				<verse number="21">我欲救你脫離歹人的手，強暴的人的勢力。上主按呢宣布。」</verse>
			</chapter>
			<chapter number="16">
				<verse number="1">上主對我講：</verse>
				<verse number="2">「你毋通佇此個所在娶某生後生查某子。</verse>
				<verse number="3">我給你講，佇此個所在出世的囝仔及𪜶的父母</verse>
				<verse number="4">會死佇致命的病；無人為𪜶哀哭，嘛無人給𪜶埋葬。𪜶的身屍會放佇土腳成做肥料。𪜶若毋是互人刣死，就是餓死；𪜶的屍體成做飛鳥及走獸的食物。</verse>
				<verse number="5">「你毋通入喪家的厝，嘛毋通為𪜶哀哭，給𪜶安慰；我𣍐閣賜平安互我的子民，嘛𣍐閣憐憫𪜶，對𪜶施慈愛。</verse>
				<verse number="6">無論好額抑是散赤攏像款會死佇遮，無人給𪜶埋葬，為𪜶哀哭；無人會割傷家己，剃光頭為𪜶哀傷。</verse>
				<verse number="7">無人會提食物互喪家，為著𪜶的家抵著的事給𪜶安慰；無人會為著𪜶失去父母互𪜶飲安慰的酒。</verse>
				<verse number="8">「你毋通入去宴樂的家及𪜶做夥飲食。</verse>
				<verse number="9">上主 — 萬軍的統帥、 以色列 的上帝按呢講：看咧，我欲佇恁的目睭前，佇恁猶活啲的時，互歡喜快樂的聲、婚宴喜慶的聲攏對此個所在消失。</verse>
				<verse number="10">「你給諸個人民講諸個一切的話的時，𪜶會問你：『是按怎上主欲降即大的災禍攻擊阮？阮是犯著什麼罪？佇什麼所在得罪上主 — 阮的上帝？』</verse>
				<verse number="11">你著給𪜶講：『恁的祖先背叛我去隨別個神明，給𪜶服事敬拜。𪜶棄拺我，無遵守我的律法。</verse>
				<verse number="12">恁比恁的祖先所做的閣較可惡，恁逐個人照固執邪惡的心做代誌，無欲順趁我。</verse>
				<verse number="13">所以，我欲給恁對此個地趕出去，去到恁及恁的祖先攏毋識的地，暝日拜別個神明；我無欲閣憐憫恁。』」</verse>
				<verse number="14">上主講：「時日一下到，人咒誓的時𣍐講：『我指彼位導 以色列 人出 埃及 的永活上主咒誓。』</verse>
				<verse number="15">𪜶欲講：『我指彼位導 以色列 人離開北方的地，離開伊給𪜶流放去的逐國彼位永活的上主咒誓。』因為我欲給𪜶導轉去我賜互𪜶祖先的土地。」</verse>
				<verse number="16">上主講：「我欲派真多掠魚的人去掠諸個人，後來閣派真多拍獵的人去大山、小山，及石縫掠𪜶。</verse>
				<verse number="17">𪜶一切的所做我攏有看見，𪜶的罪惡佇我的面前攏𣍐當隱瞞掩蓋。</verse>
				<verse number="18">我欲加倍報應𪜶所犯一切的罪，因為𪜶去拜許個可惡、無性命的偶像，拍垃墋我的土地，用通厭惡的假神塞滿我的產業。」</verse>
				<verse number="19">上主啊，你是我的氣力、我的堡壘，是我抵著危險的時的避難所。萬國會對天邊海角來到你的面前，講：「阮的祖先留落來的是虛假、空虛、無利益的偶像。</verse>
				<verse number="20">人豈會當為家己造神？諸個偶像攏毋是真神。」</verse>
				<verse number="21">上主講：「此遍我欲互𪜶清楚識我的氣力及權能，𪜶就知我的稱呼是上主。」</verse>
			</chapter>
			<chapter number="17">
				<verse number="1">上主講：「 猶大 人民啊，恁的罪是用鐵筆寫的，用鑽石刀刻的；寫佇恁的心版，刻佇恁祭壇的角。</verse>
				<verse number="2">恁攏啲數念佇逐個山崙仔、野地高的所在，及逐欉青翠的樹下面的祭壇及 亞舍拉 女神的柱像。因為恁佇境內的山頭壇所犯的罪，我欲互恁的財寶互對敵搶去。</verse>
				<verse number="3"></verse>
				<verse number="4">恁會失去我賜互恁的產業；我欲互恁的對敵給恁掠去恁毋識的國家服事𪜶，因為恁惹我受氣；我受氣的火永遠𣍐化。」</verse>
				<verse number="5">上主講： 「倚靠世間人， 相信肉體的氣力， 心離開上主的人， 此款人會受咒詛。</verse>
				<verse number="6">𪜶會親像沙漠中的細欉樹仔， 幸福來的時看𣍐著； 𪜶會住佇焦燥的曠野， 無人徛起的鹹地。</verse>
				<verse number="7">「倚靠上主，專心信靠我的人， 此款人真有福氣！</verse>
				<verse number="8">𪜶親像樹栽佇水邊， 釘根佇溪水邊， 毋驚炎熱， 葉青翠茂盛； 曠旱的時攏毋免掛慮， 會不斷結果子。</verse>
				<verse number="9">「人的心比什麼攏較詭詐， 無藥通醫， 什麼人識會透？</verse>
				<verse number="10">我上主識人的心， 查驗人的心思， 欲照逐個人的所做報應𪜶。」</verse>
				<verse number="11">用無正當的手段發財的， 親像野鳥啲孵毋是家己生的蛋， 中年的時會失去財富， 到路尾會變做愚戇的人。</verse>
				<verse number="12">阮的聖所是榮光的寶座， 對古早就徛佇高高的所在。</verse>
				<verse number="13">上主啊，你是 以色列 的向望！ 棄拺你的攏會見笑； 𪜶會消失，親像名寫佇土腳， 因為𪜶棄拺上主 — 活水的源頭。</verse>
				<verse number="14">上主啊，求你醫治我，我就會得著醫好；求你拯救我，我就會得著解救。你是我所稱讚的。</verse>
				<verse number="15">人對我講：「上主警告的話佇叨位？若有，著互伊實現。」</verse>
				<verse number="16">上主啊！我毋曾逃避做牧者的職份無跟隨你，嘛毋曾向望𪜶有一日會抵著災難。我的嘴所講的你攏知。</verse>
				<verse number="17">求你毋通給我嚇驚，因為你是我患難的時的避難所。</verse>
				<verse number="18">求你互迫害我的人見笑驚惶，毋通互我見笑驚惶；求你降災禍互𪜶，給𪜶徹底消滅。</verse>
				<verse number="19">上主對我講：「你去徛佇 猶大 君王出入 耶路撒冷 會經過的 便雅憫門 ，及逐個城門口，</verse>
				<verse number="20">對𪜶講：『 猶大 君王及人民，以及所有對諸個城門出入的 耶路撒冷 住民，著注意聽上主的話。</verse>
				<verse number="21">上主講：恁著細膩，毋通佇安歇日搬物件，對 耶路撒冷 諸個城門出入，</verse>
				<verse number="22">嘛毋通搬任何物件出門，無論什麼工作攏毋通做。著照我對恁祖先的命令，守安歇日做聖日。』</verse>
				<verse number="23">毋拘𪜶毋聽；𪜶硬心，毋受教。</verse>
				<verse number="24">「上主閣講：恁若注意聽我的話，無佇安歇日搬物件對諸個城門出入，守此日做聖日，無做任何工作，</verse>
				<verse number="25">按呢，恁就會有續接 大闢 坐王位的君王及𪜶的官員騎馬坐馬車，及 猶大 人、 耶路撒冷 住民，做夥對諸個城門出入；此個城嘛會永遠有人徛起。</verse>
				<verse number="26">恁嘛會有人民對 猶大 逐城鎮、 耶路撒冷 周圍逐庄社、 便雅憫 地區、山埔、山地，及 尼革夫 帶燒化祭、平安祭、素祭、乳香，以及謝恩祭來我的聖殿。</verse>
				<verse number="27">毋拘，𪜶若無欲聽趁我，無守安歇日做聖日，佇安歇日搬物件對 耶路撒冷 的城門出入，我就欲放火燒城門；大火會吞食 耶路撒冷 的宮殿，無人拍會化。」</verse>
			</chapter>
			<chapter number="18">
				<verse number="1">上主對 耶利米 講：</verse>
				<verse number="2">「你去燒瓷人的厝，我欲佇遐對你講話。」</verse>
				<verse number="3">我就去燒瓷人的厝，看著伊啲踅轉盤做瓷器。</verse>
				<verse number="4">伊手中所做的瓷，做無好勢，就用彼塊瓷土另外做伊合意的瓷器。</verse>
				<verse number="5">上主閣對我講：</verse>
				<verse number="6">「 以色列 家啊，我豈𣍐當親像燒瓷人按呢對待恁？瓷土佇燒瓷人的手裡按怎，恁佇我的手裡嘛像款。</verse>
				<verse number="7">無論什麼時，我宣布欲拔出、拆毀，抑是破壞一個國家，</verse>
				<verse number="8">彼個國家若離開邪惡，我就會回心轉意，無降災禍互𪜶。</verse>
				<verse number="9">無論什麼時，我宣布欲栽種、重建一個國家，</verse>
				<verse number="10">彼個國家若毋聽趁我的話，做我看做歹的事，我就會改變心意，無欲將我所應允的福氣賜互𪜶。</verse>
				<verse number="11">今，你著對 猶大 人及 耶路撒冷 的住民講：『上主按呢講：我決定欲處罰恁，降災禍互恁；恁著回頭離開恁邪惡的行為，改正恁的所行所做。</verse>
				<verse number="12">𪜶會應講：你講這無路用啦！阮欲照家己的計劃行，逐個人照邪惡的本性做。』」</verse>
				<verse number="13">上主按呢講： 「恁問諸個國家， 有什麼人聽過此款代誌？ 以色列 竟然做即呢可惡的事！</verse>
				<verse number="14">黎巴嫩 山頂的雪豈曾溶過？ 山頂流落來清涼的溪水豈會焦去？</verse>
				<verse number="15">毋拘，我的人民𣍐記得我， 給虛假的神明燒香， 致到𪜶佇應該行的路跋倒； 𪜶無行古早的正路， 顛倒去行嵁硈歪斜的路。</verse>
				<verse number="16">𪜶的土地變做拋荒的所在， 永遠互人恥笑； 過路的人攏驚惶幌頭。</verse>
				<verse number="17">我欲佇對敵的面前 親像東風給我的子民吹散； 我欲佇𪜶抵著災難的時， 越轉身毋插𪜶。」</verse>
				<verse number="18">𪜶講：「來，咱來設計對付 耶利米 ！咱不時有祭司教律法，有智慧的人出計智，嘛有先知傳達上帝的話。咱來控告 耶利米 ，閣聽伊的話。」</verse>
				<verse number="19">因為按呢，我祈禱講：「上主啊，求你聽我的懇求，嘛聽我的對敵控告我的話。</verse>
				<verse number="20">人豈會用得用歹報好？𪜶挖陷阱欲害我。求你會記得我按怎佇你的面前替𪜶講好話，互你無對𪜶發受氣。</verse>
				<verse number="21">毋拘，此時我求你互𪜶的兒女抵著飢荒，死佇刀劍；互𪜶的某失去丈夫及子兒，查甫人互人刣死，少年人死佇戰場。</verse>
				<verse number="22">求你派一大陣強盜忽然來到，互驚惶啼哭的聲對厝內傳出來；因為𪜶挖陷阱欲掠我，用羅網欲互我跋倒。</verse>
				<verse number="23">上主啊，你知𪜶設計欲刣我，求你毋通赦免𪜶的罪，毋通擦消𪜶的罪過；求你互𪜶佇你的面前失敗見笑；求你發大受氣給𪜶刑罰。」</verse>
			</chapter>
			<chapter number="19">
				<verse number="1">上主按呢講：「你著去給燒瓷人買瓷瓶，閣導人民中間的長老及祭司中間受尊重的，</verse>
				<verse number="2">過 哈珥西門 ，去 欣嫩子 山谷，佇遐宣布我吩咐你的話，</verse>
				<verse number="3">講：『 猶大 君王及 耶路撒冷 的住民，著聽上主的話！上主 — 萬軍的統帥、 以色列 的上帝按呢講：看咧，我欲降災禍佇此個所在，互聽著的人攏驚一趒。</verse>
				<verse number="4">因為𪜶及𪜶的列祖，以及 猶大 君王攏棄拺我，給𪜶毋識的神明燒香，互此個所在變做外邦人的地，一四界攏是無辜的人的血。</verse>
				<verse number="5">𪜶閣為著巴力起山頭壇，將𪜶的子兒做燒化祭獻互巴力。我毋曾命令𪜶做此款代誌，毋曾提起，連想都毋曾想過。</verse>
				<verse number="6">恁著知，時日一下到，此個所在𣍐閣叫做 陀斐特 抑是 欣嫩子 山谷，欲叫做屠殺的山谷。上主按呢宣告。</verse>
				<verse number="7">我欲佇遮互 猶大 及 耶路撒冷 人民的計謀落空，嘛欲互𪜶的對敵刣贏，互𪜶死佇數想𪜶性命的人的手；𪜶的屍體會成做空中的飛鳥及地上的野獸的食物。</verse>
				<verse number="8">我欲互此個城成做通驚惶，互人恥笑的對象；對遮經過的人會因為𪜶所抵著的災禍著驚，給𪜶恥笑。</verse>
				<verse number="9">對敵，就是數想𪜶性命的人，會來包圍此個城，給𪜶迫甲𪜶著食家己的子、查某子，以及𪜶的朋友的肉。』</verse>
				<verse number="10">「你講煞，著給彼個瓷瓶摔破，互及你做夥去的人親目看著，</verse>
				<verse number="11">閣給𪜶講：『上主 — 萬軍的統帥按呢講：我欲拍此個城及諸個人民，親像給燒瓷人的瓷器摔破，破甲𣍐補得。人欲佇 陀斐特 埋葬死人，埋甲無所在通埋。</verse>
				<verse number="12">上主講：我欲按呢對待此個所在及遮的住民，互此個城及 陀斐特 仝款。</verse>
				<verse number="13">耶路撒冷 的厝以及 猶大 君王的宮殿嘛會及 陀斐特 仝款受拍垃墋，因為𪜶佇厝頂給天頂的萬象燒香，向別個神明獻奠酒祭。』」</verse>
				<verse number="14">耶利米 對上主差伊去傳達命令的 陀斐特 倒來，徛佇上主聖殿的埕，對人民講：</verse>
				<verse number="15">「上主 — 萬軍的統帥、 以色列 的上帝按呢講：看咧，我欲降災禍互此個城及伊周圍的城鎮，因為許個住民硬心固執，毋肯聽我的話。」</verse>
			</chapter>
			<chapter number="20">
				<verse number="1">上主聖殿的總管， 音麥 的子祭司 巴施戶珥 聽著先知 耶利米 講的話，</verse>
				<verse number="2">就拍伊，閣用柴楗給伊銬佇聖殿北旁的 便雅憫門 。</verse>
				<verse number="3">第二日， 巴施戶珥 才將先知 耶利米 放開。 耶利米 對伊講：「上主無欲閣叫你做 巴施戶珥 ，欲給你叫做 瑪歌珥‧米撒畢 。</verse>
				<verse number="4">上主講：『我欲互你及你的朋友攏著驚；你欲親目看著𪜶互對敵刣死。我欲將 猶大 人交佇 巴比倫 王的手；伊欲給𪜶掠去 巴比倫 ，抑是用刀給𪜶刣死。</verse>
				<verse number="5">我嘛欲將此個城所有的財物，就是恁勞苦得著的及寶貴的物件，以及 猶大 列王的寶貝，攏交互對敵；𪜶欲將所有的一切攏搶去，帶去 巴比倫 。</verse>
				<verse number="6">巴施戶珥 ，你及你家內所有的人攏會受掠去 巴比倫 ；你及所有聽你講假預言的朋友，攏會死佇遐，埋佇遐。』」</verse>
				<verse number="7">上主啊，你騙我，我互你諞去。 你比我較強，贏過我。 我逐日成做人恥笑的對象； 𪜶攏戲弄我。</verse>
				<verse number="8">我逐遍講話攏真大聲； 我喝講：「有強暴及毀滅！」 上主的話害我逐日互人詈罵，恥笑。</verse>
				<verse number="9">我若講「我無欲閣提起上主， 無欲閣奉伊的名講話」， 我的內面就親像有火啲𤏸，鑽入我的骨頭； 我擋𣍐牢，無法度無講。</verse>
				<verse number="10">我閣聽見真多人細聲講： 「彼個講『逐所在會有驚惶』的人來啦， 咱來告伊，來給伊控告。」 我的朋友等欲看我犯錯， 𪜶講：等伊互人諞去，咱就會當掠著機會給伊報復。</verse>
				<verse number="11">總是，上主及我同在； 伊親像強猛可怕的勇士。 許個壓迫我的人攏會跋倒失敗， 會見笑漏氣； 人永遠𣍐𣍐記得𪜶的見笑。</verse>
				<verse number="12">上主 — 萬軍的統帥啊， 你監察人的心思念頭， 照公義審判。 我將我的案件交互你， 求你互我看著你主持公道。</verse>
				<verse number="13">著向上主唱歌！ 著稱讚上主！ 因為伊解救受壓迫的人 脫離邪惡的人的手。</verse>
				<verse number="14">願我出世彼日受咒詛； 願我的老母生我彼日無受祝福。</verse>
				<verse number="15">願彼個給我的老父報消息的人受咒詛！ 伊講「你得著一個查甫嬰」，互我的老父聽了真歡喜。</verse>
				<verse number="16">願彼個人親像互上主毀滅，無得著憐憫的城。 願伊早起時聽著哀哭的聲， 中晝時聽著戰爭警報的聲。</verse>
				<verse number="17">因為伊無佇我出世以前給我刣死， 無互我的老母的腹肚成做我的墳墓。</verse>
				<verse number="18">我是按怎著出世？ 我的經歷攏是勞苦及憂傷。 我著佇受侮辱的中間結束我的人生是無？</verse>
			</chapter>
			<chapter number="21">
				<verse number="1">上主的話臨到 耶利米 。彼時， 猶大 王 西底家 差派 瑪基雅 的子 巴施戶珥 ，及 瑪西雅 的子祭司 西番雅 去 耶利米 遐。𪜶要求，講：</verse>
				<verse number="2">「 巴比倫 王 尼布甲尼撒 派軍隊來攻打此個城，請替阮懇求上主，無定著上主會用奇妙的方法互 尼布甲尼撒 撤退。」</verse>
				<verse number="3">耶利米 就對𪜶講：「恁去給 西底家 講：</verse>
				<verse number="4">『上主 — 以色列 的上帝按呢講： 西底家 ，你許個出去城外抵抗 巴比倫 王及伊的軍隊的，我欲將𪜶手裡攑的武器攏收倒來囥佇城內。</verse>
				<verse number="5">我欲佇大受氣中用所有的氣力攻擊恁。</verse>
				<verse number="6">我欲攻擊城內所有的人民及動物，𪜶會因為瘟疫死。</verse>
				<verse number="7">你及你的官員，以及經過戰亂、瘟疫、飢荒賰落來的人，我欲將𪜶交互 巴比倫 王 尼布甲尼撒 ，就是欲害恁性命的對敵。 巴比倫 王𣍐憐憫恁，𣍐同情恁，會用刀劍刣死恁，𣍐手下留情。上主按呢宣告。』」</verse>
				<verse number="8">上主閣吩咐 耶利米 對人民講：「上主按呢講：『我給活路及死路排佇恁的面前，恁家己選擇。</verse>
				<verse number="9">留佇城內的人，若毋是互人刣死，就是餓死抑是病死；毋拘恁若出城去給 巴比倫 人投降，就會活。</verse>
				<verse number="10">我已經決定無欲賜福氣，欲降災禍佇此個城。此個城欲交佇 巴比倫 王的手；伊會放火燒此個城。』上主按呢宣告。」</verse>
				<verse number="11">上主吩咐 耶利米 給 大闢 的後代 — 猶大 王室講：「恁著注意聽我上主講的話。恁逐日著秉公行義，對欺壓的人的手解救受壓制的人，才免恁邪惡的行為惹我受氣，親像火啲𤏸無人拍會化。</verse>
				<verse number="12"></verse>
				<verse number="13">耶路撒冷 ，我欲攻擊你；你坐佇高高的山頂，親像大石𫞼佇平原。你誇口無人會當攻擊你，會當攻入你逃閃的所在。</verse>
				<verse number="14">毋拘，我欲因為你的行為給你處罰。我欲放火燒 耶路撒冷 的宮殿；大火會吞滅城四周圍所有的一切。上主按呢宣告。」</verse>
			</chapter>
			<chapter number="22">
				<verse number="1">上主叫我入去 猶大 王宮，給坐 大闢 王位的 猶大 王、官員，以及 耶路撒冷 的人民講：「著注意聽上主的話。</verse>
				<verse number="2"></verse>
				<verse number="3">上主按呢講：『恁著秉公行義，對欺壓的人的手解救受壓制的人；毋通虐待抑是用強暴的手段對待外族人、孤兒、寡婦，嘛毋通佇此塊土地流無辜的人的血。</verse>
				<verse number="4">恁若切實遵守我的命令，坐 大闢 寶座的君王，及許個官員、人民就通坐馬車抑是騎馬，經過城門進入王宮。</verse>
				<verse number="5">毋拘恁若無欲服從我的命令，我指家己立誓，此個宮殿會成做荒埔。我上主按呢宣告。</verse>
				<verse number="6">「『對我上主來看， 猶大 的王宮親像 基列 ，親像 黎巴嫩 的山頂赫呢媠；毋拘我欲互伊變做荒埔，無人徛起。</verse>
				<verse number="7">我會派人給伊毀滅；𪜶會帶斧頭來剉斷許個柏香樹做的柱，給㧒落火。</verse>
				<verse number="8">「『會有真多外族人經過此個城，互相講來講去：上主是按怎按呢對待此個大的城？</verse>
				<verse number="9">有人會講：是因為此個城的人違背上主 — 𪜶的上帝及𪜶立的約，去服事敬拜別個神明。』」</verse>
				<verse number="10">猶大 人，毋免為著已經死去的王哀哭， 毋免為著伊悲傷； 著為伊的子 約哈斯 哀哭， 因為 約哈斯 受掠𣍐閣轉來， 𣍐當閣看著家己的鄉土。</verse>
				<verse number="11">有關繼承伊的老父 約西亞 做 猶大 王的 約哈斯 ，上主按呢講：「伊受掠離開此個所在，永遠𣍐閣轉來。</verse>
				<verse number="12">伊會死佇受掠去的所在，𣍐當閣看著此塊土地。」</verse>
				<verse number="13">此個人有災禍啦！ 伊用無公義的手段起家己的宮殿， 用無公道的方法起樓仔厝； 伊互家己的同胞做白工， 攏無互𪜶工錢。</verse>
				<verse number="14">伊講：「我欲為家己起高樓大厝， 給厝開窗仔， 用柏香柴裝潢， 壁枋漆紅色。」</verse>
				<verse number="15">你用柏香柴造高貴的宮殿， 欲表示你比別人較𠢕作王是無？ 你的老父豈毋是秉公行義， 一世人享受福氣， 事事亨通？</verse>
				<verse number="16">伊為困苦及散赤的人申冤， 彼時伊事事亨通； 這豈毋是因為伊真正識我？ 上主按呢講。</verse>
				<verse number="17">毋拘你的心目干焦看家己的利益， 流無辜的人的血， 欺負壓制人民。</verse>
				<verse number="18">所以，針對 約西亞 的子 猶大 王 約雅敬 ，上主按呢講： 無人會為著伊哀傷，講： 「唉啊，我的兄弟，我的姊妹！」 無人會為著伊哀哭，講： 「唉啊，我的主，我的王！」</verse>
				<verse number="19">伊受埋葬親像人啲埋驢仔， 互人拖走，㧒出去 耶路撒冷 城外。</verse>
				<verse number="20">耶路撒冷 的住民啊， 著𬦰上 黎巴嫩山 大聲喝！ 去 巴珊 大聲哭！ 去 摩押 的山頂大聲喝！ 及你結盟的朋友攏受拍敗啦。</verse>
				<verse number="21">恁早前安定的時，我警告恁， 恁攏毋聽！ 恁對少年就按呢， 毋聽我的話。</verse>
				<verse number="22">恁的首領會互風吹走； 及恁結盟的朋友會受掠。 恁攏會受侮辱， 因為恁的所做攏是歹。</verse>
				<verse number="23">恁住佇 黎巴嫩 ，佇柏香柴起的宮殿， 恁掠做安全； 災難一下到， 恁會親像婦仁人催陣，痛苦哀叫。</verse>
				<verse number="24">上主對 約雅敬 的子 猶大 王 約雅斤 講：「我欲指我永遠的活命立誓，雖然你是我正手的手指印，我嘛欲給你剝落來，</verse>
				<verse number="25">交互許個你所驚，欲刣你的人，就是 巴比倫 王 尼布甲尼撒 及伊的軍隊。</verse>
				<verse number="26">我欲將你及你的老母趕去外國，去毋是恁出世的所在；恁會死佇遐。</verse>
				<verse number="27">恁真愛倒來，毋拘永遠𣍐當倒來。」</verse>
				<verse number="28">上主閣講：「 約雅斤 豈毋是親像一塊破碎、無人欲揲的盤仔？是按怎伊及伊的子兒、查某子攏受㧒确，流亡佇外地？</verse>
				<verse number="29">大地啊，大地！著注意聽上主的話。</verse>
				<verse number="30">著記一筆：此個人無後嗣， 是一生攏無成就的人； 伊無後代繼承 大闢 的王位， 通繼續統治 猶大 。」 上主按呢宣告。</verse>
			</chapter>
			<chapter number="23">
				<verse number="1">上主講：「許個殺害閣趕散我草場的羊的牧者有災禍啦！</verse>
				<verse number="2">關係諸個著牧養上主子民的牧者，上主 — 以色列 的上帝按呢講：『恁無照顧我的羊，閣給𪜶趕散，恁著知，我欲因為恁的歹行為給恁處罰。</verse>
				<verse number="3">我欲聚集許個賰落來的羊，對我趕散𪜶去的所在給𪜶導倒來，互𪜶生湠閣加添真多。</verse>
				<verse number="4">我欲派新的牧者牧養𪜶。我的羊群𣍐閣失膽驚惶，連一隻都𣍐失落 。』上主按呢宣布。」</verse>
				<verse number="5">上主講：「時日啲欲到，我欲互 大闢 的世系發一枝公義的枝。伊治國賢明，佇此個土地施行公平及正義。</verse>
				<verse number="6">因為伊的執政， 猶大 欲得著解救， 以色列 人民會當安居樂業。人會給伊叫做『上主是阮的公義』。」</verse>
				<verse number="7">上主講：「時日一下到，人咒誓的時𣍐閣講：『我指彼位導 以色列 人出 埃及 永活的上主咒誓。』</verse>
				<verse number="8">𪜶欲講：『我指彼位導 以色列 人離開北方的地，離開伊給𪜶流放去的逐國彼位永活的上主咒誓。』𪜶會徛起佇家己的鄉土。」</verse>
				<verse number="9">講著許個先知，我的心刺鑿， 我歸身軀的骨頭硞硞趒； 為著上主及伊神聖的話， 我親像酒醉的人， 𣍐當控制家己。</verse>
				<verse number="10">此個地四界攏是對上主不忠的人； 𪜶的所做邪惡，濫用權力。 𪜶受咒詛，地就曠旱， 草場枯焦。</verse>
				<verse number="11">上主講： 先知及祭司攏褻瀆我， 佇我的聖殿做邪惡的事。</verse>
				<verse number="12">𪜶行的路暗閣滑， 互人追趇，佇遐跋倒。 我刑罰𪜶的日到啦； 我欲互災禍臨到𪜶。</verse>
				<verse number="13">我看見 撒馬利亞 的先知做可惡的事： 𪜶奉巴力神明的名講預言， 導我的人民 以色列 行錯誤的路。</verse>
				<verse number="14">我看見 耶路撒冷 的先知做可怕的事： 𪜶犯姦淫，講白賊， 加強歹人的勢力， 所以無人離開邪惡。 對我來看，𪜶攏親像 所多瑪 ， 耶路撒冷 的住民親像 蛾摩拉 。</verse>
				<verse number="15">所以，我上主 — 萬軍的統帥針對 耶路撒冷 的先知講： 我欲互𪜶食苦果，飲毒水， 因為逐所在無敬虔的風氣是𪜶造成的。</verse>
				<verse number="16">上主 — 萬軍的統帥對 耶路撒冷 人民講：「毋通聽諸個先知的話；𪜶傳互恁的是虛假的向望。𪜶講的預言是家己想的，毋是我傳互𪜶的。</verse>
				<verse number="17">𪜶一直對許個毋肯聽我的話的人講：『上主講：平安無事！』閣對許個心硬的人講：『災禍𣍐臨到恁。』</verse>
				<verse number="18">「豈有人參加上主天庭的議會，曾看著抑是聽著伊講話？𪜶豈有認真聽伊講的話？</verse>
				<verse number="19">看咧，上主的大受氣親像捲螺仔風，佇歹人的頭殼頂轉踅。</verse>
				<verse number="20">到上主的計劃完全實現，伊的受氣才會煞；時日一下到，恁才會清楚明白諸個事。</verse>
				<verse number="21">「我無差派諸個先知，毋拘𪜶家己四界走；我無對𪜶講話，毋拘𪜶家己講預言。</verse>
				<verse number="22">𪜶若曾參加我召集的議會，就會對我的人民傳達我的信息，互人民離開罪惡的路，無做邪惡的事。</verse>
				<verse number="23">「我上主問恁：『我豈干焦佇近的所在才是上帝，佇遠遠的所在就毋是上帝？』</verse>
				<verse number="24">我閣問恁：『豈有人會當匿佇隱密的所在互我看𣍐著？我豈毋是充滿佇天地逐角落？』</verse>
				<verse number="25">許個先知用我的名講假的預言，講：『我有夢見！我有夢見！』</verse>
				<verse number="26">𪜶心存詭詐，講白賊話欲到什麼時？</verse>
				<verse number="27">𪜶互相講家己的夢，欲互我的人民𣍐記得我的名，親像𪜶的祖先為著巴力𣍐記得我的名。</verse>
				<verse number="28">據在許個做夢的先知去講𪜶做的夢；互許個聽我信息的先知忠實傳達我的話。麥稿及麥穗欲按怎比？</verse>
				<verse number="29">我的信息豈毋是親像火，豈毋是親像會摃碎石磐的鐵鎚？</verse>
				<verse number="30">「我上主按呢講：『注意！我欲對付許個先知。𪜶互相偷用別人的話當做我的話。』</verse>
				<verse number="31">上主閣講：『注意！我欲對付許個先知。𪜶將家己的話當做我的話。』</verse>
				<verse number="32">我欲對付許個先知，因為𪜶的夢攏是騙人的；𪜶用諸個夢，以及白賊及誇口的話導我的人民行入歪路。我無差派𪜶，嘛無命令𪜶；𪜶對諸個人民攏無利益。上主按呢宣告。」</verse>
				<verse number="33">上主對我講：「我的子民、先知，抑是祭司若問你：『上主有什麼信息？』你著給𪜶講：『恁是上主的重擔 ；伊欲棄拺恁。』</verse>
				<verse number="34">若有先知、祭司，抑是我的子民講『這就是上主的信息』，我欲刑罰伊及伊的全家。</verse>
				<verse number="35">逐個人著問家己的厝邊、朋友：『上主有講什麼？上主有應答什麼？』</verse>
				<verse number="36">𪜶𣍐當閣講『這是上主的信息』。若有人閣講此句話，我就欲將我的信息變做伊的重擔。𪜶濫糝使用永活上帝的話，就是上主 — 萬軍的統帥咱的上帝的話。</verse>
				<verse number="37">你著問許個先知：『上主有講什麼？上主有應答什麼？』</verse>
				<verse number="38">𪜶若閣講『這是上主的信息』，此句話我已經吩咐恁毋通閣講；你著給𪜶講：</verse>
				<verse number="39">『我一定欲將恁放𣍐記得，給恁以及我賜互恁及恁祖先的城對我面前㧒出去。</verse>
				<verse number="40">我欲互恁久長見笑，永遠𣍐𣍐記得此個侮辱。』」</verse>
			</chapter>
			<chapter number="24">
				<verse number="1">巴比倫 王 尼布甲尼撒 對 耶路撒冷 將 約雅敬 的子 猶大 王 約雅斤 ，以及 猶大 國的官員、作工師傅及拍鐵師傅攏掠去 巴比倫 。此個代誌以後，上主互我看見佇上主聖殿頭前有兩籠無花果：</verse>
				<verse number="2">一籠真媠親像初熟的無花果，一籠真僫，僫甲𣍐食得的無花果。</verse>
				<verse number="3">上主問我：「 耶利米 ，你有看見什麼？」 我應講：「我有看見無花果；好的真好，僫的真僫，僫甲𣍐食得」。</verse>
				<verse number="4">上主閣對我講：</verse>
				<verse number="5">「我上主 — 以色列 的上帝欲將許個對此塊土地流放去 巴比倫 的 猶大 人，當做好的無花果好款待𪜶。</verse>
				<verse number="6">我欲看顧𪜶，賜福𪜶，導𪜶轉來此塊土地。我欲給𪜶重建，𣍐給𪜶拆毀；我欲給𪜶栽種，𣍐給𪜶拔出。</verse>
				<verse number="7">我欲賜𪜶一粒認識我的心，承認我是上主。𪜶欲做我的子民，我欲做𪜶的上帝，因為𪜶欲一心一意歸向我。」</verse>
				<verse number="8">上主閣講：「 猶大 王 西底家 及伊的官員、賰落來留佇此塊土地的 耶路撒冷 人民，以及住佇 埃及 的 猶大 人，我欲給𪜶當做僫甲𣍐食得的無花果。</verse>
				<verse number="9">我欲互𪜶抵著大災難，互天下萬國的人看了攏驚惶討厭𪜶；我欲互𪜶佇流放去的逐所在，互人侮辱、恥笑、戲弄，閣受咒詛。</verse>
				<verse number="10">我欲用戰亂、飢荒，及瘟疫除滅𪜶，互𪜶對我賞賜𪜶及𪜶列祖的此塊土地消失。」</verse>
			</chapter>
			<chapter number="25">
				<verse number="1">約西亞 的子 約雅敬 作 猶大 王第四年，就是 尼布甲尼撒 作 巴比倫 王的第一年，上主將有關 猶大 人民的話傳互 耶利米 。</verse>
				<verse number="2">先知 耶利米 就將諸個話給所有的 猶大 人民及 耶路撒冷 的住民講：</verse>
				<verse number="3">「對 亞們 王的子 約西亞 作王第十三年到今仔日，此二十三年來，上主不時對我講話，我嘛繼續將伊的話傳互恁，毋拘恁攏無欲聽趁。</verse>
				<verse number="4">上主雖然一遍閣一遍派伊的僕人眾先知來恁遮，毋拘恁完全毋聽趁。</verse>
				<verse number="5">𪜶給恁講：『恁逐個人著悔改，離開邪惡的道路，放拺罪惡的行為；按呢，恁才會當永永遠遠住佇上主賜互恁及恁的祖先的土地。</verse>
				<verse number="6">所以上主講：恁毋通去隨別個神明，服事敬拜𪜶；毋通拜恁的手造的物，惹我受氣；按呢我就𣍐降災禍互恁。毋拘，恁攏毋聽趁，顛倒去拜家己的手造的偶像，惹我受氣，家己惹禍端。』」</verse>
				<verse number="7"></verse>
				<verse number="8">上主 — 萬軍的統帥講：「因為恁毋聽趁我的話，</verse>
				<verse number="9">我欲召北方的民族及我的僕人 巴比倫 王 尼布甲尼撒 ，來攻擊此個土地及許個住民，以及周圍的民族。我欲給𪜶徹底消滅，互此個地永遠拋荒，互人著驚恥笑。上主按呢宣告。</verse>
				<verse number="10">我嘛欲互𪜶無閣有歡喜快樂的聲，無閣有婚宴喜慶的聲，無人挨磨，無人點燈。</verse>
				<verse number="11">全國攏會拋荒，互人著驚。諸個國家會服事 巴比倫 王七十年。</verse>
				<verse number="12">七十年滿了後，我欲因為 巴比倫 王及此個民族所犯的罪給𪜶刑罰，消滅此個國家，互彼個地永遠荒廢。上主按呢宣布。</verse>
				<verse number="13">我欲互我針對此個國家所講的話實現，嘛欲互記載佇此本冊關係 耶利米 對列國的預言攏實現。</verse>
				<verse number="14">我欲照 巴比倫 人的行為及𪜶的手所做的報應𪜶；會有真多國及大君王掠𪜶去做奴隸。」</verse>
				<verse number="15">上主 — 以色列 的上帝按呢給我講：「你著對我的手給此杯受氣的酒接去，提去互我派你去的逐國飲。</verse>
				<verse number="16">𪜶飲了會東倒西歪，起𤞚，因為我欲互𪜶抵著戰亂。」</verse>
				<verse number="17">我就對上主的手給此杯酒接過來，提去互上主派我去的逐國飲；</verse>
				<verse number="18">包括 耶路撒冷 及 猶大 的城鎮， 猶大 的君王及領袖，互諸個城鎮拋荒受棄拺；互人恥笑、咒詛，親像今仔日按呢；</verse>
				<verse number="19">嘛包括 埃及 王法老、伊的人臣、領袖及所有的人民，</verse>
				<verse number="20">以及外族人、 烏斯 地區的君王、 非利士 的諸王： 亞實基倫 、 迦薩 、 以革倫 ，以及 亞實突 賰落來的人；</verse>
				<verse number="21">以東 人、 摩押 人、 亞捫 人；</verse>
				<verse number="22">泰爾 及 西頓 的君王、 地中海 沿海地區的君王；</verse>
				<verse number="23">底但 、 提瑪 、 布斯 ，及剃鬢邊的民族，</verse>
				<verse number="24">阿拉伯 的君王，沙漠地區逐族的王；</verse>
				<verse number="25">心利 、 以攔 、 米底亞 所有的君王；</verse>
				<verse number="26">北方無論遠抑是近的君王。全世界的逐國攏欲飲此杯酒；最後 巴比倫 王嘛著飲。</verse>
				<verse number="27">上主對我講：「你著給𪜶講：『上主 — 萬軍的統帥、 以色列 的上帝按呢講：恁著飲此杯酒飲甲醉，飲甲吐，飲甲跋倒，飲甲𬦰𣍐起來，因為我欲互恁抵著戰亂。</verse>
				<verse number="28">𪜶若毋肯接你此杯酒去飲，你著給𪜶講：上主 — 萬軍的統帥按呢講：恁一定著飲！</verse>
				<verse number="29">我既然對此座奉我的名起的城開始降災禍，恁豈會當免受刑罰？恁一定𣍐！因為我已經命令刀劍來攻擊全地的住民。上主 — 萬軍的統帥按呢宣告。』</verse>
				<verse number="30">「所以你著將我交代的話對𪜶宣講，責備𪜶： 上主對天頂大聲喝， 對伊住聖的所在喝聲， 伊對牧場的羊群大聲喝； 對地上所有的住民喝聲， 親像踏葡萄的人啲喝。</verse>
				<verse number="31">上主喝的聲會傳到天邊海角， 因為伊欲控告萬族， 欲審判所有的人。 邪惡的人，伊欲互𪜶死佇刀下。 上主按呢宣告。」</verse>
				<verse number="32">上主 — 萬軍的統帥閣講：「著注意，會有災難對此國湠到彼國，會有大暴風對世界的盡頭絞起來。</verse>
				<verse number="33">到彼日，對地的此旁頭到彼旁頭，一四界攏是上主刣死的人。無人為著𪜶啼哭，無人給𪜶收身屍，無人給𪜶埋；許個屍體攏欲變做地面的糞。</verse>
				<verse number="34">「人民的牧者啊，恁著哀哭喉叫！羊群的領袖啊，恁著哀傷，佇土沙粉翱來翱去！恁欲互人剿滅的日子到啦。恁會摔倒，親像貴重的瓷器摔甲碎碎。</verse>
				<verse number="35">牧者無路通逃走；羊群的領袖嘛無法度逃脫。</verse>
				<verse number="36">著注意聽，牧者啲喉叫，羊群的領袖啲哀哭，因為上主啲毀壞𪜶的牧場。</verse>
				<verse number="37">上主發出猛烈的受氣；平安青翠的牧場變做荒埔。</verse>
				<verse number="38">上主親像少壯的獅離開穴；𪜶的土地，因為欺壓者的受氣，閣因為上主猛烈的受氣，變做拋荒的所在。」</verse>
			</chapter>
			<chapter number="26">
				<verse number="1">約西亞 的子 約雅敬 開始作 猶大 王的時，上主對 耶利米 講：</verse>
				<verse number="2">「上主按呢講：你著去徛佇上主聖殿的埕，將我命令你著講的話給許個對 猶大 逐個城鎮來敬拜上主的人講；連一句都毋通無講。</verse>
				<verse number="3">可能𪜶會聽，逐個人會離開𪜶邪惡的道路，按呢我就欲改變心意，無欲因為𪜶邪惡的行為降災禍互𪜶。</verse>
				<verse number="4">「你著給𪜶講：『上主按呢講：恁若無欲聽趁我的話，無欲遵行我頒布互恁的律法，</verse>
				<verse number="5">無欲聽趁我派我的僕人眾先知來恁遮所講的話，我一遍閣一遍派𪜶來，恁猶原毋聽，</verse>
				<verse number="6">所以我欲互此間聖殿及 示羅 仝款，互此個城成做地上萬族咒詛的對象。』」</verse>
				<verse number="7">耶利米 佇上主的聖殿講諸個話，祭司、先知，及所有的人民攏有聽著。</verse>
				<verse number="8">耶利米 將上主命令伊著對所有的人民講的話講煞，祭司、先知，及人民給伊掠起來，講：「你該死！</verse>
				<verse number="9">你是按怎利用上主的名講預言，講此間聖殿會親像 示羅 ，此個城一定會拋荒，無人住？」所有的人民就攏集倚來上主的聖殿，給 耶利米 圍啲。</verse>
				<verse number="10">猶大 的官員聽著諸個代誌，就對王宮上來上主的聖殿，坐𫢶上主聖殿的 新門 門口。</verse>
				<verse number="11">祭司、先知對官員及人民講：「此個人著給處死刑。伊講預言攻擊此個城；恁嘛有聽著伊按呢講。」</verse>
				<verse number="12">耶利米 就對許個官員及人民講：「上主派我傳達伊的話，攻擊此間聖殿及此座城；就是傳講恁抵即聽著許個話。</verse>
				<verse number="13">今恁著改變恁的所行所做，聽趁上主 — 恁的上帝的話，伊就會改變心意，將伊所宣布欲降互恁的災禍取消。</verse>
				<verse number="14">我咧，我已經佇恁的手頭，恁看欲按怎給我處理，就照恁看做著的、好的給我處理。</verse>
				<verse number="15">毋拘恁著確實知，恁若給我處死，恁此個城以及諸個住民著擔害死無辜的人的性命的責任，因為上主真正有派我來恁遮，將諸個話攏講互恁知。」</verse>
				<verse number="16">官員及全體民眾就對祭司及先知講：「此個人無應該給伊處死，因為伊奉上主 — 咱的上帝的名對咱講話。」</verse>
				<verse number="17">有一寡國內的長老徛起來，對聚集的民眾講：</verse>
				<verse number="18">「 希西家 王統治 猶大 的時， 摩利設 人 彌迦 對 猶大 人民講預言，講：『上主 — 萬軍的統帥按呢講： 錫安 會親像田園互人犁， 耶路撒冷 會變做土堆， 此個殿的山會變做樹林的山崙仔。』</verse>
				<verse number="19">猶大 王 希西家 及 猶大 人民豈有給 彌迦 處死？ 希西家 豈毋是敬畏上主，有求上主憐憫，上主就改變心意，無將伊原來所講的災禍降落？咱現在煞欲家己惹災禍。」</verse>
				<verse number="20">另外有一個 基列‧耶琳 人，叫做 烏利亞 ，是 示瑪雅 的子；伊奉上主的名講預言，及 耶利米 仝款講預言攻擊此座城及此個國家。</verse>
				<verse number="21">約雅敬 王及伊的軍官、官員聽著 烏利亞 的話了後，王想欲給伊處死。 烏利亞 一下聽見此個消息就驚，逃走去 埃及 。</verse>
				<verse number="22">約雅敬 王派 亞革波 的子 以利拿單 導幾若個人去 埃及 ，</verse>
				<verse number="23">給 烏利亞 對 埃及 掠轉來交互 約雅敬 王；王就給伊處死，將伊的身屍㧒佇平民的墓地。</verse>
				<verse number="24">毋拘， 沙番 的子 亞希甘 保護 耶利米 ，無將 耶利米 交互人民處死。</verse>
			</chapter>
			<chapter number="27">
				<verse number="1">約西亞 的子 西底家 開始作王統治 猶大 國的時，上主的話臨到 耶利米 。</verse>
				<verse number="2">上主對我講：「你著用索及柴楗做軛，下佇你的頷頸，</verse>
				<verse number="3">然後將下面的信息委託來 耶路撒冷 見 猶大 王 西底家 許個外國使者，傳達互 以東 王、 摩押 王、 亞捫 王、 泰爾 王、 西頓 王；</verse>
				<verse number="4">請𪜶給𪜶的王講：『上主 — 萬軍的統帥、 以色列 的上帝按呢講：恁著對恁的主人講：</verse>
				<verse number="5">我用大權能，用大氣力創造大地以及地上的人及動物；我看什麼人較適合就將大地交互伊。</verse>
				<verse number="6">現在我將諸個國交互我的僕人 巴比倫 王 尼布甲尼撒 ，嘛將野外的動物交互伊管理。</verse>
				<verse number="7">列國攏欲服事伊、伊的子，及伊的孫，直到伊的國家衰敗；彼時，換伊著服事諸個國及君王。</verse>
				<verse number="8">「『若有叨一族、叨一國毋肯服事 巴比倫 王 尼布甲尼撒 ，頷頸毋肯擔伊的軛，我一定欲用戰亂、飢荒、瘟疫刑罰許個國家，直到我通過 巴比倫 王的手給𪜶消滅。上主按呢宣告。』</verse>
				<verse number="9">毋拘恁 猶大 人民毋通聽恁的先知、卜卦的、解夢的、看天象的、行邪術的的話；𪜶給恁講：『恁一定𣍐服事 巴比倫 王。』</verse>
				<verse number="10">其實𪜶講的預言是假的，顛倒會互恁流亡去真遠的所在；我欲給恁趕出去，互恁滅亡。</verse>
				<verse number="11">若有叨一國肯擔 巴比倫 王的軛，服事伊，我一定欲互彼個族留佇伊本國種作，徛起。上主按呢宣告。」</verse>
				<verse number="12">我嘛將諸個話攏對 猶大 王 西底家 講：「恁的頷頸著擔 巴比倫 王互恁的軛，服事伊及伊的人民，才會當生存。</verse>
				<verse number="13">你及你的人民哪著因為戰亂、飢荒、瘟疫滅亡，親像上主對許個毋肯服事 巴比倫 王的國家所講的按呢。</verse>
				<verse number="14">毋通聽許個先知對恁講的話，𪜶講『恁𣍐服事 巴比倫 王』，其實𪜶的預言攏是白賊。</verse>
				<verse number="15">上主講：『我無差派𪜶，𪜶竟然利用我的名講假預言。恁若聽𪜶的話，我就欲將恁及許個給恁講假預言的先知趕出去，互恁做夥滅亡。』」</verse>
				<verse number="16">我閣對祭司及諸個人民講：「上主按呢講：『恁毋通聽許個先知給恁講的話，𪜶講：看咧，上主聖殿的器具無偌久攏會對 巴比倫 搬倒來。其實𪜶講的是白賊話。</verse>
				<verse number="17">毋通信𪜶的話。著服事 巴比倫 王，按呢才會當生存。哪著互此個城變做荒埔？</verse>
				<verse number="18">𪜶若是真的先知，真正有上主的話傳互𪜶，𪜶應該著祈求上主 — 萬軍的統帥，互聖殿、 猶大 王宮，及 耶路撒冷 內面賰落來的器具，𣍐互人搶去 巴比倫 。』」</verse>
				<verse number="19">上主 — 萬軍的統帥講著關係銅柱、銅海、盆座，以及猶留佇此個城的器具；</verse>
				<verse number="20">就是 巴比倫 王 尼布甲尼撒 掠 約雅敬 的子 猶大 王 約雅斤 ，以及 猶大 及 耶路撒冷 的官員的時，無搬去 巴比倫 的器具；</verse>
				<verse number="21">關係聖殿及 猶大 王宮內面，以及 耶路撒冷 賰落來的器具，上主 — 萬軍的統帥、 以色列 的上帝按呢講：</verse>
				<verse number="22">「諸個器具一定會互人搬去 巴比倫 ，囥佇遐，直到我閣再眷顧𪜶彼日。我上主按呢宣布。到彼時，我一定會將諸個器具帶轉來此塊土地。」</verse>
			</chapter>
			<chapter number="28">
				<verse number="1">西底家 王統治 猶大 第四年五月， 基遍 人 押朔 的子先知 哈拿尼雅 佇上主的聖殿，佇祭司及民眾的面前給我講：</verse>
				<verse number="2">「上主 — 萬軍的統帥、 以色列 的上帝按呢講：『我已經摃斷 巴比倫 王互恁的軛。</verse>
				<verse number="3">兩年內，我欲將 巴比倫 王 尼布甲尼撒 對此塊土地搶去 巴比倫 的上主聖殿所有的器具，攏搬轉來此個所在；</verse>
				<verse number="4">閣欲給 約雅敬 的子 猶大 王 約雅斤 及受掠去 巴比倫 所有的 猶大 人攏導倒來，因為我欲摃斷 巴比倫 王的軛。』上主按呢宣布。」</verse>
				<verse number="5">先知 耶利米 就佇許個徛佇上主殿內的祭司及民眾的面前，給先知 哈拿尼雅 講：</verse>
				<verse number="6">「阿們！願上主會按呢做。願上主實現你講的預言，將上主聖殿的器具及所有受掠去的人，攏對 巴比倫 帶倒來此個所在。</verse>
				<verse number="7">今，你著注意聽我欲對你及民眾講的話。</verse>
				<verse number="8">對古早以來，你我以前的先知攏曾對真多地區及強大的國家預言會發生戰爭、災禍、瘟疫。</verse>
				<verse number="9">許個預言平安的先知著愛到𪜶的話實現的時，人才會承認𪜶真正是上主差派來的先知。」</verse>
				<verse number="10">哈拿尼雅 就將 耶利米 頷頸的軛提起來，給伊摃斷。</verse>
				<verse number="11">伊閣對所有的民眾講：「上主按呢講：『兩年內，上主欲親像按呢，給 巴比倫 王 尼布甲尼撒 下佇列國頷頸的軛摃斷。』」 耶利米 就離開遐。</verse>
				<verse number="12">先知 哈拿尼雅 給先知 耶利米 頷頸頂面的軛摃斷了後，上主的話臨到 耶利米 ，講：</verse>
				<verse number="13">「你著去給 哈拿尼雅 講：『上主 按呢講：你摃斷柴做的軛，毋拘上主會做鐵的軛來代替。</verse>
				<verse number="14">因為上主 — 萬軍的統帥、 以色列 的上帝按呢講：我欲將鐵的軛下佇列國的頷頸，互𪜶服事 巴比倫 王 尼布甲尼撒 ；𪜶一定著服事伊，因為連野外的動物我都交互伊管理。』」</verse>
				<verse number="15">先知 耶利米 閣給先知 哈拿尼雅 講：「 哈拿尼雅 ，著注意聽！上主無差派你，你竟然互諸個人民相信你的白賊話。</verse>
				<verse number="16">所以，上主按呢講：『我欲互你離開世間；今年你一定會死，因為你煽動人背叛上主。』」</verse>
				<verse number="17">彼年七月， 哈拿尼雅 就死。</verse>
			</chapter>
			<chapter number="29">
				<verse number="1">先知 耶利米 對 耶路撒冷 寫批互 尼布甲尼撒 對 耶路撒冷 掠去 巴比倫 猶活啲的長老、祭司、先知，以及所有的人民。</verse>
				<verse number="2">此張批是佇 約雅斤 王、太后及朝廷的人臣、 猶大 及 耶路撒冷 的領袖、作工師傅及拍鐵師傅，互人對 耶路撒冷 掠去以後寫的。</verse>
				<verse number="3">此張批是託 沙番 的子 以利亞薩 ，及 希勒家 的子 基瑪利雅 帶去 巴比倫 ；𪜶兩個人有受 猶大 王 西底家 派去見 巴比倫 王 尼布甲尼撒 。批按呢寫：</verse>
				<verse number="4">上主 — 萬軍的統帥、 以色列 的上帝給所有對 耶路撒冷 受掠去 巴比倫 的人按呢講：</verse>
				<verse number="5">「恁著佇 巴比倫 起厝住，種作，食出產的物，</verse>
				<verse number="6">娶某生子，互恁的後生查某子結婚，養育子女。恁著佇遐生湠，毋通互恁的人口減少。</verse>
				<verse number="7">恁著為給恁流放去的城鎮求平安，向上主祈禱，因為許個城鎮平安繁榮，恁才會平安繁榮。」</verse>
				<verse number="8">上主 — 萬軍的統帥、 以色列 的上帝閣給恁講：「毋通互恁中間的先知及卜卦的騙去，嘛毋通信𪜶做的夢。</verse>
				<verse number="9">因為我無差派諸個人，毋拘𪜶利用我的名講假的預言。」上主按呢宣告。</verse>
				<verse number="10">上主閣講：「我為 巴比倫 所定七十年的期限一下滿，我會眷顧恁，實現我對恁講過欲賜福的應允，導恁轉來此塊土地。</verse>
				<verse number="11">上主按呢講：我確實知，我為著恁定的計劃是欲互恁平安繁榮，毋是欲互恁受災禍，通互恁有光明的將來。</verse>
				<verse number="12">恁求叫我，向我祈禱，我會注意聽。</verse>
				<verse number="13">恁若尋求我，恁會尋著；恁若全心尋求我，</verse>
				<verse number="14">我一定會互恁尋著。上主按呢講。我嘛欲給恁諸個受掠的人導倒來；將恁對我給恁流放去的逐國逐所在召集，導轉來恁受掠離開的鄉土。」上主按呢宣布。</verse>
				<verse number="15">恁講：「上主有佇 巴比倫 給阮興起先知。」</verse>
				<verse number="16">今，針對坐 大闢 寶座的王，及住佇此個城無及恁做夥受流放的同胞，</verse>
				<verse number="17">上主 — 萬軍的統帥按呢講：「著注意聽！我欲互𪜶受戰亂、飢荒、瘟疫的災難，互𪜶變做爛甲𣍐食得的無花果。</verse>
				<verse number="18">我欲用戰亂、飢荒、瘟疫追趇𪜶，互𪜶流放去佇天下萬族；𪜶無論互我趕去叨位，遐的人攏會給𪜶咒詛，恥笑，侮辱，閣對𪜶的遭遇感覺著驚。</verse>
				<verse number="19">上主講，這是因為𪜶無聽趁我的話。我一遍閣一遍差派我的僕人眾先知去給𪜶講話，𪜶攏毋聽。</verse>
				<verse number="20">所以，恁諸個互我對 耶路撒冷 流放去 巴比倫 的人，著注意聽我上主的話。」</verse>
				<verse number="21">關係 哥賴雅 的子 亞哈 ，及 瑪西雅 的子 西底家 ，上主 — 萬軍的統帥、 以色列 的上帝按呢講：「𪜶利用我的名對恁講假的預言，我欲將𪜶交互 巴比倫 王 尼布甲尼撒 ；伊會佇恁的面前給𪜶處死。</verse>
				<verse number="22">恁所有互人掠去 巴比倫 的 猶大 人欲給人咒詛的時，會用此兩個人的名給人講：『願上主互你親像 巴比倫 王用火燒死的 西底家 及 亞哈 。』</verse>
				<verse number="23">因為𪜶佇 以色列 人的中間做見笑事，及厝邊的某行姦淫，閣利用我的名講我無命令𪜶講的白賊話。我知影諸個代誌，嘛親身作證。」上主按呢宣告。</verse>
				<verse number="24">關係 尼希蘭 人 示瑪雅 ，</verse>
				<verse number="25">上主 — 萬軍的統帥、 以色列 的上帝按呢講：「你有用你家己的名寫批互 耶路撒冷 所有的人民、 瑪西雅 的子祭司 西番雅 ，及所有的祭司，講：</verse>
				<verse number="26">『上主已經設立你 西番雅 做祭司，取代 耶何耶大 做上主聖殿的監督，會當給所有家己封做先知的𤞚人銬柴枷鐵箍。</verse>
				<verse number="27">現在， 亞拿突 人 耶利米 自稱是先知，你是按怎無給伊指責？</verse>
				<verse number="28">伊有寫批來 巴比倫 ，給阮講，阮流放的時間會拖真久，所以著佇遮起厝住，種作，食出產的物。』」</verse>
				<verse number="29">祭司 西番雅 將此張批讀互先知 耶利米 聽。</verse>
				<verse number="30">彼時，上主對 耶利米 講：</verse>
				<verse number="31">「你著寫批互所有流放佇 巴比倫 的同胞： 「關係 尼希蘭 人 示瑪雅 ，上主講：『我無差派 示瑪雅 ，毋拘伊竟然對恁講預言，互恁相信伊的白賊話，</verse>
				<verse number="32">所以我上主按呢講：我欲刑罰 尼希蘭 人 示瑪雅 及伊的後代。伊的後代一定無一個會當住佇諸個人民中間，嘛𣍐當活啲享受我欲賜互我的子民的福氣，因為伊煽動人背叛上主。』上主按呢宣告。」</verse>
			</chapter>
			<chapter number="30">
				<verse number="1">上主 — 以色列 的上帝對 耶利米 按呢講：「所有我對你講的話，你攏著寫佇冊卷。</verse>
				<verse number="2"></verse>
				<verse number="3">上主講：時日啲欲到，我欲互我受掠的子民 以色列 及 猶大 倒轉來。我欲互𪜶倒來我賞賜𪜶祖先的土地，𪜶就得著此塊土地做產業。上主按呢宣布。」</verse>
				<verse number="4">以下是上主針對 以色列 及 猶大 講的話。</verse>
				<verse number="5">上主按呢講： 恁 有聽著恐怖的喝聲； 只有驚惶，無平安。</verse>
				<verse number="6">恁家己去問看覓，調查看覓， 查甫人豈會生子？ 是按怎我看著逐個查甫人雙手撐腰， 親像啲欲生產的查某人， 面攏青筍筍？</verse>
				<verse number="7">慘啊！彼日是恐怖的日子， 前到今毋曾有的日子， 是我的子民 抵著災難的日子， 毋拘𪜶會得著解救，脫離災難。</verse>
				<verse number="8">上主 — 萬軍的統帥按呢宣布：「到彼日，我欲摃斷我子民頷頸的軛，擦斷縛𪜶的索；𪜶𣍐閣做外族人的奴隸。</verse>
				<verse number="9">𪜶欲侍奉上主 — 𪜶的上帝，嘛欲服事我為著𪜶興起作王的 大闢 的子孫。</verse>
				<verse number="10">我的僕人 雅各 ，毋免驚！ 以色列 ，毋免失志！ 我欲對真遠的所在解救你， 對你受掠的地解救你的後代； 雅各 的後代會倒來家己的鄉土安居樂業， 無人會閣互𪜶驚惶。 上主按呢宣布。</verse>
				<verse number="11">我及你同在，欲解救你， 嘛欲完全毀滅我趕你去許個國家。 我𣍐給你完全消滅， 毋拘𣍐當無刑罰你； 我欲照公義管教你。」 上主按呢宣布。</verse>
				<verse number="12">上主對 錫安 的人民講： 你受的傷𣍐醫得， 你的孔嘴真傷重。</verse>
				<verse number="13">你受傷害，無人替你辯護； 嘛無藥通給你醫治。</verse>
				<verse number="14">你的愛人攏𣍐記得你， 𣍐閣來追求你。 因為你的罪真重，罪惡真多， 我打擊你親像對敵啲拍你， 殘忍刑罰你。</verse>
				<verse number="15">你是按怎因為你受的傷害喝咻， 講，你的痛苦𣍐醫得？ 因為你的罪真重，罪惡真多， 我才按呢對待你。</verse>
				<verse number="16">今，所有吞滅你的，欲受吞滅， 你的對敵一個一個攏欲受掠； 掠你的，欲互人掠去， 搶你的，欲成做獵物。</verse>
				<verse number="17">雖然人攏講， 錫安 是受放拺的， 無人欲插伊； 毋拘，我欲醫治你的傷， 互你的孔嘴生肉過皮。 上主按呢宣布。</verse>
				<verse number="18">上主按呢講： 看咧，我欲互 雅各 的子孫倒轉來， 欲憐憫𪜶受毀壞的家園； 城會佇原來的土堆頂面重建， 宮殿閣起佇原來的所在。</verse>
				<verse number="19">許個住民欲發出感謝歡喜的聲； 我欲互𪜶的人口加添，𣍐減少， 互𪜶有尊榮，𣍐閣受看輕。</verse>
				<verse number="20">𪜶的子孫欲親像早前赫呢強盛； 𪜶的國家會受我看顧得著堅立； 所有壓迫𪜶的，我欲給𪜶刑罰。</verse>
				<verse number="21">治理𪜶的是𪜶家己的人， 𪜶的統治者是𪜶的同胞。 我欲互伊親近我， 伊嘛會來親近我； 若毋是按呢，啥人敢來到我面前？ 上主按呢宣布。</verse>
				<verse number="22">恁欲做我的子民， 我欲做恁的上帝。</verse>
				<verse number="23">看咧，上主的受氣親像暴風發出，是毀滅的捲螺仔風，欲搧歹人的頭殼。</verse>
				<verse number="24">上主的受氣𣍐消，直到伊的計劃完成；佇將來的日子，恁就會明白。</verse>
			</chapter>
			<chapter number="31">
				<verse number="1">「到彼時，我欲做 以色列 逐宗族的上帝，𪜶欲做我的子民。」上主按呢宣布。</verse>
				<verse number="2">上主按呢講：「脫離刀劍賰落來的子民，佇曠野得著恩惠； 以色列 尋著安歇的所在。</verse>
				<verse number="3">上主對古早就對𪜶 表明：『我用不變的疼疼你，我欲永遠用慈愛對待你。』</verse>
				<verse number="4">所疼的 以色列 啊，我欲給你重建，你就通閣提玲瓏鼓出去及歡喜快樂的人做夥跳舞。</verse>
				<verse number="5">你會閣佇 撒馬利亞 的山頂栽種葡萄；栽種的人會當享受果子。</verse>
				<verse number="6">到有一日，守望的人一定會佇 以法蓮 的山頂喝講：『起來，咱來去 錫安 朝見上主 — 咱的上帝！』」</verse>
				<verse number="7">上主閣講： 「著為 雅各 歡喜唱歌， 為上偉大的國家歡呼。 著傳報，著稱讚，講： 『上主已經解救伊的子民， 解救 以色列 賰落來的人。』</verse>
				<verse number="8">看咧，我欲對北方導𪜶倒來， 對天邊海角將𪜶召集倚來； 失明的、腳跛的、懷孕的、啲欲生產的 攏歸大陣同齊倒來。</verse>
				<verse number="9">𪜶沿路哭倒來； 我欲安慰𪜶 引導𪜶， 導𪜶順溪水邊行， 行平坦的路𣍐跋倒； 我是 以色列 的父， 以法蓮 是我的大子。</verse>
				<verse number="10">「列國啊，著聽上主的話， 著佇真遠的海島宣揚，講： 『趕散 以色列 彼位欲召集伊， 欲看顧伊親像牧者顧守羊群。』</verse>
				<verse number="11">我上主已經救贖 雅各 ， 解救伊脫離比伊較強的人的手頭。</verse>
				<verse number="12">𪜶欲來 錫安 高的所在歡呼， 為著上主所賜的好物歡頭喜面， 因為上主賜𪜶五穀、新酒，及新油， 閣有羊羔及細隻牛仔； 𪜶欲親像有水灌沃的園， 𣍐閣憂苦。</verse>
				<verse number="13">彼時，查某囝仔欲歡喜跳舞， 少年人及老人做夥快樂； 我欲互𪜶的悲傷變做歡喜， 欲安慰𪜶， 互𪜶有喜樂代替悲哀。</verse>
				<verse number="14">我欲用油膩互祭司飽足， 我的子民欲因為我的恩惠心滿意足。」 上主按呢宣布。</verse>
				<verse number="15">上主講： 「佇 拉瑪 有聽著悲傷哀哭的聲； 蕾潔 為著伊的子兒哀哭， 毋願受安慰，因為𪜶攏無去啦。」</verse>
				<verse number="16">上主閣講： 「毋通閣出聲哀哭， 毋免閣流目屎； 你的勞苦一定會得著報賞。 𪜶一定會對對敵的土地倒來。 上主按呢宣布。</verse>
				<verse number="17">你的將來充滿希望； 你的子兒一定會倒來𪜶家己的鄉土。」 上主按呢宣布。</verse>
				<verse number="18">「我清楚聽著 以法蓮 人為著家己啲怨嘆： 阮親像猶未受訓練的青牛仔， 你給阮管教，阮就接受。 求你導阮倒轉來，阮就悔改歸向你， 因為你是上主 — 阮的上帝。</verse>
				<verse number="19">阮一下背叛你，就後悔； 受你管教，阮就搥心肝 。 阮因為少年的時受的侮辱， 無面通見人。」</verse>
				<verse number="20">「 以法蓮 人豈毋是我疼的子？ 豈毋是我意愛的囝仔？ 我逐遍責備伊， 猶原深深思念伊。 我為著伊牽腸掛肚， 我一定憐憫伊。 上主按呢宣布。</verse>
				<verse number="21">你著為家己設指路牌， 為家己𫞼引路柱； 著留心致意你行過的大路， 順彼條路倒轉來。 在室女 以色列 啊， 你著倒來， 倒來你家己的城鎮。</verse>
				<verse number="22">忤逆的查某子， 你四界流浪欲到底時？ 上主已經佇此個地上創造一件新的事， 就是查某人欲保護查甫人。」</verse>
				<verse number="23">上主 — 萬軍的統帥、 以色列 的上帝按呢講：「我互受掠的子民倒來的時，𪜶佇 猶大 的土地及城鎮會閣按呢講：『公義的厝，聖的山啊，願上主賜福你！』</verse>
				<verse number="24">作穡人及顧羊的人攏會做夥住佇 猶大 逐個城鎮。</verse>
				<verse number="25">厭倦的人，我互𪜶元氣；憂苦的人，我互𪜶滿足。」</verse>
				<verse number="26">按呢，我睏醒，發見我真好睏。</verse>
				<verse number="27">上主講：「日子啲欲到，我欲互 以色列 家及 猶大 家人口加添，牲生興旺。</verse>
				<verse number="28">我以前留心看𪜶，給𪜶拔出、拆毀、破壞、推翻，及傷害；以後我欲閣留心看𪜶，給𪜶重建、栽種。上主按呢宣布。</verse>
				<verse number="29">彼時人𣍐閣講： 老父食酸葡萄， 子的嘴齒酸軟。</verse>
				<verse number="30">今，食酸葡萄的，家己的嘴齒欲酸軟；逐個人會因為家己的罪死。」</verse>
				<verse number="31">上主講：「看咧，日子啲欲到，我欲及 以色列 家及 猶大 家立新的約。</verse>
				<verse number="32">此個約及我以前及𪜶的祖先所立的約無仝款；彼個約是我牽𪜶的祖先的手，對 埃及 給𪜶導出來的時及𪜶立的約。我雖然作𪜶的丈夫，毋拘𪜶破壞彼個約。上主按呢宣告。</verse>
				<verse number="33">許個日子以後，我及全體 以色列 人所欲立的約是按呢：我欲將我的律法下佇𪜶的心內，刻佇𪜶的心版。我欲做𪜶的上帝，𪜶欲做我的子民。上主按呢宣布。</verse>
				<verse number="34">𪜶毋免閣教導家己的厝邊及同胞，講：『恁著認識上主。』因為𪜶對大到細攏會認識我。我欲赦免𪜶的罪過，給𪜶的罪放𣍐記得。」上主按呢宣布。</verse>
				<verse number="35">上主互日頭佇日時發光， 互月娘及星辰照定律照光暗暝； 伊攪撈大海，互海水夯大湧。 伊的稱呼是上主 — 萬軍的統帥。 伊按呢講：</verse>
				<verse number="36">自然界的定律若會對我的面前廢止， 我的子民 以色列 才會佇我的面前斷絕， 永遠𣍐閣成做國家。 上主按呢宣布。</verse>
				<verse number="37">天若會測量得， 地的根基若會探查得， 我才會因為 以色列 的後代的所做 給𪜶棄拺。 上主按呢宣布。</verse>
				<verse number="38">上主講：「許個日子真正會來， 耶路撒冷 此座城會閣修建歸互上主，對 哈楠業樓 到 角門 。</verse>
				<verse number="39">測量的索欲伸出去到 迦立山 ，斡去 歌亞 ，</verse>
				<verse number="40">經過埋死人摒糞埽的山谷，到 汲淪 溪谷，直到東旁 馬門 的斡角彼片的土地，攏欲聖化歸上主，永遠𣍐閣受拔出，受破壞。」</verse>
			</chapter>
			<chapter number="32">
				<verse number="1">猶大 王 西底家 第十年，就是 尼布甲尼撒 統治 巴比倫 第十八年，上主對 耶利米 講話。</verse>
				<verse number="2">彼時， 巴比倫 的軍隊包圍 耶路撒冷 ，先知 耶利米 互人關佇 猶大 王宮的監獄。</verse>
				<verse number="3">猶大 王 西底家 給先知 耶利米 關啲，問伊講：「你是按怎預言上主按呢講：『我欲將此個城交互 巴比倫 王；伊會攻佔此個城。</verse>
				<verse number="4">猶大 王 西底家 一定脫𣍐開 巴比倫 人的手，會互 巴比倫 王當面審問。</verse>
				<verse number="5">巴比倫 王會給 西底家 掠去 巴比倫 ，給伊留佇遐，到我給伊眷顧 的時。上主閣講：恁及 巴比倫 人交戰，一定𣍐贏。』」</verse>
				<verse number="6">耶利米 講：「上主給我講：</verse>
				<verse number="7">『你的阿叔 沙龍 的子 哈拿默 會來你遮，給你講：請你給我佇 亞拿突 彼坵園買轉去，因為你是我的至親，有權利贖回。』」</verse>
				<verse number="8">阮阿叔的子 哈拿默 果然來尋我，給我講：「請你給我買我佇 便雅憫 地區 亞拿突 彼坵園，因為你有繼承的優先權。請你買。」我就知，上主確實有給我講話。</verse>
				<verse number="9">我就用一百九十三公克的銀給我的叔伯兄弟 哈拿默 買彼坵園。</verse>
				<verse number="10">我佇契約書簽名，封起來，請人來做證人，秤銀互 哈拿默 。</verse>
				<verse number="11">我照法律的規定，將封密及無封密的買賣契約書，</verse>
				<verse number="12">當我的叔伯兄弟 哈拿默 、簽名的證人，及佇監獄內的 猶大 人面前交互 瑪西雅 的孫， 尼利亞 的子 巴錄 。</verse>
				<verse number="13">我佇𪜶的面前交代 巴錄 ，講：</verse>
				<verse number="14">「上主 — 萬軍的統帥、 以色列 的上帝按呢講：將封密及無封密的契約書攏收𫢶瓷器內面，長期保存。</verse>
				<verse number="15">因為上主 — 萬軍的統帥、 以色列 的上帝講：將來，人會閣佇此個地買賣厝宅、田園，及葡萄園。」</verse>
				<verse number="16">我將買賣的契約書交互 尼利亞 的子 巴錄 了後，就對上主祈禱，講：</verse>
				<verse number="17">「啊！至高的上主，你有用權能及大氣力的手創造天地；無一項事你做𣍐到。</verse>
				<verse number="18">你用慈愛對待千萬人，毋拘照序大人的罪給𪜶的後代報應。你是至大全能的上帝，你的稱呼是上主 — 萬軍的統帥。</verse>
				<verse number="19">你的計劃偉大，做代誌有氣力；你注意啲看世間人的行為，照逐個人的所做給𪜶報應。</verse>
				<verse number="20">你佇 埃及 行神跡奇事，到今仔日，閣佇 以色列 人及世間人的中間按呢啲做，互你家己佇今仔日有名聲。</verse>
				<verse number="21">你行神跡奇事，用權能的手、有氣力的手骨，及大閣通驚的事，導你的子民 以色列 出 埃及 ，</verse>
				<verse number="22">將你對𪜶列祖宣誓應允欲互𪜶流奶及蜜的地賜互𪜶。</verse>
				<verse number="23">𪜶一下入來佔領此塊土地，煞無聽趁你的話，無遵行你的律法；你命令𪜶著實行的，𪜶攏無做，所以你互𪜶抵著諸個災難。</verse>
				<verse number="24">今，對敵已經逼倚來，起土堆欲攻取此個城。此個城嘛因為戰亂、飢荒、瘟疫，陷落佇來攻擊伊的 巴比倫 人的手。上主你講的已經實現，你嘛已經看著。</verse>
				<verse number="25">至高的上主，此個城已經交互 巴比倫 人，毋拘你竟然叫我著用銀買田園，閣請人作證。」</verse>
				<verse number="26">上主就對 耶利米 講：</verse>
				<verse number="27">「我是上主，是全人類的上帝；豈有什麼事我做𣍐到？</verse>
				<verse number="28">我欲將此個城交互 巴比倫 王 尼布甲尼撒 及伊的軍隊，伊欲攻佔此個城。</verse>
				<verse number="29">攻取此個城的 巴比倫 軍隊會入來放火燒城，嘛將佇厝頂給巴力燒香，給外邦的神明獻奠酒祭，惹我受氣許個人的厝全部燒了了。</verse>
				<verse number="30">以色列 人及 猶大 人對少年的時，就一直做我看做歹，激我受氣的事。上主按呢宣告。</verse>
				<verse number="31">此座城對起造的時到今仔日，不時激我發大受氣，所以我欲對我的面前給伊消滅。</verse>
				<verse number="32">因為 以色列 人及 猶大 人，包括𪜶的君王、官員、祭司、先知、 耶路撒冷 的住民，以及 猶大 人民攏做邪惡的事，惹我受氣。</verse>
				<verse number="33">𪜶尻脊骿向我，無欲正面看我。我雖然一遍閣一遍教示𪜶，毋拘𪜶攏無欲聽趁，毋受管教，</verse>
				<verse number="34">顛倒將可惡的偶像𫞼佇為著敬拜我來起的聖殿內面，給此間聖殿拍垃墋。</verse>
				<verse number="35">𪜶佇 欣嫩子 山谷起拜巴力的山頭壇，佇遐獻後生查某子互 摩洛 。諸個代誌我攏毋曾叫𪜶做，我連想嘛毋曾想過。𪜶竟然做諸個可惡的事，互 猶大 陷落罪。」</verse>
				<verse number="36">上主 — 以色列 的上帝按呢講：「今，關係恁啲講因為戰亂、飢荒、瘟疫陷落佇 巴比倫 王的手的此個城，</verse>
				<verse number="37">我欲將伊的住民對我佇憤怒大受氣中給𪜶流放去的列國聚集起來，導倒來此塊土地，互𪜶佇遮安居樂業。</verse>
				<verse number="38">𪜶欲做我的子民，我欲做𪜶的上帝。</verse>
				<verse number="39">我欲互𪜶有仝一個心志，行仝條道路，永遠敬畏我，互𪜶及𪜶的子孫享受福氣。</verse>
				<verse number="40">我欲及𪜶立永遠的約，無欲閣放拺𪜶；我欲賜𪜶福氣，互𪜶全心敬畏我，𣍐閣越走離開我。</verse>
				<verse number="41">我欲歡喜施恩互𪜶，真誠盡心盡意給𪜶栽種佇此塊土地。」</verse>
				<verse number="42">上主閣講：「我按怎給諸個一切的大災禍降落互諸個人民，嘛欲親像按呢將我應允欲互𪜶的大福氣攏賜互𪜶。</verse>
				<verse number="43">恁所講此個已經交互 巴比倫 人，變做荒埔，無人嘛無牲生的所在，會閣有人來買賣田園。</verse>
				<verse number="44">佇 便雅憫 地區、 耶路撒冷 周圍，以及佇 猶大 、山地、山埔、 尼革夫 的城鎮，人欲用銀買賣土地，佇契約書簽名，給契約書封密，請人作證。我欲給受掠的人導倒來。」上主按呢宣布。</verse>
			</chapter>
			<chapter number="33">
				<verse number="1">耶利米 猶互人關佇監獄的時，上主第二遍對伊講話：</verse>
				<verse number="2">「彼位創造大地，互伊成形，互伊堅固的上主按呢講：</verse>
				<verse number="3">『你求我，我就應你，欲將你毋知、偉大奧祕的事指示你。</verse>
				<verse number="4">針對城內許個為著欲阻擋對敵造土堆、用刀劍攻城所拆毀的厝及 猶大 君王的宮殿，我上主 — 以色列 的上帝按呢講：</verse>
				<verse number="5">恁及 巴比倫 人交戰的時，𪜶欲將我佇憤怒及大受氣中刣死的人的身屍，貯滿諸個厝；因為恁罪惡貫滿，我已經放拺此個城。</verse>
				<verse number="6">毋拘，我欲互此個城復原，欲醫治城內的人，互𪜶的孔嘴生肉過皮，互𪜶充分享受和平安全。</verse>
				<verse number="7">我欲給受掠的 猶大 人及 以色列 人導倒來，重建𪜶的家園。</verse>
				<verse number="8">我欲給𪜶得罪我的罪洗清氣，閣赦免𪜶所有背叛我的罪。</verse>
				<verse number="9">因為我的緣故，此個城佇地上萬國中會得著歡喜、頌讚，及尊榮，為著按呢來出名。列國欲因為聽著我賜互此個城的人繁榮及福氣攏驚畏我。』」</verse>
				<verse number="10">上主按呢講：「恁攏講『此塊土地是荒埔、無人住、無牲生的地』；毋拘，拋荒、無人住、無人影、無牲生的 猶大 城鎮及 耶路撒冷 的街路，會閣聽著</verse>
				<verse number="11">歡喜快樂的聲、婚宴喜慶的聲，閣聽著人帶祭物來到上主的聖殿感謝的聲，講： 著感謝上主 — 萬軍的統帥，因為上主至善， 伊的慈愛永遠存續！ 我欲導𪜶對受掠的地倒來，互𪜶回復早前的盛況。」上主按呢宣布。</verse>
				<verse number="12">上主 — 萬軍的統帥按呢講：「此個拋荒、無人影、無牲生的所在，遐所有的城鎮會閣有牧者的草場，互羊倒佇遐歇睏。</verse>
				<verse number="13">山地、山埔、 尼革夫 、 便雅憫 地區、 耶路撒冷 周圍，以及 猶大 的城鎮，會閣有人點算對𪜶手下經過的羊群。」上主按呢宣布。</verse>
				<verse number="14">上主講：「時日啲欲到，我對 以色列 人及 猶大 人應允的祝福攏欲實現。</verse>
				<verse number="15">佇許個時日，我欲互 大闢 的世系發一枝公義的枝；伊欲佇此個土地施行公平及正義。</verse>
				<verse number="16">因為伊的執政， 猶大 欲得著解救， 耶路撒冷 會當安居樂業。人會給伊叫做『上主是阮的公義』。</verse>
				<verse number="17">因為上主按呢講： 大闢 的後代繼續會有人統治 以色列 ；</verse>
				<verse number="18">利未 支族一定會有祭司繼續獻燒化祭及素祭，燒祭物服事我，辦理獻祭的事。」</verse>
				<verse number="19">上主對 耶利米 講：</verse>
				<verse number="20">「我上主按呢講：恁若會當廢除我及日時、暝時定的約，互𪜶無照所定的時間運轉，</verse>
				<verse number="21">才會當給我及我的僕人 大闢 立的約宣告無效，互伊無後代坐王位，嘛才會當給我及服事我的 利未 人祭司所立的約宣告無效。</verse>
				<verse number="22">我欲互我的僕人 大闢 的後代及服事我的 利未 人加添，親像天頂的星𣍐算得，親像海邊的沙𣍐量得。」</verse>
				<verse number="23">上主閣給 耶利米 講：</verse>
				<verse number="24">「諸個人民講『上主所揀選兩個族，伊攏給𪜶放拺啦』，你有聽著無？𪜶按呢講是看輕我的子民，無閣給𪜶看做一個國家。</verse>
				<verse number="25">我上主按呢宣布：我若無及日時、暝時定約，無給天地定定律，</verse>
				<verse number="26">我才會給 雅各 及我的僕人 大闢 的子孫棄拺，無欲對 大闢 的子孫選立人統治 亞伯拉罕 、 以撒 、 雅各 的後代。我欲憐憫𪜶，互許個流放的人倒轉來。」</verse>
			</chapter>
			<chapter number="34">
				<verse number="1">巴比倫 王 尼布甲尼撒 導伊全部的軍隊，及伊所統治世界的逐國逐族，來攻打 耶路撒冷 及附近的城鎮。彼時，上主對 耶利米 講：</verse>
				<verse number="2">「我上主 — 以色列 的上帝吩咐你著去給 猶大 王 西底家 按呢講：上主欲給此個城交互 巴比倫 王，伊會給伊放火燒。</verse>
				<verse number="3">你無法度脫離伊的手頭，一定會互人掠去交互伊。你會互伊當面審問，互伊掠去 巴比倫 。</verse>
				<verse number="4">猶大 王 西底家 ，你著注意聽我的話。上主按呢給你講：你𣍐互人刣死，</verse>
				<verse number="5">會平安死。你死了，人會親像啲給你的祖先以前的王燒香按呢，給你燒香。𪜶會給你唱哀歌，講：『唉啊，阮的王！』上主按呢宣告。」</verse>
				<verse number="6">先知 耶利米 就將諸個話給佇 耶路撒冷 的 猶大 王 西底家 講。</verse>
				<verse number="7">彼時， 巴比倫 王的軍隊已經啲攻打 耶路撒冷 及 猶大 的城 拉吉 及 亞西加 ； 猶大 堅固的城只有賰此兩個。</verse>
				<verse number="8">西底家 王有及 耶路撒冷 的人民立約，欲給奴隸宣布自由，</verse>
				<verse number="9">逐個人解放 希伯來 男女奴隸，無閣有人用同胞 猶大 人做奴隸。</verse>
				<verse number="10">許個有參與此個約的領袖及人民就解放𪜶的男女奴隸，互𪜶得著自由，無閣用𪜶做奴隸；許個領袖及人民攏同意，解放男女奴隸。</verse>
				<verse number="11">毋拘，後來𪜶後悔，叫𪜶所解放的男女奴隸攏倒來，強迫𪜶閣做奴隸。</verse>
				<verse number="12">上主就吩咐 耶利米 對 以色列 人講：</verse>
				<verse number="13">「上主 — 以色列 的上帝按呢講：我給恁的祖先對 埃及 做奴隸的地導出來的時，有及𪜶立約，吩咐𪜶：</verse>
				<verse number="14">『恁買來的 希伯來 同胞服事恁六年了後，到第七年，恁逐個人著給𪜶解放，互𪜶自由離開。』毋拘恁的祖先攏無聽，無順趁我。</verse>
				<verse number="15">最近，恁有改變心意，做我看做正直的事，逐個人佇敬拜我的聖殿，佇我的面前立約，給恁的同胞宣布自由。</verse>
				<verse number="16">毋拘恁煞後悔，竟然給恁解放的男女奴隸叫倒來，強迫𪜶閣做奴隸，褻瀆我的名。</verse>
				<verse number="17">所以，我上主按呢講：恁既然無欲順趁我，無給恁做奴隸的同胞、厝邊宣布自由，按呢，我欲放恁互戰亂、瘟疫、飢荒踐踏，互列國的人看著恁的遭遇感覺著驚。上主按呢宣告。</verse>
				<verse number="18">猶大 及 耶路撒冷 的領袖、官員、祭司，以及所有的人民及我立約；𪜶將細隻牛破做兩旁，對兩旁的中央行過，毋拘𪜶違背此個約，無遵守約的規定。所以，我欲互𪜶親像細隻牛受破開。</verse>
				<verse number="19"></verse>
				<verse number="20">我欲給𪜶交互𪜶的對敵及數想𪜶性命的人。𪜶的身屍會成做空中飛鳥及地上野獸的食物。</verse>
				<verse number="21">我嘛欲將 猶大 王 西底家 及伊的人臣交互𪜶的對敵及數想𪜶性命的人，以及暫時撤退的 巴比倫 軍隊。</verse>
				<verse number="22">我欲命令 巴比倫 的軍隊閣倒來攻打此個城，給伊攻佔，放火燒；我欲互 猶大 的城鎮拋荒，無人住。上主按呢宣告。」</verse>
			</chapter>
			<chapter number="35">
				<verse number="1">約西亞 的子 約雅敬 做 猶大 王的時，上主給 耶利米 講：</verse>
				<verse number="2">「你去 利甲 族遐，給𪜶導來上主聖殿的一個房間，提酒互𪜶飲。」</verse>
				<verse number="3">我就去給 哈巴洗尼雅 的孫， 耶利米 的子 雅撒尼亞 ，伊的兄弟、伊的後生，以及 利甲 全族的人，</verse>
				<verse number="4">攏導來上主的聖殿，入去 伊基大利 的子上帝重用的人 哈難 許個子的房間；彼個房間倚近官員的房間，佇 沙龍 的子聖殿門口的守衛 瑪西雅 房間的樓頂。</verse>
				<verse number="5">我用酒給酒壺、酒杯倒淀，下佇 利甲 族的人頭前，對𪜶講：「請飲。」</verse>
				<verse number="6">𪜶講：「阮無飲酒。阮的祖先 利甲 的子 約拿達 有給阮交代：『恁及恁的後代永遠都毋通飲酒。</verse>
				<verse number="7">毋通起厝，毋通撒種，毋通栽種葡萄，嘛毋通有葡萄園；著一世人住佇布棚，恁才會當佇寄居的地長歲壽。』</verse>
				<verse number="8">阮祖先 利甲 的子 約拿達 交代阮的話，阮攏有遵守。阮及阮的某子，一世人攏無飲酒，</verse>
				<verse number="9">無起厝住，無葡萄園、無土地、無種作，</verse>
				<verse number="10">干焦住佇布棚，攏照阮的祖先 約拿達 的命令。</verse>
				<verse number="11">巴比倫 王 尼布甲尼撒 來攻打此塊土地的時，阮講：『行，咱來去 耶路撒冷 ，閃匿 巴比倫 及 敘利亞 的軍隊。』按呢，阮才來住𫢶 耶路撒冷 。」</verse>
				<verse number="12">上主吩咐 耶利米 去給 猶大 人及 耶路撒冷 的住民講：「上主 — 萬軍的統帥、 以色列 的上帝按呢講：『恁無欲聽我的教示，毋順趁我的話是無？</verse>
				<verse number="13"></verse>
				<verse number="14">利甲 的子 約拿達 交代伊的後代毋通飲酒，𪜶就攏遵守一直到今仔日。毋拘，我不斷給恁警戒，恁攏毋聽趁。</verse>
				<verse number="15">我一遍閣一遍差派我的僕人先知去恁遐，給恁講：恁逐個人著回頭，離開邪惡的道路，改正恁的行為，無閣去隨別個神明，服事𪜶，按呢恁就會當住佇我賜互恁及恁的祖先的土地。毋拘恁攏無欲聽，無欲遵守。</verse>
				<verse number="16">利甲 的子 約拿達 的後代會當遵守𪜶的祖先互𪜶的命令，毋拘恁諸個人民攏無欲聽趁我。</verse>
				<verse number="17">所以，我上主 — 萬軍的統帥、 以色列 的上帝按呢講：我欲將我所講一切的災禍降互 猶大 人及 耶路撒冷 所有的住民；因為我給恁教示，恁無欲聽，給恁叫，恁無欲應。』」</verse>
				<verse number="18">後來， 耶利米 對 利甲 族講：「上主 — 萬軍的統帥、 以色列 的上帝按呢講：恁有聽趁恁的祖先 約拿達 交代恁的話，遵守伊所有的命令，照伊給恁吩咐的去做，</verse>
				<verse number="19">所以，上主 — 萬軍的統帥、 以色列 的上帝按呢宣布： 利甲 的子 約拿達 永遠有人佇我的面前侍奉我。」</verse>
			</chapter>
			<chapter number="36">
				<verse number="1">約西亞 的子 約雅敬 統治 猶大 第四年，上主對 耶利米 講：</verse>
				<verse number="2">「你提一卷冊來，將 約西亞 作王的時到今仔日，我對你講所有有關 以色列 及 猶大 ，以及列國的話，攏記錄起來。</verse>
				<verse number="3">猶大 家聽著我欲降災禍互𪜶，𪜶逐個人有可能會悔改，無閣行邪惡的路，按呢我就會赦免𪜶的罪孽及罪惡。」</verse>
				<verse number="4">耶利米 叫 尼利亞 的子 巴錄 來，將上主對伊所講一切的話給 巴錄 講， 巴錄 就將諸個話攏記錄佇冊卷。</verse>
				<verse number="5">耶利米 吩咐 巴錄 ，講：「我互人禁止，𣍐用得入去上主的聖殿，</verse>
				<verse number="6">所以你著佇禁食的日入去上主的殿，將我給你講，你寫佇冊卷上主的話，讀互人民及對逐個城鎮來的 猶大 人聽。</verse>
				<verse number="7">𪜶有可能會佇上主的面前祈禱悔改，逐個人無閣行邪惡的路，因為上主有講，伊對此個民族發的受氣非常猛烈。」</verse>
				<verse number="8">尼利亞 的子 巴錄 就照先知 耶利米 所吩咐一切的話，佇上主的聖殿宣讀冊卷所記載上主的話。</verse>
				<verse number="9">約西亞 的子 約雅敬 作 猶大 王第五年九月，住佇 耶路撒冷 的人及所有對 猶大 逐城鎮來 耶路撒冷 的人民，佇上主的面前遵守禁食。</verse>
				<verse number="10">彼時， 巴錄 佇上主聖殿的頂面埕，倚近聖殿 新門 門口， 沙番 的子書記 基瑪利雅 的房間，宣讀冊卷內面 耶利米 的話互所有的人民聽。</verse>
				<verse number="11">沙番 的孫， 基瑪利雅 的子 米該雅 聽著冊卷所記載上主的話，</verse>
				<verse number="12">就去王宮，入去宮殿書記的房間。彼時，真多官員已經坐佇遐，包括書記官 以利沙瑪 、 示瑪雅 的子 第來雅 、 亞革波 的子 以利拿單 、 沙番 的子 基瑪利雅 、 哈拿尼雅 的子 西底家 ，以及其他的官員。</verse>
				<verse number="13">米該雅 將伊所聽著， 巴錄 對所有人民宣讀彼個冊卷的話，攏給𪜶講。</verse>
				<verse number="14">𪜶就派 古示 的乾仔孫， 示利米雅 的孫， 尼探雅 的子 猶底 去 巴錄 遐，叫伊親身給彼卷冊帶來。 尼利亞 的子 巴錄 就提冊卷去𪜶遐。</verse>
				<verse number="15">𪜶給伊講：「請坐。請讀互阮聽。」 巴錄 就讀互𪜶聽。</verse>
				<verse number="16">𪜶聽了，真驚惶，互相看來看去。𪜶給 巴錄 講：「阮一定著將諸個話攏對王報告。」</verse>
				<verse number="17">𪜶閣問 巴錄 ：「請給阮講，你按怎給諸個寫起來？是 耶利米 親嘴講的是無？」</verse>
				<verse number="18">巴錄 應講：「所有諸個話攏是伊親嘴給我講的，我就用筆墨寫佇冊卷。」</verse>
				<verse number="19">許個官員給 巴錄 講：「你及 耶利米 著去匿起來，毋通互人知恁佇叨位。」</verse>
				<verse number="20">許個官員將彼卷冊下佇書記官 以利沙瑪 的房間，然後入去王宮的埕去見王，將諸個話對王報告。</verse>
				<verse number="21">王就派 猶底 去書記官 以利沙瑪 的房間，提彼卷冊來，讀互王及徛佇王左右的人臣聽。</verse>
				<verse number="22">彼陣是九月，王坐佇冬宮；伊頭前火爐的火啲𤏸。</verse>
				<verse number="23">猶底 逐遍讀三四欄，王就用書記的刀仔給冊卷割破，㧒落火爐，到歸卷冊攏燒了了。</verse>
				<verse number="24">王及許個人臣聽著諸個話攏無啲驚，嘛無拆裂𪜶的衫。</verse>
				<verse number="25">以利拿單 、 第來雅 、 基瑪利雅 請求王毋通燒彼卷冊，毋拘王攏毋聽。</verse>
				<verse number="26">王顛倒命令王子 耶拉篾 、 亞斯列 的子 西萊雅 ，及 亞伯疊 的子 示利米雅 去掠書記 巴錄 及先知 耶利米 ；毋拘上主給𪜶兩個藏起來。</verse>
				<verse number="27">約雅敬 王將 耶利米 講互 巴錄 寫落來彼卷冊燒去了後，上主對 耶利米 講話，講：</verse>
				<verse number="28">「你閣提一卷冊卷，將 猶大 王 約雅敬 燒去彼卷冊內面的話閣寫一遍。</verse>
				<verse number="29">關係 猶大 王 約雅敬 ，你著講，上主按呢講：你燒彼卷冊，閣講：『 耶利米 是按怎佇彼內面寫， 巴比倫 王會來毀滅此塊土地，消滅諸個人民及牲生？』</verse>
				<verse number="30">所以，上主針對 猶大 王 約雅敬 按呢講：伊的子孫一定無人會當坐 大闢 的王位；伊的屍體會互人㧒佇外面，日時互日曝，暝時互霜凍。</verse>
				<verse number="31">我欲因為伊、伊的子兒，及伊的人臣的罪孽給𪜶刑罰，嘛欲將我對𪜶講過的災禍降互𪜶及 耶路撒冷 的住民，以及 猶大 人民。毋拘𪜶猶是毋聽趁。」</verse>
				<verse number="32">耶利米 就閣提一卷冊卷，交互 尼利亞 的子書記 巴錄 ，叫伊將互 猶大 王 約雅敬 燒去彼卷冊卷的內容閣寫一遍，另外閣補充真多類似的話。</verse>
			</chapter>
			<chapter number="37">
				<verse number="1">巴比倫 王 尼布甲尼撒 設立 約西亞 的子 西底家 代替 約雅敬 的子 約雅斤 作 猶大 王。</verse>
				<verse number="2">毋拘 西底家 、伊的人臣，及全國人民毋聽趁上主通過先知 耶利米 講的話。</verse>
				<verse number="3">西底家 王派 示利米雅 的子 猶甲 、 瑪西雅 的子祭司 西番雅 去給先知 耶利米 講：「請你替阮祈求上主 — 咱的上帝。」</verse>
				<verse number="4">彼時， 耶利米 猶未互人關落監，猶會當佇人民的中間出出入入；</verse>
				<verse number="5">閣圍攻 耶路撒冷 的 巴比倫 軍隊忽然撤退，因為𪜶聽見法老已經派軍隊對 埃及 出發。</verse>
				<verse number="6">上主對先知 耶利米 講：</verse>
				<verse number="7">「你給𪜶講：『上主 — 以色列 的上帝按呢講：恁著給派恁來求問我的 猶大 王按呢講：你看覓咧，許個出來欲援助你的法老軍隊會撤退倒去 埃及 。</verse>
				<verse number="8">巴比倫 的軍隊一定會閣來攻打此個城，給伊佔領，放火燒。</verse>
				<verse number="9">上主按呢講，恁毋通自我欺騙，想講 巴比倫 人一定會離開恁。其實，𪜶𣍐離開。</verse>
				<verse number="10">就是講恁給來攻打的 巴比倫 全軍拍敗，賰一寡受傷的兵仔，𪜶嘛會對營房起來，放火燒此個城。』」</verse>
				<verse number="11">巴比倫 軍隊為著欲閃避法老的軍隊，撤退離開 耶路撒冷 。</verse>
				<verse number="12">耶利米 就對 耶路撒冷 出發去 便雅憫 地區，欲佇親族的中間繼承伊的產業。</verse>
				<verse number="13">伊去到 便雅憫門 的時， 哈拿尼雅 的孫， 示利米雅 的子守衛隊的官長 伊利雅 給 耶利米 掠起來，講：「你欲對 巴比倫 人投降乎。」</verse>
				<verse number="14">耶利米 講：「你烏白講！我無欲去投降 巴比倫 人！」毋拘 伊利雅 毋聽，給伊掠起來，交互官員。</verse>
				<verse number="15">許個官員攏真氣 耶利米 ，就給伊拍，給伊關佇宮廷書記官 約拿單 的厝，彼間厝已經改做監牢。</verse>
				<verse number="16">𪜶將 耶利米 關佇地牢幾若日。</verse>
				<verse number="17">西底家 王派人去給 耶利米 導來，佇王宮私下問伊：「上主豈有給你講什麼？」 耶利米 應講：「有！你會互 巴比倫 王掠去。」</verse>
				<verse number="18">閣給 西底家 王講：「我有得罪你什麼，抑是得罪你的人臣及諸個人民，你竟然給我關落監？</verse>
				<verse number="19">許個對你預言，講 巴比倫 王一定𣍐來攻打恁及此塊土地的先知，今佇叨位？</verse>
				<verse number="20">我的主，我的王，請你聽，允准我的懇求，毋通送我閣倒去書記官 約拿單 的厝；若無，我會死佇遐。」</verse>
				<verse number="21">西底家 王就下令，給 耶利米 拘留佇護衛隊的埕，逐日對餅店街提一份麵包互伊，直到城內的麵包攏食了了； 耶利米 就按呢一直互人拘留佇護衛隊的埕裡。</verse>
			</chapter>
			<chapter number="38">
				<verse number="1">馬坦 的子 示法提雅 、 巴施戶珥 的子 基大利 、 示利米雅 的子 猶甲 、 瑪基雅 的子 巴施戶珥 ，聽著 耶利米 對民眾講：</verse>
				<verse number="2">「上主按呢講：所有留佇此個城內面的人，攏會因為戰亂、飢荒、瘟疫死，毋拘出去投降 巴比倫 人的就會活，親像性命閣拾著。</verse>
				<verse number="3">上主閣講：我欲將此個城交互 巴比倫 王的軍隊，伊一定會攻佔此個城。」</verse>
				<verse number="4">彼幾個官員就去給 西底家 王報告，講：「請王給此個人處死，因為伊給城內賰落來的軍兵及人民講此款話，互𪜶的士氣消沉失志。此個人毋是欲互人民安全，是欲互人民受災害。」</verse>
				<verse number="5">王給𪜶講：「我給恁講，我給伊交互恁；恁按怎給伊處理，我𣍐給恁反對。」</verse>
				<verse number="6">𪜶就給 耶利米 掠起來，用索仔給伊縋落去王子 瑪基雅 佇護衛隊的埕的蓄水池。此個蓄水池無水，只有土糜。 耶利米 就陷佇土糜內面。</verse>
				<verse number="7">西底家 王佇 便雅憫門 啲處理案件的時，王宮內面的太監 古實 人 以伯‧米勒 聽著人給 耶利米 縋落去蓄水池，</verse>
				<verse number="8">就出王宮去對王報告：</verse>
				<verse number="9">「我的主，我的王，許個人按呢處理先知 耶利米 有較過份。𪜶給伊放落去蓄水池；伊會餓死，因為城內已經無糧食啦。」</verse>
				<verse number="10">王就命令 古實 人 以伯‧米勒 ，講：「你對遮導三十個人，趁先知 耶利米 猶未死，給伊對蓄水池救出來。」</verse>
				<verse number="11">以伯‧米勒 就導許個人入去王宮的倉庫，提一寡舊衫破布，用索仔縋落去蓄水池內面互 耶利米 。</verse>
				<verse number="12">伊給 耶利米 講：「你用許個舊衫破布下佇索仔頂面，挾佇你的胳下孔。」 耶利米 就照按呢做。</verse>
				<verse number="13">按呢，𪜶就給 耶利米 對蓄水池扭起來。 耶利米 繼續互人拘留佇護衛隊的埕裡。</verse>
				<verse number="14">西底家 王派人去給先知 耶利米 導來上主聖殿第三個門的入口，王對 耶利米 講：「有一個問題我欲請問你，你著照實講。」</verse>
				<verse number="15">耶利米 對 西底家 講：「我若照實給你講，你一定會給我刣死。我給你苦勸，你嘛𣍐聽。」</verse>
				<verse number="16">西底家 王就私下咒誓講：「我指創造咱性命永活的上主咒誓，我一定𣍐刣你，嘛𣍐給你交互許個數想你性命的人。」</verse>
				<verse number="17">耶利米 就對 西底家 王講：「上主 — 萬軍的統帥、 以色列 的上帝按呢講：你若出去投降 巴比倫 王的將軍，你就會活，此個城嘛𣍐互𪜶放火燒；你及恁全家攏會當活落來。</verse>
				<verse number="18">你若毋投降 巴比倫 的將軍，此個城就會交佇 巴比倫 人的手；𪜶會給城放火燒；你嘛𣍐當脫離𪜶的手頭。」</verse>
				<verse number="19">西底家 王對 耶利米 講：「我真驚許個已經投降 巴比倫 的 猶大 人；驚 巴比倫 人給我交互𪜶，𪜶會給我戲弄凌辱。」</verse>
				<verse number="20">耶利米 講：「 巴比倫 人𣍐給你交互𪜶啦！請你著照我對你講上主的話去做，按呢，你就會平安無事，你嘛會活。</verse>
				<verse number="21">你若毋出去投降，上主已經按呢指示我：</verse>
				<verse number="22">所有留佇王宮的宮女會互人掠去 巴比倫 王的將軍遐。許個宮女會指責你，講： 你信賴的朋友煽動你， 你互𪜶騙去； 𪜶互你的腳陷落路糊糜， 就越轉身做𪜶走。</verse>
				<verse number="23">你的嬪妃及後生查某子攏會互人掠去 巴比倫 ，你嘛𣍐當逃脫。你欲互 巴比倫 王掠去，此個城嘛會互人放火燒。」</verse>
				<verse number="24">西底家 王給 耶利米 講：「你𣍐用得互人知影咱講話的內容，按呢你就𣍐死。</verse>
				<verse number="25">若有官員知影我有及你講話，𪜶來問你，講：『你給王講什麼？王給你講什麼？你著照實給阮講，若無，阮欲給你刣死。』</verse>
				<verse number="26">你著給𪜶講：『我干焦請求王毋通給我送倒去 約拿單 的厝，才免我死佇遐。』」</verse>
				<verse number="27">後來，所有的官員果然來問 耶利米 ；伊就照王的吩咐給𪜶答復。許個官員無閣追問，因為代誌攏無漏洩出去。</verse>
				<verse number="28">按呢， 耶利米 繼續關佇護衛隊的埕裡，關到 耶路撒冷 受攻佔彼日。</verse>
			</chapter>
			<chapter number="39">
				<verse number="1">西底家 統治 猶大 第九年十月， 巴比倫 王 尼布甲尼撒 導伊的大軍來圍攻 耶路撒冷 。</verse>
				<verse number="2">西底家 第十一年四月初九， 耶路撒冷 城受攻破。</verse>
				<verse number="3">城受攻破的時， 巴比倫 王的將領，包括 尼甲‧沙利薛 、 三甲‧尼波 、 撒西金 ，另外閣一個 尼甲‧沙利薛 ，以及 巴比倫 王其他的軍官攏來坐佇城的 中央門 。</verse>
				<verse number="4">猶大 王 西底家 及所有的軍兵看著 巴比倫 大軍，就透暝逃走；對王宮花園的路，經過兩個城牆中間的門出城；王向 亞拉巴 的方向逃走。</verse>
				<verse number="5">巴比倫 的軍兵追趇𪜶，佇 耶利哥 的平原趇著 西底家 ，給伊掠起來，掠去 巴比倫 王 尼布甲尼撒 遐。彼時， 尼布甲尼撒 來佇 哈馬 地區的 利比拉 ；伊就佇遐審判 西底家 。</verse>
				<verse number="6">巴比倫 王佇 利比拉 刣死 西底家 的子，互伊親目看著，嘛刣死 猶大 所有的貴族。</verse>
				<verse number="7">後來 巴比倫 王挖 西底家 的兩蕊目睭，用銅鍊給伊鍊啲，欲給伊掠去 巴比倫 。</verse>
				<verse number="8">巴比倫 人放火燒王宮及人民的厝，拆毀 耶路撒冷 的城牆。</verse>
				<verse number="9">彼時，侍衛長 尼布撒拉旦 將城內賰落來的人民、投降歸順的人，及其他的人民攏掠去 巴比倫 。</verse>
				<verse number="10">伊給人民中間什麼攏無的散赤人留佇 猶大 地，給葡萄園及田園分互𪜶。</verse>
				<verse number="11">關係 耶利米 ， 巴比倫 王 尼布甲尼撒 命令侍衛長 尼布撒拉旦 ，講：</verse>
				<verse number="12">「我將 耶利米 交代你，你著好好給伊照顧，毋通給伊傷害；伊有什麼要求，你著照按呢辦理。」</verse>
				<verse number="13">侍衛長 尼布撒拉旦 、將軍 尼布沙斯班 、將軍 尼甲‧沙利薛 ，及 巴比倫 王的官長就派人</verse>
				<verse number="14">將 耶利米 對護衛隊的埕導出來，交互 沙番 的孫， 亞希甘 的子 基大利 ，互伊給 耶利米 導倒去𪜶兜。對按呢， 耶利米 會當佇人民的中間徛起。</verse>
				<verse number="15">耶利米 猶關佇護衛隊的埕的時，上主對伊講：</verse>
				<verse number="16">「你去給 古實 人 以伯‧米勒 講：『上主 — 萬軍的統帥、 以色列 的上帝按呢講：我欲互我的話實現佇此個城；無欲賜福氣，是欲降災禍。到時，你會親目看著。</verse>
				<verse number="17">毋拘到彼日，我會救你；你𣍐互人交佇你啲驚的人的手。上主按呢宣布。</verse>
				<verse number="18">我一定欲救你；你𣍐互人刣死，性命會得著保全，因為你信靠我。上主按呢宣布。』」</verse>
			</chapter>
			<chapter number="40">
				<verse number="1">巴比倫 王的侍衛長 尼布撒拉旦 佇 拉瑪 給 耶利米 放出去以後，上主有對 耶利米 講話。 耶利米 互人用鍊仔鍊啲，及許個 耶路撒冷 人，以及 猶大 人做夥欲互人掠去 巴比倫 。</verse>
				<verse number="2">尼布撒拉旦 叫 耶利米 來，對伊講：「上主 — 你的上帝曾警告欲降災禍互此個所在。</verse>
				<verse number="3">今，上主果然照伊所講的做。這是因為恁得罪上主，無聽趁伊的話，諸個代誌才會臨到恁。</verse>
				<verse number="4">今我將鍊佇你的手的鍊仔剝起來。你若看及我做夥去 巴比倫 好，就來去，我會好好仔給你照顧；若無愛去，就毋免去。你看，土地即闊，你愛去叨位，就通去。」</verse>
				<verse number="5">耶利米 猶未離開以前， 尼布撒拉旦 閣給伊講：「你嘛會用得倒去 沙番 的孫， 亞希甘 的子 基大利 遐； 巴比倫 王已經指派伊治理 猶大 逐城鎮。你通住佇恁的同胞中間。抑是，你看叨位較抵好，就通去遐。」侍衛長就送禮物及糧食互 耶利米 ，互伊自由離開。</verse>
				<verse number="6">耶利米 就去 米斯巴 ，去 亞希甘 的子 基大利 遐，及伊做夥住佇賰落來的同胞中間。</verse>
				<verse number="7">佇野外，許個無投降 巴比倫 的軍官及𪜶的部下，聽著 巴比倫 王指派 亞希甘 的子 基大利 做彼地區的省長，治理無掠去 巴比倫 的查甫人、查某人、囝仔，及彼所在非常散赤的人，</verse>
				<verse number="8">就來 米斯巴 見 基大利 。諸個軍官包括 尼探雅 的子 以實瑪利 、 加利亞 的子 約哈難 及 約拿單 、 單戶默 的子 西萊雅 、 尼陀法 人 以斐 的子兒、 瑪迦 人 耶撒尼亞 ，以及𪜶的部下。</verse>
				<verse number="9">沙番 的孫， 亞希甘 的子 基大利 對許個軍官及𪜶的部下咒誓，講：「毋免驚服事 巴比倫 人。做恁住𫢶此個所在，互 巴比倫 王管，恁就會平安無事。</verse>
				<verse number="10">我咧，我會住佇 米斯巴 ，侍候許個來咱遮的 巴比倫 人。毋拘恁，恁著積聚一寡酒、油，及熱天的果子，收𫢶器具內面，閣住佇恁佔的城鎮。」</verse>
				<verse number="11">許個佇 摩押 、 亞捫 、 以東 地區，及逐國的 猶大 人，聽著 巴比倫 王無剿滅所有的 猶大 人，閣派 沙番 的孫， 亞希甘 的子 基大利 做省長，</verse>
				<verse number="12">𪜶就對互人趕去的逐所在轉來，來 猶大 地的 米斯巴 ，去 基大利 遐。𪜶攏有收囥真多酒及熱天的果子。</verse>
				<verse number="13">加利亞 的子 約哈難 及許個佇野外的軍官來 米斯巴 見 基大利 ，</verse>
				<verse number="14">對伊講：「 亞捫 王 巴利斯 有派 尼探雅 的子 以實瑪利 來欲刣你，你豈知？」 亞希甘 的子 基大利 毋信𪜶的話。</verse>
				<verse number="15">加利亞 的子 約哈難 佇 米斯巴 私下對 基大利 講：「請允准我去刣 尼探雅 的子 以實瑪利 ，一定無人會知影此個代誌。哪通互伊給你刣死。你若死，所有歸倚來你遮的 猶大 人就會四散，賰落來的 猶大 人豈毋是攏會滅亡？」</verse>
				<verse number="16">亞希甘 的子 基大利 給 加利亞 的子 約哈難 講：「你毋通做此款代誌。你所講關係 以實瑪利 的話無影。」</verse>
			</chapter>
			<chapter number="41">
				<verse number="1">七月， 猶大 王王家的後代，嘛是官員， 以利沙瑪 的孫， 尼探雅 的子 以實瑪利 導十個人來 米斯巴 見 亞希甘 的子 基大利 。𪜶佇 米斯巴 做夥食飯的時，</verse>
				<verse number="2">尼探雅 的子 以實瑪利 及彼十個及伊做夥來的人，用刀刣死 巴比倫 王指派做省長， 沙番 的孫， 亞希甘 的子 基大利 。</verse>
				<verse number="3">以實瑪利 嘛刣死佇 米斯巴 所有及 基大利 做夥的 猶大 人，以及駐在佇遐的 巴比倫 軍兵。</verse>
				<verse number="4">隔日，人猶毋知 基大利 受暗殺的事，</verse>
				<verse number="5">有八十個人對 示劍 、 示羅 、 撒馬利亞 來到 米斯巴 。𪜶剃嘴鬚，拆破衫，割傷家己的身軀，帶素祭及乳香欲去上主的聖殿獻祭。</verse>
				<verse number="6">尼探雅 的子 以實瑪利 對 米斯巴 出來，那行那哮去迎接𪜶。 以實瑪利 抵著𪜶，就對𪜶講：「請來見 亞希甘 的子 基大利 。」</verse>
				<verse number="7">𪜶一下入城， 尼探雅 的子 以實瑪利 及伊的部下就刣死許個人，給𪜶的屍體㧒佇焦去的蓄水池。</verse>
				<verse number="8">彼八十個人中間有十個對 以實瑪利 講：「毋通給阮刣死。阮有藏大麥、小麥、油，及蜜佇園裡。」伊就停手，無將此十個人及其他的同伴做夥刣死。</verse>
				<verse number="9">尼探雅 的子 以實瑪利 將許個因為 基大利 的緣故互伊刣死的人的身屍，攏㧒落去蓄水池㧒甲淀淀淀；此個蓄水池是以前 猶大 王 亞撒 為著防衛北國 以色列 王 巴沙 挖的。</verse>
				<verse number="10">以實瑪利 將 米斯巴 賰落來的人民，包括 西底家 王的查某子，及猶住佇 米斯巴 的人攏掠起來。諸個賰落來的人是侍衛長 尼布撒拉旦 交代 亞希甘 的子 基大利 管理的。 尼探雅 的子 以實瑪利 欲將諸個人攏掠去 亞捫 人遐。</verse>
				<verse number="11">加利亞 的子 約哈難 及跟隨伊的軍官聽著 尼探雅 的子 以實瑪利 所做的歹代誌，</verse>
				<verse number="12">就導所有的部下欲去及 尼探雅 的子 以實瑪利 交戰，佇 基遍 的大水池邊趇著伊。</verse>
				<verse number="13">互 以實瑪利 掠去許個人民看著 加利亞 的子 約哈難 以及及伊做夥來的軍官，攏真歡喜。</verse>
				<verse number="14">按呢，許個互 以實瑪利 對 米斯巴 掠去的人就越轉身走過來 加利亞 的子 約哈難 遐。</verse>
				<verse number="15">尼探雅 的子 以實瑪利 及另外八個人脫離 約哈難 的手，走去 亞捫 人遐。</verse>
				<verse number="16">尼探雅 的子 以實瑪利 刣死 亞希甘 的子 基大利 了後，將賰落來的人民，包括查甫人、兵仔、婦女、囝仔、官員，對 米斯巴 掠去 基遍 ；後來， 加利亞 的子 約哈難 及跟隨伊的軍官將許個人攏救出來。</verse>
				<verse number="17">𪜶去到 伯利恆 附近的 基羅特‧金罕 ，佇遐歇睏，準備欲落去 埃及 ，</verse>
				<verse number="18">通逃避 巴比倫 人。 尼探雅 的子 以實瑪利 暗殺 巴比倫 王所指派做省長， 亞希甘 的子 基大利 了後，𪜶真驚 巴比倫 人。</verse>
			</chapter>
			<chapter number="42">
				<verse number="1">所有的軍官，包括 加利亞 的子 約哈難 、 何沙雅 的子 耶撒尼亞 ，以及所有的人民，無論尊貴抑是卑微，攏去見先知 耶利米 ，</verse>
				<verse number="2">對伊講：「請接受阮的請求，替阮諸個賰落來的人向上主 — 你的上帝祈禱。你有看著，阮本來人真多，毋拘現在賰即少。</verse>
				<verse number="3">請替阮祈求上主 — 你的上帝，指示阮應該行的路，著按怎做。」</verse>
				<verse number="4">先知 耶利米 給𪜶講：「按呢我知。好！我會照恁的請求，向上主 — 恁的上帝祈禱。上主給我講什麼，我一定會給恁講，𣍐給恁隱瞞。」</verse>
				<verse number="5">𪜶就對 耶利米 講：「阮若無照上主 — 你的上帝派你來傳達互阮的逐句話去做，願伊佇咱中間做公正可靠的見證人。</verse>
				<verse number="6">是阮請你替阮向上主懇求，所以，伊對阮講的話無論是好抑是僫，阮攏欲聽趁上主 — 阮的上帝，按呢阮才會事事順利。」</verse>
				<verse number="7">十日後，上主對 耶利米 講話。</verse>
				<verse number="8">耶利米 就叫 加利亞 的子 約哈難 ，以及及伊做夥的軍官、人民，無論尊貴抑是卑微，攏去伊遐。</verse>
				<verse number="9">伊給𪜶講：「恁有請我為著恁向上主 — 以色列 的上帝祈禱，伊按呢講：</verse>
				<verse number="10">『恁若猶原住佇此塊土地，我就欲給恁重建，𣍐給恁拆毀；欲給恁栽種，𣍐給恁拔出；因為我為著我降互恁的災禍感覺真傷心。</verse>
				<verse number="11">恁啲驚的 巴比倫 王，毋免驚伊！因為我及恁同在，欲解救恁，互恁得著自由。上主按呢宣布。</verse>
				<verse number="12">我欲對恁施憐憫，嘛欲互 巴比倫 王憐憫恁，互恁倒轉來恁的土地。』</verse>
				<verse number="13">「毋拘恁若無欲留𫢶遮，無欲順從上主 — 恁的上帝的話，顛倒講：</verse>
				<verse number="14">『毋，阮欲去 埃及 ；遐無戰爭，𣍐聽著哨角的聲，閣有物件通食𣍐枵死。阮欲去住遐。』</verse>
				<verse number="15">今， 猶大 賰落來的人啊，著聽上主的話！上主 — 萬軍的統帥、 以色列 的上帝按呢講：『恁若堅持欲去 埃及 ，欲寄居佇遐，</verse>
				<verse number="16">恁啲驚的刀劍會趇到遐；恁啲驚的飢荒嘛會隨恁到 埃及 ，互恁死佇遐。</verse>
				<verse number="17">所有堅決欲寄居佇 埃及 的人一定會因為戰亂、飢荒、瘟疫死佇遐，無一個會當活落來，脫離我欲降互𪜶的災禍。』</verse>
				<verse number="18">「上主 — 萬軍的統帥、 以色列 的上帝按呢講：『恁若去 埃及 ，我就欲對恁發大受氣，親像以前對 耶路撒冷 的住民發大受氣仝款。恁會成做人厭惡、咒詛、侮辱的對象，互人著驚；恁嘛𣍐當閣看著恁的故鄉。』</verse>
				<verse number="19">「對恁諸個 猶大 賰落來的人，上主講：『毋通去 埃及 ！』恁著清楚知影，我今仔日已經給恁警告。</verse>
				<verse number="20">恁已經犯致命的錯誤；恁請我去求問上主 — 恁的上帝，恁講：『請替阮向上主 — 咱的上帝祈禱，將上主 — 咱的上帝對你講的話攏給阮講，阮一定欲聽趁。』</verse>
				<verse number="21">今我將上主的話給恁講啦，恁煞毋聽趁上主 — 恁的上帝派我來給恁講的逐句話。</verse>
				<verse number="22">所以，恁著確實知，恁會佇欲去寄居的地因為抵著戰亂、飢荒、瘟疫滅亡。」</verse>
			</chapter>
			<chapter number="43">
				<verse number="1">耶利米 對人民傳達上主 — 𪜶的上帝差派伊講一切的話，講煞，</verse>
				<verse number="2">何沙雅 的子 亞撒利雅 、 加利亞 的子 約哈難 ，及所有驕傲的人就對 耶利米 講：「你講白賊！上主 — 咱的上帝無差派你講『恁𣍐用得去 埃及 ，寄居佇遐』，</verse>
				<verse number="3">是 尼利亞 的子 巴錄 使弄你反對阮，欲將阮交互 巴比倫 的軍隊，互𪜶給阮刣死，抑是給阮掠去 巴比倫 。」</verse>
				<verse number="4">加利亞 的子 約哈難 、所有的軍官，以及全體民眾，毋聽上主的話，無欲住佇 猶大 地。</verse>
				<verse number="5">加利亞 的子 約哈難 及所有的軍官顛倒將 猶大 所有賰落來的人，就是對逐國倒轉來住佇 猶大 地許個人，</verse>
				<verse number="6">包括查甫人、查某人、囝仔、王的查某子，及侍衛長 尼布撒拉旦 交代互 沙番 的孫， 亞希甘 的子 基大利 管理的人，以及先知 耶利米 及 尼利亞 的子 巴錄 ，</verse>
				<verse number="7">攏做夥導去 埃及 到 答比匿 。 約哈難 及伊的部下無聽趁上主的話。</verse>
				<verse number="8">佇 答比匿 ，上主對 耶利米 講：</verse>
				<verse number="9">「你著佇 猶大 人的面前提幾粒大粒石頭，佇 答比匿 的法老王宮門口的鋪石路，用灰土給𪜶埋起來；</verse>
				<verse number="10">然後給𪜶講：『上主 — 萬軍的統帥、 以色列 的上帝按呢講：我欲派人去給我的僕人 巴比倫 王 尼布甲尼撒 導來，將伊的王位安佇許個石頭頂面；伊欲佇彼頂面搭伊奢颺的布棚。</verse>
				<verse number="11">伊欲來攻打 埃及 地： 註定死的，會死； 註定受掠的，會受掠； 註定死佇刀下的，會互人刣死。</verse>
				<verse number="12">我欲燒 埃及 的神廟。 巴比倫 王欲給 埃及 逐項搶了了，親像牧者啲給外袍的蝨母拌清氣，閣給許個神像攏提提去，然後無受阻擋離開 埃及 。</verse>
				<verse number="13">伊一定會摃碎 埃及 太陽神廟的柱像，放火燒 埃及 的神廟。』」</verse>
			</chapter>
			<chapter number="44">
				<verse number="1">下面是關係住佇 埃及 的 密奪 、 答比匿 、 孟斐斯 、 巴特羅 地區所有的 猶大 人，上主對先知 耶利米 講的話：</verse>
				<verse number="2">「上主 — 萬軍的統帥、 以色列 的上帝按呢講：『恁有看著我降互 耶路撒冷 及 猶大 逐城鎮一切的災禍。今諸個城鎮已經攏拋荒，無人住。</verse>
				<verse number="3">這是因為𪜶有做邪惡的事，惹我受氣。𪜶去給𪜶及恁，以及恁的祖先毋識的神明燒香，服事𪜶。</verse>
				<verse number="4">我一遍閣一遍差派我的僕人真多先知去給𪜶講：恁千萬毋通做我厭惡怨恨的事。</verse>
				<verse number="5">毋拘𪜶毋聽，無欲聽趁，無欲放拺𪜶邪惡的行為，猶原給別個神明燒香。</verse>
				<verse number="6">所以，我將親像火啲𤏸的大受氣摒落佇 猶大 的城鎮及 耶路撒冷 的街路；今仔日𪜶才會赫呢荒廢青凊。』</verse>
				<verse number="7">「上主 — 萬軍的統帥、 以色列 的上帝閣講：『恁是按怎欲做即呢邪惡的事，害恁家己，互恁的查甫人、查某人、囝仔、食奶的嬰仔攏對 猶大 受剿滅，連一個都無留啲？</verse>
				<verse number="8">恁是按怎逃難來 埃及 ，閣造偶像，給別個神明燒香，激我受氣，致到恁受消滅，佇世界逐國成做人咒詛、侮辱的對象？</verse>
				<verse number="9">恁豈已經𣍐記得恁的祖先、 猶大 列王及𪜶的后妃，以及恁家己及恁的某，佇 猶大 地、 耶路撒冷 的街路所做邪惡的事？</verse>
				<verse number="10">到今仔日，恁猶無懺悔，猶毋驚，無欲遵行我給恁以及恁的祖先定的律法及規例。』</verse>
				<verse number="11">「所以，上主 — 萬軍的統帥、 以色列 的上帝按呢講：『我決定欲降災禍互恁，給全部 猶大 人攏消滅。</verse>
				<verse number="12">諸個決心來 埃及 寄居賰落來的 猶大 人，我欲給𪜶消滅，互𪜶攏死佇 埃及 ，毋是互人刣死就是枵死；無論尊貴抑是卑微，攏欲因為戰亂、飢荒死去，成做人驚惶、咒詛、恥笑的對象。</verse>
				<verse number="13">我按怎用戰亂、飢荒、瘟疫刑罰 耶路撒冷 ，嘛欲按呢刑罰住佇 埃及 的 猶大 人，</verse>
				<verse number="14">互諸個來 埃及 寄居猶活啲的 猶大 人，𣍐當逃脫倒去 猶大 地；雖然𪜶真愛欲轉去，毋拘除去少數的人以外，無人會當逃脫轉去。』」</verse>
				<verse number="15">歸大陣住佇 埃及 地 巴特羅 的 猶大 人，就是許個知影家己的某有給別個神明燒香的查甫人，及在場的婦仁人，給 耶利米 講：</verse>
				<verse number="16">「阮無欲聽你奉上主的名對阮講的話。</verse>
				<verse number="17">阮一定欲照阮下的願去做，給天后燒香，獻奠酒祭，及阮，以及阮的祖先、君王、官員佇 猶大 逐個城鎮及 耶路撒冷 的街路所做的仝款，因為彼陣阮的糧食充足，平安無事。</verse>
				<verse number="18">毋拘阮一下無給天后燒香、獻奠酒祭，就逐項攏無，甚至死佇戰亂及飢荒。」</verse>
				<verse number="19">許個婦仁人嘛講：「阮確實有給天后燒香、獻奠酒祭。阮照天后的形像做餅獻互伊，給伊獻奠酒祭，阮的丈夫嘛攏知。」</verse>
				<verse number="20">耶利米 給許個回答伊的查甫人及查某人講：</verse>
				<verse number="21">「恁及恁的祖先、恁的君王及官員，以及國內的人民佇 猶大 的城鎮及 耶路撒冷 的街路燒香，上主豈會𣍐記得，攏無記佇心內？</verse>
				<verse number="22">恁邪惡的行為及所做可惡的事，上主已經無欲閣吞忍，所以伊互恁的土地荒廢，無人住，成做人驚惶、咒詛的對象，到今仔日猶是按呢。</verse>
				<verse number="23">恁給別個神明燒香，得罪上主，無欲聽上主的話，無遵行伊的律法、規例，及教示，所以到今仔日猶抵著諸個災禍。」</verse>
				<verse number="24">耶利米 閣給全部的人，特別是查某人講：「所有來佇 埃及 的 猶大 人，著注意聽上主的話。</verse>
				<verse number="25">上主 — 萬軍的統帥、 以色列 的上帝按呢講：恁及恁的某講『阮一定欲給天后謝願，給伊燒香，獻奠酒祭』，就按呢去做。今，做恁照恁下的願去謝願。</verse>
				<verse number="26">恁所有住佇 埃及 的 猶大 人，著聽上主的話。我上主指我偉大的名立誓：佇 埃及 全地，𣍐閣有任何一個 猶大 人稱呼我的名號講『我指永活至高的上主咒誓』。</verse>
				<verse number="27">恁著知，我會留心看𪜶，毋是欲賜福氣，是欲降災禍互𪜶，佇 埃及 的 猶大 人一定會死佇戰亂及飢荒，到全部消滅。</verse>
				<verse number="28">雖然有人會當脫離戰亂，對 埃及 倒去 猶大 ，毋拘是極少數。許個來 埃及 寄居賰落來的 猶大 人，後來會知是啥人的話會實現，是我的，抑是𪜶的。</verse>
				<verse number="29">我欲佇遮給恁刑罰。這是我互恁的兆頭，互恁知我所講欲給恁降災禍的話一定會實現。上主按呢宣告。</verse>
				<verse number="30">上主閣按呢講：我欲將 埃及 王法老 合弗拉 交互想欲刣伊的對敵，親像我有將 猶大 王 西底家 交互欲刣伊的對敵， 巴比倫 王 尼布甲尼撒 的手仝款。」</verse>
			</chapter>
			<chapter number="45">
				<verse number="1">約西亞 的子 約雅敬 作 猶大 王第四年， 尼利亞 的子 巴錄 將先知 耶利米 所傳的信息記佇冊裡。彼時 耶利米 給 巴錄 講：</verse>
				<verse number="2">「 巴錄 啊，上主 — 以色列 的上帝按呢講：</verse>
				<verse number="3">『你有啲講：我有夠慘；上主佇我痛苦的時閣加添我的憂愁。我吐氣吐甲真倦，嘛無通有一絲仔安歇。』」</verse>
				<verse number="4">上帝吩咐 耶利米 著給 巴錄 講：「上主按呢講：『我欲拆毀我所重建的，給我所栽種的拔起來；佇全地我攏欲按呢做。</verse>
				<verse number="5">你啲為家己圖謀大事是無？毋通圖謀。看咧，我欲降災禍互所有的人類。毋拘你無論去叨位，我攏會保全你的性命。』上主按呢宣告。」</verse>
			</chapter>
			<chapter number="46">
				<verse number="1">關係列國，上主的話臨到先知 耶利米 。</verse>
				<verse number="2">針對 埃及 ：關係 埃及 王 尼哥 的軍隊，𪜶佇 約西亞 的子 約雅敬 作 猶大 王第四年，佇 幼發拉底河 河邊的 迦基米施 互 巴比倫 王 尼布甲尼撒 拍敗。</verse>
				<verse number="3">「著準備大細盾牌， 出陣交戰！</verse>
				<verse number="4">著套馬鞍，騎馬， 排隊，戴頭盔， 磨槍，穿戰甲！」</verse>
				<verse number="5">毋拘，上主講： 「是按怎我看著𪜶驚惶撤退？ 𪜶的勇士刣輸， 拼性命逃走，毋敢越頭； 四周圍充滿恐怖！</verse>
				<verse number="6">上𠢕走的嘛走𣍐離， 連勇士都𣍐當逃脫； 佇北方， 幼發拉底河 河邊， 𪜶攏跋倒𬦰𣍐起來。</verse>
				<verse number="7">此個親像 尼羅河 漲滿， 親像江河夯湧淐高的是什麼人？</verse>
				<verse number="8">是 埃及 ！ 伊親像 尼羅河 漲滿， 親像江河夯湧淐高； 伊講：『我欲漲滿， 欲淹滿全地； 我欲毀壞城鎮，消滅遐的住民。』</verse>
				<verse number="9">戰馬，衝啊！ 戰車，突擊！ 夯盾牌的 古實 及 弗 的勇士， 開弓的 呂底亞 軍兵，衝出去！」</verse>
				<verse number="10">此日是至高上主 — 萬軍的統帥報仇的日， 伊欲刑罰敵人。 刀劍會吞食，食甲飽， 會飲血，飲甲滿足； 佇北方 幼發拉底河 河邊， 有祭物欲獻互至高上主 — 萬軍的統帥。</verse>
				<verse number="11">埃及 人啊， 著去 基列 尋乳香！ 恁食即多藥仔攏無效， 𣍐當給恁醫好。</verse>
				<verse number="12">列國有聽著你受的凌辱； 全地充滿你哀哭的聲； 勇士及勇士相挵， 兩個做一下跋倒。</verse>
				<verse number="13">下面是關係 巴比倫 王 尼布甲尼撒 攻打 埃及 ，上主對先知 耶利米 所講的話。</verse>
				<verse number="14">著佇 埃及 報揚，佇 密奪 宣布， 佇 孟斐斯 及 答比匿 宣布，講： 「著排陣，準備作戰！ 戰爭會吞滅恁一切所有的。」</verse>
				<verse number="15">恁的勇士是按怎跋倒？ 因為上主給𪜶捙倒， 互𪜶徛𣍐牢。</verse>
				<verse number="16">𪜶戰敗四散， 大家相踐踏，互相講： 「起來！咱倒來去咱的本族， 轉來去咱的故鄉， 閃避欺壓者的刀劍。」</verse>
				<verse number="17">𪜶佇遐喝講： 「 埃及 王法老干焦會曉講大聲話； 伊已經失去伊的機會。」</verse>
				<verse number="18">大君王，上主 — 萬軍的統帥按呢講： 「我指我的性命立誓， 尼布甲尼撒 來的時， 伊會親像超越眾山的 他泊山 ， 親像佇海邊的 迦密山 。</verse>
				<verse number="19">埃及 人啊， 著給受掠欲用的物件款好勢， 因為 孟斐斯 會受燒毀， 拋荒，無人徛起。</verse>
				<verse number="20">「 埃及 是肥閣媠的牛母， 毋拘對北方來的牛虻已經到啦！ 𪜶已經來啦！</verse>
				<verse number="21">埃及 倩來的兵，親像椆內肥的牛仔， 𪜶攏撤退逃走， 毋敢繼續交戰； 因為𪜶患難的日來啦， 受刑罰的時已經到啦。</verse>
				<verse number="22">「 埃及 逃走，親像蛇啲趖發出聲； 敵人欲歸陣做夥來， 親像剉樹仔的人 攑斧頭給伊剉掉。</verse>
				<verse number="23">上主講： 伊的樹林雖然真艷， 敵人嘛會給剉了了； 因為敵人比草蜢較多，𣍐算得。</verse>
				<verse number="24">埃及 的人民欲受侮辱見笑， 𪜶會互北方的人征服。」</verse>
				<verse number="25">上主 — 萬軍的統帥、 以色列 的上帝按呢講：「你看，我欲刑罰 底比斯 的神明 亞捫 ，刑罰 埃及 ，以及伊的神明及君王；我嘛欲刑罰法老及所有倚靠伊的人。</verse>
				<verse number="26">我欲將𪜶交佇愛欲刣𪜶的人的手，就是 巴比倫 王 尼布甲尼撒 及伊的人臣的手。毋拘， 埃及 將來會閣有人徛起，及早前仝款。」上主按呢宣布。</verse>
				<verse number="27">「我的僕人 雅各 ，毋免驚！ 以色列 ，毋免失志！ 我欲對真遠的所在解救你， 對你受掠的地解救你的後代； 雅各 的後代會倒來家己的鄉土安居樂業， 無人會閣互𪜶驚惶。</verse>
				<verse number="28">我的僕人 雅各 毋免驚， 因為我及你同在。 我趕你去許個國家，我欲給𪜶完全毀滅。 你咧，我𣍐給你完全消滅， 毋拘𣍐當無刑罰你； 我欲照公義管教你。」 上主按呢宣布。</verse>
			</chapter>
			<chapter number="47">
				<verse number="1">埃及 王攻擊 迦薩 以前，上主針對 非利士 人，對先知 耶利米 講話。</verse>
				<verse number="2">上主講： 「你看，北方的河水漲高， 成做一條氾濫的大河， 淹過全地及其中所有的， 蓋過城及城內的住民； 人欲喝咻， 境內的住民攏大聲啼哭。</verse>
				<verse number="3">做老父的一下聽著戰馬馬蹄的聲、 戰車互地振動的聲、 車輪翱過的聲， 雙手就痠軟， 無法度越轉身救家己的囝仔。</verse>
				<verse number="4">時日一下到， 上主會毀滅所有的 非利士 人， 消滅賰落來欲幫贊 泰爾 及 西頓 的人； 上主欲毀滅 非利士 人， 消滅 迦斐託 海島所賰的住民。</verse>
				<verse number="5">迦薩 剃光頭悲傷， 亞實基倫 嘛烏有去啊。 佇平原所賰的 非利士 人啊， 恁割家己的身軀哀傷，欲到底時？</verse>
				<verse number="6">恁叫講：『上主的刀劍啊， 你到底時才會安靜？ 著勼入去刀鞘，毋通閣振動。』</verse>
				<verse number="7">伊哪有可能安靜咧？ 上主命令伊去攻擊 亞實基倫 ， 攻擊住佇海邊的住民； 我上主派伊去，此件事已經定著。」</verse>
			</chapter>
			<chapter number="48">
				<verse number="1">關係 摩押 ，上主 — 萬軍的統帥、 以色列 的上帝按呢講： 「 尼波 慘啊，伊會荒廢； 基列亭 受侮辱，互人佔領， 伊的堡壘受毀壞，住民受凌辱。</verse>
				<verse number="2">摩押 𣍐閣有燦爛的榮光； 有人佇 希實本 設計欲害 摩押 ，講： 『來，咱來給消滅， 互伊𣍐當成做一國。』 瑪得緬 城啊，著恬恬，毋通出聲； 有軍隊欲來攻擊你。</verse>
				<verse number="3">對 何羅念 傳出哀哭的聲： 『荒廢啦，攏總毀滅啦！』</verse>
				<verse number="4">「 摩押 受毀滅， 佇遐傳出囝仔啲哮的聲。</verse>
				<verse number="5">人𬦰 魯希 的山坪， 那𬦰那哭； 𪜶落 何羅念 的山坪， 聽著毀滅哀哭的聲：</verse>
				<verse number="6">『著逃走，隨人顧性命， 親像曠野的野驢 。』</verse>
				<verse number="7">「 摩押 啊，你靠家己的軍力及財富， 毋拘仝款會受征服。 你的神明 基抹 及伊的祭司，以及官員， 攏會受流放， 做一下受遷徙。</verse>
				<verse number="8">恁逐個城攏會受毀滅， 無一個城會當避免； 山谷受毀壞， 平原受踐踏。 上主按呢宣布。</verse>
				<verse number="9">「著給 摩押 鬥兩支翼， 互伊通飛走 ； 伊的城鎮會拋荒， 無人徛起。」</verse>
				<verse number="10">貧憚毋做上主的工的，會受咒詛；毋攑家己的刀去刣敵人的，會受咒詛。</verse>
				<verse number="11">摩押 對開國以來就真太平， 毋曾受放逐； 伊親像封密佇酒甕內的酒， 毋曾互人倒來倒去， 所以滋味原在，氣味無變。</verse>
				<verse number="12">上主講：「看咧，時日一下到，我欲派人給 摩押 倒挕拺，親像給酒倒掉仝款。𪜶會給酒倒甲空空空，閣給酒甕摔破。</verse>
				<verse number="13">摩押 會因為伊的神明 基抹 見笑，親像 以色列 人為著𪜶所倚靠 伯特利 的神明見笑仝款。</verse>
				<verse number="14">摩押 啊，你哪會當自稱是英雄， 是𠢕相戰的勇士？</verse>
				<verse number="15">摩押 會受毀壞， 對敵佔領伊的城鎮； 特選的壯丁攏受刣死。 摩押 的終局逼近啦， 伊的災難會緊緊到。」 大君王，上主 — 萬軍的統帥按呢宣布。</verse>
				<verse number="16"></verse>
				<verse number="17">「 摩押 周圍的國家，認識伊的民族啊， 恁攏著為 摩押 悲傷，講： 『伊的大權勢崩去， 伊的榮光無去啦！』</verse>
				<verse number="18">底本 的住民啊， 著對你榮光的座位落來， 坐佇焦燥的土腳； 因為毀滅 摩押 的已經到， 伊欲拆毀你的堡壘。</verse>
				<verse number="19">亞羅珥 的住民啊， 著徛佇路邊看， 問許個逃難的男女，講： 『到底發生什麼代誌？』</verse>
				<verse number="20">𪜶會應講：『 摩押 淪陷啦！』 恁著為伊哀傷啼哭； 著佇 亞嫩河 宣布，講： 『 摩押 滅亡啦！』</verse>
				<verse number="21">「審判已經臨到平原逐所在，就是 摩押 無論遠抑是近所有的城鎮，到佇 何崙 、 雅雜 、 米法押 、 底本 、 尼波 、 伯‧低比拉太音 、 基列亭 、 伯‧迦末 、 伯‧米恩 、 加略 、 波斯拉 。</verse>
				<verse number="22"></verse>
				<verse number="23"></verse>
				<verse number="24"></verse>
				<verse number="25">摩押 的權勢無去，軍力全失啦！」上主按呢宣布。</verse>
				<verse number="26">上主講：「恁著給 摩押 灌互醉；因為伊自高，背逆我；伊會佇家己吐出來的垃屑物中間翱來翱去，互人恥笑。</verse>
				<verse number="27">摩押 啊，你豈毋是曾恥笑 以色列 ？你逐遍講著 以色列 ，豈毋是搖頭，給伊當做互人掠著的賊仔？</verse>
				<verse number="28">摩押 人啊，著逃走離開城鎮， 去住佇山巖， 親像粉鳥佇隘口作巢。</verse>
				<verse number="29">猶大 的人民講： 『聽講 摩押 人非常驕傲， 自高自大，驕傲到極； 家己掠做了不起。』</verse>
				<verse number="30">我知𪜶的自大是空虛， 所誇口的攏是膨風。」 上主按呢宣布。</verse>
				<verse number="31">所以，我為著 摩押 啼哭， 為著 摩押 全國啼哭； 人嘛欲為著 吉珥‧哈列設 的人哀傷。</verse>
				<verse number="32">西比瑪 ，我為著你哀哭， 比為 雅謝 哭閣較大聲。 你親像葡萄樹， 枝伸過大海， 旋到 雅謝 的海。 毋拘毀滅者來啦， 欲將你啲欲收成的果子及葡萄攏毀掉。</verse>
				<verse number="33">上主講： 「 摩押 肥的田園消失， 無閣有歡喜快樂的聲！ 我互酒窟無閣出酒， 無人佇遐踏酒出歡喜的聲； 雖然有喝的聲，毋拘毋是歡喜的聲。」</verse>
				<verse number="34">希實本 人哀哭的聲傳到 以利亞利 ，迵到 雅雜 ；閣對 瑣珥 一直傳到 何羅念 ，直到 伊基拉‧施利施亞 ，因為連 寧林 的溪水都焦焦去。</verse>
				<verse number="35">上主講：「許個佇 摩押 的山頭壇獻祭，向𪜶的神明燒香的人，我攏欲給𪜶消滅。」</verse>
				<verse number="36">所以，我的心為著 摩押 悲傷，我的心腸為著 吉珥‧哈列設 哀傷，親像𥰔仔哀怨的聲。𪜶所積聚的財物攏失去啦。</verse>
				<verse number="37">𪜶逐個人剃光頭，剪嘴鬚，割傷手骨，腰縖麻布。</verse>
				<verse number="38">上主講：「 摩押 逐間厝的厝頂及廣場攏有啼哭的聲；因為我毀壞 摩押 ，親像人摃碎無合意的器具。</verse>
				<verse number="39">恁著大聲啼哭！ 摩押 完全毀滅啦！𪜶見笑無面通見人，成做四周圍的國家恥笑互人著驚的對象。」</verse>
				<verse number="40">上主講： 「看咧，有一個國家親像鷹鳥搋開伊的翼， 衝落來攻擊 摩押 。</verse>
				<verse number="41">摩押 的城鎮及堡壘攏互伊佔去。 彼時， 摩押 戰士的心會親像催陣的婦仁人赫呢痛疼。</verse>
				<verse number="42">摩押 受毀滅，無閣成做一個國家； 因為𪜶自高自大，背叛我上主。</verse>
				<verse number="43">摩押 的住民啊， 恐怖、陷坑、活罩啲當等恁。」 上主按呢宣布。</verse>
				<verse number="44">「閃避恐怖的人會跋落陷坑； 對陷坑逃脫的人會互活罩罩著， 因為刑罰 摩押 的年已經定著。」 上主按呢宣布。</verse>
				<verse number="45">「許個逃難去 希實本 尋求保護的，𪜶的氣力已經用盡； 毋拘，有火對 希實本 發， 有火焰對 西宏 的城出， 燒盡 摩押 人的頭額， 及愛相刣的人的頭殼。</verse>
				<verse number="46">摩押 啊，你有災禍啦！ 拜 基抹 神明的人啊，恁滅亡啦！ 恁的後生互人掠去， 恁的查某子嘛做夥受掠。</verse>
				<verse number="47">毋拘上主嘛有講：將來我會互 摩押 受掠的人倒轉來。」 有關 摩押 受審判的話，到遮為止。</verse>
			</chapter>
			<chapter number="49">
				<verse number="1">關係 亞捫 人，上主按呢講： 「 以色列 攏無人是無？ 恁攏無人通繼承產業是無？ 是按怎互拜 米勒公 的人侵佔 迦得 支族的土地， 住佇許個城？</verse>
				<verse number="2">「上主講： 看咧，時日一下到， 亞捫 人的首都 拉巴 會傳出交戰的聲， 拉巴 會變做荒廢的土堆； 𪜶的城鎮會互火燒。 以前𪜶侵佔 以色列 ， 現在 以色列 會對𪜶收回國土。</verse>
				<verse number="3">希實本 人，著哀哭， 因為 艾 城變做荒埔。 拉巴 的住民，著喉叫， 提麻布縖腰； 著啼哭，佇城牆內四界闖； 因為 米勒公 及伊的祭司，以及官員會做一下互人掠去。</verse>
				<verse number="4">背叛的子民啊， 恁是按怎啲誇口家己的氣力？ 恁的氣力已經漸漸衰退， 哪猶啲倚靠家己的財寶，想講無人會來侵犯？</verse>
				<verse number="5">至高上主 — 萬軍的統帥按呢講： 看咧，恁會互對周圍國家來的恐怖包圍； 恁欲逃走，隨人顧性命， 無人會當給諸個四散的難民聚集起來。</verse>
				<verse number="6">「毋拘，後來我會互受掠的 亞捫 人倒轉來。」上主按呢宣布。</verse>
				<verse number="7">關係 以東 ，上主 — 萬軍的統帥按呢講： 「佇 提幔 𣍐當閣尋著智慧是無？ 明理的人無法度通提供好的建議是無？ 𪜶的智慧攏無去是無？</verse>
				<verse number="8">底但 的住民啊，趕緊撤退逃走， 去匿起來； 我刑罰 以掃 的時到啦， 我欲降災禍互伊。</verse>
				<verse number="9">挽葡萄的若去你遐，豈𣍐留淡薄？ 賊若暝時來偷，豈毋是提𪜶所愛的物若定？</verse>
				<verse number="10">毋拘我欲給 以掃 剝甲光溜溜； 伊隱密的所在會露現，無所在通匿； 伊的後代、親族、厝邊攏會受消滅， 無賰半個。</verse>
				<verse number="11">著將恁的孤兒放互我， 我會保全𪜶的性命； 恁的寡婦嘛著倚靠我。」</verse>
				<verse number="12">上主講：「你看，連許個無應該受刑罰的嘛著飲刑罰的杯，你豈會當免受刑罰？無可能！你一定著飲。</verse>
				<verse number="13">我指家己立誓， 波斯拉 會變做荒廢的所在，受凌辱，受咒詛，互人著驚；附近的城鎮嘛會永遠拋荒。」上主按呢宣布。</verse>
				<verse number="14">我對上主遐聽著消息， 伊差使者去列國，講： 「恁著聚集來攻擊 以東 ，及伊交戰。」</verse>
				<verse number="15">上主對 以東 講： 「我欲互你佇列國中變做弱小， 互世間人看輕。</verse>
				<verse number="16">恁住佇石洞內，佇山頂啲顧守， 雖然親像鷹鳥作巢佇高的所在， 我嘛欲對遐給你拖落來； 你毋通互家己的聲勢，心內的驕傲騙去。」 上主按呢宣布。</verse>
				<verse number="17">上主講：「 以東 會互人卬愕，對遐經過的人攏會著驚，閣因為伊抵著的災禍給伊恥笑。親像 所多瑪 、 蛾摩拉 及附近的城鎮倒壞， 以東 嘛會按呢受毀滅，𣍐閣有人住，嘛𣍐閣有人佇遐寄居。</verse>
				<verse number="18"></verse>
				<verse number="19">我欲親像獅對 約旦 河邊的樹林出來，去攻擊青翠草埔的羊群，真緊給𪜶趕走，離開𪜶的國土。我揀選什麼人，就派伊統治此個國家。啥人會當及我比？啥人敢傳我出庭？叨此個統治者敢對抗我？</verse>
				<verse number="20">恁著聽上主攻擊 以東 及 提幔 住民的計劃；𪜶連上弱小的都會互人拖去。我一定會互𪜶徛起的所在荒廢。</verse>
				<verse number="21">以東 倒壞的聲會互地大振動；人喝咻的聲會迵到 紅海 。</verse>
				<verse number="22">伊的對敵會親像鷹鳥搋翼衝落來攻擊 波斯拉 ；彼時， 以東 戰士的心會親像催陣的婦仁人赫呢痛疼。」</verse>
				<verse number="23">關係 大馬士革 ，上主講： 「 哈馬 及 亞珥拔 的人非常不安； 𪜶聽著歹消息就失膽， 親像海湧浪浪滾，𣍐平靜。</verse>
				<verse number="24">大馬士革 的人失去勇氣， 𪜶越轉身欲逃走， 煞互痛苦憂愁擒牢牢， 親像催陣的婦仁人仝款。</verse>
				<verse number="25">此個互人謳咾的城，我所歡喜的城， 是按怎會受放拺，完全拋荒？</verse>
				<verse number="26">𪜶的少年人會佇廣場互人刣死； 仝彼日，𪜶的戰士會互人剿滅。 我欲放火燒 大馬士革 的城牆， 燒毀 便‧哈達 的宮殿。」 上主 — 萬軍的統帥按呢宣布。</verse>
				<verse number="27"></verse>
				<verse number="28">關係互 巴比倫 王 尼布甲尼撒 拍敗的 基達 及 夏瑣 許個國家，上主按呢給 巴比倫 人講： 「起來，上去攻擊 基達 ， 剿滅許個東方的人。</verse>
				<verse number="29">去搶𪜶的布棚及羊群， 以及𪜶的帳幕及所有的工具； 駱駝嘛攏給搶去； 著給𪜶喝講：『恁互恐怖包圍啦！』</verse>
				<verse number="30">「上主講： 夏瑣 的住民，著趕緊逃走， 走去遠閣深的所在匿起來； 因為 巴比倫 王 尼布甲尼撒 設計欲害恁， 決定欲攻擊恁。</verse>
				<verse number="31">「上主閣講： 起來！去攻擊許個無掛無慮安然徛起的人， 𪜶無城門，無門閂， 是家己單獨徛起的住民。</verse>
				<verse number="32">𪜶的駱駝會互人搶去； 𪜶多多牲生會互人劫去； 我欲給所有剃鬢邊的人趕散去逐所在； 我欲對四周圍降災禍互𪜶。 夏瑣 會成做豺狼住的所在， 永遠荒廢，無人徛起， 嘛無人佇遐寄居。」 上主按呢宣布。</verse>
				<verse number="33"></verse>
				<verse number="34">猶大 王 西底家 抵坐位的時，關係 以攔 ，上主的話臨到先知 耶利米 。</verse>
				<verse number="35">上主 — 萬軍的統帥按呢講：「看咧，我欲遏折 以攔 人的弓，這是𪜶相戰的時上主要的武力。</verse>
				<verse number="36">我欲互風對天的四面吹來，給 以攔 人趕散去逐所在；全地逐國攏有 以攔 的難民。</verse>
				<verse number="37">上主閣講：我欲互 以攔 人佇數想𪜶的性命的對敵面前驚惶；我欲對𪜶發受氣，降災禍互𪜶，閣欲用戰爭給𪜶徹底消滅。</verse>
				<verse number="38">上主講：我欲消滅 以攔 的君王及官員，佇遐設立我的寶座。</verse>
				<verse number="39">毋拘將來有一日，我欲互 以攔 受掠的人倒轉來。」上主按呢宣布。</verse>
			</chapter>
			<chapter number="50">
				<verse number="1">下面是關係 巴比倫 及 巴比倫 人的地，上主通過先知 耶利米 所講的話。</verse>
				<verse number="2">「著佇列邦傳報，向𪜶宣告； 著𫞼大旗，向列邦宣告。 毋通隱瞞，著講， 巴比倫 啲欲淪陷啦！ 伊的神明 彼勒 會真見笑， 馬杜克 著青驚； 伊的神像攏真見笑， 伊的偶像攏著青驚。」</verse>
				<verse number="3">因為對北方有一國欲來攻擊 巴比倫 ，欲互伊的地拋荒，無人閣佇遐徛起；連牲生嘛走了了。</verse>
				<verse number="4">上主講：「時若到， 以色列 人及 猶大 人欲做夥，那行那哮，來尋上主 — 𪜶的上帝。</verse>
				<verse number="5">𪜶攏面向 錫安 ，啲問欲去遐的路。𪜶欲來及上主立永遠的約，及伊結連。</verse>
				<verse number="6">「我的子民變做失迷的羊；𪜶的牧者導𪜶行迷路，互𪜶斡入去山內。𪜶對大山行到小山，尋無家己的羊椆。</verse>
				<verse number="7">抵著𪜶的欲給𪜶吞食；𪜶的對敵講：『阮按呢做無罪。這是因為𪜶得罪上主，就是𪜶真正通安歇的所在，嘛是𪜶列祖所向望的上主。』</verse>
				<verse number="8">「著離開 巴比倫 ，逃走脫出 巴比倫 人的地，親像山羊走佇羊群的頭前離開。</verse>
				<verse number="9">我欲發動北方大國的聯盟做夥來攻擊 巴比倫 。𪜶欲排陣進攻，給 巴比倫 城攻破。𪜶的箭親像𠢕射箭的人所射的箭，逐支都射著目標。</verse>
				<verse number="10">巴比倫 會互人搶，搶掠伊的攏搶甲心滿意足。」上主按呢宣布。</verse>
				<verse number="11">上主講： 「 巴比倫 人啊，恁搶我的產業，歡喜快樂， 閣跳來跳去，親像啲碖五穀的牛母， 親像勇猛的馬大聲哮；</verse>
				<verse number="12">恁的老母會非常見笑， 生恁的會感覺漏氣； 看咧， 巴比倫 會變做上弱小的國家， 變做焦燥無水的曠野。</verse>
				<verse number="13">因為上主發大受氣， 巴比倫 一定無人徛起， 欲完全拋荒； 對遐經過的攏會著驚， 閣因為𪜶所抵著的災禍給𪜶恥笑。</verse>
				<verse number="14">「射箭的兵啊，著排陣包圍 巴比倫 城； 著向伊射箭， 毋免保惜恁的箭， 因為 巴比倫 得罪上主。</verse>
				<verse number="15">恁著佇 巴比倫 四圍喝喊： 『 巴比倫 已經投降啦！ 伊的堡壘倒壞， 伊的城牆受拆毀啦！』 這是上主啲報仇， 恁嘛著對伊報仇； 伊按怎對待人，恁嘛著按呢對待伊。</verse>
				<verse number="16">撒種的及攑鐮𠠝仔收割的， 著攏給𪜶對 巴比倫 消滅。 為著欲閃避來侵犯的軍隊， 城內所有寄居的攏倒去本族， 走轉去家己的故鄉。」</verse>
				<verse number="17">以色列 是互獅趕散的羊；代先互 亞述 王吞食，後來互 巴比倫 王 尼布甲尼撒 遏斷骨頭。</verse>
				<verse number="18">所以上主 — 萬軍的統帥、 以色列 的上帝按呢講：「看咧，我欲刑罰 巴比倫 王及伊的國，親像我刑罰 亞述 王仝款。</verse>
				<verse number="19">我欲導 以色列 倒轉來𪜶家己的草埔；𪜶欲佇 迦密 及 巴珊 食草，閣佇 以法蓮 山區及 基列 地區享受遐所出產的五穀。</verse>
				<verse number="20">佇彼日，佇彼時， 以色列 的罪過查攏無， 猶大 的罪惡嘛尋無；因為我欲赦免我留落來的子民。」上主按呢宣布。</verse>
				<verse number="21">上主講：「著上去攻擊 米拉大翁 的地 及 比割 的住民； 著給𪜶全部消滅， 照我所吩咐的一切去做。</verse>
				<verse number="22">巴比倫 境內有交戰的聲， 閣有大毀滅。</verse>
				<verse number="23">拍全地的大支槌 巴比倫 ，已經毀壞斷去啦！ 列國看著攏著驚！</verse>
				<verse number="24">巴比倫 啊，你對抗我上主， 所以我給你設活罩， 你互伊罩著竟然毋知； 你互人尋著，掠著。」</verse>
				<verse number="25">上主已經開武器庫， 佇受氣中攑出伊的武器； 至高上主 — 萬軍的統帥欲對付 巴比倫 。</verse>
				<verse number="26">恁著對逐個方向進攻； 開伊的粟倉， 給戰利品疊做堆，親像疊五穀； 全部毀滅，無留半項。</verse>
				<verse number="27">著刣𪜶所有的戰士 ， 給𪜶攏總消滅。 巴比倫 慘啊！ 𪜶受刑罰的日到啦！</verse>
				<verse number="28">對 巴比倫 逃走出來的難民講：「上主 — 咱的上帝佇 錫安 啲報仇，因為 巴比倫 人毀壞伊的聖殿。」</verse>
				<verse number="29">「著招集射箭的兵攻打 巴比倫 ，佇伊的四周圍紮營，連一個都毋通互伊走去。著照伊的所做給伊報復；伊按怎對待人，恁嘛著按呢對待伊，因為伊驕傲背逆上主 — 以色列 神聖的上帝。</verse>
				<verse number="30">𪜶的少年人會佇廣場互人刣死；仝彼日，𪜶的戰士會互人剿滅。」上主按呢宣布。</verse>
				<verse number="31">至高上主 — 萬軍的統帥按呢講： 「驕傲的人，你看，我欲攻擊你， 我對付你的時日已經到。</verse>
				<verse number="32">驕傲的人會跋倒，無人給伊扶起來； 我欲點火燒伊許個城鎮， 將伊四圍所有的全部燒毀。」</verse>
				<verse number="33">上主 — 萬軍的統帥按呢講：「 以色列 人及 猶大 人攏受欺壓；許個掠𪜶去的給𪜶掠牢牢，毋肯放𪜶走。</verse>
				<verse number="34">救贖𪜶的是上主 — 萬軍的統帥，我有大氣力，欲替𪜶申冤，互全地得著安歇，毋拘我會互 巴比倫 的住民大驚惶。</verse>
				<verse number="35">刀劍會來攻擊 巴比倫 人， 攻擊 巴比倫 的住民， 及𪜶的官員，以及有智慧的人。 上主按呢宣布。</verse>
				<verse number="36">刀劍會來攻擊術士， 𪜶會變做愚戇； 刀劍攻擊 巴比倫 的勇士，𪜶就驚惶。</verse>
				<verse number="37">刀劍會來攻擊伊的戰馬戰車， 以及所有住佇𪜶中間的外族人； 𪜶會親像婦仁人赫呢軟汫； 刀劍會來攻擊伊的財物，𪜶就受搶奪。</verse>
				<verse number="38">伊的河流因為曠旱焦硞硞； 伊是拜偶像的國家， 恐怖的神明互人癲狂。</verse>
				<verse number="39">「所以，曠野的走獸及豺狼 欲住佇遐；鴕鳥嘛欲佇遐出入；毋拘遐無人住，永遠無人佇遐徛起。</verse>
				<verse number="40">抵親像 所多瑪 、 蛾摩拉 ，以及𪜶附近的城鎮受上帝毀滅， 巴比倫 𣍐閣有人住，嘛𣍐閣有人佇遐寄居。我上主按呢宣布。</verse>
				<verse number="41">看咧，有一個民族欲對北方來； 有一個強的國家及真多君王對真遠的所在準備欲出征。</verse>
				<verse number="42">𪜶攑弓攑槍，殘忍無情； 𪜶的聲親像海湧嘩嘩哮。 巴比倫 人啊，𪜶騎戰馬， 團結同心， 排陣欲攻擊你。</verse>
				<verse number="43">巴比倫 王聽著此個消息， 手攏軟落去； 伊非常痛苦， 親像產婦啲催陣。</verse>
				<verse number="44">「我欲親像獅對 約旦 河邊的樹林出來，去攻擊青翠草埔的羊群，真緊給𪜶趕走，離開𪜶的國土。我揀選什麼人，就派伊統治此個國家。啥人會當及我比？啥人敢傳我出庭？叨此個統治者敢對抗我？</verse>
				<verse number="45">恁著聽上主攻擊 巴比倫 及伊的住民的計劃；𪜶連上弱小的都會互人拖去。我一定會互𪜶徛起的所在荒廢。</verse>
				<verse number="46">巴比倫 倒壞的聲互地大振動；人哀哭的聲迵到列邦。」</verse>
			</chapter>
			<chapter number="51">
				<verse number="1">上主按呢講： 「看咧，我欲用毀滅的大風 攻擊 巴比倫 及伊的人民 。</verse>
				<verse number="2">我欲派外國人來侵犯 巴比倫 ， 親像大風啲簸麥穗； 𪜶欲給伊的國土簸甲空空空。 毀滅的日一下到， 𪜶欲對四周圍來攻擊 巴比倫 。</verse>
				<verse number="3">毋通互 巴比倫 射箭的兵射箭， 毋通互𪜶有機會武裝起來； 𪜶的少年人恁毋免給𪜶珍惜， 著給𪜶全部的軍隊消滅。</verse>
				<verse number="4">巴比倫 人會佇家己的城市受刣， 佇逐條街路互人屠殺。</verse>
				<verse number="5">以色列 及 猶大 雖然佇逐所在得罪我 以色列 神聖的上帝， 毋拘𪜶猶無互上主 — 萬軍的統帥、𪜶的上帝棄拺。</verse>
				<verse number="6">著趕緊逃走，離開 巴比倫 ， 隨人顧性命。 毋通因為𪜶的罪，及𪜶做夥滅亡； 因為上主報仇的時已經到， 我欲互 巴比倫 受報應。</verse>
				<verse number="7">巴比倫 以前是上主手中的金杯， 互全地的人攏飲甲醉茫茫； 列國曾飲伊的酒，飲甲發狂。</verse>
				<verse number="8">巴比倫 會忽然倒壞，毀滅。 恁著為伊哀哭！ 著給伊抹乳香，減輕伊的痛疼， 伊可能猶醫會好。」</verse>
				<verse number="9">住佇 巴比倫 的外國人講： 「阮曾想欲醫 巴比倫 ，毋拘無效。 現在咱著離開， 逐個人倒去家己的故鄉； 因為 巴比倫 所欲受的刑罰真大， 大甲抵天，迵到穹蒼。」</verse>
				<verse number="10">上主的子民啲歡呼： 「上主已經宣布咱公義無罪。 來！咱著佇 錫安 宣揚上主 — 咱的上帝的作為。」</verse>
				<verse number="11">上主決定欲毀滅 巴比倫 ，就激動 米底亞 的君王來攻擊伊；這是上主欲報仇，欲為著伊受毀壞的聖殿報復。指揮官下令： 「箭磨互尖， 盾牌攑互牢。</verse>
				<verse number="12">𫞼大旗做信號， 攻擊 巴比倫 的城牆； 加強顧守守望台， 派衛兵輪班，閣派人埋伏。」 關係 巴比倫 住民的命運，上主按呢決定，嘛按呢實現。</verse>
				<verse number="13">巴比倫 啊，你的境內有真多河流， 閣積聚真多財寶， 毋拘你的終局到啦！ 你的性命到遮為止！</verse>
				<verse number="14">上主 — 萬軍的統帥指家己立誓講： 「我欲召集親像草蜢赫呢多的大軍， 侵佔恁的土地； 𪜶會對恁發出勝利的歡呼。」</verse>
				<verse number="15">上主用家己的大能創造大地， 用伊的智慧堅立世界， 用聰明搋開穹蒼。</verse>
				<verse number="16">上主一下出聲，天頂的水就絞滾， 雲霧就對天邊海角淐出來； 伊對雨的中間射出熠爁， 對伊的倉庫送風出來。</verse>
				<verse number="17">世間人攏愚戇無知； 逐個拍金師傅攏為著家己造的神像見笑； 因為𪜶鑄的神像攏是虛假，內面無性命。</verse>
				<verse number="18">偶像攏是虛假， 是人恥笑的對象； 刑罰一下到，𪜶攏會消失。</verse>
				<verse number="19">作 雅各 產業的上帝及𪜶無仝款； 伊是創造萬有的主； 以色列 是伊的子民，是伊的產業。 伊的稱呼是上主 — 萬軍的統帥。</verse>
				<verse number="20">上主講： 「 巴比倫 啊，你是我的鐵鎚及武器； 我曾用你摃碎列邦， 毀滅列國；</verse>
				<verse number="21">曾用你拍敗戰馬及騎馬的； 拍碎戰車及駛車的；</verse>
				<verse number="22">曾用你刣死查甫人及婦仁人； 刣死老人及囝仔； 刣死少年人及少女；</verse>
				<verse number="23">曾用你刣死牧者及伊的羊群； 刣死作穡人及伊的牛； 刣死總督及官員。」</verse>
				<verse number="24">上主講：「恁欲親目看著我報應 巴比倫 及伊的住民，因為𪜶作歹傷害 錫安 。</verse>
				<verse number="25">巴比倫 啊，你是毀滅全地的大山； 你看，我欲攻擊你， 欲伸手對山巖給你捙落去， 互你變做燒毀的山。</verse>
				<verse number="26">人𣍐閣對你遐提石頭做厝角石， 抑是做地基； 因為你會永遠荒廢。」 上主按呢宣布。</verse>
				<verse number="27">「著佇境內𫞼大旗做信號， 佇列國中歕哨角， 召集列國來攻擊 巴比倫 。 著招集 亞拉臘 、 米尼 、 亞實基拿 來攻擊 巴比倫 ； 閣派將軍指揮作戰， 召集親像草蜢赫呢多的馬兵上來。</verse>
				<verse number="28">著招集列國、 米底亞 的君王、 總督、官員，及𪜶所管逐國的軍隊， 來攻擊 巴比倫 。</verse>
				<verse number="29">地大振動閣轉踅； 因為上主攻擊 巴比倫 的旨意已經確定， 欲互 巴比倫 的土地荒廢，無人徛起。</verse>
				<verse number="30">巴比倫 的勇士無欲閣交戰， 攏匿佇堡壘內面； 𪜶氣力用盡， 親像婦仁人無力仝款。 巴比倫 的厝宅互火燒了了， 𪜶的城門互人挵破。</verse>
				<verse number="31">送批的連續走來， 報消息的一個閣一個， 攏走來欲報互 巴比倫 王知， 城逐旁攏互人攻破，</verse>
				<verse number="32">河的渡口互敵人佔去， 水池的蘆葦互火燒去， 戰士攏驚甲破膽。</verse>
				<verse number="33">上主 — 萬軍的統帥、 以色列 的上帝宣布： 巴比倫 會親像五穀場， 互人踏甲平平平； 閣無偌久，收成的時就到啦！」</verse>
				<verse number="34">耶路撒冷 人講： 「 巴比倫 王 尼布甲尼撒 給阮吞滅， 給阮硩碎， 閣互阮親像摒空的器具； 伊親像海怪給阮吞落去， 將阮的寶貝食了了，就給阮呸出來。」</verse>
				<verse number="35">錫安 的住民講： 「 巴比倫 人虐待阮及阮的親族， 願𪜶受報復！」 耶路撒冷 人講： 「𪜶流阮的血，願𪜶諸個罪受報應！」</verse>
				<verse number="36">所以上主按呢講： 「看咧，我欲替恁申冤， 欲為恁報仇； 我欲互 巴比倫 的河無水， 互伊的水源攏焦去。</verse>
				<verse number="37">巴比倫 欲變做土堆， 成做豺狼住的所在， 互人著驚恥笑， 無人徛起。</verse>
				<verse number="38">巴比倫 親像勇猛的獅噤噤哮， 閣親像細隻獅啲叫。</verse>
				<verse number="39">𪜶的食慾一下起，我就替𪜶辦桌， 互𪜶快樂，互𪜶飲甲酒醉， 永遠睏𣍐醒。 我欲親像啲趕羊仔， 趕綿羊、山羊， 趕𪜶落去屠殺場。」 上主按呢宣布。</verse>
				<verse number="40"></verse>
				<verse number="41">上主講： 「 巴比倫 竟然受攻破！ 全世界攏啲稱讚的大城竟然受佔領！ 列國看著伊攏著驚！</verse>
				<verse number="42">海水漲高，淹過 巴比倫 ； 嘩嘩哮的海湧給伊蓋起來。</verse>
				<verse number="43">巴比倫 的城鎮拋荒， 土地焦硞硞，變做沙漠， 無人徛起，嘛無人經過。</verse>
				<verse number="44">我欲刑罰 巴比倫 的神明 彼勒 ， 叫伊吐出吞落去的財物； 列國𣍐閣去敬拜伊。 「 巴比倫 的城牆倒壞啦！</verse>
				<verse number="45">我的子民啊，著趕緊逃走，離開 巴比倫 ！ 逐個人救家己的性命，閃避上主的大受氣。</verse>
				<verse number="46">恁毋通失膽， 毋免因為境內的風聲驚惶； 因為每年攏有風聲傳來， 境內有強暴的事， 領袖互相鬥爭。</verse>
				<verse number="47">看咧，時日一定會到， 我欲刑罰 巴比倫 的偶像。 巴比倫 全國攏會抵著見笑； 受刣的人會倒甲滿四界。</verse>
				<verse number="48">彼時，毀滅者對北方來到 巴比倫 ， 天地及其中所有的欲因為 巴比倫 倒壞歡呼。 巴比倫 佇世界逐所在刣死真多人， 嘛刣死真多 以色列 人， 為著按呢，伊會受毀滅。」 上主按呢宣布。</verse>
				<verse number="49"></verse>
				<verse number="50">上主講： 「恁已經閃避刀劍， 著緊走，毋通徛𫢶遐。 恁雖然離開故鄉真遠， 著會記得上主，著數念 耶路撒冷 。</verse>
				<verse number="51">恁講：『阮聽著人啲詈罵就感覺漏氣， 滿面見笑， 因為外邦人入去上主聖殿的聖所。』</verse>
				<verse number="52">所以，時日一定會到， 我欲刑罰 巴比倫 的偶像； 巴比倫 國內有多多人受傷啲哼哼呻。</verse>
				<verse number="53">巴比倫 雖然𬦰上天， 閣強化堡壘， 我猶原欲差毀滅者對付伊。」 上主按呢宣布。</verse>
				<verse number="54">「對 巴比倫 傳出哀哭的聲， 佇 巴比倫 發生大毀滅。</verse>
				<verse number="55">因為上主欲毀滅 巴比倫 ， 城內無閣有喧嘩的聲。 對敵的軍隊親像湧浪浪哮， 發出響亮的聲。</verse>
				<verse number="56">有毀滅者來攻擊 巴比倫 ； 巴比倫 的勇士互人掠去， 𪜶的弓受遏折； 上主是刑罰的上帝， 一定會報應 巴比倫 。</verse>
				<verse number="57">我欲互 巴比倫 的貴族、智慧的人、總督、官員，以及勇士 攏飲甲酒醉， 永遠睏𣍐醒。」 大君王，上主 — 萬軍的統帥按呢宣布。</verse>
				<verse number="58">上主 — 萬軍的統帥按呢講： 「 巴比倫 寬闊的城牆會全部倒壞， 高大的城門會互火燒燒去。 萬民所勞碌的攏無採工， 萬國所勞力的攏燒了了； 𪜶就攏厭倦。」</verse>
				<verse number="59">猶大 王 西底家 坐位第四年， 瑪西雅 的孫， 尼利亞 的子 西萊雅 做王宮總管；伊及王做夥去 巴比倫 的時，先知 耶利米 有話吩咐伊。</verse>
				<verse number="60">耶利米 將啲欲臨到 巴比倫 的災禍，就是有關 巴比倫 一切的話，攏寫佇一捲冊。</verse>
				<verse number="61">耶利米 對 西萊雅 講：「你去到 巴比倫 的時，著宣讀寫佇此個冊卷的話。</verse>
				<verse number="62">閣著祈禱講：『上主啊，關係此個所在，你曾講你欲毀滅，互伊永遠拋荒，無人徛起，連牲生嘛走了了。』</verse>
				<verse number="63">西萊雅 ，你給此卷冊宣讀了後，著給伊縛佇一塊石頭，㧒落去 幼發拉底河 ，</verse>
				<verse number="64">然後講：『 巴比倫 會親像按呢沉落去，𣍐閣興起；人民嘛攏厭倦，因為上主欲降災禍互𪜶 。』」 耶利米 的話到遮結束。</verse>
			</chapter>
			<chapter number="52">
				<verse number="1">西底家 坐位的時二十一歲，佇 耶路撒冷 作王十一年。伊的老母叫做 哈慕她 ，是 立拿 人 耶利米 的查某子。</verse>
				<verse number="2">伊做上主看做歹的事，照 約雅敬 的所做去做。</verse>
				<verse number="3">耶路撒冷 及 猶大 發生諸個事，是因為上主發受氣，對伊的面前給𪜶趕出去。 西底家 背叛 巴比倫 王。</verse>
				<verse number="4">西底家 統治第九年，十月初十， 巴比倫 王 尼布甲尼撒 導伊的大軍來攻擊 耶路撒冷 ，佇城的對面紮營，閣佇四圍作土堆攻城。</verse>
				<verse number="5">城受圍困，一直到 西底家 王第十一年。</verse>
				<verse number="6">四月初九，城內飢荒真嚴重，住民攏無物通食，</verse>
				<verse number="7">城受攻破；所有的兵士透暝對王宮花園附近，兩個城牆中間的門彼條路逃走。 巴比倫 軍隊猶佇四圍攻城的時，𪜶向 亞拉巴 的方向逃走。</verse>
				<verse number="8">巴比倫 的軍兵追趇 西底家 王，佇 耶利哥 的平原趇著伊；伊的全軍攏棄拺伊四散。</verse>
				<verse number="9">巴比倫 的軍兵掠著 西底家 ，給伊掠去 哈馬 地區的 利比拉 的 巴比倫 王遐，佇遐受審判。</verse>
				<verse number="10">巴比倫 王刣死 西底家 的子，互伊親目看著，閣佇 利比拉 刣 猶大 所有的貴族。</verse>
				<verse number="11">閣挖伊兩蕊目睭，用銅鍊給伊鍊啲，帶伊去 巴比倫 ，給伊關佇監裡，直到伊死彼日。</verse>
				<verse number="12">巴比倫 王 尼布甲尼撒 第十九年，五月初七， 巴比倫 王的人臣侍衛長 尼布撒拉旦 進入 耶路撒冷 ，</verse>
				<verse number="13">用火燒上主的聖殿、王宮，及 耶路撒冷 所有的厝，以及所有貴族的厝。</verse>
				<verse number="14">隨侍衛長的 巴比倫 軍兵將 耶路撒冷 四圍的城牆攏拆毀。</verse>
				<verse number="15">彼時，侍衛長 尼布撒拉旦 將民間喪鄉人、留佇城內所賰的人民，及投降 巴比倫 王的人，以及所賰的師傅攏掠去。</verse>
				<verse number="16">毋拘侍衛長 尼布撒拉旦 有留一寡上喪鄉的，互𪜶佇葡萄園及田園種作。</verse>
				<verse number="17">巴比倫 人將上主殿內的銅柱、盆座，及銅海攏拍破，將許個銅運去 巴比倫 。</verse>
				<verse number="18">𪜶嘛將鼎、托仔、燈心的剪刀、碗盤仔、囥香的𥐵仔，及聖殿所有銅的器具攏搬去；</verse>
				<verse number="19">杯、囥火炭的盆、盤、鼎、燈台、囥香的𥐵仔、甌仔，所有金器的金、銀器的銀，侍衛長攏提去。</verse>
				<verse number="20">閣將 所羅門 王為上主的殿所造兩支柱、一個銅海，及座下十二隻銅牛帶去；諸個器具的銅多甲𣍐秤得。</verse>
				<verse number="21">此兩支柱像款，每一支高八公尺，周圍五公尺三十公分，厚七十五公厘，中央空殼；柱的頂面有銅的柱斗；柱斗高一公尺三十公分；柱斗的周圍有銅做的網仔及石榴。</verse>
				<verse number="22"></verse>
				<verse number="23">四面有石榴九十六粒；網仔的周圍石榴總共一百粒。</verse>
				<verse number="24">侍衛長 尼布撒拉旦 掠大祭司 西萊雅 、副祭司 西番雅 ，及三個聖殿門口的守衛；</verse>
				<verse number="25">閣對城內掠一個管兵的官員、王的七個親信，及徵募兵士的副指揮官，以及佇城內抵著的六十個國民。</verse>
				<verse number="26">侍衛長將諸個人帶去佇 利比拉 的 巴比倫 王遐。</verse>
				<verse number="27">巴比倫 王佇 哈馬 地區的 利比拉 攏給𪜶刣死。 按呢， 猶大 的人民受掠離開𪜶本地。</verse>
				<verse number="28">下面是 尼布甲尼撒 所掠的人數： 佇伊統治第七年，掠 猶大 人三千空二十三人；</verse>
				<verse number="29">第十八年，對 耶路撒冷 掠八百三十二人；</verse>
				<verse number="30">第二十三年，侍衛長 尼布撒拉旦 掠 猶大 人七百四十五人； 總共有四千六百人。</verse>
				<verse number="31">巴比倫 王 以未‧米羅達 佇伊坐位彼年，就是 猶大 王 約雅斤 受掠了後第三十七年，十二月二十五日，特赦 猶大 王 約雅斤 ，放伊出監，</verse>
				<verse number="32">閣用好話安慰伊，互伊比受掠佇 巴比倫 其他國家的王有較高的地位。</verse>
				<verse number="33">約雅斤 褪去監內所穿的衫，一世人及 巴比倫 王做夥食。</verse>
				<verse number="34">約雅斤 活啲的時， 巴比倫 王賞賜伊所需要的生活費用，直到伊死彼日。</verse>
			</chapter>
		</book>
		<book number="25">
			<chapter number="1">
				<verse number="1">唉啊！此個早前人揢人的城市， 現在竟然拋荒。 早前佇列國受敬重的， 現在竟然親像寡婦。 早前佇逐城市做王后的， 現在竟然落魄甲做奴隸。</verse>
				<verse number="2">伊歸暝哀哭，滿面目屎。 早前的愛人， 現在無一個來安慰。 伊的朋友出賣伊， 變做伊的對敵。</verse>
				<verse number="3">猶大 流亡佇外邦， 受苦，做苦工。 𪜶住佇列國， 𣍐當安然徛起； 𪜶受圍困， 無路逃脫。</verse>
				<verse number="4">迵到 錫安 的大路哀傷， 因為無人來過節； 所有的城門荒廢， 祭司哀嘆， 少女悲傷； 錫安 鬱卒痛苦。</verse>
				<verse number="5">伊的對敵變做主人； 伊的仇人繁榮聳勢。 因為伊一遍閣一遍背叛， 上主互伊受苦； 伊的囝仔互對敵掠去。</verse>
				<verse number="6">錫安 的榮華已經消失。 伊的領袖親像尋無草場的鹿； 𪜶閃避追趇𪜶的人， 毋拘無力通走。</verse>
				<verse number="7">耶路撒冷 困苦流浪的時， 回想伊早前的榮華。 伊的住民落佇對敵的手頭， 無人救助伊。 對敵看見伊淪陷， 諷刺恥笑伊。</verse>
				<verse number="8">耶路撒冷 犯大罪， 成做人的笑柄。 早前尊重伊的人， 看伊現在赤身露體，就藐視伊。 伊家己哀嘆， 見笑走去匿。</verse>
				<verse number="9">伊的污穢滒著伊的裙； 伊毋曾想著家己的結局。 伊的墮落互人著驚； 無人安慰伊。 上主啊，求你看我的苦難， 因為我的對敵啲對我聳鬚。</verse>
				<verse number="10">對敵伸手搶奪伊全部的財寶； 伊看著外族人侵入聖殿， 就是上主禁止𪜶入去的所在。</verse>
				<verse number="11">人民哀嘆吐氣，四界尋食， 為著救性命，提財寶換食物。 上主啊，求你俯落看， 看我變做即呢悲慘！</verse>
				<verse number="12">恁諸個過路人，恁豈攏無要緊？ 恁四面觀察， 豈有人親像我按呢受苦楚？ 這是上主大受氣的時互我承受的痛苦。</verse>
				<verse number="13">伊對頂面降火 佇我的骨頭內面啲燒。 伊設羅網纏我的腳， 互我跋倒退後。 伊放我孤單， 互我歸日悲慘。</verse>
				<verse number="14">伊將我罪過的軛 縛佇我的頷頸， 互我精力焦去。 主將我交佇我無力對抗的對敵手中。</verse>
				<verse number="15">主棄拺我所有的勇士； 伊召集大軍攻擊我， 硩碎我的少年人。 主踐踏我的人民， 親像佇酒窟踏葡萄仝款。</verse>
				<verse number="16">我為著諸個事啼哭， 我的目屎直直流。 無人佇身邊安慰我； 無人互我閣再得著氣力。 我的人民孤苦無助， 因為我的對敵刣贏我。</verse>
				<verse number="17">錫安 伸雙手祈求， 毋拘無人安慰伊。 講著 雅各 ，上主已經下令， 互四周圍的人成做伊的對敵； 𪜶將 耶路撒冷 看做污穢的物。</verse>
				<verse number="18">上主公義， 毋拘我違背伊的命令。 萬國的人民，請聽， 請看我所受的痛苦： 我的少女、我的青年攏受掠去！</verse>
				<verse number="19">我給朋友求援助， 毋拘𪜶欺騙我。 我的祭司及長老尋食欲救性命， 煞斷氣死佇城內。</verse>
				<verse number="20">上主，你看咧， 我即呢不幸痛苦！ 我的腸仔絞滾， 我的心肝結歸球， 因為我大大背逆。 佇街路有凶殺， 佇厝內有死亡。</verse>
				<verse number="21">人聽著我哼哼呻， 毋拘無人安慰我。 對敵聽見我抵著的災禍， 攏因為你刑罰我來歡喜。 願你宣告的日子來到， 互對敵及我像款受苦難。</verse>
				<verse number="22">願你看見𪜶所做的邪惡， 給𪜶刑罰， 親像你因為我的罪過刑罰我像款。 我因為哀嘆無煞， 我的心神衰荏。</verse>
			</chapter>
			<chapter number="2">
				<verse number="1">唉啊！上主竟然發大受氣，互 錫安 見笑！ 伊將 以色列 的榮華對天㧒落地； 佇伊受氣的日， 連家己的腳砧，聖殿，伊嘛無顧念。</verse>
				<verse number="2">上主毀滅 雅各 攏總的草埔， 一屑仔都無憐憫。 伊發大受氣，拆毀 猶大 的堡壘， 互 猶大 及伊的領袖徹底受凌辱。</verse>
				<verse number="3">伊發大受氣，消滅 以色列 所有的氣力； 對敵來的時，伊毋伸手保護。 伊親像火焰吞滅 雅各 ， 將伊所有的攏燒毀。</verse>
				<verse number="4">伊親像對敵向我開弓， 親像敵人用箭射我。 伊將阮勇壯的少年人攏刣死； 伊的大受氣發出，親像火燒毀 錫安 的布棚。</verse>
				<verse number="5">上主親像對敵，毀滅 以色列 ； 伊拆毀 以色列 的宮殿， 互堡壘荒廢； 伊加添 猶大 人民的悲傷及哀哭。</verse>
				<verse number="6">伊毀壞伊家己徛起的所在，親像毀壞園仔； 伊拆毀聖殿。 上主互 錫安 的人𣍐記得節期及安歇日； 伊佇大受氣中棄拺君王及祭司。</verse>
				<verse number="7">上主放棄家己的祭壇， 放拺伊的聖所； 伊將宮殿的圍牆交互對敵，出在𪜶拆毀。 𪜶佇上主的殿內， 大聲喧嘩，親像啲過節。</verse>
				<verse number="8">上主決定欲拆毀 錫安 的城牆； 伊扭準繩，欲破壞； 伊的手無閣收回。 伊互城樓及城牆哀哭， 做夥倒壞。</verse>
				<verse number="9">錫安 的城門已經埋佇土裡； 上主摃斷城門的門閂。 君王及領袖攏受放逐去列國。 錫安 無人講解律法； 先知無閣對上主得著異象。</verse>
				<verse number="10">錫安 的長老坐佇土腳， 恬恬無出聲。 𪜶撒土沙粉糝頭殼，身軀穿麻衫； 耶路撒冷 的少女頭犁犁䪴到土腳。</verse>
				<verse number="11">我的目睭因為流目屎失明， 我的腸仔攪絞， 我的五臟消熔； 我的同胞受剿滅， 囝仔及嬰仔暈倒佇城內的廣場。</verse>
				<verse number="12">𪜶親像受傷的戰士暈倒佇廣場， 佇老母的胸前慢慢斷氣； 𪜶問老母，講： 有什麼通食無？有什麼通飲無？</verse>
				<verse number="13">耶路撒冷 ，我會當替你講什麼？ 我會當用什麼比並你？ 錫安 ，我通用什麼及你比較來安慰你？ 你的孔嘴親像海赫呢大， 啥人會當給你醫治？</verse>
				<verse number="14">你的先知看見的是無影跡、騙人的異象； 𪜶毋曾指出你的罪， 互你悔改，毋免受掠； 𪜶傳互你的是虛假、行迷路的默示。</verse>
				<verse number="15">所有的過路人攏拍噗仔， 幌頭恥笑 耶路撒冷 ，講： 這豈是人啲講彼個十全十美的城？ 這豈是全世界的人攏啲謳咾的城？</verse>
				<verse number="16">所有的對敵攏給你睥相； 𪜶恥笑你，咬牙切齒講： 阮已經將伊吞滅啦！ 阮就是啲聽候此日！ 今阮親目看著啦！</verse>
				<verse number="17">上主已經完成伊的計劃， 實現伊早前定著的警告； 伊拆毀，一屑仔都無留情。 伊互對敵對你誇口， 互𪜶耀武揚威。</verse>
				<verse number="18">著對心底求叫主！ 耶路撒冷 的城牆啊， 願你的目屎親像江河直直流，暝日無停！ 願你的目睭流目屎無歇睏！</verse>
				<verse number="19">著佇逐暗換更的時起來求叫； 向上主吐露你的心聲親像摒水； 著攑雙手為著恁的囝仔的性命祈禱， 𪜶佇街路枵甲啲欲死去。</verse>
				<verse number="20">上主，求你看， 看你豈曾按呢給人責罰過？ 婦仁人豈通食家己所生所養飼的嬰仔？ 祭司及先知哪通佇上主的聖殿受殺害？</verse>
				<verse number="21">少年人及老人攏倒佇街路； 少女及青年人攏死佇刀下。 你佇受氣的日給𪜶刣死， 一屑仔都無留情。</verse>
				<verse number="22">你對四面召集我的對敵， 親像叫人來過節。 佇上主受氣的日， 無人會當逃脫， 會當保存性命； 對敵刣死我所有養育的兒女。</verse>
			</chapter>
			<chapter number="3">
				<verse number="1">我互上主受氣的柺刑罰， 受盡苦痛。</verse>
				<verse number="2">伊趕我入去烏暗， 四面無光。</verse>
				<verse number="3">伊一再下手拍我， 歸日無停。</verse>
				<verse number="4">伊互我消瘦落肉； 伊遏折我的骨頭。</verse>
				<verse number="5">伊用悲慘包圍我， 用苦楚攻擊我。</verse>
				<verse number="6">伊互我住佇烏暗中， 親像已經死真久的人。</verse>
				<verse number="7">伊用牆圍困我，互我𣍐當逃脫； 伊用真重的銅鍊給我縛啲。</verse>
				<verse number="8">我哀求呼叫， 伊毋聽我的祈禱。</verse>
				<verse number="9">伊用拍過的大石擋我的路， 互我的路嵁硈彎曲。</verse>
				<verse number="10">伊親像埋伏的熊， 嘛親像匿啲的獅，聽候欲攻擊我。</verse>
				<verse number="11">伊迫我離開大路， 給我拆碎，放佇邊仔。</verse>
				<verse number="12">伊開弓， 給我當做紅心射。</verse>
				<verse number="13">伊用箭袋內的箭， 射入我的心。</verse>
				<verse number="14">我成做萬民的笑柄； 𪜶歸暝歸日作歌恥笑我。</verse>
				<verse number="15">伊用苦菜強迫我食， 用苦酒強迫我飲。</verse>
				<verse number="16">伊用碎石仔磨斷我的嘴齒， 用土沙粉蓋我。</verse>
				<verse number="17">我的生活失去平安； 我已經𣍐記得幸福是什麼。</verse>
				<verse number="18">所以我講：我的元氣消失， 毋敢閣期待上主解救我。</verse>
				<verse number="19">回想我的痛苦及流浪， 親像啲食苦菜，飲苦酒。</verse>
				<verse number="20">想起諸個事， 我的心沉重鬱卒。</verse>
				<verse number="21">毋拘當我想起此件事， 我就閣有向望：</verse>
				<verse number="22">上主的慈愛永遠存在， 伊的憐憫永𣍐斷絕，</verse>
				<verse number="23">逐早起換新； 你的信實廣大。</verse>
				<verse number="24">我的心講：上主是我一切福氣的源頭， 所以我欲向望聽候伊。</verse>
				<verse number="25">信靠伊，尋求伊的人， 上主施恩互𪜶。</verse>
				<verse number="26">人著吞忍聽候上主的救恩， 因為這是好。</verse>
				<verse number="27">人應該佇少年的時背伊的軛， 因為這是好。</verse>
				<verse number="28">人著家己一個恬恬坐啲， 這是上主互伊的軛。</verse>
				<verse number="29">人應該面仆佇土腳， 按呢可能猶有向望。</verse>
				<verse number="30">著據在人巴嘴䩃， 忍受一切的凌辱。</verse>
				<verse number="31">主𣍐永遠棄拺人。</verse>
				<verse number="32">伊雖然互人憂愁， 猶原會照伊豐盛的慈愛憐憫人。</verse>
				<verse number="33">伊毋甘互人受苦， 互人憂傷。</verse>
				<verse number="34">所有受掠的互人踐踏壓制， 主一定關懷！</verse>
				<verse number="35">至高者所賜的人權受剝削， 主一定關懷！</verse>
				<verse number="36">人佇法庭受冤枉， 主一定關懷！</verse>
				<verse number="37">若毋是主的旨意， 人豈會當有什麼成就？</verse>
				<verse number="38">災禍抑是祝福， 豈毋是攏出佇至高者的命令？</verse>
				<verse number="39">人因為家己的罪受刑罰， 有什麼通埋怨？</verse>
				<verse number="40">咱著反省檢討家己的行為， 越轉歸向上主。</verse>
				<verse number="41">咱著向天頂的上帝， 誠心攑手祈禱。</verse>
				<verse number="42">阮犯罪背逆， 你無赦免阮。</verse>
				<verse number="43">你發大受氣，追趇阮； 你下手剿滅阮，攏無留情。</verse>
				<verse number="44">你匿佇密雲內底， 阮的祈禱𣍐當透到你遐。</verse>
				<verse number="45">你互阮成做渣滓糞埽， 佇萬民中受棄拺。</verse>
				<verse number="46">阮所有的對敵 攏大聲攻擊阮。</verse>
				<verse number="47">阮抵著驚惶及陷阱， 經歷死亡及毀滅。</verse>
				<verse number="48">為著同胞受毀滅， 我的目屎親像江河直直流。</verse>
				<verse number="49">我的目屎直直流， 流𣍐停，</verse>
				<verse number="50">直到上主看顧， 對天憐憫。</verse>
				<verse number="51">看見城內婦女的遭遇， 我的心非常痛苦。</verse>
				<verse number="52">敵人無緣無故追趇我， 親像啲掠雀鳥仔。</verse>
				<verse number="53">𪜶欲互我死，活活㧒落深坑， 閣用石頭塞牢坑口。</verse>
				<verse number="54">水淹過我的頭殼； 我想：我無命啦！</verse>
				<verse number="55">上主啊， 我對深坑底求叫你的名。</verse>
				<verse number="56">你曾聽我的祈求； 求你毋通塞密耳孔， 毋聽我喝救的聲。</verse>
				<verse number="57">我呼求的時，你有倚近我， 給我講：毋免驚！</verse>
				<verse number="58">主啊，你曾替我申冤， 贖回我的性命。</verse>
				<verse number="59">上主啊，你有看見我受委屈； 求你宣判我正直無罪。</verse>
				<verse number="60">你知對敵按怎怨恨我， 圖謀欲害我。</verse>
				<verse number="61">上主啊，你有聽見𪜶詈罵我； 知影𪜶害我的計謀。</verse>
				<verse number="62">你聽見我的對敵歸日攻擊我的話， 及𪜶欲陷害我的陰謀。</verse>
				<verse number="63">你看，對早起到暗暝， 𪜶不時唱歌睥相我。</verse>
				<verse number="64">上主啊， 求你照𪜶的行為報應𪜶。</verse>
				<verse number="65">求你互𪜶心硬， 給𪜶咒詛。</verse>
				<verse number="66">求你發大受氣追趇𪜶， 給𪜶對上主你的地消滅。</verse>
			</chapter>
			<chapter number="4">
				<verse number="1">啊，黃金竟然暗淡無光， 純金竟然失去光彩！ 聖殿的石頭竟然散甲歸街路。</verse>
				<verse number="2">錫安 尊貴的子民價值親像純金， 現在煞互人看做燒瓷師傅做的粗瓷。</verse>
				<verse number="3">豺狼猶久互伊的子𠲿奶， 我的子民竟然殘忍親像曠野的鴕鳥。</verse>
				<verse number="4">食奶的嬰仔無奶通𠲿， 嘴焦甲嘴舌黏佇頂顎； 囝仔討食物， 連一屑仔都無人分互𪜶。</verse>
				<verse number="5">平時食山珍海味的人， 現在餓死佇街路； 過去生活奢侈的人， 現在佇糞埽堆尋物食。</verse>
				<verse number="6">上帝一目𥍉久毀滅 所多瑪 ， 無用人的手； 我的子民的罪， 比 所多瑪 住民的罪閣較重 。</verse>
				<verse number="7">過去， 錫安 的拿細耳人比雪較白， 比奶較純； 𪜶的身軀比紅寶石較紅， 生做媠親像藍寶石。</verse>
				<verse number="8">現在，𪜶的面比火炭較烏， 消瘦落肉， 瘦甲親像柴； 𪜶佇路裡無人會認得。</verse>
				<verse number="9">互人刣死的比餓死的較好； 餓死是無食物，慢慢消瘦來死。</verse>
				<verse number="10">我的子民受毀滅的時， 連仁慈的老母都煮家己的子食！</verse>
				<verse number="11">上主發大受氣， 摒出腹內的烈火， 用火燒 錫安 ， 連地基嘛給伊燒毀。</verse>
				<verse number="12">世間的君王及地上的住民， 攏𣍐當相信 有對敵會當攻入 耶路撒冷 的城門。</verse>
				<verse number="13">這攏是因為𪜶先知的罪惡及祭司的罪孽； 𪜶刣死城內公義正直的人。</verse>
				<verse number="14">𪜶親像盲人佇街路四界踅， 歸身軀沐甲全全血， 無人敢摸著𪜶的衫，恐驚無清氣。</verse>
				<verse number="15">人喝𪜶：走！閃開！ 恁諸個無清氣的人，倚來！ 𪜶變做難民四界流浪， 無一個國家肯收留𪜶。</verse>
				<verse number="16">上主親身給𪜶趕散， 無閣看顧𪜶； 祭司無受看重， 長老無受尊重。</verse>
				<verse number="17">阮看甲目睭花，猶看𣍐著救助的向望； 阮聽候閣再聽候的， 竟然是一個無力解救阮的國家。</verse>
				<verse number="18">對敵追蹤阮的腳步， 害阮毋敢佇街路行。 阮的日子滿啦！ 阮的結局到啦！</verse>
				<verse number="19">追趇阮的人比空中啲飛的鷹鳥較緊； 𪜶佇山裡追趇阮， 佇曠野埋伏聽候阮。</verse>
				<verse number="20">上主抹油選立的君王是阮的性命； 阮曾按呢想： 佇伊的保護下，阮會當佇列國中生存。 毋拘伊落佇陷坑互人掠去。</verse>
				<verse number="21">以東 人， 烏斯 的住民啊， 出在恁歡喜快樂！ 苦杯嘛會輪到恁飲； 恁欲飲甲酒醉，赤身露體。</verse>
				<verse number="22">錫安 啊，你罪過的刑罰已經滿， 上主𣍐閣互你受放逐 。 以東 啊，上主欲刑罰你， 欲暴露你的罪惡。</verse>
			</chapter>
			<chapter number="5">
				<verse number="1">上主啊，求你會記得阮的遭遇， 俯落看阮所受的凌辱。</verse>
				<verse number="2">阮的產業落佇生份人的手中； 阮的厝宅互外族人提去。</verse>
				<verse number="3">阮成做無父的孤兒； 阮的老母親像寡婦。</verse>
				<verse number="4">阮連飲家己的水嘛著付錢， 連家己欲燃的柴嘛著買。</verse>
				<verse number="5">阮親像頷頸掛軛的牛互人趕， 勞碌厭倦，無通歇睏。</verse>
				<verse number="6">阮著向 埃及 及 亞述 投降， 才食會飽。</verse>
				<verse number="7">阮的祖先犯罪；今𪜶嘛已經無佇啲啦， 毋拘阮煞因為𪜶的罪受苦。</verse>
				<verse number="8">做奴才的人管轄阮， 嘛無人救阮脫離𪜶的手。</verse>
				<verse number="9">曠野有強盜， 阮著冒性命的危險尋食。</verse>
				<verse number="10">阮因為枵餓發熱， 皮膚烏親像火爐。</verse>
				<verse number="11">婦仁人佇 錫安 受強暴， 少女佇 猶大 的城鎮受凌辱。</verse>
				<verse number="12">阮的領袖互人吊起來； 老人無受尊重。</verse>
				<verse number="13">少年人受迫挨石磨； 囝仔因為揹柴跋倒。</verse>
				<verse number="14">老人無閣佇城門口聚集； 少年人無閣彈琴作樂。</verse>
				<verse number="15">阮的心無閣有喜樂； 跳舞變做哀哭。</verse>
				<verse number="16">阮的王冠對頭殼落落來； 阮犯罪，阮有災禍啦。</verse>
				<verse number="17">阮因為諸個事心煩意亂； 目屎互阮的目睭濛霧。</verse>
				<verse number="18">錫安山 已經拋荒， 豺狼佇遐賴賴趖。</verse>
				<verse number="19">上主，你永遠存在； 你的統治直到萬世代。</verse>
				<verse number="20">你是按怎一直𣍐記得阮？ 你是按怎長期棄拺阮？</verse>
				<verse number="21">上主啊，求你互阮回心轉意， 互阮越頭歸向你。 求你換新阮的性命，親像早時的日子！</verse>
				<verse number="22">你哪通永遠受氣阮？ 你哪通永遠棄拺阮？</verse>
			</chapter>
		</book>
		<book number="26">
			<chapter number="1">
				<verse number="1">第三十年 四月初五，我及受放逐到 巴比倫 的 猶太 人做夥住佇 迦巴魯 河邊。彼時天拍開，我看見上帝的異象。</verse>
				<verse number="2">此個代誌發生佇 約雅斤 王受掠去 巴比倫 以後第五年。</verse>
				<verse number="3">佇 巴比倫 的 迦巴魯 河邊，上主對 布西 的子祭司 以西結 講話；上主賞賜伊氣力。</verse>
				<verse number="4">我啲觀看的時，看見大風對北旁掃過來；有一大片雲閣有閃熠的火，雲的四周圍光映映，對彼中間發出的火親像會熠的金屬赫呢光。</verse>
				<verse number="5">佇中央有出現四個活物：𪜶的形狀親像人，</verse>
				<verse number="6">逐個攏有四個面，四支翼；</verse>
				<verse number="7">𪜶的腳直直，腳蹄親像牛的蹄，光映映親像磨光的銅，</verse>
				<verse number="8">佇逐支翼股下面有人的手。四個面，四支翼是按呢：</verse>
				<verse number="9">𪜶的翼攏相連接；行動的時毋免轉身，攏會當對逐旁直行。</verse>
				<verse number="10">四個活物各有四款面：頭前的面親像人，正旁的面親像獅，倒旁的面親像牛，後面的面親像鷹。</verse>
				<verse number="11">𪜶的翼向頂面搋開，逐個活物的兩支翼及兩旁的活物的翼相接，另外兩支翼遮蓋家己的身軀。</verse>
				<verse number="12">逐個活物的面向前，照心意做夥行動，直行毋免轉斡。</verse>
				<verse number="13">諸個活物的形狀親像啲𤏸的火炭，嘛親像火把，火焰不斷佇活物中央來回徙位振動；火真光，對火的中間發出熠爁。</verse>
				<verse number="14">諸個活物前後闖來闖去，速度親像熠爁赫呢緊。</verse>
				<verse number="15">我啲觀看諸個活物的時，看見每一個有四個面的活物邊仔攏有一個輪仔佇土腳。</verse>
				<verse number="16">四個輪仔內外的形狀攏仝款，若親像每一個輪仔內面閣有一個輪仔；輪仔攏親像寶石發光。</verse>
				<verse number="17">此四個輪仔振動的時，攏會當向逐旁直行，毋免轉斡。</verse>
				<verse number="18">四個輪仔的輪框，高閣互人驚畏；框的外表攏是目睭。</verse>
				<verse number="19">諸個活物行動的時，四個輪仔隨佇邊仔轉踅；活物離開地面，輪仔嘛離開地面。</verse>
				<verse number="20">活物的心意欲去叨位，輪仔就去叨位，因為活物的心意控制輪仔。</verse>
				<verse number="21">當活物行動，輪仔嘛行動；活物停啲，輪仔嘛停啲；活物對地面升高，輪仔嘛對地面升高，因為活物的心意控制輪仔。</verse>
				<verse number="22">諸個活物的頭殼頂有穹蒼的形狀，親像啲發光，顯目的水晶佇𪜶的頭殼頂展開。</verse>
				<verse number="23">佇穹蒼下面，𪜶的翼直直搋開，及邊仔的活物的翼相連接，每一個活物用兩支翼遮蓋家己的身軀。</verse>
				<verse number="24">活物行動的時，我聽見𪜶的翼發出聲，聲親像大水嘩嘩哮，嘛親像軍隊啲造聲勢，閣親像全能上帝的聲。𪜶停止，徛啲的時，翼就垂落來。</verse>
				<verse number="25">毋拘活物停啲、翼垂落去的時，猶原有聲音對𪜶頭殼頂的穹蒼傳出來。</verse>
				<verse number="26">佇活物頭殼頂的穹蒼頂面，有一個形狀親像用藍寶石造的寶座；坐佇寶座頂的，形狀親像人。</verse>
				<verse number="27">我看見伊的腰頂高親像會熠的金屬赫呢光，四周圍親像啲𤏸的火；伊的腰以下親像火啲𤏸，四面發出光。</verse>
				<verse number="28">周圍的光輝親像落雨的時雲中的虹仝款。這就是上主顯現的時榮光的形狀。 我一下看見此個景象，就仆佇土腳。我閣聽見有人啲講話的聲。</verse>
			</chapter>
			<chapter number="2">
				<verse number="1">上帝對我講：「人子啊，徛起來！我有話欲給你講。」</verse>
				<verse number="2">伊講話的時，上帝的神進入我的內面，互我徛起來。我聽見伊給我講：</verse>
				<verse number="3">「人子，我欲派你去 以色列 人，就是背逆我的國民遐。𪜶及𪜶的祖先背逆我，現在猶啲背叛我。</verse>
				<verse number="4">諸個子民面皮厚，心硬，我派你去𪜶遐，傳達我 — 至高的上主欲給𪜶講的話。</verse>
				<verse number="5">不管諸個背逆的人欲聽抑是毋聽，𪜶應該知有一個先知佇𪜶中間。</verse>
				<verse number="6">「人子，毋免驚𪜶，嘛毋免因為𪜶講的話驚惶。雖然𪜶會反抗，看𣍐起你，互你親像受草刺及蒺藜包圍，閣親像𫢶佇蝎仔蟲中間，你毋免驚𪜶講的話，嘛毋免因為𪜶的面色著驚。</verse>
				<verse number="7">不管𪜶欲聽抑是毋聽，你著將我的話給𪜶講，因為𪜶是背逆的人。</verse>
				<verse number="8">「人子，著聽我給你講的話；毋通及許個背逆的人像款背叛我。開你的嘴，將我欲互你的物食落去。」</verse>
				<verse number="9">看咧，我看見一支手伸過來我遮，手內有一卷冊卷。</verse>
				<verse number="10">伊佇我的面前搋開彼卷冊卷；我看見冊的雙面攏有寫字，內面寫的是哀歌、吐氣，及災禍的話。</verse>
			</chapter>
			<chapter number="3">
				<verse number="1">上帝對我講：「人子，將我互你此卷冊卷食落去，然後去對 以色列 人宣講。」</verse>
				<verse number="2">所以我嘴擘開，伊就將彼卷冊互我食。</verse>
				<verse number="3">伊閣講：「人子，著食我互你的冊卷，互你的腹肚飽淀。」我就食；冊佇我的嘴內甘甜若蜜。</verse>
				<verse number="4">上帝給我講：「人子，去 以色列 人遐，將我的話給𪜶講。</verse>
				<verse number="5">我毋是派你去語言得理解的民族遐，是派你去 以色列 人中間。</verse>
				<verse number="6">我毋是派你去語言𣍐通，講什麼你攏聽無的民族遐；我若派你去𪜶中間，𪜶會聽你的話。</verse>
				<verse number="7">毋拘 以色列 人民毋肯聽你的話，因為𪜶連我的話都毋聽。 以色列 人民固執，心肝硬。</verse>
				<verse number="8">我欲互你意志堅定會當及𪜶對抗。</verse>
				<verse number="9">我欲互你的意志親像鑽石，比火石閣較堅定。雖然𪜶是背逆的子民，你毋免驚𪜶，嘛毋免因為𪜶的面色著驚。」</verse>
				<verse number="10">上帝閣對我講：「人子，我講的話，你著注意聽，嘛著囥佇心內。</verse>
				<verse number="11">你著去流亡的同胞遐，不管𪜶欲聽抑是毋聽，著傳達我 — 至高的上主欲給𪜶講的話。」</verse>
				<verse number="12">彼時，上帝的神給我夯起來，我就聽著我的後面有哄哄叫的聲，講：「著稱讚上主對伊遐所顯出的榮耀！」</verse>
				<verse number="13">我閣聽見諸個活物佇空中啲飛，翼仔相磕的聲，嘛聽見𪜶的輪仔轉踅所發出親像大地動的聲。</verse>
				<verse number="14">上帝的神給我夯起來，導我行，我的心艱苦閣受氣，上主的大氣力給我扼啲。</verse>
				<verse number="15">按呢，我來到 迦巴魯 河邊的 提勒‧亞筆 ，就是流亡的同胞住的所在。我鬱卒愣愣佇𪜶中間住七日。</verse>
				<verse number="16">七日後，上主給我講：</verse>
				<verse number="17">「人子，今我指派你做 以色列 人民的守望者。你著將我給你講警告的話給𪜶講。</verse>
				<verse number="18">若是我宣布某一個邪惡的人一定著死，你無去給警告，勸伊改邪歸正，互伊通救家己，此個人雖然會因為家己的罪死，毋拘我欲對你追究伊死的責任。</verse>
				<verse number="19">你若有警告彼個人毋通繼續作歹，毋拘伊無欲改邪歸正，伊會因為家己的罪死；伊的死，你毋免負責任。</verse>
				<verse number="20">「若是義人離開正路去作歹，我欲互伊跋倒，互伊死。你若無警告伊，伊一定會死。伊欲因為家己的罪死，我無欲記念伊所做的好事，嘛欲對你追究責任。</verse>
				<verse number="21">毋拘你若有警告伊毋通犯罪，伊嘛無閣犯罪，伊欲因為接受警告來活，你嘛欲救家己的性命。」</verse>
				<verse number="22">上主的氣力充滿我；伊給我講：「起來，去山谷遐，我欲佇遐對你講話。」</verse>
				<verse number="23">我就起來，去山谷，佇遐看見上主的榮光，及我佇 迦巴魯 河邊所看見的像款。我就仆落去土腳；</verse>
				<verse number="24">上帝的神進入我內面，互我徛起來。上主對我講：「轉去，給家己關佇厝內。</verse>
				<verse number="25">人子啊，人欲用索仔給你縛起來，互你𣍐當出去外面見人。</verse>
				<verse number="26">我欲互你啞口𣍐講話，互你無法度警告許個背逆的人民。</verse>
				<verse number="27">毋拘，我會閣對你講話，彼時，我會開你的嘴，你著傳達我 — 至高的上主欲給𪜶講的話。人若欲聽，互𪜶聽；人若毋聽，據在𪜶，因為𪜶是背逆的人民。」</verse>
			</chapter>
			<chapter number="4">
				<verse number="1">上主講：「人子啊，你著提一塊磚仔囥佇你的面前，頂面畫一座城代表 耶路撒冷 ，</verse>
				<verse number="2">閣佇城四周圍起高塔，造土堆，紮營，安挵城的槌。</verse>
				<verse number="3">然後，提一塊鐵枋𫞼佇你及城的中間做城牆。你著面對此座城，親像你啲圍攻城。這是我互 以色列 人的兆頭。</verse>
				<verse number="4">「你著倒倒旁來擔 以色列 人罪過的刑罰。你倒幾日，代表𪜶承受刑罰偌久。</verse>
				<verse number="5">我已經決定你倒的日數，代表𪜶背逆的年的數目，你著倒三百九十日，擔 以色列 國罪過的刑罰。</verse>
				<verse number="6">此個事了後，你著閣倒正旁四十日，擔 猶大 國罪過的刑罰。一日抵一年。</verse>
				<verse number="7">「你著面向受圍困的 耶路撒冷 城，露出手骨，講預言攻擊伊。</verse>
				<verse number="8">我欲給你縛起來，互你𣍐當翻身反旁，直到圍城的日子滿。</verse>
				<verse number="9">「了後，你著提一寡小麥、大麥、豆仔、扁豆、黍仔、粗麥，囥佇碗裡作餅，這就是你向倒旁倒的彼三百九十日的食物。</verse>
				<verse number="10">你每日食的量是兩百三十公克，逐日照時食。</verse>
				<verse number="11">你每日飲的水是半公升，逐日照時飲。</verse>
				<verse number="12">你著佇民眾面前，用人的糞做火柴烘餅來食，親像啲食大麥餅。」</verse>
				<verse number="13">上主閣講：「 以色列 人互我趕逐流亡佇外國的時，𪜶會親像按呢食律法所禁止無清氣的食物。」</verse>
				<verse number="14">毋拘我應講：「至高的上主，我前到今毋曾違背清氣的條例，對細漢就無食自然死的，抑是互野獸拆裂的動物。我毋曾食禮儀上無清氣的食物。」</verse>
				<verse number="15">上帝給我講：「按呢好，你通用牛糞代替人的糞做火柴烘你的餅。」</verse>
				<verse number="16">伊閣講：「人子啊，我欲斷絕 耶路撒冷 的糧食。𪜶欲心存掛慮食配給的餅，帶驚惶飲受限量的水。</verse>
				<verse number="17">𪜶的糧食無夠通食，水無夠通飲；𪜶欲絕望驚惶，因為家己的罪惡衰荏來死。」</verse>
			</chapter>
			<chapter number="5">
				<verse number="1">上主講：「人子啊，你著提一支利劍做剃頭刀，剃你的頭毛，剾你的嘴鬚，用天秤給𪜶秤，平分做三份。</verse>
				<verse number="2">城受圍困的日子滿了後，你著提三分一的嘴鬚及頭毛佇城內燒；提另外三分一去城外，給𪜶剁互幼幼；閣提賰的三分一撒佇空中，互風吹散，我嘛欲拔劍追趕𪜶。</verse>
				<verse number="3">你著留幾支毛，用你的衫仔裾包啲，</verse>
				<verse number="4">然後閣提幾支毛出來，㧒佇火裡燒。火欲對遐燒，湠到 以色列 全國。」</verse>
				<verse number="5">至高的上主講：「這就是 耶路撒冷 ！我給伊下佇萬國的中心，互列國佇伊的四周圍。</verse>
				<verse number="6">毋拘伊違背我的命令及規例，比列國閣較邪惡，比伊周圍的國家閣較背逆。伊無守我的命令，棄拺我的規例。</verse>
				<verse number="7">所以， 耶路撒冷 ！著聽我 — 至高的上主所講的話。你無守我的規例，棄拺我的命令，連四周圍列國的規矩嘛無遵守。</verse>
				<verse number="8">因為按呢，我 — 至高的上主宣布，我欲及你作對敵；我欲佇列國的面前審判你。</verse>
				<verse number="9">因為你做可惡的事，我欲刑罰你。我前到今毋曾按呢給你刑罰，以後嘛𣍐閣按呢刑罰你。</verse>
				<verse number="10">佇你境內，父母欲食𪜶的子兒，子兒嘛欲食𪜶的父母。我欲給你刑罰，欲給 以色列 所賰的人民攏流放去逐所在。</verse>
				<verse number="11">「所以，我 — 至高的上主用家己的活命立誓：你既然做通厭惡、通痛恨的事來拍垃墋我的聖殿，我欲給你消滅，無欲同情，無欲疼惜。</verse>
				<verse number="12">以色列 的人民三分一欲因為瘟疫，抑是飢荒死；另外三分一欲佇城外四圍互刀劍刣死；賰的三分一我欲互𪜶攏四散去逐所在，嘛欲拔劍追趕𪜶。</verse>
				<verse number="13">「按呢，我的受氣才會消，我對𪜶的大受氣才會煞。𪜶就知我上主出佇激動熱切講諸個話。</verse>
				<verse number="14">我欲互你抵著見笑，互你變做荒埔，四周圍列國對遮經過的人攏欲恥笑你。</verse>
				<verse number="15">「我發大受氣、重重刑罰你的時，你欲佇四周圍的列國中受凌辱、恥笑；𪜶嘛欲因為你所受的刑罰著驚，受警戒。我上主按呢宣告。</verse>
				<verse number="16">我向註定滅亡的人射出飢荒毀滅的箭的時，我欲互飢荒閣較嚴重，欲斷絕恁的糧食。</verse>
				<verse number="17">我欲互恁抵著飢荒，受野獸侵犯，恁會失去子兒，嘛會抵著瘟疫、暴力，及戰爭。」上主按呢宣告。</verse>
			</chapter>
			<chapter number="6">
				<verse number="1">上主給我講：</verse>
				<verse number="2">「人子啊，著面向 以色列 的眾山，傳達我的信息，講：</verse>
				<verse number="3">『 以色列 的眾山啊，著聽至高上主的話。至高的上主對大山、小山、山溝、山谷按呢講：我欲用刀劍毀滅恁的山頭壇。</verse>
				<verse number="4">祭壇欲受拆毀，香壇受拍碎，受刣死的人欲倒佇恁的偶像的頭前。</verse>
				<verse number="5">我欲給 以色列 人的身屍㧒佇𪜶的偶像的頭前，將恁的骨骸撒散佇恁的祭壇四周圍。</verse>
				<verse number="6">無論恁住佇什麼所在，恁的城鎮攏欲變做荒埔，山頭壇拋荒致到祭壇荒廢，偶像受拍碎毀滅，香壇受斬斷。恁所造的一切攏欲受除滅。</verse>
				<verse number="7">受刣的人倒佇恁中間，恁就知我是上主。</verse>
				<verse number="8">「『我欲給恁留一寡人，互𪜶逃脫列國的刀劍，分散去逐所在。</verse>
				<verse number="9">彼時，許個脫離刀劍的人，佇受放逐的所在欲想起我，了解我因為𪜶的不忠、背逆，以及心目戀慕偶像來心艱苦。𪜶會因為家己所做邪惡的歹事厭惡家己。</verse>
				<verse number="10">𪜶欲明白我是上主，我講欲降災禍互𪜶，毋是講假的。』」</verse>
				<verse number="11">至高的上主按呢講：「你著𬧋腳頓手，講：『慘啦， 以色列 因為做邪惡及做互人厭惡的事，欲死佇戰爭、枵餓，及瘟疫。』</verse>
				<verse number="12">佇遠遠的所在的人欲因為瘟疫來死；佇附近的人欲因為戰亂來死；留落來的人欲因為飢荒來死。我欲佇𪜶身上摒盡我的大受氣。</verse>
				<verse number="13">「𪜶受刣的人的身屍欲四散佇𪜶的偶像中間，佇𪜶的祭壇四周圍，佇每一座大山、小山的頂面，佇每一欉青翠的樹及茂盛的橡樹腳，就是𪜶曾向偶像獻芳芳的祭的所在。按呢，𪜶就知我是上主。</verse>
				<verse number="14">我一定欲出手攻擊𪜶。我欲互𪜶的地荒廢，對南方的曠野一直到北方的 第伯拉 城； 以色列 人住的所在攏欲拋荒。按呢，𪜶就知我是上主。」</verse>
			</chapter>
			<chapter number="7">
				<verse number="1">上主對我講：</verse>
				<verse number="2">「人子啊，這就是我 — 至高的上主欲對 以色列 人民宣布的話：終局到啦， 以色列 國四境的終局近啦！</verse>
				<verse number="3">「 以色列 啊！你的終局到啦。我欲對你發大受氣。我欲照你的行為審判你，欲因為你所做通厭惡的事刑罰你。</verse>
				<verse number="4">我無欲憐憫你，無欲同情你。我欲照你的行為報應你，照你所做通厭惡的事刑罰你。按呢，你就知我是上主。」</verse>
				<verse number="5">至高的上主閣講：「看咧，災難會一個接一個臨到。</verse>
				<verse number="6">你的終局近啦！你的終局到啦！看咧，你𣍐走閃得啦！</verse>
				<verse number="7">國內的住民，災難臨到啦。時到啦，日子逼近啦！山頂的祭壇欲有混亂，無閣有歡喜快樂的聲。</verse>
				<verse number="8">「我真緊就欲將我的大受氣摒佇你身上，將我的受氣攏摒互你。我欲照你的行為審判你，欲因為你所做通厭惡的事刑罰你。</verse>
				<verse number="9">我無欲憐憫你，無欲同情你。我欲照你的行為報應你，照你所做通厭惡的事刑罰你。按呢，你就知給你刑罰的是我上主。</verse>
				<verse number="10">「看咧，彼日來啦，災難已經到啦；驕傲已經茁芽，柺仔已經開花。</verse>
				<verse number="11">強暴興起，變做刑罰歹人的柺仔。𪜶所有的攏欲無去，財富、尊貴攏欲失去。</verse>
				<verse number="12">「時到啦，彼日近啦，買的人毋免歡喜，賣的人毋免傷心，因為上主的大受氣欲降落佇𪜶眾人身上。</verse>
				<verse number="13">無一個賣主會當活到給伊賣出去的買轉來，因為上主關係此個人民的異象一定𣍐廢止。無人會當佇家己的罪惡中保全性命。</verse>
				<verse number="14">𪜶歕哨角，軍器準備好勢，毋拘無人上戰場交戰，因為我的大受氣欲降落佇眾人的身上。」</verse>
				<verse number="15">上主講：「城外有戰爭，城內有瘟疫、飢荒。佇田野的人攏欲死佇刀下；城內的人攏欲病死，餓死。</verse>
				<verse number="16">𪜶中間若有人逃脫，會佇山頂為家己的罪，親像山谷中的粉鳥哀怨吐氣。</verse>
				<verse number="17">𪜶逐個人的手攏無力，驚甲腳痠手軟。</verse>
				<verse number="18">𪜶欲穿麻衫，歸個人驚惶愕愕惙；逐個人攏剃光頭，見笑無面子。</verse>
				<verse number="19">𪜶欲將金銀㧒佇街路，親像擲糞埽仝款。佇上主發大受氣的日，金銀無法度解救𪜶，因為金銀𣍐當滿足𪜶的慾望，𣍐當互腹肚食飽，顛倒互𪜶跋倒犯罪。</verse>
				<verse number="20">𪜶曾誇口𪜶媠的珠寶，閣用許個珠寶鑄造通厭惡的偶像。所以，上主欲互𪜶看家己的珠寶做污穢的物件。</verse>
				<verse number="21">「我欲互外族人給伊搶奪，叫匪徒給伊搶劫；𪜶欲給伊拍垃墋。</verse>
				<verse number="22">我欲面越走毋插 以色列 ，出在我聖的所在受褻瀆，互強盜入去褻瀆。</verse>
				<verse number="23">「鍊仔著準備好勢！因為逐所在攏有刣人流血的事，逐鄉鎮充滿強暴。</verse>
				<verse number="24">我欲互上兇惡的民族來佔𪜶的厝，互列國褻瀆𪜶敬拜的所在，互強暴的人𣍐閣聳鬚。</verse>
				<verse number="25">災禍到啦！𪜶啲求平安，毋拘無平安。</verse>
				<verse number="26">災難了後閣有災難，歹消息續接歹消息。𪜶尋先知求異象，毋拘無路用；祭司無閣有教導，長老嘛𣍐當給人民指導。</verse>
				<verse number="27">國王悲傷，領袖失望，人民驚甲皮皮惙。我欲照𪜶的行為辦𪜶，照𪜶判斷人的方法給𪜶審判。按呢，𪜶就知我是上主。」</verse>
			</chapter>
			<chapter number="8">
				<verse number="1">第六年六月初五，我坐佇厝內， 猶大 的眾長老坐佇我的面前。至高上主的氣力充滿我。</verse>
				<verse number="2">我觀看的時，看見一個親像人的形像；伊的腰以下親像火，腰頂高親像會熠的金屬赫呢光。</verse>
				<verse number="3">伊伸出一支親像人的手扭我的頭毛。伊的神給我夯高到空中；佇異象中，伊的神帶我去 耶路撒冷 聖殿內埕的北門門口。佇遐有一個座位，頂面坐惹上帝受氣的偶像。</verse>
				<verse number="4">佇遐，我看見 以色列 上帝的榮光，及我佇 迦巴魯 河邊看見的像款。</verse>
				<verse number="5">上帝對我講：「人子啊，你看北旁！」我就攑頭向北看，看見祭壇門的北旁，佇入口有一身惹上帝受氣的偶像。</verse>
				<verse number="6">上帝閣對我講：「人子啊，你有看見 以色列 人佇遮啲做什麼？𪜶佇遮做極通厭惡的代誌，迫我離開我的聖所遠遠。毋拘，你會閣看見比這閣較通厭惡的事。」</verse>
				<verse number="7">伊導我去外埕的入口；我一下看，牆壁有一孔。</verse>
				<verse number="8">伊對我講：「人子啊，給牆壁挖迵過。」我一下挖迵過，就看見有一個門。</verse>
				<verse number="9">伊給我講：「入去，看𪜶佇內面所做通厭惡的歹事。」</verse>
				<verse number="10">我就入去看。我看見四面的牆壁刻逐款佇土腳啲趖的活物及通厭惡的走獸，嘛有 以色列 人拜的偶像。</verse>
				<verse number="11">有七十個 以色列 的長老徛佇許個像的頭前， 沙番 的子 雅撒尼亞 嘛佇遐。𪜶逐個人手捧香爐，香的煙淐高。</verse>
				<verse number="12">上帝對我講：「人子啊，你有看著 以色列 的長老，𪜶逐個人暗中佇充滿偶像的房間啲做什麼？𪜶講：『上主看𣍐著阮；伊已經棄拺此塊土地。』」</verse>
				<verse number="13">上主閣給我講：「你會閣看見𪜶做真可惡的歹事。」</verse>
				<verse number="14">然後，伊導我去上主聖殿的北門，佇遐有一群婦女坐啲，為 搭模斯 神明 啼哭。</verse>
				<verse number="15">上主講：「人子啊，你有看見無？你欲看見比這閣較通厭惡的歹事。」</verse>
				<verse number="16">伊閣導我去上主聖殿的內埕。佇聖殿的門口，佇祭壇及走廊的中間，大約有二十五個人，尻脊向聖殿，面向東旁拜日頭。</verse>
				<verse number="17">上主給我講：「人子啊，你有看見無？你看， 猶大 人佇遮所做通厭惡的歹事豈是小可？𪜶佇全國逐所在做強暴的事，一再激我受氣。𪜶閣攑樹枝抵向鼻仔 ，用按呢侮辱我。</verse>
				<verse number="18">所以，我欲對𪜶發大受氣；無欲可憐𪜶，嘛無欲疼惜𪜶。就是講𪜶佇我的耳孔邊大聲呼求，我嘛毋聽。」</verse>
			</chapter>
			<chapter number="9">
				<verse number="1">了後，我聽見上帝大聲喝：「恁諸個負責刑罰此個城的人，來！逐個人帶刣人的武器來！」</verse>
				<verse number="2">隨時有六個人，逐個帶刣人的武器，對聖殿外埕的北門過來，其中有一個穿幼麻布做的衫，腰有寫字的筆及墨。𪜶進前來，徛佇銅的祭壇邊。</verse>
				<verse number="3">本來停佇天使基路伯頂面的 以色列 上帝的榮光，升高到聖殿的入口。上帝叫彼個穿幼麻布的衫、腰帶筆墨的人來。</verse>
				<verse number="4">上主對伊講：「你去，行透全 耶路撒冷 城，給許個為著城內所發生通厭惡的歹事啲吐氣啼哭的人的頭額做記號。」</verse>
				<verse number="5">我閣聽見上主對其他的人講：「恁著隨伊的後面，行透全城，下手刣人；毋免可憐，毋免疼惜𪜶。</verse>
				<verse number="6">無論是老人、少年人、少女、婦女及囝仔，攏著刣死；毋拘毋通刣許個頭額有記號的人。對我的聖所開始下手！」按呢，𪜶下手刣佇聖殿頭前的長老。</verse>
				<verse number="7">伊對𪜶講：「著給聖殿的埕堆滿屍體，拍垃墋聖殿。現在就開始！」𪜶就出去，開始佇城裡刣人。</verse>
				<verse number="8">𪜶佇城裡啲刣人的時，我一個人留佇聖殿。我面仆佇土腳哀求，講：「至高的上主啊，你真正欲將你的受氣摒落佇 耶路撒冷 ，給 以色列 所賰的人攏消滅是無？」</verse>
				<verse number="9">伊應講：「 以色列 人及 猶大 人罪大惡極。全國逐所在攏有刣人流血的事件； 耶路撒冷 充滿不義。𪜶講：『上主已經棄拺此塊土地，伊攏無啲插阮。』</verse>
				<verse number="10">所以，我無欲可憐，無欲疼惜𪜶。𪜶按怎對待別人，我嘛欲按呢對待𪜶。」</verse>
				<verse number="11">後來，彼個穿幼麻布的衫、腰帶筆墨的人轉來，將諸個事向上主報告，講：「我已經照你的命令去做啦。」</verse>
			</chapter>
			<chapter number="10">
				<verse number="1">我觀看，看見佇天使基路伯頭殼頂的穹蒼頂面，有一個形狀親像用藍寶石造的寶座。</verse>
				<verse number="2">上帝對穿幼麻布的衫彼個人講：「你入去，對基路伯下面的輪仔的中央，提啲𤏸的火炭出來，捧佇雙手，撒佇全 耶路撒冷 城。」 我看伊入去。</verse>
				<verse number="3">伊入去的時，基路伯徛佇聖殿的南旁，有雲彩充滿內埕。</verse>
				<verse number="4">上主的榮光升高離開基路伯，停佇聖殿的入口；有雲彩充滿聖殿，上主的榮光發出的光輝充滿歸個埕。</verse>
				<verse number="5">基路伯的翼發出的聲，親像全能上帝啲講話的聲，佇外埕嘛聽會著。</verse>
				<verse number="6">上主吩咐穿幼麻布的衫彼個人對基路伯下面輪仔的中央提火；伊就入去，徛佇一個輪仔的邊仔。</verse>
				<verse number="7">其中一個基路伯伸手對基路伯中央提一寡火，下佇穿幼麻布的衫彼個人的手中。彼個人提著就出去。</verse>
				<verse number="8">許個基路伯的翼股下面有手，看起來親像人的手。</verse>
				<verse number="9">我看見諸個基路伯的邊仔有四個輪仔，每一個基路伯邊仔攏有一個輪仔；輪仔親像寶石發光。</verse>
				<verse number="10">四個輪仔的外形攏仝款；每一個輪仔親像內面閣有一個輪仔。</verse>
				<verse number="11">此四個輪仔振動的時，攏會當對逐旁直行，毋免轉斡。𪜶向叨一個方向行，攏毋免轉斡。</verse>
				<verse number="12">基路伯歸身軀，連尻脊、手、翼，甚至每一個輪仔，四周圍攏是目睭。</verse>
				<verse number="13">諸個輪仔，照我聽見的叫做「啲轉的輪仔」。</verse>
				<verse number="14">每一個基路伯攏有四款面：第一個是牛 的面，第二個是人的面，第三個是獅的面，第四個是鷹的面。</verse>
				<verse number="15">基路伯飛上高；諸個是我佇 迦巴魯 河邊看見的活物。</verse>
				<verse number="16">基路伯行的時，輪仔嘛佇邊仔行。𪜶搋開翼飛高離開地面，輪仔嘛無轉踅離開𪜶身邊。</verse>
				<verse number="17">基路伯停啲，輪仔嘛停啲；基路伯對地面升高，輪仔嘛做夥升高，因為活物的心意控制輪仔。</verse>
				<verse number="18">上主的榮光離開聖殿的入口，停佇基路伯的頂面。</verse>
				<verse number="19">我看見基路伯搋翼飛高離開地面，輪仔嘛佇𪜶身邊。𪜶停佇聖殿東門的入口， 以色列 上帝的榮光佇𪜶頂面。</verse>
				<verse number="20">諸個是我佇 迦巴魯 河邊所看見，佇 以色列 上帝下面的活物；我知𪜶是基路伯。</verse>
				<verse number="21">每一個基路伯有四款面，四支翼；翼下面有手，看起來親像人的手。</verse>
				<verse number="22">𪜶的面的模樣，就是𪜶的形狀及款式，及我佇 迦巴魯 河邊看見的面仝款。每一個基路伯，攏會當對逐旁直行。</verse>
			</chapter>
			<chapter number="11">
				<verse number="1">上帝的神給我夯起來，帶我到上主聖殿向東旁的正門。我佇門的入口看見二十五個人，其中有 押朔 的子 雅撒尼亞 及 比拿雅 的子 比拉提 此兩個民間的領袖。</verse>
				<verse number="2">上帝給我講：「人子啊，𪜶就是佇城內圖謀邪惡，出歹主意的人。</verse>
				<verse number="3">𪜶講：『現在猶毋是起厝的時。此座城親像鍋仔，咱親像內面的肉。』</verse>
				<verse number="4">所以，人子啊，你著講，著宣講指責𪜶的話。」</verse>
				<verse number="5">上主的神臨到我。伊對我講：「你著給人民講：『上主按呢講： 以色列 人，恁啲講什麼，啲想什麼，我攏知。</verse>
				<verse number="6">恁佇此個城刣死即多人，屍體滿街路。』</verse>
				<verse number="7">「所以，我 — 至高的上主按呢講：此座城就是鍋仔，鍋仔內的肉就是恁佇城內刣死的人的身屍。我欲給恁趕出此個城。</verse>
				<verse number="8">恁驚刀劍，我欲用刀劍攻擊恁。這是至高的上主講的。</verse>
				<verse number="9">我欲給恁趕出此個城，將恁交互外國人，閣給恁審判。</verse>
				<verse number="10">恁欲死佇刀下；我欲佇 以色列 的邊界審判恁，按呢恁就知我是上主。</verse>
				<verse number="11">此座城無欲閣保護恁，親像鍋仔保護內面的肉。我欲佇 以色列 的邊界審判恁。</verse>
				<verse number="12">按呢，恁就知我是上主。恁無遵守我的規例，無順趁我的命令，顛倒照恁周圍列國的規矩去做。」</verse>
				<verse number="13">我抵啲宣講的時， 比拿雅 的子 比拉提 忽然死去。我面仆佇土腳大聲喝：「唉，至高的上主，你欲將 以色列 所賰的人攏消滅是無？」</verse>
				<verse number="14">上主對我講：</verse>
				<verse number="15">「人子啊， 耶路撒冷 的住民啲談論你的兄弟、你的親族、你的同胞，就是所有受放逐的 以色列 人。𪜶講：『許個受放逐的人離開上主真遠啦。上主已經將此塊土地賜互阮做產業。』</verse>
				<verse number="16">「所以，你著講：『至高的上主按呢講：我雖然將 以色列 人放逐去遙遠的列國，給𪜶分散佇逐所在，我猶原欲佇𪜶住的所在做𪜶暫時的聖所。』</verse>
				<verse number="17">「你著閣講：『至高的上主按呢講：我欲對萬民的中間召集恁，對恁四散去的逐所在聚集恁，將 以色列 的土地閣賜互恁。』</verse>
				<verse number="18">受放逐的人轉來的時，𪜶一定會除去所有通厭惡的偶像及通痛恨拜偶像的事。</verse>
				<verse number="19">我欲互𪜶合一的心，將新的神囥佇𪜶內面。我欲對𪜶的身軀除去親像石頭赫呢碇的心，閣賞賜𪜶親像肉赫呢軟的心。</verse>
				<verse number="20">按呢，𪜶就會遵守我的規例，順趁我的命令。𪜶欲做我的子民，我欲做𪜶的上帝。</verse>
				<verse number="21">毋拘心意愛通厭惡的偶像及意愛拜偶像的事許個人，我欲照𪜶的行為給𪜶刑罰。至高的上主按呢宣告。」</verse>
				<verse number="22">基路伯搋開翼，輪仔隨佇𪜶身邊；佇𪜶的頂面有 以色列 上帝的榮光。</verse>
				<verse number="23">上主的榮光對城內升高，停佇城東旁的彼座山頂。</verse>
				<verse number="24">佇異象中，上帝的神給我夯起來，帶我去受放逐佇 巴比倫 的同胞遐。了後，我看見的異象離開我。</verse>
				<verse number="25">我就將上主指示我的逐項事攏講互受放逐的同胞聽。</verse>
			</chapter>
			<chapter number="12">
				<verse number="1">上主對我講：</verse>
				<verse number="2">「人子，你住佇背逆的人中間。𪜶有目睭，毋拘無欲看；有耳孔，毋拘無欲聽，因為𪜶攏是背逆的人。</verse>
				<verse number="3">「所以，人子，你著準備受放逐的時所需要的包袱仔，當頭白日，佇𪜶的目睭前離開你住的所在去別位；𪜶雖然背逆，可能會因為你的行動覺醒。</verse>
				<verse number="4">你著佇日時，佇𪜶的目睭前，提你款好佇受放逐的時欲用的包袱仔出去。到黃昏，你著佇𪜶的面前親像受放逐的人離開。</verse>
				<verse number="5">你閣著佇𪜶猶啲看的時，給你厝的壁挖孔，對彼孔捾包袱仔出去。</verse>
				<verse number="6">到天暗的時，你著佇𪜶面前給包袱仔揹佇肩頭行出去。你閣著給你的面蓋起來，看𣍐著此塊地；我欲互你成做我刑罰 以色列 人的兆頭。」</verse>
				<verse number="7">我就照上主的命令做。彼日，我佇日時將款好佇受放逐的時欲用的包袱仔提出來。到黃昏，我用手給壁挖孔；天暗的時，佇眾人的面前揹包袱仔離開。</verse>
				<verse number="8">隔早起，上主對我講：</verse>
				<verse number="9">「人子，許個背逆的 以色列 人若問你：『你啲創啥？』</verse>
				<verse number="10">你著給𪜶講：『至高的上主按呢講：這是有關佇 耶路撒冷 的王及所有 以色列 人的信息。』</verse>
				<verse number="11">你著給𪜶講：『我就是恁的兆頭。我所做的欲發生佇恁身上。恁欲受掠，受放逐。</verse>
				<verse number="12">恁的王欲佇天暗的時，揹包袱仔對為著伊挖的壁孔出去。伊的面欲蓋啲，看𣍐著此塊地。』</verse>
				<verse number="13">我欲拋網給伊掠起來，掠去 巴比倫 。伊看𣍐著彼個所在，路尾會死佇遐。</verse>
				<verse number="14">我欲給伊的軍隊及四周圍所有幫贊伊的人，趕散去東西南北逐所在，嘛欲拔刀追殺𪜶。</verse>
				<verse number="15">「我給𪜶趕散去列國，給𪜶放逐去逐所在的時，𪜶就知我是上主。</verse>
				<verse number="16">毋拘我欲給𪜶留一寡人，無死佇刀劍、飢荒、瘟疫。按呢，許個留落來的人欲佇受放逐的逐國，講起家己早前所做的歹代。按呢，𪜶就知我是上主。」</verse>
				<verse number="17">上主對我講：</verse>
				<verse number="18">「人子，你食飯的時著皮皮惙，飲水的時著驚惶不安。</verse>
				<verse number="19">你著對此所在的人民講：『這是至高的上主有關留佇 以色列 本國的 耶路撒冷 人民講的話：𪜶食飯的時會皮皮惙，飲水的時會驚惶不安；因為遐的住民無法無天，𪜶的土地會拋荒，無賰半項。</verse>
				<verse number="20">有人住的城鎮會荒廢，土地會拋荒。按呢，恁就知我是上主。』」</verse>
				<verse number="21">上主對我講：</verse>
				<verse number="22">「人子， 以色列 人是按怎有俗語講『日子一日一日啲過，無一個異象實現』？</verse>
				<verse number="23">你著給𪜶講：『至高的上主按呢講：我欲互此句俗語無閣流行； 以色列 人𣍐閣講此句俗語。』你著給𪜶講：『時日逼近啦，所有的異象攏欲實現啦。』</verse>
				<verse number="24">「 以色列 人中間無欲閣有假的異象抑是人合意聽的預言。</verse>
				<verse number="25">我上主親嘴對𪜶講的話，一定會實現，𣍐延遲。背逆的人啊，我給恁講的話欲佇恁活啲的時實現。我 — 至高的上主按呢宣布。」</verse>
				<verse number="26">上主閣對我講：</verse>
				<verse number="27">「人子， 以色列 人欲講：『伊看見的異象是啲講真久以後的代誌，所講的預言攏是指遙遠的將來。』</verse>
				<verse number="28">所以，你著給𪜶講：『至高的上主按呢講：我的話無一句會延遲；我講的話一定實現。』我 — 至高的上主按呢宣布。」</verse>
			</chapter>
			<chapter number="13">
				<verse number="1">上主對我講：</verse>
				<verse number="2">「人子，你著責備 以色列 許個照家己的意思講預言的先知，給𪜶講：『著聽上主的話。』」</verse>
				<verse number="3">至高的上主按呢講：「愚戇的先知慘啊！𪜶無看見什麼異象，干焦照家己的意思編造預言。</verse>
				<verse number="4">以色列 人啊，恁的先知及住佇荒廢的所在的狐狸像款。</verse>
				<verse number="5">城牆的破隙，𪜶無去補，無修建，致到佇上主的日，抵著戰爭的時， 以色列 無法度徛在。</verse>
				<verse number="6">𪜶的異象是假的；𪜶的預言是白賊。𪜶講『這是上主講的』，其實，我上主無差派𪜶；𪜶竟然啲期待許個話實現。</verse>
				<verse number="7">我給𪜶講：『恁看見的異象豈毋是假的？恁講的預言豈毋是白賊？恁竟然講這是上主講的，其實，我無給恁講什麼！』」</verse>
				<verse number="8">所以，至高的上主按呢講：「因為恁的預言是虛假，恁的異象是幻想，我欲及恁作對。</verse>
				<verse number="9">我欲伸手攻擊許個編造虛假的異象，及講白賊的預言的先知。𪜶𣍐用得參加我子民的聚會，𣍐用得登記佇 以色列 家的名冊，嘛𣍐用得轉去 以色列 地。按呢，恁就知我是至高的上主。</verse>
				<verse number="10">「𪜶給我的子民導迷路，佇無平安的時講『平安』，親像起牆壁的時，𪜶給壁抹白灰。</verse>
				<verse number="11">你著給許個抹白灰的人講：『會有狂風暴雨及大冰雹給牆拍倒。』</verse>
				<verse number="12">牆倒壞了後，人欲問：『恁按呢抹有啥路用？』」</verse>
				<verse number="13">所以，至高的上主按呢講：「我欲發大受氣，用狂風暴雨及大冰雹拍倒此個牆。</verse>
				<verse number="14">我欲拆毀恁抹白灰的牆，拆甲平平平，露出地基；牆欲倒壞，恁欲死佇城內。按呢，恁就知我是上主。</verse>
				<verse number="15">「我欲對牆及給牆抹白灰的人發大受氣。我欲給𪜶講：『牆及抹白灰的人攏烏有去啊。</verse>
				<verse number="16">許個佇無平安的時，給 耶路撒冷 保證平安的先知攏無去啦。』」至高的上主按呢宣告。</verse>
				<verse number="17">上主講：「人子，你著當面責備許個照家己的意思講預言的查某人，</verse>
				<verse number="18">給𪜶講，至高的上主按呢講：『恁諸個查某人慘啊！恁給人的手骨縛符仔帶，互𪜶戴辟邪的頭巾，想欲控制人的性命。豈講恁想欲控制我子民的生死來求家己的利益？</verse>
				<verse number="19">恁為著幾把大麥、幾塊餅，佇我子民的面前褻瀆我。無應該死的，恁給𪜶刣死；該死的，恁留𪜶的性命。恁向許個無愛聽真實話的子民講白賊。</verse>
				<verse number="20">「『所以，至高的上主按呢講，恁著知，我痛恨恁用來操縱人性命的符仔帶。我欲剝恁手骨頂面的符仔帶，解救互恁控制的人，解放許個親像鳥仔互恁掠去的人。</verse>
				<verse number="21">我欲拆裂恁辟邪的頭巾，解救我的子民，互𪜶無閣受恁控制。按呢，恁就知我是上主。</verse>
				<verse number="22">「『我毋曾互義人傷心，毋拘恁講白賊互𪜶的心艱苦。恁鼓勵邪惡的人，無互𪜶悔改離開歹路來保全𪜶的性命。</verse>
				<verse number="23">所以，恁𣍐閣看虛假的異象，𣍐閣講白賊的預言。我欲解救我的子民脫離恁的手。按呢，恁就知我是上主。』」</verse>
			</chapter>
			<chapter number="14">
				<verse number="1">有幾個 以色列 人的長老來尋我，坐佇我的面前。</verse>
				<verse number="2">彼時，上主對我講：</verse>
				<verse number="3">「人子，諸個人的心轉向偶像，跋倒犯罪。我豈通回應𪜶的祈求？</verse>
				<verse number="4">「你著給𪜶講：『至高的上主按呢講： 以色列 人若心轉向偶像，跋倒犯罪，閣來尋求先知，我上主欲照𪜶拜偶像的罪給𪜶報應。</verse>
				<verse number="5">我按呢做是欲互𪜶的心轉向我，因為偶像互 以色列 人離開我，及我疏遠。』</verse>
				<verse number="6">「所以，你著給 以色列 人講：『至高的上主按呢講：著回頭，棄拺恁的偶像，心離開所有通厭惡的事。』</verse>
				<verse number="7">「無論是 以色列 人，抑是住佇𪜶中間的外族人，若離開我，心轉向偶像，面向會互𪜶跋倒的罪，才來先知遮求問我，我上主欲親身報應伊。</verse>
				<verse number="8">我欲變面及伊作對，互伊成做人的鑑戒及笑談。我欲對我的子民中給伊革出。按呢，恁就知我是上主。</verse>
				<verse number="9">「若有先知受迷惑講預言，準講是我上主互伊受迷惑，我嘛欲伸手刑罰伊，給伊對我的子民 以色列 人中間消滅。</verse>
				<verse number="10">𪜶著對家己的罪負責任；求問的人的刑罰及先知的刑罰像款。</verse>
				<verse number="11">按呢， 以色列 人才𣍐閣迷失離開我，𣍐閣犯罪互家己受污染。𪜶欲做我的子民；我欲做𪜶的上帝。至高的上主按呢宣告。」</verse>
				<verse number="12">上主對我講：</verse>
				<verse number="13">「人子，若有一個國家犯罪背逆我，我欲伸手切斷𪜶糧食的來源，互飢荒臨到，人及牲生攏餓死；</verse>
				<verse number="14">準講 挪亞 、 但以理 、 約伯 三個人攏住佇遐，𪜶的正直干焦會當救𪜶家己。至高的上主按呢宣布。</verse>
				<verse number="15">「我若互野獸行透此個所在，四界踐踏，咬死住民，互地拋荒，互人毋敢對遐經過。</verse>
				<verse number="16">我 — 至高的上主指我永遠的活命立誓，準講彼三個人住佇遐，𪜶嘛𣍐當救𪜶的子兒；𪜶干焦會當救家己，土地猶原拋荒。</verse>
				<verse number="17">「抑是，我若互彼所在抵著戰亂，人及牲生攏互刀劍刣死，</verse>
				<verse number="18">我 — 至高的上主指我永遠的活命立誓，就是彼三個人住佇遐，𪜶嘛𣍐當救𪜶的子兒；𪜶干焦會當救家己。</verse>
				<verse number="19">「抑是，我發極大的受氣，互瘟疫佇彼所在流行，將人及牲生攏滅絕，</verse>
				<verse number="20">雖然有 挪亞 、 但以理 、 約伯 住佇遐，我 — 至高的上主指我永遠的活命立誓，𪜶嘛𣍐當救𪜶的子兒；𪜶的正直干焦會當救𪜶家己。</verse>
				<verse number="21">「至高的上主按呢講：我若用戰亂、飢荒、野獸，及瘟疫此四種可怕的災難刑罰 耶路撒冷 ，將人及牲生攏除滅，按呢豈毋是閣較嚴重？</verse>
				<verse number="22">若有人活落來，將𪜶的後生查某子導來恁遮，恁看見𪜶的所行所做，就會明白我按呢刑罰 耶路撒冷 是應該的，</verse>
				<verse number="23">嘛會了解我所做的毋是無理由。至高的上主按呢宣告。」</verse>
			</chapter>
			<chapter number="15">
				<verse number="1">上主對我講：</verse>
				<verse number="2">「人子，葡萄樹豈有比其他的樹較好？葡萄樹枝豈會比樹林內其他的樹枝較有路用？</verse>
				<verse number="3">葡萄樹枝豈會當提來做什麼？伊豈會當做掛物件的柴釘仔？</verse>
				<verse number="4">伊干焦會當燃火。伊兩頭攏𤏸火，中箍嘛燒起來，豈猶有什麼路用？</verse>
				<verse number="5">伊好好的時都無什麼路用，今互火燒，燒甲臭焦，豈猶會當提來做什麼？」</verse>
				<verse number="6">所以，至高的上主按呢講：「我按怎互樹林內的葡萄樹做火柴燒，嘛欲按呢對待 耶路撒冷 的住民。</verse>
				<verse number="7">我欲變面及𪜶作對；𪜶雖然對火中走出來，火猶原欲給𪜶燒滅。我對𪜶變面的時，恁就知我是上主。</verse>
				<verse number="8">因為𪜶對我不忠，所以我欲互𪜶的土地拋荒。」至高的上主按呢宣告。</verse>
			</chapter>
			<chapter number="16">
				<verse number="1">上主閣對我講：</verse>
				<verse number="2">「人子，你著互 耶路撒冷 知伊所做通厭惡的事。</verse>
				<verse number="3">著給 耶路撒冷 講，至高的上主按呢講：『你的本居地，你出世的所在，是 迦南 人的地。你的老父是 亞摩利 人，老母是 赫 人。</verse>
				<verse number="4">你出世的時，無人給你轉臍，用水給你洗清氣，嘛無人用鹽給你拭身軀，用布給你包啲。</verse>
				<verse number="5">無人可憐你，來給你做諸個代誌。你出世的時，互人㧒佇田野，因為你互人討厭。</verse>
				<verse number="6">「『我行路對你遐經過，看著你佇血中蟯蟯動；我對你講：雖然你歸身軀攏是血，毋拘你著活落去，著活落去！</verse>
				<verse number="7">我栽培你，親像啲照顧園裡的農作物。你漸漸大漢，發育成做少女，兩粒奶結實，頭毛長，毋拘猶原赤身露體。</verse>
				<verse number="8">「『我對你遐經過，看你已經成熟，會談情說愛。我用外衫遮蓋你無穿衫的身軀，及你立誓結盟約；我 — 至高的上主及你結約，你就歸屬我。</verse>
				<verse number="9">「『我用水給你身軀的血洗清氣，閣用油給你抹。</verse>
				<verse number="10">我互你穿繡花的媠衫、高級的皮鞋、幼麻布的頭巾，閣給你穿絲綢的外套。</verse>
				<verse number="11">我給你梳粧打扮，給你掛手環、袚鍊、</verse>
				<verse number="12">鼻環、耳鉤，用花冠給你戴。</verse>
				<verse number="13">按呢，你有金銀的妝飾，穿幼麻、絲綢，及繡花的媠衫。你用上好的麵粉、芳蜜，及橄欖油做食物。你生做真媠，媠甲會當做女王。</verse>
				<verse number="14">因為我 — 至高的上主給你妝飾，互你極媠。你的美貌就傳遍列國。</verse>
				<verse number="15">「『毋拘你靠勢家己的美貌及名聲去做娼妓，放縱情慾，及逐個過路的人行淫。</verse>
				<verse number="16">你用你的衫妝飾山頭壇，佇遐行淫。唉，此款代誌無應該有，將來嘛無應該發生。</verse>
				<verse number="17">你提我互你貴重的金銀珠寶，鑄造查甫人的像，親像妓女及𪜶行淫。</verse>
				<verse number="18">你用我互你繡花的媠衫給𪜶幔啲，閣給我互你的油及芳料獻互𪜶。</verse>
				<verse number="19">你閣將我互你的糧食，就是上好的麵粉、橄欖油、芳蜜，提去做芳芳的祭物獻互𪜶。代誌就是按呢。至高的上主按呢講。</verse>
				<verse number="20">「『你甚至將你及我生的後生、查某子當做祭物獻互偶像。你家己的淫亂猶無夠是無？</verse>
				<verse number="21">你閣刣我的兒女當做祭物用火燒，獻互𪜶。</verse>
				<verse number="22">你做妓女及做通厭惡的事，給你細漢的時赤身露體，佇血中蟯蟯動的情況攏放𣍐記得。』」</verse>
				<verse number="23">「至高的上主繼續講：『你慘啊！你有災禍啦！你做諸個歹代以外，</verse>
				<verse number="24">閣佇城內起造花樓，佇寬闊的所在起拜偶像的高台。</verse>
				<verse number="25">你佇街頭巷尾起造高台，互你的美貌變做通厭惡的；你閣放縱情慾，及所有過路的人行淫。</verse>
				<verse number="26">你及好色的厝邊 埃及 行淫；你放縱情慾來惹我受氣。</verse>
				<verse number="27">「『所以，我欲伸手刑罰你，收回我互你的福分。我欲將你交互怨恨你的 非利士 人，隨在𪜶對待你；連𪜶嘛因為你的淫亂感覺見笑。</verse>
				<verse number="28">「『毋拘，你猶無滿足，閣及 亞述 行淫；按呢嘛猶無滿足你淫亂的慾望。</verse>
				<verse number="29">你閣及𠢕做生理的 巴比倫 行淫；就是按呢，你猶原無滿足。』</verse>
				<verse number="30">「至高的上主閣講：『你實在互我非常受氣！你做諸個代誌親像毋知見笑的妓女做的。</verse>
				<verse number="31">你佇路頭造花樓，佇廣場起高台，佇遐行淫。你比妓女較毋值，因為你無欲提人的錢；</verse>
				<verse number="32">你是淫婦，寧可及外人私通，無愛家己的丈夫。</verse>
				<verse number="33">妓女是給人提禮物，你顛倒送禮物互愛人；你引誘𪜶對逐所在來滿足你的情慾。</verse>
				<verse number="34">你及一般的妓女無像款，毋是人來尋你行淫，是你去尋人；你無收人的錢，顛倒倒貼。你及其他的妓女顛倒反。』」</verse>
				<verse number="35">今，你此個淫婦 耶路撒冷 ，著聽上主的話。</verse>
				<verse number="36">至高的上主講：「你放縱情慾，為愛人露現你的下體及𪜶行淫，閣刣家己的兒女做祭物，獻互通厭惡的偶像。</verse>
				<verse number="37">所以，我欲給你所有的愛人，無論是你合意的抑是討厭的，對逐所在召集來攻擊你；我欲佇𪜶的面前給你褪光光，互𪜶給你歸身軀看了了。</verse>
				<verse number="38">我欲審判你，親像審判行淫及刣人的查某人。我欲佇大受氣及怨妒中給你刑罰，給你處死。</verse>
				<verse number="39">我欲將你交佇𪜶的手；𪜶欲拆毀你的花樓，毀壞你的高台，剝你的衫，搶你的珠寶，互你赤身露體。</verse>
				<verse number="40">「𪜶欲導群眾來攻擊你，用石頭給你抌死，用刀劍給你剁碎。</verse>
				<verse number="41">𪜶欲放火燒你的厝，佇真多婦女的面前給你刑罰。我無欲互你閣做妓女，了錢倒貼愛人。</verse>
				<verse number="42">按呢，我的大受氣才會消，我的怨妒才會煞；我才會平靜，無閣受氣。</verse>
				<verse number="43">你𣍐記得細漢的時我按怎對待你，顛倒做諸個事惹我受氣，所以我欲照你的所做報應你。你已經做赫多可惡的事，是按怎欲閣行淫？」至高的上主按呢宣告。</verse>
				<verse number="44">上主講：「若有人欲用俗語給你睥相，一定會講：『有其母必有其女。』</verse>
				<verse number="45">你真正及你的老母像款，棄拺家己的丈夫及子兒。你嘛及你的姊妹像款，棄拺家己的丈夫及子兒。你的老母是 赫 人，老父是 亞摩利 人。</verse>
				<verse number="46">「你的大姊是 撒馬利亞 ；伊及伊的查某子住佇你的北旁。你的小妹是 所多瑪 ；伊及伊的查某子住佇你的南旁。</verse>
				<verse number="47">你學𪜶的所做，做通厭惡的事，毋若按呢，無偌久，你佇逐方面攏比𪜶閣較歹。」</verse>
				<verse number="48">至高的上主閣講：「我指我的性命立誓：你的小妹 所多瑪 及伊的查某子無做你及你的查某子所做的歹事。</verse>
				<verse number="49">看咧，你的小妹 所多瑪 的罪是按呢：伊及伊的查某子的罪是驕傲，就是𪜶食物充足，安穩過好日子，毋拘無照顧困苦及散赤的人。</verse>
				<verse number="50">𪜶驕傲，做我看做厭惡的事，所以我給𪜶消滅。此項事你已經知。</verse>
				<verse number="51">「 撒馬利亞 犯的罪較無你的一半。你所做可惡的事比𪜶閣較多。你所做可惡的事煞互你的姊妹比你較正直。</verse>
				<verse number="52">你既然為著你的姊妹辯護，今你著承擔家己的見笑，因為你犯的罪比𪜶閣較可惡，煞互𪜶比你較正直。今你著知通見笑，因為你互你的姊妹看起來比你好真多。」</verse>
				<verse number="53">上主對 耶路撒冷 講：「我欲互 所多瑪 及 撒馬利亞 以及𪜶的查某子，對受掠的地倒轉來，嘛欲互你及𪜶做夥倒轉來；</verse>
				<verse number="54">按呢，你才會曉因為所受的侮辱來感覺見笑，互你的姊妹得著安慰。</verse>
				<verse number="55">所多瑪 及 撒馬利亞 以及𪜶的查某子欲回復早前的盛況。你及你的查某子嘛一定會按呢。</verse>
				<verse number="56">佇你奢颺、罪惡猶未顯露的時，你豈毋是曾恥笑 所多瑪 ？今，你欲互 以東 人、 非利士 人，及周圍怨恨你的人給你恥笑。</verse>
				<verse number="57"></verse>
				<verse number="58">你欲為著家己的淫亂及所做可惡的事受報應。」上主按呢宣布。</verse>
				<verse number="59">至高的上主講：「我欲照你的行為報應你，因為你違背對我咒誓的話，廢除及我立的約。</verse>
				<verse number="60">雖然是按呢，我欲記牢我佇你少年的時及你立的約，閣堅立伊成做永遠的約。</verse>
				<verse number="61">你接納你的大姊小妹的時，欲想起你以前所做的一切來感覺見笑。雖然我無按呢及恁約定，我欲給𪜶交互你，做你的查某子。</verse>
				<verse number="62">我欲堅立我及你立的約，你就知我是上主。</verse>
				<verse number="63">我欲赦免你所犯一切的罪過，互你會記得諸個事來感覺見笑，毋敢閣開嘴。」至高的上主按呢宣布。</verse>
			</chapter>
			<chapter number="17">
				<verse number="1">上主對我講：</verse>
				<verse number="2">「人子，你著給 以色列 人講一個譬喻，互𪜶想內面的意思。</verse>
				<verse number="3">你著給𪜶講，至高的上主按呢講：『有一隻大鷹鳥，翼股大，毛長閣寔，色彩多閣媠。伊飛去 黎巴嫩 山頂，去到柏香樹的尾溜，</verse>
				<verse number="4">啄斷柏香樹樹尾幼軟的枝，咬去做生理的地區，放佇做貿易的城市。</verse>
				<verse number="5">伊閣對 以色列 提種籽栽佇肥的地，親像柳樹種佇水源充足的溪邊。</verse>
				<verse number="6">種籽茁芽生長，成做細欉四界旋藤的葡萄樹。伊的枝伸向鷹鳥，釘根佇鷹鳥的下面，成做發枝旋藤的葡萄樹。</verse>
				<verse number="7">「『另外有一隻大鷹鳥，翼股大，毛真寔。此欉葡萄樹將根及枝彎向此隻大鷹鳥，想欲得著比伊原來受栽種的土地閣較多灌沃的水。</verse>
				<verse number="8">其實，此欉葡萄樹早就栽佇土肥水多的園裡，會當發枝，結果子，成做一欉𠢕結果子的葡萄樹。』</verse>
				<verse number="9">「至高的上主閣講：『此欉葡萄樹豈會當閣長大茂盛？豈講第一隻大鷹鳥𣍐給伊連根拔起來，給伊的果子挽了了，互歸欉樹，連新發的枝葉嘛枯焦？按呢，毋免出大力抑是多人，就會當給伊連根拔起來。</verse>
				<verse number="10">你看，葡萄樹雖然受栽種，毋拘豈會當長大茂盛？伊豈會堪得互東風搧？伊一定會佇伊生長的園裡枯焦。』」</verse>
				<verse number="11">上主對我講：</verse>
				<verse number="12">「你給許個背逆的人問，看𪜶知諸個譬喻的意思無？你給𪜶講， 巴比倫 王曾來 耶路撒冷 ，將 猶大 王及伊的人臣掠去 巴比倫 ，</verse>
				<verse number="13">閣對 猶大 王族中選一個人，及伊立約，叫伊咒誓。 巴比倫 王嘛將 猶大 國中一寡領導者掠去，</verse>
				<verse number="14">互 猶大 國衰微無法度反抗，干焦會當靠守約來生存。</verse>
				<verse number="15">毋拘 猶大 王反叛。伊派使者去 埃及 要求戰馬及大軍來支援。伊豈會成功？做此種代誌的人，豈會當逃脫？伊違背約定，豈有法度閃開刑罰？</verse>
				<verse number="16">「至高的上主講：『我指我的性命立誓：此個王一定會死佇伊受設立作王的所在，因為 巴比倫 王設立伊作王，毋拘伊違背家己咒誓的話，廢除伊及 巴比倫 王立的約。</verse>
				<verse number="17">當對敵 巴比倫 王來攻城，填土堆，起造攻打城牆的高台，進行大屠殺的時， 埃及 王強閣多的軍隊嘛𣍐當幫贊伊。</verse>
				<verse number="18">伊違背家己咒誓的話，廢除伊及 巴比倫 王所立的約。伊已經投降，竟然做諸個事，今，伊無路通逃走啦。』</verse>
				<verse number="19">「所以，至高的上主按呢講：『我指我的性命立誓：我欲刑罰伊，因為伊違背家己咒誓的話，廢除伊及我立的約。</verse>
				<verse number="20">我欲設羅網，給伊掠起來，帶去 巴比倫 ，給伊審判，因為伊對我不忠。</verse>
				<verse number="21">所有逃走的戰士會戰死，賰落來的軍兵會逃走四散。按呢恁就知，講諸個話的是我上主。』」</verse>
				<verse number="22">至高的上主按呢講： 「我欲遏斷柏香樹的樹尾， 將伊幼軟的枝遏落來， 給伊種佇高山頂。</verse>
				<verse number="23">我欲給伊栽佇 以色列 的高山頂； 伊欲發枝，結果子， 成做一欉高閣媠的柏香樹。 逐種鳥仔飛來遮作巢， 歇佇伊樹枝的蔭影下。</verse>
				<verse number="24">田野所有的樹木攏欲知： 我上主互大欉樹變細欉，互細欉樹大欉； 我互青翠的樹枯焦，互枯焦的樹茂盛。 我上主按呢講，一定按呢做。」</verse>
			</chapter>
			<chapter number="18">
				<verse number="1">上主對我講：</verse>
				<verse number="2">「恁 以色列 人哪有此句俗語，講『老父食酸葡萄，子兒的嘴齒酸軟』？」</verse>
				<verse number="3">至高的上主按呢講：「我指我永遠的活命立誓：恁 以色列 人𣍐閣流傳此句俗語。</verse>
				<verse number="4">每一個人的性命攏是我的；父母的性命屬佇我，子兒的性命嘛屬佇我。什麼人犯罪，就彼個人死。</verse>
				<verse number="5">「若有人正直，行為公平正義：</verse>
				<verse number="6">伊無食山頭壇神廟的祭物，無向 以色列 人的家族神明求保庇，無侵犯別人的某，無及經期中的婦仁人同房，</verse>
				<verse number="7">無欺壓人，將欠債的人抵押的物還伊，無搶奪別人的物件，提食物互枵餓的人食，提衫互赤身露體的人穿，</verse>
				<verse number="8">借錢互人無提利息，無放重利，無做邪惡的事，照公道處理糾紛。</verse>
				<verse number="9">此種人服從我的規例，謹慎遵守我的命令，照起工做代誌；伊是正直的人，一定會當保存性命。」至高的上主按呢宣布。</verse>
				<verse number="10">「此個人若有子做強盜，刣人，做𪜶老父毋曾做過的歹代誌，食山頭壇神廟的祭物，侵犯別人的某，</verse>
				<verse number="11"></verse>
				<verse number="12">欺壓困苦及散赤的人，搶奪別人的物件，扣留欠債的人抵押的物，向偶像求保庇，做通厭惡的事，</verse>
				<verse number="13">借錢互人提利息閣提重利。此種人豈會當保存性命？𣍐！伊做諸個可惡的事，一定著死；伊是自取滅亡。</verse>
				<verse number="14">「此個歹人若有一個子，此個子看見伊的老父所做一切的歹代誌，毋拘伊家己省察，攏無按呢去做。</verse>
				<verse number="15">伊無食山頭壇神廟的祭物，無向 以色列 人的家族神明求保庇，無侵犯別人的某，</verse>
				<verse number="16">無欺壓人，將欠債的人抵押的物還伊，無搶奪別人的物件，反轉提食物互枵餓的人食，提衫互赤身露體的人穿，</verse>
				<verse number="17">無傷害散赤人，借錢互人無提利息，無放重利；毋拘有遵守我的命令，服從我的規例。伊𣍐因為伊的老父所犯的罪死。伊一定會當保存性命。</verse>
				<verse number="18">伊的老父因為欺壓人，搶奪別人的物件，佇人民中間做歹代誌；伊會因為家己犯的罪死。</verse>
				<verse number="19">「恁啲問：『是按怎後生無因為老父所犯的罪受刑罰？』我的回答是：『後生做公平正義的事，謹慎遵守我的規例，伊一定會當保存性命。』</verse>
				<verse number="20">只有犯罪的人著死。後生毋免為著老父的罪受刑罰；老父嘛毋免為著後生的罪受刑罰。正直的人欲因為作好得著報賞；歹人欲因為作歹受刑罰。</verse>
				<verse number="21">「歹人若悔改，離開伊所犯一切的罪，謹慎遵守我的規例，做公平正義的事，伊就通保存性命，毋免死。</verse>
				<verse number="22">伊所犯一切的罪攏會受赦免；伊欲因為伊做的好事保存性命。</verse>
				<verse number="23">歹人死亡，豈是我 — 至高的上主所愛？毋是！我豈毋是愛𪜶離開歹路來保存性命？</verse>
				<verse number="24">「正直的人若離開正路去作歹，及歹人仝款做通厭惡的事，伊豈會當保存性命？𣍐當！伊早前所做的好事無准算。伊會因為背逆、犯罪來死。</verse>
				<verse number="25">「毋拘恁講：『主按呢處理無公道！』 以色列 人，注意聽，我按呢處理無公道噢？恁才是無公道！</verse>
				<verse number="26">正直的人若離開正路去作歹，伊死，是因為伊作歹。</verse>
				<verse number="27">歹人悔改，離開伊所犯一切的罪，做公平正義的事，伊欲救家己的性命。</verse>
				<verse number="28">伊省察家己，悔改，離開伊所犯一切的罪，就會當保存性命，毋免死。</verse>
				<verse number="29">以色列 人啊，恁講：『主的作法無公道！』恁想講我的作法無公道噢？恁的作法才是無公道！</verse>
				<verse number="30">「所以， 以色列 人，我 — 至高的上主按呢講：我欲照恁逐個人的行為審判恁。恁著悔改，離開恁所犯一切的罪，才免恁因為家己的罪受毀滅。</verse>
				<verse number="31">著放拺恁所做一切的歹事，換一粒新的心、新的神！ 以色列 人，恁是按怎愛欲死？</verse>
				<verse number="32">我無愛有人死。恁悔改就會當保存性命。」至高的上主按呢宣布。</verse>
			</chapter>
			<chapter number="19">
				<verse number="1">你著為 以色列 的領袖唱哀歌：</verse>
				<verse number="2">你的老母是獅母，仆佇獅群的中間； 伊佇勇猛的獅中間養育細隻獅。</verse>
				<verse number="3">伊給一隻細隻獅仔飼大隻， 互伊成做少壯的獅， 學會曉掠獵物，吞食人。</verse>
				<verse number="4">列國聽見，就用陷坑給伊掠起來， 用鉤仔給伊拖去 埃及 。</verse>
				<verse number="5">獅母看見伊的期待落空，心絕望； 就閣飼一隻細隻獅仔， 互伊成做少壯的獅。</verse>
				<verse number="6">少壯的獅佇獅群中行來行去； 伊學會曉掠獵物，吞食人。</verse>
				<verse number="7">伊破壞城堡，毀壞城鎮； 伊噤噤哮，眾人驚惶，全地拋荒。</verse>
				<verse number="8">周圍的列國對四面圍攻伊； 𪜶設羅網，挖陷坑，給伊掠起來。</verse>
				<verse number="9">𪜶用鉤仔給伊鉤啲，關入籠仔內， 帶去 巴比倫 王遐； 𪜶給伊關佇堅固的監牢， 以色列 的眾山無閣聽見伊噤噤哮的聲。</verse>
				<verse number="10">你的老母親像葡萄樹， 栽佇溪水邊， 因為水源充足， 枝葉茂盛，𠢕結果子。</verse>
				<verse number="11">伊的樹枝勇閣碇， 通做統治者的柺。 此欉樹大欉，比茂盛的樹椏較高； 伊的樹枝抽高，遠遠就看會著。</verse>
				<verse number="12">毋拘，此欉葡萄樹，因為上帝的受氣， 連根拔起來，㧒佇土腳， 果子互東風吹焦， 碇的樹枝受遏斷枯焦， 互火燒燒去。</verse>
				<verse number="13">今伊受徙栽佇曠野， 種佇焦燥無水的所在。</verse>
				<verse number="14">樹欉𤏸火，燒毀樹椏及果子； 伊無閣有碇的樹枝通做統治者的柺。 這是一首哀歌；此首哀歌一直流傳。</verse>
			</chapter>
			<chapter number="20">
				<verse number="1">第七年五月初十，有幾個 以色列 的長老來坐佇我的面前，欲知上主的旨意。</verse>
				<verse number="2">彼時，上主對我講：</verse>
				<verse number="3">「人子啊，你著給 以色列 的長老講，至高的上主按呢講：『恁來欲求問我的旨意是無？我指我永遠的活命立誓：我無欲互恁問。』至高的上主按呢宣布。</verse>
				<verse number="4">「人子啊，你欲審問𪜶是無？若是，著互𪜶知𪜶的祖先所做可惡的事。</verse>
				<verse number="5">你著給𪜶講，至高的上主按呢講：『我揀選 以色列 人做我子民的時，佇 埃及 地互𪜶識我；我對 雅各 的後代立誓講：我是上主 — 恁的上帝。</verse>
				<verse number="6">彼時，我應允欲導𪜶出 埃及 ，到我為著𪜶選定彼塊流奶及蜜的地，是萬國中上肥閣媠的地。</verse>
				<verse number="7">我給𪜶講：恁逐個人著放拺恁的目睭所合意許個通厭惡的偶像；毋通拜 埃及 的假神來拍垃墋家己，因為我是上主 — 恁的上帝。</verse>
				<verse number="8">毋拘𪜶背逆我，毋聽趁我。𪜶無放拺所合意許個通厭惡的偶像，嘛無棄拺 埃及 的假神。彼時，我想欲佇 埃及 將我全部的受氣攏摒佇𪜶身上。</verse>
				<verse number="9">總是我無按呢做。我無欲互我的名佇𪜶徛起的列國中受褻瀆；因為我曾佇𪜶徛起的列國人民的面前對𪜶講，我欲導𪜶出 埃及 。』</verse>
				<verse number="10">「所以，我導𪜶出 埃及 ，給𪜶導到曠野。</verse>
				<verse number="11">我將我的規例賜互𪜶，將我的命令教示𪜶，互遵行的人攏通保存性命。</verse>
				<verse number="12">我閣將我的安歇日賜互𪜶，做我及𪜶立約的記號，互𪜶知，我是給𪜶分別作聖的上主。</verse>
				<verse number="13">毋拘， 以色列 人煞佇曠野背逆我，無遵守我的規例，拒絕我的命令；遵行的人才會當保存性命。𪜶徹底違犯安歇日。因為按呢，我想欲佇曠野將我全部的受氣攏摒佇𪜶身上，給𪜶消滅。</verse>
				<verse number="14">總是我無按呢做。我無欲互我的名佇𪜶徛起的列國中受褻瀆；因為我曾佇𪜶徛起的列國人民的面前對𪜶講，我欲導𪜶出 埃及 。</verse>
				<verse number="15">所以，我佇曠野向𪜶立誓，無欲導𪜶入去我欲賜互𪜶彼塊流奶及蜜的地，就是萬國中上肥閣媠的地。</verse>
				<verse number="16">因為𪜶棄拺我的命令，無遵守我的規例，違犯我的安歇日，去拜𪜶家己的偶像。</verse>
				<verse number="17">「雖然按呢，我猶原可憐𪜶，無佇曠野給𪜶攏總消滅。</verse>
				<verse number="18">我佇曠野給𪜶的兒女警告，毋通遵趁𪜶的祖先所定的規例，毋通守𪜶的命令，毋通拜𪜶的偶像來拍垃墋家己。</verse>
				<verse number="19">我是上主 — 恁的上帝。恁著順趁我的規例，遵行我的命令；</verse>
				<verse number="20">著守安歇日做聖日，做我及恁立約的記號，互恁知我是上主 — 恁的上帝。</verse>
				<verse number="21">「毋拘，𪜶的兒女嘛背逆我。𪜶無順趁我的規例，無遵守我的命令，違犯安歇日；遵行的人才會當保存性命。我想欲佇曠野將我全部的受氣攏摒佇𪜶身上。</verse>
				<verse number="22">毋拘，我給我的手勼倒來。我按呢做，是無欲互我的名受侮辱，因為列國的人民攏有看著我給 以色列 人對 埃及 導出來。</verse>
				<verse number="23">我閣佇曠野向𪜶立誓：我欲給𪜶放逐去外邦，四散佇列國，</verse>
				<verse number="24">因為𪜶無遵守我的命令，棄拺我的規例，違犯安歇日，敬拜𪜶祖先的偶像。</verse>
				<verse number="25">「後來，我歸氣將無好的規例，𣍐當互人得著活命的命令互𪜶；</verse>
				<verse number="26">互𪜶燒家己的大子獻做祭來拍垃墋家己。我欲互𪜶驚惶，𪜶就知我是上主。</verse>
				<verse number="27">「所以，人子啊，著給 以色列 人講，至高的上主按呢講：『恁的祖先對我不忠，褻瀆我。</verse>
				<verse number="28">我導𪜶到我應允欲互𪜶的土地。𪜶一下看著高的山及發甲真艷的樹，就佇遐獻祭；𪜶佇遐獻芳芳的祭物及奠酒祭，惹我受氣。</verse>
				<verse number="29">我問𪜶：恁去彼個高的所在叫做什麼？此個所在到今仔日猶叫做 巴麻 。』</verse>
				<verse number="30">所以，你著給 以色列 人講，我 — 至高的上主按呢講：『恁欲繼續犯恁祖先所犯的罪來拍垃墋家己是無？欲繼續拜𪜶所拜可惡的偶像來犯姦淫是無？</verse>
				<verse number="31">恁到今仔日猶啲燒家己的兒女獻做祭，拜偶像來拍垃墋家己； 以色列 人，我豈會當互恁求問？我至高的上主指我永遠的活命立誓：我無欲互恁問。</verse>
				<verse number="32">恁心內想：阮欲親像列國，親像外族人，去拜柴頭及石頭。恁的心意絕對𣍐當實現。』」</verse>
				<verse number="33">至高的上主講：「我指我永遠的活命立誓，我欲作王，伸出大權能的手治理恁，欲將我的大受氣摒佇恁身上。</verse>
				<verse number="34">我欲伸出大權能的手，用摒出來的大受氣，將恁對萬民中導出來，對分散去的列國聚集恁。</verse>
				<verse number="35">我欲給恁導去外族人的曠野，當面給恁審問。</verse>
				<verse number="36">我早前按怎佇 埃及 的曠野刑罰恁的祖先，現在欲照按呢給恁刑罰。至高的上主按呢宣告。</verse>
				<verse number="37">「我欲嚴嚴管教恁，親像顧羊的牧者管理羊群，互恁遵守我的約。</verse>
				<verse number="38">我欲對恁中間除去背逆及得罪我的人；我欲給𪜶對寄居的所在導出來，毋拘𪜶𣍐當轉去故鄉 以色列 。按呢，恁就知我是上主。</verse>
				<verse number="39">「關係恁， 以色列 人啊，至高的上主按呢講：『隨在恁，恁若無欲服從我，做恁去拜恁的偶像！毋拘恁𣍐用得閣獻祭互偶像來褻瀆我的聖名。』</verse>
				<verse number="40">至高的上主講：『恁所有的 以色列 人欲佇我的聖山，就是 以色列 的高山敬拜我。我欲接納恁，閣愛恁帶祭物、初熟的農產物，及一切神聖的禮物來獻互我。</verse>
				<verse number="41">我欲對萬族的中間給恁導出來，給恁對四散去的列國聚集倚來；彼時，我欲接納恁親像接受芳芳的祭物；列國欲因為恁知，我是神聖的。</verse>
				<verse number="42">我欲給恁導轉去恁的故鄉 以色列 ，就是我應允欲互恁祖先的土地，彼時，恁就知我是上主。</verse>
				<verse number="43">恁欲佇遐想起以前所做一切拍垃墋家己的事，因為家己所做邪惡的事厭惡家己。</verse>
				<verse number="44">以色列 人啊，我為著我的名無照恁的邪惡及恁所做的歹事給恁刑罰的時，恁就知我是上主。』至高的上主按呢宣布。」</verse>
				<verse number="45">上主給我講：</verse>
				<verse number="46">「人子啊，你看南旁，給南方警告，對 尼革夫 的樹林講預言。</verse>
				<verse number="47">著給 尼革夫 的樹林講：『著聽上主所講的話。至高的上主按呢講：我欲佇恁遐放火，給樹林內所有的樹木，無論是青翠的抑是枯焦的，攏燒了了。猛烈的火焰拍𣍐化，對南到北，給地面的一切燒甲寸草不留。</verse>
				<verse number="48">逐個人攏會知，這是我上主放的火，一定拍𣍐化。』」</verse>
				<verse number="49">毋拘我講：「唉，至高的上主啊，叫我做此款代誌。人攏按呢講我，此個人不時啲講幻古。」</verse>
			</chapter>
			<chapter number="21">
				<verse number="1">上主對我講：</verse>
				<verse number="2">「人子啊，你著面向 耶路撒冷 ，傳講攻擊聖殿的話，講警告 以色列 的預言。</verse>
				<verse number="3">著對 以色列 人講，我上主按呢講：『我欲及你作對，欲拔刀刣恁，好人歹人攏剿滅。</verse>
				<verse number="4">我欲剿滅恁中間好人及歹人，所以我欲拔刀，對南刣到北，刣死所有的人。</verse>
				<verse number="5">逐個人就會知，我上主刀一下拔出，就無閣收回。』</verse>
				<verse number="6">「人子啊，你著佇𪜶的面前吐氣，親像苦痛慼心的人。</verse>
				<verse number="7">若有人問你：『你是按怎吐氣？』你著給𪜶講：『因為有風聲傳來，人心惶惶，人人腳軟手軟，失志破膽。災禍到啦，一定會發生。』」至高的上主按呢宣告。</verse>
				<verse number="8">上主對我講：</verse>
				<verse number="9">「人子啊，你著講預言，著講上主按呢講： 有一支刀，磨利利閣拭甲金熠熠。</verse>
				<verse number="10">磨利利是欲刣人， 拭甲金熠熠是欲互伊親像熠爁。 我的子民毋聽柺仔的警告，毋驚箠仔的刑罰。 按呢，咱有什麼通快樂？</verse>
				<verse number="11">刀已經拭甲金熠熠通用啦； 刀已經磨利，欲交互殺手啦。</verse>
				<verse number="12">「人子啊，著悲傷啼哭！ 刀劍欲臨到我的子民， 欲臨到 以色列 的領袖； 𪜶欲及我的子民做夥受刣。 你著搥胸吐氣。</verse>
				<verse number="13">恁想看覓， 刀劍連有權柄的柺仔都毋驚， 猶有什麼𣍐發生？ 至高的上主按呢宣告。</verse>
				<verse number="14">「所以，人子啊，你著受氣頓桌仔講預言：有一支刀一遍閣一遍不斷啲刜，刣死人，給人圍困屠殺。</verse>
				<verse number="15">我欲佇𪜶所有的城門邊指派此支刀去屠殺，互我的子民破膽，跋倒。唉啊，此支磨利利拭甲金熠熠的刀啲屠殺！</verse>
				<verse number="16">刀啊，你著刜正旁，刜倒旁；刀鋩向叨一旁就刜彼旁。</verse>
				<verse number="17">我嘛欲頓桌仔，我的受氣才會消。我上主按呢宣告。」</verse>
				<verse number="18">上主對我講：</verse>
				<verse number="19">「人子啊，你著將 巴比倫 王帶刀劍來進攻的兩條路線畫出來；此兩條路線攏著對仝一個國家作起點，閣佇此條路分叉欲去無仝款城市的所在𫞼路標。</verse>
				<verse number="20">刀劍欲經過的路，一條向 亞捫 的 拉巴 城，一條向 猶大 堅固的城 耶路撒冷 。</verse>
				<verse number="21">巴比倫 王到分叉路，佇路口搖箭卜卦 ，查看獻做牲禮的肝，求問伊的偶像。</verse>
				<verse number="22">伊的正手提著的箭是指攻打 耶路撒冷 的箭，教𪜶準備挵城的槌，下令屠殺，大聲哄喝，造土堆，起高台，用挵城的槌攻打城門。</verse>
				<verse number="23">對許個咒誓及 巴比倫 結盟的 猶大 人看起來，卜卦的指示毋著；毋拘 巴比倫 王欲互𪜶會記得家己所犯的罪，嘛欲給𪜶掠去。」</verse>
				<verse number="24">至高的上主按呢講：「恁的罪過已經露現，眾人攏知恁的過犯；恁的行為顯出恁的罪惡。恁一定會受刑罰，互人掠去。</verse>
				<verse number="25">「你此個邪惡該死的 以色列 王，你罪惡貫滿，受刑罰的時間到啦。</verse>
				<verse number="26">我 — 至高的上主按呢講：『給王冠採起來！給禮帽提落來！情形無閣親像早前，代誌欲改變，無權力的人受高升，統治者欲落台。</verse>
				<verse number="27">我欲給此個城毀壞，毀壞，閣再毀壞。等我指派來刑罰的人到，此個國就無閣存在。彼時我欲將國交互伊。』」</verse>
				<verse number="28">「人子啊，你著講預言，講：『關係 亞捫 人及𪜶對 以色列 人的凌辱，至高的上主按呢講：有一支磨利利，拭甲金熠熠的刀，已經拔出欲刣人。</verse>
				<verse number="29">恁看的異象是幻想，卜卦得著的預言是白賊。刀欲斬斷恁的頷頸。恁的罪惡貫滿，恁受刑罰的時間到啦。</verse>
				<verse number="30">「『收刀入鞘！我欲佇你的故鄉，你出世大漢的所在審判你。</verse>
				<verse number="31">我欲向你摒落我的痛恨，用我大受氣的火給你燒。我欲給你交互野蠻殘忍的殺手。</verse>
				<verse number="32">你欲親像柴互火燒；你的血欲流佇此塊土地，無人閣會記得你。我上主按呢宣告。』」</verse>
			</chapter>
			<chapter number="22">
				<verse number="1">上主對我講：</verse>
				<verse number="2">「人子啊，你著嚴嚴審判此個流人的血的城！著互伊清楚知家己所做一切可惡的事。</verse>
				<verse number="3">你著講，至高的上主按呢講：『你有殺害真多人的性命，閣拜偶像拍垃墋家己；你受刑罰的時到啦。</verse>
				<verse number="4">你犯刣人的罪，閣互家己造的偶像拍垃墋；你的時日到啦，你的歲數滿啦。所以，我欲互你受列國凌辱，受萬族恥笑。</verse>
				<verse number="5">你此個混亂閣臭名滿天下的城，無論是遠抑是近的國家攏欲恥笑你。</verse>
				<verse number="6">「『你看， 以色列 的首領濫用權力，殺害人民。</verse>
				<verse number="7">恁有人忤逆父母，欺壓寄居的，歹款待孤兒寡婦。</verse>
				<verse number="8">恁藐視我的聖所，無守安歇日。</verse>
				<verse number="9">恁有人造謠害死人；有人食山頂神廟的祭物，行淫亂。</verse>
				<verse number="10">恁有人及老父的某有性關係，及經期中的婦仁人做夥睏；</verse>
				<verse number="11">有人及別人的某私通；有人行淫亂侮辱新婦；有人給仝父的姊妹拍垃墋。</verse>
				<verse number="12">恁有人提錢刣人；有人毋若借人錢提利息，閣放重利；有人剝削厝邊賺不義之財。恁已經給我𣍐記得啦。至高的上主按呢宣告。</verse>
				<verse number="13">「『因為恁提不義之財及犯刣人的罪，我受氣頓桌仔。</verse>
				<verse number="14">當我刑罰恁的時，恁豈接載會牢？恁的手豈猶有氣力？我上主按呢講，一定按呢做。</verse>
				<verse number="15">我欲給你的住民趕散去列國，四散佇列邦。我欲消除你的污穢。</verse>
				<verse number="16">恁欲受列國侮辱，按呢恁就知我是上主。』」</verse>
				<verse number="17">上主對我講：</verse>
				<verse number="18">「人子啊，我看 以色列 人是一堆渣滓。𪜶親像提煉銀賰落來的銅、鐵、錫、鉛的渣滓。</verse>
				<verse number="19">所以，至高的上主按呢講：『因為恁成做無路用的渣滓，我欲給恁聚集佇 耶路撒冷 。</verse>
				<verse number="20">親像人收集銀、銅、鐵、錫、鉛佇大火爐提煉，我欲佇我的大受氣中給恁聚集佇此個城內燒熔。</verse>
				<verse number="21">我一定欲聚集恁，用我大受氣的炎火給恁燒，恁欲佇火中消熔。</verse>
				<verse number="22">銀按怎佇提煉的火爐內面熔去，恁嘛欲按呢佇 耶路撒冷 城內消熔。按呢，恁就知我上主向恁摒大受氣啦。』」</verse>
				<verse number="23">上主對我講：</verse>
				<verse number="24">「人子啊，你著給 以色列 人講：『恁的土地是無清氣的地。所以，佇我大受氣刑罰恁的時，無欲落雨互恁。』</verse>
				<verse number="25">𪜶的先知計謀歹事，親像噤噤哮的獅拆裂獵物。𪜶殺害人民，搶奪財寶，互真多婦女成做寡婦。</verse>
				<verse number="26">祭司曲解我的律法，褻瀆我的聖物。𪜶無分別什麼是神聖及無神聖的物，嘛無教人分辨什麼是清氣抑是無清氣的物，閣輕視我的安歇日。結果，我佇𪜶中間受褻瀆。</verse>
				<verse number="27">𪜶的領袖親像豺狼掠獵物拆裂𪜶；𪜶為著欲得著不義之財刣人取人的性命。</verse>
				<verse number="28">先知給許個領袖掩蓋罪惡，親像人用白灰抹壁。𪜶看的異象是假的，講的預言是白賊。𪜶講『至高的上主按呢講』，其實，我上主並無給𪜶講什麼。</verse>
				<verse number="29">住佇遮的人民慣勢壓制人，搶奪人的物件，欺負散赤困苦的人，剝削寄居的人，攏無照公道。</verse>
				<verse number="30">我佇𪜶中間啲尋，看是毋是有人佇我的面前為著此個國家修建城牆，徛佇城牆破隙的所在，互我𣍐給此個國家毀滅，毋拘尋攏無。</verse>
				<verse number="31">所以，我對𪜶摒落我的憤怒；我的大受氣欲親像火給𪜶燒。我欲照𪜶的所做給𪜶報應。」至高的上主按呢宣告。</verse>
			</chapter>
			<chapter number="23">
				<verse number="1">上主對我講：</verse>
				<verse number="2">「人子啊，以前有一對姊妹，是仝老母生的。</verse>
				<verse number="3">𪜶住佇 埃及 ，少年的時就做妓女；在室女的時就互人摸𪜶的奶，耍𪜶的身軀。</verse>
				<verse number="4">大姊叫做 阿荷拉 ，就是 撒馬利亞 ；小妹叫做 阿荷利巴 ，就是 耶路撒冷 。我娶𪜶兩姊妹；𪜶攏替我生囝仔。</verse>
				<verse number="5">「 阿荷拉 嫁我了後繼續做妓女。伊迷戀伊的愛人 亞述 。</verse>
				<verse number="6">𪜶是穿藍色的衫的領袖及軍官，攏是騎馬的戰士，英俊的少年人。</verse>
				<verse number="7">伊及諸個 亞述 人中間飄撇的少年人行淫，拜𪜶的偶像來拍垃墋家己。</verse>
				<verse number="8">伊無離開對 埃及 的時就有的淫亂。伊佇少年的時，就互人及伊睏；佇在室女的時，就互人摸伊的奶。人給伊當做放縱情慾的對象。</verse>
				<verse number="9">所以，我將伊交佇伊戀慕的愛人 亞述 的手中。</verse>
				<verse number="10">𪜶給伊褪光光，掠伊的子兒，閣用刀給伊刣死。伊受的刑罰，互伊佇婦仁人的中間留臭名。」</verse>
				<verse number="11">「伊的小妹 阿荷利巴 雖然有看著諸個代誌，卻比伊的大姊 阿荷拉 閣較墮落，閣較淫亂。</verse>
				<verse number="12">伊嘛迷戀 亞述 人；𪜶是穿全副軍裝的領袖及軍官，攏是騎馬的戰士，英俊的少年人。</verse>
				<verse number="13">我看見伊墮落拍垃墋家己；𪜶姊妹仔行仝條路。</verse>
				<verse number="14">「 阿荷利巴 比伊的大姊閣較淫亂。伊看見刻佇壁裡許個漆朱紅色的 巴比倫 人的像；</verse>
				<verse number="15">𪜶縖腰帶，頭殼包的頭巾隨風飄揚，看起來親像佇 迦勒底 出世的 巴比倫 指揮官。</verse>
				<verse number="16">阿荷利巴 一下看見就戀慕𪜶，派使者去 巴比倫 見𪜶。</verse>
				<verse number="17">巴比倫 人就來及伊睏，給伊侮辱拍垃墋。伊受拍垃墋了後，就及𪜶疏遠。</verse>
				<verse number="18">伊公然赤身露體，顯露伊的淫行。所以，我及伊疏遠，親像較早及伊的大姊疏遠像款。</verse>
				<verse number="19">伊思念少年的時佇 埃及 做妓女的日子，加添家己的淫行。</verse>
				<verse number="20">伊迷戀體格親像野驢赫呢壯，精力親像野馬赫呢足的愛人。</verse>
				<verse number="21">阿荷利巴 啊，你渴慕你少年的時的淫行。你少年的時佇 埃及 就做妓女，互人摸你的奶，耍你的身軀。」</verse>
				<verse number="22">「所以， 阿荷利巴 啊，我 — 至高的上主按呢對你講：『我欲激動你疏遠的愛人來攻擊你。我欲導𪜶來，對四面攻擊你。</verse>
				<verse number="23">𪜶有 巴比倫 人、 迦勒底 人、 比割 人、 書亞 人、 哥亞 人，閣有 亞述 人及𪜶做夥來；𪜶攏是飄撇的少年人，是騎馬的領袖、軍官，及戰士。</verse>
				<verse number="24">𪜶欲導大軍，用軍器、戰車，及補給車來攻擊你。𪜶夯大小盾牌，穿戰甲，戴頭盔，對四面圍攻你。𪜶欲替我給你刑罰，照𪜶的法律審判你。</verse>
				<verse number="25">我因為怨妒攻擊你，互𪜶發大受氣對付你。𪜶欲割你的鼻仔及耳仔，刣死你賰的人民。𪜶欲掠你的後生查某子，給賰落來的人燒死。</verse>
				<verse number="26">𪜶欲剝你的衫，搶你貴重的珠寶。</verse>
				<verse number="27">我欲互你無閣犯對 埃及 就有的淫行，互你無閣思念 埃及 ，無閣期待𪜶的幫贊。』</verse>
				<verse number="28">「至高的上主閣講：『我欲給你交互你怨恨疏遠的人。</verse>
				<verse number="29">𪜶欲用怨恨對待你，搶奪你勞碌得來的財物，給你褪光光。你淫亂的身軀及行為攏欲露現互人看見。這是你的慾望及淫行惹來的。</verse>
				<verse number="30">你作列國的娼妓，拜𪜶的偶像拍垃墋家己。</verse>
				<verse number="31">你行恁大姊行過的路，所以我欲提伊飲過刑罰的杯互你飲。』</verse>
				<verse number="32">「至高的上主按呢講： 你欲飲你的大姊的杯； 此個杯深閣大， 貯滿刑罰。 你欲互人恥笑譏刺。</verse>
				<verse number="33">你的大姊 撒馬利亞 飲的杯， 是互人驚惶、悽慘的酒杯； 你欲醉茫茫，大憂苦。</verse>
				<verse number="34">你欲飲此個杯，飲到焦焦； 你欲摔破此個杯，閣割傷你的奶。 諸個事我已經講過， 至高的上主按呢宣告。</verse>
				<verse number="35">「所以，至高的上主按呢講：『因為你𣍐記得我，將我㧒佇尻脊後，你欲承受你的慾望及淫行造成的後果。』」</verse>
				<verse number="36">上主對我講：「人子啊，你著審判 阿荷拉 及 阿荷利巴 ！你著指出𪜶所做通厭惡的事。</verse>
				<verse number="37">𪜶犯姦淫及刣人的罪。𪜶拜偶像行姦淫，將𪜶及我生的子兒燒互偶像做食物。</verse>
				<verse number="38">毋若按呢，𪜶仝彼日拍垃墋我的聖殿，干犯我的安歇日。</verse>
				<verse number="39">𪜶刣𪜶的子兒獻互偶像，仝彼日閣進入我的聖殿給伊褻瀆。這就是𪜶佇我的聖殿所做的代誌！</verse>
				<verse number="40">「𪜶閣派使者去真遠的所在請查甫人來。查甫人來，𪜶兩個姊妹就洗身軀，抹粉，畫目睭目眉，掛珠寶。</verse>
				<verse number="41">𪜶坐佇媠的眠床，將敬拜我的芳油下佇眠床頭邊仔的桌仔頂。</verse>
				<verse number="42">有歸陣對曠野來的人佇遐飲酒嬉嬉嘩嘩；𪜶將手環掛佇兩個姊妹的手裡，將花冠戴佇𪜶的頭殼頂。</verse>
				<verse number="43">講著此對姊妹仔，𪜶放縱淫亂致到衰老，現在人猶來及𪜶行淫，𪜶嘛及人行淫。</verse>
				<verse number="44">人一再來及 阿荷拉 、 阿荷利巴 兩個姊妹仔行淫，給𪜶當做妓女；𪜶做妓女及逐個人睏。</verse>
				<verse number="45">公正的人著判𪜶犯淫亂及刣人的罪；因為𪜶行淫，手沐刣人的血。」</verse>
				<verse number="46">至高的上主按呢講：「我欲召集一大陣群眾來攻擊𪜶，互𪜶驚惶，給𪜶掠去。</verse>
				<verse number="47">群眾欲用石頭給𪜶抌死，用刀劍刣死𪜶及𪜶的子、查某子，放火燒𪜶的厝。</verse>
				<verse number="48">我欲互此個國家無閣行淫，通警戒所有的婦仁人，毋通學𪜶的淫行。</verse>
				<verse number="49">人欲照恁的淫行刑罰恁；恁欲承擔拜偶像的罪。按呢，恁就知我是至高的上主。」</verse>
			</chapter>
			<chapter number="24">
				<verse number="1">第九年十月初十，上主對我講：</verse>
				<verse number="2">「人子啊，你著為今仔日此個特別的日子做記錄，因為今仔日 巴比倫 王開始圍攻 耶路撒冷 。</verse>
				<verse number="3">你著向此個背逆的子民講譬喻，給𪜶講：『至高的上主按呢講： 給鍋仔下佇火頂面， 下好勢，倒水佇鍋仔內面。</verse>
				<verse number="4">將切做一塊一塊上好的肉， 就是肩頭肉及腿肉， 及上好的骨頭，給鍋仔貯滿滿；</verse>
				<verse number="5">取羊群中上好的羊仔。 將柴囥佇鍋仔下面， 給許個骨頭及肉煮互滾。</verse>
				<verse number="6">「『至高的上主按呢講：慘啊，此個流人的血的城，生銹毋曾鑢過的鍋仔！內面的肉毋免抽籤揀，著一塊一塊攏給夾出來。</verse>
				<verse number="7">此個城猶有刣人流出的血；血摒佇光滑的石磐頂面，毋是倒佇土腳，會當用土蓋。</verse>
				<verse number="8">是我互此個城將刣人流出的血摒佇光滑的石磐頂面；𣍐當用土蓋，是欲激動我的受氣，給𪜶報應。</verse>
				<verse number="9">「『所以，至高的上主按呢講：慘啊，此個流人的血的城！我欲親身疊一大堆柴。</verse>
				<verse number="10">添較多樹椏，互火較焰，給肉煮互爛，湯炕甲焦去，連骨都臭火焦！</verse>
				<verse number="11">了後，將空的鍋仔下佇火頂面，互鍋仔熱，給銅燒紅，互內面的垃屑熔去，鍋仔就無閣有銹。</verse>
				<verse number="12">毋拘所有的勞碌攏無採工，鍋仔厚厚的銹用火嘛除𣍐去。</verse>
				<verse number="13">耶路撒冷 啊，鍋仔的銹就是你的淫行。我想欲給你洗清氣，毋拘你毋肯。所以，佇我對你發大受氣以前，你的垃屑𣍐當除去。</verse>
				<verse number="14">我上主曾講：我採取行動的時機到啦。我𣍐改變心意，無欲憐憫，嘛無欲寬容。我欲照你的所行所做給你審判。至高的上主按呢宣告。』」</verse>
				<verse number="15">上主對我講：</verse>
				<verse number="16">「人子啊，我欲互你心愛的人忽然死去，毋拘你𣍐用得哀傷、啼哭，嘛𣍐用得流目屎。</verse>
				<verse number="17">你通恬恬仔吐氣，毋拘𣍐用得給伊辦喪事。你著縛頭巾，腳穿鞋；毋通掩嘴鬚表示哀傷，毋通食為著喪家準備的食物。」</verse>
				<verse number="18">彼早起我給人講此個事，彼暝我的某就死去。隔早起，我照上主的命令去做。</verse>
				<verse number="19">人問我：「你哪無欲給阮講，你做諸個代誌對阮有什麼意思？」</verse>
				<verse number="20">我給𪜶講：「上主對我講話，</verse>
				<verse number="21">叫我給 以色列 人講：『至高的上主按呢講：恁將聖殿當做上誇耀的倚靠、目睭所意愛、心靈的寄託，毋拘我欲互我的聖殿受褻瀆。恁留佇 耶路撒冷 的子查某子攏欲互人刣死。</verse>
				<verse number="22">彼時，恁欲照我所做的去做。恁毋通掩嘴鬚表示哀傷，毋通食為著喪家準備的食物；</verse>
				<verse number="23">恁嘛著縛頭巾，腳穿鞋，毋通哀傷啼哭。恁欲因為家己的罪惡衰荏，面對面哼哼呻。</verse>
				<verse number="24">上主講： 以西結 就是恁的兆頭；伊做的，恁嘛攏欲做。到彼時，恁就知我是至高的上主。』」</verse>
				<verse number="25">上主講：「人子啊，彼日我欲拆毀恁倚靠的堡壘、誇耀的榮光、目睭意愛的聖殿，嘛欲刣死恁的子查某子；</verse>
				<verse number="26">仝彼日，對 耶路撒冷 逃走出來的人欲來你遮，給你講諸個代誌。</verse>
				<verse number="27">彼日，你無閣恬恬𣍐講話；你欲開嘴對諸個逃脫的人講話。按呢，你欲成做𪜶的兆頭，𪜶就知我是上主。」</verse>
			</chapter>
			<chapter number="25">
				<verse number="1">上主對我講：</verse>
				<verse number="2">「人子啊，你著對 亞捫 人講預言攻擊𪜶，</verse>
				<verse number="3">給𪜶講：『著聽上主的話！至高的上主按呢講：我的聖殿受褻瀆、 以色列 的土地拋荒、 猶大 人受放逐的時，恁竟然講：哈哈， 以色列 人嘛有此一日噢！</verse>
				<verse number="4">所以，我欲互東方來的民族征服恁，佔恁的土地做𪜶的產業。𪜶欲佇恁的土地紮營，定居，食恁田園的出產，飲恁羊群的奶。</verse>
				<verse number="5">我欲互 拉巴 城變做駱駝的牧場，互 亞捫 人的地成做羊群倒啲歇睏的所在。按呢，恁就知我是上主。</verse>
				<verse number="6">「『至高的上主閣講：因為恁充滿怨恨，看 以色列 地受災難做歡喜，手拍噗仔，腳趒跳。</verse>
				<verse number="7">所以我欲伸手攻擊恁，給恁交互列國做俘虜；我欲對萬民中給恁剿滅，互恁對萬國中消失。我欲除滅恁，恁就知我是上主。』」</verse>
				<verse number="8">至高的上主講：「因為 摩押 人及 以東 人講， 猶大 國及別個國家無什麼無仝，</verse>
				<verse number="9">所以我欲互 摩押 邊界的城鎮受攻擊，連𪜶上誇口的城堡， 伯‧耶西末 、 巴力‧免 ，及 基列亭 ，攏受攻破。</verse>
				<verse number="10">我嘛欲將 亞捫 人及 摩押 做夥交互東方來的民族做產業，閣互列國𣍐記得 摩押 。</verse>
				<verse number="11">我一定欲刑罰 摩押 。按呢，𪜶就知我是上主。」</verse>
				<verse number="12">至高的上主按呢講：「 以東 人因為對 猶大 人報仇，𪜶的報仇顯露𪜶極大的罪，</verse>
				<verse number="13">所以，我 — 至高的上主按呢講：我欲刑罰 以東 ，給𪜶及𪜶的牲生消滅，互 以東 對 提幔 到 底但 的土地攏拋荒，人受刣死。</verse>
				<verse number="14">我欲用我的子民 以色列 的手對 以東 報復；𪜶欲照我極大的受氣報復 以東 。彼時， 以東 人就知這是我啲向𪜶報復。」至高的上主按呢宣告。</verse>
				<verse number="15">至高的上主按呢講：「 非利士 人向 猶大 人報𪜶古早就結的冤仇，心存惡意欲消滅 猶大 人。</verse>
				<verse number="16">所以，我 — 至高的上主按呢宣告：我欲伸手攻擊 非利士 人，剿滅 基利提 人，連住佇沿海平原賰的人嘛欲消滅。</verse>
				<verse number="17">我欲嚴嚴給𪜶報復，發大受氣刑罰𪜶。我給𪜶報復的時，𪜶就知我是上主。」</verse>
			</chapter>
			<chapter number="26">
				<verse number="1">第十一年某一個月的初一，上主對我講：</verse>
				<verse number="2">「人子啊，因為 泰爾 人向 耶路撒冷 講：『哈哈，彼個及萬國做貿易的城已經毀壞啦！生理攏變做阮的啦！伊欲衰微，阮欲繁榮！』</verse>
				<verse number="3">「所以，我 — 至高的上主按呢講： 泰爾 ，我欲及你作對！我欲召集列國，互𪜶親像海湧夯起來攻打你。</verse>
				<verse number="4">𪜶欲毀壞你的城牆，拆毀你的城樓。我嘛欲給所有的土攏耙清氣，賰光滑的石磐。</verse>
				<verse number="5">海中的 泰爾 欲變做曝魚網的所在。我 — 至高的上主按呢宣告。伊欲成做列國的獵物，</verse>
				<verse number="6">伊周圍城鎮的住民欲互刀劍刣死。按呢，𪜶就知我是上主。</verse>
				<verse number="7">「至高的上主按呢講：我欲召列國之王， 巴比倫 王 尼布甲尼撒 ，帶領戰馬、戰車、馬兵，對北方來攻打 泰爾 。</verse>
				<verse number="8">你周圍城鎮的住民嘛攏欲受剿滅；對敵欲造土堆，起高台，攑盾牌攻打你。</verse>
				<verse number="9">伊欲用挵城的槌攻破你的城牆，用鐵器拆毀你的城樓。</verse>
				<verse number="10">伊大群戰馬絞起來的土粉欲給你遮蓋。伊的馬兵及戰車發出的聲互你的城牆振動。伊欲入你的城門，親像人對破隙的城牆入去。</verse>
				<verse number="11">伊的馬兵欲踐踏你的大街小巷，用刀劍刣死你的人民。你的神廟堅固的大柱欲倒佇土腳。</verse>
				<verse number="12">對敵欲搶你的財寶，奪你的貨物，捙倒你的城牆，拆毀你媠的厝宅，給石頭、柴、土攏㧒落海。</verse>
				<verse number="13">我欲互你𣍐當閣唱歌，人𣍐當閣聽見你彈琴的聲。</verse>
				<verse number="14">我欲互你變做光滑的石磐，做曝魚網的所在；你無可能閣重建。我 — 至高的上主按呢宣告。」</verse>
				<verse number="15">至高的上主閣對 泰爾 講：「你的人民受屠殺，受傷哼哼呻的時，沿海的住民豈𣍐因為聽見你倒壞的消息驚甲皮皮惙？</verse>
				<verse number="16">沿海國家的君王攏欲離開𪜶的座位，給王袍及繡花的衫褪起來，坐佇土腳，一直驚惶愕愕惙；你的結局互𪜶攏愣去。</verse>
				<verse number="17">𪜶欲為你唱哀歌： 啊，你此個出名的城， 現在竟然滅亡啦！ 你曾稱霸海上； 你及你的人民曾互所有住佇沿海的人驚惶。</verse>
				<verse number="18">你受毀滅彼日， 海島欲愕愕惙； 住佇遐的人攏欲因為你的消滅驚惶。」</verse>
				<verse number="19">至高的上主按呢講：「我欲互你荒廢親像無人徛起的城。我欲用深淵的水蓋過你，用大水淹密你。</verse>
				<verse number="20">我欲互你及落深坑的人，做夥落去古早死去的人遐。我欲互你及落深坑的人住佇地深、古早就荒廢的所在。你𣍐當閣佇人間展威。</verse>
				<verse number="21">我欲互你抵著恐怖的結局，你無閣存在；人欲尋你，永遠尋𣍐著。」至高的上主按呢宣告。</verse>
			</chapter>
			<chapter number="27">
				<verse number="1">上主對我講：</verse>
				<verse number="2">「人子啊，你著為 泰爾 唱哀歌。</verse>
				<verse number="3">你著對佇海口，及佇真多沿海的島嶼做貿易的 泰爾 講：『至高的上主按呢講： 泰爾 啊，你曾誇口 家己是十全十美的城市。</verse>
				<verse number="4">你擴展你的邊界到海的中心； 你受起造親像一隻完美的大船。</verse>
				<verse number="5">𪜶用 黑門山 的松樹做船枋， 用 黎巴嫩 的柏香樹做船桅，</verse>
				<verse number="6">用 巴珊 的橡樹做槳， 用 塞浦路斯 的黃楊木，鑲象牙做床枋。</verse>
				<verse number="7">𪜶用 埃及 繡花的幼麻布做帆， 人對遠遠就看會著。 𪜶用 以利沙 沿岸運來的藍色、紫色的布料做布棚。</verse>
				<verse number="8">為你划船的是 西頓 人及 亞發 人； 為你按舵的是 泰爾 本地的高手。</verse>
				<verse number="9">修理船的是 迦巴勒 老練的師傅； 大海來往的船隻及船員攏來你遮做生理。</verse>
				<verse number="10">「『你倩 波斯 人、 呂底亞 人，及 弗 人來你的軍隊做戰士。𪜶給盾牌及頭盔掛佇你的營房，加添你的威風。</verse>
				<verse number="11">對 亞發 倩來的戰士為你守衛城牆；你的城樓嘛有 迦瑪底 人啲顧守。𪜶給盾牌掛佇你的壁頂，互你閣較壯觀。</verse>
				<verse number="12">「『 他施 人因為你的物件真多就來交關，用銀、鐵、錫，及鉛，交換你的商品。</verse>
				<verse number="13">希臘 人、 土巴 人、 米設 人及你做生理，用奴隸及銅器交換你的貨物。</verse>
				<verse number="14">陀迦瑪 人用馬、戰馬，及騾，交換你的貨物。</verse>
				<verse number="15">底但 人及你做生理，真多海島的住民嘛是你的顧客；𪜶用象牙、烏檀木及你交換貨物。</verse>
				<verse number="16">亞蘭 人因為你的物件真多就來交關，用綠寶石、紫色布、繡花布、幼麻布、珊瑚，及紅寶石，交換你的商品。</verse>
				<verse number="17">猶大 人、 以色列 人攏及你做生理，用 米匿 的麥、餅、蜜、橄欖油、乳香交換你的貨物。</verse>
				<verse number="18">因為你的物件真多， 大馬士革 人用 黑本 的酒及白羊毛及你交易，</verse>
				<verse number="19">用 烏薩 的酒、精煉的鐵、桂皮、芳的菖蒲，及你交換貨物。</verse>
				<verse number="20">底但 人用苴馬鞍的毯仔交換你的貨物。</verse>
				<verse number="21">阿拉伯 及 基達 所有的領袖用羊羔、綿羊、山羊交換你的貨物。</verse>
				<verse number="22">示巴 及 拉瑪 的生理人用高級香料、珠寶、黃金交換你的商品。</verse>
				<verse number="23">哈蘭 、 干尼 、 伊甸 、 示巴 的生理人、 亞述 、 基抹 攏來及你做生理。</verse>
				<verse number="24">𪜶將上等的衣服、繡花的紫色布、彩色的地毯，用索仔縛甲真好勢，帶來市場及你買賣。</verse>
				<verse number="25">他施 的船隊給你運送貨物。 你親像海裡的大船， 貯滿貨物，食水真深。</verse>
				<verse number="26">划船的給你划到外海； 東風佇海中給你搧破。</verse>
				<verse number="27">船破沉落去的時， 你的財寶、商品、貨物、 船員及按舵的、 修理船的、負責買賣的、 船頂的軍人及所有的人， 攏沉落海底。</verse>
				<verse number="28">船沉落海的時，船員喝救命的聲， 附近沿海的人攏著驚。</verse>
				<verse number="29">「『划船的、船員，及按舵的， 攏欲落船上岸。</verse>
				<verse number="30">𪜶欲為著你出聲大哭， 頭殼糝土粉，佇火灰中翱來翱去。</verse>
				<verse number="31">𪜶為著你剃光頭， 穿麻衫， 傷心哀哭，痛苦到極。</verse>
				<verse number="32">𪜶為著你啼哭哀傷的時， 為你唱哀歌： 有叨一座城親像 泰爾 ， 沉落海底無聲無說？</verse>
				<verse number="33">你佇海裡送貨， 互列國充足。 你的財富及商品真多， 互世間的君王好額。</verse>
				<verse number="34">你佇大海互湧挵破， 所有的貨物及船員 攏沉落去海深的所在。</verse>
				<verse number="35">「『海島的住民攏因為你的結局著驚；𪜶的君王嘛攏驚惶恐惶，面帶憂容。</verse>
				<verse number="36">列國的生理人給你幌頭恥笑；你永遠消失，此款的結局互人著驚。』」</verse>
			</chapter>
			<chapter number="28">
				<verse number="1">上主對我講：</verse>
				<verse number="2">「人子啊，著給 泰爾 王講：『至高的上主按呢講：你心內驕傲，想講家己是神明，坐佇海中眾神的座位。雖然你心內按呢想，其實你是人，毋是神明。</verse>
				<verse number="3">你想你家己比 但以理 較聰明，明白所有的奧祕。</verse>
				<verse number="4">你靠家己的聰明及技巧得著財富，累積真多金銀佇庫房。</verse>
				<verse number="5">你運用做生理的聰明，增加你的財富。你因為家己的財富愈來愈驕傲！</verse>
				<verse number="6">「『所以，我 — 至高的上主按呢講：因為你想家己及神明仝款，</verse>
				<verse number="7">所以我欲導列國中上兇惡的外國人來攻打你。𪜶欲拔刀毀壞你用聰明建立的成就，互你失去光彩。</verse>
				<verse number="8">𪜶欲給你㧒落深坑，互你慘死佇海裡。</verse>
				<verse number="9">你豈會當對給你刣的人講你是神明？佇刣你的人手中，你不過是人，毋是神明。</verse>
				<verse number="10">你欲死佇外國人的手中，親像無受割禮的人死，死甲真見笑。我 — 至高的上主按呢宣告。』」</verse>
				<verse number="11">上主對我講：</verse>
				<verse number="12">「人子啊，你著為 泰爾 王唱哀歌，給伊講：『至高的上主按呢講：你過去是完美的典範，充滿智慧，十全十美。</verse>
				<verse number="13">你曾住佇 伊甸 ，就是上帝的園內面，用紅寶石、黃玉、金鋼石、青玉、紅瑪瑙、碧玉、藍寶石、綠寶石、赤玉妝飾家己；所有的寶石攏鑲金框。佇你受造彼日，我就攏為你準備好勢。</verse>
				<verse number="14">我設立你做基路伯，保護上帝的聖山，佇親像火啲𤏸光亮的寶石中間巡視。</verse>
				<verse number="15">對受造的日，你的行為正直，後來煞開始做歹。</verse>
				<verse number="16">你生理好閣做真大，煞犯罪，做真多強暴的事。所以，我給你趕離開我的聖山，互你抵著見笑。啊，守護者基路伯，我對親像火啲𤏸光亮的寶石中間給你趕走。</verse>
				<verse number="17">你因為英俊，內心驕傲；你出名，煞看輕智慧。所以我給你摔佇土腳，互諸王親目看著。</verse>
				<verse number="18">你因為罪過真多，做生理無公道，煞褻瀆你的聖所，所以我放火給你燒，互你佇人的目睭前變做火灰。</verse>
				<verse number="19">所有認識你的國家攏欲驚惶；你永遠消失，此款的結局互人著驚。』」</verse>
				<verse number="20">上主對我講：</verse>
				<verse number="21">「人子啊，你著向 西頓 人講預言，指責𪜶。</verse>
				<verse number="22">著給𪜶講至高的上主按呢講：『 西頓 ，我欲及你作對！我欲佇恁中間顯出我的榮光。我顯明我的神聖，施行審判的時，人就知我是上主。</verse>
				<verse number="23">我欲互瘟疫佇 西頓 流行，互 西頓 的街路攏是血；對敵攑刀對四面攻擊伊，受刣的人倒佇街路。按呢，人就知我是上主。』」</verse>
				<verse number="24">上主講：「過去看輕 以色列 人周圍的國家，𣍐閣親像鑿人的莿、傷人的蒺藜刺傷 以色列 ，按呢人就知我是至高的上主。」</verse>
				<verse number="25">至高的上主按呢講：「我欲聚集受放逐去萬族的 以色列 人，萬族欲因為按呢知我是神聖； 以色列 人欲住佇𪜶家己的土地，就是我賞賜互我的僕人 雅各 的土地。</verse>
				<verse number="26">𪜶欲佇遐安居樂業；我刑罰周圍許個看輕 以色列 人的民族了後， 以色列 人欲起厝，開墾葡萄園，安然徛起。按呢，𪜶就知我是上主 — 𪜶的上帝。」</verse>
			</chapter>
			<chapter number="29">
				<verse number="1">第十年十月十二，上主對我講：</verse>
				<verse number="2">「人子啊，你著對 埃及 王及 埃及 全國講預言，指責𪜶，</verse>
				<verse number="3">講：『至高的上主按呢講： 埃及 王，你親像匿佇河裡的大海怪，我欲及你作對！你曾講 尼羅河 是你的，是你造的。</verse>
				<verse number="4">我欲用鉤仔鉤你的牙槽，互河裡的魚卡佇你的鱗；我欲給你及卡佇你的鱗的魚攏對河裡扭起來。</verse>
				<verse number="5">我嘛欲給你及河裡的魚㧒佇曠野。你會死佇野地，無人給你收身屍，無人給你埋葬。我欲互你做地上的野獸及空中飛鳥的食物。</verse>
				<verse number="6">按呢，所有 埃及 的住民就知我是上主。 「『上主閣講： 埃及 人，你對 以色列 人講起來，不過是一枝蘆竹仔柺。</verse>
				<verse number="7">𪜶用手攑你抵土腳，你就𤿎開，傷著𪜶的肩頭；𪜶的身軀靠你，你就斷去，互𪜶的腰閃著。</verse>
				<verse number="8">所以，我 — 至高的上主按呢講：我欲互恁抵著戰亂；人及牲生攏欲互刀刣死。</verse>
				<verse number="9">埃及 的地欲拋荒荒廢，按呢，人就知我是上主。 「『因為 埃及 王誇口講： 尼羅河 是我的，是我造的。</verse>
				<verse number="10">我欲及你以及你的河流作對。我欲互 埃及 的土地，對北部的 密奪 ，到南部的 色弗尼 ，一直到 古實 邊界，全部拋荒荒廢，</verse>
				<verse number="11">無閣有人抑是野獸經過；四十年久， 埃及 無人徛起。</verse>
				<verse number="12">我欲互 埃及 變做世間上拋荒的所在，互 埃及 的城鎮變做上荒廢的城鎮。我欲給 埃及 人趕散去列國，四散佇列邦四十年久。</verse>
				<verse number="13">「『至高的上主按呢講：四十年了後，我欲聚集受放逐的 埃及 人，</verse>
				<verse number="14">導𪜶對受掠的所在轉來𪜶的本居地 巴特羅 。佇遐，𪜶欲成做弱小的國家，</verse>
				<verse number="15">是列國中上微細的，𣍐當閣統治別個國家。我欲互𪜶衰荏，𣍐當閣管轄別個國家。</verse>
				<verse number="16">埃及 𣍐當閣做 以色列 的靠山，只有互 以色列 人想起𪜶倚靠 埃及 的罪過。按呢，𪜶就知我是至高的上主。』」</verse>
				<verse number="17">第二十七年正月初一，上主對我講：</verse>
				<verse number="18">「人子啊， 巴比倫 王 尼布甲尼撒 導伊的大軍攻打 泰爾 。 巴比倫 王及伊的軍隊出力苦戰，逐個人攏落頭毛，肩頭㨨皮，毋拘𪜶攏無對 泰爾 得著什麼。</verse>
				<verse number="19">所以，我 — 至高的上主按呢講：『我欲將 埃及 的土地交互 巴比倫 王 尼布甲尼撒 。伊欲搶 埃及 的財物，將𪜶的資源搶了了；諸個戰利品欲做伊的軍隊的報賞。</verse>
				<verse number="20">我欲給 埃及 交互伊，當做伊的工錢，因為伊的軍隊是為我做工。我 — 至高的上主按呢宣布。』</verse>
				<verse number="21">「彼時，我欲互 以色列 強盛，嘛欲互你 以西結 閣再開嘴佇𪜶中間講話。按呢，𪜶就知我是上主。」</verse>
			</chapter>
			<chapter number="30">
				<verse number="1">上主對我講：</verse>
				<verse number="2">「人子啊，你著講預言；你著講至高的上主按呢講： 慘啊，彼日！恁著大聲哀哭。</verse>
				<verse number="3">彼日到啦！上主的日逼近啦！ 彼日是烏雲密布、列國受刑罰的日子。</verse>
				<verse number="4">埃及 欲抵著戰亂， 古實 會感受痛苦。 埃及 人受屠殺的時， 人民的財富欲互人搶去； 伊的根基完全受拆毀。</verse>
				<verse number="5">古實 人、 弗 人、 呂底亞 人、 阿拉伯 人、 故普 人，以及及 埃及 結盟的攏欲及 埃及 人做夥死佇刀下。</verse>
				<verse number="6">「上主按呢講：『對北部的 密奪 到南部的 色弗尼 ，所有支持 埃及 的人攏欲死佇刀下； 埃及 誇耀的權勢欲降低變做卑微。我 — 至高的上主按呢宣告。</verse>
				<verse number="7">埃及 欲變做世間上拋荒的所在，無一個城鎮會比 埃及 的城鎮閣較荒廢。</verse>
				<verse number="8">我放火燒 埃及 的時，所有幫贊 埃及 的嘛欲受剿滅。彼時，𪜶就知我是上主。</verse>
				<verse number="9">「『彼日，我欲派使者坐船去 古實 人遐；安穩自在的 古實 人欲驚惶，欲有親像 埃及 所受的痛苦臨到𪜶。看咧，諸個事連鞭欲發生！』</verse>
				<verse number="10">「至高的上主按呢講：『我欲通過 巴比倫 王 尼布甲尼撒 ，剿滅 埃及 的人民。</verse>
				<verse number="11">伊欲帶領列國中兇惡的軍隊來毀滅 埃及 。𪜶欲用刀攻擊 埃及 人，互屍體滿四界。</verse>
				<verse number="12">我欲互 尼羅河 焦硞硞，給 埃及 交佇邪惡的人手中。我欲通過外國人毀壞 埃及 的一切。我上主按呢宣告。』</verse>
				<verse number="13">「至高的上主按呢講：『我欲毀滅偶像，對 孟斐斯 除去神像； 埃及 無閣有君王；我欲互 埃及 人活佇驚惶的中間。</verse>
				<verse number="14">我欲互 埃及 的 巴特羅 變做荒埔，用火燒 瑣安 ，刑罰大城 底比斯 。</verse>
				<verse number="15">我欲將我的大受氣摒佇 埃及 上堅固的要塞 汛 ，嘛欲消滅 底比斯 的人民。</verse>
				<verse number="16">我欲放火燒 埃及 ； 汛 欲痛苦絞滾。 底比斯 的城牆欲受攻破， 孟斐斯 欲歸日受對敵攻擊。</verse>
				<verse number="17">希利坡里 及 比‧伯實 的少年人攏欲死佇刀下，許個城的住民互人掠去。</verse>
				<verse number="18">我毀壞 埃及 的權勢，互伊誇耀的氣力終止的時， 答比匿 日時欲變做烏暗，烏雲給伊遮蓋，所有的住民攏欲受掠做俘虜。</verse>
				<verse number="19">我欲按呢刑罰 埃及 ，𪜶就知我是上主。』」</verse>
				<verse number="20">第十一年正月初七，上主對我講：</verse>
				<verse number="21">「人子啊，我已經拍斷 埃及 王的一支手骨，無人給伊醫治，包紮，互伊有力通攑刀。</verse>
				<verse number="22">所以，我 — 至高的上主按呢講：『我欲及 埃及 王作對，拍斷伊兩支手骨，給勇的及著傷的攏拍斷，互伊手內的刀落落土腳。</verse>
				<verse number="23">我欲給 埃及 人放逐去列國，四散佇全世界逐所在。</verse>
				<verse number="24">然後，我欲互 巴比倫 王的手勇壯有力，給我的刀交互伊。毋拘我欲拍斷 埃及 王的手骨，互伊佇 巴比倫 王面前親像受傷欲死的人哼哼呻。</verse>
				<verse number="25">我欲互 巴比倫 王的手勇壯，互 埃及 王的手衰荏垂落去。我給我的刀交互 巴比倫 王，伊攑刀攻擊 埃及 的時，𪜶就知我是上主。</verse>
				<verse number="26">我欲給 埃及 人放逐去列國，四散佇全世界逐所在；彼時，𪜶就知我是上主。』」</verse>
			</chapter>
			<chapter number="31">
				<verse number="1">第十一年，三月初一，上主對我講：</verse>
				<verse number="2">「人子啊，你著給 埃及 王及伊的人民講： 你的強盛，啥人會當及你比？</verse>
				<verse number="3">你看， 亞述 曾親像 黎巴嫩 的柏香樹， 枝葉青翠，樹林茂盛， 樹欉高大，樹尾抵天。</verse>
				<verse number="4">柏香樹有水潤澤； 地下水源互伊高大。 伊栽種的所在四周圍有江河； 支流灌沃田野所有的樹木。</verse>
				<verse number="5">所以，伊比其他的樹木較大欉； 因為水源充足， 伊的樹椏長閣多，葉茂盛。</verse>
				<verse number="6">空中的飛鳥佇樹椏作巢； 地上的走獸佇樹影下生產； 列國的人民攏佇伊的蔭影下徛起。</verse>
				<verse number="7">即呢大欉閣媠的樹！ 樹高，樹椏長，葉茂盛； 樹根釘深，深入地下的水源。</verse>
				<verse number="8">上帝園中的柏香樹𣍐比伊較高； 松樹的樹枝𣍐比伊較長； 楓樹的樹椏𣍐當及伊比。 上帝園中的樹無一欉親像伊赫媠。</verse>
				<verse number="9">我互伊的枝葉茂盛，生做真媠； 上帝的園 伊甸 所有的樹攏欣羨伊。</verse>
				<verse number="10">「所以，我 — 至高的上主按呢講：此欉樹因為高大，樹尾高甲抵天，煞自高驕傲，</verse>
				<verse number="11">我就給伊交互列國中上強大的統治者；此個統治者欲照伊的邪惡給伊報應。我已經給伊棄拺。</verse>
				<verse number="12">兇惡的外國人給伊斬斷，㧒确。伊的枝葉落佇山頂及山谷中，樹枝折去落佇河邊；樹影下列國的人民攏離開。</verse>
				<verse number="13">空中的飛鳥欲歇佇倒落去的樹箍；田野的走獸欲倒佇落落去的樹枝。</verse>
				<verse number="14">以後，栽種佇水邊的樹無通閣因為大欉，高甲抵天自高驕傲。許個樹攏欲枯焦，親像驕傲的世間人死去，及死人做夥落去陰間。</verse>
				<verse number="15">「至高的上主閣講：彼欉大欉樹落去陰間的時，我欲蓋深淵，截斷江河，互水流停止來表示哀傷。我欲互烏暗遮蓋 黎巴嫩山 ，互樹林內的樹木攏枯焦。</verse>
				<verse number="16">我給伊㧒落陰間，互伊及落深淵的死人做夥的時，伊摔落去的聲搖動列國。 伊甸園 的樹，以及 黎巴嫩 水源充足、上好上媠的樹木，攏欲佇陰間得著安慰。</verse>
				<verse number="17">諸個樹攏欲及彼欉大欉樹落去陰間，及互刀刣死的人做夥。所有住佇彼欉樹蔭影下的人攏欲受放逐去列國。</verse>
				<verse number="18">「你的榮光及高大， 伊甸園 內面的樹木有叨一欉會當及你比？毋拘，你欲及 伊甸園 內面的樹木像款互人㧒落陰間，及許個無受割禮以及互刀刣死的人做夥。這是指 埃及 王及伊的人民講的。至高的上主按呢宣告。」</verse>
			</chapter>
			<chapter number="32">
				<verse number="1">第十二年十二月初一，上主對我講：</verse>
				<verse number="2">「人子啊，你著為 埃及 王做哀歌，給伊講：你想講家己佇列國中是少壯的獅，其實，你是海裡的海怪。你佇江河拍翸，用腳撈水，互河水變濁。</verse>
				<verse number="3">至高的上主按呢講：佇真多國家的人民聚集的時，我欲拋我的網給你掠起來，叫𪜶給你拖上岸。</verse>
				<verse number="4">我欲給你㧒佇土腳，擲佇野地，互你做空中的飛鳥及地上走獸的食物。</verse>
				<verse number="5">我欲給你的身屍擲佇山裡，用你爛去的屍體給山谷填淀。</verse>
				<verse number="6">我欲互土地飲你的血；互你的血淹到山嶺，漲滿江河。</verse>
				<verse number="7">我消滅你的時，欲遮蓋天，互星辰烏暗；我欲用密雲遮日頭，互月娘嘛𣍐發光。</verse>
				<verse number="8">我欲互天頂的光體𣍐閣發光，互你的土地陷入烏暗。我 — 至高的上主按呢宣告。</verse>
				<verse number="9">「我互你佇列國中滅亡的消息，傳到你毋識的國家的時，我欲互許個人民的心驚惶。</verse>
				<verse number="10">我佇列國面前弄刀劍的時，𪜶的人民欲因為你驚惶，君王嘛欲因為你愕愕惙。你倒壞彼日，𪜶攏欲為著家己的性命不時皮皮惙。</verse>
				<verse number="11">「至高的上主按呢講： 巴比倫 王欲攑刀攻擊你。</verse>
				<verse number="12">我欲用𪜶的戰士消滅你的軍隊；𪜶是列國中上兇惡的。 埃及 的誇耀欲徹底消失，伊的軍隊欲滅亡。</verse>
				<verse number="13">我欲刣死河邊的牲生；無閣有人及牲生用腳撈河水，互水濁去。</verse>
				<verse number="14">彼時，我欲互𪜶的河水清清，互河水親像油寬寬仔流。我 — 至高的上主按呢宣告。</verse>
				<verse number="15">我互 埃及 拋荒，土地無賰半項，給伊的住民攏刣死的時，𪜶就知我是上主。</verse>
				<verse number="16">這是一首人哀傷的時唱的哀歌。列國的女子欲為著 埃及 及伊的人民唱此首哀歌。至高的上主按呢宣告。」</verse>
				<verse number="17">第十二年某月的十五，上主對我講：</verse>
				<verse number="18">「人子啊，你著為 埃及 的群眾啼哭，𪜶及其他強國的人民欲受㧒落地深的所在，及許個已經佇陰間的人做夥。</verse>
				<verse number="19">你著對𪜶講： 你想講你上媠噢？ 你落去深坑，去及無受割禮的人做夥！</verse>
				<verse number="20">「𪜶欲及許個互刀劍刣死的人倒做夥。刀已經出鞘， 埃及 及伊的人民攏會互人刣死。</verse>
				<verse number="21">佇陰府上強猛的戰士欲給 埃及 以及及伊結盟的國家講：『許個無受割禮，互刀刣死的人攏落來倒佇遮！』</verse>
				<verse number="22">「 亞述 及伊的戰士攏佇遐，伊的戰士埋佇四周圍；𪜶攏互刀劍刣死。</verse>
				<verse number="23">𪜶的墳墓佇陰間極深的所在，伊的戰士埋佇四周圍；𪜶攏是互刀劍刣死的。𪜶在生的時，人非常驚𪜶。</verse>
				<verse number="24">「 以攔 及伊的戰士攏佇遐，伊的戰士埋佇四周圍。許個無受割禮，互刀劍刣死的人攏落佇陰間。𪜶在生的時，人非常驚𪜶；今死了，𪜶及所有死的人像款受侮辱。</verse>
				<verse number="25">佇互人刣死的人中間，𪜶為著 以攔 做一頂眠床，𪜶的戰士攏埋佇四周圍。𪜶是無受割禮，互刀劍刣死的人。𪜶在生的時，人非常驚𪜶；今死了，𪜶及所有死的人像款受侮辱。</verse>
				<verse number="26">「 米設 、 土巴 及𪜶的戰士嘛佇遐，𪜶的戰士攏埋佇四周圍。𪜶攏是無受割禮，互刀劍刣死的人。𪜶在生的時，人非常驚𪜶。</verse>
				<verse number="27">𪜶無及許個古早的勇士 做夥埋葬；諸個勇士帶軍器落去陰府，刀劍做枕頭，罪的刑罰蓋佇𪜶的骨頭頂。𪜶在生的時，人非常驚𪜶。</verse>
				<verse number="28">「法老，你欲互人碎骨分屍，倒佇無受割禮，互刀劍刣死的人中間。</verse>
				<verse number="29">「 以東 嘛佇遐，伊的王及所有的領袖雖然是勇猛的戰士，毋拘嘛欲及無受割禮、互人刣死，及落陰間的人倒做夥。</verse>
				<verse number="30">「所有北方的領袖及 西頓 人嘛佇遐；𪜶的權勢曾互人恐惶驚惶。今𪜶嘛及無受割禮，互刀劍刣死的人做夥倒佇陰間，受侮辱。」</verse>
				<verse number="31">「至高的上主講： 埃及 王看見許個國家的滅亡，會為著互刀刣死的軍兵感覺安慰。</verse>
				<verse number="32">「雖然我曾用 埃及 王互世間人驚惶，毋拘伊及伊的軍隊嘛攏欲及許個無受割禮、互刀劍刣死的人倒做夥。至高的上主按呢宣告。」</verse>
			</chapter>
			<chapter number="33">
				<verse number="1">上主對我講：</verse>
				<verse number="2">「人子啊，著給你的同胞講，我互一個國家抵著戰亂，彼個國家的人民著對𪜶中間選一個人做守望者。</verse>
				<verse number="3">守望者看著對敵逼近，就歕哨角警告人民。</verse>
				<verse number="4">若有人聽著哨角的聲毋拘無警覺，煞互對敵刣死，伊著為家己的死負責任。</verse>
				<verse number="5">伊聽著哨角的聲毋拘無警覺，伊著為家己的死負責任。伊若接受警戒，就會當救家己的性命。</verse>
				<verse number="6">守望者看著對敵逼近，若無歕哨角，致到人民毋知通警戒，煞有人互對敵刣死，就是講彼個人有罪該死，我嘛愛守望者為著彼個人的死負責任。</verse>
				<verse number="7">「人子啊，今我指派你做 以色列 人民的守望者。你著將我給你講警告的話給𪜶講。</verse>
				<verse number="8">若是我宣布某一個邪惡的人一定著死，你卻無去給伊警告，勸伊改邪歸正，此個人雖然嘛會因為家己的罪來死，毋拘我欲對你追究伊死的責任。</verse>
				<verse number="9">你若有警告彼個人毋通繼續作歹，毋拘伊無欲改邪歸正，伊會因為家己的罪死；伊的死，你毋免負責任。」</verse>
				<verse number="10">上主對我講：「人子啊， 以色列 人曾講：阮的罪及過失親像重擔給阮硩咧，阮因為按呢失志衰荏，毋知欲按怎活落去。</verse>
				<verse number="11">你著給𪜶講，我 — 至高的上主指家己的活命立誓，我毋愛歹人死亡，愛𪜶離開歹路來得著活命。 以色列 人啊，恁著悔改，越倒轉，離開邪惡的行為！恁哪欲尋死咧？</verse>
				<verse number="12">「所以，人子啊，著給你的同胞講：『義人犯罪，伊早前做的好事𣍐救伊。歹人悔改，伊早前做的歹𣍐互伊滅亡；義人犯罪，伊早前的好行為𣍐互伊得著活命。』</verse>
				<verse number="13">我對義人講『你一定會活』，毋拘伊若靠家己的好行為煞開始犯罪，伊所有的好行為我𣍐給伊記啲。伊會因為所做的歹來死。</verse>
				<verse number="14">我曾對歹人講『你一定會死』，毋拘伊若悔改離開歹，做公平正義的事；</verse>
				<verse number="15">譬喻講，將伊偷來抑是別人抵押的物件還互原主，遵守賜性命的律法，無閣做歹，伊一定會得著性命，𣍐死。</verse>
				<verse number="16">我𣍐給伊任何的罪記啲；伊欲因為所做公平正義的事，性命得著保存。</verse>
				<verse number="17">「你的同胞講『主按呢處理無公道』。其實，𪜶才是無公道。</verse>
				<verse number="18">義人無閣做好事，顛倒去做歹，𪜶一定會因為按呢來死。</verse>
				<verse number="19">歹人若悔改無閣作歹，做公平正義的事，伊欲因為按呢保存性命。</verse>
				<verse number="20">恁猶啲講『主按呢處理無公道』。 以色列 人啊，我欲照恁逐個人的行為給恁審判。」</verse>
				<verse number="21">第十二年十月初五，有一個對 耶路撒冷 逃走出來的人來我遮。伊給我講， 耶路撒冷 城已經淪陷。</verse>
				<verse number="22">此個人來的前一暗，上主的氣力充滿我，互我會閣講話。第二日早起，此個人來我遮以前，我的嘴已經開，開始會講話。</verse>
				<verse number="23">上主對我講：</verse>
				<verse number="24">「人子啊，住佇 以色列 荒廢的城的人民講：『 亞伯拉罕 一個人就得著此塊土地，咱人數即多，此塊土地閣較會用得互咱做產業。』</verse>
				<verse number="25">「你著給𪜶講，我 — 至高的上主按呢講：『恁食含血的肉，拜偶像，閣刣死人，猶想欲得著此塊土地做產業噢？</verse>
				<verse number="26">恁靠刀劍過日子，做通厭惡的事，人人犯姦淫，猶敢想欲得著此塊土地做產業？』</verse>
				<verse number="27">「你著閣給𪜶講：『我 — 至高的上主指家己的活命立誓：恁住佇荒廢的城的人民欲互人刣死，住佇野外的人欲互野獸吞食，匿佇堡壘抑是洞內的人欲致著瘟疫死去。</verse>
				<verse number="28">我欲互此塊地徹底拋荒；𪜶所誇耀的攏欲消失。 以色列 的山欲荒廢，無人經過。』</verse>
				<verse number="29">我因為𪜶所做一切通厭惡的事給𪜶刑罰，互土地拋荒的時，𪜶就知我是上主。」</verse>
				<verse number="30">上主講：「人子啊，你的同胞佇城牆邊，佇厝門口談論你。𪜶互相講來講去：『來，咱來聽看上主會講什麼！』</verse>
				<verse number="31">𪜶歸陣做夥來，親像欲來聚會，坐佇你的面前，假若是我的子民。𪜶聽是聽，毋拘無去行。𪜶的嘴攏啲強調疼，毋拘𪜶的心啲想不義之財。</verse>
				<verse number="32">佇𪜶的心目中，你不過是聲音媠，𠢕唱情歌，閣會曉彈琴的歌手。你的話，𪜶此耳聽，彼耳出，攏無去做。</verse>
				<verse number="33">毋拘你講的話真緊就會實現；你的話實現的時，𪜶就知，曾有先知佇𪜶中間。」</verse>
			</chapter>
			<chapter number="34">
				<verse number="1">上主對我講：</verse>
				<verse number="2">「人子啊，你著譴責 以色列 的領導者，對𪜶傳達我的信息。你著給𪜶講，我 — 至高的上主按呢講：『 以色列 的牧者，恁慘啊！恁干焦顧家己。牧者豈毋是著照顧羊群？</verse>
				<verse number="3">恁食羊奶，穿羊毛的衫，刣上肥的羊來食，毋拘無欲照顧羊群。</verse>
				<verse number="4">衰荏的，恁無給𪜶顧互勇；破病的，恁無給𪜶醫治；受傷的，恁無給𪜶包紮；失迷的，恁無給𪜶導倒來；失落的，恁無去尋。恁顛倒用強暴殘酷管轄𪜶。</verse>
				<verse number="5">因為無牧者，羊群就四散；羊四散，就互野獸吞食。</verse>
				<verse number="6">我的羊群佇大山小山迷路流浪，四散佇全地，無人照顧，無人去尋。</verse>
				<verse number="7">「『所以，牧者啊，恁著聽我上主對恁講的話：</verse>
				<verse number="8">我 — 至高的上主指家己的活命立誓，我的羊群因為無牧者，煞成做獵物，互野獸吞食。我的牧者無去尋我的羊；𪜶干焦顧家己，無照顧我的羊群。</verse>
				<verse number="9">所以，恁諸個牧者著聽我上主的話。</verse>
				<verse number="10">我 — 至高的上主欲及恁諸個牧者作對。我欲對恁收回我的羊群，不准恁閣做𪜶的牧者，嘛無欲互恁給家己飼甲肥肥肥。我欲救我的羊脫離恁的嘴，不准恁食𪜶的肉。』」</verse>
				<verse number="11">「所以，我 — 至高的上主按呢講：『我欲親身去尋我的羊，給𪜶尋倒來。</verse>
				<verse number="12">牧者佇羊群四散的時，按怎去尋伊的羊，我嘛欲按呢尋我的羊。𪜶佇烏天暗地的日子四散去逐所在，我欲對遐給𪜶救倒來。</verse>
				<verse number="13">我欲對萬族中給𪜶導出來，對列國召集𪜶，導𪜶轉來鄉土。我欲佇 以色列 眾山的溪水邊，好徛起的所在牧養𪜶。</verse>
				<verse number="14">我欲佇好的草埔牧養𪜶； 以色列 的高山欲做𪜶的牧場。𪜶欲倒佇青翠的牧場，佇 以色列 山裡肥媠的草埔食草。</verse>
				<verse number="15">我欲親身做我羊群的牧者，互𪜶有安歇的所在。我 — 至高的上主按呢宣布。</verse>
				<verse number="16">「『失落的，我欲去尋；失迷的，我欲給𪜶導倒來；受傷的，我欲給𪜶包紮；破病的，我欲給𪜶醫治。毋拘許個肥閣勇的，我欲給𪜶除滅；我欲照公道牧養𪜶。』</verse>
				<verse number="17">「講著我的羊群，我 — 至高的上主按呢講：『我欲審判逐隻羊，佇綿羊及山羊的中間主持公道。</verse>
				<verse number="18">恁諸個佇青翠的草埔食甲肥肥的，想講這是理所當然是無？恁竟然用腳踐踏食賰的草！恁飲清的水，竟然用腳給飲賰的水撈互濁。</verse>
				<verse number="19">豈講我其他的羊干焦會當食恁踐踏過的草，飲恁撈濁的水？</verse>
				<verse number="20">「『所以，我 — 至高的上主按呢講：我欲親身佇恁諸個肥及瘦的羊中間主持公道。</verse>
				<verse number="21">因為恁用腹肚邊及肩胛頭揢衰荏的，用角給𪜶觸，給𪜶趕散去別位。</verse>
				<verse number="22">所以，我欲解救我的羊群，互𪜶無閣成做獵物；我欲佇羊及羊的中間主持公道。</verse>
				<verse number="23">我欲設立一個牧者，就是我的僕人 大闢 ，來給𪜶治理，給𪜶牧養。</verse>
				<verse number="24">我上主欲做𪜶的上帝，我的僕人 大闢 欲做𪜶的君王。我上主按呢宣布。</verse>
				<verse number="25">我欲及𪜶立平安的約，消滅𪜶國內兇惡的野獸，𪜶就通佇曠野安然徛起，佇樹林內歇睏。</verse>
				<verse number="26">「『我欲賜福互𪜶，嘛賜福互我的山四周圍的地區。我欲照時落雨；福氣欲親像雨水降臨。</verse>
				<verse number="27">田野的樹木欲結果子，土地欲出土產；我的子民欲佇家己的土地安居樂業。我摃斷𪜶背的軛，對壓迫𪜶的手給𪜶解放的時，𪜶就知我是上主。</verse>
				<verse number="28">𪜶無閣做列國的獵物，互野獸吞食。𪜶欲安然徛起，無閣有驚惶。</verse>
				<verse number="29">我欲給𪜶建立一個農場，互𪜶物產豐富；𪜶𣍐閣因為飢荒受害，列國𣍐閣給𪜶恥笑。</verse>
				<verse number="30">𪜶攏欲知我上主 — 以色列 的上帝及𪜶同在；𪜶是我的子民。』我 — 至高的上主按呢宣布。</verse>
				<verse number="31">「恁是我的羊，我草場的羊；恁是我的子民，我是恁的上帝。」至高的上主按呢宣布。</verse>
			</chapter>
			<chapter number="35">
				<verse number="1">上主對我講：</verse>
				<verse number="2">「人子啊，你著對 以東 人傳達我的信息，指責𪜶。</verse>
				<verse number="3">著給𪜶講，我 — 至高的上主按呢講： 以東 人，我欲及你作對！ 我欲伸手攻擊你，互你拋荒荒廢。</verse>
				<verse number="4">我欲互你的城鎮拋荒； 互你的土地變做荒埔；按呢，你就知我是上主。</verse>
				<verse number="5">「你對古早就怨恨 以色列 。 以色列 因為罪惡貫滿受刑罰的時，你給𪜶放互人屠殺。</verse>
				<verse number="6">所以，我 — 至高的上主指家己的活命立誓：我欲互你抵著流血的報應，血一定會追趇你；你既然無怨恨刣人流血，流人血的罪一定給你纏一世人。</verse>
				<verse number="7">我欲互 西珥山 拋荒荒廢，無欲互人閣對遐經過。</verse>
				<verse number="8">我欲互 以東 所有的山遍滿身屍；互刀刣死的人倒佇你的山崙仔、山谷，及溪溝。</verse>
				<verse number="9">我欲互你永遠荒廢，無閣有人住佇你的城鎮。按呢，恁就知我是上主。</verse>
				<verse number="10">「你曾講：『 猶大 及 以色列 此兩國及𪜶的土地攏是我的，欲做我的產業。』其實，上主猶佇遐。</verse>
				<verse number="11">所以，至高的上主指家己的活命立誓：你按怎受氣、怨妒我的子民，我嘛欲照按呢對待你。我審判你的時，欲互𪜶識我。</verse>
				<verse number="12">彼時你就知，我上主有聽見你侮辱 以色列 眾山的話，講：『諸個山已經荒廢，欲互阮吞滅。』</verse>
				<verse number="13">你自高誇口，無站節攻擊我的話，我攏有聽見。</verse>
				<verse number="14">「至高的上主按呢講：『我一定欲互你荒廢，彼時全地欲歡喜快樂。</verse>
				<verse number="15">你佇 以色列 人的地拋荒的時歡喜，我嘛欲照你的所做對待你。 西珥山 及 以東 全國攏欲拋荒荒廢，人就知我是上主。』」</verse>
			</chapter>
			<chapter number="36">
				<verse number="1">上主命令我對 以色列 的眾山傳達伊的信息，將至高上主的話給𪜶講。上主講：「人子啊，因為 以色列 的對敵曾講：『哈哈！ 以色列 古早就有的山崙仔欲變做阮的產業啦！』</verse>
				<verse number="2"></verse>
				<verse number="3">所以你著傳達我 — 至高的上主的信息，講：『因為對敵互你荒廢，對四面踐踏你，互你成做其他國家的產業，互𪜶的人民給你恥笑，當做笑談；</verse>
				<verse number="4">所以，恁諸個大山小山、溪溝山谷、拋荒的地、荒廢的城，互周圍列國佔領受譏刺的，著聽至高上主的話。</verse>
				<verse number="5">我 — 至高的上主按呢講：我的受氣親像火啲𤏸，欲譴責列國及 以東 人，因為𪜶心存惡毒，佔領我的土地，歡喜快樂將伊當做戰利品。』</verse>
				<verse number="6">「所以，你著對大山小山、溪溝山谷傳達我有關 以色列 土地的信息，講：『因為恁有受列國凌辱，所以，我 — 至高的上主大受氣立誓講：恁四周圍的列國一定嘛會受凌辱。至高的上主按呢宣告。</verse>
				<verse number="7"></verse>
				<verse number="8">毋拘， 以色列 的眾山，樹木會閣茂盛，為著我的子民 以色列 恁諸個人結果子。恁真緊就會轉來。</verse>
				<verse number="9">我關心恁，疼惜恁，欲互恁的土地會當閣開墾種作。</verse>
				<verse number="10">我欲互 以色列 人口加添，城鎮有人徛起，荒埔閣再重建。</verse>
				<verse number="11">我欲互恁及恁的牲生攏興旺，生湠真多。我欲互恁住佇早前住過的所在，賞賜恁比以前閣較多的福氣。按呢，恁就知我是上主。</verse>
				<verse number="12">我欲互我的子民 以色列 恁諸個人佇眾山的頂面行踏；𪜶欲成做恁的產業，𣍐閣互恁佇遐喪失兒女。</verse>
				<verse number="13">「『我 — 至高的上主按呢講，人曾講：此塊地會吞食人，閣互國家喪失人民。</verse>
				<verse number="14">今，此塊土地𣍐閣吞食人，𣍐閣互人民喪失子女。我 — 至高的上主按呢宣布。</verse>
				<verse number="15">你此塊土地𣍐閣受列國凌辱，𣍐閣受萬族譏刺，嘛𣍐閣互人民喪失子女。我 — 至高的上主按呢宣布。』」</verse>
				<verse number="16">上主對我講：</verse>
				<verse number="17">「人子啊， 以色列 人住佇𪜶本地的時，𪜶的所行所做將彼塊土地拍垃墋。對我看，𪜶的行為親像經期中的婦女無清氣。</verse>
				<verse number="18">因為𪜶佇遐刣人，拜偶像，拍垃墋彼塊土地，所以，我欲將我的大受氣摒落佇𪜶身上。</verse>
				<verse number="19">我欲照𪜶的所行所做刑罰𪜶，給𪜶放逐去外邦，四散佇列國。</verse>
				<verse number="20">人攏啲講：『諸個人是上主的人民，煞著離開上主的地。』𪜶互我神聖的名佇𪜶去的列國受褻瀆。</verse>
				<verse number="21">我珍惜我的聖名，毋拘 以色列 人無論互人掠去叨位，攏互我神聖的名受褻瀆。</verse>
				<verse number="22">「所以，著給 以色列 人講，我 — 至高的上主按呢講：『 以色列 人，我欲做的事，毋是為著恁，是為著我神聖的名，因為此個名佇恁去的列國中受褻瀆。</verse>
				<verse number="23">恁曾互我的名佇列國中受褻瀆，毋拘我欲佇𪜶中間顯明我的名是至大神聖。按呢，𪜶就知我是上主。我 — 至高的上主按呢宣布。</verse>
				<verse number="24">我欲對列國中導恁出來，對萬邦聚集恁，導恁轉去家己的鄉土。</verse>
				<verse number="25">我欲用清水給恁灑，恁就清氣。我欲給恁洗清氣，除去恁一切的污穢及所有的偶像。</verse>
				<verse number="26">「『我欲賜恁新的心，將新的神囥佇恁內面。我欲對恁的身軀除去親像石頭赫呢碇的心，閣賞賜恁親像肉赫呢軟的心。</verse>
				<verse number="27">我欲將我的神囥佇恁內面，互恁會遵守我的規例，順趁我的命令。</verse>
				<verse number="28">恁欲住佇我賜互恁祖先的彼塊土地。恁欲做我的子民，我做恁的上帝。</verse>
				<verse number="29">我欲救恁脫離一切的污穢，嘛欲互恁五穀豐收，𣍐閣有飢荒。</verse>
				<verse number="30">我欲互恁的樹木𠢕結果子，田園出產真多，互恁𣍐閣因為飢荒受列國侮辱。</verse>
				<verse number="31">彼時，恁會想起家己邪惡的行為及所犯的罪過，嘛欲因為恁的罪惡及通厭惡的事厭賤家己。</verse>
				<verse number="32">以色列 人，恁著知，我按呢做毋是為著恁。恁著為家己的行為見笑歹勢。至高的上主按呢宣布。』</verse>
				<verse number="33">「至高的上主按呢講：『我將恁所有的罪潔淨了後，欲互恁的城鎮有人徛起，荒埔閣再重建。</verse>
				<verse number="34">此塊拋荒的地，就是過路的人早前看做荒埔的所在，今會當開墾種作。</verse>
				<verse number="35">𪜶欲講：此塊以前拋荒的地，現在竟然親像 伊甸園 ；諸個拋荒、荒廢、互人毀壞的所在，現在變做堅固、有人徛起的城鎮。</verse>
				<verse number="36">彼時，你四周圍猶未滅亡的國家欲知，是我上主重建荒廢的城鎮，閣再將荒埔開墾種作。我上主講出嘴，一定實行。』</verse>
				<verse number="37">「至高的上主按呢講：『我欲閣回應 以色列 人對我的懇求，互𪜶的人口親像羊群赫呢多。</verse>
				<verse number="38">荒廢的城鎮欲閣有人挨挨揢揢，親像 耶路撒冷 佇節期獻祭的羊群赫呢多。按呢，𪜶就知我是上主。』」</verse>
			</chapter>
			<chapter number="37">
				<verse number="1">上主的氣力充滿我；伊的神導我去一個山谷；彼個山谷四界攏是骨頭。</verse>
				<verse number="2">伊導我行透歸個山谷。我看見骨頭遍滿山谷；許個骨頭攏焦硞硞。</verse>
				<verse number="3">伊對我講：「人子啊，諸個骨頭豈會閣活起來？」我應講：「至高的上主，這只有你知！」</verse>
				<verse number="4">伊閣對我講：「你著對諸個骨頭傳達我的信息，講：『枯焦的骨頭，著聽上主的話。</verse>
				<verse number="5">至高的上主對恁講：我欲歕氣入去恁內面，互恁活起來。</verse>
				<verse number="6">我欲互恁生筋生肉，閣用皮給恁包起來。我欲歕氣入恁內面，互恁活起來。按呢，恁就知我是上主。』」</verse>
				<verse number="7">我就遵照上主的命令傳達伊的信息。啲講的時，忽然我聽見敧敧硞硞的聲，骨頭及骨頭連接起來。</verse>
				<verse number="8">我注意看，骨頭開始生筋生肉，閣有皮給𪜶包起來，毋拘無活氣。</verse>
				<verse number="9">上主對我講：「人子啊，你著對風傳達我的信息，講：『至高的上主按呢講：風啊，著對四面吹來，吹入去諸個互人刣死的人內面，互𪜶活起來。』」</verse>
				<verse number="10">我就遵照上主的命令傳達伊的信息；氣就進入骨頭內面，𪜶就活起來，徛啲。𪜶的數目親像軍隊赫呢多。</verse>
				<verse number="11">上主對我講：「人子啊，諸個骨頭就是 以色列 人。𪜶講：『阮的骨頭焦硞硞，無向望無前途。』</verse>
				<verse number="12">所以，你著對我的子民 以色列 傳達我的信息，講：『至高的上主按呢講：我的子民啊，我欲拍開恁的墳墓，互恁對墓出來，導恁轉去 以色列 地。</verse>
				<verse number="13">我拍開恁的墳墓，導恁出來了後，恁就知我是上主。</verse>
				<verse number="14">我欲將我的氣歕入恁內面，互恁活起來。我欲給恁安置佇恁家己的土地。按呢，恁就知我是上主。我講出嘴，一定實行。』上主按呢宣布。」</verse>
				<verse number="15">上主對我講：</verse>
				<verse number="16">「人子啊，你去提一塊柴枋來，佇頂面寫『 猶大 王國及伊的人民』；閣去提另外一塊柴枋，佇頂面寫『 以色列 王國及伊的人民』。</verse>
				<verse number="17">然後，將此兩塊柴枋連做夥，互𪜶佇你的手中成做一塊。</verse>
				<verse number="18">你的同胞若問你：『你豈無欲給阮講這是什麼意思？』</verse>
				<verse number="19">你著給𪜶講：『至高的上主按呢講：我欲給代表 以色列 彼塊柴枋連佇代表 猶大 彼塊，互兩塊佇我的手中成做一塊。』</verse>
				<verse number="20">「你著將你有寫字彼兩塊柴枋提佇手裡互𪜶看。</verse>
				<verse number="21">然後，你著給𪜶講：『至高的上主按呢講：我欲將我的子民 以色列 對𪜶受放逐的列國中帶出來；我欲對世界逐角落給𪜶聚集起來，導𪜶倒來家己的土地。</verse>
				<verse number="22">我欲互𪜶佇 以色列 的眾山，此塊土地，成做一個國家，只有一個王統治；𪜶無閣是兩國，𣍐閣分裂做兩國。</verse>
				<verse number="23">𪜶𣍐閣因為拜偶像及通厭惡的物，以及其他的罪過拍垃墋家己。我欲救𪜶脫離背逆的生活，給𪜶洗清氣。按呢，𪜶欲做我的子民，我欲做𪜶的上帝。</verse>
				<verse number="24">「『我的僕人 大闢 欲作王統治𪜶；𪜶欲歸屬一個牧者。𪜶欲服從我的命令，遵守我的規例。</verse>
				<verse number="25">𪜶欲住佇我賜互我的僕人 雅各 彼塊土地，就是𪜶的祖先住過的彼塊地。𪜶及𪜶的子子孫孫欲永遠住佇遐。我的僕人 大闢 欲作王統治𪜶，直到永遠。</verse>
				<verse number="26">我欲及𪜶立平安的約；此個約欲成做永遠的約。我欲互𪜶安居樂業，人口加添，閣設立我的聖殿佇𪜶中間，直到永遠。</verse>
				<verse number="27">我欲徛起佇𪜶中間。我欲做𪜶的上帝，𪜶欲做我的子民。</verse>
				<verse number="28">我欲互我的聖殿永遠𫢶佇𪜶中間，列國就知，是我上主給 以色列 分別作聖。』」</verse>
			</chapter>
			<chapter number="38">
				<verse number="1">上主對我講：</verse>
				<verse number="2">「人子啊，你著對 瑪各 地區的 歌革 傳達我的信息；伊是 米設 及 土巴 此兩個國家的統治者。</verse>
				<verse number="3">我 — 至高的上主按呢講：『 米設 及 土巴 的統治者 歌革 ，我欲及你作對。</verse>
				<verse number="4">我欲用鉤仔鉤你的牙槽，給你拖翻頭，互你及你帶領的軍隊、戰馬、馬兵刣輸撤退。你的軍隊人多，有全套的武裝；𪜶手攑大細盾牌及刀劍。</verse>
				<verse number="5">你的軍隊有對 波斯 、 古實 ，及 弗 倩來的戰士；𪜶嘛攏提盾牌，戴頭盔。</verse>
				<verse number="6">另外， 歌篾 人及極北旁 陀迦瑪 族的軍隊，以及多多人嘛隨你來。</verse>
				<verse number="7">你及聚集佇你遐的大軍著準備好勢；你著做𪜶的指揮官。</verse>
				<verse number="8">過一段時間，我欲差派你佇將來出兵征服 以色列 ；伊的人民曾脫離刀劍的災難，對列國轉來，聚集佇 以色列 拋荒的眾山安然徛起。</verse>
				<verse number="9">你及你的大軍，以及真多隨你的外族人，欲親像暴風掃來，親像烏雲蓋密此塊土地。』</verse>
				<verse number="10">「至高的上主對 歌革 按呢講：『彼時，你的心欲圖謀歹事。</verse>
				<verse number="11">你想講：我欲侵入彼塊無設防的地，去平安生活的人民遐；𪜶徛起的所在無牆、無門、無閂。</verse>
				<verse number="12">我欲去遐攻擊以前拋荒，現在有人住的地，攻擊許個對列國轉來，積聚真多牲生及財寶，住佇全地中心的人民；佇遐搶奪𪜶的財物。』</verse>
				<verse number="13">示巴 人、 底但 人，及對 他施 附近逐城鎮來的生理人欲問你：『你想欲搶牲生，搶奪金銀財寶是無？你想欲將所有的物件攏搶搶去是無？』</verse>
				<verse number="14">「所以，人子啊，你著對 歌革 傳達我的信息，講：至高的上主按呢講：『你明明知我的子民 以色列 平安過日，</verse>
				<verse number="15">竟然對極北旁你住的所在，導強猛的大軍騎戰馬來。</verse>
				<verse number="16">歌革 啊，你來攻打我的子民 以色列 ；你的軍隊親像烏雲蓋密地面。過一段時間，我欲導你去侵略我的土地，通互列國認識我；我嘛欲通過你，對𪜶證實我是神聖。</verse>
				<verse number="17">你就是我早前通過我的僕人， 以色列 的眾先知所預言彼個人。彼時，我曾通過我的僕人 — 以色列 的眾先知傳達我的信息，我欲導你來攻打 以色列 。』至高的上主按呢宣告。」</verse>
				<verse number="18">「至高的上主講：『 歌革 侵略 以色列 彼日，我欲發大受氣。</verse>
				<verse number="19">我歸腹肚火大受氣宣告：佇彼日， 以色列 欲有大地動。</verse>
				<verse number="20">海裡的魚、空中的飛鳥、田野的走獸、地上的動物，以及所有的人，攏欲佇我的面前皮皮惙。高山欲爆裂，山崁欲崩去，城牆欲倒壞。</verse>
				<verse number="21">我欲佇 以色列 眾山用刀劍攻擊 歌革 ；伊的軍隊欲互相殘殺。我 — 至高的上主按呢宣告。</verse>
				<verse number="22">我欲用瘟疫及刀劍刑罰伊。我閣欲落大雨，摒冰雹，降大火、硫磺佇伊所帶領的軍隊及隨伊的外族人身上，</verse>
				<verse number="23">通過諸個，對列國顯明我家己，以及我的偉大及神聖。彼時，𪜶就知我是上主。』」</verse>
			</chapter>
			<chapter number="39">
				<verse number="1">至高的上主講：「人子啊，你著對 米設 及 土巴 此兩個國家的統治者 歌革 傳達我的信息，講：『至高的上主按呢講：我欲及你作對。</verse>
				<verse number="2">我欲給你調翻頭，互你離開極北旁的所在，導你去攻打 以色列 的山。</verse>
				<verse number="3">然後，我欲給你倒手的弓及正手的箭拍落去。</verse>
				<verse number="4">你及你的軍隊，以及隨你來的外族人，攏欲死佇 以色列 的山。我欲互你做鷹鳥及野獸的食物。</verse>
				<verse number="5">我曾講，你欲死佇野地。我 — 至高的上主按呢宣告。</verse>
				<verse number="6">我欲放火燒 瑪各 及平安徛起佇沿海一帶的人民。按呢，𪜶就知我是上主。</verse>
				<verse number="7">我欲佇我的子民 以色列 中間顯示我的聖名，絕對無容允我的聖名閣受褻瀆。按呢，列國就知我是上主 — 以色列 神聖的上帝。</verse>
				<verse number="8">「『恁著知！日期到啦，我講的彼日來啦！至高的上主按呢宣布。</verse>
				<verse number="9">以色列 逐城鎮的住民欲出去拾人㧒确的軍器做燃火的柴，就是盾牌、弓、箭、槍、棍仔；諸個有夠互𪜶燃七年久。</verse>
				<verse number="10">𪜶毋免閣去野外拾柴，毋免閣去樹林剉柴，因為人㧒确的軍器會當互𪜶燃火。𪜶欲搶許個曾搶𪜶的人，欲劫許個曾劫𪜶的人。至高的上主按呢宣布。』」</verse>
				<verse number="11">上主講：「佇彼日，我欲佇 死海 的東旁 以色列 地的『出外人山谷』，尋一塊地互 歌革 做墓地。此塊墓地會擋著欲對遐經過的人，因為 歌革 及跟隨伊的軍兵埋葬佇遐。此個山谷欲叫做『 歌革 軍兵谷』。</verse>
				<verse number="12">以色列 人為著欲潔淨彼塊地，用七個月的時間給𪜶埋葬。</verse>
				<verse number="13">彼所在的人攏出來參與，對按呢，𪜶得著謳咾。這是我顯示榮光的日。我 — 至高的上主按呢宣布。</verse>
				<verse number="14">𪜶七個月久派專人去逐所在巡查，將許個來侵犯 以色列 的人的屍體埋葬好勢，互土地潔淨。</verse>
				<verse number="15">巡查的人行透逐所在，看著死人的骨頭，就佇邊仔做記號，聽候人將許個骨頭埋葬佇『 歌革 軍兵谷』。</verse>
				<verse number="16">佇遐嘛有一座城叫做 哈摩那 ，意思是『軍兵的城』。按呢，土地就得著潔淨。」</verse>
				<verse number="17">至高的上主對我講：「人子啊，著對逐種的飛鳥及野獸講：『來，對逐所在聚集倚來，來食我佇 以色列 的山為恁準備的祭肉。恁通佇遐食肉飲血。</verse>
				<verse number="18">恁欲食戰士的肉，飲世間首領的血，親像啲食 巴珊 肥的綿羊、羊仔子、山羊、牛像款。</verse>
				<verse number="19">恁欲食我為著恁準備的祭肉；食肉食甲飽，飲血飲甲醉。</verse>
				<verse number="20">恁欲佇我的宴席食戰馬、馬兵、戰士，就是所有大軍的肉，食到飽飽飽。至高的上主按呢宣告。』」</verse>
				<verse number="21">上主講：「我欲對列國顯示我的榮光，萬民就欲看見我按怎下手佇𪜶身上，施行審判。</verse>
				<verse number="22">對彼日起， 以色列 人欲知我是上主 — 𪜶的上帝。</verse>
				<verse number="23">列國欲明白， 以色列 人受放逐是因為𪜶的罪過。𪜶背叛我，我就面越走無看顧𪜶，閣將𪜶交互𪜶的對敵，互對敵給𪜶刣死。</verse>
				<verse number="24">我照𪜶的污穢及罪過對待𪜶。我面越走無欲看顧𪜶。」</verse>
				<verse number="25">至高的上主閣講：「今，我欲憐憫 以色列 所有的人民，互受放逐的 雅各 後代轉來，閣欲盡力維護我的聖名。</verse>
				<verse number="26">𪜶佇家己的鄉土安居樂業，無受威脅的時，𪜶欲𣍐記得過去所受的見笑及背逆我的罪。</verse>
				<verse number="27">我給𪜶對對敵的地聚集起來，對列國導轉來的時，列國就知我是神聖。</verse>
				<verse number="28">我給𪜶放逐去外邦，後來閣給𪜶聚集轉來本地，無留一個佇外邦，𪜶就知我是上主 — 𪜶的上帝。</verse>
				<verse number="29">我欲將我的神摒落互 以色列 人，𣍐閣越轉身無看顧𪜶。」至高的上主按呢宣布。</verse>
			</chapter>
			<chapter number="40">
				<verse number="1">阮受放逐的第二十五年，就是 耶路撒冷 淪陷的第十四年，正月 初十，上主的氣力充滿我，給我導去 以色列 地。</verse>
				<verse number="2">佇異象中，上主給我下佇 以色列 地一座極高的山。山的南旁若親像有一座城。</verse>
				<verse number="3">伊導我去遐；我看見一個人，伊的形狀親像銅發光，手提麻索及蘆竹的量尺，徛佇門口。</verse>
				<verse number="4">伊對我講：「人子啊，我給你吩咐的，你著詳細看，注意聽，閣記佇心內，因為這是我導你來遮的目的。你著將所看見的一切，攏給 以色列 人講。」</verse>
				<verse number="5">我看見聖殿，四周圍有圍牆。彼個人手提一支三公尺長的蘆竹尺。伊量牆；牆高三公尺，厚三公尺。</verse>
				<verse number="6">伊到東門，𬦰上崎仔，量門的戶橂，闊三公尺。</verse>
				<verse number="7">遐嘛有守衛室；逐間長三公尺，闊三公尺。房間及房間中間閬兩公尺半。走廊有一個門向聖殿；彼個門的戶橂，闊三公尺。</verse>
				<verse number="8">伊量欲去聖殿的門的走廊，闊三公尺。</verse>
				<verse number="9">伊閣量迵去聖殿彼個走廊，闊四公尺；壁柱厚一公尺。</verse>
				<verse number="10">東門的守衛室此旁三間，彼旁三間，逐間大細攏像款；兩旁的壁柱厚度嘛像款。</verse>
				<verse number="11">伊量東門的入口闊五公尺，門本身六公尺半。</verse>
				<verse number="12">逐間守衛室的頭前攏有牆仔，高五十公分，厚五十公分；房間的長及闊攏三公尺。</verse>
				<verse number="13">兩旁守衛室的門相對，此旁守衛室的外壁量到彼旁守衛室的外壁，有十二公尺半。</verse>
				<verse number="14">伊順牆量，到迵去外埕的牆，長三十公尺。</verse>
				<verse number="15">伊閣對大門口此旁量到走廊後面的牆，長二十五公尺。</verse>
				<verse number="16">逐間守衛室、壁柱及壁柱的中間，以及走廊兩旁攏有窗仔。壁柱頂面有刻棕樹。</verse>
				<verse number="17">彼個人導我去外埕。外埕周圍有三十間房間，土腳鋪石。</verse>
				<verse number="18">鋪石的路對內埕踅到外埕，闊度及門仝款；外埕鋪的路比內埕較低。</verse>
				<verse number="19">伊閣量對內埕的門到外埕外壁的門，長五十公尺。北旁及東旁像款。</verse>
				<verse number="20">彼個人閣量外埕北門的長及闊。</verse>
				<verse number="21">走廊兩旁各有三間守衛室。兩旁的壁柱以及走廊的寸尺及東門像款，長二十五公尺，闊十二公尺半。</verse>
				<verse number="22">走廊、窗仔，及雕刻的棕樹，攏及東門的寸尺仝款。走廊的入口𬦰七層崎仔上到北門；走廊另外一旁迵外埕。</verse>
				<verse number="23">內埕有一個門及北門相對；北旁及東旁攏像款。伊量此兩個門的距離，長五十公尺。</verse>
				<verse number="24">彼個人導我行對南旁，去到南門。伊量此個門；兩旁的壁柱以及走廊的寸尺攏及頭前兩個門仝款。</verse>
				<verse number="25">此個門兩旁及走廊四周圍攏有窗仔，及頭前量的窗仔仝款。門的走廊長二十五公尺，闊十二公尺半。</verse>
				<verse number="26">走廊的入口𬦰七層崎仔上到南門，走廊另外一旁迵外埕。走廊的壁柱有刻棕樹，此旁一欉，彼旁一欉。</verse>
				<verse number="27">內埕南旁嘛有門。彼個人量此兩個門中間的距離，長五十公尺。</verse>
				<verse number="28">彼個人導我對南門入去內埕。伊量內埕的南門，寸尺及外埕的門像款。</verse>
				<verse number="29">諸個守衛室、走廊，及壁柱，大細攏及其他的門仝款。此個門及走廊四周圍攏有窗仔。門的走廊長二十五公尺，闊十二公尺半。</verse>
				<verse number="30">四面有走廊，長二十五公尺，闊十二公尺半。</verse>
				<verse number="31">走廊面向外埕，壁柱有刻棕樹；𬦰八層崎仔就迵到此個門。</verse>
				<verse number="32">彼個人導我對東門入去內埕。伊量內埕的東門，寸尺及外埕的門像款。</verse>
				<verse number="33">諸個守衛室、走廊，及壁柱，大細攏及其他的門仝款。此個門及走廊四周圍攏有窗仔。門的走廊長二十五公尺，闊十二公尺半。</verse>
				<verse number="34">走廊面向外埕，門兩旁的壁柱攏有刻棕樹；𬦰八層崎仔就迵到此個門。</verse>
				<verse number="35">彼個人導我對北門入去內埕。伊量內埕的北門，寸尺及外埕的門像款。</verse>
				<verse number="36">伊嘛量諸個守衛室、走廊，及壁柱。門的四周圍攏有窗仔。門的走廊長二十五公尺，闊十二公尺半。</verse>
				<verse number="37">走廊面向外埕，走廊兩旁的壁柱攏有刻棕樹；𬦰八層崎仔就迵到此個門。</verse>
				<verse number="38">佇逐個門的走廊邊仔攏有一間有門的房間；祭司佇遐洗燒化祭的牲生。</verse>
				<verse number="39">走廊有下桌仔，此旁兩塊，彼旁兩塊；𪜶佇諸個桌仔頂刣燒化祭、贖罪祭，及賠罪祭的牲生。</verse>
				<verse number="40">走廊欲去北門的門口，向外面彼旁有兩塊桌仔，向內面此旁嘛有兩塊。</verse>
				<verse number="41">所以，大門兩旁各有四塊桌仔，總共有八塊，通佇彼頂面刣獻祭的牲生。</verse>
				<verse number="42">燒化祭欲用的桌仔有四塊；諸個桌仔是用石頭拍的，高五十公分，桌面長闊攏是七十五公分；刣燒化祭及其他祭祀的牲生欲用的器具下佇桌頂。</verse>
				<verse number="43">走廊四周圍的壁有鉤仔，長七公分半。獻祭的肉攏下佇桌頂。</verse>
				<verse number="44">彼個人導我入去內埕。內埕有兩間為著唱歌的人設的房間，一間佇北門的邊仔，向南；一間佇南門 的邊仔，向北。</verse>
				<verse number="45">伊給我講：「向南的房間是欲互佇聖殿侍奉的祭司用的。</verse>
				<verse number="46">向北的房間是欲互佇祭壇侍奉的祭司用的。諸個祭司攏是 利未 支族中 撒督 的後代；只有𪜶通來上主面前侍奉。」</verse>
				<verse number="47">彼個人閣量內埕，長、闊攏是五十公尺。祭壇佇聖殿頭前。</verse>
				<verse number="48">伊閣導我去到聖殿頭前的走廊。伊量走廊的壁柱，厚兩公尺半；門的闊七公尺 ，兩旁的壁厚攏是一公尺半。</verse>
				<verse number="49">走廊的長十公尺，闊五公尺半；人著𬦰崎仔才會當去到走廊。倚近壁柱有柱仔，此旁一支，彼旁一支。</verse>
			</chapter>
			<chapter number="41">
				<verse number="1">彼個人導我去到聖殿；伊量壁柱，兩旁的闊攏是三公尺。</verse>
				<verse number="2">入口的門闊五公尺，門兩旁的壁，此旁兩公尺半，彼旁兩公尺半。伊閣量聖殿，長二十公尺，闊十公尺。</verse>
				<verse number="3">然後，伊入去內殿。伊量許個壁柱，厚一公尺；入口本身闊三公尺，兩旁的壁闊攏是三公尺半。</verse>
				<verse number="4">伊閣量內殿，長及闊攏是十公尺。伊給我講：「這是至聖所。」</verse>
				<verse number="5">彼個人量聖殿的壁，厚三公尺。聖殿周圍有廂房，逐間闊兩公尺。</verse>
				<verse number="6">廂房有三層，一層疊一層，逐層有三十間廂房。聖殿外壁四圍有幫牆，給廂房托啲，才免廂房干焦靠聖殿的壁。</verse>
				<verse number="7">聖殿周圍的廂房，愈高愈闊。有樓梯通對一樓上到二樓，閣到三樓。聖殿的結構愈高愈闊。</verse>
				<verse number="8">我閣看見聖殿周圍有高的平台，做廂房的地基；平台三公尺高。</verse>
				<verse number="9">諸個廂房的外壁厚兩公尺半。聖殿的廂房及祭司用的房間中間的四周圍有空地，闊十公尺。</verse>
				<verse number="10"></verse>
				<verse number="11">廂房的門攏向空地；一個門向北，一個門向南。四周圍的空地闊兩公尺半。</verse>
				<verse number="12">聖殿西旁彼片空地的後面有一間厝，長四十五公尺，闊三十五公尺，四圍的壁厚兩公尺半。</verse>
				<verse number="13">彼個人量聖殿，長五十公尺；對聖殿後壁到空地西旁彼間厝，距離長五十公尺。</verse>
				<verse number="14">聖殿的頭前，就是東旁的空地，闊五十公尺。</verse>
				<verse number="15">伊閣量西旁彼間厝，包括兩旁的走廊，長五十公尺。 聖殿的內殿、外面的走廊、</verse>
				<verse number="16">戶橂、窗仔，以及戶橂對面三層的走廊，對土腳到窗仔攏用柴枋包啲。諸個窗仔攏關啲。</verse>
				<verse number="17">內殿及外埕周圍的壁，對土腳到門的頂面，攏照寸尺用柴枋包啲。</verse>
				<verse number="18">逐面壁有刻基路伯及棕樹；基路伯及基路伯中間有一欉棕樹；逐個基路伯有兩款面：</verse>
				<verse number="19">一個面是人的面，向此旁的棕樹；一個面是獅的面，向彼旁的棕樹。聖殿周圍的壁攏仝款。</verse>
				<verse number="20">按呢，聖殿的壁，對土腳到門的頂面，攏有基路伯及棕樹。</verse>
				<verse number="21">聖所的門柱是四角的。 佇至聖所的頭前有一個</verse>
				<verse number="22">看起來親像木造的祭壇，高一公尺半，闊一公尺。祭壇的四支角、壇的座、四個面攏是用柴做的。彼個人給我講：「這是下佇上主面前的桌仔。」</verse>
				<verse number="23">聖殿及至聖所的門攏是兩扇的。</verse>
				<verse number="24">逐扇門各有兩片，是會拗得的。</verse>
				<verse number="25">聖殿的門扇有刻基路伯及棕樹，及壁柱的雕刻仝款。走廊向外彼面有柴做的棚仔。</verse>
				<verse number="26">門的走廊兩旁攏有窗仔及棕樹的雕刻。聖殿的廂房及棚仔嘛是按呢。</verse>
			</chapter>
			<chapter number="42">
				<verse number="1">彼個人導我向北行，來到外埕。伊閣導我入去一排厝；諸個厝一面向聖殿的空地，一面向北旁的房間。</verse>
				<verse number="2">此排厝長五十公尺，闊二十五公尺，向北此旁有門。</verse>
				<verse number="3">此排厝一面向十公尺闊的內埕，一面向有鋪石板的外埕。此排厝有三層，逐層的走廊相連。</verse>
				<verse number="4">此排厝的門攏向北，頭前有通路，闊五公尺，長五十公尺。</verse>
				<verse number="5">因為走廊佔一寡空間，所以三樓的房間比二樓及一樓的房間較狹。</verse>
				<verse number="6">此排厝有三層，因為無親像外埕的厝用柱仔托啲，所以，三樓的房間比二樓及一樓的房間較狹。</verse>
				<verse number="7">佇外埕，此排厝的頭前，有一堵牆及厝平行，長二十五公尺。</verse>
				<verse number="8">向外埕的房間，長二十五公尺，向聖殿的房間長五十公尺。</verse>
				<verse number="9">此排厝下面的東旁，有一個門通到外埕；</verse>
				<verse number="10">彼個通路的闊度及外埕的牆像款。 聖殿的南旁 嘛有一排厝；諸個厝一面向聖殿的空地，一面向南旁的厝。</verse>
				<verse number="11">此排厝的頭前有一條通路，及北旁彼排厝仝款；房間的長、闊、款式，及出入口攏及北旁的厝像款。</verse>
				<verse number="12">南旁許個房間的下面，及北旁的厝仝款，佇通路的開始有門通出入。</verse>
				<verse number="13">彼個人給我講：「南旁及北旁面對空地的房間，攏分別作聖；佇上主面前服事的祭司佇遐食至聖的物；祭司佇遮囥至聖的祭物，就是素祭、贖罪祭，及賠罪祭的祭物。</verse>
				<verse number="14">祭司入去聖所了後，𣍐用得直接出來外埕，著將侍奉上主的時穿的禮服留佇遐的房間，因為諸個禮服是聖的；𪜶著穿別種衫，才通親近會眾。」</verse>
				<verse number="15">彼個人量聖殿內部的寸尺了後，就導我對東門出去，去量聖殿的四周圍。</verse>
				<verse number="16">伊用蘆竹的量尺量，東旁長兩百五十公尺。</verse>
				<verse number="17">伊閣踅去北旁、南旁、西旁，用蘆竹的量尺量，每一旁長攏是兩百五十公尺。</verse>
				<verse number="18"></verse>
				<verse number="19"></verse>
				<verse number="20">按呢，伊量聖殿的四周圍，長、闊各兩百五十公尺；四周圍攏有圍牆，隔開聖及俗的所在。</verse>
			</chapter>
			<chapter number="43">
				<verse number="1">了後，彼個人導我去向東的門。</verse>
				<verse number="2">看咧！ 以色列 上帝的榮光對東旁來。伊的聲親像大水夯湧嘩嘩哮；地因為伊的榮光發出光彩。</verse>
				<verse number="3">此個異象及以前我所看見上帝毀滅 耶路撒冷 的異象，以及我佇 迦巴魯 河邊看見的異象像款，我就仆落土腳。</verse>
				<verse number="4">上主的榮光對東門進入聖殿。</verse>
				<verse number="5">上帝的神給我夯起來，帶我入去內埕。佇遐，我看見上主的榮光充滿聖殿。</verse>
				<verse number="6">彼個人徛佇我身邊；我聽見有一個聲對聖殿給我講：</verse>
				<verse number="7">「人子啊，遮是我的寶座，是我的腳砧；我欲永遠住佇 以色列 人的中間。 以色列 人及𪜶的君王𣍐用得閣因為拜偶像行淫亂，抑是因為君王的屍體褻瀆我的聖名。</verse>
				<verse number="8">𪜶將王宮的戶橂起倚我聖殿的戶橂，閣將王宮的門柱起倚我聖殿的門柱；𪜶及我的中間干焦隔一堵牆。𪜶用諸個通厭惡的事褻瀆我的聖名，所以我發大受氣給𪜶消滅。</verse>
				<verse number="9">今，𪜶𣍐用得閣拜偶像，閣著將君王的屍體徙離開我聖的所在，我就欲永遠住佇𪜶中間。</verse>
				<verse number="10">「人子啊，你著將此個聖殿的設計指示 以色列 人，互𪜶量聖殿的大細，對按呢會曉為著家己的罪惡感覺見笑。</verse>
				<verse number="11">𪜶若為著家己的行為感覺見笑，你著將此個聖殿的設計、款式、出入口、所有的設計及規例、所有的款式及條例攏給𪜶講。你著佇𪜶的面前將諸個寫清楚，互𪜶通照此個聖殿的設計及規例去做。</verse>
				<verse number="12">聖殿的條例是按呢：聖殿著起佇山頂，聖殿的四周圍是至聖。著會記得，這就是聖殿的條例。」</verse>
				<verse number="13">祭壇的寸尺是：祭壇的基座高五十公分，闊五十公分；四周圍有唇，闊二十五公分。</verse>
				<verse number="14">第二層基座高一公尺，闊五十公分。第三層基座高兩公尺，闊五十公分。</verse>
				<verse number="15">爐台，就是上頂面層，高兩公尺，頂面有翹起來的四支角，高五十公分。</verse>
				<verse number="16">爐台長及闊攏是六公尺，是四方的。</verse>
				<verse number="17">基座的長及闊攏是七公尺，是四方的。四周圍有唇，闊二十五公分。基座四周圍闊五十公分。上祭壇的崎仔向東旁。</verse>
				<verse number="18">至高的上主對我講：「人子啊，下面是有關祭壇的條例：祭壇造好以後，著佇祭壇頂面獻燒化祭，灑獻祭的血。</verse>
				<verse number="19">你著牽一隻牛仔，交互侍奉我的祭司，就是 利未 支族， 撒督 的後代，獻做贖罪祭。我 — 至高的上主按呢宣布。</verse>
				<verse number="20">你著提牛的血抹祭壇翹起來的四支角，及爐台的四角頭，以及四周圍捅出來的唇。你著按呢做來潔淨祭壇互伊清氣。</verse>
				<verse number="21">你著將贖罪祭的牛仔帶去聖殿外面，佇指定的所在燒掉。</verse>
				<verse number="22">第二日，你著獻一隻無瑕疵的山羊做贖罪祭潔淨祭壇，親像用牛仔潔淨祭壇仝款。</verse>
				<verse number="23">祭壇潔淨了後，你著牽一隻無瑕疵的牛仔及一隻無瑕疵的綿羊，</verse>
				<verse number="24">來到上主面前。祭司著撒鹽佇𪜶的身軀頂，將𪜶做燒化祭獻互上主。</verse>
				<verse number="25">連續七日，你著逐日獻一隻牛仔、山羊，及綿羊做贖罪祭。諸個牲生攏著無瑕疵的。</verse>
				<verse number="26">此七日內，祭司著逐日為祭壇行潔淨禮，互伊清氣；給伊分別作聖。</verse>
				<verse number="27">第八日，祭司著佇祭壇頂為人民獻燒化祭及平安祭。按呢，我就欲接納恁。」至高的上主按呢宣布。</verse>
			</chapter>
			<chapter number="44">
				<verse number="1">彼個人導我轉來聖殿外埕的東門。彼個門關啲。</verse>
				<verse number="2">上主給我講：「此個門一定著關啲，𣍐用得拍開，不准任何人對遮出入，因為我上主 — 以色列 的上帝已經對此個門入來。此個門著關啲。</verse>
				<verse number="3">若是王，伊通來坐佇內面，佇上主面前食獻過的餅。毋拘，伊著對外埕的走廊出入。」</verse>
				<verse number="4">然後，彼個人導我對北門來到聖殿頭前。佇遐，我看見上主的榮光充滿伊的聖殿；我就仆落去土腳。</verse>
				<verse number="5">上主對我講：「人子啊，我所欲吩咐你有關上主聖殿的規則及條例，你著詳細看，注意聽，閣記佇心內；你著注意什麼款人才會用得佇聖殿及聖所出入。</verse>
				<verse number="6">「你著給許個背逆的 以色列 人講：『至高的上主按呢講： 以色列 人啊，我無欲閣忍受恁所做一切通厭惡的事。</verse>
				<verse number="7">恁啲獻牲生的血及油做我食物的時，竟然互許個身軀及心靈無受割禮的外族人入去聖所，拍垃墋我的聖殿。恁做諸個通厭惡的事，違背我的約。</verse>
				<verse number="8">恁家己無佇我的聖所盡恁的職責，顛倒叫外族人佇聖所替恁執行。</verse>
				<verse number="9">「『我 — 至高的上主按呢宣布：住佇 以色列 人中間所有身軀及心靈無受割禮的外族人，攏不准進入我的聖所。』」</verse>
				<verse number="10">上主講：「 以色列 人行迷路，去拜𪜶的偶像的時， 利未 人嘛棄拺我；我欲照𪜶的罪刑罰𪜶。</verse>
				<verse number="11">毋拘，我欲互𪜶佇我的聖所侍奉，顧守聖殿的門，佇聖殿執行職務。𪜶通替人民刣燒化祭及其他祭祀的牲生，輪班為人民服務。</verse>
				<verse number="12">毋拘，因為諸個 利未 人曾為 以色列 人主持拜偶像的事，互人民跋倒犯罪，所以，我對𪜶立誓，𪜶一定著受刑罰。我 — 至高的上主按呢宣告。</verse>
				<verse number="13">𪜶𣍐當親近我，𣍐當做祭司侍奉我，𣍐當倚近我一切的聖物，抑是至聖的物。這就是𪜶做通厭惡的事應該承受的見笑。</verse>
				<verse number="14">我欲指派𪜶顧守聖殿，做聖殿內面應該做的事務。」</verse>
				<verse number="15">「 以色列 人行迷路離開我遠遠的時， 利未 支族 撒督 後代的祭司猶原盡𪜶佇我聖所的職責。所以，只有𪜶通親近我，侍奉我；𪜶欲佇我的面前，獻牲生的油及血互我。我 — 至高的上主按呢宣布。</verse>
				<verse number="16">只有𪜶通進入我的聖所，佇我的祭壇侍奉，做我交代的職務。</verse>
				<verse number="17">𪜶對門入去內埕的時，著穿幼麻布的衫；𪜶佇內埕及聖殿侍奉的時，毋通穿羊毛做的衣服。</verse>
				<verse number="18">𪜶著戴幼麻布的頭巾，穿幼麻布做的禮褲；腰毋通縖帶，才免流汗。</verse>
				<verse number="19">𪜶出來外埕會眾遐以前，著先將佇聖殿侍奉穿的禮服褪起來，囥佇聖的房間，然後穿別種衫，才免𪜶的衫互會眾成做聖。</verse>
				<verse number="20">「祭司毋通剃光頭，嘛毋通留長頭毛；頭毛著修剪。</verse>
				<verse number="21">祭司欲入去內埕的時，𣍐用得飲酒。</verse>
				<verse number="22">祭司𣍐用得及一般的寡婦抑是離婚的婦仁人結婚，干焦通及 以色列 人的在室女抑是祭司的寡婦結婚。</verse>
				<verse number="23">「祭司著教導我的子民什麼是聖，什麼是俗；互𪜶知什麼是清氣的抑是無清氣的。</verse>
				<verse number="24">若有訴訟需要祭司裁決，祭司著遵照我的命令審判。祭司著佇我所有的節期遵守我的條例及規則，閣守我的安歇日做聖日。</verse>
				<verse number="25">「除了過身的人是家己的父母、子兒、兄弟，抑是未出嫁的姊妹，祭司毋通倚近屍體，互家己無清氣。</verse>
				<verse number="26">伊潔淨了後，著閣等七日，</verse>
				<verse number="27">才通進入聖所的內埕；伊佇聖所侍奉我以前，著為家己獻贖罪祭。我 — 至高的上主按呢宣布。</verse>
				<verse number="28">「祭司有產業；我就是𪜶的產業。佇 以色列 ，毋免互𪜶什麼產業；我就是𪜶的產業。</verse>
				<verse number="29">素祭、贖罪祭、賠罪祭的祭物欲做祭司的食物； 以色列 人獻互我的，攏欲歸屬𪜶。</verse>
				<verse number="30">頭水的農作物及獻互我的祭物，攏歸互祭司。恁著用頭水的麥仔做的頭一塊無摻酵的麵丸互祭司；按呢我就欲賜福氣互恁。</verse>
				<verse number="31">飛鳥抑是走獸，無論是自然死的，抑是互野獸拆裂的，祭司攏毋通食。」</verse>
			</chapter>
			<chapter number="45">
				<verse number="1">「恁抽籤分土地互逐支族做產業的時，著留一份獻互上主。此塊土地著長十二公里半，闊十公里 ；此個地區攏是聖的。</verse>
				<verse number="2">著對彼中間畫一塊地，長、闊攏是兩百五十公尺，做聖所的用地；四周圍著閣畫闊二十五公尺的空地。</verse>
				<verse number="3">量此塊地的一半，長十二公里半，闊五公里，著畫伊做聖所的用地，是至聖的。</verse>
				<verse number="4">這是全國中間聖的所在，欲歸互管理聖殿，親近閣侍奉上主的祭司；𪜶的厝及聖殿攏佇此個聖的地區內面。</verse>
				<verse number="5">另外一半長十二公里半，闊五公里的土地，欲歸互佇聖殿侍奉的 利未 人，做𪜶住的所在 。</verse>
				<verse number="6">「閣著佇聖的土地邊仔畫一塊地，長十二公里半，闊兩公里半，做 以色列 人徛起的城鎮。」</verse>
				<verse number="7">「欲畫互君王的土地是佇聖的土地及 以色列 人城鎮的用地的雙旁，一旁佇聖的土地隔壁，一旁佇城鎮用地的隔壁。西旁的地迵到 地中海 ，東旁的地迵到東旁的邊界；土地的長度及 以色列 逐支族分著的土地仝款。</verse>
				<verse number="8">此塊地是君王佇 以色列 中間分著的產業。按呢，王𣍐閣欺壓我的子民；伊欲照逐支族應該得著的土地分互 以色列 人民。」</verse>
				<verse number="9">至高的上主按呢講：「 以色列 的君王啊，我無欲閣忍受恁啦！著停止強暴及欺壓的事；著秉公行義。恁毋通閣搶奪我子民的土地。我 — 至高的上主按呢宣布。</verse>
				<verse number="10">恁著用公道的天秤、伊法、罷特。</verse>
				<verse number="11">量固體的伊法及量液體的罷特份量著仝款，用『賀梅珥』 做單位，一『賀梅珥』就是十伊法，嘛是十罷特。</verse>
				<verse number="12">「計算重量的單位是『舍客勒』 ；一『舍客勒』就是二十『季拉』；一『彌那』就是六十『舍客勒』。</verse>
				<verse number="13">「恁著照按呢奉獻恁的祭物： 小麥：著奉獻收成的六十分之一 大麥：著奉獻收成的六十分之一</verse>
				<verse number="14">橄欖油：著奉獻收成的百分一</verse>
				<verse number="15">羊：著對 以色列 水源充足的草場取羊，每兩百隻奉獻一隻 「諸個通做素祭、燒化祭、平安祭的祭物，為人民贖罪。我 — 至高的上主按呢宣布。</verse>
				<verse number="16">「全國的人民攏著帶此個祭物去到 以色列 的君王遐。</verse>
				<verse number="17">佇初一、安歇日，及其他 以色列 人的節日，王著負責提供燒化祭、素祭、奠酒祭的祭物。伊著準備贖罪祭、素祭、燒化祭，及平安祭的祭物，互祭司為 以色列 人民贖罪。」</verse>
				<verse number="18">至高的上主按呢講：「正月初一，你著獻一隻無瑕疵的細隻牛做祭物，潔淨聖殿。</verse>
				<verse number="19">祭司著提贖罪祭牲生的血抹佇聖殿的門徛、祭壇的四支角，以及內埕大門的門框。</verse>
				<verse number="20">正月初七 ，你嘛著為許個無意中，抑是因為無知犯罪的人獻祭；按呢，聖殿就得著潔淨。</verse>
				<verse number="21">「對正月十四開始，恁著守𨃟過節。佇此七日的節期中，恁攏著食無酵餅。</verse>
				<verse number="22">節期的第一日，王著為家己及全國人民準備一隻牛做贖罪祭。</verse>
				<verse number="23">佇此七日的節期中，伊著逐日備辦七隻無瑕疵的牛及七隻綿羊做燒化祭，獻互上主。伊嘛著逐日準備一隻山羊做贖罪祭。</verse>
				<verse number="24">伊閣著備辦素祭；每一隻牛抑是綿羊配十七公升半的幼麵粉，閣合三公升的油。</verse>
				<verse number="25">七月十五守搭寮節的時，王著照𨃟過節的條例，佇七日的節期中，逐日準備贖罪祭、燒化祭、素祭，及油諸個祭物。」</verse>
			</chapter>
			<chapter number="46">
				<verse number="1">至高的上主按呢講：「內埕的東門，安歇日及初一著拍開，會當做工彼六日著關啲。</verse>
				<verse number="2">祭司欲為王獻燒化祭及平安祭的時，王著對外埕經過此個門的走廊入來，徛佇門柱邊，佇戶橂遐敬拜；敬拜了後就退出去。此個門著一直開啲，下昏以前毋通關。</verse>
				<verse number="3">每一個安歇日及初一，全國的人民著佇此個門的頭前敬拜上主。</verse>
				<verse number="4">安歇日，王著用六隻無瑕疵的羊羔，及一隻無瑕疵的綿羊，做燒化祭獻互上主。</verse>
				<verse number="5">像時著獻的素祭，每一隻綿羊配十七公升半的幼麵粉，每一隻羊羔配偌多幼麵粉，王通照家己的能力決定。每十七公升半的幼麵粉著合三公升的油。</verse>
				<verse number="6">每月初一，伊著獻無瑕疵的細隻牛一隻、羊羔六隻、綿羊一隻。</verse>
				<verse number="7">王嘛著準備素祭，每一隻牛及每一隻綿羊，攏著配十七公升半的幼麵粉做夥獻；每一隻羊羔配偌多幼麵粉，王通照家己的能力決定。每十七公升半的幼麵粉著及三公升的油做夥獻。</verse>
				<verse number="8">王對外埕此個門的走廊入來，嘛著對原路出去。</verse>
				<verse number="9">「佇節期，人民欲來敬拜上主的時，對北門入來的，著對南門出去；對南門入來的，著對北門出去。不准𪜶對仝一個門出入；𪜶著對入來的門對面彼個門出去。</verse>
				<verse number="10">王著佇人民入來的時入來，佇人民出去的時出去。</verse>
				<verse number="11">佇節期及指定的日子，欲獻的素祭，每一隻牛，抑是綿羊，著配十七公升半的幼麵粉。每一隻羊羔著配偌多幼麵粉，王通照家己的能力決定。每十七公升半的幼麵粉著及三公升的油做夥獻。</verse>
				<verse number="12">「王照伊的心意奉獻燒化祭抑是平安祭互上主的時，著為伊開東門。伊著照安歇日的條例獻燒化祭及平安祭。伊離開了後，門著關起來。」</verse>
				<verse number="13">「王逐日著準備一隻無瑕疵一歲的羊羔，做燒化祭逐早起獻互上主。</verse>
				<verse number="14">逐早起王嘛著獻素祭，用一公升油抄兩公升幼麵粉獻互上主。此個素祭的規例著永遠遵守。</verse>
				<verse number="15">逐早起著按呢，用羊羔、素祭，及油做燒化祭獻互上主。」</verse>
				<verse number="16">至高的上主按呢講：「王若將家己的土地賜互伊任何一個子，彼塊地就歸屬彼個子；彼個子通給土地留互伊的子孫做產業。</verse>
				<verse number="17">王若將伊的土地賜互伊的人臣，彼塊地就歸屬彼個人臣；毋拘到『恩惠的年』，人臣著將彼塊地還互王，因為只有王的子孫才會當承接彼塊地。</verse>
				<verse number="18">王𣍐用得侵佔人民的土地，給𪜶趕離開𪜶的土地。伊著將家己的土地分互伊的子兒，才免我的子民離開𪜶的土地，四散去逐所在。」</verse>
				<verse number="19">後來，彼個人導我對大門邊仔的入口，入去許個向北，為著祭司準備的聖的房間。我看見上西旁的所在有一塊空地。</verse>
				<verse number="20">伊給我講：「這是互祭司煮賠罪祭及贖罪祭的肉，以及烘素祭的祭物的所在，才免祭司給聖的祭物帶去外埕，互人民因為接觸著聖的物致到受責罰。」</verse>
				<verse number="21">伊閣導我去外埕，經過外埕四個角頭；每一個角頭攏有一個細細的埕。</verse>
				<verse number="22">諸個細細的埕攏有牆仔圍啲，長二十公尺，闊十五公尺；四個角頭細細的埕大細攏仝款。</verse>
				<verse number="23">每一個細的埕四邊攏有石牆，石牆下面有灶。</verse>
				<verse number="24">彼個人給我講：「遮是灶腳，聖殿的工作人員佇遮煮人民獻的祭物。」</verse>
			</chapter>
			<chapter number="47">
				<verse number="1">彼個人導我轉來聖殿門口。我看見有水對聖殿的戶橂下面淐出來，流向東旁，就是聖殿大門的方向。水對聖殿的正旁，經過祭壇的南旁流落來。</verse>
				<verse number="2">然後，伊閣導我對北門出來，導我對外面踅到東旁的外門。有水對門的南旁流出來。</verse>
				<verse number="3">彼個人提量尺，對門口向東行，量五百公尺，叫我蹽水過去；水淹到腳目。</verse>
				<verse number="4">伊閣對遐進前量五百公尺，叫我蹽水過去；水淹到腳頭窩。閣對遐進前量五百公尺，叫我蹽水過去；水淹到腰。</verse>
				<verse number="5">伊閣對遐進前量五百公尺；水漲起來成做河，無人會當蹽過去，只有會當用泅的。</verse>
				<verse number="6">伊給我講：「人子啊，你有看見無？」 了後，彼個人導我轉來河邊。</verse>
				<verse number="7">我轉來的時，看見河的兩旁岸有真多樹。</verse>
				<verse number="8">伊給我講：「此條河流向東，經過 約旦河 河谷，進入 死海 。河水流入 死海 ，會互鹹水變做汫水 。</verse>
				<verse number="9">此條河經過的所在，攏會充滿逐種生物，河裡會有真多魚。此條河互 死海 的水變汫水；流過的所在，逐項物攏會活。</verse>
				<verse number="10">佇遐會有真多掠魚的；對 隱‧基底 到 隱‧以革蓮 的岸邊會變做曝網的所在。 死海 的魚類會親像 地中海 赫呢多。</verse>
				<verse number="11">毋拘 死海 附近的濕地及水窟的水無變汫，留啲做鹽。</verse>
				<verse number="12">此條河的雙旁岸欲有逐種樹木生長，所結的果子通做食物；葉𣍐焦，果子出產𣍐斷，逐個月攏有新的果子，因為對聖殿流出來的水潤澤諸個樹；果子通做食物，葉仔通做藥材。」</verse>
				<verse number="13">至高的上主按呢講：「恁著將土地分互 以色列 十二支族； 約瑟 支族著分兩份。</verse>
				<verse number="14">我曾對恁的祖先立誓，欲將此塊地賜互𪜶做產業。今，恁承受此塊地，著公平分配土地。</verse>
				<verse number="15">「北旁的地界是：對 地中海 向東沿欲去 希特倫 的路，經過 哈馬 隘口、 西達達 、</verse>
				<verse number="16">比羅他 、 西伯蓮 (諸個城市佇 大馬士革 王國及 哈馬 王國的中間)，到 浩蘭 王國的 哈撒‧哈提干 。</verse>
				<verse number="17">所以，北旁的地界是對 地中海 到 哈薩‧以難 城；此個城佇 大馬士革 的北旁， 哈馬 的南旁。以上是北旁的地界。</verse>
				<verse number="18">「東旁的地界是：對 大馬士革 及 浩蘭 的交界，沿 以色列 及 基列 中間的 約旦河 續到 死海 的 他瑪 。</verse>
				<verse number="19">「南旁的地界是：對 他瑪 向西南到 米利巴‧加低斯 綠洲，閣斡向西北，沿 埃及 邊界的溪谷到 地中海 。</verse>
				<verse number="20">「西旁的地界是 地中海 ，向北到 哈馬 隘口的對面。</verse>
				<verse number="21">「恁著照 以色列 逐支族分此塊地。</verse>
				<verse number="22">著抽籤分此塊地，互恁家己及佇恁中間寄居生子的外族人做產業。恁著親像對待在地生的 以色列 人按呢對待𪜶，互𪜶佇恁中間及 以色列 逐支族仝款得著土地。</verse>
				<verse number="23">外族人寄居佇叨一支族，就佇彼個支族分著土地。」至高的上主按呢宣布。</verse>
			</chapter>
			<chapter number="48">
				<verse number="1">下面是逐支族照名單分著的土地：對上北旁，沿 希特倫 欲去 哈馬 隘口的路，到 大馬士革 王國邊界的 哈薩‧以難 城。北旁到 哈馬 王國，對東旁的邊界到西旁的 地中海 是 但 的份額。</verse>
				<verse number="2">其他支族的土地，對北到南照順序是 但 、 亞設 、 拿弗他利 、 瑪拿西 、 以法蓮 、 呂便 ，及 猶大 ，逐支族攏得著𪜶應得的份額。</verse>
				<verse number="3"></verse>
				<verse number="4"></verse>
				<verse number="5"></verse>
				<verse number="6"></verse>
				<verse number="7"></verse>
				<verse number="8">北旁及 猶大 的地界相接，對東旁的邊界到西旁的 地中海 ，闊十二公里半，大細及逐支族仝款；著奉獻此塊地做聖地，佇彼中間起聖殿。</verse>
				<verse number="9">恁著奉獻長十二公里半、闊十公里 的地互上主。</verse>
				<verse number="10">祭司欲得著此塊聖地的一部份。𪜶分著的地，對東到西十二公里半，對北到南五公里。上主的聖殿欲起佇此塊聖地的中間。</verse>
				<verse number="11">此塊聖地欲互 撒督 後代分別作聖的祭司。𪜶忠實遵守我所吩咐的職份； 以色列 人行迷路離開我的時，𪜶無親像 利未 人嘛行迷路。</verse>
				<verse number="12">所以，此塊地欲保留一部份互𪜶，做至聖的土地，及 利未 支族的地界相接。</verse>
				<verse number="13">利未 支族欲佇祭司的土地南旁分著一塊地，及祭司的地平大；對東到西十二公里半，對北到南五公里。</verse>
				<verse number="14">獻互上主的此塊地是上好的土地，𣍐用得賣抑是交換，嘛𣍐用得讓渡互別人。此塊土地是聖的，歸屬上主。</verse>
				<verse number="15">聖地猶有賰一塊長十二公里半，闊兩公里半的土地；此塊地欲做一般的公用地，通起城，起厝，做草場。城著起佇此塊地的中央。</verse>
				<verse number="16">城的大細，東、西、南、北四旁攏是兩千兩百五十公尺。</verse>
				<verse number="17">城的四周圍著有草場，東、西、南、北四面，闊攏是一百二十五公尺。</verse>
				<verse number="18">公用地兩旁猶有賰土地，及聖地相連，東旁及西旁各長五公里；諸個地通種作，出產的著做佇城內工作的人的食物。</verse>
				<verse number="19">所有佇城內工作的人，無論屬 以色列 叨一支族，攏通佇此塊地種作。</verse>
				<verse number="20">恁著將此塊十二公里半四方的聖地，及城的用地，攏奉獻做聖地。</verse>
				<verse number="21">聖地及城的用地兩旁賰的土地，著歸屬王。聖地的東旁到東旁邊界的地，南北闊十二公里半；西旁到西旁的 地中海 ，闊嘛是十二公里半。此兩旁及其他支族得著的份額平行的土地，攏歸屬王。按呢，所獻的聖地及欲起聖殿的地，是佇王兩塊地的中間。</verse>
				<verse number="22">利未 人的地及起城的用地，嘛佇王兩塊地的中間；歸屬王的地是佇 猶大 的地界及 便雅憫 的地界中間。</verse>
				<verse number="23">其他支族的土地，對東旁的邊界到西旁的 地中海 ，對北到南照順序是 便雅憫 、 西緬 、 以薩迦 、 西布倫 ，及 迦得 ，逐支族攏得著𪜶應得的份額。</verse>
				<verse number="24"></verse>
				<verse number="25"></verse>
				<verse number="26"></verse>
				<verse number="27"></verse>
				<verse number="28">迦得 支族南旁的邊界，是對 他瑪 向西南到 米利巴‧加低斯 綠洲，閣斡對西北，沿 埃及 邊界的溪谷到 地中海 。</verse>
				<verse number="29">至高的上主按呢講：「諸個是恁欲抽籤分互 以色列 逐支族，做𪜶產業的土地。」</verse>
				<verse number="30">耶路撒冷 城攏總有十二個城門。四旁的城牆長攏是兩千兩百五十公尺，各有三個城門；逐個門照 以色列 支族的名號名。北旁三個是 呂便門 、 猶大門 、 利未門 ；東旁三個是 約瑟門 、 便雅憫門 、 但門 ；南旁三個是 西緬門 、 以薩迦門 、 西布倫門 ；西旁三個是 迦得門 、 亞設門 、 拿弗他利門 。</verse>
				<verse number="31"></verse>
				<verse number="32"></verse>
				<verse number="33"></verse>
				<verse number="34"></verse>
				<verse number="35">城牆四周圍共九千公尺。對今以後，此個城欲叫做「上主佇遮」。</verse>
			</chapter>
		</book>
		<book number="27">
			<chapter number="1">
				<verse number="1">猶大 王 約雅敬 坐位第三年， 巴比倫 王 尼布甲尼撒 來圍攻 耶路撒冷 。</verse>
				<verse number="2">主將 約雅敬 及上帝聖殿內面一部份的器具交佇伊的手。 尼布甲尼撒 將俘虜帶去 巴比倫 的神廟，給許個器具收入去神廟的庫房。</verse>
				<verse number="3">尼布甲尼撒 王命令太監總管 亞施比拿 ，對 以色列 的王室及貴族的子孫選一寡少年人；</verse>
				<verse number="4">𪜶著身軀健全、英俊、博學，有智慧，通達事理，通來王宮侍候。 亞施比拿 給𪜶教 巴比倫 的語言及文學。</verse>
				<verse number="5">王閣吩咐，將宮內的食物及酒逐日照份量互𪜶食；按呢給𪜶栽培三年久，互𪜶期滿了後，會當侍候王。</verse>
				<verse number="6">諸個青年中間有 猶大 支族的 但以理 、 哈拿尼雅 、 米沙利 ，及 亞撒利雅 。</verse>
				<verse number="7">太監總管給𪜶號新的名：給 但以理 號做 伯提沙撒 ， 哈拿尼雅 號做 沙得拉 ， 米沙利 號做 米沙 ， 亞撒利雅 號做 亞伯尼歌 。</verse>
				<verse number="8">但以理 決心毋食王宮的食物及酒，才免食諸個物件給家己拍垃墋。伊就請求太監總管允准，無互伊拍垃墋家己。</verse>
				<verse number="9">上帝互 但以理 得著太監總管的憐憫及好款待。</verse>
				<verse number="10">太監總管對 但以理 講：「我驚我的主我的王。伊已經指定恁著食諸個食物；萬一伊看著你比其他的少年人較消瘦歹看，你會害我互王斬頭。」</verse>
				<verse number="11">但以理 對太監總管派來監護伊、 哈拿尼雅 、 米沙利 、 亞撒利雅 的人講：</verse>
				<verse number="12">「請互你的僕人十日的時間，阮此幾個干焦食菜飲水。</verse>
				<verse number="13">十日後，請你將阮的面容及許個食王宮食物的少年人的面容比較。然後，照你的觀察決定欲按怎給阮處理。」</verse>
				<verse number="14">監護的人就允准互𪜶試十日。</verse>
				<verse number="15">十日後，𪜶四個人比其他食王宮食物的少年人閣較健康好看。</verse>
				<verse number="16">監護的人就無閣互𪜶食王宮的食物及酒，只有互𪜶食青菜。</verse>
				<verse number="17">上帝互此四個少年人佇文學及學問方面真有才能及學識，閣互 但以理 會曉明白逐種異象及眠夢。</verse>
				<verse number="18">尼布甲尼撒 王規定所有的少年人著進宮的日期到，太監總管就導𪜶去見王。</verse>
				<verse number="19">王及𪜶面談，發見其他的人無一個及 但以理 、 哈拿尼雅 、 米沙利 ，及 亞撒利雅 會比得，就互𪜶四個人侍候伊。</verse>
				<verse number="20">王給𪜶問有關智慧及見識的事，就知𪜶比全國的術士及行法術的較𠢕十倍。</verse>
				<verse number="21">但以理 到 塞魯士 坐位元年猶活啲。</verse>
			</chapter>
			<chapter number="2">
				<verse number="1">尼布甲尼撒 坐位第二年，伊夢著一個夢。此個夢互伊心真煩，睏𣍐去。</verse>
				<verse number="2">王就下令召集術士、行法術的、行邪術的，及星象家 來，愛𪜶將王的夢給伊講。𪜶攏來徛佇王的面前。</verse>
				<verse number="3">王給𪜶講：「我夢著一個夢，心真煩，愛欲知此個夢是什麼意思。」</verse>
				<verse number="4">許個星象家用亞蘭語 對王講：「皇上萬歲！請將彼個夢給你諸個僕人講，互阮通解說彼個夢的意思。」</verse>
				<verse number="5">王給𪜶講：「我已經決定，愛恁將我的夢給我講。恁若無將我的夢給我講，閣解說互我聽，我就欲斬斷恁的腳手，恁的厝嘛會變做糞埽堆。</verse>
				<verse number="6">毋拘恁若給我講彼個夢及夢的意思，恁就有賞，會得著禮物，閣得著極大的榮譽。現在，著將彼個夢給我講，閣給我解說。」</verse>
				<verse number="7">𪜶閣一遍給王講：「請皇上將你的夢給你的僕人講，阮就會給王解說。」</verse>
				<verse number="8">王就講：「我早就知，恁啲拖時間，因為恁知，我講會到做會到。</verse>
				<verse number="9">恁若無欲給我講此個夢，我會給恁判刑，因為恁共謀欲騙我，聽候時勢改變。今恁著將此個夢給我講，我就知恁真正會曉解說此個夢。」</verse>
				<verse number="10">許個星象家閣對王講：「世間無人會當將王愛知的事講出來。猶毋曾有君王、大臣、統治者要求術士、行法術的、星象家做此款代誌。</verse>
				<verse number="11">皇上問的問題實在真困難；除了神明以外，無人會當回答皇上的問題。」</verse>
				<verse number="12">因為按呢，王非常受氣，下令欲刣死 巴比倫 所有有智慧的人。</verse>
				<verse number="13">此個命令一下發出，人就去尋 但以理 及伊的同伴，嘛欲給𪜶刣死。</verse>
				<verse number="14">王的侍衛長 亞略 出去欲刣 巴比倫 有智慧的人的時， 但以理 用婉轉、智慧的話</verse>
				<verse number="15">對王的侍衛長 亞略 講：「王是按怎發出赫呢緊急的命令？」 亞略 就將代誌的經過給 但以理 講。</verse>
				<verse number="16">但以理 就入去見王，請求王延長期限，通互伊給王解說夢的意思。</verse>
				<verse number="17">但以理 倒去伊的厝，將此個代誌給伊的同伴 哈拿尼雅 、 米沙利 ，及 亞撒利雅 講，</verse>
				<verse number="18">愛𪜶祈禱，求天頂的上帝憐憫，將此個夢的奧祕指明，互𪜶毋免及 巴比倫 有智慧的人做夥受刣。</verse>
				<verse number="19">彼暗，上帝就佇異象中將彼個夢的意思給 但以理 啟示。 但以理 就頌讚天頂的上帝，</verse>
				<verse number="20">講： 願上帝的名得著稱讚， 世世代代無窮盡！ 伊全智、全能。</verse>
				<verse number="21">伊改變時間，變換季節； 伊廢除王，選立王； 伊互智慧的人有智慧， 互聰明的人有智識。</verse>
				<verse number="22">伊啟示奧祕隱密的事， 伊知暗中的一切； 光及伊同在。</verse>
				<verse number="23">我的列祖的上帝啊， 我感謝你，稱讚你！ 因為你賜我智慧及才能， 阮求問你的，你已經啟示我， 將王愛欲知的指示阮。</verse>
				<verse number="24">但以理 就去見王派去欲刣全國有智慧的人的 亞略 ，對伊講：「求你毋通刣死全國所有有智慧的人！請你給我引進去見王，我會當給伊解夢。」</verse>
				<verse number="25">亞略 隨時導 但以理 去見王。 亞略 對王講：「我佇受掠的 猶太 人中間尋著一個人；伊會當給王解夢。」</verse>
				<verse number="26">王對叫做 伯提沙撒 的 但以理 講：「你真正會當將我的夢給我講，閣解說互我知噢？」</verse>
				<verse number="27">但以理 應王講：「王所愛知彼個奧祕的事，有智慧的、行法術的、術士、占卜的無一個會當給王解說，</verse>
				<verse number="28">只有天頂彼位上帝才會當將彼個祕密啟示出來。伊已經將未來啲欲發生的事給皇上指示啦。你夢著的及啲思考的異象是按呢：</verse>
				<verse number="29">「皇上，你佇眠床啲想有關將來的事，彼位啟示奧祕的主已經將未來欲發生的事通過此個夢給你指示啦。</verse>
				<verse number="30">不過，我會當明白此個奧祕的啟示，毋是因為我比所有的人較有智慧，是上帝欲互王知影此個夢的意思，互你知你心內啲想什麼。</verse>
				<verse number="31">「皇上，你佇夢中有看著一座非常大身的像。此座像真高，閣非常燦爛顯目；徛佇你的面前，形狀非常可怕。</verse>
				<verse number="32">伊的頭殼是純金的，胸坎及手是銀的，腹肚及腰是銅的，</verse>
				<verse number="33">大腿是鐵的，下面的腳是鐵及土濫的。</verse>
				<verse number="34">你啲看的時，忽然有一塊毋是人的手拍的石頭，拍著彼座大像鐵及土濫啲造的腳，給腳拍碎。</verse>
				<verse number="35">此個大像，鐵及土、銅、銀、金逐部份煞攏做一下碎糊糊，碎甲親像熱天的五穀場的粗糠互風吹散，連一屑仔都尋無。彼塊拍著大像的石頭變做一座山，大甲給全地蓋起來。</verse>
				<verse number="36">「以上是王做的夢。今，我欲將此個夢的意思給王說明。</verse>
				<verse number="37">皇上，你是列王中上偉大的王，天頂的上帝已經將國家、權柄、威力、尊榮攏賜互你，</verse>
				<verse number="38">嘛將住佇逐所在的人、野地的走獸、空中的飛鳥攏交互你管理。你就是彼個金的頭殼。</verse>
				<verse number="39">你以後，會有一個比你較弱的國家興起，然後有第三個親像銅的國家，欲掌管天下。</verse>
				<verse number="40">後來會有第四個國家，伊會親像鐵赫呢碇、赫呢強。鐵會將逐項物件拍碎；彼個國嘛會親像按呢給所有的國家拍倒。</verse>
				<verse number="41">抵抵照你看著的，用鐵及燒瓷師傅的土濫做夥造的腳及腳指頭仔，是指一個會分裂的國家，毋拘伊猶是有親像鐵的氣力。</verse>
				<verse number="42">許個用鐵及土濫做夥造的腳指頭仔，表示此個國家一部份強一部份弱。</verse>
				<verse number="43">抵抵照你看著的，伊是鐵及土濫做夥的，是指此個國家的人會及別個種族通婚生子，毋拘𪜶𣍐團結，親像鐵及土𣍐當結合做一個。</verse>
				<verse number="44">許個王在位的時，天頂的上帝會建立一個永遠𣍐滅亡的國。此個國的主權𣍐互列國搶去，顛倒會拍倒毀滅所有的國家；伊欲永遠徛在。</verse>
				<verse number="45">照你看著的，彼粒對山頂翱落來，毋是人的手拍的石頭，將鐵、銅、土、銀、金攏拍碎。至大的上帝互皇上做此個夢，就是欲互你知將來欲發生的代誌。你的夢是真的，夢的解說是確實的。」</verse>
				<verse number="46">尼布甲尼撒 王就仆佇土腳拜 但以理 ，閣命令人送禮物及芳料互伊。</verse>
				<verse number="47">王對 但以理 講：「恁的上帝真正是萬神的神、萬主的主，是奧祕的啟示者！伊互你會曉將此個奧祕解說互我知。」</verse>
				<verse number="48">王就高升 但以理 ，賜伊真多上等的禮物，派伊管理 巴比倫 全省，閣設立伊管理全國有智慧的人。</verse>
				<verse number="49">王閣接受 但以理 的請求，派 沙得拉 、 米沙 、 亞伯尼歌 管理 巴比倫 省的事務；毋拘 但以理 留佇王宮侍奉王。</verse>
			</chapter>
			<chapter number="3">
				<verse number="1">尼布甲尼撒 王造一座金像，高二十七公尺，闊三公尺，𫞼佇 巴比倫 省的 杜拉 平原。</verse>
				<verse number="2">伊召集全體總督、省長、縣長、參謀、財務官、法官，及地方官員，來參加伊所造金像的開光典禮。</verse>
				<verse number="3">諸個官員攏來參加，徛佇 尼布甲尼撒 王所造金像的頭前。</verse>
				<verse number="4">傳令官大聲宣布：「逐族、逐國、講逐種語言的人民！著注意聽此個命令：</verse>
				<verse number="5">恁若聽著號角、𥰔仔、琴、瑟、豎琴、鼓，及逐種樂器的聲，就著隨時仆拜 尼布甲尼撒 王所造的金像。</verse>
				<verse number="6">若有人無欲仆拜，就欲即時給伊掠去㧒落炎火啲燒的窯。」</verse>
				<verse number="7">所有的人民，無論屬叨一族、叨一國、講叨一款語言，一下聽著諸個樂器的聲，就攏仆拜王造的金像。</verse>
				<verse number="8">彼時，有幾個 巴比倫 人利用機會惡意控告 猶太 人，</verse>
				<verse number="9">對 尼布甲尼撒 王講：「願王萬歲！</verse>
				<verse number="10">皇上，你有下令，所有聽著號角、𥰔仔、琴、瑟、豎琴、鼓，及逐種樂器的聲的人，攏著仆拜金像；</verse>
				<verse number="11">若有人無欲仆拜，就給伊㧒落炎火啲燒的窯。</verse>
				<verse number="12">現在，皇上，你派來管理 巴比倫 省事務此三個 猶太 人 沙得拉 、 米沙 、 亞伯尼歌 ，𪜶無服從你的命令，無欲服事你的神明，無仆拜你造的金像。」</verse>
				<verse number="13">尼布甲尼撒 王聽了非常受氣，就下令，將 沙得拉 、 米沙 、 亞伯尼歌 帶來到伊的面前。</verse>
				<verse number="14">王問𪜶：「 沙得拉 、 米沙 、 亞伯尼歌 ，恁豈真正無服事我的神明，無仆拜我𫞼的金像？</verse>
				<verse number="15">今，恁著想互好勢，恁一下聽著號角、𥰔仔、琴、瑟、豎琴、鼓，及逐種樂器的聲，若仆拜我造的像，就無代誌；若無，就欲即時給恁㧒落啲燒的火窯。到時，有啥神明會當對我的手頭給恁解救出去？」</verse>
				<verse number="16">沙得拉 、 米沙 、 亞伯尼歌 應王講：「 尼布甲尼撒 ，此個代誌阮毋免給你回答。</verse>
				<verse number="17">阮若互你㧒落火窯，阮服事敬拜的上帝會給阮對炎火啲𤏸的火窯救出來；皇上，伊嘛會救阮脫離你的手。</verse>
				<verse number="18">就算講毋是按呢，皇上，你著知，阮嘛一定無欲服事你的神明，無欲仆拜你𫞼的金像。」</verse>
				<verse number="19">尼布甲尼撒 一下聽著，對 沙得拉 、 米沙 、 亞伯尼歌 非常受氣，對𪜶變面，就命令人給火窯燃較熱，比平常加七倍燒；</verse>
				<verse number="20">閣命令幾若個勇猛的戰士給 沙得拉 、 米沙 、 亞伯尼歌 縛起來，㧒落去炎熱的火窯。</verse>
				<verse number="21">此三個人互人縛起來㧒落火窯的時，猶穿外袍、長褲、頭巾，及其他的衫。</verse>
				<verse number="22">因為王的命令真緊急，火窯閣真炎熱，許個將𪜶㧒落火窯的人煞互火燒死。</verse>
				<verse number="23">沙得拉 、 米沙 、 亞伯尼歌 攏互人縛啲，㧒落去火窯內面。</verse>
				<verse number="24">彼時， 尼布甲尼撒 驚一趒，趕緊徛起來，對伊的參謀講：「互咱縛起來，㧒落去火窯的，豈毋是三個人？」 𪜶講：「皇上，是。」</verse>
				<verse number="25">王講：「恁看！我有看著四個人，無縛啲，佇火窯內面行來行去，閣攏無著傷。彼個第四個看起來親像神明的子 。」</verse>
				<verse number="26">尼布甲尼撒 行近炎熱的火窯口，講：「至高上帝的僕人 沙得拉 、 米沙 、 亞伯尼歌 ，請出來！來我遮。」彼三個人就對火窯出來。</verse>
				<verse number="27">許個總督、省長、縣長，及王的參謀攏聚集倚來看此三個人，看著𪜶身軀無互火燒著，連頭毛嘛無燒著，衫及褲無變色，閣無著火燒的味。</verse>
				<verse number="28">尼布甲尼撒 就講：「著稱讚 沙得拉 、 米沙 、 亞伯尼歌 的上帝！伊派伊的使者拯救保護所有倚靠伊的僕人。𪜶敢無服從我的命令，甘願犧牲性命，家己的上帝以外，無欲侍奉敬拜其他任何神明。</verse>
				<verse number="29">「所以我下令，無論叨一個民族、叨一個邦國、講叨一款語言的人民，若有人褻瀆 沙得拉 、 米沙 、 亞伯尼歌 的上帝，一定著給𪜶斬斷腳手；𪜶的厝欲變做糞埽堆，因為無別個神明會當親像上帝按呢解救人。」</verse>
				<verse number="30">後來，王就高升 沙得拉 、 米沙 、 亞伯尼歌 佇 巴比倫 省的地位。</verse>
			</chapter>
			<chapter number="4">
				<verse number="1">尼布甲尼撒 王對全國人民，無論𪜶屬叨一個民族、叨一個邦國、講叨一款語言，給𪜶祝福： 願恁平安富足！</verse>
				<verse number="2">我樂意將至高上帝對我所做的神跡奇事給恁講。</verse>
				<verse number="3">伊的神跡非常偉大！ 伊的奇事真有氣力！ 伊的國度永遠存在！ 伊的統治續到萬代！</verse>
				<verse number="4">我 尼布甲尼撒 平安住佇我的厝，佇王宮享受榮華富貴。</verse>
				<verse number="5">我做一個夢互我真驚惶。我佇眠床頂的幻想及頭殼內的異象互我感覺真恐怖。</verse>
				<verse number="6">我有召集 巴比倫 所有有智慧的人攏來我遮，愛𪜶給我解夢。</verse>
				<verse number="7">諸個術士、行法術的、星象家、占卜的進宮，我當面將彼個夢給𪜶講，毋拘𪜶攏𣍐曉給我解說彼個夢的意思。</verse>
				<verse number="8">最後，我照我的神明的名給伊號做 伯提沙撒 的 但以理 來我遮；伊有至聖神明 的神佇伊的內面。我將夢給伊講：</verse>
				<verse number="9">「管理有智慧的人的 伯提沙撒 ，我知你內面有至聖神明的神，無一項奧祕會當給你為難。今請你將我佇眠夢中看著的異象給我解說。</verse>
				<verse number="10">「我啲睏的時看著的異象是按呢：我看著大地的中央出現一欉非常大欉的樹。</verse>
				<verse number="11">彼欉樹愈大欉愈粗勇，高甲抵天，天邊海角攏看會著。</verse>
				<verse number="12">伊枝葉茂盛，果子真多，多甲有夠通做所有動物的食物；田野的走獸來伊的樹影歇睏，飛鳥來歇佇伊的樹椏，所有的生物攏對此欉樹得著食物。</verse>
				<verse number="13">「我倒佇眠床猶啲看此個異象的時，看著一位聖的守望者對天落來。</verse>
				<verse number="14">伊大聲喝講：『將彼欉樹剉起來，給樹椏斬斷，給樹葉搖互落了了，給果子撒挕拺，給走獸趕離開樹腳，互飛鳥𣍐當閣來歇佇樹枝。</verse>
				<verse number="15">毋拘，著給樹頭留佇地裡，用鐵及銅的鍊仔給伊捆𫢶野外青草的中間。 「『著給此個人放佇野外，互露水凍，互伊及野外的走獸仝款食青草；</verse>
				<verse number="16">互伊的心改變做野獸的心，按呢經過七年久。</verse>
				<verse number="17">這是彼幾個守望者宣布的裁決，是諸個聖者宣布的決定，欲互世間人攏知，至高者啲掌管此世間的國家；伊欲將國賜互什麼人，就互彼個人；伊會當選立世間上卑微的人治理國家。』」</verse>
				<verse number="18">尼布甲尼撒 王閣講：「這是我做的夢。 伯提沙撒 ，請給我解說此個夢的意思。我的國家所有有智慧的人只有你會當給我解夢，因為你內面有至聖神明的神。」</verse>
				<verse number="19">彼陣，叫做 伯提沙撒 的 但以理 愣一時仔久；伊想著的代誌互伊真恐惶。王給伊講：「 伯提沙撒 ，你毋免因為彼個夢及伊的意思心艱苦。」 伯提沙撒 應王講：「皇上，願此個夢實現佇怨恨你的人，應驗佇你的對敵。</verse>
				<verse number="20">你看著彼欉大欉樹，伊愈來愈大欉，愈勇，高甲抵天，對天邊海角攏會當看著，</verse>
				<verse number="21">枝葉茂盛，果子真多，多甲有夠通互所有的動物做食物；田野的走獸攏來歇佇伊的影，飛鳥攏來歇佇伊的枝。</verse>
				<verse number="22">「皇上，彼欉愈來愈大欉、愈勇的大欉樹就是你。你已經大閣強；你的權力已經淐到天，你統治的範圍已經達到地的盡頭。</verse>
				<verse number="23">皇上，你所看著對天落來彼個神聖的守望者，伊有講：『給彼欉樹剉起來，給伊毀毀掉，干焦著給樹頭留佇地裡，用鐵及銅的鍊仔給伊捆𫢶野外青草的中間；著給此個人放佇野外，互露水凍，互伊及野外的走獸仝款食青草；按呢經過七年久。』</verse>
				<verse number="24">「皇上，此個夢會發生佇我的主我的王身上，是出佇至高者的決定。</verse>
				<verse number="25">你會受趕離開人群，去及野外的走獸做夥住，親像牛食草，互露水凍，按呢經過七年久；直到你承認至高者啲掌管世間的國家，伊欲將國賜互什麼人，就互彼個人。</verse>
				<verse number="26">關係樹頭著留啲的命令，是欲等你承認，天啲掌管全世界；到彼時，你的國就會閣交互你。</verse>
				<verse number="27">皇上，求你接受我的苦勸：著秉公行義，離開你的罪；慈悲對待散赤人，脫離你的歹所行 ，按呢，你就會久長繁榮。」</verse>
				<verse number="28">諸個事攏佇 尼布甲尼撒 王身上實現。</verse>
				<verse number="29">一年後，有一日，伊佇 巴比倫 王宮的厝頂啲散步，</verse>
				<verse number="30">伊講：「此個大 巴比倫 的京城豈毋是我用我偉大的才能建造的，會當彰顯我的榮光？」</verse>
				<verse number="31">話講猶未了，就有一個聲對天傳出來，講：「 尼布甲尼撒 王，我給你講：『你𣍐當閣作王啦。</verse>
				<verse number="32">你欲互人趕離開人群，去及野外的走獸做夥住，親像牛食草，按呢經過七年久；直到你承認至高者啲掌管世間的國，伊欲將國賜互什麼人，就互彼個人。』」</verse>
				<verse number="33">此個事隨時佇 尼布甲尼撒 身上實現。伊受趕離開人群，親像牛食草，互露水凍；伊的頭毛長甲親像鷹鳥的毛，指甲發甲親像鷹鳥的爪。</verse>
				<verse number="34">「七年到啦，我 尼布甲尼撒 攑頭向天，我的精神回復正常，就稱讚至高者，謳咾此位尊榮、永遠存在的上帝： 伊的統治永遠存在！ 伊的國續到萬代！</verse>
				<verse number="35">對伊來看，世間人攏是空虛； 佇天頂萬軍及地上住民中間， 伊照伊的旨意做代誌， 無人會當阻擋伊， 抑是質問伊：你啲創啥？</verse>
				<verse number="36">「彼時，我的精神回復，我的尊嚴及榮光嘛回復，我的國閣再昌盛。參謀及人臣閣來擁護我。我重建我的國，得著比以前閣較大的權柄。</verse>
				<verse number="37">「今，我 尼布甲尼撒 欲稱讚，尊崇，將榮光歸互天頂的王，因為伊的所做攏是信實，伊的道路正直；行為驕傲的，伊給𪜶降做卑微。」</verse>
			</chapter>
			<chapter number="5">
				<verse number="1">伯沙撒 王舉行大宴會，邀請一千個大臣來及伊做夥飲酒。</verse>
				<verse number="2">伯沙撒 飲酒飲到爽快的時，伊命令人將伊的祖先 尼布甲尼撒 對 耶路撒冷 的聖殿搶來的金器銀器搬出來，互王及許個大臣，以及王的后妃貯酒飲。</verse>
				<verse number="3">人就將對 耶路撒冷 上帝的聖殿搶來的器具，提來互王、大臣，及后妃飲酒。</verse>
				<verse number="4">𪜶那飲酒，那謳咾𪜶用金、銀、銅、鐵、柴、石頭造的神明。</verse>
				<verse number="5">彼時，忽然出現一支人的指頭仔，佇王宮燈台對面的石灰壁寫字。王看著寫字的手，</verse>
				<verse number="6">面就失色，非常驚惶，腰骨無力，腳頭窩硞硞趒。</verse>
				<verse number="7">王大聲喝，命令許個行法術的、星象家、占卜的攏來到伊遐。王給諸個 巴比倫 有智慧的人講：「若有人識諸個字，閣會曉給我解說，我就欲賜伊一領紫色的外袍，給伊掛金袚鍊，互伊做全國第三大的。」</verse>
				<verse number="8">王所有的顧問攏進前，毋拘𪜶𣍐曉讀許個字，嘛𣍐曉給王解說許個字的意思。</verse>
				<verse number="9">伯沙撒 王就真驚惶，面失色；伊的大臣嘛毋知欲按怎。</verse>
				<verse number="10">太后聽見王及伊的大臣的話，就入去宴會廳，對王講：「大王萬歲！你毋免驚惶失色。</verse>
				<verse number="11">你國內有一個人，伊有至聖神明 的神，你的祖先 尼布甲尼撒 在生的時，就發見此個人有洞察力，真聰明，親像神明赫呢有智慧。你的祖先 尼布甲尼撒 王有設立伊管理術士、行法術的、星象家，及占卜的，</verse>
				<verse number="12">是因為伊有非常好的靈性，有智慧及洞察力，會解夢，會解答問題，解說奧祕的事。此個人叫做 但以理 ， 尼布甲尼撒 王閣給伊號名做 伯提沙撒 。你現在就通召 但以理 來，伊會給你解說諸個字的意思。」</verse>
				<verse number="13">但以理 隨時互人導去見王。王問伊：「你是我的先王對 猶大 地掠來的 猶太 人 但以理 是無？</verse>
				<verse number="14">聽講你有至聖神明的神，有洞察力及聰明，閣有智慧。</verse>
				<verse number="15">現在我有召諸個顧問及術士來我遮，愛𪜶讀諸個字，閣將內面的意思給我解說，毋拘𪜶攏𣍐曉。</verse>
				<verse number="16">我有聽講你真𠢕解說，會解答問題。今，你若會曉讀諸個字，閣解說互我聽，我就欲賜你紫色的外袍，給你掛金袚鍊，閣互你做全國第三大的。」</verse>
				<verse number="17">但以理 應王講：「請皇上保留你的禮物及賞品，抑是送互別人。今，我欲讀此個文字，閣將內面的意思給王解說。</verse>
				<verse number="18">「皇上，至高的上帝有將國家、權柄、光榮、尊嚴賜互你的先王 尼布甲尼撒 王。</verse>
				<verse number="19">因為上帝有將大的權力賜互伊，互諸個民族、邦國，及講逐種語言的人民攏佇伊的面前驚驚惶惶；嘛互伊會當照家己的意思互人死互人活，給人高升，給人降低。</verse>
				<verse number="20">毋拘伊內心自高自大，性情固執，眼中無人，所以上帝將伊對王位趕落去，將伊的尊榮搶走。</verse>
				<verse number="21">伊就互人趕離開人群，伊的心變做野獸的心，及野驢做夥住，親像牛食草，互露水凍，直到伊承認至高上帝啲掌管世間的國家，照伊的旨意選立人治理。</verse>
				<verse number="22">「 伯沙撒 ，你是 尼布甲尼撒 的後代；雖然知影所有諸個代誌，毋拘你猶原無欲謙卑，</verse>
				<verse number="23">竟然自高自大，攻擊天頂的主，派人將天頂的主聖殿內面的器具帶來你遮，互你、你的大臣，及后妃用來飲酒。你閣謳咾許個用金、銀、銅、鐵、柴、石頭造，𣍐看、𣍐聽、什麼攏毋識的神明；顛倒無尊崇彼位決定你生死，掌握你的命運的上帝。</verse>
				<verse number="24">所以上帝互一支手出現寫許個字。</verse>
				<verse number="25">「許個字是『彌尼，彌尼，提客勒，及比勒斯』，</verse>
				<verse number="26">意思是按呢：『彌尼』就是上帝已經計算你的國家的年數，欲互伊結束。</verse>
				<verse number="27">『提客勒』就是上帝用天秤給你秤，你無幾兩重。</verse>
				<verse number="28">『比勒斯』就是你的國家會分裂，會交互 米底亞 及 波斯 。」</verse>
				<verse number="29">伯沙撒 就下令，給 但以理 穿紫色的外袍，掛金袚鍊，閣宣布伊做全國第三大的。</verse>
				<verse number="30">彼暗， 巴比倫 王 伯沙撒 互人刣死。</verse>
				<verse number="31">米底亞 人 大流士 六十二歲的時，消滅 巴比倫 國。</verse>
			</chapter>
			<chapter number="6">
				<verse number="1">大流士 照伊的想法，設立一百二十個總督治理全國；</verse>
				<verse number="2">佇𪜶的頂面閣設立三個總長，其中一個是 但以理 ，監督許個總督，才免王過頭操勞。</verse>
				<verse number="3">但以理 因為有非常好的靈性，比其他的總長及總督較傑出，所以王欲指派伊治理全國。</verse>
				<verse number="4">因為按呢，其他的總長及總督佇各種的事務欲尋 但以理 的孔縫，通給伊控告。毋拘𪜶尋無伊有什麼孔縫抑是過失，因為伊忠實可靠。</verse>
				<verse number="5">許個人就參詳，講：「除了對 但以理 遵行伊的上帝的律法以外，咱𣍐當尋著給伊控告的理由。」</verse>
				<verse number="6">諸個總長及總督相約來見王，對王講：「皇上萬歲！</verse>
				<verse number="7">全國的總長、總督、省長、縣長，及顧問做夥參詳，欲請皇上降旨，宣布一個禁令：『三十日內，除了向王以外，若有人向任何神明抑是對人祈禱，著給伊㧒落獅穴。』</verse>
				<verse number="8">皇上，請你制定簽署此條禁令，人就𣍐當改變此個命令，因為照 米底亞 及 波斯 的法律，簽署過的法令𣍐用得改變。」</verse>
				<verse number="9">大流士 就佇此個禁令簽署。</verse>
				<verse number="10">但以理 聽著王已經佇此個文件簽名，就倒去厝裡；伊樓頂的房間有窗仔開向 耶路撒冷 。伊照常一日三遍跪啲向上帝懇求感謝。</verse>
				<verse number="11">許個人鬥陣去 但以理 遐，看著伊跪啲向上帝祈求幫贊，</verse>
				<verse number="12">就閣來見王，對王提起禁令的代誌，講：「皇上，你豈毋是有簽署一個文件，規定三十日內，除去向皇上以外，若有人向任何神明祈禱抑是對人懇求，著給伊㧒落獅穴？」 王應講：「確實有。照 米底亞 及 波斯 的法律，此個法律𣍐用得變更。」</verse>
				<verse number="13">𪜶就對王講：「皇上，彼個受掠的 猶太 人 但以理 無尊重王，無遵守你簽署的禁令。伊竟然一日三遍祈禱。」</verse>
				<verse number="14">王聽了非常煩惱，想欲救 但以理 ，歸日啲想辦法。</verse>
				<verse number="15">後來，許個人閣相約來見王，對王講：「皇上，著會記得，照 米底亞 人及 波斯 人的法律，王頒布的禁令及法律𣍐用得改變。」</verse>
				<verse number="16">王就下令掠 但以理 ，給伊㧒落獅穴。王給 但以理 講：「你一直啲服事的上帝一定會救你。」</verse>
				<verse number="17">有人搬一粒大粒石頭給獅穴的口塞啲；蓋王印及大臣的官印，給獅穴封起來，互 但以理 的案件𣍐當有什麼改變。</verse>
				<verse number="18">王倒去王宮，歸暝禁食，無欲互人演奏樂器；彼暝，王睏𣍐去。</verse>
				<verse number="19">隔日，王透早起來，趕緊去獅穴遐。</verse>
				<verse number="20">伊倚近獅穴的邊仔，傷心叫 但以理 ，講：「永活上帝的僕人 但以理 ，你盡忠服事的上帝有救你無互獅咬無？」</verse>
				<verse number="21">但以理 講：「皇上萬歲！</verse>
				<verse number="22">我的上帝有派使者給許個獅的嘴封起來，無給我傷害，因為我佇上帝面前是無辜的。皇上，我嘛無做什麼傷害王的代誌。」</verse>
				<verse number="23">王非常歡喜，就吩咐人將 但以理 對獅穴扭出來。 但以理 對獅穴出來，歸身軀攏無受傷，因為伊倚靠伊的上帝。</verse>
				<verse number="24">王命令，將許個控告 但以理 的人及𪜶的某子攏掠起來，給𪜶㧒落獅穴。𪜶猶未到獅穴的底，獅就向𪜶罩去，咬碎𪜶的骨頭。</verse>
				<verse number="25">後來， 大流士 通告全國無論叨一個民族、叨一個邦國、講叨一款語言的人民，講：「願恁平安富足！</verse>
				<verse number="26">現在我降旨，我統治的全國人民，恁攏著敬畏 但以理 的上帝， 伊是永活的上帝， 永遠存在； 伊的國永遠𣍐消滅， 伊的王權永遠存續！</verse>
				<verse number="27">伊解放，伊拯救， 佇天頂地上行神跡奇事； 伊解救 但以理 ， 將伊對獅的嘴救出來。」</verse>
				<verse number="28">但以理 佇 大流士 及 波斯 人 塞魯士 在位的時，事事亨通。</verse>
			</chapter>
			<chapter number="7">
				<verse number="1">巴比倫 王 伯沙撒 第一年， 但以理 啲睏的時夢著一個夢，頭殼內面出現一個異象。伊就給夢的內容寫起來。</verse>
				<verse number="2">但以理 寫講： 我佇暝時看著一個異象：天的四面忽然起大風，擾動大海。</verse>
				<verse number="3">有四隻形狀攏無仝款的大隻野獸對海裡起來。</verse>
				<verse number="4">頭一隻親像獅，有鷹鳥的翼。我抵啲看的時，伊的翼互人拔起來，毋拘有人給伊對土腳扶起來，互伊親像人兩支腳徛啲，閣互伊有人的頭腦。</verse>
				<verse number="5">我閣看著第二隻獸，親像熊，半踞半徛，嘴齒咬三支仔骨，有人大聲給伊講：「起來，肉出在你食。」</verse>
				<verse number="6">我閣看著一隻獸，親像豹，尻脊骿有四支鳥仔的翼。伊有四個頭，閣有權柄。</verse>
				<verse number="7">我佇暝時的異象中猶啲看的時，第四隻獸出現；伊看起來真可怕、真恐怖，閣真兇猛。伊有大支鐵的嘴齒，會吞食拆碎；食無了的，就用腳踐踏。伊及頭前彼幾隻野獸無仝款，有十支角。</verse>
				<verse number="8">我啲觀察許個角的時，忽然對彼中間發一支細支角；此支細支角給彼十支中間的三支，連根都拔起來。此支細支角有親像人的目睭，有講大聲話的嘴。</verse>
				<verse number="9">我抵啲注意看彼個異象的時，看見有排好勢的寶座，對萬古以前就存在彼位坐佇遐；伊的衫親像雪赫白，頭毛清白親像羊毛。伊的寶座是火焰，寶座的輪仔是炎熱的火。</verse>
				<verse number="10">有火親像河流對寶座流出來；服事伊的有千千，侍候伊的有萬萬。伊欲開庭審判，案件的冊卷已經拍開。</verse>
				<verse number="11">因為彼支角啲講大聲話，我就注意觀察，看著第四隻獸互人刣死，身軀毀壞，互人㧒落火燒。</verse>
				<verse number="12">其他許個獸，𪜶的權勢攏消失，毋拘𪜶猶受允准會當活到所定的期限。</verse>
				<verse number="13">我閣佇暗時的異象中注意看，看著一個親像人子的對天頂坐雲落來，互人導到對萬古以前就存在彼位的面前，</verse>
				<verse number="14">領受權柄、榮耀，及王權；逐族、逐邦國，及講逐種語言的人民攏服事伊。伊的權柄永存，𣍐消失；伊的王權一定𣍐受毀壞。</verse>
				<verse number="15">我 但以理 因為看著的異象心真憂傷、不安，</verse>
				<verse number="16">就行倚去一個啲侍候的人，問伊關係諸個異象的意思。伊就解說互我知。</verse>
				<verse number="17">伊講：「彼四隻大隻野獸是啲欲對世界興起的四個王。</verse>
				<verse number="18">毋拘至高者聖的子民欲得著此個國，世世代代掌理王權。」</verse>
				<verse number="19">我愛欲閣確實知第四隻獸的意思。伊及彼三隻獸無仝款；伊非常可怕，用鐵的嘴齒吞食、用銅的爪拆碎，閣用腳踐踏食賰的。</verse>
				<verse number="20">伊的頭有十支角，後來閣發一支角；其中的三支角佇此支角的面前落落來；此支角有目睭，嘴講大聲話；伊的形狀比其他的角閣較可怕。</verse>
				<verse number="21">我閣看見彼支角及聖的子民交戰，給𪜶拍敗。</verse>
				<verse number="22">毋拘對萬古以前就存在彼位會來到，替至高者聖的子民申冤 。聖的子民得著國度的時間就到。</verse>
				<verse number="23">彼個啲侍候的人給我講：「第四隻獸是指啲欲對世間興起的第四個國家。伊及其他的國家無仝款，欲吞食，拆碎，併吞全世界。</verse>
				<verse number="24">彼十支角就是對伊的國會有十個王；後來閣興起一個及以前的王無仝款的王，欲推翻其中三個王。</verse>
				<verse number="25">伊講話敵對至高者，壓制至高者聖的子民；閣想欲改變節期及律法；聖的子民會交佇伊的手頭，經過一個時期，閣兩個時期，閣半個時期。</verse>
				<verse number="26">毋拘至高者一下開始審判，此個王的主權欲受剝奪，會永遠受毀壞消滅。</verse>
				<verse number="27">至高者會將權柄、王權，及天下列國的統治權賜互伊聖的子民。𪜶的國是永遠的國；世界所有國家的統治者攏會服事順服𪜶。」</verse>
				<verse number="28">此個事到遮為止。我 但以理 想了真驚惶，面變色。我將此個事囥佇我的心內。</verse>
			</chapter>
			<chapter number="8">
				<verse number="1">伯沙撒 作王第三年，我 但以理 看見第一個異象了後，閣有一個異象對我出現。</verse>
				<verse number="2">我看見家己佇 以攔 省的 書珊 城堡，徛佇 烏萊 河邊。</verse>
				<verse number="3">我攑頭一下看，看著一隻綿羊徛佇河邊。伊有兩支長的角，其中一支比另外一支較長；較長彼支路尾才發出來。</verse>
				<verse number="4">我看見彼隻綿羊向西、向北、向南啲觸；無一隻動物擋伊會牢，無一隻會當走閃伊的威力。伊照家己的意思行來行去，耀武揚威。</verse>
				<verse number="5">我猶啲想的時，閣看見一隻山羊對西旁來，行透全地，腳無踏著土。此隻山羊佇伊兩蕊目睭的中間有一支真顯目的角。</verse>
				<verse number="6">伊去我抵即看著，徛佇河邊，有兩支角的綿羊遐，對伊發受氣，大力闖去。</verse>
				<verse number="7">我看見伊倚近彼隻綿羊，氣沸沸給觸，觸甲綿羊兩支角攏斷去，無力通反抗。山羊給綿羊挵倒佇土腳，閣直直給伊踐踏，無人會當給伊解救。</verse>
				<verse number="8">此隻山羊愈來愈聳鬚。到伊上勇壯的時，伊彼支大支角斷去。對彼支角原來的所在，向天下四的方向發四支真顯目的角。</verse>
				<verse number="9">對彼中間的一支角閣生一支細支角，向南、向東、向肥閣媠的地愈發愈大支，</verse>
				<verse number="10">大甲抵著天頂萬象，會當將天頂萬象及星辰摔落地面，給𪜶踐踏。</verse>
				<verse number="11">伊自高自大，想講家己會當及天象的元帥比並。伊禁止人逐日獻祭互天象的元帥，閣毀壞元帥的聖所。</verse>
				<verse number="12">伊強迫聖的子民佇逐日獻祭的事犯罪；伊閣將真理㧒佇土腳。諸個事，伊攏做了真順利。</verse>
				<verse number="13">後來，我聽見一個聖者啲講話，閣有另外一個聖者對頭一個聖者講：「逐日著獻的祭受禁止，互地荒廢的罪，聖所及子民受踐踏，諸個異象底時會實現？」</verse>
				<verse number="14">伊給我講：「閣兩千三百暝日 ，聖所就一定會得著潔淨。」</verse>
				<verse number="15">我 但以理 看見此個異象，抵想欲知彼個意思的時，忽然有一位親像人的款式的徛佇我的面前。</verse>
				<verse number="16">我閣聽見 烏萊河 遐有人的聲喝講：「 加百列 ，著互此個人明白此個異象。」</verse>
				<verse number="17">伊就來我徛的所在。伊一下到，我真恐惶，面仆佇土腳。 伊給我講：「人啊，你著了解，此個異象有關係歷史的終局。」</verse>
				<verse number="18">伊對我講話的時，我暈倒，面向土腳。伊給我摸，給我扶起來。</verse>
				<verse number="19">伊講：「我給你指示上帝停止發大受氣的時會發生的代誌；這及上帝所指定歷史的終局的時間有關。</verse>
				<verse number="20">「你看著彼隻有兩支角的綿羊是指 米底亞 王及 波斯 皇帝。</verse>
				<verse number="21">彼隻山羊就是 希臘 王；兩蕊目睭中間的大支角就是 希臘 第一個王。</verse>
				<verse number="22">關係大支角斷去，閣對角的下面發四支角出來，就是有四個國欲對彼個國生出來，毋拘勢力攏不比彼個國。</verse>
				<verse number="23">「此四個國到末期罪惡貫滿的時，一定會有一個王興起；伊面貌兇惡，詭計多端。</verse>
				<verse number="24">伊的權柄非常大，毋拘毋是因為伊家己的才調。伊會造成非常大的毀滅，會當照家己的意思順利進行；閣會毀滅有權力的人及聖的子民。</verse>
				<verse number="25">伊真奸詐，𠢕用詭計互伊欲做的事順利進行。伊自高自大，會趁人無防備的時害死真多人，閣欲起來敵對萬王的王，毋拘伊會互超過人能力的氣力給伊消滅。</verse>
				<verse number="26">以上所講兩千三百暝日的異象攏會發生，毋拘你著保守此個祕密，因為這關係將來真久的事。」</verse>
				<verse number="27">因為按呢我 但以理 非常厭倦，破病幾若日，後來才起來辦理王交代的政事。我因為此個異象驚惶困擾，因為𣍐了解異象的意思。</verse>
			</chapter>
			<chapter number="9">
				<verse number="1">米底亞 人 亞哈隨魯 的子 大流士 統治 巴比倫 國第一年，</verse>
				<verse number="2">就是伊作王的元年，我 但以理 佇經典讀著上主啟示先知 耶利米 關係 耶路撒冷 會荒廢七十年的記載。</verse>
				<verse number="3">我就向主上帝祈禱，懇求，禁食，穿麻衫，糝火灰，對伊求問此個事。</verse>
				<verse number="4">我向上主 — 我的上帝祈禱，認罪講：「主啊，你是至大通驚畏的上帝，守約施慈愛互所有疼你，遵行你誡命的人。</verse>
				<verse number="5">「阮有犯罪，行不義的事，做歹，背叛你的誡命及規例；</verse>
				<verse number="6">你的僕人眾先知曾奉你的名對阮的君王、官長、祖先，及全國人民講話，毋拘阮攏無聽趁。</verse>
				<verse number="7">主啊，你是公義的；阮諸個 猶大 人、 耶路撒冷 住民，以及互你趕去遠近逐國的 以色列 人民，對古早到現在攏仝款自取見笑，因為阮背逆你。</verse>
				<verse number="8">上主啊，阮及阮的君王、官長、祖先有得罪你，致到滿面見笑。</verse>
				<verse number="9">毋拘雖然阮背叛你，毋聽你的話，無順趁你通過你的僕人眾先知對阮宣布的律法，主 — 阮的上帝，你猶久充滿慈愛，閣一直赦免阮。</verse>
				<verse number="10"></verse>
				<verse number="11">阮所有的 以色列 人有違反你的律法，偏離，毋聽趁你的話，所以你的僕人 摩西 的律法所記載的咒詛，及上帝立誓欲降的災禍，就摒佇阮身上。阮實在有得罪你！</verse>
				<verse number="12">你有實現你對阮及統治阮的官長所講警戒的話，互大災禍臨到阮； 耶路撒冷 受著的，是天下無一個城市曾抵著的災難。</verse>
				<verse number="13">你互 摩西 律法所記載的災禍，攏臨到阮身上，毋拘阮竟然無懇求上主 — 阮的上帝施恩，互阮越轉身離開罪惡，明白你信實的話。</verse>
				<verse number="14">對按呢，上主決意互災禍臨到阮，因為上主 — 阮的上帝的所做攏是公義；毋拘阮無聽趁你的話。</verse>
				<verse number="15">「主 — 阮的上帝，你曾用大權能的手導你的子民脫離 埃及 ；佇彼時，你就顯出及今仔日仝款的名聲。毋拘，到今阮猶啲犯罪做歹。</verse>
				<verse number="16">主啊，求你照你的公義，無互你極大的受氣閣臨到此個城，就是你的聖山 耶路撒冷 ，因為 耶路撒冷 及你的子民為著阮及阮的祖先的罪過受周圍的人凌辱。</verse>
				<verse number="17">阮的上帝，今求你俯落聽你的僕人的祈禱懇求。主啊，求你因為你家己的緣故，看顧你荒廢的聖所。</verse>
				<verse number="18">我的上帝啊，求你俯耳孔聽你僕人的祈禱，開你的目睭看阮許個拋荒的土地以及用你的名建立的城；阮向你祈禱，毋是靠家己的好行為，是因為你豐富的慈悲憐憫。</verse>
				<verse number="19">主啊，求你聽！主啊，求你赦免！主啊，求你採取行動！我的上帝，求你為著你家己的緣故毋通延遲，因為此個城、諸個子民攏是你的。」</verse>
				<verse number="20">我繼續講話祈禱，承認我及我的同胞 以色列 的罪，為著我的上帝的聖山向上主 — 我的上帝懇求。</verse>
				<verse number="21">我抵啲祈禱的時，抵即佇異象中看見彼位 加百列 ，大約佇獻下昏祭的時真緊飛來我遮。</verse>
				<verse number="22">伊給我解說，講：「 但以理 ，我現在來是欲互你完全明白。</verse>
				<verse number="23">你開始祈禱的時，上帝就命令我來給你講：你是上帝所疼的人，所以著注意此個信息，了解此個異象。</verse>
				<verse number="24">「上帝為著你的同胞及聖城指定一段時間，就是七十禮拜。彼時，恁無閣背叛，罪得著赦免，罪過得著擦消，永遠的公義開始實踐，異象及預言得著應驗，閣再給至聖所 抹油。</verse>
				<verse number="25">所以你著清楚了解，對下令重建 耶路撒冷 到受抹油選立的領袖出現，此中間著有七禮拜，閣經過六十二禮拜， 耶路撒冷 以及伊的街路及河溝會佇艱難的中間重建完成。</verse>
				<verse number="26">六十二禮拜過了，受抹油選立的領袖會受剪除，無人續接伊。後來有一個王會導軍隊來毀滅此個城及聖所，伊的結局會親像大水沖來，閣會有戰爭，最後逐四界攏變做拋荒。</verse>
				<verse number="27">伊會佇一禮拜內及真多人結盟；佇一禮拜的一半禁止人向上帝獻祭及奉獻禮物，閣將可惡、會造成毀滅的物𫞼佇聖殿，直到指定的結局實現佇彼個毀滅者身上。」</verse>
			</chapter>
			<chapter number="10">
				<verse number="1">塞魯士 做 波斯 皇帝第三年，互人叫做 伯提沙撒 的 但以理 得著啟示；彼個啟示是真實的，是有關一個大戰爭 。 但以理 知影此個啟示的意思，嘛了解此個異象。</verse>
				<verse number="2">彼時我 但以理 憂傷三禮拜。</verse>
				<verse number="3">佇此中間，我無食好食的物件，無食肉，無飲酒，嘛無用油抹身軀。</verse>
				<verse number="4">正月二四，我佇 底格里斯 大河河邊，</verse>
				<verse number="5">攑頭一下看，看著一個人穿幼麻布織的衫，縖 烏法 純金做的腰帶；</verse>
				<verse number="6">伊的身軀親像青玉，面貌親像熠爁，目睭親像火焰，手及腳光甲親像磨光的銅，講話的聲親像歸群人啲喝的聲。</verse>
				<verse number="7">此個異象只有我 但以理 看見，及我做夥的人無一個有看見，毋拘𪜶攏非常驚惶，走去匿，</verse>
				<verse number="8">賰我一個佇遐。我看見此個大的異象，就歸身軀無力，面失色，連一屑仔氣力都無。</verse>
				<verse number="9">我聽見伊講話的聲；我一下聽見，就仆落去，面向土腳，失去意識。</verse>
				<verse number="10">忽然有一支手給我摸，互我用腳頭窩及手蹄仔托佇土腳，身軀猶啲惙。</verse>
				<verse number="11">伊對我講：「得著上帝疼痛的 但以理 ，你著明白我對你講的話。你徛起來。我現在互上帝差遣來你遮。」伊啲講的時，我徛起來，身軀皮皮惙。</verse>
				<verse number="12">伊閣給我講：「 但以理 ，毋免驚！你對頭一日起就決心欲了解此個異象，佇你的上帝面前謙卑。伊有聽你的祈禱；我就是為著你的祈禱來的。</verse>
				<verse number="13">毋拘 波斯 國的守護天使給我擋佇 波斯 的領袖遐二十一日。後來，天使長中間的一位 米迦勒 來幫贊我。</verse>
				<verse number="14">現在我來是欲互你明白你的同胞以後會抵著的事；這是關係欲來的時期的異象。」</verse>
				<verse number="15">伊對我講諸個話的時，我面向土腳，無法度講話。</verse>
				<verse number="16">忽然有一個看起來親像人的來摸我的嘴唇；我就開嘴對彼個徛佇我面前的講：「我的主啊，我因為此個異象心內憂傷痛苦，歸身軀無力。</verse>
				<verse number="17">我是主的僕人，我那會堪得及我的主講話？現在我歸身軀無力，徛𣍐牢，強欲𣍐喘氣。」</verse>
				<verse number="18">彼個看起來親像人的閣給我摸，互我有氣力。</verse>
				<verse number="19">伊講：「毋免驚！你是上帝所疼的，願你平安！你著堅強，閣再堅強！」伊一下對我講話，我就回復氣力。我講：「我的主，請你繼續對我講話，你已經互我堅強起來啦。」</verse>
				<verse number="20">伊就講：「你已經知我是按怎來你遮。現在我欲倒去及 波斯 的守護天使交戰。你著知，我去了後， 希臘 的守護天使就會來。</verse>
				<verse number="21">毋拘我欲將真理的冊記錄的事給你講。 以色列 的守護天使 米迦勒 以外，無一個會當幫贊我抵抗𪜶。」</verse>
			</chapter>
			<chapter number="11">
				<verse number="1">彼個看起來親像人的閣講：「 米底亞 的 大流士 作王元年，我有起來協助 米迦勒 ，互伊堅強。</verse>
				<verse number="2">現在我欲將確實的事給伊講。」 「 波斯 會有四個王。第四個王比以前的王較富足，閣因為伊的富足變做強盛，就煽動逐國攻擊 希臘 。</verse>
				<verse number="3">「 希臘 會有一個勇猛的王掌握大權，照伊的意思統治國家。</verse>
				<verse number="4">伊的權勢真強盛的時，伊的天下就分裂，毋拘伊的後代攏無人繼承；分裂出來的國家無親像伊有赫大的權力。伊的帝國會消滅，統治權互外人得去。</verse>
				<verse number="5">「南方 的王會強起來，毋拘伊的將軍中間會有一個比伊較強盛，掌握真大的權力。</verse>
				<verse number="6">幾若年後，南方及北方 兩國欲結盟，南方的王會將查某子嫁互北方的王，毋拘南方的公主的影響力維持無偌久，王的勢力嘛擋無偌久。南方的公主及侍候伊的人、伊的子 ，以及扶助伊的人，攏會受殺害。</verse>
				<verse number="7">毋拘公主的後頭有一個起來作王。伊會導軍隊攻打北方的堡壘，得著勝利；</verse>
				<verse number="8">閣將北方的神明、鑄的神像，以及金器、銀器攏帶轉去 埃及 ；幾若年無閣攻擊北方的王。</verse>
				<verse number="9">後來北方的王會侵入南方的領土，然後才撤退倒去北方伊的本國。</verse>
				<verse number="10">「北方的王的子會召集大隊軍兵，準備戰爭；其中一個子會親像大水氾濫，衝擊南方。後來，伊會閣去進攻，攻破南方的堡壘。</verse>
				<verse number="11">南方的王非常受氣，出來排陣交戰，將北方的大軍拍敗。</verse>
				<verse number="12">南方的王拍敗對敵，掠真多人，就驕傲自高。伊雖然刣死歸萬人，毋拘伊的勝利維持無偌久。</verse>
				<verse number="13">「北方的王會導比以前閣較多的軍兵出去交戰；幾年後，伊會導強大、裝備優良的軍隊來。</verse>
				<verse number="14">彼時，會有真多人起來攻擊南方的國。你同胞中間的暴力份子嘛會背叛南方的王，互異象實現，毋拘𪜶會失敗。</verse>
				<verse number="15">北方的王會閣來造土堆，攻打防備真堅固的城，南方的軍隊抵當𣍐牢，連特選的軍隊嘛無法度防守。</verse>
				<verse number="16">來攻擊南方的，會出在伊家己的意思做事，無人會當反抗。伊會佔領彼個肥媠的地，完全控制彼個地。</verse>
				<verse number="17">「為著欲推翻南方的國，伊決定用全國的力量征服南方，就先及南方定和平條約，將家己的查某子 嫁互南方的王，欲用按呢推翻南方。毋拘伊的計策𣍐成功，家己嘛𣍐得著利益。</verse>
				<verse number="18">後來伊就改變主意，攻取真多沿海島嶼。毋拘有一個外國的將軍欲阻止北方的王的壓霸，給伊拍敗，互伊受侮辱。</verse>
				<verse number="19">了後，伊會撤退倒去本國堅固的城，毋拘會互人刣死，就永遠消失。</verse>
				<verse number="20">「以後會有一個人續接北方的王位。為著欲增加王國的財富，彼個人會派官員佇全國剝削。過無偌久，此個王死去；毋是因為決鬥死去，嘛毋是因為戰爭。」</verse>
				<verse number="21">「後來會有一個卑鄙的人起來。伊毋是合法的繼承人，毋拘趁人無防備的時，用詭詰的手段奪取王位。</verse>
				<verse number="22">伊會親像大水將所有反對伊的勢力全部沖散，許個照契約設立的領袖嘛互伊刣死。</verse>
				<verse number="23">伊及別個國家結盟，就用詭詐的手段，互伊小小的國家漸漸強盛。</verse>
				<verse number="24">伊趁人無防備的時，侵入對方省內上肥媠的地，做伊的祖先毋曾做過的事，將搶來的戰利品及財寶分互伊的部下，閣用計謀攻取堡壘；不過諸個攏是暫時的。</verse>
				<verse number="25">「北方的王會導大軍全力攻擊南方的王，南方的王嘛會導強大的軍隊及伊交戰。因為有人設計謀害南方的王，所以南方無法度抵抗。</verse>
				<verse number="26">謀害南方的王的人是伊的親信，所以伊的軍隊戰敗四散，互人刣死的真多。</verse>
				<verse number="27">此兩個王攏內心詭詰；雖然做夥食飯，毋拘互相講白賊。𪜶兩旁的計謀𣍐成功，因為所指定終局的時間猶未到。</verse>
				<verse number="28">北方的王會帶真多財寶轉去本國。伊心內反對上帝子民的信仰。伊照家己的意思做代誌，了後才倒去伊的本國。</verse>
				<verse number="29">「到指定的時間，伊會閣來攻打南方。毋拘此遍及頂遍無像款。</verse>
				<verse number="30">因為 基提 的戰船來攻擊北方的王，伊著驚撤退。 「伊真毋甘願，就照家己的意思破壞伊所怨恨的上帝子民的信仰，用按呢出氣。伊會閣倒來聽許個背叛信仰的人的意見，</verse>
				<verse number="31">派兵來佔領堡壘，褻瀆聖所，禁止獻逐日著獻的祭互上帝，閣將可惡會致到毀滅的物𫞼佇聖殿。</verse>
				<verse number="32">伊會用詭計得著違背信仰的人的支持，毋拘許個對上帝忠誠的人會勇敢採取行動。</verse>
				<verse number="33">有智慧的領袖會教導眾人，毋拘有一段時間𪜶會受殺害，互人燒，互人掠，互人搶劫。</verse>
				<verse number="34">𪜶佇受迫害的中間，干焦會得著小可的援助，閣會有真多人假意加入𪜶。</verse>
				<verse number="35">有智慧的人有的會受迫害，按呢是欲給其他的人磨練，佇時期結束以前，給𪜶潔淨互𪜶清白，因為離上帝指定的時猶有一段時間。</verse>
				<verse number="36">「北方的王會繼續照家己的意思做代誌，自高自大，看家己比所有的神明較大，閣用大聲話褻瀆萬神的神。伊做諸個代誌，佇上帝大受氣結束以前，攏真順利；毋拘上帝決定欲做的事一定會實現。</verse>
				<verse number="37">北方的王無尊重伊祖先的神明及婦女合意的神明，無給任何神明看在眼內，因為伊自高自大，看家己超過一切。</verse>
				<verse number="38">伊干焦崇拜堡壘的神明，用金、銀、寶石，及尊貴的物件獻互伊祖先毋識的神明。</verse>
				<verse number="39">伊靠外國神明的幫贊，攻破上堅固的堡壘。若有人認同贊成伊，伊就給𪜶獎勵，互𪜶管真多人，閣賜土地互𪜶。</verse>
				<verse number="40">「末期到的時，南方的王會及北方的王交戰。北方的王會派戰車、馬兵、真多戰船，親像捲螺仔風給伊反擊，親像大水沖入許個國的領土。</verse>
				<verse number="41">北方的王閣會侵入肥閣媠的地，刣死歸千歸萬人，毋拘 以東 、 摩押 ，及 亞捫 大部分的人會逃脫免死。</verse>
				<verse number="42">伊欲閣伸手攻擊逐國，連 埃及 都𣍐當逃脫。</verse>
				<verse number="43">伊會掌握 埃及 的金銀財寶及貴重的物件，閣征服 利比亞 及 古實 。</verse>
				<verse number="44">毋拘對東旁及北旁傳來的消息互伊真煩惱，伊就受氣出兵，欲去消滅真多人。</verse>
				<verse number="45">伊欲佇海及媠的聖山中間搭堂皇的布棚。毋拘伊的結局已經到啦，無人會當幫贊伊。」</verse>
			</chapter>
			<chapter number="12">
				<verse number="1">上帝的使者繼續對我講：「彼時，彼個保護你的同胞的天使長 米迦勒 欲出現，然後一定會有一段災難的時期；彼個災難是對開國以來毋曾有的。彼時，你許個名有記佇活命冊的同胞會得著解救。</verse>
				<verse number="2">真多已經死去的人會閣活；有的得著永遠的性命，有的永遠受恥笑厭賤。</verse>
				<verse number="3">有智慧的人會發光，親像天頂的光；許個導真多人歸向正直的人，會親像星辰永遠發光。</verse>
				<verse number="4">「 但以理 ，末日到以前，你著將諸個話保密，給此本冊封密。佇此段時間，一定有真多人專心探討奧祕的事，智識就愈加添。」</verse>
				<verse number="5">後來，我 但以理 看著有兩個人徛啲：一個佇河的此旁，一個佇河的彼旁。</verse>
				<verse number="6">其中一個對另外徛佇河水頂面，穿幼麻布的衫彼個人講：「諸個奇異的事什麼時會實現？」</verse>
				<verse number="7">彼個徛佇河水頂面，穿幼麻布的衫的人向天攑雙手；我聽見伊指永活的主宣誓講：「閣三年半，就是殘害許個聖的子民的勢力結束的時，諸個一切的事攏會實現。」</verse>
				<verse number="8">我聽了，𣍐明白，就問講：「我的主，諸個事的結局會按怎？」</verse>
				<verse number="9">伊講：「 但以理 ，你毋免操煩，因為佇末日以前，諸個話攏會封密保密。</verse>
				<verse number="10">一定會有真多人得著洗清、潔淨，接受鍛鍊。毋拘，歹人會繼續做歹。諸個事歹人𣍐明白，只有有智慧的人才會。</verse>
				<verse number="11">「對禁止逐日獻祭互上帝，閣𫞼彼個致到滅亡可惡的像彼日開始，著閣聽候一千兩百九十日。</verse>
				<verse number="12">所有堅持到一千三百三十五日的人真有福氣！</verse>
				<verse number="13">「你咧，你著堅持到結局的時。你會得著安歇，到末日，你會閣起來，享受你的福分！」</verse>
			</chapter>
		</book>
		<book number="28">
			<chapter number="1">
				<verse number="1">下面是 烏西亞 、 約坦 、 亞哈斯 、 希西家 續接做 猶大 王， 約華施 的子 耶羅波安 二世做 以色列 王的時，上主對 備利 的子 何西阿 講的話。</verse>
				<verse number="2">上主頭一遍對 何西阿 講話，講：「你去娶一個淫婦做某，收伊對淫亂生的囝仔；因為此個地方充滿淫亂，離開上主。」</verse>
				<verse number="3">何西阿 就去娶 滴拉音 的查某子 歌蜜 ，伊懷孕，生一個子。</verse>
				<verse number="4">上主對 何西阿 講：「給伊號名叫做 耶斯列 ，因為閣無偌久，我欲因為 耶戶 家佇 耶斯列 刣人流血的罪給𪜶刑罰，欲斷絕 以色列 的王朝 。</verse>
				<verse number="5">到彼日，我欲佇 耶斯列 山谷遏折 以色列 的弓。」</verse>
				<verse number="6">歌蜜 閣懷孕生一個查某子；上主對 何西阿 講：「給伊號名叫做 羅‧露哈瑪 ，因為我無欲疼惜 以色列 家，一定毋給𪜶赦免。</verse>
				<verse number="7">總是我欲疼惜 猶大 家，我上主 — 𪜶的上帝會救𪜶，毋是用弓，用刀，用交戰，用戰馬，抑是用馬兵救𪜶。」</verse>
				<verse number="8">羅‧露哈瑪 斷奶了後，婦仁人閣懷孕生一個子。</verse>
				<verse number="9">上主講：「著給伊號名叫做 羅‧阿米 ；因為恁毋是我的子民，我嘛毋是恁的上帝。」</verse>
				<verse number="10">總是 以色列 的人額會親像海沙𣍐量得，𣍐算得。以前上帝佇什麼所在有對𪜶講「恁毋是我的子民」，將來佇遐欲對𪜶講「恁是永活上帝的子」。</verse>
				<verse number="11">猶大 人及 以色列 人會聯合，選一個領袖，對此個地興起；因為 耶斯列 的日會成做榮光的日。</verse>
			</chapter>
			<chapter number="2">
				<verse number="1">以色列 人啊，著給恁的兄弟叫做「我的子民」，給恁的姊妹叫做「所疼惜的」。</verse>
				<verse number="2">去告恁老母，及伊理論。 伊豈毋是我的某，我豈毋是伊的翁？ 叫伊除去淫亂的面容，引誘人的胸坎，</verse>
				<verse number="3">才免我給伊褪光光，親像抵仔出世彼日的款式， 才免我互伊親像曠野焦燥的地，嘴焦到死。</verse>
				<verse number="4">我無欲疼伊的子兒， 因為𪜶是對淫亂生的。</verse>
				<verse number="5">𪜶的老母行淫亂， 做見笑事生𪜶； 伊講：我欲去隨我的愛人； 我的羊毛、麻布、餅、水、油及所飲的，攏是𪜶互我的。</verse>
				<verse number="6">因為按呢，我欲用刺仔塞伊的路， 造牆互伊尋無路。</verse>
				<verse number="7">伊欲去趇許個情人，毋拘趇𣍐著， 欲尋嘛尋𣍐著。 伊就講：「我欲倒去尋原來的丈夫， 因為我前的景況比現在較好。」</verse>
				<verse number="8">伊毋知伊的五穀、新酒、新油，攏是我互伊的； 伊服事巴力的金及銀，嘛是我互伊的。</verse>
				<verse number="9">所以，收割的時抑是出新酒的時，我欲將我的五穀及新酒給提倒轉， 嘛欲將我互伊遮蓋身軀的羊毛及麻布給搶倒轉。</verse>
				<verse number="10">我欲互伊佇伊的情人的目睭前赤身露體致到見笑； 無人會當救伊脫離我的手。</verse>
				<verse number="11">我欲互伊𣍐當閣有宴樂， 無閣有初一、安歇日，及其他的節日。</verse>
				<verse number="12">我嘛欲毀壞伊的葡萄樹、無花果樹， 因為伊講諸個是伊的情人互伊的報賞； 我欲互伊的果子園拋荒，出在野獸踐踏吞食。</verse>
				<verse number="13">伊以前燒香服事巴力， 用耳鉤及逐種裝飾品，妝媠媠去隨伊許個情人，煞𣍐記得我， 所以我欲給伊處罰。這是上主講的。</verse>
				<verse number="14">按呢，我欲招伊來去曠野，輕聲細說及伊講話。</verse>
				<verse number="15">佇遐我欲將伊的葡萄園還伊， 閣給「災難 」的山谷變做「向望」的門； 佇遐伊會應答我，親像伊少年的時， 親像伊出 埃及 的日。</verse>
				<verse number="16">上主講：「佇彼日你欲稱呼我『阮翁』，無閣稱呼我『阮頭家 』。</verse>
				<verse number="17">我無欲互伊閣求叫巴力 ，欲互伊𣍐記得此個名。</verse>
				<verse number="18">「佇彼日，我欲為著我的子民及田野的動物、空中的飛鳥，以及地上的蟲𧒴立約；我嘛欲摃斷地面上的弓、刀，及所有的武器，互𪜶通安然倒落去歇睏。</verse>
				<verse number="19">「我欲娶你永遠做我的某，用公義、公平、慈愛、憐憫做聘金給你娶。</verse>
				<verse number="20">我嘛欲用忠實做聘金娶你，你就會真正識上主。」</verse>
				<verse number="21">上主講：佇彼日，我欲應答我子民的祈求， 欲互天落雨，灌沃土地，</verse>
				<verse number="22">互地出產五穀、新酒及油， 用諸個應答 耶斯列 。</verse>
				<verse number="23">我欲為著我家己給伊栽種佇此塊土地； 我欲疼惜 羅‧露哈瑪 ， 欲對 羅‧阿米 講「你是我的子民」； 𪜶會應講「你是阮的上帝」。</verse>
			</chapter>
			<chapter number="3">
				<verse number="1">上主對我講：「你著閣去愛彼個對你無忠實的查某人；伊現在有一個情人。雖然 以色列 人去拜別個神明，愛食祭偶像的葡萄乾丸，毋拘我猶疼𪜶；你嘛著按呢疼此個查某人。」</verse>
				<verse number="2">我就用十五塊銀仔及一百五十公斤大麥給伊買轉來。</verse>
				<verse number="3">我對伊講：「你著及我住，毋通閣行淫，嘛毋通去隨別個查甫人；毋拘此段時間我嘛無欲及你同房。」</verse>
				<verse number="4">以色列 人會一段長的時間無君王，無首領，無祭祀，無雕刻的柱，無以弗得 ，無𫞼家族神像。</verse>
				<verse number="5">後來 以色列 人會閣轉來歸屬上主 — 𪜶的上帝，回復 大闢 的王朝；佇將來的日子，𪜶會敬畏上主，領受伊豐盛的恩惠。</verse>
			</chapter>
			<chapter number="4">
				<verse number="1">以色列 人，著聽上主的話； 上主欲控告此塊地的住民， 因為𪜶無誠實，無仁慈，無人真正識上帝，</verse>
				<verse number="2">干焦啲濫糝咒誓、背約、凶殺、 偷提、姦淫、強暴，繼續刣人流血。</verse>
				<verse number="3">因為按呢，此個地會焦去； 所有住佇遮的，連田野的獸，空中的鳥攏會消滅， 海裡的魚嘛會無去。</verse>
				<verse number="4">毋通互相控告，毋通彼此指責； 我責備的是恁諸個做祭司的。</verse>
				<verse number="5">日時，恁會跋倒， 暝時，先知嘛會及恁像款跋倒； 我欲消滅恁的人民 。</verse>
				<verse number="6">我的子民因為無知滅亡； 恁毋承認我， 我嘛毋承認恁做祭司。 既然恁棄拺恁的上帝的律法， 我嘛一定欲棄拺恁的子孫。</verse>
				<verse number="7">恁祭司的人數愈多愈得罪我； 所以我欲互恁的尊榮變做見笑。</verse>
				<verse number="8">恁愛我的子民犯較多的罪， 通得著較多贖罪的祭物。</verse>
				<verse number="9">按呢，恁祭司會及人民像款受刑罰； 我欲照恁的所做辦恁，照恁的行為報應恁。</verse>
				<verse number="10">恁食，食𣍐飽； 行淫，生產嘛𣍐增加； 因為恁棄拺上主，去隨別個神明。</verse>
				<verse number="11">酒及新酒會互人失去良知。</verse>
				<verse number="12">我的子民去問柴頭， 抽籤卜卦求指示； 淫亂的神導𪜶離開正路， 𪜶行淫背叛𪜶的上帝。</verse>
				<verse number="13">𪜶佇山頂獻祭，佇山崙仔燒香， 佇遐有橡樹、楊樹、松節樹涼爽的蔭影。 因為按呢，恁的查某子淫亂，恁的新婦犯姦淫。</verse>
				<verse number="14">雖然恁的查某子淫亂，恁的新婦犯姦淫， 我𣍐給𪜶刑罰， 因為恁諸個查甫人去及娼妓另外住， 及寺廟的妓女鬥陣獻祭； 此款無知的人民一定滅亡。</verse>
				<verse number="15">雖然 以色列 淫亂， 毋拘 猶大 毋通犯罪。 毋通去 吉甲 ， 毋通上去 伯‧亞文 ， 毋通指永活的上主咒誓。</verse>
				<verse number="16">以色列 固執親像硬鼻的牛母； 上主豈會養飼𪜶，親像佇開闊的所在養飼羊？</verse>
				<verse number="17">既然 以法蓮 及偶像結連，出在𪜶去！</verse>
				<verse number="18">𪜶飲甲醉茫茫閣繼續行淫； 𪜶愛見笑，無愛榮譽。</verse>
				<verse number="19">風會用翼給𪜶捲去； 𪜶獻互偶像的祭祀會互𪜶致到見笑。</verse>
			</chapter>
			<chapter number="5">
				<verse number="1">祭司啊，著聽！ 以色列 子民，著注意聽！ 王親啊，著斟酌聽！ 恁啲欲受審判， 因為恁佇 米斯巴 成做害人的活罩， 佇 他泊山 成做當人的羅網。</verse>
				<verse number="2">諸個背叛的人大開殺戒， 我欲管教𪜶攏總的人。</verse>
				<verse number="3">以法蓮 啊，我真了解你； 以色列 𣍐當對我掩蓋。 今， 以法蓮 ，你行淫亂， 以色列 給家己拍垃墋。</verse>
				<verse number="4">𪜶的所行所做互𪜶𣍐當歸向上帝； 因為𪜶的心充滿淫亂， 完全毋識上主。</verse>
				<verse number="5">以色列 的驕傲證明𪜶家己有罪； 以法蓮 會因為家己的罪跋倒失敗； 猶大 會及𪜶像款失敗。</verse>
				<verse number="6">𪜶欲導牛群羊群去尋上主，毋拘尋𣍐著， 因為上主已經離開𪜶。</verse>
				<verse number="7">𪜶對上主無忠實，及別人偷生子； 初一的慶典以前，𪜶及𪜶的產業攏會受毀壞。</verse>
				<verse number="8">著佇 基比亞 歕哨角，佇 拉瑪 歕喇叭， 佇 伯‧亞文 發出警報。 便雅憫 啊，著注意你的後面！</verse>
				<verse number="9">刑罰的日若到， 以法蓮 會荒廢； 我欲對 以色列 逐支族宣告， 宣告將來一定會發生的事。</verse>
				<verse number="10">猶大 的首領竟然霸佔人民的土地； 我欲將我的受氣親像大水摒落佇 猶大 。</verse>
				<verse number="11">以法蓮 甘願去隨無路用的偶像 ； 𪜶一定會受審判，受壓迫踐踏。</verse>
				<verse number="12">我欲親像蛀蟲對待 以法蓮 ， 嘛欲互 猶大 爛去。</verse>
				<verse number="13">以法蓮 看著家己有病， 猶大 看著本身有傷； 以法蓮 就派人去求 亞述 大王； 毋拘伊𣍐當醫𪜶的病，治𪜶的傷。</verse>
				<verse number="14">我欲親像獅對待 以法蓮 ， 親像猛獅對待 猶大 ； 我欲給𪜶拆碎，拖走； 無人會當救𪜶。</verse>
				<verse number="15">今我欲倒去我的所在， 聽候𪜶承認家己的罪，祈求見我的面； 𪜶佇急難的時，會迫切尋求我。</verse>
			</chapter>
			<chapter number="6">
				<verse number="1">𪜶講：來啊，咱著回頭歸向上主； 伊拆裂咱，嘛欲醫好咱； 伊拍咱，嘛欲包咱的傷。</verse>
				<verse number="2">過兩日，伊會互咱復原； 第三日，伊會互咱𬦰起來， 咱就會當佇伊的眷顧下生活。</verse>
				<verse number="3">咱著認識上主，盡力追求來識伊； 伊會親像清早的光出現， 親像雨水臨到咱， 親像春雨潤澤土地。</verse>
				<verse number="4">以法蓮 啊，我著按怎對待你？ 猶大 啊，我著按怎對付你？ 恁對我的疼親像早起時的雲霧， 親像露水真緊焦去。</verse>
				<verse number="5">因為按呢，我派先知給恁刜死 ， 用我的話給恁刣死； 我的審判親像清早的光發出。</verse>
				<verse number="6">我較愛慈愛，無愛祭祀； 愛人真正識上帝，贏過獻燒化祭。</verse>
				<verse number="7">毋拘𪜶親像 亞當 背約， 對我無忠實。</verse>
				<verse number="8">基列 是歹人的城； 𪜶的腳跡攏是刣人的血。</verse>
				<verse number="9">祭司結黨，親像強盜， 佇 示劍 的路中埋伏，刣人，做邪惡的事。</verse>
				<verse number="10">佇 以色列 家我看著通厭惡的事； 以法蓮 犯淫行， 以色列 沐垃墋。</verse>
				<verse number="11">你咧， 猶大 ，給你收割的時已經決定！ 我欲互我的子民回復繁榮。</verse>
			</chapter>
			<chapter number="7">
				<verse number="1">我想欲醫好 以色列 的時， 以法蓮 的罪過露現， 撒馬利亞 的罪惡暴露， 因為𪜶做代誌虛假， 侵入厝內偷提， 佇外面公然搶劫。</verse>
				<verse number="2">𪜶無想講我會記得𪜶一切的罪惡； 𪜶所犯的罪惡給𪜶纏牢牢， 我攏看現現。</verse>
				<verse number="3">上主講： 𪜶做歹，互君王歡喜； 𪜶欺騙，互官員快樂。</verse>
				<verse number="4">𪜶攏行淫亂，親像炎熱的火爐， 啲聽候麵丸發起來， 烘餅的人毋免閣撈火互焰。</verse>
				<verse number="5">佇咱的王喜慶的日， 官員飲烈酒，醉甲毋知人， 王及背叛者握手。</verse>
				<verse number="6">𪜶造反的心親像火爐， 歸暝勻勻仔𤏸，天一下光就爆發。</verse>
				<verse number="7">𪜶心狂火熱， 給統治者一個一個消滅； 君王攏倒落去， 毋拘無人求叫我。</verse>
				<verse number="8">以法蓮 及外族摻插； 𪜶是無反旁的餅。</verse>
				<verse number="9">外族人給𪜶的氣力𠲿焦去，𪜶攏毋知； 𪜶已經發白頭毛，家己嘛毋知。</verse>
				<verse number="10">以色列 的驕傲證明𪜶家己有罪； 雖然抵著諸個事， 𪜶猶久毋歸向上主 — 𪜶的上帝， 嘛無尋求伊。</verse>
				<verse number="11">以法蓮 親像粉鳥戇戇毋識半項； 𪜶連鞭求叫 埃及 ，連鞭去倚 亞述 。</verse>
				<verse number="12">𪜶去投靠的時，我欲用網拋佇𪜶頂面， 親像啲掠空中的鳥，給𪜶網落來； 我欲照𪜶的歹行為給𪜶刑罰。</verse>
				<verse number="13">𪜶慘啊，因為𪜶離開我。 𪜶會受毀滅，因為𪜶背叛我。 我欲解救𪜶，毋拘𪜶瞞騙我，拒絕我。</verse>
				<verse number="14">𪜶無誠心對我祈求， 干焦佇眠床頂哀哀叫； 𪜶聚集敬拜，祈求五穀及新酒， 其實是啲背叛我。</verse>
				<verse number="15">我鍛鍊𪜶，互𪜶手骨有力； 𪜶竟然圖謀歹代反抗我。</verse>
				<verse number="16">𪜶一直去拜別個神明，毋歸向至高者； 𪜶親像冗去的弓無路用； 𪜶的首領講話驕傲侮慢，會死佇刀下； 此個事會成做 埃及 人的笑柄。</verse>
			</chapter>
			<chapter number="8">
				<verse number="1">上主講： 著歕哨角發警報！ 對敵親像鷹鳥衝落來， 欲攻擊上主的厝， 因為我的子民破壞我的約，違背我的律法。</verse>
				<verse number="2">𪜶對我哀叫講： 「上帝啊，阮 以色列 人承認你是阮的上帝！」</verse>
				<verse number="3">毋拘 以色列 拒絕良善， 所以對敵會追趇𪜶。</verse>
				<verse number="4">𪜶設立君王，毋是照我的意思； 𪜶設立首領，我無承認。 𪜶用金，用銀造偶像， 結果家己受毀滅。</verse>
				<verse number="5">撒馬利亞 人，著棄拺恁的牛仔像！ 我對恁發大受氣； 恁著閣偌久才會放棄偶像崇拜？</verse>
				<verse number="6">偶像是 以色列 的師傅鑄造的；𪜶毋是上帝。 撒馬利亞 的牛仔像一定會受摃碎。</verse>
				<verse number="7">𪜶撒的是風，收的是捲螺仔風， 𣍐大欉，𣍐結實； 若會結實，嘛會互外族人食食去。</verse>
				<verse number="8">以色列 已經受吞滅； 現在佇列國中親像無路用的器具。</verse>
				<verse number="9">以色列 親像野驢四界走，走去 亞述 ； 以法蓮 出賣家己互愛人。</verse>
				<verse number="10">𪜶嘛佇列國中出賣愛情， 我欲給𪜶集倚來，給𪜶刑罰； 𪜶連鞭會佇 亞述 大王的壓迫下受苦。</verse>
				<verse number="11">以法蓮 為著欲贖罪，逐所在起祭壇； 祭壇愈多，犯罪愈加添。</verse>
				<verse number="12">我為著𪜶寫真多律法， 毋拘𪜶看做及𪜶攏無關係。</verse>
				<verse number="13">𪜶獻祭互我，毋拘獻的肉家己食了了； 我上主無欲接納。 今，我欲給𪜶的罪記啲，給𪜶刑罰； 我欲互𪜶倒轉去 埃及 。</verse>
				<verse number="14">以色列 起宮殿，𣍐記得𪜶的創造主； 猶大 嘛起真多堅固的城， 我欲降火燒𪜶的城，燒毀𪜶的堡壘。</verse>
			</chapter>
			<chapter number="9">
				<verse number="1">以色列 啊，毋通親像外族人歡喜慶祝， 因為恁行淫亂離開上帝， 佇逐個五穀場收行淫賺的錢。</verse>
				<verse number="2">五穀場及酒窟𣍐當養飼恁； 所期待的新酒嘛會落空。</verse>
				<verse number="3">以法蓮 𣍐當閣住佇上主的地； 𪜶會倒轉去 埃及 ， 佇 亞述 食無清氣的物。</verse>
				<verse number="4">𪜶𣍐當閣向上主獻奠酒祭； 𪜶獻的祭𣍐互伊歡喜。 𪜶的祭物親像互喪家食的物， 食的人變做無清氣。 𪜶的食物只有會當互𪜶止飢， 𣍐用得提入去上主的殿。</verse>
				<verse number="5">佇所定的節期，敬拜上主的日， 恁欲做什麼？</verse>
				<verse number="6">𪜶雖然閃過災難， 嘛會互 埃及 圍困殺害， 佇 孟斐斯 互人收屍埋葬。 𪜶的金銀財寶會互雜草蓋密； 𪜶住的所在莿滿四界。</verse>
				<verse number="7">著互 以色列 知， 刑罰的日來啦， 報應的時到啦。 恁的罪重，充滿怨恨， 所以恁講：「先知是戇人， 受神感動的是𤞚人。」</verse>
				<verse number="8">先知受上帝指派做 以色列 的守望者； 伊無論去叨位攏有羅網啲當等， 連佇上帝的家都受敵視。</verse>
				<verse number="9">以色列 徹底腐敗， 親像𪜶早前佇 基比亞 的所做。 上帝會記得𪜶的罪， 欲刑罰𪜶的罪過。</verse>
				<verse number="10">上主講： 「頭一遍，我抵著 以色列 ，親像佇曠野看著葡萄； 我抵著恁的列祖，親像看著頭一季初熟的無花果。 毋拘𪜶一下到 巴力‧比珥 ，就開始去拜彼所在可惡的神明， 𪜶就變做及𪜶所愛的神明像款赫呢通厭惡。</verse>
				<verse number="11">以法蓮 的榮光會親像鳥飛去， 親像婦仁人𣍐受胎，𣍐懷孕，𣍐生子。</verse>
				<verse number="12">𪜶若會生， 我嘛欲互許個囝仔飼𣍐大，無留半個。 我若放拺𪜶，𪜶就悽慘。</verse>
				<verse number="13">我看， 以色列 的子兒註定著互人追趇殘殺； 以法蓮 會導𪜶的子兒出來交互屠殺者。」</verse>
				<verse number="14">上主啊，你欲互𪜶什麼？ 著互𪜶流產，奶焦去。</verse>
				<verse number="15">以色列 佇 吉甲 做盡歹代， 我佇遐開始怨恨𪜶。 因為𪜶所做的歹，我欲對我的家給𪜶趕出去； 我𣍐閣疼惜𪜶； 𪜶的首領嘛攏背叛我。</verse>
				<verse number="16">以法蓮 受拍倒； 𪜶的根焦去，𣍐結果子。 𪜶若生子， 所生的寶貝仔子，我嘛欲給刣死。</verse>
				<verse number="17">我的上帝一定欲給𪜶棄拺，因為𪜶毋聽趁伊。 𪜶會佇列國中流浪。</verse>
			</chapter>
			<chapter number="10">
				<verse number="1">以色列 是𠢕生湠，𠢕結果子的葡萄樹。 果子結愈多，祭壇就起愈多； 土地出產愈豐富，石柱像就造愈媠。</verse>
				<verse number="2">𪜶的心詭詐，一定著受定罪； 上主欲拆𪜶的祭壇，毀𪜶的石柱像。</verse>
				<verse number="3">彼時𪜶會講： 阮無王，阮無啲驚上主。 有王，伊會當替阮做什麼？</verse>
				<verse number="4">𪜶空嘴哺舌，濫糝咒誓立約； 𪜶互公義變做不義， 親像園溝的毒草四界生湠。</verse>
				<verse number="5">伯‧亞文 的牛仔像受毀壞； 撒馬利亞 的住民驚惶， 為著牛仔像哀傷， 𪜶的祭司悲哀，因為金牛已經失去榮光。</verse>
				<verse number="6">𪜶的牛仔像會互人扛去 亞述 ， 做禮物送互 亞述 大王； 以法蓮 會受凌辱， 以色列 因為拜偶像見笑。</verse>
				<verse number="7">撒馬利亞 的王會消失， 親像水面的柴幼仔。</verse>
				<verse number="8">亞文 的山頭壇， 以色列 犯罪的所在，會受毀滅； 許個祭壇會互莿及蒺藜蓋滿； 人民會對大山講「給阮蓋起來」， 對小山講「給阮硩落來」。</verse>
				<verse number="9">以色列 啊，恁對 基比亞 事件以來繼續啲犯罪。 恁繼續得罪我， 想講佇 基比亞 攻擊犯罪的人的戰爭𣍐臨到恁。</verse>
				<verse number="10">我一定會來刑罰諸個犯罪的人； 𪜶犯雙層的罪， 列國會聚集來攻擊𪜶。</verse>
				<verse number="11">以法蓮 是好教的牛母，愛碖五穀； 我將軛掛佇伊媠閣勇的頷頸。 我欲互 以法蓮 拖車， 互 猶大 犁田， 互 雅各 耙鬆田土。</verse>
				<verse number="12">著為家己開墾拋荒的地， 種公義，收慈愛。 現在是尋求上主的時； 伊來的時，欲互公義親像雨水降落互恁。</verse>
				<verse number="13">恁種邪惡，收罪過， 食白賊結的果子。 恁倚靠家己的氣力， 靠勢恁有真多勇士。</verse>
				<verse number="14">所以，戰亂的喊喝會臨到你的人民， 你所有的堡壘會互人拆毀， 親像 亞述 王 沙勒幔 佇戰爭的時 拆毀 伯‧亞比勒 ； 彼時老母及𪜶的子兒攏會互人摔死。</verse>
				<verse number="15">伯特利 人啊，恁罪大惡極， 會抵著像款的災禍； 天一下光， 以色列 王就會受消滅。</verse>
			</chapter>
			<chapter number="11">
				<verse number="1">上主講： 以色列 細漢的時我就疼伊； 我有召我的子出 埃及 。</verse>
				<verse number="2">我 愈叫𪜶，𪜶愈走開； 𪜶給巴力獻祭， 對偶像燒香。</verse>
				<verse number="3">我牽 以法蓮 的手教𪜶行； 毋拘𪜶毋知我有醫好𪜶，照顧𪜶。</verse>
				<verse number="4">我用慈悲的索，仁愛的帶牽𪜶； 我對𪜶的頷頸夯開𪜶的軛， 俯落去養飼𪜶。</verse>
				<verse number="5">𪜶毋肯轉來我遮； 按呢，𪜶一定會閣倒轉去 埃及 ， 互 亞述 王統治。</verse>
				<verse number="6">戰亂會臨到𪜶的城， 毀壞𪜶的城門， 破壞𪜶的計謀。</verse>
				<verse number="7">我的子民堅決背叛我； 按呢，𪜶叫天，天𣍐應。</verse>
				<verse number="8">以法蓮 啊，我哪甘棄拺你？ 以色列 啊，我哪甘將你交互別人？ 我哪會互你親像 押瑪 ， 對待你親像對待 洗扁 ？ 我的心已經改變； 我的情充滿憐憫。</verse>
				<verse number="9">我𣍐發出猛烈的受氣， 𣍐閣毀滅 以法蓮 。 因為我是上帝，毋是世間人， 是佇恁中間至聖的上帝； 我𣍐閣對恁發受氣。</verse>
				<verse number="10">上主會親像獅啲哮， 伊的子民會跟隨伊。 伊一下哮，𪜶就愕愕惙對西旁趕來；</verse>
				<verse number="11">𪜶會親像雀鳥愕愕惙對 埃及 飛來， 親像粉鳥對 亞述 趕來。 我欲互𪜶住佇家己的厝。 上主按呢宣布。</verse>
				<verse number="12">以法蓮 用白賊， 以色列 家用詭詐包圍我； 猶大 嘛背叛上帝， 對神聖的上帝無忠實。</verse>
			</chapter>
			<chapter number="12">
				<verse number="1">以法蓮 歸日啲趇東風， 所做無採工； 四界攏是白賊及強暴。 𪜶及 亞述 立約，送橄欖油互 埃及 。</verse>
				<verse number="2">上主控告 猶大 ， 嘛欲照 以色列 的行為責罰伊， 照𪜶的所做給𪜶報應。</verse>
				<verse number="3">𪜶的祖先 雅各 佇胎裡扭牢兄哥的腳後蹬； 壯年的時及上帝相偃。</verse>
				<verse number="4">伊偃贏天使， 流目屎求祝福。 伊佇 伯特利 抵著上帝， 佇遐及伊講話。</verse>
				<verse number="5">上主是萬軍的統帥上帝； 伊的稱呼是上主。</verse>
				<verse number="6">所以你著歸向你的上帝， 持守慈愛公正， 不時耐心聽候你的上帝。</verse>
				<verse number="7">以色列 親像生理人， 愛用無公道的秤欺騙人。</verse>
				<verse number="8">伊講：「我真正好額，有真多財寶； 無人會當指責我賺的是橫財。」</verse>
				<verse number="9">對你出 埃及 的時， 我就是上主 — 你的上帝； 我欲互你閣住佇布棚， 親像啲守節期。</verse>
				<verse number="10">我曾對先知講話， 互𪜶看見真多異象， 通過𪜶講譬喻。</verse>
				<verse number="11">基列 有犯罪， 佇遐的住民攏無路用， 因為𪜶佇 吉甲 獻牛仔做祭； 𪜶的祭壇會變做親像園裡犁溝頂面的石堆。</verse>
				<verse number="12">早前 雅各 走去 亞蘭 地， 以色列 為著欲娶某給人做工， 為著欲得著某替人飼羊。</verse>
				<verse number="13">上主用先知導 以色列 人出 埃及 ， 嘛通過先知照顧𪜶。</verse>
				<verse number="14">毋拘𪜶惹上帝受氣。 主會將𪜶流人的血的罪歸佇𪜶； 𪜶凌辱主，主一定會給𪜶刑罰。</verse>
			</chapter>
			<chapter number="13">
				<verse number="1">早前 以法蓮 支族一下講話，人攏皮皮惙； 伊佇 以色列 中受尊重。 毋拘伊拜巴力，犯罪致到死。</verse>
				<verse number="2">𪜶犯罪，愈犯愈多； 𪜶用銀為著家己造偶像； 師傅照𪜶的想法鑄造。 偶像攏是人造的。 𪜶講：「咱來對牛仔像獻祭， 閣給𪜶唚。」</verse>
				<verse number="3">按呢，𪜶會親像早起時的霧， 親像清早的露水，真緊就焦去； 親像五穀場的粗糠， 親像對窗仔淐出來的煙， 風一下吹就消失。</verse>
				<verse number="4">對你出 埃及 地的時， 我就是上主 — 你的上帝； 我以外你毋通認別個做上帝； 我以外無救主。</verse>
				<verse number="5">佇曠野焦燥的地， 我就識你，照顧你。</verse>
				<verse number="6">我養飼諸個人民，互𪜶食飽； 𪜶一下食飽就自高， 煞𣍐記得我。</verse>
				<verse number="7">所以，我欲親像獅攻擊𪜶， 親像豹匿佇路邊當等𪜶。</verse>
				<verse number="8">我欲給𪜶攻擊： 親像失落子的熊母拆裂𪜶的胸坎； 親像獅母給𪜶吞食； 親像野獸給𪜶拆碎。</verse>
				<verse number="9">以色列 啊，我欲給你毀滅； 啥人會當幫贊你？</verse>
				<verse number="10">你討欲愛有王及領袖來救你。 今王佇叨位？ 許個城的領袖佇叨位？</verse>
				<verse number="11">我佇受氣中替恁設立王， 嘛佇大受氣中給伊廢除。</verse>
				<verse number="12">以法蓮 的罪過攏有記錄， 伊的罪惡攏有保存。</verse>
				<verse number="13">伊會受催陣的痛疼； 伊親像戇子， 出世的時已經到，猶匿佇子宮口毋出來。</verse>
				<verse number="14">我豈著救𪜶脫離陰府的權勢？ 我豈著贖回𪜶脫離死亡？ 死亡啊，你的災害佇叨位？ 陰府啊，你的毀滅佇叨位？ 我一定無欲憐憫𪜶。</verse>
				<verse number="15">雖然 以法蓮 比別個支族較繁榮， 毋拘上主會互強烈的東風對曠野吹來。 伊的水泉會焦去， 水源會斷去。 伊所積聚一切的財寶攏會受搶奪。</verse>
				<verse number="16">撒馬利亞 人著擔當背逆上帝的罪； 𪜶會倒佇刀下； 𪜶的嬰仔會互人摔死； 有身的婦仁人的腹肚嘛會互人破開。</verse>
			</chapter>
			<chapter number="14">
				<verse number="1">以色列 啊，你的罪有互你跋倒， 著越頭歸向上主 — 你的上帝；</verse>
				<verse number="2">著倒轉來歸上主， 給欲講的話準備好勢； 著對伊講：「求你赦免阮攏總的罪， 用恩典接納阮， 阮就用稱讚代替牲禮。</verse>
				<verse number="3">亞述 𣍐當救阮； 阮無欲閣騎馬出戰， 無欲閣對阮造的偶像講： 『你是阮的上帝。』 因為阮諸個做孤兒的只有會當對你得著憐憫。」</verse>
				<verse number="4">上主講： 我欲醫好 以色列 的背叛， 盡情疼𪜶， 因為我已經對𪜶煞我的受氣。</verse>
				<verse number="5">我欲親像甘露降落互 以色列 ， 𪜶就親像百合花開花， 親像 黎巴嫩 的柏香樹釘根。</verse>
				<verse number="6">𪜶的枝伸長， 會茂盛親像橄欖樹； 𪜶的芳味親像 黎巴嫩 的柏香樹。</verse>
				<verse number="7">𪜶會倒轉來𫢶佇我的蔭影下， 會親像五穀生長， 葡萄樹開花； 𪜶的好名聲親像 黎巴嫩 的酒。</verse>
				<verse number="8">以色列 啊，我及偶像有什麼關係？ 我欲應答恁，看顧恁， 欲親像青翠的松樹致蔭恁。 我是一切福氣的源頭。</verse>
				<verse number="9">有智慧的人會明白諸個事。 明理的人會了解諸個一切。 上主的道路正直； 義人一定會行諸個路， 毋拘背逆的人會佇諸個路跋倒。</verse>
			</chapter>
		</book>
		<book number="29">
			<chapter number="1">
				<verse number="1">下面是上主對 比土珥 的子 約珥 講的話：</verse>
				<verse number="2">老人啊，著聽！ 此所在的住民啊，攏著注意聽！ 佇恁的日，抑是恁列祖的日， 豈曾發生此款代誌？</verse>
				<verse number="3">著將此個代誌傳互恁的子兒， 子兒傳互孫， 孫傳互後代。</verse>
				<verse number="4">大隻草蜢食賰的，草蜢來食； 草蜢食賰的，草蜢仔子來食； 草蜢仔子食賰的，草蜢公來食。</verse>
				<verse number="5">酒醉的人啊，著醒，著哭； 好酒的人啊，著為著新酒哀哭； 因為恁無閣有酒通飲啦。</verse>
				<verse number="6">有一群草蜢 來侵犯我的地， 強猛，數目算𣍐了； 𪜶的齒親像獅公的齒， 𪜶的牙親像獅母的牙；</verse>
				<verse number="7">𪜶毀壞我的葡萄樹， 給我的無花果樹的樹皮剝甲光溜溜， 放啲互死。</verse>
				<verse number="8">你著哀哭，親像少女腰縖麻布， 為著伊佇少年的時失去未婚夫哀哭。</verse>
				<verse number="9">上主的殿無素祭及奠酒祭通獻； 服事上主的祭司嘛哀哭。</verse>
				<verse number="10">田園荒廢， 地悲哀； 因為五穀毀壞， 新酒焦去， 油欠缺。</verse>
				<verse number="11">作穡人啊，著見笑； 栽種葡萄的人啊，著哀哭， 因為大麥小麥及田園的收成攏無去。</verse>
				<verse number="12">葡萄樹焦去，無花果樹枯焦， 石榴樹、椰棗樹、蘋果樹，連田野一切的樹木攏枯焦； 人間的快樂嘛攏消失。</verse>
				<verse number="13">祭司啊，著縖麻布啼哭； 佇祭壇服事的人啊，著哀哭； 做我的上帝差用的人啊，著來，穿麻衫過暝； 因為無人提素祭及奠酒祭 來恁的上帝的殿奉獻。</verse>
				<verse number="14">恁著設一個聖日來禁食， 召集嚴肅會， 招集序大，及國內所有的住民 來上主 — 恁的上帝的殿， 對上主哀求。</verse>
				<verse number="15">彼日恁慘啊！ 因為上主的日近啦， 全能者欲來毀滅啦。</verse>
				<verse number="16">糧食佇咱的目睭前斷絕啦！ 歡喜快樂佇咱上帝的殿消失啦！</verse>
				<verse number="17">種籽佇土裡爛去； 倉庫荒廢，粟倉倒壞， 因為無五穀通收成。</verse>
				<verse number="18">牲生哮甲真悽慘， 牛群亂亂闖， 因為無草； 羊群嘛受苦。</verse>
				<verse number="19">上主啊，我求叫你， 因為火燒滅曠野的草埔， 火焰燒盡田野的樹木。</verse>
				<verse number="20">田野的走獸嘛對你哀叫， 因為溪水焦去， 火燒滅曠野的草埔。</verse>
			</chapter>
			<chapter number="2">
				<verse number="1">恁著佇 錫安 歕哨角， 佇我的聖山發警報； 國內的住民攏會愕愕惙， 因為上主的日啲欲到， 已經近啦。</verse>
				<verse number="2">彼日烏天暗地； 彼日烏雲密布； 有一隊大閣強的草蜢逼倚， 親像烏暗罩滿山嶺。 此款情境到今毋曾有， 以後代代嘛𣍐閣有。</verse>
				<verse number="3">𪜶頭前有烈火啲吞滅， 後面有火焰啲𤏸。 𪜶猶未到，地親像 伊甸園 ； 𪜶過了，地成做拋荒的曠野， 無半項會當逃閃。</verse>
				<verse number="4">𪜶的形狀親像馬， 奔走親像戰馬。</verse>
				<verse number="5">𪜶佇眾山頂面啲跳， 聲親像戰車浪浪響， 親像火焰燒焦草嗶爆叫； 𪜶親像強猛的軍隊排陣欲出戰。</verse>
				<verse number="6">所有看著𪜶的人攏破膽， 面青筍筍。</verse>
				<verse number="7">𪜶親像勇士奔走， 親像戰士𬦰上城牆； 𪜶會曉照家己的路線進攻， 𣍐拍亂隊伍。</verse>
				<verse number="8">𪜶𣍐揢來揢去， 逐個照路線進攻； 𪜶衝過防衛線， 猶保持隊形。</verse>
				<verse number="9">𪜶衝入城， 佇城牆頂闖來闖去， 𬦰上厝頂； 親像賊對窗仔入去厝內。</verse>
				<verse number="10">𪜶一下出現， 地振動，天搖泏， 日月無光，星辰暗淡。</verse>
				<verse number="11">上主佇伊的軍隊頭前發號令， 伊的軍兵算𣍐了； 執行伊命令的真強猛。 上主的日大閣通驚， 啥人忍受會牢？</verse>
				<verse number="12">上主講：現在猶未慢， 恁著用禁食，啼哭，哀傷， 越倒轉全心歸向我。</verse>
				<verse number="13">著拆裂恁的心，毋是拆裂恁的衫； 著歸向上主 — 恁的上帝， 因為伊有恩惠憐憫，𣍐快受氣， 有豐盛的慈愛， 會改變心意，𣍐降災禍。</verse>
				<verse number="14">無定著上主 — 恁的上帝會改變心意， 留福氣互恁， 按呢恁就通獻素祭及奠酒祭互伊。</verse>
				<verse number="15">恁著佇 錫安 歕哨角， 設一個聖日來禁食， 召集嚴肅會，</verse>
				<verse number="16">聚集民眾，聖化會眾； 招集序大， 聚集囝仔及食奶的嬰仔； 新郎著離開伊的厝， 新娘離開伊的房。</verse>
				<verse number="17">服事上主的祭司著佇走廊及祭壇的中間啼哭。 𪜶著講：「上主，求你寬赦你的子民； 毋通互你的子民受凌辱， 受列國恥笑。 哪著互萬民講『𪜶的上帝佇叨位』？」</verse>
				<verse number="18">彼時上主會深深疼惜伊的土地， 閣憐憫伊的子民。</verse>
				<verse number="19">上主應伊的子民，講： 「我欲賜恁五穀、新酒，及新油， 互恁心滿意足； 我𣍐閣互恁受列國凌辱。</verse>
				<verse number="20">我欲互北方來的軍隊離開恁遠遠， 給𪜶趕去曠旱拋荒的地： 前隊趕入東旁的 死海 ， 後隊趕入西旁的 地中海 ； 𪜶屍體的歹味淐高，臭味沖天。 確實，上主有完成諸個大代誌！」</verse>
				<verse number="21">土地啊，毋免驚，著歡喜快樂。 上主確實有做大代誌！</verse>
				<verse number="22">田野的走獸啊，毋免驚， 因為曠野的草埔變青翠， 樹木結果子； 無花果樹、葡萄樹攏結真多果子。</verse>
				<verse number="23">錫安 的子民啊，恁著歡喜， 著因為上主 — 恁的上帝快樂。 伊照時落秋天的雨互恁； 及以前仝款，閣給恁落春霖秋雨。</verse>
				<verse number="24">五穀場有滿滿的五穀， 酒窟有新酒，油窟有新油滿出來。</verse>
				<verse number="25">我派來恁遮一群閣一群的草蜢大軍， 草蜢、草蜢仔子、草蜢公，及大隻草蜢， 幾若年給恁食去的農作物， 我攏欲補償恁。</verse>
				<verse number="26">恁有真多通食，食到飽， 閣會稱讚上主 — 恁的上帝的名； 因為伊為著恁做奇妙的事。 我的子民永遠𣍐閣失敗見笑。</verse>
				<verse number="27">恁就會知我佇 以色列 人中間， 閣知只有我是上主 — 恁的上帝，以外無別個； 我的子民永遠𣍐閣失敗見笑。</verse>
				<verse number="28">以後，我欲將我的神摒落去互所有的人； 恁的子，查某子會講預言， 恁的老人會作夢， 少年人會看見異象。</verse>
				<verse number="29">佇許個日，我甚至欲將我的神摒落去互僕人及女婢。</verse>
				<verse number="30">我欲佇天頂顯出奇事， 佇地上有血，有火，及火燻的柱。</verse>
				<verse number="31">佇上主大閣通驚的日來臨以前， 日頭會變做烏暗， 月變做親像血赫呢紅。</verse>
				<verse number="32">彼時，求叫上主的名的人攏會得著救。 照上主的應允， 佇 錫安山 及佇 耶路撒冷 有逃脫的人； 佇諸個賰落來的子民中間有上主選召的人。</verse>
			</chapter>
			<chapter number="3">
				<verse number="1">恁看，佇許個日，時一下到， 我欲回復 猶大 及 耶路撒冷 的繁榮，</verse>
				<verse number="2">我欲聚集萬國，導𪜶落去 約沙法 山谷， 佇遐給𪜶審判， 因為𪜶將我的子民，就是我的產業 以色列 ，分散去列國， 閣分我的土地。</verse>
				<verse number="3">𪜶抽籤分我的子民， 用查甫囝仔換妓女， 賣查某囝仔買酒飲。</verse>
				<verse number="4">泰爾 、 西頓 、 非利士 所有地區的人啊，恁欲給我按怎？欲給我報復是無？恁若給我報復，我就欲隨時給恁報應。</verse>
				<verse number="5">恁搶我的金銀，奪我貴重的財寶，扛入去恁的神廟，</verse>
				<verse number="6">閣給 猶大 及 耶路撒冷 的人賣互 希臘 人，互𪜶遠離鄉土。</verse>
				<verse number="7">我欲催迫𪜶對恁給𪜶賣去的所在倒轉來。我欲照恁的所做給恁報應。</verse>
				<verse number="8">我欲將恁的子查某子賣互 猶大 人； 猶大 人會給𪜶轉賣互遠遠的 示巴 人。上主按呢宣布。</verse>
				<verse number="9">著對萬國宣布： 準備開戰！ 喚起勇士的鬥志， 召集全體戰士參戰。</verse>
				<verse number="10">著將恁的犁頭拍做刀劍， 將恁的鐮刀拍做槍。 軟弱的著講： 「我真勇！」</verse>
				<verse number="11">四圍的列國啊，趕緊集合。 上主啊，派你的勇士落來。</verse>
				<verse number="12">著喚起萬國的人攏上來 約沙法 山谷； 佇遐我欲坐啲審判四圍的列國。</verse>
				<verse number="13">著攑鐮𠠝仔割， 收割的時到啦。 來，踏落去， 因為酒窟滿啦， 酒池溢出來啦， 𪜶的罪惡貫滿。</verse>
				<verse number="14">有千千萬萬的人佇宣判的山谷， 因為上主的日欲臨到審判谷。</verse>
				<verse number="15">日月無光，星辰暗淡。</verse>
				<verse number="16">上主佇 錫安 發出親像獅啲哮的聲， 佇 耶路撒冷 發出親像雷啲彈的聲， 天地就大振動； 毋拘上主欲做伊子民的避難所， 做 以色列 人的堡壘。</verse>
				<verse number="17">彼時，恁就會知我是上主 — 恁的上帝， 徛起佇 錫安 我的聖山。 耶路撒冷 會成做聖城， 𣍐閣互外族人侵犯。</verse>
				<verse number="18">佇彼日，大山會滴新酒， 小山會流奶， 猶大 的溪攏有水啲流； 有水泉會對上主的殿流出來， 潤澤 什亭 谷。</verse>
				<verse number="19">埃及 會拋荒， 以東 會變做荒廢的曠野， 因為𪜶虐待 猶大 人， 佇𪜶的地流無辜的人的血。</verse>
				<verse number="20">總是 猶大 會永遠有人徛起， 耶路撒冷 會存續到萬代。</verse>
				<verse number="21">早前我毋曾洗清𪜶刣人流血的罪， 現在欲給𪜶洗清。 上主永遠佇 錫安 徛起！</verse>
			</chapter>
		</book>
		<book number="30">
			<chapter number="1">
				<verse number="1">下面是 提哥亞 一個顧羊人 阿摩司 的話。 烏西亞 做 猶大 王， 約華施 的子 耶羅波安 二世做 以色列 王的年間，就是大地動前兩年，上帝給 阿摩司 啟示有關 以色列 的事。</verse>
				<verse number="2">阿摩司 講： 「上主對 錫安 親像獅啲哮， 對 耶路撒冷 親像雷啲彈； 顧羊人的草埔焦去， 迦密 的山頂攏枯焦。」</verse>
				<verse number="3">上主按呢講： 「 大馬士革 人一遍閣一遍犯罪， 我一定欲刑罰𪜶； 因為𪜶虐待 基列 人， 親像用鐵齒枋研五穀。</verse>
				<verse number="4">所以，我欲放火燒 哈薛 的王宮， 燒毀 便‧哈達 的宮殿。</verse>
				<verse number="5">我欲挵斷 大馬士革 城的門閂， 欲消滅 亞文 平原的住民， 以及 伯‧伊甸 的統治者， 將 敘利亞 人掠去 吉珥 。」 上主按呢宣告。</verse>
				<verse number="6">上主按呢講： 「 迦薩 人一遍閣一遍犯罪， 我一定欲刑罰𪜶； 因為𪜶掠所有的住民， 賣互 以東 人做奴才。</verse>
				<verse number="7">所以，我欲放火燒 迦薩 的城牆， 燒毀伊的宮殿。</verse>
				<verse number="8">我欲消滅 亞實突 的住民， 以及 亞實基倫 的統治者； 我欲伸手攻擊 以革倫 ， 直到所賰的 非利士 人攏滅亡。」 至高的上主按呢宣告。</verse>
				<verse number="9">上主按呢講： 「 泰爾 人一遍閣一遍犯罪， 我一定欲刑罰𪜶； 因為𪜶掠歸族的住民， 賣互 以東 人做奴才， 無遵守及友邦所定的盟約。</verse>
				<verse number="10">所以，我欲放火燒 泰爾 的城牆， 燒毀伊的宮殿。」</verse>
				<verse number="11">上主按呢講： 「 以東 人一遍閣一遍犯罪， 我一定欲刑罰𪜶； 因為𪜶用刀劍追殺家己的兄弟， 一點仔都無憐憫的心， 𪜶發性地無停， 起受氣無煞。</verse>
				<verse number="12">所以，我欲放火燒 提幔 ， 燒毀 波斯拉 的宮殿。」</verse>
				<verse number="13">上主按呢講： 「 亞捫 人一遍閣一遍犯罪， 我一定欲刑罰𪜶； 為著欲擴展𪜶的領土， 𪜶破開 基列 有身的婦仁人。</verse>
				<verse number="14">所以，佇戰爭哄喝的日， 佇狂風大作的時， 我欲放火燒 拉巴 的城牆， 燒毀伊的宮殿；</verse>
				<verse number="15">𪜶的王會受放逐， 王及伊的官員做夥受掠。」 上主按呢宣告。</verse>
			</chapter>
			<chapter number="2">
				<verse number="1">上主按呢講： 「 摩押 人一遍閣一遍犯罪， 我一定欲刑罰𪜶； 因為𪜶將 以東 王的骨頭燒甲變火灰。</verse>
				<verse number="2">我欲放火燒 摩押 ， 燒毀 加略 的宮殿； 摩押 會佇嘩嘩哮喝喊歕哨角的中間死亡。</verse>
				<verse number="3">我會將 摩押 的統治者處死， 刣死王及伊所有的官員。」 上主按呢宣告。</verse>
				<verse number="4">上主按呢講： 「 猶大 人一遍閣一遍犯罪， 我一定欲刑罰𪜶； 因為𪜶拒絕上主的律法， 無守伊的規例； 𪜶隨𪜶的祖先拜假神， 受引誘行迷路。</verse>
				<verse number="5">所以我欲放火燒 猶大 ， 燒毀 耶路撒冷 的宮殿。」</verse>
				<verse number="6">上主按呢講： 「 以色列 人一遍閣一遍犯罪， 我一定欲刑罰𪜶； 因為𪜶為著銀出賣義人， 為著一雙鞋賣散赤人。</verse>
				<verse number="7">𪜶踐踏散赤人的頭殼， 親像啲踏土粉； 𪜶剝奪困苦人的權利； 老父及子公家一個少女， 致到褻瀆我的聖名。</verse>
				<verse number="8">𪜶佇逐個祭壇邊， 用散赤人提來抵押的外衫做床巾； 佇𪜶的上帝的殿， 飲剝削得著的錢買的酒。</verse>
				<verse number="9">我曾佇𪜶面前除滅 亞摩利 人； 許個人高大親像柏香樹， 勇壯親像橡樹； 總是我毀掉𪜶頂面的果子， 斬斷𪜶下面的根。</verse>
				<verse number="10">我嘛有帶恁對 埃及 地出來， 四十年久導恁經過曠野， 互恁得著 亞摩利 人的地做產業。</verse>
				<verse number="11">我對恁的子孫中間揀選先知， 閣對恁的少年人中間選立拿細耳人 。 以色列 人啊，豈毋是按呢？」 上主按呢宣告。</verse>
				<verse number="12">「毋拘恁互拿細耳人飲酒， 禁止先知傳達上帝的話。</verse>
				<verse number="13">所以，我欲給恁扼佇土腳， 親像載滿麥捆的車給恁硩甲𣍐振動。</verse>
				<verse number="14">逃命的走𣍐離， 勇壯的失去氣力， 勇士嘛𣍐當救家己；</verse>
				<verse number="15">射箭的徛𣍐在， 腳緊的走𣍐赴， 騎馬的嘛𣍐當救家己的性命。</verse>
				<verse number="16">佇彼日，連上勇敢的戰士嘛會放拺武器逃走。」 上主按呢宣告。</verse>
			</chapter>
			<chapter number="3">
				<verse number="1">以色列 人啊，著聽我上主責備恁的話： 恁全家是我對 埃及 地導出來的；</verse>
				<verse number="2">佇地上萬族中我只有揀恁， 所以我欲因為恁所犯一切的罪刑罰恁。</verse>
				<verse number="3">兩個人若無相約， 哪會鬥陣行？</verse>
				<verse number="4">獅若無獵物， 豈會佇樹林內哮？ 獅仔豚若無得著食物， 豈會佇洞內出聲？</verse>
				<verse number="5">活罩若無囥餌， 哪會當著鳥仔？ 若無踏著機關， 活罩哪會合起來？</verse>
				<verse number="6">城內若有哨角的聲， 住民豈𣍐驚？ 城內若有災禍， 豈毋是上主所降？</verse>
				<verse number="7">至高的上主計劃欲做代誌， 一定會代先指示伊的僕人先知。</verse>
				<verse number="8">獅啲哮， 啥人𣍐驚？ 至高的上主講話， 啥人敢無傳達？</verse>
				<verse number="9">著佇 亞實突 的宮殿 及 埃及 的宮殿宣布： 著佇 撒馬利亞 的山聚集， 看城內的大擾亂 及內面欺壓人民的事。</verse>
				<verse number="10">因為𪜶𣍐曉做正直的代誌； 𪜶的宮殿囤滿用強暴搶來的物。 上主按呢宣告。</verse>
				<verse number="11">所以至高的上主按呢講： 有對敵欲來圍困此個地， 攻破你的防衛線， 搶你的宮殿。</verse>
				<verse number="12">上主按呢講：親像牧者對獅的嘴搶出來的，干焦兩支羊腳，抑是一塊仔耳仔，佇 撒馬利亞 過奢侈生活的 以色列 人，會當逃脫的嘛是赫呢少。</verse>
				<verse number="13">至高的上主 — 萬軍的統帥上帝講： 著聽，著警告 雅各 的後代。</verse>
				<verse number="14">我因為 以色列 人犯罪給𪜶刑罰彼日， 我欲毀壞 伯特利 的祭壇； 壇的角會受斬斷，落落地。</verse>
				<verse number="15">我欲拆毀𪜶冬天熱天的別莊； 象牙妝飾的厝會受毀滅， 連大間厝都會無去。 上主按呢宣告。</verse>
			</chapter>
			<chapter number="4">
				<verse number="1">住佇 撒馬利亞山 巴珊 的牛母，著注意聽。 恁欺負散赤人，壓制艱苦人， 對恁丈夫講： 「酒捧來，咱來飲。」</verse>
				<verse number="2">至高的上主指家己的聖名立誓，講： 「看咧，日子啲欲到， 人欲用鉤仔給恁鉤去， 用釣魚鉤給所賰的拖去。</verse>
				<verse number="3">恁逐個人會互人拖去城牆的破隙， 對遐擲出去。」 上主按呢宣告。</verse>
				<verse number="4">做恁去 伯特利 犯罪， 出在恁去 吉甲 加添恁的罪； 逐早起獻恁的祭物， 每三日獻恁所得著的十分一；</verse>
				<verse number="5">閣獻有酵的餅做謝恩祭， 大聲展恁甘心獻的祭。 以色列 人啊，這豈毋是恁合意做的？ 至高的上主按呢宣告。</verse>
				<verse number="6">我互恁佇逐個城嘴齒無物通哺， 佇恁徛起的所在攏無物通食； 恁猶久毋歸向我。 上主按呢宣告。</verse>
				<verse number="7">收割前三月日久， 我無落雨互恁； 我互此庄有雨， 彼庄無雨； 我互此坵園有雨， 彼坵園無雨煞焦去。</verse>
				<verse number="8">按呢，兩三個庄社的人蹁來蹁去， 蹁到另外一個庄社尋水飲， 嘛𣍐止嘴焦； 恁猶久毋歸向我。 上主按呢宣告。</verse>
				<verse number="9">我用火燒風，用病害攻擊恁， 破壞恁的田園及葡萄園； 無花果樹及橄欖樹嘛互大隻草蜢食了了； 恁猶久毋歸向我。 上主按呢宣告。</verse>
				<verse number="10">我降瘟疫佇恁中間，親像早前降佇 埃及 ； 我佇戰場刣死恁的少年人， 閣恁的戰馬嘛互人搶去； 營內屍體的臭味淐到恁的鼻孔； 恁猶久毋歸向我。 上主按呢宣告。</verse>
				<verse number="11">我毀滅恁， 親像以前毀滅 所多瑪 蛾摩拉 ； 恁親像對火中扭出來的一塊柴； 恁猶久毋歸向我。 上主按呢宣告。</verse>
				<verse number="12">以色列 啊，我欲按呢對待恁。 以色列 啊，既然我欲按呢做， 恁著準備好勢來見恁的上帝。</verse>
				<verse number="13">看咧，造山造風， 將伊的心意指示人， 互烏暗變做光明， 腳踏佇地高的所在彼位， 伊的稱呼是上主 — 萬軍的統帥上帝。</verse>
			</chapter>
			<chapter number="5">
				<verse number="1">以色列 人啊，著聽， 我欲對恁唱一首哀歌：</verse>
				<verse number="2">少女 以色列 跋倒， 𣍐閣起來； 伊佇家己的土地互人放拺， 無人給伊扶起來。</verse>
				<verse number="3">因為至高的上主按呢講： 以色列 的城， 一千個出征，賰一百個轉來， 一百個出征，賰十個轉來。</verse>
				<verse number="4">上主對 以色列 人講： 著尋求我，恁就會活。</verse>
				<verse number="5">毋通去 伯特利 尋， 毋通入去 吉甲 ， 嘛毋通過去 別是巴 ； 因為 吉甲 的人一定會互人掠去， 伯特利 會滅亡。</verse>
				<verse number="6">著尋求上主，恁就會活； 若無，伊會親像炎火吞滅 約瑟 的家， 燒盡 伯特利 ， 無人會當給伊拍化。</verse>
				<verse number="7">恁慘啊， 恁歪曲正直，踐踏公義。</verse>
				<verse number="8">恁著尋彼位創造主； 伊創造昴星及參星， 互烏暗變做黎明， 互日時變做暗暝， 命令海水摒佇地面。 伊的稱呼是上主。</verse>
				<verse number="9">伊互堡壘忽然毀壞， 互要塞變做土堆。</verse>
				<verse number="10">恁怨恨佇城門口主持公道的人， 厭惡講真實話的人；</verse>
				<verse number="11">恁踐踏散赤人， 剝削𪜶所收成的， 所以恁用拍過的石頭起的媠厝住𣍐著， 好的葡萄園出產的酒嘛飲𣍐著。</verse>
				<verse number="12">我知恁的罪過偌仔呢大， 恁的罪算𣍐了； 恁壓制義人，收賄賂， 佇城門口冤枉散赤人。</verse>
				<verse number="13">佇此款邪惡的時勢， 巧人攏恬恬毋講話。</verse>
				<verse number="14">著追求好，毋通追求歹， 恁才會活； 按呢，上主 — 萬軍的統帥上帝 會照恁所講的及恁同在。</verse>
				<verse number="15">著怨恨歹，意愛好； 佇城門口主持公道； 按呢，豈採上主 — 萬軍的統帥上帝 會施恩互 約瑟 家賰的子孫。</verse>
				<verse number="16">所以，至高的上主 — 萬軍的統帥上帝按呢講： 佇所有的廣場有哀哭， 佇逐條街路有人講： 「慘啊，慘啊！」 𪜶會叫作穡人來啼哭， 倩𠢕唱哀歌的來哀哭。</verse>
				<verse number="17">佇所有的葡萄園會有哀哭， 因為我欲來給恁刑罰。 上主按呢宣告。</verse>
				<verse number="18">恁向望上主的日的人，慘啊！ 恁是按怎啲向望上主的日？ 彼日是暗，毋是光。</verse>
				<verse number="19">彼日來臨會親像人閃避獅煞抵著熊； 入去厝內，手按壁煞互蛇咬著。</verse>
				<verse number="20">上主的日是暗，毋是光； 暗暗暗，一絲仔光都無。</verse>
				<verse number="21">我厭惡，拒絕恁的節期， 嘛無愛恁的嚴肅會。</verse>
				<verse number="22">恁獻燒化祭及素祭互我， 我毋接受； 恁獻肥的牲生做平安祭， 我嘛無欲接納。</verse>
				<verse number="23">著互恁唱歌的聲離開我； 恁彈琴的調，我無愛聽。</verse>
				<verse number="24">著互公平親像大水長流， 互公義親像江河直直流。</verse>
				<verse number="25">以色列 人啊，恁佇曠野四十年， 豈有獻牲禮及禮物互我？</verse>
				<verse number="26">恁扛恁為家己造的神明 撒固 王及 迦溫 星神的像。</verse>
				<verse number="27">所以我欲互恁受掠去比 大馬士革 閣較遠的所在。 上主 — 萬軍的統帥上帝按呢宣告。</verse>
			</chapter>
			<chapter number="6">
				<verse number="1">恁住佇 錫安 無掛無慮， 住佇 撒馬利亞山 無煩無惱的人， 恁慘啊！ 恁想講家己是 以色列 人民所倚靠， 是萬國有名望的領導者。</verse>
				<verse number="2">恁著過去 甲尼 看， 閣去大城 哈馬 ， 然後落去 非利士 的 迦特 ， 看恁兩國豈有比𪜶較強？ 恁的領土豈有比𪜶的較闊？</verse>
				<verse number="3">恁想講有給災禍的日拺遠遠， 顛倒互強暴的統治倚來。</verse>
				<verse number="4">恁倒佇象牙的眠床， 凭佇撐椅， 食羊群中上好的羊仔， 牛椆內肥閣軟的牛仔，</verse>
				<verse number="5">逍遙唱歌， 親像 大闢 彈琴作詩。</verse>
				<verse number="6">恁飲酒一碗續一碗， 抹上好的芳油； 毋拘無為著 以色列 啲欲毀滅悲傷。</verse>
				<verse number="7">所以恁會代先受掠， 逍遙宴樂會結束。</verse>
				<verse number="8">至高上主 — 萬軍的統帥上帝指家己立誓講： 我厭惡 以色列 的驕傲， 討厭𪜶的宮殿； 我欲將𪜶的城及城內的一切交互對敵。</verse>
				<verse number="9">一間厝若猶賰十個查甫人，𪜶嘛攏會死。</verse>
				<verse number="10">死人的親成來拖身屍去燒的時，會對厝內的人講：「猶有人及你做夥無？」伊會應講：「無！」閣講：「毋通出聲！毋通提起上主的名。」</verse>
				<verse number="11">因為上主發出命令， 伊會給大間厝摃碎， 給細間厝摃甲碎糊糊。</verse>
				<verse number="12">馬豈會當佇巖石頂奔跑？ 人豈會互牛佇海裡耕作？ 恁竟然互公平成做毒菜， 互公義的果子成做苦草。</verse>
				<verse number="13">恁諸個征服 羅‧底巴 的人誇耀講： 「阮豈毋是靠家己的氣力攻佔 加寧 ？」</verse>
				<verse number="14">上主 — 萬軍的統帥上帝按呢講： 「 以色列 啊，我欲興起一國攻擊恁； 𪜶會壓制恁，對 哈馬 隘口到 亞拉巴 的山谷。」</verse>
			</chapter>
			<chapter number="7">
				<verse number="1">至高的上主互我看見一個景象：王家的農作物收割了，閣發新芛的時，上帝造一群草蜢。</verse>
				<verse number="2">草蜢給境內的農作物攏食了，我就講：「至高的上主啊，求你赦免； 以色列 𣍐當閣活落去啦，因為𪜶微細軟弱。」</verse>
				<verse number="3">上主因為按呢改變心意，就講：「此個事𣍐發生。」</verse>
				<verse number="4">至高的上主閣互我看見一個景象：至高的上主命令火來處罰；火給深淵燒焦，閣燒毀全地。</verse>
				<verse number="5">我就講：「至高的上主啊，我求你，請停止！ 以色列 𣍐當閣活落去啦，因為𪜶是微細軟弱。」</verse>
				<verse number="6">上主因為按呢改變心意。至高的上主就講：「此個事嘛𣍐發生。」</verse>
				<verse number="7">伊閣互我看見一個景象：主手提墜繩，徛佇照墜繩起的牆頂面。</verse>
				<verse number="8">上主對我講：「 阿摩司 ，你看見什麼？」 我應講：「我看見墜繩。」 主講：「我欲用墜繩量我的子民 以色列 ；我𣍐閣放𪜶煞。</verse>
				<verse number="9">以撒 的山頭壇會荒廢， 以色列 的聖所會拋荒；我欲起來，用刀攻擊 耶羅波安 王朝。」</verse>
				<verse number="10">伯特利 的祭司 亞瑪謝 派使者去給 以色列 王 耶羅波安 講：「 阿摩司 佇 以色列 中間煽動人反對你；伊的言論對國家不利。</verse>
				<verse number="11">因為伊講：『 耶羅波安 會互人刣死， 以色列 人一定會流亡離開本國。』」</verse>
				<verse number="12">亞瑪謝 閣對 阿摩司 講：「你此個先見，給我出去，倒轉去恁本國 猶大 ，佇遐賺食，佇遐講預言。</verse>
				<verse number="13">毋通閣佇 伯特利 講預言；因為遮有王的聖所，有王家的宮殿。」</verse>
				<verse number="14">阿摩司 應 亞瑪謝 講：「我毋是先知，嘛毋是先知的徒弟；我是飼羊的，嘛啲照顧桑材樹。</verse>
				<verse number="15">我啲顧羊群的時，上主呼召我，給我講：『你去，對我的子民 以色列 傳達我的話。』</verse>
				<verse number="16">按呢， 亞瑪謝 ，你著聽上主的話。你講『毋通傳達上帝的話反對 以色列 ，毋通講話攻擊 以撒 的家』，</verse>
				<verse number="17">所以，上主按呢講：『你的某會佇城內做娼妓；你的子查某子會死佇刀下；你的土地會互人分割佔去；你家己會死佇外國； 以色列 人一定會流亡離開本國。』」</verse>
			</chapter>
			<chapter number="8">
				<verse number="1">至高的上主互我看見一個景象：我看見一籃熱天的果子。</verse>
				<verse number="2">上帝講：「 阿摩司 ，你看見什麼？」 我應講：「我看見一籃熱天的果子。」上主就對我講：「我的子民 以色列 的結局 已經到，我𣍐閣放𪜶煞。」</verse>
				<verse number="3">至高的上主閣講：「佇彼日，宮殿的歌聲會變做哀哭；逐所在攏是㧒确的身屍，四界恬摺摺。」</verse>
				<verse number="4">恁諸個踐踏散赤人，剿滅困苦人的人，著聽！</verse>
				<verse number="5">恁講：「初一較緊過，阮通賣五穀；安歇日緊結束，阮通開市買賣，通用細的斗，用無誠實的秤錘，用詭詐的天秤諞人，</verse>
				<verse number="6">通用銀買散赤人，用一雙鞋換困苦人，將僫的麥仔賣互人。」</verse>
				<verse number="7">上主針對 以色列 的驕傲立誓講：「𪜶所做的一切，我永遠記牢牢。</verse>
				<verse number="8">此個地豈𣍐因為按呢搖泏，住佇遐的人豈𣍐悲哀？此個地會親像 尼羅河 漲起來，親像 埃及 的大河漲高降低。」</verse>
				<verse number="9">至高的上主講：「佇彼日，我欲互日頭佇中晝落山，互地佇日時變烏暗。</verse>
				<verse number="10">我欲互恁的節慶變做悲哀，歌曲變做哀歌。我欲互恁穿麻衫，頭剃光光；互恁悲傷親像死孤子，最後歸暝歸日攏痛苦。」</verse>
				<verse number="11">至高的上主閣講：「看咧，日子啲欲到，我欲互飢荒臨到此所在；飢荒毋是因為無物通食，嘴焦毋是無水通飲，是因為無上主的話通聽。</verse>
				<verse number="12">𪜶闖來闖去，對南到北，對東到西，四界尋上主的話，毋拘尋攏無。</verse>
				<verse number="13">佇彼日，連媠的少女及勇壯的少年人都會因為嘴焦暈去。</verse>
				<verse number="14">許個指 撒馬利亞 的偶像 咒誓的人，講『 但 ，你的神明是活的』，抑是講『 別是巴 的神明有靈聖』的人，𪜶攏會倒落去，永遠𣍐閣起來。」</verse>
			</chapter>
			<chapter number="9">
				<verse number="1">我看見主徛佇祭壇邊；伊講：「著摃柱的頂座，摃甲基座搖動，互厝頂陷落來，硩著眾人的頭殼；硩無死的，我欲用刀刣死，無一個走會離，連一個都無留啲。</verse>
				<verse number="2">𪜶若挖孔，鑽入去陰間，我嘛欲對遐給𪜶掠出來；若𬦰上天，我嘛欲對遐給拖落來。</verse>
				<verse number="3">𪜶若匿佇 迦密 山頂，我嘛欲給𪜶尋到著，掠出來；若瞞過我的目睭去匿佇海底，我嘛欲命令蛇去咬𪜶。</verse>
				<verse number="4">𪜶若互對敵掠去，我欲對遐命令刀劍給𪜶刣死。我欲給𪜶顧牢牢，毋是欲保護𪜶，是欲給𪜶刑罰。」</verse>
				<verse number="5">至高的上主 — 萬軍的統帥一下摸著地，地就消熔；所有住佇地上的攏會哀傷；全地會親像 尼羅河 漲起來，親像 埃及 大河的水降低。</verse>
				<verse number="6">伊佇天頂起伊住的所在，佇地上下穹蒼的地基，叫海水來摒佇地上。伊的稱呼是上主。</verse>
				<verse number="7">上主講：「 以色列 人啊，我對待恁豈毋是及對待 古實 人像款？我豈毋是有導 以色列 人出 埃及 ，有導 非利士 人出 迦斐託 ，導 敘利亞 人出 吉珥 ？</verse>
				<verse number="8">我 — 至高的上主金金啲看此個有罪的 以色列 國，欲對地上給伊消滅，毋拘𣍐給 雅各 的後代攏總剿滅。上主按呢宣布。</verse>
				<verse number="9">「我欲出命令，給 以色列 家囥佇篩仔，及萬國做夥篩，連一粒細粒石頭都無欲互伊落去。</verse>
				<verse number="10">我的子民中間所有有罪的人講：『災禍𣍐趇著阮，𣍐臨到阮。』諸個人攏會死佇刀下。」</verse>
				<verse number="11">上主講：「佇彼日，我欲重建 大闢 倒壞的布棚；我欲修補伊的破隙，欲對荒廢中重新起造，互伊回復早前的情境；</verse>
				<verse number="12">互 以色列 會當得著賰落來的 以東 人，以及所有屬我的國家。」欲成就此個事的上主按呢宣布。</verse>
				<verse number="13">上主講： 日子欲到，收割的會互犁田的趇著； 踏葡萄的會互種葡萄的趇著； 大山會滴甜酒，小山會流新酒。</verse>
				<verse number="14">我欲導我受掠的子民 以色列 倒轉來。 𪜶會重建荒廢的城市，閣住佇遐； 𪜶會栽種葡萄，飲出產的酒； 𪜶會耕作果子園，食出產的果子。</verse>
				<verse number="15">我欲互𪜶徛起釘根佇家己的土地； 𪜶𣍐閣互人對我賞賜互𪜶的土地拔起來。 上主 — 恁的上帝按呢宣布。</verse>
			</chapter>
		</book>
		<book number="31">
			<chapter number="1">
				<verse number="1">下面是 俄巴底亞 得著的啟示，是至高的上主所講關係 以東 的信息。 上主差遣使者去列國，傳達上主的信息；伊講：起來，咱來去及 以東 交戰。</verse>
				<verse number="2">上主對 以東 講： 「我欲互你佇列國中變做弱小； 你會大大受藐視。</verse>
				<verse number="3">你心內的驕傲欺騙你； 你住佇石洞內， 徛起佇高山頂， 所以，心內想講： 『什麼人會當給我拖落地？』</verse>
				<verse number="4">雖然你親像鷹鳥飛甲赫呢高， 作巢佇眾星辰的中間， 我嘛欲對遐給你拖落來。」 上主按呢講。</verse>
				<verse number="5">暝時賊若來偷，強盜若來搶， 𪜶豈毋是提所愛的物若定？ 挽葡萄的人若去你遐，豈𣍐留淡薄？ 毋拘，你會徹底受消滅。</verse>
				<verse number="6">以掃 的子孫啊，恁藏的財寶竟然受搶奪！</verse>
				<verse number="7">所有及你結盟的國家趕你出你家己的國境； 你的盟友用騙術征服你。 食你的飯的人設羅網陷害你， 按呢你猶無發覺？</verse>
				<verse number="8">上主講：佇彼日，我欲毀滅 以東 的巧人， 欲掃除𪜶許個有智慧的人；</verse>
				<verse number="9">提幔 的戰士會驚惶， 以東 所有的人會受剿滅。</verse>
				<verse number="10">因為你殘害家己的兄弟 雅各 ， 你會見笑甲欲死， 永遠受毀滅。</verse>
				<verse number="11">對敵攻破伊的城門的時， 你恬恬徛啲看； 外族搶奪財物， 抽籤分 耶路撒冷 彼日， 你竟然插一腳。</verse>
				<verse number="12">你的兄弟抵著災難彼日， 你毋應該徛啲看； 猶大 人受毀滅彼日， 你毋應該歡喜； 𪜶抵著災難彼日， 你毋應該給𪜶恥笑。</verse>
				<verse number="13">我的子民抵著災禍彼日， 你毋應該入去𪜶的城內； 𪜶抵著災難彼日， 你毋應該徛啲看𪜶受苦； 𪜶抵著災禍彼日， 你毋應該搶奪𪜶的財物。</verse>
				<verse number="14">你毋應該徛佇十字路頭截逃難的人， 嘛無應該佇災難的日將難民交互對敵。</verse>
				<verse number="15">上主審判萬國的日到啦！ 以東 啊，你按怎對待人，人嘛欲按呢對待你； 你按怎做，嘛欲按呢受報應。</verse>
				<verse number="16">恁佇聖山所飲刑罰的杯， 周圍列國嘛會續落去飲； 𪜶會繼續飲，灌甲醉， 到對地面消滅。</verse>
				<verse number="17">錫安山 啲欲有賰落來得救的人； 此個山欲成做聖山。 雅各 的後代會收回𪜶的產業。</verse>
				<verse number="18">雅各 的後代親像熱火， 約瑟 的後代親像火焰， 𪜶欲燒 以掃 的後代親像燒麥稿。 以掃 的後代攏賰無半個！ 上主按呢宣布。</verse>
				<verse number="19">猶大 南旁的 尼革夫 住民會佔領 以東山 ；住佇西旁山埔的人欲佔領 非利士 平原，閣收回 以法蓮 及 撒馬利亞 的土地。 便雅憫 人會佔領 基列 。</verse>
				<verse number="20">以色列 流亡的大軍會轉來征服 腓尼基 ，直到 撒勒法 ；對 耶路撒冷 流亡去 撒狄 的人會佔領 尼革夫 的城鎮。</verse>
				<verse number="21">許個得勝者欲上 錫安山 ，對遐統治 以東 ；國權就歸佇上主。</verse>
			</chapter>
		</book>
		<book number="32">
			<chapter number="1">
				<verse number="1">上主對 亞米太 的子 約拿 講：</verse>
				<verse number="2">「你去，去 尼尼微 彼個大城，出聲警戒𪜶；因為𪜶的邪惡我有看著。」</verse>
				<verse number="3">毋拘 約拿 想欲走去 他施 閃避上主。伊落去 約帕 ，抵著一隻船欲去 他施 ，就納船費，坐彼隻船及人去 他施 ，閃避上主。</verse>
				<verse number="4">毋拘上主互海起大風，風湧真大，船強欲破去。</verse>
				<verse number="5">船員真驚，逐個人哀求家己的神明，閣將船內的貨物 㧒落海，互船較輕 。毋拘 約拿 已經落去船肚底，倒啲，睏甲真落眠。</verse>
				<verse number="6">船長行倚去，給 約拿 講：「你哪赫好睏？起來求叫你的神明；伊豈採會給咱保庇，互咱免死。」</verse>
				<verse number="7">眾人講來講去：「來，來抽籤，看是啥人惹起此個災禍。」𪜶就抽籤，抽著 約拿 。</verse>
				<verse number="8">𪜶問伊講：「你給阮講，你是按怎引起此個災禍？你是食什麼頭路？你叨位來？是叨一國，叨一族的？」</verse>
				<verse number="9">伊應講：「我是 希伯來 人；我敬畏上主 — 天頂的上帝，伊是創造大海及陸地的。」</verse>
				<verse number="10">許個人非常著驚，對伊講：「你到底有做什麼代誌？」 許個人知 約拿 啲閃避上主，因為伊有給𪜶講。</verse>
				<verse number="11">𪜶就問伊：「阮著按怎對待你，才會互海平靜？」因為海湧愈來愈大。</verse>
				<verse number="12">伊給𪜶講：「恁給我掠起來㧒落海，海就會平靜；我知恁抵著此個大風是因為我的緣故。」</verse>
				<verse number="13">雖然 約拿 按呢講，船員猶久盡力欲給船划倚岸，毋拘無法度，因為海湧愈起愈大。</verse>
				<verse number="14">𪜶就求叫上主，講：「上主啊，阮迫切求你，毋通因為阮互此個人死，煞害阮無命；毋通給阮責罰，講阮流無辜的人的血。上主啊，這一切攏是照你的意思做。」</verse>
				<verse number="15">𪜶就給 約拿 掠起來㧒落海；海的風湧就平靜。</verse>
				<verse number="16">許個人就大大敬畏上主，獻祭互上主，閣下願。</verse>
				<verse number="17">上主安排一尾大魚給 約拿 吞落去； 約拿 佇魚的腹肚內三暝三日。</verse>
			</chapter>
			<chapter number="2">
				<verse number="1">約拿 佇魚的腹肚內對上主 — 伊的上帝祈禱，講：</verse>
				<verse number="2">我佇危急的時求叫上主， 伊有應我； 我對陰間上深的所在哀叫， 你有聽著。</verse>
				<verse number="3">你給我㧒落深海，到海底； 大水圍我，你的波浪、你的大湧蓋我。</verse>
				<verse number="4">我想：「你對你的面前給我趕走， 我欲按怎才會當閣看著你的聖殿？」</verse>
				<verse number="5">我互水激甲欲無命； 深淵圍困我； 海草纏牢我的頭殼。</verse>
				<verse number="6">我沉落去到山的根基； 地的門閂永遠給我閂啲； 毋拘，上主 — 我的上帝， 你有救我的性命脫離死亡。</verse>
				<verse number="7">我的性命強欲無去的時， 我想起上主； 我的祈禱進入你的聖殿， 到佇你的面前。</verse>
				<verse number="8">所有擒牢無路用的偶像的人， 棄拺𪜶對你的忠誠。</verse>
				<verse number="9">總是我欲用感恩的聲做祭獻互你， 謝我下的願。 拯救是對上主來！</verse>
				<verse number="10">上主就命令彼尾魚，給 約拿 吐佇陸地。</verse>
			</chapter>
			<chapter number="3">
				<verse number="1">上主的話第二遍傳互 約拿 ，講：</verse>
				<verse number="2">「起來，你去 尼尼微 彼個大城，將我交代你的信息對𪜶宣布。」</verse>
				<verse number="3">約拿 隨時起來，照上主的話去 尼尼微 。 尼尼微 是非常大的城，著三日才行會透。</verse>
				<verse number="4">頭一日， 約拿 入城，宣布講：「閣四十日， 尼尼微 會毀滅。」</verse>
				<verse number="5">尼尼微 人信上帝，就宣布禁食，對大到細攏穿麻衫懺悔。</verse>
				<verse number="6">此個消息傳到 尼尼微 王遐；伊就對王位起來，褪禮服，穿麻衫，坐佇火灰。</verse>
				<verse number="7">伊閣對 尼尼微 人宣布講：「王及大臣下令：人及牲生、牛群羊群，攏不准食物件 — 毋通互𪜶食，毋通互𪜶飲。</verse>
				<verse number="8">人及牲生攏著穿麻衫。逐個人著迫切求叫上帝，著悔改棄拺歹行為及暴力。</verse>
				<verse number="9">無定著上帝會回心轉意，無發大受氣互咱滅亡。」</verse>
				<verse number="10">上帝看著𪜶的所做，有悔改放棄𪜶的歹行為，就改變心意，無將所講的災禍降落佇𪜶身上。</verse>
			</chapter>
			<chapter number="4">
				<verse number="1">約拿 對此個代誌真無歡喜，非常受氣，</verse>
				<verse number="2">就對上主祈禱講：「上主啊，我猶未走離本國的時，豈毋是有按呢講？我趕緊欲走去 他施 ，是因為我知你是有恩典的上帝，充滿憐憫，𣍐快受氣，有豐盛的慈愛，會改變心意無欲降災禍。</verse>
				<verse number="3">上主，歸氣互我死死咧，我死比活啲較好。」</verse>
				<verse number="4">上主應講：「你按呢受氣豈著？」</verse>
				<verse number="5">約拿 就出去城外，到城的東旁，為家己搭一個寮仔，坐佇蔭影下，欲看彼個城到底會發生什麼代誌。</verse>
				<verse number="6">主上帝安排一欉蓖麻，互伊發甲比 約拿 較高，做蔭影遮伊的頭殼，互伊免艱苦； 約拿 因為此欉蓖麻非常歡喜。</verse>
				<verse number="7">隔日透早，上帝安排一尾蟲食此欉蓖麻，蓖麻煞死去。</verse>
				<verse number="8">日出的時，上帝安排炎熱的東風；日頭曝 約拿 的頭殼，互伊強欲暈去；伊就為家己求死，講：「我死比活啲較好。」</verse>
				<verse number="9">上帝對 約拿 講：「你為著此欉蓖麻受氣豈著？」 約拿 應講：「當然！我氣甲欲死。」</verse>
				<verse number="10">上主講：「此欉蓖麻毋是你種的，毋是你互伊大欉的，一暝大欉，隔暝死去，你都會毋甘；</verse>
				<verse number="11">尼尼微 此個大城，內面有十二萬𣍐曉分別好歹的人，閣有真多牲生，我豈毋免給伊疼惜？」</verse>
			</chapter>
		</book>
		<book number="33">
			<chapter number="1">
				<verse number="1">下面是上主對 摩利設 人 彌迦 啟示的話；這是 猶大 王 約坦 、 亞哈斯 、 希西家 續接執政的時， 彌迦 所看見有關 撒馬利亞 及 耶路撒冷 的異象。</verse>
				<verse number="2">萬民啊，著聽！ 全地及所有𫢶佇彼內面的，攏著注意聽。 至高的上主欲對伊的聖殿指證恁的毋著。</verse>
				<verse number="3">看咧，上主欲對伊住的所在出來， 降臨，腳踏佇地高的所在。</verse>
				<verse number="4">眾山會佇伊的腳下熔去， 親像蠟抵著火； 山谷會裂開， 親像大水沖落山坪。</verse>
				<verse number="5">這攏是因為 雅各 的罪過， 因為 以色列 家的罪惡； 雅各 的罪過是什麼？ 豈毋是 撒馬利亞 ？ 猶大 的罪惡是什麼？ 豈毋是 耶路撒冷 ？</verse>
				<verse number="6">所以，我欲互 撒馬利亞 變做荒埔，成做土堆， 做種葡萄的所在； 我欲將伊的城牆捙落去山谷， 互伊露出地基。</verse>
				<verse number="7">撒馬利亞 雕刻的偶像攏會受拍碎， 伊做娼妓得著的財物會互火燒去； 我欲互所有的偶像變做廢物。 撒馬利亞 做娼妓賺的錢， 會閣互人提去開佇娼妓的身上。</verse>
				<verse number="8">彌迦 講：因為按呢，我大聲哀哭， 赤身露體行來行去； 我欲喉叫親像豺狼， 哀哭親像鴕鳥。</verse>
				<verse number="9">因為 撒馬利亞 的傷𣍐醫得， 已經湠到 猶大 ， 到我子民的城門口， 甚至湠到 耶路撒冷 。</verse>
				<verse number="10">毋通佇 迦特 宣傳 此個代誌， 嘛毋通啼哭； 著佇 伯‧亞弗拉 的塵埃 頂翱來翱去。</verse>
				<verse number="11">沙斐 的住民啊，恁會赤身露體見笑， 撒南 的住民走𣍐出來； 伯‧以薛 人哀哭，因為𪜶失去𪜶所倚靠的。</verse>
				<verse number="12">瑪律 的住民迫切期待解救， 因為災禍已經對上主遐來到 耶路撒冷 的城門口。</verse>
				<verse number="13">拉吉 的住民啊，著將戰車套佇快馬準備逃難； 因為你學 以色列 背叛上帝， 導 錫安 的子民犯罪。</verse>
				<verse number="14">你著用禮物給 摩利設‧迦特 送別； 以色列 的君王會互 亞革悉 家騙去 。</verse>
				<verse number="15">瑪利沙 的住民啊，我欲導征服者到你遐； 以色列 的貴族會逃走去 亞杜蘭 。</verse>
				<verse number="16">猶大 家啊，著為所疼的兒女剃家己的頭， 剃甲親像禿頭鷹光光光； 因為𪜶攏受放逐離開恁。</verse>
			</chapter>
			<chapter number="2">
				<verse number="1">佇眠床圖謀不義，計劃歹代的人，慘啊！ 𪜶天一下光就去做歹，因為𪜶掌握權力。</verse>
				<verse number="2">𪜶貪人的園，就給搶； 愛人的厝，就給佔； 𪜶欺壓人及𪜶的家庭， 搶奪人及𪜶的產業。</verse>
				<verse number="3">所以上主講： 看咧，我計劃欲降災禍互恁諸個人； 恁𣍐當脫離此個災禍， 行路頭殼攑𣍐高， 因為這是災難的時。</verse>
				<verse number="4">佇彼日，人會對恁講諷刺的話， 唱悲慘的哀歌，講： 阮害了了啦！ 阮同胞的產業變做別人的； 阮的田地互人搶去， 交互阮的對敵！</verse>
				<verse number="5">所以，佇上主的大會中， 恁絕對𣍐當閣抽籤分土地。</verse>
				<verse number="6">𪜶講：「恁毋通說教，毋通對阮宣講諸個代誌；上帝𣍐互阮見笑。」</verse>
				<verse number="7">雅各 的後代豈通講：「上主的心胸哪赫狹？伊豈會做此款代誌？」我的話對行為正直的人一定有利益。</verse>
				<verse number="8">上帝講：恁諸個計劃歹代的人， 親像對敵起來攻擊我的子民， 搶奪對戰場轉來，期待平安過日的人的外衫。</verse>
				<verse number="9">恁將我子民的婦仁人對溫暖的家庭趕出， 將我對𪜶細子的祝福永遠搶去。</verse>
				<verse number="10">起來，逃走！ 遮毋是恁安全徛起的所在； 因為恁不義的行為， 此個地一定受毀壞，徹底毀壞。</verse>
				<verse number="11">若有人四界行，傳無影跡騙人的話，講： 「我預言，將來恁薄酒厚酒飲𣍐了。」 此款是恁合意的先知。</verse>
				<verse number="12">以色列 所賰的子民啊， 我一定欲給恁攏聚集起來。 我欲給恁安置佇一個所在， 親像羊佇羊椆， 親像羊群佇草場， 人真多，聲真旺。</verse>
				<verse number="13">有一位導頭衝出去， 導𪜶對城門衝出去； 𪜶的王作前行， 上主佇頭前引導𪜶。</verse>
			</chapter>
			<chapter number="3">
				<verse number="1">我講： 雅各 的首領， 以色列 人的官長，著聽！ 恁豈毋知什麼是公平？</verse>
				<verse number="2">恁厭惡良善，意愛邪惡； 恁剝人的皮，剔人的骨。</verse>
				<verse number="3">恁食我子民的肉， 剝𪜶的皮， 摃斷𪜶的骨頭， 剁一塊一塊， 親像欲落鼎煮的肉。</verse>
				<verse number="4">有一日，恁欲求叫上主， 毋拘伊𣍐應答恁； 彼時伊會面越走毋插恁， 因為恁有做邪惡的事。</verse>
				<verse number="5">有關導我的子民行迷路的先知，上主按呢講： 𪜶的嘴若有物通哺，就講「平安和平」； 人若無用物塞𪜶的嘴，𪜶就對許個人宣戰。</verse>
				<verse number="6">所以，暝時欲到，恁看𣍐著異象； 烏暗欲來，恁𣍐當卜卦。 對恁諸個先知， 日頭會落去，日時會變暗暝。</verse>
				<verse number="7">彼時，先見會見笑，卜卦的會漏氣； 𪜶攏掩嘴恬去， 因為上帝無回應。</verse>
				<verse number="8">我咧，上主的神互我充滿氣力、正義感，及勇氣， 通對 雅各 宣告伊的過失， 對 以色列 指出伊的罪。</verse>
				<verse number="9">雅各 的首領， 以色列 人的官長，著注意聽！ 恁厭惡正義， 顛倒是非。</verse>
				<verse number="10">恁用血建立 錫安 ， 用罪惡起造 耶路撒冷 。</verse>
				<verse number="11">恁的首領審判的時收賄賂， 祭司為著工錢教示， 先知為著錢解說上帝的指示； 𪜶竟然敢奉上主的名講： 「上主佇咱中間， 災禍𣍐臨到咱。」</verse>
				<verse number="12">所以，因為恁的緣故， 錫安 會親像田園互人犁， 耶路撒冷 會變做土堆， 此個殿的山會變做樹林的山崙仔。</verse>
			</chapter>
			<chapter number="4">
				<verse number="1">佇將來的日子， 上主聖殿的山會堅立佇眾山的頂面， 比攏總的山嶺較高； 萬民攏會溢倚來歸伊。</verse>
				<verse number="2">萬國會來，講： 「咱來上上主的山， 來去 雅各 的上帝的殿。 伊會用伊的道路教示咱， 互咱通行伊的路。」 律法會對 錫安 發出； 上主的話會對 耶路撒冷 傳開。</verse>
				<verse number="3">伊會佇萬民中施行審判， 為遠遠的強國排解紛爭； 𪜶會將刀拍做犁頭， 將槍拍做鐮刀； 此國𣍐閣攑刀攻擊彼國， 嘛免閣學戰爭。</verse>
				<verse number="4">逐個人攏坐佇家己的葡萄樹腳及無花果樹腳， 無人會給𪜶拍青驚； 這是上主 — 萬軍的統帥親嘴講的。</verse>
				<verse number="5">雖然萬民攏靠家己神明的名生活， 毋拘阮欲奉上主 — 阮的上帝的名行踏，直到永永遠遠。</verse>
				<verse number="6">上主講： 「佇彼日，我欲聚集腳跛的， 招集受放逐的， 及我曾互𪜶受苦的。</verse>
				<verse number="7">我欲互腳跛的成做所賰的子民， 互受放逐的成做強國。 上主欲佇 錫安山 作王治理𪜶， 對此時到永遠。」</verse>
				<verse number="8">耶路撒冷 啊， 錫安 城的堡壘啊， 你做羊群的守望台， 早前的主權欲閣歸互你， 王權欲回復互你。</verse>
				<verse number="9">你是按怎啲大聲哀哭？ 是因為你無王，大臣死了了， 你才親像產婦催陣痛苦是無？</verse>
				<verse number="10">錫安 的子民啊，你會親像產婦催陣痛苦， 因為你會離開此個城去住佇野外，去到 巴比倫 ， 毋拘你會佇遐得著解救。 上主欲對對敵的手中給你贖回。</verse>
				<verse number="11">現在真多國家已經聯合起來欲攻擊你。 𪜶講：著互 錫安 受凌辱， 咱通親目看著。</verse>
				<verse number="12">毋拘𪜶毋知上主的心意， 無明白伊的計劃； 伊已經給𪜶聚集起來， 親像收集麥捆佇五穀場。</verse>
				<verse number="13">上主講： 錫安 的子民啊，起來碖五穀。 我欲互你鐵的角，銅的腳蹄，通拍碎列國， 將𪜶所搶的物提來獻互我， 將𪜶的財物獻互普天下的主。</verse>
			</chapter>
			<chapter number="5">
				<verse number="1">錫安 的子民，著聚集成做軍隊。 咱受圍困攻擊啦； 𪜶用棍啲摃 以色列 領袖的嘴䩃。</verse>
				<verse number="2">以法他 地區的 伯利恆 啊， 你佇 猶大 宗族中雖然微細， 毋拘有一位會對你遐出來， 為我治理 以色列 ； 伊的根源對古早，對上起頭就有。</verse>
				<verse number="3">所以，上主欲將伊的子民交互對敵， 直到彼個啲催陣的婦仁人給子生出來。 彼時，許個受掠猶活啲的同胞會倒來 以色列 遐。</verse>
				<verse number="4">伊欲靠上主的氣力徛出來， 奉上主 — 伊的上帝的名的威嚴， 牧養伊的羊群， 互𪜶安然徛起； 伊會佇全地受尊做大。</verse>
				<verse number="5">此位會互咱四境平安。 亞述 侵犯咱的國土，攻擊咱的堡壘的時， 咱欲指派七個牧者，八個首領反擊。</verse>
				<verse number="6">𪜶會用劍治理 亞述 地， 用拔出來的刀統治 寧錄 地。 亞述 侵犯咱的地，踐踏咱的國土的時， 此位會解救咱。</verse>
				<verse number="7">以色列 所賰的子民佇萬民中， 會親像上主降落的露水， 親像潤澤草的甘霖； 𪜶毋免倚靠人， 毋免期待世間人。</verse>
				<verse number="8">以色列 賰落來的子民佇萬國萬民中， 會親像樹林內百獸中的獅， 親像羊群中間少壯的獅， 𪜶經過的時，會踐踏，拆裂，無人會當解救。</verse>
				<verse number="9">恁會贏過對敵， 消滅恁所有的敵人。</verse>
				<verse number="10">上主講：佇彼日， 我欲對恁中間除去恁的戰馬， 毀壞恁的戰車。</verse>
				<verse number="11">我欲毀壞恁國內的城市， 拆毀恁所有的堡壘。</verse>
				<verse number="12">我欲除去恁手啲弄的邪術， 佇恁遐無閣有卜卦的。</verse>
				<verse number="13">我欲對恁中間除滅雕刻的偶像及石柱像； 恁就無閣跪拜家己的手造的偶像。</verse>
				<verse number="14">我欲對恁中間拔出 亞舍拉 女神的柱像， 閣毀滅恁的城市。</verse>
				<verse number="15">我嘛欲發大受氣， 報應無順趁的列國。</verse>
			</chapter>
			<chapter number="6">
				<verse number="1">著聽上主啲講的話： 起來，佇大山面前提出答辯， 互小山聽著恁的聲。</verse>
				<verse number="2">大山及地堅固的根基啊， 著聽上主的控訴； 上主欲及伊的子民爭辯， 欲控告 以色列 。</verse>
				<verse number="3">我的子民啊，我有對恁做什麼？ 我有什麼互恁為難？ 恁來答辯。</verse>
				<verse number="4">我有導恁出 埃及 ， 救贖恁脫離做奴才的地； 我差 摩西 、 亞倫 、 美莉安 做頭導恁。</verse>
				<verse number="5">我的子民啊，著會記得 摩押 王 巴勒 的計謀， 及 比珥 的子 巴蘭 應伊的話， 會記得對 什亭 到 吉甲 發生的代誌， 通互恁知上主公正的作為。</verse>
				<verse number="6">我著帶什麼就近上主， 帶什麼來敬拜至高的上帝？ 豈著用燒化祭， 抑是一歲的牛仔來就近伊？</verse>
				<verse number="7">上主豈會歡喜千千隻的羊， 抑是萬萬條溪的油？ 我豈著為家己的罪過獻大子， 為我的罪惡獻我的親生子？</verse>
				<verse number="8">人啊，上主已經有指示你什麼是好。 伊要求你的是什麼？ 就是實行公義， 心存慈悲， 謙卑及你的上帝做夥行。</verse>
				<verse number="9">敬畏上主才是智慧。 上主對城出聲呼叫： 「逐個支族及城內的會眾，攏著聽。</verse>
				<verse number="10">我豈會𣍐記得歹人厝內不義的錢財， 𣍐記得無合規格的升及斗？</verse>
				<verse number="11">我豈會容允無公道的天秤，及諞人的秤錘？</verse>
				<verse number="12">城內的好額人充滿強暴， 住民攏講白賊， 𪜶的嘴舌詭詐。</verse>
				<verse number="13">所以我重重給你拍， 為著你的罪給你毀滅。</verse>
				<verse number="14">你食，毋拘食𣍐飽； 腹肚不時空空。 你積聚，毋拘留𣍐牢； 你所賰的，嘛會佇戰亂中受毀壞。</verse>
				<verse number="15">你撒種，無通收成； 掙橄欖，嘛無油通抹身軀； 踏葡萄，嘛無酒通飲。</verse>
				<verse number="16">因為恁遵守 暗利 的規例， 學 亞哈 家的歹行為， 順趁𪜶的計謀， 所以我欲給恁毀滅， 互恁住佇遮的人受恥笑， 恁嘛會擔當我子民的見笑。」</verse>
			</chapter>
			<chapter number="7">
				<verse number="1">我慘啊！我親像一個人， 熱天的果子收成了， 葡萄攏挽了， 尋無歸葩的葡萄通食， 連所愛頭水的無花果嘛尋無。</verse>
				<verse number="2">地上忠實的人攏消失， 世間無正直的人； 所有的人埋伏欲刣人， 逐個用羅網當伊的同胞。</verse>
				<verse number="3">𪜶的手專做歹代， 大臣及審判官討賄賂， 官員公然要求𪜶所愛的； 𪜶互相勾結，計謀做歹。</verse>
				<verse number="4">𪜶中間上好的，不過親像莿； 上正直的親像刺仔籬笆。 你的守望者所警告審判的日到啦， 混亂的日近啦。</verse>
				<verse number="5">毋通信任厝邊，嘛毋通倚靠朋友； 甚至對親密的某講話嘛著小心。</verse>
				<verse number="6">子藐視老父， 查某子及老母作對， 新婦忤逆大家； 人的對敵是家己家內的人。</verse>
				<verse number="7">毋拘我，我欲仰望上主， 欲聽候上帝 — 我的救主； 我的上帝會聽我的祈禱。</verse>
				<verse number="8">我的對敵啊，免為著我的遭遇歡喜； 我雖然跋倒，嘛會閣起來； 我坐佇烏暗中，上主做我的光。</verse>
				<verse number="9">我著忍受上主的受氣， 因為我有得罪伊。 我欲聽候伊為著我的案件辯護， 為我主持公道。 伊會導我進入光明， 互我看著伊的公義。</verse>
				<verse number="10">彼時我的對敵看見，一定真見笑； 𪜶曾恥笑我講：「上主 — 你的上帝佇叨位？」 我會親目看見對敵親像街路的土糜受踐踏。</verse>
				<verse number="11">耶路撒冷 的住民啊，重建城牆的日到啦； 彼日，恁會擴展恁的領土。</verse>
				<verse number="12">彼日，恁的同胞欲倒轉來， 對 亞述 到 埃及 ， 對 埃及 到 幼發拉底河 ， 對此個海到彼個海， 對此個山到彼個山， 𪜶攏欲倒轉來。</verse>
				<verse number="13">毋拘此個地， 會因為住民的歹行為變做荒廢。</verse>
				<verse number="14">上主啊，求你用你的柺牧養你家己的子民， 就是你的羊群，你的產業， 互𪜶𫢶佇有青翠草場包圍的樹林內，無受攪吵， 親像古早佇 巴珊 及 基列 按呢給𪜶牧養。</verse>
				<verse number="15">上主講： 「我欲親像導恁出 埃及 的日按呢， 顯出奇妙的神跡互恁看見。」</verse>
				<verse number="16">列邦看見，會因為家己的氣力見笑， 用手掩嘴，耳孔塞啲。</verse>
				<verse number="17">𪜶會親像蛇舐土粉， 親像啲趖的動物 愕愕惙對匿的孔出來。 𪜶會驚驚惶惶歸向上主 — 咱的上帝。</verse>
				<verse number="18">上帝啊，豈有別個神明會當及你比？ 你赦免罪過， 寬赦所賰的子民犯的過失。 你無永遠囥受氣， 反轉意愛憐憫。</verse>
				<verse number="19">你會閣一遍憐憫阮， 將阮的罪踏佇腳底， 將一切的罪過㧒落深海。</verse>
				<verse number="20">你一定照你古早對阮列祖立誓的應允， 用信實對待 雅各 ， 施落慈愛互 亞伯拉罕 。</verse>
			</chapter>
		</book>
		<book number="34">
			<chapter number="1">
				<verse number="1">下面是有關 尼尼微 的宣告，就是 伊勒歌斯 人 那鴻 所看見的異象的記錄。</verse>
				<verse number="2">上主是要求專情，閣是會報復的上帝； 上主會報復，會發大受氣。 上主會報復伊的對敵， 對伊的敵人發大受氣。</verse>
				<verse number="3">上主𣍐快受氣，毋拘有大氣力； 伊一定𣍐給有罪的判做無罪。 上主經過的路會絞捲螺仔風，會起狂風； 雲是伊的腳絞起來的土粉。</verse>
				<verse number="4">伊責備海，海就焦去， 所有的河攏無水。 巴珊 及 迦密 的草攏焦去， 黎巴嫩 的花嘛謝去。</verse>
				<verse number="5">大山因為上主振動， 小山消熔； 大地佇伊面前搖泏， 世界及𫢶佇彼中間的皮皮惙。</verse>
				<verse number="6">伊起受氣，啥人徛會牢？ 伊發性地，啥人當會起？ 伊的大受氣親像火噴出； 石磐佇伊面前爆甲碎碎碎。</verse>
				<verse number="7">上主至善。 佇患難的日，伊是避難所； 伊照顧所有倚靠伊的人。</verse>
				<verse number="8">毋拘伊會用氾濫的大水毀滅 尼尼微 ， 給對敵趕入烏暗。</verse>
				<verse number="9">恁無論設什麼計謀抵敵上主， 伊會徹底給恁剿滅； 恁𣍐當閣再背叛。</verse>
				<verse number="10">恁親像飲酒醉的人， 親像結歸球的莿， 閣親像焦去的麥稿會互火燒滅。</verse>
				<verse number="11">尼尼微 啊，有一個人會對你遐出來， 圖謀邪惡，設計攻擊上主。</verse>
				<verse number="12">上主對 猶大 的子民講： 「 亞述 人雖然強閣多， 嘛會受毀滅消失。 我的子民啊，我曾互恁受苦， 毋拘以後𣍐閣互恁受苦。</verse>
				<verse number="13">現在我欲摃斷𪜶互恁的軛， 擦斷𪜶捆縛恁的索。」</verse>
				<verse number="14">上主對 尼尼微 宣告： 「你無閣有後代通延續你的名。 我欲對你的神廟除滅雕刻的偶像， 及鑄造的神像； 我欲給你準備墳墓， 因為你無閣有活啲的價值。」</verse>
				<verse number="15">看咧，傳報好消息， 宣布和平的人𬦰上山頂，講： 「 猶大 啊，著守節期，謝恁的願； 歹人𣍐閣侵犯恁， 𪜶會徹底受毀滅。」</verse>
			</chapter>
			<chapter number="2">
				<verse number="1">尼尼微 ，彼個欲拍碎列國的已經出兵攻擊恁； 著顧守堡壘，防備要道， 集中力量，準備應戰。</verse>
				<verse number="2">雖然敵人有給 雅各 搶劫， 毀壞 以色列 的葡萄園， 上主欲回復𪜶的榮光， 回復𪜶的繁榮。</verse>
				<verse number="3">伊的勇士攑紅的盾牌， 戰士攏穿朱紅色的制服； 佇交戰的日，戰車的鋼鐵親像火焰焰熠， 𪜶攑槍舞來舞去。</verse>
				<verse number="4">戰車佇街路快速直衝， 佇開闊的所在闖前闖後； 𪜶看起來親像火把， 衝來衝去親像熠爁。</verse>
				<verse number="5">軍官受召集，青青碰碰趕倚來， 拼到城牆頂，將防衛的擋牌𫞼起來。</verse>
				<verse number="6">水門攏拍開， 宮殿沖無去。</verse>
				<verse number="7">王后受凌辱互人掠去； 宮女搥胸，哀哭親像粉鳥的聲。</verse>
				<verse number="8">尼尼微 早前親像貯水的水池， 今人一直逃走出去； 有人喝「停咧，停咧」， 毋拘無人越倒轉來。</verse>
				<verse number="9">搶噢，搶伊的銀！ 劫伊的金！ 城內有算𣍐了的財寶， 有逐款的寶貝。</verse>
				<verse number="10">尼尼微 攏空空啦，滅亡啦，荒廢啦！ 人的心失膽，腳頭窩皮皮惙，腰無力，面青筍筍。</verse>
				<verse number="11">獅的洞穴，獅仔子食物的所在佇叨位？ 連獅公、獅母、獅仔子四界行，無受嚇驚的所在嘛攏無去啦。</verse>
				<verse number="12">獅公為著獅仔子拆裂夠額的食物， 為著獅母咬死獵物； 伊將拆裂的囤滿伊的洞， 將咬著的，積滿伊的穴。</verse>
				<verse number="13">上主 — 萬軍的統帥講： 「你看，我欲攻擊你， 放火燒毀你的戰車， 用刀劍刣死你的戰士。 我欲對地上毀掉你的戰利品； 人𣍐閣聽著你的使者的聲。」</verse>
			</chapter>
			<chapter number="3">
				<verse number="1">慘啊，刣人流血的城， 詭詐強暴滿滿， 不時有搶劫。</verse>
				<verse number="2">馬鞭嗶爆叫， 車輪浪浪哮， 戰馬奔跑， 戰車砊砊叫；</verse>
				<verse number="3">馬兵衝進前， 刀劍光爁爁， 槍焰焰熠； 受刣的真多， 身屍疊歸堆， 屍體算𣍐了， 人互屍體㧎倒，</verse>
				<verse number="4">因為此個城是妖嬌的娼妓， 迷惑人的尪姨； 伊用淫行引誘列國， 用邪術迷惑萬族。</verse>
				<verse number="5">上主 — 萬軍的統帥講： 「你看，我欲攻擊你； 我欲掀你的裙，掀到蓋著你的面， 互列國看著你的下體， 互列邦看見你的見笑。</verse>
				<verse number="6">我欲將可惡污穢的物㧒佇你的身上， 給你侮辱，公開示眾。</verse>
				<verse number="7">看見你的，攏會走閃，講： 『 尼尼微 荒廢啦！ 啥人會為伊哀傷？』 我欲去叨位尋著安慰你的人？」</verse>
				<verse number="8">你豈有比 底比斯 較堅固？ 伊佇 尼羅河 的河邊， 有河做伊的堡壘，水做伊的城牆。</verse>
				<verse number="9">古實 及 埃及 做伊無限量的氣力； 弗 及 利比亞 及伊聯盟。</verse>
				<verse number="10">猶久伊互人掠去，流放去外國； 伊的嬰仔互人摔死佇逐個街路頭。 伊的貴族互人抽籤，分去； 官員互人用鐵鍊縛啲，掠去。</verse>
				<verse number="11">尼尼微 啊，你嘛會酒醉，顛來顛去， 欲尋所在避難，閃避對敵。</verse>
				<verse number="12">你的要塞攏親像無花果樹， 樹頂結滿初熟的果子； 一下搖，果子就落落去欲食的人的嘴內。</verse>
				<verse number="13">你看，恁的戰士攏親像軟汫的查某人； 門閂互火燒去； 城門開開，出在對敵攻擊。</verse>
				<verse number="14">你著汲水，準備受圍困； 著加強防衛； 著去土窟踏黏土，修理磚仔窯。</verse>
				<verse number="15">毋拘，佇遐你會互火燒滅， 互刀刣死； 你會受毀滅，親像農作物互草蜢仔子食了了。 出在你加添人數親像草蜢仔子， 出在你加添人數親像草蜢赫多。</verse>
				<verse number="16">你加添你的生理人，多甲親像天頂的星； 毋拘𪜶親像草蜢仔子搋翼飛走。</verse>
				<verse number="17">你的貴族親像草蜢， 你的官員親像歸陣的草蜢公， 天氣冷，歇佇籬笆， 日出就飛去，人毋知𪜶去叨位。</verse>
				<verse number="18">亞述 王啊，你的官員啲盹佝， 你的貴族啲睏； 你的人民四散佇山頂， 無人給𪜶招集。</verse>
				<verse number="19">你的傷𣍐醫得； 你受拍真傷重； 聽著你的消息的，攏會拍噗仔。 啥人毋曾因為你的殘忍受害？</verse>
			</chapter>
		</book>
		<book number="35">
			<chapter number="1">
				<verse number="1">下面是先知 哈巴谷 所宣告對上主來的信息。</verse>
				<verse number="2">上主啊，我對你喉叫， 你無聽，欲偌久啊？ 我喝「有強暴」，你哪無來解救？</verse>
				<verse number="3">你是按怎欲互我看見邪惡？ 災難即多，你哪無欲插？ 佇我面前有毀滅及強暴； 衝突及鬥爭不時啲發生。</verse>
				<verse number="4">因為按呢，律法失去效力， 正義𣍐當施行； 歹人欺壓義人， 致到正義受歪曲。</verse>
				<verse number="5">上主講： 「注意觀察恁周圍的國家， 恁會真著驚。 佇恁活啲的日，我欲做一項代誌， 給恁講，恁嘛𣍐相信。</verse>
				<verse number="6">恁看，我欲互殘忍兇暴的 巴比倫 強盛起來； 𪜶欲進軍全世界， 霸佔別人的土地；</verse>
				<verse number="7">𪜶可怕恐怖， 眼中無人，用家己的意志定法律。</verse>
				<verse number="8">「𪜶的戰馬比豹走較緊， 比黃昏的豺狼較猛。 馬兵對遠遠的所在來， 奔跑直闖， 親像鷹鳥衝落來欲吞食。</verse>
				<verse number="9">𪜶來欲行強暴； 𪜶堅決向前進攻， 掠著的俘虜親像沙赫多。</verse>
				<verse number="10">𪜶藐視君王， 譏刺執政者； 𪜶恥笑所有的堡壘， 造土堆給𪜶攻取。</verse>
				<verse number="11">𪜶親像風掃過了後，閣繼續向前； 𪜶是有罪的人，拜家己的氣力做神明。」</verse>
				<verse number="12">上主啊，你豈毋是對古早就存在？ 你是至聖，是阮的上帝，你 永遠𣍐死。 上主啊，你竟然揀選 巴比倫 來審判阮。 阮的石磐啊，你竟然指派伊來刑罰阮。</verse>
				<verse number="13">你的目睭清氣甲𣍐看邪惡， 𣍐看歹代。 是按怎你容忍詭詐的人？ 邪惡的人吞滅比𪜶較正直的人， 是按怎你佯恬恬？</verse>
				<verse number="14">你互人親像海裡的魚， 親像啲趖的蟲， 無領袖給𪜶管理。</verse>
				<verse number="15">巴比倫 用魚鉤給𪜶鉤， 用網給𪜶拋， 用魚網給𪜶網， 給𪜶掠了了。 巴比倫 就歡喜快樂，</verse>
				<verse number="16">對網獻祭， 對魚網燒香， 因為𪜶靠網得著豐富的食物，生活奢侈。</verse>
				<verse number="17">𪜶豈通按呢繼續拋網掠魚， 無情殘殺列國的人民？</verse>
			</chapter>
			<chapter number="2">
				<verse number="1">我欲𬦰上守望台， 徛佇堡壘頂觀看， 聽候上主對我講什麼， 看伊欲按怎應答我的埋怨。</verse>
				<verse number="2">上主應我講： 「將此個啟示寫落來， 清楚刻佇版裡， 互人一下看就明白。</verse>
				<verse number="3">此個啟示啲聽候指定的時間； 時間一下到，所講的結局就會實現。 指定的時間雖然感覺較慢，猶久著等， 因為一定會來，𣍐延遲。</verse>
				<verse number="4">你看，心無正直的人自高自大， 毋拘義的人會對信 來活。」</verse>
				<verse number="5">財富會迷惑人，互人驕傲， 貪慾親像陰府填𣍐淀； 伊的心親像死亡𣍐滿足， 想欲征服萬國，互萬民攏歸順伊。</verse>
				<verse number="6">受征服的人會用俗語譬喻給伊譏刺睥相講： 「你慘啊！ 你囤積偷提來的物件， 用別人的抵押賺大錢， 你做此款歹代欲到底時？」</verse>
				<verse number="7">互你剝削的人豈𣍐忽然興起？ 𪜶豈𣍐興旺互你皮皮惙？ 彼時你會變做𪜶的獵物。</verse>
				<verse number="8">你有搶劫真多國家， 列國中所賰的人嘛會給你搶； 因為你有流人的血， 毀滅境內的城市及內面的住民。</verse>
				<verse number="9">為家己的家積聚不義的錢財， 佇高的所在作巢向望脫離災難， 此款人慘啊！</verse>
				<verse number="10">你計謀欲毀滅真多國的人民， 煞互你的家受恥辱， 害著家己的性命，</verse>
				<verse number="11">連壁的石都會喉叫， 厝的樑嘛會應聲。</verse>
				<verse number="12">用刣人流血建造城， 用罪過建立城市， 此款人慘啊！</verse>
				<verse number="13">你看，人民勞碌得著的互火燒去， 列國拖磨得著的攏落空， 這豈毋是上主 — 萬軍的統帥的作為？</verse>
				<verse number="14">全地欲充滿對上主榮光的認識， 親像水充滿海洋。</verse>
				<verse number="15">互厝邊飲酒，飲甲醉茫茫， 通看𪜶赤身露體， 此款人慘啊！</verse>
				<verse number="16">你得著的毋是尊榮，是極大的凌辱。 今換你飲，飲甲東倒西歪 。 上主大受氣的杯會輪到你遐， 你的榮光會變做見笑。</verse>
				<verse number="17">你有對 黎巴嫩 做兇暴的事， 你會受較大的兇暴； 野獸抵著的毀滅， 會互你驚惶。 你一定會受報應， 因為你有流人的血， 毀滅境內的城市及內面的住民。</verse>
				<verse number="18">雕刻的像是人造的，有什麼利益？ 鑄造的偶像教人虛假，有什麼路用？ 師傅倚靠家己所造的， 伊造的不過是𣍐講話的偶像。</verse>
				<verse number="19">對柴頭講「醒起來」， 對𣍐講話的石頭講「𬦰起來」， 此款人慘啊！ 偶像豈會教示人？ 你看，偶像不過是用金用銀包的， 內面攏無性命。</verse>
				<verse number="20">上主佇伊的聖殿， 全地佇伊的面前攏著肅靜。</verse>
			</chapter>
			<chapter number="3">
				<verse number="1">先知 哈巴谷 的祈禱；調，用「離別」。</verse>
				<verse number="2">上主啊，我聽著你的名聲及你的所做就驚惶。 上主啊，求你佇阮的世代互阮閣看見你偉大的作為， 佇你大受氣的時，求你會記得憐憫阮！</verse>
				<verse number="3">上帝對 提幔 來， 神聖的上帝對 巴蘭山 落來。 伊的榮光蓋滿天； 稱讚伊的聲充滿全地。</verse>
				<verse number="4">伊的燦爛親像日光； 伊的手掌握氣力， 對遐射出熠爁。</verse>
				<verse number="5">瘟疫行佇伊的頭前， 熱病隨佇伊的後面。</verse>
				<verse number="6">伊徛啲，大地就振動； 伊一下看，列邦就皮皮惙。 萬年的大山崩落來； 千古的小山沉落去。 上帝的所行所做，永遠無改變。</verse>
				<verse number="7">我看著 古珊 的布棚受拆毀， 米甸 人住的所在受毀壞。</verse>
				<verse number="8">上主啊，你騎馬，坐得勝的戰車來， 豈是啲對溪發受氣， 對江河起性地， 對海洋發大受氣？</verse>
				<verse number="9">你的弓攏攑出來， 箭嘛已經安好勢。 你用江河分開大地。</verse>
				<verse number="10">山嶺看著你攏驚惶； 大水沖過， 深淵出大聲， 大湧淐高。</verse>
				<verse number="11">你的箭射出光， 你的槍焰焰熠， 日及月煞停佇原位。</verse>
				<verse number="12">你發受氣遍行全地； 你大受氣踐踏列國。</verse>
				<verse number="13">你出來欲解救你的子民， 拯救你選立的王。 你拆毀歹人的厝頂， 拆甲連地基都露現。</verse>
				<verse number="14">你用槍鑿迵𪜶的戰士的頭； 𪜶來親像暴風給我吹走； 𪜶愛佇暗中吞食困苦人。</verse>
				<verse number="15">你騎馬衝過大海， 互海水絞滾夯湧。</verse>
				<verse number="16">我一下聽著，歸身軀皮皮惙； 彼個聲互我的嘴唇㘈㘈顫， 骨頭酥去，腳徛𣍐牢。 我干焦會當恬恬仔聽候 攻擊阮的人抵著災難的日來臨。</verse>
				<verse number="17">雖然無花果樹無茁芛， 葡萄樹無結果子， 橄欖樹無收成， 田園無出五穀， 椆內無半隻羊， 牛椆嘛無牛，</verse>
				<verse number="18">我猶久欲因為上主來歡喜， 因為救我的上帝來快樂。</verse>
				<verse number="19">至高的上主是我的氣力； 伊互我的腳親像鹿母𠢕走， 互我佇高的所在腳步安穩。 交互聖樂長，用弦樂伴奏。</verse>
			</chapter>
		</book>
		<book number="36">
			<chapter number="1">
				<verse number="1">亞們 的子 約西亞 作 猶大 王的時，上主對 希西家 的元孫， 亞瑪利雅 的曾孫， 基大利 的孫， 古示 的子 西番雅 講諸個話。</verse>
				<verse number="2">上主講： 我欲對地上徹底除滅萬物。</verse>
				<verse number="3">我欲除滅人及牲生， 除滅空中的鳥及海裡的魚。 我欲互歹人跋倒𣍐閣起來， 欲對地上毀滅全人類。 上主按呢宣告。</verse>
				<verse number="4">我欲伸手攻擊 猶大 ， 攻擊 耶路撒冷 所有的住民。 我嘛欲對此個所在毀滅猶啲拜巴力的人， 以及服事偶像的祭司。</verse>
				<verse number="5">所有佇厝頂拜天頂萬象的， 及許個敬拜上主指我咒誓，像時閣指神明 米勒公 咒誓的，</verse>
				<verse number="6">以及背叛上主，無尋求我，無求我幫贊的人， 我攏欲給𪜶毀滅。</verse>
				<verse number="7">你著佇至高上主的面前肅靜， 因為上主的日啲欲到啦。 上主已經準備欲犧牲伊的子民， 欲叫對敵來吞食 猶大 。</verse>
				<verse number="8">上主講： 「佇獻祭的日， 我欲刑罰貴族及王的眾子， 以及攏總穿外邦人的衫的。</verse>
				<verse number="9">彼日，我欲刑罰一切迒過戶橂， 互主人的厝 充滿強暴及詭詐的人。」</verse>
				<verse number="10">上主講： 「彼日，佇 魚門 有喝咻， 佇新的城區有哀哭， 對山頂有山崩的聲發出。</verse>
				<verse number="11">住佇低的城區的人啊，著哀叫， 因為生理人攏會消滅， 用銀買賣的有錢人攏會受剿滅。</verse>
				<verse number="12">彼時我欲佇 耶路撒冷 攑燈抄尋； 我欲刑罰許個自滿自大的人， 𪜶想講『上主𣍐賜福，嘛𣍐降災』。</verse>
				<verse number="13">𪜶的財物會互人搶去， 𪜶的厝宅會荒廢； 𪜶起厝，𣍐當住； 栽種葡萄，嘛無酒通飲。」</verse>
				<verse number="14">上主的大日子近啦， 真近，連鞭就到。 聽咧，上主的日是痛苦的日， 勇士都會艱苦哀叫。</verse>
				<verse number="15">彼日是上主大受氣的日， 患難困苦的日， 大災難青凊的日， 烏烏暗暗的日， 烏雲蓋密的日，</verse>
				<verse number="16">歕哨角哄喝的日； 對敵欲攻擊堅固的城， 攻擊城角的高塔。</verse>
				<verse number="17">我欲互人抵著困苦， 互𪜶親像失明的人行路， 因為𪜶得罪上主； 𪜶的血會受摒出親像啲摒土粉， 腸仔腸肚互人㧒确親像啲㧒糞埽。</verse>
				<verse number="18">上主大受氣的日，人的金銀𣍐當救𪜶。 全地會互上主猛烈受氣的火吞滅， 因為伊會真緊剿滅地上所有的住民。</verse>
			</chapter>
			<chapter number="2">
				<verse number="1">毋知見笑的國家， 著聚集！ 佇命令猶未發出， 日子猶未親像粗糠飛去， 上主大受氣猶未到， 伊受氣的日猶未臨到恁以前， 著趕緊聚集！</verse>
				<verse number="2"></verse>
				<verse number="3">地上所有卑微、遵趁上主命令的人， 著尋求上主， 尋公義，求謙卑； 按呢佇上主受氣的日，恁才通逃避災難。</verse>
				<verse number="4">迦薩 會受棄拺， 亞實基倫 會荒廢， 亞實突 會佇透中晝受趕出， 以革倫 會互人連根摳起來。</verse>
				<verse number="5">住佇沿海的 基利提 人慘啊！ 非利士 人啲住的 迦南 地啊， 上主對恁宣判講： 「我欲徹底給你剿滅，無人留佇遮。」</verse>
				<verse number="6">沿海的地會變做草場， 變做有牧者的草寮仔，有羊椆。</verse>
				<verse number="7">此個地會歸互 猶大 所賰的子民， 𪜶會佇遐飼羊； 下昏時𪜶會佇 亞實基倫 的厝歇睏； 因為上主 — 𪜶的上帝會照顧𪜶， 互受掠的人倒轉來。</verse>
				<verse number="8">我有聽著 摩押 的侮辱， 亞捫 人的恥笑； 𪜶侮辱我的子民， 恐嚇欲侵佔𪜶的國土。</verse>
				<verse number="9">因為按呢，上主 — 萬軍的統帥、 以色列 的上帝按呢宣告： 「我指我的性命立誓， 摩押 會親像 所多瑪 ， 亞捫 人會親像 蛾摩拉 ， 莿滿四界，遍地有鹽坑， 永遠荒廢。 我所賰的子民會給𪜶搶奪； 我國內留落來的人民會侵佔𪜶的土地。」</verse>
				<verse number="10">𪜶受著此個報應，是因為𪜶驕傲； 𪜶侮辱，恐嚇上主 — 萬軍的統帥的子民。</verse>
				<verse number="11">上主欲對𪜶顯出威嚴， 互世上的神明衰微； 列國及眾海島的住民 攏會佇家己住的所在敬拜上主。</verse>
				<verse number="12">古實 人啊，恁嘛會互我的刀刣死。</verse>
				<verse number="13">上主欲伸手攻擊北方，剿滅 亞述 ； 互 尼尼微 荒廢，親像焦燥的曠野。</verse>
				<verse number="14">逐種的野獸會歸群歇佇遐； 鵜鶘及豪豬歇佇柱座頂面； 窗仔內有哮的聲，戶橂毀壞， 柏香柴板露出。</verse>
				<verse number="15">此個宴樂安然徛起的城， 曾心內講：「我是全世界上偉大的城！」 今竟然即呢荒廢， 成做野獸歇睏的所在！ 對遐經過的人，攏會幌頭恥笑。</verse>
			</chapter>
			<chapter number="3">
				<verse number="1">此個背逆、污穢、欺壓的城，慘啊！</verse>
				<verse number="2">伊無聽話， 無受教示， 無倚靠上主， 無親近伊家己的上帝。</verse>
				<verse number="3">伊的貴族佇城內是噤噤哮的獅； 伊的審判官是暝時的豺狼， 連一塊仔骨頭都無留到天光。</verse>
				<verse number="4">伊的先知講話無負責，作人詭詐； 伊的祭司拍垃墋聖所，濫用律法。</verse>
				<verse number="5">佇𪜶中間的上主是公義的， 無做不義的事。 伊逐早起施行審判，暝日無停； 毋拘不義的人毋知見笑。</verse>
				<verse number="6">上主講： 「我已經消滅列國， 毀壞𪜶城角的塔； 我互𪜶的街路冷冷清清， 無人經過； 𪜶的城荒廢，無人留佇遐， 攏無人徛起。</verse>
				<verse number="7">我講：『你應該著敬畏我， 著受教示， 才免城內的厝照我的判定受剿滅。』 毋拘𪜶顛倒不斷做敗壞的代誌。」</verse>
				<verse number="8">上主閣講： 「所以，恁著聽候我， 到我起來控告列國彼日； 因為我已經決定欲召集列國， 聚集列邦， 將我的大受氣對𪜶摒落； 全地一定會互我猛烈受氣的火吞滅。</verse>
				<verse number="9">「彼時我欲潔淨萬民的嘴唇， 互𪜶通求叫上主的名， 同心一意服事我。</verse>
				<verse number="10">我拍散的子民會對 古實 的河彼旁轉來， 對我祈禱獻禮物。</verse>
				<verse number="11">「佇彼日，恁𣍐閣因為一切得罪我的事見笑； 彼時我欲對恁中間除去誇口驕傲的人， 恁就𣍐閣佇我的聖山自高。</verse>
				<verse number="12">我會留散赤卑微的人佇恁中間， 𪜶會倚靠我上主得著保護。</verse>
				<verse number="13">以色列 所賰的子民𣍐閣做歹， 𣍐閣講白賊， 嘴內無詭詐的舌； 𪜶會好食好睏， 𣍐閣互人嚇驚。」</verse>
				<verse number="14">錫安 啊，著歡喜唱歌！ 以色列 啊，著大聲歡呼！ 耶路撒冷 啊，著滿心歡喜快樂！</verse>
				<verse number="15">上主已經撤銷對你的審判， 將你的對敵趕走。 上主 — 以色列 的王及你同在； 你免閣驚災害。</verse>
				<verse number="16">佇彼日，人會對 耶路撒冷 講： 「 錫安 啊，毋通驚！ 毋免腳痠手軟。</verse>
				<verse number="17">上主 — 你的上帝及你同在； 伊有大氣力施行拯救， 伊會因為你歡喜快樂， 伊會因為疼你，互你的性命換新 ， 閣因為你，歡喜唱歌。」</verse>
				<verse number="18">上主講： 「我欲聚集許個因為𣍐當守節心艱苦的人， 互𪜶免閣擔受凌辱的重擔。</verse>
				<verse number="19">彼時，我欲刑罰欺壓恁的， 解救腳跛的， 聚集受放逐的。 我欲互許個佇逐所在受凌辱的， 得著稱讚及尊榮。</verse>
				<verse number="20">彼時，我欲給恁聚集，導恁轉來。 我互恁諸個受掠的人回復繁榮的時， 恁會親目看著恁佇地上萬民的中間 得著稱讚及尊榮。」 上主按呢宣布。</verse>
			</chapter>
		</book>
		<book number="37">
			<chapter number="1">
				<verse number="1">大流士 做 波斯 皇帝第二年六月初一，上主交代先知 哈該 傳話互 撒拉鐵 的子 猶大 省長 所羅巴伯 及 約薩達 的子大祭司 耶書亞 。</verse>
				<verse number="2">上主 — 萬軍的統帥按呢講：「諸個人民講上主的聖殿重建的時猶未到。」</verse>
				<verse number="3">彼時，上主交代先知 哈該 傳話講：</verse>
				<verse number="4">「此個聖殿猶荒廢，恁家己豈通住佇裝潢舒適的厝？」</verse>
				<verse number="5">所以上主 — 萬軍的統帥按呢講：「恁著用心檢討恁的行為。</verse>
				<verse number="6">恁撒種多，收成少；恁食，毋曾食到飽；恁飲，毋曾飲到止渴；恁穿，毋曾穿到燒；恁賺錢，攏囥落去破孔的錢袋。」</verse>
				<verse number="7">上主 — 萬軍的統帥按呢講：「著用心檢討恁的行為。</verse>
				<verse number="8">著𬦰去山頂，取一寡木材，起一間我意愛的殿，互我通顯示我的榮光。上主按呢宣布。</verse>
				<verse number="9">「恁期待豐收，顛倒收較少；提轉來的，我用風給𪜶吹走。上主 — 萬軍的統帥講：是按怎我欲按呢做？因為我的殿猶荒廢，恁逐個人竟然為著家己的厝啲無閒。</verse>
				<verse number="10">所以，天無落雨，地無出土產。</verse>
				<verse number="11">我欲用曠旱互土地、山嶺、五穀、新酒、橄欖油、地的出產物、人類、牲生，以及人勞苦得著的物件，攏受著災害。」</verse>
				<verse number="12">彼時， 撒拉鐵 的子 所羅巴伯 及 約薩達 的子大祭司 耶書亞 ，以及所賰的子民，攏服從上主 — 𪜶的上帝的話，就是上主差派來的先知 哈該 的信息。眾人嘛攏敬畏上主。</verse>
				<verse number="13">然後，上主的使者 哈該 奉上主差派，對人民傳話講：「上主講：『我及恁同在。』」</verse>
				<verse number="14">上主有感動 撒拉鐵 的子 猶大 省長 所羅巴伯 ，及 約薩達 的子大祭司 耶書亞 的心，閣感動攏總所賰的人的心；𪜶攏來重建上主 — 萬軍的統帥、𪜶的上帝的聖殿。</verse>
				<verse number="15">𪜶佇 大流士 王第二年六月二十四日開工。</verse>
			</chapter>
			<chapter number="2">
				<verse number="1">七月二一，上主通過先知 哈該 傳話，講：</verse>
				<verse number="2">「今，你著給 撒拉鐵 的子 猶大 省長 所羅巴伯 及 約薩達 的子大祭司 耶書亞 ，以及所賰的人民講：</verse>
				<verse number="3">『恁諸個猶活啲的人，什麼人曾看著此個殿古早的榮光？現在恁看著的是什麼款？佇恁的目睭前豈毋是什麼攏無？』</verse>
				<verse number="4">上主講：『 所羅巴伯 ，著堅強！ 約薩達 的子大祭司 耶書亞 ，著堅強！』上主講：『所有住佇此塊地的人民，著堅強！』上主 — 萬軍的統帥閣講：『著做工！我及恁同在！</verse>
				<verse number="5">這是根據恁出 埃及 的時我互恁的應允。我繼續及恁同在。毋免驚！』</verse>
				<verse number="6">「上主 — 萬軍的統帥按呢講：『閣無偌久，我欲閣一遍互天、地、海，及焦地攏搖泏。』</verse>
				<verse number="7">上主 — 萬軍的統帥講：『我欲互萬國搖泏，互萬國的財寶運來遮，互此個殿充滿榮光。』</verse>
				<verse number="8">上主 — 萬軍的統帥講：『銀是我的，金嘛是我的。』</verse>
				<verse number="9">上主 — 萬軍的統帥閣講：『新起的殿的榮光會超過早前的殿的榮光。佇此個所在，我欲賞賜和平繁榮。』上主 — 萬軍的統帥按呢宣布。」</verse>
				<verse number="10">大流士 坐位第二年九月二十四，上主對先知 哈該 講：</verse>
				<verse number="11">「上主 — 萬軍的統帥按呢講：『你去見祭司，給𪜶問有關律法的問題。</verse>
				<verse number="12">若有人用衫仔裾包奉獻歸聖的肉，然後衫仔裾去磕著餅、湯、酒、油，抑是其他食物，彼個食物豈會當算做聖？』」 祭司應講：「𣍐。」</verse>
				<verse number="13">哈該 閣講：「若有人摸著屍體煞無清氣，伊摸著的食物豈會算做無清氣？」 祭司應講：「會，彼個食物算做無清氣。」</verse>
				<verse number="14">然後 哈該 講：「上主講：『此個子民，此個國佇我目睭前就是按呢；𪜶的手所做逐項工作，所獻逐項祭物嘛攏無清氣。』」</verse>
				<verse number="15">「今恁著用心檢討，佇上主的殿重建以前，</verse>
				<verse number="16">恁按怎啲過日？有人去五穀堆，想講會得著二十斗小麥，只有得著十斗；去酒池，想講會得著五十桶酒，只有得著二十桶。</verse>
				<verse number="17">上主講：『我用火燒風、病害、冰雹給恁處罰，恁猶無悔改。</verse>
				<verse number="18">對今仔日，九月二四，就是下上主聖殿的地基的日起，恁著用心檢討，著省察。</verse>
				<verse number="19">倉庫裡猶有種籽無？雖然葡萄樹、無花果樹、石榴樹、橄欖樹攏猶未結果子，毋拘對今仔日起我欲賜福互恁。』」</verse>
				<verse number="20">像彼日，就是九月二四，上主第二遍對 哈該 講：</verse>
				<verse number="21">「你去給 猶大 省長 所羅巴伯 講：『我啲欲互天及地搖泏，</verse>
				<verse number="22">推翻列國的勢力，閣終止𪜶的權力，捙倒戰車及駛車的，互馬死兵亡，軍中兄弟互相殘殺。』</verse>
				<verse number="23">上主 — 萬軍的統帥講：『 撒拉鐵 的子，我的僕人 所羅巴伯 ，我上主講：佇彼日，我欲用你做我的手指印，因為我有揀選你！』上主 — 萬軍的統帥按呢宣布。」</verse>
			</chapter>
		</book>
		<book number="38">
			<chapter number="1">
				<verse number="1">大流士 坐位第二年八月，上主對 易多 的孫， 比利加 的子先知 撒迦利亞 講：</verse>
				<verse number="2">「上主對恁的祖先發大受氣。</verse>
				<verse number="3">所以你著給人民講：『上主 — 萬軍的統帥按呢吩咐：恁著歸向我，我就轉向恁。』上主 — 萬軍的統帥按呢宣布。</verse>
				<verse number="4">毋通學恁的祖先。以前的先知曾對𪜶宣布：上主 — 萬軍的統帥按呢講：『著回頭離開恁的歹路及歹行為。』毋拘𪜶毋聽，毋順從我。這是上主講的。</verse>
				<verse number="5">今恁的祖先佇叨位？許個先知豈會永遠活啲？</verse>
				<verse number="6">毋拘我吩咐我的僕人眾先知所講的話及規例，已經佇恁祖先的身上實現。後來𪜶回頭，講：『上主 — 萬軍的統帥決定欲照咱的所行所做對待咱。伊已經照按呢做啦。』」</verse>
				<verse number="7">大流士 坐位第二年十一月，就是細罷特月二十四日，上主對 易多 的孫， 比利加 的子先知 撒迦利亞 講話。</verse>
				<verse number="8">我佇暝時看見一個人騎一隻紅馬，徛佇山谷長青樹的中間；佇伊的後面有紅色、棕色、白色的馬。</verse>
				<verse number="9">我問伊：「先生，諸個馬啲表示什麼？」 另外一個及我講話的使者給我講：「我欲指示你諸個是什麼意思。」</verse>
				<verse number="10">彼個徛佇長青樹中間的人應講：「諸個是上主差派來佇地上巡邏的。」</verse>
				<verse number="11">𪜶就給彼個徛佇長青樹中間上主的使者報告講：「阮有佇地上巡邏，看著全地攏平靜無事。」</verse>
				<verse number="12">然後上主的使者講：「上主 — 萬軍的統帥，你對 耶路撒冷 及 猶大 諸個城受氣已經七十年；你無疼惜𪜶欲閣偌久？」</verse>
				<verse number="13">上主就用仁慈安慰的話，應及我講話彼個使者。</verse>
				<verse number="14">及我講話的使者叫我宣告上主 — 萬軍的統帥所講的話：「我深深疼惜 耶路撒冷 ，熱愛 錫安 。</verse>
				<verse number="15">毋拘我對安穩自滿的列國非常受氣；因為我曾對我的子民小可受氣，列國煞趁機會加添𪜶的苦難。</verse>
				<verse number="16">今，我欲倒轉來疼惜 耶路撒冷 ；佇遮我的殿欲重建，城欲重起。」上主 — 萬軍的統帥按呢宣布。</verse>
				<verse number="17">上主的使者閣叫我宣布：「上主 — 萬軍的統帥講：『我諸個城欲閣繁榮發達；上主欲閣安慰 錫安 ，欲閣揀 耶路撒冷 做我家己的城。』」</verse>
				<verse number="18">我攑頭看，看見四支角。</verse>
				<verse number="19">我問及我講話的使者：「諸個角啲表示什麼？」 伊應我講：「諸個是趕散 猶大 、 以色列 、 耶路撒冷 的角。」</verse>
				<verse number="20">上主閣互我看見四個師傅。</verse>
				<verse number="21">我問：「諸個師傅來欲做什麼？」 使者應講：「諸個師傅來，是欲嚇驚列國，拍斷𪜶的角，因為𪜶曾用𪜶的角趕散 猶大 ，互人毋敢攑頭。」</verse>
			</chapter>
			<chapter number="2">
				<verse number="1">我閣攑頭看，看見一個人手提量索。</verse>
				<verse number="2">我問伊：「你欲去叨位？」 伊給我講：「欲去量 耶路撒冷 ，看伊偌闊、偌長。」</verse>
				<verse number="3">後來，及我講話的使者出去，閣有一個使者來接伊，</verse>
				<verse number="4">對伊講：「你趕緊去給彼個少年人講：『 耶路撒冷 欲成做無牆的城，人及牲生揢甲滿滿。』</verse>
				<verse number="5">上主講：『我欲用火做牆四面包圍保護伊，閣我的榮光欲臨在佇彼內面。』」</verse>
				<verse number="6">上主講：「走，緊走，對北方的地逃走轉來！因為我以前有給恁趕散去全地逐所在。</verse>
				<verse number="7">走，住佇 巴比倫 的 錫安 子民，緊走噢！」</verse>
				<verse number="8">上主 — 萬軍的統帥顯出榮光了後，差我去搶掠伊的子民的列國遐，講：「磕著我的子民，就是磕著我的目睭仁。</verse>
				<verse number="9">我欲下手攻擊𪜶，𪜶會互𪜶的奴隸搶。」彼時恁就會知，是上主 — 萬軍的統帥差我來。</verse>
				<verse number="10">上主閣講：「 錫安 的子民，著歡喜唱歌！恁看，我欲來，欲𫢶佇恁中間。</verse>
				<verse number="11">彼日，有真多國會來歸倚上主，做我的子民。我欲𫢶佇恁中間。」按呢，恁就會知，是上主 — 萬軍的統帥差我來恁遮。</verse>
				<verse number="12">上主欲得著 猶大 做伊佇聖地的產業；伊欲閣揀 耶路撒冷 做伊的城。</verse>
				<verse number="13">所有的人佇上主面前攏著肅靜，因為上主對伊的聖所徛出來。</verse>
			</chapter>
			<chapter number="3">
				<verse number="1">上主閣互我看著大祭司 耶書亞 徛佇上主的使者面前，撒旦徛佇 耶書亞 的正旁欲給伊控告。</verse>
				<verse number="2">上主對撒旦講：「撒旦，上主給你責備！揀選 耶路撒冷 的上主責備你！此個人豈毋是對火中抽出來的一塊柴？」</verse>
				<verse number="3">耶書亞 穿垃屑的衫，徛佇使者的面前。</verse>
				<verse number="4">使者給許個啲侍候的講：「給伊的垃屑衫褪起來。」上主給 耶書亞 講：「我已經除去你的罪惡，我欲給你穿禮服。」</verse>
				<verse number="5">上主吩咐著用清氣的禮帽給伊戴佇頭殼。𪜶就給伊穿禮服，戴清氣的禮帽；彼時上主的使者徛佇邊仔啲看。</verse>
				<verse number="6">上主的使者警戒 耶書亞 講：</verse>
				<verse number="7">「上主 — 萬軍的統帥按呢講：『你若遵行我的道路，遵守我的命令，就會當管理我的殿，顧守我的埕；我嘛欲互你佇許個侍候者中間自由出入。</verse>
				<verse number="8">大祭司 耶書亞 ，你及坐佇你面前的祭司伴攏著聽；諸個人是將來欲發生的代誌的兆頭，我欲互新芛，就是我所揀選的王 來臨。</verse>
				<verse number="9">你看，我佇 耶書亞 面前下一塊有七蕊目睭的石。』上主 — 萬軍的統帥講：『看咧，我欲佇彼塊石頂面刻字作證，欲佇一日內擦消此個地的罪。</verse>
				<verse number="10">佇彼日，恁逐個人會請厝邊來葡萄樹腳及無花果樹腳坐。』上主 — 萬軍的統帥按呢宣布。」</verse>
			</chapter>
			<chapter number="4">
				<verse number="1">彼個及我講話的使者閣倚來，給我叫醒，親像給啲睏的人叫精神。</verse>
				<verse number="2">伊問我：「你看著什麼？」 我講：「我有看著一座金燈台，台頂有一個貯油的盆，盆頂有七支燈，逐支燈有七個燈心。</verse>
				<verse number="3">燈台邊有兩欉橄欖樹，一欉佇油盆的正旁，一欉佇倒旁。」</verse>
				<verse number="4">我問及我講話的天使：「先生，諸個啲表示什麼？」</verse>
				<verse number="5">伊應我講：「你毋知諸個是什麼意思噢？」 我講：「先生，我毋知。」</verse>
				<verse number="6">伊給我解說：「上主吩咐 所羅巴伯 的話是按呢：『毋是靠權力，毋是靠才能，著靠我的神。』上主 — 萬軍的統帥按呢宣布。</verse>
				<verse number="7">大山啊，你算什麼？你會佇 所羅巴伯 面前變做平地。伊給上重要的石搬出來的時，眾人會喝講：『上帝賜福！上帝賜福！』」</verse>
				<verse number="8">上主有閣對我講，</verse>
				<verse number="9">所羅巴伯 有給此間聖殿下地基，嘛欲親手完成重建的工作。彼時恁就知上主 — 萬軍的統帥有差我來恁遮。</verse>
				<verse number="10">啥人敢藐視此日，看欲發生的代誌做小事？𪜶一下看著 所羅巴伯 手閣提墜繩會真歡喜。此七支燈是上主啲巡視全地的目睭。</verse>
				<verse number="11">我閣問彼個使者：「此個燈台雙旁的兩欉橄欖樹啲表示什麼？</verse>
				<verse number="12">橄欖樹的兩支樹椏的邊仔，有兩條金的管流出金色的油，啲表示什麼？」</verse>
				<verse number="13">伊應講：「你毋知諸個是什麼意思噢？」 我講：「先生，我毋知。」</verse>
				<verse number="14">伊講：「這是兩個受抹油揀選的僕人，啲侍候全地的主。」</verse>
			</chapter>
			<chapter number="5">
				<verse number="1">我閣攑頭看見有一卷啲飛的冊。</verse>
				<verse number="2">使者問我：「你看著什麼？」 我應講：「我有看著一卷啲飛的冊，長九公尺，闊四公尺半。」</verse>
				<verse number="3">伊就對我講：「此個是對全地發出的咒詛；所有偷提的會照此卷冊的此面所寫的給𪜶除滅；所有作偽證的會照另外彼面所寫的給𪜶除滅。</verse>
				<verse number="4">上主 — 萬軍的統帥有講：我欲送彼卷冊出去，彼卷冊會入去許個偷提的人及指我的名濫糝咒誓的人的厝，會留佇𪜶遐，直到歸間厝連柴及石攏毀壞。」</verse>
				<verse number="5">及我講話的使者出來給我講：「你著攑頭看，看有出現什麼？」</verse>
				<verse number="6">我問：「這是什麼？」 伊講：「是量五穀的桶仔。」 伊閣講：「此個桶仔表示此個地攏總的人的罪 。」</verse>
				<verse number="7">看咧，圓的鉛蓋一下掀開，有一個婦仁人坐佇內面。</verse>
				<verse number="8">使者講：「此個婦仁人表示邪惡。」伊就將彼個婦仁人扼落去桶仔內，閣用彼個鉛蓋蓋啲。</verse>
				<verse number="9">我閣攑頭看，看著兩個婦仁人出現；𪜶有親像鶴的翼。𪜶搋翼順風飛來，將桶仔夯到半空中。</verse>
				<verse number="10">我問及我講話的使者：「𪜶欲給桶仔夯去叨位？」</verse>
				<verse number="11">伊給我講：「欲夯去 巴比倫 ，佇遐給伊起一間廟；等廟起好，就給此個桶仔下佇遐。」</verse>
			</chapter>
			<chapter number="6">
				<verse number="1">我閣攑頭看，看見有四台戰車對兩座銅山的中間出來。</verse>
				<verse number="2">頭一台是紅馬啲拖，第二台烏馬，</verse>
				<verse number="3">第三台白馬，第四台花斑的馬啲拖。</verse>
				<verse number="4">我就問及我講話的使者：「先生，諸個啲表示什麼？」</verse>
				<verse number="5">使者應我講：「諸個啲表示天四面的風；𪜶啲侍候全地的主，今對遐出來。」</verse>
				<verse number="6">烏馬拖的車向北旁去；白馬的車隨佇後面；花斑馬向南旁去。</verse>
				<verse number="7">諸個勇的馬出去，急欲行透全地。使者講：「恁去全地巡邏。」𪜶就去。</verse>
				<verse number="8">伊叫我，給我講：「你看，向北旁去的已經佇北旁，互我的心平靜。」</verse>
				<verse number="9">上主對我講：</verse>
				<verse number="10">「你著將許個流放去 巴比倫 倒轉來的 黑玳 、 多比雅 ，及 耶大雅 所獻的金銀，隨時提去 西番雅 的子 約西亞 的厝，</verse>
				<verse number="11">用許個金銀做禮冠，戴佇 約薩達 的子大祭司 耶書亞 的頭殼頂；</verse>
				<verse number="12">對伊講：『上主 — 萬軍的統帥按呢講：看咧，有一個稱做新芛的欲對伊的本所在茁出來；伊欲起造上主的殿。</verse>
				<verse number="13">就是伊，欲起造上主的殿。伊欲有王的尊榮，坐王位統治；閣會有一個祭司佇伊的寶座邊。𪜶兩個人中間有和諧共識。</verse>
				<verse number="14">此頂禮冠欲下佇上主的殿來記念 黑玳 、 多比雅 、 耶大雅 ，及 西番雅 的子 — 約西亞 。』」</verse>
				<verse number="15">住佇真遠的人嘛會來做夥重建上主的殿。彼時恁就會知，是上主 — 萬軍的統帥差我來恁遮。恁若誠心聽趁上主 — 恁的上帝的話，此個代誌一定實現。</verse>
			</chapter>
			<chapter number="7">
				<verse number="1">大流士 做 波斯 皇帝第四年九月，就是基斯流月初四，上主對 撒迦利亞 講話。</verse>
				<verse number="2">彼時， 伯特利 人已經差 沙利色 及 利堅‧米勒 ，以及隨𪜶的人去懇求上主施恩。</verse>
				<verse number="3">𪜶問上主 — 萬軍的統帥聖殿的祭司以及先知講：「真多年來，阮佇五月攏有啲哀傷禁食，現在豈著閣按呢做？」</verse>
				<verse number="4">上主 — 萬軍的統帥對我講：</verse>
				<verse number="5">「你著給此所在的人民及祭司講：『恁七十年久，佇五月、七月哀傷禁食，豈真正是為著我？</verse>
				<verse number="6">恁食恁飲，豈毋是為著恁家己？</verse>
				<verse number="7">耶路撒冷 及周圍的城人口多閣繁榮，南旁的曠野及西旁的山埔有人徛起的時，上主交代以前的先知宣揚的，豈毋是像款諸個話？』」</verse>
				<verse number="8">上主閣對 撒迦利亞 講：</verse>
				<verse number="9">「上主 — 萬軍的統帥有按呢講：『恁審判著照真實公正；著用慈愛憐憫相對待。</verse>
				<verse number="10">毋通欺負孤兒、寡婦、住佇恁中間的外族人，及散赤人；毋通計謀歹代，互相陷害。』</verse>
				<verse number="11">「毋拘𪜶越轉身，毋肯聽趁，</verse>
				<verse number="12">閣互家己的心硬甲親像鑽石赫呢碇，毋肯聽趁律法，毋聽我上主 — 萬軍的統帥通過伊的神差遣以前的先知傳達的話；所以，我上主 — 萬軍的統帥發大受氣，</verse>
				<verse number="13">因為我有叫，𪜶毋聽。我上主 — 萬軍的統帥講：『按呢，𪜶求叫，我嘛毋聽。</verse>
				<verse number="14">我欲用捲螺仔風給𪜶吹散，吹去𪜶毋識的列國遐。𪜶離開了後，此個地就荒廢，無人出入；𪜶互肥媠的地變做荒埔。』」</verse>
			</chapter>
			<chapter number="8">
				<verse number="1">上主 — 萬軍的統帥對我講話。</verse>
				<verse number="2">伊講：「我深深疼惜 錫安 ，熱愛伊，愛甲心狂火熱。」</verse>
				<verse number="3">上主閣講：「我欲倒來 錫安 ，欲𫢶佇 耶路撒冷 ； 耶路撒冷 欲稱做忠實的城；上主 — 萬軍的統帥的山欲稱做聖山。」</verse>
				<verse number="4">上主 — 萬軍的統帥按呢講：「將來 耶路撒冷 的廣場會閣有長歲壽、攑柺仔的老阿伯、老阿姆佇遐啲坐。</verse>
				<verse number="5">城內的廣場會閣有真多查甫囝仔及查某囝仔佇遐啲𨑨迌。」</verse>
				<verse number="6">上主 — 萬軍的統帥按呢講：「到許個日，流亡倒轉來的子民會看這做無可能；我豈嘛會看這做無可能？」</verse>
				<verse number="7">上主 — 萬軍的統帥閣講：「你看，我欲對日出的所在及日落的所在解救我的子民。</verse>
				<verse number="8">我欲導𪜶倒轉來住佇 耶路撒冷 ；𪜶欲做我的子民，我欲做𪜶的上帝，用信實及公義對待𪜶。」</verse>
				<verse number="9">上主 — 萬軍的統帥按呢講：「著堅強！這是恁佇上主 — 萬軍的統帥的聖殿下地基欲重建的時，所聽著先知講的話。</verse>
				<verse number="10">佇許個日以前，人及牲生攏無人倩，閣因為有對敵，人出入無平安；因為我互人互相敵對。</verse>
				<verse number="11">毋拘，現在我𣍐閣親像以前按呢對待流亡倒轉來的子民。上主 — 萬軍的統帥按呢宣布。</verse>
				<verse number="12">𪜶通平安撒種；葡萄樹會結果子，地出土產，天降露水。我欲互流亡倒轉來的人民享受諸個一切。</verse>
				<verse number="13">猶大 家及 以色列 家啊，以前恁佇列國中互人看做是受咒詛的，現在我欲解救恁，互恁成做受祝福的。毋免驚，著堅強！」</verse>
				<verse number="14">上主 — 萬軍的統帥按呢講：「恁的列祖惹我受氣的時，我有決意降災禍互𪜶，無改變心意。上主 — 萬軍的統帥講：</verse>
				<verse number="15">『現在我決意欲施恩互 耶路撒冷 及 猶大 家，𣍐改變心意。恁毋免驚。</verse>
				<verse number="16">恁應該做的是按呢：著互相講真實話；佇法庭審判著照真實公正，促進和睦。</verse>
				<verse number="17">毋通計謀歹代，互相陷害；毋通咒假誓；因為諸個代誌攏是我所厭惡。』這是上主講的。」</verse>
				<verse number="18">上主 — 萬軍的統帥對我講話。</verse>
				<verse number="19">伊講：「四月、五月、七月、十月禁食的日欲成做 猶大 家歡喜的日子，快樂的節期；所以恁著意愛真實及和平。」</verse>
				<verse number="20">上主 — 萬軍的統帥按呢講：「將來有列國的人及真多城 的住民會來；</verse>
				<verse number="21">此個城的住民會去給彼個城的人講：『咱緊來去尋上主 — 萬軍的統帥，祈求伊施恩；我嘛欲做夥去。』</verse>
				<verse number="22">閣會有真多民族及強國來 耶路撒冷 尋上主 — 萬軍的統帥，求上主施恩。</verse>
				<verse number="23">上主 — 萬軍的統帥閣講：『佇許個日欲有十個外國人來扭一個 猶大 人的衫仔裾，講：阮欲及恁做夥去，因為阮有聽著上帝及恁同在。』」</verse>
			</chapter>
			<chapter number="9">
				<verse number="1">下面是上主有關 哈得拉 地區及 大馬士革 的信息： 世間人，特別是 以色列 逐個支族，𪜶的目睭攏注目啲看上主；</verse>
				<verse number="2">附近的 哈馬 ，甚至真巧的 泰爾 及 西頓 嘛按呢。</verse>
				<verse number="3">泰爾 為著家己起造堡壘，囤積銀親像囤積土沙，積聚金多甲親像街路的土糜。</verse>
				<verse number="4">毋拘，主一定會將伊所有的剝了了，嘛會拍敗伊海上的勢力，燒毀伊的城。</verse>
				<verse number="5">亞實基倫 看著就驚惶； 迦薩 驚甲皮皮惙； 以革倫 的向望會落空。 迦薩 𣍐閣再有君王； 亞實基倫 𣍐閣再有人徛起。</verse>
				<verse number="6">混雜的種族會來 亞實突 定居。我欲除滅 非利士 人的驕傲。</verse>
				<verse number="7">我欲互𪜶無閣食含血的肉，嘴內無閣有𣍐用得食的食物。 非利士 所賰的人會歸順咱的上帝，親像 猶大 的一個宗族； 以革倫 人會親像 耶布斯 人。</verse>
				<verse number="8">我欲紮營保護我的家園，無互對敵侵犯；侵略者𣍐閣來攻擊，因為我現在親身啲顧守。</verse>
				<verse number="9">錫安 的子民啊，著歡喜快樂！ 耶路撒冷 的子民啊，著歡呼！ 你看，你的君王來啦！ 伊勝利凱旋； 伊謙遜騎驢，就是騎驢仔子。</verse>
				<verse number="10">我欲除去 以色列 的戰車， 除滅 耶路撒冷 的戰馬， 遏折交戰的弓。 伊欲對列國宣布和平。 伊的統治會對此個海到彼個海， 對 幼發拉底河 直到地極。</verse>
				<verse number="11">錫安 啊，因為我有用血及你立約， 我欲給恁諸個受掠的人 對無水的深坑解救出來。</verse>
				<verse number="12">恁諸個受掠猶有向望的人啊， 著倒轉來，轉來恁的堡壘。 我今仔日宣布：我欲加倍補償恁。</verse>
				<verse number="13">我欲用 猶大 做我的弓， 用 以色列 做安佇弓的箭。 錫安 啊，我欲激動你的子民， 互𪜶做我的刀劍攻擊 希臘 人。</verse>
				<verse number="14">上主欲出現佇伊子民的頂面； 伊的箭欲親像熠爁射出； 至高的上主欲歕哨角， 坐捲螺仔風對南旁來進攻。</verse>
				<verse number="15">上主 — 萬軍的統帥欲保護伊的子民； 𪜶會吞滅挕石頭的對敵， 會歡呼親像酒醉的人大聲喝； 𪜶會互對敵的血流甲親像獻祭的血， 對祭壇的四角頭溢出來。</verse>
				<verse number="16">彼日，上主 — 𪜶的上帝欲救𪜶， 親像牧者解救羊群； 𪜶會親像王冠的寶石佇伊的地發光。</verse>
				<verse number="17">赫呢好！ 赫呢媠！ 上主賜五穀互少男勇壯， 賜新酒互少女美麗。</verse>
			</chapter>
			<chapter number="10">
				<verse number="1">著佇春天雨期的時對上主求雨； 造烏雲及雷電的上主會落甘霖互所有的人， 互逐個人的田園生產。</verse>
				<verse number="2">恁佇家內服事的神明烏白指示， 卜卦的濫糝報； 𪜶烏白解夢，𣍐當安慰人。 我的子民攏親像羊迷路， 𪜶因為無牧者受欺壓。</verse>
				<verse number="3">我上主 — 萬軍的統帥對許個牧者發大受氣， 欲刑罰導頭的。 我欲看顧我的羊群 猶大 家， 互𪜶變做強猛的戰馬。</verse>
				<verse number="4">所有的領袖攏會對 猶大 家出； 𪜶勇壯可靠親像厝角石， 親像布篷的杙仔， 親像交戰的弓。</verse>
				<verse number="5">𪜶親像啲交戰的勇士， 踐踏對敵親像啲踏街路的土糜， 因為我上主及𪜶同在， 𪜶會勇敢交戰， 拍敗馬兵，互對敵見笑。</verse>
				<verse number="6">我欲互 猶大 強盛， 互 以色列 勝利。 我欲憐憫𪜶，導𪜶轉來， 互𪜶感覺若親像我毋曾給𪜶棄拺。 我是上主 — 𪜶的上帝， 我欲聽𪜶的祈禱。</verse>
				<verse number="7">以色列 會親像勇士； 𪜶會親像飲酒心快樂。 𪜶的子孫會看見來快樂； 𪜶的心會因為上主歡喜。</verse>
				<verse number="8">我欲給𪜶呼倚來， 因為我有決定欲救贖𪜶。 𪜶的人口會加添， 親像以前赫呢多。</verse>
				<verse number="9">我雖然有給𪜶分散去列國， 𪜶會佇遠遠的所在數念我； 𪜶及𪜶的子孫攏會活啲閣倒轉來。</verse>
				<verse number="10">我欲導𪜶對 埃及 倒轉來， 嘛欲對 亞述 導𪜶出來， 導𪜶來 基列 及 黎巴嫩 ， 到許個地區無夠所在通住。</verse>
				<verse number="11">上主經過兇惡的海， 制伏海中的波浪， 互 尼羅河 深的所在焦去， 亞述 的驕傲降做卑微， 埃及 的權力消失。</verse>
				<verse number="12">我上主欲互𪜶靠我堅強， 照我的意思生活行動。 上主按呢宣布。</verse>
			</chapter>
			<chapter number="11">
				<verse number="1">黎巴嫩 ，拍開你的門， 互火燒你的柏香樹。</verse>
				<verse number="2">松樹啊，大聲哮， 因為柏香樹已經倒落去， 媠的樹已經倒壞。 巴珊 的橡樹，大聲哮， 因為茂盛的樹林已經剉了了。</verse>
				<verse number="3">聽咧，有牧者啲哀呻， 因為青翠的草埔受毀壞。 聽咧，有猛獅噤噤哮， 因為 約旦 河邊的樹林已經荒廢。</verse>
				<verse number="4">上主 — 我的上帝按呢講：「著牧養欲互人刣的羊群，</verse>
				<verse number="5">因為給𪜶買去刣的人無想講家己有罪；賣𪜶的講『著稱讚上主，因為我好額啦』；連𪜶的牧者嘛無可憐𪜶。」</verse>
				<verse number="6">上主閣講：「我𣍐閣憐憫此所在的住民。我欲給𪜶攏交互隔壁國及𪜶的統治者，互𪜶來毀滅此個地；我嘛無欲救𪜶脫離對敵的手。」</verse>
				<verse number="7">對按呢，我牧養欲互人刣的羊群，特別是羊群中上困苦的。我提兩支柺仔牧養諸個羊群，一支叫做「恩惠」，一支叫做「聯合」。</verse>
				<verse number="8">一月日內，我開除三個牧者，因為我𣍐當閣容忍𪜶，𪜶嘛討厭我。</verse>
				<verse number="9">我講：「我無欲牧養恁。啲欲死的出在伊死；欲滅亡的，出在伊滅亡；賰的，互𪜶互相吞食。」</verse>
				<verse number="10">我就遏折彼支叫做「恩惠」的柺仔，表示上主廢除及萬民所立的約。</verse>
				<verse number="11">彼日，此個約就廢除。許個啲仰望我的上困苦的羊群，就知這是上主的信息。</verse>
				<verse number="12">我對𪜶講：「恁若同意，就互我工錢；若無，就煞。」𪜶就算互我三十個銀仔做我的工錢。</verse>
				<verse number="13">這是𪜶所估計的好價數。上主給我講：「將銀仔㧒互燒瓷人。」我就提彼三十個銀仔佇上主的聖殿㧒互燒瓷人。</verse>
				<verse number="14">我閣遏折叫做「聯合」的第二支柺仔，表示 猶大 及 以色列 的兄弟關係已經切斷。</verse>
				<verse number="15">上主閣給我講：「著給彼個無路用的牧者所用的器具提起來。</verse>
				<verse number="16">我欲佇此個國家興起一個牧者。啲欲死的，伊無看顧；失迷的，伊無抄尋；受傷的，伊無醫治；勇壯的，伊無養飼；干焦欲食肥羊的肉，拆裂𪜶的蹄。</verse>
				<verse number="17">放拺羊群，無路用的牧者，慘啊！ 伊的手骨會互刀刣，瘸去； 正目互刀傷，失明。」</verse>
			</chapter>
			<chapter number="12">
				<verse number="1">這是上主有關 以色列 的啟示。 給天搋開，建立大地的根基，創造人性命的上主按呢講：</verse>
				<verse number="2">「我欲互 耶路撒冷 成做一杯酒，互四圍諸個國家飲甲醉醉醉； 耶路撒冷 受圍困的時， 猶大 全地嘛會受攻擊。</verse>
				<verse number="3">諸個國家聚集來攻擊的時，我欲互 耶路撒冷 成做重的石頭，互欲夯伊的人攏受重傷。」</verse>
				<verse number="4">上主講：「佇彼日，我欲拍所有的馬，互𪜶著驚，互騎馬的掠狂；我欲搋開目睭看顧 猶大 家，拍列國的馬，互𪜶無看見。</verse>
				<verse number="5">猶大 的族長心內按呢講：『 耶路撒冷 的住民是阮的氣力，因為𪜶倚靠上主 — 萬軍的統帥、𪜶的上帝。』</verse>
				<verse number="6">「佇彼日，我欲互 猶大 的族長親像柴堆中的火種，親像麥稿頂的火把；𪜶會燒對倒旁正旁，將四圍的列國燒滅。 耶路撒冷 會佇原來的所在堅固徛在。</verse>
				<verse number="7">「上主欲代先拯救 猶大 的布棚，才免 大闢 王朝的榮光及 耶路撒冷 住民的榮光贏過 猶大 。</verse>
				<verse number="8">佇彼日，上主欲保護 耶路撒冷 的住民。按呢，𪜶中間上軟汫的會親像 大闢 赫呢勇猛； 大闢 王朝會親像上帝，親像上主的使者佇頭前引導𪜶。</verse>
				<verse number="9">彼日，來攻擊 耶路撒冷 的列國，我一定欲給𪜶剿滅。」</verse>
				<verse number="10">「我欲將憐憫及祈求的神摒落互 大闢 的後代及 耶路撒冷 的住民；𪜶欲仰望我，就是𪜶鑿死彼位；閣欲為著伊哀哭，親像人為著孤子哀哭；閣為著伊憂苦，親像人為著失落大子憂苦。</verse>
				<verse number="11">佇彼日， 耶路撒冷 有大哀哭，親像佇 米吉多 平原的 哈達‧臨門 的哀哭。</verse>
				<verse number="12">全國每一家攏會哀哭： 大闢 家、 拿單 家、 利未 家、 示每 家，及其他所有的家族，攏各做一堆，男女分開哀哭。」</verse>
				<verse number="13"></verse>
				<verse number="14"></verse>
			</chapter>
			<chapter number="13">
				<verse number="1">佇彼日，欲為著 大闢 的後代及 耶路撒冷 的住民開一個水泉，通洗除𪜶的罪惡及垃墋。</verse>
				<verse number="2">上主 — 萬軍的統帥講：「佇彼日，我欲對此個地除去偶像的名，互人𣍐閣記得𪜶；我嘛欲對此個地除去先知及污穢的神。</verse>
				<verse number="3">若有人猶欲講預言，伊的父母會給伊講：『你該死，因為你奉上主的名講白賊。』伊若繼續講，伊的親生父母會給伊鑿死。</verse>
				<verse number="4">佇彼日，逐個假先知會因為所看見的異象感覺見笑，𣍐閣穿先知衫騙人；</verse>
				<verse number="5">伊會講：『我毋是先知，是農夫，一世人作穡。』</verse>
				<verse number="6">人若問伊：『你身軀哪有傷？』伊會應講：『是佇阮朋友𪜶兜受的傷。』」</verse>
				<verse number="7">上主 — 萬軍的統帥講： 「刀劍啊，醒起來，攻擊我的牧者， 攻擊我的同伴。 拍牧者，羊群就四散。 我欲越轉身攻擊細隻羊仔。」</verse>
				<verse number="8">上主講： 「此個地三分二的人會受消滅， 三分一會留啲。</verse>
				<verse number="9">我欲互此三分一的人受火鍛鍊， 親像啲煉金，煉銀。 𪜶會求叫我的名， 我欲應𪜶。 我欲講『恁是我的子民』； 𪜶會應：『上主，你是阮的上帝！』」</verse>
			</chapter>
			<chapter number="14">
				<verse number="1">看咧，上主的日欲到啦，人欲佇你的目睭前分你搶來的物。</verse>
				<verse number="2">我欲召集萬國來攻擊 耶路撒冷 ；城會受攻破，厝受搶劫，婦仁人受凌辱；城內的住民一半互人掠去，賰的留啲。</verse>
				<verse number="3">後來，上主會出去及許個國交戰，及以前像款。</verse>
				<verse number="4">佇彼日，伊會徛佇 耶路撒冷 東旁的 橄欖山 。 橄欖山 會對中央裂開，一半向南移徙，一半向北，對東到西形成非常大的山谷。</verse>
				<verse number="5">恁會順此條我所分開迵到 亞悉 的山谷逃走，親像恁的祖先佇 猶大 王 烏西亞 的時因為地動啲逃走像款。上主 — 我的上帝會導所有的聖者做夥來。</verse>
				<verse number="6">彼日，無日光，𣍐寒，𣍐落霜。</verse>
				<verse number="7">閣有一個特別的日，只有上主知；無分日時抑是暝時，因為暝時嘛有光。</verse>
				<verse number="8">彼日會有活水對 耶路撒冷 流出來；一半流去東旁的 死海 ，一半流去西旁的 地中海 ；冬天夏天攏是按呢。</verse>
				<verse number="9">上主欲做全地的王。彼日，上主至尊無對，伊的名獨一無二。</verse>
				<verse number="10">對北旁的 迦巴 到 耶路撒冷 南旁的 臨門 ，全部的地區攏會變做平原。 耶路撒冷 佇原位高高徛啲，城的範圍對 便雅憫門 經過 舊門 到 角門 ；對 哈楠業樓 到王的酒窟。</verse>
				<verse number="11">耶路撒冷 會有真多人佇遐安居樂業，𣍐閣有受毀滅的咒詛。</verse>
				<verse number="12">許個攻擊 耶路撒冷 的列國，上主欲降災禍互𪜶；𪜶猶活啲的時，肉會爛去，目睭及舌嘛攏會爛去。</verse>
				<verse number="13">佇彼日，上主欲互𪜶起混亂；𪜶扭來扭去，互相攻擊。</verse>
				<verse number="14">猶大 嘛欲佇 耶路撒冷 參戰；彼時，周圍列國真多財物，就是金、銀、衣服，攏會收集倚來。</verse>
				<verse number="15">像款的災禍嘛會臨到敵人的馬、騾、駱駝、驢，以及營中所有的牲生。</verse>
				<verse number="16">所有來攻擊 耶路撒冷 的列國猶活落來的人，逐年會上來敬拜上主 — 萬軍的統帥此位君王，閣守搭寮節。</verse>
				<verse number="17">地上萬族中，無上來 耶路撒冷 敬拜上主 — 萬軍的統帥此位君王的人，雨水𣍐落佇𪜶的土地。</verse>
				<verse number="18">埃及 人若無上來守節，上主𣍐落雨水佇𪜶的土地，上主嘛會用瘟疫刑罰許個無來守搭寮節的列國。</verse>
				<verse number="19">這就是 埃及 及許個無上來守搭寮節的列國所受的刑罰。</verse>
				<verse number="20">佇彼日，馬的頷鈴會刻字：「聖化歸上主」；上主聖殿內的鼎會親像祭壇前的碗像款神聖。</verse>
				<verse number="21">所有 耶路撒冷 及 猶大 的鼎，攏會聖化歸上主 — 萬軍的統帥；所有獻祭的人攏會用諸個鼎煮肉。佇彼日，𣍐閣有人佇上主 — 萬軍的統帥的聖殿內買賣。</verse>
			</chapter>
		</book>
		<book number="39">
			<chapter number="1">
				<verse number="1">下面是上主交代 瑪拉基 對 以色列 子民宣告的信息。</verse>
				<verse number="2">上主給伊的子民講：「我一直攏有啲疼恁。」 毋拘恁講：「你按怎表現你有啲疼阮？」 上主應講：「 以掃 豈毋是 雅各 的兄哥？毋拘我較疼 雅各 ，</verse>
				<verse number="3">較無疼 以掃 。我互 以掃 的山嶺荒廢，將伊的土地交互曠野的豺狼。」</verse>
				<verse number="4">以掃 的後代 以東 人若講：「雖然阮受毀壞，毋拘欲閣重建起來。」彼時上主 — 萬軍的統帥會回答：「出在𪜶去起造，我會給𪜶拆毀，直到人叫𪜶做『邪惡的國家』抑是『互上主永遠受氣的人民』。」</verse>
				<verse number="5">以色列 人一定會親目看見；𪜶會講：「上主佇 以色列 境外嘛受尊崇！」</verse>
				<verse number="6">上主 — 萬軍的統帥給恁諸個祭司講：「子兒尊重老父；僕人敬畏主人。既然我是老父，我應該有的尊重佇叨位？既然我是主人，我應該有的敬畏佇叨位？恁藐視我的名，竟然敢問：『阮曾按怎給你藐視？』</verse>
				<verse number="7">恁將無清氣的食物獻佇我的祭壇頂，竟然閣敢問：『阮曾按怎拍垃墋祭壇？』恁甚至想講上主的祭壇通藐視。</verse>
				<verse number="8">恁獻失明的牲生做祭物，按呢豈著？將腳跛的抑是有病的獻互上帝，按呢豈著？恁提此款禮物獻互恁的省長，伊豈會合意抑是歡喜接納？這是上主 — 萬軍的統帥講的。」</verse>
				<verse number="9">今，恁諸個祭司，去對上帝求情，求伊寬容咱。恁提彼款祭物獻互伊，伊豈會歡喜接納？上主 — 萬軍的統帥按呢講。</verse>
				<verse number="10">上主 — 萬軍的統帥講：「我偌呢愛恁中間有人會給聖殿的門關起來，才免恁佇我的祭壇白白起火。我無合意恁，嘛無愛接納恁獻的祭物。」</verse>
				<verse number="11">上主 — 萬軍的統帥閣講：「全世界，對日出的所在到日落的所在，我的名佇萬國中受敬重，佇逐所在有人對我燒香，獻潔淨的祭物，因為我的名佇萬國中受敬重。</verse>
				<verse number="12">毋拘恁褻瀆我的名；恁想講主的桌受污染，桌頂的食物無清氣。</verse>
				<verse number="13">恁講『諸個有夠囉嗦費氣』。恁竟然給我看輕侮辱！這是上主 — 萬軍的統帥講的。恁提搶來的、腳跛的，抑是有病的牲生做禮物獻互我；我豈會接納恁此款祭物？上主 — 萬軍的統帥按呢問。</verse>
				<verse number="14">若有人下願欲將羊群中的羊獻互我，顛倒用有缺陷的來獻，欺騙我，伊應該受咒詛！因為我是大君王；我的名佇萬國中受敬畏。」 上主 — 萬軍的統帥按呢宣布。</verse>
			</chapter>
			<chapter number="2">
				<verse number="1">上主 — 萬軍的統帥對恁諸個祭司講：「此個命令是互恁的：</verse>
				<verse number="2">恁若毋聽趁，毋囥佇心內，無將榮光歸互我，我就欲互咒詛臨到恁，互恁的福氣變做咒詛。無毋著，我已經給恁咒詛啦，因為恁無將我的命令囥佇心內。</verse>
				<verse number="3">我欲責罰恁的後代，用恁佇節期獻的牲生的糞抹恁的面，給恁提出去糞堆㧒确。</verse>
				<verse number="4">彼時恁就知我有互恁此個命令，是欲互我及 利未 的後代所立的約會當確立。上主 — 萬軍的統帥按呢宣告。</verse>
				<verse number="5">「我及 利未 的後代立的約是應允賜活命及和平的約，目的是愛𪜶敬畏我。𪜶確實有敬畏我，尊重我。</verse>
				<verse number="6">𪜶有傳授真理的教示，無講不義的話。𪜶及我仝步調行和平正直的路，互真多人越倒轉離開罪惡。</verse>
				<verse number="7">祭司的責任是維護智識，人人著對𪜶尋求教示，因為𪜶是上主 — 萬軍的統帥的使者。</verse>
				<verse number="8">「毋拘恁諸個祭司離開正路，互真多人因為恁的教示跋倒犯罪。恁已經破壞我及 利未 人立的約。上主 — 萬軍的統帥按呢講。</verse>
				<verse number="9">所以，我顛倒欲互 以色列 子民給恁看輕，互恁佇大眾面前受凌辱；因為恁無遵守我的旨意，看人的面色解說律法。」</verse>
				<verse number="10">咱大家豈毋是有像一個老父？豈毋是像一位上帝創造咱？按呢，是按怎咱互相背信，違背上帝及咱列祖所立的約？</verse>
				<verse number="11">猶大 人民的行為詭詐，佇 以色列 及 耶路撒冷 做可惡的代誌，因為𪜶有拍垃墋上主所意愛的聖殿，娶服事外邦神明的女子做某。</verse>
				<verse number="12">做此款代誌的，無論什麼款人，雖然𪜶獻祭物互上主，願上主 — 萬軍的統帥對 以色列 族群中給𪜶趕出。</verse>
				<verse number="13">恁另外有閣做一項代誌。恁悲慘哀哭，目屎淹滿上主的祭壇，因為伊無閣再歡喜接納恁獻互伊的祭物。</verse>
				<verse number="14">恁問：「是按怎上主無愛接納？」是因為你有背叛你少年的時娶的某，伊是你的匹配，你有及伊立約。上主是你及伊中間的證人。</verse>
				<verse number="15">人若是猶有一屑仔靈性，伊𣍐按呢做。上帝所意愛的豈毋是對伊忠誠的後代？所以，著謹慎，毋通背叛恁少年的時娶的某。</verse>
				<verse number="16">上主 — 以色列 的上帝按呢講：「我討厭離婚。我討厭恁中間有人對家己的某做此款殘忍的代誌。所以，著謹慎，毋通對家己的某不忠背信。」上主 — 萬軍的統帥按呢宣布。</verse>
				<verse number="17">恁的談論互上主厭倦操煩。恁猶啲問：「阮按怎啲互伊厭倦操煩？」是因為恁講：「上主看所有作歹的人做好人，閣合意此款人。」閣講：「公義的上帝佇叨位？」</verse>
			</chapter>
			<chapter number="3">
				<verse number="1">上主 — 萬軍的統帥講：「我欲差遣我的使者準備我頭前的路；恁啲尋求的主會忽然間來到伊的聖殿。恁所仰望彼位立約的使者啲欲來啦。</verse>
				<verse number="2">「毋拘伊來的日啥人接載會牢？伊出現的時啥人徛會在？伊親像煉金的人用的火，親像漂布的人用的鹼。</verse>
				<verse number="3">伊欲來審判，親像人啲提煉純金；伊欲淨化 利未 的後代，鍛鍊𪜶親像啲鍛鍊金銀，一直到𪜶會當獻合宜的祭物互上主。</verse>
				<verse number="4">彼時， 猶大 及 耶路撒冷 的人民，欲獻上主所歡喜接納的祭物，及古早的年日像款。」</verse>
				<verse number="5">上主 — 萬軍的統帥講：「我欲徛出來佇恁面前施行審判；我欲趕緊作證控告許個行邪術的、犯姦淫的、濫糝咒誓的、剝削工人的工錢的、欺壓孤兒寡婦的、枉屈出外人的 — 就是所有無敬畏我的人。」</verse>
				<verse number="6">「因為我是上主，我𣍐改變，所以恁諸個 雅各 的子孫𣍐滅亡。」</verse>
				<verse number="7">上主 — 萬軍的統帥講：「對恁祖先的時代開始，恁不時違背我的規例，無啲遵守。今恁著歸向我，我就轉向恁。毋拘恁問：『阮欲按怎歸向你？』</verse>
				<verse number="8">我問恁：『人偷提上帝的物豈著？恁竟然有人啲偷提我的物！』恁問：『阮按怎給你偷？』恁就是無照規定奉獻十分一及其他的捐獻。</verse>
				<verse number="9">恁攏會受重的咒詛，因為恁全國攏啲給我偷。」</verse>
				<verse number="10">上主 — 萬軍的統帥講：「恁著將十分一的奉獻全數提來囥佇庫房，按呢我的聖殿就有夠額的食物。來，來試看我會為著恁開天窗，將福氣摒落來互恁抑𣍐？」</verse>
				<verse number="11">上主 — 萬軍的統帥閣講：「我欲阻止草蜢毀壞恁土地的出產，欲互園裡的葡萄樹結真多葡萄。」</verse>
				<verse number="12">上主 — 萬軍的統帥講：「按呢，萬國攏會講恁上有福氣，因為恁的地會互人佇遐安居樂業。」</verse>
				<verse number="13">上主講：「恁有用忤逆的話激我。恁講：『阮曾用什麼話激你？』</verse>
				<verse number="14">恁曾講：『侍奉上帝無採工。阮遵守伊的命令，抑是佇上主 — 萬軍的統帥面前哀傷啼哭行來行去，有什麼路用？</verse>
				<verse number="15">阮看著的是自高的人快樂，做歹的人興旺；𪜶試探上帝嘛免受刑罰。』」</verse>
				<verse number="16">然後，許個敬畏上主的人互相談論，上主有注意聽。佇伊面前有一本記錄的冊，內面記載許個敬畏上帝尊崇伊名的人。</verse>
				<verse number="17">上主 — 萬軍的統帥講：「佇我採取行動彼日，𪜶會成做我特別的子民；我會疼惜𪜶，親像父母疼惜許個服事𪜶的子兒。</verse>
				<verse number="18">彼時，恁會閣一遍看出正直的人及邪惡的人、服事上帝及無服事伊的人的差別。」</verse>
			</chapter>
			<chapter number="4">
				<verse number="1">上主 — 萬軍的統帥按呢講：「恁看，日子啲欲到，彼日會親像啲𤏸的火爐；時到，所有自高及作惡的人攏會親像麥稿，互火燒甲連根及枝都攏無去。</verse>
				<verse number="2">毋拘，恁諸個敬畏我的人，公義的日頭會出現給恁照；伊的光有醫治的功能。恁會親像牛仔出牛椆噗噗跳。」</verse>
				<verse number="3">上主 — 萬軍的統帥講：「佇我採取行動彼日，恁會踐踏邪惡的人，親像啲踏腳下的土粉。</verse>
				<verse number="4">「著會記得我的僕人 摩西 的律法，就是我佇 何烈山 吩咐 以色列 人著遵守的規例及命令。</verse>
				<verse number="5">「你看，佇上主彼個大閣通驚的日子來臨以前，我欲差遣先知 以利亞 去恁遐。</verse>
				<verse number="6">伊會互老父的心轉向子兒，子兒的心轉向老父，才免我來的時徹底毀滅此個地。」</verse>
			</chapter>
		</book>
	</testament>
	<testament name="New">
		<book number="40">
			<chapter number="1">
				<verse number="1">這是耶穌基督的家譜：耶穌是 大闢 的後代， 大闢 是 亞伯拉罕 的後代。</verse>
				<verse number="2">亞伯拉罕 生 以撒 ， 以撒 生 雅各 ， 雅各 生 猶大 及伊的兄弟。</verse>
				<verse number="3">猶大 對 她瑪 生 法勒斯 及 謝拉 ， 法勒斯 生 希斯崙 ， 希斯崙 生 亞蘭 ，</verse>
				<verse number="4">亞蘭 生 亞米拿達 ， 亞米拿達 生 拿順 ， 拿順 生 撒門 ，</verse>
				<verse number="5">撒門 對 喇合 生 波阿斯 ， 波阿斯 對 路得 生 俄備得 ， 俄備得 生 耶西 ，</verse>
				<verse number="6">耶西 生 大闢 王。 大闢 對 烏利亞 的某生 所羅門 ，</verse>
				<verse number="7">所羅門 生 羅波安 ， 羅波安 生 亞比雅 ， 亞比雅 生 亞撒 ，</verse>
				<verse number="8">亞撒 生 約沙法 ， 約沙法 生 約蘭 ， 約蘭 生 烏西亞 ，</verse>
				<verse number="9">烏西亞 生 約坦 ， 約坦 生 亞哈斯 ， 亞哈斯 生 希西家 ，</verse>
				<verse number="10">希西家 生 瑪拿西 ， 瑪拿西 生 阿摩司 ， 阿摩司 生 約西亞 。</verse>
				<verse number="11">以色列 人受遷徙去 巴比倫 的時， 約西亞 生 約雅斤 及伊的兄弟。</verse>
				<verse number="12">受遷徙去 巴比倫 以後， 約雅斤 生 撒拉鐵 ， 撒拉鐵 生 所羅巴伯 ，</verse>
				<verse number="13">所羅巴伯 生 亞比玉 ， 亞比玉 生 以利亞敬 ， 以利亞敬 生 亞所 ，</verse>
				<verse number="14">亞所 生 撒督 ， 撒督 生 亞金 ， 亞金 生 以律 ，</verse>
				<verse number="15">以律 生 以利亞撒 ， 以利亞撒 生 馬但 ， 馬但 生 雅各 ，</verse>
				<verse number="16">雅各 生 約瑟 ， 約瑟 是 馬利亞 的丈夫；彼個稱做基督的耶穌是對此個 馬利亞 生的。</verse>
				<verse number="17">按呢，對 亞伯拉罕 到 大闢 攏總有十四代，對 大闢 到受遷徙去 巴比倫 有十四代，對受遷徙去 巴比倫 到基督嘛有十四代。</verse>
				<verse number="18">耶穌基督出世的經過是按呢：伊的老母 馬利亞 已經及 約瑟 定婚，猶未結婚就對聖神懷孕。</verse>
				<verse number="19">伊的未婚夫 約瑟 是正直的人，無愛互伊佇人的面前見笑，想欲暗中解除婚約。</verse>
				<verse number="20">伊啲想此個代誌的時，佇眠夢中，主的天使對伊出現，講：「 大闢 的後代 約瑟 ，毋免驚，著娶 馬利亞 入門做某，因為伊所懷孕的胎是對聖神來的。</verse>
				<verse number="21">伊會生一個查甫子，你著給伊號名叫做耶穌，因為伊欲救伊的子民脫離𪜶的罪。」</verse>
				<verse number="22">這一切的事發生是欲應驗主託先知所講的話：</verse>
				<verse number="23">你看，在室女會懷孕生子， 伊的名欲叫做以馬內利。 「以馬內利」的意思是「上帝及咱同在」。</verse>
				<verse number="24">約瑟 一下睏醒，就照主的天使所吩咐娶 馬利亞 入門做某，</verse>
				<verse number="25">不過此個查甫子猶未出世以前無及 馬利亞 同房。嬰仔出世， 約瑟 就給伊號名叫做耶穌。</verse>
			</chapter>
			<chapter number="2">
				<verse number="1">希律 作王的時，耶穌佇 猶太 的 伯利恆 出世。有幾若個星象家對東方來到 耶路撒冷 。</verse>
				<verse number="2">𪜶問講：「彼個出世做 猶太 人的王的佇什麼所在？阮有看著伊的星出現，專工來欲拜伊。」</verse>
				<verse number="3">希律 王聽著，心內著急不安； 耶路撒冷 全城的人嘛是按呢。</verse>
				<verse number="4">伊就召集所有的祭司長及民間的經學教師，問𪜶講：「基督應該佇什麼所在出世？」</verse>
				<verse number="5">𪜶應講：「 猶太 的 伯利恆 。因為先知有按呢記載：</verse>
				<verse number="6">猶大 地區的 伯利恆 啊， 你佇 猶大 城市中毋是上微細的； 因為有一個領袖會對你遐出來， 伊欲牧養我的子民 以色列 。」</verse>
				<verse number="7">希律 就暗中召彼幾個星象家，詳細給𪜶問彼粒星什麼時出現。</verse>
				<verse number="8">後來，伊差𪜶去 伯利恆 ，講：「恁去詳細查問關係此個細漢囝仔的事；尋著，著來報我知，我嘛通去拜伊。」</verse>
				<verse number="9">𪜶聽王的話就去。𪜶佇東方看著的彼粒星做頭導𪜶，來到彼個細漢囝仔的所在就停佇頂面。</verse>
				<verse number="10">𪜶看著彼粒星，非常歡喜。</verse>
				<verse number="11">𪜶入去厝內，看著細漢囝仔及伊的老母 馬利亞 ，就仆落去拜伊，然後開𪜶的寶盒，將黃金、乳香，及沒藥做禮物獻互伊。</verse>
				<verse number="12">後來，佇眠夢中上帝指示𪜶毋通倒去 希律 遐，𪜶就對別條路倒去本國。</verse>
				<verse number="13">星象家離開了後，主的天使佇 約瑟 的眠夢中對伊出現，講：「起來，導細漢囝仔及伊的老母逃走去 埃及 ，住遐到我講通離開的時，因為 希律 啲尋此個細漢囝仔，欲給伊刣死。」</verse>
				<verse number="14">約瑟 就起來，導細漢囝仔及伊的老母透暝離開去 埃及 ，</verse>
				<verse number="15">住佇遐到 希律 死。這是欲應驗主通過先知所講的話：我有召我的子出 埃及 。</verse>
				<verse number="16">希律 一下知家己互星象家騙去，非常受氣，就差人將 伯利恆 以及周圍所有的查甫囝仔，照伊對星象家詳細查問的時算起，兩歲以下的攏刣死。</verse>
				<verse number="17">此個代誌有應驗主通過先知 耶利米 所講的話：</verse>
				<verse number="18">佇 拉瑪 有聽著聲， 啼哭真悲傷； 蕾潔 為著伊的子兒啲哭， 毋肯受安慰，因為𪜶攏無去啦。</verse>
				<verse number="19">希律 死以後，主的天使佇 埃及 ，佇 約瑟 的眠夢中對伊出現，</verse>
				<verse number="20">講：「起來，導細漢囝仔及伊的老母倒去 以色列 地；因為欲害細漢囝仔的性命許個人已經死。」</verse>
				<verse number="21">約瑟 就起來，導細漢囝仔及伊的老母倒去 以色列 地。</verse>
				<verse number="22">約瑟 聽見 亞基老 續接伊的老父 希律 做 猶太 的王，毋敢倒去遐；後來佇眠夢中得著指示，就退去 加利利 境內，</verse>
				<verse number="23">到一個城叫做 拿撒勒 ，住佇遐。這是欲應驗主通過先知所講的話：伊欲叫做 拿撒勒 人。</verse>
			</chapter>
			<chapter number="3">
				<verse number="1">當時，施洗者 約翰 來 猶太 的曠野啲傳道。</verse>
				<verse number="2">伊宣揚講：「恁著悔改，因為天國啲欲實現啦！」</verse>
				<verse number="3">此個人就是先知 以賽亞 所啲講的： 有聲佇曠野啲喝： 著為主準備道路， 為伊修直小路。</verse>
				<verse number="4">約翰 穿駱駝毛的衫，腰縖皮帶，所食的是草蜢及野蜜。</verse>
				<verse number="5">有真多人對 耶路撒冷 、 猶太 逐所在，及 約旦河 一帶來伊遐，</verse>
				<verse number="6">認罪，佇 約旦河 對伊領受洗禮。</verse>
				<verse number="7">約翰 看著真多法利賽派及撒都該派的人嘛來領受洗禮，就對𪜶講：「恁諸個毒蛇，什麼人警告恁閃避上帝啲欲發的受氣？</verse>
				<verse number="8">著用行為證明恁有悔改。</verse>
				<verse number="9">恁毋通家己想講『 亞伯拉罕 是阮的祖先』，我給恁講，上帝會當用諸個石頭造子孫互 亞伯拉罕 。</verse>
				<verse number="10">斧頭已經靠佇樹頭；所有無結好果子的樹攏欲給剉起來，㧒落火。</verse>
				<verse number="11">我用水給恁洗禮，表示恁已經有悔改；毋拘佇我後面啲來彼位比我較有權能，我連給伊捾鞋都𣍐堪得；伊欲用聖神及火給恁洗禮。</verse>
				<verse number="12">伊的手提簸箕 ，欲將麥埕的麥簸清氣，麥仔收入倉庫，麥芒 就用𣍐化的火給伊燒掉。」</verse>
				<verse number="13">彼時，耶穌對 加利利 來 約旦河 約翰 遐，欲對伊領受洗禮。</verse>
				<verse number="14">約翰 欲給伊阻止，講：「我應該對你領受洗禮，你反轉來尋我？」</verse>
				<verse number="15">耶穌應講：「咱現在按呢做才合上帝一切的要求。」 約翰 就同意。</verse>
				<verse number="16">耶穌領受洗禮以後隨時對水裡起來；忽然天為著伊開，伊看見上帝的神親像粉鳥降落來，歇佇伊身上。</verse>
				<verse number="17">閣對天有聲講： 此個是我所疼的子， 伊，我真意愛。</verse>
			</chapter>
			<chapter number="4">
				<verse number="1">後來，耶穌互聖神導去曠野，佇遐受魔鬼試探。</verse>
				<verse number="2">耶穌禁食四十暝日，後來就枵。</verse>
				<verse number="3">試探者倚來對伊講：「既然你是上帝的子，命令諸個石頭變做餅！」</verse>
				<verse number="4">耶穌應講：「聖經有記載： 人啲活毋若倚靠餅， 是倚靠對上帝的嘴所出的逐句話。」</verse>
				<verse number="5">然後，魔鬼導耶穌入去聖殿，互伊徛佇聖殿厝頂上高的所在，</verse>
				<verse number="6">對伊講：「既然你是上帝的子，跳落去！因為聖經有記載： 上帝會為著你命令伊的天使， 𪜶會用手扶你， 互你的腳𣍐磕著石頭。」</verse>
				<verse number="7">耶穌應講：「聖經閣有記載： 毋通試探主 — 你的上帝。」</verse>
				<verse number="8">魔鬼閣導耶穌上一個真高的山，將世上萬國及𪜶的榮華互伊看，</verse>
				<verse number="9">對伊講：「你若仆落來拜我，諸個一切我攏互你。」</verse>
				<verse number="10">耶穌應講：「撒旦，走！聖經有記載： 著拜主 — 你的上帝， 只有服事伊。」</verse>
				<verse number="11">然後魔鬼離開耶穌；有天使來給伊侍候。</verse>
				<verse number="12">耶穌聽著 約翰 互人掠去就退去 加利利 。</verse>
				<verse number="13">伊離開 拿撒勒 去住佇 西布倫 及 拿弗他利 地區， 加利利 湖邊的 迦百農 。</verse>
				<verse number="14">這是欲應驗通過先知 以賽亞 所講的話：</verse>
				<verse number="15">西布倫 的地， 拿弗他利 的地， 沿海的路， 約旦河 東岸， 外邦人的 加利利 ，</verse>
				<verse number="16">𫢶佇烏暗中的人有看見大光； 𫢶佇死蔭的地的有光照𪜶。</verse>
				<verse number="17">對彼時，耶穌開始宣揚講：「著悔改，因為天國啲欲實現啦！」</verse>
				<verse number="18">耶穌佇 加利利 湖邊啲行的時，看著兩個兄弟，叫做 彼得 的 西門 及伊的小弟 安得烈 ，佇湖裡啲拋網，因為𪜶是掠魚的。</verse>
				<verse number="19">伊對𪜶講：「來隨我，我欲互恁得著人親像掠魚的得著魚。」</verse>
				<verse number="20">𪜶隨時給網放咧，去隨耶穌。</verse>
				<verse number="21">耶穌行進前，看著另外兩個兄弟， 西庇太 的子 雅各 及伊的小弟 約翰 。𪜶及老父 西庇太 佇船頂啲整理網，伊就呼召𪜶。</verse>
				<verse number="22">𪜶隨時將船及老父放咧，去隨耶穌。</verse>
				<verse number="23">耶穌到 加利利 逐所在，佇𪜶的會堂教示人，傳天國的福音，醫好民間逐款的病症。</verse>
				<verse number="24">伊的名聲傳到 敘利亞 的逐所在。人將所有的病人，就是邪神附身、羊眩，及半身不遂等，患著逐款症頭及病疼的人攏導來伊遐，伊就給𪜶醫好。</verse>
				<verse number="25">有一大陣人對 加利利 、 低加坡里 、 耶路撒冷 、 猶太 ，及 約旦河 東岸來隨伊。</verse>
			</chapter>
			<chapter number="5">
				<verse number="1">耶穌看著一大陣人，就𬦰上山。伊坐落去，門徒倚來，</verse>
				<verse number="2">就開始教示𪜶，講：</verse>
				<verse number="3">「心靈散赤的人真有福氣， 因為天國是此款人的。</verse>
				<verse number="4">憂傷的人真有福氣， 因為上帝會給𪜶安慰。</verse>
				<verse number="5">溫柔的人真有福氣， 因為上帝會互𪜶承受應允的土地。</verse>
				<verse number="6">枵嘴焦欣慕上帝旨意實現的人真有福氣， 因為上帝會互𪜶飽足。</verse>
				<verse number="7">𠢕憐憫的人真有福氣， 因為上帝會給𪜶憐憫。</verse>
				<verse number="8">心清氣的人真有福氣， 因為𪜶會見著上帝。</verse>
				<verse number="9">促進和平的人真有福氣， 因為𪜶會成做上帝的子兒。</verse>
				<verse number="10">為著實踐上帝的旨意受迫害的人真有福氣， 因為天國是此款人的。</verse>
				<verse number="11">「為著我的緣故，人給恁侮辱，迫害，講逐款歹話誹謗，恁真有福氣。</verse>
				<verse number="12">著歡喜快樂，因為恁佇天頂的報賞真大；恁以前的先知嘛曾按呢受迫害。」</verse>
				<verse number="13">「恁是地上的鹽；鹽若失味，欲按怎互伊閣鹹？鹽失味就無路用，只有挕拺，互人踐踏。</verse>
				<verse number="14">「恁是世間的光。起佇山頂的城蓋𣍐牢。</verse>
				<verse number="15">人點燈了後𣍐用斗 給伊蓋起來，一定會給伊𫞼佇燈台頂，通給厝內所有的人照光。</verse>
				<verse number="16">親像按呢，恁的光著照佇人的面前，通互𪜶看見恁的好行為來榮光恁的天父。」</verse>
				<verse number="17">「毋通想講我來是欲廢除 摩西 的律法抑是先知的教示。我來毋是欲廢除，是欲實現。</verse>
				<verse number="18">我實在給恁講，天及地會消失，律法的一點一劃絕對𣍐消失，攏會實現。</verse>
				<verse number="19">所以，無論什麼人犯著諸個誡命上細的一條，閣教人按呢去犯，佇天國伊算做是上細的。無論什麼人家己遵守，嘛教人遵守，佇天國此個人算做是上大的。</verse>
				<verse number="20">我給恁講，恁若無比經學教師及法利賽派的人閣較忠實遵守上帝的旨意，絕對𣍐當入天國。」</verse>
				<verse number="21">「恁有聽著律法按呢教示古早人，講：『毋通害死人；害死人的著受審判。』</verse>
				<verse number="22">毋拘我給恁講，對兄弟抑是姊妹發受氣，攏著受審判。無論什麼人罵兄弟抑是姊妹『廢人』，著上法庭；罵兄弟抑是姊妹『倲戇』，著受地獄的火燒。</verse>
				<verse number="23">所以，你佇祭壇欲獻禮物的時，若想著你的兄弟抑是姊妹對你有不滿，</verse>
				<verse number="24">著將禮物放下佇祭壇前，先去及伊和好，然後才來獻禮物。</verse>
				<verse number="25">「人給你控告，欲拖你去法庭，猶佇路中的時著趕緊及伊和解，才免互控告你的人給你交互判官，判官給你交互法警去關監。我實在給你講，最後的一仙五釐無還清楚，你絕對𣍐當出監。」</verse>
				<verse number="26"></verse>
				<verse number="27">「恁有聽著律法按呢教示講：『毋通姦淫。』</verse>
				<verse number="28">毋拘我給恁講，人若用邪念看婦女，已經佇心內犯姦淫。</verse>
				<verse number="29">你的正目若引起你犯罪，著給伊挖㧒确，寧可失去身軀的一部份，比歸身軀好好㧒落地獄較好。</verse>
				<verse number="30">你的正手若引起你犯罪，著給伊斬㧒确，寧可失去身軀的一部份，比歸身軀好好㧒落地獄較好。」</verse>
				<verse number="31">「閣有律法按呢講：『人若欲離伊的某，著互伊離婚書。』</verse>
				<verse number="32">毋拘我給恁講，若毋是因為某不貞，毋通給伊離，因為伊若閣去嫁就是害伊犯姦淫；娶此個離婚的婦女的人嘛是犯姦淫。」</verse>
				<verse number="33">「恁閣有聽著律法按呢教示古早人，講：『毋通違背所下的願，佇主面前下願著實行。』</verse>
				<verse number="34">毋拘我給恁講，攏毋通咒誓。毋通指天咒誓，因為天是上帝的寶座；</verse>
				<verse number="35">嘛毋通指地咒誓，因為地是上帝的腳砧；嘛毋通指 耶路撒冷 咒誓，因為 耶路撒冷 是大君王的城。</verse>
				<verse number="36">嘛毋通指你的頭殼咒誓，因為你𣍐當互一支頭毛變烏抑是變白。</verse>
				<verse number="37">恁講話，是，就講是，毋是，就講毋是；其他加講的是對邪惡者出來的。」</verse>
				<verse number="38">「恁有聽著律法按呢教示講：『目睭賠目睭；嘴齒賠嘴齒。』</verse>
				<verse number="39">毋拘我給恁講，毋通抵抗作惡的人。人若搧你正旁的嘴䩃，連倒旁嘛越互伊搧。</verse>
				<verse number="40">人若告你，欲提你的內衫，連外衫嘛互伊。</verse>
				<verse number="41">佔領軍的軍人若 強迫你行一里路，著及伊行兩里。</verse>
				<verse number="42">人若對你求，著互伊；給你借，毋通拒絕。」</verse>
				<verse number="43">「恁有聽著此款教示：『著疼你的厝邊，怨恨你的對敵。』</verse>
				<verse number="44">毋拘我給恁講，著疼恁的對敵，替迫害恁的人祈禱。</verse>
				<verse number="45">按呢，恁才會當成做恁天父的子兒，因為伊互日頭出來照歹人及好人，嘛落雨互義人及不義的人。</verse>
				<verse number="46">因為恁若干焦疼許個疼恁的人，有什麼報賞？豈毋是連許個貿稅的嘛按呢做？</verse>
				<verse number="47">恁若只有對家己的兄弟抑是姊妹請安，有什麼比別人較特別？豈毋是連外邦人嘛按呢做？</verse>
				<verse number="48">既然恁的天父是完全，恁嘛著完全。」</verse>
			</chapter>
			<chapter number="6">
				<verse number="1">「著謹慎，毋通為著欲互人看才故意佇人的面前展恁的敬虔；按呢做𣍐當對恁的天父得著報賞。</verse>
				<verse number="2">「所以，你賑濟的時，毋通先歕喇叭報人知，親像假好的人佇會堂及街路按呢做，愛互人謳咾。我實在給恁講，𪜶已經得著𪜶的報賞啦。</verse>
				<verse number="3">你賑濟的時，毋通互你的倒手知正手的所做，</verse>
				<verse number="4">互你通恬恬仔賑濟，恬恬仔啲看的你的父會給你報賞。」</verse>
				<verse number="5">「恁祈禱的時，毋通親像假好的人，因為𪜶愛互人看，故意徛佇會堂抑是路口祈禱。我實在給恁講，𪜶已經得著報賞啦。</verse>
				<verse number="6">你祈禱的時，著入去房間內，關門，對你恬恬仔啲看的父求，按呢恬恬仔啲看的你的父會給你報賞。</verse>
				<verse number="7">「恁祈禱的時，毋通親像外邦人講了閣講，因為𪜶想，講較多話上帝才會聽見。</verse>
				<verse number="8">恁毋通及𪜶像款；因為猶未求以前，恁的父已經知恁的需要。</verse>
				<verse number="9">所以，恁著按呢祈禱： 阮的天父： 願你的聖名受尊崇。</verse>
				<verse number="10">願你施行主權； 願你的旨意實現， 佇地上親像佇天頂。</verse>
				<verse number="11">求你今仔日賜阮需要的食物。</verse>
				<verse number="12">求你赦免阮的辜負， 親像阮嘛有赦免辜負阮的人。</verse>
				<verse number="13">求你毋通互阮陷落擔當𣍐起的試探， 救阮脫離彼個邪惡者。</verse>
				<verse number="14">「恁若赦免人的過失，恁的天父嘛會赦免恁；</verse>
				<verse number="15">恁若無赦免人，恁的天父嘛𣍐赦免恁的過失。」</verse>
				<verse number="16">「恁禁食的時，毋通親像假好的人憂頭結面；因為𪜶故意互面歹看，愛互人看出𪜶啲禁食。我實在給恁講，𪜶已經得著報賞啦。</verse>
				<verse number="17">你禁食的時，頭毛著抹油，面著洗，</verse>
				<verse number="18">互人看𣍐出你啲禁食，只有互恬恬仔啲看的父看見，按呢恬恬仔啲看的你的父會給你報賞。」</verse>
				<verse number="19">「毋通為著家己積聚財寶佇地上，佇遮有蟲咬，會生銹，賊會挖孔偷提。</verse>
				<verse number="20">著為著家己積聚財寶佇天頂，佇遐無蟲咬，𣍐生銹，無賊挖孔偷提。</verse>
				<verse number="21">因為你的財寶佇叨位，你的心嘛會佇遐。」</verse>
				<verse number="22">「目睭是身軀的燈。你的目睭若金，歸身軀就光明；</verse>
				<verse number="23">你的目睭若花，歸身軀就烏暗。按呢，你內面的光若變做暗，此個烏暗是偌仔呢嚴重！」</verse>
				<verse number="24">「無人會當服事兩個主人；伊若毋是怨恨此個，疼彼個，就是看重此個，看輕彼個。恁𣍐當像時服事上帝閣服事錢財。</verse>
				<verse number="25">「所以，我給恁講，毋通為著恁的性命欲食什麼，欲飲什麼啲操煩；嘛毋通為著恁的身軀欲穿什麼啲操煩。性命豈毋是比食物較重要？身軀豈毋是比衣服較重要？</verse>
				<verse number="26">恁看空中的飛鳥，𪜶無種作，無收成，嘛無囤積糧食佇倉庫，恁的天父嘛啲給𪜶養飼。恁豈無比𪜶較貴重？</verse>
				<verse number="27">恁豈有人想講操煩會當互家己的性命加活一時仔久？</verse>
				<verse number="28">「恁哪著因為欲穿什麼操煩？恁想看山野的花按怎啲大欉；𪜶無勞苦，嘛無紡織。</verse>
				<verse number="29">不過我給恁講，連 所羅門 上榮華的時，伊穿的衫都無比諸個花的一蕊閣較媠。</verse>
				<verse number="30">山野的花草今仔日啲活，明仔載互人㧒落火爐，上帝都按呢給𪜶妝飾，伊豈𣍐閣較給恁妝飾？恁哪即呢無信心！</verse>
				<verse number="31">「所以，恁毋免操煩講『阮欲食什麼』抑是『阮欲飲什麼，欲穿什麼』。</verse>
				<verse number="32">諸個攏是外邦人啲追求的。恁的天父知諸個攏是恁所需要的。</verse>
				<verse number="33">著先追求伊的主權及伊的旨意實現，諸個物件就會攏續互恁。</verse>
				<verse number="34">所以，毋通為著明仔載操煩；明仔載的代誌明仔載才操煩。一日的艱苦一日當。」</verse>
			</chapter>
			<chapter number="7">
				<verse number="1">「毋通批判人，才免受上帝審判。</verse>
				<verse number="2">因為恁用什麼標準批判人，上帝嘛會照按呢給恁審判；恁用什麼量量互人，上帝嘛會照按呢量互恁。</verse>
				<verse number="3">你哪干焦啲看兄弟目睭內的柴幼仔，亦無注意著家己目睭內有柴箍？</verse>
				<verse number="4">你家己目睭內有柴箍，哪會當給你的兄弟講『你目睭內有柴幼仔，我給你提出來』？</verse>
				<verse number="5">假好的人，家己目睭內的柴箍著先提出來，才會當看清楚通給兄弟目睭內的柴幼仔提出來。</verse>
				<verse number="6">「毋通提神聖的物互狗，𪜶會越過來咬恁；嘛毋通將恁的真珠㧒佇豬的面前，𪜶會用腳踐踏。」</verse>
				<verse number="7">「求，會得著；尋，會尋著；拍門，會給恁開。</verse>
				<verse number="8">因為求的，就得著；尋的，就尋著；拍門的，就給伊開。</verse>
				<verse number="9">恁中間豈有人，𪜶子給伊討麵包，會提石頭互伊？</verse>
				<verse number="10">給伊討魚，會掠蛇互伊？</verse>
				<verse number="11">恁雖然歹，猶會曉提好物互恁的子兒，何況恁的天父，伊一定會提好物互對伊祈求的人！</verse>
				<verse number="12">「所以，恁愛人按怎對待恁，嘛著按呢對待𪜶。這就是律法及先知的教示。」</verse>
				<verse number="13">「恁著對彼個狹的門入去；因為迵到滅亡彼個門闊，彼條路好行，入去的人真多。</verse>
				<verse number="14">迵到活命彼個門狹，彼條路細，尋著的人真少。」</verse>
				<verse number="15">「著防備假先知。𪜶來恁遮，外表親像綿羊，內面卻是兇惡的豺狼。</verse>
				<verse number="16">恁會當對𪜶的果子來識𪜶。豈會當對莿 挽葡萄？抑是對蒺藜 挽無花果？</verse>
				<verse number="17">按呢，好樹結好果子；歹樹結歹果子。</verse>
				<verse number="18">好樹𣍐結歹果子；歹樹嘛𣍐結好果子。</verse>
				<verse number="19">𣍐結好果子的樹攏著剉起來，㧒落火。</verse>
				<verse number="20">按呢，恁會當對𪜶的果子來識𪜶。」</verse>
				<verse number="21">「稱呼我『主啊，主啊』的人，𣍐攏入天國；只有實行我的天父的旨意的人才會。</verse>
				<verse number="22">佇彼日，有真多人會對我講：『主啊，主啊，阮豈毋是曾奉你的名傳信息，曾奉你的名趕鬼，曾奉你的名行真多神跡？』</verse>
				<verse number="23">彼時我會明明對𪜶講：『我攏毋識恁。恁諸個做歹的人，攏離開我！』」</verse>
				<verse number="24">「所以，聽我諸個話閣實行的人攏親像聰明的人給厝起佇石磐頂，</verse>
				<verse number="25">雨潑，大水來，風掃，沖著厝，厝嘛𣍐倒，因為起佇石磐頂。</verse>
				<verse number="26">「聽我諸個話無實行的人親像戇人給厝起佇沙頂，</verse>
				<verse number="27">雨潑，大水來，風掃，沖著厝，厝就倒，閣倒甲真厲害。」</verse>
				<verse number="28">耶穌諸個話講煞，群眾對伊的教示感覺非常希奇，</verse>
				<verse number="29">因為伊的教示真有權威，及𪜶的經學教師無仝款。</verse>
			</chapter>
			<chapter number="8">
				<verse number="1">耶穌對山頂落來的時，有歸大陣的人隨伊。</verse>
				<verse number="2">抵彼時，有一個痲瘋病人行倚來，跪落去伊的面前，講：「主啊，你若肯，會當互我清氣。」</verse>
				<verse number="3">耶穌伸手給伊摸，講：「我肯，互你清氣！」伊的痲瘋病隨時清氣。</verse>
				<verse number="4">耶穌給伊講：「著注意，攏毋通給人講。不過著去互祭司驗，閣照 摩西 的規定獻禮物，通對眾人證明。」</verse>
				<verse number="5">耶穌入去 迦百農 的時，有一個 羅馬 軍官行倚來給伊懇求，</verse>
				<verse number="6">講：「主啊，我的僕人半身不遂倒佇厝內，非常艱苦。」</verse>
				<verse number="7">耶穌給伊講：「我來去給伊醫治。」</verse>
				<verse number="8">軍官應講：「主啊，你來阮兜，我𣍐堪得。你干焦講一句話，我的僕人就會好。</verse>
				<verse number="9">因為我是互人管的人，嘛有兵互我管。我給此個講『去』，伊就去；給別個講『來』，伊就來；給我的僕人講『你做此個』，伊就去做。」</verse>
				<verse number="10">耶穌聽了感覺真意外，就對許個隨伊的人講：「我實在給恁講，連佇 以色列 人的中間，我都猶毋曾看著此款的信心。</verse>
				<verse number="11">我給恁講，有真多人會對東對西來及 亞伯拉罕 、 以撒 、 雅各 佇天國坐桌。</verse>
				<verse number="12">不過許個本來是天國的子兒的，反轉會受趕出去外面烏暗的所在，佇遐啼哭，咬牙切齒。」</verse>
				<verse number="13">然後耶穌對彼個軍官講：「你去，互你所信的實現！」 抵抵彼時，僕人的病就好去。</verse>
				<verse number="14">耶穌入去 彼得 𪜶兜，看著伊的丈姆發熱，倒佇眠床。</verse>
				<verse number="15">耶穌摸伊的手，熱退去，伊就起來侍候伊。</verse>
				<verse number="16">黃昏的時，有一寡人導真多互邪神附身的人來耶穌遐。伊用一句話就給邪神攏趕出去，閣醫好所有的病人。</verse>
				<verse number="17">這是欲應驗通過先知 以賽亞 所講的話： 伊承受咱的軟弱， 擔當咱的病疼。</verse>
				<verse number="18">耶穌看著一大陣人圍佇伊周圍，就吩咐門徒過去湖的彼旁岸。</verse>
				<verse number="19">有一個經學教師行倚來給伊講：「老師，你無論去叨位，我攏欲隨你。」</verse>
				<verse number="20">耶穌應講：「狐狸有孔，空中的鳥有巢，不過人子連靠頭殼的所在都無。」</verse>
				<verse number="21">另外一個門徒給耶穌講：「主啊，聽候阮序大人百歲年老，我就來隨你。 」</verse>
				<verse number="22">耶穌應講：「來隨我，互死人去埋葬𪜶家己的死人！」</verse>
				<verse number="23">耶穌上船，伊的門徒隨伊去。</verse>
				<verse number="24">忽然，湖起大風湧，船煞互湧蓋甲欲沉落去，毋拘耶穌啲睏。</verse>
				<verse number="25">門徒去給伊叫醒，講：「主啊，救咧噢，咱啲欲無命囉！」</verse>
				<verse number="26">耶穌對𪜶講：「小信的人，恁哪即無膽？」伊就起來，責備風及湧，湖就靜靜靜。</verse>
				<verse number="27">許個人著驚講：「此個是什麼款人，連風及湧都順服！」</verse>
				<verse number="28">耶穌過去湖的彼旁岸，到 加大拉 人的地區，有兩個互鬼附身的人對墓仔埔出來，抵著伊。𪜶雄介介，所以無人敢對彼條路經過。</verse>
				<verse number="29">𪜶忽然大聲喝：「上帝的子，你插阮！時猶未到，你就來欲給阮苦楚是無？」</verse>
				<verse number="30">彼時，離𪜶有赫遠啊的所在，有一大群豬啲討食。</verse>
				<verse number="31">鬼求耶穌講：「你若欲給阮趕出去，著差阮進入彼群豬。」</verse>
				<verse number="32">耶穌給𪜶講：「恁去！」鬼就出去，進入豬群；忽然歸群豬攏對山坪闖落去湖裡，死佇水內。</verse>
				<verse number="33">飼豬的人就逃走，走入去城內，將一切所發生以及互鬼附身的人所抵著的代誌攏報人知。</verse>
				<verse number="34">全城的人攏出來欲看耶穌；𪜶一下看著伊，就懇求伊離開𪜶的地區。</verse>
			</chapter>
			<chapter number="9">
				<verse number="1">耶穌坐船過湖，轉去家己的城。</verse>
				<verse number="2">有人用床扛一個半身不遂的人來耶穌遐。伊看見𪜶的信心，就對彼個半身不遂的人講：「少年人，安心，你的罪赦免啦！」</verse>
				<verse number="3">有幾若個經學教師心內想：「此個人啲褻瀆上帝！」</verse>
				<verse number="4">耶穌知𪜶的心思就問𪜶：「是按怎恁心內有此款歹念頭？</verse>
				<verse number="5">對此個人講『你的罪赦免啦』，抑是講『你起來行』，叨一項較簡單？</verse>
				<verse number="6">不過我欲互恁知，人子佇地上有赦罪的權柄。」然後伊對彼個半身不遂的人講：「起來，夯你的床，轉去恁兜！」</verse>
				<verse number="7">彼個人就起來，轉去𪜶兜。</verse>
				<verse number="8">眾人看著真著驚，歸榮光互上帝，因為伊有將此款權柄賜互人。</verse>
				<verse number="9">耶穌離開遐向頭前行的時看著一個人，名叫做 馬太 ，坐佇稅關。耶穌給伊講：「來隨我！」伊就起來隨伊。</verse>
				<verse number="10">耶穌佇 馬太 的厝食飯的時，有真多貿稅的及罪人嘛來及耶穌以及伊的門徒做夥食。</verse>
				<verse number="11">法利賽派的人看著就對伊的門徒講：「是按怎恁老師及貿稅的以及罪人做夥食飯？」</verse>
				<verse number="12">耶穌聽著就講：「健康的無需要醫生，破病的才有需要。</verse>
				<verse number="13">恁去學習此句聖經的話：『我愛憐憫，無愛祭物。』因為我來，毋是欲招義人，是欲招罪人。」</verse>
				<verse number="14">有一遍， 約翰 的門徒來見耶穌，對伊講：「阮及法利賽派的人常常禁食，是按怎你的門徒無禁食？」</verse>
				<verse number="15">耶穌應講：「新郎猶及婚宴的人客做夥的時，人客豈會哀傷？日子啲欲到，新郎會互人對𪜶中間掠去，彼時𪜶就會禁食。</verse>
				<verse number="16">「無人用無勼水的布去補舊衫，因為補的彼塊會給衫糾裂，顛倒破閣較大孔。</verse>
				<verse number="17">嘛無人將新酒入佇舊皮袋。若按呢做，皮袋會爆破，酒流出來，皮袋嘛歹去。新酒應該入佇新皮袋，按呢兩項就攏保全。」</verse>
				<verse number="18">耶穌對𪜶講諸個話的時，有一個會堂的主管來跪佇伊的面前，講：「我的查某子抵仔死去，請你來給伊按手，伊就會活起來。」</verse>
				<verse number="19">耶穌就起來，隨伊去；伊的門徒嘛去。</verse>
				<verse number="20">抵彼時，有一個致著血漏病十二年久的婦仁人行倚去耶穌的後面，摸伊衫仔裾的鬚。</verse>
				<verse number="21">因為伊心內想：「我干焦摸著伊的衫，病就會好。」</verse>
				<verse number="22">耶穌越過來看伊，給伊講：「查某子，安心；你的信心互你好去啦！」婦仁人隨時得著醫好。</verse>
				<verse number="23">耶穌來到會堂主管的厝，看著歕𥰔仔的及歸大陣人浪浪滾，</verse>
				<verse number="24">就給𪜶講：「恁攏出去，此個查某囝仔毋是死去，是啲睏。」𪜶就給伊恥笑。</verse>
				<verse number="25">趕群眾出去了後，耶穌入去查某囝仔的房間，牽伊的手，查某囝仔就起來。</verse>
				<verse number="26">對按呢，此個消息傳到彼地區的逐所在。</verse>
				<verse number="27">耶穌離開遐的時，有兩個盲人隨伊去；𪜶大聲喝：「 大闢 的子，憐憫阮！」</verse>
				<verse number="28">耶穌入去厝內，盲人就行倚去。耶穌問𪜶：「恁信我會當給恁做此個代誌是無？」𪜶應講：「主啊，你會。」</verse>
				<verse number="29">然後，耶穌摸𪜶的目睭，講：「照恁的信心互恁實現。」</verse>
				<verse number="30">𪜶的目睭就開，會看見。耶穌嚴嚴吩咐𪜶講：「千萬毋通互人知此個代誌。」</verse>
				<verse number="31">毋拘𪜶一下出去，煞將耶穌的代誌傳遍彼地區的逐所在。</verse>
				<verse number="32">𪜶出去的時，有人導一個互鬼附身𣍐講話的人來耶穌遐。</verse>
				<verse number="33">鬼一下互耶穌趕出去，彼個𣍐講話的人就講話。群眾攏著驚，講：「佇 以色列 阮毋曾看著此款代誌。」</verse>
				<verse number="34">不過法利賽派的人講：「伊是靠鬼王啲趕鬼。」</verse>
				<verse number="35">耶穌行透周圍所有的城市及庄社，佇𪜶的會堂教示人，傳天國的福音，醫好逐款的症頭及病疼。</verse>
				<verse number="36">伊看著赫大陣的人，就可憐𪜶，因為𪜶親像羊無牧者，困苦，無人照顧。</verse>
				<verse number="37">耶穌就對伊的門徒講：「通收成的真多，作工的人真少。</verse>
				<verse number="38">所以，恁著祈求管收成的主派工人去收成。」</verse>
			</chapter>
			<chapter number="10">
				<verse number="1">耶穌召集伊十二個門徒來，互𪜶有權柄通趕邪神，醫治逐款的症頭及病疼。</verse>
				<verse number="2">此十二使徒的名就是諸個：第一是 西門 ，嘛叫做 彼得 ，及伊的小弟 安得烈 ； 西庇太 的子 雅各 及伊的小弟 約翰 ；</verse>
				<verse number="3">腓力 及 巴多羅買 ； 多馬 及貿稅的 馬太 ； 達太 及 亞勒腓 的子 雅各 ；</verse>
				<verse number="4">激進黨的 西門 及出賣耶穌彼個 以斯加略 的 猶大 。</verse>
				<verse number="5">耶穌差此十二使徒出去，吩咐𪜶講：「恁毋通去外邦人的地區；毋通進入 撒馬利亞 人的城，</verse>
				<verse number="6">只有著去尋 以色列 家失迷的羊。</verse>
				<verse number="7">恁去的時著宣揚講：『天國啲欲實現啦！』</verse>
				<verse number="8">恁著醫好破病的人，互死人閣活，互痲瘋病人清氣，閣趕出邪神。恁白白得著，嘛著白白互人。</verse>
				<verse number="9">腰帶內面毋免帶金幣、銀幣，抑是銅幣；</verse>
				<verse number="10">出門毋免帶旅行袋抑是兩領內衫，嘛毋免帶涼鞋抑是攑柺仔；因為工人得著食物是應該。</verse>
				<verse number="11">「恁無論入去叨一個城叨一個庄社，著探聽看什麼人願意接待恁，才去住遐，住到離開。</verse>
				<verse number="12">恁入去厝內的時，著給𪜶請安。</verse>
				<verse number="13">此家的人若願意接待恁，著將恁的平安互𪜶；若無願意接待恁，著將平安收回。</verse>
				<verse number="14">毋接待恁，毋聽恁的話的人，恁離開彼間厝抑是彼個城的時，著將恁腳裡的土粉拌互伊清氣。</verse>
				<verse number="15">我實在給恁講，佇審判的日， 所多瑪 及 蛾摩拉 地區所受的刑罰會比彼個城所受的閣較好忍受。」</verse>
				<verse number="16">「著知，我差恁出去，親像送羊入去豺狼的中間。所以，著親像蛇赫呢靈巧，親像粉鳥赫呢馴良。</verse>
				<verse number="17">恁著持防，因為有人會給恁掠去交互議會，佇𪜶的會堂用鞭給恁拍。</verse>
				<verse number="18">閣為著我的緣故，恁會互人拖到總督及君王的面前，來對𪜶及外邦人做見證。</verse>
				<verse number="19">毋拘，恁互人掠去審問的時，毋免煩惱欲按怎講，抑是欲講什麼；彼時恁所著講的，會給恁指示，</verse>
				<verse number="20">因為啲講的毋是恁家己，是恁天父的神通過恁啲講。</verse>
				<verse number="21">「兄弟會出賣兄弟，互伊死；老父嘛會按呢對待子兒。子兒會起來攻擊父母，給𪜶害死。</verse>
				<verse number="22">恁會因為我的名互眾人怨恨，毋拘忍耐到最後的會得著救。</verse>
				<verse number="23">𪜶佇此個城迫害恁，著逃走去別個城。我實在給恁講， 以色列 的城市恁行猶未透，人子就來！</verse>
				<verse number="24">「學生𣍐超過老師；僕人嘛𣍐超過主人。</verse>
				<verse number="25">學生抵著的迫害及老師仝款，僕人抵著的及主人仝款，按呢就有夠。人都給此家的主人叫做 別西卜 ，何況伊家內的人。」</verse>
				<verse number="26">「所以，毋免驚𪜶；因為無一項掩蓋的𣍐露現；嘛無一項祕密的𣍐互人知。</verse>
				<verse number="27">我佇暗中給恁講的，恁著佇光明中講出來；恁佇耳孔邊聽著的，著佇厝尾頂宣布。</verse>
				<verse number="28">會害死身軀卻𣍐害死靈魂的，恁毋免驚；顛倒著驚會將靈魂及身軀㧒落地獄毀滅的上帝。</verse>
				<verse number="29">兩隻雀鳥仔豈毋是賣一角銀若定？恁的天父若無允准，連一隻都𣍐跋落地。</verse>
				<verse number="30">恁咧，連恁的頭毛都攏有算過。</verse>
				<verse number="31">所以，毋免驚，恁比歸群雀鳥仔閣較貴重！」</verse>
				<verse number="32">「所以，佇人的面前宣認我的，我佇我天父的面前嘛會認伊。</verse>
				<verse number="33">佇人的面前毋認我的，我佇我天父的面前嘛毋認伊。」</verse>
				<verse number="34">「毋通想講我來是欲帶和平互地上；我帶來的毋是和平，是刀劍。</verse>
				<verse number="35">因為我來是欲互人分裂： 人對抗老父， 查某子對抗老母， 新婦對抗大家。</verse>
				<verse number="36">人的對敵是家己家內的人。</verse>
				<verse number="37">「疼父母贏過疼我的，無資格隨我；疼子抑是查某子贏過疼我的，無資格隨我。</verse>
				<verse number="38">毋夯家己的十字架來隨我的，嘛無資格隨我。</verse>
				<verse number="39">欲得著家己的性命的，會喪失性命；為著我喪失家己的性命的，會得著性命。」</verse>
				<verse number="40">「接納恁的就是接納我；接納我的就是接納差我來彼位。</verse>
				<verse number="41">接納先知做先知的，會得著先知應得的報賞；接納義人做義人的，會得著義人應得的報賞。</verse>
				<verse number="42">我實在給恁講，無論什麼人，干焦提一杯冷水互諸個上微細的一個飲，因為上微細的是我的門徒，此個人一定會得著報賞。」</verse>
			</chapter>
			<chapter number="11">
				<verse number="1">耶穌教示十二個門徒以後離開彼所在，去附近的城市教示人及傳福音。</verse>
				<verse number="2">約翰 佇監裡聽著基督所做的事，就差伊的門徒去</verse>
				<verse number="3">問伊：「你就是啲欲來彼位，抑是阮著聽候別人？」</verse>
				<verse number="4">耶穌應講：「恁將所聽著，所看著的去給 約翰 講，</verse>
				<verse number="5">就是失明的人閣看見，腳跛的人行路，痲瘋病人清氣，耳孔𣍐聽見的人聽見，死人閣活，散赤人有好消息傳互𪜶。</verse>
				<verse number="6">對我無失去信心的人真有福氣！」</verse>
				<verse number="7">約翰 的門徒離開了後，耶穌才對群眾講起 約翰 的事。伊講：「恁出去曠野是欲看什麼？欲看互風吹搖來搖去的蘆葦是無？</verse>
				<verse number="8">若毋是，恁出去欲看什麼？欲看穿高貴衣服的人是無？恁看，穿高貴衣服的人是佇王宮。</verse>
				<verse number="9">按呢，恁出去欲看什麼？欲看先知是無？是，毋拘我給恁講，伊比先知閣較偉大。</verse>
				<verse number="10">關係 約翰 ，聖經有按呢記載： 看啊，我差我的使者做你的先鋒； 伊欲佇你的頭前給你開路。</verse>
				<verse number="11">「我實在給恁講，婦仁人所生的無一個比施洗者 約翰 較偉大；毋拘，佇天國上微細的猶比伊閣較偉大。</verse>
				<verse number="12">對施洗者 約翰 的日到現在，天國一直受強烈的攻擊，兇猛的人用暴力給伊搶去。</verse>
				<verse number="13">先知及律法所有的預言到 約翰 為止。</verse>
				<verse number="14">恁若願意接受諸個預言，就會明白 約翰 就是彼個啲欲來的 以利亞 。</verse>
				<verse number="15">有耳孔的，著聽！</verse>
				<verse number="16">「我欲用什麼比並此世代？𪜶親像一陣囝仔坐佇市場口 對另外一陣喝：</verse>
				<verse number="17">阮對恁歕𥰔仔，恁無跳舞！ 阮唱哀歌，恁嘛無悲傷！</verse>
				<verse number="18">約翰 來，無食無飲，人就講：『伊互鬼附身！』</verse>
				<verse number="19">人子來，嘛食嘛飲，人就講：『伊是貪食好酒的人，是貿稅的及罪人的朋友！』不過，實在的智慧對行為得著證實。」</verse>
				<verse number="20">耶穌有佇一寡城市行真多神跡，毋拘許個城市的人攏無悔改，伊就給𪜶責備。</verse>
				<verse number="21">伊講：「 哥拉汛 ，你慘啊！ 伯賽大 ，你慘啊！我佇恁中間行的神跡若佇 泰爾 及 西頓 行，𪜶早就穿麻衫糝火灰悔改啦。</verse>
				<verse number="22">我給恁講，佇審判的日， 泰爾 及 西頓 受的刑罰會比恁著受的較好忍受。</verse>
				<verse number="23">你咧， 迦百農 ， 你愛人給你扶上天是無？ 𣍐，上帝會給你㧒落陰府。 佇你遐行的神跡若佇 所多瑪 行， 所多瑪 一定猶留到今仔日。</verse>
				<verse number="24">總是我給恁講，佇審判的日， 所多瑪 地區受的刑罰比你著受的較好忍受。」</verse>
				<verse number="25">彼時，耶穌講：「父啊，天地的主，我感謝你，因為你有將諸個事對有智慧有學問的人蓋起來，毋拘對細漢囝仔啟示。</verse>
				<verse number="26">父啊，是啦，因為這是你的好旨意。</verse>
				<verse number="27">「我的父已經有將一切攏交託我。父以外無人識子；子及子愛欲啟示的人以外嘛無人識父。</verse>
				<verse number="28">「勞苦背重擔的人攏著來我遮，我欲互恁安歇。</verse>
				<verse number="29">著背我的軛 ，來對我學，因為我的心溫柔謙遜。按呢，恁的心神就會得著安歇。</verse>
				<verse number="30">我的軛合用，我的擔真輕。」</verse>
			</chapter>
			<chapter number="12">
				<verse number="1">過無偌久，佇安歇日耶穌對麥園經過。伊的門徒腹肚枵，就摘麥穗來食。</verse>
				<verse number="2">法利賽派的人看著，對耶穌講：「你看，你的門徒佇安歇日做𣍐用得做的代誌。」</verse>
				<verse number="3">耶穌給𪜶講：「恁豈毋曾讀著 大闢 及隨伊的人腹肚枵的時所做的代誌？</verse>
				<verse number="4">伊入去上帝的殿食獻祭的餅，此款餅只有祭司才通食，伊及隨伊的人攏𣍐用得食。</verse>
				<verse number="5">另外，恁豈無讀著律法的記載，就是安歇日祭司佇聖殿犯著安歇日的規矩嘛算無罪。</verse>
				<verse number="6">我給恁講，佇遮有一個比聖殿較重要的。</verse>
				<verse number="7">聖經有講：『我愛憐憫，無愛祭物。』恁若了解此句話的意思，就𣍐給無罪的人定罪。</verse>
				<verse number="8">因為人子是安歇日的主。」</verse>
				<verse number="9">耶穌離開彼所在，入去𪜶的會堂。</verse>
				<verse number="10">抵好有一個一支手瘸去的人佇遐。有一寡人想欲控告耶穌，就問伊講：「佇安歇日醫病有合律法無？」</verse>
				<verse number="11">耶穌應講：「恁中間有人有一隻羊，抵好佇安歇日跋落窟仔，伊豈𣍐給伊扭起來？</verse>
				<verse number="12">人比羊加偌仔呢貴重！所以，佇安歇日做好事有合律法。」</verse>
				<verse number="13">耶穌就給彼個人講：「手伸出來！」 此個人手伸出來，就復原，完全好去，及另外彼支手仝款。</verse>
				<verse number="14">法利賽派的人出去，就計謀欲對付耶穌，看欲按怎給伊害死。</verse>
				<verse number="15">耶穌知影𪜶的計謀就離開遐；有真多人隨伊去，伊就醫好𪜶中間所有的病人。</verse>
				<verse number="16">伊命令𪜶毋通對人傳揚伊的代誌。</verse>
				<verse number="17">這是欲應驗通過先知 以賽亞 所講的話：</verse>
				<verse number="18">恁看，我所揀選的僕人， 我所疼，所意愛的。 我欲賜我的神互伊； 伊欲對萬民宣告我的公義。</verse>
				<verse number="19">伊𣍐爭辯，𣍐喧嚷； 佇街路無人會聽著伊的聲。</verse>
				<verse number="20">受傷的蘆葦，伊𣍐遏斷； 欲化的燈火，伊𣍐歕熄， 直到伊互公義得勝。</verse>
				<verse number="21">萬民攏會將向望交託伊。</verse>
				<verse number="22">彼時，有人導一個互鬼附身，失明閣𣍐講話的人來耶穌遐；耶穌給伊醫好，彼個𣍐講話的人就會講話，閣會看見。</verse>
				<verse number="23">群眾攏真著驚，講：「此個人敢是 大闢 的子乎？」</verse>
				<verse number="24">法利賽派的人聽著就講：「此個人是靠鬼王 別西卜 啲趕鬼。」</verse>
				<verse number="25">耶穌知影𪜶的心思就給𪜶講：「國家家己紛爭，會荒廢；城市抑是家庭家己紛爭，徛𣍐牢。</verse>
				<verse number="26">撒旦若趕撒旦，是家己紛爭，伊的國欲哪徛會牢？</verse>
				<verse number="27">我若靠 別西卜 趕鬼，恁的子弟是靠什麼人趕鬼？按呢，恁家己的子弟會給恁判罪。</verse>
				<verse number="28">不過我若是靠上帝的神趕鬼，上帝的主權就已經佇恁中間實現啦。</verse>
				<verse number="29">「人按怎才會當入去勇士的厝搶伊的財物，豈毋是著先給伊縛起來？</verse>
				<verse number="30">「無為我的就是反對我；無及我做夥收集的就是啲拍散。</verse>
				<verse number="31">所以，我給恁講，人一切的罪及誹謗攏會得著赦免，毋拘褻瀆聖神𣍐得著赦免。</verse>
				<verse number="32">無論什麼人講話攻擊人子，會得著赦免，毋拘無論什麼人講話攻擊聖神，佇現在及將來攏𣍐得著赦免。」</verse>
				<verse number="33">「好樹結好果子；歹樹結歹果子；對所結的果子通知樹的好歹。</verse>
				<verse number="34">恁諸個毒蛇，恁本來是歹的，欲哪會講好話？因為人心內充滿什麼，嘴就講什麼。</verse>
				<verse number="35">好人對所積聚的好發出好；歹人對所積聚的歹發出歹。</verse>
				<verse number="36">「我給恁講，人所講一切的閒仔話，佇審判的日逐句攏著負責。</verse>
				<verse number="37">因為上帝欲用你的話來判你無罪，嘛欲用你的話來定你有罪。」</verse>
				<verse number="38">彼時，有幾若個經學教師及法利賽派的人對耶穌講：「老師，阮愛你行一個神跡互阮看。」</verse>
				<verse number="39">耶穌應講：「邪惡姦淫的世代要求神跡，毋拘先知 約拿 的神跡以外，𣍐閣有神跡互𪜶。</verse>
				<verse number="40">親像 約拿 三暝三日佇大魚的腹肚內，人子嘛會三暝三日佇地深的所在。</verse>
				<verse number="41">佇審判的時， 尼尼微 人會及此世代的人做夥起來，給此世代的人定罪，因為 尼尼微 人聽著 約拿 的傳道了後攏有悔改。恁看，有比 約拿 閣較偉大的佇遮！</verse>
				<verse number="42">佇審判的時，南方的女王會及此世代的人做夥起來，給此世代的人定罪，因為伊有對地的極頭來聽 所羅門 智慧的話。恁看，有比 所羅門 閣較偉大的佇遮！」</verse>
				<verse number="43">「邪神離開所附身的人了後，佇無水的地區行透透，欲尋一個歇睏的所在，尋攏無，</verse>
				<verse number="44">就講：『我欲轉來去我出來彼間厝。』伊轉去，看著厝空空，掃甲真清氣，閣整理好勢。</verse>
				<verse number="45">後來，伊去導七個比伊較歹的邪神及伊做夥來，入去遐住。按呢，彼個人的結局比起頭閣較慘。此個邪惡的世代嘛會親像按呢。」</verse>
				<verse number="46">耶穌猶啲對眾人講話的時，伊的老母及兄弟來徛佇外面，愛欲及伊講話。</verse>
				<verse number="47">有人給耶穌講：「你看，你的老母及兄弟徛佇外面，愛欲及你講話。」</verse>
				<verse number="48">耶穌給彼個人講：「什麼人是我的老母？什麼人是我的兄弟？」</verse>
				<verse number="49">然後伊伸手指伊的門徒講：「恁看，我的老母，我的兄弟！</verse>
				<verse number="50">實行我天父旨意的人就是我的兄弟、姊妹，及老母。」</verse>
			</chapter>
			<chapter number="13">
				<verse number="1">像彼日，耶穌對厝裡出去，佇湖邊坐。</verse>
				<verse number="2">有一大陣人聚集倚來伊遐，伊煞著去坐佇船頂，歸大陣人攏徛佇岸頂。</verse>
				<verse number="3">伊就用譬喻對𪜶講真多項事。伊講： 「有一個撒種籽的人出去撒種籽。</verse>
				<verse number="4">伊撒的時，有的種籽落佇路邊，鳥仔飛來，給𪜶食了了。</verse>
				<verse number="5">有的落佇石頭地，土少的所在，因為土無深，真緊就茁芽；</verse>
				<verse number="6">不過日頭一下出，給𪜶曝著，因為無根就焦去。</verse>
				<verse number="7">有的落佇莿內，刺仔大欉起來就給𪜶翕死。</verse>
				<verse number="8">不過有的落佇好土地，就結實；有的一百倍，有的六十倍，有的三十倍。</verse>
				<verse number="9">有耳孔的，著聽！」</verse>
				<verse number="10">門徒來問耶穌：「是按怎你對群眾攏用譬喻給𪜶講？」</verse>
				<verse number="11">耶穌應講：「天國的奧祕已經有互恁知，毋拘無互𪜶知。</verse>
				<verse number="12">因為有的，欲互伊閣較多，多到有賰；無的，連伊所有的嘛欲給伊搶起來。</verse>
				<verse number="13">為著此個緣故，我用譬喻對𪜶講，因為： 𪜶看嘛看無， 聽嘛聽無，閣𣍐了解。</verse>
				<verse number="14">以賽亞 的預言抵佇𪜶身上應驗： 恁聽閣聽嘛𣍐了解； 恁看閣看嘛𣍐看見。</verse>
				<verse number="15">因為此個子民的心已經鈍， 耳孔重， 目睭瞌。 若毋是按呢，𪜶的目睭會看見， 耳孔會聽見， 心會明白，會回心轉意， 我就給𪜶醫好。</verse>
				<verse number="16">「毋拘恁真有福氣，因為恁目睭有看見，耳孔有聽見。</verse>
				<verse number="17">我實在給恁講，以前有真多先知及義人愛欲看恁所看見的亦無看著，欲聽恁所聽見的亦無聽著。」</verse>
				<verse number="18">「所以，恁著注意聽此個撒種籽的譬喻。</verse>
				<verse number="19">所有聽著天國的信息無明白的，是親像撒佇路邊的種籽，彼個邪惡者來，給撒佇伊心內的種籽搶去。</verse>
				<verse number="20">撒佇石頭地的，是指人聽著信息，隨時歡喜接受，</verse>
				<verse number="21">毋拘佇伊的心內釘根無深，擋𣍐久，一下為著信息抵著患難抑是迫害，隨時就放拺。</verse>
				<verse number="22">撒佇莿內的，是指人聽著信息了後，生活的掛慮及錢財的迷惑給所聽著的信息翕死，煞𣍐結實。</verse>
				<verse number="23">撒佇好土地的，是指人聽著信息，有了解，真正有結實；有的一百倍，有的六十倍，有的三十倍。」</verse>
				<verse number="24">耶穌閣對𪜶講一個譬喻：「天國通譬喻做有一個人撒好種籽佇家己的園裡。</verse>
				<verse number="25">人啲睏的時，對敵來，將稗仔 撒佇麥仔的中間，就離開。</verse>
				<verse number="26">麥仔發起來，出穗的時，稗仔嘛發出來。</verse>
				<verse number="27">僕人來見主人講：『頭家，你豈毋是撒好的種籽佇園裡？哪會有諸個稗仔？』</verse>
				<verse number="28">主人應講：『這是對敵做的。』僕人講：『按呢，阮來去給許個稗仔摳起來好無？』</verse>
				<verse number="29">主人應講：『毋通，恁摳稗仔的時，毋抵好連麥仔煞摳摳起來。</verse>
				<verse number="30">互稗仔及麥仔同齊大欉，收成的時我才吩咐收割的人先給稗仔摳起來，捆歸把去燒，然後給麥仔收入去我的倉庫。』」</verse>
				<verse number="31">耶穌閣給𪜶講一個譬喻：「天國親像一粒芥菜籽，人給伊提去撒佇家己的園裡。</verse>
				<verse number="32">芥菜籽是所有種籽中上細粒的，大欉起來，比所有的菜蔬閣較大欉，成做一欉樹，連空中的鳥仔都來佇樹枝做巢。」</verse>
				<verse number="33">耶穌閣給𪜶講一個譬喻：「天國親像酵母，有一個婦仁人提去濫佇三斗麵粉做夥抄，最後歸個攏發起來。」</verse>
				<verse number="34">諸個一切的教示耶穌攏用譬喻對眾人講；伊無用別款的方式，只有用譬喻對𪜶講。</verse>
				<verse number="35">伊按呢做是欲應驗主通過先知所講的話： 我欲開嘴講譬喻， 講創世以來隱密的事。</verse>
				<verse number="36">耶穌離開眾人，入去厝內。伊的門徒來給伊講：「請給阮解說園裡的稗仔的譬喻。」</verse>
				<verse number="37">耶穌應講：「彼個撒好種籽的是人子；</verse>
				<verse number="38">園是世界；好種籽是天國的子兒；稗仔是彼個邪惡者的子兒；</verse>
				<verse number="39">撒稗仔彼個敵人是魔鬼；收割是指今世的終局；收割的是天使。</verse>
				<verse number="40">佇今世的終局，歹人會親像稗仔互人拾歸把用火給𪜶燒。</verse>
				<verse number="41">人子會差伊的天使來，對伊的國內將一切互人跋倒犯罪及不法的人攏掠來，</verse>
				<verse number="42">給𪜶㧒落火爐，佇遐𪜶會啼哭，咬牙切齒。</verse>
				<verse number="43">彼時，義人佇𪜶的父的國度會親像日頭發光。有耳孔的，著聽！」</verse>
				<verse number="44">「天國親像寶貝藏佇園裡，有人尋著，給伊蓋起來，真歡喜去賣一切所有的來買彼坵園。</verse>
				<verse number="45">「天國嘛親像一個生理人啲尋媠的真珠。</verse>
				<verse number="46">伊一下尋著一粒真值錢的真珠，就去賣一切所有的來買彼粒真珠。」</verse>
				<verse number="47">「天國嘛親像人佇湖裡拋網，掠逐款魚；</verse>
				<verse number="48">網滿就拖上岸，坐落來，揀好的囥落去桶仔內，僫的㧒确。</verse>
				<verse number="49">今世的終局嘛親像按呢；天使欲出去，對義人的中間給歹人分別出來，</verse>
				<verse number="50">㧒落火爐；佇遐𪜶會啼哭，咬牙切齒。」</verse>
				<verse number="51">耶穌問伊的門徒講：「諸個恁攏有明白無？」 𪜶應講：「有。」</verse>
				<verse number="52">伊就給𪜶講：「所以，逐個學習天國道理的經學教師，親像一家的主人對倉庫給新及舊的物件攏搬出來。」</verse>
				<verse number="53">耶穌講諸個譬喻了後離開遐，</verse>
				<verse number="54">倒去家己的故鄉。伊佇𪜶的會堂教示人，𪜶攏真著驚，講：「此個人對叨位得著此款的智慧及行神跡的氣力？</verse>
				<verse number="55">伊豈毋是彼個木匠的子？伊的老母豈毋是叫做 馬利亞 ？伊的兄弟豈毋是 雅各 、 約瑟 、 西門 ，及 猶大 ？</verse>
				<verse number="56">伊的小妹豈毋是攏及咱佇遮？按呢，此個人對叨位得著此款的智慧及氣力？」</verse>
				<verse number="57">𪜶煞對耶穌起反感。 耶穌給𪜶講：「先知佇家己的故鄉家己的家族以外，一定會受尊重。」</verse>
				<verse number="58">因為𪜶毋信，耶穌佇遐無行真多神跡。</verse>
			</chapter>
			<chapter number="14">
				<verse number="1">彼時， 加利利 分封的王 希律 聽著耶穌的名聲，</verse>
				<verse number="2">就對伊的部下講：「此個人是施洗者 約翰 ，伊已經對死人中閣活，所以才有權能行諸個神跡。」</verse>
				<verse number="3">原來， 希律 為著伊的小弟 腓力 的某 希羅底 的緣故有掠 約翰 ，給伊鍊起來，關落監。</verse>
				<verse number="4">因為 約翰 定定對伊講：「你娶此個婦仁人做某無合法。」</verse>
				<verse number="5">希律 想欲給伊刣，不過驚群眾，因為𪜶攏想講伊是先知。</verse>
				<verse number="6">希律 作生日的時， 希羅底 的查某子佇來賓面前跳舞； 希律 真歡喜，</verse>
				<verse number="7">就咒誓答應彼個查某囝仔無論求什麼攏欲互伊。</verse>
				<verse number="8">查某囝仔互老母使弄，就講：「請將施洗者 約翰 的頭殼囥佇盤裡互我。」</verse>
				<verse number="9">王的心真艱苦，不過因為已經佇貴賓的面前咒誓，就命令照所求的互伊。</verse>
				<verse number="10">王差人去監裡斬 約翰 的頭，</verse>
				<verse number="11">將頭殼下佇盤裡，交互查某囝仔，查某囝仔就捧去互伊的老母。</verse>
				<verse number="12">約翰 的門徒來收伊的身屍去埋葬，然後去給耶穌報告。</verse>
				<verse number="13">耶穌聽著此個消息就離開遐，干焦家己坐船退去偏僻無人住的所在。一大陣人聽著就對逐城市行路隨伊。</verse>
				<verse number="14">耶穌上岸，看著一大陣人就可憐𪜶，醫好𪜶的病。</verse>
				<verse number="15">黃昏暗，門徒倚來給伊講：「遮是偏僻的所在，天嘛啲暗啊；請給群眾解散，互𪜶通家己去附近的庄社買食物。」</verse>
				<verse number="16">耶穌應講：「𪜶毋免去，恁互𪜶食。」</verse>
				<verse number="17">門徒對伊講：「咱遮只有五個餅，兩尾魚。」</verse>
				<verse number="18">耶穌講：「提來遮互我。」</verse>
				<verse number="19">伊就叫眾人坐佇草埔，然後提彼五個餅及兩尾魚，向天感謝；餅擘開，提互門徒，門徒就分互眾人。</verse>
				<verse number="20">大家攏食，食到飽。門徒拾食賰的碎屑仔，滿十二籃。</verse>
				<verse number="21">食的人，婦仁人及囝仔無算，約有五千個查甫人。</verse>
				<verse number="22">耶穌隨時迫門徒上船先過去對面岸，伊家己留啲解散群眾。</verse>
				<verse number="23">群眾四散了後，伊家己上山祈禱。天暗的時，伊猶家己一個佇遐。</verse>
				<verse number="24">彼時，船已經離岸真遠，因為搢風互湧撥來撥去。</verse>
				<verse number="25">天欲光的時，耶穌佇湖的頂面向門徒遐行去。</verse>
				<verse number="26">門徒看著伊佇湖的頂面啲行，真著驚，講：「是鬼！」𪜶驚甲大聲喝出來。</verse>
				<verse number="27">耶穌隨時給𪜶講：「安心，是我，毋免驚！」</verse>
				<verse number="28">彼得 應講：「主啊，若真正是你，命令我行水面去你遐。」</verse>
				<verse number="29">耶穌講：「來！」 彼得 就對船頂落來，行水面去耶穌遐。</verse>
				<verse number="30">彼得 一下看著風赫呢大就驚，煞欲沉落去，大聲喝：「主啊，救咧噢！」</verse>
				<verse number="31">耶穌隨時伸手給伊扭啲，講：「小信的人，是按怎啲憢疑？」</verse>
				<verse number="32">𪜶上船，風就恬去。</verse>
				<verse number="33">船頂的人跪落去拜伊，講：「你真正是上帝的子！」</verse>
				<verse number="34">耶穌及門徒過湖了後，佇 革尼撒勒 上岸。</verse>
				<verse number="35">彼所在的人一下認出耶穌，就派人去四周圍給所有的病人攏導來伊遐。</verse>
				<verse number="36">𪜶懇求耶穌互病人干焦摸伊衫仔裾的鬚就好；所有摸著的人攏得著醫好。</verse>
			</chapter>
			<chapter number="15">
				<verse number="1">有法利賽派的人及經學教師對 耶路撒冷 來見耶穌，問伊講：</verse>
				<verse number="2">「是按怎你的門徒無先洗手就食飯，違犯古早人的傳統？」</verse>
				<verse number="3">伊應講：「恁是按怎因為恁的傳統來違犯上帝的誡命？</verse>
				<verse number="4">上帝講『著孝敬父母』；閣講『罵老父抑是罵老母的人應該處死』。</verse>
				<verse number="5">毋拘恁講：『人若對家己的老父抑是老母講：我應該互你的已經獻互上帝，</verse>
				<verse number="6">伊就無需要孝敬老父 。』按呢，恁因為家己的傳統廢除上帝的話。</verse>
				<verse number="7">恁假好的人， 以賽亞 所講關係恁的預言真著；伊講：</verse>
				<verse number="8">此個子民用嘴唇尊敬我， 𪜶的心卻離開我遠遠。</verse>
				<verse number="9">𪜶用人的規例做我的教示教示人； 𪜶敬拜我攏無採工。」</verse>
				<verse number="10">耶穌叫眾人來，給𪜶講：「著聽，著了解：</verse>
				<verse number="11">毋是對嘴入去的互人無清氣，是對嘴出來的才互人無清氣。」</verse>
				<verse number="12">門徒來對伊講：「法利賽派的人聽著你此個話真反感，你知無？」</verse>
				<verse number="13">伊應講：「毋是我的天父栽種的，攏欲給伊摳起來。</verse>
				<verse number="14">出在𪜶講。𪜶是睛瞑啲牽睛瞑；若睛瞑牽睛瞑，兩個攏會跋落窟仔。」</verse>
				<verse number="15">彼得 應伊講：「請你給阮解說此個譬喻。」</verse>
				<verse number="16">伊就講：「連恁都猶無明白噢？</verse>
				<verse number="17">恁豈無了解，所有對嘴入的攏入去腹肚內，後來放落去便所？</verse>
				<verse number="18">對嘴出來的是對心出，這才會互人無清氣。</verse>
				<verse number="19">因為對心出來的有歹念頭、凶殺、私通、姦淫、偷提、偽證，及誹謗。</verse>
				<verse number="20">諸個才會互人無清氣；無洗手就食飯，𣍐互人無清氣。」</verse>
				<verse number="21">耶穌離開彼所在，退去 泰爾 及 西頓 的境內。</verse>
				<verse number="22">抵好有一個 迦南 的婦仁人對彼地區來，大聲喝：「主啊， 大闢 的子，憐憫我！我的查某子互鬼附身，真艱苦。」</verse>
				<verse number="23">耶穌無給伊應半句。伊的門徒來求伊講：「給伊趕走，伊隨佇咱後面直直啲喝。」</verse>
				<verse number="24">耶穌應講：「我受差派只有是欲尋 以色列 家失落的羊。」</verse>
				<verse number="25">毋拘婦仁人來跪佇伊的面前，講：「主啊，請幫贊我！」</verse>
				<verse number="26">耶穌講：「提囝仔的食物㧒互狗仔食，毋好。」</verse>
				<verse number="27">婦仁人講：「主，是啦，狗仔嘛有食主人桌頂落落來的餅幼仔。」</verse>
				<verse number="28">後來，耶穌應講：「婦仁人，你的信心真大。互你的心願實現！」伊的查某子佇彼陣就得著醫好。</verse>
				<verse number="29">耶穌離開彼所在，沿 加利利 湖邊行，後來上山，佇遐坐。</verse>
				<verse number="30">有真大陣的人導腳手瘸去、腳跛、目睭無看見、嘴𣍐講話，及真多有別款病的人來耶穌遐，下佇伊的腳前，伊就給𪜶醫好。</verse>
				<verse number="31">眾人看著𣍐講話的人會講話，手瘸去的人復原，腳跛的人會行，𣍐看見的人會看見，真著驚，就歸榮光互 以色列 的上帝。</verse>
				<verse number="32">耶穌叫伊的門徒來，給𪜶講：「我真可憐此陣人，因為𪜶已經及我做夥三日久，現在無物通食啦。我毋甘互𪜶四散枵枵轉去，驚了𪜶佇路中暈倒。」</verse>
				<verse number="33">門徒給伊講：「佇此個偏僻無人住的所在，阮欲去叨位提赫多餅來互即多人食？」</verse>
				<verse number="34">耶穌問𪜶講：「恁有偌多餅？」 𪜶講：「七個；嘛有幾尾仔細尾魚。」</verse>
				<verse number="35">伊命令群眾坐落去土腳，</verse>
				<verse number="36">然後提彼七個餅及許個魚，感謝，擘開，提互門徒，門徒就提互群眾。</verse>
				<verse number="37">眾人攏食，食到飽；𪜶拾食賰的碎屑仔，貯滿七籠。</verse>
				<verse number="38">食的人，婦仁人及囝仔無算，干焦查甫人就有四千。</verse>
				<verse number="39">耶穌解散群眾了後，上船去 馬加丹 地區。</verse>
			</chapter>
			<chapter number="16">
				<verse number="1">有法利賽派及撒都該派的人來試探耶穌，要求伊互𪜶看對天來的神跡。</verse>
				<verse number="2">耶穌應講：「黃昏的時，恁講『明仔載會好天，因為天色紅』。</verse>
				<verse number="3">早起時恁講『今仔日有風雨，因為天色暗閣紅』。恁都看會出天的景象，哪看𣍐出此個時代的兆頭。</verse>
				<verse number="4">邪惡姦淫的世代要求神跡； 約拿 的神跡以外，𣍐閣有神跡互此世代的人。」 講了，耶穌就離開𪜶去別位。</verse>
				<verse number="5">門徒到湖的彼旁岸才知𪜶𣍐記得帶餅。</verse>
				<verse number="6">耶穌給𪜶講：「著注意，著持防法利賽派及撒都該派的酵。」</verse>
				<verse number="7">𪜶互相議論講：「是因為咱無帶餅是無？」</verse>
				<verse number="8">耶穌知影就講：「小信的人，恁是按怎啲議論無帶餅的代誌？</verse>
				<verse number="9">恁豈猶未明白，豈𣍐記得我用五個餅互五千人食，食賰的恁有拾幾籃？</verse>
				<verse number="10">恁豈𣍐記得我用七個餅互四千人食，食賰的恁有拾幾籠？</verse>
				<verse number="11">是按怎恁無明白我給恁講的毋是關係餅的代誌？著持防法利賽派及撒都該派的酵！」</verse>
				<verse number="12">此時門徒才明白耶穌毋是講著持防餅的酵，是著持防法利賽派及撒都該派的教示。</verse>
				<verse number="13">耶穌來到 凱撒利亞‧腓立比 境內的時，問伊的門徒講：「人講人子是什麼人？」</verse>
				<verse number="14">𪜶應講：「有人講是施洗者 約翰 ；有人講是 以利亞 ；嘛有人講是 耶利米 抑是先知中的一位。」</verse>
				<verse number="15">耶穌問𪜶講：「恁咧，恁講我是什麼人？」</verse>
				<verse number="16">西門‧彼得 應講：「你是基督，永活上帝的子。」</verse>
				<verse number="17">耶穌應伊講：「 西門‧巴約拿 ，你真有福氣，因為給你啟示的毋是人，是我的天父。</verse>
				<verse number="18">我閣給你講，你是 彼得 ，是石磐，我欲佇此個石磐頂起造我的教會，陰府死亡的權勢都𣍐贏過伊。</verse>
				<verse number="19">我欲將天國的鎖匙互你；你佇地上禁止的，佇天頂嘛會禁止；你佇地上允准的，佇天頂嘛會允准。」</verse>
				<verse number="20">後來，伊命令門徒毋通給人講伊就是基督。</verse>
				<verse number="21">彼時，耶穌開始對伊的門徒表示伊一定著去 耶路撒冷 ，對長老、祭司長，及經學教師受真多苦難，閣互人害死，第三日上帝會互伊閣活。</verse>
				<verse number="22">彼得 就扭耶穌去邊仔，給伊責備講：「主啊，絕對毋通！你𣍐用得有此款代誌！」</verse>
				<verse number="23">耶穌越轉身對 彼得 講：「撒旦，閃開！你啲給我纏腳絆手；你想的毋是上帝的事，是人的事。」</verse>
				<verse number="24">後來，耶穌對伊的門徒講：「欲隨我的人，著完全否定家己，夯家己的十字架來隨我。</verse>
				<verse number="25">因為欲救家己的性命的，會喪失性命；為著我的緣故喪失家己的性命的，會得著性命。</verse>
				<verse number="26">人若得著全世界煞喪失家己的性命有什麼利益？人會當用什麼代價來交換家己的性命？</verse>
				<verse number="27">人子啲欲佇伊的父的榮耀中及伊的天使來臨，彼時伊會照逐個人的行為給𪜶報賞抑是刑罰。</verse>
				<verse number="28">我實在給恁講，徛佇遮的人，有的猶未死以前會看見人子作王來臨。」</verse>
			</chapter>
			<chapter number="17">
				<verse number="1">六日後，耶穌導 彼得 、 雅各 ，及 雅各 的小弟 約翰 ，干焦𪜶家己𬦰上一座高山。</verse>
				<verse number="2">佇𪜶面前，耶穌的形像改變：伊的面親像日頭發光；伊的衫變甲親像光赫呢白。</verse>
				<verse number="3">忽然間， 摩西 及 以利亞 對𪜶顯現，及耶穌講話。</verse>
				<verse number="4">彼得 對耶穌講：「主啊，咱佇遮真好！你若欲，我佇遮搭三間寮仔，一間互你，一間互 摩西 ，一間互 以利亞 。」</verse>
				<verse number="5">伊猶啲講的時，忽然有一片燦爛的雲給𪜶罩咧，有聲對雲出來，講：「此個是我所疼的子，伊，我真意愛，恁著聽趁伊。」</verse>
				<verse number="6">門徒一下聽著就仆落去，非常驚惶。</verse>
				<verse number="7">耶穌行倚去，給𪜶摸，講：「起來，毋免驚！」</verse>
				<verse number="8">𪜶一下攑目看，只有看著耶穌，以外無別人。</verse>
				<verse number="9">𪜶落山的時，耶穌命令𪜶，講：「人子對死人中閣活以前，恁毋通給人講起所看見的異象。」</verse>
				<verse number="10">門徒問伊，講：「若按呢，是按怎經學教師講 以利亞 一定著先來？」</verse>
				<verse number="11">耶穌應講：「 以利亞 一定著來重新整理一切。</verse>
				<verse number="12">我給恁講， 以利亞 已經來啦，毋拘人毋識伊，反轉照𪜶的意思對待伊。親像按呢，人子嘛啲欲佇𪜶的手下受苦。」</verse>
				<verse number="13">彼時門徒才明白伊對𪜶講的是指施洗者 約翰 。</verse>
				<verse number="14">𪜶來到群眾遐，有一個人來，跪佇耶穌的腳前，</verse>
				<verse number="15">對伊講：「主啊，憐憫我的子！因為伊致著羊眩，非常艱苦，不時跋落火，嘛不時跋落水。</verse>
				<verse number="16">我導伊去你的門徒遐，𪜶無法度給伊醫好。」</verse>
				<verse number="17">耶穌應講：「唉啊，毋信閣腐敗的世代，我著及恁住偌久？我著閣忍耐恁偌久？給伊導來我遮。」</verse>
				<verse number="18">耶穌責備鬼，鬼就對囝仔出去；伊的病隨時好去。</verse>
				<verse number="19">後來，門徒私下來問耶穌：「是按怎阮無法度給鬼趕出去？」</verse>
				<verse number="20">耶穌給𪜶講：「是因為恁小信。我實在給恁講，恁的信心若有芥菜籽赫大，恁對此座山講『對遮徙去遐』，山嘛會徙去；無一項事恁做𣍐到。」</verse>
				<verse number="21"></verse>
				<verse number="22">門徒聚集佇 加利利 的時，耶穌給𪜶講：「人子啲欲互人出賣。</verse>
				<verse number="23">𪜶會給伊害死，第三日上帝會互伊閣活。」門徒就非常傷心。</verse>
				<verse number="24">耶穌及門徒來到 迦百農 的時，有一寡收聖殿稅的人去問 彼得 ：「恁老師有納聖殿稅無？」</verse>
				<verse number="25">伊講：「有。」 彼得 入去厝內的時，耶穌先問伊講：「地上的君王是對什麼人收關稅抑是人頭稅？是對本國人抑是外國人？ 西門 ，你想按怎？」</verse>
				<verse number="26">彼得 應講：「對外國人。」 耶穌給伊講：「按呢，本國人就毋免納稅囉。</verse>
				<verse number="27">不過，咱為著無愛得罪諸個人，你去湖裡釣魚，釣起來的頭一尾，給魚的嘴擘開就會看著一個銀仔，提去互𪜶，替我及你納聖殿稅。」</verse>
			</chapter>
			<chapter number="18">
				<verse number="1">彼時，門徒來問耶穌：「佇天國什麼人上大？」</verse>
				<verse number="2">耶穌叫一個囝仔來，互伊徛佇𪜶中間，</verse>
				<verse number="3">講：「我實在給恁講，恁若無改變變做親像囝仔，絕對𣍐當入天國。</verse>
				<verse number="4">所以，人家己謙卑親像此個囝仔，此個人佇天國就是上大。</verse>
				<verse number="5">無論什麼人，為著我的名接納此款囝仔就是接納我。」</verse>
				<verse number="6">「無論什麼人互信我的人中間微細的一個犯罪，寧可互人用大石磨縛佇頷頸填落深海。</verse>
				<verse number="7">此個世間慘啊，因為有互人跋倒犯罪。互人犯罪的事一定有，毋拘引起人犯罪的人慘啊。</verse>
				<verse number="8">「你的一支手抑是一支腳若互你犯罪，著給伊斬起來擲㧒确。寧可一腳一手入永遠活，比雙腳雙手好好互人㧒落永遠的火較好。</verse>
				<verse number="9">你的目睭若互你犯罪，著給伊挖出來擲㧒确。寧可減一蕊目睭入永遠活，比兩蕊目睭好好，互人㧒落火啲𤏸的地獄較好。」</verse>
				<verse number="10">「恁著謹慎，毋通看輕諸個微細的人的一個。我給恁講，𪜶的天使佇天頂時常啲見我天父的面。</verse>
				<verse number="11"></verse>
				<verse number="12">「恁想啥款？有一個人有一百隻羊，其中一隻失迷，伊豈𣍐將九十九隻放佇山頂，去尋彼隻失迷的？</verse>
				<verse number="13">我實在給恁講，伊若尋著彼隻失迷的羊，一定真歡喜，比有九十九隻無失迷的閣較歡喜。</verse>
				<verse number="14">像款，恁的天父毋甘諸個微細的人的一個滅亡。」</verse>
				<verse number="15">「你的兄弟抑是姊妹若得罪你，著去尋伊，干焦恁兩人做夥的時私下給伊指出錯誤。伊若欲聽，就回復你及伊做兄弟抑是姊妹的關係。</verse>
				<verse number="16">伊若毋聽，著導一兩個人及你去，按呢逐句話有兩個抑是三個人通作證。</verse>
				<verse number="17">伊若猶毋聽，著給教會講；伊若連教會都毋聽，就給伊看做外邦人抑是貿稅的。」</verse>
				<verse number="18">「我實在給恁講，恁佇地上禁止的，佇天頂嘛會禁止；恁佇地上允准的，佇天頂嘛會允准。</verse>
				<verse number="19">「我閣給恁講，恁中間若有兩個人佇地上同心合意祈求，我的天父攏會給𪜶成全。</verse>
				<verse number="20">因為，有兩個抑是三個人奉我的名聚會，我就佇𪜶中間。」</verse>
				<verse number="21">彼得 來問耶穌：「主啊，我的兄弟抑是姊妹得罪我，我著赦免伊幾遍？到七遍是無？」</verse>
				<verse number="22">耶穌給伊講：「毋是。我毋是給你講著到七遍，是著到七十個七遍。</verse>
				<verse number="23">「按呢，天國通用此個譬喻來說明：有一個國王欲及伊的僕人結賬，</verse>
				<verse number="24">伊開始算賬的時，有人將欠幾若百萬銀仔的人導來伊的面前。</verse>
				<verse number="25">彼個人𣍐當還，主人就命令人將彼個人及伊的某子以及一切所有的攏去賣來還債。</verse>
				<verse number="26">彼個僕人就跪落去求講：『請互我限一下，我會攏還。』</verse>
				<verse number="27">僕人的主人就可憐伊，擦消伊的債，放伊去。</verse>
				<verse number="28">「彼個僕人出去，抵著一個平平做僕人的，彼個人只有欠伊幾個銀仔，就給伊掠啲，掟伊的頷頸，講：『你所欠的，攏著還！』</verse>
				<verse number="29">平平做僕人的跪落去求伊講：『拜託互我限一下，我會攏還。』</verse>
				<verse number="30">伊毋肯，顛倒將此個人關落監，關到所欠的攏還清楚。</verse>
				<verse number="31">另外平平做僕人的看著，非常痛心，就將所發生一切的代誌去給主人報告。</verse>
				<verse number="32">主人就叫彼個僕人來，對伊講：『你此個歹僕人，因為你對我求，我就將你所欠的債攏擦消。</verse>
				<verse number="33">我有憐憫你，你豈毋應該親像按呢憐憫彼個平平做僕人的？』</verse>
				<verse number="34">伊的主人真受氣，就給伊關落監受刑，關到伊將一切的債務攏還清楚。</verse>
				<verse number="35">「恁逐個人若無對心底赦免家己的兄弟抑是姊妹，我的天父嘛會按呢對待恁，𣍐給恁赦免。」</verse>
			</chapter>
			<chapter number="19">
				<verse number="1">耶穌講諸個話了後，離開 加利利 去 約旦河 對岸的 猶太 地區。</verse>
				<verse number="2">有歸大陣的人隨伊，伊就佇遐醫好𪜶的病。</verse>
				<verse number="3">有一寡法利賽派的人來試探伊，講：「人無論什麼理由都通離伊的某，有合律法無？」</verse>
				<verse number="4">耶穌應講：「恁豈無讀著創造主佇起頭創造人有男有女？</verse>
				<verse number="5">上帝講：『因為此個理由，人會離開父母，及伊的某結合，兩人成做一體。』</verse>
				<verse number="6">按呢，𪜶已經毋是兩個，是一體。所以，上帝所配合的，人毋通拆開。」</verse>
				<verse number="7">法利賽派的人問伊講：「若按呢， 摩西 是按怎命令人互伊的某一張離婚書就通給伊離？」</verse>
				<verse number="8">耶穌應講：「因為恁的心硬， 摩西 才容允恁離恁的某。起頭創造的時上帝的意思並毋是按呢。</verse>
				<verse number="9">我給恁講，若毋是因為某不貞，𣍐用得給伊離，若給伊離閣娶別個婦仁人就是犯姦淫。」</verse>
				<verse number="10">門徒給伊講：「既然夫婦的關係是按呢，寧可結婚較好。」</verse>
				<verse number="11">耶穌給𪜶講：「此個話毋是逐個人攏會當接受，只有有此款恩賜的人才會。</verse>
				<verse number="12">有人對出世就無適合結婚；有人是人為的原因𣍐當結婚；嘛有人是為著天國的緣故無愛結婚。會當接受的人著接受。」</verse>
				<verse number="13">有人導囝仔來耶穌遐，愛伊給𪜶按手祈禱。門徒責備許個人。</verse>
				<verse number="14">毋拘耶穌講：「互囝仔來我遮，毋通給𪜶阻擋，因為天國是此款人的。」</verse>
				<verse number="15">伊就給𪜶按手祝福，然後離開遐。</verse>
				<verse number="16">有一遍，有一個人來尋耶穌，對伊講：「老師，我著做什麼好事才會當得著永遠的活命？」</verse>
				<verse number="17">耶穌應講：「你哪會問我關係好的事？只有一位是好。你若愛進入永遠的活命，著遵守誡命。」</verse>
				<verse number="18">伊問耶穌講：「是叨一條誡命？」 耶穌應講：「毋通害死人；毋通姦淫；毋通偷提；毋通作偽證；</verse>
				<verse number="19">著孝敬父母；著疼厝邊親像疼家己。」</verse>
				<verse number="20">此個少年人給伊講：「諸個我一直有啲遵守，猶欠什麼？」</verse>
				<verse number="21">耶穌應講：「你若愛做完全的人，你去，去賣你的財產，分互散赤人，你佇天頂就有財寶，然後來隨我。」</verse>
				<verse number="22">少年人聽著此個話，就憂憂愁愁離開；因為伊財產真多。</verse>
				<verse number="23">耶穌就給伊的門徒講：「我實在給恁講，好額人入天國實在真困難！</verse>
				<verse number="24">我閣給恁講，駱駝穿過針鼻嘛比好額人入上帝國閣較簡單。」</verse>
				<verse number="25">門徒聽著，真著驚，講：「若按呢，什麼人會當得著救？」</verse>
				<verse number="26">耶穌注目給𪜶看，講：「此個事，人做𣍐到，毋拘上帝逐項攏會。」</verse>
				<verse number="27">彼得 應講：「阮已經放拺一切來隨你啦，阮會得著什麼？」</verse>
				<verse number="28">耶穌對𪜶講：「我實在給恁講，將來的新世界，人子坐佇伊榮光的寶座的時，恁隨我的人會坐佇十二個寶座來審判 以色列 的十二支族。</verse>
				<verse number="29">為著我的名放拺家己的厝、兄弟、姊妹、父母、子兒，抑是田園的人，攏會得著百倍的報賞，閣承受永遠的活命。</verse>
				<verse number="30">總是真多做頭前的會做上路尾；上路尾的會做上頭前。」</verse>
			</chapter>
			<chapter number="20">
				<verse number="1">「天國親像一個園主透早出去倩工人來伊的葡萄園做工。</verse>
				<verse number="2">伊及工人約定一日一個銀，就差𪜶去葡萄園做工。</verse>
				<verse number="3">早起時九點左右伊閣出去，看著有一寡人佇市場口啲徛，無代誌做，</verse>
				<verse number="4">就對𪜶講：『恁嘛去葡萄園做工，我會互恁公道的工錢。』</verse>
				<verse number="5">𪜶就去。中晝十二點及下晡三點左右伊閣出去，嘛按呢做。</verse>
				<verse number="6">下晡五點，伊閣出去，看著有一寡人徛佇遐，就對𪜶講：『恁哪歸日徛佇遮，無代誌做？』</verse>
				<verse number="7">𪜶給伊講：『因為無人倩阮。』主人給𪜶講：『恁嘛去葡萄園做工。』</verse>
				<verse number="8">「黃昏的時，園主給伊的管家講：『你去叫工人來，發工錢互𪜶，對路尾來的先發，然後才發互代先來的。』</verse>
				<verse number="9">許個下晡五點才來的，逐個人領著一個銀。</verse>
				<verse number="10">代先來作工的人想講家己會領較多，毋拘逐個人嘛只有領一個銀。</verse>
				<verse number="11">𪜶領了，對主人埋怨，</verse>
				<verse number="12">講：『諸個最後來的人只有做一點鐘若定，阮互日頭曝歸日，勞苦工作，你竟然互𪜶及阮領平多！』</verse>
				<verse number="13">主人應其中一個人講：『朋友，我對你毋是無公道。你豈毋是及我約定一日一個銀？</verse>
				<verse number="14">提你的工錢，轉去！我欲互上尾來的及你領平多。</verse>
				<verse number="15">我用家己的物做我愛做的豈𣍐用得？我慷慨，你啲目眶赤是無？』</verse>
				<verse number="16">「按呢，上路尾的會做第一；第一的會做上路尾。」</verse>
				<verse number="17">耶穌佇上 耶路撒冷 的路中叫十二個門徒來，私下對𪜶講：</verse>
				<verse number="18">「今咱欲上 耶路撒冷 ，人子會受出賣互祭司長及經學教師。𪜶會給伊定死罪，</verse>
				<verse number="19">後來將伊交互外邦人，給伊戲弄，鞭拍，釘十字架；第三日上帝會互伊閣活。」</verse>
				<verse number="20">彼時， 西庇太 的某導伊兩個子來見耶穌，跪落去伊面前，求一項代誌。</verse>
				<verse number="21">耶穌問伊講：「你愛什麼？」 伊應講：「你作王的時，請你互我此兩個子一個坐你的正旁，一個坐你的倒旁。」</verse>
				<verse number="22">耶穌講：「恁毋知家己啲求什麼。我啲欲飲的杯，恁會當飲𣍐？」 𪜶講：「阮會。」</verse>
				<verse number="23">耶穌給𪜶講：「我的杯恁欲飲，不過坐我的正旁倒旁毋是我會當互人的。我的父為著什麼人準備就互彼個人。」</verse>
				<verse number="24">其他彼十個門徒聽著，就對彼兩個兄弟受氣。</verse>
				<verse number="25">耶穌叫𪜶來，給𪜶講：「恁知外邦人有統治者啲給𪜶管轄，有領袖啲給𪜶支配。</verse>
				<verse number="26">恁中間就毋應該按呢。恁中間愛做大的著做恁的差用；</verse>
				<verse number="27">愛做第一的，著做恁的僕人；</verse>
				<verse number="28">抵親像人子來，毋是欲互人服事，反轉是欲給人服事，甚至犧牲家己的性命來贖回真多人。」</verse>
				<verse number="29">𪜶離開 耶利哥 的時，有一大群人隨耶穌去。</verse>
				<verse number="30">抵有兩個盲人坐佇路邊，聽著耶穌對遐經過，就大聲喝：「 大闢 的子，憐憫阮！」</verse>
				<verse number="31">群眾給𪜶責備，叫𪜶恬恬，毋拘𪜶閣較大聲喝：「主 — 大闢 的子，憐憫阮！」</verse>
				<verse number="32">耶穌停腳，叫𪜶，講：「恁愛我給恁做什麼？」</verse>
				<verse number="33">𪜶講：「主啊，阮愛目睭會看見。」</verse>
				<verse number="34">耶穌可憐𪜶，摸𪜶的目睭，𪜶隨時閣會看見，就隨伊去。</verse>
			</chapter>
			<chapter number="21">
				<verse number="1">耶穌及門徒啲欲到 耶路撒冷 ，來到 橄欖山 附近的 伯法其 。彼時伊差兩個門徒，</verse>
				<verse number="2">給𪜶講：「恁去對面的庄社，到遐隨時會看著一隻驢縛啲，閣有一隻驢仔子及伊佇遐；恁給𪜶解開，牽來我遮。</verse>
				<verse number="3">若有人對恁講什麼，恁就講：『主欲用𪜶。』彼個人會隨時准恁牽來。」</verse>
				<verse number="4">此個代誌發生是欲應驗上帝通過先知所講的話：</verse>
				<verse number="5">著給 錫安 的婦仁人講： 看咧，恁的王欲來恁遮； 伊謙遜騎驢仔， 騎驢仔子。</verse>
				<verse number="6">門徒就去，照耶穌的指示去做。</verse>
				<verse number="7">𪜶牽驢仔及驢仔子來，將外衫袚佇𪜶頂面，耶穌就𬦰起去騎。</verse>
				<verse number="8">大部分的群眾將𪜶家己的外衫鋪佇路裡，嘛有人剉樹椏鋪佇路裡給伊歡迎。</verse>
				<verse number="9">前行後隨的群眾喝講： 大闢 的子，和散那！ 奉主的名來彼位應該受稱讚！ 至高的上帝，和散那！</verse>
				<verse number="10">耶穌一下進入 耶路撒冷 ，全城攏喊起來，講：「此個是啥人？」</verse>
				<verse number="11">眾人講：「此個是對 加利利 的 拿撒勒 來的先知耶穌。」</verse>
				<verse number="12">耶穌入去聖殿，將殿內所有啲買賣的人攏趕出去，閣捙倒換錢的人的桌及賣粉鳥的人的椅。</verse>
				<verse number="13">伊對𪜶講：「聖經有記載： 我的厝欲叫做祈禱的殿， 恁煞給伊變做土匪仔窟。」</verse>
				<verse number="14">有盲人及腳跛的人來聖殿尋耶穌，伊就給𪜶醫好。</verse>
				<verse number="15">祭司長及經學教師看著耶穌所行的奇事，閣聽見細漢囝仔佇聖殿大聲喝「 大闢 的子，和散那」，就真受氣，</verse>
				<verse number="16">給耶穌講：「你有聽著𪜶啲喝什麼無？」 耶穌應講：「有。恁豈無讀著聖經的話： 你互囝仔及嬰仔的嘴大聲唱出謳咾。」</verse>
				<verse number="17">後來耶穌離開𪜶，出城去 伯大尼 ，佇遐過暝。</verse>
				<verse number="18">隔早起，欲倒去 耶路撒冷 的時，耶穌腹肚枵。</verse>
				<verse number="19">伊看著路邊有一欉無花果樹，就行倚去，毋拘樹頂攏無看著半項，只有葉若定。伊對彼欉樹講：「你永遠𣍐閣結果子。」彼欉無花果樹隨時焦去。</verse>
				<verse number="20">門徒看著，真著驚，講：「此欉無花果樹哪會忽然間焦去？」</verse>
				<verse number="21">耶穌應講：「我實在給恁講，恁若有信心，無憢疑，毋若會當做我對此欉無花果樹所做的代誌，甚至命令此座山講『起來，去填海』嘛一定會實現。</verse>
				<verse number="22">祈禱的時，恁所求的一切，有信就會得著。」</verse>
				<verse number="23">耶穌入去聖殿啲教示人的時，祭司長及民間的長老來伊遐，對伊講：「你靠什麼權柄做諸個代誌？什麼人互你此個權柄？」</verse>
				<verse number="24">耶穌應講：「我嘛欲問恁一句話，恁若給我應，我才給恁講我靠什麼權柄做諸個代誌。</verse>
				<verse number="25">約翰 給人洗禮的權柄對叨位來，是對天抑是對人？」 𪜶互相議論講：「咱若講『對天』，伊會給咱講『按呢，恁是按怎無信 約翰 ？』</verse>
				<verse number="26">咱若講『對人』，恐驚群眾反感，因為𪜶攏想講 約翰 是先知。」</verse>
				<verse number="27">𪜶就應耶穌：「阮毋知。」 耶穌給𪜶講：「按呢，我嘛毋給恁講我靠什麼權柄做諸個代誌。」</verse>
				<verse number="28">耶穌講：「恁想按怎？有一個人有兩個子；伊去給大子講：『子啊，你今仔日去葡萄園做工。』</verse>
				<verse number="29">大子應講『我毋去』，後來改變心意有去。</verse>
				<verse number="30">老父嘛去給第二子講像款的話。第二子應講『阿爸，我來去』，後來無去。</verse>
				<verse number="31">此兩個子叨一個有照老父的意思去做？」 𪜶講：「大子。」 耶穌給𪜶講：「我實在給恁講，貿稅的及娼妓會比恁先進入上帝國。</verse>
				<verse number="32">因為施洗者 約翰 來恁遮，指示恁行正路，恁無信伊，毋拘貿稅的及娼妓有信。甚至恁看著了後嘛無悔改來信伊。」</verse>
				<verse number="33">耶穌給𪜶講：「恁閣聽一個譬喻。有一個園主開墾一坵葡萄園，四面圍籬笆，內面挖一個酒窟，起一個守望台，將此坵園租互佃農，後來出外去真遠的所在。</verse>
				<verse number="34">收成果子的時到，園主差僕人去佃農遐，欲對𪜶收果子。</verse>
				<verse number="35">佃農給諸個僕人掠起來，一個給伊拍，一個給伊刣死，一個用石頭給伊抌死。</verse>
				<verse number="36">園主閣差另外一寡僕人去，比頭一遍較多人。佃農嘛照按呢對待𪜶。</verse>
				<verse number="37">最後，園主差家己的子去𪜶遐，想講『𪜶會尊重我的子』。</verse>
				<verse number="38">毋拘佃農一下看著伊的子就參詳講：『此個是伊的繼承人。來，咱來給刣死，通得伊的財產！』</verse>
				<verse number="39">𪜶就給伊掠起來，㧒出去葡萄園的外面，給伊刣死。</verse>
				<verse number="40">「按呢，葡萄園的主人倒來的時會按怎處理許個佃農？」</verse>
				<verse number="41">𪜶給耶穌講：「伊一定會將許個歹人徹底消滅，將葡萄園租互別個會照季節納果子租的佃農。」</verse>
				<verse number="42">耶穌給𪜶講：「恁豈毋曾讀著聖經有記載： 起厝師傅所棄拺的石， 已經成做上重要的基石。 這是主的作為， 對咱來看實在真奇妙！</verse>
				<verse number="43">「所以，我給恁講，上帝會將上帝國對恁搶起來，交互會結果子的人。</verse>
				<verse number="44">彼個摔落去此塊石頭頂的人，會摔甲碎骨分屍；互彼塊石頭硩著的人，會硩甲碎糊糊。 」</verse>
				<verse number="45">諸個祭司長及法利賽派的人聽著耶穌的譬喻，知影伊是啲講𪜶。</verse>
				<verse number="46">𪜶就尋孔縫欲給伊掠，毋拘驚群眾，因為𪜶看伊是先知。</verse>
			</chapter>
			<chapter number="22">
				<verse number="1">耶穌閣用譬喻給𪜶講：</verse>
				<verse number="2">「天國通譬喻做一個國王給伊的子辦婚宴。</verse>
				<verse number="3">伊差僕人去叫所請的人客來赴婚宴，不過𪜶毋來。</verse>
				<verse number="4">國王閣差其他的僕人，給𪜶講：『恁去給許個受邀請的人講，我的宴席已經準備好勢；我的牛及肥的牛仔子嘛已經刣，一切攏準備好勢啦，請恁來赴婚宴。』</verse>
				<verse number="5">毋拘許個受邀請的人無看做要緊，做𪜶去；一個去園裡做工；一個去做生理；</verse>
				<verse number="6">其他的掠伊的僕人，給𪜶凌辱，續給𪜶刣死。</verse>
				<verse number="7">國王非常受氣，就派兵去剿滅許個兇手，放火燒𪜶的城。</verse>
				<verse number="8">然後伊給僕人講：『婚宴準備好啦，毋拘所邀請的攏不配互咱請。</verse>
				<verse number="9">所以，恁去街路口，抵著的人攏給𪜶請來赴婚宴。』</verse>
				<verse number="10">許個僕人就出去街裡，抵著的無論好人歹人攏給𪜶請來；婚宴的所在人客就坐到滿滿。</verse>
				<verse number="11">「國王入來看許個人客，看著佇遐有一個人無穿婚宴的禮服，</verse>
				<verse number="12">就給伊問：『朋友啊，你入來遮哪無穿婚宴的禮服？』彼個人攏無應。</verse>
				<verse number="13">國王就對差用的講：『腳手給縛起來，給伊㧒出去外面烏暗的所在。佇遐，伊會啼哭，咬牙切齒。』</verse>
				<verse number="14">「受呼召的真多，毋拘受揀選的真少。」</verse>
				<verse number="15">法利賽派的人出去，做夥參詳欲按怎掠耶穌的話縫通給伊陷害。</verse>
				<verse number="16">𪜶差家己的門徒及希律黨的人去耶穌遐，對伊講：「老師，阮知你真誠實，照實將上帝的道理教示人，無論什麼款人，你對待𪜶攏無差別。</verse>
				<verse number="17">納稅互 羅馬 皇帝凱撒有合律法無？請給阮講你的想法啥款。」</verse>
				<verse number="18">耶穌知影𪜶的惡意，就對𪜶講：「假好的人，是按怎欲給我試探？</verse>
				<verse number="19">提一個納稅的銀幣互我看。」 𪜶就提一個銀幣互伊。</verse>
				<verse number="20">耶穌問𪜶：「這是什麼人的像，什麼人的字號？」</verse>
				<verse number="21">𪜶講：「凱撒的。」 耶穌就給𪜶講：「按呢，凱撒的物互凱撒；上帝的物互上帝。」</verse>
				<verse number="22">𪜶聽了真著驚，就離開。</verse>
				<verse number="23">像彼日，一寡主張無閣活的撒都該派的人來耶穌遐，問伊講：</verse>
				<verse number="24">「老師， 摩西 講：『有人無生子就死去，小弟著娶兄嫂替兄哥傳宗接代。』</verse>
				<verse number="25">以前阮遮曾有七個兄弟；上大的結婚，無留後代就死去，放某互小弟。</verse>
				<verse number="26">第二的，第三的，到第七的攏像款。</verse>
				<verse number="27">𪜶攏死了後，彼個婦仁人嘛死去。</verse>
				<verse number="28">按呢，閣活的時，此個婦仁人是此七個人中間叨一個的某？因為𪜶攏曾娶伊。」</verse>
				<verse number="29">耶穌應講：「恁毋著。恁毋識聖經，嘛毋識上帝的權能。</verse>
				<verse number="30">因為閣活的時，𪜶及天頂的天使像款，無嫁無娶。</verse>
				<verse number="31">關係死人閣活的事，恁豈無讀著上帝對恁講的話：</verse>
				<verse number="32">『我就是 亞伯拉罕 的上帝， 以撒 的上帝， 雅各 的上帝』？伊毋是死人的上帝，是活人的上帝。」</verse>
				<verse number="33">群眾一下聽著，對伊的教示感覺真著驚。</verse>
				<verse number="34">法利賽派的人聽著耶穌互撒都該派的人無話通應，就聚集做夥。</verse>
				<verse number="35">其中有一個律法教師來問一個問題，欲給伊試探，講：</verse>
				<verse number="36">「老師， 摩西 的律法叨一條是上大的誡命？」</verse>
				<verse number="37">耶穌應講：「你著全心、全情、全意疼主 — 你的上帝。</verse>
				<verse number="38">這是上大閣第一的誡命。</verse>
				<verse number="39">第二的嘛像款：著疼厝邊親像疼家己。</verse>
				<verse number="40">全部律法及先知的教示攏用此兩條做根據。」</verse>
				<verse number="41">法利賽派的人聚集的時，耶穌問𪜶：</verse>
				<verse number="42">「關係基督，伊是什麼人的後代，恁想按怎？」 𪜶講：「伊是 大闢 的後代。」</verse>
				<verse number="43">耶穌對𪜶講：「若是按呢，是按怎 大闢 受聖神感動的時稱基督做主，講：</verse>
				<verse number="44">主給我的主講： 你坐我的正旁， 到我互你的對敵屈服佇你腳下。</verse>
				<verse number="45">既然 大闢 稱呼基督做『主』，基督哪會是 大闢 的後代？」</verse>
				<verse number="46">無人會當回答半句。對彼日起，無人敢閣給伊問什麼問題。</verse>
			</chapter>
			<chapter number="23">
				<verse number="1">後來，耶穌對群眾及伊的門徒講：</verse>
				<verse number="2">「經學教師及法利賽派的人坐 摩西 的位解說律法。</verse>
				<verse number="3">所以，𪜶所給恁講的，恁攏著做，著遵守；不過毋通學𪜶的行為，因為𪜶會講𣍐做。</verse>
				<verse number="4">𪜶將人擔無法的重擔捆互人擔，家己連一支指頭仔都毋肯振動。</verse>
				<verse number="5">𪜶所有的行為攏是欲做互人看，因為𪜶將家己的經文袋做較闊，衫仔裾的鬚做較長。</verse>
				<verse number="6">𪜶愛佇宴會坐大位，佇會堂坐高位，</verse>
				<verse number="7">佇市場口互人請安，互人稱呼『拉比』。</verse>
				<verse number="8">毋拘恁毋通互人稱做『拉比』，因為恁只有一位『老師』，恁攏是兄弟姊妹。</verse>
				<verse number="9">佇地上，恁毋通稱呼人做『老父』，因為恁只有一位『老父』，就是佇天頂彼位。</verse>
				<verse number="10">恁嘛毋通互人稱做『教師』，因為恁只有一位『教師』，就是基督。</verse>
				<verse number="11">恁中間上大的著做恁的差用。</verse>
				<verse number="12">提高家己的，會受降低；屈低家己的，會受高升。」</verse>
				<verse number="13">「假好的經學教師及法利賽人，恁慘啊！恁將天國的門關起來，毋互人入去；恁家己毋入去，連欲入去的人嘛毋互𪜶入去。</verse>
				<verse number="14"></verse>
				<verse number="15">「假好的經學教師及法利賽人，恁慘啊！恁為著欲互一個人改宗入教，天邊海角行透透。彼個人入教了後，恁煞互伊變做地獄的子，比恁重倍歹。</verse>
				<verse number="16">「睛瞑做導路的，恁慘啊！恁講：『人指聖殿咒誓無准算，毋拘若指殿內的金器咒誓就著守。』</verse>
				<verse number="17">恁諸個倲戇閣睛瞑的人啊，叨一項較重要？是金器抑是互金器成做神聖的聖殿？</verse>
				<verse number="18">恁閣講：『人指祭壇咒誓無准算，若指祭壇頂的祭物咒誓就著守。』</verse>
				<verse number="19">恁諸個睛瞑的人啊，是祭物抑是互祭物成做神聖的祭壇，叨一項較重要？</verse>
				<verse number="20">所以，人指祭壇咒誓，就是指祭壇及彼頂面所有的祭物咒誓。</verse>
				<verse number="21">人指聖殿咒誓，就是指聖殿及𫢶佇彼內面的上帝咒誓。</verse>
				<verse number="22">人指天咒誓，就是指上帝的寶座及坐佇彼頂面的上帝咒誓。</verse>
				<verse number="23">「假好的經學教師及法利賽人，恁慘啊！因為恁連芳料、薄荷、八角、小茴香都獻十分一互上帝，律法所重視的正義、仁慈，及信實，恁顛倒忽略。諸個才是恁應該實行的；頂面許個嘛毋通忽略。</verse>
				<verse number="24">恁諸個睛瞑做導路的，一隻細隻蠓蟲恁都給濾出來，駱駝顛倒歸隻給吞落去。</verse>
				<verse number="25">「假好的經學教師及法利賽人，恁慘啊！因為恁將杯及盤的外面洗清氣，內面卻貯滿貪慾及放縱。</verse>
				<verse number="26">恁諸個睛瞑的法利賽人啊，著先給杯的內面洗清氣，外面自然就清氣。</verse>
				<verse number="27">「假好的經學教師及法利賽人，恁慘啊！因為恁親像漆白白的墓，外面好看，內面卻貯滿死人的骨頭及逐項的污穢。</verse>
				<verse number="28">恁嘛親像按呢，外面互人看做義人，內面卻充滿假好及不法。</verse>
				<verse number="29">「假好的經學教師及法利賽人，恁慘啊！因為恁造先知的墓，整修義人的紀念碑，</verse>
				<verse number="30">閣講『阮若活佇阮祖先的時代，一定𣍐及𪜶做夥殺害先知』。</verse>
				<verse number="31">按呢，恁是啲證實恁家己是殺害先知的人的子孫。</verse>
				<verse number="32">恁祖先做的歹代，做恁去完成好啦！</verse>
				<verse number="33">恁諸個毒蛇的子孫，奸鬼的人啊，恁豈會當逃閃地獄的刑罰？</verse>
				<verse number="34">所以，我欲差先知、智慧的人，及經學教師去恁遐；𪜶有的會互恁殺害抑是釘十字架，有的會互恁佇恁的會堂鞭拍，互恁對此個城趕到彼個城。</verse>
				<verse number="35">按呢，恁佇地上刣死義人的血債攏歸佇恁身上；就是對義人 亞伯 流的血到 比利加 的子 撒迦利亞 佇聖所及祭壇的中間流的血，攏歸佇恁身上。</verse>
				<verse number="36">我實在給恁講，諸個債攏會歸佇此世代的人。」</verse>
				<verse number="37">「 耶路撒冷 啊， 耶路撒冷 啊，你刣死先知，閣用石頭抌死上帝差來你遮的使者。我偌多遍愛欲聚集你的子兒，親像雞母聚集雞仔子給𪜶攔佇翼股下，恁攏無愛！</verse>
				<verse number="38">恁看，恁的厝會荒廢，無人住。</verse>
				<verse number="39">我給恁講，對今以後恁絕對看𣍐著我，直到恁講：『奉主的名來彼位應該受稱讚！』」</verse>
			</chapter>
			<chapter number="24">
				<verse number="1">耶穌對聖殿出來，抵欲離開的時，門徒倚來，報伊看聖殿的建築物。</verse>
				<verse number="2">耶穌給𪜶講：「諸個恁豈毋是攏有看著？我實在給恁講，佇遮一切攏會受拆毀，拆甲無兩塊石相疊。」</verse>
				<verse number="3">耶穌佇 橄欖山 頂啲坐的時，門徒私下來問伊：「請給阮講，此個代誌什麼時會發生？你的來臨及今世的結局有什麼兆頭？」</verse>
				<verse number="4">耶穌應講：「著謹慎，才免受迷惑。</verse>
				<verse number="5">因為有真多人會利用我的名來，講『我就是基督』來迷惑真多人。</verse>
				<verse number="6">恁會聽著戰爭以及戰爭的風聲。著謹慎，毋免驚。諸個代誌一定會發生，毋拘終局猶未到。</verse>
				<verse number="7">因為民族會起來攻擊民族，國家攻擊國家；真多所在有飢荒及地動。</verse>
				<verse number="8">這一切的代誌不過是催陣痛疼的開始。</verse>
				<verse number="9">「彼時，恁會互人掠去，受苦楚，殺害；恁會因為我的名互萬民怨恨。</verse>
				<verse number="10">彼時，真多人會失去信心，互相出賣，彼此怨恨。</verse>
				<verse number="11">有真多假先知會出現來迷惑真多人。</verse>
				<verse number="12">不法的代誌愈加添，真多人的疼心會漸漸冷淡。</verse>
				<verse number="13">毋拘忍耐到最後的人會得著救。</verse>
				<verse number="14">此個天國的福音會傳到普天下，對萬民做見證，最後終局才會到。」</verse>
				<verse number="15">「所以，當恁看著上帝通過先知 但以理 所講彼個『可惡的毀滅者』徛佇神聖的所在 — 讀的人著明白此句話的意思 —</verse>
				<verse number="16">彼時佇 猶太 的人著逃走去山內；</verse>
				<verse number="17">佇厝頂的，毋通落來提厝內的物；</verse>
				<verse number="18">佇園裡的，毋通轉去挔外衫。</verse>
				<verse number="19">佇許個日子，有身孕的及互嬰仔食奶的婦仁人非常不幸！</verse>
				<verse number="20">著祈禱，恁才免佇冬天抑是安歇日逃難。</verse>
				<verse number="21">因為佇許個日子啲欲有大災難，是創造宇宙以來毋曾有的，將來嘛𣍐閣有。</verse>
				<verse number="22">上帝若無減少許個日子，無人會得著救；毋拘為著伊的選民，上帝會減少許個日子。</verse>
				<verse number="23">「彼時，若有人給恁講『恁看，基督佇遮』，抑是講『伊佇遐』，毋通相信。</verse>
				<verse number="24">因為有一寡假基督及假先知會出現，行大神跡及奇事來迷惑人，若會當，連選民都欲給𪜶迷惑。</verse>
				<verse number="25">我已經先給恁講啦。</verse>
				<verse number="26">「所以，若有人給恁講『恁看，基督佇曠野』，毋通出去；抑是講『恁看，伊佇房間內』，嘛毋通相信。</verse>
				<verse number="27">熠爁對東旁熠到西旁，人子的來臨嘛會親像按呢。</verse>
				<verse number="28">「屍體佇叨位，禿頭鷹攏會擒倚去遐。」</verse>
				<verse number="29">「此個災難的日子一下過去， 日會變烏暗， 月𣍐發光， 星會對天頂落落來， 天頂的光體攏會搖泏。</verse>
				<verse number="30">彼時，人子的兆頭會佇天頂出現。地上萬族萬民攏會啼哭；𪜶會看見人子充滿權能及大榮光坐天頂的雲來臨。</verse>
				<verse number="31">伊會差伊的天使歕響亮的喇叭，對天的此旁到天的彼旁，對四方聚集伊的選民。」</verse>
				<verse number="32">「著對無花果樹學習：枝茁芛發葉的時，恁就知熱天啲欲到啊。</verse>
				<verse number="33">親像按呢，恁看著這一切的代誌的時就知人子已經接近，到門口啦。</verse>
				<verse number="34">我實在給恁講，此世代猶未過去，這一切攏會發生。</verse>
				<verse number="35">天及地會消失，毋拘我的話絕對𣍐消失。」</verse>
				<verse number="36">「關係彼個日，彼個時，無人知；天頂的天使毋知，子嘛毋知，只有父知若定。</verse>
				<verse number="37">因為人子的來臨嘛會親像 挪亞 的時的情境。</verse>
				<verse number="38">大水來以前到 挪亞 進入大船彼日，人照常飲食嫁娶。</verse>
				<verse number="39">𪜶糊里糊塗攏毋知，大水忽然來，給𪜶攏沖走。人子的來臨嘛會按呢。</verse>
				<verse number="40">彼時，有兩個人佇園裡，一個受接去；一個放啲。</verse>
				<verse number="41">兩個婦仁人佇挨磨間啲挨石磨，一個受接去；一個放啲。</verse>
				<verse number="42">「著警醒，因為恁毋知恁的主什麼日會來臨。</verse>
				<verse number="43">恁著知，此家的主人若知暗時幾點賊仔會來，一定會警醒，𣍐互賊仔挖壁孔入來厝內。</verse>
				<verse number="44">所以，恁嘛著準備便便，因為人子會佇恁想𣍐到的時陣來臨。」</verse>
				<verse number="45">「若是按呢，什麼人是忠實閣聰明的僕人？就是主人交代伊管家內其他的僕人，照時分食物互𪜶彼個人。</verse>
				<verse number="46">主人轉來的時看著有照按呢啲做彼個僕人實在有福氣！</verse>
				<verse number="47">我實在給恁講，主人會派此個僕人管理伊攏總的財產。</verse>
				<verse number="48">彼個歹的僕人若心內想講『我的主人𣍐赫緊轉來』，</verse>
				<verse number="49">就拍平平做僕人的，閣及酒醉的做夥亦飲亦食。</verse>
				<verse number="50">主人會佇伊無按算的日，毋知的時轉來。</verse>
				<verse number="51">主人會嚴嚴給伊處罰，給伊及假好的人下做堆；佇遐𪜶會啼哭，咬牙切齒。」</verse>
			</chapter>
			<chapter number="25">
				<verse number="1">「天國通譬喻做十個在室女攑燈出去迎接新郎。</verse>
				<verse number="2">其中有五個戇的，五個巧的。</verse>
				<verse number="3">許個戇的攑燈，無另外帶油，</verse>
				<verse number="4">毋拘巧的攑燈，有另外帶幾若罐油。</verse>
				<verse number="5">新郎較晏到，𪜶煞攏盹佝睏去。</verse>
				<verse number="6">「半暝，有人大聲喝：『新郎來啦，出來迎接！』</verse>
				<verse number="7">彼時，許個在室女攏醒起來，修整𪜶的燈。</verse>
				<verse number="8">戇的給巧的講：『阮的燈啲欲化去啦，恁的油分一寡互阮。』</verse>
				<verse number="9">巧的應講：『驚了油無夠分恁用，上好恁家己去給賣油的買。』</verse>
				<verse number="10">𪜶去買的時新郎到位，許個準備好勢的及伊入去赴婚宴，門就關起來。</verse>
				<verse number="11">「後來許個戇的在室女嘛來，講：『先生，先生，請給阮開門！』</verse>
				<verse number="12">新郎應講：『我實在給恁講，我毋識恁！』</verse>
				<verse number="13">「所以，著警醒，因為彼個日彼個時恁毋知。」</verse>
				<verse number="14">「天國親像有一個人欲出外旅行，叫家己的僕人來，將財產交代𪜶。</verse>
				<verse number="15">伊照逐人的才調交金幣互𪜶，一個五千，一個兩千，一個一千，就出外去。</verse>
				<verse number="16">彼個領五千的隨時提去做生理，閣賺五千。</verse>
				<verse number="17">像款，彼個領兩千的嘛閣賺兩千。</verse>
				<verse number="18">毋拘彼個領一千的出去，佇土腳挖一孔，給主人的金幣藏起來。</verse>
				<verse number="19">「過真久，許個僕人的主人轉來，及𪜶算賬。</verse>
				<verse number="20">彼個領五千的行進前，另外提五千來，講：『頭家，你交代我五千個金幣，請看，我有閣賺五千。』</verse>
				<verse number="21">主人給伊講：『真好，好閣忠實的僕人，你既然佇少的有忠實，我欲派你管較多的；入來及主人做夥歡喜。』</verse>
				<verse number="22">「領兩千的嘛來，講：『頭家，你交代我兩千個金幣，請你看，我有閣賺兩千。』</verse>
				<verse number="23">主人給伊講：『真好，好閣忠實的僕人，你既然佇少的有忠實，我欲派你管較多的；入來及主人做夥歡喜。』</verse>
				<verse number="24">「此時，彼個領一千的嘛行進前，講：『頭家，我知你是嚴轄的人，無撒種嘛欲收割，無種作嘛欲收成。</verse>
				<verse number="25">我真驚，才將你的金幣提去藏佇土腳底。今你的金幣還你。』</verse>
				<verse number="26">「主人應講：『歹閣貧憚的僕人，你既然知我無撒種嘛欲收割，無種作嘛欲收成，</verse>
				<verse number="27">你應該將我的金幣寄銀行，我轉來的時通連本帶利收回。』</verse>
				<verse number="28">給伊的金幣提來，交互有一萬金幣彼個人。</verse>
				<verse number="29">因為有的，欲互伊閣較多，甚至有賰；無的，連伊所有的嘛欲給伊搶起來。</verse>
				<verse number="30">此個無路用的僕人，給伊趕出去外面烏暗的所在；佇遐伊會啼哭，咬牙切齒。」</verse>
				<verse number="31">「人子作王導眾天使來臨的時，伊會坐佇榮耀的寶座。</verse>
				<verse number="32">地上萬民攏會聚集佇伊的面前。伊會將𪜶分做兩旁，親像牧者將綿羊及山羊分開；</verse>
				<verse number="33">給綿羊安排佇正旁，山羊佇倒旁。</verse>
				<verse number="34">後來，王會給正旁的人講：『來，恁諸個受我的父祝福的，來承受對創造宇宙以來就為著恁準備的國度。</verse>
				<verse number="35">因為我枵，恁有互我食；我嘴焦，恁有互我飲；我作出外人，恁有給我收留；</verse>
				<verse number="36">我赤身露體，恁有互我穿；我破病，恁有給我照顧；我佇監裡，恁有來探我。』</verse>
				<verse number="37">「彼時，義人會應伊講：『主啊，什麼時阮看著你枵有互你食，嘴焦有互你飲？</verse>
				<verse number="38">什麼時阮看著你作出外人有給你收留，赤身露體有互你穿？</verse>
				<verse number="39">什麼時阮看著你破病抑是佇監裡，阮有去探你？』</verse>
				<verse number="40">王會應講：『我實在給恁講，恁有按呢對待我兄弟姊妹上微細的一個，就是好款待我。』</verse>
				<verse number="41">「後來，王會給倒旁的人講：『恁諸個受咒詛的人，離開我，入去為著魔鬼及伊的使者所準備永遠的火裡。</verse>
				<verse number="42">因為我枵，恁無互我食；我嘴焦，恁無互我飲；</verse>
				<verse number="43">我作出外人，恁無給我收留；我赤身露體，恁無互我穿；我破病抑是佇監裡，恁無來探我。』</verse>
				<verse number="44">「彼時，𪜶嘛會應講：『主啊，什麼時阮看著你枵，嘴焦，作出外人，赤身露體，破病，抑是佇監裡，無給你照顧？』</verse>
				<verse number="45">王會給𪜶講：『我實在給恁講，恁無按呢對待上微細的一個，就是無好款待我。』</verse>
				<verse number="46">諸個人會受永遠的刑罰，總是義人會得著永遠的活命。」</verse>
			</chapter>
			<chapter number="26">
				<verse number="1">耶穌講諸個話了後給伊的門徒講：</verse>
				<verse number="2">「恁知閣兩日就是𨃟過節，人子會受出賣互人釘十字架。」</verse>
				<verse number="3">彼時，祭司長及民間的長老聚集佇大祭司 該亞法 的公館。</verse>
				<verse number="4">𪜶參詳欲用計謀掠耶穌，給伊害死。</verse>
				<verse number="5">毋拘𪜶講：「毋通佇節期中，驚了民眾起暴動。」</verse>
				<verse number="6">耶穌佇 伯大尼 痲瘋病人 西門 的厝啲坐桌食飯的時，有一個婦仁人提一罐玉瓶，內面貯非常高貴的芳油，行倚來，將芳油倒佇耶穌的頭殼頂。</verse>
				<verse number="7"></verse>
				<verse number="8">門徒看著真受氣，講：「哪著即浪費？</verse>
				<verse number="9">此罐芳油會當賣真多錢來救濟散赤人。」</verse>
				<verse number="10">耶穌知影，就對𪜶講：「恁哪欲刁難此個婦仁人？伊有為著我做一項好事。</verse>
				<verse number="11">不時有散赤人及恁做夥，不過我𣍐不時及恁做夥。</verse>
				<verse number="12">伊倒芳油佇我的身軀是給我準備埋葬。</verse>
				<verse number="13">我實在給恁講，此個福音無論傳到全世界什麼所在，人攏會講起此個婦仁人所做的代誌來記念伊。」</verse>
				<verse number="14">十二使徒的一個，叫做 以斯加略 的 猶大 ，去見許個祭司長，</verse>
				<verse number="15">講：「我若將耶穌交互恁，恁欲互我什麼？」𪜶就提三十個銀仔互伊。</verse>
				<verse number="16">對彼時起， 猶大 一直啲尋機會欲出賣耶穌。</verse>
				<verse number="17">除酵節的頭一日，門徒來問耶穌：「你愛阮佇叨位給你準備食𨃟過節的晚餐？」</verse>
				<verse number="18">耶穌講：「恁入城去尋彼個某人，給伊講：『老師講：我的時已經到，我欲及我的門徒佇你的厝守𨃟過節。』」</verse>
				<verse number="19">門徒就照耶穌的吩咐去準備𨃟過節的晚餐。</verse>
				<verse number="20">黃昏的時，耶穌及十二使徒坐桌。</verse>
				<verse number="21">𪜶啲食飯的時，耶穌講：「我實在給恁講，恁中間有一個人欲給我出賣。」</verse>
				<verse number="22">𪜶真傷心，一個一個給伊問：「主啊，毋是我乎？」</verse>
				<verse number="23">耶穌應講：「伸手及我像時提食物佇盤裡啲搵彼個人欲給我出賣。</verse>
				<verse number="24">照聖經所記載，人子會受害，不過出賣人子彼個人慘啊！彼個人寧可無出世較好。」</verse>
				<verse number="25">出賣耶穌的 猶大 嘛給伊問：「拉比，毋是我乎？」 耶穌應講：「這是你講的。」</verse>
				<verse number="26">𪜶啲食的時，耶穌提餅，感謝了後擘開，分互門徒，講：「提去食；這是我的身軀。」</verse>
				<verse number="27">然後伊捧杯，感謝了後提互門徒，講：「恁攏著飲此杯，</verse>
				<verse number="28">因為這是我的血，是立約的血，為著真多人流出的，欲互𪜶的罪得著赦免。</verse>
				<verse number="29">我給恁講，佇我的父的國及恁飲新的葡萄酒彼日以前，我絕對𣍐閣飲此個酒。」</verse>
				<verse number="30">𪜶吟詩了後就出去，去 橄欖山 。</verse>
				<verse number="31">耶穌給𪜶講：「今暝恁攏會放拺我，因為聖經有記載： 我欲拍牧者， 歸群羊就四散。</verse>
				<verse number="32">毋拘我閣活以後會比恁先去 加利利 。」</verse>
				<verse number="33">彼得 對耶穌講：「雖然𪜶大家攏放拺你，我絕對𣍐放拺你！」</verse>
				<verse number="34">耶穌給伊講：「我實在給你講，今暝雞啼以前，你會三遍毋認我。」</verse>
				<verse number="35">彼得 應講：「若一定著及你做夥死，我嘛絕對𣍐毋認你！」 其他的門徒嘛攏按呢講。</verse>
				<verse number="36">後來，耶穌及門徒來到一個所在叫做 客西馬尼 。伊給門徒講：「我去遐祈禱，恁𫢶遮坐。」</verse>
				<verse number="37">伊就導 彼得 及 西庇太 的兩個子做夥去。伊悲傷，非常痛苦，</verse>
				<verse number="38">對𪜶講：「我心憂傷到欲死。恁𫢶遮，及我做夥警醒。」</verse>
				<verse number="39">伊行較進前，面仆落去，祈禱講：「我的父啊，若會當，求你互我免飲此個杯，毋拘毋是照我的意思，著照你的旨意實現。」</verse>
				<verse number="40">伊轉來門徒遐，看著𪜶啲睏，就對 彼得 講：「恁真正𣍐當及我警醒一點鐘久是無？</verse>
				<verse number="41">著警醒，著祈禱，才𣍐陷落誘惑。恁雖然心真意愛，毋拘肉體軟弱。」</verse>
				<verse number="42">耶穌第二遍閣去祈禱，講：「我的父啊，此個杯若𣍐當免，我一定著飲，願你的旨意實現。」</verse>
				<verse number="43">伊閣轉來，看著𪜶因為目睭澀猶啲睏。</verse>
				<verse number="44">耶穌閣離開𪜶，第三遍去祈禱，嘛是講像款的話。</verse>
				<verse number="45">然後伊閣轉來門徒遐，對𪜶講：「恁猶啲睏，猶啲歇睏噢？恁看，時間接近啦；人子受出賣交佇罪人的手頭啦。</verse>
				<verse number="46">起來，咱來去。恁看，出賣我的人來啦。」</verse>
				<verse number="47">耶穌猶啲講的時，十二使徒的一個 — 猶大 來，祭司長及民間的長老派來的一大陣人攑刀攑棍及伊鬥陣來。</verse>
				<verse number="48">出賣耶穌彼個人有互𪜶一個暗號，講：「我給伊唚彼個就是；恁給掠。」</verse>
				<verse number="49">猶大 隨時行倚耶穌，對伊講：「拉比，平安！」就給伊唚。</verse>
				<verse number="50">耶穌給伊講：「朋友，你哪佇遮？」 許個人就倚去，下手掠耶穌。</verse>
				<verse number="51">忽然，有一個及耶穌鬥陣的人伸手拔刀對大祭司的僕人刜落去，給伊一旁的耳仔削起來。</verse>
				<verse number="52">耶穌給伊講：「刀收起來，因為攑刀的攏會死佇刀下。</verse>
				<verse number="53">你想講我𣍐當懇求我的父隨時差十二營較加的天使來是無？</verse>
				<verse number="54">我若按呢做，聖經所記載一定著發生的代誌哪會應驗？」</verse>
				<verse number="55">彼時耶穌對群眾講：「恁攑刀攑棍出來掠我，是欲掠強盜是無？我逐日佇聖殿坐啲教示人，恁無給我掠。</verse>
				<verse number="56">不過這一切的代誌攏已經實現，是欲應驗先知佇聖經所講的話。」 然後，所有的門徒攏放拺耶穌逃走。</verse>
				<verse number="57">許個掠耶穌的人給伊導去大祭司 該亞法 遐；經學教師及長老攏已經聚集佇遐。</verse>
				<verse number="58">彼得 離遠遠啲隨耶穌，隨到大祭司公館的埕。伊入去內面及警衛做夥坐，欲看代誌的結局。</verse>
				<verse number="59">祭司長及全議會一直啲尋假證據欲告耶穌，通給伊處死。</verse>
				<verse number="60">雖然有真多人出來給伊誣告，毋拘𪜶攏尋無證據。後來有兩個人出來，</verse>
				<verse number="61">講：「此個人曾講『我有法度毀壞上帝的聖殿，三日內閣給伊起起來』。」</verse>
				<verse number="62">大祭司徛起來對耶穌講：「諸個人啲給你告什麼，你哪攏無答辯？」</verse>
				<verse number="63">毋拘耶穌攏恬恬。大祭司閣一遍對伊講：「我指永遠活的上帝命令你給阮講，你是基督，上帝的子抑毋是。」</verse>
				<verse number="64">耶穌應講：「你已經講啦。毋拘我給恁講，對今以後恁會看見人子坐佇全能者的正旁，坐天頂的雲來臨。」</verse>
				<verse number="65">大祭司就拆裂家己的外衫，講：「伊已經褻瀆上帝。咱猶需要什麼證人？今恁已經有聽著伊褻瀆上帝。</verse>
				<verse number="66">恁想按怎？」 𪜶應講：「伊該死！」</verse>
				<verse number="67">後來𪜶呸涎佇耶穌的面，給伊掙，閣有人給伊搧，</verse>
				<verse number="68">講：「基督啊，你是先知，給阮講看覓，啥人給你拍？」</verse>
				<verse number="69">彼得 佇公館外面的埕啲坐，有一個女婢行倚去，講：「你嘛攏有啲及彼個 加利利 人耶穌做夥。」</verse>
				<verse number="70">彼得 佇眾人的面前毋認，講：「我毋知你啲講什麼。」</verse>
				<verse number="71">彼得 行出去到大門口的時，有另外一個女婢看著伊，就給佇遐的人講：「此個人有啲及 拿撒勒 人耶穌做夥。」</verse>
				<verse number="72">彼得 閣一遍咒誓毋認，講：「我毋識彼個人。」</verse>
				<verse number="73">過無偌久，徛佇邊仔的人倚來，對 彼得 講：「你確實嘛是𪜶彼陣的人，聽你的腔就知。」</verse>
				<verse number="74">伊就咒誓講：「我毋識彼個人。我若講白賊，願天責罰我！」 雞隨時啼。</verse>
				<verse number="75">彼得 想著耶穌所講的話「雞啼以前，你會三遍毋認我」，就出去外面大聲啼哭。</verse>
			</chapter>
			<chapter number="27">
				<verse number="1">透早，所有的祭司長及民間的長老鬥陣參詳欲陷害耶穌，給伊處死刑。</verse>
				<verse number="2">𪜶給耶穌縛起來，押去交互 羅馬 總督 彼拉多 。</verse>
				<verse number="3">出賣耶穌的 猶大 看著耶穌已經受定罪，就後悔，提彼三十個銀仔去還互許個祭司長及長老，</verse>
				<verse number="4">講：「出賣無辜的人，我有罪啦！」 𪜶應講：「無阮的代誌，你家己負責！」</verse>
				<verse number="5">猶大 將許個銀仔㧒佇聖殿的內面就離開，去吊死。</verse>
				<verse number="6">許個祭司長將銀仔拾起來，講：「這是血錢，無應該囥入聖殿的金庫。」</verse>
				<verse number="7">𪜶參詳了，決定用諸個錢去買燒瓷人的園，通埋葬出外人。</verse>
				<verse number="8">所以彼個園到今仔日猶叫做血園。</verse>
				<verse number="9">此個代誌應驗上帝通過先知 耶利米 所講的話：「𪜶提彼三十個銀仔，就是 以色列 人為著伊估計的價錢，</verse>
				<verse number="10">照主所命令我的，去買彼坵燒瓷人的園。」</verse>
				<verse number="11">耶穌徛佇總督的面前，總督問伊講：「你是 猶太 人的王是無？」 耶穌應講：「這是你講的。」</verse>
				<verse number="12">許個祭司長及長老控告耶穌的時，伊攏無應。</verse>
				<verse number="13">後來 彼拉多 對伊講：「𪜶給你控告即多項代誌，你豈無聽見？」</verse>
				<verse number="14">耶穌猶原無給伊應，連一句嘛無，總督煞感覺非常奇怪。</verse>
				<verse number="15">逐年的𨃟過節，照慣例總督攏有放一個群眾愛放的犯人。</verse>
				<verse number="16">彼時抵好有一個大家攏識的犯人，名叫做 耶穌‧巴拉巴 。</verse>
				<verse number="17">所以，群眾聚集的時， 彼拉多 問𪜶講：「恁愛我放叨一個互恁？ 耶穌‧巴拉巴 ，抑是稱做基督的耶穌？」</verse>
				<verse number="18">彼拉多 知𪜶是因為怨妒才將耶穌交互伊。</verse>
				<verse number="19">彼拉多 開庭審問的時，伊的夫人差人來給伊講：「彼個義人的代誌，你千萬毋通插；昨暗我佇眠夢中因為伊受真多苦。」</verse>
				<verse number="20">許個祭司長及長老煽動民眾，教𪜶著要求放 巴拉巴 ，給耶穌處死刑。</verse>
				<verse number="21">總督閣問𪜶：「此兩個人恁愛我放叨一個互恁？」 𪜶應：「 巴拉巴 ！」</verse>
				<verse number="22">彼拉多 問𪜶：「按呢，彼個稱做基督的耶穌，恁愛我按怎處理？」 群眾攏應：「給釘十字架！」</verse>
				<verse number="23">彼拉多 講：「是按怎？伊有做什麼歹代誌？」 𪜶閣較大聲喝：「給釘十字架！」</verse>
				<verse number="24">彼拉多 看已經無採工，強欲引起暴動，就提水佇群眾面前洗手，講：「恁家己負責。 」</verse>
				<verse number="25">民眾攏應講：「此個人的血債，阮及阮的子孫來承擔。」</verse>
				<verse number="26">彼拉多 就放 巴拉巴 互𪜶，閣命令人用鞭拍耶穌，然後交伊去釘十字架。</verse>
				<verse number="27">總督的兵士押耶穌入去總督府，召集全隊的兵給伊圍起來。</verse>
				<verse number="28">𪜶將耶穌的衫褪起來，給伊穿朱紅色的長袍，</verse>
				<verse number="29">閣用刺仔編一頂王冠給戴佇頭殼頂，將一支蘆竹仔互伊攑佇正手。𪜶閣跪佇伊的面前戲弄，講：「 猶太 人的王萬歲！」</verse>
				<verse number="30">𪜶閣給伊呸嘴涎，攑彼支蘆竹仔捽伊的頭殼。</verse>
				<verse number="31">𪜶給伊戲弄了後，將彼領長袍給褪起來，閣將伊家己的衫給穿倒轉去，然後交伊去釘十字架。</verse>
				<verse number="32">𪜶出去的時抵著一個 古利奈 人，名叫做 西門 。𪜶強迫伊夯耶穌的十字架。</verse>
				<verse number="33">𪜶到一個所在叫做 各各他 ，就是「 頭殼碗嶺 」，</verse>
				<verse number="34">就用摻苦膽的酒互耶穌飲；伊啖一下，毋飲。</verse>
				<verse number="35">兵士釘耶穌佇十字架了後抽籤分伊的衫，</verse>
				<verse number="36">然後坐佇遐顧守。</verse>
				<verse number="37">𪜶佇伊的頭殼頂釘一個罪狀，寫講：「此個是 猶太 人的王耶穌。」</verse>
				<verse number="38">有兩個強盜及耶穌做夥釘十字架，一個佇正旁，一個佇倒旁。</verse>
				<verse number="39">對遐經過的人給伊侮辱，搖頭，</verse>
				<verse number="40">講：「你此個人，講欲拆毀聖殿三日內閣起起來，著救你家己。你若是上帝的子，著對十字架落來！」</verse>
				<verse number="41">祭司長、經學教師，及長老嘛攏按呢給伊恥笑，講：</verse>
				<verse number="42">「伊救別人，無法度救家己。伊是 以色列 的王，現在著對十字架落來，咱就信伊。</verse>
				<verse number="43">伊信靠上帝；上帝若欲救伊，現在著救伊，因為伊講：『我是上帝的子。』」</verse>
				<verse number="44">及耶穌做夥釘十字架彼兩個強盜嘛仝款給伊侮辱。</verse>
				<verse number="45">對中晝起續到下晡三點，全地攏烏暗。</verse>
				<verse number="46">下晡三點左右，耶穌大聲喝：「以利，以利，拉馬撒北大尼？」意思是「我的上帝，我的上帝，你是按怎放拺我？」</verse>
				<verse number="47">有一寡徛佇遐的人聽著，講：「此個人啲叫 以利亞 。」</verse>
				<verse number="48">其中有一個人隨時走去提海綿，浸酸酒，縛佇蘆竹仔尾，㧣去互耶穌𠲿。</verse>
				<verse number="49">其他的人講：「等一下！看 以利亞 會來給伊救𣍐。」</verse>
				<verse number="50">耶穌閣大聲喝一聲，氣就斷。</verse>
				<verse number="51">忽然，聖殿內的帳簾對頂到下裂做兩旁；地大振動，石磐爆裂；</verse>
				<verse number="52">墓嘛開；有真多已經死去的上帝子民的屍體攏閣活起來。</verse>
				<verse number="53">耶穌閣活以後許個人對墓出來，入去聖城，出現互真多人看見。</verse>
				<verse number="54">彼個軍官及做夥顧守耶穌的兵士看著地動及所發生的代誌，非常驚惶，講：「此個確實是上帝的子！」</verse>
				<verse number="55">佇遐有真多婦仁人對遠遠啲看；𪜶是對 加利利 隨耶穌來侍候伊的，</verse>
				<verse number="56">其中有 末大拉 的 馬利亞 、 雅各 及 約瑟 的老母 馬利亞 、閣有 西庇太 兩個子的老母。</verse>
				<verse number="57">黃昏的時，有一個 亞利馬太 的好額人來，伊名叫做 約瑟 ，嘛是耶穌的門徒。</verse>
				<verse number="58">此個人去見 彼拉多 ，請求將耶穌的遺體互伊。 彼拉多 就吩咐人將遺體互伊。</verse>
				<verse number="59">約瑟 給耶穌的遺體收落來以後，用清氣的幼麻布包起來，</verse>
				<verse number="60">然後給伊安葬佇家己的新墓，就是 約瑟 拍佇石壁裡的墓。伊閣翱一塊大塊石來塞佇墓口才離開。</verse>
				<verse number="61">彼時，有 末大拉 的 馬利亞 及別個 馬利亞 佇遐，坐佇墓的對面。</verse>
				<verse number="62">隔日，就是備辦日後彼日，許個祭司長及法利賽派的人做夥去見 彼拉多 ，</verse>
				<verse number="63">講：「大人，阮會記得彼個諞仙仔猶活啲的時曾講：『三日後，我會閣活。』</verse>
				<verse number="64">所以，請你下令嚴守墳墓到第三日，才𣍐互伊的門徒來偷提伊的身屍，煞給民眾講『伊已經對死人中閣活』。若按呢，此個最後的欺騙會比頭一遍的閣較嚴重。」</verse>
				<verse number="65">彼拉多 給𪜶講：「恁導衛兵去，盡所會嚴密顧守彼個墓。」</verse>
				<verse number="66">𪜶就去，用封條封彼塊石頭，留衛兵佇遐顧守。</verse>
			</chapter>
			<chapter number="28">
				<verse number="1">安歇日過了，禮拜日 天欲光的時， 末大拉 的 馬利亞 及別個 馬利亞 去探墓。</verse>
				<verse number="2">忽然，有大地動，因為主的一個天使對天降臨，將彼塊石頭翱開，坐佇彼頂面。</verse>
				<verse number="3">伊的面貌親像熠爁，伊的衫親像雪赫呢白。</verse>
				<verse number="4">許個顧守的衛兵驚甲皮皮惙，煞變做親像死人。</verse>
				<verse number="5">彼個天使給許個婦仁人講：「毋免驚；我知恁啲尋互人釘十字架的耶穌。</verse>
				<verse number="6">伊無佇遮，照伊所講，伊已經閣活。來，來看伊倒的所在。</verse>
				<verse number="7">恁趕緊去給伊的門徒講：『伊已經對死人中閣活啦。伊比恁先去 加利利 ，佇遐恁會見著伊。』著會記得我已經有給恁講啦。」</verse>
				<verse number="8">𪜶就趕緊離開墓，也驚也大歡喜，走去給耶穌的門徒講。</verse>
				<verse number="9">忽然，耶穌出現，對𪜶講：「大家平安！」𪜶行進前攬伊的腳，給伊拜。</verse>
				<verse number="10">耶穌給𪜶講：「毋免驚！去給我的兄弟講，叫𪜶去 加利利 ，佇遐𪜶會見著我。」</verse>
				<verse number="11">許個婦仁人離開的時，有一寡顧守墓的衛兵入去城內，將所發生的代誌攏給祭司長報告。</verse>
				<verse number="12">祭司長及長老聚集參詳了後，提真多銀仔互許個兵，</verse>
				<verse number="13">講：「恁著按呢講：『伊的門徒暗時來，佇阮啲睏的時將伊的身屍偷提去。』</verse>
				<verse number="14">萬一總督聽著此個代誌，阮會去給伊安搭，包恁無代誌。」</verse>
				<verse number="15">衛兵就提許個銀仔照𪜶所吩咐的去做。此個代誌到今仔日猶佇 猶太 人的中間啲流傳。</verse>
				<verse number="16">十一個門徒去 加利利 ，到耶穌指定𪜶去彼座山頂。</verse>
				<verse number="17">𪜶見著耶穌就給伊拜，不過有人猶啲憢疑。</verse>
				<verse number="18">耶穌行倚去給𪜶講：「上帝已經將天頂地下一切的權柄攏互我。</verse>
				<verse number="19">所以，恁著去招萬民來做門徒，給𪜶洗禮，互𪜶歸佇父、子、聖神的名 ，</verse>
				<verse number="20">教示𪜶遵守我所互恁一切的命令。著會記得，我逐日及恁同在，直到今世的結束。」</verse>
			</chapter>
		</book>
		<book number="41">
			<chapter number="1">
				<verse number="1">上帝的子 耶穌基督的福音按呢開始。</verse>
				<verse number="2">先知 以賽亞 的冊有記載： 上帝講： 看咧，我差我的使者做你的先鋒， 伊欲給你開路。</verse>
				<verse number="3">有聲佇曠野啲喝： 著為主準備道路， 為著伊修直小路。</verse>
				<verse number="4">果然， 約翰 佇曠野出現，給人洗禮，宣揚講：「著悔改，領受洗禮，上帝就赦免恁的罪。」</verse>
				<verse number="5">猶太 逐所在有真多人及 耶路撒冷 所有的人攏出來，去 約翰 遐，告白家己的罪，佇 約旦河 對伊領受洗禮。</verse>
				<verse number="6">約翰 穿駱駝毛的衫，腰縖皮帶，食草蜢及野蜜。</verse>
				<verse number="7">伊宣揚講：「有一位比我較有權能的佇我後面啲來，我連踞落去給伊解鞋帶都𣍐堪得。</verse>
				<verse number="8">我用水給恁洗禮，毋拘伊欲用聖神給恁洗禮。」</verse>
				<verse number="9">過無幾日，耶穌對 加利利 的 拿撒勒 來，佇 約旦河 對 約翰 領受洗禮。</verse>
				<verse number="10">耶穌一下對水裡起來，就看見天裂開，聖神親像粉鳥降落佇伊身上。</verse>
				<verse number="11">閣對天有聲講： 你是我所疼的子， 你，我真意愛。</verse>
				<verse number="12">聖神隨時催迫耶穌去曠野。</verse>
				<verse number="13">伊佇曠野四十日久受撒旦試探；伊一直攏及野獸做夥，毋拘有天使啲給伊侍候。</verse>
				<verse number="14">約翰 受掠了後，耶穌去 加利利 宣揚上帝的福音，</verse>
				<verse number="15">講：「時機到啊，上帝國啲欲實現啦，著悔改，信福音。」</verse>
				<verse number="16">耶穌對 加利利 湖邊經過的時，看著 西門 及伊的小弟 安得烈 佇湖裡啲拋網，因為𪜶是掠魚的。</verse>
				<verse number="17">耶穌對𪜶講：「來隨我，我欲互恁得著人親像掠魚的得著魚。」</verse>
				<verse number="18">𪜶隨時給網放咧，去隨耶穌。</verse>
				<verse number="19">行無偌遠，耶穌看著 西庇太 的子 雅各 及伊的小弟 約翰 佇船頂啲整理網。</verse>
				<verse number="20">伊隨時呼召𪜶，𪜶就將老父 西庇太 及倩的工人放佇船頂，隨耶穌去。</verse>
				<verse number="21">耶穌及伊的門徒去 迦百農 ；安歇日一下到，伊隨時入去會堂教示。</verse>
				<verse number="22">眾人對伊的教示感覺非常希奇，因為伊的教示真有權威，及經學教師無相像。</verse>
				<verse number="23">彼時，會堂內有一個邪神附身的人雄雄喝出來：</verse>
				<verse number="24">「 拿撒勒 人耶穌，你插阮！你來欲毀滅阮是無？我知你是什麼人；你是上帝的聖者。」</verse>
				<verse number="25">耶穌給伊責備講：「恬恬！對此個人出去！」</verse>
				<verse number="26">邪神互彼個人抽惙，大聲喝一聲，就對伊出去。</verse>
				<verse number="27">眾人著驚，議論紛紛講：「這是什麼代誌？是有權柄的新教示！伊命令邪神，𪜶攏降服。」</verse>
				<verse number="28">耶穌的名聲隨時傳到 加利利 及周圍逐所在。</verse>
				<verse number="29">耶穌一下離開會堂，隨時導 雅各 及 約翰 去 西門 及 安得烈 𪜶兜。</verse>
				<verse number="30">西門 的丈姆抵啲發熱，倒佇眠床，𪜶隨時將伊的情形給耶穌講。</verse>
				<verse number="31">耶穌行倚去牽伊的手，給伊扶起來；伊的熱退去，就給𪜶侍候。</verse>
				<verse number="32">黃昏，日落的時，眾人將逐種病人及鬼附身的人攏導來耶穌遐。</verse>
				<verse number="33">通城的人攏聚集佇門口。</verse>
				<verse number="34">耶穌醫好真多患著逐款病的人，閣趕出真多鬼。伊毋准鬼講話，因為𪜶知伊是什麼人。</verse>
				<verse number="35">隔日透早，天猶未光，耶穌就起來，出去偏僻無人住的所在，佇遐祈禱。</verse>
				<verse number="36">西門 及同伴去尋伊。</verse>
				<verse number="37">𪜶尋著就給伊講：「逐個攏啲尋你。」</verse>
				<verse number="38">耶穌應講：「咱來去附近的庄社，我嘛通佇遐傳道，因為這是我出來的目的。」</verse>
				<verse number="39">耶穌去 加利利 逐所在，佇𪜶的會堂傳道閣趕鬼。</verse>
				<verse number="40">有一個痲瘋病人來懇求耶穌，跪落去對伊講：「你若肯，會當互我清氣。」</verse>
				<verse number="41">耶穌滿心憐憫，伸手給伊摸，講：「我肯，互你清氣！」</verse>
				<verse number="42">伊的痲瘋隨時無去，伊就清氣。</verse>
				<verse number="43">耶穌隨時叫伊離開，嚴嚴給伊吩咐，</verse>
				<verse number="44">講：「千萬毋通給人講。不過你著去互祭司驗，閣照 摩西 的規定為著你有得著清氣獻祭物，通對眾人證明。」</verse>
				<verse number="45">毋拘伊一下出去，就四界宣傳報揚此個消息，致到耶穌𣍐當公開入城，煞著住佇城外偏僻的所在。眾人猶原對逐所在去尋伊。</verse>
			</chapter>
			<chapter number="2">
				<verse number="1">幾日後，耶穌閣去 迦百農 ，有消息傳講伊佇厝內，</verse>
				<verse number="2">就有真多人聚集倚來，煞攏無空位，連門口都無。耶穌對𪜶啲講道的時，</verse>
				<verse number="3">有四個人扛一個半身不遂的人來伊遐。</verse>
				<verse number="4">因為人真多，𣍐當扛去到耶穌的面前，𪜶就佇伊頂面的厝頂拆一孔，互彼個半身不遂的人倒佇床舖縋落去。</verse>
				<verse number="5">耶穌看見𪜶的信心，就對彼個半身不遂的人講：「少年人，你的罪赦免啦！」</verse>
				<verse number="6">有幾若個經學教師坐佇遐，心內啲議論：</verse>
				<verse number="7">「此個人哪會按呢講？伊啲褻瀆上帝！獨一的上帝以外，什麼人會當赦罪？」</verse>
				<verse number="8">耶穌內心隨時知影𪜶按呢啲議論，就對𪜶講：「是按怎恁心內啲質問此個代誌？</verse>
				<verse number="9">對半身不遂的人講『你的罪赦免啦』，抑是講『起來，夯你的床舖起來行』，叨一項較簡單？</verse>
				<verse number="10">不過我欲互恁知人子佇地上有赦罪的權柄。」耶穌就對彼個半身不遂的人講：</verse>
				<verse number="11">「我給你講，起來，夯你的床舖，轉去恁兜！」</verse>
				<verse number="12">伊就起來，隨時夯伊的床舖，佇眾人的面前行出去。眾人攏大著驚，歸榮光互上帝講：「阮前到今毋曾看著此款代誌！」</verse>
				<verse number="13">耶穌閣去 加利利 湖邊，有一大陣人來伊遐，伊就給𪜶教示。</verse>
				<verse number="14">耶穌經過的時看著 亞勒腓 的子 利未 坐佇稅關，就對伊講：「來隨我！」 利未 就起來隨耶穌。</verse>
				<verse number="15">後來，耶穌佇 利未 𪜶兜食飯。有真多貿稅的及罪人嘛及耶穌以及伊的門徒做夥食飯，因為有真多人啲隨耶穌。</verse>
				<verse number="16">一寡法利賽派的經學教師看著耶穌及罪人以及貿稅的做夥食飯，就對伊的門徒講：「是按怎伊及貿稅的以及罪人做夥食？」</verse>
				<verse number="17">耶穌聽著就給𪜶講：「健康的無需要醫生，破病的才有需要。我來，毋是欲招義人，是欲招罪人。」</verse>
				<verse number="18">約翰 的門徒及法利賽派的人啲禁食。有人來問耶穌：「 約翰 的門徒及法利賽派的門徒禁食，是按怎你的門徒無禁食？」</verse>
				<verse number="19">耶穌應講：「新郎猶及婚宴的人客做夥的時，人客豈會禁食？𪜶猶及新郎做夥的時𣍐禁食。</verse>
				<verse number="20">日子啲欲到，新郎會互人對𪜶中間掠去，彼時𪜶就會禁食。</verse>
				<verse number="21">「無人用無勼水的布去補舊衫。若按呢做，彼塊新布會糾裂舊衫，顛倒破閣較大孔。</verse>
				<verse number="22">嘛無人將新酒入佇舊皮袋。若按呢做，新酒會給皮袋爆破，酒流出來，皮袋嘛歹去。新酒應該入佇新皮袋！」</verse>
				<verse number="23">有一個安歇日，耶穌對麥園經過。伊的門徒那行那摘麥穗。</verse>
				<verse number="24">法利賽派的人對耶穌講：「你看！𪜶是按怎佇安歇日做𣍐用得做的代誌？」</verse>
				<verse number="25">耶穌給𪜶講：「恁豈毋曾讀著 大闢 及隨伊的人腹肚枵需要食物的時所做的代誌？</verse>
				<verse number="26">亞比亞他 做大祭司的時， 大闢 入去上帝的殿食獻祭的餅，嘛互隨伊的人食；此款餅祭司以外的人𣍐用得食。」</verse>
				<verse number="27">耶穌給𪜶講：「安歇日是為著人來設立；人毋是為著安歇日來創造。</verse>
				<verse number="28">所以，人子嘛是安歇日的主。」</verse>
			</chapter>
			<chapter number="3">
				<verse number="1">耶穌閣入去會堂，佇遐有一個一支手瘸去的人。</verse>
				<verse number="2">有一寡人啲當等看耶穌佇安歇日會給此個人醫治抑𣍐，通給伊告。</verse>
				<verse number="3">耶穌對彼個手瘸去的人講：「起來，來中央遮。」</verse>
				<verse number="4">然後伊問眾人：「佇安歇日，做好事抑是做歹事，救性命抑是害性命，叨一項合律法？」 𪜶攏恬恬。</verse>
				<verse number="5">耶穌受氣，一個一個給𪜶看，為著𪜶的硬心憂傷，就對彼個人講：「手伸出來！」伊手伸出來，就復原。</verse>
				<verse number="6">許個法利賽派的人就離開會堂，隨時及希律黨的人鬥陣計謀對付耶穌，看欲按怎給伊害死。</verse>
				<verse number="7">耶穌及門徒退去 加利利 湖邊，有一大陣 加利利 人隨伊去；閣有一大陣人聽著耶穌所做的代誌，對 猶太 、 耶路撒冷 、 以土買 、 約旦河 東岸，以及 泰爾 及 西頓 周圍來尋伊。</verse>
				<verse number="8"></verse>
				<verse number="9">因為人真多，耶穌吩咐門徒給伊準備一隻船，才免互人給伊揢扁去。</verse>
				<verse number="10">因為耶穌曾醫好真多病人，所以所有的病人攏揢倚來欲給伊摸。</verse>
				<verse number="11">許個邪神一下看著耶穌，就仆佇伊的面前，大聲喝：「你是上帝的子！」</verse>
				<verse number="12">耶穌嚴嚴命令𪜶毋通對人傳揚伊的代誌。</verse>
				<verse number="13">耶穌上山，召集伊所意愛的人，𪜶就來。</verse>
				<verse number="14">伊設立十二人，稱𪜶做使徒，是欲互𪜶及伊做夥，閣差𪜶去傳道，</verse>
				<verse number="15">嘛互𪜶有權柄趕鬼。</verse>
				<verse number="16">伊所任命的十二人就是： 西門 — 耶穌給伊叫做 彼得 、</verse>
				<verse number="17">西庇太 的子 雅各 及伊的小弟 約翰 — 耶穌給𪜶叫做 半尼其 ，意思是「雷公仔子」，</verse>
				<verse number="18">閣有 安得烈 、 腓力 、 巴多羅買 、 馬太 、 多馬 、 亞勒腓 的子 雅各 、 達太 、激進黨的 西門 ，</verse>
				<verse number="19">及出賣耶穌彼個 以斯加略 的 猶大 。</verse>
				<verse number="20">耶穌轉去厝裡。有一陣人閣聚集倚來，耶穌及門徒煞連飯都𣍐顧得食。</verse>
				<verse number="21">伊的親人聽著此個代誌就出來欲給伊阻止，因為𪜶講「伊精神失常！」</verse>
				<verse number="22">對 耶路撒冷 落來的經學教師講：「伊是互 別西卜 附身，靠鬼王啲趕鬼。」</verse>
				<verse number="23">耶穌叫𪜶來，用譬喻對𪜶講：「撒旦哪會趕撒旦？</verse>
				<verse number="24">國家若家己紛爭，彼個國家就徛𣍐牢。</verse>
				<verse number="25">家庭若家己紛爭，彼個家庭嘛徛𣍐牢。</verse>
				<verse number="26">撒旦若家己攻擊，紛爭，伊徛𣍐牢，一定會滅亡。</verse>
				<verse number="27">「無人會當入去勇士的厝搶伊的財物；著先給伊縛起來，才會當劫伊的厝。</verse>
				<verse number="28">「我實在給恁講，人無論犯什麼罪，講什麼謗瀆的話，攏會得著赦免。</verse>
				<verse number="29">毋拘無論什麼人褻瀆聖神，永遠𣍐得著赦免，伊是犯著永遠的罪。」</verse>
				<verse number="30">耶穌講諸個話是因為𪜶講「伊互邪神附身」。</verse>
				<verse number="31">耶穌的老母及伊的兄弟來，徛佇外面，差人去叫伊。</verse>
				<verse number="32">有一陣人坐佇耶穌周圍；有人給伊講：「你看，你的老母及你的小弟小妹佇外面欲尋你！」</verse>
				<verse number="33">耶穌應講：「什麼人是我的老母、我的兄弟？」</verse>
				<verse number="34">然後伊對坐佇周圍的人一個一個給𪜶看，講：「恁看，我的老母，我的兄弟！</verse>
				<verse number="35">實行上帝旨意的人就是我的兄弟、姊妹，及老母。」</verse>
			</chapter>
			<chapter number="4">
				<verse number="1">耶穌閣一遍佇 加利利 湖邊啲教示人。有一大陣人聚集倚來伊遐，伊煞著去坐佇船頂；船佇湖裡，歸大陣人佇岸頂。</verse>
				<verse number="2">耶穌用譬喻教示𪜶真多項事。伊教示的時給𪜶講：</verse>
				<verse number="3">「著注意聽！有一個撒種籽的人出去撒種籽。</verse>
				<verse number="4">伊撒的時，有的種籽落佇路邊，鳥仔飛來，給伊食了了。</verse>
				<verse number="5">有的落佇石頭地，土少的所在，因為土無深，真緊就茁芽，</verse>
				<verse number="6">日頭一下出，給𪜶曝著，因為無根就焦去。</verse>
				<verse number="7">有的落佇莿內，刺仔大欉起來，給伊翕死，就無結實。</verse>
				<verse number="8">有的落佇好土地，就發芛，成長，結實；有的結三十倍，有的六十倍，有的一百倍。」</verse>
				<verse number="9">耶穌講：「有耳孔通聽的人，著聽！」</verse>
				<verse number="10">耶穌家己一個的時，佇伊周圍的人及十二使徒來問伊諸個譬喻的意思。</verse>
				<verse number="11">耶穌就給𪜶講：「上帝國的奧祕已經有互恁，毋拘對外人逐項攏是用譬喻，</verse>
				<verse number="12">欲互 𪜶看閣看，嘛看無， 聽閣聽，嘛無了解； 若毋是按呢，𪜶會回心轉意， 上帝就給𪜶赦免。」</verse>
				<verse number="13">耶穌閣問𪜶講：「此個譬喻恁𣍐了解是無？按呢恁哪會明白其他所有的譬喻？</verse>
				<verse number="14">撒種籽的是撒上帝的信息。</verse>
				<verse number="15">撒佇路邊的，是指人聽著信息，撒旦隨時來，給撒佇𪜶心內的信息搶去。</verse>
				<verse number="16">像款，撒佇石頭地的，是指人聽著信息，隨時歡喜接受，</verse>
				<verse number="17">不過佇𪜶的心內釘根無深，擋𣍐久，一下為著信息抵著患難抑是迫害，隨時放拺。</verse>
				<verse number="18">撒佇莿內的，是指人聽著信息了後，</verse>
				<verse number="19">因為生活的掛慮，錢財的迷惑，及其他逐款的私慾入去心內，給所聽著的信息翕死，煞𣍐結實。</verse>
				<verse number="20">許個撒佇好土地的，是指人聽著信息，歡喜接受就結實；有的三十倍，有的六十倍，有的一百倍。」</verse>
				<verse number="21">耶穌問𪜶講：「豈有人點燈用斗 蓋起來抑是囥佇眠床腳，無給伊𫞼佇燈台頂？</verse>
				<verse number="22">因為一切隱密的無一項𣍐顯露；一切掩蓋的無一項𣍐露現。</verse>
				<verse number="23">有耳孔通聽的人，著聽！」</verse>
				<verse number="24">耶穌閣給𪜶講：「著注意恁聽著的。恁用什麼量量互人，上帝會用像款的量量互恁，甚至互恁閣較多。</verse>
				<verse number="25">因為有的，欲互伊閣較多；無的，連伊所有的嘛欲給伊搶起來。」</verse>
				<verse number="26">耶穌閣講：「上帝國親像人將種籽撒佇地裡。</verse>
				<verse number="27">伊暗時去睏，日時起來，種籽啲茁芽大欉，伊毋知是按怎會按呢。</verse>
				<verse number="28">土地自然生產五穀，代先茁芽，後來吐穗，最後飽穗。</verse>
				<verse number="29">五穀熟的時，隨時用鐮𠠝仔 收割，因為收成的時到啦。」</verse>
				<verse number="30">耶穌問講：「咱欲用什麼來比並上帝國，欲用什麼譬喻來說明？</verse>
				<verse number="31">上帝國親像一粒芥菜籽，撒落地的時是地上種籽中上細粒的；</verse>
				<verse number="32">撒落去，大欉起來，比所有的菜蔬閣較大欉，發出大枝椏，甚至空中的鳥仔都會當佇樹影下做巢。」</verse>
				<verse number="33">耶穌用真多親像此款的譬喻對眾人宣講信息，攏照𪜶會明白的給𪜶講。</verse>
				<verse number="34">伊無用別款的方式，只有用譬喻對𪜶講，不過干焦及家己的門徒做夥的時才逐項給𪜶說明。</verse>
				<verse number="35">彼日天暗的時，耶穌對門徒講：「咱過來去彼旁岸。」</verse>
				<verse number="36">門徒就離開群眾上船，及已經佇船頂的耶穌做夥去。有幾若隻船嘛做夥去。</verse>
				<verse number="37">忽然起大風，湧潑入船內，船煞互水淹到欲滿。</verse>
				<verse number="38">耶穌佇船尾靠枕頭啲睏；門徒給伊叫醒，講：「老師，咱啲欲無命囉，你無要緊噢？」</verse>
				<verse number="39">耶穌起來，責備風，閣命令湧，講：「靜落去！定落來！」風恬去，湖就靜靜靜。</verse>
				<verse number="40">耶穌對門徒講：「恁哪赫呢驚？恁猶無信心是無？」</verse>
				<verse number="41">𪜶非常驚惶，講來講去：「此個是什麼人，連風及湧都順服！」</verse>
			</chapter>
			<chapter number="5">
				<verse number="1">耶穌過去 加利利湖 的彼旁岸， 格拉森 人的地區。</verse>
				<verse number="2">伊一下落船，有一個互邪神附身的人抵對墓仔埔出來，抵著伊。</verse>
				<verse number="3">此個人攏住佇墓仔埔，人用鐵鍊都給伊鍊𣍐牢。</verse>
				<verse number="4">真多遍人用鐵鍊及腳銬給伊捆縛，鐵鍊互伊擦斷，腳銬互伊摃碎，無人有氣力給伊制伏。</verse>
				<verse number="5">伊暝日佇墓仔埔抑是山坪亂嚷，閣用石頭傷害家己。</verse>
				<verse number="6">伊佇遠遠的所在看著耶穌，就走來跪佇伊的面前，</verse>
				<verse number="7">大聲喝：「至高上帝的子耶穌，你插我！我指上帝的名懇求 你毋通苦楚我。」</verse>
				<verse number="8">因為耶穌有對伊講：「邪神，對此個人出去！」</verse>
				<verse number="9">耶穌問伊：「你什麼名？」 伊應講：「我的名是『軍團』，因為阮真大陣。」</verse>
				<verse number="10">伊迫切哀求耶穌毋通趕𪜶離開彼個地區。</verse>
				<verse number="11">彼時，附近的山坪有一大群豬啲討食。</verse>
				<verse number="12">邪神求耶穌講：「互阮去豬群遐，通入去𪜶內面。」</verse>
				<verse number="13">耶穌准𪜶。邪神就出去，進入彼群豬；歸群豬，約有兩千隻，對山坪闖落去湖裡，互水死。</verse>
				<verse number="14">飼豬的人就驚甲走去城內及鄉村報此個消息。眾人就出來欲看有發生什麼代誌。</verse>
				<verse number="15">𪜶來耶穌遐，看著彼個互鬼附身，就是曾互「軍團」纏著的人坐佇遐，有穿衫，精神正常，就真著驚。</verse>
				<verse number="16">看著的人就將互鬼附身的人及豬群所抵著的代誌給人講。</verse>
				<verse number="17">𪜶就要求耶穌離開𪜶的地區。</verse>
				<verse number="18">耶穌欲上船的時，曾互鬼附身彼個人求耶穌准伊做夥去。</verse>
				<verse number="19">耶穌毋准，給伊講：「轉去恁兜，恁親人遐，將主憐憫你，對你所做赫呢大的代誌攏報𪜶知。」</verse>
				<verse number="20">彼個人就離開，佇 低加坡里 傳揚耶穌對伊所做赫呢大的代誌；所有的人攏著驚奇怪。</verse>
				<verse number="21">耶穌閣坐船過去湖的彼旁岸；伊佇湖邊，有一大陣人聚集倚來。</verse>
				<verse number="22">有一個會堂的主管叫做 葉魯 來，一下看著耶穌就仆佇伊的腳前，</verse>
				<verse number="23">懇求伊，講：「我的細漢查某子啲欲死啊，請你來給伊按手，醫好，互伊會活。」</verse>
				<verse number="24">耶穌就及伊去；有一大陣人嘛挨挨揢揢隨伊去。</verse>
				<verse number="25">有一個婦仁人致著血漏病十二年久；</verse>
				<verse number="26">伊有互真多醫生看過，受著真多痛苦，閣錢攏開了了，伊的病毋若無較好，顛倒哪傷重。</verse>
				<verse number="27">伊有聽著耶穌的代誌，就揢入去群眾內面，行倚去耶穌的後面，摸伊的衫。</verse>
				<verse number="28">伊想講：「我干焦摸著伊的衫，病就會好。」</verse>
				<verse number="29">伊的血漏隨時止，感覺身軀的病已經好。</verse>
				<verse number="30">耶穌隨時知有氣力對伊出去，就越過來，問群眾：「什麼人摸我的衫？」</verse>
				<verse number="31">門徒應講：「你看歸陣人啲給你揢，你哪會講『什麼人給我摸』？」</verse>
				<verse number="32">耶穌四箍輾轉看一下，愛知什麼人給伊摸。</verse>
				<verse number="33">彼個婦仁人知佇伊身上所發生的代誌，驚甲皮皮惙，就仆佇耶穌腳前，將攏總的實情講出來。</verse>
				<verse number="34">耶穌給伊講：「查某子，你的信心互你好去啦，平安倒去，你的病已經好啊。」</verse>
				<verse number="35">耶穌猶啲講的時，有人對會堂主管的厝來，給 葉魯 講：「你的查某子已經死去，哪著閣勞煩老師。」</verse>
				<verse number="36">耶穌有聽著𪜶講的話，就對會堂主管講：「毋免驚，只有著信！」</verse>
				<verse number="37">伊就導 彼得 、 雅各 ，及 雅各 的小弟 約翰 做夥去，以外毋准別人隨去。</verse>
				<verse number="38">𪜶來到會堂主管的厝，耶穌看著場面真亂，有人啲哮，有人大聲啲哭。</verse>
				<verse number="39">伊一下入去就給𪜶講：「恁哪哭甲亂操操？此個囝仔毋是死去，是啲睏。」</verse>
				<verse number="40">𪜶就給伊恥笑，毋拘伊給𪜶攏趕出去，然後導囝仔的父母及彼三個門徒入去囝仔的房間。</verse>
				<verse number="41">伊牽囝仔的手，對伊講：「大利大古米！」意思就是「查某囝仔，我給你講，起來！」</verse>
				<verse number="42">查某囝仔隨時𬦰起來行，因為伊已經十二歲。𪜶非常著驚。</verse>
				<verse number="43">耶穌嚴嚴警戒𪜶毋通將此個代誌互人知，閣叫𪜶提物件互查某囝仔食。</verse>
			</chapter>
			<chapter number="6">
				<verse number="1">耶穌離開遐，倒去家己的故鄉，門徒隨伊去。</verse>
				<verse number="2">安歇日，伊佇會堂教示人。真多人聽著伊的教示，攏真著驚，講：「此個人的本事對叨位來？伊得著的到底是什麼款的智慧？伊的手哪會當行此款神跡？</verse>
				<verse number="3">伊豈毋是木匠？豈毋是 馬利亞 的子， 雅各 、 約西 、 猶大 ，及 西門 的兄弟？伊的小妹豈毋是及咱住佇遮？」𪜶煞對耶穌起反感。</verse>
				<verse number="4">耶穌給𪜶講：「先知佇家己的故鄉，家己的親人，家己的家族以外，一定會受尊重。」</verse>
				<verse number="5">伊佇遐𣍐當行什麼神跡，只有給幾個仔病人按手，給𪜶醫好。</verse>
				<verse number="6">耶穌對𪜶的毋信感覺真奇怪。 耶穌行透周圍的庄社教示人。</verse>
				<verse number="7">伊召集十二使徒來，差𪜶兩個兩個出去，互𪜶有權柄通制壓邪神。</verse>
				<verse number="8">伊吩咐𪜶，出門的時柺仔以外什麼攏毋通帶；毋通帶食物；毋通帶旅行袋；腰帶內面毋通帶錢；</verse>
				<verse number="9">只有穿涼鞋；毋通穿兩領內衫。</verse>
				<verse number="10">伊閣給𪜶講：「恁無論入去什麼人的厝，著住遐到離開彼所在。</verse>
				<verse number="11">無論什麼所在，人若毋接納恁，毋聽恁的教示，恁離開的時著將腳裡的土粉拌掉，表示對𪜶警告。」</verse>
				<verse number="12">使徒就出去傳道，勸人悔改。</verse>
				<verse number="13">𪜶閣趕出真多鬼，嘛用油抹真多病人，給𪜶醫好。</verse>
				<verse number="14">希律 王有聽著耶穌的事，因為伊的名傳遍逐所在。有人講：「伊是施洗者 約翰 對死人中閣活，所以有權能行諸個神跡。」</verse>
				<verse number="15">毋拘嘛有人講：「伊是 以利亞 」；閣有人講：「伊是先知，親像古早的一個先知。」</verse>
				<verse number="16">希律 聽著就講：「是我給伊斬頭彼個 約翰 ，伊有閣活。」</verse>
				<verse number="17">希律 有派人去掠 約翰 ，給伊鍊佇監裡，原因是 希律 有娶小弟 腓力 的某 希羅底 做某；</verse>
				<verse number="18">因為 約翰 定定對 希律 講：「你娶小弟的某無合法！」</verse>
				<verse number="19">希羅底 心內對 約翰 拾恨，想欲給伊刣，毋拘𣍐當照心願，</verse>
				<verse number="20">因為 希律 驚 約翰 ，知影伊是正義閣聖潔的人，有給伊保護。 希律 逐遍聽 約翰 的話，非常不安，猶久真愛聽。</verse>
				<verse number="21">希羅底 的機會來啦。 希律 作生日的時，辦宴席請文武百官及 加利利 民間的領袖。</verse>
				<verse number="22">希羅底 的查某子入來跳舞，互 希律 及在座的貴賓歡喜。王給彼個查某囝仔講：「看你愛什麼，做你求，我攏欲互你。」</verse>
				<verse number="23">希律 閣對伊宣誓講：「你無論求什麼，連我王國的一半嘛會互你。」</verse>
				<verse number="24">查某囝仔出去問伊的老母：「我著求什麼？」伊的老母給伊講：「施洗者 約翰 的頭。」</verse>
				<verse number="25">伊隨時趕倒轉來，對王要求講：「請你隨時將施洗者 約翰 的頭殼囥佇盤裡互我。」</verse>
				<verse number="26">王的心非常艱苦，不過因為已經佇貴賓的面前咒誓，就無給伊拒絕。</verse>
				<verse number="27">王隨時差一個警衛去提 約翰 的頭。警衛就去監裡斬 約翰 的頭，</verse>
				<verse number="28">將頭殼下佇盤裡捧來互查某囝仔，查某囝仔就互伊的老母。</verse>
				<verse number="29">約翰 的門徒聽著就來收伊的身屍，給伊埋葬佇墓裡。</verse>
				<verse number="30">使徒轉來耶穌遐，將𪜶所做所教示的攏給伊報告。</verse>
				<verse number="31">耶穌給𪜶講：「按呢，恁嘛著家己去偏僻無人住的所在小可歇睏一下。」因為出出入入的人真多，𪜶連食飯的時間都無。</verse>
				<verse number="32">𪜶就坐船干焦𪜶家己去偏僻無人住的所在。</verse>
				<verse number="33">真多人看著𪜶離開，認出是𪜶，就對逐個城市順陸路走進前，比𪜶代先到彼所在。</verse>
				<verse number="34">耶穌上岸，看著一大陣人就可憐𪜶，因為𪜶親像無牧者的羊。伊就教示𪜶真多項事。</verse>
				<verse number="35">時間已經真晏，門徒倚來給伊講：「此個所在真偏僻，時間嘛真晏啦。</verse>
				<verse number="36">請給𪜶解散，互𪜶去附近的鄉村庄社家己買物件食。」</verse>
				<verse number="37">耶穌應講：「恁互𪜶食。」 門徒問講：「阮著去買兩百個銀仔的餅互𪜶食噢？」</verse>
				<verse number="38">耶穌講：「恁有偌多餅，去看覓咧！」𪜶看了就講：「有五個；嘛有兩尾魚。」</verse>
				<verse number="39">耶穌吩咐門徒給眾人分組，互𪜶坐佇青翠的草埔。</verse>
				<verse number="40">眾人就一組一組坐落去，有的一百個，有的五十個。</verse>
				<verse number="41">後來耶穌提彼五個餅及兩尾魚，向天感謝，擘開，提互門徒去分互眾人。伊閣將彼兩尾魚分互眾人。</verse>
				<verse number="42">大家攏食，食到飽。</verse>
				<verse number="43">門徒拾食賰的餅幼仔及魚屑仔，滿十二籃。</verse>
				<verse number="44">食餅的，干焦查甫人就有五千。</verse>
				<verse number="45">耶穌隨時迫伊的門徒上船先過去對面岸，去 伯賽大 ，家己留啲解散群眾。</verse>
				<verse number="46">耶穌離開群眾了後就上山祈禱。</verse>
				<verse number="47">天暗的時，船行到湖的中央；耶穌家己一個佇岸頂。</verse>
				<verse number="48">伊看著門徒搢風啲划槳，划甲真艱苦。天欲光的時，耶穌佇湖的頂面向𪜶遐行去，想欲對邊仔過去。</verse>
				<verse number="49">門徒看著伊佇湖的頂面啲行，想講是鬼，就大聲喝，</verse>
				<verse number="50">因為大家攏有看著伊，真驚。 耶穌隨時給𪜶講：「安心，是我，免驚！」</verse>
				<verse number="51">耶穌上船去及𪜶做夥，風就恬去。門徒非常著驚，</verse>
				<verse number="52">因為𪜶無明白彼個餅的意義，心猶真鈍。</verse>
				<verse number="53">耶穌及門徒過湖了後佇 革尼撒勒 上岸，給船拋佇岸邊。</verse>
				<verse number="54">𪜶一下落船，眾人隨時認出耶穌，</verse>
				<verse number="55">就四界行透透，聽著耶穌佇叨位就用床舖扛病人去遐。</verse>
				<verse number="56">耶穌無論行到什麼庄社、城市、鄉村，人就給病人扛來囥佇市場口，懇求耶穌上無嘛互病人摸著伊衫仔裾的鬚；所有摸著的人攏得著醫好。</verse>
			</chapter>
			<chapter number="7">
				<verse number="1">有法利賽派的人及一寡對 耶路撒冷 來的經學教師鬥陣來尋耶穌。</verse>
				<verse number="2">𪜶看著耶穌的門徒有人用無清氣的手，就是無洗手就食飯。</verse>
				<verse number="3">原來法利賽派的人及所有的 猶太 人攏執守祖先的傳統，若無照法度洗手就無食飯；</verse>
				<verse number="4">對市場倒來，若無洗嘛無食。𪜶閣遵守其他真多傳統的規例，親像洗杯仔、罐仔、銅器，及床舖等。</verse>
				<verse number="5">所以，法利賽派的人及經學教師問耶穌：「是按怎你的門徒用無清氣的手食飯，違犯祖先的傳統？」</verse>
				<verse number="6">耶穌應講：「 以賽亞 所講關係恁諸個假好的人的預言真著；伊按呢寫： 此個子民用嘴唇尊敬我， 𪜶的心卻離開我遠遠。</verse>
				<verse number="7">𪜶用人的規例做我的教示教示人； 𪜶敬拜我攏無採工。</verse>
				<verse number="8">恁竟然放拺上帝的誡命，去執守人的傳統。」</verse>
				<verse number="9">耶穌閣講：「恁為著欲執守傳統，用巧妙的方法來拒絕上帝的誡命。</verse>
				<verse number="10">摩西 命令恁『著孝敬父母』，閣講『罵老父抑是罵老母的人應該處死』。</verse>
				<verse number="11">毋拘恁講，人若對家己的老父抑是老母講『我應該互你的已經做各耳板』— 各耳板的意思就是獻互上帝的禮物，</verse>
				<verse number="12">恁就准伊免奉養家己的父母。</verse>
				<verse number="13">恁用恁所傳授的傳統來廢除上帝的話。恁閣做真多此款的代誌。」</verse>
				<verse number="14">耶穌閣叫眾人來，給𪜶講：「恁大家攏著聽我的話，著了解：</verse>
				<verse number="15">對外面入去人內面的物，無一項會互人無清氣；對內面出來的，才會互人無清氣。」</verse>
				<verse number="16"></verse>
				<verse number="17">耶穌離開眾人，入去厝內，伊的門徒就問伊此個譬喻的意思。</verse>
				<verse number="18">伊給𪜶講：「按呢連恁都無明白噢？恁豈無了解，對外面入去人內面的攏𣍐互人無清氣？</verse>
				<verse number="19">因為對外面入去的毋是入去心內，是入去腹肚內，後來放落去便所。」耶穌按呢講是指所有的食物攏清氣。</verse>
				<verse number="20">伊閣講：「對人內面出來的才會互人無清氣。</verse>
				<verse number="21">因為對內面出來的，就是對人的心出的，有歹念頭、私通、偷提、凶殺、</verse>
				<verse number="22">姦淫、貪心、邪惡、奸詐、放縱、怨妒、誹謗、驕傲、𣍐曉分別是非。</verse>
				<verse number="23">諸個一切邪惡的事攏是對內面出來的，這才會互人無清氣。」</verse>
				<verse number="24">耶穌對遐出發去 泰爾 地區。伊入去一間厝，無愛人知，不過無法度保密。</verse>
				<verse number="25">隨時有一個婦仁人聽著耶穌的代誌，就來跪佇伊的腳前；伊的查某子互邪神附身。</verse>
				<verse number="26">此個婦仁人是出世佇 敘利亞 腓尼基 的 希臘 人。伊求耶穌給伊的查某子趕鬼。</verse>
				<verse number="27">耶穌給伊講：「著先互囝仔食；提囝仔的食物㧒互狗仔食，毋好。」</verse>
				<verse number="28">婦仁人應講：「主啊，桌仔腳的狗仔都食囝仔的餅幼仔。」</verse>
				<verse number="29">耶穌給伊講：「因為你此句話，你通轉去；鬼已經離開你的查某子啦！」</verse>
				<verse number="30">婦仁人轉去𪜶兜，看著查某子倒佇床裡，鬼已經離開。</verse>
				<verse number="31">耶穌閣離開 泰爾 地區，經過 西頓 以及 低加坡里 地區，來到 加利利湖 。</verse>
				<verse number="32">有人導一個𣍐聽見閣𣍐講話的人來耶穌遐，懇求耶穌給伊按手。</verse>
				<verse number="33">耶穌導彼個人離開眾人去邊仔，穿指頭仔入去伊雙旁的耳孔，閣呸涎抹伊的舌，</verse>
				<verse number="34">然後向天，吐氣，給伊講：「以法大」，意思就是「開！」</verse>
				<verse number="35">彼人的耳孔隨時開，舌根冗，講話講甲真清楚。</verse>
				<verse number="36">耶穌嚴嚴命令𪜶毋通給人講，毋拘伊愈禁止，𪜶愈出力報揚。</verse>
				<verse number="37">大家攏非常著驚，講：「伊逐項攏做甲真好，連𣍐聽見的人都會聽見，𣍐講話的人都會講話！」</verse>
			</chapter>
			<chapter number="8">
				<verse number="1">過無幾日，閣有一大陣群眾聚集。𪜶無物通食，耶穌就叫伊的門徒來，給𪜶講：</verse>
				<verse number="2">「我真可憐此陣人，因為𪜶已經及我做夥三日久，現在無物通食啦。</verse>
				<verse number="3">我若互𪜶四散枵枵轉去𪜶兜，𪜶會佇路中暈倒，因為有人對真遠的所在來。」</verse>
				<verse number="4">門徒給伊講：「佇此個偏僻無人住的所在，欲去叨位尋食物互諸個人食飽？」</verse>
				<verse number="5">耶穌問𪜶：「恁有偌多餅？」 𪜶講：「七個。」</verse>
				<verse number="6">耶穌命令群眾坐落去土腳，然後提彼七個餅，感謝，擘開，提互門徒去分，𪜶就分互群眾。</verse>
				<verse number="7">𪜶嘛有幾若尾細尾魚，耶穌感謝了，叫門徒提去分。</verse>
				<verse number="8">𪜶攏食，食到飽，閣拾食賰的碎屑仔，攏總拾七籠。</verse>
				<verse number="9">人數約有四千。耶穌給𪜶解散，</verse>
				<verse number="10">然後隨時及門徒上船，去 大瑪努他 的境內。</verse>
				<verse number="11">一寡法利賽派的人來尋耶穌，及伊辯論。𪜶想欲給伊試探，要求伊行對天來的神跡。</verse>
				<verse number="12">耶穌對心底吐一個大氣，講：「是按怎此世代的人求神跡？我實在給恁講，𣍐閣有神跡互此世代的人。」</verse>
				<verse number="13">伊就離開𪜶，閣上船過去湖的彼旁岸。</verse>
				<verse number="14">門徒𣍐記得帶餅，不過𪜶佇船內有一個餅。</verse>
				<verse number="15">耶穌給𪜶警告：「著注意，著持防法利賽派的酵及 希律 的酵！」</verse>
				<verse number="16">門徒互相議論：「是因為咱無餅是無？」</verse>
				<verse number="17">耶穌知影就給𪜶講：「恁是按怎啲議論無帶餅的代誌？恁豈猶無了解，猶無明白？恁的心豈赫呢鈍？</verse>
				<verse number="18">恁有目睭，豈無看見？恁有耳孔，豈無聽見？恁豈𣍐記得，</verse>
				<verse number="19">我擘五個餅互五千人食的時，食賰的碎屑仔，恁有拾滿幾籃？」𪜶講：「十二籃。」</verse>
				<verse number="20">耶穌閣問：「我擘七個餅互四千人食的時，食賰的碎屑仔，恁有拾幾籠？」 𪜶講：「七籠。」</verse>
				<verse number="21">耶穌就給𪜶講：「按呢，恁豈猶無明白？」</verse>
				<verse number="22">耶穌及門徒來到 伯賽大 。有人導一個盲人來耶穌遐，懇求耶穌給伊摸。</verse>
				<verse number="23">耶穌牽彼個盲人的手，導伊出去庄外，然後將嘴涎呸佇伊的目睭，閣用雙手給伊摸，問講：「你有看著什麼？」</verse>
				<verse number="24">伊攑頭起來看，講：「我看著人，看起來親像樹仔啲行來行去。」</verse>
				<verse number="25">耶穌閣一遍用雙手摸伊的目睭，伊注神看，視力就復原，逐項攏看甲真清楚。</verse>
				<verse number="26">耶穌叫伊轉去𪜶兜，給伊講：「你連庄內都毋通入去。」</verse>
				<verse number="27">耶穌及伊的門徒去 凱撒利亞‧腓立比 附近的鄉村。佇路中，伊問𪜶講：「人講我是什麼人？」</verse>
				<verse number="28">𪜶應講：「有人講你是施洗者 約翰 ；有人講是 以利亞 ；嘛有人講是先知中的一個。」</verse>
				<verse number="29">耶穌閣問𪜶講：「恁咧，恁講我是什麼人？」 彼得 應講：「你是基督。」</verse>
				<verse number="30">耶穌命令𪜶千萬毋通對人講起伊的代誌。</verse>
				<verse number="31">耶穌開始教示門徒講：「人子一定著受真多苦難，互長老、祭司長，及經學教師拒絕，閣互人害死，三日後閣活。」</verse>
				<verse number="32">伊將此個代誌清清楚楚給𪜶講。 彼得 就扭耶穌去邊仔，給伊責備。</verse>
				<verse number="33">耶穌越過來看門徒，責備 彼得 ，講：「撒旦，閃開！你想的毋是上帝的事，是人的事。」</verse>
				<verse number="34">然後，耶穌給群眾及門徒叫倚來，對𪜶講：「欲隨我的人，著完全否定家己，夯家己的十字架來隨我。</verse>
				<verse number="35">因為欲救家己的性命的，會喪失性命；為著我及福音的緣故喪失家己的性命的，會救著性命。</verse>
				<verse number="36">人得著全世界煞喪失家己的性命有什麼利益？</verse>
				<verse number="37">人會當用什麼代價來交換家己的性命？</verse>
				<verse number="38">佇此個淫亂邪惡的世代，人若因為我及我的話感覺見笑，人子佇伊的父的榮光中及聖天使來臨的時嘛會因為伊感覺見笑。」</verse>
			</chapter>
			<chapter number="9">
				<verse number="1">耶穌閣給𪜶講：「我實在給恁講，徛佇遮的人，有的猶未死以前會看見上帝國已經充滿大能力來臨。」</verse>
				<verse number="2">六日後，耶穌導 彼得 、 雅各 ，及 約翰 ，干焦𪜶家己𬦰上一座高山。佇𪜶的面前，耶穌的形像忽然改變。</verse>
				<verse number="3">伊的衫變到光映映，非常白，地上的漂布師傅嘛𣍐當漂到赫呢白。</verse>
				<verse number="4">彼時 以利亞 及 摩西 做夥出現，及耶穌講話。</verse>
				<verse number="5">彼得 對耶穌講：「拉比，咱佇遮真好，阮來搭三間寮仔，一間互你，一間互 摩西 ，一間互 以利亞 。」</verse>
				<verse number="6">彼得 毋知著講什麼，因為𪜶非常驚惶。</verse>
				<verse number="7">彼時，有一片雲給𪜶罩啲，閣有聲對雲出來，講：「此個是我所疼的子，恁著聽趁伊。」</verse>
				<verse number="8">𪜶趕緊四周圍看一輪，只有看著耶穌，無別人佇遐。</verse>
				<verse number="9">𪜶落山的時，耶穌命令𪜶，講：「人子對死人中閣活以前，毋通將所看見的事給人講。」</verse>
				<verse number="10">𪜶將耶穌的話囥佇心內，私下啲議論對死人中閣活此句話是什麼意思。</verse>
				<verse number="11">𪜶問耶穌：「是按怎經學教師講 以利亞 一定著先來？」</verse>
				<verse number="12">耶穌應講：「 以利亞 一定著先來回復一切。按呢，聖經哪會記載講人子一定著受真多苦難閣互人藐視？</verse>
				<verse number="13">我給恁講，抵抵照聖經所記載， 以利亞 已經來啦，人照𪜶的意思對待伊。」</verse>
				<verse number="14">𪜶來到其他的門徒遐，看著一大群人給𪜶圍啲，有幾若個經學教師及𪜶啲辯論。</verse>
				<verse number="15">群眾一下看著耶穌，真著驚，隨時走倚去給伊請安。</verse>
				<verse number="16">耶穌問門徒講：「恁及𪜶啲辯論什麼？」</verse>
				<verse number="17">群眾的中間有一個應伊講：「老師，我導我的子來尋你，伊互鬼附身𣍐講話。</verse>
				<verse number="18">無論佇叨位，鬼一下附身，給伊摔倒，伊就哹白波涎，咬嘴齒根，歸身軀硬硞硞。我請你的門徒給鬼趕出去，𪜶攏無法度。」</verse>
				<verse number="19">耶穌給𪜶講：「唉啊，毋信的世代！我著及恁住偌久？我著閣忍耐恁偌久？給伊導來我遮。」</verse>
				<verse number="20">𪜶就給伊導來。 彼個鬼一下看著耶穌，隨時互彼個囝仔抽惙，倒佇土腳翱來翱去，哹白波涎。</verse>
				<verse number="21">耶穌問伊的老父：「伊按呢偌久啊？」 伊應講：「對細漢就按呢。</verse>
				<verse number="22">鬼定定給伊㧒落火，捙落水，欲給伊害死。你若會，求你可憐阮，幫贊阮！」</verse>
				<verse number="23">耶穌給伊講：「你哪講『你若會』？有信的人逐項攏會。」</verse>
				<verse number="24">囝仔的老父隨時喝講：「我信！我的信無夠，求你幫贊！」</verse>
				<verse number="25">耶穌看著群眾走倚來，嚴嚴責備彼個邪神，講：「你此個啞口閣臭耳的鬼，我命令你對此個囝仔出來，毋准你閣入去！」</verse>
				<verse number="26">鬼大聲喝，互彼個囝仔大抽惙才出去。彼個囝仔變做及死人像款，所以大部分的人講：「伊死去啦。」</verse>
				<verse number="27">總是耶穌牽囝仔的手，給伊扶起來，伊就起來。</verse>
				<verse number="28">耶穌入去厝內，伊的門徒私下給伊問：「是按怎阮無法度給鬼趕出去？」</verse>
				<verse number="29">耶穌應講：「此種鬼只有靠祈禱才趕會出去。」</verse>
				<verse number="30">耶穌及門徒離開遐，經過 加利利 。耶穌無愛人知伊佇叨位，</verse>
				<verse number="31">因為伊抵啲教示門徒，對𪜶講：「人子會互人出賣，𪜶會給伊害死，死了三日後會閣活。」</verse>
				<verse number="32">𪜶𣍐明白此句話，閣毋敢給伊問。</verse>
				<verse number="33">𪜶來到 迦百農 。耶穌佇厝裡的時問門徒講：「恁佇路中啲議論什麼？」</verse>
				<verse number="34">𪜶攏恬恬，因為佇路中𪜶互相啲爭論什麼人上大。</verse>
				<verse number="35">耶穌坐落去，叫十二使徒來，對𪜶講：「若有人欲做第一，著做眾人的上路尾，做眾人的差用。」</verse>
				<verse number="36">伊就牽一個囝仔來，互伊徛佇𪜶中間，給伊抱起來，對𪜶講：</verse>
				<verse number="37">「無論什麼人若為著我的名接納一個此款囝仔，就是接納我。接納我的，毋是接納我，是接納差我來彼位。」</verse>
				<verse number="38">約翰 對耶穌講：「老師，阮有看著一個人奉你的名趕鬼，阮給伊阻擋，因為伊無啲隨咱。」</verse>
				<verse number="39">耶穌講：「毋通給伊阻擋，因為無人會奉我的名行神跡，隨時閣講我的歹話。</verse>
				<verse number="40">無反對咱的就是為咱。</verse>
				<verse number="41">我實在給恁講，無論什麼人，因為恁屬基督，用一杯水互恁飲，伊一定會得著報賞。」</verse>
				<verse number="42">耶穌講：「無論什麼人互信我的人中間微細的一個犯罪，伊較好互人用大石磨給伊吊佇頷頸，㧒落海。</verse>
				<verse number="43">「你的手若互你犯罪，著斬㧒确，寧可減一支手入永遠活，比雙手好好落地獄互𣍐化的火燒較好。</verse>
				<verse number="44"></verse>
				<verse number="45">你的腳若互你犯罪，著斬㧒确，寧可減一支腳入永遠活，比雙腳好好互人㧒落地獄較好。</verse>
				<verse number="46"></verse>
				<verse number="47">你的目睭若互你犯罪，著挖㧒确，寧可減一蕊目睭入上帝國，比兩蕊目睭好好互人㧒落地獄較好。</verse>
				<verse number="48">佇地獄，蟲𣍐死，火𣍐化。</verse>
				<verse number="49">「逐個人攏著用火煉，親像用鹽䜻。</verse>
				<verse number="50">鹽真有路用；毋拘鹽若失去鹹味，欲按怎閣互伊鹹？恁家己著有鹽的作用，互相和好。」</verse>
			</chapter>
			<chapter number="10">
				<verse number="1">耶穌離開彼所在入去 猶太 地區，過去 約旦河 的彼旁岸。群眾閣聚集去伊遐，伊閣照常教示𪜶。</verse>
				<verse number="2">有一寡法利賽派的人欲試探耶穌，倚來問伊講：「丈夫離伊的某有合律法無？」</verse>
				<verse number="3">耶穌應講：「 摩西 有互恁什麼命令？」</verse>
				<verse number="4">𪜶講：「 摩西 允准人寫離婚書就通離伊的某。」</verse>
				<verse number="5">耶穌給𪜶講：「 摩西 是因為恁的心硬才寫此條誡命互恁。</verse>
				<verse number="6">毋拘起頭創造的時，上帝造人，有男有女。</verse>
				<verse number="7">因為此個理由，人會離開伊的父母，及伊的某結合 ，</verse>
				<verse number="8">兩人成做一體。按呢，𪜶已經毋是兩個，是一體。</verse>
				<verse number="9">所以，上帝所配合的，人毋通拆開。」</verse>
				<verse number="10">𪜶入去厝內的時，門徒閣問耶穌此個代誌。</verse>
				<verse number="11">耶穌給𪜶講：「無論什麼人，離伊的某去娶別個婦仁人就是犯姦淫，辜負伊的某；</verse>
				<verse number="12">某若離伊的丈夫去嫁別人嘛是犯姦淫。」</verse>
				<verse number="13">有人導囝仔來耶穌遐，愛伊給𪜶按手祝福；門徒給𪜶責備。</verse>
				<verse number="14">耶穌看著，真受氣，對門徒講：「互囝仔來我遮，毋通給𪜶阻擋，因為上帝國是此款人的。</verse>
				<verse number="15">我實在給恁講，人若無親像囝仔按呢接受上帝國，絕對𣍐當入去。」</verse>
				<verse number="16">耶穌就給𪜶抱，按手祝福。</verse>
				<verse number="17">耶穌抵欲出外的時，有一個人走來，跪佇伊的面前，問伊講：「好的老師，我著做什麼才會當承受永遠的活命？」</verse>
				<verse number="18">耶穌給伊講：「你哪會講我是好？上帝以外，無一個是好。</verse>
				<verse number="19">諸個誡命你攏識：毋通害死人；毋通姦淫；毋通偷提；毋通作偽證；毋通詐欺；著孝敬父母。」</verse>
				<verse number="20">彼個人應耶穌講：「老師，諸個誡命我對細漢就一直有啲遵守。」</verse>
				<verse number="21">耶穌注目看伊，疼伊，給伊講：「你猶欠一項；你去，去賣所有的來分互散赤人，你佇天頂就有財寶，然後來隨我。」</verse>
				<verse number="22">彼個人一下聽著此句話，面失色，憂憂愁愁離開；因為伊財產真多。</verse>
				<verse number="23">耶穌四周圍看一輪，給門徒講：「有錢人入上帝國偌仔呢困難！」</verse>
				<verse number="24">門徒聽著伊所講的話，非常著驚。耶穌閣給𪜶講：「細子啊，入上帝國真正困難！</verse>
				<verse number="25">駱駝穿過針鼻嘛比好額人入上帝國閣較簡單。」</verse>
				<verse number="26">門徒閣較著驚，大家講來講去：「若按呢，什麼人會當得著救？」</verse>
				<verse number="27">耶穌注目給𪜶看，講：「此個事，人做𣍐到，上帝就毋是按呢，因為上帝逐項攏會。」</verse>
				<verse number="28">彼得 就給耶穌講：「阮已經放拺一切來隨你。」</verse>
				<verse number="29">耶穌應講：「我實在給恁講，無論什麼人，若為著我及福音的緣故放拺厝宅、兄弟、姊妹、老母、老父、子兒，抑是田園，</verse>
				<verse number="30">佇今世會得著百倍的厝宅、兄弟、姊妹、老母、子兒，及田園，閣有迫害；佇來世會得著永遠的活命。</verse>
				<verse number="31">總是真多做頭前的會做上路尾；上路尾的會做上頭前。」</verse>
				<verse number="32">耶穌及伊的門徒上 耶路撒冷 的路中，伊行佇頭前；門徒感覺真奇怪，隨的人真驚惶。耶穌閣一遍導十二使徒去邊仔，將伊啲欲抵著的事給𪜶講：</verse>
				<verse number="33">「今咱欲上 耶路撒冷 ；人子會受出賣互祭司長及經學教師。𪜶會給伊定死罪，後來將伊交互外邦人。</verse>
				<verse number="34">𪜶會給伊戲弄，呸涎，鞭拍，害死；三日後，伊會閣活。」</verse>
				<verse number="35">西庇太 的子 雅各 及 約翰 行進前，給耶穌講：「老師，阮所求的，請你給阮成全。」</verse>
				<verse number="36">耶穌問講：「恁愛我給恁做什麼？」</verse>
				<verse number="37">𪜶講：「你得著榮光的時，請互阮一個坐你的正旁，一個坐你的倒旁。」</verse>
				<verse number="38">耶穌給𪜶講：「恁毋知家己啲求什麼。我飲的杯，恁會當飲𣍐？我受的洗，恁會當受𣍐？」</verse>
				<verse number="39">𪜶講：「阮會！」 耶穌給𪜶講：「我所飲的杯，恁欲飲；我所受的洗，恁欲受，</verse>
				<verse number="40">不過坐我的正旁倒旁毋是我會當互人的。上帝為著什麼人準備就互彼個人。」</verse>
				<verse number="41">其他彼十個門徒聽著，就對 雅各 及 約翰 受氣。</verse>
				<verse number="42">耶穌叫𪜶來，給𪜶講：「恁知，佇外邦人的中間，許個互人看做統治者的做主給𪜶管轄，𪜶的領袖給𪜶支配。</verse>
				<verse number="43">不過恁中間就毋應該按呢。恁中間愛做大的著做恁的差用；</verse>
				<verse number="44">愛做第一的著做眾人的僕人。</verse>
				<verse number="45">因為人子來，毋是欲互人服事，反轉是欲給人服事，甚至犧牲家己的性命來贖回真多人。」</verse>
				<verse number="46">耶穌及伊的門徒來到 耶利哥 。𪜶及一大陣人欲對 耶利哥 出去的時，有一個失明的乞食， 底買 的子 巴底買 ，坐佇路邊。</verse>
				<verse number="47">伊聽講 拿撒勒 人耶穌對遐過，就喝：「 大闢 的子耶穌，憐憫我！」</verse>
				<verse number="48">真多人給伊責備，叫伊恬恬，毋拘伊愈大聲喝：「 大闢 的子，憐憫我！」</verse>
				<verse number="49">耶穌停腳，講：「叫伊來！」𪜶就去叫彼個盲人，給伊講：「安心，起來！伊啲叫你。」</verse>
				<verse number="50">盲人就將外衫㧒掉，跳起來，來到耶穌遐。</verse>
				<verse number="51">耶穌給伊講：「你愛我給你做什麼？」盲人應講：「拉波尼 ，我愛閣看見！」</verse>
				<verse number="52">耶穌給伊講：「你轉去。你的信心互你得著醫好！」 盲人隨時閣會看見，就歸路隨耶穌。</verse>
			</chapter>
			<chapter number="11">
				<verse number="1">耶穌及門徒啲欲到 耶路撒冷 ，來到 橄欖山 山腳的 伯法其 及 伯大尼 的時，伊差兩個門徒，</verse>
				<verse number="2">給𪜶講：「恁去對面的庄社，入去，隨時會看著一隻毋曾互人騎過的驢仔子縛佇遐；恁給伊解開，牽來遮。</verse>
				<verse number="3">若有人問恁是按怎按呢做，著給伊講：『主欲用伊，連鞭會閣牽轉來還。』」</verse>
				<verse number="4">𪜶去，看著路邊有一隻驢仔子縛佇門口，就給伊解開。</verse>
				<verse number="5">有一寡徛佇遐的人問𪜶講：「恁解驢仔子欲創什麼？」</verse>
				<verse number="6">𪜶照耶穌所吩咐的給𪜶回答；許個人就准𪜶牽去。</verse>
				<verse number="7">𪜶牽彼隻驢仔子來耶穌遐，將家己的外衫袚佇驢仔頂，耶穌就𬦰起去騎。</verse>
				<verse number="8">有真多人用𪜶的外衫鋪佇路裡，嘛有人對野外剉樹椏鋪佇路裡給伊歡迎。</verse>
				<verse number="9">前行後隨的人大聲喝： 和散那！ 奉主的名來彼位應該受稱讚！</verse>
				<verse number="10">啲欲來咱祖先 大闢 的王國應該受稱讚！ 至高的上帝，和散那！</verse>
				<verse number="11">耶穌進入 耶路撒冷 ，入去聖殿，逐項看一輪。因為天已經暗，伊就及十二使徒出城去 伯大尼 。</verse>
				<verse number="12">隔日，耶穌及門徒對 伯大尼 出來的時，耶穌腹肚枵。</verse>
				<verse number="13">伊佇遠遠看著一欉有真多葉的無花果樹，就行倚去欲看有果子抑無。伊行到遐，樹頂葉仔以外，攏無看著半項，因為毋是無花果的季節。</verse>
				<verse number="14">伊就對彼欉無花果樹講：「永遠無人會閣食你的果子！」 伊的門徒攏有聽著。</verse>
				<verse number="15">後來𪜶來到 耶路撒冷 ，耶穌入去聖殿，起手將佇殿內啲買賣的人趕出去，閣捙倒換錢的人的桌及賣粉鳥的人的椅。</verse>
				<verse number="16">伊嘛毋准人提物件用聖殿做通路過來過去。</verse>
				<verse number="17">伊教示𪜶講：「聖經豈無記載： 我的厝欲叫做萬民祈禱的殿， 恁煞給伊變做土匪仔窟。」</verse>
				<verse number="18">祭司長及經學教師聽著，就一直想辦法欲害死耶穌，毋拘𪜶驚伊，因為群眾對伊的教示攏真感服。</verse>
				<verse number="19">黃昏的時，耶穌及門徒出去城外。</verse>
				<verse number="20">隔早起，耶穌及門徒對遐經過的時，看著彼欉無花果樹歸欉攏焦去。</verse>
				<verse number="21">彼得 會記得，就給耶穌講：「拉比，你看，你咒詛彼欉無花果樹已經焦去。」</verse>
				<verse number="22">耶穌應講：「恁著信上帝。</verse>
				<verse number="23">我實在給恁講，無論什麼人對此座山講『起來，去填海』，伊心若無憢疑，信所講的一定會實現，嘛會按呢互伊實現。</verse>
				<verse number="24">所以，我給恁講，恁祈禱的時無論求什麼，信已經得著就會得著。</verse>
				<verse number="25">恁徛啲祈禱的時，若對某人心有不平，著給伊赦免；按呢，恁的天父嘛會赦免恁的過失。」</verse>
				<verse number="26"></verse>
				<verse number="27">𪜶閣來到 耶路撒冷 。耶穌佇聖殿啲行的時，祭司長、經學教師，及長老來伊遐，</verse>
				<verse number="28">問伊講：「你靠什麼權柄做諸個代誌？什麼人互你此個權柄來做諸個代誌？」</verse>
				<verse number="29">耶穌給𪜶應講：「我欲問恁一句話。恁給我應答，我才給恁講我靠什麼權柄做諸個代誌。</verse>
				<verse number="30">約翰 洗禮的權柄是對天抑是對人來的？恁給我講。」</verse>
				<verse number="31">𪜶互相議論講：「咱若講『對天』，伊會講『按呢恁是按怎無信 約翰 ？』</verse>
				<verse number="32">毋拘咱若講『對人』，恐驚群眾反感，因為𪜶攏想講 約翰 真正是先知。」</verse>
				<verse number="33">𪜶就應耶穌：「阮毋知。」 耶穌就對𪜶講：「按呢，我嘛毋給恁講我靠什麼權柄做諸個代誌。」</verse>
			</chapter>
			<chapter number="12">
				<verse number="1">耶穌閣用譬喻對𪜶講：「有一個人開墾一坵葡萄園，四面圍籬笆，挖一個酒窟，起一個守望台，將此坵園租互佃農，後來出外去真遠的所在。</verse>
				<verse number="2">收成的時到，伊差一個僕人去佃農遐，欲給𪜶收園裡的果子。</verse>
				<verse number="3">𪜶掠彼個僕人，給伊拍，趕伊空手倒去。</verse>
				<verse number="4">伊閣差另外一個僕人去，𪜶傷害伊的頭殼，給伊侮辱。</verse>
				<verse number="5">後來，園主閣差別個僕人去，𪜶給伊刣死。伊閣差真多僕人去，有的互𪜶拍，有的互𪜶刣死。</verse>
				<verse number="6">伊猶有一個，就是所疼的子，最後嘛差伊去佃農遐，想講『𪜶會尊重我的子』。</verse>
				<verse number="7">毋拘許個佃農參詳講：『此個是伊的繼承人。來，咱來給刣死，伊的財產就變做咱的。』</verse>
				<verse number="8">𪜶就給伊掠起來，給伊刣死，給㧒出去葡萄園的外面。</verse>
				<verse number="9">「按呢，葡萄園的主人會按怎處理？伊會來剿滅諸個佃農，將葡萄園租互別人。</verse>
				<verse number="10">恁豈毋曾讀著此段聖經的記載： 起厝師傅所棄拺的石 已經成做上重要的基石。</verse>
				<verse number="11">這是主的作為， 對咱來看實在真奇妙。」</verse>
				<verse number="12">許個 猶太 人的領導者知影耶穌講此個譬喻是啲指𪜶，就想欲給伊掠，毋拘驚群眾，就離開。</verse>
				<verse number="13">𪜶差幾若個法利賽派的人及希律黨的人去耶穌遐，欲尋伊的話柄通給伊陷害。</verse>
				<verse number="14">𪜶就去，對耶穌講：「老師，阮知你真誠實，無論什麼款人，你對待𪜶攏無差別，你只有忠實教示上帝的道理。按呢，納稅互 羅馬 皇帝凱撒有合律法無？阮著納稅抑毋免？」</verse>
				<verse number="15">耶穌看出𪜶的詭計，就對𪜶講：「是按怎欲給我試探？提一個銀幣互我看覓咧。」</verse>
				<verse number="16">𪜶就提一個銀幣來。耶穌問𪜶：「這是什麼人的像，什麼人的字號？」 𪜶應講：「凱撒的。」</verse>
				<verse number="17">耶穌給𪜶講：「凱撒的物互凱撒；上帝的物互上帝。」 𪜶對耶穌感覺真著驚。</verse>
				<verse number="18">有一寡主張無閣活的撒都該派的人來耶穌遐，問伊講：</verse>
				<verse number="19">「老師， 摩西 所寫的律法給阮講：『若有人伊的兄哥死去，放某無放子，伊作小弟的著娶兄嫂替兄哥傳宗接代。』</verse>
				<verse number="20">以前曾有七個兄弟，上大的娶某，無留後代就死去。</verse>
				<verse number="21">第二的娶伊的兄嫂，嘛無留後代就死去。第三的嘛像款。</verse>
				<verse number="22">此七個兄弟攏無留後代，最後此個婦仁人嘛死去。</verse>
				<verse number="23">閣活的時，𪜶攏閣活，按呢此個婦仁人是叨一個人的某？因為此七個攏曾娶伊做某。」</verse>
				<verse number="24">耶穌給𪜶講：「恁毋著，因為恁毋識聖經，嘛毋識上帝的權能。</verse>
				<verse number="25">𪜶對死人中閣活的時，及天頂的天使像款，無嫁無娶。</verse>
				<verse number="26">關係死人閣活，恁豈毋曾讀著 摩西 的冊『啲𤏸的莿』彼段？上帝對 摩西 講：『我是 亞伯拉罕 的上帝， 以撒 的上帝， 雅各 的上帝。』</verse>
				<verse number="27">伊毋是死人的上帝，是活人的上帝。恁完全毋著！」</verse>
				<verse number="28">有一個經學教師來，聽著耶穌及撒都該派的人啲辯論，看耶穌應了真著，就問伊：「所有的誡命中，叨一條第一重要？」</verse>
				<verse number="29">耶穌應講：「第一是： 以色列 啊，恁著聽！主 — 咱的上帝是獨一的主。</verse>
				<verse number="30">你著全心、全情、全意、全力疼主 — 你的上帝。</verse>
				<verse number="31">第二是：著疼厝邊親像疼家己。無別個誡命比諸個閣較重要。」</verse>
				<verse number="32">彼個經學教師對耶穌講：「老師，你所講的真著。你講上帝只有一位，伊以外無別個；</verse>
				<verse number="33">閣講著用全心、全智、全力疼上帝，閣疼厝邊親像疼家己是比獻攏總的燒化祭及祭物閣較要緊。」</verse>
				<verse number="34">耶穌看著伊應了真有智慧，就給伊講：「你離上帝國無遠。」 彼時以後，無人敢閣問耶穌什麼問題。</verse>
				<verse number="35">耶穌佇聖殿啲教示的時，問講：「經學教師哪會講基督是 大闢 的後代？</verse>
				<verse number="36">大闢 本身受聖神感動講： 主給我的主講： 你坐我的正旁， 到我互你的對敵屈服佇你腳下。</verse>
				<verse number="37">大闢 本身稱呼基督做『主』，基督哪會是 大闢 的後代？」 有一大群人愛聽耶穌的教示。</verse>
				<verse number="38">耶穌教示講：「著持防經學教師。𪜶愛穿長衫行來行去，佇市場口互人請安，</verse>
				<verse number="39">佇會堂坐高位，佇宴會坐大位。</verse>
				<verse number="40">𪜶侵佔寡婦的家伙，刁故意祈禱真長。𪜶會受閣較重的刑罰。」</verse>
				<verse number="41">耶穌坐佇聖殿奉獻櫃的對面啲看人獻錢落去。真多好額人獻真多錢。</verse>
				<verse number="42">有一個散赤的寡婦來，獻兩個銅錢仔，就是一角銀。</verse>
				<verse number="43">耶穌叫門徒來，給𪜶講：「我實在給恁講，此個散赤的寡婦獻入去奉獻櫃的，比眾人獻的閣較多。</verse>
				<verse number="44">因為𪜶攏是獻用賰的，毋拘此個寡婦雖然真散赤，猶久提所有的，就是全部的生活費攏獻落去。」</verse>
			</chapter>
			<chapter number="13">
				<verse number="1">耶穌對聖殿出來的時，有一個門徒對伊講：「老師，你看，石即呢大塊！建築物即呢堂皇！」</verse>
				<verse number="2">耶穌給𪜶講：「恁啲看諸個大的建築物噢。佇遮，諸個攏會受拆毀，拆甲無一塊石會疊佇別塊頂面。」</verse>
				<verse number="3">耶穌佇 橄欖山 頂，面向聖殿啲坐的時， 彼得 、 雅各 、 約翰 ，及 安得烈 私下給伊問：</verse>
				<verse number="4">「請給阮講，此個代誌什麼時會發生？諸個一切的代誌啲欲完成的時有什麼兆頭？」</verse>
				<verse number="5">耶穌就給𪜶講：「著謹慎，才免受迷惑。</verse>
				<verse number="6">有真多人會利用我的名來，講『我就是基督』來迷惑真多人。</verse>
				<verse number="7">恁聽著戰爭以及戰爭的風聲的時，毋免驚。諸個代誌一定會發生，毋拘終局猶未到。</verse>
				<verse number="8">因為民族會起來攻擊民族，國家攻擊國家。真多所在有地動，有飢荒。諸個代誌不過是催陣痛疼的開始。</verse>
				<verse number="9">「恁家己著謹慎，恁會互人交互議會，佇會堂受鞭拍。恁會為著我的緣故徛佇總督及君王的面前，對𪜶做見證。</verse>
				<verse number="10">毋拘福音一定著代先傳互萬民。</verse>
				<verse number="11">𪜶給恁掠去交互法庭的時，毋免先煩惱欲講什麼，彼時恁得著什麼指示就照按呢講，因為啲講的毋是恁家己，是聖神。</verse>
				<verse number="12">兄弟會出賣兄弟，互伊死；老父嘛會按呢對待子兒。子兒會起來攻擊父母，給𪜶害死。</verse>
				<verse number="13">恁會因為我的名互眾人怨恨，毋拘忍耐到最後的人會得著救。」</verse>
				<verse number="14">「當恁看著彼個『可惡的毀滅者』徛佇毋應該徛的所在 — 讀的人著明白此句話的意思 — 彼時佇 猶太 的人著逃走去山內；</verse>
				<verse number="15">佇厝頂的，毋通落來，嘛毋通入去厝內提物件；</verse>
				<verse number="16">佇園裡的，毋通轉去挔外衫。</verse>
				<verse number="17">佇許個日子，有身孕的及互嬰仔食奶的婦仁人非常不幸！</verse>
				<verse number="18">著祈禱，諸個代誌才免佇冬天發生。</verse>
				<verse number="19">因為佇許個日子啲欲有災難，是對上帝創造萬物以來毋曾有的，將來嘛𣍐閣有。</verse>
				<verse number="20">主若無減少許個日子，無人會得著救；毋拘為著伊所揀的選民，伊已經有減少許個日子。</verse>
				<verse number="21">「彼時，若有人給恁講『恁看，基督佇遮』，抑是講『恁看，伊佇遐』，毋通相信。</verse>
				<verse number="22">因為有一寡假基督及假先知會出現，行神跡奇事，若會當，連選民都欲給𪜶迷惑。</verse>
				<verse number="23">著謹慎；我已經將一切攏先給恁講啦。」</verse>
				<verse number="24">「佇彼個災難過了許個日子， 日會變烏暗， 月𣍐發光，</verse>
				<verse number="25">星會對天頂落落來， 天頂的光體攏會搖泏。</verse>
				<verse number="26">彼時，人會看見人子充滿大權能及榮光坐雲來臨。</verse>
				<verse number="27">伊會差遣天使對四方，對地的此旁到天的彼旁聚集伊的選民。」</verse>
				<verse number="28">「著對無花果樹學習：枝茁芛發葉的時，恁就知熱天啲欲到。</verse>
				<verse number="29">親像按呢，恁看著諸個代誌發生的時就知人子已經接近，到門口啦。</verse>
				<verse number="30">我實在給恁講，此世代猶未過去，這一切攏會發生。</verse>
				<verse number="31">天及地會消失，毋拘我的話絕對𣍐消失。」</verse>
				<verse number="32">「關係彼個日，彼個時，無人知；天頂的天使毋知，子嘛毋知，只有父知。</verse>
				<verse number="33">著謹慎，著警醒，因為恁毋知彼個時刻什麼時會到。</verse>
				<verse number="34">親像有一個人欲出外，將權交互僕人，分配工作互逐個人，閣吩咐守衛小心顧守。</verse>
				<verse number="35">所以，著警醒，才免此家的主人忽然轉來，看著恁啲睏，因為恁毋知伊什麼時會轉來，是黃昏抑是半暝，是天欲光抑是日出的時。</verse>
				<verse number="36"></verse>
				<verse number="37">我給恁講的話嘛欲對眾人講：著警醒！」</verse>
			</chapter>
			<chapter number="14">
				<verse number="1">閣兩日就是𨃟過節及除酵節。祭司長及經學教師啲尋看欲用什麼計謀通掠耶穌，給伊害死；</verse>
				<verse number="2">不過𪜶講：「毋通佇節期中，驚了民眾起暴動。」</verse>
				<verse number="3">耶穌佇 伯大尼 痲瘋病人 西門 的厝啲坐桌食飯的時，有一個婦仁人來，提一罐玉瓶，內面貯滿純閣貴的哪噠芳油。伊摃破玉瓶，將芳油倒佇耶穌的頭殼頂。</verse>
				<verse number="4">有一寡人真受氣，互相議論講：「哪著按呢浪費芳油？</verse>
				<verse number="5">此罐芳油會當賣三百外個銀來救濟散赤人！」𪜶就給伊責備。</verse>
				<verse number="6">毋拘耶穌講：「毋通給伊擋！哪欲給伊刁難？伊有為著我做一項好事。</verse>
				<verse number="7">不時有散赤人及恁做夥，恁若欲，不管時都會當幫贊𪜶；不過我𣍐不時及恁做夥。</verse>
				<verse number="8">此個婦仁人已經盡力做啦；伊先用芳油抹我的身軀準備我的埋葬。</verse>
				<verse number="9">我實在給恁講，此個福音無論傳到全世界什麼所在，人攏會講起此個婦仁人所做的代誌來記念伊。」</verse>
				<verse number="10">十二使徒的一個， 以斯加略 的 猶大 ，去見許個祭司長，欲將耶穌出賣互𪜶。</verse>
				<verse number="11">𪜶聽著真歡喜，答應欲錢互伊。 猶大 就一直啲尋機會，看欲按怎通出賣耶穌。</verse>
				<verse number="12">除酵節的頭一日，就是刣𨃟過節的羊羔彼日，門徒來問耶穌：「你愛阮去叨位給你準備食𨃟過節的晚餐？」</verse>
				<verse number="13">耶穌差兩個門徒，吩咐𪜶講：「恁入去城內，會抵著一個提水瓶的查甫人，恁隨伊去。</verse>
				<verse number="14">伊無論入去叨一間厝，恁著給彼家的主人講：『老師啲問，伊及伊的門徒欲食𨃟過節晚餐的客廳佇叨位？』</verse>
				<verse number="15">伊會報恁看樓頂一間款好勢的大廳，恁就佇遐為著咱準備。」</verse>
				<verse number="16">彼兩個門徒就出去，到城內，看著逐項及耶穌給𪜶講的攏像款；𪜶就佇遐準備𨃟過節的晚餐。</verse>
				<verse number="17">黃昏的時，耶穌及十二使徒做夥來。</verse>
				<verse number="18">𪜶啲食飯的時，耶穌講：「我實在給恁講，恁諸個及我做夥啲食的人中間，有一個欲給我出賣。」</verse>
				<verse number="19">𪜶真傷心，一個一個給伊問：「毋是我乎？」</verse>
				<verse number="20">耶穌給𪜶講：「是恁十二人中的一個，就是提餅及我佇盤裡啲搵彼個。</verse>
				<verse number="21">照聖經所記載，人子會受害，不過出賣人子彼個人慘啊！彼個人寧可無出世較好！」</verse>
				<verse number="22">𪜶啲食的時，耶穌提餅，感謝了後擘開，分互門徒，講：「提去；這是我的身軀。」</verse>
				<verse number="23">後來伊捧杯，感謝了後提互門徒，𪜶就攏飲彼杯。</verse>
				<verse number="24">耶穌給𪜶講：「這是我的血，是立約的血，為著真多人流出的。</verse>
				<verse number="25">我實在給恁講，佇上帝國飲新的葡萄酒彼日以前，我絕對𣍐閣飲此個酒。」</verse>
				<verse number="26">𪜶吟詩了後就出去，去 橄欖山 。</verse>
				<verse number="27">耶穌給𪜶講：「恁攏會放拺我，因為聖經有記載： 我欲拍牧者， 羊就四散。</verse>
				<verse number="28">不過我閣活以後會比恁先去 加利利 。」</verse>
				<verse number="29">彼得 給耶穌講：「眾人若攏放拺你，我一定𣍐！」</verse>
				<verse number="30">耶穌給 彼得 講：「我實在給你講，今仔日，就是今暝，雞啼兩遍以前，你會三遍毋認我。」</verse>
				<verse number="31">毋拘 彼得 堅持講：「若一定著及你做夥死，我嘛絕對𣍐毋認你！」其他的人嘛攏按呢講。</verse>
				<verse number="32">耶穌及門徒來到一個所在，叫做 客西馬尼 。伊給門徒講：「我去祈禱，恁𫢶遮坐。」</verse>
				<verse number="33">伊就導 彼得 、 雅各 、 約翰 做夥去。伊真驚惶，非常痛苦，</verse>
				<verse number="34">對𪜶講：「我心憂傷到欲死，恁𫢶遮，著警醒！」</verse>
				<verse number="35">耶穌行較進前，仆佇土腳祈求，看會當互伊免經過此個痛苦的時間𣍐。</verse>
				<verse number="36">伊求講：「阿爸父啊，你逐項攏會。此個杯求你給我提開，毋拘毋是照我的意思，著照你的旨意實現。」</verse>
				<verse number="37">後來耶穌轉來，看著門徒啲睏，就給 彼得 講：「 西門 ，你啲睏噢？你𣍐當警醒一點鐘久是無？</verse>
				<verse number="38">著警醒，著祈禱，才𣍐陷落誘惑。恁雖然心真意愛，毋拘肉體軟弱。」</verse>
				<verse number="39">耶穌閣去祈禱，嘛是講像款的話。</verse>
				<verse number="40">伊閣轉來，看著𪜶因為目睭真澀猶啲睏；𪜶毋知欲給耶穌應什麼。</verse>
				<verse number="41">耶穌第三遍轉來，對𪜶講：「恁猶啲睏，猶啲歇睏噢？夠額啦！時間已經到；恁看，人子受出賣交佇罪人的手頭啦。</verse>
				<verse number="42">起來，咱來去。恁看，出賣我的人來啦。」</verse>
				<verse number="43">耶穌猶啲講的時，十二使徒的一個 — 猶大 隨時來，祭司長、經學教師，及長老派來的一陣人攑刀攑棍及伊鬥陣來。</verse>
				<verse number="44">出賣耶穌彼個人有互𪜶一個暗號，講：「我給伊唚彼個就是；恁給掠，嚴密看守，給伊押去。」</verse>
				<verse number="45">猶大 一下到，隨時行倚耶穌，叫「拉比」，就給伊唚，</verse>
				<verse number="46">𪜶就下手掠耶穌。</verse>
				<verse number="47">有一個徛佇邊仔的人拔刀對大祭司的僕人刜落去，給伊一旁的耳仔削起來。</verse>
				<verse number="48">耶穌給𪜶講：「恁攑刀攑棍出來掠我，是欲掠強盜是無？</verse>
				<verse number="49">我逐日佇聖殿啲教示人，恁嘛有佇遐，恁無給我掠。毋拘這是欲互聖經的話得著應驗。」</verse>
				<verse number="50">彼時，所有的門徒攏放拺耶穌，逃走。</verse>
				<verse number="51">有一個少年人啲隨耶穌，身軀只有幔一塊幼麻布。𪜶欲給伊掠，</verse>
				<verse number="52">毋拘伊給幼麻布放咧，褪腹裼逃走。</verse>
				<verse number="53">𪜶給耶穌導去大祭司遐；所有的祭司長、長老，及經學教師攏聚集佇遐。</verse>
				<verse number="54">彼得 離遠遠隨耶穌，隨入去大祭司公館的埕，及許個警衛做夥坐啲烘火。</verse>
				<verse number="55">許個祭司長及全議會一直啲尋證據欲告耶穌，通給伊處死，毋拘尋攏無。</verse>
				<verse number="56">因為有真多人給耶穌誣告，𪜶的證詞無一致。</verse>
				<verse number="57">有幾若個人起來給伊誣告，講</verse>
				<verse number="58">「阮曾聽見伊講：『我欲拆毀此間人的手所起的聖殿，三日內欲閣另外起一間毋是人的手起的。』」</verse>
				<verse number="59">連此個，𪜶的證詞嘛無一致。</verse>
				<verse number="60">大祭司佇眾人的面前徛起來，問耶穌：「諸個人啲給你告什麼？你哪攏無答辯？」</verse>
				<verse number="61">毋拘耶穌恬恬，攏無應半句。大祭司閣問伊講：「你是基督，是應該得著稱讚彼位的子抑毋是？」</verse>
				<verse number="62">耶穌應講：「我是。恁會看見人子坐佇全能者的正旁，坐天頂的雲來臨。」</verse>
				<verse number="63">大祭司就拆裂家己的外衫，講：「咱猶需要什麼證人？</verse>
				<verse number="64">恁已經有聽著伊褻瀆上帝。恁拍算按怎？」 𪜶攏判伊有罪，應該處死。</verse>
				<verse number="65">有一寡人給耶穌呸嘴涎，掩伊的面，用拳頭母給伊掙，閣對伊講：「先知啊，講看覓，啥人給你掙？」警衛給伊掠啲直直搧。</verse>
				<verse number="66">彼得 猶佇大祭司公館下面的埕，有一個大祭司的女婢來。</verse>
				<verse number="67">伊看著 彼得 啲烘火，直直給伊相，講：「你嘛攏有啲及彼個 拿撒勒 人耶穌做夥。」</verse>
				<verse number="68">彼得 毋認，講：「我毋知，嘛聽無你啲講什麼。」伊就出去埕的外面。彼時雞就啼。</verse>
				<verse number="69">彼個女婢看著伊，閣給徛佇邊仔的人講：「此個人是𪜶彼陣的人。」</verse>
				<verse number="70">彼得 閣再毋認。過無偌久，許個徛佇邊仔的人閣對 彼得 講：「你確實是𪜶彼陣的人，因為你嘛是 加利利 人。」</verse>
				<verse number="71">彼得 就咒誓講：「恁啲講彼個人，我毋識。我若講白賊，願上帝責罰我！」</verse>
				<verse number="72">彼時，雞第二遍啼。 彼得 想起耶穌給伊講的話「雞啼兩遍以前，你會三遍毋認我」，就出聲哭。</verse>
			</chapter>
			<chapter number="15">
				<verse number="1">天一下光，許個祭司長、長老、經學教師，以及全議會的人鬥陣參詳。𪜶給耶穌縛起來，押去交互 彼拉多 。</verse>
				<verse number="2">彼拉多 問耶穌：「你是 猶太 人的王是無？」 耶穌應講：「這是你講的。」</verse>
				<verse number="3">祭司長告耶穌真多項代誌。</verse>
				<verse number="4">彼拉多 閣問耶穌：「你看，𪜶給你告即多項，你哪攏無答辯？」</verse>
				<verse number="5">耶穌猶原無應半句， 彼拉多 煞感覺真奇怪。</verse>
				<verse number="6">逐年佇𨃟過節的時， 彼拉多 攏有照民眾的要求放一個犯人互𪜶。</verse>
				<verse number="7">有一個人名叫做 巴拉巴 ，伊及一寡叛徒做夥關監；𪜶曾佇暴亂中刣死人。</verse>
				<verse number="8">群眾聚集倚來，要求 彼拉多 照慣例辦理。</verse>
				<verse number="9">彼拉多 問𪜶講：「恁愛我放 猶太 人的王互恁無？」</verse>
				<verse number="10">因為伊知許個祭司長是為著怨妒才將耶穌交互伊。</verse>
				<verse number="11">許個祭司長煽動群眾，顛倒要求 彼拉多 放 巴拉巴 互𪜶。</verse>
				<verse number="12">彼拉多 閣一遍問𪜶講：「按呢，恁稱做『 猶太 人的王』的，恁愛我按怎處理？」</verse>
				<verse number="13">𪜶閣大聲喝：「給釘十字架！」</verse>
				<verse number="14">彼拉多 問𪜶講：「是按怎？伊有做什麼歹代誌？」𪜶閣較大聲喝：「給釘十字架！」</verse>
				<verse number="15">彼拉多 為著欲互群眾歡喜，就放 巴拉巴 互𪜶，閣命令人用鞭拍耶穌，然後交伊去釘十字架。</verse>
				<verse number="16">兵士帶耶穌去總督府的埕內，後來召集全隊的兵。</verse>
				<verse number="17">𪜶給耶穌穿一領紫色的外袍，閣用刺仔編一頂王冠給伊戴。</verse>
				<verse number="18">𪜶給伊行禮，喝講：「 猶太 人的王萬歲！」</verse>
				<verse number="19">𪜶閣用一支蘆竹仔捽伊的頭殼，給伊呸嘴涎，跪落去拜伊。</verse>
				<verse number="20">𪜶戲弄伊了後，彼領紫色的外袍給褪起來，閣將伊家己的衫給穿倒轉去，然後押伊出去釘十字架。</verse>
				<verse number="21">有一個 古利奈 人 西門 ，是 亞歷山大 及 魯孚 的老父，伊對庄腳來，抵好對遐經過；兵士強迫伊夯耶穌的十字架。</verse>
				<verse number="22">𪜶給耶穌押到一個所在叫做 各各他 ，翻譯是「 頭殼碗嶺 」。</verse>
				<verse number="23">𪜶用摻沒藥的酒互耶穌飲，毋拘伊無飲。</verse>
				<verse number="24">然後𪜶給伊釘十字架，閣分伊的衫，抽籤決定逐個人得著什麼。</verse>
				<verse number="25">𪜶釘耶穌佇十字架的時是早起時九點。</verse>
				<verse number="26">有一個牌仔寫伊的罪狀：「 猶太 人的王」。</verse>
				<verse number="27">有兩個強盜及伊做夥釘十字架，一個佇伊的正旁，一個佇倒旁。</verse>
				<verse number="28"></verse>
				<verse number="29">對遐經過的人給伊侮辱，搖頭，講：「唉啊，你此個人，講欲拆毀聖殿三日內閣起起來，</verse>
				<verse number="30">著救你家己，對十字架落來！」</verse>
				<verse number="31">祭司長及經學教師嘛按呢給伊恥笑，講來講去：「伊救別人，無法度救家己！</verse>
				<verse number="32">伊是基督， 以色列 的王，現在著對十字架落來，互咱通看，通信。」 及耶穌做夥釘十字架許個強盜嘛給伊侮辱。</verse>
				<verse number="33">中晝的時，全地攏烏暗，續到下晡三點。</verse>
				<verse number="34">三點的時，耶穌大聲喝：「以羅伊，以羅伊，拉馬撒北大尼？」意思是「我的上帝，我的上帝，你是按怎放拺我？」</verse>
				<verse number="35">有一寡徛佇邊仔的人聽著，講：「恁看，伊啲叫 以利亞 ！」</verse>
				<verse number="36">有一個人走去提海綿，浸酸酒，縛佇蘆竹仔尾，㧣去互耶穌𠲿，講：「等一下！看 以利亞 會來給伊救𣍐。」</verse>
				<verse number="37">耶穌大聲喝一聲，就斷氣。</verse>
				<verse number="38">彼時聖殿內的帳簾對頂到下裂做兩旁。</verse>
				<verse number="39">徛佇耶穌對面的軍官看著伊斷氣的情形，講：「此個人確實是上帝的子！」</verse>
				<verse number="40">嘛有一寡婦仁人對遠遠啲看，其中有 末大拉 的 馬利亞 、小 雅各 及 約西 的老母 馬利亞 ，以及 撒羅米 。</verse>
				<verse number="41">𪜶是耶穌佇 加利利 的時就隨伊閣服事伊的婦仁人。另外閣有真多及耶穌做夥來 耶路撒冷 的婦仁人嘛佇遐。</verse>
				<verse number="42">已經黃昏，因為彼日是𨃟過節的備辦日，是安歇日的前一日，</verse>
				<verse number="43">亞利馬太 的 約瑟 來，好膽去見 彼拉多 ，請求將耶穌的遺體互伊。 約瑟 是一個受人尊敬的議員，本身嘛有啲期待上帝國的來臨。</verse>
				<verse number="44">彼拉多 聽著耶穌已經死，感覺奇怪，就叫軍官來，問看耶穌是毋是已經死去。</verse>
				<verse number="45">伊對軍官聽著耶穌確實死的消息，就將遺體交互 約瑟 。</verse>
				<verse number="46">約瑟 買一塊幼麻布，然後將耶穌的遺體對十字架徙落來，用彼塊幼麻布給伊包，安葬佇已經拍好佇石壁內的墓，閣翱一塊石來塞佇墓口。</verse>
				<verse number="47">末大拉 的 馬利亞 及 約西 的老母 馬利亞 有看著安葬耶穌的所在。</verse>
			</chapter>
			<chapter number="16">
				<verse number="1">安歇日過了， 末大拉 的 馬利亞 、 雅各 的老母 馬利亞 ，及 撒羅米 買芳料欲去抹耶穌的遺體。</verse>
				<verse number="2">禮拜日 透早，日抵仔出的時，𪜶就去墓地。</verse>
				<verse number="3">𪜶互相講：「什麼人欲替咱將墓口彼塊石翱開？」</verse>
				<verse number="4">彼塊石非常大塊。𪜶一下攑頭，看著彼塊石已經翱開。</verse>
				<verse number="5">𪜶入去墓內，看著一個穿白衫的少年人坐佇正旁，非常著驚。</verse>
				<verse number="6">彼個少年人對𪜶講：「免驚！我知恁啲尋互人釘十字架的 拿撒勒 人耶穌；伊已經閣活，無佇遮。來看囥伊的所在。</verse>
				<verse number="7">恁去，去給伊的門徒及 彼得 講：『伊比恁先去 加利利 ，佇遐恁會見著伊，抵抵照伊給恁講的。』」</verse>
				<verse number="8">𪜶驚甲皮皮惙，毋知欲按怎，就對墓裡出來，直直走。𪜶攏無對人講什麼，因為𪜶真驚。</verse>
				<verse number="9">許個婦仁人去 彼得 及伊的朋友遐，對𪜶簡單報告所聽見攏總的代誌。諸個代誌以後，耶穌本身差遣伊的門徒，對東到西宣揚神聖、不滅，互人得著永遠拯救的信息。阿們！ 禮拜日透早，耶穌閣活了後，代先對 末大拉 的 馬利亞 顯現；耶穌曾給伊趕出七個鬼。</verse>
				<verse number="10">伊去給許個隨耶穌的人報告，彼時𪜶啲哀傷啼哭。</verse>
				<verse number="11">𪜶聽見耶穌閣活閣有互 馬利亞 看著，𪜶猶毋信。</verse>
				<verse number="12">諸個代誌以後，有兩個門徒行路欲去庄腳的時，耶穌用別款的形像對𪜶顯現。</verse>
				<verse number="13">𪜶轉去給其他的人報告，毋拘許個人攏毋信。</verse>
				<verse number="14">後來，十一個使徒啲食飯的時，耶穌對𪜶顯現。伊責備𪜶毋信及硬心，因為𪜶無信看著耶穌閣活的人給𪜶講的話。</verse>
				<verse number="15">耶穌給𪜶講：「恁著去全世界對所有被造的宣揚福音。</verse>
				<verse number="16">信來領受洗禮的人會得著救；毋信的人會受定罪。</verse>
				<verse number="17">信的人會行下面諸個神跡：𪜶會奉我的名趕鬼；𪜶會講新的語言；</verse>
				<verse number="18">𪜶掠蛇抑是飲毒嘛𣍐受傷害；𪜶給病人按手，病人會得著醫好。」</verse>
				<verse number="19">主耶穌給𪜶講諸個話了後受接上天，坐佇上帝的正旁。</verse>
				<verse number="20">門徒出去逐所在傳福音。主及𪜶同工，用𪜶所行的神跡證實𪜶所傳的道理。</verse>
			</chapter>
		</book>
		<book number="42">
			<chapter number="1">
				<verse number="1">所尊敬的 提阿非羅 先生：佇阮中間所發生的代誌，已經有真多人整理閣編寫；</verse>
				<verse number="2">諸個代誌是照許個對起頭就親目看見的人及傳道的人所傳授互阮的。</verse>
				<verse number="3">諸個攏總的代誌，我有對頭到尾詳細查考，才想講著為著你照順序寫出來，</verse>
				<verse number="4">互你通明白所學習的道理是確實。</verse>
				<verse number="5">希律 做 猶太 王的時，有一個 亞比雅 班的祭司，名叫做 撒迦利亞 ；伊的某 伊利莎白 嘛是祭司 亞倫 的後代。</verse>
				<verse number="6">𪜶兩人完全遵守主一切的誡命及規例，互上帝看做義人。</verse>
				<verse number="7">𪜶無子，因為 伊利莎白 𣍐生，𪜶兩人嘛攏已經真老。</verse>
				<verse number="8">有一日， 撒迦利亞 值班，佇上帝的面前執行祭司的職務。</verse>
				<verse number="9">照祭司職的規例，伊抽著籤入去主的聖所燒香。</verse>
				<verse number="10">伊啲燒香的時，歸大陣民眾佇外面啲祈禱。</verse>
				<verse number="11">有主的一個天使顯現，徛佇香壇的正旁。</verse>
				<verse number="12">撒迦利亞 一下看著真著驚，非常不安。</verse>
				<verse number="13">天使給伊講：「 撒迦利亞 ，毋免驚，因為上帝已經聽著你的祈禱；你的某 伊利莎白 會給你生一個後生。你著給伊號名叫做 約翰 。</verse>
				<verse number="14">你會歡喜快樂；真多人嘛會因為伊的出世來歡喜，</verse>
				<verse number="15">因為伊佇主的面前會做大人物。薄酒厚酒伊攏𣍐用得飲。伊猶佇母胎就互聖神充滿。</verse>
				<verse number="16">伊會互真多 以色列 的子孫歸向主 — 𪜶的上帝。</verse>
				<verse number="17">伊會用先知 以利亞 的精神及能力來做主的先鋒。伊會互父母及子兒和好，互背逆的人轉向來隨義人的意念，互子民準備好勢通迎接主。」</verse>
				<verse number="18">撒迦利亞 對天使講：「我著按怎才會知此個代誌？我已經老，我的某嘛赫多歲啊。」</verse>
				<verse number="19">天使應講：「我是啲侍候上帝的 加百列 ，受派來傳話，對你報此個好消息。</verse>
				<verse number="20">你會啞口𣍐講話，一直到諸個代誌應驗彼日，因為你無相信我所講時到會實現諸個話。」</verse>
				<verse number="21">彼時，民眾啲聽候 撒迦利亞 ，𪜶真奇怪伊哪會入去聖所赫呢久。</verse>
				<verse number="22">伊出來的時煞𣍐當對𪜶講話，𪜶才知伊佇聖所有看見異象。伊𣍐講話，一直對𪜶比手。</verse>
				<verse number="23">撒迦利亞 服事的日期過了就轉去厝裡。</verse>
				<verse number="24">過無偌久，伊的某 伊利莎白 懷孕，五月日久無出門。</verse>
				<verse number="25">伊利莎白 講：「主即呢看顧我，給我除去佇人面前的見笑。」</verse>
				<verse number="26">伊利莎白 懷孕第六個月，天使 加百列 奉上帝差派到 加利利 一個城，叫做 拿撒勒 ，</verse>
				<verse number="27">去見一個在室女，名叫做 馬利亞 。此個在室女已經及 大闢 家一個叫做 約瑟 的人定婚。</verse>
				<verse number="28">天使到 馬利亞 遐，對伊講：「平安！你是眾婦女中間上有福氣的；主及你同在！」</verse>
				<verse number="29">馬利亞 因為諸個話非常不安，心內一直啲想此個請安是什麼意思。</verse>
				<verse number="30">天使對伊講：「 馬利亞 ，毋免驚，因為你有得著上帝賜福。</verse>
				<verse number="31">你會懷孕生一個後生，你著給伊號名叫做耶穌。</verse>
				<verse number="32">伊會做大人物，人會稱呼伊做至高上帝的子。主上帝會將伊祖先 大闢 的王位互伊。</verse>
				<verse number="33">伊會永遠統治 雅各 的子孫；伊的王國無窮盡。」</verse>
				<verse number="34">馬利亞 對天使講：「我猶未出嫁，哪會有此款代誌？」</verse>
				<verse number="35">天使應講：「聖神欲臨到你，至高上帝的權能欲致蔭你。因為按呢，彼個啲欲出世的嬰仔是聖的，人會稱呼伊做上帝的子。</verse>
				<verse number="36">你看，你的親成 伊利莎白 ，伊雖然年老，嘛已經懷孕欲生一個後生。人講伊𣍐生，毋拘伊已經有身六月日。</verse>
				<verse number="37">因為上帝無一項代誌做𣍐到。」</verse>
				<verse number="38">馬利亞 講：「我是主的女婢，願照你的話佇我身上實現。」天使就離開伊。</verse>
				<verse number="39">過無偌久， 馬利亞 出發，趕緊去 猶大 山地的一個城。</verse>
				<verse number="40">伊入去 撒迦利亞 的厝，給 伊利莎白 請安。</verse>
				<verse number="41">伊利莎白 聽著 馬利亞 的請安，腹肚內的嬰仔就趒跳。 伊利莎白 互聖神充滿，</verse>
				<verse number="42">大聲講：「婦仁人中你上受祝福！你腹肚內的囝仔嘛受祝福！</verse>
				<verse number="43">我的主的老母來訪問我，我哪會堪得？</verse>
				<verse number="44">因為我一下聽著你請安的聲，腹肚內的嬰仔就歡喜趒跳。</verse>
				<verse number="45">相信主講的話一定會實現彼個婦仁人真有福氣！」</verse>
				<verse number="46">馬利亞 講： 我的心尊主做大；</verse>
				<verse number="47">我的神因為上帝 — 我的救主來歡喜。</verse>
				<verse number="48">因為主有看顧伊卑微的女婢。 對今以後，萬世代的人攏會講我有福氣，</verse>
				<verse number="49">因為全能的上帝為著我做偉大的代誌； 伊的名是聖。</verse>
				<verse number="50">對敬畏伊的人， 伊憐憫𪜶到世世代代。</verse>
				<verse number="51">伊伸出權能的手， 趕散心驕傲的人。</verse>
				<verse number="52">伊將掌權的對寶座拖落來， 卑微的人給𪜶高升。</verse>
				<verse number="53">枵餓的人，伊用好物互𪜶飽足； 好額的人，伊趕𪜶空手出去。</verse>
				<verse number="54">伊扶助伊的僕人 以色列 ， 會記得給𪜶憐憫；</verse>
				<verse number="55">照伊對咱祖先的應允， 憐憫 亞伯拉罕 及伊的子孫到永遠。</verse>
				<verse number="56">馬利亞 及 伊利莎白 做夥住差不多三個月，然後轉去𪜶兜。</verse>
				<verse number="57">伊利莎白 生產的日期已經到，就生一個後生。</verse>
				<verse number="58">厝邊及親族聽講主有大大憐憫伊，就及伊做夥歡喜。</verse>
				<verse number="59">囝仔出世第八日，𪜶來欲給伊割禮，閣照𪜶老父的名叫伊做 撒迦利亞 。</verse>
				<verse number="60">總是伊的老母講：「毋通！著給伊號名叫做 約翰 。」</verse>
				<verse number="61">𪜶對伊講：「恁親族中無人號此個名。」</verse>
				<verse number="62">𪜶就用手比，問囝仔的老父看欲給伊號什麼名。</verse>
				<verse number="63">撒迦利亞 給𪜶討一塊寫字板，寫講：「伊的名是 約翰 。」大家攏著驚。</verse>
				<verse number="64">撒迦利亞 隨時開嘴講話，稱讚上帝。</verse>
				<verse number="65">厝邊隔壁攏真著驚；全 猶太 的山地攏啲談論此項代誌。</verse>
				<verse number="66">聽著此項代誌的人想講：「此個嬰仔將來會成做什麼款人？」因為有主的權能及伊同在。</verse>
				<verse number="67">約翰 的老父 撒迦利亞 互聖神充滿，預言講：</verse>
				<verse number="68">著稱讚主 — 以色列 的上帝！ 因為伊有看顧閣救贖伊的子民。</verse>
				<verse number="69">伊對伊的僕人 大闢 的家， 給咱設立一位有大氣力的拯救者。</verse>
				<verse number="70">照伊佇古早通過伊聖先知的嘴應允講：</verse>
				<verse number="71">伊欲拯救咱脫離咱的對敵， 脫離一切怨恨咱的人的手。</verse>
				<verse number="72">伊應允欲憐憫咱的祖先， 閣會記得伊所立神聖的約，</verse>
				<verse number="73">就是伊對咱的祖先 亞伯拉罕 所立的約。 伊欲救咱脫離對敵的手， 互咱無驚惶， 一世人佇伊的面前 用聖潔公義服事伊。</verse>
				<verse number="74"></verse>
				<verse number="75"></verse>
				<verse number="76">細子啊，你會互人稱呼做至高上帝的先知； 因為你會做主的先鋒來準備伊欲行的路，</verse>
				<verse number="77">互伊的子民因為罪得著赦免， 通明白上帝的拯救。</verse>
				<verse number="78">因為咱的上帝溫柔慈悲； 伊互清早的日頭對天頂照咱，</verse>
				<verse number="79">照咱諸個𫢶佇烏暗及死亡蔭影下的人， 引導咱的腳行入和平的路。</verse>
				<verse number="80">此個囝仔漸漸大漢，心靈日日勇壯。伊住曠野，一直到伊佇 以色列 人的中間公開出現彼日。</verse>
			</chapter>
			<chapter number="2">
				<verse number="1">彼時， 羅馬 皇帝 奧古斯都 頒布命令，叫全國的人民攏登記戶口。</verse>
				<verse number="2">此個頭一遍的戶口普查是 居里扭 做 敘利亞 總督的時實施的。</verse>
				<verse number="3">眾人攏轉去家己的故鄉登記戶口。</verse>
				<verse number="4">約瑟 嘛對 加利利 的 拿撒勒 去 猶太 的 伯利恆 ，就是 大闢 出世的城，因為伊屬 大闢 的家，是 大闢 的世系。</verse>
				<verse number="5">約瑟 及伊的未婚妻 馬利亞 做夥去登記。彼時， 馬利亞 已經懷孕。</verse>
				<verse number="6">𪜶佇遐的時， 馬利亞 生產的時到，</verse>
				<verse number="7">就生頭上子；伊用布給伊包，互伊睏佇槽裡，因為客館無所在通互𪜶住。</verse>
				<verse number="8">彼地區有一寡顧羊的人佇野外，暝時輪流啲顧𪜶的羊群。</verse>
				<verse number="9">主的一個天使對𪜶出現；主的榮光四面給𪜶照，𪜶就非常驚惶。</verse>
				<verse number="10">天使給𪜶講：「毋免驚！我給恁報一個欲互萬民大歡喜的好消息。</verse>
				<verse number="11">今仔日，佇 大闢 城有一位救主為著恁出世，就是主基督。</verse>
				<verse number="12">恁會看著一個嬰仔用布包啲倒佇槽裡；這互恁做記號。」</verse>
				<verse number="13">忽然，有一大陣天軍及彼個天使做夥頌讚上帝講：</verse>
				<verse number="14">願榮光歸佇至高的上帝； 願伊賜和平互地上伊所意愛的人。</verse>
				<verse number="15">諸個天使離開𪜶上天的時，顧羊的攏講：「咱來去 伯利恆 ，看主報咱知此個所發生的代誌。」</verse>
				<verse number="16">𪜶就趕緊去，尋著 馬利亞 及 約瑟 ，以及倒佇槽裡的嬰仔。</verse>
				<verse number="17">𪜶看了，就將天使對𪜶講此個嬰仔的代誌報人知。</verse>
				<verse number="18">聽著顧羊的所講諸個話的人攏感覺真奇怪。</verse>
				<verse number="19">不過 馬利亞 將諸個代誌攏囥佇心內，不時啲想。</verse>
				<verse number="20">顧羊的轉去，因為所聽見所看著一切的代誌攏及天使對𪜶講的完全仝款，就將榮光稱讚歸互上帝。</verse>
				<verse number="21">嬰仔出世第八日，給伊割禮的日到，𪜶就給伊號名叫做耶穌；此個名是 馬利亞 猶未懷孕的時天使給伊號的。</verse>
				<verse number="22">照 摩西 的律法，潔淨禮的日過了， 約瑟 及 馬利亞 抱嬰仔去 耶路撒冷 欲將伊獻互主。</verse>
				<verse number="23">照主的律法記載：「頭一胎的查甫子攏著聖別歸互主。」</verse>
				<verse number="24">閣照主的律法規定著獻一對斑鴿，抑是兩隻粉鳥仔子做牲禮。</verse>
				<verse number="25">彼時，佇 耶路撒冷 有一個人名叫做 西緬 。此個人義閣敬虔，一直啲期待 以色列 的復興。聖神有及伊同在。</verse>
				<verse number="26">伊得著聖神的啟示，知影伊死以前一定會看著主所應允的基督。</verse>
				<verse number="27">伊互聖神感動入去聖殿。抵彼時，耶穌的父母抱嬰仔耶穌入來，欲照律法的慣例給伊舉行儀式。</verse>
				<verse number="28">西緬 用雙手抱嬰仔，稱讚上帝講：</verse>
				<verse number="29">主啊，今照你的話， 互你的僕人平平安安離開世間；</verse>
				<verse number="30">因為我已經有親目看著你的拯救，</verse>
				<verse number="31">就是你為萬民所準備的。</verse>
				<verse number="32">伊做啟示外邦人的光， 做你的子民 以色列 的榮光。</verse>
				<verse number="33">耶穌的父母聽著 西緬 講起關係嬰仔的事，真著驚。</verse>
				<verse number="34">西緬 給𪜶祝福，閣對嬰仔的老母 馬利亞 講：「此個嬰仔受選立是欲互 以色列 中真多人跋倒，真多人𬦰起來，閣成做受攻擊的記號，</verse>
				<verse number="35">互真多人心內的意念露現；你本身的心嘛會互利劍鑿迵過。」</verse>
				<verse number="36">閣有一個女先知 安娜 ，是 亞設 支族的 法內力 的查某子。伊已經真老。伊結婚了及丈夫生活七年，</verse>
				<verse number="37">現在已經八十四歲。 伊攏無離開聖殿，暝日服事上帝，禁食祈禱。</verse>
				<verse number="38">抵彼時，伊嘛來感謝上帝，對所有啲期待上帝救贖 耶路撒冷 的人講起此個嬰仔的事。</verse>
				<verse number="39">約瑟 及 馬利亞 照主的律法完成一切的規定就轉去 加利利 ，到𪜶的故鄉 拿撒勒 。</verse>
				<verse number="40">此個囝仔漸漸大漢，日日勇壯，充滿智慧；上帝的恩惠及伊同在。</verse>
				<verse number="41">耶穌的父母逐年攏有去 耶路撒冷 守𨃟過節。</verse>
				<verse number="42">耶穌十二歲的時，𪜶嘛照慣例上去。</verse>
				<verse number="43">節期煞，𪜶出發欲轉去，囝仔耶穌留佇 耶路撒冷 。伊的父母攏毋知，</verse>
				<verse number="44">想做伊是佇做夥行彼陣人的中間。𪜶行一日的路程了後，才開始佇親族及熟似人的中間啲尋。</verse>
				<verse number="45">𪜶尋無，就倒轉去 耶路撒冷 尋，</verse>
				<verse number="46">三日後才佇聖殿看著伊坐佇教師的中間，也啲聽也啲問。</verse>
				<verse number="47">所有聽著伊講話的人攏因為伊聰明的應答感覺著驚奇怪。</verse>
				<verse number="48">伊的父母看著伊，非常著驚。伊的老母對伊講：「子啊，你哪通按呢對待阮？你看，你的老父及我真煩惱，一直啲尋你！」</verse>
				<verse number="49">耶穌應講：「恁哪著尋我？豈毋知我一定著佇我的父的厝 ？」</verse>
				<verse number="50">不過𪜶𣍐了解伊對𪜶講的話。</verse>
				<verse number="51">後來耶穌及𪜶做夥轉去 拿撒勒 ，事事順趁𪜶。伊的老母將諸個代誌攏囥佇心內。</verse>
				<verse number="52">耶穌的智慧及年歲愈加添；上帝及人嘛愈疼伊。</verse>
			</chapter>
			<chapter number="3">
				<verse number="1">羅馬 皇帝 提庇留 統治第十五年， 龐修‧彼拉多 作 猶太 總督， 希律 作 加利利 分封的王，伊的小弟 腓力 作 以土利亞 及 特拉可尼 地方分封的王， 呂撒聶 作 亞比利尼 分封的王，</verse>
				<verse number="2">亞那 及 該亞法 作大祭司的時，上帝的話臨到 撒迦利亞 的子 約翰 ，彼時伊佇曠野。</verse>
				<verse number="3">約翰 就去 約旦河 一帶逐所在宣揚講：「著悔改，領受洗禮，上帝就赦免恁的罪！」</verse>
				<verse number="4">照先知 以賽亞 的冊記載： 有聲佇曠野啲喝： 著為主準備道路， 為著伊修直小路。</verse>
				<verse number="5">一切的山谷著填互淀； 所有大山小山著削互低； 彎曲的路著改互直； 嵁硈的路著修互平！</verse>
				<verse number="6">萬民攏會看見上帝的拯救。</verse>
				<verse number="7">約翰 給來欲領受洗禮許個群眾講：「恁諸個毒蛇，什麼人警告恁閃避上帝啲欲發的受氣？</verse>
				<verse number="8">著用行為證明恁有悔改！恁毋通家己想講『 亞伯拉罕 是阮的祖先』，我給恁講，上帝會當用諸個石頭造子孫互 亞伯拉罕 。</verse>
				<verse number="9">斧頭已經靠佇樹頭；所有無結好果子的樹攏欲給剉起來，㧒落火。」</verse>
				<verse number="10">眾人問 約翰 ：「按呢，阮著做什麼？」</verse>
				<verse number="11">伊應講：「有兩領衫的，著分互無的；有食物的，嘛著按呢做。」</verse>
				<verse number="12">有一寡貿稅的嘛來欲領受洗禮。𪜶問 約翰 ：「老師，阮著做什麼？」</verse>
				<verse number="13">伊給𪜶講：「規定的稅金以外毋通加收。」</verse>
				<verse number="14">有一寡軍人嘛問伊：「阮著做什麼？」 伊給𪜶講：「毋通給人恐嚇提錢；嘛毋通給人敲油；所領的薪水著滿足。」</verse>
				<verse number="15">民眾啲期待，大家心內想講 約翰 豈採是基督的時，</verse>
				<verse number="16">約翰 對大家講：「我用水給恁洗禮；毋拘有一位比我較有權能的啲欲來，我連給伊解鞋帶都𣍐堪得。伊欲用聖神及火給恁洗禮。</verse>
				<verse number="17">伊的手提簸箕 欲將麥埕的麥簸清氣，麥仔收入倉庫，麥芒 就用𣍐化的火給伊燒掉。」</verse>
				<verse number="18">約翰 對民眾傳福音，用真多無仝款的講法給𪜶勸勉。</verse>
				<verse number="19">不過 約翰 責備分封的王 希律 ，因為伊有娶弟婦 希羅底 做某，閣因為伊有做真多歹代誌。</verse>
				<verse number="20">諸個以外，伊有做一項閣較歹的代誌，就是給 約翰 關落監。</verse>
				<verse number="21">民眾攏領受洗禮了後，耶穌嘛來領受洗禮。伊啲祈禱的時，天開，</verse>
				<verse number="22">聖神降落佇伊頂面，形狀親像粉鳥；閣對天有聲講： 你是我所疼的子， 你，我真意愛。</verse>
				<verse number="23">耶穌開始傳道的時，約三十歲。眾人看伊做 約瑟 的子， 約瑟 是 希里 的子，</verse>
				<verse number="24">希里 是 瑪塔 的子， 瑪塔 是 利未 的子， 利未 是 麥基 的子， 麥基 是 雅拿 的子， 雅拿 是 約瑟 的子，</verse>
				<verse number="25">約瑟 是 瑪他提亞 的子， 瑪他提亞 是 亞摩斯 的子， 亞摩斯 是 拿鴻 的子， 拿鴻 是 以斯利 的子， 以斯利 是 拿該 的子，</verse>
				<verse number="26">拿該 是 瑪押 的子， 瑪押 是 瑪他提亞 的子， 瑪他提亞 是 西美 的子， 西美 是 約色克 的子， 約色克 是 約大 的子，</verse>
				<verse number="27">約大 是 約亞拿 的子， 約亞拿 是 利撒 的子， 利撒 是 所羅巴伯 的子， 所羅巴伯 是 撒拉鐵 的子， 撒拉鐵 是 尼利 的子，</verse>
				<verse number="28">尼利 是 麥基 的子， 麥基 是 亞底 的子， 亞底 是 哥桑 的子， 哥桑 是 以摩當 的子， 以摩當 是 珥 的子，</verse>
				<verse number="29">珥 是 約細 的子， 約細 是 以利以謝 的子， 以利以謝 是 約令 的子， 約令 是 瑪塔 的子， 瑪塔 是 利未 的子，</verse>
				<verse number="30">利未 是 西緬 的子， 西緬 是 猶大 的子， 猶大 是 約瑟 的子， 約瑟 是 約南 的子， 約南 是 以利亞敬 的子，</verse>
				<verse number="31">以利亞敬 是 米利亞 的子， 米利亞 是 買南 的子， 買南 是 瑪達他 的子， 瑪達他 是 拿單 的子， 拿單 是 大闢 的子，</verse>
				<verse number="32">大闢 是 耶西 的子， 耶西 是 俄備得 的子， 俄備得 是 波阿斯 的子， 波阿斯 是 撒門 的子， 撒門 是 拿順 的子，</verse>
				<verse number="33">拿順 是 亞米拿達 的子， 亞米拿達 是 亞民 的子， 亞民 是 亞尼 的子， 亞尼 是 希斯崙 的子， 希斯崙 是 法勒斯 的子， 法勒斯 是 猶大 的子，</verse>
				<verse number="34">猶大 是 雅各 的子， 雅各 是 以撒 的子， 以撒 是 亞伯拉罕 的子， 亞伯拉罕 是 他拉 的子， 他拉 是 拿鶴 的子，</verse>
				<verse number="35">拿鶴 是 西鹿 的子， 西鹿 是 拉吳 的子， 拉吳 是 法勒 的子， 法勒 是 希伯 的子， 希伯 是 沙拉 的子，</verse>
				<verse number="36">沙拉 是 該南 的子， 該南 是 亞法撒 的子， 亞法撒 是 閃 的子， 閃 是 挪亞 的子， 挪亞 是 拉麥 的子，</verse>
				<verse number="37">拉麥 是 瑪土撒拉 的子， 瑪土撒拉 是 以諾 的子， 以諾 是 雅列 的子， 雅列 是 瑪勒列 的子， 瑪勒列 是 該南 的子，</verse>
				<verse number="38">該南 是 以挪士 的子， 以挪士 是 塞特 的子， 塞特 是 亞當 的子， 亞當 是上帝的子。</verse>
			</chapter>
			<chapter number="4">
				<verse number="1">耶穌受聖神充滿，對 約旦河 轉來。伊互聖神導去曠野，</verse>
				<verse number="2">佇遐四十日久受魔鬼試探。彼個期間伊攏無食什麼，許個日子過了，腹肚就枵。</verse>
				<verse number="3">魔鬼對伊講：「既然你是上帝的子，命令此塊石頭變做餅！」</verse>
				<verse number="4">耶穌應講：「聖經有記載：『人啲活毋若倚靠餅。』」</verse>
				<verse number="5">然後魔鬼導耶穌去到高的所在，一目𥍉久將天下萬國互伊看，</verse>
				<verse number="6">給伊講：「諸個一切的權勢及榮華，我攏欲互你；因為諸個一切已經攏交互我，我欲互什麼人就互彼個人。</verse>
				<verse number="7">所以，你若跪落來拜我，諸個一切攏總是你的。」</verse>
				<verse number="8">耶穌應講：「聖經有記載： 著拜主 — 你的上帝， 只有服事伊。」</verse>
				<verse number="9">魔鬼閣導耶穌去 耶路撒冷 ，互伊徛佇聖殿上高的所在，給伊講：「既然你是上帝的子，對遮跳落去，</verse>
				<verse number="10">因為聖經有記載：『上帝會為著你命令伊的天使來保護你』；</verse>
				<verse number="11">閣講： 𪜶會用手給你扶啲， 互你的腳𣍐磕著石頭。」</verse>
				<verse number="12">耶穌應講：「聖經有記載：『毋通試探主 — 你的上帝。』」</verse>
				<verse number="13">所有的試探攏用了，魔鬼就離開耶穌，聽候後遍的機會。</verse>
				<verse number="14">耶穌受聖神的權能充滿，轉去 加利利 。伊的名聲傳到四圍逐地區。</verse>
				<verse number="15">伊佇逐個會堂教示人，受眾人尊敬。</verse>
				<verse number="16">耶穌倒去伊長大的所在 拿撒勒 ，照習慣佇安歇日入去會堂。伊徛起來欲讀聖經。</verse>
				<verse number="17">有人提一卷先知 以賽亞 的冊互伊，伊就搋開，尋著一所在有記載：</verse>
				<verse number="18">主的神臨到我， 因為伊用油抹我， 互我傳好消息互散赤人。 伊差派我宣布： 受掠的得著解放， 無看見的閣看見， 受壓迫的得著自由，</verse>
				<verse number="19">宣布主恩惠的年 。</verse>
				<verse number="20">耶穌給冊捲起來，還互會堂的助理，就坐落去。會堂內的眾人攏注目給伊看。</verse>
				<verse number="21">伊就給𪜶講：「此段聖經，今仔日恁啲聽的時已經實現啦。」</verse>
				<verse number="22">大家攏稱讚耶穌，對伊所講仁慈的話感覺奇怪，講：「此個人豈毋是 約瑟 的子？」</verse>
				<verse number="23">耶穌對𪜶講：「恁一定會引用『醫生啊，著醫治你家己』此句俗語來對我講：『阮有聽著你佇 迦百農 做真多代誌，今嘛著佇你的故鄉做。』」</verse>
				<verse number="24">耶穌閣講：「我實在給恁講，先知無一個佇家己的故鄉受歡迎。</verse>
				<verse number="25">我給恁講實話，佇 以利亞 的時代有曠旱三年半久，逐所在有大飢荒，彼時 以色列 中有真多寡婦；</verse>
				<verse number="26">以利亞 並無受差去𪜶遐，只有去 西頓 撒勒法 一個寡婦遐。</verse>
				<verse number="27">先知 以利沙 的時， 以色列 中有真多痲瘋病人，除去 敘利亞 人 乃縵 以外，無一個得著清氣。」</verse>
				<verse number="28">會堂內所有的人一下聽著諸個話真受氣。</verse>
				<verse number="29">𪜶徛起來，給耶穌趕出城外，扭到山崁，欲給伊捙落去；𪜶的城是起佇山頂。</verse>
				<verse number="30">耶穌卻對𪜶中間行過，做伊去。</verse>
				<verse number="31">耶穌落去 加利利 的 迦百農 城，逐個安歇日攏有啲教示人。</verse>
				<verse number="32">𪜶對伊的教示感覺非常希奇，因為伊的話有權威。</verse>
				<verse number="33">會堂內有一個互無清氣的鬼神附身的人，伊大聲喝：</verse>
				<verse number="34">「 拿撒勒 人耶穌，你插阮！你來欲毀滅阮是無？我知你是什麼人；你是上帝的聖者。」</verse>
				<verse number="35">耶穌給伊責備講：「恬恬！對此個人出去！」鬼佇眾人的面前給伊摔倒，就對伊出去，攏無給伊傷害著。</verse>
				<verse number="36">眾人真著驚，講來講去：「伊的話哪赫厲害？伊用權威及能力命令邪神，𪜶就出去。」</verse>
				<verse number="37">耶穌的名聲就傳到四圍逐所在。</verse>
				<verse number="38">耶穌離開會堂，入去 西門 𪜶兜。 西門 的丈姆破病，發熱真燒；有人給耶穌講此個代誌。</verse>
				<verse number="39">耶穌徛倚去伊的邊仔，責備熱病，熱就退；婦仁人隨時起來給𪜶侍候。</verse>
				<verse number="40">日落的時，眾人將有逐種病的人攏導來尋耶穌。耶穌一個一個給𪜶按手，攏給𪜶醫好。</verse>
				<verse number="41">嘛有鬼對真多人的身軀出來，喝講：「你是上帝的子！」耶穌給𪜶責備，毋准𪜶講，因為𪜶知耶穌是基督。</verse>
				<verse number="42">天一下光，耶穌就出城去偏僻無人住的所在。歸陣人啲尋伊，尋著就給伊留啲，無愛伊離開。</verse>
				<verse number="43">毋拘耶穌給𪜶講：「我嘛著去別個城市傳上帝國的福音；這是上帝差派我來的目的。」</verse>
				<verse number="44">伊就繼續佇 猶太 逐個會堂傳道。</verse>
			</chapter>
			<chapter number="5">
				<verse number="1">有一遍，耶穌徛佇 革尼撒勒 湖邊，有一陣人揢倚去欲聽上帝的話。</verse>
				<verse number="2">伊看著兩隻船停佇湖邊，掠魚的離開船啲洗網。</verse>
				<verse number="3">其中一隻是 西門 的；耶穌上彼隻船，叫伊划小可離開岸，然後坐落去，對船頂教示眾人。</verse>
				<verse number="4">耶穌講煞，對 西門 講：「給船划去深的所在，拋網落去掠魚。」</verse>
				<verse number="5">西門 應講：「老師，阮拼歸暝掠攏無，毋拘你都啲講啊，我就來落網。」</verse>
				<verse number="6">𪜶一下放落去，網著真多魚，網煞強欲破去。</verse>
				<verse number="7">𪜶搧手叫別隻船的同伴來鬥腳手。𪜶就來，將魚貯佇兩隻船，貯到滿滿煞強欲沉落去。</verse>
				<verse number="8">西門‧彼得 一下看著，就跪落去耶穌的腳前，講：「主啊，請離開我！我是一個有罪的人。」</verse>
				<verse number="9">西門 及伊的同伴因為掠著赫多魚真著驚。</verse>
				<verse number="10">西門 的同伴 西庇太 的子 雅各 及 約翰 嘛真著驚。耶穌給 西門 講：「毋免驚，對今以後，你會得著人。」</verse>
				<verse number="11">𪜶拖船倚岸了後，將一切放咧，去隨耶穌。</verse>
				<verse number="12">有一遍耶穌佇一個城，佇遐有一個人歸身軀染著痲瘋。伊看著耶穌就仆落去祈求講：「主啊，你若肯，會當互我清氣。」</verse>
				<verse number="13">耶穌伸手給伊摸，講：「我肯，互你清氣！」伊的痲瘋隨時無去。</verse>
				<verse number="14">耶穌命令伊，講：「毋通給人講；著去互祭司驗，閣照 摩西 的規定，為著你有得著清氣獻祭物，通對眾人證明。」</verse>
				<verse number="15">耶穌的名聲愈傳愈闊；歸大陣人聚集來欲聽道理，閣求伊互𪜶的病得著醫好。</verse>
				<verse number="16">毋拘耶穌退去偏僻的所在祈禱。</verse>
				<verse number="17">有一日，耶穌啲教示人的時，有法利賽派的人及律法教師佇遐啲坐。𪜶是對 加利利 及 猶太 逐庄社，以及 耶路撒冷 來的。主的權能及耶穌同在，互伊會當醫好病人。</verse>
				<verse number="18">彼時，有人用床扛一個半身不遂的人來，想欲扛入去下佇耶穌的面前；</verse>
				<verse number="19">毋拘因為人真多，尋無路通扛入去，就𬦰去厝頂，拆厝瓦，將彼個半身不遂的連床縋落去眾人的中間，下佇耶穌的面前。</verse>
				<verse number="20">耶穌看見𪜶的信心，就講：「朋友啊，你的罪赦免啦。」</verse>
				<verse number="21">許個經學教師及法利賽派的人議論講：「此個啲褻瀆上帝的是啥人？上帝以外，什麼人會當赦罪？」</verse>
				<verse number="22">耶穌知影𪜶啲質問什麼，就對𪜶講：「是按怎恁心內啲質問？</verse>
				<verse number="23">講『你的罪赦免啦』，抑是講『起來行』，叨一項較簡單？</verse>
				<verse number="24">不過我欲互恁知人子佇地上有赦罪的權柄。」耶穌對彼個半身不遂的人講：「我給你講，起來，夯你的床，轉去恁兜！」</verse>
				<verse number="25">彼個人隨時佇眾人的面前𬦰起來，夯伊所倒的床轉去𪜶兜，那行那歸榮光互上帝。</verse>
				<verse number="26">眾人攏真著驚，歸榮光互上帝，心內充滿敬畏講：「阮今仔日有看著奇妙的代誌！」</verse>
				<verse number="27">諸個代誌以後，耶穌出去，看著一個貿稅的，名叫做 利未 ，坐佇稅關，就對伊講：「來隨我！」</verse>
				<verse number="28">利未 就放拺一切，起來隨伊。</verse>
				<verse number="29">利未 佇𪜶兜為著耶穌辦大宴席。有一大陣貿稅的以及其他的人及𪜶做夥坐桌食飯。</verse>
				<verse number="30">有一寡法利賽派的人及屬𪜶的經學教師對耶穌的門徒埋怨，講：「是按怎恁及貿稅的以及罪人做夥飲食？」</verse>
				<verse number="31">耶穌應講：「健康的無需要醫生，破病的才有需要。</verse>
				<verse number="32">我來，毋是欲招義人，是欲招罪人悔改。」</verse>
				<verse number="33">後來𪜶對耶穌講：「 約翰 的門徒常常禁食祈禱，法利賽派的門徒嘛是按呢，毋拘你的門徒亦食亦飲。」</verse>
				<verse number="34">耶穌對𪜶講：「新郎猶及婚宴的人客做夥的時，恁豈會互人客禁食？</verse>
				<verse number="35">日子啲欲到，新郎會互人對𪜶中間掠去，佇許個日𪜶就會禁食。」</verse>
				<verse number="36">耶穌閣用一個譬喻給𪜶講：「無人拆新衫來補舊衫，若按呢做，毋若新衫拆破，拆起來彼塊新布及舊衫嘛𣍐合。</verse>
				<verse number="37">嘛無人將新酒入佇舊皮袋。若按呢做，新酒會給皮袋爆破，酒流出來，皮袋嘛歹去。</verse>
				<verse number="38">新酒著入佇新皮袋。</verse>
				<verse number="39">無人飲舊酒了後愛飲新酒，人攏會講『猶是舊酒較好。』」</verse>
			</chapter>
			<chapter number="6">
				<verse number="1">有一個安歇日，耶穌對麥園經過。伊的門徒摘麥穗，用手捼來食。</verse>
				<verse number="2">有一寡法利賽派的人給𪜶講：「恁是按怎做安歇日𣍐用得做的代誌？」</verse>
				<verse number="3">耶穌應講：「恁豈毋曾讀著 大闢 及隨伊的人腹肚枵的時所做的代誌？</verse>
				<verse number="4">伊入去上帝的殿提獻祭的餅來食，嘛互隨伊的人食。此款餅只有祭司才通食。」</verse>
				<verse number="5">耶穌給𪜶講：「人子是安歇日的主。」</verse>
				<verse number="6">另外一個安歇日，耶穌入去會堂教示；佇遐有一個正手瘸去的人。</verse>
				<verse number="7">有一寡經學教師及法利賽派的人啲當等看耶穌佇安歇日會給伊醫治抑𣍐，通尋孔縫來告伊。</verse>
				<verse number="8">耶穌知𪜶啲想什麼，就給彼個手瘸去的人講：「起來，來徛佇中央！」伊就起來，徛佇遐。</verse>
				<verse number="9">耶穌對𪜶講：「我問恁，佇安歇日做好事抑是做歹事，救性命抑是害性命，叨一項合律法？」</verse>
				<verse number="10">耶穌就一個一個給𪜶看，然後對彼個人講：「手伸出來！」伊照按呢做，手就復原。</verse>
				<verse number="11">許個人非常受氣，參詳欲按怎對付耶穌。</verse>
				<verse number="12">有一日，耶穌出去山裡祈禱，通暝對上帝祈求。</verse>
				<verse number="13">天光的時，伊叫門徒來，對𪜶中間揀選十二個，稱𪜶做使徒，</verse>
				<verse number="14">就是 西門 — 耶穌閣給伊號名叫做 彼得 — 及伊的小弟 安得烈 ， 雅各 及 約翰 ， 腓力 及 巴多羅買 ，</verse>
				<verse number="15">馬太 及 多馬 ， 亞勒腓 的子 雅各 及稱做激進黨的 西門 ，</verse>
				<verse number="16">雅各 的子 猶大 及後來出賣耶穌彼個 以斯加略 的 猶大 。</verse>
				<verse number="17">耶穌及使徒落山，來徛佇平地，佇遐有一大陣伊的門徒，閣有一大陣民眾。諸個人是對 猶太 全地及 耶路撒冷 ，以及 泰爾 及 西頓 沿海來的。</verse>
				<verse number="18">𪜶欲聽耶穌講道理，嘛欲互伊醫病。許個互邪神攪擾的人嘛來，攏得著醫治。</verse>
				<verse number="19">歸大陣的人攏想欲給伊摸，因為有權能對伊發出，互𪜶攏得著醫好。</verse>
				<verse number="20">耶穌注目看伊的門徒，講： 「恁諸個散赤人真有福氣， 因為恁是上帝國的子民。</verse>
				<verse number="21">恁現在啲枵的人真有福氣， 因為上帝會互恁飽足。 恁現在啲啼哭的人真有福氣， 因為上帝會互恁笑。</verse>
				<verse number="22">「人怨恨恁，為著人子的緣故給恁棄拺，給恁侮辱，給恁看做歹人，恁真有福氣。</verse>
				<verse number="23">「彼日恁著歡喜趒跳，因為恁佇天裡的報賞真大。早前諸個人的祖先嘛按呢對待先知。</verse>
				<verse number="24">毋拘恁諸個好額人慘啊， 因為恁已經享受安樂。</verse>
				<verse number="25">恁現在飽足的人慘啊， 因為恁會枵餓。 恁現在啲笑的人慘啊， 因為恁會哀傷啼哭。</verse>
				<verse number="26">「眾人攏啲謳咾恁的時，恁慘啊，因為𪜶的祖先嘛曾按呢對待假先知。」</verse>
				<verse number="27">「恁諸個啲聽的人，我給恁講：著疼恁的對敵，好款待怨恨恁的人。</verse>
				<verse number="28">著祝福詈罵恁的人；著為著侮辱恁的人祈禱。</verse>
				<verse number="29">有人搧你的嘴䩃，另外一旁嘛互伊搧。有人剝你的外衫，內衫嘛續互伊。</verse>
				<verse number="30">有人給你求什麼，著互伊。有人搶你的物件，毋通給伊討。</verse>
				<verse number="31">恁愛人按怎對待恁，嘛著按呢對待𪜶。</verse>
				<verse number="32">「恁若只有疼許個疼恁的人，有什麼功勞？因為連歹人嘛疼許個疼𪜶的人。</verse>
				<verse number="33">恁若只有好款待許個好款待恁的人，有什麼功勞？連歹人嘛按呢做。</verse>
				<verse number="34">恁若錢借互許個恁向望會還的人，有什麼功勞？連歹人嘛借互許個會攏總還的歹人。</verse>
				<verse number="35">總是恁著疼恁的對敵，好款待𪜶；借人嘛毋通向望欲收回。按呢，恁就會得著真大的報賞，閣會成做至高上帝的子兒，因為伊對忘恩背義及邪惡的人真慈悲。</verse>
				<verse number="36">恁的天父是仁慈，恁嘛著仁慈。」</verse>
				<verse number="37">「毋通批判人，才𣍐受上帝審判；毋通給人定罪，才𣍐受上帝定罪。著赦免人，才會受上帝赦免。</verse>
				<verse number="38">著互人，上帝就會互恁；伊會扼閣搖，互伊寔，閣量到滿滿，倒落去恁的衫仔帕。恁用什麼量量互人，上帝嘛會照按呢量倒轉互恁。」</verse>
				<verse number="39">耶穌閣用譬喻對𪜶講：「盲人豈會牽盲人？豈𣍐兩個攏跋落窟仔？</verse>
				<verse number="40">學生𣍐超過老師，不過學生若學有起，伊就會親像老師。</verse>
				<verse number="41">「你哪干焦啲看兄弟目睭內的柴幼仔，亦無注意著家己目睭內有柴箍？</verse>
				<verse number="42">你無看見家己目睭內有柴箍，哪會當給你的兄弟講：『兄弟啊，你目睭內的柴幼仔我來給你提出來。』假好的人，家己目睭內的柴箍著先提出來，才會當看清楚，通給兄弟目睭內的柴幼仔提出來。」</verse>
				<verse number="43">「好樹𣍐結歹果子；歹樹嘛𣍐結好果子。</verse>
				<verse number="44">逐欉樹對所結的果子來知伊的好歹。𣍐當對莿挽無花果，嘛𣍐當對草刺收葡萄。</verse>
				<verse number="45">好人對心內所積聚的好發出好；歹人對所積聚的歹發出歹。因為人心內充滿什麼，嘴就講什麼。」</verse>
				<verse number="46">「是按怎恁稱呼我『主啊，主啊』卻無實行我的教示？</verse>
				<verse number="47">來我遮聽我的話，閣實行的人，我給恁講，伊親像什麼。</verse>
				<verse number="48">伊親像人起厝，土掘真深，地基下佇石磐頂；大水來，水沖著厝，厝嘛𣍐搖動，因為厝起真堅固。</verse>
				<verse number="49">毋拘聽我諸個話無實行的人親像人起厝無下地基，水一下沖，厝隨時倒落去，甚至倒甲真厲害。」</verse>
			</chapter>
			<chapter number="7">
				<verse number="1">耶穌講互民眾聽的話攏講煞，就入去 迦百農 。</verse>
				<verse number="2">有一個 羅馬 軍官，伊所重用的僕人破病，病甲啲欲死。</verse>
				<verse number="3">軍官聽著耶穌的代誌，就差幾若個 猶太 人的長老去耶穌遐，請耶穌來醫治伊的僕人。</verse>
				<verse number="4">諸個長老到耶穌遐，懇切求伊講：「此個人會堪得你給伊幫贊，</verse>
				<verse number="5">因為伊愛護咱 猶太 人，閣給咱起會堂。」</verse>
				<verse number="6">耶穌就及𪜶去。耶穌啲欲到伊的厝的時，彼個軍官差幾若個朋友來給伊講：「主啊，毋通勞煩你，你來阮兜，我𣍐堪得。</verse>
				<verse number="7">所以我才毋敢家己來見你。你只有講一句話，我的僕人就會好。</verse>
				<verse number="8">因為我是互人管的人，嘛有兵互我管。我給此個講『去』，伊就去；給別個講『來』，伊就來；給我的僕人講『你做此個』，伊就去做。」</verse>
				<verse number="9">耶穌聽著諸個話對伊感覺真意外，越轉身給隨伊的群眾講：「我給恁講，連佇 以色列 人的中間，我都猶毋曾看著此款的信心。」</verse>
				<verse number="10">受差的人轉去軍官的厝，看著僕人已經好去。</verse>
				<verse number="11">過無偌久，耶穌去一個城，叫做 拿因 。伊的門徒及歸大陣人隨伊去。</verse>
				<verse number="12">耶穌欲到城門的時，抵好有人扛一個死人出來，伊的老母孤孤生此個子，閣是寡婦。有一陣城內的人出來送葬。</verse>
				<verse number="13">主一下看著此個寡婦就可憐伊，給伊講：「毋通哭！」</verse>
				<verse number="14">然後耶穌行倚去按扛身屍的架，扛的人就停腳。耶穌講：「少年人，我給你講：『起來！』」</verse>
				<verse number="15">彼個死人就𬦰起來坐，開嘴講話。耶穌就將伊交互伊的老母。</verse>
				<verse number="16">眾人攏非常驚惶，將榮光歸互上帝，講：「咱中間有出現一位大先知啦！」閣講：「上帝有看顧伊的子民！」</verse>
				<verse number="17">關係耶穌此個風聲傳到全 猶太 及周圍逐地區。</verse>
				<verse number="18">約翰 的門徒將諸個代誌攏給 約翰 報告。 約翰 就叫兩個門徒來，</verse>
				<verse number="19">差𪜶去見主，講：「你就是啲欲來彼位，抑是阮著聽候別人？」</verse>
				<verse number="20">諸個人來到耶穌遐，就講：「施洗者 約翰 差阮來問你講『你就是啲欲來彼位，抑是阮著聽候別人？』」</verse>
				<verse number="21">抵彼時，耶穌有醫好真多身苦病疼及互邪神附身的人，閣互真多失明的人會看見。</verse>
				<verse number="22">耶穌應講：「恁轉去給 約翰 報告恁所看著及聽著的，就是失明的人閣看見，腳跛的人行路，痲瘋病人清氣，耳孔𣍐聽見的人聽見，死人閣活，散赤人有好消息傳互𪜶。</verse>
				<verse number="23">對我無失去信心的人真有福氣！」</verse>
				<verse number="24">約翰 差來的人離開了後，耶穌才對群眾講起 約翰 的事。伊講：「恁出去曠野是欲看什麼？欲看互風吹搖來搖去的蘆葦是無？</verse>
				<verse number="25">若毋是，恁出去欲看什麼？欲看穿高貴衣服的人是無？恁看，穿奢華的衣服生活奢侈的人是佇王宮。</verse>
				<verse number="26">按呢，恁出去欲看什麼？欲看先知是無？是，毋拘我給恁講，伊比先知閣較偉大。</verse>
				<verse number="27">關係 約翰 ，聖經有按呢記載： 看啊，我差我的使者做你的先鋒； 伊欲佇你的頭前給你開路。</verse>
				<verse number="28">我給恁講，婦仁人所生的無一個比 約翰 較偉大；毋拘，佇上帝國上微細的猶比伊閣較偉大！」</verse>
				<verse number="29">聽著諸個話的民眾及貿稅的嘛攏承認上帝是公義，因為𪜶有領受 約翰 的洗禮。</verse>
				<verse number="30">毋拘法利賽派的人及律法教師攏拒絕上帝對𪜶所定的旨意，無領受 約翰 的洗禮。</verse>
				<verse number="31">耶穌閣講：「按呢，此世代的人我欲用什麼來比並？𪜶親像什麼？</verse>
				<verse number="32">𪜶親像一陣囝仔坐佇市場口對同伴互相喝： 阮對恁歕𥰔仔，恁無跳舞！ 阮唱哀歌，恁嘛無哭！</verse>
				<verse number="33">施洗者 約翰 來，無食飯，無飲酒，恁就講：『伊互鬼附身！』</verse>
				<verse number="34">人子來，嘛食嘛飲，恁就講：『伊是貪食好酒的人，是貿稅的及罪人的朋友。』</verse>
				<verse number="35">智慧是對有智慧的人得著證實。」</verse>
				<verse number="36">有一個法利賽派的人請耶穌食飯，耶穌就入去彼個法利賽人的厝坐桌食飯。</verse>
				<verse number="37">彼個城內有一個有罪的婦仁人，伊知耶穌佇彼個法利賽人的厝啲食飯，就帶一罐貯芳油的玉瓶來。</verse>
				<verse number="38">伊徛佇耶穌的後面，倚伊的腳啲哭，目屎滴霑伊的腳，就用家己的頭毛給拭，閣直直唚伊的腳，用芳油給抹。</verse>
				<verse number="39">請耶穌彼個法利賽人一下看著，心內想：「此個人若是先知，一定會知啲給伊摸的是啥人，是什麼款查某人，因為伊是罪人。」</verse>
				<verse number="40">耶穌就對伊講：「 西門 ，我有話欲給你講。」 西門 講：「老師，請講。」</verse>
				<verse number="41">耶穌就講：「有兩個人對一個債主借錢，一個欠伊五百個銀仔，猶一個欠伊五十。</verse>
				<verse number="42">𪜶無法度通還，債主就擦消𪜶的債。按呢，叨一個會較疼債主？」</verse>
				<verse number="43">西門 應講：「我想是債受擦消較多彼個。」 耶穌給伊講：「你的判斷真著。」</verse>
				<verse number="44">然後耶穌越頭向婦仁人，對 西門 講：「你有看著此個婦仁人無？我入你的厝，你無用水互我洗腳，毋拘伊用目屎滴霑我的腳，閣用伊的頭毛拭。</verse>
				<verse number="45">你無給我唚，毋拘我入來了後，伊直直唚我的腳。</verse>
				<verse number="46">你無用油抹我的頭殼，毋拘伊用芳油抹我的腳。</verse>
				<verse number="47">所以，我給你講，伊疼較多，表示伊真多的罪過已經有得著赦免。得著赦免較少，疼就少。」</verse>
				<verse number="48">耶穌就給婦仁人講：「你的罪得著赦免啦。」</verse>
				<verse number="49">仝桌許個人心內想：「此個到底是什麼人，伊竟然赦免人的罪！」</verse>
				<verse number="50">耶穌給彼個婦仁人講：「你的信心有救你；平安倒去。」</verse>
			</chapter>
			<chapter number="8">
				<verse number="1">過無偌久，耶穌逐城市逐庄社行透透傳道，宣揚上帝國的福音。十二使徒及伊做陣，</verse>
				<verse number="2">有一寡曾互邪神附身抑是破病互耶穌醫好的婦仁人嘛及伊做夥去，其中有 末大拉 的 馬利亞 — 耶穌曾對伊身上趕出七個鬼，</verse>
				<verse number="3">希律 的管家 苦撒 的某 約亞娜 ，及 蘇撒娜 ，以及其他真多婦仁人，𪜶曾用家己的財物服事耶穌及伊的門徒。</verse>
				<verse number="4">有一大陣人對逐個城市一直聚集來耶穌遐的時，伊用譬喻給𪜶講：</verse>
				<verse number="5">「有一個撒種籽的人出去撒種籽。伊撒的時，有的落佇路邊，互人踏，空中的鳥給伊食了了。</verse>
				<verse number="6">有的落佇石頭地，因為無水分，發出來就焦去。</verse>
				<verse number="7">有的落佇莿內，刺仔及種籽平平大欉起來，煞給伊翕死。</verse>
				<verse number="8">有的落落去好土地，大欉起來，結實一百倍。」 諸個話講煞，耶穌閣大聲講：「有耳孔通聽的人，著聽！」</verse>
				<verse number="9">耶穌的門徒問伊此個譬喻是什麼意思。</verse>
				<verse number="10">伊講：「上帝國的奧祕已經有互恁知，毋拘對別人就用譬喻，欲互 𪜶看，嘛看無， 聽，嘛無了解。」</verse>
				<verse number="11">「此個譬喻的意思是按呢：種籽是上帝的信息。</verse>
				<verse number="12">落佇路邊的，是人聽著信息，魔鬼隨時來，對𪜶心內將信息搶去，才𣍐互𪜶信來得救。</verse>
				<verse number="13">落佇石頭地的，是人聽著信息，隨時歡喜接受，不過無釘根，只有暫時信，一下抵著試煉就放拺。</verse>
				<verse number="14">落佇莿內的，是人聽著信息了後，受著生活的掛慮，錢財及享樂的阻礙，信息受翕死煞𣍐成熟。</verse>
				<verse number="15">落佇好土地的，是人聽著信息，用誠實善良的心接受，耐心聽候到結實。」</verse>
				<verse number="16">「無人燈點了用甕仔 蓋起來抑是囥佇眠床腳，是給伊𫞼佇燈台頂，通互入來的人看著光。</verse>
				<verse number="17">因為無一項隱密的𣍐顯露；無一項掩蓋的𣍐露現，𣍐互人知。</verse>
				<verse number="18">「所以，著注意欲按怎聽；因為有的，欲互伊閣較多；無的，連伊家己想講有的嘛欲給伊搶起來。」</verse>
				<verse number="19">耶穌的老母及兄弟來尋伊，毋拘人真多，𣍐當倚去。</verse>
				<verse number="20">有人給伊講：「你的老母及兄弟徛佇外面欲見你。」</verse>
				<verse number="21">耶穌對𪜶講：「聽上帝的話有去實行的人就是我的老母，我的兄弟。」</verse>
				<verse number="22">有一日，耶穌及伊的門徒上船的時給𪜶講：「咱過來去彼旁岸。」𪜶就開船。</verse>
				<verse number="23">船啲行的時，耶穌睏去。忽然有一陣大風掃落來湖裡，船互水淹到欲滿，真危險。</verse>
				<verse number="24">門徒去給伊叫醒，講：「老師，老師，咱欲無命囉！」 耶穌醒起來，責備風及大湧，風湧定，一切就靜靜。</verse>
				<verse number="25">耶穌對門徒講：「恁哪赫呢無信心？」 𪜶驚惶閣奇怪，大家講來講去：「此個是什麼人？伊一下命令，連風及湧攏順服。」</verse>
				<verse number="26">耶穌及門徒坐船去 加利利 的對面岸， 格拉森 人的地區。</verse>
				<verse number="27">耶穌落船上岸；有一個鬼附身的人對城裡出來抵著伊。此個人已經真久無穿衫，嘛無住佇厝內，攏住佇墓仔埔。</verse>
				<verse number="28">伊一下看著耶穌，就仆佇伊的面前，大聲喝：「至高上帝的子耶穌，你插我！我懇求你，毋通給我苦楚！」</verse>
				<verse number="29">因為耶穌有命令邪神對此個人出去。邪神曾真多擺給伊掠啲，人給伊關起來，用鐵鍊給伊鍊，用腳銬給伊銬，毋拘伊給鎖鍊攏擦斷，閣互鬼趕去曠野。</verse>
				<verse number="30">耶穌問伊：「你叫做什麼名？」 伊應講：「軍團」，因為有真多鬼給伊附身。</verse>
				<verse number="31">鬼哀求耶穌毋通命令𪜶入去深淵。</verse>
				<verse number="32">彼時，附近的山坪有一大群豬啲討食，鬼就求耶穌互𪜶入去豬群。耶穌准𪜶。</verse>
				<verse number="33">鬼就對彼個人出去，進入豬群。歸群豬就對山坪闖落去湖裡死。</verse>
				<verse number="34">許個飼豬的人看著所發生的代誌，驚甲走去城內及鄉村報人知。</verse>
				<verse number="35">眾人就出來欲看發生什麼代誌。𪜶來到耶穌遐，看著邪神已經對伊出去彼個人有穿衫，精神正常，坐佇耶穌的腳前，𪜶就真著驚。</verse>
				<verse number="36">看著此個代誌的人就將彼個互鬼附身的人按怎得著醫好的代誌給眾人報告。</verse>
				<verse number="37">格拉森 附近所有的人求耶穌離開𪜶遐，因為𪜶非常驚惶。耶穌就坐船倒轉去。</verse>
				<verse number="38">鬼對伊出去彼個人求耶穌，愛欲隨伊去。 毋拘耶穌叫伊轉去，講：</verse>
				<verse number="39">「轉去恁兜，將上帝為著你所做一切的代誌報互人知。」 彼個人就轉去，將耶穌為著伊所做赫呢大的代誌傳揚互全城的人知。</verse>
				<verse number="40">耶穌轉來的時，有一陣人給伊歡迎，因為𪜶攏啲聽候伊。</verse>
				<verse number="41">有一個會堂的主管名叫做 葉魯 來，伊一下看著耶穌就仆佇伊的腳前，懇求伊去𪜶兜。</verse>
				<verse number="42">因為伊十二歲的獨生查某子啲欲死啊。 耶穌就及伊去；有歸大陣人嘛挨挨揢揢隨伊去。</verse>
				<verse number="43">彼時，有一個婦仁人致著血漏病已經十二年久，雖然傾家蕩產尋醫生，毋拘無人會當給伊醫好。</verse>
				<verse number="44">伊行倚去耶穌的後面，摸伊衫仔裾的鬚，伊的血漏隨時止。</verse>
				<verse number="45">耶穌講：「什麼人給我摸？」 大家攏講無。 彼得 講：「老師，是群眾揢來揢去的時給你揢著。」</verse>
				<verse number="46">耶穌講：「有人給我摸著，因為我知有大能力對我出去。」</verse>
				<verse number="47">婦仁人知影掩蓋𣍐牢，就皮皮惙，來仆佇耶穌的腳前，佇眾人的面前講伊是按怎摸耶穌，閣伊的病按怎隨時好去。</verse>
				<verse number="48">耶穌給伊講：「查某子，你的信心互你好去啦，平安倒去。」</verse>
				<verse number="49">耶穌猶啲講的時，有人對會堂主管的厝來，給 葉魯 講：「你的查某子已經死去，毋通閣勞煩老師。」</verse>
				<verse number="50">耶穌聽著就給 葉魯 講：「毋免驚，只有信，伊會好起來。」</verse>
				<verse number="51">耶穌來到𪜶兜的時， 彼得 、 約翰 、 雅各 ，及囝仔的父母以外，毋准別人及伊做夥入去。</verse>
				<verse number="52">大家攏為著死去的查某囝仔啲哮啲哭。耶穌講：「毋通哭，因為伊毋是死去，是啲睏。」</verse>
				<verse number="53">因為𪜶攏知彼個查某囝仔已經死去，就給伊恥笑。</verse>
				<verse number="54">耶穌牽查某囝仔的手，大聲講：「查某囝仔，起來！」</verse>
				<verse number="55">伊就回魂，隨時𬦰起來。耶穌吩咐𪜶著互查某囝仔食。</verse>
				<verse number="56">伊的父母非常著驚。耶穌命令𪜶毋通將所發生的代誌報人知。</verse>
			</chapter>
			<chapter number="9">
				<verse number="1">耶穌召集十二使徒，互𪜶有能力及權柄通制壓攏總的鬼，閣醫好真多病症。</verse>
				<verse number="2">然後伊差𪜶出去宣講上帝國的福音，閣醫治病人。</verse>
				<verse number="3">伊交代𪜶，講：「出門的時什麼攏毋通帶：毋通帶柺仔；毋通帶旅行袋；毋通帶食物；毋通帶錢；嘛毋通有兩領內衫。</verse>
				<verse number="4">恁無論入去叨一間厝，著住佇遐，也對遐離開。</verse>
				<verse number="5">𪜶若毋接納恁，恁離開彼個城的時，著將腳裡的土粉拌掉，表示對𪜶警告。」</verse>
				<verse number="6">𪜶出去，一庄過一庄傳福音，閣佇逐所在醫好病人。</verse>
				<verse number="7">加利利 分封的王 希律 聽著所發生一切的代誌，心內非常不安，因為有人講施洗者 約翰 已經對死人中閣活；</verse>
				<verse number="8">嘛有人講 以利亞 有出現；閣有人講古早的一個先知有閣活。</verse>
				<verse number="9">希律 講：「 約翰 ，我已經給伊斬頭啦，按呢我聽恁啲講此個到底是什麼人？」伊就愛欲見耶穌。</verse>
				<verse number="10">使徒轉來耶穌遐，將𪜶所做的代誌攏給伊報告。耶穌就干焦導𪜶退去一個叫做 伯賽大 的城。</verse>
				<verse number="11">群眾一下知就隨伊去。耶穌歡迎𪜶，講上帝國的事互𪜶聽，閣醫好許個需要醫治的人。</verse>
				<verse number="12">日欲暗的時，十二使徒來給耶穌講：「請給群眾解散，通互𪜶去附近的庄社尋食物及住的所在，因為咱佇遮偏僻無人住。」</verse>
				<verse number="13">耶穌給𪜶講：「恁互𪜶食。」 𪜶講：「咱只有五個餅，兩尾魚，若無去買哪有夠通互即多人食？」</verse>
				<verse number="14">佇遐差不多有五千個查甫人。 耶穌就對門徒講：「叫𪜶分組坐落去，逐組差不多五十個人。」</verse>
				<verse number="15">𪜶照按呢做，叫眾人攏坐落去。</verse>
				<verse number="16">耶穌提彼五個餅及兩尾魚，向天感謝，擘開，提互門徒去分互群眾。</verse>
				<verse number="17">大家攏食，食到飽。門徒將所賰的碎屑仔攏拾起來，攏總滿十二籃。</verse>
				<verse number="18">有一遍，耶穌家己一個啲祈禱的時，門徒來尋伊。伊問𪜶講：「眾人講我是什麼人？」</verse>
				<verse number="19">𪜶應講：「有人講你是施洗者 約翰 ；毋拘有人講是 以利亞 ；嘛有人講是古早的一個先知閣活。」</verse>
				<verse number="20">耶穌閣問𪜶講：「恁咧，恁講我是什麼人？」 彼得 應講：「你是上帝設立的基督！」</verse>
				<verse number="21">耶穌命令𪜶毋通對人講起此個代誌。</verse>
				<verse number="22">伊講：「人子一定著受真多苦難，互長老、祭司長，及經學教師拒絕，閣互人害死，第三日上帝會互伊閣活。」</verse>
				<verse number="23">耶穌閣對眾人講：「欲隨我的人，著否定家己，逐日夯家己的十字架來隨我。</verse>
				<verse number="24">因為欲救家己的性命的，會喪失性命；為著我的緣故喪失家己的性命的，伊會救著性命。</verse>
				<verse number="25">人得著全世界煞喪失家己，抑是毀滅家己，有什麼利益？</verse>
				<verse number="26">對我及我的話感覺見笑的人，人子佇伊家己及父以及聖天使的榮光中來臨的時，嘛會因為此個人感覺見笑。</verse>
				<verse number="27">我實在給恁講，徛佇遮的人，有的猶未死以前會看見上帝國。」</verse>
				<verse number="28">諸個話講了，差不多八日後，耶穌導 彼得 、 約翰 ，及 雅各 上山去祈禱。</verse>
				<verse number="29">伊啲祈禱的時，面貌改變，伊的衫變甲白鑠鑠。</verse>
				<verse number="30">忽然間，有兩個人，就是 摩西 及 以利亞 ，來及耶穌講話。</verse>
				<verse number="31">𪜶佇榮光中出現，談論耶穌啲欲佇 耶路撒冷 死來完成使命的事。</verse>
				<verse number="32">彼得 及伊的同伴悿甲睏去。𪜶一下醒，看見耶穌的榮光以及及伊徛做夥彼兩個人。</verse>
				<verse number="33">𪜶啲欲離開耶穌的時， 彼得 給耶穌講：「老師，咱佇遮真好，阮來搭三間寮仔，一間互你，一間互 摩西 ，一間互 以利亞 。」伊毋知家己啲講什麼。</verse>
				<verse number="34">伊啲講諸個話的時，有一片雲來，給𪜶罩啲；𪜶互雲包圍的時，起驚惶。</verse>
				<verse number="35">有聲對雲出來，講：「此個是我的子，我所揀選的，恁著聽趁伊。」</verse>
				<verse number="36">彼個聲講了，干焦賰耶穌一個佇遐。有一段時間，門徒攏恬恬，無給人講起𪜶所看見的代誌。</verse>
				<verse number="37">隔日，𪜶對山頂落來的時，有歸大陣人來迎接耶穌。</verse>
				<verse number="38">彼時，群眾的中間有一個人喝講：「先生，我此個後生求你給伊看一下，伊是我的孤子。</verse>
				<verse number="39">鬼一下附身，伊隨時亂喝。鬼互伊抽惙，哹白波涎，閣給伊傷害，攏毋放伊煞。</verse>
				<verse number="40">我有請你的門徒給鬼趕出去，𪜶攏無法度。」</verse>
				<verse number="41">耶穌應講：「唉啊，毋信閣腐敗的世代！我著及恁住偌久？我著忍耐恁偌久？給你的後生導來遮。」</verse>
				<verse number="42">伊互人導來的時，鬼給伊摔倒，互伊抽惙。耶穌就責備邪神，醫好彼個囝仔，將伊交互老父。</verse>
				<verse number="43">眾人對上帝偉大的權能感覺真著驚。 眾人對耶穌所做一切的代誌猶啲著驚的時，耶穌對伊的門徒講：</verse>
				<verse number="44">「諸個話恁著注意聽：人子啲欲互人出賣交佇人的手頭。」</verse>
				<verse number="45">不過門徒無明白此句話，因為意思有對𪜶蓋起來互𪜶𣍐了解，𪜶嘛毋敢問耶穌此句話的意思。</verse>
				<verse number="46">門徒互相爭論什麼人上大。</verse>
				<verse number="47">耶穌知𪜶心內啲爭論什麼，就牽一個囝仔來徛佇伊身邊，</verse>
				<verse number="48">然後給𪜶講：「無論什麼人為著我的名接納此個囝仔，就是接納我；接納我的就是接納差我來彼位。恁眾人中間上細的就是上大。」</verse>
				<verse number="49">約翰 講：「老師，阮有看著一個人奉你的名趕鬼，阮給伊阻擋，因為伊無及阮隨你。」</verse>
				<verse number="50">耶穌給伊講：「毋通給伊阻擋，因為無反對恁的就是為恁。」</verse>
				<verse number="51">耶穌受接上天的日子啲欲到，就決意欲去 耶路撒冷 。</verse>
				<verse number="52">伊差派使者代先去。𪜶入去 撒馬利亞 人的庄頭，為著耶穌準備。</verse>
				<verse number="53">彼所在的人無歡迎耶穌，因為伊欲去 耶路撒冷 。</verse>
				<verse number="54">伊的門徒 雅各 及 約翰 看著，就講：「主啊，阮對天頂叫火落來給𪜶毀滅好無？」</verse>
				<verse number="55">耶穌越過來，給𪜶責備。</verse>
				<verse number="56">𪜶就去別個庄頭。</verse>
				<verse number="57">𪜶佇路中的時，有一個人對耶穌講：「你無論去叨位，我攏欲隨你。」</verse>
				<verse number="58">耶穌給伊講：「狐狸有孔，空中的鳥有巢，不過人子連靠頭殼的所在都無。」</verse>
				<verse number="59">耶穌閣對另外一個人講：「來隨我！」 彼個人應講：「主啊，聽候阮序大人百歲年老，我就來隨你。 」</verse>
				<verse number="60">耶穌應講：「互死人去埋葬𪜶家己的死人。不過，你著去宣講上帝國的福音。」</verse>
				<verse number="61">閣有一個人講：「主啊，我欲隨你；不過互我代先轉去厝裡及家內的人相辭。」</verse>
				<verse number="62">耶穌對伊講：「手按佇犁尾猶直直越頭看後面的人無適合上帝國。」</verse>
			</chapter>
			<chapter number="10">
				<verse number="1">諸個代誌了後，主另外揀七十二 人，差𪜶兩個兩個先去伊本身想欲去的逐個城逐個所在。</verse>
				<verse number="2">耶穌給𪜶講：「通收成的真多，作工的人真少。所以，恁著祈求管收成的主派工人去收成。</verse>
				<verse number="3">去！我差恁出去，親像送羊仔入去豺狼的內面。</verse>
				<verse number="4">毋通帶錢袋，毋通帶旅行袋，嘛毋通帶鞋，佇路裡毋通給人請安。</verse>
				<verse number="5">恁無論入去叨一間厝，著代先講『願恁此家平安！』</verse>
				<verse number="6">佇遐若有愛平安的人，恁的平安會留佇𪜶遐；若無，彼個平安會倒轉來歸恁。</verse>
				<verse number="7">恁著𫢶彼個家。𪜶準備什麼，恁就食什麼，飲什麼，因為作工的人應該得著工錢。恁毋通對此家徙過彼家。</verse>
				<verse number="8">恁無論入去叨一個城，人若接待恁，捧什麼出來，恁就食什麼。</verse>
				<verse number="9">城內有病的人著給𪜶醫，續給𪜶講：『上帝的主權啲欲實現啦。』</verse>
				<verse number="10">「無論入去叨一個城，人若無歡迎恁，恁著出去大街路講：</verse>
				<verse number="11">『連恁此個城牢佇阮腳的土粉，阮都欲拌掉給恁警告；不過恁著知上帝的主權啲欲實現啦。』</verse>
				<verse number="12">我給恁講，佇審判的日， 所多瑪 所受的刑罰會比彼個城所受的閣較好忍受。」</verse>
				<verse number="13">「 哥拉汛 ，你慘啊！ 伯賽大 ，你慘啊！我佇恁中間行的神跡若佇 泰爾 及 西頓 行，𪜶早就穿麻衫，坐佇火灰頂悔改啦。</verse>
				<verse number="14">佇審判的時， 泰爾 及 西頓 受的刑罰會比恁著受的較好忍受。</verse>
				<verse number="15">你咧， 迦百農 ， 你愛人給你扶上天是無？ 𣍐，上帝會給你㧒落陰府！</verse>
				<verse number="16">「聽趁恁的就是聽趁我，拒絕恁的就是拒絕我；拒絕我的就是拒絕差我來彼位。」</verse>
				<verse number="17">彼七十二 人歡歡喜喜倒來，報告講：「主啊，阮奉你的名命令，連鬼都服從阮！」</verse>
				<verse number="18">耶穌給𪜶講：「我有看見撒旦親像熠爁對天頂摔落來。</verse>
				<verse number="19">著知，我有賜恁權柄通踏蛇及蝎仔蟲，閣通制伏對敵一切的能力；無一項會給恁傷害。</verse>
				<verse number="20">不過，毋通因為諸個邪神降服恁，恁就歡喜；著因為恁的名記載佇天頂來歡喜。」</verse>
				<verse number="21">彼時，耶穌互聖神感動滿心歡喜，講：「父啊，天地的主，我感謝你，因為你有將諸個事對有智慧有學問的人蓋起來，毋拘對細漢囝仔啟示。父啊，是啦，因為這是你的好旨意。</verse>
				<verse number="22">「我的父已經有將一切攏交託我。父以外無人識子是什麼人；子及子愛欲啟示的人以外嘛無人識父是什麼人。」</verse>
				<verse number="23">耶穌越轉身私下對門徒講：「有目睭通看恁所看見的，彼個人真有福氣！</verse>
				<verse number="24">我給恁講，以前有真多先知及君王愛欲看恁所看見的亦無看著，欲聽恁所聽見的亦無聽著。」</verse>
				<verse number="25">有一個律法教師徛起來試探耶穌，講：「老師，我著做什麼才會得著永遠的活命？」</verse>
				<verse number="26">耶穌應伊講：「律法有寫什麼？你按怎了解？」</verse>
				<verse number="27">彼個人應講：「你著全心、全情、全力、全意疼主 — 你的上帝；閣著疼厝邊親像疼家己。」</verse>
				<verse number="28">耶穌給伊講：「你應了真著。照按呢去做就會得著活命。」</verse>
				<verse number="29">彼個律法教師為著欲表明家己是著，就閣問耶穌：「什麼人是我的厝邊？」</verse>
				<verse number="30">耶穌應講：「有一個人對 耶路撒冷 落去 耶利哥 ，抵著強盜；𪜶剝伊的衫，閣給伊拍到半死，然後給伊放下啲，做𪜶去。</verse>
				<verse number="31">抵好有一個祭司對彼條路落來，看著彼個人就閃對路的彼旁過去。</verse>
				<verse number="32">像款，有一個 利未 人來到彼個所在，看著彼個人嘛閃對路的彼旁過去。</verse>
				<verse number="33">總是，有一個 撒馬利亞 人對遐經過，一下看著彼個人就心真毋甘，</verse>
				<verse number="34">行倚去，用油及酒抹伊的孔嘴，閣用布給伊包紮，然後給伊扶去騎家己的驢仔，導伊去旅館，給伊照顧。</verse>
				<verse number="35">隔日，伊提兩個銀仔交互旅館的頭家，交代講：『請你照顧此個人，所費若著較多，我倒來的時會補你。』」</verse>
				<verse number="36">耶穌問彼個律法教師：「你想，此三個人叨一個是互強盜搶彼個人的厝邊？」</verse>
				<verse number="37">伊應講：「給伊憐憫彼個。」 耶穌給伊講：「你去，照按呢去做。」</verse>
				<verse number="38">耶穌及門徒繼續行。耶穌入去一個庄頭，有一個婦仁人，叫做 馬大 ，給伊接待。</verse>
				<verse number="39">馬大 有一個小妹，叫做 馬利亞 ，坐佇主的腳前聽伊的教示。</verse>
				<verse number="40">馬大 為著接待，代誌多心齷齪，就來給耶穌講：「主啊，我的小妹放我家己一個啲摸，你哪無要無緊？叫伊來給我鬥腳手。」</verse>
				<verse number="41">主應伊講：「 馬大 ， 馬大 ，你為著代誌多啲掛慮操煩；</verse>
				<verse number="42">所需要的只有一項。 馬利亞 已經揀著上好彼份，無人會當給伊搶去。」</verse>
			</chapter>
			<chapter number="11">
				<verse number="1">有一遍，耶穌佇一個所在啲祈禱。伊祈禱煞的時，有一個門徒給伊講：「主啊， 約翰 有教伊的門徒祈禱，請你嘛教阮祈禱。」</verse>
				<verse number="2">耶穌給𪜶講：「恁祈禱的時，著按呢講： 父啊，願你的聖名受尊崇。 願你施行主權。</verse>
				<verse number="3">求你逐日賜阮所需要的食物。</verse>
				<verse number="4">求你赦免阮的罪， 因為阮家己嘛有赦免所有辜負阮的人。 求你毋通互阮陷落擔當𣍐起的試探。」</verse>
				<verse number="5">耶穌閣對伊的門徒講：「恁中間有什麼人半暝去朋友遐，給伊講：『朋友，請你借我三塊餅，</verse>
				<verse number="6">因為我有一個朋友旅行來到阮遮，我無物件通請伊。』</verse>
				<verse number="7">你的朋友會對厝內應講：『給我吵，門已經關，我及囝仔佇眠床啲睏啦，𣍐當起來提互你。』</verse>
				<verse number="8">我給你講，雖然彼個人𣍐因為伊是朋友起來提餅互伊，嘛會因為伊迫切懇求 ，起來提所需要的物互伊。</verse>
				<verse number="9">「所以，我給恁講：求，會得著；尋，會尋著；拍門，會給恁開。</verse>
				<verse number="10">因為求的，就得著；尋的，就尋著；拍門的，就給伊開。</verse>
				<verse number="11">恁中間作老父的，家己的子給恁討魚，豈會掠蛇互伊？</verse>
				<verse number="12">抑是給恁討蛋，豈會掠蝎仔蟲互伊？</verse>
				<verse number="13">恁雖然歹，猶會曉提好物互恁的子兒，何況恁的天父，伊一定會將聖神賜互對伊祈求的人！」</verse>
				<verse number="14">耶穌趕一個啞口鬼；鬼一下出去，彼個𣍐講話的人就講話，群眾攏著驚。</verse>
				<verse number="15">毋拘，其中有人講：「伊靠鬼王 別西卜 趕鬼。」</verse>
				<verse number="16">閣有一寡人欲試探耶穌，一直要求伊行對天來的神跡。</verse>
				<verse number="17">耶穌知影𪜶啲想什麼，就給𪜶講：「國家家己紛爭，會荒廢；家庭家己紛爭，會倒壞。</verse>
				<verse number="18">撒旦若家己紛爭，撒旦的國哪徛會牢？恁講我是倚靠 別西卜 趕鬼。</verse>
				<verse number="19">我若靠 別西卜 趕鬼，恁的子弟是靠什麼人趕鬼？按呢，恁家己的子弟會給恁判罪。</verse>
				<verse number="20">不過我若是靠上帝的氣力啲趕鬼，上帝的主權就已經佇恁中間實現啦。</verse>
				<verse number="21">「勇士武裝全備顧守家己的厝，伊的財物就安全。</verse>
				<verse number="22">毋拘有一個比伊較勇的人來攻擊，拍贏，就將伊所倚靠的武器搶去，閣將所搶的財物分了了。</verse>
				<verse number="23">「無為我的就是反對我；無及我做夥收集的就是啲拍散。」</verse>
				<verse number="24">「邪神離開所附身的人了後，佇無水的地區行透透，欲尋一個歇睏的所在，尋攏無，就講：『我欲轉來去我出來彼間厝。』</verse>
				<verse number="25">伊轉去，看著厝內掃甲真清氣，閣整理好勢。</verse>
				<verse number="26">後來，伊去導七個比伊較歹的邪神來，入去遐住。按呢，彼個人的結局比起頭閣較慘。」</verse>
				<verse number="27">耶穌啲講諸個話的時，群眾內面有一個婦仁人大聲對耶穌講：「生你，互你𠲿奶的婦仁人真有福氣！」</verse>
				<verse number="28">不過耶穌應講：「聽上帝的話閣遵守的人閣較有福氣！」</verse>
				<verse number="29">群眾愈來愈多，耶穌就講：「此世代真正是邪惡的世代！𪜶要求神跡，毋拘 約拿 的神跡以外，𣍐閣有神跡互𪜶。</verse>
				<verse number="30">抵親像 約拿 成做 尼尼微 人的神跡，人子嘛欲成做此世代的人的神跡。</verse>
				<verse number="31">佇審判的時，南方的女王會及此世代的人做夥起來給𪜶定罪，因為伊有對地的極頭來聽 所羅門 智慧的話。恁看，有比 所羅門 閣較偉大的佇遮！</verse>
				<verse number="32">佇審判的時， 尼尼微 人會及此世代的人做夥起來給𪜶定罪，因為 尼尼微 人聽著 約拿 的傳道了後攏有悔改。恁看，有比 約拿 閣較偉大的佇遮！」</verse>
				<verse number="33">「無人點燈下佇人看𣍐著的所在，抑是蓋佇斗下 ；一定是下佇燈台頂，通互入來的人看著光。</verse>
				<verse number="34">你的目睭是身軀的燈。你的目睭若金，歸身軀就光明；你的目睭若花，歸身軀就烏暗。</verse>
				<verse number="35">所以，著小心，毋通互你內面的光變做暗。</verse>
				<verse number="36">你歸身軀若攏光明，連一點仔烏暗都無，就會親像燈光映映啲給你照，完全光明。」</verse>
				<verse number="37">耶穌啲講諸個話的時，有一個法利賽派的人請伊食飯，伊就入去坐桌。</verse>
				<verse number="38">彼個法利賽人看著伊食飯無先洗手，感覺真奇怪。</verse>
				<verse number="39">主就給伊講：「恁法利賽人只有將杯及盤的外面洗清氣，毋拘恁的內面充滿貪慾及邪惡！</verse>
				<verse number="40">恁諸個戇人！彼位創造外面的上帝豈毋是嘛有創造內面？</verse>
				<verse number="41">著提杯及盤內面的物件去賑濟，按呢恁的一切就攏清氣。</verse>
				<verse number="42">「恁諸個法利賽人慘啊！因為恁將薄荷、芸香，及逐款菜蔬奉獻十分一互上帝，毋拘無重視公義及疼上帝。其實諸個才是恁應該實行的，其他的嘛毋通忽略。</verse>
				<verse number="43">「恁諸個法利賽人慘啊！因為恁愛佇會堂坐高位，佇市場口互人給恁請安。</verse>
				<verse number="44">恁慘啊！因為恁親像看𣍐出的墓，人對頂面行過嘛毋知。」</verse>
				<verse number="45">有一個律法教師給耶穌講：「老師，你講諸個話嘛是啲侮辱阮！」</verse>
				<verse number="46">耶穌應伊講：「連恁諸個律法教師嘛慘啊！因為恁將擔無法的重擔互人擔，家己連一支指頭仔都毋肯振動來減輕𪜶的重擔。</verse>
				<verse number="47">恁慘啊！恁的祖先刣死許個先知，恁給𪜶造墓。</verse>
				<verse number="48">按呢，恁家己證實，嘛贊成祖先所做的代誌，因為𪜶刣死先知，恁給𪜶造墓。</verse>
				<verse number="49">所以，上帝的智慧嘛有講：『我欲差先知及使徒去𪜶遐，其中有的會互𪜶刣死，有的會互𪜶迫害。』</verse>
				<verse number="50">按呢，對創造天地以來，就是對 亞伯 起直到佇祭壇及聖所的中間互人殺害的 撒迦利亞 為止，𪜶所流的血，此世代的人攏著還。著，我給恁講，許個債攏會給恁此世代的人討。</verse>
				<verse number="51"></verse>
				<verse number="52">「恁諸個律法教師慘啊！因為恁將開智識的門的鎖匙給人提走，家己毋入去，欲入去的人，恁煞給𪜶阻擋！」</verse>
				<verse number="53">耶穌對遐出來的時，經學教師及法利賽人就極力給伊攻擊，迫伊講較多話，</verse>
				<verse number="54">當等伊講毋著，通掠伊的話縫。</verse>
			</chapter>
			<chapter number="12">
				<verse number="1">彼時，有幾若千人揢做夥，致到互相踐踏。耶穌就先對伊的門徒講：「著持防法利賽派的酵，就是假好。</verse>
				<verse number="2">無一項掩蓋的𣍐露現；嘛無一項祕密的𣍐互人知。</verse>
				<verse number="3">所以，恁佇暗中講的，會佇光明中互人聽著；恁佇房間內耳孔邊講的，會互人佇厝尾頂宣布。」</verse>
				<verse number="4">「朋友，我給恁講，害死恁的身軀了後，𣍐當閣對恁做什麼的，毋免驚。</verse>
				<verse number="5">我欲指示恁應該驚的是叨一位。恁應該驚上帝；伊互人死了後，猶有權通給人㧒落地獄。是！我給恁講，著驚此位！</verse>
				<verse number="6">「五隻雀鳥仔豈毋是賣兩角銀若定？上帝連一隻都無𣍐記得。</verse>
				<verse number="7">連恁的頭毛都攏有算過。毋免驚！恁比歸群雀鳥仔閣較貴重！」</verse>
				<verse number="8">「我給恁講，佇人的面前宣認我的，人子佇上帝的天使面前嘛會認伊。</verse>
				<verse number="9">毋拘佇人的面前毋認我的，人子佇上帝的天使面前嘛毋認伊。</verse>
				<verse number="10">「無論什麼人講話敵對人子，會得著赦免。毋拘褻瀆聖神的，𣍐得著赦免。</verse>
				<verse number="11">「恁互人掠到會堂，佇統治者抑是官員面前的時，毋免煩惱著按怎答辯，抑是著講什麼。</verse>
				<verse number="12">因為彼個時聖神會教恁著講什麼。」</verse>
				<verse number="13">眾人的中間有一個人給耶穌講：「老師，請你教我的兄弟及我分家伙。」</verse>
				<verse number="14">耶穌給伊講：「你此個人，啥人任命我做恁的判官抑是公親？」</verse>
				<verse number="15">伊就對眾人講：「著謹慎，著持防逐款的貪心，因為人的性命毋是在佇財產的多少。」</verse>
				<verse number="16">後來耶穌用一個譬喻給𪜶講：「有一個好額人，伊的田園大豐收。</verse>
				<verse number="17">伊心內想來想去，講：『我無夠所在通囤五穀，今欲按怎？』</verse>
				<verse number="18">伊就講：『我著按呢做。我欲給倉庫拆起來閣起較大間，通來囤五穀及一切的財物，</verse>
				<verse number="19">然後對我家己講：呃，你已經積聚真多財物，有夠通用真多年。今清閒啦，來飲，來食，來享受！』</verse>
				<verse number="20">毋拘上帝給伊講：『戇人！今暝就欲收回你的性命；你所積聚的一切欲留互啥人？』</verse>
				<verse number="21">仝款，為著家己積聚財富，無互上帝看做好額的嘛會按呢。」</verse>
				<verse number="22">耶穌閣對伊的門徒講：「所以我給恁講，毋通為著恁的性命欲食什麼啲操煩；嘛毋通為著恁的身軀欲穿什麼啲操煩。</verse>
				<verse number="23">因為性命比食物較重要；身軀比衣服較重要。</verse>
				<verse number="24">恁看烏鴉，𪜶雖然無種作，無收成，無粟倉嘛無倉庫，上帝嘛啲給𪜶養飼，恁豈無比許個鳥仔閣較貴重！</verse>
				<verse number="25">恁豈有人想講操煩會當互家己的性命加活一時仔久？</verse>
				<verse number="26">既然連即呢細項代誌恁都無才調做，哪著為其他的事操煩？</verse>
				<verse number="27">恁看山野的花，𪜶按怎啲大欉？𪜶無勞苦，嘛無紡織。不過我給恁講，連 所羅門 上榮華的時，伊穿的衫都無比諸個花的一蕊閣較媠。</verse>
				<verse number="28">山野的花草今仔日啲活，明仔載互人㧒落火爐，上帝都按呢給𪜶妝飾，伊閣較會給恁妝飾！恁哪即呢無信心！</verse>
				<verse number="29">「所以，恁毋通干焦啲想欲食什麼，飲什麼；嘛毋通操煩。</verse>
				<verse number="30">諸個攏是此世間無信的人所啲追求的。恁的父知恁有需要諸個物件。</verse>
				<verse number="31">顛倒著代先追求伊主權的實現，諸個物件就會攏續互恁。」</verse>
				<verse number="32">「恁細細的羊群啊，毋免驚，因為恁的父歡喜將伊的國互恁。</verse>
				<verse number="33">著賣恁的財產來賑濟散赤人。著為著恁家己準備用𣍐破的錢袋來積聚用𣍐了的財寶佇天頂；佇遐賊仔提𣍐著，蛀蟲嘛咬𣍐著。</verse>
				<verse number="34">因為恁的財寶佇叨位，恁的心嘛會佇遐。」</verse>
				<verse number="35">「衫著穿好勢；燈著點互𤏸。</verse>
				<verse number="36">著親像僕人啲聽候主人對婚宴轉來；主人轉來，一下拍門通隨時給伊開。</verse>
				<verse number="37">主人轉來的時看著僕人醒醒，許個僕人真有福氣！我實在給恁講，主人會家己衫穿好勢，請𪜶坐桌，來給𪜶侍候。</verse>
				<verse number="38">主人若佇半暝抑是天欲光的時轉來，看著僕人醒醒，許個僕人真有福氣！</verse>
				<verse number="39">此家的主人若知賊仔什麼時陣會來，一定𣍐互賊仔侵入伊的厝。</verse>
				<verse number="40">所以，恁嘛著準備便便，因為人子會佇恁想𣍐到的時陣來臨。」</verse>
				<verse number="41">彼得 講：「主啊，你此個譬喻是對阮講，抑是對眾人講？」</verse>
				<verse number="42">主講：「什麼人是忠實閣聰明的管家？就是主人交代伊管理其他的僕人，照時分食物互𪜶彼個人。</verse>
				<verse number="43">主人轉來的時，看著有照按呢啲做彼個僕人實在有福氣！</verse>
				<verse number="44">我實在給恁講，主人會派此個僕人管理伊攏總的財產。</verse>
				<verse number="45">彼個僕人若心內想講『我的主人𣍐赫緊轉來』，就起手拍其他的僕人女婢，亦食亦飲，閣飲到酒醉。</verse>
				<verse number="46">彼個僕人的主人會佇伊無按算的日，毋知的時轉來。主人會嚴嚴給伊處罰，給伊及無忠實的人囥做堆。</verse>
				<verse number="47">「僕人知主人的意思卻無去準備，抑是無照主人的意思去做，伊會互主人拍真悿。</verse>
				<verse number="48">不過毋知主人的意思去做應該受處罰的代誌，彼個僕人會互主人拍較輕。互伊較多，就對伊提較多；交代伊較多，就對伊要求較多。」</verse>
				<verse number="49">「我來是欲將火㧒落地上，我偌仔呢愛火已經𤏸起來！</verse>
				<verse number="50">我有應該受的洗禮；此個洗禮猶未受以前，我實在真艱苦！</verse>
				<verse number="51">恁想講我來是欲互地上和平是無？我給恁講，毋是，顛倒是分裂。</verse>
				<verse number="52">對今以後，一家有五個人，𪜶會分裂，三個對兩個，兩個對三個。</verse>
				<verse number="53">𪜶會分裂， 老父對後生， 後生對老父； 老母對查某子， 查某子對老母； 大家對新婦， 新婦對大家。」</verse>
				<verse number="54">耶穌閣給眾人講：「恁看著雲對西旁起來的時，隨時講『啲欲落雨啦』，果然就落雨。</verse>
				<verse number="55">透南風的時，恁講『啲欲燒熱啦』，就真正燒熱。</verse>
				<verse number="56">假好的人，恁都會曉判斷天及地的景象，哪𣍐曉判斷此個時代？」</verse>
				<verse number="57">「恁是按怎毋家己判斷什麼是合理？</verse>
				<verse number="58">你及控告你的人去見官長的時，著佇路中設法及伊和解；若無，伊會拖你去見判官，判官將你交互法警，法警就給你關落監。</verse>
				<verse number="59">我給你講，最後的一仙五釐無還清楚，你絕對𣍐當出監。」</verse>
			</chapter>
			<chapter number="13">
				<verse number="1">抵彼個時，有幾若個人來，對耶穌講起 彼拉多 刣死佇祭壇獻祭的 加利利 人的代誌。</verse>
				<verse number="2">耶穌應講：「因為諸個 加利利 人受此款的災難，恁就想講𪜶比其他的 加利利 人有犯較重的罪是無？</verse>
				<verse number="3">我給恁講，毋是，恁若無悔改，攏會親像𪜶按呢滅亡。</verse>
				<verse number="4">豈採恁嘛想講， 西羅亞 的塔倒落去的時，互伊硩死彼十八個人比住佇 耶路撒冷 攏總的人有犯較重的罪。</verse>
				<verse number="5">我給恁講，毋是，恁若無悔改，攏會親像𪜶按呢滅亡。」</verse>
				<verse number="6">後來，耶穌給𪜶講此個譬喻。伊講：「有一個人佇伊的葡萄園種一欉無花果樹。伊來彼欉樹尋果子，毋拘尋攏無。</verse>
				<verse number="7">伊就對顧園的人講：『你看，我連續三年來此欉無花果樹遮尋果子，尋攏無。給伊剉起來！哪著留啲鎮所在？』</verse>
				<verse number="8">彼個顧園的應講：『主人啊，閣給伊留一年，我來掘四邊的土，閣落肥；</verse>
				<verse number="9">明年若有結果子就好，若無，才給伊剉起來。』」</verse>
				<verse number="10">有一個安歇日，耶穌佇一個會堂內啲教示人。</verse>
				<verse number="11">有一個婦仁人互邪神附身，破病十八年，身軀彎曲伸𣍐直。</verse>
				<verse number="12">耶穌一下看著，就叫伊來，給伊講：「婦仁人，你的病已經好啦！」</verse>
				<verse number="13">耶穌用雙手給伊按；伊的身軀隨時伸直，就歸榮光互上帝。</verse>
				<verse number="14">不過會堂的主管，因為耶穌佇安歇日給人醫病，就真受氣，對眾人講：「咱有六日通做工，欲醫病著佇此中間來醫，毋應該佇安歇日。」</verse>
				<verse number="15">主應講：「假好的人，恁逐個人豈無佇安歇日對椆裡解牛抑是驢，牽去飲水？</verse>
				<verse number="16">此個婦仁人是 亞伯拉罕 的子孫，已經受撒旦束縛十八年久，佇安歇日給伊解放豈毋應該？」</verse>
				<verse number="17">耶穌講諸個話的時，伊的對敵攏感覺見笑；所有的群眾因為伊所做一切奇妙的代誌攏真歡喜。</verse>
				<verse number="18">耶穌講：「上帝國親像什麼？我著用什麼來比並？</verse>
				<verse number="19">上帝國親像一粒芥菜籽，有人提去撒佇家己的園裡。芥菜漸漸大欉，成做樹，空中的鳥仔嘛佇樹枝做巢。」</verse>
				<verse number="20">耶穌閣講：「我欲用什麼來比並上帝國？</verse>
				<verse number="21">上帝國親像酵母，有一個婦仁人提去濫佇三斗麵粉做夥抄，最後歸個攏發起來。」</verse>
				<verse number="22">耶穌經過城市及庄腳去 耶路撒冷 ，沿路教示人。</verse>
				<verse number="23">有人問伊講：「主啊，會得著救的人真少是無？」 耶穌給𪜶講：</verse>
				<verse number="24">「著盡力對狹的門入去。我給恁講，有真多人想欲入去亦𣍐當入。</verse>
				<verse number="25">主人起來關門了後，恁才徛佇門外拍門，講：『先生，請給阮開門！』伊會應講：『我毋知恁是叨位來的人。』</verse>
				<verse number="26">彼時，恁會講：『阮曾及你做夥飲食；你嘛曾佇阮的街路教示。』</verse>
				<verse number="27">毋拘伊會講：『我給恁講，我毋知恁是叨位來的人。恁諸個作歹的人攏離開我！』</verse>
				<verse number="28">恁看著 亞伯拉罕 、 以撒 、 雅各 ，及所有的先知佇上帝國的內面，家己卻受趕出去外面，彼時恁會佇遐啼哭，咬牙切齒。</verse>
				<verse number="29">人會對東西南北來，佇上帝國坐桌參加宴會。</verse>
				<verse number="30">按呢，上路尾的會做第一；第一的會做上路尾。」</verse>
				<verse number="31">抵彼個時，有一寡法利賽派的人倚來給耶穌講：「你著離開遮去別個所在，因為 希律 想欲刣你。」</verse>
				<verse number="32">耶穌給𪜶講：「恁去給彼隻狐狸講：『你看，今仔日、明仔載我趕鬼，醫病，第三日完成我的工作。</verse>
				<verse number="33">雖然是按呢，今仔日、明仔載，及後日，我一定著繼續行我的路，因為先知無應該佇 耶路撒冷 以外的所在互人刣死。』</verse>
				<verse number="34">「 耶路撒冷 啊， 耶路撒冷 啊，你刣死先知，閣用石頭抌死上帝差來你遮的使者。我偌多遍愛欲聚集你的子兒，親像雞母聚集雞仔子給𪜶攔佇翼股下，恁攏無愛。</verse>
				<verse number="35">恁看，恁的厝會荒廢！我給恁講，對今以後恁絕對看𣍐著我，直到恁講『奉主的名來彼位應該受稱讚！』」</verse>
			</chapter>
			<chapter number="14">
				<verse number="1">有一個安歇日，耶穌去一個法利賽派的領袖𪜶兜食飯。大家注意啲給伊看。</verse>
				<verse number="2">彼時，佇伊的面前有一個臌脹病的人。</verse>
				<verse number="3">耶穌問律法教師及法利賽人講：「佇安歇日醫病有合法無？」</verse>
				<verse number="4">𪜶攏無應。耶穌就牽彼個人來，給伊醫好，互伊轉去。</verse>
				<verse number="5">然後耶穌給𪜶講：「恁中間豈有人家己的子抑是牛佇安歇日跋落鼓井，𣍐隨時給伊扭起來？」</verse>
				<verse number="6">𪜶對耶穌所問的話攏𣍐曉應。</verse>
				<verse number="7">耶穌看著人客啲揀大位，就用一個譬喻給𪜶講：</verse>
				<verse number="8">「恁互人請去赴婚宴的時，毋通坐大位，驚了有比你較尊貴的人客嘛來互伊請。</verse>
				<verse number="9">彼時，請伊及你彼個主人會來給你講：『請讓位互此個人客。』彼陣，你會感覺真歹勢，煞著去坐上細的位。</verse>
				<verse number="10">你互人請的時，寧可去坐上細的位。按呢，請你的主人會來給你講：『朋友，請來坐大位。』彼陣，你佇仝桌的人客面前就有體面。</verse>
				<verse number="11">因為提高家己的，會受降低；毋拘屈低家己的，會受提高。」</verse>
				<verse number="12">然後，耶穌嘛給請伊的主人講：「你請人食中晝頓抑是暗頓的時，毋通請你的朋友、兄弟、親族、好額的厝邊，才免𪜶給你請倒轉，你煞受報答。</verse>
				<verse number="13">你請人客的時，寧可請散赤人、行動無方便的人、腳跛的人、失明的人。</verse>
				<verse number="14">按呢，你一定會受祝福，因為𪜶𣍐當給你報答。佇義人閣活的時，上帝會給你報答。」</verse>
				<verse number="15">仝桌有一個人聽著諸個話就給耶穌講：「會當佇上帝國飲食的人真有福氣！」</verse>
				<verse number="16">耶穌給伊講：「有一個人辦大宴席，請真多人客。</verse>
				<verse number="17">欲開桌的時，伊差僕人去給受請的人客講：『請恁來；逐項攏準備好勢啦。』</verse>
				<verse number="18">毋拘𪜶一個一個推辭。頭一個給伊講：『我有買一塊地，著去看覓咧。請你諒解。』</verse>
				<verse number="19">另外一個講：『我有買五對牛，著去試用看覓咧。請你諒解。』</verse>
				<verse number="20">閣一個講：『我抵娶某，所以𣍐當去。』</verse>
				<verse number="21">彼個僕人轉來給主人報告諸個代誌。彼家的主人就受氣，給僕人講：『趕緊出去城內街頭巷尾，導許個散赤人、行動不便的人、失明的人、腳跛的人來。』</verse>
				<verse number="22">彼個僕人講：『主人，你所吩咐的我已經攏有做，毋拘猶有空位。』</verse>
				<verse number="23">主人就給僕人講：『出去大路及籬笆邊強迫人入來，通互我的厝坐滿。</verse>
				<verse number="24">我給恁講，代先請許個人，無一個會當食我的宴席。』」</verse>
				<verse number="25">一大陣人及耶穌做陣行路，耶穌越過來給𪜶講：</verse>
				<verse number="26">「隨我的人若疼家己的父母、某子、兄弟、姊妹，甚至家己的性命贏過疼我，𣍐當做我的門徒。</verse>
				<verse number="27">無夯家己的十字架來隨我的𣍐當做我的門徒。</verse>
				<verse number="28">恁中間有人想欲起一個塔，豈無代先坐落來估計看有夠錢通完成工程抑無？</verse>
				<verse number="29">若無按呢做，伊拍地基了後煞𣍐當完成工程，所有看著的人會給伊恥笑，</verse>
				<verse number="30">講：『此個人有開始起，煞𣍐當完成！』</verse>
				<verse number="31">抑是，有一個國王欲去及別個國王交戰，伊豈𣍐先坐落來，想看伊會當用一萬個兵抵抗有兩萬個兵的國王抑𣍐？</verse>
				<verse number="32">若知影𣍐，伊會趁彼個國王猶佇遠遠的時，差使者去及伊講和。</verse>
				<verse number="33">仝款，恁中間無論什麼人，若無放拺家己所有的一切，𣍐當做我的門徒。」</verse>
				<verse number="34">「鹽真有路用，毋拘若失味，欲按怎互伊閣鹹？</verse>
				<verse number="35">失味的鹽𣍐當落田，嘛𣍐當𩛩肥，只有挕拺。有耳孔通聽的，著聽！」</verse>
			</chapter>
			<chapter number="15">
				<verse number="1">有一遍，真多貿稅的及罪人倚來耶穌遐欲聽伊講道。</verse>
				<verse number="2">法利賽派的人及經學教師嗷嗷唸，講：「此個人接納罪人，及𪜶食飯！」</verse>
				<verse number="3">耶穌就給𪜶講此個譬喻：</verse>
				<verse number="4">「恁中間什麼人有一百隻羊拍毋見一隻，伊豈𣍐放彼九十九隻佇曠野，去尋拍毋見彼隻，尋到著？</verse>
				<verse number="5">一下尋著，伊就真歡喜，將彼隻羊揹佇肩頭。</verse>
				<verse number="6">伊轉來到厝，叫朋友及厝邊來，給𪜶講：『來鬥歡喜，因為拍毋見彼隻羊已經尋著。』</verse>
				<verse number="7">我給恁講，親像按呢，為著有一個悔改的罪人，比有九十九個毋免悔改的義人，佇天頂的歡喜會閣較大。」</verse>
				<verse number="8">「抑是，有一個婦仁人有十個銀圓，拍毋見一個，豈𣍐點燈，掃厝內，拍拼尋，尋到著？</verse>
				<verse number="9">伊一下尋著，就叫朋友及厝邊來，給𪜶講：『來鬥歡喜，因為拍毋見彼個銀圓已經尋著。』</verse>
				<verse number="10">我給恁講，親像按呢，上帝的天使會為著一個罪人悔改來歡喜。」</verse>
				<verse number="11">耶穌閣講：「有一個人有兩個子；</verse>
				<verse number="12">細漢的給老父講：『阿爸，我應該得的財產，請你分互我。』老父就將財產分互𪜶兩個。</verse>
				<verse number="13">過無幾日，細漢子將所得著全部的財產攏換做現金，然後出外去真遠的所在，佇遐放蕩，錢烏白開。</verse>
				<verse number="14">伊所有的攏開了了的時，抵好彼所在發生大飢荒，伊才知欠缺的艱苦。</verse>
				<verse number="15">伊就去互彼所在的一個人倩。彼個人叫伊去園裡飼豬。</verse>
				<verse number="16">伊枵甲想欲提豬啲食的豆莢止飢，毋拘連這人嘛無互伊。</verse>
				<verse number="17">「後來，伊覺醒，講：『阮老父有赫呢多倩工，𪜶攏有物通食，閣食到有賰，毋拘我佇遮啲欲餓死。</verse>
				<verse number="18">我欲起來，轉去我的老父遐，給伊講：阿爸，我有得罪天，嘛有得罪你，</verse>
				<verse number="19">已經無資格做你的子。請互我做你的倩工就好。』</verse>
				<verse number="20">伊就出發轉去老父遐。 「伊離𪜶兜猶真遠，老父就看著伊，心真毋甘，趕緊走倚去給伊攬啲，直直給伊唚。</verse>
				<verse number="21">子就對老父講：『阿爸，我有得罪天，嘛有得罪你。我已經無資格做你的子。』</verse>
				<verse number="22">毋拘，老父給僕人講：『趕緊挔上好的外袍來給伊穿，給伊掛手指，閣給伊穿鞋，</verse>
				<verse number="23">續牽彼隻肥的牛仔子來刣，來慶祝。</verse>
				<verse number="24">因為我此個子是死去有閣活，失落有閣得著。』𪜶就開始慶祝。</verse>
				<verse number="25">「彼時，大子佇園裡。伊轉來，啲欲到厝的時聽著奏樂及跳舞的聲。</verse>
				<verse number="26">伊叫一個僕人來，問看到底是什麼代誌。</verse>
				<verse number="27">彼個僕人給伊講：『恁小弟轉來；恁老父因為伊平安無事倒來，就刣彼隻肥的牛仔子。』</verse>
				<verse number="28">大子非常受氣，毋入去。伊的老父出來給伊苦勸。</verse>
				<verse number="29">毋拘伊應老父講：『你想看咧，我作奴才服事你即多年，毋曾違背你的命令，你連一隻山羊仔都毋曾互我及朋友做夥歡喜！</verse>
				<verse number="30">毋拘，你此個子為著娼妓給你的財產開了了，伊一下轉來，你就為著伊刣彼隻肥的牛仔子。』</verse>
				<verse number="31">伊的老父應講：『子啊，你不時都及我做夥，我所有的攏是你的。</verse>
				<verse number="32">總是你此個小弟，伊是死去有閣活，失落有閣得著，咱應該歡歡喜喜來慶祝。』」</verse>
			</chapter>
			<chapter number="16">
				<verse number="1">耶穌閣對門徒講：「有一個人真好額，伊有一個管家；有人對主人檢舉此個管家浪費伊的財產。</verse>
				<verse number="2">主人叫伊來，給伊問：『我有聽著你此個代誌，到底是按怎？你所管理的賬簿交出來，毋互你閣作管家。』</verse>
				<verse number="3">彼個管家家己想講：『主人欲給我辭頭路，毋互我閣作管家，今我欲按怎？攑鋤頭無氣力，作乞食閣驚見笑。</verse>
				<verse number="4">今，我知著按怎做，無作管家以後才有朋友通給我收留。』</verse>
				<verse number="5">「管家就將主人的債務人一個一個叫來，給頭一個講：『你欠阮主人偌多？』</verse>
				<verse number="6">伊應講：『一百桶橄欖油。』管家給伊講：『你的借條佇遮，趕緊坐落來，給改做五十。』</verse>
				<verse number="7">管家閣給另外一個講：『你欠偌多？』伊應講：『一百石麥仔。』管家給伊講：『你的借條佇遮，給改做八十。』</verse>
				<verse number="8">「主人褒獎此個無老實的管家做了真巧，因為屬世間的人處理世事比屬光明的人較有變竅。」</verse>
				<verse number="9">耶穌繼續講：「我給恁講：著用不義的錢財為著家己結交朋友，按呢錢財無去的時，𪜶會接納恁入去永遠徛起的所在。</verse>
				<verse number="10">對真細項代誌忠實的人，對大項代誌嘛會忠實；對真細項代誌無老實的人，對大項代誌嘛𣍐老實。</verse>
				<verse number="11">所以，恁對不義的錢財若無老實，啥人欲將真正的財寶交代恁？</verse>
				<verse number="12">恁對別人的物若無老實，啥人欲將恁的物互恁？</verse>
				<verse number="13">「無一個僕人會當服事兩個主人；伊若毋是怨恨此個，疼彼個，就是看重此個，看輕彼個。恁𣍐當像時服事上帝閣服事錢財。」</verse>
				<verse number="14">許個貪財的法利賽派的人聽著耶穌講諸個話就給伊恥笑。</verse>
				<verse number="15">耶穌給𪜶講：「恁諸個人佇人的面前自稱做義，毋拘上帝知恁的內心，因為人看做尊貴的，對上帝來看是通厭惡的。</verse>
				<verse number="16">「 摩西 的律法及先知的教示到施洗者 約翰 結束。對彼時起，上帝國的福音就傳出去，人人攏硬欲爭入去。</verse>
				<verse number="17">毋拘天地消失比廢除律法的一劃閣較簡單。</verse>
				<verse number="18">「無論什麼人，離伊的某去娶別個婦仁人就是犯姦淫；娶互人離婚的婦仁人嘛是犯姦淫。」</verse>
				<verse number="19">「有一個人真好額，伊穿紫色真高貴的衣服，逐日奢華宴樂。</verse>
				<verse number="20">閣有一個乞食，名叫做 拉撒路 ，歸身軀生瘡，倒佇彼個好額人的門口，</verse>
				<verse number="21">欲拾好額人桌頂落落來的屑仔止飢；狗嘛來舐伊的瘡。</verse>
				<verse number="22">「後來，此個乞食死去，天使給伊導去 亞伯拉罕 的身軀邊。彼個好額人嘛死去，閣埋葬。</verse>
				<verse number="23">伊佇陰府受真大的痛苦，攑頭看，看著 亞伯拉罕 佇遠遠的所在， 拉撒路 佇伊的身軀邊。</verse>
				<verse number="24">伊就出聲叫：『我的祖 亞伯拉罕 ，憐憫我！請你差 拉撒路 用指頭仔尾搵水來互我的嘴舌涼一下，因為我佇此個火焰中啲受苦楚。』</verse>
				<verse number="25">「毋拘 亞伯拉罕 講：『子啊，著會記得你在生享受一切的快樂，毋拘 拉撒路 在生受盡痛苦，伊現在佇遮得著安慰，你佇遐啲受苦楚。</verse>
				<verse number="26">毋若按呢，阮及恁的中間有大深淵隔開，按呢對遮無人會當過去恁遐，嘛無人會當對恁遐過來阮遮。』</verse>
				<verse number="27">彼個好額人就講：『我的祖啊，既然是按呢，我懇求你差 拉撒路 去阮老父的厝；</verse>
				<verse number="28">我有五個兄弟佇遐，伊通去給𪜶警告，才免𪜶嘛來到此個非常痛苦的所在。』</verse>
				<verse number="29">「毋拘 亞伯拉罕 應講：『你的兄弟有 摩西 及先知，𪜶應該去聽𪜶的話。』</verse>
				<verse number="30">彼個好額人應講：『我的祖 亞伯拉罕 ，𪜶𣍐啦。若有人對死人中閣活去尋𪜶，𪜶就會悔改。』</verse>
				<verse number="31">亞伯拉罕 給伊講：『𪜶若毋聽 摩西 及先知的話，有人對死人中閣活，𪜶嘛𣍐相信。』」</verse>
			</chapter>
			<chapter number="17">
				<verse number="1">耶穌閣對伊的門徒講：「引起人犯罪的事一定有，不過造成此個事的人慘啊！</verse>
				<verse number="2">寧可用大石磨給伊吊佇頷頸㧒落海，嘛毋通互微細的一個跋倒犯罪。</verse>
				<verse number="3">恁家己嘛著謹慎！ 「你的兄弟抑是姊妹若犯罪，著給伊責備，伊若悔改，著給伊赦免。</verse>
				<verse number="4">若有人一日得罪你七遍，七遍攏越倒轉來給你講『我悔改啦』，你嘛攏著給伊赦免。」</verse>
				<verse number="5">使徒對主講：「求你加添阮的信心！」</verse>
				<verse number="6">主講：「恁若有親像芥菜籽赫大的信心，給此欉桑材樹講『連根拔起來，去栽佇海裡』，彼欉樹嘛會服從恁。</verse>
				<verse number="7">「恁中間豈有什麼人，伊的僕人去作園抑是飼羊，對園裡轉來的時，會給僕人講『趕緊坐落來食飯』？</verse>
				<verse number="8">伊豈𣍐給伊講『給我準備暗頓；縖圍裙來侍候我食飯，後來你才食才飲』？</verse>
				<verse number="9">僕人做主人所吩咐的代誌，主人豈著給伊說謝？</verse>
				<verse number="10">恁嘛是按呢，恁做受交代的代誌了後，著講『阮是無路用的僕人，阮不過盡本分做若定』。」</verse>
				<verse number="11">耶穌去 耶路撒冷 的路中，經過 撒馬利亞 及 加利利 的交界。</verse>
				<verse number="12">伊入去一個庄社的時抵著十個痲瘋病人。𪜶徛佇遠遠的所在，</verse>
				<verse number="13">大聲喝：「耶穌老師啊，憐憫阮！」</verse>
				<verse number="14">耶穌一下看著，就給𪜶講：「恁去互祭司檢查！」 𪜶佇路中，就得著清氣。</verse>
				<verse number="15">其中有一個看著家己的病已經好，就倒轉來大聲謳咾上帝，</verse>
				<verse number="16">仆佇耶穌的腳前，給伊感謝。此個是 撒馬利亞 人。</verse>
				<verse number="17">耶穌問講：「豈毋是有十個人得著醫好？猶彼九個佇叨位？</verse>
				<verse number="18">此個外族的人以外豈無人轉來感謝上帝？」</verse>
				<verse number="19">耶穌就給彼個人講：「起來，轉去。你的信心有救你。」</verse>
				<verse number="20">有一遍，一寡法利賽派的人問耶穌，上帝國什麼時會來臨。耶穌應講：「上帝國的來臨毋是人看會出來，</verse>
				<verse number="21">嘛無人會當講『你看，佇遐』，抑是講『你看，佇遮』，因為上帝國是佇恁中間。」</verse>
				<verse number="22">耶穌就對伊的門徒講：「日子啲欲到，恁想欲看人子來臨的日子，連一日嘛看𣍐著。</verse>
				<verse number="23">有人會給恁講『你看，佇遐』，抑是講『你看，佇遮』。毋通出去，嘛毋通隨𪜶去。</verse>
				<verse number="24">熠爁對天此旁熠，照到天彼旁，人子佇彼日嘛會親像按呢來臨。</verse>
				<verse number="25">不過，伊一定著先受真多苦難，閣互此世代的人拒絕。</verse>
				<verse number="26">人子來臨的日子會及 挪亞 的時仝款；</verse>
				<verse number="27">彼時人照常飲食嫁娶，一直到 挪亞 入去大船彼日。大水到，給𪜶攏消滅。</verse>
				<verse number="28">彼日嘛及 羅得 的日子仝款，人照常飲食，買賣，種作，起厝，</verse>
				<verse number="29">毋拘 羅得 對 所多瑪 出去彼日，對天有落火及硫磺，給𪜶攏消滅。</verse>
				<verse number="30">人子顯現的日嘛會親像按呢。</verse>
				<verse number="31">「彼日，佇厝頂的，毋通落來提厝內的物件；佇園裡的，嘛毋通倒轉去。</verse>
				<verse number="32">著會記得 羅得 的某所抵著的代誌！</verse>
				<verse number="33">所有想欲保存家己性命的，會喪失性命；所有喪失家己的性命的，會得著性命。</verse>
				<verse number="34">我給恁講，佇彼暗，有兩個人睏仝一頂眠床，一個會受導去，另外一個會留啲。</verse>
				<verse number="35">有兩個婦仁人做夥啲挨石磨，一個受導去，一個留啲。</verse>
				<verse number="36">有兩個人佇園裡，一個受接去，一個留啲。」</verse>
				<verse number="37">門徒問耶穌講：「主啊，會佇叨位發生？」 耶穌給𪜶講：「屍體佇叨位，禿頭鷹攏會擒倚去遐。」</verse>
			</chapter>
			<chapter number="18">
				<verse number="1">耶穌閣對門徒講一個譬喻，教示𪜶著常常祈禱，毋通灰心。</verse>
				<verse number="2">伊講：「某一個城有一個判官，伊無敬畏上帝，嘛無尊重人。</verse>
				<verse number="3">佇彼個城有一個寡婦一直來尋伊，講：『我有一個訴訟的對頭，請你替我主持公道。』</verse>
				<verse number="4">此個判官真久攏毋答應，後來伊家己想講：『我雖然毋驚上帝，嘛無尊重人，</verse>
				<verse number="5">毋拘因為此個寡婦一直來給我吵，我欲替伊主持公道，才免伊一直來膏膏纏 。』」</verse>
				<verse number="6">主閣講：「恁著聽此個不義的判官所講的話！</verse>
				<verse number="7">上帝所揀選的人暝日對伊哀求，伊豈𣍐替𪜶主持公道？伊豈會拖延真久？</verse>
				<verse number="8">我給恁講，伊真緊就會替𪜶主持公道。總是，人子來臨的時，伊佇地上豈會看著此款的信心？」</verse>
				<verse number="9">耶穌對許個看家己做義人閣看輕別人的人有講此個譬喻：</verse>
				<verse number="10">「有兩個人上聖殿祈禱；一個是法利賽派的人，另外一個是貿稅的。</verse>
				<verse number="11">法利賽人徛挺挺家己祈禱講：『上帝啊，我感謝你，因為我無親像其他的人恐嚇取財，不義，淫亂，嘛無親像此個貿稅的。</verse>
				<verse number="12">我一禮拜禁食兩遍，閣奉獻全部收入的十分一。』</verse>
				<verse number="13">毋拘彼個貿稅的徛佇遠遠的所在，連攑頭起來看天都毋敢，只有搥胸講：『上帝啊，憐憫我此個有罪的人！』</verse>
				<verse number="14">我給恁講，罪得著赦免轉去𪜶兜的是此個人，毋是彼個法利賽人；因為提高家己的，會受降低；屈低家己的，會受提高。」</verse>
				<verse number="15">有人連嬰仔嘛抱來耶穌遐，欲互伊按手祝福；門徒看著就給𪜶責備。</verse>
				<verse number="16">毋拘耶穌叫𪜶來，講：「互囝仔來我遮，毋通給𪜶阻擋，因為上帝國是此款人的。</verse>
				<verse number="17">我實在給恁講，人若無親像囝仔按呢接受上帝國，絕對𣍐當入去。」</verse>
				<verse number="18">有一個 猶太 人的領導者來問耶穌講：「好的老師，我著做什麼才會當承受永遠的活命？」</verse>
				<verse number="19">耶穌給伊講：「你哪會講我是好？上帝以外，無一個是好。</verse>
				<verse number="20">諸個誡命你攏識：『毋通姦淫；毋通害死人；毋通偷提；毋通作偽證；著孝敬父母。』」</verse>
				<verse number="21">彼個人講：「諸個誡命我對細漢就一直有啲遵守。」</verse>
				<verse number="22">耶穌聽著諸個話，就給伊講：「你猶欠一項。去賣所有的，得著的錢攏分互散赤人，你佇天頂就有財寶，然後來隨我。」</verse>
				<verse number="23">彼個人一下聽著諸個話，真傷心，因為伊非常好額。</verse>
				<verse number="24">耶穌看彼個人就講：「有錢人入上帝國偌仔呢困難！</verse>
				<verse number="25">駱駝穿過針鼻嘛比好額人入上帝國閣較簡單！」</verse>
				<verse number="26">聽著諸個話的人問伊講：「若按呢，什麼人會當得著救？」</verse>
				<verse number="27">耶穌應講：「人做𣍐到的，上帝攏會。」</verse>
				<verse number="28">彼得 講：「阮已經放拺阮所有的來隨你啦。」</verse>
				<verse number="29">耶穌給𪜶講：「我實在給恁講，人若為著上帝國放拺厝宅、某、兄弟、父母抑是子兒，</verse>
				<verse number="30">佇今世一定會得著閣較多，佇來世得著永遠的活命。」</verse>
				<verse number="31">耶穌導十二使徒去邊仔，給𪜶講：「今咱欲上 耶路撒冷 ，先知所記載關係人子的一切攏會應驗。</verse>
				<verse number="32">伊會受出賣互外邦人；𪜶會給伊戲弄，侮辱，呸涎。</verse>
				<verse number="33">𪜶會用鞭給伊拍，給伊害死，第三日伊會閣活。」</verse>
				<verse number="34">毋拘使徒對諸個代誌攏無了解；諸個話的意思有對𪜶蓋啲，𪜶毋知耶穌啲講什麼。</verse>
				<verse number="35">耶穌啲欲到 耶利哥 的時，有一個盲人坐佇路邊啲求乞。</verse>
				<verse number="36">伊聽著群眾對遐經過，就問人看是什麼代誌。</verse>
				<verse number="37">𪜶給伊講：「 拿撒勒 人耶穌啲欲對遮經過。」</verse>
				<verse number="38">伊就大聲喝：「 大闢 的子耶穌，憐憫我！」</verse>
				<verse number="39">佇頭前啲行的人給伊責備，叫伊恬恬，毋拘伊愈大聲喝：「 大闢 的子，憐憫我！」</verse>
				<verse number="40">耶穌就停腳，叫人導伊來。伊倚來的時，耶穌問伊講：</verse>
				<verse number="41">「你愛我給你做什麼？」 伊講：「主啊，我愛閣看見！」</verse>
				<verse number="42">耶穌給伊講：「好，互你閣看見！你的信心互你得著醫好！」</verse>
				<verse number="43">伊隨時閣會看見，就隨耶穌，歸榮光互上帝。眾人看著此個代誌，攏稱讚上帝。</verse>
			</chapter>
			<chapter number="19">
				<verse number="1">耶穌入去 耶利哥 ，對遐啲經過。</verse>
				<verse number="2">佇遐有一個人名叫做 撒該 ；伊是貿稅的頭人，真好額。</verse>
				<verse number="3">伊愛欲看耶穌是什麼款人，不過因為人真多，伊的身材閣矮，看𣍐著。</verse>
				<verse number="4">伊就走進前，𬦰上一欉桑材樹欲看耶穌，因為耶穌啲欲對遐經過。</verse>
				<verse number="5">耶穌行到彼個所在，攑頭看，對伊講：「 撒該 ，趕緊落來；今仔日我一定欲住恁兜。」</verse>
				<verse number="6">撒該 就趕緊落來，歡歡喜喜接待耶穌。</verse>
				<verse number="7">眾人一下看著，嗷嗷唸講：「此個人煞入去罪人的厝住！」</verse>
				<verse number="8">撒該 徛啲，對主講：「主啊，我欲提財產的一半賑濟散赤人。我若有給人諞錢，欲四倍還伊。」</verse>
				<verse number="9">耶穌對伊講：「今仔日拯救已經臨到此個家，因為伊嘛是 亞伯拉罕 的子孫。</verse>
				<verse number="10">人子來是欲追尋閣拯救失落的人。」</verse>
				<verse number="11">眾人啲聽諸個話的時，耶穌閣給𪜶講一個譬喻，因為伊啲欲到 耶路撒冷 ，閣許個人想講上帝國連鞭會實現。</verse>
				<verse number="12">所以耶穌給𪜶講：「有一個貴族去真遠的所在欲受封作王才轉來。</verse>
				<verse number="13">伊召集十個僕人來，互𪜶十個金幣 ，一人一個，給𪜶講：『我轉來以前，恁用諸個金幣去做生理。』</verse>
				<verse number="14">本國的人民怨恨伊，差一個使者隨伊的後面去，對皇帝奏講：『阮無愛此個人做阮的王。』</verse>
				<verse number="15">「此個貴族受封作王轉來的時，叫許個領著錢的僕人來，愛知𪜶逐個人賺偌多。</verse>
				<verse number="16">頭一個來伊的面前，講：『主啊，我有用你彼個金幣賺十個。』</verse>
				<verse number="17">主人給伊講：『真好，好的僕人！你既然佇小事忠實，我欲互你有權管理十個城。』</verse>
				<verse number="18">第二個來，講：『主啊，我有用你彼個金幣賺五個。』</verse>
				<verse number="19">主人嘛按呢給此個人講：『我欲互你管理五個城。』</verse>
				<verse number="20">「閣另外一個來，講：『主啊，你看，你的金幣佇遮。我用手巾給伊包起來囥。</verse>
				<verse number="21">我真驚你，因為你是一位嚴轄的人，無寄，你嘛欲領；無種，你嘛欲收。』</verse>
				<verse number="22">主人給伊講：『你此個可惡的僕人，我欲照你家己所講的給你定罪。你既然知我是嚴轄的人，無寄嘛欲領，無種嘛欲收，</verse>
				<verse number="23">你哪無將我的錢寄佇銀行，等我轉來的時通領母錢及利息？』</verse>
				<verse number="24">「主人就給徛佇邊仔的人講：『給伊的金幣提來，交互彼個有十個金幣的！』</verse>
				<verse number="25">𪜶就對伊講：『主啊，伊已經有十個金幣啦。』</verse>
				<verse number="26">主人講：『我給恁講，已經有的，欲閣較多互伊；無的，連伊所有的嘛欲給伊搶起來。</verse>
				<verse number="27">毋拘許個對敵我，無愛我做𪜶的王的，給𪜶拖來遮，佇我的面前給𪜶刣死！』」</verse>
				<verse number="28">講諸個話了後，耶穌行做前上 耶路撒冷 。</verse>
				<verse number="29">伊啲欲到 橄欖山 山腳的 伯法其 及 伯大尼 的時，差兩個門徒，</verse>
				<verse number="30">吩咐𪜶，講：「恁去對面的庄社，入去的時會看著一隻毋曾互人騎過的驢仔子縛佇遐。恁給伊解開，牽來遮。</verse>
				<verse number="31">若有人問：『恁是按怎啲解驢仔子？』恁著講：『主欲用伊。』」</verse>
				<verse number="32">𪜶就去，所抵著的代誌逐項及耶穌所講的像款。</verse>
				<verse number="33">𪜶啲解彼隻驢仔子的時，主人問𪜶講：「恁是按怎啲解此隻驢仔子？」</verse>
				<verse number="34">𪜶應講：「主欲用伊。」</verse>
				<verse number="35">𪜶就牽彼隻驢仔子來耶穌遐，將家己的外衫袚佇驢仔頂，給耶穌扶起去騎。</verse>
				<verse number="36">耶穌騎驢仔子進前行的時，眾人將家己的外衫鋪佇路裡給伊歡迎。</verse>
				<verse number="37">耶穌啲欲到 耶路撒冷 欲落 橄欖山 的所在，歸大陣的門徒因為看著一切奇妙的事就攏歡喜，大聲謳咾上帝講：</verse>
				<verse number="38">奉主的名來的王應該受稱讚！ 願天頂有和平，榮光歸互至高的上帝！</verse>
				<verse number="39">眾人中間，有幾若個法利賽派的人給耶穌講：「老師，著責備你的門徒！」</verse>
				<verse number="40">耶穌應講：「我給恁講，𪜶若恬恬，諸個石頭嘛會大聲喝出來。」</verse>
				<verse number="41">耶穌啲欲到 耶路撒冷 ，看著城，就為著城哀哭，</verse>
				<verse number="42">講：「我實在真愛你今仔日知按怎才會行向和平！毋拘此個事現在對你蓋啲，互你看𣍐著。</verse>
				<verse number="43">因為日子啲欲到，彼時你的對敵會佇你的周圍造土堆包圍，對四面給你攻擊。</verse>
				<verse number="44">𪜶會將你及你城內的人民全部毀滅，無留兩塊石相疊，因為你看𣍐出上帝拯救你的時機。」</verse>
				<verse number="45">耶穌入去聖殿，就起手趕許個賣物件的人出去。</verse>
				<verse number="46">伊給𪜶講：「聖經有記載： 我的厝應該是祈禱的殿， 恁煞給伊變做土匪仔窟。」</verse>
				<verse number="47">耶穌逐日佇聖殿教示人。祭司長、經學教師，及人民的頭人一直想辦法欲害死耶穌，</verse>
				<verse number="48">毋拘尋無法度，因為眾人攏真注意啲聽伊的話。</verse>
			</chapter>
			<chapter number="20">
				<verse number="1">有一日，耶穌佇聖殿啲教示人閣傳福音。有祭司長、經學教師，及長老做夥來，</verse>
				<verse number="2">問伊：「給阮講，你靠什麼權柄做諸個代誌？什麼人互你此個權柄？」</verse>
				<verse number="3">耶穌應講：「我嘛欲問恁一句話。恁給我應。</verse>
				<verse number="4">約翰 給人洗禮的權柄是對天抑是對人來的？」</verse>
				<verse number="5">𪜶互相議論：「咱若講『對天』，伊會講『按呢，恁是按怎無信 約翰 ？』</verse>
				<verse number="6">咱若講『對人』，眾人會用石頭給咱抌，因為𪜶攏信 約翰 是先知。」</verse>
				<verse number="7">所以𪜶應講毋知對叨位來。</verse>
				<verse number="8">耶穌給𪜶講：「按呢，我嘛毋給恁講我靠什麼權柄做諸個代誌。」</verse>
				<verse number="9">耶穌閣用一個譬喻給眾人講：「有一個人開墾一坵葡萄園。伊將此坵園租互佃農，後來出外真久。</verse>
				<verse number="10">收成的時到，伊差一個僕人去佃農遐，欲給𪜶收園裡的果子。佃農給伊拍，互伊空手倒去。</verse>
				<verse number="11">主人閣差別個僕人去。𪜶嘛給伊拍，給伊侮辱，趕伊空手倒去。</verse>
				<verse number="12">主人就差第三個僕人去。𪜶嘛給伊傷害，給伊趕出去。</verse>
				<verse number="13">後來葡萄園的主人講：『今我著按怎做？我欲差我所疼的子去。𪜶大概會給伊尊重。』</verse>
				<verse number="14">毋拘佃農看著伊，就參詳講：『此個是伊的繼承人。咱來給伊刣死，按呢伊的財產就變做咱的。』</verse>
				<verse number="15">𪜶就給伊㧒出去葡萄園的外面，給伊刣死。 「按呢，葡萄園的主人會按怎給𪜶處理？</verse>
				<verse number="16">伊會來剿滅諸個佃農，將葡萄園租互別人。」 眾人聽著諸個話，就講：「千萬毋通有此款代誌！」</verse>
				<verse number="17">耶穌注意給𪜶看，講：「聖經所記載的是什麼意思： 起厝師傅所棄拺的石 已經成做上重要的基石。</verse>
				<verse number="18">所有摔落去彼塊石頭頂的人，會摔甲碎骨分屍；互彼塊石頭硩著的人，會硩甲碎糊糊。」</verse>
				<verse number="19">彼時，經學教師及祭司長知影耶穌講此個譬喻是啲指𪜶，就想欲當場下手掠耶穌，不過驚眾人。</verse>
				<verse number="20">所以，𪜶就尋機會，派密探假做老實人，欲掠耶穌的話縫，將伊交互總督通用伊的權柄依法辦理。</verse>
				<verse number="21">諸個密探來問耶穌講：「老師，阮知你所講所教示的攏真著，無偏心，只有忠實教示上帝的道理。</verse>
				<verse number="22">阮納稅互 羅馬 皇帝凱撒有合律法無？」</verse>
				<verse number="23">耶穌看出𪜶的詭計，就對𪜶講：</verse>
				<verse number="24">「提一個銀幣互我看。這有什麼人的像及字號？」 𪜶應講：「凱撒的。」</verse>
				<verse number="25">耶穌就對𪜶講：「按呢，凱撒的物互凱撒；上帝的物互上帝。」</verse>
				<verse number="26">𪜶佇公眾面前掠𣍐著耶穌的話縫，閣伊的應答互𪜶真著驚，就恬去。</verse>
				<verse number="27">有一寡主張無閣活的撒都該派的人來耶穌遐，問伊講：</verse>
				<verse number="28">「老師， 摩西 所寫的律法給阮講：『若有人伊的兄死去，某猶活啲毋拘無子，伊作小弟的著娶兄嫂替兄傳宗接代。』</verse>
				<verse number="29">以前曾有七個兄弟，上大的娶某，無子就死去。</verse>
				<verse number="30">第二的，</verse>
				<verse number="31">第三的嘛娶𪜶兄嫂。七個攏按呢，無子就死去。</verse>
				<verse number="32">後來，彼個婦仁人嘛死去。</verse>
				<verse number="33">按呢，閣活的時，此個婦仁人是叨一個人的某？因為此七個攏曾娶伊做某。」</verse>
				<verse number="34">耶穌給𪜶講：「今世的人有嫁有娶；</verse>
				<verse number="35">不過會堪得對死人中閣活閣進入來世的人就無嫁無娶。</verse>
				<verse number="36">因為𪜶是閣活的人，𣍐閣死，及天使像款是上帝的子兒。</verse>
				<verse number="37">關係死人閣活的事， 摩西 已經佇『啲𤏸的莿』彼段經節有指明，嘛稱呼主是 亞伯拉罕 的上帝， 以撒 的上帝， 雅各 的上帝。</verse>
				<verse number="38">伊毋是死人的上帝，是活人的上帝。因為對上帝來看，𪜶攏啲活。」</verse>
				<verse number="39">有幾若個經學教師對耶穌講：「老師，你講了真好。」</verse>
				<verse number="40">𪜶就毋敢閣給伊問什麼。</verse>
				<verse number="41">耶穌對𪜶講：「人哪會講基督是 大闢 的後代？</verse>
				<verse number="42">大闢 本身佇詩篇講： 主給我的主講： 你坐我的正旁，</verse>
				<verse number="43">聽候我互你的對敵屈服佇你腳下。</verse>
				<verse number="44">大闢 都稱呼基督做『主』，基督哪會是 大闢 的後代？」</verse>
				<verse number="45">眾人啲聽的時，耶穌對伊的門徒講：</verse>
				<verse number="46">「著持防經學教師。𪜶愛穿長衫行來行去，佇市場口互人請安，佇會堂坐高位，佇宴會坐大位。</verse>
				<verse number="47">𪜶侵佔寡婦的家伙，刁故意祈禱真長。𪜶會受閣較重的刑罰。」</verse>
			</chapter>
			<chapter number="21">
				<verse number="1">耶穌攑頭看著好額人將𪜶的獻金獻落去奉獻櫃。</verse>
				<verse number="2">伊閣看著一個散赤的寡婦獻兩個銅錢仔落去。</verse>
				<verse number="3">耶穌講：「我實在給恁講，此個散赤的寡婦獻入去的比眾人獻的閣較多。</verse>
				<verse number="4">因為𪜶攏是獻𪜶用賰的，毋拘此個寡婦雖然真散赤，猶久提所有的生活費攏獻落去。」</verse>
				<verse number="5">有人啲談論聖殿是用好石及奉獻的物來裝飾的。耶穌講：</verse>
				<verse number="6">「日子啲欲到，恁啲看的諸個一切攏會受拆毀，拆甲無兩塊石相疊。」</verse>
				<verse number="7">門徒問耶穌：「老師，此個代誌什麼時會發生？此個代誌欲發生的時有什麼兆頭？」</verse>
				<verse number="8">耶穌講：「著謹慎，毋通受迷惑。因為有真多人會利用我的名來，講『我就是基督』，閣講『時機啲欲到啦』。恁毋通隨𪜶去。</verse>
				<verse number="9">恁聽著戰爭及暴亂的消息，毋免驚惶。諸個代誌一定會代先發生，毋拘終局𣍐隨時到。」</verse>
				<verse number="10">耶穌繼續給𪜶講：「民族會起來攻擊民族，國家攻擊國家。</verse>
				<verse number="11">有大地動，真多所在有飢荒及瘟疫，閣有通驚的景象及大奇蹟對天頂出現。</verse>
				<verse number="12">諸個代誌發生以前，人會掠恁，迫害恁，給恁交互會堂及監獄。恁會為著我的緣故互人掠去君王及總督的面前。</verse>
				<verse number="13">此個是恁做見證的機會。</verse>
				<verse number="14">所以，恁的心著掠互定，毋免先想欲按怎辯明。</verse>
				<verse number="15">因為我欲賜恁口才及智慧，互恁的對敵無一個會當對抗抑是反駁。</verse>
				<verse number="16">連恁的父母、兄弟、親族，及朋友嘛會給恁出賣；恁中間有人會互𪜶害死。</verse>
				<verse number="17">恁會因為我的名互眾人怨恨。</verse>
				<verse number="18">不過恁連一支頭毛都𣍐失落。</verse>
				<verse number="19">著忍耐才會得著性命。」</verse>
				<verse number="20">「恁看著 耶路撒冷 互軍隊包圍的時，就知此個城啲欲毀滅啦。</verse>
				<verse number="21">彼時，佇 猶太 的人著逃走去山內；佇城內的著離開；佇庄腳的毋通入城。</verse>
				<verse number="22">因為這是報應的日子，是欲應驗聖經所記載的一切。</verse>
				<verse number="23">佇許個日子，有身孕的及互嬰仔食奶的婦仁人非常不幸！因為大災禍啲欲臨到此個地；上帝的大受氣啲欲臨到此個人民。</verse>
				<verse number="24">𪜶會互刀劍刣死，嘛會互人掠去逐國。 耶路撒冷 會互外邦人踐踏，直到外邦人的期限滿。」</verse>
				<verse number="25">「彼時，日、月、星攏會顯出兆頭。地上萬民會因為海湧嘩嘩哮驚惶不安。</verse>
				<verse number="26">人會因為此世界啲欲發生的代誌驚甲暈去，因為天頂的光體攏會搖泏。</verse>
				<verse number="27">彼時，人會看見人子充滿權能及大榮光坐雲來臨。</verse>
				<verse number="28">諸個代誌啲欲發生的時，恁著攑頭挺身，因為恁的拯救啲欲到啦。」</verse>
				<verse number="29">耶穌閣用譬喻給𪜶講：「恁看無花果樹及一切的樹。</verse>
				<verse number="30">恁看著諸個樹茁芛的時就知熱天啲欲到。</verse>
				<verse number="31">親像按呢，恁看著諸個代誌發生的時就知上帝的主權啲欲實現。</verse>
				<verse number="32">我實在給恁講，此世代猶未過去，諸個代誌攏會發生。</verse>
				<verse number="33">天及地會消失，毋拘我的話絕對𣍐消失。」</verse>
				<verse number="34">「恁家己著謹慎，才免因為貪食，酒醉，及生活的掛慮互恁的心麻痺，致到彼日親像羅網忽然臨到恁，因為彼日會臨到住佇全世界逐所在的人。</verse>
				<verse number="35"></verse>
				<verse number="36">著不時警醒，祈禱，互恁有氣力通逃避一切啲欲發生的代誌，通徛佇人子的面前。」</verse>
				<verse number="37">此幾日，耶穌日時攏佇聖殿教示人，暝時出城去 橄欖山 過暝。</verse>
				<verse number="38">眾人攏透早就去聖殿聽耶穌講道理。</verse>
			</chapter>
			<chapter number="22">
				<verse number="1">除酵節，也叫做𨃟過節，啲欲到。</verse>
				<verse number="2">祭司長及經學教師因為驚民眾，所以啲尋看有什麼法度通害死耶穌。</verse>
				<verse number="3">撒旦入去彼個叫做 以斯加略 的 猶大 的心內；伊是十二使徒的一個。</verse>
				<verse number="4">伊去及祭司長以及聖殿的守衛官參詳，看欲用什麼法度將耶穌出賣互𪜶。</verse>
				<verse number="5">𪜶真歡喜，約欲互伊錢。</verse>
				<verse number="6">猶大 同意，就一直啲尋機會，通佇群眾無佇𪜶中間的時出賣耶穌。</verse>
				<verse number="7">除酵節，就是著刣𨃟過節的羊羔彼日，到啦。</verse>
				<verse number="8">耶穌差 彼得 及 約翰 ，給𪜶講：「恁去準備𨃟過節的晚餐，咱通食。」</verse>
				<verse number="9">𪜶給伊問：「你愛阮佇叨位準備？」</verse>
				<verse number="10">耶穌給𪜶講：「恁入去城內，會抵著一個提水瓶的查甫人，恁隨伊去伊欲入去彼間厝，</verse>
				<verse number="11">給彼家的主人講：『老師啲問，伊及伊的門徒欲食𨃟過節晚餐的客廳佇叨位？』</verse>
				<verse number="12">彼個人會報恁看樓頂一間款好勢的大廳。恁就佇遐準備。」</verse>
				<verse number="13">𪜶去，看著逐項及耶穌給𪜶講的攏像款；𪜶就佇遐準備𨃟過節的晚餐。</verse>
				<verse number="14">晚餐的時間到，耶穌就坐桌；使徒及伊做夥坐。</verse>
				<verse number="15">耶穌給𪜶講：「我受難以前真愛及恁食此個𨃟過節的晚餐。</verse>
				<verse number="16">我給恁講，此個晚餐佇上帝國完全實現以前，我絕對𣍐閣食。」</verse>
				<verse number="17">耶穌將杯接過來，感謝了後，講：「恁捧此個杯，分互大家飲。</verse>
				<verse number="18">我給恁講，對現在起直到上帝國來臨，我絕對𣍐閣飲此個葡萄酒。」</verse>
				<verse number="19">然後耶穌提餅，感謝了後擘開，提互𪜶，講：「此個是我的身軀，是為著恁獻的。恁著做此個來記念我。」</verse>
				<verse number="20">食了後伊閣照按呢捧杯，講：「此個杯是新的約，用我為著恁流出的血設立的。</verse>
				<verse number="21">「恁看！出賣我彼個人此陣及我做夥伸手佇桌頂。</verse>
				<verse number="22">因為人子會照上帝的決定離開世間；毋拘出賣人子彼個人慘啊！」</verse>
				<verse number="23">𪜶就問來問去，愛知𪜶中間什麼人會做此個代誌。</verse>
				<verse number="24">門徒中間有起爭論，看什麼人算上大。</verse>
				<verse number="25">耶穌給𪜶講：「外邦人的君王作主管轄人民；統治者互人稱做恩主。</verse>
				<verse number="26">總是恁毋是按呢。恁中間上大的顛倒著成做上細的；作領袖的著成做服事的。</verse>
				<verse number="27">按呢，什麼人較大？是坐桌食飯的抑是服事的？豈毋是坐桌的？毋拘我佇恁中間是彼個服事的。</verse>
				<verse number="28">「恁諸個人佇我的試煉中一直及我做夥。</verse>
				<verse number="29">我的父將王的權柄賜互我，我嘛按呢將王的權柄賜互恁，</verse>
				<verse number="30">互恁通佇我的國度及我坐桌，飲食，閣坐佇寶座審判 以色列 的十二支族。」</verse>
				<verse number="31">耶穌閣講：「 西門 ， 西門 ，撒旦已經對上帝要求欲親像簸麥仔按呢給恁簸。</verse>
				<verse number="32">不過我有為著你祈禱，互你𣍐失去信心。你回頭轉來了後，著堅固你的兄弟的信心。」</verse>
				<verse number="33">彼得 應伊講：「主啊，我已經準備便便欲及你坐監，及你做夥死！」</verse>
				<verse number="34">耶穌給伊講：「 彼得 ，我給你講，今仔日雞啼以前，你會三遍毋認我。」</verse>
				<verse number="35">耶穌閣給門徒講：「以前我差恁出去，叫恁錢袋、旅行袋，及鞋攏免帶，恁豈有欠什麼？」 𪜶應講：「攏無。」</verse>
				<verse number="36">伊就給𪜶講：「毋拘現在，有錢袋的著帶咧；有旅行袋的嘛著帶咧；無刀的著賣家己的外袍去買。</verse>
				<verse number="37">我給恁講，聖經記載『伊互人算做不法的人』此句話一定著佇我的身上應驗。聖經記載關係我的代誌已經啲應驗啦。」</verse>
				<verse number="38">門徒講：「主啊，你看，遮有兩支刀。」 耶穌應講：「夠額啦！」</verse>
				<verse number="39">耶穌出去，照常去 橄欖山 ；門徒隨伊去。</verse>
				<verse number="40">到彼個所在，伊給𪜶講：「著祈禱才𣍐陷落試探。」</verse>
				<verse number="41">然後伊離開𪜶到㧒石頭會到赫遠的所在，跪落去祈禱，</verse>
				<verse number="42">講：「父啊，你若肯，求你將此個杯給我提開！總是毋通照我的意思，著照你的旨意實現。」</verse>
				<verse number="43">有一個天使對天出現，來贊伊的力。</verse>
				<verse number="44">耶穌非常痛苦，愈熱切祈禱；伊的汗親像大點血滴落地。</verse>
				<verse number="45">祈禱煞，耶穌徛起來，倒去門徒遐，看著𪜶因為憂傷煞睏去。</verse>
				<verse number="46">伊就給𪜶講：「恁哪啲睏？起來祈禱才𣍐陷落試探。」</verse>
				<verse number="47">耶穌猶啲講的時，忽然有一陣人來；十二使徒的一個，叫做 猶大 的，做前導路。伊行倚耶穌，欲給伊唚。</verse>
				<verse number="48">耶穌給伊講：「 猶大 ，你用嘴唚來出賣人子噢？」</verse>
				<verse number="49">耶穌身邊的門徒看著啲發生的代誌，就講：「主啊，阮用刀給𪜶刣好無？」</verse>
				<verse number="50">其中有一個給大祭司的僕人刜落去，給伊正旁的耳仔削起來。</verse>
				<verse number="51">耶穌講：「毋通閣動手！」耶穌摸彼個僕人的耳仔，給伊醫好。</verse>
				<verse number="52">耶穌給許個來欲掠伊的祭司長、聖殿的守衛官，及長老講：「恁攑刀攑棍出來，是啲掠強盜是無？</verse>
				<verse number="53">我逐日及恁佇聖殿，恁無下手給我掠。毋拘，這是恁的時，烏暗啲掌權啦。」</verse>
				<verse number="54">𪜶掠耶穌，押伊入去大祭司的公館。 彼得 離遠遠啲隨耶穌。</verse>
				<verse number="55">𪜶佇埕的中央起火，圍佇火邊做夥啲坐； 彼得 嘛坐佇𪜶中間。</verse>
				<verse number="56">有一個女婢看著 彼得 向火啲坐，金金給伊相，講：「此個嘛是耶穌𪜶彼陣的人。」</verse>
				<verse number="57">彼得 毋認，講：「你此個查某人，我毋識伊。」</verse>
				<verse number="58">過無偌久，另外一個人看著伊，講：「你嘛是𪜶彼陣的人。」 彼得 講：「你此個人，我毋是！」</verse>
				<verse number="59">差不多過一點鐘，閣有一個人堅持講：「此個人確實有啲及耶穌做夥，因為伊嘛是 加利利 人。」</verse>
				<verse number="60">毋拘 彼得 講：「你此個人，我毋知你啲講什麼！」 伊猶啲講的時，雞隨時啼。</verse>
				<verse number="61">彼時主越頭看 彼得 ， 彼得 就想起主對伊講的話：「今仔日雞啼以前，你會三遍毋認我。」</verse>
				<verse number="62">伊就出去外面大聲啼哭。</verse>
				<verse number="63">許個看守耶穌的人給伊戲弄，閣給伊拍。</verse>
				<verse number="64">𪜶掩伊的目睭，問伊講：「先知，你給阮講，啥人給你拍？」</verse>
				<verse number="65">𪜶閣講真多話給伊侮辱。</verse>
				<verse number="66">天光， 猶太 人的長老、祭司長，及經學教師聚集。𪜶給耶穌押去𪜶的議會，</verse>
				<verse number="67">給伊講：「你若是基督，著給阮講。」 耶穌給𪜶講：「我若給恁講，恁嘛毋信。</verse>
				<verse number="68">我問恁，恁嘛毋應。</verse>
				<verse number="69">對現在起，人子會坐佇全能上帝的正旁。」</verse>
				<verse number="70">眾人講：「按呢你就是上帝的子囉？」 耶穌應𪜶講：「我是，是恁講的。」</verse>
				<verse number="71">𪜶就講：「咱猶需要什麼證據？咱已經有聽著伊親嘴講啦！」</verse>
			</chapter>
			<chapter number="23">
				<verse number="1">全體議員攏徛起來，給耶穌押去 彼拉多 面前。</verse>
				<verse number="2">𪜶就控告講：「阮有看著此個人啲迷惑阮的民族，禁止人納稅互凱撒，閣自稱是基督，是王。」</verse>
				<verse number="3">彼拉多 問耶穌講：「你是『 猶太 人的王』是無？」 耶穌應講：「這是你講的。」</verse>
				<verse number="4">彼拉多 就對許個祭司長及群眾講：「我查𣍐出此個人有什麼罪。」</verse>
				<verse number="5">毋拘𪜶堅持講：「伊對 加利利 到遮，佇 猶太 全地教示人，煽動民眾。」</verse>
				<verse number="6">彼拉多 一下聽著，就問看此個人是 加利利 人抑毋是。</verse>
				<verse number="7">伊一下知耶穌屬 希律 王的管轄，就給伊送去 希律 遐；彼時 希律 本人嘛佇 耶路撒冷 。</verse>
				<verse number="8">希律 看著耶穌，非常歡喜，因為伊曾聽著耶穌的代誌，一直愛欲見伊，閣向望會當看著伊行神跡。</verse>
				<verse number="9">伊問耶穌真多代誌，耶穌攏無應伊。</verse>
				<verse number="10">祭司長及經學教師徛起來，極力給伊控告。</verse>
				<verse number="11">希律 及伊的兵嘛給伊侮辱，戲弄，然後閣給伊穿一領真媠的長袍，才給伊送轉去互 彼拉多 。</verse>
				<verse number="12">希律 及 彼拉多 本來有冤仇，佇彼一日煞變做朋友。</verse>
				<verse number="13">彼拉多 召集祭司長、官員，及民眾來，</verse>
				<verse number="14">給𪜶講：「恁押此個人來我遮，控告伊煽動民眾。今我佇恁的面前有給伊審問，查攏無恁所控告的罪。</verse>
				<verse number="15">希律 嘛認定伊無罪，才將伊送倒來咱遮。可見伊無做什麼該死的代誌。</verse>
				<verse number="16">所以，我欲用鞭給伊教示一下，才放伊去。」</verse>
				<verse number="17">逐年的𨃟過節，總督著照群眾的要求放一個犯人互𪜶。</verse>
				<verse number="18">群眾攏喝：「此個人著互伊死！放 巴拉巴 互阮。」</verse>
				<verse number="19">此個 巴拉巴 因為佇城內作亂閣刣人才受關監。</verse>
				<verse number="20">彼拉多 想欲放耶穌，就閣說服眾人。</verse>
				<verse number="21">毋拘𪜶大聲喝：「給釘十字架！給釘十字架！」</verse>
				<verse number="22">彼拉多 第三遍對𪜶講：「是按怎？伊有做什麼歹代誌？我查𣍐出伊有該死的罪。所以，我欲用鞭給伊教示一下，才放伊去。」</verse>
				<verse number="23">不過群眾堅持，大聲要求給耶穌釘十字架，最後𪜶的聲煞較贏。</verse>
				<verse number="24">彼拉多 就宣判，照𪜶的要求去執行，</verse>
				<verse number="25">放𪜶所要求彼個因為作亂，刣人，互人關監的 巴拉巴 ，給耶穌交互𪜶，照𪜶的意思去處理。</verse>
				<verse number="26">許個兵士押耶穌出去的時，抵好有一個 古利奈 人名叫做 西門 對庄腳來。𪜶給伊掠來，將十字架囥佇伊的肩頭互伊夯，隨耶穌的後面行。</verse>
				<verse number="27">有一大陣民眾隨耶穌，其中有一寡婦仁人為著伊搥胸悲傷啼哭。</verse>
				<verse number="28">耶穌越頭對𪜶講：「 耶路撒冷 的婦仁人啊，毋免為著我啼哭；著為恁家己及恁的子兒啼哭！</verse>
				<verse number="29">因為日子啲欲到，人會講：『𣍐懷孕，毋曾生子，毋曾互囝仔食奶的婦仁人真有福氣！』</verse>
				<verse number="30">彼時，人會對大山講： 給阮硩落來！ 對小山講： 給阮蓋落來！</verse>
				<verse number="31">因為𪜶對活啲的樹木都會按呢做，對焦去的樹木豈𣍐閣較厲害？」</verse>
				<verse number="32">另外兩個犯人嘛互人押去及耶穌做夥處死刑。</verse>
				<verse number="33">𪜶到一個所在叫做「 頭殼碗 」，就佇遐給耶穌釘十字架，嘛釘彼兩個犯人，一個佇正旁，一個佇倒旁。</verse>
				<verse number="34">耶穌講：「父啊，赦免𪜶，因為𪜶毋知𪜶啲做什麼。」 後來𪜶抽籤分耶穌的衫。</verse>
				<verse number="35">民眾徛佇遐啲看。許個 猶太 人的領袖給伊恥笑，講：「伊救別人；伊若是上帝所揀選的基督，著救家己！」</verse>
				<verse number="36">許個兵士嘛給伊戲弄，行倚去，提醋互伊，</verse>
				<verse number="37">講：「你若是『 猶太 人的王』，著救你家己！」</verse>
				<verse number="38">佇伊的頭殼頂有罪狀的牌仔寫「此個是 猶太 人的王」。</verse>
				<verse number="39">做夥釘的犯人，有一個一直給耶穌侮辱講：「你豈毋是基督？救你家己嘛救阮。」</verse>
				<verse number="40">另外一個給伊責備講：「你及伊像款受刑，你豈毋驚上帝？</verse>
				<verse number="41">咱受刑是公道，因為咱所受的是罪該應得，毋拘此個人攏毋曾做什麼毋著。」</verse>
				<verse number="42">伊就對耶穌講：「耶穌啊，你作王來臨的時，請會記得我！」</verse>
				<verse number="43">耶穌給伊講：「我實在給你講，今仔日你會及我做夥佇樂園。」</verse>
				<verse number="44">差不多中晝的時，烏暗遮蓋全地到下晡三點，日頭失光，</verse>
				<verse number="45">聖殿內的帳簾裂做兩旁。</verse>
				<verse number="46">耶穌大聲喝：「父啊，我將我的靈魂交代你。」講煞，就斷氣。</verse>
				<verse number="47">一個軍官看著所發生的代誌，歸榮光互上帝講：「此個人真正是義人！」</verse>
				<verse number="48">聚集佇遐啲看此個代誌的眾人，看著所發生的代誌，攏那行那搥胸悲傷轉去。</verse>
				<verse number="49">許個識耶穌的人，以及對 加利利 隨來的婦仁人，攏徛佇遠遠的所在看諸個代誌。</verse>
				<verse number="50">有一個人叫做 約瑟 ；伊是議員，是一個善良正義的人。</verse>
				<verse number="51">伊無贊成其他議員的計謀及行動。伊是 猶太 人的城 亞利馬太 的人，一直啲期待上帝國的來臨。</verse>
				<verse number="52">此個人去見 彼拉多 ，請求將耶穌的遺體互伊。</verse>
				<verse number="53">伊將遺體收落來，用幼麻布包，然後給伊安葬佇拍好佇石壁的墓內面；此個墓攏猶毋曾有人用。</verse>
				<verse number="54">彼日是備辦日，安歇日抵欲開始。</verse>
				<verse number="55">對 加利利 及耶穌做夥來許個婦仁人隨 約瑟 去。𪜶斟酌看彼個墓，看耶穌的遺體按怎下，</verse>
				<verse number="56">就轉去準備芳料及芳油。 安歇日，許個婦仁人照律法的規定歇睏。</verse>
			</chapter>
			<chapter number="24">
				<verse number="1">禮拜日 透早，天欲光的時，許個婦仁人帶𪜶所準備的芳料去墓地。</verse>
				<verse number="2">𪜶看著石頭已經對墓翱開，</verse>
				<verse number="3">就入去，毋拘尋無主耶穌的遺體。</verse>
				<verse number="4">𪜶為著此項代誌愣去毋知欲按怎的時，忽然有兩個人穿光映映的衫徛佇𪜶身邊。</verse>
				<verse number="5">諸個婦仁人非常著驚，面仆落土腳。彼兩個人給𪜶講：「恁是按怎佇死人的中間啲尋活人？伊無佇遮，伊已經閣活。</verse>
				<verse number="6">恁著會記得伊猶佇 加利利 的時給恁講的話：</verse>
				<verse number="7">『人子一定會受出賣佇罪人的手，互𪜶釘十字架，第三日閣活。』」</verse>
				<verse number="8">許個婦仁人就想著耶穌的話。</verse>
				<verse number="9">𪜶離開墓轉去，將諸個代誌攏對十一個使徒及其他攏總的人報告。</verse>
				<verse number="10">對使徒報告諸個代誌的，就是 末大拉 的 馬利亞 、 約亞娜 、 雅各 的老母 馬利亞 ，以及其他及𪜶做陣的婦仁人。</verse>
				<verse number="11">使徒想講諸個婦仁人所講的話無影無跡，所以無相信。</verse>
				<verse number="12">毋拘 彼得 起來，走去墓裡，俯落去看，只有看著幼麻布若定。伊就轉去，對所發生的代誌感覺真奇怪。</verse>
				<verse number="13">像彼日，門徒中有兩個人欲去一個庄頭，叫做 以馬忤斯 ，此個所在離 耶路撒冷 約十一公里。</verse>
				<verse number="14">𪜶佇路中互相啲談論所發生攏總的代誌。</verse>
				<verse number="15">𪜶談論來談論去的時，耶穌親身行倚來及𪜶做陣行。</verse>
				<verse number="16">𪜶看著，毋拘𣍐認得。</verse>
				<verse number="17">耶穌問𪜶：「恁那行那啲議論的是什麼代誌？」 𪜶就停落來，滿面憂愁。</verse>
				<verse number="18">其中有一個人叫做 革流巴 應伊講：「此幾日佇 耶路撒冷 所發生的代誌，對外地來住佇 耶路撒冷 的人，是按怎干焦你一個毋知？」</verse>
				<verse number="19">耶穌問𪜶：「什麼代誌？」 𪜶給伊講：「 拿撒勒 人耶穌的代誌。伊是先知，佇上帝及眾人的面前，無論講話抑是做代誌攏真有權能。</verse>
				<verse number="20">阮的祭司長及領袖給伊送去互人判死刑，釘十字架。</verse>
				<verse number="21">伊就是阮所啲期待欲來拯救 以色列 彼位。毋若按呢，此個代誌發生到今仔日已經第三日啦。</verse>
				<verse number="22">閣阮中間有幾若個婦仁人互阮真著驚。𪜶天昲光就到墓裡，</verse>
				<verse number="23">毋拘尋無耶穌的遺體。𪜶轉來報告講有看著天使出現，給𪜶講伊閣活啦。</verse>
				<verse number="24">阮中間嘛有幾若個人去墓裡，看著的代誌逐項及婦仁人所講的攏像款，𪜶嘛無看著耶穌。」</verse>
				<verse number="25">耶穌就對𪜶講：「唉啊，恁哪即呢戇，心哪即呢鈍，𣍐相信先知所講一切的話！</verse>
				<verse number="26">基督豈毋是應該著受諸個苦難才來入伊的榮光？」</verse>
				<verse number="27">耶穌就對 摩西 及眾先知起，給𪜶解說聖經中所有關係伊本身的記載。</verse>
				<verse number="28">𪜶啲欲到所欲去彼個庄頭，耶穌若親像欲繼續行，</verse>
				<verse number="29">不過𪜶兩個強強給伊留，講：「日頭已經落山，天暗啦，請及阮住。」 耶穌就入去及𪜶住。</verse>
				<verse number="30">耶穌及𪜶坐桌的時，提餅感謝，然後擘開，分互𪜶。</verse>
				<verse number="31">𪜶的目睭開，認著伊；伊忽然對𪜶面前消失。</verse>
				<verse number="32">𪜶就互相講：「伊佇路中及咱講話，給咱說明聖經的時，咱的心豈無親像火啲𤏸？」</verse>
				<verse number="33">𪜶隨時出發，倒轉去 耶路撒冷 ，看著彼十一個使徒及其他的人聚集佇遐，</verse>
				<verse number="34">啲講：「主真正閣活啦！伊已經有出現互 西門 看。」</verse>
				<verse number="35">彼兩個人就將佇路中所發生的代誌，及耶穌啲擘餅的時𪜶才認著伊的經過，攏給𪜶講。</verse>
				<verse number="36">彼兩個門徒啲講諸個代誌的時，耶穌親身徛佇𪜶中間，對𪜶講：「願恁平安！」</verse>
				<verse number="37">𪜶亦驚亦惙，想講是看著鬼。</verse>
				<verse number="38">耶穌給𪜶講：「恁是按怎不安，心內哪會啲憢疑？</verse>
				<verse number="39">看我的手，我的腳；確實是我。恁摸就知，因為鬼無骨無肉；摸看覓咧，我攏有！」</verse>
				<verse number="40">伊講了就將伊的腳及手伸互𪜶看。</verse>
				<verse number="41">𪜶歡喜甲毋敢相信，猶感覺奇怪的時，耶穌問𪜶：「恁遮有什麼通食無？」</verse>
				<verse number="42">𪜶提一尾烘好的魚互伊，</verse>
				<verse number="43">伊就佇𪜶的面前接去食。</verse>
				<verse number="44">後來耶穌給𪜶講：「 摩西 的律法及先知的冊，以及詩篇記載關係我的代誌，一定著應驗。諸個話我猶及恁做夥的時已經有給恁講啦。」</verse>
				<verse number="45">耶穌就開𪜶的心竅，互𪜶明白聖經，</verse>
				<verse number="46">對𪜶講：「聖經有按呢記載：基督著受苦難，第三日對死人中閣活，</verse>
				<verse number="47">閣恁著奉伊的名傳悔改來得著赦罪的道理，對 耶路撒冷 起，傳到萬國。</verse>
				<verse number="48">恁就是諸個代誌的見證人。</verse>
				<verse number="49">我將我的父所應允的交互恁；著佇此個城聽候，到恁得著對頂面來的能力。」</verse>
				<verse number="50">耶穌導𪜶出去，一直到 伯大尼 ，然後攑雙手給𪜶祝福。</verse>
				<verse number="51">伊啲給𪜶祝福的時離開𪜶，受接上天。</verse>
				<verse number="52">𪜶就給伊拜，然後歡歡喜喜轉去 耶路撒冷 ，</verse>
				<verse number="53">繼續佇聖殿稱讚上帝。</verse>
			</chapter>
		</book>
		<book number="43">
			<chapter number="1">
				<verse number="1">創世以前就有道，道及上帝同在，道是上帝。</verse>
				<verse number="2">伊佇創世以前就及上帝同在。</verse>
				<verse number="3">上帝通過伊創造萬有；一切被造的逐項攏是通過道來創造。</verse>
				<verse number="4">佇伊內面有活命；此個活命是人類的光。</verse>
				<verse number="5">此個光佇烏暗中啲照，烏暗毋曾贏過光。</verse>
				<verse number="6">有上帝差來的一個人，名叫做 約翰 。</verse>
				<verse number="7">此個人來是欲作證，為著光作證，欲互所有的人通過伊來信。</verse>
				<verse number="8">伊本身毋是彼個光，是欲為著彼個光作證。</verse>
				<verse number="9">有真的光進入世間來照全人類。</verse>
				<verse number="10">伊佇世間；世間通過伊來創造，毋拘世間毋識伊。</verse>
				<verse number="11">伊來到家己的所在，家己的人無接納伊。</verse>
				<verse number="12">許個接納伊的，就是信伊的人，伊賜𪜶有權成做上帝的子兒。</verse>
				<verse number="13">𪜶毋是對血統，毋是對肉慾，嘛毋是對查甫人的意念，是對上帝生的。</verse>
				<verse number="14">道成做人，𫢶佇咱中間，充滿恩典及真理；阮有看見伊的榮耀，是天父獨一的子才有的榮耀。</verse>
				<verse number="15">約翰 為著伊作證，喝講：「此位就是我曾給恁講的，伊佇我後面啲來，卻比我較大；因為我猶未出世，伊就存在。」</verse>
				<verse number="16">對伊的豐富咱攏領受恩典，恩上加恩。</verse>
				<verse number="17">律法通過 摩西 頒布；恩典及真理是通過耶穌基督來的。</verse>
				<verse number="18">無人曾看見上帝，只有父心懷中獨一的子有給伊顯示出來。</verse>
				<verse number="19">以下是 約翰 的見證： 耶路撒冷 的 猶太 教當局派祭司及 利未 人去問 約翰 的時，講：「你是什麼人？」</verse>
				<verse number="20">伊無拒絕回答，公開聲明「我毋是基督」。</verse>
				<verse number="21">𪜶閣問伊：「若按呢，你是 以利亞 是無？」 約翰 應講：「我毋是。」 𪜶閣問：「你是彼位先知是無？」 約翰 應講：「毋是。」</verse>
				<verse number="22">𪜶就給伊講：「按呢你是什麼人？請給阮講，互阮通回答派阮來的人。你講，到底你是什麼人？」</verse>
				<verse number="23">約翰 引用先知 以賽亞 的話，講： 我就是佇曠野啲喝的聲，講： 著為主修直道路。</verse>
				<verse number="24">許個人是法利賽派的人差來的。</verse>
				<verse number="25">𪜶閣問 約翰 ，講：「你若毋是基督，毋是 以利亞 ，嘛毋是彼位先知，你是按怎給人洗禮？」</verse>
				<verse number="26">約翰 應講：「我用水給人洗禮；毋拘有一位恁毋識的徛佇恁中間。</verse>
				<verse number="27">伊佇我後面啲來，我連給伊解鞋帶都𣍐堪得。」</verse>
				<verse number="28">諸個事佇 約旦河 東岸的 伯大尼 發生， 約旦河 就是 約翰 啲給人洗禮的所在。</verse>
				<verse number="29">隔日， 約翰 看著耶穌行倚來，就講：「恁看，上帝的羊羔，伊欲除去世間人的罪。</verse>
				<verse number="30">關係伊的代誌，我曾給恁講，伊比我較慢來，總是比我較大，因為我猶未出世，伊就存在。</verse>
				<verse number="31">我家己嘛毋識伊，毋拘我來用水給人洗禮，是欲互 以色列 人認識伊。」</verse>
				<verse number="32">約翰 閣作證，講：「我有看著聖神親像粉鳥對天降落來，歇佇伊頂面。</verse>
				<verse number="33">我家己嘛毋識伊，毋拘差我用水給人洗禮彼位上帝有對我講：『你看著聖神降落來歇佇伊頂面彼個，伊就是欲用聖神給人洗禮彼位。』</verse>
				<verse number="34">我有看著，閣作證，此位就是上帝的子。」</verse>
				<verse number="35">隔日， 約翰 閣及伊兩個門徒徛佇遐；</verse>
				<verse number="36">伊看著耶穌經過，就講：「恁看，上帝的羊羔！」</verse>
				<verse number="37">此兩個門徒聽著伊按呢講，就去隨耶穌。</verse>
				<verse number="38">耶穌越過來，看著𪜶啲隨伊，就問𪜶：「恁啲尋什麼？」 𪜶給伊講：「拉比，你住叨位？」拉比的意思是老師。</verse>
				<verse number="39">耶穌給𪜶講：「恁來看！」𪜶就去看耶穌住的所在，彼日及伊做夥住。彼時大約下晡四點。</verse>
				<verse number="40">聽 約翰 的話來隨耶穌彼兩人，一個是 西門‧彼得 的小弟 安得烈 。</verse>
				<verse number="41">伊先去尋伊的兄哥 西門 ，對伊講：「阮已經有抵著彌賽亞。」彌賽亞的意思是基督。</verse>
				<verse number="42">伊就導 西門 去見耶穌。 耶穌注目給伊看，講：「你是 約翰 的子 西門 ，我欲給你叫做 磯法 。」 磯法 及 彼得 像意思，就是石磐。</verse>
				<verse number="43">隔日，耶穌決定欲去 加利利 。伊抵著 腓力 ，對伊講：「來隨我！」</verse>
				<verse number="44">腓力 是 伯賽大 人， 安得烈 及 彼得 的同鄉。</verse>
				<verse number="45">腓力 抵著 拿但業 ，對伊講：「 摩西 佇律法書所寫，以及先知所記載彼位，阮已經有抵著，就是 約瑟 的子 拿撒勒 人耶穌。」</verse>
				<verse number="46">拿但業 應講：「 拿撒勒 彼款所在豈會出什麼好物？」 腓力 給伊講：「你來看！」</verse>
				<verse number="47">耶穌看著 拿但業 行倚來，就講：「恁看，伊是真正的 以色列 人，攏無虛假！」</verse>
				<verse number="48">拿但業 問耶穌：「你哪會識我？」 耶穌給伊講：「 腓力 猶未叫你，我就看著你佇彼欉無花果樹腳。」</verse>
				<verse number="49">拿但業 應講：「拉比，你是上帝的子！你是 以色列 的王！」</verse>
				<verse number="50">耶穌應講：「因為我給你講我有看著你佇彼欉無花果樹腳，你就信噢？你會看著比這閣較大的事。」</verse>
				<verse number="51">耶穌閣給伊講：「我實實在在給恁講，恁會看見天開，上帝的天使佇人子的身上上落往來。」</verse>
			</chapter>
			<chapter number="2">
				<verse number="1">兩日後，佇 加利利 的 迦拿 有婚禮；耶穌的老母有佇遐。</verse>
				<verse number="2">耶穌及伊的門徒嘛受邀請去參加。</verse>
				<verse number="3">酒用了的時，耶穌的老母對伊講：「𪜶已經無酒啦。」</verse>
				<verse number="4">耶穌講：「阿母，這及你我有什麼關係；我的時猶未到。」</verse>
				<verse number="5">伊的老母吩咐差用的人講：「伊給恁講什麼，照按呢去做。」</verse>
				<verse number="6">照 猶太 人潔淨的規例，佇遐有六個石甕，逐個會當貯差不多一百公升。</verse>
				<verse number="7">耶穌給許個差用講：「諸個水甕，水攏倒互伊淀。」𪜶就將水倒入去水甕，倒到滿。</verse>
				<verse number="8">然後耶穌給𪜶講：「今恁給水舀出來，提互辦桌的總管。」𪜶就捧去互伊。</verse>
				<verse number="9">辦桌的總管一下啖著已經變做酒的水，毋知此個酒對叨位來，不過舀水的差用知；總管就叫新郎來，</verse>
				<verse number="10">對伊講：「人攏先出好酒，等人客飲到醉才出較僫的酒，你顛倒將好酒留到此陣。」</verse>
				<verse number="11">耶穌佇 加利利 的 迦拿 行此個第一個神跡，佇遐顯示伊的榮光；伊的門徒攏信伊。</verse>
				<verse number="12">此個代誌以後，耶穌及伊的老母、兄弟，以及門徒落去 迦百農 ，佇遐住幾若日。</verse>
				<verse number="13">猶太 人的𨃟過節啲欲到，耶穌上去 耶路撒冷 。</verse>
				<verse number="14">伊看著有人佇聖殿的外埕啲賣牛、羊、粉鳥；嘛有換錢的人啲互人換錢。</verse>
				<verse number="15">耶穌就用索仔做鞭，將牛、羊攏對聖殿趕出去，捙倒錢桌仔，給𪜶的錢撒散。</verse>
				<verse number="16">伊閣對賣粉鳥的人講：「諸個攏搬搬出去；毋通給我的父的厝變做買賣的厝！」</verse>
				<verse number="17">伊的門徒會記得聖經有記載：「上帝啊，我為著你的殿心火熱，歸個人攏互吞落去。」</verse>
				<verse number="18">猶太 教當局的人反問耶穌：「你欲用什麼神跡給阮證明你有權柄做諸個代誌？」</verse>
				<verse number="19">耶穌應講：「恁拆毀此間聖殿，三日內我欲閣給伊起起來。」</verse>
				<verse number="20">𪜶講：「此間聖殿四十六年久才起好，你三日內就欲起起來噢？」</verse>
				<verse number="21">其實，耶穌所講的聖殿是指伊的身軀。</verse>
				<verse number="22">伊對死人中閣活以後，伊的門徒才會記得伊曾按呢講，𪜶就信聖經及耶穌講的話。</verse>
				<verse number="23">耶穌佇 耶路撒冷 過𨃟過節的時，真多人看著伊行的神跡就信伊。</verse>
				<verse number="24">不過耶穌無信任𪜶，因為伊了解所有的人。</verse>
				<verse number="25">關係人的代誌，伊無需要人給伊說明，因為伊真正了解人的內心。</verse>
			</chapter>
			<chapter number="3">
				<verse number="1">有一個法利賽派的人名叫做 尼哥德慕 ，是 猶太 人的領導者。</verse>
				<verse number="2">有一暗，此個人來見耶穌，講：「拉比，阮知你是上帝差來的教師。若毋是上帝同在，無人會當行你所行諸個神跡。」</verse>
				<verse number="3">耶穌應講：「我實實在在給你講，人若無重出世 ，就𣍐當看見上帝國。」</verse>
				<verse number="4">尼哥德慕 問講：「人已經老，哪會當重出世？豈講伊會當閣一遍入去母胎來出世？」</verse>
				<verse number="5">耶穌應講：「我實實在在給你講，人若無對水及聖神來出世，就𣍐當成做上帝國的子民。</verse>
				<verse number="6">對肉體生的，是肉體；對聖神生的，是神靈。</verse>
				<verse number="7">毋通因為我講『恁著重出世』來奇怪。</verse>
				<verse number="8">風欲吹去叨位就吹去叨位，你有聽著聲，毋拘毋知伊對叨位來，對叨位去。逐個對聖神生的嘛是按呢。」</verse>
				<verse number="9">尼哥德慕 問耶穌講：「此款代誌哪有可能？」</verse>
				<verse number="10">耶穌應講：「你是 以色列 人的教師，連這都毋知噢？</verse>
				<verse number="11">「我實實在在給你講，阮講阮所知的，嘛為著阮所看著的作證，毋拘恁毋接受阮的見證。</verse>
				<verse number="12">我給恁講此世間的代誌，恁都毋信，我若給恁講天頂的代誌，恁哪欲信？</verse>
				<verse number="13">對天頂降臨的人子以外，無人曾上天。</verse>
				<verse number="14">「親像 摩西 佇曠野舉起銅蛇，人子嘛一定著按呢受舉起，</verse>
				<verse number="15">互逐個信伊的人得著永遠的活命。</verse>
				<verse number="16">上帝連伊獨一的子都賜互世間，欲互逐個信伊的人免滅亡，反轉得著永遠的活命，伊即呢疼世間！</verse>
				<verse number="17">因為上帝差伊的子來世間，毋是欲審判世間，是欲通過伊來拯救世間。</verse>
				<verse number="18">「信子的人𣍐受定罪；毋信的人已經受定罪，因為伊毋信上帝獨一的子。</verse>
				<verse number="19">上帝的審判是按呢：光進入世間，世間人較愛烏暗，較無愛光明，因為𪜶的行為邪惡。</verse>
				<verse number="20">做歹的人攏怨恨光，毋接近光，按呢伊的行為才𣍐露現。</verse>
				<verse number="21">毋拘實行真理的人接近光，是欲顯明伊的行為是順趁上帝來做的。」</verse>
				<verse number="22">諸個代誌以後，耶穌及伊的門徒去 猶太 地區，伊及𪜶暫時住遐，閣給人洗禮。</verse>
				<verse number="23">約翰 嘛佇 撒冷 附近的 哀嫩 啲給人洗禮，因為遐有真多水，眾人續接來接受 約翰 的洗禮。</verse>
				<verse number="24">彼時 約翰 猶未互人關監。</verse>
				<verse number="25">幾若個 約翰 的門徒及一個 猶太 人為著潔淨的禮儀辯論。</verse>
				<verse number="26">𪜶來見 約翰 ，對伊講：「拉比，以前佇 約旦河 東岸及你做夥，你曾為著伊作證彼位，你看，伊現在啲給人洗禮，眾人攏去伊遐。」</verse>
				<verse number="27">約翰 應講：「若毋是天賞賜，人𣍐當得著什麼。</verse>
				<verse number="28">我曾講『我毋是基督，不過是受派做伊的先鋒』。此個代誌，恁本身是我的見證人。</verse>
				<verse number="29">娶新娘的是新郎；新郎的朋友徛佇邊仔，一下聽著新郎的聲就非常歡喜。所以，我的歡喜滿滿。</verse>
				<verse number="30">伊一定愈興旺，我一定愈衰微。」</verse>
				<verse number="31">對頂面來的，佇萬有的頂面；對地上來的，屬地上，所講的是地上的事。對天頂來的，佇萬有的頂面。</verse>
				<verse number="32">伊為著所看見的及所聽見的作證，不過無人接受伊的見證。</verse>
				<verse number="33">接受伊見證的人證明上帝是信實。</verse>
				<verse number="34">上帝所差遣彼位講上帝所講的話，因為上帝無限量賜聖神互伊。</verse>
				<verse number="35">父疼子，已經將一切攏交佇伊的手中。</verse>
				<verse number="36">信子的人會得著永遠的活命；毋順服子的人毋若𣍐得著活命，反轉繼續互上帝受氣。</verse>
			</chapter>
			<chapter number="4">
				<verse number="1">法利賽派的人有聽著耶穌比 約翰 招較多門徒，閣給較多人洗禮。</verse>
				<verse number="2">其實耶穌毋曾給人洗禮，是伊的門徒給人洗禮。</verse>
				<verse number="3">耶穌聽著此個代誌就離開 猶太 ，轉去 加利利 ；</verse>
				<verse number="4">伊著經過 撒馬利亞 。</verse>
				<verse number="5">耶穌來到 撒馬利亞 的一個城，叫做 敘加 ，此個城倚近 雅各 互伊的子 約瑟 彼塊地。</verse>
				<verse number="6">雅各 井佇遐。耶穌因為行路真倦就坐佇井邊。彼時差不多是中晝。</verse>
				<verse number="7">有一個 撒馬利亞 的婦仁人來汲水。耶穌對伊講：「請一屑仔水互我飲。」</verse>
				<verse number="8">彼時伊的門徒已經入去城內買食物。</verse>
				<verse number="9">撒馬利亞 的婦仁人應耶穌講：「你是 猶太 人，哪會對我此個 撒馬利亞 的查某人討水飲？」原來 猶太 人及 撒馬利亞 人無來往。</verse>
				<verse number="10">耶穌應講：「你若了解上帝互人的恩賜，閣有對你講『請一屑仔水互我飲』彼個是什麼人，你早就會給伊求，伊早就會將活水互你。」</verse>
				<verse number="11">婦仁人講：「先生，你無汲水的器具，井閣深，你欲按怎得著活水？</verse>
				<verse number="12">阮的祖先 雅各 留此個井互阮，伊家己、伊的子孫，及伊的牲生，攏飲此個井水，你豈會比伊較𠢕？」</verse>
				<verse number="13">耶穌應講：「飲此個井水的人攏會閣嘴焦；</verse>
				<verse number="14">不過飲我所欲互伊的水的𣍐閣嘴焦。因為我欲互伊的水佇伊的內面會成做水泉，一直淐出活水，互伊得著永遠的活命。」</verse>
				<verse number="15">婦仁人講：「先生，請互我此個水，我才𣍐閣嘴焦，嘛免閣來遮汲水。」</verse>
				<verse number="16">耶穌給伊講：「你去叫你的丈夫，導伊來遮。」</verse>
				<verse number="17">婦仁人應講：「我無丈夫。」 耶穌給伊講：「你講『我無丈夫』有影。</verse>
				<verse number="18">你曾有五個丈夫，現在此個毋是你的丈夫，你講的是事實。」</verse>
				<verse number="19">婦仁人講：「先生，我看你是先知。</verse>
				<verse number="20">阮 撒馬利亞 人的祖先佇此個山頂敬拜上帝；恁 猶太 人講 耶路撒冷 才是敬拜上帝的所在。」</verse>
				<verse number="21">耶穌對伊講：「婦仁人，著信我。時啲欲到，彼時恁𣍐佇此個山頂，嘛𣍐佇 耶路撒冷 敬拜父。</verse>
				<verse number="22">恁 撒馬利亞 人敬拜恁所毋識的；阮 猶太 人敬拜阮所識的；因為拯救對 猶太 人出來。</verse>
				<verse number="23">不過，時啲欲到，現在就是，真正敬拜父的人會用心靈及真誠敬拜。因為父愛此款的人敬拜伊。</verse>
				<verse number="24">上帝是神，敬拜伊的人著用心靈及真誠敬拜。」</verse>
				<verse number="25">婦仁人對伊講：「我知彼位稱做基督的彌賽亞啲欲來，伊來的時會將一切的代誌給阮講。」</verse>
				<verse number="26">耶穌給伊講：「我，此個啲及你講話的就是。」</verse>
				<verse number="27">抵此個時，耶穌的門徒轉來。𪜶看著耶穌及婦仁人啲講話，感覺真奇怪，不過無人問婦仁人「你欲創什麼」，抑是問耶穌「你哪啲及婦仁人講話」。</verse>
				<verse number="28">婦仁人就將水瓶放下啲，轉去城內，對人講：</verse>
				<verse number="29">「來去看，此個人將我過去所做的一切攏給我講出來。伊敢是基督乎？」</verse>
				<verse number="30">大家就出城去看耶穌。</verse>
				<verse number="31">彼時門徒給耶穌講：「拉比，請來食。」</verse>
				<verse number="32">耶穌給𪜶講：「我有恁毋知的食物。」</verse>
				<verse number="33">門徒就問來問去講：「豈有人提物件互伊食？」</verse>
				<verse number="34">耶穌給𪜶講：「我的食物就是實行差我彼位的旨意，閣完成伊的工作。</verse>
				<verse number="35">恁豈無按呢講『閣四個月就有通收成』？我給恁講，目睭擘互金，看四面的田園；五穀已經熟，通收成啦。</verse>
				<verse number="36">現在收割的人已經啲領工錢，閣啲收成互人得著永遠活命的五穀，互撒種的及收割的做夥歡喜。</verse>
				<verse number="37">因為俗語講『一個撒種，一個收割』，講了真著。</verse>
				<verse number="38">恁無辛苦耕作的，我差恁去收成；別人辛苦，恁享受𪜶辛苦的成果。」</verse>
				<verse number="39">彼個城有真多 撒馬利亞 人信耶穌，因為彼個婦仁人作證講：「伊將我過去所做的一切攏給我講出來。」</verse>
				<verse number="40">所以許個 撒馬利亞 人來見耶穌，求伊住𪜶遐，伊就佇遐住兩日。</verse>
				<verse number="41">因為耶穌所講的話，有閣較多人來信。</verse>
				<verse number="42">許個人給彼個婦仁人講：「現在阮信，毋是因為你所講的話，是因為阮有親耳聽著耶穌的話，知影伊真正是世間的救主。」</verse>
				<verse number="43">兩日後，耶穌離開遐去 加利利 。</verse>
				<verse number="44">因為耶穌家己曾講：「先知佇家己的故鄉𣍐受尊重。」</verse>
				<verse number="45">耶穌到 加利利 的時， 加利利 人有給伊歡迎，因為𪜶去 耶路撒冷 過𨃟過節的時，有看著伊佇節期中所做一切的代誌。</verse>
				<verse number="46">耶穌閣轉去 加利利 的 迦拿 ，就是伊曾用水變做酒的所在。佇遐有一個 迦百農 的官員，伊的子破病。</verse>
				<verse number="47">伊聽著耶穌對 猶太 來到 加利利 ，就去求耶穌落去 迦百農 醫治伊的子，因為伊的子啲欲死啦。</verse>
				<verse number="48">耶穌給伊講：「恁若無看見神跡奇事，一定𣍐信。」</verse>
				<verse number="49">彼個官員應講：「先生，請你佇我的細子猶未死以前落來去。」</verse>
				<verse number="50">耶穌對伊講：「轉去，你的子𣍐死。」 彼個人信耶穌給伊講的話，就轉去。</verse>
				<verse number="51">佇路中，伊的僕人抵著，給伊講伊的細子活起來啦。</verse>
				<verse number="52">伊就問𪜶伊的子什麼時好起來。𪜶應講：「昨昏下晡一點熱就退去。」</verse>
				<verse number="53">老父知影，抵抵彼個時耶穌給伊講「你的子𣍐死」。伊家己信，全家的人嘛攏信。</verse>
				<verse number="54">這是耶穌對 猶太 來 加利利 以後所行的第二個神跡。</verse>
			</chapter>
			<chapter number="5">
				<verse number="1">諸個代誌以後，有一個 猶太 人的節期，耶穌上去 耶路撒冷 。</verse>
				<verse number="2">佇 耶路撒冷 ，近 羊門 的所在有一個水池，希伯來話叫做 畢士大 ，水池邊有五個走廊。</verse>
				<verse number="3">佇走廊有真多病人倒佇遐；有失明的、腳跛的，及半身不遂的。</verse>
				<verse number="4"></verse>
				<verse number="5">佇遐有一個破病三十八年久的人。</verse>
				<verse number="6">耶穌看著伊佇遐，知影伊已經佇遐倒真久，就給伊講：「你愛好起來無？」</verse>
				<verse number="7">彼個病人應講：「先生，水振動的時無人給我抱落去水池，我想欲落去的時，別人比我先落去啦。」</verse>
				<verse number="8">耶穌給伊講：「起來，夯你的床舖起來行。」</verse>
				<verse number="9">彼個人隨時好起來，就夯伊的床舖起來行。 彼日是安歇日，</verse>
				<verse number="10">所以 猶太 人對彼個互耶穌醫好的人講：「今仔日是安歇日，你夯床舖無合法。」</verse>
				<verse number="11">伊應講：「醫好我彼個人給我講：『夯你的床舖起來行。』」</verse>
				<verse number="12">𪜶就問伊：「叫你夯床舖起來行彼個是啥人？」</verse>
				<verse number="13">伊毋知彼個給伊醫好的是啥人，因為有真多人佇遐，閣耶穌亦已經恬恬仔離開。</verse>
				<verse number="14">後來，耶穌佇聖殿抵著伊，給伊講：「你已經好啦，毋通閣犯罪，才𣍐抵著閣較慘的代誌。」</verse>
				<verse number="15">彼個人離開了後對 猶太 人講，給伊醫好的是耶穌。</verse>
				<verse number="16">因為按呢，𪜶開始迫害耶穌，因為伊佇安歇日給人醫病。</verse>
				<verse number="17">耶穌對𪜶講：「我的父到現在一直啲工作，我嘛啲工作。」</verse>
				<verse number="18">為著按呢， 猶太 教當局閣較想欲害死耶穌；因為耶穌毋若違犯安歇日的規定，閣稱上帝做伊家己的父，看家己及上帝平等。</verse>
				<verse number="19">耶穌對𪜶講：「我實實在在給恁講，子𣍐當照家己的意思做代誌，只有看父做什麼，伊才照按呢做。父所做的，子嘛照按呢做。</verse>
				<verse number="20">因為父疼子，將家己所啲做的一切攏指示子，嘛會將比諸個較大的事指示伊，欲互恁感覺奇怪。</verse>
				<verse number="21">父按怎互死人閣活，賜𪜶活命，親像按呢，子嘛欲將活命賜互家己所愛的人。</verse>
				<verse number="22">父攏無給人審判。伊已經將審判的權柄攏交互子，</verse>
				<verse number="23">是欲互眾人尊敬子，親像尊敬父。無尊敬子就是無尊敬差伊來的父。</verse>
				<verse number="24">「我實實在在給恁講，聽我的話閣信差我彼位的人有永遠的活命；伊已經出死入活，毋免受審判。</verse>
				<verse number="25">我實實在在給恁講，時啲欲到，現在就是，死人會聽見上帝的子的聲，聽見的人會活起來。</verse>
				<verse number="26">因為父本身是活命的根源，伊嘛按呢互子成做活命的根源。</verse>
				<verse number="27">伊已經將審判的權柄賜互子，因為子是人子。</verse>
				<verse number="28">此個事恁毋通感覺奇怪，因為時啲欲到，所有死去的人攏會聽見子的聲，</verse>
				<verse number="29">𪜶會對墓裡出來：作好的閣活，得著活命；作歹的閣活，受定罪。」</verse>
				<verse number="30">「我𣍐當照家己的意思做什麼；我只有照所聽著的來審判。我的審判公正，因為我毋是趁家己的意思，是照差我來彼位的旨意。</verse>
				<verse number="31">「我若為著家己作證，我的見證就無真實。</verse>
				<verse number="32">有另外一個人啲為著我作證，我知伊為著我所做的見證是真實。</verse>
				<verse number="33">恁曾派人去見 約翰 ，伊有為著真理作證。</verse>
				<verse number="34">毋是講我需要人為著我作證；其實我講諸個事是欲互恁得著救。</verse>
				<verse number="35">約翰 是啲𤏸啲照光的燈，恁歡喜暫時享受伊的光。</verse>
				<verse number="36">不過我有比 約翰 較有力的見證。父交代我完成的工作，就是我現在啲做的工作，會當為著我作證，表示父有差我。</verse>
				<verse number="37">閣差我的父已經親身為著我作證。恁猶毋曾聽著伊的聲，嘛毋曾看著伊的形狀。</verse>
				<verse number="38">恁無將伊的話囥佇心內，因為恁毋信伊所差彼位。</verse>
				<verse number="39">恁研究聖經，因為恁想，佇彼內面會尋著永遠的活命。其實，就是聖經啲為著我作證。</verse>
				<verse number="40">按呢，恁猶久毋肯來我遮得著活命。</verse>
				<verse number="41">「我無接受人的稱讚。</verse>
				<verse number="42">毋拘我真正了解恁，佇恁內面無疼上帝的心。</verse>
				<verse number="43">我奉我的父的名來，恁無接納我；若有別人奉家己的名來，恁顛倒給伊接納。</verse>
				<verse number="44">恁互相稱讚，總是無追求對唯一的上帝來的稱讚，按呢恁哪會當信我？</verse>
				<verse number="45">毋通想講我會佇父的面前控告恁。啲控告恁的是恁一直啲仰望的 摩西 。</verse>
				<verse number="46">恁若真正有信 摩西 ，嘛會信我；因為伊有寫我的代誌。</verse>
				<verse number="47">伊寫的冊恁都毋信，哪會信我講的話？」</verse>
			</chapter>
			<chapter number="6">
				<verse number="1">此個代誌了後，耶穌過去 加利利湖 ，就是 提比哩亞湖 的彼旁岸。</verse>
				<verse number="2">有一大陣人隨伊去，因為𪜶有看著耶穌醫好病人的神跡。</verse>
				<verse number="3">耶穌𬦰上山，及伊的門徒佇遐坐。</verse>
				<verse number="4">彼時 猶太 人的𨃟過節啲欲到。</verse>
				<verse number="5">耶穌攑頭看著一大陣人一直向伊遐啲來，就給 腓力 講：「咱欲去叨位買食物通互諸個人食？」</verse>
				<verse number="6">伊講按呢是啲試驗 腓力 ；其實，伊家己已經知啲欲做的代誌。</verse>
				<verse number="7">腓力 應講：「用兩百個銀仔去買餅嘛無夠互逐個人食一屑仔。」</verse>
				<verse number="8">另外一個門徒，就是 西門‧彼得 的小弟 安得烈 ，給耶穌講：</verse>
				<verse number="9">「遮有一個囝仔，伊有五個大麥餅及兩尾魚；毋拘人即呢多，干焦諸個哪有夠？」</verse>
				<verse number="10">耶穌講：「恁叫眾人坐落去。」彼個所在草真多。眾人就坐落去；干焦查甫人就有五千。</verse>
				<verse number="11">然後耶穌提許個餅，感謝了後分互坐佇遐的人；魚嘛按呢分，出在𪜶食。</verse>
				<verse number="12">𪜶食飽了後，耶穌給伊的門徒講：「將食賰的碎屑仔拾起來，毋通拍損。」</verse>
				<verse number="13">𪜶就將彼五個餅的屑仔，就是大家食賰的，拾起來，攏總滿十二籃。</verse>
				<verse number="14">眾人看著耶穌所行的神跡，就講：「此個真正是欲來此世間彼位先知！」</verse>
				<verse number="15">耶穌知影眾人啲欲強迫伊作王，就家己一個閣退去山裡。</verse>
				<verse number="16">黃昏的時，伊的門徒落去湖邊，</verse>
				<verse number="17">上船欲過湖去 迦百農 。彼時天已經暗，耶穌猶未到𪜶遐。</verse>
				<verse number="18">忽然，因為透大風，湖起大湧。</verse>
				<verse number="19">門徒划船，大約划五六公里的時，看著耶穌佇湖的頂面啲行，行倚近船，𪜶就起驚。</verse>
				<verse number="20">耶穌對𪜶講：「是我，免驚！」</verse>
				<verse number="21">門徒就歡喜接伊上船；船連鞭到𪜶欲去的所在。</verse>
				<verse number="22">隔日，猶佇湖對面岸彼陣人發覺佇遐只有一隻船若定；耶穌嘛無及門徒做夥坐船，干焦門徒家己過去。</verse>
				<verse number="23">毋拘有幾若隻船對 提比哩亞 來到倚近主感謝了後互眾人食餅彼個所在。</verse>
				<verse number="24">眾人一下發覺耶穌及伊的門徒攏無佇遐，就坐許個船過去 迦百農 尋耶穌。</verse>
				<verse number="25">眾人佇湖的對面岸尋著耶穌，就給伊問：「拉比，你什麼時來遮？」</verse>
				<verse number="26">耶穌應講：「我實實在在給恁講，恁尋我，是因為有餅食到飽，毋是因為看見神跡。</verse>
				<verse number="27">毋通為著會敗壞的食物拍拼，著為著久長存在，會當互人得著永遠的活命彼個食物來拍拼，就是人子欲互恁的；因為父上帝已經給伊蓋印認定。」</verse>
				<verse number="28">𪜶就問耶穌：「欲完成上帝的工作，阮著做什麼？」</verse>
				<verse number="29">耶穌應講：「信上帝所差彼位就是做上帝的工。」</verse>
				<verse number="30">𪜶就講：「你欲行什麼神跡互阮看來信你？你欲做什麼？</verse>
				<verse number="31">阮的祖先佇曠野食嗎哪，抵抵照聖經所記載：『伊有將對天來的餅互𪜶食。』」</verse>
				<verse number="32">耶穌就給𪜶講：「我實實在在給恁講，毋是 摩西 將對天來的餅互恁，是我的父將對天來真的餅互恁。</verse>
				<verse number="33">因為上帝所賜的餅就是對天降落來，賜活命互世間的。」</verse>
				<verse number="34">𪜶就給耶穌講：「先生，請你不時將此個餅互阮。」</verse>
				<verse number="35">耶穌給𪜶講：「我就是互人得著活命的餅；來我遮的人一定𣍐枵，信我的人一定𣍐嘴焦。</verse>
				<verse number="36">毋拘我曾給恁講，恁已經有看著我，猶久毋信。</verse>
				<verse number="37">父所互我的人攏會來我遮；來我遮的人，我絕對𣍐給伊棄拺；</verse>
				<verse number="38">因為我對天降落來，毋是欲照家己的意思做代誌，是欲實行差我來彼位的旨意。</verse>
				<verse number="39">差我來彼位的旨意是按呢：伊所互我的人，我連一個都𣍐喪失，佇末日我會互𪜶閣活。</verse>
				<verse number="40">因為我的父的旨意是欲互所有看見子來信子的人攏會得著永遠的活命；佇末日我會互𪜶閣活。」</verse>
				<verse number="41">因為耶穌講「我是對天降落來的餅」， 猶太 人就私下議論，</verse>
				<verse number="42">講：「此個人豈毋是 約瑟 的子耶穌？咱識伊的父母，現在伊哪會講『我是對天降落來的』？」</verse>
				<verse number="43">耶穌就對𪜶講：「恁啲私下議論。</verse>
				<verse number="44">若毋是差我的父引導，無人會來我遮。來我遮的，佇末日我會互伊閣活。</verse>
				<verse number="45">先知的冊有記載：『眾人攏會接受上帝的教導。』所有聽趁父，對伊學習的人，會來我遮。</verse>
				<verse number="46">這毋是講有人曾看見父；只有對上帝遐來彼位曾看見。</verse>
				<verse number="47">我實實在在給恁講：信的人有永遠的活命。</verse>
				<verse number="48">我就是互人得著活命的餅。</verse>
				<verse number="49">恁的祖先佇曠野食嗎哪嘛死去。</verse>
				<verse number="50">這就是對天降落來的餅，互人食了𣍐死。</verse>
				<verse number="51">我就是對天降落來彼個活命的餅。人若食此個餅會永遠活啲。我欲互人的餅就是我的肉，是為著欲互世間人有活命獻的。」</verse>
				<verse number="52">對按呢， 猶太 人互相爭論講：「此個人哪會當用伊的肉互咱食？」</verse>
				<verse number="53">耶穌就對𪜶講：「我實實在在給恁講，恁若無食人子的肉，無飲伊的血，恁內面就無活命。</verse>
				<verse number="54">食我的肉，飲我的血的人，就有永遠的活命；佇末日我會互伊閣活。</verse>
				<verse number="55">我的肉真正會食得，我的血真正會飲得。</verse>
				<verse number="56">食我的肉，飲我的血的人，𫢶佇我內面，我嘛𫢶佇伊內面。</verse>
				<verse number="57">永活的父差我，我嘛因為父來活；親像按呢，食我的人嘛會因為我來活。</verse>
				<verse number="58">這就是對天降落來的餅；毋是親像恁的祖先所食的餅，𪜶食了嘛死去；食此個餅的人會永遠活啲。」</verse>
				<verse number="59">諸個是耶穌佇 迦百農 的會堂教示人的時講的話。</verse>
				<verse number="60">耶穌的門徒中有真多人聽著，就講：「此個話真困難了解，啥人聽會落去？」</verse>
				<verse number="61">耶穌心內知影伊的門徒私下啲議論此個事，就對𪜶講：「此個話給恁惹著是無？</verse>
				<verse number="62">按呢，恁若看著人子升高去到伊原來的所在，恁欲按怎？</verse>
				<verse number="63">賜活命的是上帝的神；肉體攏無功效。我給恁講諸個話是神，是活命。</verse>
				<verse number="64">毋拘恁中間有人毋信。」因為耶穌對起頭就知什麼人毋信，什麼人欲給伊出賣。</verse>
				<verse number="65">伊閣講：「因為按呢，我曾給恁講，若毋是父允准，無人會當來我遮。」</verse>
				<verse number="66">因為按呢，伊的門徒中有真多人離開，無閣隨伊。</verse>
				<verse number="67">耶穌就對十二使徒講：「恁嘛欲離開噢？」</verse>
				<verse number="68">西門‧彼得 應講：「主啊，你有永遠活的話，阮欲去隨啥人？</verse>
				<verse number="69">阮已經信，閣確實知你是上帝的聖者。」</verse>
				<verse number="70">耶穌應講：「我豈毋是揀選恁十二人？恁中間有一個是魔鬼。」</verse>
				<verse number="71">伊按呢講是啲指 以斯加略 西門 的子 猶大 ，伊是十二使徒的一個，啲欲出賣耶穌。</verse>
			</chapter>
			<chapter number="7">
				<verse number="1">此個代誌以後，耶穌去 加利利 境內逐所在；伊無愛去 猶太 ，因為 猶太 教的領袖尋機會欲給伊刣。</verse>
				<verse number="2">猶太 人的搭寮節啲欲到。</verse>
				<verse number="3">所以耶穌的兄弟給伊講：「你著離開遮去 猶太 ，互你的門徒嘛通看你啲做的代誌。</verse>
				<verse number="4">人欲出名𣍐恬恬仔做。既然你啲做諸個代誌，著去做互世間人看。」</verse>
				<verse number="5">因為連伊的兄弟都無信伊。</verse>
				<verse number="6">耶穌給𪜶講：「我的時猶未到；不過恁逐時攏便便。</verse>
				<verse number="7">世間人無理由怨恨恁；𪜶怨恨我，因為我不時啲指出𪜶的行為邪惡。</verse>
				<verse number="8">恁做恁上去守節；我無愛上去守此個節，因為我的時機猶未成熟。」</verse>
				<verse number="9">耶穌講諸個話了後繼續留佇 加利利 。</verse>
				<verse number="10">耶穌的兄弟上去守節，伊嘛去，毋是公開，是恬恬仔去。</verse>
				<verse number="11">節期的中間， 猶太 教的領袖啲尋耶穌，問講：「伊佇什麼所在？」</verse>
				<verse number="12">群眾的中間有真多人私下啲議論耶穌的代誌。有人講：「伊是好人。」嘛有人講：「毋是，伊是啲煽動群眾。」</verse>
				<verse number="13">毋拘𪜶驚 猶太 教的領袖，無人敢公然講起伊的代誌。</verse>
				<verse number="14">節期過一半，耶穌才上去聖殿教示人。</verse>
				<verse number="15">猶太 教的領袖感覺奇怪，講：「此個人無受過教育，哪赫呢有學問？」</verse>
				<verse number="16">耶穌應講：「我的教示毋是我家己的，是差我來彼位的教示。</verse>
				<verse number="17">人若願意實行上帝的旨意，就會知我的教示是對上帝來抑是照家己的意思啲講。</verse>
				<verse number="18">倚靠家己講的是啲求家己的榮光；求差伊彼位的榮光的人是真實，伊的內面攏無不義。</verse>
				<verse number="19">摩西 豈無互恁律法？不過恁中間無甲一個遵守律法。是按怎恁想欲刣我？」</verse>
				<verse number="20">群眾應講：「你毋啲看著鬼。啥人想欲刣你？」</verse>
				<verse number="21">耶穌對𪜶講：「我干焦做一項代誌，恁就攏感覺奇怪。</verse>
				<verse number="22">摩西 命令恁行割禮，恁嘛佇安歇日給人行割禮。事實，此個禮儀毋是對 摩西 ，是對恁祖先開始。</verse>
				<verse number="23">既然恁為著欲遵守 摩西 的律法，佇安歇日給一個查甫囝仔行割禮，按呢我佇安歇日互一個病人完全好起來，恁是按怎對我受氣？</verse>
				<verse number="24">毋通看外表來判斷是非，著照公正判斷。」</verse>
				<verse number="25">有一寡 耶路撒冷 的人啲講：「此個豈毋是𪜶想欲殺害彼個人？</verse>
				<verse number="26">你看，伊公開啲講話，𪜶嘛無講什麼給伊反對。豈講諸個官長真正知此個人是基督？</verse>
				<verse number="27">毋拘此個人的來歷咱攏知；基督來的時，無人會知伊對叨位來。」</verse>
				<verse number="28">耶穌佇聖殿啲教示的時，大聲講：「恁識我，嘛知我的來歷；不過我毋是照家己的意思來。差我來彼位是真實，恁卻毋識伊。</verse>
				<verse number="29">我識伊，因為我對伊遐來，伊差遣我來。」</verse>
				<verse number="30">𪜶就想欲給伊掠，不過無人下手，因為伊的時猶未到。</verse>
				<verse number="31">群眾的中間有真多人信伊，講：「基督來的時，豈會比此個人行較多神跡？」</verse>
				<verse number="32">法利賽派的人聽著群眾私下啲議論耶穌的代誌，祭司長及法利賽人就派聖殿的警衛去掠耶穌。</verse>
				<verse number="33">耶穌講：「我閣及恁做夥無偌久就欲轉去差我來彼位遐。</verse>
				<verse number="34">恁會尋我，毋拘尋𣍐著，因為我去的所在，恁𣍐當去。」</verse>
				<verse number="35">猶太 教的領袖互相講：「此個人欲去叨位互咱尋𣍐著？伊想欲去四散佇 希臘 城市的 猶太 僑民遐，去教示 希臘 人是無？</verse>
				<verse number="36">伊講『恁會尋我，毋拘尋𣍐著』，閣講『我去的所在，恁𣍐當去』，這是什麼意思？」</verse>
				<verse number="37">節期的最後彼日，嘛是上重要的日，耶穌徛起來，大聲講：「嘴焦的人著來我遮飲。</verse>
				<verse number="38">信我的人，照聖經所講：『有活水的溪會對伊的腹內淐出來。』」</verse>
				<verse number="39">耶穌按呢講是指信伊的人啲欲領受的聖神。彼時，上帝猶未賜聖神，因為耶穌猶未得著榮光。</verse>
				<verse number="40">群眾的中間有人聽著諸個話就講：「此個人真正是彼位先知。」</verse>
				<verse number="41">閣有人講：「此個人是基督。」 不過嘛有人講：「基督哪會對 加利利 出？</verse>
				<verse number="42">聖經豈毋是講基督是 大闢 的子孫，是對 大闢 的故鄉 伯利恆 出？」</verse>
				<verse number="43">按呢，群眾因為耶穌的緣故起紛爭。</verse>
				<verse number="44">其中有一寡人想欲掠耶穌，毋拘無人下手。</verse>
				<verse number="45">聖殿的警衛轉去見祭司長及法利賽派的人。𪜶就問警衛講：「恁哪無給伊押來？」</verse>
				<verse number="46">警衛應講：「毋曾有人講話親像此個人。」</verse>
				<verse number="47">法利賽人就對𪜶講：「恁嘛互伊迷去噢？</verse>
				<verse number="48">咱的官長抑是法利賽人豈有人信伊？</verse>
				<verse number="49">此陣毋識律法的群眾是受咒詛的。」</verse>
				<verse number="50">法利賽人的中間曾去見耶穌的 尼哥德慕 給𪜶講：</verse>
				<verse number="51">「照咱的律法，無先審問閣查明人有做什麼，豈會當給伊定罪？」</verse>
				<verse number="52">𪜶應講：「你嘛是 加利利 來的是無？你查考聖經就知 加利利 毋曾出先知。」 {</verse>
				<verse number="53">眾人攏轉去家己的厝，</verse>
			</chapter>
			<chapter number="8">
				<verse number="1">毋拘耶穌去 橄欖山 。</verse>
				<verse number="2">隔日透早，耶穌閣去聖殿。民眾攏倚來伊遐，伊就坐落去給𪜶教示。</verse>
				<verse number="3">彼時經學教師及法利賽派的人導一個婦仁人來，伊啲犯姦淫的時互人掠著。𪜶互伊徛佇中央，</verse>
				<verse number="4">問耶穌講：「老師，此個查某人犯姦淫的時互人掠著。</verse>
				<verse number="5">根據律法， 摩西 命令咱著用石頭抌死此款查某人。你有什麼意見？」</verse>
				<verse number="6">𪜶按呢講是欲試探耶穌，通尋孔縫給伊告。耶穌踞落去，用指頭仔佇土腳寫字。</verse>
				<verse number="7">𪜶直直給伊問，耶穌就徛起來，對𪜶講：「恁中間無罪的人先提石頭給伊抌。」</verse>
				<verse number="8">然後伊閣踞落去佇土腳寫字。</verse>
				<verse number="9">𪜶一下聽著諸個話，對老的開始一個一個溜出去，賰耶穌一個，彼個婦仁人猶徛佇遐。</verse>
				<verse number="10">耶穌徛起來，給伊講：「婦仁人，𪜶佇叨位？無人給你定罪是無？」</verse>
				<verse number="11">伊應講：「先生，無。」 耶穌講：「我嘛無給你定罪。你轉去，以後毋通閣犯罪。」}</verse>
				<verse number="12">耶穌閣給眾人講：「我是世間的光；隨我的人𣍐佇烏暗中生活，反轉有活命的光。」</verse>
				<verse number="13">法利賽派的人就對伊講：「你啲為家己作證，你的見證無效。」</verse>
				<verse number="14">耶穌應講：「雖然我為家己作證，我的見證有效，因為我知我對叨位來，欲去叨位；毋拘恁毋知我對叨位來，欲去叨位。</verse>
				<verse number="15">恁用人的標準批判人，我無給人批判。</verse>
				<verse number="16">我若批判，我的判斷正確，因為我毋是家己一個啲判斷，是差我的父及我做夥判斷。</verse>
				<verse number="17">閣恁的律法有記載，有兩個人作證，𪜶的見證才有效。</verse>
				<verse number="18">我為家己作證，差我的父嘛為我作證。」</verse>
				<verse number="19">𪜶就問耶穌：「你的父佇叨位？」 耶穌應講：「恁毋識我，嘛毋識我的父。恁若識我，嘛會識我的父。」</verse>
				<verse number="20">諸個話是耶穌佇聖殿教示人的時，佇囥奉獻櫃遐講的。不過無人給伊掠，因為伊的時猶未到。</verse>
				<verse number="21">耶穌閣給𪜶講：「我欲離開啦。恁會尋我，毋拘恁會因為家己的罪來死；我去的所在，恁𣍐當去。」</verse>
				<verse number="22">猶太 教的領袖講：「伊講『我去的所在，恁𣍐當去』，豈講伊欲去自殺？」</verse>
				<verse number="23">耶穌給𪜶講：「恁對下面來，我對頂面來。恁屬此世間，我無屬此世間。</verse>
				<verse number="24">所以我才給恁講恁會因為家己的罪來死；因為恁若毋信我就是『自有永有』彼位，恁會因為家己的罪來死。」</verse>
				<verse number="25">𪜶就問耶穌：「你是什麼人？」 耶穌應講：「我對起頭就給恁講啦。</verse>
				<verse number="26">關係恁，我有真多通講，通定罪。毋拘差我彼位是真實，我將對伊聽著的傳互世間人。」</verse>
				<verse number="27">𪜶無了解耶穌是啲對𪜶講父的代誌。</verse>
				<verse number="28">所以耶穌給𪜶講：「恁舉起人子了後就會知，我就是『自有永有』彼位，閣我做代誌無一項是照我家己的意思，只有照父教示我的來講。</verse>
				<verse number="29">差我彼位及我同在；伊毋曾放我家己一個，因為我不時啲做伊所歡喜的代誌。」</verse>
				<verse number="30">耶穌講諸個話的時，有真多人信伊。</verse>
				<verse number="31">耶穌對信伊許個 猶太 人講：「恁若繼續遵守我的話，就實在是我的門徒；</verse>
				<verse number="32">恁會識真理，真理會互恁得著自由。」</verse>
				<verse number="33">𪜶應講：「阮是 亞伯拉罕 的子孫，毋曾做人的奴隸。你哪會講『恁會得著自由』？」</verse>
				<verse number="34">耶穌給𪜶講：「我實實在在給恁講，逐個犯罪的人就是罪的奴隸。</verse>
				<verse number="35">奴隸無永遠屬佇主人的家庭，子就永遠有。</verse>
				<verse number="36">所以，上帝的子若互恁自由，恁就實在有自由。</verse>
				<verse number="37">我知恁是 亞伯拉罕 的子孫；毋拘恁想欲刣我，因為恁毋接受我的話。</verse>
				<verse number="38">我是啲講對我的父遐看著的；恁是啲做對恁的父遐聽著的。」</verse>
				<verse number="39">𪜶應耶穌講：「阮的父是 亞伯拉罕 。」 耶穌對𪜶講：「恁若是 亞伯拉罕 的子孫，恁會做 亞伯拉罕 所做的代誌。</verse>
				<verse number="40">現在我將對上帝聽著的真理給恁講，恁煞想欲刣我。 亞伯拉罕 並無做此款代誌。</verse>
				<verse number="41">恁是啲做恁的父所做的代誌。」 𪜶應講：「阮毋是私生子；上帝是阮唯一的父。」</verse>
				<verse number="42">耶穌就對𪜶講：「上帝若真正是恁的父，恁會疼我，因為我對上帝遐來，現在佇遮。我毋是照我家己的意思來，是上帝差遣我來。</verse>
				<verse number="43">是按怎恁無明白我的話？是因為我的話恁聽𣍐入去。</verse>
				<verse number="44">恁的父是魔鬼；恁干焦想欲實行恁的父的慾望。伊對起頭就是殺人犯，無遵守真理，因為伊的內面無真理。講白賊是伊的本性，因為伊是講白賊的，嘛是講白賊的人的父。</verse>
				<verse number="45">因為我講真理，恁毋信我。</verse>
				<verse number="46">恁中間什麼人會當指證我有罪？既然我講真理，是按怎恁毋信我？</verse>
				<verse number="47">屬上帝的人聽上帝的話；恁毋聽，因為恁毋是屬上帝。」</verse>
				<verse number="48">猶太 教的領袖對耶穌講：「阮講你是 撒馬利亞 人，閣犯著鬼，豈毋著？」</verse>
				<verse number="49">耶穌講：「我無犯著鬼；我尊敬我的父，恁卻無尊敬我。</verse>
				<verse number="50">我無追求家己的榮光，不過有一位為著我追求，為著我裁決。</verse>
				<verse number="51">我實實在在給恁講，遵守我的話的人一定永遠𣍐死。」</verse>
				<verse number="52">猶太 教的領袖應講：「今阮確實知你犯著鬼。 亞伯拉罕 已經死，眾先知嘛死去，你哪講『遵守我的話的人永遠𣍐死』？</verse>
				<verse number="53">你豈比阮的父 亞伯拉罕 較偉大？伊已經死，眾先知嘛死去。你想你是啥人？」</verse>
				<verse number="54">耶穌應講：「我若榮耀我家己，我的榮光就無價值。榮耀我的是我的父，就是恁講『伊是阮的上帝』彼位。</verse>
				<verse number="55">恁毋識伊，毋拘我識伊。我若講我毋識伊，我就及恁仝款是白賊。毋拘我識伊，閣遵守伊的話。</verse>
				<verse number="56">恁的父 亞伯拉罕 歡喜啲聽候我來臨的日子；伊有看著，看了真歡喜。」</verse>
				<verse number="57">猶太 教的領袖對耶穌講：「你猶未五十歲，豈曾看著 亞伯拉罕 ？」</verse>
				<verse number="58">耶穌應講：「我實實在在給恁講， 亞伯拉罕 猶未出世，我已經存在。」</verse>
				<verse number="59">𪜶就提石頭欲給伊抌；毋拘耶穌閃開，離開聖殿。</verse>
			</chapter>
			<chapter number="9">
				<verse number="1">耶穌啲行路的時，看著一個出世就失明的人。</verse>
				<verse number="2">伊的門徒給伊問：「拉比，此個人出世就失明，是啥人犯罪，是伊本身抑是伊的父母？」</verse>
				<verse number="3">耶穌應講：「毋是因為此個人犯罪，嘛毋是伊的父母犯罪，是欲通過伊來顯明上帝的作為。</verse>
				<verse number="4">趁猶是日時，咱著做差我彼位的工；暗時一下到，無人會當做工。</verse>
				<verse number="5">我佇世間的時，是世間的光。」</verse>
				<verse number="6">諸個話講了，伊呸嘴涎佇土腳，用嘴涎抄土，然後用土糊彼個人的目睭，</verse>
				<verse number="7">給伊講：「你去 西羅亞池 洗。」— 西羅亞 的意思是「奉差遣」— 伊就去洗，轉來的時已經會看見。</verse>
				<verse number="8">伊的厝邊及曾看著伊以前啲做乞食的人，講：「此個豈毋是不時坐啲給人分彼個人？」</verse>
				<verse number="9">有人講：「伊就是。」閣有人講：「毋是；是親像伊。」毋拘彼個人家己講：「我就是。」</verse>
				<verse number="10">𪜶閣問伊：「你的目睭按怎會看見？」</verse>
				<verse number="11">伊應講：「叫做耶穌彼個人抄土糊我的目睭，給我講：『你去 西羅亞池 洗』；我去，一下洗，就看見。」</verse>
				<verse number="12">𪜶問伊：「彼個人佇叨位？」伊講：「我毋知。」</verse>
				<verse number="13">𪜶就導以前失明彼個人去法利賽派的人遐。</verse>
				<verse number="14">耶穌抄土來開伊的目睭彼日是安歇日。</verse>
				<verse number="15">所以，法利賽人閣一遍問伊是按怎會看見。伊給𪜶講：「伊用土糊我的目睭，我去洗，就有看見。」</verse>
				<verse number="16">有一寡法利賽人講：「此個人毋是對上帝遐來的，因為伊無守安歇日。」 閣有別個人講：「一個有罪的人哪會當行此款神跡？」𪜶中間煞起分裂。</verse>
				<verse number="17">法利賽人就問彼個失明的人：「既然伊互你的目睭有看見，你講伊是什麼人？」 伊應講：「伊是先知。」</verse>
				<verse number="18">猶太 教的領袖一直無相信伊以前失明，現在有看見，就召伊的父母來，</verse>
				<verse number="19">問𪜶講：「此個是恁講出世就失明彼個子是無？伊現在哪會看見？」</verse>
				<verse number="20">伊的父母應講：「阮知伊是阮子，嘛知伊出世就失明。</verse>
				<verse number="21">毋拘伊現在按怎會看見，阮毋知；嘛毋知什麼人互伊會看見。恁給問，伊已經大漢，家己會曉應。」</verse>
				<verse number="22">伊的父母按呢講，是因為驚 猶太 教的領袖；因為𪜶已經參詳好勢，若有人承認耶穌是基督，著給伊對會堂革出。</verse>
				<verse number="23">因為按呢，伊的父母才講：「伊已經大漢，恁給問。」</verse>
				<verse number="24">法利賽人第二遍叫彼個出世就失明的來，給伊講：「佇上帝面前著照實講。阮知此個人是有罪的人。」</verse>
				<verse number="25">伊應講：「伊是有罪的人抑毋是，我毋知。我只有知一項代誌，我前失明，今有看見。」</verse>
				<verse number="26">𪜶就問伊：「伊給你做什麼？伊按怎互你會看見？」</verse>
				<verse number="27">伊應講：「我已經給恁講啦，恁毋聽，哪欲閣聽？恁嘛想欲做伊的門徒是無？」</verse>
				<verse number="28">𪜶就給伊罵：「你才是彼個人的門徒；阮是 摩西 的門徒。</verse>
				<verse number="29">阮知上帝曾對 摩西 講話，毋拘此個人，伊對叨位來，阮毋知。」</verse>
				<verse number="30">彼個人應講：「按呢有夠奇怪！伊醫好我的目睭，恁猶久毋知伊對叨位來？</verse>
				<verse number="31">咱知上帝無聽罪人的祈求；毋拘人若敬畏上帝，實行伊的旨意，上帝就給伊聽。</verse>
				<verse number="32">對創世以來，猶毋曾聽見講有人互出世就失明的人會看見。</verse>
				<verse number="33">此個人若毋是對上帝遐來，𣍐當做此款代誌。」</verse>
				<verse number="34">𪜶就對伊講：「你出世就有罪，佇罪中大漢，閣敢欲教示阮！」𪜶就給伊革出會堂。</verse>
				<verse number="35">耶穌聽著𪜶給伊革出會堂，後來尋著伊，就給伊問：「你有信人子無？」</verse>
				<verse number="36">伊應講：「先生，什麼人是人子，我通信伊？」</verse>
				<verse number="37">耶穌對伊講：「你已經有看著伊；此陣啲及你講話的就是伊。」</verse>
				<verse number="38">伊講：「主啊，我信！」就跪落去給伊拜。</verse>
				<verse number="39">耶穌講：「我為著審判來到此世間，通互失明的看見，互目光的變做失明。」</verse>
				<verse number="40">一寡法利賽人聽著就問耶穌：「你是講阮嘛失明噢？」</verse>
				<verse number="41">耶穌應講：「恁若失明就無罪；毋拘恁講『阮是目光的』，按呢恁猶有罪。」</verse>
			</chapter>
			<chapter number="10">
				<verse number="1">「我實實在在給恁講，欲入去羊椆，無對門入，對別所在𨃟過去的，是賊，是強盜。</verse>
				<verse number="2">對門入去的才是羊的牧者。</verse>
				<verse number="3">顧門的給牧者開門；羊會認得牧者的聲。伊給家己的羊一隻一隻叫名，導𪜶出來。</verse>
				<verse number="4">伊導家己的羊出來了後，行佇羊的頭前，羊就隨伊行，因為會認得伊的聲。</verse>
				<verse number="5">𪜶一定𣍐隨生份人，顛倒會走閃，因為𪜶毋識生份人的聲。」</verse>
				<verse number="6">耶穌給𪜶講此個譬喻，毋拘𪜶毋知伊啲給𪜶講什麼。</verse>
				<verse number="7">所以，耶穌閣給𪜶講：「我實實在在給恁講，我是羊的門。</verse>
				<verse number="8">所有比我較代先來的攏是賊，是強盜，羊𣍐聽𪜶。</verse>
				<verse number="9">我是門；通過我此個門入來的，會安全，通出出入入，閣會尋著草埔。</verse>
				<verse number="10">賊來，一定是欲偷掠，欲刣，欲毀滅。我來是欲互𪜶得著活命，得甲真豐盛。</verse>
				<verse number="11">「我是好的牧者。好的牧者為著羊放拺性命。</verse>
				<verse number="12">互人倩的毋是牧者，羊毋是家己的，伊一下看著豺狼來就給羊放啲，逃走；豺狼將羊咬去，給𪜶趕散。</verse>
				<verse number="13">伊逃走，因為伊是互人倩的，無真正關心羊群。</verse>
				<verse number="14">我是好的牧者；我識我家己的羊，我的羊嘛識我。</verse>
				<verse number="15">親像父識我，我嘛識父。我為著羊放拺性命。</verse>
				<verse number="16">我猶有其他的羊無屬此個羊椆；我嘛一定著導𪜶來。𪜶會聽我的聲，嘛會成做一群，歸屬一個牧者。</verse>
				<verse number="17">「父疼我，因為我放拺家己的性命，通閣得著性命。</verse>
				<verse number="18">無人搶我的性命，是我自願放拺。我有權放拺，嘛有權提轉來。這是我對父接受的命令。」</verse>
				<verse number="19">因為耶穌所講諸個話， 猶太 人閣起分裂。</verse>
				<verse number="20">𪜶中間有真多人講：「伊犯著鬼，精神失常，哪著聽伊的話？」</verse>
				<verse number="21">另外有人講：「犯著鬼的人𣍐講諸個話。鬼豈會開失明的人的目睭？」</verse>
				<verse number="22">耶路撒冷 抵啲慶祝獻殿節，彼時是冬天。</verse>
				<verse number="23">耶穌佇聖殿的 所羅門走廊 啲行。</verse>
				<verse number="24">猶太 人給耶穌圍啲，對伊講：「你欲互阮猜疑偌久？你若是基督，著照實給阮講。」</verse>
				<verse number="25">耶穌應講：「我已經有給恁講，恁毋信。我奉我的父的名所做的代誌啲為我作證。</verse>
				<verse number="26">毋拘恁毋信，因為恁毋是我的羊。</verse>
				<verse number="27">我的羊聽我的聲，我識𪜶，𪜶隨我。</verse>
				<verse number="28">我賜𪜶永遠的活命；𪜶永遠𣍐滅亡；無人會對我的手給𪜶搶去。</verse>
				<verse number="29">將羊賜互我的父比一切較偉大；無人會當給羊對父的手搶去。</verse>
				<verse number="30">我及父是一個。」</verse>
				<verse number="31">猶太 人閣提石頭欲給伊抌。</verse>
				<verse number="32">耶穌對𪜶講：「父有叫我做真多好代誌，我攏有做互恁看，恁是為著叨一項欲用石頭給我抌？」</verse>
				<verse number="33">猶太 人應講：「阮欲用石頭給你抌，毋是因為你做的好代誌，是因為你褻瀆上帝。你不過是人，猶久自稱做上帝。」</verse>
				<verse number="34">耶穌講：「恁的律法豈毋是有記載『我講：恁是神』？</verse>
				<verse number="35">聖經的話永遠𣍐改變。既然上帝稱呼許個接受上帝的話的人做神，</verse>
				<verse number="36">按呢，我是父分別作聖，閣差遣入世間的，是按怎我講『我是上帝的子』，恁就講我褻瀆上帝？</verse>
				<verse number="37">我若毋是啲做我的父的代誌，恁毋免信我；</verse>
				<verse number="38">我若啲做父的代誌，雖然恁毋信我，嘛著信我所做的代誌，通互恁確實知父佇我內面，我佇父內面。」</verse>
				<verse number="39">𪜶閣想欲給伊掠，伊就脫出𪜶的手離開。</verse>
				<verse number="40">耶穌閣過去 約旦河 對岸，到較早 約翰 給人洗禮的所在，佇遐住。</verse>
				<verse number="41">有真多人來見耶穌，講：「雖然 約翰 無行神跡，伊所講一切關係此個人的代誌攏確實。」</verse>
				<verse number="42">佇遐有真多人信耶穌。</verse>
			</chapter>
			<chapter number="11">
				<verse number="1">有一個人叫做 拉撒路 ，破病，住佇 伯大尼 ，就是 馬利亞 及伊的阿姊 馬大 住的庄社。</verse>
				<verse number="2">此個 馬利亞 曾用芳油抹主，閣用頭毛拭伊的腳；伊的小弟 拉撒路 破病。</verse>
				<verse number="3">此兩個姊妹差人去見耶穌，講：「主啊，你所疼的人啲破病。」</verse>
				<verse number="4">耶穌聽著就講：「此個病𣍐致到死；是欲顯明上帝的榮光，通互上帝的子對此項代誌得著榮光。」</verse>
				<verse number="5">耶穌真疼 馬大 及伊的小妹，以及 拉撒路 。</verse>
				<verse number="6">伊聽著 拉撒路 破病，繼續佇彼所在住兩日。</verse>
				<verse number="7">後來，伊給門徒講：「咱閣來去 猶太 。」</verse>
				<verse number="8">門徒應講：「拉比， 猶太 人抵仔才啲尋機會欲用石頭給你抌，你豈欲閣去遐？」</verse>
				<verse number="9">耶穌講：「日時豈毋是有十二點鐘？人若佇日時行就𣍐跋倒，因為有看見此世界的光。</verse>
				<verse number="10">人若佇暗時行會跋倒，因為伊無光。」</verse>
				<verse number="11">耶穌講諸個話了，閣給𪜶講：「咱的朋友 拉撒路 睏去啦，我欲來去給伊叫醒。」</verse>
				<verse number="12">門徒講：「主啊，伊若是睏去就會好起來。」</verse>
				<verse number="13">耶穌是講 拉撒路 已經死去，毋拘𪜶想做伊真正啲睏。</verse>
				<verse number="14">所以耶穌明明給𪜶講：「 拉撒路 死去啦。</verse>
				<verse number="15">為著欲互恁信我，我無佇遐顛倒好。今，咱來去伊遐。」</verse>
				<verse number="16">彼個叫做 雙生仔 的 多馬 給門徒伴講：「咱嘛來去及伊做夥死！」</verse>
				<verse number="17">耶穌到 伯大尼 的時才知 拉撒路 已經葬佇墓內四日。</verse>
				<verse number="18">伯大尼 離 耶路撒冷 差不多三公里；</verse>
				<verse number="19">有真多 猶太 人因為 馬大 及 馬利亞 小弟的代誌來安慰𪜶。</verse>
				<verse number="20">馬大 聽著耶穌到位就出去給伊迎接； 馬利亞 猶原坐佇厝內。</verse>
				<verse number="21">馬大 給耶穌講：「主啊，你若有佇遮，我的小弟就𣍐死。</verse>
				<verse number="22">甚至現在，我知你無論對上帝求什麼，伊攏會互你！」</verse>
				<verse number="23">耶穌給伊講：「你的小弟會閣活起來。」</verse>
				<verse number="24">馬大 應講：「我知佇末日閣活的時，伊會閣活。」</verse>
				<verse number="25">耶穌給伊講：「我是閣活，是活命；信我的人雖然死，猶久會活。</verse>
				<verse number="26">所有現在啲活來信我的人永遠𣍐死。你有信無？」</verse>
				<verse number="27">馬大 應講：「主啊，我信你是基督，是彼位啲欲來世間的上帝的子。」</verse>
				<verse number="28">馬大 講諸個話了後就轉去，叫伊的小妹 馬利亞 來，私下給伊講：「老師來啦，伊啲叫你。」</verse>
				<verse number="29">馬利亞 一下聽著，趕緊起來，去耶穌遐。</verse>
				<verse number="30">彼時耶穌猶未到庄內，猶佇 馬大 去迎接伊的所在。</verse>
				<verse number="31">佇厝內啲安慰 馬利亞 的 猶太 人，看著 馬利亞 趕緊𬦰起來閣走出去，就隨伊去，想講伊欲去墓遐哭。</verse>
				<verse number="32">馬利亞 到耶穌遐，看著伊，就仆落去伊的腳前，對伊講：「主啊，你若有佇遮，我的小弟就𣍐死。」</verse>
				<verse number="33">耶穌看著伊啲哭，閣看著及伊做夥來許個 猶太 人嘛啲哭，心真悲傷激動，</verse>
				<verse number="34">問𪜶講：「恁給伊葬佇叨位？」 𪜶應講：「主啊，來去看。」</verse>
				<verse number="35">耶穌流目屎。</verse>
				<verse number="36">猶太 人講：「你看，伊赫呢疼伊！」</verse>
				<verse number="37">𪜶中間有一寡人講：「伊曾互失明的人會看見，豈𣍐當互此個人無死？」</verse>
				<verse number="38">耶穌又閣真悲傷，來到墓遐；彼個墓是一個洞穴，有一塊石塞啲。</verse>
				<verse number="39">耶穌命令，講：「給彼塊石徙開！」 死去彼個人的阿姊 馬大 給耶穌講：「主啊，伊死四日啦，已經臭啊。」</verse>
				<verse number="40">耶穌給伊講：「我豈無給你講，你若信，會看見上帝的榮光？」</verse>
				<verse number="41">𪜶就將彼塊石徙開。耶穌攑目向天講：「父啊，我感謝你，因為你已經有聽我的祈禱。</verse>
				<verse number="42">我知你不時攏有啲聽我的祈禱，毋拘我按呢講是為著徛佇周圍的群眾，通互𪜶信你有差我。」</verse>
				<verse number="43">講煞，耶穌大聲喝：「 拉撒路 ，出來！」</verse>
				<verse number="44">彼個死去的人就出來；伊的腳手紮布，面用巾仔包啲。耶穌給𪜶講：「給伊解開，互伊行！」</verse>
				<verse number="45">來探 馬利亞 的 猶太 人，有真多人看著耶穌的所做就信伊。</verse>
				<verse number="46">有一寡人去尋法利賽派的人，給𪜶報告耶穌所做的代誌。</verse>
				<verse number="47">因為按呢，許個祭司長及法利賽人召開議會，講：「此個人行即呢多神跡，咱欲按怎對付？</verse>
				<verse number="48">咱若放伊繼續按呢做，大家攏會去信伊， 羅馬 人會來毀壞咱的聖殿，閣毀滅咱的民族。」</verse>
				<verse number="49">其中有一個人叫做 該亞法 ，是彼年的大祭司，伊給𪜶講：「恁毋識半項。</verse>
				<verse number="50">恁𣍐曉想，寧可互一個人替眾人死，才免互全民族滅亡，按呢對恁是較好。」</verse>
				<verse number="51">伊按呢講毋是家己的意思，是伊做彼年的大祭司啲預言耶穌啲欲為著此個民族來死；</verse>
				<verse number="52">毋若為著此個民族，嘛欲將上帝四散的子兒聚集做一個。</verse>
				<verse number="53">對彼日起， 猶太 教的領袖計謀欲刣耶穌。</verse>
				<verse number="54">因為按呢，耶穌無閣公然佇 猶太 人的中間出入；伊離開遐，去倚近曠野的所在，到一個叫做 以法蓮 的城，及伊的門徒佇遐住。</verse>
				<verse number="55">猶太 人的𨃟過節啲欲到。節期前，有真多人對鄉村來到 耶路撒冷 欲守潔淨禮。</verse>
				<verse number="56">𪜶啲尋耶穌，徛佇聖殿內互相問講：「恁想按怎？伊一定𣍐來過節乎？」</verse>
				<verse number="57">因為許個祭司長及法利賽人有發命令，若有人知耶穌佇叨位，著來報告，互𪜶通去給伊掠。</verse>
			</chapter>
			<chapter number="12">
				<verse number="1">𨃟過節的六日前，耶穌去 伯大尼 ，就是耶穌互彼個對死閣活的 拉撒路 住的所在。</verse>
				<verse number="2">有人佇遐為著耶穌準備暗頓。 馬大 啲招待； 拉撒路 是及耶穌仝桌的一個。</verse>
				<verse number="3">馬利亞 提一罐純的高貴哪噠芳油來抹耶穌的腳，閣用家己的頭毛給伊拭；油的芳味互歸厝內芳貢貢。</verse>
				<verse number="4">耶穌的一個門徒，就是後來出賣耶穌彼個 以斯加略 的 猶大 ，講：</verse>
				<verse number="5">「哪毋提此個芳油去賣三百個銀仔來賑濟散赤人？」</verse>
				<verse number="6">伊按呢講毋是伊關心散赤人，是因為伊是賊，閣常常偷提伊啲管理的公款。</verse>
				<verse number="7">耶穌講：「毋通給伊擋！此個芳油是伊為著我埋葬的日準備的。</verse>
				<verse number="8">不時有散赤人及恁做夥，不過我𣍐不時及恁做夥。」</verse>
				<verse number="9">有一大群 猶太 人聽著耶穌佇 伯大尼 就去遐；𪜶毋若為著欲看耶穌，嘛想欲看耶穌互伊對死閣活彼個 拉撒路 。</verse>
				<verse number="10">所以，諸個祭司長計謀連 拉撒路 亦欲給伊刣，</verse>
				<verse number="11">因為有真多 猶太 人為著 拉撒路 的緣故離開𪜶去信耶穌。</verse>
				<verse number="12">隔日，來過節的一大群人聽著耶穌欲來 耶路撒冷 ，</verse>
				<verse number="13">就攑棕樹枝出去迎接，喝講： 和散那！ 奉主的名來彼位應該受稱讚！ 以色列 的王應該受稱讚！</verse>
				<verse number="14">耶穌看著一隻驢仔子，就牽來騎。照聖經所記載：</verse>
				<verse number="15">錫安 的婦仁人啊，毋免驚！ 看，恁的王騎驢仔子啲來啦！</verse>
				<verse number="16">伊的門徒原來𣍐了解此項代誌，毋拘耶穌得著榮光的時，𪜶才想著聖經所記載此項代誌是啲指耶穌；代誌嘛照按呢發生佇伊身上。</verse>
				<verse number="17">耶穌叫 拉撒路 出墓互伊對死閣活彼時，及耶穌做夥佇遐彼群人有繼續啲做見證。</verse>
				<verse number="18">眾人嘛出去迎接耶穌，因為𪜶有聽著伊行此個神跡。</verse>
				<verse number="19">法利賽派的人就互相講：「咱較做嘛無採工。恁看，全世界攏隨伊去啦！」</verse>
				<verse number="20">節期中去 耶路撒冷 朝拜的有幾若個 希臘 人。</verse>
				<verse number="21">諸個人來見 加利利 的 伯賽大 人 腓力 ，給伊講：「先生，阮愛見耶穌。」</verse>
				<verse number="22">腓力 去給 安得烈 講， 安得烈 及 腓力 就做夥去給耶穌講。</verse>
				<verse number="23">耶穌應講：「人子得著榮光的時到啦。</verse>
				<verse number="24">我實實在在給恁講，一粒麥仔若無落地死，猶原是一粒若定；若死，就結真多麥仔。</verse>
				<verse number="25">疼惜家己的性命的，會喪失性命；佇此世間甘願犧牲家己的性命的，會保守性命直到永遠活。</verse>
				<verse number="26">人若欲服事我，著隨我；我佇叨位，服事我的人嘛會佇遐。人若服事我，我的父會給伊尊重。」</verse>
				<verse number="27">「此陣，我的心亂操操，我欲講什麼？豈欲講『父啊，救我脫出此個時刻』？毋是。我是為著此個時刻才來。</verse>
				<verse number="28">父啊，願你榮耀你的名。」 然後有聲對天頂來，講：「我已經有榮耀我的名，欲閣再榮耀。」</verse>
				<verse number="29">徛佇遐的群眾聽著此個聲，想講「雷啲彈」；嘛有人講「天使有對伊講話」。</verse>
				<verse number="30">耶穌應講：「此個聲毋是為著我，是欲互恁聽的。</verse>
				<verse number="31">現在是此個世間受審判的時；現在此世間的統治者啲欲受推翻。</verse>
				<verse number="32">我對地上受舉起的時，會吸引萬民歸倚我。」</verse>
				<verse number="33">耶穌按呢講是表明伊啲欲按怎死。</verse>
				<verse number="34">群眾應伊講：「阮聽著律法有記載，基督永遠存在。你哪會講人子著受舉起？此個人子是什麼人？」</verse>
				<verse number="35">耶穌對𪜶講：「光猶會佇恁中間一時仔久。恁著趁有光的時繼續行，才𣍐互烏暗遮蓋。佇烏暗中啲行的人毋知會行去叨位。</verse>
				<verse number="36">趁有光的時，恁著信光，互恁通成做光明的人。」 諸個話講煞，耶穌離開𪜶，匿起來。</verse>
				<verse number="37">雖然耶穌佇𪜶面前有行赫多神跡，𪜶猶毋信伊。</verse>
				<verse number="38">這是欲應驗先知 以賽亞 的話，講： 主啊，什麼人信阮所傳的信息？ 主的權能有對什麼人顯示？</verse>
				<verse number="39">𪜶𣍐當相信的原因， 以賽亞 有閣按呢講：</verse>
				<verse number="40">上帝互𪜶的目睭𣍐看見， 互𪜶的心硬， 才免𪜶的目睭看見， 𪜶的心明白，來歸向我， 我就給𪜶醫好。</verse>
				<verse number="41">以賽亞 按呢講，是因為伊有看見耶穌的榮耀，才講關係伊的代誌。</verse>
				<verse number="42">雖然是按呢，猶久有真多 猶太 人的領袖信耶穌；不過因為𪜶驚法利賽人，毋敢公開承認，才免受革出會堂。</verse>
				<verse number="43">𪜶愛人的稱讚贏過上帝的稱讚。</verse>
				<verse number="44">耶穌大聲喝：「信我的人毋是信我，是信差我來彼位。</verse>
				<verse number="45">看見我就是看見差我來彼位。</verse>
				<verse number="46">我作光來到此世間，是欲互信我的人攏𣍐𫢶佇烏暗。</verse>
				<verse number="47">聽我的話無遵守的人，我𣍐給伊審判。因為我毋是來欲審判世間人，是欲拯救世間人。</verse>
				<verse number="48">拒絕我，毋接受我的話的人，有一個審判者會給伊審判。佇末日，我所講的話會給伊審判。</verse>
				<verse number="49">因為我毋是照家己的意思講，是照差我來的父互我的命令才講什麼，傳什麼。</verse>
				<verse number="50">我知伊的命令會互人得著永遠的活命。所以，我講的攏是照父給我講的。」</verse>
			</chapter>
			<chapter number="13">
				<verse number="1">𨃟過節前，耶穌知伊離開此世間轉去父遐的時間已經到。伊一直有疼此世間屬伊家己的人，就疼𪜶到底。</verse>
				<verse number="2">耶穌及伊的門徒啲食暗頓的時，魔鬼已經將出賣耶穌的意思下佇 以斯加略 西門 的子 猶大 的心。</verse>
				<verse number="3">耶穌知父已經將一切交佇伊的手，嘛知家己對上帝遐來，欲閣轉去上帝遐，</verse>
				<verse number="4">就離開桌，褪外衫，提一條巾仔縖佇腰裡，</verse>
				<verse number="5">然後將水倒佇水盆，給門徒洗腳，閣用縖佇腰裡的巾仔給𪜶拭。</verse>
				<verse number="6">伊洗到 西門‧彼得 遐， 彼得 給伊講：「主啊，你欲給我洗腳噢？」</verse>
				<verse number="7">耶穌應講：「我啲做的，你現在毋知，後來就會明白。」</verse>
				<verse number="8">彼得 給伊講：「你絕對𣍐用得給我洗腳。」耶穌應講：「我若無給你洗腳，你就及我無關係。」</verse>
				<verse number="9">西門‧彼得 給伊講：「主啊，毋若腳，連手及頭殼嘛給我洗。」</verse>
				<verse number="10">耶穌給伊講：「人身軀洗了，歸身軀攏清氣；干焦洗腳就好。恁已經清氣，毋拘毋是逐個攏按呢。」</verse>
				<verse number="11">因為耶穌知什麼人啲欲給伊出賣，所以才講「恁毋是逐個攏清氣」。</verse>
				<verse number="12">耶穌給𪜶洗腳了後，穿外衫，倒轉去伊的坐位。伊問𪜶講：「恁豈有明白我對恁所做的？</verse>
				<verse number="13">恁稱呼我『老師』，嘛稱呼我『主』；恁按呢稱呼真著，因為我就是。</verse>
				<verse number="14">我作主，作老師，都給恁洗腳，恁嘛著互相洗腳。</verse>
				<verse number="15">我有留模樣互恁，是欲互恁通照我對恁所做的去做。</verse>
				<verse number="16">我實實在在給恁講，僕人𣍐比主人較大；奉差派的嘛𣍐比差派伊的較大。</verse>
				<verse number="17">既然恁明白此個事，若去實行就真有福氣。</verse>
				<verse number="18">「我毋是指恁全體啲講；我認識我所揀選的。不過這是欲互聖經所講『及我做夥食飯的人竟然背逆我』此句話會應驗。</verse>
				<verse number="19">今代誌猶未發生，我先給恁講，互恁佇代誌發生的時通信我就是彼位『自有永有』的。</verse>
				<verse number="20">我實實在在給恁講，接納我所差的就是接納我；接納我的就是接納差我彼位。」</verse>
				<verse number="21">耶穌講諸個話了後，心內非常激動，就明明講：「我實實在在給恁講，恁中間有一個人欲給我出賣。」</verse>
				<verse number="22">門徒你看我我看你，毋知伊是啲講什麼人。</verse>
				<verse number="23">門徒中間有一個是耶穌所疼的，伊坐佇耶穌的身邊。</verse>
				<verse number="24">西門‧彼得 就向彼個門徒點頭表示，叫伊問看耶穌是啲講什麼人。</verse>
				<verse number="25">彼個門徒就撐倚耶穌，給伊問：「主啊，是什麼人？」</verse>
				<verse number="26">耶穌應講：「我欲搵此塊餅提互一個人，彼個人就是。」伊就提彼塊餅搵醬，然後提互 以斯加略 西門 的子 猶大 。</verse>
				<verse number="27">伊一下接著彼塊餅，撒旦就入伊的心。耶穌給 猶大 講：「你想欲做的，趕緊去做！」</verse>
				<verse number="28">同坐桌的人無一個知是按怎耶穌給伊講此句話。</verse>
				<verse number="29">因為 猶大 是管錢的，有人想做耶穌是啲叫伊去買守節欲用的物，抑是叫伊去賑濟散赤人。</verse>
				<verse number="30">猶大 接彼塊餅了後隨時出去。彼時是暗時。</verse>
				<verse number="31">猶大 出去了後，耶穌講：「今人子已經得著榮光；上帝嘛通過人子得著榮光。</verse>
				<verse number="32">既然上帝通過人子得著榮光，上帝家己嘛欲榮耀人子，閣欲隨時互伊得著榮光。</verse>
				<verse number="33">細子，我及恁做夥賰無偌久啦。恁會尋我，照我曾給 猶太 人講，今我給恁講：『我欲去的所在，恁𣍐當去。』</verse>
				<verse number="34">我互恁一條新的誡命：恁著相疼；照我疼恁按呢，恁嘛著相疼。</verse>
				<verse number="35">恁若相疼，眾人會對這來知恁是我的門徒。」</verse>
				<verse number="36">西門‧彼得 問耶穌：「主啊，你欲去叨位？」 耶穌應講：「我欲去的所在，你現在𣍐當隨我去，不過後來會隨我去。」</verse>
				<verse number="37">彼得 講：「主啊，是按怎我現在𣍐當隨你去？我甘願為著你放拺性命！」</verse>
				<verse number="38">耶穌應講：「你欲為著我放拺性命噢？我實實在在給你講，雞啼以前，你會三遍毋認我。」</verse>
			</chapter>
			<chapter number="14">
				<verse number="1">耶穌閣講：「恁的心毋通著急不安。著信上帝，嘛著信我。</verse>
				<verse number="2">佇我的父的厝有真多房間，我去是欲給恁準備所在。若毋是按呢，我𣍐給恁講此個代誌。</verse>
				<verse number="3">我去給恁備辦所在了後，會閣來導恁去我遐；我佇遐，恁嘛會佇遐。</verse>
				<verse number="4">我欲去的彼條路，恁知。」</verse>
				<verse number="5">多馬 給耶穌講：「主啊，阮都毋知你欲去叨位，欲哪會知彼條路？」</verse>
				<verse number="6">耶穌給伊講：「我就是道路、真理、活命。若毋是通過我，無人會當去父遐。</verse>
				<verse number="7">恁若識我，嘛會識我的父。對今以後，恁識伊，因為恁已經有看見伊。」</verse>
				<verse number="8">腓力 給耶穌講：「主啊，將父顯示互阮看，阮就滿足。」</verse>
				<verse number="9">耶穌應講：「 腓力 ，我及恁做夥即呢久，你猶毋識我噢？看見我，就是看見父。你哪會講『將父顯示互阮看』？</verse>
				<verse number="10">我佇父內面，父嘛佇我內面，你無信是無？我給恁講的話毋是出佇我家己，是𫢶佇我內面的父啲做伊家己的代誌。</verse>
				<verse number="11">著信我佇父內面，父佇我內面；若無，嘛著因為我所做的代誌來信。</verse>
				<verse number="12">我實實在在給恁講：信我的人會做我所做的事，甚至會做閣較大的，因為我欲去父遐。</verse>
				<verse number="13">恁奉我的名無論求什麼，我一定會給恁做，通互父對子得著榮光。</verse>
				<verse number="14">恁若奉我的名無論求什麼，我一定會給恁做。」</verse>
				<verse number="15">「恁若疼我，就會遵守我的命令。</verse>
				<verse number="16">我欲對父求，伊會賜恁另外一位慰助者，通及恁永遠同在。</verse>
				<verse number="17">伊是真理的神，世間人𣍐當接受的，因為𪜶無看見伊，嘛毋識伊。毋拘恁識伊，因為伊及恁同在，會繼續佇恁內面。</verse>
				<verse number="18">「我𣍐放恁做孤兒；我會閣倒轉來恁遮。</verse>
				<verse number="19">閣無偌久，世間人𣍐閣看見我，不過恁會看見我，因為我活，恁嘛會活。</verse>
				<verse number="20">到彼日，恁會知我佇我的父內面，恁佇我內面，我嘛佇恁內面。</verse>
				<verse number="21">「接受我的命令閣遵守的就是疼我的人。疼我的，我的父會疼伊；我嘛會疼伊，閣將本身顯現互伊看。」</verse>
				<verse number="22">猶大 — 毋是彼個 以斯加略 — 問耶穌：「主啊，是按怎你欲將本身對阮顯現，毋對世間人顯現？」</verse>
				<verse number="23">耶穌應講：「疼我的人會遵守我的話。我的父會疼伊；我的父及我會來伊遐，及伊做夥住。</verse>
				<verse number="24">無疼我的人𣍐遵守我的話。恁所聽見的毋是我家己的話，是差我來的父的話。</verse>
				<verse number="25">「我猶及恁做夥的時，已經有將諸個話給恁講。</verse>
				<verse number="26">毋拘慰助者，就是父用我的名欲差來的聖神，會將一切的代誌教示恁，嘛會互恁會記得我給恁講一切的話。</verse>
				<verse number="27">「我將平安 留互恁；我將我的平安賜互恁。我賜互恁的及此世間啲互人的無仝款。恁的心毋通著急不安，嘛毋通驚惶。</verse>
				<verse number="28">恁已經有聽見我給恁講：『我去，欲閣轉來恁遮。』恁若有疼我，會因為我欲去父遐來歡喜，因為父比我較大。</verse>
				<verse number="29">今代誌猶未發生，我先給恁講，互恁佇代誌發生的時通信。</verse>
				<verse number="30">我𣍐閣及恁講真多話，因為此世界的統治者啲來啦。伊絕對𣍐當對我做什麼，</verse>
				<verse number="31">毋拘欲互世間人知我疼父，有照父的命令去做。 「起來，咱來去。」</verse>
			</chapter>
			<chapter number="15">
				<verse number="1">「我是真的葡萄樹，我的父是種葡萄的。</verse>
				<verse number="2">連佇我閣無結果子的枝，伊就給伊剪起來；有結果子的枝，伊就給伊修剪，互伊結較多果子。</verse>
				<verse number="3">我對恁講的話已經互恁清氣啦。</verse>
				<verse number="4">恁著不時及我結連，我就不時及恁結連。枝無連佇葡萄樹，家己𣍐結果子；恁若無及我結連嘛是按呢。</verse>
				<verse number="5">「我是葡萄樹，恁是枝。及我結連，我嘛及伊結連的，會結真多果子，因為無我，恁𣍐當做什麼。</verse>
				<verse number="6">人若無及我結連，會親像焦去的枝互人㧒出去外面，拾歸堆，㧒落火燒。</verse>
				<verse number="7">恁若及我結連，我的話佇恁內面，恁無論愛什麼，求就給恁實現。</verse>
				<verse number="8">恁若結真多果子，表示恁是我的門徒，我的父會因為按呢得著榮光。</verse>
				<verse number="9">親像父有疼我，我嘛有疼恁，恁著不時𫢶佇我的疼內面。</verse>
				<verse number="10">恁若遵守我的命令，恁會不時𫢶佇我的疼內面，親像我有遵守我的父的命令，不時𫢶佇伊的疼內面。</verse>
				<verse number="11">「我給恁講諸個代誌，是欲互我的歡喜佇恁內面，閣互恁的歡喜滿滿。</verse>
				<verse number="12">親像我有疼恁，恁著相疼；這是我的命令。</verse>
				<verse number="13">人為著朋友犧牲性命，無比這較大的疼。</verse>
				<verse number="14">恁若遵守我的命令就是我的朋友。</verse>
				<verse number="15">我無閣叫恁做僕人，因為僕人毋知主人啲做什麼；今我已經叫恁做朋友，因為我對我的父所聽著的攏有給恁講啦。</verse>
				<verse number="16">毋是恁揀選我，是我揀選恁，閣任命恁，互恁去結果子，互恁的果子會當永遠保存。按呢，恁奉我的名無論對父求什麼，伊會互恁。</verse>
				<verse number="17">這是我互恁的命令：恁著彼此相疼。」</verse>
				<verse number="18">「世間人若怨恨恁，著知𪜶怨恨恁以前先怨恨我啦。</verse>
				<verse number="19">恁若屬此世間，世間人會看恁做家己的人給恁疼。不過我已經對世間給恁揀選出來，恁毋是屬此世間，因為按呢世間人怨恨恁。</verse>
				<verse number="20">著會記得我給恁講的話：『僕人𣍐比主人較大。』世間人若迫害我，嘛會迫害恁；𪜶若遵守我的話，嘛會遵守恁的話。</verse>
				<verse number="21">不過為著我的緣故，𪜶會對恁做諸個攏總的代誌，因為𪜶毋識差我來彼位。</verse>
				<verse number="22">我若無來，無給𪜶講，𪜶就無罪；不過𪜶現在無法度為著家己的罪辯解。</verse>
				<verse number="23">怨恨我的人嘛怨恨我的父。</verse>
				<verse number="24">我佇𪜶中間若無做別人毋曾做的代誌，𪜶就無罪；現在𪜶有看著我的所做，猶久怨恨我及我的父。</verse>
				<verse number="25">這是欲實現𪜶的律法所記載的話：『𪜶無緣無故怨恨我。』</verse>
				<verse number="26">「我欲對父遐差一位慰助者來恁遮，伊就是對父遐來彼位啟示真理的神，伊來的時會為著我作證。</verse>
				<verse number="27">恁嘛著為著我作證，因為恁對開始就及我做夥。」</verse>
			</chapter>
			<chapter number="16">
				<verse number="1">「我已經有將諸個代誌給恁講，是欲互恁的信心𣍐搖動。</verse>
				<verse number="2">人會給恁趕出會堂；時啲欲到，欲刣恁的人攏會想講𪜶是啲服事上帝。</verse>
				<verse number="3">𪜶會做諸個代誌，是因為𪜶毋識父，嘛毋識我。</verse>
				<verse number="4">毋拘我已經有將諸個代誌給恁講，是欲互恁時到會記得我有給恁講。」 「我無對起頭就將諸個代誌給恁講，是因為我一直攏有及恁做夥。</verse>
				<verse number="5">現在我啲欲轉去差我來彼位遐，恁中間無人問我『你欲去叨位？』</verse>
				<verse number="6">我將諸個代誌給恁講，恁煞滿心憂悶。</verse>
				<verse number="7">不過，我著將實情給恁講：我去，是對恁有利益，因為我若無去，慰助者就𣍐來恁遮；我若去，我會差伊來恁遮。</verse>
				<verse number="8">伊來的時，會給世間人指證𪜶對罪，對義，對審判的觀念有錯誤。</verse>
				<verse number="9">對罪，因為𪜶毋信我；</verse>
				<verse number="10">對義，因為我啲欲去父遐，恁𣍐閣看見我；</verse>
				<verse number="11">對審判，因為此世間的統治者已經受審判。</verse>
				<verse number="12">「我猶有真多代誌欲給恁講，毋拘恁現在猶𣍐當了解。</verse>
				<verse number="13">真理的神來的時，伊會導恁了解一切的真理。伊𣍐照家己的意思講，會照所聽見的來講，嘛會給恁傳達啲欲來的事。</verse>
				<verse number="14">伊會將榮耀歸互我，因為伊會將我交代伊的給恁傳達。</verse>
				<verse number="15">我的父所有的攏是我的；因為按呢，我才講聖神會將我交代伊的給恁傳達。」</verse>
				<verse number="16">「閣無偌久，恁𣍐閣看見我；又閣無偌久，恁會閣看見我。」</verse>
				<verse number="17">有幾若個門徒講來講去：「伊給咱講『閣無偌久，恁𣍐閣看見我；又閣無偌久，恁會閣看見我』，閣講『因為我啲欲去父遐』，諸個話是什麼意思？」</verse>
				<verse number="18">所以𪜶一直問：「伊所講『閣無偌久』是什麼意思？咱毋知伊啲講什麼。」</verse>
				<verse number="19">耶穌知𪜶愛欲問伊，就給𪜶講：「恁因為我講『閣無偌久，恁𣍐閣看見我；又閣無偌久，恁會閣看見我』啲問來問去是無？</verse>
				<verse number="20">我實實在在給恁講，恁會啼哭哀傷，毋拘世間人會歡喜；恁會憂愁，毋拘恁的憂愁會變做歡喜。</verse>
				<verse number="21">產婦生子的時有憂愁，因為產期已經到；嬰仔一下出世就無閣記得生產的痛苦，伊會因為嬰仔已經出世佇世間來歡喜。</verse>
				<verse number="22">親像按呢，現在恁有憂愁，不過我會閣見著恁，恁的心就會歡喜；恁的歡喜無人會給恁搶去。</verse>
				<verse number="23">「佇彼日，恁𣍐閣給我問什麼。我實實在在給恁講：恁奉我的名無論對父求什麼，伊會賜互恁。</verse>
				<verse number="24">到現在，恁猶毋曾奉我的名求什麼。恁著求，就會得著，通互恁的歡喜滿滿。」</verse>
				<verse number="25">「諸個代誌我已經用譬喻給恁講啦。時啲欲到，我𣍐閣再用譬喻，會明明對恁講起父的事。</verse>
				<verse number="26">佇彼日，恁會奉我的名祈求；我並無給恁講我會替恁對父懇求。</verse>
				<verse number="27">父本身疼恁，因為恁有疼我，閣有信我是對上帝遐來的。</verse>
				<verse number="28">我對父遐出來，來到世間；現在我欲離開世間，轉去父遐。」</verse>
				<verse number="29">伊的門徒講：「現在你明明講，無閣用譬喻來講。</verse>
				<verse number="30">今阮知你無所不知，無需要人給你問；因為按呢阮信你是對上帝遐來的。」</verse>
				<verse number="31">耶穌應講：「此陣恁有信無？</verse>
				<verse number="32">恁看，時啲欲到，今已經到，恁會分散，逐個人攏轉去家己的所在，放我家己一個。其實我毋是家己一個，因為有父及我同在。</verse>
				<verse number="33">我有將諸個代誌給恁講，是欲互恁佇我內面有平安。佇世間恁有苦難，毋拘著勇敢，我已經較贏世間。」</verse>
			</chapter>
			<chapter number="17">
				<verse number="1">耶穌講諸個話了後，攑目向天講：「父啊，時已經到，願你榮耀你的子，互子通榮耀你。</verse>
				<verse number="2">你有將統治萬民的權柄賜互子，互伊通將永遠的活命賜互一切你交代伊的人。</verse>
				<verse number="3">永遠的活命就是：認識你是獨一真神，閣認識你差來的耶穌基督。</verse>
				<verse number="4">我已經佇地上有完成你交代我的工作來榮耀你。</verse>
				<verse number="5">父啊，現在求你互我佇你面前得著榮光，就是創世以前我及你已經有的榮光。</verse>
				<verse number="6">「你對此世間揀出來互我的人，我已經有將你對𪜶顯明。𪜶是你的，你有將𪜶互我；𪜶已經有遵守你的話。</verse>
				<verse number="7">現在𪜶知，你互我的逐項攏是對你來的。</verse>
				<verse number="8">因為我有將你互我的信息互𪜶；𪜶已經接受閣真正知我對你遐來，閣有信你差我。</verse>
				<verse number="9">「我為著𪜶祈求，毋是為著世間人，是為著你互我的人祈求，因為𪜶是你的。</verse>
				<verse number="10">我所有的一切攏是你的，你所有的嘛是我的；我有通過𪜶得著榮光。</verse>
				<verse number="11">我無閣𫢶此世間；不過𪜶猶𫢶佇此世間。聖的父啊，求你用你互我的名保守𪜶，通互𪜶成做一個，親像咱是一個。</verse>
				<verse number="12">我及𪜶做夥的時，我有用你互我的名保守𪜶。我有保護𪜶，除去註定滅亡彼個人以外，一個嘛𣍐滅亡，通互聖經的話應驗。</verse>
				<verse number="13">現在我啲欲去你遐；我猶佇此世間講諸個話，是欲互𪜶心內充滿我的歡喜。</verse>
				<verse number="14">我有將你的話互𪜶；世間人怨恨𪜶，因為𪜶毋是屬此世間，親像我毋是屬此世間。</verse>
				<verse number="15">我毋是求你導𪜶離開此世間，是求你保守𪜶脫離彼個邪惡者。</verse>
				<verse number="16">𪜶毋是屬此世間，親像我毋是屬此世間。</verse>
				<verse number="17">求你用真理給𪜶聖化。你的話就是真理。</verse>
				<verse number="18">親像你有差我入世間，我嘛差𪜶入世間。</verse>
				<verse number="19">為著𪜶的緣故，我家己分別作聖互你用，互𪜶嘛通通過真理分別作聖互你用。</verse>
				<verse number="20">「我毋若為著你對世間揀出來互我許個人祈求，嘛為著對𪜶所講的話來信我許個人祈求，</verse>
				<verse number="21">通互𪜶攏總成做一個。父啊，親像你佇我內面，我嘛佇你內面，求你互𪜶佇咱內面，通互世間人信是你差我來。</verse>
				<verse number="22">你互我的榮光，我嘛有互𪜶，通互𪜶成做一個，親像咱是一個。</verse>
				<verse number="23">我佇𪜶內面，你佇我內面，是欲互𪜶完全成做一個，通互世間人知是你差我來，嘛知你疼𪜶，親像你有疼我。</verse>
				<verse number="24">「父啊，你所互我許個人，我佇叨位，我嘛愛𪜶及我做夥佇遐，通互𪜶看見你賜互我的榮光，因為你佇創世以前已經疼我。</verse>
				<verse number="25">公義的父啊，世間人毋識你，毋拘我識你；諸個人知你已經有差遣我。</verse>
				<verse number="26">我已經有互𪜶識你的名，嘛欲繼續互𪜶識，通互你對我的疼佇𪜶內面，我嘛佇𪜶內面。」</verse>
			</chapter>
			<chapter number="18">
				<verse number="1">耶穌祈禱煞，就及伊的門徒出去，過去 汲淪溪 的彼旁。佇遐有一坵園，耶穌及伊的門徒入去。</verse>
				<verse number="2">出賣耶穌的 猶大 嘛知彼所在，因為耶穌及伊的門徒常常佇遐聚集。</verse>
				<verse number="3">所以 猶大 就導一隊 羅馬 兵，以及祭司長及法利賽派的人所派聖殿的警衛去到遐，手攑燈、火把，及武器。</verse>
				<verse number="4">耶穌知伊所欲抵著一切的代誌，就行進前，對𪜶講：「恁啲尋什麼人？」</verse>
				<verse number="5">𪜶應講：「 拿撒勒 人耶穌。」 耶穌講：「我就是。」 出賣耶穌的 猶大 嘛及𪜶徛做夥。</verse>
				<verse number="6">耶穌一下給𪜶講「我就是」，𪜶就倒退，倒落去土腳。</verse>
				<verse number="7">耶穌閣一遍問𪜶：「恁啲尋什麼人？」 𪜶應講：「 拿撒勒 人耶穌。」</verse>
				<verse number="8">耶穌講：「我已經給恁講我就是。恁若是啲尋我，諸個人著放𪜶去。」</verse>
				<verse number="9">此個話是欲應驗伊以前所講的：「你所互我的人，一個都𣍐滅亡。」</verse>
				<verse number="10">西門‧彼得 有帶一支刀，就拔出來，對大祭司的僕人刜落去，給伊正旁的耳仔削起來；彼個僕人的名叫做 馬勒古 。</verse>
				<verse number="11">耶穌給 彼得 講：「刀收入鞘！父所互我的苦杯，我豈會當無飲？」</verse>
				<verse number="12">後來，彼隊 羅馬 兵及隊長，以及 猶太 人的警衛掠耶穌，給伊縛起來。</verse>
				<verse number="13">𪜶先給伊押去互 亞那 ，因為 亞那 是彼年的大祭司 該亞法 的丈人。</verse>
				<verse number="14">此個 該亞法 以前曾對 猶太 教當局建議，講「寧可互一個人替眾人死是較好」。</verse>
				<verse number="15">西門‧彼得 及另外一個門徒隨耶穌去；彼個門徒及大祭司有熟似，所以隨耶穌入去大祭司公館的內面埕，</verse>
				<verse number="16">毋拘 彼得 徛佇門口。及大祭司熟似彼個門徒出來，給顧門的女婢講一下，就導 彼得 入去。</verse>
				<verse number="17">顧門的女婢對 彼得 講：「你嘛是彼個人的門徒乎？」 伊講：「我毋是！」</verse>
				<verse number="18">因為天氣冷，許個僕人及警衛燒火炭，徛啲烘燒； 彼得 嘛及𪜶做夥徛啲烘。</verse>
				<verse number="19">大祭司審問耶穌關係伊的門徒及伊的教訓的代誌。</verse>
				<verse number="20">耶穌應講：「我攏公開對世間人講話。我常常佇 猶太 人聚集的會堂及聖殿內教示人；我毋曾祕密講。</verse>
				<verse number="21">你是按怎審問我？你去問曾聽我講話的人，看我對𪜶講什麼，𪜶知我所講的。」</verse>
				<verse number="22">耶穌講了，徛佇邊仔的一個警衛給伊搧嘴䩃，講：「你敢按呢應大祭司？」</verse>
				<verse number="23">耶穌應伊講：「我若講毋著，你著指出錯誤；若講著，是按怎給我拍？」</verse>
				<verse number="24">然後 亞那 將互人縛啲的耶穌押去互大祭司 該亞法 。</verse>
				<verse number="25">西門‧彼得 猶徛啲烘火。有人問伊：「你嘛是彼個人的門徒乎？」 彼得 毋認，講：「我毋是！」</verse>
				<verse number="26">大祭司的一個僕人，是耳仔互 彼得 削起來彼個人的親成，對伊講：「我豈毋是有看著你及伊佇園內？」</verse>
				<verse number="27">彼得 閣再毋認；彼時，雞隨時啼。</verse>
				<verse number="28">透早， 猶太 人的領袖將耶穌對 該亞法 遐押去總督府；𪜶家己無入去，因為驚沐著垃墋煞𣍐當食𨃟過節的晚餐。</verse>
				<verse number="29">所以， 彼拉多 出來見𪜶，問𪜶講：「恁告此個人什麼罪？」</verse>
				<verse number="30">𪜶應講：「此個人若無做歹代誌，阮𣍐給伊交互你。」</verse>
				<verse number="31">彼拉多 給𪜶講：「恁家己去辦，照恁的律法給伊審判。」 𪜶對伊講：「阮無權給人判死刑。」</verse>
				<verse number="32">這是欲應驗耶穌以前所講的話，表示伊啲欲按怎死。</verse>
				<verse number="33">彼拉多 閣入去總督府，召耶穌來，問伊講：「你是 猶太 人的王是無？」</verse>
				<verse number="34">耶穌應講：「你按呢問我是你家己的意思，抑是聽著別人給你講我的代誌？」</verse>
				<verse number="35">彼拉多 講：「我豈是 猶太 人？你本族的人及祭司長將你交互我。你有做什麼代誌？」</verse>
				<verse number="36">耶穌應講：「我的國度毋是屬此世間。我的國度若屬此世間，我的部下會為我爭戰，免致到我受出賣互 猶太 人的領袖。其實，我的國度毋是屬此世間。」</verse>
				<verse number="37">彼拉多 就問伊講：「按呢你是王囉？」 耶穌應講：「你講我是王。我為著此個出世，為著此個來世間，是欲為真理作證。屬真理的人攏會聽我的聲。」</verse>
				<verse number="38">彼拉多 問伊講：「什麼是真理？」 講煞， 彼拉多 就閣出去外面對𪜶講：「我查𣍐出伊有什麼罪。</verse>
				<verse number="39">恁有一個慣例，佇𨃟過節我著放一個犯人互恁。按呢，恁愛我放 猶太 人的王互恁無？」</verse>
				<verse number="40">𪜶閣大聲喝：「毋是此個人，阮愛 巴拉巴 ！」 巴拉巴 是一個暴徒。</verse>
			</chapter>
			<chapter number="19">
				<verse number="1">後來， 彼拉多 叫人導耶穌出去用鞭給伊拍。</verse>
				<verse number="2">許個兵用刺仔編一頂王冠給伊戴佇頭殼頂，閣給伊幔一領紫色的長袍。</verse>
				<verse number="3">𪜶倚去，對伊講：「 猶太 人的王萬歲！」然後給伊搧嘴䩃。</verse>
				<verse number="4">彼拉多 閣出來外面，對許個 猶太 人講：「恁看，我導伊出來互恁，互恁知我查𣍐出伊有罪。」</verse>
				<verse number="5">耶穌就出來，戴刺仔的王冠，幔紫色的長袍。 彼拉多 給𪜶講：「看，此個人！」</verse>
				<verse number="6">祭司長及聖殿的警衛看著耶穌就大聲喝：「給釘十字架！給釘十字架！」 彼拉多 對𪜶講：「恁家己給伊導去釘十字架，因為我查𣍐出伊有罪。」</verse>
				<verse number="7">許個 猶太 人應講：「阮有律法，照律法伊應該死，因為伊封家己做上帝的子。」</verse>
				<verse number="8">彼拉多 聽著𪜶按呢講就愈驚。</verse>
				<verse number="9">伊閣入去總督府，問耶穌講：「你對叨位來？」 毋拘耶穌無給伊應。</verse>
				<verse number="10">彼拉多 對伊講：「你毋給我講噢？豈毋知我有權通放你，嘛有權給你釘十字架？」</verse>
				<verse number="11">耶穌應講：「若毋是上帝賜你權柄，你無權通辦我。因為按呢，給我交互你彼個人，伊的罪閣較重。」</verse>
				<verse number="12">彼拉多 聽著此個話愈想欲放耶穌，毋拘許個 猶太 人一直喝講：「你若放此個人，你就毋是 羅馬 皇帝凱撒的朋友。無論什麼人封家己作王就是背叛凱撒。」</verse>
				<verse number="13">彼拉多 聽著諸個話就導耶穌出來，家己坐佇審判席。彼個所在叫做「鋪石地」，希伯來話叫做 加巴大 。</verse>
				<verse number="14">彼日是𨃟過節的前日，時間差不多中晝。 彼拉多 對許個 猶太 人講：「看，恁的王！」</verse>
				<verse number="15">𪜶就喝講：「互死，互死！給釘十字架！」 彼拉多 對𪜶講：「恁愛我將恁的王釘十字架噢？」 祭司長講：「凱撒以外，阮無王！」</verse>
				<verse number="16">後來 彼拉多 將耶穌交互𪜶去釘十字架。 𪜶就給耶穌押去。</verse>
				<verse number="17">耶穌出來，背家己的十字架，來到彼個叫做「頭殼碗嶺」的所在，希伯來話叫做 各各他 。</verse>
				<verse number="18">𪜶佇遐給耶穌釘佇十字架；以外有兩個人及伊做夥釘，一旁一個，耶穌佇中央。</verse>
				<verse number="19">彼拉多 寫一塊罪狀，釘佇十字架頂，頂面寫：「 拿撒勒 人耶穌， 猶太 人的王。」</verse>
				<verse number="20">有真多 猶太 人讀著罪狀，因為耶穌互人釘十字架的所在倚近 耶路撒冷 ，閣罪狀是用希伯來文、拉丁文、希臘文寫的。</verse>
				<verse number="21">猶太 教的祭司長對 彼拉多 講：「毋通寫『 猶太 人的王』，著寫『此個人自稱：我是 猶太 人的王』。」</verse>
				<verse number="22">彼拉多 應講：「我所寫的已經寫啦，無欲改！」</verse>
				<verse number="23">許個兵將耶穌釘十字架了後，提伊的外袍分做四份，一人一份。𪜶閣提伊的內衫；此領內衫無敆綴，頂下織做一塊。</verse>
				<verse number="24">所以，𪜶參詳講：「此領拆開，咱來抽籤看是啥人的。」這是欲應驗聖經的話： 𪜶分我的外袍， 為著我的衫抽籤。 諸個兵抵照按呢做。</verse>
				<verse number="25">耶穌的老母、伊的阿姨、 革羅罷 的某 馬利亞 ，及 末大拉 的 馬利亞 攏徛佇耶穌的十字架邊。</verse>
				<verse number="26">耶穌看著伊的老母，閣看著伊所疼彼個門徒徛佇邊仔，就對伊的老母講：「阿母，看，你的子！」</verse>
				<verse number="27">後來伊對彼個門徒講：「看，你的老母！」對彼時起，彼個門徒給耶穌的老母接轉去𪜶兜。</verse>
				<verse number="28">此個事以後，耶穌知一切的代誌已經完成，為著欲應驗聖經的話就講：「我嘴焦。」</verse>
				<verse number="29">佇遐有一個貯滿酸酒的瓶，𪜶就用海綿浸酒，縛佇牛膝草尾，㧣到伊的嘴。</verse>
				<verse number="30">啖了後，耶穌講：「完成啦！」 講了，頭勾落去，氣就斷。</verse>
				<verse number="31">彼日是拜五，是備辦日。因為隔日是特別的安歇日， 猶太 人的領袖為著無愛佇安歇日留身屍佇十字架頂，就求 彼拉多 教人摃斷受刑者的腳骨，通將身屍收落來。</verse>
				<verse number="32">許個兵就去，將及耶穌做夥釘十字架頭一個及另外一個的腳骨摃斷。</verse>
				<verse number="33">𪜶來到耶穌遐，看著伊已經死，就無給伊的腳骨摃斷。</verse>
				<verse number="34">毋拘有一個兵用槍鑿耶穌的脇下，隨時有血及水流出來。</verse>
				<verse number="35">看著的人已經有作證，是欲互恁嘛信；伊的見證是真實，伊知伊所講的是事實。</verse>
				<verse number="36">諸個代誌發生是欲應驗聖經的話：「伊的骨連一支都𣍐摃斷。」</verse>
				<verse number="37">閣另外有一句經文講：「𪜶會仰望𪜶用槍給伊鑿的人。」</verse>
				<verse number="38">諸個代誌了後，有一個 亞利馬太 人 約瑟 來求 彼拉多 准伊去收耶穌的遺體。伊因為驚 猶太 教當局，所以祕密作耶穌的門徒。 彼拉多 允准， 約瑟 就去收耶穌的遺體。</verse>
				<verse number="39">閣以前曾佇暗時去見耶穌彼個 尼哥德慕 嘛帶約三十公斤的沒藥抄沉香的芳料來。</verse>
				<verse number="40">𪜶兩人將耶穌的遺體收落來，照 猶太 人安葬的慣例給伊抹芳料，閣用幼麻布給伊包紮。</verse>
				<verse number="41">耶穌釘十字架的所在有一坵園，園內有一個猶毋曾葬過人的新墓。</verse>
				<verse number="42">因為彼日是拜五，是 猶太 人的備辦日，墓閣無遠，𪜶就給耶穌安葬佇遐。</verse>
			</chapter>
			<chapter number="20">
				<verse number="1">禮拜日 透早，天猶未光， 末大拉 的 馬利亞 去墓地，看著墓口的石已經徙開。</verse>
				<verse number="2">伊就走去尋 西門‧彼得 ，閣去尋耶穌所疼彼個門徒，給𪜶講：「有人將主對墓裡徙走；阮毋知𪜶給伊囥佇叨位。」</verse>
				<verse number="3">彼得 及彼個門徒就去墓地。</verse>
				<verse number="4">兩個人做夥走，彼個門徒比 彼得 走較緊，先到墓裡。</verse>
				<verse number="5">伊俯落去看墓內，看著幼麻布囥佇遐，不過無入去。</verse>
				<verse number="6">西門 彼得 隨後嘛到，入去墓內。伊看著幼麻布囥佇遐，</verse>
				<verse number="7">嘛看著包紮耶穌頭殼的巾無及幼麻布囥做夥，捲啲，另外囥。</verse>
				<verse number="8">先到墓彼個門徒嘛入去，看了就信。</verse>
				<verse number="9">𪜶猶未了解聖經的話，講伊一定著對死人中閣活。</verse>
				<verse number="10">然後，彼兩個門徒轉去𪜶兜。</verse>
				<verse number="11">馬利亞 徛佇墓外啲哭。伊那哭那俯落去看墓內，</verse>
				<verse number="12">看著兩個穿白衫的天使坐佇原來下耶穌的遺體的所在，一個佇頭此旁，一個佇腳彼旁。</verse>
				<verse number="13">𪜶問伊講：「婦仁人，你哪啲哭？」 伊應講：「有人給我的主徙走，我毋知𪜶給伊囥佇叨位。」</verse>
				<verse number="14">講煞， 馬利亞 越轉身，看著耶穌徛佇遐，毋拘毋知伊是耶穌。</verse>
				<verse number="15">耶穌問伊：「婦仁人，你哪啲哭？你啲尋什麼人？」 馬利亞 想做伊是顧園的，就應講：「頭家，你若有給伊徙走，請給我講你給伊囥佇叨位，我通去給伊收轉來。」</verse>
				<verse number="16">耶穌給伊叫：「 馬利亞 ！」 馬利亞 越轉身，用希伯來話叫耶穌：「拉波尼！」意思就是「老師」。</verse>
				<verse number="17">耶穌給伊講：「毋通給我擒啲，因為我猶未上去父遐。你著去給我的兄弟講：『我欲上去我的父，嘛是恁的父，我的上帝，嘛是恁的上帝遐。』」</verse>
				<verse number="18">末大拉 的 馬利亞 就去給門徒報告講「我已經見著主」；閣講主有給伊講諸個話。</verse>
				<verse number="19">仝彼個禮拜日暗時，門徒聚集的所在門攏關啲，因為𪜶驚 猶太 人的領袖。耶穌來，徛佇𪜶中央，對𪜶講：「願恁平安！」</verse>
				<verse number="20">伊講了，將雙手及脇下互𪜶看。門徒看著主，真歡喜。</verse>
				<verse number="21">耶穌閣給𪜶講：「願恁平安！親像父有差我，我嘛差恁。」</verse>
				<verse number="22">講煞，伊對𪜶歕氣，講：「領受聖神！</verse>
				<verse number="23">恁赦免什麼人的罪，𪜶就得著赦免；恁無赦免什麼人的罪，𪜶就無得著赦免。」</verse>
				<verse number="24">多馬 ，嘛叫做 雙生仔 ，伊是十二使徒的一個，耶穌來彼時無及𪜶做夥佇遐。</verse>
				<verse number="25">所以其他的門徒給伊講：「阮已經見著主啦。」 多馬 給𪜶講：「我若無看著伊手中的釘跡，用指頭仔摸釘跡，閣用手摸伊的脇下，我絕對毋信。」</verse>
				<verse number="26">一禮拜後，門徒閣聚集佇厝內， 多馬 嘛及𪜶做夥。門關啲，耶穌來，徛佇𪜶中央，講：「願恁平安！」</verse>
				<verse number="27">然後，伊給 多馬 講：「伸指頭仔來遮，探我的手；伸手來摸我的脇下。毋通無信，著信！」</verse>
				<verse number="28">多馬 講：「我的主，我的上帝！」</verse>
				<verse number="29">耶穌給伊講：「你看著我才信噢？無看著來信的人真有福氣！」</verse>
				<verse number="30">耶穌佇門徒的面前猶行真多神跡，無記載佇此本冊。</verse>
				<verse number="31">記載諸個是欲互恁信耶穌是基督，是上帝的子，閣互恁通過信，靠伊的名得著活命。</verse>
			</chapter>
			<chapter number="21">
				<verse number="1">後來，耶穌閣佇 提比哩亞 湖邊對門徒顯現。顯現的經過是按呢：</verse>
				<verse number="2">西門‧彼得 、叫做 雙生仔 的 多馬 、 加利利 的 迦拿 人 拿但業 、 西庇太 的兩個子，及另外兩個門徒攏做夥。</verse>
				<verse number="3">西門‧彼得 給𪜶講：「我欲來去掠魚。」 𪜶給伊講：「阮嘛欲及你去。」𪜶出去，上船；彼暗，𪜶掠攏無。</verse>
				<verse number="4">天昲光，耶穌徛佇岸頂；不過門徒認𣍐出伊是耶穌。</verse>
				<verse number="5">耶穌對𪜶講：「少年人，恁掠有魚無？」 𪜶應講：「無。」</verse>
				<verse number="6">伊給𪜶講：「給網拋落去船的正旁就會掠著。」𪜶就拋落去；因為拋著真多魚，煞拖𣍐起來。</verse>
				<verse number="7">耶穌所疼彼個門徒給 彼得 講：「是主！」 西門‧彼得 一下聽著是主，因為褪腹裼，緊將外衫幔啲，跳落水。</verse>
				<verse number="8">其他的門徒，因為𪜶離陸地無遠，約一百公尺，就划彼隻細隻船給歸網的魚拖倚岸。</verse>
				<verse number="9">𪜶一下上岸，看著遐有火炭火，頂面有魚，閣有餅。</verse>
				<verse number="10">耶穌給𪜶講：「抵即掠著的魚，掠幾尾仔來。」</verse>
				<verse number="11">西門‧彼得 𬦰去船頂，拖網起來岸頂，歸網攏是大尾魚，攏總一百五十三尾，雖然赫呢多，網嘛無破去。</verse>
				<verse number="12">耶穌給𪜶講：「來食早頓！」門徒無人敢給伊問：「你是什麼人？」因為𪜶知伊是主。</verse>
				<verse number="13">耶穌行倚來，提餅，分互𪜶，魚嘛照按呢分互𪜶。</verse>
				<verse number="14">耶穌對死人中閣活以後對門徒顯現，這是第三遍。</verse>
				<verse number="15">𪜶食早頓了後，耶穌問 西門‧彼得 ：「 約翰 的子 西門 ，你有疼我贏過諸個無？」 伊應講：「主啊，有，你知我有疼你。」 耶穌給伊講：「養飼我的羊仔子！」</verse>
				<verse number="16">耶穌第二遍問伊講：「 約翰 的子 西門 ，你有疼我無？」 伊應講：「主啊，有，你知我有疼你。」 耶穌給伊講：「牧養我的羊！」</verse>
				<verse number="17">耶穌第三遍給伊問：「 約翰 的子 西門 ，你有疼我無？」 彼得 因為耶穌第三遍問講「你有疼我無」，就真傷心，給耶穌講：「主啊，你逐項攏知，你知我有疼你。」 耶穌就給伊講：「養飼我的羊！</verse>
				<verse number="18">我實實在在給你講，你少年的時家己縖腰帶去愛去的所在；毋拘年老的時，你會伸雙手互人縛，給你拖到你無愛去的所在。」</verse>
				<verse number="19">耶穌講諸個話是指 彼得 會按怎死來榮耀上帝。講煞，耶穌給伊講：「來隨我！」</verse>
				<verse number="20">彼得 越轉身，看著耶穌所疼彼個門徒隨佇後面。伊曾佇晚餐的時撐倚耶穌的胸前，問講：「主啊，是什麼人欲出賣你？」</verse>
				<verse number="21">彼得 一下看著伊就問耶穌：「主啊，此個人會按怎？」</verse>
				<verse number="22">耶穌應伊講：「我若愛伊活到我來，及你有什麼關係。你來隨我！」</verse>
				<verse number="23">對按呢，此個話佇門徒的中間流傳講此個門徒𣍐死。其實，耶穌毋是講伊𣍐死，是講「我若愛伊活到我來，及你有什麼關係」。</verse>
				<verse number="24">此個門徒就是為著諸個代誌作證，閣將諸個代誌寫起來的人。咱知伊的見證是真實。</verse>
				<verse number="25">耶穌閣有做其他真多代誌，若欲將諸個代誌一項一項寫起來，所寫的冊，我想全世界嘛貯𣍐了。</verse>
			</chapter>
		</book>
		<book number="44">
			<chapter number="1">
				<verse number="1">提阿非羅 先生： 佇我所寫的頭一本冊，我已經有將耶穌所做所教示一切的代誌，對伊開始工作直到上天彼日，攏有講起。伊上天以前，有通過聖神將真多代誌指示所揀選的使徒。</verse>
				<verse number="2"></verse>
				<verse number="3">伊受害以後，有用真多證據顯明伊本身活啲，佇四十日的中間有顯現互使徒看見，對𪜶講論上帝國的事。</verse>
				<verse number="4">耶穌及𪜶做夥 的時有吩咐𪜶：「毋通離開 耶路撒冷 ，照我曾給恁講，著聽候父的應允。</verse>
				<verse number="5">約翰 用水給恁洗禮，毋拘閣無幾日，恁會領受聖神的洗禮。」</verse>
				<verse number="6">使徒及耶穌聚集的時，問伊講：「主啊，你欲佇此個時將主權回復互 以色列 是無？」</verse>
				<verse number="7">伊給𪜶講：「父用家己的權柄決定的時間及機會，毋是恁通知的。</verse>
				<verse number="8">毋拘聖神臨到恁的時，恁會得著能力，佇 耶路撒冷 、全 猶太 及 撒馬利亞 ，直到天邊海角為著我做見證。」</verse>
				<verse number="9">耶穌講諸個話了後，佇𪜶啲看的時受接上天；有一片雲給伊接去，𪜶就看𣍐著。</verse>
				<verse number="10">𪜶猶啲注目看天的時，忽然有兩個穿白衫的人徛佇𪜶身邊，</verse>
				<verse number="11">講：「 加利利 人啊，恁哪徛佇遮啲看天？此位離開恁受接上天的耶穌，恁看見伊按呢上天，伊嘛會照按呢閣來。」</verse>
				<verse number="12">後來，使徒對彼個叫做 橄欖山 的所在倒去 耶路撒冷 ； 橄欖山 離 耶路撒冷 無偌遠，差不多一公里，就是安歇日會用得行的路程。</verse>
				<verse number="13">𪜶入城了後，𬦰起去𪜶所住彼間厝樓頂的廳； 彼得 、 約翰 、 雅各 、 安得烈 、 腓力 及 多馬 、 巴多羅買 及 馬太 、 亞勒腓 的子 雅各 、激進黨的 西門 ，及 雅各 的子 猶大 佇遐。</verse>
				<verse number="14">𪜶及幾若個婦仁人，嘛有耶穌的老母 馬利亞 以及伊的兄弟，攏繼續同心合意迫切祈禱。</verse>
				<verse number="15">幾若日後，差不多有一百二十個信徒聚集。 彼得 徛起來，講：</verse>
				<verse number="16">「各位兄弟，聖神通過 大闢 的嘴佇聖經所預言，關係 猶大 導人掠耶穌的代誌一定著應驗。</verse>
				<verse number="17">伊本來是咱中間的一個，受選來分擔此個職份。</verse>
				<verse number="18">「 猶大 用伊做不義的代誌所得著的錢買一塊地；伊佇遐倒頭栽摔死，腹肚爆裂，腸仔攏流出來。</verse>
				<verse number="19">住佇 耶路撒冷 的人攏知此項代誌，所以照𪜶本地的話給彼塊地叫做 亞革大馬 ，意思是『血園』。</verse>
				<verse number="20">「因為詩篇有記載： 著互伊的厝荒廢， 無人佇遐徛起。 閣有記載： 著互別人代替伊領導的職位。</verse>
				<verse number="21">「所以，著有一個人來加入，及阮做夥作主耶穌閣活的見證人。此個人著佇主耶穌及咱做夥出入的時，就是對 約翰 施洗起，到耶穌離別咱受接上天彼日，不時及咱做陣。」</verse>
				<verse number="22"></verse>
				<verse number="23">𪜶就提名兩個人，就是叫做 巴撒巴 ，嘛稱做 猶士都 的 約瑟 ，及 馬提亞 。</verse>
				<verse number="24">𪜶祈禱講：「主啊，你知逐個人的心。求你指示阮，此兩人中間叨一個是你所揀選，</verse>
				<verse number="25">欲來擔當使徒的職份的，因為 猶大 已經放拺此個職份，去伊應該去的所在。」</verse>
				<verse number="26">然後，𪜶抽籤，抽著 馬提亞 ，伊就加入十一個使徒的團體。</verse>
			</chapter>
			<chapter number="2">
				<verse number="1">五旬節的日到，門徒攏聚集佇一所在。</verse>
				<verse number="2">忽然有聲對天頂來，親像透大風，充滿𪜶啲坐的歸間厝。</verse>
				<verse number="3">閣有親像分開的火舌對𪜶出現，歇佇逐個人的頂面。</verse>
				<verse number="4">𪜶攏受聖神充滿，照聖神互𪜶的才能開始講別種語言。</verse>
				<verse number="5">彼時，有一寡虔誠的 猶太 人對世界逐國來，住佇 耶路撒冷 。</verse>
				<verse number="6">聽著此個聲響，眾人就攏聚集倚來。因為逐個人聽著門徒用𪜶的本地話對𪜶講話，煞愣去。</verse>
				<verse number="7">𪜶著驚閣奇怪，講：「你看，諸個啲講話的豈毋是攏 加利利 人？</verse>
				<verse number="8">咱哪會聽著𪜶攏用咱逐個人住的所在的語言啲講話？</verse>
				<verse number="9">咱諸個 帕提亞 人、 米底亞 人、 以攔 人，以及對 美索不達米亞 、 猶太 及 加帕多家 、 本都 及 亞細亞 、</verse>
				<verse number="10">弗呂家 及 旁非利亞 、 埃及 及倚近 古利奈 的 利比亞 地區來的人，嘛有對 羅馬 來的出外人，內面有</verse>
				<verse number="11">猶太 人及改宗入 猶太 教的人，閣有 克里特 人及 阿拉伯 人，咱竟然聽著𪜶攏用咱在地的話講起上帝所做偉大的代誌。」</verse>
				<verse number="12">大家著驚閣卬愕，問來問去：「這是什麼代誌？」</verse>
				<verse number="13">有人恥笑講：「諸個人是飲新酒啲醉。」</verse>
				<verse number="14">此個時， 彼得 及十一個使徒徛起來，大聲對眾人講：「 猶太 人及所有住佇 耶路撒冷 的人，恁著知，注意聽我的話。</verse>
				<verse number="15">諸個人毋是照恁所想啲酒醉，此陣才早起時九點。</verse>
				<verse number="16">其實這就是先知 約珥 所講的。</verse>
				<verse number="17">上帝講：佇終末的日子， 我欲將我的神摒落去互所有的人。 恁的子，查某子會講預言； 恁的少年人會看見異象； 恁的老人會作夢。</verse>
				<verse number="18">閣佇許個日， 我嘛欲將我的神摒落去互我的僕人及女婢； 𪜶會講預言。</verse>
				<verse number="19">我欲佇天頂顯出奇事， 佇地上行神跡， 有血、火，及煙霧。</verse>
				<verse number="20">佇主大閣榮耀的日來臨以前， 日頭會變做烏暗， 月變做親像血赫呢紅。</verse>
				<verse number="21">彼時，所有求叫主的名的人攏會得著救。</verse>
				<verse number="22">「 以色列 人，恁著聽諸個話。照恁所知，上帝通過 拿撒勒 人耶穌佇恁中間行權能、奇事，及神跡，來對恁證明伊是上帝所指派的。</verse>
				<verse number="23">上帝照伊預定的旨意及計劃，將耶穌交互恁；恁用無律法的人的手將伊釘佇十字架頂，給伊殺害。</verse>
				<verse number="24">上帝給伊解除死的痛苦，互伊閣活，因為死無法度給伊控制。</verse>
				<verse number="25">大闢 曾指伊講： 我看見主不時佇我的面前， 伊佇我的正旁，互我𣍐動搖；</verse>
				<verse number="26">因為按呢，我的心歡喜，我的舌快樂； 我此個會朽爛的肉體會靠向望來活。</verse>
				<verse number="27">因為你𣍐給我放拺佇陰府， 嘛𣍐互你的聖者朽爛。</verse>
				<verse number="28">你已經指示我活命的道路， 互我佇你的面前充滿歡喜。</verse>
				<verse number="29">「各位兄弟，關係先祖 大闢 的事，我好膽給恁講。伊已經死，閣埋葬啦，伊的墓今仔日猶佇咱遮。</verse>
				<verse number="30">伊是先知，知上帝有對伊嚴肅應允，欲對伊的子孫任命一個作王來坐伊的寶座。</verse>
				<verse number="31">大闢 先看出此個代誌，關係基督的閣活有講： 伊無受放拺佇陰府； 伊的肉體嘛無朽爛。</verse>
				<verse number="32">此位耶穌，上帝已經有互伊閣活。阮攏是此項事的見證人。</verse>
				<verse number="33">伊已經受高升到上帝的正旁，閣對父領受所應允的聖神，伊現在將此位聖神摒落來互阮，就是恁現在所看見閣聽見的。</verse>
				<verse number="34">大闢 毋曾上天，毋拘伊講： 主對我的主講： 你坐我的正旁，</verse>
				<verse number="35">聽候我互你的對敵屈服佇你腳下。</verse>
				<verse number="36">「所以， 以色列 全家著確實知，恁給伊釘十字架此位耶穌，上帝已經任命伊做主，做基督啦！」</verse>
				<verse number="37">眾人聽著諸個話，心親像互刺鑿著，對 彼得 及其他的使徒講：「各位兄弟，阮應該做什麼？」</verse>
				<verse number="38">彼得 對𪜶講：「著悔改，逐個人攏著奉耶穌基督的名受洗禮，互恁的罪得著赦免，就會領受上帝所賜的聖神。</verse>
				<verse number="39">因為此個應允是欲互恁及恁的子孫，以及一切佇遠的所在的人，就是咱的主上帝所呼召來歸伊的人。」</verse>
				<verse number="40">彼得 閣用真多話出力做見證，勸勉𪜶，講：「著救家己脫離此個邪惡的世代。」</verse>
				<verse number="41">對按呢，領受伊的信息的人攏受洗禮；彼日信徒大約加添三千人。</verse>
				<verse number="42">𪜶全心領受使徒的教示，參與團契生活，擘餅，祈禱。</verse>
				<verse number="43">使徒行真多奇事神跡，引起眾人敬畏的心。</verse>
				<verse number="44">所有的信徒攏做夥生活，所有的物公家用，</verse>
				<verse number="45">閣賣家產財物，照逐個人的需要分互大家。</verse>
				<verse number="46">𪜶逐日同心合意佇聖殿聚會，閣佇一家一家擘餅，用歡喜誠心做夥飲食，</verse>
				<verse number="47">頌讚上帝，閣得著眾人歡喜接納。主將得救的人日日加添互𪜶。</verse>
			</chapter>
			<chapter number="3">
				<verse number="1">有一日，下晡時三點祈禱的時間， 彼得 及 約翰 上聖殿。</verse>
				<verse number="2">有一個出世腳就跛的人，逐日互人扛來下佇聖殿彼個叫做「 媠門 」的門口，通對入聖殿的人求乞。</verse>
				<verse number="3">伊一下看著 彼得 及 約翰 啲欲入去聖殿，就求𪜶捨施。</verse>
				<verse number="4">彼得 及 約翰 注目給伊看， 彼得 對伊講：「看阮！」</verse>
				<verse number="5">伊就注神看𪜶，看會當對𪜶得著什麼。</verse>
				<verse number="6">彼得 對伊講：「金銀我攏無，我將我所有的互你。我奉 拿撒勒 人耶穌基督的名命令你，起來行！」</verse>
				<verse number="7">然後 彼得 牽伊的正手，給伊扶起來。伊的腳及腳目隨時有力，</verse>
				<verse number="8">就跳起來徛啲，閣行，及𪜶做夥進入聖殿，那行那跳，那謳咾上帝。</verse>
				<verse number="9">眾人看著伊那行那頌讚上帝，</verse>
				<verse number="10">閣認得伊是平常坐佇「 媠門 」的門口啲求乞彼個人，就對佇伊身上所發生的代誌感覺真奇怪著驚。</verse>
				<verse number="11">佇 所羅門走廊 ，彼個得著醫好的人給 彼得 及 約翰 扭牢牢，眾人大奇怪，攏走倚來。</verse>
				<verse number="12">彼得 看著許個人，就給𪜶講：「 以色列 人，恁是按怎對此項代誌感覺奇怪？是按怎注目看阮，想講阮是靠家己的能力抑是虔誠互此個人起來行？</verse>
				<verse number="13">亞伯拉罕 、 以撒 、 雅各 的上帝，就是咱祖先的上帝，已經互伊的僕人耶穌得著榮光。此位耶穌恁給伊交互官府； 彼拉多 決定欲放伊的時，恁當場拒絕。</verse>
				<verse number="14">恁拒絕彼位聖閣公義的，要求 彼拉多 放一個殺人犯互恁。</verse>
				<verse number="15">恁刣死活命的源頭，就是上帝互伊對死人中閣活彼位。阮是此個代誌的見證人。</verse>
				<verse number="16">對信靠此個名，就是耶穌的名，恁所看見所識此個腳跛的人，有得著氣力。對耶穌所賜的信心，此個人完全好起來。此項代誌恁大家攏有看著。</verse>
				<verse number="17">「兄弟，今我知，恁及恁的領導者按呢做是因為毋知。</verse>
				<verse number="18">上帝有通過眾先知的嘴預言伊的基督著受苦，此個代誌果然應驗啦。</verse>
				<verse number="19">所以，著悔改歸向上帝，通互恁的罪得著擦消。</verse>
				<verse number="20">按呢，主就會賜恁更新的日子，閣差遣早就揀好勢的基督耶穌來。</verse>
				<verse number="21">照上帝通過古早聖先知的嘴所宣布的，伊一定著𫢶佇天頂直到萬物復興的時。</verse>
				<verse number="22">摩西 曾講：『主 — 恁的上帝欲對恁同胞的中間給恁任命一位親像我此款的先知。伊給恁講的話，恁攏著聽趁。</verse>
				<verse number="23">毋聽此位先知的話的人，會對子民中攏給𪜶除滅。』</verse>
				<verse number="24">對 撒母耳 到以後所有傳信息的先知攏有講起諸個日子。</verse>
				<verse number="25">恁是先知的子孫，嘛是上帝及恁的祖先所立的約的繼承人。伊曾對 亞伯拉罕 講：『地上萬族攏會因為你的後代得著福氣。』</verse>
				<verse number="26">上帝任命伊的僕人 ，先差伊來恁遮，給恁賜福，互恁逐個人越倒轉離開邪惡。」</verse>
			</chapter>
			<chapter number="4">
				<verse number="1">彼得 及 約翰 對群眾啲講話的時，有祭司、聖殿的守衛官，及撒都該派的人來。</verse>
				<verse number="2">𪜶非常受氣，因為此兩個使徒啲教示眾人，根據耶穌的閣活宣講死人閣活的事。</verse>
				<verse number="3">𪜶就掠此兩個使徒，給𪜶拘留到隔日，因為天已經暗。</verse>
				<verse number="4">聽著信息的有真多人信，查甫人的人數差不多有五千。</verse>
				<verse number="5">隔日， 猶太 人的領袖、長老，及經學教師聚集佇 耶路撒冷 。</verse>
				<verse number="6">大祭司 亞那 及 該亞法 、 約翰 、 亞歷山大 ，及大祭司的家族嘛攏佇遐。</verse>
				<verse number="7">𪜶叫使徒來徛佇𪜶中間，問講：「恁靠什麼權能，奉什麼名，做此項代誌？」</verse>
				<verse number="8">彼時 彼得 受聖神充滿，應講：「各位民間的領袖及長老，</verse>
				<verse number="9">阮今仔日若是為著互此個腳跛的人得著醫好此項好事受查問，</verse>
				<verse number="10">恁大家及所有 以色列 人攏著知，此個人完全勇健徛佇恁面前，是靠 拿撒勒 人耶穌基督的名。此位耶穌，恁給伊釘十字架，毋拘上帝互伊對死人中閣活。</verse>
				<verse number="11">伊就是聖經所講： 恁諸個起厝師傅所棄拺的石， 已經成做上重要的基石。</verse>
				<verse number="12">耶穌以外攏無拯救，因為佇天下人間，上帝無賜別個名互咱通倚靠來得救。」</verse>
				<verse number="13">議會的議員看著 彼得 及 約翰 赫呢勇敢，知𪜶是無讀冊的普通人，就真著驚，閣認得𪜶曾及耶穌做夥，</verse>
				<verse number="14">嘛看著彼個得著醫好的人徛佇𪜶身邊，就無話通反駁。</verse>
				<verse number="15">議員就叫𪜶離開議會，然後參詳</verse>
				<verse number="16">講：「咱著按怎來對付諸個人？𪜶所行此個奇異的神跡，住佇 耶路撒冷 的人攏知，咱無法度否認。</verse>
				<verse number="17">毋拘為著欲避免此個代誌佇民間愈傳愈闊，咱著警告𪜶對什麼人都毋通閣奉耶穌的名講論。」</verse>
				<verse number="18">後來，𪜶叫彼兩個使徒來，命令𪜶𣍐用得閣奉耶穌的名講論抑是教示。</verse>
				<verse number="19">毋拘 彼得 及 約翰 應講：「聽趁恁才著抑是聽趁上帝才著，佇上帝面前恁家己判斷。</verse>
				<verse number="20">阮所看著所聽著的，𣍐當無講。」</verse>
				<verse number="21">許個議員毋知著按怎給𪜶處罰，就嚴嚴給𪜶警告，了後放𪜶去，因為民眾攏啲為著所發生的代誌歸榮光互上帝。</verse>
				<verse number="22">對此個神跡得著醫好彼個人已經四十外歲。</verse>
				<verse number="23">彼得 及 約翰 受解放，就倒去同伴遐，將祭司長及長老給𪜶講的話攏對𪜶報告。</verse>
				<verse number="24">𪜶聽了就同心大聲對上帝祈禱講：「創造天、地、海，及其中萬物的主宰，</verse>
				<verse number="25">你曾通過聖神用你的僕人阮的祖先 大闢 的嘴講： 外邦是按怎哄喝？ 萬民是按怎計謀無效果的事？</verse>
				<verse number="26">地上的君王攏排陣欲交戰； 統治者聯合起來， 欲攻擊主及伊選立的基督。</verse>
				<verse number="27">希律 及 龐修‧彼拉多 果然佇此個城內及外邦人以及 以色列 人聯合來攻擊你所選立聖的僕人耶穌。</verse>
				<verse number="28">𪜶聚集欲做你的權能及你的旨意預定會發生一切的事。</verse>
				<verse number="29">今主啊，𪜶啲給阮恐嚇，求你監察，互你的僕人閣較有勇氣通宣講你的信息。</verse>
				<verse number="30">求你伸手醫治，閣通過你聖的僕人耶穌的名互阮行神跡奇事。」</verse>
				<verse number="31">祈禱煞，聚會的所在搖動；𪜶攏受聖神充滿，勇敢宣講上帝的信息。</verse>
				<verse number="32">全體信徒攏同心合意，無一個人講伊的財物是家己的；所有的物件公家用。</verse>
				<verse number="33">使徒用大能力見證主耶穌的閣活，眾人攏得著大恩典。</verse>
				<verse number="34">𪜶中間無人有欠缺，因為有田園厝宅的人攏賣出去，</verse>
				<verse number="35">所得著的錢提來交互使徒，照逐個人的需要分配。</verse>
				<verse number="36">有一個出世佇 塞浦路斯 的 利未 人 約瑟 ，使徒給伊叫做 巴拿巴 ，意思就是安慰者。</verse>
				<verse number="37">伊賣家己的田園，錢提來交互使徒。</verse>
			</chapter>
			<chapter number="5">
				<verse number="1">有一個人名叫做 亞拿尼亞 ，伊及伊的某 撒非喇 賣一寡田園；</verse>
				<verse number="2">伊得著某的同意，將所得著的錢留一寡起來，賰的提來交互使徒。</verse>
				<verse number="3">彼得 對伊講：「 亞拿尼亞 ，你哪互撒旦控制你的心來欺騙聖神，給賣田園的錢留一部份起來？</verse>
				<verse number="4">田園猶未賣是你的，賣了所得著的錢你有權通處理，你哪做此款代誌？你毋是欺騙人，是欺騙上帝！」</verse>
				<verse number="5">亞拿尼亞 一下聽著此個話，慄落去就死。聽著此個代誌的人攏真驚惶。</verse>
				<verse number="6">有幾若個少年人來，給伊的屍體包起來，扛出去埋葬。</verse>
				<verse number="7">差不多三點鐘後，伊的某入來，毋知所發生的代誌。</verse>
				<verse number="8">彼得 問伊：「你給我講，恁賣田園所得著的錢干焦諸個是無？」 伊應講：「是，諸個若定。」</verse>
				<verse number="9">彼得 對伊講：「恁哪同心試探主的神？你看，埋葬你的丈夫的人抵轉來到門口，𪜶嘛欲給你扛出去！」</verse>
				<verse number="10">撒非喇 隨時慄落去，佇 彼得 的腳前死去。許個少年人入來，看著伊已經死，就給伊扛出去，埋葬佇伊丈夫的身邊。</verse>
				<verse number="11">全教會及聽著諸個代誌的人攏真驚惶。</verse>
				<verse number="12">使徒佇民間行真多神跡奇事。信徒攏同心合意佇 所羅門走廊 聚會。</verse>
				<verse number="13">民眾攏真尊重𪜶，毋拘毋敢及𪜶接近。</verse>
				<verse number="14">信主的人一直加添，男的女的攏真多。</verse>
				<verse number="15">有人將病人囥佇眠床抑是床舖，扛出來下佇路邊，佇 彼得 經過的時通互伊的影蔭著。</verse>
				<verse number="16">閣有歸群人導破病的以及互邪神苦楚的人對 耶路撒冷 周圍的鄉鎮聚集倚來，𪜶攏有得著醫好。</verse>
				<verse number="17">大祭司以及及伊仝黨，就是撒都該派的人，對使徒滿心怨妒。</verse>
				<verse number="18">𪜶下手掠使徒，給𪜶關落監。</verse>
				<verse number="19">彼暝，主的天使拍開監門，給𪜶導出來，對𪜶講：</verse>
				<verse number="20">「恁去，徛佇聖殿將此個賜活命的信息全部對民眾宣講。」</verse>
				<verse number="21">使徒聽伊的話，天欲光的時入去聖殿教示人。 大祭司及伊仝黨的人到位，就召集所有 以色列 人的長老開會，然後差人去監獄導使徒來。</verse>
				<verse number="22">守衛到的時，發見使徒無佇監裡，就倒來報告講：</verse>
				<verse number="23">「阮發見監房鎖牢牢，看守徛佇門口，阮一下開監門，內面攏無看著半人。」</verse>
				<verse number="24">聖殿的守衛官及祭司長聽著此個報告，毋知代誌會按怎演變就真著急。</verse>
				<verse number="25">彼時，有一個人入來給𪜶講：「恁給𪜶掠去關佇監裡許個人，現在徛佇聖殿啲教示民眾！」</verse>
				<verse number="26">彼個守衛官及伊的部下就去給使徒導來；𪜶無用暴力，因為驚民眾用石頭給𪜶抌。</verse>
				<verse number="27">𪜶導使徒入來，互𪜶徛佇議會面前。大祭司就給𪜶審問，</verse>
				<verse number="28">講：「阮有嚴嚴禁止恁毋通奉此個名教示人，恁顛倒將此個道理傳遍 耶路撒冷 ，想欲將流此個人的血的責任歸互阮。」</verse>
				<verse number="29">彼得 及其他的使徒應講：「阮著順服上帝，毋是順服人。</verse>
				<verse number="30">恁給伊釘死佇十字架頂的耶穌，咱祖先的上帝有互伊閣活。</verse>
				<verse number="31">此位耶穌，上帝高舉伊坐佇家己的正旁，作首領，作救主，通互 以色列 人悔改，罪得著赦免。</verse>
				<verse number="32">阮是諸個代誌的見證人。上帝賜互順服伊的人的聖神嘛為著諸個代誌作證人。」</verse>
				<verse number="33">議會的議員聽著諸個話非常受氣，愛欲刣𪜶。</verse>
				<verse number="34">毋拘𪜶中間有一個法利賽派的人，叫做 迦瑪列 ，是眾人尊敬的律法教師。伊徛起來，吩咐使徒暫時出去，</verse>
				<verse number="35">然後對議會講：「 以色列 人，恁欲辦諸個人著真謹慎！</verse>
				<verse number="36">以前 杜達 起來，自稱大人物，約有四百人隨伊，後來伊互人刣死，所有隨伊的人攏四散，消失去。</verse>
				<verse number="37">後來有一個 加利利 人 猶大 佇戶口普查的時出現，導一寡人隨伊，伊嘛互人刣死；隨伊的人攏四散。</verse>
				<verse number="38">今關係此項代誌，我給恁講，諸個人恁毋通插，出在𪜶去。𪜶所計劃所做的若出佇人，一定會失敗；</verse>
				<verse number="39">若出佇上帝，恁就𣍐當給𪜶消滅，驚了恁煞及上帝作對頭！」 議會接納伊的意見。</verse>
				<verse number="40">𪜶叫使徒入來，用鞭給𪜶拍，命令𪜶𣍐用得閣奉耶穌的名講道，然後放𪜶出去。</verse>
				<verse number="41">使徒離開議會，滿心歡喜，因為𪜶互人看做會堪得為著主的名受凌辱。</verse>
				<verse number="42">𪜶逐日佇聖殿及人家厝繼續教示人，傳基督耶穌。</verse>
			</chapter>
			<chapter number="6">
				<verse number="1">過無偌久，門徒的人數一直加添，講希臘語的 猶太 人埋怨許個講希伯來語的 猶太 人，因為佇分配日常生活的需要有忽略𪜶的寡婦。</verse>
				<verse number="2">十二使徒就召集全體門徒，對𪜶講：「阮將宣講上帝信息的工作放下啲，去管分配日常生活的需要無合。</verse>
				<verse number="3">所以，兄弟啊，著對恁中間選七個有好名聲，受聖神充滿，閣有智慧的人，阮通任命𪜶辦理此個代誌。</verse>
				<verse number="4">阮欲專心佇祈禱及傳道的工作。」</verse>
				<verse number="5">使徒的意見得著全會眾贊成，𪜶就選 司提反 ，伊是充滿信心及聖神的人；閣選 腓力 、 伯羅哥羅 、 尼迦挪 、 提門 、 巴米拿 ，及改宗入 猶太 教的 安提阿 人 尼哥拉 。</verse>
				<verse number="6">𪜶互諸個人徛佇使徒面前，使徒就為著𪜶祈禱，給𪜶按手。</verse>
				<verse number="7">上帝的信息繼續傳開；佇 耶路撒冷 門徒的人數加添真多，閣有真多祭司嘛聽趁此個信仰。</verse>
				<verse number="8">司提反 充滿恩賜及能力，佇民眾的中間行大奇事及神跡。</verse>
				<verse number="9">不過有一寡人起來及 司提反 辯論，𪜶是對 古利奈 及 亞歷山大 來，屬「自由人」會堂的會員，以及對 基利家 及 亞細亞 來的人。</verse>
				<verse number="10">聖神賜智慧互 司提反 ，互𪜶無法度通辯駁。</verse>
				<verse number="11">後來，𪜶買收一寡人出來講：「阮曾聽著伊講誹謗 摩西 及褻瀆上帝的話。」</verse>
				<verse number="12">𪜶煽動民眾、長老，及經學教師，衝去掠 司提反 ，給伊交互議會。</verse>
				<verse number="13">𪜶叫一寡假證人出來，講：「此個人不時講話攻擊此個聖殿及 摩西 的律法。</verse>
				<verse number="14">阮曾聽著伊講，此個 拿撒勒 人耶穌欲毀壞此個聖殿，閣改變 摩西 傳互咱的規例。」</verse>
				<verse number="15">彼時坐佇議會的人攏注目看 司提反 ，看著伊的面親像天使的面貌。</verse>
			</chapter>
			<chapter number="7">
				<verse number="1">大祭司問 司提反 ：「事實是按呢是無？」</verse>
				<verse number="2">司提反 應講：「各位父老兄弟，請聽！咱的祖先 亞伯拉罕 徙去 哈蘭 以前，猶住佇 美索不達米亞 的時，榮光的上帝對伊顯現，</verse>
				<verse number="3">給伊講：『著離開你的故鄉及親族，去我欲指示你的所在。』</verse>
				<verse number="4">亞伯拉罕 就離開 迦勒底 人的地方，去住佇 哈蘭 。伊的老父死了後，上帝對遐給伊遷徙來現在恁啲住此個地。</verse>
				<verse number="5">毋拘上帝攏無產業互伊，連立足之地都無。雖然彼時伊猶無子，毋拘上帝應允欲賜伊此個土地，互伊及伊的後代做產業。</verse>
				<verse number="6">上帝有按呢講：『你的後代會去寄居佇外國，做奴才受虐待四百年久。』</verse>
				<verse number="7">伊閣講：『毋拘我欲審判彼個互𪜶做奴才的國家，後來我會互𪜶出來，佇此個所在敬拜我。』</verse>
				<verse number="8">然後上帝有及伊立約，用割禮做記號。因為按呢， 亞伯拉罕 生 以撒 了後第八日給伊割禮。後來 以撒 生 雅各 ， 雅各 生十二個族長。</verse>
				<verse number="9">「諸個族長怨妒 約瑟 ，給伊賣去 埃及 ，毋拘上帝及伊同在，</verse>
				<verse number="10">救伊脫離一切的災難，閣賜伊智慧，互伊得著 埃及 王法老的關愛，指派伊做 埃及 的首相及王宮的總管。</verse>
				<verse number="11">後來 埃及 及 迦南 全地發生飢荒，引起大災難，咱的祖先無糧食通食。</verse>
				<verse number="12">雅各 聽著 埃及 有糧食，就差咱的祖先去遐；這是頭一遍。</verse>
				<verse number="13">第二遍𪜶去的時， 約瑟 對伊的兄弟表白伊的身份；對按呢法老才識 約瑟 的家族。</verse>
				<verse number="14">約瑟 差人去請伊的老父 雅各 及全家族七十五個人攏去 埃及 。</verse>
				<verse number="15">雅各 就落去 埃及 ，後來伊及咱的祖先攏死佇遐；</verse>
				<verse number="16">𪜶的遺體互人運到 示劍 ，埋葬佇 亞伯拉罕 用錢對 哈抹 的子孫買彼個墓地。</verse>
				<verse number="17">「上帝對 亞伯拉罕 的應允啲欲實現的時， 以色列 人佇 埃及 的人口加添真多。</verse>
				<verse number="18">後來有另外一個毋識 約瑟 的王起來統治 埃及 。</verse>
				<verse number="19">伊用詭計對付咱的民族，虐待咱的祖先，強迫𪜶給嬰仔擲佇外面，互𪜶死。</verse>
				<verse number="20">抵此個時 摩西 出世，生做非常清秀得人疼。伊佇老父的厝受養飼三月日久。</verse>
				<verse number="21">伊受放拺的時，法老的查某子給伊拾去做家己的子養飼。</verse>
				<verse number="22">伊受栽培學習 埃及 一切的智慧，講話做代誌攏有才能。</verse>
				<verse number="23">「 摩西 滿四十歲的時，想欲去探家己的兄弟 以色列 同胞。</verse>
				<verse number="24">伊看著一個兄弟互 埃及 人欺負，就去給伊保護，拍死彼個 埃及 人，替伊報復。</verse>
				<verse number="25">伊想講家己的兄弟會了解上帝欲用伊的手來解救𪜶，毋拘𪜶無了解。</verse>
				<verse number="26">隔日，伊看著兩個 以色列 人啲冤家，想欲給𪜶調解，講：『朋友，恁是兄弟，哪啲互相傷害？』</verse>
				<verse number="27">毋拘彼個啲欺負人的給 摩西 拺開，講：『啥人任命你作阮的頭人，作阮的判官？</verse>
				<verse number="28">你嘛欲刣我親像昨昏刣彼個 埃及 人噢？』</verse>
				<verse number="29">摩西 一下聽著此個話就逃走，去 米甸 人的地寄居；伊佇遐生兩個子。</verse>
				<verse number="30">「四十年後，佇 西奈山 的曠野有一個天使佇莿的火焰中對 摩西 顯現。</verse>
				<verse number="31">摩西 看見此個景象感覺真希奇，欲行倚去看較詳細的時，聽見主的聲講：</verse>
				<verse number="32">『我是恁祖先的上帝，是 亞伯拉罕 、 以撒 、 雅各 的上帝。』 摩西 驚甲皮皮惙，毋敢看。</verse>
				<verse number="33">主對伊講：『鞋褪起來，因為你所徛的所在是神聖的地。</verse>
				<verse number="34">我的子民佇 埃及 所受的痛苦，我確實有看著，嘛有聽著𪜶的哀叫，我落來欲拯救𪜶。今你來，我欲差你去 埃及 。』</verse>
				<verse number="35">「此個 摩西 ， 以色列 人曾給伊拒絕，問伊講『啥人任命你作頭人，作判官』；此個人上帝卻通過佇火焰中顯現的天使差派伊作領袖，作拯救者。</verse>
				<verse number="36">伊導𪜶出來，佇 埃及 ，佇 紅海 ，佇曠野四十年久，行真多奇事神跡。</verse>
				<verse number="37">此個 摩西 曾對 以色列 子孫講：『上帝欲對恁同胞的中間給恁興起一個親像我此款的先知。』</verse>
				<verse number="38">摩西 嘛曾及佇 西奈山 對伊講話彼個天使以及咱的祖先佇曠野聚會；伊有將所領受活的信息傳互咱。</verse>
				<verse number="39">咱的祖先毋肯聽趁，顛倒給伊拒絕，想欲倒轉去 埃及 。</verse>
				<verse number="40">𪜶對 亞倫 講：『你著造一寡神明來給阮導路，因為導阮出 埃及 彼個 摩西 毋知抵著什麼代誌。』</verse>
				<verse number="41">彼時𪜶造一個牛仔子的像，對彼個偶像獻祭，為著家己的手所造的偶像慶祝。</verse>
				<verse number="42">毋拘上帝越頭毋看𪜶，出在𪜶去拜天頂的星辰，照先知書所講： 以色列 人啊，恁佇曠野四十年久， 豈曾獻牲禮抑是祭物互我？</verse>
				<verse number="43">恁扛 摩洛 的布棚， 以及 理番 神的星， 就是恁造來拜的像； 所以我欲給恁放逐去 巴比倫 彼旁！</verse>
				<verse number="44">「咱的祖先佇曠野有見證上帝同在的會幕，就是上帝對 摩西 講話的時指示伊，照伊所看見的模型建造的。</verse>
				<verse number="45">後來咱的祖先承接此個會幕。上帝對𪜶面前給外族趕走；𪜶佔領彼個土地以後才及 約書亞 將會幕徙去遐，一直到 大闢 的時代。</verse>
				<verse number="46">大闢 有得著上帝歡喜，通求上帝准伊為著 雅各 的家 尋一個徛起的所在。</verse>
				<verse number="47">毋拘後來為著上帝起聖殿的是 所羅門 。</verse>
				<verse number="48">「其實至高的上帝並無住佇人的手所起的厝，親像先知所講：</verse>
				<verse number="49">主講：天是我的寶座， 地是我的腳砧。 恁欲給我起什麼款厝？ 叨位是我安歇的所在？</verse>
				<verse number="50">這一切豈毋是我親手創造的？</verse>
				<verse number="51">「恁即呢固執！恁的心硬，耳孔毋聽！恁及恁的祖先相像，不時反抗聖神！</verse>
				<verse number="52">叨一個先知無受著恁的祖先迫害？預言彼個公義的僕人來臨許個人攏互恁刣死。今恁成做出賣閣刣死彼位僕人的人。</verse>
				<verse number="53">恁是對天使領受上帝律法的人，竟然無遵守！」</verse>
				<verse number="54">𪜶聽著 司提反 諸個話非常受氣，對伊咬牙切齒。</verse>
				<verse number="55">毋拘 司提反 互聖神充滿，攑頭看天，看見上帝的榮光，嘛看著耶穌徛佇上帝的正旁。</verse>
				<verse number="56">伊講：「恁看！我看見天開，人子徛佇上帝的正旁！」</verse>
				<verse number="57">眾人掩耳孔，大聲喝，做夥扼倚去，</verse>
				<verse number="58">給伊拖出去城外，用石頭給伊抌。許個證人將家己的外衫交互一個叫做 掃羅 的少年人顧。</verse>
				<verse number="59">𪜶用石頭抌 司提反 的時， 司提反 求叫講：「主耶穌，求你接納我的靈魂！」</verse>
				<verse number="60">伊閣跪落去，大聲喝：「主啊，毋通將此個罪歸互𪜶！」伊講了就死。</verse>
			</chapter>
			<chapter number="8">
				<verse number="1">刣死 司提反 的代誌 掃羅 嘛贊成。 仝彼日， 耶路撒冷 的教會受著真大的迫害。使徒以外所有的信徒攏分散去 猶太 及 撒馬利亞 的逐所在。</verse>
				<verse number="2">毋拘有一寡虔誠的人給 司提反 埋葬，為著伊大悲傷。</verse>
				<verse number="3">彼時 掃羅 下手殘害教會，一戶一戶入去，無論男女攏拖出來，給𪜶送去關落監。</verse>
				<verse number="4">許個分散的信徒去逐所在傳道。</verse>
				<verse number="5">腓力 去 撒馬利亞 的一個城，對遐的人宣揚基督。</verse>
				<verse number="6">群眾聽著 腓力 所講的話，閣看著伊所行的神跡，就專心聽伊所講的話。</verse>
				<verse number="7">有真多人互邪神附身，許個邪神大聲喝，對𪜶所附身的人出去。有真多半身不遂的及腳跛的嘛得著醫好。</verse>
				<verse number="8">彼個城的人攏大歡喜。</verse>
				<verse number="9">有一個人名叫做 西門 ，以前曾佇彼個城行邪術，家己自誇作大，互 撒馬利亞 的人著驚奇怪。</verse>
				<verse number="10">城內的人大大細細攏專心聽趁伊，講：「此個人有上帝的權能，是人啲講的『大能者』。」</verse>
				<verse number="11">𪜶攏專心聽趁伊，因為伊真久有用邪術互𪜶著驚奇怪。</verse>
				<verse number="12">不過𪜶信 腓力 所傳上帝國的福音及耶穌基督的名了後，男的女的攏接受洗禮。</verse>
				<verse number="13">連 西門 本身嘛信；伊受洗禮以後就給 腓力 隨牢牢。伊看見 腓力 所行的神跡及所做大權能的奇事，感覺真著驚。</verse>
				<verse number="14">耶路撒冷 的使徒聽著 撒馬利亞 人已經接受上帝的信息，就派 彼得 及 約翰 去𪜶遐。</verse>
				<verse number="15">𪜶落去，就為著許個信徒祈禱，互𪜶通得著聖神，</verse>
				<verse number="16">因為許個信徒抵受洗禮，歸佇主耶穌的名；聖神猶未降落佇𪜶中間任何人。</verse>
				<verse number="17">彼得 及 約翰 給𪜶按手，𪜶就得著聖神。</verse>
				<verse number="18">西門 看著使徒按手的人攏得著聖神，就提錢互𪜶，</verse>
				<verse number="19">講：「請恁嘛將此個權能互我，互我所按手的人攏會當得著聖神。」</verse>
				<verse number="20">彼得 對伊講：「你的錢及你做夥去死！你敢想欲用錢買上帝的恩賜！</verse>
				<verse number="21">這無你的份，及你無關係；因為佇上帝的面前你存心不良。</verse>
				<verse number="22">所以，著悔改除去此個邪念，祈求主互你心內的意念會當得著赦免。</verse>
				<verse number="23">我看著你心內充滿貪心怨妒，受著罪惡拘束。」</verse>
				<verse number="24">西門 應講：「請你為著我對主祈求，互你所講的代誌𣍐臨到我。」</verse>
				<verse number="25">彼得 及 約翰 做見證，宣講主的信息，然後倒去 耶路撒冷 ，沿路佇 撒馬利亞 的真多庄社傳福音。</verse>
				<verse number="26">主的天使給 腓力 講：「起來，向南旁去，行對 耶路撒冷 落去 迦薩 彼條路。」彼條路已經荒廢。</verse>
				<verse number="27">腓力 起來，就去。伊佇路中抵著一個 衣索匹亞 的太監；此個人是 衣索匹亞 女王 甘大基 的財務大臣。伊上 耶路撒冷 去敬拜上帝，抵欲倒去，坐佇車頂啲讀先知 以賽亞 的冊。</verse>
				<verse number="28"></verse>
				<verse number="29">聖神給 腓力 講：「你進前倚去隨彼台車。」</verse>
				<verse number="30">腓力 走倚去，聽著伊啲讀先知 以賽亞 的冊，就問：「你啲讀的，有了解無？」</verse>
				<verse number="31">伊應講：「無人給我解說，我哪會了解？」太監就請 腓力 上車，及伊做夥坐。</verse>
				<verse number="32">伊啲讀的彼段經文是按呢： 伊親像羊互人牽去刣， 親像羊仔佇剪毛的人面前無出聲， 攏無開嘴。</verse>
				<verse number="33">伊忍受凌辱的時無人替伊主持公道。 什麼人會當說明伊的世系？ 因為伊的性命對地上消滅。</verse>
				<verse number="34">太監問 腓力 ：「請問，先知此個話是指什麼人講的？是指伊家己抑是指別人？」</verse>
				<verse number="35">腓力 就對彼段經文開始對伊傳耶穌的福音。</verse>
				<verse number="36">𪜶對彼條路落去，到有水的所在，太監講：「遮有水，我豈𣍐用得佇遮領受洗禮？」</verse>
				<verse number="37"></verse>
				<verse number="38">太監叫車停啲， 腓力 及太監兩個做夥落去水裡， 腓力 就給伊洗禮。</verse>
				<verse number="39">𪜶對水裡起來的時，主的神給 腓力 接去；太監無閣看著伊，毋拘猶歡歡喜喜繼續伊的旅程。</verse>
				<verse number="40">後來有人佇 亞鎖都 看著 腓力 ；伊沿路佇逐個城市傳福音一直到 凱撒利亞 。</verse>
			</chapter>
			<chapter number="9">
				<verse number="1">掃羅 繼續恐嚇欲殺害主的門徒。伊去見大祭司，</verse>
				<verse number="2">要求大祭司寫公函互 大馬士革 逐個會堂，准伊搜查，若有尋著信奉此個道路的人，無論男女，通給𪜶縛起來，押去 耶路撒冷 。</verse>
				<verse number="3">伊就去，啲欲到 大馬士革 的時，忽然有光對天來，四面給伊照。</verse>
				<verse number="4">伊就跋落土腳，聽見有聲對伊講：「 掃羅 ， 掃羅 ，你是按怎啲迫害我？」</verse>
				<verse number="5">伊問講：「主啊，你是什麼人？」彼個聲應講：「我就是你啲迫害的耶穌。</verse>
				<verse number="6">起來，入去城內，你著做的事，有人會給你講。」</verse>
				<verse number="7">同行的人就徛啲，愣愣𣍐講話；𪜶有聽著聲，毋拘無看著人。</verse>
				<verse number="8">掃羅 對土腳𬦰起來，目睭搋開，煞什麼攏看𣍐著。𪜶就牽伊的手，導伊入去 大馬士革 。</verse>
				<verse number="9">伊三日久無看見，嘛無食，無飲。</verse>
				<verse number="10">佇 大馬士革 有一個門徒名叫做 亞拿尼亞 。佇異象中主給伊叫：「 亞拿尼亞 ！」伊應講：「主啊，我佇遮。」</verse>
				<verse number="11">主講：「起來，去彼條 直街 ，佇 猶大 的厝尋一個 大數 人叫做 掃羅 ；伊抵啲祈禱。</verse>
				<verse number="12">伊佇異象中有看見一個人叫做 亞拿尼亞 入來給伊按手，互伊會當閣看見。」</verse>
				<verse number="13">亞拿尼亞 應講：「主啊，我有聽著真多人講起此個人佇 耶路撒冷 對你的信徒做真多惡毒的代誌。</verse>
				<verse number="14">伊有祭司長的授權通掠所有求叫你的名的人，現在來佇遮。」</verse>
				<verse number="15">主對伊講：「你去，伊是我揀選的器具，欲對外邦人、君王，及 以色列 人宣揚我的名。</verse>
				<verse number="16">我嘛欲互伊知，為著我的名伊一定著受真多苦難。」</verse>
				<verse number="17">亞拿尼亞 就去，入去彼間厝，給 掃羅 按手，講：「 掃羅 兄弟，你來的路中對你顯現的主耶穌，差我來欲互你會當閣看見，閣受聖神充滿。」</verse>
				<verse number="18">隨時有親像魚鱗的物件對 掃羅 的目睭落落來，伊就閣會看見。伊起來，領受洗禮；</verse>
				<verse number="19">食飽了後，體力就復原。 掃羅 及佇 大馬士革 的門徒做夥住幾若日。</verse>
				<verse number="20">伊隨時佇逐個會堂宣講耶穌，講：「伊是上帝的子。」</verse>
				<verse number="21">聽著的人攏著驚，講：「佇 耶路撒冷 消滅求叫此個名的，豈毋是此個人？伊來遮豈毋是欲掠信徒，給𪜶押去交互祭司長？」</verse>
				<verse number="22">掃羅 愈講愈有力，證明耶穌是基督，互住佇 大馬士革 的 猶太 人無通辯駁。</verse>
				<verse number="23">真多日後， 猶太 人鬥陣計謀欲刣 掃羅 ，</verse>
				<verse number="24">𪜶的計謀有互 掃羅 聽著。𪜶暝日佇城門當等欲給伊刣。</verse>
				<verse number="25">毋拘伊的門徒佇暗時給伊導出來，用一個籃仔對城牆頂給伊縋落去。</verse>
				<verse number="26">掃羅 到 耶路撒冷 ，想欲及門徒交陪，𪜶攏驚伊，因為無相信伊是門徒。</verse>
				<verse number="27">不過 巴拿巴 接納伊，導伊去見使徒，給𪜶說明 掃羅 佇路中看見主的經過，及主對伊講話，以及伊佇 大馬士革 偌仔呢勇敢奉耶穌的名傳道的代誌。</verse>
				<verse number="28">掃羅 佇 耶路撒冷 及使徒有出入來往，奉主的名好膽傳道。</verse>
				<verse number="29">伊嘛有及講希臘語的 猶太 人講話辯論，𪜶猶久不時計謀欲給伊刣。</verse>
				<verse number="30">信徒知影此個代誌，就導伊落去 凱撒利亞 ，對遐送伊去 大數 。</verse>
				<verse number="31">彼時， 猶太 、 加利利 ，及 撒馬利亞 逐所在的教會攏有平安，愈堅固發展，所行所做敬畏主，得著聖神的鼓勵，人數一直加添。</verse>
				<verse number="32">彼得 去逐所在訪問，嘛有訪問𫢶佇 呂大 的信徒。</verse>
				<verse number="33">伊佇遐抵著一個人名叫做 以尼雅 ；此個人半身不遂，已經倒床八年久。</verse>
				<verse number="34">彼得 對伊講：「 以尼雅 ，耶穌基督給你醫好啦。起來，整理家己的眠床。」 以尼雅 隨時起來。</verse>
				<verse number="35">所有住佇 呂大 及 沙崙 的人攏有看著，就信來歸主。</verse>
				<verse number="36">佇 約帕 有一個女信徒，名叫做 大比大 ，希臘語是 多加 ，伊有做真多好事，賑濟散赤人。</verse>
				<verse number="37">伊破病死去，人洗伊的屍體了後，給伊下佇樓頂的房間。</verse>
				<verse number="38">因為 呂大 離 約帕 無遠，門徒聽著 彼得 佇遐，就差兩個人去遐，求伊講：「請你趕緊來阮遐。」</verse>
				<verse number="39">彼得 就起來，及𪜶做夥去。伊一下到位，有人導伊去樓頂的房間。所有的寡婦攏圍佇 彼得 的身邊啼哭，提 多加 生前做的內衫外衫互伊看。</verse>
				<verse number="40">彼得 叫大家攏出去，就跪落去祈禱，然後越過去對屍體講：「 大比大 ，起來！」 多加 目睭搋開，看著 彼得 就起來坐。</verse>
				<verse number="41">彼得 伸手給伊扶起來，後來叫許個信徒及寡婦攏入來，互閣活起來的 多加 及𪜶見面。</verse>
				<verse number="42">此個消息傳遍 約帕 ，就有真多人來信主。</verse>
				<verse number="43">彼得 佇 約帕 一個翻皮師傅 西門 的厝住真多日。</verse>
			</chapter>
			<chapter number="10">
				<verse number="1">佇 凱撒利亞 有一個人，名叫做 哥尼流 ，是 羅馬 軍隊叫做「 意大利 營」的軍官。</verse>
				<verse number="2">伊是虔誠的人，及全家攏敬畏上帝；伊慷慨賑濟散赤的 猶太 人，閣不時對上帝祈禱。</verse>
				<verse number="3">有一日，差不多下晡三點，伊佇異象中明明看見上帝的天使入來，給伊叫：「 哥尼流 ！」</verse>
				<verse number="4">伊給天使直直相，非常驚惶，講：「主啊，什麼代誌？」 天使講：「你的祈禱及賑濟已經攏得著上帝歡喜接納。</verse>
				<verse number="5">今著差人去 約帕 ，請彼個稱做 彼得 的 西門 來。</verse>
				<verse number="6">伊作人客住佇翻皮師傅 西門 的厝；伊的厝佇海邊。」</verse>
				<verse number="7">對伊講話的天使離開了後， 哥尼流 叫兩個僕人及一個平常啲侍候伊敬畏上帝的兵來，</verse>
				<verse number="8">將諸個代誌攏給𪜶講，就差𪜶去 約帕 。</verse>
				<verse number="9">隔日，差不多中晝，此三個人行欲到 約帕 的時， 彼得 𬦰去厝頂祈禱。</verse>
				<verse number="10">伊腹肚枵，想欲食。人啲為伊準備食物的時，伊入神，</verse>
				<verse number="11">看見天開，有一個物件親像一塊大塊布，四角頭吊啲，縋落來土腳，</verse>
				<verse number="12">內面有地上逐種的走獸、蟲𧒴，及空中的鳥類。</verse>
				<verse number="13">有聲對伊講：「 彼得 ，起來，刣來食。」</verse>
				<verse number="14">毋拘 彼得 講：「主啊，絕對𣍐用得！我毋曾食污穢無清氣的物。」</verse>
				<verse number="15">彼個聲第二遍對伊講：「上帝互伊清氣的，你毋通看做污穢。」</verse>
				<verse number="16">此個代誌繼續有三遍，彼個物件隨時閣收倒去天頂。</verse>
				<verse number="17">彼得 感覺奇怪，抵啲想此個異象是什麼意思的時， 哥尼流 差來的人已經尋著 西門 的厝，來徛佇門口，</verse>
				<verse number="18">大聲問：「有一個叫做 彼得 的 西門 住佇遮無？」</verse>
				<verse number="19">彼得 猶啲想此個異象是什麼意思的時，聖神給伊講：「有三個人來欲尋你！</verse>
				<verse number="20">你起來，落去，及𪜶做夥去；毋通躊躇，因為𪜶是我差來的。」</verse>
				<verse number="21">彼得 就落去見許個人，給𪜶講：「我就是恁啲尋的人。恁來有什麼貴事？」</verse>
				<verse number="22">𪜶應講：「阮的長官 哥尼流 差阮來，伊是正直閣敬畏上帝的人，受全體 猶太 人的尊敬。伊得著聖天使的指示，來請你去𪜶兜欲領受你的教示。」</verse>
				<verse number="23">彼得 就請𪜶入去，留𪜶住遐過暝。 隔日， 彼得 起來及𪜶做夥去；嘛有幾若個 約帕 的信徒做夥去。</verse>
				<verse number="24">閣隔日，𪜶到 凱撒利亞 ， 哥尼流 已經邀請伊的親人及朋友啲聽候。</verse>
				<verse number="25">彼得 入去， 哥尼流 就進前迎接，仆佇伊的腳前給伊拜。</verse>
				<verse number="26">彼得 給伊牽起來，講：「起來，我家己嘛是人。」</verse>
				<verse number="27">彼得 及伊那行那講話入去內面，看著真多人已經聚集佇遐，</verse>
				<verse number="28">就對𪜶講：「恁知影，照阮的規定， 猶太 人𣍐用得及外邦人交陪來往，毋拘上帝已經指示我，無論什麼族群的人都毋通看伊做無清氣抑是污穢。</verse>
				<verse number="29">所以恁請我來，我無推辭就來。今請問，恁為著什麼代誌請我來？」</verse>
				<verse number="30">哥尼流 講：「四日前，抵此個時陣，差不多下晡三點，我佇厝內啲祈禱的時，忽然有一個人穿光映映的衫徛佇我的面前，</verse>
				<verse number="31">講：『 哥尼流 ！上帝已經有聽見你的祈禱，嘛會記得你所做賑濟人的事。</verse>
				<verse number="32">你著差人去 約帕 ，請叫做 彼得 的 西門 來；伊作人客住佇海邊翻皮師傅 西門 𪜶兜。』</verse>
				<verse number="33">我就隨時差人去請你來；今你來啦，實在真好。現在阮攏聚集佇上帝面前，欲聽主命令你所欲講攏總的話。」</verse>
				<verse number="34">彼得 開嘴講：「今我確實知，上帝無偏待人。</verse>
				<verse number="35">無論叨一個民族，敬畏伊，行為正直的人，伊攏歡喜接納。</verse>
				<verse number="36">恁知：以前上帝有通過萬民的主耶穌基督對 以色列 人傳和平的福音； 約翰 傳洗禮的道理以後，此個福音有對 加利利 開始傳遍 猶太 全地；</verse>
				<verse number="37"></verse>
				<verse number="38">就是， 拿撒勒 人耶穌，上帝有按怎用聖神及大能力給伊抹油任命，有按怎互伊去逐所在做好事，醫好所有受魔鬼壓制的人，因為上帝及伊同在。</verse>
				<verse number="39">阮就是伊佇 猶太 逐所在及 耶路撒冷 所做的事的見證人。𪜶給伊釘死佇十字架頂，</verse>
				<verse number="40">第三日上帝互伊閣活，閣互伊顯現，</verse>
				<verse number="41">毋是對所有的人，只有對阮諸個受上帝揀選來做見證的人顯現；阮曾佇伊對死人中閣活了後及伊做夥飲食。</verse>
				<verse number="42">伊命令阮傳福音互所有的人，證實伊是上帝所任命作活人及死人的審判者。</verse>
				<verse number="43">所有的先知攏為著伊做見證講，信伊的人攏會因為伊的名得著赦罪。」</verse>
				<verse number="44">彼得 猶啲講話的時，聖神降臨佇所有聽道理的人。</verse>
				<verse number="45">及 彼得 對 約帕 做夥來許個受割禮的信徒攏大著驚，因為聖神的恩賜嘛有摒落佇外邦人的身上；</verse>
				<verse number="46">因為𪜶有聽著許個人講靈語閣稱讚上帝的偉大。然後 彼得 講：</verse>
				<verse number="47">「諸個人及咱仝款已經有領受聖神，豈有人會當禁止𪜶領受水的洗禮？」</verse>
				<verse number="48">伊就命令𪜶奉耶穌基督的名領受洗禮。後來，𪜶請 彼得 及𪜶閣住幾若日。</verse>
			</chapter>
			<chapter number="11">
				<verse number="1">使徒及住佇 猶太 的信徒攏有聽著外邦人嘛接受上帝的道。</verse>
				<verse number="2">彼得 上 耶路撒冷 的時，許個受割禮的 猶太 人信徒給伊批評，講：</verse>
				<verse number="3">「你竟然入去無受割禮的人的厝及𪜶做夥食飯！」</verse>
				<verse number="4">彼得 就將所發生的代誌對頭一項一項給𪜶說明：</verse>
				<verse number="5">「我佇 約帕 城啲祈禱的時有入神看見異象，有一個物件親像一塊大塊布，四角頭吊啲，對天頂縋落來到我面前。</verse>
				<verse number="6">我詳細看，內面有地上的牲生、野獸、蟲𧒴，及空中的鳥類。</verse>
				<verse number="7">我閣聽著有聲給我講：『 彼得 ，起來，刣來食！』</verse>
				<verse number="8">我講：『主啊，絕對𣍐用得！我毋曾食污穢無清氣的物。』</verse>
				<verse number="9">彼個聲第二遍對天頂應我講：『上帝互伊清氣的，你毋通看做污穢。』</verse>
				<verse number="10">此個代誌繼續有三遍，許個物件就攏閣收倒轉去天頂。</verse>
				<verse number="11">抵彼時，對 凱撒利亞 派來尋我彼三個人來到阮啲住彼間厝。</verse>
				<verse number="12">聖神叫我著及𪜶去，毋通躊躇 。彼六個信徒嘛及我做夥去 凱撒利亞 。阮就攏入去 哥尼流 的厝。</verse>
				<verse number="13">哥尼流 給阮講伊有看見一個天使徛佇伊的厝內，對伊講：『著差人去 約帕 請彼個叫做 彼得 的 西門 來。</verse>
				<verse number="14">伊有話欲給你講，通互你及你的全家攏得著救。』</verse>
				<verse number="15">我開始講話的時，聖神降臨佇𪜶身上，及當初降臨佇咱身上仝款。</verse>
				<verse number="16">我就想起主所講的話： 約翰 用水給恁洗禮，毋拘恁會領受聖神的洗禮。</verse>
				<verse number="17">既然上帝有將咱信主耶穌基督的時所領受像款的恩賜賜互外邦人，我算啥人，哪會當阻擋上帝的所做？」</verse>
				<verse number="18">𪜶聽著諸個話就恬去，歸榮光互上帝，講：「上帝嘛有互外邦人悔改來得著活命。」</verse>
				<verse number="19">因為 司提反 的代誌受迫害四散的信徒，有的到 腓尼基 、 塞浦路斯 ，及 安提阿 ，𪜶無對別人，只有對 猶太 人傳道。</verse>
				<verse number="20">毋拘其中有一寡 塞浦路斯 及 古利奈 的信徒到 安提阿 ，嘛向 希臘 人傳，對𪜶講起主耶穌的福音。</verse>
				<verse number="21">主的氣力及𪜶同在，信來歸主的人額真多。</verse>
				<verse number="22">此個消息傳到 耶路撒冷 的教會，𪜶就派 巴拿巴 去 安提阿 。</verse>
				<verse number="23">伊一下到位，看著上帝有賜𪜶恩惠，就歡喜，勸勉𪜶大家著全心一意信靠主。</verse>
				<verse number="24">巴拿巴 是好人，互聖神充滿，閣有信心。彼時有真多人信主。</verse>
				<verse number="25">後來， 巴拿巴 去 大數 尋 掃羅 ，</verse>
				<verse number="26">尋著就導伊去 安提阿 。足足一年久，𪜶兩個及教會的人聚會，教示真多人。門徒叫做「基督徒」是對 安提阿 開始。</verse>
				<verse number="27">彼時，有幾若個先知對 耶路撒冷 落去 安提阿 。</verse>
				<verse number="28">其中一個名叫做 亞迦布 ；伊得著聖神的指示，徛起來預言講全世界啲欲有大飢荒。此個代誌佇 克勞第 統治的年間果然發生。</verse>
				<verse number="29">門徒就決定逐個人照家己的能力捐獻，通送去賑濟住佇 猶太 的信徒。</verse>
				<verse number="30">𪜶就照按呢做，將捐獻託 巴拿巴 及 掃羅 交互遐的長老。</verse>
			</chapter>
			<chapter number="12">
				<verse number="1">差不多彼個時， 希律 王下手迫害教會的一寡人，</verse>
				<verse number="2">用刀刣死 約翰 的兄哥 雅各 。</verse>
				<verse number="3">伊看出此個代誌有互 猶太 人歡喜，就續落去掠 彼得 。此個代誌佇除酵節的期間發生。</verse>
				<verse number="4">伊掠 彼得 ，給伊關落監，交互四班的警衛顧守，逐班有四個兵。 希律 按算欲佇𨃟過節後給伊押出來佇眾人的面前審判。</verse>
				<verse number="5">彼得 就按呢互人關佇監裡；教會為著伊對上帝迫切祈禱。</verse>
				<verse number="6">希律 欲押 彼得 出來審判的前一暗， 彼得 睏佇兩個警衛的中間，互人用兩條鐵鍊鍊啲，閣有警衛佇門外顧守。</verse>
				<verse number="7">忽然主的天使徛佇遐，有光啲照監房。天使搭 彼得 的肩頭，給伊叫醒，講：「緊起來！」鐵鍊就對伊的手落落去。</verse>
				<verse number="8">天使對伊講：「腰帶縖咧，鞋穿咧。」 彼得 就照按呢做。天使閣講：「外衫幔咧，隨我來！」</verse>
				<verse number="9">彼得 就隨伊出去，毋知影天使啲做的是真的，想做是啲看異象。</verse>
				<verse number="10">𪜶經過警衛所第一關及第二關，來到迵入城彼個鐵門，門自動開，𪜶就出去，行過一條街；天使隨時離開 彼得 。</verse>
				<verse number="11">彼得 一下醒，講：「今我真正知，主差伊的天使來救我脫離 希律 的手及 猶太 人一切的計謀。」</verse>
				<verse number="12">伊明白此個情形，就去 約翰 ，嘛叫做 馬可 的老母 馬利亞 的厝；佇遐有真多人聚集啲祈禱。</verse>
				<verse number="13">彼得 拍外門，有一個女婢叫做 羅大 出來欲開門。</verse>
				<verse number="14">伊認得 彼得 的聲，歡喜甲𣍐顧得開門，就走入去報告講 彼得 徛佇門口。</verse>
				<verse number="15">𪜶講：「你啲起狂！」伊堅持講有影。𪜶就講：「按呢一定是伊的天使。」</verse>
				<verse number="16">彼得 一直拍門。𪜶開門，看著 彼得 ，非常著驚。</verse>
				<verse number="17">彼得 比手叫𪜶安靜，給𪜶說明主導伊對監獄出來的經過。 彼得 閣吩咐𪜶將此個消息報告 雅各 及眾信徒，就離開去別個所在。</verse>
				<verse number="18">天光的時，兵士毋知 彼得 去叨位，就亂操操。</verse>
				<verse number="19">希律 叫人去尋，毋拘尋無，就審問看守，下令給𪜶處死。 此個代誌以後， 希律 離開 猶太 去 凱撒利亞 ，住佇遐。</verse>
				<verse number="20">當時， 希律 對 泰爾 及 西頓 的人民非常受氣，𪜶就派代表組團去見伊。𪜶代先說服宮廷的總管 伯拉斯都 ，設法互𪜶通去見 希律 ，對伊求和，因為𪜶的糧食靠王管轄的地區啲供應。</verse>
				<verse number="21">佇約定的日子， 希律 穿王服，坐佇座位，對人民演講。</verse>
				<verse number="22">眾人一直喝講：「這是神明的聲，毋是人的聲！」</verse>
				<verse number="23">主的天使隨時給 希律 拍倒，因為伊無歸榮光互上帝；後來伊互蟲咬，就死去。</verse>
				<verse number="24">上帝的道愈傳開愈興旺。</verse>
				<verse number="25">巴拿巴 及 掃羅 完成𪜶的任務，就導叫做 馬可 的 約翰 做夥離開 耶路撒冷 。</verse>
			</chapter>
			<chapter number="13">
				<verse number="1">安提阿 的教會有幾若個先知及教師，就是 巴拿巴 、互人叫做「烏人」的 西緬 、 古利奈 人 路求 ，及分封的王 希律 做夥大漢的 馬念 ，以及 掃羅 。</verse>
				<verse number="2">𪜶啲敬拜主，禁食的時，聖神給𪜶講：「著為著我指派 巴拿巴 及 掃羅 去做我呼召𪜶做的工作。」</verse>
				<verse number="3">𪜶禁食祈禱了後，給𪜶按手，差派𪜶出去。</verse>
				<verse number="4">巴拿巴 及 掃羅 已經受聖神差派，就落去 西流基 ，對遐坐船去 塞浦路斯 。</verse>
				<verse number="5">𪜶到 撒拉米 ，就佇 猶太 人的會堂宣講上帝的信息。 約翰‧馬可 嘛去遐給𪜶協助。</verse>
				<verse number="6">𪜶行透全島，來到 帕弗 ，佇遐抵著一個行法術的人，是 猶太 人的假先知，叫做 巴耶穌 。</verse>
				<verse number="7">伊及總督 士求‧保羅 有交陪；此個總督是賢明的人，伊請 巴拿巴 及 掃羅 來，欲對𪜶聽上帝的信息。</verse>
				<verse number="8">不過彼個行法術的 以呂馬 — 以呂馬 是伊的希臘名 — 反對𪜶兩人，想欲阻擋總督接受此個信仰。</verse>
				<verse number="9">毋拘 掃羅 ，嘛叫做 保羅 ，互聖神充滿，直直給伊相，</verse>
				<verse number="10">講：「你此個魔鬼仔子，你是一切公義的對敵，充滿逐款邪惡及詭詐，故意歪曲主的正直的道路！</verse>
				<verse number="11">今，你看，主欲給你刑罰，你會睛瞑，暫時𣍐看見日光。」 以呂馬 的目睭隨時互烏暗罩啲，起煙暈；伊四界摸，尋人給伊牽。</verse>
				<verse number="12">總督看著所發生的代誌就信，對主的教示感覺真希奇。</verse>
				<verse number="13">保羅 及伊的同伴對 帕弗 開船，到 旁非利亞 的 別加 ； 約翰‧馬可 佇遐離開𪜶，倒去 耶路撒冷 。</verse>
				<verse number="14">𪜶對 別加 繼續行程來到 彼西底 的 安提阿 。佇安歇日𪜶入去會堂，坐落去。</verse>
				<verse number="15">讀 摩西 的律法及先知書了後，會堂的主管差人來給𪜶講：「兄弟，恁若有話欲勸勉大家，請恁講。」</verse>
				<verse number="16">保羅 就徛起來，比手勢，講： 「 以色列 人及敬畏上帝的眾人，請聽！</verse>
				<verse number="17">以色列 人的上帝有揀選咱的祖先，佇𪜶寄居 埃及 的時互𪜶成做大的民族，用伊大權能的手導𪜶出 埃及 ，</verse>
				<verse number="18">閣佇曠野寬容𪜶四十年久。</verse>
				<verse number="19">伊毀滅 迦南 地區七個民族了後，將彼個土地互𪜶做產業，</verse>
				<verse number="20">約四百五十年久。 「以後上帝有為著𪜶設立士師，一直到先知 撒母耳 的時。</verse>
				<verse number="21">後來𪜶要求愛有一個王，上帝就對 便雅憫 支族選出 基士 的子 掃羅 ，互伊作王四十年久。</verse>
				<verse number="22">上帝廢 掃羅 了後，任命 大闢 做𪜶的王。關係 大闢 ，伊有按呢講：『我尋著 耶西 的後代 大闢 ，伊是合我心意的人，逐項代誌遵趁我的旨意。』</verse>
				<verse number="23">上帝照伊的應允，對 大闢 的後代互 以色列 人一位救主，就是耶穌。</verse>
				<verse number="24">耶穌出來以前， 約翰 對眾 以色列 人傳道，叫𪜶著悔改來領受洗禮。</verse>
				<verse number="25">約翰 啲欲結束伊的工作的時，對眾人講：『恁想我是什麼人？我毋是恁啲聽候彼位，毋拘有一位隨佇我後面啲來，我連給伊解鞋帶都𣍐堪得。』</verse>
				<verse number="26">「各位兄弟， 亞伯拉罕 的子孫及恁中間敬畏上帝的眾人，此個拯救的信息已經有傳互咱。</verse>
				<verse number="27">因為住佇 耶路撒冷 的人及𪜶的官長毋識耶穌，嘛無明白逐個安歇日所讀先知的話，就給伊定罪，這抵應驗先知的預言。</verse>
				<verse number="28">雖然𪜶尋𣍐出給伊定死罪的理由，猶久要求 彼拉多 給伊處死刑。</verse>
				<verse number="29">聖經所記載關係耶穌一切的事攏完成，𪜶就將伊對十字架頂扶落來，下佇墓裡。</verse>
				<verse number="30">總是上帝有互伊對死人中閣活，</verse>
				<verse number="31">有一段時間，伊顯現互許個對 加利利 隨伊來 耶路撒冷 的人看見。諸個人現在佇眾人中啲作耶穌的見證人。</verse>
				<verse number="32">阮將上帝應允互祖先的福音傳互恁，</verse>
				<verse number="33">因為伊互耶穌閣活，此個應允已經有對咱諸個作子孫的應驗，親像詩篇第二篇所記載： 你是我的子， 我今仔日生你。</verse>
				<verse number="34">關係互伊對死人中閣活無閣朽爛的事， 上帝講： 我欲將對 大闢 所應允 彼個神聖可靠的恩典賜互恁。</verse>
				<verse number="35">所以，佇詩篇別個所在嘛按呢講： 你𣍐互你的聖者朽爛。</verse>
				<verse number="36">大闢 在生的時有遵趁上帝的計劃。伊死了後埋葬佇祖先的邊仔，朽爛啦。</verse>
				<verse number="37">毋拘上帝互伊對死人中閣活彼位無朽爛。</verse>
				<verse number="38">所以，各位兄弟，恁應該知，赦罪的信息是對此位耶穌傳互恁；恁靠 摩西 的律法𣍐當互恁脫離罪，毋拘所有信耶穌的人攏會當對罪得著解放。</verse>
				<verse number="39"></verse>
				<verse number="40">所以恁著謹慎，才免互先知所講的臨到恁：</verse>
				<verse number="41">藐視上帝的人啊， 著看，著驚，著滅亡！ 因為佇恁的時代我所做的事， 有人給恁說明，恁嘛毋信。」</verse>
				<verse number="42">保羅 及 巴拿巴 對會堂出去的時，眾人邀請𪜶佇下一個安歇日閣來講諸個代誌互𪜶聽。</verse>
				<verse number="43">散會後，真多 猶太 人及改宗入 猶太 教許個虔誠的外邦人就隨 保羅 及 巴拿巴 出去。兩個使徒及𪜶談話，勸勉𪜶著擒牢上帝的恩典。</verse>
				<verse number="44">閣落去的安歇日，全城的人攏聚集，欲聽主的道。</verse>
				<verse number="45">猶太 人看著人赫多，心內充滿怨妒，反駁 保羅 所講的話，閣給伊侮辱。</verse>
				<verse number="46">毋拘 保羅 及 巴拿巴 勇敢宣講講：「上帝的道著先傳互恁，恁竟然拒絕，家己斷定無資格得著永遠的活命，所以阮才轉向外邦人。</verse>
				<verse number="47">因為主曾按呢命令阮講： 我已經指定你做外邦人的光， 通互你將我的拯救帶到天邊海角。」</verse>
				<verse number="48">外邦人聽著諸個話攏真歡喜，歸榮光互主的信息。許個已經受上帝揀選通得著永遠的活命的人攏成做信徒。</verse>
				<verse number="49">對按呢主的信息傳遍彼地方。</verse>
				<verse number="50">毋拘 猶太 人煽動虔誠尊貴的婦女及城內有地位的人士來迫害 保羅 及 巴拿巴 ，將𪜶趕出境。</verse>
				<verse number="51">𪜶兩人就佇眾人的面前給腳裡的土粉拌㧒确表示抗議，然後去 以哥念 。</verse>
				<verse number="52">門徒滿心歡喜，閣受聖神充滿。</verse>
			</chapter>
			<chapter number="14">
				<verse number="1">像款的代誌嘛發生佇 以哥念 。 保羅 及 巴拿巴 入去 猶太 人的會堂講道，結果有真多 猶太 人及 希臘 人來信。</verse>
				<verse number="2">毋拘許個毋信的 猶太 人煽動外邦人，互𪜶厭惡信徒，對𪜶起反感。</verse>
				<verse number="3">不過𪜶兩人佇遐住真久，靠主勇敢宣講；主賜𪜶能力行神跡奇事，證明𪜶所傳恩典的信息是真實。</verse>
				<verse number="4">城內的群眾煞分裂，有的倚 猶太 人，有的倚使徒。</verse>
				<verse number="5">彼時，外邦人及 猶太 人以及𪜶的官長計謀傷害使徒，欲用石頭給𪜶抌。</verse>
				<verse number="6">使徒知此個代誌，就逃避去 呂高尼 的 路司得 及 特庇 兩個城以及周圍的地方，</verse>
				<verse number="7">佇遐繼續傳福音。</verse>
				<verse number="8">佇 路司得 ，有一個人軟腳，不時坐啲，對出世就𣍐行。</verse>
				<verse number="9">伊聽 保羅 講道； 保羅 注目給伊看，看見伊有信心通得著醫治，</verse>
				<verse number="10">就大聲講：「徛起來，徛直直！」彼個人就跳起來行。</verse>
				<verse number="11">群眾看著 保羅 的所做，就用 呂高尼 的話大聲喝：「有神明化身做人降臨佇咱中間啦！」</verse>
				<verse number="12">𪜶稱呼 巴拿巴 做 宙斯 ，稱 保羅 做 希耳米 ，因為伊是主講者。</verse>
				<verse number="13">城外有一個 宙斯 廟的祭司，伊牽牛閣提花環來到城門口，欲及眾人做夥獻祭。</verse>
				<verse number="14">巴拿巴 及 保羅 兩個使徒聽著就拆破衫，闖入去群眾內面，喝講：</verse>
				<verse number="15">「恁哪啲做此款代誌？阮嘛是人，及恁攏仝款。阮來遮傳福音是欲互恁離開虛假的偶像，來歸向彼位活活的上帝；伊是天、地、海，及其中萬物的創造主。</verse>
				<verse number="16">早前的世代，伊容允萬民行家己的路。</verse>
				<verse number="17">不過伊一直有通過所做的好事來顯明伊家己，就是對天落雨，互恁照時收成，食物充足，心內歡喜滿足。」</verse>
				<verse number="18">使徒講諸個話才歛歛仔阻止群眾對𪜶獻祭。</verse>
				<verse number="19">有一寡對 彼西底 的 安提阿 及 以哥念 來的 猶太 人煽動群眾用石頭抌 保羅 ，想講伊已經死，就給伊拖出去城外。</verse>
				<verse number="20">門徒圍倚來的時，伊徛起來，行入去城內。隔日，伊及 巴拿巴 做夥去 特庇 。</verse>
				<verse number="21">保羅 及 巴拿巴 佇 特庇 傳福音，互真多人成做門徒。後來𪜶倒去 路司得 、 以哥念 ，及 安提阿 ，</verse>
				<verse number="22">沿路堅固門徒的信心，鼓勵𪜶持守信仰，閣對𪜶講：「咱著經過真多苦難才會當進入上帝國。」</verse>
				<verse number="23">𪜶兩人佇逐個教會選派長老，用禁食祈禱將𪜶交託互所信的主。</verse>
				<verse number="24">𪜶兩人經過 彼西底 來到 旁非利亞 ，</verse>
				<verse number="25">佇 別加 講道了後落去 亞大利 ，</verse>
				<verse number="26">對遐坐船倒去 安提阿 ；就是佇遮教會有將𪜶交託佇上帝的恩典，差𪜶出去做現在已經完成的工作。</verse>
				<verse number="27">𪜶到 安提阿 就召集教會的眾信徒，將上帝及𪜶做夥做的一切，以及伊給外邦人開信仰的門的經過，攏對𪜶報告。</verse>
				<verse number="28">後來𪜶及眾門徒住一段時間。</verse>
			</chapter>
			<chapter number="15">
				<verse number="1">有幾若個人對 猶太 落來 安提阿 啲教示信徒講：「恁若無照 摩西 的規矩受割禮就𣍐得著救。」</verse>
				<verse number="2">保羅 以及 巴拿巴 及𪜶有劇烈的爭辯。為著此個問題，大家決定派 保羅 、 巴拿巴 ，及𪜶中間幾若個人上 耶路撒冷 去見使徒以及長老，及𪜶參詳。</verse>
				<verse number="3">教會的人送𪜶出發。𪜶經過 腓尼基 及 撒馬利亞 ，對眾信徒報告外邦人歸主的事。大家聽了攏真歡喜。</verse>
				<verse number="4">𪜶到 耶路撒冷 的時，受著教會、使徒，及長老歡迎。𪜶將上帝及𪜶同在所做一切的事給大家報告。</verse>
				<verse number="5">不過有幾若個屬法利賽派的信徒徛起來講：「外邦人一定著受割禮，閣著命令𪜶遵守 摩西 的律法。」</verse>
				<verse number="6">為著此個問題，使徒及長老開會討論。</verse>
				<verse number="7">辯論真久了後， 彼得 徛起來，講：「各位兄弟，恁知上帝早就對恁中間揀選我，通互外邦人聽我所傳福音的信息來信。</verse>
				<verse number="8">彼位知人內心的上帝賜聖神互外邦人，及有賜互咱仝款，證明伊有接納𪜶。</verse>
				<verse number="9">對信，伊有給𪜶的心洗清氣；伊對待咱及𪜶攏無差別。</verse>
				<verse number="10">既然是按呢，恁是按怎猶啲試探上帝，將咱的祖先及咱擔𣍐起的擔靠佇許個門徒的肩頭頂？</verse>
				<verse number="11">毋應該按呢，咱相信著通過主耶穌的恩典才會得著救；𪜶嘛是按呢。」</verse>
				<verse number="12">大家攏靜靜聽 巴拿巴 及 保羅 講起上帝通過𪜶佇外邦人的中間所行一切的神跡奇事。</verse>
				<verse number="13">𪜶講煞， 雅各 講：「各位兄弟，請聽我講。</verse>
				<verse number="14">抵即 西門 有講著上帝當初按怎看顧外邦人，對𪜶中間揀人來歸屬伊家己。</verse>
				<verse number="15">先知有講起及此個像款意思的話。照聖經所記載：</verse>
				<verse number="16">主講：諸個事以後我欲倒轉來， 欲重建已經倒壞的 大闢 的家。 我欲對荒廢中閣給伊起造， 欲重新給伊建立起來，</verse>
				<verse number="17">通互所賰的人， 就是所有受呼召歸我的外邦人， 攏會尋求主。 彼位將諸個事對古早就互人知的主按呢宣布。</verse>
				<verse number="18"></verse>
				<verse number="19">「所以，照我的判斷，咱毋通給許個歸向上帝的外邦人刁難，</verse>
				<verse number="20">不過著寫批吩咐𪜶毋通食拜偶像無清氣的物；毋通淫亂；毋通食捏死的牲生及血。</verse>
				<verse number="21">因為對古早以來， 摩西 的律法佇逐個城市攏有人宣講，逐個安歇日，佇逐個會堂攏有人宣讀。」</verse>
				<verse number="22">彼時，使徒及長老，以及全教會決定欲對𪜶中間揀人，差𪜶及 保羅 、 巴拿巴 做夥去 安提阿 。𪜶所選派的是叫做 巴撒巴 的 猶大 及 西拉 。此兩個人佇兄弟的中間是領導人物。</verse>
				<verse number="23">使徒交代𪜶帶去的批按呢寫： 「阮諸個作使徒及長老的兄弟，給住佇 安提阿 、 敘利亞 ，及 基利家 的外邦人信徒請安！</verse>
				<verse number="24">聽講有對阮遮出去的人去恁遐，𪜶用阮無指示𪜶講的話給恁攪擾，互恁的心受著擾亂。</verse>
				<verse number="25">為著按呢，阮同心合意決定揀人，差𪜶及阮所敬愛的 保羅 以及 巴拿巴 去恁遐；</verse>
				<verse number="26">此兩個人為著咱的主耶穌基督甘願獻性命。</verse>
				<verse number="27">所以，阮差派 猶大 及 西拉 去，𪜶會親嘴給恁講及批內所寫仝款的代誌。</verse>
				<verse number="28">因為聖神及阮決定，下面諸個重要事項以外，無閣加添恁的負擔：</verse>
				<verse number="29">就是毋通食拜偶像的物；毋通食血及捏死的牲生；嘛毋通淫亂。諸個代誌恁若無犯著就好。願恁平安！」</verse>
				<verse number="30">𪜶受派落去 安提阿 ，佇遐召集全體信徒，將批交互𪜶。</verse>
				<verse number="31">眾人讀著彼張批，因為鼓勵的話滿心歡喜。</verse>
				<verse number="32">猶大 及 西拉 ，𪜶本身嘛是先知，有對信徒講真多鼓勵的話，堅固𪜶的信心。</verse>
				<verse number="33">𪜶佇遐住一段時間了後，受信徒歡送，平安倒去差𪜶來的人的所在。</verse>
				<verse number="34"></verse>
				<verse number="35">保羅 及 巴拿巴 繼續住佇 安提阿 ；𪜶及其他真多人做夥教示閣宣講主的信息。</verse>
				<verse number="36">幾若日後， 保羅 對 巴拿巴 講：「咱閣來去前傳主的信息許個城市探信徒，看𪜶的情形。」</verse>
				<verse number="37">巴拿巴 愛欲導叫做 馬可 的 約翰 做夥去，</verse>
				<verse number="38">毋拘 保羅 想講無適合，因為 馬可 曾佇 旁非利亞 離開𪜶，無繼續及𪜶做工。</verse>
				<verse number="39">𪜶兩個人意見劇烈衝突，致到著分開。 巴拿巴 導 馬可 坐船去 塞浦路斯 ；</verse>
				<verse number="40">保羅 揀 西拉 ，信徒將伊交託佇主的恩典，伊就出發。</verse>
				<verse number="41">伊行透 敘利亞 及 基利家 ，堅固逐教會的信心。</verse>
			</chapter>
			<chapter number="16">
				<verse number="1">保羅 閣去 特庇 及 路司得 ，佇遐有一個門徒叫做 提摩太 ，老母是 猶太 人，是信徒，老父是 希臘 人。</verse>
				<verse number="2">路司得 及 以哥念 的信徒攏稱讚伊。</verse>
				<verse number="3">保羅 想欲導伊做夥去，就給伊行割禮，因為彼所在的 猶太 人攏知伊的老父是 希臘 人。</verse>
				<verse number="4">𪜶一個城過一個城將 耶路撒冷 的使徒及長老所議決的規例交互𪜶去遵守。</verse>
				<verse number="5">對按呢，逐教會的信心愈堅固，人數日日加添。</verse>
				<verse number="6">因為聖神阻止 保羅 及 西拉 佇 亞細亞 省傳道，𪜶就對 弗呂家 及 加拉太 的地方經過。</verse>
				<verse number="7">𪜶來到 每西亞 邊界的時，想欲入去 庇推尼 省，不過耶穌的神毋准，</verse>
				<verse number="8">𪜶就踅過 每西亞 ，落去 特羅亞 。</verse>
				<verse number="9">彼暗， 保羅 看見異象，有一個 馬其頓 人徛啲，給伊懇求講：「請過來 馬其頓 幫贊阮！」</verse>
				<verse number="10">保羅 看見此個異象了後，阮隨時準備欲去遐，因為確信上帝有呼召阮去傳福音互 馬其頓 人。</verse>
				<verse number="11">阮對 特羅亞 開船，直直開去 撒摩特喇 ，隔日到 尼亞坡里 。</verse>
				<verse number="12">阮對遐來到 馬其頓 第一區的城 腓立比 ；此個城是 羅馬 的殖民區。阮佇遐住幾若日。</verse>
				<verse number="13">佇安歇日，阮出城去河邊，想講佇遐有祈禱的所在。阮坐落去，就對聚集佇遐的婦女講道理。</verse>
				<verse number="14">有一個賣紫色布的 推雅推喇 的婦女，名叫做 呂底亞 ，是敬畏上帝的人，伊嘛來聽。主開伊的心，互伊專心聽 保羅 所講的話。</verse>
				<verse number="15">伊及全家攏受洗禮，後來伊懇求阮講：「恁若看我有真實信主，請來住阮兜。」伊按呢給阮強留啲，阮就留落來。</verse>
				<verse number="16">有一日，阮欲去祈禱的所在，有抵著一個互卜卦的神附身的查某奴隸，伊靠卜卦互主人賺真多錢。</verse>
				<verse number="17">伊隨佇 保羅 及阮後面，大聲喝：「諸個人是至高上帝的僕人，欲對恁宣布得救的道路。」</verse>
				<verse number="18">伊真多日攏按呢喝； 保羅 感覺真討厭，就越過去給彼個邪神講：「我奉耶穌基督的名命令你對伊出去！」邪神隨時對伊出去。</verse>
				<verse number="19">查某奴隸的主人看著𪜶賺錢的向望攏無去，就給 保羅 及 西拉 扭啲，拖𪜶去市中心見官員，</verse>
				<verse number="20">交互 羅馬 官長，控告𪜶，講：「諸個人來啲擾亂咱的城；𪜶是 猶太 人，</verse>
				<verse number="21">啲傳咱 羅馬 人毋應該接受抑是遵守的風俗習慣。」</verse>
				<verse number="22">群眾摻啲攻擊，官長就剝 保羅 及 西拉 的衫，命令人用棍仔給𪜶摃。</verse>
				<verse number="23">兵丁給𪜶摃真多下了後，給𪜶關落監，閣命令顧監的人嚴密看守。</verse>
				<verse number="24">顧監的人接著命令，就給𪜶關落內監，雙腳銬佇柴楗。</verse>
				<verse number="25">差不多半暝， 保羅 及 西拉 啲祈禱，吟詩謳咾上帝，其他的犯人攏注意啲聽。</verse>
				<verse number="26">忽然有大地動，致到監獄的地基搖泏；所有的監門隨時開，犯人的鎖鍊攏落去。</verse>
				<verse number="27">顧監的人醒起來，看著監門開開，想講犯人攏逃走，就拔刀欲自殺。</verse>
				<verse number="28">保羅 大聲喝：「毋通傷害家己，阮攏佇遮。」</verse>
				<verse number="29">顧監的人叫人攑燈來，闖入去，皮皮惙仆佇 保羅 及 西拉 的腳前，</verse>
				<verse number="30">然後導𪜶出去，問講：「先生，我著做什麼才會得著救？」</verse>
				<verse number="31">𪜶講：「著信主耶穌，你及你的家就會得著救。」</verse>
				<verse number="32">𪜶就將主的道理講互伊及𪜶全家的人聽。</verse>
				<verse number="33">彼暝，顧監的人導 保羅 及 西拉 去洗孔嘴，然後伊及全家的人攏隨時受洗禮。</verse>
				<verse number="34">伊導𪜶入去伊的厝，準備物件互𪜶食。伊及全家攏大歡喜，因為𪜶已經信上帝。</verse>
				<verse number="35">隔早起， 羅馬 的官長派警官來，講：「給彼兩個人放出去。」</verse>
				<verse number="36">顧監的人將諸個話給 保羅 講：「官長有交代欲放恁出去；今恁出來，平安離開。」</verse>
				<verse number="37">毋拘 保羅 對警官講：「阮是 羅馬 公民，無受審問就佇眾人的面前用棍仔給阮摃，閣給阮關落監，此陣𪜶欲恬恬仔給阮趕出去是無？𣍐用得！叫 羅馬 官長親身來導阮出去！」</verse>
				<verse number="38">警官將諸個話對 羅馬 的官長報告。𪜶一下聽著 保羅 及 西拉 是 羅馬 公民就真驚惶，</verse>
				<verse number="39">來監裡勸𪜶，導𪜶出來，請𪜶離開彼個城。</verse>
				<verse number="40">保羅 及 西拉 離開監獄，就去 呂底亞 𪜶兜，及信徒見面，給𪜶鼓勵了後才離開。</verse>
			</chapter>
			<chapter number="17">
				<verse number="1">保羅 及 西拉 經過 暗妃坡里 及 亞波羅尼亞 ，來到 帖撒羅尼迦 ，佇遐有 猶太 人的會堂。</verse>
				<verse number="2">保羅 照習慣入去會堂，連續三個安歇日，引用聖經及人辯論。</verse>
				<verse number="3">伊講解閣證明基督一定著受害，然後對死人中閣活。伊講：「我對恁宣揚的此位耶穌就是基督。」</verse>
				<verse number="4">𪜶中間有人受說服來信，就去隨 保羅 及 西拉 ；其中有一大陣敬畏上帝的 希臘 人，閣有𣍐少貴夫人。</verse>
				<verse number="5">毋拘 猶太 人起怨妒，就招一寡街頭的匪類，絞群結黨，擾亂全市，攻擊 耶孫 的厝，尋 保羅 及 西拉 ，欲給𪜶掠去交互民眾。</verse>
				<verse number="6">𪜶尋無，就將 耶孫 及一寡信徒拖去見地方官，喝講：「諸個給天下反輾轉的人嘛來到咱遮囉！</verse>
				<verse number="7">耶孫 竟然給𪜶收留。𪜶違背 羅馬 皇帝凱撒的法令，講另外有一個王叫做耶穌。」</verse>
				<verse number="8">群眾及地方官聽著諸個話著急不安。</verse>
				<verse number="9">官員對 耶孫 及其他的人收錢交保了後放𪜶出去。</verse>
				<verse number="10">彼暗，信徒透暝送 保羅 及 西拉 去 庇哩亞 。𪜶一下到位就入去 猶太 人的會堂。</verse>
				<verse number="11">諸個 猶太 人比 帖撒羅尼迦 的 猶太 人較開明，非常熱心領受道理，逐日查考聖經，看 保羅 所講的有確實無。</verse>
				<verse number="12">𪜶中間有真多尊貴的 希臘 婦仁人及查甫人信。</verse>
				<verse number="13">毋拘 帖撒羅尼迦 的 猶太 人一下知影 保羅 嘛佇 庇哩亞 啲傳上帝的道，就去遐煽動群眾，引起擾亂。</verse>
				<verse number="14">信徒隨時送 保羅 去海邊； 西拉 及 提摩太 留佇遐。</verse>
				<verse number="15">𪜶一路護送 保羅 到 雅典 。 保羅 吩咐𪜶叫 西拉 及 提摩太 盡量趕緊去及伊會合，然後𪜶就離開。</verse>
				<verse number="16">保羅 佇 雅典 啲聽候 西拉 及 提摩太 的中間，看著滿城攏是偶像，心真艱苦。</verse>
				<verse number="17">伊佇會堂及 猶太 人以及敬畏上帝的外邦人談論，嘛逐日佇市中心及所抵著的人談論。</verse>
				<verse number="18">有一寡伊壁鳩魯及斯多亞學派的哲學家來及伊辯論。有人講：「此個愛講話的啲烏白講什麼？」 有人講：「伊親像啲傳外國的鬼神。」𪜶按呢講是因為 保羅 傳耶穌及伊閣活的福音。</verse>
				<verse number="19">𪜶就給 保羅 拖到 亞略‧巴古 議場，對伊講：「你啲講論的新學說會當互阮知𣍐？</verse>
				<verse number="20">有一寡代誌阮聽了怪怪，阮愛知是什麼意思。」</verse>
				<verse number="21">原來所有 雅典 人及住佇遐的外國人用真多時間談論及聽新奇的事。</verse>
				<verse number="22">保羅 徛佇 亞略‧巴古 議場的中央，講：「各位 雅典 人，我看出恁佇逐方面有強烈的宗教熱誠。</verse>
				<verse number="23">我佇城內啲行，觀察恁敬拜的所在，嘛有看著一座壇，頂面寫：『獻互毋識的神』。恁所啲敬拜毋識的神，現在我報恁知。</verse>
				<verse number="24">此位創造宇宙及其中萬物的上帝是天地的主，無住佇人的手起的廟寺，</verse>
				<verse number="25">嘛無欠用人的手所獻的物，其實伊攏無需要，伊家己顛倒將性命，及氣，以及萬物賜互人類。</verse>
				<verse number="26">伊對一個人造出逐種族的人，互𪜶徛起佇地面上逐所在，閣代先給𪜶定年限及徛起的地界。</verse>
				<verse number="27">上帝按呢做是欲互𪜶尋伊，𪜶若抄尋就會尋著，其實伊及咱逐個人相離無遠。</verse>
				<verse number="28">因為『咱靠伊生活，行動，存在』；親像恁的詩人有的按呢講：『因為咱嘛是伊的子孫。』</verse>
				<verse number="29">既然咱是上帝的子孫，無應該將伊的神性看做及偶像仝款，是靠人的手藝，用金、銀，抑是石頭雕刻出來的。</verse>
				<verse number="30">人類猶活佇無知的時代，上帝無追究，毋拘現在伊命令全人類著悔改。</verse>
				<verse number="31">因為伊已經決定日子，欲用伊所指定的人照公義來審判全世界；伊互一個人對死人中閣活，用此個做憑據，互全人類通信。」</verse>
				<verse number="32">𪜶一下聽著死人閣活的事，有人給伊恥笑，嘛有人講：「關係此個事阮愛閣聽你講。」</verse>
				<verse number="33">然後 保羅 對𪜶中間出去。</verse>
				<verse number="34">不過有一寡人隨伊去，成做信徒，其中有 亞略‧巴古 的議員 杜尼修 ，閣有一個女士叫做 大馬哩 ，以及一寡及𪜶做夥的人。</verse>
			</chapter>
			<chapter number="18">
				<verse number="1">此個事以後， 保羅 離開 雅典 去 哥林多 。</verse>
				<verse number="2">伊佇遐抵著一個佇 本都 出世的 猶太 人，名叫 亞居拉 ，最近才及伊的某 百基拉 對 意大利 來，因為皇帝 克勞第 有命令所有的 猶太 人攏離開 羅馬 。 保羅 去尋𪜶，</verse>
				<verse number="3">因為仝行業，攏是啲做布棚，就及𪜶住，做夥做工。</verse>
				<verse number="4">逐個安歇日， 保羅 攏佇會堂及人辯論，苦勸 猶太 人及 希臘 人信主。</verse>
				<verse number="5">西拉 及 提摩太 對 馬其頓 來了後， 保羅 就全心傳道，對 猶太 人見證耶穌是基督。</verse>
				<verse number="6">𪜶給伊反對閣誹謗的時， 保羅 給衫裡的土粉拌㧒确，對𪜶講：「恁家己欲討死，無我的代誌！對今以後我欲去外邦人遐。」</verse>
				<verse number="7">然後 保羅 離開𪜶，去住佇一個敬畏上帝的外邦人叫做 提多‧猶士都 的厝；伊的厝佇會堂的隔壁。</verse>
				<verse number="8">會堂的主管 基利司布 及伊的全家攏信主；閣有真多 哥林多 人聽了來信，嘛受洗禮。</verse>
				<verse number="9">有一暗，佇異象中主對 保羅 講：「毋免驚，著繼續講，毋通恬去，</verse>
				<verse number="10">因為我及你同在，無人會下手給你傷害；我有真多子民佇此個城內。」</verse>
				<verse number="11">保羅 佇遐住一年半久，將上帝的道教示𪜶。</verse>
				<verse number="12">迦流 作 亞該亞 總督的時， 猶太 人聯合攻擊 保羅 ，給伊掠去法庭，</verse>
				<verse number="13">告伊講：「此個人煽動人用違背律法的方式敬拜上帝！」</verse>
				<verse number="14">保羅 抵欲開嘴， 迦流 對 猶太 人講：「 猶太 人，這若是犯法的行為抑是惡質的犯罪，我當然著耐心聽恁的控訴。</verse>
				<verse number="15">所爭論的既然是關係恁律法的字眼及名稱，恁家己去解決；我毋辦此款代誌！」</verse>
				<verse number="16">伊給𪜶趕出法庭。</verse>
				<verse number="17">眾人就掠會堂的主管 所提尼 ，佇法庭前給伊拍。此項代誌 迦流 攏無插。</verse>
				<verse number="18">保羅 佇 哥林多 及信徒閣住真多日了後離開𪜶，及 百基拉 以及 亞居拉 做夥坐船去 敘利亞 。出發前， 保羅 因為有下願，佇 堅革哩 剪頭毛。</verse>
				<verse number="19">𪜶到 以弗所 ， 保羅 及𪜶分開，家己入去會堂及 猶太 人辯論。</verse>
				<verse number="20">大家請伊留落來加住幾日仔，伊無答應。</verse>
				<verse number="21">欲離開的時，伊給𪜶講「若是上帝的旨意，我會閣轉來恁遮」，然後坐船離開 以弗所 。</verse>
				<verse number="22">伊佇 凱撒利亞 落船，對遐上去 耶路撒冷 ，給教會請安，然後落去 安提阿 。</verse>
				<verse number="23">保羅 佇遐住一段時間了後閣出發，經過 加拉太 及 弗呂家 地區，堅固眾門徒的信心。</verse>
				<verse number="24">有一個佇 亞歷山大 出世的 猶太 人，叫做 亞波羅 ，來到 以弗所 ；伊有真好的口才，對聖經嘛精通。</verse>
				<verse number="25">伊對主的道路有受過訓練，熱心宣講，正確教示耶穌的事，不過只有知 約翰 的洗禮若定。</verse>
				<verse number="26">伊佇會堂好膽開始講道。 百基拉 及 亞居拉 聽著伊的講道就導伊去𪜶兜，閣較正確給伊解說上帝的道路。</verse>
				<verse number="27">後來 亞波羅 決定欲去 亞該亞 ， 以弗所 的信徒就給伊鼓勵，寫批互 亞該亞 的門徒，請𪜶給伊接待。伊到遐以後，許個對上帝的恩惠來信主的人受著真大的幫贊，</verse>
				<verse number="28">因為佇公開的辯論，伊用有力的話辯倒 猶太 人，根據聖經證明耶穌是基督。</verse>
			</chapter>
			<chapter number="19">
				<verse number="1">亞波羅 佇 哥林多 的時， 保羅 經過內陸的地區，來到 以弗所 ，佇遐有抵著幾若個門徒。</verse>
				<verse number="2">伊問𪜶：「恁信主的時有領受聖神無？」 𪜶應講：「無，阮到今毋曾聽著講有聖神。」</verse>
				<verse number="3">保羅 閣問講：「按呢，恁領受的是什麼洗禮？」 𪜶應講：「是 約翰 的洗禮。」</verse>
				<verse number="4">保羅 講：「 約翰 的洗禮是悔改的洗禮；伊叫 以色列 人著信隨佇伊後面來彼位，就是著信耶穌。」</verse>
				<verse number="5">𪜶聽了就奉主耶穌的名領受洗禮。</verse>
				<verse number="6">保羅 一下給𪜶按手，聖神就降臨佇𪜶身上，𪜶就用靈語講話，閣宣講上帝的信息。</verse>
				<verse number="7">𪜶攏總有十二個人。</verse>
				<verse number="8">保羅 連續三月日久入去會堂好膽傳道，及人辯論上帝國的事，苦勸𪜶信主。</verse>
				<verse number="9">不過有一寡人固執毋信，佇會眾面前誹謗主的道路。 保羅 就導門徒離開𪜶，逐日佇 推喇奴 的講堂及人談論。</verse>
				<verse number="10">按呢繼續兩年久，所有住佇 亞細亞 省的人，無論 猶太 人抑是 希臘 人，攏有聽見主的信息。</verse>
				<verse number="11">上帝用 保羅 的手行奇異的神跡；</verse>
				<verse number="12">甚至有人提 保羅 用過的手巾抑是圍裙囥佇病人身上，𪜶的病就好去，邪神就對𪜶出去。</verse>
				<verse number="13">彼時有幾若個行江湖啲趕鬼的 猶太 人，嘛想欲借主耶穌的名制壓邪神附身的人，講：「我奉 保羅 所傳耶穌的名命令恁出去！」</verse>
				<verse number="14">猶太 的祭司長 士基瓦 的七個子嘛啲做此款代誌。</verse>
				<verse number="15">毋拘邪神應講：「耶穌我識， 保羅 我嘛識，恁咧，恁是什麼人？」</verse>
				<verse number="16">彼個互邪神附身的人扼倚去攻擊許個行江湖的，給𪜶制伏，互𪜶受傷，赤身露體對彼間厝逃走。</verse>
				<verse number="17">住佇 以弗所 所有的 猶太 人及 希臘 人聽著此項代誌攏真著驚；主耶穌的名大受尊崇。</verse>
				<verse number="18">有真多已經信的人出來，公開承認閣報人知𪜶過去所做的代誌。</verse>
				<verse number="19">有真多行邪術的人提𪜶的冊來，囥歸堆，佇眾人的面前放火燒。𪜶計算冊的價值，大約有五萬個銀元。</verse>
				<verse number="20">對按呢，主的信息一直傳開，大大興旺。</verse>
				<verse number="21">諸個代誌了後， 保羅 受聖神感動，決定欲經過 馬其頓 及 亞該亞 去 耶路撒冷 。伊講：「我到遐以後嘛一定著去訪問 羅馬 。」</verse>
				<verse number="22">伊就差兩個助手 提摩太 及 以拉都 去 馬其頓 ，家己暫時留佇 亞細亞 。</verse>
				<verse number="23">抵彼時，關係主的道路佇 以弗所 引起嚴重的擾亂。</verse>
				<verse number="24">有一個叫做 底米特 的拍金師傅，伊用銀造女神 亞底米 的廟的模型，互一寡師傅賺𣍐少錢。</verse>
				<verse number="25">底米特 給許個師傅及所有的同業集倚來，對𪜶講：「各位，恁知咱是靠此個工藝啲賺錢。</verse>
				<verse number="26">現在恁有看著閣有聽著此個 保羅 啲做的代誌。伊講：『人的手所造的攏毋是神。』諸個話毋若佇 以弗所 ，嘛差不多佇全 亞細亞 省，有互真多人受教唆去隨𪜶。</verse>
				<verse number="27">按呢，毋若咱此個事業會拍歹名聲，連偉大的女神 亞底米 的廟都會互人輕視，全 亞細亞 省及全世界所啲拜此個女神的尊嚴嘛會受破壞！」</verse>
				<verse number="28">群眾一下聽著諸個話非常受氣，大聲喝：「 以弗所 人的 亞底米 真偉大！」</verse>
				<verse number="29">全城攏亂起來；眾人拖 保羅 的同伴 馬其頓 人 該猶 及 亞里達古 ，歸陣做一下衝入去劇場。</verse>
				<verse number="30">保羅 想欲入去群眾內面，毋拘門徒給伊阻止。</verse>
				<verse number="31">有幾若個 亞細亞 省的官員，是 保羅 的朋友，嘛差人去勸 保羅 毋通入去劇場。</verse>
				<verse number="32">彼時歸個會場亂操操，一人喝一項；大部分的人毋知𪜶是按怎啲聚集。</verse>
				<verse number="33">群眾中間有人將擾亂的責任歸互 亞歷山大 ，因為 猶太 人給伊拺出去頭前。 亞歷山大 就比手勢叫𪜶安靜，想欲給𪜶辯明。</verse>
				<verse number="34">𪜶一下認出伊是 猶太 人，就攏齊聲喝：「 以弗所 人的 亞底米 真偉大！」按呢直直喝，喝兩點鐘久。</verse>
				<verse number="35">彼個城的書記官互群眾攏安靜了後，講：「 以弗所 人，啥人毋知 以弗所 城是偉大的 亞底米 廟及對天落落來彼塊聖石的守護者？</verse>
				<verse number="36">既然無人會當否認此個代誌，恁應該安靜，毋通衝動。</verse>
				<verse number="37">恁拖諸個人來遮，毋拘𪜶並無搶寺廟，嘛無褻瀆咱的女神。</verse>
				<verse number="38">底米特 及伊的師傅若欲控告，有開庭的日子及主持訴訟的官長，𪜶通提出告訴。</verse>
				<verse number="39">恁若有其他的要求，通佇定期的會議解決。</verse>
				<verse number="40">今仔日所發生的代誌，咱驚了會互人追究責任，閣對此款的混亂，咱嘛提𣍐出理由通辯解。」</verse>
				<verse number="41">講諸個話了後，伊就宣布散會。</verse>
			</chapter>
			<chapter number="20">
				<verse number="1">擾亂平靜了後， 保羅 召集門徒，給𪜶勉勵，及𪜶相辭，就離開遐去 馬其頓 。</verse>
				<verse number="2">伊經過許個地區，講真多話勉勵信徒，然後去 希臘 ，</verse>
				<verse number="3">佇遐住三個月。伊準備欲坐船去 敘利亞 的時， 猶太 人計謀欲害伊，就決定經過 馬其頓 轉去。</verse>
				<verse number="4">及伊做夥去的，有 庇哩亞 人 畢羅斯 的子 所巴特 ，閣有 帖撒羅尼迦 人 亞里達古 及 西公都 ， 特庇 人 該猶 ，閣有 提摩太 及 亞細亞 人 推基古 及 特羅非摩 。</verse>
				<verse number="5">諸個人先出發，佇 特羅亞 啲聽候阮。</verse>
				<verse number="6">除酵節過了，阮對 腓立比 開船，五日後到 特羅亞 及𪜶會合，佇遐住七日。</verse>
				<verse number="7">拜六 暗，阮大家聚會擘餅的時， 保羅 及大家談論，因為隔日就欲離開，所以講到半暝。</verse>
				<verse number="8">阮啲聚會彼間樓頂的房間有點真多燈火。</verse>
				<verse number="9">有一個少年人，叫做 猶推古 ，坐佇窗仔門， 保羅 繼續講真久，伊煞睏重眠，對三樓跋落去，大家給伊扶起來的時已經死。</verse>
				<verse number="10">保羅 落去，仆佇伊的身軀，給伊攬啲，講：「毋免著急，伊猶有氣。」</verse>
				<verse number="11">然後伊閣𬦰去樓頂，擘餅，食，繼續及𪜶談論真久，到天光才離開。</verse>
				<verse number="12">𪜶給彼個活起來的少年人導轉去，大家受真大的安慰。</verse>
				<verse number="13">阮先上船，開去 亞朔 ，通佇遐接 保羅 上船；因為伊欲行陸路去遐，所以有按呢安排。</verse>
				<verse number="14">伊佇 亞朔 及阮會合，阮就接伊上船去 米推利尼 。</verse>
				<verse number="15">阮對遐開船，隔日到 基阿 的對面岸，一日後佇 撒摩 靠岸，閣隔日到 米利都 。</verse>
				<verse number="16">保羅 已經決定無愛佇 以弗所 停留，才免佇 亞細亞 延時間。伊欲趕緊去 耶路撒冷 ，看會當佇五旬節以前到位𣍐。</verse>
				<verse number="17">保羅 對 米利都 差人去 以弗所 ，召集教會的長老來。</verse>
				<verse number="18">𪜶到位的時， 保羅 對𪜶講：「對我來到 亞細亞 彼日起一直到現在，我及恁按怎做夥生活，恁攏知。</verse>
				<verse number="19">雖然我有對 猶太 人的計謀受著試煉，猶久非常謙卑閣流目屎啲服事主。</verse>
				<verse number="20">無論佇公共的場合抑是個別的家庭，若對恁有利益的，我毋曾無對恁傳，無給恁教；</verse>
				<verse number="21">對 猶太 人及 希臘 人，我攏嚴嚴勸告𪜶著悔改歸向上帝，閣信咱的主耶穌。</verse>
				<verse number="22">現在，我順服聖神欲去 耶路撒冷 ，佇遐會抵著什麼代誌，我毋知，</verse>
				<verse number="23">不過我知，聖神給我警告，講佇逐個城市有監獄及患難啲聽候我。</verse>
				<verse number="24">毋拘為著欲行完我的路程，完成主耶穌交代我的任務，通見證上帝恩典的福音，我完全無惜家己的性命。</verse>
				<verse number="25">「我一直佇恁中間出入啲宣揚上帝國，現在我知，以後恁𣍐當閣見著我。</verse>
				<verse number="26">所以，今仔日我給恁講清楚，恁中間若有人沉淪，毋是我的責任，</verse>
				<verse number="27">因為我已經將上帝的旨意攏總傳互恁啦。</verse>
				<verse number="28">恁家己著謹慎，嘛著照顧聖神交託互恁攏總的羊群，作監督來牧養上帝的教會，就是伊用家己的子的死 來贖回的。</verse>
				<verse number="29">我知我離開了後有兇惡的豺狼會入來恁中間傷害羊群。</verse>
				<verse number="30">甚至佇恁中間有人會出來曲解真理，引誘門徒去隨𪜶。</verse>
				<verse number="31">所以，恁著警醒，會記得我三年久暝日流目屎勸戒恁逐個人。</verse>
				<verse number="32">「現在我將恁交託互上帝，通對伊恩典的信息得著造就，互恁及聖化歸主的人攏通繼承伊所賜的福分。</verse>
				<verse number="33">我毋曾貪人的金、銀，抑是衣服。</verse>
				<verse number="34">恁家己知，我用此兩支手做工來供給家己及同伴的需要。</verse>
				<verse number="35">逐項事我攏有做互恁看，愛恁一定著拍拼做工來幫贊軟弱的人。著會記得主耶穌家己所講的話：『互人的比領受的較有福氣。』」</verse>
				<verse number="36">諸個話講煞， 保羅 及𪜶大家攏跪落去祈禱。</verse>
				<verse number="37">大家大聲哮，給伊攬，給伊唚；</verse>
				<verse number="38">因為 保羅 講「以後𣍐當閣相見」此句話互𪜶非常傷心。然後𪜶送伊上船。</verse>
			</chapter>
			<chapter number="21">
				<verse number="1">離別眾人了後，阮開船一直到 哥士 ，隔日到 羅底 ，對遐去 帕大喇 ，</verse>
				<verse number="2">佇遐抵著一隻欲過去 腓尼基 的船，阮就上船出發。</verse>
				<verse number="3">阮來到看會著 塞浦路斯 的時，對南旁踅過，去 敘利亞 ，佇 泰爾 落船，因為船欲佇遐落貨。</verse>
				<verse number="4">阮尋著一寡門徒，佇遐及𪜶住七日。𪜶得著聖神的指示，勸 保羅 毋通上 耶路撒冷 。</verse>
				<verse number="5">阮及𪜶離別的時間到就離開，繼續阮的路程。𪜶攏導𪜶的某子送阮到城外，佇海邊跪落去祈禱，</verse>
				<verse number="6">互相相辭了後阮上船，𪜶倒去𪜶兜。</verse>
				<verse number="7">阮繼續航程對 泰爾 去到 多利買 ，佇遐給信徒請安，及𪜶住一日。</verse>
				<verse number="8">隔日，阮出發去 凱撒利亞 ，佇遐住佇傳福音的 腓力 的厝，伊是 耶路撒冷 彼七個執事的一個。</verse>
				<verse number="9">伊有四個猶未結婚的查某子，攏做先知會講預言。</verse>
				<verse number="10">阮住佇遐幾若日的中間，有一個先知叫做 亞迦布 對 猶太 落來。</verse>
				<verse number="11">伊來尋阮，提 保羅 的腰帶縛家己的腳及手，講：「聖神按呢講：『此條腰帶的主人會佇 耶路撒冷 親像按呢互 猶太 人縛起來，然後交互外邦人。』」</verse>
				<verse number="12">阮一下聽著，就及彼所在的人苦勸 保羅 毋通上 耶路撒冷 。</verse>
				<verse number="13">保羅 應講：「恁哪哭甲按呢，互我的心強欲碎去？我為著主耶穌的名，毋若佇 耶路撒冷 互人縛，甚至佇遐死嘛甘願。」</verse>
				<verse number="14">伊毋受苦勸，阮就恬恬，只有講：「願主的旨意實現！」</verse>
				<verse number="15">幾若日後，阮準備好勢，就上 耶路撒冷 。</verse>
				<verse number="16">有一寡對 凱撒利亞 來的門徒嘛及阮去，導阮去 塞浦路斯 人 拿孫 的厝住；伊是早期的門徒。</verse>
				<verse number="17">阮到 耶路撒冷 的時，信徒熱誠接待阮。</verse>
				<verse number="18">隔日， 保羅 及阮去訪問 雅各 ；教會的眾長老攏佇遐。</verse>
				<verse number="19">保羅 給𪜶請安，然後將上帝通過伊佇外邦人的中間所做的工作一項一項對𪜶報告。</verse>
				<verse number="20">𪜶聽了攏歸榮光互上帝，對 保羅 講：「兄弟，你知，佇遮有幾若萬 猶太 人成做信徒，𪜶攏熱心遵守律法。</verse>
				<verse number="21">𪜶有聽著你教示住佇外邦的 猶太 人，叫𪜶放棄 摩西 的律法，毋免給𪜶的囝仔行割禮，嘛毋免守 猶太 人的風俗習慣。</verse>
				<verse number="22">𪜶一定會聽著你來遮的消息，按呢欲按怎？</verse>
				<verse number="23">今著照阮給你講的去做。遮有四個下願的查甫人；</verse>
				<verse number="24">你導𪜶做夥去參加潔淨禮，替𪜶納所費，互𪜶通剃頭。你按呢做，眾人就知，𪜶所聽著關係你的事毋是事實，閣知你家己嘛有啲遵守 摩西 的律法。</verse>
				<verse number="25">不過對已經做信徒的外邦人，阮已經有寫批給𪜶講，阮有裁決叫𪜶毋通食祭偶像的物、血，及捏死的牲生，嘛毋通有淫亂。」</verse>
				<verse number="26">隔日， 保羅 導彼四個查甫人及𪜶做夥去參加潔淨禮，然後入去聖殿報告潔淨禮什麼時滿，通為著𪜶逐個人獻祭物。</verse>
				<verse number="27">七日的期啲欲滿的時，一寡對 亞細亞 來的 猶太 人有看著 保羅 佇聖殿內，就煽動群眾掠 保羅 ，</verse>
				<verse number="28">喝講：「 以色列 人，來鬥相共一下！此個人逐所在教人反對 以色列 人及 摩西 的律法，嘛反對此個聖殿。現在伊閣敢導 希臘 人進入聖殿，污染此個神聖的所在。」</verse>
				<verse number="29">因為𪜶有看著 以弗所 人 特羅非摩 及 保羅 做夥佇城內，想講 保羅 有導伊入去聖殿。</verse>
				<verse number="30">全城擾亂起來，民眾攏走倚來；𪜶掠 保羅 ，給伊拖出去聖殿的外面，殿的門隨時關起來。</verse>
				<verse number="31">𪜶抵想欲刣 保羅 的時，有消息傳到 羅馬 軍營的指揮官遐，講全 耶路撒冷 啲起擾亂。</verse>
				<verse number="32">指揮官隨時帶兵及軍官走到民眾遐。民眾一下看著指揮官及兵就停手，無閣拍 保羅 。</verse>
				<verse number="33">指揮官倚去掠 保羅 ，叫人用兩條鐵鍊給伊鍊啲，閣問伊是啥人，有做什麼代誌。</verse>
				<verse number="34">群眾一個喝一款，因為亂操操，指揮官無法度通知實情，就命令兵押 保羅 入去營房。</verse>
				<verse number="35">保羅 啲欲𬦰砛仔的時，因為群眾雄介介，兵煞著給 保羅 扛入去。</verse>
				<verse number="36">群眾隨佇後面喝講：「互伊死！」</verse>
				<verse number="37">保羅 抵欲互人押入去營房的時對指揮官講：「我會當給你講一句話𣍐？」指揮官問講：「你識希臘語噢！</verse>
				<verse number="38">按呢你就毋是彼個無久以前造反，導四千個殺手走去曠野的 埃及 人囉。」</verse>
				<verse number="39">保羅 應講：「我是 猶太 人，出世佇 基利家 的 大數 ，是一個不止有名的城市的市民。請你准我對民眾講話。」</verse>
				<verse number="40">指揮官允准， 保羅 就徛佇砛仔頂對民眾比手勢。眾人攏恬落去， 保羅 就用希伯來話對𪜶講話。</verse>
			</chapter>
			<chapter number="22">
				<verse number="1">保羅 講：「各位父老兄弟，請聽我此陣欲為著家己辯護的話。」</verse>
				<verse number="2">𪜶一下聽著 保羅 用希伯來話對𪜶講話，就閣較安靜。 保羅 講：</verse>
				<verse number="3">「我是 猶太 人，佇 基利家 的 大數 出世，佇 耶路撒冷 大漢，做 迦瑪列 的學生，及今仔日佇遮的諸位仝款有受咱祖先律法嚴格的教育，熱心服事上帝。</verse>
				<verse number="4">我曾迫害信奉此個道路的人，互𪜶致到死，無論男、女，攏給𪜶掠去關監。</verse>
				<verse number="5">大祭司及議會攏總的長老會當為我作證。我嘛有對𪜶得著互 大馬士革 猶太 同胞的批。後來我有去遐欲縛住佇遐的信徒，給𪜶掠來 耶路撒冷 受刑罰。</verse>
				<verse number="6">「我行欲到 大馬士革 的時，差不多是中晝，忽然有真強的光對天頂照佇我的周圍。</verse>
				<verse number="7">我跋落去土腳，聽著有聲對我講：『 掃羅 ， 掃羅 ！你是按怎啲迫害我？』</verse>
				<verse number="8">我問講：『主啊，你是什麼人？』伊應我講：『我就是你啲迫害的 拿撒勒 人耶穌。』</verse>
				<verse number="9">許個及我做陣行的人有看著彼個光，無聽著對我講話彼位的聲。</verse>
				<verse number="10">我閣問講：『主啊，我著做什麼？』主對我講：『起來，入去 大馬士革 ，佇遐有人會將我欲指派你去做攏總的代誌給你講。』</verse>
				<verse number="11">因為彼個光真鑿目，我煞𣍐看見，我的同伴就牽我入去 大馬士革 。</verse>
				<verse number="12">「佇遐有一個人叫做 亞拿尼亞 ，是一個遵守 摩西 律法虔誠的人，不止受 大馬士革 的 猶太 人尊敬。</verse>
				<verse number="13">伊來尋我，徛佇我的身邊，講：『 掃羅 兄弟，互你會閣看見！』彼陣我隨時會看見，有看著伊。</verse>
				<verse number="14">伊講：『咱祖先的上帝已經揀選你，互你知伊的旨意，通看見伊彼位公義的僕人，閣聽著伊的嘴所出的聲，</verse>
				<verse number="15">因為你會將你所看見所聽著的對萬民做見證。</verse>
				<verse number="16">哪猶啲延延，起來領受洗禮，求叫伊的名通互你的罪得著清氣！』」</verse>
				<verse number="17">「後來，我倒去 耶路撒冷 ；佇聖殿啲祈禱的時入神，</verse>
				<verse number="18">看著主給我講：『趕緊，隨時離開 耶路撒冷 ，因為此所在的人𣍐接受你為著我所做的見證。』</verse>
				<verse number="19">我應講：『主啊，𪜶家己知我以前去逐個會堂掠信你的人關落監，閣給𪜶拍。</verse>
				<verse number="20">你的見證人 司提反 互人殺害的時，我嘛徛佇邊仔，贊同𪜶，閣給害死伊的人顧外衫。』</verse>
				<verse number="21">主對我講：『你去，因為我欲差你去遠遠的外邦人遐。』」</verse>
				<verse number="22">眾人一直注意聽，到 保羅 講此句話的時，𪜶大聲喝：「此款人著對地上消滅！毋通互伊活！」</verse>
				<verse number="23">𪜶大聲嚷，拆破外衫，向空中撒土粉的時，</verse>
				<verse number="24">羅馬 的指揮官命令人將 保羅 押入去營房，用鞭給伊拍，為著欲確實知 猶太 人是按怎啲給伊嚷。</verse>
				<verse number="25">𪜶給伊縛起來欲鞭拍的時， 保羅 對徛佇邊仔的軍官講：「對一個無受判罪的 羅馬 公民，恁用鞭給伊拍豈有合法？」</verse>
				<verse number="26">彼個軍官一下聽著就去見指揮官，對伊講：「今欲按怎？此個人是 羅馬 公民！」</verse>
				<verse number="27">指揮官去見 保羅 ，問伊講：「給我講，你是 羅馬 的公民是無？」 保羅 應講：「是。」</verse>
				<verse number="28">指揮官講：「我用真多錢才得著此個公民權。」 保羅 講：「我出世就是 羅馬 公民。」</verse>
				<verse number="29">許個欲審問 保羅 的人隨時離開。指揮官一下知 保羅 是 羅馬 公民，閣因為給伊縛啲，就真驚。</verse>
				<verse number="30">隔日，指揮官愛知 猶太 人控告 保羅 確實的理由，就給伊解開，閣命令祭司長及全議會聚集，導 保羅 出來，互伊徛佇𪜶面前。</verse>
			</chapter>
			<chapter number="23">
				<verse number="1">保羅 注目看議員，講：「各位兄弟，我佇上帝的面前照完全清白的良心生活，直到今仔日。」</verse>
				<verse number="2">大祭司 亞拿尼亞 命令徛佇 保羅 身邊的人給伊搧嘴䩃。</verse>
				<verse number="3">保羅 對伊講：「你此個漆甲白白的牆，上帝欲拍你！你開庭應該照法律給我審判，你竟然違法命令人拍我！」</verse>
				<verse number="4">徛佇 保羅 邊仔的人講：「你敢罵上帝的大祭司？」</verse>
				<verse number="5">保羅 應講：「兄弟啊，我毋知伊是大祭司；聖經有記載講：『毋通侮辱治理人民的長官。』」</verse>
				<verse number="6">保羅 一下知影𪜶中間有的是撒都該派的人，有的是法利賽派的人，就佇議會喝講：「兄弟，我是法利賽派的人，是法利賽人的子，我受審問是因為向望死人的閣活！」</verse>
				<verse number="7">伊一下按呢講，法利賽派的人及撒都該派的人就起爭論，議會嘛分裂。</verse>
				<verse number="8">因為撒都該派的人講無閣活，無天使，嘛無鬼神，毋拘法利賽派的人此三項攏有信。</verse>
				<verse number="9">喧嚷的聲愈來愈大，幾若個法利賽派的經學教師徛起來，極力抗議講：「阮尋𣍐出此個人有什麼錯誤。敢真正有鬼神抑是天使對伊講話喔？」</verse>
				<verse number="10">爭論愈來愈劇烈，指揮官驚了 保羅 互𪜶拆碎，就命令兵落去對眾人中間給 保羅 搶出來，導入去營房。</verse>
				<verse number="11">彼暝，主徛佇 保羅 的身邊，講：「著勇敢！你已經有佇 耶路撒冷 為著我做見證，嘛一定著佇 羅馬 為著我做見證。」</verse>
				<verse number="12">隔早起， 猶太 人鬥陣計謀，咒誓若無刣死 保羅 毋食毋飲。</verse>
				<verse number="13">有四十外個人參加此個陰謀。</verse>
				<verse number="14">𪜶去見祭司長及長老，講：「阮已經咒重誓，若無刣死 保羅 攏毋食！</verse>
				<verse number="15">現在恁及議會著要求指揮官導 保羅 來互恁，假做欲較詳細查問伊的案件；阮會準備好勢，佇伊到遮以前給伊刣死。」</verse>
				<verse number="16">保羅 的外甥聽著此個埋伏的陰謀，就入去兵營給 保羅 講。</verse>
				<verse number="17">保羅 就請一個軍官來，給伊講：「請導此個少年人去見指揮官，伊有代誌欲給伊報告。」</verse>
				<verse number="18">軍官就導少年人去見指揮官，講：「彼個犯人 保羅 叫我來，要求我導此個少年人來見你，因為伊有代誌欲給你講。」</verse>
				<verse number="19">指揮官牽伊的手去邊仔問伊：「你有什麼代誌欲給我報告？」</verse>
				<verse number="20">伊講：「 猶太 人已經講好勢，假做欲閣較詳細調查 保羅 的案件，欲請你明仔載給伊送去議會。</verse>
				<verse number="21">請你毋通聽𪜶的話，因為有四十外個人埋伏啲等伊。𪜶咒誓，若無刣死 保羅 毋食毋飲。現在𪜶攏準備好勢，啲聽候你允准。」</verse>
				<verse number="22">指揮官就吩咐少年人講「毋通對人講你有報我知此項代誌」，然後叫伊轉去。</verse>
				<verse number="23">指揮官叫兩個軍官來，給𪜶講：「去準備步兵兩百個，馬兵七十個，及攑槍的兵兩百個，通佇今暗九點出發去 凱撒利亞 。</verse>
				<verse number="24">閣去準備馬互 保羅 騎，護送伊安全到 腓力斯 總督遐。」</verse>
				<verse number="25">指揮官就寫一張批按呢講：</verse>
				<verse number="26">「 克勞第‧呂西亞 給總督 腓力斯 閣下請安。</verse>
				<verse number="27">此個人互 猶太 人掠去，啲欲互𪜶刣死的時，我一下知伊是 羅馬 公民，就帶兵去給伊救。</verse>
				<verse number="28">我想欲明白𪜶控告伊的理由就送伊去𪜶的議會。</verse>
				<verse number="29">我發見伊互人告是關係𪜶律法的爭論，並無犯著什麼該死抑是著關監的罪。</verse>
				<verse number="30">後來有人給我報告 猶太 人計謀欲害伊，所以我隨時送伊去你遐，像時命令告伊的人嘛著佇你的面前給伊控告。」</verse>
				<verse number="31">步兵執行命令，透暝將 保羅 帶去 安提帕底 。</verse>
				<verse number="32">隔日步兵轉去營裡，互馬兵繼續護送。</verse>
				<verse number="33">𪜶到 凱撒利亞 ，將彼張批提互總督，嘛將 保羅 交互伊。</verse>
				<verse number="34">總督讀彼張批了，問 保羅 是叨一省的人，知影是 基利家 省的人，</verse>
				<verse number="35">就講：「告你的人到位的時，我才處理你的案件。」後來總督命令將 保羅 拘留佇 希律 的公署。</verse>
			</chapter>
			<chapter number="24">
				<verse number="1">五日後，大祭司 亞拿尼亞 及幾若個長老，以及一個叫做 帖土羅 的律師來到 凱撒利亞 。𪜶佇 腓力斯 總督面前告 保羅 。</verse>
				<verse number="2">保羅 一下受召出庭， 帖土羅 就給伊控告，講： 「 腓力斯 閣下，因為你賢明的治理互阮享受太平，所施行的多多改革嘛互國家得著進步。你的德政互阮逐時逐位感謝不盡。</verse>
				<verse number="3"></verse>
				<verse number="4">我毋敢耽誤你傷久，求你寬容來聽阮簡要的申訴。</verse>
				<verse number="5">阮看此個人是一個危險人物，佇全世界的 猶太 人中間作亂，是拿撒勒黨的首領。</verse>
				<verse number="6">伊想欲污染聖殿，阮就給伊掠起來。</verse>
				<verse number="7"></verse>
				<verse number="8">你親身審問此個人就會明白阮控告伊一切的代誌。」</verse>
				<verse number="9">在場的 猶太 人嘛攏支持此個控告，講事情確實是按呢。</verse>
				<verse number="10">總督對 保羅 示意，叫伊發言， 保羅 就講： 「我知你佇本國判案真多年，我願意佇你面前為著家己辯護。</verse>
				<verse number="11">你調查就會明白，對我上 耶路撒冷 敬拜到今仔日只有十二日。</verse>
				<verse number="12">猶太 人並無看著我佇聖殿及人辯論，嘛無看著我佇會堂抑是市內煽動群眾。</verse>
				<verse number="13">𪜶嘛𣍐當對你提出現在啲控告我的證據。</verse>
				<verse number="14">不過我著對你承認一項事，就是我照𪜶看做是異端的道路敬拜阮祖先的上帝，相信 摩西 的律法及先知的冊所記載的一切。</verse>
				<verse number="15">我對上帝有囥及𪜶仝款的向望，就是無論好人抑是歹人攏會對死閣活。</verse>
				<verse number="16">因為按呢，我對上帝及人攏盡力保持清白的良心。</verse>
				<verse number="17">「我離開 耶路撒冷 幾若年後閣轉去，是提一寡錢欲去救濟同胞，閣獻祭物。</verse>
				<verse number="18">𪜶佇聖殿看著我的時，我已經完成潔淨禮啲獻祭，彼時無群眾，嘛無擾亂，</verse>
				<verse number="19">干焦有幾若個對 亞細亞 來的 猶太 人佇遐。𪜶若欲控告我，應該家己來你的面前告我才著。</verse>
				<verse number="20">若無，我佇議會申訴的時，𪜶著指出我有做什麼毋著。</verse>
				<verse number="21">只有一項事𪜶會當給我控告，就是我曾徛佇𪜶中間大聲講：『我今仔日受恁審判，是為著死人的閣活。』」</verse>
				<verse number="22">腓力斯 對此個道路相當清楚，就宣布退庭，對𪜶講：「聽候指揮官 呂西亞 來，我才判決恁的案件。」</verse>
				<verse number="23">然後 腓力斯 命令彼個軍官顧守 保羅 ，互伊有淡薄自由，閣准伊的朋友帶伊所欠用的物件來互伊。</verse>
				<verse number="24">幾若日後， 腓力斯 及伊的 猶太 夫人 土西拉 來。伊差人叫 保羅 出來，欲聽伊講論關係信基督耶穌的事。</verse>
				<verse number="25">保羅 講到公義、節制，及將來的審判， 腓力斯 感覺驚惶，就對 保羅 講：「此擺到遮就好，有機會我才閣召你來。」</verse>
				<verse number="26">像時伊嘛有啲期待 保羅 會送錢互伊，所以常常叫 保羅 出來，及伊談論。</verse>
				<verse number="27">經過兩年， 波求‧非斯都 接 腓力斯 作總督。 腓力斯 為著欲互 猶太 人歡喜，繼續給 保羅 關佇監裡。</verse>
			</chapter>
			<chapter number="25">
				<verse number="1">非斯都 就任三日後，對 凱撒利亞 上去 耶路撒冷 。</verse>
				<verse number="2">祭司長及 猶太 人的領袖對伊控告 保羅 。𪜶請求 非斯都 ，</verse>
				<verse number="3">拜託伊將 保羅 送去 耶路撒冷 。𪜶計謀佇路中埋伏欲給伊刣死。</verse>
				<verse number="4">非斯都 應講：「 保羅 關佇 凱撒利亞 ，我家己嘛連鞭欲轉去遐。</verse>
				<verse number="5">所以恁中間做頭的人通及我做夥去 凱撒利亞 ，此個人若有做什麼毋著，𪜶通佇遐給伊告。」</verse>
				<verse number="6">非斯都 住遐成十日，就倒去 凱撒利亞 。隔日，伊開庭，命令人帶 保羅 來。</verse>
				<verse number="7">保羅 一下出庭，對 耶路撒冷 落來許個 猶太 人倚來徛佇伊的周圍，用真多嚴重的罪名給伊控告，毋拘提𣍐出證據。</verse>
				<verse number="8">保羅 為著家己辯護，講：「我對 猶太 人的律法，抑是聖殿，抑是 羅馬 皇帝攏毋曾做什麼毋著的代誌。」</verse>
				<verse number="9">毋拘 非斯都 為著欲互 猶太 人歡喜，就問 保羅 ：「你願意上 耶路撒冷 ，佇遐為著諸個告訴接受我的審判無？」</verse>
				<verse number="10">保羅 講：「我現在徛佇皇帝的法庭，當然著佇遮受審判。你明明知，我並無得罪 猶太 人。</verse>
				<verse number="11">我若有做毋著，犯著該死的罪，就是著死，我嘛絕對𣍐逃避。毋拘𪜶的控告若無事實，無人會當給我交互𪜶。我欲對皇帝上訴。」</verse>
				<verse number="12">非斯都 及顧問參詳了後，應講：「既然你已經對皇帝上訴，就去皇帝遐。」</verse>
				<verse number="13">過幾若日， 亞基帕 王及 百妮基 來 凱撒利亞 ，對 非斯都 表示敬意。</verse>
				<verse number="14">𪜶佇遐住幾若日了後， 非斯都 將 保羅 的案件講互 亞基帕 王聽。伊講：「佇遮有一個 腓力斯 留落來的犯人。</verse>
				<verse number="15">我去 耶路撒冷 的時， 猶太 人的祭司長及長老有給伊告，要求我給伊定罪。</verse>
				<verse number="16">我給𪜶講，照 羅馬 人的慣例，被告猶未及原告面對面對指，猶無機會為家己辯護，𣍐當給伊定罪。</verse>
				<verse number="17">所以，𪜶攏到位，我隨時佇隔日開庭，命令帶彼個人來。</verse>
				<verse number="18">原告徛起來控告，毋拘所告的無一項是我所想的赫呢歹。</verse>
				<verse number="19">𪜶及伊爭論的是𪜶家己的宗教問題，以及一個叫做耶穌的人的代誌。伊已經死，毋拘 保羅 主張伊猶啲活。</verse>
				<verse number="20">諸個問題我毋知著按怎調查，所以問 保羅 看願意上 耶路撒冷 佇遐為著諸個代誌受審判抑無。</verse>
				<verse number="21">毋拘 保羅 請求繼續給伊扣留，聽候皇帝裁決，所以我命令給伊扣留到送交互皇帝。」</verse>
				<verse number="22">亞基帕 給 非斯都 講：「我家己嘛愛聽此個人講話。」 非斯都 講：「明仔載你會當聽伊講。」</verse>
				<verse number="23">隔日， 亞基帕 及 百妮基 非常奢颺入場，導指揮官及市內的要人進入大廳。 非斯都 下令， 保羅 就互人導入來。</verse>
				<verse number="24">非斯都 講：「 亞基帕 王及在座各位！恁看此個人！佇遮及佇 耶路撒冷 所有的 猶太 人攏對我請求，喝講著互伊死。</verse>
				<verse number="25">毋拘我查𣍐出伊有犯著什麼該死的罪。伊既然家己對皇帝上訴，我就決定給伊送去。</verse>
				<verse number="26">關係此個人，我無確實的資料通對皇上呈奏。因為按呢我才給伊導來各位面前，特別佇 亞基帕 王你的面前，查明案情了後通得著資料呈奏。</verse>
				<verse number="27">因為照我看，押送囚犯，無指明伊的罪名是無合理。」</verse>
			</chapter>
			<chapter number="26">
				<verse number="1">亞基帕 對 保羅 講：「准你為著家己辯護。」 保羅 就伸手開始辯護：</verse>
				<verse number="2">「 亞基帕 王，今仔日會當佇你的面前為著 猶太 人控告我一切的事申辯，我感覺萬幸。</verse>
				<verse number="3">因為你對 猶太 人的慣例及爭論的問題特別精通，所以我懇求你耐心聽。</verse>
				<verse number="4">「我對少年到今，起頭佇我本國，後來佇 耶路撒冷 ，作人按怎，所有的 猶太 人攏知。</verse>
				<verse number="5">𪜶已經識我真久，若肯，會當為著我作證。我作一個法利賽人，有照阮的宗教上嚴格教派的要求啲生活。</verse>
				<verse number="6">現在我徛佇遮受審判，是因為我向望上帝對阮祖先的應允會實現；</verse>
				<verse number="7">阮十二支族的同胞暝日熱心敬拜嘛是為著欲互此個向望實現。王啊，為著此個向望，我才受 猶太 人控告。</verse>
				<verse number="8">上帝互死人閣活此項代誌，恁是按怎斷定𣍐當相信？</verse>
				<verse number="9">「以前我本身嘛想講著用逐款的方法來反對 拿撒勒 人耶穌的名。</verse>
				<verse number="10">我佇 耶路撒冷 確實有按呢做，毋若有對祭司長領受權柄掠真多信徒關監，閣佇𪜶受處死的時嘛表示贊成。</verse>
				<verse number="11">我時常佇各地的會堂給𪜶刑罰，強迫𪜶褻瀆此個信仰，閣用暴力對待𪜶，甚至去到外國的城市給𪜶迫害。」</verse>
				<verse number="12">「有一遍，我帶祭司長的權柄及命令去 大馬士革 。</verse>
				<verse number="13">王啊，佇半路，中晝的時，我看著比日頭閣較強的光對天頂照落來，給我及同行的人罩啲。</verse>
				<verse number="14">阮攏跋落去土腳。我有聽著一個聲，用希伯來話對我講：『 掃羅 ， 掃羅 ，你是按怎啲迫害我？你按呢做，親像用拳頭母啲掙石獅，家己討皮疼 。』</verse>
				<verse number="15">我問講：『主啊，你是什麼人？』主講：『我就是你啲迫害的耶穌。</verse>
				<verse number="16">起來，徛啲；我對你顯現是欲派你做我的僕人為著所看見關係我的事，以及將來欲對你顯現的事作證。</verse>
				<verse number="17">我欲對 以色列 人及外邦人的中間給你救出來，差遣你去𪜶遐，</verse>
				<verse number="18">開𪜶的目睭，互𪜶離開烏暗進入光明，離開撒旦的權勢歸向上帝，互𪜶對信我得著赦罪，閣承受作上帝選民的地位。』」</verse>
				<verse number="19">「所以， 亞基帕 王，我無違背對天來的異象。</verse>
				<verse number="20">我代先對 大馬士革 及 耶路撒冷 的人，後來對 猶太 全地的人，嘛對外邦人傳道，勸𪜶著悔改來歸向上帝，閣著用行為證明𪜶有真正悔改。</verse>
				<verse number="21">為著此個緣故， 猶太 人佇聖殿內掠我，想欲刣我。</verse>
				<verse number="22">到今仔日，我得著上帝的幫贊，會當徛佇遮對尊貴及卑微的人做見證。我所講的，及先知以及 摩西 所講的仝款，是關係將來欲發生的事，</verse>
				<verse number="23">就是基督一定著受苦，成做頭一個對死人中閣活的，通將拯救的光傳互 猶太 人及外邦人。」</verse>
				<verse number="24">保羅 按呢為著家己啲辯護的時， 非斯都 對伊大聲喝：「 保羅 ，你起狂啦；你的博學互你起狂啦！」</verse>
				<verse number="25">保羅 講：「 非斯都 閣下！我並無起狂；我所講的話真實閣合理。</verse>
				<verse number="26">因為王知諸個代誌，我才敢大膽對王講。我相信王對諸個代誌攏真清楚，因為所發生諸個代誌無人毋知。</verse>
				<verse number="27">亞基帕 王，你有相信先知無？我知你有。」</verse>
				<verse number="28">亞基帕 對 保羅 講：「你講幾句仔話就欲說服我做基督徒噢！」</verse>
				<verse number="29">保羅 應講：「無論幾句仔話抑是真多話，我祈求上帝，毋若是你，連今仔日佇遮所有聽我講話的人嘛攏會及我仝款，毋拘無親像我互人用鐵鍊鍊啲。」</verse>
				<verse number="30">王、總督、 百妮基 ，及同坐的人攏徛起來。</verse>
				<verse number="31">𪜶退出了後互相談論講：「此個人並無犯著什麼該死抑是著關監的罪。」</verse>
				<verse number="32">亞基帕 對 非斯都 講：「此個人若無對皇帝上訴，早就通給伊放啦。」</verse>
			</chapter>
			<chapter number="27">
				<verse number="1">非斯都 已經決定阮著坐船去 意大利 ，𪜶就將 保羅 及其他的犯人交互皇家禁衛軍一個名叫 猶流 的軍官。</verse>
				<verse number="2">阮坐一隻對 亞大米田 來的船；此隻船抵仔欲沿 亞細亞 省幾若個港口開船。有一個對 帖撒羅尼迦 來的 馬其頓 人 亞里達古 及阮做夥去。</verse>
				<verse number="3">隔日阮到 西頓 。 猶流 真親切對待 保羅 ，准伊去見伊的朋友，受𪜶招待。</verse>
				<verse number="4">阮對遐閣開船，因為逆風，就順 塞浦路斯 島倚閃風彼旁行。</verse>
				<verse number="5">阮經過 基利家 及 旁非利亞 的外海，來到 呂家 的 每拉 。</verse>
				<verse number="6">佇遐，軍官 猶流 尋著一隻對 亞歷山大 來的船欲開去 意大利 ，就叫阮上彼隻船。</verse>
				<verse number="7">連續幾若日，船行真慢，勉強才來到 革尼土 的外海。因為受著風的阻擋，阮就順 克里特 島南旁倚閃風彼旁岸行對 撒摩尼 角過去。</verse>
				<verse number="8">阮的船順海墘行，勉強來到離 拉西亞 無偌遠一個叫做 安全港 的所在。</verse>
				<verse number="9">阮已經延真多日，閣因為禁食的節期嘛過了，行船危險，所以 保羅 勸大家，</verse>
				<verse number="10">講：「各位先生，我看咱繼續行船，毋若貨物及船，連咱的性命都會抵著危險閣大損失。」</verse>
				<verse number="11">毋拘軍官寧可相信船長及船主，毋聽 保羅 講的話。</verse>
				<verse number="12">閣此個港口嘛無適合過冬天，大部分的人贊成開船，向望會當趕去 菲尼基 過冬天。 菲尼基 是 克里特 島的一個港口，一面向西南，一面向西北。</verse>
				<verse number="13">彼時，南風微微仔吹來，大家想講會順利到目的地就起碇，倚 克里特 島的海墘行。</verse>
				<verse number="14">無久有一陣叫做 友拉革羅 的東北大風對 克里特 島掃落來。</verse>
				<verse number="15">船互風掃，駛𣍐行，就出在伊飄流。</verse>
				<verse number="16">阮來到一個小島叫做 高大 的南旁，閃風的彼旁岸，勉強將救生艇縛好勢。</verse>
				<verse number="17">然後水手將救生艇拖起來船頂，用大索給伊捆啲。𪜶驚了船佇 賽耳底 的沙洲擱淺，就落帆，出在伊飄流。</verse>
				<verse number="18">暴風繼續吹，隔日𪜶開始將貨物擲落海。</verse>
				<verse number="19">第三日，𪜶閣親手將船頂的器具擲掉。</verse>
				<verse number="20">真多日，日頭看𣍐著，星嘛看𣍐著；風湧繼續拍甲真厲害，最後阮完全放棄得救的向望。</verse>
				<verse number="21">眾人真久攏無食， 保羅 徛佇𪜶中央，講：「各位先生，恁早若聽我的話，無對 克里特 開船，就𣍐抵著此款的危險及損失。</verse>
				<verse number="22">現在我勸恁著勇敢；恁中間無甲一個人會喪失性命；干焦會失落此隻船若定。</verse>
				<verse number="23">因為我所屬所敬拜的上帝，昨暗有差伊的天使來對我</verse>
				<verse number="24">講：『 保羅 ，免驚！你一定著徛佇皇帝面前。上帝已經將船內攏總的人交託你啦。』</verse>
				<verse number="25">所以，著勇敢，因為我相信代誌一定會照上帝給我講按呢實現。</verse>
				<verse number="26">不過咱一定會佇一個島嶼擱淺。」</verse>
				<verse number="27">到第十四日的暗時，阮猶佇 亞得里亞海 啲飄流。到半暝，水手想講阮啲欲倚近陸地，</verse>
				<verse number="28">就擲測量索落去探，探出有四十公尺深；較進前，閣探一遍，探出有三十公尺深。</verse>
				<verse number="29">𪜶驚了船犁著暗礁，就對船尾拋四個碇，迫切聽候天緊光。</verse>
				<verse number="30">水手想欲放拺船逃走，將救生艇縋落去海裡，假做欲對船頭拋碇。</verse>
				<verse number="31">保羅 對軍官及兵丁講：「諸個人若無留佇船頂，恁就無救。」</verse>
				<verse number="32">兵丁就斬斷救生艇的索，互伊流去。</verse>
				<verse number="33">天欲光的時， 保羅 勸眾人著食。伊講：「恁已經聽候十四日久攏無食，</verse>
				<verse number="34">所以我勸恁著食一寡物件才會當活落去。恁連一支頭毛都𣍐失落。」</verse>
				<verse number="35">保羅 講了後，提餅，佇眾人的面前感謝上帝，擘開，食。</verse>
				<verse number="36">眾人心就定落來，提物件食。</verse>
				<verse number="37">及阮同船的人攏總有兩百七十六個。</verse>
				<verse number="38">大家食飽了後，將麥仔擲落海，互船較輕。</verse>
				<verse number="39">天光的時，水手毋識彼個所在，不過𪜶看著有一個海灣有沙灘，就想看會當將船駛上灘抑𣍐。</verse>
				<verse number="40">𪜶給索斬斷，將碇㧒落海，閣解開船舵的索，給船頭的帆吊起來，互伊食風，互船駛上灘。</verse>
				<verse number="41">毋拘船犁著沙坪煞擱淺；船頭咬牢啲𣍐振動，船尾互大湧拍破。</verse>
				<verse number="42">兵丁驚了犯人泅水逃走，想欲給𪜶攏刣死。</verse>
				<verse number="43">毋拘軍官愛欲救 保羅 ，就給𪜶阻止。伊命令會曉泅的人先跳落水，泅上岸；</verse>
				<verse number="44">其他的人才利用船枋抑是船的破片上陸。最後，眾人攏安全上岸。</verse>
			</chapter>
			<chapter number="28">
				<verse number="1">阮安全上陸了後才知彼個島嶼叫做 馬爾他 。</verse>
				<verse number="2">當地的原住民對阮非常親切，因為落雨閣寒，就起火給阮接待。</verse>
				<verse number="3">保羅 拾一捆柴，㧒落火，彼陣有一尾毒蛇因為火燒趖出來，纏佇伊的手。</verse>
				<verse number="4">當地的原住民看著彼尾蛇吊佇 保羅 的手裡，就講來講去：「此個人一定是殺人犯，雖然對海裡拾著命，天理無容允伊活。」</verse>
				<verse number="5">保羅 將彼尾蛇灑落火裡，攏無受傷。</verse>
				<verse number="6">許個人攏金金啲看伊的手會腫起來，抑是伊會忽然慄落去，死去抑𣍐。𪜶聽候真久，看伊攏無代誌，就顛倒想講伊是神明。</verse>
				<verse number="7">海嶼的頭目 部百流 有一塊地離彼所在無偌遠。伊歡迎阮佇遐住三日，真親切接待阮。</verse>
				<verse number="8">當時， 部百流 的老父患著熱病及赤痢，倒佇眠床。 保羅 入去，給伊按手祈禱，給伊醫好。</verse>
				<verse number="9">因為此個代誌，當地其他的病人嘛來，嘛攏得著醫好。</verse>
				<verse number="10">𪜶送阮真多禮物；阮欲開船的時，將阮需要的物件送到船頂互阮。</verse>
				<verse number="11">三月日後，阮坐對 亞歷山大 來，名叫做「雙生仔神」的船出發。此隻船抵佇此個島嶼過冬天。</verse>
				<verse number="12">阮佇 敘拉古 上岸，佇遐停留三日，</verse>
				<verse number="13">後來對遐開船到 利基翁 ，隔日有透南風，第二日就到 部丟利 。</verse>
				<verse number="14">阮佇遐抵著一寡兄弟姊妹，𪜶請阮及𪜶住一禮拜。後來阮來到 羅馬 。</verse>
				<verse number="15">羅馬 的兄弟姊妹聽著消息，就來 亞比烏 市及 三館 迎接。 保羅 見著𪜶就感謝上帝，閣較有勇氣。</verse>
				<verse number="16">阮到 羅馬 了後， 保羅 得著允准及顧守伊的兵另外住。</verse>
				<verse number="17">三日後， 保羅 請當地 猶太 人的領袖來。𪜶聚集的時，伊對𪜶講：「各位兄弟，我雖然無做違背同胞的代誌抑是祖先的規例，毋拘佇 耶路撒冷 受掠，送交互 羅馬 當局。</verse>
				<verse number="18">𪜶審問我，看我無犯著該死的罪，有想欲放我；</verse>
				<verse number="19">不過 猶太 人反對，我才姑不將對皇帝上訴；其實我無意思欲控告家己的同胞。</verse>
				<verse number="20">因為按呢，我才要求及恁見面，及恁談論。我是為著 以色列 人所向望彼位才受鐵鍊鍊啲。」</verse>
				<verse number="21">𪜶對伊講：「關係你的代誌，阮並無對 猶太 接著批信，嘛無兄弟來對阮報告，抑是講你的歹話。</verse>
				<verse number="22">不過阮愛聽你的見解，因為阮知恁此派的人佇逐所在互人反對。」</verse>
				<verse number="23">𪜶及 保羅 約定一日，到時有真多人來 保羅 住的所在。對早到暗， 保羅 為著上帝國做見證，引用 摩西 的律法及先知的冊勸𪜶信耶穌。</verse>
				<verse number="24">伊所講的話有人信，有人毋信。</verse>
				<verse number="25">𪜶中間的意見無一致；𪜶離開以前， 保羅 講此句話：「聖神託先知 以賽亞 對恁的祖先講了真著！</verse>
				<verse number="26">伊講： 你去給此個子民講： 恁聽閣聽嘛𣍐了解； 恁看閣看嘛𣍐看見。</verse>
				<verse number="27">因為此個子民的心已經鈍， 耳孔重， 目睭瞌。 若毋是按呢，𪜶的目睭會看見， 耳孔會聽見， 心會明白，會回心轉意， 我就給𪜶醫好。</verse>
				<verse number="28">「所以，恁著知，上帝此個拯救的信息已經傳互外邦人。𪜶會聽趁！」</verse>
				<verse number="29"></verse>
				<verse number="30">保羅 住佇家己租的厝足足兩年久。來訪問的人，伊攏給𪜶接待。</verse>
				<verse number="31">伊好膽宣揚上帝國的信息，閣教示關係主耶穌基督的事，攏無受阻擋。</verse>
			</chapter>
		</book>
		<book number="45">
			<chapter number="1">
				<verse number="1">我是基督耶穌的僕人 保羅 ，奉上帝選召作使徒，特派來傳伊的福音。</verse>
				<verse number="2">此個福音是上帝早前通過伊的眾先知記佇聖經的應允，</verse>
				<verse number="3">啲講起伊的子咱的主耶穌基督：對人性來講，伊是 大闢 的後代；對聖潔的神性來講，上帝互伊對死人中閣活，用大能力顯明伊是上帝的子。</verse>
				<verse number="4"></verse>
				<verse number="5">阮對伊得著恩賜作使徒，為著基督的名欲互萬民信來順趁，</verse>
				<verse number="6">嘛包含恁諸個受選召歸屬耶穌基督的人。</verse>
				<verse number="7">我寫此張批互恁所有住佇 羅馬 ，上帝所疼，所選召作伊信徒的人。 願咱的父上帝及主耶穌基督賜恁恩典及平安！</verse>
				<verse number="8">代先，我通過耶穌基督為著恁眾人感謝我的上帝，因為恁的信德已經傳遍全世界。</verse>
				<verse number="9">我宣揚伊的子的福音，用心靈啲服事彼位上帝通給我作證，我常常數念恁，</verse>
				<verse number="10">不時佇祈禱中懇求上帝照伊的好旨意給我開路，互我無久就會當順利去恁遐。</verse>
				<verse number="11">我真愛見恁，通及恁分享一寡屬靈的恩賜，互恁堅強；</verse>
				<verse number="12">就是我到恁中間的時，恁通過我的信仰，我通過恁的信仰，互相得著鼓勵。</verse>
				<verse number="13">兄弟姊妹，我真愛恁知，我真多遍計劃欲去恁遐，通及佇其他外邦人的中間仝款，嘛佇恁中間收成一寡果子，毋拘到今猶有阻擋。</verse>
				<verse number="14">無論什麼款人，開化抑是未開化的，有智慧抑是無智慧的，我攏欠𪜶的債。</verse>
				<verse number="15">所以，我迫切向望嘛會當將福音傳互恁佇 羅馬 的人。</verse>
				<verse number="16">我無看福音做見笑，因為此個福音是上帝的大能力，欲拯救所有信的人，代先 猶太 人，後來外邦人 。</verse>
				<verse number="17">因為此個福音有啟示上帝的義，此個義對頭到尾攏是通過信來得著。照聖經所記載：「義的人會對信來活 。」</verse>
				<verse number="18">上帝對天頂發出受氣，譴責所有不虔不義的人；𪜶的不義阻擋人識真理。</verse>
				<verse number="19">因為上帝有對𪜶顯明伊本身，所以𪜶應該對上帝有清楚的認識才著。</verse>
				<verse number="20">對創世以來，上帝永遠的大能力及神聖，雖然肉眼看𣍐著，毋拘通過受造的物會當清楚看見，所以𪜶攏𣍐當推責任。</verse>
				<verse number="21">因為𪜶雖然識上帝亦無尊重伊做上帝，嘛無給伊感謝；𪜶的思想反轉變做空空，心思愚戇，充滿烏暗。</verse>
				<verse number="22">𪜶自稱聰明，其實愚戇。</verse>
				<verse number="23">𪜶無將榮光歸互𣍐死滅的上帝，反轉去拜會死滅的人、飛鳥、禽獸、蟲𧒴等的像。</verse>
				<verse number="24">所以，上帝出在𪜶趁家己心內的慾望去做無清氣的代誌，致到彼此蹧躂家己的身體。</verse>
				<verse number="25">𪜶用虛假替換上帝的真理。𪜶敬拜，服事被造物，無敬拜彼位造物主 — 伊才應該永遠得著稱讚。阿們！</verse>
				<verse number="26">因為按呢，上帝出在𪜶放縱通見笑的肉慾：查某人及查某人用違反自然的性關係代替及查甫人自然的關係；</verse>
				<verse number="27">查甫人嘛仝款放拺及查某人自然的性關係，彼此慾火攻心；查甫人及查甫人做見笑的代誌，結果著受偏差的行為該受的報應。</verse>
				<verse number="28">既然𪜶無欲真正認識上帝，上帝就出在𪜶的心思敗壞，去做無應該做的代誌。</verse>
				<verse number="29">𪜶充滿逐款的不義、歹心、貪心、惡毒、滿心怨妒、謀殺、鬥爭、奸詐、陰謀、講尻脊後話、</verse>
				<verse number="30">誹謗、怨恨上帝、侮辱人、驕傲、誇口、製造是非、忤逆父母、</verse>
				<verse number="31">無明理、無守約、無情、無憐憫。</verse>
				<verse number="32">𪜶雖然知，照上帝公義的判斷，做諸個代誌的人應該死；𪜶毋若家己做，甚至嘛贊成別人按呢做。</verse>
			</chapter>
			<chapter number="2">
				<verse number="1">所以，你此個批判人的，無論你是什麼人攏𣍐當推責任；你批判別人是啲批判家己，因為你批判別人做的代誌，家己嘛逐項攏去做。</verse>
				<verse number="2">咱知，做此款代誌的人，上帝會照事實給𪜶審判。</verse>
				<verse number="3">你此個人，你批判別人做諸個代誌，家己嘛去做仝款的代誌，你想講你會當閃避上帝的審判是無？</verse>
				<verse number="4">抑是講你看輕上帝極大的仁慈、寬容，及吞忍。你豈毋知伊的仁慈是欲導你悔改？</verse>
				<verse number="5">你硬心，毋悔改，是啲為著家己累積上帝的受氣；此個受氣會佇伊公義審判彼日顯明。</verse>
				<verse number="6">上帝會照逐人的行為給𪜶報應。</verse>
				<verse number="7">許個堅持做好事，追求榮光、尊貴，及𣍐敗壞的性命的人，上帝會賜𪜶永遠的活命。</verse>
				<verse number="8">許個自私，無遵趁真理，去趁不義的人，上帝的受氣及刑罰會臨到𪜶。</verse>
				<verse number="9">所有做歹的人會受著患難困苦，代先是 猶太 人，後來才外邦人。</verse>
				<verse number="10">不過所有做好的人會得著榮光、尊貴，及平安，代先是 猶太 人，後來才外邦人；</verse>
				<verse number="11">因為上帝無偏待人。</verse>
				<verse number="12">外邦人無 摩西 的律法，若犯罪嘛會受律法外的審判來滅亡； 猶太 人有 摩西 的律法，若犯罪會照律法受審判。</verse>
				<verse number="13">因為，毋是聽律法的人佇上帝的面前是義人，只有實行律法的人才會互上帝宣判做義人。</verse>
				<verse number="14">無律法的外邦人若照本性遵守律法的規定，𪜶雖然無律法，家己就是律法；</verse>
				<verse number="15">按呢表示律法的要求有刻佇𪜶心內。𪜶的良心嘛證實，𪜶的心思有時家己責備，有時家己辯護。</verse>
				<verse number="16">按呢，佇彼日，照我所傳的福音，上帝會通過基督耶穌來審判人隱密的事。</verse>
				<verse number="17">按呢你咧，你自稱 猶太 人，倚靠律法，閣用上帝做誇口。</verse>
				<verse number="18">你明白上帝的旨意，有受過律法的教導，會曉分別是非。</verse>
				<verse number="19">你自信家己是啲給失明的人導路，是烏暗中的人的光，</verse>
				<verse number="20">戇人的導師，幼稚的人的老師。你想講既然有律法，對智識及真理就有把握。</verse>
				<verse number="21">你教示別人，是按怎無教示家己？你教人毋通偷提，家己有偷提無？</verse>
				<verse number="22">你講毋通犯姦淫，家己有犯著無？你厭惡偶像，家己有搶廟寺無？</verse>
				<verse number="23">你誇口有律法，家己有犯法來侮辱上帝無？</verse>
				<verse number="24">聖經有記載：「因為恁的緣故，上帝的名佇外邦人的中間受褻瀆。」</verse>
				<verse number="25">你若遵守律法，割禮就有價值；你若犯法，有割禮變做無割禮。</verse>
				<verse number="26">無受割禮的人若遵守律法的規定，上帝豈無給伊算做有割禮？</verse>
				<verse number="27">肉體無受割禮毋拘有遵守律法的人會給你定罪，因為你有律法的條文閣受割禮，毋拘顛倒違背律法。</verse>
				<verse number="28">其實，外表作 猶太 人的毋是真正的 猶太 人；佇肉體所受外表的割禮嘛毋是真正的割禮。</verse>
				<verse number="29">真正的 猶太 人是內在的；真正的割禮是心的割禮，是聖神的作為，毋是靠律法的條文。此款人受稱讚毋是對人，是對上帝來。</verse>
			</chapter>
			<chapter number="3">
				<verse number="1">按呢講，作 猶太 人有什麼優點？割禮有什麼利益？</verse>
				<verse number="2">佇逐方面攏有真多好處。第一，上帝有將伊的話交託𪜶。</verse>
				<verse number="3">𪜶中間若有人無信實，𪜶的無信實豈會互上帝的信實變做無效？</verse>
				<verse number="4">絕對𣍐！甚至所有的人攏白賊，上帝亦一定是真實。照聖經所記載： 你責備的時，顯出公義； 你受控告的時，會勝訴。</verse>
				<verse number="5">不過，咱的不義若會當顯明上帝的義，咱會當講什麼？我照人的想法講，上帝對咱受氣是不義是無？</verse>
				<verse number="6">絕對毋是！若是，上帝哪會當審判世間？</verse>
				<verse number="7">我的虛假若會當互上帝的真實閣較明顯，互伊閣較有榮光，我哪猶互伊宣判做罪人？</verse>
				<verse number="8">按呢，哪毋講「咱來做歹互好事實現」？確實有人按呢講來給我中傷，𪜶應該受定罪。</verse>
				<verse number="9">若按呢，咱 猶太 人豈有較贏外邦人？無！我已經有指責 猶太 人及外邦人攏受罪管轄。</verse>
				<verse number="10">抵照聖經所記載： 攏無義人， 連一個都無！</verse>
				<verse number="11">無曉悟的人； 攏無人尋求上帝。</verse>
				<verse number="12">人攏背叛上帝， 攏行迷路； 攏無人做好事， 連一個都無！</verse>
				<verse number="13">𪜶的嚨喉親像開開的墓； 𪜶的嘴舌奸詐； 𪜶的嘴唇有毒蛇的毒。</verse>
				<verse number="14">𪜶嘴內充滿惡毒咒詛。</verse>
				<verse number="15">𪜶走真緊，急欲刣人流血；</verse>
				<verse number="16">𪜶走過的路攏有毀滅悲慘。</verse>
				<verse number="17">平安的路𪜶毋識，</verse>
				<verse number="18">對上帝，心無存敬畏。</verse>
				<verse number="19">今咱了解，律法一切的要求是對佇律法下的人講的，互人攏𣍐當辯解，互全世界攏受上帝審判。</verse>
				<verse number="20">所以無人靠守律法的條文會互上帝宣判做義人；對律法，人才知什麼是罪。</verse>
				<verse number="21">現在，上帝已經給咱指示，咱毋免靠律法會當及伊建立合宜的關係 ；律法及先知攏為著這做見證。</verse>
				<verse number="22">及上帝建立合宜的關係是通過信耶穌基督。上帝按呢對待所有信基督的人，攏無差別。</verse>
				<verse number="23">因為所有的人攏犯罪，致到上帝的榮光得𣍐著；</verse>
				<verse number="24">不過，對上帝所賜白白的恩典，通過基督耶穌完成的救贖，人通及上帝有合宜的關係。</verse>
				<verse number="25">上帝立耶穌作贖罪祭，通過伊的死，互人對信來得著赦罪。上帝用按呢來顯明伊的義。佇過去，伊用耐心對待人，寬容𪜶以前所犯的罪，</verse>
				<verse number="26">欲佇現今此個時顯明伊家己是義，閣互信耶穌的人及伊有合宜的關係。</verse>
				<verse number="27">若按呢，咱猶有什麼通誇口？攏無！靠什麼法則？靠行為是無？毋是！是靠信的法則。</verse>
				<verse number="28">所以，阮認定，人及上帝建立合宜的關係，毋是靠守律法的行為，只有對信。</verse>
				<verse number="29">上帝豈只有是 猶太 人的上帝？伊豈毋是外邦人的上帝？是，伊嘛是外邦人的上帝。</verse>
				<verse number="30">既然上帝只有一位，伊互受割禮的 猶太 人對信來及伊建立合宜的關係，嘛互無受割禮的外邦人對信來及伊建立合宜的關係。</verse>
				<verse number="31">按呢講，咱因為此個信煞互律法失去效力是無？絕對毋是！咱顛倒是啲確立律法。</verse>
			</chapter>
			<chapter number="4">
				<verse number="1">按呢，關係咱血統的祖先 亞伯拉罕 ，咱欲講什麼？</verse>
				<verse number="2">亞伯拉罕 若是對行為受稱做義人，伊就有通誇口，毋拘對上帝看，伊無通誇口。</verse>
				<verse number="3">因為聖經有記載：「 亞伯拉罕 信上帝，因為按呢，上帝就給伊算做義。」</verse>
				<verse number="4">人做工得著工錢無算恩典，是應該。</verse>
				<verse number="5">毋拘無靠行為，只有信彼位宣判罪人做無罪的上帝的人，伊因為有此個信，上帝就給伊算做義。</verse>
				<verse number="6">大闢 嘛有講起無靠行為互上帝給伊算做義的人有福氣。伊講：</verse>
				<verse number="7">過失得著赦免，罪過得著擦消， 此款人真有福氣！</verse>
				<verse number="8">主無算伊有罪的， 此款人真有福氣！</verse>
				<verse number="9">按呢，此個福氣只有互受割禮的人是無？毋是，嘛互無受割禮的人。因為咱已經有講：「 亞伯拉罕 因為信，上帝就給伊算做義。」</verse>
				<verse number="10">是按怎算？是伊受割禮以前，抑是以後？是割禮以前，毋是割禮以後。</verse>
				<verse number="11">後來伊有受割禮；此個割禮是一種記號，印證伊猶未受割禮以前就對信互上帝接納做義人。許個無受割禮的人因為信，上帝有接納𪜶做義人，通互 亞伯拉罕 作許個無受割禮的信徒的祖先。</verse>
				<verse number="12">伊嘛是受割禮的人的祖先；𪜶毋若受割禮，嘛有照咱的祖先 亞伯拉罕 受割禮以前信心的模範啲生活。</verse>
				<verse number="13">上帝應允 亞伯拉罕 及伊的子孫欲互𪜶承受世界做產業；此個應允毋是通過律法，是通過信來得著的義。</verse>
				<verse number="14">若遵守律法的人才會當承受上帝的應允，信就空空，應允嘛無路用。</verse>
				<verse number="15">律法會惹起上帝的受氣；無律法就無違法。</verse>
				<verse number="16">因為按呢，應允是用信做根據，欲保證應允是對上帝白白的恩典，互 亞伯拉罕 所有的子孫，毋若有受割禮的人，嘛包含許個及 亞伯拉罕 像款有信上帝的人。伊是咱眾人的祖先；</verse>
				<verse number="17">照聖經所記載：「我有互你作萬民的祖先。」此個應允佇上帝面前有效。 亞伯拉罕 信此位互死人閣活，閣互無變做有的上帝。</verse>
				<verse number="18">伊佇無通向望的時猶囥向望，信講伊會成做萬民的祖先，照所應允的話講：「你一定有真多子孫。」</verse>
				<verse number="19">伊已經成百歲，想著家己的身軀若親像死去， 莎拉 亦已經𣍐生子，毋拘 亞伯拉罕 無因為按呢失去信心。</verse>
				<verse number="20">伊對上帝的應允無懷疑，信心反轉愈堅定，將榮光歸互上帝。</verse>
				<verse number="21">伊確信上帝一定會實現家己的應允。</verse>
				<verse number="22">所以， 亞伯拉罕 因為信，上帝給伊算做義。</verse>
				<verse number="23">毋拘，「給伊算做義」此句話毋是干焦為著伊，</verse>
				<verse number="24">嘛是為著咱諸個人寫的，因為咱有信上帝互咱的主耶穌對死人中閣活，咱嘛會受算做義。</verse>
				<verse number="25">為著咱的罪過，上帝將主耶穌交互人害死，閣為著欲互咱及上帝有合宜的關係，上帝有互伊閣活。</verse>
			</chapter>
			<chapter number="5">
				<verse number="1">既然，咱對信受稱做義人，就通過咱的主耶穌基督及上帝有和睦的關係。</verse>
				<verse number="2">咱對信，通過基督通進入現在啲享受此個恩典，歡歡喜喜向望通分享上帝的榮光。</verse>
				<verse number="3">毋若按呢，佇患難中，咱猶原歡歡喜喜，因為咱知，患難生出忍耐，</verse>
				<verse number="4">忍耐生出老練，老練生出向望，</verse>
				<verse number="5">向望𣍐致到見笑，因為上帝通過賜互咱的聖神將伊的疼灌入咱的心。</verse>
				<verse number="6">咱猶軟弱的時，基督佇上帝所指定的日子為著有罪的人死。</verse>
				<verse number="7">替義人死，差不多無；替好人死，豈採猶有人敢。</verse>
				<verse number="8">不過上帝對咱證明伊疼咱，咱猶是罪人的時，基督有替咱死。</verse>
				<verse number="9">現在基督已經為著咱流血犧牲，互咱及上帝有合宜的關係，伊閣較會救咱脫離上帝的受氣。</verse>
				<verse number="10">因為，咱猶久作上帝對敵的時，伊互家己的子替咱死，互咱及伊閣和好。既然閣和好，咱閣較會因為基督的活來得著拯救。</verse>
				<verse number="11">毋若按呢，咱現在已經通過基督及上帝閣和好，嘛會通過咱的主耶穌基督用上帝做誇口。</verse>
				<verse number="12">罪對一個人進入世間，死嘛隨入來；結果，所有的人攏會死，因為所有的人攏有犯罪。</verse>
				<verse number="13">猶未有律法以前，罪已經佇世間；不過無律法，罪就無算做罪。</verse>
				<verse number="14">毋拘對 亞當 到 摩西 彼段期間，死啲支配全人類，連無犯著 亞當 所犯的過失的人嘛著死。 亞當 是啲欲來彼位的預表。</verse>
				<verse number="15">不過 亞當 的過失及上帝白白的恩賜𣍐比得。因為，若對一個人的罪過眾人攏著死，上帝的恩典，就是伊通過耶穌基督一個人白白賜互眾人的恩賜，一定閣較豐富！</verse>
				<verse number="16">一個人所犯的罪及上帝白白的恩賜𣍐比得。照審判，連一遍的過失嘛宣判「有罪」；毋拘照白白的恩賜，多多遍的過失嘛宣判「無罪」。</verse>
				<verse number="17">若因為一個人的過失，死通過此一個人支配人類，按呢，耶穌基督一個人所成就的一定閣較大；所有領受上帝豐富的恩典，就是白白互上帝宣判無罪的人，會當通過基督來支配家己的性命。</verse>
				<verse number="18">因為一個人犯罪，眾人攏受定罪；仝款，因為一個人義的行為，眾人攏受判無罪來得著活。</verse>
				<verse number="19">因為一個人背逆，眾人攏成做罪人；仝款，一個人順服，眾人攏成做義人。</verse>
				<verse number="20">律法的制定互罪過加添；毋拘罪加添，上帝的恩典閣較加添。</verse>
				<verse number="21">按呢，罪通過死來支配，上帝的恩典是通過義來支配，互咱對咱的主耶穌基督得著永遠的活命。</verse>
			</chapter>
			<chapter number="6">
				<verse number="1">按呢，咱欲講什麼？咱是著繼續佇罪惡中生活，通互恩典閣較加添是無？</verse>
				<verse number="2">絕對毋是！咱諸個向罪已經死的人豈通繼續佇罪惡中生活？</verse>
				<verse number="3">恁豈毋知，咱攏受洗禮來及基督耶穌結合，是受洗禮來及伊死？</verse>
				<verse number="4">既然咱通過洗禮及伊死，做夥埋葬，所以，親像基督通過天父榮光的權能對死閣活，咱嘛著過新的生活。</verse>
				<verse number="5">既然咱及基督成做一體來經驗伊的死，咱一定嘛會及伊結合來閣活。</verse>
				<verse number="6">咱知，咱舊的自我已經及基督做夥釘十字架，是欲互受罪拘束彼個舊的人毀滅，互咱無閣做罪的奴隸。</verse>
				<verse number="7">因為人一旦死去就對罪得著解放。</verse>
				<verse number="8">既然咱已經及基督做夥死，咱相信咱嘛會及伊做夥活。</verse>
				<verse number="9">咱知基督已經對死人中閣活，𣍐閣死，死𣍐閣支配伊。</verse>
				<verse number="10">因為伊有死，一遍就完全給罪制壓；伊現在啲活，是為著上帝啲活。</verse>
				<verse number="11">按呢，恁嘛著看家己已經及罪斷絕關係，及基督耶穌結合，為著上帝啲活。</verse>
				<verse number="12">所以，毋通將恁會死的身軀交互罪支配，去順趁本性的慾望。</verse>
				<verse number="13">嘛毋通將恁身軀的肢體交互罪去做不義的工具。反轉著做一個對死人中閣活的人，將家己獻互上帝，將身軀的各肢體獻互伊做義的工具。</verse>
				<verse number="14">毋通互罪給恁支配，因為恁毋是活佇律法下，是活佇恩典下。</verse>
				<verse number="15">若按呢，因為咱毋是佇律法下，是佇恩典下，咱就通犯罪是無？絕對毋通！</verse>
				<verse number="16">豈毋知恁若將家己交互某人作奴隸順趁伊，恁就是彼個人的奴隸；按呢講，恁是作罪的奴隸致到死，抑是作上帝的奴僕順趁伊致到及伊有合宜的關係？</verse>
				<verse number="17">感謝上帝，雖然恁曾作罪的奴隸，現在已經對心底順趁彼個傳授互恁做典範的教示。</verse>
				<verse number="18">恁已經對罪得著解放，成做義的奴僕。</verse>
				<verse number="19">驚了恁𣍐了解，我用一般人的話給恁講。親像恁以前曾將身軀完全交互污穢及不法，互不法加添，現在恁著將恁身軀的逐部份獻互義做聖潔的路用。</verse>
				<verse number="20">恁作罪的奴隸彼時，恁無受義約束。</verse>
				<verse number="21">彼時恁做現在看做見笑的代誌，結果是按怎？結局是死。</verse>
				<verse number="22">現在恁已經對罪得著解放，成做上帝的奴僕，彼個結果是成做聖潔；結局是永遠的活命。</verse>
				<verse number="23">因為罪的代價是死，毋拘上帝通過咱的主基督耶穌白白賜互咱的恩典是永遠的活命。</verse>
			</chapter>
			<chapter number="7">
				<verse number="1">兄弟姊妹，我是對恁識律法的人啲講，恁豈毋知，人活啲的時才受律法約束？</verse>
				<verse number="2">舉一個例來講，結婚的婦仁人，丈夫猶活啲就受律法約束歸屬丈夫；丈夫若死就無閣受此個律法約束。</verse>
				<verse number="3">所以，丈夫猶活啲，婦仁人若及別個查甫人做夥住，會互人叫做淫婦；丈夫若死，伊就無受此個律法約束，伊及別個查甫人做夥住嘛毋是淫婦。</verse>
				<verse number="4">我的兄弟姊妹，親像按呢，恁及基督的身軀結合及伊同死，已經及律法斷絕關係，無受約束，會當歸屬別人，就是彼位對死人中閣活的基督，互咱通為著上帝結果子。</verse>
				<verse number="5">咱照人肉體的本性啲活的時，咱犯罪的慾念受律法激起，佇咱身軀的各肢體運作，結死亡的果子。</verse>
				<verse number="6">毋拘，現在咱已經脫離律法，及彼個束縛咱的斷絕關係。按呢，咱服事上帝，毋是照律法的舊方式，是照聖神的新方式。</verse>
				<verse number="7">按呢，咱欲講什麼？律法是罪是無？絕對毋是！不過若無律法，我就毋知什麼是罪。律法若無講「毋通貪心」，我就毋知什麼是貪心。</verse>
				<verse number="8">罪利用誡命尋機會佇我心內引起逐款的貪心。無律法，罪就無作用。</verse>
				<verse number="9">以前無律法，我嘛啲活；誡命一下來，罪活起來，</verse>
				<verse number="10">我就死去。對我來講，本來欲互人活的誡命，顛倒互人死。</verse>
				<verse number="11">因為罪利用誡命尋機會欺騙我，嘛利用誡命害死我。</verse>
				<verse number="12">所以，律法是神聖；誡命嘛是神聖、公正，閣良善。</verse>
				<verse number="13">若按呢講，彼個良善的害死我是無？絕對毋是！是罪利用彼個良善的害死我，互罪惡的本質顯露；按呢，罪利用誡命互伊極其惡毒的本質閣較顯露出來。</verse>
				<verse number="14">咱知，律法是屬靈的，毋拘我是屬肉體的，已經出賣互罪作奴隸。</verse>
				<verse number="15">我無明白家己的所做，因為我愛做的，無去做；我無愛做的，顛倒去做。</verse>
				<verse number="16">我若做我無愛做的，就是承認律法是好。</verse>
				<verse number="17">按呢，啲做我無愛做的毋是我，是𫢶佇我內面的罪。</verse>
				<verse number="18">我知，佇我本性內面無良善；我有做好的意願，毋拘無做好的氣力。</verse>
				<verse number="19">所意愛的好，我無去做，無意愛的歹，我顛倒去做。</verse>
				<verse number="20">我若做我無意愛的，就毋是我本身啲做，是𫢶佇我內面的罪啲做。</verse>
				<verse number="21">按呢，我有發見一個法則，就是，我想欲做好的時，歹給我纏啲。</verse>
				<verse number="22">我內面的彼個人意愛上帝的律法，</verse>
				<verse number="23">毋拘我看出，佇我的身軀有另外一個法則及我心思的法則啲交戰，掠我做囚犯來降服我身軀內面的罪的法則。</verse>
				<verse number="24">我此個人有夠悽慘！什麼人會當救我脫離此個致到死的身軀？</verse>
				<verse number="25">感謝上帝，通過咱的主耶穌基督伊有救我！ 按呢，我的處境，一方面是用心思順服上帝的律法，另外一方面是用肉體順服罪的法則。</verse>
			</chapter>
			<chapter number="8">
				<verse number="1">按呢許個及基督耶穌結連的人就無受定罪。</verse>
				<verse number="2">因為通過基督耶穌，彼個賜活命的聖神的法則已經有解放咱脫離罪及死的法則。</verse>
				<verse number="3">因為人的本性軟弱，律法做𣍐到的，上帝有做成：伊差家己的子取及人仝款會犯罪的本性，宣判人本性的罪做有罪，來處理罪。</verse>
				<verse number="4">上帝按呢做，是欲互律法正當的要求會當實現佇咱諸個無照本性，是照聖神的引導啲生活的人。</verse>
				<verse number="5">因為順趁本性的人意向本性的事；毋拘順趁聖神的人意向聖神的事。</verse>
				<verse number="6">意向本性，結果是死；意向聖神，會得著活命及和睦。</verse>
				<verse number="7">按呢，意向本性是抵敵上帝，因為無順服上帝的律法；其實嘛無法度順服。</verse>
				<verse number="8">順服本性的人𣍐當互上帝歡喜。</verse>
				<verse number="9">既然上帝的神有𫢶佇恁內面，恁就毋是屬本性，是屬聖神。人若無基督的神就無屬基督。</verse>
				<verse number="10">基督若𫢶佇恁內面，雖然恁的身軀因為罪死，上帝的神會互恁活 ，因為恁已經及上帝有合宜的關係。</verse>
				<verse number="11">上帝的神有互耶穌對死人中閣活；此個神若𫢶佇恁內面，此位互基督 對死人中閣活的上帝，會通過𫢶佇恁內面的聖神，互恁會死的身軀得著活命。</verse>
				<verse number="12">兄弟姊妹，按呢看，咱有欠債，不過毋是欠本性的債趁本性啲活。</verse>
				<verse number="13">恁若趁本性活會致到死；恁若靠聖神除滅肉慾的行為就會活。</verse>
				<verse number="14">互上帝的神引導的人攏是上帝的子兒。</verse>
				<verse number="15">因為恁對上帝領受的聖神毋是欲互恁閣倒轉去作奴隸，猶生活佇驚惶中；恁領受的聖神是欲互恁成做上帝的子兒，靠此位聖神咱通大聲叫：「阿爸，父啊！」</verse>
				<verse number="16">聖神本身及咱的神做夥作證，講咱是上帝的子兒。</verse>
				<verse number="17">既然咱是子兒，就是繼承人，是上帝的繼承人，及基督平平作繼承人。既然咱及基督同受苦，是欲互咱嘛及伊同受榮光。</verse>
				<verse number="18">我想，現今此個時的苦難及將來啲欲對咱顯現的榮光𣍐比得。</verse>
				<verse number="19">被造物迫切啲聽候上帝眾子兒的顯現。</verse>
				<verse number="20">因為被造物𣍐當達到受造的目的，毋是出佇𪜶的本意，是上帝的旨意。不過被造物猶啲向望，</verse>
				<verse number="21">有一日𪜶本身嘛會受解放來脫離會敗壞的拘束，通及上帝的子兒分享榮光的自由。</verse>
				<verse number="22">咱知，所有被造物到現在猶做夥啲痛苦哀叫，做夥經驗催陣的苦痛。</verse>
				<verse number="23">毋若被造物，連咱諸個得著聖神作頭水的果子的嘛啲吐氣聽候上帝接納咱作伊的子兒，互咱歸個人攏得著贖回。</verse>
				<verse number="24">因為咱靠此款向望得著救。看會著的向望毋是向望。看會著的哪著向望？</verse>
				<verse number="25">咱若向望彼個看𣍐著的就會忍耐聽候。</verse>
				<verse number="26">親像按呢，咱軟弱的時聖神嘛有啲給咱扶持；因為咱毋知著按怎祈禱，毋拘聖神家己用話𣍐當表達的吐氣替咱祈求。</verse>
				<verse number="27">了解人內心的上帝明白聖神的意思，因為聖神照上帝的旨意替信徒祈求。</verse>
				<verse number="28">咱知，萬項事互相運作，互許個疼上帝的人，就是照伊家己的旨意選召的，攏有利益。</verse>
				<verse number="29">因為上帝預先識的人，嘛預先決定互𪜶及伊的子的形像相同，通互伊的子佇多多兄弟中作大子。</verse>
				<verse number="30">閣伊預先決定的人，伊嘛給𪜶揀召；伊揀召的人，伊嘛給𪜶宣判做義人；伊宣判做義人的，伊嘛互𪜶得著榮光。</verse>
				<verse number="31">關係諸個代誌，咱欲按怎講？上帝若為咱，啥人會當抵敵咱？</verse>
				<verse number="32">伊既然無惜家己的子，互伊為著咱眾人犧牲，豈𣍐將萬物嘛白白賜互咱？</verse>
				<verse number="33">啥人會當控告上帝的選民？宣判𪜶做義人的是上帝！</verse>
				<verse number="34">若按呢，啥人會當給𪜶定罪？無！基督耶穌已經死，閣上帝有互伊對死人中閣活，今坐佇上帝的正旁啲替咱祈求。</verse>
				<verse number="35">啥人會當切斷基督對咱的疼？是患難，是困苦，是迫害，是枵餓，是散赤，是危險，抑是慘死？</verse>
				<verse number="36">照聖經所記載： 因為你的緣故，阮歸日面對死的威脅； 人看阮親像欲互人刣的羊。</verse>
				<verse number="37">攏毋是！佇諸個一切的代誌，咱靠疼咱的上帝得勝到有賰！</verse>
				<verse number="38">因為我確信，無論是死，是活，是天使，是靈界的統領者抑是權力者，是現今抑是將來的，</verse>
				<verse number="39">是天頂抑是地下的神靈，抑是其他的被造物，攏𣍐當切斷上帝通過咱的主基督耶穌對咱的疼！</verse>
			</chapter>
			<chapter number="9">
				<verse number="1">我作一個屬基督的人講實話，無白賊；我的良心受聖神感動給我作證：</verse>
				<verse number="2">我非常憂傷，心內痛苦無停。</verse>
				<verse number="3">我為著同胞，我的骨肉至親，本身若著受咒詛及基督隔開嘛甘願。</verse>
				<verse number="4">𪜶是 以色列 人；上帝揀選𪜶做子兒，賜𪜶榮光、約、律法、禮儀，及應允。</verse>
				<verse number="5">𪜶是族長的子孫；照血統，基督及𪜶同族。願超越萬物的上帝 得著稱讚到萬世代。阿們！</verse>
				<verse number="6">按呢毋是講上帝的應允無實現。因為毋是所有的 以色列 人攏是上帝的選民。</verse>
				<verse number="7">亞伯拉罕 的子孫嘛無攏是應允的子兒。上帝曾對 亞伯拉罕 講：「對 以撒 生的才通算做你的子孫。」</verse>
				<verse number="8">按呢是講血統的子兒無一定是上帝的子兒；只有對上帝的應允生的才算是上帝的子孫。</verse>
				<verse number="9">因為應允的話是按呢講：「時機到 ，我會閣來， 莎拉 會生一個查甫子。」</verse>
				<verse number="10">毋若按呢， 麗百加 的雙生子嘛是對仝一個人，就是咱的祖先 以撒 來懷孕。</verse>
				<verse number="11">毋拘為著欲表示上帝確實根據家己的目的來揀選人，伊對 麗百加 講：「大的會服事細的。」此句話是佇𪜶猶未出世，猶未做好抑是做歹以前，上帝所講的。按呢，上帝的揀選毋是根據人的行為，是根據伊家己的選召。</verse>
				<verse number="12"></verse>
				<verse number="13">照聖經記載：「 雅各 ，我合意； 以掃 ，我無合意。」</verse>
				<verse number="14">按呢，咱欲講什麼？上帝無公道是無？絕對毋是！</verse>
				<verse number="15">伊曾對 摩西 講： 我欲憐憫我愛憐憫的人； 我欲體貼我愛體貼的人。</verse>
				<verse number="16">所以，上帝的揀選毋是根據人的意願抑是勞力，是出佇伊的憐憫。</verse>
				<verse number="17">聖經記載上帝有對法老講：「我設立你作王，目的是欲用你來顯明我的權能，互我的名傳到全世界。」</verse>
				<verse number="18">所以，上帝欲憐憫什麼人就給伊憐憫，欲互什麼人心硬就互伊心硬。</verse>
				<verse number="19">按呢，你會給我問：「既然是按呢，是按怎上帝猶啲責備人？什麼人會當反抗上帝的旨意？」</verse>
				<verse number="20">你此個人，你算啥，敢給上帝抵嘴！受塑造的物豈會對塑造的講：「你是按怎給我造甲按呢？」</verse>
				<verse number="21">燒瓷的豈無權通用仝一塊黏土照家己的意思造一個貴氣的器具，一個粗俗的器具？</verse>
				<verse number="22">雖然上帝欲表示伊的受氣互人知伊的權能，猶久用真大的寬容吞忍許個惹伊受氣應該滅亡的人。</verse>
				<verse number="23">伊為著所預備來接受伊的榮光許個人，就是伊憐憫的對象，伊閣較會互𪜶知伊豐富的榮光。</verse>
				<verse number="24">咱攏是伊所呼召的，毋若對 猶太 人，嘛對外邦人中間呼召。</verse>
				<verse number="25">照伊佇何西阿書所講： 本來毋是我的子民的， 我欲稱呼𪜶做「我的子民」。 本來毋是我所疼的， 我欲互𪜶做「我所疼的」。</verse>
				<verse number="26">佇彼個所在，我曾對𪜶講「恁毋是我的子民」； 像款佇遐，𪜶會叫做「永活上帝的子兒」。</verse>
				<verse number="27">關係 以色列 人， 以賽亞 曾宣布講：「雖然 以色列 的子孫親像海沙赫呢多，毋拘只有所賰的少數會得著救，</verse>
				<verse number="28">因為主佇地上會真緊閣徹底執行審判。」</verse>
				<verse number="29">這是照 以賽亞 以前所講： 若毋是主 — 萬軍的統帥給咱留種， 咱早就親像 所多瑪 ， 嘛親像 蛾摩拉 。</verse>
				<verse number="30">按呢，咱欲講什麼？外邦人無追求及上帝建立合宜的關係，卻對信及上帝有合宜的關係。</verse>
				<verse number="31">以色列 人追求對律法互上帝認定𪜶做義人，反轉無得著。</verse>
				<verse number="32">哪會按呢？因為𪜶毋是對信，是對靠行為。𪜶去踢著彼塊互人跋倒的石跋倒。</verse>
				<verse number="33">聖經有按呢記載： 看咧，我將互人跋倒的石， 互人跋倒的大石囥佇 錫安 ； 信伊的人𣍐致到失望。</verse>
			</chapter>
			<chapter number="10">
				<verse number="1">兄弟姊妹，我的心熱切向望，閣對上帝祈求的，就是 以色列 人會得著救。</verse>
				<verse number="2">我會當為著𪜶作證：𪜶對上帝有熱心，毋拘毋是根據正確的了解。</verse>
				<verse number="3">因為𪜶無明白上帝的義，欲用家己的方法追求及上帝建立合宜的關係，煞無順趁上帝互人成做義人的方法。</verse>
				<verse number="4">其實，基督已經完成律法的目的，互信的人會當及上帝有合宜的關係。</verse>
				<verse number="5">關係對靠律法得著的義， 摩西 有按呢寫：「守律法的人靠律法來活。」</verse>
				<verse number="6">毋拘關係對信稱義，聖經有按呢講：「你毋通心內講『什麼人會𬦰上天』— 就是講，什麼人會將基督導落來？</verse>
				<verse number="7">嘛毋通講『什麼人會落去深淵』— 就是講，什麼人會將基督對死人中導起來？」</verse>
				<verse number="8">諸個話到底什麼意思？意思是： 上帝的話及你真近， 佇你的嘴裡，佇你的心內。 這就是阮所宣揚的信的信息。</verse>
				<verse number="9">你若用嘴宣認「耶穌是主」，心信上帝有互伊對死人中閣活，就會得著救。</verse>
				<verse number="10">因為人心信就得著稱義；嘴宣認就得著救。</verse>
				<verse number="11">聖經有按呢記載：「信伊的人𣍐致到失望。」</verse>
				<verse number="12">猶太 人及外邦人攏無差別，因為有仝一位上帝是萬民的主， 伊會豐豐富富賜福互所有求叫伊的人。</verse>
				<verse number="13">因為「所有求叫主的名的人攏會得救。」</verse>
				<verse number="14">毋拘𪜶都無信伊，哪會求叫伊？都無聽著，哪會信伊？都無人傳，哪會聽著？</verse>
				<verse number="15">都無差派，哪會傳？照聖經所記載：「傳播福音的人，𪜶的腳跡偌仔呢媠！」</verse>
				<verse number="16">毋拘，毋是所有的人攏順趁此個福音。 以賽亞 講：「主啊，什麼人信阮所傳的信息？」</verse>
				<verse number="17">所以，信是對聽，聽是對聽基督的話。</verse>
				<verse number="18">不過我欲問，𪜶豈真正攏毋曾聽著？當然曾！聖經按呢記載： 𪜶的聲音傳遍全地； 𪜶的話傳到天邊海角。</verse>
				<verse number="19">我欲閣問， 以色列 人豈真正毋知？代先， 摩西 替上帝按呢講： 我欲用毋是我子民的人來引起恁怨妒， 用愚戇的子民來激起恁受氣。</verse>
				<verse number="20">後來 以賽亞 嘛真好膽替上帝講： 無尋我的人，我有互𪜶尋著； 無求我的人，我有對𪜶顯現。</verse>
				<verse number="21">毋拘關係 以色列 人，伊有講：「硬心背逆的子民，我歸日伸雙手歡迎。」</verse>
			</chapter>
			<chapter number="11">
				<verse number="1">按呢，我欲問，上帝豈有放拺伊的子民？絕對無！我本身嘛是 以色列 人，是 亞伯拉罕 的後代，屬 便雅憫 支族。</verse>
				<verse number="2">上帝毋曾放拺伊早就揀選的子民。恁豈毋知聖經有記載， 以利亞 對上帝控告 以色列 人，</verse>
				<verse number="3">講：「主啊，𪜶刣死你的先知，拆毀你的祭壇，只有賰我一人，𪜶嘛啲數想我的性命。」</verse>
				<verse number="4">毋拘上帝按怎應答？伊講：「我有為著家己留七千個毋曾跪拜巴力的人。」</verse>
				<verse number="5">現今此個時的情形嘛是按呢，上帝有留用恩典揀選的少數人。</verse>
				<verse number="6">既然是上帝的恩典，就毋是根據人的行為；若根據人的行為，恩典就毋是恩典！</verse>
				<verse number="7">若按呢， 以色列 人無得著𪜶啲追尋的，只有上帝所揀選的少數人有得著。其他的人心硬毋聽，</verse>
				<verse number="8">照聖經所記載： 上帝互𪜶的心靈麻痺， 目睭看𣍐見， 耳孔聽𣍐著， 直到今仔日。</verse>
				<verse number="9">大闢 講： 著互𪜶的宴席成做陷坑、羅網， 互𪜶跋倒，做𪜶的報應。</verse>
				<verse number="10">著互𪜶的目睭花，𣍐看見， 互𪜶的尻脊骿永遠曲痀。</verse>
				<verse number="11">按呢，我欲講， 以色列 人倒落去，豈攏𬦰𣍐起來？一定𣍐按呢！顛倒因為𪜶的過失，拯救臨到外邦人，來激起 以色列 人的怨妒。</verse>
				<verse number="12">既然 以色列 人的過失會互世間人得著豐富的祝福，𪜶的失敗會互外邦人得著豐富的祝福，何況 以色列 人若全數得著救，彼個祝福豈𣍐閣較豐富？</verse>
				<verse number="13">現在我對恁外邦人講。既然我是外邦人的使徒，我看我的職份做榮光，</verse>
				<verse number="14">按呢通激起我的同胞的怨妒，來救𪜶中間一寡人。</verse>
				<verse number="15">以色列 同胞受棄拺若會互世間人及上帝閣和好，𪜶閣受接納豈毋是親像人對死閣活？</verse>
				<verse number="16">頭一塊麵丸若聖別歸互上帝，歸甑嘛攏會按呢；樹根若聖別歸互上帝，枝嘛攏會按呢。</verse>
				<verse number="17">人給橄欖樹枝剪起來，將恁諸個野生的橄欖樹枝接落去，來接受仝彼欉樹根的營養分，</verse>
				<verse number="18">恁就毋通對剪起來的樹枝誇口。恁若欲誇口，著知，毋是根啲倚靠恁，是恁啲倚靠根。</verse>
				<verse number="19">你豈採欲講：「諸個樹枝剪起來是欲給我接落去。」</verse>
				<verse number="20">著！𪜶毋信才受剪起來，你對信才徛會牢。你毋通驕傲，著驚惶。</verse>
				<verse number="21">因為上帝若無留原來的樹枝，嘛無一定會留你。</verse>
				<verse number="22">所以，著知上帝的慈愛及嚴轄，對墮落的人，伊真嚴轄，毋拘你若繼續倚靠伊的慈愛，伊就用慈愛對待你；若無，你嘛會受剪斷失去伊的慈愛。</verse>
				<verse number="23">以色列 人若毋是堅持毋信，就會受接倒轉去，因為上帝會當閣給𪜶接倒轉去。</verse>
				<verse number="24">恁諸個對野生的橄欖樹剪起來的樹枝，上帝都會當違反自然給恁接佇好的橄欖樹，許個原來的樹枝豈𣍐閣較應該接倒轉去？</verse>
				<verse number="25">兄弟姊妹，我愛恁知此個奧妙的真理，才𣍐想講家己是聰明。此個奧妙就是一部份的 以色列 人暫時硬心，到外邦人歸主的數目滿為止。</verse>
				<verse number="26">按呢，所有的 以色列 人攏會得救。照聖經所記載： 拯救者會對 錫安 出來， 伊會除去 雅各 的不虔不義。</verse>
				<verse number="27">彼時我欲除去𪜶的罪； 這是我及𪜶所立的約。</verse>
				<verse number="28">一方面，對福音的觀點來講， 以色列 人因為恁的緣故成做上帝的對敵。另外一方面，對揀選的觀點來講，因為𪜶祖先的緣故，𪜶成做上帝所疼的人；</verse>
				<verse number="29">因為上帝的恩賜及揀選𣍐改變。</verse>
				<verse number="30">恁外邦人以前無順服上帝，現在因為 以色列 人無順服，恁才得著憐憫。</verse>
				<verse number="31">仝款，因為恁有得著憐憫，𪜶現在無順服上帝，是欲互𪜶嘛會得著憐憫。</verse>
				<verse number="32">上帝將所有的人攏關佇無順服的狀態，是為著欲憐憫所有的人。</verse>
				<verse number="33">上帝的豐盛、智慧、知識，偌仔呢深沉啊！ 伊的判斷得推測； 伊的道路得尋著！</verse>
				<verse number="34">什麼人知主的心意？ 什麼人會當替伊出主意？</verse>
				<verse number="35">什麼人曾先互伊什麼， 伊著報答𪜶？</verse>
				<verse number="36">因為萬物攏出佇伊，倚靠伊，歸佇伊； 願伊得著榮光直到永遠。阿們！</verse>
			</chapter>
			<chapter number="12">
				<verse number="1">所以，兄弟姊妹，因為上帝的憐憫，我勸恁著將家己的身軀獻互上帝做活活的祭，是聖潔，伊所歡喜的；這是恁合宜的敬拜。</verse>
				<verse number="2">毋通互世俗同化，顛倒著互上帝給恁改造，心志得著更新，互恁通辨別什麼是上帝所歡喜，看做好，閣完全的旨意。</verse>
				<verse number="3">靠上帝互我的恩賜，我對恁逐個人講：毋通將家己看傷高，著照上帝賜互恁逐個人信心的份量慎重評價家己。</verse>
				<verse number="4">親像一個身軀有真多肢體，逐個肢體各有無相像的功能。</verse>
				<verse number="5">雖然咱有真多人，毋拘佇基督是一體，互相做肢體。</verse>
				<verse number="6">照上帝賜互咱的恩典，咱逐個人有得著無相像的恩賜：宣講信息的人著符合信心宣講；</verse>
				<verse number="7">服事的人著全心服事；教導的人著全心教導；</verse>
				<verse number="8">勸勉的人著全心勸勉；賑濟的人著慷慨；領導的人著熱誠；做慈善的人著甘心樂意。</verse>
				<verse number="9">疼著誠心誠意；著怨恨歹，堅持好。</verse>
				<verse number="10">著用兄弟愛互相相疼；著真心相敬重。</verse>
				<verse number="11">毋通貧憚；心志著熱誠 ，繼續服事主。</verse>
				<verse number="12">著囥向望來歡喜；著忍受患難；著不時祈禱。</verse>
				<verse number="13">著幫贊恁中間散赤的信徒；著好款待出外人。</verse>
				<verse number="14">著祝福迫害恁的人；著祝福，毋通咒詛。</verse>
				<verse number="15">著及歡喜的人做夥歡喜，及哀哭的人做夥哀哭。</verse>
				<verse number="16">著同心合意；毋通驕傲；著做貧賤的人的同伴；毋通自作聰明。</verse>
				<verse number="17">毋通用歹報歹；著做眾人看做好的事。</verse>
				<verse number="18">著盡所會及眾人和睦相處。</verse>
				<verse number="19">親愛的兄弟姊妹，毋通為著家己報冤，寧可互上帝替恁受氣，因為聖經有記載：「主講：申冤在佇我，我會報應。」</verse>
				<verse number="20">毋拘聖經嘛有記載：「你的對敵若枵，著互伊食，嘴焦，著互伊飲；因為你按呢做，若準將啲𤏸的火炭疊佇伊的頭殼頂，互伊面紅知通見笑。」</verse>
				<verse number="21">所以，毋通互歹贏過恁；著用好較贏歹。</verse>
			</chapter>
			<chapter number="13">
				<verse number="1">逐個人著順服佇頂面的權柄，因為權柄攏是對上帝來。掌權者的權柄攏是上帝制定的。</verse>
				<verse number="2">所以，反抗權柄是違背上帝所制定的制度；反抗的人會受審判。</verse>
				<verse number="3">統治者毋是欲互作好的人驚惶，是欲互作歹的人驚惶。你豈無愛做一個免驚有權柄的人？若愛，著作好，你就會得著稱讚；</verse>
				<verse number="4">因為伊是上帝的差用，伊的職責是欲幫贊你。毋拘你若作歹，著驚伊，因為伊帶劍毋是無目的。伊是上帝的差用，是申冤者，欲替上帝刑罰作歹的人。</verse>
				<verse number="5">所以，恁著順服，毋是干焦因為驚上帝受氣，嘛是為著良心的緣故。</verse>
				<verse number="6">恁納稅嘛是為著此個理由，因為伊是服事上帝的人，啲執行伊的職務。</verse>
				<verse number="7">著對眾人盡恁的義務；恁欠的，著還；應該納的，著納；應該驚畏的，著驚畏；應該尊敬的，著尊敬。</verse>
				<verse number="8">互相相疼的債以外，絕對毋通欠人什麼；因為疼別人的，已經有完成律法的要求。</verse>
				<verse number="9">律法的要求是：「毋通姦淫；毋通害死人；毋通偷提；毋通貪心。」諸個及其他的要求攏包含佇「著疼厝邊親像疼家己」此句話。</verse>
				<verse number="10">疼厝邊的人𣍐傷害別人。所以，疼成全律法。</verse>
				<verse number="11">按呢，恁知此個時陣是恁應該睏醒的時，因為現在比咱抵抵信的時閣較接近拯救。</verse>
				<verse number="12">暝時已經深，日時啲欲到。所以，咱著褪掉烏暗的行為，穿光明的裝備。</verse>
				<verse number="13">咱的行為著端正，親像佇日時啲生活。毋通放縱，酒醉；毋通好色，放蕩；毋通相爭，怨妒。</verse>
				<verse number="14">著穿主耶穌基督裝備家己；毋通只有圖謀肉體的事來滿足私慾。</verse>
			</chapter>
			<chapter number="14">
				<verse number="1">信心軟弱的人著給伊接納，毋通及伊辯論有爭議的事。</verse>
				<verse number="2">信心堅強的人信逐項攏通食，毋拘軟弱的人只有食菜蔬。</verse>
				<verse number="3">逐項食的人毋通看輕無逐項食的人；無逐項食的人嘛毋通批判逐項食的人，因為上帝已經有接納伊。</verse>
				<verse number="4">你算啥，哪敢批判別人的僕人？伊做了好抑是無好，伊的主人會給伊審判。伊會做好勢，因為主會給伊幫贊。</verse>
				<verse number="5">有人看此日比彼日較重要；嘛有人看逐日平平重要。逐個人著有家己明確的見解。</verse>
				<verse number="6">守特別日子的人是為著主來守；有食肉的人嘛是為著主來食，因為伊有感謝上帝。無食肉的人是為著主無食，伊嘛是有感謝上帝。</verse>
				<verse number="7">咱無人為著家己啲活，嘛無人為著家己來死。</verse>
				<verse number="8">咱若活，是為著主啲活；若死，嘛是為著主來死。所以，無論活抑是死，咱攏是屬主的人。</verse>
				<verse number="9">為著此個目的基督有死，嘛有閣活，通像時做死人及活人的主。</verse>
				<verse number="10">按呢，是按怎你啲批判你的兄弟抑是姊妹？是按怎啲看輕你的兄弟抑是姊妹？因為咱眾人攏著徛佇上帝的審判台前。</verse>
				<verse number="11">聖經有記載： 主講：我是永活的上帝； 逐個腳頭窩會給我跪拜， 逐個嘴會宣認我是上帝。</verse>
				<verse number="12">按呢，咱逐個人著將家己的代誌佇上帝的面前交代清楚。</verse>
				<verse number="13">所以，咱毋通閣再互相批判，反轉著決心無做互兄弟抑是姊妹的信仰受阻礙，跋倒的事。</verse>
				<verse number="14">我知，閣主耶穌互我確信，逐項物本身攏清氣；人若想講無清氣，對彼個人來講彼項物就無清氣。</verse>
				<verse number="15">你若因為所食的物互兄弟抑是姊妹心艱苦，你的行為就毋是出佇疼心。你毋通為著家己所食的物互兄弟抑是姊妹致到滅亡，因為基督已經為著𪜶死。</verse>
				<verse number="16">所以，毋通互恁看做好的成做人的誹謗。</verse>
				<verse number="17">上帝主權的實現毋是靠飲食，是靠聖神所賜的公義、和平，及歡喜。</verse>
				<verse number="18">用按呢來服事基督的人會互上帝歡喜，嘛會得著人的稱讚。</verse>
				<verse number="19">所以，咱著追求和睦及互相造就的事。</verse>
				<verse number="20">毋通為著食物破壞上帝的工作。萬物攏清氣，毋拘人若因為食物互別人的信仰受阻礙就毋好。</verse>
				<verse number="21">較好是無食肉，無飲酒，無做互兄弟抑是姊妹失去信仰的代誌。</verse>
				<verse number="22">你對一項事的信念是你及上帝中間的代誌。對家己看做著的事無自責的人真有福氣。</verse>
				<verse number="23">毋拘心有憢疑來食的人會受定罪，因為毋是出佇信心。毋是出佇信心來做的攏是罪。</verse>
			</chapter>
			<chapter number="15">
				<verse number="1">咱諸個信心堅強的人應該給信心軟弱的人鬥擔重擔。毋通求互家己歡喜；</verse>
				<verse number="2">咱逐個人著求互厝邊歡喜，互𪜶得著利益通建立信心。</verse>
				<verse number="3">因為基督無求互家己歡喜，反轉親像聖經所記載：「侮辱你的人的侮辱攏歸佇我。」</verse>
				<verse number="4">早前所寫的攏是為著欲教示咱來寫的，互咱對忍耐及聖經的安慰得著向望。</verse>
				<verse number="5">願賜忍耐及安慰的上帝互恁同心志學習基督耶穌的模樣，</verse>
				<verse number="6">通同心同聲榮耀咱的主耶穌基督的父上帝！</verse>
				<verse number="7">所以，為著榮耀上帝，恁著互相接納，親像基督有接納恁。</verse>
				<verse number="8">我給恁講，基督成做受割禮的人的差用，是欲顯示上帝的信實，通證明上帝對咱祖先的應允有實現，</verse>
				<verse number="9">嘛欲互外邦人因為上帝的憐憫通歸榮光互伊。照聖經所記載： 所以，我欲佇外邦人中間宣認你， 唱歌謳咾你的名。</verse>
				<verse number="10">伊閣講： 外邦人啊， 著及上帝的子民做夥歡喜。</verse>
				<verse number="11">伊閣講： 萬國啊，著謳咾主； 萬民啊，著頌讚伊。</verse>
				<verse number="12">以賽亞 閣再講： 耶西 的根會茁芛， 伊會起來統治外邦； 外邦人攏會將向望交託伊。</verse>
				<verse number="13">願賜向望的上帝，因為恁對伊的信心，互恁充滿逐款的歡喜及平安，閣互恁對聖神的能力充滿向望！</verse>
				<verse number="14">我的兄弟姊妹，我家己確信恁非常良善，充滿逐款的智識，閣會曉互相苦勸。</verse>
				<verse number="15">毋拘我好膽寫此張批互恁，給恁提醒幾點；因為上帝有賜我特別的恩典，</verse>
				<verse number="16">通佇外邦人的中間服事基督耶穌，作祭司宣講上帝的福音，通互外邦人成做聖神所聖化，上帝接納的祭物。</verse>
				<verse number="17">所以，因為基督耶穌的緣故，我看服事上帝做榮光。</verse>
				<verse number="18">我毋敢講別項代誌，只有欲講此項，就是基督通過我的言語及行為，用神跡奇事的能力，及上帝的神的能力，互外邦人順服上帝。所以對 耶路撒冷 周圍一直到 以利哩古 地區，我逐所在去宣揚基督的福音。</verse>
				<verse number="19"></verse>
				<verse number="20">我決意無欲佇已經聽著基督的名的所在傳福音，才𣍐佇別人的地基頂起厝。</verse>
				<verse number="21">照聖經所記載： 毋曾聽著伊的代誌的人會看見； 毋曾聽見伊的人會明白。</verse>
				<verse number="22">我有真多遍抵著阻擋，𣍐當去恁遐。</verse>
				<verse number="23">毋拘今佇諸個地區無別個所在通去，閣幾若年來，我一直啲向望會當去恁遐。</verse>
				<verse number="24">此遍欲去 西班牙 的路中，我向望會經過恁遐去看恁，先及恁有一段時間歡喜的交陪，然後才互恁給我送行繼續去 西班牙 。</verse>
				<verse number="25">毋拘我現在著先去 耶路撒冷 供給許個信徒的需要，</verse>
				<verse number="26">因為 馬其頓 及 亞該亞 的教會歡喜獻一筆錢幫贊 耶路撒冷 一寡散赤的信徒。</verse>
				<verse number="27">這是𪜶歡喜做的，其實嘛是𪜶所欠的債。既然 猶太 信徒有及外邦人分享屬靈的福氣，外邦的信徒應該佇物質上幫贊𪜶。</verse>
				<verse number="28">聽候我此項代誌做好勢，將捐募的此筆錢交互𪜶了後，才經過恁遐去 西班牙 。</verse>
				<verse number="29">我知我去恁遐的時，嘛會將基督豐富的恩典帶去互恁。</verse>
				<verse number="30">兄弟姊妹，通過咱的主耶穌基督及聖神所賜的疼心，我請恁盡力及我做夥為著我祈求上帝，</verse>
				<verse number="31">互我免受著 猶太 毋信的人的陷害，閣互我佇 耶路撒冷 辦理供給的代誌會得著信徒接納。</verse>
				<verse number="32">按呢，我就通歡歡喜喜照上帝的旨意去恁遐，及恁做夥重新得著氣力。</verse>
				<verse number="33">願賜平安的上帝及恁大家同在。阿們！</verse>
			</chapter>
			<chapter number="16">
				<verse number="1">我對恁推薦咱的姊妹 菲比 ，伊是 堅革哩 教會的執事。</verse>
				<verse number="2">請恁因為主的緣故，照信徒的本分給伊接待。伊有什麼需要，請恁給伊幫贊。伊一直熱心幫贊真多人，包含我本身。</verse>
				<verse number="3">請替我給 百基拉 及 亞居拉 請安；𪜶及我是佇基督耶穌內面的同工。</verse>
				<verse number="4">𪜶曾為著我冒性命的危險；毋若我，連所有外邦的教會嘛攏欲給𪜶感謝。</verse>
				<verse number="5">嘛給佇𪜶兜啲聚集的教會請安。 請替我請安我所疼的 以拜尼土 ；伊是 亞細亞 頭一個歸信基督的人。</verse>
				<verse number="6">嘛請安為著恁受真多勞苦的 馬利亞 。</verse>
				<verse number="7">閣給我的親族，及我做夥關監的 安多尼古 及 猶尼亞 請安；𪜶佇使徒中是有名望的人，比我較代先歸信基督。</verse>
				<verse number="8">請替我請安主內我所疼的 暗伯利 。</verse>
				<verse number="9">請安佇基督內面的同工 耳巴努 及我所疼的 士大古 。</verse>
				<verse number="10">請安佇基督經過考驗的 亞比利 。給 亞利多布 家內的人請安。</verse>
				<verse number="11">給我的親族 希羅天 請安。給 拿其數 家內信主的人請安。</verse>
				<verse number="12">請替我請安為著主受真多勞苦的 土非拿 及 土富撒 。給所疼的 彼息 請安；伊曾為著主勞苦工作。</verse>
				<verse number="13">請安佇主受揀選的 魯孚 及伊的老母；伊的老母嘛是我的老母。</verse>
				<verse number="14">給 亞遜其土 、 弗勒干 、 黑米 、 八羅巴 、 黑馬 ，以及及𪜶做夥的兄弟姊妹請安。</verse>
				<verse number="15">給 非羅羅古 及 猶利亞 ， 尼利亞 及伊的姊妹，及 阿林巴 ，以及及𪜶做夥的眾信徒請安。</verse>
				<verse number="16">恁著親切互相請安。基督的眾教會攏給恁請安。</verse>
				<verse number="17">兄弟姊妹，我苦勸恁，著小心提防許個製造分裂，互恁犯罪，違背恁所領受的教示許個人。</verse>
				<verse number="18">因為此款人毋是作僕人啲服事咱的主基督，是啲顧家己的腹肚，用花言巧語誘惑老實人的心。</verse>
				<verse number="19">因為恁的順服，眾人已經攏知，所以我為著恁歡喜。我愛恁對好事著巧，對歹事著戇。</verse>
				<verse number="20">賜平安的上帝真緊就會將撒旦踏碎，互伊屈服佇恁腳下。 願咱的主耶穌的恩惠及恁同在！</verse>
				<verse number="21">我的同工 提摩太 以及我的親族 路求 、 耶孫 、 所西巴德 給恁請安。</verse>
				<verse number="22">我 德提 ，就是此張批的代筆人，佇主內給恁請安。</verse>
				<verse number="23">接待我及全教會的 該猶 給恁請安。此個城的會計長 以拉都 及咱的兄弟 括土 嘛給恁請安。</verse>
				<verse number="24"></verse>
				<verse number="25">願榮光歸互上帝！伊會照我所傳的福音，就是所宣揚的耶穌基督，來堅固恁的信心。此個福音是萬古以來所隱密的奧妙，</verse>
				<verse number="26">今已經照永活上帝的命令，通過眾先知的冊顯明出來，欲互萬民知，通信來順趁。</verse>
				<verse number="27">願榮光通過耶穌基督歸佇獨一全智的上帝，直到永遠。阿們！</verse>
			</chapter>
		</book>
		<book number="46">
			<chapter number="1">
				<verse number="1">我是 保羅 ，奉上帝的旨意受召作基督耶穌的使徒。我及咱的兄弟 所提尼</verse>
				<verse number="2">寫批互佇 哥林多 上帝的教會，就是許個及佇逐所在呼叫咱的主耶穌基督的名，及基督耶穌結連受召作信徒歸屬上帝的人；基督是𪜶的主，嘛是咱的主。</verse>
				<verse number="3">願咱的父上帝及主耶穌基督賜恁恩典及平安！</verse>
				<verse number="4">我時常為著恁啲感謝我的上帝，因為伊通過基督耶穌賜恁恩典，</verse>
				<verse number="5">互恁通過基督逐項得著富足，充滿逐款口才及智識。</verse>
				<verse number="6">基督的信息已經佇恁中間堅固建立，</verse>
				<verse number="7">互恁攏無欠什麼恩賜，聽候咱的主耶穌基督顯現。</verse>
				<verse number="8">伊嘛會互恁堅固直到最後，佇咱的主耶穌基督的日無通嫌。</verse>
				<verse number="9">上帝是信實，伊呼召恁，欲互恁及伊的子咱的主耶穌基督結連。</verse>
				<verse number="10">兄弟姊妹，我奉咱的主耶穌基督的名勸恁大家，講話著一致；恁中間嘛毋通分裂。著團結，有像款的想法及共同的目標。</verse>
				<verse number="11">我的兄弟姊妹， 革來 𪜶兜的人有對我講起恁中間有紛爭。</verse>
				<verse number="12">我按呢講是因為恁中間意見紛紛；有的講「我屬 保羅 」；有的講「我屬 亞波羅 」；有的講「我屬 彼得 」；嘛有的講「我屬基督」。</verse>
				<verse number="13">基督竟然互人分割啦！ 保羅 豈有替恁釘死佇十字架？恁豈有奉 保羅 的名領受洗禮？</verse>
				<verse number="14">感謝上帝， 基利司布 及 該猶 以外，我無給恁中間什麼人洗禮。</verse>
				<verse number="15">按呢無人會當講，恁有奉我的名領受洗禮。</verse>
				<verse number="16">有啦，我嘛有給 司提法那 一家的人洗禮，其他有給別人洗禮抑無，我𣍐記得。</verse>
				<verse number="17">基督無差我給人洗禮，是欲傳福音，毋是用智慧的言辭傳，才免互基督的十字架失去效力。</verse>
				<verse number="18">十字架的信息，對許個向滅亡啲行的人是愚戇，不過對咱諸個向得救啲行的人是上帝的大能力。</verse>
				<verse number="19">因為聖經有記載： 我欲消滅智慧的人的智慧； 我欲棄拺聰明的人的聰明。</verse>
				<verse number="20">按呢智慧的人佇叨位？經學教師佇叨位？此世代的雄辯家佇叨位？上帝已經互此世間的智慧變做愚戇啦！</verse>
				<verse number="21">既然世間人𣍐當靠家己的智慧認識上帝，上帝就對伊的智慧歡喜用阮所傳愚戇的信息來拯救信伊的人。</verse>
				<verse number="22">猶太 人求神跡， 希臘 人尋智慧，</verse>
				<verse number="23">不過阮宣揚釘十字架的基督。此個信息對 猶太 人是阻礙，對外邦人是愚戇，</verse>
				<verse number="24">毋拘對上帝所揀召的人，無論是 猶太 人抑是 希臘 人，此個信息是基督；伊是上帝的大能力，是上帝的智慧。</verse>
				<verse number="25">因為上帝的愚戇贏過人的智慧，上帝的軟弱比人較勇壯。</verse>
				<verse number="26">兄弟姊妹，著會記得上帝呼召恁的時，照人的標準，恁中間無偌多人有智慧，無偌多人有能力，無偌多人屬上流階級。</verse>
				<verse number="27">上帝故意用世間人看做戇的代誌來互巧的人見笑；上帝用世間人看做弱的代誌來互強的人見笑。</verse>
				<verse number="28">上帝用卑賤的，世間人所藐視的，看毋上目的代誌來破壞人所看重的；</verse>
				<verse number="29">對按呢，世間就無人會當佇上帝的面前誇口。</verse>
				<verse number="30">毋拘上帝互恁及基督耶穌結連，互基督成做咱對上帝來的智慧，就是互咱及上帝有合宜的關係，像時成做上帝聖潔的子民，閣得著自由。</verse>
				<verse number="31">照聖經所記載：「欲誇口的人著誇口主！」</verse>
			</chapter>
			<chapter number="2">
				<verse number="1">兄弟姊妹，我以前去恁遐的時無用媠的言辭抑是智慧宣講上帝的奧祕。</verse>
				<verse number="2">因為我決定，佇恁中間什麼都毋講，只有欲講耶穌基督以及伊受釘死佇十字架的事。</verse>
				<verse number="3">我佇恁遐的時，軟弱閣驚甲皮皮惙。</verse>
				<verse number="4">我所講的話，所宣講的信息，攏無用巧妙智慧的言辭，是靠上帝的神的大能力來證實，</verse>
				<verse number="5">是欲互恁的信仰毋是靠人的智慧，是靠上帝的大能力。</verse>
				<verse number="6">雖然是按呢，對許個靈性成熟的人我嘛有講智慧，不過毋是此世間的智慧，嘛毋是此世間註定會失勢的統治者的智慧。</verse>
				<verse number="7">我所講的是上帝奧祕的智慧，是對人隱密的，是上帝為著欲互咱得著榮光，佇創世以前就先決定的。</verse>
				<verse number="8">此世間的統治者無一個認識此個智慧，𪜶若識就𣍐將榮耀的主釘死佇十字架。</verse>
				<verse number="9">照聖經所記載： 上帝為著疼伊的人準備的， 是目睭毋曾看著， 耳孔毋曾聽著， 嘛毋曾有人想著的。</verse>
				<verse number="10">毋拘上帝已經有通過聖神將諸個事對咱啟示。聖神徹底知萬事，連上帝深沉的旨意嘛知。</verse>
				<verse number="11">只有人家己內面的神才知家己的事；親像按呢，只有上帝的神才知上帝的事。</verse>
				<verse number="12">咱領受的毋是世間的神，是對上帝來的神，欲互咱知上帝賜互咱的恩賜。</verse>
				<verse number="13">所以，阮對屬靈的人解說屬聖神的事，毋是用人所教的智慧，是用聖神所教的話。</verse>
				<verse number="14">屬血氣的人𣍐當領受對上帝的神來的恩賜，諸個恩賜對伊來講是愚戇的，無法度了解，因為只有屬靈的人才會當領悟。</verse>
				<verse number="15">屬聖神的人會曉判斷萬事，不過伊本身的事無人會當給伊判斷。</verse>
				<verse number="16">聖經有記載： 什麼人知主的心意？ 什麼人會當替伊出主意？ 毋拘咱有基督的心意。</verse>
			</chapter>
			<chapter number="3">
				<verse number="1">兄弟姊妹，我到今對恁講話，𣍐當看恁做屬聖神的，是屬世的，是基督信仰的嬰仔。</verse>
				<verse number="2">我用奶飼恁，無用飯，因為恁猶𣍐當食飯，到現在嘛猶𣍐當，</verse>
				<verse number="3">因為恁猶久是屬世的人。恁中間有怨妒，有紛爭；按呢豈毋是證明恁是屬世的，是照世間人的方式啲生活？</verse>
				<verse number="4">恁中間有人講「我屬 保羅 」；嘛有人講「我屬 亞波羅 」。按呢恁及世間人有什麼無仝款？</verse>
				<verse number="5">亞波羅 算啥？ 保羅 算啥？阮不過是上帝的差用，引導恁相信；逐個人照主所互阮的職份啲做。</verse>
				<verse number="6">我撒種， 亞波羅 沃水，毋拘上帝互伊大欉。</verse>
				<verse number="7">撒種的及沃水的攏無重要，只有互伊大欉的上帝才重要。</verse>
				<verse number="8">撒種的及沃水的攏仝款，上帝會照逐人的工作給𪜶報賞。</verse>
				<verse number="9">阮是上帝的同工；恁是上帝的田園。 恁嘛是上帝的建築物。</verse>
				<verse number="10">照上帝互我的恩賜，我作一個𠢕的建築師下地基，別人佇彼頂面起造。毋拘逐個人著看家己按怎啲起造。</verse>
				<verse number="11">因為上帝已經有下耶穌基督做唯一的地基，伊以外無別個地基。</verse>
				<verse number="12">佇此個地基頂，人若用金、銀、寶石、木材、草，抑是稻稿起造，</verse>
				<verse number="13">逐個人工程的好僫，佇基督來臨的日，會互火給伊露現出來，因為火會試驗逐個人工程的品質。</verse>
				<verse number="14">人所起造的若互火燒𣍐去，伊就會得著報賞。</verse>
				<verse number="15">人所起造的若互火燒去，伊就會損失；不過伊本身會得著救，親像對火中逃命走出來。</verse>
				<verse number="16">豈毋知，恁是上帝的殿，上帝的神𫢶佇恁內面？</verse>
				<verse number="17">若有人毀壞上帝的殿，上帝會給伊毀滅；因為上帝的殿是神聖的，恁就是彼個殿。</verse>
				<verse number="18">毋通騙家己。恁中間若有人用世間的標準看家己做有智慧，為著欲成做真正有智慧，伊顛倒著做愚戇的。</verse>
				<verse number="19">因為此世間的智慧，對上帝來看是愚戇。聖經有記載：「上帝互智慧的人中著家己的詭計。」</verse>
				<verse number="20">別個所在閣講：「主知智慧的人的心思無路用。」</verse>
				<verse number="21">所以，無論什麼人攏毋通用人做誇口。其實一切攏是恁的：</verse>
				<verse number="22">無論 保羅 、 亞波羅 、 彼得 、此世界、生抑是死、現在抑是將來，這一切攏是恁的；</verse>
				<verse number="23">恁是基督的，基督是上帝的。</verse>
			</chapter>
			<chapter number="4">
				<verse number="1">按呢，人著看阮作基督的僕人，是上帝奧祕的管家。</verse>
				<verse number="2">對管家的要求是著對主人忠實。</verse>
				<verse number="3">我受恁抑是別人評斷，攏看做小事；連我嘛無評斷家己。</verse>
				<verse number="4">我感覺家己的良心清白，不過毋是按呢就證明我無罪。審判我的是主。</verse>
				<verse number="5">所以，時機猶未到，恁毋通批判人。等到主來臨，彼時伊會用光照烏暗中的祕密，給隱藏佇人心內的動機暴露出來。彼時，逐個人會對上帝得著稱讚。</verse>
				<verse number="6">兄弟姊妹，為著恁的緣故，我將諸個事做例用佇我本身及 亞波羅 的身上，互恁通對阮學習「毋通超過聖經所記載」此句話的意思。恁中間無論什麼人都毋通扶挺此個，看輕彼個。</verse>
				<verse number="7">什麼人互你想講家己比別人較𠢕？你所有的豈毋是攏對上帝領受？若按呢，你是按怎啲自誇，若準毋是對上帝領受。</verse>
				<verse number="8">恁已經逐項攏有！恁已經富足！恁給阮拺佇邊仔，家己作王。恁若真正作王毋知偌仔呢好咧，按呢我嘛通及恁做夥作王！</verse>
				<verse number="9">我想，上帝將阮諸個使徒排佇尾溜，親像死刑犯互人拖出來示眾，互世界、天使，及人看。</verse>
				<verse number="10">阮為著基督的緣故做戇人，恁卻及基督結連做巧人；阮軟弱，恁勇壯；恁受尊重，阮受看輕。</verse>
				<verse number="11">到現在，阮猶閣啲嘴焦，穿破衫，常常互人拍，逐所在流浪；</verse>
				<verse number="12">阮靠雙手拖磨度活。阮互人罵，反轉給𪜶祝福；互人迫害，阮忍受；</verse>
				<verse number="13">互人侮辱，阮用好話回答。到現在，阮猶互人看做世間的糞埽，人間的渣滓。</verse>
				<verse number="14">我寫諸個互恁，毋是欲互恁見笑，是看恁做家己親愛的子兒啲給恁教示。</verse>
				<verse number="15">恁雖然有歸萬個教督的人啲教恁識基督，毋拘老父只有一個。通過福音，我佇基督耶穌成做恁的老父。</verse>
				<verse number="16">所以我勸恁，著學我。</verse>
				<verse number="17">因為按呢，我差 提摩太 去恁遐。佇主的內面伊是我親愛閣忠實的子；伊會將我及基督耶穌結連的模範，就是我佇逐所在逐教會所教示的事給恁提醒。</verse>
				<verse number="18">恁中間有人想講我𣍐去恁遐，就自高自大。</verse>
				<verse number="19">若是主的意思，我連鞭會去恁遐。彼時，我就會知許個驕傲的人啲講什麼，嘛會知𪜶會當做什麼。</verse>
				<verse number="20">因為上帝國的實現毋是靠言辭，是靠權能。</verse>
				<verse number="21">恁愛叨一項？我去恁遐的時，恁愛我攑箠仔抑是帶溫柔疼痛的心？</verse>
			</chapter>
			<chapter number="5">
				<verse number="1">我確實有聽著佇恁中間有淫亂的事；此款淫亂連教會外嘛無，因為有人及伊的後母同居。</verse>
				<verse number="2">按呢，恁猶有什麼通膨風！恁豈毋應該感覺傷心，給做此款代誌的人對恁中間開除？</verse>
				<verse number="3">雖然我人及恁相離，心卻及恁做夥。我已經奉主耶穌的名給做此款可惡的代誌的人判罪啦。恁聚集的時，我的心嘛及恁做夥，通靠咱的主耶穌的大能力，</verse>
				<verse number="4"></verse>
				<verse number="5">將此個人交互撒旦毀滅伊的身軀，互伊的靈魂通佇咱的主的日得著救。</verse>
				<verse number="6">恁啲誇口無應該！恁豈毋知「一屑仔酵母會互歸丸的麵丸發起來」？</verse>
				<verse number="7">舊的酵著除互清氣，恁才會成做新的麵丸，事實恁是無酵的麵丸。咱𨃟過節的羊羔基督已經獻做牲禮。</verse>
				<verse number="8">所以，咱毋通用惡毒邪惡的舊酵母，著用純全真實的無酵餅做祭物來守節。</verse>
				<verse number="9">我前寄互恁的批有警戒恁毋通及淫亂的人來往。</verse>
				<verse number="10">我毋是指此世間許個淫亂、貪戀、詐欺，及拜偶像的人；若毋是離開此個世界就𣍐當無及諸個人來往。</verse>
				<verse number="11">我今按呢寫，是講毋通及許個自稱基督徒，卻是淫亂、貪戀、拜偶像、誹謗別人、酒醉，抑是詐欺的人來往；連及諸個人同桌食飯都毋通。</verse>
				<verse number="12">批判教會外的人毋是我的代誌；上帝會給𪜶審判。恁豈毋是著批判教會內的人？聖經有記載：「著對恁中間將邪惡的人開除！」</verse>
				<verse number="13"></verse>
			</chapter>
			<chapter number="6">
				<verse number="1">恁中間有人及別個信徒有糾紛，無佇信徒面前給伊告，哪敢對無信的人告伊？</verse>
				<verse number="2">恁豈毋知信徒欲審判世間？既然恁欲審判世間，豈𣍐曉解決小可代誌？</verse>
				<verse number="3">恁豈毋知連天使咱都欲審判，此世間日常的代誌閣較毋免講。</verse>
				<verse number="4">此款代誌，恁豈通交互無受教會尊重的外人處理？</verse>
				<verse number="5">恁實在真見笑！恁中間豈真正無一個有智慧的人通判斷信徒中間的是非？</verse>
				<verse number="6">恁竟然有信徒告信徒，甚至告到無信的人面前！</verse>
				<verse number="7">其實恁相告，表示恁已經攏輸啦。恁哪毋寧可受冤枉？哪毋寧可受剋虧？</verse>
				<verse number="8">恁顛倒冤枉人，剋虧人，甚至對會內的兄弟姊妹嘛按呢做！</verse>
				<verse number="9">豈毋知不義的人𣍐當做上帝國的子民？毋通騙家己；無論是淫亂的、拜偶像的、作男娼的、好男色的、</verse>
				<verse number="10">做賊的、貪心的、酒醉的、毀謗的、詐欺的，攏𣍐當做上帝國的子民。</verse>
				<verse number="11">恁中間有人以前是按呢。毋拘恁已經洗清氣，已經聖化歸上帝，已經通過主耶穌基督的名，閣通過咱的上帝的神，及上帝有合宜的關係。</verse>
				<verse number="12">有人講：「逐項代誌我攏通做。」毋拘毋是逐項代誌攏有利益。我嘛通講：「逐項代誌我攏通做。」毋拘我無欲互任何代誌控制。</verse>
				<verse number="13">有人講：「食物是為著腹肚，腹肚是為著食物。」著，毋拘此兩項，上帝攏會給𪜶毀壞。身軀毋是為著淫亂，是為著服事主；主會供給咱身軀的需要。</verse>
				<verse number="14">上帝有互主對死閣活，伊嘛會用伊的大能力互咱閣活。</verse>
				<verse number="15">豈毋知恁的身軀是基督的肢體？按呢，我豈通將基督的肢體互伊變做妓女的肢體？絕對毋通！</verse>
				<verse number="16">豈毋知，及妓女發生肉體關係就是及伊成做一體？因為聖經講：「兩個人欲成做一體。」</verse>
				<verse number="17">毋拘及主結合的人，就佇心靈及伊成做一體。</verse>
				<verse number="18">著拒絕淫亂。人無論犯什麼罪，攏無影響家己的身軀，不過犯淫亂的是犯罪害著家己的身軀。</verse>
				<verse number="19">豈毋知恁的身軀是聖神的殿？此位聖神𫢶佇恁內面，是恁對上帝領受的。恁毋是屬家己，是屬上帝，</verse>
				<verse number="20">因為恁是伊付出代價買來的。所以，著用恁的身軀榮耀上帝。</verse>
			</chapter>
			<chapter number="7">
				<verse number="1">關係恁佇批的內面所寫的問題：查甫人無親近查某人較好。</verse>
				<verse number="2">毋拘為著避免淫亂的代誌，逐個查甫人應該有家己的某；逐個查某人應該有家己的翁。</verse>
				<verse number="3">查甫人對某應該盡作翁的義務；查某人對翁應該盡作某的義務。</verse>
				<verse number="4">某對家己的身軀無權，毋拘翁有；像款，翁對家己的身軀無權，毋拘某有。</verse>
				<verse number="5">毋通忽略對方的需要；若為著欲專心祈禱，通同意暫時分開；總是以後著閣回復正常的關係，才免因為𣍐當控制家己致到受撒旦誘惑。</verse>
				<verse number="6">我講通暫時分開，是勉強同意，毋是命令。</verse>
				<verse number="7">事實，我愛逐個人攏親像我。毋拘逐個人對上帝領受無仝款的恩賜，此個人此款，彼個人彼款。</verse>
				<verse number="8">現在，我對無結婚的及寡婦講，若會當親像我守獨身是較好；</verse>
				<verse number="9">毋拘若𣍐當控制家己，就著結婚。寧可結婚，比互慾火燒較好。</verse>
				<verse number="10">已經結婚的人，我命令恁 — 其實毋是我，是主的命令：查某人毋通離開丈夫，</verse>
				<verse number="11">若離開，著守獨身；若無，著閣及丈夫和好。丈夫嘛毋通放拺某。</verse>
				<verse number="12">對其他的人，我講 — 毋是主講的：男的信徒若娶無信主的人做某，某同意繼續及伊住，伊就毋通給伊放拺。</verse>
				<verse number="13">若有女的信徒及無信主的人結婚，丈夫同意繼續及伊住，伊嘛毋通放拺丈夫。</verse>
				<verse number="14">無信主的丈夫會因為信主的某得著上帝接納。親像按呢，無信主的某嘛會因為信主的丈夫得著上帝接納。若毋是按呢，𪜶的子兒就無屬上帝；其實，𪜶是屬上帝。</verse>
				<verse number="15">毋拘，無信主的人若欲離開，就出在伊離開。佇此款的情形，信主的丈夫抑是某就無受婚姻的約束。上帝呼召恁，是愛恁和睦徛起。</verse>
				<verse number="16">著知，信主的查某人豈採會救家己的丈夫。著知，信主的丈夫豈採會救家己的某。</verse>
				<verse number="17">無論按怎，逐個人著照主分互恁的恩賜，照上帝揀召的目的來生活。這是我互逐個教會的規定。</verse>
				<verse number="18">割禮了後才受呼召的人，毋免掩蓋割禮的記號；受呼召的時猶未割禮的人嘛毋免受割禮。</verse>
				<verse number="19">因為有割禮無割禮攏無要緊，要緊的是著遵守上帝的誡命。</verse>
				<verse number="20">逐個人著保持受召的時的身份。</verse>
				<verse number="21">你受召的時是奴隸是無，毋免掛意；不過你若有機會得著自由，著把握機會。</verse>
				<verse number="22">因為受主呼召的奴隸是主所解放的自由人；像款，受主呼召的自由人是基督的奴僕。</verse>
				<verse number="23">恁是上帝付出代價買來的，毋通成做人的奴隸。</verse>
				<verse number="24">兄弟姊妹，恁逐個人著佇上帝的面前保持受召的時的身份。</verse>
				<verse number="25">關係在室女 的問題，我無對主得著什麼命令，不過做一個得著主的憐憫成做通信任的人，我提出家己的意見。</verse>
				<verse number="26">考慮目前艱難的處境，我想人保持現狀是較好。</verse>
				<verse number="27">已經娶某，毋通想欲自由；猶未娶某，毋通想欲娶。</verse>
				<verse number="28">毋拘若娶某，無算犯罪；少女若出嫁，嘛無算犯罪。不過結婚的人會加添生活上的拖累，我較愛恁免抵著此款代誌。</verse>
				<verse number="29">兄弟姊妹，我的意思是，時間逼近啦，對今以後，有某的著若準無某；</verse>
				<verse number="30">啲哭的若準無啲哭；啲歡喜的若準無啲歡喜；買物的若準無得著半項；</verse>
				<verse number="31">插世間事的，若準無啲插。因為此世間的現狀啲過去。</verse>
				<verse number="32">我愛恁攏無掛慮。無娶某的人關心主的事，看欲按怎互主歡喜。</verse>
				<verse number="33">娶某的人關心世間的事，看欲按怎互某歡喜，</verse>
				<verse number="34">煞分心。無嫁的查某人抑是少女關心主的事，是欲互身軀及心靈聖潔；不過嫁翁的查某人關心世間的事，看欲按怎互丈夫歡喜。</verse>
				<verse number="35">我對恁按呢講是為著恁的利益，毋是欲給恁束縛，是愛恁做合宜的事，通專心服事主。</verse>
				<verse number="36">若有人定婚了決定無欲娶，後來因為情慾強，𣍐當控制家己，會對未婚妻做出無合宜的事，伊著結婚，按呢做毋是犯罪。</verse>
				<verse number="37">不過伊若毋是因為外來的壓力，是出佇家己的決心，閣會當控制家己的意志，決定無欲及未婚妻結婚 ，互伊保持在室女的身份，伊按呢做是好。</verse>
				<verse number="38">總講，及未婚妻結婚是好，無及伊結婚閣較好。</verse>
				<verse number="39">丈夫猶活啲的時，查某人無自由；丈夫死了，查某人通自由及合意的人結婚，不過，只有通嫁互信主的人。</verse>
				<verse number="40">伊若無閣嫁是閣較有福氣，這是我的意見，總是我想我嘛有上帝的神的指示。</verse>
			</chapter>
			<chapter number="8">
				<verse number="1">關係祭偶像的物，咱知「咱攏有智識」。其實智識會互人驕傲；毋拘疼心會造就人。</verse>
				<verse number="2">家己想講有智識的，實際上應該知的，伊猶毋知。</verse>
				<verse number="3">人若疼上帝，伊是上帝所識的人。</verse>
				<verse number="4">所以，關係食祭偶像的物，咱知，世間的偶像攏毋是真的，咱嘛知只有一位上帝，以外無別個。</verse>
				<verse number="5">雖然佇天頂抑是地上有所謂的神明，閣雖然有真多「神」抑是「主」，</verse>
				<verse number="6">毋拘 咱只有一位上帝，就是天父； 萬有對伊來創造，咱為著伊來活。 咱只有一位主，就是耶穌基督； 萬有通過伊創造，咱嘛通過伊來存在。</verse>
				<verse number="7">毋拘，毋是逐個人攏有此款智識。有人拜偶像慣勢，到今仔日食物的時猶想講是啲食祭偶像的物；𪜶的良心軟弱，想講會互彼款食物沐垃墋。</verse>
				<verse number="8">其實食物𣍐互咱較接近上帝；無食無損失，食嘛無較有利益。</verse>
				<verse number="9">毋拘著細膩，毋通因為恁自由的行為成做軟弱的人信仰的阻礙。</verse>
				<verse number="10">若有人良心軟弱，看著恁所謂「有智識」的人佇偶像的廟內飲食，按呢恁豈毋是啲鼓勵𪜶食祭偶像的物？</verse>
				<verse number="11">按呢，此個軟弱的信徒嘛是基督為著伊死的人，會因為恁的「智識」來滅亡。</verse>
				<verse number="12">恁按呢做是得罪恁的兄弟抑是姊妹，傷害著𪜶的良心就是得罪基督。</verse>
				<verse number="13">所以，若食物會互兄弟抑是姊妹的信仰受阻礙，我絕對毋食祭偶像的肉，才免互我的兄弟抑是姊妹的信仰受阻礙。</verse>
			</chapter>
			<chapter number="9">
				<verse number="1">我豈毋是自由的人？我豈毋是使徒？我豈毋曾見著咱的主耶穌？恁豈毋是我為著主工作的成果？</verse>
				<verse number="2">對別人來看，我豈採毋是使徒，毋拘對恁來看，我確實是。因為恁及主結連就是我作使徒的證據。</verse>
				<verse number="3">對許個批評我的人，我按呢辯明：</verse>
				<verse number="4">阮豈無權通食，通飲？</verse>
				<verse number="5">阮豈無權及其他的使徒、主的兄弟，以及 彼得 仝款，娶女信徒做某做夥旅行？</verse>
				<verse number="6">豈干焦我及 巴拿巴 一定著做工才會當生活？</verse>
				<verse number="7">豈有人作兵閣啲食家己？豈有人種作葡萄園無食園內出產的葡萄？豈有人飼羊無飲家己的羊奶？</verse>
				<verse number="8">我講諸個豈是根據人的想法？律法豈毋是嘛按呢講？</verse>
				<verse number="9">摩西 的律法規定：「牛啲碖五穀的時，毋通給伊掛牛嘴籠。」上帝關心的豈是牛？</verse>
				<verse number="10">伊豈毋是完全為著咱講的？當然是！因為耕作的人囥向望耕作，收割的人囥向望收割，𪜶攏是期待得著五穀。</verse>
				<verse number="11">阮若有佇恁中間撒屬靈的種籽，對恁得著物質上的供給豈有過份？</verse>
				<verse number="12">別人若有權通對恁要求，阮豈毋是閣較有？ 毋拘阮攏毋曾用此個權，反轉忍受一切，才免互基督的福音受阻礙。</verse>
				<verse number="13">恁一定知，佇聖殿啲工作的人對聖殿得著食物；佇祭壇啲獻祭的人分著壇頂的祭物。</verse>
				<verse number="14">親像按呢，主有吩咐：傳福音的人應該靠福音生活。</verse>
				<verse number="15">毋拘我攏毋曾用諸個權。我現在寫諸個話嘛毋是欲爭取此款的權。我寧可死嘛無愛互我所誇口的落空！</verse>
				<verse number="16">我傳福音並無什麼通誇口；我是奉命啲傳。我若無傳就有災禍。</verse>
				<verse number="17">我若甘願做此個工，就有報賞；我若毋是出佇甘願，嘛著執行上帝交代的任務。</verse>
				<verse number="18">按呢，我的報賞是什麼？就是我傳福音互人白白得著，毋拘家己無欲享受傳福音應該有的權利。</verse>
				<verse number="19">我是自由的人，無受人的束縛，毋拘為著欲得著較多人來信主，我成做眾人的僕人。</verse>
				<verse number="20">對 猶太 人，我就作 猶太 人，是為著欲得著 猶太 人。雖然我無受 摩西 的律法拘束，卻作律法下的人，是為著欲得著律法下的人。</verse>
				<verse number="21">對律法外的人，我就作律法外的人，是為著欲得著律法外的人。按呢毋是講我無遵守上帝的律法；其實我是受基督律法約束的人。</verse>
				<verse number="22">對信心軟弱的人，我成做軟弱，是為著欲得著軟弱的人。對叨一款人，我就作彼款人，用逐款方法通加救一寡人。</verse>
				<verse number="23">我做諸個攏是為著福音，目的是欲及人分享福音。</verse>
				<verse number="24">恁一定知，佇運動場參加競賽的人攏落去走，毋拘只有一個得著賞。親像按呢，為著欲得著賞，恁著拍拼走。</verse>
				<verse number="25">逐個選手攏有接受嚴格的訓練；𪜶按呢做是欲得著會敗壞的花冠；毋拘咱愛得著的是𣍐敗壞的花冠。</verse>
				<verse number="26">按呢，我走毋是無目標，拍拳毋是啲拍空氣。</verse>
				<verse number="27">我嚴格操練家己的身軀到會當完全控制，才免我將福音傳互別人，家己顛倒受拒絕。</verse>
			</chapter>
			<chapter number="10">
				<verse number="1">兄弟姊妹，我愛恁會記得，咱的祖先攏跟隨 摩西 ，佇雲的保護下過 紅海 。</verse>
				<verse number="2">𪜶佇雲內，佇海裡，受洗歸佇 摩西 。</verse>
				<verse number="3">𪜶攏食仝款屬靈的食物，</verse>
				<verse number="4">攏飲仝款屬靈的泉水，此個泉水是對及𪜶同行彼個屬靈的石磐流出來的；彼個石磐就是基督。</verse>
				<verse number="5">毋拘𪜶中間大部分的人無互上帝歡喜，攏受毀滅，倒甲歸曠野。</verse>
				<verse number="6">諸個代誌互咱做鑑戒，叫咱毋通親像𪜶貪戀歹代。</verse>
				<verse number="7">毋通親像𪜶中間有一寡人去拜偶像；照聖經記載：「諸個子民坐落去，大食大飲；徛起來，癲狂亂耍。」</verse>
				<verse number="8">咱毋通親像𪜶有一寡人淫亂，煞佇一日內死兩萬三千人。</verse>
				<verse number="9">毋通親像𪜶中間有一寡人試探主 ，煞互蛇咬死。</verse>
				<verse number="10">毋通親像𪜶中間有一寡人講怨言，煞互毀滅者剿滅。</verse>
				<verse number="11">𪜶所抵著諸個代誌通做別人的鑑戒，閣記錄落來通警戒咱諸個活佇末世的人。</verse>
				<verse number="12">所以，想講家己徛在的著謹慎，才𣍐跋倒。</verse>
				<verse number="13">恁所抵著的考驗攏是人會抵著的。上帝是信實的，伊𣍐互恁抵著擔當𣍐起的考驗。恁抵著考驗的時，伊會給恁開一條出路，互恁忍受會牢。</verse>
				<verse number="14">所以，親愛的兄弟姊妹，拜偶像的事攏毋通插著。</verse>
				<verse number="15">我看恁做明白事理的人及恁講話；我所講的恁家己通判斷。</verse>
				<verse number="16">咱啲飲彼個感謝的杯，豈毋是啲分享基督的血？咱啲食彼個擘開的餅，豈毋是啲分享基督的身軀？</verse>
				<verse number="17">因為餅只有一塊，咱雖然真多人，猶久是一體，因為咱做夥食仝一塊餅。</verse>
				<verse number="18">用 以色列 人做例，許個食祭物的人及祭壇有關係。</verse>
				<verse number="19">按呢我啲講的是什麼意思？是講偶像有什麼重要，祭物有什麼要緊是無？</verse>
				<verse number="20">毋是，我是啲講，獻佇異教祭壇頂的祭物是獻互鬼，毋是獻互上帝。我無愛恁及鬼交插。</verse>
				<verse number="21">恁飲主的杯，𣍐用得閣飲鬼的杯；恁參加主的宴席，𣍐用得閣參加鬼的宴席。</verse>
				<verse number="22">咱欲激主怨妒是無？咱比伊較強是無？</verse>
				<verse number="23">有人講「逐項攏通做」，不過毋是逐項攏有利益。「逐項攏通做」，不過毋是逐項事攏會當幫贊人。</verse>
				<verse number="24">逐個人攏毋通求家己的利益，著求別人的利益。</verse>
				<verse number="25">市場啲賣的肉攏通買來食，毋免為著良心的緣故問東問西。</verse>
				<verse number="26">因為聖經講：「地及地上的萬物攏屬佇主。」</verse>
				<verse number="27">若有未信者請恁食飯，恁若去，排佇恁面前的物做恁食，毋免為著良心的緣故問東問西。</verse>
				<verse number="28">毋拘若有人給恁講「諸個食物有祭過偶像」，恁就為著彼個給恁講的人及良心的緣故，食彼個食物。</verse>
				<verse number="29">我所指的是彼個人的良心，毋是恁的良心。 豈採有人會問：「我的自由哪著受別人的良心批判？</verse>
				<verse number="30">我若感謝來食，哪著因為食感謝的物受誹謗？」</verse>
				<verse number="31">所以，恁無論是食是飲，抑是做什麼，攏著為著榮耀上帝來做。</verse>
				<verse number="32">無論是對 猶太 人、外邦人，抑是上帝的教會，恁攏毋通成做𪜶的阻礙。</verse>
				<verse number="33">恁著照我所做的去做。我為著互大家歡喜，毋曾求家己的利益，是求大家的利益，通互𪜶得著救。</verse>
			</chapter>
			<chapter number="11">
				<verse number="1">恁著學我，親像我學基督。</verse>
				<verse number="2">恁不時會記得我，閣遵趁我傳授互恁的教示，恁實在通互我謳咾。</verse>
				<verse number="3">不過我愛恁明白，逐個查甫人的頭是基督，婦仁人的頭是丈夫，基督的頭是上帝。</verse>
				<verse number="4">查甫人佇公共場所祈禱抑是宣講上帝信息的時，若罩頭巾是侮辱伊的頭基督。</verse>
				<verse number="5">毋拘查某人佇祈禱抑是宣講上帝信息的時，若無罩頭巾是侮辱家己的頭，就是伊的丈夫。此款的婦仁人及頭毛互人剃起來的查某人無什麼差別。</verse>
				<verse number="6">查某人若毋罩頭巾，頭毛著剪起來；既然看剃光頭抑是剪頭毛做見笑的事，就著罩頭巾。</verse>
				<verse number="7">查甫人無應該罩頭巾，因為伊是上帝的形像及榮耀；查某人是查甫人的榮耀。</verse>
				<verse number="8">因為查甫人毋是對查某人造出來的，查某人是對查甫人造出來的。</verse>
				<verse number="9">查甫人毋是為著查某人造的，毋拘查某人是為著查甫人造的。</verse>
				<verse number="10">為著天使的緣故，查某人的頭應該罩權威的記號。</verse>
				<verse number="11">總是佇主的內面，查甫人需要查某人，查某人嘛需要查甫人。</verse>
				<verse number="12">因為查某人是對查甫人造出來的，查甫人是通過查某人生的，毋拘萬物攏是對上帝出來的。</verse>
				<verse number="13">恁著家己判斷：查某人無罩頭巾對上帝祈禱有合宜無？</verse>
				<verse number="14">自然的本性教咱，留長頭毛是查甫人的見笑，</verse>
				<verse number="15">毋拘查某人留長頭毛是伊的榮耀。因為長頭毛通做查某人的遮帕。</verse>
				<verse number="16">若有人愛辯駁，我只有會當講，佇咱及上帝的教會並無其他的規矩。</verse>
				<verse number="17">我佇遮欲講的話毋是欲給恁謳咾，因為恁的聚會損害比利益較多。</verse>
				<verse number="18">第一，我有聽見講，恁佇教會聚會的時結黨分派，我相信有一部份是事實。</verse>
				<verse number="19">恁中間難免有分裂，按呢才會當看出什麼人會通過考驗。</verse>
				<verse number="20">恁聚集的時，毋是啲食主的晚餐。</verse>
				<verse number="21">因為恁逐個人趕緊食家己帶來的物件，結果有的枵，有的酒醉。</verse>
				<verse number="22">恁豈無厝通食，通飲？恁是啲藐視上帝的教會，亦啲互無物通食的人見笑是無？我欲對恁講什麼？我豈著給恁謳咾？𣍐，佇此項事我𣍐給恁謳咾！</verse>
				<verse number="23">我對主所領受的，我嘛傳互恁：主耶穌互人出賣彼暝，伊提餅，</verse>
				<verse number="24">感謝上帝了後，擘開，講：「此個是我的身軀，為著恁犧牲的；恁著做此個來記念我。」</verse>
				<verse number="25">照按呢，食了後，伊閣捧杯，講：「此個杯是新的約，用我的血設立的，恁逐擺飲的時著做此個來記念我。」</verse>
				<verse number="26">按呢，恁逐擺食此個餅，飲此個杯，是啲宣告主的死，直到伊來臨。</verse>
				<verse number="27">所以，無論什麼人，若無用合宜的態度食主的餅，飲主的杯，是得罪主的身體及血。</verse>
				<verse number="28">逐個人著省察家己才通食此個餅，飲此個杯。</verse>
				<verse number="29">恁食此個餅，飲此個杯，若無確實明白主的身軀的意思，食此個餅飲此個杯是家己惹審判。</verse>
				<verse number="30">因為按呢，佇恁中間有真多人軟弱，破病，嘛有人致到死。</verse>
				<verse number="31">咱若先省察家己，就𣍐致到受審判。</verse>
				<verse number="32">不過咱受主審判的時，是啲受管教，互咱免致到及世間同受定罪。</verse>
				<verse number="33">所以，我的兄弟姊妹，恁聚集食主的晚餐的時，著互相聽候。</verse>
				<verse number="34">若有人枵，著佇厝裡先食，才免恁聚會顛倒受上帝審判。其他的代誌，我去恁遐的時才處理。</verse>
			</chapter>
			<chapter number="12">
				<verse number="1">兄弟姊妹，關係聖神的恩賜，我愛恁了解。</verse>
				<verse number="2">恁知，恁猶是異教徒的時出在人導去拜𣍐講話的偶像。</verse>
				<verse number="3">所以我愛恁了解，所有受上帝的神感動的人，無人會講「耶穌著受咒詛」；若無受聖神感動，嘛無人會講「耶穌是主」。</verse>
				<verse number="4">恩賜有真多款，毋拘賜恩賜的是仝一位聖神。</verse>
				<verse number="5">侍奉有真多款，毋拘是侍奉仝一位主。</verse>
				<verse number="6">工作有真多款，毋拘幫贊逐個人去做逐項代誌的是仝一位上帝。</verse>
				<verse number="7">聖神佇逐個人身上顯明的，是欲互大家得著利益。</verse>
				<verse number="8">有人通過聖神得著傳信息的智慧；有人根據仝一位聖神得著傳信息的智識；</verse>
				<verse number="9">有人對仝一位聖神得著信心；有人對仝一位聖神得著醫病的恩賜；</verse>
				<verse number="10">有人得著行神跡的恩賜；有人得著傳上帝信息的恩賜；有人得著分辨上帝的神及別個神的恩賜；有人得著講靈語的恩賜；有人得著解說靈語的恩賜。</verse>
				<verse number="11">諸個一切攏是仝一位聖神的運作，伊照家己的意思將無仝款的恩賜分互逐個人。</verse>
				<verse number="12">親像身軀是一個，毋拘有真多肢體；身軀雖然有真多肢體，毋拘身軀只有一個；基督嘛是按呢。</verse>
				<verse number="13">無論是 猶太 人抑是外邦人，奴隸抑是自由的人，咱攏對仝一位聖神領受洗禮，成做一體，閣咱嘛攏飲仝一位聖神來得著潤澤。</verse>
				<verse number="14">身軀毋是只有一個肢體，是有真多肢體。</verse>
				<verse number="15">腳若講「我毋是手，所以無屬身軀」，腳毋是按呢講就無屬身軀。</verse>
				<verse number="16">耳仔若講「我毋是目睭，所以無屬身軀」，耳仔毋是按呢講就無屬身軀。</verse>
				<verse number="17">全身軀若攏是目睭，欲用什麼來聽？全身軀若攏是耳仔，欲用什麼來鼻？</verse>
				<verse number="18">按呢，上帝照伊的旨意將逐款肢體安置佇身軀。</verse>
				<verse number="19">全部若只有是一個肢體，哪會當算做身軀？</verse>
				<verse number="20">按呢，肢體有真多，毋拘身軀只有一個。</verse>
				<verse number="21">目睭𣍐當給手講「我無需要你！」頭嘛𣍐當對腳講「我無需要你！」</verse>
				<verse number="22">其實，咱的身軀許個看起來較軟弱的肢體顛倒較有必要。</verse>
				<verse number="23">咱看較毋上目的肢體，顛倒較著給𪜶看重；較歹看的肢體，顛倒較著給𪜶妝飾；</verse>
				<verse number="24">許個較好看的肢體就無需要妝飾。上帝將身軀安排好勢，互許個較無重要的肢體得著較大的尊重，</verse>
				<verse number="25">通互身軀免致到分裂，顛倒互逐個肢體互相照顧。</verse>
				<verse number="26">一個肢體受苦，其他的肢體就做夥受苦；一個肢體得著榮光，其他的肢體就做夥歡喜。</verse>
				<verse number="27">恁是基督的身軀，逐個人是身軀的肢體。</verse>
				<verse number="28">上帝佇教會所安置的，第一是使徒，第二是先知，第三是教師，閣有行神跡的，閣有醫病恩賜的，幫贊人的，管理事務的，講逐款靈語的。</verse>
				<verse number="29">逐個人豈攏是使徒？豈攏是先知？豈攏是教師？豈攏是行神跡的？</verse>
				<verse number="30">豈攏是有醫病恩賜的？豈攏是講靈語的？豈攏是解說靈語的？</verse>
				<verse number="31">恁著熱切欣慕許個閣較重要的恩賜。 今我給恁指示一條上好的路。</verse>
			</chapter>
			<chapter number="13">
				<verse number="1">我若會曉講人的語言，甚至天使的語言，若無仁愛，我就親像鑼啲彈，鈸啲響。</verse>
				<verse number="2">我若有傳達上帝信息的恩賜，會了解逐款的奧祕及逐款的智識；我若有夠額的信心通移山倒海，若無仁愛，我就無路用。</verse>
				<verse number="3">我若提所有的財產去救濟，抑是獻身軀互火燒，若無仁愛，對我攏無利益。</verse>
				<verse number="4">仁愛是寬容；仁愛是慈悲；有仁愛就𣍐怨妒，𣍐誇口，𣍐驕傲，</verse>
				<verse number="5">𣍐做見笑的代誌，𣍐求家己的利益，𣍐快受氣，𣍐拾恨，</verse>
				<verse number="6">𣍐愛不義，只有愛真理。</verse>
				<verse number="7">仁愛會包容一切，對一切有信心，對一切有向望，對一切有耐心。</verse>
				<verse number="8">仁愛永遠存在。傳達上帝信息的恩賜會結束；講靈語的恩賜會停止；智識嘛會消失。</verse>
				<verse number="9">咱所識的有限；咱傳達上帝信息的恩賜嘛有限。</verse>
				<verse number="10">毋拘彼個完全的一下來，彼個有限的就消失。</verse>
				<verse number="11">我作囝仔的時，講話親像囝仔，意見親像囝仔，想法嘛親像囝仔；我既然成人，就將囝仔的事攏放拺。</verse>
				<verse number="12">咱現在親像照鏡啲看，霧霧無明，將來會面對面看清楚。我現在只有知一部份，將來會完全了解，親像上帝完全了解我。</verse>
				<verse number="13">按呢，信、向望、仁愛此三項繼續存在，其中上重要的是仁愛。</verse>
			</chapter>
			<chapter number="14">
				<verse number="1">著追求仁愛；著熱切欣慕屬靈的恩賜，特別是傳達上帝信息的恩賜。</verse>
				<verse number="2">講靈語的人毋是啲對人講，是啲對上帝講，因為無人聽有；伊是靠聖神啲講奧祕的事。</verse>
				<verse number="3">不過傳達上帝信息的人是啲對人講，欲互𪜶得著造就、鼓勵、安慰。</verse>
				<verse number="4">講靈語的人只有造就家己，不過傳達上帝信息的人造就全教會。</verse>
				<verse number="5">我愛恁逐個人攏會講靈語，閣較愛恁會傳達上帝的信息。講靈語若毋是有人解說，互教會得著造就，按呢，傳達上帝的信息比講靈語較重要。</verse>
				<verse number="6">所以，兄弟姊妹，我去恁遐，若干焦講靈語，無傳達上帝的啟示，抑是智識，抑是信息，抑是教示，對恁有什麼利益？</verse>
				<verse number="7">無性命的樂器親像𥰔仔抑是琴，𪜶所發出的音若無高低變化，人哪會知是啲奏什麼？</verse>
				<verse number="8">喇叭的聲若無準確，人哪知通準備相戰？</verse>
				<verse number="9">親像按呢，恁所講的靈語，意思若無清楚，人哪會理解恁啲講什麼？按呢恁是啲對空氣講話。</verse>
				<verse number="10">世間有真多無仝款的語言，逐個攏有意思。</verse>
				<verse number="11">我若毋識某一個語言，對啲講此個語言的人來看我是外國人；啲講此個語言的人對我來看嘛是外國人。</verse>
				<verse number="12">恁嘛是按呢，既然恁熱切欣慕屬靈的恩賜，著閣較出力追求許個會造就教會的恩賜。</verse>
				<verse number="13">所以，講靈語的人著祈求會當解說的能力。</verse>
				<verse number="14">我若用靈語祈禱，是我的靈啲祈禱，毋拘我的理智無作用。</verse>
				<verse number="15">按呢我欲按怎？我欲用靈祈禱，嘛欲用理智祈禱。我欲用靈吟詩，嘛欲用理智吟詩。</verse>
				<verse number="16">若無，恁若只有用靈感謝上帝，參加聚會許個無了解靈語的信徒毋知恁啲講什麼，欲哪會對恁的感謝講「阿們」？</verse>
				<verse number="17">恁的感謝豈採真好，毋拘無互別人得著造就。</verse>
				<verse number="18">感謝上帝，我比恁眾人講閣較多靈語。</verse>
				<verse number="19">毋拘佇教會中，我寧可講五句有理智的話通教示別人，嘛無愛講一萬句靈語。</verse>
				<verse number="20">兄弟姊妹，恁想代誌毋通親像囝仔；對歹代誌著親像嬰仔，想代誌著親像大人。</verse>
				<verse number="21">佇律法書有記載： 主講：我欲用講外國話的人， 用異邦人的嘴唇， 對我的子民講話， 毋拘𪜶猶毋聽。</verse>
				<verse number="22">按呢，講靈語毋是欲互信徒，是欲互無信的人做記號。毋拘傳達上帝信息的恩賜毋是欲互無信的人，是欲互信徒做記號。</verse>
				<verse number="23">全教會聚集的時，大家若攏啲講靈語，有無了解靈語的信徒抑是無信的人入來，豈𣍐講恁是啲起𤞚？</verse>
				<verse number="24">大家若攏啲傳達上帝的信息，有無信的人抑是無了解靈語的信徒入來，聽著許個話就曉悟知罪，</verse>
				<verse number="25">心內的祕密顯露出來，會仆落去敬拜上帝，宣告講：「上帝真正佇恁中間！」</verse>
				<verse number="26">兄弟姊妹，按呢欲按怎？恁聚會的時，有人唱聖詩，有人教示，有人宣講上帝的啟示，有人講靈語，嘛有人解說靈語。逐項代誌攏著為著造就教會來做。</verse>
				<verse number="27">若有人講靈語，只有兩個，上多三個輪流講，閣著有人解說。</verse>
				<verse number="28">若是無人通解說，𪜶佇聚會中著靜靜，只有對家己及上帝講。</verse>
				<verse number="29">宣講上帝的信息，通互兩個抑是三個講，其他的人通判斷𪜶所講的。</verse>
				<verse number="30">不過在座的人若有得著上帝的啟示，抵啲講的人著靜靜。</verse>
				<verse number="31">恁逐個人攏通輪流宣講上帝的信息，通做夥學習，互相勉勵。</verse>
				<verse number="32">宣講上帝信息的人著會曉約束家己的恩賜，</verse>
				<verse number="33">因為上帝毋是混亂的上帝，是和諧的上帝。 及所有上帝子民的教會仝款，</verse>
				<verse number="34">婦仁人佇聚會中著靜靜，𣍐用得講話。照 猶太 律法所講，婦仁人著順服。</verse>
				<verse number="35">𪜶若愛學什麼，著佇厝裡問家己的丈夫；婦仁人佇聚會中講話無體面。</verse>
				<verse number="36">哪按呢講！上帝的話豈對恁來，豈干焦傳互恁？</verse>
				<verse number="37">若有人想講家己是傳達上帝信息的人，抑是屬靈的人，著知我啲寫互恁的是主的命令。</verse>
				<verse number="38">若有人無看此個代誌做要緊，嘛毋免給伊看做要緊。</verse>
				<verse number="39">所以，我的兄弟姊妹，著熱切欣慕傳達上帝信息的恩賜，不過嘛毋通禁止人講靈語。</verse>
				<verse number="40">凡事著規規矩矩，照秩序做。</verse>
			</chapter>
			<chapter number="15">
				<verse number="1">兄弟姊妹，我欲給恁提醒：我傳互恁的福音恁有接受，嘛用這做信仰的基礎。</verse>
				<verse number="2">恁若有堅守我所傳的信息，毋是空空信，就會靠此個福音得著救。</verse>
				<verse number="3">我已經有將我本身所領受彼個上重要的信息傳互恁，就是照聖經所記載，基督為著咱的罪死，</verse>
				<verse number="4">埋葬；閣照聖經所記載，伊第三日閣活；</verse>
				<verse number="5">伊有對 彼得 顯現，閣對十二使徒顯現。</verse>
				<verse number="6">後來伊有一擺對五百外個兄弟顯現；許個人有的已經死，毋拘大部分的人猶活啲。</verse>
				<verse number="7">後來伊有對 雅各 顯現，閣對所有的使徒顯現。</verse>
				<verse number="8">最後，伊嘛對我此個若準無夠月就出世的人顯現。</verse>
				<verse number="9">我是使徒中上微細的，𣍐堪得稱做使徒，因為我曾迫害上帝的教會。</verse>
				<verse number="10">毋拘有上帝的恩典才有今仔日的我，伊賜互我的恩典無落空。我顛倒比其他的使徒閣較拍拼工作，其實毋是我家己，是上帝的恩典及我同在。</verse>
				<verse number="11">所以，無論是我抑是𪜶，這是阮所啲傳，恁已經有啲信的。</verse>
				<verse number="12">既然阮所宣揚的是基督已經有對死人中閣活，恁中間哪有人講無死人閣活此款代誌？</verse>
				<verse number="13">若無死人閣活，按呢基督就無閣活。</verse>
				<verse number="14">若基督無閣活，按呢阮所宣揚的是空空，恁的信嘛是空空。</verse>
				<verse number="15">按呢阮就是啲為上帝做假見證，因為阮見證上帝已經互基督閣活；死人若無閣活，上帝就無互基督閣活。</verse>
				<verse number="16">若死人無閣活，基督就無閣活。</verse>
				<verse number="17">基督若無閣活，恁的信就無路用，恁就猶佇罪惡中。</verse>
				<verse number="18">按呢，許個信基督了後死去的人嘛攏滅亡啦。</verse>
				<verse number="19">咱信基督的人若干焦佇現世有向望，咱是所有的人的中間上通可憐的。</verse>
				<verse number="20">毋拘，現在上帝已經有互基督對死人中閣活，通做已經死去的人閣活的保證。</verse>
				<verse number="21">因為死通過一個人來，死人的閣活嘛是通過一個人來。</verse>
				<verse number="22">對 亞當 眾人攏著死，按呢，對基督眾人嘛攏會閣活。</verse>
				<verse number="23">不過逐個人攏著照家己的順序閣活：頭一個是基督，續落去是基督來臨的時屬伊的人，</verse>
				<verse number="24">閣來才是末期；彼時伊會消滅一切的統領者、掌權者，及權力者，然後將統治權交互父上帝。</verse>
				<verse number="25">因為基督一定著統治，直到上帝互一切的對敵攏屈服佇伊的腳下。</verse>
				<verse number="26">最後受毀滅的對敵是死。</verse>
				<verse number="27">因為聖經記載講：「上帝互萬有攏屈服佇伊的腳下。」真明顯，遮所講的「萬有」並無包含互萬有屈服佇基督腳下的上帝。</verse>
				<verse number="28">到萬有攏屈服基督的時，子本身嘛會屈服佇互萬有攏屈服的上帝，通互上帝完全統轄一切。</verse>
				<verse number="29">若毋是按呢，人替死人受洗 有什麼意思？若無死人閣活的事，是按怎欲替死人受洗？</verse>
				<verse number="30">阮是按怎著時時刻刻冒險？</verse>
				<verse number="31">兄弟姊妹，我奉咱的主基督耶穌對恁諸個我所誇口的人好膽講：我逐日面對死。</verse>
				<verse number="32">我佇 以弗所 及「野獸」鬥爭，若純粹是出佇人的動機，對我有什麼利益？死人若無閣活，會親像人啲講：「咱來食，來飲，明仔載都欲死啦！」</verse>
				<verse number="33">毋通互人騙去。「交著歹朋友會破壞品德！」</verse>
				<verse number="34">著覺醒，想互清楚，毋通閣犯罪，因為有一寡人猶毋識上帝，我講諸個是欲互恁知通見笑。</verse>
				<verse number="35">豈採有人欲問：「死人按怎閣活？𪜶會用什麼款的體來？」</verse>
				<verse number="36">戇人！恁撒落地的種籽若無死去，豈會活起來？</verse>
				<verse number="37">恁所撒的，無論是麥仔抑是別款五穀，不過是種籽，毋是後來大欉的形體。</verse>
				<verse number="38">上帝照伊的旨意互種籽有形體；逐款種籽有家己的形體。</verse>
				<verse number="39">逐款動物的肉體嘛攏無仝款：人的肉體一款，獸類一款，鳥類一款，魚類閣一款。</verse>
				<verse number="40">有天頂的體，有地上的體；天體的光及地上的體的光無仝款。</verse>
				<verse number="41">日頭有日頭的光，月有月的光，星有星的光；甚至逐粒星的光都攏無仝款。</verse>
				<verse number="42">死人的閣活嘛是按呢。埋落去的會朽爛，閣活的𣍐朽爛；</verse>
				<verse number="43">埋落去的是卑賤的，閣活的是榮耀的；埋落去的是軟弱的，閣活的是勇壯的；</verse>
				<verse number="44">埋落去的是血肉的體，閣活的是屬靈的體。既然有血肉的體，就有屬靈的體。</verse>
				<verse number="45">所以聖經有記載：「頭一個人 亞當 受造做有活命的人」，毋拘路尾的 亞當 是賜活命的神。</verse>
				<verse number="46">代先有的毋是屬靈的，是血肉的，後來才有屬靈的。</verse>
				<verse number="47">頭一個人是對地出，是土造的；第二個人是對天來的。</verse>
				<verse number="48">所有用土造的人攏及彼個頭一個用土造的人仝款；所有屬天的人嘛及彼個路尾來屬天的人仝款。</verse>
				<verse number="49">抵親像咱有彼個頭一個用土造的人的形像，嘛會有彼個路尾來屬天的人的形像。</verse>
				<verse number="50">兄弟姊妹，我給恁講：血肉的體𣍐當承受上帝國；會朽爛的嘛𣍐當承受𣍐朽爛的。</verse>
				<verse number="51">我欲給恁講一項奧祕：咱𣍐攏死，不過佇一瞬間，一目𥍉久，最後的喇叭一下彈，咱攏會改變；喇叭彈，死人會閣活，變做𣍐朽爛的，咱嘛攏會改變。</verse>
				<verse number="52"></verse>
				<verse number="53">因為此個會朽爛的一定著變做𣍐朽爛的，會死的變做𣍐死的。</verse>
				<verse number="54">當會朽爛的變做𣍐朽爛的，會死的變做𣍐死的彼時，聖經所記載的話就會應驗： 死互勝利吞落去啦！</verse>
				<verse number="55">死啊，你的勝利佇叨位？ 死啊，你的毒刺佇叨位？</verse>
				<verse number="56">死的毒刺是罪，罪的威力是對律法來的。</verse>
				<verse number="57">感謝上帝，伊通過咱的主耶穌基督互咱得著勝利。</verse>
				<verse number="58">所以，親愛的兄弟姊妹，著徛在，毋通動搖。著常常盡力為主做工，因為恁知為主著磨做工一定𣍐落空。</verse>
			</chapter>
			<chapter number="16">
				<verse number="1">關係捐獻幫贊信徒的代誌，恁嘛著照我給 加拉太 的眾教會所指示的去做。</verse>
				<verse number="2">每禮拜的頭一日，逐個人著照家己的收入提一寡起來囥，才免我去恁遐的時才開始募捐。</verse>
				<verse number="3">我到位的時，會將介紹的批及恁的捐獻交互恁會信任得的人，派𪜶帶去 耶路撒冷 。</verse>
				<verse number="4">若是我嘛著去較好，𪜶會及我做夥去。</verse>
				<verse number="5">我想欲經過 馬其頓 ，按算經過 馬其頓 了後欲去恁遐，</verse>
				<verse number="6">大概會住恁遐及恁做夥過冬天。按呢，無論欲閣去叨位，恁通送我出發。</verse>
				<verse number="7">我無愛佇過路的時才順續去看恁；主若允准，我向望及恁住一暫仔。</verse>
				<verse number="8">我會佇 以弗所 住到五旬節。</verse>
				<verse number="9">佇遮雖然有真多反對的人，毋拘門為我大開，通做有效果的工作。</verse>
				<verse number="10">提摩太 到位的時，恁著給伊接待，互伊會當安心，因為伊及我仝款啲做主的工。</verse>
				<verse number="11">恁攏毋通看伊無起。著送伊平安離開，互伊通轉來我遮，因為我啲聽候伊及許個兄弟做夥來。</verse>
				<verse number="12">關係咱的兄弟 亞波羅 ，我有極力勸伊及其他的兄弟去訪問恁；不過伊目前攏無按算欲去，若有抵好的機會伊就會去。</verse>
				<verse number="13">恁著警醒，信心徛在，著勇敢，著堅強。</verse>
				<verse number="14">恁所做一切的代誌著用疼心去做。</verse>
				<verse number="15">兄弟姊妹，恁識 司提法那 一家的人；𪜶是 亞該亞 省頭一家歸信基督的人，熱心服務信徒。</verse>
				<verse number="16">我勸恁著順趁此款人，以及所有及𪜶做夥著磨工作的人。</verse>
				<verse number="17">司提法那 、 福徒拿都 ，及 亞該古 來我遮，我真歡喜。恁無佇遮，𪜶替恁來幫贊我。</verse>
				<verse number="18">𪜶互我及恁平平得著激勵。所以恁著敬重此款人。</verse>
				<verse number="19">亞細亞 省的眾教會攏欲給恁請安。 亞居拉 及 百基拉 ，以及佇𪜶兜啲聚會的教會，佇主的內面欲熱切給恁請安。</verse>
				<verse number="20">所有的兄弟姊妹攏欲給恁請安。 恁著親切互相請安。</verse>
				<verse number="21">我 保羅 親筆給恁請安。</verse>
				<verse number="22">若有人無疼主，著受咒詛。主啊，請來！</verse>
				<verse number="23">願主耶穌的恩典及恁同在！</verse>
				<verse number="24">願我的疼及恁所有屬基督耶穌的人同在！</verse>
			</chapter>
		</book>
		<book number="47">
			<chapter number="1">
				<verse number="1">我是 保羅 ，奉上帝的旨意作基督耶穌的使徒。我及兄弟 提摩太 寫批互佇 哥林多 上帝的教會及全 亞該亞 省所有信徒。</verse>
				<verse number="2">願咱的父上帝及主耶穌基督賜恁恩典及平安！</verse>
				<verse number="3">著稱讚咱的主耶穌基督的父上帝！伊是慈悲的父，賜逐項安慰的上帝。</verse>
				<verse number="4">佇咱一切的患難中，伊安慰咱，互咱會當用上帝賜咱的安慰去安慰許個抵著逐款患難的人。</verse>
				<verse number="5">因為基督為著咱受真多苦難，咱嘛通過基督受赫呢多的安慰。</verse>
				<verse number="6">阮若抵著患難，是欲互恁得著安慰及拯救；阮若得著安慰，嘛是欲互恁得著安慰，有氣力通忍受及阮所忍受像款的苦難。</verse>
				<verse number="7">阮對恁的向望𣍐搖動；因為阮知，恁及阮同受苦，恁嘛會及阮同受安慰。</verse>
				<verse number="8">兄弟姊妹，阮愛恁知阮佇 亞細亞 省所抵著的患難。阮所擔的重擔非常重，重甲擔𣍐起，致到強欲活𣍐落去。</verse>
				<verse number="9">阮家己感覺有受判死刑；按呢是欲互阮無閣倚靠家己，只有倚靠互死人閣活的上帝。</verse>
				<verse number="10">伊有救阮脫離死的危險，嘛會繼續救阮。阮向望伊將來會閣救阮。</verse>
				<verse number="11">恁嘛著用祈禱幫贊阮，按呢就有真多人會因為阮對恁真多的祈禱得著祝福來感謝上帝。</verse>
				<verse number="12">阮所誇口的是按呢：阮的良心證明，阮佇此世間的生活攏是照上帝所賜的純潔及誠實，毋是靠屬世的智慧，是靠上帝的恩典；阮對待恁閣較是按呢。</verse>
				<verse number="13">阮寫互恁的攏是恁會曉讀會當了解的。恁到今所理解的只有一部份，我向望恁到路尾會完全了解。按呢，佇咱的主耶穌的日，恁會做阮的誇口，阮嘛做恁的誇口。</verse>
				<verse number="14"></verse>
				<verse number="15">因為有此個確信，我才計劃先去訪問恁，通互恁得著加倍的祝福；</verse>
				<verse number="16">就是計劃去 馬其頓 的路中先去訪問恁，閣對 馬其頓 倒來經過恁遐的時，互恁通送我出發去 猶太 。</verse>
				<verse number="17">此個計劃豈是凊採做的？我做此款計劃豈出佇自私的動機，連鞭講「是」連鞭講「毋是」？</verse>
				<verse number="18">上帝是信實，我對恁答應的話就毋是連鞭「是」連鞭「毋是」。</verse>
				<verse number="19">因為 西拉 、 提摩太 ，及我傳互恁彼位上帝的子耶穌基督，並毋是連鞭「是」連鞭「毋是」的。在佇耶穌基督只有「是」若定。</verse>
				<verse number="20">上帝一切的應允佇耶穌基督攏成做「是」，所以咱才通過伊講「阿們」來歸榮光互上帝。</verse>
				<verse number="21">互阮及恁來及基督結連，閣選派阮的是上帝。</verse>
				<verse number="22">伊給阮蓋印，閣賜聖神佇阮心內做保證。</verse>
				<verse number="23">我用家己的性命懇求上帝給我作證。我是體貼恁才無去 哥林多 。</verse>
				<verse number="24">阮毋是啲強制恁著信什麼，反轉是啲做恁的同工，互恁通歡喜，因為恁的信心有徛在。</verse>
			</chapter>
			<chapter number="2">
				<verse number="1">所以，我決定無欲去恁遐，才免閣再互恁心艱苦。</verse>
				<verse number="2">我若有互恁心艱苦，恁諸個艱苦心的人以外猶有什麼人會當互我快樂？</verse>
				<verse number="3">為著欲避免我去恁遐的時，許個應該互我歡喜的人反轉互我艱苦心，我才寫以前彼張批互恁。我確信，我的歡喜就是恁大家的歡喜。</verse>
				<verse number="4">我非常鬱卒閣痛心，流真多目屎寫彼張批，毋是欲互恁心艱苦，是欲互恁知我偌仔呢疼恁。</verse>
				<verse number="5">若有人互人艱苦心，毋是互我艱苦心 — 我較無愛講甲過頭嚴重 — 到某一個程度是互恁大家攏艱苦心。</verse>
				<verse number="6">彼款人受恁大多數的人譴責已經夠額。</verse>
				<verse number="7">恁顛倒著給伊赦免，給伊鼓勵，才免互伊過頭艱苦心煞絕望。</verse>
				<verse number="8">所以，我苦勸恁，著互伊知影恁確實有疼伊。</verse>
				<verse number="9">我前寫彼張批是愛欲知恁偌𠢕忍受考驗，是毋是凡事願意順服。</verse>
				<verse number="10">恁赦免什麼人，我嘛赦免伊。我若有赦免什麼人，是佇基督的面前為著恁的緣故赦免伊。</verse>
				<verse number="11">按呢才免互撒旦給咱偏去，因為咱真清楚撒旦的詭計。</verse>
				<verse number="12">我去 特羅亞 傳基督的福音的時，主已經給我開工作的門；</verse>
				<verse number="13">不過無抵著我的兄弟 提多 ，我𣍐安心，就及遐的人相辭去 馬其頓 。</verse>
				<verse number="14">感謝上帝！因為及基督結連，阮時常互上帝導去參加基督凱旋的行列。上帝閣用阮去逐所在散布認識基督才有的芳味。</verse>
				<verse number="15">無論佇得救抑是沉淪的人中間，阮成做基督的芳味獻互上帝；</verse>
				<verse number="16">對啲欲沉淪的人是死的臭味，對啲欲得救的人是活的芳味。什麼人會堪得做此款代誌？</verse>
				<verse number="17">阮無親像真多人將上帝的話做俗貨拍賣，顛倒是做一個純真的人，受上帝差派，佇伊的面前靠基督宣講。</verse>
			</chapter>
			<chapter number="3">
				<verse number="1">阮豈閣啲推薦家己？阮豈著親像一寡人寫推薦書互恁，抑是需要恁的推薦書？</verse>
				<verse number="2">恁本身就是阮的推薦書，寫佇阮的心內，欲互眾人知，眾人讀。</verse>
				<verse number="3">真明顯，恁是基督所寫通過阮來送的批。此張批毋是用墨水寫佇石版，是用永活上帝的神寫佇人的心版。</verse>
				<verse number="4">阮通過基督對上帝有此款的確信才按呢講。</verse>
				<verse number="5">這毋是講阮家己有才調通做此個代誌，阮的才調是對上帝來的。</verse>
				<verse number="6">伊賜阮有才調通做新的約的差用；毋是用文字寫的，是聖神的約。文字互人死，毋拘聖神互人活。</verse>
				<verse number="7">用文字刻佇石版的律法頒布的時，上帝的榮光有顯現。對 摩西 的面反照出來的光雖然漸漸啲消失，毋拘彼個光猶真強，致到 以色列 子孫𣍐當目睭金金給伊看。互人致到死的事工都有此款的榮光，</verse>
				<verse number="8">按呢聖神的事工所發出的榮光豈𣍐閣較大？</verse>
				<verse number="9">彼個給人定罪的事工若會發出此款的榮光，此個給人宣布無罪的事工所顯出的榮光豈𣍐閣較大！</verse>
				<verse number="10">按呢，因為現在的榮光比以前的閣較大，以前的榮光煞無去。</verse>
				<verse number="11">彼個會消失的若會發出榮光，此個永存的一定會顯出閣較大的榮光。</verse>
				<verse number="12">因為阮有此款的向望才即呢勇敢。</verse>
				<verse number="13">阮無親像 摩西 著用帕罩家己的面。 摩西 按呢做，才免互 以色列 子孫看著伊面的榮光漸漸消失，到尾攏無去。</verse>
				<verse number="14">毋拘𪜶的心鈍，一直到今仔日𪜶讀舊的約的時，𪜶的心猶互彼塊帕罩啲。因為只有及基督結連，彼塊帕才提起來。</verse>
				<verse number="15">甚至到今仔日，𪜶逐擺讀 摩西 的律法，彼塊帕猶罩佇𪜶的心。</verse>
				<verse number="16">毋拘，當𪜶歸向主的時，帕就提起來。</verse>
				<verse number="17">此位主就是聖神；有主的神的所在就有自由。</verse>
				<verse number="18">咱大家攏用無罩帕的面啲反照主的榮光；此個榮光是對主，就是對聖神發出來的榮光，啲給咱改造成做伊的形像，互咱有閣較大的榮光。</verse>
			</chapter>
			<chapter number="4">
				<verse number="1">既然上帝有憐憫阮，將此個職務交託阮，阮無失志。</verse>
				<verse number="2">阮放拺一切無愛人知的見笑代，無做欺騙人的代誌，無歪曲上帝的話，只有佇上帝的面前公開顯明真理，來叫醒眾人的良心。</verse>
				<verse number="3">阮所傳的福音若有遮蓋互人無清楚，只有對許個啲欲沉淪的人遮蓋若定。</verse>
				<verse number="4">𪜶毋信是因為此世間的神明互𪜶的心目失明，𣍐當看見福音的光，此個福音啲見證榮光的基督；基督是上帝的形像。</verse>
				<verse number="5">阮毋是傳家己，是傳耶穌基督是主；阮家己因為耶穌的緣故做恁的僕人。</verse>
				<verse number="6">彼位命令光對烏暗照出來的上帝，就是用光照咱內心的上帝，互咱認識伊照佇耶穌基督的面彼個榮光。</verse>
				<verse number="7">不過，阮是土造的器具，內面有寶貝，欲表示彼個至大的能力是屬佇上帝，毋是對阮出來。</verse>
				<verse number="8">阮常常抵著逐款困難，毋拘無屈服；抵著絕境，毋拘無絕望；</verse>
				<verse number="9">受著窘迫，毋拘無受放拺；受拍倒，毋拘無致到死。</verse>
				<verse number="10">阮不時帶耶穌的死佇阮會死的身軀，互耶穌的活命嘛通佇阮的身上顯明。</verse>
				<verse number="11">阮活佇世間，為著耶穌的緣故時常抵著死的危險，通互伊的活命佇阮此個會死的身軀顯明出來。</verse>
				<verse number="12">按呢，死佇阮的內面啲發生作用，毋拘活命佇恁的內面啲發生作用。</verse>
				<verse number="13">聖經講「我有信，所以我才講」，根據此款信仰的精神，阮嘛信，所以阮才講。</verse>
				<verse number="14">阮知，互主耶穌閣活的上帝嘛會互阮及耶穌同閣活，閣導阮及恁做夥到伊的面前。</verse>
				<verse number="15">諸個一切攏是為著恁，是欲互閣較多的人得著上帝的恩典，通獻閣較多的感謝來榮耀上帝。</verse>
				<verse number="16">因為按呢，阮無失志。雖然阮外在的人漸漸啲衰敗，阮內在的人卻日日啲換新。</verse>
				<verse number="17">阮所受此個暫時閣小可的艱苦是欲互阮得著𣍐通比，閣較大，永遠的榮光。</verse>
				<verse number="18">阮所重視的毋是看會著的，是看𣍐著的；因為看會著的是暫時，看𣍐著的是永遠。</verse>
			</chapter>
			<chapter number="5">
				<verse number="1">因為阮知，咱佇地上啲住此個布棚的厝若拆起來，上帝會互咱天頂的厝，毋是人的手起的，是永遠的厝。</verse>
				<verse number="2">咱現在佇此個布棚啲吐氣，熱切向望通去𫢶天頂的厝，親像衫疊落去，</verse>
				<verse number="3">若疊落去就𣍐赤身露體。</verse>
				<verse number="4">咱猶𫢶佇此個布棚背重擔啲吐氣；咱毋是愛褪去地上的體，是欲疊屬天的體，通互活命給會死的吞落去。</verse>
				<verse number="5">互咱有此個改變的是上帝，伊賜聖神互咱，給咱保證。</verse>
				<verse number="6">所以，阮不時有勇氣。阮知，咱猶住佇此個身軀啲活的時，是及主相離。</verse>
				<verse number="7">因為咱啲活，毋是靠目睭看，是靠信心。</verse>
				<verse number="8">阮有勇氣，較愛離開此個身軀去及主住。</verse>
				<verse number="9">所以，無論佇此個身軀抑是離開此個身軀，阮的目的是愛互主歡喜。</verse>
				<verse number="10">因為咱攏一定著徛佇基督的面前受伊審判。逐個人攏著照家己佇地上的身軀所做的，無論是好抑是歹，接受報應。</verse>
				<verse number="11">既然阮知影著敬畏主，阮就苦勸人。對上帝來看，阮是什麼款人真清楚；我向望對恁的良心來看嘛真清楚。</verse>
				<verse number="12">阮毋是欲閣對恁推薦家己，是互恁有機會用阮做誇口，互恁通回應許個注重外表無注重內心的人。</verse>
				<verse number="13">阮若熱狂，是為著上帝；阮若清醒，是為著恁。</verse>
				<verse number="14">因為基督的疼催迫阮做此個結論：一人為著眾人死，眾人就攏死。</verse>
				<verse number="15">伊為著眾人死，是欲互許個活啲的人無閣為著家己活，是為著彼位替𪜶死閣活的基督來活。</verse>
				<verse number="16">所以，對今以後阮無閣根據人的標準識人。雖然阮曾用人的標準識基督，毋拘現在無閣按呢識伊。</verse>
				<verse number="17">按呢，無論什麼人，若及基督結連就是新創造的人；舊的已經過去，今攏變做新的。</verse>
				<verse number="18">諸個一切攏是上帝的作為；伊通過基督互咱及伊閣和好，閣將互人及伊和好的職務交代阮。</verse>
				<verse number="19">阮所傳的信息是按呢：上帝通過基督互世間人及伊和好，無閣追究𪜶的罪過，閣將此個和好的信息交託阮。</verse>
				<verse number="20">所以，阮作基督的大使，上帝通過阮給恁苦勸。阮替基督給恁求，著及上帝和好。</verse>
				<verse number="21">上帝互無罪的基督為著咱的緣故成做有罪，互咱通靠基督及上帝建立合宜的關係。</verse>
			</chapter>
			<chapter number="6">
				<verse number="1">阮作上帝的同工的閣給恁苦勸，恁對上帝領受的恩典毋通互伊落空。</verse>
				<verse number="2">因為上帝講： 佇通受接納的時，我有聽你； 佇拯救的日，我有幫贊你。 著聽！此陣是受接納的時；今仔日是拯救的日！</verse>
				<verse number="3">為著阮侍奉的工作免受指責，阻礙別人的代誌阮攏無做，</verse>
				<verse number="4">反轉用上大的耐心，凡事通過患難、艱難，及困苦，表示阮是上帝的差用。</verse>
				<verse number="5">阮曾受著鞭拍、關監、暴力的傷害、勞苦、無睏、無食。</verse>
				<verse number="6">阮用純潔、智識、寬容、仁慈，倚靠聖神，用純真的疼，</verse>
				<verse number="7">傳真理的信息及上帝的大能力，用公義做武器攻擊對敵，保護家己。</verse>
				<verse number="8">阮受尊重，嘛受侮辱；得著歹名聲，嘛得著好名聲。阮互人看做諞仙仔，其實阮講實話；</verse>
				<verse number="9">若準無人識，其實人人攏識；若準死去，其實猶啲活。阮雖然受刑罰，毋拘無互人刣死；</verse>
				<verse number="10">雖然憂傷，毋拘不時歡喜；雖然散赤，毋拘互真多人好額；親像無半項，毋拘逐項攏有。</verse>
				<verse number="11">哥林多 的朋友，阮的心胸已經拍開，開嘴給恁講啦。</verse>
				<verse number="12">毋是阮對恁無度量，是恁對阮肚腸狹。</verse>
				<verse number="13">我看恁做家己的子給恁講：及阮像款，恁的心胸嘛著拍較開咧。</verse>
				<verse number="14">毋通及未信的人牽連交插；公義及不法有什麼關聯？光明及烏暗哪會當交往？</verse>
				<verse number="15">基督及魔鬼哪會當和合？信及無信的人有什麼關係？</verse>
				<verse number="16">上帝的殿及偶像哪會當排做夥？因為咱是永活上帝的殿！照上帝所講： 我欲及我的子民做夥徛起， 佇𪜶中間往來。 我欲做𪜶的上帝， 𪜶欲做我的子民。</verse>
				<verse number="17">所以主講： 恁著對𪜶中間出去， 及𪜶分離。 無清氣的毋通接觸， 按呢我就接納恁。</verse>
				<verse number="18">我欲做恁的父， 恁欲做我的子、查某子。 全能的主有按呢講。</verse>
			</chapter>
			<chapter number="7">
				<verse number="1">親愛的朋友，既然咱得著諸個應允，咱著潔淨家己，除去一切互身軀及心靈拍垃墋的事，敬畏上帝互生活完全聖化。</verse>
				<verse number="2">恁著用寬大的心對待阮。阮毋曾剋虧人，毋曾害人墮落，毋曾偏人。</verse>
				<verse number="3">我按呢講，毋是欲給恁譴責。我以前曾講，阮真疼恁，願意及恁同死同活。</verse>
				<verse number="4">我真信任恁，用恁做誇口。我充滿安慰；佇阮一切的患難中，我有滿滿的歡喜。</verse>
				<verse number="5">阮到 馬其頓 以後，身軀無通歇睏，反轉逐項代誌攏抵著困難，外面有紛爭，內面有驚惶。</verse>
				<verse number="6">毋拘，安慰失志的人的上帝有差 提多 來，互阮得著安慰；</verse>
				<verse number="7">毋若因為伊有來，閣因為伊有講起恁按怎給伊鼓勵的代誌。伊有給阮講起恁愛見我，恁的心艱苦，及恁對我的熱情，互我閣較歡喜。</verse>
				<verse number="8">我前彼張批互恁心艱苦，我無後悔。雖然知影彼張批有互恁一時心艱苦，我曾後悔，</verse>
				<verse number="9">總是現在我真歡喜，毋是因為恁心艱苦，是因為恁的艱苦心有致到恁悔改。上帝有善用恁的艱苦心，所以阮所做的對恁無傷害。</verse>
				<verse number="10">因為上帝善用恁的艱苦心來互恁悔改通得著救，阮就無什麼通後悔；毋拘屬世的艱苦心會互人致到死。</verse>
				<verse number="11">恁看，上帝赫呢𠢕善用恁的艱苦心，才互恁赫呢迫切辯明家己的清白，赫呢憤慨，赫呢有警戒心，赫呢有期待，赫呢熱情，赫呢劇烈譴責不法；佇逐項代誌，恁已經有證明家己的清白。</verse>
				<verse number="12">所以，雖然我有寫彼張批，毋拘毋是為著彼個給人剋虧，抑是彼個受人剋虧的人，是欲對恁表明恁佇上帝的面前對阮的熱情有偌深。</verse>
				<verse number="13">因為按呢，阮有得著安慰。 阮毋若得著安慰，嘛因為看著 提多 的歡喜閣較歡喜，因為伊的心有對恁大家得著激勵。</verse>
				<verse number="14">我曾對伊褒獎恁，恁無互我漏氣。我逐項代誌攏對恁講實在話，我對 提多 褒獎恁的話嘛是實在。</verse>
				<verse number="15">所以，伊想起恁大家按怎順服伊，恭恭敬敬給伊接待，伊對恁的疼心就愈深。</verse>
				<verse number="16">我非常歡喜，因為我會當完全信任恁。</verse>
			</chapter>
			<chapter number="8">
				<verse number="1">兄弟姊妹，我愛恁知上帝賜互 馬其頓 眾教會的恩惠。</verse>
				<verse number="2">𪜶有對患難經歷真多考驗，猶久充滿歡喜；雖然非常散赤，猶久非常慷慨捐獻。</verse>
				<verse number="3">我會當給恁證明，𪜶已經盡𪜶所會奉獻，甚至超過𪜶的氣力。</verse>
				<verse number="4">𪜶熱切求阮互𪜶有參加救濟 猶太 信徒侍奉的光榮。</verse>
				<verse number="5">𪜶按呢做毋若超過阮的期待，甚至遵趁上帝的旨意代先將家己獻互主，然後交託阮。</verse>
				<verse number="6">所以阮勸 提多 繼續協助恁，來完成伊所開始此項慈善的工作。</verse>
				<verse number="7">恁的信心、口才、智識、幫贊人的熱誠，以及對阮的疼心攏赫呢豐富，阮愛恁對此項慈善的工作嘛著赫呢慷慨。</verse>
				<verse number="8">我按呢講毋是啲命令，是愛恁知別人熱心啲幫贊人，來考驗恁的疼心是毋是真的。</verse>
				<verse number="9">恁知咱的主耶穌基督的恩典：伊雖然富足，毋拘為著恁成做散赤，是欲互恁因為伊的散赤成做富足。</verse>
				<verse number="10">關係此項代誌，我建議恁較好此時著去完成舊年開始的募捐；恁毋若代先行動，閣代先提倡。</verse>
				<verse number="11">今，恁著完成此個工作，用起頭計劃的時的熱心，盡恁所會去做來完成。</verse>
				<verse number="12">恁若歡喜捐獻，上帝會歡喜接納恁獻恁所有的，𣍐要求恁獻恁所無的。</verse>
				<verse number="13">我毋是欲加添恁的負擔，互別人較輕鬆。既然恁現在富足，著供給散赤的人。按呢，恁散赤𪜶好額的時，𪜶嘛會供給恁。按呢才有公平。</verse>
				<verse number="14"></verse>
				<verse number="15">照聖經所記載： 多的，無賰； 少的，無欠。</verse>
				<verse number="16">感謝上帝互 提多 親像我即呢熱心幫贊恁。</verse>
				<verse number="17">伊毋若有歡喜接受阮的懇求，閣非常熱心自願幫贊恁，決定欲去恁遐。</verse>
				<verse number="18">阮另外派一個兄弟及 提多 做夥去；此個兄弟佇傳福音的工作有受著眾教會的稱讚。</verse>
				<verse number="19">毋若按呢，伊受眾教會選派做阮旅行的同伴，來參加阮此項慈善的工作；此個工作是欲歸榮光互主，閣表示阮歡喜甘願啲做。</verse>
				<verse number="20">阮非常謹慎啲處理人慷慨奉獻的錢項，才免引起人的批評。</verse>
				<verse number="21">因為阮的動機光明正大，毋若佇主的面前，佇人的面前嘛是按呢做。</verse>
				<verse number="22">所以阮欲閣派一個兄弟及𪜶做夥去。伊經過阮真多遍的考驗，知伊佇真多代誌熱心幫贊人。現在伊非常信任恁，就閣較熱心欲幫贊恁。</verse>
				<verse number="23">講著 提多 ，伊是我的同伴，做我的同工幫贊恁；及伊做夥去許個兄弟是逐教會差派的，是基督的榮光。</verse>
				<verse number="24">所以，恁著對逐個教會公開證實恁的疼心，閣證實阮對恁的誇口。</verse>
			</chapter>
			<chapter number="9">
				<verse number="1">關係賑濟 猶太 信徒的事，我毋免閣寫批互恁。</verse>
				<verse number="2">我知恁甘心幫贊，我曾為著此項代誌對 馬其頓 人誇口講：「 亞該亞 的信徒佇舊年就準備好勢。」恁的熱心有感動𪜶大部分的人。</verse>
				<verse number="3">我有差幾若個兄弟去恁遐，向望恁照我所講的準備好勢，才免我佇此項代誌為著恁對人的誇口落空。</verse>
				<verse number="4">若無， 馬其頓 人若及我去，看著恁無準備好勢，阮會因為過頭相信恁煞真漏氣，恁豈𣍐閣較漏氣！</verse>
				<verse number="5">所以，我想應該鼓勵許個兄弟先去恁遐，叫恁前答應欲捐獻的錢先準備好勢。按呢我到位的時恁攏準備好啦，表示恁的捐獻毋是勉強，是甘心樂意。</verse>
				<verse number="6">著知：撒少收少，撒多收多。</verse>
				<verse number="7">所以逐個人著照家己所決定的來獻，毋通毋甘，嘛毋通勉強；因為上帝疼歡喜奉獻的人。</verse>
				<verse number="8">上帝會將逐項恩典豐豐富富賜福互恁，毋若家己逐項夠額，閣會當做逐項好事。</verse>
				<verse number="9">照聖經所記載： 伊慷慨賑濟散赤人； 伊的好行為續到永遠。</verse>
				<verse number="10">供給種籽互撒種的，閣賞賜食物互人食彼位上帝，會將恁所需要的種籽供給恁，閣互種籽愈多，嘛互恁仁義的果子豐收。</verse>
				<verse number="11">伊會互恁事事富足，通隨時慷慨施捨，互真多人通過阮接著恁的禮物來感謝上帝。</verse>
				<verse number="12">因為恁所做此個侍奉的工作毋若解決信徒的需要，嘛互𪜶對上帝的感謝加添到滿出來。</verse>
				<verse number="13">通過恁所做此個侍奉證實恁有順趁所宣認基督的福音，以及恁對𪜶及其他所有的人慷慨的捐獻，通歸榮光互上帝。</verse>
				<verse number="14">上帝賜恁無限的恩典，互𪜶會閣較敬愛恁，閣為著恁祈禱。</verse>
				<verse number="15">感謝上帝，伊有互咱𣍐當形容的恩賜！</verse>
			</chapter>
			<chapter number="10">
				<verse number="1">人講我及恁見面的時客氣，及恁相離的時嚴轄，毋拘我此個 保羅 用基督的溫柔及仁慈親身苦勸恁。</verse>
				<verse number="2">我去恁遐的時毋通迫我對恁嚴轄；對許個批評講我用屬世的動機做代誌的人，我一定會對𪜶無客氣。</verse>
				<verse number="3">雖然阮𫢶世間啲生活，毋拘無照世間的方式啲爭戰。</verse>
				<verse number="4">我爭戰啲用的毋是屬世，是上帝有威力的武器，連堅固的要塞都會當破壞。阮推翻𪜶的言論，</verse>
				<verse number="5">將阻擋人認識上帝一切的驕傲攏給消滅，閣改變一切的意念，互伊完全歸順基督。</verse>
				<verse number="6">恁完全順服基督了後，阮就處罰逐個毋順服的人。</verse>
				<verse number="7">恁干焦啲看外表。 若有人敢講伊屬基督，伊家己著閣想看覓，伊屬基督，我嘛仝款屬基督。</verse>
				<verse number="8">主互阮的權柄是欲給恁建立，毋是欲毀壞。我對此個權柄若有較誇口，我嘛無感覺見笑。</verse>
				<verse number="9">我無愛互恁想講我寫批啲給恁恐嚇。</verse>
				<verse number="10">因為有人講：「 保羅 的批嚴轄閣強硬，毋拘人來的時卻軟汫，講話無份量。」</verse>
				<verse number="11">講此款話的人著知，阮無佇恁遐的時批按怎寫，阮到恁遐的時嘛會按呢做。</verse>
				<verse number="12">阮毋敢及𠢕展家己的人排啲相比；𪜶按呢彼此秤重，互相比較，實在無智慧。</verse>
				<verse number="13">連佇恁中間的工作包含在內，阮的誇口攏佇上帝定的限度內，攏無超過。</verse>
				<verse number="14">阮無超過範圍，無去恁遐嘛講有去；其實，阮是頭一個將基督的福音傳互恁的。</verse>
				<verse number="15">阮並無超過限度，用別人所勞苦的做家己的成績來誇口。阮所向望的是恁的信心愈增長，阮佇恁中間工作的範圍嘛愈開闊。</verse>
				<verse number="16">按呢，阮才通將福音傳到恁以外的地區，無用別人佇𪜶的範圍的成就做誇口。</verse>
				<verse number="17">照聖經所講：「欲誇口的人，著誇口主！」</verse>
				<verse number="18">因為毋是家己推薦，是主所推薦的才是堪得受接納的人。</verse>
			</chapter>
			<chapter number="11">
				<verse number="1">請恁寬容我小可的愚戇；請寬容我！</verse>
				<verse number="2">我疼恁，親像上帝疼恁疼甲欲起怨妒。因為恁親像純潔的在室女，我有將恁配互一個丈夫，就是基督。</verse>
				<verse number="3">親像 夏娃 互蛇的詭詐騙去，我嘛驚了恁的心思會受迷惑，煞棄拺對基督的純潔及真誠。</verse>
				<verse number="4">因為對有人去恁遐傳及阮所傳無仝的耶穌，抑是恁接納及恁前所接納無仝的聖神，抑是恁接受及恁前所接受無仝的福音，恁嘛攏容忍。</verse>
				<verse number="5">及許個「超級使徒」比，我想我一屑仔都無較輸。</verse>
				<verse number="6">豈採我講話較頇顢，毋拘智識無比人較輸，此項事我已經有用逐款方法，利用逐種機會對恁表明。</verse>
				<verse number="7">為著欲給恁高升，我降低家己，將上帝的福音白白傳互恁，按呢豈有算犯罪？</verse>
				<verse number="8">我佇恁遐侍奉的時，我的所費攏是別個教會供給。講起來，我是啲剝削別個教會來給恁服務。</verse>
				<verse number="9">我佇恁遐的時，有什麼需要攏毋曾求恁幫贊，給恁麻煩；一切的需要攏是 馬其頓 來的信徒給我供給。我以前無給恁麻煩，以後嘛𣍐給恁麻煩。</verse>
				<verse number="10">我指所信基督的真理講，佇全 亞該亞 省境內，我攏敢按呢展。</verse>
				<verse number="11">是按怎？豈講我無疼恁？我有，上帝知！</verse>
				<verse number="12">我啲做的，我欲繼續做，是欲互許個想欲及阮像款作「使徒」的無機會通誇口。</verse>
				<verse number="13">此款人是假使徒，做代誌奸詐，假做是基督的使徒。</verse>
				<verse number="14">這無奇怪，連撒旦本身嘛假做光明的天使。</verse>
				<verse number="15">按呢撒旦的僕人若假做義的僕人嘛毋是什麼大代誌。最後𪜶的行為會受著應得的報應。</verse>
				<verse number="16">我閣講一遍，毋通看我做戇人；毋拘若欲，給我接納做戇人，我才通展一下。</verse>
				<verse number="17">我此陣啲講的毋是主的意思，是做一個戇人啲展。</verse>
				<verse number="18">既然有即呢多人啲展屬世的事，我嘛欲展一下。</verse>
				<verse number="19">恁都赫呢巧，應該會歡喜容忍我此個戇人才著。</verse>
				<verse number="20">若有人給恁當做奴隸差教，給恁偏，給恁陷害，給恁看輕，抑是給恁搧嘴䩃，恁都會容忍。</verse>
				<verse number="21">真見笑，我著承認，此款代誌阮毋敢做。 毋拘若有人敢展什麼，準做一個戇人來講，我嘛敢。</verse>
				<verse number="22">𪜶是 希伯來 人是無？我嘛是。𪜶是 以色列 人是無？我嘛是。𪜶是 亞伯拉罕 的子孫是無？我嘛是。</verse>
				<verse number="23">𪜶是基督的差用是無？我準做𤞚人來講，我閣較是。我受閣較多勞苦，坐閣較多監，受算𣍐了的鞭拍，真多遍險險仔死。</verse>
				<verse number="24">我五遍互 猶太 人鞭拍，逐遍四十下減一下。</verse>
				<verse number="25">我三遍互 羅馬 人用棍仔摃，一遍互人用石頭抌，三遍抵著船破，一遍佇海裡飄流一暝一日。</verse>
				<verse number="26">佇旅行中我抵著大水的危險、搶劫的危險、 猶太 同胞及外邦人的陷害；嘛有城市的危險、曠野的危險、海上的危險，及假兄弟的危險。</verse>
				<verse number="27">我勞碌拖磨，常常無睏，枵餓嘴焦，無通食，無通住，無通穿。</verse>
				<verse number="28">其他的代誌免講，干焦逐日為著所有的教會掛慮已經夠額。</verse>
				<verse number="29">啥人軟弱，我無軟弱？啥人犯錯失敗，我無受氣火𤏸？</verse>
				<verse number="30">我若著展，欲展我的軟弱。</verse>
				<verse number="31">咱的主耶穌的父上帝 — 願伊永遠得著稱讚 — 伊知我無講白賊。</verse>
				<verse number="32">我佇 大馬士革 的時， 亞哩達 王手下的總督派守衛顧守城門，欲給我掠，</verse>
				<verse number="33">毋拘有人用大的籃仔對城牆的窗仔給我縋落去，互我脫離伊的手。</verse>
			</chapter>
			<chapter number="12">
				<verse number="1">我一定著展。雖然無利益，毋拘我欲講主互我的異象及啟示。</verse>
				<verse number="2">我知有一個信基督的人佇十四年前互主導到第三層天。我毋知伊的身軀有上去，抑是干焦看見異象，只有上帝知。</verse>
				<verse number="3">我知有一個人受導到樂園。伊的身軀有受接上去，抑是干焦看見異象，我毋知，只有上帝知。佇遐伊有聽見用話𣍐當表達，用嘴𣍐當講出的事。</verse>
				<verse number="4"></verse>
				<verse number="5">我欲展此個人；毋拘我的軟弱以外，我𣍐為著家己展。</verse>
				<verse number="6">其實，我若欲展，嘛𣍐算是悾憨，因為我欲講的是事實。毋拘我𣍐展家己，才免人對我的評價超過𪜶所看見所聽著的。</verse>
				<verse number="7">為著欲互我無因為有看見真多的啟示致到自高得意，佇我的身軀有一支刺 ，親像撒旦的使者啲給我苦楚，互我𣍐傷自高得意。</verse>
				<verse number="8">為著此項代誌，我曾三遍懇求主互彼支刺離開。</verse>
				<verse number="9">伊應我講：「我的恩典有夠通滿足你的需要；因為你軟弱的時，我的氣力才會當完全發揮。」因為按呢，我特別愛誇口我的軟弱，通互基督的氣力𫢶佇我身上。</verse>
				<verse number="10">為著基督的緣故，我給軟弱、侮辱、困苦、艱難，及迫害看做好，因為我什麼時軟弱，彼時就堅強。</verse>
				<verse number="11">我一直做戇人，是恁給我迫的；恁著給我褒獎才著。雖然我無受重視，嘛無較輸許個「超級使徒」。</verse>
				<verse number="12">我佇恁中間有用上大的耐心行神跡、奇事，及權能，證明我是使徒。</verse>
				<verse number="13">我無互恁機會幫贊我以外，我對待恁比對待其他的教會，有叨一項做較無夠？我此個「無公道」，請恁原諒。</verse>
				<verse number="14">今我第三遍準備欲去訪問恁。我𣍐成做恁的負擔；我𣍐要求恁什麼，因為我所愛的是恁，毋是恁的錢。應該是父母為著子兒，毋是子兒為著父母積聚財物。</verse>
				<verse number="15">我真歡喜為著恁付出我所有的，甚至連我本身都完全付出。豈講我疼恁愈多，得著恁的疼愈少？</verse>
				<verse number="16">有人講我詭計多端，用欺騙利用恁，我豈曾給恁拖累？</verse>
				<verse number="17">我豈有派什麼人去給恁偏？</verse>
				<verse number="18">我有勸 提多 去恁遐，閣派一個兄弟及伊做夥去。 提多 豈有偏恁？阮豈無仝心神啲做？豈無仝步調啲行？</verse>
				<verse number="19">恁一直想講阮對恁啲為著家己辯護是無？毋是！阮佇上帝面前講基督愛阮講的話。親愛的朋友，阮所做的攏是欲互恁得著造就。</verse>
				<verse number="20">我驚了去恁遐的時看著恁及我所期待的無相像；恁看著我及恁對我的期待嘛無仝款。我驚了恁有紛爭、怨妒、歹性地、自私、誹謗、講尻脊後話、驕傲、無秩序。</verse>
				<verse number="21">我驚了後遍閣去恁遐的時，我的上帝會互我佇恁面前見笑。我會為著真多人啼哭，因為𪜶對過去所犯的罪，就是污穢、淫亂、放蕩猶未悔改。</verse>
			</chapter>
			<chapter number="13">
				<verse number="1">這是我第三遍欲去恁遐。聖經講：「無論告什麼，著有兩個抑是三個證人。」</verse>
				<verse number="2">對許個以前犯罪及其他攏總的人，佇我第二遍訪問的時我有給恁警告，現在我無佇恁遐，欲閣一遍給恁警告，後遍我去的時，我就𣍐寬容恁；</verse>
				<verse number="3">因為恁所啲尋基督通過我講話的證據，恁會得著。伊對待恁並毋是軟弱，顛倒佇恁中間顯出大能力。</verse>
				<verse number="4">雖然伊因為軟弱受釘死佇十字架，毋拘伊靠上帝的大能力啲活。阮及伊結連嘛變做軟弱，毋拘為著恁，阮靠上帝的大能力會及伊做夥活。</verse>
				<verse number="5">恁著省察家己，看有照信仰啲生活無？著考驗家己。耶穌基督佇恁內面，恁家己一定知，考驗若無通過就免講。</verse>
				<verse number="6">我向望恁知，阮考驗攏有通過。</verse>
				<verse number="7">阮祈求上帝互恁𣍐做毋著；這毋是欲表示阮考驗有通過，是欲互恁做著的代誌，雖然阮互人看做考驗無通過嘛無要緊。</verse>
				<verse number="8">因為阮𣍐當做違背真理的代誌，只有擁護真理。</verse>
				<verse number="9">阮軟弱，恁堅強，阮就歡喜。阮所祈求的是恁會當成做完全。</verse>
				<verse number="10">因為按呢，趁我無佇恁遐的時寫此張批，才免我去的時用主互我的權柄嚴轄對待恁；此個權柄是欲建立，毋是欲拆毀。</verse>
				<verse number="11">兄弟姊妹，請保重。著追求完全，互相鼓勵。著同心，和睦相處。願賜慈愛及平安的上帝及恁同在！</verse>
				<verse number="12">著親切互相請安！所有的信徒攏欲給恁請安！</verse>
				<verse number="13">願主耶穌基督的恩典，上帝的慈愛，聖神的團契，及恁大家同在！</verse>
			</chapter>
		</book>
		<book number="48">
			<chapter number="1">
				<verse number="1">我是 保羅 。我作使徒毋是對人抑是通過人，是通過耶穌基督及互伊對死人中閣活的父上帝的呼召。</verse>
				<verse number="2">我及佇遮的兄弟姊妹寫批互 加拉太 的眾教會。</verse>
				<verse number="3">願咱的父上帝及主耶穌基督賜恁恩典及平安！</verse>
				<verse number="4">為著欲救咱脫離現今此個邪惡的世代，基督有照咱的父上帝的旨意為著咱的罪獻伊本身。</verse>
				<verse number="5">願榮光歸互上帝直到永永遠遠。阿們！</verse>
				<verse number="6">恁互我真著驚！恁竟然赫呢緊就放拺彼位通過基督的恩典呼召恁的上帝，去隨別個福音。</verse>
				<verse number="7">其實無別款的福音。我按呢講是因為有一寡人給恁擾亂，想欲曲解基督的福音。</verse>
				<verse number="8">毋拘，無論是阮抑是對天頂來的天使，所傳的若及阮以前傳互恁的福音無仝款，伊應該受咒詛！</verse>
				<verse number="9">阮曾講，現在閣講一遍：若有人所傳的福音及恁已經接受的無仝款，伊應該受咒詛！</verse>
				<verse number="10">我此陣按呢講，豈是欲得著人抑是上帝的稱讚？我豈是欲得著人的歡喜？我若猶啲想欲得著人的歡喜，我就毋是基督的僕人。</verse>
				<verse number="11">兄弟姊妹，我愛恁知，我所傳的福音毋是人想出來的。</verse>
				<verse number="12">此個福音，我毋是對人領受，嘛毋是對人學習，是對耶穌基督來的啟示。</verse>
				<verse number="13">恁已經有聽見我以前作 猶太 教徒的時的所行所做。我偌仔呢極力迫害上帝的教會，欲徹底給伊毀滅。</verse>
				<verse number="14">我比仝一輩的 猶太 人閣較積極遵趁 猶太 教規，閣較熱心遵守祖先的傳統。</verse>
				<verse number="15">毋拘，對上帝的恩典，我猶未出世，伊就決定給我分別出來，閣選召我，</verse>
				<verse number="16">對我啟示伊的子，互我通對外邦人宣揚伊的子的福音，我攏無給人請教，</verse>
				<verse number="17">嘛無上 耶路撒冷 去見許個比我較代先作使徒的人。我隨時去 阿拉伯 ，然後閣倒去 大馬士革 。</verse>
				<verse number="18">三年後，我才去 耶路撒冷 拜訪 彼得 ，及伊住十五日。</verse>
				<verse number="19">主的兄弟 雅各 以外，其他的使徒我攏無見著。</verse>
				<verse number="20">我所寫的攏是事實；佇上帝面前我無講白賊。</verse>
				<verse number="21">後來，我去 敘利亞 及 基利家 境內逐所在。</verse>
				<verse number="22">當時， 猶太 地區眾教會的信徒攏毋識我。</verse>
				<verse number="23">𪜶只有聽著別人講：「彼個以前迫害咱的人，現在啲傳伊過去想欲毀滅的信仰！」</verse>
				<verse number="24">𪜶就因為我歸榮光互上帝！</verse>
			</chapter>
			<chapter number="2">
				<verse number="1">十四年後，我閣上 耶路撒冷 ， 巴拿巴 及我做夥去，嘛導 提多 做夥去。</verse>
				<verse number="2">我上 耶路撒冷 是遵趁主的啟示。我有私下對許個領袖說明我對外邦人所傳的福音，才免互我過去抑是現在所奔波拍拼的攏落空。</verse>
				<verse number="3">及我做夥去的 提多 ，雖然是 希臘 人，嘛無人強迫伊接受割禮。</verse>
				<verse number="4">有一寡假信徒祕密鑽入來咱中間，親像偵探藏入來，欲探咱對基督耶穌所得著的自由，想欲互咱成做奴隸，喪失自由。</verse>
				<verse number="5">毋拘，為著欲互恁通保全福音的真理，阮一絲仔都無對𪜶讓步。</verse>
				<verse number="6">毋拘許個互人看做領袖的，無論𪜶的地位是什麼，對我攏無影響，因為上帝無用外貌判斷人。𪜶並無另外互我什麼指示，</verse>
				<verse number="7">顛倒了解上帝有將傳福音互外邦人的任務交託我，抵親像伊有將傳福音互 猶太 人的任務交託 彼得 。</verse>
				<verse number="8">因為上帝有用伊的權能互我成做外邦人的使徒，抵親像伊嘛有互 彼得 成做 猶太 人的使徒。</verse>
				<verse number="9">雅各 、 彼得 ，及 約翰 諸個互人看做是教會柱石的，既然知影上帝有將此個特別的使命交代我，就及 巴拿巴 以及我握正手表示攏是同工，閣同意阮佇外邦人中間工作，𪜶佇 猶太 人中間工作。</verse>
				<verse number="10">𪜶只有要求阮著關懷 猶太 人中的散赤人；此項代誌抵抵是我一直勞力欲做的。</verse>
				<verse number="11">彼得 來到 安提阿 的時，我當面給伊反對，因為伊有通責備的所在。</verse>
				<verse number="12">原來有一寡對 雅各 遐來的人猶未到以前， 彼得 有及外邦人的兄弟做夥食飯，毋拘許個人到以後，伊煞閃避外邦人信徒，毋敢閣及𪜶做夥，因為驚許個主張外邦人著受割禮的人。</verse>
				<verse number="13">其他的 猶太 人信徒嘛親像 彼得 做彼款虛假的代誌，連 巴拿巴 嘛受影響去做仝款無原則的代誌。</verse>
				<verse number="14">我一下看著𪜶無照福音的真理啲做，就佇眾人的面前對 彼得 講：「雖然你是 猶太 人，毋拘無照 猶太 人卻親像外邦人啲生活，你哪通強迫外邦人著學 猶太 人生活？」</verse>
				<verse number="15">咱本身出世就是 猶太 人，毋是「外邦罪人」。</verse>
				<verse number="16">不過，咱知人會當及上帝有合宜的關係是靠信耶穌基督，毋是靠遵守 摩西 的律法。咱家己嘛信基督耶穌，是欲互咱對信基督會當及上帝有合宜的關係，毋是靠遵守律法，因為無人會當靠遵守律法及上帝有合宜的關係。</verse>
				<verse number="17">咱若想欲對倚靠基督及上帝有合宜的關係，猶久互人看做是罪人，按呢基督是罪的差用是無？絕對毋是！</verse>
				<verse number="18">我若閣起造我以前所拆毀的，就證明我是違背律法的人。</verse>
				<verse number="19">因為，照律法我已經死佇律法下，是欲互我向上帝來活。我已經及基督同釘十字架；</verse>
				<verse number="20">按呢，現在啲活的毋是我，是基督佇我的內面啲活。我現在啲活，是靠信上帝的子啲活；伊疼我，為著我放拺性命。</verse>
				<verse number="21">我無互上帝的恩典失去效力。人若靠律法會當及上帝有合宜的關係，基督死就無採工。</verse>
			</chapter>
			<chapter number="3">
				<verse number="1">恁諸個戇 加拉太 人啊，啥人給恁迷惑？耶穌基督釘十字架的事，豈毋是真清楚顯示佇恁目睭前？</verse>
				<verse number="2">有一項代誌，我給恁請教：恁領受聖神是對守律法抑是對信所聽著的福音？</verse>
				<verse number="3">恁哪赫呢戇？恁既然對靠聖神開始，現在欲靠家己的氣力來完成是無？</verse>
				<verse number="4">恁有赫多受苦的經驗豈攏無路用？一定有才著。</verse>
				<verse number="5">上帝賜恁聖神，閣佇恁中間行神跡，是因為恁守律法，抑是因為恁信所聽著的福音？</verse>
				<verse number="6">聖經按呢講：「 亞伯拉罕 信上帝，上帝就給伊算做義。」</verse>
				<verse number="7">所以，恁著知，信的人才是 亞伯拉罕 真正的子孫。</verse>
				<verse number="8">聖經事先就知，上帝會互外邦人對信及伊有合宜的關係，所以有將此個好消息先傳互 亞伯拉罕 ，講：「地上萬民會因為你得著祝福！」</verse>
				<verse number="9">按呢一切信的人嘛會及有信的 亞伯拉罕 做夥受祝福！</verse>
				<verse number="10">許個靠守律法的人攏活佇咒詛的下面，因為聖經講：「無遵守記載佇律法的冊裡所有規定的人攏著受上帝咒詛。」</verse>
				<verse number="11">按呢，無人會當靠守律法及上帝有合宜的關係，因為聖經有講：「義的人會對信來活。」</verse>
				<verse number="12">毋拘，律法毋是用信做根據。聖經講：「守律法的人靠律法來活。」</verse>
				<verse number="13">基督已經為著咱受咒詛，來救贖咱脫離律法的咒詛，因為聖經記載講：「所有吊佇柴頂的人攏著受咒詛。」</verse>
				<verse number="14">基督按呢做是欲將上帝互 亞伯拉罕 的祝福通過基督耶穌賜互外邦人，嘛欲互咱對信來領受上帝所應允的聖神。</verse>
				<verse number="15">兄弟姊妹，我用一個日常生活的代誌做例來說明。人所立的契約一旦成立，就𣍐用得加添抑是廢除。</verse>
				<verse number="16">上帝有對 亞伯拉罕 及伊的子孫應允。聖經並毋是講「子子孫孫」，指真多人，是講「你的子孫」，指一個，就是基督。</verse>
				<verse number="17">我的意思是按呢：上帝有及 亞伯拉罕 立約，閣答應欲守約。四百三十年後才出現的律法，𣍐當廢除此個約互上帝的應允失效。</verse>
				<verse number="18">因為，承接上帝賜的產業若是根據律法，就無閣靠應允。毋拘上帝是照伊的應允施恩互 亞伯拉罕 。</verse>
				<verse number="19">按呢，律法有啥路用？律法是為著欲互人知什麼是罪過，通過天使對一個中間人來制定的，功效到所應允彼位「子孫」來臨的時就結束。</verse>
				<verse number="20">毋拘單方一旁做的代誌就無需要中間人，上帝是單方一個做此項代誌 。</verse>
				<verse number="21">按呢，律法及上帝的應允有相牴觸無？絕對無！因為律法頒布的目的若是欲互人得著活命，人就會當靠律法及上帝有合宜的關係。</verse>
				<verse number="22">毋拘聖經斷定全世界攏佇罪惡管轄的下面，通互上帝將應允通過信耶穌基督賜互信的人。</verse>
				<verse number="23">毋拘「信」的時代來臨以前，咱互律法關啲，受監視直到啲欲來「信」的時代顯現的時。</verse>
				<verse number="24">按呢，佇基督來臨以前，律法做咱的監護人，通互咱對「信」及上帝有合宜的關係。</verse>
				<verse number="25">現在「信」的時代已經來臨，律法就無閣做咱的監護人。</verse>
				<verse number="26">恁大家對信及基督耶穌結連成做上帝的子兒。</verse>
				<verse number="27">恁所有領受洗禮及基督結連的人已經穿基督，有伊的活命。</verse>
				<verse number="28">按呢，無分 猶太 人抑是外邦人，奴隸抑是自由的，查甫人抑是查某人，佇基督耶穌的內面攏成做一體。</verse>
				<verse number="29">恁既然屬基督，就是 亞伯拉罕 的子孫，是上帝應允的繼承人。</verse>
			</chapter>
			<chapter number="4">
				<verse number="1">我閣講，繼承人雖然是全部財產的所有者，伊佇未成年的時及奴隸無什麼差別，</verse>
				<verse number="2">一直到老父所定的日子，著受監護人及管家的監督。</verse>
				<verse number="3">咱嘛親像按呢，佇靈性未成年的時受宇宙間的神靈 支配做奴隸。</verse>
				<verse number="4">毋拘時期到，上帝差家己的子，互伊對婦仁人來出世，活佇律法下，</verse>
				<verse number="5">為著欲救贖活佇律法下的人，通互上帝給咱收起來做子兒。</verse>
				<verse number="6">因為恁是上帝的子兒，伊有差伊的子的神入恁 的心，互恁叫「阿爸，父！」</verse>
				<verse number="7">按呢，你無閣做奴隸，是子兒；既然是子兒，上帝就互你做繼承人。</verse>
				<verse number="8">以前，恁毋識上帝的時，做許個本質毋是真神的神明的奴隸，受𪜶支配。</verse>
				<verse number="9">毋拘現在恁已經識上帝，抑是講互上帝識，是按怎恁閣倒去尋許個無力閣無路用的神靈，做𪜶的奴隸？</verse>
				<verse number="10">恁守特別的日、月，及年仔節仔。</verse>
				<verse number="11">我驚了我為著恁所做的攏是白白做。</verse>
				<verse number="12">兄弟姊妹，因為我已經有成做親像恁，我懇求恁嘛著成做親像我。恁毋曾剋虧我。</verse>
				<verse number="13">恁會記得，我頭一遍傳福音互恁的時是因為我身軀有病。</verse>
				<verse number="14">雖然我健康的問題成做恁的重擔，恁都無看輕我，無拒絕我。恁顛倒接待我親像啲接待上帝的天使，親像啲接待基督耶穌。</verse>
				<verse number="15">恁當時的歡喜滿足哪煞無去？我敢講，恁當時若著給目睭挖出來互我嘛甘願。</verse>
				<verse number="16">現在，我對恁照實講煞變做恁的對敵！</verse>
				<verse number="17">許個人對恁熱情並毋是出佇好意，顛倒是想欲拆開恁及我的關係，互恁通對𪜶熱情。</verse>
				<verse number="18">好事毋是干焦我及恁做夥的時才做，著不時熱心去做。</verse>
				<verse number="19">我的細子，為著欲互恁有基督的款式，我閣一遍經過生子的痛苦。</verse>
				<verse number="20">我真愛此陣就去恁遐，通用無仝款的口氣及恁講話。我實在毋知欲按怎對待恁！</verse>
				<verse number="21">恁諸個愛互律法管轄的人，給我講，恁豈無欲聽律法啲講什麼？</verse>
				<verse number="22">因為律法有記載： 亞伯拉罕 有兩個子，一個是女婢生的，閣一個是自由的婦仁人生的。</verse>
				<verse number="23">女婢的子是通過人性生的；自由的婦仁人生的子是通過上帝的應允。</verse>
				<verse number="24">這通用下面的譬喻來說明：此兩個婦仁人代表兩種契約。一個是 夏甲 ，代表 西奈山 的約，生的子作奴隸。</verse>
				<verse number="25">夏甲 指 阿拉伯 的 西奈山 ，代表現在的 耶路撒冷 ；因為伊及伊的子孫攏是奴隸。</verse>
				<verse number="26">不過天頂的 耶路撒冷 是自由的，是咱的老母。</verse>
				<verse number="27">因為聖經有記載： 𣍐懷孕，𣍐生子的婦仁人啊，著歡喜！ 毋曾經過生子痛苦的婦仁人啊，著大聲歡喜唱歌！ 因為受放拺的婦仁人比有丈夫的閣較多子兒！</verse>
				<verse number="28">兄弟姊妹，恁親像 以撒 ，是上帝應允的子兒。</verse>
				<verse number="29">當時，對人性生的迫害對上帝的神生的；現在嘛是按呢。</verse>
				<verse number="30">毋拘聖經按怎講？「著給女婢及伊的子趕出去，因為女婢的子𣍐當及自由的婦仁人的子平平繼承產業！」</verse>
				<verse number="31">所以，兄弟姊妹，咱毋是女婢的子兒，是自由的婦仁人的子兒。</verse>
			</chapter>
			<chapter number="5">
				<verse number="1">為著欲互咱有自由，基督已經有給咱解放。所以著徛在，毋通閣受壓制做奴隸！</verse>
				<verse number="2">我 保羅 給恁講，著注意聽：恁若受割禮，基督就對恁攏無利益。</verse>
				<verse number="3">我閣一遍給逐個甘願接受割禮的人警告，此個人有義務遵守全部的律法！</verse>
				<verse number="4">恁諸個想欲靠遵守律法得著及上帝有合宜關係的人，是及基督斷絕關係，失落上帝的恩典。</verse>
				<verse number="5">阮迫切啲聽候，向望上帝互咱及伊有合宜的關係；此個向望靠上帝的神，對信才會當實現。</verse>
				<verse number="6">因為咱若及基督耶穌結連，有受割禮抑是無受割禮攏無要緊，要緊的是有疼的行動表現出來的信心。</verse>
				<verse number="7">恁已經做了真好；是啥人給恁阻擋，互恁無順服真理？</verse>
				<verse number="8">叫恁按呢做的毋是彼位呼召恁的上帝。</verse>
				<verse number="9">俗語講：「一屑仔酵母會互歸個麵丸發起來。」</verse>
				<verse number="10">佇主的內面我相信恁𣍐及我有無相像的想法。許個啲擾亂恁的，無論是什麼人，一定會受上帝責罰。</verse>
				<verse number="11">兄弟姊妹，我若繼續傳著受割禮，是按怎我猶啲受迫害？我若按呢做，基督的十字架就𣍐成做阻礙。</verse>
				<verse number="12">許個啲擾亂恁的人寧可家己閹起來！</verse>
				<verse number="13">兄弟姊妹，上帝呼召恁是欲互恁自由。不過毋通互恁的自由變做放縱私慾的機會。著用疼心互相服務。</verse>
				<verse number="14">因為全部律法包含佇「著疼厝邊親像疼家己」此個誡命。</verse>
				<verse number="15">著小心，恁若猶啲相咬相吞，會互相剿滅。</verse>
				<verse number="16">我的意思是：恁著照聖神的引導生活，絕對毋通求滿足本性的慾望。</verse>
				<verse number="17">因為人本性的慾望對抗聖神；聖神對抗人的本性。此兩個互相敵對，致到恁𣍐當照家己所愛去做。</verse>
				<verse number="18">恁若互聖神引導，就𣍐受律法控制。</verse>
				<verse number="19">人本性慾望的行為真明顯，就是淫亂、污穢、好色、</verse>
				<verse number="20">拜偶像、行邪術、敵對、鬥爭、嫉妒、受氣、自私、結黨、分派、</verse>
				<verse number="21">怨妒、酒醉、花天酒地等。我以前曾給恁警告，此陣閣一遍給恁警告：做此款代誌的人𣍐當成做上帝國的子民！</verse>
				<verse number="22">毋拘聖神所結的果子是：仁愛、歡喜、和平、忍耐、仁慈、良善、忠實、</verse>
				<verse number="23">溫柔、節制。此款行為一般的法律無啲禁止。</verse>
				<verse number="24">許個屬基督耶穌的人已經有將本性及一切的邪情私慾做夥釘死佇十字架。</verse>
				<verse number="25">既然咱靠聖神啲活，咱著順趁聖神來生活。</verse>
				<verse number="26">咱毋通追求虛榮，毋通彼此激氣，互相怨妒。</verse>
			</chapter>
			<chapter number="6">
				<verse number="1">兄弟姊妹，若有人陷落過失，恁諸個屬靈的人著用溫和的心給伊糾正。恁家己嘛著小心，才免受引誘。</verse>
				<verse number="2">著分擔重擔，按呢做才是啲實現基督的律法。</verse>
				<verse number="3">家己無𠢕想講真𠢕，是啲欺騙家己。</verse>
				<verse number="4">逐個人著省察家己的行為；若有好行為，伊干焦通對家己誇口，毋免及別人比較。</verse>
				<verse number="5">因為逐個人著擔家己的擔。</verse>
				<verse number="6">學習道理的人著及教導伊的人分享逐項好物。</verse>
				<verse number="7">毋通騙家己，上帝是𣍐用得侮慢的。人種什麼就收什麼。</verse>
				<verse number="8">人所撒的若是為著滿足家己的慾望，就會收成滅亡；人所撒的若是為著欲互聖神歡喜，就會對聖神收永遠的活命。</verse>
				<verse number="9">做好事毋通想倦；若無灰心，時到就通收成。</verse>
				<verse number="10">所以，無論什麼時陣，著把握機會對眾人做好事，特別是對信仰成做一家的人。</verse>
				<verse number="11">恁看，我親筆用即呢大的字寫互恁！</verse>
				<verse number="12">許個注重外表體面的人，想欲強迫恁接受割禮。𪜶按呢做干焦是無愛為著基督的十字架受迫害。</verse>
				<verse number="13">其實，連許個受割禮的人本身嘛無遵守律法。𪜶迫恁受割禮，才會當誇口講恁有遵守外表的禮儀。</verse>
				<verse number="14">我咧，我只有欲誇口咱的主耶穌基督的十字架，通過此個十字架 ，對我來講，世界已經釘死佇十字架；對世界來講，我嘛已經釘死。</verse>
				<verse number="15">有受割禮無受割禮攏無重要；重要的是咱著成做新創造的人。</verse>
				<verse number="16">照此個準則生活的人就是上帝的 以色列 子民。願平安及憐憫及𪜶同在！</verse>
				<verse number="17">對今以後，無論什麼人都攏毋通給我攪擾；因為耶穌有佇我的身軀蓋印做記號，證明我屬伊。</verse>
				<verse number="18">兄弟姊妹，願咱的主耶穌基督的恩典及恁同在。阿們！</verse>
			</chapter>
		</book>
		<book number="49">
			<chapter number="1">
				<verse number="1">我是 保羅 ，奉上帝的旨意作基督耶穌的使徒；我寫批互住佇 以弗所 ，屬基督耶穌忠信的信徒。</verse>
				<verse number="2">願咱的父上帝及主耶穌基督賜恁恩典及平安！</verse>
				<verse number="3">著稱讚咱的主耶穌基督的父上帝！因為伊有將天頂逐款屬靈的福氣，通過咱及基督結連，賜互咱。</verse>
				<verse number="4">創世以前，上帝已經通過基督揀選咱，互咱佇伊面前成做聖潔無缺點的人。 因為上帝疼咱，</verse>
				<verse number="5">早就決定欲通過耶穌基督互咱作伊的子兒歸伊；這是伊所歡喜的，是伊的旨意。</verse>
				<verse number="6">咱著頌讚上帝榮耀的恩典，因為伊有將伊所疼的子無條件賜互咱！</verse>
				<verse number="7">對基督，通過伊的死，咱得著自由，罪過得著赦免。上帝的恩典實在真豐富；</verse>
				<verse number="8">伊有將此個恩典充充足足賜互咱。伊用逐款的智慧及理解，</verse>
				<verse number="9">照伊所歡喜的旨意，互咱知伊早就決定通過基督來完成奧妙的計劃。</verse>
				<verse number="10">此個計劃，上帝欲佇時機成熟的時完成，通互天頂及地上一切的被造物攏尊基督作頭，聯合做一個。</verse>
				<verse number="11">萬有攏照上帝的計劃及決定來完成。上帝照伊代先決定的旨意，通過基督揀選阮來承接伊的家業。</verse>
				<verse number="12">按呢是欲互阮諸個代先將向望囥佇基督的人通頌讚上帝的榮耀。</verse>
				<verse number="13">通過基督，恁嘛有聽著真理的信息，就是彼個互恁得救的福音，彼時恁有信，上帝就賜恁所應允的聖神，給恁蓋印證明恁屬伊。</verse>
				<verse number="14">聖神保證咱通承接上帝所應允的家業，直到互屬伊的人得著完全的自由，通頌讚伊的榮耀。</verse>
				<verse number="15">因為按呢，我一下聽著恁對主耶穌有信心，對所有的信徒有疼心，</verse>
				<verse number="16">就為著恁不時啲感謝上帝。我佇祈禱中數念恁，</verse>
				<verse number="17">祈求咱的主耶穌基督的上帝，榮耀的天父，賜聖神互恁有智慧及啟示通認識伊。</verse>
				<verse number="18">我懇求上帝開恁的心眼，互恁通知伊選召恁來得著的向望是什麼。伊對伊的信徒所應允的祝福偌仔呢豐富，</verse>
				<verse number="19">佇咱信伊的人中間啲運行的權能偌仔呢大。伊有運用此個氣力互基督對死人中閣活，閣互基督佇天頂坐佇伊家己的正旁，</verse>
				<verse number="20"></verse>
				<verse number="21">佇遐超越所有的統領者、掌權者、權力者、主政者，以及一切現在及將來會當稱呼的銜頭。</verse>
				<verse number="22">上帝互萬有攏屈服佇基督的腳下，互伊作教會的元首，統治萬有。</verse>
				<verse number="23">教會是基督的身體，是充滿萬有的基督所完全充滿的 。</verse>
			</chapter>
			<chapter number="2">
				<verse number="1">以前因為恁犯罪背逆上帝，靈性已經死。</verse>
				<verse number="2">彼時，恁趁世間的潮流，順服空中的掌權者，就是現在啲管轄背逆上帝的人彼個邪神。</verse>
				<verse number="3">其實，阮以前嘛攏及諸個人仝款趁本性的慾望生活，照家己肉體的私慾及意念啲行動。阮及其他的人仝款，註定受上帝刑罰。</verse>
				<verse number="4">毋拘上帝有豐盛的憐憫，用極大的慈愛疼咱，</verse>
				<verse number="5">佇咱猶啲背逆，靈性已經死的時，伊互咱及基督做夥閣活；恁是對上帝的恩典得著救的。</verse>
				<verse number="6">通過咱及基督耶穌結合，上帝互咱及伊做夥閣活，佇天頂做夥掌權。</verse>
				<verse number="7">伊按呢做是欲通過基督耶穌對咱顯示慈愛，通對後世代表明伊無限豐富的恩典。</verse>
				<verse number="8">因為恁是靠上帝的恩典對信得著救；毋是靠恁家己，是靠上帝的恩賜。</verse>
				<verse number="9">既然毋是靠行為，什麼人都𣍐當誇口。</verse>
				<verse number="10">因為咱是上帝創造的；伊通過基督耶穌創造咱，互咱通做伊早就準備愛咱做的好事。</verse>
				<verse number="11">所以，恁諸個出世做外邦人的，著會記得恁過去有互自稱受割禮的，就是用手佇身軀行割禮的 猶太 人，叫做無受割禮的人。</verse>
				<verse number="12">恁彼時及基督無關係，無屬上帝的選民，無份佇上帝應允的盟約，佇此世間無向望，無上帝。</verse>
				<verse number="13">毋拘恁諸個以前離開上帝遠遠的外邦人，現在靠基督耶穌，通過伊的死，已經及上帝親近。</verse>
				<verse number="14">基督促進咱的和平 ；伊有互 猶太 人及外邦人成做一個。伊用家己的身軀拆毀給𪜶隔開的牆，消除𪜶中間的敵對。</verse>
				<verse number="15">伊廢除 猶太 律法的誡命及規例，互兩旁通過伊通創造一個新的人來促進和平。</verse>
				<verse number="16">基督通過十字架消滅彼此的敵對，互兩旁成做一體，通及上帝和好。</verse>
				<verse number="17">按呢，基督來是欲傳和平的福音互所有的人，包括恁諸個以前離開上帝遠遠的外邦人及親近上帝的 猶太 人。</verse>
				<verse number="18">通過基督，咱兩旁的人攏會當對仝一位聖神來親近父。</verse>
				<verse number="19">所以，恁外邦人已經毋是出外人，毋是僑民，是及上帝的子民平平作國民，作上帝家內的人，</verse>
				<verse number="20">建立佇先知及使徒所下的地基頂，用基督耶穌本身做上重要的基石，</verse>
				<verse number="21">歸個建築物靠伊來連接結合，漸漸擴大成做聖的殿歸屬主。</verse>
				<verse number="22">恁及伊結連，靠聖神的幫贊，嘛做夥受起造做上帝徛起的所在。</verse>
			</chapter>
			<chapter number="3">
				<verse number="1">因為按呢，我 保羅 ，為著恁外邦人作基督耶穌的囚犯，替恁對上帝祈求。</verse>
				<verse number="2">恁一定有聽著，為著恁，上帝對伊的恩典有委託我此個職務。</verse>
				<verse number="3">上帝有將伊的奧祕啟示互我知。我已經有簡略寫此個代誌，</verse>
				<verse number="4">恁讀了就會明白我對基督奧祕的了解；</verse>
				<verse number="5">此個奧祕，佇過去的世代無互人知，現在上帝通過聖神已經有對伊的聖使徒及先知啟示。</verse>
				<verse number="6">此個奧祕是按呢：外邦人通過福音通及 猶太 人平平作繼承人，平平屬一個身體，及基督耶穌結連平平承受上帝的應允。</verse>
				<verse number="7">對上帝特別的恩賜，通過伊大能力的運行，我成做福音的差用。</verse>
				<verse number="8">我佇上帝所有的子民中是第一微細的，伊竟然賜我恩典通將基督算𣍐了豐富的福音傳互外邦人，</verse>
				<verse number="9">通互所有的人明白上帝按怎實現伊的奧祕。創造萬有的上帝佇過去的世代有將此個奧祕隱密起來，</verse>
				<verse number="10">是欲佇現今的世代，通過教會，互天界的統領者、權力者，攏通認識上帝逐款的智慧。</verse>
				<verse number="11">上帝按呢做是根據伊永遠的旨意；此個旨意已經通過咱的主基督耶穌實現啦。</verse>
				<verse number="12">及基督結連，通過對伊的信，咱通充滿信心好膽就近上帝。</verse>
				<verse number="13">所以，請恁毋免因為我為著恁受苦來心艱苦；其實這是恁的光榮。</verse>
				<verse number="14">因為按呢，我跪落，向賜名號互天頂地上所有宗族的天父</verse>
				<verse number="15"></verse>
				<verse number="16">祈求，照伊豐富的榮耀，通過伊的聖神所賜的氣力，互恁內在的人勇壯起來。</verse>
				<verse number="17">我嘛祈求基督會因為恁的信來𫢶佇恁心內，互恁釘根下地基佇疼，</verse>
				<verse number="18">會當及上帝所有的子民明白基督的疼是偌仔呢長、闊、高、深，閣經驗彼個超過人的智識所會當了解的疼，互上帝的完善給恁完全充滿。</verse>
				<verse number="19"></verse>
				<verse number="20">上帝會當用伊佇咱中間啲運行的大能力，大大超過咱所求所想的，來成就一切。</verse>
				<verse number="21">願榮耀佇教會中，通過基督耶穌歸互上帝，到世世代代，無窮無盡。阿們！</verse>
			</chapter>
			<chapter number="4">
				<verse number="1">所以，做一個為著主作囚犯的人，我苦勸恁。既然恁受上帝呼召，行為著符合伊的呼召。</verse>
				<verse number="2">凡事著謙卑、溫柔、忍耐，用疼互相寬容，</verse>
				<verse number="3">用和平互相聯繫，盡力保持聖神所賜的合一。</verse>
				<verse number="4">身體只有一個；聖神只有一位；抵親像上帝召咱欲得著的向望是一個。</verse>
				<verse number="5">主只有一位；信仰只有一個；洗禮只有一個；</verse>
				<verse number="6">上帝只有一位，就是萬有的父，伊佇萬有的頂面，貫串萬有，閣佇萬有中。</verse>
				<verse number="7">咱逐個人攏照基督所賜的份量領受恩賜。</verse>
				<verse number="8">照聖經所講： 伊升高到上高的位的時， 帶一大隊受掠的及伊去， 賜恩賜互人。</verse>
				<verse number="9">「伊升高」此句話是什麼意思？就是：伊嘛曾降落到地下上深的所在。</verse>
				<verse number="10">按呢，「降落」彼位就是及「升高」到眾天的頂面來充滿萬有彼位是仝一位。</verse>
				<verse number="11">伊所賜的有使徒，有先知，有傳福音的，有牧養的及教導的。</verse>
				<verse number="12">伊按呢做是欲裝備上帝的子民通做侍奉的工作，來建立基督的體；</verse>
				<verse number="13">最後咱攏通對上帝的子有一致的信仰及認識來長大成人，達到基督完全的程度。</verse>
				<verse number="14">按呢，咱就無閣作囝仔，互欺騙者編造出來所有錯誤的學說拖啲行，飄來飄去。</verse>
				<verse number="15">咱反轉著用疼心講真實，佇逐方面用作頭的基督做目標來成長。</verse>
				<verse number="16">對伊，身體的逐筋節互相連接，相支持，逐個肢體發揮應該有的功能，互歸個身體長大，用疼建立起來。</verse>
				<verse number="17">所以，我奉主的名苦勸恁，毋通繼續親像外邦人按呢生活。𪜶因為無知及硬心，心思烏暗，致到思想空洞，及上帝所賜的活命隔斷。</verse>
				<verse number="18"></verse>
				<verse number="19">𪜶失去廉恥的心，盡情放縱做逐款污穢的代誌。</verse>
				<verse number="20">恁並毋是按呢學習基督。</verse>
				<verse number="21">恁應該有聽著伊的代誌，有對伊學習，因為佇耶穌才有真理。</verse>
				<verse number="22">按呢，著脫離以前的生活，褪去舊的人，因為舊的人受私慾的迷惑啲敗壞。</verse>
				<verse number="23">恁的心思意念著完全換新，</verse>
				<verse number="24">就是著穿照上帝的形像創造的新人，用根據真理所產生的公義及聖潔表現出來。</verse>
				<verse number="25">所以，恁著脫離虛假，著對厝邊講真實話，因為咱攏是基督身體的一部份。</verse>
				<verse number="26">恁若受氣毋通致到犯罪。毋通到日落猶啲受氣；</verse>
				<verse number="27">毋通互魔鬼有孔縫通利用。</verse>
				<verse number="28">曾做賊的毋通閣偷提；著靠雙手出力做工得著正當的收入，有力通幫贊散赤人。</verse>
				<verse number="29">歹話攏毋通講；顛倒著講造就人的好話，互聽著的人得著利益。</verse>
				<verse number="30">毋通互上帝的聖神憂傷；因為聖神是恁屬上帝的印記，保證恁佇拯救的日得著解放。</verse>
				<verse number="31">著棄拺一切的惡毒、歹性地、受氣、喧嚷、誹謗，以及一切的歹。</verse>
				<verse number="32">著親切仁慈相款待，互相赦免，抵及上帝有通過基督赦免恁仝款。</verse>
			</chapter>
			<chapter number="5">
				<verse number="1">既然恁是上帝所疼的子兒，著學伊。</verse>
				<verse number="2">言行舉止著有疼心，親像基督疼咱，為著咱犧牲家己的性命做芳芳的祭物獻互上帝。</verse>
				<verse number="3">既然恁是上帝的子民，一切淫亂、污穢，抑是貪慾的事，佇恁中間連講都毋通。</verse>
				<verse number="4">嘛毋通講邪淫、粗俗，抑是下流的話，反轉著感謝。</verse>
				<verse number="5">著確實知，淫亂、污穢、貪戀的人 — 貪戀是一種的拜偶像 — 基督及上帝的國絕對無𪜶的份。</verse>
				<verse number="6">毋通互人用空洞的話給恁迷去；上帝的受氣會為著諸個代誌臨到許個背逆的人。</verse>
				<verse number="7">所以，毋通及彼款人交插。</verse>
				<verse number="8">恁以前佇烏暗中，毋拘現在已經成做屬主的人佇光明中，行做著有光明子兒的款式；</verse>
				<verse number="9">光明所結的果子是逐款的良善、公義，及真理。</verse>
				<verse number="10">著查出什麼是主所歡喜的事。</verse>
				<verse number="11">毋通參與佇烏暗中啲做無路用的代誌，顛倒著給𪜶暴露出來。</verse>
				<verse number="12">𪜶掩掩蓋蓋啲做的，連講都見笑！</verse>
				<verse number="13">一切互光暴露就顯明出來，</verse>
				<verse number="14">因為給一切顯明出來的是光。所以有一句話按呢講： 啲睏的人，起來； 著對死人中𬦰起來！ 基督欲給你照光！</verse>
				<verse number="15">所以，恁的行為著謹慎，毋通做無智慧的人，著做聰明的人，</verse>
				<verse number="16">善用機會，因為現今的時代邪惡。</verse>
				<verse number="17">所以，毋通做糊塗的人，著明白什麼是主的旨意。</verse>
				<verse number="18">毋通酒醉；酒醉會互恁敗壞；反轉著互聖神充滿。</verse>
				<verse number="19">著用詩篇、聖詩、靈歌對唱，對心底唱聖詩及詩篇稱讚主。</verse>
				<verse number="20">著靠咱的主耶穌基督的名，為著逐項代誌時常感謝天父上帝。</verse>
				<verse number="21">恁著用敬畏基督的心互相順服。</verse>
				<verse number="22">作婦仁人的，著親像順服主按呢順服丈夫。</verse>
				<verse number="23">因為丈夫是婦仁人的頭，親像基督是教會的頭；伊本身是教會 — 伊的身軀的救主。</verse>
				<verse number="24">親像教會順服基督，作婦仁人的應該嘛著事事順服丈夫。</verse>
				<verse number="25">作丈夫的，著疼婦仁人，親像基督疼教會，為著教會犧牲家己。</verse>
				<verse number="26">伊按呢做是欲通過伊的話用水洗清氣來聖化教會歸上帝，</verse>
				<verse number="27">互教會有榮光，攏無污點，無皺紋，抑是其他此款的缺點，成做聖潔無瑕疵通獻互家己。</verse>
				<verse number="28">像款，丈夫著疼家己的婦仁人，親像疼家己的身軀。疼婦仁人就是疼家己。</verse>
				<verse number="29">無人怨恨家己的身軀，顛倒是給伊保養，照顧，及基督對待教會仝款，</verse>
				<verse number="30">因為咱是伊身軀的肢體。</verse>
				<verse number="31">聖經講：「因為按呢，人會離開父母，及伊的某結合，兩人成做一體。」</verse>
				<verse number="32">此個經文啟示一個極大的奧祕；照我的理解，這是啲指基督及教會的關係。</verse>
				<verse number="33">總是，這嘛適用佇恁逐個人：丈夫著疼家己的婦仁人，親像疼家己；婦仁人著敬重伊的丈夫。</verse>
			</chapter>
			<chapter number="6">
				<verse number="1">作兒女的，著順服父母，這是信主的人應該有的本分。</verse>
				<verse number="2">「著孝敬父母」，這是頭一條附帶應允的誡命，「按呢做恁就會逐項好勢，佇此個地久長徛起。」</verse>
				<verse number="3"></verse>
				<verse number="4">作父母的，毋通激恁的兒女受氣，著照主的管教及教示給𪜶培養。</verse>
				<verse number="5">作奴隸的，及順服基督仝款，著用敬畏及驚惶專心順服恁佇世上的主人。</verse>
				<verse number="6">毋通佇人的面前故意做互人看，互人歡喜；著作基督的奴隸，對心內遵趁上帝的旨意，</verse>
				<verse number="7">甘心樂意盡奴隸的本分，親像啲服事主，毋是啲服事人。</verse>
				<verse number="8">著知，無論是奴隸抑是自由的，主攏會照逐個人的好行為給𪜶報答。</verse>
				<verse number="9">作主人的，嘛著用仝款的態度對待恁的奴隸；毋通給𪜶威脅。著知，恁及恁的奴隸攏屬仝一位天頂的主人；伊用仝款的標準對待逐個人。</verse>
				<verse number="10">最後，我勸恁著及主結連，靠伊的大能力做堅強的人。</verse>
				<verse number="11">著穿上帝所賜全套的武裝，互恁徛在，通抵抗魔鬼的詭計。</verse>
				<verse number="12">因為咱毋是及有血有肉的人啲交戰，是及天界的邪靈，就是此個烏暗世代的宇宙統領者、權力者、掌權者啲交戰。</verse>
				<verse number="13">所以，著用上帝所賜全套的武裝裝備家己，通佇邪惡的日子會當抵抗對敵的攻擊，堅持到底持守陣地。</verse>
				<verse number="14">所以，著徛在，用真理做帶縖，用正義做護胸甲穿，</verse>
				<verse number="15">用準備好勢的和平的福音做鞋穿。</verse>
				<verse number="16">著不時用信心做盾牌，通拍化邪惡者射來火的箭。</verse>
				<verse number="17">著用拯救做頭盔，用聖神做劍，就是上帝的話。</verse>
				<verse number="18">著靠聖神全心祈禱，常常祈求。著不時警醒，時常為著所有的信徒祈禱；</verse>
				<verse number="19">嘛為著我祈禱，求上帝賜我信息，通好膽開嘴宣揚福音的奧祕。</verse>
				<verse number="20">為著此個福音，我現在做一個掛鐵鍊的大使。著為著我祈禱，互我通好膽宣揚應該講的。</verse>
				<verse number="21">咱親愛的兄弟，嘛是主忠實的差用 推基古 ，會報恁知我的代誌及近況。</verse>
				<verse number="22">我差伊去恁遐，目的是欲報恁知阮遮的情形，互恁的心得著鼓勵。</verse>
				<verse number="23">願父上帝及主耶穌基督賜平安、仁愛，及信心互眾兄弟姊妹！</verse>
				<verse number="24">願上帝的恩典及所有用不變的疼來疼咱的主耶穌基督的人同在！</verse>
			</chapter>
		</book>
		<book number="50">
			<chapter number="1">
				<verse number="1">我 保羅 及 提摩太 是基督耶穌的僕人。阮寫批互住佇 腓立比 ，及屬基督耶穌攏總的信徒以及各位監督及執事 。</verse>
				<verse number="2">願咱的父上帝及主耶穌基督賜恁恩典及平安！</verse>
				<verse number="3">我逐遍想著恁的時攏感謝我的上帝；</verse>
				<verse number="4">逐遍為著恁眾人祈禱的時攏用歡喜的心祈求，</verse>
				<verse number="5">因為恁對頭一日起到現在，攏有同心協力啲傳福音。</verse>
				<verse number="6">我深信彼位佇恁中間開始做美好工作的上帝，會繼續給彼個工作完成，直到基督耶穌閣來的日。</verse>
				<verse number="7">我常常啲數念恁，對恁眾人有此款的心情是當然的，因為無論我現在佇監獄內抑是以前為著福音辯護及作證的時，恁攏有及我分享上帝的恩賜。</verse>
				<verse number="8">我用基督耶穌的疼心偌呢數念恁大家，上帝通給我作證。</verse>
				<verse number="9">我所祈求的是按呢：恁的疼會愈加添，恁的智識及對逐項的判斷力嘛愈進步，</verse>
				<verse number="10">互恁會曉分別什麼才是上好，按呢佇基督的日恁才會成做純潔無通嫌的人，</verse>
				<verse number="11">充滿靠耶穌基督才有的好德行，通將榮光及謳咾歸互上帝。</verse>
				<verse number="12">兄弟姊妹，我愛恁知，我所抵著的代誌顛倒互福音閣較進展，</verse>
				<verse number="13">致到王宮的全體警衛以及其他所有的人攏知影我關監是為著基督的緣故。</verse>
				<verse number="14">真多兄弟姊妹嘛因為我關監佇主內面閣較確信，閣較好膽無驚惶來傳上帝的信息。</verse>
				<verse number="15">有人傳基督是出佇怨妒及好爭論；嘛有人是出佇好意思。</verse>
				<verse number="16">諸個人是出佇疼心，知影我受任命是欲為福音辯護。</verse>
				<verse number="17">另外許個人宣揚基督是出佇野心，動機無純，想欲趁我關監的時加添我的艱苦。</verse>
				<verse number="18">按呢有什麼關係？是假意抑是真心，無論按怎，基督受傳開，我就為著按呢歡喜！ 著，我欲繼續歡喜，</verse>
				<verse number="19">因為我知，對恁的祈禱及耶穌基督的神的幫贊，我一定會得著自由。</verse>
				<verse number="20">我迫切期待及向望的，就是無一項代誌會互我見笑；我時時刻刻，特別是現在，有夠額的勇氣，是活抑是死，通互基督通過我此個人得著榮耀。</verse>
				<verse number="21">因為，對我來講，活是基督，死是利益。</verse>
				<verse number="22">若是繼續活啲會當做較多有效果的工作，我煞毋知欲揀什麼。</verse>
				<verse number="23">我進退兩難。我實在真愛離開此個世間及基督做夥，這應該加好足多。</verse>
				<verse number="24">不過，為著恁的緣故，我閣較著活落去。</verse>
				<verse number="25">對此項，我確信；我知我欲活落去，欲繼續及恁大家活落去，是欲互恁的信仰閣較進步，閣較有歡喜，</verse>
				<verse number="26">按呢我及恁閣相見的時，恁會因為基督耶穌有充分的理由通用我做誇口 。</verse>
				<verse number="27">無論按怎，恁的言行舉止著符合基督的福音。按呢，無論我會當閣去及恁相見抑𣍐，攏會當聽著恁的代誌，知恁攏用像一個心志徛在，同心做夥為著所信的福音拍拼。</verse>
				<verse number="28">無論做什麼，毋免驚反對者的威脅，按呢通證明𪜶會失敗，恁會得勝；此個得勝是對上帝來的。</verse>
				<verse number="29">因為上帝毋若有賜恁特別的恩惠來信基督，嘛互恁為著基督受苦，</verse>
				<verse number="30">來參與像款的爭戰；此個爭戰恁有看著我按怎戰，現在閣聽見我猶啲戰。</verse>
			</chapter>
			<chapter number="2">
				<verse number="1">既然恁及基督結連有得著激勵；既然恁對伊的疼有得著安慰；既然恁及聖神有團契；既然恁有經驗上帝的慈悲憐憫；</verse>
				<verse number="2">恁著有像款的心志、像款的疼心、和諧的感情、一致的想法，通互我充滿歡喜。</verse>
				<verse number="3">毋通自私自利，嘛毋通追求虛榮；反轉著有謙遜的心，看別人比家己較𠢕。</verse>
				<verse number="4">恁逐個人毋通只有顧家己的代誌，嘛著顧別人的代誌。</verse>
				<verse number="5">恁著有基督耶穌的心志：</verse>
				<verse number="6">伊原本有上帝的身份， 卻無濫用及上帝平等的地位。</verse>
				<verse number="7">伊反轉摒空家己， 取奴僕的身份， 出世及人仝款， 用人的形體出現。</verse>
				<verse number="8">伊自願謙卑， 順服到死， 甚至死佇十字架頂。</verse>
				<verse number="9">因為按呢，上帝提升伊到上高的地位， 賜伊超越萬名的名號。</verse>
				<verse number="10">按呢，為著敬重耶穌的名， 天頂、地上、地下， 一切的腳頭窩攏會跪拜，</verse>
				<verse number="11">逐個嘴攏宣認： 「耶穌基督是主」， 來榮耀父上帝。</verse>
				<verse number="12">所以，親愛的兄弟姊妹，我佇恁遐的時，恁攏有順趁我；現在我無佇恁遐，恁閣較著按呢。著繼續驚惶愕愕惙來完成恁的得救；</verse>
				<verse number="13">因為上帝時常佇恁中間啲做工，互恁有意願閣會實踐伊的好旨意。</verse>
				<verse number="14">無論做什麼代誌，攏毋通埋怨抑是爭論，</verse>
				<verse number="15">互恁通清白純潔，佇此個邪惡腐敗的世代作上帝無缺點的子兒。著佇𪜶中間發光，親像光啲照世間，</verse>
				<verse number="16">來堅守賜活命的信息，互我佇基督的日通誇口講家己無空空奔波，無空空勞苦。</verse>
				<verse number="17">我若著用家己的血做奠酒祭淋佇恁的信心所獻的祭物，我嘛歡喜，嘛欲及恁做夥歡喜。</verse>
				<verse number="18">像款，恁嘛著歡喜，及我分享歡喜。</verse>
				<verse number="19">我向望主耶穌互我會當緊差 提摩太 去恁遐，互我通聽著恁的消息來得著激勵。</verse>
				<verse number="20">只有伊有及我同心真正啲關心恁的代誌。</verse>
				<verse number="21">眾人攏啲追求家己的事，毋是耶穌基督的事。</verse>
				<verse number="22">毋拘 提摩太 的作人恁攏知，伊及我親像父及子做夥為著傳福音啲服事。</verse>
				<verse number="23">按呢，我一下知我的代誌有什麼結局，向望會當隨時差伊去恁遐。</verse>
				<verse number="24">我確信主嘛會互我真緊去見恁。</verse>
				<verse number="25">不過，我想講著差 以巴弗提 去恁遐；伊是我的兄弟、同工，及戰友，佇我需要的時恁有派伊來服事我。</verse>
				<verse number="26">伊真數念恁大家，嘛因為知影恁有聽著伊破病的代誌，心真艱苦。</verse>
				<verse number="27">伊確實有破病，甚至險死去。毋拘上帝有憐憫伊，毋若伊若定，嘛有憐憫我，互我毋免閣加添憂傷。</verse>
				<verse number="28">因為按呢，我趕緊欲差伊轉去恁遐，互恁會當閣見著伊來歡喜，嘛通減少我的掛慮。</verse>
				<verse number="29">所以，恁著佇主的內面歡歡喜喜給伊接納。著尊重親像伊此款的人，</verse>
				<verse number="30">因為伊為著基督的工作冒性命的危險險險仔死，欲補恁做無夠的，替恁來服事我。</verse>
			</chapter>
			<chapter number="3">
				<verse number="1">最後，兄弟姊妹，恁著靠主來歡喜！我閣講起以前所寫的，對我並無麻煩，對恁卻有幫贊。</verse>
				<verse number="2">著注意彼陣狗，注意許個作歹的人，注意許個家己割傷身軀的人。</verse>
				<verse number="3">其實，咱才是真正受割禮的人。咱通過聖神敬拜上帝，誇口基督耶穌，無倚靠外表的禮儀。</verse>
				<verse number="4">若講欲倚靠禮儀，我嘛會；若有人想講伊會當倚靠禮儀，我閣較會。</verse>
				<verse number="5">我出世第八日就受割禮，是 以色列 人，屬 便雅憫 支族，是純粹的 希伯來 人。對守律法來講，我屬法利賽派；</verse>
				<verse number="6">對熱心來講，我是教會的迫害者；對守律法來成做義的標準來講，我攏無什麼通嫌。</verse>
				<verse number="7">毋拘，以前對我有利的，現在因為基督的緣故，我給伊看做損失。</verse>
				<verse number="8">毋若按呢，我真正看一切做損失，因為我看認識我的主基督耶穌做上寶貝。為著伊我放拺一切，看萬事做糞埽，是欲得著基督，</verse>
				<verse number="9">完全及伊結連，無閣有彼款靠家己守律法來得著的義。我現在有的義是通過信靠基督 ，是根據信來得著上帝所賞賜的義。</verse>
				<verse number="10">我所愛的是認識基督閣體驗伊閣活的大能力，及伊做夥受苦，經驗伊的死，</verse>
				<verse number="11">向望家己嘛會當對死閣活。</verse>
				<verse number="12">按呢，毋是講我已經得著抑是已經達到目標 ；我繼續直直走，向望通得著賞；其實基督耶穌已經得著我。</verse>
				<verse number="13">兄弟姊妹，我無想講家己已經得著。我只有專心一項，就是𣍐記得後面的事，拍拼追求頭前的事，</verse>
				<verse number="14">向目標直直走，為著欲得著賞，就是上帝通過基督耶穌召我去領受彼個對頂面來的活命。</verse>
				<verse number="15">所以，咱中間成熟的人著有像款的想法。恁中間若有別款的想法，上帝嘛會將此個想法給恁指示。</verse>
				<verse number="16">無論按怎，咱著照已經走過來的路線繼續前進。</verse>
				<verse number="17">兄弟姊妹，恁攏著學我；著注意看許個隨阮的模樣的人按怎啲生活。</verse>
				<verse number="18">我已經有給恁講真多遍，現在閣流目屎給恁講：有真多人，𪜶的行為互𪜶成做基督十字架的對敵。</verse>
				<verse number="19">𪜶的結局是滅亡；𪜶用腹肚做神明；𪜶將見笑看做光榮；𪜶只有關心地上的事。</verse>
				<verse number="20">毋拘，咱是天頂的公民，熱切啲聽候對遐來的救世主，就是主耶穌基督。</verse>
				<verse number="21">伊會用互萬有屈服的能力來改變咱卑賤的體，互咱變做及伊像款榮耀的體。</verse>
			</chapter>
			<chapter number="4">
				<verse number="1">所以，我所親愛所數念的兄弟姊妹，恁是我的歡喜，我的榮光，著倚靠主來徛在。</verse>
				<verse number="2">我苦勸 友阿蝶 ，嘛苦勸 循都基 ，恁佇主的內面著同心。</verse>
				<verse number="3">我忠實的同伴啊，我嘛愛你幫贊此兩個婦仁人，因為𪜶及 革利免 以及我其他的同工曾為著福音及我做夥奮鬥；𪜶的名已經有記載佇活命冊。</verse>
				<verse number="4">著時常及主結連來歡喜！我閣講一遍，著歡喜！</verse>
				<verse number="5">著互眾人看會出恁的寬容。主啲欲來啦。</verse>
				<verse number="6">攏毋通掛慮什麼。萬事著用感謝的心祈求及代禱，將恁所求的互上帝知。</verse>
				<verse number="7">按呢，上帝所賜超越人一切了解的平安，會通過基督耶穌保守恁的心思意念。</verse>
				<verse number="8">兄弟姊妹，總講一句，許個會建立好德行的事，許個值得稱讚的事，就是一切真實的、一切通尊敬的、一切公正的、一切純潔的、一切可愛的、一切通謳咾的，諸個恁攏著不時囥佇心內。</verse>
				<verse number="9">恁對我所學習閣接受的、聽著閣看著的，諸個攏著繼續實行。按呢，賜平安的上帝就會及恁同在。</verse>
				<verse number="10">我佇主的內面非常歡喜！因為過一段時間了後，恁對我的關心有閣茁芛開花；其實，恁有啲給我關心，不過是無機會通表示若定。</verse>
				<verse number="11">毋是講我無夠用，因為我已經學會曉無論佇什麼境遇攏知足。</verse>
				<verse number="12">我知按怎過散赤的生活，嘛知按怎過富裕的生活。是飽抑是枵，是有賰抑是欠缺，我已經得著祕訣，就是無論什麼時陣什麼所在，我攏知足。</verse>
				<verse number="13">倚靠賜我能力的基督，我有氣力通克服逐款的境遇。</verse>
				<verse number="14">毋拘，恁有分擔我的困難，按呢實在真好。</verse>
				<verse number="15">恁 腓立比 人家己嘛攏知，佇我傳福音的初期，我離開 馬其頓 的時，只有恁的教會有分擔我的生活費用。</verse>
				<verse number="16">連我佇 帖撒羅尼迦 的時，恁有幾若遍送物件來供給我的需要。</verse>
				<verse number="17">我毋是愛恁送物件，是愛恁有較多的利純記入去恁的戶頭。</verse>
				<verse number="18">這是恁互我所有物件的收據。恁互我的已經夠額閣有賰。我有對 以巴弗提 收著恁送互我的禮物，親像發出芳味，上帝所接納歡喜的祭物。</verse>
				<verse number="19">我的上帝會照伊榮耀的豐富，通過基督耶穌來滿足恁所有的需要。</verse>
				<verse number="20">願榮光歸互咱的父上帝，直到永永遠遠。阿們！</verse>
				<verse number="21">請替我給屬基督耶穌的所有信徒請安。及我佇遮的兄弟姊妹嘛欲給恁請安。</verse>
				<verse number="22">佇遮所有的信徒，特別是凱撒王宮內的信徒，攏欲給恁請安。</verse>
				<verse number="23">願主耶穌基督的恩典及恁大家同在！</verse>
			</chapter>
		</book>
		<book number="51">
			<chapter number="1">
				<verse number="1">我是 保羅 ，奉上帝的旨意作基督耶穌的使徒；我及咱的兄弟 提摩太</verse>
				<verse number="2">寫批互住佇 歌羅西 的信徒，就是及基督結連忠信的兄弟姊妹。 願咱的父上帝賜恁恩典及平安！</verse>
				<verse number="3">阮為著恁祈禱的時不時啲感謝咱的主耶穌基督的父上帝，</verse>
				<verse number="4">因為有聽著恁對基督耶穌有信心，對所有的信徒有疼心。</verse>
				<verse number="5">諸個攏是用彼個為著恁囥佇天頂的向望做根據；此個向望當初福音真道傳互恁的時，恁已經有聽著。</verse>
				<verse number="6">此個福音毋若傳到恁遐，嘛傳到全世界，繼續成長結果子，抵及恁以前聽見閣真正認識上帝的恩典彼時的情形仝款。</verse>
				<verse number="7">恁有對親愛的 以巴弗 學習此個福音；伊及阮平平作僕人，為著恁做基督忠實的差用，</verse>
				<verse number="8">嘛有對阮講起聖神互恁有疼心的事。</verse>
				<verse number="9">因為按呢，對聽著恁的消息以後，阮有繼續啲為著恁祈禱，求上帝互恁會當對聖神得著逐款的智慧及理解，充分明白伊的旨意，</verse>
				<verse number="10">言行舉止照主所愛，凡事互伊歡喜，閣互恁做逐項好事，結好果子，對上帝的認識嘛愈加添。</verse>
				<verse number="11">願恁對伊榮耀的權能得著夠額的氣力，有耐心通忍受一切，閣用歡喜的心感謝天父，因為伊互恁會堪得分享伊為著家己的信徒保留佇光明國度的福氣。</verse>
				<verse number="12"></verse>
				<verse number="13">伊救咱脫離烏暗的權勢，給咱徙入去伊所疼的子的國度；</verse>
				<verse number="14">咱對伊的子得著救贖，罪得著赦免。</verse>
				<verse number="15">基督是看𣍐著的上帝的形像： 伊是大子，比一切受造的較早有。</verse>
				<verse number="16">因為上帝通過伊來創造萬有， 就是佇天頂及地上， 看會著的及看𣍐著的， 靈界坐王位的及主政者， 統領者及掌權者。 上帝通過伊，也為著伊，創造萬有。</verse>
				<verse number="17">猶未有萬有以前伊就存在， 萬有靠伊連結好勢。</verse>
				<verse number="18">伊是教會，就是伊的身軀的頭。 伊是元始，是大子； 上帝互伊成做頭一個對死人中閣活的， 通佇萬有中成做第一。</verse>
				<verse number="19">因為上帝照家己的旨意， 將家己完整的特性充滿佇伊內面。</verse>
				<verse number="20">通過伊的子，上帝互萬有， 無論佇天頂抑是地上，攏及伊和好； 上帝通過伊的子佇十字架頂 流血死來促成和平。</verse>
				<verse number="21">恁咧，恁有一時及上帝斷絕關係，心思及伊敵對，做歹代誌。</verse>
				<verse number="22">毋拘現在，上帝已經通過家己的子肉體的死，互恁及伊和好，成做聖潔，無缺點，無通嫌的祭物獻佇伊面前。</verse>
				<verse number="23">恁著堅持信仰，堅固徛在，互恁聽著福音的時所得著的向望無動搖。此個福音已經傳互天下所有的被造物；我 — 保羅 就是此個福音的差用。</verse>
				<verse number="24">今我為著恁受苦感覺真歡喜；因為我肉體的受苦是啲完成基督為著伊的身軀，就是教會，受猶未了的苦難。</verse>
				<verse number="25">我作教會的差用；我對上帝領受的任務是為著恁，欲將伊的信息完全傳開。</verse>
				<verse number="26">此個信息是歷代以來對人類所隱密的奧祕，現在已經對伊的信徒顯明。</verse>
				<verse number="27">上帝欲互𪜶知影，伊為著外邦人所準備的奧祕是偌呢豐富閣榮耀。此個奧祕是基督佇恁內面，伊是恁分享上帝榮耀的向望。</verse>
				<verse number="28">所以，阮對所有的人宣揚基督，用逐款的智慧來勸戒閣教示眾人，通互所有佇基督內面成做成熟的人獻互上帝。</verse>
				<verse number="29">為著此個目的，我靠基督佇我內面運作的大能力盡力啲拍拼。</verse>
			</chapter>
			<chapter number="2">
				<verse number="1">為著恁及 老底嘉 人，以及所有猶毋曾見著我的人，我愛恁知我偌仔呢啲拍拼。</verse>
				<verse number="2">我的目的是愛𪜶的心受鼓勵，用疼相結連，通得著豐富的理解力，有充分的確信來曉悟上帝的奧祕，就是基督；</verse>
				<verse number="3">上帝的智慧及智識的一切寶貝攏隱藏佇伊內面。</verse>
				<verse number="4">我按呢講是愛恁免互人用花言巧語給恁導入迷路。</verse>
				<verse number="5">雖然我人無佇恁遐，心卻及恁做夥。我看見恁的生活規規矩矩，對基督的信心有堅定，感覺真歡喜。</verse>
				<verse number="6">既然恁有接受基督耶穌做主，就著及伊結連來生活，</verse>
				<verse number="7">照恁所受的教示，佇伊內面釘根受起造，信心得著堅固，充滿感謝。</verse>
				<verse number="8">著謹慎，毋通互人用空洞虛假的哲學給恁迷去，因為許個學說是根據人的傳說及支配宇宙的靈，毋是根據基督。</verse>
				<verse number="9">因為上帝完整的神聖𫢶佇看會著的基督的形體內面，</verse>
				<verse number="10">互恁及伊結連成做完整。伊是元首，超越一切靈界的統領者及掌權者。</verse>
				<verse number="11">恁嘛已經有接受及基督連結的割禮，毋是用人的手，是通過基督的割禮將恁罪性的肉體褪起來。</verse>
				<verse number="12">對洗禮，恁有及基督做夥埋葬；閣對洗禮，通過信互基督對死人中閣活的上帝的大能，互恁嘛及伊做夥閣活。</verse>
				<verse number="13">恁以前因為犯罪閣肉體無受割禮，已經死；毋拘現在上帝已經互恁及基督做夥閣活。上帝有赦免咱一切的罪過，</verse>
				<verse number="14">撤銷對咱不利閣有法律效力的借據，給伊釘佇十字架頂，互伊失效。</verse>
				<verse number="15">上帝有解除靈界的統領者及掌權者的權勢，互𪜶佇基督凱旋的行列中做戰犯示眾。</verse>
				<verse number="16">所以，毋通佇飲食，守節期，初一，抑是安歇日的問題互人批判。</verse>
				<verse number="17">諸個不過是將來的事的影；基督才是實體。</verse>
				<verse number="18">毋通受許個假謙卑，拜天使的人影響，互恁失去應得的報賞。許個人倚靠幻想，照人的想法，無根無據自誇自大，</verse>
				<verse number="19">及頭 — 基督斷絕關係。對此個頭，全身軀通過筋及節得著營養，互相連接，照上帝的旨意繼續成長。</verse>
				<verse number="20">既然恁及基督做夥死，脫離支配宇宙的靈，哪猶親像屬此世間的人啲生活，遵守「毋通提」，「毋通食」，「毋通摸」此款的禁忌？</verse>
				<verse number="21"></verse>
				<verse number="22">諸個不過是人所造的教規及教示，用了就無路用。</verse>
				<verse number="23">拜天使，假謙卑，及苦楚身軀，看起來若親像有智慧，其實對控制肉體的情慾攏無路用。</verse>
			</chapter>
			<chapter number="3">
				<verse number="1">既然恁已經及基督做夥閣活，就著追求天頂的事，佇遐基督坐佇上帝的正旁。</verse>
				<verse number="2">恁著專心致意頂面的事，毋是地上的事。</verse>
				<verse number="3">因為恁已經死，恁的活命及基督做夥隱藏佇上帝內面。</verse>
				<verse number="4">基督是恁的活命；伊顯現的時，恁嘛會及伊做夥顯現來分享伊的榮耀。</verse>
				<verse number="5">所以，著消滅恁許個屬世的慾望，就是淫亂、污穢、邪情、邪慾，及貪戀 — 貪戀是拜偶像。</verse>
				<verse number="6">因為諸個事，上帝的受氣欲臨到背逆的人。</verse>
				<verse number="7">恁以前趁諸個慾望啲生活的時，言行舉止嘛受𪜶支配。</verse>
				<verse number="8">毋拘現在恁著棄拺受氣、歹性地、怨恨、誹謗，及講垃屑話等。</verse>
				<verse number="9">毋通互相欺騙，因為恁已經有將舊的人及習慣褪起來，</verse>
				<verse number="10">將新的人穿落去；此個新的人，創造主照家己的形像繼續啲給伊更新，互恁通真正識伊。</verse>
				<verse number="11">按呢，無閣分別 希臘 人抑是 猶太 人，受割禮抑是無受割禮，未開化，野蠻，奴隸抑是自由人。毋拘基督是一切，也佇一切的內面。</verse>
				<verse number="12">恁是上帝所揀選的子民，是伊所疼的，所以著用憐憫、慈愛、謙卑、溫柔，及耐心做衫穿落去。</verse>
				<verse number="13">恁中間若有糾紛，著互相寬容，彼此赦免；親像主有赦免恁，恁嘛著按呢相赦免。</verse>
				<verse number="14">諸個以外，著閣加疊疼心，因為疼會互一切連結，完全和合。</verse>
				<verse number="15">著互基督所賜的和平支配恁的心；為著欲互恁有此個和平，恁受揀召成做一體。恁閣著時常感謝。</verse>
				<verse number="16">著互基督的話豐豐富富𫢶佇恁內面。著用逐款的智慧互相教示，彼此勸戒，唱詩篇、聖詩、靈歌，對心底感謝謳咾上帝。</verse>
				<verse number="17">恁無論做什麼，講話抑是做代誌，攏著奉主耶穌的名來做，通過伊來感謝父上帝。</verse>
				<verse number="18">作婦仁人的，著順服丈夫，因為這是信主的人的本分。</verse>
				<verse number="19">作丈夫的，著疼婦仁人，毋通給𪜶歹款待。</verse>
				<verse number="20">作兒女的，逐項代誌著順服父母，因為這是主所歡喜的。</verse>
				<verse number="21">作老父的，毋通激兒女受氣，才𣍐互𪜶灰心失志。</verse>
				<verse number="22">作奴隸的，逐項代誌著順服世上的主人，毋是為著欲互𪜶歡喜才佇𪜶面前按呢做，是因為敬畏主誠心做。</verse>
				<verse number="23">恁無論做什麼，著盡心做，毋是為著人，是為著主做。</verse>
				<verse number="24">著知，主會給恁報賞，互恁對伊得著產業；恁啲服事的是主基督。</verse>
				<verse number="25">作歹的人會受歹的報應，因為上帝𣍐偏待人。</verse>
			</chapter>
			<chapter number="4">
				<verse number="1">作主人的，著公平合理對待恁的奴隸，恁知，恁佇天頂嘛有一位主人。</verse>
				<verse number="2">著繼續迫切祈禱；祈禱的時著警醒，著感謝。</verse>
				<verse number="3">嘛著為著阮祈禱，求上帝互阮有傳信息的機會，通宣揚基督的奧祕；我是為著此個才啲坐監。</verse>
				<verse number="4">著為著我祈禱，互我會當將應該講的奧祕講清楚。</verse>
				<verse number="5">著善用機會，對待未信者著有智慧。</verse>
				<verse number="6">講話不時著溫和，親像用鹽調味，知影著按怎應答逐個人。</verse>
				<verse number="7">關係我一切的代誌，親愛的兄弟 推基古 會給恁講；佇主的工作伊及我做夥作僕人，忠實啲服事。</verse>
				<verse number="8">我差伊去恁遐，是愛報恁知阮遮的情形，互恁的心得著鼓勵。</verse>
				<verse number="9">阿尼西謀 會及伊做夥去；伊是恁遐的人，是忠實閣親愛的兄弟。𪜶會將阮遮一切的代誌報恁知。</verse>
				<verse number="10">及我做夥坐監的 亞里達古 欲給恁請安； 巴拿巴 的表小弟 馬可 嘛欲給恁請安。關係 馬可 ，我已經有給恁交代，伊去的時著給伊接待。</verse>
				<verse number="11">彼個叫做 猶士都 的 耶穌 嘛欲給恁請安。佇 猶太 人信徒中只有此三個人為著上帝國啲及我同工，𪜶有互我真大的安慰。</verse>
				<verse number="12">對恁遐來基督耶穌的僕人 以巴弗 欲給恁請安。伊時常為著恁迫切祈禱，求上帝互恁徛在，作成熟的人，確信上帝攏總的旨意。</verse>
				<verse number="13">我通證明，伊確實為著恁及住佇 老底嘉 以及 希拉坡里 的人辛苦做工。</verse>
				<verse number="14">親愛的醫生 路加 及 底馬 欲給恁請安。</verse>
				<verse number="15">請恁替我給 老底嘉 的兄弟姊妹及 寧法 ，以及佇𪜶兜啲聚會的教會請安。</verse>
				<verse number="16">此張批恁讀了，著設法嘛互 老底嘉 的教會讀；恁嘛著讀 老底嘉 的教會轉互恁的批。</verse>
				<verse number="17">著給 亞基布 講：「你所領受服事主的職務一定著完成。」</verse>
				<verse number="18">我 保羅 親筆給恁請安。 著會記得我啲坐監。 願上帝的恩典及恁同在！</verse>
			</chapter>
		</book>
		<book number="52">
			<chapter number="1">
				<verse number="1">我 保羅 、 西拉 ，及 提摩太 寫批互 帖撒羅尼迦 ，屬父上帝及主耶穌基督的教會。 願恁得著恩典及平安！</verse>
				<verse number="2">阮時常為著恁大家感謝上帝，佇祈禱中不時想著恁。</verse>
				<verse number="3">阮佇咱的父上帝的面前數念恁靠信心所做的工，出佇疼心的勞苦，及對咱的主耶穌基督的向望所表現的堅忍。</verse>
				<verse number="4">兄弟姊妹，阮知，恁是上帝所疼、所揀選的，</verse>
				<verse number="5">因為阮傳福音去到恁遐，毋是只有用言語，嘛靠大能力及聖神，以及對福音有完全的確信。照恁所知，阮佇恁中間的時作人什麼款，攏是為著欲互恁得著利益。</verse>
				<verse number="6">閣恁有學阮嘛有學主，雖然佇真多苦難中，恁猶久用聖神所賜的歡喜來領受信息。</verse>
				<verse number="7">對按呢，恁成做 馬其頓 及 亞該亞 全體信徒的模範。</verse>
				<verse number="8">因為主的信息是對恁傳出，毋若佇 馬其頓 及 亞該亞 ，恁對上帝的信嘛傳到逐所在，所以毋免阮閣講什麼。</verse>
				<verse number="9">𪜶家己有講起，阮佇恁遐的時偌呢受恁歡迎，恁按怎離開偶像歸向上帝，來侍奉活閣真的上帝，</verse>
				<verse number="10">聽候伊的子對天來；伊互耶穌對死人中閣活，來拯救咱脫離欲來的審判。</verse>
			</chapter>
			<chapter number="2">
				<verse number="1">兄弟姊妹，恁家己知阮去恁遐訪問毋是無效果。</verse>
				<verse number="2">恁知阮去恁遐以前佇 腓立比 雖然受著迫害及侮辱，猶久有倚靠咱的上帝好膽面對真多阻礙，傳上帝的福音互恁。</verse>
				<verse number="3">阮的勸勉毋是出佇錯誤抑是無純正的動機，嘛毋是欲騙人。</verse>
				<verse number="4">既然上帝看阮會堪得，將福音交託阮，阮就照按呢講，毋是欲互人歡喜，是欲互監察阮內心的上帝歡喜。</verse>
				<verse number="5">恁知，阮毋曾對恁講扶挺的話，嘛毋曾有貪心的念頭，上帝會當給阮作證。</verse>
				<verse number="6">阮嘛毋曾對人，無論是恁抑是別人，求榮光。</verse>
				<verse number="7">雖然作基督的使徒，阮本來通要求恁尊重阮；毋拘阮佇恁中間的時溫柔對待恁，親像奶母啲育囝仔。</verse>
				<verse number="8">既然阮赫呢疼惜恁，毋若願意及恁分享上帝的福音，連阮家己的性命都甘願互恁，因為恁是阮所疼的。</verse>
				<verse number="9">兄弟姊妹，著會記得阮的辛苦及勞碌；阮傳上帝的福音互恁的時，為著無愛加添恁任何人的負擔，阮暝日啲做工。</verse>
				<verse number="10">恁及上帝會當給阮作證，對恁諸個信徒，阮的作人偌呢純潔、正直、無通嫌。</verse>
				<verse number="11">恁知阮對待恁逐個人，親像老父對待家己的兒女。</verse>
				<verse number="12">阮苦勸恁，鼓勵恁，勸勉恁，愛恁的言行舉止會當符合上帝的旨意；伊有召恁進入伊家己的國度及榮耀。</verse>
				<verse number="13">阮嘛為著此個緣故常常感謝上帝，因為恁對阮聽著上帝的話的時，無給伊看做是人的話，顛倒看做確確實實是上帝的話；此個話佇恁信徒中間啲運作。</verse>
				<verse number="14">兄弟姊妹，恁有抵著佇 猶太 地上帝的教會，就是屬基督耶穌的教會所抵著的代誌。恁受著家己同胞的迫害，抵親像𪜶有受著 猶太 人的迫害。</verse>
				<verse number="15">許個 猶太 人刣死主耶穌及眾先知，嘛迫害阮。𪜶互上帝無歡喜，嘛及眾人做對敵，</verse>
				<verse number="16">甚至阻擋阮傳福音互外邦人，互𪜶通得著救。許個 猶太 人繼續犯罪，直到罪惡貫滿。最後上帝的受氣臨到𪜶身上。</verse>
				<verse number="17">兄弟姊妹，阮受迫暫時及恁分離，不過是身軀相離，心卻無離開。阮偌呢迫切愛閣看著恁的面。</verse>
				<verse number="18">阮真愛去恁遐。我 保羅 一遍閣一遍想欲去訪問恁，毋拘撒旦給阮阻擋。</verse>
				<verse number="19">咱的主耶穌來臨的時，阮的向望、歡喜，及上誇口的是什麼？豈毋是恁？</verse>
				<verse number="20">恁實在是阮的榮光及歡喜。</verse>
			</chapter>
			<chapter number="3">
				<verse number="1">所以，阮等𣍐牢，決定干焦阮留佇 雅典 ，</verse>
				<verse number="2">就差阮的兄弟，嘛是為著上帝傳基督福音的同工 提摩太 ，去恁遐，來鼓勵恁，堅固恁的信心，</verse>
				<verse number="3">互恁中間無人因為所抵著的苦難致到動搖。恁家己知，咱抵著苦難是上帝的安排。</verse>
				<verse number="4">阮猶及恁做夥的時，有先給恁講起阮會受苦難，後來真正有發生，這是恁所知的。</verse>
				<verse number="5">因為按呢，我等𣍐牢才差 提摩太 去恁遐，愛知恁的信心按怎，才免恁受試探者迷惑，致到阮佇恁中間的勞苦落空。</verse>
				<verse number="6">現在 提摩太 已經對恁遐倒來，將關係恁的信心及疼心的好消息報阮知，閣給阮講恁時常啲數念阮，愛及阮見面，親像阮愛及恁見面。</verse>
				<verse number="7">因為按呢，兄弟姊妹，佇一切的患難及困苦中阮有對恁的信心得著安慰。</verse>
				<verse number="8">恁若對主有堅固的信心，阮才會當講現在有真正啲活。</verse>
				<verse number="9">阮佇上帝的面前因為恁來歡喜；對這一切的歡喜，阮著按怎感謝才有夠額？</verse>
				<verse number="10">阮暝日迫切祈求通見恁的面，來補足恁信心的需要。</verse>
				<verse number="11">願咱的天父上帝及咱的主耶穌給阮開路通去恁遐。</verse>
				<verse number="12">願主互恁相疼及疼眾人的心一直加添，親像阮對恁的疼有愈加添。</verse>
				<verse number="13">按呢，伊會互恁的心堅固，佇咱的主耶穌及伊的眾信徒來臨的時，佇咱的父上帝的面前聖潔、無通嫌。阿們！</verse>
			</chapter>
			<chapter number="4">
				<verse number="1">最後，兄弟姊妹，阮猶有話欲給恁講，恁有接受阮的教示，知影著按怎生活才會互上帝歡喜，其實恁有照按呢啲生活。不過阮奉主耶穌的名懇求閣苦勸恁著加倍勞力。</verse>
				<verse number="2">因為恁知阮有奉主耶穌的名給恁指示什麼。</verse>
				<verse number="3">上帝的旨意是愛恁聖潔，無淫亂，</verse>
				<verse number="4">互恁逐個人會曉用聖潔及自尊的心控制家己的身軀 ，</verse>
				<verse number="5">無親像毋識上帝的外邦人啲放縱情慾。</verse>
				<verse number="6">毋通侵害，嘛毋通欺負同信的兄弟姊妹。阮已經有給恁講，嘛有嚴嚴先給恁警告：「做此款代誌的人，主會報應。」</verse>
				<verse number="7">上帝毋是呼召咱過無清氣的生活，是呼召咱過聖潔的生活。</verse>
				<verse number="8">所以，拒絕此個教示的，毋是拒絕人，是拒絕賜恁聖神的上帝。</verse>
				<verse number="9">關係兄弟姊妹相疼的事，無需要阮寫什麼互恁，因為恁家己已經受著上帝的教示愛互相相疼。</verse>
				<verse number="10">其實，恁有照此個教示對待全 馬其頓 的兄弟姊妹。毋拘，兄弟姊妹，阮苦勸恁著加倍勞力。</verse>
				<verse number="11">照阮以前所吩咐，恁著立志過安靜的生活，盡家己的本分親手做工。</verse>
				<verse number="12">按呢恁就會當得著會外的人的尊敬，無需要靠別人幫贊。</verse>
				<verse number="13">兄弟姊妹，關係已經死去的人，阮愛恁知，才免親像許個無向望的人按呢啲悲傷。</verse>
				<verse number="14">既然咱信耶穌有死，有閣活，所以咱嘛信上帝會通過耶穌導許個已經死去的人及伊做夥來。</verse>
				<verse number="15">阮照主的話給恁講此個事，就是咱諸個佇主來臨的時猶活啲的人，𣍐比許個已經死去的人較代先見著主。</verse>
				<verse number="16">命令一下出，天使長的聲一下喝，上帝的喇叭一下響，主本身就會對天頂降臨，許個死以前已經信基督的人會代先閣活，</verse>
				<verse number="17">然後咱諸個猶活啲的人攏會及𪜶做夥受接去雲內，佇空中及主相見。按呢，咱就會一直及主做夥。</verse>
				<verse number="18">所以，恁著用諸個話互相鼓勵。</verse>
			</chapter>
			<chapter number="5">
				<verse number="1">兄弟姊妹，關係此個代誌發生的時及期，無需要寫批給恁講，</verse>
				<verse number="2">因為恁家己知主的日會親像賊仔暗時偷偷仔來。</verse>
				<verse number="3">人啲講「平安無事」的時，災難親像產婦催陣的痛疼忽然臨到𪜶，無法度通逃避。</verse>
				<verse number="4">毋拘，兄弟姊妹，恁毋是佇烏暗中，彼個日𣍐親像賊仔忽然來。</verse>
				<verse number="5">因為恁攏是光明的人，是日時的人；咱毋是屬暝時，毋是屬烏暗。</verse>
				<verse number="6">所以，咱毋通親像其他的人啲睏，著醒醒，著謹慎。</verse>
				<verse number="7">因為睏的人攏是暗時啲睏；酒醉的人是暗時啲醉。</verse>
				<verse number="8">既然咱是屬日時的人，著謹慎，用信心及疼心做護胸甲穿，用得救的向望做頭盔戴。</verse>
				<verse number="9">上帝無安排咱著受刑罰，是欲互咱通過主耶穌基督來得著救。</verse>
				<verse number="10">基督替咱死，是欲互咱無論是死抑是活，攏會當及伊做夥活。</verse>
				<verse number="11">所以，親像恁現在按呢，著繼續互相鼓勵，彼此造就。</verse>
				<verse number="12">兄弟姊妹，請恁著敬重佇恁中間啲著磨，嘛是主揀選來指導及勸勉恁許個人。</verse>
				<verse number="13">閣著因為𪜶所做的工，用上大的敬意及疼心對待𪜶。恁家己著和睦相處。</verse>
				<verse number="14">兄弟姊妹，阮苦勸恁著警戒貧憚的人，勉勵無膽的人，幫贊軟弱的人；對眾人著寬容。</verse>
				<verse number="15">恁著謹慎，毋通用歹報歹，著不時為著彼此以及所有的人做好事。</verse>
				<verse number="16">著不時歡喜；</verse>
				<verse number="17">著繼續祈禱；</verse>
				<verse number="18">無論什麼境遇攏著感謝；因為這是上帝所意愛，愛恁諸個屬基督耶穌的人按呢做。</verse>
				<verse number="19">毋通拍化聖神的火；</verse>
				<verse number="20">毋通藐視先知的話。</verse>
				<verse number="21">事事著察驗；好的著持守，</verse>
				<verse number="22">一切的邪惡著棄拺。</verse>
				<verse number="23">願賜平安的上帝親身給恁完全聖化，互恁的靈、魂，及體佇咱的主耶穌基督來臨的時得著保全，無通嫌！</verse>
				<verse number="24">呼召恁的上帝是信實，伊一定會完成此個事。</verse>
				<verse number="25">兄弟姊妹，請為著阮祈禱。</verse>
				<verse number="26">著真誠給攏總的兄弟姊妹請安。</verse>
				<verse number="27">阮奉主的名吩咐恁著讀此張批互眾兄弟姊妹聽。</verse>
				<verse number="28">願咱的主耶穌基督的恩典及恁同在！</verse>
			</chapter>
		</book>
		<book number="53">
			<chapter number="1">
				<verse number="1">我 保羅 、 西拉 ，及 提摩太 寫批互 帖撒羅尼迦 屬咱的父上帝及主耶穌基督的教會。</verse>
				<verse number="2">願恁對咱的父上帝及主耶穌基督得著恩典及平安！</verse>
				<verse number="3">兄弟姊妹，阮應該不時為著恁感謝上帝；按呢做是當然，因為恁的信心有大進步，恁眾人的相疼嘛一直啲加添。</verse>
				<verse number="4">所以阮佇上帝的眾教會中用恁做誇口，因為恁受一切的迫害及忍受患難的時猶保持堅忍及信心。</verse>
				<verse number="5">這證實上帝判定恁會堪得承受上帝國是公道，恁就是為著此個啲受苦。</verse>
				<verse number="6">既然上帝是公道，伊會用災難報應許個互恁抵著災難的人，</verse>
				<verse number="7">嘛互恁諸個抵著災難的人，佇主耶穌及伊有大能力的天使佇火焰中對天顯現的時，通及阮平平得著安歇。彼時，伊會刑罰許個毋認上帝及毋順趁咱的主耶穌的福音的人。</verse>
				<verse number="8"></verse>
				<verse number="9">𪜶會受永遠毀滅的刑罰，離開主的面前，及伊榮光的氣力隔斷。</verse>
				<verse number="10">伊來臨的時會對伊的信徒得著榮光，閣對所有信伊的人得著尊崇。佇彼日恁嘛會佇𪜶中間，因為恁有信阮對恁所做的見證。</verse>
				<verse number="11">為著此個目的，阮不時啲為著恁祈禱，懇求咱的上帝互恁的生活會符合伊的呼召，嘛賜恁氣力來實現一切善良的心意及信心的作為，</verse>
				<verse number="12">通互咱的主耶穌的名佇恁中間得著榮光，恁嘛對伊得著榮光；這攏是咱的上帝及主耶穌基督的恩典。</verse>
			</chapter>
			<chapter number="2">
				<verse number="1">兄弟姊妹，關係咱的主耶穌基督的來臨及咱受聚集去伊遐的事，阮要求恁，</verse>
				<verse number="2">若有聽人講阮佇預言、講道，抑是佇批裡有講起「主的日到」的時，恁的心毋通動搖抑是驚惶。</verse>
				<verse number="3">人無論用什麼方法，恁攏毋通互𪜶騙去，因為佇彼日到以前一定先有背教的事，嘛有不法的人，就是註定滅亡的人，會出現。</verse>
				<verse number="4">此個敵對者提高家己，超過一切稱做神明抑是敬拜的對象，去坐佇上帝的殿，自稱做上帝。</verse>
				<verse number="5">此個代誌，我猶及恁做夥的時曾給恁講，恁豈𣍐記得？</verse>
				<verse number="6">恁攏知，現在是什麼啲牽制彼個不法者；伊的時若到，伊會出現。</verse>
				<verse number="7">因為彼個神祕的不法勢力已經啲運作，不過著聽候到啲牽制伊的勢力徙開彼時才會發生。</verse>
				<verse number="8">彼時不法者會出現；主耶穌會用對伊的嘴吐出來的氣給伊刣死，用伊來臨的時顯現的榮光給伊消滅。</verse>
				<verse number="9">不法者來臨的時會用撒旦逐款的權能行假神跡及奇事，</verse>
				<verse number="10">閣對滅亡的人行逐款邪惡的騙術，因為𪜶拒絕去愛會互𪜶得救的真理。</verse>
				<verse number="11">為著按呢，上帝互𪜶產生強烈的錯覺去相信虛假，</verse>
				<verse number="12">致到一切毋信真理，意愛不義的人攏受定罪。</verse>
				<verse number="13">主所疼的兄弟姊妹，阮應該不時為著恁感謝上帝，因為伊對起頭就揀選恁來得救，對聖神互恁成做聖潔的子民，閣互恁確信真理。</verse>
				<verse number="14">為著此個，上帝通過阮所傳的福音呼召恁來領受咱的主耶穌基督的榮光。</verse>
				<verse number="15">所以，兄弟姊妹，著徛在，著堅守阮所教示的傳統，無論是用嘴講的抑是用批寫的，攏著堅守。</verse>
				<verse number="16">願咱的主耶穌基督本身及疼咱的父上帝對伊的恩典，賜咱永遠的安慰及美好的向望，</verse>
				<verse number="17">來安慰恁的心，互恁有氣力通做逐項好事，講逐項好話。</verse>
			</chapter>
			<chapter number="3">
				<verse number="1">兄弟姊妹，阮猶有話欲給恁講。請恁為著阮祈禱，互主的信息會親像佇恁中間按呢真緊傳開閣得著榮光。</verse>
				<verse number="2">嘛請恁祈求上帝互阮會當脫離作惡作毒的人，因為毋是逐個人攏有信。</verse>
				<verse number="3">主是可靠的；伊會互恁堅固，會保守恁脫離彼個邪惡者。</verse>
				<verse number="4">主互阮對恁有信心，相信阮交代恁的代誌，恁現在有啲做，後來嘛會做。</verse>
				<verse number="5">願主引導恁，互恁學習上帝的疼及基督的吞忍！</verse>
				<verse number="6">兄弟姊妹，阮奉主耶穌基督的名命令恁，若有信徒生活散漫貧憚，無遵守阮傳授互𪜶的教示，恁著閃開。</verse>
				<verse number="7">恁家己嘛知恁應該著按怎學阮，因為阮佇恁中間的時無散漫貧憚。</verse>
				<verse number="8">阮毋曾白食別人的飯；反轉暝日拖磨勞苦，才免成做恁的負擔。</verse>
				<verse number="9">阮按呢做，毋是講阮無權通要求供應，是愛用阮家己做恁的模樣，互恁通學阮的款式。</verse>
				<verse number="10">阮佇恁遐的時曾命令恁講：「毋肯作工的人毋通食。」</verse>
				<verse number="11">阮按呢講，是因為阮有聽見恁中間有人貧憚毋做工，只有愛插人的閒仔事。</verse>
				<verse number="12">此款人，阮奉主耶穌基督的名給𪜶警告，命令𪜶著安份做工，家己討賺。</verse>
				<verse number="13">毋拘，兄弟姊妹，做好事毋通想倦。</verse>
				<verse number="14">若有人毋肯服從阮佇此張批所吩咐的話，著給伊記啲，毋通及伊來往，互伊感覺見笑；</verse>
				<verse number="15">不過毋通給伊看做對敵，著看伊做兄弟抑是姊妹給伊勸勉。</verse>
				<verse number="16">願賜平安的主不時用逐款方法親身賜恁平安！願主及恁大家同在！</verse>
				<verse number="17">我 保羅 親筆給恁請安。我佇逐張批攏有按呢簽名。我攏按呢寫。</verse>
				<verse number="18">願咱的主耶穌基督的恩典及恁大家同在！</verse>
			</chapter>
		</book>
		<book number="54">
			<chapter number="1">
				<verse number="1">我是 保羅 ，照咱的救主上帝及做咱向望的基督耶穌的命令，我作基督耶穌的使徒，</verse>
				<verse number="2">寫批互 提摩太 ，信仰上我真的子。願父上帝及咱的主基督耶穌賜你恩典、憐憫，及平安！</verse>
				<verse number="3">我欲去 馬其頓 的時，有勸你著留佇 以弗所 ，通命令一寡人毋通傳別款教義，</verse>
				<verse number="4">嘛毋通浪費精神佇無影跡的傳說及躼躼長的族譜，因為諸個只有會引起辯論，𣍐幫贊人用信了解上帝的計劃。</verse>
				<verse number="5">此個命令的目的是欲得著仁愛；此個仁愛是對清氣的心、清白的良心，及純真的信產生的。</verse>
				<verse number="6">有人對諸個偏離，失迷佇空虛的談論。</verse>
				<verse number="7">𪜶連家己所講所主張的都無理解，閣想欲作律法教師。</verse>
				<verse number="8">咱知，人若正確使用律法，律法是好。</verse>
				<verse number="9">咱嘛知，律法的制定毋是為著正直的人，是為著不法及無順服，無敬虔及犯罪，無聖潔及貪戀世俗，刣死父母及刣死人，</verse>
				<verse number="10">淫亂，好男色，拐誘人，講白賊，作偽證，抑是違反健全的教義此類的人。</verse>
				<verse number="11">此個健全的教義符合應該得著稱讚的上帝所交託我彼個榮光的福音。</verse>
				<verse number="12">我感謝互我氣力的咱的主基督耶穌，因為伊看我做通信任，指派我做差用。</verse>
				<verse number="13">雖然以前我謗瀆，迫害，閣給伊侮辱，猶久得著憐憫，是因為我猶未信毋識的時才按呢做。</verse>
				<verse number="14">咱的主賜我豐盛到滿出來的恩典，互我得著及基督耶穌結連才有的信及疼。</verse>
				<verse number="15">「基督耶穌臨到世間是欲拯救罪人」此句話通相信，值得完全接受。罪人中我是第一歹的。</verse>
				<verse number="16">毋拘我得著憐憫是因為耶穌基督欲用我此個第一歹的人來顯明伊無限的耐心，通做後來信耶穌來得著永活的人的模樣。</verse>
				<verse number="17">願尊貴、榮光歸佇萬世的君王，永遠存在、看𣍐著、獨一無二的上帝，直到永永遠遠。阿們！</verse>
				<verse number="18">我的子 提摩太 啊，照以前關係你所講的預言，我將此個命令交託你，互你通用諸個預言去爭戰應該贏的戰爭。</verse>
				<verse number="19">你著持守信心及清白的良心。有一寡人放拺良心，致到信心親像船擱淺，</verse>
				<verse number="20">其中有 舒米乃 及 亞歷山大 ；我已經將𪜶交互撒旦，互𪜶受教示無閣謗瀆上帝。</verse>
			</chapter>
			<chapter number="2">
				<verse number="1">所以，第一，我勸勉你著為著所有的人、君王，及攏總的官員懇求，祈禱，代禱，感恩，互咱通過平靜安然的生活，凡事敬虔，端正。</verse>
				<verse number="2"></verse>
				<verse number="3">按呢做是應該，是咱的救主上帝歡喜接納的。</verse>
				<verse number="4">伊愛眾人得救，達到認識真理。</verse>
				<verse number="5">因為上帝是一位，上帝及人中間的中間人嘛是一位，就是作人的基督耶穌。</verse>
				<verse number="6">伊獻本身來贖回眾人，此項事佇抵好的時機有得著證實。</verse>
				<verse number="7">為著按呢，我受任命做傳道者、使徒，及外邦人的教師，互𪜶相信上帝閣認識真理。我啲講的是真的，毋是假的。</verse>
				<verse number="8">我愛查甫人無受氣，無爭論，佇逐所在攑起聖潔的手祈禱。</verse>
				<verse number="9">我嘛愛婦仁人穿插端莊樸素整齊，毋通用奇形怪狀的頭毛型、金器、珠寶，抑是真貴的衫妝飾家己；</verse>
				<verse number="10">著用好行為做妝飾，表示家己是敬畏上帝的婦仁人。</verse>
				<verse number="11">婦仁人著恬恬仔學，用順從的心事事順服。</verse>
				<verse number="12">我毋准婦仁人教示抑是管轄查甫人 ；伊著安靜。</verse>
				<verse number="13">因為 亞當 代先受造，後來才 夏娃 。</verse>
				<verse number="14">閣 亞當 無受誘惑，毋拘婦仁人受誘惑陷落罪。</verse>
				<verse number="15">不過婦仁人若安份守己，持守信仰、仁愛，及聖潔，就會因為生子得著救。</verse>
			</chapter>
			<chapter number="3">
				<verse number="1">此句話通相信 ： 若有人愛作監督，伊是欣慕美好的工作。</verse>
				<verse number="2">所以，監督著無通嫌，只有一個某，安份守己，自制，端正，𠢕款待出外人，𠢕教示；</verse>
				<verse number="3">無酒醉，無兇暴，反轉愛溫和，無相爭，無貪財，</verse>
				<verse number="4">𠢕管理家己的家庭，子兒有順服，事事端莊。</verse>
				<verse number="5">人若𣍐曉管理家己的家庭，哪會曉眷顧上帝的教會？</verse>
				<verse number="6">初信者毋通互伊擔任監督，才𣍐自高自大，陷落及魔鬼所受仝款的審判。</verse>
				<verse number="7">伊佇教會外嘛著有好見證，才免受誹謗，陷落魔鬼的羅網。</verse>
				<verse number="8">執事像款嘛著端莊，無雙面話，無好酒，無貪財利，</verse>
				<verse number="9">著用清氣的良心顧守信仰的奧祕。</verse>
				<verse number="10">此款人嘛著先互𪜶接受考驗，若無通嫌才互𪜶擔任執事。</verse>
				<verse number="11">女執事 嘛是著端莊，無中傷別人，安份守己，事事忠實。</verse>
				<verse number="12">執事應該只有一個某，𠢕管理子兒及家己的家庭。</verse>
				<verse number="13">執事的工作若做會好，本身會得著好名聲，嘛通真好膽講論𪜶對基督耶穌的信仰。</verse>
				<verse number="14">我向望真緊就會去你遐，毋拘驚了較慢到，我先寫此張批互你知咱佇上帝的家著按怎生活；此個家就是真活上帝的教會，也就是真理的柱石及地基。</verse>
				<verse number="15"></verse>
				<verse number="16">大家攏宣認咱信仰的奧祕是偌呢大： 基督顯現做人， 聖神認定做義， 對天使出現， 佇萬邦中受宣揚， 世間人相信， 受接納入榮耀。</verse>
			</chapter>
			<chapter number="4">
				<verse number="1">聖神明明講，佇後來的時期有一寡人會背信，去趁迷惑人的邪靈及鬼神的教示。</verse>
				<verse number="2">此款的教示是對欺騙者的白賊來的；𪜶的良心已經互魔鬼用炰紅紅的鐵印焐記號。</verse>
				<verse number="3">𪜶禁止嫁娶，禁戒一寡食物，就是上帝創造欲互信閣明白真理的人用感謝來領受的。</verse>
				<verse number="4">因為上帝一切的創造攏是好，若用感謝來領受，就無半項通拒絕；</verse>
				<verse number="5">通過上帝的話及人的祈禱就成做聖。</verse>
				<verse number="6">你若將下面的事教示兄弟姊妹，就會對所信的信息及所順趁健全的教示得著培養，成做基督耶穌的好差用。</verse>
				<verse number="7">著拒絕粗俗及空洞無影跡的傳說。為著敬虔的生活，著繼續操練家己。</verse>
				<verse number="8">操練身軀有淡薄利益，毋拘敬虔對逐項攏有利益，因為有現今及將來活命的應允。</verse>
				<verse number="9">此句話通相信，值得完全接受。</verse>
				<verse number="10">為著此個，咱出力著磨，因為咱的向望在佇真活的上帝；伊是眾人，特別是信的人的救主。</verse>
				<verse number="11">你著將諸個代誌給𪜶勸勉及教示。</verse>
				<verse number="12">毋通因為你的少年互人看輕；著佇講話、行做、疼心、信心、純潔，做信徒的模範。</verse>
				<verse number="13">著致意宣讀聖經，勸勉，及教示，直到我來。</verse>
				<verse number="14">毋通忽略你所領受屬靈的恩賜，就是通過先知的信息及長老團的按手賜互你的。</verse>
				<verse number="15">諸個代誌，你著專心致意去做，互眾人通看著你的進步。</verse>
				<verse number="16">你家己著謹慎，你的教示嘛著謹慎；諸個代誌著堅持去做，按呢做會救你本身及聽趁你的人。</verse>
			</chapter>
			<chapter number="5">
				<verse number="1">毋通責備老人，著親像勸老父按呢給伊勸；著親像勸兄弟按呢勸少年人；</verse>
				<verse number="2">著親像款待老母按呢款待老婦仁人；著親像款待姊妹按呢用完全純潔的心款待少年的婦仁人。</verse>
				<verse number="3">著尊重真正無依倚的寡婦。</verse>
				<verse number="4">寡婦有子兒孫，諸個子兒孫著代先佇家己的家庭學習孝順的本分，來報答𪜶的序大人，因為這是上帝所歡喜的。</verse>
				<verse number="5">真正無依無倚的寡婦，只有仰望上帝，暝日繼續懇求祈禱。</verse>
				<verse number="6">毋拘奢華的寡婦，雖然啲活，其實是死。</verse>
				<verse number="7">你著將諸個給𪜶教示，𪜶才𣍐受責備。</verse>
				<verse number="8">若有人無照顧親戚，特別是無照顧家己厝內的人，伊已經背叛信仰，比無信的人閣較害。</verse>
				<verse number="9">寡婦著超過六十歲才通登記；伊著只有結婚一遍，</verse>
				<verse number="10">著有做好事的證據，親像養育兒女，接待出外人，給信徒洗腳，幫贊抵著患難的人，專心做逐項好事。</verse>
				<verse number="11">毋拘少年的寡婦毋通給𪜶登記；因為𪜶情慾一下衝動離開基督，就想欲嫁，</verse>
				<verse number="12">違背當初所下的願，致到家己取罪。</verse>
				<verse number="13">閣𪜶學貧憚，一家過一家踅透透；毋若貧憚，嘛愛講人的是非，愛插閒仔事，講毋應該講的話。</verse>
				<verse number="14">所以我愛少年的寡婦閣嫁，生子，料理家己的家庭，才𣍐互對敵有機會講咱的歹話；</verse>
				<verse number="15">因為有一寡寡婦已經離開，去隨撒旦。</verse>
				<verse number="16">信主的婦仁人厝內若有寡婦，著家己給𪜶照顧，毋通將此個擔拺互教會，教會才會當照顧許個真正無依倚的寡婦。</verse>
				<verse number="17">許個𠢕治理教會的長老應該得著加倍的報酬，特別盡力佇講道及教示的閣較著按呢，</verse>
				<verse number="18">因為聖經講：「牛啲碖五穀的時，毋通給伊掛牛嘴籠」；閣講：「工人應該得著工錢。」</verse>
				<verse number="19">控告長老的案件，若毋是有兩個抑是三個證人，毋通受理。</verse>
				<verse number="20">繼續犯罪的人著佇眾人的面前給𪜶譴責，互其他的人得著警戒。</verse>
				<verse number="21">我佇上帝、基督耶穌，及受選的天使的面前命令你，著遵守諸個指示，毋通有成見，無論做什麼都毋通偏心。</verse>
				<verse number="22">毋通隨便給人行按手禮。毋通參與別人的罪；著保守家己純潔。</verse>
				<verse number="23">因為你的胃無好，常常破病，毋通干焦飲水，嘛著飲淡薄酒。</verse>
				<verse number="24">有一寡人的罪真明顯，猶未審判就真清楚；有的人的罪後來才顯露。</verse>
				<verse number="25">親像按呢，好行為嘛真明顯，無明顯的，嘛蓋𣍐牢。</verse>
			</chapter>
			<chapter number="6">
				<verse number="1">佇人的管轄下做奴隸的，著看家己的主人做堪得受充分的尊敬，上帝的名及道理才𣍐受褻瀆。</verse>
				<verse number="2">主人若是信主的，毋通因為𪜶是主內的兄弟就無給𪜶尊敬；既然對奴隸的服事來得著利益的主人是信徒，嘛是所敬愛的人，恁閣較著殷勤給𪜶服事。 你著用諸個事來教示及勸勉：</verse>
				<verse number="3">若有人教別款教義無符合咱的主耶穌基督健全的道理，無根據虔誠的教義，</verse>
				<verse number="4">就是膨風自大，完全無知，好辯論，愛佇字面上爭論；對諸個引起怨妒、紛爭、誹謗、猜疑，</verse>
				<verse number="5">致到心思敗壞，喪失真理，紛爭無停；𪜶想講宗教是賺錢的手段。</verse>
				<verse number="6">敬虔閣知足會互人得著大利益。</verse>
				<verse number="7">生不帶來， 死不帶去；</verse>
				<verse number="8">有通食，有通穿， 就著知足。</verse>
				<verse number="9">想欲發財的人會陷落誘惑、陷阱，及真多款愚戇有害的慾望，互人沉淪致到敗壞及毀滅。</verse>
				<verse number="10">因為貪財是萬惡的根源；有人貪愛錢財，受迷偏離信仰，家己受盡苦痛。</verse>
				<verse number="11">毋拘你此個屬上帝的人，著閃避諸個事。著追求正義、敬虔、信心、仁愛、耐心，及溫柔。</verse>
				<verse number="12">信仰的美好競賽著盡力去拼；著確保永遠的活命；為著此個活命你有受揀召，佇真多見證人的面前宣認美好的信仰。</verse>
				<verse number="13">佇賜活命互萬物的上帝，及對 龐修‧彼拉多 宣認美好信仰的基督耶穌面前，</verse>
				<verse number="14">我吩咐你著遵守所領受的命令，無缺點，無通嫌，直到咱的主耶穌基督顯現的時。</verse>
				<verse number="15">佇時機成熟的時，彼位應該受稱讚獨一無二的主宰，萬王的王，萬主的主上帝，欲互伊顯現。</verse>
				<verse number="16">上帝是獨一𣍐死，𫢶佇人𣍐通接近的光明中；無人曾看見伊，嘛無人會當看見伊。願尊貴及永遠的主權歸佇伊。阿們！</verse>
				<verse number="17">對許個今世好額的人，你著吩咐𪜶毋通驕傲，毋通將𪜶的向望囥佇𣍐倚靠得的財物，著倚靠將萬物豐豐富富互咱逐個人享受的上帝。</verse>
				<verse number="18">著吩咐𪜶做好事，做較多好事，慷慨施捨，及人分享。</verse>
				<verse number="19">按呢做是啲為家己的將來起造堅固的地基，確保真正的活命。</verse>
				<verse number="20">提摩太 啊，著持守上帝交託你的職責。著閃避無敬虔的空談及假智識的爭論。</verse>
				<verse number="21">有人自稱有此款智識，致到信仰失落目標。 願上帝的恩典及恁同在！</verse>
			</chapter>
		</book>
		<book number="55">
			<chapter number="1">
				<verse number="1">我是 保羅 ，奉上帝的旨意作基督耶穌的使徒，來傳上帝所應允因為及基督耶穌結連才有的活命。</verse>
				<verse number="2">我寫批互我所疼的子 提摩太 。願父上帝及咱的主基督耶穌賜你恩典、憐憫，及平安！</verse>
				<verse number="3">我感謝我及列祖仝款用清氣的良心敬拜的上帝。我暝日祈禱的時數念你無煞。</verse>
				<verse number="4">我想著離別的時你啲流目屎，就真愛見你，通互我充滿歡喜。</verse>
				<verse number="5">我會記得你有純真的信心；此個信心你的外嬤 羅綺 及你的老母 友妮基 先有，我相信現在你嘛有。</verse>
				<verse number="6">因為按呢，我提醒你，我給你按手的時上帝互你的恩賜，著互伊親像火閣𤏸起來。</verse>
				<verse number="7">因為上帝互咱的毋是驚惶的心靈，是氣力、仁愛，及自制的心靈。</verse>
				<verse number="8">所以，為著咱的主做見證毋通感覺見笑，嘛毋通因為我為著主做囚犯來感覺見笑；著照上帝所賜的氣力為著福音及我做夥受苦。</verse>
				<verse number="9">上帝救咱，揀召咱做伊家己的子民，毋是根據咱的行為，是照伊家己的旨意及恩典。此個恩典佇萬世以前通過基督耶穌賜互咱；</verse>
				<verse number="10">此個恩典現在通過咱的救主基督耶穌的顯現已經實現。基督已經毀滅死亡，閣通過福音將𣍐敗壞的活命顯明出來。</verse>
				<verse number="11">為著此個福音，上帝任命我做傳道者、使徒，及教師。</verse>
				<verse number="12">所以我才啲受苦。總是我無感覺見笑，因為我識我所信的上帝，嘛深信伊會保守伊所交託我的直到彼個日 。</verse>
				<verse number="13">著用你對我聽著許個健全的道理做模樣，堅持咱及基督耶穌結連來得著的信心及仁愛。</verse>
				<verse number="14">著顧守通過𫢶佇咱內面的聖神交託互你的美好的信息。</verse>
				<verse number="15">你知，佇 亞細亞 的人攏背叛我，其中有 腓吉路 及 黑摩其尼 。</verse>
				<verse number="16">願主憐憫 阿尼色弗 一家的人，因為伊常常給我鼓勵，無因為我掛鐵鍊感覺見笑，</verse>
				<verse number="17">顛倒到 羅馬 的時拍拼尋我尋到著。</verse>
				<verse number="18">願主互伊佇彼個日得著憐憫！伊佇 以弗所 赫呢𠢕服事我，你真清楚。</verse>
			</chapter>
			<chapter number="2">
				<verse number="1">所以，我的子啊，你著靠基督耶穌的恩典堅強起來。</verse>
				<verse number="2">你佇真多見證人面前對我聽著諸個教示，著交託互許個忠實，嘛會堪得教示別人的人。</verse>
				<verse number="3">你著作基督耶穌的精兵及我做夥受苦。</verse>
				<verse number="4">服役的兵若欲互官長歡喜，就毋通互生活的代誌纏腳絆手。</verse>
				<verse number="5">運動員若無照規則比賽就𣍐當得著冠軍的花冠。</verse>
				<verse number="6">骨力種作的農夫當然先收成。</verse>
				<verse number="7">我所講的話你著好好仔想，因為主會互你了解逐項代誌。</verse>
				<verse number="8">著會記得耶穌基督，伊是 大闢 的後代，上帝互伊對死人中閣活；這是我所傳的福音。</verse>
				<verse number="9">我為著此個福音受苦，甚至親像犯人互人鍊啲；毋拘上帝的話無受捆縛。</verse>
				<verse number="10">所以，我為著上帝所揀選的人忍受一切，互𪜶嘛會得著基督耶穌的拯救及永遠的榮光。</verse>
				<verse number="11">此句話通相信： 咱若及伊同死， 嘛會及伊同活。</verse>
				<verse number="12">咱若吞忍， 嘛會及伊做夥掌權。 咱若毋認伊， 伊嘛會毋認咱。</verse>
				<verse number="13">咱若失信， 伊猶原信實， 因為伊𣍐當違背家己。</verse>
				<verse number="14">你著提醒大家，佇主的面前命令𪜶毋通為著言辭爭辯；按呢做無利益，會互聽的人受傷害。</verse>
				<verse number="15">著盡力做，通互上帝看做可取無見笑的工人，正確解說真理的道。</verse>
				<verse number="16">著閃避粗俗無路用的話，因為此款代誌會互人愈無敬虔，</verse>
				<verse number="17">此款的話會親像毒瘡湠開。 舒米乃 及 腓理徒 嘛是此款人；</verse>
				<verse number="18">𪜶已經離開真理，講閣活的事已經過去，致到一寡人的信仰完全倒壞。</verse>
				<verse number="19">上帝的地基堅固𣍐搖動，頂面有刻字講：「主識屬伊的人」，閣講：「求叫主的名的人攏著離開不義。」</verse>
				<verse number="20">佇大間厝內，毋若有金及銀，嘛有柴及瓷的器具；有的做幼的，有的做粗的路用。</verse>
				<verse number="21">人若潔淨家己，離開諸個粗俗的事，就會成做貴氣的器具，聖化互主人用，通準備好勢做逐項好事。</verse>
				<verse number="22">著閃避少年人的情慾；著及許個用清氣的心求叫主的人做夥追求公義、信仰、仁愛，及和平。</verse>
				<verse number="23">毋通有愚戇無知的辯論；你知諸個代誌會引起冤家。</verse>
				<verse number="24">主的僕人無應該冤家，著溫和對待眾人，𠢕教示，𠢕忍受，</verse>
				<verse number="25">溫柔勸戒反對者，豈採上帝會互𪜶悔改，識真理。</verse>
				<verse number="26">按呢𪜶雖然已經互魔鬼掠去順趁伊的意思，嘛猶會醒悟來脫離伊的羅網。</verse>
			</chapter>
			<chapter number="3">
				<verse number="1">著知，世界的末期到的時會有種種的苦難。</verse>
				<verse number="2">彼時，人會自私，貪財，誇口，驕傲，誹謗，忤逆父母，忘恩背義，無聖潔，</verse>
				<verse number="3">無親情，殘忍，中傷，橫逆，兇暴，怨恨好，</verse>
				<verse number="4">奸鬼，濫糝做，自高自大，愛享樂贏過疼上帝，</verse>
				<verse number="5">有敬虔的外貌卻無敬虔的實質。你著閃避此款人。</verse>
				<verse number="6">𪜶中間有人侵入人的厝，控制意志薄弱的婦女。諸個婦女受罪惡壓制，互逐款的情慾支配；</verse>
				<verse number="7">𪜶不時都啲學，卻無法度明白真理。</verse>
				<verse number="8">親像早前 雅尼 及 洋布雷 反對 摩西 ，現在諸個人嘛按呢反對真理，致到心志敗壞，信仰無純真。</verse>
				<verse number="9">毋拘諸個人，親像彼兩個人，𣍐有什麼影響，因為𪜶的愚戇會佇眾人的面前暴露。</verse>
				<verse number="10">你有學我所教示的、我的作人、生活的目標、信心、寬容、疼心、堅忍，</verse>
				<verse number="11">以及所受的迫害及苦難，諸個你攏知，就是我佇 安提阿 、 以哥念 、 路司得 所抵著的迫害，我按怎啲忍受；毋拘主有救我脫離諸個。</verse>
				<verse number="12">所有愛欲及基督耶穌結連過敬虔生活的人，一定會抵著迫害。</verse>
				<verse number="13">不過歹人及欺騙人的會愈來愈歹，𪜶給人騙，家己嘛互人騙。</verse>
				<verse number="14">總是你著持守所學習所深信的道理，因為你知諸個是對什麼人學習的。</verse>
				<verse number="15">你嘛知你對細漢就明白聖經，此個聖經會當互你有智慧通通過信基督耶穌得著拯救。</verse>
				<verse number="16">全部聖經是上帝的神感動寫的，對教導，對督責，對糾正，對訓練人行正路，攏有利益 ，</verse>
				<verse number="17">互服事上帝的人裝備好勢，通做逐項好事。</verse>
			</chapter>
			<chapter number="4">
				<verse number="1">佇上帝及啲欲審判所有活人及死人的基督耶穌面前，閣因為基督欲顯現來作王，我慎重吩咐你：</verse>
				<verse number="2">著傳道理，無論時機適合無適合攏著堅持去傳；著用最大的耐心及教導來勸勉，督責，鼓勵。</verse>
				<verse number="3">因為時機啲欲到，彼時人聽𣍐落健全的教示，掩耳孔毋聽真理，反轉趁家己的私慾，耳孔癢，聘請一個閣一個教師來講合意聽、無影跡的傳說。</verse>
				<verse number="4"></verse>
				<verse number="5">總是你凡事著謹慎，忍受苦難，做傳道者的工作，盡你做上帝差用的本分。</verse>
				<verse number="6">今我犧牲家己獻互上帝的時到啦；此陣就是我離開世間的時。</verse>
				<verse number="7">美好的競賽我已經拼了；著走的路程我已經走完；著守的信仰我已經堅守。</verse>
				<verse number="8">義的花冠現在已經為我準備好勢，主 — 公義的審判者佇彼個日欲互我；毋若互我，嘛欲互攏總欣慕伊顯現的人。</verse>
				<verse number="9">著盡所會趕緊來我遮；</verse>
				<verse number="10">因為 底馬 貪愛現世，已經離開我去 帖撒羅尼迦 ； 革勒士 嘛已經去 加拉太 ， 提多 去 撻馬太 。</verse>
				<verse number="11">只有 路加 及我做夥佇遮。你著導 馬可 做夥來，因為伊對我的侍奉真有幫贊。</verse>
				<verse number="12">我已經派 推基古 去 以弗所 。</verse>
				<verse number="13">我佇 特羅亞 留佇 加布 𪜶兜彼領外衫，你來的時著帶來，嘛著帶許個冊來，特別是許個羊皮的冊卷。</verse>
				<verse number="14">拍銅師傅 亞歷山大 給我害甲真慘；主會照伊的所做給伊報應。</verse>
				<verse number="15">你家己嘛著持防，因為伊極力反對咱所傳的信息。</verse>
				<verse number="16">我頭一遍申訴的時無人佇身邊幫贊我，逐個攏給我放拺。願此個罪無歸佇𪜶。</verse>
				<verse number="17">毋拘主有徛佇我身邊，互我有氣力通完整傳揚信息，互所有的外邦人攏聽見。最後我有對獅的嘴受救出。</verse>
				<verse number="18">主會救我脫離攏總的歹代，嘛會救我進入伊天裡的國度。願榮光歸伊，直到永永遠遠。阿們！</verse>
				<verse number="19">請給 百基拉 、 亞居拉 ，及 阿尼色弗 全家請安。</verse>
				<verse number="20">以拉都 繼續𫢶佇 哥林多 ； 特羅非摩 破病，我給伊留佇 米利都 。</verse>
				<verse number="21">著盡所會佇冬天以前來。 友布羅 、 布田 、 利努 、 革老底亞 ，及眾兄弟姊妹攏欲給你請安。</verse>
				<verse number="22">願主及你的心靈同在！願上帝的恩典及恁同在！</verse>
			</chapter>
		</book>
		<book number="56">
			<chapter number="1">
				<verse number="1">我是 保羅 ，作上帝的僕人及耶穌基督的使徒，受選派幫贊上帝選民的信仰，互𪜶認識合佇敬虔的真理；</verse>
				<verse number="2">此個真理互咱對永遠的活命有向望，就是𣍐講白賊的上帝佇萬世以前應允欲互咱的。</verse>
				<verse number="3">伊佇時機成熟的時，通過信息的宣講將此個應允顯明出來。我有受託，奉咱的救主上帝的命令宣講此個福音。</verse>
				<verse number="4">提多 ，我寫批互你，佇咱共同的信仰你是我真的子。願父上帝及咱的救主基督耶穌賜你恩典及平安！</verse>
				<verse number="5">我給你留佇 克里特 ，是欲互你處理猶未辦清楚的代誌，閣照我所指示，佇逐個城市選派人做長老。</verse>
				<verse number="6">作長老的著無通指責，只有一個某，子兒攏是信徒，閣無人控告是放蕩抑是毋順服。</verse>
				<verse number="7">教會的監督，既然作上帝的管家，一定著無通指責，無自高，無歹性地，無酒醉，無兇暴，無貪財。</verse>
				<verse number="8">著𠢕款待出外人，𠢕做好事，守己，正直，聖潔，節制。</verse>
				<verse number="9">伊著堅守彼個可靠符合教義的信息，按呢才會當用健全的教示勸勉人，辯倒反對的人。</verse>
				<verse number="10">因為有真多毋順服的人，特別是許個主張著受割禮的人，𪜶愛講無路用的話，閣欺騙人。</verse>
				<verse number="11">此款人一定著禁止𪜶講話，因為𪜶為著欲貪不義的錢財，用無應該教示的話破壞一寡家庭。</verse>
				<verse number="12">𪜶 克里特 人有一個先知曾按呢講：「 克里特 人愛講白賊，是兇惡的野獸，貪食閣貧憚。」</verse>
				<verse number="13">伊講的是事實。所以你著嚴格給𪜶責備，通互𪜶有健全的信仰，</verse>
				<verse number="14">無聽趁 猶太 人無影跡的傳說及背逆真理的人的規例。</verse>
				<verse number="15">對清氣的人來講，一切攏清氣；毋拘對污穢及毋信的人來講，無一項是清氣，因為𪜶的心思及良知攏是污穢。</verse>
				<verse number="16">𪜶公開講識上帝，卻用行為否認伊。𪜶可惡，背逆，𣍐當做什麼好事。</verse>
			</chapter>
			<chapter number="2">
				<verse number="1">總是你，你的教導著符合健全的教義。</verse>
				<verse number="2">著勸老人愛節制，有好品格，守己，著有健全的信心、疼心，及耐心。</verse>
				<verse number="3">你嘛著按呢勸老婦仁人行為謹慎，毋通講人的是非，毋通作酒的奴才，著用好模範教示人，</verse>
				<verse number="4">才通訓練少年婦仁人疼丈夫，及疼子兒，</verse>
				<verse number="5">閣著守己，貞潔，𠢕理家，親切，順服丈夫，上帝的道理才𣍐受誹謗。</verse>
				<verse number="6">親像按呢，你嘛著苦勸少年查甫人守己。</verse>
				<verse number="7">你家己凡事著有好行為作好模範，誠懇穩重教示人，</verse>
				<verse number="8">言辭端正，無通指責，互反對的人無通講咱的歹話，家己煞感覺見笑。</verse>
				<verse number="9">作奴隸的著順服家己的主人，事事互𪜶歡喜；毋通應嘴應舌；</verse>
				<verse number="10">毋通偷提，著事事忠實良善，互咱的救主上帝的教示佇逐方面閣較有光彩。</verse>
				<verse number="11">因為上帝已經顯明伊的恩典欲拯救全人類，</verse>
				<verse number="12">訓練咱棄拺無敬虔的生活及屬世的慾望，佇現今的時代過守己、正直，及敬虔的生活，</verse>
				<verse number="13">聽候彼個充滿福氣的向望，就是至尊的上帝以及咱的救主耶穌基督榮耀的顯現。</verse>
				<verse number="14">基督為著咱獻家己，是欲救贖咱脫離一切的罪惡，互咱成做伊純潔的子民歸屬伊，熱心做好事。</verse>
				<verse number="15">諸個事，你著講，著勸勉，充分運用職權責備人。毋通互人看輕。</verse>
			</chapter>
			<chapter number="3">
				<verse number="1">著提醒大家服從執政者及當權者，通準備好勢做逐項好事。</verse>
				<verse number="2">著勸𪜶毋通誹謗別人，毋通冤家；著和氣友善，用溫和的態度對待所有的人。</verse>
				<verse number="3">因為咱家己以前嘛是無智識，背逆，行迷路，作種種情慾及享樂的奴隸，佇惡毒及怨妒中啲度日，互相怨恨，彼此厭惡。</verse>
				<verse number="4">毋拘咱的救主上帝 慈悲仁愛顯明的時，</verse>
				<verse number="5">伊有拯救咱； 毋是因為咱家己有好行為， 是因為伊有憐憫， 通過互人重新出世的洗禮 及聖神的更新拯救咱；</verse>
				<verse number="6">通過咱的救主耶穌基督 上帝有將聖神豐豐富富給咱灌沃，</verse>
				<verse number="7">互咱通靠伊的恩典稱做義， 承受所向望永遠的活命。</verse>
				<verse number="8">此句話通相信。 我愛你特別強調諸個事，通互信上帝的人全心做好事 ；諸個事攏真好，閣對人有利益。</verse>
				<verse number="9">著閃避愚戇的爭論、族譜、紛爭，及律法的爭執，因為諸個攏無路用，無價值。</verse>
				<verse number="10">製造紛爭的人，給伊警告一兩遍以後就毋通閣及伊來往。</verse>
				<verse number="11">你知，此款人已經敗壞；伊繼續犯罪是啲給家己定罪。</verse>
				<verse number="12">我差 亞提馬 抑是 推基古 去你遐的時，著趕緊來 尼哥坡里 尋我，因為我已經決定欲佇遐過冬天。</verse>
				<verse number="13">著盡所會幫贊 西納 律師及 亞波羅 旅程的需要，互𪜶通安心出發。</verse>
				<verse number="14">著吩咐咱家己的人學習做好事來供給實際的需要，才免做無路用的人 。</verse>
				<verse number="15">所有及我佇遮的人欲給你請安。請替阮給許個同信的好朋友請安。 願上帝的恩典及恁大家同在！</verse>
			</chapter>
		</book>
		<book number="57">
			<chapter number="1">
				<verse number="1">我是 保羅 ，作基督耶穌的囚犯；我及咱的兄弟 提摩太 寫批互阮所疼的同工 腓利門 、</verse>
				<verse number="2">阮的姊妹 亞腓亞 、阮的戰友 亞基布 ，以及佇你的厝啲聚會的教會。</verse>
				<verse number="3">願咱的父上帝及主耶穌基督賜恁恩典及平安！</verse>
				<verse number="4">我逐遍祈禱的時攏有想著你，常常感謝我的上帝；</verse>
				<verse number="5">因為我有聽著你對上帝所有的子民有疼心，對主耶穌有信心。</verse>
				<verse number="6">我懇求上帝，通過阮及恁分享信仰，會當促進咱對及基督結連所得著一切的祝福，有較深的了解。</verse>
				<verse number="7">兄弟啊，你的疼心有互我真大的歡喜及鼓勵！上帝的子民攏有對你得著激勵。</verse>
				<verse number="8">我靠基督雖然會當好膽命令你做應該做的代誌，</verse>
				<verse number="9">毋拘，因為疼的緣故我寧可給你求。我 保羅 已經年老 ，現在猶是基督耶穌的囚犯。</verse>
				<verse number="10">我替 阿尼西謀 給你求，伊是我關監的時所生的。</verse>
				<verse number="11">伊以前對你攏無路用，現在對你對我攏真有路用。</verse>
				<verse number="12">現在我送伊轉去你遐；伊是我所疼惜的。</verse>
				<verse number="13">我原來想欲給伊留佇身邊，通佇我為著福音做囚犯的中間替你服事我；</verse>
				<verse number="14">毋拘無你的同意，我按呢做較好，互你所做的好事毋是勉強，是甘心樂意。</verse>
				<verse number="15">豈採因為按呢， 阿尼西謀 著暫時離開你，是欲互你永久給伊留啲；</verse>
				<verse number="16">無閣是奴隸，身份超過奴隸，是所疼的兄弟。對我來講特別是按呢，對你來講閣較是按呢；伊毋若是你家內的人，嘛是主內的兄弟。</verse>
				<verse number="17">所以，你若看我做同伴，就著親像接納我按呢給伊接納。</verse>
				<verse number="18">伊若有對你做什麼毋著，抑是有欠你什麼，算我的賬。</verse>
				<verse number="19">我 保羅 親手寫：我負責還。我應該毋免給你提醒，你欠我的是你本身。</verse>
				<verse number="20">是啦，兄弟，因為主的緣故，給我鬥相共一下，互我的心靠基督得著激勵。</verse>
				<verse number="21">我寫批互你，因為確信你會聽我的要求；其實，我知你會做比我講的閣較多。</verse>
				<verse number="22">嘛著給我準備一間房間，因為我向望上帝會聽恁的祈禱，互我會當去恁遐。</verse>
				<verse number="23">為著基督耶穌及我同作囚犯的 以巴弗 欲給恁請安。</verse>
				<verse number="24">我的同工 馬可 、 亞里達古 、 底馬 、 路加 嘛欲給恁請安。</verse>
				<verse number="25">願主耶穌基督的恩典及恁的心靈同在！</verse>
			</chapter>
		</book>
		<book number="58">
			<chapter number="1">
				<verse number="1">上帝佇古早有通過伊的眾先知，真多遍，用真多方式對咱的祖先講話，</verse>
				<verse number="2">毋拘佇終末的日子，通過伊的子對咱講話。上帝有指定伊作萬有的繼承人，閣有通過伊創造宇宙。</verse>
				<verse number="3">伊反射上帝的榮耀，是上帝本質的真像。伊用伊權能的話扶持萬有，洗除人的罪了後，坐佇至尊至高上帝的正旁。</verse>
				<verse number="4">上帝有賜子比眾天使較尊貴的名，互伊成做比天使較偉大。</verse>
				<verse number="5">上帝毋曾對任何一個天使講： 你是我的子， 我今仔日生你。 伊嘛毋曾對任何一個天使講： 我欲做伊的父， 伊欲做我的子。</verse>
				<verse number="6">閣上帝差遣伊的大子入世間的時，伊講： 上帝所有的天使攏著拜伊。</verse>
				<verse number="7">關係天使，伊講： 上帝用風做伊的天使， 用火焰做伊的差用。</verse>
				<verse number="8">毋拘關係子，伊講： 上帝啊，你的寶座永永遠遠存在； 你的國的權柄是正直的權柄。</verse>
				<verse number="9">你意愛公義，怨恨不法。 所以，上帝 — 你的上帝揀選你， 用歡喜的油抹你，超過抹你的同伴。</verse>
				<verse number="10">伊閣講： 主啊，你佇起頭給地下地基； 天嘛是你親手創造。</verse>
				<verse number="11">天地攏會消失， 毋拘你永遠存在。 天地攏會親像 衣服漸漸舊，</verse>
				<verse number="12">你會親像捲外衫給𪜶捲起來； 𪜶會親像衣服改變。 毋拘你永遠𣍐改變； 你的歲壽無窮盡。</verse>
				<verse number="13">上帝豈曾對叨一個天使講： 你坐我的正旁， 聽候我互你的對敵屈服佇你腳下？</verse>
				<verse number="14">天使攏是啲服事的神，受差派去服務啲欲領受拯救的人。</verse>
			</chapter>
			<chapter number="2">
				<verse number="1">所以，咱一定著閣較致意所聽著的信息，才免偏離真道。</verse>
				<verse number="2">因為通過天使所傳的信息若有功效，背逆無順從的人著受應受的刑罰；</verse>
				<verse number="3">按呢咱忽略即呢大的拯救，欲哪會當閃避著受的刑罰？主本身有代先宣布此個拯救，聽見的人嘛有對咱證實此個事。</verse>
				<verse number="4">上帝閣有用神跡、奇事、逐款大權能的作為，及照伊家己的意思所分配聖神的恩賜做夥作證。</verse>
				<verse number="5">上帝無將咱所講此個將來的世界交互天使管理。</verse>
				<verse number="6">毋拘聖經有一個所在作證講： 人算什麼，你赫呢關心？ 世間人算什麼，你赫呢照顧？</verse>
				<verse number="7">你互伊比天使小可 較低； 你賜榮光尊貴做花冠給伊戴，</verse>
				<verse number="8">互萬有攏降服佇伊腳下。 上帝既然互萬有攏降服伊，就無一項無降服伊。毋拘到現在咱猶未看見萬有攏降服伊。</verse>
				<verse number="9">咱看見彼位比天使小可較低的耶穌已經經過死的痛苦，得著榮光尊貴的花冠；按呢伊靠上帝的恩典通為著眾人死。</verse>
				<verse number="10">彼位創造閣維持萬有的上帝為著欲導真多子兒進入榮光，才著互拯救的開拓者耶穌經過苦難成做完全。</verse>
				<verse number="11">事實，互人成聖的及得著成聖的，攏對仝一個源頭出，因為按呢，耶穌稱呼𪜶做兄弟姊妹亦無感覺見笑。</verse>
				<verse number="12">伊對上帝講： 我欲對我的兄弟及姊妹報揚你的名， 佇𪜶的聚會中吟詩謳咾你。</verse>
				<verse number="13">伊閣講： 我欲信靠伊； 也講： 看咧，我及上帝賜互我的子兒攏佇遮。</verse>
				<verse number="14">既然諸個子兒是有血有肉的人，伊本身嘛及𪜶像款成做有血有肉的人，通通過伊的死毀滅彼個掌管死亡的魔鬼，</verse>
				<verse number="15">閣解放許個因為死亡的驚惶一生做奴才的人。</verse>
				<verse number="16">當然，伊啲關心的毋是天使，是 亞伯拉罕 的子孫。</verse>
				<verse number="17">所以，伊佇逐方面著及伊的兄弟姊妹仝款，通佇上帝的面前作仁慈忠信的大祭司，通互眾人的罪得著赦免。</verse>
				<verse number="18">因為伊家己有受苦，受考驗，伊會當幫贊許個受試探的人。</verse>
			</chapter>
			<chapter number="3">
				<verse number="1">所以，恁同受上帝選召聖的兄弟姊妹，恁著想咱所宣認彼位作使者，作大祭司的耶穌。</verse>
				<verse number="2">伊對指派伊的上帝盡忠，抵及 摩西 佇上帝的家盡忠仝款。</verse>
				<verse number="3">起厝的人比伊起的厝較尊貴；按呢，耶穌比 摩西 應該受閣較大的榮光。</verse>
				<verse number="4">所有的厝攏是人起的，毋拘起造萬物的是上帝。</verse>
				<verse number="5">摩西 作僕人，對上帝的全家盡忠，為著上帝後來所欲講的話作證；</verse>
				<verse number="6">毋拘，基督作子治理上帝的家。對所向望的，咱若用確信及勇氣來持守，咱就是上帝家內的人。</verse>
				<verse number="7">所以，照聖神所講： 今仔日恁若聽上帝的聲，</verse>
				<verse number="8">毋通硬心，親像恁的祖先佇背逆的時， 佇曠野試探伊的日。</verse>
				<verse number="9">上帝講： 恁的祖先雖然有看著我的作為， 𪜶猶原佇遐試探我，考驗我</verse>
				<verse number="10">四十年久。 所以，我對彼世代的人受氣，講： 𪜶的心失迷； 𪜶毋識我的道路。</verse>
				<verse number="11">我佇受氣中立誓，講： 𪜶絕對𣍐當進入我所賜的安歇。</verse>
				<verse number="12">兄弟姊妹，恁著注意，才免恁中間有人心邪惡毋信，致到離開永活的上帝。</verse>
				<verse number="13">著趁猶有彼個叫做「今仔日」的時，日日相勸勉，恁中間才免有人受罪惡迷惑致到硬心。</verse>
				<verse number="14">咱若堅守當初的確信到路尾，就成做基督的同工。</verse>
				<verse number="15">聖經按呢講： 今仔日恁若聽上帝的聲， 毋通硬心，親像恁的祖先佇背逆的時按呢。</verse>
				<verse number="16">聽見上帝的聲猶久背逆伊的是什麼人？豈毋是許個 摩西 對 埃及 導出來所有的人？</verse>
				<verse number="17">上帝佇彼四十年久對什麼人發受氣？豈毋是許個因為犯罪死佇曠野的人？</verse>
				<verse number="18">許個背逆的人以外，上帝豈曾對人立誓講，𪜶𣍐當進入伊所賜的安歇？</verse>
				<verse number="19">按呢，𪜶𣍐當進入安歇是因為𪜶毋信。</verse>
			</chapter>
			<chapter number="4">
				<verse number="1">既然上帝互人進入安歇的應允猶留啲，咱著小心，才免恁中間有人想講𪜶得𣍐著此個應允。</verse>
				<verse number="2">福音平平有傳互𪜶，嘛有傳互咱；毋拘𪜶所聽見的信息對𪜶無利益，因為𪜶許個聽的人無用信心領受。</verse>
				<verse number="3">咱諸個信的人會當進入上帝所賜的安歇，照伊講的： 我佇受氣中立誓，講： 𪜶絕對𣍐當進入我所賜的安歇！ 其實上帝創造宇宙的時，伊的工作已經完成。</verse>
				<verse number="4">關係第七日，聖經一個所在有按呢講：「上帝佇第七日煞伊一切的工作來安歇。」</verse>
				<verse number="5">仝此個所在有閣講：「𪜶絕對𣍐當進入我所賜的安歇。」</verse>
				<verse number="6">既然代先聽著福音的人因為毋順趁𣍐當進入安歇，上帝就為著其他的人保留此個安歇。</verse>
				<verse number="7">真久以後，佇 大闢 的冊有記載，上帝設定一日叫做「今仔日」，親像頂面講的： 今仔日恁若聽上帝的聲， 毋通硬心。</verse>
				<verse number="8">約書亞 若有互𪜶安歇，上帝就𣍐佇後來閣講起別個日。</verse>
				<verse number="9">按呢，上帝猶為著伊的子民保留一個安歇日的安歇。</verse>
				<verse number="10">因為進入上帝所賜安歇的人，親像上帝煞伊的工作，嘛煞𪜶一切的工作。</verse>
				<verse number="11">所以，咱著勞力進入此個安歇，才免有人親像許個毋順服的人跋倒失敗。</verse>
				<verse number="12">上帝的話是活的，是有功效的，比一切雙面利的劍較利，會當插入，甚至破開人的靈及魂，關節及骨髓，閣會當判斷人心內的慾望及意念。</verse>
				<verse number="13">所有被造物無一項會當對上帝隱密；一切攏完全暴露佇伊的目睭前。咱欠伊的賬攏著算清楚。</verse>
				<verse number="14">既然咱有一位偉大的大祭司 — 上帝的子耶穌，伊已經上天到上帝的面前，咱著堅守所宣認的信仰。</verse>
				<verse number="15">咱此位大祭司毋是𣍐體貼咱的軟弱；伊佇逐方面攏親像咱有受試探，不過無犯罪。</verse>
				<verse number="16">所以，咱著好膽就近上帝恩典的寶座，通領受伊的憐憫及恩典，做咱需要的時的幫贊。</verse>
			</chapter>
			<chapter number="5">
				<verse number="1">逐個大祭司攏是對人的中間揀出來，受指派替人服事上帝，為著𪜶的罪獻禮物及祭品。</verse>
				<verse number="2">大祭司，因為伊本身佇逐方面攏軟弱，所以會當體諒無知及失迷的人。</verse>
				<verse number="3">因為按呢，伊有義務為著人民，嘛著為家己的罪獻祭。</verse>
				<verse number="4">無人家己得著大祭司此個尊貴的職份；只有親像 亞倫 ，互上帝選召的才會得著。</verse>
				<verse number="5">像款，基督嘛毋是家己爭取大祭司的榮耀，反轉是上帝對伊講： 你是我的子， 我今仔日生你。</verse>
				<verse number="6">佇別位伊嘛有講： 照 麥基洗德 的班次，你永遠作祭司。</verse>
				<verse number="7">耶穌在世的時曾大聲喉叫閣流目屎，向彼位會當救伊脫離死亡的上帝祈禱懇求。因為伊的虔誠，上帝有聽伊的祈求。</verse>
				<verse number="8">雖然伊是上帝的子，猶久有對所受的苦難學習順服。</verse>
				<verse number="9">既然上帝互伊達到完全的地步，伊就成做所有順服伊的人永遠得救的根源，</verse>
				<verse number="10">互上帝指定伊照 麥基洗德 的班次作大祭司。</verse>
				<verse number="11">關係耶穌作大祭司的事，阮有真多話愛講，毋拘得說明，因為恁耳孔鈍。</verse>
				<verse number="12">照講，恁早就應該做老師啦，毋拘恁猶需要人給恁教上帝信息的初步；恁猶需要食奶，𣍐當食飯。</verse>
				<verse number="13">食奶的攏是嬰仔，猶𣍐曉了解是非的道理。</verse>
				<verse number="14">大人才食飯；𪜶屬靈的心竅有經過實際的操練才會曉分別好歹。</verse>
			</chapter>
			<chapter number="6">
				<verse number="1">所以，咱毋通停留佇基督初步的道理，著追求成熟；無閣再干焦佇脫離死的行為及信上帝、潔淨禮及按手禮、死人的閣活及永遠的審判等的教示啲拍基礎。</verse>
				<verse number="2"></verse>
				<verse number="3">上帝若准，咱欲按呢做。</verse>
				<verse number="4">許個人曾互上帝的光照，曾啖著屬天的恩賜，曾分享聖神，曾體驗上帝的話的好處，嘛曾感受啲欲來的世代的權柄。按呢，𪜶猶久背信！此款人無法度互𪜶重新悔改行倒轉；因為𪜶閣將上帝的子釘佇十字架頂，公然給伊侮辱。</verse>
				<verse number="5"></verse>
				<verse number="6"></verse>
				<verse number="7">土地不時啲吸收對天落來的雨水，生產菜蔬，對作穡人有路用，這是對上帝領受的祝福。</verse>
				<verse number="8">毋拘土地若發草刺及雜草就無路用，連鞭會受咒詛，最後互火燒。</verse>
				<verse number="9">所疼的兄弟姊妹，雖然阮按呢講，猶久深信恁的情形比所講的較好，會當得著救。</verse>
				<verse number="10">上帝毋是無公道，伊一定會記得恁所做的工作，就是恁為著伊繼續啲服務信徒所表現的疼心。</verse>
				<verse number="11">阮真愛恁逐個人對頭到尾保持熱心，互恁所向望的會完全實現。</verse>
				<verse number="12">按呢恁才𣍐貧憚，才會學許個對信及吞忍來承受上帝應允的人。</verse>
				<verse number="13">上帝應允 亞伯拉罕 的時，既然無比伊較大的通立誓，就指本身立誓，</verse>
				<verse number="14">講：「我一定欲賜福互你，欲加添子孫互你。」</verse>
				<verse number="15">亞伯拉罕 𠢕吞忍，所以有得著所應允的。</verse>
				<verse number="16">因為人是指比伊較大的來立誓；嘛用立誓做擔保來解決𪜶中間所有的爭執。</verse>
				<verse number="17">上帝愛許個承接應允的人確實知，伊的計劃𣍐改變，所以用立誓來保證。</verse>
				<verse number="18">伊的應允及立誓此兩項攏𣍐改變，因為伊𣍐講白賊，互咱諸個逃避去求伊保護的人會當得著真大的激勵，通持守彼個佇咱頭前的向望。</verse>
				<verse number="19">咱有此個向望，親像性命的碇拋佇聖所帳簾的內面安全可靠。</verse>
				<verse number="20">耶穌為著咱做先鋒已經入去遐，照 麥基洗德 的班次作大祭司直到永遠。</verse>
			</chapter>
			<chapter number="7">
				<verse number="1">此位 麥基洗德 是 撒冷 王，嘛是至高上帝的祭司。 亞伯拉罕 刣死許個王轉來的時， 麥基洗德 有給伊迎接閣給伊祝福。</verse>
				<verse number="2">亞伯拉罕 有將伊所得著的十分一互伊。第一， 麥基洗德 此個名的意思是「正義的王」，伊閣是 撒冷 王，就是「和平王」。</verse>
				<verse number="3">伊無父無母，無世系，無出世的日子，嘛無性命的結束。伊及上帝的子仝款；伊繼續作祭司直到永遠。</verse>
				<verse number="4">恁看，此個人偌偉大！先祖 亞伯拉罕 都著將戰利品的十分一互伊。</verse>
				<verse number="5">有擔當祭司職的 利未 的子孫，雖然及其他 以色列 人民攏是 亞伯拉罕 的子孫，平平是兄弟，猶久奉命令照律法對人民收十分一。</verse>
				<verse number="6">麥基洗德 毋是屬 利未 的世系，毋拘伊有對 亞伯拉罕 接受十分一，閣給得著上帝應允的 亞伯拉罕 祝福。</verse>
				<verse number="7">序細受序大祝福是理所當然。</verse>
				<verse number="8">一方面，諸個收十分一的攏是會死的人；另外一方面，彼位收十分一的，聖經有證實伊猶啲活。</verse>
				<verse number="9">按呢嘛通講，對人收十分一的 利未 已經通過 亞伯拉罕 對 麥基洗德 納十分一。</verse>
				<verse number="10">因為 麥基洗德 迎接 亞伯拉罕 的時， 利未 猶佇伊的先祖 亞伯拉罕 的身軀內。</verse>
				<verse number="11">以色列 人的律法是根據 利未 的祭司制度頒發的，此個制度若會當互人完全，哪有需要毋是照 亞倫 的班次，是照 麥基洗德 班次設立的另外一個祭司？</verse>
				<verse number="12">既然祭司制度改變，律法嘛著改變。</verse>
				<verse number="13">因為諸個事所指彼位是屬別個支族；此個支族毋曾有人佇祭壇前侍奉。</verse>
				<verse number="14">咱的主明明是 猶大 支族的子孫；關係此個支族， 摩西 毋曾講起祭司的事。</verse>
				<verse number="15">今，我啲講的代誌閣較清楚，因為有另外一位親像 麥基洗德 的祭司已經出現。</verse>
				<verse number="16">伊作祭司毋是根據人的條例規則，是根據𣍐毀滅的活命的權能。</verse>
				<verse number="17">因為聖經有按呢作證： 照 麥基洗德 的班次， 你永遠作祭司。</verse>
				<verse number="18">一方面，舊的條例因為無力，無路用，煞受廢無，</verse>
				<verse number="19">因為 摩西 的律法什麼代誌都無法度成全。另外一方面，有一個較好的向望已經準備好勢，互咱通通過此個向望親近上帝。</verse>
				<verse number="20">閣此個向望有經過宣誓。 利未 系統的祭司無經過宣誓；</verse>
				<verse number="21">只有此位耶穌作祭司的時有經過宣誓；伊的上帝對伊講： 主有宣誓， 𣍐改變心意； 你永遠作祭司。</verse>
				<verse number="22">就是因為按呢，耶穌成做閣較好的約的保證。</verse>
				<verse number="23">利未 系統的祭司有真多，因為死的阻礙𪜶𣍐當繼續做；</verse>
				<verse number="24">只有耶穌毋免將祭司職交互別人，因為伊永遠活啲。</verse>
				<verse number="25">按呢，通過伊來到上帝面前的人，伊會當救𪜶到底 ，因為伊永遠活啲啲替𪜶祈禱。</verse>
				<verse number="26">此款大祭司抵抵合咱的需要；伊聖潔、無邪惡、無垃墋，對罪人中受分別出來，高升到比天較高。</verse>
				<verse number="27">伊無需要親像其他的大祭司逐日著先為著家己，後來為著人民的罪獻祭。伊獻本身做祭物，一遍就完成。</verse>
				<verse number="28">摩西 的律法任命無完全的人作大祭司；毋拘有律法以後，上帝用宣誓任命伊的子永遠作完全的大祭司。</verse>
			</chapter>
			<chapter number="8">
				<verse number="1">咱所啲講上要緊的是按呢：咱有此款的大祭司，伊坐佇天頂至大上帝寶座的正旁。</verse>
				<verse number="2">伊佇聖所，就是真的帳幕，啲侍奉；此個帳幕毋是人，是主所搭的。</verse>
				<verse number="3">逐個大祭司攏是為著獻禮物及祭品任命的；所以此位大祭司嘛一定著有什麼通獻。</verse>
				<verse number="4">伊若佇地上就無作祭司，因為已經有祭司照律法啲獻禮物。</verse>
				<verse number="5">𪜶所做的服事不過是天頂帳幕的副本及影像，抵照 摩西 欲起造會幕的時，上帝有給伊指示，講：「你著謹慎，一切著照佇山頂給你指示的模式來起。」</verse>
				<verse number="6">毋拘現在耶穌已經得著閣較尊貴的侍奉，作較好的約的中間人；此個約是用較好的應允制定的。</verse>
				<verse number="7">頭一個約若無缺點，就無需要立第二個約。</verse>
				<verse number="8">毋拘上帝給𪜶指責講： 主講：看咧，日子啲欲到， 我欲及 以色列 家及 猶大 家立新的約。</verse>
				<verse number="9">此個約無親像我以前及𪜶的祖先所立的， 就是牽𪜶的手，導𪜶出 埃及 的時所立的； 因為𪜶無繼續守我的約， 所以我毋插𪜶。</verse>
				<verse number="10">主閣講：許個日以後， 我及 以色列 人所欲立的約是按呢： 我欲將我的律法囥佇𪜶的腦內， 寫佇𪜶的心內。 我欲做𪜶的上帝； 𪜶欲做我的子民。</verse>
				<verse number="11">𪜶攏𣍐閣教示𪜶的同胞， 抑是家己的兄弟姊妹講： 著認識主， 因為𪜶對上細到上大的， 攏會認識我。</verse>
				<verse number="12">我欲赦免𪜶的不義， 𣍐閣記得𪜶的罪惡。</verse>
				<verse number="13">既然講到新的約，上帝就互頭一個約變做舊的。彼個漸漸舊啲衰退的約連鞭就消失。</verse>
			</chapter>
			<chapter number="9">
				<verse number="1">頭一個約嘛有禮拜的規定及地上的聖所。</verse>
				<verse number="2">有一個搭好勢的帳幕，頭前間叫做聖所，內面有燈台、桌，及獻祭的餅。</verse>
				<verse number="3">第二個帳簾的後面間叫做至聖所，</verse>
				<verse number="4">內面有金香壇及全部用金包的約櫃，櫃內有貯嗎哪的金壺、 亞倫 彼支茁芽的柺仔，及兩塊約的石版。</verse>
				<verse number="5">櫃頂有榮光的天使基路伯，𪜶的翼遮蓋施恩座。關係諸個事，現在我𣍐當詳細說明。</verse>
				<verse number="6">諸個物件照按呢安排好勢，祭司就逐日入去帳幕的頭前間舉行禮拜儀式。</verse>
				<verse number="7">後面間只有大祭司才通入去，毋拘逐年只有一遍，逐遍著帶血入去，為著本身以及民眾無意中犯的罪來獻。</verse>
				<verse number="8">對諸個安排聖神有明明表示，帳幕的頭前間猶存在，進入至聖所的路就猶未開。</verse>
				<verse number="9">帳幕的頭前間譬喻現世，是講，所獻的禮物及祭品𣍐當互禮拜的人的良心清白。</verse>
				<verse number="10">諸個干焦是關係飲食及逐款的潔淨禮，是屬外表的規例，只有適用到上帝更新萬物的時。</verse>
				<verse number="11">毋拘基督已經來，作大祭司，有實現好事。伊有經過較大、較完全，毋是人的手所搭，毋是屬此世間的帳幕。</verse>
				<verse number="12">伊只有一遍進入至聖所，毋是用山羊的血及牛仔的血，是用家己的血為著咱成全永遠的救贖。</verse>
				<verse number="13">山羊及牛的血，以及牛母仔的骨灰若灑佇無清氣的人都會互𪜶聖化清氣，</verse>
				<verse number="14">何況基督通過永遠的神獻伊無瑕疵的本身互上帝，伊的血豈𣍐互咱的良心閣較清氣，脫離死的行為，來服事永活的上帝？</verse>
				<verse number="15">因為按呢，基督做新的約的中間人，是欲互上帝呼召的人會得領受伊所應允永遠的產業，因為基督已經用伊的死贖回𪜶佇前的約的時所犯的罪過。</verse>
				<verse number="16">關係遺囑，一定著先證實立遺囑的人已經死。</verse>
				<verse number="17">因為遺囑一定著立遺囑的人死才有效。立遺囑的人猶活啲，遺囑就無效。</verse>
				<verse number="18">按呢，連頭一個約嘛是有用血來成立。</verse>
				<verse number="19">摩西 照律法將一切的誡命對人民宣布，然後捧牛及山羊的血摻水，用朱紅色的羊毛及牛膝草灑佇彼本冊的頂面及全體人民的身上，</verse>
				<verse number="20">講：「這是上帝及恁立約的血。」</verse>
				<verse number="21">像款， 摩西 嘛將血灑佇帳幕及禮拜的時所用一切的器具。</verse>
				<verse number="22">照律法，差不多所有的物攏用血潔淨；無流血就無赦罪。</verse>
				<verse number="23">照天頂的款式所仿造的物需要用牲生的血來潔淨；毋拘天頂的原物需要用比諸個較好的祭物來潔淨。</verse>
				<verse number="24">基督入去的並毋是人的手造的聖所，這不過是真聖所的副本；伊是入去天頂的真聖所。伊現在為著咱出現佇上帝的面前。</verse>
				<verse number="25">基督毋免一遍閣一遍獻本身，親像大祭司著逐年繼續帶牲生的血入去至聖所。</verse>
				<verse number="26">若著一遍閣一遍獻，對創造世界以來，基督著一遍閣一遍受苦。毋拘現在佇此個世代的路尾，伊只有出現一遍，將本身獻做祭來除去罪。</verse>
				<verse number="27">照所註定，人著一遍死，死後著受上帝審判。</verse>
				<verse number="28">親像按呢，基督已經有一遍犧牲來擔當眾人的罪；伊會第二遍顯現，毋是欲對付罪，是欲拯救迫切啲聽候伊來的人。</verse>
			</chapter>
			<chapter number="10">
				<verse number="1">既然律法毋是啲欲來好事本身的真像，是好事的影，所以𣍐當一年過一年繼續用像款的祭物互親近上帝的人得著完全。</verse>
				<verse number="2">若是會，獻祭的事應該已經停止啊，因為敬拜的人一遍就完全得著潔淨，無閣有罪的意識。</verse>
				<verse number="3">其實，逐年所獻的祭物只有會互人想起𪜶的罪；</verse>
				<verse number="4">因為牛、羊的血𣍐當除去人的罪。</verse>
				<verse number="5">所以，基督來到世間的時有講： 祭祀及禮物，你無愛； 毋拘你有給我準備身軀。</verse>
				<verse number="6">燒化祭及贖罪祭，你無合意。</verse>
				<verse number="7">彼時我講： 上帝啊，我來啦； 我來是欲實行你的旨意。 我的事有記載佇冊裡。</verse>
				<verse number="8">我頂面有講：「祭祀及禮物、燒化祭及贖罪祭你無愛，嘛無合意；諸個是照律法來獻的。」</verse>
				<verse number="9">伊續落去講：「看啊，我來是欲實行你的旨意。」按呢，上帝廢除前的，是欲建立後的。</verse>
				<verse number="10">耶穌基督實行上帝的旨意，只有一遍獻伊家己的身軀就夠額互咱得著聖化歸上帝。</verse>
				<verse number="11">祭司逐日徛啲服事上帝，一遍閣一遍獻像款的祭，永遠𣍐當除去人的罪。</verse>
				<verse number="12">毋拘基督只有一遍獻贖罪祭，然後坐佇上帝的正旁，</verse>
				<verse number="13">聽候上帝互伊的對敵做伊的腳砧。</verse>
				<verse number="14">基督通過一遍的獻祭，互聖化歸主的人永遠完全。</verse>
				<verse number="15">聖神嘛有對咱作證。伊有講：</verse>
				<verse number="16">主講：許個日子以後， 我及𪜶所欲立的約就是按呢： 我欲將我的律法囥佇𪜶的心內， 寫佇𪜶的腦內。</verse>
				<verse number="17">然後伊閣講： 我𣍐閣記得𪜶的罪惡及過犯。</verse>
				<verse number="18">既然罪已經得著赦免，就毋免閣獻贖罪祭。</verse>
				<verse number="19">所以，兄弟姊妹，咱靠耶穌流血死會當有確信及勇氣進入至聖所。</verse>
				<verse number="20">伊通過帳簾，就是家己的身軀，給咱開一條新閣活的路。</verse>
				<verse number="21">咱已經有一位偉大的祭司啲治理上帝的家，</verse>
				<verse number="22">咱著用真誠的心，堅決的信，清氣無虧欠的良心及清水洗過的身軀來親近上帝。</verse>
				<verse number="23">咱著堅決持守所宣認的向望，因為應允咱的上帝可靠。</verse>
				<verse number="24">咱著互相關心通激勵相疼及做好事。</verse>
				<verse number="25">有一寡人停止聚會，毋通學𪜶的習慣，顛倒著互相勸勉；既然恁知主的日啲欲到，閣較著按呢。</verse>
				<verse number="26">咱認識真理以後猶故意犯罪，就無閣有通贖罪的祭物，</verse>
				<verse number="27">只有用驚惶的心聽候審判及啲欲燒滅敵對上帝的人的烈火。</verse>
				<verse number="28">違犯 摩西 的律法的，根據兩個抑是三個人作證就通給伊處死，攏無寬赦。</verse>
				<verse number="29">按呢，踐踏上帝的子，藐視互𪜶聖化歸主的約的血，閣侮慢施恩的聖神的人，恁想𪜶應該受的刑罰會加偌重？</verse>
				<verse number="30">咱知，講「申冤在佇我，我會報應」，閣講「主欲審判伊的子民」彼位是什麼人？</verse>
				<verse number="31">陷落永活上帝的手實在真通驚！</verse>
				<verse number="32">恁著會記得過去的日子。恁受上帝的光照以後，有忍受大爭鬥的苦難；</verse>
				<verse number="33">有時恁公然受侮辱，虐待；有時恁及別人同受虐待。</verse>
				<verse number="34">恁及囚犯同受苦；恁的財物受搶奪嘛甘願忍受，因為知恁家己有閣較好閣永遠存在的產業。</verse>
				<verse number="35">所以，毋通失落勇氣；此個勇氣會互恁大的報賞。</verse>
				<verse number="36">恁著有耐心才會當實行上帝的旨意，領受伊所應允的福分。</verse>
				<verse number="37">因為閣一時仔久， 彼位啲欲來的會到，𣍐延遲。</verse>
				<verse number="38">毋拘屬我的義人會對信來活。 若有人躊躇退後，我就無合意。</verse>
				<verse number="39">咱咧，咱毋是退後致到沉淪，是對信致到性命得著保全。</verse>
			</chapter>
			<chapter number="11">
				<verse number="1">信是對所向望的事有把握，對無看見的事會當肯定。</verse>
				<verse number="2">古早人因為此個信得著上帝認定接納。</verse>
				<verse number="3">對信，咱知宇宙是對上帝的話創造的；按呢看會著的是對看𣍐著的來造的。</verse>
				<verse number="4">對信， 亞伯 比 該隱 獻較好的祭物互上帝；對此個信，伊得著上帝認定做義人，接納伊的祭物。雖然 亞伯 已經死，通過此個信，伊猶啲講話。</verse>
				<verse number="5">對信， 以諾 無經驗死，受遷徙去上帝遐。人無閣看著伊，因為上帝給伊遷徙去； 以諾 受遷徙以前已經互上帝認定接納。</verse>
				<verse number="6">無信就𣍐當互上帝歡喜，因為親近上帝的人一定著信上帝有存在，閣信伊會互尋求伊的人得著報賞。</verse>
				<verse number="7">對信， 挪亞 對猶未看著的事有聽上帝的警告，存敬畏的心，造一隻大船救伊全家。對此個信，伊定世間人的罪，閣根據此個信，伊成做義的繼承人。</verse>
				<verse number="8">對信， 亞伯拉罕 受召去啲欲承受做產業的地的時，雖然毋知欲去叨位，猶久伊有順趁出去。</verse>
				<verse number="9">對信，伊寄居佇應允的地，若親像𫢶佇外國，及做夥承受仝應允的 以撒 、 雅各 住佇布棚；</verse>
				<verse number="10">因為伊期待上帝所設計及起造彼個有地基的城。</verse>
				<verse number="11">對信， 亞伯拉罕 雖然已經老， 莎拉 嘛已經超過生產的年歲，伊猶會當作老父，因為確信應允伊的上帝是信實。</verse>
				<verse number="12">所以通講，對一個啲欲死的人有生湠子孫，親像天頂的星赫呢多，親像海邊的沙算𣍐了。</verse>
				<verse number="13">諸個攏是到死一直有信心的人；𪜶無得著上帝給𪜶應允的，毋拘對遠遠看見就歡喜，承認家己不過是地上的出外人，是寄居的。</verse>
				<verse number="14">講諸個話的人表示𪜶是啲尋一個家鄉。</verse>
				<verse number="15">𪜶若是啲懷念離開的所在，猶有機會通倒去。</verse>
				<verse number="16">不過，現在𪜶啲欣慕的是天頂彼個閣較好的所在。所以，上帝無因為𪜶稱伊做上帝來感覺見笑。伊甚至已經為著𪜶準備一個城。</verse>
				<verse number="17">對信， 亞伯拉罕 受考驗的時獻 以撒 做祭物，就是承受應允的 亞伯拉罕 歡喜獻伊的孤子。</verse>
				<verse number="18">上帝有對伊講：「對 以撒 生的才通算做你的子孫。」</verse>
				<verse number="19">亞伯拉罕 想講上帝會當互 以撒 對死人中閣活，所以通譬喻講 以撒 是死閣倒轉來。</verse>
				<verse number="20">對信， 以撒 為著將來的事給 雅各 及 以掃 祝福。</verse>
				<verse number="21">對信， 雅各 臨終的時給 約瑟 的子一個一個祝福；伊靠佇柺仔頭敬拜上帝。</verse>
				<verse number="22">對信， 約瑟 臨終的時有提起 以色列 人出 埃及 的事，閣吩咐關係伊的骨骸埋葬的事。</verse>
				<verse number="23">對信， 摩西 出世以後，伊的父母看著嬰仔清秀，毋驚王的命令，將伊藏三月日久。</verse>
				<verse number="24">對信， 摩西 長大以後，拒絕人給伊稱做 埃及 公主的子，</verse>
				<verse number="25">較愛及上帝的子民同受苦難，無愛享受罪中一時仔久的快樂。</verse>
				<verse number="26">伊看為著基督受凌辱比 埃及 的財寶較寶貴，因為伊仰望將來的報賞。</verse>
				<verse number="27">對信， 摩西 毋驚王的受氣離開 埃及 ；伊堅持到底，因為伊有看見人看𣍐著的上帝。</verse>
				<verse number="28">對信， 摩西 設立𨃟過節，吩咐著灑血佇門裡，才𣍐互剿滅者磕著 以色列 人的大子。</verse>
				<verse number="29">對信， 以色列 人過 紅海 親像啲行焦地； 埃及 人嘛想欲過，煞互水淹死。</verse>
				<verse number="30">對信， 以色列 人踅 耶利哥 城七日，城牆就倒落去。</verse>
				<verse number="31">對信，娼妓 喇合 親切接待偵探，所以無及許個毋順服上帝的人做夥滅亡。</verse>
				<verse number="32">我豈著閣講？我無夠時間通提起 基甸 、 巴拉 、 參孫 、 耶弗他 、 大闢 、 撒母耳 ，及眾先知的事。</verse>
				<verse number="33">諸個人靠信心刣贏列國。𪜶推行正義，領受上帝的應允。𪜶封密獅的嘴，</verse>
				<verse number="34">拍化烈火，逃脫刀劍的殺害。𪜶軟弱變做堅強，佇戰場變做勇猛，拍贏外國的軍隊。</verse>
				<verse number="35">有一寡婦仁人有接𪜶的親人對死人中倒轉來。 嘛有一寡人為著欲閣活，得著較好的活命，拒絕解放，甘願受酷刑到死。</verse>
				<verse number="36">有一寡人受戲弄，鞭拍；嘛有一寡人受捆縛，關監。</verse>
				<verse number="37">𪜶互人用石頭抌死，用鋸仔鋸死，用刀刣死。𪜶穿綿羊抑是山羊的皮，逐所在奔波，忍受欠缺、迫害、虐待。</verse>
				<verse number="38">此世間無值得𪜶徛起；𪜶佇曠野、山嶺、石洞抑是地穴，四界流浪。</verse>
				<verse number="39">諸個人通過𪜶的信攏有得著上帝認定接納，毋拘無得著所應允的，</verse>
				<verse number="40">因為上帝為著咱有較好的安排；伊的旨意是愛諸個人及咱有份佇此個安排，按呢所信的才會當完全實現。</verse>
			</chapter>
			<chapter number="12">
				<verse number="1">既然有即呢多的見證人親像雲給咱包圍啲，咱著排除一切的阻礙及一直啲纏絆咱的罪，堅忍跑走頭前的路程。</verse>
				<verse number="2">著注神看耶穌，伊是信的創始者及完成者。伊為著排佇頭前的喜樂，無視凌辱，忍受十字架的苦難，現在已經坐佇上帝寶座的正旁。</verse>
				<verse number="3">著詳細想此個人的所做，恁才𣍐灰心失志。伊按怎忍受罪人對伊的忤逆。</verse>
				<verse number="4">恁及罪惡鬥爭猶未抵抗到死的程度。</verse>
				<verse number="5">恁豈𣍐記得上帝苦勸恁親像啲苦勸子兒。伊講： 我的子啊，毋通看輕主的管教； 受伊責備嘛毋通灰心。</verse>
				<verse number="6">因為主管教伊所疼的人， 鞭拍伊所接納的逐個子兒。</verse>
				<verse number="7">著忍受管教。上帝款待恁親像子兒。豈有子兒無受父母管教？</verse>
				<verse number="8">恁若無受所有的子兒所受的管教，恁就是私生子，毋是真正的子兒。</verse>
				<verse number="9">受肉體的父母管教，咱都尊重𪜶，何況受靈性的父管教，咱豈毋應該閣較願意順從來得著活命？</verse>
				<verse number="10">肉體的父母暫時久照家己的意思管教，毋拘上帝的管教是欲互咱得著利益，目的是欲互咱有份佇伊的聖潔。</verse>
				<verse number="11">咱逐遍受管教𣍐感覺歡喜，反轉憂傷；毋拘經過管教鍛鍊了後，會結和平的果子，行做正直。</verse>
				<verse number="12">所以，恁諸個腳痠手軟的人著堅強起來。</verse>
				<verse number="13">著修直恁欲行的路，才免互跛的腳脫輪，反轉得著醫好。</verse>
				<verse number="14">著勞力及眾人和睦，過聖潔的生活；若無，無人會見著主。</verse>
				<verse number="15">著謹慎，才免有人失去上帝的恩典；才免有毒草發起來，造成危害，致到真多人受污染；</verse>
				<verse number="16">才免有人淫亂，無敬畏上帝，親像 以掃 為著一頓食出賣大子的名份。</verse>
				<verse number="17">恁知，後來伊愛得著祝福的時受拒絕；雖然伊流目屎懇求嘛無得著，因為伊尋無機會通悔改。</verse>
				<verse number="18">恁毋是來到彼個摸會著的 西奈山 ，佇遐有火焰、密雲、烏暗，及暴風，</verse>
				<verse number="19">閣有喇叭的響聲及講話的聲。聽見的人懇求上帝毋通閣對𪜶講話，</verse>
				<verse number="20">因為𪜶𣍐當忍受命令𪜶的話，講：「連走獸若磕著山嘛著用石頭抌死。」</verse>
				<verse number="21">彼個景象非常通驚，致到 摩西 講：「我驚甲皮皮惙。」</verse>
				<verse number="22">毋拘，恁是來到 錫安山 ，永活上帝的城，天頂的 耶路撒冷 ，佇遐有千千萬萬的天使聚集慶祝。</verse>
				<verse number="23">恁來到上帝的大子聚集的會所；𪜶的名已經記佇天頂。恁來到審判萬人的上帝面前，到已經得著改造成做完全的義人的靈魂遐。</verse>
				<verse number="24">恁來到新的約的中間人耶穌的面前，及所灑的血遐，此個血比 亞伯 的血所表達的閣較好。</verse>
				<verse number="25">著謹慎，毋通拒絕啲對恁講話彼位。許個拒絕佇地上警戒𪜶彼位的人都𣍐當脫離罪，咱若拒絕對天頂警戒咱彼位，閣較𣍐當脫離。</verse>
				<verse number="26">彼時伊的聲搖動大地，毋拘今伊有應允講：「閣一遍，我毋若互地，嘛欲互天搖動。」</verse>
				<verse number="27">「閣一遍」此句話指明，許個受造的物受搖動，受遷徙，是欲互許個無受搖動的留落來。</verse>
				<verse number="28">所以，咱著感謝，因為咱有得著彼個𣍐受搖動的國度。咱著照上帝所歡喜的，用虔誠及敬畏來服事伊，</verse>
				<verse number="29">因為咱的上帝是吞滅的火。</verse>
			</chapter>
			<chapter number="13">
				<verse number="1">著繼續相親相疼。</verse>
				<verse number="2">著會記得好款待出外人。因為有人按呢做，無意中接待著天使。</verse>
				<verse number="3">著關懷受關監的人，親像及𪜶啲同受關；著關懷受虐待的人，親像恁本身啲受虐待。</verse>
				<verse number="4">婚姻人人著尊重；著保持純潔的夫妻關係，因為上帝會審判私通行淫的人。</verse>
				<verse number="5">毋通貪財，家己所有的著知足，因為上帝有講：「我𣍐離開你，嘛𣍐放拺你。」</verse>
				<verse number="6">所以咱會當好膽講： 主是我的幫贊，我𣍐驚惶， 人會當給我按怎？</verse>
				<verse number="7">著數念引導恁，傳上帝的信息互恁的人，注意看𪜶的生活及結局來學習𪜶的信。</verse>
				<verse number="8">耶穌基督昨日、今日，直到永遠攏𣍐改變。</verse>
				<verse number="9">恁毋通互逐款奇異的教義導迷路，因為心靈較好著靠上帝的恩典來堅固，毋是靠食物。靠遵守食物規例的人攏無得著利益。</verse>
				<verse number="10">咱有一個祭壇，頂面的祭物佇會幕內服事的人無權通食。</verse>
				<verse number="11">𪜶的大祭司帶牲生的血進入至聖所為著人民贖罪，牲生的身軀卻佇營外燒。</verse>
				<verse number="12">所以，為著欲用家己的血互人民得著潔淨，耶穌嘛佇營外犧牲來死。</verse>
				<verse number="13">按呢，咱著出去營外，去伊遐，及伊同受凌辱。</verse>
				<verse number="14">因為佇遮咱無永久的城；咱是啲尋彼個啲欲來的城。</verse>
				<verse number="15">所以，咱著通過耶穌繼續將稱讚的祭獻互上帝，這是宣認主的名的人的嘴唇所結的果子。</verse>
				<verse number="16">著會記得做好事，互相幫贊，因為這是上帝所歡喜的祭物。</verse>
				<verse number="17">著服從引導恁的人，聽趁𪜶的話，因為𪜶不時啲看顧恁的靈魂，通互𪜶對上帝交代清楚。恁著互𪜶歡喜工作，無吐氣；若無，對恁無利益。</verse>
				<verse number="18">著繼續為著阮祈禱；阮確信家己有清白的良心，意愛凡事照起工生活。</verse>
				<verse number="19">我懇求恁著特別為著我祈禱，求上帝互我通較緊去恁遐。</verse>
				<verse number="20">上帝已經互咱的主耶穌對死人中閣活。伊通過耶穌所流的血確立永遠的約，互耶穌成做羊群的大牧者。願此位賜平安的上帝互恁佇逐項好事完全來行伊的旨意，通過耶穌基督佇咱中間成就伊所歡喜的事！願榮光歸互上帝，直到永永遠遠。阿們！</verse>
				<verse number="21"></verse>
				<verse number="22">兄弟姊妹，我互恁的批無偌長，我勸恁耐心聽我勸勉的話。</verse>
				<verse number="23">我愛恁知，咱的兄弟 提摩太 已經出獄；伊若較早來，我會隨時及伊做夥去看恁。</verse>
				<verse number="24">請替我給恁所有的領導者及攏總的信徒請安。對 意大利 來的信徒嘛欲給恁請安。</verse>
				<verse number="25">願上帝的恩典及恁大家同在。阿們！</verse>
			</chapter>
		</book>
		<book number="59">
			<chapter number="1">
				<verse number="1">我 雅各 是上帝及主耶穌基督的僕人，欲給所有分散佇逐所在上帝的子民請安。</verse>
				<verse number="2">兄弟姊妹，恁抵著逐款試煉的時，著想做是通歡喜的代誌，</verse>
				<verse number="3">因為知影恁的信心經過考驗會產生忍耐。</verse>
				<verse number="4">恁著忍耐到路尾才會當達到完全閣完整，攏無缺點。</verse>
				<verse number="5">恁中間若有人欠缺智慧，著對上帝祈求，伊會賜互恁，因為上帝會真慷慨無保留賜互攏總的人。</verse>
				<verse number="6">不過，恁著靠信心祈求，毋通憢疑；憢疑的人親像海湧互風掃，起起落落。</verse>
				<verse number="7">此款人三心兩意，所做無定性，免想欲對主得著什麼。</verse>
				<verse number="8"></verse>
				<verse number="9">散赤的兄弟姊妹得著上帝提升，著歡喜；</verse>
				<verse number="10">富裕的人受上帝降低，嘛著歡喜。富裕的人會親像草花謝去。</verse>
				<verse number="11">日頭一下出，燒風一下吹，草焦去，花謝去，伊的媠就消失。富裕的人嘛是按呢，會佇無閒奔波的中間消失。</verse>
				<verse number="12">忍受試煉的人真有福氣；因為伊有經過考驗，會領受上帝應允互疼伊的人活命的花冠。</verse>
				<verse number="13">人受引誘的時，毋通講「我互上帝引誘」，因為上帝𣍐受邪惡誘惑，伊家己嘛𣍐引誘人。</verse>
				<verse number="14">人受引誘，是互家己的慾望引誘陷害。</verse>
				<verse number="15">慾望懷孕就生出罪惡；罪惡成熟就產生死亡。</verse>
				<verse number="16">親愛的兄弟姊妹，毋通受欺騙。</verse>
				<verse number="17">一切美好的賞賜及一切完全的恩賜是對天頂光明的源頭所賜。伊無改變，嘛無天體轉踅引起的影。</verse>
				<verse number="18">伊照家己的旨意用真理的道來造咱，互咱佇受造的萬物中有上重要的地位。</verse>
				<verse number="19">親愛的兄弟姊妹，著知！逐個人著急欲聽；毋通急欲講；毋通急欲受氣；</verse>
				<verse number="20">因為人的受氣𣍐當實現上帝公義的要求。</verse>
				<verse number="21">所以，著消除一切垃墋的習慣及貫滿的邪惡；著用溫柔的心接納彼個種佇恁心內會當救恁的道。</verse>
				<verse number="22">著實行道理，毋通騙家己講干焦聽道理就好。</verse>
				<verse number="23">若有人聽道理無實行，伊親像人照鏡看家己的面相，</verse>
				<verse number="24">詳細看了後，一下離開，隨時𣍐記得家己生做啥款。</verse>
				<verse number="25">毋拘有啲詳細查考互人得著自由彼個完整的律法，閣有啲堅守的人，伊的所做一定會得著上帝賜福，因為伊有實在去實行，毋是聽了就𣍐記得。</verse>
				<verse number="26">若有人想講家己真敬虔，毋拘無控制家己的嘴舌，是啲欺騙家己，此個人的敬虔攏無路用。</verse>
				<verse number="27">照顧苦難中的孤兒寡婦，閣保守家己無染著世俗的腐敗，對父上帝看起來，這才是純全無缺點的敬虔。</verse>
			</chapter>
			<chapter number="2">
				<verse number="1">我的兄弟姊妹，既然恁信咱榮光的主耶穌基督，著毋通用外表對待人。</verse>
				<verse number="2">若有一個掛金手指，穿媠衫的好額人入來恁的會堂，閣有一個穿破衫的散赤人入來，</verse>
				<verse number="3">恁干焦注意彼個穿媠衫的，對伊講「請來坐大位」，對彼個散赤人講「你徛𫢶遐」，抑是講「坐我的腳砧邊」 ，</verse>
				<verse number="4">按呢恁豈毋是偏心，用歹的動機啲判斷人？</verse>
				<verse number="5">親愛的兄弟姊妹，著聽！上帝有揀選世間的散赤人，互𪜶佇信仰上富足，通承接伊應允互疼伊的人的國度。</verse>
				<verse number="6">毋拘恁侮辱散赤人！壓迫恁，拖恁上法庭的，豈毋是許個好額人？</verse>
				<verse number="7">𪜶才是誹謗恁所領受尊貴的名許個人！</verse>
				<verse number="8">恁若遵趁聖經所記載「著疼厝邊親像疼家己」彼個上帝國的律法，按呢就著。</verse>
				<verse number="9">毋拘恁若看外表對待人就是犯罪，受律法判做犯法。</verse>
				<verse number="10">人若無守律法中的一條誡命，就是無守全部的律法。</verse>
				<verse number="11">因為彼位命令「毋通犯姦淫」的，嘛講「毋通害死人」。雖然你無犯姦淫，你若害死人就是違犯律法。</verse>
				<verse number="12">既然恁啲欲受互人自由的律法審判，著照律法的要求講話，做代誌。</verse>
				<verse number="13">因為，無用慈悲對待人的，佇審判的時，上帝𣍐用慈悲對待伊；慈悲贏過審判。</verse>
				<verse number="14">兄弟姊妹，若有人講伊有信，毋拘無用行為來證明，有啥路用？彼款的信豈會救伊？</verse>
				<verse number="15">恁中間若有兄弟抑是姊妹無衫通穿，三頓無通食，</verse>
				<verse number="16">恁干焦對𪜶講：「祝恁平安，著穿互燒，食互飽！」毋拘無供給𪜶肉體所需要的物，有啥路用？</verse>
				<verse number="17">所以，只有信心，若無行為，是死的。</verse>
				<verse number="18">毋拘有人欲講：「你有信心，我有行為；請你互我看無行為的信心，我就用行為互你看我的信心。」</verse>
				<verse number="19">你信上帝只有一位，按呢真著；連鬼嘛信，甚至驚甲皮皮惙。</verse>
				<verse number="20">你哪𣍐曉想，你愛欲知無？無行為的信心無路用。</verse>
				<verse number="21">咱的祖先 亞伯拉罕 獻家己的子 以撒 佇祭壇頂，豈毋是對此個行為互上帝給伊稱做義人？</verse>
				<verse number="22">可見，信心及伊的行為做夥運作；信心通過行為才完整。</verse>
				<verse number="23">這是應驗聖經所講：「 亞伯拉罕 信上帝，因為按呢，上帝就給伊算做義」；伊嘛稱做上帝的朋友。</verse>
				<verse number="24">可見，人受接納做義人是對行為，毋是干焦對信。</verse>
				<verse number="25">妓女 喇合 的情形嘛是按呢。伊接納 以色列 人的使者，幫贊𪜶對別條路逃走，按呢伊豈毋是對行為受接納做義人？</verse>
				<verse number="26">身軀無氣是死的；信心無行為嘛是死的。</verse>
			</chapter>
			<chapter number="3">
				<verse number="1">兄弟姊妹，恁中間毋通有真多人作教師。咱知，咱作教師的人會受較嚴格的審判。</verse>
				<verse number="2">因為咱大家攏常常犯真多錯誤；講話無錯誤的是完全的人，伊會曉控制家己。</verse>
				<verse number="3">咱用馬咬韁鬥佇馬的嘴裡，互𪜶馴服，通控制歸隻馬的行動。</verse>
				<verse number="4">閣看，船雖然赫大隻，互大風吹，拍，只有用一支細細的船舵給伊控制，駛船的人就會當照家己的意思駛。</verse>
				<verse number="5">親像按呢，嘴舌是細的器官，猶久會講大話。 閣想看咧，一點仔火星嘛會互歸個樹林攏燒去。</verse>
				<verse number="6">嘴舌是火。佇咱的肢體中，嘴舌是邪惡的世界，會污染咱歸身軀。此個火是對地獄點𤏸的，會互人歸個人生燒滅。</verse>
				<verse number="7">人會當制伏逐種野獸、飛鳥、蟲𧒴，及魚類；其實嘛已經給𪜶攏制伏啦。</verse>
				<verse number="8">毋拘，無人會當制伏嘴舌；嘴舌是無人控制會牢的邪惡，充滿致命的毒。</verse>
				<verse number="9">咱用嘴舌謳咾主咱的父，嘛用嘴舌咒詛照上帝家己的形像所造的人。</verse>
				<verse number="10">感謝及咒詛的話攏對仝一個嘴出。兄弟姊妹，按呢是無應該！</verse>
				<verse number="11">對仝一個泉源豈會淐出甜的及苦的水！</verse>
				<verse number="12">兄弟姊妹，無花果樹豈會生橄欖？葡萄樹豈會生無花果？鹹的水源嘛𣍐出甜的水！</verse>
				<verse number="13">恁中間什麼人有智慧，有見識？若有，著用謙卑及智慧，通過家己的好品行表現出來。</verse>
				<verse number="14">恁心內若有惡毒、怨妒，及自私，就毋通誇口，講白賊抵敵真理。</verse>
				<verse number="15">此款智慧毋是對天頂來的，是屬地上，屬血氣，屬魔鬼。</verse>
				<verse number="16">因為有怨妒及自私就有混亂及逐項歹行為。</verse>
				<verse number="17">對頂面來的智慧，頭一項是純潔，閣來是和平、溫和、有度量、充滿慈悲，閣𠢕結好果子，無偏私，無虛假。</verse>
				<verse number="18">公義是促進和平的人用和平撒的種籽所結的果子。</verse>
			</chapter>
			<chapter number="4">
				<verse number="1">恁中間的鬥爭及爭執對叨位來？豈毋是對恁肢體中間不時啲爭執及鬥爭的慾望來？</verse>
				<verse number="2">恁想欲得著，得𣍐著，就欲刣人。恁慾望滿滿，毋拘𣍐當滿足，就爭執鬥爭。恁得𣍐著所愛的，因為無對上帝求。</verse>
				<verse number="3">恁祈求，毋拘得𣍐著，因為恁的動機毋好，所求的干焦是欲滿足家己的快樂。</verse>
				<verse number="4">恁諸個毋信的人啊，豈毋知及世間作朋友就是及上帝作對敵？</verse>
				<verse number="5">聖經講：「上帝深深意愛伊囥佇咱內面的神」， 恁想聖經所寫此句話無意思是無？</verse>
				<verse number="6">不過上帝賜咱的恩典閣較大。因為按呢，聖經有講： 上帝敵對驕傲的人， 施恩互謙卑的人。</verse>
				<verse number="7">所以，恁著順服上帝，反抗魔鬼，魔鬼就會逃走離開恁。</verse>
				<verse number="8">著親近上帝，上帝就會親近恁。罪人啊，著洗恁的手；無定性的人啊，著潔淨恁的心。</verse>
				<verse number="9">著悲傷，哀痛，啼哭；著互恁的快樂變做悲哀，歡喜變做憂愁。</verse>
				<verse number="10">著佇主的面前謙卑，伊就會給恁高升。</verse>
				<verse number="11">兄弟姊妹，毋通互相講歹話。講兄弟姊妹的歹話，批判兄弟抑是姊妹，就是講律法的歹話，批判律法。你若批判律法就毋是律法的遵守者，是律法的批判者。</verse>
				<verse number="12">律法的制定者及審判者只有一位，伊會拯救，嘛會毀滅。你是啥人，哪敢批判你的厝邊？</verse>
				<verse number="13">呃，恁聽我講。有人講「今仔日抑是明仔載阮欲去某一個城，佇遐住一年，做生理賺錢」。</verse>
				<verse number="14">恁連明仔載性命會變按怎都毋知！恁假若濛霧出現一下仔久連鞭就消失。</verse>
				<verse number="15">恁應該按呢講：「主若願意，阮就會活，通做此項做彼項。」</verse>
				<verse number="16">恁現在敢驕傲自大；此款的驕傲攏是邪惡。</verse>
				<verse number="17">所以，人知影著做好事，無去做就是犯罪。</verse>
			</chapter>
			<chapter number="5">
				<verse number="1">呃，恁諸個好額人，注意聽，著為著啲欲受的災難哀傷啼哭！</verse>
				<verse number="2">恁的財富已經敗壞，恁的衣服已經互蛀蟲咬破。</verse>
				<verse number="3">恁的金、銀生銹，諸個銹會成做控告恁的證據，閣會親像火燒滅恁的身軀。恁為著終末的日子積聚錢財。</verse>
				<verse number="4">佇恁的田園為恁做工給恁收割的人，恁無工錢互𪜶。著聽𪜶叫苦的聲！許個收割的工人呼叫的聲，主 — 萬軍的統帥已經有聽著。</verse>
				<verse number="5">恁佇地上享受奢華宴樂。恁家己食甲肥滋滋，啲等互人刣的日。</verse>
				<verse number="6">恁給無辜的人定罪，給伊殺害，伊嘛無給恁抵抗 。</verse>
				<verse number="7">所以，兄弟姊妹，著忍耐到主來臨。恁看，農夫按怎聽候田裡寶貴的收成；伊耐心聽候春霖秋雨。</verse>
				<verse number="8">恁嘛著忍耐。恁的心著堅定，因為主的來臨近啦。</verse>
				<verse number="9">兄弟姊妹，毋通互相埋怨，才免受上帝審判。恁看，審判者徛佇門口啦。</verse>
				<verse number="10">兄弟姊妹，著用許個奉主的名講話的先知做忍受苦難的模樣。</verse>
				<verse number="11">許個吞忍到尾的人，咱看𪜶做有福氣。恁曾聽見 約伯 的忍耐，知主最後有按怎給伊照顧，因為主充滿憐憫及慈愛。</verse>
				<verse number="12">我的兄弟姊妹，上重要的就是，毋通指天、地，抑是什麼物件咒誓。「是」就講「是」，「毋是」就講「毋是」；按呢恁才免受上帝審判。</verse>
				<verse number="13">恁中間有痛苦的人無？若有，伊著祈禱。恁中間有歡喜的人無？若有，伊著唱稱讚的詩歌。</verse>
				<verse number="14">恁中間有破病的人無？若有，伊著請教會的長老替伊祈禱，奉主的名給伊抹油。</verse>
				<verse number="15">有信心的祈禱會救病人；主會互伊閣好起來，伊所犯的罪嘛會得著赦免。</verse>
				<verse number="16">所以，恁著互相認罪，相替祈禱，通互恁得著醫好。義人的祈禱有大功效。</verse>
				<verse number="17">以利亞 及咱平平是人。伊迫切祈禱毋通落雨，果然有三年半久地上無落雨。</verse>
				<verse number="18">伊閣祈禱，天果然落大雨，土地就生產五穀。</verse>
				<verse number="19">我的兄弟姊妹，恁中間若有人偏離真理，有人閣給伊導倒轉來，</verse>
				<verse number="20">恁著知，互失迷的倒轉來彼個人會救罪人的靈魂脫離死亡，互伊真多的罪得著遮蓋。</verse>
			</chapter>
		</book>
		<book number="60">
			<chapter number="1">
				<verse number="1">我 彼得 是耶穌基督的使徒，我寫批互受揀選分散佇 本都 、 加拉太 、 加帕多家 、 亞細亞 、 庇推尼 等所在寄居的人。</verse>
				<verse number="2">恁受揀選是照父上帝預定的旨意，對聖神成做聖潔，通順服耶穌基督，閣對伊的血得著潔淨。 願上帝豐豐富富賜恁恩典及平安！</verse>
				<verse number="3">著稱讚咱的主耶穌基督的父上帝！根據伊無限的仁慈，通過耶穌基督對死人中閣活，上帝有互咱重出世通得著活活的向望，</verse>
				<verse number="4">來承受伊為著恁保存佇天裡彼個𣍐朽爛，𣍐拍垃墋，𣍐消失的福氣。</verse>
				<verse number="5">這是欲互恁諸個通過信受伊的大能力保守的人，通得著準備佇終末的時機會實現的拯救。</verse>
				<verse number="6">為著按呢，雖然恁現在暫時猶著受種種的試煉心艱苦，恁著歡喜。</verse>
				<verse number="7">這是欲證明恁的信心堪得受考驗，比互火煉過猶會敗壞的金閣較寶貴，通互恁佇耶穌基督顯現的時得著稱讚、榮光，及尊貴。</verse>
				<verse number="8">恁雖然毋曾看著伊，嘛疼伊；現在無看見伊，猶久信伊。恁有用言語𣍐當表達極大的歡喜，</verse>
				<verse number="9">因為恁會得著信的結果，就是靈魂的得救。</verse>
				<verse number="10">關係此個拯救，預言恁會得著恩典許個先知已經有研究閣詳細查考。</verse>
				<verse number="11">𪜶得著佇𪜶心內基督的神對𪜶的指示，查考關係基督的受苦及後來得著榮光此個預言會佇什麼時，會按怎實現。</verse>
				<verse number="12">上帝有給𪜶啟示，互𪜶知𪜶的侍奉毋是為著家己，是為著恁。諸個事現在已經有靠對天來的聖神，通過福音的使者傳互恁；諸個事連天使嘛迫切啲聽候愛知。</verse>
				<verse number="13">所以，恁的心志著準備好勢，著警醒，全心向望耶穌基督顯現的時所欲賜恁的恩典。</verse>
				<verse number="14">著做順服的子兒，毋通照恁以前毋識上帝的時啲放縱私慾。</verse>
				<verse number="15">呼召恁的上帝是聖潔，恁佇一切的行為嘛著聖潔。</verse>
				<verse number="16">因為聖經有記載：「恁著聖潔，因為我是聖潔。」</verse>
				<verse number="17">恁既然求叫用仝一個標準，照逐人的行為審判人彼位做父，就著用敬畏的心佇世間的日子作僑民生活。</verse>
				<verse number="18">因為恁知，恁受贖回脫離祖先留互恁彼款無路用的傳統，毋是用會敗壞的金銀，</verse>
				<verse number="19">是用彼位無缺點無污點的羊羔基督所流的寶血。</verse>
				<verse number="20">基督佇創造宇宙以前先互上帝揀選，佇此個末期才為著恁顯現。</verse>
				<verse number="21">恁通過基督信互伊對死人中閣活閣賜伊榮光彼位上帝；按呢，恁的信及向望攏在佇上帝。</verse>
				<verse number="22">恁已經對順趁真理來潔淨家己，有純真的手足之情，就著用清氣的心對心底熱切相疼。</verse>
				<verse number="23">恁重出世，毋是對會敗壞，是對𣍐敗壞的種籽，就是通過上帝活活、永遠𣍐無去的話。</verse>
				<verse number="24">因為聖經有記載： 人攏親像草， 𪜶的榮華攏親像草花； 草會焦， 花會謝，</verse>
				<verse number="25">總是主的話永遠存在。 這就是傳互恁的福音的信息。</verse>
			</chapter>
			<chapter number="2">
				<verse number="1">所以，著棄拺一切的歹，一切的詭詐、假好、怨妒，及一切的誹謗。</verse>
				<verse number="2">著親像抵出世的嬰仔真愛純的屬靈的奶，互恁通成長到得著救；</verse>
				<verse number="3">因為恁已經有啖著主的仁慈。</verse>
				<verse number="4">著親近主，伊是活石，雖然互人棄拺，毋拘受上帝揀選看做寶貴。</verse>
				<verse number="5">恁嘛著作活石，互上帝用來起造屬靈的殿，閣作聖潔的祭司，通過耶穌基督獻上帝所歡喜屬靈的祭物。</verse>
				<verse number="6">因為聖經有記載： 看咧，我欲佇 錫安 下一塊石， 是受揀寶貴的厝角石； 信伊的人絕對𣍐失望。</verse>
				<verse number="7">此塊石對恁諸個信的人是寶貴的，毋拘對毋信的人， 起厝師傅所棄拺的石， 已經成做上重要的基石！</verse>
				<verse number="8">佇別位有記載： 此塊是絆腳石， 是互人跋倒的石。 𪜶毋順趁道理來跋倒是上帝的安排。</verse>
				<verse number="9">毋拘恁咧，恁是受揀選的種族、王家的祭司、聖潔的國度、上帝的子民，欲互恁通宣揚上帝偉大的作為；此位上帝有召恁出烏暗來入佇伊燦爛的光明。</verse>
				<verse number="10">聖經講： 恁前毋是上帝的子民， 現在是伊的子民； 恁前無得著上帝的憐憫， 現在得著伊的憐憫。</verse>
				<verse number="11">親愛的兄弟姊妹，恁佇世間作僑民，作寄居的，我勸恁毋通放縱肉體的情慾；此個情慾不時啲攻擊靈魂。</verse>
				<verse number="12">恁佇未信者的中間著有好行為，互許個誹謗恁是歹人的人通看見恁的好行為，佇主來臨的日歸榮光互上帝。</verse>
				<verse number="13">為著主的緣故，恁著順趁人一切的制度，無論是對最高的統治者君王，</verse>
				<verse number="14">抑是對君王所派來獎勵做好的人，刑罰做歹的人的官長攏著按呢。</verse>
				<verse number="15">因為這是上帝的旨意；伊愛恁做好，互無智識的戇人無話通講。</verse>
				<verse number="16">恁作自由的人，毋通用自由做邪惡的藉口，著作上帝的僕人。</verse>
				<verse number="17">恁著尊重所有的人；著疼兄弟姊妹，敬畏上帝，尊敬君王。</verse>
				<verse number="18">恁作僕人的，著恭敬順趁恁的主人，毋若對善良溫和的主人，連刻薄的嘛著按呢。</verse>
				<verse number="19">抵著無應該受的痛苦，若了解是上帝的意思來忍受是通稱讚的。</verse>
				<verse number="20">恁若做毋著互人拍來忍受痛苦，有什麼體面？毋拘恁若作好來忍受苦難，這是上帝所稱讚的。</verse>
				<verse number="21">為著此個，上帝呼召恁；因為基督嘛有為著恁受苦，留模樣互恁，欲互恁通隨伊的腳步。</verse>
				<verse number="22">伊無犯罪； 伊的嘴嘛無詭詐。</verse>
				<verse number="23">伊受詈罵，無罵倒轉；受虐待，嘛無給人威脅；只有將家己交託互彼位公義的審判者。</verse>
				<verse number="24">基督佇十字架頂親身擔當咱的罪，互咱向罪死，向義來活；對伊的受傷，恁得著醫治。</verse>
				<verse number="25">恁以前親像羊迷路，現在已經轉來歸佇恁靈魂的牧者及監護者。</verse>
			</chapter>
			<chapter number="3">
				<verse number="1">像款，恁作婦仁人的著順服家己的丈夫。按呢，𪜶中間若有人無順趁道理，會對恁的好品行受感化；恁攏毋免講半句話，</verse>
				<verse number="2">因為𪜶會看出恁的生活純潔閣敬虔。</verse>
				<verse number="3">恁毋通靠編頭毛，掛金器，穿媠衫等妝飾，</verse>
				<verse number="4">著靠內在的媠，用溫柔及安靜的性情做𣍐敗壞的妝飾；這佇上帝的面前是上寶貴的。</verse>
				<verse number="5">因為早時仰望上帝許個聖潔的婦仁人嘛是按呢妝飾家己，順服𪜶的丈夫；</verse>
				<verse number="6">親像 莎拉 順從 亞伯拉罕 ，稱呼伊做「主人」。恁若做好事，無受恐嚇致到驚惶，就是 莎拉 的查某子。</verse>
				<verse number="7">仝款，恁作丈夫的著及家己的婦仁人做夥生活，體貼𪜶肉體上較軟弱。著給𪜶尊重，因為𪜶嘛及恁平平是分享上帝恩賜的活命的人。按呢，恁的祈禱才𣍐受阻礙。</verse>
				<verse number="8">總講，恁攏著同心，同情，相疼親像兄弟姊妹，有仁慈，心存謙卑；</verse>
				<verse number="9">無用歹報歹，抑是用侮辱對付侮辱；顛倒著用祝福回報，因為恁是為著此個受呼召，互恁通承受福氣。</verse>
				<verse number="10">因為聖經有記載： 人若愛性命， 愛過好日子， 著禁家己的舌無講歹話， 禁止嘴唇無講詭詐。</verse>
				<verse number="11">著拒絕歹，做好事， 熱心追求和平。</verse>
				<verse number="12">因為主的目睭看顧義人， 伊的耳孔聽𪜶的祈禱； 毋拘伊會對作歹的人變面。</verse>
				<verse number="13">恁若熱心作好，啥人會害恁？</verse>
				<verse number="14">總是恁若為著義受苦，就有福氣。毋免驚人的威脅，嘛毋免著急不安。</verse>
				<verse number="15">著尊崇基督做主。若有人問恁心中的向望，著不時準備好勢通對𪜶辯明。</verse>
				<verse number="16">不過著用溫和及尊重的態度來回答。著有清白的良心，通佇恁受侮辱的時互許個侮辱恁的人看見恁靠基督所表現的好品行感覺見笑。</verse>
				<verse number="17">受苦若是上帝的旨意，作好來受苦比作歹來受苦較好。</verse>
				<verse number="18">因為基督嘛曾為著罪受苦，一遍就完成；義的人替不義的人受苦，是為著欲導恁到上帝的面前。佇肉體，伊受處死；佇靈，伊有閣活。</verse>
				<verse number="19">通過伊的靈，伊嘛有去對許個佇監內的靈傳道，</verse>
				<verse number="20">就是 挪亞 準備大船的時，上帝有耐心聽候許個毋順服伊的人。當時進入大船的人無幾個，只有八個，𪜶有對水裡得著救。</verse>
				<verse number="21">此個水預表洗禮，毋是欲洗除恁身軀的垃屑，是欲互恁有清白的良心通對上帝決志；此個洗禮通過耶穌基督的閣活互恁得著拯救。</verse>
				<verse number="22">伊已經上天，現在佇上帝的正旁啲掌管眾天使以及靈界的掌權者及權力者。</verse>
			</chapter>
			<chapter number="4">
				<verse number="1">基督既然佇肉體受苦，恁嘛著用仝款的心志來裝備家己，因為佇肉體受苦是及罪惡斷絕關係。</verse>
				<verse number="2">按呢，恁佇世間所賰的日子就無閣照人的情慾，是照上帝的旨意來活。</verse>
				<verse number="3">恁有浪費光陰做未信者所愛做的事，淫亂、色慾、酒醉、宴樂、大食大飲，及可惡的偶像崇拜等，已經夠額啦。</verse>
				<verse number="4">𪜶看見恁無閣及𪜶過放蕩無節制的生活，就奇怪煞給恁誹謗。</verse>
				<verse number="5">𪜶著對啲欲審判活人及死人的上帝交賬。</verse>
				<verse number="6">為著此個緣故，福音甚至嘛有傳互死去的人，互𪜶的肉體雖然著照一般人的款受審判，毋拘𪜶的靈會當照上帝的款來活。</verse>
				<verse number="7">萬有的終局近啦！所以，著謹慎守己，通警醒祈禱。</verse>
				<verse number="8">上要緊的，是著熱切相疼，因為疼會遮蓋真多罪過。</verse>
				<verse number="9">著互相好款待，毋通埋怨。</verse>
				<verse number="10">作上帝所賜逐項恩賜的好管家，著照逐個人所得著的恩賜互相服務。</verse>
				<verse number="11">講道理的，著講上帝的信息；侍奉的，著照上帝所賜恩賜的力量來侍奉，互上帝通過耶穌基督佇萬事得著榮耀。願榮光權柄攏歸伊，直到永永遠遠。阿們！</verse>
				<verse number="12">親愛的兄弟姊妹，恁抵著親像火的試煉，毋通若準抵著奇怪的事；</verse>
				<verse number="13">反轉著因為有分擔基督的苦難來歡喜，互恁佇伊榮耀顯現的時嘛通歡喜快樂。</verse>
				<verse number="14">恁若為著基督的名受凌辱，恁真有福氣，因為有上帝榮光的神𫢶佇恁身上。</verse>
				<verse number="15">恁中間毋通有人因為刣人，作賊，作歹，抑是愛管別人的代誌來受苦。</verse>
				<verse number="16">若因為作基督徒來受苦，毋免見笑，反轉著因為有此個名歸榮光互上帝 。</verse>
				<verse number="17">審判的時到啦！上帝的家著代先受審判；若對咱開始，許個毋信趁上帝福音的人的結局豈𣍐閣較嚴重？</verse>
				<verse number="18">聖經有講： 義人得救都真， 無敬虔的人及罪人豈𣍐閣較困難？</verse>
				<verse number="19">所以，許個照上帝的旨意受苦的人，著將家己交託互彼位通信靠的造物主，繼續做好事。</verse>
			</chapter>
			<chapter number="5">
				<verse number="1">我作長老，閣作基督受苦的見證人，有份佇伊啲欲顯現的榮光，我給恁中間平平啲作長老的人苦勸。</verse>
				<verse number="2">著牧養上帝交代恁的羊群，給𪜶眷顧，毋是勉強，是照上帝的旨意甘心樂意；毋是為著貪財，是自願熱心來做。</verse>
				<verse number="3">交代互恁的羊群，毋通用權威管轄，著做𪜶的模樣。</verse>
				<verse number="4">按呢，恁佇大牧者顯現的時會得著永遠𣍐失去光彩榮光的花冠。</verse>
				<verse number="5">像款，恁少年人著順服長輩。恁大家著謙卑相對待；因為聖經有記載： 上帝敵對驕傲的人， 施恩互謙卑的人。</verse>
				<verse number="6">所以，恁著佇上帝大氣力的手下謙卑，伊到時就會給恁高升。</verse>
				<verse number="7">恁著將一切的掛慮交互上帝，因為伊關心恁。</verse>
				<verse number="8">著謹慎，著警醒，因為恁的對敵魔鬼親像啲哮的獅，四界行啲尋通吞食的人。</verse>
				<verse number="9">著靠堅定的信心來抵當伊，因為恁知全世界的眾兄弟姊妹攏啲經歷像款的苦難。</verse>
				<verse number="10">賜一切恩典的上帝，就是通過基督 來呼召恁進入永遠的榮光彼位，佇恁暫時受苦以後，一定會親身給恁重新建立，賜恁氣力，互恁堅固，徛在。</verse>
				<verse number="11">願權能歸互伊，直到永遠。阿們！</verse>
				<verse number="12">通過忠實的兄弟 西拉 ，我寫此張短短的批互恁，來勉勵恁，閣見證這是上帝真實的恩典。著佇此個恩典頂面徛在。</verse>
				<verse number="13">𫢶佇 巴比倫 及恁平平受揀召的教會給恁請安。我的子 馬可 嘛給恁請安。</verse>
				<verse number="14">著親切互相請安。 願平安歸佇恁所有屬基督的人！</verse>
			</chapter>
		</book>
		<book number="61">
			<chapter number="1">
				<verse number="1">我 西緬‧彼得 是耶穌基督的僕人及使徒，我寫批互許個靠咱的上帝及救主耶穌基督的義，及阮做夥領受仝款寶貴信仰的人。</verse>
				<verse number="2">願恁通過認識上帝及咱的主耶穌得著上帝所賜豐豐富富的恩典及平安！</verse>
				<verse number="3">上帝有用伊的能力將敬虔的生活所需要的一切賜互咱；這是通過咱認識召咱來分享伊的榮光及良善彼位上帝來的。</verse>
				<verse number="4">按呢，伊有將極大閣寶貴的應允賜互咱，互恁通過諸個應允通脫離世上的慾望所造成的腐敗來分享上帝的本性。</verse>
				<verse number="5">為著此個，恁著盡力拍拼，互恁有信心閣有德行，有德行閣有智識，</verse>
				<verse number="6">有智識閣有節制，有節制閣有忍耐，有忍耐閣有敬虔，</verse>
				<verse number="7">有敬虔閣有手足之情，有手足之情閣有仁愛。</verse>
				<verse number="8">諸個是恁所需要的品德。諸個恁若攏有，閣愈充實，會互恁閣較積極，閣較有效認識咱的主耶穌基督。</verse>
				<verse number="9">人若無諸個德行，是短視，是失明，𣍐記得伊以前的罪已經有洗清氣。</verse>
				<verse number="10">所以，我的兄弟姊妹，恁著閣較勞力來證明上帝對恁的呼召及揀選是確實的；恁若按呢做就𣍐墮落。</verse>
				<verse number="11">按呢，上帝會大大賜福互恁通進入咱的主 — 救主耶穌基督永遠的國度。</verse>
				<verse number="12">所以，雖然恁已經知諸個代誌，閣堅定執守恁所領受的真理，我猶久欲不時給恁提醒諸個代誌。</verse>
				<verse number="13">我想，我猶活啲的時，著給恁提醒。</verse>
				<verse number="14">咱的主耶穌基督已經有清楚給我指示，互我知無久就會脫離此個會敗壞的身軀。</verse>
				<verse number="15">我欲盡力想辦法，互恁佇我離開世間以後不時會記得諸個代誌。</verse>
				<verse number="16">阮對恁所講主耶穌基督大權能來臨的事，毋是根據人捏造出來虛假的傳說；阮有親目看見伊的尊榮。</verse>
				<verse number="17">伊對父上帝領受尊貴及榮耀的時，彼位尊嚴的榮光 — 上帝出聲講：「此個是我所疼的子，伊，我真意愛。」</verse>
				<verse number="18">伊佇聖山的時阮嘛佇遐，有親身聽見對天頂出來此個聲。</verse>
				<verse number="19">所以阮對先知所宣布的信息閣較有確信。恁著注意聽，因為此個信息親像一葩燈佇烏暗的所在啲照，照到天光，到啟明星出現佇恁心內的時。</verse>
				<verse number="20">上要緊的著知，聖經所有的預言毋通照家己的意思解說。</verse>
				<verse number="21">因為預言毋是出佇人的意思，是人受聖神感動講出對上帝來的信息。</verse>
			</chapter>
			<chapter number="2">
				<verse number="1">以前嘛有假先知佇民間出現；仝款，現在嘛有假教師會佇恁中間出現。𪜶暗中將互人滅亡的異端帶入來，甚至毋承認彼位贖回𪜶的主宰，致到家己真緊就滅亡。</verse>
				<verse number="2">毋拘猶有真多人學𪜶淫亂的生活，致到真理的道路因為𪜶受誹謗。</verse>
				<verse number="3">諸個假教師因為貪心，會用捏造的故事諞恁的財物。對此款人的定罪早就決定；𪜶真緊就滅亡。</verse>
				<verse number="4">上帝無寬容犯罪的天使，給𪜶擲落地獄，關佇烏暗的深坑，聽候審判。</verse>
				<verse number="5">上帝嘛無寬容古代的世界，用大水淹滅無敬畏上帝的世間人，只有救宣揚公義的 挪亞 及其他七個人。</verse>
				<verse number="6">上帝處罰 所多瑪 及 蛾摩拉 的城市，用火毀滅𪜶，互無敬畏上帝的人 做警戒。</verse>
				<verse number="7">上帝有救義人 羅得 ，因為 羅得 為著邪惡的人淫亂的所做操心。</verse>
				<verse number="8">彼個義人 羅得 𫢶佇𪜶中間，逐日有聽見閣看著許個邪惡的代誌，伊正義的心非常痛苦。</verse>
				<verse number="9">主知按怎救敬虔的人脫離試煉，嘛知給不義的人留到審判的日受刑罰，特別是許個放縱肉體的情慾及藐視上帝權威的人。 諸個假教師大膽閣驕傲，甚至敢侮辱尊貴的眾天使。</verse>
				<verse number="10"></verse>
				<verse number="11">許個天使的氣力及能力雖然比假教師較大，嘛無佇主的面前用侮辱的話給𪜶控告。</verse>
				<verse number="12">毋拘，諸個人及出世就趁本能啲活，欲互人掠去刣的野獸仝款，𪜶誹謗家己毋識的事；野獸毀滅，𪜶嘛會按呢受毀滅，</verse>
				<verse number="13">受著家己不義的行為應得的報應。𪜶看佇日時沉迷佇情慾做享樂。𪜶及恁做夥飲食的時，大食大飲，放縱宴樂，完全失態。</verse>
				<verse number="14">𪜶的目睭只有愛看邪淫，無犯罪擋𣍐牢。𪜶引誘意志薄弱的人。𪜶的心只有想貪財。𪜶是上帝咒詛的人！</verse>
				<verse number="15">𪜶離開正路，行迷路，行 比珥 的子 巴蘭 所行的路。 巴蘭 貪愛不義的錢財，</verse>
				<verse number="16">為著所犯的罪受責備。一隻𣍐講話的驢仔竟然用人的聲阻止先知 巴蘭 瘋狂的想法。</verse>
				<verse number="17">諸個人親像焦去的水泉，親像互大風吹散的雲霧；上帝已經有給𪜶佇烏暗的深淵留一個所在。</verse>
				<verse number="18">𪜶講空洞的戇話，用𣍐當控制的肉體的情慾，引誘已經 脫離失迷生活的人。</verse>
				<verse number="19">𪜶答應互人自由，毋拘家己做腐敗生活的奴隸；因為人受什麼控制，就成做彼個的奴隸。</verse>
				<verse number="20">人認識咱的主 — 救主耶穌基督脫離世間的腐敗以後，若閣互腐敗的勢力纏啲閣壓制，此款的結局會比以前閣較僫。</verse>
				<verse number="21">𪜶認識公義的道路，然後離開所傳授互𪜶神聖的誡命，按呢寧可對起頭就毋識較好。</verse>
				<verse number="22">𪜶的情形抵親像俗語所講「狗越轉來食家己吐出來的物」，抑是「豬洗清氣以後隨時閣去翱路糊糜」。</verse>
			</chapter>
			<chapter number="3">
				<verse number="1">親愛的朋友，我現在寫互恁的是第二張批。我寫此兩張批是欲提醒恁來激起恁純潔的心志。</verse>
				<verse number="2">我愛恁會記得古早的聖先知所講的話，及恁的使徒所傳主 — 救主互恁的命令。</verse>
				<verse number="3">上要緊的，恁著知，佇終末的日子有一寡趁私慾生活的人會出現，給恁恥笑</verse>
				<verse number="4">講：「主應允欲來臨，今按怎？伊佇叨位？咱的祖先攏死去，毋拘對創世以來一切攏仝款。」</verse>
				<verse number="5">𪜶故意無視此個事實，就是佇古早天對上帝的話受創造，地是對水，嘛用水來形成。</verse>
				<verse number="6">當時的世界是互水淹密 來毀滅。</verse>
				<verse number="7">毋拘現在的天及地嘛仝款對上帝的話得著保留到審判及不虔的人互火毀滅的日。</verse>
				<verse number="8">親愛的朋友，有一項代誌請恁毋通𣍐記得，就是對主來看，一日若一千年，一千年若一日。</verse>
				<verse number="9">有人想講主延遲伊答應欲做的事，其實伊毋是啲延遲，是啲容忍恁，無愛有人滅亡，愛逐個人攏悔改。</verse>
				<verse number="10">毋拘主的日會親像賊仔忽然來。佇彼個日，諸個天會佇大的響聲中消滅，天體互火消熔，地及地上一切的被造物攏消滅 。</verse>
				<verse number="11">既然諸個一切會按呢毀滅，恁著按怎作人？恁的生活著聖潔，敬虔，</verse>
				<verse number="12">聽候閣催迫上帝的日趕緊來臨。佇彼日，諸個天會互火燒滅，天體會互火燒熔。</verse>
				<verse number="13">毋拘咱啲聽候的是上帝所應允新的天新的地，佇遐公義永遠得著建立。</verse>
				<verse number="14">所以，親愛的朋友，既然恁啲聽候諸個代誌，佇上帝的面前著盡力追求互家己無缺點，無通指責，通及伊和好。</verse>
				<verse number="15">著將咱的主的寬容看做恁得救的機會，這嘛是咱親愛的兄弟 保羅 用上帝賜互伊的智慧寫批所勸勉的。</verse>
				<verse number="16">伊所有的批攏有講起諸個事。伊的批有一寡理解的話，許個愚戇無定性的人會給伊曲解 ，抵及𪜶啲曲解其他的經文仝款；結果，𪜶家己討滅亡。</verse>
				<verse number="17">所以，親愛的朋友，恁既然代先知此個代誌，著謹慎才免互歹人用錯誤的言論導去行錯誤的路，離開恁堅固的立場。</verse>
				<verse number="18">著佇咱的主 — 救主耶穌基督的恩典下及對伊的認識繼續進步。 願榮光歸互伊，對現在直到永遠。阿們！</verse>
			</chapter>
		</book>
		<book number="62">
			<chapter number="1">
				<verse number="1">阮欲給恁說明創世以前就存在彼個活命的道；此個道阮有聽著，有親目看著，有詳細看著，嘛有親手摸著。</verse>
				<verse number="2">此個活命已經顯現；阮有看著，現在做見證，閣對恁宣布原來及父同在閣已經有對阮顯現此個永遠的活命。</verse>
				<verse number="3">阮看著閣聽著的，現在嘛對恁宣布，是欲互恁嘛通及阮有團契；此個團契是阮及父及伊的子耶穌基督中間的團契。</verse>
				<verse number="4">阮寫諸個是欲互咱有圓滿的歡喜。</verse>
				<verse number="5">阮對上帝的子聽著，現在傳互恁的信息是按呢：上帝是光，佇伊完全無烏暗。</verse>
				<verse number="6">咱若講咱及伊有團契，猶久繼續佇烏暗中生活，是講白賊，無實行真理。</verse>
				<verse number="7">毋拘 ，上帝佇光明中，咱若照按呢佇光明中生活，咱就互相有團契，伊的子耶穌的血會繼續洗清咱攏總的罪。</verse>
				<verse number="8">咱若講咱無罪，是騙家己，真理無佇咱內面。</verse>
				<verse number="9">咱若承認咱的罪，上帝是信實公義，欲赦免咱的罪，洗清咱攏總的不義。</verse>
				<verse number="10">咱若講咱毋曾犯罪，是給上帝看做白賊，伊的道無佇咱內面。</verse>
			</chapter>
			<chapter number="2">
				<verse number="1">少年人，我寫諸個是欲互恁𣍐去犯罪。若有人犯罪，咱有義人耶穌基督佇父的面前做咱的辯護人。</verse>
				<verse number="2">伊為著咱的罪，毋若咱的罪，嘛為著全世界的罪，作贖罪祭。</verse>
				<verse number="3">咱若有啲遵守上帝的誡命，就知咱真正識上帝。</verse>
				<verse number="4">若有人講「我識上帝」，毋拘無啲遵守伊的誡命，此個人是白賊，伊內面無真理。</verse>
				<verse number="5">毋拘人若遵守上帝的道，上帝的疼就真正佇伊身上完全實現。人若講伊𫢶佇上帝內面，應該照耶穌基督的言行生活。按呢就知咱有佇上帝內面。</verse>
				<verse number="6"></verse>
				<verse number="7">親愛的朋友，我寫互恁的毋是新的誡命，是恁對起頭就領受彼個舊的誡命，是恁曾聽著的信息。</verse>
				<verse number="8">總是我寫互恁的誡命嘛通講是新的，這對基督及對恁攏是真的；因為烏暗啲過去，真光已經啲照。</verse>
				<verse number="9">人若講伊佇光明中，毋拘怨恨兄弟抑是姊妹，事實伊猶久佇烏暗中。</verse>
				<verse number="10">疼兄弟抑是姊妹的人是佇光明中啲生活，𣍐致到互人跋倒犯罪。</verse>
				<verse number="11">毋拘怨恨兄弟抑是姊妹的人是佇烏暗中，佇烏暗中啲生活，毋知欲去叨位，因為烏暗互伊的目睭無看見。</verse>
				<verse number="12">少年人，我寫批互恁， 因為靠基督的名恁的罪已經得著赦免。</verse>
				<verse number="13">父老序大，我寫批互恁， 因為恁認識對起頭就存在彼位。 青年人，我寫批互恁， 因為恁已經有贏過彼個邪惡者。</verse>
				<verse number="14">細子，我寫批互恁， 因為恁認識父。 父老序大，我寫批互恁， 因為恁認識對起頭就存在彼位。 青年人，我寫批互恁， 因為恁勇壯，上帝的道𫢶佇恁內面， 閣恁已經有贏過彼個邪惡者。</verse>
				<verse number="15">毋通貪愛世間抑是世間的物。若有人貪愛世間，伊就無疼父。</verse>
				<verse number="16">因為一切屬世間的，親像肉體的慾望、目睭的慾望、展家己的財富等，攏毋是對父來，是對世間來的。</verse>
				<verse number="17">此世間及世間的慾望攏啲過去，總是實行上帝旨意的人永遠生存。</verse>
				<verse number="18">細子，這是終末的時。恁有聽著基督的敵對者啲欲來，現在已經有真多基督的敵對者出現；對按呢，咱知這是終末的時。</verse>
				<verse number="19">𪜶離開咱，因為𪜶毋是咱的人；𪜶若是咱的人，會繼續及咱做夥。毋拘𪜶離開，表示𪜶攏毋是咱的人。</verse>
				<verse number="20">恁已經有領受聖神 ，恁攏知。</verse>
				<verse number="21">我寫批互恁，毋是因為恁毋識真理，是因為恁識真理，閣知一切的虛假毋是對真理來。</verse>
				<verse number="22">什麼人是白賊的？一定是拒絕耶穌是基督彼個人！拒絕父及子的就是基督的敵對者。</verse>
				<verse number="23">拒絕子的無接納父；宣認子就是接納父。</verse>
				<verse number="24">著堅守恁對起頭所聽著的信息。恁若堅守對起頭所聽著的信息就會繼續活佇子及父的內面。</verse>
				<verse number="25">這就是基督互咱的應允，是永遠的活命。</verse>
				<verse number="26">我寫諸個互恁，是關係想欲迷惑恁的人的事。</verse>
				<verse number="27">對恁來講，恁對基督領受的聖神𫢶佇恁內面，就無需要別人給恁教示，因為此位聖神欲教示恁逐項代誌；伊的教示是真的，毋是假的。按呢，著照聖神教示恁的，𫢶佇基督內面。</verse>
				<verse number="28">今，少年人，著𫢶佇基督內面，按呢佇伊顯現的時，咱佇伊面前才會好膽，𣍐因為伊的來臨感覺見笑。</verse>
				<verse number="29">恁若知伊是公義，應該知實行公義的人才是上帝的子兒。</verse>
			</chapter>
			<chapter number="3">
				<verse number="1">恁想看咧，父偌仔呢疼咱，互咱通稱做伊的子兒；事實咱就是。世間人毋識咱，因為𪜶毋識上帝。</verse>
				<verse number="2">親愛的朋友，現在咱是上帝的子兒，將來會按怎猶未明顯。毋拘咱知，基督顯現的時，咱會親像伊，因為咱會看見伊的真像。</verse>
				<verse number="3">基督是純潔，所以對基督有此款向望的人會家己保持純潔。</verse>
				<verse number="4">人犯罪是違背上帝的律法，因為罪是違背上帝的律法。</verse>
				<verse number="5">恁知基督顯現是欲除去人的罪，毋拘伊本身無罪。</verse>
				<verse number="6">及基督保持密切關係的人𣍐繼續犯罪；繼續犯罪的人毋曾看見基督，嘛毋識伊。</verse>
				<verse number="7">少年朋友，毋通受迷惑。基督是義人，所以實行公義的才是義人。</verse>
				<verse number="8">繼續犯罪的人屬魔鬼，因為魔鬼對起頭就犯罪。上帝的子顯現的目的是欲破壞魔鬼的作為。</verse>
				<verse number="9">對上帝生的𣍐繼續犯罪，因為上帝的活命佇𪜶內面；𪜶𣍐繼續犯罪，因為𪜶是對上帝生的。</verse>
				<verse number="10">對按呢，什麼人是上帝的子兒抑是魔鬼的子兒真清楚：無實行公義，無疼兄弟姊妹的，毋是上帝的子兒。</verse>
				<verse number="11">咱著相疼；這是恁對起頭所聽著的信息。</verse>
				<verse number="12">咱毋通親像 該隱 ；伊屬邪惡者，有刣死家己的小弟。伊哪會刣死小弟？因為伊的行為邪惡，毋拘小弟的行為正直。</verse>
				<verse number="13">兄弟姊妹，世間人若怨恨恁，恁毋免奇怪。</verse>
				<verse number="14">咱知，咱已經出死入活，因為咱有疼兄弟姊妹。無疼人的是𫢶佇死的管轄下。</verse>
				<verse number="15">怨恨兄弟抑是姊妹就是刣人；恁嘛知，刣人的，永遠的活命無𫢶佇伊內面。</verse>
				<verse number="16">基督為著咱犧牲性命，對按呢咱知什麼是疼；按呢咱嘛愛為著兄弟抑是姊妹犧牲性命。</verse>
				<verse number="17">若有好額人看著兄弟抑是姊妹有欠缺亦無同情憐憫，哪會當講伊有疼上帝？</verse>
				<verse number="18">少年朋友，相疼毋通只有用話抑是用嘴講，著實實在在實行。</verse>
				<verse number="19">對按呢咱知咱屬真理。咱若受良心責備，佇上帝的面前咱會當安穩自在，因為伊的心比咱的心閣較寬大，伊逐項攏知。</verse>
				<verse number="20"></verse>
				<verse number="21">親愛的朋友，咱的良心若無給咱責備，咱佇上帝面前就通勇敢毋免驚。</verse>
				<verse number="22">咱無論對伊求什麼攏會得著，因為咱遵守伊的誡命，佇伊面前做伊所歡喜的事。</verse>
				<verse number="23">伊的誡命是按呢：咱著信伊的子耶穌基督的名，嘛著照伊互咱的命令相疼。</verse>
				<verse number="24">遵守上帝誡命的人𫢶佇伊內面，伊嘛佇𪜶內面。對上帝賜互咱的聖神咱知上帝𫢶佇咱內面。</verse>
			</chapter>
			<chapter number="4">
				<verse number="1">親愛的朋友，毋通相信逐個神；著察驗諸個神是對上帝來抑毋是，因為有真多假先知已經出現佇此世間。</verse>
				<verse number="2">恁通用按呢來認識上帝的神：宣認耶穌基督成做人來世間彼位神是對上帝來的；</verse>
				<verse number="3">毋宣認耶穌許個神毋是對上帝來的。這是基督的敵對者的神，恁有聽著伊啲欲來，現在已經佇世間。</verse>
				<verse number="4">少年朋友，恁是屬上帝，閣已經贏過假先知，因為𫢶佇恁內面的聖神比𫢶佇世間人內面的神較強較大。</verse>
				<verse number="5">假先知是屬世間，講世間事，所以世間人會聽𪜶。</verse>
				<verse number="6">咱是屬上帝。識上帝的人會聽咱；無屬上帝的人毋聽咱。對此個，咱認識真理的神及迷惑人的神。</verse>
				<verse number="7">親愛的朋友，咱著相疼，因為疼是對上帝來。有疼的人是上帝的子兒，嘛識上帝。</verse>
				<verse number="8">無疼的人毋識上帝，因為上帝是疼。</verse>
				<verse number="9">上帝差伊獨一的子來到世間，欲互咱對伊得著活命；對此個，上帝的疼顯明佇咱中間。</verse>
				<verse number="10">毋是咱疼上帝，是伊有疼咱，差伊的子做贖罪祭來贖咱的罪。這就是疼。</verse>
				<verse number="11">親愛的朋友，上帝若赫呢疼咱，咱嘛著相疼。</verse>
				<verse number="12">無人曾看見上帝，咱若相疼，上帝就𫢶佇咱內面，伊的疼通過咱完全實現出來。</verse>
				<verse number="13">上帝已經有將伊的聖神賜互咱，對此個咱知咱𫢶佇上帝內面，伊嘛佇咱內面。</verse>
				<verse number="14">父差伊的子來做世間的救主，阮有看著，現在做見證。</verse>
				<verse number="15">宣認耶穌是上帝的子的人，上帝𫢶佇伊內面，伊嘛佇上帝內面。</verse>
				<verse number="16">所以，咱知閣信上帝有疼咱。 上帝是疼，有啲實行疼的人𫢶佇上帝內面，上帝嘛𫢶佇伊內面。</verse>
				<verse number="17">對按呢，疼佇咱中間完全實現出來，互咱佇審判的日通勇敢毋免驚，因為咱佇此世間及基督仝款。</verse>
				<verse number="18">有疼就無驚惶；完全的疼趕出驚惶。因為有驚惶就有刑罰；有驚惶的人，疼猶無完全實現出來。</verse>
				<verse number="19">咱著相疼，因為上帝有代先疼咱。</verse>
				<verse number="20">若有人講「我疼上帝」，毋拘怨恨兄弟抑是姊妹，伊是白賊。因為，無疼有看著的兄弟抑是姊妹，哪會疼無看著的上帝。</verse>
				<verse number="21">疼上帝嘛著疼家己的兄弟抑是姊妹，這是咱對基督領受的誡命。</verse>
			</chapter>
			<chapter number="5">
				<verse number="1">信耶穌是基督的人攏是上帝的子兒。疼父母，嘛會疼𪜶所生的子兒。</verse>
				<verse number="2">咱若疼上帝閣遵守伊的誡命，按呢就知咱有啲疼上帝的子兒。</verse>
				<verse number="3">遵守上帝的誡命就是疼上帝。伊的誡命毋是遵守。</verse>
				<verse number="4">因為上帝的子兒攏會當較贏世間；互咱較贏世間的就是咱的信。</verse>
				<verse number="5">較贏世間的是什麼人？豈毋是信耶穌是上帝的子的人？</verse>
				<verse number="6">此位耶穌基督就是通過水及血來的；毋是只有通過水，是通過水及血。聖神做見證，因為聖神是真理。</verse>
				<verse number="7">有三個做見證，</verse>
				<verse number="8">就是聖神、水，及血；此三個見證攏一致。</verse>
				<verse number="9">人的見證咱都接受，上帝的見證閣較有效。此個是上帝為著伊的子所做的見證。</verse>
				<verse number="10">信上帝的子的人，佇伊心內有此個見證；毋信上帝的人就是看上帝做白賊，因為伊毋信上帝為著伊的子所做的見證。</verse>
				<verse number="11">此個見證就是：上帝已經有賜咱永遠的活命，此個活命是對伊的子來的。</verse>
				<verse number="12">人有上帝的子就有活命；無上帝的子就無活命。</verse>
				<verse number="13">我寫諸個是欲互恁信上帝的子的人知，恁有永遠的活命。</verse>
				<verse number="14">咱佇上帝面前勇敢無驚，因為咱若照伊的旨意祈求，伊會給咱聽。</verse>
				<verse number="15">既然知伊會聽咱的祈求，就知咱對伊所求的已經有得著。</verse>
				<verse number="16">若有人看著兄弟抑是姊妹犯著𣍐致到死的罪，著祈求上帝，上帝會賜伊活命；我是指許個犯著𣍐致到死的罪的人啲講。嘛有會致到死的罪，我講「著祈求」，並毋是指此個。</verse>
				<verse number="17">一切不義的行為攏是罪，毋拘嘛有𣍐致到死的罪。</verse>
				<verse number="18">咱知，上帝的子兒𣍐繼續犯罪，因為上帝的子啲給𪜶保守，邪惡者磕𪜶 𣍐著。</verse>
				<verse number="19">咱知，咱是屬上帝，毋拘全世界受邪惡者管轄。</verse>
				<verse number="20">咱嘛知上帝的子已經來臨，閣互咱有曉悟的心通認識彼位真神上帝。咱及真神上帝結連，因為咱及伊的子耶穌基督結連。此位就是真神上帝，是永遠的活命。</verse>
				<verse number="21">細子，恁著閃開偶像。</verse>
			</chapter>
		</book>
		<book number="63">
			<chapter number="1">
				<verse number="1">我長老寫批互受揀選的夫人及你的子兒：我真心疼恁，毋若我，連所有認識真理的人嘛疼恁；</verse>
				<verse number="2">因為真理𫢶佇咱內面，會永遠及咱同在。</verse>
				<verse number="3">願父上帝及父的子耶穌基督賜咱恩典、憐憫，及平安，互咱的生活充滿真理及仁愛！</verse>
				<verse number="4">我非常歡喜，因為我發見你的子兒中間有人遵趁父的誡命，實行真理。</verse>
				<verse number="5">夫人啊，我要求你，咱著相疼。我啲寫互你的毋是新的誡命，是咱對起頭就領受的。</verse>
				<verse number="6">咱照上帝的誡命生活，就是疼。此個誡命是恁對起頭所聽著的，著照此個誡命生活。</verse>
				<verse number="7">有真多迷惑者已經來到此世間；𪜶毋公開承認耶穌基督做人來世間。此款人是迷惑者，是基督的敵對者。</verse>
				<verse number="8">著小心，恁所做的工才𣍐落空，反轉會得著充足的報賞。</verse>
				<verse number="9">偏離無堅守基督教示的人無及上帝結連。堅守教示的人才有及父以及子結連。</verse>
				<verse number="10">若有人去恁遐，所傳違背此款的教示，毋通接納伊入恁的厝，嘛毋通給伊請安，</verse>
				<verse number="11">因為給伊請安就是參與伊的歹行為。</verse>
				<verse number="12">我猶有真多話愛寫，毋拘無愛用紙筆；我較向望去恁遐，當面及恁講，通互咱的歡喜充滿。</verse>
				<verse number="13">及你平平受揀選彼個姊妹的子兒欲給你請安。</verse>
			</chapter>
		</book>
		<book number="64">
			<chapter number="1">
				<verse number="1">我長老寫批互親愛的 該猶 ；你是我真心所疼的。</verse>
				<verse number="2">親愛的朋友，我祝你萬事亨通，嘛祝你身體健康，親像你的心神赫呢勇壯。</verse>
				<verse number="3">有幾個信徒來，給我證實你對真理忠誠，事實你一直有啲實行真理，我非常歡喜。</verse>
				<verse number="4">聽著講我的子兒有啲實行真理，無一項比這閣較互我歡喜。</verse>
				<verse number="5">親愛的朋友，你有忠實接待信徒，特別是出外人。</verse>
				<verse number="6">𪜶曾佇會眾面前證實你的疼心。請你照上帝所歡喜的，幫贊𪜶繼續𪜶的旅程。</verse>
				<verse number="7">因為𪜶為著基督的緣故出外傳道，攏無對未信者接受什麼。</verse>
				<verse number="8">所以咱有義務接待此款的人，互咱通為著真理成做同工。</verse>
				<verse number="9">我曾寫批互教會。可惜，愛欲做教會領袖的 狄特腓 毋接納我。</verse>
				<verse number="10">所以，我若去，欲講起伊所做用歹話誹謗攻擊阮的代誌。毋若按呢，伊本身毋接待信徒，甚至阻擋願意接待的人，閣給𪜶革出教會。</verse>
				<verse number="11">親愛的朋友，毋通學歹，著學好。作好的屬上帝；作歹的毋曾看見上帝。</verse>
				<verse number="12">眾人攏稱讚 底米特 ；真理本身嘛為著伊作證。阮嘛為著伊作證；你知阮的見證是真實。</verse>
				<verse number="13">我猶有真多話愛寫，毋拘無愛用紙筆。</verse>
				<verse number="14">我向望無久會見著你，咱才當面來講。</verse>
				<verse number="15">願你平安！你的朋友攏給你請安。請替我給咱的朋友一個一個請安。</verse>
			</chapter>
		</book>
		<book number="65">
			<chapter number="1">
				<verse number="1">我是耶穌基督的僕人， 雅各 的兄弟 猶大 ，我寫批互許個受上帝選召，得著父上帝的疼，受耶穌基督保祐的人。</verse>
				<verse number="2">願上帝豐豐富富賜恁憐憫、平安，及慈愛！</verse>
				<verse number="3">親愛的朋友，我早就一直愛欲寫批互恁，及恁談論咱攏有份的拯救。我感覺此陣需要隨時寫批給恁鼓勵，愛恁為著我最後一遍傳授互信徒此個信仰繼續奮鬥。</verse>
				<verse number="4">因為有一寡無敬畏上帝的人偷偷仔鑽入來咱中間，利用咱的上帝的恩典做放縱的藉口，閣毋認唯一的主宰咱的主耶穌基督。真早以前聖經就預言諸個人一定著受刑罰。</verse>
				<verse number="5">雖然恁知諸個一切的事，我猶久欲給恁提醒，主 一遍 就完全將 以色列 人民對 埃及 地救出來，後來毀滅許個毋信的人。</verse>
				<verse number="6">閣許個無守本分，離開本位的天使，𪜶互鎖鍊永遠鍊佇烏暗的深淵；上帝給𪜶關佇遐，聽候審判的大日子。</verse>
				<verse number="7">住佇 所多瑪 、 蛾摩拉 ，及附近城市的人，嘛及許個天使像款淫亂，放縱反自然的性慾，受著永遠𣍐化的火的刑罰，做眾人的警戒。</verse>
				<verse number="8">像款，諸個空思妄想的人嘛損害家己的身軀，藐視上帝的權威，侮辱天頂許個尊榮者。</verse>
				<verse number="9">天使長 米迦勒 為著 摩西 的遺體及魔鬼爭論的時，嘛毋敢用誹謗的話責備，只有講：「主譴責你！」</verse>
				<verse number="10">毋拘諸個人誹謗𪜶所無了解的事；𪜶親像野獸去做照本能所知的代誌，結果受毀滅。</verse>
				<verse number="11">𪜶慘啊！因為𪜶行 該隱 的路，閣為著錢財陷落佇 巴蘭 的錯誤。𪜶及 可拉 像款，因為背叛來滅亡。</verse>
				<verse number="12">𪜶毋知見笑，大食大飲，家己顧食，來破壞恁的愛餐。𪜶親像雲互風吹來吹去，攏無落雨；親像樹到秋天亦無結果子，互人連根摳起來，死甲焦硞硞。</verse>
				<verse number="13">𪜶嘛親像波浪噴出水沫，露出家己的見笑；親像離開軌道的星落入去上帝為著𪜶永遠保留彼個烏暗的深淵。</verse>
				<verse number="14">亞當 的第七代孫 以諾 預言諸個人講：「恁看！主有導千千萬萬的聖天使來，</verse>
				<verse number="15">欲審判所有的人，刑罰一切無敬虔的罪人，因為𪜶用無敬虔的方法做一切無敬虔的事，閣講褻瀆上帝的話。」</verse>
				<verse number="16">諸個人不時嗷嗷唸，埋怨，趁私慾做代誌，講大話，為著利益扶挺別人。</verse>
				<verse number="17">親愛的朋友，著會記得咱的主耶穌基督的使徒預言的話。</verse>
				<verse number="18">𪜶有給恁講：「佇末期，有一寡趁家己無敬虔的慾念做代誌的人會出現，𪜶愛恥笑別人的信仰。」</verse>
				<verse number="19">諸個是製造紛爭，受本性支配，無及聖神結連的人。</verse>
				<verse number="20">恁咧，親愛的朋友，著將家己建立佇恁至聖的信仰頂面；著靠聖神祈禱。</verse>
				<verse number="21">著𫢶佇上帝的疼保守家己，仰望咱的主耶穌基督的憐憫，直到得著永遠的活命。</verse>
				<verse number="22">對一寡心存憢疑的人，著憐憫𪜶；</verse>
				<verse number="23">有一寡人，著對火中給𪜶救出來；閣有一寡人，著憐憫𪜶，毋拘著家己警戒，連𪜶互情慾沐著的衫都著厭惡。</verse>
				<verse number="24">上帝會保護恁𣍐墮落，互恁無缺點，歡歡喜喜徛佇伊榮耀的面前。</verse>
				<verse number="25">願獨一的上帝 — 咱的救主，通過咱的主耶穌基督得著榮光、尊嚴、能力，及權柄，對萬古到現在，直到永遠。阿們！</verse>
			</chapter>
		</book>
		<book number="66">
			<chapter number="1">
				<verse number="1">這是耶穌基督的啟示。上帝互伊此個啟示，愛伊將一定隨時會發生的代誌指示上帝的眾僕人。基督有差遣伊的天使去指示伊的僕人 約翰 。</verse>
				<verse number="2">約翰 為著上帝的信息及耶穌基督的見證，就是伊所看見的一切來作證。</verse>
				<verse number="3">讀此本冊的人真有福氣；聽見此個預言閣遵守冊裡所記載的人真有福氣；因為時機近啦。</verse>
				<verse number="4">我 約翰 寫批互 亞細亞 的七個教會，講： 願現在存在、過去存在、將來嘛存在的上帝，及伊座位前的七個神，以及耶穌基督，賜恁恩典及平安！基督是忠信的見證人，頭一個對死人中閣活，是地上萬王的主宰。 伊疼咱，為著咱流血犧牲來解放咱脫離罪，</verse>
				<verse number="5"></verse>
				<verse number="6">互咱成做一個國度，作祭司來服事伊的父上帝。願榮光及權能歸佇耶穌基督，直到永永遠遠。阿們！</verse>
				<verse number="7">你看，伊坐雲啲來， 眾人會看見伊， 連用槍鑿伊的人嘛會看見。 地上萬族攏會因為伊啼哭。 此個事一定會發生。阿們！</verse>
				<verse number="8">現在存在、過去存在、將來嘛存在的全能的主上帝講：「我是阿爾法，是亞米茄。」</verse>
				<verse number="9">我是 約翰 ，是恁的兄弟，及恁做夥分擔耶穌的患難及吞忍，閣有份佇伊的統治。為著傳上帝的信息及耶穌的見證，我曾住佇一個名叫做 拔摩 的海島。</verse>
				<verse number="10">有一個主日，我受聖神感動，聽見佇我的後面有大的聲親像喇叭啲響，</verse>
				<verse number="11">講：「你著將所看見的寫做冊，寄互 以弗所 、 士每拿 、 別迦摩 、 推雅推喇 、 撒狄 、 非拉鐵非 ，及 老底嘉 此七個教會。」</verse>
				<verse number="12">我越轉身欲看對我講話的是什麼人，一下越轉身，有看著七支金燈台。</verse>
				<verse number="13">燈台的中央有一位親像人子，穿一領垂落到腳的長袍，胸坎縖金帶。</verse>
				<verse number="14">伊的頭及頭毛親像羊毛赫呢白，親像雪赫呢白；伊的目睭親像火焰。</verse>
				<verse number="15">伊的腳親像過火爐鍛鍊光亮的銅；伊的聲親像大水啲瀧的聲。</verse>
				<verse number="16">伊的正手提七粒星；伊的嘴吐出雙面利的劍；伊的面親像炎熱的日頭發光。</verse>
				<verse number="17">我一下看著伊，就仆佇伊腳前親像死去的人。伊用正手按我，講：「毋免驚！我是起頭的，嘛是煞尾的。</verse>
				<verse number="18">我是活的。我有死，現在啲活，會永永遠遠活啲。我有死亡及陰府的鎖匙。</verse>
				<verse number="19">所以，你著將所看見的，以及現在所啲發生，及以後會發生的代誌攏寫起來。</verse>
				<verse number="20">你所看著我正手提彼七粒星及七支金燈台的奧妙是按呢：七粒星是七個教會的天使；七支燈台是七個教會。」</verse>
			</chapter>
			<chapter number="2">
				<verse number="1">「你著寫批互 以弗所 的教會的天使，講： 「『正手挺七粒星，佇七支金燈台的中間啲行彼位按呢講：</verse>
				<verse number="2">我知你的所做；你按怎啲勞苦及吞忍。我知你𣍐容忍歹人；你嘛曾考驗許個自稱是使徒其實毋是的人，看出𪜶是白賊的。</verse>
				<verse number="3">你有吞忍，曾為著我的名忍受艱苦，攏無厭倦。</verse>
				<verse number="4">毋拘，有一項代誌我欲給你責備，就是你已經放拺你當初的疼心。</verse>
				<verse number="5">所以，著會記得你對叨位墮落；著悔改，做你當初所做的工作。若無，我會去你遐，將你的燈台對原位徙開。</verse>
				<verse number="6">不過，你猶有一項可取的事，就是你嘛及我仝款怨恨尼哥拉黨的行為。</verse>
				<verse number="7">「『有耳孔的人攏著聽聖神給諸個教會講的話。 「『得勝的人，我欲互伊食上帝的樂園中彼欉活命樹的果子。』」</verse>
				<verse number="8">「你著寫批互 士每拿 的教會的天使，講： 「『起頭的及煞尾的，死有閣活彼位按呢講：</verse>
				<verse number="9">我知你的患難及散赤；其實你是好額。我知你有受著自稱 猶太 人的人的誹謗；其實𪜶毋是 猶太 人，是撒旦的集團。</verse>
				<verse number="10">毋免驚你啲欲受的苦難。你看，魔鬼啲欲將恁中間幾若人關落監，欲給恁考驗，恁會受苦難十日。你著盡忠到死，我會賜你活命的花冠。</verse>
				<verse number="11">「『有耳孔的人攏著聽聖神給諸個教會講的話。 「『得勝的人絕對𣍐受著第二遍死的災害。』」</verse>
				<verse number="12">「你著寫批互 別迦摩 的教會的天使，講： 「『有雙面利的劍彼位按呢講：</verse>
				<verse number="13">我知你住叨位，就是有撒旦的座位遐。你有堅守我的名，甚至我忠實的見證人 安提帕 佇恁中間，就是撒旦住的所在，受殺害的時，你嘛無否認對我的信仰。</verse>
				<verse number="14">毋拘我有幾若項代誌欲給你責備：因為佇你遐有人執守 巴蘭 的教示，此個 巴蘭 有教 巴勒 去引誘 以色列 的子孫，互𪜶食祭偶像的物，閣行姦淫。</verse>
				<verse number="15">親像按呢，你遐嘛有人執守尼哥拉黨的教示。</verse>
				<verse number="16">所以，著悔改。若無，我連鞭會去你遐，用我嘴內的劍及𪜶交戰。</verse>
				<verse number="17">「『有耳孔的人攏著聽聖神給諸個教會講的話。 「『得勝的人我欲將保存起來的嗎哪互伊，閣欲互伊一塊白石，石的頂面有寫新的名；此個名，領受的人以外，無人識。』」</verse>
				<verse number="18">「你著寫批互 推雅推喇 的教會的天使，講： 「『上帝的子，就是目睭親像火焰，腳親像光亮的銅彼位按呢講：</verse>
				<verse number="19">我知你的行為、你的疼、信心、服事，及吞忍；閣知你最近的所做比起頭的較好。</verse>
				<verse number="20">毋拘，有一項代誌我欲給你責備，就是你容允自稱作先知的婦仁人 耶洗碧 ；伊教示閣迷惑我的僕人去犯姦淫閣食祭偶像的物。</verse>
				<verse number="21">我有互伊時間通悔改，毋拘伊毋肯悔改離開淫行。</verse>
				<verse number="22">看啊，我欲互伊艱苦倒床；許個及伊犯姦淫的人若無悔改，停止𪜶及伊的淫行，我嘛欲互𪜶受大苦難。</verse>
				<verse number="23">我欲刣死許個隨伊的人。按呢攏總的教會就會知我是監察人的心思意念的，我欲照恁逐個人的行為給恁報應。</verse>
				<verse number="24">「『總是恁諸個其他的 推雅推喇 人，恁無受此款教導，毋識所謂撒旦的奧祕的人，我給恁講，我𣍐加添別款的重擔互恁。</verse>
				<verse number="25">毋拘，恁著堅守恁已經有的，直到我來。</verse>
				<verse number="26">「『得勝閣繼續為著我做工到路尾的人，我欲互伊權柄通治理萬國；</verse>
				<verse number="27">伊欲用鐵柺治理𪜶，親像摃碎瓷器；</verse>
				<verse number="28">我嘛有按呢對我的父領受權柄。得勝的人，我嘛欲互伊啟明星。</verse>
				<verse number="29">「『有耳孔的人攏著聽聖神給諸個教會講的話。』」</verse>
			</chapter>
			<chapter number="3">
				<verse number="1">「你著寫批互 撒狄 的教會的天使，講： 「『有上帝的七個神及七粒星彼位按呢講：我知你的行為，人講你啲活，其實你是死。</verse>
				<verse number="2">著醒起來，加強啲欲無去的氣絲仔，因為我看，佇我的上帝面前，你的行為猶無完全。</verse>
				<verse number="3">所以，著會記得你所領受，所聽著的；著遵守，著悔改。你若無醒起來，我會親像賊來；你一定毋知我什麼時會來到你遐。</verse>
				<verse number="4">毋拘，佇 撒狄 猶有一寡人𪜶的衫無拍垃墋，𪜶會穿白衫及我做夥行，因為𪜶會堪得。</verse>
				<verse number="5">「『得勝的人像款會穿白衫；我一定𣍐對活命冊給伊除名。我會佇我的父及許個天使面前公開認伊的名。</verse>
				<verse number="6">「『有耳孔的人攏著聽聖神給諸個教會講的話。』」</verse>
				<verse number="7">「你著寫批互 非拉鐵非 的教會的天使，講： 「『聖潔閣真實，掌握 大闢 的鎖匙，開就無人會當關，關就無人會當開彼位按呢講：</verse>
				<verse number="8">我知你的行為，你看，我已經佇你的面前給你開一個門，是無人會當關的；我知你干焦有淡薄氣力，卻有守我的道理，毋曾否認我的名。</verse>
				<verse number="9">你看，撒旦的集團，𪜶自稱 猶太 人，其實毋是，是許個講白賊的；你看，我欲互𪜶來仆佇你的腳前，𪜶就知我有疼你。</verse>
				<verse number="10">因為你有遵守我的道理吞忍到路尾，我嘛欲保守你脫離彼個試煉的時，此個時啲欲臨到全世界，來考驗住佇地上的人。</verse>
				<verse number="11">我連鞭到；你所有的著堅守，才免有人給你的花冠提去。</verse>
				<verse number="12">「『得勝的人，我欲互伊成做我的上帝殿內的柱；伊永遠𣍐閣離開。我欲將我的上帝的名，以及我的上帝的城，就是對天頂我的上帝遐降落新的 耶路撒冷 的名，及我新的名，攏寫佇伊頂面。</verse>
				<verse number="13">「『有耳孔的人攏著聽聖神給諸個教會講的話。』」</verse>
				<verse number="14">「你著寫批互 老底嘉 的教會的天使，講： 「『彼位阿們，忠信閣信實的見證人，上帝創造的根源，按呢講：</verse>
				<verse number="15">我知你的行為，你無冷無燒。我較愛你看是燒抑是冷。</verse>
				<verse number="16">既然你拉圇燒，毋成燒毋成冷，我啲欲對我的嘴給你呸出去。</verse>
				<verse number="17">因為你講：我好額，已經大發財，攏無欠缺。你卻毋知你悲慘、可憐、散赤、失明，閣赤身露體。</verse>
				<verse number="18">我勸你對我買經過火鍛鍊的金，通互你好額；閣買白的衫去穿，才免互人看著你褪裼的見笑；嘛買藥膏抹你的目睭，互你會看見。</verse>
				<verse number="19">我所疼的人，我攏給𪜶責備及管教。所以，著熱心，著反悔。</verse>
				<verse number="20">你看，我已經徛佇門外啲拍門；聽見我的聲來開門的人，我欲入去尋伊，及伊做夥食，伊嘛及我做夥食。</verse>
				<verse number="21">「『得勝的人，我欲互伊及我做夥坐佇我的寶座，親像我已經得勝及我的父做夥坐佇伊的寶座。</verse>
				<verse number="22">「『有耳孔的人攏著聽聖神給諸個教會講的話。』」</verse>
			</chapter>
			<chapter number="4">
				<verse number="1">後來我閣看，看見天頂有一個開開的門。我有聽見彼個頭一遍對我講話的聲，親像喇叭啲響，講：「起來遮，我欲指示你以後一定會發生的代誌。」</verse>
				<verse number="2">我就隨時受聖神感動，看見天頂有一個寶座，有一位坐佇寶座。</verse>
				<verse number="3">伊的面貌親像碧玉及紅寶石；寶座的周圍有虹，看起來親像綠寶石。</verse>
				<verse number="4">寶座的周圍有二十四個座位，有二十四個長老坐佇座位，𪜶穿白衫，頭殼戴金的花冠。</verse>
				<verse number="5">對寶座有發出熠爁、響聲，及雷；佇寶座前有七支點𤏸的火把，就是上帝的七個神。</verse>
				<verse number="6">寶座前有親像水晶赫呢透明的玻璃海。寶座的周圍有四個活物，𪜶的身軀前後攏有目睭。</verse>
				<verse number="7">頭一個活物親像獅，第二個活物親像牛仔，第三個活物的面親像人的面，第四個活物親像啲飛的鷹鳥。</verse>
				<verse number="8">此四個活物逐個攏有六支翼，周圍及內面歸身軀有真多目睭。𪜶暝日無停啲唱： 聖哉！聖哉！聖哉！ 全能的主上帝； 過去存在，現在存在，將來嘛存在。</verse>
				<verse number="9">逐遍活物將榮光、尊貴、感謝，歸互坐佇寶座、永永遠遠活啲彼位的時，</verse>
				<verse number="10">二十四個長老就仆落去敬拜坐佇寶座、永永遠遠活啲彼位。𪜶將花冠㧒佇寶座前，講：</verse>
				<verse number="11">阮的主，阮的上帝！ 你應該得著榮耀、尊貴，及權能， 因為你創造萬有； 對你的旨意，萬有受造，生存。</verse>
			</chapter>
			<chapter number="5">
				<verse number="1">我看見坐佇寶座彼位的正手有一卷冊，內面外面攏有寫字，用七個印封啲。</verse>
				<verse number="2">我閣看見一個有大氣力的天使，大聲宣布講：「什麼人有資格通搋開彼卷冊，拆開冊的封印？」</verse>
				<verse number="3">佇天頂，佇地上，佇地下，攏無人會當搋開抑是讀彼卷冊。</verse>
				<verse number="4">尋無一個人有資格搋開抑是讀彼卷冊，我就大聲哭。</verse>
				<verse number="5">長老的中間有一個對我講：「毋通哭。你看，對 猶大 支族出來的獅， 大闢 的根，已經得勝，會當開彼卷冊及彼七個封印。」</verse>
				<verse number="6">後來我看見羊羔徛佇寶座前，有四個活物及許個長老給伊圍啲。羊羔假若曾受殺害，有七支角，七蕊目睭，就是受差遣去普天下上帝的七個神。</verse>
				<verse number="7">羊羔就進前，對坐佇寶座彼位的正手提彼卷冊。</verse>
				<verse number="8">伊提著的時，彼四個活物及二十四個長老攏仆佇羊羔的面前，逐個有提琴及貯滿香的金爐；香就是信徒的祈禱。</verse>
				<verse number="9">𪜶吟一首新的詩，講： 你有資格提彼卷冊， 拆開伊的封印； 因為你有受殺害，用你的血 對逐個族群、逐種語言、 逐個民族、逐個邦國 贖回人歸上帝。</verse>
				<verse number="10">你互𪜶成做國度及祭司來服事咱的上帝； 𪜶會佇地上掌權。</verse>
				<verse number="11">我閣看，我有聽見千千萬萬天使的聲音。𪜶攏圍佇寶座、活物，以及長老的周圍，</verse>
				<verse number="12">大聲講： 受殺害的羊羔應該得著權能、 富裕、智慧、氣力、尊貴、榮光，及稱讚。</verse>
				<verse number="13">我閣聽見，佇天頂，佇地上及地下，海裡及宇宙中一切的被造物攏講： 願稱讚、尊貴、榮光、權勢， 攏歸互坐佇寶座彼位及羊羔， 代代無盡！</verse>
				<verse number="14">彼四個活物應講：「阿們！」許個長老就仆落去敬拜。</verse>
			</chapter>
			<chapter number="6">
				<verse number="1">羊羔開七個封印的一個的時，我閣看，我有聽見四個活物的一個，伊的聲親像雷的聲，講：「來！」</verse>
				<verse number="2">我看的時，有看著一隻白馬，騎馬的人攑弓；伊領受花冠出發，為著欲百戰百勝。</verse>
				<verse number="3">羊羔開第二個封印的時，我有聽見第二個活物講：「來！」</verse>
				<verse number="4">彼時有別隻馬出來，是赤色的；騎馬的人有領受權柄通對地上搶奪和平，互人互相殘殺；伊有閣領受一支大支劍。</verse>
				<verse number="5">羊羔開第三個封印的時，我有聽見第三個活物講：「來！」我看的時，有看著一隻烏馬，騎馬的人手提秤仔。</verse>
				<verse number="6">我聽見假若有聲對四個活物中間發出講：「一日的工錢只有通買一公升小麥；一日的工錢只有通買三公升大麥；橄欖油及酒毋通拍損。」</verse>
				<verse number="7">羊羔開第四個封印的時，我有聽見第四個活物講：「來！」</verse>
				<verse number="8">我看的時，有看著一隻火灰色的馬，騎馬的人名叫做死亡，陰府隨佇後面；𪜶有領受權柄通管轄地上四分一的土地，用刀劍、飢荒、瘟疫，及地上的野獸去殺害人。</verse>
				<verse number="9">羊羔開第五個封印的時，我看見祭壇下有為著上帝的話及為著做見證受殺害的人的靈魂。</verse>
				<verse number="10">𪜶大聲喉叫講：「聖閣真的主宰啊，著閣偌久你才欲審判地上的人，通為著阮所流的血申冤？」</verse>
				<verse number="11">逐個人就領受一領白衫，閣有聲給𪜶講，著閣聽候一時仔久，到平平做僕人的人以及𪜶的兄弟姊妹，就是啲欲及𪜶像款受殺害的人的數目滿的時。</verse>
				<verse number="12">後來我看見羊羔開第六個封印的時，忽然地大振動，日頭變做親像烏麻布赫呢烏，月歸個變做親像血赫呢紅；</verse>
				<verse number="13">天頂的星墜落地，親像無花果樹互大風掃振動，猶未熟的果子攏落了了。</verse>
				<verse number="14">天消失，親像一卷冊捲起來；山及海島攏徙離開原位。</verse>
				<verse number="15">地上的君王、統治者、將領、有錢的、有勢的、一切做奴隸的，及自由的攏去匿佇洞內及山巖中間的縫。</verse>
				<verse number="16">𪜶向山嶺及山巖喝講：「倒落來給阮蓋啲，互阮通閃避坐佇寶座彼位的面及羊羔的受氣。</verse>
				<verse number="17">因為𪜶受刑罰的大日子到啦，什麼人徛會牢？」</verse>
			</chapter>
			<chapter number="7">
				<verse number="1">後來，我有看見四個天使徛佇地的四角頭，將地四面的風截起來，互風𣍐吹著地、海，及一切的樹木。</verse>
				<verse number="2">我閣看見另外一個天使提永活上帝的印，對日出的所在上來；伊對有領受權柄通傷害地及海彼四個天使大聲喝，</verse>
				<verse number="3">講：「阮猶未佇上帝僕人的頭額蓋印以前，毋通傷害地、海，及樹木。」</verse>
				<verse number="4">我聽見，佇 以色列 逐個支族中受蓋印的人攏總有十四萬四千。</verse>
				<verse number="5">屬 猶大 支族受蓋印的人有一萬兩千； 屬 呂便 支族的人有一萬兩千； 屬 迦得 支族的人有一萬兩千；</verse>
				<verse number="6">屬 亞設 支族的人有一萬兩千； 屬 拿弗他利 支族的人有一萬兩千； 屬 瑪拿西 支族的人有一萬兩千；</verse>
				<verse number="7">屬 西緬 支族的人有一萬兩千； 屬 利未 支族的人有一萬兩千； 屬 以薩迦 支族的人有一萬兩千；</verse>
				<verse number="8">屬 西布倫 支族的人有一萬兩千； 屬 約瑟 支族的人有一萬兩千； 屬 便雅憫 支族受蓋印的人有一萬兩千。</verse>
				<verse number="9">後來，我閣看，有看見一大群人，無人會當計算𪜶的數目，是對逐國、逐族群、逐民族、講逐款語言的人來的，攏徛佇寶座及羊羔的面前，穿白衫，手攑棕樹枝。</verse>
				<verse number="10">𪜶大聲喝： 願拯救歸佇坐佇寶座的咱的上帝， 嘛歸佇羊羔！</verse>
				<verse number="11">所有的天使攏徛佇寶座、長老，及四個活物的周圍，𪜶佇寶座前，面仆落去敬拜上帝，</verse>
				<verse number="12">講： 阿們！願頌讚、榮光、智慧、 感謝、尊貴、權能、氣力， 歸佇咱的上帝，到永永遠遠。阿們！</verse>
				<verse number="13">長老中有一個問我講：「諸個穿白衫的是什麼人？𪜶對叨位來？」</verse>
				<verse number="14">我應講：「先生，你知。」 後來伊給我講：「諸個人是經過大災難出來的，𪜶有洗𪜶的衫，用羊羔的血洗到白。</verse>
				<verse number="15">所以，𪜶佇上帝的寶座前， 暝日佇伊的聖殿服事伊； 坐佇寶座彼位欲保護𪜶。</verse>
				<verse number="16">𪜶𣍐閣枵，𣍐閣嘴焦； 日頭及炎熱攏𣍐傷害𪜶。</verse>
				<verse number="17">佇寶座中的羊羔欲做𪜶的牧者； 伊欲導𪜶到活命水的泉源； 上帝欲對𪜶的目睭拭去攏總的目屎。」</verse>
			</chapter>
			<chapter number="8">
				<verse number="1">羊羔開第七個封印的時，天靜靜約半點鐘久。</verse>
				<verse number="2">後來我有看見七個天使徛佇上帝面前，𪜶有領受七支喇叭。</verse>
				<verse number="3">閣有一個天使來，手提金香爐徛佇祭壇前，領受真多香，通及眾信徒的祈禱做夥獻佇寶座前的金祭壇頂。</verse>
				<verse number="4">香的煙及信徒的祈禱對天使的手淐到上帝面前。</verse>
				<verse number="5">然後，天使提香爐，貯滿祭壇頂的火，給伊㧒落地，隨時有彈雷、響聲、熠爁，及地動。</verse>
				<verse number="6">攑七支喇叭的七個天使準備好勢欲歕。</verse>
				<verse number="7">頭一個天使歕伊的喇叭，隨時有雹及火，摻血㧒落地；地的三分一燒去，樹木的三分一燒去，所有青翠的草攏燒去。</verse>
				<verse number="8">第二個天使歕伊的喇叭，隨時有親像火啲燒的大山㧒落海；海的三分一變做血；</verse>
				<verse number="9">海裡的活物三分一死去；船隻的三分一損壞。</verse>
				<verse number="10">第三個天使歕伊的喇叭，隨時有一粒大粒星對天頂落落來，親像啲𤏸的火把落佇三分一的江河及所有的水泉。</verse>
				<verse number="11">此粒星的名叫做苦艾。三分一的水變苦，真多人因為此個水死去，因為水變苦。</verse>
				<verse number="12">第四個天使歕伊的喇叭，日的三分一，月的三分一，星的三分一攏受攻擊，致到日、月、星的三分一變暗，日時三分一無光，暝時嘛三分一無光。</verse>
				<verse number="13">後來我看，有聽見一隻佇空中啲飛的鷹鳥大聲叫講：「慘啊！慘啊！住佇地上的人慘啊！因為其他的三個天使啲欲歕喇叭啦。」</verse>
			</chapter>
			<chapter number="9">
				<verse number="1">第五個天使歕伊的喇叭，我有看著對天頂落落來地面彼粒星；此粒星有領受無底深坑的鎖匙。</verse>
				<verse number="2">伊開無底深坑，就有大火爐的煙淐起來。日頭及太空因為深坑的煙就變烏暗。</verse>
				<verse number="3">草蜢對煙的內面出來歇佇地面；𪜶領受權柄親像地上的蝎仔蟲有的權柄。</verse>
				<verse number="4">𪜶受交代毋通傷害地上的草、逐種的樹木，及一切青翠的物，只有通傷害頭額無蓋上帝的印的人。</verse>
				<verse number="5">草蜢無得著權通刣死諸個人，只有通互𪜶受痛苦五月日久；𪜶的痛苦親像人互蝎仔蟲咬著的痛苦。</verse>
				<verse number="6">諸個日的中間，人會求死嘛𣍐得死，愛死嘛死𣍐去。</verse>
				<verse number="7">草蜢的形狀親像準備欲出戰的馬；𪜶的頭殼頂戴親像金的花冠；𪜶的面親像人的面；</verse>
				<verse number="8">𪜶的頭毛親像婦仁人的頭毛；𪜶的牙親像獅的牙；</verse>
				<verse number="9">𪜶的胸坎穿親像鐵的護胸甲；𪜶的翼發出的聲親像真多戰馬拖車奔跑欲去交戰的聲。</verse>
				<verse number="10">𪜶有尾溜親像蝎仔蟲的尾溜有刺；𪜶的尾溜有能力通傷害人五月日久。</verse>
				<verse number="11">𪜶的王是管轄無底深坑的天使；伊的名希伯來語叫做 亞巴頓 ，希臘語叫做 亞玻倫 ，意思是毀滅者。</verse>
				<verse number="12">頭一個災禍已經過去；猶有兩個災禍啲欲來。</verse>
				<verse number="13">第六個天使歕伊的喇叭，我聽見有聲對上帝面前的金祭壇彼四支角出來，</verse>
				<verse number="14">給攑喇叭的第六個天使講：「你著將關佇 幼發拉底河 彼四個天使放出來。」</verse>
				<verse number="15">此四個天使受解放，是早就安排好勢，佇定著的年、月、日，及時欲殺害人類的三分一。</verse>
				<verse number="16">我有聽講馬兵的數目攏總有兩億。</verse>
				<verse number="17">佇異象中，我所看見的馬及騎馬的人是按呢：𪜶穿有火焰、藍寶石，及硫磺的色緻的護胸甲。𪜶的馬的頭親像獅的頭，對𪜶的嘴吐出火、煙，及硫磺。</verse>
				<verse number="18">人類的三分一互馬的嘴吐出來的火、煙，及硫磺此三項災害毀滅。</verse>
				<verse number="19">諸個馬的能力是佇𪜶的嘴及尾溜；𪜶的尾溜親像蛇有頭，用諸個頭傷害人。</verse>
				<verse number="20">其他所賰的就是諸個無受災禍殺害的人。𪜶猶無反悔，無放拺𪜶的手所造的偶像；𪜶照常拜諸個鬼，及許個𣍐看，𣍐聽，𣍐行，用金、銀、銅、石、柴造的偶像。</verse>
				<verse number="21">𪜶嘛無反悔，無放拺𪜶凶殺、邪術、淫亂、偷提的行為。</verse>
			</chapter>
			<chapter number="10">
				<verse number="1">我看見另外一個大氣力的天使對天頂落來；伊用雲作衫穿，頭殼頂有虹，伊的面親像日頭，腳親像火柱。</verse>
				<verse number="2">伊的手有提一卷搋開的細卷冊。伊正腳踏海，倒腳踏地。</verse>
				<verse number="3">伊大聲喝，親像獅啲哮，彼七個雷就出聲應。</verse>
				<verse number="4">七個雷出聲了後，我抵欲寫，聽見對天有聲講：「七個雷所講的，你著封起來，毋通記錄。」</verse>
				<verse number="5">後來，我所看見腳踏海及地彼個天使攑正手指天，</verse>
				<verse number="6">指彼位永永遠遠活啲的上帝，就是創造天及天頂的物、地及地上的物、海及海裡的物的，宣布講：「𣍐閣延遲啦！</verse>
				<verse number="7">不過第七個天使啲欲歕伊的喇叭，喇叭的聲彈的日，上帝對伊的僕人眾先知所宣告的奧妙會實現。」</verse>
				<verse number="8">後來，我前所聽見對天來彼個聲閣一遍對我講：「你去，去提腳踏海及地彼個天使手中彼卷搋開的冊。」</verse>
				<verse number="9">我就去天使遐，請伊將彼卷細卷冊互我；伊給我講：「你提去，食落去，佇腹肚內會苦，毋拘佇嘴內會親像蜜赫呢甜。」</verse>
				<verse number="10">我就對天使的手提彼卷細卷冊來食；嘴內果然親像蜜赫呢甜，毋拘吞落去腹肚內就變做苦。</verse>
				<verse number="11">天使閣給我講：「你著閣宣布上帝關係真多民族、邦國、語言，及君王的預言。」</verse>
			</chapter>
			<chapter number="11">
				<verse number="1">我有領受一支尺，形親像柺仔，閣有聲對我講：「起來，去量上帝的聖殿及祭壇，閣算殿內敬拜的人數。</verse>
				<verse number="2">毋拘，聖殿外口的埕毋通量，因為外埕已經交互外邦人；𪜶會踐踏聖城四十二月日久。</verse>
				<verse number="3">我欲准我兩個見證人穿麻衫，有權傳道一千兩百六十日久。」</verse>
				<verse number="4">此兩個見證人就是徛佇全地的主面前的兩欉橄欖樹及兩支燈台。</verse>
				<verse number="5">若有人欲害𪜶，𪜶會對嘴吐出火，將對敵燒滅；若有人欲害𪜶，一定會按呢受殺害。</verse>
				<verse number="6">此兩個見證人有權通關天，互𪜶傳道的期間無落雨；𪜶嘛有權掌管水，互伊變做血；閣照𪜶所愛通不管時降逐種災害攻擊大地。</verse>
				<verse number="7">𪜶見證完成了後，對無底深坑上來彼隻獸會及𪜶交戰，將𪜶征服，給𪜶刣死。</verse>
				<verse number="8">𪜶的身屍會倒佇大城市的街路；此個城市人給伊比並做 所多瑪 抑是 埃及 ；𪜶的主嘛佇遐互人釘十字架。</verse>
				<verse number="9">三日半久，對逐個民族、逐個族群、逐款語言、逐個邦國，有人會來看𪜶的身屍，毋准人給𪜶埋葬佇墓裡。</verse>
				<verse number="10">住佇地面上的人會因為𪜶的死來歡喜快樂，交換禮物；因為此兩個先知有互地上的人受著苦楚。</verse>
				<verse number="11">三日半過了，對上帝遐有活氣入去𪜶內面，𪜶就𬦰起來徛；看著的人大驚惶。</verse>
				<verse number="12">𪜶兩人聽見對天來大的聲對𪜶講：「起來遮！」𪜶就佇對敵的面前坐雲上天。</verse>
				<verse number="13">抵彼時有大地動，彼座城倒十分一；因為地動死去的有七千人；其他的人大驚惶，歸榮光互天頂的上帝。</verse>
				<verse number="14">第二個災禍已經過；第三個災禍連鞭到。</verse>
				<verse number="15">第七個天使歕伊的喇叭，天頂有大的聲，講： 世間的國成做咱的主及伊所設立的基督的國； 伊欲永永遠遠作王掌權。</verse>
				<verse number="16">佇上帝面前坐佇𪜶家己座位的二十四個長老，面仆落去敬拜上帝，</verse>
				<verse number="17">講： 現在存在、過去存在全能的主上帝， 阮感謝你； 因為你已經掌握大權； 你已經作王掌權。</verse>
				<verse number="18">外邦大受氣， 你嘛發受氣； 死人受審判的時機到啦。 你的僕人眾先知、 你的信徒，及敬畏你的名的， 無論大的細的，你報賞𪜶的時機到啦。 敗壞地的，你敗壞𪜶的時機到啦。</verse>
				<verse number="19">上帝佇天頂的聖殿就開；佇聖殿內伊的約櫃看現現；忽然有熠爁、響聲、雷彈、地動，及大雹。</verse>
			</chapter>
			<chapter number="12">
				<verse number="1">後來，佇天頂有一個大景象出現：有一個婦仁人身穿日頭，腳踏月娘，頭戴十二粒星的花冠。</verse>
				<verse number="2">伊懷孕欲生子，啲催陣，痛疼，喉叫。</verse>
				<verse number="3">佇天頂閣有一個景象出現：有一隻大隻赤色的惡龍，伊有七個頭，十支角；七個頭戴七頂王冠。</verse>
				<verse number="4">伊用尾溜給天頂三分一的星掃落地。彼隻惡龍徛佇啲欲生子的婦仁人的面前，聽候伊的子生出來通給伊吞落去。</verse>
				<verse number="5">彼個婦仁人生一個查甫子，此個子欲用鐵柺治理萬國。毋拘，伊的子互人接去上帝面前，到伊的寶座遐。</verse>
				<verse number="6">彼個婦仁人逃走去曠野，佇遐上帝有給伊備辦一個所在，互伊通得著照顧一千兩百六十日。</verse>
				<verse number="7">後來佇天頂有戰爭。 米迦勒 及伊的使者去及彼隻惡龍交戰，惡龍嘛及伊的使者起來應戰。</verse>
				<verse number="8">惡龍刣輸，伊及伊的使者佇天頂就無所在通住。</verse>
				<verse number="9">彼隻大隻惡龍就受㧒落去；伊就是彼尾老蛇，叫做魔鬼，撒旦，全人類的迷惑者；伊受㧒落地，伊的使者嘛攏及伊做夥受㧒落地。</verse>
				<verse number="10">後來我聽見佇天頂有大的聲講： 現在咱的上帝的拯救、權能，及主權已經實現！ 伊已經顯示伊的基督的權柄！ 彼個暝日佇咱的上帝面前 控告咱的兄弟姊妹的已經受㧒落去。</verse>
				<verse number="11">咱的兄弟姊妹靠羊羔的血， 及𪜶所見證的信息已經較贏彼隻惡龍； 𪜶甚至到死都無惜家己的性命。</verse>
				<verse number="12">所以，諸個天及𫢶佇彼中間的， 攏著歡喜！ 總是，地及海慘啊， 因為魔鬼已經氣沸沸落去恁遐， 伊知影家己的時無久啦。</verse>
				<verse number="13">彼隻惡龍一下知家己已經受㧒落地，就去趇彼個生查甫子的婦仁人。</verse>
				<verse number="14">婦仁人有得著大隻鷹鳥的兩支翼通飛去曠野，到伊家己的所在，佇遐得著照顧三年半久，無受著老蛇的攻擊。</verse>
				<verse number="15">彼尾蛇佇婦仁人的後面，對嘴吐出親像大河的水欲給伊沖走</verse>
				<verse number="16">毋拘，大地幫贊婦仁人，開嘴給彼隻惡龍吐出來的河水吞落去。</verse>
				<verse number="17">惡龍就對婦仁人發受氣，去及婦仁人其他的子孫交戰，就是許個遵守上帝的命令以及持守耶穌的見證的人。</verse>
				<verse number="18">後來，彼隻惡龍去徛佇海坪的沙頂。</verse>
			</chapter>
			<chapter number="13">
				<verse number="1">後來，我有看見一隻獸對海裡起來；伊有十支角，七個頭；十支角有戴十頂王冠；逐個頭殼頂攏有謗瀆上帝的名號。</verse>
				<verse number="2">我所看見彼隻獸親像豹；伊的腳親像熊的腳，嘴親像獅的嘴。彼隻惡龍將家己的能力、王座，及大權柄交互彼隻獸。</verse>
				<verse number="3">獸的一個頭殼親像有受著致命的重傷，毋拘伊的致命傷有得著醫好。通世界的人攏感覺真希奇，去隨佇獸的後面。</verse>
				<verse number="4">𪜶攏拜彼隻惡龍，因為惡龍有將伊的權柄交互獸；𪜶嘛拜獸，講：「啥人會當及此隻獸相比？啥人會當及伊交戰？」</verse>
				<verse number="5">後來，此隻獸有得著一個講大話及褻瀆的嘴；伊得著允准通執行權柄四十二月日久。</verse>
				<verse number="6">伊開嘴褻瀆上帝，褻瀆伊的名及伊的布棚，就是許個搭布棚佇天頂的人。</verse>
				<verse number="7">伊嘛得著允准通攻擊信徒，給𪜶征服；伊閣得著權通治理逐個族群、逐個民族、逐個邦國，及講逐款語言的人。</verse>
				<verse number="8">所有住佇地上的人，對創造世界以來，𪜶的名無記佇受刣羊羔的活命冊的，攏會拜彼隻獸。</verse>
				<verse number="9">有耳孔的攏著聽：</verse>
				<verse number="10">彼個應該受掠的著受掠； 彼個應該受殺害的著受刀殺害。 因為按呢，信徒著有耐心及信心。</verse>
				<verse number="11">後來，我閣看見有一隻獸對地裡起來；伊有兩支角親像羊的角，講話親像惡龍。</verse>
				<verse number="12">伊佇頭一隻獸的面前執行頭一隻獸的權柄。伊叫地及住佇地上的人去拜頭一隻獸，就是受著致命傷閣得著醫好彼隻獸。</verse>
				<verse number="13">伊行大奇蹟，佇人的面前叫火對天降落地；</verse>
				<verse number="14">閣用受允准佇獸的面前行的奇蹟來迷惑地上的人，吩咐𪜶著給彼隻受刀傷猶活啲的獸造一座像。</verse>
				<verse number="15">伊閣受允准將活氣歕入去獸的像，互獸的像會講話，閣殺害所有無拜獸的像的人。</verse>
				<verse number="16">伊嘛強迫眾人，無論大細、好額散赤、自由的作奴隸的，佇𪜶家己的正手抑是頭額蓋印做記號。</verse>
				<verse number="17">無蓋獸的名，抑是無代表伊的名的數字的，就𣍐當買賣。</verse>
				<verse number="18">對此個代誌著有智慧。聰明的人著算出獸的數字，因為數字代表一個人的名，此個數字是六百六十六。</verse>
			</chapter>
			<chapter number="14">
				<verse number="1">後來我閣看，有看見羊羔徛佇 錫安山 ，有十四萬四千人及伊做夥；𪜶的頭額攏有寫羊羔的名及伊的父的名。</verse>
				<verse number="2">我聽見有聲對天頂出來，親像大水啲瀧的聲，閣親像脆雷的聲；我所聽見此個聲親像琴師啲彈豎琴的聲。</verse>
				<verse number="3">𪜶佇寶座及四個活物以及眾長老的面前唱一首新的歌，此首歌除了對地上贖回彼十四萬四千人無人會當學。</verse>
				<verse number="4">𪜶是毋曾親近女性的在室男。羊羔無論去什麼所在，𪜶攏隨到遐。𪜶是對人類中間贖回出來做起頭熟的果子獻互上帝及羊羔的。</verse>
				<verse number="5">𪜶毋曾講白賊，攏無缺點。</verse>
				<verse number="6">我閣看見另外一個天使佇半空中啲飛；伊有永遠的福音欲傳互𫢶佇地上的人，互逐個邦國、逐個族群、逐個民族，及講逐款語言的人。</verse>
				<verse number="7">伊大聲講：「著敬畏上帝，歸榮光互伊！因為伊審判人類的時到啦；著敬拜彼位創造天、地、海，及水源的主。」</verse>
				<verse number="8">另外有第二個天使續落去講：「倒落去啦！互萬國飲伊淫亂的烈酒的大 巴比倫 倒落去啦！」</verse>
				<verse number="9">另外有第三個天使續落去大聲講：「若有人拜彼隻獸及獸的像，頭額抑是手有蓋印，</verse>
				<verse number="10">彼個人嘛著飲上帝受氣的酒，就是斟佇上帝受氣的杯的醇酒。伊會佇聖天使及羊羔的面前受著火及硫磺的苦楚。</verse>
				<verse number="11">苦楚𪜶的火煙淐上高，永遠無停。許個拜彼隻獸及獸的像，以及有蓋著獸的名的印的人，暝日攏𣍐當安歇。」</verse>
				<verse number="12">因為按呢，遵守上帝的命令閣堅持信耶穌的信徒著有耐心。</verse>
				<verse number="13">我閣聽見對天有聲講：「你著寫起來！對今以後為著主喪失性命的人真有福氣！」聖神講：「是，𪜶會脫離勞苦得著安歇，因為𪜶的所做會得著認定。」</verse>
				<verse number="14">後來，我閣看，有看見一片白雲，雲頂坐一位親像人子的，頭殼戴金花冠，手攑一支利的鐮𠠝仔 。</verse>
				<verse number="15">閣有一個天使對聖殿遐出來，對坐佇雲頂彼位大聲喝：「著攑鐮𠠝仔來收割；因為收割的時已經到，地上的農作物已經真熟啦。」</verse>
				<verse number="16">坐佇雲頂彼位就將鐮𠠝仔㧒落地，地上的農作物就收成。</verse>
				<verse number="17">另外一個天使對天頂的聖殿出來，伊嘛攑一支利的鐮𠠝仔。</verse>
				<verse number="18">閣另外一個管火的天使對祭壇遐出來，大聲對攑利的鐮𠠝仔彼個天使喝，講：「用你利的鐮𠠝仔割地上歸葩的葡萄，因為葡萄已經熟啦。」</verse>
				<verse number="19">天使就將鐮𠠝仔㧒落地，割地上的葡萄，將葡萄㧒落去上帝大受氣的酒窟。</verse>
				<verse number="20">葡萄佇城外的酒窟互人踏，就有血對酒窟流出來，大約有兩公尺深，三百公里長。</verse>
			</chapter>
			<chapter number="15">
				<verse number="1">後來，我閣看見佇天頂有另外一個大閣奇異的景象出現，有七個天使掌管最後七個災禍，因為上帝欲降諸個災禍，將伊的受氣摒到盡。</verse>
				<verse number="2">我閣看見親像有火摻佇內面的玻璃海，嘛看見許個得勝的人，𪜶已經贏過彼隻獸、獸的像，及代表獸的名字的數字。𪜶徛佇玻璃海頂面，手提上帝互𪜶的豎琴。</verse>
				<verse number="3">𪜶唱上帝的僕人 摩西 的歌及羊羔的歌，講： 全能的主上帝， 你的作為大閣奇異； 萬王的王， 你的道路公義真實。</verse>
				<verse number="4">主啊，什麼人敢無敬畏你， 敢無榮光你的名？ 因為只有你是聖； 萬國攏會來， 佇你的面前敬拜你； 因為你公義的作為已經顯明。</verse>
				<verse number="5">我閣看見天頂的聖殿已經開，內面有下見證的會幕。</verse>
				<verse number="6">掌管七個災禍的七個天使對聖殿出來，穿清氣閣光亮的幼麻布的衫，胸坎縖金帶。</verse>
				<verse number="7">四個活物的一個將七個金碗交互彼七個天使，內面貯滿永永遠遠活啲的上帝的受氣。</verse>
				<verse number="8">聖殿內充滿對上帝的榮光及權能淐出來的煙，一直到七個天使所掌管彼七個災禍結束以前，無人會當進入聖殿。</verse>
			</chapter>
			<chapter number="16">
				<verse number="1">後來，我聽見有大的聲對聖殿出來給彼七個天使講：「恁去將彼七碗上帝的受氣摒落地。」</verse>
				<verse number="2">頭一個天使就去，將伊彼碗摒落地，許個有獸的記號及拜過獸的像的人就生臭閣毒的瘡。</verse>
				<verse number="3">第二個天使將伊彼碗摒落海，海水就變做親像死人的血，海裡的活物攏死去。</verse>
				<verse number="4">第三個天使將伊彼碗摒落江河及水泉，水就變做血。</verse>
				<verse number="5">我聽見掌管水的天使講： 現在存在、過去存在，至聖的上帝， 你是公義，你的審判公正。</verse>
				<verse number="6">因為𪜶有流信徒及先知的血， 現在你用血互𪜶飲； 這是𪜶應受的報應。</verse>
				<verse number="7">後來我聽見祭壇有聲講： 是啦，全能的主上帝， 你的審判真實公義。</verse>
				<verse number="8">第四個天使將伊彼碗摒佇日頭，日頭就得著權用炎火燒人。</verse>
				<verse number="9">人互大炎火燒就褻瀆有權掌管諸個災禍的上帝的名；𪜶猶久無悔改，無歸榮光互上帝。</verse>
				<verse number="10">第五個天使將伊彼碗摒佇彼隻獸的座位，獸的王國就變做烏暗，人因為痛苦咬舌，</verse>
				<verse number="11">閣因為痛苦及毒瘡褻瀆天頂的上帝；𪜶猶久無悔改來改變𪜶的所做。</verse>
				<verse number="12">第六個天使將伊彼碗摒落 幼發拉底 大河，河水就焦去，為著對東方來許個君王準備一條路。</verse>
				<verse number="13">我閣看見有三個無清氣的神，親像田蛤仔，對惡龍的嘴、獸的嘴，及假先知的嘴出來。</verse>
				<verse number="14">諸個是會行奇蹟的惡魔的神，𪜶出去招集普天下的君王，佇全能的上帝所定著彼個大日子出來交戰。</verse>
				<verse number="15">「著注意！我會親像賊來。彼個醒醒，衫穿便便的人真有福氣，伊時到毋免褪裼行，才免互人看著伊赤身露體的見笑。」</verse>
				<verse number="16">許個惡魔的神就聚集普天下的君王佇一個所在，希伯來話叫做 哈瑪逆頓 。</verse>
				<verse number="17">第七個天使將伊彼碗摒佇空中，就有大的聲對聖殿的寶座發出，講：「完成啦！」</verse>
				<verse number="18">彼時有熠爁、響聲、雷，及大地動；地上有人類以來毋曾有即呢大的地動。</verse>
				<verse number="19">彼個大城 巴比倫 就裂做三塊，列國的城市嘛倒壞。上帝會記得大 巴比倫 城，互伊飲彼杯貯上帝極大受氣的酒。</verse>
				<verse number="20">所有的海島攏走無去，山嘛無閣看見。</verse>
				<verse number="21">然後對天頂有落大雹來抌人，逐塊重約五十公斤，人為著雹的災禍褻瀆上帝，因為此個災禍非常嚴重。</verse>
			</chapter>
			<chapter number="17">
				<verse number="1">許個提七塊碗的七個天使的一個來及我講話，講：「來，我欲互你看坐佇河流頂面彼個大淫婦所著受的審判。</verse>
				<verse number="2">地上的君王曾及伊行淫；地上的住民嘛曾飲伊淫亂的酒飲到酒醉。」</verse>
				<verse number="3">我受聖神感動，互天使導去曠野。我有看見一個婦仁人坐佇一隻朱紅色，閣充滿褻瀆的名號的獸頂面；此隻獸有七個頭，十支角。</verse>
				<verse number="4">此個婦仁人穿紫色及朱紅色的衫，用金、寶石，及真珠妝飾，手提金杯，貯滿可惡的物及淫亂的污穢。</verse>
				<verse number="5">伊的頭額有寫一個名，有隱密的意思，就是「大 巴比倫 ，地上淫婦及可惡的物的老母」。</verse>
				<verse number="6">我看見彼個婦仁人飲信徒的血及為著耶穌做見證的殉道者的血，飲到醉。 我看著伊的時大著驚。</verse>
				<verse number="7">天使就給我講：「是按怎著驚？我欲將此個婦仁人及伊所騎彼隻有七個頭十支角的獸的祕密給你講。</verse>
				<verse number="8">你所看著彼隻獸，過去有、現在無，啲欲閣對無底深坑起來，最後滅亡。地上的住民，對創世以來，𪜶的名無記佇活命冊的，看著彼隻獸會著驚奇怪，因為彼隻獸過去有、現在無，後來會閣出現。</verse>
				<verse number="9">「此個代誌著用智慧來理解。彼七個頭就是婦仁人所坐的七座山，𪜶嘛是七個王。</verse>
				<verse number="10">其中五個已經倒落去，一個猶佇啲，另外一個猶未來，若來伊一定暫時留啲若定。</verse>
				<verse number="11">過去有、現在無彼隻獸就是第八個王，是七個王中間的一個，伊嘛會滅亡。</verse>
				<verse number="12">「你所看著的十支角就是彼十個猶毋曾統治的王；毋拘𪜶會得著權作王及獸做夥統治一點鐘久。</verse>
				<verse number="13">此十個王同意將𪜶的能力及權柄交互彼隻獸。</verse>
				<verse number="14">𪜶欲及羊羔交戰，毋拘羊羔會刣贏諸個王，因為伊是萬主的主、萬王的王；及伊做夥許個受呼召，受揀選，忠實的人嘛會得勝。」</verse>
				<verse number="15">天使閣給我講：「你所看著彼個淫婦坐啲的河流就是逐個民族、逐個族群、逐個邦國，及講逐款語言的人。</verse>
				<verse number="16">你所看著彼十支角及彼隻獸會怨恨彼個淫婦，嘛會互伊無依倚，赤身露體；𪜶會吞食伊的肉，閣用火給伊燒滅。</verse>
				<verse number="17">因為上帝將執行伊的旨意的意念下佇彼十個王的心，互𪜶同心將𪜶的國交互彼隻獸，直到上帝的話應驗。</verse>
				<verse number="18">你所看著彼個婦仁人就是啲掌管地上許個君王的彼座大城。」</verse>
			</chapter>
			<chapter number="18">
				<verse number="1">後來，我有看見另外一個天使對天頂落來。伊有大權柄；伊的榮光互地上光起來。</verse>
				<verse number="2">伊大聲喝： 倒落去啦！大 巴比倫 倒落去啦！ 此個城成做鬼徛起的所在： 一切污穢的神的監牢， 一切污穢的鳥的鳥籠， 一切污穢閣可惡的野獸的籠仔。</verse>
				<verse number="3">因為列國攏有飲著此個淫婦淫亂的酒引起上帝大受氣， 地上的君王攏有及伊行淫， 地上的生理人攏有對伊的奢華放蕩發大財。</verse>
				<verse number="4">我閣有聽見另外一個聲對天頂出來，講： 我的子民啊，出來，著對淫婦遐出來， 才免沐著伊的罪， 才免互伊的災禍連累著。</verse>
				<verse number="5">因為伊的罪已經累積抵天， 上帝會記得伊的邪惡。</verse>
				<verse number="6">伊按怎對待人，著照按呢對待伊， 照伊的所做加倍給伊報應， 用伊調和酒的杯調和加倍的酒互伊！</verse>
				<verse number="7">伊曾按怎榮光家己，按怎奢華， 著照按呢互伊痛苦悲傷。 因為伊心內家己講： 我坐佇寶座作女王； 我毋是寡婦， 絕對𣍐抵著作寡婦的悲傷。</verse>
				<verse number="8">所以，佇一日內災禍會到， 會有死亡、悲傷、飢荒。 伊會互火燒滅， 因為審判伊的主上帝有大氣力。</verse>
				<verse number="9">及伊行淫，過奢華生活諸個地上的君王，看著城著火燒的煙，會為著城悲傷啼哭。</verse>
				<verse number="10">𪜶看著城所受的艱苦真驚惶，攏徛遠遠，講： 慘啊，此個大城！ 巴比倫 此個堅固的城慘啊！ 因為無偌久，你就會受著審判！</verse>
				<verse number="11">地上的生理人為著伊啼哭哀傷，因為無人閣買𪜶的貨，</verse>
				<verse number="12">就是金、銀、寶石、真珠；幼麻布、絲綢、高貴的紫色及紅色布料；逐種香柴、逐款象牙製品、逐款貴氣的木材製品、銅器、鐵器，及大理石製品；</verse>
				<verse number="13">肉桂、芳料、香、乳香；酒、橄欖油、幼麵粉、麥；牛、羊、馬、馬車、奴隸，以及人。</verse>
				<verse number="14">諸個生理人對伊講： 你的心所意愛許個好物攏無去； 你的榮華富貴攏消失， 永遠𣍐當閣看著。</verse>
				<verse number="15">靠此個城做生理發大財的生理人，因為看著此個城所受的苦楚真驚惶，攏會徛遠遠悲傷啼哭，</verse>
				<verse number="16">講： 慘啊，慘啊，此個大城！ 你慣勢穿幼麻布、 高貴的紫色及紅色布料的衫， 掛金、寶石，及真珠做妝飾。</verse>
				<verse number="17">一時仔久，所有的財富攏無去。 所有的船長、旅客、水手，及所有靠海生活的人，徛遠遠，</verse>
				<verse number="18">看著城著火燒的煙，攏喝： 有叨一個城親像此個大城？</verse>
				<verse number="19">𪜶糝土粉佇家己的頭殼頂，啼哭悲傷大聲喝： 慘啊，慘啊，此個大城！ 佇海裡行船的人攏靠此個城的財富發財。 因為一時仔久，伊的一切攏無去。</verse>
				<verse number="20">天啊，著為著此個城歡喜！ 恁諸個信徒、使徒，及先知著歡喜， 因為上帝已經有替恁申冤，給伊刑罰啦！</verse>
				<verse number="21">後來，有一個大氣力的天使夯一塊石，親像大石磨，給伊㧒落海，講： 大 巴比倫 城嘛會親像按呢， 互人大力給伊㧒落去， 永遠𣍐閣看見。</verse>
				<verse number="22">彈琴、唱歌、 歕簫、歕喇叭的聲， 你嘛𣍐閣聽見； 逐種工藝師傅， 你嘛𣍐閣看見； 挨磨的聲， 你嘛𣍐閣聽見；</verse>
				<verse number="23">燈火的光， 𣍐閣給你照； 新子婿及新娘的聲， 你𣍐閣聽見； 因為你的生理人以前佇地上是有勢力的人， 因為你有用邪術迷惑萬國。</verse>
				<verse number="24">先知，及信徒， 以及所有佇地上受刣的人的血， 佇此個城逐所在攏看會著。</verse>
			</chapter>
			<chapter number="19">
				<verse number="1">後來，我有聽見佇天頂親像有一大群人大聲啲喝： 哈利路亞，稱讚上主！ 拯救、榮光、權能攏對咱的上帝來！</verse>
				<verse number="2">伊的審判真實公義； 因為伊有審判彼個用淫行敗壞地上人類的大淫婦， 有刑罰伊流上帝僕人的血的罪。</verse>
				<verse number="3">𪜶第二遍喝： 哈利路亞，稱讚上主！ 城著火燒的煙淐高永遠𣍐停。</verse>
				<verse number="4">彼二十四個長老及彼四個活物仆落去敬拜坐佇寶座的上帝，講： 阿們。哈利路亞！</verse>
				<verse number="5">對寶座有聲出來，講： 所有上帝的僕人， 所有敬畏上帝的人， 無論卑賤尊貴， 攏著稱讚咱的上帝！</verse>
				<verse number="6">我閣聽見親像一大群人的聲，親像真多條河流的聲，親像雷大彈的聲，講： 哈利路亞，稱讚上主！ 因為咱的主，全能的上帝作王啦！</verse>
				<verse number="7">咱著歡喜快樂， 將榮光歸互伊！ 因為羊羔婚禮的日到啦； 伊的新娘已經準備好勢啦。</verse>
				<verse number="8">上帝已經互新娘穿幼麻布 光亮清白的衫。 幼麻布的衫是信徒義的行為。</verse>
				<verse number="9">後來，天使給我講：「你著寫起來；受邀請參加羊羔婚宴的人真有福氣！」 天使閣給我講：「諸個是上帝真實的話。」</verse>
				<verse number="10">我就仆佇天使的腳前欲給伊拜。毋拘伊給我講：「絕對毋通！我及你，以及許個持守耶穌見證的人攏平平做僕人；你著拜上帝！」 因為耶穌的見證是先知受感動所講信息的中心。</verse>
				<verse number="11">後來，我看見天開，看著一隻白馬。騎佇馬頂的叫做「忠信」及「真實」；伊照公義審判及作戰。</verse>
				<verse number="12">伊的目睭親像火焰；頭殼有戴真多王冠；身軀有寫一個名，此個名伊家己以外無人識。</verse>
				<verse number="13">伊穿沐著血的長袍，伊的名叫做上帝的道。</verse>
				<verse number="14">天軍穿幼麻布的長袍，白閣清氣，騎白馬啲隨伊。</verse>
				<verse number="15">對伊的嘴吐出一支利劍，欲用來拍敗列國；伊欲用鐵柺治理𪜶；伊嘛欲踏全能的上帝的酒窟，互伊的大受氣發出。</verse>
				<verse number="16">佇伊的長袍及大腿有寫一個名「萬王的王，萬主的主」。</verse>
				<verse number="17">我有閣看見一個天使徛佇日頭頂，大聲對許個佇空中啲飛攏總的飛鳥喝：「來！聚集來赴上帝的大宴席！</verse>
				<verse number="18">來食諸個君王的肉、將軍的肉、勇士的肉、諸個馬及騎馬的人的肉，嘛食攏總自由的人及奴隸的肉、卑賤及尊貴的人的肉。」</verse>
				<verse number="19">我有閣看見彼隻獸，地上的君王及𪜶的軍隊聚集欲及彼位騎白馬的以及伊的軍隊交戰。</verse>
				<verse number="20">彼隻獸受掠，彼個假先知，就是前曾佇獸的面前行奇蹟的，嘛及獸做夥受掠。此個假先知曾用奇蹟迷惑許個有獸的記號及曾拜獸的像的人。彼隻獸及彼個假先知兩個攏互人活活㧒落硫磺啲𤏸的火湖。</verse>
				<verse number="21">所賰的軍隊攏互彼位騎馬的的嘴吐出的劍殺害；所有的鳥攏來食𪜶的肉，食到飽。</verse>
			</chapter>
			<chapter number="20">
				<verse number="1">後來，我有看見一個天使對天頂落來，手提無底深坑的鎖匙及一條大條鐵鍊。</verse>
				<verse number="2">伊掠彼隻惡龍，就是彼尾老蛇，是魔鬼，是撒旦，給伊縛一千年。</verse>
				<verse number="3">天使給伊㧒落無底深坑，然後給無底深坑關密，閣用印封起來，互伊𣍐當閣去迷惑列邦，一直到一千年滿。此個期限過了，伊一定著暫時受解放。</verse>
				<verse number="4">我有閣看見幾若個寶座，坐佇寶座的有得著審判的權柄。我嘛有看見許個為著耶穌的見證及上帝的道互人斬頭的人的靈魂。諸個人毋曾拜獸，嘛毋曾拜獸的像，𪜶的頭額抑是手無接受獸的記號。𪜶攏閣活及基督做夥統治一千年。</verse>
				<verse number="5">所賰的死人到一千年滿的時才會閣活。這是頭一遍的閣活。</verse>
				<verse number="6">有份佇頭一遍閣活的人真有福氣，𪜶是聖潔的人。第二遍的死無權通給𪜶管轄，𪜶會做上帝及基督的祭司，嘛會及基督做夥統治一千年。</verse>
				<verse number="7">一千年滿的時，撒旦會受解放出監。</verse>
				<verse number="8">伊會出去迷惑地上四方的列邦，就是 歌革 及 瑪各 ，聚集𪜶去交戰；𪜶的數目親像海沙赫呢多。</verse>
				<verse number="9">𪜶進軍遍滿全地，圍困信徒的營及上帝所疼的城。毋拘有火對天降落給𪜶燒滅。</verse>
				<verse number="10">彼個迷惑𪜶的魔鬼受㧒落火及硫磺的湖；彼隻獸及彼個假先知已經佇遐。𪜶會暝日受苦楚，永遠𣍐停。</verse>
				<verse number="11">後來，我有看見一個白色的大寶座，及坐佇彼頂面彼位；天及地對伊的面前逃走，就無閣看見。</verse>
				<verse number="12">我閣有看見死去的人，無論卑賤抑是尊貴，攏徛佇寶座前。記錄的冊攏搋開；另外一本活命冊嘛搋開。死去的人照𪜶的行為，根據諸個冊所記載的受審判。</verse>
				<verse number="13">海將伊內面的死人交出來；死亡及陰府嘛將𪜶內面的死人攏交出來。逐個人攏照家己的行為受審判。</verse>
				<verse number="14">後來，死亡及陰府受㧒落火湖。此個火湖就是第二遍的死。</verse>
				<verse number="15">名無記載佇活命冊的人攏受㧒落火湖。</verse>
			</chapter>
			<chapter number="21">
				<verse number="1">後來，我有看見新的天新的地，因為前的天前的地已經過去，海嘛無去。</verse>
				<verse number="2">我閣看見聖城，新的 耶路撒冷 ，對天頂上帝遐降落來，親像新娘妝飾好勢欲迎接丈夫。</verse>
				<verse number="3">我閣聽著有大的聲對寶座發出，講：「看啊，上帝的會幕佇人的中間！上帝欲及𪜶做夥徛起；𪜶欲做伊的子民；上帝欲親身及𪜶同在，做𪜶的上帝。</verse>
				<verse number="4">伊欲拭去𪜶目睭攏總的目屎；無閣有死失，嘛無閣有哀傷、喉叫、痛疼，因為前的代誌已經過去。」</verse>
				<verse number="5">後來，坐佇寶座彼位講：「看啊，我將萬物攏換新！」伊閣講：「著寫起來，因為諸個話真實可靠。」</verse>
				<verse number="6">伊閣給我講：「完成啦！我是阿爾法及亞米茄，是開始及結束。嘴焦的人我欲將活命水的水泉白白互𪜶飲。</verse>
				<verse number="7">得勝的人會承接諸個；我欲做𪜶的上帝，𪜶欲做我的子兒。</verse>
				<verse number="8">毋拘，許個無膽的、背信的、腐敗的、刣人的、淫亂的、行邪術的、拜偶像的，以及所有講白賊的，𪜶著去的所在是彼個用火及硫磺啲燒的湖，此個就是第二遍的死。」</verse>
				<verse number="9">後來，七個天使，就是提七塊碗貯滿路尾七項災禍的，其中一個來對我講：「來，我欲報你看新娘，就是羊羔的某。」</verse>
				<verse number="10">我受聖神感動，互天使導到一座大閣高的山，互我看對天頂上帝遐降落來的聖城 耶路撒冷 。</verse>
				<verse number="11">此個城有上帝的榮光；城的光親像上寶貴的寶石，親像碧玉，親像水晶赫呢光亮。</verse>
				<verse number="12">城有大閣高的牆，城牆有十二個門，諸個門有十二個天使啲顧守，有刻 以色列 子孫十二支族的名；</verse>
				<verse number="13">東旁有三個門，西旁有三個門，南旁有三個門，北旁有三個門。</verse>
				<verse number="14">城牆有十二個地基，地基頂有羊羔的十二使徒的十二個名。</verse>
				<verse number="15">對我講話的天使有提一支金蘆竹的尺，欲量彼個城、城門，及城牆。</verse>
				<verse number="16">城是四角形，長闊相像。天使用尺量城：有兩千四百公里，長、闊、高攏相像。</verse>
				<verse number="17">天使嘛照人的寸尺量城牆，高六十公尺。</verse>
				<verse number="18">城牆是用碧玉造的，城是用親像玻璃清亮的純金起的。</verse>
				<verse number="19">城牆的地基用逐種寶石裝飾：頭一個地基是碧玉，第二個是藍寶石，第三個是綠瑪瑙，第四個是綠寶石，</verse>
				<verse number="20">第五個是紅瑪瑙，第六個是紅寶石，第七個是黃橄欖石，第八個是翠蒼玉，第九個是黃玉，第十個是翡翠玉，第十一個是紫瑪瑙，第十二個是紫水晶。</verse>
				<verse number="21">彼十二個門是十二粒真珠，逐個門是用一粒真珠做的。城的街路是純金，親像透明的玻璃。</verse>
				<verse number="22">佇城內我無看著聖殿，因為全能的主上帝及羊羔就是此個城的聖殿。</verse>
				<verse number="23">此個城無需要日頭抑是月娘來照，因為上帝的榮光啲照，閣羊羔就是此個城的燈。</verse>
				<verse number="24">列邦會靠燈的光行路；地上君王會將𪜶的榮華帶來互此個城。</verse>
				<verse number="25">日時，城門攏𣍐關；佇遐攏無暝時。</verse>
				<verse number="26">人會將列邦的榮光及尊貴帶入來此個城。</verse>
				<verse number="27">毋拘，無清氣的物，以及行為可惡及講白賊的人絕對𣍐用得入去；只有名有記載佇羊羔的活命冊的人才會當入去。</verse>
			</chapter>
			<chapter number="22">
				<verse number="1">天使閣報我看活命水的河，親像水晶赫呢光亮，對上帝及羊羔的寶座遐流出來，</verse>
				<verse number="2">通過城中心的街路。河的雙旁有活命樹，會結果子十二遍，逐個月結一遍，樹葉會做醫治列邦的路用。</verse>
				<verse number="3">城內攏𣍐閣有咒詛。 上帝及羊羔的寶座會佇城內；伊的僕人會敬拜伊，</verse>
				<verse number="4">嘛會看見伊的面；伊的名會寫佇𪜶的頭額。</verse>
				<verse number="5">𣍐閣有暝時；𪜶無需要燈的光抑是日頭，因為主上帝會給𪜶照光，𪜶會永永遠遠掌權。</verse>
				<verse number="6">天使給我講：「諸個話真實可靠。彼位感動眾先知的主上帝有差伊的天使將一定隨時會發生的代誌指示伊的眾僕人。」</verse>
				<verse number="7">耶穌講：「看啊，我連鞭來。遵守此本冊預言的話的人真有福氣！」</verse>
				<verse number="8">我 約翰 ，就是親身有聽見閣看見諸個事彼個人。我聽著閣看著了後，就仆落去佇將諸個事指示我的天使腳前欲給伊拜。</verse>
				<verse number="9">不過伊給我講：「絕對毋通！我及你，以及及你平平做兄弟的先知及遵守此本冊的話的人，攏平平做僕人。你著拜上帝！」</verse>
				<verse number="10">伊閣給我講：「毋通將此本冊預言的話封密，因為預言實現的時刻近啦。</verse>
				<verse number="11">互不義的人繼續做不義；互污穢的人繼續污穢；互義的人繼續實行公義；互聖潔的人繼續聖潔。」</verse>
				<verse number="12">耶穌講：「看啊，我連鞭來！我欲帶報賞來，照逐個人的行為給伊回報。</verse>
				<verse number="13">我是阿爾法及亞米茄，是起頭及煞尾，是開始及結束。」</verse>
				<verse number="14">將長袍洗清氣許個人真有福氣，𪜶有得著權通食活命樹的果子，閣通對諸個門入城。</verse>
				<verse number="15">許個狗類、行邪術的、淫亂的、刣死人的、拜偶像的，及一切愛講白賊閣做事奸詐的，攏著留佇城外。</verse>
				<verse number="16">「我 — 耶穌已經差我的天使，佇諸個教會將諸個事對恁作證。我是 大闢 的根，是伊的後代，是光亮的啟明星。」</verse>
				<verse number="17">聖神及新娘攏講：「來！」 聽見的人著講：「來！」 嘴焦的人著來！ 意愛的人通白白領受活命水。</verse>
				<verse number="18">我給逐個聽著此本冊預言的話的人警告：若有人給伊加添，上帝會將此本冊所記的災禍加添互伊。</verse>
				<verse number="19">若有人刪除此本冊預言的話，上帝嘛會對此本冊所記活命樹及聖城的福分刪除伊的份額。</verse>
				<verse number="20">為著諸個事作證彼位講：「著，我連鞭來！」 阿們！主耶穌啊，請來！</verse>
				<verse number="21">願主耶穌的恩典及恁大家同在！</verse>
			</chapter>
		</book>
	</testament>
</bible>